رواية لا يا زمن 🔞 الجزء الرابع | النهاية
للكاتبة زينب علي
↙️
ﻛﻌﺪﻧﻪ ﻳﻮﻡ ﺛﺎﻧﻲ . ﻭﻳﺎﺳﻤﻴﻦ ﺑﺎﺗﺖ ﻋﺪﻧﻪ ﻭﺍﻧﻲ ﻓﺮﺣﺎﻧﻪ ﻫﻴﻪ ﻳﻤﻨﻪ ﻉ ﺍﻗﻞ ﺍﺳﻮﻟﻒ ﻭﻳﺎﻫﻪ
ﻭﻃﺒﻌﺎ ﺧﺎﻟﺘﻲ ﺯﻳﻨﻪ ﻭﺗﺴﻮﻟﻒ ﻭﺗﻀﺤﻚ ﻭﺍﻟﺒﻴﺖ ﻛﻠﻪ ﺯﻳﻦ
ﻣﺮ ﺍﺳﺒﻮﻉ ﻭﺍﺣﺪ ﺍﻟﺒﻴﺖ ﺭﺟﻊ ﻣﺜﻠﻤﺎ ﻛﺎﻥ ﻛﻠﻬﻪ ﻛﺎﻟﺒﻪ ﻭﺟﻬﻪ ﻉ ﺷﻨﻮ ﻣﺎﺍﺩﺭﻱ
... ﺍﻭﻑ ﻳﺎﺭﺑﻲ ﺭﺩﺕ ﺭﻳﻤﻪ ﻟﻌﺎﺩﺗﻬﻪ ﺍﻟﻘﺪﻳﻤﻪ
ﻇﻠﻴﺖ ﺍﺣﺎﻭﻝ ﺍﺗﺴﻤﻊ ﺍﻟﻬﻢ ﻻﻥ ﺑﺲ ﻫﺬﺍ ﺍﻟﺤﻞ ﺣﺘﻰ ﺍﻋﺮﻑ ﺑﺸﻨﻮ ﻳﻔﻜﺮﻭﻥ ﻭﺷﻨﻮ ﺍﻟﻠﻲ ﻣﻀﻮﺟﺘﻬﻢ ﺑﻲ ﺍﻧﻲ
ﺻﺪﻓﻪ ﺟﺎﻧﺖ ﻋﺪﻧﻪ ﻳﺎﺳﻤﻴﻦ ﻭﻫﻤﻪ ﻛﻠﻬﻢ ﻛﺎﻋﺪﻳﻦ ﺑﺎﻟﻤﻄﺒﺦ ﺍﻧﻲ ﺩﺧﻠﺖ ﻟﻠﻐﺮﻓﻪ ﺍﺣﻀﺮ ﻣﻼﺑﺲ ﻟﻨﻮﺍﺭ ﻳﺴﺒﺢ ﻭﻃﻠﻌﺖ ﻣﻦ ﺍﻟﻐﺮﻓﻪ ﻣﺎﻳﺪﺭﻭﻥ ﺑﻴﻪ ﻭﺍﺳﻤﻌﻬﻢ ﻳﺤﺠﻮﻥ
ﻃﻠﻌﺖ ﺑﺎﺳﻤﻴﻦ ﻫﻴﻪ ﺍﻟﻠﻲ ﺗﻮﺯﻫﻢ ﻋﻠﻴﻪ !!!!
ﻭﺍﻧﻲ ﻓﺮﺣﺎﻧﻪ ﺑﻴﻬﻪ ﻣﻦ ﺗﺠﻲ ﺍﺛﺎﺭﻱ ﻫﻴﺞ ﺗﻄﻠﻊ
ﺭﺣﺖ ﻛﻌﺪﺕ ﻳﻤﻬﻢ
ﻳﺎﺳﻤﻴﻦ .. ﺗﺪﺭﻳﻦ ﻳﻤﻪ . ﺍﺣﻨﻪ ﺧﺎﻟﺘﻲ ﻣﺎﻧﺨﻠﻴﻬﻪ ﺗﺸﻴﻞ ﺍﻟﻴﺎﺳﻤﻴﻨﻪ ﻣﻦ ﺍﻻﺭﺽ ﻭﻳﻤﺘﻪ ﻛﺎﺗﺤﺠﻲ ﻛﺎﻟﺖ ﺟﺬﺏ ﻣﺜﻞ ﻳﺎﺳﻤﻴﻦ ﺍﺻﻼ ﺧﺎﻟﺘﻲ ﻣﺎﺗﻨﺪﻝ ﺍﻟﻤﻠﺢ ﻭﻳﻨﻪ ﻭﻻﻧﺨﻠﻴﻬﻪ ﺗﺪﺧﻞ ﻣﻄﺒﺦ
ﺍﻡ ﻧﻮﺍﺭ ... ﺍﻱ ﺷﻌﺪﻫﻪ ﺧﺎﻟﺘﺞ ﻫﻨﻴﺎﻟﻬﻪ
ﺍﻧﻲ ﻇﻠﻴﺖ ﺻﺎﻓﻨﻪ ﺷﺒﻴﻬﻢ ﻫﺬﻭﻝ ﺷﻜﺪ ﻣﺘﻨﺎﻗﻀﻴﻦ
ﺑﺲ ﻫﻨﺎ ﻋﺮﻓﺖ ﺍﻧﻮ ﻣﺎﺑﻴﻬﻢ ﺣﺒﻴﺐ ﻛﻠﻬﻢ ﻋﺪﻭ
ﻣﺮﺕ ﺍﻻﻳﺎﻡ ﻭﻃﺒﻴﺖ ﺑﺎﻟﺸﻬﺮﻳﻦ ﺑﺤﻤﻠﻲ ﻇﻠﻴﺖ ﺍﻭﻛﻒ ﻭﻳﺎﻫﻪ ﻣﻦ ﺗﺨﺒﺰ ﺍﺭﻳﺪ ﺍﺣﺎﻭﻝ ﺍﺭﺿﻴﻬﻪ ﻟﺨﺎﻃﺮ ﻧﻮﺍﺭ ﻉ ﺍﻗﻞ ﻣﺜﻠﻤﺎ ﻣﺪﻟﻠﻨﻲ ﻭﻳﺤﺒﻨﻲ ﻟﺨﺎﻃﺮﻩ ﺍﺭﺿﻴﻴﻬﻢ
ﻫﻨﺎ ﺑﺪﺕ ﻧﺴﺎﻭﺗﻲ ﺑﺲ ﻣﻮﻧﺴﺎﻭﺓ ﻇﻴﻴﻴﻢ ﺑﺤﻴﺚ ﻏﺮﻓﺘﻲ ﻣﻦ ﺍﺩﺧﻞ ﺍﺷﻢ ﺭﻳﺤﺔ ﺧﻴﺴﻪ ﺗﻜﺮﻣﻮﻥ . ﻭﺭﺍﺳﻲ ﺻﺪﺍﻉ ﻣﻮﻃﺒﻴﻌﻲ ﺣﺘﻰ ﻣﺎﺑﻴﻪ . ﺍﺣﺠﻲ
ﻛﺮﻫﺖ ﺍﻟﻐﺮﻓﻪ ﻭﻛﺮﻫﺖ ﺍﻟﻔﺮﺍﺵ ﻟﺪﺭﺟﺔ ﺍﻧﻮ ﻧﻮﺍﺭ ﺧﻄﻴﻪ ﻇﻞ ﻳﻔﺮﺷﻠﻨﻪ ﺑﺎﻟﺪﻭﺍﻧﻴﻪ ﻳﺎﻟﻠﻪ ﺍﻛﺪﺭ ﺍﻧﺎﻡ ! ﺑﺲ ﻇﻠﺖ ﺗﺰﻳﺪ ﻣﻦ ﺍﻭﻛﻒ ﺍﺳﻮﻱ ﻋﺸﻪ ﺑﻌﺪ ﺣﺘﻰ ﻭﻛﻔﻪ ﻣﺎﺑﻴﻪ
ﻧﻮﺍﺭ ﺷﺎﻓﻨﻲ ﻫﻴﺠﻲ ﻛﺎﻝ ﺍﻭﺩﻳﺞ ﻳﻢ ﺧﺎﻟﺘﻲ ﺗﺪﻳﺮ ﺑﺎﻟﻬﻪ ﻋﻠﻴﺞ ﻫﻴﺞ ﺗﻤﻮﺗﻴﻦ ... ﻻﻥ ﻳﻌﺮﻑ ﺍﻫﻠﻪ ﻣﺎﻳﺸﻴﻠﻮﻥ ..
ﺻﺪﻙ ﻭﺩﺍﻧﻲ ﻭﻇﻠﻴﺖ ﺷﻬﺮ ﻭﻫﻮﺓ ﺧﻄﻴﻪ ﻛﻞ ﻳﻮﻣﻴﻦ ﻳﺠﻲ ﻳﺒﺎﺕ ﻳﻤﻲ
ﺧﻠﺺ ﺍﻟﺸﻬﺮ ﺷﻮﻳﻪ ﺗﺤﺴﻨﺖ ﺭﺟﻌﻨﻪ ﻟﻠﺒﻴﺖ ﻭﻧﻔﺲ ﺍﻟﻮﺿﻌﻴﻪ ﺭﺟﻌﺖ ﻉ ﺷﻐﻞ ﺍﻟﺒﻴﺖ ﻭﻣﺤﺪ ﻳﺮﺿﻰ ﺑﺲ ﻣﻦ ﻻﺟﺎﺭﻩ . ﻟﺤﺪﻣﺎ ﺍﺑﻮ ﻧﻮﺍﺭ ﺍﺳﺘﻠﻢ ﻓﻠﻮﺱ ﻣﺎﺍﻋﺮﻑ ﻣﺎﻝ ﺷﻨﻮ ﻣﺎﻝ ﻣﺴﺠﻮﻥ ﺍﻭ ﻫﻴﺠﻲ ﺷﻐﻠﻪ . ﻓﻈﻞ ﻳﻜﻤﻞ ﺑﺒﻨﺎﺀ ﺍﻟﺒﻴﺖ
ﺍﻧﻲ ﻫﻨﺎ ﻋﻠﻴﻪ ﺧﺎﻣﺲ . ﻭﺍﻟﺠﺎﺭﻩ ﻧﺎﺯﻟﻪ ﻭﻋﻨﺪﻱ ﺟﺮﺍﺣﻪ ﻟﺪﺭﺟﻪ ﺍﻧﻮ ﺍﻟﺪﻛﺘﻮﺭﻩ ﻣﻨﻌﺖ ﺯﻭﺟﻲ ﻳﺘﻘﺮﺑﻠﻲ ﻧﻬﺎﺋﻴﺎ ﻭﻧﻬﺎﺋﻴﺎ ﻣﺎﺍﺻﻌﺪ ﺳﻴﺎﺭﻩ
ﺯﻳﻦ ﺑﻨﺎﺀ ﻭﻋﻤﺎﻝ
ﺍﻡ ﻧﻮﺍﺭ ﺗﻜﻌﺪ ﺍﻟﺼﺒﺢ ﻭﺍﻛﻌﺪ ﻭﻳﺎﻫﻪ ﺧﺎﻑ ﺗﻜﻮﻝ ﻣﺎﻛﻌﺪﺕ ﻭﻛﻮﺓ ﺍﻛﻮﻡ . ﺑﺲ ﺷﺴﻮﻱ ﺍﺭﻭﺡ ﺍﺳﻮﻱ ﺭﻳﻮﻙ ﻟﻠﻌﻤﺎﻝ ﻧﻮﺏ ﻫﻴﻪ ﺗﻄﺒﺦ ﺍﻟﻐﺪﻩ ﻭﺍﻧﻲ ﻳﻤﻬﻪ ﻭﻧﺼﺒﻠﻬﻢ ﻭﺍﻟﻨﻮﺏ ﻫﻴﻪ ﻭﺭﺟﻠﻬﻪ ﻭﺑﺘﻬﻪ ﺳﻤﺮ ﻳﺪﺧﻠﻮﻥ ﻏﺮﻓﺘﻬﻢ ﻭﻳﻨﺎﻣﻮﻥ ﻭﺍﻧﻲ ﻋﻠﻴﻪ ﺍﻟﻌﺸﻪ ﺍﻋﺸﻲ ﺍﻟﻌﻤﺎﻝ ﻭﺍﻏﺴﻞ ﻣﻮﺍﻋﻴﻦ ﻭﺍﻧﻈﻒ ﻣﻄﺒﺦ ﺑﺤﺪﻱ ﻟﺪﺭﺟﺔ ﺍﺧﻠﻲ ﻳﻤﻲ ﻛﺮﺳﻲ ﻭﺍﻧﻲ ﻭﺍﻛﻔﻪ ﻉ ﻃﺒﺎﺥ ﻛﻞ ﺷﻮﻳﻪ ﻭﺍﻛﻌﺪ
ﻧﻮﺍﺭ ﺟﺎﻥ ﻳﺸﻮﻓﻨﻲ ﻭﻣﺤﺮﻭﻙ ﻛﻠﺒﻪ ﻋﻠﻴﻪ ﺑﺲ ﻣﺎﻳﻜﺪﺭ ﻳﺤﺠﻲ ﺍﺑﻮ ﻳﻤﺰﻗﻪ ﺗﻤﺰﻳﻦ
ﻃﺒﻌﺎ ﺍﻟﺸﻐﻞ ﻃﺎﺡ ﺑﺮﺍﺳﻪ ﻫﻮﺓ ﻻﻥ ﻋﻤﺮ ﺍﺧﻮ ﻳﻈﻞ ﻧﺎﻳﻢ ﻟﺤﺪ ﺳﺎﻋﻪ 12 ﻭﻣﻦ ﻳﻜﻌﺪ ﻳﺘﻐﺪﻩ ﻭﻳﻪ ﺍﻟﻌﻤﺎﻝ ﻭﻳﺸﺘﻐﻞ ﻟﻠﻤﻐﺮﺏ ﻳﺴﺒﺢ ﻭﻳﻄﻠﻊ ﻭﻳﻈﻞ ﻧﻮﺍﺭ ﻟﺤﺪ ﺳﺎﻋﻪ 2 ﺑﺎﻟﻠﻴﻞ ﻳﺤﻀﺮ ﻣﻮﺍﺩ ﺍﻟﺒﻨﺎﺀ ﻭﺍﻟﻎ ﺍﺽ ﻟﻠﻌﻤﺎﻝ ﺍﻧﻲ ﺍﺿﻞ ﻛﺎﻋﺪﻩ ﻭﻳﺎ ﺍﻛﻮﻝ ﺧﻄﻴﻪ
. ﻳﺠﻲ ﻳﻨﺎﻡ
ﺗﺼﻴﺮ ﺳﺎﻋﻪ ﺧﻤﺴﻪ ﻳﺠﻲ ﺍﺑﻮ ﻳﺪﻙ ﺍﻟﺒﺎﺏ ﻳﻜﻌﺪﻩ ﻛﻮﻡ ﺭﺡ ﻳﺠﻮﻥ ﺍﻟﻌﻤﺎﻝ ﻭﻣﺎﻳﺮﻭﺡ ﻟﻌﻢ ﻻﻥ ﻫﺬﺍﻙ ﻣﻠﺴﻮﻝ ﻭﻳﺘﺠﺎﻭﺯ ﻓﻴﺨﺎﻓﻮﻥ ﻣﻨﻪ ﺍﻫﻠﻪ ﻣﻮﻣﺜﻞ ﻧﻮﺍﺭ ﻳﺴﻜﺖ ﻭﻳﺤﺘﺮﻡ
ﻣﺮﺕ ﺍﻻﻳﺎﻡ ﺧﻠﺺ ﺍﻟﺒﻨﺎﺀ ﺍﻧﻲ ﺩﺧﻠﺖ ﺑﺸﻬﺮ ﺍﻟﺴﺎﺩﺱ ﺻﺎﺩﻑ ﺭﺡ ﻳﺼﻴﺮ ﺭﻣﻀﺎﻥ
ﻫﻨﺎ ﺍﻧﻲ ﻣﺎﺍﻋﺮﻑ ﺟﻨﺲ ﺍﻟﻄﻔﻞ ﻻﻥ ﺑﺎﻟﺮﺍﺑﻊ ﻣﺎﺑﻴﻦ ﻭﺻﺎﺭ ﻣﻮﻋﺪ ﺍﻟﻤﺮﺍﺟﻌﻪ ﻛﺎﻟﺖ ﺷﻬﺮﻳﻦ ﻳﺎﻟﻠﻪ ﺗﺠﻴﻦ
ﺭﺣﻨﻪ ﺍﻧﻲ ﻭﻧﻮﺍﺭ ﺍﺧﺬﺕ ﺳﻮﻧﺎﺭ ﻋﺪ ﻋﺴﻞ .. ﺍﻫﻞ ﺍﻟﺒﺼﺮﻩ ﻳﻌﺮﻓﻮﻧﻪ ﺍﺷﻬﺮ ﺳﻮﻧﺎﺭ ...
ﻣﺎﻗﺒﻞ ﻳﻮﺩﻳﻨﻲ ﻻﻱ ﺳﻮﻧﺎﺭ ﻛﺎﻝ ﻫﺬﺍ ﻣﻀﺒﻮﻁ
ﻓﻌﻼ ﺭﺣﻨﻪ ﻛﺎﻝ ﻭﺿﻌﺞ ﺻﺎﻳﺮ ﻃﺒﻴﻌﻲ ﻭﺍﻟﻄﻔﻞ ﻭﻟﺪ
ﺍﻧﻲ ﻃﻠﻌﺖ ﻟﻨﻮﺍﺭ ﻫﻮﺓ ﺟﺎﻥ ﺭﺍﻳﺪ ﺑﻨﻴﻪ ﻃﻠﻌﺖ ﻛﺘﻠﻪ ﻭﻟﺪ ﻃﺎﺭ ﻣﻦ ﺍﻟﻔﺮﺣﻪ .
ﺭﺣﻨﻪ ﻟﻠﺪﻛﺘﻮﺭﻩ ﻛﺎﻟﺖ ﻛﻠﺸﻲ ﺯﻳﻦ ﺑﺲ ﺩﻳﺮﻱ ﺑﺎﻟﺞ ﻋﻨﺪﺝ ﺟﺮﺍﺣﻪ ﻭﺟﺎﻱ ﺭﻣﻀﺎﻥ ﻻﺗﺼﻮﻣﻴﻦ ﺍﺫﺍ ﺗﺎﺫﻳﺘﻲ
ﺍﻧﻲ ﻫﻨﺎ ﻓﺮﺣﺖ ﻣﻦ ﻛﺎﻟﺘﻠﻲ ﺯﻳﻨﻪ ﻛﺘﻠﻪ ﺧﻞ ﻧﺮﻭﺡ ﻟﻠﻌﺸﺎﺭ ﻧﺸﺘﺮﻱ ﻏﺮﺍﺽ ﻛﺎﻝ ﺧﻞ ﻧﺎﺧﺬ ﺗﻜﺴﻲ ﻟﻌﺪ
... ﻧﻮﺭﻱ ﺣﺒﺎﺏ ﺍﺭﻳﺪ ﺍﻣﺸﻲ
ﻧﻮﺍﺭ .. ﻭﻟﺞ ﺧﺎﻑ ﻣﻮﺯﻳﻦ ﻋﻠﻴﺞ ﺳﺘﺮﻱ ﻋﻠﻴﻨﻪ
.. ﻻﺣﺒﻴﺒﻲ ﻫﻴﻪ ﻛﺎﻟﺖ ﺍﻧﺘﻲ ﺯﻧﻪ ﻭﺍﻧﻲ ﺻﺎﺭ ﺷﻬﺮﻳﻦ ﺑﺎﺏ ﺍﻟﺸﺎﺭﻉ ﻣﺸﺎﻳﻔﺘﻪ ﺧﻞ ﻥ ﻭﺡ
ﻧﻮﺍﺭ .. ﺍﻭﻛﻲ ﺑﺲ ﺍﺫﺍ ﺣﺴﻴﺘﻲ ﺑﺎﻱ ﺷﻲ ﻛﻠﻴﻠﻲ ﻧﺎﺧﺬ ﺗﻜﺴﻲ
ﻣﺸﻴﻨﻪ ﻃﺒﻌﺎ ﻣﺴﺎﻓﻪ ﺑﻌﻴﺪﻩ . ﺩﻛﺘﻮﺭﺗﻲ ﺑﺎﻟﺴﻌﺪﻱ .. ﻣﻨﻄﻘﻪ ﺍﺳﻤﻬﻪ ﺍﻟﺴﻌﺪﻱ ﺍﻫﻞ ﺍﻟﺒﺼﺮﻩ ﺑﻴﻜﻢ ﻳﻌﺮﻓﻮﻧﻬﻪ ...
ﺑﻌﻴﺪﻩ ﻋﻦ ﺍﻟﻌﺸﺎﺭ ﺗﻘﺮﻳﺐ ﺛﻠﺚ ﺳﺎﻋﻪ ﻣﺸﻲ ﺍﻭ ﺍﻛﺜﺮ
ﺭﺣﻨﻪ ﻭﺻﻠﻨﻪ ﻟﻠﻌﺸﺎﺭ ﻭﺍﻓﺘﺮﻳﺖ ﺍﺷﺘﺮﺍﻟﻲ ﻏﺮﺍﺽ ﻭﻣﻼﺑﺲ ﻭﻋﻄﻮﺭﺍﺕ ...
ﻫﻨﺎ ﺣﺴﻴﺖ ﺻﺎﺭ ﻋﻨﺪﻱ ﺍﻟﻢ ﻣﺜﻞ ﺍﻟﻢ ﺗﻘﻠﺼﺎﺕ
ﻛﺘﻠﻪ ﺻﻌﺪﻧﻪ ﺳﻴﺎﺭﻩ ﻭﺭﺟﻌﻨﻪ ﻟﻠﺒﻴﺖ
ﻫﻨﺎ ﻛﻨﺎﻟﻬﻢ ﻭﻟﺪ ﻓﺮﺣﻮ ﻭﺑﺎﺭﻛﻮﻟﻲ
ﺟﻌﺖ ﺳﺒﺤﺖ ﻭﺗﻤﺪﺩﺕ ﺑﺲ ﺑﻌﺪﻩ ﺍﻻﻟﻢ ﻛﻠﺖ ﻳﻤﻜﻦ ﻣﻦ ﺍﻟﻤﺸﻲ ﺗﻌﺒﺖ
ﺍﺟﻪ ﻧﻮﺍﺭ ﺑﺲ ﻣﺎﻛﺘﻠﻪ ﺑﻌﺪﻧﻲ ﻣﺘﺎﺫﻳﻪ
ﻧﻮﺍﺭ .. ﻫﺎﺣﺒﻴﺒﻲ ﺧﻮﻣﺎ ﺑﻌﺪﺝ ﻣﺘﺎﺫﻳﻪ
.. ﻫﺎ . ﻻ ﺣﺒﻴﺒﻲ ﻣﺴﺎﻉ ﻻﻥ ﻣﺸﻴﺖ ﻫﺴﻪ ﺯﻳﻨﻪ
ﻧﻮﺍﺭ .. ﺍﻟﺤﻤﺪﻟﻠﻪ
ﺗﻌﺎﻱ ﻟﻌﺪ
... ﻭﻳﻦ ﺍﺟﻲ ﻫﻬﻪ
ﻧﻮﺍﺭ ﻭﻟﺞ ﺍﺷﺘﻌﻞ ﺍﺑﻮ ﺍﺑﻮﻱ ﺷﻬﺮﻳﻦ ﺣﺎﺭﻣﺘﻨﻲ ﻇﺎﻟﻤﺔ ﺍﻟﻨﻔﺲ
.... ﻫﻬﻬﻬﻪ ﻏﻴﺮ ﻋﻠﻤﻮﺩ ﺍﺑﻨﻚ
ﻧﻮﺍﺭ ... ﻭﺍﺑﻨﻲ ﺍﻟﺤﻤﺪﻟﻠﻪ ﺯﻳﻦ ﻭﺍﻟﺪﻛﺘﻮﺭﻩ ﻃﻤﻨﺘﻨﻪ ﺗﻌﺎﻱ
ﻧﻤﺖ ﻉ ﺻﺪﺭﻩ ﻭﻇﻞ ﻳﻠﻌﺐ ﺑﺸﻌﺮﻱ ..... ﻭﻭﻭﻭﻭﻭ
ﻣﺮ ﻳﻮﻣﻴﻦ ﺗﻼﺛﻪ ﺯﺍ ﺩ ﺍﻻﻟﻢ . ﻭﺻﺎﺭ ﺷﻬﺮﻳﻦ ﻣﺮﺍﻳﺤﻪ ﻻﻫﻠﻲ ﻛﺘﻠﻪ ﻭﺩﻳﻨﻲ ﻫﺬﺍ ﺍﻭﻝ ﺭﻣﻀﺎﻥ ﺍﺭﻭﺡ ﺍﺻﻮﻡ ﻳﻮﻣﻴﻦ ﻳﻢ ﺍﻫﻠﻲ ﺯﺗﻌﺎﻝ ﻋﻠﻴﻪ ﺧﻄﻴﻪ ﻣﻜﺎﻧﻲ ﻓﺎﺭﻍ ﻳﻤﻬﻢ
ﻣﺎﺣﺠﻪ ﺷﻲ ﻭﻭﺩﺍﻣﻲ
ﺍﻭﻝ ﻳﻮﻡ ﺻﻤﺖ . ﺛﺎﻧﻲ ﻳﻮﻡ ﻛﻠﺶ ﻃﺤﺖ ﻇﻠﻴﺖ ﺍﻟﺰﻡ ﺑﺎﻟﺤﺎﻳﻂ ﻭﺍﻭﻛﻒ
ﻭﺩﺍﻧﻲ ﺑﺎﺑﺎ ﻟﻠﺪﻛﺘﻮﺭﻩ ﺳﺰﺗﻠﻲ ﺗﺤﺎﻟﻴﻞ ﺻﻔﻨﺖ
ﻛﺎﻟﺖ ﺟﺮﺍﺣﺘﺞ ﺻﺎﺭﻩ 80 ﺷﻠﻮﻥ ﻫﻴﺞ ﺻﻌﺪﺕ ﻟﻴﺶ ﺑﺴﺮﻋﻪ ﺗﺮﺣﻴﻦ ﺗﻔﻄﺮﻳﻦ ﻭﻧﻄﺘﻨﻲ ﺍﺩﻭﻳﻪ ﻛﺎﻟﺖ ﻻﺗﺼﻌﺪﻳﻦ ﻣﺴﺎﻓﻪ ﻃﻮﻳﻠﻪ
ﻫﻴﺠﻲ ﻣﻌﻨﺎﻫﻪ ﺍﻇﻞ ﻳﻢ ﺍﻫﻠﻲ ﻻﻥ ﺑﻴﺖ ﻋﻴﺎﻟﻲ ﺑﻌﻴﺪ
ﻧﻮﺍﺭ ﻣﺎﻛﺎﻝ ﺷﻲ ﻛﺎﻝ ﺍﻫﻢ ﺷﻲ ﺳﻼﻣﺘﺞ ﻇﻠﻲ
ﻇﻠﻴﺖ 3 ﺍﺳﺎﺑﻴﻊ ﻭﻫﻮﺓ ﺑﻴﻦ ﻳﻮﻡ ﻭﻳﻮﻡ ﻳﺠﻴﻠﻲ
ﺧﻠﺺ ﺗﺤﺴﻨﺖ ﻭﺭﺣﺖ ﻭﻃﺒﻌﺎ ﻣﺤﺪ ﻣﻦ ﺍﻫﻠﻪ ﺳﺎﻝ ﻋﻠﻲ
ﺩﺧﻠﺖ ﺑﺸﻬﺮ ﺍﻟﺴﺎﺑﻊ
ﻣﺸﺖ ﺍﻻﻳﺎﻡ ﻧﻔﺲ ﺍﻟﻮﺿﻊ ﻭﻳﺎﻫﻢ
ﺍﻟﻰ ﺍﻥ ﻧﺰﻟﻮ ﻛﻠﻬﻢ ﻟﻠﺒﺼﺮﻩ . ﻣﺪﺓ ﻳﻮﻣﻴﻦ ﻋﻤﻲ ﻋﻨﺪﻩ ﺗﺤﺎﻟﻴﻞ ﻭﺍﺷﻌﻪ ﻋﻠﻤﻮﺩ ﺭﺟﻠﻴﻪ ﻓﻈﻠﻴﻨﻪ ﺍﻧﻲ ﻭﻧﻮﺍﺭ ﺑﺎﻟﺒﻴﺖ ﻭﺣﻤﺎﻱ ﻋﻤﺮ
ﻛﻌﺪﺕ ﺍﻟﺼﺒﺢ ﺳﺒﺤﺖ ﻭﺭﺣﺖ ﺍﺳﻮﻱ ﺭﻳﻮﻙ ﺧﻠﺼﻨﻪ ﺭﻳﻮﻙ ﺑﺲ ﻋﻨﺪﻱ ﺍﻟﻢ ﺷﻨﻮ ﺍﻟﺴﺎﻟﻔﻪ
ﻧﻈﻔﺖ ﻭﺭﺣﺖ ﺍﻃﺒﺦ ﻟﺰﻣﻨﻲ ﺍﻻﻡ ﻣﺎﺍﻛﺪﺭ ﺍﻭﻛﻒ ﺟﺒﺖ ﻛﺮﺳﻲ ﻛﻌﺪﺕ ﻡ ﺍﻟﻄﺒﺎﺥ ﻭﻇﻠﻴﺖ ﺍﻃﺦ ﺳﺎﻋﻪ ﺍﻛﻮﻡ ﻭﺳﺎﻋﻪ ﺍﻛﻌﺪ
ﺣﺘﻰ ﺍﻛﻞ ﻣﺎﺻﺒﻴﺖ ﻧﻮﺍﺭ ﺧﻄﻴﻪ ﻫﻮﺓ ﺻﺒﻠﻨﻪ ﺗﻼﺛﺘﻨﻪ . ﺗﻐﺪﻳﻦ ﻭﺭﺣﺖ ﺍﻧﺎﻡ ﻳﺎﺭﺑﻲ ﺍﻻﻟﻢ ﻳﺰﻳﺪ
ﻛﺎﻝ ﺍﻭﺩﻳﺞ ﺩﻛﺘﻮﺭﻩ ﻛﺘﻠﻪ ﻻ ﻣﺎﺑﻴﻪ ﺷﻲ
ﺻﺎﺭ ﺍﻟﻠﻴﻞ ﻣﺘﺖ
ﺭﺣﻨﻪ ﻳﻤﻨﻪ ﻣﻀﻤﺪﻩ ﺭﺩﺕ ﺍﻋﺮﻑ ﺷﻨﻮ ﺑﻴﻪ ﻟﻮ ﺍﺧﺬ ﻣﺴﻜﻦ . ﻧﻄﺘﻨﻲ ﻣﺴﻜﻦ ﺭﺣﺖ ﺷﺮﺑﺘﻪ ﺻﺪﻙ ﻧﻤﺖ ﺳﺎﻋﻪ ﻭﻓﺰﻳﺖ ﺍﻻﻟﻢ ﻳﺰﻳﺪ
ﺍﻭﻝ ﻃﻔﻞ ﺍﻱ ﻭﻣﺎﺍﻋﺮﻑ
ﺣﺲ ﺑﻴﻪ . ﻭﻛﻌﺪ ﻭﻟﺞ ﺷﺒﻴﺞ
.. ﻣﺎﺍﺩﺭﻱ ﻧﻮﺭﻱ ﻣﺎﺍﺩﺭﻱ ﺷﺒﻴﻪ
ﻧﻮﺍﺭ ... ﻛﻮﻣﻲ ﺍﻭﺩﻳﺞ ﻣﺴﺘﺸﻔﻰ
.. ﻻﻣﺎﺍﺭﻭﺡ ﺍﻟﻤﺘﺴﺸﻔﻰ ﺍﺧﺎﻑ ﻣﻨﻬﻪ ﺑﺎﻟﻠﻴﻞ ﻣﺎﺍﺭﻭﺡ
ﻧﻮﺍﺭ ﻛﻮﻣﻲ ﺧﻞ ﺍﺳﺒﺤﺞ ﺑﻤﺎﻱ ﺩﺍﻓﻲ ﺑﻠﻜﺖ ﺗﺘﺤﺴﻨﻴﻦ
ﺭﺣﺖ ﺳﺒﺤﻨﻲ ﻭﻟﺒﺴﻨﻲ ﻣﻼﺑﺴﻲ ﺑﺲ ﻣﺎﻛﻮ ﺟﺎﻱ ﺍﺯﻳﺞ
ﺻﺎﺭ ﺍﻟﺼﺒﺢ ﻛﺘﻠﻪ ﺧﻞ ﻧﺮﻭﺡ ﻣﺴﺘﻮﺻﻒ ﻳﻤﻨﻪ ﻣﺎﺑﻴﻪ ﺍﺭﻭﺡ ﻟﻠﻤﺴﺘﺸﻔﻰ ﺑﻌﻴﺪﻩ
ﺭﺣﺖ ﻛﺎﻟﻮ ﺍﺭﺗﺎﺣﻲ ﻭﻣﻦ ﻫﺎﻟﺤﺠﻲ ﻣﺎﻛﻮ ﻭﺣﺪﻩ ﻓﺎﺩﺗﻨﻲ ﺑﺸﻲ
ﻧﻮﺍﺭ ... ﻻ ﻫﺎﻱ ﻣﻮﺣﺎﻟﻪ ﺻﺎﺭ ﻳﻮﻣﻴﻦ ﺗﺰﻳﺪﻳﻦ ﻣﺎﺗﻨﻘﺼﻴﻦ . ﺍﻧﻲ ﺷﺒﻴﻪ ﺍﺳﻤﻊ ﻛﻼﻣﺞ ﻭﻣﺎﻭﺩﻳﺘﺞ
ﺍﻟﻌﺼﺮ ﻧﺮﻭﺡ ﻟﻠﺪﻛﺘﻮﺭﻩ ﺧﺎﻑ ﺑﻴﺞ ﺷﻲ
.. ﺍﻧﻲ ﻫﻨﺎ ﻳﻮﻣﻴﻦ ﻛﺎﻣﻼﺕ ﻣﺎﻧﻤﺖ ﺍﺑﺪ ﻭﻻ ﻟﺤﻈﻪ ﻭﻣﻦ ﺷﺪﺓ ﺍﻻﻟﻢ ﺣﺘﻰ ﻣﺎﻛﻮ ﻧﻌﺎﺱ
ﺻﺎﺭ ﺍﻟﻈﻬﺮ ﻛﺎﻝ ﻛﻮﻣﻲ ﺳﺒﺤﻲ ﻭﺧﻞ ﻧﺮﻭﺡ ﻋﻠﻤﺎ ﻧﻮﺻﻞ ﺑﻠﻜﺖ ﺟﺎﻳﻪ ﺍﻟﺪﻛﺘﻮﺭﻩ
ﺩﺧﻠﺖ ﺍﺳﺒﺢ ﻭﺷﻔﺖ ﺩﻡ ﺑﺎﻟﺸﻮﺭﺕ
... ﺻﺨﺎﺍﺍﺍﻡ ﻧﻮﺍﺭ
ﻧﻮﺍﺍﺍﺍﺍﺍﺭ
ﺍﺟﻪ ﻳﺮﻛﺾ ﻫﺎ ﺷﺒﻴﺞ
... ﻭﺍﻧﻲ ﺍﺑﺠﻲ ﻧﻮﺍﺭ ﺩﻡ . ﺷﻔﺖ ﺷﻨﻮﻫﺎﻱ
ﻇﻞ ﺻﺎﻓﻦ ﻉ ﻣﻘﻬﻮﺭ ﻉ ﻣﺼﺪﻭﻡ
... ﻧﻮﺭﻱ ﺷﺒﻴﻚ ﺍﺣﺠﻲ ﻭﻳﺎﻱ
ﻧﻮﺍﺭ .. ﻭﻟﺞ ﻣﺎﻛﻮ ﺍﺣﺪ ﻫﻨﺎ ﺍﺭﻭﺡ ﺍﻟﻤﻦ . ﺍﻭﻛﻔﻲ ﺧﻞ ﺍﺭﻭﺡ ﻟﺰﻭﺟﺔ ﻋﻤﻲ ﺗﺠﻲ ﺗﺸﻮﻓﺞ
ﺳﺒﺤﺖ ﻭﻛﻤﻠﺖ ﻭﺑﺪﻟﻠﺖ ﻭﺍﻧﻲ ﻛﻠﺒﻲ ﻃﺎﺡ ﺑﺎﻻﺭﺽ
ﺍﺟﺖ ﻫﺎﺷﺒﻴﺞ ... ﻣﺎﺍﺩﺭﻱ ﻫﻴﺠﻲ ﺷﻔﺖ
.. ﻳﺎ .. ﻫﻴﻪ ﻋﺮﻓﺖ ﺑﺲ ﻣﺎﺭﺍﺩﺕ ﺗﺨﻮﻓﻨﻲ ﻛﺎﻟﺖ ﺭﻭﺣﻲ ﺩﻛﺘﻮﺭﺗﺞ ﺍﺣﺴﻦ ﺍﻧﺸﺎﻟﻠﻪ ﻣﺎﻛﻮ ﺷﻲ
ﺭﺣﻨﻪ . ﺩﺧﻠﺖ ﻣﺎﺍﻣﺸﻲ ﻫﻮﺓ ﻳﻤﺸﻴﻨﻲ
ﺍﻟﺴﻜﺮﺗﻴﺮﻩ ﻛﺒﻞ ﺩﺧﻠﺘﻨﻲ
ﻇﻠﻴﺖ ﻭﺍﻛﻔﻪ ﻭﻻﺯﻣﻪ ﺭﺟﻠﻲ ﻭﻣﺤﺪﺑﻪ ﻣﺜﻞ ﺍﻟﻠﻲ ﻳﺮﻳﺪ ﻳﺴﺠﺪ . ﻣﻦ ﺷﺎﻓﺘﻨﻲ ﻫﻴﺞ ﻛﺎﻟﺖ ﺗﻌﺎﻱ ﺍﻓﺤﺼﺞ
ﻛﺘﻠﻬﻪ ﻣﺎﻳﺼﻴﺮ ﺍﻧﻲ ﺑﺎﻟﺴﺎﺑﻊ ﺷﻮﻥ ﺗﻔﺤﺼﻴﻨﻲ ﻛﺎﻟﺖ ﻣﻌﻠﻴﺞ ﺧﻠﻴﻬﻪ ﻋﻠﻲ
ﻓﺤﺼﺘﻨﻲ ﻛﺎﻟﺖ ﻣﺎﻣﺎ ﺭﻛﻀﻲ ﻟﻠﻤﺴﺘﺸﻔﻰ ﻋﻨﺪﺝ ﻭﻻﺩﻩ . ﺻﺒﻌﻴﻦ ﻭﻧﺺ
ﺍﻧﻲ ﻫﻨﺎ ﺭﺍﺳﺎ ﺷﻬﻜﺖ ﻭﻇﻠﻴﺖ . ﺍﻟﻄﻢ ... ﺩﻛﺘﻮﺭﻩ ﻳﻌﻨﻲ ﻣﺎﻳﻌﻴﺶ ﻛﻠﻴﻠﻲ
... ﻣﺎﺍﺩﺭﻱ ﺑﻴﺪ ﺍﻟﻠﻪ ﺑﺴﺮﻋﻪ ﺭﻭﺣﻲ ﻻﻳﻄﻚ ﺍﻟﻤﺎﻱ ﻋﻠﻴﺞ
ﻃﻠﻌﺖ ﻟﻨﻮﺍﺭ ﺣﺠﻴﺘﻠﻪ ﺭﺍﺳﺎ ﻓﺎﺭﺕ ﺍﻟﺪﻣﻌﻪ ﻣﻦ ﻋﻴﻤﻪ . ﺑﺲ ﻣﺎﺭﺍﺩﻧﻲ ﺍﺷﻮﻓﻪ
ﺣﻈﻨﻲ ﻭﻛﺎﻝ ﻳﺎﻟﻠﻪ ﺍﻣﺸﻲ ﺧﻞ ﺍﻭﺩﻳﺞ
ﺑﺎﻟﻄﺮﻳﻖ ﺧﺎﺑﺮ ﻻﻣﻪ ﻭﻛﻠﻬﻪ ﺗﺠﻲ ﻭﻧﻄﺎﻧﻲ ﺧﺎﺑﺮﺕ ﻟﺨﺎﻻﺗﻲ ﻛﺘﻠﻬﻢ ﺗﻌﺎﻟﻮﻟﻲ ﺧﺎﻟﺘﻲ ﺧﻄﻴﻪ ﺍﻧﺼﺪﻣﺖ ﻭﻟﺞ ﺷﻠﻮﻥ ﺍﻧﺘﻲ ﺑﺎﻟﺴﺎﺑﻊ
ﺣﺘﻰ ﻣﺎﻣﺎ ﺧﺎﺑﺮﺗﻬﻪ ﺟﺎﻧﺖ ﺑﺎﻟﺴﻮﻙ ﻛﺎﻟﺖ ﻫﺴﻪ ﺍﺟﻴﻠﺞ ﺑﺴﺮﻋﻪ ﺭﺍﺣﺖ ﺍﺷﺘﺮﺕ ﻛﻤﺎﻃﺎﺕ ﻟﻠﻄﻔﻞ ﻻﻥ ﻛﻠﺸﻲ ﻣﺎﻣﺠﻬﺰﻩ
ﺭﺣﺖ ﻟﻠﻤﺴﺘﺸﻔﻰ ﻭﺍﻧﻲ ﺍﺑﺠﻲ
.. ﻭﻟﻚ ﻧﻮﺍﺭ ﺗﻌﺒﻲ ﻛﻠﻪ ﺭﺍﺡ . ﺭﺍﺡ ﻳﺮﻭﺡ ﺍﺑﻦ
ﻧﻮﺍﺭ .. ﻋﻤﺮﻱ ﺍﻫﻢ ﺷﻲ ﺍﻧﺘﻲ ﻳﺮﻭﺡ ﻃﻔﻞ ﻳﺠﻲ ﻋﺸﺮﻩ ﻣﺎﺍﺭﻳﺪ ﺷﻲ ﻣﻦ ﺍﻟﺪﻧﻴﺎ ﻏﻴﺮﺝ
ﺍﻧﻲ ﺍﺑﺠﻲ ﻭﻻﺟﻨﻪ ﻳﺤﺠﻲ ﻭﻳﺎﻱ ﺩﺧﻠﻨﻲ ﻭﺧﺬﻭﻧﻲ ﺑﺎﻟﻜﺮﺳﻲ ﻭﺍﻧﻲ ﺑﺤﺪﻱ ﻭﻣﺎﺍﻋﺮﻑ ﻭﻳﻦ ﺍﺭﺯﺡ
ﺩﺧﻠﺖ ﺧﻄﻴﻪ ﻧﺴﻮﺍﻥ ﺧﺬﻧﻪ ﻟﻠﺪﻛﺘﻮﺭﻩ ﻭﻓﺤﺼﺘﻨﻲ ﻛﺎﻟﺖ ﻇﻠﻲ ﺍﻧﺘﻈﺮﻱ ﻭﺍﻧﻲ ﻫﺘﺎ ﺍﺑﺠﻲ
ﻣﺎﻣﺎ ﻭﺧﺎﻻﺗﻲ ﻭﺻﻠﻦ ﻟﻜﻦ ﻧﻮﺍﺭ ﻛﺎﻋﺪ ﻣﺘﺮﺑﻊ ﺑﺒﺎﺏ ﺍﻟﻤﺴﺘﺴﻔﻰ ﺑﺲ ﺷﺎﻓﻬﻦ
ﻭﻟﺞ ﺧﺎﻟﻪ ﺭﺣﻢ ﺍﻟﻠﻪ ﻭﺍﻟﺪﻳﺞ ﻣﻦ ﺍﺟﻴﺘﻲ . ﺧﺎﻟﻪ ﺍﺳﺎﻭﺭ ﺑﺤﺪﻫﻪ ﺭﻭﺣﻮﻟﻬﻪ ﺧﻄﻴﻪ ﻣﺎﺗﻌﺮﻑ ﺷﺘﺴﻮﻱ ﺣﺒﻮﺑﻪ ﺭﻭﺣﻴﻠﻬﻪ
ﺍﺟﻮﻟﻲ ﻭﺍﻧﻲ ﺍﺑﺠﻲ
ﺍﻟﺪﻛﺘﻮﺭﻩ ﻛﺎﻟﺖ ﻛﻠﺸﻲ ﻣﺎﻧﻨﻄﻴﺞ . ﺑﺲ ﺍﺑﺮﺓ ﺗﻜﻤﻠﺔ ﺍﻟﺮﺋﻪ ﻭﺍﺑﺮﻩ ﺛﺎﻧﻴﻪ ﺍﺫﺍ ﻋﻨﺪﺝ ﻭﻻﺩﻩ ﺗﺴﺮﻋﻬﻪ ﻭﺍﺫﺍ ﻣﺎﻛﻮ ﺗﻬﺪﺋﻴﻦ ﻭﺗﻄﻠﻌﻴﻦ
ﻛﻠﺸﻲ ﻣﺎﻧﻜﺪﺭ ﻧﺴﻮﻱ ﻻﻥ ﺍﻟﻄﻔﻞ ﺿﻌﻴﻒ ﺑﺲ ﻧﺤﻤﻲ ﻃﻠﻮﻛﺞ ﻳﻤﻮﺕ ﻓﺘﻈﻠﻴﻦ ﺍﻧﺘﻲ ﻭﺭﺏ ﺍﻟﻌﺎﻟﻤﻴﻦ ﻳﻤﺘﻪ ﻳﺴﻬﻞ ﻋﻠﻴﺞ ﻳﻮﻡ ﻳﻮﻣﻴﻦ ﺍﻛﺜﺮ ﺍﻗﻞ ﻣﺎﺍﻋﺮﻑ .
ﻇﻠﻴﺖ ﻳﻮﻣﻴﻦ ﻛﻠﺴﺎﻉ ﺍﺭﻭﺡ ﻛﺎﻟﻮ ﺣﺘﻰ ﻓﺤﺺ ﻣﻴﺼﻴﺮ ﻧﻔﺤﺼﺞ ﻭﻻﺗﻤﺸﻴﻦ ﻳﻤﻮﺕ . ﻇﻠﻲ ﻧﺎﻳﻤﻪ ﺻﻔﺢ
ﺍﻧﻲ ﺍﻻﻟﻢ ﻣﻮﺗﻨﻲ ﻣﻦ ﻭﺟﻌﻲ ﻛﺘﻠﻬﻢ ﻣﺎﺍﺭﻳﺪﻩ ﺑﺲ ﺍﺭﻳﺪ ﺍﺭﺗﺎﺡ
ﻇﻠﻴﺖ ﻳﻮﻣﻴﻦ ﺍﻃﻠﻚ ﻭﺍﻟﻲ ﺍﺟﻮ ﻭﻳﺎﻱ ﻃﻠﻌﻮ ﻭﻛﻞ ﻭﺣﺪﻩ ﺑﺪﻫﻪ ﻃﻔﻠﻬﻪ ﻭﺍﻧﻲ ﺑﻌﺪﻧﻲ
ﺍﺧﺮ ﺷﻲ ﺳﺎﻋﻪ ﺳﺒﻌﻪ ﺍﻟﺼﺒﺢ ﻛﺘﻠﻬﻢ ﺍﻟﻄﻔﻞ ﻣﺎﻳﺤﻮ ﻭﺑﻄﻨﻲ ﻧﺰﻟﺖ ﻛﻠﺸﻲ ﺷﻮﻓﻮﻧﻲ
ﻓﺤﺼﺘﻨﻲ ﻛﺎﻟﺖ ﻳﺎﻟﻠﻪ
ﺭﺣﺖ ﻃﻜﻮﻟﻲ ﺍﻟﻤﺎﻱ ﻭﺗﺮﻛﻮﻧﻲ ﻭﺭﻩ ﺛﻠﺚ ﺳﺎﻋﻪ ﻳﺎﻟﻠﻪ ﺍﺟﻦ
ﺟﻴﺒﺘﻲ ﻭﺧﺬﻭ ﺍﻟﻄﻔﻞ ﻛﺎﻟﺖ ﺷﻮﻓﻲ ﺗﺮﻩ ﺍﺑﻨﺞ ﻣﻴﺖ ﻣﻮﺗﻜﻮﻟﻴﻦ ﻣﺎﺑﻲ ﺷﻲ ﺗﺎﻟﻲ
ﺍﻧﻲ ﻫﻨﺎ ﺷﻮﻥ ﺍﻟﻤﺨﺪﺭﻩ ﻣﺎﺍﺣﺲ ﺑﻴﻬﻪ ﺷﺘﺤﺠﻲ ﻣﻦ ﺍﻟﻮﺟﻊ ﻭﺻﺎﺭ ﺍﺍﺭﺑﻌﺔ ﺍﻳﺎﻡ ﻣﺎﻧﺎﻳﻤﻪ
ﺧﻴﻄﺘﻨﻲ ﻭﻛﻤﻠﺘﻨﻲ ﻭﻃﻠﻌﻮﻧﻲ ﻟﻠﻐﺮﻓﻪ . ﻃﺒﻌﺎ ﻧﻮﺍﺭ ﺣﺮﻙ ﺍﻟﻨﻘﺎﻻﺕ ﻋﻠﻴﻬﻢ ﻛﻠﺴﺎﻉ ﻳﺨﺎﺑﺮ ﺍﻧﻲ ﺍﺳﻤﻌﻬﻢ ﻳﺤﺠﻮﻥ ﻭﻳﺎ ﺑﺲ ﻣﺎﻟﻲ ﺧﻠﻚ
ﻭﻛﻠﻤﺎ ﻳﺨﺎﺑﺮ ﻣﺎﻳﺴﺎﻝ ﻉ ﻃﻔﻞ ﺭﻏﻢ ﺟﺎﻥ ﻣﻴﺖ ﻉ ﺷﻮﻓﺘﻪ ﺑﺲ ﻣﻦ ﺣﺲ ﺍﻛﻮ ﺧﻴﺎﺭﻳﻦ ﻟﻮﺣﻴﺎﺗﻲ ﻟﺰ ﺣﻴﺎﺗﻪ . ﻇﻞ ﻳﺴﺎﻝ ﺑﺲ ﻋﻠﻴﻪ ﻛﺎﻝ ﺍﻟﻤﻬﻢ ﻫﻴﻪ ﻣﺎﺍﺭﻳﺪ ﺍﻟﻄﻔﻞ
ﻛﻠﻮﻟﻪ ﻃﻠﻠﻌﺖ ﻭﻫﺴﻪ ﻧﺎﻣﺖ ﺑﺲ ﺟﻴﺒﻠﻬﻪ ﺍﻛﻞ
ﻛﻌﺪﺕ ﻣﻦ ﺍﻟﻨﻮﻡ ﻛﺎﻟﻮ ﺭﺡ ﻳﺘﺨﺒﻞ ﻋﻠﻴﺞ ﺧﺎﺑﺮﻱ
ﺧﺎﺑﺮﺗﻪ
... ﺑﺼﻮﺕ ﻧﺎﺻﻲ ﻫﺎﺣﺒﺒﻲ ﻫﺎﻱ ﺍﻧﻲ
ﻧﻮﺍﺭ ... ﻭﻟﺞ ﺍﻭﻭﻭﻑ ﻣﻮﺗﻴﻨﻲ ﻃﻠﻌﺘﻲ ﺭﻭﺣﻲ ﺍﻟﺤﻤﺪﻟﻠﻪ ﻉ ﺳﻼﻣﻪ ﻋﻤﺮﻱ ﺷﻠﻮﻧﺞ . ﻫﻬﺴﻪ
.. ﺍﻟﺤﻤﺪﻟﻠﻪ ﺍﺣﺴﻦ
. ﻧﻮﺍﺭ . ﻛﻮﻟﻲ ﺷﺘﺮﻳﺪﻳﻦ ﺍﺟﻴﺒﻠﺞ ﺷﻨﻮ ﻣﺸﺘﻬﺒﻪ ﺑﺲ ﺍﺣﺠﻲ
.. ﺣﺒﻴﺒﻲ ﻣﺎﺍﺭﻳﺪ ﺟﻴﺒﻠﻲ ﻟﻔﺎﺕ ﻓﻼﻓﻞ
ﻧﻮﺍﺭ .. ﻳﺎﺍ ﺗﺤﺠﻴﻦ ﺻﺪﻙ ﺍﻛﻮ ﻭﺣﺪﻩ ﺟﺎﻳﺒﻪ ﺗﺮﻳﺪ ﻓﻼﻓﻞ
ﺍﺟﻴﺒﺎﺝ ﻗﻮﺯﻱ ﻟﻮ ﺗﺮﺩﻳﻦ ﺩﺟﺎﺝ
... ﻻﻻﻻ ﻣﺎﺑﻴﻪ ﺍﻛﻞ ﺟﻴﺐ ﺗﻜﻪ ﺍﺫﺍ ﻫﻴﺞ ﻣﺎﺍﺭﻳﺪ ﺷﻲ
ﺧﻄﻴﻪ ﺟﺎﺏ ﺻﻮﺍﻧﻲ ﻛﺒﺎﺏ ﻭﺗﻜﻪ ﻭﺑﻴﺘﺰﺓ ﻭﺑﺒﺴﻲ ﻭﻋﺼﺎﻳﺮ ﺍﻟﻲ ﻭﻟﺨﺎﻻﺗﻲ
ﺍﻛﻠﺖ ﻛﺎﻟﻮ ﻧﻄﻠﻊ
.. ﺍﻛﻠﻠﻜﻢ ﺷﻮ ﺍﻧﻲ ﻣﺤﺪ ﺷﻮﻓﻨﻲ ﺍﺑﻨﻲ ﻭﻳﻨﻪ
ﻣﺎﻣﺎ .. ﺍﻟﺤﻤﺪﻟﻠﻪ ﺯﻳﻦ ﺑﺲ ﺑﺎﻟﺨﺪﺝ
.. ﺻﺪﻙ ﻳﻌﻨﻲ ﻣﺎﺍﺧﺬﻩ ﻭﻳﺎﻱ
ﻣﺎﻣﺎ ... ﻻﻳﻤﻪ ﻭﻳﻦ ﺗﺎﺧﺬﻱ ﺍﻧﺸﺎﻟﻠﻪ ﻳﺼﻴﺮ ﺯﻳﻦ ﻭﻧﺎﺧﺬﻩ
ﻇﻠﻴﺖ ﺍﺑﺠﻲ ﺷﻠﻮﻥ ﻛﻞ ﺍﻟﺒﻨﺎﺕ ﺑﻴﺪﻫﻪ ﺍﺑﻨﻬﻪ ﻭﺗﻄﻠﻊ ﺍﻻ ﺍﻧﻲ ﻃﻠﻌﺖ ﻭﺟﻬﻲ ﻓﺎﻫﻲ
ﻇﻠﻴﻨﻪ ﻧﻮﺻﻲ ﻋﻠﻴﻪ ﻭﻧﻄﻴﻨﻪ ﻓﻠﻮﺱ ﻭﻧﻮﺍﺭ ﻛﻤﻞ ﺍﻭﺭﺍﻗﻪ
ﻭﺻﻌﺪﺕ ﻭﻳﺎ ﺍﻣﻪ ﻛﻠﺘﻠﻬﻢ ﺍﻧﻲ ﺍﻡ ﺍﺑﻮ ﺍﺭﻳﺪ ﺍﺷﻮﻓﻪ ﻳﺠﻮﺯ ﺗﻐﻴﺮﻭﻧﻪ . ﻭﻓﻌﻼ ﺷﺎﻓﺘﻪ ﻭﻃﻠﻌﻨﻪ
ﻃﻠﻌﻮﻧﻲ ﻳﻢ ﺍﻻﺳﺘﻌﻼﻣﺎﺕ ﻧﻮﺍﺭ ﺷﺎﻓﻨﻲ ﺍﺟﺎ ﺑﺎﺱ ﺭﺍﺳﻲ ﺑﻨﺺ ﺍﻟﻨﺎﺱ
ﺣﺘﻰ ﺧﺎﻻﺗﻲ ﻇﻠﻦ ﻳﻀﺤﻜﻦ ﻳﻤﻪ ﻳﻤﻪ . ﺷﻮﻥ ﻳﺤﺒﻬﻪ ﺍﻟﻠﻪ ﻳﺨﻠﻴﻬﻪ ﺍﻟﻚ
ﻧﻮﺍﺭ .. ﺧﺎﻟﻪ ﺷﻌﻨﺪﻱ ﻏﻴﺮﻫﻪ ﻏﻴﺮ ﺭﺍﺩﺕ ﺗﻤﻮﺗﻨﻲ
ﻇﻠﻌﻨﻪ ﺭﺣﻨﻪ ﻟﺒﻴﺖ ﺍﻫﻠﻲ ﻭﻫﻮﺓ ﺷﺎﻳﻠﻨﻲ ﻭﻇﻞ ﻭﻳﺎﻱ
ﻭﺻﻠﻨﻪ ﻭﻧﻤﺖ ﺑﺲ ﻛﻠﺴﺎﻉ ﺍﺣﺲ ﺑﻲ ﻳﺠﻲ ﻳﺒﺎﻭﻋﻠﻲ ﻭﻳﺮﻭﺡ
ﻛﻌﺪﺕ ﺑﺎﻟﻠﻴﻞ ﻫﻮﺓ ﻣﺎﻣﺎﻛﻞ ﻟﺤﺪﻣﺎ ﺍﻛﻌﺪ . ﺻﻚ ﻣﺎﻣﺎ ﺟﺎﺑﺖ ﺍﻛﻞ ﻭﺍﻛﻞ ﻭﻳﺎﻱ ﺯﻫﻮﺓ ﻭﻛﻠﻨﻲ
ﻧﻮﺍﺭ .. ﻣﺎﺗﺴﺒﺤﻴﻦ ﺧﻞ ﺍﺳﺒﺤﺞ ﺑﻴﺞ ﺣﻴﻞ
.. ﻣﺎﺍﺩﺭﻱ ﺍﻟﺨﻴﺎﻁ ﻣﻮﺗﻨﻲ
ﻧﻮﺍﺭ .. ﻣﻴﺨﺎﻟﻒ ﺷﻮﻳﻪ ﺑﺲ ﺣﺘﻰ ﺗﺮﺗﺎﺣﻴﻦ
ﺻﺪﻙ ﺭﺣﻨﻪ ﻭﺳﺒﺤﻨﻲ ﺑﺲ ﺍﻇﻞ ﺑﺎﻟﺴﻮﺭﺕ ﻫﻮﺓ ﺑﻐﺴﻞ ﺷﻌﺮﻱ ﻭﻳﻠﻴﻒ ﺟﺴﻤﻲ ﻭﻳﻄﻠﻊ ﺍﺳﺘﺤﻲ ﻳﺸﻮﻑ ﺍﻟﺪﻡ . ﺍﻏﺴﻞ ﺑﻤﺎﻱ ﻭﻣﻠﺢ ﻭﺍﺷﻄﻒ ﺟﺴﻤﻲ ﻭﺍﻃﻠﻊ ﺧﻄﻴﻪ ﻳﻈﻞ ﻛﺎﻋﺪ ﻳﻢ ﺍﻟﺤﻤﺎﻡ ﺧﺎﻑ ﺍﻭﻛﻊ ﻟﻮﺷﻲ
ﻋﺎﻑ ﺩﻭﺍﻣﻪ ﺧﺬﻩ ﺍﺟﺎﺯﺓ ﻭﻇﻞ ﻳﻤﻲ ﻛﻞ ﻳﻮﻡ ﺻﺒﺢ ﻭﻟﻴﻞ ﻳﺮﻭﺡ ﻟﻠﻄﻔﻞ ﻳﻮﺻﻴﻬﻢ ﻭﻳﺠﻲ ﺑﺪﻭﻥ ﻣﺎﻳﺨﻠﻮﻧﻪ ﻳﺸﻮﻓﻪ ﻭﻛﻠﻮﻟﻪ ﺍﺫﺍ ﺗﺤﺴﻦ ﻧﻄﻠﺐ ﺣﻠﻴﺐ ﻣﻦ ﺍﻣﻪ ﺣﺘﻰ ﻧﺸﻮﻓﻪ ﻳﺘﻘﺒﻠﻪ ﻟﻮﻻ
ﻭﺭﻩ ﺧﻤﺴﺔ ﺍﻳﺎﻡ ﺩﻙ ﺗﻠﻔﻮﻧﻪ ﻭﻃﻠﻊ ﻟﻠﺤﺪﻳﻘﻪ ﻭﻃﺒﻌﺎ ﻛﻠﻤﺎ ﻳﺪﻙ ﺗﻠﻴﻔﻮﻧﻪ ﻛﻠﺒﻲ ﻳﺪﻙ ﻭﻳﺎ
ﻫﺬﺍ ﺭﺟﻊ ﻭﺟﻬﻪ ﻣﻜﻠﻮﺏ
.. ﺷﺒﻴﻚ ﺍﻟﻮﻟﺪ ﺑﻲ ﺷﺐ
ﻧﻮﺍﺭ .. ﻻ ﻋﻤﺮﻱ ﻣﺎﻛﻮ
ﺑﺲ ﺍﻧﻲ ﺣﺴﻴﺖ ﺻﺎﻳﺮ ﺷﻲ
ﺗﺎﻟﻲ ﻭﺭﻩ ﻓﺘﺮﻩ ﻋﺮﻓﺖ ﺍﻟﻄﻔﻞ ﻛﻠﻮﻟﻪ ﺻﺎﻳﺮ ﺑﻲ ﺍﺑﻮ ﺻﻔﺎﺭ ﻗﻮ ﻭﺍﺣﺘﻤﺎﻝ ﻣﺎﻳﺘﺤﻤﻠﻪ . ﺑﺲ ﻣﺎﺭﺍﺩ ﻳﻜﻠﻲ ﻻﻥ ﻳﺸﻮﻓﻨﻲ ﻛﻠﺴﺎﻉ ﺍﺑﺠﻲ ﻋﻠﻴﻪ
ﺑﻴﻮﻣﻬﻪ ﺑﺎﻟﻠﻴﻞ ﻃﻠﻊ ﻇﺮﻳﺢ ﺍﻻﻣﺎﻡ ﺍﻟﻌﺒﺎﺱ ﻫﻮﺓ ﻋﺒﺎﻟﻪ ﺍﻧﻲ ﻧﺎﻳﻤﻪ ﻇﻞ ﻳﺤﺠﻲ ﻭﻳﻪ ﺍﻻﻣﺎﻡ ﻭﻳﻨﺤﺐ ﻭﻳﺒﺠﻲ ﻛﻠﻪ ﺍﺭﻳﺪ ﻭﻟﻴﺪﻱ ﻣﻨﻚ
ﻣﺮﺕ ﺍﻻﻳﺎﻡ ﻭﻫﻮﺓ ﻭﺑﺎﻳﺎ ﺧﻄﻴﻪ ﻛﻠﺴﺎﻉ ﻳﺮﺣﻮﻥ
ﺻﺎﺭ ﻋﺸﺮﺓ ﺍﻳﺎﻡ ﺧﺎﺑﺮﻭ ﻛﺎﻟﻮ ﺍﻟﻄﻔﻞ ﺗﺤﺴﻦ ﻭﻧﺮﻳﺪ ﺣﻠﻴﺐ
ﺍﻧﻲ ﻫﻨﺎ ﻗﺒﻞ ﻳﻮﻡ ﺻﺪﺭﻱ ﻣﻮﺗﻨﻲ ﻭﺭﺍﺡ ﺟﺎﺑﻠﻲ ﻣﻼﻃﻪ ﻭﺳﺤﺒﺖ ﺍﻟﺤﻠﻴﺐ ﻭﺫﺑﻴﺘﻪ
ﻣﻦ ﻛﺎﻝ ﻳﺮﺩﻭﻥ ﺣﻠﻴﺐ ﻃﺮﺕ ﻣﻦ ﺍﻟﻔﺮﺡ ﺑﺲ ﺫﻛﺮﺕ ﺍﻧﻲ ﺫﺑﻴﺘﻪ ﻣﻌﻘﻮﻟﻪ ﺍﻛﻮ ﺑﻴﻪ ﺣﻠﻴﺐ ﻭﻣﺎﻛﻮ ﻃﻔﻞ ﺟﺎ ﻳﺴﺤﺒﻪ ﺣﺘﻰ ﻳﺪﺭ
ﻭﻓﻌﻼ ﻛﻌﺪ ﻳﻤﻲ ﻇﻠﻴﺖ ﺍﺳﺤﺐ ﻛﻮﻭﻭﺓ ﻳﺎﻟﻠﻪ ﺳﺤﺐ ﺷﻮﻳﻪ ﻭﺧﺬﺍ ﻭﺭﺍﺡ
ﻣﻦ ﺍﺟﻪ ﻛﺎﻝ ﻧﻄﻮ ﺍﻟﺤﻠﻴﺐ ﻭﻛﺎﻟﻮ ﻳﻮﻣﻴﻦ ﺑﺎﻟﺘﺴﻌﻪ ﺍﻟﺼﺒﺢ ﺗﺠﻴﺒﻮﻟﻨﻪ ﺣﻠﻴﺐ ﻭﺑﺎﻟﺘﺴﻌﻪ ﺑﺎﻟﻠﻴﻞ ﻧﻔﺲ ﺍﻟﺴﺐ
ﻇﻞ ﺧﻄﻴﻪ ﻟﻮﻫﻮﺓ ﻟﻮﺑﺎﺑﺎ ﻳﺮﻭﺡ
ﺻﺎﺭ 15 ﻳﻮﻡ ﺭﺍﺡ ﻧﻮﺍﺭ ﻭﺑﺎﺑﺎ . ﻣﻦ ﺍﺟﻮ ﻛﺎﻝ ﺍﺳﺎﻭﺭ ﺍﻟﻮﻟﺪ ﺍﻟﻤﺴﺘﺸﻔﻰ ﺧﻠﺖ ﻣﺴﺆﻭﻟﻴﺘﻬﻪ ﻋﻨﻦ
... ﻳﻌﻨﻲ ﺷﻠﻮﻥ
ﻧﻮﺍﺭ ... ﺷﺎﻟﻮ ﺍﻟﺼﻮﻧﺪﻩ ﻣﺎﻟﺖ ﺍﻻﻭﻛﺴﺠﻴﻦ ﻇﻠﺖ ﺑﺲ ﻣﺎﻟﺖ ﺍﻟﺤﻠﻴﺐ ﻭﺍﻟﺤﺎﻇﻨﻪ ﺻﺎﺭﺕ ﺣﺎﺭﻩ ﻋﻠﻴﻪ ﻳﻌﻨﻲ ﺍﺫﺍ ﺻﺎﺭ ﺑﻲ ﺷﻲ ﻫﻤﻪ ﻣﺎﻣﺴﺆﻭﻟﻴﻦ
ﻇﻠﻴﺖ ﺍﺑﺠﻲ ﻳﺎﺭﺑﻲ ﺍﻧﻲ ﻭﻳﻦ ﺍﻋﺮﻓﻠﻪ ﻭﻫﻮﺓ ﺑﺎﻟﺼﻮﻧﺪﻩ
ﻧﻮﺍﺭ .. ﺍﺳﺘﻮﺭ ﻫﺬﺍ ﻗﺮﺍﺭﺝ ﻻﻥ ﺍﻟﻄﻔﻞ ﻳﺼﻴﺮ ﺑﻲ ﺷﻲ ﻫﻨﺎﻙ ﻭﺧﺎﻑ ﻳﻠﻜﻒ ﻣﺮﺽ
ﺑﻌﺪ ﺑﺠﻲ . ﻛﺎﻟﺖ ﻣﺎﻣﺎ ﺧﻠﺺ ﻧﺠﻴﺒﻪ ﻭﻧﺪﻳﺮ ﺑﺎﻟﻨﻪ ﻋﻠﻴﻪ
ﺭﺣﻨﻪ ﻳﻌﻠﻤﻮﻧﻲ ﺷﻠﻮﻥ ﺍﺯﺭﻕ ﺍﻟﺤﻠﻴﺐ ﺍﻟﻪ ﺑﺎﻟﺴﺮﻧﺠﻪ ﻻﻥ ﻣﺎﻳﺮﺿﻊ
ﺭﺍﺣﻮ ﺟﺎﺑﻮ ﺍﻧﻲ ﺷﻔﺘﻪ ﻭﺍﻧﻲ ﻭﻛﻌﺖ ﻏﻤﻪ ﻋﻠﻴﻪ
ﻛﺘﻠﻬﻢ ﻣﺎﺍﺭﻳﺪﻩ ﻣﻮﺍﺑﻨﻲ
ﺻﻐﻴﻴﻴﻴﺮ ﻛﻠﻠﻠﺶ ﻭﺍﺳﻤﺮ ﺣﻴﻞ ﺑﺲ ﺳﻤﺎﺭ ﻣﻮﻃﺒﻴﻌﻲ ﻳﻌﻨﻲ ﺳﻤﺎﺭ ﻉ ﺣﻤﺎﺭ
ﺭﺟﻌﻨﻪ ﻟﻠﺒﻴﺖ
ﻧﻮﺍﺭ .. ﺣﺒﻴﺒﻲ ﻫﺬﺍ ﺍﺑﻨﻨﻪ ﻻﺯﻡ ﻧﺎﺧﺬﻩ ﻭﺻﺪﻛﻴﻨﻲ ﻳﺘﻐﻴﺮﺭ ﻣﻦ ﻳﻜﺒﺮ ﻣﺎﻳﻈﻞ ﻫﻴﺠﻲ
ﺍﺧﺮ ﺷﻲ ﻗﺒﻠﺖ ﻛﺘﻠﻪ ﻧﺠﻴﺒﻪ
ﺭﺣﻨﻪ ﺟﺒﻨﺎ ﻭﺍﺟﻴﻨﻪ ﻭﻛﻠﺸﻲ ﻣﻤﻨﻮﻉ ﻻ ﻫﻮﺍ ﺯﺍﻳﺪ ﻻ ﻣﻜﻴﻒ ﻗﻮﻱ ﻻ ﻋﻄﺮ ﻻﻳﺸﻢ ﺭﻳﺤﺔ ﻛﻠﻲ ﻭﻻ ﺻﻮﺕ ﻋﺎﻟﻲ ﻭﻻ ﻧﻔﺲ ﻳﻤﻪ ﺑﺎﻟﻐﺮﻓﻪ ﻭﻻ ﺍﻳﺪﻳﻦ ﻫﺔﺍﻱ ﺗﻠﺰﻣﻪ ﻭﻻ . ﻭﻻ . ﻭﻻ . ﺗﺤﺬﻳﺮﺍﺍﺍﺍﺕ ﻛﻮﻣﻪ
ﻃﺒﻌﺎ ﻣﺎﻣﺎ ﺗﺒﺪﻝ ﻣﻼﺑﺴﻪ ﻟﻮﺗﻐﻴﺮ ﺣﻔﺎﻇﺘﻪ ﺍﻧﻲ ﺍﺧﺎﻑ ﺍﻭﻝ ﺍﻳﺎﻡ
ﻫﺎ ﻭﻣﻮ ﻛﻠﻴﻨﺲ ﻣﺮﻃﺐ ﻣﻤﻨﻮﻉ
ﻻﺯﻡ ﺷﺎﺵ ﻭﻣﺎﻱ ﺣﻠﻮ ﻧﻤﺴﺤﻪ ﺑﻲ ﻭﻣﺎﻛﻮ ﺳﺒﺎﺣﻪ ﺑﺲ ﻳﺴﺒﺢ ﻳﻤﻮﺕ . ﻭﻛﻞ ﺍﺛﻨﻴﻦ ﻭﺧﻤﻴﺲ ﻣﺮﺍﺟﻊ ﺑﺎﻟﻤﺴﺘﺸﻔﻰ
ﻭﻛﻮﻣﻪ ﺍﺩﻭﻳﻪ ﻻﺯﻡ ﺍﺯﺭﻗﻬﻪ ﺍﻟﻪ ﺑﺎﻟﺴﺮﻧﺠﻪ ﺑﻄﺮﻳﻘﻪ ﻣﻌﻴﻨﻪ ﺑﺤﻴﺚ ﻣﺎﻳﺪﺧﻞ ﻫﻮﺓ ﻭﻳﻪ ﺍﻟﺪﻭﺓ ﻟﻮ ﻭﻳﻪ ﺍﻟﺤﻠﻴﺐ
ﺷﻬﺮﻳﻦ ﻉ ﺻﻮﻧﺪﻩ ﻭﺑﺲ ﺍﻧﻲ ﺍﻟﻠﻲ ﺍﺟﻴﺲ ﺍﻟﺼﻮﻧﺪﻩ ﻣﺎﻣﺎ ﻣﺎﻋﺪﻫﻪ ﺟﺮﺍﻩ ﻭﺣﺘﻰ ﻧﻮﺍﺭ ﻳﺨﺎﻑ ﺑﺲ ﺍﻧﻲ ﻣﺠﺒﻮﺭﻩ ﻭﺍﻻ ﻳﻤﻮﺕ
ﻣﺮﺕ ﺷﻬﺮﻳﻦ ﻛﺎﻟﻮ ﻛﺎﻓﻲ ﺻﻮﻧﺪﻩ ﻧﺸﻴﻠﻬﻪ ﻭﺗﻌﻠﻴﻤﻨﻪ ﻳﺮﺿﻊ . ﻇﻠﻴﺖ ﺍﻋﻠﻤﻪ ﺑﺲ ﻣﺎﻳﻌﺮﻑ ﺍﻧﻲ ﺍﺭﺿﻌﻪ ﻭﺍﺑﺠﻲ ﻻﻥ ﻣﺎﻳﻌﺮﻑ
ﺭﺍﺡ ﺟﺎﺑﻠﻪ ﻗﻴﺎﺱ ﺧﺎﺹ ﻳﺎﻟﻠﻪ ﺗﻌﻠﻢ ﺑﻴﻬﻪ
ﺍﻟﻤﻬﻢ ﻇﻠﻴﻨﻪ ﺧﻤﺴﺔ ﺍﺷﻬﺮ ﻋﺪ ﺍﻫﻠﻲ ﻋﻠﻤﻮﺩﻩ ﻣﻤﻨﻮﻉ ﻋﻄﺮ ﻭﻭﻣﻤﻨﻮﻉ ﻳﻄﻠﻊ ﺑﺲ ﻟﻠﻤﺴﺘﺸﻔﻰ . ﻭﻭﻭﻭﻭ
ﻭﻃﺒﻌﺎ ﺑﻴﺖ ﺍﻫﻞ ﺍﺑﻮ ﻣﺎﻛﻮ ﺑﺸﺮ ﺍﺟﻪ ﺷﺎﻓﻪ ﻭﻻﺧﺎﺑﺮ ﻛﺎﻝ ﺣﻤﺪﻟﻠﻪ ﻉ ﺳﻼﻣﻪ
ﺧﻠﺼﺖ ﺧﻤﺴﺔ ﺍﺷﻬﺮ ﺍﺧﺬﻧﻪ ﺍﻳﻜﻮ ﻭﻃﻠﻌﺖ ﻋﻨﺪﻩ ﻓﺘﺤﻪ ﺑﺎﻟﻘﻠﺐ ﻻﻥ ﺻﺎﺭ ﺑﺎﻟﺴﺎﺑﻊ ﻓﻈﻠﻴﻨﻪ ﻧﺮﺍﺟﻊ ﺑﻲ ﻟﺤﺪ ﻣﺎﺧﻠﺼﺖ ﺧﻤﺴﺔ ﺍﺷﻬﺮ ﻛﺎﻝ ﻧﻮﺍﺭ ﻛﺎﻓﻲ ﻧﺮﺟﻊ ﻟﺒﻴﺘﻨﻪ ﻭﻓﻌﻼ . ﺣﻨﻪ ﺍﺷﺘﺮﻳﻨﻪ ﻛﻨﺘﻮﺭ ﻭﺟﺮﺑﺎﻳﻪ ﻭﻏﺮﺍﺽ ﺍﻟﻪ ﻭﺭﺣﻨﻪ
ﻭﺍﻧﻲ ﻛﻠﺶ ﺿﺎﻳﺠﻪ ﻻﻥ ﺍﻋﺮﻑ ﻫﻨﺎﻙ ﻣﺤﺪ ﺍﻟﻲ ﺑﺲ ﻳﺎﺗﺮﻯ ﺭﺡ ﻳﺤﺒﻮﻧﻪ ﻻﻥ ﺍﺑﻨﻬﻢ ﻟﻮﻳﻜﺮﻫﻮﻧﻪ ﻉ ﻛﺮﻫﻲ .....
.
.
.
.
** ﻳﺎﺍﺍﺍ ﺍﻟﻠﻪ ﺍﻧﺼﻔﻨﻲ ﻓﺄﻧﺖ ﻣﻠﺠﺄﻱ ***
ﺍﻟﻀﺮﻭﻑ ﺗﺤﻜﻢ ﻫﻮﻭﻭﺍﻱ ﺑﻠﺤﻴﺎﻩ ﺑﺲ ﺍﻟﻠﻪ ﻟﻴﺒﺘﻠﻲ ﺍﻱ ﺍﺣﺪ ﺑﺄﻃﻔﺎﻟﻪ
↙️
ﺍﺟﻪ ﻋﻠﻴﻪ ﻭﺧﺬﻳﻨﻪ ﺍﻟﻐﺮﺍﺽ ﻣﺎﻟﺖ ﺍﻟﻄﻔﻞ ﻛﻨﺘﻮﺭﻩ ﻭﺍﻟﺠﺮﺑﺎﻳﻪ ﻭﺍﻟﻐﺮﺍﺽ ﺑﻠﺴﻴﺎﺭﻩ
ﻃﺒﻌﺎ ﻣﺎﻣﺎ ﻭﻧﻮﺭﻫﺎﻥ ﻳﺒﺠﻮﻥ ﻉ ﺳﻴﻮﻓﻲ ﺍﺑﻨﻲ ﻻﻥ ﺗﻌﻮﺩﻭ ﻋﻠﻴﻪ ﺑﺲ ﺍﻭﻝ ﻭﺗﺎﻟﻲ ﻧﺮﻭﺡ
ﻭﺻﻠﻨﻪ ﻭﻧﺰﻟﻨﻪ ﺭﺣﺖ ﺳﻠﻤﺖ ﻋﺎﻳﻬﻢ ﻣﻜﻮﻭﺓ ﻳﺴﻠﻤﻮﻥ ﻭﻣﺒﻴﻦ ﺍﻟﻐﻀﺐ ﻭﺍﺿﺢ ﻋﻠﻴﻬﻢ ﺧﺬﻭ ﺳﻴﻮﻓﻲ ﻭﺑﺎﺳﻮ
ﻭﻇﻠﺖ ﺧﺎﻟﺘﻲ ﺗﺸﻤﺮ ﺣﺠﻲ ﺍﺳﻤﺮ
ﻣﻊ ﺍﻟﻌﻠﻢ ﻣﻮﺍﺳﻤﺮ ﻫﻮﺓ ﺣﻨﻄﻲ ﺟﺎﻥ ﻭﺗﻮﺓ ﺟﺎﻱ ﻳﺼﻴﺮ ﻃﺒﻴﻌﻲ
ﺑﺲ ﺍﺑﻮ ﺍﺳﻤﺮ ﻳﻌﻨﻲ ﻋﻠﻰ ﺍﺑﻨﻬﻪ ﻣﻮﻋﻠﻴﻪ ﺑﺲ ﺍﻟﻤﻬﻢ ﻣﺪﺍﻡ ﺍﺑﻨﻲ ﺗﻌﻴﺐ
ﺭﺣﺖ ﻟﻠﻐﺮﻓﻪ ﻧﻮﺍﺭ ﻃﺎﻳﺮ ﺑﻴﻨﻪ ﻻﻥ ﺻﺎﺭ ﻓﺘﺮﻩ ﻣﻮﻳﻤﻪ
ﻛﻌﺪﻧﻪ ﻧﺮﺗﺐ ﺍﻟﻐﺮﺍﺽ
ﻃﻠﻌﺖ ﺍﺗﺮﺱ ﻣﺎﻱ ﺛﻼﺟﺘﻲ ﻣﺎﺑﻴﻬﻪ ﻭﺳﻤﻌﺘﻬﻢ ﻳﺤﺠﻮﻥ
ﺍﻡ ﻧﻮﺍﺭ ... ﺷﻌﺪﻫﻪ ﻣﺸﺘﺮﻳﻪ ﻛﻨﺘﻮﺭ ﻫﻮﺓ ﻃﻔﻞ ﺟﺎﻳﺒﺘﻠﻪ ﻛﻨﺘﻮﺭ ﺷﻜﻮ ﻭﻃﺒﻌﺎ ﺭﺟﻠﻬﻪ ﻭﺑﺘﻬﻪ ﻭﻳﺎﻫﻪ ﻉ ﻣﺴﺘﻮﻯ ﺍﻟﺤﺪﻳﺚ
... ﺍﻭﻭﻭﻑ ﻣﺎﺭﺍﺡ ﻧﺮﺗﺎﺡ
ﺻﺎﺭ ﻳﻮﻡ ﺛﺎﻧﻲ ﻛﻠﺖ ﺧﻞ ﺍﻛﻮﻝ ﻟﺴﻤﺮ ﻧﺮﺟﻊ ﻉ ﻧﻈﺎﻡ ﺷﻐﻠﻨﻪ
ﺍﻛﻠﺞ ﺳﻤﺮ ﻧﺮﺟﻊ ﻉ ﻧﻈﺎﻡ ﺍﻟﺸﻐﻞ ﻳﻮﻡ ﻋﻠﻴﻪ ﻭﻳﻮﻡ ﻋﻠﻴﺞ
.. ﺳﻤﺮ ﻭﺍﻟﻠﻪ ﺧﻴﻪ ﺗﻌﺬﺭﻳﻨﻲ ﻫﺬﺍ ﺍﻟﺤﺠﻲ ﻭﻳﻪ ﺍﺑﻮﻱ .. ﺍﻧﻲ ﺍﻭﻝ ﻭﺗﺎﻟﻲ ﻃﺎﻟﻌﻪ ﻟﺬﻟﻚ ﻣﺎﻟﻲ ﻋﻼﻗﻪ ﺑﺸﻐﻞ ﺍﻟﺒﻴﺖ
ﺻﻔﻨﺖ ﻫﺎﻱ ﺷﺒﻴﻬﻪ ﻣﻮﺟﻨﻪ ﻣﺘﻔﻘﻴﻦ ﻫﻢ ﺣﺠﻮ ﺑﺮﺍﺳﻬﻪ
ﻇﻠﻴﻨﻪ ﻉ ﻣﺸﺎﻛﻠﻬﻢ ﺍﻟﻤﺎﺗﺨﻠﺺ ﻭﻛﻞ ﺣﺠﺎﻳﻪ ﺍﺣﺠﻴﻬﻪ ﻻﺯﻡ ﻳﺴﻮﻭﻥ ﺍﺟﺘﻤﺎﻉ ﻭﻣﻐﻠﻖ ﻭﻳﺘﻨﺎﻗﺸﻮﻥ ﺑﻴﻬﻪ ﻭﻳﺎﺧﺬﻭﻥ ﻗﺮﺍﺭ
ﻣﺎﺍﻛﺘﻔﻮ ﺑﻴﻪ ﻭﺑﻤﺸﺎﻛﻠﻬﻢ ﻭﻳﺎﻱ ﻻ ﻗﺮﺭﻭ ﻳﺪﻭﺭﻭﻥ ﻉ ﻧﻮﺍﺭ .
ﻫﻮﺓ ﺑﻬﺎﻱ ﺍﻟﻔﺘﺮﻩ ﺍﺳﺘﻠﻢ ﺑﻴﻮﺕ ﻭﺍﺣﺪ ﻭﺭﻩ ﺍﻟﺜﺎﻧﻲ ﻭﻇﻞ ﻣﺎﻳﻔﺮﻍ ﻣﻦ ﺍﻟﺼﺒﺢ ﻟﻠﻴﻞ ﺑﺎﻟﺸﻐﻞ ﻳﺠﻲ ﻳﺴﺒﺢ ﻭﻳﺘﻌﺸﻪ ﻭﻳﻨﺎﻡ ﻭﻫﺎﻟﻮﻉ ﻉ ﺍﺷﻬﺮ ﻇﻞ
ﻇﻠﻮ ﻳﺤﺠﻮﻥ ﻭﻳﻦ ﻳﻮﺩﻱ ﻓﻠﻮﺳﻪ ﻭﺷﻌﻨﺪﻩ ﻫﻠﻜﺪ ﻳﺸﺘﻐﻞ ﻭﺷﺪﻋﻮﺓ ﺑﺤﻴﺚ ﻫﻮﺓ ﻇﻞ ﻳﻈﻮﺝ ﻳﺠﻲ ﻟﻠﺒﻴﺖ ﻭﻳﻜﻠﻲ ﺻﺒﺮﻱ ﻟﺨﺎﻃﺮﻱ ﺑﺲ ﻳﺼﻴﺮ ﻋﻨﺪﻱ ﻧﻄﻠﻊ
ﻇﻠﻮ ﻳﺰﻳﺪﻭﻥ ﻣﺸﺎﻛﻠﻬﻢ ﻭﻳﺎﺳﻤﻴﻦ ﻛﻠﻤﺎ ﺗﺠﻲ ﻭﻳﺎﻫﻪ ﺍﺑﻨﻬﻪ ﻳﺎﺧﺬﻭﻥ ﺍﺑﻨﻬﻪ ﻭﻳﺪﺧﻠﻮﻥ ﻟﻐﺮﻓﺘﻬﻢ ﻭﺳﻴﻮﻓﻲ ﻣﻦ ﻳﺮﻭﺡ ﻳﺰﺣﻒ ﻭﺭﺍﻫﻢ ﻳﺴﺪﻭﻥ ﺍﻟﺒﺎﺏ ﻟﻮ ﺷﻜﻠﻚ ﻳﺒﺠﻲ ﻭﻳﺮﻳﺪﺝ
ﻟﻮ ﻣﻦ ﻧﻜﻌﺪ ﻧﺎﻛﻞ ﻫﻮﺓ ﻃﻔﻞ ﻳﻈﻞ ﻳﻔﺘﺮ ﻉ ﺍﻟﺴﻤﺎﻁ ﻛﻠﺴﺎﻉ ﺻﺎﺣﻮ ﺍﻭﻭﻑ ﻳﺎﺳﻮﻳﻒ ﻣﺎﻳﻜﻌﺪ ﺭﺍﺣﻪ ﻟﻮ ﺳﻤﺮ ﺗﺼﻴﺢ ﻣﺎﻣﺘﺮﺑﻲ
ﻳﻌﻨﻲ ﻫﺬﺍ ﻭﻳﻨﻪ ﻭﻳﻦ ﺍﻟﺘﺮﺑﻴﻪ ﻭﻫﻮﺓ ﺳﻨﻪ ﻣﺎﻗﺒﻂ
ﻇﻠﻴﺖ ﺍﺳﻜﺖ ﻭﺍﻓﻮﺕ ﺍﺧﺮ ﺷﻲ ﻇﻠﻮ ﻳﻜﻈﻮﻥ ﻧﻮﺍﺭ ﻣﺮﺗﻚ ﻫﻴﺞ ﻭﻣﺮﺗﻚ ﻣﺎﺗﻄﺒﺦ ﻭﺍﻣﻚ ﺗﻜﻠﻬﻪ ﻃﺒﺨﻲ ﺗﻜﻠﻬﻪ ﺍﻧﻲ ﻣﺎﺍﻋﺮﻑ ...
.
ﻟﺬﻟﻚ ﺍﻋﺰﻝ ﺍﻛﻠﻚ ﻣﺮﺗﻚ ﺗﺮﻳﺪ ﺗﺎﻛﻞ ﺑﺤﺪﻫﻪ
ﺍﻧﻲ ﻫﻨﺎ ﻇﺠﺖ ﻛﺘﻠﻪ ﻋﻤﻮ ﺍﻧﻲ ﻋﻨﺪﻱ ﻟﺴﺎﻥ ﻭﺍﺫﺍ ﺍﺭﻳﺪ ﺍﻋﺰﻝ ﺭﺍﺡ ﺍﻛﻮﻝ ﻣﺎﺍﻧﺘﻈﺮ ﻭﺍﺣﺪ ﻳﺤﺠﻲ ﻋﻨﻲ
ﺳﻜﺖ .
ﺣﺠﺖ ﺧﺎﻟﺘﻲ ﻛﺎﻟﺖ ﺍﻱ ﺳﺎﺣﺮﺗﻪ ﻣﺎﻳﻜﺪﺭ ﺑﻠﻴﺎﺝ ﻓﻨﻪ ﻓﺪ ﻳﻮﻡ ﻟﺰﻣﺞ ﻭﻇﺮﺑﺞ ﻭﻳﻦ ﻳﻜﺪﺭ ﻣﺴﻮﻳﺘﻪ ﺧﺮﻭﻑ ﻭﻣﻦ ﻫﺎﻟﺤﺠﻲ ﻫﻮﺓ ﻇﻞ ﺳﺎﻛﺖ ﻛﻠﻬﻪ ﻳﻤﻪ ﻟﻴﺶ ﺍﺿﺮﺑﻬﻪ ﺑﻨﻴﻪ ﻛﺎﻳﻤﻪ ﺑﻮﺍﺟﺒﻲ ﺍﺿﺮﺑﻬﻪ ﺷﻨﻮ ﺍﻃﻠﻊ ﻋﻀﻼﺗﻲ ﺑﺲ ﻳﺤﺠﻲ ﺑﺎﺳﻠﻮﺏ ﺣﻠﻮ ﻣﺎﻳﻌﻴﻂ ...
.
ﻇﻠﻮ ﻳﺤﺠﻮﻥ ﺳﺎﻋﻪ ﻋﻠﻴﻪ ﻭﺳﺎﻋﻪ ﻋﻠﻴﻪ
ﺍﺧﺮ ﺷﻲ ﻛﻠﻮﻟﻪ ﺗﺎﻛﻞ ﻭﺗﻤﺴﺢ ﺍﻳﺪﻙ ﺑﺎﻟﺤﺎﻳﻂ
ﺧﻄﻴﻪ ﺣﺴﻴﺘﻪ ﺻﺪﻙ ﺍﻧﻘﻬﺮ ..
.
ﻧﻮﺍﺭ ... ﻳﺎﺑﻪ ﻳﺎﺣﺎﻳﻂ ﻫﺬﺍ ﺍﻟﻠﻲ ﺍﻛﻞ ﻭﺍﻣﺴﺢ ﺍﻳﺪﻱ ﺑﻲ ﺍﻧﻲ ﻣﻼﺑﺲ ﻣﺎﺟﺎﻱ ﺍﺷﺘﺮﻳﻠﻲ ﻭﺍﺳﺪ ﻓﻠﻮﺱ ﺍﻟﺒﻨﺎﺀ
ﺍﻟﻤﻬﻢ ﻇﻠﻮ ﻳﺤﺠﻮﻥ ﻫﻮﺓ ﺻﺎﺣﻠﻲ ﻛﺎﻝ ﺳﻴﻮﻓﻲ ﻳﺒﺠﻲ ﺭﻭﺣﻴﻠﻪ
ﺭﺣﺖ ﺍﻧﻴﻤﻪ ﻭﻫﻮ . ﻩ ﺩﺧﻞ ﻛﻠﺶ ﺿﺎﻳﺞ ﻛﺎﻝ ﻳﺎﺭﺑﻲ ﺷﻴﺮﺩﻭﻥ ﻣﻨﻲ
ﺣﺴﻴﺖ ﺑﻌﺪ ﺷﻮﻱ ﻭﻳﺒﺠﻲ
ﻇﻠﻴﺖ ﺍﺻﺒﺮ ﻋﻠﻴﻪ ﺭﻏﻢ ﺍﻧﻲ ﺍﺭﻳﺪ ﻭﺍﺣﺪ ﻳﺼﺒﺮﻧﻲ
ﺍﺧﺮ ﺷﻲ ﻛﺘﻠﻪ ﻻﺗﻀﻮﺝ ﺑﺎﺟﺮ ﺍﻃﻴﺢ ﻋﻠﻴﻬﻢ ﻭﺍﻧﻬﻲ ﺍﻟﺴﺎﻟﻔﻪ ﻭﺻﺪﻙ ﻣﺜﻞ ﻛﻞ ﻣﺮﻩ ﻛﻌﺪﺕ ﺍﻟﺼﺒﺢ ﻭﻃﺤﺖ ﻋﻠﻴﻬﻢ .
ﻇﻠﻴﻨﻪ ﻉ ﻫﺎﻱ ﺳﻮﺍﻟﻔﻬﻢ ﻭﻣﻦ ﻳﺪﺧﻞ ﻟﻠﺒﻴﺖ ﺟﺎﻳﺐ ﻋﻼﻛﻪ ﺍﻟﻲ ﺍﻟﺒﻴﺖ ﻛﻞ ﻳﺼﻔﻦ ﻋﻠﻴﻬﻪ ﻣﻊ ﺍﻟﻌﻠﻢ ﻳﺠﻴﺐ ﻟﻠﺒﻴﺖ ﻣﺜﻠﻬﻪ
ﻳﻮﻡ ﻣﻦ ﺍﻻﻳﺎﻡ ﺳﻴﻮﻓﻲ ﻃﻠﻌﺘﻪ ﺑﺎﻟﺒﺴﺘﺎﻥ ﻳﻠﻌﺐ ﻫﻨﺎ ﺻﺎﺭ ﻋﻤﺮﻩ ﺳﻨﻪ ﻭﺍﺭﺑﻌﺔ ﺍﺷﻬﺮ ﺑﻠﺶ ﻳﻤﺸﻲ
ﺧﺎﻟﺘﻲ ﻭﻋﻤﻮ ﺭﺍﺣﻮ ﻳﺘﻤﺸﻮﻥ ﻛﺘﻠﻬﻢ ﺍﺧﺬﻭ ﻛﺎﻟﻮ ﺟﻴﺒﻲ ﺑﺲ ﺣﺬﺍﺀﻩ ﺻﻴﻔﻲ ﺑﺲ ﺷﻮﻱ ﺑﻲ ﺯﻏﺮ
ﺧﺎﻟﺘﻲ ﻛﺎﻟﺖ ﻣﺎﻋﻨﺪﻩ ﻏﻴﺮﻩ ﻫﺬﺍ ﺯﻏﻴﺮ ﻛﺘﻠﻬﻪ ﻻﻭﺍﻟﻠﻪ ﻣﺎﺟﺒﺘﻠﻪ ﻭﻧﻮﺍﺭ ﻣﻮﻓﺎﺭﻍ ﻧﺮﻳﺪ ﻧﻨﺰﻝ ﻫﺎﻳﻯﺎﻻﻳﺎﻡ ﻭﻧﺘﺴﻮﻛﻠﻪ ﻏﺮﺍﺽ
ﺧﺬﻭ ﻭﺭﺍﺣﻮ
ﻭﺭﻩ ﺷﻮﻱ ﻣﺎﻣﺎ ﺧﺎﺑﺮﺗﻨﻲ ﺟﺎﻱ ﻧﺴﻮﻟﻒ ﻭﺣﺠﻴﺘﻠﻬﻪ ﻛﺘﻠﻬﻪ ﺧﻄﻴﻪ ﺯﻏﻴﺮ ﺣﺬﺍﺀﻩ ﻛﺎﻟﺖ ﺍﻧﻲ ﺍﺟﻴﺒﻠﻪ ﻋﻠﻤﺎ ﺗﻨﺰﻟﻮﻥ ﺍﻧﺘﻮ
ﻣﺎﻣﺎ . ... ﺍﻛﻠﺞ ﺯﻳﻦ ﻭﻳﻦ ﺣﺬﺍﺀﻩ ﺍﻟﻠﻲ ﺟﺎﺑﻪ ﻧﻮﺍﺭ ﻣﻦ . ﺟﺎﻥ ﺯﻏﻴﺮ ﻭﻇﻤﻴﺘﻲ
.. ﺍﻳﻴﻲ ﺻﺪﻙ ﺫﻛﺮﺗﻴﻨﻲ ﺧﻞ ﺍﻃﻠﻌﻪ ﻳﻠﺒﺴﻪ
ﺭﺣﺖ ﺻﺪﻙ ﻃﻠﻌﺘﻪ ﺟﻨﺖ ﺿﺎﻣﺘﻪ ﻭﻧﺎﺳﻴﻪ
ﻣﻦ ﺍﺟﻮ ﺣﺠﻴﺘﻠﻬﻢ ﺑﺴﻼﻣﺔ ﻧﻴﻪ ﻳﻌﻨﻲ ﺷﻐﻠﻪ ﻋﺎﺩﻳﻪ ﺍﻧﻲ ﻧﺴﻴﺘﻪ ﻭﻣﺎﻣﺎ ﺫﻛﺮﺗﻨﻲ ﺑﻲ . ﺍﺛﺎﺭﻱ ﻫﻤﻪ ﻓﻜﺮﻭ ﻏﻴﺮ ﺷﻜﻞ
ﺧﻼﻝ ﻫﺎﻱ ﺍﻟﻔﺘﺮﻩ ﻧﻮﺍﺭ ﺳﻮﺓ ﺳﻠﻔﻪ ﻛﺎﻝ ﻫﺎﻱ ﺍﻟﺞ ﺷﺘﺴﻮﻳﻦ ﺑﻴﻬﻪ ﻛﻴﻔﺞ ﻻﻥ ﺍﻧﻲ ﺍﺧﺬﺕ ﻓﻠﻮﺱ ﺻﺒﺤﻴﺘﺞ
ﻛﺘﻠﻪ ﻣﺎﺍﺭﻳﺪﻫﻪ ﺍﺭﻳﺪ ﻧﺸﺘﺮﻱ ﺑﻴﻬﻪ ﺳﻴﺎﺭﻩ . ﻭﻓﻌﻼ ﺩﻭﺭﻧﻪ ﻭﻟﻜﻴﻨﻪ ﻭﺧﺬﻳﻨﺎﻫﻪ ﺑﺲ ﻳﺮﺍﺩﻟﻬﻪ ﺷﻐﻞ ﻫﻮﺍﻱ
ﻇﻞ ﻧﻮﺍﺭ ﻳﺸﺘﻐﻞ ﺑﻴﻬﻪ ﻫﻮﺓ ﻭﺑﺎﺑﺎ ﻻﻥ ﺑﺎﺑﺎ ﻓﻴﺘﺮ ﻭﻣﻀﺒﻮﻁ ﺷﻐﻠﻪ . ﻑ ﻧﻮﺍﺭ ﻳﺠﻲ ﺑﺲ ﻟﺒﺎﺑﺎ ﻳﺸﺘﻐﻞ ﺑﻴﻬﻪ
ﻣﺮﺕ ﺍﻻﻳﺎﻡ ﻣﺎﻛﻮ ﺟﺪﻳﺪ
ﻳﻮﻡ ﻣﻦ ﺍﻻﻳﺎﻡ ﺍﻗﺎﺭﺏ ﻧﻮﺍﺭ ﻋﺮﺳﻪ ﺑﻘﺎﻋﻪ ﻭﻋﺰﻣﻮﻧﻪ ﻭﺭﺣﻨﻪ ﺍﻧﻲ ﻭﻳﺎ ﻭﺳﻴﻮﻓﻲ
ﻫﻨﺎ ﻣﺮﺕ ﺍﺑﻦ ﻋﻤﻪ ﺗﺮﻳﺪ ﺗﺮﻭﺡ ﻭﻳﺎﻧﻪ ﻻﻥ ﺯﻭﺟﻬﻪ ﻋﺴﻜﺮﻱ ﻭﻣﻠﺘﺤﻖ ﻓﻈﻠﺖ ﻛﻠﺴﺎﻉ ﺗﺘﺼﻞ ﻻﻥ ﻧﻮﺍﺭ ﺑﻴﻮﻣﻬﻪ ﻃﻠﻊ ﺷﻐﻞ ﻭﺗﺎﺧﺮ ﻓﺎﺟﻪ ﺳﺒﺢ ﻭﻃﻠﻌﻨﻪ .
ﺷﻜﻢ ﺷﻐﻠﻪ ﺑﺎﻟﻐﺮﻓﻪ ﻇﻠﺖ ﻣﺎﺭﺗﺒﺘﻬﻪ ﻛﻠﺖ ﻣﻦ ﺍﺭﺟﻊ . ﻭﻣﺎﺍﻟﺤﻚ
ﺧﻠﻴﺖ ﺍﻟﻐﺮﻓﻪ ﺑﺪﻭﻥ ﻗﻔﻞ ﻭﻃﻠﻌﺖ
ﻃﺒﻌﺎ ﻣﻤﻨﻮﻉ ﺗﻨﻘﻔﻞ ﺍﻟﻐﺮﻓﻪ ﻣﻴﻘﺒﻠﻮﻥ ﻋﻨﻲ ﻳﻜﻮﻟﻮﻥ ﺷﻨﻮ ﺍﺣﻨﻪ ﻣﻮ ﺍﻣﺎﻥ ...
ﺭﺣﻨﻪ ﻭﺗﻮﻧﺴﻨﻪ ﻭﺭﺟﻌﻨﻪ ﻣﺎﺍﺩﺭﻱ ﺑﺎﻟﻠﻲ ﺻﺎﻳﺮ ﻣﻦ ﻭﺭﻩ ﻇﻬﺮﻱ ....
ﻭﺭﻩ ﺷﻜﻢ ﻳﻮﻡ ﺍﺟﺖ ﻋﺪﻧﻪ ﻳﺎﺳﻤﻴﻦ . ﺭﺣﺖ ﻳﻤﻬﻢ ﺑﺎﻟﺼﺎﻟﻪ . ﻭﻧﻮﺍﺭ ﺑﺎﻟﻐﺮﻓﻪ ﻫﻮﺓ ﻭﺳﻴﻮﻓﻲ
ﻑ ﺍﺑﻦ ﻳﺎﺳﻤﻴﻦ ﻳﺮﺩﻭﻥ ﻳﺸﻐﻠﻮﻟﻪ ﺍﻏﻨﻴﻪ ﺑﺘﻠﻔﻮﻥ ﻋﻤﻮ ﻭﺧﺎﻟﺘﻲ ﻣﺎﻋﺮﻓﺖ ﺗﺸﻐﻠﻬﻪ . ﻛﺎﻟﺖ ﺷﻐﻠﻴﻬﻪ
ﻫﻮﺓ ﻣﺴﺠﻠﻬﻪ ﻓﺪﻳﻮ ﻣﻦ ﺍﻟﺘﻠﻔﺰﻳﻮﻥ ﻳﻌﻨﻲ ﻣﺎﻣﻨﺰﻟﻪ ﺗﻨﺰﻳﻞ
ﻓﺮﺣﺖ ﻛﺒﻞ ﻉ ﺍﻟﻔﻴﺪﻳﻮﻫﺎﺕ ﺍﻓﺘﺤﻬﻦ ﻭﺍﺣﺪ ﻭﺍﺣﺪ ﻻﻥ ﺗﻠﻔﻮﻧﻪ ﻣﺜﻞ ﺍﻟﺼﺮﺻﻮﺭ ﻣﻮ ﻟﻤﺲ
ﻓﺘﺤﺖ ﻭﺍﺣﺪ ﻭﺗﻔﺎﺟﺎﺕ ﻫﺎﻱ ﺷﻨﻮ
ﻫﻤﻪ ﻋﺮﻓﻮ ﺍﻧﻲ ﺷﻔﺖ
ﻇﻠﻴﺖ ﺻﺎﻓﻨﻪ ﻛﺘﻠﻬﻢ ﻫﺎﻱ ﺷﻨﻮ
ﻳﺎﺳﻤﻴﻦ .. ﻫﺎﺍ . ﻫﺬﺍ ﺍﺑﻨﻲ ﺗﺪﺭﻳﻦ ﻳﻈﻞ ﻳﺼﻮﺭ ﻭﻣﺎﻳﻌﺮﻑ
... ﻳﻌﻨﻲ ﺍﺑﻨﺞ ﻫﻴﺞ ﻋﺮﻑ ﻳﺼﻮﺭ
ﻇﻠﻦ ﻳﻠﺰﻛﻨﻬﻪ ﺑﺲ ﻣﺎﺗﻨﻠﺰﻙ ﻣﺒﻴﻦ ﺟﺬﺏ
ﻇﻠﻴﺖ ﺍﻓﻮﺭ ﻫﺎﻟﻤﺮﻩ ﻛﻠﺖ ﺍﻛﻮﻝ ﻟﻨﻮﺍﺭ ﻣﻠﻴﺖ ﻣﻦ ﻛﺪﻣﺎ ﺍﻇﻢ
ﺩﺧﻠﺖ ﻟﻠﻐﺮﻓﻪ ﻛﻌﺪﺕ ﻳﻤﻪ
ﻧﻮﺍﺭ ﺗﺪﺭﻱ ﺷﻨﻮ ﺷﻔﺖ ﺑﺘﻠﻔﻮﻥ ﻋﻤﻮ
ﻧﻮﺍﺭ ... ﺷﻨﻮ
ﺍﺑﻮﻙ ﻣﻦ ﺭﺣﺔﻩ ﻟﻠﻌﺮﺱ ﻭﻋﻔﺖ ﻏﺮﻓﺘﻲ ﻣﻔﺘﻮﺣﻪ
ﺩﺍﺧﻞ ﻟﻠﻐﺮﻓﻪ ﻭﻓﺎﺗﺢ ﺍﻟﻜﻨﺎﺗﻴﺮ ﻭﻣﺼﻮﺭ ﺍﻟﻐﺮﻓﻪ ﻭﺣﺘﻰ ﻫﺪﻭﻡ ﻧﻮﻣﻲ
ﻧﻮﺍﺭ ... ﺷﻨﻮﻭﻭ
ﻭﺍﻟﻠﻪ ﺍﻟﻌﻈﻴﻢ ﻫﺎﻱ ﺷﻨﻮ ﻣﻌﻨﺎﻫﻪ . ﻧﻮﺭﻱ ﻻﺗﺰﻋﻞ ﺍﺑﻮﻙ ﻣﻮﺛﻘﻪ ﻋﻴﺐ ﻋﻠﻴﻪ ﻫﻴﺞ . ﺷﻨﻮ ﻣﻌﻨﺎﻫﻪ ﺑﻌﺪﻳﻦ ﻫﺪﻭﻡ ﻧﻮﻣﻲ ﻣﻮﻋﻴﺐ
ﻧﻮﺭﻱ ﺧﻠﺺ ﻏﺮﻓﺘﻲ ﺑﻌﺪ ﻣﺎﺗﻈﻞ ﻣﻔﺘﻮﺣﻪ ﻭﺍﻟﺼﺮﺍﺣﻪ ﺍﺑﻮﻙ ﺑﻌﺪ ﻣﺎﺍﻣﻦ ﻧﻔﺴﻲ ﻳﻤﻪ . ﺍﻟﻴﻮﻡ ﻫﻴﺠﻲ ﺳﻮﺓ ﺑﺎﺟﺮ ﺷﻴﺴﻮﻱ
ﻧﻮﺍﺭ ... ﺣﻘﺞ ﻣﺎﺍﻛﻠﺞ ﻻ
↙️
ﺑﺲ ﺍﻧﻲ ﻫﻢ ﺻﺎﻓﻦ ﻟﻴﺶ ﻫﻴﺞ ﺳﻮﺓ
ﻣﺮﺕ ﺍﻻﻳﺎﻡ ﻭﺩﺭﻭ ﺑﻴﻪ ﻣﺎﺻﺪﻛﺖ ﻛﻼﻣﻬﻢ ﻭﺍﺑﻮﻫﻢ ﻛﻠﺶ ﺍﺣﺘﻘﺮﺗﻪ ﻻﻥ ﻫﺎﻱ ﺗﺼﺮﻓﺎﺕ ﻣﺮﺍﻫﻖ
ﻇﻠﻴﺖ ﺣﺎﻛﺮﺗﻪ . ﺣﺘﻰ ﺻﺒﺎﺡ ﺍﻟﺨﻴﺮ ﻣﺎﺍﻛﻠﻪ ﻭﺍﻟﺒﻘﻴﻪ ﻻﻋﺎﺩﻱ ﻭﺍﻫﻢ . ﻭﻫﻮﺓ ﺣﺲ ﻃﺒﻌﺎ
ﻟﺤﺪ ﻓﺪ ﻳﻮﻡ ﺻﺎﺡ ﻋﻠﻲ ﻛﻠﻲ ﺻﻴﺤﻲ ﻟﻨﻮﺍﺭ
ﺭﺍﺡ ﻳﻤﻬﻢ ...
ﻛﻌﺪﻩ ﺍﺑﻮ ﻭﻣﺜﻞ ﻛﻞ ﻣﺮﻩ ﻫﻢ ﻳﻔﺘﺢ ﻗﻮﺍﻧﻪ ﻛﻠﻪ ﻣﺮﺗﻚ ﻣﺎﺗﺤﺠﻲ ﻭﻳﺎﻱ ﻭﺗﺮﻳﺪ ﺗﻌﺰﻝ ...
.
ﺍﻟﻠﻠﻠﻠﻪ ﻭﺍﻛﺒﺮ ﻳﺎﻧﺎﺱ ﻳﻤﺘﻪ ﺣﺠﻴﺖ ...
ﻛﺎﻝ ﺷﻘﺘﻲ ﺍﻟﻔﺪﻳﻮ ﺍﻧﻲ ﺻﻮﺭﺗﻪ ﺍﺭﻳﺪ ﺍﺷﻮﻑ ﺣﺠﺘﺞ ﺷﻠﻮﻥ ﺗﻜﻮﻟﻴﻦ ﺳﻴﻒ ﻣﺎﻋﻨﺪﻩ ﺍﺣﺬﻳﻪ ﺍﺷﻮ ﻋﻨﺪﻩ
ﻫﻨﺎ ﻇﺠﺖ ﻭﺟﺎﻭﺑﺘﻪ
.. ﻭﺍﻧﺖ ﺑﺎﻱ ﺣﻖ ﺗﺪﺧﻞ ﻏﺮﻓﺘﻲ ﻭﺗﺼﻮﺭ ﻣﺎﻣﺮﺧﻮﺹ ﺍﺑﺪ ﻭﻛﻴﻔﻲ ﺍﺑﻨﻲ ﺍﻟﺒﺴﻪ ﻣﺎﺍﻟﺒﺴﻪ ﺷﻲ ﺧﺎﺹ ﺑﻴﻬﻪ ﻭﻉ ﺍﺳﺎﺱ ﺗﺼﻮﺭ ﻫﺪﻭﻡ ﻧﻮﻣﻲ
ﻫﻨﺎ ﺳﻜﺖ ﻭﻇﻞ ﻳﺪﻭﺭ ﺍﻟﺤﺠﻲ
ﻧﻮﺏ ﺩﺍﺭ ﻉ ﻧﻮﺍﺭ ﻛﻠﻪ ﺍﻧﻲ ﻣﺎﻣﺴﺘﻌﺪ ﺍﺻﺮﻑ ﻋﻠﻴﻜﻢ ﺗﺎﻛﻠﻮﻥ ﻭﺗﻤﺴﺤﻮﻥ ﺍﻳﺪﻛﻢ ﺑﺎﻟﺤﺎﻳﻂ
ﺷﻨﻮ ﻫﺬﺍ ﺍﻟﺤﺠﻲ ﺷﺠﺎﺑﻪ ﻉ ﻫﺬﺍ ﺷﺒﻴﻚ
ﺑﺲ ﻧﻮﺍﺭ ﻣﺎﻗﺒﻞ ﻳﻌﺰﻝ ﻛﻠﻪ ﺍﻟﺒﻨﻴﻪ ﻣﺎﻛﺎﻟﺖ ﺍﻋﺰﻝ ﻭﺍﻧﻲ ﻫﻢ ﻣﺎﺍﺭﻳﺪ
ﺍﻭ ﻧﻮﺍﺭ
ﺧﻠﺺ ﺟﻴﺐ ﺍﻟﻤﻠﻴﻮﻥ ﺍﻃﻠﺒﻚ ﻣﺎﻝ ﺍﻟﺴﻴﺎﺭﻩ . ﺧﺬﺍﻫﻦ ﻣﻨﻪ ﻧﻮﺍﺭ ﻻﻥ ﻧﻘﺺ ﻭﻫﻮﺓ ﺗﻮﻩ ﻣﺴﺘﻠﻢ ﺧﻤﺴﻴﻦ ﻣﻠﻴﻮﻥ ﻓﺨﺬﺍﻫﻦ ﺩﻳﻦ ﺑﺎﻟﻮﻗﺖ ﺍﻟﻠﻲ ﺍﺑﻮ . ﻧﻄﻪ ﺧﻮﺍﺗﻪ ﻛﻞ ﻭﺣﺪﻩ ﺧﻤﺴﻪ ﻭﺍﻭﻻﺩﻩ . ﻭﺍﺣﺪ ﺧﺬﺍﻟﻪ ﺳﻴﺎﺭﻩ ﻭﺍﻟﺜﺎﻧﻲ ﻳﺮﻳﺪ ﻫﻢ ﻳﺸﺘﺮﻳﻠﻪ
ﺑﺲ ﻧﻮﺍﺭ ﺧﻄﻴﻪ ﻣﻦ ﺧﺬﻩ ﻣﻠﻴﻮﻥ ﻭﺩﻳﻦ . ﻛﻠﺴﺎﻉ ﻳﻌﻴﺮﻩ . ﻭﻫﻮﺓ ﺍﻟﻠﻲ ﺷﺎﻳﻞ ﺍﻟﺒﻴﺖ ﺧﻄﻴﻪ
... ﻇﺠﺖ ﻭﻣﻠﻴﺖ ﻋﻔﺘﻬﻢ ﺭﺣﺖ ﻟﻐﺮﻓﺘﻲ ﻛﻠﺖ ﺑﻌﺪ ﺧﻠﺺ ﻣﺎﺍﺗﺤﻤﻠﻬﻢ ﺍﺭﻳﺪ ﺍﻃﻠﻊ ﺗﻌﺒﺖ
ﺍﺟﻪ ﻧﻮﺍﺭ ﻟﻠﻐﺮﻓﻪ ﻣﺎﺣﺠﻴﺖ ﺷﻲ ﺻﺒﺮﺗﻪ ﻭﺳﻜﺘﺖ . ﻭﺭﻩ ﻳﻮﻣﻴﻦ
... ﻧﻮﺭﻱ ﺍﺭﻳﺪ ﺍﻛﻠﻚ ﺷﻐﻠﻪ
ﻧﻮﺍﺭ .. ﻛﻮﻟﻲ
... ﻧﻮﺭﻱ ﺑﻌﺪ ﻣﺎﺍﺗﺤﻤﻞ ﻫﺎﻱ ﺍﻟﻌﻴﺸﻪ ﺍﻧﻲ ﺳﺎﻛﺘﻪ ﻟﺨﺎﻃﺮﻙ ﺑﺲ ﺑﻌﺪ ﻭﺻﻠﺖ ﺣﺪ ﺗﻌﺒﺖ ﻭﻣﺎ ﺍﺍﻣﻦ ﻧﻔﺴﻲ ﻳﻢ ﺍﺑﻮﻙ ﺍﻟﻴﻮﻡ ﺻﻮﺭ ﻫﺪﻭﻡ ﻧﻮﻣﻲ ﺑﺎﺟﺮ ﺷﻴﺴﻮﻱ
ﻧﺸﻮﻓﻠﻨﻪ ﺑﻴﺖ ﺣﻮﺍﺳﻢ ﺍﻧﻄﻴﻚ ﺫﻫﺒﻲ ﺑﻴﻌﻪ ﻭﻧﻜﻤﻞ ﻋﻠﻴﻪ ﻭﻧﻜﻌﺪ
ﺳﻜﺖ ﻛﺎﻝ ﺍﻟﻠﻪ ﻛﺮﻳﻢ
ﺍﺷﻮ ﻭﺭﻩ ﻳﻮﻣﻴﻦ ﺭﺍﺳﺎ ﻇﻞ ﻳﺤﺠﻲ ﺑﻨﺘﺮ ﻛﺎﻝ ﻣﺎﺍﻃﻠﻊ ﻣﻦ ﺍﻫﻠﻲ ﻭﺗﺘﺤﻤﻠﻴﻦ ﻭﻣﻦ ﻫﺎﻟﺤﺠﻲ ﺭﻏﻢ ﻫﻮﺓ ﻧﻔﺴﻪ ﺟﺎﻥ ﺿﺎﻳﺞ ...
.
ﻭﺑﺪﻩ ﻳﺘﻐﻴﺮ . ﺻﺤﻴﺢ ﻫﻮﺓ ﻳﺤﺒﻨﻲ ﺑﻌﺪﻩ ﻭﻣﺪﻟﻠﻨﻲ ﺑﺲ ﺣﺴﻴﺖ ﺑﻲ ﺷﻲ ﺗﻐﻴﺮ
ﺷﻠﻮﻥ ﺍﻟﻠﻲ ﺍﻧﻜﻠﺐ ﻣﻮﻫﻮﺓ
ﻟﻮﺷﻤﺎ ﻳﺴﻮﻭﻥ ﺑﻴﻪ ﺍﻫﻠﻪ ﻳﻜﻠﻲ ﺍﻧﺘﻲ ﻏﻠﻄﺎﻧﻪ ﺭﻏﻢ ﺟﺎﻥ ﻳﺸﻮﻑ ﺑﻌﻴﻨﻪ ﻭﻣﺎﺟﺎﻥ ﻫﻴﺠﻲ ﻗﺒﻞ
ﺷﻜﻴﺖ ﺑﻴﻬﻢ ﻣﺴﻮﻳﻠﻪ ﺷﻲ ﺧﺼﻮﺻﺎ ﺍﻧﻮ ﺯﻭﺝ ﺧﺎﻟﺘﻪ ﺳﺤﺎﺭ ﻭﻋﻼﻗﺘﻪ ﺑﺎﻡ ﻧﻮﺍﺭ ﻭﺍﺑﻮ . ﺯﻳﻨﻪ
ﺳﻜﺘﺖ ﻣﺎﻓﺘﺤﺖ ﻣﻮﺿﻮﻉ ﺑﺲ ﻇﻠﻴﺖ ﺯﻋﻼﻧﻪ ﻋﻠﻴﻪ ﻭﺛﻜﻴﻠﻪ ﻭﻳﺎ ﻭﻫﺎﻱ ﺍﻭﻝ ﺯﻋﻠﻪ ﻣﻦ ﺻﺪﻙ ﻭﻳﺎ
ﺟﻨﻪ ﻧﺰﻋﻞ ﻭﻧﺼﺎﻟﺢ ﺑﻴﻮﻣﻬﻪ ﻭﺍﺣﺪ ﻳﻈﻞ ﻳﺸﻤﺮ ﺣﺠﻲ ﻟﻠﺜﺎﻧﻲ ﻋﻠﻤﻮﺩ ﻧﺘﺼﺎﻟﺢ ﺑﺲ ﻫﺎﻟﻤﺮﻩ ﻏﻴﺮ
ﺻﺎﺩﻑ ﻫﻨﺎ ﺍﺭﺑﻌﻴﻨﻴﺔ ﺍﺑﻦ ﺧﺎﻟﺘﻲ ﺧﻄﻴﻪ ﻭﻟﺪ ﺷﺎﺏ ﺍﻧﺘﻞ ﺑﺎﻟﻜﻬﺮﺑﺎﺀ ﻭﻣﺎﺕ
ﻓﻜﺘﻠﻪ ﻟﻨﻮﺍﺭ ﺭﺡ ﺍﻇﻞ ﻋﺪ ﺍﻫﻠﻲ ﻓﺪ ﺍﺭﺑﻌﺔ ﺍﻳﺎﻡ ﺻﺎﺭ ﺷﻬﺮ ﻭﻛﺴﻮﺭ ﻣﺎﺭﺍﻳﺤﻪ
ﻣﻦ ﺣﺲ ﺭﺡ ﺍﺭﻭﺡ ﻻﻫﻠﻲ ﺣﺎﻭﻝ ﻳﺤﺎﺟﻴﻨﻲ ﻋﺪﻝ ﺧﺎﻑ ﺍﺭﻭﺡ ﻭﻣﺎﺍﺭﺟﻊ ﺑﻌﺪ
ﺑﺲ ﺍﻧﻲ ﻫﻨﺎ ﻇﻠﻴﺖ ﻗﺎﻓﻠﻪ ﻻﻥ ﺍﻧﻲ ﺟﺎﻱ ﺍﺗﺤﻤﻞ ﻋﻠﻤﻮﺩﻙ ﻭﺗﺎﻟﻴﻬﻪ ﺍﻧﺖ ﻫﻢ ﺿﺪﻱ ﺷﺒﻴﻚ ﻭﺍﻧﺖ ﺗﺸﻮﻑ ﺑﻌﻴﻨﻚ ﻭﺗﺪﺭﻱ ﺑﻜﻠﺸﻲ
.
ﺭﺣﺖ ﻻﻫﻠﻲ ﻭﺻﻠﻨﻲ ﻭﺩﺧﻞ ﺗﺮﻳﻚ ﻳﻤﻲ ﻭﺭﺍﺡ
ﻭﺭﻩ ﻳﻮﻣﻴﻦ ﺩﺯ ﻛﺎﻝ ﻳﻤﺘﻪ ﺍﺟﻲ ﻛﺘﻠﻪ ﺻﺎﺭ ﻳﻮﻣﻴﻦ ﻭﺍﺣﻨﻪ ﻣﺘﻔﻘﻴﻦ ﺍﺭﺑﻌﻪ
ﻛﺎﻝ ﺧﻮﺵ ﻭﺳﺪ ﺍﻟﺘﻠﻔﻮﻥ ﻭﻫﺎﻱ ﺍﻭﻝ ﻣﺮﻩ ﻳﺴﻮﻳﻬﻪ
ﺧﺎﺑﺮ ﻳﻮﻡ ﺭﺍﺑﻊ ﻛﺎﻝ ﺭﺡ ﺍﺟﻲ
.. ﻧﻮﺍﺭ ﻣﺎﺍﺭﺟﻊ ﻟﺤﺪﻣﺎ ﺗﺸﻮﻓﻠﻲ ﺣﻞ ﻉ ﻫﺎﻱ ﺍﻟﻮﺿﻌﻴﻪ ﻣﺎﺍﺭﺟﻊ ﺗﻌﺒﺖ
.. ﻇﻞ ﻳﺤﺠﻲ ﻳﺎﺣﻞ ﺗﺮﺩﻱ ﺑﻴﺖ ﺣﻮﺍﺳﻢ ﻣﺎﺍﻃﻠﻊ ﻳﻌﺠﺒﺞ ﻣﺎﻳﻌﺠﺒﺞ ﻛﻴﻔﺞ ﺑﺎﻱ
ﻳﺎﺭﺑﻲ ﺍﻟﻮﻟﺪ ﺻﺎﺭ . ﻣﺘﻨﺎﻗﺾ ﻻﺑﻌﺪ ﺣﺪ ﻣﻮﻫﻮﺓ ﻧﻔﺴﻪ ﻭﺍﻟﻠﻪ
ﻃﺒﻌﺎ ﺍﻫﻠﻲ ﻣﺎﻛﺘﻠﻬﻢ ﺷﻲ ﻛﺘﻠﻬﻢ ﻋﻨﺪﻩ ﺷﻐﻞ ﻭﺍﻧﻲ ﺿﺎﻳﺠﻪ ﺍﺭﻳﺪ ﺍﻇﻞ ﻳﻤﻜﻢ
ﻇﻞ ﻳﺪﺯ ﻣﺮﺓ ﻋﻤﻪ ﺗﺨﺎﺑﺮﻧﻲ ﺗﻜﻠﻲ ﺗﺮﻩ ﺣﺘﻰ ﻏﺆﻓﺘﻜﻢ ﻣﺎﺟﺎﻱ ﻳﺪﺧﻠﻬﻪ ﻳﻀﻮﺝ ﺩﺯﻳﻠﻪ ﻭﺣﺎﺟﻲ
ﺍﻧﻘﻬﺮﺕ ﻋﻠﻴﻪ ﺩﺯﻳﺘﻠﻪ ﻃﺒﻌﺎ ﺑﻌﺪ ﻣﻨﺎﻗﺸﺎﺕ ﻭﺣﺠﻲ . ﺗﺎﻟﻲ ﺭﺍﺿﺎﻧﻲ ﻛﺎﻝ ﻛﻠﺸﻲ ﺍﺩﺭﻱ ﻭﺍﻟﻠﻪ ﺑﺲ ﺻﺒﺮﻳﻠﻲ ﻭﻧﻄﻠﻊ ...
.
ﺍﻧﻲ ﺍﻟﻠﻲ ﺻﺪﻙ ﻳﺼﻔﻨﻨﻲ ﺍﻟﺘﻨﺎﻗﺾ ﺍﻟﻠﻲ ﺻﺎﻳﺮ ﺑﻲ ﻳﻌﻨﻲ ﺯﻳﻦ ﻭﻳﺴﻮﻟﻒ ﻭﺗﺎﻟﻲ ﺭﺍﺳﺎ ﻳﺨﺘﻠﻒ
ﻭﺍﺣﺪ ﺛﺎﻧﻲ ﻣﻮﻫﻮﺓ
ﺍﺗﻔﻘﻨﻪ ﻳﺠﻲ ﻋﻠﻲ ( ﻫﺎﻟﺤﺠﻲ ﺻﺎﺭ ﺍﺳﺒﻮﻉ ﺍﻧﻲ ﻋﺪ ﺍﻫﻠﻲ ﻳﻮﻡ ﺛﺎﻣﻦ ﺍﺟﻪ )
ﺍﺟﻪ ﻣﺎﻋﺆﻓﺘﻪ ﻟﺤﻴﺘﻪ ﻃﻮﻳﻴﻴﻠﻪ ﻭﻭﺟﻬﻪ ﺷﺎﺣﺐ
ﺍﻧﻲ ﺍﻋﺮﻓﻪ ﺍﺫﺍ ﺍﺑﻌﺪ ﻋﻨﻪ ﻳﺘﺪﻣﺮ ﺑﺲ ﻣﻮﻟﻬﺎﻱ ﺍﻟﺪﺭﺟﻪ
ﺭﺟﻌﻨﻪ ﻭﻃﺒﻌﺎ ﺍﻛﻴﺪ ﻣﺎﻳﺴﺘﻘﺒﻠﻮﻧﻲ ﺑﺎﺳﺘﻘﺒﺎﻝ ﻳﺨﺘﻠﻒ ﻋﻦ ﻛﻞ ﻣﺮﻩ
ﺑﺲ ﻗﺮﺭﺕ ﺑﻌﺪ ﻣﺎﺍﻫﺘﻢ ﻻﻥ ﻛﻠﺐ ﺭﺡ ﺗﻄﻴﺮ ﻭﺻﻠﻪ ﻣﻨﻪ ﺑﺴﺒﺒﻬﻢ
ﻣﺮ ﻳﻮﻣﻴﻦ ﺗﻼﺛﻪ ﺍﺭﺑﻌﻪ ﺗﺼﺎﻟﺤﻨﻪ ﻭﺭﺟﻌﻨﻪ ﻣﺜﻞ ﺑﺪﺍﻳﺔ ﺯﻭﺍﺟﻨﻪ ﻭﺍﺣﺲ ﺍﻫﻠﻪ ﻣﻴﺘﻴﻦ ﻗﻬﺮ ﻛﻠﺴﺎﻉ ﺍﺳﻤﻌﻬﻢ ﺷﻜﻮ ﻋﻠﻴﻬﻪ ﻳﻤﻮﺕ ﻉ ﺗﺮﺍﺏ ﺭﺟﻠﻴﻬﻪ
ﺑﺤﻴﺚ ﻣﻦ ﻧﺪﺧﻞ ﻧﺴﺒﺢ ﺍﻟﻌﻴﻮﻥ ﻛﻠﻬﻪ ﻋﻠﻴﻨﻪ . ﻋﺒﺎﻟﻚ ﻣﺎﺧﺬﻩ ﺭﺟﻠﻬﻪ .
ﺍﻣﻪ ﻣﻮ ﺍﺑﻨﻬﻪ
ﻣﺎﺍﻫﺘﻤﻴﺖ ﻇﻠﻴﺖ ﺍﺳﺒﺤﻪ ﻛﻞ ﻳﻮﻡ ﻭﻧﺴﺒﺢ ﺍﻧﻲ ﻭﻳﺎ ﺑﺎﻟﻀﺒﻂ ﻣﺜﻞ ﺑﺪﺍﻳﺔ ﻋﺮﺳﻨﻪ
ﻇﻠﻴﺖ ﻳﻤﻪ ﻋﺸﺮﺓ ﺍﻳﺎﻡ ﺍﻟﻰ ﺍﻥ ﺍﺟﻪ ﻳﻮﻡ 11/3/2018
↙️
11/3/2018
ﻗﺒﻞ ﻫﺬﺍ ﺍﻟﻤﻮﻋﺪ ﺑﺎﺭﺑﻌﺔ ﺍﻳﺎﻡ ﺣﺴﻴﺖ ﻧﻮﺍﺭ ﻣﻮﻫﻮﺓ
ﺍﺣﺴﻪ ﻏﺮﻳﺐ
ﺭﻏﻢ ﺻﺎﺭﻟﺔ ﺍﺷﻬﺮ ﻛﻞ ﻳﻮﻡ ﻳﻄﻠﻊ ﻟﻠﺸﻐﻞ ﻣﺎﻳﻮﻡ ﺍﺭﺗﺎﺡ ﺍﺑﺪ
ﺑﺲ ﺻﺎﺭ ﺍﺭﺑﻌﺔ ﺍﻳﺎﻡ . ﻣﺎﻳﻄﻠﻊ ﻳﻜﻮﻝ ﻣﺎﺑﻴﻪ . ﻭﺍﺣﺴﻪ ﻳﻔﺘﺮ ﺑﺎﻟﺒﻴﺖ ﻣﺜﻞ ﺍﻟﻐﺮﻳﺐ ﻳﺎﺭﺑﻲ ﻫﺬﺍ ﺷﺒﻲ
ﻭﺍﻧﻲ ﺍﻟﻠﻲ ﺟﻨﺖ ﺩﺍﺋﻤﺎ ﺍﺯﻋﻞ ﻋﻠﻴﻪ ﻻﻥ ﻣﺎﻳﺮﺗﺎﺡ ﻳﻮﻡ ﻭﻳﻜﻌﺪ ﻳﻤﻲ ﺑﺲ ﻫﺎﻱ ﺍﻻﻳﺎﻡ ﺍﻧﻲ ﺍﺭﻳﺪﻩ ﺑﺲ ﻳﻄﻠﻊ ﻻﻥ ﺍﺣﺴﻪ ﻏﺮﻳﺐ ﻋﻦ ﺍﻟﺒﻴﺖ
ﻛﻠﻤﺎ ﺍﻓﻜﺮ ﻫﻴﺠﻲ ﺍﻇﻞ ﺻﺎﻓﻨﻪ ﻉ ﻧﻔﺴﻲ ﻳﺎﺭﺑﻲ ﺷﺒﻴﻪ ﺍﻧﻲ ﻟﻴﺶ ﻣﺎﺍﺭﻳﺪﻩ ﻳﻜﻌﺪ ﺑﺎﻟﺒﻴﺖ
ﺍﻭﻭﻭﻑ ﻟﻌﻨﺔ ﺍﻟﻠﻪ ﻉ ﺷﻴﻄﺎﻥ
ﺑﻌﺪ ﺷﻐﻠﻪ ﻧﻮﺍﺭ ﺫﻳﻚ ﺍﻟﻔﺘﺮﻩ ﻛﻠﻬﻪ ﻣﺎﻳﻌﺮﻑ ﺗﻜﺮﻣﻮﻥ ﻳﺸﻄﻒ ﺳﻴﻮﻓﻲ ﻟﻮ ﻳﺴﺒﺤﻪ ﺑﺤﺪﻩ ﻳﻜﻮﻝ ﺍﺧﺎﻑ ﻳﺘﺎﺫﻩ ﺑﻴﺪﻱ ( ﺭﻏﻢ ﻫﻮﺓ ﻫﺴﻪ ﻋﻤﺮﻩ ﺻﺎﺭ ﺳﻨﻪ ﻭﻧﺺ )
ﻫﺎﻱ ﺍﻻﻳﺎﻡ ﻇﻞ ﻛﻞ ﻳﻮﻡ ﺍﻟﺼﺒﺢ ﻣﻦ ﻳﺴﺒﺢ ﻳﺪﺧﻠﻪ ﻳﺴﺒﺤﻪ ﻭﻳﺎ ﻭﻳﺠﻲ ﻳﺒﺪﻟﻪ ﻭﻭﻳﺎﺧﺬﻩ ﻳﻄﻠﻌﻪ ﻭﻳﺎ
ﺑﺎﺧﺘﺼﺎﺭ ﺑﻬﺎﻱ ﺍﻻﻳﺎﻡ ﻫﻮﺍﻱ ﺗﺼﺮﻓﺎﺕ ﻟﻨﻮﺍﺭ ﻣﻮﻫﻴﻪ
ﺧﺼﻮﺻﺎ ﺍﺣﻨﻪ ﺍﺧﺮ ﻓﺘﺮﻩ ﻛﻠﺶ ﻫﻮﺍﻱ ﻣﺸﺎﻛﻞ ﺗﺼﻴﺮ ﺑﻴﻨﺎﺗﻨﻪ ﻭﺍﻟﻤﺸﻜﻠﻪ ﻉ ﺷﻲ ﺗﺎﻓﻪ ﺟﺪﺍ ﻭﻫﺬﺍ ﺍﻟﺸﻲ ﺍﻟﺘﺎﻓﻪ ﻣﻤﻜﻦ ﻳﻜﻮﻥ ﻣﺸﻜﻠﻪ ﻧﻈﻞ ﺍﺳﺒﻮﻉ ﻣﺎﻧﺘﺤﺎﺟﻪ ﻋﻠﻤﻮﺩﻫﻪ ﺑﻴﻨﻤﺎ ﺍﺣﻨﻪ ﺟﻨﻪ ﻭﺍﺣﺪ ﻣﺎﻳﻜﺪﺭ ﻉ ﺯﻋﻞ ﺍﻟﺜﺎﻧﻲ ﺳﺎﻋﺎﺕ
ﻟﺪﺭﺟﻪ ﻇﻠﻴﺖ ﺍﺷﻚ ﺍﻧﻮ ﺍﻫﻞ ﻣﺴﻮﻳﻠﻨﻪ ﺷﻲ ﺧﺼﻮﺻﺎ ﺯﻭﺝ ﺧﺎﻟﺘﻪ ﺳﺤﺎﺭ ﻳﻜﻮﻟﻮﻥ ﻋﻨﻪ
ﺍﻧﻲ ﻣﺎﺷﺎﻳﻔﺘﻪ ﺑﺲ ﺍﻛﻮ ﻧﺎﺱ ﺗﻜﻮﻝ ﻋﻨﻪ ﺳﺤﺎﺭ ﻭﺍﻫﻞ ﻧﻮﺍﺭ ﻳﻜﻮﻟﻮﻥ ﻻ ﻣﺠﺮﺩ ﻳﻌﺮﻑ ﻳﺎﺧﺬ ﺧﻴﺮﻩ
ﺍﻟﻤﻬﻢ ﻫﺬﺍ ﺍﻟﺘﺎﺭﻳﺦ ﺍﻟﻠﻲ ﻋﻤﺮﻱ ﺑﺤﻴﺎﺗﻲ ﻣﺎﺍﻧﺴﺎﻩ ﺻﺎﺩﻑ ﻳﻮﻡ ﺍﻻﺣﺪ ﻟﻜﻦ ..
ﻳﻮﻡ ﺍﻟﺴﺒﺖ ﺑﺎﻟﻠﻴﻞ ﺻﺎﺭﺕ ﺑﻴﻨﺎﺗﻨﻪ ﻣﺸﺎﺩﻩ ﻛﻼﻣﻴﻪ ﻉ ﻣﺸﻜﻠﻪ ﺗﺎﻓﻬﻪ ﺍﻧﺘﻬﺖ ﺑﺰﻋﻠﻲ ﻣﻨﻪ ﻭﻧﻤﺖ
ﻛﻌﺪﺕ ﺍﻟﺼﺒﺢ ﺑﻬﺬﺍ ﺍﻟﻴﻮﻡ ﺍﻟﻤﺸﺆﻭﻡ
ﺷﻔﺘﻪ ﻛﺎﻋﺪ ﺑﺲ ﻣﺘﻤﺪﺩ ﻉ ﺟﺮﺑﺎﻳﻪ
ﺍﺟﻪ ﻳﻤﻲ ﻭﺣﻀﻨﻲ ﻭﻇﻞ ﻳﺒﻮﺱ ﺑﺮﻛﺒﺘﻲ ﻭﺻﺪﺭﻱ ﺍﻧﻲ ﻋﺮﻓﺘﻪ ﺷﻴﺮﻳﺪ
... ﻫﻬﻬﻬﻪ ﻫﺎ ﺧﻴﺮ ﻣﻦ ﺻﺒﺎﺣﻴﺔ ﺍﻟﻠﻪ
ﻧﻮﺍﺭ ...... ﻣﺴﺘﻤﺮﺭﺭﺭﺭ
..... ﻫﻬﻬﻬﻬﻬﻪ ﻧﻮﻳﺮ ﻛﺎﻓﻲ ﻭﻟﻚ ﺧﻞ ﺍﻛﻮﻡ ﺍﺳﻮﻱ ﺭﻳﻮﻙ ﻣﺪﺍﻡ ﻣﺎﺗﺮﻭﺡ ﻟﻠﺸﻐﻞ
ﻧﻮﺍﺭ .. ﻣﺴﺘﻤﺮﺭﺭ
.... ﻫﻬﻬﻬﻬﻪ ﺍﻭﻭﻭﻑ ﻧﻮﻳﺮ ﺧﻞ ﺍﻛﻮﻡ ﺭﺡ ﺗﺼﻴﺮ ﺍﻟﻌﺸﺮﻩ ﻭﻫﺴﻪ ﺧﺎﻟﺘﻲ ﺗﻈﻞ ﺗﻜﺮﻛﻊ ﻋﻠﻴﻪ ﺷﻜﻠﻚ ﺑﻌﺪﻫﻪ ﻧﺎﻳﻤﻪ
ﺑﻌﺪﻳﻦ ﺣﺒﻴﺒﻲ ﺑﺎﻟﻠﻴﻞ ﻭﺍﻟﻠﻪ ﺍﻭﻛﻲ
ﻧﻮﺍﺭ ... ﺍﻧﻲ ﺍﻋﻠﻤﺞ
... ﻫﻬﻬﻬﻊ ﻳﺎﻟﻠﻪ ﻭﺧﺮ ﻻﺗﺼﻴﺮ ﺳﺨﻴﻒ ﺩﻓﻌﺘﻪ ﻭﻛﺮﺻﺘﻪ ﻭﻃﻠﻌﺖ ﺳﻮﻳﺖ ﺭﻳﻮﻙ ﻭﺍﺟﻴﺘﻠﻪ
ﺑﻌﺪﻩ ﻣﺘﻤﺪﺩ ﻉ ﺟﺮﺑﺎﻳﻪ ﻣﻦ ﺍﺟﻴﺖ ﻳﻤﻪ . ﺣﻈﻨﻲ ﻧﻴﻤﻨﻲ ﻋﻠﻴﻪ ﻭﺍﺑﺘﺴﻢ ...
ﻫﻬﻬﻬﻪ ﻫﺎﻱ ﺷﺒﻴﻚ ﺍﻟﻴﻮﻡ ﺷﺠﺎﻙ ﻳﺎﻟﻠﻪ ﻛﻮﻡ ﺣﻀﺮﺕ ﺭﻳﻮﻙ ....
ﻛﺎﻡ ﻳﻤﻲ ﻭﻛﻌﺪﻧﻪ ﻧﺘﺮﻳﻚ ﻭﻧﺴﻮﻟﻒ ﻭﺳﻴﻮﻓﻲ ﻛﻠﺴﺎﻉ ﻳﺠﺮ ﺷﻐﻠﻪ ﻣﻦ ﺍﻟﺼﻴﻨﻴﻪ . ﺧﻠﺼﻨﻪ ﺭﻳﻮﻙ ﻛﺘﻠﻪ ﻣﺎﺗﻄﻠﻊ ﺍﻟﻴﻮﻡ . ﻛﺎﻝ ﻻﻣﺎﺑﻴﻪ ﺣﻴﻞ ﺍﺭﻳﺪ ﺍﻇﻞ ﺑﺎﻟﺒﻴﺖ
ﻭﺍﺣﻨﻪ ﻧﺤﺠﻲ ..
ﺍﺑﻮ ﻧﻮﺍﺭ ... ﺍﻛﻠﻚ ﺟﺎ ﻳﻤﺘﻪ ﺗﺮﻭﺡ ﺗﺸﻮﻑ ﻣﻌﺎﻣﻠﺘﻲ ﺷﺼﺎﺭ ﻋﻠﻴﻬﻪ
ﻧﻮﺍﺭ .. ﻫﺎ . ﺍﻟﻴﻮﻡ ﺍﺭﻭﺡ
ﺍﺑﻮ ﻧﻮﺍﺭ ... ﺍﻱ ﻳﻤﺘﻪ ﻟﻌﺪ ﻣﻦ ﻳﻤﺘﻪ ﻭﻛﻞ ﻳﻮﻡ ﺗﻜﻮﻝ ﺑﺎﺟﺮ
ﻧﻮﺍﺭ ... ﺍﻧﺸﺎﻟﻠﻪ ﻫﺴﻪ ﺍﺭﻭﺡ
ﺍﺳﺎﻭﺭ ﺣﻀﺮﻳﻠﻲ ﻣﻼﺑﺲ
ﺭﺣﺖ ﻟﻠﻐﺮﻓﻪ ﻟﻜﻴﺘﻪ ﺟﺎﻱ ﻳﻨﺰﻉ ﻣﻼﺑﺲ ﺍﻟﺒﻴﺖ
.. ﺍﻃﻠﻌﻠﻚ ﺗﻴﺸﻴﺮﺕ ﻭﺑﻨﻄﺮﻭﻥ ﻣﻮ
ﻧﻮﺍﺭ ... ﻻ ﻃﻠﻌﻲ ﺑﺪﻟﺔ ﻋﻤﻞ ﻻﻥ ﺍﺭﻭﺡ ﺍﺳﻮﻱ ﺑﺨﺎﺧﺎﺕ ﺍﻟﺴﻴﺎﺭﻩ . ﻓﺪ ﻣﺮﻩ
ﺣﻀﺮﺗﻠﻪ ﻭﺑﺪﻟﻪ ﻭﻃﻠﻊ
ﻫﺬﺍ ﺍﻟﺤﺠﻲ ﺳﺎﻋﻪ 11 ﺍﻟﺼﺒﺢ
ﺑﻠﺸﻨﻪ ﻧﺤﻀﺮ ﻏﺪﻩ ﻭﻏﺴﻠﺖ ﻣﻼﺑﺲ ﺻﺎﺭﺕ ﺳﺎﻋﻪ ﻭﺣﺪﻩ ﺭﺩﻧﻪ ﻧﺼﺐ ﻏﺪﻩ ﺧﺎﻟﺘﻲ ﻛﺎﻟﺖ ﺧﺎﺑﺮﻳﻠﻪ ﺷﻮﻓﻲ ﻳﺠﻲ ﻫﺴﻪ ﻟﻮﻧﺼﺐ
ﺩﻛﻴﺖ
ﻧﻮﺍﺭ ... ﺍﻟﻮ
... ﻫﺎﺣﺒﻴﺒﻲ ﺷﻨﻮﺟﺎﻱ ﺑﻌﺪﻙ
ﻧﻮﺍﺭ .. ﻻﺑﻌﺪﻧﻲ ﺟﺎﻱ ﺍﺷﺘﻐﻞ ﺑﺎﻟﺴﻴﺎﺭﻩ
... ﻳﻌﻨﻲ ﻣﺎﻧﻨﺘﻈﺮﻙ ﻉ ﻏﺪﻩ
ﻧﻮﺍﺭ .. ﻻ ﻻﺗﻨﺘﻈﺮﻭﻧﻲ ﺑﻌﺪﻧﻲ
ﺭﺣﺖ ﻭﻛﺘﻠﻬﻢ . ﻭﺻﺒﻴﻨﻪ ﻏﺪﻩ ﺗﻐﺪﻳﻨﻪ ﻭﻧﻈﻔﺖ ﺍﻟﻤﻄﺒﺦ ﻭﻃﻠﻌﻨﻪ ﻛﻌﺪﻧﻪ ﺑﻌﺘﺒﺔ ﺍﻟﻤﻄﺒﺦ
ﺻﺤﻴﺢ ﻇﻬﺮ ﺑﺲ ﻧﻮﺍﺭ ﺟﺎﻥ ﻣﺴﻮﻱ ﻗﻤﺮﻳﻪ ﻛﻠﺶ ﺟﺒﻴﺮﻩ ﺑﺤﻴﺚ ﻻﻣﻄﺮ ﻳﻮﻛﻊ ﻋﻠﻴﻨﻪ ﻭﻻﺷﻤﺲ
ﺻﺎﺭﺕ ﺳﺎﻋﻪ ﺗﻼﺛﻪ ﺧﺬﻳﺖ ﺳﻴﻮﻓﻲ ﺭﺣﺖ ﺳﺒﺤﺘﻪ ﻭﻧﻴﻤﺘﻪ
ﺍﺑﺎﻭﻉ ﻟﻠﺴﺎﻋﻪ ﺑﺎﻻﺭﺑﻌﻪ ﺍﻻ ﺭﺑﻊ ﻭﻧﻮﺍﺭ ﻣﺎﻛﻮ
ﻇﻠﻴﺖ ﺍﺩﻙ ﻳﻜﻮﻝ ﺍﻟﺮﻗﻢ ﻣﻔﺼﻮﻝ ﻣﻦ ﺍﻟﺨﺪﻣﻪ
ﺷﻨﻮ ﻣﻔﺼﻮﻝ ﺧﻮﻣﺎﻛﻮ ﺷﻲ ﻗﺒﻞ ﺳﺎﻋﺘﺒﻦ ﻳﺤﺠﻲ ﻭﻳﺎﻱ
ﺩﻛﻴﺖ ﻫﻮﺍﻱ ﺗﺎﻟﻲ ﻛﻠﺖ ﺑﻠﻜﻲ ﺟﺎﻱ ﻭﻧﻘﺎﻟﻪ ﻣﻄﻔﻲ ﺧﻞ ﺍﺗﻤﺪﺩ ﻭﻫﺴﻪ ﺧﻮﺓ ﻳﺠﻲ .....
ﺷﻮﻳﻪ ﻭﺍﻧﻔﺘﺢ ﺑﺎﺏ ﺍﻟﻐﺮﻓﻪ
ﺳﻤﺮ ... ﺍﻛﻠﺞ ﺍﺳﺎﻭﺭ ﻳﻤﺘﻪ ﺧﺎﺑﺮﺗﻲ ﻧﻮﺍﺭ ﺍﺧﺮﺷﻲ
... ﻟﻴﺶ ﺑﺎﻟﻮﺣﺪﻩ
ﺳﻤﺮ .. ﻣﻮﻳﻜﻮﻟﻮﻥ ﻣﺴﻮﻱ ﺣﺎﺩﺙ
... ﻳﻤﻪ ﺻﺨﺎﻡ ﺑﻮﺟﻬﻲ
ﻭﻃﻔﺮﺕ ﻣﻦ ﺍﻟﺠﺮﺑﺎﻳﻪ ﻭﻃﻠﻌﺖ ﻳﻤﻬﻢ
.. ﺷﻨﻮﺧﺎﻟﻪ ﺷﻨﻮ ﺣﺎﺩﺙ ﺷﺒﻲ ﻧﻮﺍﺭ ﺧﺎﺑﺮﻭ ﺳﺎﻟﻮ ﻋﻔﻴﻪ
ﺧﺎﻟﺘﻲ
.. ﻭﻟﺞ ﻣﺎﺍﺩﺭﻱ ﻣﺤﺪ ﻳﺤﺠﻲ ... ﻇﻠﺖ ﺗﺨﺎﺑﺮ
ﺍﻧﻲ ﺭﺍﺳﺎ ﻧﺰﻟﺖ ﺩﻣﻮﻋﻲ ﻇﻠﻴﺖ ﺍﻧﺨﻪ ﺑﺎﻫﻞ ﺍﻟﺒﻴﺖ . ﺩﺧﻴﻠﻚ ﻳﺎﺍﺑﻮ ﺍﻟﺤﺴﻦ ﻛﻮﻥ ﺗﺮﺟﻌﻪ ﺍﻟﻲ ﻣﻜﺴﺮ ﻻ ﺍﻳﺪ ﻭﻻ ﺭﺟﻞ ﻭﺍﻧﻲ ﺍﺧﺪﻣﻪ ﺑﺲ ﻳﺮﺟﻌﻠﻲ
ﺍﻣﻪ ﻭﺍﺑﻮ ﻏﻴﺮﻭ ﻣﻼﺑﺴﻬﻢ ﻭﺭﺍﺣﻮ ﺍﺧﺬﻫﻢ ﻋﻤﺮ ﺣﻤﺎﻱ . ﻛﺘﻠﻬﻢ ﺍﻛﻌﺪ ﺳﻴﻮﻓﻲ ﻭﺍﺟﻲ ﻭﻳﺎﻛﻢ ﺧﺎﻟﺘﻲ ﻣﺎﻗﺒﻠﺖ ﻛﺎﻟﺖ ﻻ ﺍﻟﻤﻦ ﺗﺠﻴﻦ ﺧﻞ ﻧﺸﻮﻑ ﺷﻨﻮ ﺻﺎﻳﺮ
ﺭﺍﺣﻮ ﻭﺭﻭﺣﻲ ﺭﺍﺣﺖ
ﻇﻠﻴﺖ ﺍﻓﺘﺮ ﺑﺎﻟﺒﻴﺖ ﻣﺜﻞ ﺍﻟﻤﺨﺒﻠﻪ ﻭﺍﻧﺨﻪ ﺍﻫﻞ ﺍﻟﺒﻴﺖ ﻣﺎﺧﻠﻴﺖ ﺍﻣﺎﻡ ﻣﺎﻧﺨﻴﺘﻪ
ﻭﺍﺣﺠﻲ ﻭﺍﻧﺨﻪ ﺑﺼﻮﺕ ﻋﺎﻟﻲ ﻣﺎﺍﺣﺲ ﻣﻨﻮ ﻳﻤﻲ ﻭﻻ ﻣﻨﻮ ﺑﺎﻟﺒﻴﺖ
ﺑﻴﻮﻣﻬﻪ ﺣﻤﺎﺗﻲ ﻳﺎﺳﻤﻴﻦ ﻋﺪﻧﻪ ﺑﺎﻟﺒﻴﺖ
ﻫﻴﻪ ﻫﻢ ﻇﻠﺖ ﺗﻠﻮﺏ
ﻫﻤﻪ ﺑﻴﻬﻢ ﻃﺒﻌﺎ ﻟﻴﻞ ﻭﻧﻬﺎﺭ ﻳﻨﻌﻮﻥ ﻭﻳﺒﺠﻮﻥ ﻉ ﻓﺎﺭﻍ ﻭﺍﻟﻤﻠﻴﺎﻥ
ﻫﻴﻪ ﺑﺲ ﺳﻤﻌﺖ ﻣﺴﻮﻱ ﺣﺎﺩﺙ ﻛﻌﺪﺕ ﺗﻨﻌﻪ ﻭﺗﺒﺠﻲ
... ﻭﻟﺞ ﻳﺎﺳﻤﻴﻦ ﺻﻠﻲ ﻋﻠﻰ ﻣﺤﻤﺪ ﺍﻧﺪﻋﻴﻠﻲ ﺍﻧﺸﺎﻟﻠﻪ ﻣﺎﻛﻮ ﺷﻲ
ﻃﺒﻌﺎ ﺻﻮﺗﻲ ﻫﻨﺎ ﻣﻮﺑﺲ ﻳﺮﺟﻒ . ﻻ ﺍﺣﺴﻪ ﻳﺘﻜﺴﺮ ﻭﻛﻮﺓ ﺍﻃﻠﻊ ﺍﻟﺤﺠﺎﻳﻪ
ﻫﻴﻪ ﻣﻦ ﺳﻤﻌﺖ ﻫﻴﺠﻲ ﺻﺪﻙ ﻇﻠﺖ ﺗﻨﺪﻋﻲ
ﻛﺎﻟﺖ ﻻ ﺧﻞ ﺍﺧﺎﺑﺮ ﺣﺴﻴﻦ
ﺧﺎﺑﺮﺕ ﻟﺰﻭﺟﻬﻪ ﺍﺳﻤﻌﻬﻪ ﺗﻜﻮﻝ ﺍﻟﻠﻪ ﻋﻠﻴﻚ ﺍﺣﺠﻲ ﺍﻟﺼﺪﻙ ﻭﻫﻴﻪ ﺗﺒﺠﻲ
ﺍﺟﻴﺘﻠﻬﻪ ﻛﺎﻟﺖ ﻭﻟﺠﻦ ﺳﻜﺘﻲ ﺣﺴﻴﻮﻥ ﻳﺒﺠﻲ . ﻭﻟﺠﻦ ﻳﺒﺠﻲ
ﺍﻧﻲ ﻫﻨﺎ ﻛﻠﺒﻲ ﻛﺮﺻﻨﻲ ﺑﺲ ﻇﻠﻴﺖ ﻣﺘﻤﺴﻜﻪ ﺑﺎﻫﻞ ﺍﻟﺒﻴﺖ ﻛﻠﺖ ﻣﺎﻳﻜﺴﺮﻭﻧﻲ ﺍﺑﺪ
ﻭﺭﻩ ﺷﻮﻱ ﺍﻟﺘﻤﻮ ﺍﻫﻞ ﺍﻟﻤﻨﻄﻘﻪ ﻋﻠﻴﻨﻪ .
ﻭﻓﺠﺎﺓ ﺑﻨﺎﺕ ﻋﻤﺎﻣﻪ ﺍﻟﻠﻲ ﻣﻨﻪ ﺳﻤﻌﻨﺎﻫﻢ ﺑﺼﺮﺧﻦ
ﻳﻤﻪ ﻛﻠﺒﻲ ﻭﻛﻒ ﻭﻟﻚ ﻧﻮﻳﺮ ﺷﺒﻴﻚ
ﺍﺟﻦ ﻳﺼﺮﺧﻦ ﻟﻠﺒﻴﺖ
ﺻﺤﺖ ﺑﻴﻬﻦ ﺳﻜﺘﻮﻭﻭﻭﻭﻭ
... ﻇﻠﻴﺖ ﺍﻟﺰﻡ ﺑﻴﻬﻦ ﻭﺣﺪﻩ ﻭﺣﺪﻩ
ﻝ
... ﺣﺒﻴﺒﺘﻲ ﻟﻴﺶ ﺗﺼﺮﺧﻴﻦ ﺳﻤﻌﺘﻮ ﺷﻲ ﻣﺎﺗﺠﺎﻭﺑﻨﻲ ﺑﺲ ﺗﺒﺠﻲ . ﻭﺍﻟﺜﺎﻧﻴﻪ ﻧﻔﺲ ﺍﻟﺸﻲ . ﻭﺍﻟﺜﺎﻟﺜﻪ
ﻛﺘﻠﻬﻢ ﻻ ﻣﺎﺑﻲ ﺷﻲ ﺍﻧﺸﺎﻟﻠﻪ ﻣﺎﻛﻮ ﺷﻲ ﺍﻟﻠﻪ ﻣﺎﻳﻜﺴﺮﻧﻲ ﺍﻧﻲ ﺍﺩﺭﻱ
ﻭﻳﻪ ﺍﻟﺼﺮﻳﺦ ﻛﻌﺪ ﺳﻴﻮﻓﻲ ﻳﺼﺮﺥ ﻣﺨﺘﺮﻉ ﺭﺣﺘﻠﻪ ﺍﺭﻛﺾ ﺑﺲ ﻳﺎﺭﺑﻲ ﻭﺟﻬﻪ ﻣﻮﻫﻮﺓ .
ﻣﻮ ﻭﺟﻪ ﺍﺑﻨﻲ ﺍﻟﻮﻛﻴﺢ ﺍﻟﻠﻲ ﻣﺎﻳﺨﻠﻲ ﺷﻐﻠﻪ ﻣﺎﻳﺰﻋﺒﻠﻬﻪ ﻭﻳﻨﺒﺸﻬﻪ
ﻻ ﻭﺟﻪ ﻃﻔﻞ ﻳﻜﺴﺮ ﺍﻟﺨﺎﻃﺮ ﻭﺣﺘﻰ ﺑﺠﻴﺘﻪ ﺗﻜﺴﺮ ﺍﻟﺨﺎﻃﺮ
ﺧﺬﻳﺘﻪ ﻟﻠﻐﺮﻓﻪ ﻧﻴﻤﺘﻪ ﻭﻃﻠﻌﺖ
ﺍﺟﺖ ﻣﺮﺕ ﻋﻤﻪ ﻛﺘﻠﻬﻪ ﺷﻨﻮ ﻛﺎﻟﺖ ﻫﺴﻪ ﺍﺧﺎﺑﺮ ﻛﺎﻟﻮ ﻣﻮﺩﻳﻨﻪ ﻟﻠﺘﻌﻠﻴﻤﻲ ﻫﺎﻱ ﺍﻟﻤﺴﺘﺸﻔﻰ ﻳﻢ ﺍﻫﻠﻲ
ﺑﺴﺮﻋﻪ ﺧﺎﺑﺮﺕ ﺑﺎﺑﺎ ﻛﺘﻠﻪ ﺭﻭﺡ ﺷﻮﻓﻲ ﺷﺒﻲ
ﺭﺟﻌﺖ ﺧﺎﺑﺮﺕ ﻟﻌﻤﻮ ﻭﺧﺎﻟﺘﻲ ﻛﺎﻟﻮ ﺑﻌﺪﻧﻪ ﻣﺎﻭﺻﻠﻨﻪ
ﺭﺑﻴﻴﻴﻲ ﻛﻠﺒﻲ ﺭﺍﺡ ﻳﻮﻛﻒ ﻭﻟﻚ ﻧﻮﻳﺮ .
ﻛﺘﻠﻬﻢ ﻛﻮﻟﻮ ﺷﺒﻴﻜﻢ ﻭﺍﺣﺪ ﻳﻨﻄﻴﻨﻲ . ﺧﺒﺮ ﺣﺘﻰ ﺍﺗﻨﻔﺲ ﻛﻠﺒﻲ ﺭﺍﺡ ﻳﻮﻛﻒ
ﺭﺣﺖ ﻟﻤﺮﺕ ﻋﻤﻪ ﻛﺎﻟﺖ ﻫﺴﻪ ﺍﺧﺎﺑﺮ
ﻭﺍﻧﻲ ﻭﺍﻛﻔﻪ ﻳﻤﻬﻪ . ﺣﺠﺖ ﻛﺎﻟﺖ ﻫﺎ ﻳﺎﻟﻠﻪ
ﻛﺘﻠﻬﻪ ﺷﺒﻲ ﻛﺎﻟﺖ ﻣﺎﺕ . ﺑﻌﺪ ﺷﺒﻲ .....
ﺻﻔﻨﺖ
ﻣﻨﻮ ﻣﺎﺕ . ﻧﻮﺍﺭ
ﺗﺮﺑﻌﺖ ﻭﻛﻌﺪﺕ ﺑﺎﻻﺭﺽ
ﺧﻮﺍﺗﻪ ﻇﻠﻦ ﻳﺼﺮﺧﻦ
ﺍﻧﻲ ﻣﺘﺮﺑﻌﻪ ﻭﻛﺎﻋﺪﻩ ﺑﺲ ﻋﻴﻮﻧﻲ ﻣﻔﺘﻮﺣﻪ ﻟﺪﺭﺟﻪ ﺍﺣﺲ ﺍﻟﺒﺆﺑﺆ ﺭﺍﺡ ﻳﻄﻠﻊ
ﻭﺭﻩ ﻧﺺ ﺳﺎﻋﻪ ﺑﻌﺪﻧﻲ ﻉ ﻧﻔﺲ ﺍﻟﻜﻌﺪﻩ ﺍﺟﻦ ﻧﺴﻮﺍﻥ ﺍﻟﻤﻨﻄﻘﻪ ﻳﻤﻲ ﻳﺤﺠﻦ ﻭﻳﺎﻱ ﻳﺎﻟﻠﻪ ﻓﺰﻳﺖ
ﺭﺍﺳﺖ ﺻﺤﺖ ..
ﻭﻟﻚ ﻧﻮﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺭ
ﺍﺣﺲ ﺻﻮﺗﻲ ﺭﺍﺡ
ﻳﺤﺠﻦ ﻭﻳﺎﻱ ﺍﻟﻨﺴﻮﺍﻥ ﺍﻧﻲ ﻋﻔﺘﻬﻢ ﻃﻠﻌﺖ ﺑﺎﻟﺸﺎﺭﻉ ﺗﺮﺑﻌﺖ ﺑﻨﺺ ﺍﻟﺸﺎﺭﻉ . ﺍﺟﻮﻟﻲ ﻛﺎﻟﻮ ﻳﻤﻪ ﻛﻮﻣﻲ .
ﻛﺘﻠﻬﻢ ﻫﺴﻪ ﺗﺠﻲ ﺳﻴﺎﺭﺗﻪ ﻭﺍﺻﺒﻠﻪ ﻏﺪﻩ ﻣﺎﺍﺩﺧﻞ ﻟﺤﺪﻣﺎ ﻳﺠﻴﻠﻲ ﺷﻨﻮ ﻧﻮﻳﺮ ﻳﻌﻮﻓﻨﻲ ﺩﺳﻜﺘﻲ ﺗﺤﺠﻴﻦ ﺻﺪﻙ . ﺍﻧﻲ ﺗﺎﻧﻴﺘﻪ ﻳﻮﻡ ﺑﻴﻮﻡ ﻭﺳﺎﻋﻪ ﺑﺴﺎﻋﻪ ﻭﺍﻧﺸﻠﻊ ﻛﻠﺒﻲ ﻳﺎﻟﻠﻪ ﺻﺎﺭﻟﻲ ﺗﺎﻟﻲ ﻋﻮﻓﻨﻲ ﻻ ﺍﻧﺘﻲ ﻣﺎﺗﻌﺮﻓﻴﻨﻪ ﺷﻜﺪ ﻳﺤﺒﻨﻲ ﻳﻌﻮﻑ ﺍﻟﺪﻧﻴﺎ ﻣﺎﻳﻌﻮﻓﻨﻲ
ﻃﺒﻌﺎ ﻫﻠﺤﺠﻲ ﺑﺼﻴﺎﺡ ﻭﺻﺮﻳﺦ ﻭﺍﻟﻨﺴﻮﺍﻥ ﻉ ﻛﻼﻣﻲ ﻇﻠﻦ ﻳﺒﺠﻦ ﻭﻳﻬﺪﺍﻥ ﺑﻴﻪ
ﺍﻧﻲ ﻟﺤﺪ ﺍﻻﻥ ﺩﻣﻌﻪ ﻣﺎﻧﺰﻟﺖ ﻣﻨﻲ
ﻭﺭﻩ ﺷﻮﻱ ﻛﺎﻟﻮ ﺍﻟﻤﺮﻛﺰ ﻳﺮﺩﻭﻧﻬﻪ ﺣﺘﻰ ﻳﺴﻮﻭﻥ ﺷﻬﺎﺩﺓ ﺍﻟﻮﻓﺎﺓ ﻭﻫﺎﻱ ﺍﻟﺴﻮﺍﻟﻒ ﺍﺫﺍ ﻣﺎﺗﺠﻲ ﻣﺮﺗﻪ ﻣﺎﻳﺴﻮﻭﻫﻪ
ﺍﻧﻲ ﻫﻨﺎ ﺣﺴﻴﺖ ﺍﺍﺳﺎﻟﻔﻪ ﺻﺎﺭﺕ ﺻﺪﻙ ﻧﺰﻟﺖ ﺩﻣﻮﻋﻲ ﻣﺜﻞ ﺍﻟﺤﻨﻔﻴﻪ ﻣﺎﺗﻮﻛﻒ
ﺍﻟﺒﻨﺎﺕ ﻛﺎﻟﻮ ﻟﺒﺴﻲ ﺩﺷﺪﺍﺷﻪ ﺳﻮﺩﻩ ﺣﺘﻰ ﺗﺮﺣﻴﻦ
ﻃﺒﻌﺎ ﺍﻧﻲ ﺻﺎﺭ ﻳﻮﻣﻴﻦ ﻣﻦ ﺫﺑﻴﺖ ﺍﻻﺳﻮﺩ ﻉ ﺍﺑﻦ ﺧﺎﻟﺘﻲ ﻭﺭﻣﺎ ﺧﺎﻟﺘﻲ ﺗﺮﺟﺘﻨﻲ ﺍﻧﺰﻋﻪ
ﺻﻔﻨﺖ ﺷﻨﻮ ﺍﻟﺒﺲ ﺍﺳﻮﺩ ﻋﻠﻴﻤﻦ ﻉ ﻧﻮﺍﺭ
ﻃﺒﻌﺎ ﺑﺲ ﺑﺠﻲ ﻣﺎﻛﻮ ﺭﺩ ﻓﻌﻞ ﻣﻨﻲ
ﺍﺟﻦ ﺍﻟﺒﻨﺎﺕ ﻃﺎﻟﻌﻮﻟﻲ ﺩﺷﺪﺍﺷﻪ ﻭﻟﺒﺴﻮﻧﻲ ﻭﺍﻧﻲ ﺻﺎﻓﻨﻪ ﺑﺲ ﺩﻣﻮﻉ ﺗﻨﺰﻝ ﻭﺫﻛﺮﻳﺎﺕ ﺗﻤﺮ
.
ﺍﺟﻮ ﺧﺬﻭﻧﻲ ﺑﺎﻟﺴﻴﺎﺭﻩ ﺧﺬﻳﺖ ﺳﻴﻮﻓﻲ ﻭﺯﻭﺟﺔ ﻋﻤﻪ ﻭﺳﻤﺮ ﺭﺣﻨﻪ ﻟﻠﻤﺮﻛﺰ
ﻃﻮﻝ ﺍﻟﻄﺮﻳﻖ ﺩﻣﻮﻋﻲ ﺗﻨﺰﻝ
ﺷﺮﻳﻂ ﺣﻴﺎﺗﻲ ﻭﻳﺎ ﻛﻠﻪ ﻣﺮ ﻛﺒﺎﻟﻲ
ﻳﻮﻡ ﺧﻄﻮﺑﺘﻨﻪ ﻭﺷﻠﻮﻥ ﺑﺎﺳﻨﻲ ﺍﻭﻝ ﺑﻮﺳﻪ
ﻭﻣﻦ ﺟﺎﻥ ﻳﺠﻴﻠﻲ ﺑﺎﻟﺨﻄﻮﺑﻪ
ﻭﻣﻦ ﻳﺮﻳﺪ ﻳﺮﺟﻊ ﻟﺒﻴﺘﻬﻢ ﻣﺎﺍﺧﻠﻲ ﻭﺍﻇﻞ ﻛﺎﻋﺪﻩ ﺑﺤﻈﻨﻪ ﻭﻣﺎﺍﺧﻠﻲ ﻳﻜﻮﻡ
ﻭﻣﻦ ﻧﺘﻌﺎﺭﻙ ﺑﺎﻟﻠﻴﻞ ﻭﻳﻌﻀﻨﻲ ﻭﻳﺸﺒﻌﻨﻲ ﻛﺮﺹ ﻭﺍﻛﻠﻪ ﺷﻮﻱ ﺍﻳﺪﻱ ﺷﻮﻥ ﺻﺎﺭﻥ ﺯﺭﻙ ﻟﻴﺶ ﻫﻴﺞ . ﻳﻈﻞ ﻳﻀﺤﻚ ﻳﻜﻠﻲ ﺍﻳﺪﻳﺞ ﻣﺘﺒﺘﺒﺎﺕ ﻳﺴﻮﻥ ﻭﺍﻫﺲ ﻉ ﻛﺮﺹ
ﻭﺫﻛﺮﺕ ﻟﻴﻠﺔ ﻋﺮﺳﻨﻪ ﻭﺷﻮﻥ ﺟﺎﻥ ﺧﺎﻳﻒ . ﻋﻠﻲ
ﻭﻣﻦ ﺟﺒﺖ ﻭﻃﻠﻌﺖ ﻣﻦ ﺍﻟﻤﺴﺘﺸﻔﻰ ﺷﻠﻮﻥ ﺑﺎﺱ ﺭﺍﺳﻲ ﻛﺒﺎﻝ ﻛﻞ ﺍﻟﻨﺎﺱ ﻭﻣﺎﺣﺴﺐ ﺣﺴﺎﺑﻬﻢ
ﺩﻣﻮﻋﻲ ﺍﺣﺴﻬﻪ ﻧﺎﺭ . ﻧﺎﺍﺍﺍﺍﺭ ﻣﻦ ﺻﺪﻙ ﻣﻮﻣﺠﺮﺩ ﻛﻠﻤﻪ
ﻭﺻﻠﻨﻪ ﻟﻠﻤﺮﻛﺰ ﺳﻴﻮﻓﻲ ﻧﺎﻡ ﺧﻄﻴﻪ ﺧﻠﻴﺘﻪ ﻳﻤﻬﻢ ﻭﻧﺰﻟﺖ ﻭﻳﺎﻱ ﻣﺮﻩ ﻣﻦ ﻣﻨﻄﻘﺘﻨﻪ ﺍﺟﺖ ﻫﻢ ﻭﻳﺎﻧﻪ
ﻃﺒﻌﺎ ﻣﺸﻲ ﻣﺎﺑﻴﻪ ﺍﻣﺸﻲ
ﻇﻠﺖ ﻫﻴﻪ ﻻﺯﻣﺘﻨﻲ ﻭﺗﻤﺸﻴﻨﻲ ﻭﺍﻧﻲ ﺩﻣﻮﻋﻲ ﻣﺎﻭﻛﻔﺖ ﺍﺑﺪ
ﺩﺧﻠﻨﻪ ﻛﻌﺪﻧﻪ ﺑﻐﺮﻓﺔ ﺍﻟﻀﺎﺑﻂ
ﺍﺟﻪ ﻭﻋﺰﺍﻧﻨﻪ
ﺳﺎﻟﻨﻲ ﺷﺠﻢ ﺳﺆﺍﻝ ﻣﺎﺑﻴﻪ ﺍﺟﺎﻭﺏ ﻛﻮﺓ . ﺍﺣﺠﻲ
ﺑﺲ ﺍﻻﻱ ﻛﻠﺘﻪ
ﺑﺲ ﻓﻬﻤﻮﻧﻲ ﺷﻠﻮﻥ ﺭﺍﺡ ... ﻃﺒﻌﺎ ﻟﺤﺪ ﺍﻻﻥ ﺍﻧﻲ ﻣﺎﺍﻛﻮﻝ ﻣﺎﺕ .. ﻣﺎﻳﻬﻮﻥ ﻋﻠﻴﻪ ﻭﻫﺎﻱ ﺍﻭﻝ ﻣﺮﻩ ﺍﻛﻮﻟﻬﻪ . ﺩﺍﺋﻤﺎ ﺍﻛﻮﻝ ﺭﺍﺡ ﻛﺎﻝ ﺍﻟﻀﺎﺑﻂ ﺍﻧﻮ ﺭﺍﺟﻊ ﻟﻠﺒﻴﺖ ﻳﻢ ﺑﻴﺘﻨﻪ ﻣﺴﺎﻓﻪ ﻗﺮﻳﺒﻪ ﻭﻣﺤﺎﺻﺮﺗﻪ ﺷﺎﺣﻨﻪ ﻭﺭﺍﻳﺪ ﻳﺸﻤﺮ ﻣﻨﻬﻪ . ﻓﺸﺎﻣﺮ ﻋﺒﺎﻟﻪ ﺭﺻﻴﻒ
ﺍﺛﺎﺭﻱ ﻧﻬﺮ ﻭﻣﺎﺑﻲ ﺳﻴﺎﺝ
ﻑ ﺍﻟﺴﻴﺎﺭﻩ ﻣﻜﻠﻮﺑﻪ ﺭﺍﺳﺎ ﻉ ﻋﻘﺐ ﺑﺎﻟﻤﺎﻱ ﻭﺍﻟﺒﻨﻴﺪ ﺭﺍﻛﺲ ﺑﺎﻟﺴﻴﺎﻥ ﻭﻣﺎﻛﺎﺩﺭ ﻳﻄﻠﻊ ﻭﻣﺨﺘﻨﻚ
↙️
ﻃﺘﻠﻪ ﻭﻳﻦ ﺍﻟﺴﻴﺎﺭﻩ ﻛﺎﻝ ﺟﺒﺘﻬﻪ ﻫﻨﺎ ﻭﻛﺼﻴﺘﻠﻬﻪ ﺻﻮﺭ ﻛﺘﻠﻪ ﺧﻞ ﺍﺷﻮﻓﻬﻪ ﺑﺎﻟﺒﺪﺍﻳﻪ ﻛﺎﻝ ﻻ ﺗﺘﺎﺫﻳﻦ . ﺑﺲ ﺍﺻﺮﻳﺖ ﻋﻠﻴﻪ ﻭﺷﻮﻓﻨﻲ ﻳﻤﻤﻤﻪ ﻛﻠﺒﻲ ﺭﺍﺡ ﻭﻟﻚ ﻧﻮﻳﺮ ﻫﻴﺞ ﻣﺘﺖ . ﻣﺘﺖ ﻏﺮﻛﺎﻥ ﺳﻮﺩﻩ ﻋﻠﻴﻪ
ﻃﻠﻌﻨﻪ ﻛﺘﻠﻬﻪ ﺧﺎﻟﻪ ﺳﻴﺎﺭﺗﻪ ﻫﻨﺎ ﺧﻞ ﺍﺷﻮﻓﻬﻪ
ﻇﻠﺖ ﺗﻄﻠﻊ ﺍﻋﺬﺍﺭ ﺣﺘﻰ ﻻﺍﺷﻮﻓﻬﻪ ﺑﺲ ﻭﺍﺣﻨﻪ ﻧﻤﺸﻲ ﺍﺟﺖ ﺳﻴﺎﺭﻩ ﺛﺎﻧﻴﻪ ﻣﻦ ﺍﻫﻞ ﻣﻨﻄﻘﺘﻨﻪ ﻭﺭﺍﻧﻪ ﺑﻴﻬﻪ ﻧﺴﻮﺍﻥ ﻛﺘﻠﻬﻢ ﺳﺒﺎﺭﺗﻪ ﻣﺎﻛﻮ . ﻛﺎﻟﻮ ﻟﻴﺶ ﺗﻌﺎﻱ ﻫﻨﺎ
ﺍﻟﻤﺮﻩ ﺍﻟﻠﻲ ﻭﻳﺎﻱ ﻣﺎﻗﺒﻠﺖ ﻛﻠﺘﻠﻬﻢ ﺍﻧﻲ ﻧﺎﺍﺭﻳﺪﻫﻪ ﺗﺸﻮﻓﻬﻪ ﻟﻴﺶ ﺗﺤﺮﻛﻮﻥ ﻛﻠﺒﻬﻪ
ﺭﺣﺖ ﺷﻔﺖ ﺍﻟﺠﺎﻡ ﻛﻠﻪ ﻣﻜﺴﺮ ﻭﺑﺎﺏ ﺍﻟﺴﻴﺎﻕ ﻣﻔﻠﺶ
ﻇﻠﻴﺖ ﺍﺷﻬﻚ ﻭﺍﺑﺠﻲ ﻭﺍﺣﺠﻲ ﻭﻳﺎ ﺍﻟﺴﻴﺎﺭﻩ . ﻭﻟﺞ ﺧﺬﻳﺘﻲ ﻣﻨﻲ ﻭﻟﺞ ﺑﻴﺶ ﺍﺩﻋﻲ ﻋﻠﻴﺞ ﻭﻟﺞ ﻭﻟﺞ ﻟﻴﺶ ﺷﻨﻮ ﺷﻔﺖ ﻣﻨﻪ ﻭ
ﺧﺬﻳﺘﻲ
ﺍﻟﻨﺴﻮﺍﻥ ﺧﺬﻭﻧﻲ ﻭﺭﺟﻌﻨﻪ ﻟﻠﻤﻐﻴﺴﻞ
ﻃﺒﻌﺎ ﺟﺎﻥ ﺩﺍﺋﻤﺎ ﻳﻜﻮﻝ ﻻﺯﻡ ﺍﻋﻠﻤﺞ ﺗﻐﺴﻠﻴﻦ ﺍﻟﺞ ﺛﻮﺍﺏ ﻻﻥ ﻫﻮﺓ ﺟﺎﻥ ﻳﻐﺴﻞ ﻣﻮﺗﺎﻫﻢ . ﻭﺍﻱ ﻣﻴﺖ ﻣﺎﻋﻨﺪﻩ ﺍﺣﺪ ﻳﺮﻭﺡ ﻳﻐﺴﻞ
ﺑﺲ ﻣﺎﺟﻨﺖ ﺍﻗﺒﻞ ﺍﻛﻠﻪ ﺩﺭﻭﺡ ﺍﻧﻲ ﺍﺧﺎﻑ ﺍﺗﻌﺪﻩ ﻉ ﺍﻟﻤﻐﻴﺴﻞ ﻣﻮ ﺍﺭﻭﺡ ﺍﻏﺴﻞ
ﻣﺎﺩﺭﻳﺖ ﻫﻮﺓ ﺍﻭﻝ ﻭﺍﺣﺪ ﺭﺍﺡ ﻳﺨﻠﻴﻨﻲ ﺍﺩﺧﻞ ﻟﻠﻤﻐﻴﺴﻞ
ﻛﻌﺪﺕ ﻇﻠﻴﺖ ﺍﻟﻄﻢ ﻭﺍﺻﺮﺥ ﻭﺍﺑﺠﻲ
ﺍﺟﻦ ﺍﻣﻪ ﻭﺧﻮﺍﺗﻪ . ﻃﺒﻌﺎ ﻋﺒﺎﻟﻚ ﻏﺮﻳﺒﻪ . ﻭﺭﻏﻢ ﻫﺎﻱ ﺿﺮﻭﻓﻬﻢ ﺍﺣﺴﻬﻦ ﻣﺎﻳﺮﺩﻧﻲ ﺍﻛﻌﺪ ﻳﻤﻬﻢ ﻭﻓﻌﻼ ﻇﻠﻴﺖ ﻛﺎﻋﺪﻩ ﺑﺤﺪﻱ ﻭﺍﻟﻨﺴﻮﺍﻥ ﻳﻤﻲ
ﻟﺤﺪﻣﺎ ﺟﺎﺑﻮ ﻃﺤﺖ ﻣﻦ ﻃﻮﻟﻲ ﻭﺑﺲ ﻋﻴﻨﻲ ﺗﺒﺎﻭﻉ
ﻭﻟﻚ ﺍﺑﻮ ﻃﻮﻝ ﺍﻟﺤﻠﻮ ﻃﻠﻌﺖ ﻣﻦ ﻳﻤﻲ ﻉ ﺭﺟﻠﻴﻚ ﻭﺭﻩ ﺳﺎﻋﺎﺕ ﺗﺠﻲ ﻉ ﺗﺎﺑﻮﺕ
ﻇﻠﻴﺖ ﺍﺩﻭﺭ ﺑﺎﻟﻮﺟﻮﻥ ﺭﺣﺖ ﻟﻌﻼﻭﻱ ﺍﺧﻮ ﻳﺸﻬﻚ ﻭﻳﺒﺠﻲ ﻭﻳﺼﻴﺢ ﻧﻮﺍﺭ ﻣﺎﺕ
ﻛﺘﻠﻪ ﻭﻟﻚ ﻭﻳﻦ ﺭﺍﺡ ﻧﻮﺍﺭ ﻭﻟﻚ ﺭﺟﻌﻪ ﺍﻟﻲ ...
ﺍﻟﻤﻬﻢ ﻣﺎﺍﺭﻳﺪ ﺍﺩﺧﻞ ﺑﺘﻔﺎﺻﻴﻞ ﺑﻌﺪ ﻻﻥ ﻻ ﻛﻠﺒﻲ ﻳﺴﺎﻋﺪﻧﻲ ﻭﻻﻋﻴﻨﻲ
ﻭﻻﺍﺭﻳﺪ ﺍﺿﻮﺟﻜﻢ ﺍﻛﺜﺮ .....
ﺍﺧﺮﺷﻲ ﻛﺘﻠﻬﻢ ﺍﺭﻳﺪ ﺍﺷﻮﻓﻪ . ﺧﺬﺍﻧﻲ ﻋﻤﻪ ﻭﺩﺍﻧﻲ ﻳﻤﻪ ﻛﺘﻠﻬﻢ ﺍﺭﻳﺪ ﺍﻭﺳﻪ ﺧﻄﻴﻪ ﻭﻟﺪ ﻋﻤﻪ ﺭﻓﻌﻮ ﺭﺍﺳﻪ ﻭﺑﻮﺳﺘﻪ ﻣﺮﺗﻴﻦ
ﻛﻠﺸﻲ ﻣﺎﺑﻲ ﻋﺒﺎﻟﻚ ﻭﺍﺣﺪ ﻧﺎﻳﻢ . ﺣﺘﻰ ﺟﺮﺡ ﻣﺎﻛﻮ
ﺭﺩﺕ ﺍﻃﻠﻊ ﻭﺭﺟﻌﺖ ﻣﺮﻩ ﺛﺎﻧﻴﻪ ﻭ ﺍﺭﺑﻊ ﻣﺮﺍﺕ ﻳﻄﻠﻌﻮﻧﻲ ﻭﺍﺭﺟﻊ ﺍﺧﺮ ﺷﻲ ﻛﺎﻟﻮ ﻧﺮﻳﺪ ﻧﻐﺴﻠﻪ
ﺭﺟﻌﻨﻪ ﻟﻠﺒﻴﺖ ﻃﺒﻌﺎ ﻋﻤﺎﻣﻲ ﻭﺧﻮﺍﻟﻲ ﻭﻭﻟﺪ ﺧﻮﺍﻟﻲ ﻭﺍﺑﻮﻱ ﻭﺍﺧﻮﻱ ﻛﻠﻬﻢ ﺑﺮﻩ ﺑﺲ ﻣﺎﺑﻴﻪ ﺍﺣﺠﻲ ﺑﺲ ﺧﺎﻟﻮ ﺻﺎﺭ ﺑﻮﺟﻬﻲ ﺷﺒﻜﺘﻪ ﻭﻇﻠﻴﺖ ﺍﺑﺠﻲ ﺗﺎﻟﻲ ﺑﺎﺑﺎ ﺍﺧﺬﻧﻲ ﻟﻠﺒﻴﺖ ﻗﺒﻞ ﻻﺗﻮﺻﻞ ﺍﻟﺠﻨﺎﺯﺓ
ﻭﺻﻠﺖ ﻟﻠﺒﻴﺖ ﻭﺩﺧﻠﻮﻫﻪ ﺭﺣﺖ ﻳﻢ ﺭﺍﺳﻪ ﻭﺍﺻﺮﺥ ﻭﺍﻛﻠﻪ ﻭﻳﻦ ﺭﺍﻳﺤﻪ
ﺍﺧﺮ ﺷﻲ ﺗﺒﺎﺭﻳﺖ ﺍﻟﺬﻣﻪ ﻭﻳﺎ ﻭﺧﺬﻭ
ﻭﺧﺬﻭ ﺭﻭﺣﻲ ﻭﻳﺎ ...
ﻃﻠﻌﺖ ﻭﺭﺍ ﺑﺎﻟﺸﺎﺭﻉ ﻫﻤﻪ ﻳﺼﻌﺪﻭ ﻉ ﺳﻴﺎﺭﻩ ﻭﺍﻧﻲ ﺍﺻﻴﺢ ﻭﺍﺣﺠﻲ ﻭﻳﺎ . ﻣﺎﺍﻫﺘﻤﻴﺖ ﺍﻛﻮ ﺭﻳﺎﺟﻴﻞ ﻳﻤﻲ ﻟﻮﻳﺴﻤﻌﻮﻧﻲ
ﺑﺲ ﺍﻟﺤﺠﻲ ﻣﺎﻳﺨﻠﺺ ﺧﺬﻭ ﻭﺭﺍﺣﻮ
ﻇﻠﻴﺖ ﺍﻟﻮﺏ ﺭﺣﺖ ﻟﻠﻐﺮﻓﻪ ﻃﻠﻌﺖ ﺻﻮﺭ ﻋﺮﺳﻨﻪ ﻭﺍﺑﺠﻲ ﻭﻳﺎﻫﻦ ﻃﺒﻌﺎ ﻣﺎﻛﻮ ﻧﻮﻡ ﺑﺲ ﺭﺣﺖ ﻧﻴﻤﺖ ﺳﻴﻮﻓﻲ ﻭﺍﺳﻤﻌﻬﻦ ﻳﺒﺠﻦ ﺑﺮﻩ ﺧﻮﺍﺗﻪ ﺭﺣﺖ ﻳﻤﻬﻦ
ﺍﺧﺮ ﺷﻲ ﺳﺎﻋﻪ ﺳﺒﻌﻪ ﺍﻟﺼﺒﺢ ﻛﺎﻟﻮ ﻧﺰﻟﻮ ﺑﺎﻟﻘﺒﺮ ﺳﻮﺩﻩ ﻋﻠﻴﻪ .
ﻫﻤﻪ ﻛﺎﻟﻮ ﻫﻴﺞ ﻭﺩﻙ ﻣﻨﺒﻪ ﻧﻘﺎﻟﻲ ﻛﻞ ﻳﻮﻡ ﺍﻛﻌﺪ ﺍﺳﻮﻳﻠﻪ ﺟﺎﻱ ﻭﺍﻟﻨﻮﺏ ﺍﻛﻌﺪ ﻩ ﻟﻠﺪﻭﺍﻡ
ﻫﻮﺓ ﺩﻙ ﺍﻟﻨﻘﺎﻝ ﻭﺍﻧﻲ ﻛﺒﻞ ﻟﻠﺸﺎﺭﻉ ﺣﺎﻓﻴﻪ ﻭﺑﻼ ﻋﺒﺎﻳﻪ
ﻳﺎﺩﻭﺏ ﺣﺠﺎﺏ
ﻭﻛﻔﺖ ﺑﺎﻟﻤﻜﺎﻥ ﺍﻟﻴﺮﻛﻦ ﺳﻴﺎﺭﺗﻪ ﺑﻲ
ﻇﻠﻴﺖ ﺍﻟﻄﻢ ﻉ ﺧﺪﻭﺩﻱ ﻭﻟﻚ ﺍﺭﺟﻊ ﻭﻟﻚ ﻭﻳﻨﻚ ﻭﻟﻚ ﺣﺒﻮﺑﻲ ﻃﻠﻌﻬﻢ ﺟﺬﺍﺑﻴﻦ ﻭﺗﻌﺎﻝ
ﺗﺮﺑﻌﺖ ﻭﺍﻟﻄﻢ ﻉ ﺭﺟﻠﻴﻪ ﺍﺛﺎﺭﻱ ﺩﺷﺪﺍﺷﺘﻲ ﻣﺸﻜﻔﻪ ﻭﺭﺟﻠﻲ ﻃﺎﻟﻌﺎﺕ ﻟﺤﺪ ﺍﻟﺮﻛﺒﻪ ﻭﺍﻧﻲ ﺍﻟﻄﻢ ﻭﻣﺎﺍﺩﺭﻱ
ﻟﺤﺪﻣﺎ ﺍﺟﻦ ﺍﻟﻨﺴﻮﺍﻥ ﻭﺷﺎﻟﻮﻧﻲ
ﺻﺎﺭ ﺍﻟﺼﺒﺢ ﺍﺟﻦ ﺧﺎﻻﺗﻲ ﻭﺍﻣﻲ ﻭﻧﺴﻮﺍﻥ ﺍﻟﻤﻨﻄﻘﻪ ﻛﻠﻬﻪ ﻳﻤﻲ ﻭﻳﻮﺍﺳﻮﻧﻲ
ﺑﺲ ﺍﻣﻪ ﻭﺧﻮﺍﺗﻪ ﺣﺰﺏ ﺑﺤﺪﻫﻦ ﻭﻛﻠﻤﺎ ﻳﻨﻌﻦ ﺍﺳﻤﻌﻬﻦ ﻳﻜﻮﻟﻦ ﻣﺮﺗﻚ ﺭﺍﺡ ﺗﺮﻭﺡ ﻻﻫﻠﻬﻪ ﺑﻌﺪ ﺷﻌﺪﻫﻪ ﻇﺎﻟﻪ ﻳﻤﻨﻪ
ﻭﻟﻜﻢ ﺍﻟﻠﻪ ﻭﺍﻛﺒﺮ ﺑﻴﻜﻢ ﺣﻴﻞ ﺗﺤﺠﻮﻥ ﺍﻧﻲ ﺳﻨﺘﻴﻦ ﻭﻧﺺ ﻋﺸﺖ ﻭﻳﺎ . ﻣﺎﺑﻴﻪ ﺑﻌﺪ ﺣﺘﻰ ﺍﺷﺮﺏ ﻣﺎﻱ ﻭﺍﻧﺘﻮ ﻫﻴﺠﻲ ﺑﻴﻜﻢ ﺣﻴﻞ
ﺍﺟﺖ ﺍﻟﻤﻼﻳﻪ ﻇﻠﺖ ﺗﻨﻌﻪ ﻭﺗﻘﺮﻩ ﻭﻛﻠﺴﺎﻉ ﻳﺠﻦ ﻧﺴﻮﺍﻥ ﻳﻼﺟﻦ
ﺍﻧﻲ ﺍﻟﻄﻢ ﺑﺲ ﻉ ﺧﺪﻭﺩﻱ ﻳﻜﻠﻮﻟﻲ ﻟﻄﻤﻲ ﻉ ﺍﻳﺪﺝ ﻣﻮﺯﻳﻦ ﻫﻴﺞ
ﻣﺎﺍﻫﺘﻢ ﺍﺣﺲ ﻣﺎﺍﺭﺗﺎﺡ .
ﻇﻠﻴﺖ ﺍﺻﺮﺥ ﻭﻟﻚ ﻧﻮﻳﺮ ﻭﺍﻟﻄﻢ ﻉ ﺧﺪﻭﺩﻱ ﻟﺤﺪﻣﺎ ﺍﻃﻴﺢ ﺯﻳﺨﻠﺼﺰﻥ ﺍﻟﻮﻛﻔﻪ ﻭﻳﻜﻌﺪﻭﻥ
ﻳﻮﻡ ﺛﺎﻧﻲ ﻧﺘﺎﻧﻲ ﺍﻟﻤﻼﻳﻪ ﻣﺎﺍﺣﺖ . ﺗﺎﺧﺮﺕ ﻓﻮﻙ ﺍﻟﺴﺎﻋﺘﻴﻦ ﺗﺎﻟﻲ ﺭﺍﺣﻮ ﻋﻠﻴﻬﻪ . ﻣﻦ ﺍﺟﺖ ﻛﺒﻞ ﺩﺧﻠﺖ ﻟﻐﺮﻓﺘﻲ ﺑﺎﺳﺘﻨﻲ ﻛﺎﻟﺖ ﻭﺍﻟﻠﻪ ﻣﻦ ﻭﺭﺍﺝ ﺍﺭﺗﻔﻊ ﻇﻐﻄﻲ ﺍﻣﺲ ﻭﺍﻟﻴﻮﻡ ﻣﺎﺭﺩﺕ ﺍﺟﻲ ﻣﻦ ﺷﻔﺘﺞ ﻫﻴﺞ ﺏ ﺍﺟﻮ ﻋﻠﻴﻪ ﻭﻛﻮﺓ ﺍﺟﻴﺖ
ﻣﺮﺕ ﺍﻳﺎﻡ ﺍﻟﻔﺎﺗﺤﻪ ﺑﻌﺪ ﻫﻮﺍﻱ ﺗﻔﺎﺻﻴﻞ ﺑﺲ ﻛﻠﺘﻠﻜﻢ ﻛﻠﺒﻲ ﻣﺎﻳﺴﺎﻋﺪﻧﻲ ﺍﻛﻤﻠﻬﻪ
ﻃﺒﻌﺎ ﺧﻼﻝ ﺍﻟﻔﺎﺗﺤﻪ ﺍﺧﺘﻪ ﺳﻤﺮ ﻃﻠﻌﺖ ﻉ ﺣﻘﻴﻘﺘﻬﻪ
ﻛﻠﺴﺎﻉ ﺍﺟﺖ ﺟﺮﺕ ﺳﺒﻮﻓﻲ ﻛﺎﻟﺖ ﺍﺑﻮﻱ ﻳﺮﻳﺪﻩ ﻭﻃﺒﻌﺎ ﺑﺰﺑﺮ ﺗﺤﺠﻲ ﺣﺘﻰ ﺧﺎﻻﺗﻲ ﺍﻧﺘﺒﻬﻮ ﻛﺎﻟﻮ ﺷﻨﻮ ﻗﺎﺑﻞ ﺍﻧﺘﻲ ﻣﻤﻮﺗﻪ ﺍﻟﻮﻟﺪ
ﻭﺍﻣﻬﻪ ﻛﻠﻤﺎ ﺍﻛﻌﺪ ﻳﻤﻬﻪ ﺍﻛﻮﻝ ﺍﻭﺍﺳﻴﻬﻪ ﺗﺸﻤﺮﻟﻲ ﺣﺠﺎﻳﻪ ﺗﺨﻠﻴﻨﻲ ﺍﺷﺘﻌﻞ ﻭﺍﺭﺟﻊ ﻟﻐﺮﻓﺘﻲ
ﻣﺮ ﺍﻭﻝ ﺧﻤﻴﺲ ﺑﺲ ﺑﻄﻠﻌﺎﻥ ﺍﻟﺮﻭﺡ ﻣﺎﻛﻮ ﻭﺍﺣﺪﻩ ﻣﻨﻬﻦ ﺗﺪﺧﻞ ﻟﻐﺮﻓﺘﻲ ﺗﻜﻠﻲ ﺷﻠﻮﻧﺞ ﺷﺘﺮﺩﻳﻦ ﻣﺎﻋﺪﺍ ﺑﻨﺎﺕ ﻋﻤﻬﻢ ﺣﺒﺎﺑﺎﺕ ﺙ
ﻣﺎﻣﺎ ﻣﺮﻳﻀﻪ ﻓﻤﺎﺍﺧﻠﻴﻬﻪ ﺗﺒﺎﺕ ﻳﻤﻲ ﻭﺍﺧﺘﻲ ﺍﻣﺘﺤﺎﻧﺎﺕ ﻓﻈﻠﺖ ﻳﻤﻲ ﺑﺖ ﺧﺎﻟﺘﻲ
ﺧﻠﺺ ﺍﻟﺨﻤﻴﺲ ﺯﻳﻦ ﺷﻠﻮﻥ ﺑﻴﻪ ﻭﻟﺪﻫﻢ ﻛﻠﻬﻢ ﻳﺠﻮﻥ ﻳﻢ ﻏﺮﻓﺘﻲ ﺑﺎﻟﻤﻮﺯﻉ ﻭﻳﻜﻌﺪﻥ ﻳﻨﻌﻮﻥ ﻭﻳﺒﺠﻮﻥ ﺯﻳﻦ ﻋﻨﺪﻱ ﻃﻔﻞ ﺷﻠﻮﻥ ﺍﻃﻠﻊ ﺍﻏﺴﻠﻠﻪ
ﻻﺯﻡ ﺟﻮﺍﺭﻳﺐ ﻭﻋﺒﺎﻳﻪ ﺯﺟﻔﻮﻑ ﻭﺑﻮﺷﻲ
ﺯﻳﻦ ﺟﻢ ﺩﻭﺏ
.
ﻣﻦ ﻏﻴﺮ ﺍﻟﺤﺠﻲ ﻭﺍﻟﺒﺴﺎﻣﻴﺮ ﺍﻟﻠﻲ ﺗﺘﺸﻤﺮ ﻭﻛﻠﺴﺎﻉ ﺍﺟﻮ ﻛﺎﻟﻮ ﻧﺮﻳﺪ ﻣﻼﺑﺲ ﻧﻮﺍﺭ
ﻧﺮﻳﺪ ﺍﻟﺴﺎﻋﺎﺕ ﻣﺎﻟﺘﻪ
ﻧﺮﻳﺪ ﻗﺎﻁ ﺍﻟﻌﺮﺱ
ﻣﺎﺑﻴﻪ ﺍﺣﺠﻲ ﻛﺘﻠﻬﻢ ﺍﺧﺬﻭ
ﺑﺲ ﺍﻟﻘﺎﻁ ﻧﻄﻴﺘﻪ ﺑﻴﺪ ﺧﺎﻻﺗﻲ ﻣﻦ ﺍﺟﻮ
ﻻﻥ ﻣﺎﻝ ﻋﺮﺳﻲ ﻭﻣﺎﻳﻬﻮﻥ ﻋﻠﻲ
ﺧﻠﺺ ﺍﻭﻝ ﺧﻤﻴﺲ ﺍﺟﺖ ﺍﺧﺘﻲ ﺑﺎﺗﺖ ﻳﻤﻲ ﺷﺎﻓﺘﻨﻲ ﻣﺤﺪ ﺑﺤﺎﻟﻲ ﻭﺷﻠﻮﻥ . ﻟﺤﺪ ﺍﻻﻥ ﺗﻘﺮﻳﺐ ﻋﺸﺮﺓ ﺍﻳﺎﻡ ﺑﺲ ﻣﺎﻱ ﺍﺷﺮﺏ
ﺧﺎﺑﺮﺕ ﻟﻤﺎﻣﺎ ﻛﺎﻟﺘﻠﻬﻪ ﻧﺎﺧﺬﻫﻪ ﻟﻠﺒﻴﺖ ﻫﻨﺎ ﻣﺤﺪ ﺑﺤﺎﻟﻬﻪ
ﻃﺒﻌﺎ ﺑﺎﺑﺎ ﻣﻦ ﺑﺎﺏ ﺍﻟﺬﻭﻕ ﺧﺎﺑﺮ ﻟﻌﻢ ﻧﻮﺍﺭ ﻭﻛﻠﻪ ﺍﺭﻳﺪ ﺍﺳﺘﺎﺫﻥ ﺍﺧﺬﻫﻪ
ﻫﻮﺓ ﺭﺣﺐ ﻭﻛﻠﻪ ﺑﺮﺍﺣﺘﻚ ﻭﻫﻨﺎ ﺑﻴﺘﻬﻪ ﻭﻫﻨﺎﻙ ﺑﻴﺘﻬﻪ
ﻭﺍﺟﻮ ﻋﻠﻴﻪ . ﺭﺩﺕ ﺍﻃﻠﻊ ﺟﺎﻱ ﺍﻃﻠﻊ ﻏﺮﺍﺿﻲ ﺑﻴﺪ ﺍﺧﺘﻲ ﻭﺍﻣﻪ ﺍﺟﺖ ﻛﺎﺑﻠﺖ ﺑﺎﺏ ﺍﻟﻐﺮﻓﻪ ﻭﺗﻨﻌﻲ ﻭﺳﺎﻋﻪ ﺗﺼﻴﺢ ﻋﻠﻮﺍ ﻻﻋﺮﺱ ﻭﻻﺧﻠﻒ ﻭﺳﺎﻋﻪ ﺗﺼﻴﺢ ﺍﻱ ﺧﻞ ﺗﻨﻜﻞ ﺑﺎﻟﻐﺮﺍﺽ ﺗﻨﻜﻞ
ﻫﻨﺎ ﻣﺎﻣﺎ ﻭﺧﺎﻟﺘﻲ ﺍﺟﻮ ﻋﻠﻴﻪ ﻭﻳﻪ ﺑﺎﺑﺎ ﻭﺍﺧﻮﻳﻪ
ﺧﺎﻟﺘﻲ ﻛﺎﻟﺖ ﻳﺎﻟﻠﻪ ﺧﻠﺜﻲ ﻫﺎﻱ ﺍﻟﺒﻮﻣﻪ ﺗﻨﻌﻲ ﻭﺍﺣﻨﻪ ﻭﺭﺍﻧﻪ ﻃﺮﻳﻖ ﻭﺍﻟﺪﻧﻴﺎ ﻟﻴﻞ
ﻓﻌﻼ ﺧﻠﺼﻨﻪ ﻛﺎﻟﺖ ﺧﺎﻟﺘﻲ ﺳﻠﻤﻴﺔﻋﻠﻴﻬﻪ ﻳﺎﻟﻠﻪ ﺗﻄﻠﻌﻴﻦ
ﺍﻧﻲ ﻗﻔﻠﺖ ﺍﻟﻐﺮﻓﻪ ﻭﺍﺟﺖ ﻳﺎﺳﻤﻴﻦ ﻛﺎﻟﺖ ﺍﻧﻄﻴﻨﻲ ﺍﻟﻤﻔﺘﺎﺡ ﻫﺬﺍ ﺑﻴﺘﻤﻪ
ﺷﻨﻮ ﺑﻴﺘﻜﻢ ﻫﺎﻱ ﻏﺮﻓﺘﻲ
ﺍﻱ ﺑﺲ ﻫﺬﺍ ﺑﻴﺘﻨﻪ ﻭﻫﺎﻱ ﻏﺮﻓﺔ ﺍﺧﻮﻱ ﻭﺍﻣﻲ ﺗﺮﻳﺪﺗﺪﺧﻞ ﻟﻠﻐﺮﻓﻪ
ﻧﻄﺘﻬﻢ ﺍﻟﻤﻔﺘﺎﺡ ﻣﻦ ﻻﺟﺎﺭﻩ ﻣﺎﺑﻴﻪ ﺍﺣﺠﻲ ﻭﻣﺎﻣﺎ ﻭﺧﺎﻟﺘﻲ ﻓﻘﻴﺮﺍﺕ ﻣﻮﻣﻦ ﻧﻮﻉ ﻳﺘﻌﺎﺭﻛﻦ
ﺳﻠﻤﺖ ﻭﻃﻠﻌﻨﻪ
ﺍﺑﻮ ﻧﻮﺍﺭ ﻳﻜﻮﻝ ﻟﺒﺎﺑﺎ ﻫﻴﻪ ﻣﺎﺍﺟﺖ ﻋﺎﺯﺗﻨﻲ ﻉ ﺍﺑﻨﻲ
ﻃﺒﻌﺎ ﺑﺎﺑﺎ ﺣﺠﺎﻟﻲ ﻫﻴﺠﻲ
ﺍﻧﻲ ﻇﻠﻴﺖ ﺻﺎﻓﻨﻪ ﻭﻟﻚ ﺣﻘﻴﺮ ﺍﻧﺖ ﺭﺍﻳﺢ ﺍﺑﻨﻚ ﻭﺍﻧﻲ ﺭﺍﻳﺤﺘﻠﻲ ﺩﺟﺎﺟﻪ؟؟ ﺻﺪﻙ ﺟﺬﺏ ﺑﺲ ﺍﻧﺖ ﻣﺎﺗﻨﻜﺴﺮ ﻭﻣﺎﻳﻜﺪﺭ ﻋﻠﻴﻚ ﻏﻴﺮ ﺭﺏ ﺍﻟﻌﺎﻟﻤﻴﻦ
ﺳﻠﻤﺖ ﺍﻣﺮﻱ ﻟﻠﻪ ﻭﺭﺩﺕ ﺍﻃﻠﻊ ﻛﺘﻠﻬﻢ ﺻﺤﻮ ﻋﻤﻮﺍﺳﻠﻢ ﻋﻠﻴﻪ
ﻃﻠﻊ ﺑﻮﺳﺘﻪ ﺑﺲ ﻛﺎﺭﻫﺘﻪ
ﻭﻫﻮﺓ ﻣﺎﻛﺎﻝ ﻫﺬﺍ ﺑﻴﺘﺞ ﺍﺑﺪ
ﻃﻠﻌﺖ ﻭﺍﺑﺎﻭﻉ ﻉ ﻧﻔﺲ ﺍﻟﺪﺭﺏ ﺍﻟﻠﻲ ﻧﺠﻲ ﻣﻨﻪ ﺍﻧﻲ ﻭﻧﻮﺍﺭ ﺭﺟﻌﺘﻠﻪ ﻭﺍﻧﻲ ﺍﺭﻣﻠﻪ ﻭﻣﻜﺴﻮﺭﻩ
ﻣﺮﺕ ﺍﻻﻳﺎﻡ ﻭﺭﻩ ﺍﺭﺑﻌﺔ ﺍﻳﺎﻡ ﺍﺟﺖ ﺯﻭﺟﺔ ﻋﻤﻪ ﻭﺍﺧﻮ ﻋﻤﺮ
ﺟﺎﻳﻴﻦ ﻳﺮﺩﻭﻥ ﻗﺎﻁ ﺍﻟﻌﺮﺱ ﻭﻳﺮﺩﻭﻥ ﺍﻟﻼﺑﺘﻮﺏ ﻣﺎﻟﻨﻮﺍﺭ ﻭﻳﺮﺩﻭﻥ ﺍﻟﺰﻧﺠﻴﻞ
ﺧﻞ ﺍﺣﺠﻠﻜﻢ ﺳﺎﻟﻔﺔ ﺍﻟﺰﻧﺠﻴﻞ ﻗﺒﻞ ﻻﻧﻨﺨﻄﺐ ﻋﻤﺮ ﻋﻨﺪﻩ ﻫﺬﺍ ﺍﻟﺰﻧﺠﻴﻞ ﻭﺍﺣﺘﺎﺝ ﻭﺭﺍﺩ ﻳﺒﻌﻪ . ﻭﺩﺍ ﻟﻠﺼﻴﺎﻍ ﻣﺎﻧﻄﻮ ﺳﻌﺮ ﻓﻨﻮﺍﺭ ﺍﺷﺘﺮﺍ ﺍﻟﻲ
ﻭﻓﻌﻼ ﻣﻦ ﺍﺷﺘﺮﻳﺖ ﺍﻟﺬﻫﺐ ﻣﺎﺍﺷﺘﺮﻳﺖ ﺯﻧﺠﻴﻞ
ﻫﺴﻪ ﺍﺟﻮ ﻛﺎﻟﻮ ﻧﻮﺍﺭ ﻣﺎﺩﺍﻓﻊ ﻓﻠﻮﺳﻪ ﻭﻋﻤﺮ ﻳﺮﻳﺪﻩ
ﻫﺎ ﻭﻳﻜﻮﻝ ﻟﺒﺎﺑﺎ ﺍﺭﻳﺪ ﺍﻟﻘﺎﻁ ﻻﻥ ﺍﻧﻲ ﻭﺍﺧﻮﻱ ﻧﺘﻼﺑﺲ
ﻳﻌﻨﻲ ﻫﻴﺞ ﻋﻨﺪﻙ ﻛﻠﺐ ﺗﻠﺒﺲ ﻗﺎﻁ ﺍﺥ ﺍﺧﻮﻙ ﺍﻟﻠﻲ ﻣﺎﺗﻬﻨﻪ ﺑﻴﻴﻴﻲ
ﺷﻠﺘﻬﻦ ﻭﻧﻄﻴﺘﻬﻦ ﻭﺍﻧﻲ ﻣﺎﻣﺒﺮﻳﺘﻬﻢ ﺍﻟﺬﻣﻪ ﻟﻴﻮﻡ ﺍﻟﺪﻳﻦ ﺑﺲ ﻧﻄﻴﺘﻬﻢ ﻻﻥ ﺍﻋﺮﻓﻬﻢ ﻣﻦ ﻳﻜﺮﻭﻥ ﻭﺧﺎﻑ ﺍﻟﻜﺮﻩ ﺗﻄﻴﺢ ﺑﺎﺑﻨﻲ ﻟﻮ ﺑﻴﻪ
ﻭﺍﻛﺜﺮ ﺷﻲ ﻋﻠﻤﻮﺩ ﻧﻮﺍﺭ ﻻﻳﺘﻜﻠﺐ ﺑﺘﺮﺍﺑﻪ ﻻﻥ ﻳﻤﻮﺕ ﻉ ﺍﺑﻨﻪ ﻭﻳﺨﺎﻑ ﻋﻠﻴﻪ
ﻣﺮﺕ ﺍﻻﻳﺎﻡ ﺧﻠﺺ ﺍﻻﺭﺑﻌﻴﻦ ﻣﺤﺪ ﻳﺴﺎﻝ ﻉ ﺳﻴﻮﻓﻲ
ﺫﺍﻙ ﺍﻟﻴﻮﻡ ﺩﺯ ﻋﻼﻭﻱ ﻛﺎﻝ ﺍ ﻱ ﺷﻲ ﺗﺤﺘﺎﺟﻲ ﺍﻧﺘﻲ ﻭﺳﻴﻮﻓﻲ ﺍﻧﻲ ﻣﻮﺟﻮﺩ
ﻇﻠﻮ ﻳﺠﻮﻥ ﻳﺎﺧﺬﻭﻥ ﺳﻴﻮﻓﻲ ﺍﻟﻌﺼﺮ ﻳﺮﺟﻌﻮﻧﻪ ﺏ 12 ﺑﺎﻟﻠﻴﻞ ﻳﻮﺩﻭﻧﻪ ﻳﻢ ﺟﺪﻩ ﻭﺑﻴﺒﻴﺘﻪ
ﺍﺧﺘﻪ ﻛﺒﻴﺮﻩ ﺍﻗﺘﺮﺣﻴﺖ ﻋﻠﻴﻪ ﺍﻧﻮ ﻭﺭﻩ ﺍﻟﻌﺪﻩ ﺍﺭﻭﺡ ﻟﺒﻴﺖ ﻋﻴﺎﻟﻲ ﺍﻛﻌﺪ ﺣﺘﺔ ﻟﻮ ﺍﺳﺒﻮﻉ ﻋﺪﻫﻢ ﻭﺍﺳﺒﻮﻉ ﻋﺪ ﺍﻫﻠﻲ ﺑﺲ ﺍﻧﻲ ﺭﻓﻀﺖ ﻫﻮﺓ ﺟﺎﻥ ﻧﻮﺍﺭ ﺍﻟﻠﻲ ﺷﺎﻳﻞ ﺍﻟﺒﻴﺖ ﺷﻴﻞ ﻣﻮﺟﻮﺩ ﻭﻛﻠﻤﺎ ﺗﺼﻴﺮ ﻣﺸﻜﻠﻪ ﺍﺑﻮ ﻳﺼﻴﺢ ﺗﺎﻛﻠﻮﻥ ﻭﺗﻤﺴﺤﻮﻥ ﺍﻳﺪﻛﻢ ﺑﺎﻟﺤﺎﻳﻂ
ﻫﺴﻪ ﻣﻦ ﺭﺍﺡ ﺍﻧﻲ ﺍﺭﺟﻊ ﻳﻤﻜﻢ ﺷﺒﻴﻪ
ﻣﺮﺕ ﺍﻻﻳﺎﻡ ﺳﻴﻮﻓﻲ ﺭﺡ ﻳﻘﺒﻂ ﺳﻨﺘﻴﻦ ﻣﺎﻣﺴﻮﻱ ﺟﻨﺴﻴﻪ . ﻓﻜﻠﺖ ﻟﻌﻼﻭﻱ ﻛﺎﻝ ﺍﻧﻲ ﺍﺳﻮﻳﻬﻪ ﻭﺧﻄﻴﻪ ﺍﺟﻪ ﺧﺬﻩ ﺳﻴﻮﻓﻲ ﻭﺭﺍﺡ ﺗﺎﻟﻲ ﺩﺯ ﻛﺎﻝ ﺑﺎﺟﺮ ﻋﻠﻮﻳﻪ ﺗﺠﻴﻦ ﺣﺘﻰ ﻟﻮﺳﺎﻋﻪ ﺍﻧﻲ ﻣﺸﻴﺘﻬﻪ ﺑﻌﺮﻑ ﻭﻛﺘﻠﻬﻢ ﻫﻴﻪ ﺑﺎﻟﻌﺪﻩ ﺑﺲ ﻛﺎﻟﻮ ﻻﺯﻡ ﺗﺤﻀﺮ
ﻓﻬﻼ ﺭﺣﺖ ﻳﻮﻡ ﺛﺎﻧﻲ ﻭﻛﻤﻠﻨﺎﻫﻪ ﻭﻫﻮﺓ ﺧﺬﻩ ﻣﻮﻋﺪ ﺍﺳﺘﻼﻡ ﻭﻛﺎﻝ ﺍﻧﻲ ﺍﺳﺘﻠﻤﻬﻪ ﻭﺳﻮﺍﻟﻲ ﺍﻧﻲ ﻫﻢ ﺑﻄﺎﻗﻪ ﻭﻃﻨﻴﻪ ﻭﻳﻪ ﺳﻴﻮﻓﻲ
ﻋﻠﻤﻮﺩ ﻧﻘﺪﻡ ﺍﺟﺮﺍﺀﺍﺕ ﻟﻠﺘﻘﺎﻋﺪ ﻣﺎﻝ ﻧﻮﺍﺭ ﻟﻮ ﻣﻜﺎﻓﺄﻩ ﺍﻟﻪ ﻻﻥ ﺻﺎﺭ ﻋﺸﺮ ﺳﻨﻮﺍﺕ ﻋﻘﺪ ﺑﺪﻭﻥ ﺗﺜﺒﻴﺖ
.
ﻛﻨّﺎ ﻣﻌﺎً ﺩﺍﺋﻤﺎً ﻧﺘﻘﺎﺳﻢ ﺍﻷﻓﺮﺍﺡ ﻭﺍﻷﺣﺰﺍﻥ، ﻛﻨّﺎ ﺩﺍﺋﻤﺎً ﻧﺤﺎﻭﻝ ﺃﻥ ﻧﺴﺮﻕ ﻣﻦ ﺃﻳّﺎﻣﻨﺎ ﻟﺤﻈﺎﺕٍ ﺟﻤﻴﻠﺔ، ﻧﺤﺎﻭﻝ ﺃﻥ ﺗﻜﻮﻥ ﻫﺬﻩ ﺍﻟﻠﺤﻈﺎﺕ ﻃﻮﻳﻠﺔ، ﻧﺤﺎﻭﻝ ﺃﻥ ﻧﺤﻘّﻖ ﺳﻌﺎﺩﺓً ﻭﺣﺒّﺎً ﺩﺍﺋﻤﻴﻦ، ﺣﺎﻭﻟﻨﺎ ﺩﺍﺋﻤﺎً ﺃﻥ ﻧﺒﻘﻰ ﻣﻌﺎً ﻵﺧﺮ ﺍﻟﻌﻤﺮ، ﻟﻜﻦ ﻟﻢ ﻳﺨﻄﺮ ﺑﺒﺎﻟﻨﺎ ﺃﻥّ ﺍﻟّﻠﻘﺎﺀ ﻻ ﻳﺪﻭﻡ، ﻭﺃﻥّ ﺍﻟﻘﻀﺎﺀ ﻭﺍﻟﻘﺪﺭ ﻫﻮ ﺳﻴّﺪ ﺍﻟﻤﻮﻗﻒ، ﻭﺃﻧّﻪ ﻟﻴﺲ ﺑﻴﺪﻧﺎ ﺣﻴﻠﺔ ﺃﻣﺎﻡ ﺗﺼﺎﺭﻳﻒ ﺍﻟﻘﺪﺭ، ﻭﺗﻘﻠّﺒﺎﺗﻪ .
....
....
.... ﻫﺬﻩ ﻧﻬﺎﻳﺔ ﻗﺼﺘﻲ
.
* ﺣﺒﻴﺒﻲ ﺛﻖ ﻭﺍﻥ ﻓﺮﻗﻨﺎ ﺍﻟﺰﻣﺎﻥ ﻓﻼ ﺯﻟﺖ ﺍﺷﻌﺮ ﺍﻧﻚ ﻣﻌﻲ **
.
ﺍﺻﻌﺐ ﺷﻲ ﻓﺮﺍﻕ ﺣﺒﻴﺒﻴﻦ ﻋﻦ ﺑﻌﺾ ... ﺍﻟﻠﻪ ﻳﺼﺒﺮ ﺍﺳﺎﻭﺭ ﻭﻳﺮﺣﻢ ﻋﺰﻳﺰ ﻛﻠﺒﻬﺎ ...
.
ﺍﻧﻲ ﺍﺳﺎﻭﺭ .. ﺻﺎﺣﺒﺔ ﺍﻟﻘﺼﻪ .
ﻃﺒﻌﺎ ﺍﻭﻝ ﺷﻲ ﺍﻧﻲ ﺍﻋﺘﺬﺭ ﻋﻦ ﺍﻟﻨﻬﺎﻳﻪ ﺍﻟﺤﺰﻳﻨﻪ ﻛﻮﻟﺶ ﻟﻠﻘﺼﻪ ﺑﺲ ﺍﻧﻲ ﺭﺩﺕ ﺍﻛﺘﺒﻬﻪ ﺑﺤﺬﺍﻓﻴﺮﻫﻪ ﺑﺪﻭﻥ ﺍﻱ ﺍﺿﺎﻓﻪ
ﻭﺯﻧﻮﺑﻪ ﺭﺍﺩﺕ ﺗﺴﻮﻳﻪ ﻧﻬﺎﻳﺘﻬﻪ ﺣﻠﻮﺓ ﺑﺲ ﺍﻧﻲ ﻣﺎﻗﺒﻠﺖ . ﻭﺭﺩﺗﻬﻪ ﻣﺜﻠﻤﺎ ﻫﻴﻪ
ﻃﺒﻌﺎ ﺭﺡ ﺗﻀﻮﺟﻮﻥ ﺍﻋﺮﻑ ﻻﻥ ﺍﻱ ﻗﺎﺭﺉ ﻣﺴﺘﺤﻴﻞ ﻳﺤﺐ ﺗﻜﻮﻥ ﺍﻟﻘﺼﻪ ﻧﻬﺎﻳﺘﻬﻪ ﺣﺰﻳﻨﻪ
ﺑﺲ ﺍﻧﻲ ﻧﺸﺮﺗﻬﻪ ﺑﻬﺬﺍ ﺷﻜﻠﻬﻪ ﺍﻭﻝ ﺷﻲ ﺟﻨﺖ ﺭﺍﻳﺪﻩ ﺧﻮﺍﺕ ﺗﺸﺎﺭﻛﻨﻲ ﺣﺰﻧﻲ ﻭﺛﺎﻧﻲ ﺷﻲ ﻭﺍﻻﻫﻢ
ﺍﺭﻳﺪ ﻣﻨﻜﻢ ﺍﻟﺪﻋﺎﺀ ﻓﻘﻂ ﻻﻥ ﺍﻟﻠﻲ ﺍﺭﻳﺪﻩ ﻳﺪﻋﻴﻠﻲ ﻣﺴﺘﺤﻴﻞ ﺑﻜﺪﺭ ﻳﺪﻋﻴﻠﻲ ﻣﺜﻠﻤﺎ ﺍﺭﻳﺪ ﺑﺪﻭﻥ ﻣﺎﻳﻌﺮﻑ ﻗﺼﺘﻲ ﺑﺤﺬﺍﻓﻴﺮﻫﻪ ﻣﺜﻠﻤﺎ ﺍﻧﺘﻮ ﻋﺮﻓﺘﻮﻫﻪ
ﺷﻔﺘﻮ ﺷﻜﺪ ﺗﺎﺫﻳﺖ ﻭﻳﻤﻜﻦ ﻟﻮ ﺍﻧﻲ ﺍﻗﺮﻩ ﻫﻴﺠﻲ ﻗﺼﻪ ﺟﺎﻥ ﻛﻠﺖ ﺑﻴﻬﻪ ﻣﺒﺎﻟﻐﻪ ﻟﻮ ﺷﻐﻼﺕ ﺧﻴﺎﻟﻴﻪ ﺑﺲ ﻳﺸﻬﺪ ﺭﺑﻲ ﻛﻞ ﻛﻠﻤﻪ ﺣﺠﻴﺎﻫﻪ ﻫﻴﻪ ﺻﺤﻴﺤﻪ
ﻟﺬﻟﻚ ﺍﺭﻳﺪ ﺗﻨﻌﺪﻭﻟﻲ ﻭﺍﺭﻳﺪ ﻣﻦ ﻛﻞ ﻭﺣﺪﻩ ﻣﻨﻜﻢ ﻧﺼﻴﺤﻪ ﺍﻭ ﻛﻠﻤﻪ ﻣﻤﻜﻦ ﺗﺴﺎﻋﺪﻧﻲ ﺍﻃﻠﻊ ﻣﻦ ﺍﻟﺤﺰﻥ ﺍﻟﻠﻲ ﺍﻧﻲ ﺑﻲ ...
ﻣﻊ ﺗﻤﻨﻴﺎﺗﻲ ﻟﻠﺠﻤﻴﻊ ﺑﺎﻟﻤﻮﻓﻘﻴﻪ ﺍﻟﺪﺍﺋﻤﻪ
.
......
النهاية تحياتي سيد مرتضى الموسوي
تطبيق قصص عراقية
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء