رواية لأني امرأة ج1 الجزء الأول
للكاتبة سوزان المندلاوي
↙️
ﺍﻧﻲ ﻟﻴﺎﻝ .. ﻣﺎﻋﺮﻑ ﻟﻴﺶ ﺳﻤﻮﻧﻲ ﻟﻴﺎﻝ ... ﺍﺣﻨﻪ ﺑﻨﺎﺕ ﺍﺛﻨﻴﻦ ﺍﻧﻲ ﺍﻟﺼﻐﻴﺮﺓ ﻭﺍﺧﺘﻲ ﻫﻴﻔﻴﻦ ﺍﻻﻛﺒﺮ ﻣﻨﻲ . ﺍﺫﻛﺮ .. ﺟﻨﺖ ﺻﻐﻴﺮﺓ .. ﺑﺪﺍﻳﻪ ﺍﻻﺣﺪﺍﺙ ﺍﻟﻲ ﺻﺎﺭﺕ .. ﻭﺍﻟﺪﻱ ﺍﺳﺘﺸﻬﺪ .. .. ﻭﻣﺎﻣﺎ ﺟﺎﻧﺖ ﺑﻌﺪﻫﺎ ﺻﻐﻴﺮﺓ ﻭﺷﺎﺑﻪ ﻭﺣﻠﻮﺓ .. ﻭﻛﺎﻋﺪﻳﻦ ﺑﻴﺖ ﻭﺣﺪﻧﻪ .. ﺍﻣﻲ ﺍﺧﺬﺕ ﺍﺑﻮﻳﻪ ﻉ ﺣﺐ .. ﺑﺎﺑﺎ . ﻣﻦ . ﻏﻴﺮ ﻗﻮﻣﻴﻪ ﻭﺍﻣﻲ ﻋﺮﺑﻴﻪ .. ﻫﻨﺎ ﺟﺎﻧﺎﺕ ﺍﻛﻮ ﻋﻨﺼﺮﻳﻪ ﻣﻦ ﺍﻫﻞ ﺍﺑﻮﻳﺔ ﻭﻱ ﺍﻣﻲ .. ﻭﺍﺫﻭﻫﺎ ﻫﻮﺍﻳﻪ .. ﻭﺗﺤﻤﻠﺖ ﺍﻟﻤﺮ ﻣﻨﻬﻢ .. ﻟﺨﺎﻃﺮ ﻭﺍﻟﺪﻱ ﺑﺲ . ﻣﻊ ﺍﻻﺳﻒ ﺍﺑﻮﻧﻪ ﺍﻃﻔﺎﻝ ﻋﺎﻓﻨﻪ .. ﻭﻣﺎﺕ .. ﻣﺮﺕ ﺍﻻﻳﺎﻡ .. ﻭﺍﻣﻲ ﻣﻨﺴﺖ ﺍﺑﻮﻳﻪ ﻭﺩﺍﺋﻤﺎ ﺗﺒﺠﻲ .. ﻋﻠﻴﻪ . ﺍﻋﻤﺎﻣﻲ ﻭﺍﻫﻞ ﺍﺑﻮﻳﻪ ﻳﺤﺒﻮﻧﻪ ﻛﻠﺶ .. ﻭﺣﻨﺎﻥ ﻭﻣﻘﺼﺮﻭ ﻭﻳﺎﻧﻪ ﺍﺑﺪ .. ﺑﺲ ﺑﻘﻮ ﻳﺎﺫﻭﻥ ﺍﻣﻲ .. ﺑﻜﻼﻣﻬﻢ ﻭﺗﺼﺮﻓﺎﺗﻬﻢ .. ﻓﻮﻙ ﻓﻘﺪ ﻭﺍﻟﺪﻱ ﻭﺣﻜﻤﻮ ﻋﻠﻴﻬﺎ .. ﺗﺠﻲ ﺗﻌﻴﺶ ﻳﻤﻬﻢ .. ﺭﺍﺩﺕ ﺗﺮﺟﻊ ﻟﺒﻴﺖ ﺍﻫﻠﻬﺎ ﻻﻥ ﻣﺘﺤﻤﻠﺖ ﺍﻟﺒﻴﺖ ﺑﺪﻭﻥ ﺍﺑﻮﻳﻪ ﺍﻫﻨﺎ ﻣﺎﻣﺎ ﺭﻓﻀﺖ .. ﺗﺮﻭﺡ ﻳﻤﻬﻢ ﺧﻴﺮﻭﻫﺎ ﺑﻴﻨﻪ ﻭﺑﻴﻦ ﺍﻫﻠﻬﺎ .. ﺍﻛﻴﺪ ﺍﺧﺘﺎﺭﺗﻨﻪ ﺍﻟﻨﺎ ... ﺭﺣﻨﻪ ﻋﺸﻨﻪ ﺑﻴﺖ ﺟﺪﻭ ﻭﻗﻔﻠﻨﻪ ﺑﻴﺘﻨﻪ .. ﻣﺎﻛﺘﻔﻮ ﺑﻬﺬﺍ .. ﺭﺟﻌﻮ ﺧﻴﺮﻭﻫﺎ ﺑﻴﻦ ﺗﺰﻭﺝ ﺣﻤﺎﻫﺎ ﺍﻭ ﺗﺮﻭﺡ .. ﻻﻫﻠﻬﺎ ﻭﻣﺘﺮﺟﻊ .. ﻻﻥ ﺷﺎﺑﻪ ﻭﺻﻐﻴﺮﺓ ﻭﺍﻟﻌﻴﻦ ﻋﻠﻴﻬﺎ .. ﺭﺍﺩﻭ ﻳﺰﻭﺟﻮﻫﺎ ﻭﻣﺘﻄﻠﻊ ﻟﻐﺮﻳﺐ .. ﻭﻋﻴﺖ ﺷﻮﻳﻪ ﻭﻛﻤﺖ ﺍﻓﺘﻬﻢ .. ﺍﻟﻲ ﻳﺼﻴﺮ .. ﻭﺍﺩﺍﺋﻤﺎ ﺍﺷﻮﻑ ﺍﻣﻲ ﺗﺸﻜﻲ ﻭﺗﺒﺠﻲ .. ﺣﺎﻭﻟﺖ ﺗﻐﻴﺮ ﻗﺮﺍﺭﻫﻢ ﻣﻜﺪﺭﺕ ﺍﻣﻲ ﺗﻌﺬﺑﺖ ﻭﺍﺩﻣﺮﺕ .. ﻭﺣﺎﻭﻟﺖ ﺗﺮﻓﺾ .. ﺑﺲ ﺻﺎﺭ ﺧﻼﻑ ﺑﻴﻦ ﺍﻫﻞ ﺍﻣﻲ ﻭﺍﻫﻞ ﺍﺑﻮﺑﻪ .. ﻭﺧﻮﺍﻟﻲ .. ﺗﻌﺎﺭﻛﻮ ﻭﻳﺎﻫﻢ ﻭ ﺍﺧﺬﻭ ﺍﻣﻨﻪ ﻣﻨﻪ .. ﺑﻘﻴﻨﻪ ﻭﺣﺪﻧﻪ ﻳﻢ ﺍﻫﻞ ﺍﺑﻮﻳﻪ ﺻﺢ ﻳﺤﺒﻮﻧﻪ ﺑﺲ ﻧﺮﻳﺪ ﺍﻣﻨﻪ .. ﻭﺟﻨﻪ ﻉ ﺑﺠﻴﻪ ﻭﺣﺪﺓ ﻟﻠﺼﺒﺢ .. ﺟﺎﻧﺖ .. ﻫﻴﻔﻴﻦ . ﺗﺎﺧﺬﻧﻲ . ﻭﻧﺪﺧﻞ ﻟﻠﻐﺮﻓﻪ ﺗﻨﻮﻣﻨﻲ .. ﻭﺍﺿﻞ ﺗﺒﺠﻲ .. ﻭﺍﺿﻞ ﺍﺳﺎﻟﻬﺎ .. ﻣﺎﻣﺎ ﻭﻳﻦ ﻭﺷﻮﻛﺖ ﺗﺠﻲ .. ﻟﺤﺪ ﻣﺎﻧﺎﻡ ﻋﻤﺎﺗﻲ .. ﺟﺎﻧﻮ ﻳﺨﺎﺑﺮﻭﻥ ﺍﻣﻲ ﻭﻳﺨﻠﻮﻧﻪ ﻧﺤﺠﻲ ﻭﻳﺎﻫﺎ .. ﻭﻧﺒﺠﻲ .. ﻭﻳﺸﻜﻮﻥ ﺑﺤﺎﻟﻨﻪ ﻣﺮﻳﻀﺎﺕ .. ﻭﺭﺍﺡ ﻳﻤﻮﺗﻦ .. ﺍﻻﺍﻥ ﺍﻣﻲ ﺍﺟﺘﻲ .. ﺑﺮﺿﺎﺗﻬﺎ .. ﻣﻜﺪﺭﺕ ﺗﻔﺎﺭﻛﻨﻪ .. ﻭﺯﻭﺟﺖ ﻋﻤﻲ ﺍﻟﺼﻐﻴﺮ .. ﻻﻥ ﺍﻣﻲ ﺍﻣﺮﺍﺓ ﺑﻤﺠﺘﻤﻊ ﺫﻛﻮﺭﻱ ﺍﻧﺠﺒﺮﺕ ﺗﺰﻭﺝ ﺣﻤﺎﻫﺎ .. ﻭﺭﺿﺖ ﺑﻬﺬﺍ ﺍﻟﺤﻞ .. ﻟﺨﺎﻃﺮﻧﻪ .. ﻭﺗﺰﻭﺝ ﺭﺟﺎﻝ ﻣﺘﺤﺒﺔ .. ﻣﺠﺮﺩ ﺗﺮﻳﺪ ﺗﺤﺎﻓﻆ ﻋﻠﻴﻨﻪ .. ﻣﺮﺕ ﺍﻻﻳﺎﻡ ﻭﺍﻟﺴﻨﻴﻦ ... ﻭﺍﻣﻲ ﺻﺎﺭ ﻋﺪﻫﺎ ﻣﻦ ﻋﻤﻲ ﻭﻟﺪ ﺍﺛﻨﻴﻦ .. ﻭﺭﺣﻨﻪ ﻛﻌﺪﻧﻪ ﺑﻴﺖ ﺍﺑﻮﻳﻪ .. ﻋﻤﻲ ﻛﻠﺶ ﺣﻨﻴﻦ ﻭﻳﺎﻧﻪ ﻭﻳﺤﺒﻨﻪ .. ﻣﻤﻘﺼﺮ ﺑﺸﻲ ﻭﻻ ﺣﺴﺴﻨﻪ ﺍﺣﻨﻪ ﺑﻨﺎﺕ ﺍﺧﻮ ﺍﺑﺪ .. ﻛﺒﺮﻧﻪ ﻭﻛﺒﺮﻭﺍﺧﻮﻧﻪ ﻭﻳﺎﻧﻪ .. ﺑﺲ ﺩﺍﺋﻤﺎ ﺟﻨﺖ ﺍﺷﻮﻑ ﺑﻌﻴﻮﻥ ﺍﻣﻲ .. ﺍﻟﺘﻌﺎﺳﻪ .. ﻭﺍﻣﻲ ﻣﺘﺴﺘﺎﻫﻞ ﺍﺑﺪ .. ﻻﻥ ﺍﻡ ﻣﻀﺤﻴﻪ . ﻭﻣﺘﻔﺎﻧﻴﻪ ﻭﺗﺤﺒﻨﻪ .. ﻛﻠﺶ .. ﻋﺮﻓﺖ ﺑﻌﺪﻫﺎ ﻣﺘﺤﺐ ﻋﻤﻲ .. ﻛﺒﺮﺕ ﻭﺩﺧﻠﺖ ﻣﺘﻮﺳﻄﻪ ﻭﻫﻴﻔﻴﻦ ﺍﻛﺒﺮ ﻣﻨﻲ .. ﺟﺎﻧﺖ .. ﺏ 3 ﺳﻨﻮﺍﺕ .. ﻭﺍﺧﻮﻳﻪ ﺍﺻﻐﺮﻧﻪ .. ﺑﻌﺪﺓ ﺍﺑﺘﺪﺍﺋﻴﻪ ﻭﺍﻟﺜﺎﻧﻲ ﺑﻌﺪﺓ ﻧﻮﻧﻮ .. ﺟﻨﻪ ﻧﺼﻴﺢ ﻟﻌﻤﻲ ﺑﺎﺑﺎ .. ﻭﺻﺢ ﻫﻮﺓ ﺍﺑﻮﻧﻪ ... ﺭﺑﺎﻧﻪ ﻭﻛﺒﺮﻧﻪ . .. ﺟﺎﻥ ﻃﻴﺐ ﻭﻳﺎﻧﻪ ﺑﻜﻠﺸﻲ .. ﺑﻤﺮﻭﺭ ﺍﻟﺰﻣﻦ ﺍﻣﻲ ﻛﺎﻣﺖ ﺗﺤﺐ ﻋﻤﻲ .. ﻭﺍﻧﺘﻬﻰ ﺍﻟﺼﺮﺍﻉ ﺍﻟﻲ ﺑﻴﻨﻬﻢ .. ﺣﺘﻰ ﺳﺎﻟﻔﻪ ﺍﻟﻘﻮﻣﻴﻪ . ﺍﻧﺴﺖ .. ﻻﻥ ﺻﺎﺭﺕ ﻣﻨﻬﻢ ﻭﺑﻴﻬﻢ ﺑﻌﺪ .. ﻭﺧﻠﻔﺖ ﺍﻟﻬﻢ ﻭﻟﺪ ﻋﻤﻲ ﺟﺎﻥ ﻳﺸﺘﻐﻞ ﺑﻠﺤﺪﻳﺪ .. .. ﻫﻮﺓ ﻭﺑﺎﻗﻲ ﺍﻋﻤﺎﻣﻲ .. ﺻﺮﺕ ﺻﻒ ﺛﺎﻟﺚ ﻣﺘﻮﺳﻂ .. ﻭﻧﺠﺤﺖ ﻟﻠﺮﺍﺑﻊ .. ﺍﻧﻲ .. ﺑﻴﻀﻪ . ﻋﻴﻮﻧﻲ ﻛﺒﺎﺭ ﺳﻮﺩ .. ﺷﻌﺮﻱ ﺍﺳﻮﺩ .. ﻭﻣﺘﻮﺳﻄﻪ ﺍﻟﻄﻮﻝ .. ﻭﺭﺷﻴﻘﺔ .. ﺑﻬﺎﻱ ﺍﻟﻔﺘﺮﺓ .. ﺑﺪﻳﺖ ﺍﻣﻴﻞ ﻟﻼﻏﺎﻧﻲ .. ﻭﺍﻻﺷﻌﺎﺭ .. ﻭﻣﺮﺍﺕ ﺍﺻﻔﻦ ﺍﻛﻮﻝ ﺍﺗﻤﻨﻰ ﺍﺣﺐ ﻭﺍﻧﺤﺐ .. ﺟﺎﻥ ﺍﻛﻮ ﺟﻴﺮﺍﻧﻪ .. ﻃﺎﻟﺐ ﺍﻋﺪﺍﺩﻳﻪ .. ﻛﻠﻤﺎ ﺍﻃﻠﻊ ﻭﺍﻃﺐ .. ﺍﺷﻮﻓﻪ ﻳﺒﺎﻭﻉ ﺍﻟﻲ .. ﻭﺍﻧﻲ ﻫﻢ ﺍﺿﻞ ﺍﺑﺎﻉ ﻋﻠﻴﻪ ﻣﻦ ﺍﺭﻭﺡ ﻭﺍﺭﺟﻊ ﻟﻠﻤﺪﺭﺳﻪ .. ﻭﻣﻦ ﺍﻣﻲ ﺗﻮﺯﻉ ﺛﻮﺍﺏ .. ﺍﻟﻪ ﺍﻧﻲ ﺍﺭﻭﺡ ﻟﺒﻴﺘﻬﻢ .. ﻭﺍﻭﺯﻉ .. ﻟﺒﻴﺖ ﺍﻡ ﺳﻴﻒ .. ﺍﺭﻭﺡ .. ﺍﻋﺪﻝ ﺭﻭﺣﻲ ﻭﺷﻌﺮﻱ .. ﻭﺷﻮﻳﻪ ﺍﺧﻠﻲ ﺍﺣﻤﺮ ﺧﺪﻭﺩ .. . ﺍﺩﻙ ﺍﻟﺒﺎﺏ .. ﻭﺍﻟﺠﺮﺱ .. ﻭﻛﻠﺒﻲ ﻳﺪﻙ ﻭﻳﺎﻫﻦ ﻭﺍﺩﻋﻲ ﺍﻟﻠﻪ ﻳﻄﻠﻌﻠﻲ ﺳﻴﻒ .. ﻭﺍﺣﻀﺮ ﺍﻻﺑﺘﺴﺎﻣﻪ ﻗﺒﻞ ﻻ .. ﺗﻨﻔﺘﺢ ﺍﻟﺒﺎﺏ .. ﺩﻛﻴﺖ ﺍﻟﺒﺎﺏ .. ﻭﻋﺪﻟﺖ ﺭﻭﺣﻲ ﻭﺑﺘﺴﻤﺖ ﻭﺑﻴﺪﻱ ﺍﻟﺼﻴﻨﻴﻪ .. ﻣﺎﻛﻮ ﺍﺣﺪ .. ﻫﻮﻑ .. ﻭﻛﻔﺖ ﻉ ﺍﻃﺮﺍﻑ ﺍﺻﺎﺑﻴﻌﻲ ﺍﺭﻳﺪ ﺍﺷﻮﻑ . ﻣﻦ ﻭﺭﺓ ﺍﻟﺒﺎﺏ .. ﻣﺎﻟﻮﺡ .. ﺧﺮﺏ ﺍﻧﻲ ﺟﺎﻳﻪ ﻣﻨﺎ ﻟﻬﻨﺎﻙ ﺩﺍﺷﻮﻑ ﺳﻴﻒ ﻣﻌﻘﻮﻟﻪ ﻃﺎﻟﻌﻴﻦ .. ﺳﻴﻒ .. ﺟﺎﻥ ﺍﺑﻴﺾ ﻭﺣﻠﻮ .. ﻣﻼﻣﺤﻪ ﻧﺎﺯﻛﻪ .. ﻭﻫﻢ ﻣﺜﻠﻲ ﻣﺘﻮﺳﻂ ﺍﻟﻄﻮﻝ .. ﻣﻠﻴﺖ .. ﺭﺣﺖ ﺩﻛﻴﺖ ﻛﻢ ﺑﺎﺏ .. ﻭﻭﺯﻋﺖ ﺛﻮﺍﺏ .. ﺩﺍﺭﺟﻊ ﻛﻠﺖ ﻻ ﺧﻠﻲ ﺍﺩﻛﻬﺎ ﺑﻌﺪ .. ﻭﺍﻟﻠﻪ . ﺩﻛﻴﺖ ﺳﻤﻌﺖ ﺳﻴﻒ ﻳﺼﻴﺢ ﻣﻨﻮ .. ﺍﻧﻲ ﺳﻜﺘﺖ .. ﺭﺩ ﻛﺎﻝ ﻣﻨﻮ .. ﺍﻧﻲ ﻟﻠﻴﺎﻝ .. ﻓﺘﺢ ﺍﻟﺒﺎﺏ .. ﺍﻫﻼ ﻭﺳﻬﻼ ﻟﻠﻴﺎﻝ .. ﻛﺘﻠﻪ ﻫﺬﺍ ﺛﻮﺍﺏ .. ﻫﻮﻭﺓ ﺿﻞ ﻳﺒﺎﻭﻉ ﻋﻠﻴﻪ .. ﻛﺘﻠﻪ ﺳﻴﻒ ﺍﻟﺜﻮﺍﺏ .. ﻛﻠﻲ ﻟﻲ ﺍﻱ .. ﺍﺧﺬﺓ ﻣﻦ ﺍﻳﺪﻱ .. ﻛﻠﻲ ﻟﻴﺎﻟﻲ ﺑﺮﺑﺞ ﺍﺭﻳﺪ ﺍﺣﺎﺟﻴﺞ .. ﻛﺘﻠﻪ ﺍﻭﻻ ﺍﻧﻲ ﻣﻮ ﻟﻴﺎﻟﻲ .. ﻫﻴﻪ ﻟﻴﻠﻪ ﻭﺣﺪﺓ ﻟﻴﺎﻝ .. ﺿﺤﻚ .. ﻭﺛﺎﻧﻴﺎ ﺷﺘﺤﺎﺟﻴﻨﻲ .. ﺍﻣﻪ ﺻﺎﺣﺖ ﻣﻨﻮ .. ﻛﺎﻟﻬﺎ ﻳﻤﻪ ﺛﻮﺍﺏ .. ﻣﻦ ﺑﻴﺖ ﺍﻡ ﺍﺯﺍﺩ .. ﻛﺎﻝ ﺭﺍﺡ ﺍﻓﺮﻍ ﺍﻟﻤﺎﻋﻮﻥ ﻭﺍﺟﻲ ﻣﻮ ﺗﺮﺣﻴﻦ .. ﺩﻗﺎﻳﻖ ﻭﻃﻠﻊ .. ﺍﻧﻄﺎﻧﻲ ﺍﻟﻤﺎﻋﻮﻥ .. ﺍﺧﺬﺗﻪ ﻣﻦ ﺍﻳﺪﺓ ﻭﻣﺸﻴﺖ .. ﻣﺪﺭﻱ ﺷﺪﺍﺣﺲ .. ﺑﻔﺮﺡ ﻭﻫﻴﺒﻪ ﻭﻛﻠﺒﻲ ﻳﺮﺟﻒ .. ﻃﺒﻴﺖ ﻟﻠﺒﻴﺖ .. ﺷﻠﺖ ﺍﻟﻤﻮﺍﻋﻴﻦ ﺧﻠﻴﺘﻬﺎ ﻉ ﺍﻟﺴﻨﻚ .. ﻭﻛﻌﺖ ﻭﺭﻗﻪ .. ﺷﻠﺘﻬﺎ ﻣﻦ ﺍﻟﻜﺎﻉ .. ﺍﻣﻲ ﻃﺒﺖ ﻫﺎ ﻣﺎﻣﺎ .. ﻭﺯﻋﺘﻲ ﺍﻧﻲ ﺍﺭﺗﺒﻜﺖ .. ﺿﻤﻴﺘﻬﺎ ﺑﻴﺪﻱ ﺍﻟﻮﺭﻗﻪ .. ﻛﺘﻠﻬﺎ ﺍﻱ .. ﻛﺎﻟﺖ ﺷﺒﻴﺢ .. ﻣﺎﺑﻴﻪ ﺷﻔﺖ ﺍﺑﻮﺑﺮﻳﺺ ﻭﺍﺧﺘﺮﻋﺖ .. ﺿﺤﻜﺖ ﻛﺎﻟﺖ ﻳﻼ ﺣﻀﺮﻱ ﺍﻟﺒﺎﻗﻲ .. ﺍﻟﻴﻮﻡ ﺛﻮﺍﺏ .. ﺭﺍﺡ ﻳﺠﻮﻥ ﻋﻤﺎﺗﺞ .. ﺍﺣﻨﻪ ﻛﻞ ﺍﺳﺒﻮﻉ ﺍﻟﺨﻤﻴﺲ ﺛﻮﺍﺏ .. ﻉ ﺑﻴﺖ .. ﺗﺼﻴﺮ ﺑﻲ ﺍﻟﻌﺰﻳﻤﻪ .. ﻭﻳﻘﺮﻭﻥ ﺍﻟﻔﺎﺗﺤﻪ ﻉ ﺭﻭﺡ ﺍﻻﻣﻮﺍﺕ ﺍﺑﻮﻳﻪ .. ﻭﻋﻤﻲ ﺍﻟﺜﺎﻧﻲ ﻭﺟﺪﻱ ﻭﺑﻴﺒﻴﺘﻲ ﻭﻭﻭﻭ . ﻫﻮﺍﻳﺔ ﻫﻤﻪ .. ﺧﻠﻴﺖ ﺍﻟﻮﺭﻗﻪ ﺑﺼﺪﺭﻱ .. ﻭﺑﺪﻳﺖ ﺍﺣﻀﺮ .. ﺍﻟﺨﻀﺮﺓ ﻭﺍﻟﺰﻻﻃﻪ .. ﻫﻴﻔﻴﻦ ﺳﺎﺩﺱ .. ﻣﺘﻜﺪﺭ ﺗﺘﺤﺠﺞ ﺑﻠﺪﺭﺍﺳﻪ .. ﻛﻠﻪ ﻭﺍﻛﻊ ﺑﺮﺍﺳﻲ .. ﻭﻫﻴﻪ ﻓﺎﻫﻴﻪ ﻣﻮ ﻣﺜﻠﻲ .. ﺑﺲ ﺗﺮﻳﺪ ﻉ ﺍﻟﺤﺎﻇﺮ .. ﺍﻧﻲ ﻫﻢ .. ﻣﻮ ﻗﻮﻳﻪ ﺑﻬﻠﺴﻮﺍﻟﻒ . ﺑﺲ ﺍﺷﻴﺎﺀ ﻧﻮﺍﻋﻢ ﺍﺳﻮﻱ ﻻﻣﻲ .... ﺍﻧﺘﻈﺮ ﺑﺲ ﻳﻔﻀﻰ ﺍﻟﺠﻮ ﻭﺍﻃﻠﻊ ﺍﻟﻮﺭﻗﻪ ﻋﺮﻓﺖ ﻣﻦ ﺳﻴﻒ ... ﺑﻠﻌﻜﺲ ﺍﻟﻜﻞ ﺍﺟﻪ .. ﻓﻮﻙ ﺭﺍﺳﻲ ﺑﻠﻤﻄﺒﺦ .. ﻭﺫﺑﻮ ﺷﻐﻞ .. ﻋﻠﻴﻪ .. ﺷﻮﻳﻪ ﻭﺟﻮﻱ ﻋﻤﺎﺗﻲ ﻭﻧﺴﻮﺍﻥ ﻋﻤﺎﻣﻲ ﻭﺻﺎﺭﺕ .. ﻭﺑﺪﻳﻨﻪ ﻧﺤﻀﺮ ﻭﻧﺼﺐ ﺑﻠﻐﺪﺓ .... ﺗﻌﺬﺭﺕ ﻭﻃﺒﻴﺖ ﻟﻠﺤﻤﺎﻡ ... ﺳﺪﻳﺖ ﺍﻟﺒﺎﺏ ﻭﺭﺍﻳﻪ ﻃﻠﻌﺖ ﺍﻟﻮﺭﻗﻪ .. ﻓﺘﺤﺘﻬﺎ .. ﻗﺮﻳﺖ .. ﺍﻧﻲ ﺳﻴﻒ ﻭﺭﻗﻢ ﻓﻮﻥ .. ﺧﺎﺑﺮﻳﻨﻲ .. ﻓﺮﺣﺖ ﻃﺎﺭ ﻋﻘﻠﻲ ﻋﺒﺎﻟﻚ ﻛﻠﻲ ﺭﺍﺡ ﺍﺧﻄﺒﺢ ﺑﺎﺟﺮ .. ﺍﻱ ﺍﺧﺎﺑﺮﻙ .. ﻟﻴﺶ ﻻ .. ﻃﻠﻌﺖ .. ﻳﻤﻬﻢ .. ﺍﻓﻜﺮ ﺍﺻﻼ ﺍﻧﻲ ﻓﻮﻥ ﻣﺎﻋﻨﺪﻱ .. ﺷﻮﻥ ﺍﺧﺎﺑﺮﻩ .. ﺧﻠﻲ ﺗﺨﻠﺺ ﺍﻟﻤﻪ ﻭﺍﺧﻠﻲ ﺍﻣﻲ ﺗﺸﺘﺮﻳﻠﻲ .. ﻓﻮﻥ ﺷﻮ ﻫﻴﻔﻴﻦ ﻋﺪﻫﺎ .. ﺑﺲ ﺍﻧﻲ .. ﻣﺎﻋﻨﺪﻱ .. ﺻﺎﻓﻨﻪ .. ﻭﺍﺷﺘﻐﻞ .. ﻫﻨﺎﻙ ﻭﺟﺘﻲ ﻋﻤﺘﻲ ﺍﻟﺠﺒﻴﺮﺓ ﻳﻤﻲ .. ﻓﺪﻭﺓ ﺷﺼﺎﻳﺮﺓ ﺟﻨﺞ ﻟﻌﺎﺑﺔ .. ﺷﺒﻬﻴﻦ ﻫﺎﻱ ﻭﻱ ﻣﻬﻨﺪ . ﺍﻟﺘﺮﻛﻲ . ﺳﻤﺮ ﺍﻧﻲ ﺿﺤﻜﺖ .. ﻭﺑﺴﺘﻬﺎ .. ﻳﻼ ﻛﺒﺮﻱ ﺑﻌﺪ ﺩﺍﺧﺬﺝ .. ﻻﺑﻨﻲ .. ﻋﺒﺴﺖ .. ﻛﺘﻠﻬﺎ ﻋﻤﻪ ﺧﻠﻴﻨﻲ ﺻﻐﻴﺮﺓ ﺍﺣﺴﻦ ﻣﺎﺭﻳﺪ ﺍﺯﻭﺝ .. ﺿﺤﻜﺖ ﻭﻛﺎﻟﺖ .. ﻛﻠﻨﻪ ﻧﻜﻮﻝ ﻫﻴﺞ .. ﺑﺲ ﺗﻜﺒﺮﻳﻦ .. ﺗﺮﻳﺪﻳﻦ ﺗﺰﻭﺟﻴﻦ .. ﻏﻠﺴﺖ ﻭﻛﻤﻠﺖ ﺷﻐﻠﻲ .. ﺑﺲ ﺍﺭﻳﺪ ﻳﻄﻠﻌﻮﻥ ﺣﺘﻰ .. ﺍﺯﻥ ﺑﺮﺍﺱ ﺍﻣﻲ ﺗﺸﺘﺮﻳﻠﻲ ﻓﻮﻥ
↙️
ﺑﻘﻮ ﻳﻤﻨﻪ ﺍﻫﻞ ﺍﺑﻮﻳﻪ ﻟﻠﻴﻞ .. ﻭﺍﺟﻪ ﺍﺑﻮﻳﻪ ﻭﻋﻤﺎﻣﻲ .. ﺍﻟﻜﻞ ﺍﻟﺘﻤﻮ ﻳﻤﻪ .. ﺍﺣﻨﻪ ﺑﻴﻮﺗﻨﻪ ﺑﻨﻔﺲ ﺍﻟﻔﺮﻉ ﻭﺍﺣﺪ ﻗﺮﻳﺐ ﻉ ﺍﻟﺜﺎﻧﻲ .. ﻫﻤﻪ 3 ﺍﻋﻤﺎﻡ ... ﺿﻠﻴﺖ ﺍﻟﻮﺏ .. ﺑﺲ ﺍﺭﻳﺪ ﺍﺗﻔﺮﻍ ﻭﻱ ﺍﻣﻲ .. ﺑﺲ ﺻﺎﺭﺕ ﺳﻮﺍﻟﻒ ... ﺍﻧﻲ ﺷﻔﺖ ﻓﻮﻥ ﺍﻣﻲ .. ﻉ ﺍﻟﻜﺎﻭﻧﺘﺮ .. ﺍﺗﻠﻔﺘﺖ ﺷﻔﺖ ﻣﺎﻛﻮ ﺍﺣﺪ ﺍﺧﺬﺗﻪ . ﺿﻤﻴﺘﻪ .... ﻭﺻﻌﺪﺕ ﻓﻮﻙ ﺍﻟﻜﻞ ﻣﻠﺘﻬﻲ .. ﻃﻠﻌﺖ ﺍﻟﻮﺭﻗﻪ .. ﻭﻓﺘﺤﺖ ﻓﻮﻥ ﺍﻣﻲ ﻭﺍﺗﺼﻠﺖ .. ﺩﻙ .. ﺍﻟﻔﻮﻥ ﻭﻛﻠﺒﻲ ﻳﺪﻙ ﻭﻳﺎﻩ .. ﺟﺎﻭﺏ ﺍﻟﻮ .. ﺍﻧﻲ ﺳﻜﺘﺖ .. ﺍﻟﻮ .. ﺍﻟﻮﻭ .. ﺟﺎﻭﺑﺘﻪ ﺍﻟﻮ ﻫﻠﻮ ﺍﻧﻲ ﻟﻴﺎﻝ .. ﻫﻬﻬﻪ ﻫﻠﻮ ﺷﺒﻴﺞ ﻣﺴﺘﻌﺠﻠﻪ .. ﺍﻧﻲ ﺧﺠﻠﺖ .. ﺳﺪﻳﺘﻪ .. ﻛﻠﺖ .. ﺷﻜﺪ ﻋﻴﺐ .. ﻫﺴﺔ ﺷﻴﻜﻮﻝ ﻋﻠﻴﻪ .. ﻛﻠﺖ ﺧﻠﻲ ﻳﻮﻟﻲ ﺍﻧﻲ ﺷﺠﺎﻧﻲ ﻭﺩﻛﻴﺖ ﻋﻠﻴﻪ .. ﺣﺬﻓﺖ ﺭﻗﻤﻪ .. ﺩﺍﻃﻠﻊ . ﻣﻦ ﺍﻟﻐﺮﻓﻪ .. ﺍﺗﺼﻞ .. ﺍﺑﺎﻉ ﻉ ﺭﻗﻢ ﻧﻔﺴﻪ .. ﻛﻠﺖ ﻣﺎﺟﺎﻭﺏ .. ﺻﻔﻨﺖ ﺑﻴﻬﺎ .. ﻛﻠﺖ ﻻ ﺧﻠﻲ ﺍﺟﺎﻭﺏ .. ﻻﻳﺪﻙ .. ﻋﻠﻰ ﺍﻣﻲ ﻭﺗﺼﻴﺮ ﻣﺼﻴﺒﻪ .. ﺍﻟﻮ ﻟﻴﺎﻝ ﺷﺒﻴﺞ .. ﻣﺎﺑﻴﻪ .. ﻟﻌﺪ ﻟﻴﺶ ﺳﺪﻳﺘﻲ .. ﻫﺎ ﻣﺎﻋﺮﻑ .. ﺷﻠﻮﻧﺞ .. ﺯﻳﻨﻪ .. ﺷﺨﺒﺎﺭﺝ ... ﺗﻤﺎﻡ .. ﺍﻧﻲ ﺍﺟﺎﻭﺑﻪ ﻭﺍﻛﻤﺰ ﺍﻭﻝ ﻣﺮﺓ ﺍﺣﺠﻲ ﻭﻱ ﻭﻟﺪ .. ﻭﺟﻨﺖ ﻣﻌﺠﺒﻪ ﺑﻲ ﻛﺘﻠﺔ .. ﺳﻴﻒ .. ﻫﺬﺍ ﺭﻗﻢ ﺍﻣﻲ .. ﺍﻧﻲ ﻣﺎﻋﻨﺪﻱ ﻓﻮﻥ .. ﺍﻫﺎﺍﺍ ﺷﻌﺠﺐ .. ﻛﺘﻠﺔ ﻣﺎﻋﻨﺪﻱ .. ﻟﻌﺪ ﺷﻠﻮﻥ ﻧﺘﻮﺍﺻﻞ .. ﻣﺎﻋﺮﻑ .. ﻛﺎﻝ ﻟﻴﺎﻝ ﺍﻧﻲ ﻛﻠﺶ ﻣﻌﺠﺐ ﺑﻴﺞ .. ﺍﻱ .. ﺷﻨﻮ ﺍﻱ .. ﻭﺍﻧﺘﻲ .. ﻣﺎﻋﺮﻑ .. ﻫﻬﻬﻪ . ﻣﺎﻋﺪﻛﻢ ﺛﻮﺍﺏ ﻣﻨﺎ ﻣﻨﺎ ﺗﻮﺯﻋﻮ .. ﻭﺗﺠﻴﻦ ﺍﺷﻮﻓﺞ .. ﺿﺤﻜﺖ ﻛﺘﻠﺔ ﻻ .. ﺑﻌﺪ ﻫﻮﺍﻳﻪ .. ﻳﻼ ﻧﺴﻮﻱ ﻣﻨﺎ ﺑﺪﺕ ﻋﻼﻗﺘﻲ ﻭﻱ ﺳﻴﻒ .. ﻭﺻﺎﺭ ﺣﺐ ﺑﻴﻨﺎﺗﻨﻪ .. ﺑﻘﻴﺖ ﻭﻳﺎ ﻭﺗﻌﺮﻓﺖ ﻉ ﺍﺧﺘﻪ ﻃﺎﻟﺒﻪ ﻭﻳﺎﻳﺔ ﺑﻨﻔﺲ ﺍﻟﻤﺪﺭﺳﻪ .. ﻭﺑﻨﻔﺲ ﺍﻟﻤﺮﺣﻠﻪ ﺑﺲ ﻛﻠﻤﻦ ﺷﻌﺒﺔ .. ﺻﺎﺭﺕ ﺻﺪﻳﻘﺘﻲ .. ﻭﻛﻤﺖ ﺍﺗﺤﺠﺞ ﺑﻠﺪﺭﺍﺳﺔ .. ﻭﻱ ﺍﻣﻲ . .. ﻭﺍﺭﻭﺡ ﺍﺩﺭﺱ .. ﻳﻤﻬﻢ .. ﻭﺍﺷﻮﻑ ﺳﻴﻒ .. ﺳﻴﻒ ﻋﻼﻗﺘﻲ ﺑﻲ ﻛﻠﺶ . ﺣﻠﻮﺓ ﻭﺑﺮﻳﺌﻪ .. ﻫﻨﺎ .. ﺍﺧﺘﻲ ﻧﺠﺤﺖ .. ﻭﻃﺒﺖ ﻛﻠﻴﻪ .. ﻭﺍﻧﻲ ﻧﺠﺤﺖ ﻭﺭﺣﺖ ﺍﻋﺪﺍﺩﻳﻪ .. ﺑﺲ ﻭﺣﺪﺓ ﻣﻦ ﻋﻤﺎﺗﻲ ﺭﺍﺩﺗﻬﺎ ﻻﺑﻨﻬﺎ .. ﺑﻠﺒﺪﺍﻳﺔ .. ﺭﻓﻀﺖ ﻫﻴﻔﻴﻦ .. ﺑﺲ ﻛﻠﻨﻪ ﻧﻌﺮﻑ ﺍﻟﻘﺎﻧﻮﻥ .. ﻣﻨﺰﻭﺝ ﺍﻻ ﻣﻦ ﺍﻻﻗﺎﺭﺏ ﻭﻣﻨﻪ ﻭﺑﻴﻨﻪ .. ﺷﻜﺪ ﺟﺎﻧﻮ ﻳﺠﻮﻥ ﺧﻄﺎﺑﺔ .. ﻻﺧﺘﻲ ﺍﻭ ﺑﻨﺎﺕ ﻋﻤﻲ ﻭﻋﻤﺎﺗﻲ ﻣﻴﻘﺒﻠﻮﻥ .. ﺍﺑﺪ ... ﺍﻧﺨﻄﺒﺖ ﺍﺧﺘﻲ ﻻﺑﻦ ﻋﻤﺘﻲ ﻭﺳﻮﻳﻨﻪ ﺣﻔﻠﻪ ﺑﻴﻨﺎﺗﻨﻪ .. ﺍﻧﻲ ﻭﺳﻴﻒ ﺍﺗﻔﻘﻨﻪ ﺑﺲ ﺍﻛﻤﻞ ﺍﻟﺴﺎﺩﺱ ﻳﺨﻄﺒﻨﻲ .. ﺍﻟﻜﻞ ﻋﺮﻑ ﺑﻌﻼﻗﺘﻲ ﺑﻲ ﻣﻦ ﺍﻫﻠﻪ ﺍﻣﻪ ﻭﺧﻮﺍﺗﺔ ﻭﺟﺎﻧﻮ ﻛﻠﺶ ﻳﺤﺒﻮﻧﻲ .. ﻭﺍﺭﻭﺡ ﻳﻤﻬﻢ .. ﺍﺩﺭﺱ .. ﻭﻣﺮﺍﺕ ﻫﻮﺓ ﻳﻜﻌﺪ ﻳﺪﺭﺳﻨﻪ .. ﺑﺲ ﺑﻮﺟﻮﺩ ﺍﻣﻪ .. ﻧﻜﻌﺪ .. ﻧﻘﺮﻩ .. ﺍﻭ ﺍﻧﻲ ﻭﺍﺧﺘﻪ .. ﻧﻘﺮﻩ ﺑﻐﺮﻓﺘﻬﺎ .. ﻭﺣﺪﻧﻪ .. ﺍﻟﻤﻬﻢ ﻳﻤﻬﻢ ﺑﻠﺒﻴﺖ ﻭﺍﺷﻢ ﻋﻄﺮﺓ ﺑﻲ .. ﺳﻴﻒ ﺻﺎﺭ ﻛﻞ ﺣﻴﺎﺗﻲ . ﻭﺧﻼﻧﻲ ﺍﺗﺤﻔﺰ .. ﺑﻠﻨﺠﺎﺡ ﺳﻨﻪ ﺑﺴﻨﻪ ﻻﻥ ﻳﺮﻳﺪﻧﻲ .. ﺍﻭﺻﻞ ... ﺑﻘﻴﺖ ﻭﻳﺎ .. 3 ﺳﻨﻮﺍﺕ .. ﺻﺮﺕ ﺑﻠﺴﺎﺩﺱ .. ﻭﺩﺧﻠﺖ ﺍﺩﺑﻲ .. ﻫﻮﺍﻳﻪ ﺟﻨﺖ ﺍﺳﻤﻊ .. ﻧﺎﺧﺬﺝ ﻭﻧﺎﺧﺬﺝ ﻣﻦ ﺍﻫﻞ ﺍﺑﻮﻳﻪ ﺍﻧﻲ ﺟﻨﺖ ﺍﺗﻌﻤﺪ ﻣﻦ ﻳﺠﻮﻥ ﻳﻤﻨﻪ ﻣﺎﺷﺘﻐﻞ ﻭﻣﺎﺗﺤﺮﻙ ﻟﻮ ﺍﺳﻮﻱ ﺟﺎﻱ ﻣﻄﻴﺐ ﻭﺍﺫﺏ ﺑﻲ ﺗﺮﺍﺏ ﻟﻮ ﺍﻏﺴﻞ ﺍﻟﻤﻮﺍﻋﻴﻦ ﺍﻭ ﺍﻟﻬﺪﻭﻡ ﻛﺪﺍﻣﻬﻢ ﻭﺍﺑﻘﻴﻬﺎ ﺑﻮﺻﺨﻬﺎ .. ﺣﺘﻰ ﻳﺸﻮﻓﻮﻧﻲ ﻣﻮ ﺷﺎﻃﺮﺓ ﻋﻮﺩ .. ﻟﻮ ﺍﺿﻮﺝ ﺍﻣﻲ ﻭﺍﻻﺳﻨﻬﺎ .. ﻭﺗﻀﻞ ﺍﻣﻲ .. ﺗﺤﺠﻲ ﻋﻠﻴﻪ . ﻣﻦ ﻳﻄﻠﻌﻮﻥ ﻃﻴﺢ ﺣﻈﻲ .. ﻭﺗﺤﻠﻒ ﺗﻜﻮﻝ ﻧﺎﺩﺭﺓ ﻭﻧﻈﻴﻔﻪ .. ﺑﺲ ﻣﺤﺪ ﻳﺼﺪﻙ . ﺍﻧﻲ ﻛﻞ ﻫﺬﺍ ﺍﻟﻲ ﺑﻲ ﻏﺎﻳﻪ .. ﻭﺻﺢ ﻛﺎﻣﻦ ﻳﺨﻄﺒﻦ ﻟﻮﻟﺪﻫﻢ ﻣﻦ ﺍﻻﻗﺎﺭﺏ ﻭﻋﺎﻓﻮﻧﻲ ﺑﺤﺎﻟﻲ .. ﻳﻌﻨﻲ ﻣﺎﺑﻘﻰ ﻭﺍﺣﺪ ﻣﻦ ﻭﻟﺪﻧﻪ ﻣﺰﻭﺝ .. ﻭﺑﻘﻴﺖ ﺍﻧﻲ ﻭﻛﻢ ﺑﻨﻴﺔ .. ﺑﺲ ﺍﺻﻐﺮ ﻣﻨﻲ ﺑﻬﻮﺍﻳﺔ .. ﺿﻤﻨﺖ ﺍﺯﻭﺝ ﺳﻴﻒ .. ﺑﺲ ﺑﻘﻰ ﺍﻫﻠﻲ ﻳﻘﻨﻌﻮﻥ .. ﻣﺮﺓ ﻣﻦ ﺍﻟﻤﺮﺍﺕ .. ﺍﻣﻲ ﻟﻜﻔﺘﻨﻲ ﺍﺣﺠﻲ ﻭﻳﺎﻩ .. ﻫﻨﺎ ﻋﺮﻓﺖ ﻓﻠﻤﻲ ﻭﻟﻴﺶ ﻫﻴﺞ ﺍﺳﻮﻱ .. ﻟﻌﺒﺖ ﺑﻴﻪ ﻟﻌﺐ .. ﻭﺍﺧﺬﺕ ﺍﻟﻔﻮﻥ ﻣﻨﻲ .. ﻭﺿﻠﺖ ﺗﻬﺪﺩ ﺑﻴﻪ ﺭﺍﺡ ﺗﻜﻮﻝ ﻻﺑﻮﻳﻪ .. ﺍﺫﺍ ﻣﺎﻋﻮﻓﻪ .. ﺑﻘﻰ ﺳﻴﻒ ﻣﻴﻌﺮﻑ ﺷﻨﻮ ﺍﻟﻲ ﺻﺎﺭ ﻭﻟﻴﺶ ﺍﺧﺘﻔﻴﺖ ﻣﻦ ﺭﺟﻌﺖ ﺍﺩﺍﻭﻡ ﺣﺠﻴﺖ ﻻﺧﺘﻪ .. ﻭﺭﺓ ﻳﻮﻣﻴﻦ ﺍﻡ ﺳﻴﻒ ﺍﺟﺘﻲ .. ﻭﺣﺎﺟﺖ ﺍﻣﻲ .. ﻋﻠﻴﻪ ﻛﺎﻟﺖ ﺍﻡ ﺍﺯﺍﺩ ﺍﺣﻨﻪ ﻧﺮﻳﺪ ﻟﻴﺎﻝ ﻟﺴﻴﻒ ﻭﻣﻨﻠﻜﺔ ﺍﺣﺴﻦ ﻣﻨﻜﻢ .. ﺍﻣﻲ ﺗﺤﺠﺠﺖ ﺑﻠﺪﺭﻟﺴﻪ ﻭﺻﻐﻴﺮﺓ .. ﺍﻡ ﺳﻴﻒ ﻣﺎ .. ﻛﺎﻟﺖ ﺷﻲ .. ﻛﺎﻟﺖ ﺑﺲ ﺧﻠﻲ ﻧﺤﺠﺰﻫﺎ .. ﺍﻣﻲ ﻣﺒﻘﺒﻠﺖ ﻭﻛﺎﻟﺖ ﺑﻌﺪ ﻭﻛﺖ ﺧﻠﻲ ﺗﺘﺨﺮﺝ ﻣﻦ ﺍﻟﺴﺎﺩﺱ .. ﻋﺮﻓﺖ ﺍﻣﻲ ﺗﺴﺘﺤﻲ ﺗﻜﻮﻟﻬﺎ ﻣﻴﻨﻄﻮﻥ ﻟﻐﻴﺮﻫﻢ ﻭﺧﻠﺖ ﺍﻟﺪﺭﺍﺳﻪ ﺣﺠﺔ .. ﺗﻮﺳﻠﺖ ﺑﺎﻣﻲ ﻭﺫﻛﺮﺗﻬﺎ ﺷﻠﻮﻥ ﺍﺧﺬﺕ ﺍﺑﻮﻳﻪ ﻋﻦ ﺣﺐ ﻭﺣﺎﺭﺑﺖ ﺍﻟﻜﻞ ﻣﻦ ﻭﺭﺍﻩ .. ﻫﻨﺎ ﻛﻠﺐ ﺍﻣﻲ ﺭﻑ ﻋﻠﻴﻪ .. ﻭﻛﺎﻟﺖ ﻛﻤﻠﻲ ﺳﺎﺩﺱ ﻭﺍﻧﻲ ﺍﻗﻨﻌﻬﻢ .. ﺑﺲ ﻣﻨﺎ ﻟﺬﺍﻙ ﺍﻟﻮﻛﺖ ﻣﺎﺭﻳﺪ ﺍﺳﻤﻊ ﺗﺤﺎﺟﻲ .. ﻣﺪﺓ ﻭﺍﻣﻲ ﺭﺟﻌﺖ ﺍﻟﻔﻮﻥ ﺍﻟﻲ .. ﺻﺮﺕ ﺣﺮﻳﺼﻪ ﺍﻛﺜﺮ .. ﻭﺑﻘﻴﺖ ﻭﻱ ﺳﻴﻒ ﻭﻓﻬﻤﺘﻪ ﻛﻠﺸﻲ ﺍﺧﺘﻲ ﺍﺧﺮﺕ ﺯﻭﺍﺟﻬﺎ ﺑﺴﺒﺐ ﺍﻟﻜﻠﻴﻪ .. ﻭﻫﻮﺓ ﻫﻢ ﺟﺎﻥ ﻃﺎﻟﺐ ﺑﺲ ﺍﺗﺨﺮﺝ .. ﺑﺴﻨﻪ ﺍﻟﺜﺎﻟﺜﻪ .. ﻣﻦ ﺩﺭﺍﺳﻪ ﻫﻴﻔﻴﻦ ﻛﺎﻣﻮ ﻳﺤﺠﻮﻥ ﻻﻥ ﻃﻮﻟﺖ ﺧﻄﻮﺑﺘﻬﻢ .. ﻛﺎﻟﻮ ﻫﻴﺔ ﺑﻘﺖ ﺳﻨﻪ .. ﻭﺗﻜﻤﻞ .. ﻭﺍﻟﻌﺮﻳﺲ ﺗﺨﺮﺝ .. ﺧﻠﻲ ﻧﺰﻭﺟﻬﻢ .. ﺣﺎﻭﻟﺖ ﺍﻣﻲ ﻭﻳﺎﻫﻢ ﺑﺲ ﺗﺘﺨﺮﺝ ﺑﺲ ﻣﻘﺒﻠﻮ ﺣﺘﻰ ﺍﺑﻮﻳﻪ ﻣﻘﺒﻞ .. ﻭﻭﺍﻓﻖ ... ﻉ ﺍﻟﺰﻭﺍﺝ ﻭﺣﺪﺩﻭ ﻣﻮﻋﺪ ﺍﻟﺰﻭﺍﺝ .. ﻭﻫﻴﻔﻴﻦ ﻫﻢ ﺣﻀﺮﺕ ﺭﻭﺣﻬﺎ .. ﻭﺻﺎﺭ ﺍﻟﻌﺮﺱ ... ﺣﻀﺮﻧﻪ ﺭﻭﺣﻨﻪ ﻣﻦ ﺑﺪﻻﺕ ﻭﻣﻜﻴﺎﺝ ... ﻭﺍﻟﻜﻞ ﻳﻤﻨﻪ .. ﺟﺘﻲ ﺍﺧﺘﻲ ﻣﻦ ﺍﻟﺼﺎﻟﻮﻥ ﻃﺎﻟﻌﻪ ﻟﻌﺎﺑﻪ ﺗﺨﺒﻞ .. ﺍﻧﻲ ﺟﻨﺖ ﻻﺑﺴﻪ .. ﻓﺴﺘﺎﻥ .. ﻟﻴﻤﻮﻧﻲ ﻣﺎﻝ ﺳﻬﺮﺓ .. ﺷﻮﻳﻪ ﻭﺟﻮﻱ ﺍﻟﺰﻓﺎﻓﻪ .. ﺍﺑﻮﻳﻪ ﺍﻟﻲ ﻫﻮﺓ ﻋﻤﻲ ﻣﻦ ﺿﻤﻦ ﺍﻟﺰﻓﺎﻓﻪ ﺑﻌﺘﺎﺭ ﺍﺑﻦ ﺍﺧﺘﻪ ﻭﺑﺖ ﺍﺧﻮ ﺍﻟﻌﺮﺳﺎﻥ .. ﻣﺰﻳﻘﻪ ﻭﺩﻙ ﻭﺭﻛﺺ .... ﻭﻫﻼﻫﻞ .. ﺍﻟﺤﻔﻠﻪ ﺟﺎﻧﺖ ﻗﺎﻋﻪ .. ﻓﻤﻦ ﻃﻠﻌﻨﻪ ﺑﺮﺓ .. ﻛﺎﻣﻮ ﻳﺮﻣﻮﻥ ﺍﺑﻮﻳﻪ ﻭﻋﻤﻲ ﺍﻟﺜﺎﻧﻲ .. ﺣﺮﻛﻮ ﺍﻟﺪﻧﻴﺎ ﺭﻣﻲ .. ﻟﺤﺪ ﻣﺎ ﺍﻣﻲ ﺭﻛﻀﺖ ﻋﻠﻴﻬﻢ .. ﻭﺑﻄﻠﻮ .. ﺻﻌﺪﻧﻪ ﺑﺴﻴﺎﺭﺍﺕ .. ﻭﺻﻌﺪﺕ ﺍﻟﻌﺮﻭﺱ ﻭﺍﻟﻤﺰﻳﻘﻪ .. ﻧﺴﻤﻊ ﺻﻮﺕ ﺻﺮﺍﺥ .. ﻣﻦ ﺍﻟﺠﻴﺮﺍﻥ .. ﺍﻟﻲ ﺟﺎﻧﻮ ﻭﺍﻛﻔﻴﻦ .. ﻣﻦ ﺟﻴﺮﺍﻧﻪ ﻋﻠﻤﻮﺩ ﺍﻟﻌﺮﺱ ﺭﺍﺣﻮ .. ﻳﻤﻬﻢ .. ﻭﻃﻠﻊ ﻭﺍﺣﺪ ﻣﻦ ﺑﻴﺘﻬﻢ ﻳﻬﺪ ﻋﻠﻴﻨﻪ .. ﻭﻳﺼﻴﺢ .. ﺍﺟﻪ ﺭﻛﺾ،ﻟﺴﻴﺎﺭﺓ ﺍﻟﻌﺮﻭﺱ ﻭﺟﺮ ﺍﻟﻌﺮﻳﺲ ﺑﻠﻜﺎﻉ .. ﻧﻮﻣﻪ .. ﻟﺤﺞ ﻫﺴﺔ ﻣﺪﻧﻔﺘﻬﻢ .. ﺷﻲ .. ﺑﺲ ﻋﻴﺎﻁ ﻭﺻﻴﺎﺡ ﻭﻧﺎﺱ ﺟﺮ ﺑﻨﺎﺱ .. ﻭﺧﺮﻭ ﺍﻟﻮﻟﺪ .. ﻳﺼﻴﺢ ﻛﺘﻠﺘﻮ ﺍﺧﺘﻲ ﻛﺘﻠﺘﻮ ﺍﺧﺘﻲ .. ﻣﺪﺍﻧﻔﺘﻬﻢ ﺷﻲ ﻣﻨﻮ ﻛﺘﻞ ﻣﻨﻮ .. ﺍﻟﺘﻤﺖ ﺍﻟﻌﺎﻟﻢ .. ﻭﻃﻠﻌﺖ ﻣﻨﻬﻢ ﺳﻴﺎﺭﺓ .. ﺑﺲ ﺑﻘﻮ ﻣﺠﻠﺒﻴﻦ ﺑﻌﻤﺎﻣﻲ . ﻭﺍﻟﻌﺮﻳﺲ .. ﻫﺬﻭﻝ ﺟﻴﺮﺍﻧﻪ ﺟﺪﻳﺪ ﺍﺟﻮﻱ ﻳﻤﻨﻪ .. ﺣﺘﻰ ﻣﻨﻌﺮﻓﻬﻢ ﻣﻴﻦ .. ﺻﺎﺭ ﻋﺰﺓ ﻣﻮ ﻋﺮﺱ .. ﻭﺭﺓ ﺳﺎﻋﻪ .. ﻛﺎﻟﻮ ﻣﺎﺗﺖ .. ﺍﻟﻤﺮﺓ .. ﻭﺍﺟﺘﻲ ﺍﻟﺸﺮﻃﻪ ﺍﺧﺬﺕ ﻛﻞ ﺍﻟﻮﻟﺪ
↙️
ﺍﺟﺘﻲ ﺍﻟﺸﺮﻃﻪ ﺍﺧﺬﺕ . ﺍﺑﻮﻳﻪ ﻭﻋﻤﺎﻣﻲ .. ﻭﻭﻟﺪ ﻋﻤﻲ ﺷﻜﻮ ﺷﺎﺏ ﻭﺍﻛﻒ ﺍﺧﺬﺗﻪ .. ﺑﻘﻴﻨﻪ ﺍﺣﻨﻪ ﻣﺜﻞ ﺣﻴﺎﺭﺓ .. ﺍﻣﻲ ﺗﺨﺒﻠﺖ ﺍﻟﻌﺮﺱ ﺻﺎﺭ ﻋﺰﺓ .. ﻋﻠﻴﻨﻪ .. ﺍﺧﺘﻲ ﺑﻠﺒﺪﻟﻪ ﺿﻠﺖ .. ﻭﺗﺒﺠﻲ ﻭﻋﻴﺎﻁ ﻭﺻﻴﺎﺡ ﺍﺣﻨﻪ .. ﻭﺍﻟﻌﺎﻟﻢ ﺍﻟﻲ ﻛﺒﺎﻟﻨﻪ ﺩﻙ ﻭﻟﻄﻢ ﻣﺪﺍﻧﻔﺘﻬﻢ ﺷﻲ .. ﺟﺘﻲ ﺍﻡ ﺳﻴﻒ ﻭﺳﻴﻒ .... ﻣﻔﺮﻓﺤﻪ .. ﻛﺎﻟﺖ ﻣﺎﺗﺖ ﺑﻨﺘﻬﻢ .. ﻭﺍﻛﻔﻪ ﻭﺭﺓ ﺍﻟﺒﺎﺏ ﺗﺒﺎﻉ ﻉ ﺍﻟﻤﺰﻳﻘﻪ . ﻭﺍﻟﺰﻓﻪ ﻭﺟﺘﻬﺎ ﺑﺮﺍﺳﻬﺎ ﻃﻠﻘﻪ ﻣﻮﺗﺘﻬﺎ ﺑﻤﻜﺎﻧﻪ .. ﻭﻛﺎﻟﺖ ﻻﺣﺪ ﻳﻄﻠﻊ ﻣﻨﻜﻢ ﻣﻦ ﺍﻟﺒﺎﺏ ﺫﻭﻝ ﻣﻮ ﻣﺜﻞ ﻃﺒﻌﻜﻢ .. ﺗﺮﺓ ﺗﺼﻴﺮ ﺩﻣﺎﻳﻪ ﺑﻴﻨﺎﺗﻜﻢ .. ﺍﺣﻨﻪ ﺍﻟﺮﻋﺐ ﺍﺧﺬﻧﻪ ... ﻛﻠﻤﻦ ﺭﺟﻊ ﻟﺒﻴﺘﻪ ﻭﺗﻜﺘﺮ .. ﺑﻘﻦ ﻋﻤﺎﺗﻲ ﻭﻛﻠﺒﻮ ﺍﻟﻌﺮﺱ ﻋﺰﺓ .. ﻋﻠﻴﻨﻪ ﺑﻘﻴﻨﻪ ﺍﻣﻲ .. ﻭﺍﺣﻨﻪ ﻭﺩﺯﻳﻨﻪ ﻉ ﺧﻮﺍﻟﻲ .. ﻳﻤﻨﻪ .. ﺑﻨﻔﺲ ﺍﻟﻴﻮﻡ .. ﺍﻟﺒﻴﺖ ﺍﻟﻲ ﺟﺎﻥ ﺑﻲ ﻋﺮﺱ ﺻﺎﺭ ﺑﻲ ﻋﺰﺓ .. ﻭﺷﺎﺭﻋﻨﻪ ﺍﻧﺴﺪ .. ﻣﻦ ﺍﻟﺴﻴﺎﺭﺍﺕ .. ﻭﺍﻟﻌﺎﻟﻢ .. ﺍﻧﻲ ﻛﻞ ﺩﻗﻴﻘﻪ ﺍﺻﻌﺪ ﺑﺴﻄﺢ ﺍﺑﺎﻉ .. ﻉ ﺫﻭﻟﻲ .. ﺟﻴﺮﺍﻧﻪ ﻳﺎﺳﻴﺎﺭﺓ ﺗﻄﺒﻚ .. ﻳﻨﺰﻝ ﻧﺴﻮﺍﻥ .. ﺩﻙ ﻭﻟﻄﻢ . ﻭﺻﻴﺎﺡ ﻣﻦ ﺍﻟﺒﺎﺏ ﻣﻠﺨﻦ .. ﺭﻭﺣﻬﻦ .. ﻗﻠﺒﻲ ﻧﻤﺮﺩ ﻋﻠﻴﻬﺎ .. ﺍﺑﺠﻲ ﻉ ﺍﻟﻲ ﻣﺎﺗﺖ ﻣﺪﺭﻱ ﻉ ﺣﻆ ﺍﺧﺘﻲ ﻣﺪﺭﻱ ﺍﻫﻠﻲ ﺍﻟﻲ ﻛﻠﻬﻢ ﺍﻧﺴﺠﻨﻮ .. ﻭﻛﻞ ﺷﻮﻳﻪ ﺗﻨﺪﻙ ﺍﻟﺒﺎﺏ ﻭﺍﺣﻨﻪ ﻧﻨﻬﺒﻂ .. ﺟﻮﻱ ﺧﻮﺍﻟﻲ .. ﻭﺍﺟﻮﻱ .. ﺭﻳﺎﺟﻴﻞ ﻋﻤﺎﺗﻲ .. ﻭﺍﻟﻜﺮﺍﺑﺔ ﻟﻠﻠﻴﻞ ﺑﻴﺘﻨﻪ ﺍﻧﺘﺮﺱ .. ﺭﻳﺎﺟﻴﻞ .. ﺍﻧﻲ ﻋﺎﺑﺪﺕ ﺍﻟﺴﻄﺢ ﻭﻛﻌﺪﺕ .. ﻫﻴﻔﻴﻦ .. ﻣﻠﺨﺖ ﺭﻭﺣﻬﺎ ﺑﺠﻲ .. ﺍﻣﻲ ﺻﻔﺮﺓ .. ﻣﺪﺭﻱ ﺗﻠﻄﻢ ﻣﺪﺭﻱ ﺗﺘﻮﺳﻞ ﺑﻠﻮﻟﺪ ﻳﺸﻮﻓﻮﻥ ﺣﻞ .. ﻭﺍﻧﻲ .. ﻣﻜﺎﺑﻠﻪ ﺍﻟﺴﻄﺢ .. ﻣﺼﻴﺒﻪ ﻭﻭﻛﻌﺖ ﻉ ﺭﻭﺳﻨﻪ ﻣﻦ ﺍﻟﺮﻣﻲ .. ﻣﺎﺗﺖ ﺑﻨﻴﻪ .. ﻭﺍﺣﻨﻪ ﺗﻌﺰﻳﻨﻪ .. ﺭﺍﺣﻮ ﺍﻟﻮﻟﺪ ﻟﻠﻤﺮﻛﺰ .... ﻛﺎﻟﻮ ﻣﻴﻄﻠﻌﻮﻥ ﻫﺴﺔ ﻟﺤﺪ ﻣﺎ .. ﻳﺸﻮﻓﻮﻥ ﺍﻫﻞ ﺍﻟﻤﺠﻨﻲ ﻋﻠﻴﻬﺎ .. ﻭﻃﻠﻌﻮ ﻛﻢ ﻭﺍﺣﺪ ﺍﻟﻲ ﺍﺻﺪﻗﺎﺀ ﺍﻟﻌﺮﻳﺲ .. ﺑﺲ ﺍﺑﻮﻳﻪ ﻭﻋﻤﺎﻣﻲ ﻭ ﻭﻟﺪ ﻋﻤﻲ ﺑﻘﻮ ﺑﻠﺘﻮﻗﻴﻒ .. ﻋﻠﻤﺎ ﺍﻟﺘﺤﻘﻴﻖ ﻳﺨﻠﺺ ﺍﺧﻮﺍﻟﻲ .. ﺑﻘﻮ ﻳﻤﻨﻪ .. ﺧﺎﻓﻮ ﺑﻌﺪ ﻣﺎﻋﺮﻓﻮ ﺟﻴﺮﺍﻧﻪ ﻣﻦ ﺍﻟﻌﺸﻴﺮﺓ ﺍﻟﻔﻼﻧﻴﻪ .. ﻋﺮﻓﻮ ﺍﻟﺴﺎﻟﻔﻪ ﻣﺮﺍﺡ ﺗﻔﺾ ﻉ ﺧﻴﺮ .. ﺧﺎﺑﺮﺕ ﺳﻴﻒ .. ﻣﻦ ﺍﻟﺼﺪﻣﻪ ﻫﻢ .. ﻣﻴﻌﺮﻑ ﻳﺤﺠﻲ .. ﺳﺎﻟﻨﻲ ﻉ ﻋﺸﻴﺮﺗﻨﻪ ﺍﻧﻲ .. ﻣﺎﻋﺮﻑ .. ﺑﻬﻠﺴﻮﺍﻟﻒ .. ﻛﻠﻲ ﻟﻴﺎﻝ ﻣﺎﺗﻌﺪﻱ ﺍﺫﺍ ﻣﺎﻳﻔﺼﻠﻮﻛﻢ .. ﻛﺘﻠﺔ ﺍﺣﻨﻪ ﺧﻮﻣﺎ ﻗﺼﺪ ﻗﺘﻠﻨﺎﻫﺎ .. ﻛﺎﻝ ﺩﺍﻡ ﺭﻣﻲ ﻳﻌﺘﺒﺮ ﻗﺘﻞ ﻣﺘﻌﻤﺪ .. ﺷﻨﻮ ﻳﻌﻨﻲ .. ﺑﺎﺑﺎ ﺷﺒﻴﺞ ﻳﺎﺧﺬﻭﻥ ﻣﻨﻜﻢ ﺩﻡ ﻟﻮ ﻓﻠﻮﺱ .. ﺳﻴﻒ ﻋﻔﻴﻪ ﻫﺒﻄﺘﻨﻲ ﻣﺪﺍﻓﺘﻬﻤﻚ .. ﺣﻴﺎﺗﻲ ﻻ ﺗﺨﺎﻓﻴﻦ ﻣﺎﻛﻮ ﺷﻲ .. ﺯﻳﻦ ﺍﻧﺘﻮ ﺫﺍﺑﻴﻦ ﺟﺮﺵ .. ﻭﻱ ﻋﺸﻴﺮﺓ .. ﻗﻮﻳﻪ ﺟﺮﺵ .. ﺷﻨﻮ .. ﺍﻫﻮ ﻟﻴﺎﻝ .. ﺷﻴﻔﻬﻤﺞ ... ﺑﺎﻋﻲ ﻻ ﻃﻠﻌﻮﻥ ﻭﻻ ﻃﺒﻮﻥ ﺑﻬﻞ ﻛﻢ ﻳﻮﻡ .. ﻟﻴﺶ ﺳﻴﻒ .. ﻟﻴﺎﻝ ﺳﻤﻌﻲ ﻛﻼﻣﻲ .. ﺍﻭﻙ .. ﻣﺎﻃﻠﻊ .. ﺣﺘﻰ ﺧﺎﻟﻮ ﻛﺎﻝ .. ﺗﺮﺓ ﻭﻟﺪ ﻋﻤﻲ ﺭﺍﺡ ﻳﻮﻛﻠﻮﻥ ﻣﺤﺎﻣﻲ .. ﻣﺘﻔﻴﺪ ﺍﺫﺍ ﻣﺘﺤﻠﻮﻫﺎ ﻭﻱ ﺍﻫﻠﻬﺎ . ﻋﺸﺎﺋﺮﻳﺎ . .. ﺗﺮﺓ ﺗﺼﻴﺮ ﺩﻡ .. ﻟﺤﺪ ﻫﺴﺔ ﺍﻟﻲ ﺳﻤﻌﺘﻪ ﻳﻜﻮﻟﻮﻥ ﻛﺘﻠﻮ ﺑﻨﺘﻨﻪ .. ﺷﻨﻮ .. ﺗﺮﺓ ﺭﻣﻲ ﻋﺸﻮﺍﺋﻲ ﻭﺷﻨﻮ ﺩﻡ ﻳﺎﺧﺬﻭﻥ .. ﺭﻭﺣﻲ ﻟﻴﺎﻝ ﺗﺮﺓ ﺭﺍﺳﻲ ﺭﺍﺡ ﻳﻄﻚ ﻭﺍﻧﺘﻲ ﻛﻞ ﺷﻲ ﻣﺘﻔﺘﻬﻤﻴﻦ .. ﺑﻬﻼﺛﻨﺎﺀ ﺻﺎﺣﻮﻧﻲ .. ﺍﻧﻲ ﺳﺪﻳﺘﻪ ﻣﻨﻪ ﻭﻧﺰﻟﺖ .. ﺟﻮﺓ .. ﺳﻮﻳﺖ ﺟﺎﻱ ﻟﻠﺮﻳﺎﺟﻴﻞ ... ﻭﺍﺳﻤﻊ ﺑﺤﺠﻴﻬﻢ ﻭﺭﺍﺣﻴﻦ ﻉ ﺷﻴﺨﻨﻪ ﻳﺘﻔﻘﻮﻥ ﻭﻳﺎ .. ﻭﺷﻴﺦ ﺧﻮﺍﻟﻲ .. ﺍﺳﻤﻊ ﺧﺎﻟﻲ ﻳﺤﺠﻲ ﻉ ﺍﻫﻞ ﺍﺑﻮﻳﻪ .. ﻳﻜﻠﻬﻢ ﺭﺍﺡ ﻳﻜﺴﺮﻭﻥ ﺿﻬﺮﻛﻢ ﺑﻠﻔﺼﻞ .. ﻛﻠﻪ ﺑﺴﺒﺒﻜﻢ .. ﺿﺎﻟﻴﻦ ﺑﻠﻘﻮﻗﻌﻪ . ﻭﺍﻟﻌﻨﺼﺮﻳﻪ ﻣﺎﻟﺘﻜﻢ ﻻ ﺗﻨﻄﻮﻥ ﺑﻨﺎﺕ ﻣﻨﻜﻢ ﻭﺗﻨﺎﺳﺒﻮﻥ ﻏﻴﺮ ﻋﺎﻟﻢ ﻭﻻ ﺗﺰﻭﺟﻮﻥ ﻣﻦ ﺍﻟﻌﺎﻟﻢ ﻣﻨﻮ ﻳﻮﻛﻒ ﺍﻟﻜﻢ .. ﻫﺴﺔ .. ﺍﻧﻲ ﺍﻧﺰﻝ ﻭﺍﺭﺩ ﺍﺻﻌﺪ ﺍﻭﻝ ﻣﺮﺓ ﺑﺤﻴﺎﺗﻲ ﺍﺷﻮﻑ ﻫﻴﺞ ﺣﺴﺐ ﺣﺠﻲ ﺍﻟﻌﺎﻟﻢ .. ﺭﺍﺣﻮ ﻳﺪﻓﻨﻮﻫﺎ .. ﺻﻌﺪﺕ ﺗﻘﺮﻳﺒﺎ ﺏ ..12 ﺑﻠﻴﻞ .. ﺩﺍﺑﺎﻉ .. ﺷﻔﺖ 3 ﺳﻴﺎﺭﺍﺕ ﻋﺎﻟﻴﻪ .. ﻃﺒﻜﺖ .. ﻳﻢ ﺑﺎﺑﻬﻢ .. ﻧﺰﻟﻮ ﻣﻨﻬﺎ ﻣﻌﻜﻠﻴﻦ .. ﻭﺍﺣﺪ ﻣﻨﻬﻢ .. ﺑﺲ ﺿﻠﻤﻪ ﻭﻣﻮ ﻭﺍﺿﺢ .. ﺟﺮ ﺳﻼﺡ .. ﻭﺍﺟﻪ ﺭﻛﺾ ﻳﻢ ﺑﺎﺑﻨﻪ .. ﻭﻃﻠﻌﻮ .. ﻋﻠﻴﻪ .. ﻭﻟﺪﻫﻢ .. ﺟﺮﻭ ... ﻭﺿﻞ .. ﻳﺼﻴﺢ ﻭﻳﻌﻴﻂ .. ﺍﻧﻲ ﻣﺘﺖ .. ﻣﻦ ﺍﻟﺮﻋﺐ .. ﺍﺭﻳﺪ ﺍﻓﺘﻬﻢ .. ﻣﻔﺘﻬﻤﺖ . ﺷﻲ .. ﺑﻘﻮ .. ﺭﻳﺎﺟﻴﻠﻬﻢ .. ﺑﻠﺒﺎﺏ .. ﻟﺤﺪ ﺳﺎﻋﻪ 2 ﺍﻧﻲ ﺍﺭﺍﻗﺐ .. ﺑﺲ ﻫﺬﺍ ﺍﻟﻲ ﻫﺠﻢ ﻋﻠﻰ ﺑﻴﺘﻨﻪ ﺟﺎﻥ ﺷﻴﺮﻳﺪ ﻳﺴﻮﻱ ﻣﺎﻋﺮﻑ .. ﻧﺰﻟﺖ ﻣﻜﻠﺖ ﻻﻫﻠﻲ .. ﺧﻔﺖ .. ﺭﺣﺖ ﺑﻔﺮﺍﺷﻲ ﺍﻓﻜﺮ ﺍﻟﺴﺎﻟﻔﻪ ﻣﻮ ﺳﻬﻠﻪ ﻭﻻ ﺭﺍﺡ ﺗﻔﺾ ﻉ ﺧﻴﺮ .. ﺛﺎﻧﻲ ﻳﻮﻡ ﺍﻟﺼﺒﺢ ... ﻛﻌﺪﺕ ﻉ ﺍﻟﻬﻮﺳﻪ .. ﻭﺍﺳﻤﻌﻬﻢ ﻳﺤﺠﻮﻥ ﺑﻌﻄﻮﺓ ﻣﺪﺭﻱ ﺷﻨﻮ .. ﻣﺪﺗﻬﺎ 4 ﺍﻳﺎﻡ .. ﺑﺲ ﻣﺪﺍﻓﺘﻬﻢ ﺷﻲ .. ﻛﻤﺖ ﻣﻦ ﻓﺮﺍﺷﻲ .. ﻏﺮﻓﺘﻲ ﻓﻮﻙ ﻗﺒﻞ ﻻ ﺍﻧﺰﻝ .. ﻃﻠﻌﺖ ﺑﺴﻄﺢ .. ﺍﻟﺴﻴﺎﺭﺍﺕ ﺭﺍﻳﺤﻪ ﻭﺑﺎﺑﻬﻢ .. ﻣﻔﺘﻮﺣﻪ ﺑﺲ ﻣﺎﻛﻮ ﺍﺣﺪ ﻭﻻ ﻫﻮﺳﻪ .. ﺭﺣﻌﺖ ﺳﺪﻳﺖ ﺑﺎﺏ ﺍﻟﺴﻄﺢ .. ﻭﻧﺰﻟﺖ ﺟﻮﺓ .. ﺍﻣﻲ ﻛﺎﻋﺪﺓ ﺑﻠﻜﺎﻉ ﻭﻃﺎﻛﻪ ﺑﺠﻲ .. ﺍﺧﺘﻲ .. ﻫﻢ .. ﻭﺧﺎﻟﻲ ﺍﻟﺼﻐﻴﺮ ﻳﻤﻬﻢ .. ﻣﺎﻣﺎ ﺷﻜﻮ .. ﻣﺘﺤﺠﻲ ﺑﺲ ﺗﺒﺠﻲ .. ﻳﻤﻪ ﺷﺼﺎﺭ .. ﺍﻧﻬﺪﺕ ﺑﻴﻪ ﻭﺣﻴﻞ ﺗﻀﺮﺏ ﻉ ﻭﺟﻬﻬﺎ .. ﻭﺗﻌﻴﻂ ﺭﺑﻲ ﺩﺧﻴﻠﻚ ﺣﻠﻬﺎ ﺍﻟﻨﻪ .. ﺧﺎﻟﻮ ﺷﻜﻮ .. ﻣﺤﺪ ﻳﺤﺠﻲ .. ﻭﺭﺓ ﺷﻮﻳﻪ .. ﻛﺎﻟﻮﻟﻲ .. ﺭﺍﻓﻌﻴﻦ ﺩﻋﻮﺓ .. ﻗﺘﻞ .. ﻉ ﺍﺑﻮﺝ .. ﺑﻌﺘﺒﺎﺭ ﺍﻟﺰﻓﻪ ﻭ ﺍﻟﺮﻣﻲ ﻣﻦ ﺑﻴﺘﻨﻪ .. ﻭﻳﻌﻨﻲ .. ﺍﻣﻲ ﻛﺎﻣﺖ ﺗﻠﻄﻢ .. ﺷﻨﻮ ﻳﻌﻨﻲ .. ﻟﻮ ﻳﻌﺪﻣﻮ ﻟﻮ ﻳﻨﺤﻜﻢ ﻣﺆﺑﺪ .. ﻭﻓﻮﻙ ﻫﺬﺍ ﻣﻨﻄﻴﻦ ﻋﻄﻮﺓ ﺍﻫﻞ ﺍﻟﺒﻨﻴﻪ .. ﺍﺫﺍ ﻣﻜﻌﺪﻧﻪ ﻭﻳﺎﻫﻢ ﻳﻜﺘﻠﻮﻥ ﻣﻨﻪ .. ﻳﻮﻣﻪ .. ﺭﺑﻲ ﺩﺧﻴﻠﻚ .. ﺷﻨﻮ ﻫﺎﻱ .. ﺍﻛﻮ ﻗﺎﻧﻮﻥ ﺍﻛﻮ ﻣﺤﻜﻤﻪ .. ﺧﺎﻟﻲ ﻛﺎﻝ ﺣﺠﻲ ﺍﻟﻤﺤﺎﻣﻲ .. ﻳﻜﻮﻝ ﻓﻀﻮﻫﺎ ﻋﺸﺎﺋﺮﻳﺎ .. ﻭﻳﺒﻘﻰ ﺣﻖ ﺍﻟﻌﺎﻡ ﺍﻧﻲ ﺍﺧﻔﻒ ﺍﻟﺤﻜﻢ ﺑﺲ ﻳﺘﻨﺎﺯﻟﻮﻥ ﻋﻦ ﺍﻟﺪﻋﻮﺓ .. ﻭﺍﻟﻮﻟﺪ ﺑﺎﺟﺮ ﻳﻄﻠﻌﻮﻥ ﺑﺲ ﺍﺑﻮﺝ ﻳﺒﻘﻰ .. ﺯﻳﻦ ﺧﺎﻟﻮ .. ﺷﻨﻮ ﻳﻜﻮﻣﻮﻧﻪ .. ﻭﺍﻟﻠﻪ ﻳﺎﺑﻨﺘﻲ ﻣﺎﻋﺮﻑ ﻃﻠﺒﺎﺗﻬﻢ ﺩﺯﻳﻨﻪ ﻋﺎﻟﻢ .. ﻭﺭﺍﺡ ﻧﻨﺼﺐ ﺟﺎﺩﺭ ﻭﻧﺸﻮﻑ .. ﺑﺎﺟﺮ ﻳﻄﻠﻌﻮﻥ ﺍﻟﻮﻟﺪ .. ﻭﻧﺘﻔﻖ .. ﻭﺍﺫﺍ ﺭﺣﺘﻮ ﺷﺘﻜﻴﺘﻮ ﺍﻧﺘﻮ .. ﻟﻴﺎﻝ ﺍﺳﻜﺘﻲ .. ﻣﺘﻔﻬﻤﻴﻦ ﺷﻲ .. ﻣﺮ ﻋﻠﻴﻨﻪ ﺍﻟﻴﻮﻡ ﺑﺮﻋﺐ .. ﻃﻠﻌﻮ ﺍﻟﻮﻟﺪ .. ﻭﻃﻠﻊ ﺍﻟﻌﺮﻳﺲ .. ﺍﺧﺘﻲ ﺍﺟﺘﻲ ﻋﻤﺘﻲ ﺍﺧﺬﺗﻬﺎ .. ﺍﻟﻤﺴﻜﻴﻨﻪ ﻻ ﺗﻬﻨﺖ ﺑﺰﻓﻪ ﻭﻋﺮﺱ ﺓﻻ ﺷﻲ ﻭﺍﺑﻮﻳﻪ ﺭﺍﺡ ﺑﺴﺠﻦ . ﻭﺑﺎﻗﻲ ﺍﻟﻮﻟﺪ ﻃﻠﻌﻮ .. ﻭﺑﻘﻮ ﻳﺘﺤﻀﺮﻭﻥ ﻉ ﺍﻟﻜﻌﺪﺓ .. ﺍﻧﻲ ﻣﻦ ﻳﻠﺘﻤﻮﻥ ﻳﻤﻨﻪ ﺍﻭﻛﻒ ﺍﺳﻨﻂ .. ﻋﻠﻴﻬﻢ .. ﺍﺳﻤﻊ ﺧﺎﻟﻲ ﻳﻜﻠﻬﻢ . ﺟﺒﺖ ﻧﺎﺱ ﺍﺟﺎﻭﻳﺪ .. ﺭﺍﺡ ﺗﺤﻠﻬﺎ .. ﺑﺲ ﺣﻀﺮﻭ ﻓﻠﻮﺱ ﻭﺍﺭﺿﻮ ﺑﻄﻠﺒﺎﺗﻬﻢ .. ﻫﻨﺎﻙ ﻭﺍﺭﺩ ﺍﺻﻌﺪ ﻓﻮﻙ .. ﺳﻨﻄﻪ .. ﻭﻻ ﻋﺒﺎﻟﻚ ﻣﻴﺖ .. ﺣﺘﻰ ﻓﺎﺗﺤﻪ ﻣﺎﻛﻮ .. ﺑﻬﺎﻱ ﺍﻟﻬﻮﺳﻪ ﺍﺧﺎﺑﺮ ﺳﻴﻒ ﺑﺴﻄﺢ ﻭﺍﻓﺘﻬﻢ ﻣﻨﻪ .. ﻭﺍﺣﺠﻴﻠﻪ ﺍﻟﻲ ﻳﺼﻴﺮ .. ﺳﻴﻒ ﻛﺎﻝ ﻓﺎﺗﺤﺘﻬﻢ ﻣﻮ ﻫﻨﺎ ﺑﻠﻤﺤﺎﻓﻈﺎﺕ ﺳﻮﻫﻪ .. ﻭﺿﻞ ﻳﺴﻮﻟﻔﻠﻲ ﻉ ﺍﻟﻌﺸﺎﻳﺮ ﻭﺍﻟﻔﺼﻮﻝ .. ﺍﻧﻲ ﺍﻭﻝ ﻣﺮﺓ ﺍﺳﻤﻊ ﻭﺍﻋﺮﻑ .. ﺣﺘﻰ ﺳﻴﻒ ﺣﺠﺔ ﻉ ﺍﻫﻠﻲ ﻉ ﻣﻨﺨﻄﻠﺖ ﻭﻱ ﺍﻟﻌﺎﻟﻢ ﻭﻧﺎﺳﺐ ﻣﻨﻬﻢ ﻉ ﺍﻻﻗﻞ ﻳﻮﻛﻔﻮﻥ ﺍﻟﻨﻪ .. ﺑﻘﻴﺖ ﺑﻴﻦ ﺍﺳﻄﺢ ﻭﺑﻴﻦ ﺍﻟﺠﻮﺓ .. ﻛﺎﻣﺖ ﺍﺷﻜﺎﻝ ﻋﺎﻟﻢ ﺍﻃﺐ ﺍﻟﻨﻪ .. ﻣﺎﻋﺮﻑ ﻣﻴﻦ .. ﻭﻳﺎ ﺧﺪﺭﻱ ﺟﺎﻱ ﻳﺎﺟﻴﺒﻲ ﻣﻲ .. ﻫﻠﻜﺖ ﻭﺍﻣﻲ ﻓﺪﻣﺮﺓ ﺗﺎﺫﺕ .. ﻭﺍﻟﻮﻟﺪ ﺭﺍﻳﺤﻴﻦ ﺟﺎﻳﻦ ﻉ ﺍﺑﻮﻳﻪ .. ﻭﻳﺪﺯﻭﻥ ﻋﺎﻟﻢ ﻉ ﺍﻫﻞ ﺍﻟﺒﻨﻴﻪ .. ﺍﻟﻲ ﻣﺎﺗﺖ .. ﻣﺎﻋﺮﻑ ﺷﻮﻥ ﻣﺮﺕ ﺍﻻﺭﺑﻊ ﺍﻳﺎﻡ .. ﺍﻟﻲ ﻓﻬﻤﺘﻪ ﺍﺫﺍ .. ﻣﺎ ﻧﻜﻌﺪ ﻭﻳﺎﻫﻢ .. ﻳﺠﻮﻥ ﻳﻬﺪﻭﻥ ﻋﻠﻴﻨﺔ .. ﻳﻌﻨﻲ .. ﺳﺎﻟﻔﻪ ﻛﺒﺮﺕ .. ﻛﻠﺶ .. ﻭﺍﻟﻜﻞ ﺣﺎﻳﺮ .. ﻋﻤﺎﻣﻲ ﺩﻛﻮ ﺻﺪﺭ .. ﻉ ﺷﻴﺮﺩﻭﻥ ﻧﻨﻄﻲ ﻭﻧﻠﻢ ﻭﻧﻄﻠﻊ .. ﺍﺑﻮﻳﻪ .. ﺻﺎﺭ ﻳﻮﻡ ﺍﻟﻔﺼﻞ .. ﻭﻧﺼﺒﻦ 3 ﺟﻮﺍﺩﺭ .. ﺳﺪﺕ ﺍﻟﻤﻨﻄﻘﻪ ﺣﺘﻰ .. ﺩﻭﺭﻳﺎﺕ ﺷﺮﻃﻪ .. ﻭﻛﻔﺖ .
⤵️
ﺑﻴﻮﻡ ﺍﻟﻔﺼﻞ .. ﺑﻴﺘﻨﻪ ﺻﺎﺭ .. ﺣﺪﻳﻘﻪ ﻋﺎﻣﻪ .. ﻣﻦ ﺍﻟﻌﺎﻟﻢ ﺍﻟﻲ ﺑﻲ .. ﻣﻮ ﺑﺲ ﺑﻴﺘﻨﻪ ﺑﻴﺖ ﺍﻋﻤﺎﻣﻲ ﻫﻢ .. ﻻﻥ ﻗﺮﻳﺐ ﻋﻠﻴﻨﻪ .. ﺍﻧﻲ ﻣﺜﻞ .. ﺍﻟﻘﺮﺩ ﻳﺎﺻﺎﻋﺪﺓ ﻭﻳﺎﻧﺎﺯﻟﻪ .. ﺟﻮﺓ ﺍﺑﺎﻉ ﻋﻠﻴﻬﻢ .. ﺍﺻﻌﺪ ﺍﺳﻤﻊ ﻫﻮﺳﻪ .. ﺍﻧﺰﻝ ﺍﺳﻤﻊ ﻋﻴﺎﻁ .. ﻳﻜﺒﻮﻥ ﻭﻳﺴﻜﺘﻮﻥ .. ﻃﻮﻟﻮ ﻫﻮﺍﻳﻪ ... ﻭﺍﺣﻨﻪ ﺍﻟﻨﺴﻮﺍﻥ ﻧﻜﻤﺰ ﺑﻠﺒﻴﺖ .. ﻭﺍﻟﻮﻟﺪ ﻃﺎﺑﻴﻦ ﻃﺎﻟﻌﻴﻦ ﻋﻠﻴﻨﻪ .. ﻧﺮﻳﺪ ﻧﻔﺘﻬﻢ ﺷﻲ ﻣﺪﺍﻧﻔﺘﻬﻢ .. ﻛﻮﻣﻪ ﻋﺎﻟﻢ ﺍﺟﺖ .. ﺍﻟﻤﻨﻄﻘﻪ ﻧﺴﺪﺕ .. ﺑﻮﻛﺘﻬﺎ ... ﻭﻛﻞ ﺷﻮﻳﻪ ﺍﻣﺪ ﺭﺍﺳﻲ ﻣﻦ ﺍﻟﺴﻄﺢ ﺍﺑﺎﻉ .. ﺭﻳﺎﺟﻴﻞ ﺑﺮﺓ .. ﻭﺟﻮﺓ .. ﻳﻌﻨﻲ ﺟﺘﻲ ﻋﺎﻟﻢ .. ﻛﻮﻣﻪ .. ﺳﻴﺎﺭﺍﺕ .. ﻛﻠﺒﻲ ﺍﻧﻤﺮﺩ ﻉ ﺍﻟﺒﻨﻴﻪ .. ﻣﻦ ﻋﺮﻓﺖ .. ﺗﻮﻫﺎ ﻣﺰﻭﺟﻪ ﻋﺮﻭﺱ ﻭﺷﺎﺑﻪ .. ﻣﺘﺖ ﻗﻬﺮ .. ﻭﻓﺎﺗﺤﺘﻬﻢ ﺑﻴﺖ ﺭﺟﻠﻬﺎ ﺻﺎﺭﺕ .. ﻳﻌﻨﻲ ﻫﺎﻱ ﺍﻟﻄﻠﻘﺎﺕ ﺷﻜﺪ ﻣﻮﺗﺖ ﻋﺎﻟﻢ .. ﻫﻴﺞ ﺑﻼ ﺫﻧﺐ .. ﺭﻏﻢ ﻫﻮﺓ ﺍﺑﻮﻳﻪ ﻭﻋﻤﻲ .. ﺑﻔﺮﺡ ﺳﻮﻫﻪ .. ﺑﺲ ﺻﺎﺭﺕ ﻋﺰﺓ ﻉ ﻏﻴﺮﻧﻪ .. ﻧﺰﻟﺖ ﻋﻴﻮﻧﻲ ﻣﻮﺭﻣﺎﺕ ﻣﻦ ﺍﻟﺒﺠﻲ ﺍﻣﻲ ﻛﺎﻋﺪﺓ ﺑﻠﻤﻄﺒﺦ .. ﺑﻠﻜﺎﻉ .. ﻛﺎﻟﺖ ﺷﺒﻴﺞ .. ﻛﺘﻠﻬﺎ ﻣﻘﻬﻮﺭﺓ ﻉ ﺍﻟﺒﻨﻴﻪ .. ﺷﺎﺑﻪ ﻭﻋﺮﻭﺱ ﻭﻣﺎﺗﺖ .. ﻛﺎﻟﺖ ﻗﺎﺑﻞ ﻗﺼﺪ ﺍﺣﻨﻪ ﻫﺎﻱ ﺍﻟﻌﺎﻟﻢ ﻛﻠﻬﺎ ﺗﺮﻣﻲ ﺑﻠﻌﺮﺱ ﺑﺲ ﻋﻠﻴﻨﻪ ﺻﺎﺭ ﻋﺰﺓ .. ﻛﻌﺪﺕ ﻳﻤﻬﺎ ﻣﺎﻣﺎ ﻋﺮﺱ .. ﻣﻮ ﻋﺮﺱ ﻣﺎﺗﺖ ﺑﻌﺪ .. ﻛﺎﻟﺖ ﺩﺷﻮﻓﻲ ﺷﺴﻮﻭ ﺑﻴﻨﻪ .. ﺍﻫﻠﻬﺎ ﻗﻀﺎﺀ ﻭﻗﺪﺭ .. ﻛﻠﺒﻮﻫﺎ ﻋﻠﻴﻨﻪ ﻭﺍﻟﻠﻪ ﻳﻌﻠﻢ ﻉ ﺷﻨﻮ ﺗﻔﺾ .. ﻻ ﻣﺎﻣﺎ ﺷﻨﻮ ﻗﻀﺎﺀ ﻏﻠﻂ ﻣﻦ ﺑﺎﺑﺎ ﻭﻋﻤﻲ ﺣﺴﺒﻴﻬﺎ ﻫﻴﻔﻴﻦ ﺍﻭ ﺍﻧﻲ ﺑﻌﺮﺳﻬﻢ ﻭﻭﺣﺪﺓ ﻣﻨﺎ ﺗﻤﻮﺕ ... ﺷﺴﻮﻳﻦ .. ﻛﺎﻟﺖ .. ﻛﻮﻣﻲ ﻣﻦ ﻳﻤﻲ ﺍﻧﻌﻞ ﻳﻮﻣﺞ ﺻﻌﺪﺗﻲ ﺍﻟﻀﻐﻂ .. ﻛﻤﺖ ﻣﻦ ﻳﻤﻬﺎ .. ﺍﺑﺎﻉ ﻋﻠﻴﻬﺎ ﻛﺎﻋﺪﺓ ﻭﺗﻀﺮﺏ ﻉ ﺭﺟﻠﻬﺎ ... ﻟﻠﻌﺼﺮ .. ﻃﺒﻮ ﻋﻤﺎﻣﻲ ﻭﺭﻳﺎﺟﻴﻞ ﻭﻳﺎﻫﻢ .. ﻭﺍﻟﻈﺎﻫﺮ ﻓﻀﺖ ﻻﻥ ﺍﻧﻲ ﺟﻨﺖ ﺍﺣﺠﻲ ﻭﻱ ﺳﻴﻒ ﺑﺴﻄﺢ ﻭﻛﺎﻝ ﺑﺪﺕ ﺍﻟﻌﺎﻟﻢ ﺗﺮﻭﺡ ﻳﻌﻨﻲ ﻓﻀﺖ .. ﺳﺎﻟﺘﻪ ﺻﺎﺭ ﻛﻠﻲ ﺭﻭﺣﻲ ﺧﻠﻲ ﺍﻓﺘﻬﻢ .. ﺍﻧﻲ ﻫﻢ ﻧﺰﻟﺖ .. ﺷﻔﺖ ﺧﻮﺍﻟﻲ ﻭﻋﻤﺎﻣﻲ .. ﺑﻠﻬﻮﻝ .. ﻭﻋﻤﻲ ﻻﺯﻡ ﺍﻣﻲ .. ﺑﻠﺒﺎﺏ . ﺍﻟﻬﻮﻝ ﻳﺤﺎﺟﻴﻬﺎ .. ﺟﻴﺖ ﻳﻤﻬﻢ .. ﻛﺎﻝ ﻟﻴﺎﻝ ﺍﺧﺬﻱ ﺍﺧﻮﺍﻧﺞ ﻭﺻﻌﺪﻱ .. ﺷﻜﻮ ﻏﻴﺮ ﺍﻓﺘﻬﻢ .. ﺟﺎﻭﺏ ﺑﻌﺼﺒﻴﻊ ﺻﻌﺪﻱ .. ﺍﻧﻲ ﻫﻢ ﺭﺣﺖ ﺍﺧﺬﺗﻬﻢ .. ﺷﻔﺖ ﻣﺮﺕ ﻋﻤﻲ ﺳﺎﻟﺘﻬﺎ ﺷﻜﻮ .. ﺍﺷﺮﺕ ﻣﺎﺩﺭﻱ .. ﻭﻛﺎﻟﺖ ﻃﺒﻮ ﺍﻋﺼﺎﺏ .. ﺻﻌﺪﺕ ﺍﻟﺠﻬﺎﻝ .. ﻓﻮﻙ .. ﺑﻠﻐﺮﻓﻪ .. ﺿﻠﻴﺖ ﻛﺎﻋﺪﺓ .. ﻃﻠﻌﺖ ﻛﺎﺭﺗﻮﻥ ﻟﻠﺠﻬﺎﻝ ﻭ ﻣﻼﻋﻴﺐ .. ﻭﻛﻠﺖ ﺍﺩﻙ ﻉ ﺳﻴﻒ .. ﺍﺩﻙ ﺍﺩﻙ ﻣﻴﺠﺎﻭﺏ .. ﻭﻳﻦ ﺭﺍﺡ ﻫﺬﺍ ﻣﺤﺪ ﻳﻔﻬﻤﻨﻲ ﺍﻟﻲ ﺻﺎﺭ .. ﺻﻌﺪﺕ ﺑﻠﺴﻄﺢ .. ﺷﻔﺘﻬﺎ ﻓﺎﺿﻪ ﻭﺍﻟﻮﻟﺪ ﺩﻳﻠﻤﻮﻥ .. ﺑﻠﻐﺮﺍﺽ .. ﻳﻤﻪ ﻣﺘﺖ ﺑﺲ ﺍﺭﻳﺪ ﺍﻋﺮﻑ .. ﺭﺩﻳﺖ ﻃﺒﻴﺖ .. ﺭﺣﺖ ﻳﻢ ﺍﻟﺪﺭﺝ ﺍﺭﻳﺪ ﺍﺳﻤﻊ .. ﺑﺲ ﻋﻴﺎﻁ .. ﻫﻨﺎﻙ ﻭﺍﻣﻲ ﻋﺎﻁ .. ﻳﺒﻮﻭﻭ ﻳﺒﻮﻭﻭﻭ .. ﺍﻧﻲ ﻋﻔﺖ ﺍﻟﺠﻬﺎﻝ ﻭﻧﺰﻟﺖ ﺭﻛﺾ .. ﺷﻜﻮ ﻣﻨﻮ ﻣﺎﺕ .. ﺍﺑﺎﻉ ﺍﻟﻮﺟﻮﻩ ﺻﻔﺮ ﻣﺤﺪ ﻳﺤﺠﻲ .. ﺷﻜﻮ .. ﺍﻣﻲ ﻣﻠﺨﺖ ﻭﺟﻬﻬﺎ .. ﻋﺰﺓ ﻣﺜﻞ ﻣﺎﻛﺎﻝ ﺳﻴﻒ ﻳﻜﺘﻠﻮﻥ ﻣﻨﻪ .. ﺧﺎﻟﻲ ﻳﻜﻮﻟﻬﺎ ﺍﺳﻜﺘﻲ ﻋﺎﻟﻢ ﻳﻤﻨﻪ ﻋﻴﺐ .. ﻫﺬﺍ ﻫﻮﺓ ﺍﺭﺿﻮ ﺗﺮﺓ ﻳﻤﻮﺗﻠﺞ ﻭﺍﺣﺪ ﻗﺎﻓﻠﻴﻦ .. ﻫﺬﺍ ﺍﺣﺴﻦ ﺣﻞ .. ﻳﻜﻮﻟﻮﻥ ﻗﺼﺪ ﻛﺘﻠﻮﻫﺎ .. ﺿﻠﺖ ﺍﻣﻲ ﺗﻠﻮﺏ ﻭﺗﺒﺠﻲ .. ﻛﺎﻟﺖ ﻣﻮ ﺍﺧﺬﻭ ﻓﻠﻮﺱ ﻣﺮﺓ ﻟﻴﺶ .. ﺷﻨﻮ ﻣﺮﺓ ﺧﺎﻟﻮ .. ﺍﺭﻳﺪ ﺍﺣﺪ ﻳﻔﻬﻤﻨﻲ ﻛﺘﻠﻮ ﺍﺣﺪ ﻣﻨﻪ .. ﺍﺑﻮﻳﻪ ﻣﺎﺕ .. ﺩﺣﺠﻮ .. ﻛﺎﻝ ﺧﺎﻟﻲ ﻓﺼﻠﻮﻧﻪ ﻣﺮﺓ ﻭﻓﻠﻮﺱ .. ﻣﺮﺓ ﺷﻨﻮ .. ﺧﺎﻟﻮ ﻳﺎﺧﺬﻭﻥ ﻣﻨﻪ ﺑﻨﻴﻪ ﻻﺑﻨﻬﻢ ﺍﻟﻲ ﻣﺎﺗﺖ ﻣﺮﺗﻪ .. ﺍﻧﻲ ﻧﺼﺪﻣﺖ .. ﺷﻨﻮ ﻫﺎﻱ ﻋﻮﺩ ﻭﻣﻴﻦ ﺍﻟﻤﺮﺓ ﺍﻧﺠﻴﺒﻬﺎ ﺍﻟﻬﻢ .. ﺳﻜﺖ ﺧﺎﻟﻲ .. ﻭﻃﺐ ﻳﻢ ﺍﻟﺮﻳﺎﺟﻴﻞ ﻭﻋﻤﻲ ﻫﻢ .. ﺭﺍﺡ .. ﻭﺳﺪﻭ ﺍﻟﺒﺎﺏ .. ﺑﻘﻴﺖ ﻳﻢ ﺍﻣﻲ .. ﺍﺭﻳﺪ ﺍﻓﺘﻬﻢ ﺷﻲ .. ﺍﻣﻲ ﺗﺨﺮﺑﻄﺖ .. ﺻﻌﺪ ﺿﻐﻄﻬﺎ .. ﺍﺧﺬﻭﻫﺎ ﻟﻠﻤﻀﻤﺪ .. ﻋﺮﺱ ﺍﻟﻜﺸﺮﺓ ﺻﺎﺭ .. ﺍﺑﻮﻳﻪ ﺑﺴﺠﻦ .. ﻭﺑﺘﻬﻢ ﻣﺎﺗﺖ ﺍﻣﻲ ﺗﺨﺮﺑﻄﺖ .. ﻭﺧﺴﺮﻧﻪ ﻓﻠﻮﺱ .. ﺟﺎﺑﻮ ﺍﻣﻲ ﻣﺴﺘﻌﺪﻟﻪ .. ﺍﺣﺴﻦ ﺑﺲ ﻣﺎﺑﻴﻬﺎ ﺗﺤﺠﻲ ﻟﻠﻴﻞ ﺍﻟﻌﺎﻟﻢ ﻃﻠﻌﺖ ﻭﺑﻘﻴﻨﻪ ﺑﺲ ﺍﻻﻫﻞ .. ﻭﻛﻌﺪﻭ ﻳﺤﺠﻮﻥ ﺍﻟﻨﻪ .. ﺍﺧﺬﻭ ﻣﺒﻠﻎ ﺟﺒﻴﺮ .. ﻣﻨﻪ .. ﻭﺍﻟﻤﺮﺓ ﺗﺮﺍﺿﻲ ﺑﻴﻦ ﺍﻟﻄﺮﻓﻴﻦ .. ﺣﺘﻰ ﻳﺼﻴﺮ ﺩﻡ ﺑﻴﻨﺎﺗﻨﻪ ﺑﻌﺘﺒﺎﺭ ﺍﻟﻤﺮﺓ ﺗﺨﻠﻒ ﺍﻃﻔﺎﻝ ﻣﻨﻬﻢ .. ﻭﻳﺼﺮﻭﻥ ﺍﻫﻞ .. ﻭﻳﺮﺑﻄﻬﻢ ﺩﻡ ﻭﺍﺣﺪ .. ﻭﺭﺍﺡ ﻳﺘﻨﺎﺯﻟﻮﻥ ﻉ ﺍﻟﺪﻋﻮﺓ .. ﺯﻳﻦ ﺍﻣﻲ ﺷﺒﻴﻬﺎ ﺩﻛﺖ ﻭﻟﻄﻤﺖ .. ﺩﺍﻣﻬﺎ ﺧﻠﺼﺖ .. ﻭﻣﻴﺘﻌﺪﻭﻥ ﻋﻠﻴﻨﻪ .. ﺧﺎﻟﻲ ﻛﺎﻝ ﺍﻟﻤﺮﺓ . ﺍﻱ ﺷﺒﻴﻬﺎ .. ﺷﻮﻓﻮ ﻭﺣﺪﺓ ﻭﺯﻭﺟﻮﻫﺎ .. ﺷﺒﻴﺞ ﻟﻠﻴﺎﻝ ﻏﻴﺮ ﻣﻨﻜﻢ ﺧﻮﻣﺎ ﺍﺟﻴﺐ ﻭﺣﺪﺓ ﻣﻦ ﻏﻴﺮ ﻋﺸﻴﺮﺓ .. ﺍﻧﻲ ﺻﻔﻨﺖ ... ﻭﻋﻘﺠﺖ ﺣﺎﺟﺒﻲ .. ﺍﻱ ﻭﻣﻨﻮ ﻫﺎﻱ ﺑﻠﻪ .. ﻛﺎﻝ ﺍﻧﺘﻲ .. ﻻ ﻭﺍﻟﻠﻪ .. ﺷﻨﻮ ﺧﺎﻟﻮ ﻫﺬﺍ ﻫﻮﺓ ﻓﻀﺖ .. ﺍﻧﺘﻲ ﻭﻓﻠﻮﺱ .. ﺷﻜﺪ ﺣﻠﻮ ﺍﻧﺘﻲ ﻭﻓﻠﻮﺱ ﻣﻮ ﺍﻧﻲ ﺟﻠﺒﻪ .. ﺷﻨﻮ ﻫﻠﺘﺨﻠﻒ ﺍﻟﻲ ﺑﻲ ﺍﻧﺘﻮ ﺷﻨﻮ ﻫﺎﻱ ﻣﺎﻋﺪﻧﻪ ﻫﻴﺞ ﺍﺣﻨﻪ .. ﺍﻧﺖ ﺷﺪﺗﺤﺠﻲ ﺷﻨﻮ ﺍﻧﻲ .. ﻟﻴﺶ ﺍﻧﻲ ﺳﻠﻌﻪ .. ﻭﺗﻨﻄﻮﻧﻲ .. ﻣﺎﺍﻗﺒﻞ ﺷﻨﻮ ﻫﻠﺘﺨﻠﻒ ﻭﺍﻟﻈﻠﻢ ﺍﻟﻲ ﺑﻲ ﻣﺎﻗﺒﻞ .. ﺍﻣﻮﺕ ﺭﻭﺣﻲ ﻭﻣﺎﺭﻭﺡ ﻓﺼﻠﻴﻪ ﻣﺪﺭﻱ ﺷﻨﻮ .. ﺍﻧﻬﺎﺭﻳﺖ .. ﺧﺎﻟﻲ ﻣﻦ ﺷﺎﻓﻨﻲ ﻫﻴﺞ .. ﺟﺮﻧﻲ .. ﻛﻌﺪﻧﻲ ﺍﺳﻤﻌﻲ ﺧﺎﻟﻮ .. ﺣﻞ ﻟﻠﻨﺰﺍﻉ ﺗﺰﻭﺟﻴﻦ ﺍﺑﻨﻬﻢ .. ﻻﺑﻮﺝ ﻭﺍﻫﻠﺞ ﺗﺮﺓ ﻣﺘﻔﺺ ﺍﺑﺪ .. ﻭﺍﻧﺘﻲ ﺧﻮﻣﺎ ﺭﺍﺡ ﻳﺎﻛﻠﻮﺝ ﻻ .. ﻋﻮﺿﻨﻪ ﺍﻫﻠﻬﺎ .. ﻭﻋﻮﺿﻨﻪ ﺭﺟﻠﻬﺎ .. ﺍﻧﺘﻬﻰ ﻭﺭﺍﺡ ﺗﻌﻴﺸﻴﻦ ﻋﺎﺩﻱ .. ﻭﺍﻟﻠﻪ .. ﺍﻧﻲ ﺑﺲ ﻓﺎﺗﺤﻪ ﺣﻠﻜﻲ ﻭﺩﻣﻮﻋﻲ ﺗﺠﺮﻱ .. ﻣﺪﺍﻓﺘﻬﻢ .. ﺧﺎﻟﻮ ﺍﻟﺤﻞ ﺑﺎﻳﺪﺝ ﻭﻫﻠﺰﻟﻢ ﺍﻟﻤﻌﻜﻠﻪ ﻭﻋﻤﺎﻣﺞ ﺭﺿﻮ .. ﻣﻮﻣﺎﻝ ﺗﻜﺴﺮﻳﻦ ﻛﻼﻣﻬﻢ .. ﻭﺍﺑﻮﺝ ﻣﺪﺓ ﻭﻳﻄﻠﻊ ﻭﻣﺎﻛﻮ ﺧﻄﺮ ﻋﻠﻴﻜﻢ .. ﻭﻋﺎﺩﻱ ﻃﻠﻌﻴﻦ ﻭﻃﺒﻴﻦ ﻭﺗﺸﻮﻓﻴﻦ ﺍﻫﻠﺞ ﻣﺜﻞ ﺍﻱ ﺯﻭﺍﺝ .. ﺍﺭﻳﺪ ﺍﺳﺘﻮﻋﺐ ﻛﻼﻣﻪ ﻣﺎﻛﺪﺭ .. ﻋﻔﺘﻪ ﻭﻛﻤﺖ .. ﻃﺒﻴﺖ ﻉ ﺍﻣﻲ ﻛﺎﻋﺪﻳﻦ ﻳﻤﻬﺎ ﻧﺴﻮﺍﻥ .. ﻛﺘﻠﻬﺎ ﺗﺮﺿﻴﻦ .. ﻣﺎﻣﺎ .. ﺑﻠﻲ ﺳﻮﻩ ﺍﻣﻲ ﺑﺲ .. ﺗﺒﺠﻲ ﻭﺟﻮﻱ ﻃﻠﻌﻮﻧﻲ .. ﻋﻮﻓﻴﻬﺎ ﻻﺗﻤﻮﺕ .. ﻛﺘﻠﻬﻢ ﻋﻠﻴﻤﻦ ﺗﻤﻮﺕ ﺍﻧﻲ ﺍﻣﻮﺕ ﺭﻭﺣﻲ ﻣﻮ ﻳﺮﺟﻮﻥ ﻣﻨﻪ .. ﺍﺣﺪ ﻳﻤﻮﺕ ﻫﺴﺔ ﺍﻃﻠﻊ ﺍﺣﺮﻙ ﺭﻭﺣﻲ ﺍﺑﺎﺑﻬﻢ .. ﻭﺭﻛﻀﺖ ﻉ ﺍﻟﻨﻔﻂ ﺟﺮﻳﺖ ﺍﻟﺪﺑﺔ .. ﺟﻮﻱ ﺟﺮﻭﻧﻲ .. ﻭﻛﻌﺪﻭﻧﻲ ﺑﻠﻜﺎﻉ ﺑﻠﻄﺮﻣﻪ .. ﻳﺤﺠﻮﻥ ﻭﻳﺎﻳﻪ ﺍﻧﻲ ﻣﺪﺍﻓﺘﻬﻢ ﻛﻼﻣﻬﻢ ﻭﻻ ﺩﺍﺳﺘﻮﻋﺐ ﺍﻟﻲ ﻳﺼﻴﺮ ﺷﻨﻮ ﻳﺰﻭﺟﻮﻧﻲ ﻟﻮﺍﺣﺪ ﻣﺎﻋﺮﻓﻪ ﺍﺻﻼ .. ﻫﻮﺓ ﺍﻧﻲ،ﺻﻔﻴﺖ ﻧﺴﻮﺍﻥ ﺍﻟﻌﺸﻴﺮﺓ ﻭﻭﻟﺪﻫﺎ ﺣﺘﻰ ﺍﺯﻭﺝ ﺳﻴﻒ .. ﺑﻘﻴﺖ 3 ﺍﻳﺎﻡ ﺑﺲ ﺍﺑﺠﻲ ﻳﺎﻫﻮ ﺍﻟﻲ ﻳﺤﺎﺟﻴﻨﻲ ﻣﺎﺟﺎﻭﺑﻪ .. ﺍﻻ ﺍﻥ ﻭﻛﻌﺖ .. ﻭﺗﻤﺮﺿﺖ .. ﻣﻦ ﺍﻟﻘﻬﺮ .. ﻭﻛﺎﻣﻮ ﻳﺮﻛﻀﻮﻥ ﺑﻴﻪ .. ﺑﻠﺪﻛﺎﺗﺮﺓ .. ﻛﻠﻬﺎ ﺗﻜﻮﻝ ﺣﺎﻟﻪ ﻧﻔﺴﻴﻪ .. ﻭﻋﻼﺝ .. ﺍﻟﻤﺪﺓ 10.. ﺍﻳﺎﻡ ﻭﻳﻮﺩﻭﻧﻲ ﻋﺮﻭﺱ .. ﻟﻠﺠﺤﻴﻢ .. ﺳﻴﻒ ﺍﻧﻜﻄﻌﺖ ﻋﻨﻪ .. ﻣﺎﻋﺮﻑ ﺍﺧﺒﺎﺭﻩ .. ﻭﻻ ﺷﻲ .. ﻓﻮﻧﻲ ﻏﻠﻘﺘﻪ ﻭﺿﻤﻴﺘﺔ .. ﻭﺭﺓ 5 ﺍﻳﺎﻡ ﺍﺳﺘﻌﺪﻟﺖ ﻟﺨﺎﻃﺮ ﺳﻴﻒ ﺍﺭﻳﺪ ﺍﺣﺠﻲ ﻭﻳﺎﻩ ﻳﺸﻮﻓﻠﻲ ﺣﻞ ﺑﻠﻮﺭﻃﻪ ﺍﻟﻲ ﺍﻧﻲ ﺑﻴﻬﺎ .. ﻛﻤﺖ ﺷﻮﻳﻪ ﻉ ﺣﻴﻠﻲ .. ﺑﺲ ﻣﺎﺣﺎﺟﻴﻬﻢ ﺍﺑﺪ .. ﺻﻌﺪﺕ ﻓﻮﻙ .. ﺩﻛﻴﺖ ﻉ ﺳﻴﻒ .. ﺑﺲ ﻛﺎﻝ ﺍﻟﻮ .. ﺍﻧﻲ ﺍﺧﺘﻨﻜﺖ .. ﺑﺠﻴﺖ .. ﻛﺘﻠﻪ ﺳﻤﻌﺖ .. ﺳﻜﺖ ﺍﺳﻤﻌﻪ ﻳﺒﺠﻲ .. ﻛﺎﻝ ﺍﻧﺘﻲ ﻣﻮ ﺍﻱ ﺳﻴﻒ ﺭﺍﺡ ﺍﻣﻮﺕ ﻭﺍﻟﻠﻪ .. ﻳﺒﺠﻲ ﺣﺘﻰ ﺻﻮﺗﻪ ﻣﺎﺳﻤﻌﻪ .. ﺍﻧﻲ ﻫﻢ ﺍﺑﺠﻲ .. ﺟﺮ ﻧﻔﺲ ﻭﺣﺴﺮﺓ ﻃﻮﻳﻠﻪ ﻛﺎﻝ ﻧﻨﻬﺰﻡ .. ﺍﻧﻲ ﻭﻳﺎﺝ ﻭﻋﻮﻓﻲ ﻛﻠﺸﻲ .. ﺍﺧﺬﺝ ﻭﻧﻄﻠﻊ ﻟﺘﺮﻛﻴﺎ .. ﻭﻣﻨﺎﻙ ﻧﻬﺎﺟﺮ .. ﻛﺘﻠﻪ ﻭﺍﻫﻠﻲ .. ﻟﻌﺪ ﺗﺮﺣﻴﻦ ﻓﺼﻠﻴﻪ ﻟﻴﺎﻝ ﻭﻳﻌﻴﻂ .. ﺗﺮﺣﻴﻦ .. ﻭﻟﺞ ﺭﺑﻴﺘﺞ .. ﺑﺎﻳﺪﻱ ﺍﻧﺘﻀﺮﺝ ﺗﻜﺒﺮﻳﻦ .. ﻳﻮﻡ ﻳﻮﻡ ﻣﺜﻞ ﺍﻟﻄﻔﻞ ﺍﺷﺒﺮﺝ .. ﻭﺍﺷﻮﻓﺞ ﻛﺒﺮﺗﻲ ﻭﻟﺞ ﺍﻧﺘﻲ ﺑﻨﺖ ﻛﻠﺒﻲ .. ﻣﺘﺮﺣﻴﻦ ﻣﻨﻲ ﻭﺍﻟﻠﻪ ﺍﻛﺘﻞ ﻣﻨﻜﻢ .. ﻭﺍﻟﻠﻪ ﺍﺣﺮﻙ ﺍﻟﺪﻧﻴﺎ ﻭﻟﺞ ﺩﺍﻣﻮﺕ ﻣﻦ ﺩﺭﻳﺖ ﻟﻠﻴﻮﻡ ﻭﻟﺞ ﻣﻨﻮ ﻳﺎﺧﺬﺝ ﻣﻨﻲ ﻣﻨﻮ .. ﺍﻧﻲ ﺑﺲ ﺍﺑﺠﻲ .. ﻣﺎﻋﺮﻑ ﺷﻜﻮﻟﻪ .. ﻛﺎﻝ ﺑﻴﻮﻡ ﻋﺮﺳﺞ ﺟﻨﺎﺯﺗﻲ ﺗﻄﻠﻊ .. ﻛﺘﻠﻪ ﻣﺎﻋﺮﺱ ﻟﻐﻴﺮﻙ .. ﻛﻀﻴﺖ ﺳﻨﻴﻦ .. ﺍﺧﻂ ﻛﺎﻝ ﺑﻴﻮﻡ ﻋﺮﺳﺞ ﺟﻨﺎﺯﺗﻲ ﺗﻄﻠﻊ .. ﻛﺘﻠﻪ ﻣﺎﻋﺮﺱ ﻟﻐﻴﺮﻙ .. ﻛﻀﻴﺖ ﺳﻨﻴﻦ .. ﺍﺧﻄﻂ .. ﺣﺘﻰ ﻻﺍﺭﻭﺡ ﻟﻐﻴﺮﻙ ﺗﺎﻟﻴﻬﺎ ﻭﻛﻌﺖ .. ﺳﻴﻒ .. ﺩﺍﻛﻮﻟﺞ ﻧﻨﻬﺰﻡ .. ﺍﺧﺎﻑ ﻳﻜﺘﻠﻮﻥ ﻣﻨﻪ .. ﻣﺎﻋﺮﻑ .. ﺍﻟﻲ ﻋﻠﻴﻪ ﺍﻧﺘﻲ .. ﻣﺘﺮﺣﻴﻦ ﻟﻐﻴﺮﻱ .. ﻟﻴﺎﻝ .. ﻭﻟﺞ ﺍﻛﻮ ﻭﺍﺣﺪ ﻳﻨﻄﻲ .. ﺭﻭﺣﻪ .. ﻭﻟﺞ ﻋﻤﺎﻣﺞ ﻟﻴﺶ ﻗﺒﻠﻮ ﺗﺮﺓ ﻟﻮﻛﻮﻫﺎ ﻋﻠﻴﻜﻢ ﻟﻜﻴﻪ .. ﻓﻀﻮﻫﻪ ﺑﻔﻠﻮﺱ ﻭﻟﺞ ﺍﻟﻄﻢ ﺍﺷﻚ ﻫﺪﻭﻣﻲ .. ﺳﻴﻒ .. ﺍﻓﻜﺮ ﺍﻣﻮﺕ ﺭﻭﺣﻲ .. ﻭﺍﺧﻠﺺ .. ﻻ ﺣﺒﻲ ﻧﻨﻬﺰﻡ ﺍﻧﻲ ﻭﻳﺎﺝ ﻭﻧﻌﻴﺶ .. ﺑﻌﻴﺪ ﻋﻦ ﻫﺬﺍ ﺍﻟﺘﺨﻠﻒ ﻭﻟﻚ ﺍﺧﺎﻑ ﻉ ﺍﻫﻠﻲ .. ﻻ ﺗﻜﻔﺮﻳﻨﻪ .. ﻟﻌﺪ ﺗﺮﺣﻴﻦ ﻓﺼﻠﻴﻪ .. ﺍﻟﻠﻪ ﻣﺤﻤﺪ ﻳﻘﺒﻠﻬﺎ .. ﻻ ﻣﺎﺭﻭﺡ ﺍﻛﺘﻞ ﺭﻭﺣﻲ .. ﺍﻱ ﻛﺘﻠﺘﻴﻬﺎ ﻋﺒﺎﻟﺞ ﺗﻔﺾ ﻻ ﻣﺘﻔﺾ .. ﻧﻨﻬﺰﻡ ﺑﺲ ﻛﻮﻟﻲ ﺍﻱ ﺍﺭﺗﺐ ﻛﻠﺸﻲ .. ﻣﺎﻋﺮﻑ .. ﻛﻮﻟﻲ .. ﺍﻱ .. ﺳﻴﻒ ﺍﻫﻠﻲ ﺧﻄﻴﻪ .. ﺍﻣﻲ ﺗﻤﻮﺕ ﻭﺭﺍﻳﻪ .. ﻛﻮﻟﻲ ﺍﻱ .. ﺍﻟﻌﺎﺭ ﻳﺠﻠﺐ ﺑﻴﻬﻢ ﻃﻮﻝ ﺍﻟﻌﻤﺮ .. ﻛﻮﻟﻲ ﺍﻱ .. ﺍﺧﺮ ﻣﺮﺓ ﺍﺳﺎﻟﺞ .. ﺍﻱ ﺳﻴﻒ ﺍﺭﻭﺡ ﻭﻳﺎﻙ .. ﺧﻠﺺ .. ﺍﻧﻲ ﻗﺒﻞ ﺑﻴﻮﻡ ﻣﻦ ﺍﻟﻤﻮﻋﺪ ﻧﻄﻠﻊ ﺍﻧﻲ ﻭﻳﺎﺝ .. ﺟﻴﺒﻲ ﻣﺴﺘﻤﺴﻜﺎﺗﺞ .. ﻭﺍﺷﻴﺎﺀ ﺿﺮﻭﺭﻳﺔ ﺑﺲ .. ﻣﻴﺨﺎﻟﻒ .. ﺑﺲ ﺍﻧﺖ ﻃﺎﻟﺐ ﻛﻠﻴﻪ ﺑﻌﺪﻙ ﻣﻴﻦ ﺍﻟﻚ .. ﻣﻌﻠﻴﺞ .. ﺍﻟﻤﻬﻢ ﺍﻧﺘﻲ ﻳﻤﻲ .. ﻭﻟﺞ ﺍﺣﺒﺞ .. ﻭﻟﺞ ﺫﺑﺤﻮﻧﻲ ﻣﻦ ﺳﻤﻌﺖ ﻭﻟﺞ ﻭﻛﻌﺖ ﻣﻦ ﻃﻮﻟﻲ .. ﻭﺍﻟﻠﻪ .. ﺳﻴﻒ ﺍﻧﻲ .. ﻛﻀﻴﺘﻬﺎ ﺑﻠﻤﺴﺘﺸﻔﻰ ﺍﻋﺮﻑ .. ﺭﻭﺣﻲ ﺭﺗﺒﻲ ﻭﺿﻌﺞ .. ﻭﺍﻧﺘﻈﺮﻱ ﺧﺒﺮ ﻣﻨﻲ .. ﺍﻭﻙ ... ﺳﺪﻳﺘﻪ ﻣﻨﻪ .. ﻭﺑﺪﻳﺖ ﺍﻟﻢ ﺑﻐﺮﺍﺿﻲ .. ﺻﺢ ﺍﺧﺎﻑ ﻉ ﺍﻫﻠﻲ ﺑﺲ .. ﻣﺎﻛﻮ ﻏﻴﺮ ﺣﻞ ﺷﺴﻮﻱ ﺍﻧﻲ .. ﻻﻳﺮﻭﺡ ﻳﻜﺘﻞ ﺭﻭﺣﻪ .. ﻭﺍﻧﻲ ﺍﺣﺒﻪ ﻣﺎﻛﺪﺭ ﺑﺪﻭﻧﻪ .. ﻣﻦ ﻋﻤﺮﻱ 15 ﻭﻳﺎ .. ﺻﺪﻙ ﺭﺑﺎﻧﻲ ﻫﻮﺓ .. ﻉ ﺍﻳﺪﺓ .. ﻭﺻﺮﺕ ﺣﺒﻴﺒﺘﻪ ﻭﺑﻨﺘﻪ .. ﻣﺎﺯﻭﺝ ﻏﻴﺮﺓ .. ﻟﻮ ﺍﻣﻮﺕ ﺭﻭﺣﻲ .. ﻫﻨﻮﺏ .. ﺍﻓﻜﺮ ﺑﺎﻫﻠﻲ ﻭﺍﻣﻲ .. ﺯﻳﻦ ﻫﻤﻪ ﻟﻴﺶ ﻣﺎﻓﻜﺮﻭ ﺑﻴﻪ .. ﻛﻠﻪ ﻋﻤﺮﻱ 18 ﺳﻨﻪ .. ﻭﺍﺣﻠﻢ ﺍﺗﺨﺮﺝ ﻣﻦ ﺍﻟﺴﺎﺩﺱ ﻭﺍﺩﺧﻞ ﻛﻠﻴﻪ ﻭﺍﻋﻴﺶ ﺣﻴﺎﺗﻲ .. ﻭﺍﺣﺐ ﻭﺍﺯﻭﺡ .. ﺳﻴﻒ .. ﻟﻴﺶ ﻳﻜﺘﻠﻮﻥ ﺍﺣﻼﻣﻲ ﻟﻴﺶ ﻳﻐﺼﺒﻮﻧﻲ .. ﻉ ﺯﻭﺍﺝ ﻟﻴﺶ .. ﻻﻧﻲ ﺍﻣﺮﺍﺓ ﻛﻞ ﻫﺬﺍ ﻳﺼﻴﺮ ﺑﻴﻪ
↙️
ﺍﻟﻴﻮﻡ ﺍﻟﺴﺎﺩﺱ .. ﺑﺪﻳﺖ ﺍﺣﻀﺮ ﺑﻐﺮﺍﺿﻲ .. ﻭﻟﻤﻴﺖ ﻛﻢ ﻗﻄﻌﻪ ﻫﺪﻭﻡ .. ﻭﺿﻤﻴﺘﻬﻦ ﺟﻮﺓ ﺍﻟﺠﺮﺑﺎﻳﻪ ... ﺑﺪﻭﻥ ﺍﺣﺪ ﻣﻴﺤﺲ ﻣﻦ ﻳﻮﻡ ﻋﺮﻓﺖ ﺑﺴﺎﻟﻔﻪ ﺍﻟﺰﻭﺍﺝ ﺍﻟﺒﻴﺖ ﺍﻧﻜﻠﺐ .. ﻛﻤﺖ ﻣﺎﻧﺰﻝ ﻳﻤﻬﻢ ﺣﺘﻰ ﺍﻛﻠﻲ ﻳﺼﻌﺪﻭ ﻓﻮﻙ ﺍﻟﻲ ... ﻭﺍﻣﻲ ﻣﻦ ﻣﺮﺿﻪ ﻟﻤﺮﺿﻪ ﻛﻀﻴﺖ ﺍﻻﻳﺎﻡ ﻛﻠﻬﺎ ﺑﻠﻐﺮﻓﻪ .. ﻣﻦ ﻳﺼﻴﺮ ﻣﺠﺎﻝ ﺍﺗﺼﻞ ﺑﺴﻴﻒ .. ﻭﻧﺘﻔﺎﻫﻢ .. ﺍﻣﻲ ﺣﺎﻟﺘﻬﺎ ﺣﺎﻟﺔ .. ﺟﻠﺐ ﺳﻜﺮ ﺑﻴﻬﺎ ﻣﻦ ﺍﻟﻘﻬﺮ ﻭﻛﻠﻤﺎ ﺗﺠﻲ ﻋﻴﻨﻲ ﺑﻌﻴﻨﻬﺎ .. ﻃﻚ ﺑﺠﻲ ﺑﻴﺘﻨﻪ ﺑﻌﺪﺓ ﻳﺮﻭﺵ .. ﺑﻠﻌﺎﻟﻢ .. ﺍﺧﺘﻲ ﻣﻦ ﻃﻠﻌﺖ ﺑﻌﺪ ﻣﺠﺘﻲ .. ﻭﻻ ﺍﻧﻲ ﺑﺤﺎﻝ ﺍﺳﺎﻝ ﻟﻴﺶ .. ﻭﻋﺮﻓﺖ ﻳﻨﺘﻀﺮﻭﻥ ﺍﺭﻭﺡ ﺍﻟﻬﻢ ﻭﻳﺘﻨﺎﺯﻟﻮﻥ ﻋﻦ ﺍﻟﺪﻋﻮﺓ .. ﺑﻘﻴﺖ ﺍﻓﻜﺮ ﺍﺫﺍ ﺍﺭﻭﺡ ﺷﻠﻮﻥ .. ﺭﺍﺡ ﺗﺮﺟﻊ .. ﻣﻼﺣﻢ ﺗﺼﻴﺮ .. ﻟﻮ ﺗﻔﺾ ﺑﺲ ﻛﻠﺖ ﺧﻠﻴﻬﺎ ﺷﺮﻳﺪ ﺍﺳﻮﻱ ﺍﻟﻬﻢ ﺍﻧﻲ .. ﻣﺎﻋﺮﻑ ﺍﺣﺲ ﺩﻣﺎﻏﻲ ﺗﺒﻨﺞ ﻣﻦ ﺍﻟﺘﻔﻜﻴﺮ ﻣﻨﺎ ﺳﻴﻒ .. ﻳﻜﻮﻝ ﺗﻌﺎﻱ .. ﻣﻦ ﺍﺷﻮﻑ ﺍﻫﻠﻲ ﺍﻣﻲ ﻭﻋﻤﺎﻣﻲ ﺍﻧﺘﻬﻮ .. ﺍﺩﻣﺮﺕ .. ﺍﺗﺼﻠﺖ ﺑﺴﻴﻒ .. ﻛﺘﻠﻪ ﺍﺳﺮﻉ .. ﺗﺮﺓ ﻣﺎﺗﺤﻤﻞ ﺑﻌﺪ .. ﻉ ﻟﺤﻀﺔ ﺍﺭﺟﻊ ﺑﻘﺮﺍﺭﻱ .. ﺳﻴﻒ ﻛﻠﻲ .. ﺍﺻﺒﺮﻱ ﻟﻴﺎﻝ .. ﺩﺍﺭﺗﺐ ﻭﺿﻌﻲ .. ﻟﻴﺎﻝ ﺍﻣﻲ ﺭﺍﺡ ﺗﺴﺎﻋﺪﻧﻪ .. ﺷﻠﻮﻥ .. ﺍﻧﻲ ﺗﻔﺎﻫﻤﺖ ﻭﻳﺎﻫﺎ .. ﻭﺍﺭﺡ ﺗﺎﺧﺬﻧﻪ ﻳﻢ ﺧﺎﻟﻬﺎ .. ﺍﻱ .. ﻭﻳﻦ .. ﻋﺎﻳﺶ ﺑﻐﻴﺮ ﻣﺤﺎﻓﻈﻪ ﺍﻫﻨﺎﻙ ﺍﻣﻦ .. ﺑﻴﻦ ﻣﺎﺭﺗﺐ ﺟﻮﺍﺯﺍﺕ ﻭﻫﻴﺞ .. ﺧﻮﺵ ﺳﻴﻒ ﺍﻧﻲ ﺍﻧﺘﻈﺮﻙ .. ﻛﻠﻲ ﺳﺪﻱ ﻭﺷﻮﻳﻪ ﻭﺍﺩﻙ ﻋﻠﻴﺞ .. ﺿﻠﻴﺖ ﺑﻐﺮﻓﺘﻲ .. ﻳﺎﻫﻮ ﺍﻟﻲ ﻳﺠﻲ ﻭﻳﺪﺯ ﻋﻠﻴﻪ ﻣﺎﻃﻠﻊ .. ﺍﻓﻜﺮ ﺷﻠﻮﻥ ﺭﺍﺡ ﺍﻃﻠﻊ ﻭﻫﻮﺓ ﺍﻟﺒﻴﺖ ﻣﺪﺍﻳﻔﺮﻍ ﻣﻦ ﺍﻟﻌﺎﻟﻢ .. ﺷﻠﻮﻥ .. ﺭﺍﺡ ﺍﺩﺑﺮﻫﺎ ﺧﺎﺑﺮ ﺳﻴﻒ .. ﻟﻴﺎﻝ ﺑﺎﺟﺮ ﺑﻠﻴﻞ ﺍﻃﻠﻌﻲ .. ﻣﻦ ﻳﻨﺎﻣﻮﻥ ﺍﻧﻲ ﺍﻧﺘﻈﺮﺝ .... ﻳﻢ ﺑﻴﺘﻨﻪ ﻫﺴﺔ ﺍﺗﻔﻘﺖ ﻭﻱ ﺍﻣﻲ .. ﺷﻠﻮﻥ .. ﻭﻟﻚ ﺍﺧﺎﻑ .. ﻋﻮﻓﻲ ﺍﻟﺨﻮﻑ ﻭﺳﻮﻱ ﺍﻟﻲ ﺍﻛﻮﻟﺔ ﺑﻠﻴﻞ ﺍﻓﻬﻤﺞ .. ﺍﻛﺜﺮ ﺯﻳﻦ ﺯﻳﻦ ﺣﺒﻴﺒﻲ ... ﻣﻦ ﻛﻠﻲ ﻫﻴﺞ ﻧﻌﺼﺮ ﻛﻠﺒﻲ ﻉ ﺍﻣﻲ ﺑﺲ ﻣﺎﺑﻴﺪﻱ ﺷﻲ ﺭﺍﺡ ﻳﺪﻓﻨﻮﻧﻲ .. ﺍﺫﺍ ﺍﺯﻭﺝ ﻏﻴﺮﻩ .. ﻧﺰﻟﺖ ﺟﻮﺓ ﺷﻔﺘﻬﺎ ﻛﺎﻋﺪﺓ ﺑﻠﻜﺎﻉ .. ﺭﺣﺖ ﻋﻠﻴﻬﺎ .. ﻛﻌﺪﺕ .. ﺑﻮﺳﺘﻬﺎ ﻣﻦ ﺍﻳﺪﻫﺎ ﻭﺭﺍﺳﻬﺎ ﻭﺭﺟﻠﻬﺎ .. ﻣﺎﻣﺎ ﻧﻘﺬﻳﻨﻲ .. ﻣﺎﺭﻳﺪ ﺍﺯﻭﺝ ﻫﻴﺞ .. ﺗﻌﺮﻓﻴﻦ ﻛﻠﺒﻲ ﻭﻳﻦ ﻭﻭﻋﺪﺝ ﺍﻟﻴﻪ ﻭﻳﻨﻪ .. ﻻ ﺗﻌﻮﻓﻴﻨﻲ ﻭﺣﺪﻱ .. ﺑﺲ ﺗﺒﺠﻲ .. ﻭﺗﺒﻮﺱ ﺑﻴﻪ .. ﻛﺘﻠﻬﺎ ﻻ ﻋﻤﻲ ﺑﺴﺠﻨﻪ ﻭﻻ ﺍﺑﻮﻳﻪ ﺑﻜﺒﺮﺓ ﻳﺮﺿﺔ ﺑﻠﻲ ﺗﺴﻮ ﺑﻴﻪ .. ﻣﺎﻣﺎ .. ﻣﺎﺭﻳﺪ ﺍﻋﻮﻓﻜﻢ ﻓﺪﻭﺓ ﺧﻠﺼﻴﻨﻲ .. ﺣﺠﺖ ﺻﻮﺗﻬﺎ ﺭﺍﻳﺢ ﻣﻦ ﺍﻟﺒﺠﻲ ﻭﺍﻟﻄﻢ ﻣﻔﺘﻬﻤﺖ ﺷﻲ ﻣﻨﻬﺎ ﺳﻮﺩﺓ ﻋﻠﻴﻪ ﺍﻧﺪﻣﺮﺕ ﻻ ﺑﺪﻳﻬﺎ ﺷﻲ ﻋﻠﻴﻪ ﻭﻻ ﺍﻧﻲ ﺑﻴﺪﻱ ﺷﻲ ﻉ ﻧﻔﺴﻲ ﺿﻠﻴﺖ ﺧﺎﻟﻪ ﺭﺍﺳﻲ ﺑﺤﻀﻨﻬﺎ ﻭﺗﻠﻌﺐ ﺑﺸﻌﺮﻱ ﻭﺩﻣﻮﻋﻬﺎ ﺗﻨﺰﻝ ﻋﻠﻴﻪ ﻭﺗﺤﺎﺟﻴﻨﻲ ﺑﺲ ﻣﺎﻓﺘﻬﻢ ﻻﻥ ﻣﺎﻛﻮ ﺻﻮﺕ ﺑﺲ ﺗﺎﺷﺮ ﺍﻟﻠﻪ ﻳﻮﻛﻔﻠﺞ ... ﻉ ﻛﻌﺪﺗﻲ ﻏﻔﻴﺖ .. ﻣﺤﺴﻴﺖ ﺑﺮﻭﺣﻲ ﺍﻟﻤﻐﺮﺏ ﻛﻌﺪﺕ .. ﻉ ﺻﻴﺎﺡ ﺑﻠﺒﺎﺏ .. ﺷﻔﺖ . ﻧﻔﺴﻲ ﻧﺎﻳﻤﻪ ﻉ ﺍﻟﺠﻮﺩﻟﻴﻪ ﻭﻣﻐﻄﻴﻨﻲ .. ﻛﻤﺖ ﻳﺎﺭﺏ ﺳﺘﺮﻙ ﺷﻜﻮ ... ﺍﺟﺎﻧﻲ ﻋﻤﻲ ﻭﺧﺎﻟﻲ .. ﺍﻟﻲ ﻛﺎﻋﺪ ﻳﻤﻨﻪ ... ﻣﺜﻞ ﺍﻟﻄﻠﻘﻪ .. ﺟﺮﻧﻲ ﻣﻦ ﺷﻌﺮﻱ .. ﻭﺭﺩ ﻛﻌﺪﻧﻲ ﺑﻠﻜﺎﻉ .. ﻧﺰﻝ ﺑﻴﻪ ﻏﻠﻂ . ﺗﺮﻳﺪﻳﻦ ﺗﻔﻀﺤﻴﻨﻪ ﺗﺮﻳﺪﻳﻦ ﺗﻨﻬﺰﻣﻴﻦ .. ﻭﻟﺞ ﺷﻨﺤﺠﻲ ﺷﻨﻜﻮﻝ .. ﺗﺮﻳﺪﻳﻬﺎ ﺻﻴﺮ ﺩﻣﻮﻡ .. ﺍﻟﻠﻪ ﻻ ﻳﻮﻓﻘﺞ .. ﺍﻟﻴﻮﻡ ﻧﺤﺮﻙ ﺑﻴﺖ ﺍﺑﻮ ﺳﻴﻒ .. ﻭﻧﺤﺮﻛﺞ .. ﻭﻟﺞ ﺧﺰﻳﺘﻴﻨﻪ .. ﻣﻀﺮﺑﻮﻧﻲ ﺑﺲ ﺟﺮ ﺷﻌﺮﻱ .. ﺍﻧﻲ ﻛﻌﺪﺕ ﺑﻠﻜﺎﻉ ﺍﺑﺠﻲ .... ﺍﻛﻠﻬﻢ ﺍﻧﻲ ﻣﻮﺳﻠﻌﻪ ﺗﺮﺿﻮﻥ ﺍﻟﻌﺎﻟﻢ ﺑﻴﻬﺎ .. ﺍﻧﻲ ﻣﻮ ﺑﻀﺎﻋﻪ ﻭﻻ ﻓﻠﻮﺱ .. ﺍﻧﻲ ﺑﺸﺮ .. ﻟﻮ ﻋﻠﻤﻮﺩ ﻣﺮﺓ ﺟﻮﺭﻭﻥ ﻋﻠﻴﺔ .. ﺧﺎﻓﻮ ﺍﻟﻠﻪ ﺍﻣﻲ ﻉ ﻫﻠﻬﻮﺳﺔ ﻭﺍﻛﻔﻪ ﻳﻢ ﺭﺍﺳﻲ . ﻭﺩﻓﻊ ﺑﻴﻬﻢ ... ﻭﻛﻌﺖ .. ﺑﻠﻜﺎﻉ ﻭﺟﺴﻤﻬﺎ ﻛﻠﻪ ﺍﺷﻨﺞ ﺣﺘﻰ ﺣﻠﻜﻬﺎ ﺍﻧﻌﻮﺝ .. ﻳﻤﻪ ﻳﻤﻪ ﻣﺎﻣﺎ .. ﻣﺎﻛﻮ ﺷﻠﻮﻥ ﻋﺒﺎﻟﻚ ﺻﺮﻉ .. ﺍﺧﺬﻧﺎﻩ ﺭﻛﺾ .. ﻟﻠﻤﺴﺘﺸﻔﻰ .. ﻭﺭﺣﺖ ﻭﻳﺎﻫﻢ ... ﻛﺒﺎﻝ ﻟﻠﻄﻮﺭﺍﺉ .. ﻗﺎﺳﻮ ﺿﻐﻄﻬﺎ ﻣﺮﺗﻔﻊ .. ﺣﻮﻟﻮﻫﺎ .. ﻋﻨﺎﻳﻪ ﻣﺮﻛﺰﺓ .. ﻋﺮﻓﺖ ... ﻭﻓﺤﻮﺻﺎﺕ .. ﻭﺗﺨﻄﻴﻂ .. ﺿﺎﺭﺑﺘﻬﺎ ﺟﻠﻄﻪ .. ﺑﺲ ﻣﻮ ﻗﻮﻳﻪ .. ﻭﻫﺎﻱ ﺗﺸﻨﺠﺎﺕ ﻣﻦ ﺍﻟﻌﺼﺒﻴﻪ .. ﺍﻣﻲ ﻣﻦ ﺻﺎﺭ ﺍﻟﺤﺎﺩﺙ ﺻﻜﻄﺖ . ﺑﻌﺪ .. ﻭﻛﻌﺖ .. ﺗﺼﺤﻰ ﻳﻮﻡ ﺗﺘﺨﺮﺑﻂ .. ﻋﺸﺮ ﺍﻳﺎﻡ .. ﺑﻘﺖ ﻳﻮﻣﻴﻦ ﺑﻠﻤﺴﺘﺸﻔﻰ .. ﻭﺍﻧﻲ ﺍﺭﻭﺡ ﻭﺍﺭﺟﻊ ﻋﻠﻴﻬﺎ .. ﻭﺍﻟﻜﻞ ﻓﻮﻙ ﺭﺍﺳﻲ ﻻ ﺍﻧﻬﺰﻡ .. ﻻ ﺍﺳﻮﻱ ﺑﺮﻭﺣﻲ ﺷﻲ .. ﻣﺴﻮﻳﺖ ﺷﻲ ﺑﺲ ﺍﺗﺼﻠﺖ ﺑﺴﻴﻒ ﻣﻐﻠﻖ .. ﺍﺭﻳﺪ ﺍﻋﺮﻑ ﻟﻴﺶ ﺍﻣﻪ ﻫﻴﺞ ﺳﻮﺕ ﻣﻮ ﺍﻧﻲ ﻛﺘﻠﻪ ﻧﻨﻬﺰﻡ ﻫﻮﺓ ﻛﺎﻝ .. ﻟﻴﺶ ﻓﻀﺤﺘﻨﻲ .. ﺩﺯﻳﺖ ﺭﺳﺎﻟﻪ ﻟﺴﻴﻒ .. ﺷﻜﺮﺍ ﺍﻟﻚ ﻋﺮﻓﺖ ﺍﻣﻪ ﺟﺎﻳﻪ ﺑﻠﺒﺎﺏ ﺷﻬﺎﺭﺗﻨﻲ ﻟﻮﻟﺪ ﻋﻤﻲ ﻭﺩﺍﻛﻪ ﺑﻴﻮﺕ ﺍﻋﻤﺎﻣﻲ ﺗﻜﻠﻬﻢ ﻟﻴﺎﻝ ﺗﻘﺸﻤﺮ ﺳﻴﻒ ﻫﺰﻣﻨﻲ .. ﺗﺮﻳﺪ ﺗﻮﺭﻁ ﺍﺑﻨﻲ ﻭﻳﺎﻫﺎ .. ﺳﻴﻒ ﺍﺧﺘﻔﻰ .. ﻭﺍﻧﻲ ﺑﻴﻦ ﺍﻟﻒ ﻧﺎﺭ .. ﻧﺎﺭ ﺍﻣﻲ . ﻧﺎﺭ ﺳﻴﻒ .. ﻭﻧﺎﺭﻱ .. ﻣﺎﻋﺮﻑ .. ﻃﻠﻌﺖ ﺍﻣﻲ .. ﻭﻭﻋﺪﺕ ﻧﻔﺴﻲ ﺍﺭﺿﻪ ﻟﺨﺎﻃﺮﻫﺎ .. ﻣﻮ ﻟﺨﺎﻃﺮ ﺍﺣﺪ ﺍﺭﺩ ﺟﻤﻴﻠﻬﺎ ﻭﺟﻤﻴﻞ ﻋﻤﻲ ﺍﻟﻲ ﺭﺑﺎﻧﻲ .. ﻭﺻﺎﺭ ﻳﻮﻡ ﺍﻟﻤﻮﻋﻮﺩ ﺍﻟﻲ ﺍﺭﻭﺡ ﺑﻲ .... ﻳﻮﻡ ﻣﺨﻨﻮﻙ ﻣﺎﺑﻲ ﻗﻄﺮﺓ ﻫﻮﻯ ... ﻛﻌﺪﺕ ﻣﻦ ﺍﻟﻨﻮﻡ .. ﺍﺣﺲ ﺍﻟﺒﻴﺖ ﺍﻇﻠﻢ .. ﻧﺰﻟﺖ ﻉ ﺍﻣﻲ .. ﻛﺘﻠﻬﺎ .. ﻣﺎﻣﺎ ﺍﻧﻲ ﻗﺎﺑﻠﻪ .. ﺍﻫﻢ ﺷﻲ ﺻﺤﺘﺞ .. ﺑﻨﺘﺞ ﺳﺒﺎﻋﻴﻪ .. ﻻ ﺗﻔﻜﺮﻳﻦ ﺑﻴﻪ .. ﺍﺟﻴﺞ ﺑﻴﻮﻡ ﺭﺍﻓﻌﻪ ﺭﺍﺳﻲ .. ﺻﻮﺗﻬﺎ ﺭﺍﺡ .. ﺷﻜﺪ ﺗﺎﺧﺬ ﻋﻼﺝ .. ﺑﺲ ﻣﺒﺤﻮﺡ .. ﻣﺎﺧﻠﻴﺘﻬﺎ ﺗﺒﺠﻲ .. ﺭﺟﻌﺖ ﺍﺻﺮﻑ ﻃﺒﻴﻌﻲ ﻭﺳﻮﻳﺖ ﺭﻳﻮﻙ ﻭﻛﻌﺪﻧﻪ ﺗﺮﻳﻜﻨﻪ .. ﻭﺭﺳﻤﺖ ﻉ ﻭﺟﻬﻬﻲ ﺍﺑﺘﺴﺎﻣﻪ ﺟﺬﺏ .. ﻭﻫﻴﻪ ﺗﻌﺮﻑ ﺟﺬﺏ .. ﻛﻠﺒﻲ ﻣﻌﺼﻮﺭ .. ﻋﺒﺎﻟﻚ ﺍﻟﻴﻮﻡ ﺟﻨﺎﺯﺗﻲ ﺗﻄﻠﻊ ﻣﻦ ﺍﻟﺒﻴﺖ .. ﻛﻤﻠﻨﻪ ﺭﻳﻮﻙ .. ﺍﺟﻮﻱ ﻋﻤﺎﻣﻲ ﻛﺎﻟﻮ ﻳﻼ .. ﺍﻧﻲ ﻛﻠﺒﻲ .. ﻭﻛﻒ ﻣﻦ ﺍﻟﺮﺟﻴﻒ ... ﺍﺣﺴﻪ ﻛﻤﺰ ﻣﻦ ﻣﻜﺎﻧﻲ ... ﻭﺍﻛﻔﻪ ﻳﻢ .. ﺍﻟﺴﻨﻚ .. ﺣﺘﻰ ﺭﻭﺣﻲ ﻧﺨﺮﻃﺖ ... ﻳﻼ .. ﻟﻴﺎﻝ ﻭﺭﺍﻧﻪ ﻃﺮﻳﻖ .. ﻭﻛﻠﻬﺎ ﻻﻣﻲ ﺣﻀﺮﻳﻬﺎ .. ﺍﺧﺬﺕ ﻧﻔﺲ ﻭﻏﻤﻀﺖ ﻋﻴﻮﻧﻲ ... ﻭﻣﺸﻴﺖ ﺻﻌﺪﺕ ﻓﻮﻙ .. ﺑﺎﻳﻪ ﺑﺎﻳﻪ ﺍﺻﻌﺪﻫﺎ .. ﻭﺍﺣﺲ .. ﺍﻟﺪﻧﻴﺎ .. ﺗﺸﺪ ﻋﻠﻴﻪ ﺣﺒﻠﻬﺎ .. ﻭﺍﺻﺒﺮ ﺭﻭﺣﻲ ﺍﻛﻮﻟﻬﺎ .. ﺑﻌﺪﺝ ﺷﻔﺘﻲ .. ﺻﻌﺪﺕ .. ﺳﺪﻳﺖ .. ﺍﻟﺒﺎﺏ .. ﻛﻤﺖ ﺍﺷﻬﻚ .. ﺑﺠﻲ .. ﺟﺮﻳﺖ ﺍﻟﻔﻮﻥ ﻣﻦ ﺟﻮﺓ ﺭﺍﺳﻲ .. ﺩﻛﻴﺖ ﻉ ﺳﻴﻒ ﻣﻐﻠﻖ .. ﺩﻛﻴﺖ ﻉ ﺍﺧﺘﻪ .. ﺟﺎﻭﺑﺖ .. ﺍﻟﻮ .. ﺳﻴﻒ ﻭﻳﻦ .. ﻟﻴﺎﻝ ﻋﻮﻓﻲ ﺑﺤﺎﻟﺔ .. ﺑﺲ ﺍﺣﺎﺟﻲ ﻭﺍﻟﻠﻪ .. ﻣﻮ ﻫﻨﺎ .. ﻭﻳﻦ ﻟﻌﺪ .. ﺳﺎﻓﺮ .. ﺷﻨﻮ .. ﺗﺸﺎﻗﻴﻦ .. ﻟﻴﺎﻝ ﻓﺪﻭﺓ ﻻ ﺗﻮﺭﻃﻲ ﻭﻳﺎﺝ .... ﻭﺍﻟﻠﻪ ﻣﺎﻭﺭﻃﻪ ﺑﺲ ﺍﺣﺎﺟﻲ .. ﻛﺎﻟﺖ ﻟﺤﻀﻪ .. ﺩﻗﺎﻳﻖ .. ﻭﺟﺎﻭﺏ .. ﺍﻟﻮ .. ﺍﻧﻲ ﺍﺑﺠﻲ .. ﻛﺘﻠﻪ ﺍﺣﺒﻚ .. ﺳﺎﻛﺖ .. ﻻ ﺗﻨﺴﺎﻧﻲ ﺑﻴﻮﻡ ﺳﻴﻒ .. ﺍﺣﺒﻚ ﻭﺍﻟﻠﻪ .. ﺍﻧﻲ ﻣﻦ ﺍﻟﻴﻮﻡ ﻣﺘﺖ .. ﻻ ﺗﻜﻮﻝ ﺣﺒﻴﺒﺘﻲ .. ﺯﻭﺟﺖ ﻛﻮﻝ ﻣﺎﺗﺖ .. ﺩﻳﺮ ﺑﺎﻟﻚ ﻉ ﺭﻭﺣﻚ .. ﻭﺳﺪﻳﺘﻪ .. ﺍﻧﻬﺎﺭﻳﺖ .. ﺑﺠﻲ ... ﺷﻮﻳﻪ ﻭﺍﻧﺪﻛﺖ ﺍﻟﺒﺎﺏ .. ﻣﺴﺤﺖ ﻭﺟﻬﻲ .. ﻭﻓﺘﺤﺖ ﺍﻟﺒﺎﺏ .. ﺍﻣﻲ .. ﻃﺒﺖ ﻳﻤﻲ .. ﻛﺘﻠﻬﺎ ﺷﺼﻌﺪﺝ .. ﻣﺎﻣﺎ ﻫﺴﺔ .. ﻧﺎﺯﻟﺔ .. ﻭﻛﻌﺪﺕ ﺍﺑﺪﻝ .. ﻭﺟﺮﻳﺖ ﺟﻨﻄﺘﻲ ﺑﻴﻬﺎ ﻫﺪﻭﻣﻲ ﻭﻏﺮﺍﺿﻲ .. ﻭﻫﻴﻪ ﻛﺒﺎﻟﻲ ﻭﺗﺒﺠﻲ .. ﺳﺎﻋﻪ ﺍﺣﻀﻨﻬﺎ ﻭﺳﺎﻋﻪ ﺍﺑﺠﻲ ﻭﻳﺎﻫﺎ .. ﻛﻤﻠﺖ ﻭﻧﺰﻟﺖ ﺟﻮﺓ .. ﻭﻧﺰﻟﺖ ﻭﻳﺎﻳﻪ ... ﻣﺮﺕ ﻋﻤﻲ ﺫﺑﺖ ﻋﻠﻴﻪ ﻋﺒﺎﻳﺔ .. ﺍﻫﻞ ﺍﻟﻮﻟﺪ ﺑﻐﻴﺮ ﻣﺤﺎﻓﻈﻪ ﻣﻮ ﻣﻨﻪ ... ﻭﺍﻟﻈﺎﻫﺮ ﻃﺮﻳﻘﻨﺔ ﻃﻮﻳﻞ ... ﻭﺩﻋﺘﻬﻢ ... ﻭﺩﻋﺖ ﺍﻫﻠﻲ ﻭﺍﻣﻲ ﻭﺍﺧﻮﺍﻧﻲ .. ﻭﺩﻋﺘﻬﻢ ﻭﺍﺣﺲ ﻧﻔﺴﻲ ﺭﺍﻳﺤﻪ ﻟﻠﻤﺬﺑﺢ .. ﻣﻮ ﺯﻭﺍﺝ .. ﻃﻠﻌﺖ ﻣﻦ ﺍﻟﺒﻴﺖ .. ﺑﻠﺒﺎﺏ ﺣﻀﻨﺖ ﺍﻣﻲ .. ﻣﺎﺭﻳﺪ ﺍﻓﺎﺭﻛﻬﺎ .. ﺑﻌﺪﻧﻲ ﺍﺭﻳﺪﻫﺎ .. ﻣﻮ ﻫﺎﻱ ﺍﻣﻨﻴﺘﻲ .. ﻭﻻ ﻫﺎﻱ ﺍﺣﻼﻣﻲ ... ﻭﺧﺮﺕ ﻋﻨﻬﺎ .. ﻭﺻﻌﺪﺕ ﺑﺴﻴﺎﺭﺓ .. ﺟﺎﻧﺖ ﺩﻧﻴﺎ ﻇﻬﺮ ... ﻭﺍﻟﺠﻮ ﺣﻠﻮ ﺑﻨﻬﺎﻳﻪ ﺍﻟﺘﺎﺳﻊ ﺑﺪﺓ ﻳﻜﺴﺮ .. ﺑﺲ ﺑﻲ ﻏﻴﻢ .. ﻣﺸﺖ ﺍﻟﺴﻴﺎﺭﺓ .. ﻭﺍﻧﻌﺼﺮﺕ ﺭﻭﺣﻲ .. ﻭﺻﻠﻨﻪ ﻟﺒﺎﺏ .. ﺳﻴﻒ .. ﺷﻔﺘﻪ ﻭﺍﻛﻒ .. ﺍﻧﻲ ﺑﺲ ﻭﺻﻠﻨﻪ ﻟﺒﺎﺏ .. ﺳﻴﻒ .. ﺷﻔﺘﻪ ﻭﺍﻛﻒ .. ﺍﻧﻲ ﺑﺲ ﺩﻣﻮﻋﻲ ﺗﻨﺰﻝ .. ﻭﺍﺑﺎﻭﻉ ﻋﻠﻴﻪ .. ﻫﻮﺓ ﻫﻢ ﻳﺒﺠﻲ .. ﺍﺑﺎﻉ ﻉ ﺍﻟﺒﺎﺏ .. ﺷﻜﺪ ﺭﺳﻤﺖ ﺑﻴﻬﺎ ﺍﺣﻼﻡ ﻭﺻﻮﺭ .. ﻫﺬﺍ ﺍﻟﺸﺎﺭﻉ .. ﻳﺸﻬﺪ ﻉ .. ﺣﺒﻲ .. ﻛﻞ ﺷﻲ ﺑﻲ ﺫﻛﺮﻳﺎﺕ .. ﻫﻨﺎ ﺗﺨﺎﻳﻠﺖ ﺯﻓﺘﻨﻪ ﻭﻫﻨﺎ .. ﺟﻬﺎﻟﻨﻪ ﺗﻠﻌﺐ .. ﻭﻫﻨﺎ ﺳﻮﺍﻟﻔﻨﻪ . ﻭﺿﺤﻜﻨﻪ .. ﻟﺤﺪ ﻣﺎﻃﻠﻌﻨﻪ ﺍﻟﻔﺮﻉ .. ﺍﻟﺪﺭﺏ ﺑﻌﻴﺪ .. ﻣﻮ ﺩﺭﺏ ﺯﻭﺍﺝ .. ﺩﺭﺏ ﻣﻮﺕ .. ﺟﻨﺎﺯﺓ ﻭﺭﺍﻳﺤﻴﻦ ﻟﺪﻓﻨﻬﺎ .. ﻣﻦ ﺍﻟﺘﻌﺐ .. ﺍﻧﺎﻡ ﻭﺍﻓﺰ .. ﺍﻟﺨﻮﻑ ﻭﺍﻟﻘﻠﻖ .. ﻭﺍﻟﻬﻢ .. ﺍﻛﻠﻨﻲ .. ﻣﺎﻋﺮﻑ ﺷﺮﺍﺡ ﻳﺼﻴﺮ ﺑﻴﻪ .. ﺗﻤﻨﻴﺖ ﺑﻴﻪ ﺣﻮﺑﻪ .. ﻭﺗﻨﻜﻠﺐ ﺑﻴﻨﻪ ﺍﻟﺴﻴﺎﺭﺓ ﻭﺍﻣﻮﺕ .. ﺿﻠﻴﻨﻪ ﻧﻤﺸﻲ .. ﻟﻠﻤﻐﺮﺏ ﻭﺻﻠﻨﻪ .. ﻭﺻﻠﻨﻪ ﺑﻤﻜﺎﻥ .. ﺯﺭﺍﻋﻲ ﺗﻘﺮﻳﺒﺎ ﻭﻣﻔﺘﻮﺡ .. ﻛﻠﺶ .. ﻃﺒﻴﻨﻪ ﺑﻲ .. ﺷﻔﻨﻪ ﻣﻨﻄﻘﻪ .. ﺑﺮﺍﺱ ﺍﻟﻔﺮﻉ ﺭﻳﺎﺟﻴﻞ ﻛﻮﻣﻪ .. ﻭﺍﻛﻔﻪ .. ﻃﺒﻴﻦ ﺑﺸﺎﺭﻋﻬﻢ .. ﻭﻛﻔﻮ ﺍﻟﺴﻴﺎﺭﺓ .. ﻭﻧﺰﻟﻮ ﻋﻤﻲ ﻭﺧﺎﻟﻲ .. ﺳﻠﻤﻮ ﻋﻠﻴﻬﻢ .. ﺍﻧﻲ ﻛﺎﻋﺪﺓ ﺑﺲ ﺍﺑﺎﻭﻉ .. ﺍﺟﻪ ﻋﻤﻲ ﻧﺰﻟﻨﻲ ﻣﻦ ﺍﻟﺴﻴﺎﺭﺓ .. ﺑﻨﺰﻟﺘﻲ .. ﻛﺎﻣﻮ ﻳﺮﻣﻮﻥ .. ﻃﻠﻘﺎﺕ .. ﺍﻛﺜﺮﻫﺎ .. ﻻﺑﺴﺔ ﺩﺷﺎﺩﻳﺶ ﻭﻋﻜﻞ ... ﺍﺗﻤﻨﻴﺖ ﻃﻠﻘﻪ ﺗﺎﻳﻬﻪ ﻭﺑﻴﻨﻪ ﺗﻮﻛﻊ .... ﻭﺍﺭﺟﻊ ﻻﻫﻠﻲ .. ﻧﺰﻟﺖ ﻣﺸﻴﺖ ﻭﻛﻔﺖ .. ﻳﻤﻬﻢ .. ﻋﻤﻲ ﻳﻜﻮﻟﻪ ﻫﺎﻱ ﺑﻨﺘﻜﻢ .... ﻋﻴﻨﻜﻢ ﻋﻠﻴﻬﺎ .. ﺍﻣﺎﻧﻪ ﺍﻟﻠﻪ ﻭﺭﺳﻮﻟﻪ .. ﻭﻳﺠﺎﺑﻮﺓ .. ﻻ ﺗﺤﺴﺐ .. ﻭﻻ ﺗﻔﻜﺮ .. ﺩﺍﻣﻬﺎ ﻃﺒﺖ ﺑﻴﺘﻨﻪ ﺻﺎﺭﺕ ﻣﻨﻪ ﻭﺑﻴﻨﻪ . ﻭﺍﻟﻴﻮﻡ ﻧﻌﻘﺪ .. ﺍﻟﻬﻢ ... ﺳﻠﻤﻮ ﻋﻠﻴﻪ ﺑﻮﺳﻮﻧﻲ .. ﺍﻧﻲ .. ﺍﺑﺠﻲ .. ﺍﻛﻠﻬﻢ .. ﺭﺟﻌﻮﻧﻲ ﻭﻳﺎﻛﻢ .. ﺧﺎﻟﻲ ﺑﺠﻪ .. ﻋﻠﻴﻪ .. ﻭﺷﻐﻠﻮ ﺳﻴﺎﺭﺗﻬﻢ ﻭﺭﺍﺣﻮ .. ﺣﺎﻟﻲ ﻣﻦ ﺣﺎﻝ .. ﻃﻔﻞ ﻭﺿﻴﻊ ﺍﻣﻪ ﺑﺴﻮﻙ
↙️
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء