رواية لأني امرأة ج1 الجزء الثاني
للكاتبة سوزان المندلاوي
↙️
ﻭﻛﻔﺖ .. ﺑﺮﺓ .. ﻭﺍﻟﻌﺎﻟﻢ .. ﻳﻤﻲ ﺍﻧﻲ ﺷﺎﻳﻠﻪ ﺟﻨﻄﺘﻲ ﺑﺎﻳﺪﻱ .. ﻭﺍﻻﻳﺪ ﺍﻟﺜﺎﻧﻴﻪ .. ﻏﻄﻴﺖ ﻭﺟﻬﻲ ﺑﻠﻌﺒﺎﻳﻪ .. ﺍﺟﻪ ﻭﺍﺣﺪﻗﺮﻳﺐ ﻋﻠﻴﻪ .. ﻛﻠﻲ ﻃﺒﻲ .. ﺍﻟﺨﻄﻮﺓ ﺑﺎﻟﻒ .. ﺧﻄﻮﺓ ﻣﺎﻛﺪﺭ ﺍﻣﺸﻲ .. ﺭﺟﻠﻲ ﺛﻜﻠﺖ .. ﻭﻛﺎﻣﻦ .. ﻳﻄﺎﺑﻜﻦ ﻣﻦ ﺍﻟﺮﺟﻒ .... ﻭﺳﻨﻮﻧﻲ ﺗﺼﻚ .. ﻋﺒﺎﻟﻚ .. ﺩﺍﻃﺐ ﻟﻼﻋﺪﺍﻡ .. ﻣﺸﻴﺖ ﻣﺴﺎﻓﻪ ﻛﻮﺓ ﺍﺟﺮ ﺑﺮﻭﺣﻲ ﻭﺍﻟﺮﺟﺎﻝ ﻛﺪﺍﻣﻲ .. ﻃﺒﻴﻨﻪ ﻣﻦ ﺍﻟﺒﺎﺏ .. ﻛﺮﺍﺝ ﺟﺒﻴﺮ .. ﻛﻠﺶ . ﻭﺑﻲ ﺳﻴﺎﺭﺍﺕ ﻃﺎﺑﻜﻪ .. ﻭﻣﺸﻴﺖ ﻭﺭﺍﻩ .. ﻭﺻﻠﺖ ﻟﺒﺎﺏ ﺍﻟﺒﻴﺖ .. ﻭﻛﻔﺖ .. ﺍﻧﺪﺍﺭ ﻃﺒﻲ ﻫﺬﺍ ﺑﻴﺘﺞ .. ﺑﻌﺪ .. ﺍﻧﻲ ﺍﺑﺠﻲ .... ﻓﺘﺢ ﺍﻟﺒﺎﺏ .. ﺍﺳﺘﻘﺒﺎﻝ ﺟﺒﻴﺮ ... ﺑﻲ ﻧﺴﻮﺍﻥ .. ﻛﻮﻣﻪ .. ﻏﺮﻳﺒﻪ ﻣﺎﻋﺮﻑ . ﺷﻲ .. ﺍﻟﻮﻟﺪ ﺭﺍﺡ .. ﺍﻧﻲ ﺑﻘﻴﺖ .. ﻭﺍﻛﻔﻪ .. ﺍﺑﺎﻉ ﻣﻦ ﻭﺭﺓ ﺍﻟﻌﺒﺎﻩ .. ﺍﺟﺖ ﻭﺣﺪﺓ .. ﻃﺒﺒﺘﻨﻲ .. ﻛﻌﺪﺗﻨﻲ .. ﺍﻧﻲ .. ﻛﻌﺪﺕ ﻭﻣﺤﺤﻴﺖ ﺷﻲ .. ﺍﺧﺬﻭ ﺍﻟﺠﻨﻄﻪ ﻣﻦ ﺍﻳﺪﻱ .. ﻭﺿﻠﻴﺖ .. ﻣﺪﻧﺠﻪ .. ﻭﻛﺎﻋﺪﺓ .. ﻭﺍﺑﺠﻲ .. ﻭﻫﻨﻪ ﻳﺴﻮﻟﻔﻦ .. ﻫﺎﻱ ﺍﻟﻔﺼﻠﻴﻪ .. ﻳﻜﻮﻟﻮﻥ ﻣﻮ ﻋﺮﺑﻴﻪ .. ﺧﺎﻳﺒﻪ ﺷﻮﻥ ﺭﺍﺡ ﺍﺩﺑﺮﻭﻫﺎ ﻭﻳﺎﻫﺎ .. ﺍﺫﺍ ﻣﺎﺗﺮﻃﻦ ﻋﺮﺑﻲ .. ﺑﺪﻳﺖ ﺍﺩﻭﺥ ﻭﺍﻟﺪﻧﻴﺎ ﺗﻔﺮ ﺑﻴﻪ .. ﻋﻴﻮﻧﻲ ﻣﻦ ﺍﻟﺒﺠﻲ ﻏﻮﺷﻦ .. ﻛﺒﺎﻟﻲ ﻣﻲ .. ﺍﺧﺎﻑ ﺍﻣﺪ ﺍﻳﺪﻱ ﻋﻠﻴﻪ .. ﺍﺷﺮﺏ .. ﺍﺟﺖ ﻋﻠﻴﻪ ﻭﺣﺪﺓ ﻛﻮﻣﺘﻨﻲ .. ﻛﻮﻣﻲ .. ﻭﻳﺎﻳﻪ .. ﻣﺸﻴﺖ ﻭﺭﺍﻫﺎ ﻭﺍﻟﻜﻞ ﺗﺒﺎﻉ ﻋﻠﻴﻪ .. ﻃﺒﺒﺘﻨﻲ ﻏﺮﻓﻪ .. ﻛﻌﺪﺕ .. ﻛﺎﻟﺖ .. ﺷﺴﻤﺢ .. ﺍﺭﻳﺪ ﺍﻛﻮﻝ ﻟﻴﺎﻝ .. ﻟﺴﺎﻧﻲ ﺍﻧﻌﻜﺪ .. ﻭﺛﻜﻞ .. ﻭﻟﺞ ﺷﺴﻤﺞ .. ﻳﻤﻪ ﺧﺎﻑ ﺧﺮﺳﻪ .. ﻣﺪﻳﺖ ﺍﻳﺪﻱ ﺍﺷﺮﺕ ﺍﻟﻬﺎ ﺍﻧﻄﻲ ﺻﺒﺮ .. ﺟﺮﺕ ﺍﻟﻌﺒﺎﺓ ﻣﻨﻲ .. ﻋﺎﻃﺖ ﺑﻮﺟﻲ .. ﻳﻤﻪ ﺍﺳﻢ ﺍﻟﻠﻪ ﺷﺒﻴﺞ ﺻﻔﺮﺓ .. ﻭﺷﻔﺎﻓﺞ ﺯﺭﻙ .. ﺭﻛﻀﺖ ﺟﺎﺑﺖ .. ﻣﻲ .. ﻏﺴﻠﺖ ﻭﺟﻬﻲ .. ﻭﺷﺮﺑﺘﻨﻲ .. ﻭﺟﺎﺑﺖ ﺷﺮﺑﺖ ﺷﺮﺑﺘﻨﻲ ﻛﻼﺻﻴﻦ .. ﺣﺴﻴﺖ ﺍﺳﺘﻌﺪﻟﺖ .. ﻛﺎﻟﺖ ﺍﺭﺗﺎﺣﻲ ﻫﻨﺎ .. ﻣﺎﻟﺞ ﺩﺧﻞ ﺑﺎﺣﺪ .. ﺑﻌﺪﻳﻦ ﺍﺟﻴﺞ .. ﺩﻧﻌﻘﺪ ﺍﻟﻜﻢ .. ﺍﺭﻭﺡ ﺍﻋﺸﻲ ﺍﻟﻨﺴﻮﺍﻥ .. ﻃﻠﻌﺖ .. ﺍﻧﻲ ﺩﻣﻮﻋﻲ ﺧﻠﺼﻦ .. ﺑﻘﻴﺖ ﺑﺲ ﺍﺩﻋﻲ ﺣﻮﺑﺘﻲ ﺗﻄﻠﻊ ﺑﻴﻬﻢ .. ﺗﻄﻠﻊ ﺑﻜﻞ ﻭﺍﺣﺪ ﻛﺴﺮﻧﻲ .. ﻭﻇﻠﻤﻨﻲ ... ﻛﻞ ﺷﻮﻳﻪ .. ﺗﻔﻮﺕ ﻭﺣﺪﺓ ﺗﺒﺎﻉ ﻋﻠﻴﻪ ﻭﺗﻄﻠﻊ .. ﻭﺍﻟﺠﻬﺎﻝ ﻳﻤﺪﻭﻥ ﺭﺍﺳﻬﻢ .. ﻳﻀﺤﻜﻮﻥ .. ﻭﻳﻄﻠﻌﻮﻥ .. ﺍﻗﻞ ﺍﻟﺴﺎﻋﻪ ﻃﺒﺖ .. ﺟﺎﻳﺒﻪ .. ﺻﻴﻨﻴﻪ .. ﻛﺎﻟﺖ . ﺍﻛﻠﻲ .. ﺍﻧﻲ .. ﻛﺘﻠﻬﺎ ﺗﺴﻠﻤﻴﻦ ﻣﺎﺭﻳﺪ .. ﻛﺎﻟﺖ ﺷﺴﻤﺞ ﻳﺎﺣﻠﻮﺓ .. ﺍﻧﻲ ﻟﻴﺎﻝ ... ﺍﻟﻠﻪ ﺷﻮﻥ ﺍﺳﻢ ﺣﻠﻮ ﻉ ﺭﺍﻋﻴﺘﻪ .. ﺣﺒﻴﺒﻪ ﻻ ﺗﺨﺎﻓﻴﻦ ﻣﻨﻪ ﺍﺣﻨﻪ ﻣﺎﻧﺎﻛﻞ ﺍﻭﺍﺩﻡ .. ﻫﺎﻱ .. ﻗﺴﻤﺘﺞ ﺍﺭﺿﻲ ﺑﻴﻬﺎ .. ﻭﻫﺬﻭﻝ ﻧﺎﺱ .. ﺧﻴﺮﺓ ﻭﺗﺨﺎﻑ ﺍﻟﻠﻪ .. ﺭﺍﺡ ﺗﻌﻴﺸﻴﻦ ﻣﺮﺗﺎﺣﻪ .. ﻭﻓﻬﺪ ﺧﻮﺵ ﻭﻟﻴﺪ .. ﺑﺲ ﻫﺴﺔ ﻣﺤﺮﻭﻙ ﻛﻠﺒﻪ ﻉ ﻣﺮﻳﺘﻪ .. ﻣﺪﺓ ﻭﻳﻨﺴﻪ .. ﻛﺎﻟﺖ ﺍﻧﻪ ﺳﻬﺎﻡ .. ﺍﺻﻴﺮ ﻣﺮﺕ ﺍﻟﺸﻴﺦ ﺍﻟﺼﻐﻴﺮﺓ .. ﺍﻧﻲ ﺑﺲ ﺻﺎﻓﻨﻪ ﺑﻮﺟﻬﺎ .. ﺷﺘﺤﺘﺎﺟﻴﻦ ﺑﺲ ﻛﻮﻟﻲ ﺍﻟﻲ .. ﻣﺎﻟﺞ ﺩﺧﻞ ﺍﺑﺎﻗﻲ ﺍﻟﺠﻨﺎﻳﻦ .. ﻭﻋﺠﻮﺯﺗﻨﻪ ﺗﺼﻴﺤﻴﻠﻬﺎ ﻳﻤﻪ .. ﺯﻳﻦ .. ﻣﺪﺍﻓﺘﻬﻢ ﺷﻲ .. ﺍﻡ ﺭﺟﻠﺞ ﻋﻤﺘﺞ ﺗﺼﻴﺤﻴﻦ ﺍﻟﻬﺎ ﻳﻤﻪ .. ﻫﺴﺔ ﻣﻦ ﺗﻌﻘﺪﻭﻥ .. ﻃﻠﻌﻴﻦ ﺗﺤﺒﻴﻦ ﻉ ﺍﻳﺪﻳﻬﺎ ﻭﺭﺍﺳﻬﺎ .. ﺍﺣﺐ .. ﻳﺎ ﺷﺒﻴﺞ . ﺗﺒﻮﺳﻴﻬﻦ .. ﻳﻼ ﺍﻛﻠﻲ .. ﻫﺴﺔ .. ﺟﻨﻪ ﺍﺟﻪ ﺍﻟﺸﻴﺦ .. ﻃﻠﻌﺖ .. ﻭﺍﻟﺼﻴﻨﻴﺔ ﻛﺒﺎﻟﻲ .. ﺗﻤﻦ ﻭﻋﻠﻴﻪ ﻟﺤﻢ .. ﻃﺒﺖ ﻏﻴﺮﻫﺎ .. ﻛﺎﻟﺖ ﺍﻛﻠﻲ .. ﺍﻱ ﺩﺍﻛﻞ .. ﻛﻌﺪﺕ ﻳﻤﻲ .. ﻛﺎﻟﺖ ﺍﻧﻪ .. ﺳﻌﺎﺩ .. ﻣﺮﺕ ﺣﻤﺎﺝ .. ﻫﺰﻳﺖ ﺍﻟﻬﺎ ﺑﺮﺍﺳﻲ .. ﺍﻛﻠﺞ ﺻﺪﻙ ﺍﻧﺘﻲ .. ﻣﻮﻋﺮﺑﻴﻪ .. ﻛﺘﻠﻬﺎ ﺍﻱ .. ﺍﻛﻠﻲ ﺍﻛﻠﻲ .. ﺍﻟﻠﻪ ﻳﻬﻨﻴﺞ .. ﺗﻄﻠﻊ ﻭﺣﺪﺓ ﻃﺐ ﻭﺣﺪﺓ .. ﺿﻠﻦ ﻫﻴﺞ .. ﻭﻳﺴﺎﻟﻦ ﻭﻳﺴﻮﻟﻔﻦ ﺍﻛﻠﺖ ﻟﻜﻤﺘﻴﻦ .. ﻭﺟﺮﻳﺖ ﺍﻳﺪﻱ .. ﻃﺒﺖ ﺍﻭﻝ ﻭﺣﺪﺓ .. ﺍﻟﻲ ﻛﺎﻟﺖ ﺍﺳﻤﻬﺎ ﺳﻬﺎﻡ ﻃﻠﻌﺘﻬﻦ .. ﻛﺎﻟﺖ ﻛﻮﻣﻲ .. ﻛﻤﺖ .. ﺫﺑﻲ ﻋﺒﺎﺗﺞ .. ﻟﻴﺶ .. ﻻ ﺗﺨﺎﻓﻴﻦ .. ﺫﺑﻴﺘﻬﺎ .. ﺟﻨﺖ ﻻﺑﺴﺔ ﻓﺴﺘﺎﻥ .. ﻛﺮﻳﻤﻲ .. ﻭﺟﻮﺯﻱ .. ﻛﺎﻟﺖ ﺣﻀﺮﻱ ﺭﻭﺣﺞ ﺭﺍﺡ ﻳﺠﻲ ﺍﻟﺸﻴﺦ .. ﻓﺪ ﺷﻮﻳﻪ .. ﺍﺟﺖ ﻳﻤﻲ ﻛﺎﻟﺖ .. ﻻ ﺗﺨﺎﻓﻴﻦ .. ﺑﺮﻭﺡ ﺍﻋﺰﺍﺯﺝ .. ﺍﻧﻪ ﻣﺜﻠﺞ ﺍﻭﻝ ﻳﻮﻡ ﻃﺒﻴﺖ ﻟﻬﻨﺎ .. ﻛﺘﻠﻬﺎ ﺍﻧﺘﻲ ﻫﻢ .. ﻓﺼﻠﻴﻪ .. ﻛﺎﻟﺖ ﻻ .. ﺍﻧﻲ ﺍﺑﻮﻳﻪ ﻫﺪﺍﻧﻲ .. ﻟﻠﺸﻴﺦ .. ﻭﺯﻭﺟﻨﻪ ﻭﺻﺎﺭﻭ ﻋﺪﻧﻪ ﺟﻬﺎﻝ .. ﺍﻧﻲ ﺻﻔﻨﺖ ﻋﻠﻴﻬﺎ .. ﻫﺪﺍﺝ .. ﺷﻨﻮ .. ﻫﺪﻳﻪ .. ﺍﻧﻄﻮﻧﻲ ... ﻭﺷﻠﻮﻥ ﻛﺪﺭﺗﻲ ﺗﻌﻴﺸﻴﻦ ﻭﻳﺎﻩ .. ﻭﻫﻮﺓ ﻋﺠﻮﺯ .. ﺿﺤﻜﺖ ﻛﺎﻟﺖ ﺍﻟﻲ ﻃﺒﺒﺞ .. ﺭﺟﻠﻲ ﺍﻟﺸﻴﺦ . ﻭﺻﻐﻴﺮ . ﺍﺧﺬﻫﺎ ﻣﻦ ﺍﺑﻮ .. ﺍﻟﻠﻪ ﻳﺮﺣﻤﻪ .. ﻻ ﺗﺨﺎﻓﻴﻦ ... ﻳﺤﺒﻮﻥ ﺍﻟﻤﺮﺓ ﻭﻳﺪﻟﻠﻮﻫﺎ ﻭﺍﻧﻲ ﻣﺎﻋﻮﻓﺞ ﺍﻧﺘﻲ ﻣﺴﺆﻟﻴﺘﻲ ﺻﺮﺗﻲ . ﺑﻬﻼﺛﻨﺎﺀ . ﻃﺐ . ﻭﻟﺪ . ﺻﺎﺭ ﺑﻮﺟﻬﻲ . ﺻﻔﻦ ﻋﻠﻴﻪ ﻻﺑﺲ ﺩﺷﺪﺍﺷﻪ ﺳﻮﺩﺓ .. ﺿﺨﻢ ﻣﺮﺑﻮﻉ .. ﺍﺳﻤﺮ ﻭﻋﻴﻮﻧﻪ ﻛﺒﺎﺭ ﺳﻮﺩ .. ﻭﺻﺎﺣﺐ ﻟﺤﻴﻪ .. ﻛﺎﻝ .. ﺍﻧﻲ ﻣﻮ ﻛﺘﻠﻜﻢ ﻻ ﺟﻴﺒﻮﻫﺎ .. ﻛﺎﻡ ﻳﻌﻴﻂ .. ﻣﻮ ﻛﺘﻠﻜﻢ ﻣﺎﺭﻳﺪﻫﺎ ... ﻛﺎﻣﺖ ﻋﻠﻴﻪ .. ﻓﻬﺪ ﺍﺳﺘﻬﺪﻱ ﺑﺮﺣﻤﺎﻧﻚ ﺷﺒﻴﻚ .. ﻻ ﺗﺨﻠﻮﻧﻲ ﻫﺴﺔ .. ﺍﻫﺞ . ﻟﻮ ﺍﺫﺑﺤﻬﺎ . ﻃﻠﻌﻮﻫﺎ ﻣﻦ ﺍﻟﺒﻴﺖ .. ﻃﺐ ﻭﻟﺪ ﻭﺭﺍﻩ . ﻭﻃﺐ ﺍﻟﺜﺎﻧﻲ ﺍﻧﻲ ﻛﺎﻋﺪﺓ ﺑﻠﻜﺎﻉ .. ﻭﻣﺮﻋﻮﺑﻪ .. ﻛﺘﻠﻜﻢ ﻣﺎﻃﺐ ﻟﻠﺒﻴﺖ .. ﺍﺧﺬﻭﻫﺎ ﺍﻧﺘﻮ ﻣﺎﺭﻳﺪﻫﺎ .. ﻭﺍﺟﻪ .. ﻋﻠﻴﻪ ﺭﻓﻊ ﺭﺟﻠﻪ .. ﻳﺮﻳﺪ ﻳﺪﻓﺮﻧﻲ .. ﺟﺮﻭ ﻭﻃﻠﻌﻮ ﺑﺮﺓ .. ﺿﻞ ﻳﻌﻴﻂ ﻭﻳﺼﻴﺢ ..
⤵️
ﺟﺮﻭ ﻣﻦ ﻭﻃﻠﻌﻮ ﺑﺮﺓ .. ﺍﺳﻤﻊ ﻳﻜﻮﻝ ﻃﻠﻌﻮﻫﺎ ﻣﻦ ﺍﻟﺒﻴﺖ .. ﻣﺎﺭﻳﺪﻫﺎ ... ﻃﺒﺖ ﻋﻠﻴﻪ ﺳﻬﺎﻡ .... ﺍﻧﻲ ﻣﺼﺪﻭﻣﻪ .. ﺍﺍﻱ ﻳﻄﺨﻨﻲ ﺍﻭﻛﻊ ﻣﺎﻋﺮﻑ ﺷﻮﻥ ﺟﺒﺖ ﻗﻮﺓ ﻭﺳﻴﻄﺮﺕ ﻉ ﻧﻔﺴﻲ .. ﻛﺎﻟﺖ ﺧﻮﻣﺎ ﺑﻴﺞ ﺷﻲ .. ﻛﺘﻠﻬﺎ .. ﻻ .. ﺍﻧﻲ ﻛﺎﻋﺪﺓ ... ﻭﺭﺍﺳﻲ ﺑﻴﻦ ﺭﺟﻠﻲ .. ﻛﺎﻟﺖ ﻣﻌﻠﻴﺞ ﺑﻲ .. ﻫﺬﺍ ﺑﺲ ﻫﻮﺳﺔ .. ﺷﺤﺪﺓ ﻳﻀﺮﺑﺞ ﻭﺍﻟﻠﻪ ﺣﺎﺗﻢ ﻳﻄﺮﺩﺓ .. ﺣﺎﺗﻢ ﻣﻨﻮ .. ﺭﺟﻠﻲ ... ﻻ ﺗﺨﺎﻓﻴﻦ ﻟﻴﺎﻟﻲ .. ﻋﻴﻨﻲ ﻛﻠﺒﻪ ﻣﻠﺠﻮﻡ ﻣﻦ .. ﻣﻮﺗﺘﻪ ﺯﻭﺟﺘﻪ .. ﺍﻧﻲ ﻋﻴﻮﻧﻲ ﻧﺘﺮﺳﻦ ﺩﻣﻊ .. ﻭﺍﻧﻲ ﺷﻠﻲ ﺫﻧﺐ .. ﻗﺎﺑﻞ ﺍﻧﻲ ﻛﺘﻠﺘﻬﺎ .. ﻟﻮ ﺍﻧﻲ .. ﻓﺼﻠﺖ ﺭﻭﺣﻲ .. ﺍﻟﻠﻪ ﻻ ﻳﻨﻄﻲ ﻛﻠﻤﻦ .. ﻛﺴﺮ ﺑﺨﺘﻲ .. ﺟﺖ ﺭﻛﺾ ﻋﻠﻴﻪ ﺍﺳﻜﺘﻲ ﻳﻤﻌﻮﺩﺓ ﺳﺎﻋﻪ ﻭﺗﻨﺤﻞ .. ﻻ ﺩﻋﻴﻦ ﻭﻻ ﺗﺤﺠﻴﻦ .. ﻫﺎﻱ ﻛﻄﻊ ﻟﻠﺪﻡ .. ﺑﻴﻨﻴﻨﻪ ﺻﺎﺭ .. ﻛﺘﻠﻬﺎ ﻓﺪﻭﺓ ﻃﻠﻌﻴﻨﻲ ﻣﻨﺎ ﺭﺟﻌﻴﻨﻲ ﻻﻫﻠﻲ .. ﻫﺰﻣﻴﻨﻲ ﻭﺍﻟﻲ ﺗﺮﻳﺪﻱ ﻳﺼﻴﺮ .. ﺿﺤﻜﺖ . ﻳﻤﻪ ﻻ ﺗﺨﺎﻓﻴﻦ ﺷﻨﻮ ﺳﺠﻦ ﻟﻮ ﺑﻌﺒﻊ .. ﻫﻨﺎ .. ﻭﺍﻟﻠﻪ ﺍﺣﻠﻰ ﻋﻴﺸﺔ .. ﻭﻟﺞ ﺍﻧﻄﻲ ﺻﺒﺮ .. ﻛﻢ ﻳﻮﻡ ﻭﺗﻠﻜﻲ ﻣﻴﻨﺎﻡ ﺍﺫﺍ ﻣﻮ ﺑﺤﻈﻨﺞ .. ﺷﺒﻴﺞ ﺍﻧﺘﻲ ... ﺟﻨﺞ ﻓﻘﻴﺮﺓ .. ﻭﻣﺎﺗﻔﻬﻤﻴﻦ ﺷﻲ .. ﺷﻮﻓﻲ ﺍﻧﻲ .. ﺍﻟﺸﻴﺦ ﻋﺎﻳﻒ ﻧﺴﻮﺍﻧﻪ ... ﻭﻻﺑﺪ ﻳﻤﻲ .. ﺩﻋﻮﻓﻴﻨﻪ ﻣﻦ ﺫﻧﻲ .. ﺧﻠﻲ ﺍﻟﻌﺎﻟﻢ ﺗﻄﻠﻊ .. ﻭﺍﻧﻪ ﺍﻓﻬﻤﺞ ﻛﻠﺸﻲ .. ﺍﻻ ﺍﺧﻠﻴﺞ ﻣﻠﻜﻪ .. ﻭﺍﻟﻠﻪ .. ﻋﻮﻓﻲ ﻟﺤﺎﻟﻪ ﻳﻬﻮﺱ .. ﺿﻠﺖ ﺗﺤﺠﻲ .. ﺻﺎﺭ ﺍﻟﻠﻴﻞ .. ﻭﺍﻧﻲ ﻣﺤﺒﻮﺳﻪ ﺑﻬﻞ ﻏﺮﻓﻪ ﻭﻃﺎﺑﻴﻌﻦ ﻃﺎﻟﻌﻴﻦ ﻋﻠﻴﻪ ﻋﺒﺎﻟﻚ .. ﺟﺎﻳﺒﻴﻦ .. ﻏﺮﺽ ﺟﺪﻳﺪ .. ﻳﺸﻮﻓﻮ ﻭﻳﻄﻠﻌﻮﻥ .. ﺷﻮﻳﻪ ﻭﻃﺐ ﻋﻠﻴﻪ .. ﺭﺟﺎﻝ ﺍﻟﻲ ﻫﻮﺓ ﺣﺎﺗﻢ .. ﻫﻮﺓ ﻭﺳﻬﺎﻡ .. ﺍﻧﻲ ﻋﺪﻟﺖ ﺭﻭﺣﻲ ﺟﻨﺖ ﻣﺪﺩﺓ ﺗﻌﺒﺖ ﻣﻦ ﺍﻟﻜﻌﺪﺓ .. ﻛﺎﻝ .. ﺍﻧﺪﺍﺭ ﻉ ﻣﺮﺗﻪ ﺷﺴﻤﻬﺎ .. ﻛﺎﻟﺖ ﻟﻴﺎﻟﻲ .. ﻋﻮﻓﻴﻨﻪ .. ﻳﺎﺑﻨﺖ ﺍﻟﻌﺎﻟﻢ .. ﻻ ﻋﺒﺎﻟﺞ ﻓﺼﻠﻴﻪ ﺧﺪﺍﻣﻪ .. ﻳﻤﻨﻪ .. ﻻ ﻳﺤﺮﻡ ﻋﻠﻴﻨﻪ ﻧﺎﺫﻳﺞ .. ﺣﺎﻟﺞ ﻣﻦ ﺣﺎﻝ ﺑﻨﺎﺗﻨﻪ .. ﻣﻌﺰﺯﺓ ﻣﻜﺮﻣﻪ .. ﺑﺲ .. ﻧﺮﻳﺪ ﻣﻨﺞ ﺷﻲ .. ﺍﺻﺒﺮﻳﻦ ﻭﻱ ﻓﻬﺪ .. ﺍﻋﺼﺎﺑﻪ ﺗﻌﺒﺎﻧﻪ ﺑﻔﻜﺪ ﻣﺮﺗﻪ ﻭﻫﺬﺍ ﺍﻟﻤﺪﻟﻞ .. ﺍﻻﺧﻴﺮ .. ﻫﺴﺔ ﺭﺍﺡ ﻃﻠﻌﻴﻦ ﻧﻌﻘﺪ ﺍﻟﺞ .. ﺷﻴﺤﺠﻲ ﻭﻳﺎﺝ ﻻ ﺟﺎﻭﺑﻲ .. ﻭﻻ ﺗﻬﺘﻤﻴﻦ .. ﺍﻧﻪ .. ﻋﻴﻨﻲ ﻋﻠﻴﻪ .... ﻣﺎﻋﺮﻑ ﺷﺴﻮﻱ ﺍﻛﻮﻟﻪ .. ﺭﺟﻌﻨﻲ .. ﺑﻠﻤﻲ ﻛﻠﺒﻪ ﻳﺤﻦ .. ﻟﻮ ﺍﺳﻜﺖ .. ﻛﺎﻡ ﻃﻠﻊ .. ﺳﻬﺎﻡ ﻛﺎﻟﺖ ﻛﻮﻣﻲ .. ﻛﺘﻠﻬﺎ ﺭﺟﻠﺞ ﺍﺫﺍ ﺍﺗﻮﺳﻞ ﺑﻲ ﻳﺮﺟﻌﻨﻲ ﻻﻫﻠﻲ .. ﻛﺎﻟﺖ ﺷﻠﺞ ﺑﻴﻬﺎ .. ﺍﻛﻌﺪﻱ ﻣﺎﺗﺮﻫﻢ ﺍﻧﺘﻲ ﺍﻟﻨﻪ ﺻﺮﺗﻲ .. ﺍﻣﺸﻲ ﻳﺎﻋﻴﻨﻲ .. ﻭﻳﺎﻳﻪ .. ﻃﻠﻌﺖ ﻣﻦ ﺍﻟﻐﺮﻓﻪ .. ﺍﻟﻌﺎﻟﻢ ﻃﺎﻟﻌﻪ ﺿﺎﻟﻴﻦ ﺑﺲ ﻧﺴﻮﺍﻫﻢ .. ﺑﻴﺘﻬﻢ ﺟﺒﻴﺮ ﻛﻠﺶ .. ﻭﻏﺮﻓﻪ ﻛﻮﻣﻪ .. ﻣﺸﺖ ﻛﺪﺍﻣﻲ .. ﻃﺒﻴﻨﻪ .. ﺑﻼﺳﺘﻘﺒﺎﻝ .. ﻛﺎﻋﺪﺓ ﺍﻟﺤﺠﻴﻪ .. ﻣﺮﺓ ﺟﺒﻴﺮﺓ ... ﻭﻛﺎﻋﺪ ﻫﺬﺍ ﺍﻟﻲ ﺭﺍﺩ ﻳﻀﺮﺑﻨﻲ .. ﻭﺑﻌﺪ ﻭﻟﺪ ﺍﺛﻨﻴﻦ .. ﻛﻠﻬﻢ ﻣﻮ ﻛﺒﺎﺭ .. ﺷﺒﺎﺏ .. ﻳﻌﻨﻲ .. ﺑﺲ ... ﺍﻟﻲ ﺣﺎﺟﺎﻧﻲ ﺷﻮﻳﻪ ﺍﻛﺒﺮﻫﻢ ... ﻛﻌﺪﻭﻧﻲ .. ﺍﻟﺸﻴﺦ .. ﻛﺎﻡ ﻳﻘﺮﻫﻪ ﺍﻳﺎﺕ ﻉ ﺍﻟﺰﻭﺍﺝ .. ﺍﻧﻲ ﻭﺳﻬﺎﻡ ﻛﺎﻋﺪﻳﻦ ﻣﻦ ﺟﻬﻪ .. ﻭﺍﻟﻮﻟﺪ ﺑﺼﻔﻲ ﺑﺲ ﺑﻌﻴﺪ ﻋﻠﻴﻪ .. ﻭﺍﻟﺸﻴﺦ ﻛﺒﺎﻟﻲ .. ﻛﺎﻡ ﻳﻜﻮﻝ .. ﺭﺩﻱ ﻭﺭﺍﻳﻪ .... ﻫﻞ ﺗﻘﺒﻠﻴﻦ ﺑﻠﺰﻭﺍﺝ ﻣﻦ .. ﻓﻬﺪ .. ﻉ ﺍﻟﻤﻬﺮ ﺍﻟﻤﺴﻤﻰ .. ﻭﻫﻜﺬﺍ .. ﺍﻧﻲ ﺩﻣﻮﻋﻲ ﻛﺎﻣﻦ ﻳﻨﺰﻟﻦ ﻭﻛﻤﺖ ﺍﺷﻬﻚ ﻣﻮ ﺑﻴﺪﻱ .. ﻭﻳﺮﺟﻊ ﺍﻟﺸﻴﺦ ﻳﻌﻴﺪ .. ﻭﻳﻜﻮﻝ ﻣﻴﺼﻴﺮ ﻫﻴﺞ .. ﻫﺬﺍ ﺑﺎﻃﻞ .. ﺍﺫﺍ ﻣﻮ ﺑﺮﺿﺎﺗﻬﺎ .. ﻫﻮﺓ ﻳﺤﺠﻲ ﻭﺍﻧﻲ ﺍﺯﻳﺪ ﺑﺠﻲ ... ﻭﺍﻟﻮﻟﺪ ﻳﺰﻳﺪ ﺑﻠﺤﺠﻲ ﻋﻠﻴﻪ .. ﻛﻮﻣﻮﻧﻲ .. ﻣﻦ ﻳﻢ ﺍﻟﺸﻴﺦ .. ﺣﺠﻮ ﻭﻳﺎﻳﻪ .. ﻭﻏﺴﻠﺖ ﻭﺟﻬﻲ ﻭﺭﺟﻌﺖ .. ﻛﻌﺪﺕ .. ﺭﺩ ﻛﺮﺭ ﺍﻟﺸﻴﺦ .. ﻛﺘﻠﻪ ﻧﻌﻢ ﻗﺒﻠﺖ ﻭﺍﻧﺖ ﻭﻛﻴﻠﻲ .. ﻭﻓﻬﺪ ﻫﻢ ﻛﺎﻝ ... ﺑﺪﻭﻥ ﻻ ﻫﻼﻫﻞ ﻭﻻ ﺷﻲ .. ﺑﺲ ﺑﺎﺭﻛﻮﻟﻲ .. ﻭﻃﻠﻊ ﺍﻟﺸﻴﺦ .. ﻓﻬﺪ ﻛﺎﻡ ﻛﻦ ﻳﻤﻲ ﻛﻌﺪ ﻳﻢ ﺍﻣﻪ .. ﻭﺿﻞ ﻻﺯﻡ ﺭﺍﺳﻪ .. ﻭﺍﻣﻪ ﺗﺤﺎﺟﻲ ... ﻋﺎﺩ ﺳﻬﺎﻡ ﻛﺎﻟﺖ .. ﺭﻭﺣﻲ ﺑﻮﺳﻲ .. ﺍﻟﻌﺠﻮﺯ .. ﻛﻤﺖ .. ﺭﺣﺖ ﻳﻤﻬﺎ ﺑﻮﺳﺘﻬﺎ .. ﻭﺑﺎﺭﻛﺖ ﺍﻟﻲ .. ﻭﻃﺒﻄﺒﺖ ﻉ ﻇﻬﺮﻱ .. ﻭﺭﺟﻌﻦ ﻛﻌﺪﺕ .. ﺿﻠﻮ ﻭﻟﺪﻫﻢ ﻳﺤﺠﻮﻥ ﺑﻴﻨﺎﺗﻬﻢ .. ﺍﻧﻲ ﻏﺮﻳﺒﻪ .. ﺑﻴﻨﺎﺗﻬﻢ .. ﺍﺣﺴﺎﺱ .. ﻳﺎﺫﻱ .. ﻳﺎﺭﺑﻲ ﻓﻮﻛﺎﻫﺎ .. ﻻﺯﻡ ﺍﺻﺒﺮﻟﻪ .. ﻫﻮﺓ ﺍﻧﻲ ﻣﻐﺼﻮﺑﻪ ﺑﻲ .. ﻫﻨﺎﻙ .. ﺳﺮﺣﺖ ﺑﺴﻴﻒ .. ﻓﻜﺮﻱ ﺭﺍﺡ ﻳﻤﻪ .. ﺷﻠﻮﻥ ﺟﻨﻪ ﻧﺮﻳﺪ .. ﻧﺤﻴﺐ 2... ﺟﻬﺎﻝ .. ﻭﻋﺮﺳﻨﻪ .. ﺑﻬﻴﺞ ﻣﻜﺎﻥ .. ﻭﺑﺪﻟﺘﻲ .. ﻭﻛﻼﻣﻪ .. ﻣﻴﻌﻮﻓﻨﻲ .. ﻭﻳﺒﻘﻰ ﻳﺤﺒﻨﻲ .. ﻭﺷﻮﻥ ﺍﻣﻪ ﺧﺰﺗﻨﻲ .. ﺑﻴﻦ ﺍﻫﻠﻲ .. ﻭﺫﻛﺮﺕ ﺍﻣﻲ .. ﻛﻠﺒﻲ ﺍﻧﻌﺼﺮ ﻋﻠﻴﻬﺎ .. ﻛﻠﺖ ﺑﺲ ﺍﻃﺐ ﻟﻠﻐﺮﻓﻪ .. ﺍﺣﺎﺟﻴﻬﺎ .. ﺟﺎﺑﻮ ﻓﻮﺍﻛﻪ .. ﻭﺟﺎﻱ .. ﻭﺍﻟﻲ ﻛﺒﺎﻟﻲ 4.. ﻭﻟﺪ .. ﻭﻧﺴﻮﺍﻥ .. ﺧﻤﺴﺔ .. ﻭﻛﻮﻣﻪ ﺟﻬﺎﻝ .. ﻭﺍﻣﻬﻢ .. ﻭﻫﺬﺍ ﻓﻬﺪ .. ﻛﺎﻋﺪ ﻳﻢ ﺍﻣﻪ .. ﺣﺘﻰ ﻣﻴﺤﺠﻲ ﻭﻱ ﺧﻮﺍﻧﻪ .. ﻫﻨﺎﻙ ﻭﺍﺧﻮ ﻛﻠﻪ .. ﻳﻼ ﺍﺧﺬ ﻋﺮﻭﺳﺘﻚ .. ﻭﺍﺻﻌﺪ ﻓﻮﻙ .. ﻫﺬﺍ ﺧﻨﺰﺭ ﻉ ﺍﺧﻮ ﻭﻛﺎﻡ .. ﻛﻠﻪ ﻻ ﺗﺒﺪﻱ ﻭﻳﺎﻱ .. ﺍﻧﺖ ﻛﻠﺖ .. ﻫﺎﻱ ﺧﺪﺍﻣﻪ ﻻﻣﻲ .. ﻳﺎﻋﺮﻭﺳﻪ .. ﻣﺎﻋﻨﺪﻱ ﻋﺮﻭﺱ .. ﺍﻧﻲ ﻣﻦ ﻛﺎﻝ ﻫﻴﺞ ﺍﺣﺲ ﻧﺬﺑﺤﺖ ﺑﺬﺑﺢ .. ﺿﻠﻴﺖ ﺍﺗﻠﻔﺖ .. ﻋﻠﻴﻬﻢ .. ﺍﺟﺖ ﺳﻬﺎﻡ .. ﺍﺧﺬﺗﻨﻲ . ﻭﺻﻌﺪﺗﻨﻲ .. ﻓﻮﻙ .. ﻭﺍﺳﻤﻊ ﺻﻮﺗﻬﻢ ﻛﺎﻡ ﻳﻌﻠﻰ .. ﺍﻟﺮﻳﺎﺟﻴﻞ .... ﺩﺍﺻﻌﺪ ﺑﻠﺪﺭﺝ .. ﻭﺣﺪﺓ .. ﻣﻦ ﻧﺴﻮﺍﻧﻬﻢ .. ﻛﺎﺑﻠﺘﻨﻲ .. ﻛﺎﻟﺖ ﻣﺎﺷﺎﺀ ﺍﻟﻠﻪ ﺍﻭﻝ ﻳﻮﻡ ﻋﻠﻜﺘﻴﻬﺎ ﺑﻴﻦ ﺍﻻﺧﻮﺍﻥ .. ﻭﺻﻴﺎﺣﻬﻢ ﺗﺎﺭﺱ ﺍﻟﺒﻴﺖ .. ﺭﺩﺗﻬﺎ .. ﺍﺳﻜﺘﻲ .. ﻣﺎﻟﺢ ﺩﺧﻞ .. ﺿﺒﻲ ﻟﺴﺎﻧﺞ ﻻ ﺍﺷﻜﻴﺞ .. ﻻﺑﻮ ﻋﺎﻣﺮ .. ﺳﻜﺘﺖ ﻭﻧﺰﻟﺖ ﻭﺿﻠﺖ ﺗﻔﺮ ﺑﺎﺩﻳﻬﺎ .. ﺻﻌﺪﺕ .. ﻓﻮﻙ ﺑﻐﺮﻓﻪ .. ﺟﺒﻴﺮﺓ ﻛﻠﺶ .. ﺣﺘﻰ ﺍﺧﺸﺎﺑﻬﺎ ﺟﺪﻳﺪﺓ .. ﻛﺎﻟﺖ ﻫﺎﻱ ﻧﻴﺸﺎﻧﺞ .. ﻭﺟﺪﻳﺪ ﻛﻠﺸﻲ ﺗﺮﺓ .. ﻭﻏﺮﻓﺔ ﺍﻟﻤﺮﺣﻮﻣﻪ ﺻﺪﻗﻨﻪ ﺑﻴﻬﺎ .. ﻭﺟﺎﻧﺖ .. ﺑﻠﻄﺎﺑﻖ ﺍﻻﺭﺿﻲ .. ﺍﻟﻠﻪ ﻳﺮﺿﻰ ﻋﻠﻴﺞ ﺍﺗﺤﻤﻠﻲ ﺍﻳﺎﻡ ﻭﻳﺘﻐﻴﺮ ﻭﻳﺎﺝ .. ﺷﻜﻮﻟﻪ .. ﻫﺎﻱ ﺷﺤﺠﻲ ﻳﺎﺭﺑﻲ ﺍﻟﻠﻪ ﻻ ﻳﻨﻄﻲ ﻋﻤﺎﻣﻲ ﻭﻛﻮﻋﻮﻧﻲ ﺑﻴﻬﻢ .. ﺍﻟﻤﻴﺨﺎﻓﻮﻥ ﻣﻦ ﺍﻟﻠﻪ .. ﺷﻮﻓﺘﻨﻲ ﻛﻨﺘﻮﺭﻱ ﻭﻫﺪﻭﻣﻲ .. ﻛﻠﻬﺎ ﺩﺷﺎﺩﻳﺶ .. ﺭﺩﻥ .. ﻛﺎﻟﺖ ﻫﺬﺍ ﻟﺒﺴﻨﻪ .. ﺗﻌﻠﻤﻲ ﻋﻠﻴﻨﻪ .. ﻭﻧﺎﻣﻲ ﻧﻜﻌﺪ ﻣﻦ ﺍﻟﻐﺒﺸﻪ .. ﻧﺨﺒﺰ ﻭﻧﻨﻈﻒ .. ﻭﻧﺤﻀﺮ .. ﺍﻻﻛﻞ .. ﻫﺰﻳﺖ ﺑﺮﺍﺳﻲ .. ﺍﻱ .. ﻭﺍﻧﻲ ﻳﻤﺞ ﻣﺎﻋﻮﻓﺞ .. ﻭﻻ ﺣﺎﺗﻢ .. ﺍﺑﻮ ﻋﺎﻣﺮ ﻳﻌﻮﻓﺞ .. ﻳﻼ ﻧﺎﻣﻲ ﺍﺧﺬﻱ ﺭﺍﺣﺘﺞ .. ﺍﺫﺍ ﺻﻌﺪ ﻳﻤﺞ .. ﻓﻬﺪ .. ﻧﺮﻳﺪ ﻣﻨﺞ ﺍﻟﻨﻴﺸﺎﻥ ﺑﺎﺟﺮ .. ﻭﻟﻮ ﺍﻟﻤﻔﺮﻭﺽ ﻫﺴﺔ .. ﺗﻨﻄﻮ ﺍﻟﻨﻪ ﺑﺲ ﻧﻄﻴﻜﻢ ﻣﺠﺎﻝ .. ﺧﻮﺵ .. ﺍﻱ .. ﺗﺤﺠﻲ ﻭﺍﻧﻲ ﻣﺎﻓﺘﻬﻢ ﻣﻨﻬﺎ ﺷﻲ .. ﺍﺭﻳﺪﻫﺎ ﺑﺲ ﺗﻄﻠﻊ .. ﺣﺘﻰ ﺍﺧﺎﺑﺮ ﺍﻣﻲ .. ﻃﻠﻌﺖ ﺳﺪﻳﺖ ﺍﻟﺒﺎﺏ .. ﻭﺭﺣﺖ ﻉ ﺟﻨﻄﺘﻲ .. ﺩﻭﺭﺕ ﻉ ﺍﻟﻔﻮﻥ .. ﻭﺩﻛﻴﺖ ﻉ ﺍﻣﻲ .. ﺩﻙ .. ﺟﺎﻭﺑﺖ ﺍﻣﻲ ﺻﻮﺗﻬﺎ ﺭﺍﻳﺢ .. ﻛﻮﺓ ﺗﺤﺠﻲ .. ﻟﻴﺎﻝ .. ﻫﻠﻮ ﻣﺎﻣﺎ .. ﺷﻮﻧﺞ ﺑﺮﺣﻤﻪ ﺍﻟﻠﻪ .. ﺍﺫﻭﺝ .. ﺷﺴﻮﻟﺞ .. ﺍﺣﺠﻲ ﺭﺍﺡ ﺍﻣﻮﺕ ﻛﻠﺒﻲ ﻧﺎﺭ ﻋﻠﻴﺞ .. ﻣﺎﻛﻮ ﺷﻲ ﻣﺎﻣﺎ .. ﻋﻘﺪﻧﻪ .. ﻭﻛﻌﺪﻧﻪ .. ﻭﺭﺟﻠﺞ .. ﻣﺎﻛﻮ ﺷﻲ ﺟﻨﻪ ﻣﻴﺮﻳﺪﻧﻲ .. ﺑﺎﻋﻲ ﺗﻨﺎﺯﻟﻮ ﻋﻦ ﺍﻟﺪﻋﻮﺓ ﻭﺍﻟﻤﺤﺎﻣﻲ ﺭﺍﺡ ﻳﻄﻠﻊ ﺍﺑﻮﺝ .. ﻭﺍﺑﻮﺝ ﺑﺲ ﻳﻄﻠﻊ ﻣﻴﺒﻘﻴﺞ ﻫﻨﺎﻙ .. ﻣﺎﻣﺎ .. ﻫﺬﻭﻝ ﻋﻤﺎﻣﺞ ﻭﺧﻮﺍﻟﺞ ﺣﺴﺎﺑﻬﻢ ﺑﻌﺪﻳﻦ ﻭﻱ ﺍﺑﻮﺝ .. ﻟﻴﺎﻝ .. ﻳﻤﻪ ﺑﺎﻟﻲ ﻳﻤﺞ .. ﺍﻧﻲ ﻛﻮﺓ ﻻﺯﻣﻪ ﻧﻔﺴﻲ ﺍﻭﺧﺮ ﺍﻟﻔﻮﻥ ﺍﺑﺠﻲ .. ﻭﺍﺭﺟﻊ .. ﺍﺣﺎﺟﻴﻬﺎ ﺍﻛﻮﻟﻬﺎ .. ﻻ ﺗﺨﺎﻓﻴﻦ ﺧﻮﺵ ﻧﺎﺱ .. ﻣﺎﻣﺎ ﺍﺫﺍ ﺻﺎﺭ ﺑﻴﺞ ﺷﻲ .. ﺍﻣﻮﺕ ﺭﻭﺣﻲ ﻭﺍﻟﻠﻪ ﻣﺎﺑﻴﻪ ﺷﻲ .. ﺍﻛﻠﺖ ﻭﺷﺮﺑﺖ .. ﻫﺴﺔ ﺻﻌﺪﺕ .. ﺧﺎﺑﺮﺗﺞ .. ﺍﻟﻠﻪ ﻭﻛﻔﻠﻲ ﻭﺣﺪﺓ ﻭﻳﺎﻳﻪ .. ﺗﺤﺒﻨﻲ .. ﻭﺩﺍﺭﺗﻨﻲ .. ﻭﺍﻟﺸﻴﺦ ﻫﻢ ﺧﻮﺵ ﺭﺟﺎﻝ .. ﻣﺎﻣﺎ ﻻ ﺗﻔﻜﺮﻳﻦ ﺑﻴﻪ ﺍﻫﻢ ﺷﻲ ﺍﻧﺘﻲ .. ﺑﻘﺖ ﺗﺪﻋﻴﻠﻲ .. ﻭﺗﺒﺠﻲ .. ﺧﺘﻤﺘﻪ ﻭﻳﺎﻫﺎ .. ﻣﻄﻮﻟﺖ ﺍﺧﺎﻑ ﻋﻠﻴﻬﺎ .. ﻻ ﻳﺼﻴﺮ ﺑﻴﻬﺎ ﺷﻲ .. ﻟﻮ ﺗﺤﺲ .. ﺑﻴﻪ ﻣﻤﺮﺗﺎﺣﻪ ... ﺑﺪﻟﺖ .. ﻭﻛﻌﺪﺕ .. ﺭﺗﺒﺖ ﻏﺮﺍﺿﻲ .. ﺧﻠﻴﺖ .. ﺭﺍﺳﻲ .. ﻉ ﺍﻟﻤﺨﺪﺓ .. ﺍﻧﻔﺘﺤﺖ ﺍﻟﺒﺎﺏ ﻋﻠﻴﻪ .. ﺧﻠﻴﺖ .. ﺭﺍﺳﻲ .. ﻉ ﺍﻟﻤﺨﺪﺓ .. ﺍﻧﻔﺘﺤﺖ ﺍﻟﺒﺎﺏ ﻋﻠﻴﻪ .. ﺍﻧﻲ ﻛﻠﺒﻲ .. ﺭﺍﺩ ﻳﻮﻛﻒ ﻣﻦ ﺷﻔﺘﻪ ﻣﺘﺨﻴﻠﺘﻪ ﻳﻄﺐ ﻋﻠﻴﻪ .. ﻃﺐ ﻭﺳﺪ ﺍﻟﺒﺎﺏ .. ﻭﻛﻒ ﻛﺒﺎﻝ ﺍﻟﻜﻨﺘﻮﺭ .. ﻃﻠﻊ ﻫﺪﻭﻡ .. ﻭﺑﺪﻝ .. ﺍﻧﻲ ﻏﻤﻀﺖ ﻋﻴﻨﻲ .. ﺍﺟﺔ .. ﻳﻤﻲ .. ﻗﺮﻳﺐ ﻭﻛﻒ ﻳﻢ ﺭﺍﺳﻲ .. ﺭﺍﺳﺎ ﺿﻤﻴﺖ ﻭﺟﻬﻲ .. ﺑﺎﻳﺪﻱ .. ﻣﺎﻟﻲ ﺫﻧﺐ ﺑﺸﻲ ﺟﺎﺑﻮﻧﻲ ﺟﺒﺮ ﻟﺒﺎﺑﻜﻢ .. ﻣﻮ ﺍﻧﻲ ﻛﺘﺎﻟﻪ ﻣﺮﺗﻚ .. ﻭﻻ ﺍﻧﻲ ﻓﺼﻠﺖ ﺭﻭﺣﻲ ﺍﻟﻚ .. ﺳﺎﻛﺖ ﻭﻋﻴﻮﻧﻪ ﻛﻠﻬﺎ ﺣﻘﺪ .. ﻣﺪ ﺍﻳﺪﺓ .. ﻏﻤﻀﺖ .. ﻛﺘﻠﻪ ﻭﺍﻟﻠﻪ ﺍﻧﻲ ﻳﺘﻴﻤﻪ
↙️
ﻣﺪ ﺍﻳﺪﻩ ﻏﻤﻀﺖ .... ﻛﺘﻠﻪ ﻭﺍﻟﻠﻪ ﺍﻧﻲ ﻳﺘﻴﻤﻪ .. ﺟﺮ ﻣﻦ ﻳﻤﻲ .. ﺍﻟﻤﺨﺪﺓ ﻭﺍﻟﻐﻄﻪ ... ﺍﻧﻲ ﻓﺘﺤﺖ ﻋﻴﻮﻧﻲ .. ﺍﺑﺎﻉ ﻋﻠﻴﻪ ﺷﻤﺮﻫﻦ ﺑﻠﻜﺎﻉ .. ﻭﻃﻠﻊ .. ﻣﻦ ﻓﻮﻙ ﺍﻟﻜﻨﺘﻮﺭ ﻣﻨﺪﺭ ﻭﻧﺎﻡ .... ﺍﻧﻲ ﺍﻟﻒ ﺍﻟﺤﻤﺪﻟﻠﻪ ﻛﻠﺖ ﺗﺨﻴﻠﺘﻪ ﻳﻀﺮﺑﻨﻲ .. ﺭﻏﻢ ﻣﻼﻣﺤﻪ ﺍﻟﺤﻠﻮﺓ ﺍﻟﻲ ﻣﺘﺮﻭﺳﻪ .. ﺭﺟﻮﻟﻪ .. ﺑﺲ ﻗﺎﺳﻲ .. ﻭﻳﺨﻮﻑ .. ﺑﻘﻴﺖ ﺍﺗﻜﻠﺐ .. ﺧﺎﻳﻔﻪ ﻣﻨﻪ ﺍﻭﻝ ﻣﺮﺓ ﺍﻧﺎﻡ ﻣﻮ ﺑﻴﺘﻨﻪ .. ﻭﺍﻭﻝ ﻣﺮﺓ .. ﺍﻧﺎﻡ ﻳﻢ ﺭﺟﺎﻝ .. ﻏﺮﻳﺐ . ﻋﻠﻴﻪ .. ﺑﻴﻮﻣﻬﺎ ﻣﺎﻋﺮﻑ ﻧﻤﺖ ﻟﻮ ﻻ .. ﺑﺲ ﻛﻌﺪﺕ ﺍﻟﺼﺒﺢ ﺷﻔﺘﻪ ﻧﺎﻳﻢ .. ﺍﺑﺎﻉ ﺳﺎﻋﻪ -8 ﺑﻘﻴﺖ ﺑﻔﺮﺍﺷﻲ .. ﺍﺧﺎﻑ ﺍﻛﻮﻡ .. ﻻ ﺍﻃﻠﻊ ﺻﻮﺕ .. ﺑﻘﻴﺖ ﺑﻠﻔﺮﺍﺵ .. ﺑﺲ ﻓﺎﺗﺤﻪ ﻋﻴﻨﻲ .. ﻣﺎﻋﺮﻑ ﺷﺴﻮﻱ .. ﺍﺧﺎﻑ ﺍﻛﻮﻡ ﻭﺣﺘﻰ ﺍﺫﺍ ﻛﻤﺖ ﻭﻳﻦ ﺍﺭﻭﺡ .. ﻣﺎﻋﺮﻓﻬﻦ ﺣﺘﻰ ﺍﻧﺰﻝ ﻳﻤﻬﻢ .. ﻛﻤﺖ ﻉ ﻛﻴﻒ .. ﻋﺒﺮﺗﻪ .. ﻭﻓﺘﺤﺖ ﺍﻟﻜﻨﺘﻮﺭ ﻃﻠﻌﺖ ﻣﻦ ﺍﻟﻬﺪﻭﻡ ﺍﻟﻲ ﺧﺎﻟﻴﻬﺎ .. ﻭﻛﻌﺪﺕ . ﺑﻠﻜﺎﻉ . ﺑﻠﺠﻬﻪ ﺍﻟﺜﺎﻧﻴﻪ .. ﻣﻐﻄﻴﺘﻨﻲ ﺍﻟﺠﺮﺑﺎﻳﻪ ﻭﺑﺪﻟﺖ .. ﺩﺷﺪﺍﺷﻪ ﺭﺩﻥ .. ﻓﺘﺤﺖ ﺍﻟﺒﺎﺏ ﻋﻞ ﻛﻴﻒ .. ﺍﺭﻳﺪ ﺍﺭﻭﺡ ﺣﻤﺎﻡ .. ﺍﻧﻲ ﺍﺫﻛﺮﻫﻪ ﺟﻮﺓ ﺑﺲ ﻭﻳﻦ ﻣﺎﻋﺮﻑ .. ﻃﻠﻌﺖ ﻣﻦ ﺍﻟﻤﻤﺮ .. ﺑﻲ ﺍﺭﺑﻊ ﻏﺮﻑ ﺑﺲ ﺍﻟﻤﻦ ﻣﺎﻋﺮﻑ .. ﻭﺻﻠﺖ ﻟﺪﺭﺝ .. ﺳﻤﻌﺖ ﺻﻮﺕ ﻭﺣﺠﻲ .. ﺑﻘﻴﺖ ﻭﺍﻛﻔﻪ ﺑﻤﻜﺎﻧﻲ .. ﺍﺳﺘﺤﻲ .. ﺍﻧﺰﻝ ﻭﻻ ﺑﻴﻪ ﺍﺑﻘﻰ .. ﺻﻌﺪﻭ ﺍﻟﺠﻬﺎﻝ .. ﺿﻠﻮ ﻳﺼﻴﺤﻮﻥ ﺍﻟﻌﺮﻭﺱ ﻛﻌﺪﺕ ﺍﻟﻌﺮﻭﺱ ﻛﻌﺪﺕ .. ﻭﻛﻔﺖ ﺳﻬﺎﻡ ﺟﻮﺓ ﺑﺮﺍﺱ ﺍﻟﺪﺭﺝ ﻛﺎﻟﺖ ﻧﺰﻟﻲ ﺑﺲ ﺧﻠﻲ ﻓﻮﻃﻪ ﻉ ﺭﺍﺳﺞ .. ﻛﺘﻠﻬﺎ ﻣﻴﻦ .. ﻛﺎﻟﺖ ﺩﺗﻌﺎﻱ .. ﻧﺰﻟﺖ .. ﺍﻧﻄﺘﻨﻲ ﺭﺑﻄﺘﻬﺎ .. ﻛﺎﻟﺖ ﺍﻟﺒﺴﻴﻬﺎ ﺑﻴﻦ ﻣﺎﻃﻠﻌﻠﺞ ﻭﺣﺪﺓ ﺟﺪﻳﺪﺓ .. ﻛﺘﻠﻬﺎ ﻓﺪﻭﺓ ﺷﺼﻴﺤﻠﺞ ﻛﺎﻟﺖ ﺳﻬﺎﻡ .. ﻛﺘﻠﻬﺎ ﻋﻔﻴﻪ ﺍﺭﻳﺪ ﺍﺭﻭﺡ ﺣﻤﺎﻡ .. ﺍﻣﺸﻲ ﻭﺭﺍﻳﺔ .. ﺍﺧﺬﺗﻨﻲ .. ﻛﺘﻠﻬﺎ ﻭﺭﺍﻫﺎ ﻭﻳﻦ ﺍﺭﻭﺡ ﺿﺤﻜﺖ ﻛﺎﻟﺖ ﺭﺍﺡ ﺍﻭﻛﻒ ﺑﻨﺘﻲ ﻫﻨﺎ .. ﺟﻴﺒﺞ ﻳﻤﻲ .. ﻃﺒﻴﺖ .. ﻟﻠﺤﻤﺎﻡ ﻏﺴﻠﺖ .. ﻭﻛﻤﻠﺖ .. ﻭﻃﻠﻌﺖ ﺷﻔﺖ ﺑﻨﻮﺗﻪ ﺗﻨﻈﺮﻧﻲ .. ﺍﺧﺬﺗﻨﻲ ﻟﻠﻤﻄﺒﺦ .. ﺟﺎﻥ ﺑﻲ 5 ﻧﺴﻮﺍﻥ .. ﻣﺎﻋﺪﺍ ﺍﻛﻮ ﺑﻨﺎﺕ ﺗﻮﻫﻦ .. ﺷﺎﺑﺎﺕ 2.. ﻳﺸﺘﻐﻠﻦ .... ﻭﺣﺪﺓ ﺗﺴﻔﻂ ﺑﻠﺨﺒﺰ .. ﻭﺣﺪﺓ ﺗﻜﻠﻲ .. ﺷﺎﻓﻮﻧﻲ .. ﺻﺒﺎﺡ ﺍﻟﺨﻴﺮ .. ﺟﺎﻭﺑﺖ ﺻﺒﺎﺡ ﺍﻟﻨﻮﺭ .. ﺳﻬﺎﻡ .. ﻭﺍﻛﻔﻪ ﻉ ﺍﻟﻄﺒﺎﺥ .. ﺭﺣﺖ ﻳﻤﻬﺎ .. ﻛﺎﻟﺖ ﺗﺎﺧﺮﺗﻲ ﺑﻜﻌﺪﺗﺞ .. ﺍﻧﻲ ﺳﻜﺘﺖ .. ﺣﺒﻴﺒﻪ ﺗﻌﻠﻤﻲ ﺏ 6 ﻧﻜﻌﺪ .. ﻧﻜﻤﻞ ﻛﻠﺸﻲ .. ﻫﺰﻳﺖ ﺑﺮﺍﺳﻲ ﺍﻱ .. ﻛﺎﻟﺖ ﻫﺴﺔ ﺍﻧﺘﻲ ﺑﺲ ﺑﺎﻋﻲ ﻉ ﺷﻐﻠﻨﻪ ﻭﺗﻌﻠﻤﻲ .. ﺍﻭﻝ ﻣﺎﻧﻜﻌﺪ .. ﻧﻮﺟﺮ ﺣﻄﺐ ﺑﺘﻨﻮﺭ .. ﻭﺣﺪﺓ ﺗﻌﺠﻦ .. ﻭﺗﺸﻨﻚ .. ﻭﺣﺪﺓ ﺗﺨﺒﺰ .. ﺍﻧﺪﺍﺭﺕ ﻋﻠﻴﻪ .. ﺗﻌﺮﻓﻴﻦ ﺗﺨﺒﺰﻳﻦ .. ﻛﺘﻠﻬﺎ ﻻ .. ﻣﻮﻣﻬﻢ ﺗﺘﻌﻠﻤﻴﻦ .. ﻭﺭﺍﻫﺎ ﻧﺤﻀﺮ ﺭﻳﻮﻙ . ﺏ 8 ﻛﺎﻣﻞ .. ﻭﻧﻜﻌﺪ ﻛﻠﻨﻪ ﻉ ﺳﻔﺮﺓ ﻭﺣﺪﺓ .. ﻧﻜﻤﻞ ﻭﻳﻮﻣﻴﻪ ﻭﺣﺪﺓ ﻋﻠﻴﻬﺎ .. ﻏﺴﻞ ﺍﻟﻤﻮﺍﻋﻴﻦ .. ﺍﻣﺎ ﺍﻟﺘﺮﻛﻴﺐ .. ﺑﺲ ﻉ ﺍﻳﺪﻱ .. ﺍﻟﺤﺠﻲ ﻭﺍﻟﺤﺠﻴﻪ ﻣﻴﻘﺒﻠﻮﻥ .. ﻳﺎﺣﺠﻲ .. ﻫﻴﻪ ﺩﺗﻜﻠﻲ ﺑﺘﻴﺘﻪ .. ﺍﻧﺪﺍﺭﺕ ﻋﻠﻴﻪ .. ﻟﻴﺎﻟﻲ ﻋﻴﻨﻲ ﺍﺭﻳﺪﺝ ﺍﻧﺒﻬﻪ .. ﻻﺿﻠﻴﻦ ﻣﻨﻮ ﻭﺷﻨﻮ ﻟﻜﻔﻲ ﺑﺴﺮﻋﻪ .. ﺍﺑﻮ ﻋﺎﻣﺮ .. ﺍﻟﺸﻴﺦ .. ﻫﻮﺓ ﺣﺎﺝ ﺑﻴﺖ ﺍﻟﻠﻪ ﻫﻮﺓ ﻭﺍﻣﻪ .. ﺍﻱ .. ﻧﺼﻴﺤﻠﻪ ﺣﺠﻲ .. ﻭﺍﺷﺮﺕ ﺍﻟﻲ ﻉ ﻭﺣﺪﺓ .. ﺩﺗﻨﻈﻒ ﺧﻀﺮﺓ .. ﻫﺬﻳﺞ ﻣﺮﺗﻪ .. ﺍﻻﻭﻟﻰ .. ﻣﺨﻠﻔﻪ ﺍﻟﻪ ﺑﺲ ..2 ﻭﺍﻧﻲ ﺍﻟﺜﺎﻧﻴﻪ .. ﺗﺮﺓ ﻻ ﺷﻮﻓﻴﻨﻲ ﻧﺎﺻﺤﻪ ﺍﻧﻲ ﺻﻐﻴﺮﺓ .. ﻋﻤﺮﻱ ..26 ﺳﻨﻪ .. ﻭﺍﻟﺤﺠﻲ ﺷﻜﺪ .. ﻳﻤﻜﻦ 37 ﻟﻮ ﺍﻛﺒﺮ .. ﺍﻫﺎ .. ﻱ .. ﺍﻟﺒﺎﻗﻴﺎﺕ ﻣﻨﻮ .. ﺍﻧﻄﺘﻨﻲ .. ﺧﻴﺎﺭ ﻛﺎﻟﺖ ﺳﻮﻱ . ﺩﺭﻙ .. ﺍﺧﺬﺗﻪ ﻣﻦ ﺍﺩﻳﻬﺎ .. ﻣﻌﺮﻓﺖ ﻣﻌﻨﻰ ﺩﺭﻙ ﺑﺲ ﻣﻦ ﺍﺷﺮﻩ ﺍﺩﻳﻬﺎ ﻳﻌﻨﻲ ﺩﻭﺍﺋﺮ .. ﻛﺎﻟﺖ ﻫﺎﻱ ﺳﻌﺎﺩ . ﻣﺮﺕ ﻋﺪﻧﺎﻥ ... ﻭﻫﺎﻱ ... ﻓﺎﻃﻤﻪ .. ﻣﺮﺕ .. ﺿﻴﺎﺀ . ﻭﻫﺎﻱ .. ﺣﻼ ... ﻣﺮﺕ .. ﻗﺎﺳﻢ .. ﻭﺍﻧﻲ .. ﻭﻫﺬﻳﺞ .. ﺍﻡ ﻋﺎﻣﺮ .. ﺯﻭﺟﺎﺕ ﺍﻟﺤﺠﻲ .. ﺣﺎﺗﻢ ﺧﻮﺵ .. ﻫﺴﺔ ﻳﻼ ﻓﺮﺷﻮ ﺗﺎﺧﺮﻧﻪ .. ﻭﻭﺩﻭ ﺍﻻﻛﻞ .. ﺍﺑﺎﻉ ﺍﻟﻤﻴﺰ ﻣﺘﺮﻭﺱ ﺟﺒﻦ ﻭﻛﻴﻤﺮ .. ﻭ ﻭﻧﻮﺍﺷﻒ .. ﻭﺑﻴﺾ .. ﺍﺧﺬﻧﻪ ﺍﻻﻛﻞ ﺻﻔﻄﻨﺎﻩ .. ﺷﻔﺖ ﺍﻟﺤﺠﻴﻪ ﺭﺣﺖ ﺻﺒﺤﺖ ﻋﻠﻴﻬﺎ .. ﻛﺎﻟﺖ ﻫﺎﻳﻤﻪ ﺑﺸﺮﻱ .. ﺍﻧﻲ ﺻﺎﻓﻨﻪ ﻋﻠﻴﻬﺎ . ﻭﻳﻦ ﻧﻴﺸﺎﻧﺞ .. ﻣﺎﻋﺮﻑ ﺷﺠﺎﻭﺑﻬﺎ .. ﺍﺟﺖ ﺳﻬﺎﻡ .. ﻛﻠﺖ ﺍﻟﻬﺎ ﻳﻤﻪ ﻳﻤﻲ .. ﻛﺎﻟﺖ ﺑﻠﻤﺒﺎﺭﻙ ﺑﻠﻤﺒﺎﺭﻙ .. ﺟﺮﺗﺘﻲ ﺳﻬﺎﻡ .. ﺷﻮﺩﺍﺝ ﻳﻤﻬﺎ .. ﺭﺣﺖ ﺳﻠﻤﺖ ﻋﻠﻴﻬﺎ .. ﻳﻼ ﺭﻭﺣﻲ ﻛﻌﺪﻱ ﺭﺟﻠﺞ .. ﺍﻧﺪﺍﺭﻳﺖ ﻋﻠﻴﻬﺎ ﻛﺘﻠﻬﺎ ﻻ ﻓﺪﻭﺓ ﺍﺧﺎﻑ .. ﻟﻴﺶ .. ﺍﺣﺴﻦ ﻋﻔﻴﻪ .. ﺻﺎﺣﺖ ﻣﺮﻳﻮﻣﻪ ﺭﻭﺣﻲ ﻛﻌﺪﻱ ﻋﻤﺞ ﻓﻬﺪ .. ﺭﺍﺣﺖ .... ﻛﻤﻠﻨﻪ ﺍﻟﺴﻔﺮﺓ .. ﺍﺟﻮﻱ ﺍﻟﻮﻟﺪ .. ﺻﺒﺤﻮ ﻉ ﺍﻣﻤﻬﻢ ﻭﻛﻌﺪﻭ .. ﺍﻧﻲ ﺑﻘﻴﺖ ﻭﺍﻛﻔﻪ .. ﺳﻬﺎﻡ . ﻛﻌﺪﺕ ﻭﻛﻌﺪﺗﻨﻲ .. ﺩﻏﺘﻨﻲ .. ﺻﺒﺤﻲ .. ﻛﺘﻠﻬﻢ ﺻﺒﺎﺡ ﺍﻟﺨﻴﺮ .. ﺟﺎﻭﺑﻮﻧﻲ .. ﺍﺟﻪ ﻓﻬﺪ .. ﺍﻧﻲ ﻣﻨﻄﻴﺘﻪ .. ﻇﻬﺮﻱ .. ﻣﺪﺍﺷﻮﻓﻪ .. ﻛﻌﺪ ﻛﺒﺎﻟﻲ .. ﺭﻓﻊ ﺭﺍﺳﻪ .. ﻛﺎﻝ ﻫﺎﻱ ﺍﻟﻔﺼﻠﻴﻪ ﺷﻜﻌﺪﻫﺎ ﻭﻳﺎﻧﻪ ﻉ ﺍﻻﻛﻞ .. ﺍﻧﻲ ﺍﺭﻳﺪ ﺍﺑﻠﻊ ﺭﻳﻜﻲ ﻣﺎﻛﺪﺭ .. ﺳﻬﺎﻡ ﻟﺰﻣﺘﻨﻲ .. ﺍﻟﺤﺠﻲ ﺍﻧﺪﺍﺭ ﻋﻠﻴﻪ ﻛﻠﻪ ﻓﻬﺪ ﻣﺘﺤﻤﻠﻚ ﻫﻮﺍﻳﻪ .. ﺍﻛﻞ ﻭﻻ ﺗﻠﻐﻲ .. ﺯﻳﻦ .. ﻫﺎﻱ ﻣﺮﺗﻚ ﻭﻣﻨﺎ ﻭﺑﻴﻨﻪ ﺻﺎﺭﺕ .. ﻛﻠﻪ ﺩﺍﻡ ﻫﻴﺞ .. ﻣﺎﻛﻞ .. ﻭﺧﻠﻮﻫﺎ .. ﻫﻞ ﻓﺼﻠﻴﻪ ﻛﺒﺎﻟﻜﻢ .. ﻭﻛﻠﺐ ﺍﻟﻤﺎﻋﻮﻥ ﺍﻟﻲ ﻛﺪﺍﻣﻪ ﻭﻛﺎﻡ .. ﺍﻣﻪ ﺿﻠﺖ ﺗﺼﻴﺤﻪ ﻭﺗﺤﺠﻲ ﻋﻠﻴﻪ .. ﻭﺍﺣﺪ ﻣﻦ ﺍﺧﻮﺗﻪ ﻛﺎﻡ ﻭﺭﺍﻩ .. ﻭﺍﻟﺤﺠﻲ ﻛﺎﻝ ﺧﻮﻳﻪ ﻣﺴﺤﻴﻬﺎ .. ﺑﻴﻪ .. ﻫﺬﺍ ﻃﻔﻞ ﺑﻌﺪﺓ .. ﻳﻮﻣﻴﻦ ﻭﻳﺒﺮﺩ ﻛﻠﺒﻪ .. ﺗﺮﺓ ﻣﺮﺗﻪ .. ﺑﻌﺪﺓ ﺗﺮﺍﺑﻬﺎ .. ﻣﺒﻠﻞ .. ﺍﻧﻲ ﻣﺪﻧﺠﻪ . ﺑﺲ ﺩﻣﻮﻋﻲ ﺗﻨﺰﻝ .. ﻛﺎﻝ ﺍﻛﻠﻲ ﺧﻮﻳﻪ ﺍﺣﻠﻔﻠﺞ ﺑﺘﺮﺍﺏ ﺍﺑﻮﺝ ﺍﻛﻠﻲ .. ﻭﺍﺫﺍ ﺍﺗﻌﺪﺓ ﻋﻠﻴﺞ ﻭﺍﻟﻠﻪ ﻻ .. ﺍﺳﻮﻱ ﺑﻲ ﺍﻟﻤﺤﺪ ﻣﺎﺳﻮﺍﻩ .. ﺍﻧﻲ ﺍﺷﻴﻞ ﻟﻜﻤﺘﻲ ﺗﺒﺒﻞ ﺑﺪﻣﻊ ﻗﺒﻞ ﻻ ﺍﺣﻄﻬﺎ ﺑﺤﻠﻜﻲ .. ﻭﺍﺩﻋﻲ ﺍﻟﻠﻪ .. ﻳﻮﻛﻔﻠﻲ ﺑﺲ .. ﺍﻛﻠﺖ ﻟﻜﻤﺘﻴﻦ .. ﻭﺗﻌﺬﺭﺕ ﻣﻨﻬﻢ ﻭﻛﻤﺖ .. ﻃﺒﻴﺖ ﻟﻠﻤﻄﺒﺦ .. ﺍﺑﺠﻲ .. ﺣﺘﻰ ﺍﻟﺒﺠﻲ ﻣﺎﻳﻔﻴﺪ ﺑﻌﺪ ﻭﻻ ﺑﻲ ﻣﻌﻨﻰ .. ﻣﺎﻛﻮ ﻏﻴﺮ ﺍﻟﻠﻪ ﻳﻄﻠﻌﻨﻲ ﻣﻦ ﻫﻠﺸﺪﺓ .. ﻃﻠﻌﺖ ﺭﺣﺖ ﻏﺴﻠﺖ .. ﻫﻤﻪ ﺑﻌﺪﻫﻢ ﻳﺎﻛﻠﻮﻥ .. ﺻﻌﺪﺕ ﻟﻐﺮﻓﺘﻲ .. ﻛﻠﺖ ﺑﻴﻦ ﻣﺎﻳﻜﻤﻠﻮﻥ .. ﻳﺎﻳﻤﻪ .. ﺷﻜﺪ ﺍﺣﺴﺎﺱ ﺣﻘﻴﺮ ﻣﻦ ﻳﻜﻮﻟﻲ ﻓﺼﻠﻴﻪ .. ﻳﺠﻴﺐ .. ﺳﺠﻴﻦ ﻭﻳﺬﺑﺤﻨﻲ ﺑﻲ .. ﻫﻢ ﻭﺣﺪﻱ .. ﻭﻫﻢ .. ﻗﻬﺮ ﻳﺎﺭﺑﻲ .. ﺻﻌﺪﺕ .. ﻓﻮﻙ . ﻓﺘﺤﺖ ﺍﻟﺒﺎﺏ .. ﺷﻔﺘﻪ ﻣﺪﺩ ﻉ ﺟﺮﺑﺎﻳﻪ .. ﺭﺩﺕ ﺍﺭﺟﻊ .. ﺧﻔﺖ ﻣﻨﻪ .. ﺻﺎﺡ ﺗﻌﺎﻱ .. ﺑﻘﻴﺖ ﺑﻠﺒﺎﺏ .. ﺗﻌﺎﻱ .. ﻃﺒﻴﺖ ﻭﺑﻘﻴﺖ ﺍﻟﺒﺎﺏ ﻣﻔﺘﻮﺣﻪ .. ﺍﺟﻪ ﻗﺮﻳﺐ ﻣﻨﻲ .. ﻛﺎﻝ ﺍﻧﻲ ﻓﻮﻙ ﺍﻧﺘﻲ ﺟﻮﺓ .. ﺍﻧﻲ ﺟﻮﺓ ﺍﻧﺘﻲ ﻓﻮﻙ ﺷﻜﻮﻟﺞ ﻣﺎﺭﻳﺪ ﺍﺷﻮﻓﻬﺎ ﻛﻠﻤﺎ ﺍﺷﻮﻓﺞ ﺍﺫﻛﺮ .. ﺣﺮﻣﺘﻮﻧﻲ ﻣﻦ ﻣﺮﺗﻲ .. ﺍﻧﻲ ﻣﺪﻧﺠﻪ .. ﻭﻫﻠﺤﺮﻛﺎﺕ ﻣﺎﻝ ﺗﺒﺠﺞ ﻣﻮ ﻋﻠﻴﻪ ﺧﻮﺵ .. ﻻ ﻋﺒﺎﻟﺞ ﺍﺑﻦ ﻣﺤﺎﻓﻈﺎﺕ ﻭﺗﻌﺒﺮ ﻋﻠﻴﻪ ﻛﻼﻭﺍﺗﺞ ﻻ ﻭﺍﻟﻠﻪ .. ﻫﺴﺔ .. ﺍﺭﺟﻌﺞ ﻻﻫﻠﺞ ﺗﺮﺓ ... ﺍﻧﻲ ﺭﻓﻌﺖ ﺭﺍﺳﻲ .. ﻛﻠﺖ ﻭﻱ ﺭﻭﺣﻲ ﻳﺎﻟﻠﻪ ... ﻛﻤﻞ ﻛﺎﻝ .. ﻭﺍﺧﺬ ﺑﺪﺍﻟﺞ ﺩﻡ .. ﻣﻴﻬﻤﻨﻲ .. ﻛﻼﻡ ﺍﻛﺒﺮ ﻭﺍﺣﺪﻻ ﺍﺧﻮﻳﻪ ﻭﻻ ﻋﻤﺎﻣﺞ ﺍﻟﻔﺰﺍﻋﻪ ﺷﻜﻮﻟﺞ ﻣﺎﺷﻮﻓﻬﺎ .. ﺧﻮﺵ .. ﻫﺰﻳﺖ ﺑﺮﺍﺳﻲ .. ﺍﻱ .. ﻳﻼ ﻭﻟﻲ .. ﻭﺧﻠﻲ ﻳﺼﻌﺪﻭﻥ ﺭﻳﻮﻛﻲ ﻓﻮﻙ .... ﻃﻠﻌﺖ .. ﺳﺪﻳﺖ ﺍﻟﺒﺎﺏ .. ﺍﺭﻳﺪ ﻫﻮﻯ ﻣﺎﻛﻮ ﺑﻘﻴﺖ ﺍﺷﻬﻚ .. ﺍﺷﻬﻚ .. ﺍﺧﺘﻨﻜﺖ .. ﺭﺩﻳﺖ .. ﻓﺘﺤﺖ ﺍﻟﺒﺎﺏ ﻋﻠﻴﺔ . ﻣﻦ ﻟﻮﺑﻪ ﺭﻭﺣﻲ ﺍﺷﺮ ﺍﻟﻪ .. ﺑﺪﻳﻪ ﻭﻋﻴﻮﻧﻲ ﻧﺘﺮﺳﺖ ﺩﻣﻊ .. ﻫﻮﺓ ﻭﺍﻛﻒ ﻛﺒﺎﻟﻲ .. ﺷﺒﻴﺞ ﺍﻧﻲ ﺷﺤﺠﻴﺖ ﻭﻳﺎﺝ .. ﻳﻤﻌﻮﺩﺓ ﺷﺠﺎﺝ ... ﺭﺍﺡ ﺗﻤﻮﺗﻴﻦ .. ﻃﺶ ﻋﻠﻴﻪ .. ﻣﻲ .. ﻛﻌﺪﺕ ﺑﻠﻜﺎﻉ ﻉ ﺭﺟﻠﻲ .. ﻫﻮﻯ ﻧﻜﻄﻊ .. ﻋﻨﻲ .. ﺻﺎﺡ ﺳﻬﺎﻡ .. ﺳﻬﺎﻡ .. ﻭﻟﺞ ﺳﻬﺎﻡ .. ﺻﻌﺪﺕ .... ﺷﻜﻮ ﻳﻤﻪ ﻋﺰﺓ ﺷﺴﻮﻳﺖ ﺍﻟﻬﺎ .. ﺿﻠﺖ ﺑﻬﺪﻭﻣﻬﺎ ﺗﻬﻔﻲ ﺍﻟﻲ .. ﻭﻃﺶ ﻣﻲ ﻭﺗﺴﻤﻲ . ﻳﻤﻪ ﺍﺳﻢ ﺍﻟﺮﺣﻤﻦ .. ﻳﻠﻤﻌﺰﺓ ﺷﺴﻮﻳﺖ ﺑﻴﻬﺎ .. ﻭﻟﻚ ﻣﺎﺗﺨﺎﻑ ﻣﻦ ﺍﻟﻠﻪ .. ﺷﻐﻠﺖ ﺍﻟﻤﺮﻭﺣﻪ .. . ﻫﻨﺎﻙ ﻭﺭﺩ ﺍﻟﻬﻮﻯ ﻟﺮﻳﺘﻲ .... ﺿﻠﻴﺖ ﺍﺳﺤﺐ ﻫﻮﻯ .. ﺍﺣﺲ ﺻﺪﺭﻱ ﺍﻧﺘﺮﺱ .. ﺿﻠﻴﺖ ﺍﺳﺤﺐ ﻫﻮﻯ .. ﺍﺣﺲ ﺻﺪﺭﻱ ﺍﻧﺘﺮﺱ .. ﻛﺎﻟﺖ ﺷﺒﻴﺞ ﻳﻤﻌﻮﺩﺓ .. ﺩﻧﺎﻣﻲ ﺍﺭﺗﺎﺣﻲ .. ﻣﻴﻦ ﻃﻠﻌﺘﻴﻠﻲ ﺍﻧﺘﻲ .. ﺍﻧﻲ ﻛﻠﺒﻲ ﺧﻠﺼﺎﻥ .. ﺧﻠﺘﻨﻲ ﺑﻠﻔﺮﺍﺵ .. ﻭﻛﺎﻟﺖ ﻟﻔﻬﺪ .. ﺍﻣﺸﻲ .. ﻭﻳﺎﻳﻪ .. ﺳﺪﺕ ﺍﻟﺒﺎﺏ .. ﺍﻧﻲ ﻫﺎﻱ ﺍﻟﺤﺎﻟﻪ ﺻﺎﺭﺕ ﺑﻴﻪ ﻣﺮﺓ ﻣﻦ ﻣﺎﺗﺖ ﺑﻴﺒﻴﺘﻲ . ... ﻭﺟﻨﺖ ﺟﺎﻫﻠﻪ ﻭﻃﺒﻴﺖ ﻟﻠﻤﻐﻴﺴﻴﻞ .. ﻭﻱ ﺍﻟﻨﺴﻮﺍﻥ .. ﺷﻤﻌﺮﻓﻨﻲ .. ﻣﻦ ﺷﻔﺘﻬﺎ ﻣﺪﺩﺓ ﺻﺎﺭﺕ ﺑﻴﻪ .. ﺻﺎﺭﺕ ﺑﻴﻪ .. ﻭﺍﻣﻲ ﻛﻮﻣﻪ ﺭﺍﺟﻌﺖ ﺑﻴﻪ ﻳﻜﻮﻟﻮﻥ ﺍﻟﻬﺎ ﺧﻮﻓﻪ .. ﻫﺎﻱ ﻣﺎﺑﻴﻬﺎ ﺷﻲ .. ﺷﻮﻳﻪ ﻭﺻﻌﺪﺕ ﻳﻤﻲ ﺳﻬﺎﻡ .. ﺷﺴﻮﺍﻟﺞ .. ﺿﺮﺑﺞ .. ﻻ ﻟﻌﺪ .. ﺑﺲ ﺣﺎﺟﺎﻧﻲ .. ﻭﺷﺠﺎﺝ ﻭﺯﻭﺭﻛﺘﻲ .. ﻣﺎﻋﺮﻑ .. ﻓﺪﻭﺓ ﺭﺟﻌﻮﺗﻲ ﻻﻫﻠﻲ . ﺗﻜﺴﺒﻴﻦ ﺑﻴﻪ ﺍﺟﺮ .. ﺷﺮﺟﻌﺞ .. ﺣﺒﻴﺒﻪ .. ﺍﻛﻌﺪﻱ ﻭﺍﺳﻜﺘﻲ .. ﻭﻣﺮﺕ ﺍﻻﻳﺎﻡ ﻉ ﻫﻠﻤﻨﻮﺍﻝ ... ﻳﻜﻌﺪﻧﻲ ﻓﺼﻠﻴﻪ ﻭﻳﻜﻮﻣﻨﻲ ﻓﺼﻠﻴﺔ .. ﺍﻟﺠﻨﺎﻳﻦ ﻛﺎﻣﻦ ﺍﻳﺬﻭﻧﻲ ... ﺑﺤﺠﻴﻬﻦ .. ﺑﺲ ﻣﺎﻋﺪﺍ .. ﺳﻬﺎﻡ .. ﺯﻳﻨﻪ .. ﻭﻳﺎﻳﻪ .. ﻭﺍﻟﺤﺠﻲ ﻫﻢ ﺯﻳﻦ .. ﻭﻣﺮﺕ ﺍﻻﻳﺎﻡ ﻭﺍﻧﻲ ﺟﺎﺭﻋﻪ .. ﺍﻟﻤﺮ .. ﻭﺍﻟﻀﻴﻢ .. ﻟﺤﺪ ﻣﺎﻓﺪﻳﻮﻡ .. ﺩﺧﻞ ﻋﻠﻴﻨﻪ .. ﻓﻬﺪ ﻛﺎﻝ .. ﺯﻭﺟﻮﻧﻲ
↙️
ﺍﺟﻪ ﻉ ﺳﻬﺎﻡ ﻭﺍﻣﻪ ﻭﻛﻠﻬﻢ ﺯﻭﺟﻮﻧﻲ ﺍﻧﻲ ﺟﻨﺖ ﻛﺎﻋﺪﺓ .. ﻳﻌﻨﻲ ﻣﺎﻛﺮﻫﺖ ﺷﺨﺺ ﺑﺤﻴﺎﺗﻲ ﻛﺪ ﻣﺎﻛﺮﻫﺖ .. ﻓﻬﺪ .. ﻗﺎﺳﻲ ﻭﻣﺎﻋﻨﺪﺓ ﻗﻄﺮﺓ ﺭﺣﻤﻪ ﺑﻜﻠﺒﻪ .. ﺳﻬﺎﻡ ﺿﻠﺖ ﺻﺎﻓﻨﻪ ﻉ ﻛﻼﻣﻪ ﺍﻣﻪ ﻛﺎﻣﺖ ﺗﺤﺠﻲ ﻋﻠﻴﻪ ﻛﺎﻟﺘﻠﻪ ﻣﺮﺗﻚ ﺑﻌﺪﻫﻲ ﻋﺮﻭﺱ .. ﻛﻠﻬﺎ ﻣﺎﺭﻳﺪ ﺟﻬﺎﻟﻲ ﻳﺠﻮﻥ ﻣﻦ ﺍﻡ ﻋﻤﺎﻣﻬﺎ ﻓﺮﺿﻮﻫﺎ ﻋﻠﻴﻪ ﻓﺼﻠﻴﻪ .. ﺍﻟﺤﺠﻴﻪ ﻣﺎﺭﺿﺖ ﻭﺿﻠﺖ ﺗﺮﺯﻝ ﺑﻲ .. ﺑﺲ ﻫﻮﺓ ﻋﻨﻴﺪ ﻭﻣﻴﻔﻴﺪ ﻭﻳﺎ ﺍﻱ ﻛﻼﻡ .. ﺍﻧﻲ ﺩﺍﺋﻤﺎ ﻳﻜﺮﺭ ﻫﻠﺸﻲ .. ﻣﺎﻝ ﻋﻤﺎﻣﺞ ﻭﻋﻤﺎﻣﺞ ﺑﺲ ﻣﺎﻓﻬﻤﺘﻪ ﺑﻴﻮﻡ .. ﺳﻬﺎﻡ ﻛﺎﻟﺖ ﺍﻧﺘﻈﺮ ﺍﻟﺤﺠﻲ ﻳﺠﻲ ﻭﻧﺸﻮﻑ ﺷﻴﻜﻮﻝ .. ﻛﺎﻟﺖ ﺍﻟﻪ ﺍﻧﺖ ﺍﺑﺎﻟﻚ ﻭﺣﺪﺓ .. ﻛﻠﻬﺎ ﻻ ﺍﻧﺘﻲ ﺷﻮﻓﻴﻠﻲ .. ﻉ ﺫﻭﻗﺞ ﻭﺭﺩ ﻛﺎﻝ ﻻﻣﻪ ﺍﻟﻠﻪ ﺣﻠﻞ ﺍﻟﻲ ﺍﺭﺑﻌﻪ .. ﺷﺮﻉ ﺍﻟﻠﻪ ﻫﺬﺍ ﻫﻢ ﺗﻠﻌﺒﻮﻥ ﺑﻲ .. ﺍﻧﻲ ﻣﻦ ﺳﻤﻌﺖ ﻫﻴﺞ .. ﺭﺣﺖ ﻻﻣﻄﺒﺦ .. ﺟﺎﻧﻮ ﺍﻛﺜﺮ ﺳﻲ ﻳﺬﺑﻮﻥ ﻋﻠﻴﻪ ﺍﻟﺸﻐﻞ .. ﺭﺍﺡ ﺫﺍﻙ ﺍﻟﺪﻻﻝ .. ﻭﺍﻟﻌﺰ .. ﺻﺮﺕ ﺧﺪﺍﻣﻪ .. ﻭﻣﺬﻟﻮﻟﻪ ﻫﻢ .. ﻛﻠﻤﺎ ﺍﺗﺼﻞ ﺑﺎﻣﻲ .. ﺗﺼﺒﺮ ﺑﻴﻪ .. ﻉ ﻣﺤﺎﻣﻲ ﻳﻜﻮﻝ .. ﺍﻭﺭﺍﻗﻪ .. ﺑﻌﺪﻫﺎ ﻣﺼﺎﻋﺪﺓ .. ﺑﺲ ﻳﺼﺪﺭ ﺍﻟﺤﻜﻢ .. ﻭﻳﻄﻠﻊ ﺍﺑﻮﺝ ﻳﺠﻴﺒﺞ ﻣﻦ ﻳﻤﻬﻢ .. ﻭﺍﻧﻲ ﺍﻧﺘﻈﺮ ﻭﺍﻛﻮ ﺍﻣﻞ .. ﻭﺍﺳﺎﻟﻬﺎ ﻉ ﺳﻴﻒ ﻣﺘﻜﻮﻟﻲ .. ﺷﻲ .... ﻭﺭﻗﻤﻪ ﺍﻟﻲ ﻳﻤﻲ ﺩﻭﻣﻪ ﻣﻐﻠﻖ .. ﻭﺍﺧﺎﻑ ﺍﺗﺼﻞ ﻉ ﺍﺧﺘﻪ ﻻ ﺗﻜﻮﻝ .. ﻻﻣﻬﺎ .. ﻭﺍﻣﻬﺎ ﺗﺠﻲ ﻻﻣﻲ .. ﻭﺗﺨﺰﻳﻨﻲ .. ﻭﺍﻣﻲ ﺑﻼ ﺷﻲ ﻣﺮﻳﻀﻪ .. ﺟﻨﺖ ﺍﺗﻤﻨﻰ ﺍﺭﻭﺡ ﻳﻢ ﺍﻫﻠﻲ ﺣﺘﻰ ﻟﻮ ﺧﻄﺎﺭ ﻛﻠﻤﺎ ﺍﻛﻮﻝ ﻟﺴﻬﺎﻡ ﺗﻜﻮﻟﻲ ﺑﻌﺪ ﻣﻮﻫﺴﺔ ﺑﺲ،ﻳﺼﻴﺮ ﺍﻟﻬﻢ ﻧﺰﻟﻪ ﻳﻢ ﺍﻫﻠﺞ ﻳﺎﺧﺬﻭﺝ .. ﺑﻬﺎﻱ ﺍﻟﻔﺘﺮﺓ ﺍﻟﻲ ﻋﺪﺕ .. ﻓﻬﺪ .. ﻣﺎﻟﺔ ﺩﺧﻞ ﺑﻴﻪ ﻣﺎﻋﺎﺩﺍ ﻳﻐﺜﻨﻲ ﺑﻜﻼﻣﻪ .. ﻭﻛﻤﺖ ﺍﺫﺍ ﻫﻮﺓ ﻛﺎﻋﺪ ﺑﻤﻜﺎﻥ ﺍﻃﻠﻊ ﻣﺎﺑﻘﻰ ﺑﻲ ﻭﺍﺫﺍ ﺍﺑﻘﻰ ﻫﻮﺓ ﻳﻜﻮﻡ ﻣﻌﺮﻓﺖ ﻟﻴﺶ ﻳﻜﺮﻫﻨﻲ ﻫﻠﻜﺪ .. ﻋﺒﺎﻟﻚ ﺍﻧﻲ ﻛﺘﻠﺖ ﻣﺮﺗﻪ .. ﺍﻟﻲ ﻋﺮﻓﺘﻪ ﻣﻦ ﺳﻬﺎﻡ .. ﻣﺰﻭﺝ ﺑﺖ ﻋﻤﻪ ﺑﺲ ﻣﻮ ﺍﻟﺢ ﻻ .. ﻋﻤﺎﻡ ﺍﺑﻮ ﻣﻦ ﺑﻨﺎﺗﻬﻢ ﻣﺎﺧﺬ ﻭﺟﺎﻥ ﻳﺤﺒﻬﺎ .. ﻭﺍﺧﺬﻫﺎ ﻭﻋﺮﻭﺳﻪ ﺍﻟﻌﺎ 4 ﺍﺷﻬﺮ .. ﻭﻣﺎﺗﺖ .. ﻳﻌﻨﻲ .. ﺍﻟﻲ ﺭﻣﻪ .. ﺍﻥ ﺟﺎﻥ ﻋﻤﻲ ﺍﻭ ﺍﺑﻮﻳﻪ .. ﻛﺘﻠﻮﻧﻪ ﻭﻳﺎﻫﻢ .. ﻛﻢ ﺑﻴﺖ ﻫﺠﻤﻮ . ﻭﻛﻢ ﺣﻠﻢ .. ﺳﺮﻗﻮ ﻣﻨﻪ ﻭﻛﻢ ﺍﻣﻨﻴﻪ ﺍﻧﻄﻔﺖ .. ﺍﻟﺒﻨﻴﻪ ﻣﺎﺗﺖ ... ﻭﺍﻧﻲ .. ﺿﻌﺖ .. ﻭﻓﻬﺪ .. ﺍﺩﻣﺮ .. ﻣﻦ ﺍﺟﻪ ﻛﺎﻝ ﺯﻭﺟﻮﻧﻲ ﺑﻌﺪ ﻣﺮﻭﺭ ﺍﺷﻬﺮ .. ﺍﺳﺘﻐﺮﺑﺖ ﺍﻟﻲ ﻋﺮﻓﺘﻪ ﻫﻮﺓ ﻳﺤﺐ ﻣﺮﺗﻪ .. ﻣﺮﺍﺕ ﺍﻧﻲ ﻭﻧﺎﻳﻤﻪ ﺍﺳﻤﻌﻪ .. ﻳﺼﻠﻲ ﻭﻳﺪﻋﻲ .. ﻭﺑﺪﻋﺎﺋﻪ .. ﺻﻮﺕ ﺣﺰﻳﻦ .. ﻣﺮﺍﺕ ﻳﻜﺴﺮ ﺧﺎﻃﺮﻱ ﻭﻣﺮﺍﺕ ﺍﻛﺮﻫﻬﺎ ﻭﺍﻛﺮﻩ ﻛﻠﺸﻲ ﻳﺮﺑﻄﻨﻲ ﺑﻲ .. ﻛﺪ ﻣﺎﻣﺴﺘﺤﻘﺮﻧﻲ ﻫﻮﺓ .. ﻭﺑﺴﺒﺒﻪ ﺍﻻﻛﺜﺮﻳﻪ .. ﻛﺎﻣﻮ ﻳﺎﺫﻭﻧﻲ .. ﺑﺲ ﺍﻟﺤﺠﻲ ﻭﺳﻬﺎﻡ ﻭﺍﻟﺤﺠﻴﻪ .. ﻣﻴﻘﺒﻠﻮﻥ ﺍﺑﺪ .. ﺟﺎﻧﺖ ﺳﻬﺎﻡ .. ﻛﻞ ﻣﺎﺗﻄﻠﻊ ﺟﻴﺒﻴﻠﻲ ﺷﻲ .. ﻣﺎﻋﺪﺍ ﺍﻟﺤﺠﻲ ﻣﻴﻘﺼﻴﺮ ﺣﺎﻟﻲ ﻣﻦ ﺣﺎﻝ ﺟﻬﺎﻟﻬﺎ ﻭﺯﻭﺟﺎﺗﻪ .. ﻛﻞ ﺍﺳﺒﻮﻉ ﻳﻨﻄﻴﻨﻲ .. ﻓﻠﻮﺱ .. ﺍﻧﻲ ﺍﻟﻤﻬﻦ ﻣﺎﻋﻨﺪﻱ .. ﺷﻲ ﺑﺪﻳﺖ .. ﺍﺗﻌﻠﻢ .. ﻉ ﺍﻟﻮﺿﻊ .. ﻣﺠﺒﻮﺭﺓ ﻣﺎﻛﻮ ﻏﻴﺮ ﺣﻞ .. ﺍﻟﻲ ﺑﻠﻴﻞ ﺍﺟﻪ ﺍﻟﺤﺠﻲ .. ﻭﺭﺓ ﺍﻟﻌﺸﻪ ﻣﺜﻞ ﻛﻞ ﻳﻮﻡ ﻳﻜﻌﺪﻭﻥ ﻳﺴﻮﻟﻔﻮﻥ .. ﺑﻴﻨﺎﺗﻬﻢ .. ﻓﺴﻬﺎﻡ ﻛﺎﻟﺖ ﻟﻠﺤﺠﻲ ﻓﻬﺪ ﻳﺮﻳﺪ ﻳﺰﻭﺝ .. ﺍﻟﺪﻧﻴﺎ ﺍﻧﻜﻠﺒﺖ .. ﺍﻟﺤﺠﻲ ﺿﻞ ﻳﻌﻴﻂ ﻭﻳﺼﻴﺢ .. ﻣﻘﺒﻞ .. ﻭﺿﻞ ﻳﺤﺠﻲ .. ﻋﻠﻴﻪ .. ﻭﺿﻞ ﻓﻬﺪ ﻳﺠﺎﺩﻝ ﻭﻳﺎﻩ .. ﻓﻮﺣﺪﺓ ﻣﻦ ﺑﻨﺎﺗﻬﻢ ﻏﻤﺘﻨﻲ ﻭﻛﺎﻟﺖ ﻛﻠﻪ ﻣﻦ ﻭﺭﺍﺝ ﺍﻡ ﺍﻟﻤﺼﺎﻳﺐ .. ﺣﺮﻛﺘﻲ ﺍﻟﺒﻴﺖ ﻋﻠﻴﻨﻪ .. ﻭﻋﻴﺮﺗﺘﻲ ﺑﻘﻮﻣﻴﺘﻲ .. ﺍﻧﻲ ﻣﻦ ﺳﻤﻌﺖ ﺍﻋﻴﺎﻃﻬﻢ ﻭﺍﺻﻴﺎﺣﻬﻢ .. ﻭﺍﻟﻲ ﺻﺎﺭ ﻋﻔﺘﻬﻢ ﻭﺻﻌﺪﺕ ﻓﻮﻙ .. ﺍﻛﻀﻲ ﻭﻛﺘﻲ ﻓﻮﻙ .. ﺍﺻﻠﻲ ﺍﻗﺮﺓ ﻗﺮﺍﻥ ﺍﺳﺒﺢ .. ﺍﺩﻋﻲ ﺍﻟﻠﻪ ﻳﻄﻠﻌﻨﻲ ﻣﻦ ﻫﻠﺴﺠﻦ .. ﻣﺜﻞ ﻣﺎﻃﻠﻊ ﻳﻮﺳﻒ ﻣﻦ ﺳﺠﻨﻪ .. ﻛﻮﻥ ﻳﻌﺎﻳﻦ ﻟﺤﺎﻟﻲ .. ﻭﺗﻔﺮﺝ ﻋﻠﻴﻪ .. ﻛﻤﻠﺖ ﺻﻼﺗﻲ .. ﻛﻌﺪﺕ ﻉ ﺍﻟﺠﺮﺑﺎﻳﻪ .. ﻭﺷﻐﻠﺖ ﺍﻟﺘﻠﻴﻔﺰﻳﻮﻥ .. ﻭﻛﻌﺪﺕ ﺍﻛﻠﺐ .. ﺍﺑﺎﻉ ﻓﻠﻢ ﻋﺮﺑﻲ .. ﺻﻴﺎﺡ ﻭﻳﻌﻴﺎﻁ ﺟﻮ ﺓ .. ﻋﻠﻪ ﺣﺴﻬﻢ .. ﺩﻗﺎﻳﻖ ﻭﺻﻌﺪ ﻓﻬﺪ ﻋﻠﻴﻪ .. ﻃﺐ ﻋﻴﻮﻧﻪ ﺗﺠﺪﺡ ﻧﺎﺭ .. ﻭﻗﻔﻞ ﺍﻟﺒﺎﺏ .. ﻛﺎﻝ .. ﺩﺍﻡ ﺣﺎﺳﺒﻴﺞ ﻋﻠﻴﻪ ﻣﺮﺓ .. ﺍﺫﺑﺤﺞ ﻭﺍﺧﻠﺺ .. ﻭﺷﻜﺪ ﻳﻔﺼﻠﻮﻥ ﺍﻫﻠﺞ ﺍﻧﻄﻲ .. ﺍﻧﻲ ﺍﺧﺘﺮﻋﺖ .. ﻛﺎﻝ ﻣﻦ ﻭﺭﺍﺡ ﺧﺮﺑﺖ ﺣﻴﺎﺗﻲ ﻣﻦ ﻭﺭﺍﺝ ﺍﺧﻮﻳﻪ ﺷﺪ ﻭﻳﺎﻱ .. ﻃﻴﺤﺘﻲ ﺣﻈﻲ .. ﻫﻮﺓ ﻳﻠﺒﺲ .. ﺣﺰﺍﻡ ﻣﺎﻝ ﺳﻼﺡ ﻭﻳﺨﻠﻲ .. ﻉ ﺍﻟﻜﻮﻣﺪﻱ .. ﻛﻤﺖ ﺭﻛﻀﺖ .. ﻉ ﺍﻟﺴﻼﺡ .. ﻛﺘﻠﻪ ﻫﺎﻙ .. ﻣﻮﺗﻨﻲ .. ﺍﺿﺮﺑﻨﻲ ﺭﻳﺢ ﺣﺎﻟﻚ ﻭﺭﻳﺤﻨﻲ ﺍﻧﻲ ﻣﻮ ﻓﺼﻠﻴﻪ .. ﺗﻜﻮﻣﻨﻲ ﻭﺗﻜﻌﺪﻧﻲ ﻓﺼﻠﻴﻪ ﻣﻮﺗﻨﻲ .. ﺍﻟﺒﺎﺏ ﺍﺩﻙ .. ﺍﻟﺴﻼﺡ ﺑﺎﻳﺪﻱ ﻭﺍﺭﺟﻒ .. ﺍﻧﺖ ﺍﺑﻦ ﺷﻴﻮﺥ .. ﻣﻮ ﻣﻮﺗﻨﻲ .. ﻻ ﺗﺨﺎﻑ ﺍﻫﻠﻲ ﻣﺎﻳﻔﺼﻠﻮﻟﻚ .. ﺍﺟﻪ ﻳﻤﻲ .. ﺟﺮ ﻣﻨﻲ ﺍﻟﺴﻼﺡ .. ﻭﺿﺮﺑﻨﻲ .. ﻉ . ﻭﺟﻬﻲ ﺑﺎﻳﺪﺓ .. ﻭﻛﻌﺖ ﺑﻠﻜﺎﻉ .. ﻓﺘﺢ ﺍﻟﺒﺎﺏ ﺩﻳﻄﻠﻊ .. ﺳﻬﺎﻡ ﻭﺍﻟﺤﺠﻲ ﺑﻠﺒﺎﺏ .. ﺍﻧﻲ ﺟﺮﻳﺖ ﻓﻬﺪ ﻣﻦ ﻫﺪﻭﻣﻪ ﻛﺘﻠﻪ ﻣﺘﻄﻠﻊ ﻗﺒﻞ ﻣﺎ ﺗﻤﻮﺗﻨﻲ .. ﺟﺮﺗﻨﻲ ﺳﻬﺎﻡ .. ﻋﻮﻓﻮﻧﻲ .. ﻋﻤﻲ ﺍﻟﺤﺠﻲ ﺍﻧﻲ ﻛﺘﺎﻟﻪ ﺑﻨﺘﻜﻢ .. ﺍﻛﺘﻠﻮﻧﻲ .. ﺧﻠﺼﻮﻧﻲ .. ﺣﺘﻰ ﺍﻟﺠﺎﺭﻳﻪ ﺗﻨﻌﺘﻖ ﺑﻔﻠﻮﺱ .. ﻣﺎﺭﻳﺪ ﺗﻌﺘﻘﻮﻧﻲ ﺍﻛﺘﻠﻮﻧﻲ .. ﻓﻬﺪ ﻭﺍﻛﻒ .. ﻭﺳﻬﺎﻡ ﺗﺴﻜﺖ ﺑﻴﻪ .. ﻛﺘﻠﻪ ﻋﺴﺎﻩ ﺑﺨﺘﻜﻢ ﻳﺎﻓﺼﺎﻟﻪ .. ﻋﺴﺎﻩ ﺑﺨﺘﻜﻢ .. ﻣﻦ ﻓﺼﻠﺘﻮ ﺑﺸﺮ ﻭﺭﻭﺡ .. ﻭﻣﺎﺣﺴﺒﺘﻮ ﺷﻲ .. ﺍﻟﻬﺎ .. ﻋﺴﺎﻩ .. ﻛﻞ ﺷﻬﻜﻪ ﻣﻨﻲ ﺗﺮﺟﻊ ﻋﻠﻴﻜﻢ .. ﻧﺎﺭ ﺍﻧﺘﻮ ﻭﺩﻳﻮﺍﻧﻜﻢ ﻭﻓﺼﻮﻟﻜﻢ .. ﻣﻮ ﺍﻧﻲ ﻓﺼﻠﻴﺔ . ﻓﺼﻠﻴﻪ . ﺣﺘﻰ ﺍﻟﺠﻬﺎﻝ ﺗﺼﻴﺤﻠﻲ ﻓﺼﻠﻴﻪ .. ﻻﻥ ﺍﻧﻲ ﻣﺮﺓ ﺟﻮﺭﻭﻥ ﻋﻠﻴﻪ ... ﻓﻬﺪ ... ﺍﺫﺍ ﺍﻧﺖ ﺍﻧﺤﺮﻣﺖ ﻣﻦ .. ﻣﺮﺗﻚ .. ﺍﻧﻲ ﺍﻧﺤﺮﻣﺖ ﻣﻦ ﺣﻴﺎﺗﻲ .. ﺍﻣﻲ .. ﺍﻫﻠﻲ .. ﺩﺭﺍﺳﺘﻲ .. ﺣﺒﻲ .. ﺑﻴﺘﻲ .. ﺭﻭﺣﻲ .. ﻧﺤﺮﻣﺖ ﺣﺘﻰ ﻣﻦ ﺍﻟﻬﻮﻯ .. ﻭﻛﻌﺖ ﻉ ﻋﻤﻲ ﻓﺪﻭﺓ ﺭﺟﻌﻨﻲ ﻻﻫﻠﻲ .. ﺍﺑﻮﺱ ﺭﺟﻠﻚ ﺭﺟﻌﻨﻲ ﺍﺫﺍ ﺗﺨﺎﻑ ﻣﻦ ﺍﻟﻠﻪ ﺭﺟﻌﻮﻧﻲ .
⤵️
ﻛﻮﻣﻨﻲ ﺍﻟﺤﺠﻲ ... ﻭﻛﻠﻲ ﺑﻨﻴﺘﻲ .. ﺧﻄﻴﺘﺞ ﺑﻜﺮﺑﺘﻲ ﻣﻴﺼﻴﺮ ﺍﻻ ﺍﻟﺘﺮﺩﻱ .. ﻭﻣﻴﻜﻮﻥ ﺧﺎﻃﺮﺝ ﺍﻻ ﻃﻴﺐ .. ﻭﺍﺧﺬ ﻓﻬﺪ ﻭﻧﺰﻝ ... ﺟﻮﺓ .. ﺑﻘﻴﺖ ﺍﻧﻲ ﻭﺳﻬﺎﻡ .. ﺑﻠﻐﺮﻓﻪ .. ﻛﺎﻟﺖ ﻫﺎﻱ ﺷﺴﻮﻳﺘﻲ .. ﻳﻤﻌﻮﺩﺓ .. ﺷﺤﺠﻴﺘﻲ .. ﺯﻳﻦ ﺍﻟﺤﺠﻲ ﺳﻜﺖ .. ﻣﺎﺳﻮﺍﻟﺞ ﺷﻲ . ﻳﻤﻌﻮﺩﺓ .. ﺍﻧﺘﻲ ﻣﺎﺑﻴﺞ ﺧﻴﺮ .. ﻋﻔﻴﻪ ﺳﻬﺎﻡ ﻋﻮﻓﻴﻨﻲ .. ﺍﻧﻲ .. ﺭﺍﺡ ﻟﻤﻮﺕ ﺍﻟﻤﻮﺕ ﺍﻟﻲ ﺍﺭﺣﻢ ﻣﻦ ﻫﻠﻌﻴﺸﺔ .. ﺍﻧﺘﻲ ﺗﺪﺭﻳﻦ ﻣﻦ ﺗﺮﺣﻴﻦ .. ﺍﻟﻨﺴﻮﺍﻥ ﺷﻴﺴﻮﻥ ﺑﻴﻪ . . ﻳﻀﻠﻦ ﻳﻌﻴﺒﻦ ﻋﻠﻴﺔ .. ﻭﻳﻘﻠﺪﻥ .. ﻓﺼﻠﻴﻪ ﻭﻓﺼﻠﻴﻪ .. ﺍﻟﻠﻪ ﻳﻘﺒﻠﻬﺎ ﺍﺫﺍ ﺗﺨﺎﻓﻮﻥ ﺍﻟﻠﻪ .. ﺭﺣﻤﻮﻧﻲ ﻭﺭﺟﻌﻮﻧﻲ ﻻﻫﻠﻲ .. ﺻﺎﺭ ﻛﻢ ﺷﻬﺮ ﻳﻤﻜﻢ .. ﺭﺍﺡ ﺍﻣﻮﺕ ﻭﺍﻟﻠﻪ .... ﺩﻛﻌﺪﻱ .. ﻫﺴﺔ ﺍﺭﺗﺎﺣﻲ ﺧﻠﻲ ﺍﺷﻮﻑ ﺍﻟﺤﺠﻲ ﺷﺒﻲ .. ﻧﺰﻟﺖ ﻭﻋﺎﻓﺘﻨﻲ . ﻭﺣﺪﻱ .. ﻣﺎﻋﻨﺪﻱ ﺍﺣﺪ ﺍﺷﻜﻲ ﺍﻟﻪ .. ﻃﻠﻌﺖ ﺍﻟﻔﻮﻥ ﻭﺳﺪﻳﺖ ﺍﻟﺒﺎﺏ ﻭ ﺩﻛﻴﺖ ﻉ ﺧﺎﻟﻲ ﺍﻟﻲ .. ﺩﻙ ﺻﺪﺭ ﺍﻟﻴﻪ .. ﺻﺎﺭ ﺍﺷﻬﺮ ﻣﺤﺪ ﺑﻴﻬﻢ ﺳﺎﻝ ﻋﻠﻴﻪ .. ﻣﺤﺪ ﻋﺮﻑ ﺍﺧﺒﺎﺭﻱ . ﺟﺎﻭﺏ .. ﺍﻟﻮ .. ﺍﻟﻮ .. ﻫﻼ ﺑﺎﺧﻮ ﺍﻣﻲ .. ﻣﻨﻮ .. ﺣﻘﻚ ﻣﺘﻌﺮﻓﻨﻲ ... ﺑﺲ ﻭﺣﻖ ﺍﻟﻲ ﺧﻠﻘﻚ ﻛﻞ ﺷﻬﻜﻪ ﻣﻨﻲ .. ﺑﻴﻬﺎ ﺣﻮﺑﻪ .. ﻭﺣﻮﺑﺘﻲ ﻭﺭﺍﻛﻢ .. ﻟﻴﺶ ﺧﺎﻟﻮ .. ﻟﻴﺶ ﺷﻤﺮﺗﻮﻧﻲ .. ﻭﻭﺍﺣﺪ ﻣﻨﻜﻢ ﻣﺎﺳﺎﻝ .. ﺟﻴﻒ ﺍﻧﻲ ﻳﺘﻴﻤﻪ ﻭﻣﺎﻋﻨﺪﻱ ﺍﺏ .. ﻭﻣﺎﻋﻨﺪﻱ ﺍﺥ .. ﻛﻠﻜﻢ ﺻﺮﺗﻮ ﻋﻠﻴﻪ .. ﺧﺎﻟﻮ ﻣﻨﻮ ﻭﻳﺎﺝ .. ﻫﺴﺔ ﺍﺟﻴﺞ . ﻭﺍﻟﻠﻪ .. ﺑﻌﺪ ﻭﻛﺖ .. ﻣﺎﻋﺮﻑ ﺷﻜﻮﻟﻚ . ﻭﺷﺴﻤﻴﻚ .. ﺑﺲ ﺍﻛﻮﻟﻚ .. ﺑﻜﻞ ﻧﻔﺲ ﺍﺳﻤﻊ ﻛﻠﻤﻪ ﻓﺼﻠﻴﻪ .. ﺑﺪﻓﺮﺗﻪ .. ﻳﺼﻴﺢ ﻓﺼﻠﻴﻪ .. ﺍﻧﻄﻴﺘﻮﻧﻲ ﻻﻧﺴﺎﻥ .. ﻣﻴﺨﺎﻑ ﺍﻟﻠﻪ .. ﺑﻴﻪ .. ﻫﺎﻱ ﺗﻘﺎﻟﻴﺪﻛﻢ .. ﺣﺮﻛﺘﻨﻲ ﺍﺧﻀﺮ ﺑﻴﺎﺑﺲ .. ﻻ ﺍﻧﻲ ﻛﺘﺎﻟﻪ .. ﻭﻻ ﺍﻧﻲ ﺍﻟﻲ ﺫﻧﺐ .. ﺫﻧﺒﻲ ﺍﻟﻠﻪ ﺧﻠﻘﻨﻲ ﻣﺮﺓ .. ﻫﺎﻱ ﺣﻜﻢ .. ﻋﺸﺎﻳﺮﻛﻢ ... ﻭﺷﻴﻮﺧﻜﻢ .. ﻏﺼﺒﺘﻮﻧﻲ .. ﻭﻇﻠﻤﺘﻮﻧﻲ .. ﺍﻟﻠﻪ ﻻ ﻳﻮﻓﻘﻜﻢ .. ﻋﻜﻠﻜﻢ .. ﻭﺷﻮﺍﺭﺑﻜﻢ .. ﺗﺤﻜﻢ ﺑﻈﻠﻢ .. ﻟﻴﺎﻝ ﺧﺎﻟﻮ ﻭﺍﻟﻠﻪ ﻋﻤﺎﻣﺞ ﻧﻄﻮﺝ ﻣﻦ ﺻﺎﺭ ﻓﺼﻞ ﻣﻀﺎﻋﻒ .. ﺷﻠﻮﻥ ﻳﻌﻨﻲ .. ﻣﻮ ﺗﻠﻲ ﺍﻧﻜﺘﻠﺖ ﻣﺰﻭﺟﻪ .. ﺍﻫﻠﻬﺎ ﺭﺍﺩﻭ ﻭﻭﺍﻫﻞ ﺭﺟﻠﻬﺎ .. ﻓﺸﺎﺭﻭ ﻉ ﻋﻤﺎﻣﺞ ﻳﻔﻀﻮﻫﺎ ﺑﻤﺮﺓ ﻭﻧﻄﻮﺝ .. ﻭﻋﻤﺎﻣﺞ ﻛﻤﺶ .. ﻭﺷﺘﻌﺮﻓﻴﻦ ﻣﻴﺴﻤﻌﻮﻥ ﺣﺠﻲ ﺑﺲ ﻛﻼﻣﻬﻢ .. ﺍﻧﻲ ﻣﺎﻟﻲ ﺫﻧﺐ .. ﻭﺑﺎﺟﺮ ﻣﻦ ﺍﻟﺼﺒﺢ ﻳﻤﺞ .. ﻭﺍﺷﻮﻑ ﻳﺎﺯﻟﻤﻪ .. ﻳﻮﻛﻒ ﺑﻮﺟﻬﻲ .. ﺑﻘﻴﺖ ﺍﺷﻜﻴﻠﻪ ﻭﺍﺑﺠﻲ ﻋﺴﺔ ﺍﻟﻠﻪ ﺻﺪﻙ ﻳﺨﻠﺼﻨﻲ .. ﺻﻌﺪﻭ ﺍﻟﺠﻬﺎﻝ ﻛﺎﻟﻮ ﺍﺑﻮﻧﻪ ﻳﺮﻳﺪﺝ .. ﺧﺘﻤﺘﻪ ﻭﻱ ﺧﺎﻟﻲ ﻛﺘﻠﻪ ﺍﻧﺘﻈﺮﻙ .. ﻧﺰﻟﺖ ﺟﻮﺓ .. ﺍﻟﺤﺠﻲ ﻛﺎﻋﺪ ﻭﻓﻬﺪ .. ﺟﻴﺖ ﻛﻌﺪﺕ .. ﻛﺴﺮﻭﻧﻲ ﻗﻬﺮﻭﻧﻲ ﻳﺎﺭﺑﻲ .. ﺣﺒﻮﺗﻲ ﺗﻄﻠﻊ .. ﺷﻬﻜﺘﻲ ﻭﺭﺍﻛﻢ ﻭﺭﺍﻛﻢ .. ﻛﺎﻝ ﺍﺳﻤﻌﻲ،ﻟﻴﺎﻟﻲ .. ﺍﻱ ﻋﻤﻲ ﻛﻮﻝ .. ﺍﺑﻨﻪ ﻣﻴﺮﻳﺪﺝ .. ﻭﻣﺎﺑﻌﺪ ﺷﻲ ﺑﻴﺪﻱ ﺍﺳﻮﻱ .. ﺻﺎﺭ ﻛﻢ ﺷﻬﺮ ﻣﺰﻭﺟﻴﻦ .. ﻭﺍﻧﺘﻲ ﻫﻢ ﻣﺎﺗﺮﺩﻳﻦ ﺍﺑﻨﻪ .. ﺍﻧﻲ ﻣﻮ ﻛﺴﺎﺭ ﺍﺭﻛﺎﺏ .. ﺍﻧﻲ ﺣﻘﺎﻧﻲ ﺍﻫﻠﺞ ﻧﻄﻮﺝ .. ﻭﺍﻧﻪ ﺭﺿﻴﺖ .. ﺯﻟﻢ .. ﻣﻌﻜﻠﻪ ﻭﺣﺠﺖ ﻣﺎﻛﺴﺮ .. ﺑﻴﻬﻢ . ﻫﺴﺔ ﺍﻟﻲ ﺍﺭﻳﺪﺓ ﻣﻨﻜﻢ ﺍﺛﻨﻴﻨﻜﻢ .. ﺗﺼﺒﺮﻭﻥ ﻣﻨﺎ . ﻟﻜﻢ ﺷﻬﺮ .. ﻭﺍﻥ ﻣﺪ ﺍﻳﺪﺓ ﻋﻠﻴﺞ ﻟﻮ ﺳﻤﻌﺞ ﺣﺠﺎﻳﺔ .. ﻭﺍﻟﻠﻪ ﻻﺍﺗﺒﺮﺓ ﻣﻨﻪ .. ﻭﺍﻟﻜﻞ ﻳﺴﻤﻊ ﻟﻴﺎﻟﻲ ﻣﻮ ﻓﺼﻠﻴﻬﺮﻭﺍﻟﻲ ﻳﺘﻌﺪﺓ ﻋﻠﻴﻬﺎ ﺑﺤﺠﺎﻳﻪ ﻳﻌﻨﻲ ﺗﻌﺪﻩ ﻋﻠﻲ .. ﻣﺎﻋﻴﺪ ﻛﻼﻣﻲ .. ﻣﺮﺗﻴﻦ ﺍﺧﺮ ﺍﻧﺬﺍﺭ ﺍﻟﻜﻢ .. ﻛﺘﻠﻪ ﻣﺎﺗﺮﺟﻌﻮﻧﻲ .. ﻳﻌﻨﻲ .. ﺍﺭﺟﻌﺞ ﺑﺲ ﺻﺒﺮﻱ ﻋﻴﺐ ﻣﻦ ﺍﻟﻮﺍﺩﻡ ﺑﻴﺖ . ﺍﺑﻮ ﻋﺎﻣﺮ .. ﻣﺎﻳﻄﻠﻜﻮﻥ ﻣﺮﺓ .. ﺗﺮﺿﻴﻬﺎ .. ﻋﻤﺞ ﻳﻨﻀﺮ .. ﺳﻜﺘﺖ .. ﺍﻟﺮﺟﺎﻝ ﺣﺠﻴﻪ ﺣﻠﻮ .. ﻭﺧﺎﻟﻲ ﺑﺎﺟﺮ ﺟﺎﻱ .. ﺑﻠﻜﻲ ﺍﻟﻠﻪ .. ﺗﻔﺾ . ﻭﺍﺧﻠﺺ .. ﻛﺎﻡ ﻋﻤﻲ ﺑﺎﺱ ﺭﺍﺳﻲ .. ﻭﻛﺎﻝ .. ﻫﺬﺍ ﺍﻟﻌﻜﺎﻝ ﻣﺎﻟﺒﺴﺔ ﺑﻌﺪ .. ﺍﺫﺍ ﺍﺫﺍﺝ ﻓﺮﺩ ﻭﺍﺣﺪ ﻣﻦ ﺍﻟﺒﻴﺖ .. ﺧﻮﺵ .. ﺑﻨﻴﺘﻲ .. ﺍﺣﺴﺎﺱ ﺍﻟﻜﺴﺮ ﺻﻌﺐ .. ﻛﺘﻠﻪ ... ﺧﻮﺵ ﻋﻤﻲ .. ﻭﻛﻤﺖ ... ﻣﻦ ﻳﻤﻬﻢ ﺩﺍﺻﻌﺪ .. ﺟﺮﺗﻨﻲ ﺳﻬﺎﻡ .. ﻛﺎﻟﺖ ﺻﻌﺪﻱ ﺟﺎﻳﻪ ﻭﺭﺍﺝ .. ﺻﻌﺪﺕ .. ﺩﻗﺎﻳﻖ ﻭﻃﺒﺖ ﺳﻬﺎﻡ ﺑﺪﻳﻬﺎ ﻋﻼﻛﻪ .. ﻭﺳﻠﻪ ﻓﻮﺍﻛﻪ .. ﻛﻌﺪﺕ .. ﻛﺎﻟﺖ .. ﺍﻛﻌﺪﻱ ﻭﻓﺘﺤﻲ ﺍﺫﺍﻧﺞ .. ﺍﻧﺘﻲ ﻏﺒﺮﺓ .. ﻛﻌﺪﺕ .. ﻛﺎﻟﺖ ﻭﻟﺪﻧﻪ ﻳﺤﺒﻮﻥ ﻭﺣﺪﺓ ﺍﻡ ﻟﺴﺎﻥ .. ﻣﻮ ﻣﺜﻠﺞ ﺑﺲ ﺗﺒﺠﻲ .. ﺷﻮﻓﻲ ﺣﺠﻴﺞ ﺧﻠﻪ ﻓﻬﺪ ﻭﺍﻟﺤﺠﻲ .. ﻳﻔﺮﻭﻥ ﺑﺮﺍﺳﻬﻢ .. ﻭﺍﻧﺘﻲ ﺿﻠﻲ .. ﻫﻴﺞ ﻻ ﻛﺤﻞ ﻭﻻ ﺷﻲ .. ﻭﻃﻴﺮﻱ ﺍﻟﺮﺟﺎﻝ ﻣﻨﺞ .. ﻛﺎﻟﺖ ﻃﺒﻴﺖ ﻣﺜﻠﺞ .. ﻣﻜﺴﻮﺭﺓ .. ﻣﺎﻛﻮ ﻓﺮﻕ ﺑﻴﻦ ﻫﺪﻳﻪ .. ﻭﺍﻟﻔﺼﻞ .. ﺍﻧﺘﻲ ﻭﺭﺍﺝ ﺛﺎﺭ ﻭﺍﻧﻲ ﻭﺭﺍﻳﻪ .. ﺗﺮﺍﺿﻲ .. ﺑﺲ ﺟﺴﺖ ﻧﺒﻀﻬﻢ .. ﻭﻋﺮﻓﺖ ﻣﻴﻬﻢ .. ﻫﺴﺔ ﺍﻟﺒﻴﺖ ﻛﻠﻪ .. ﺟﻮﺍﻳﻪ ﻭﺍﻟﻲ ﺍﺭﻳﺪﺓ ﻳﺼﻴﺮ .. ﺻﺎﺭ 7.. ﺳﻨﻮﺍﺕ ﻣﻦ ﺍﺯﻭﺟﺖ .. ﻭﺧﻠﻔﺖ 4 ﻟﻠﺤﺠﻲ .. ﻭﻛﺪ ﻣﺎﻳﺤﺒﻨﻲ ﻳﺮﻳﺪ ﺑﻌﺪ .. ﺍﻧﺘﻲ ﺟﻨﺞ ﺍﻟﺒﻮﻡ .. ﺑﺲ ﺗﺒﺠﻴﻦ .. ﺍﺗﻘﺮﺑﻲ .. ﻟﻔﻬﺪ .. ﺍﺩﻟﻌﻲ ﺍﻟﻪ .. ﺗﺮﺓ ﺍﻟﻤﺮﺣﻮﻣﻪ ﻣﺎﺗﺴﻮﻯ ﻓﻠﺲ ﺑﺴﻮﻙ ﺍﻟﻨﺴﻮﺍﻥ .. ﺍﻧﺘﻲ ﺗﺴﻮﻳﻦ ﺭﺍﺳﻬﺎ .. ﻫﺎﻱ ﻋﻼﻛﻪ ﺑﻴﻬﺎ ﻫﺪﻭﻡ .. ﻣﺎﻝ ﺗﺎﻟﻲ ﺍﻟﻠﻴﻞ .. ﻭﺍﻧﺘﻲ ﻓﻜﻲ ﺩﻣﺎﻏﺞ .. ﻃﻼﻙ ﻣﻴﻄﻠﻜﻮﻥ ﻫﺎﻱ ﻋﻴﺒﻪ ﻋﺪﻧﻪ .. ﻭﻓﻬﺪ ﻳﺮﻳﺪ ﻣﺮﺓ .. ﻭﺭﺍﺡ ﻳﻄﻴﺮ ﻣﻨﺞ .. ﻛﺘﻠﻬﺎ ﺍﻛﺮﻫﻪ .. ﺍﺳﻜﺘﻲ ﺍﺳﻜﺘﻲ .. ﻣﺜﻞ ﺣﺎﻟﺞ .. ﺟﻴﺖ . ﻭﺟﺎﻧﺖ ﺍﻟﺤﺠﻴﻪ ﺑﺤﻴﻠﻬﺎ ﻭﻋﻨﺪﻱ ﺿﺮﺓ .. ﺑﺲ ﺍﻧﻪ ﻣﻮ ﻣﺜﻠﺞ ﺍﻧﻪ ﺍﻓﻜﺮ ﻭﻋﺮﻓﺖ ﺷﻠﻮﻥ ﺧﻠﻴﺖ ﺍﻟﺤﺠﻲ ﻳﺤﺒﻨﻲ ﻭﻳﺪﻟﻠﻨﻲ .. ﺗﺒﻘﻴﻦ ﻫﻴﺞ ﻣﺎﺗﺤﺼﻠﻴﻦ ﺑﺲ .. ﺍﻻﺫﻳﻪ .. ﻭﺍﻧﻪ ﻋﻠﻤﺘﺞ ﺑﻌﺪ .. ﻭﺑﺎﺟﺮ ﺍﺧﺬﺝ .. ﻟﺒﻨﺖ ﺍﻡ ﺩﺍﻭﺩ ﺗﺮﺗﺒﺞ .. ﺗﺤﻒ ﻭﺟﻬﺞ ﻭﺗﻌﺪﻝ ﺷﻌﺮﺝ .. ﻭﻟﺢ ﻟﻮ ﻋﻨﺪﻱ ﺷﻜﻠﺞ ﺍﻻ ﺍﺧﻠﻲ ﺍﻟﺤﺠﻲ .. ﻳﺴﻮﻳﻨﻲ ﺷﻴﺦ ﻭﺗﻀﺤﻚ .. ﺿﻠﺖ ﺗﺤﺠﻲ ﻭﺗﺴﻮﻟﻒ ﺷﻠﻮﻥ ﺟﺎﻧﺖ .. ﻭﺿﺮﺗﻬﺎ ﻣﺎﺫﻳﺘﻬﺎ .. ﻭﻣﺮﺓ ﺩﺍﻓﻌﺘﻬﺎ ﻣﻦ ﺍﻟﺪﺭﺝ .. ﻭﻃﺎﺭﺣﻪ ﺟﺎﻫﻞ .. ﻛﺎﻟﺖ ﺍﺫﺍ ﺟﺘﺞ ﺿﺮﺓ ﺭﺍﺡ .. ﺗﺎﻛﻠﻴﻦ ﻭﺣﻞ ﺍﺗﻼﺣﻜﻲ ﻟﺮﻭﺣﺞ .. ﺍﻧﺴﻲ ﻛﻠﻤﻪ ﻓﺼﻠﻴﻪ .. ﻣﺜﻞ ﺍﻧﻲ ﻳﻜﻌﺪﻭﻥ .. ﺑﻬﺪﻳﻪ ﻭﻳﺘﻤﻀﺤﻜﻦ .. ﺧﺎﻳﺒﻪ ﻋﺒﺎﻟﻚ ﺑﺲ ﻫﻤﻪ ﻣﻦ ﺧﻠﻔﻪ ﺍﻟﺸﻴﻮﺥ ﻭﺍﺣﻨﻪ ﺧﻠﻔﻪ ﺍﺑﻠﻴﺲ .. ﺑﺲ ﻭﺭﺑﺞ ﺧﻠﻴﺖ ﺍﻟﺤﺠﻲ .. ﻣﻬﺮ ﺟﺪﻳﺪ .. ﻭﺫﻫﺐ .. ﻭﻧﻴﺸﺎﻥ ﻛﺎﻣﻞ .. ﺣﺘﻰ ﻛﺎﻉ ﺑﺎﺳﻤﻲ .. ﺷﻮﻓﻲ ﺣﺎﻟﻲ ﻭﻓﻜﺮﻱ ﺯﻳﻦ . ﺑﺤﺎﻟﺞ .. ﺍﻧﻪ ﺍﺣﺒﺞ ﺷﺎﻫﺪ ﺍﻟﻠﻪ .. ﻗﻬﺮﺗﻴﻨﻲ .. ﻣﺜﻞ ﺩﺧﻠﺘﺞ .. ﺩﺧﻠﺖ ﺩﻣﻮﻋﻲ ﺗﺤﺠﻲ . ﻫﺴﺔ ﻳﺼﻌﺪﻟﺞ .. ﺻﻴﺮﻱ ﻧﺎﺻﺤﻪ .... ﻭﺷﻴﻄﻨﻲ ﻭﻛﺘﻨﻪ ﻣﻮ ﻣﻼﻙ .. ﻭﺭﺑﺞ ﻓﻬﺪ . ﻣﺎﻛﻮ ﻣﻨﻪ ﺯﻟﻤﻪ ﻣﻌﺪﻝ ﻭﻟﺞ ﺍﺣﻠﻰ ﺧﻮﺍﻧﻪ ﻭﺩﺍﺭﺱ ﺷﺒﻴﺞ ﻳﺤﻈﻲ .. ﺻﻴﺮﻱ ﻣﺮﺓ ﻭﻳﺎ ﻣﺎﺷﻔﺘﻲ .. ﻃﻠﺐ ﻣﺮﺓ ﺑﻠﺴﺎﻧﻪ .. ﻳﺮﻳﺪ ﻣﻦ ﺗﺮﺩ ﻋﻨﻪ ﻭﺣﺸﺔ ﺍﻟﻠﻴﻞ ﺍﻓﻬﻤﻲ ﻟﻮ ﻣﺎ ﺍﺳﻤﺞ ﻟﻴﺎﻟﻲ .. ﺧﻮﺵ ﺣﺒﻴﺒﻪ .. ﻭﻋﺎﻓﺘﻨﻲ ﻭﻧﺰﻟﺖ .. ﺍﻧﻲ ﺑﻘﻴﺖ ﺣﺎﻳﺮﺓ .. ﻛﻠﺖ .. ﺍﻛﺮﻫﻪ .. ﺍﻣﻮﺕ ﻣﻨﻪ .. ﻭﺍﻧﺘﻈﺮ ﺧﺎﻟﻲ ﻳﺤﻠﻬﺎ .. ﻭﻫﻨﺎﻙ ﻭﺍﻛﻮﻝ .. ﺍﻣﺸﻲ ﺑﻜﻼﻣﻬﺎ .. ﺑﻘﻴﺖ .. ﻫﻴﺞ ﻉ ﻫﻠﺤﺎﻝ .
⤵️
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء