رواية الضحيه الجزء الثاني عشر | النهاية

...  

رواية الضحيه الجزء الثاني عشر | النهاية

للكاتبة ❤️شمس ❤️

...

ﻣﺤﻤﺪ .. ﺍﻧﺘﻲ ﻟﺘﺘﺪﺧﻠﻴﻦ ﺣﻨﻴﻦ ..

ﺍﺧﺬ ﺍﻟﻤﻮﺑﺎﻳﻞ ﻣﻨﻲ ﮔﻮﺗﻠﻪ .. ﻟﻴﺶ ﻫﻴﺞ ﺩﺍ ﺗﺴﻮﻱ ﺍﻫﻠﻲ ﻭﺣﺮﻣﺘﻨﻲ ﻣﻨﻬﻢ ﺑﻘﺖ ﺑﺲ ﺣﻼ ﺷﻠﻮﻥ ﺍﺗﺼﻞ ﺣﻼ

ﻣﺤﻤﺪ ﻭﻫﻮ ﺩﺍ ﻳﺒﺤﺚ ﺑﺎﻟﻤﻮﺑﺎﻳﻞ ﻣﺎﺍﻋﺮﻑ ﺷﻨﻮ ﺩﺍ ﻳﺪﻭﺭ

ﺣﺘﻰ ﺣﻼ ﺍﻧﺴﻴﻬﺎ ﺧﻠﺺ .. ﺑﺤﺠﻪ ﺣﻼ ﻭﺗﺘﺼﻠﻴﻦ ﺑﻜﻴﻔﺞ ﻃﺒﻌﺎ ﻏﺮﻓﻪ ﻭﺣﺪﺝ ﻭﻣﺨﺎﺑﺮﺍﺕ ﻭﺍﻧﻲ ﺍﻟﻤﻐﻔﻞ ﺍﻟﻲ ﺗﺴﺘﻐﻔﻠﻴﻨﻲ ﻣﺮﻩ ﻭﺍﺛﻨﻴﻦ ﻣﻮ ﺳﺖ ﻣﺮﻭﻩ ..

ﮔﻮﺗﻠﻪ .. ﺍﺣﺘﺮﻡ ﻧﻔﺴﻚ ﻣﻮ ﺍﻧﻲ ﺍﻟﻲ ﺍﺳﻮﻱ ﻫﻴﺞ .. ﻻ ﻗﺒﻞ ﻭﻻ ﻫﺴﺎ ﺑﺲ ﺭﻭﺡ ﺷﻮﻑ ﻣﺮﺗﻚ ﺍﻟﻲ ﺗﺘﺒﻠﻰ ﻋﻠﻴﻪ ﻭﺭﺍﻗﺒﻬﺎ . ﻣﺤﻤﺪ .. ﻫﻬﻬﻪ ﺍﻫﺎ ﮔﻠﺒﺘﻲ ﻉ ﻋﻼ ﺩﻭﺭ

ﺣﻨﻴﻦ .. ﻣﺤﺪ ﻳﺘﺒﻠﻰ ﻋﻠﻴﻬﺎ ﺍﻧﻲ ﺑﺄﺫﻧﻲ ﺳﻤﻌﺘﻬﺎ ﻛﻢ ﻣﺮﻩ ﺗﺤﺠﻲ ﺑﺎﻟﺘﻠﻔﻮﻥ ﺑﺎﻟﺤﻤﺎﻡ ﻭﻣﻦ ﺗﻄﻠﻊ ﺍﻟﺼﺒﺢ ﺑﺲ ﺍﻟﻴﻮﻡ ﻭﺍﺟﻬﻨﺎﻫﺎ ﻓﺴﺒﻘﺖ ﺍﻻﻣﻮﺭ ﻭﺗﺒﻠﺖ ﻉ ﻣﺮﻭﻩ ﺍﻛﻴﺪ .. ﻣﻮ ﻫﻲ ﺍﻟﻲ ﮔﻠﺘﻠﻚ ..

ﻣﺤﻤﺪ ﺑﻘﻰ ﺻﺎﻓﻦ ﻭﻳﻌﻴﻂ ﻭﻧﺰﻝ ﺍﻟﻌﻼ ..

ﻭﺍﻧﻲ ﺧﺎﻳﻔﻪ ﻳﺎﺭﺑﻲ ﻟﻴﺶ ﺣﺠﻴﺖ ..

ﺍﺧﺬ ﻣﻮﺑﺎﻳﻞ ﻋﻼ ﻣﺎﻟﮕﻪ ﺑﻲ ﺷﻲ .. ﮔﺎﻡ ﻓﺘﺶ ﺍﻟﻐﺮﻓﻪ ﻛﻮﻟﻬﻪ ﻭﺍﻟﻜﻨﺘﻮﺭ ﻟﮕﻪ ﻣﻮﺑﺎﻳﻞ ﺗﺤﺖ ﺍﻟﻤﻼﺑﺲ ﺿﺎﻣﺘﻪ ﻭﺑﻲ ﺳﻮﺍﻟﻒ ﻣﺎﺗﺴﻮﻟﻒ ﻭﺻﻮﺭﻫﺎ ﻣﻼﺑﺴﻪ ﺷﻲ ﻭﻣﺼﻮﺭﺗﻬﻦ ﻭﺩﺍﺯﺗﻬﻦ ﺍﻟﺤﺒﻴﺒﻬﺎ .. ﻭﺣﺘﻰ ﺗﺎﺧﺬ ﻓﻠﻮﺱ ﻣﻦ ﻣﺤﻤﺪ ﻭﺗﻮﺩﻳﻬﻦ ﺍﻟﻪ .. ﻣﺎﺍﺗﺤﻤﻞ ﺿﺮﺑﻬﺎ ﻭﺷﺒﻌﻬﺎ ﻛﺘﻞ ﻭﻃﺮﺩﻫﺎ ﮔﻠﻬﺎ ﻣﺘﺒﻘﻴﻦ ﺩﻗﻴﻘﻪ ﻫﻨﺎ .. ﺍﻟﺒﻴﺖ ﺑﻴﻮﻣﻬﺎ ﺍﻧﮕﻠﺐ .. ﻋﻤﺘﻲ ﺭﺍﺣﺖ ﻭﻱ ﻋﻼ ﻻﻥ ﻟﻴﻞ ﻣﺨﻠﺘﻬﺎ ﺗﺮﻭﺡ ﻭﺣﺪﻫﺎ .. ﻣﻦ ﻫﺪﺃ ﺍﻟﻮﺿﻊ ﻧﺰﻟﺖ .. ﺑﻬﺪﻭﺀ ﻟﻠﻤﻄﺒﺦ ﺟﻮﻋﺎﻧﻪ ﮔﻌﺪﺕ ﻉ ﺍﻟﻄﺎﻭﻟﻪ ﺍﻛﻞ ﻭﺍﻓﻜﺮ ﺑﺴﻮﺍﻳﺎﺕ ﻋﻼ ﺷﻠﻮﻥ ﮔﺪﺭﺕ ﻫﻴﺞ ﺗﺴﻮﻱ ﻭﻫﻲ ﻉ ﺫﻣﺔ ﺷﺨﺺ ﻣﺎﺍﺷﻮﻑ ﺍﻻ ﻣﺤﻤﺪ ﺍﺟﻪ ﻭﮔﻌﺪ ﮔﺒﺎﻟﻲ .. ﻳﺎﻟﻠﻪ ﺍﺗﺸﻤﺘﻲ ﺑﻴﻪ ﻣﺮﻭﻩ ﻋﺎﺩﻱ . ﻫﺴﺎ ﺻﺮﺕ ﻣﻐﻔﻞ ﻣﻦ ﺻﺪﻭﮒ ﻭﺣﺪﻩ ﺧﺎﻧﺘﻨﻲ ﻗﺒﻞ ﺍﻟﺰﻭﺍﺝ ﻭﺣﺪﻩ ﺑﻌﺪﻩ ..

ﻋﻔﺖ ﺍﻻﻛﻞ ﻭﮔﻤﺖ ﺍﻟﺘﻔﺘﺖ ﻋﻠﻴﻪ .. ﻭﮔﻠﺘﻠﻪ ﻟﻠﺤﻈﻪ ﻛﺴﺮﺕ ﺧﺎﻃﺮﻱ ﺑﺲ ﻃﻠﻌﺖ ﺗﺴﺘﺎﻫﻞ ﻣﻮ ﻫﺬﻱ ﺍﻟﺸﺮﻳﻔﻪ ﺍﻟﻲ ﻓﻀﻠﺘﻬﺎ ﻋﻠﻴﻪ ﻭﺍﻟﻲ ﻃﻠﻌﺖ ﻋﺬﺭﺍﺀ ﻭﺍﻧﻲ ﻻ .. ﻭﻋﻔﺘﻪ ﻭﺻﻌﺪﺕ ﺍﻟﻐﺮﻓﺘﻲ ..

ﺑﻘﻰ ﻣﺤﻤﺪ ﻣﻜﺴﻮﺭ ﺣﺘﻰ ﻟﻠﺒﻴﺖ ﻣﺎﻳﺠﻲ ﺍﻭ ﻳﺠﻲ ﺑﻨﺺ ﺍﻟﻠﻴﻞ ﻭﻳﻨﺎﻡ ﺑﺎﻻﺳﺘﻘﺒﺎﻝ .. ﮔﻤﺖ ﺍﺗﻼﻓﻪ ﻭﺟﻮﺩﻩ ﻣﺎﺍﺣﺐ ﺍﻟﺘﻘﻲ ﺑﻲ ﻻﻥ . ﻛﻠﻤﺎ ﻳﺸﻮﻓﻨﻲ ﻳﻄﻠﻊ ﻗﻬﺮ ﻋﻼ ﺑﻴﻪ ..

ﺩﺧﻠﺖ ﺷﻬﺮﻱ ﻭﺍﻧﻲ ﻓﺮﺣﺎﻧﻪ ﻭﺍﺟﻬﺰ ﻭﻋﻤﺘﻲ ﻫﻢ ﺗﻐﻴﺮﺕ ﻣﻦ ﺑﻌﺪ ﻣﺎﺍﻧﻜﺸﻔﺖ ﻋﻼ ﻭﺣﻨﻮﻧﻪ ﺍﻧﺨﻄﺒﺖ ﺍﻻﺑﻦ ﻋﻤﻬﺎ ﺍﺧﻮ ﺳﻴﻒ ﺯﻭﺝ ﺣﻼ ﻭﺣﻼ ﻭﺯﻭﺟﻬﺎ ﺣﻴﺴﺎﻓﺮﻭﺍ ﻭﺍﻧﻲ ﺻﺮﺕ ﺻﺪﻭﮒ ﻭﺣﻴﺪﻩ .. ﺣﺘﻰ ﺣﻨﻮﻧﻪ ﺭﺍﺡ ﺗﻌﻮﻓﻨﻲ ﻭﺗﺘﺰﻭﺝ ﻣﻨﻮ ﺍﻟﻲ ..

ﺑﻴﻮﻡ ﺧﻄﻮﺑﻪ ﺣﻨﻮﻧﻪ ﻭﺍﻧﻲ ﻋﺒﺎﻟﻚ ﻣﺜﻞ ﺍﻟﻄﻮﺑﻪ ﺻﺎﻳﺮﻩ ﺣﺴﻴﺖ ﺑﺂﻻﻡ ﻭﺻﺒﺮﺕ ﮔﻠﺖ ﺍﺧﺎﻑ ﺗﻘﻠﺼﺎﺕ ﻣﺜﻞ ﻛﻞ ﻣﺮﻩ . ﺗﺎﻟﻲ ﺍﻻﻟﻢ ﺯﺍﺩ ﻭﺑﻘﻴﺖ ﺍﻋﻴﻂ ﻭﻟﻤﻴﺖ ﺍﻟﻌﺎﻟﻢ ﻋﻠﻴﻪ ﻫﻬﻬﻪ ﺍﺟﻪ ﻣﺤﻤﺪ ﻳﺮﻛﺾ ﺣﻀﻨﻲ ﻭﺍﺧﺬﻧﻲ ﻭﺍﻧﻲ ﺣﺎﺿﻨﺘﻪ ﻭﺍﺑﺠﻲ .. ﻭﺧﺎﻳﻔﻪ ﻉ ﺍﻟﻄﻔﻠﻪ ﻭﻫﻮ ﻳﻬﻮﻥ ﻋﻠﻴﻪ ﻭﻳﮕﻠﻲ ﻟﺘﺨﺎﻓﻴﻦ ﺣﺒﻴﺒﻲ ﻫﺴﺎ ﻧﻮﺻﻞ ﻧﺴﻴﺖ ﺣﻘﺪﻱ ﺍﻟﻪ ﻭﻭﺻﻴﺘﻪ ﻉ ﺑﻨﺘﻲ ﻭﻭﺻﻴﺖ ﺣﻼ ﻫﻢ ﺭﺍﺣﺖ ﻭﻳﺎﻧﺎ ﺗﺨﺎﺑﺮ ﺍﻫﻠﻲ ﻳﺴﺎﻣﺤﻮﻧﻲ ﻫﻲ ﺑﺲ ﺗﺒﺠﻲ ﻭﺗﮕﻠﻲ ﻟﺘﺨﺎﻓﻴﻦ .. ﻭﺭﺣﺎﺏ ﻣﺮﺕ ﺍﺣﻤﺪ ﻫﻢ ﺭﺍﺣﺖ ﻋﻤﺘﻲ ﻣﺎﮔﺪﺭﺕ ﻻﻥ ﻋﻨﺪﻫﻢ ﺿﻴﻮﻑ ..

ﻣﻦ ﻭﺻﻠﻨﺎ ﺩﺧﻠﻮﻧﻲ ﺍﻟﻐﺮﻓﻪ ﺍﻟﺘﻮﻟﻴﺪ .. ﻭﻣﺤﻤﺪ ﻣﺘﺼﻞ ﻉ ﺍﻫﻠﻲ ﻭﻫﻤﻪ ﮔﻠﺒﻬﻢ ﻣﺎﺍﻧﻄﺎﻫﻢ ﺍﺟﻮ ﺑﺴﺮﻋﻪ ..

ﺍﺣﺲ ﺑﺎﻟﻢ ﻣﻮﺕ ﻣﻮ ﻭﻻﺩﻩ ﺗﺎﻟﻲ ﺍﻟﺪﻛﺘﻮﺭﻩ ﮔﺎﻟﺖ ﻣﺎﻣﺎ ﺷﻨﻮ ﻫﺎﻱ ..

ﻭﺑﺎﻭﻋﺖ ﻉ ﺍﻟﻤﻤﺮﺿﺎﺕ ﻭﮔﻠﺘﻠﻬﻢ ﻻﺯﻡ ﻧﺪﺧﻞ ﻭﻧﻔﺘﺤﻬﺎ ﺍﺣﻨﺎ ﻻﻥ ﻏﺸﺎﺀ ﺍﻟﺒﻜﺎﺭﻩ ﻣﻤﻔﺘﻮﺡ ﻋﻨﺪﻫﺎ ﻭﻫﺬﺍ ﺍﻟﻲ ﻣﺴﺒﺒﻠﻬﺎ ﻋﺴﺮ ﺑﺎﻟﻮﻻﺩﻩ .

ﺍﻧﻲ ﻣﺎﻓﻬﻤﺖ ﺷﻲ ﻣﻦ ﺍﻻﻟﻢ .. ﺍﻟﻰ ﺍﻥ ﻭﻟﺪﺕ ﺑﺎﻟﮕﻮﻩ ﻭﺻﻠﺖ ﺍﻟﻤﻮﺕ ﺍﺟﺖ ﺑﻨﻴﻪ ﺗﺨﺒﻞ ﻭﺳﻤﻴﺘﻬﺎ ﻓﺮﺡ ﻻﻥ ﻓﺮﺣﺘﻨﻲ ﺍﻭﻝ ﻣﺎﺍﺟﺖ ﻟﻠﺪﻧﻴﺎ .. ﻭﻫﺴﺎ ﺍﮔﻠﻜﻢ ﺷﻠﻮﻥ ﻓﺮﺣﺘﻨﻲ ﺑﻌﺪ ﻣﺎﻭﻟﺪﺕ . ﻭﻃﻠﻌﻮﻧﻲ ﺑﻐﺮﻓﻪ ﻋﻤﻮﺩ ﺍﻟﻤﻐﺬﻱ ﺷﻔﺖ ﻣﺎﻣﺎ ﻭﺑﺎﺑﺎ ﻓﺮﺣﺖ ﺣﻴﻞ .. ﻭﺣﻀﻨﺘﻬﻢ ﻭﺍﺑﺠﻲ ..

ﺍﺟﺖ ﺍﻟﺪﻛﺘﻮﺭﻩ .. ﮔﻠﺘﻠﻲ ﺣﻤﺪﺍ ﻟﻠﻪ ﻉ ﺳﻼﻣﺘﺞ ﺍﻧﺘﻲ ﻭﺍﻟﻨﻮﻧﻮ .. ﺑﺲ ﺍﻟﻠﻪ ﺳﺘﺮ ﻭﻣﺎﺍﺧﺘﻨﮕﺖ ﺍﻟﻄﻔﻠﻪ ﻻﻥ ﺻﺎﻳﺮ ﻋﻨﺪﺝ ﻋﺴﺮ ﺑﺴﺒﺐ ﺍﻟﻐﺸﺎﺀ ﻫﻤﺰﻳﻦ ﺗﻼﺣﮕﻨﺎ ﻭﻓﺘﺤﻨﺎﻩ ..

ﺍﻧﻲ ﺍﺗﺒﺎﻭﻋﺖ ﺑﺄﺳﺘﻐﺮﺍﺏ ﻭﻣﺤﻤﺪ ﻭﺍﮔﻒ .. ﻳﺎﻏﺸﺎﺀ ﺩﻛﺘﻮﺭﻩ

ﺍﻟﺪﻛﺘﻮﺭﻩ .. ﻣﺎﻣﺎ ﻏﺸﺎﺀ ﺍﻟﺒﻜﺎﺭﻩ ﻋﻨﺪﺝ ﻣﻤﻔﺘﻮﺡ ..

ﻣﺤﻤﺪ ﻭﺍﻫﻠﻲ ﻛﻮﻟﻬﻢ ﺻﻔﻨﻮ .

ﺍﻧﻲ ﻳﻌﻨﻲ ﺍﻛﻮ ﻏﺸﺎﺀ ﺑﻜﺎﺭﻩ ﻭﻓﺮﺣﺎﻧﻪ . ﻣﻤﺼﺪﮔﻪ

ﺍﻟﺪﻛﺘﻮﺭﻩ . ﺑﻠﻲ ﺍﻛﻮ ﺍﻧﺘﻲ ﻏﺸﺎﺋﺞ ﻣﻄﺎﻃﻲ ﺻﻌﺐ ﻳﻨﻔﺘﺢ ﺍﻻ ﺑﺘﺪﺧﻞ ﻃﺒﻴﺐ ..

ﻣﺤﻤﺪ .. ﺩﻛﺘﻮﺭﻩ ﻣﺘﺄﻛﺪﻩ . ﺷﻠﻮﻥ ﺣﻤﻠﺖ ﺍﺫﺍ ﻣﺎﻣﻔﺘﻮﺡ ..

ﺍﻟﺪﻛﺘﻮﺭﻩ .. ﻋﺎﺩﻱ ﻫﻮﺍﻱ ﺣﺎﻻﺕ ﻫﻴﺞ ﺗﺠﻴﻨﺎ ﻻﻥ ﺍﻟﻐﺸﺎﺀ ﺍﻟﻤﻄﺎﻃﻲ ﻣﺎﻣﺤﻜﻢ ﻛﻮﻟﺶ ﻓﻴﺼﻴﺮ ﺣﻤﻞ ﻣﺎﻳﻤﻨﻊ ..

ﺍﻧﻲ ﺍﺗﺒﺎﻭﻋﺖ ﻟﻤﺤﻤﺪ ﻭﻫﻮ ﻳﺘﺒﺎﻭﻋﻠﻲ ﻭﺍﺟﻪ ﮔﺒﺎﻟﻲ ﮔﻌﺪ ﺑﻮﺱ ﺍﺩﻳﻪ ﻭﮔﺎﻝ ﺳﺎﻣﺤﻴﻨﻲ ..

ﻣﺮﻭﻩ .. ﺷﻠﻮﻥ ﺍﺳﺎﻣﺤﻚ ﻣﺤﻤﺪ ﺷﮕﺪ ﺣﻠﻔﺘﻠﻚ ﻭﻣﺎﺻﺪﮔﺘﻨﻲ ﮔﻮﺗﻠﻚ ﻣﺤﺪ ﻻﻣﺴﻨﻲ ﮔﻮﺗﻠﻚ ﺧﻠﻴﻨﺎ ﻧﺮﻭﺡ ﺍﻟﺪﻛﺘﻮﺭﻩ .. ﻣﺎﻗﺒﻞ ﻭﺗﻬﻤﺘﻨﻲ ﻣﻮ ﺑﻨﻴﻪ ﻭﻣﻮ ﺷﺮﻳﻔﻪ ..

ﻣﺤﻤﺪ .. ﻭﺍﻧﻲ ﺷﻨﻮ ﻋﺮﻓﻨﻲ ﺑﻬﺬﻱ ﺍﻻﻣﻮﺭ ..

ﻣﺮﻭﻩ .. ﻟﻚ ﺍﻧﺖ ﻣﻮ ﺟﺎﻫﻞ ﻣﺜﻘﻒ ﻭﺍﻟﻤﻔﺮﻭﺽ ﺗﺘﻔﻬﻢ ﺍﻻﻣﻮﺭ ﻭﻟﻮ ﺭﺍﻳﺤﻴﻦ ﺑﺴﻜﺘﻪ ﺍﻟﺪﻛﺘﻮﺭﻩ ﻭﺷﺎﻳﻔﻴﻦ ﻣﺎﺻﺎﺭ ﺍﻟﻲ ﺻﺎﺭ . ﻭﻫﺴﺎ ﺍﺣﻨﺎ ﻋﺎﻳﺸﻴﻦ ﺑﺴﻌﺎﺩﻩ .. ﻣﺎﺍﺗﺤﻤﻠﺖ ﻭﮔﻤﺖ ﺍﻋﻴﻂ ﻟﻚ ﺍﻧﺖ ﺩﻣﺮﺗﻨﻲ ﻭﻋﻴﺸﺘﻨﻲ ﺍﺳﻮﺃ ﺍﻳﺎﻣﻲ ﺣﻜﻤﺖ ﻋﻠﻴﻪ ﻭﺣﻄﻤﺘﻨﻲ ﻭﺿﻌﻴﺖ ﻓﺮﺣﺘﻲ ﻛﻞ ﻫﺬﻱ ﺍﻻﺷﻬﺮ ﻭﺍﻧﻲ ﻋﺎﺫﺭﺗﻚ ﻭﺍﻛﻮﻝ ﺣﻘﻪ ﺑﺲ ﺍﻟﻠﻪ ﺍﻧﺘﻘﻢ ﻣﻨﻚ ﻭﺧﻼﻙ ﺗﺘﺰﻭﺝ ﻭﺣﺪﻩ ﺧﺎﻳﻨﻪ ﺣﺘﻰ ﺗﻀﻮﮒ ﻃﻌﻢ ﺍﻟﺨﻴﺎﻧﻪ ﻣﻦ ﺻﺪﻭﮒ ..

ﺧﻠﺺ ﻣﺤﻤﺪ ﻛﻮﻟﺸﻲ ﺍﻧﺘﻬﻰ ﺑﻴﻨﺎ ﻛﻨﺖ ﺳﺎﻛﺘﻪ ﻭﻣﺘﺤﻤﻠﻪ ﻣﻦ ﺍﻟﻔﻀﻴﺤﻪ ﺑﺲ ﻫﺴﺎ ﺑﻌﺪ ﻣﺎﺍﺳﻜﺖ ﻭﻋﻨﺪﻱ ﺗﻘﺮﻳﺮ ﻣﻦ ﺍﻟﺪﻛﺘﻮﺭﻩ ﺍﻧﻪ ﻏﺸﺎﺋﻲ ﻣﻄﺎﻃﻲ ﻭﺍﺫﺍ ﻣﺎﺗﻄﻠﮕﻨﻲ ﺍﺧﺬ ﺣﻘﻲ ﺑﺎﻟﻘﺎﻧﻮﻥ .. ﺍﻧﺖ ﺍﻧﺘﻬﻴﺖ ﺑﺎﻟﻨﺴﺒﻪ ﺍﻟﻲ ﻣﻦ ﺍﻭﻝ ﻳﻮﻡ ﺷﻜﻴﺖ ﺑﻴﻪ ﺑﺲ ﻋﺬﺭﺗﻚ ﻻﺟﻞ ﺍﻫﻠﻲ ﻭﻻﻥ ﻣﺎﻋﻨﺪﻱ ﺷﻲ ﻳﺜﺒﺖ ﺑﺮﺍﺋﺘﻲ .. ﺑﻘﻰ ﻳﺘﻮﺳﻞ ﻭﻳﺒﻮﺱ ﻭﻳﮕﻠﻲ ﺣﺒﻨﺎ ﻭﻛﺬﺍ ﻭﻫﻮ ﺍﻟﻲ ﻫﺎﻥ ﻋﻠﻴﻪ ﺣﺒﻨﺎ ﻭﻣﺎﺻﺪﮔﻨﻲ .. ﻫﺬﺍ ﺍﻟﻜﻼﻡ ﺷﻬﺪﻭﺍ ﻋﻠﻴﻪ ﺍﻫﻠﻲ ﻭﺣﻼ ﻭﺭﺣﺎﺏ ﻭﺑﺲ ﻳﺒﺠﻦ ﻭﻳﮕﻠﻮﻟﻲ ﺷﻠﻮﻥ ﺗﺤﻤﻠﺘﻲ ﻛﻞ ﻫﺬﻱ ﺍﻟﻤﺬﻟﻪ ﻭﺳﻜﺘﻲ ..

ﺍﻧﺘﻬﻰ ﻛﻮﻟﺸﻲ ﺑﻴﻨﻲ ﻭﺑﻴﻦ ﻣﺤﻤﺪ ﻭﺍﻫﻠﻪ ﺩﺭﻭﺍ ﻭﻭﺩﻭﺍ ﻣﺸﻴﻪ ﻛﻢ ﻣﺮﻩ ﺑﺲ ﺭﻓﻀﺖ ﻻﻥ ﺍﻟﻲ ﺍﻧﻜﺴﺮ ﻣﺎﻳﺘﺼﻠﺢ ﻣﺎﻛﻮ ﺣﺐ ﺑﺪﻭﻥ ﺛﻘﻪ .. ﻣﺤﻤﺪ ﺷﻜﻚ ﺑﻴﻪ ﻭﺫﻟﻨﻲ ﻭﺍﻋﺘﺒﺮﻧﻲ ﻋﺎﻫﺮﻩ ﻣﻮ ﺣﺒﻴﺒﺘﻪ ﻭﺯﻭﺟﺘﻪ .. ﺣﻄﻢ ﻛﻮﻟﺸﻲ ﺣﻠﻮ ﺑﻴﻨﺎ . ﻟﻬﺬﺍ ﺍﮔﻮﻟﻜﻢ ﻣﻮ ﺩﺍﻳﻤﺎ ﺍﻟﺤﺐ ﻳﺴﺘﻤﺮ ﻭﺣﺘﻰ ﺍﺫﺍ ﺍﻧﺘﻬﻰ ﺑﺎﻟﺰﻭﺍﺝ ﺗﺠﻲ ﺍﻣﻮﺭ ﺑﻌﺪ ﺍﻟﺰﻭﺍﺝ ﺗﻨﻬﻴﻪ ﻭﺗﻀﻴﻌﻪ ﺑﻌﺪ ﻣﺎﺍﺗﻄﻠﻜﻨﺎ ﻋﺸﺖ ﻋﻨﺪ ﺍﻫﻠﻲ ﻭﺭﺑﻴﺖ ﻓﺮﻭﺣﻪ ﺑﻌﺪ ﻣﺎ ﺍﺗﻌﻴﻨﺖ ﻭﺻﺮﺕ ﻣﺤﺎﻣﻴﻪ ﻭﺍﺳﺘﺮﺟﻌﺖ ﺣﻴﺎﺗﻲ ﺑﻌﺪ ﻣﺎﺟﻬﻞ ﺍﻟﻤﺠﺘﻤﻊ ﻭﺍﻟﺘﺨﻠﻒ ﺧﻼﻧﻲ ﺿﺤﻴﻪ ﺍﻟﻌﺎﺩﺍﺕ ﺍﻟﺠﺎﻫﻠﻪ ..

ﻫﺬﻱ ﻗﺼﺘﻲ ﺍﻟﻲ ﺍﻭﻝ ﻣﺮﻩ ﻳﻤﻜﻦ ﺍﺳﺮﺩﻫﺎ .. ﻟﻜﻦ ﺣﺒﻴﺖ ﺗﻜﻮﻥ ﻋﺒﺮﻩ ﻟﻠﻨﺎﺱ ﺍﻟﻲ ﺍﺫﺍ ﻣﺎﻛﻮ ﺩﻡ ﻗﺘﻠﻮﻫﺎ ﻟﻠﺒﻨﻴﻪ ﺍﻭ ﺗﻬﻤﻮﻫﺎ ﺑﺸﺮﻓﻬﺎ ﻣﻦ ﻏﻴﺮ ﻣﺎﻳﺘﺄﻛﺪﻭﻥ ..

ﻧﻄﻮﻧﻲ ﺭﺁﻳﻜﻢ ﺍﺣﺒﺘﻲ .. ﺍﻟﻨﻬﺎﻳﻪ ﺗﺤﻴﺎﺗﻲ ..

ﺍﻟﻜﺎﺗﺒﻪ # ﺷﻤﺲ

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤