رواية قلوب على جرف الهاوية الجزء الثاني
للكاتبة نهى الحسون
↙️
ﻭﺻﻠﻨﺎ ﻟﺒﻐﺪﺍﺩ ﻭﻛﻨﺖ ﺍﻧﻲ ﻭﺳﻤﺎﺡ ﻭﺳﺮﻭﺭ ﻭﺳﻠﻮﻯ ﺻﺎﻋﺪﻳﻦ ﺑﺴﻴﺎﺭﺓ ﻋﻠﻲ
ﻭﺍﻟﻐﺮﺍﺽ ﻭﺍﻟﺠﻨﻂ ﺑﺴﻴﺎﺭﺓ ﻋﻤﻲ ﺗﻮﻓﻴﻖ ﺍﻟﻈﺎﻫﺮ ﺍﻟﻠﻪ ﺭﺭﺍﺯﻗﻬﻢ ﻣﻦ ﺧﻴﺮﻩ ﻣﺒﻴﻦ ﻣﻦ ﺳﻴﺎﺭﺍﺗﻬﻢ
ﻭﺍﺗﺼﻠﻮ ﻋﻠﻰ ﻋﻠﻰ ﺟﺪﻱ ﻭﺍﻟﻌﺎﺋﻠﺔ ﻛﻠﻬﺎ ﻣﺘﺠﻤﻌﺔ ﻋﻨﺪ ﺑﻴﺖ ﺟﺪﻱ
ﻛﺎﻥ ﻭﺟﻪ ﺳﻤﺎﺡ ﻣﺮﺳﻮﻡ ﻋﻠﻴﻪ ﺍﻟﺨﻮﻑ ﻣﻦ ﺍﻟﻤﺠﻬﻮﻝ
ﻭﺳﻠﻮﻯ ﻭﺳﺮﻭﺭ ﻣﺮﺳﻮﻡ ﻋﻠﻰ ﻭﺟﻮﻫﻬﻢ ﺍﻻﻣﻞ ﺍﻻ ﺍﻧﺎ ﻛﺎﻥ ﺍﻟﺤﻘﺪ ﻣﺮﺳﻮﻡ ﻋﻠﻰ ﻭﺟﻬﻲ
ﻭﺻﻠﻨﺎ ﻟﺒﻴﺖ ﺟﺪﻧﺎ ﻭﻛﺎﻥ ﺟﺪﺍ ﻓﺨﻢ ﻃﺒﻌﺎ ﻫﺬﺍ ﻣﻮ ﻧﻔﺴﺔ ﺍﻟﺒﻴﺖ ﺍﻟﻲ ﺍﺧﺬﻧﺔ ﺍﻟﺔ ﻣﺮﺓ ﺑﺎﺑﺎ ﺣﺘﻰ ﻳﺸﻮﻑ ﺍﺑﻮﻩ ﻭﻋﺎﺋﻠﺘﺔ
ﻭﺻﻠﻨﺎ ﻭ ﺷﻔﻨﺎ ﺑﺎﺏ ﻭﺍﺳﻊ ﻓﺘﺤﺔ ﺑﻨﮕﺎﻟﻲ ﻭﻧﺰﻟﻮ ﻋﻤﻲ ﺗﻮﻓﻴﻖ ﻭﻋﻤﻲ ﺟﻮﺍﺩ ﻭﻧﺰﻟﻨﺎ ﻭﺭﺍﻫﻢ
ﺷﻔﺖ ﻫﻨﺎﻙ ﻣﺮﺓ ﻛﺒﻴﺮﺓ ﺑﺎﻟﻌﻤﺮ ﻣﻨﺘﻈﺮﺗﻨﺎ ﺑﺒﺎﺏ ﺍﻟﺒﻴﺖ ﻭﺣﻮﻟﻬﺎ ﻧﺴﻮﺍﻥ ﻭﺍﻛﻔﺎﺕ ﻗﺮﺑﻪ
ﺩﺧﻠﻨﺎ ﻟﻠﺒﻴﺖ ﻭﺍﺳﺘﻘﺒﻠﺘﻨﺎ ﺍﻟﻤﺮﺓ ﺍﻟﻌﺠﻮﺯ ﺑﺎﻟﺪﻣﻮﻉ
ﻭﺍﺧﺬﺗﻨﺎ ﺑﺎﻻﺣﻀﺎﻥ ﻳﻤﺔ ﺑﻨﺎﺕ ﻭﻟﻴﺪﻱ ﺍﻟﻌﺰﻳﺰ ﻳﻤﺔ ﺗﻌﺎﻟﻦ ﺍﺷﻤﻜﻢ ﻭﺍﺣﻀﻨﻜﻢ ﺧﻞ ﺍﺷﻢ ﺭﻳﺤﺔ ﺍﻟﻌﺰﻳﺰ ﺍﺑﻮﻛﻢ
ﻭﺻﺎﺭ ﺍﻟﺒﻜﺎﺀ ﻭﺍﻟﺘﻌﺎﺭﻑ ﺑﻴﻦ ﺍﻟﺒﻨﺎﺕ ﻭﺍﻟﺠﺪﺓ ﺍﻗﺘﺮﺑﺖ ﺳﻤﺎﺡ
ﺳﻤﺎﺡ ﺑﺒﺘﺴﺎﻣﺔ ﻣﻤﻠﻮﺀﺓ ﺑﺎﻟﺪﻣﻮﻉ
ﺳﻤﺎﺡ - ﺍﻧﻲ ﺳﻤﺎﺡ ﺍﻟﻜﺒﻴﺮﺓ ﻭﻫﺎﻱ
ﻭﺍﺷﺮﺕ ﻋﻠﻰ ﺳﻠﻮﻯ
ﻭﻫﺎﻱ ﺳﻠﻮﻯ ﻭﻫﺎﻱ ﺳﺮﻭﺭ ﻭﻫﺎﻱ ﻓﺮﺡ
ﺍﻗﺘﺮﺑﺖ ﻣﻨﻲ ﺍﻟﺠﺪﺓ ﻭﺣﻀﻨﺘﻨﻲ ﻭﺍﻧﻲ ﺍﺑﺪ ﻣﺎ ﺑﺎﺩﻟﺘﻪ ﺍﻟﺤﻀﻦ
ﻛﻨﺖ ﺟﺎﻓﺔ ﻣﻊ ﺍﻟﻜﻞ ﺍﺣﺲ ﮔﻠﺒﻲ ﻧﺎﻏﺰﻧﻲ ﻣﻨﻬﻢ
ﻭﺟﻠﺴﻨﺎ ﺑﺎﻟﺼﺎﻟﺔ ﻭﻛﺎﻧﺖ ﺳﻤﺎﺡ ﻭﺍﻧﻲ ﺑﺼﻔﻬﺎ ﻭﺳﻠﻮﻯ ﺑﺎﻟﺠﻬﺔ ﺍﻟﺜﺎﻧﻴﺔ ﻭﺳﺮﻭﺭ ﻗﺮﺏ ﺟﺪﺗﻲ ﻭﺷﻔﺖ ﻧﺴﻮﺍﻥ ﻋﻤﻲ ﻭﺑﻨﺎﺕ ﻋﻤﻨﺎ ﻭﻛﺎﻥ ﺑﺎﻳﻦ ﻋﻠﻰ ﺷﻜﻠﻬﻢ ﺍﻟﻔﻀﻮﻝ ﺍﻻ ﻭﺣﺪﺓ ﻛﺎﻧﺖ ﺍﻟﻨﻈﺮﺍﺕ ﻣﻤﻠﻮﺀﺓ ﺑﺎﻟﺸﺮ
ﻭﺍﻟﻲ ﻫﻲ ﺯﻭﺟﻪ ﻋﻤﻮ ﻧﺒﻴﻞ
ﺍﺳﻤﻬﺎ ﺳﻨﺪﺱ ﺍﻡ ﺣﺴﻴﻦ
ﺍﻡ ﺣﺴﻴﻦ - ﻭﻳﻦ ﺍﺧﺘﻜﻢ ﺍﻟﻲ ﻓﻌﻠﻮ ﺑﻴﻬﺎ ﻭﺍﻏﺘﺼﺒﻮﻫﺎ ﻭﻛﺴﺮﺕ ﺭﺍﺳﻨﺎ
ﻓﺮﺡ ﺍﺣﺲ ﻛﻠﻤﺎﺗﻬﺎ ﻋﺒﺎﻟﻚ ﺷﻠﻮﻥ ﺍﻟﻀﺮﺑﺔ ﻋﻠﻰ ﺍﻟﻮﺟﻪ ﻧﻈﺮﺕ ﻋﻠﻰ ﺳﻤﺎﺡ ﺍﻟﻲ ﻭﺟﻪ ﺻﺎﺭ ﺍﺻﻔﺮ ﻻﻥ ﻫﺬﺍ ﺍﻟﻤﻮﺿﻮﻉ ﺍﺑﺪ ﻣﺎ ﻓﺘﺤﻨﺎﻩ ﻣﻦ ﻋﻬﺪ ﻳﻮﻡ ﺍﻟﻲ ﺻﺎﺭ ﺑﻴﻬﺎ ﺍﻟﺴﺎﻟﻔﺔ ﻭﻣﺎ ﺗﻮﻗﻌﻨﺎ ﺍﻥ ﻫﻤﺔ ﻋﻨﺪﻫﻢ ﻋﻠﻢ ﺑﻲ
ﺍﻟﺠﺪﺓ - ﺳﻨﺪﺱ ﺷﻠﺞ ﺑﺎﻟﻬﺎﻟﻜﻼﻡ ﺍﺷﻮ ﮔﻮﻣﻲ ﻣﻨﺎ ﻳﺎﻟﻠﻪ ﻋﻠﻰ ﺷﻐﻠﺞ ﻻﺣﻠﺖ ﺑﺮﻛﺔ ﺑﻴﺞ ﻳﺎﻟﻠﻪ
ﺳﻨﺪﺱ - ﻣﻦ ﻫﺴﺔ ﺍﮔﻠﺞ ﺗﺮﺓ ﺍﻧﻲ ﻣﺎ ﺍﺷﺘﻐﻞ ﺧﺪﺍﻣﺔ ﻟﺒﻨﺎﺕ ﺍﺑﻨﺞ
ﻓﺮﺡ ﺍﻗﺘﺮﺑﺖ ﻭﺣﺪﺓ ﻣﻦ ﺑﻨﺎﺕ ﻋﻤﻲ ﻛﺎﻧﺖ ﺣﺒﺎﺑﺔ
- ﺍﻧﻲ ﺭﺷﺎ ﺑﻨﺖ ﻋﻤﻜﻢ ﺗﻮﻓﻴﻖ
- ﻭﺍﻧﻲ ﺷﻬﺪ ﺑﻨﺖ ﻋﻤﻜﻢ ﺗﻮﻓﻴﻖ
ﻭﺍﺷﺮﺕ ﻋﻠﻰ ﻭﺣﺪﺓ ﺧﻠﻔﻬﺎ
ﻭﻫﺎﻱ ﺍﺳﺮﺍﺀ ﺑﻨﺖ ﻋﻤﻜﻢ ﻧﺒﻴﻞ ﻭﻫﺎﻱ ﺍﺧﺘﻬﺎ ﻧﺴﺮﻳﻦ
ﺍﻗﺘﺮﺑﺖ ﺍﺳﺮﺍﺀ ﻣﻦ ﻋﺪﻧﺎ ﻭﺳﻤﻠﺖ ﻭﻛﺎﻧﺖ ﺟﺪﺍ ﺣﺒﺎﺑﺔ ﻣﺜﻞ ﺍﻟﺒﻘﻴﺔ ﻟﻜﻦ ﻧﺴﺮﻳﻦ ﻛﺎﻧﺖ ﺗﺒﺎﻭﻉ ﻋﻠﻴﻨﺎ ﺑﺤﻘﺪ
ﻭﺑﻘﻦ ﻳﺴﻮﻟﻔﻦ ﻭﻳﺎﻧﺔ
ﻭﻓﺠﺎﺀﺓ ﺻﺎﺭﺕ ﺣﺮﻛﺔ ﻏﺮﻳﺒﺔ ﻭﺍﺻﻮﺍﺕ ﺑﺮﺓ ﺍﻟﺒﻴﺖ ﺍﺗﻮﻗﻊ ﻛﺎﻧﺖ ﺑﺤﺪﻳﻘﺘﻬﻢ
ﻭﺑﻌﺪﻳﻦ ﺍﺟﺖ ﺳﻨﺪﺱ ﺗﺨﺰﺭ ﺑﻴﻨﺎ ﻭﮔﺎﻟﺖ ﻟﺒﺴﻮ ﺣﺠﺎﺑﺎﺕ ﻟﻜﻦ ﻓﺠﺎﺀﺓ ﺳﻤﻌﻨﺎ ﺻﻮﺕ ﺻﻴﺎﺡ ﻋﺎﻟﻲ ﻣﺎﻝ ﺯﻟﻢ ﻭﺳﻤﻌﺖ ﺭﺟﺎﻝ ﻳﺼﻴﺢ ﺍﻟﻴﻮﻡ ﻧﻐﺴﻞ ﻋﺎﺭﻧﺎ ﺑﻴﺪﻧﺎ
ﺑﻨﺖ ﺍﻟﻔﺎﺟﺮﺓ ﺍﻟﺰﺍﻧﻴﺔ
ﺍﻧﻲ ﮔﻠﺒﻲ ﺑﺴﺮﻋﺔ ﻧﻐﺰﻧﻲ
ﻭﺳﻤﻌﺖ ﺻﻮﺕ ﻋﻤﻲ ﺗﻮﻓﻴﻖ ﻳﺮﺩ ﻋﻠﻴﻪ ﺍﺣﺘﺮﻡ ﻧﻔﺴﻚ ﻧﺒﻴﻞ ﻻﺗﻈﻞ ﺗﮕﻤﺰ ﻫﺬﺍ ﺍﻟﺸﻲ ﻣﻮ ﺍﻧﺖ ﺍﻟﻲ ﺗﺤﺠﻲ ﺑﻲ ﻫﺬﺍ ﺍﺑﻮﻱ ﻫﻮ ﺍﻟﻲ ﻳﻘﺮﺭ
ﻭﺗﻼﻫﺎ ﺍﺻﻮﺍﺕ ﻋﺎﻟﻴﺔ ﻭﺻﺎﺭ ﻣﺪﺍﻓﻊ ﻣﺎﻝ ﺯﻟﻢ
ﺷﻔﺖ ﺍﺳﺮﺍﺀ ﺑﻨﺖ ﻧﺒﻴﻞ ﺩﺧﻠﺖ ﻋﻠﻴﻨﺎ ﻭﻭﺟﻬﺔ ﺍﺻﻔﺮ ﻭﺍﺣﻨﺎ ﺟﻨﺎ ﮔﺎﻋﺪﻳﻦ ﺑﺎﻟﻐﺮﻓﺔ ﻳﻢ ﺍﻟﺠﺪﺓ
ﺍﺳﺮﺍﺀ - ﺑﻴﺒﻲ ﻟﺤﻜﻲ ﺻﺎﺭﺕ ﻋﺮﻛﺔ ﺑﻴﻦ ﻋﻤﺎﻣﻲ ﻭﺑﺎﺑﺎ ﻭﺗﻀﺎﺭﺏ ﺣﺴﺎﻡ ﻭﻳﺔ ﺣﺴﻴﻦ
ﺑﻌﺪﻫﺔ ﺳﻤﻌﺖ ﺻﻮﺕ ﻗﺎﺳﻲ ﺧﺸﻦ ﺳﻜﺘﻬﻢ ﻛﻠﻬﻢ ﻭﺳﻤﻌﺖ ﺍﻟﻜﻠﻤﺎﺕ ﺍﻟﺘﻲ ﺗﻠﺖ ﺍﻟﻬﺪﻭﺀ
ﺍﻟﺠﺪ - ﺍﻟﻌﺎﺭ ﺍﻧﺔ ﺍﻏﺴﻠﻪ ﺑﻴﺪﻱ ﺑﻮﻳﺔ ﺗﻮﻓﻴﻖ ﺟﻴﺐ ﺑﻨﺖ ﺍﺧﻮﻙ ﺣﺘﻰ ﻧﻐﺴﻞ ﻋﺎﺭﻧﺎ ﻭﻧﺪﻓﻨﻬﺎ
↙️
ﻭﻫﻨﺎ ﺳﺎﺩﺕ ﻟﺤﻈﺔ ﺻﻤﺖ ﻭﻓﺰﻉ ﺍﺣﺎﻃﺖ ﺍﻟﻤﻜﺎﻥ
ﻭﺻﺎﺭ ﺗﺒﺎﺩﻝ ﺍﻻﻧﻈﺎﺭ ﺑﻴﻨﻲ ﻭﺑﻴﻦ ﺧﻮﺍﺗﻲ ﺍﻟﻤﻔﺰﻭﻋﺎﺕ ﻭﻛﺎﻥ ﺣﺎﻟﻨﺎ ﻣﺜﻞ ﺍﻟﻨﺼﺒﻮﻟﻨﺎ . ﻛﻤﻴﻦ ﻭﮔﻌﻨﺎ ﺑﻲ ﺍﻧﻲ ﻭﺧﻮﺍﺗﻲ
ﺍﺥ ﺍﻟﻠﻪ ﻛﺎﻥ ﺍﻟﻤﻘﺼﻮﺩ ﺑﻐﺴﻞ ﺍﻟﻌﺎﺭ ﺍﺧﺘﻲ
ﻻ ﺭﺑﻲ ﺩﺧﻴﻠﻚ ﻣﻮ ﺍﺧﺘﻲ ﻣﻮ ﺍﺧﺘﻲ
ﻣﺎ ﺣﺴﻴﺖ ﻋﻠﻰ ﺭﻭﺣﻲ ﻣﻦ ﺭﻛﻀﺖ ﻋﻠﻰ ﺟﻨﻄﺘﻲ ﻭﻛﻨﺖ ﺩﺍﺋﻤﺎ ﺍﺧﺒﻲ ﺑﻴﻬﺔ ﺍﻟﺴﻜﻴﻦ ﺍﻟﺼﻐﻴﺮﺓ
ﺭﻛﻀﺖ ﻭﻃﻠﻌﺘﻬﺎ ﻟﻜﻦ ﺷﻔﺖ ﺛﻨﻴﻦ ﺷﺒﺎﺏ ﺩﺧﻠﻮ ﻋﻠﻴﻨﺎ ﻭﻣﻦ ﺿﻤﻨﻬﻢ ﻋﻤﻮ ﺗﻮﻓﻴﻖ ﺳﺤﺒﻮ ﺍﺧﺘﻲ ﺳﻤﺎﺡ ﻣﻦ ﺑﻴﻦ ﺧﻮﺍﺗﻲ
ﺳﻮﺩﺓ ﻋﻠﻴﺔ ﻛﺎﻧﺖ ﺗﺤﺘﻤﻲ ﺑﻴﻨﺎ
ﻭ ﺑﺎﻧﺖ ﻋﻠﻰ ﻭﺟﻬﺔ ﻋﻼﻣﺎﺕ ﺍﻟﻬﻠﻊ ﻭﺍﻟﺮﻫﺒﺔ ﺻﺎﺭﺕ ﻣﺜﻞ ﺍﻟﻌﺼﻔﻮﺭ ﺍﻟﻮﺍﻗﻊ ﺑﻔﺦ ﻭﻳﺮﻳﺪ ﻳﻬﺮﺏ ﻭﻳﻠﻮﺫ ﺑﺮﻭﺣﺔ
ﺭﻛﻀﺖ ﻋﻠﻴﻬﺎ ﻣﻦ ﺷﻔﺘﻬﻢ ﺳﺤﺒﻮﻫﺎ
ﻣﻦ ﺯﻧﺪﻫﺎ ﻭﻛﺎﻧﺖ ﺑﻴﺪ ﻋﻤﻮ ﺗﻮﻓﻴﻖ ﻭﻋﺎﻳﻨﺖ ﻋﻠﻰ ﻭﺍﺣﺪ ﻣﻦ ﻋﻤﺎﻣﻲ ﻳﺼﻴﺤﻮﻧﺔ ﻧﺒﻴﻞ
ﻧﺒﻴﻞ - ﺍﻣﺸﻲ ﻭﻟﺞ ﺯﺍﻧﻴﺔ ﻓﺎﺳﺪﺓ ﺍﻣﺸﻲ ﻛﺪﺍﻣﻨﺎ ﻳﺎﻟﻠﻪ
ﺍﺥ ﺍﻟﻠﻪ ﻫﺬﺍ ﻣﻮ ﻧﺒﻴﻞ ﺍﻟﻌﺎﺭ
ﻓﺮﺡ
ﺑﻮﻛﺘﻬﺎ ﺻﺮﺕ ﻣﺜﻞ ﺍﻟﻠﺒﻮﺓ ﺍﻟﻲ ﺗﺪﺍﻓﻊ ﻋﻠﻰ ﺍﻭﻻﺩﻫﺎ ﺍﻟﻲ ﺗﺮﻳﺪ ﺑﺲ ﺗﺤﻤﻴﻬﻢ ﻣﻦ ﺍﻟﻤﻜﺮﻭﻩ
ﺻﺮﺧﺖ ﺑﻌﺎﻟﻲ ﺻﻮﺗﻲ ﻭﺭﻛﻀﺖ ﻭﺭﺍﻫﻢ ﺣﺎﻓﻴﺔ ﻟﺒﺎﺏ
ﺍﻟﺸﺎﺭﻉ ﻣﺎﻛﻨﺖ ﻻﺑﺴﺔ ﺑﺲ ﺍﻟﺸﺎﻝ
ﻭﻛﺎﻧﺖ ﺍﻟﺸﺒﺎﺏ ﻛﻠﻬﺎ ﺗﻨﻈﺮ ﻋﻠﻴﺔ ﻭﻋﻠﻰ ﺍﺧﺘﻲ ﻣﺼﺪﻭﻣﻴﻦ
ﺍﻧﻲ ﻓﺎﺟﺌﺘﻬﻢ ﻭﺭﻛﻀﺖ ﻋﻠﻰ ﺍﺧﺘﻲ ﻛﺎﻧﻮ ﻣﺎ ﻣﺘﻮﻗﻌﻴﻦ ﺍﻥ ﺍﻧﻲ ﺍﻛﺪﺭ ﺍﻃﻠﻊ ﻫﻴﺞ ﻃﻠﻌﺔ ﺟﺴﺮﺓ ﻭﺳﺤﺒﺖ ﺍﺧﺘﻲ ﻣﻦ ﺍﻳﺪ ﻋﻤﻮ ﺗﻮﻓﻴﻖ
ﻭﺧﻠﻴﺘﻬﺎ ﺧﻠﻔﻲ
ﻓﺮﺡ ﻃﻠﻌﺖ ﺍﻟﺴﺠﻴﻦ ﻭﻭﺟﻬﺘﻪ ﻋﻠﻴﻬﻢ
ﻓﺮﺡ - ﺍﻟﻲ ﻳﻘﺘﺮﺏ ﻋﻠﻴﻨﺎ ﻭﺍﻟﻠﻪ ﺍﺷﻚ ﺑﻄﻨﺔ ﺑﻴﻬﺎ ﻭﺍﺣﺴﺐ ﺍﻟﻠﻪ ﻣﺎ ﺧﻠﻘﺔ
ﻧﻈﺮﺕ ﻟﻌﻤﻲ ﺟﻮﺍﺩ ﻭﺗﻮﻓﻴﻖ ﺑﻨﻈﺮﺓ ﻋﺘﺎﺏ
ﻓﺮﺡ - ﻟﻴﺶ ﻫﻴﺞ ﺧﻨﺘﻮ ﺍﻻﻣﺎﻧﺔ ﻟﻴﺶ ﺟﺒﺘﻮﻧﺎ ﻫﻨﺎ ﺣﺘﻰ ﺗﻘﺘﻠﻮﻥ ﺍﺧﺘﻲ ﻟﻴﺶ ﻭﻟﻜﻢ ﺷﺴﻮﺕ ﻭﻟﻜﻢ ﺍﺧﺘﻲ ﻣﻈﻠﻮﻣﺔ ﻻﺗﻈﻠﻤﻮﻫﺎ ﻓﻮﻙ ﻇﻠﻤﻬﺎ
ﻧﻈﺮﺕ ﻋﻠﻰ ﺭﺟﺎﻝ ﻛﺒﻴﺮ ﺑﺎﻟﻌﻤﺮ ﻻﺯﻡ ﻋﺼﺎ ﺑﺲ ﻛﺎﻥ ﺭﻏﻢ ﻫﻮ ﻛﺒﻴﺮ ﺑﺎﻟﻌﻤﺮ ﻟﻜﻦ ﺻﺤﺘﺔ ﻗﻮﻳﺔ
ﺻﺎﺭﺕ ﻋﻴﻨﻲ ﺑﻌﻴﻨﺔ ﻭﻛﺎﻧﺖ ﺍﻟﻨﻈﺮﺍﺕ ﺍﻟﻤﺘﺒﺎﺩﻟﺔ ﻛﻠﻬﺎ ﻋﺪﺍﺀ ﻭﺟﻔﺎﺀ
ﺿﺮﺏ ﺍﻟﺠﺪ ﺍﻟﻌﺼﺎ ﺑﻐﻀﺐ ﻋﺎﻟﮕﺎﻉ
ﺍﻟﺤﺪ ﺑﺼﻮﺕ ﻏﺎﺿﺐ - ﺗﻮﻓﻴﻖ ﺷﺘﻨﻈﺮ ﻣﻌﻘﻮﻟﺔ ﺟﺎﻫﻠﺔ ﺯﻋﻄﻮﻃﺔ ﺗﺨﻮﻓﻜﻢ ﺑﺘﻬﺪﻳﺪﻫﺎ
ﺍﺑﺘﺴﻢ ﻣﻦ ﺷﺎﻑ ﺍﻟﺴﺠﻴﻦ ﺑﻴﺪﻫﺎ ﻭﺍﻗﺘﺮﺏ ﻋﻠﻴﺔ ﻭﺍﺣﺪ ﻣﻦ ﺍﻭﻻﺩ ﻋﻤﻲ ﺷﺨﻄﺖ ﻭﺟﻬﺔ ﺑﺤﻴﺚ ﺍﻟﻜﻞ ﺍﺗﻔﺎﺟﻲﺀ ﺑﺠﺴﺎﺭﺗﻲ
ﻓﺮﺡ ﺑﺼﺮﺧﺔ - ﻭﺍﻟﻠﻪ ﻣﺎ ﺭﺍﺡ ﺍﺭﺣﻢ ﺍﻟﻲ ﻳﻘﺘﺮﺏ ﻣﻦ ﺍﺧﺘﻲ
ﻣﻮ ﻋﺒﺎﻟﻜﻢ ﻣﺎﻟﻨﺎ ﺍﺣﺪ ﺗﺴﺘﻘﻮﻥ ﻋﻠﻴﻨﺎ
( ﺳﻮﻳﺖ ﻫﻴﺞ ﻏﺼﺐ ﻋﻨﻲ ﺑﺲ ﻣﻌﺬﻭﺭﺓ ﺗﺮﺓ ﻫﺎﻱ ﺍﺧﺘﻲ ﻳﺎﻋﺎﻟﻢ ﻭﺍﻟﻜﻞ ﺩﺍﺭﺕ ﻋﻠﻴﻨﺎ ﺷﻠﻮﻥ ﺍﻟﺬﻳﺎﺏ ﻣﻦ ﺗﺪﻭﺭ ﻋﻠﻰ ﺍﻟﺸﺎﺓ ﺍﺥ ﺍﻟﻠﻪ ﻭﺍﻟﻠﻪ ﻣﻮﻗﻒ ﻣﺎ ﺭﺍﺡ ﺍﻧﺴﺎﻩ ﻃﻮﻝ ﺣﻴﺎﺗﻲ
ﺣﺮﺕ ﻭﻳﻦ ﺍﺧﺒﻲ ﺍﺧﺘﻲ ﻣﻨﻬﻢ ﻳﺮﺩﻭﻥ ﻳﺎﺧﺬﻭﻧﻬﺎ ﻭﻳﻜﺘﻠﻮﻧﻬﺎ
ﺳﻤﻌﺖ ﺻﺮﻳﺦ ﺍﺧﺘﻲ ﺳﻠﻮﻯ ﻭﺍﻧﺘﺒﻬﺖ ﻋﻠﻰ ﺳﺮﻭﺭ ﺷﻠﻮﻥ ﺭﻛﻀﺖ ﻋﻠﻴﻨﺎ ﻭﻛﺄﻥ ﺗﺮﻳﺪ ﺗﺠﻲ ﺗﺪﺍﻓﻊ ﻭﻳﺎﻱ ﻋﻦ ﺍﺧﺘﻨﺎ ﻭﺍﻣﻨﺎ ﻭﺗﺨﻠﺼﻬﺎ ﻣﻦ ﺍﻳﺪ ﻫﺬﻭﻟﻲ ﺍﻟﻈﻼﻡ ﻟﻜﻦ ﺷﻔﺘﻬﺎ ﺍﻧﺸﺎﻟﺖ ﻣﻦ ﺍﻟﮕﺎﻉ ﺷﻔﺖ ﻭﺍﺣﺪ ﻣﻦ ﺍﻭﻻﺩ ﻋﻤﻲ ﺷﺎﻟﻬﺔ ﺣﺘﻰ ﻳﻤﻨﻌﻬﺎ ﺗﺘﻘﺪﻡ ﻋﻠﻴﻨﺎ ﻭﻫﻲ ﻛﺎﻣﺖ ﺗﺼﺮﺥ
ﻟﻜﻦ ﺍﻟﻲ ﺍﺫﺍﻧﻲ ﻣﻦ ﺷﻔﺖ ﺳﻠﻮﻯ ﻣﻘﻴﺪﺍﺗﻬﺎ ﺍﻟﺒﻨﺎﺕ ﺗﺮﻳﺪ ﺗﻄﻠﻊ ﻭﺗﺼﺮﺥ ﻭﻓﻜﺖ ﺭﻭﺣﻬﺎ ﻣﻨﻬﻢ
ﻭﻃﻠﻌﺖ ﺗﺮﻛﺾ ﻋﻠﻴﻨﺎ ﻟﻜﻦ ﺍﻟﺠﺪ ﺍﻟﻄﺎﻏﻲ ﺿﺮﺑﻬﺎ ﺑﺎﻟﻌﺼﺎ ﻋﻠﻰ ﻇﻬﺮﻫﺎ ﺣﺴﻴﺖ ﺑﻴﻬﺎ ﺍﻧﮕﻄﻊ ﺍﻟﻨﻔﺲ ﻭﺻﺎﺭﺕ
ﺯﺭﮔﺔ ﻣﻦ ﺍﻻﻟﻢ
ﻭﺍﻧﻲ ﺻﺮﺕ ﺑﻴﻦ ﺍﻟﻮﺍﻛﻔﺔ ﺍﻣﺎﻡ ﺍﺧﺘﻲ ﺧﺎﻑ ﻳﺎﺧﺬﻭﻫﺎ ﻣﻦ ﺑﻴﻦ ﺍﺩﻳﺔ
ﻭﺑﻴﻦ ﺍﺧﺘﻲ ﺍﻟﺜﺎﻧﻴﺔ ﺍﻟﻲ ﻭﮔﻌﺖ ﻣﻦ ﺍﻻﻟﻢ ﺑﺎﻟﮕﺎﻉ ﺻﺮﺧﺖ ﺑﺼﻮﺕ ﻋﺎﻟﻲ
ﺍﺥ ﺍﺥ ﺍﻟﻠﻪ ﻟﻴﺶ ﻫﺎﻟﻈﻠﻢ
ﺭﻓﻌﺖ ﺭﺍﺳﻲ ﻟﻠﺴﻤﺎ ﻭﺑﻜﻞ ﻫﻀﻢ ﺍﺷﺘﻜﻴﺖ ﻟﺮﺏ ﺍﻟﻌﺒﺎﺩ
ﺭﺑﻲ ﻟﺠﺌﺖ ﻟﺤﺼﻨﻚ ﺍﻟﻤﺘﻴﻦ ﻳﺘﻴﻤﺔ ﺭﺑﻲ ﻭﺟﺎﺭﻭ ﻋﻠﻴﻨﺎ ﺍﻟﻈﻼﻡ
↙️
ﻟﻜﻦ ﻟﻜﻦ ﺷﻔﺖ ﻭﻟﺪ ﺷﺎﺏ ﻻﺑﺲ ﺩﺷﺪﺍﺷﺔ ﻭﺣﻮﺍﺟﺒﻪ ﺣﺎﺩﺓ ﺻﺎﺡ
ﺣﺴﺎﻡ - ﻣﺤﻤﺪ ﻋﻮﻓﻬﺎ ﻋﻠﻴﺔ ﻫﺎﻱ ﺍﻟﻤﻬﺮﺓ ﺍﻟﺠﺎﻣﺤﺔ ﺍﻧﺔ ﺧﻴﺎﻟﻬﺎ
ﺷﻔﺘﺔ ﺍﻗﺘﺮﺏ ﻣﻨﻲ ﻭﻋﻴﻮﻧﺔ ﺑﻴﻬﺎ ﺍﻟﻤﻜﺮ
ﻭﻓﺘﺢ ﺍﻳﺪﻳﻪ ﺍﺛﻨﻴﻨﻬﻢ ﻭﺭﻓﻌﻬﻢ ﻟﻴﻔﻮﻙ ﺷﻠﻮﻧﺞ ﻳﺎﻣﻬﺮﺓ ﺗﻌﺎﻱ ﻓﺘﺤﻲ ﺻﺪﺭ ﺧﻴﺎﻟﺞ
ﻭﺍﻧﻲ ﻭﻛﺄﻥ ﺣﺴﻴﺖ ﺑﺎﻟﺘﻬﺪﻳﺪ ﻭﺭﻛﻀﺖ ﺑﻜﻞ ﺳﺮﻋﺘﻲ ﻭﺷﺨﻄﺖ ﺻﺪﺭﺓ ﺑﺎﻟﺴﺠﻴﻦ ﻣﻦ ﺻﻔﺤﺔ ﺍﻟﻴﺴﺮﻯ
ﻭﻣﺎ ﺣﺴﻴﺖ ﻋﻠﻴﻪ ﻣﻦ ﻟﻮﻯ ﺫﺭﺍﻋﻲ ﺧﻠﻒ ﻇﻬﺮﻱ ﻭﺻﺮﺕ ﻭﺟﻪ ﺑﻮﺟﻪ ﻭﻋﻴﻦ ﺑﻌﻴﻦ ﻛﺎﻧﺖ ﻋﻴﻮﻧﻲ ﺑﻴﻬﺎ ﻧﺎﺭ ﺍﻟﻐﻀﺐ ﻭﺍﻻﻧﺘﻘﺎﻡ
ﻭﻋﻴﻮﻧﺔ ﺑﻴﻬﺎ ﺍﻟﻤﺘﻌﺔ ﻭﺍﻟﺤﻴﻠﺔ ﻭﺍﻻﻋﺠﺎﺏ
ﻟﻜﻦ ﺳﻤﻌﺖ ﻣﻦ ﺧﻠﻔﻲ ﺻﻮﺕ ﺳﻤﺎﺡ ﻭﻫﻲ ﺗﺼﺮﺥ ﺑﻌﺎﻟﻲ ﺻﻮﺗﻪ ﻭﺟﺮﻭﻫﺎ . ﻣﻦ ﺯﻧﺪﻫﺎ ﻭﻳﺴﺤﺒﻮﻧﺎ ﺍﺥ ﺍﻟﻠﻪ ﻭﺍﻟﻠﻪ ﻣﻨﻈﺮ ﻳﻤﺰﻕ ﻧﻴﺎﻁ ﺍﻟﻘﻠﺐ
ﺷﻔﺖ ﻋﻤﻲ ﺗﻮﻓﻴﻖ ﺷﻠﻮﻥ ﻳﮕﻮﺩ ﺑﻴﻬﺎ ﻭﺭﻛﺒﻬﺎ ﺍﻟﺴﻴﺎﺭﺓ ﻫﻮ ﻭﻋﻠﻲ ﺑﺎﻟﺴﻴﺎﺭﺓ
ﻭﺍﺧﺬﻭﻫﺎ
ﺳﻤﺎﺡ - ﻻﻻ ﻻ ﻋﻤﻲ ﻭﺍﻟﻠﻪ ﻣﻈﻠﻮﻣﺔ ﻋﻤﻲ ﻣﻈﻠﻮﻣﺔ
ﻓﺮﺡ - ﻻ ﻻ ﻻ ﺍﺍﺍﺍﺍﺍ ﻟﺞ ﺳﻤﺎﺡ
ﻭﺩﻓﻌﺖ ﺍﻟﺸﺎﺏ ﺍﻟﻲ ﺟﺎﻥ ﻣﻘﻴﺪﻧﻲ ﻣﻦ ﺻﺪﺭﻩ ﻭﺭﻛﻀﺖ
ﺭﻛﻀﺖ ﻋﻠﻰ ﺍﻟﺠﺪ ﺍﻟﻲ ﻫﻮ ﺍﻟﻮﺣﻴﺪ ﺍﻟﻲ ﻳﮕﺪﺭ ﻳﻮﻗﻔﻬﻢ
ﻭﻃﺤﺖ ﻋﻠﻰ ﺍﻳﺪﺓ
ﻓﺮﺡ - ﺍﻟﻠﻪ ﻳﺨﻠﻴﻚ ﺍﺣﻠﻔﻚ ﺑﻌﺰﻳﺰ ﮔﻠﺒﻚ ﺗﻌﺘﻘﻬﺎ ﻭﺍﻟﻠﻪ ﻣﻈﻠﻮﻣﺔ
ﺍﺑﻮﺱ ﺍﻳﺪﻙ ﻫﺎﻱ ﺍﺧﺘﻨﺎ ﻭﺍﻣﻨﺎ ﻭﺳﻨﺪﻧﺎ ﻻﺗﺪﻣﺮ ﺣﻴﺎﺗﻬﺎ ﻭﺣﻴﺎﺗﻨﺎ
ﺷﻔﺖ ﺍﻟﺒﺮﻭﺩ ﻋﻠﻰ ﻭﺟﻪ ﺍﻟﺮﺟﻞ ﺍﻟﻌﺠﻮﺯ
ﻭﻳﺄﺳﺖ ﻣﻦ ﺍﻟﺘﺮﺟﻲ ﻭﺷﻔﺖ ﺍﻟﺴﻴﺎﺭﺓ ﺗﺤﺮﻛﺖ ﻭﺍﺧﺬﻭ ﺍﺧﺘﻲ ﺑﻴﻬﺎ
ﻭﺭﺣﺖ ﺍﺭﻛﺾ ﻭﺭﺓ ﺍﻟﺴﻴﺎﺭﺓ ﻣﺜﻞ ﺍﻟﻄﻴﺮ ﺍﻟﻤﺬﺑﻮﺡ ﻣﻦ ﺍﻟﺨﻮﻑ ﺍﻟﻘﻬﺮ ﻋﻠﻰ ﺍﺧﺘﻲ
ﻟﻜﻦ ﻣﻊ ﺍﻻﺳﻒ
ﻣﺎ ﮔﺪﺭﺕ ﺍﻟﺤﻚ ﻋﻠﻰ ﺍﺧﺘﻲ ﺍﻟﻲ ﻛﺎﻧﺖ ﺗﻨﻈﺮ ﺍﻟﻲ ﻣﻦ ﺧﻠﻒ ﺍﻟﺴﻴﺎﺭﺓ ﻭﺩﻣﻮﻋﻬﺎ ﺗﻨﺰﻝ ﺑﺨﻮﻑ ﻭﺍﻟﻠﻪ ﺍﺑﺪ ﻣﺎ ﺭﺍﺡ ﺍﻛﺪﺭ ﺍﻧﺴﻰ ﻧﻈﺮﺍﺕ ﺍﻟﺨﻮﻑ ﺍﻟﻲ ﺷﻔﺘﻬﻢ ﺑﻌﻴﻮﻧﻬﺔ
ﺍﺥ ﺍﻟﻠﻪ ﮔﻌﺪﺕ ﺑﺎﻟﮕﺎﻉ ﻋﻠﻰ ﺍﻟﺘﺮﺍﺏ ﻭﺻﺮﺕ ﻣﺜﻞ ﺍﻟﻤﺨﺒﻠﺔ ﺍﻟﻢ ﺑﺎﻟﺘﺮﺍﺏ ﻭﺍﺷﻤﺮ ﻋﻠﻰ ﺭﺍﺳﻲ ﻓﻘﺪﺕ ﻓﻘﺪﺕ ﻭﻻﻭﻝ ﻣﺮﺓ ﺑﺤﻴﺎﺗﻲ
ﺗﻄﻴﺢ ﺩﻣﻮﻋﻲ ﺣﺘﻰ ﺑﻮﻓﺎﺓ ﺍﺑﻮﻱ ﺍﻣﻲ ﻣﺎ ﻧﺰﻟﺖ ﺩﻣﻮﻋﻲ ﺍﻻ ﻫﺴﺔ ﻻﻥ ﺻﻌﺒﺔ ﻋﻠﻰ ﺍﻟﻮﺍﺣﺪ ﻳﺸﻮﻑ ﻧﻔﺴﺔ ﻻﺣﻮﻝ ﻭﻻﻗﻮﺓ
ﺣﺘﻰ ﻳﻨﻘﺬ ﺣﻴﺎﺓ ﺍﻋﺰ ﺍﻧﺴﺎﻥ ﻋﻠﻴﻪ ﻭﻳﺸﻮﻓﺔ ﻛﺪﺍﻡ ﻋﻴﻨﺔ ﺷﻠﻮﻥ ﺭﺍﺡ ﻳﻘﻀﻮﻥ ﻋﻠﻰ ﺭﻭﺡ ﻭﺭﺩﺓ ﺷﺎﺑﺔ ﻭﺍﻧﺘﻲ ﻣﺎﺑﻴﺪﺝ ﺷﻲ ﻏﻴﺮ ﺍﻟﻨﻈﺮ ﺑﺎﺳﺘﺴﻼﻡ ﻭﺗﺸﻮﻓﻴﻦ ﺷﻠﻮﻥ ﻳﻨﻔﺬﻭﻥ ﺍﻟﻌﻘﻮﺑﺔ ﺑﺎﻋﺰ ﻧﺎﺳﺞ ﻭﺍﻟﻲ ﻫﻲ ﺍﺧﺘﺞ ﻛﺎﻥ ﺍﻟﻤﻮﻗﻒ ﻳﻬﺪ ﺍﻟﺤﻴﻞ
(
ﻓﺮﺡ ﺣﺴﺖ ﻋﻠﻰ ﻭﺍﺣﺪ ﻳﮕﻮﻣﻬﺎ ﻣﻦ ﺍﻟﮕﺎﻉ ﻭﻛﺎﻧﺖ ﻫﺎﻱ ﺍﻟﺠﺪﺓ ﺍﻟﻲ ﻋﻴﻮﻧﻬﺎ ﻣﺘﺮﻭﺳﺔ ﺩﻣﻊ
ﻓﺮﺡ ﻭﺑﺼﻮﺕ ﻋﺎﻟﻲ ﻭﻫﻲ ﺗﺪﻓﻊ ﺍﻳﺪ ﺟﺪﺗﻬﺎ
ﺗﺮﻛﻴﻨﻲ ﻭﻻﺗﻠﺰﻣﻴﻨﻲ
ﻻﺗﺴﻮﻭﻥ ﺭﻭﺣﻜﻢ ﺧﺎﻳﻔﻴﻦ ﻋﻠﻴﻨﺎ
ﻛﻠﻜﻢ ﺟﺬﺍﺑﻴﻦ
ﻧﻈﺮﺕ ﻟﻌﻤﻲ ﺟﻮﺍﺩ
ﻓﺮﺡ - ﻟﻴﺶ ﻫﻴﺞ ﻋﻤﻲ ﻣﻮ ﺍﻣﻨﺘﻜﻢ ﻧﻔﺴﻲ ﻭﺧﻮﺍﺗﻲ
ﺷﻔﺘﻬﻢ ﻛﻠﻬﻢ ﺩﺧﻠﻮ ﻟﻠﺪﻳﻮﺍﻥ ﻭﺍﻧﻲ ﺗﺮﻛﺖ ﺍﻟﺠﺪﺓ ﻭﺭﺣﺖ ﻭﺭﺍﻫﻢ
ﺑﺎﻟﺪﻳﻮﺍﻥ ﻭﺭﺣﺖ ﻭﻛﻔﺖ ﺑﻜﻞ ﻗﻮﺓ ﻭﺻﻼﺑﺔ ﮔﺪﺍﻡ ﺍﻟﺠﺪ ﺍﻟﻄﺎﻏﻲ
ﺍﺫﺍ ﺍﻟﺪﻳﻨﺎ ﻣﺎ ﻋﻠﻤﺘﻨﻲ ﺷﻲ ﻓﻤﻦ ﺻﺮﺕ ﺑﺪﻭﺭ ﺍﻟﻮﻟﺪ ﻋﻠﻤﺘﻨﻲ ﻫﻮﺍﻱ ﺻﻔﺎﺕ ﻭﺣﺪﺓ ﻣﻨﻬﻢ ﻋﺪﻡ ﺍﻟﺨﻮﻑ ﻭﺍﻟﺠﺴﺎﺭﺓ
ﻓﺮﺡ ﻭﺑﻌﺎﻟﻲ ﺻﻮﺗﻬﺎ ﺍﻟﻲ ﺧﻠﺔ ﺍﻟﻌﻴﻮﻥ ﻛﻠﻬﺎ ﺗﺘﻌﺠﺐ ﻋﻠﻰ ﻫﻴﺞ ﻗﻮﺓ ﻭﺟﺮﺀﺓ
ﻓﺮﺡ ﺻﺎﺣﺖ - ﺻﺎﺍﺍﺍﺍﺍﺍﻟﺢ ﻟﻴﺶ ﻳﺎﻟﻈﺎﻟﻢ ﺗﺠﻴﺮ ﻋﻠﻴﻨﺎ ﺑﺤﻜﻤﻚ ﺗﻌﺮﻑ ﺍﻧﺖ ﻏﻀﺐ ﺍﻟﻠﻪ ﺭﺍﺡ ﻳﻨﺰﻝ ﻋﻠﻰ ﺭﺍﺳﻚ ﻣﻦ ﻭﺭﺓ ﺳﻮﺍﻳﺘﻚ ﻫﺎﻱ ﺭﺍﺡ ﺗﻘﺘﻞ ﻧﻔﺲ ﺑﺮﻳﺌﺔ ﻭﺷﺮﻳﻔﺔ
ﻓﺮﺡ ﺍﺳﺘﺪﺍﺭﺕ ﻭﺑﺎﻭﻋﺖ ﻟﻠﻜﻞ
ﻭﻟﻜﻢ ﺍﺣﻨﺎ ﺷﺮﻳﻔﺎﺕ ﻭﺍﺷﺮﻑ ﻣﻦ ﺍﻟﺸﺮﻑ ﺍﺣﻨﺎ ﻣﺎ ﺍﻧﻄﻴﻨﺎ ﻧﻔﺴﻨﺎ ﺭﻏﻢ ﺍﻟﻌﻮﺯ ﻭﺍﻟﺤﺎﺟﺔ ﺍﻧﺘﻮ ﺗﻌﺮﻓﻮﻥ ﺷﻠﻮﻥ ﻋﺸﻨﺎ
ﺷﻠﻮﻥ ﻛﺪﺭﻧﺎ ﻧﺤﻤﻲ ﻧﻔﺴﻨﺎ ﻣﻦ ﻋﻴﻮﻥ ﺍﻟﺒﺸﺮ ﻭﺍﻟﺬﻳﺎﺏ
ﺭﺍﺣﺖ ﻭﻛﻔﺖ ﻣﻘﺎﺑﻞ ﺍﻟﺠﺪ
ﻭﺍﺷﺮﺕ ﻋﻠﻴﻪ ﺑﻜﻞ ﻋﻨﺎﺩ
ﺍﻧﺖ ﺗﻌﺮﻑ ﺷﻠﻮﻥ ﺟﺒﻨﺎﻫﺎ ﻣﻦ ﺫﺍﻙ ﺍﻟﻴﻮﻡ ﻟﻬﺬﺍ ﺍﻟﻴﻮﻡ ﻋﺎﻳﺸﺎﺕ ﻭﻟﻚ ﻳﺎﻟﻈﺎﻟﻢ ﺍﺧﺘﻲ ﺭﺍﺣﺖ ﺑﺎﻟﺮﺟﻠﻴﻦ ﻭﺍﻏﺘﺼﺒﻮﻫﺎ
ﻇﻠﻢ ﻭﺍﻟﻠﻪ ﻇﻠﻢ ﺟﺎﻧﺖ ﺗﺮﻳﺪ ﺗﺪﺑﺮ ﺧﺒﺰﺓ ﺗﻌﻴﺸﻨﺎ ﺑﻴﻬﺎ ﺑﺸﺮﻑ
ﻟﻜﻦ ﺍﻧﺘﻮ ﺷﻨﻮ ﻓﺮﻗﻜﻢ ﻋﻦ ﺍﻟﻲ ﺍﻏﺘﺼﺒﻮﻫﺎ ﻫﻤﺔ ﺑﺪﻭﻥ ﺭﺣﻤﺔ ﻭﺍﻧﺘﻮ ﺑﺪﻭﻥ ﮔﻠﺐ ﺍﻻﺛﻨﻴﻦ ﻣﻴﺖ ﺿﻤﻴﺮﻫﻢ ﺍﻟﻠﻪ ﻻﻳﻮﻓﻘﻚ
ﺗﻌﺮﻑ ﺷﻠﻮﻥ ﻣﻦ ﺑﻌﺪ ﻣﺎ ﺍﺧﺘﻲ ﺍﻧﻜﺴﺮﺕ ﺷﻠﻮﻥ ﻣﺤﺪ ﺭﺿﻰ ﻳﺸﻐﻠﻨﺎ ﻭﺍﺣﻨﺎ ﻣﺎﻋﺪﻧﺎ ﺍﺣﺪ ﻳﺴﻨﺪ ﻇﻬﺮﻧﺎ ﺑﺲ ﺭﻏﻢ ﻫﺬﺍ ﻛﻠﺔ ﻭﻣﺎ ﺳﻠﻤﻨﺎ ﻧﻔﺴﻨﺎ ﻭﻣﺎ ﺍﻧﻄﻴﻨﺎ ﺷﺮﻓﻨﺎ
ﺍﻗﺘﺮﺑﺖ ﻣﻦ ﺍﻟﺠﺪ ﻧﺰﻋﺖ ﻓﺮﺡ ﺷﺎﻟﻬﺎ ﺍﻣﺎﻡ ﺍﻟﻜﻞ
- ﺣﺠﺖ ﺑﺼﻮﺕ ﻣﻬﺰﻭﺯ ﻻﻭﻝ ﻣﺮﺓ ﺑﺤﻴﺎﺗﻬﺎ ﻻﺯﻡ ﺗﺪﺍﻓﻊ ﻋﻦ ﺷﻲ ﻣﻘﺪﺱ ﻣﺎ ﺗﺘﻮﻗﻊ ﺍﻥ ﺭﺍﺡ ﻳﺠﻲ ﺍﻟﻴﻮﻡ ﺍﻟﻲ ﺗﻮﻛﻒ ﺑﻲ ﺣﺘﻰ ﺗﺜﺒﺖ ﺍﻥ ﻫﻲ ﻭﺍﺧﻮﺍﺗﻬﺎ ﺷﺮﻳﻔﺎﺕ
ﻓﺮﺡ - ﻫﺎﻙ ﺷﻮﻑ ﺍﻧﺠﺒﺮﺕ ﺍﺣﻠﻖ ﺷﻌﺮﻱ ﻣﺜﻞ ﺍﻟﻮﻟﺪ ﻭﺍﻧﺰﻝ ﻟﻠﺸﺎﺭﻉ ﻋﻠﻤﻮﺩ ﺍﺩﺑﺮ ﺍﻟﻠﮕﻤﺔ ﺍﻟﻲ ﻭﻟﺨﻮﺍﺗﻲ ﻟﻜﻦ ﻣﺎ ﺍﻧﻄﻴﻨﺎ ﺷﺮﻓﻨﺎ ﺍﻧﺠﺒﺮﺕ ﺍﻥ ﺍﺻﻴﺮ ﺯﻟﻤﺔ ﺍﻟﺒﻴﺖ ﻭﺩﺍﺭﺕ ﻋﻴﻮﻧﻬﺎ ﻋﻠﻴﻬﻢ ﻛﻠﻬﻢ ﻭﻫﻤﺔ ﻣﺴﺘﻐﺮﺑﻴﻦ
ﺍﻱ ﺻﺮﺕ ﺭﺟﺎﻝ ﺍﻟﺒﻴﺖ ﺍﺣﺴﻦ ﻣﻦ ﻛﻞ ﺯﻟﻤﺔ ﺑﻴﻜﻢ
ﻭﻧﺰﻟﺖ ﻟﻠﺸﺎﺭﻉ ﺣﺘﻰ ﺍﺻﻮﻥ ﻋﺮﺿﻲ ﮔﻌﺪﺕ ﺍﻣﺴﺢ ﺳﻴﺎﺭﺍﺕ ﻭﺍﺑﻴﻊ ﻭﺍﻧﻈﻒ ﻓﻲ ﺳﺒﻴﻞ ﺍﻟﻌﻴﺸﺔ
ﺑﺲ ﺍﺥ ﺍﻟﻠﻪ
ﻭﺍﻟﻠﻪ ﻛﻔﺮ ﺗﺠﻮﻥ ﺍﻧﺘﻮ ﻫﺴﺔ ﻋﻠﻰ ﺍﻟﺤﺎﺿﺮ ﺑﺪﻭﻥ ﻣﺘﻌﺮﻓﻮﻥ ﺑﺤﺎﻟﻨﺎ ﻭﺗﮕﻌﺪﻭﻥ ﺗﺤﻜﻤﻮﻥ ﻋﻠﻰ ﺷﺮﻓﻨﺎ ﻭﺑﻠﺤﻈﺔ ﺗﻀﻴﻌﻮﻥ ﺍﺧﺘﻲ ﻭﻟﻜﻢ ﺗﻌﺮﻓﻮﻥ ﺍﻻﺧﺖ ﺷﻠﻮﻥ ﻋﺰﻳﺰﺓ ﻭﻟﻜﻢ ﻫﺎﻱ ﺍﻣﻨﺎ ﺍﻡ ﺳﺮﻭﺭ ﺍﻟﻲ ﺍﻧﺤﺮﻣﺖ ﻣﻦ ﺣﻀﻦ ﺍﻣﻲ ﻭﻫﻲ ﺻﻐﻴﺮﺓ
ﻭﻫﻲ ﺗﻤﺴﺢ ﺩﻣﻮﻋﻬﺎ
ﺣﺴﻴﺖ ﻋﻠﻰ ﻭﺟﻪ ﺟﺪﻱ ﻭﻋﻴﻮﻧﺔ ﺻﺎﺭﺕ ﺗﻌﺎﻳﻦ ﻋﻠﻰ ﺍﻟﺸﺨﺺ ﺍﻟﻮﺍﻗﻒ ﺧﻠﻔﻲ ﺍﻟﺘﻔﺘﺖ ﺷﻔﺖ ﻋﻤﻲ ﺗﻮﻓﻴﻖ ﻗﻤﻴﺼﺔ ﻭﺍﻳﺪﺓ ﻛﻠﻬﺎ ﺩﻡ ﻭﻭﺟﻪ ﺍﺻﻔﺮ
ﺗﻮﻓﻴﻖ ﻭﺑﻘﻬﺮ ﻭﺻﻮﺕ ﻣﺘﻌﻮﺏ ﺩﻧﮓ - ﻏﺴﻠﻨﺎ ﻋﺎﺭﻧﺎ ﻳﺎ ﺑﻮﻱ ﻏﺴﻠﻨﺎﻩ ﻭﺫﺑﺤﺘﻬﺎ ﺑﻴﺪﻱ ﺍﻟﺜﻨﻴﻦ
ﻭﺩﻧﮓ ﻳﺒﺎﻭﻉ ﻟﺪﻳﻪ ﻣﺘﺮﻭﺳﺔ ﺩﻡ
ﻓﺮﺡ ﻫﻨﺎ ﺍﻧﻬﺎﺭﺕ - ﻻ ﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ ﻻ ﻳﺎﻟﻠﻪ
ﻓﺮﺡ ﻭﺑﺸﻬﮕﺔ ﻗﻬﺮ
ﻭﻟﻚ ﺑﻮﻳﺔ ﺗﻌﺎﻝ ﻋﺎﻳﻦ ﻋﻠﻴﻨﺎ ﺍﻧﻮﻟﻴﻨﺎ ﻣﻦ ﺑﻌﺪﻙ ﻳﺒﻮﻱ ﺍﻧﻮﻟﻴﻨﺎ ﻭﻟﻮﻧﺎ ﺍﻟﻈﻼﻡ ﺍﻟﻤﺎﻋﻨﺪﻫﻢ ﺭﺣﻤﺔ ﺑﮕﻠﻮﺑﻬﻢ ﺭﻛﻀﺖ ﻋﻠﻰ ﻋﻤﻲ ﺗﻮﻓﻴﻖ ﻭﻟﺰﻣﺖ ﺛﻮﺑﻪ ﻣﻦ ﺻﺪﺭﻩ
ﻭﺷﻔﺖ ﺩﻡ ﺍﻟﻐﺎﻟﻴﺔ ﺍﺧﺘﻲ ﻣﻐﻄﻲ ﺛﻮﺑﺔ
ﻓﺮﺡ - ﻳﻌﻤﻲ ﺷﮕﺎﻟﺖ ﺭﻭﺣﻚ ﻣﻦ ﺫﺑﺤﺖ ﺍﺧﺘﻲ
ﻭﻫﻲ ﺗﺘﻮﺳﻞ ﺍﺣﻠﻚ ﺣﺘﻰ ﺗﻌﺘﻘﻬﺎ ﻟﻠﻪ
ﺍﺳﺄﻟﻚ ﺑﺎﻟﻠﻪ ﻣﺎﺣﻦ ﮔﻠﺒﻚ ﻋﻠﻴﻬﺎ ﻣﻦ ﺷﻔﺖ ﻭﺟﻪ ﻭﻋﻴﻮﻧﻬﺎ ﻣﻦ ﺗﺘﺮﺟﺔ ﺑﻴﻚ ﺗﺮﺣﻤﻬﺎ ﻭﺗﻌﻔﻴﻬﺎ ﻣﻦ ﺍﻟﺬﺑﺢ
ﻭﻟﻚ ﺷﻠﻮﻥ ﻫﺎﻧﺖ ﻋﻠﻴﻚ ﺑﻨﺖ ﺍﺧﻮﻙ ﻭﺭﻳﺤﺘﻪ ﺗﺬﺑﺤﻬﺎ ﺟﺎ ﻣﺎﻛﺴﺮﺕ ﺧﺎﻃﺮﻙ ﻳﺘﻴﻤﺔ ﻭﻣﻈﻠﻮﻣﺔ
ﻳﻤﻌﻤﻲ ﺑﺎﻟﻠﻪ ﺍﻧﺸﺪﻙ ﻣﻦ ﺣﻄﻴﺖ ﻭﺟﻬﺎ ﻋﺎﻟﺘﺮﺍﺏ ﻫﻢ ﺻﺎﺣﺖ ﺍﺧﺘﻲ ﻣﻦ ﺍﻟﻢ ﺣﺪ ﺍﻟﺴﺠﻴﻦ ﻟﻮ ﺑﺴﺮﻋﺔ ﺫﺑﺤﺖ ﺍﻟﺸﺎﻩ ﺣﺘﻰ ﺗﺨﻠﺺ ﻣﻨﻬﺎ
ﺑﺲ ﺍﺥ ﺍﻟﻠﻪ ﻛﻮﻥ ﺗﺸﻮﻓﻮﻫﺎ ﺑﺒﺰﺭﻛﻢ ﻭﻋﻴﺎﻟﻜﻢ ﻭﺷﺒﺎﺑﻜﻢ
ﻛﻮﻥ ﺍﻟﻠﻪ ﻳﺤﺮﻙ ﻛﻠﺒﻜﻢ ﻣﺜﻞ ﻣﺎ ﺣﺮﮔﺘﻮ ﮔﻠﺒﻨﺎ ﻋﻠﻰ ﺍﺧﺘﺎ ﺭﻭﺡ ﺍﻟﻠﻪ ﻻ ﻳﻮﻓﻘﻜﻢ ﻻ ﺩﻧﻴﺎ ﻭﻻ ﺍﺧﺮﺓ ﻳﺎ ﻇﻼﻡ
↙️
ﺑﻌﺪ ﻣﺮﻭﺭ ﺍﺳﺒﻮﻉ ﻋﻠﻰ ﻣﻮﺕ ﺍﺧﺘﻲ
ﺍﻟﻌﺠﻮﺯ ﺍﻟﻄﺎﻏﻲ ﻣﺎﻗﺒﻞ ﺣﺘﻰ ﻧﻠﺒﺲ ﺍﺳﻮﺩ ﻋﻠﻰ ﺍﺧﺘﻨﺎ ﺍﻭ ﻧﺤﺰﻥ ﻋﻠﻴﻬﺎ
ﺍﻟﺠﺪ - ﺷﻮﻓﻮ ﺗﺮﺓ ﻫﺬﺍ ﺍﻟﻤﻮﺿﻮﻉ ﻳﻨﺴﺪ ﻭﺑﻌﺪ ﻣﺎ ﺍﺳﻤﻊ ﺍﻱ ﻛﻠﻤﺔ ﺑﺨﺼﻮﺹ ﻫﺎﻱ ﺍﻟﺴﺎﻟﻔﺔ
ﺍﻧﻲ ﻛﻨﺖ ﻣﻨﻬﺎﺭﺓ ﻭﻣﺘﻤﺪﺩﺓ ﺑﺤﻀﻦ ﺍﻟﺠﺪﺓ ﺍﻟﻲ ﻣﺎﺗﺮﻛﺘﻨﻲ ﻋﻠﻰ ﺍﻟﺮﻏﻢ ﻣﻦ ﻗﺴﺎﻭﺗﻲ ﻭﺻﺪﻱ ﺍﻟﻬﺎ ﻭﻣﺎ ﻛﺎﻥ ﻋﻨﺪﻱ ﺣﻴﻞ ﺍﺣﺠﻲ ﺣﺘﻰ ﺻﻮﺗﻲ ﻣﺒﺤﻮﺡ ﻣﻦ ﺍﻟﺼﻴﺎﺡ ﻋﻠﻰ ﺍﺧﺘﻲ ﻭﺍﻟﻠﻪ ﺣﺮﮔﺔ ﺍﺧﺘﻲ ﺳﻤﺎﺡ ﺟﻤﺮﺓ ﺻﺎﺭﺕ ﺑﮕﻠﺒﻲ
ﺍﻟﺠﺪ ﻭﺍﻟﺘﻔﺖ ﻋﻠﻰ ﺳﻠﻮﻯ ﻭﺳﺮﻭﺭ - ﻭﺍﻧﺘﻮ ﺍﺣﺠﻮ ﻭﻳﺔ ﻫﺎﻱ ﺍﺧﺘﻜﻢ
ﺍﻟﻬﺎﺟﺮﺓ ﺍﻟﻤﺴﺘﺮﺟﻠﺔ ﻭﻓﻬﻤﻮﻫﺎ ﺍﻥ ﺍﺫﺍ ﺑﻘﺖ ﻫﻴﺞ
ﺗﺄﺫﻱ ﺭﻭﺣﻬﺎ ﻭﺍﻛﺴﺮ ﺭﺍﺳﻬﺎ
ﻭﺍﻧﻲ ﺍﺗﻤﻨﻰ ﺍﺣﺠﻲ ﺑﺲ ﻣﻮ ﺧﻮﻓﺎً ﻣﻨﺔ ﺳﺎﻛﺘﺔ ﻟﻜﻦ ﺗﻌﺒﺖ ﻣﺎﻋﻨﺪﻱ ﺣﻴﻞ ﺍﺣﺠﻲ
ﻭﻣﺮﺕ ﺍﻻﻳﺎﻡ ﺳﺮﻭﺭ ﻧﻘﻠﻮ ﻣﺪﺭﺳﺘﻬﺎ
ﻭﮔﻌﺪﺕ ﺗﺪﺍﻭﻡ
ﻭﺳﻠﻮﻯ ﻫﻢ ﻧﻘﻠﻮ ﻣﺪﺭﺳﺘﻬﺎ ﻫﻨﺎ ﻟﻜﻦ ﺍﻧﻲ ﻣﺎﻧﻘﻠﻮ ﻣﺪﺭﺳﺘﻲ ﻳﺨﺎﻓﻮﻥ ﻣﺎﻣﺮﺗﺎﺣﻴﻴﻦ ﻣﻦ ﻧﺎﺣﻴﺘﻲ
ﻭﺻﺎﺭﺕ ﺭﺷﺎ ﺑﻨﺖ ﻋﻤﻲ ﺗﻮﻓﻴﻖ ﻭﺷﻬﺪ ﻭﺍﻟﺒﻘﻴﺔ
ﺷﻮﻳﺔ ﺷﻮﻳﺔ ﻳﺘﻮﺩﺩﻥ ﺣﺘﻰ ﻳﻘﺘﺮﺑﻮﻥ ﻣﻦ ﻋﺪﻧﺎ ﻭﻳﻘﻮﻥ ﺍﻟﻌﻼﻗﺔ ﺑﻴﻨﺎ
ﺳﺮﻭﺭ ﻭﺳﻠﻮﻯ ﺍﺗﻘﺒﻠﻮ ﺭﺷﺎ ﻭﺷﻬﺪ ﻭﺍﻟﺒﻘﻴﺔ
ﻟﻜﻦ ﺍﻧﻲ ﺍﻟﻲ ﻣﺎ ﮔﺪﺭﺕ ﺍﺗﻘﺒﻠﻬﻢ
ﻭﻛﻨﺖ ﺟﺪﺍ ﻋﻨﻴﺪﺓ ﻣﻮ ﺑﻴﺪﻱ ﺍﺣﺲ ﺑﻴﻬﻢ ﻛﻠﻬﻢ ﺧﻮﻧﺔ ﺧﺎﻧﻮ ﺍﻣﺎﻧﺖ ﺑﺎﺑﺎ ﺳﻮﺩﺓ ﻋﻠﻴﺔ ﺳﻤﺎﺡ ﻛﻠﻤﺎ ﺍﺗﺬﻛﺮ ﺷﻜﻠﻬﺎ ﺷﻠﻮﻥ ﺧﺎﻳﻔﺔ ﺍﺥ ﺍﻟﻠﻪ ﺍﺭﺟﻊ ﻳﻨﻤﺮﺩ ﮔﻠﺒﻲ
ﺳﻨﺪﺱ ﻣﺮﺕ ﻧﺒﻴﻞ - ﻳﺎﻟﻠﻪ ﮔﻮﻣﻦ ﻋﻠﻰ ﺷﻐﻠﺠﻦ ﻣﻮ ﮔﺎﻋﺪﺍﺕ ﻣﺴﻌﺪﺍﺕ ﻳﺎﻟﻠﻪ
ﺳﻠﻮﻯ ﮔﺎﻣﺖ ﺗﺘﻜﻔﻰ ﺍﻟﺸﺮ ﻭﻣﺎﺗﺤﺐ ﺗﺘﻌﺎﺭﻙ ﻭﻭﺳﺮﻭﺭ ﻫﻢ ﮔﺎﻣﺖ
ﻓﺮﺡ - ﺳﺮﻭﺭ ﺳﻠﻮﻯ ﺭﺟﻌﻮ ﺍﻧﻲ ﺍﻛﻤﻞ ﻋﻨﻜﻢ ﺍﻟﺸﻐﻞ ﺍﻧﺘﻮ ﺍﺗﻔﺮﻏﻮ ﻟﺪﺭﺍﺳﺘﻜﻢ
ﺳﻨﺪﺱ - ﺷﻨﻮ ﺣﺒﻮﺑﺔ ﺗﺮﺩﻳﻦ ﻧﺨﺪﻣﻜﻢ ﺳﺖ ﻓﺮﺡ ﺧﺎﺗﻮﻥ
ﻓﺮﺡ - ﺍﺷﻜﺮﺝ ﺍﺣﻨﺎ ﻣﺎﻧﺤﺐ ﻭﺍﺣﺪ ﻳﺨﺪﻣﻨﺎ
ﺍﺣﻨﺎ ﻧﺨﺪﻡ ﻧﻔﺴﻨﺎ ﻣﻮ ﻣﺜﻞ ﺑﻌﺾ ﺍﻟﻨﺎﺱ ﺍﻟﻲ ﻛﻞ ﻳﻮﻡ ﻭﺍﻟﺜﺎﻧﻲ ﻫﺎﺩﺓ ﻋﻠﻴﻨﺎ ﺣﺘﻰ ﺗﺮﻳﺪ ﻭﺍﺣﺪ ﻳﺨﺪﻣﻬﺎ ﻭﺍﺟﺘﻬﺎ ﻓﺮﺻﺔ ﻣﻦ ﺍﻟﻠﻪ
ﻓﺮﺡ ﻃﺒﻌﺎ ﻫﻤﺔ ﺻﺤﻴﺢ ﺍﻟﻠﻪ ﺭﺍﺯﻗﻬﻢ ﻭﺧﻴﺮ ﻣﻦ ﺍﻟﻠﻪ ﻟﻜﻦ ﻛﻠﺔ ﻳﺴﻮﻭﻥ ﺷﻐﻠﻬﻢ ﺑﻴﺪﻫﻢ ﻛﻠﺔ ﺑﻨﺎﺗﻬﻢ ﻳﺸﺘﻐﻠﻮﻥ ﺑﺲ ﻫﺬﺍ ﺍﻟﻘﺎﻧﻮﻥ ﺑﺲ ﺑﻬﺬﺍ ﺍﻟﺒﻴﺖ ﺑﺲ ﺍﻟﺒﻘﻴﺔ ﻋﻨﺪﻫﻢ ﺧﺪﺍﻣﺎﺕ ﺑﺒﻴﻮﺗﻬﻢ
ﺻﺮﺕ ﻳﻮﻡ ﻋﻦ ﻳﻮﻡ ﻻﺯﻡ ﺍﺧﻔﻒ ﻋﻨﺎﺩﻱ ﻭﻣﺸﺎﻛﻠﻲ ﻻﻥ ﻻﺣﻈﺖ
ﺍﻥ ﺍﺧﺘﻲ ﺳﺮﻭﺭ ﻛﻠﻤﺎ ﺍﺳﻮﻱ ﺑﻴﻮﻡ ﻣﺸﻜﻠﺔ ﺍﺷﻮﻑ ﺍﺧﺘﻲ ﺗﺮﺟﻒ ﺑﺲ ﺗﺒﻘﻰ ﺗﺒﺠﻲ ﻻﻥ ﺗﺨﺎﻑ ﺧﺎﻑ ﻳﺼﻴﺮ ﺑﻴﺔ ﻣﺜﻞ ﻣﺼﺎﺭ ﺑﺴﻤﺎﺡ ﺍﻟﻠﻪ ﻳﺮﺣﻤﻬﺎ
ﻭﻣﺮﺍﺕ ﺗﻮﺻﻞ ﻣﻦ ﻭﺭﺓ ﻋﻨﺎﺩﻱ ﻭﺭﺍﺳﻲ ﺍﻟﻴﺎﺑﺲ ﺻﺮﺕ ﺍﻧﻜﺘﻞ ﺑﺎﻟﺤﺰﺍﻡ ﻋﻠﻰ ﺍﻳﺪ ﻋﻤﻲ ﻧﺒﻴﻞ
ﻻﻥ ﻋﻤﻲ ﺗﻮﻓﻴﻖ ﻣﻦ ﻳﻮﻡ ﺍﻟﻲ ﺳﻮﺍﻩ ﺑﻌﺪ ﻣﺎ ﺭﺍﻭﺍﻧﻲ ﻭﺟﻬﺔ
ﻻ ﻫﻮ ﻭﻻ ﻋﻤﻲ ﺟﻮﺍﺩ ﺍﺣﺲ ﺑﻴﻬﻢ ﻣﺴﺘﺤﻴﻦ ﻳﺸﻮﻓﻨﺎ ﻭﺟﻬﻢ
ﻭﻋﻤﻲ ﻧﺒﻴﻞ ﻫﻮ ﺍﻟﻲ ﺗﻮﻟﻰ ﻋﻠﻴﻨﺎ ﺑﺲ ﺍﻟﻠﻪ ﻻﻳﺮﺿﻰ ﻋﻠﻴﻪ
ﺷﻠﻮﻥ ﻣﺮﺟﻔﻨﺎ ﻛﻠﻨﺎ ﺍﻧﻲ ﻭﺳﻠﻮﻯ ﻭﺳﺮﻭﺭ
ﻭﺑﻤﺮﻭﺭ ﺍﻻﻳﺎﻡ
ﺧﺼﺼﻮﺍ ﻏﺮﻓﺔ ﺍﻟﻨﺎ ﻗﺮﻳﺐ ﻋﻠﻰ ﻏﺮﻓﺔ ﺑﻴﺒﻲ
ﻛﺎﻥ ﺍﻭﻻﺩﻫﻢ ﺣﺴﻴﻦ ﻣﺘﺰﻭﺝ ﻭﻃﺎﻟﻊ ﻋﻦ ﺍﺑﻮﻩ ﻻﻥ ﻳﺸﺘﻐﻞ ﻭﻳﺔ ﺣﺴﺎﻡ
ﻟﻜﻦ ﻣﻮﺟﻮﺩ ﻋﻨﺪﻫﻢ ﻭﻟﺪ ﻻﺥ ﺍﺳﻤﻪ ﻣﺤﻤﺪ ﻫﺬﺍ ﻣﻬﺘﻠﻒ ﻭﻧﺎﻓﺦ ﺣﺎﻟﻪ ﻋﻠﻰ ﺧﺎﻟﻲ ﺑﻼﺵ ﺍﺑﺪ ﻣﺎ ﺍﺭﺗﺎﺡ ﻟﻪ
ﻭﺑﺲ ﻳﺼﻴﺢ ﻋﻠﻰ ﺧﻮﺍﺗﺔ ﻭﺍﻧﻲ ﺍﺑﺪ ﻣﺎ ﺍﻗﺘﺮﺏ ﻣﻨﻬﻢ
ﺍﻧﺘﺒﻬﺖ ﻋﻠﻴﻬﻢ ﺣﺘﻰ ﻣﺎ ﻳﺨﻠﻮﻧﺎ ﻧﻄﻠﻊ ﻣﻦ ﺍﻟﺒﻴﺖ ﺍﺩﺭﻱ ﺍﺭﻳﺪ ﺍﻓﺘﻬﻢ ﻟﻴﺶ ﻫﻴﺞ ﻳﺴﻮﻭﻥ ﺑﻴﻨﺎ ﻋﺒﺎﻟﻚ ﺭﺍﺡ ﻧﺠﻴﺒﻠﻬﻢ ﺍﻟﻌﺎﺭ
ﻛﺎﻥ ﺭﺍﺳﻲ ﺍﻟﻴﺎﺑﺲ ﻭﻋﻨﺎﺩﻱ ﻣﺎ ﺍﻟﺔ ﺣﺪﻭﺩ ﺣﺘﻰ ﺍﺻﻴﺢ ﺑﻮﺟﻪ ﺍﻟﺮﺟﻞ ﺍﻟﻌﺠﻮﺯ ﻛﻞ ﻣﺎ ﺍﺷﻮﻓﻪ ﻣﻮﺑﻴﺪﻱ ﺍﻛﺮﻫﺔ
ﻭﻫﻮ ﻳﺪﺯ ﻋﻠﻰ ﻧﺒﻴﻞ ﻳﺠﻲ ﻳﻀﺮﺑﻨﻲ ﻭﻳﻦ ﺍﻟﻴﻮﺟﻌﻨﻲ
ﻟﻜﻦ ﻣﺮﺓ ﻣﻦ ﺍﻟﻤﺮﺍﺕ ﻟﺰﻣﻮﻧﻲ ﻣﻦ ﺍﻻﻳﺪ ﺍﻟﺘﻮﺟﻌﻨﻲ ﺍﻟﻲ ﻫﻲ ﺍﺧﺘﻲ
ﺳﻤﻌﺖ ﺍﻟﻌﺠﻮﺯ ﺍﻟﺸﺎﻳﺐ ﺍﻟﺨﺮﻓﺎﻥ ﻳﺤﺠﻲ ﻭﻳﺔ ﺍﻟﺠﺪﺓ
- ﻫﺎﻱ ﺍﺫﺍ ﺑﻘﺖ ﻫﻴﺞ ﺍﺯﻭﺟﻪ ﻫﻲ ﻭﺍﺧﺘﻬﺎ ﻭﺍﺧﻠﺺ ﻣﻨﻬﻦ ﻫﺎﻱ ﻋﺎﺭ ﻣﺎﺗﻨﺮﺩ ﻭﺍﻟﺴﺎﻧﻬﺎ ﺍﻃﻮﻝ ﻣﻨﻬﺎ
ﻳﻤﺔ ﻛﻠﺸﻲ ﻭﻻﻳﻘﺘﺮﺑﻮﻥ ﻟﺴﻠﻮﻯ ﻻﻥ ﺧﻄﻴﺔ ﺑﻠﺸﺖ ﺗﺪﺭﺱ ﺳﺎﺩﺱ
ﺍﻧﻲ ﻗﺮﺭﺕ ﻣﺎ ﺍﻛﻤﻞ ﺩﺭﺍﺳﺘﻲ ﻻﻥ ﺣﺘﻰ ﺍﺳﺪ ﻋﻦ ﺷﻐﻞ ﺳﻠﻮﻯ ﻭﺳﺮﻭﺭ
ﻓﺼﺮﻧﺎ ﺍﻧﻲ ﻭﻧﺴﺮﻳﻦ ﻭﺍﺳﺮﺍﺀ ﻧﺸﺘﻐﻞ ﺑﺎﻟﺒﻴﺖ
ﻟﻜﻦ ﺷﻔﺖ ﺳﺖ ﺳﻨﺪﺱ ﻛﻌﺪﺕ ﺗﺴﺤﺐ ﺑﻨﺎﺗﻬﺎ ﻣﻦ ﺍﻟﺸﻐﻞ
ﻓﺮﺡ - ﺳﻨﺪﺱ ﺧﻠﻲ ﺑﻨﺎﺗﺞ ﻳﮕﻮﻣﻮﻥ ﻭﻳﺎﻱ ﻋﺎﻟﺸﻐﻞ ﻣﺎ ﺍﻛﺪﺭ ﻟﻮﺣﺪﻱ
ﺳﻨﺪﺱ - ﻭﻟﺞ ﺍﺩﺑﺴﺰ ﺍﺷﻮ ﺳﻨﺪﺱ ﺣﺎﻑ ﺑﺪﻭﻥ ﻻﻋﻤﺔ ﻭﻻ ﺧﺎﻟﺔ ﻋﺪﻟﻲ ﺍﻟﺴﺎﻧﺞ ﻻ ﺍﻛﺼﺔ
ﻭﺷﻮﻓﻲ ﻭﻟﺞ ﺑﻨﺎﺗﻲ ﻫﻢ ﻣﺪﺍﺭﺱ ﻣﺜﻞ ﺧﻮﺍﺗﺞ ﻟﻮ ﺍﻟﻜﻞ ﻳﺸﺘﻐﻞ ﻟﻮ ﺗﻨﺠﺒﻴﻦ ﻭﺗﺴﻜﺘﻴﻦ ﻭﺗﮕﻌﺪﻳﻦ ﺗﺨﺪﻣﻴﻬﻢ ﻭﺍﻧﺘﻲ ﺳﺎﻛﺘﺔ ﻣﺎﻛﻮ ﺗﺮﺓ ﺗﻌﻤﻴﻦ ﻋﻠﻰ ﺧﻮﺍﺗﺞ
ﺳﻠﻮﻯ ﻭﻫﻲ ﺭﺍﺟﻌﺔ ﻣﻦ ﺍﻟﺪﻭﺍﻡ - ﺍﻫﻮﻭﻭﻭﻭ ﻭﻫﺴﺔ ﺷﻨﻮ ﺳﻮﻳﺘﻲ ﻣﻦ ﻣﺼﻴﺒﺔ ﻳﺎﺳﺖ ﻓﺮﺡ
ﻓﺮﺡ ﺍﻟﺘﻔﺘﺖ - ﻻﺧﻴﺔ ﻣﺎﺳﻮﻳﺖ ﺷﻲ ﺑﺲ ﻛﻠﺘﻠﻬﺎ ﺧﻠﻲ ﺍﻟﺒﻨﺎﺕ ﻧﺴﺮﻳﻦ ﻭﺍﺳﺮﺍﺀ ﻳﺴﺎﻋﺪﻭﻧﻲ ﺑﺸﻐﻞ ﺍﻟﺒﻴﺖ ﺍﺷﻮ ﻫﺎﻱ ﮔﺎﻣﺖ ﻋﻠﻴﺔ
ﺳﻠﻮﻯ - ﺗﺮﻛﻲ ﻋﻨﺞ ﻧﺴﺮﻳﻦ ﻭﺍﺳﺮﺍﺀ ﺍﻋﺘﺒﺮﻳﻬﻢ ﻣﺎﻣﻮﺟﻮﺩﺍﺕ
ﻭﺍﺷﺘﻐﻠﻲ ﻭﺍﻧﺘﻲ ﺳﺎﻛﺘﺔ ﺑﺪﺍﻝ ﻣﺎ ﺗﮕﻌﺪﻳﻦ ﺗﺘﻌﺎﺭﻛﻴﻦ ﺑﺄﻭﻗﺎﺕ ﻓﺮﺍﻏﺞ ﻋﻠﻰ ﺍﻻﻗﻞ ﺧﻠﻲ ﻏﻴﺮﺝ ﻳﺴﺘﻔﺎﺩ ﻣﻦ ﮔﻌﺪﺗﺞ ﺍﻟﻤﺎ ﺑﻴﻬﺎ ﻓﺎﻳﺪﺓ
ﻓﺮﺡ
ﻭﺍﻟﻠﻪ ﺻﺪﻣﻨﻲ ﻛﻼﻡ ﺳﻠﻮﻯ ﻳﻌﻨﻲ ﻋﺎﺩﻱ ﻋﻨﺪﻫﺎ ﺍﺫﺍ ﺍﺧﺘﻬﺎ
ﺗﺸﺘﻐﻞ ﺧﺪﺍﻣﺔ ﻭﺗﻜﺮﺏ ﺑﺎﻟﺒﻴﺖ ﻟﻴﻞ ﻭﻧﻬﺎﺭ
ﺑﺲ ﻭﺍﻟﻠﻪ ﺍﻛﻠﺖ ﺗﺒﻦ
ﻫﻮ ﺻﺤﻴﺢ ﺍﻧﻲ ﻣﻮ ﻗﺼﺔ ﺍﺩﻭﺭ ﻣﺸﺎﻛﻞ ﺑﺲ ﻭﺍﻟﻠﻪ ﺍﻟﺒﻴﺖ ﺟﺒﻴﺮ ﻭﺧﻄﺎﺭﻫﻢ ﻣﺎﻳﺨﻠﺺ ﻭﺍﻧﻲ ﻟﻮﺣﺪﻱ ﻭﻫﺎﻱ ﺍﻻﻓﺔ ﺫﺍﺑﺔ
ﺍﻟﺸﻐﻞ ﻛﻠﺔ ﺑﺮﺍﺳﻲ ﻭﻫﻤﺔ ﻣﺤﺪ ﻳﺤﺠﻲ ﻭﻳﺎﻫﺔ ﺑﺲ ﻭﺍﻟﻠﻪ ﺫﻟﺘﻨﻲ ﺫﻝ ﺍﺥ ﺍﻟﻠﻪ
ﻭﻣﻦ ﻳﺠﻲ ﺍﻟﻠﻴﻞ ﺗﻈﻞ ﺗﻮﻥ ﻋﻨﺪ ﺭﺍﺱ ﺟﺪﻱ ﻭﻧﺒﻴﻞ ﺯﻭﺟﻬﺎ
ﻭﺑﻴﺒﻲ ﺍﻟﻮﺣﻴﺪﺓ ﺍﻟﻲ ﺗﺪﺍﻓﻊ ﻋﻨﻲ
ﻭﻫﻤﺔ ﺍﻟﻠﻪ ﻳﺤﻔﻈﻬﻢ ﺻﺎﺣﺒﻴﻦ ﺧﻄﺎﺭ ﻫﻮﺍﻱ ﻳﻌﻨﻲ ﺍﻟﺒﻴﺖ ﺍﺑﺪ ﻣﺎ ﻳﻔﺮﻍ ﻟﻴﺶ ﻣﺎ ﺍﻓﺘﻬﻤﺖ ﺑﻌﺪﻳﻦ ﺍﻥ ﻫﺬﺍ ﺍﻟﻄﺎﻏﻲ ﻳﺼﻴﺮ ﺷﻴﺦ ﻋﺸﻴﺮﺓ
↙️
ﻭﺑﻴﻮﻡ ﺍﻟﺴﻤﻌﺖ ﻛﻼﻡ ﻫﺬﺍ ﺍﻟﻄﺎﻏﻲ ﻣﻊ ﺑﻴﺒﺘﻲ ﺑﺎﻥ ﻳﺮﻳﺪ ﻳﺰﻭﺟﻨﻲ ﻭﻳﺰﻭﺝ ﺳﻠﻮﻯ
ﺧﻔﺖ ﻛﻠﺶ ﻋﻠﻰ ﺧﻮﺍﺗﻲ ﻣﻨﻮ ﺍﻟﻬﻢ ﺑﻌﺪﻱ ﻭﺍﻟﻜﻞ ﺑﺎﻟﺒﻴﺖ ﺣﺎﺩ ﺳﻨﻮﻧﺔ ﻋﻠﻴﻨﺎ ﻭﺣﺼﺮﺓ ﻋﻠﻴﻨﺎ ﻧﺴﻮﻱ ﺷﻲ ﺍﺫﺍ ﻣﺎ ﻛﻠﻬﺎ ﺗﻜﻮﻡ ﻋﻠﻴﻨﺎ
ﻭﺻﺮﺕ ﻛﻠﻤﺎ ﺍﻋﺎﻧﺪ ﺍﻟﺠﺪ ﺍﻟﻄﺎﻏﻲ ﻭﺍﺻﻴﺮ ﺍﻟﺴﺎﻥ ﻭﺍﺗﺠﺎﺳﺮ
ﻛﺎﻧﺖ ﺭﺩﺕ ﺍﻟﻔﻌﻞ ﺗﺮﺟﻊ ﻋﻠﻰ ﺧﻮﺍﺗﻲ
ﻧﺒﻴﻞ - ﺷﻮﻓﻲ ﻭﻟﺞ ﺑﻬﺎﻱ ﺳﻮﺍﻳﺘﺞ ﻭﺍﻟﺴﺎﻧﺞ ﺍﻟﻄﻮﻳﻞ ﺍﻟﻲ ﻣﺎ ﻳﺤﺸﻢ ﺍﺣﺪ ﺭﺍﺡ ﺗﻌﻤﻴﻦ ﻋﻠﻰ ﺳﻠﻮﻯ ﻭﺳﺮﻭﺭ
ﺍﻧﻲ ﺟﻨﺖ ﻣﺪﻧﮕﺔ ﻣﻦ ﺟﺎﺏ ﺍﺳﻤﻬﻢ ﻓﺰﻳﺖ
ﺑﺲ ﻭﺍﻟﻠﻪ ﻣﻮﺑﻴﺪﻱ ﻣﺎ ﺍﻛﺪﺭ ﺍﺳﻜﺖ ﺑﻌﺪﻫﺎ ﺣﺮﻛﺖ ﮔﻠﺒﻲ ﻋﻠﻰ ﺍﺧﺘﻲ ﺳﻤﺎﺡ ﺑﻌﺪﺓ ﮔﻠﺒﻲ ﻣﺎ ﺑﺮﺩ
ﻭﺍﻟﻠﻪ ﻟﻴﺶ ﻣﺎﻳﻮﻡ ﺍﺗﻌﺎﺭﻛﺖ ﻭﻳﺔ ﺳﻨﺪﺱ ﻭﻣﺪﻳﺖ ﺍﻟﻬﺎ ﺍﻟﻠﺴﺎﻥ ﻭﻣﺪﻳﺖ ﺍﻳﺪﻱ ﻋﻠﻴﻬﺎ
ﻻﻥ ﻫﻲ ﻏﻠﻄﺖ ﻋﻠﻰ ﺍﻣﻲ ﻭﺳﺒﺘﻬﺎ ﻳﻌﻨﻲ ﻫﺎﻱ ﺣﺘﻰ ﺍﻟﻤﻮﺗﺔ
ﻣﺎﻣﻔﺘﻜﻴﻦ ﻣﻦ ﺍﻟﺴﺎﻧﻬﺎ
ﻭﻫﻢ ﺑﻮﻛﺘﻬﺎ ﺍﺟﺔ ﻋﻤﻲ ﻧﺒﻴﻞ ﺍﻟﻠﻪ ﻻﻳﺮﺿﻰ ﻋﻠﻴﺔ ﺷﺒﻌﻨﻲ ﺿﺮﺏ ﻭﺯﻭﺭﮒ ﻭﺟﻬﻲ ﺍﺣﺲ ﺑﻲ ﻋﺒﺎﻟﻚ ﻳﺘﻀﺎﺭﺏ ﻭﻳﺔ ﺯﻟﻤﺔ ﻣﻮ ﺑﻨﻴﺔ ﺟﻮﺓ ﺍﻳﺪﺓ ﺍﻟﻠﻪ ﻳﻜﺴﺮ ﺍﻳﺪﺓ
ﻭﺑﻴﻮﻡ ﻣﻦ ﺍﻻﻳﺎﻡ ﺳﻤﻌﺖ ﺍﺧﺘﻲ ﺳﺮﻭﺭ ﺷﻠﻮﻥ ﺗﺒﺠﻲ ﺑﺎﻟﻠﻴﻞ ﺗﺤﺖ ﺍﻟﺒﻄﺎﻧﻴﺔ
ﻓﺮﺡ ﮔﻤﺖ
ﻭﺭﻓﻌﺖ ﺍﻟﺒﻄﺎﻧﻴﺔ ﻣﻦ ﻋﻠﻰ ﺭﺍﺳﻬﺎ
ﻓﺮﺡ - ﺷﺒﻴﺞ ﺳﺮﻭﺭ ﻟﻴﺶ ﺗﺒﺠﻴﻦ
ﺳﺮﻭﺭ ﺑﺨﻮﻑ - ﻓﺮﺡ ﺧﺎﻳﻔﺔ
ﻓﺮﺡ - ﻟﻴﺶ ﺣﺒﻴﺒﺘﻲ ﺗﺨﺎﻓﻴﻦ ﻭﺍﻧﻲ ﻣﻮﺟﻮﺩﺓ
ﺳﺮﻭﺭ ﻭﻫﻲ ﻣﺘﺮﺩﺩﺓ - ﻓﺮﺡ ﻣﺎﺗﮕﺪﺭﻳﻦ ﺗﺴﻮﻳﻦ ﺷﻲ
ﻓﺮﺡ ﺑﺨﻮﻑ - ﺳﺮﻭﺭ ﻟﻴﺶ ﺗﺤﺠﻴﻦ ﻫﻴﺞ ﻛﻮﻟﻲ ﺍﺣﺠﻲ ﺷﺼﺎﻳﺮ
ﺳﺮﻭﺭ ﻭﻫﻲ ﺗﺒﺠﻲ - ﻓﺮﺡ ﻫﺬﺍ ﻣﺤﻤﺪ ﺍﺑﻦ ﻋﻤﻲ ﺍﺗﺤﺎﺭﺵ ﺑﻴﺔ ﻭﺭﺍﺩ ﻳﺴﺤﺒﻨﻲ ﻟﻐﺮﻓﺘﺔ ﻳﮕﻠﻲ ﺗﻌﺎﻟﻲ ﺧﻠﻲ ﺍﻭﻧﺴﺞ ﻭﻛﻌﺪ ﻳﺘﻠﻤﺲ ﺑﺠﺴﻤﻲ ﻭﺍﻧﻲ ﺧﻔﺖ ﺩﻓﻌﺘﺔ ﻭﺭﻛﻀﺖ ﻭﺑﻌﺪﻳﻦ ﻣﻦ ﺷﺎﻓﻨﻲ ﻣﻦ ﻃﻠﻌﺖ ﺑﺎﻟﻠﻴﻞ ﺍﺷﺮﺏ ﻣﺎﻱ ﻭﮔﻠﻲ ﺍﺫﺍ ﺗﺤﺠﻴﻦ ﻋﻦ ﺍﻟﺼﺎﺭ
ﻣﺤﺪ ﺭﺍﺡ ﻳﺼﺪﮔﺞ ﻻﻥ ﺍﻧﺘﻲ ﻭﺧﻮﺍﺗﺞ ﻣﻮ ﺭﺍﺣﺔ ﻭﻳﺬﺑﺤﻮﺝ ﻭﺷﻲ ﺍﻛﻴﺪ ﺭﺍﺡ ﻳﺼﺪﮔﻮﻧﻲ ﻣﻦ ﺍﻛﻮﻝ ﻫﻲ ﺷﻤﺮﺕ ﻧﻔﺴﻬﺎ ﻋﻠﻴﺔ ﻭﻏﻮﺗﻨﻲ ﻓﺴﻜﺘﻲ ﺍﺣﺴﻨﻠﺞ
ﻓﺮﺡ ﻣﻦ ﺳﻤﻌﺖ ﺣﺠﻲ ﺳﺮﻭﺭ ﺿﺎﮔﺖ ﺑﻌﻴﻨﻲ ﺍﻟﻮﺍﺳﻌﺔ
ﻭﺍﻧﻲ ﺍﻋﺮﻑ ﺍﺑﻦ ﻋﻤﻲ ﻣﺤﻤﺪ ﺣﻴﻮﺍﻥ ﻫﻮ ﻧﻔﺴﺔ ﺍﻟﻲ ﺷﺨﻄﺖ ﻭﺟﻪ ﺑﺎﻟﺴﺠﻴﻦ ﺑﻴﻮﻡ ﺍﻟﻲ ﺍﺧﺬﻭ ﺳﻤﺎﺡ ﺍﻟﻠﻪ ﻻ ﻳﻮﻓﻘﻬﻢ ﻭﻳﻦ ﻧﺮﻭﺡ ﻳﺎﺭﺏ ﻛﻠﻬﺎ ﺟﺎﺭﺕ ﻋﻠﻴﻨﺎ
ﻭﻗﺮﺭﺕ ﺍﻫﺮﺏ ﻭﺍﻫﺮﺏ ﺧﻮﺍﺗﻲ ﻭﻧﺮﻭﺡ ﻟﻠﻨﺎﺻﺮﻳﺔ ﻟﻌﻨﺪ ﺑﻴﺖ ﺍﺑﻮ ﻧﻮﺍﻝ ﻭﻻ ﻧﺒﻘﻰ ﻫﻨﺎ ﻭﻳﮕﻌﺪﻭﻥ ﻳﻨﻬﺸﻮﻥ ﻟﺤﻤﻨﺎ ﺍﻧﻲ ﻭﺧﻮﺍﺗﻲ
ﻭﻟﺒﺴﺖ ﻭﺣﻀﺮﺕ ﻣﻼﺑﺴﻲ ﺍﻧﻲ ﻭﺳﺮﻭﺭ ﻻﻥ ﺳﻠﻮﻯ ﺭﻓﻀﺖ
ﺗﺘﺮﻙ ﺑﻴﺖ ﺟﺪﻱ ﻭﺍﻟﻠﻪ ﺍﺧﺬﺕ ﺍﻟﻬﻮﻳﺎﺕ ﻣﺎﻟﺘﻲ ﻭﻣﺎﻟﺖ ﺳﺮﻭﺭ ﻭﮔﻌﺪﺕ ﺳﺮﻭﺭ ﻣﻦ ﺍﻟﺼﺒﺢ ﺣﺘﻰ ﻧﺸﺮﺩ ﻣﻦ ﺍﻟﺒﻴﺖ ﻻﻥ ﺑﻌﺪ ﻣﺎ ﺍﮔﺪﺭ ﺍﺗﺤﻤﻞ ﻃﻐﻴﺎﻧﻬﻢ ﻭﺍﻟﻢ ﺍﻻﻫﺎﻧﺔ ﻭﺍﻫﻢ ﺷﻲ ﺍﺧﺘﻲ ﺳﺮﻭﺭ ﻻﻥ ﺧﻄﻴﺔ ﻓﻘﻴﺮﺓ ﻟﻜﻦ ﻣﻊ ﺍﻻﺳﻒ
ﺍﺧﺘﻲ ﺳﻠﻮﻯ ﻭﺷﺖ ﺑﻴﻨﺎ ﻭﻃﻌﻨﺘﻨﻲ ﻭﺭﺍﺣﺖ ﮔﺎﻟﺖ ﻟﺠﺪﻱ ﻋﻦ ﻧﻴﺘﻲ ﺑﺎﻟﻬﺮﻭﺏ ﻭﺍﻟﻠﻪ ﻭﺑﻴﻮﻡ ﺍﻟﻬﺮﻭﺏ ﺷﻔﺖ ﺣﺴﺎﻡ ﺍﺑﻦ ﻋﻤﻲ ﻭﺍﮔﻒ ﺑﺒﺎﺏ ﺍﻟﺸﺎﺭﻉ ﻭﻣﻨﺘﻜﻲﺀ ﻋﻠﻰ ﺳﻴﺎﺭﺗﻪ
ﺣﺴﺎﻡ ﻭﻣﺒﺘﺴﻢ ﻧﺼﻒ ﺍﺑﺘﺴﺎﻣﺔ ﺍﺳﺘﻬﺰﺍﺀ
ﺣﺴﺎﻡ - ﺍﻱ ﻳﺎﻣﻬﺮﺓ ﻋﻠﻰ ﻭﻳﻦ ﻧﺎﻭﻳﺔ ﺍﻟﺮﺣﻴﻞ ﺍﺷﻮ ﺟﻨﺞ ﻣﺤﺘﺎﺟﺔ ﻟﺨﻴﺎﻝ ﻳﺸﻜﻤﺞ ﻭﻳﺤﻄﻠﺞ ﺣﺪ ﻟﻬﺬﺍ ﻋﻨﺎﺩﺝ
ﺍﺗﻘﺪﻡ ﻋﻠﻴﺔ ﻭﺍﻧﻲ ﻗﻄﺮﺓ ﺩﻡ ﻣﺎﺑﻴﺔ ﻣﻦ ﺧﻮﻓﻲ ﺭﺟﻠﻴﺔ ﮔﺎﻣﺖ ﺗﺮﺟﻒ ﻻﻭﻝ ﻣﺮﺓ ﺑﺤﻴﺎﺗﻲ ﺍﺧﺎﻑ ﻣﻦ ﺭﺟﺎﻝ
ﺣﺴﻴﺖ ﻋﻠﻰ ﺍﻳﺪ ﺳﺮﻭﺭ ﺷﻠﻮﻥ ﻟﺰﻣﺖ ﺍﻳﺪﻱ ﻗﻮﻱ
ﻭﻫﻮ ﺍﻗﺘﺮﺏ ﻣﻨﻲ ﻭﻟﺰﻣﻨﻲ ﻣﻦ ﺯﻧﺪﻱ ﻭﺟﺮﻧﻲ ﺣﻴﻞ ﺩﺧﻠﻨﻲ ﻋﺎﻟﺒﻴﺖ ﻭﻋﻼﺀ ﺍﺧﻮﻩ ﺟﺮ ﺳﺮﻭﺭ ﺍﻟﻲ ﻇﻠﺖ ﺗﺒﺠﻲ
↙️
ﺷﻔﺖ ﻋﻤﻲ ﻧﺒﻴﻞ ﻣﻦ ﺑﻌﻴﺪ ﺟﺎﺭ ﺍﺧﺘﻲ ﺳﻠﻮﻯ ﻣﻦ ﺷﻌﺮﻫﺎ ﮔﺪﺍﻣﻲ ﻭﻛﻌﺪ ﻳﺮﻓﺲ ﺑﻴﻬﺎ ﺍﻧﻲ ﺗﺨﺒﻠﺖ ﻭﺻﻠﺖ ﺑﻲ ﺍﻟﻤﻮﺍﺻﻴﻞ ﺍﻥ ﺣﻤﺔ ﺍﻟﺴﻴﺦ ﺍﻟﺤﺪﻳﺪ ﻭﺭﺍﺩ ﻳﺤﻄﺔ ﻋﻠﻰ ﺟﺴﻤﻬﺎ ﺍﻧﻲ ﮔﺒﻞ ﺭﻛﻀﺖ ﺫﺑﻴﺖ ﺭﻭﺣﻲ ﻋﻠﻴﻬﺎ ﻭﺻﺎﺭ ﺍﻟﺴﻴﺦ ﻋﻠﻰ ﻓﺨﺬﻱ
ﺍﺣﺲ ﻓﺮﺕ ﺭﻭﺣﻲ ﻣﻦ ﺍﻟﻢ ﺍﻟﺤﺮﮒ ﺍﻟﻠﻪ ﻻﻳﻮﻓﻘﻚ ﻭﻻﻳﺮﺿﻰ ﻋﻠﻰ ﻛﻞ ﻇﺎﻟﻢ
ﺳﻠﻮﻯ ﻭﻫﻲ ﺗﺪﻓﻌﻨﻲ - ﻛﻠﺔ ﻣﻦ ﻋﻨﺪﺝ ﻛﻠﺔ ﻣﻦ ﻭﺭﺍﺝ ﻫﺬﺍ ﻋﻨﺎﺩﺝ ﺭﺍﺡ ﻳﺤﻄﻢ ﺣﻴﺎﺗﻲ ﺍﻟﻠﻪ ﻻﻳﺮﺿﻰ ﻋﻠﻴﺞ ﺍﻧﻲ ﺷﻨﻮ ﺫﻧﺒﻲ ﺍﻧﻜﺘﻞ ﻣﻦ ﻭﺭﺓ ﺣﻴﻮﺍﻧﺔ ﺭﺍﺳﻬﺎ ﻳﺎﺑﺲ ﻣﺜﻠﺞ
ﺳﺮﻭﺭ ﻭﻫﻲ ﺗﺒﺠﻲ - ﻓﺮﺡ ﺍﻧﺘﻲ ﺭﺍﺡ ﺗﺪﻣﺮﻳﻨﺎ ﻣﻦ ﻭﺭﺓ ﻋﻨﺎﺩﺝ ﮔﻤﺖ ﺍﺧﺎﻑ ﺍﻧﺎﻡ ﺧﺎﻑ ﻣﺎ ﺍﻟﮕﺎﺝ ﺑﺼﻔﻲ ﻧﺎﻳﻤﺔ ﺍﺧﺎﻑ ﻳﺎﺧﺬﻭﺝ ﻭﻳﺬﺑﺤﻮﺝ ﻣﺜﻞ ﺳﻤﺎﺡ ﺗﺮﺓ ﻭﺍﻓﻘﺖ ﻋﻠﻰ ﺍﻟﻬﺮﻭﺏ ﻭﻳﺎﺝ ﻻﻥ ﺍﺧﺎﻑ ﻋﻠﻴﺞ
ﻭﺑﻌﺪﻫﺎ ﺳﺤﺒﻨﻲ ﺣﺴﺎﻡ ﻭﺷﻤﺮﻧﻲ ﻣﻘﺎﺑﻴﻞ ﺭﺟﻠﻴﻦ ﺟﺪﻱ ﻭﮔﻌﺖ ﺑﺎﻟﮕﺎﻉ
ﺭﻓﻌﺖ ﺭﺍﺳﻲ
ﻭﻛﺎﻥ ﻳﺠﻴﻨﻲ ﺭﺍﺷﺪﻱ ﻗﻮﻱ ﻟﻄﻤﻨﻲ ﻋﻠﻰ ﺧﺪﻱ ﺣﺴﻴﺖ ﺑﺎﺫﻧﻲ ﮔﺎﻣﺖ ﺗﻮﻭﻥ ﻣﻦ ﺍﻻﻟﻢ
ﺍﻟﺠﺪ ﻭﻫﻮ ﻋﺎﮔﺪ ﺣﻮﺍﺟﺒﺔ ﺍﻧﺘﻲ ﻋﻤﻴﺘﻲ ﻋﻠﻰ ﻧﻔﺴﺞ ﻫﺎﻟﻤﺮﺓ ﻭﺍﺗﺤﻤﻠﻲ ﺍﻟﺮﺍﺡ ﻳﺠﻴﺞ
ﻭﺑﻌﺪﻫﺎ ﺷﻔﺖ ﻋﻤﻲ ﻧﺒﻴﻞ ﻫﺪ ﻋﻠﻴﺔ ﻭﺟﺮﻧﻲ ﻣﻦ ﺷﻌﺮﻱ ﻭﺳﻠﺦ ﺟﺴﻤﻲ ﺳﻠﺦ ﺑﺎﻟﺤﺰﺍﻡ
ﻭﻣﻦ ﺭﺍﺩ ﻳﺤﺮﮒ ﺟﺴﻤﻲ ﺑﺎﻟﺴﻴﺦ ﺍﻟﺤﺪﻳﺪ ﺷﻔﺖ ﻭﺍﺣﺪ ﻭﻛﻒ ﮔﺒﺎﻟﻪ
ﺣﺴﺎﻡ - ﻋﻤﻲ ﻟﻬﻨﺎ ﻭﻛﺎﻓﻲ ﻭﺍﻧﺖ ﻛﻤﺖ ﺑﻮﺍﺟﺒﻚ ﻭﺍﺩﺑﺘﻬﺎ ﻋﻠﻰ ﺧﻄﺎﺀﻫﺎ ﺑﺲ ﻣﻮ ﺗﻮﺻﻞ ﺑﻴﻚ ﺗﺤﺮﻙ ﺟﺴﻤﻬﺎ ﻭﺗﺸﻮﻫﺔ ﻫﺬﺍ ﺍﻟﻲ ﻣﺎﻳﻨﺴﻜﺖ ﻋﻠﻴﻪ
ﻧﺒﻴﻞ ﻋﻮﻓﻨﻲ ﻋﻠﻴﻬﺎ ﻫﺎﻱ ﺑﻨﺖ ﺍﻟﺴﺎﻗﻄﺔ ﺍﻟﺰﺍﻧﻴﺔ
ﻓﺮﺡ
ﻣﺘﺖ ﻗﻬﺮ ﻣﻦ ﻛﻌﺪ ﻳﺴﺐ ﻭﻳﺸﺘﻢ ﺍﻣﻲ
ﻭﻣﻊ ﺍﻻﺳﻒ ﺣﺴﻴﺖ ﺑﻔﺪﺍﺣﺔ ﺍﻟﻐﻠﻂ ﺍﻟﻲ ﺳﻮﻳﺘﺔ ﺑﻌﺪ ﻣﺎ ﻓﺎﺕ ﺍﻻﻭﺍﻥ ﻭﺻﺪﺭ ﺍﻟﺤﻜﻢ ﺿﺪﻱ
ﻣﻦ ﻭﺭﺓ ﻫﺎﻱ ﺳﻮﺍﻳﺘﻲ ﻋﻤﻴﺖ ﻋﻠﻰ ﺭﻭﺣﻲ
ﻓﺮﺡ
ﺍﺟﺘﻨﻲ ﺳﺮﻭﺭ ﻭﻫﻲ ﺗﺒﺠﻲ
ﺳﺮﻭﺭ - ﻟﺤﮕﻲ ﻓﺮﺡ ﺳﻤﻌﺖ ﺟﺪﻱ ﻳﺤﺠﻲ ﻭﻳﺔ ﻋﻤﻮ ﺗﻮﻓﻴﻖ ﻳﮕﻠﺔ ﺧﻞ ﻧﺘﺨﻠﺺ ﻭﻧﻔﺘﻚ ﻣﻨﻬﺎ ﻻﻥ ﻫﺎﻱ ﺍﻟﺴﺎﻥ ﻭﺟﺴﺮﺓ ﻭﺭﺍﺩﺕ ﺗﺸﺮﺩ ﻭﺧﺎﻑ ﺗﻜﺴﺮ ﻭﺟﻬﻨﺎ ﻳﻌﻨﻲ ﻣﺎ ﺍﻋﺮﻑ ﺷﻨﻮ ﻧﺎﻭﻱ ﻋﻠﻴﺞ
ﺳﻠﻮﻯ - ﻭﻟﺞ ﻓﺮﺡ ﻭﻳﻦ ﻧﺎﻭﻳﺔ ﺗﻮﺻﻠﻴﻦ ﺑﻬﺬﺍ ﺭﺍﺳﺞ ﺍﻟﻴﺎﺑﺲ
ﻓﺮﺡ - ﻭﺍﺧﺘﻨﺎ ﺳﻤﺎﺡ ﻧﺴﻴﺘﻮ ﺍﻟﻲ ﺳﻮﻭﻩ ﺑﻴﻬﺎ
ﺳﻠﻮﻯ - ﺳﻤﺎﺡ ﺭﺍﺣﺖ ﻟﺪﺍﺭ ﺣﻘﻬﺎ ﺍﻟﻠﻪ ﻛﺎﺗﺐ ﻟﻬﺎ ﺗﻨﻘﺘﻞ ﻋﻠﻰ ﺍﻳﺪﻫﻢ ﻭﺍﻛﻮ ﺍﻟﻠﻪ ﺍﻟﻲ ﺍﺣﺴﻦ ﻭﺍﻗﻮﻯ ﻣﻨﺞ ﻭﻣﻨﻲ ﻳﺎﺧﺬ ﺑﺤﻘﻬﺎ ﻣﻨﻬﻢ
ﻭﺍﺣﻨﺎ ﺷﻨﻮ ﺑﻴﺪﻧﺎ ﻧﮕﺪﺭ ﻧﺴﻮﻱ ﺣﺘﻰ ﻧﺎﺧﺬ ﺣﻘﻬﺎ ﻫﻮ ﺍﺣﻨﺎ ﺧﻠﻲ ﻧﺪﺑﺮ ﻋﻴﺸﺘﻨﺎ ﻭﻳﺎﻫﻢ ﻭﻧﻌﻴﺶ ﺑﺴﻼﻡ ﻭﻋﻮﺩﻙ ﺑﻌﺪﻳﻦ ﺍﻟﻠﻪ ﻛﺮﻳﻢ ﺍﺷﻮ ﺍﺣﻨﺎ ﻻﺣﻮﻝ ﻭﻻ ﻗﻮﺓ
ﻓﺮﺡ ﺣﺴﻴﺖ ﺍﻥ ﻛﻼﻡ ﺍﺧﺘﻲ ﻛﺎﻥ ﺻﺤﻴﺢ ﺍﻧﻲ ﻛﻨﺖ ﺍﻗﺎﺗﻠﻬﻢ ﻭﺍﻟﻠﻪ ﺑﻌﺪﻫﺎ ﻧﺎﺭ ﻣﻮﺕ ﺳﻤﺎﺡ ﻟﺤﺪ ﻫﺴﺔ ﻣﺎﺑﺮﺩﺕ ﺻﺤﻴﺢ ﻣﺮﺕ ﺳﻨﺔﻋﻠﻰ ﻭﻓﺎﺗﻬﺎ ﻟﻜﻦ ﻣﻮﺑﻴﺪﻱ
ﻟﻜﻦ ﺑﻴﻮﻣﻬﺎ ﺍﺗﻔﺎﺟﺌﺖ ﻣﻦ ﺟﺎﺑﻮ ﺳﻴﺪ ﻟﻠﺪﻳﻮﺍﻥ ﻭﺻﺎﺣﻮﻧﻲ ﻭﺷﻔﺖ ﺟﺪﻱ ﻭﺣﺴﺎﻡ ﻭﻋﻤﻲ ﺗﻮﻓﻴﻖ ﻭﻧﺒﻴﻞ ﻭﺟﻮﺍﺩ ﻛﻠﻬﻢ ﮔﺎﻋﺪﻳﻦ
ﺍﻟﺠﺪ - ﻳﺎﻟﻠﻪ ﺗﻌﺎﻱ ﺧﻞ ﺍﻟﺴﻴﺪ ﻳﻌﻘﺪﻟﺞ ﺭﺍﺡ ﺗﺘﺰﻭﺟﻴﻦ ﺍﺑﻦ ﻋﻤﺞ ﺣﺴﺎﻡ
ﻛﺎﻥ ﺣﺴﺎﻡ ﻳﺒﺎﻭﻉ ﻋﻠﻴﺔ ﻭﻋﻴﻮﻧﺔ ﻧﺎﺭ
ﺍﻟﺠﺪ - ﺧﻞ ﺍﺯﻭﺟﺞ ﻭﺍﺳﺘﺮ ﻋﻠﻴﺞ ﻗﺒﻞ ﻻﺗﻜﺴﺮﻳﻦ ﻭﺗﺴﻮﺩﻳﻦ ﻭﻭﺟﻮﻫﻨﺎ ﻭﺗﺸﺮﺩﻳﻦ
ﻭﻋﻘﺪﻟﻨﺎ ﺍﻟﺴﻴﺪ
ﻭﺻﺮﺕ ﻣﺮﺕ ﻭﺍﺣﺪ ﺍﺑﺪ ﻣﺎ ﺍﻋﺮﻓﺔ ﻭﻻ ﻳﻌﺮﻓﻨﻲ
ﻭﻃﻠﻊ ﺍﻟﺴﻴﺪ
ﻭﺭﺍﻩ ﻃﻠﻊ ﺣﺴﺎﻡ ﺑﺲ ﻗﺒﻞ ﻻﻳﻄﻠﻊ
ﺣﺴﺎﻡ - ﺷﻮﻑ ﺟﺪﻱ ﻫﺎﻱ ﺍﻟﻮﺭﻃﺔ ﺍﻟﻲ ﻭﺭﻃﺘﻨﻲ ﺑﻴﻬﺎ ﺧﻠﻬﺎ ﻳﻤﻚ ﻣﺎ ﺍﺭﻳﺪﻫﺎ ﺍﻧﻲ ﻣﺎ ﻧﺎﻗﺺ ﻭﺣﺪﺓ ﻣﺜﻠﻬﺎ ﻣﺴﺘﺮﺟﻠﺔ
ﻛﺎﻓﻲ ﻓﺮﺿﺘﻬﺎ ﻋﻠﻴﺔ ﻭﺗﻌﺮﻑ ﺑﻴﺔ ﺍﻧﺔ ﻣﺎ ﺍﻧﺠﺒﺮ ﻭﺍﻟﺘﺮﻳﺪﺓ ﺳﻮﻳﺘﺔ ﺍﻟﻚ ﻟﻜﻦ ﻧﺎﺗﺠﻴﺮﻧﻲ ﺍﺧﺬﻫﺎ ﻭﻳﺎﻱ ﺧﻠﻬﺎ ﻋﻨﺪﻙ
ﻓﺮﺡ
ﻭﻣﻦ ﻫﺬﺍ ﺍﻟﻴﻮﻡ
ﺍﺗﻐﻴﺮﺕ ﻓﺮﺡ ﺍﻟﻌﻨﻴﺪﺓ ﻭﺍﻧﻜﺴﺮﺕ ﻭﻣﺎﺕ ﺍﻟﻌﻨﻒ ﻭﺍﻟﻌﻨﺎﺩ ﻭﺍﻟﻠﺴﺎﻥ ﻭﺻﺎﺭﺕ ﻳﻮﻡ ﻭﺭﺓ ﻳﻮﻡ ﺗﻀﻌﻒ ﺻﺎﺣﺒﺔ ﺍﻟﺸﺨﺼﻴﺔ ﺍﻟﻘﻮﻳﺔ ﻭﺗﺬﺑﻞ ﻣﻦ ﺫﻟﻬﻢ ﻭﻗﺴﻮﺗﻬﻢ ﻋﻠﻴﻬﺎ
ﻻﻥ ﻛﻠﻬﻢ ﻋﺮﻓﻮﺍ ﺷﻠﻮﻥ ﻳﻠﻌﺒﻮﻫﺎ ﺻﺢ
ﺻﺮﺕ ﻣﺜﻞ ﺍﻟﺨﺪﺍﻣﺔ ﺍﻛﺮﺏ ﻣﻦ ﺍﻟﺼﺒﺢ ﻟﻠﻴﻞ ﻭﺍﺷﺘﻐﻞ ﻳﻤﻜﻦ ﺣﺘﻰ ﺍﻟﺨﺪﺍﻣﺔ ﺍﻟﻬﺎ ﺣﻘﻮﻕ ﻭﺍﺣﺘﺮﺍﻡ ﺍﻛﺜﺮ ﻣﻨﻲ
ﺳﻠﻮﻯ ﻧﺠﺤﺖ ﻣﻦ ﺍﻟﺴﺎﺩﺱ ﻭﺭﺍﺡ ﺗﺪﺧﻞ ﻛﻠﻴﺔ ﻫﺎﻱ ﺍﻟﺴﻨﺔ ﻭﺻﺎﺭﺕ ﻣﺜﻞ ﺍﻟﻮﺭﺩﺓ ﺍﻟﻤﻔﺘﺤﺔ ﻭﺍﺑﺎﻭﻉ ﻋﻠﻰ ﻟﺒﺴﻬﺎ ﺻﺎﺭ ﻳﺠﻨﻦ ﻭﻫﻲ ﺣﻠﻮﺓ ﻭﺍﺧﺘﻲ ﺳﺮﻭﺭ ﻳﻮﻡ ﻋﻦ ﻳﻮﻡ ﺻﺎﺭﺕ ﺗﻜﺒﺮ ﮔﺒﺎﻝ ﻋﻴﻨﻲ
ﺍﻻ ﺍﻧﻲ ﻋﻠﻰ ﺣﻄﺘﻲ ﺍﺑﺪ ﻣﺎ ﺗﻐﻴﺮﺕ ﺭﻏﻢ ﺍﻟﻘﻤﻊ ﺍﻟﻲ ﺍﻧﻲ ﻋﺎﻳﺸﺘﺔ ﻟﻜﻦ ﺍﺑﻘﻰ ﺍﺗﻤﻨﻰ ﺍﻥ ﺍﺣﺠﻲ ﻭ ﺍﺩﺍﻓﻊ ﻋﻦ ﺣﻘﻲ ﻭﺍﻋﺘﺮﺽ ﻋﻠﻰ ﻣﻌﺎﻣﻠﺘﻬﻢ ﺍﻟﻲ ﺻﺤﻴﺢ ﺍﻧﻲ ﻏﻠﻄﺖ ﻭﻋﻤﻴﺖ ﻋﻠﻰ ﻧﻔﺴﻲ ﺑﺲ ﻳﻌﻨﻲ ﺧﻮ ﻣﺎ ﺍﻟﻌﻤﺮ ﻛﻠﺔ ﺍﻛﻌﺪ ﻣﻌﺎﻗﺒﺔ
ﻭﺑﻴﻮﻡ ﻣﻦ ﺍﻻﻳﺎﻡ ﻋﻤﻲ ﺟﻮﺍﺩ ﻃﻠﺐ ﺍﻳﺪ ﺍﺧﺘﻰ ﺳﻠﻮﻯ ﻻﺑﻨﺔ ﻧﻮﺍﻑ ﻛﺎﻥ ﻳﺸﺘﻐﻞ ﻭﻳﺎﻩ ﺑﻤﻌﺮﺽ ﻣﺎﻝ ﺍﺛﺎﺙ ﻭﻋﻨﺪﻫﻢ ﺧﻴﺮ ﻣﻦ ﺍﻟﻠﻪ ﺟﺪﻱ ﻭﺍﻓﻖ ﻟﻜﻦ ﺑﻌﺪ ﺳﻨﺔ ﻳﺎﻟﻠﻪ ﻳﺴﻮﻥ ﺍﻟﻌﻘﺪ ﻻﻥ ﻫﻲ ﺑﻌﺪﻫﺔ ﺗﺪﺭﺱ
ﻭﺳﻠﻮﻯ ﺗﺤﺐ ﺗﺤﺠﻲ ﻻﺳﺮﺍﺀ ﻭﺗﺴﻮﻟﻒ ﻭﻳﺎﻫﺎ ﻭﺍﻟﻲ ﻓﺎﺟﺌﻨﻲ ﺍﻥ ﺍﺧﺘﻲ ﺗﺤﺐ ﻧﻮﺍﻑ ﻭﻧﻮﺍﻑ ﻳﺤﺒﻬﺎ
ﻫﺎﻱ ﺷﻮﻛﺖ ﻭﺍﻧﻲ ﻭﻳﻦ ﺟﻨﺖ
ﻛﺎﻧﺖ ﺍﺧﺘﻲ ﺳﻠﻮﻯ ﻣﻦ ﻭﺭﺓ ﺗﺼﺮﻓﺎﺗﻲ ﻭﺷﻜﻠﻲ ﺍﻟﻤﺒﻬﺬﻝ ﺻﺎﺭﺕ ﺗﺒﺘﻌﺪ ﻋﻨﻲ ﺑﺲ ﻫﻮ ﻣﻮﺑﻴﺪﻱ ﻫﻴﺞ ﻣﺒﻬﺬﻟﺔ ﺍﺫﺍ ﻫﻮ ﻣﺤﺪ ﻳﺤﻦ ﻋﻠﻴﺔ ﻭﻳﺎﺧﺬﻧﻲ ﻟﻠﺴﻮﻙ ﺣﺘﻰ ﺍﺷﺘﺮﻱ ﻣﻼﺑﺲ ﻣﺎﻝ ﺑﻨﺎﺕ ﺍﻭ ﺍﺷﻴﺎﺀ ﺑﻨﺎﺗﻴﺔ ﻭﻣﺴﺘﻠﺰﻣﺎﺕ ﻋﻨﺎﻳﺔ
ﻭﻫﻲ ﺳﻠﻮﻯ ﺑﻨﻔﺴﻬﺎ ﮔﺎﻟﺖ ﻟﻲ
ﺳﻠﻮﻯ - ﺷﻔﺘﻲ ﻓﺮﺡ ﻭﻳﻦ ﻭﺻﻠﺘﻲ ﻧﻔﺴﺞ ﻫﺴﺔ ﺍﻧﺘﻲ ﺻﺮﺗﻲ ﻣﺘﺰﻭﺟﺔ ﻭﻣﺮﻛﻮﻧﺔ ﻋﻠﻰ ﺻﻔﺤﺔ ﻭﺭﻃﺘﻲ ﻧﻔﺴﺞ ﻛﻠﻬﻢ
ﻛﺎﻣﻮ ﻳﺨﺎﻓﻮﻥ ﻣﻨﺞ ﺧﺎﻑ ﺗﺠﻴﺒﻴﻦ ﺍﻟﻬﻢ ﺍﻟﺸﺒﻬﺔ ﻭﺗﺸﺮﺩﻳﻦ
ﻓﺮﺡ - ﺍﻧﺘﻲ ﺍﻟﻲ ﻭﺷﻴﺘﻲ ﺑﻴﺔ ﻋﻨﺪ ﺟﺪﻱ
ﺳﻠﻮﻯ - ﺍﻱ ﻃﺒﻌﺎ ﺍﻧﺘﻲ ﺭﻋﻨﺔ ﺷﻠﻮﻥ ﺗﺮﺩﻳﻨﻲ ﺍﺧﻠﻴﺞ ﺗﺸﺮﺩﻳﻦ ﻭﺗﺎﺧﺬﻳﻦ ﻭﻳﺎﺝ ﺳﺮﻭﺭ ﻭﺍﻧﺘﻮ ﺑﻨﺎﺕ ﻟﻮﺣﺪﻛﻢ ﺷﻨﻮ ﻣﺎﺧﻔﺘﻲ ﻋﻠﻰ ﺭﻭﺣﺞ ﻭﻋﻠﻰ ﺍﺧﺘﺞ ﺷﻴﺼﻴﺮ ﺑﻴﻬﺎ ﺍﺫﺍ ﻃﺤﺘﻮ ﺑﻴﺪ ﻧﺎﺱ ﻣﺎﺗﺮﺣﻢ ﻋﺒﺎﻟﺞ ﺍﻟﺸﻐﻠﺔ ﻫﻴﻨﺔ
ﻭﺣﺘﻰ ﻭﺍﻥ ﻧﺠﺤﺘﻲ ﺑﺎﻟﻬﺮﺏ ﺷﻌﺒﺎﻟﺞ ﺍﻥ ﻋﻤﺎﻣﻲ ﻭﺟﺪﻱ ﺭﺍﺡ ﻳﺴﻜﺘﻮﻥ ﻣﺎ ﺭﺍﺡ ﻳﺪﻭﺭﻭﻥ ﻋﻠﻴﺞ ﻭﻳﺮﺟﻌﻮﻧﺞ ﻟﻠﺒﻴﺖ ﻭﺍﺣﺘﻤﺎﻝ ﺣﺘﻰ ﻳﺬﺑﺤﻮﺝ ﻋﺒﺎﻟﺞ ﻫﻮ ﻟﻌﺐ ﺟﻬﺎﻝ
ﻓﺮﺡ ﺑﻌﺪﻫﺎ ﺷﻔﺖ ﺍﺧﺘﻲ ﺳﻠﻮﻯ ﮔﺎﻣﺖ
ﺗﻔﻀﻞ ﺑﻨﺎﺕ ﻋﻤﻲ ﻋﻠﻴﺔ ﺑﻬﻮﺍﻱ ﺍﺷﻴﺎﺀ ﻻﻥ ﻫﻨﺔ ﺣﺒﺎﺑﺎﺕ ﻭﻣﺮﺗﺒﺎﺕ ﻭﻣﻼﺑﺴﻬﻢ ﻛﻠﺔ ﻣﻦ ﺍﻟﺮﺍﻗﻲ ﻭﻣﺮﺍﺕ ﺍﺷﻮﻓﻬﻢ ﻳﺎﺧﺬﻭﻥ ﺳﻠﻮﻯ ﻭﺳﺮﻭﺭ ﻭﻳﺎﻫﻢ ﻳﻄﻠﻌﻮﻧﻬﻢ ﻭﻳﺸﺘﺮﻭﻥ ﺍﻟﻬﻢ ﻣﻼﺑﺲ ﻭﺍﺷﻴﺎﺀ ﻛﻮﻣﺔ
ﺍﻻ ﺍﻧﻲ
ﻣﺤﺪ ﻳﺨﻠﻴﻨﻲ ﺍﺧﻄﻲ ﻋﺘﺒﺔ ﺍﻟﺒﺎﺏ ﺑﻌﺪﻫﻢ ﻳﺨﺎﻓﻮﻥ ﻣﻨﻲ ﺧﺎﻑ ﺍﺳﻮﻳﻠﻬﻢ ﺷﻲ ﻳﺠﻠﺐ ﺍﻟﻬﻢ ﺍﻟﻌﺎﺭ
ﻋﻠﻰ ﺍﻟﻌﻤﻮﻡ ﻳﺎﻟﻠﻪ ﺍﺗﻌﻮﺩﺕ ﻫﺴﺔ ﻗﺎﺑﻞ ﺍﻧﻲ ﺷﻨﻮ ﻣﺘﻌﻮﺩﺓ ﻋﻠﻰ ﺍﻟﺪﻻﻝ ﻳﺎﻟﻠﻪ ﻋﻠﻰ ﺍﻻﻗﻞ ﺧﻮﺍﺗﻲ ﻣﺘﻮﻧﺴﺎﺕ ﻭﻣﺪﻟﻼﺕ
ﺑﺲ ﺧﻄﻴﺔ ﺳﺮﻭﺭ ﻇﻠﺖ ﻣﺘﻤﺴﻜﺔ ﺑﻴﺔ ﺣﻴﻞ
ﺭﺣﺖ ﻟﻐﺮﻓﺘﻨﺎ ﺧﻨﻜﺘﻨﻲ ﺍﻟﻌﺒﺮﺓ ﻻﻥ ﺍﺳﺘﻬﻀﻤﺖ ﻋﻠﻰ ﻧﻔﺴﻲ
ﺍﻥ ﺍﺧﺘﻲ ﺗﻔﻀﻞ ﻏﻴﺮﻱ ﻭﺗﺮﺗﺎﺡ ﻟﺒﻨﺖ ﻋﻤﻬﺎ ﺍﻛﺜﺮ ﻣﻦ ﺍﺧﺘﻬﺎ
ﺍﻱ ﺣﻘﻬﺎ ﻫﻲ ﺷﻨﻮ ﺷﺎﻓﺖ ﻣﻨﻲ ﻏﻴﺮ ﺍﻟﺘﻨﺘﺮ ﻭﺍﻻﻋﺼﺎﺏ ﻭﺍﻟﻠﺴﺎﻥ
ﺑﺲ ﻫﺬﺍ ﻛﻠﺔ ﻋﻠﻤﻮﺩ ﺍﺣﻤﻴﻬﻢ ﻣﻦ ﻫﺬﻭﻟﻲ ﺍﻟﺬﻳﺎﺑﺔ ﺍﻟﻲ ﻋﺎﻳﺸﻴﻦ ﻭﻳﺎﻫﻢ
ﺍﻱ ﻣﻦ ﻳﻮﻡ ﻭﻓﺎﺓ ﺍﺧﺘﻲ ﻭﻫﺮﻭﺑﻲ ﻣﺤﺪ ﺭﺣﻤﻨﺎ ﺍﻭ ﺑﺎﻻﺣﺮﻯ ﻣﺤﺪ ﺭﺣﻤﻨﻲ ﺻﺎﺭﺕ ﻣﻌﺎﻣﻠﺘﻬﻢ ﺍﻟﻲ ﻛﻠﻬﺎ ﺫﻟﺔ
ﻭﻧﻔﺮﺕ ﺍﻟﻨﺎﺱ ﻣﻦ ﻋﻨﺪﻱ ﻣﻦ ﻭﺭﺓ ﺍﺳﻠﻮﺑﻲ ﺣﺘﻰ ﺍﻟﻲ ﻳﺮﻳﺪ
ﻳﺼﻴﺮ ﻭﻳﺎﻱ ﺯﻳﻦ ﺍﻧﻲ ﺍﺑﻌﺪﺓ ﺑﺘﺼﺮﻓﺎﺗﻲ ﺍﻟﻌﻨﻴﺪﺓ ﻋﺒﺎﻟﻚ ﻛﻨﺖ ﺍﻧﺘﻘﻢ ﻣﻨﻬﻢ ﻋﻠﻰ ﻣﻮﺕ ﺳﻤﺎﺡ ﻟﻜﻦ ﻣﺤﺪ ﻣﺬﻧﺐ ﺑﻤﻮﺕ ﺳﻤﺎﺡ ﻏﻴﺮ ﺍﻟﻄﺎﻏﻴﺔ ﺍﻣﺎ ﺍﻟﺒﻘﻴﺔ ﻛﺎﻧﻮ ﻣﺎﻟﻬﻢ ﺩﺧﻞ ﻻﺣﻮﻝ ﻭﻻ ﻗﻮﺓ
↙️
ﻓﺮﺡ
ﻣﻦ ﻳﻮﻡ ﺍﻟﺤﺠﺖ ﺑﻲ ﻭﻳﺎﻱ ﺳﻠﻮﻯ
ﻗﺮﺭﺕ ﺍﻥ ﺍﺑﺪﻱ ﺑﺪﺍﻳﺔ ﺟﺪﻳﺪﺓ ﻭﺍﻓﺘﺢ ﺻﻔﺤﺔ ﺟﺪﻳﺪﺓ ﻣﻦ ﺣﻴﺎﺓ ﻓﺮﺡ
ﻭﺍﺣﺎﻭﻝ ﺍﻥ ﺍﺣﺴﻦ ﻣﻦ ﺍﺳﻠﻮﺑﻲ ﺑﻠﻜﻲ ﻳﺤﻨﻮﻥ ﻋﻠﻴﺔ ﻻﻥ ﻋﻠﻤﺘﻨﻲ ﺍﻟﺤﻴﺎﺓ ﺍﻥ ﺍﻟﻜﻠﻤﺔ ﺍﻻﻭﻟﻰ ﻭﺍﻻﺧﻴﺮﺓ ﻟﻤﻦ ﺗﺪﻳﻦ ﻟﻬﻢ ﺑﺎﻟﻮﻻﺀ ﻭﻣﺴﺘﻘﺒﻠﻲ ﻭﻣﺴﺘﻘﺒﻞ ﺧﻮﺍﺗﻲ ﺑﻴﺪﻫﻢ
ﻭﺑﺪﺓ ﻣﺸﻮﺍﺭ ﺟﺪﻳﺪ ﻣﻦ ﺣﻴﺎﺗﻲ
ﻭﻗﺮﺭﺕ ﺍﺻﻨﻊ ﻋﺎﻟﻤﻲ ﺍﻟﺨﺎﺹ ﺑﻴﺔ
ﻛﻤﺖ ﺍﻛﻌﺪ ﻣﻦ ﺍﻟﺼﺒﺢ ﻣﺜﻞ ﻣﺎﻛﻨﺖ ﻗﺒﻞ ﺑﻴﺖ ﺑﺎﺑﺎ
ﻭﺻﺮﺕ ﺍﻧﻈﻒ ﻏﺮﻓﺖ ﺍﻟﺠﺪﺓ ﻭﺍﻟﺠﺪ ﻭﺍﻃﻠﻊ ﺑﻴﺒﻲ ﻟﻠﺼﺎﻟﺔ ﻭﺍﺭﻭﺡ ﻋﺎﻟﻤﻄﺒﺦ ﺑﻌﺪ ﻣﺎ ﺍﻧﻈﻔﻪ ﻭﺍﺣﻀﺮ ﺍﻟﺮﻳﻮﻙ ﺍﻟﻬﻢ ﻛﻠﻬﻢ ﺍﻟﻲ ﺑﺎﻟﺒﻴﺖ ﻭﺍﻧﺰﻟﺔ ﻋﻠﻰ ﻣﻴﺰ ﺍﻟﻄﻌﺎﻡ
ﺍﺟﻴﺐ ﺑﻴﺒﻲ ﻭﺟﺪﻱ ﺍﻟﻌﺠﻮﺯ ﺍﻟﻄﺎﻏﻲ
ﻭﻧﺘﺠﻤﻊ ﻋﻠﻰ ﻣﻴﺰ ﺍﻟﻄﻌﺎﻡ
ﻛﺎﻧﺖ ﺑﻴﺒﻲ ﻛﻠﺶ ﻓﺮﺣﺎﻧﺔ ﺑﺘﻐﻴﺮﻱ ﻭﻳﺎﻫﻢ ﻭﺍﻟﻈﺎﻫﺮ ﺍﻭﻝ ﻣﺮﺓ ﻭﺍﺣﺪ ﻳﻌﺘﻨﻲ ﺑﻴﻬﻢ ﺻﺎﺭﺕ ﺗﻜﺴﺮ ﺧﺎﻃﺮﻱ ﻻﻥ ﻫﻲ ﻣﻮ ﻗﻮﻳﺔ ﻣﺜﻞ ﺟﺪﻱ ﻭﻳﺨﺎﻓﻮﻥ ﻣﻨﻬﺔ ﻭﻳﻌﺘﻨﻮﻥ ﺑﻴﻬﺎ ﻭﻳﺴﻤﻌﻮﻥ ﻛﻼﻣﻬﺎ
ﺧﻄﻴﺔ ﻫﻤﺔ ﺑﺲ ﻣﻦ ﻳﻜﻮﻥ ﺟﺪﻱ ﻣﺠﺮﺩ ﻳﻌﺘﻨﻮﻥ ﺑﻴﻬﺎ ﻛﺪﺍﻣﺔ
ﻭﻣﺮﺕ ﺳﻨﺘﻴﻦ ﻋﻠﻰ ﻭﻓﺎﺓ ﺳﻤﺎﺡ
ﻭﺻﺮﺕ ﺍﻫﺘﻢ ﺑﺎﻟﺸﻴﺎﺏ ﺍﺣﺲ ﺑﻴﻬﻢ ﺻﺎﺭﻭ ﻣﺜﻞ ﺍﻃﻔﺎﻟﻲ ﻭﺍﻋﺘﻨﻲ ﺑﻴﻬﻢ
ﻓﺮﺡ - ﻳﺎﻟﻠﻪ ﺑﻴﺒﻲ ﺗﻌﺎﻱ ﺍﺗﺮﻳﻜﻲ
ﻭﻧﻀﺮﺕ ﻟﺠﺪﻱ ﺷﻠﻮﻥ ﺍﻟﺘﻔﺖ ﻋﻠﻴﺔ ﻭﻣﻨﺘﻈﺮﻧﻲ ﺍﻥ ﺍﺑﺎﺩﺭ ﻓﻬﺎﻱ ﺍﻟﻤﺮﺓ ﻗﺮﺭﺕ ﺍﻣﺪ ﻏﺼﻦ ﺍﻟﺰﻳﺘﻮﻥ
ﻓﺮﺡ - ﺍﺣﻢ ﺍﺣﻢ ﻳﺎﻟﻠﻪ ﺟﺪﻱ ﮔﻮﻡ ﺍﺗﺮﻳﻚ
ﺍﻭﻝ ﻣﺮﺓ ﺍﺣﺠﻲ ﻭﻳﺎﻩ ﻣﻦ ﺑﻌﺪ ﺍﻟﻲ ﺻﺎﺭ ﻭﻳﺎﻱ ﻭﺍﻟﻲ ﺳﻮﺍﻩ ﺑﻴﺔ ﻣﻦ ﻳﻮﻡ ﺍﻟﺰﻭﺟﻨﻲ ﻫﺬﺍ ﺣﺴﺎﻡ
ﺷﻔﺘﺔ ﻣﺎ ﺭﺩ ﻋﻠﻴﺔ ﻭﻋﺎﻛﺪ ﺣﻮﺍﺟﺒﻪ ﺍﻟﺜﺨﺎﻥ ﻛﻠﻬﻦ ﺷﻴﺐ ﻭﮔﺎﻡ ﻭﺭﺍﺡ ﻟﻠﻤﻄﺒﺦ ﺑﻜﻞ ﻛﺒﺮﻳﺎﺀ ﻭﺧﺸﻢ ﻳﺎﺑﺲ
ﺍﻧﻲ ﺍﺑﺘﺴﻤﺖ
ﺍﻟﺠﺪﺓ - ﻋﻠﻰ ﺷﻨﻮ ﺗﺒﺘﺴﻤﻴﻦ ﺗﺮﺓ ﺍﻧﺘﻲ ﺗﺸﺒﻬﻴﻦ ﺭﺍﺳﺔ ﺍﻟﻴﺎﺑﺲ
ﻓﺮﺡ - ﻻﺑﻴﺒﻲ ﺍﻧﻲ ﻣﻮ ﻃﺎﻏﻴﺔ ﻣﺜﻠﺔ
ﺍﻟﺠﺪﺓ ﺻﺪﮔﻴﻨﻲ ﻻﺗﺤﻜﻤﻴﻦ ﻋﻠﻴﻪ ﺗﺮﺓ ﻫﻮ ﮔﻠﺒﺔ ﻃﻴﺐ
ﻣﻮ ﻣﺜﻞ ﻣﺎ ﺗﺸﻮﻓﻴﻨﺎ
ﺭﺣﺖ ﮔﻌﺪﺕ ﺍﻟﺒﻨﺎﺕ ﻣﻦ ﺍﻟﻨﻮﻡ
ﻓﺮﺡ - ﻳﺎﻟﻠﻪ ﺑﻨﺎﺕ ﮔﻌﺪﻭ ﺩﻭﺍﻡ ﻫﻢ ﻳﺎﻟﻠﻪ ﺗﻨﺰﻟﻮﻥ ﺗﺮﺓ ﺍﻧﻲ ﺣﻀﺮﺕ ﺍﻟﺮﻳﻮﻙ
ﺧﻄﻴﺔ ﺷﻔﺖ ﺳﺮﻭﺭ ﮔﻌﺪﺕ ﻣﻦ ﺭﻛﻀﺖ ﻋﻠﻴﺔ ﻭﺣﻀﻨﺘﻨﻲ
ﺳﺮﻭﺭ - ﺣﺒﻴﺒﺘﻲ ﻓﺮﻭﺣﺔ ﺻﺒﺎﺡ ﺍﻟﺨﻴﺮ
ﻭﻧﺰﻟﻮ ﺍﻟﺒﻨﺎﺕ ﻭﻛﻌﺪﻭ ﻋﻠﻰ ﺍﻟﻤﻴﺰ ﻭﻳﺔ ﺟﺪﻱ ﻭﺟﺪﺗﻲ ﻭﺻﺒﻴﺖ ﺍﻟﻬﻢ ﺍﻟﺠﺎﻱ ﻭﻧﺰﻟﻦ ﺑﻨﺎﺕ ﻋﻤﻲ ﻫﻢ ﻋﻨﺪﻫﻢ ﺩﻭﺍﻡ
ﺳﻠﻮﻯ ﺻﺎﺭﺕ ﻣﺮﺣﻠﺔ ﺛﺎﻧﻴﺔ ﻛﻠﻴﺔ ﺗﺮﺑﻴﺔ ﻣﺜﻞ ﺳﻤﺎﺡ ﺍﻟﻠﻪ ﻳﺮﺣﻤﻬﺎ
ﺧﻠﺼﻮ ﺍﻟﺮﻳﻮﻙ ﻭﻃﻠﻌﻮ ﻟﺪﻭﺍﻣﻬﻢ ﻣﻊ ﺍﻟﺴﺎﻳﻖ
ﺑﻘﻴﺖ ﺍﻧﻲ ﻟﻮﺣﺪﻱ ﺑﺎﻟﺒﻴﺖ ﻭﻳﺔ ﺑﻴﺒﻲ
ﻭﻫﺎﻱ ﺳﻨﺪﺱ ﻛﺎﻧﺖ ﺗﻄﻠﻊ ﻛﻞ ﻳﻮﻡ ﻣﻦ ﺍﻟﺼﺒﺢ ﺗﺮﺟﻊ ﺍﻟﻈﻬﺮ ﻭﻣﺤﺪ ﻳﺴﺄﻟﻬﺎ ﻭﺟﺪﻱ ﺑﻤﺎ ﺍﻥ ﻫﻮ ﺷﻴﺦ ﺍﻟﻌﺸﻴﺮﺓ ﻓﻌﻨﺪﺓ ﻫﻮﺍﻱ ﺍﻣﻮﺭ ﺗﻘﺘﻀﻲ ﺍﻥ ﻳﻄﻠﻊ ﻣﻦ ﺍﻟﺒﻴﺖ ﺑﺸﻜﻞ ﻳﻮﻣﻲ
ﻓﺮﺡ ﻭﻫﻲ ﺗﺘﺬﻛﺮ ﺍﻻﻳﺎﻡ ﺍﻟﻲ ﻣﻀﺖ ﻣﻦ ﺑﺪﺕ ﺗﺘﻘﺒﻞ ﺗﻌﻴﺶ ﻭﻳﺎﻫﻢ
ﺗﺘﺬﻛﺮ
ﺷﻠﻮﻥ ﻏﻴﺮﺕ ﺑﺒﻴﺘﻬﻢ ﻫﻮ ﺻﺤﻴﺢ ﻓﺨﻢ ﺑﺲ ﻣﺎ ﻣﻌﺘﻨﻴﻦ ﺑﻲ
ﻣﺎﻋﺒﺎﻟﻚ ﺍﻛﻮ ﻣﺮﻳﺔ ﺗﺪﻳﺮﺓ ﻭﺗﻬﺘﻢ ﺑﺸﺆﻭﻧﺔ
ﻭﺍﻟﻠﻪ ﻭﻣﺎ ﻗﺼﺮﺕ ﺍﺳﺘﻠﻤﺖ ﺗﻌﺪﻳﻞ ﻭﺗﻨﻈﻴﻒ ﻭﻃﺒﺦ ﺑﺲ ﻫﺎﻟﻤﺮﺓ ﻣﻮ ﻣﻐﺼﻮﺑﺔ ﻻ ﻫﺎﻟﻤﺮﺓ ﺍﻧﻲ ﺍﺭﻳﺪ ﻣﺜﻞ ﻣﺎﮔﻠﺖ ﺍﻧﻲ ﺭﺍﺡ ﺍﺻﻨﻊ ﻋﺎﻟﻤﻲ ﺍﻟﺨﺎﺹ
ﻻﻥ ﻭﻻﻭﺍﺣﺪ ﻣﻮﺟﻮﺩ ﺑﺎﻟﺒﻴﺖ
ﻭﺍﻟﺠﺪ ﻳﻄﻠﻊ ﻣﻊ ﺍﻟﺴﺎﻳﻖ ﻣﺎﻟﺘﺔ ﺟﻮﺓ ﺍﻳﺪﺓ ﺩﺍﺋﻤﺎ ﻭﻳﺮﻭﺡ ﻳﺤﻞ ﺍﻣﻮﺭ ﺍﻟﻌﺸﻴﺮﺓ ﺍﻭ ﻳﻮﺍﺻﻞ ﻓﺎﺗﺤﺔ ﻭﻏﻴﺮﻫﺎ ﻣﻦ ﺍﻻﻣﻮﺭ ﺍﻟﻲ ﺗﻘﺘﻀﻲ ﻋﻠﻴﻪ ﺍﻟﻘﻴﺎﻡ ﺑﻴﻬﺎ
↙️
ﻭﺻﺮﺕ ﺍﻧﻲ ﺍﻟﻤﺴﺆﻟﺔ ﻋﻦ ﻋﻨﺎﻳﺔ ﺑﻴﺒﻲ ﻭﺍﻟﻌﺠﻮﺯ ﻣﻬﻤﺎ ﻛﺎﻥ ﺍﻟﺒﻴﻨﻲ ﻭﺑﻴﻨﻪ ﻭﺍﻛﺮﻫﺔ ﻟﻜﻦ ﺣﻜﻤﺖ ﻋﻘﻠﻲ ﺍﻥ ﻛﺎﻥ ﺑﺎﺑﺎ ﺍﻟﻠﻪ ﻳﺮﺣﻤﺔ ﺑﺤﺒﻬﻢ ﻭﺍﻛﺮﺍﻣﺎً ﻟﺒﺎﺑﺎ ﺭﺍﺡ ﺍﻋﺘﻨﻲ ﺑﻴﻬﻢ ﻭﺍﺳﺎﻋﺪ ﻧﻔﺴﻲ ﺣﺘﻰ ﺍﺗﻘﺒﻠﻬﻢ ﻻﻥ ﻋﻨﺎﺩﻱ ﻣﺎ ﺟﺎﻱ ﻳﺠﻴﺐ ﻭﻳﺎﻫﻢ ﺍﻱ ﻧﺘﻴﺠﺔ ﻭﺍﻟﻤﺜﻠﻲ ﻻﺣﻮﻝ ﻭﻻ ﻗﻮﺓ ﻣﺎ ﺍﮔﺪﺭ ﺍﻧﺘﻘﻢ ﻣﻨﻬﻢ ﻻﻥ ﻣﺎﻋﻨﺪﻱ ﺷﻲ ﻳﮕﺪﺭ ﻳﺎﺧﺬ ﺣﻘﻲ ﻭﺣﻖ ﺍﺧﺘﻲ ﻣﻨﻬﻢ ﺑﺲ ﺍﻟﻠﻪ ﺍﻟﻲ ﻳﺎﺧﺬﺓ ﻣﻨﻬﻢ
ﺭﺟﻌﺖ ﻓﺮﺡ ﻣﻦ ﺳﻔﺮﺓ ﺍﻟﺬﻛﺮﻳﺎﺕ ﻭﺷﻠﻮﻥ ﮔﺪﺭﺕ ﺗﻐﻴﺮ ﻫﻮﺍﻱ ﺍﺷﻴﺎﺀ ﺑﻬﺬﺍ ﺍﻟﺒﻴﺖ
ﺻﺎﺭ ﻋﻤﻲ ﺗﻮﻓﻴﻖ ﻭﻋﻤﻲ ﺟﻮﺍﺩ ﻛﻞ ﻳﻮﻡ ﻳﺠﻮﻥ ﻋﻠﻰ ﺍﻟﻐﺪﺍ
ﻻﻥ ﺟﻨﺖ ﺍﻃﺒﺦ ﻛﻞ ﻳﻮﻡ ﻓﺪ ﺍﻛﻠﺔ ﻣﻦ ﺍﻻﻛﻼﺕ ﻣﺜﻞ ﺍﻟﺪﻭﻟﻤﺔ
ﻭﺍﻟﺒﺎﺟﺔ ﻭﺍﻟﻤﻄﺒﻚ ﺑﺎﻧﻮﺍﻋﻪ ﺍﻟﻠﺤﻢ ﻭﺍﻟﺪﺟﺎﺝ ﻭﺍﻟﺴﻤﻚ ﻭﻛﺎﻥ ﻋﻨﺪﻱ ﻧﻔﺲ ﻃﻴﺐ ﺑﺎﻻﻛﻞ
ﻛﻨﺖ ﺍﺗﺴﺎﺋﻞ ﻟﻴﺶ ﻋﻤﺎﻣﻲ ﻛﺜﺮﺕ ﺟﻴﺎﺗﻬﻢ ﻋﻠﻰ ﺑﻴﺖ ﺟﺪﻱ
ﺑﻌﺪﻳﻦ ﻋﺮﻓﺖ ﻻﻥ ﺯﻭﺟﺎﺕ ﻋﻤﺎﻣﻲ ﻛﺎﺿﻴﺎﺗﻬﺎ ﺩﺍﻳﺤﺔ ﻭﺳﻔﺮ
ﻭﻫﻤﺔ ﺻﺎﺭﻭ ﻳﺸﻮﻓﻮﻥ ﺑﺒﻴﺖ ﺟﺪﻱ ﺍﻟﺪﻓﻮ ﻭﺍﻟﻌﻨﺎﻳﺔ ﻭﺍﻻﻟﻔﺔ ﺍﻟﻲ ﺍﻧﻲ ﺧﻠﻘﺘﻬﺎ ﺑﻤﺮﻭﺭ ﺍﻻﻳﺎﻡ
ﻭﻓﻲ ﻣﺮﺓ ﻣﻦ ﺍﻟﻤﺮﺍﺕ
ﺳﻤﻌﺖ ﺟﺪﻱ ﺑﺎﻟﺼﺪﻓﺔ ﻻﻥ ﺍﻧﻲ ﻣﻮ ﻣﻦ ﺍﻟﻨﻮﻉ ﺍﻟﻲ ﻳﺤﺐ ﻳﺴﺮﻕ ﺍﻟﺴﻤﻊ
ﺍﻟﻤﻬﻢ ﺳﻤﻌﺘﺔ ﻳﻜﻮﻝ ﻟﺒﻴﺒﻲ
- ﻭﺍﻟﻠﻪ ﺧﺎﻳﻒ ﻋﻠﻴﻬﻦ ﻣﻦ ﻧﺒﻴﻞ ﺧﺎﻑ ﻳﺴﻮﻱ ﺑﻴﻬﻦ ﺷﻲ
ﻣﺜﻞ ﺍﻟﻲ ﺳﻮﺍﻩ ﺑﺴﻤﺎﺡ
ﺧﺼﻮﺻﺎ ﺧﺎﻳﻒ ﻋﻠﻰ ﻓﺮﺡ ﺍﺣﺲ ﺑﻲ ﺑﺲ ﻳﺮﺍﻗﺒﻬﺎ ﻭﻋﻴﻨﺔ ﻋﻠﻴﻬﺎ
ﻭﻛﺎﻥ ﻛﻼﻡ ﺟﺪﻱ ﻳﺮﻥ ﺑﺮﺍﺳﻲ ﻣﺎ ﺍﻓﺘﻬﻤﺖ ﺷﻨﻮ ﻗﺼﺪﻩ
ﻫﺴﺔ ﺍﻟﻴﺴﻤﻊ ﻛﻼﻣﺔ ﻳﮕﻮﻝ ﻫﻮ ﻳﺤﺒﻨﺎ ﻭ ﻳﺨﺎﻑ ﻋﻠﻴﻨﺎ
ﺷﺒﻲ ﻫﺬﺍﻟﻄﺎﻏﻲ ﺍﺷﻮ ﻳﻨﺎﻗﺾ ﻧﻔﺴﻪ ﺑﺲ ﺻﺪﻙ ﺷﻨﻮ ﻗﺼﺪﺓ ﺍﻟﻲ ﺳﻮﺍﻩ ﺑﺴﻤﺎﺡ ﻭ
ﻟﻴﺶ ﻧﺒﻴﻞ ﺍﻟﻌﺎﺭ ﺷﻨﻮ ﻣﺴﻮﻱ ﻣﻦ ﺩﻛﺔ ﺑﺎﺧﺘﻲ ﺍﻟﻤﺮﺣﻮﻣﺔ
ﻓﺮﺡ - ﻫَـﺎ ﺑﻴﺒﻲ ﺣﻀﺮﺕ ﻏﺮﺍﺿﺞ ﺗﺮﺩﻳﻦ ﺍﺧﺬﺝ ﺍﺳﺒﺤﺞ ﻗﺒﻞ ﻻﻧﻄﻠﻊ ﻟﻠﻤﺰﺭﻋﺔ
ﺍﻟﻴﻮﻡ ﺭﺍﺡ ﻧﻄﻠﻊ ﺳﻔﺮﺓ ﻟﻠﻤﺰﺭﻋﺔ ﻻﻥ ﻫﻤﺔ ﻣﺘﻌﻮﺩﻳﻦ ﺩﺍﺋﻤﺎ ﻳﺮﺣﻮﻥ ﻟﻠﻤﺰﺭﻋﺔ ﻣﺎﻟﺘﻬﻢ ﻛﻠﻬﻢ ﺍﻟﻌﻮﺍﺋﻞ ﻳﺎﺧﺬﻭﻥ ﻏﺪﺍﻫﻢ
ﺧﻠﺼﺖ ﻃﻠﺒﺎﺕ ﺑﻴﺒﻲ
ﻭﺣﻀﺮﺕ ﻏﺮﺍﺽ ﺳﺮﻭﺭ ﻭﺍﻧﻲ ﻏﺮﺍﺿﻲ ﻣﻮ ﻫﻮﺍﻱ ﻋﻜﺲ ﺳﻠﻮﻯ ﺣﻀﺮﺕ ﻧﻔﺴﻬﺎ ﻭﻃﻠﺖ ﺗﺠﻨﻦ ﻭﺍﻟﻠﻪ ﻣﻮ ﺑﺲ ﺳﻠﻮﻯ ﺣﺘﻰ ﺍﺳﺮﺍﺀ ﻭﻧﺴﺮﻳﻦ ﻭﺭﺷﺎ ﻭﺷﻬﺪ ﻛﻠﻬﻢ
ﻭﺭﻛﺒﺖ ﺑﻴﺒﻲ ﺑﺴﻴﺎﺭﺓ ﺣﺴﺎﻡ
ﻭﺭﻛﺒﺖ ﻭﻳﺎﻫﻢ
ﻻﻭﻝ ﻣﺮﺓ ﺍﻧﺘﺒﻪ ﻋﻠﻰ ﺣﺴﺎﻡ
ﺍﻟﻠﻪ ﻳﺴﺘﺮ ﻋﻠﻴﻪ ﻛﻠﺶ ﻣﺮﺗﺐ ﻭﻫﻴﺒﺔ ﻭﺷﺨﺼﻴﺔ
ﻭﺍﺑﺎﻭﻉ ﻋﻠﻰ ﻋﻴﻮﻥ ﻧﺴﺮﻳﻦ ﺗﺮﻳﺪ ﺗﺎﻛﻠﺔ ﺍﻛﻞ
ﺍﺩﺭﻱ ﻫﻮ ﻣﻮ ﺯﻭﺝ ﺍﺧﺘﻬﺎ ﺍﻟﻤﺘﻮﻓﻴﺔ ﺷﻠﻮﻥ ﺍﻧﻄﺎﻫﺔ ﮔﻠﺒﻬﺎ ﺗﺤﺐ ﺭﺟﻞ ﺍﺧﺘﻬﺎ
ﺍﻭﻑ ﻫﺴﺔ ﺍﻧﻲ ﺷﻠﻲ ﻏﺮﺽ
ﺑﺲ ﻋﻮﺩﻙ ﺍﻟﺼﺪﻙ ﻫﻮ ﺷﺎﻳﻞ ﻣﻌﺎﻧﻲ ﻣﻤﻠﻮﺣﺔ ﺟﺬﺍﺑﺔ
ﻭ ﺷﺎﻳﻞ ﻃﻮﻝ ﺍﺷﺮﺩ ﺍﻻﺑﺸﺪﺓ ﻭﻧﻈﺮﺍﺕ ﻋﻴﻮﻧﺔ ﺗﻤﻮﺕ
ﻟﻜﻦ ﺍﻧﻲ ﺍﻟﻤﺜﻞ ﺟﻬﺮﺗﻲ ﻣﺎ ﺍﺗﻮﻗﻊ ﺗﺘﺠﺮﺍﺀ ﻭﺗﺤﻠﻢ ﻳﺒﺎﻭﻉ ﻋﻠﻴﻬﺎ ﺻﺤﻴﺢ ﺍﺣﻨﺎ ﻣﺘﺰﻭﺟﻴﻦ ﺻﺎﺭﻟﻨﺎ ﻫﻮﺍﻱ ﻟﻜﻦ ﻣﻮﺳﻰ ﺑﺪﻳﻦ ﻭﻋﻴﺴﻰ ﺑﺪﻳﻦ ﺍﺑﺪ ﻣﺎ ﺷﻔﺘﺔ ﻣﻦ ﺑﻌﺪ ﺍﻟﻌﻘﺪ ﻭﻻﻫﻮ ﺍﺻﻼ ﺣﺎﻭﻝ ﻳﺴﺄﻝ
ﻋﻠﻰ ﺷﻨﻮ ﺑﺎﻟﻠﻪ ﻳﺴﺄﻝ ﻭﺍﻟﻠﻪ ﻣﺼﺪﻛﺔ ﺭﻭﺣﻲ
ﺻﻌﺪﺕ ﺍﻧﻲ ﻭﺑﻴﺒﻲ ﻭﺳﺮﻭﺭ
ﻭﻳﺔ ﺣﺴﺎﻡ ﺍﻟﻲ ﺍﻟﻘﻰ ﻧﻀﺮﺓ ﻭﺣﺪﺓ ﻋﻠﻴﺔ ﻭﺑﻌﺪ ﻣﺎ ﻋﺎﺩﻫﺎ
ﺍﺗﻮﻗﻊ ﻋﺒﺎﻟﺔ ﺍﻟﺨﺪﺍﻣﺔ ﻣﺎﻟﺘﻬﻢ ﻫﻬﻬﻬﻬﻬﻬﻪ
ﺣﺴﺎﻡ - ﺷﻠﻮﻧﺞ ﺣﺠﻴﺔ ﺷﺨﺒﺎﺭﺝ ﻣﺸﺘﺎﻗﻠﺞ ﻳﺎﺣﻠﻮﺓ
ﺍﻟﺠﺪﺓ - ﻳﺎ ﻳﺎ ﺣﻮﻳﺴﻢ ﺍﮔﻌﺪ ﺭﺍﺣﺔ ﻻ ﺍﮔﻮﻡ ﻋﻠﻴﻚ ﺑﺎﻟﻌﺼﺎ
ﻓﺮﺡ - ﻫﻬﻬﻬﻬﻬﻬﻬﻬﻬﻪ ﺣﻠﻮﺓ ﺑﻴﺒﻲ ﺗﺤﺐ ﺍﻻﻛﺸﻦ
ﺍﻟﺘﻔﺖ ﺣﺴﺎﻡ ﻣﺘﻔﺎﺟﻲﺀ ﻣﻦ ﺷﺎﻑ ﺍﺑﺘﺴﺎﻣﺔ ﻓﺮﺡ ﻻﻭﻝ ﻣﺮﺓ ﺑﺲ ﻏﻴﺮ ﮔﻠﺒﺖ ﺷﻜﻠﻬﺎ ﮔﻼﺏ
ﺣﺴﺎﻡ - ﻫﻠﺔ ﺑﺎﺑﻮ ﺍﻟﺸﺒﺎﺏ ﺍﺳﺘﺎﺫ ﺟﻌﻔﺮ
ﺣﺴﺎﻡ ﺷﻔﺖ ﻫﺎﻱ ﺑﻨﺖ ﻋﻤﻲ ﺍﻟﻲ ﺯﻭﺟﻬﺔ ﺟﺪﻱ ﺍﻟﻲ ﺑﺎﻟﻜﻮﺓ ﻗﺒﻠﺖ ﺍﺗﺰﻭﺟﻬﺎ ﻟﻬﺎﻱ ﺍﻟﻤﺴﺘﺮﺟﻠﺔ ﺍﻡ ﺭﺍﺱ ﺍﻟﻴﺎﺑﺲ
↙️
ﻫﻲ ﺻﻌﺪﺕ ﻭﻳﺔ ﺑﻴﺒﻲ ﺑﺴﻴﺎﺭﺗﻲ ﻭﺍﻧﺘﺒﻬﺖ ﻋﻠﻴﻬﺎ ﺷﻠﻮﻥ ﺍﺑﺘﺴﻤﺖ ﻭﻟﻮ ﺍﻭﻝ ﻣﺮﺓ ﺍﺷﻮﻑ ﺍﺑﺘﺴﺎﻣﺔ ﺗﮕﻠﺐ ﺷﻜﻞ ﺷﺨﺺ ﻟﻬﺪﺭﺟﺔ ﻻﻥ ﺍﺗﻌﻮﺩﺕ ﻋﻠﻴﻬﺎ ﺷﻮﻛﺖ ﻣﺎ ﺍﺷﻮﻓﻬﺎ ﻋﺎﮔﺪﺓ ﺍﻟﺤﻮﺍﺟﺐ ﻭﺍﻟﻌﻴﻮﻥ ﺗﺠﺪﺡ ﻧﺎﺭ ﻣﻦ ﺍﻟﻌﺼﺒﻴﺔ ﻭﺑﺲ ﺗﻠﻌﻲ ﻭﺗﺼﻴﺢ
ﺍﻟﻠﻪ ﺑﺲ ﻓﺪ ﺍﺗﻮﻧﺲ ﻣﻦ ﻳﻄﻠﺐ ﻣﻨﻲ ﺟﺪﻱ ﺍﺭﺩﻩ ﻭﺍﺷﻜﻤﻬﺎ ﺍﻟﻠﻪ ﺍﺣﺲ ﺻﺎﺭﺕ ﻋﻨﺪﻱ ﻫﻮﺍﻳﺔ ﺍﺷﻜﺪ ﺍﺣﺐ ﺍﻛﺴﺮ ﻋﻨﺎﺩﻫﺎ ﻭﺍﺷﻮﻓﻬﺎ ﺗﺨﻀﻊ ﻟﻲ ﻭﻫﺬﺍ ﺧﺸﻤﻬﺎ ﺍﻟﻴﺎﺑﺲ ﺑﺲ ﺭﻏﻢ ﻫﺬﺍ ﻛﻠﺔ ﺍﺑﺪ ﻣﺎ ﺷﻔﺘﻬﺎ ﺿﻌﻴﻔﺔ ﺑﺎﻟﻌﻜﺲ ﺑﺎﺻﻌﺐ ﺍﻭﻗﺘﻬﺎ ﻭﻣﺤﻨﺘﻬﺎ ﻭﻣﺎ ﻛﺪﺭﺕ ﺍﺷﻮﻑ ﺍﻟﻀﻌﻒ ﺑﻌﻴﻮﻧﻬﺎ
ﻓﺮﺡ ﻭﻛﺄﻥ ﻭﺍﺣﺪ ﻧﻐﺰ ﮔﻠﺒﻲ ﻣﻦ ﺳﻤﻌﺖ ﻛﻼﻡ ﺣﺴﺎﻡ ﻭﺫﻛﺮﻧﻲ ﺑﺎﺳﻢ ﺟﻌﻔﺮ ﻣﻦ ﺗﺬﻛﺮﺕ ﺷﻠﻮﻥ ﺟﺎﻧﺖ ﺗﺘﺸﺎﻗﺔ ﻭﻳﺔ ﺳﻤﺎﺡ ﺑﻨﻔﺲ ﻫﺬﺍ ﺍﻻﺳﻢ
ﻓﺮﺡ ﺑﺒﺘﺴﺎﻣﺔ ﺷﻘﺎﻭﺓ ﻭﻛﺄﻧﻬﺎ ﻧﺴﺖ ﻧﻔﺴﻬﺎ ﻋﺒﺎﻟﻬﺎ ﺗﺤﺠﻲ ﻭﻳﺔ ﺳﻤﺎﺡ
- ﺍﺧﻮﻙ ﺟﻌﻔﺮ ﺑﺎﻟﺨﺪﻣﺔ
ﺣﺴﺎﻡ ﻭﻫﻮ ﻳﻀﺤﻚ - ﻭﺍﻟﻠﻪ ﺍﻧﺘﻲ ﺩﻣﺞ ﻋﺴﻞ
ﻓﺮﺡ ﻭﺧﺪﻭﺩﻫﺎ ﺻﺎﺭﻥ ﺣﻤﺮ
ﻭﺍﻟﻠﻪ ﻭﺻﻠﻨﺎ ﻟﻠﻤﺰﺭﻋﺔ
ﺍﺗﻌﻮﺩﺕ ﺍﺳﺎﻋﺪﻫﻢ ﻭﺍﺷﺘﻐﻞ
ﺑﺎﻭﻋﺖ ﻋﻠﻰ ﺍﻟﻜﻞ ﻣﻬﺘﻢ ﺑﻠﺒﺴﻪ ﻭﻣﺘﺄﻧﻖ ﻭﻛﺸﺨﺔ
ﻭﺍﻧﺘﺒﻬﺖ ﻋﻠﻰ ﺍﻧﻬﻢ ﺟﺎﻳﺒﻴﻦ ﻭﻳﺎﻫﻢ ﻋﺎﻣﻠﺘﻴﻦ ﻳﺴﺎﻋﺪﻭﻫﻢ ﻭﺍﺷﻮﻑ ﺍﻟﻜﻞ ﻳﺄﻣﺮ ﻋﻠﻴﺔ ﻭﻳﺼﺨﺮﻧﻲ ﻭﻛﺄﻥ ﻣﻮ ﺑﺸﺮ ﻣﺜﻠﻬﻢ ﻳﺎﻟﻠﻪ ﻛﻠﺔ ﻳﻬﻮﻥ ﺍﺗﺤﻤﻞ ﻋﻠﻤﻮﺩ ﺧﻮﺍﺗﻲ
ﺍﺑﺎﻭﻉ ﻋﻠﻰ ﺍﻭﻻﺩ ﻋﻤﻲ ﻧﺰﻟﻮ ﺍﻟﻐﺮﺍﺽ ﻣﻦ ﺍﻟﺴﻴﺎﺭﺍﺕ ﻭﺑﻨﺎﺕ ﻋﻤﻲ ﻭﺑﻨﺎﺕ ﻋﻤﺘﻲ ﺭﺳﻤﻴﺔ ﺭﺍﺣﻮ ﻋﻠﻰ ﺍﻟﻤﺰﺭﻋﺔ ﺍﺧﺬﻭ ﺳﻠﻮﻯ ﻭﺳﺮﻭﺭ ﻭﺭﺍﺣﻮ ﻳﺮﺍﻭﻧﻬﻢ ﺍﻟﻤﺰﺭﻋﺔ ﻭﺍﻧﻲ ﺭﺣﺖ ﻭﺭﺍﻫﻢ ﻭﺍﻟﺒﻨﺎﺕ ﻛﺎﻧﻮ ﻳﺴﻮﻟﻔﻮﻥ ﻭﻳﻀﺤﻜﻮﻥ ﻟﻜﻦ ﻣﻦ ﺍﻗﺘﺮﺑﺖ ﺳﻜﺘﻮ ﺍﻟﺒﻨﺎﺕ ﻭﺷﻔﺖ ﺳﺮﻭﺭ ﺷﻠﻮﻥ ﺍﻧﻘﻬﺮﺕ ﻋﻠﻰ ﺷﻜﻠﻲ ﻣﻦ ﺿﺠﺖ ﻛﺎﻥ ﻣﻮﻗﻔﻬﻢ ﻭﺍﺿﺢ ﺍﻥ ﻏﻴﺮ ﻣﺮﺣﺐ ﺑﻲ ﻭﻳﺎﻫﻢ
ﻧﺴﺮﻳﻦ ﺑﺎﺳﺘﻬﺰﺍﺀ - ﺍﻫﻮﻭﻭﻭ ﺍﺟﺖ ﺍﻟﻤﺴﺘﺮﺟﻠﺔ ﻋﻠﻰ ﮔﻮﻟﺖ ﺟﺪﻱ ﻭﻟﻜﻢ ﺍﺣﺘﻤﺎﻝ ﺣﺘﻰ ﻻﺯﻡ ﻧﻠﺒﺲ ﺣﺠﺎﺏ ﻣﻨﻬﺎ
ﻓﺮﺡ - ﻧﺴﺮﻳﻦ ﺍﺣﺘﺮﻣﻲ ﻧﻔﺴﺞ ﻭﺍﻛﻠﻲ ﺗﺒﻦ ﻻ ﺍﺭﺍﻭﻳﺞ ﻫﺎﻱ ﺍﻟﻤﺴﺘﺮﺟﻠﺔ ﺷﻨﻮ ﺗﻜﺪﺭ ﺗﺴﻮﻱ ﺑﻴﺞ ﻓﺎﺣﺴﻨﻠﺞ ﻻﺗﺨﻠﻴﻨﻲ ﺍﻣﺴﺢ ﺑﻴﺞ ﺍﻟﻜﺎﻉ
ﻧﺴﺮﻳﻦ - ﻫﺎﻙ ﻳﺎﻟﻠﻪ ﺍﺳﺘﻠﻢ ﻭﻧﻮﺏ ﺗﻀﻮﺝ ﻣﻦ ﻭﺍﺣﺪ ﻳﻜﻠﻠﻬﺔ ﻣﺴﺘﺮﺟﻠﺔ ﺍﻧﺘﻲ ﺷﻮﻓﻲ ﺗﺼﺮﻓﺎﺗﺞ ﻭﻛﻼﻣﺞ ﺑﺎﻻﻭﻝ ﻭﻧﻮﺏ ﺑﻌﺪﻳﻦ ﺗﻌﺎﻱ ﻃﺎﻟﺒﻲ ﺑﺎﻻﺣﺘﺮﺍﻡ ﺍﺗﻮﻗﻊ ﺣﺘﻰ ﻳﻤﻜﻦ ﻧﺴﻴﺘﻲ ﻧﻔﺴﺞ ﺍﻧﺘﻲ ﺑﻨﻴﺔ
ﺭﺣﺖ ﺩﺭﺕ ﻭﺟﻬﻲ ﻋﻨﻬﻢ ﺍﻟﻜﻞ ﻣﺤﺪ ﺣﺠﺔ ﺍﻭ ﺭﺩ ﻧﺴﺮﻳﻦ ﺣﺘﻰ ﺳﻠﻮﻯ ﻣﺎﺣﺠﺖ ﻟﻜﻦ ﻗﺒﻞ ﻻ ﺍﺑﺘﻌﺪ ﺳﻤﻌﺖ ﻛﻼﻡ ﺳﺮﻭﺭ ﻭﻳﺎﻫﺎ
ﺳﺮﻭﺭ - ﻻﺗﺤﺠﻴﻦ ﻋﻠﻰ ﺍﺧﺘﻲ ﻓﺮﺡ ﻟﻴﺶ ﺗﮕﻮﻟﻴﻦ ﻋﻠﻴﻬﺎ ﻣﺴﺘﺮﺟﻠﺔ ﻭﺍﻟﻠﻪ ﻫﻲ ﺣﻠﻮﺓ ﻭﺣﺒﺎﺑﺔ ﻭﺣﺘﻰ ﻟﺒﺴﻬﺎ ﻣﺎﻝ ﺑﻨﺎﺕ ﺷﻨﻮ ﻗﺎﺑﻞ ﺷﺎﻳﻔﺘﻬﺎ ﻻﺑﺴﺔ ﻣﻼﺑﺲ ﻭﻟﺪ ﻭﺗﻜﻮﻟﻴﻦ ﻋﻠﻴﻬﺎ ﻣﺴﺘﺮﺟﻠﺔ
ﺧﻄﻴﺔ ﻛﺎﻥ ﺟﻮﺍﺏ ﺳﺮﻭﺭ ﻣﺎﻝ ﻭﺣﺪﺓ ﻃﻔﻠﺔ ﻋﻠﻰ ﮔﺪ ﻋﻘﻠﻬﺎ
ﺍﻧﻲ ﺍﻋﺮﻑ ﺷﻨﻮ ﻗﺼﺪ ﻧﺴﺮﻳﻦ ﺑﻬﺬﺍ ﻛﻼﻣﻬﺎ ﻛﺎﻧﺖ ﺗﻘﺼﺪ ﺗﺼﺮﻓﺎﺗﻲ
ﺭﺣﺖ ﺍﺑﺘﻌﺪﺕ ﻋﻨﻬﻢ ﻣﻘﻬﻮﺭﺓ ﻣﻨﻬﻢ ﻭﻋﻠﻴﻬﻢ ﺣﺘﻰ ﺯﻋﻠﺖ ﻣﻦ ﺍﺧﺘﻲ ﺳﻠﻮﻯ ﺍﺣﺲ ﺑﻴﻬﺎ ﻛﺎﻣﺖ ﺗﺘﺠﻨﺒﻨﻲ ﻋﺒﺎﻟﻚ ﺑﻴﺔ ﻃﺎﻋﻮﻥ
ﺳﻨﺪﺱ - ﻳﺎﻟﻠﻪ ﻓﺮﺡ ﮔﻮﻣﻲ ﺷﻮﻓﻲ ﺷﻐﻠﺞ ﺑﻌﺪ ﺍﻟﻤﻄﺒﺦ ﻋﻠﻴﺞ ﻣﺎ ﺍﻭﺻﻴﺞ ﻭﺍﻟﺒﻨﺎﺕ ﺑﻌﺪﻳﻦ ﻣﻦ ﻳﻔﺮﻏﻦ ﻳﺴﺎﻋﺪﻧﺞ
ﺍﻡ ﺣﺴﺎﻡ - ﻭﺍﻟﻠﻪ ﺍﺣﺴﺪﺝ ﻋﻠﻰ ﻫﺎﻱ ﻓﺮﺡ ﻋﻨﺪﺝ ﻭﺍﻟﻠﻪ ﺳﺒﺎﻋﻴﺔ ﻭﺷﺎﻃﺮﺓ ﻭﺷﺎﻏﻮﻟﺔ ﻭﺍﺑﺎﻭﻉ ﻋﻠﻴﻬﺎ ﺷﺎﻳﻠﺔ ﺍﻟﺒﻴﺖ ﺷﻴﻞ ﻭﺫﺍﻙ ﺍﻟﻴﻮﻡ ﺗﻮﻓﻴﻖ ﻳﻜﻮﻝ ﻭﺍﻟﻠﻪ ﻋﻠﻴﻬﺎ ﻧﻔﺲ ﺑﺎﻟﻄﺒﺦ ﻳﺠﻨﻦ
ﻓﮕﻠﺖ ﺍﺧﺬﻫﺎ ﻓﺪ ﻳﻮﻡ ﻣﻨﺞ ﺣﺘﻰ ﺗﺴﻮﻱ ﺍﻟﻨﺎ ﺩﻭﻟﻤﺔ ﺧﻄﻴﺔ ﻣﻴﺖ ﻋﻠﻴﻬﺎ ﺗﻮﻓﻴﻖ ﺑﺲ ﻣﺎ ﺍﻋﺮﻑ ﺍﺳﻮﻳﻬﺎ
ﻓﺮﺡ ﻭﺑﻄﻴﺐ ﺧﺎﻃﺮ - ﻣﻦ ﻋﻴﻮﻧﻲ ﺧﺎﻟﺔ ﺍﻧﺘﻲ ﺑﺲ ﮔﻮﻟﻲ
ﻭﺍﻧﻲ ﺍﺳﻮﻱ
ﺭﺍﺡ ﺗﺴﺄﻟﻮﻧﻲ ﻭﻳﻦ ﺍﺧﺘﻔﺖ ﻓﺮﺡ ﺍﻟﻘﺪﻳﻤﺔ
ﻓﺮﺡ ﺍﻟﻘﺪﻳﻤﺔ ﻣﺎﺗﺖ ﻣﻊ ﺍﺧﺘﻬﺎ ﺳﻤﺎﺡ ﻣﺎﺗﺖ ﻣﻦ ﻳﻮﻡ ﺍﻟﻲ ﺩﺧﻠﺖ ﻋﻠﻴﻬﻢ ﺑﺎﻟﺒﻴﺖ ﺍﺗﻌﻠﻤﺖ ﺍﺩﺍﺭﻱ ﻣﺼﻠﺤﺘﻲ ﻭﻣﺼﻠﺤﺖ ﺧﻮﺍﺗﻲ
ﮔﻤﺖ ﺍﺷﺘﻐﻞ ﻭﺍﺻﻴﺮ ﺣﺒﺎﺑﺔ ﻭﺍﺳﺎﻋﺪ ﺣﺴﻴﺖ ﺻﺎﺭ ﺍﻋﺘﻤﺎﺩﻫﻢ ﻋﻠﻴﺔ ﻳﻌﻨﻲ ﻟﻮ ﺑﺲ ﺍﺗﻤﺮﺽ ﻳﻮﻡ ﺍﻟﻜﻞ ﺑﺒﻴﺖ ﺟﺪﻱ ﻳﺘﺒﻬﺬﻝ ﺣﺘﻰ ﺟﺪﻱ ﺍﻟﻄﺎﻏﻲ ﻣﻦ ﺍﻏﻴﺐ ﻣﺮﻳﻀﺔ ﺍﻻﺣﻈﺔ ﻳﺴﺄﻝ ﻋﻠﻴﺔ
↙️
ﺍﻧﺘﺒﻬﺖ ﻋﻠﻰ ﺟﺪﻱ ﺷﻠﻮﻥ ﻳﺎﻣﺮ ﺍﺧﺘﺔ ﺭﺳﻤﻴﺔ ﺑﺎﻥ ﺗﺎﺧﺬ ﺧﻮﺍﺗﻲ ﺳﻠﻮﻯ ﻭﺳﺮﻭﺭ ﻭﺗﺸﺘﺮﻱ ﺍﻟﻬﻢ ﺫﻫﺐ ﻭﻣﻼﺑﺲ ﻭﺗﻌﺘﻨﻲ ﺑﻴﻬﻢ
ﻟﻜﻦ ﺍﻧﻲ ﻣﺎ ﺟﺎﻥ ﻳﺸﻤﻠﻨﻲ ﻫﺬﺍ ﺍﻟﺸﻲ ﻛﺎﻧﺖ ﻣﺮﺍﺕ ﺗﺤﺰ ﺑﺨﺎﻃﺮﻱ ﻣﻮﻗﻔﺔ ﻭﻳﺎﻱ ﻟﻜﻦ ﻟﻴﺶ ﺍﺣﺰﻥ ﻋﻠﻰ ﺣﺐ ﺷﺨﺺ ﺍﺻﻼ ﺍﻧﻲ ﻣﺎ ﺍﺣﺒﺔ ﻭﺍﻛﺮﻫﺔ
ﻭﺣﺴﺐ ﻛﻼﻡ ﺳﻨﺪﺱ ﻣﺮﺕ ﻧﺒﻴﻞ
ﺗﻜﻮﻝ ﺍﻥ ﺍﻧﻲ ﻛﻠﺶ ﺍﺷﺒﻪ ﺍﻣﻲ ﺻﺤﻴﺢ ﺍﻣﻲ ﺟﺪﺍ ﺟﻤﻴﻠﺔ ﻭﺳﻨﺪﺱ ﺗﻤﻮﺕ ﻣﻨﻬﺎ ﻻﻥ ﻧﺒﻴﻞ ﺭﺍﺩ ﻳﺘﺰﻭﺟﻬﺎ ﻋﻠﻴﻬﺎ ﻟﻜﻦ ﺑﺎﺑﺎ ﺍﺗﺰﻭﺟﻬﺎ ﻗﺒﻠﺔ ﺣﻞ ﻳﺴﺘﺎﻫﻞ ﻭﺣﻂ ﺑﺮﺟﻠﺔ ﻃﻠﻘﺔ ﻳﻌﻨﻲ ﺑﺎﺑﺎ ﺳﺒﺐ ﺍﻟﻌﺮﺝ ﺍﻟﻲ ﺑﻲ ﻧﻴﺒﻞ
ﺣﻞ ﻳﺴﺘﺎﻫﻞ ﻟﻮ ﺣﺎﻁ ﺍﻟﻄﻠﻘﺔ ﺑﺮﺍﺳﻪ ﻭﻣﺮﺗﺎﺣﻴﻦ ﻣﻨﺔ
ﺍﻣﻲ ﻛﺎﻧﺖ ﺟﺪﺍ ﺟﻤﻴﻠﺔ ﻳﻌﻨﻲ ﻣﻌﻘﻮﻟﺔ ﺍﻧﻲ ﻫﻴﺞ ﺣﻠﻮﺓ ﻣﺜﻠﻬﺎ ﻟﻜﻦ ﻳﻤﻜﻦ ﻻﻥ ﻫﺎﻣﻠﺔ ﻧﻔﺴﻲ
ﺭﺣﺖ ﺩﺧﻠﺖ ﻋﻠﻰ ﺍﻟﻤﻄﺒﺦ ﻣﺎﻟﺖ ﺍﻟﻤﺰﺭﻋﺔ ﻭﺍﻧﻲ ﻣﺴﻮﻳﺔ ﺣﺴﺎﺑﻲ ﻋﺎﺟﻨﺔ ﺍﻟﻌﺠﻴﻦ ﻭﺳﺄﻟﺖ ﺳﻨﺪﺱ ﻋﻦ ﺍﻟﺘﻨﻮﺭ ﻭﮔﺎﻟﺖ ﻋﻨﺪﻫﻢ ﺗﻨﻮﺭ ( ﺍﺣﻨﺎ ﺍﻟﺤﻠﻮ ﺑﺎﻣﻲ ﺍﻟﻠﻪ ﻳﺮﺣﻤﻬﺎ ﻋﻠﻤﺘﻨﺎ ﻛﻠﻨﺎ ﻋﻠﻰ ﺍﻟﻨﺪﺍﺭﺓ ﻭﺍﻟﻄﺒﺦ ﻭﺍﻟﺨﺒﺰ ﻭﺍﻟﺨﻴﺎﻃﺔ )
ﻓﻄﻠﻌﺖ ﺍﻟﻌﺠﻴﻦ ﻭﻛﻌﺪﺕ ﺍﺳﻮﻱ ﺷﻨﻜﺔ ( ﻭﻫﻲ ﻋﻤﻞ ﻛﺮﺍﺕ ﺍﻟﻌﺠﻴﻦ ﻗﺒﻞ ﺧﺒﺰﻩ ﺑﺎﻟﺘﻨﻮﺭ )
ﻓﻄﻠﻌﺖ ﻋﻠﻰ ﺍﻟﺘﻨﻮﺭ ﻭﺷﻔﺖ ﻋﻤﺎﻣﻲ ﻭﺍﻭﻻﺩﻫﻢ ﻭﺍﻭﻻﺩ ﻋﻤﺘﻲ ﺭﺳﻤﻴﺔ ﻛﻠﻬﻢ ﻣﺘﺠﻤﻌﻴﻦ ﺑﺎﻟﺤﺪﻳﻘﺔ ﻭﺣﺎﻃﻴﻦ ﻛﺮﺍﺳﻲ ﻭﺳﻮﺍﻟﻒ ﻭﻛﺎﻥ ﺍﻟﺘﻨﻮﺭ ﺍﻟﻄﻴﻦ ﻳﺼﻴﺮ ﺑﻌﺪ ﻋﺸﺮ ﺍﻣﺘﺎﺭ ﻣﻨﻬﻢ
ﻣﺎ ﺍﺗﺮﺩﺩﺕ ﻭﻻ ﺍﺳﺘﺤﻴﺖ ﻣﻨﻬﻢ
ﻛﻨﺖ ﻻﺑﺴﺔ ﺛﻮﺏ ﻧﻴﻠﻲ ﻣﺎﻝ ﺑﻴﺒﻲ ﻳﺼﻴﺮ ﻛﺼﻴﻒ ﻋﻠﻴﺔ ﻭﺍﻧﻲ ﺑﻴﻀﺔ ﻭﻟﺒﺴﺖ ﺷﺎﻝ ﻧﻴﻠﻲ ﺑﺲ ﻫﺬﺍ ﺍﻟﻤﻮﺟﻮﺩ ﻻﻥ ﻣﺤﺪ ﻳﻘﺒﻞ ﻳﺸﺘﺮﻳﻠﻲ ﻣﻼﺑﺲ ﻭﻣﻼﺑﺴﻲ ﻛﻠﻬﺎ ﻛﺼﻔﺖ ﻋﻠﻴﺔ ﻭﻻ ﺍﻧﻲ ﻃﻠﺒﺖ ﻣﻨﻬﻢ ﻻﻥ ﻛﺮﺍﻣﺘﻲ ﻣﺎﺗﺴﻤﺤﻠﻲ ﻭﺍﺣﺲ ﺑﻴﻬﻢ ﺑﺎﻟﻌﻨﺎﺩ ﻣﺎﻳﺸﺘﺮﻭﻟﻲ ﺍﻻ ﺍﻃﻠﺐ ﺑﻠﺴﺎﻧﻲ ﻭﺍﻧﻲ ﺍﺑﺪ ﻣﺎ ﺍﻧﺰﻝ ﻧﻔﺴﻲ ﻭﺍﻃﻠﺐ ﺍﻋﺮﻑ ﻣﻨﻮ ﻭﺭﺓ ﻫﺬﺍ ﺍﻟﻌﻨﺎﺩ ﺟﺪﻱ ﺍﻟﻄﺎﻏﻲ ﻣﺎﻛﻮ ﻏﻴﺮﺓ
ﻭﻛﺎﻧﺖ ﺳﻠﻮﻯ ﺍﺳﻤﻦ ﻣﻨﻲ ﻭﺍﻃﻮﻝ ﻭﻃﻬﻨﺎ ﺑﻨﺎﺗﻬﻢ ﻛﻠﻬﻦ ﺳﻤﺎﻥ ﻳﻌﻨﻲ ﺍﺳﻤﻦ ﻣﻨﻲ ﻟﺬﻟﻚ ﻣﺎﺗﻔﻴﺪﻧﻲ ﻣﻼﺑﺴﻬﻢ ﺍﻗﺮﺏ ﺷﻲ ﺍﻟﻲ ﺑﻴﺒﻲ ﻭﻛﻌﺪﺕ ﺍﻟﺒﺲ ﻣﻨﻬﺎ ﻭﺧﻄﻴﺔ ﻫﻲ ﺗﻀﺤﻚ ﻋﻠﻴﺔ ﻻﻥ ﺍﻟﺒﺲ ﻭﻳﺎﻫﺔ ﺑﻤﻼﺑﺴﻬﺎ ﻭﻛﺎﻟﺖ ﺭﺍﺡ ﺍﺧﻠﻲ ﻋﻤﺘﺞ ﺭﺳﻤﻴﺔ ﺗﺎﺧﺬﺝ ﻟﻠﺴﻮﻙ ﻭﺗﺸﺘﺮﻳﻠﺞ ﻣﻼﺑﺲ ﻟﻜﻦ ﺑﻴﺒﻲ ﻋﻴﺒﻬﺔ ﺑﺴﺮﻋﺔ ﺗﻨﺴﻰ
ﺑﺎﻟﺒﺪﺍﻳﺔ ﻣﻦ ﻣﺮﻳﺖ ﻗﺮﻳﺐ ﻣﻦ ﺍﻟﺸﺒﺎﺏ ﻛﺎﻥ ﻋﺎﺩﻱ ﻋﻨﺪﻱ
ﻟﻜﻦ ﻣﻦ ﺣﺴﻴﺖ ﺍﻟﻨﻈﺮﺍﺕ ﺍﻛﻠﺘﻨﻲ ﺍﺳﺘﺤﻴﺖ
ﻭﺣﺘﻰ ﻛﺎﻥ ﺻﻮﺗﻬﻢ ﻋﺎﻟﻲ
ﺷﻮﻳﺔ ﺣﺴﻴﺖ ﺻﺎﺭ ﻧﺎﺻﻲ
ﻓﺮﺡ ﺑﮕﻠﺒﻬﺎ ﻫﺴﺔ ﻫﺬﻭﻟﻲ ﻫﻢ ﻳﻀﻮﺟﻮﻥ ﻣﻨﻲ ﻻﻥ ﻗﺎﻃﻌﺖ ﺳﻮﺍﻟﻔﻬﻢ
ﺷﻮﻳﺔ ﺷﻔﺖ ﻋﺎﻣﺮ ﺍﺑﻦ ﻋﻤﻲ ﺗﻮﻓﻴﻖ ﻋﺎﻑ ﺍﻟﺸﺒﺎﺏ ﻭﺍﺟﺔ ﻟﻌﻨﺪﻱ ﻳﻢ ﺍﻟﺘﻨﻮﺭ
ﻭﻫﻮ ﻣﺒﺘﺴﻢ
ﻋﺎﻣﺮ - ﻫﻠﺔ ﺑﻔﺮﻭﺣﺔ ﺷﻠﻮﻧﺞ ﺷﻨﻮ ﺍﺷﻮ ﻭﺍﻛﻔﻪ ﻳﻢ ﺍﻟﺘﻨﻮﺭ ﺷﻌﻨﺪﺝ
ﻓﺮﺡ ﺍﺑﺘﺴﻤﺖ ﻭﺍﺧﻴﺮﺍ ﺍﻛﻮ ﺷﺨﺺ ﻳﺘﻜﻠﻢ ﻭﻳﺎﻱ ﺍﺣﺲ ﻛﻠﻬﺎ ﺗﺸﺮﺩ ﻣﻨﻲ
ﻟﻜﻦ ﺑﺤﻜﻢ ﺧﺒﺮﺗﻲ ﻭﻋﺸﺮﺗﻲ ﻟﻠﺸﺒﺎﺏ ﺣﺴﻴﺖ ﺍﻥ ﻋﺎﻣﺮ ﺣﺒﺎﺏ
ﻓﺮﺡ ﻭﻫﻲ ﺗﺒﺘﺴﻢ - ﺍﺭﻳﺪ ﺍﺧﺒﺰ ﻭﺑﻌﺪﻳﻦ ﺍﺷﻮﻱ ﺍﻟﺴﻤﺞ
ﻋﺎﻣﺮ ﻭﻫﻮ ﻓﺎﺗﺢ ﺣﻠﻜﺔ ﻋﻠﻴﻬﺎ - ﺍﺣﻢ ﺍﺣﻢ ﻻﺗﻜﻮﻟﻴﻦ ﺗﻌﺮﻓﻴﻦ ﺗﺨﺒﺰﻳﻦ ﻭﻻﺑﻌﺪ ﻫﻢ ﺗﺨﺒﺰﻳﻦ ﺑﺘﻨﻮﺭ ﺍﻟﻄﻴﻦ
ﻓﺮﺡ ﺑﺒﺘﺴﺎﻣﺔ - ﺍﻱ ﺍﻋﺮﻑ ﺍﺧﺒﺰ ﺑﺘﻨﻮﺭ ﺍﻟﻄﻴﻦ ﻭﺍﺻﻼ ﺣﺘﻰ ﻭﺍﺷﻮﻱ ﻭﺍﻟﻴﻮﻡ ﻏﺪﺍﻛﻢ ﺳﻤﺞ ﺷﻮﻱ
ﺳﻤﻌﺖ ﺻﻮﺕ ﻋﻼﺀ ﺍﺑﻦ ﻋﻤﻲ ﻳﺼﻴﺮ ﺍﺻﻐﺮ ﻣﻨﻲ ﺑﺜﻼﺙ ﺳﻨﻮﺍﺕ
ﻋﻼﺀ - ﻭﺍﻟﻠﻪ ﻳﺎﺑﻨﺖ ﻋﻤﻲ ﻃﻠﻌﺘﻲ ﺟﻮﻫﺮﺓ ﻭﺍﺣﻨﺎ ﻣﺎ ﻧﻌﺮﻑ
ﺍﻟﻴﻮﻡ ﺧﻼﺹ ﺍﻋﺘﺒﺮﻳﻨﻲ ﻣﻨﺎ ﻭﺭﺍﻳﺢ ﺍﻟﻤﺴﺎﻋﺪ ﻭﺍﻳﺪﺝ ﺍﻟﻴﻤﻨﺔ
ﻋﺎﻣﺮ ﻭﻫﻮﻳﻀﺤﻚ - ﺍﻫﻮﻭﻭﻭ ﺍﺟﺔ ﺍﺑﻮ ﺛﺮﺩ ﻫﺬﺍ ﻛﻠﺔ ﻋﻠﻤﻮﺩ ﺑﻄﻨﻚ ﻫﻴﺞ ﺗﺴﻮﻱ
ﻋﻼﺀ - ﺍﻱ ﻣﺎﺳﻤﻌﺘﻬﺎ ﺷﻨﻮ ﺭﺍﺡ ﺗﺴﻮﻱ ﺍﻛﻠﻚ ﺍﻧﻲ ﺍﻧﺎﻧﻲ ﺍﺗﺒﻊ ﻣﺼﻠﺤﺘﻲ ﻭﻣﺼﻠﺤﺘﻲ ﺗﻜﻮﻝ ﺍﻥ ﺍﺗﺒﻊ ﻓﺮﺡ ﻭﺍﺳﺎﻋﺪﻫﺎ
ﻭﺍﺻﻴﺮ ﺻﺪﻳﻘﻬﺎ
ﻋﻼﺀ ﻳﻤﺴﺢ ﻋﻠﻰ ﺑﻄﻨﻪ
ﻻﻥ ﺣﺘﻰ ﺗﺪﻳﺮ ﺑﺎﻟﻬﺎ ﻋﻠﻴﺔ ﺑﺎﻻﻛﻞ
ﻓﺮﺡ ﻭﺑﺴﻌﺎﺩﺓ ﻻﻥ ﻻﻭﻝ ﻣﺮﺓ ﻣﻦ ﻛﺎﻧﺖ ﺑﺒﻴﺖ ﺍﻫﻠﻬﺎ ﺍﻟﻰ ﺍﻻﻥ ﺗﺨﺘﻠﻂ ﻣﻊ ﺍﺷﺨﺎﺹ ﻭﺗﺘﺼﺮﻑ ﻣﻌﺎﻫﻢ ﺑﻄﺒﻴﻌﻴﺔ
↙️
ﺣﺴﻴﻦ ﻭﻫﻮ ﻋﻴﻨﺔ ﻋﻠﻰ ﻓﺮﺡ ﻭﻳﺤﺠﻲ ﻭﻳﺔ ﺣﺴﺎﻡ
ﺣﺴﻴﻦ - ﻭﻟﻚ ﺷﻮﻑ ﺑﻨﺖ ﻋﻤﻚ ﺷﻠﻮﻥ ﻏﺰﺍﻟﺔ ﺻﺎﻛﺔ ﺧﺮﺏ ﺑﺎﻟﺤﻆ ﺑﻮﻳﺔ ﻋﻠﻴﻬﺎ ﺟﺴﻢ ﻋﻮﺩ ﺭﻳﺎﻥ ﻳﺴﻠﺐ ﺍﻟﻌﻘﻞ
ﺣﺴﺎﻡ ﻭﻣﺎﻳﻌﺮﻑ ﻟﻴﺶ ﺍﻏﺘﺎﻅ ﻣﻦ ﻛﻼﻡ ﺣﺴﻴﻦ ﻭﻟﻮ ﻫﻮ ﺍﻟﻤﻮﺿﻮﻉ ﺍﻟﻤﻔﺮﻭﺽ ﻣﺎ ﻳﻨﺮﻓﺰ - ﻭﺍﻧﺖ ﺷﻜﻮ ﺣﺎﻁ ﻋﻴﻨﻚ ﻋﻠﻴﻬﺎ ﻋﻴﺐ ﻫﺎﻱ ﺷﺮﻓﻚ ﺑﻨﺖ ﻋﻤﻚ ﺗﺤﻂ ﻋﻴﻨﻚ ﻋﻠﻴﻬﺎ ﻭﺗﻜﻌﺪ ﺗﻐﺎﺯﻝ ﺑﻴﻬﺎ ﺯﺣﻤﺔ ﺗﺮﺓ ﺍﺷﻮﻓﻬﺎ ﻭﺍﻛﻔﺔ
ﺣﺴﻴﻦ ﺷﻨﻮ ﻋﻠﻰ ﻛﻴﻔﻚ ﻳﺎﺑﺔ ﺍﻛﻠﺘﻨﻲ ﺑﻜﺸﻮﺭﻱ
ﺗﺮﺓ ﺍﻧﻲ ﻧﻴﺘﻲ ﺻﺎﻓﻴﺔ ﻭﺍﻟﻠﻪ ﺩﺧﻠﺖ ﻣﺰﺍﺟﻲ ﺍﺣﺘﻤﺎﻝ ﺍﺧﺬﻫﺎ ﺍﻟﻲ ﻣﺮﺓ ﻭﺍﺗﺰﻭﺟﻬﺎ
ﺣﺴﺎﻡ - ﻭﺍﻧﺖ ﻣﻮ ﻣﺘﺰﻭﺝ ﻭﻋﻨﺪﻙ ﻣﺮﺓ ﻫﺴﺔ ﺩﺑﺮ ﺍﻟﻲ ﻋﻨﺪﻙ ﻭﻧﻮﺏ ﺍﺗﺰﻭﺝ ﻭﺣﺪﺓ ﺛﺎﻧﻴﺔ
ﺣﺴﻴﻦ ﻭﺑﻜﻞ ﻭﻗﺎﺣﺔ - ﻻﻭﻟﻚ ﻫﺎﻱ ﺍﺧﺬﻫﺎ ﺑﺎﻟﺴﺮ ﺍﺗﺰﻭﺟﻬﺎ ﻣﺘﻌﺔ ﻣﺜﻞ ﺣﻼﺗﻚ ﻭﺷﻲ ﺍﻛﻴﺪ ﻫﺎﻱ ﺗﻔﺮﺡ ﻭﺗﻘﺒﻞ ﺑﺴﺮﻋﺔ ﻋﻠﻰ ﺍﻗﺘﺮﺍﺣﻲ ﻻﻥ ﺍﻟﻤﺜﻠﻬﻦ ﺑﻌﺪ ﻣﺤﺪ ﺭﺍﺡ ﻳﺪﻙ ﺑﺎﺑﻬﻢ ﻭﻳﺘﺰﻭﺟﻬﻦ
ﻛﺎﻥ ﺍﻟﺠﺪ ﻭﺍﻗﻒ ﺧﻠﻔﻬﻢ ﻭﻗﺮﻳﺐ ﻋﻠﻴﻬﻢ ﻭﻳﺴﻤﻊ ﻛﻞ ﻛﻼﻣﻬﻢ ﺍﻟﻲ ﻃﻌﻦ ﮔﻠﺒﻪ ﻭﺻﺎﺭ ﺍﻟﻲ ﻛﺎﻥ ﻳﺨﺎﻑ ﻋﻠﻰ ﺑﻨﺎﺕ ﺍﺑﻨﻪ ﻣﻦ ﻋﻨﺪﺓ ﻳﻌﻨﻲ ﺭﺍﺡ ﺑﻨﻬﺸﻮﻥ ﻟﺤﻤﻬﻦ ﺍﺫﺍ ﺷﺎﻓﻮﻫﻢ ﻣﺎ ﺍﻟﻬﻢ ﺍﺣﺪ ﻭﺭﺍﻫﻦ
ﻭﺷﺎﻑ ﺍﻟﺠﺪ ﺍﻥ ﻫﻮ ﺍﺗﺨﺬ ﺍﻟﻘﺮﺍﺭ ﺍﻟﺼﺤﻴﺢ ﻣﻦ ﺯﻭﺝ ﻓﺮﺡ ﻟﺤﺴﺎﻡ
ﺑﺲ ﺣﺴﺎﻡ ﺭﺍﺳﻪ ﻳﺎﺑﺲ ﻣﺎﻳﺤﺐ ﺍﺣﺪ ﻳﻔﺮﺽ ﻋﻠﻴﻪ ﺷﻲ
ﻭﻻﻥ ﺍﻟﺠﺪ ﻓﺮﺽ ﻋﻠﻴﻪ ﺑﺎﻟﻐﺼﺐ ﻫﺬﺍ ﺍﻟﺰﻭﺍﺝ
ﻛﺎﻧﺖ ﺭﺩﺕ ﻓﻌﻞ ﺣﺴﺎﻡ ﺑﺘﺠﺎﻩ ﺟﺪﻩ ﺻﺤﻴﺢ ﻫﻮ ﻭﺍﻓﻖ ﻭﺍﺗﺰﻭﺝ ﺑﻨﺖ ﻋﻤﺔ ﻟﻜﻦ ﻋﻨﺎﺩﺍ ﻭﻳﺔ ﺟﺪﻩ ﺧﻠﺔ ﻓﺮﺡ ﻋﻨﺪ ﺟﺪﺓ
ﻃﺒﻌﺎ ﻣﺤﺪ ﻳﻌﺮﻑ ﻣﻦ ﺍﻻﻫﻞ ﺍﻥ ﺣﺴﺎﻡ ﻋﻘﺪ ﻋﻠﻰ ﻓﺮﺡ ﺑﺲ ﺳﻠﻮﻯ ﻭﺍﻟﺠﺪﺓ ﻭﺍﻟﻌﻤﺎﻡ
ﺣﺴﺎﻡ ﻣﻦ ﺳﻤﻌﺖ ﻛﻼﻡ ﺣﺴﻴﻦ ﻭﺍﻧﻲ ﺍﺗﺨﺒﻠﺖ ﻭﺑﺴﺮﻋﺔ ﻭﺑﻤﻔﺎﺟﺌﺔ ﻫﺠﻤﺖ ﻋﻠﻰ ﺣﺴﻴﻦ ﻭﺳﺤﺒﺘﺔ ﻣﻦ ﻳﺎﺧﺔ ﺍﻟﻘﻤﻴﺺ ﻭﺧﻨﻜﺘﻪ
ﺣﺴﺎﻡ - ﺷﻮﻑ ﻭﻟﻚ ﺛﻤﻦ ﻛﻼﻣﻚ ﻭﻻﺗﺼﻴﺮ ﺗﺸﻤﺮ ﺑﺎﻟﻜﻼﻡ ﺗﺮﺓ ﻫﺬﺍ ﻋﺮﺿﻨﺎ ﻳﺎﻏﺒﻲ ﺍﺷﻮ ﺍﺷﻮﻓﻚ ﺻﺮﺕ ﻣﺜﻞ ﺍﻟﺤﻴﻮﺍﻧﺎﺕ ﻣﺎﺗﻤﻴﺰ
ﺗﺮﺓ ﺍﻧﻲ ﺑﻴﻮﻡ ﺍﻟﻲ ﻓﻜﺮﺕ ﺍﺗﺰﻭﺝ ﻧﺴﻮﺍﻥ ﺯﻭﺍﺝ ﻣﺘﻌﺔ ﻣﺎﻓﻜﺮﺕ ﺑﻌﺮﺿﻨﺎ ﺑﻨﺎﺕ ﻋﻤﻲ ﺍﻭ ﺑﻨﺎﺕ ﻋﻤﺘﻲ
ﻻﻥ ﻫﺬﻭﻟﻲ ﺫﻫﺐ ﻋﺮﺽ ﻏﺎﻟﻲ ﻣﺎ ﺍﺳﺎﻭﻳﻬﻢ ﺑﺒﻨﺎﺕ ﺍﻟﺸﺎﺭﻉ ﺍﻟﻲ ﺑﺎﻳﻌﺎﺕ ﻧﻔﺴﻬﻢ ﻫﺴﺔ ﺍﻓﺘﻬﻤﺖ ﻳﺎﻟﻤﻄﻲ
ﺍﺑﺘﺴﻢ ﺍﻟﺠﺪ ﻭﺍﻗﺘﺮﺏ ﻣﻨﻬﻢ
ﺍﻟﺠﺪ ﻭﻫﻮ ﻳﻀﺮﺏ ﺑﺎﻟﻌﺼﺎ ﻋﻠﻰ ﺍﻻﺭﺽ
ﺍﻟﺠﺪ - ﻫﺎﻱ ﺷﻨﻮ ﺟﻬﺎﻝ ﺍﻧﺘﻮ ﻭﮔﺎﻋﺪﻳﻦ ﺗﺘﺰﺍﻧﮕﻮﻥ ﻭﺗﺘﻜﺎﻭﻥ ﻭﻳﺔ ﺍﺑﻦ ﻋﻤﻚ
ﺣﺴﺎﻡ ﻭﻫﻮ ﻳﻨﺰﻝ ﺍﻳﺪﺓ ﻣﻦ ﺣﺴﻴﻦ
ﻭﺣﺴﻴﻦ - ﻻﺟﺪﻱ ﻣﺎ ﺩﻧﺘﻌﺎﺭﻙ ﺍﻧﻲ ﻭﺣﺴﺎﻡ ﺧﻮﺍﻥ ﻋﺎﺩﻱ ﺗﺼﻴﺮ ﺑﻴﻦ ﺍﻻﺧﻮﺍﻥ ﺳﻮﺀ ﺗﻔﺎﻫﻢ
ﺍﻟﺠﺪ ﺍﻧﻄﻰ ﻟﻜﻞ ﻭﺍﺣﺪ ﺑﻴﻬﻢ ﻧﻈﺮﺓ ﻭﺗﺮﻛﻬﻢ ﻭﺭﺍﺡ ﺑﺘﺠﺎﻩ ﻓﺮﺡ ﻭﺍﻟﺸﺒﺎﺏ ﻋﻼﺀ ﻭﻋﺎﻣﺮ ﻭﻧﻮﺍﻑ ﻛﺎﻧﺖ ﻫﻲ ﺗﺨﺒﺰ ﻭﻫﻤﺔ ﻛﺎﻋﺪﻳﻦ ﻳﺴﻮﻟﻔﻮﻥ ﻭﻳﺎﻫﺔ
ﻳﻤﻜﻦ ﻓﺮﺡ ﺍﻧﺪﻣﺠﺖ ﻭﻳﺎﻫﻢ ﻻﻥ ﻛﺎﻧﺖ ﻋﻨﺪﻫﺎ ﺧﺒﺮﺓ ﺑﺎﻟﺘﻌﺎﻣﻞ ﻣﻊ ﺍﻟﺸﺒﺎﺏ ﻭﺷﻠﻮﻥ ﺗﻌﺮﻑ ﺳﻮﺍﻟﻔﻬﻢ ﻭﺷﻘﺎﻭﺗﻬﻢ ﻭﻫﻲ ﻧﺴﺖ ﻧﻔﺴﻬﺎ ﻭﻳﺎﻫﻢ ﻭﻛﻌﺪﺕ ﺗﺴﻮﻟﻒ ﺑﻄﻴﺐ ﮔﻠﺐ
ﺑﺲ ﺧﺎﻑ ﻫﺴﺔ ﺣﺴﺒﺎﻟﻬﻢ ﺻﺪﻙ ﻣﺴﺘﺮﺟﻠﺔ
ﺑﺲ ﻻﻭﺍﻟﻠﻪ ﺍﻧﻲ ﻣﻮ ﻫﻴﺞ ﺑﺲ ﻻﻥ ﻣﺤﺪ ﻣﻦ ﺍﻟﺒﻨﺎﺕ ﻗﻠﺪﺗﻨﻲ ﺍﻭ ﻗﺒﻠﺖ ﺗﺴﻮﻟﻒ ﻭﻳﺎﻱ ﺍﺗﻤﻨﻴﺖ ﺍﺣﺪ ﺍﺣﺠﻲ ﻭﺍﺳﻮﻟﻒ ﻭﻳﺎﻩ
ﻭﻫﻤﺔ ﻛﺎﻧﻮ ﺧﻮﺵ ﺷﺒﺎﺏ ﺍﻟﻠﻪ ﻳﺴﺘﺮ ﻋﻠﻴﻬﻢ
ﺍﻗﺘﺮﺏ ﻋﻠﻴﻬﻢ ﺍﻟﺠﺪ ﻭﺷﺎﻓﻬﺎ ﻣﻨﻄﻠﻘﺔ ﻭﻳﺎﻫﻢ
ﻛﻌﺪ ﻋﻠﻰ ﺍﻟﻜﺮﺳﻲ ﺍﻟﻲ ﺟﺎﺑﺔ ﻋﻼﺀ ﻭﺑﺪﻭﻥ ﻣﺎ ﻭﺍﺣﺪ ﻣﻨﻬﻢ ﻳﻨﺘﺒﻪ ﻋﻠﻴﻪ ﺻﺎﺭ ﻳﻤﺪ ﺍﻳﺪﺓ ﻋﻠﻰ ﺍﻟﺨﺒﺰ ﺍﻟﺤﺎﺭ ﻭﻳﺎﻛﻞ ﻭﻫﻮ ﻣﺴﺘﻄﻌﻢ
ﻟﻜﻦ ﻛﺒﺮﻳﺎﺀﺓ ﻣﺎ ﻳﺴﻤﺤﻠﺔ ﺍﻥ ﻳﻄﻠﺐ ﻣﻨﻬﺎ ﺍﻥ ﺗﻌﻄﻴﻪ ﺧﺒﺰ
ﻟﻜﻦ ﻋﻼﺀ ﻭﻫﻮ ﻳﻀﺤﻚ ﻭﺑﺼﻮﺕ ﻋﺎﻟﻲ ﻳﺤﺠﻲ ﻭﻳﺔ ﺟﺪﺓ ﻭﺍﻧﺘﺒﻪ ﻋﻠﻰ ﺣﺮﻛﺔ ﺟﺪﺓ
ﻋﻼﺀ - ﺷﻔﺘﻚ ﺳﻤﻴﺮ ﻻﺗﺨﺎﻑ ﺳﻤﻴﺮ
ﺍﻟﺠﺪ ﻭﻫﻮ ﻳﻔﺰ ﻣﻦ ﻭﺭﺓ ﺻﻮﺕ ﻋﻼﺀ ﮔﺎﻡ ﺿﺮﺑﺔ ﺑﺎﻟﻌﺼﺎ
ﺍﻟﺠﺪ - ﻣﻦ ﺍﺣﺘﺮﻛﻮ ﻋﺸﻴﺮﺗﻚ ﻭﻋﺸﻴﺮﺕ ﺳﻤﻴﺮ ﻭﻳﺎﻙ ﻭﻟﻚ ﻋﻠﻴﻮﻱ ﻃﺮﺷﺖ ﺍﺫﺍﻧﻲ
ﺍﻟﺸﺒﺎﺏ ﻭﻓﺮﺡ ﻛﻠﻬﻢ ﮔﺎﻣﻮ ﻳﻀﺤﻜﻮﻥ ﻋﻠﻰ ﺍﻟﺠﺪ ﻭﻋﻼﺀ
ﻭﺑﻌﺪﻳﻦ ﺭﺍﺡ ﻋﻼﺀ ﻭﻋﺎﻣﺮ ﺟﺎﺑﻮ ﺻﻮﺍﻧﻲ ﺍﻟﺴﻤﺞ ﺣﺘﻰ ﺍﺳﮕﻔﺔ ﻭﺍﺷﻮﻱ ﻭﻫﻤﺔ ﻓﺎﺗﺤﻴﻦ ﺣﻠﻜﻬﻢ ﻋﺒﺎﻟﻚ ﺟﺎﻳﺔ ﻣﻦ ﺍﻟﻔﻀﺎﺀ ﻭﻣﺨﺘﺮﻋﺔ ﻋﻠﻢ ﺍﻟﺬﺭﺓ ﻣﻮ ﻋﺒﺎﻟﻚ ﺟﺎﻱ ﺍﺷﻮﻱ . ﺑﺲ ﺣﻘﻬﻢ ﻫﻤﺔ ﻇﺎﻟﻴﻦ ﺑﺤﺴﺮﺓ ﻫﺎﻱ ﺍﻻﺷﻴﺎﺀ
ﺷﻔﺖ ﺑﻌﻴﻮﻥ ﺍﻟﻌﺠﻮﺯ . ﺍﻟﻄﺎﻏﻲ ﺑﻌﺾ ﺍﻟﻔﺨﺮ ﺑﺘﺠﺎﻫﻲ
ﺑﺲ ﻏﻠﺴﺖ ﻋﻨﺔ ﺑﻌﺪﺓ ﮔﻠﺒﻲ ﻣﺎ ﻃﺎﺏ ﻣﻨﺔ ﻭﻻ ﻳﻐﻔﺮﻟﻪ
ﺧﻠﻴﺖ ﺍﻟﺴﻤﺞ ﻭﺩﺧﻠﺖ ﻋﻠﻰ ﺍﻟﻤﻄﺒﺦ ﻭﻫﻢ ﻣﺮﻳﺖ ﻗﺮﻳﺐ ﻋﻠﻰ ﺍﻟﻮﻟﺪ ﺑﺲ ﻫﺎﻟﻤﺮﺓ ﺟﻨﺖ ﻣﺘﺮﺩﺩﺓ ﻭﻣﺴﺘﺤﻴﺔ ﻣﺎ ﺍﻋﺮﻑ ﻟﻴﺶ ﺍﺣﺲ ﻭﺍﺣﺪ ﺑﻴﻬﻢ ﻳﺮﺍﻗﺐ ﺧﻄﻮﺍﺗﻲ
ﺩﺧﻠﺖ ﻟﻠﻤﻄﺒﺦ ﻭﺟﻨﺖ ﻣﻨﮕﻌﺔ ﺍﻟﺘﻤﻦ ﻃﺒﺨﺘﺔ ﻭﻃﺒﻜﺘﺔ ﻭﺧﻠﺼﺖ ﻃﺒﺦ ﺟﺪﺭ ﺍﻟﺪﻭﻟﻤﺔ ﺍﻟﻲ ﺍﺻﻼ ﻟﻔﻴﺘﻬﺎ ﻣﻦ ﺍﻟﺒﺎﺭﺣﺔ ﻭﺟﺒﺘﺔ ﻭﻳﺎﻱ ﺑﺎﻟﺴﻴﺎﺭﺓ ﻫﻮ ﻭﺍﻟﻌﺠﻴﻦ
ﻭﺭﺓ ﺳﺎﻋﺔ ﺑﻌﺪ ﻣﺎ ﺟﺎﺑﻮ ﺍﻟﻮﻟﺪ ﺍﻟﺴﻤﺞ ﻣﺨﻠﺺ ﺍﻟﺸﻮﻱ ﻭﺩﺧﻠﻮﻩ ﻭﺩﺧﻠﻮ ﺍﻟﺒﻨﺎﺕ ﺑﻌﺪﻳﻦ
ﻋﻼﺀ ﻭﻫﻮ ﻳﺤﺠﻲ ﻋﻠﻴﻬﻦ
ﺷﻨﻮ ﻳﺎﺑﺔ ﻫﺬﺍ ﻛﻠﺔ ﻋﻠﻰ ﻓﺮﺡ ﻭﺍﻧﺘﻦ ﺷﻨﻮ ﻣﮕﺮﻣﺎﺕ ﻣﺎﺗﺸﺘﻐﻠﻮﻥ ﻭﻳﺎﻫﺔ
ﺭﺷﺎ - ﺍﻧﺖ ﻣﺎﻟﻚ ﺩﺧﻞ ﻫﺎﻱ ﺳﻮﺍﻟﻒ ﺑﻨﺎﺕ ﻻﺗﺘﺪﺧﻞ ﺑﻴﻬﺎ ﻳﺎﻟﻠﻪ ﺍﻃﻠﻊ ﻣﻨﺎ ﻻ ﺍﻛﻮﻝ ﻟﻤﺎﻣﺎ ﻋﻠﻴﻚ
ﻋﻼﺀ - ﻭﺷﻨﻮ ﻳﻌﻨﻲ ﺭﻭﺣﻲ ﻛﻮﻟﻲ ﻟﻤﺎﻣﺎ ﺗﺮﺓ ﺍﻟﺒﻨﻴﺔ ﺍﻧﻜﺴﺮ ﻇﻬﺮﻫﺎ ﻛﻠﺔ ﻋﻠﻴﻬﺎ
ﺷﻬﺪ - ﻳﺎﻟﻠﻪ ﻋﺎﺩ ﻻﺗﮕﻠﺒﻬﺎ ﻋﻠﻴﻨﺎ ﺩﺭﺍﻣﺎ ﻫﻨﺪﻳﺔ ﺍﺣﻨﺎ ﻫﺴﺔ ﺑﻌﺪ ﺭﺍﺡ ﻧﺴﺘﻠﻢ ﻣﻨﻬﺎ ﻏﺴﻞ ﺍﻟﺼﺤﻮﻥ ﻭﺍﻟﻤﻄﺒﺦ ﻭﻫﻲ ﻋﻠﻴﻬﺎ ﺍﻟﻄﺒﺦ ﻻﻥ ﻫﻲ ﺳﺒﺎﻋﻴﺔ ﺗﻌﺮﻑ ﺗﻄﺒﺦ ﻭﺍﻛﻠﻬﺎ ﻃﻴﺐ
ﻓﺮﺡ ﺍﺑﺘﺴﻤﺖ ﻟﺸﻬﺪ
ﻋﻼﺀ ﻫﺰ ﺍﻳﺪﺓ ﻭﻃﻠﻊ ﻣﻦ ﺍﻟﻄﺒﺦ
ﻣﻨﻘﻬﺮ ﻋﻠﻰ ﻓﺮﺡ ﻻﻥ ﻫﺎﻱ ﻣﻮ ﺍﻭﻝ ﻣﺮﺓ ﻳﻨﺘﺒﻪ ﻋﻠﻴﻬﺎ ﺷﻠﻮﻥ ﻣﺴﺘﻐﻼﺗﻬﺎ ﺣﺘﻰ ﻣﻦ ﻳﺮﻭﺡ ﻟﺒﻴﺖ ﺟﺪﺓ ﻳﺸﻮﻓﻬﺎ ﺧﻄﻴﺔ ﺗﻌﺒﺎﻧﺔ ﺣﺘﻰ ﻣﺎ ﺗﻠﺤﻚ ﺗﻬﺘﻢ ﻟﻨﻔﺴﻬﺎ ﻭﻟﻮ ﻫﻲ ﺍﻟﻠﻪ ﻳﺴﺘﺮ ﻋﻠﻴﻬﺎ ﺣﻠﻮﺓ ﻟﻜﻦ ﻣﺎﻳﺼﻴﺮﻫﻴﺞ
ﺍﺟﺔ ﺍﺑﻦ ﺣﺴﺎﻡ ﻓﺪﻭﺓ ﻻﺯﻡ ﺍﻳﺪ ﺭﺷﺎ ﻭﺗﺮﻛﻬﺎ ﻭﺭﻛﺾ ﻋﻠﻴﺔ ﻻﻥ ﻣﺘﻌﻮﺩ ﻋﻠﻴﺔ ﺩﺍﺋﻤﺎ ﺍﻧﻄﻲ ﺣﺎﺟﺔ ﻛﻴﻜﺔ ﺍﻭ ﻛﻠﻴﺠﺔ ﺍﻭ ﻋﺼﻴﺮ ﻣﺜﻠﺞ ﺍﺳﻮﻳﻠﺔ ﻓﻬﻮ ﻳﺤﺐ ﻫﺎﻱ ﺍﻟﺴﻮﺍﻟﻒ
ﻓﻬﺪ ﺻﺎﺭ ﻋﻤﺮﺓ ٤ﺳﻨﻮﺍﺕ - ﻓﻠﺢ ﺍﻟﻴﺪ ﻣﺎﻱ
ﻓﺮﺡ ﻭﻫﻲ ﺗﻀﺤﻚ ﻭﻳﺎﻩ - ﻳﺎﺭﻭﺡ ﻓﺮﺡ
ﺍﺗﺠﻬﺖ ﻋﺎﻟﺒﺮﺍﺩ ﻣﺎﺷﺎﺀ ﺍﻟﻠﻪ ﻫﺎﻱ ﺍﻟﻤﺰﺭﻋﺔ ﻣﺠﻬﺰﺓ ﻣﻦ ﻛﻠﺸﻲ
ﺗﻌﺎﻝ ﺣﻴﺎﺗﻲ ﺧﻞ ﺍﻧﻄﻴﻚ ﻣﺎﻱ
ﺩﺧﻠﺖ ﻟﻠﻤﻄﺒﺦ ﻋﻤﺔ ﺭﺳﻤﻴﺔ ﻫﻲ ﻭﺍﻡ ﺣﺴﺎﻡ ﻭﺻﺎﺩﻑ ﻋﻤﻮ ﺗﻮﻓﻴﻖ ﺩﺧﻞ ﻭﺷﻢ ﺭﻳﺤﺔ ﺍﻟﻄﺒﺦ
ﺗﻮﻓﻴﻖ - ﺍﻟﻠﻪ ﻭﺍﻟﻠﻪ ﺭﻳﺤﺔ ﺍﻟﻄﺒﺦ ﻭﺍﺻﻞ ﻟﻠﺤﺪﻳﻘﺔ
ﻭﺍﻟﺘﻬﻴﻨﺎ ﺑﻌﺪﻳﻦ ﻧﺼﺐ ﺍﻟﻐﺪﺍ ﻭﻓﺮﺷﻮ ﺍﻟﺸﺒﺎﺏ ﺍﻟﺴﻔﺮﺓ ﺑﺎﻟﺤﺪﻳﻘﺔ
ﻭﻧﻘﻠﻮ ﻣﻮﺍﻋﻴﻦ ﺍﻻﻛﻞ ﻫﻨﺎﻙ
ﻭﺍﺗﺠﻤﻌﻮ ﻭﺻﺎﺭ ﺍﻟﻜﻞ ﻳﺤﻤﺪ ﺑﻄﺒﺨﻲ ﻭﺍﺷﻮﻑ ﺳﻨﺪﺱ ﻭﻧﺴﺮﻳﻦ ﻛﺎﻣﻮ ﻳﮕﻠﻮﺑﻮﻥ ﺑﻌﻴﻮﻧﻬﻢ
ﺭﺷﺎ - ﻋﺎﺷﺖ ﺍﻳﺪﺝ ﻓﺮﺡ ﻭﺍﻟﻠﻪ ﻃﺒﺨﺞ ﻳﺠﻨﻦ
ﺣﺴﺎﻡ - ﻟﻌﺪ ﺍﺗﻌﻠﻤﻲ ﻣﻨﻬﺎ ﻋﻠﻰ ﺍﻻﻗﻞ ﺍﺗﻌﻠﻤﻲ ﻟﻒ ﺍﻟﺪﻭﻟﻤﺔ ﻫﺴﺔ ﻣﺎ ﺍﻧﺮﻳﺪﺝ ﺗﺨﺒﺰﻳﻦ
ﺍﻟﻜﻞ ﻇﻞ ﻳﻀﺤﻚ ﻭﻳﺼﻨﻒ
ﺍﻧﺘﺒﻬﺖ ﻋﻠﻰ ﺍﺧﺘﻲ ﻭﻧﻈﺮﺍﺗﻬﺎ ﺍﻟﻤﺘﺒﺎﺩﻟﺔ ﻣﻊ ﻧﻮﺍﻑ ﺍﺑﻦ ﻋﻤﻮ ﺟﻮﺍﺩ
ﻭﻛﺎﻥ ﺍﻟﺤﺐ ﺑﺎﻳﻦ ﻋﻠﻴﻬﻢ
ﻭﺳﺮﻭﺭ - ﻓﺮﺡ ﻋﺎﺷﺖ ﺍﻳﺪﺝ
ﻓﺮﺡ - ﺣﺒﻴﺒﺘﻲ ﺍﻟﻒ ﻋﺎﻓﻴﺔ
↙️
ﺣﺴﺎﻡ - ﻋﻬﻮﺩ ﻫﺬﺍ ﻫﻮ ﺍﻧﺘﻬﺖ ﺑﻌﺪ ﻭﻳﺎﺝ ﺧﻼﺹ ﻻﻥ ﺍﻧﺘﻲ ﻃﻠﻌﺘﻲ ﻋﻦ ﺍﻟﻘﻮﺍﻋﺪ
ﻋﻬﻮﺩ - ﻻﻋﻔﻴﺔ ﺣﺴﺎﻡ ﺍﺳﻔﺔ ﺍﺭﻭﺣﻠﻚ ﻓﺪﻭﺓ ﻻﺗﺘﺮﻛﻨﻲ ﻭﺍﻟﻠﻪ ﺍﻟﺘﻮﺑﺔ ﺑﻌﺪ ﻣﺎ ﺍﻋﻴﺪﻫﺎ ﻭﺍﻟﻠﻪ ﺑﻌﺪ ﻣﺎ ﺍﻃﻠﺐ ﻣﻨﻚ ﺗﻌﻠﻦ ﺯﻭﺍﺟﻲً ﻣﻨﻚ
ﺣﺴﺎﻡ - ﻻ ﻋﻬﻮﺩ ﺑﻌﺪ ﻣﺎ ﻳﻨﻔﻊ ﺍﻻﺳﻒ ﺧﺮﺟﺘﻲ ﻋﻦ ﺍﻟﻨﻈﺎﻡ ﻭﺳﻘﻂ ﺣﻘﺞ
ﺣﺴﺎﻡ
ﻛﺎﻟﻌﺎﺩﺓ ﻛﻠﻤﺎ ﻭﺣﺪﺓ ﻣﻨﻬﻢ ﺗﺒﺪﻱ ﺗﻨﮓ ﻭﺗﻠﻤﺢ ﻋﻠﻰ ﻣﻄﺎﻟﺒﺘﻬﺎ ﺑﺤﻘﻮﻕ ﺍﻟﺰﻭﺍﺝ ﺍﻟﻌﻠﻨﻲ
ﺍﻧﻲ ﺑﺴﺮﻋﺔ ﺍﺻﺪﺭ ﺍﻟﻘﺮﺍﺭ ﻭﺍﺗﺮﻛﻬﺎ
ﻻﻥ ﺍﻧﻲ ﻣﺎ ﺿﺮﺑﺖ ﻭﺣﺪﺓ ﻋﻠﻰ ﺍﻳﺪﻫﺎ ﻫﻤﺔ ﺑﻨﻔﺴﻬﻢ ﻳﻘﺒﻠﻮﻥ ﺑﺰﻭﺍﺝ ﺍﻟﻤﺘﻌﺔ ﻭﻳﻜﻮﻧﻮﻥ ﻋﻠﻰ ﻣﻌﺮﻓﺔ ﺗﺎﻣﺔ ﺑﺎﻟﺸﺮﻭﻁ ﻭﺍﻟﻘﻮﺍﻋﺪ ﺍﻟﻲ ﺍﻧﻲ ﺣﺎﻃﻬﺎ ﻟﺬﻟﻚ ﺍﻱ ﻭﺣﺪﺓ ﺗﺒﺪﻱ ﺗﻠﻌﺐ ﺑﺬﻳﻠﻪ ﺍﻧﻲ ﮔﺒﻞ ﺍﺻﺪﺭ ﺍﻟﻘﺮﺍﺭ ﻭﺍﻃﺮﺩﻫﺎ ﻣﻦ ﺣﻴﺎﺗﻲ ﻟﺬﻟﻚ ﺍﻧﻲ ﺍﺑﺪ ﻣﺎ ﺍﺛﺒﺖ ﻋﻠﻰ ﻭﺣﺪﺓ ﺍﻛﺜﺮ ﻭﺣﺪﺓ ﺑﻴﻬﻢ ﺳﻨﺔ ﺍﺑﻘﻰ ﻭﻳﺎﻫﺔ
ﻻﻥ ﺍﺗﻌﻠﻤﺖ ﻣﺎ ﺍﺗﻌﻠﻖ ﺑﻮﺣﺪﺓ
ﻭﻫﺎﻱ ﺳﻮﺍﻟﻒ ﺍﻟﺤﺐ ﺍﻟﻲ ﻳﻮﻫﻤﻦ ﻧﻔﺴﻬﻢ ﺑﻴﻬﺎ ﻫﺎﻱ ﺍﻋﺘﺒﺮﻫﺎ ﻣﻀﻴﻌﺔ ﻭﻗﺖ
ﻻﻥ ﻣﺎﻋﻨﺪﻱ ﺛﻘﺔ ﺑَـــﺎﻱ ﻭﺣﺪﺓ ﻣﻦ ﺟﻨﺲ ﺣﻮﺍﺀ
ﺣﺴﺎﻡ - ﺍﻟﻮ ﻧﻌﻢ ﺟﺪﻱ ﺍﻱ ﺍﻱ
ﺍﻥ ﺷﺎﺀ ﺍﻟﻠﻪ ﺍﻟﻴﻮﻡ ﻋﺸﺎﻱ ﻋﻨﺪﻡ ﺳﻮﻱ ﺣﺴﺎﺑﻲ
ﺍﻟﺠﺪ
ﺍﺗﺨﺬﺕ ﺍﻟﻘﺮﺍﺭ ﻭﺻﺎﺭ ﻻﺯﻡ ﺍﻧﻔﺪﻩ
ﺗﻮﻓﻴﻖ - ﺯﻳﻦ ﺗﺴﻮﻱ ﻳﺎﺑﺔ ﺑﺲ ﺍﺭﻳﺪ ﺍﺳﺄﻝ ﺳﺆﺍﻝ ﻟﻴﺶ ﺷﻤﻌﻨﺎ ﺗﺴﺠﻞ ﺍﻟﻮﺭﺙ ﻛﻠﺔ ﺑﺄﺳﻢ ﻓﺮﺡ ﻟﻴﺶ ﻣﺎﺗﻘﺴﻢ ﺍﻟﻮﺭﺙ ﻋﻠﻴﻬﺎ ﻭﻋﻠﻰ ﺧﻮﺍﺗﻬﺎ ﺑﺎﻟﺘﺴﺎﻭﻱ
ﺍﻟﺠﺪ - ﻻ ﺗﻮﻓﻴﻖ ﻣﻦ ﺧﻼﻝ ﻣﺮﺍﻗﺒﺘﻲ ﻃﻮﻝ ﻫﺎﻱ ﺍﻟﻤﺪﺓ ﻟﻔﺮﺡ ﻭﺧﻮﺍﺗﻬﺎ ﻻﺣﻈﺖ ﺍﻥ ﻓﺮﺡ ﻣﻬﺮﺓ ﺷﺮﺳﺔ ﻭﻛﻠﺶ ﺗﻌﺠﺒﻨﻲ ﺷﺨﺼﻴﺘﻬﺎ ﻭﻫﻲ ﺍﻟﻮﺣﻴﺪﺓ ﺍﻟﻲ ﺭﺍﺡ ﺍﺿﻤﻦ ﺍﻥ ﺣﺼﺘﻬﺎ ﻭﺣﺼﺖ ﺧﻮﺍﺗﻬﺎ ﺗﻜﻮﻥ ﺑﺎﻣﺎﻥ ﻋﻨﺪﻫﺎ ﻻﻥ ﻫﻲ ﻛﻠﺶ ﺳﺒﺎﻋﻴﺔ ﻭﺗﻌﺠﺒﻨﻲ
ﺍﺑﺘﺴﻢ ﺍﻟﺠﺪ ﺻﺎﻟﺢ ﺑﻴﻮﻡ ﺍﺗﺬﻛﺮ ﺩﻓﺎﻋﻬﺎ ﻋﻦ ﺍﺧﺘﻬﺎ ﻭﺷﻠﻮﻥ ﻻﺯﻣﺔ ﺍﻟﺴﺠﻴﻦ ﻭﺷﺨﻄﺖ ﻭﻋﻠﻤﺖ ﻋﻠﻰ ﺍﻭﻻﺩ ﻋﻤﻬﺎ ﺑﻜﻞ ﺟﺮﺋﺔ
ﻛﻠﺶ ﻋﺠﺒﺘﻨﻲ ﻭﺣﺴﻴﺖ ﺍﺑﻨﻲ ﻣﻨﺬﺭ ﻋﺮﻑ ﻳﺮﺑﻲ
ﺑﺲ ﺍﻟﻲ ﺳﻮﻳﺘﺔ ﺑﺤﻖ ﺳﻤﺎﺡ ﻛﺎﻥ ﻻﺯﻡ ﺍﺳﻮﻳﻪ
ﻻﻥ ﺍﻧﻲ ﺍﻟﻌﻴﻮﻥ ﻛﻠﻬﺎ ﻋﻠﻴﺔ
ﺍﺗﻔﺎﺟﻲﺀ ﺍﻟﺠﺪ ﺻﺎﻟﺢ ﺑﺪﺧﻮﻝ ﺍﺑﻨﺔ ﻧﺒﻴﻞ ﻋﻠﻴﻬﻢ ﻓﺠﺎﺀﺓ ﻻﻥ ﺍﻟﻈﺎﻫﺮ ﻭﻛﺎﻟﻌﺎﺩﺓ ﺍﻧﻪ ﻛﺎﻥ ﻳﺴﺘﺮﻕ ﺍﻟﺴﻤﻊ ﻋﻠﻴﻬﻢ
ﻧﺒﻴﻞ ﻭﺑﻐﻀﺐ ﻭﺍﻟﺸﺮ ﻳﻄﻠﻊ ﻣﻦ ﻋﻴﻮﻧﺔ
ﻧﺒﻴﻞ - ﻟﻴﺶ ﺑﻮﻳﺔ ﺗﻨﻄﻲ ﺍﻟﻮﺭﺙ ﻟﺒﻨﺖ ﻣﻨﺬﺭ
ﻟﻴﺶ ﺍﻧﺔ ﻣﺎ ﻣﺤﺴﻮﺏ ﺍﺑﻨﻚ ﻳﻌﻨﻲ ﺻﺪﻙ ﺗﺤﺠﻲ ﺑﻮﻳﺔ ﺍﻧﻲ ﺍﺗﻌﺐ ﻭﺑﻌﺪﻳﻦ ﺗﺎﻟﻲ ﺗﻌﺒﻲ ﻳﺼﻔﺔ ﻭﻳﺮﻭﺡ ﻟﻬﺎﻱ ﺍﻟﺰﺍﻧﻴﺔ ﺑﻨﺖ ﺍﻟﺰﺍﻧﻴﺔ
ﺍﻟﺠﺪ ﺻﺎﻟﺢ - ﻧﺒﻴﻞ ﺍﺣﺘﺮﻡ ﻧﻔﺴﺞ ﻭﻻﺗﺘﺠﺎﻭﺯ ﺗﺮﺓ ﺍﺗﻌﺪﻳﺖ ﺣﺪﻭﺩﻙ ﻭﻣﻮ ﺷﺎﻳﻔﻨﻲ ﺳﺎﻛﺖ ﻋﻠﻴﻚ ﻟﺤﺪ ﻫﺴﺔ ﻋﺒﺎﻟﻚ ﻣﺎ ﺍﻋﺮﻑ ﺳﻮﺍﻟﻔﻚ
ﺗﻮﻓﻴﻖ - ﻧﺒﻴﻞ ﻻﺗﺠﺮﺏ ﺣﻈﻚ ﻋﻨﺪ ﺍﺑﻮﻱ ﻻﻥ ﺍﺑﻮﻱ ﻋﺮﻑ ﻛﻠﺸﻲ ﻋﻦ ﻣﻨﺬﺭ ﻭﺷﻠﻮﻥ ﻛﻨﺖ ﺗﻄﺮﺩ ﻣﻨﺬﺭ ﻭﺣﺘﻰ ﻋﺮﻑ ﺍﻥ ﺍﻧﺖ ﺍﻟﻲ ﺍﺳﺘﻠﻤﺖ ﺍﻻﺗﺼﺎﻝ ﻣﻦ ﺍﻟﺒﻨﺎﺕ ﺑﻴﻮﻡ ﻭﻓﺎﺓ ﻣﻨﺬﺭ ﻭﻛﻨﺖ ﺗﻌﺮﻑ ﺑﺨﺒﺮ ﻭﻓﺎﺓ ﺍﺧﻮﻙ ﺑﺲ ﻓﻀﻠﺖ ﺗﺴﻜﺖ
ﻓﺎﺣﺴﻦ ﺷﻲ ﻣﺎﺗﻔﺘﺢ ﺣﻠﻜﻚ ﻭﻋﺮﻑ ﺣﺘﻰ ﺑﺎﻟﺮﺳﺎﻳﻞ ﺍﻟﻲ ﻛﺎﻥ ﻣﻨﺬﺭ ﻳﺮﺳﻠﻬﻦ ﻭﺍﻧﺖ ﺗﺴﺘﻠﻤﻬﺔ
ﺍﻟﺠﺪ - ﻭﻋﻦ ﺍﻱ ﻭﺭﺙ ﻭﺣﻖ ﻭﺗﻌﺐ ﺗﺤﺠﻲ ﻋﻨﻪ
ﺗﺮﺓ ﺍﻧﺖ ﻋﺎﻳﺶ ﻫﻨﺎ ﺑﻔﻀﻠﻲ ﻭﺍﻧﻲ ﻣﺴﻮﻱ ﻓﻀﻞ ﻋﻠﻴﻚ
ﻭﺭﺍﺣﻤﻚ ﻭﻋﻔﺘﻚ ﻫﻨﺎ ﺗﺴﻜﻦ ﺑﻬﺬﺍ ﺍﻟﺒﻴﺖ
ﻟﻴﺶ ﻧﺴﻴﺖ ﺑﻴﻮﻡ ﺍﺧﺬﺕ ﺣﺼﺘﻚ ﻣﻨﻲ ﺍﻧﺖ ﻭﺍﺧﻮﺍﻧﻚ ﻭﻣﺎ ﻇﻞ ﻭﺍﺣﺪ ﺑﻴﻜﻢ ﻣﺎ ﺍﺧﺬ ﺣﺼﺘﺔ ﻭﺑﻌﺪ ﻣﺎﻋﻨﺪﻛﻢ ﺷﻲ ﻳﻤﻲ
ﻣﻮ ﻣﺸﻜﻠﺘﻲ ﺍﺫﺍ ﺍﻧﺖ ﺍﻧﻀﺤﻚ ﻋﻠﻴﻚ ﻭﻃﻠﻌﺖ ﻗﺸﻤﺮ ﻭﺍﺧﺬﻭ ﻓﻠﻮﺳﻚ ﻻﻥ ﺍﻧﺖ ﺍﺭﻋﻦ ﻣﺎ ﺩﺗﺸﻮﻑ ﺍﻧﻲ ﻟﻴﺶ ﻣﺎ ﺍﺳﻠﻤﻚ ﺍﺩﺍﺭﺓ ﺍﻣﻮﺭ ﻣﺤﻼﺕ ﺻﻴﺎﻏﺔ ﺍﻟﺬﻫﺐ ﻻﻥ ﺍﻋﺮﻑ ﺑﻴﻚ ﻟﻮ ﺑﻘﺖ ﻳﻤﻚ ﺳﺎﻟﻔﺔ ﺍﻻﺩﺍﺭﺓ ﻫﻢ ﺭﺍﺡ ﺗﺨﺴﺮﻫﻢ ﻭﺗﺨﺴﺮﻧﻲ ﻭﺗﻐﺮﻙ
ﺍﻣﺎ ﻫﺎﻱ ﺍﻟﻤﺤﻼﺕ ﻭﺍﻻﻣﻼﻙ ﺍﻟﺒﺎﻗﻴﺔ ﻛﻠﻬﺎ ﺣﺼﺖ ﻣﻨﺬﺭ ﻟﻮﻧﺴﻴﺖ ﻣﻨﺬﺭ ﺍﺧﻮﻙ ﺍﻟﻲ ﻧﻜﺮﺗﺔ
ﻭﺍﻟﻲ ﺧﻠﻴﺖ ﮔﻠﺒﻲ ﻳﺸﻴﻞ ﻋﻠﻴﻪ ﻭﻳﺤﻘﺪ ﻛﻠﺔ ﻣﻦ ﻭﺭﺍﻙ ﻻﻥ ﻛﻨﺖ ﺗﺠﻴﺐ ﺍﻟﻲ ﺍﺧﺒﺎﺭ ﻛﻠﻬﺎ ﺟﺬﺏ ﺑﺠﺬﺏ
ﻭﺍﻟﻲ ﺧﻠﻴﺖ ﺍﻏﺮﻙ ﺍﻳﺪﻱ ﺑﺪﻡ ﺑﻨﺖ ﺍﺑﻨﻲ ﻣﻦ ﻭﺭﺍﻙ ﻭﻣﻦ ﻭﺭﺓ ﻋﻤﻠﺘﻚ ﺍﻟﺴﻮﺩﺓ
↙️
ﺍﻟﺠﺪ ﺻﺎﻟﺢ - ﺗﺬﻛﺮ ﺑﻴﻮﻡ ﺩﺯﻳﺘﻚ ﻋﻠﻰ ﺍﺧﻮﻙ ﺣﺘﻰ ﺗﺠﻴﺒﺔ ﻭﻳﺎﻙ ﻻﻥ ﻛﻨﺖ ﻣﺮﻳﺾ ﻭﻃﻠﺒﺖ ﻭﺍﺣﺪ ﻣﻨﻜﻢ ﺍﻥ ﻳﺴﺎﻓﺮ ﻟﻠﻨﺎﺻﺮﻳﺔ ﻭﻳﺠﻴﺐ ﻣﻨﺬﺭ ﻭﻋﺎﺋﻠﺘﺔ ﺗﺬﻛﺮ ﺍﻧﺖ ﺷﻠﻮﻥ ﺩﮔﻴﺖ ﺍﻟﻲ ﺻﺪﺭ ﻭﮔﻠﺖ ﺑﻮﻳﺔ ﺍﻧﻲ ﺍﺭﻭﺡ ﺍﺟﻴﺐ ﺍﺧﻮﻱ ﻭﺍﺟﻲ ﻭﺣﺘﻤﺖ ﻭﻣﺎﻗﺒﻠﺖ ﺍﻱ ﻭﺍﺣﺪ ﻏﻴﺮﻙ ﻳﺮﻭﺡ ﺍﻻ ﺍﻧﺖ ﺗﺮﻭﺡ
ﻭﺍﻧﻲ ﺑﻜﻞ ﻃﻴﺐ ﺧﺎﻃﺮ ﻭﺍﻓﻘﺖ ﺗﺮﻭﺡ ﻟﻜﻦ ﻣﻊ ﺍﻻﺳﻒ
ﺍﻧﺖ ﺧﻨﺖ ﺛﻘﺘﻲ ﺑﻴﻚ
ﻭﺭﻏﻢ ﻫﺬﺍ ﻛﻠﺔ ﻫﻢ ﺑﻘﻴﺖ ﺳﺎﻛﺖ ﻋﺒﺎﻟﻚ ﻣﺎ ﺍﻋﺮﻑ ﺍﺳﻮﺍﻟﻔﻚ
ﺷﻮﻑ ﻭﻟﻚ ﻧﺒﻴﻞ
ﺍﺫﺍ ﺍﻗﺘﺮﺑﺖ ﻟﻮﺣﺪﺓ ﻣﻦ ﺑﻨﺎﺕ ﻣﻨﺬﺭ ﻓﻜﺮﻙ ﺗﺮﺓ ﻭﺍﻧﺖ ﺣﺼﺘﻲ ﺗﺼﻴﺮ ﺍﺫﺍ ﺻﺎﺭ ﻋﻠﻴﻬﻦ ﺷﻲ
ﻃﻠﻊ ﻧﺒﻴﻞ ﻭﻫﻮ ﻳﺼﻴﺢ ﻭﻳﻌﻴﻂ
ﻟﻜﻦ ﻣﻦ ﻃﻠﻊ ﻭﺷﺎﻑ ﺑﻮﺟﻪ ﻓﺮﺡ
ﻧﺒﻴﻞ ﻭﻫﻮ ﻳﺘﻮﻋﺪ ﺑﮕﻠﺒﺔ ﻫﻴﻦ ﻳﺎ ﻓﺮﺡ ﻫﻴﻦ ﺍﻧﺔ ﺍﻟﺞ ﺑﺴﻴﻄﺔ
ﻓﺮﺡ ﻣﻦ ﺳﻤﻌﺖ ﺟﺪﻱ ﻭﻋﻤﻮ ﻧﺒﻴﻞ ﻭﺷﻨﻮ ﻫﻮ ﻣﺴﻮﻱ ﻭﻳﺔ ﺑﺎﺑﺎ ﻳﻌﻨﻲ ﺟﺪﻭ ﻣﺎ ﻛﺎﻥ ﻏﺎﺿﺐ ﻋﻠﻴﻪ ﻭﺭﺍﺩ ﻳﺸﻮﻓﻪ ﻟﻜﻦ ﻫﺬﺍ ﺍﻟﻌﺎﺭ ﻧﺒﻴﻞ ﻫﻮ ﺍﻟﻲ ﻭﻗﻒ ﺑﻄﺮﻳﻘﻬﻢ ﺍﻟﻠﻪ ﻻﻳﻮﻓﻘﻚ ﻧﺒﻴﻞ ﺑﻌﺪ ﻭﺑﻌﺪ ﻭﺍﻟﻠﻪ ﺍﻟﻴﻌﻠﻢ ﺷﻤﺼﺨﻢ
ﺣﺴﺎﻡ
ﺭﻛﻨﺖ ﺳﻴﺎﺭﺗﻲ ﻗﺮﺏ ﺑﻴﺖ ﺟﺪﻱ ﻭﺷﻔﺖ ﻋﻤﻲ ﻧﺒﻴﻞ ﻃﻠﻊ ﻣﻦ ﺑﻴﺖ ﺟﺪﻱ ﻋﺼﺒﻲ ﻭﺍﻟﻐﻀﺐ ﻣﺒﻴﻦ ﻋﻠﻴﻪ ﺍﺳﺘﻐﺮﺑﺖ ﺳﻠﻤﺖ
ﻋﻠﻴﻪ ﻣﺎ ﺭﺩ ﺍﻟﺴﻼﻡ ﺣﺘﻰ ﻣﺎ ﺍﻧﺘﺒﻪ ﻋﻠﻴﺔ
ﻣﺎ ﺍﻫﺘﻤﻴﺖ ﻭﺩﺧﻠﺖ ﻭﺷﻔﺖ ﻭﺣﺪﺓ ﻣﺪﻧﮕﺔ ﻭﺗﻐﺴﻞ ﺑﺎﻟﮕﺎﺭﺝ ﺑﺎﻟﻤﻜﻨﺎﺳﺔ ﺑﺲ ﻛﺎﻧﺖ ﻣﺎ ﻣﻨﺘﺒﻬﺔ
ﺑﺲ ﺟﻤﺪﺕ ﺑﻤﻜﺎﻧﻲ ﻻﻥ ﻛﺎﻥ ﺷﻌﺮﻫﺎ ﺻﺎﻳﺮ ﺻﻔﺢ ﻭﻧﺎﺯﻝ ﻭﻣﺎ ﻣﺒﻴﻦ ﻭﺟﻬﺎ ﻟﻜﻦ ﺟﺴﻤﻬﺎ ﻛﺎﻥ ﻳﺤﺠﻲ ﻗﺼﺔ ﻏﻴﺮ
ﻣﺎ ﺍﻧﺘﺒﻬﺖ ﻋﻠﻰ ﺭﻭﺣﻲ ﺷﻠﻮﻥ ﺳﻬﻴﺖ
ﺍﻫﻮ ﻳﻤﻜﻦ ﺍﻟﻐﺮﻳﺰﺓ ﺗﻄﺎﻟﺒﻨﻲ ﺑﺎﻻﺷﺒﺎﻉ ﻻﻥ ﺻﺎﺭﻟﻲ ﻓﺘﺮﺓ ﻣﻦ ﺗﺮﻛﺖ ﻋﻬﻮﺩ ﻭﺍﻧﻲ ﻣﺎﻣﺘﻌﻮﺩ ﺍﺑﻘﻰ ﻫﻴﺞ ﻓﺘﺮﺓ ﻣﺎ ﻣﻘﺘﺮﺏ ﻟﻤﺮﺓ ﻭﻣﺸﺒﻊ ﻧﻔﺴﻲ
ﺣﺴﻴﺖ ﺍﻟﻐﺮﻳﺰﺓ ﻋﻨﺪﻱ ﺻﺎﺭﺕ ﻓﻮﻝ ﻣﻦ ﺗﺘﺤﺮﻙ ﮔﺪﺍﻡ ﺑﻬﺬﺍ ﺟﺴﻤﻬﺎ ﺍﻟﻲ ﻳﺠﻴﺐ ﺭﺍﺱ ﺍﻛﺒﺮ ﻭﺍﺣﺪ ﺑﺲ ﻏﻴﺮ ﺍﺗﻜﻮﻡ ﻭﺍﻋﺮﻑ ﻫﺎﻱ ﻣﻨﻮ ﻣﻌﻘﻮﻟﺔ ﺟﺎﻳﺒﻴﻦ ﻋﺎﻣﻠﺔ ﺟﺪﻳﺪﺓ
ﻭﺍﻟﻠﻪ ﻛﺄﻥ ﺍﺳﺘﺠﺎﺑﺖ ﻟﻨﺪﺍﺋﻲ
ﻭﺭﻓﻌﺖ ﻧﻔﺴﻪ
ﻭﻛﺎﻧﺖ ﺍﻟﺼﺪﻣﺔ
ﻫﺎﻱ ﻓﺮﺡ ﺍﻟﻤﻬﺮﺓ ﺍﻟﺠﺎﻣﺤﺔ
ﺑﺲ ﻏﻴﺮ ﻋﻠﻴﻬﺎ ﺟﺴﻢ ﻭﺷﻌﺮ ﺍﺗﺬﻛﺮ ﻗﺒﻞ ﺳﻨﺘﻴﻦ ﺷﻠﻮﻥ ﻛﺎﻥ ﺷﻌﺮﻫﺎ ﻭﻻﺩﻱ
ﺍﻧﻲ ﻃﺒﻌﻲ ﻣﺎ ﺍﺣﺐ ﺍﻟﺸﻌﺮ ﻗﺼﻴﺮ ﺍﺣﺐ ﺍﻟﺸﻌﺮ ﺍﻟﻄﻮﻳﻞ ﻏﻴﺮ ﺍﺧﺮﺏ ﻋﻠﻴﻪ
ﺑﺲ ﺣﺮﺍﻣﺎﺕ ﻫﺬﺍ ﺍﻟﺠﺴﻢ ﻟﻬﺎﻱ ﺍﻟﻮﻛﺤﺔ ﺍﻡ ﺍﻟﺴﺎﻥ
ﺑﺎﻟﻠﻪ ﻫﺎﻱ ﺷﻠﻮﻥ ﻃﺎﻟﻌﺔ ﺑﺮﺓ ﻫﻴﺞ ﺑﺎﻟﻠﻪ ﻭﺍﺣﺪ ﻏﻴﺮﻱ ﺷﺎﻓﻬﺔ ﻫﻴﺞ
ﺍﻫﻮﻭﻭﻭﺷﻜﻮ ﺷﺒﻴﻚ ﺣﺴﺎﻡ ﺷﻨﻮ ﺭﺍﺡ ﺗﻄﺒﻖ ﺑﺮﺍﺳﻬﺎ ﺍﻟﺰﻭﺝ ﺍﻟﺤﺮﻳﺺ ﺍﻫﻮﻭﻭﻭﻭ
ﺧﻞ ﺍﺩﺧﻞ ﺟﻮﺓ ﺍﺣﺴﻨﻠﻲ
ﺣﺴﺎﻡ - ﺍﻟﺴﻼﻡ ﻋﻠﻴﻜﻢ
ﺍﻟﺠﺪ ﻭﺗﻮﻓﻴﻖ - ﻭﻋﻠﻴﻜﻢ ﺍﻟﺴﻼﻡ ﻭﺍﻟﺮﺣﻤﺔ
ﺷﻠﻮﻧﻚ ﺑﻮﻳﺔ ﺗﻔﻀﻞ ﺍﺷﻮ ﺍﺗﺄﺧﺮﺕ
ﻓﺮﺡ ﻛﻤﺰﺕ ﻣﻦ ﺷﻔﺖ ﺣﺴﺎﻡ ﻭﺍﻛﻒ ﺑﺒﺎﺏ ﺍﻟﺒﻴﺖ ﻭﻳﺒﺎﻭﻉ ﻋﻠﻴﺔ ﻣﻦ ﺷﺎﻓﻨﻲ ﺣﺴﻴﺖ ﺑﻲ ﻧﻔﺮ ﻣﻨﻲ ﻭﺭﺍﺡ ﻟﻠﺪﻳﻮﺍﻥ
ﻭﺍﻭﻧﻲ ﺩﺧﻠﺖ ﺟﻮﺓ ﺍﻟﻴﻮﻡ ﺍﻟﺒﻨﺎﺕ ﻛﻠﻬﻢ ﻣﺘﺠﻤﻌﺎﺕ ﻫﻨﺎ
ﻣﺴﻮﻳﺎﺕ ﺳﻬﺮﺓ ﻳﺮﻳﺪﻭﻥ ﻳﺘﺠﻤﻌﻮﻥ ﺣﺘﻰ ﻳﺨﻄﻄﻦ ﻭﻳﻨﻀﻔﻦ ﺟﺴﻢ ﺳﻠﻮﻯ ﻭﻳﺤﻔﻮﻥ ﻭﺟﻬﺎ ﻻﻥ ﺷﻔﺖ ﺭﺷﺎ ﺩﺧﻠﺖ ﻭﺟﺎﺑﺖ ﻭﻳﺎﻫﺔ ﺑﻨﻴﺔ ﺷﺎﺑﺔ
ﺣﺘﻰ ﺗﺤﻒ ﻟﺴﻠﻮﻯ ﻭﺍﻟﺒﻨﺎﺕ ﻭﺗﺴﻮﻳﻠﻬﻢ ﺗﻨﻈﻴﻒ ﻟﻠﺠﺴﻢ
ﺩﺧﻠﺖ ﻋﻠﻰ ﺍﻟﻤﻄﺒﺦ ﻭﺍﻧﻲ ﺍﻟﻌﺮﻙ ﻣﺎﺧﺬ ﺟﺴﻤﻲ ﻭﻣﺤﺘﺮﺓ
ﺧﻠﻴﺖ ﺍﻟﺸﺎﻝ ﻋﻠﻰ ﻣﻴﺰ ﺍﻟﻄﻌﺎﻡ ﻭﺭﺣﺖ ﺭﺣﺖ ﺍﺳﻮﻱ ﺍﻟﻌﺸﺎ
ﻻﻥ ﻛﻠﻬﻢ ﻣﻮﺟﻮﺩﻳﻦ ﺍﻟﺒﻨﺎﺕ ﻭﻋﻤﻮﺗﻮﻓﻴﻖ ﻭﻋﻤﻮ ﺟﻮﺍﺩ ﻭﺣﺴﺎﻡ
ﺍﻟﺒﻨﺎﺕ ﻛﻠﻬﻢ ﻟﻜﻦ ﺍﻻﻣﻬﺎﺕ ﻣﺎ ﺍﺟﻮ
ﺩﺧﻠﺖ ﺑﻨﺖ ﻋﻤﺔ ﺭﺳﻤﻴﺔ ﺯﻣﻦ ﺍﻟﺼﻐﻴﺮﺓ ﺍﺻﻐﺮ ﻣﻦ ﺳﺮﻭﺭ ﺑﺎﻻﺑﺘﺪﺍﺋﻴﺔ
ﺯﻣﻦ - ﻋﻔﻴﺎ ﻓﺮﺡ ﺳﻮﻳﻠﻨﺎ ﻛﻴﻚ ﻭﺍﻟﻠﻪ ﻃﻴﺐ ﺍﻟﻜﻴﻚ ﻣﺎﻟﺘﺞ
ﻓﺮﺡ ﻭﺍﺧﻴﺮﺍً . ﻭﺍﺣﺪ ﻗﺮﺭ ﻳﺪﺧﻞ ﻟﻠﻤﻄﺒﺦ
ﻓﺮﺡ - ﺍﻭﻙ ﺍﺳﻮﻳﻠﻜﻢ ﻛﻴﻚ ﺑﺲ ﺍﺑﻘﻲ ﻳﻤﻲ ﻭﺳﻮﻟﻔﻲ ﻭﻳﺎﻱ ﻭﺍﻟﻠﻪ ﺿﺎﻳﺠﺔ ﻣﺤﺪ ﻳﺤﺠﻲ ﻭﻳﺎﻱ
ﺯﻣﻦ ﺑﻄﻔﻮﻟﺔ - ﻟﻌﺪ ﻟﻴﺶ ﻣﺘﺮﻭﺣﻴﻦ ﻭﻳﺔ ﺍﻟﺒﻨﺎﺕ ﻛﻠﻬﻢ ﻣﺘﺠﻤﻌﺎﺕ ﻓﻮﻙ ﻭﻣﺘﻮﻧﺴﺎﺕ ﻣﺸﻐﻼﺕ ﺩﻳﺠﻲ ﻭﻳﺮﻛﺼﻮﻥ ﻭﻳﻀﺤﻜﻮﻥ
↙️
ﻓﺮﺡ
ﺍﺟﺬﺏ ﻋﻠﻴﻜﻢ ﺍﺫﺍ ﺍﻧﻜﺮ ﻭﺍﻛﻮﻝ ﻣﺎ ﺍﺣﺐ ﻫﺎﻱ ﺍﻻﺟﻮﺍﺀ ﺍﻟﻠﻤﺔ ﻣﺎﻟﺖ ﺍﻟﺒﻨﺎﺕ ﺑﺲ ﺳﻤﻌﺖ ﺣﺴﻴﺖ ﮔﻠﺒﻲ ﻃﻜﻄﻚ
ﺧﻠﺼﺖ ﺍﻟﻜﺒﺔ ﻭﺍﻟﺰﻻﻃﺔ ﻭﺍﻟﻤﻘﺒﻼﺕ ﻭﺳﻮﻳﺖ ﺷﻮﺭﺑﺔ ﻛﻨﻮﺭ ﻭﺷﻮﻳﺖ ﻛﺒﺎﺏ
ﻛﺎﻓﻲ ﻭﺻﻴﺖ ﺍﻟﺤﺎﺭﺱ ﻋﻠﻰ ﺧﺒﺰ ﻭﺭﺍﺡ ﻳﺠﻴﺐ
ﻓﺘﺮﻛﺖ ﺍﻟﻤﻄﺒﺦ ﻭﺭﺣﺖ ﺻﻌﺪﺕ ﻭﻳﺎﻫﻢ ﻓﻮﻙ
ﻭﺷﻔﺘﻬﻢ ﻣﻠﺘﻬﻴﺎﺕ
ﻳﻠﺒﺴﻦ ﻭﻳﻨﺰﻋﻦ ﺍﻟﻤﻼﺑﺲ ﻭﺍﻟﻔﺴﺎﺗﻴﻦ
ﻭﻛﻌﺪﺕ ﻋﻠﻰ ﺻﻔﺤﺔ
ﺍﻧﺘﺒﻬﺖ ﻋﻠﻰ ﺳﻠﻮﻯ ﺷﻠﻮﻥ ﻣﻨﻄﻠﻘﺔ ﻭﻳﺎﻫﻢ ﻫﻲ ﻭﺳﺮﻭﺭ ﻫﻢ
ﻓﺮﺣﺖ ﻣﻦ ﺷﻔﺘﻬﻢ
ﺑﺲ ﺍﺑﺪ ﻣﺤﺪ ﺍﻗﺘﺮﺑﺖ ﻣﻨﻲ
ﻳﻌﻨﻲ ﺷﻨﻮ ﻓﺮﺡ ﺭﺍﺡ ﺗﻜﻠﺒﻴﻬﺎ ﺩﺭﺍﻣﺎ ﻫﻨﺪﻱ ﺍﻧﺘﻲ ﺑﺎﺩﺭﻱ
ﻣﻦ ﻳﻤﺞ ﻭﺭﻭﺣﻲ ﮔﻌﺪﻱ ﻳﻤﻬﻦ ﻭﺳﻮﻟﻔﻲ
ﺳﻤﻌﺖ ﺳﻠﻮﻯ ﺗﺴﺄﻝ ﺍﻟﺒﻨﺎﺕ
ﺍﮔﻮﻝ ﺑﻨﺎﺕ ﻣﻨﻮ ﺍﺣﻠﻰ ﻋﻠﻲ ﻫﺬﺍ ﺍﻟﻔﺴﺘﺎﻥ ﻟﻮ ﻫﺬﺍ
ﺍﻧﻲ ﻣﻦ ﻳﻤﻲ ﺍﺧﺘﺎﺭﻳﺖ ﺍﻟﻔﺴﺘﺎﻥ ﺍﻻﺣﻤﺮ ﻛﺎﻥ ﺣﻠﻮ ﻋﻠﻴﻬﺎ
ﻓﺮﺡ - ﺍﻟﻔﺴﺘﺎﻥ ﺍﻻﺣﻤﺮ ﻛﻠﺶ ﺣﻠﻮ ﻋﻠﻴﺞ
ﻧﺴﺮﻳﻦ ﺍﻟﺘﻔﺘﺖ ﻋﻠﻴﺔ ﻭﻧﻈﺮﺕ ﺑﺎﺳﺘﻬﺰﺍﺀ
- ﻫﻬﻬﻬﻬﻪ ﻭﺍﻧﺘﻲ ﺷﻌﺮﻓﺞ ﺑﺎﻟﻤﻮﺩﻳﻼﺕ ﺣﺘﻰ ﺗﺨﺘﺎﺭﻳﻦ ﻫﻲ ﻣﺎ ﻣﺎﺧﺬﺓ ﺭﺍﻳﺞ ﻻﻥ ﻣﺎﻋﻨﺪﺝ ﺫﻭﻕ
ﻓﺮﺡ - ﻟﻴﺶ ﻣﺎ ﻳﺤﺘﺎﺝ ﺍﻟﻬﺎ ﺫﻭﻕ ﻣﺒﻴﻦ ﺣﻠﻮ ﻋﻠﻴﻬﺎ
ﻧﺴﺮﻳﻦ ﻭﻫﻲ ﺗﮕﻠﺐ ﺑﻌﻴﻮﻧﻬﺎ ﺑﻀﺠﺮ
ﻧﺴﺮﻳﻦ - ﺍﻱ ﻋﺎﺩﻱ ﻣﻮ ﻛﻠﺸﻲ ﺣﻠﻮ ﻋﻠﻴﻪ ﻣﻌﻨﺎﻫﺎ ﺍﻟﺒﺴﺔ
ﻫﺴﺔ ﻣﺜﻼ ﺍﻧﺘﻲ ﺗﻠﺒﺴﻴﻦ ﺑﻤﻼﺑﺲ ﺑﻴﺒﻲ ﻋﺎﺩﻱ ﺣﻠﻮﺓ ﻋﻠﻴﺞ ﺑﺲ ﻣﻮ ﺗﻠﺒﺴﻴﻬﺎ ﺑﻤﻬﺮ ﺍﺧﺘﺞ ﻭﺗﻔﻀﺤﻴﻨﺎ
ﻫﻬﻬﻬﻬﻬﻬﻬﻬﻬﻬﻬﻬﻬﻪ ﺳﻠﻮﻯ ﻟﺤﻜﻲ ﻭﻧﻮﺏ ﺻﺪﻳﻘﺎﺗﺞ ﺍﻟﻲ ﺑﺎﻟﻜﻠﻴﺔ ﺭﺍﺡ ﻳﺠﻮﻥ ﻟﻠﺤﻔﻠﺔ ﻭﺭﺍﺡ ﻳﺴﻮﻭﻥ ﺍﻟﻤﻬﺮ ﺑﻨﺎﺩﻱ ﺭﺍﻗﻲ ﺧﻮﻣﺎ ﺗﻌﺮﻓﻴﻦ ﻫﺎﻱ ﺍﺧﺘﺞ ﻋﻠﻴﻬﻢ
ﺳﻠﻮﻯ ﻭﻫﻲ ﻣﺪﻧﮕﺔ ﻭﻻﻋﺒﺎﻟﻚ ﻧﺴﺮﻳﻦ ﺍﻫﺎﻧﺘﻨﻲ ﮔﺪﺍﻣﻪ
ﺭﺷﺎ - ﻭﺷﻨﻮ ﻳﻌﻨﻲ ﻭﺍﺫﺍ ﺍﺟﻮ ﺻﺪﻳﻘﺎﺕ ﺳﻠﻮﻯ ﺷﻨﻮ ﻗﺎﺑﻞ ﺍﺣﻠﻰ ﻣﻦ ﻓﺮﺡ ﻟﻮ ﺍﺭﺗﺐ ﻣﻨﻬﺎ
ﻧﺴﺮﻳﻦ ﺑﻠﺌﻢ - ﻫﻬﻬﻬﻬﻬﻪ ﺷﻨﻮ ﺷﺒﻴﺞ ﺭﺷﺎ ﺍﻧﺘﻲ ﺗﻀﺤﻜﻴﻦ ﻋﻠﻰ ﻧﻔﺴﺞ ﻳﺎﺑﺔ ﻫﺎﻱ ﻣﺘﻌﺮﻑ ﺣﺘﻰ ﺗﻠﺒﺲ ﺣﺬﺍﺀ ﻛﻌﺐ ﺍﺗﺤﺪﺍﻫﺔ ﺍﺫﺍ ﺗﻌﺮﻑ ﻫﻬﻬﻬﻬﻬﻪ ﻭﺍﻟﻠﻪ ﺭﺍﺡ ﺗﺼﻴﺮ ﺣﻔﻠﺔ ﺍﻟﻤﻬﺮ ﺗﺨﺮﺏ ﺿﺤﻚ ﺍﺫﺍ ﺣﻀﺮﺕ
ﺳﻠﻮﻯ - ﺍﺣﻢ ﺍﺓ ﺍﺓ ﻻ ﻣﺎ ﺍﺗﻮﻗﻊ ﻓﺮﺡ ﺭﺍﺡ ﺗﮕﺪﺭ ﺗﺤﻀﺮ ﺣﻔﻠﺘﻲ ﻫﻲ ﺑﻨﻔﺴﻬﺎ ﮔﻠﺘﻠﻲ ﺍﻥ ﻫﻲ ﻣﺎﺗﮕﺪﺭ ﺗﺠﻲ ﺗﻜﻮﻝ ﺍﺑﻘﻰ ﻳﻢ ﺟﺪﻭ ﺧﻄﻴﺔ ﺧﺎﻑ ﻳﺤﺘﺎﺝ ﺷﻲ
ﻭﺍﻟﺘﻔﺘﺖ ﻋﻠﻰ ﻓﺮﺡ ﺍﻟﻤﺼﺪﻭﻣﺔ ﻣﻦ ﻛﻼﻡ ﺍﺧﺘﻬﺎ
ﺳﺮﻭﺭ - ﺍﺫﺍ ﻓﺮﺡ ﻣﺎﺗﺤﻀﺮ ﺍﻧﻲ ﻫﻢ ﻣﺎ ﺍﺣﻀﺮ ﺣﻔﻠﺔ ﺍﻟﻤﻬﺮ
ﻓﺮﺡ ﻭﺑﻜﻞ ﺭﻭﺡ ﺭﻳﺎﺿﻴﺔ ﻣﺠﺮﻭﺣﺔ - ﻻﺣﺒﻴﺒﺘﻲ ﺳﺮﻭﺭ ﺧﻄﻴﺔ ﺍﺧﺘﻨﺎ ﺧﻮ ﻣﺎﻧﺘﺮﻛﻬﺎ ﺑﻬﻴﺞ ﻳﻮﻡ ﻣﻬﻢ ﻟﻮﺣﺪﻫﺎ ﻻﺯﻡ ﻭﺣﺪﺓ ﺑﻴﻨﺎ
ﺑﺲ ﺗﻌﺮﻓﻴﻦ ﺍﻧﻲ ﺧﻄﻴﺔ ﺟﺪﻭ ﻫﺎﻱ ﺍﻻﻳﺎﻡ ﻣﺮﻳﺾ ﻭﻣﺎ ﺍﮔﺪﺭ ﺍﺗﺮﻛﺔ
ﻓﺮﺡ ﺍﻧﻘﻬﺮﺕ ﺍﻥ ﺍﺧﺘﻲ ﻛﺎﻧﺖ ﺗﺴﺘﻨﻜﻒ ﻣﻨﻲ ﺷﻨﻮ ﺍﻟﻐﻠﻂ ﺍﻟﺒﺪﺭ ﻣﻨﻲ ﻟﻴﺶ ﺍﻧﻲ ﻣﻮ ﻏﻴﺮﺕ ﺣﻴﺎﺗﻲ ﻋﻠﻤﻮﺩﻫﻢ
ﻓﺮﺡ ﻭﻫﻲ ﺗﺤﺠﻲ ﻭﻳﺔ ﻧﻔﺴﻬﺎ
ﺍﻱ ﻓﺮﺡ ﺑﺲ ﻫﻲ ﻣﺎﺿﺮﺑﺘﺞ ﻋﻠﻰ ﺍﻳﺪﺝ ﺣﺘﻰ ﺗﻀﺤﻴﻦ ﺑﻤﺴﺘﻘﺒﻠﺞ ﻭﺗﺼﻴﺮﻳﻦ ﺍﻟﻬﺔ ﺍﻟﺪﺭﻉ ﺍﻟﻤﺼﺎﻥ ﺣﺘﻰ ﺗﺤﻤﻴﻬﺎ
ﺍﻧﺘﻲ ﺍﺻﺒﺤﺘﻲ ﻭﺳﻴﻠﺔ ﻋﺒﺮﺕ ﺑﻴﻬﺎ ﺍﻟﻰ ﺑﺮ ﺍﻻﻣﺎﻥ ﻭﺗﺮﻛﺘﺞ ﻟﻮﺣﺪﺝ ﺧﺎﻭﻳﺔ ﻟﻴﺶ ﺿﺎﻳﺠﺔ ﻫﺴﺔ ﻭﻣﻘﻬﻮﺭﺓ ﺗﺮﺓ ﻋﺎﺩﻱ
ﺑﻠﻌﻲ ﻭﺳﻜﺘﻲ
ﻇﻠﻴﺖ ﮔﺎﻋﺪﺓ ﻭﻳﺎﻫﻢ ﻣﺎﻗﺒﻠﺖ ﺍﮔﻮﻡ ﺣﺘﻰ ﻣﺎﺗﻔﺮﺡ ﺳﺖ ﻧﺴﺮﻳﻦ ﺑﺎﻧﻬﺰﺍﻣﻲ
ﺳﻤﻌﺖ ﺍﻟﺒﻨﺎﺕ ﺷﻠﻮﻥ ﻳﺴﻮﻟﻔﻮﻥ ﻋﻠﻰ ﺍﺟﻮﺍﺀ ﺍﻟﻜﻠﻴﺔ
ﻭﺷﻠﻮﻥ ﻳﺤﺠﻮﻥ ﻭﺗﻬﺎﻣﺴﻮﻥ ﺑﻴﻨﻬﻢ ﻋﻦ
ﺷﻠﻮﻥ ﺍﻟﺸﺒﺎﺏ ﻳﺘﻮﺩﺩﻭﻥ ﺍﻟﻬﻢ
ﺍﺳﺮﺍﺀ - ﺭﺷﺎ ﺗﺘﺬﻛﺮﻳﻦ ﺍﻟﻮﻟﺪ ﺍﻟﻲ ﻭﺍﻋﺘﺮﻓﻠﺞ ﺑﺤﺒﺔ ﻛﺪﺍﻣﻨﺎ ﻭﻃﻠﺐ ﺍﻳﺪﺝ ﻟﻠﺰﻭﺍﺝ
ﻭﺍﺣﻨﺎ ﻭﺍﻛﻔﺎﺕ ﺑﻘﻴﻨﺎ ﺻﺎﻓﻨﺎﺕ ﺑﻮﺟﻬﺔ ﻭﺍﻧﺘﻲ ﻭﺟﻬﺞ ﺻﺎﺭ ﻃﻤﺎﻃﺔ
ﺭﺷﺎﻭﺧﺪﻭﺩﻫﺎ ﺻﺎﺭﺕ ﺣﻤﺮﺓ - ﺍﻱ ﻫﺬﺍ ﺍﻳﻬﻢ ﻓﺪﻳﺘﺔ
ﺑﺲ ﻣﺎ ﺟﺎﻭﺑﺘﺔ ﺑﻮﻛﺘﻬﺎ
ﻧﺴﺮﻳﻦ - ﺍﻧﻲ ﻟﻮ ﻣﻨﺞ ﺍﻭﺍﻓﻖ ﻳﺠﻲ ﻳﺘﻘﺪﻡ ﻟﻲ ﻭﻳﻦ ﺗﻠﻜﻴﻦ ﻫﻴﺞ ﻭﺍﺣﺪ ﺻﺎﻙ ﻭﺷﺨﺼﻴﺔ ﻗﻮﻳﺔ ﺷﻠﻮﻥ ﺟﺮﻱﺀ ﺷﻠﻮﻥ ﺍﺟﺔ ﻭﻛﺪﺍﻣﻨﺎ ﻛﻠﻨﺎ ﻃﻠﺒﺞ ﺍﺣﺐ ﻫﻴﺞ ﺷﺎﺏ ﻭﺍﺛﻖ ﻣﻦ ﻧﻔﺴﻪ
ﺭﺷﺎ - ﺍﻱ ﻓﺪﻳﺘﺔ ﺑﺲ ﻫﻮ ﺍﻧﻄﺎﻧﻲ ﻣﻬﻠﺔ ﺍﺳﺒﻮﻉ ﺣﺘﻰ ﺍﺭﺩ ﺍﻟﺔ ﺟﻮﺍﺏ
ﺍﺳﺮﺍﺀ - ﺍﻱ ﺻﺪﻙ ﺳﻠﻮﻯ ﺍﺣﺠﻴﻠﻨﺎ ﺷﻠﻮﻥ ﺣﺒﻴﺘﻲ ﻧﻮﺍﻑ
ﺳﻠﻮﻯ ﻭﻫﻲ ﺣﺎﺿﻨﺔ ﺍﻟﻜﻮﺷﺔ ﻭﺳﺮﺣﺎﻧﺔ - ﺍﻭﻑ ﻧﻮﺍﻑ ﺍﻟﺤﺐ ﺍﻟﺠﻤﻴﻞ ﻭﺍﺣﻠﻰ ﺷﻲ ﺻﺎﺭ ﺑﺤﻴﺎﺗﻲ ﻣﺎ ﺍﺗﻮﻗﻊ ﺭﺍﺡ ﻳﺠﻲ ﺷﻲ ﺍﻛﺜﺮ ﺍﻫﻤﻴﺔ ﻣﻦ ﻧﻮﺍﻑ ﺟﻨﺖ ﻃﺎﻟﻌﺔ ﻟﻠﻤﺪﺭﺳﺔ ﻋﻨﺪﻱ ﺍﻣﺘﺤﺎﻥ ﻭﻫﺎﻱ ﺳﺖ ﺍﺳﺮﺍﺀ ﺭﺍﻳﺤﺔ ﺑﺎﻳﺘﺔ ﻋﻨﺪ ﺑﻴﺖ ﻋﻤﺔ ﺭﺳﻤﻴﺔ ﻭﺍﻧﻲ ﻓﺎﺗﻨﻲ ﺍﻟﻮﻗﺖ ﻣﺎﻟﺖ ﺍﻻﻣﺘﺤﺎﻥ ﻭﺭﺣﺖ ﺍﺭﻛﺾ ﻭﺍﺑﺠﻲ ﺑﺎﻟﺸﺎﺭﻉ
ﻟﻴﺶ ﻣﺎ ﺷﻔﺖ ﺻﻔﺖ ﺳﻴﺎﺭﺓ ﻗﺮﻳﺐ ﻋﻠﻴﺔ ﻭﻧﺰﻟﺖ ﺍﻟﺠﺎﻣﺔ
ﻧﻮﺍﻑ ﺑﻔﺰﻋﺔ ﻋﻠﻰ ﺷﻜﻞ ﺑﻨﺖ ﻋﻤﺔ - ﺳﻠﻮﻯ ﻟﻴﺶ ﻭﺗﻤﺸﻴﻦ ﻭﺗﺒﺠﻴﻦ ﺑﺎﻟﺸﺎﺭﻉ ﻭﻻﺑﺴﺔ ﻫﺪﻭﻡ ﺍﻟﻤﺪﺭﺳﺔ ﺷﺒﻴﺞ ﺷﺎﺭﺑﺔ ﺷﻲ
ﺳﻠﻮﻯ ﻭﻫﻲ ﺗﻤﺴﺢ ﺩﻣﻮﻋﻬﺎ - ﻋﻔﻴﺔ ﻧﻮﺍﻑ ﻓﺎﺗﻨﻲ ﻭﻗﺖ ﺍﻻﻣﺘﺤﺎﻥ ﺍﺧﺬﺗﻨﻲ ﻧﻮﻣﺔ ﻋﻔﻴﺎ ﺍﺧﺬﻧﻲ ﻟﻼﻣﺘﺤﺎﻥ ﻭﺍﻟﻠﻪ ﻣﺎ ﺍﻋﺮﻑ ﺷﻠﻮﻥ ﻏﻔﻠﺖ ﻋﻔﻴﺔ ﺭﺍﺡ ﺍﺗﺄﺧﺮ
ﻧﻮﺍﻑ ﺧﺮﺏ ﺿﺤﻚ ﻋﻠﻰ ﺳﻠﻮﻯ ﻭﺷﻜﻠﻬﺎ - ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻭﺍﻟﻠﻪ ﺍﻧﺘﻲ ﻓﻠﻢ ﻫﻨﺪﻱ
ﺳﻠﻮﻯ ﺑﺘﺴﺎﺋﻞ ﻫﺬﺍ ﺷﺒﻲ ﻳﻀﺤﻚ ﻭﺍﻧﻲ ﻣﻘﻬﻮﺭﺓ ﻭﻳﺸﻮﻓﻨﻲ ﻣﺘﺒﻬﺬﻟﺔ ﻋﻠﻰ ﺍﻣﺘﺤﺎﻧﻲ ﻭﻳﻀﺤﻚ - ﺳﻠﻮﻯ ﻭﻫﻲ ﺗﻜﻤﻞ ﻃﺮﻳﻘﻬﺎ ﻣﻮ ﺻﻮﺟﻚ ﺻﻮﺟﻲ ﺍﻧﻲ ﺍﻟﻲ ﺿﻴﻌﺖ ﻭﻗﺘﻲ ﻭﺍﻛﻔﺔ ﺍﺷﺮﺣﻠﻚ ﻭﺍﻧﺖ ﺗﻀﺤﻚ
ﻧﻮﺍﻑ ﻭﻫﻮ ﻳﻨﺰﻝ ﻣﻦ ﺳﻴﺎﺭﺗﺔ ﻭﻳﺮﻛﺾ ﻭﺭﺓ ﺳﻠﻮﻯ
ﻧﻮﺍﻑ - ﻫﻮﺏ ﻫﻮﺏ ﻫﻮﺏ ﺍﻭﻛﻔﻲ ﺍﻭﻛﻔﻲ ﻭﻳﻦ ﺭﺍﻳﺤﺔ ﺟﻨﺞ ﻣﺨﺒﻠﺔ ﻭﺍﻟﻠﻪ ﻫﺴﺔ ﺍﻟﻲ ﻳﺸﻮﻓﺞ ﻳﮕﻮﻝ ﻫﺎﻱ ﻣﺨﺒﻠﺔ
ﺳﻠﻮﻯ ﻭﻫﻲ ﺗﺰﻳﺪ ﺑﺎﻟﺒﺠﻲ - ﺍﺑﺘﻌﺪ ﻋﻦ ﻃﺮﻳﻘﻲ ﺭﺣﻤﺔ ﻻﻫﻠﻚ ﺗﺮﺓ ﺍﺧﺮﺗﻨﻲ ﻭﺭﺍﺡ ﻳﻀﻴﻊ ﻣﺴﺘﻘﺒﻠﻲ
ﻧﻮﺍﻑ - ﻫﻬﻬﻬﻬﻬﻬﻬﻬﻬﻬﻬﻬﻬﻪ ﺍﺥ ﻳﺎﺑﺔ ﺻﺪﻙ ﻣﻮﺗﻴﻨﻲ ﺿﺤﻚ
ﻭﻟﺞ ﺍﻟﻴﻮﻡ ﺟﻤﻌﺔ ﻳﺎ ﺍﻣﺘﺤﺎﻥ ﻫﺬﺍ ﺭﺍﻳﺤﺔ ﺗﺮﻛﻀﻴﻦ ﺑﺎﻟﺸﺎﺭﻉ ﺟﻨﺞ ﻣﺨﺒﻠﺔ ﻋﻠﻤﻮﺩﺓ
ﺳﻠﻮﻯ ﺑﻨﺎﺕ ﻣﺎ ﺍﻭﺻﻔﻠﻜﻢ ﺷﻌﻮﺭﻱ ﺷﻨﻮ ﻛﺎﻥ ﺑﺤﻠﻈﺘﻬﺎ ﺷﻜﺪ ﻛﻨﺖ ﻓﺸﻼﻧﺔ ﺑﺲ ﺑﻌﺪﻳﻦ
ﺧﺮﺑﺖ ﻣﻦ ﺍﻟﻀﺤﻚ ﻭﺻﺮﻧﺎ ﺍﻧﻲ ﻭﻧﻮﺍﻑ ﻭﺍﺣﺪ ﻣﮕﺎﺑﻞ ﺍﻟﺜﺎﻧﻲ ﻭﻧﻀﺤﻚ ﻭﻛﺎﻥ ﻫﺬﺍ ﺍﻭﻝ ﻟﻘﺎﺀ ﺍﻟﻲ ﻣﻊ ﻧﻮﺍﻑ ﻭﺻﺮﻧﺎ ﻛﻠﻤﺎ ﺗﻠﺘﻘﻲ ﻋﻴﻮﻧﺎ ﻧﺘﺬﻛﺮ ﺍﻟﻤﻮﻗﻒ ﻭﻧﻀﻞ ﻧﻀﺤﻚ ﺍﺛﻨﻴﻨﺎ ﻟﻮﺣﺪﻧﺎ ﻭﺍﻟﻲ ﻳﺸﻮﻓﻨﺎ ﻳﮕﻮﻝ ﻋﻠﻴﻨﺎ ﻣﺨﺎﺑﻴﻞ
ﺍﻱ ﺻﺪﻙ ﺑﻌﺪﻳﻦ ﺻﺮﻧﺎ ﻣﺠﺎﻧﻴﻦ ﺑﺲ ﻣﺠﺎﻧﻴﻦ ﺑﺎﻟﺤﺐ
ﻓﺮﺡ
ﻛﻨﺖ ﺍﺳﻤﻊ ﻛﻼﻡ ﺳﻠﻮﻯ ﻭﻛﻼﻡ ﺭﺷﺎ ﻭﺍﺳﺮﺍﺀ ﺷﻠﻮﻥ ﻫﻲ ﻣﻌﺠﺒﺔ ﺑﻮﺍﺣﺪ ﺑﻐﻴﺮ ﻗﺴﻢ ﻭﻛﻠﺶ ﻣﻌﺠﺒﺔ ﺑﻲ ﺑﺲ ﺗﺴﺘﺤﻲ ﺗﺤﺠﻲ ﻭﻳﺎﻩ
ﺍﻧﺘﺒﻬﺖ ﻋﻠﻰ ﺭﻭﺣﻲ ﺍﺗﻤﻨﻴﺖ ﺍﻥ ﺍﻋﻴﺶ ﻫﺬﺍ ﺍﻟﺸﻌﻮﺭ ﺍﻟﻲ ﻳﺤﺴﻮﻥ ﺑﻲ ﺍﻟﺒﻨﺎﺕ
ﺻﺮﺕ ﺍﺗﻤﻨﻰ ﻣﺜﻞ ﺍﻱ ﺍﺑﻨﻴﺔ ﺍﺣﺐ ﻭﺍﻧﺤﺐ
ﺑﺲ ﻣﺎ ﺍﺗﻮﻗﻊ ﺍﻟﻤﺜﻠﻲ ﻫﻢ ﺍﻟﻬﺎ ﺣﻖ ﺗﺤﺐ
ﻭﻻﻭﻝ ﻣﺮﺓ ﺩﺧﻠﺖ ﻋﻠﻰ ﮔﻠﺒﻲ ﻣﺸﺎﻋﺮ ﺟﺪﻳﺪﺓ ﻭﺣﺴﻴﺖ ﺍﻥ ﻫﺎﻱ ﺍﻟﻤﺸﺎﻋﺮ ﺍﻧﺜﻮﻳﺔ ﻫﻬﻬﻪ ﻭﺍﺧﻴﺮﺍً ﺻﺮﺕ ﺍﻣﺘﻠﻚ ﺻﻔﺔ ﻣﺜﻞ ﺍﻟﺒﻨﺎﺕ
ﻧﺰﻟﺖ ﻣﻦ ﻋﻨﺪ ﺍﻟﺒﻨﺎﺕ ﻭﺍﻧﻲ ﺗﻔﻜﻴﺮﻱ ﺑﻐﻴﺮ ﻣﻜﺎﻥ
ﻫﻬﻬﻬﻬﻬﻪ ﻳﻌﻨﻲ ﺍﻧﻲ ﻫﻢ ﺑﻨﻴﺔ ﻭﻋﻨﺪﻱ ﻣﺸﺎﻋﺮ ﺍﻟﻠﻪ ﺷﻮﻛﺖ ﻳﺠﻲ ﻫﺬﺍ ﺍﻟﻴﻮﻡ ﺍﻟﻲ ﻳﺠﻲ ﺷﺎﺏ ﻳﻌﺒﺮﻟﻲ ﻋﻦ ﻣﺸﺎﻋﺮﻩ ﻭﻳﮕﻠﻲ ﺍﻧﻲ ﺍﺣﺒﺞ ﻭﺍﺭﻳﺪ ﺍﺧﻄﺒﺞ ﺍﻫﻮﻭﻭ ﻳﺨﻄﺒﻨﻲ ﺷﻨﻮ ﻭﺍﻧﻲ ﺍﺻﻼ ﻣﺘﺰﻭﺟﺔ ﺍﻭﻑ
ﻭﺍﻟﻠﻪ ﺻﺪﻙ ﻣﺒﻴﻦ ﺣﻠﻮ ﻫﺬﺍ ﺍﻟﺸﻌﻮﺭ ﻳﻌﻨﻲ ﻣﺠﺮﺩ ﺍﻟﺘﻔﻜﻴﺮ ﺑﻲ ﺗﻜﻮﻧﻴﻦ ﺳﻌﻴﺪﺓ ﻳﻌﻨﻲ ﻟﻮ ﺍﻋﻴﺶ ﻫﺬﺍ ﺍﻟﺸﻲ ﺷﻠﻮﻥ ﺭﺍﺡ ﻳﻜﻮﻥ ﺷﻌﻮﺭﻱ ﻳﻤﻜﻦ ﺍﻃﻴﺮ ﺑﻴﻦ ﺍﻟﻐﻴﻮﻡ
ﻳﻌﻨﻲ ﺍﺣﺴﺎﺱ ﺣﻠﻮ ﺍﻥ ﺗﺤﺲ ﺍﻛﻮ ﻣﻦ ﻳﺒﺎﺩﻟﻚ ﺍﻟﺤﺐ
ﻳﻌﻨﻲ ﺷﻜﺪ ﺣﻠﻮ ﺍﺷﻮﻑ ﻧﻔﺴﻲ ﻭﺍﺣﺪ ﻳﻬﺘﻢ ﺑﻴﺔ ﻭﻳﮕﻌﺪ ﻳﺮﺍﺿﻴﻨﻲ ﺍﺫﺍ ﺯﻋﻠﺖ ﻭﺍﺫﺍ ﻣﺮﺿﺖ ﻳﺸﻌﺮ ﺑﺎﻟﻘﻠﻖ ﻋﻠﻴﺔ
ﻭﻣﺎﻳﻘﺒﻞ ﻭﺍﺣﺪ ﻳﺤﺠﻲ ﻋﻠﻴﺔ ﻭﻳﺪﺍﻓﻊ ﻋﻨﻲ ﺍﻟﻠﻪ ﻣﺜﻞ ﻣﺎﺷﻔﺖ ﻣﺮﺓ ﻧﻮﺍﻑ ﺷﻠﻮﻥ ﻛﺎﻡ ﻳﺤﻮﻡ ﻋﻠﻰ ﺑﻴﺖ ﺟﺪﻱ ﻣﻦ ﺳﻤﻊ ﺑﺴﻠﻮﻯ ﺗﻤﺮﺿﺖ ﺧﻄﻴﺔ ﻣﺎ ﻳﻌﺮﻑ ﺷﻴﺴﻮﻱ ﻻﻥ ﻛﺎﻧﻮ ﺑﻌﺪﻫﻢ ﻣﺎ ﺧﺎﻃﺒﻴﻦ
ﻳﺎﺭﺏ ﺍﺳﻌﺪ ﺍﺧﺘﻲ ﻭﻫﻨﻴﺌﻬﺎ ﺑﺤﻴﺎﺗﻬﺎ
ﻭﺍﺭﺯﻗﻨﻲ ﺑﻮﺍﺣﺪ ﻳﺴﻌﺪﻧﻲ
↙️
ﺣﺴﺎﻡ
ﺍﻟﻴﻮﻡ ﺗﺰﻭﺟﺖ ﻭﺣﺪﺓ ﻋﻦ ﻃﺮﻳﻖ ﺻﺪﻳﻘﻲ ﻧﻮﻓﻞ
ﻫﻮ ﺭﺗﺐ ﻟﻲ ﺍﻟﺴﺎﻟﻔﺔ ﻫﻢ ﻛﺎﻟﻌﺎﺩﺓ ﺯﻭﺍﺝ ﻣﺘﻌﺔ ﺑﺎﻟﺴﺮ
ﻭﻫﺎﻱ ﺍﻟﺠﺪﻳﺪﺓ ﻗﻨﺒﻠﺔ ﻣﺘﻨﻘﻠﺔ ﻏﻴﺮ ﺗﺪﻭﺥ ﺍﺳﻤﻬﺎ ﻫﺎﻟﺔ
ﻳﺎﺑﺔ ﻋﺎﻟﺪﻟﻊ ﻭﺍﻟﻐﻨﺞ ﻓﺮﺗﻨﻲ ﻓﺮ
ﻛﻌﺪﺕ ﺗﺮﻛﺺ ﻭﺗﻬﺰ ﺑﺨﺼﺮﻫﺎ ﻣﻦ ﺍﻭﻝ ﻳﻮﻡ
ﻭﺑﺎﻋﺘﺒﺎﺭﻱ ﻋﺮﻳﺲ ﺟﺪﻳﺪ ﺑﺸﻬﺮ ﺍﻟﻌﺴﻞ ﻫﻢ ﻓﺘﺮﺓ ﺍﺧﺘﻔﻴﺖ ﻋﻦ ﺍﻻﻧﻈﺎﺭ ﻭﺻﺮﺕ ﻣﻦ ﺍﻟﺸﻐﻞ ﮔﺒﻞ ﻻﺧﻀﺎﻥ ﺍﻟﻠﻌﺒﺔ ﺍﻟﺠﺪﻳﺪﺓ
ﻋﻠﻲ - ﺍﻟﻮ ﻫﻠﺔ ﺑﺤﺴﺎﻡ ﺷﺨﺒﺎﺭﻙ ﺍﺷﻮ ﻣﺎﻛﻮ ﻣﺪﺍﺷﻮﻓﻚ ﻫﺎﻻﻳﺎﻡ ﺷﻜﻮ ﺷﺼﺎﻳﺮ
ﺣﺴﺎﻡ - ﺍﺳﻜﺖ ﻭﻟﻚ ﺍﺧﻮﻙ ﻏﺮﺍﮔﺎﻥ ﺑﺸﻬﺮ ﺍﻟﻌﺴﻞ ﻋﺮﻳﺲ
ﻋﻠﻲ - ﻭﻟﻚ ﺍﻧﺖ ﻣﺘﻮﺏ ﻣﻦ ﺍﺳﻮﺍﻟﻒ ﻫﺎﺫﻱ ﻋﻴﺐ ﺑﻄﻞ ﻟﻌﺐ ﻭﻧﺴﻮﺍﻥ
ﺣﺴﺎﻡ - ﻳﺎﺑﺔ ﺩﺭﻭﺡ ﻫﻮ ﺍﺣﻨﺎ ﺷﻤﺎﺧﺬﻳﻦ ﻣﻦ ﺍﻟﺪﻧﻴﺎ ﺩﺧﻠﻲ ﻧﺘﻮﻧﺲ ﺷﻮﻳﺔ
ﻋﻠﻲ - ﺍﻟﻠﻪ ﻳﻬﺪﻳﻚ ﻳﺎﺍﺑﻮ ﻓﻬﺪ
ﺻﺪﻙ ﻋﻠﻰ ﻃﺎﺭﻱ ﻓﻬﺪ ﺗﺮﺓ ﻓﻬﺪ ﻛﻠﺶ ﻣﺮﻳﺾ ﺑﺎﻟﺒﻴﺖ ﻭﻣﺤﺪ ﺑﺤﺎﻟﺔ ﻻ ﺍﻣﻚ ﻓﺎﺭﻏﺔ ﺗﻌﺘﻨﻲ ﺑﻲ ﻭﻻﺧﻮﺍﺗﻚ ﻓﺎﺭﻏﺎﺕ ﺭﺣﺖ ﺍﺧﺬﺗﺔ ﻟﺒﻴﺖ ﺟﺪﻱ ﻫﻨﺎﻙ ﻟﻌﻨﺪ ﻓﺮﺡ ﺑﻨﺖ ﻋﻤﻲ ﻣﻨﺬﺭ ﺭﺍﺡ ﺗﻌﺘﻨﻲ ﺑﻲ ﻻﻥ ﺍﻟﻮﺣﻴﺪﺓ ﻣﺘﻄﻠﻊ ﻣﻦ ﺍﻟﺒﻴﺖ ﻭﺍﻟﺒﻘﻴﺔ ﻛﻠﻬﻢ ﻋﻨﺪﻫﻢ ﺩﻭﺍﻣﺎﺕ
ﺣﺴﺎﻡ - ﻫﺬﺍ ﻫﻮ ﺯﻳﻦ ﺗﺴﻮﻱ ﺍﺧﺬﺗﺔ ﻟﻌﻨﺪﻫﻢ
ﻃﺒﻌﺎ ﺍﺗﻌﻮﺩﺕ ﻋﻠﻰ ﺍﻫﻤﺎﻝ ﺍﺑﻨﻲ ﻓﻬﺪ ﺍﺑﺪ ﻣﺎﺷﺎﻑ ﻳﻮﻡ ﻣﻨﻲ ﻋﻨﺎﻳﺔ ﺍﻭ ﺍﻫﺘﻤﺎﻡ ﺍﺑﻮ ﺑﺘﺠﺎﻩ ﺍﺑﻨﺔ
ﻋﻠﻲ - ﺣﺴﺎﻡ ﺗﺮﺓ ﺟﺪﻱ ﻳﺮﻳﺪﻙ ﺑﻤﻮﺿﻮﻉ ﻛﻠﺶ ﻣﻬﻢ ﻭﻫﻮ ﮔﻠﻲ ﺍﺗﺼﻞ ﻋﻠﻰ ﺣﺴﺎﻡ ﻭﺍﻧﻄﻲ ﺧﺒﺮ ﺣﺘﻰ ﻳﺠﻲ ﺍﻟﻴﻮﻡ ﻟﺒﻴﺘﻨﺎ ﻋﻨﺪﺓ ﻣﻮﺿﻮﻉ ﻭﻳﺎﻙ
ﺣﺴﺎﻡ - ﺍﻟﻠﻪ ﺍﻟﻴﺴﺘﺮ ﻣﻦ ﺟﺪﻱ ﺍﺫﺍ ﺭﺍﺩﻧﻲ ﺑﻤﻮﺿﻮﻉ ﻣﻬﻢ ﻻﻥ ﻛﻠﻬﺎ ﻣﻮﺍﺿﻴﻌﺔ ﺗﺨﻮﻑ
ﻋﻠﻲ - ﻳﺎﻟﻠﻪ ﺍﻧﺖ ﺍﺧﺬ ﺭﺍﺣﺘﻚ ﺍﻧﻲ ﺭﺍﻳﺢ
ﺣﺴﺎﻡ - ﺍﻟﻠﻪ ﻭﻳﺎﻙ ﻣﻊ ﺍﻟﺴﻼﻣﺔ
ﻓﺮﺡ
ﺍﻟﻴﻮﻡ ﺍﺟﺔ ﻋﻠﻲ ﺍﺑﻦ ﻋﻤﻮ ﺗﻮﻓﻴﻖ ﻟﻠﺒﻴﺖ
ﻭﺟﺎﺏ ﻭﻳﺎﻩ ﻓﻬﺪ ﺍﺑﻦ ﺣﺴﺎﻡ ﺧﻄﻴﺔ ﻣﺮﻳﺾ ﻣﺨﻨﺠﺮ ﻏﻴﺮ ﻳﻜﺴﺮ ﺍﻟﺨﺎﻃﺮ
ﻋﻠﻲ - ﻫﺎﺝ ﺍﺧﺬﻱ ﺭﺣﻤﺔ ﻋﻠﻰ ﺍﺑﻮﺝ ﺍﻟﻄﻴﺐ ﺍﻋﺘﻨﻲ ﺑﻲ
ﺧﻄﻴﺔ ﻟﮕﻴﺘﺔ ﻣﺮﻳﺾ ﻭﻣﺒﻘﻴﻨﺔ ﻋﻨﺪ ﺍﻟﺨﺪﺍﻣﺎﺕ
ﻣﺤﺪ ﺩﺭﺓ ﺑﺤﺎﻟﻪ
ﻓﺮﺡ ﻭﻫﻲ ﺗﻘﺘﺮﺏ ﻣﻦ ﻫﺬﺍ ﺍﻟﻄﻔﻞ ﺍﻟﻴﺘﻴﻢ ﻳﻜﺴﺮ ﺍﻟﮕﻠﺐ
ﺻﺪﺭﺓ ﺻﺎﻳﺮ ﺧﺮﺧﺎﺷﺔ ﻣﻦ ﺍﻟﺮﺷﺢ ﻭﺑﺲ ﻳﮕﺢ ﺧﻄﻴﺔ ﺍﻟﻈﺎﻫﺮ ﻋﻨﺪ ﺍﻟﺘﻬﺎﺏ ﺑﺎﻟﻘﺼﺒﺎﺕ
ﻓﺮﺡ
ﺍﺣﺲ ﺣﺘﻰ ﺑﻴﺖ ﻋﻤﻮ ﺗﻮﻓﻴﻖ ﺻﺎﺭﻭ ﻳﻌﺘﻤﺪﻭﻥ ﻋﻠﻴﺔ ﺑﻬﺎﻱ ﺍﻻﺷﻴﺎﺀ
ﻣﺎ ﺍﻋﺮﻑ ﻳﻤﻜﻦ ﺍﻧﻲ ﺻﺎﺭﺕ ﻋﻨﺪﻱ ﻫﻮﺍﻳﺔ ﺍﺣﺐ ﺍﻋﺘﻨﻲ ﺑﺎﻻﺷﺨﺎﺹ ﺍﻟﻀﻌﻔﺎﺀ
ﻣﺜﻼ
ﻋﻤﻮ ﺍﺑﻮ ﻧﻮﺍﻝ ﺟﺎﺭﻧﺎ ﻭﺯﺟﺘﺔ ﻭ ﺍﺧﺘﻲ ﺳﻠﻮﻯ ﻭﺳﺮﻭﺭ ﻭﺟﺪﻱ ﻭﺟﺪﺗﻲ
ﻭﺍﻟﻠﻪ ﺣﺘﻰ ﻋﻤﺎﻣﻲ ﺑﻨﺎﺕ ﻋﻤﻲ ﻭﻫﺴﺔ ﻫﺬﺍ ﺍﻟﻤﺴﻜﻴﻦ ﺍﻧﻈﻢ ﻟﻠﻘﺎﺋﻤﺔ
ﺭﺣﺖ ﻋﻠﻴﻪ ﻭﺷﻠﺘﺔ
ﺧﻄﻴﺔ ﻫﻮ ﻣﺎ ﮔﺎﻝ ﺑﺎﻃﻞ
ﺣﻀﻨﻲ ﺑﻴﺪﺓ ﺍﻟﺼﻐﻴﺮﺓ ﻣﻦ ﺭﮔﺒﺘﻲ
ﻓﺮﺡ - ﺭﻭﺡ ﻋﻠﻲ ﻻﻳﻈﻞ ﺑﺎﻟﻚ ﺍﻧﻲ ﺍﻫﺘﻢ ﺑﻲ ﺍﺻﻼ ﻫﺬﺍ ﺻﺪﻳﻘﻲ ﺑﻌﺪ ﻋﻠﻮﺍﻩ ﺍﺫﺍ ﺗﺒﻘﻮﻩ ﻋﻨﺪﻱ
ﻓﻬﺪ ﻭﻫﻮ ﻳﺎﺷﺮ ﻋﻠﻰ ﻋﻠﻲ - ﻟﻮﺡ ﻋﻤﻮ ﻟﻮﺡ ﺍﻧﻲ ﺍﺑﻘﻰ ﺍﻡ ﻓﻠﺢ
ﻓﺮﺡ ﻭﻋﻠﻲ - ﻫﻬﻬﻬﻬﻬﻬﻪ ﺍﻟﻤﻠﻌﻮﻥ ﺑﺴﺮﻋﺔ ﺻﺮﻓﻨﻲ
ﺍﺧﺬﺕ ﻓﻬﺪ ﻭﺳﺒﺤﺘﺔ ﺑﺤﻤﺎﻡ ﺑﺨﺎﺭﻱ ﺣﺘﻰ ﺍﻟﺒﺨﺎﺭ ﻳﻮﺳﻊ ﺍﻟﺘﻨﻔﺲ ﻣﺎﻟﺘﺔ ﻭﺳﻮﻳﺖ ﺷﻮﺭﺑﺔ ﺍﻟﺔ
ﻋﺎﻣﺮ ﺩﺧﻞ ﻋﻠﻰ ﻓﺮﺡ ﺑﺎﻟﻤﻄﺒﺦ ﺷﺎﻓﻬﺔ ﺗﻮﻛﻞ ﺑﻔﻬﺪ
ﻋﺎﻣﺮ - ﻫﻠﺔ ﺑﻔﺮﻭﺣﺔ ﻫﺎﻱ ﻣﻼﺑﺲ ﻓﻬﺪ ﻭﻣﻼﻋﻴﺒﺔ ﺟﺒﺘﻬﻢ
ﻓﺮﺡ - ﺍﻱ ﻋﻔﻴﺔ ﻻﻥ ﻟﺒﺴﺘﺔ ﻧﻔﺲ ﻣﻼﺑﺴﺔ
ﻋﺎﻣﺮ - ﻋﻔﻴﺔ ﺻﺒﻴﻠﻲ ﺷﻮﺭﺑﺔ ﺭﻳﺤﺘﻬﺎ ﻃﻴﺒﺔ
ﻋﻼﺀ - ﻋﻔﻴﺔ ﺍﻧﻲ ﻫﻢ ﺻﺒﻴﻠﻲ ﺷﻮﺭﺑﺔ
ﻋﺎﻣﺮ - ﺍﻫﻮﻭﻭﻭ ﻫﺴﺔ ﻫﺬﺍ ﺍﻟﻠﺰﻛﺔ ﺷﺠﺎﺑﺔ
ﻓﺮﺡ - ﻻﺗﺨﺎﻓﻮﻥ ﺍﻛﻮ ﺷﻮﺭﺑﺔ ﺗﻜﻔﻲ ﺍﻟﻜﻞ ﻫﻬﻬﻬﻪ
ﺍﺗﻌﻮﺩﺕ ﻛﻞ ﻳﻮﻡ ﻳﺠﻮﻥ ﺍﻭﻻﺩ ﻋﻤﻮ ﺗﻮﻓﻴﻖ ﻭﺍﺑﻮﻫﻢ ﻋﻠﻰ ﺍﻟﻌﺸﺎ ﻻﻥ ﻫﻤﺔ ﻭﻗﺖ ﻓﺮﺍﻏﻬﻢ ﺑﺎﻟﻠﻴﻞ
ﺍﺗﺬﻛﺮ ﺑﻴﺒﻲ ﺗﮕﻮﻝ ﻫﻤﺔ ﻛﺎﻧﺖ ﺟﻴﺘﻬﻢ ﻫﻨﺎ ﻟﻬﺬﺍ ﺍﻟﺒﻴﺖ ﻗﻠﻴﻠﺔ ﻟﻜﻦ ﻣﻦ ﺍﻧﺘﻮ ﺍﺟﻴﺘﻮ ﻟﻬﺬﺍ ﺍﻟﺒﻴﺖ ﺗﻐﻴﺮﻭ
ﺣﺘﻰ ﻋﻤﺎﻣﻲ ﻛﺎﻧﺖ ﻗﻠﻴﻠﺔ ﺟﻴﺘﻬﻢ
ﻃﺒﻌﺎ ﻧﺴﻴﺖ ﺍﻛﻠﻜﻢ ﺍﻥ ﻋﻤﻮ ﻧﺒﻴﻞ ﺍﺧﺬ ﻋﺎﺋﻠﺘﺔ ﻭﻃﻠﻊ ﺯﻋﻼﻥ
ﻭﺭﺍﺡ ﺑﻴﻬﻢ ﻟﺒﻴﺖ ﺍﻟﻤﺰﺭﻋﺔ
ﻭﺑﺲ ﺍﻧﻲ ﻭﺟﺪﻱ ﻭﻋﻤﻮ ﺗﻮﻓﻴﻖ ﻧﻌﺮﻑ ﻟﻴﺶ ﻃﻠﻊ ﺯﻋﻼﻥ
ﻭﺑﻘﻴﺖ ﺑﺲ ﺍﻧﻲ ﻭﺧﻮﺍﺗﻲ ﻫﻨﺎ ﻋﻨﺪ ﺑﻴﺖ ﺟﺪﻭ
ﻭﺻﺎﺭ ﻳﻮﻡ ﻋﻦ ﻳﻮﻡ ﻳﻠﺘﻤﻮﻥ ﻋﻤﻲ ﺗﻮﻓﻴﻖ ﻭﺟﻮﺍﺩ ﻭﻋﺎﺋﻠﺘﻬﻢ ﻭﻳﺠﻮﻥ ﻫﻨﺎ ﻳﺘﺠﻤﻌﻮﻥ ﻭﺻﺎﺭ ﻛﻞ ﺧﻤﻴﺲ ﺑﺎﻟﻀﺒﻂ
ﻳﺘﺠﻤﻌﻮﻥ ﻭﻟﺪ ﻭﺑﻨﺎﺕ ﻭﺣﺘﻰ ﻋﻤﺔ ﺭﺳﻤﻴﺔ ﺻﺮﺕ ﺍﺣﺒﻬﺎ
ﻻﻥ ﻫﻲ ﺍﻟﻮﺣﻴﺪﺓ ﺍﻟﻲ ﺍﻧﺘﺒﻬﺖ ﻋﻠﻰ ﻣﻼﺑﺴﻲ ﻭﺣﺠﺖ ﻭﻳﺔ ﺟﺪﻭ ﺍﻥ ﺗﺎﺧﺬﻧﻲ ﻭﺍﺷﺘﺮﻱ ﻣﻼﺑﺲ ﻭﻫﻮ ﻗﺒﻞ ﺍﻥ ﺍﻃﻠﻊ ﺍﺳﺘﻐﺮﺑﺖ ﻣﺎ ﺍﻋﺮﻑ ﺷﻌﺠﺐ
ﻭﮔﺎﻟﺖ ﻋﻠﻰ ﺍﻻﺳﺎﺱ ﻋﻠﻰ ﺑﺎﺟﺮ ﺗﺠﻲ ﺗﻤﺮ ﻋﻠﻴﺔ ﺗﺎﺧﺬﻧﻲ ﺣﺘﻰ ﺍﺷﺘﺮﻱ ﻣﻼﺑﺲ ﻭﻏﺮﺍﺽ
ﺍﻣﺎ ﺣﺴﺎﻡ ﺍﻟﺸﺨﺺ ﺍﻟﻮﺣﻴﺪ ﻣﻦ ﺑﻴﺖ ﻋﻤﻮ ﺗﻮﻓﻴﻖ ﺍﻟﻲ ﺍﺑﺪ ﻣﺎ ﺍﺧﺘﻠﻂ ﺑﻲ ﻏﻴﺮ ﺑﻌﺾ ﺍﻟﻜﻠﻤﺎﺕ
ﺣﺴﺎﻡ - ﺍﻟﺴﻼﻡ ﻋﻠﻴﻜﻢ
ﺍﻟﻜﻞ - ﻭﻋﻠﻴﻜﻢ ﺍﻟﺴﻼﻡ
ﺣﺴﺎﻡ - ﺷﻨﻮ ﺷﺎﻟﻮ ﺑﻴﺖ ﺗﻮﻓﻴﻖ ﻫﻨﺎ ﺭﺍﺡ ﻳﺴﻜﻨﻮﻥ ﺍﺷﻮ ﺷﻮﻛﺖ ﻣﺎ ﺍﺟﻴﻜﻢ ﺍﻟﻜﺎﻛﻢ ﻫﻨﺎ ﺍﻧﺘﻮ ﻭﺍﺑﻮﻛﻢ ﺷﻜﻮ ﺟﺎﻱ ﻳﻮﺯﻋﻮﻥ ﺍﻟﺤﺼﺔ ﻫﻨﺎ ﻭﺻﺎﻳﺮ ﺍﺯﺩﺣﺎﻡ
ﻋﺎﻣﺮ - ﻻﻋﻨﺪﻫﻢ ﻏﺰﺍﻟﺔ ﺟﺎﺭﺓ ﮔﻠﻮﺏ ﺍﻟﻜﻞ ﻭﺭﺍﻫﺔ ﻭﺍﺣﻨﺎ ﻫﻨﺎ ﻋﻠﻤﻮﺩﻫﺎ
ﻭﻫﻮ ﻳﻐﻤﺰ ﻟﻔﺮﺡ
ﻓﺮﺡ ﺑﺒﺘﺴﺎﻣﺔ - ﻫﻬﻬﻬﻬﻪ ﺍﻱ ﺗﺮﺓ ﻣﺎﺗﻘﺸﻤﺮﻧﻲ ﺑﻬﺎﻱ ﺳﻮﺍﻟﻒ ﻣﺎ ﺍﺳﻮﻳﻠﻚ ﺩﻭﻟﻤﺔ ﻣﻮﺣﺴﺒﺎﻟﻚ ﻟﻮ ﺗﻈﻞ ﻣﻨﺎ ﻟﻠﺼﺒﺢ ﺗﺤﻤﺪ ﺑﻴﺔ ﻭﺗﺸﻌﺮﻟﻲ
ﻋﻼﺀ - ﺑﻢ ﺑﻢ ﺗﻢ ﻗﺼﻒ ﺍﻟﺠﺒﻬﺔ ﺑﻨﺠﺎﺡ ﻋﺎﺷﺖ ﺍﻳﺪﺝ ﻻﺗﺴﻮﻳﻠﺔ ﺍﻧﺘﻲ ﻋﻨﺪﺝ ﺣﺒﻴﺐ ﻭﺍﺣﺪ ﺍﻟﻲ ﻫﻮ ﺍﻧﻲ
ﻓﺮﺡ - ﻫﻬﻬﻬﻬﻬﻬﻪ ﻭﺍﻟﻠﻪ ﺿﺤﻜﺘﻨﻲ ﻗﺼﺪﻙ ﻋﻨﺪﻱ ﺯﺍﺣﻒ ﻭﺍﺣﺪ ﺍﻟﻲ ﻫﻮ ﺍﻧﺖ ﺍﺑﻮ ﻛﺮﺵ
ﺣﺴﺎﻡ ﻣﺎ ﺍﻋﺮﻑ ﻟﻴﺶ ﺿﺠﺖ ﻣﻦ ﺷﻘﺎﻫﻢ ﻭﻟﻮ ﻫﻮ ﻋﺎﺩﻱ ﻣﺎﺑﻲ ﺷﻲ ﻫﻲ ﺍﻟﺒﻨﻴﺔ ﺣﺒﺎﺑﺔ ﻭﺭﻭﺣﻬﺎ ﺭﻳﺎﺿﻴﺔ ﻟﻜﻦ ﺍﻧﻲ ﻟﻴﺶ ﺍﺿﻮﺝ ﺍﺻﻼ
ﺣﺴﺎﻡ - ﻳﺎﻟﻠﻪ ﺧﻠﺼﻮ ﻋﺸﺎﻛﻢ ﻭﺗﻮﻛﻠﻮ ﻋﺎﻟﺒﻴﺖ ﻭﺍﺧﺬﻭ ﻭﻳﺎﻛﻢ ﻓﻬﺪ
ﻋﻼﺀ - ﺍﻱ ﻋﻔﻴﺔ ﺧﻞ ﻧﺎﺧﺬ ﺍﻟﺰﺍﺣﻒ ﺍﻟﺼﻐﻴﺮ ﻻﻥ ﻣﻦ ﺷﺎﻓﺘﺔ ﻓﺮﺡ ﺑﻌﺪ ﻣﺎ ﻗﻠﺪﺗﻨﺎ ﻭﻻ ﺗﻌﺒﺮﻧﺎ ﺻﺎﺭﺕ ﺑﺲ ﻟﻔﻬﻮﺩﻱ
ﻓﻬﺪ ﺑﺎﻧﺰﻋﺎﺝ - ﻟﻮﺡ ﻟﻮﺡ ﻓﻠﺢ ﻣﺎﺗﻲ ﺑﺲ ﺍﻧﺎ
ﻓﺮﺡ - ﺣﺴﺎﻡ
ﺣﺴﺎﻡ ﺍﺥ ﺍﻟﻠﻪ ﻫﺎﻱ ﺷﻨﻮ ﻫﺬﺍ ﺍﺳﻤﻲ ﻫﻴﺠﻲ ﻳﺼﻴﺮ ﺑﺼﻮﺗﻬﺎ
ﻋﺒﺎﻟﻚ ﻭﺣﺪﺓ ﺟﺎﻱ ﺗﻐﺎﺯﻟﻨﻲ ﻭﺗﺘﻮﺩﺩ ﺍﻟﻲ ﺣﺘﻰ ﺍﺟﻴﻬﺎ ﻟﻌﻨﺪﻫﺎ ﻭﺍﻧﺎﻡ ﺑﺤﻀﻨﺎ
ﺍﻫﻮﻭﻭﻭﻭ ﺣﺴﺎﻡ ﻫﺎﻱ ﺷﺒﻴﻚ ﺍﻧﺜﻮﻟﺖ ﺍﺳﺘﻐﻔﺮ ﺍﻟﻠﻪ
↙️
ﻋﻼﺀ ﻭﺑﺼﻮﺕ ﻋﺎﻟﻲ - ﺣﺴﺎﺍﺍﺍﺍﺍﺍﺍﺍﺍﻡ
ﺣﺴﺎﻡ ﻳﻔﺰ ﻣﻦ ﻣﻜﺎﻧﻪ ﻋﻠﻰ ﺻﻮﺕ ﻋﻼﺀ ﺍﻟﻌﺎﻟﻲ - ﻫﺎﻱ ﺷﺒﻴﻚ ﻭﺛﻮﻝ ﻛﻤﺰﺗﻨﻲ
ﻋﻼﺀ - ﺍﻱ ﻣﻮ ﺻﺎﺭﻟﻬﺎ ﺳﺎﻋﺔ ﺗﺤﺠﻲ ﻭﻳﺎﻙ ﻭﺍﻧﺖ ﺻﺎﻓﻦ ﻣﻮ ﻭﻳﺎﻧﺔ
ﺣﺴﺎﻡ - ﺗﻮﺧﺮ ﻣﻨﺎ ﻻ ﺍﻧﻄﻴﻚ ﺩﻓﺮﺓ
ﻋﻼﺀ - ﻫﻬﻬﻬﻬﻬﻬﻬﻬﻬﻬﻬﻬﻬﻪ ﻻﺗﻨﻄﻲ ﺩﻓﺮﺓ ﻭﻻﺭﻓﺴﺔ ﺭﺍﻳﺢ ﻋﻤﻲ ﺭﺍﻳﺢ
ﻓﺮﺡ - ﺣﺴﺎﻡ ﻣﺠﺎﻭﺑﺘﻨﻲ
ﺣﺴﺎﻡ ﺍﺥ ﺍﻟﻠﻪ ﻫﺎﻱ ﺻﺪﻙ ﻣﻦ ﮔﺎﻝ ﺍﻥ ﺻﻮﺕ ﺍﻟﻤﺮﺍﺀﺓ ﻋﻮﺭﺓ
ﻫﺴﺔ ﺍﻓﺘﻬﻤﺖ ﺷﻨﻮ ﺍﻟﻤﻘﺼﻮﺩ
ﻳﻌﻨﻲ ﻻﻭﻝ ﻣﺮﺓ ﺍﻧﺠﺬﺏ ﻟﺼﻮﺕ ﺑﻨﻴﺔ ﻣﻦ ﺗﮕﻮﻝ ﺍﺳﻤﻲ
ﺍﻟﻠﻪ ﻟﻌﺪ ﻫﺎﻱ ﺍﺫﺍ ﺻﺎﺣﺖ ﺍﺳﻤﻲ ﻭﻫﻲ ﺑﻴﻦ ﺍﺩﻳﺔ ﻭﺑﺄﺣﻀﺎﻧﻲ ﺷﺮﺍﺡ ﻳﺼﻴﺮ ﺑﻴﺔ
ﺍﺥ ﺍﻟﻠﻪ ﺍﺳﺘﻐﻔﺮ ﺍﻟﻠﻪ ﺧﻠﻲ ﺍﻃﻠﻊ ﻣﻨﺎ ﺍﺣﺴﻨﻠﻲ ﻫﺎﻱ ﺍﻟﺒﻨﻴﺔ ﺩﺍﺋﻤﺎ ﻣﻦ ﺍﻟﺘﻘﻲ ﺑﻴﻬﺎ ﺍﺣﺲ ﺍﻛﻮ ﺷﻲ ﻳﺤﺼﺮﻧﻲ ﻭﻳﺨﻠﻴﻨﻲ ﺍﻓﻜﺮ ﺑﻴﻬﺎ ﺗﻔﻜﻴﺮ ﻣﻮ ﺭﺍﺣﺔ
ﺣﺴﺎﻡ - ﮔﻮﻟﻲ ﺷﻨﻮ ﺭﺩﺗﻲ
ﻋﺎﻣﺮ - ﺻﺎﺭﻟﻬﺔ ﺳﺎﻋﺔ ﺗﮕﻠﻚ ﺧﻠﻲ ﻓﻬﺪ ﻳﺒﻘﻰ ﻋﻨﺪﻫﺎ ﻻﻥ ﻫﻮ ﻣﺮﻳﺾ ﻭﻣﺤﺪ ﻣﻨﺘﺒﻪ ﻋﻠﻴﻪ
ﺣﺴﺎﻡ - ﻫَـﺎ ﺯﻳﻦ ﻭﻳﻦ ﻳﻨﺎﻡ
ﻓﺮﺡ ﻭﺑﻜﻞ ﺑﺮﺍﺋﺔ - ﻻ ﺗﺨﺎﻑ ﻭﺍﻟﻠﻪ ﺍﻧﻮﻣﺔ ﺑﺤﻀﻨﻲ
ﻋﺎﻣﺮ ﻭﺣﺴﺎﻡ ﻓﻲ ﻧﻔﺲ ﺍﻟﻠﺤﻀﺔ ﺑﺪﻭﻥ ﻣﺎﻳﺤﺴﻮﻥ ﻋﻠﻰ ﻧﻔﺴﻬﻢ - ﺍﺥ ﺍﻟﻠﻪ ﻫﻨﻴﺎﻟﺔ
ﺣﺴﺎﻡ ﻭﻋﺎﻣﺮ ﻭﺍﺣﺪ ﻳﻠﺘﻔﺖ ﻋﺎﻟﺜﺎﻧﻲ ﻭﺣﺴﺎﻡ ﻳﺨﺰﺭ ﻋﺎﻣﺮ
ﺣﺴﺎﻡ - ﻳﺎﻟﻠﻪ ﺗﺤﺮﻙ ﺭﻭﺡ ﻟﻠﺒﻴﺖ ﺗﺮﺓ ﻫﻢ ﻳﺎﻟﻠﻪ ﺗﺮﻭﺡ
ﻋﺎﻣﺮ - ﻣﺎﺗﮕﻮﻝ ﻟﺮﻭﺣﻚ ﺗﺮﻭﺡ ﻟﻠﺒﻴﺖ ﻣﻮ ﺑﺲ ﺍﻧﻲ ﺍﻃﻠﻊ
ﺣﺴﺎﻡ ﻋﻴﻮﻧﺔ ﺟﺪﺣﺖ ﺑﻮﺟﻪ ﻋﺎﻣﺮ - ﺍﻛﻮﻝ ﺍﺗﻮﻛﻞ ﻋﻠﻰ ﺍﻟﻠﻪ ﻭﺳﺪ ﺍﻟﺒﺎﺏ ﻻﺗﺨﻠﻴﻨﻲ ﺍﮔﻌﺪ ﺍﻏﺮﺩ ﻟﻚ ﻭﺍﻟﺒﻨﻴﺔ ﻣﻨﺎ ﻋﻴﺐ ﺗﺮﺓ
ﻋﺎﻣﺮ ﻳﻌﺮﻑ ﻫﺎﻱ ﺍﻟﻠﻐﺔ ﻭﻳﻔﺘﻬﻢ ﺷﻨﻮ ﻣﻌﻨﻰ ﺍﮔﻌﺪ ﺍﻏﺮﺩ
ﻋﺎﻣﺮ - ﻳﺎﻟﻠﻪ ﺍﻧﻲ ﺭﺍﺡ ﺍﻃﻠﻊ
ﻭﺍﻟﺘﻔﺖ ﻋﻠﻰ ﻓﺮﺡ - ﻣﺎﻣﺤﺘﺎﺟﺔ ﺷﻲ
ﻓﺮﺡ - ﻻﻣﺸﻜﻮﺭ ﺭﺣﻤﺔ ﺍﻟﻠﻪ ﻭﺍﻟﺪﻳﻚ ﻣﺎﺗﻘﺼﺮ
ﻓﺮﺡ ﺑﺴﺆﺍﻝ ﻟﺤﺴﺎﻡ - ﻫَـﺎ ﺷﻜﻠﺖ ﺗﻘﺒﻞ ﺗﺒﻘﻲ ﻓﻬﺪ ﻋﻨﺪﻱ ﻋﻔﻴﺎ ﻋﻠﻰ ﻣﺎ ﻳﻄﻴﺐ ﻭﺍﺧﺬﻭﻩ ﺧﻄﻴﺔ ﺟﻨﺔ ﻋﺼﻔﻮﺭ ﻣﺒﻠﻞ ﺑﺎﻟﻤﻄﺮ ﻣﻦ ﻳﻜﻮﻥ ﻣﺮﻳﺾ
ﺣﺴﺎﻡ ﺍﻟﺘﻔﺖ ﻋﻠﻰ ﻓﺮﺡ - ﻟﻌﺪ ﻫﺬﺍ ﻫﻮ ﺍﺫﺍ ﺗﺪﻳﺮﻳﻦ ﺑﺎﻟﺞ ﻋﻠﻴﻪ ﻋﺎﺩﻱ ﺧﻠﻲ ﻋﻨﺪﺝ
ﺣﺴﺎﻡ
ﺍﻭﻝ ﻣﺮﺓ ﺑﺤﻴﺎﺗﻲ ﺍﻟﺘﻤﺲ ﺑﺼﻮﺕ ﺍﺑﻨﻴﺔ ﻫﻴﺞ ﻛﻤﻴﺔ ﺣﻨﺎﻥ ﻭﺩﻓﻮ ﻭﺍﻫﺘﻤﺎﻡ ﻟﺸﺨﺺ ﻭﺣﺘﻰ ﻫﺬﺍ ﺍﻟﺸﺨﺺ ﻣﺎ ﻳﻤﺖ ﺍﻟﻬﺎ ﺑﺼﻠﺔ ﻗﻮﻳﺔ ﺣﺘﻰ ﻫﻴﺞ ﺗﺨﺎﻑ ﻋﻠﻴﻪ
ﺍﻫﻮﻭﻭﻭ ﻫﺴﺔ ﺍﻧﻲ ﺷﻠﺰﻛﺖ ﺑﺼﻮﺗﻬﺎ
ﻓﺮﺡ ﻣﻦ ﻃﻠﻊ ﺣﺴﺎﻡ
ﺍﺥ ﮔﻠﺒﻲ ﺷﻠﻮﻥ ﺩﮔﺎﺗﺔ ﺍﺧﺘﻠﻔﺖ ﻭﺗﺨﺮﺑﻂ ﻣﻦ ﺍﻭﻝ ﻣﺎ ﺳﻤﻌﺖ ﺻﻮﺗﺔ ﻣﻦ ﺩﺧﻞ ﻋﻠﻴﻨﺎ ﺑﺎﻟﻤﻄﺒﺦ
ﻫﺬﺍ ﺍﻟﺸﻌﻮﺭ ﻳﺮﺍﻭﺩﻧﻲ ﻛﻠﻤﺎ ﺍﺷﻮﻑ ﺣﺴﺎﻡ ﻳﻈﻞ ﮔﻠﺒﻲ ﺩﻛﺎﺗﻪ ﺗﺼﻴﺮ ﺳﺮﻳﻌﺔ ﻭﺍﺻﻴﺮ ﻗﻠﻴﻠﺔ ﺍﻟﻜﻼﻡ ﻭﻫﺎﺩﺋﺔ ﺑﻮﺟﻮﺩﻩ ﻭﻣﺎ ﺍﻛﺪﺭ ﺍﺗﺼﺮﻑ . ﺑﺼﻮﺭﺓ ﻃﺒﻴﻌﻴﺔ ﻣﻦ ﻳﻜﻮﻥ ﻣﻮﺟﻮﺩ ﻳﻌﻨﻲ ﻣﻌﻘﻮﻟﺔ ﻫﻮ ﻫﺬﺍﺍﻟﺸﻌﻮﺭ ﺍﻟﻲ ﻳﻜﻮﻟﻮﻥ ﻋﻠﻴﻪ ﺍﻟﺒﻨﺎﺕ
ﺍﻱ ﻫﻲ ﺍﻟﺼﻔﺎﺕ ﻛﻠﻬﺎ ﺗﻨﻄﺒﻖ ﻋﻠﻴﺔ
ﺍﺥ ﺭﺑﻲ ﻭﺍﻟﻠﻪ ﻭﺍﺟﻰ ﺍﻟﻴﻮﻡ ﺍﻟﻲ ﮔﻠﺒﻲ ﺩﮒ ﺧﻠﻲ ﻳﺴﻤﻌﻮﻥ ﺍﻟﺒﻨﺎﺕ ﻫﻬﻬﻬﻪ ﺻﺮﺕ ﻣﺜﻠﻬﻢ ﺍﺷﻌﺮ ﻭ ﺻﺎﺭ ﻋﻨﺪ ﺍﺣﺎﺳﻴﺲ ﻣﺮﻫﻔﺔ
ﻫﻮ ﻋﻮﺩﻙ ﺻﺪﻙ ﻟﻴﺶ ﻣﺎﻣﺘﺰﻭﺝ . ﻟﺤﺪ ﻫﺴﺔ ﻣﻦ ﺑﻌﺪ ﻣﺮﺗﺔ ﺍﻟﻤﺮﺣﻮﻣﺔ
ﻳﻌﻨﻲ ﻣﻌﻘﻮﻟﺔ ﻭﻓﻲ ﺍﻟﻬﺔ . ﻭﺑﺎﻗﻲ ﻋﻠﻰ ﺫﻛﺮﻯ ﺯﻭﺟﺘﻪ
ﻭﺍﻟﻠﻪ ﻋﻤﻲ ﺑﺎﻟﻌﺎﻓﻴﺔ ﻋﻠﻴﻬﺎ ﻋﻠﻰ ﻫﻴﺞ ﺯﻭﺝ
ﺍﻫﻮﻭﻭﻭ ﻓﺮﺡ ﺭﺍﺡ ﺗﮕﻌﺪﻳﻦ ﺗﺤﺴﺪﻳﻦ ﺍﻟﻤﻴﺖ ﺑﮕﺒﺮﻩ
ﻃﻠﻊ ﺣﺴﺎﻡ ﻣﻦ ﺍﻟﻤﻄﺒﺦ ﻣﺘﻮﺟﻪ ﻟﺠﺪﺓ ﻭﻳﺮﻳﺪ ﻳﻌﺮﻑ ﺷﻴﺮﻳﺪ ﻣﻨﺔ ﻫﺎﻟﻤﺮﺓ ﺷﻨﻮ ﻣﻦ ﺗﺤﺪﻱ ﺟﺪﻳﺪ ﺿﺎﻣﻠﻪ ﻻﻥ ﻫﻮ ﺍﺗﻌﻮﺩ ﻋﻠﻰ ﺟﺪﻩ ﺍﻥ ﻳﺸﻤﺮﻟﻪ ﺍﻟﺘﺤﺪﻳﺎﺕ ﺑﺪﺭﺑﻪ ﻭﻫﻮ ﺑﻄﺮﻳﻘﺘﺔ
ﺍﻟﺨﺎﺻﺔ ﻳﺤﺐ ﻳﺤﻠﻬﺎ
ﺣﺴﺎﻡ ﻭﻫﻮ ﻳﺒﻮﺱ ﺭﺍﺱ ﺟﺪﻩ ﻭﺍﻳﺪﻩ ﻭﻳﺴﻠﻢ ﻋﻠﻰ ﺍﺑﻮﻩ ﺍﻟﻲ ﺟﺎﻟﺲ ﻗﺮﺏ ﺟﺪﻩ
ﻫﻠﺔ ﺟﺪﻱ ﺷﻠﻮﻧﻚ ﺷﻨﻮ ﻳﻜﻮﻟﻮﻥ ﻃﺎﻟﺒﻨﻲ ﺗﺮﻳﺪ ﺗﺤﺠﻲ ﻭﻳﺎﻱ ﺑﻤﻮﺿﻮﻉ
- ﻫﻠﺔ ﺑﻴﻚ ﺍﺑﻨﻲ ﺗﻌﺎﻝ ﺍﻛﻌﺪ ﻳﻤﻲ
ﺣﺴﺎﻡ - ﻳﺎﻟﻠﻪ ﻭﻫﺎﻱ ﺍﺣﻨﺎ ﮔﻌﺪﻧﺎ ﺍﺣﺠﻲ ﮔﻮﻝ ﺍﺳﻤﻌﻚ
ﺍﻟﺠﺪ ﺻﺎﻟﺢ - ﺻﺎﺭ ﻻﺯﻡ ﺗﻨﻔﺬ ﺍﻟﻲ ﻛﻠﺘﻠﻚ ﻋﻠﻴﻪ
ﻻﻥ ﻃﻠﻊ ﺷﻜﻲ ﺑﻤﺤﻠﻪ ﻭﺍﻛﺘﺸﻔﻨﺎ ﻛﺎﻥ ﻛﻠﺸﻲ ﺻﺤﻴﺢ
ﺣﺴﺎﻡ ﺑﺘﻌﺠﺐ - ﻳﻌﻨﻲ ﻣﻌﻘﻮﻟﺔ ﻟﻬﻠﺪﺭﺟﺔ ﺗﻮﺻﻞ ﺑﻲ ﺍﻟﻤﻮﺍﺻﻴﻞ ﻭﻳﺪﺯ ﻧﺎﺱ ﻳﻘﻮﻣﻮﻥ ﺑﻬﺎﻱ ﺍﻟﺴﻮﺍﻳﺔ ﺍﻟﻘﺬﺭﺓ
ﺍﺣﺴﺎﻡ ﻭﺑﺼﻮﺕ ﻋﺎﻟﻲ
ﺍﺥ ﺍﻟﻠﻪ ﺍﺗﻤﻨﻰ ﺍﻟﺰﻣﺔ ﻭﺍﻟﻠﻪ ﻣﺤﺪ ﺑﻔﻜﺔ ﻣﻨﻲ
ﺑﺲ ﺟﺪﻱ ﺷﻠﻮﻥ ﻋﺮﻓﺘﻮ
ﻋﻠﻲ - ﺍﻛﺘﺸﻔﺖ ﻣﻦ ﺧﻼﻝ ﺍﻋﺘﺮﺍﻑ ﺍﻟﻤﺘﻬﻤﻴﻦ ﺑﺎﻟﻘﻀﻴﺔ
ﻫﻤﺔ ﺑﻨﻔﺴﻬﻢ ﺫﻛﺮﻭ ﺍﻻﺳﻢ ﺍﻟﻲ ﺣﺮﺿﻬﻢ
ﺣﺴﺎﻡ - ﻫﺴﺔ ﻭﺍﻟﺤﻞ ﺷﻨﻮ
ﺍﻟﺠﺪ - ﺍﻟﺤﻞ ﻋﻨﺪﻱ ﺑﺲ ﺣﺴﺎﻡ ﻭﻫﺴﺔ ﺍﺭﻳﺪ ﻣﻨﻚ ﺗﻨﻔﺬ ﺍﻟﻲ ﻛﺘﻠﻚ ﻋﻠﻴﻪ
↙️
ﻋﻠﻲ - ﻋﻦ ﺍﺫﻧﻜﻢ ﺍﻧﻲ ﺍﺗﺮﺧﺺ
ﻓﺮﺡ
ﺟﻨﺖ ﻛﺎﻋﺪﺓ ﺑﺎﻟﻤﻄﺒﺦ ﻭﺣﺎﻃﺔ ﻓﻬﺪ ﻋﻠﻰ ﺍﻟﻤﻴﺰ ﻭﺟﺎﻱ ﺍﺳﻮﻳﻠﺔ ﻋﺼﻴﺮ ﺑﺮﺗﻘﺎﻝ ﺣﺘﻰ ﻳﻔﻴﺪﺓ ﻋﻼﺝ
ﻋﻠﻲ - ﻫَـﺎ ﻓﺮﻭﺣﺔ ﺍﻟﻴﻮﻡ ﻭﺭﻃﻨﺎﺝ ﺑﻬﺬﺍ ﺍﻟﻤﺠﺮﻡ
ﻋﻠﻲ ﻛﺎﻥ ﻻﺯﻡ ﺑﻴﺪﺓ ﻋﻼﻛﺔ ﺍﻧﻄﺎﻫﺔ ﻟﻔﺮﺡ
- ﻫﺎﺝ ﻟﺰﻣﻲ ﻫﺬﺍ ﻧﻘﺎﻝ ﺍﺷﺘﺮﻳﺘﺔ ﺍﻟﺞ ﻻﻥ ﺍﺭﻳﺪ ﺍﻃﻤﻦ ﻋﻠﻰ ﺟﺪﺗﻲ ﻭﻣﺤﺪ ﻣﻮﺟﻮﺩ ﺑﺎﻟﺒﻴﺖ ﺑﺲ ﺍﻧﺘﻲ ﻭﺑﻴﺒﻲ ﻣﺘﻌﺮﻑ ﻟﻠﻨﻘﺎﻻﺕ ﻓﻜﻠﺖ ﻟﺠﺪﻱ ﻭﻗﺒﻞ ﺍﺷﺘﺮﻳﻠﺞ ﻧﻘﺎﻝ ﻻﻥ ﻛﻠﺸﻲ ﻳﺼﻴﺮ ﻭﺧﺎﻑ ﺗﺤﺘﺎﺟﻴﻦ ﺣﺘﻰ ﺗﺘﺼﻠﻴﻦ ﻋﻠﻰ ﺍﻱ ﻭﺍﺣﺪ
ﻓﺮﺡ ﻭﻛﺎﻧﺖ ﺍﻟﻔﺮﺣﺔ ﻣﺎ ﺳﺎﻳﻌﺘﻬﺎ - ﻳﻌﻨﻲ ﺻﺪﻙ ﺻﺪﻙ ﻫﺬﺍ ﺍﻟﻨﻘﺎﻝ ﺍﻟﻲ ﻳﻌﻨﻲ ﻋﺎﺩﻱ ﺍﻟﺰﻣﺔ ﻭﺍﺷﻮﻑ ﺷﻨﻮ ﺑﻲ
ﻋﻠﻲ ﺑﺒﺘﺴﺎﻣﺔ ﻋﻠﻰ ﺷﻜﻞ ﻓﺮﺡ ﺍﻟﻲ ﻣﻤﺼﺪﮔﺔ ﻭﺍﺣﺪ ﻣﺸﺘﺮﻳﻠﻬﺔ ﺷﻲ
ﻋﻠﻲ ﻭﻫﻮﻳﺴﺤﺐ ﻛﺮﺳﻲ ﻗﺮﻳﺐ ﻋﻠﻰ ﻓﺮﺡ ﻭﻳﮕﻌﺪ ﻋﻠﻴﻪ
ﻋﻠﻲ - ﺷﻨﻮ ﺷﺒﻴﺞ ﻣﺎﻣﺼﺪﻛﺔ ﻭﺍﺣﺪ ﺟﺎﻳﺒﻠﺞ ﺷﻲ
ﻓﺮﺡ ﻭﺍﻟﺪﻣﻌﺔ ﻏﺰﺕ ﻋﻴﻨﻬﺔ - ﻭﺍﻟﻠﻪ ﺍﻭﻝ ﻣﺮﺓ ﻣﻦ ﺑﻌﺪ ﻭﻓﺎﺓ ﺍﺑﻮﻱ ﻭﺍﺣﺪ ﻳﺬﻛﺮﻧﻲ ﺑﺸﻲ ﻭﺍﺷﻜﺮﻙ ﺍﻟﻠﻪ ﻳﺠﺒﺮ ﺑﺨﺎﻃﺮﻙ ﻣﺜﻞ ﻣﺎ ﺗﺠﺒﺮ ﺑﺨﺎﻃﺮﻱ
ﻋﻠﻲ ﻭﺍﻧﻜﺴﺮ ﺧﺎﻃﺮﺓ ﻋﻠﻴﻬﺎ ﺍﻭﻑ ﻭﺍﻟﻠﻪ ﺍﻧﻈﻠﻤﺖ ﻫﺎﻱ ﺍﻟﺒﻨﻴﺔ
ﻋﻠﻲ - ﻟﻌﺪ ﺗﻌﺎﻱ ﻛﻌﺪﻱ ﺧﻞ ﺍﻋﻠﻤﺞ ﻋﻠﻴﻪ ﻻﻥ ﺳﻮﻳﺘﻠﺞ ﺑﻲ ﻓﻴﺲ ﺑﻮﻙ ﻭﻭﺍﺗﺲ ﺍﺏ
ﻓﺮﺡ ﻭﻋﻴﻮﻧﻬﺎ ﻣﻔﺘﻮﺣﺔ ﻋﻠﻰ ﺍﻟﻨﻘﺎﻝ ﺷﻠﻮﻥ ﺣﺪﻳﺚ - ﻫﺬﻧﻲ ﻛﻠﻬﻦ ﺑﻬﺬﺍ ﺍﻟﻨﻘﺎﻝ
ﺣﺴﺎﻡ ﻛﻨﺖ ﻗﺮﻳﺐ ﺍﺭﻳﺪ ﺍﺩﺧﻞ ﻋﻠﻰ ﺍﻟﻤﻄﺒﺦ ﻭﺳﻤﻌﺖ ﺣﺪﻳﺚ ﻋﻠﻲ ﻭﻳﺔ ﻓﺮﺡ ﻭﺷﻠﻮﻥ ﺷﻔﺘﺔ ﻫﺪﺍﻟﻬﺔ ﻧﻘﺎﻝ ﻭﻛﻌﺪﻭ ﻳﺴﻮﻟﻔﻮﻥ
ﻭﺳﻤﻌﺘﻬﺎ ﻣﻦ ﺗﮕﻮﻝ ﺍﻭﻝ ﻣﺮﺓ ﻭﺍﺣﺪ ﻳﺠﺐ ﺍﻟﻬﺔ ﺷﻲ
ﻣﺎ ﺍﻋﺮﻑ ﻟﻴﺶ ﺿﺠﺖ ﺍﻥ ﻫﻮ ﻋﻠﻲ ﺍﻟﻲ ﻳﺪﺧﻞ ﺍﻟﻔﺮﺣﺔ ﺑﮕﻠﺐ ﻓﺮﺡ
ﻣﺎ ﺍﻋﺮﻑ ﺍﻛﻮﺷﻌﻮﺭ ﺑﮕﻠﺒﻲ ﻻﻭﻝ ﻣﺮﺓ ﺍﺣﺲ ﺑﻬﻴﺞ ﺷﻲ ﺍﻥ ﺍﺿﻮﺝ ﻣﻦ ﺷﺨﺺ ﻳﺪﺧﻞ ﺍﻟﺴﻌﺎﺩﺓ ﻋﻠﻰ ﮔﻠﺐ ﻭﺍﺣﺪ ﻭﺍﻛﻮﻥ ﺍﺭﻳﺪ ﺍﻧﻲ ﺍﻟﻲ ﺍﺩﺧﻞ ﺍﻟﺴﻌﺎﺩﺓ ﻟﮕﻠﺒﻬﺎ ﻭﺍﺷﻮﻑ ﺍﻟﻀﺤﻜﺔ ﻭﺍﻟﻔﺮﺣﺔ ﺑﻌﻴﻮﻧﻬﺎ ﺗﻜﻮﻥ ﺑﺲ ﺍﻟﻲ ﻣﻮ ﻻﺣﺪ ﻏﻴﺮﻱ
ﻫﺎﻱ ﺷﻨﻮ ﺷﺒﻴﻚ ﺣﺴﺎﻡ ﺍﺷﻮ ﺟﻨﻚ ﺑﺪﻳﺖ ﺍﺗﻐﺎﺭ
ﻻﻻ ﺑﻮﻳﺔ ﺍﺳﻢ ﺍﻟﻠﻪ ﻋﻠﻴﺔ ﻋﻠﻰ ﺷﻨﻮ ﺍﻏﺎﺭ ﺧﻮ ﻣﺎﻛﻮ ﺷﻲ
ﻻ ﻳﺎﺑﺔ ﻣﻮ ﺍﻧﻲ ﺍﻟﻠﻲ ﺍﻏﺎﺭ ﻋﻠﻰ ﻭﺣﺪﺓ
ﺍﺷﻮ ﻫﻮ ﺍﻧﻲ ﺳﻤﻌﺖ ﺿﺤﻜﺘﻬﺎ ﻭﺍﻧﻲ ﻃﮕﻦ ﻓﻴﻮﺯﺍﺗﻲ ﻭ ﺍﻟﻜﻼﻡ ﺍﻟﻲ ﺟﻨﺖ ﺍﺣﺠﻲ ﺑﻲ ﻭﻳﺔ ﻧﻔﺴﻲ ﻗﺒﻞ ﺷﻮﻳﺔ ﻃﺎﺭ ﻣﻦ ﺍﻟﺸﺒﺎﻙ ﺑﺲ ﻣﻦ ﺳﻤﻌﺖ ﺿﺤﻜﺘﻬﺔ
ﺣﺴﺎﻡ - ﺍﺣﻢ ﺍﺓﺓ ﺷﻨﻮ ﺷﻌﻨﺪﻛﻢ ﺗﺘﻤﻀﺤﻜﻮﻥ
ﺍﻗﺘﺮﺏ ﻣﻨﻬﻢ ﻭﺟﺎﺏ ﺍﻟﻜﺮﺳﻲ ﻭﺧﻼﻩ ﺑﻨﺼﻬﻢ
ﺣﺴﺎﻡ - ﺑﺎﻟﻠﻪ ﺍﺷﻮ ﺷﻮﻳﺔ ﻋﻠﻲ ﻭﺧﺮ ﺍﻟﻜﺮﺳﻲ ﻣﻨﺎﻙ ﺧﻞ ﺍﻛﻌﺪ
ﻋﻠﻲ ﺑﺎﺳﺘﻐﺮﺍﺏ ﻭﻫﻮ ﻳﺒﻌﺪ ﺍﻟﻜﺮﺳﻲ ﺣﺘﻰ ﻫﺬﺍ ﺍﻟﺸﺎﻓﻂ ﻳﻜﻌﺪ ﺑﻨﺼﻬﻢ - ﺍﻱ ﺑﺎﻟﻠﻪ ﺍﺗﻔﻀﻞ ﺍﺑﻮ ﺍﻟﺸﺒﺎﺏ ﺷﻜﻮ ﺣﺎﺷﺮ ﺭﻭﺣﻚ ﺑﻴﻨﻲ ﻭﺑﻴﻦ ﺑﻨﺖ ﻋﻤﻲ
ﺣﺴﺎﻡ ﻭﺍﻟﺤﺮﺍﺭ ﺻﺎﺭﺕ ﻋﻨﺪﺓ ﻓﻮﻝ - ﺍﻛﻮﻝ ﺩﻧﺠﺐ ﻭﺍﻧﻄﻴﻨﻲ ﻫﺬﺍ ﺍﻟﻨﻘﺎﻝ ﺍﻧﻲ ﺍﻋﻠﻢ ﻓﺮﺡ ﻋﻠﻴﻪ ﻭﻗﺒﻞ ﻻ ﺍﻋﻠﻢ ﻓﺮﺡ ﻋﻠﻴﻪ ﺍﺭﻳﺪ ﺍﻓﻬﻤﻬﺎ ﻋﻠﻰ ﻋﻼﺝ ﻓﻬﺪ ﻳﻌﻨﻲ ﻋﻨﺪﻱ ﻣﻮﺿﻮﻉ ﺍﻫﻢ ﻣﻦ ﺍﻟﻨﻘﺎﻝ ﻳﺎﻟﻠﻪ ﻭ ﺍﻧﺖ ﻛﻮﻡ ﺍﺗﻮﻛﻞ ﻻ ﺗﻨﺘﻈﺮ ﻻﻥ ﻋﻨﺪﻙ ﺷﻐﻞ ﻳﺎﻟﻠﻪ ﻳﺎﻟﻠﻪ ﺫﺍﻙ ﺑﺎﺏ ﺍﻟﻤﻄﺒﺦ ﻣﻨﺎﻙ
ﻭﻫﻮ ﻳﺄﺷﺮ ﻋﻠﻰ ﺑﺎﺏ ﺍﻟﻤﻄﺒﺦ
ﻋﻠﻲ ﻭﻫﻮ ﻳﻔﺮ ﺑﻴﺪﺓ ﻭﻳﺒﻮﺳﻬﺎ ﻭﻳﺤﻄﻬﺎ ﻋﻠﻰ ﻛﺼﺘﺔ
ﻋﻠﻲ - ﺍﻟﻠﻪ ﻣﺜﺒﺖ ﺍﻟﻌﻘﻞ ﻭﺍﻟﺪﻳﻦ ﻫﺬﺍ ﺍﻟﺰﻟﻤﺔ ﻣﻮ ﺑﻌﻘﻠﺔ ﻭﺍﻟﻠﻪ ﻣﻦ ﺗﺎﻟﻲ ﻭﻛﺖ ﺍﺗﺬﻛﺮ ﻫﻮ ﺍﺏ ﻭﻋﻨﺪﺓ ﻭﻟﺪ ﻳﺎﻟﻠﻪ ﺍﻧﻲ ﺭﺍﻳﺢ
ﻭﺍﻟﺘﻔﺖ ﻋﻠﻰ ﻓﺮﺡ
- ﺍﺫﺍ ﺗﺤﺘﺎﺟﻴﻦ ﺷﻲ ﻛﻠﻴﻠﻲ ﻣﺎﻳﺮﺩﺝ ﺍﻻ ﺍﻟﺴﺎﻧﺞ
ﺣﺴﺎﻡ ﺑﺪﻭﻥ ﻣﺎ ﻳﻬﺘﻢ - ﺷﻨﻮ ﺑﻮﻳﺔ ﻭﺍﻧﻲ ﻭﻳﻦ ﺭﺣﺖ ﺣﺘﻰ ﺗﺮﻭﺡ ﺗﻄﻠﺐ ﻣﻨﻚ
ﻓﺮﺡ ﺍﺑﺎﻭﻉ ﻋﻠﻰ ﺗﺼﺮﻓﺎﺕ ﺣﺴﺎﻡ ﺍﻟﻐﺮﻳﺒﺔ ﻭﻋﻠﻰ ﻋﻠﻲ ﺷﻠﻮﻥ ﻳﺤﺠﻲ ﻭﻳﺎﻩ ﺍﺳﺘﻐﺮﺑﺖ
ﻃﻠﻊ ﻋﻠﻲ ﻭﺍﻟﺘﻔﺖ ﻋﻠﻴﺔ ﺣﺴﺎﻡ ﻭﺑﺨﺰﺭﺓ
ﺣﺴﺎﻡ - ﺍﻛﻮﻝ ﻣﻮ ﺟﻨﻚ ﻣﺼﺨﺘﻴﻬﺎ ﻳﻌﻨﻲ ﻣﻦ ﺩﺧﻠﺖ ﻟﺤﺪ ﻣﺎ ﺭﺩﺕ ﺍﻃﻠﻊ ﻛﺎﻟﺴﺎﻋﺔ ﺍﻟﻜﺔ ﻭﺍﺣﺪ ﻣﻦ ﺍﺧﻮﺍﻧﻲ ﻛﺎﻋﺪ ﻳﻤﺞ ﻭﻣﻀﻴﻊ ﺍﻻﻭﻝ ﻭﺍﻟﺘﺎﻟﻲ ﻭﺍﺧﺮﻫﻢ ﻫَـﺬﺍ ﺍﺧﻮﻱ ﺍﻟﻲ ﺟﻨﺖ ﺍﮔﻮﻝ ﻋﻠﻴﻪ ﺭﺯﻥ ﻭﺛﮕﻴﻞ ﺍﺷﻮ ﻫﺬﺍ ﻫﻢ ﺻﺎﺭ ﺧﻔﻴﻒ ﻭﮔﻌﺪ ﻳﺠﺒﻠﺞ ﻫﺪﺍﻳﺎ ﻭﺍﻟﻠﻪ ﺍﻟﻴﻌﻠﻢ ﺷﺮﺍﺡ ﻳﺠﺒﻠﺞ ﺑﺎﺟﺮ
ﻓﺮﺡ ﻭﻫﻲ ﺗﺨﺰﺭﺓ - ﺷﻨﻮ ﻗﺼﺪﻙ ﺑﻬﺬﺍ ﺍﻟﺤﺠﻲ ﺣﺴﺎﻡ ﺗﺮﺓ ﻛﻼﻣﻚ ﻣﻴﻌﺠﺒﻨﻲ ﺍﺣﺲ ﺑﻲ ﻳﻤﺲ ﺳﻤﻌﺘﻲ ﻭﻫﺬﺍ ﺍﻟﺸﻲ ﻣﺎ ﺍﻗﺒﻠﺔ ﻋﻠﻰ ﻧﻔﺴﻲ
ﺣﺴﺎﻡ ﻭﺷﻜﺪ ﻋﺠﺒﺔ ﺳﺘﺮ ﻫﺎﻱ ﺍﻟﺒﻨﻴﺔ - ﻣﺎ ﻗﺼﺪﻱ ﺷﻲ
ﺑﺲ ﺍﻟﻤﻔﺮﻭﺽ ﺍﻧﺘﻲ ﺗﺴﻮﻳﻦ ﺣﺴﺎﺏ ﺍﻥ ﺍﻧﺘﻲ ﻣﺮﺓ ﻣﺘﺰﻭﺟﺔ ﻭﻫﺬﺍ ﺗﺼﺮﻑ ﺍﻟﻼ ﺍﺑﺎﻟﻲ ﻳﻄﻤﻊ ﺧﻮﺍﻧﻲ ﺑﻴﺞ ﺍﺣﺘﻤﺎﻝ ﻳﻔﺘﻬﻤﻮﺝ ﻏﻠﻂ
ﻓﺮﺡ - ﺍﻟﻌﻔﻮ ﻣﻨﻮ ﻛﻠﻚ ﺍﻧﻲ ﻣﺮﺓ ﻣﺘﺰﻭﺟﺔ ﺍﻧﻲ ﻣﺮﺓ ﻣﺮﻛﻮﻧﺔ ﻋﺎﻟﺮﻑ . ﻻﺗﺴﻮﻱ ﺣﺎﻟﻚ ﻣﻮ ﺩﺍﺭﻱ ﻋﻦ ﺷﻨﻮ ﺍﺣﺠﻲ
ﺷﻮﻑ ﻳﺒﻦ ﺍﻟﻨﺎﺱ ﻣﻮ ﺍﻧﻲ ﺍﻟﻲ ﺍﺣﺘﺎﺝ ﺭﺟﺎﻝ ﻓﻮﻙ ﺭﺍﺳﻲ ﻳﺎﻟﻠﻪ ﺍﺻﻴﺮ ﻣﺤﺘﺮﻣﺔ ﻻﺣﺒﻴﺒﻲ ﺍﻧﻲ ﻣﺤﺘﺮﻣﺔ ﻣﻦ ﮔﺎﻋﻲ ﻣﻮ ﺑﻌﺎﺯﺓ ﺭﺟﺎﻝ ﻳﻔﻬﻤﻨﻲ ﺍﻻﺻﻮﻝ ﻻﻥ ﺍﻧﻲ ﺑﻨﺖ ﺍﻻﺻﻮﻝ
ﺣﺴﺎﻡ ﻛﻠﻤﺎ ﺗﺤﺠﻲ ﻛﻠﻤﺔ ﻛﻠﻤﺎ ﺍﺣﺲ ﺑﮕﻠﺒﻲ ﻳﺪﻙ ﺳﺮﻳﻊ ﻣﺎ ﺍﻋﺮﻑ ﻟﻴﺶ ﺍﺗﻤﻨﻴﺖ ﺍﻟﺘﻘﻂ ﻛﻠﻤﺎﺗﻬﺎ ﺑﻴﻦ ﺷﻔﺎﻳﻔﻲ
ﺣﺴﺎﻡ - ﻳﺎﻟﻠﻪ ﺧﻞ ﺍﻋﻠﻤﺞ ﻋﻠﻰ ﺍﻟﻨﻘﺎﻝ ﻳﺒﻨﺖ ﺍﻻﺻﻮﻝ ﺗﺮﺓ ﻣﺎﻳﺼﻴﺮ ﻭﺍﺣﺪ ﻣﺎﻳﺤﻞ ﻋﻠﻴﺞ ﻭﻫﻴﺞ ﻗﺮﻳﺐ ﻣﻨﺞ ﻭﻳﺸﻢ ﻋﻄﺮﺝ
ﻭﻳﻜﻌﺪ ﻳﻌﻠﻤﺞ ﻋﻠﻰ ﺍﻟﻨﻘﺎﻝ
ﺗﺮﺓ ﺑﺲ ﺍﻧﺔ ﺍﻟﻲ ﺍﻛﺪﺭ ﺍﻭﺻﻞ ﻟﻬﺎﻟﻘﺮﺏ ﻫﺴﺔ ﻓﻬﻤﺘﻲ ﺷﻨﻮ ﻛﺎﻥ ﻗﺼﺪﻱ ﻣﻦ ﺑﻌﺪﺕ ﻋﻠﻲ ﻋﻨﺞ
ﻓﺮﺡ ﻭﻫﻲ ﮔﻠﺒﻬﺎ ﺻﺎﺭ ﻃﺒﻞ ﻭﺍﻗﺘﺮﺏ ﺣﺴﺎﻡ ﻣﻨﻬﺎ ﻭﻫﻮ ﻋﻠﻰ ﺍﻟﻜﺮﺳﻲ ﻭﺻﺎﺭﺕ ﺍﻟﻌﻴﻮﻥ ﻣﻘﺎﺑﻠﺔ ﺑﻌﺾ
ﺣﺴﺎﻡ ﺍﻧﺘﺒﻪ ﻋﻠﻰ ﻧﻔﺴﺔ - ﺍﺣﻢ ﺍﺣﻢ ﺍﺓﺓﺓ ﻫﺬﺍ ﺍﻟﻨﻘﺎﻝ
ﻭﻛﻌﺪ ﻳﺸﺮﺣﻠﻬﺎ ﻋﻦ ﺍﻟﻨﻘﺎﻝ ﻭﻋﻠﻤﻬﺎ ﻋﻠﻰ ﺍﻟﻔﻴﺲ ﺑﻮﻙ ﻭﻛﺎﻥ ﻋﻠﻲ ﻣﺴﻮﻱ ﺻﻔﺤﺔ ﺧﺎﺻﺔ ﺑﺎﺳﻤﻬﺎ ﻭﻫﻲ ﺍﺗﻌﻠﻤﺖ ﺑﺴﺮﻋﺔ
ﺑﻌﺪﻳﻦ ﻣﻦ ﺍﻧﺘﺒﻪ ﻋﻠﻴﻬﺎ ﺷﻠﻮﻥ ﺳﺮﺡ ﺷﺎﻟﻬﺎ ﻣﻦ ﺷﻌﺮﻫﺎ ﻭﻫﻲ ﻣﺎﻣﻨﺘﺒﻬﺔ ﻭﻋﻴﻨﻬﺎ ﻋﻠﻰ ﺍﻟﻨﻘﺎﻝ ﺷﻠﻮﻥ ﻳﮕﻠﺐ ﺑﻲ ﺑﻴﺪﺓ
ﺳﺠﻞ ﺭﻗﻤﺔ ﺑﻨﻘﺎﻟﻬﺎ ﻭﺷﺎﻓﺘﺔ ﺩﺧﻞ ﻋﻠﻰ ﺍﻟﻮﺍﺗﺲ ﺍﺏ ﻭﻛﺘﺐ ﻟﺮﻗﻤﺔ ﺣﺘﻰ ﻳﻌﻠﻤﺎ ﺷﻠﻮﻥ ﺗﺮﺳﻞ ﻭﺭﺳﻞ ﻟﻨﻔﺴﺔ ﻣﻦ ﺭﻗﻤﻬﺎ ﻭﻫﻲ ﺟﺎﻱ ﺗﻘﺮﺓ ﺷﻨﻮ ﺟﺎﻱ ﻳﻜﺘﺐ )) ﻋﺪﻟﻲ ﺷﺎﻟﺞ ﺗﺮﺓ ﻭﻛﻊ ﻣﻦ ﺭﺍﺳﺞ ﻭﺳﺪﻱ ﺣﻠﻜﺞ ﺗﺮﺓ ﻓﻀﺤﺘﻴﻨﺎ ﻋﺒﺎﻟﻚ ﻣﺎﺷﺎﻳﻔﺔ ﻧﻘﺎﻝ ((
ﻫﻲ ﻗﺮﺕ ﻫﺎﻱ ﺍﻟﻜﻠﻤﺎﺕ ﺍﻟﻲ ﻛﺘﺒﻬﻦ ﻭﻫﻲ ﮔﺒﻞ ﺷﻬﻜﺖ ﻭﻋﺪﻟﺖ ﻧﻔﺴﻬﺎ ﻭﺷﺎﻟﻬﺎ ﻭﻛﻌﺪﺕ ﻋﺪﻝ
ﺣﺴﺎﻡ
ﺍﺥ ﺍﻟﻠﻪ ﺭﺑﻲ ﻭﺍﻟﻠﻪ ﺗﺼﺮﻓﺎﺗﻪ ﺗﻤﻮﺗﻨﻲ ﻋﺒﺎﻟﻚ ﻃﻔﻠﺔ
ﺍﺣﺲ ﺍﺭﻳﺪ ﺍﻛﻠﻬﺔ
↙️
ﺑﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء