رواية قلوب على جرف الهاوية الجزء الثالث
للكاتبة نهى الحسون
↙️
ﻓﺮﺡ
ﺻﺮﺕ ﺍﻋﺮﻑ ﻟﻠﻨﻘﺎﻝ ﻭﻓﺠﺎﺀ ﺍﺟﺎﻧﻲ ﻃﻠﺐ ﺻﺪﺍﻗﺔ ﻣﻦ ﺍﺳﻢ
( ﻃﻴﻒ ﺭﺍﺣﻞ )
ﺩﺧﻠﺖ ﻋﺎﻟﺼﻔﺤﺔ ﻣﺎﻟﺘﺔ ﺷﻔﺘﺔ ﻣﺒﻴﻨﺔ ﻫﺎﻱ ﺑﻨﻴﺔ
ﻣﺒﻴﻦ ﻣﻦ ﻛﺘﺎﺑﺎﺗﻬﺎ ﻭﻣﻨﺸﻮﺭﺍﺗﻬﺎ
ﺍﻧﻲ ﻭﺍﻓﻘﺖ ﻋﻠﻰ ﻃﻠﺐ ﺍﻟﺼﺪﺍﻗﺔ ﻭﺑﻌﺪﻫﺎ
ﺩﺧﻠﺖ ﻟﻲ ﻋﻠﻰ ﺍﻟﻤﺎﺳﺘﺠﺮ
ﻭﺳﺌﻠﺘﻨﻲ ﺍﻧﺘﻲ ﻓﺮﺡ ﻣﻨﺬﺭ
- ﻧﻌﻢ ﺍﻧﻲ ﻓﺮﺡ ﻣﻨﺬﺭ
ﻃﻴﻒ ﺭﺍﺣﻞ - ﺍﻧﻲ ﺷﻔﺖ ﺍﺳﻤﺞ ﺑﺎﻟﻔﻴﺲ ﺑﺎﻟﺼﺪﻓﺔ ﻭﻣﺎﺻﺪﻛﺖ ﻋﻴﻨﻲ
ﻓﺮﺡ - ﻣﻨﻮ ﺣﻀﺮﺗﺞ
ﻃﻴﻒ ﺭﺍﺣﻞ - ﺍﻧﻲ ﺍﺻﻴﺮ ﺻﺪﻳﻘﺔ ﺳﻤﺎﺡ ﺍﺧﺘﺞ
ﻓﺮﺡ - ﻣﻨﻮ ﺑﻴﻬﻢ ﺍﻧﺘﻲ
- ﺍﻧﻲ ﺭﻧﺎ ﺻﺪﻳﻘﺘﻬﺎ ﺑﺎﻟﻜﻠﻴﺔ
ﻓﺮﺡ ﻭﻫﻲ ﺗﺘﺬﻛﺮ - ﺍﻱ ﺻﺤﻴﺢ ﻋﺮﻓﺘﺞ ﺷﻠﻮﻧﺞ ﺭﻧﺎ
ﺭﻧﺎ - ﻫﻠﻮ ﺣﻴﺎﺗﻲ ﺑﺸﺮﻳﻨﻲ ﺷﻠﻮﻧﻬﺎ ﺳﻤﺎﺡ ﻭﺧﻮﺍﺗﺞ
ﻓﺮﺡ ﺑﺤﺰﻥ - ﺣﺒﻴﺒﺘﻲ ﺳﻤﺎﺡ ﺍﻧﻄﺘﺞ ﻋﻤﺮﻫﺎ ﺍﺗﻮﻓﺖ
ﺭﻧﺎ - ﺍﻟﻰ ﺭﺣﻤﺔ ﺍﻟﻠﻪ ﻫﺎﻱ ﺷﻮﻛﺖ ﺍﺷﻮ ﺍﻧﻲ ﻣﺤﺪ ﻛﻠﻲ ﻟﻴﺶ
ﺳﻮﺩﺓ ﻋﻠﻴﺔ ﺳﻤﺎﺡ
ﻓﺮﺡ - ﺻﺎﺭﻟﻬﺎ ﺳﻨﺘﻴﻦ ﻭﻧﺺ ﻣﻦ ﺍﻧﺘﻘﻠﺖ ﺍﻟﻰ ﺭﺣﻤﺔ ﺍﻟﻠﻪ
ﺭﻧﺎ - ﻳﺎﺧﻄﻴﺔ ﻭﺍﻟﻠﻪ ﻣﻦ ﻣﺮﻳﺖ ﻋﻠﻰ ﺑﻴﺘﻜﻢ ﻭﺷﻔﺘﺔ ﻣﻘﻔﻮﻝ ﻭﺭﺣﺖ ﻋﻠﻰ ﺟﺎﺭﻛﻢ ﻛﺎﻝ ﺍﺟﻮ ﺑﻴﺖ ﻋﻤﻬﻢ ﻋﻠﻴﻬﻢ ﻭﺍﺧﺬﻭﻫﻢ
ﻓﺮﺡ ﻭﺻﺎﺭﺕ ﻭ ﺑﻤﺮﻭﺭ ﺍﻻﻳﺎﻡ ﻋﻼﻗﺘﻲ ﺑﺼﺪﻳﻘﺔ ﺳﻤﺎﺡ ﻛﻠﺶ ﻗﻮﻳﺔ ﻭﺻﺮﺕ ﻛﻠﺸﻲ ﻳﻀﻮﺟﻨﻲ ﺍﻭ ﻳﻔﺮﺣﻨﻲ ﺍﺣﺠﻴﻠﻬﺎ
ﻭﻫﻜﺬﺍ ﺍﺗﻌﻮﺩﺕ ﻋﻠﻴﻬﺎ ﺑﺤﻴﺎﺗﻲ
ﻋﻠﻲ - ﺟﺪﻱ ﻭﺻﻠﻨﻲ ﺧﺒﺮ ﻋﻦ ﻋﻤﻲ ﻧﺒﻴﻞ ﻣﺘﻮﺭﻁ ﻭﻳﺔ ﻋﺎﻟﻢ ﻣﺎﺧﺬ ﻣﻨﻬﻢ ﻓﻠﻮﺱ ﺑﺎﻟﻔﺎﻳﺰ ﻭﻣﺘﺪﺍﻳﻦ ﻣﻦ ﺍﻛﺜﺮ ﻣﻦ ﺷﺨﺺ
ﻓﻼ ﺗﺴﺘﻐﺮﺏ ﺍﺣﺪ ﻳﺪﻙ ﺑﺎﺑﻚ ﻫﺎﻱ ﺍﻻﻳﺎﻡ ﻭﻳﻄﺎﻟﺐ ﺑﻔﻠﻮﺳﺔ
ﺍﻟﺠﺪ ﻭﺍﻟﻠﻪ ﻫﺬﺍ ﻧﺒﻴﻞ ﺭﺍﺡ ﻳﻤﻮﺗﻨﻲ ﺑﺴﻮﺍﻟﻔﺔ
ﺑﺲ ﺑﺴﻄﺔ ﻫﺬﺍ ﺣﺴﺎﺑﺔ ﻋﻨﺪﻱ ﺍﻧﺔ ﺍﻟﺔ
ﺍﻟﺠﺪ - ﺍﻱ ﺻﺪﻙ ﺗﻮﻓﻴﻖ ﺷﺨﺒﺎﺭ ﺍﻻﻣﺎﻧﺔ ﺍﻟﻲ ﺍﻣﻨﺘﻚ ﺍﻳﺎﻩ
ﺗﻮﻓﻴﻖ ﺑﺒﺘﺴﺎﻣﺔ - ﻻﺗﺨﺎﻑ ﻳﺎﺑﺔ ﺑﺎﻟﺤﻔﻆ ﻭﺍﻟﺼﻮﻥ . ﺍﻣﺎﻧﺘﻚ
ﻓﺮﺡ
ﺍﻟﺒﺎﺟﺮ ﻣﻬﺮ ﺍﺧﺘﻲ ﺳﻠﻮﻯ
ﻭﺍﻟﺒﻨﺎﺕ ﻛﻠﻬﻢ ﺍﺟﻮ ﻋﻨﺪﻧﺎ ﻟﺒﻴﺖ ﺟﺪﻱ
ﻭﻛﻞ ﻭﺣﺪﺓ ﻣﻨﻬﻦ ﺟﺎﻳﺒﺔ ﻭﻳﺎﻫﺔ ﺟﻨﻄﺔ ﺟﺒﻴﺮﺓ ﻣﺎﻟﺖ ﻣﻼﺑﺲ ﻣﺎ ﺍﻋﺮﻑ ﺷﻨﻮ ﻳﺴﻮﻭﻥ ﺑﻴﻬﺎ ﻭﺻﺎﺩﻑ ﺍﻭﻻﺩ ﻋﻤﻲ ﻣﻮﺟﻮﺩﻳﻦ ﻣﺘﺠﻤﻌﻴﻦ ﻋﻨﺪ ﺑﻴﺒﻲ ﻭﺣﺪﻱ ﺑﺎﻟﺼﺎﻟﺔ
ﻭﺣﺘﻰ ﻋﻤﺎﻣﻲ ﻣﻮﺟﻮﺩﻳﻦ ﺑﺲ ﻧﺴﻮﺍﻧﻬﻢ ﻣﺎﻛﻮ ﻛﺎﻟﻌﺎﺩﺓ ﻧﺎﺩﺭﺍ ﻣﺎ ﺍﺷﻮﻓﻬﻦ ﺑﺎﻟﻤﻨﺎﺳﺒﺎﺕ ﻭﺻﺮﺕ ﺍﺷﻮﻑ ﺑﻌﻴﻮﻥ ﺑﻴﺒﻲ ﻭﺍﻟﺠﺪ ﺍﻟﻄﺎﻏﻲ ﻟﻤﻌﺔ ﻓﺮﺡ ﺑﺠﻤﻌﺔ ﺍﺣﻔﺎﺩﻫﻢ ﻭﺍﻭﻻﺩﻫﻢ ﻗﺮﺑﻬﻢ
ﻭﺻﺎﺭ ﻛﻠﻤﺎ ﻳﻨﺪﻙ ﺍﻟﺒﺎﺏ ﺗﺪﺧﻞ ﻣﺠﻤﻮﻋﺔ ﺑﻨﺎﺕ ﻣﻦ ﺑﻨﺎﺕ ﻋﻤﻲ ﺍﻭﻝ ﻣﺮﺓ ﺩﺧﻠﺖ ﺭﺷﺎ ﻭﺷﻬﺪ ﻭﺑﻌﺪﻫﺎ ﺯﻣﻦ ﻭﺭﺍﺀ ﺑﻨﺎﺕ ﻋﻤﺔ ﺭﺳﻤﻴﺔ ﻭﻭﺭﺍﻫﻢ ﺍﺟﻮ ﺍﺳﺮﺍﺀ ﻭﻧﺴﺮﻳﻦ ﻭﻫﺎﻱ ﺍﻟﺴﺎﻟﻔﺔ ﻭﺍﻟﺠﻨﻂ ﻭﺭﺍﻫﻦ ﺗﺴﺢ
ﻋﻼﺀ ﻛﺎﻋﺪ ﻳﻢ ﺑﻴﺒﻲ - ﻫﺎﻱ ﺷﻨﻮﺷﺼﺎﻳﺮ ﺑﻨﺎﺕ ﺻﺎﻟﺢ ﻣﻄﻠﻜﺎﺕ ﻟﻮ ﺯﻋﻼﻧﺎﺕ ﺍﺷﻮ ﻭﺣﺪﺗﻬﻢ ﺗﺪﺧﻞ ﻭﻭﻳﺎﻫﺔ ﺟﻨﻄﺔ ﺷﻜﺒﺮﻫﺎ ﺷﻜﻮ
ﺑﻴﺒﻲ ﻭﻫﻲ ﺗﻀﺤﻚ ﻋﻠﻰ ﻛﻼﻣﻪ - ﺍﻧﺠﺐ ﻭﻟﻚ ﻋﻮﻓﻬﻦ ﻻﺗﻀﻮﺟﻬﻦ
ﻋﺎﻣﺮ - ﺍﻱ ﻭﺍﻟﻠﻪ ﺣﺠﻴﺔ ﺻﺤﻴﺢ ﻳﻌﻨﻲ ﺧﻔﺖ ﻣﻦ ﺧﻮﺍﺗﻲ ﺑﻴﻮﻡ ﺩﺧﻠﻦ ﻭﻭﺭﺍﻫﻦ ﺟﻨﻄﻬﻦ ﻭﺧﻔﺖ ﺍﺷﻮﻑ ﺟﻬﺎﻟﻢ ﻭﺭﺍﻫﻢ ﻭﺗﻜﻤﻞ ﺍﻟﺴﺒﺤﺔ
ﺣﺴﺎﻡ ﻣﻨﺘﺠﻲ ﻋﻠﻰ ﺍﻟﻘﻨﻔﺔ ﻭﻻﺯﻡ ﺑﻴﺪﺓ ﺳﺒﺤﺔ ﻭﺣﺎﻁ ﺭﺟﻞ ﻋﻠﻰ ﺭﺟﻞ ﻭﺳﺮﺣﺎﻥ
ﺩﺧﻠﺖ ﻓﺮﺡ ﻋﻠﻰ ﺍﻟﻜﺎﻋﺪﻳﻦ ﻳﺼﻨﻔﻮﻥ ﻭﺷﺎﻳﻠﺔ ﺑﻴﺪﻫﺔ ﺻﻴﻨﻴﺔ ﻛﻴﻚ ﻭﻋﺼﺎﻳﺮ
ﻭﺍﻟﺠﺪﺓ ﺗﺤﺠﻲ ﻋﻠﻰ ﻋﺎﻣﺮﺍﻟﻲ ﻋﻴﻨﺔ ﺻﺎﺭﺕ ﻋﻠﻰ ﺍﻟﻲ ﺩﺧﻠﺖ ﻋﻠﻴﻬﻢ -ﻭﻟﻚ ﺍﻧﺘﺔ ﻟﻴﺶ ﻣﺎ ﺗﺴﻜﺖ ﻫﺴﺔ ﻟﻮ ﺑﻴﻚ ﺧﻴﺮ ﺟﺎﻥ ﺍﺗﺰﻭﺟﺖ ﻭﺟﺒﺘﻠﻚ ﻛﻢ ﻓﺮﺥ ﺗﻔﺮﺡ ﺑﻴﻬﻢ ﺑﺪﺍﻝ ﻣﺎﻇﺎﻝ ﺟﻨﻚ ﻣﻄﻠﻜﺔ ﻛﺎﻋﺪ ﻓﻮﻙ ﺭﺍﺳﻲ
ﻋﺎﻣﺮ ﻭﻋﻴﻨﺔ ﻋﻠﻰ ﺍﻟﺪﺧﻠﺖ - ﺍﻱ ﺑﻴﺒﻲ ﺍﺩﻋﻴﻠﻲ ﻛﻮﻥ ﺗﺼﻴﺮ ﺍﻻﺣﺒﻬﺎ ﻣﻦ ﻧﺼﻴﺒﻲ ﻭﺍﻟﻠﻪ ﺍﺻﻴﺮ ﻣﻠﻚ ﻭﻣﺤﺪ ﺑﮕﺪﻱ
↙️
ﺣﺴﺎﻡ ﻭﻫﻮ ﻳﻌﺪﻝ ﻛﻌﺪﺗﺔ ﻭﻳﺸﻮﻑ ﻧﻀﺮﺍﺕ ﻋﺎﻣﺮ ﻋﻠﻰ ﻓﺮﺡ ﺍﻟﻲ ﺩﺧﻠﺖ ﻋﻠﻴﻬﻢ ﺣﺲ ﺑﺮﻛﺎﻥ ﺣﺲ ﺍﻛﻮ ﺷﻲ ﺧﻄﺎﺀ ﺑﺎﻟﻤﻮﺿﻮﻉ ﻭﻻﺯﻡ ﻳﺘﺼﻠﺢ
ﻓﺮﺡ - ﻟﻴﺶ ﻣﺎﺗﺠﻮﻥ ﺗﮕﻌﺪﻭﻥ ﺑﺎﻟﺤﺪﻳﻘﺔ ﻭﺍﻟﻠﻪ ﮔﻌﺪﺓ ﺗﺸﺮﺡ ﺍﻟﮕﻠﺐ
ﺍﻟﺤﺠﻴﺔ - ﺍﻱ ﻳﻤﺔ ﺍﻣﺸﻴﻨﺎ ﺑﺲ ﮔﻮﻣﻮﻧﻲ ﻣﺎﺑﻴﺔ ﺣﻴﻞ ﺍﻛﻮﻡ
ﺧﻞ ﺍﺷﻢ ﻫﻮﻯ ﺗﺮﺓ ﺍﻟﺒﻴﺖ ﻫﻮﺍﻩ ﻳﻜﺘﻢ ﺍﻟﻨﻔﺲ
ﺍﻟﺠﺪ ﻳﻨﻬﺾ ﻭﻳﻤﺪ ﺍﻳﺪﺓ ﻟﻠﺠﺪﺓ ﺣﺘﻰ ﻳﮕﻮﻣﻬﺎ
ﻋﻼﺀ - ﻫﺎﻟﻠﻪ ﻫﺎﻟﻠﻪ ﻣﻬﻨﺪ ﻭﻧﻮﺭ ﺍﻟﺠﺰﺀ ﺍﻟﺜﺎﻧﻲ
ﺍﻛﻮﻝ ﺟﺪﻱ ﺧﻒ ﻋﻠﻴﻨﺎ ﺑﺎﻟﺮﻭﻣﺎﻧﺴﻴﺔ ﺗﺮﺓ ﺍﻟﻠﻪ ﻭﻛﻴﻠﻚ ﻛﻠﻨﺎ ﺣﺪﺍﻳﻖ
ﻋﺎﻣﺮ - ﻭﻟﻚ ﺍﺛﻮﻝ ﺍﺫﺍ ﺍﻧﺖ ﺣﺪﻳﻘﺔ ﻭﻫﺎﻱ ﺍﻟﻜﺒﻼﺕ ﻛﻠﻬﺎ ﻟﻌﺪ ﺍﻧﻲ ﺷﻜﻮﻝ ﺍﻟﻤﺰﺭﻋﺔ ﺍﻟﺴﻌﻴﺪﺓ
ﺍﻟﺠﺪﺓ ﻭﺗﻀﺮﺏ ﻋﻼﺀ ﺑﺎﻟﻌﺼﺎ ﻭﻫﻲ ﺗﻤﺸﻲ ﻋﻠﻰ ﻛﻴﻒ
- ﺍﻛﻠﻚ ﺣﺠﻲ ﻫﺬﺍ ﺷﻲ ﻳﻬﻴﺲ ﺍﺷﻮ ﻣﺎ ﺍﻓﺘﻬﻤﺖ ﻋﻠﻰ ﻳﺎ ﺣﺪﻳﻘﺔ ﻳﺤﺠﻲ
ﻓﺮﺡ
ﺍﻟﺘﻤﻮ ﺍﻟﺒﻨﺎﺕ ﻭﺭﺩﺕ ﺍﺻﻌﺪ ﻓﻮﻙ ﻟﻌﻨﺪﻫﻢ ﻟﻜﻦ ﻣﺎﻓﺮﻏﺖ ﻻﻥ ﻫﻢ ﻭﺭﺍﻱ ﺍﻟﺒﻴﺖ ﺑﻲ ﺷﻐﻞ ﻫﻮﺍﻱ
ﻛﻌﺪﺕ ﺍﺣﺠﻲ ﺑﺼﻮﺕ ﻧﺎﺻﻲ
- ﻫﺴﺔ ﺷﺪﻋﻮﺓ ﻋﻠﻴﻬﻦ ﻋﻠﻰ ﺍﻻﻗﻞ ﺟﺎﻥ ﻭﺣﺪﺓ ﻣﻨﻬﻢ ﮔﺎﻟﺖ ﻫﺎﻱ ﺍﻟﺤﻤﺎﺭﺓ ﺧﻄﻴﺔ ﺧﻞ ﺍﺷﻮﻑ ﺷﺒﻴﻬﺔ ﺷﻤﺤﺘﺎﺟﺔ
ﺣﺴﺎﻡ ﺩﺧﻠﺖ ﻋﻠﻴﻬﺎ ﻟﻠﻤﻄﺒﺦ ﻭﺷﻔﺘﻪ ﺗﺪﺭﺩﻡ ﻭﻳﺔ ﻧﻔﺴﻬﺎ ﻋﺒﺎﻟﻚ ﻋﺠﻮﺯ ﻭﺩﺍﺋﻤﺎ ﺍﺷﻮﻓﻬﺎ ﻟﻮ ﺑﺎﻟﻤﻄﺒﺦ ﻟﻮ ﺗﺸﺘﻐﻞ ﺑﺎﻟﻴﻴﺖ ﺷﻨﻮ ﻫﺎﻱ ﺫﺍﺑﻴﻦ ﺻﺮﺗﻬﺎ ﺑﻤﺸﻐﻞ ﻣﺎﻝ ﺗﻨﻈﻴﻒ
ﺳﻤﻌﺘﻬﺎ ﺷﻨﻮ ﺣﺠﺖ ﻭﻋﺮﻓﺖ ﻫﻲ ﻣﺤﺘﺎﺟﺔ ﻣﺴﺎﻋﺪﺓ ﻭﺍﻟﻠﻪ ﺧﻄﻴﺔ ﻣﻜﺮﻭﺑﺔ ﻛﺮﺍﺏ ﺍﺑﺪ ﻣﺎﻳﻮﻡ ﺷﻔﺘﻬﺎ ﺗﺘﺼﺮﻑ ﺑﺪﻟﻊ ﺍﻭ ﺗﺘﻤﻠﻞ ﺍﻭﻋﻨﺪﻫﺎ ﻣﻴﺎﻋﺔ ﻣﺎﻳﻮﻡ ﺷﻔﺘﻬﺎ ﻣﻐﻴﺮﺓ ﺑﻨﻔﺴﻬﺎ ﻋﺒﺎﻟﻚ ﻣﺎﻳﻬﻤﻬﺎ ﺗﻌﺪﻝ ﻧﻔﺴﻬﺎ ﻋﻠﻤﻮﺩ ﺷﺨﺺ ﻳﺸﻮﻓﻬﺎ ﻭﻳﻌﺠﺐ ﺑﻴﻬﺎ
ﺍﺑﺪ ﻫﺎﻱ ﺍﻻﺷﻴﺎﺀ ﻣﻮ ﻳﻤﻬﺎ
ﻛﻤﺖ ﺍﺗﺼﻠﺖ ﻋﻠﻰ ﺑﻴﺘﻨﺎ ﻭﺧﻠﻴﺖ ﺍﻣﻲ ﺗﺪﺯ ﺧﺪﺍﻣﺎﺗﻨﺎ ﻟﻬﻨﺎ ﺣﺘﻰ ﻳﺴﺎﻋﺪﻭﻧﻬﺎ ﻻﻥ ﻟﻮﺣﺪﻫﺎ ﻭﻣﺒﻴﻦ ﻋﻨﺪﻫﺎ ﺷﻐﻞ ﻛﻮﻣﺔ ﻋﻠﻤﻮﺩ ﺑﺎﺟﺮ ﻣﻬﺮ ﺍﺧﺘﻬﺎ ﻫﻢ ﻳﺎﻟﻠﻪ ﺗﻠﺤﻚ ﺗﻬﺘﻢ ﻟﻨﻔﺴﻬﺎ
ﻫﻬﻬﻬﻬﻪ ﺍﻧﺔ ﺻﺎﺭﺕ ﻋﻨﺪﻱ ﺧﺒﺮﺓ ﺑﺎﻟﻨﺴﻮﺍﻥ ﻣﻦ ﻭﺭﺓ ﺧﻮﺍﺗﻲ
ﻭﺍﻟﺘﺤﻒ ﺍﻟﻲ ﺍﺗﺰﻭﺟﻬﻢ ﻛﺎﻧﻮ ﻳﻨﺨﺒﺼﻦ ﻭﻳﺤﺮﻛﻦ ﺍﻟﺪﻧﻴﺎ ﺑﺎﻟﻄﻠﻌﺎﺕ ﻟﻠﺴﻮﻙ ﺍﺫﺍ ﻋﺪﻫﻦ ﻣﻨﺎﺳﺒﺔ ﻋﺒﺎﻟﻚ ﻣﻮ ﻋﻨﺪﻫﻦ ﻣﻨﺎﺳﺒﺔ ﻋﺒﺎﻟﻚ ﻋﻨﺪﻫﻢ ﺟﻬﺎﺩ
ﻟﻜﻦ ﻫﺎﻱ ﺍﻟﻮﺍﻛﻔﺔ ﻛﺪﺍﻣﻲ ﻣﻮ ﻋﺒﺎﻟﻚ ﻋﺎﻳﺸﺔ ﺑﻌﺎﻟﻤﻨﺎ ﺍﺑﺪ
ﺩﺍﺋﻤﺎ ﺍﺣﺲ ﺑﻴﻬﺎ ﺣﺎﻳﻄﺔ ﻧﻔﺴﻬﺎ ﺑﻬﺎﻟﺔ ﺧﺎﺻﺔ ﻋﺒﺎﻟﻚ ﻋﺎﻳﺸﺔ ﺑﻌﺎﻟﻤﻬﺎ ﺍﻟﺨﺎﺹ ﺍﻟﻲ ﻣﺤﺪ ﻳﻜﺪﺭ ﻳﺨﺘﺮﻗﺔ
ﻋﻠﻲ - ﺍﻟﺴﻼﻡ ﻋﻠﻴﻜﻢ
ﺍﻟﺘﻔﺘﺖ ﻓﺮﺡ ﻭﺗﻔﺎﺟﺌﺖ ﺑﻮﺟﻮﺩﻱ ﺑﺪﻭﻥ ﻣﺎ ﺗﺤﺲ
ﻭﺩﺍﺭﺕ ﻋﻴﻮﻧﻬﺎ ﻋﻠﻰ ﻋﻠﻲ ﺑﻔﺮﺣﺔ
ﻓﺮﺡ - ﻫﻠﺔ ﻭﻋﻠﻴﻜﻢ ﺍﻟﺴﻼﻡ ﺷﻠﻮﻧﻚ ﻋﻼﻭﻱ
ﺣﺴﺎﻡ ﻫﺎﻱ ﺷﻨﻮ ﻣﺘﻄﻮﺭﻳﻦ ﺍﺷﻮ ﻫﺬﺍ ﻋﻼﻭﻱ
ﻭﺫﺍﻙ ﻳﺘﻤﻨﺎﻫﺔ ﻋﺮﻭﺳﺘﺔ
ﺷﻜﻮ ﻭﺍﻧﻲ ﺍﻟﻄﺮﻥ ﮔﺎﻋﺪ ﺑﻴﻨﻬﻢ ﻋﻮﺯﻧﻲ ﺑﺲ ﺑﻌﺪ ﺍﺯﻓﻬﺔ ﺍﻟﻬﻢ ﻟﻠﻤﻄﺎﻳﺔ ﺍﺧﻮﺗﻲ ﺑﺲ ﺑﺴﻴﻄﺔ
ﻋﻠﻲ - ﺷﻠﻮﻧﺞ ﻓﺮﻭﺣﺔ
ﻓﺮﺡ ﺑﺨﺠﻞ - ﺍﻧﻲ ﺯﻳﻨﺔ ﺍﻧﺖ ﺷﻠﻮﻧﻚ ﻋﺎﺵ ﻣﻦ ﺷﺎﻓﻚ ﻣﺪﺍﺷﻮﻓﻚ ﻫﺎﻻﻳﺎﻡ
ﻋﻠﻲ ﻭﻫﻮ ﻳﻜﻌﺪ ﻋﻠﻰ ﻣﻴﺰ ﺍﻟﻄﻌﺎﻡ - ﻭﺍﻟﻠﻪ ﻣﺎ ﻓﺎﺭﻍ ﻋﻨﺪﻱ ﺷﻐﻞ ﻭﺳﻔﺮ ﻭﻣﻠﺘﻬﻲ
ﺩﺧﻞ ﻋﻼﺀ - ﻫﻠﺔ ﺑﺎﻟﺸﺒﺎﺏ ﺷﻠﻮﻧﻜﻢ
ﺣﺴﺎﻡ ﻭﻫﻮ ﻳﮕﻠﺐ ﺑﻌﻴﻮﻧﺔ -
ﺣﺴﺎﻡ - ﻟﻴﺶ ﻋﻔﺘﻮ ﺍﻟﺸﻴﺎﺏ ﻭﺍﺟﻴﺘﻮ ﻫﻨﺎ ﺷﻌﻨﺪﻛﻢ
ﻋﻠﻲ - ﺷﻨﻮ ﺑﻮﻳﺔ ﻻﺯﻡ ﻧﺎﺧﺬ ﺍﺫﻧﻚ ﺣﺘﻰ ﻧﺠﻲ ﻫﻨﺎ ﻟﻬﺬﺍ ﺍﻟﺒﻴﺖ ﻭﺍﻟﺸﻴﺎﺏ ﺗﺮﺓ ﺩﺧﻠﻮ ﻣﻦ ﺳﺎﻋﺔ ﺟﻮﺓ ﻟﻠﺒﻴﺖ ﻭﺍﻧﺖ ﻛﺎﺭﺹ ﻫﻨﺎ ﻣﺎ ﺍﺩﺭﻱ ﺷﻌﻨﺪﻙ ﻣﻀﻴﻊ ﺑﺎﻟﻤﻄﺒﺦ
ﺩﻙ ﻧﻘﺎﻝ ﺣﺴﺎﻡ
ﺣﺴﺎﻡ ﻛﺎﻡ ﻣﻦ ﻋﻨﺪﻫﻢ
ﺣﺴﺎﻡ - ﺍﻟﻮ ﻫَـﺎ ﻫﺎﻟﺔ ﻟﻴﺶ ﻣﺘﺼﻠﺔ ﻋﻠﻴﺔ ﺍﻧﻲ ﻣﻮ ﮔﻠﺖ ﻣﺎﺗﺘﺼﻠﻴﻦ ﻋﻠﻴﺔ ﺍﻻ ﺍﻧﺔ ﺍﺗﺼﻞ
ﻫﺎﻟﺔ - ﻻ ﺣﻴﺎﺗﻲ ﺑﺲ ﺿﺎﻳﺠﺔ ﻭﺍﻧﺖ ﻣﺎﻛﻮ ﺍﺧﺘﻨﻜﺖ ﺗﻌﺎﻝ ﻋﻔﻴﺎ ﻭﺍﻟﻠﻪ ﻣﺸﺘﺎﻗﺘﻠﻚ
ﺣﺴﺎﻡ ﻭﻋﻴﻮﻧﺔ ﻋﻠﻰ ﻓﺮﺡ ﻭﻳﺸﻮﻓﻬﺎ ﺗﻀﺤﻚ ﻭﻣﻨﻄﻠﻘﺔ ﻭﻳﺔ ﻋﻼﺀ ﻭﻋﻠﻲ - ﻋﻨﺪﻱ ﺷﻐﻞ ﻫﺎﻱ ﺍﻻﻳﺎﻡ ﻣﺎ ﻓﺎﺭﻍ
↙️
ﻓﺮﺡ ﻛﻨﺖ ﺑﺎﻟﻤﻄﺒﺦ ﻣﻠﺘﻬﻴﺔ ﻭﻛﺎﻥ ﻓﻬﺪ ﺟﻮﺓ ﺭﺟﻠﻲ ﻳﻠﻌﺐ ﺑﺎﻟﺴﻴﺎﺭﺓ ﻣﺎﻟﺘﺔ ﻭﻋﻼﺀ ﻭﻋﻠﻲ ﻳﺴﻮﻟﻔﻮﻥ ﻭﺻﺒﻴﺖ ﺍﻟﻬﻢ ﺟﺎﻱ
ﻭﻟﻴﺶ ﻣﺎ ﺳﻤﻌﺖ ﺻﻴﺎﺡ ﺟﺪﻱ ﻭﻋﺎﻣﺮ ﻋﺎﻟﻲ ﺷﻜﻠﻬﻢ ﺟﺎﻱ ﻳﺘﻌﺎﺭﻛﻮﻥ
ﺍﻫﻮﻭﻭﻭ ﻫﺴﺔ ﻭﻳﺎﻣﻦ ﻣﺘﻌﺎﺭﻙ ﻫﺬﺍ ﺍﻟﻄﺎﻏﻲ
ﺻﺎﺭﺕ ﻋﻴﻨﻲ ﺑﻌﻴﻦ ﺣﺴﺎﻡ ﻣﻦ ﻧﻬﻰ ﺍﻻﺗﺼﺎﻝ ﻭﺩﺧﻞ ﻟﻠﻤﻄﺒﺦ ﺣﺴﻴﺖ ﺍﻛﻮ ﻛﻼﻡ ﺑﻌﻴﻮﻧﺔ
ﻣﺎ ﺍﻋﺮﻑ ﻟﻴﺶ ﻣﻦ ﺍﺷﻮﻓﺔ ﻳﻜﻮﻡ ﻳﺪﻙ ﮔﻠﺒﻲ ﺣﻴﻞ ﻭﻫﻮ ﺍﻟﻮﺣﺪ ﺍﻟﻲ ﻳﻨﻌﻘﺪ ﺍﻟﺴﺎﻧﻲ ﻋﻨﺪﺓ
ﺭﺷﺎ ﺩﺧﻠﺖ ﻟﻠﻤﻄﺒﺦ ﻭﺟﻬﺔ ﺍﺻﻔﺮ - ﺣﺴﺎﻡ ﻋﻠﻲ ﺟﺪﻱ ﺍﺗﻌﺎﺭﻙ ﻭﻳﺔ ﻋﺎﻣﺮ ﻭﺑﺎﺑﺎ ﺿﺮﺏ ﻋﺎﻣﺮ ﻣﺎ ﺍﻋﺮﻑ ﻟﻴﺶ
ﻃﻠﻌﻮ ﻣﻦ ﺍﻟﻤﻄﺒﺦ
ﻓﺮﺡ ﻭﻫﻲ ﺗﺴﺄﻝ ﺭﺷﺎ - ﺷﻨﻮ ﺷﺼﺎﻳﺮ
ﺭﺷﺎ - ﻭﺍﻟﻠﻪ ﻣﺎ ﺍﺩﺭﻱ ﺑﺲ ﺍﻟﻴﻮﻡ ﻋﺎﻣﺮ ﻛﻠﻲ ﺭﺍﺡ ﻳﻔﺘﺢ ﻣﻮﺿﻮﻉ ﺧﻄﻮﺑﺘﺔ ﻳﺮﻳﺪ ﺑﺨﻄﺐ ﺍﻟﺒﻨﻴﺔ ﺍﻟﻲ ﻳﺤﺒﻬﺎ
ﻭﻣﺎ ﺍﻋﺮﻑ ﺷﻜﻞ ﺟﺪﻱ ﻋﺮﻑ ﻭﺍﺣﺘﻤﺎﻝ ﺍﻋﺘﺮﺽ
ﻓﺮﺡ
ﺗﺤﺠﻲ ﻭﻳﺔ ﻧﻔﺴﻬﺎ
ﺍﻟﻠﻪ ﻳﺎﺧﺬﺓ ﺍﻟﻄﺎﻏﻲ ﻫﺬﺍ ﺷﻨﻮ ﻣﺼﻴﺒﺘﺔ ﻛﻞ ﻋﺰﺓ ﻻﻃﻢ ﺍﺩﺭﻱ ﻻ ﺍﻧﻄﻴﻚ ﻭﻻ ﺍﺧﻠﻲ ﺭﺣﻤﺔ ﺍﻟﻠﻪ ﺗﻨﺰﻝ ﻋﻠﻴﻚ
ﻓﺮﺡ - ﺧﻄﻴﺔ ﻋﺎﻣﺮ ﺑﺲ ﻻ ﺍﻟﺠﺪ ﻳﻌﻨﻄﺰ ﻋﻠﻴﻪ ﻭﻣﺎﻳﻘﺒﻞ
ﺭﺷﺎ - ﻻ ﺍﻟﻠﻪ ﻻﻳﮕﻮﻟﻬﺎ ﺧﻄﻴﺔ ﻋﺎﻣﺮ ﻣﺒﻴﻦ ﻋﻠﻴﻪ ﻳﺤﺐ ﻫﺎﻱ ﺍﻟﺒﻨﻴﺔ ﻣﺎ ﺍﺗﻮﻗﻊ ﺭﺍﺡ ﻳﺘﻨﺎﺯﻝ
ﺩﺧﻠﺖ ﻧﺴﺮﻳﻦ ﻭﻫﻲ ﺗﻬﺰ ﺑﻴﺪﻫﺎ
ﻧﺴﺮﻳﻦ - ﺗﻌﺎﻱ ﺍﻡ ﺍﻟﻤﺸﺎﻛﻞ ﻣﻦ ﺩﺧﻠﺘﻲ ﻟﻬﺬﺍ ﺍﻟﺒﻴﺖ ﻭﺍﻟﻤﺸﺎﻛﻞ ﺛﺎﺭﺕ ﻋﻠﻴﻨﺎ ﻣﺜﻞ ﺍﻟﻤﻄﺮ ﺧﺮﺑﺘﻲ ﺟﺪﻱ ﻋﻠﻰ ﺑﺎﺑﺎ ﻭﻫﺴﺔ ﺟﺪﻱ ﺍﺗﻌﺎﺭﻙ ﻭﻳﺔ ﻋﺎﻣﺮ ﻣﻦ ﻭﺭﺍﺝ
ﺑﻌﺪ ﻋﻠﻴﻤﻦ ﺗﻄﻠﻌﻴﻦ ﺑﻨﺖ ﺍﻣﺞ
ﻓﺮﺡ - ﻧﺴﺮﻳﻦ ﺍﻛﻠﻲ ﺗﺒﻦ ﺍﺣﺴﻨﻠﺞ ﻻ ﺍﺟﻲ ﺍﻣﺴﺢ ﺑﻴﺞ ﺍﻟﮕﺎﻉ ﻭﺍﺗﻘﻲ ﺷﺮﻱ ﺗﺮﺓ ﻣﻮ ﻋﺒﺎﻟﺞ ﺍﺳﻜﺖ ﻣﻦ ﺗﻬﻴﻨﻴﻦ ﻟﻬﻨﺎ ﻭﺣﺪﺝ
ﻧﺴﺮﻳﻦ ﺗﻌﺮﻑ ﺑﻔﺮﺡ ﻗﻮﻳﺔ ﻓﻔﻀﻠﺖ ﺍﻟﺴﻜﻮﺕ ﻻﻥ ﻣﺎﺿﻴﻬﺎ ﻳﺸﻬﺪ ﻣﺎ ﺗﺨﺎﻑ ﻣﻦ ﺍﻱ ﻭﺍﺣﺪ ﻭﻋﺎﺩﻱ ﻋﻨﺪﻫﺎ ﺍﺣﺘﻤﺎﻝ ﺣﺘﻰ ﺗﺤﺮﻛﻬﺎ
ﺳﺮﻭﺭ - ﻓﺮﺡ ﺟﺪﻱ ﻳﺮﻳﺪﺝ
ﻓﺮﺡ ﺍﺳﺘﻐﺮﺑﺖ ﻟﻴﺶ ﺟﺪﻱ ﻳﺮﻳﺪﻧﻲ
ﺣﺴﺎﻡ
ﺍﻧﺼﺪﻣﺖ ﻣﻦ ﺳﻤﻌﺖ ﺣﺠﻲ ﺟﺪﻱ
ﻭﺷﻨﻮ ﻃﺎﻟﺐ ﻣﻨﺔ ﻋﺎﻣﺮ
ﺑﺴﺎﻋﺘﻬﺎ ﺻﺪﻙ ﺍﺣﺲ ﺑﺼﺪﺭﻱ ﺍﺷﺘﻌﻠﺖ ﻧﺎﺭ ﺟﺎﻧﺖ ﺧﺎﻣﺪﺓ ﻭﺷﺒﺖ ﻫﺎﻱ ﺍﻟﻨﺎﺭ ﻣﻦ ﻋﺮﻓﺖ ﺍﻥ ﻋﺎﻣﺮ ﻃﺎﻟﺐ ﺍﻳﺪ ﻓﺮﺡ ﻣﻦ ﺟﺪﻱ
ﻳﻌﻨﻲ ﻳﺮﻳﺪ ﻳﺘﺰﻭﺟﻬﺎ
ﺍﻟﺠﺪ - ﻋﺎﻣﺮ ﺗﺮﺓ ﻓﺮﺡ ﻣﺘﺰﻭﺟﺔ
ﻋﺎﻣﺮ ﺑﺼﺪﻣﺔ - ﺷﻨﻮ ﻫﺎﻱ ﺷﻮﻛﺖ ﻣﺎﻛﻮ ﻫﻴﺞ ﺷﻲ
ﺍﻟﺠﺪ - ﺍﻱ ﺑﻮﻳﺔ ﻣﺜﻞ ﻣﺎ ﺣﺠﻴﺖ ﺗﺮﺓ ﻓﺮﺡ ﻣﺘﺰﻭﺟﺔ ﺍﺧﻮﻙ ﺣﺴﺎﻡ
ﻋﺎﻣﺮ ﻧﻬﺾ ﻣﻦ ﻣﻜﺎﻧﻪ - ﺷﻨﻮ ﺍﺧﻮﻱ ﺣﺴﺎﻡ ﻣﺎﻣﻌﻘﻮﻟﺔ
ﻫﺎﻱ ﺷﻮﻛﺖ ﻟﻴﺶ ﺍﻧﻲ ﻭﻳﻦ ﺟﻨﺖ
ﺣﺴﺎﻡ - ﻭﻫﺴﺔ ﺍﻧﺖ ﻋﺮﻓﺖ ﺍﻥ ﻓﺮﺡ ﻣﺮﺗﻲ ﻳﺎﻟﻠﻪ ﺍﻛﻄﻊ
ﻋﺎﻣﺮ - ﻻ ﺷﻨﻮ ﺗﺤﺠﻲ ﺍﺻﻼ ﺍﻧﺖ ﻣﺎﻣﻬﺘﻢ ﺑﻴﻬﺎ ﻭﻻﻣﻌﺘﺒﺮﻫﺎ ﺯﻭﺟﺘﻚ ﻃﻠﮕﻬﺎ ﻭﺍﻧﻲ ﺍﺗﺰﻭﺟﻬﺎ
ﺣﺴﺎﻡ ﺍﺥ ﺍﻟﻠﻪ ﺍﺫﺍ ﺍﻛﻮ ﺍﺣﺴﺎﺱ ﻳﻘﺘﺤﻢ ﺍﻟﮕﻠﺐ ﻣﺜﻞ ﺍﻟﻌﺎﺻﻔﺔ ﻓﻬﺬﺍ ﺍﻻﺣﺴﺎﺱ ﺯﺍﺭﻧﻲ ﺑﻠﺤﻈﺔ ﻧﻄﻖ ﻛﻠﻤﺎﺕ ﻋﺎﻣﺮ ﺣﺴﻴﺖ ﺍﻛﻮ ﺷﻲ ﺭﺍﺡ ﻳﻨﺴﺮﻕ ﻣﻨﻲ
ﺣﺴﺎﻡ ﻟﺰﻡ ﻋﺎﻣﺮ ﻣﻦ ﻳﺎﺧﺔ ﺍﻟﻘﻤﻴﺺ
ﺣﺴﺎﻡ - ﺍﺷﻮ ﮔﻤﺖ ﺗﺴﺮﺑﺖ ﺑﺎﻟﺤﺠﻲ ﺷﻨﻮ ﺷﺎﻳﻔﻨﻲ ﮔﺪﺍﻣﺔ ﻣﮕﺮﻥ ﺍﻃﻠﻚ ﻣﺮﺗﻲ ﺣﺘﻰ ﺗﺘﺰﻭﺟﻬﺎ ﺣﻀﺮﺗﻚ ﺷﻨﻮ ﻭﻳﻦ ﮔﺎﻋﺪﻳﻦ
ﻋﺎﻣﺮ ﻭﻫﻮ ﻳﻨﻔﺾ ﺍﻳﺪ ﺣﺴﺎﻡ - ﺍﻱ ﺍﺣﺠﻲ ﺻﺪﻙ ﺍﺷﻮ ﺍﻧﺖ ﻋﺎﻳﺶ ﺣﻴﺎﺗﻚ ﻃﻮﻝ ﺑﻌﺮﺽ ﻭﻛﻞ ﻳﻮﻡ ﻭﺣﺪﺓ ﺑﺤﻀﻨﻚ ﻭﺗﺎﺭﻙ
ﻫﺎﻱ ﺍﻟﻤﮕﺮﻭﺩﺓ ﻣﻌﻠﻜﺔ ﻻﻃﺎﻳﻠﺔ ﺳﻤﺎ ﻭﻻﻃﺎﻳﻠﺔ ﺍﺭﺽ
ﺷﻨﻮ ﻫﺎﻱ ﺍﻻﻧﺎﻧﻴﺔ ﺍﻟﻌﻨﺪﻙ ﺍﻋﺘﻘﻬﺎ ﻳﺎ ﺍﺧﻲ ﺧﻠﻲ ﻏﻴﺮﻙ ﻳﻌﺮﻑ ﻗﻴﻤﺘﻬﺎ ﺍﻛﺜﺮ ﻣﻨﻚ ﺧﻠﻴﻬﺎ ﺗﻌﻴﺶ ﺣﻴﺎﺗﻬﺎ
ﺣﺴﺎﻡ ﻣﺎ ﺍﺗﺤﻤﻞ ﻛﻼﻡ ﻋﺎﻣﺮ
ﺿﺮﺑﺔ ﻭﺍﺧﻮﻩ ﻋﻠﻰ ﻭﺟﻬﺔ ﻭﺩﻓﻌﺔ ﻭﻃﺎﺣﻮ ﺳﻮﻳﺔ ﺑﺎﻟﻜﺎﻉ ﻭﺻﺎﺭ ﺍﻟﻤﻀﺎﺭﺏ ﺑﻴﻨﻬﻢ
ﻭﻋﻠﻲ ﻭﻋﻼﺀ ﮔﻌﺪﻭ ﻳﻔﻜﻮﻫﻢ ﻋﻠﻲ ﺭﺩﻉ ﺣﺴﺎﻡ ﻭﻋﻼﺀ ﻻﺯﻡ ﻋﺎﻣﺮ
ﺣﺴﺎﻡ ﻭﻫﻮ ﻳﺪﻓﻊ ﺑﻌﻠﻲ ﻭﻳﺮﻳﺪ ﻳﻬﺪ ﻋﻠﻰ ﻋﺎﻣﺮ
ﺣﺴﺎﻡ - ﻋﻠﻲ ﻋﻮﻓﻨﻲ ﺭﺣﻤﺔ ﻟﻮﺍﻟﺪﻳﻚ ﺍﺗﺮﻛﻨﻲ ﻋﻠﻴﻪ ﺧﻞ ﺍﺭﺑﻴﻪ
ﻫﺬﺍ ﺍﻟﻌﺎﺭ ﻭﻟﻚ ﺳﺎﻗﻂ ﺣﺎﻁ ﻋﻴﻨﻚ ﻋﻠﻰ ﺯﻭﺟﺘﻲ
ﻋﺎﻣﺮ ﻭﻫﻮ ﻫﻢ ﻳﺪﻓﻊ ﺑﻌﻼﺀ - ﻋﻤﻲ ﺩﺭﻭﺡ ﻫﺎﻱ ﻳﺎﺯﻭﺟﺔ ﺟﺎﻱ ﺗﺤﺠﻲ ﺑﻴﻬﺎ ﻭﺍﻧﺖ ﻣﺎﻣﺸﺘﺮﻳﻬﺎ ﺑﻔﻠﺴﻴﻦ
ﺍﻟﺠﺪ ﻭﺑﺼﻮﺕ ﻋﺎﻟﻲ ﻭﻳﻀﺮﺏ ﺍﻟﻌﺼﺎ ﺑﺎﻟﮕﺎﻉ
- ﺣﺴﺎﺍﺍﺍﺍﺍﻡ ﻋﺎﺍﺍﺍﺍﺍﺍﺍﻣﺮ ﺍﺷﻮ ﺍﻧﺘﻮ ﻣﺎ ﺗﺤﺸﻤﻮﻥ ﺍﻻﻛﺒﺮ ﻣﻨﻜﻢ
ﺣﺴﺎﻡ ﻭﻫﻮ ﻳﺘﻨﻔﺲ ﺑﻐﻀﺐ ﻭﺷﻌﺮﺓ ﻣﻨﻔﻮﺵ
ﻭﻋﺎﻣﺮ ﻧﻔﺲ ﺍﻟﺤﺎﻟﺔ
ﺣﺴﺎﻡ - ﻣﺤﺸﻮﻡ ﺟﺪﻱ ﺑﺲ ﻣﺎ ﺍﺗﺤﻤﻠﺖ ﺍﺳﻤﻌﺔ ﺷﻠﻮﻥ ﻳﻤﺴﻠﺖ ﻭﺍﺳﻜﺖ
ﻋﺎﻣﺮ - ﺍﺳﻒ ﺟﺪﻱ ﺑﺲ ﺍﻧﻲ ﻣﺎﺣﺠﻴﺖ ﺷﻲ ﻏﻠﻂ ﻛﺎﻥ ﻛﻼﻣﻲ ﻛﻠﺔ ﺻﺤﻴﺢ
ﺍﻟﺠﺪ - ﺷﻮﻑ ﺑﻮﻳﺔ ﺍﻧﺖ ﺟﺒﻴﺮ ﻣﻮ ﺻﻐﻴﺮ ﺍﻟﻜﻼﻡ ﺍﻟﻲ ﺻﺎﺭ ﻫﻨﺎ ﻣﺎ ﺍﺭﻳﺪﺓ ﻳﻄﻠﻊ ﺑﺮﺓ ﻏﺮﻓﺔ ﺍﻻﺳﺘﻘﺒﺎﻝ ﺳﺎﻣﻊ
ﺑﻮﻳﺔ ﺍﻟﺒﻨﻴﺔ ﻣﺮﺕ ﺍﺧﻮﻙ ﻭﻣﺎﻳﺠﻮﺯ ﺍﻧﺖ ﺗﺎﺧﺬﻫﺎ ﺣﺘﻰ ﻟﻮ ﻫﻮ ﻃﻠﮕﻬﺎ ﻭﺍﺣﻨﺎ ﻧﺎﺱ ﻣﻌﺮﻭﻓﻴﻦ ﻭﻋﻠﻴﻨﺎ ﺍﻟﻌﺘﺐ ﻋﻴﺐ ﺗﻄﻠﻊ ﻣﻦ ﻋﻨﺪﻧﺎ ﻫﻴﺞ ﺳﺎﻟﻔﺔ
ﻋﺎﻣﺮ ﻭﻫﻮ ﻣﻘﻬﻮﺭ ﻋﺎﻓﻬﻢ ﻭﻃﻠﻊ ﺑﺮﺓ ﺍﻟﺒﻴﺖ
ﺷﻮﻳﺔ ﻭﺳﻤﻌﻮ ﺑﺎﺏ ﺍﻻﺳﻘﺒﺎﻝ ﻳﻨﺪﻙ
ﻭﺩﺧﻠﺖ ﻋﻠﻴﻬﻢ ﻓﺮﺡ ﻭﻋﻠﻰ ﻭﺟﻪ ﺍﻟﺘﺴﺎﺋﻞ ﻟﻴﺶ ﺩﺯﻭ ﻋﻠﻴﻬﺎ
ﺍﻟﺠﺪ - ﺗﻌﺎﻱ ﺑﻨﺘﻲ ﻓﻮﺗﻲ ﺩﺧﻠﻲ ﺟﻮﺓ ﺍﺭﻳﺪﺝ ﺑﻜﻠﻤﺔ
ﻓﺮﺡ - ﻧﻌﻢ ﺗﻔﻀﻞ ﺍﺳﻤﻌﻚ
ﺍﻟﺠﺪ - ﺑﻮﻳﺔ ﺣﻀﺮﻱ ﺭﻭﺣﺞ ﺍﻻﺳﺒﻮﻉ ﺍﻟﺠﺎﻱ ﻋﺮﺳﻜﻢ ﺍﻧﺘﻲ ﻭﺣﺴﺎﻡ
ﻓﺮﺡ ﺑﻔﺰﻉ - ﻟﻴﺶ ﺟﺪﻱ ﺍﻧﻲ ﻣﺎﺳﻮﻳﺖ ﺷﻲ ﻫﻠﻤﺮﺓ ﺣﺘﻰ ﺗﺘﺨﻠﺺ ﻣﻨﻲ ﻭﺗﺰﻭﺟﻨﻲ ﺷﻨﻮ ﺑﺪﺭ ﻣﻨﻲ
ﺣﺴﺎﻡ ﻣﻦ ﺣﺠﺔ ﺟﺪﻱ ﻫﺬﺍ ﺍﻟﻜﻼﻡ ﺍﺣﺲ ﻣﺎﻱ ﺑﺎﺭﺩ ﻧﺰﻝ ﻋﻠﻰ ﮔﻠﺒﻲ ﻣﺎ ﺍﻋﺮﻑ ﻟﻴﺶ ﻣﻊ ﺍﻟﻌﻠﻢ ﺍﻧﻲ ﻣﺎﺟﺎﻱ ﺍﺗﺨﻴﻠﻬﺎ ﻣﺮﺓ ﻭﺗﻨﺎﻡ ﺑﺤﻀﻨﻲ ﺑﺲ ﻣﺎ ﺍﺩﺭﻱ ﺍﺭﻳﺪﻫﺎ ﺗﺼﻴﺮ ﻣﻠﻜﻲ ﺣﺘﻰ ﻣﺤﺪ ﻳﺸﻮﻓﻬﺎ ﻭﻳﺨﻄﺒﻬﺎ
)) ﺷﻨﻮ ﺣﺴﺎﻡ ﺗﻀﺤﻚ ﻋﻠﻰ ﻣﻨﻮ ﺗﺮﺓ ﺍﻟﻜﺘﺎﺏ ﻭﺍﺿﺢ ﻣﻦ ﻋﻨﻮﺍﻧﺔ ((
↙️
ﻓﺮﺡ ﺍﻟﻴﻮﻡ ﺭﺍﺡ ﺗﺠﻲ ﻋﻤﺔ ﺭﺳﻤﻴﺔ ﺗﺎﺧﺬﻧﻲ ﺣﺘﻰ ﺍﺷﺘﺮﻱ
ﻣﻼﺑﺲ ﻭﺍﺟﻬﺰ ﻧﻔﺴﻲ
ﻭﻃﺒﻌﺎ ﺍﻟﻴﻮﻡ ﻣﻬﺮ ﺳﻠﻮﻯ ﻭﻣﻦ ﺧﻼﻝ ﻣﺮﺍﻗﺒﺘﻲ ﻟﻌﻤﺔ ﺭﺳﻤﻴﺔ ﻣﺒﻴﻨﺔ ﺣﺒﺎﺑﺔ ﻻﻥ ﺑﺲ ﺗﻀﺤﻚ ﻭﺗﺘﺸﺎﻗﺔ ﻭﻳﺎﻱ ﻭﺳﺒﻮﺭﺕ ﻛﻠﺶ ﻭﺍﺗﺼﻠﺖ ﻋﻠﻴﺔ ﺭﺷﺎ
ﻭﻛﺎﻧﺖ ﻣﺘﻔﺎﺟﺌﺔ ﺑﺎﻟﻲ ﺳﻤﻌﺘﺔ ﻋﻦ ﺧﺒﺮ ﺯﻭﺍﺟﻲ ﺍﻻﺳﺒﻮﻉ ﺍﻟﺠﺎﻱ
ﺑﺲ ﺍﻧﻲ ﻣﺎ ﻗﺎﻫﺮﻧﻲ ﻏﻴﺮ ﺣﺴﺎﻡ ﺍﻟﻲ ﻣﺒﻴﻦ ﻋﻠﻴﻪ ﻣﺘﻮﻧﺲ ﻋﻠﻰ ﺍﻟﺴﺎﻟﻔﺔ
)) ﺑﻴﻨﻲ ﻭﺑﻴﻨﻜﻢ ﺍﻟﺤﺠﻲ ﺑﺲ ﻣﻮ ﺗﺤﺠﻮﻥ ﺍﻧﻲ ﺍﺣﺲ ﮔﻠﺒﻲ ﻣﻦ ﺍﻟﻔﺮﺣﺔ ﻳﺮﻳﺪ ﻳﻄﻴﺮ ﻃﺒﻌﺎ ﻣﺎ ﺭﺍﺡ ﺍﻧﻜﺮ ﻭﺍﮔﻮﻝ ﺍﻥ ﺍﻧﻲ ﻣﺜﻠﻲ ﻣﺜﻞ ﻛﺄﻱ ﺑﻨﻴﺔ ﺗﻜﻮﻥ ﻣﺮﺗﺒﻜﺔ ﻭﻣﺘﺨﻮﻓﺔ ﺑﺲ ﻓﺮﺣﺎﻧﺔ ﺑﻨﻔﺲ ﺍﻟﻮﻛﺖ ﻻﻥ ﺍﻟﻤﺜﻞ ﺣﺎﻟﺘﻲ ﻻ ﻃﺎﻟﻌﺔ ﻭﻻ ﻣﺎﺷﻴﺔ ﻭﻻ ﺍﻟﺘﻘﻲ ﺑﺎﻱ ﺷﺨﺺ ﻭﺻﺎﺭﺕ ﺍﻟﻈﺮﻑ ﻭﺩﺧﻠﺖ ﺣﺴﺎﻡ ﻟﺤﻴﺎﺗﻲ ﻳﻌﻨﻲ ﺍﺻﺒﺢ ﻋﺎﻟﻤﻲ ﻣﺤﺼﻮﺭ ﺍﻣﺎﻡ ﻫﺬﺍ ﺍﻟﺸﺨﺺ ﻭﻫﺬﺍ ﺍﻟﺸﺨﺺ ﻣﺎﻗﺎﺻﺮ ﻣﻦ ﺣﻴﺚ ﺍﻟﻤﻮﺍﺻﻔﺎﺕ ﺍﻟﺮﺟﻮﻟﻴﺔ ﻣﺎ ﺍﻛﻮﻝ ﺍﻥ ﻫﻮ ﺟﻤﻴﻞ ﻭﺟﻤﺎﻟﻪ ﺟﻤﺎﻝ ﻣﻤﺜﻠﻴﻦ
ﺑﺲ ﺣﻠﻮ ﺍﺳﻤﺮﺍﻧﻲ ﻣﻤﻠﻮﺡ ﻟﻜﻦ ﺍﻟﻲ ﺣﺒﺒﻨﻲ ﺍﻟﺔ ﺍﻛﺜﺮ ﺷﺨﺼﻴﺘﺔ ((
ﺭﺷﺎ - ﺣﺒﻴﺒﺘﻲ ﻓﺮﻭﺡ ﺣﺴﺎﻡ ﺭﺍﺡ ﻳﺠﻴﺒﻨﻲ ﻋﻨﺪﺝ ﻛﺎﻝ ﺷﻮﻓﻲ ﻓﺮﺡ ﺷﻨﻮ ﺗﺤﺘﺎﺝ ﺳﺎﻋﺪﻳﻬﺎ ﺣﺘﻰ ﺗﺠﻬﺰ ﻧﻔﺴﻬﺎ
ﻓﺮﺡ - ﻭﺍﻟﻠﻪ ﺍﺟﻴﺘﻲ ﺑﻮﻛﺘﺞ ﺣﺘﻰ ﺗﺠﻴﻦ ﻭﻳﺎﻱ ﻻﻥ ﻋﻤﺔ ﺭﺳﻤﻴﺔ ﺭﺍﺡ ﺗﺎﺧﺬﻧﻲ ﺣﺘﻰ ﺗﻜﻤﻞ ﺍﺣﺘﻴﺎﺟﺎﺗﻲ
ﺭﺷﺎ - ﻟﻌﺪ ﻫﺎﻱ ﻫﻲ ﺍﻧﺘﻈﺮﻭﻧﻲ
ﻓﺮﺡ ﻃﻠﻌﻨﺎ ﻟﻠﺴﻮﻙ ﺟﻨﺖ ﻻﺑﺴﺔ ﻋﺒﺎﻳﺖ ﺭﺍﺱ ﺍﺑﺎﻭﻉ ﻟﺤﺴﺎﻡ ﺷﻠﻮﻥ ﻳﺒﺎﻭﻉ ﻋﻠﻰ ﺷﻜﻠﻲ ﻋﺒﺎﻟﻚ ﻣﺮﺓ ﻋﺠﻮﺯ
ﺍﻧﻲ ﺟﻨﺖ ﺑﻐﻴﺮ ﻋﺎﻟﻢ ﺍﺑﺎﻭﻉ ﻟﻠﺸﻮﺍﺭﻉ ﻭﺍﻟﻨﺎﺱ ﺍﺥ ﺍﻟﻠﻪ ﻋﺒﺎﻟﻚ ﺟﻨﺖ ﺑﺴﺠﻦ ﻧﺰﻟﻨﺎ ﻟﻠﻤﻮﻝ ﺍﻟﻲ ﺍﺧﺘﺎﺭﺗﺔ ﺭﺷﺎ ﻛﺎﻟﺖ ﺭﺍﺡ ﻧﻜﺪﺭ ﻧﻜﻤﻞ ﺍﺣﺘﻴﺎﺟﺎﺗﻨﺎ ﻣﻦ ﻫﺬﺍ ﺍﻟﻤﻮﻝ
ﺍﺑﺎﻭﻉ ﻋﻠﻰ ﺍﻟﺒﻨﺎﺕ ﻭﻣﻼﺑﺴﻬﻢ ﻭﺷﻌﺮﻫﻢ ﻭﺣﺪﺗﻬﻢ ﻋﺒﺎﻟﻚ ﻃﺎﻟﻌﺔ ﻣﻦ ﺍﻟﻤﺠﻼﺕ ﻏﻴﺮ ﺍﻧﺎﻗﺔ ﻭﻟﺒﺲ ﻋﻠﻰ ﺍﻻﻗﻞ ﺑﻨﺎﺕ ﻋﻤﻲ ﻟﺒﺴﻬﻢ ﻣﺴﺘﻮﺭ ﻭﻫﺎﻱ ﺍﻻﺣﺬﻳﺔ ﺍﻟﻌﺎﻟﻴﺔ ﺷﻠﻮﻥ ﻳﻜﺪﺭﻥ ﻳﻤﺸﻮﻥ ﺑﻴﻬﺎ
ﻭﺍﺑﺎﻭﻉ ﻋﻠﻴﻬﻦ ﺷﻠﻮﻥ ﺍﻛﻠﻦ ﺣﺴﺎﻡ ﺑﻨﻈﺮﺍﺕ ﻋﻴﻮﻧﻬﻦ ﻋﻤﺔ ﺣﺘﻰ ﻋﻤﺔ ﻋﺰﺓ ﻫﺎﻱ ﺷﻨﻮ ﻫﺬﻭﻟﻲ ﺍﻓﺎﺕ ﻭﻫﺬﺍ ﺍﻻﺥ ﻣﺘﻮﻧﺲ ﻋﻠﻴﻬﻦ ﻳﺒﻮﻱ ﻭﺍﻟﻠﻪ ﺿﻌﺖ ﺑﻴﻨﻬﻢ ﻫﺬﺍ ﺍﻟﻈﺎﻫﺮ ﺷﺎﻳﻒ ﻭﻋﺎﻳﻒ
ﺑﺎﻟﻠﻪ ﺍﻧﻲ ﺑﻴﺶ ﺍﻟﺤﮕﺔ ﺣﺘﻰ ﺍﺩﻭﺭ ﻋﻘﻠﺔ ﻭﺍﺧﻠﻲ ﻳﺒﺎﻭﻉ ﻋﻠﻴﺔ ﻭﻳﺘﻌﻠﻖ ﺑﻴﺔ
ﺧﺎﺏ ﻣﺎ ﺍﻃﻴﺮ ﺍﺣﺴﻦ ﻟﻲ
ﺍﻫﻮﻭﻭﻭ ﻟﻮ ﺍﺩﺭﻱ ﻣﺎﻃﺎﻟﻌﺔ ﻭﺷﺎﻳﻔﺔ ﻫﺎﻱ ﺍﻟﺸﻜﻮﻻﺕ ﺟﺎﻥ ﻋﻨﺪﻱ ﺍﻣﻞ ﺑﻨﻔﺴﻲ ﺑﺲ ﻣﻦ ﺷﻔﺖ ﻫﺬﻧﻲ ﺍﻳﺴﺖ ﻭﺍﻟﻠﻪ
ﺣﺴﺎﻡ - ﺍﻧﺔ ﺭﺍﻳﺢ ﻭﺍﻧﺘﻮ ﺍﺧﺬﻭ ﺭﺍﺣﺘﻜﻢ ﻋﻨﺪﻱ ﺷﻐﻞ
ﻣﻦ ﺗﺨﻠﺼﻮﻥ ﺍﺫﺍ ﻓﺎﺭﻍ ﺍﺟﻲ ﺍﻣﺮ ﻋﻠﻴﻜﻢ ﺍﺭﺟﻌﻜﻢ ﻭﺍﺫﺍ ﻣﺎ ﻓﺎﺭﻍ ﺍﺩﺯ ﻭﺍﺣﺪ ﻣﻦ ﺍﻟﻮﻟﺪ ﻳﺠﻴﺒﻜﻢ
ﺣﺴﺎﻡ
ﺍﻟﻮ ﻫَـﺎ ﻫﺎﻟﺔ ﺷﻜﻮ ﻣﺘﺼﻠﺔ
ﻫﺎﻟﺔ - ﺣﺒﻴﺒﻲ ﻫﺬﻭﻟﻲ ﻣﻨﻮ ﺍﻟﻲ ﻭﻳﺎﻙ ﺑﺎﻟﻤﻮﻝ
ﺣﺴﺎﻡ - ﻭﺍﻧﺖ ﺷﻜﻮ ﺗﺴﺌﻠﻴﻦ
ﻫﺎﻟﺔ - ﺣﺒﻴﺒﻲ ﻻﺗﺼﻴﺮ ﺧﺒﻴﺚ ﻭﺗﺤﺮﻙ ﮔﻠﺒﻲ ﻋﻠﻴﻚ ﺍﻟﻠﻪ ﮔﻮﻝ
ﺣﺴﺎﻡ - ﺍﻫﻮﻭ ﺗﺮﺓ ﻣﺎ ﺍﺣﺐ ﺍﻟﻮﺣﺪﺓ ﺗﺘﺴﺌﻞ ﻫﻮﺍﻱ
ﻳﺎﻟﻠﻪ ﺷﻮ ﺣﻀﺮﻳﻠﻲ ﻧﻔﺴﺞ ﺍﻧﻲ ﺟﺎﻱ ﺑﺎﻟﻄﺮﻳﻖ ﻣﺤﺘﺎﺝ ﺣﻀﻨﻚ ﻳﺎﺣﻠﻮ
ﻫﺎﻟﺔ ﻭﺑﻔﺮﺣﺔ - ﺻﺎﺭ ﺣﺒﻴﺒﻲ ﺗﺪﻟﻞ ﻣﻦ ﻋﻴﻮﻧﻲ
ﻓﺮﺡ ﻳﻤﺔ ﻃﺎﺡ ﺣﻈﻨﺎ ﻣﻦ ﺍﻟﻤﺸﺘﺮﺓ
ﺭﺷﺎ ﻭﻫﻲ ﺗﻀﺤﻚ ﻋﻠﻰ ﻓﺮﺡ - ﻭﻟﺞ ﻫﺬﺍ ﺑﺲ ﺟﺰﺀ ﺑﺴﻴﻂ
ﻣﻦ ﺍﻟﺘﺠﻬﻴﺰ
ﻓﺮﺡ ﻭﻫﻲ ﻣﺘﻌﺠﺔ - ﻻ ﻳﻤﺔ ﻫﺎﻱ ﺍﻟﻐﺮﺍﺽ ﻛﻠﻬﺎ ﻭﺗﻜﻮﻟﻴﻦ ﺟﺰﺀ ﺑﺴﻴﻂ ﻭﻟﺞ ﻫﺬﻧﻲ ﺍﺣﺲ ﺑﻴﻬﻢ ﺭﺍﺡ ﻳﻜﻔﻮﻧﻲ ﺑﻌﺪ ﻣﻴﺖ ﺳﻨﺔ ﺷﺮﺍﺡ ﻳﻠﺒﺴﻬﻢ ﺍﻟﻲ ﻫﺬﻭﻟﻲ ﻛﻠﻬﻢ
ﺭﺳﻤﻴﺔ - ﻻﻋﻴﻨﻲ ﺩﺍﺩﺍ ﻓﺮﺡ ﺷﻨﻮ ﻫﺎﻱ ﺗﺮﺓ ﺑﻌﺪﻧﺎ ﻣﻤﺨﻠﺼﻴﻦ ﺷﻲ ﻟﺞ ﻋﻴﻨﻲ ﻭﺭﺍﻧﺔ ﺑﻌﺪ ﻛﻮﻣﺔ ﺍﺷﻴﺎﺀ ﻭﺑﻌﺪ ﺍﻟﺤﻼﻗﺔ ﻻﺯﻡ ﻫﺴﺔ ﻧﺮﻭﺡ ﻳﺎﻟﻠﻪ ﻋﺠﻠﻮ ﺣﺘﻰ ﻧﺨﻠﺺ ﻣﻦ ﻭﻛﺖ ﻭﻧﻠﺤﻚ ﻋﻠﻰ ﺍﻟﺤﻔﻠﺔ
ﺭﺷﺎ - ﻳﺎﻟﻠﻪ ﻭﻫﻤﺰﻳﻦ ﺍﺷﺘﺮﻳﻨﺎ ﻓﺴﺘﺎﻥ ﻟﻠﺤﻔﻠﺔ ﺣﺘﻰ ﻓﺪ ﻧﻮﺏ ﻟﺤﻔﻠﺔ ﻣﻬﺮ ﺍﺧﺘﺞ ﺍﻟﻴﻮﻡ
ﻭ ﺧﻞ ﺍﺗﺼﻞ ﻋﻠﻰ ﻋﻼﺀ ﻳﺠﻴﺐ ﻟﻲ ﺍﻟﻔﺴﺘﺎﻥ ﻣﺎﻟﺘﻲ ﻟﻠﺼﺎﻟﻮﻥ
↙️
ﺣﺴﺎﻡ
ﮔﺎﻡ ﻣﻦ ﺍﻟﺴﺮﻳﺮ
ﻭﻫﻮ ﻳﺪﻛﻢ ﺑﻘﻤﻴﺼﺔ - ﺍﻟﻮ ﻫَـﺎ ﺭﺷﺎ ﺧﻠﺼﺘﻮ
ﺭﺷﺎ - ﻻ ﺣﺴﺎﻡ ﻣﺨﻠﺼﻨﺎ ﺭﺣﻨﺎ ﻟﻠﺤﻼﻗﺔ ﻣﻦ ﻧﺨﻠﺺ ﻧﺘﺼﻞ ﻋﻠﻴﻚ ﺗﺠﻲ ﺗﺎﺧﺬﻧﺎ
ﺣﺴﺎﻡ ﻭﻫﻮ ﻳﺒﺎﻭﻉ ﻋﻠﻰ ﻫﺎﻟﺔ ﺍﻟﻲ ﻧﺎﻳﻤﺔ ﻋﻠﻰ ﺍﻟﺴﺮﻳﺮ ﻣﻨﺘﻈﺮﺗﺔ
- ﺷﻮﻓﻲ ﻣﻦ ﺗﺨﻠﺼﻮﻥ ﺍﺗﺼﻠﻲ ﻋﻠﻰ ﻋﻼﺀ ﺧﻞ ﻳﺠﻴﻜﻢ
ﻭﺍﺑﺘﺴﻢ ﻟﻬﺎﻟﺔ ﻭﻛﻤﻞ
- ﻻﻥ ﻋﻨﺪﻱ ﺷﻐﻞ ﻛﻠﺶ ﻣﻬﻢ ﻻﺯﻡ ﺍﺧﻠﺼﺔ ﺑﻌﺪﻳﻦ ﺍﺷﻮﻓﻜﻢ ﻫﻨﺎﻙ ﺑﺎﻟﺤﻔﻠﺔ
ﻫﺎﻟﺔ ﺑﺒﺘﺴﺎﻣﺔ ﺷﺮﻳﺮﺓ ﻭﺗﻔﺘﺢ ﺍﻳﺪﻳﻪ ﻟﺤﺴﺎﻡ
ﺣﺴﺎﻡ - ﻳﺎﻟﻠﻪ ﺑَـــﺎﻱ ﺭﺍﻳﺢ ﺑﻌﺪ ﻣﺎ ﺍﻟﺤﻚ
ﺭﺷﺎ - ﺍﻟﻠﻪ ﻭﻳﺎﻙ
ﺣﺴﺎﻡ ﻭﻫﻮ ﻳﻐﻠﻖ ﺍﻟﻨﻘﺎﻝ ﻭﻳﻘﺘﺮﺏ ﻋﻠﻰ ﻫﺎﻟﺔ
ﺗﻌﺎﻱ ﻭﻟﺞ ﻭﻳﻦ ﺗﺮﺣﻴﻦ ﺍﻟﻴﻮﻡ ﺍﻛﻠﺞ
ﻓﺮﺡ
ﻃﺒﻌﺎ ﻣﻦ ﺭﺩﺕ ﺍﻃﻠﻊ ﺍﻟﻴﻮﻡ ﺍﻟﺼﺒﺢ ﻟﻠﻤﻮﻝ ﻭﻳﺔ ﻋﻤﺔ ﺭﺳﻤﻴﺔ
ﺩﺧﻠﺖ ﻋﻠﻰ ﺳﻠﻮﻯ ﻭﺷﻔﺘﻬﺎ ﺷﻠﻮﻥ ﻣﺨﺒﻮﺻﺔ ﺑﺒﺪﻟﺘﻬﺎ ﻭﺍﻟﺒﻨﺎﺕ ﺟﺎﻳﺒﺎﺕ ﺍﻟﻬﺔ ﺍﻟﺤﻼﻗﺔ ﻟﻠﺒﻴﺖ ﻫﻲ ﺗﺴﻮﻳﻠﻬﺎ ﺷﻌﺮﻫﺎ ﻭﺗﻜﻤﻠﻬﺎ
ﻭﺷﻔﺖ ﺳﺮﻭﺭ ﻣﺤﻀﺮﺓ ﻧﻔﺴﻬﺎ ﻭﺑﺪﻟﺘﻬﺎ ﻭﻛﺎﻟﺖ ﺳﻠﻮﻯ ﻻﻳﻈﻞ ﺑﺎﻟﺞ ﻋﻠﻴﻬﺎ ﺍﻧﻲ ﺍﺧﻠﻲ ﺍﻟﺤﻼﻗﺔ ﺗﺮﺗﺒﻬﺎ
ﻓﺮﺡ ﻭﻫﻲ ﺗﺤﻀﻦ ﺍﺧﺘﻬﺎ - ﺳﻠﻮﻯ ﺣﺒﻴﺒﺘﻲ ﺍﻟﻠﻪ ﻳﻤﻬﺪﺝ ﻭﻳﻬﻨﻴﺞ
ﺳﻠﻮﻯ - ﻣﺸﻜﻮﺭﺓ ﻳﺎﻟﻌﺰﻳﺰﺓ ﺗﺮﺓ ﻣﻮ ﻣﺎﺗﺠﻴﻦ ﻟﻠﺤﻔﻠﺔ ﻭﻣﺎﻋﻠﻴﺞ ﺑﺤﺠﻲ ﻧﺴﺮﻳﻦ ﻭﺑﻜﻼﻣﻲ ﺑﺬﺍﻙ ﺍﻟﻴﻮﻡ ﻭﺍﻟﻠﻪ ﺍﺣﺲ ﺑﺮﻭﺣﻲ ﺟﻨﺖ ﺛﻮﻟﺔ ﻣﻦ ﻗﻬﺮﺗﺞ ﺑﻜﻼﻣﻲ
ﻓﺮﺡ
ﺍﻋﺮﻑ ﺍﺧﺘﻲ ﺳﻠﻮﻯ ﺷﺨﺼﻴﺘﻬﺔ ﺿﻌﻴﻔﺔ ﻭﺑﺴﺮﻋﺔ ﺗﺘﺄﺛﺮ ﺑﺎﻟﻜﻼﻡ ﻭﻛﺎﻧﺖ ﻧﺴﺮﻳﻦ ﺗﺤﺶ ﺑﺮﺍﺳﻬﺎ ﻋﻠﻴﺔ ﻓﻬﻲ ﻣﻌﺬﻭﺭﺓ
ﻓﺮﺡ - ﺩﺭﻭﺣﻲ ﺍﺻﻼ ﻭﺍﻟﻠﻪ ﻧﺎﺳﻴﺔ ﻛﻼﻣﻜﻢ ﻭﻻ ﺍﺗﺬﻛﺮ ﺷﻲ ﻣﻨﺔ ﻭﺍﺷﺤﺪﺝ ﻣﺎﺗﺨﻠﻴﻨﻲ ﺍﺟﻲ ﻫﻮ ﺑﻜﻴﻔﺞ ﺍﺟﻲ ﻭﺍﺭﻛﺺ ﻭﺍﻫﻮﺱ ﻭﺍﻛﻄﻊ ﺍﻟﺴﻴﺮ ﻭﺍﺷﻮﻑ ﻣﻨﻮ ﻳﺤﺠﻲ
ﺳﻠﻮﻯ ﻭﺑﻀﺤﻜﺔ - ﻓﺪﻳﺖ ﺟﻌﻔﻮﺭﻱ ﺷﻠﻮﻥ ﺣﻤﺶ ﻣﻦ ﻳﺮﻳﺪ ﻳﻔﺮﺡ
ﺗﺮﺟﻊ ﻟﻠﻮﻗﺖ ﺍﻟﺤﺎﺿﺮ ﻋﻠﻰ ﺻﻮﺕ ﺭﺷﺎ ﻭﻫﻲ ﺗﺼﻴﺢ
ﺭﺷﺎ - ﻭﺍﺍﺍﺍﺍﻭ ﻓﺪﺷﻲ ﻣﻮﻃﺒﻴﻌﻲ ﺷﻨﻮ ﻫﺬﺍ ﺍﻟﺘﻐﻴﻴﺮ
ﺍﻟﺘﻔﺘﺖ ﻟﻠﺤﻼﻗﺔ - ﺍﻛﻮﻝ ﺍﺣﺴﻨﻠﺞ ﺗﻄﻠﻌﻴﻦ ﺟﻌﻔﺮ ﺍﺑﻦ ﻋﻤﻲ ﻫﺴﺔ ﺑﺴﺮﻋﺔ ﻳﺎﻟﻠﻪ ﻛﻮﻟﻲ ﻭﻳﻦ ﺿﻤﻴﺘﻴﻪ
ﺍﻟﺤﻼﻗﺔ ﻭﻫﻲ ﻣﻔﺘﺨﺮﺓ ﺑﺎﻧﺠﺎﺯﻫﺎ ﺍﻟﻲ ﺳﻮﺗﺔ ﺑﻔﺮﺡ
ﻓﺮﺡ ﻭﻫﻲ ﺗﻨﻈﺮ ﻟﻨﻔﺴﻬﺔ ﺑﺎﻟﻤﺮﺍﻳﺎ ﻭﻛﻠﺴﺎﻋﺔ ﺗﺮﻣﺶ
- ﻫﺎﻱ ﺷﻨﻮ ﻣﻌﻘﻮﻟﺔ ﺍﻧﻲ ﻣﺪﺍﺻﺪﻙ ﺑﺎﻟﻠﻪ ﺷﻮ ﻛﺮﺻﻴﻨﻲ ﺧﻞ ﺍﺷﻮﻑ ﻧﻔﺴﻲ ﺍﻧﻲ ﺑﺤﻠﻢ ﻟﻮ ﺣﻘﻴﻘﺔ
ﺭﺳﻤﻴﺔ - ﻟﺞ ﻋﻴﻨﻲ ﻣﺎﺷﺎﺀ ﺍﻟﻠﻪ ﻋﻠﻴﺞ ﻃﺎﻟﻌﺔ ﺗﺠﻨﻨﻴﻦ
ﻭﺍﻟﻔﺴﺘﺎﻥ ﻃﺎﻟﻊ ﻋﻠﻴﺞ ﺭﻭﻋﺔ ﺍﻟﻒ ﻋﺎﻓﻴﺔ ﺣﺒﻴﺒﺘﻲ ﻳﻮﻡ ﻟﻔﺴﺘﺎﻥ ﺍﻟﻌﺮﺱ
ﻓﺮﺡ - ﺍﺷﻜﺮﺝ ﻋﻤﺔ
ﺍﺗﺼﻠﺖ ﺭﺷﺎ ﻋﻠﻰ ﻋﻼﺀ
ﻭﺍﺟﺔ ﻋﻠﻴﻨﺎ ﺑﺎﻟﺴﻴﺎﺭﺓ ﻭﺍﺳﺘﻐﺮﺑﺖ ﻟﻴﺶ ﻣﺎ ﺍﺟﺔ ﺣﺴﺎﻡ
ﺭﺷﺎ - ﺣﺴﺎﻡ ﻋﻨﺪ ﺷﻐﻞ ﻣﻬﻢ ﻓﻤﺎ ﻳﻜﺪﺭ ﻳﺠﻲ ﻋﻠﻴﻨﺎ ﻳﺎﺧﺬﻧﺎ
ﻓﺮﺡ
ﻭﺻﻠﻨﺎ ﻟﺒﻴﺖ ﺟﺪﻭ ﻭﺭﺣﺖ ﺻﻌﺪﺕ ﻓﻮﻙ ﻟﻌﻨﺪ ﺍﻟﺒﻨﺎﺕ ﻭﻧﺰﻋﺖ ﺍﻟﻜﺎﺏ ﺍﻟﻲ ﺟﻨﺖ ﻻﺑﺴﺘﺔ ﻓﻮﻙ ﺍﻟﻔﺴﺘﺎﻥ ﻭﺍﻟﺒﻨﺎﺕ ﻣﻠﻬﻢ ﺑﺼﻮﺕ ﻭﺍﺣﺪ
ﻭﺍﺍﺍﺍﺍﺍﻭ ﺷﻄﺎﻟﻌﺔ ﻭﻟﺞ ﺭﻭﻋﺔ
ﺳﻠﻮﻯ - ﻭﻟﺞ ﻛﺴﺮﺗﻲ ﻋﻠﻴﺔ ﻭﻫﺴﺔ ﺣﺴﺒﺎﻟﻬﻢ ﺍﻧﺘﻲ ﺍﻟﻌﺮﻭﺳﺔ ﻣﻮ ﺍﻧﻲ
ﻓﺮﺡ - ﺍﺷﻜﺮﻛﻢ ﺑﻨﺎﺕ ﺑﺲ ﺳﻠﻮﻯ ﺍﻧﺘﻲ ﻣﺎﻗﺎﺻﺮﺓ ﻛﻠﺶ ﺣﻠﻮﺓ ﻃﺎﻟﻌﺔ ﻭﺩﺭﺕ ﻋﻠﻰ ﺳﺮﻭﺭ ﺷﻔﺘﻬﺎ ﻻﺑﺴﺔ ﻓﺴﺘﺎﻥ ﻗﺼﻴﺮ ﻧﻔﺶ ﻳﺠﻨﻦ ﺑﻨﺎﺗﻲ ﻋﻤﺮ ١٤ﺳﻨﺔ
ﺍﺑﺎﻭﻉ ﻋﻠﻴﻬﺎ ﺻﻠﻮﺍﺕ ﻋﻠﻰ ﻣﺤﻤﺪ ﻫﺎﻱ ﺷﻮﻛﺖ ﻛﺒﺮﺕ ﻳﺎﺑﻌﺪ ﻋﻤﺮﻱ
ﺭﺣﺖ ﺳﻤﻌﺖ ﺻﻮﺕ ﺑﻴﺒﻲ ﺗﺼﻴﺢ ﻋﻠﻰ ﺍﻟﺒﻨﺎﺕ ﻭﺣﺴﻴﺖ ﺑﺎﻟﺬﻧﺐ ﺧﻄﻴﺔ ﺍﻟﻴﻮﻡ ﻛﻠﺔ ﺗﺎﺭﻛﺘﻬﺎ ﻟﻮﺣﺪﺓ ﻭﻣﺎﺷﻔﺘﻬﺎ ﺷﻤﺤﺘﺎﺟﺔ
ﺭﺣﺖ ﻧﺰﻟﺖ ﻋﻠﻴﻬﺎ ﻭﺍﺩﺭﻱ ﻣﺤﺪ ﺑﺎﻟﺒﻴﺖ ﻻﻥ ﺍﻟﻮﻟﺪ ﻳﻌﺮﻓﻮﻥ ﺍﻟﺒﻨﺎﺕ ﻛﻠﻬﻢ ﻫﻨﺎ ﻭﻣﺎﺧﺬﺍﺕ ﺭﺍﺣﺘﻬﻢ
ﺭﺣﺖ ﻟﺒﻴﺒﻲ ﻭﺟﻨﺖ ﻻﺑﺴﺔ ﻓﺴﺘﺎﻥ ﻃﻮﻳﻞ ﻗﺎﻟﺐ ﻳﺼﻴﺮ ﺣﺼﺮ ﻋﻠﻰ ﺍﻟﺠﺴﻢ ﺑﺤﻴﺚ ﻻﻭﻝ ﻣﺮﺓ ﺍﻧﺘﺒﻪ ﻋﻠﻰ ﺗﻘﺎﺳﻴﻢ ﺟﺴﻤﻲ ﺣﻠﻮﺓ ﻭﻣﻤﺘﻠﺌﺔ ﺑﺎﻻﻣﺎﻛﻦ ﺍﻟﺼﺤﻴﺤﺔ ﻭﺻﺎﺣﺒﺔ ﺧﺼﺮ ﻣﻤﻴﺰ
ﺩﺧﻠﺖ ﻋﻠﻰ ﺑﻴﺒﻲ
- ﻣﺎﺷﺎﺀ ﺍﻟﻠﻪ ﻳﻤﺔ ﻓﺮﻭﺣﺔ ﻃﺎﻟﻌﺔ ﺣﻠﻮﺓ ﺗﻌﺎﻱ ﻳﻤﺔ ﻋﻨﺪﻱ ﺧﻞ ﺍﺣﺼﻨﺞ ﺑﺎﻟﻤﻌﻮﺫﺍﺕ ﻋﻦ ﺍﻟﻌﻴﻦ
ﺍﻧﻲ ﺻﺮﺕ ﺍﺿﺤﻚ ﻋﻠﻴﻬﺎ ﺧﻄﻴﺔ ﺑﻴﺒﻲ ﺷﻜﺪ ﺟﻨﺖ ﻗﺎﺳﻴﺔ ﻋﻠﻴﻬﺎ
ﺍﺗﺬﻛﺮﺕ ﺻﺪﻳﻘﺘﻲ ﺭﻧﺎ ﺷﻔﺘﻬﺎ ﻣﺘﺼﻠﺔ ﻋﻠﻴﺔ ﻫﻮﺍﻱ
ﺭﺣﺖ ﺍﺗﺼﻞ ﻋﻠﻴﻬﺎ
ﻓﺮﺡ - ﻫﻠﻮ ﺭﻧﻮﺵ ﺷﺨﺒﺎﺭﺝ ﺍﺳﻔﺔ ﻣﺘﺼﻠﺔ ﻋﻠﻴﺔ ﻭﺍﻧﻲ ﻣﺎﺷﻔﺖ ﺍﻻﺗﺼﺎﻝ ﻻﻥ ﻛﻨﺖ ﻣﻠﺘﻬﻴﺔ ﺑﻌﺪ ﺗﻌﺮﻓﻴﻦ ﺍﻟﻴﻮﻡ ﻣﻬﺮ ﺳﻠﻮﻯ ﻭﻻﺯﻡ ﺍﺟﻬﺰ ﻧﻔﺴﻲ ﻟﻠﻲ ﺑﺎﻟﻲ ﺑﺎﻟﺞ
ﻻﻻ ﻋﺎﺩﻱ ﺣﺒﻴﺒﺘﻲ
ﺍﻛﻠﺞ ﺑﻮﺳﻲ ﻟﻲ ﺍﺑﻨﺞ ﻫﺬﺍ ﺍﻟﻴﻠﻌﻲ ﺷﻜﺪ ﻳﺒﺠﻲ ﺩﺧﻴﻞ ﺍﻟﻠﻪ
ﺍﻱ ﺍﻥ ﺷﺎﺀ ﺍﻟﻠﻪ ﺍﺳﻠﻤﻠﺞ ﻋﻠﻴﻪ ﻳﻮﺻﻞ
ﻳﺎﻟﻠﻪ ﺩﻳﺮﻱ ﺑﺎﻟﺞ ﻋﻠﻰ ﺣﺎﻟﺞ ﺑَـــﺎﻱ ﺣﺒﻴﺒﺘﻲ
ﻓﺮﺡ
ﻭﺍﻟﻠﻪ ﻫﺎﻱ ﺭﻧﺎ ﺍﻟﻠﻪ ﺭﺳﻠﻬﺎ ﺍﻟﻲ ﻣﻦ ﺍﻟﺴﻤﺎ ﻫﺪﻳﺔ ﺍﺷﻜﺪ ﺍﺗﺤﻤﻠﺘﻨﻲ ﻭﺍﺗﺤﻤﻠﺖ ﺍﻟﺸﻜﻮﻯ ﻣﺎﻟﺘﻲ ﻣﻦ ﺍﺷﻜﻴﻠﻬﺎ
ﻻﻥ ﻛﻨﺖ ﺑﺬﻳﺞ ﺍﻟﻔﺘﺮﺓ ﺍﻣﺮ ﺑﻤﺮﺣﻠﺔ ﺣﻴﻞ ﺻﻌﺒﺔ ﻻﻥ ﻣﺤﺪ ﻛﺎﻥ ﺑﻌﻤﺮﻱ ﺍﺣﺠﻲ ﻭﺍﺳﻮﻟﻒ ﻭﻳﺎﻩ ﻏﻴﺮ ﺍﻟﻮﻟﺪ
ﻭﺍﻟﺒﻨﺎﺕ ﻣﻦ ﻳﻮﻣﻬﻢ ﻣﻠﺘﻬﻴﺎﺕ ﻛﻠﻴﺎﺕ ﻭﻳﺮﺟﻌﻮﻥ ﺍﻟﻈﻬﺮ ﺗﻌﺒﺎﻧﺎﺕ ﻳﺎﻛﻠﻦ ﻟﻜﻤﺔ ﻭﻳﻠﻔﻦ ﺭﺍﺳﻬﻦ ﻭﻳﻨﺎﻣﻦ ﻭﺑﻌﺪﻳﻦ ﻳﻜﻌﺪﻥ ﻳﺪﺭﺳﻦ ﻭﺭﺍﻫﺔ ﻳﺘﻌﺸﻦ ﻭﻳﺤﻀﺮﻥ ﻣﻼﺑﺴﻬﻦ ﻟﻠﻴﻮﻡ ﺍﻟﺜﺎﻧﻲ ﻛﻠﺔ ﻫﻴﺞ ﻣﺨﻠﺼﺎﺗﻬﺔ ﻋﻠﻴﺔ ﻟﺬﻟﻚ ﻣﺎ ﺍﺣﺼﻠﻬﻦ ﻭﺍﻛﻌﺪ ﻭﻳﺎﻫﻦ
ﺣﺘﻰ ﻟﻮ ﺍﺣﺼﻠﻬﻦ ﻭﻳﻜﻠﻔﻦ ﺭﻭﺣﻬﻦ ﻓﺪ ﺳﺎﻋﺔ ﻣﻦ ﻭﻗﺘﻬﻦ ﺑﺲ
ﻟﺬﻟﻚ ﺍﺣﺲ ﺭﻧﺎ ﺍﺟﺘﻨﻲ ﻧﻌﻤﺔ ﻣﻦ ﺍﻟﻠﻪ ﺷﻜﺪ ﺟﺎﻧﺖ ﺗﺴﺎﻋﺪﻧﻲ ﺑﻜﻼﻣﻬﺎ ﻭﻧﺼﺎﻳﺤﻬﺔ ﺍﻟﻲ
ﺍﻭﻑ
ﺧﻞ ﺍﺭﻭﺡ ﺍﻟﺒﺲ ﺑﻴﺒﻲ ﻣﻼﺑﺴﻬﺎ ﻗﺒﻞ ﻻﻳﺠﻮﻥ ﻳﺎﺧﺬﻭﻧﺔ ﻟﻘﺎﻋﺔ ﺍﻟﺤﻔﻼﺕ
ﺣﻀﺮﺕ ﺑﻴﺒﻲ ﻭﻛﻤﻠﺖ ﻭﺧﻄﻴﺔ ﻫﻲ ﺑﺲ ﺗﺪﻋﻴﻠﻲ
ﻭﺭﺣﺖ ﺷﻔﺘﻬﻢ ﻣﺎﺧﺬﻳﻦ ﻓﻬﺪ ﺍﺑﻦ ﺣﺴﺎﻡ ﺍﻟﻈﺎﻫﺮ ﻫﻨﺎﻙ ﻳﻌﺪﻟﻮﻟﺔ ﺻﺪﻙ ﺍﺗﻌﻠﻤﺖ ﻋﻠﻴﻪ
ﺍﺧﺬﺕ ﻧﻘﺎﻟﻲ ﻭﺩﺧﻠﺖ ﻋﻠﻰ ﺍﻟﻬﻮﻝ ﻭﺷﻒ ﺑﺒﺎﺏ ﺍﻟﺠﺒﻴﺮ ﺍﻟﻲ ﻳﻔﺼﻞ ﺑﻴﻦ ﺍﻟﻬﻮﻝ ﻭﺍﻟﺼﺎﻟﺔ ﻣﺮﺍﻳﺔ ﻋﺎﻛﺴﺔ ﻳﻌﻨﻲ ﺍﻧﺘﻲ ﺗﺸﻮﻓﻴﻦ ﺍﻣﺎﻣﺞ ﻣﺮﺍﻳﺔ ﻟﻜﻦ ﺍﻟﺨﻠﻒ ﻳﺸﻮﻓﺞ
ﺍﻟﻤﻬﻢ
ﺍﻧﻲ ﺍﻗﺘﺮﺑﺖ ﻋﻠﻴﻬﺎ ﻭﻛﻔﺖ ﻣﻘﺎﺑﻴﻞ ﺍﻟﻤﺮﺍﻳﺔ ﻭﻛﻌﺪﺕ ﺍﻋﺪﻝ ﺑﺤﻤﺮﺗﻲ ﻭﻧﻮﺏ ﺭﺟﻌﺖ ﻋﺪﻟﺖ ﻭﻛﻔﺘﻲ ﻭﻛﻌﺪﺕ ﺍﺗﺪﺭﺏ ﻋﻠﻰ ﺣﺮﻛﺎﺕ ﺍﻟﺪﻟﻊ ﻣﺎﻟﺖ ﺍﻟﺒﻨﺎﺕ ﻭﺍﺗﺬﻛﺮﺕ ﺍﺳﺮﺍﺀ ﻭﺭﺷﺎ ﻭﺷﻬﺪ
ﺷﻠﻮﻥ ﻣﻦ ﻳﺮﺩﻭﻥ ﻳﺎﺧﺬﻭﻥ ﺻﻮﺭ ﺳﻠﻔﻲ ﺷﻠﻮﻥ ﻳﺴﻮﻭﻥ ﺣﻠﻜﻬﻢ ﺣﻠﮓ ﺍﻟﺒﻄﺔ ﻭﻳﺴﻮﻥ ﺍﻳﺪﻫﻢ ﻋﻼﻣﺔ ﺍﻟﻨﺼﺮ ﺍﻟﻤﻬﻢ
ﺍﺧﺘﻜﻢ ﺭﺍﺩﺕ ﺗﺴﻮﻱ ﻫﺎﻱ ﺍﻟﺤﺮﻛﺎﺕ ﺟﻨﺖ ﻻﺑﺴﺔ ﺣﺬﺍﺀ ﻛﻌﺐ ﻋﺎﻟﻲ ﻭﻧﻠﻮﺕ ﺭﺟﻠﻲ ﻃﺤﺖ ﺑﺲ ﺑﺴﺮﻋﺔ ﻛﻤﺖ ﻭﺑﺎﻭﻋﺖ ﻣﻨﺎ ﻣﻨﺎ ﺧﺎﻑ ﻭﺍﺣﺪ ﺷﺎﻓﻨﻲ ﺷﻠﻮﻥ ﻃﺤﺖ ﻣﺜﻞ ﺍﻟﻌﻮﺑﺔ ﻛﻌﺪﺕ ﺍﻋﺪﻝ ﺑﺒﺪﻟﺘﻲ ﻭﻋﺪﻟﺖ ﺻﺪﺭﻱ ﻻﻥ ﺍﺗﻬﻮﺳﺖ ﻣﻦ ﻃﺤﺖ ﺑﺲ ﺍﻟﺤﻤﺪﻟﻠﻪ ﻣﺤﺪ ﺷﺎﻓﻨﻲ ﻫﻬﻬﻬﻪ
ﻟﻜﻦ
ﻛﺎﻥ ﻫﻨﺎﻙ ﻓﻲ ﺍﻟﺠﻬﺔ ﺍﻟﻤﻘﺎﺑﻠﺔ ﻣﻦ ﻳﺮﻯ ﻫﺬﻩ ﺍﻟﺤﺮﻛﺎﺕ ﻣﺼﺪﻭﻡ ﻫﺎﻱ ﻣﻨﻮ ﺍﻟﺒﻨﻴﺔ ﺍﺥ ﺍﻟﻠﻪ ﻛﻌﺪﺕ ﺍﺭﻛﺰ ﺑﻴﻬﺎ ﻭﺑﺤﺮﻛﺎﺗﻬﺎ ﺍﻱ ﻏﻴﺮ ﺳﻄﺮﺗﻨﻲ ﻋﻠﻰ ﻭﺟﻬﻲ ﻭﻛﻔﺨﺖ ﮔﻠﺒﻲ
ﺳﻤﻌﺖ ﺻﻮﺕ ﺑﻴﺒﻲ ﺻﺎﺣﺖ
- ﻓﺮﺡ ﺟﺪﺓ ﻓﺮﺡ ﺗﻌﺎﻱ
ﻭﻫﻲ ﺑﺴﺮﻋﺔ ﺍﻟﺘﻔﺘﺖ ﻋﻠﻰ ﺍﺗﺠﺎﻩ ﺍﻟﺼﻮﺕ
- ﻫَـﺎ ﺑﻴﺒﻲ ﺍﻱ ﻫﺴﺔ ﺟﺎﻳﺔ ﺟﺎﻳﺔ ﺭﺟﻌﺖ ﻋﻠﻰ ﺍﻟﻤﺮﺍﻳﺔ ﻋﺪﻟﺖ ﺷﻌﺮﻫﺎ ﻭﻓﺴﺘﺎﻧﻬﺎ ﻟﻜﻦ ﻣﺎ ﺍﻧﺘﺒﻬﺖ ﻋﻠﻰ ﺧﻴﻂ ﻣﻼﺑﺴﻬﺎ ﺍﻟﺪﺍﺧﻠﻴﺔ ﻃﺎﻟﻊ ﺻﻔﺢ ﻭﻻﺯﻡ ﺗﻀﻤﺔ
ﺍﻭﻑ ﻳﺎﺑﺔ ﻭﻟﻚ ﺣﺴﺎﻡ ﻫﺎﻱ ﻭﻳﻦ ﺟﺎﻧﺘﻠﻚ ﺧﺮﺏ ﺑﺎﻟﺤﻆ ﻳﻌﻨﻲ ﻣﻌﻘﻮﻟﺔ ﺍﺣﺪ ﻳﺼﺪﻙ ﻫﺎﻱ ﺍﻟﺒﻨﻴﺔ ﻓﺮﺡ ﻣﺤﺪ ﻳﺼﺪﻙ ﻫﺬﺍ ﺟﻌﻔﺮ ﺍﻧﺔ ﻣﺎ ﺍﻧﻜﺮ ﻫﻲ ﺑﺎﻻﺻﻞ ﺣﻠﻮﺓ ﺑﺲ ﻛﺎﻥ ﻳﻨﻘﺼﻬﺎ ﺑﻌﺾ ﺍﻟﻌﻨﺎﻳﺔ ﻟﻜﻦ ﺍﻟﻲ ﻣﺎﺟﻨﺖ ﺍﺗﻮﻗﻌﺔ ﺍﻥ ﺑﻌﺾ ﺍﻟﻌﻨﺎﻳﺔ ﻫﻴﺞ ﺗﺼﻨﻊ ﺻﺎﺭﻭﺥ ﺧﻄﻴﺮ ﻋﻠﻰ ﻋﺎﺋﻠﺔ ﺑﻴﺖ ﺻﺎﻟﺢ ﻭﺗﻨﺴﻒ ﺍﻟﻤﻘﺮ ﺍﻟﺨﺎﺹ ﺑﻴﺔ
ﺍﻭﻑ ﻳﺎﺑﺔ
ﺭﺣﺖ ﻓﺘﺖ ﺟﻮﺓ ﻟﻜﻴﻴﺖ ﻋﻼﺀ ﻻﺯﻡ ﺍﻳﺪ ﺑﻴﺒﻲ ﻭﻻﺑﺲ ﻗﺎﻁ ﺍﺳﻮﺩ ﺭﺳﻤﻲ ﻭﺟﺎﻱ ﻳﻤﺸﻲ ﺑﻴﻬﺎ ﺣﺘﻰ ﻳﺮﻛﺒﻬﺎ ﺑﺎﻟﺴﻴﺎﺭﺓ
ﻭﺍﻧﻲ ﺍﺳﺘﻐﻠﻴﺖ ﺍﻟﻔﺮﺻﺔ ﻭﺩﺧﻠﺖ ﻋﻠﻰ ﺍﻟﺒﺰﻭﻧﺔ ﻣﺎﻟﺘﻲ ﺍﻟﻲ ﺩﺧﻠﺖ ﻟﻐﺮﻓﺔ ﺑﻴﺒﻲ ﺍﻭﻝ ﻣﺎ ﺩﺧﻠﺖ ﺳﺪﻳﺖ ﺍﻟﺒﺎﺏ ﻭﺭﺍﻱ ﻭﺍﺗﻜﺄﺕ ﻋﻠﻴﻪ ﻭﻫﻲ ﺍﻟﺘﻔﺘﺖ ﺣﺴﺒﺎﻟﻬﺔ ﻭﺣﺪﺓ ﻣﻦ ﺍﻟﺒﻨﺎﺕ
ﺑﺲ ﻣﻦ ﺷﺎﻓﺘﻨﻲ ﺷﻬﮕﺖ ﻭﺣﻄﺖ ﺍﻳﺪﻫﺔ ﻋﻠﻰ ﺻﺪﺭﻫﺔ
ﻓﺮﺡ - ﻳﻤﺔ ﻛﻤﺰﺗﻨﻲ ﻭﺍﻟﻠﻪ ﺭﺍﺡ ﮔﻠﺒﻲ
ﺣﺴﺎﻡ ﻭﻫﻮ ﻳﻨﻈﺮ ﻋﻠﻴﻬﺎ - ﺍﺟﻴﺖ ﻟﻠﺒﻴﺖ ﻫﻨﺎ ﺑﺲ ﻣﺎ ﻟﻜﻴﺘﺞ ﻛﺎﻟﻮ ﺑﻌﺪﻫﺎ ﺑﺎﻟﺼﺎﻟﻮﻥ ﻓﺎﻧﺘﻈﺮﺗﺞ ﺣﺘﻰ ﺍﻧﻄﻴﺞ ﻫﺬﻭﻟﻲ
ﻭﻫﻮ ﻳﺄﺷﺮ ﻋﻠﻰ ﺍﻟﻌﻠﺒﺔ ﺍﻟﻲ ﺑﻴﺪﺓ
ﺑﺎﻟﻠﻪ ﺷﻮ ﺗﻌﺎﻱ ﻳﻤﻲ ﺍﻗﺘﺮﺑﻲ ﺧﻞ ﺍﻟﺒﺴﺞ ﺣﻠﻘﺘﺞ ﻭﺳﻮﺍﺭﺝ
ﺑﺎﻟﻠﻪ ﺍﺗﻄﻴﻨﻲ ﺭﺍﻳﺞ ﺑﺬﻭﻗﻲ
ﻣﻮ ﻋﺒﺎﻟﺞ ﺗﺮﺓ ﺍﺧﺘﺎﺭﻳﺘﻠﺞ ﻛﻢ ﻗﻄﻌﺔ ﺫﻫﺐ ﻋﺒﺎﻟﻚ ﺗﺤﻒ
ﻓﺮﺡ ﺍﻧﻲ ﻭﻛﻌﺖ ﻋﻴﻨﻲ ﻋﻠﻰ ﺣﺴﺎﻡ ﻭﺍﻧﻲ ﮔﻠﺒﻲ ﺻﺎﺭ ﻃﺒﻞ ﺍﻭﻑ ﻳﻤﺔ ﺷﻼﺑﺲ ﻏﻴﺮ ﻳﻤﻮﺕ ﻳﺒﻮﻱ ﻭﻳﻦ ﺍﺿﻤﺔ ﻣﻦ ﻋﻴﻮﻥ ﺍﻟﺒﻨﺎﺕ
ﺍﻗﺘﺮﺑﺖ ﻣﻨﺔ ﺷﻠﻮﻥ ﻋﺒﺎﻟﻚ ﺷﻲ ﻳﺴﺤﺒﻨﻲ ﻟﻌﻨﺪﺓ ﺑﺪﻭﻥ ﺍﺭﺍﺩﺗﻲ ﻋﺒﺎﻟﻚ ﻣﻨﻮﻣﺔ ﻣﻐﻨﺎﻃﻴﺴﻴﺎ ﺷﻜﻠﺔ ﻭﺷﺨﺼﻴﺘﺔ ﺗﺨﻠﻲ ﺍﻟﻮﺍﺣﺪ ﻳﻨﻔﺬ ﺍﻭﺍﻣﺮﻩ ﻏﺼﺒﺎً ﻋﻨﻪ
ﺍﻭﻑ
ﺻﺮﺕ ﻭﺍﻛﻔﺔ ﻣﻘﺎﺑﻴﻠﻪ
ﻭﻫﻮ ﻓﺘﺢ ﻋﻠﺒﺔ ﻭﻃﻠﻊ ﻣﻨﻪ ﺍﻟﺤﻠﻘﺔ ﻭﻟﺒﺴﻨﻴﺎﻫﺔ
ﻭﺭﺍﻫﺔ ﺍﻟﺴﻮﺍﺭ ﻭﺑﻌﺪﻫﺔ ﺍﻟﮕﻼﺩﺓ ﻛﺎﻧﺖ ﺟﺪﺍ ﺟﻤﻴﻠﺔ ﻭﻧﺎﺯﻛﺔ
ﺷﻔﺘﺔ ﻗﺮﺏ ﺭﺍﺳﺔ ﻣﻦ ﺭﻛﺒﺘﻲ ﻭﻫﻤﺲ ﺑﺼﻮﺕ ﻧﺎﺻﻲ ﺑﺤﻴﺚ ﺍﻧﻔﺎﺳﻪ ﺍﻟﺪﺍﻓﻴﺔ ﺻﺎﺭﺕ ﻋﻠﻰ ﺑﺸﺮﺗﻲ ﺍﻟﻲ ﺍﻗﺸﻌﺮﺕ ﻣﻦ ﺍﺛﺮ ﺍﻧﻔﺎﺳﻪ
ﻫﻤﺲ ﺑﻜﻠﻤﺎﺕ
ﺣﺴﺎﻡ
ﻋﻄﺮﺝ ﻳﺠﻨﻦ ﻋﻴﻮﻧﺞ ﺗﺠﻨﻦ ﺷﻌﺮﺝ ﻳﺠﻨﻦ ﻛﻠﺞ ﻋﻠﻰ ﺑﻌﻀﺞ ﺗﺠﻨﻨﻴﻦ ﺑﺲ ﺍﺣﻠﻔﺞ ﺑﺎﻟﻠﻪ ﺍﻥ ﺗﻌﻄﻔﻴﻦ ﻋﻠﻴﺔ ﻭﺗﻨﻄﻴﻨﻲ ﺑﻮﺳﺔ
ﻣﻦ ﻫﺎﻟﺸﻔﺔ ﺍﻟﻲ ﺻﺎﺭﻟﻬﺎ ﺳﺎﻋﺘﻴﻦ ﺗﺤﺮﻙ ﺑﺪﻣﻲ ﻣﻦ ﺗﺮﻳﺪ ﺗﺘﻌﻠﻢ ﻋﻠﻰ ﻭﺿﻌﻴﺔ ﺣﻠﻚ ﺍﻟﺒﻄﺔ ﺍﻭﻑ ﻳﺎﺑﺔ
ﻓﺮﺡ ﺍﻟﻲ ﺭﻓﻌﺖ ﺭﺍﺳﻬﺔ ﻭﺻﺎﺭﺕ ﻋﻴﻮﻧﻬﺔ ﺑﻌﻴﻮﻧﺔ ﻭﻇﻠﺖ ﺗﺮﻣﺶ ﻣﻦ ﺍﻟﺨﺠﻞ ﻭﺍﻻﺭﺗﺒﺎﻙ ﻭﻛﺄﻥ ﺑﻬﺎﻱ ﺣﺮﻛﺘﻬﺎ ﺭﺍﺡ ﺗﻜﺪﺭ
ﺗﺘﻌﺪﺓ ﻫﺎﻱ ﺍﻟﻠﺤﻀﺔ
ﺣﺴﺎﻡ - ﻫَـﺎ ﺷﻜﻠﺘﻲ ﺗﺤﻨﻴﻦ ﻋﻠﻰ ﺍﺑﻦ ﺍﻟﻨﺎﺱ
ﻓﺮﺡ - ﻻﻻ ﺍﻟﻠﻪ ﻳﻨﻄﻴﻚ ﺭﻭﺡ ﻣﺎ ﻋﻨﺪﻧﺎ ﺑﻨﺎﺕ ﻳﺴﻮﻭﻥ ﻫﺎﻱ ﺍﻟﺤﺮﻛﺎﺕ ﻭﻋﻴﺐ ﻳﺎﻟﻠﻪ ﺍﺳﺘﺤﻲ ﻋﻠﻰ ﺭﻭﺣﻚ ﻭﺧﺮ ﺭﻭﺡ ﻣﻨﺎ
ﺣﺴﺎﻡ ﺍﺫﺍ ﻛﺎﻥ ﻋﻨﺪﻛﺎﻥ . ﻭﻟﻮ ﺷﻚ ﻭﺍﺣﺪ ﺍﻥ ﻫﻮ ﺭﺍﺡ ﻳﺘﻘﺒﻞ
ﻓﺮﺡ ﺑﺤﻴﺎﺗﺔ ﻓﺒﻬﺬﺍ ﺗﺼﺮﻓﻬﺎ ﻭﺑﺘﺼﺮﻓﺎﺗﻬﺎ ﺍﻟﻲ ﻓﺎﺗﺖ ﺭﺍﺡ ﺗﺠﻨﻨﺔ ﻭﺗﺨﻠﻲ ﻋﻠﻰ ﺍﻫﺒﺔ ﺍﻻﺳﺘﻌﺪﺍﺩ ﻟﻜﻲ ﻳﻨﺎﻝ ﻭﻳﺤﺴﻦ ﺭﺿﺎﻫﺎ ﻓﻬﻲ ﺣﻘﺎً ﻧﺎﺩﺭﺓ ﻋﻠﻰ ﺑﻨﺎﺕ ﺟﻴﻠﻬﺎ ﻭﻓﺼﻴﻠﺘﺎ
ﺣﺴﺎﻡ ﻭﻫﻮ ﻳﺘﻘﺪﻡ ﻭﺍﺷﻜﺪ ﺍﺗﻮﻧﺲ ﻣﻦ ﺷﺎﻑ ﺍﻟﺨﺠﻞ ﺑﺨﺪﻭﺩﻫﺎ ﻭﻫﺬﺍ ﺍﻟﺸﻲ ﺟﺪﻳﺪ ﻋﻠﻴﻪ ﺍﻥ ﻳﺸﻮﻑ ﺑﻨﻴﺔ ﺗﺨﺠﻞ ﻭﺗﺼﻴﺮ ﺧﺪﺩﻫﺎ ﺣﻤﺮﺓ ﻻﻥ ﺍﻟﻴﻌﺮﻓﻬﻦ ﺻﺎﺣﺒﺎﺕ ﺧﺒﺮﺓ ﻭﺟﺮﻳﺌﺎﺕ ﺑﻬﻴﺞ ﻣﻮﺍﻗﻒ ﻓﺎﻟﺨﺠﻞ ﻳﻜﻮﻥ ﺟﺪﺍ ﺑﻌﻴﺪ ﻋﻨﻬﻦ
- ﺗﻌﺎﻱ ﺧﻞ ﺍﻛﻠﺞ ﺷﻐﻠﺔ
ﻓﺮﺡ ﺑﺮﺗﺒﺎﻙ - ﺍﺓ ﺍﺓ ﺷﻨﻮ ﺍﻟﺸﻐﻠﺔ ﻛﻮﻟﻬﺎ ﻣﻦ ﺑﻌﻴﺪ ﻳﺎﻟﻠﻪ ﺗﺮﺓ ﺍﺭﻳﺪ ﺍﺭﻭﺡ ﻭﻳﺔ ﺑﻴﺒﻲ ﺭﺍﺡ ﺍﺗﺄﺧﺮ
ﺣﺴﺎﻡ - ﺑﺎﻟﻠﻪ ﺷﻮ ﺍﻭﻛﻔﻲ ﺛﺒﺘﻲ ﺗﺮﺓ ﻣﺎ ﺭﺍﺡ ﺍﻛﻠﺞ
ﻣﺪ ﺍﻳﺪﺓ ﺑﺎﺗﺠﺎﻩ ﺻﺪﺭﻫﺎ
ﻭﻫﻲ ﺟﻤﺪﺕ ﺑﻤﻜﺎﻧﻬﺎ ﻣﻦ ﺍﺛﺮ ﺍﻟﺠﺮﺋﺔ ﻣﺎﻟﺘﺔ
ﻟﻤﺲ ﺑﻈﻬﺮ ﺍﻳﺪﺓ ﺑﺸﺮﺗﻬﺎ ﻭﺍﺭﺗﻔﻌﺖ ﻟﺤﺪ ﺧﻴﻂ ﻣﺸﺪ ﺍﻟﺼﺪﺭ
ﻭﻋﺪﻟﺔ ﺍﻟﻬﺔ ﻭﻫﺎﻱ ﺑﺎﻗﻴﺔ ﺟﺎﻣﺪﺓ ﻭﺍﺑﺪ ﻣﺎ ﺭﻣﺸﺖ ﺍﻧﺘﺒﻪ ﻋﻠﻴﻬﺎ
ﺣﺘﻰ ﺟﺎﻧﺖ ﺣﺎﺑﺴﺔ ﺍﻻﻧﻔﺎﺱ
ﻓﺒﺘﻌﺪﺕ ﻋﻨﻬﺎ ﻭﺍﻧﻄﻴﺘﻬﺔ ﻣﺠﺎﻝ ﺣﺘﻰ ﺗﺎﺧﺬ ﺭﺍﺣﺘﻬﺎ ﻻﻥ ﺍﻟﻈﺎﻫﺮ ﺍﻟﺒﺰﻭﻧﺔ ﻣﺎﻟﺘﻲ ﻛﻠﺶ ﻓﻘﻴﺮﺓ ﻭﺑﻌﺪﻫﺔ ﻭﺭﺩﺓ ﻣﻐﻤﻀﺔ
ﻭﻣﺎﻋﻨﺪﻫﺔ ﻋﻠﻢ ﺑﻬﺎﻟﺤﺮﻛﺎﺕ
ﻳﺎﻟﻠﻪ ﺟﻬﺰﻱ ﺣﺎﻟﺞ ﺭﺍﺡ ﻧﻄﻠﻊ ﺍﻧﻲ ﺍﻧﺘﻈﺮﺝ ﺑﺎﻟﺴﻴﺎﺭﺓ ﺗﺮﻛﺒﻴﻦ ﻭﻳﺎﻱ ﺍﻧﻲ ﺍﺧﺬﺝ ﻟﻠﻨﺎﺩﻱ ﺍﻧﺘﻲ ﻭﺧﻮﺍﺗﺞ
↙️
ﻓﺮﺡ
ﺭﻛﺒﺖ ﻣﻊ ﺣﺴﺎﻡ ﺑﺎﻟﺴﻴﺎﺭﺓ ﻭﺷﻔﺖ ﺧﻮﺍﺗﻲ ﺭﻛﺒﻮ ﻭﻳﺔ ﻋﻠﻲ .
ﻓﺮﺡ ﻫﺎﻱ ﻟﻴﺶ ﺭﻛﺒﻮ ﻭﻳﺔ ﻋﻠﻲ ﺍﻧﺖ ﻣﻮ ﻛﻠﺖ ﺭﺍﺡ ﻳﺠﻮﻥ ﻭﻳﺎﻧﺔ
ﺣﺴﺎﻡ - ﺍﻛﻮﻝ ﺗﺮﺓ ﺩﺗﺤﺴﺴﻴﻨﻲ ﺍﻧﻲ ﺧﺎﻃﻔﺞ ﻣﻦ ﺍﻫﻠﺞ ﻳﺎﺑﺔ ﺗﺮﺓ ﻫﺎﻱ ﺍﻧﻲ ﻭﻳﺎﺝ ﻟﻮﺣﺪﻧﺎ ﺑﺎﻟﺴﻴﺎﺭﺓ ﻻﺗﻨﺴﻴﻦ ﺍﻧﺘﻲ ﻣﺮﺗﻲ ﻓﻌﺎﺩﻱ ﺍﻟﻴﻮﻡ ﻭﺣﺪﻧﺎ ﺑﺎﻟﺴﻴﺎﺭﺓ ﺍﻟﺒﺎﺟﺮ ﻭﺣﺪﻧﺎ ﺑﻐﻴﺮ ﻣﻜﺎﻥ ﺷﻠﻮﻥ ﺑﺎﻟﻠﻪ ﻫﻢ ﺗﺤﺘﺎﺟﻴﻦ ﺣﻤﺎﻳﺔ ﻭﻳﺎﺝ ﻭﻳﻦ ﻣﺘﺮﺣﻴﻦ
ﺍﻟﺘﻔﺘﺖ ﻣﻨﺔ ﺑﺨﺠﻞ ﻭﺻﺎﺭﺕ ﻭﺟﻬﻲ ﻋﻠﻰ ﺟﻬﺔ ﺟﺎﻣﺔ ﺍﻟﺴﻴﺎﺭﺓ ﻭﻟﻔﺖ ﺍﻧﺘﺒﺎﻫﻲ ﺷﻜﻞ ﻧﺴﺮﻳﻦ ﻛﺎﻋﺪﺓ ﺑﺴﻴﺎﺭﺓ ﻣﺤﻤﺪ ﺍﺧﻮﻫﺎ ﻋﻴﻮﻧﻬﺎ ﺗﺮﻳﺪ ﺗﻄﻠﻊ ﻣﻦ ﺍﻟﺼﺪﻣﺔ
ﺍﻫﻮﻭﻭﻭﻭ ﻫﺎﻱ ﻭﺍﻟﻠﻪ ﻧﺴﻴﺘﻬﺎ ﻫﺴﺔ ﺭﺍﺡ ﺗﺘﺨﺒﻞ ﻣﻦ ﺗﺴﻤﻊ ﺑﺤﺴﺎﻡ ﺭﺍﺡ ﻳﺘﺰﻭﺟﻨﻲ ﻫﺴﺔ ﻳﺒﻮﻱ ﺷﻴﻔﻜﻨﻲ ﻣﻨﻬﺎ ﺑﺲ ﺧﻠﻲ ﺗﻄﻴﺮ ﺣﺴﺎﻡ ﻣﻠﻜﻲ ﺧﺎﺹ ﺑﺲ ﺍﻟﻲ
ﻭﺻﻠﻨﺎ ﻋﺎﻟﻘﺎﻋﺔ ﻭﻛﺎﻧﺖ ﺍﻟﺤﻔﻠﺔ ﻋﺎﺋﻠﻴﺔ ﻛﻠﻬﺎ ﺗﺤﻀﺮﻫﺎ ﻋﻤﺎﻣﻲ ﻭﺟﺪﻭ ﻭﺟﺪﺗﻲ ﻭﺍﻭﻻﺩ ﻋﻤﺎﻣﻲ ﻭﻋﻤﺘﻲ ﺭﺳﻤﻴﺔ ﻭﺍﻭﻻﺩﻫﺎ ﻭﺑﻌﺪ ﺍﻟﺠﻮﺍﺭﻳﻦ ﻭﺻﺪﻳﻘﺎﺕ ﺳﻠﻮﻯ ﻭﺍﻟﺒﻨﺎﺕ
ﻓﻨﺰﻟﺖ ﺣﺘﻰ ﺍﺭﻭﺡ ﻭﻳﺔ ﺍﻟﺒﻨﺎﺕ
ﺣﺴﺎﻡ - ﺗﺮﺓ ﺍﻟﺤﻔﻠﺔ ﻣﺨﺘﻠﻄﺔ ﺷﻠﻮﻥ ﺭﺍﺡ ﺗﺪﺑﺮﻳﻦ ﺣﺎﻟﺞ ﺧﻮ ﻣﺘﻄﻠﻌﻴﻦ ﺑﻬﻴﺞ ﻣﻼﺑﺲ ﻣﺸﺨﻠﻌﺔ
ﻓﺮﺡ - ﻻ ﺍﻧﻲ ﻣﺤﻀﺮﺓ ﻧﻔﺴﻲ ﻋﻨﺪﻱ ﺳﺘﺮﺓ ﻗﺼﻴﺮﺓ ﻣﺘﻮﺍﻟﻤﺔ ﻣﻊ ﺍﻟﻔﺴﺘﺎﻥ ﺗﺠﻲ ﻓﻴﺖ ﻋﻠﻴﻪ
ﺭﺣﺖ ﺭﺗﺒﺖ ﻧﻔﺴﻲ ﺑﻐﺮﻓﺔ ﺍﻟﺘﺒﺪﻳﻞ
ﻭﺟﺎﻱ ﺍﻃﻠﻊ ﻭﻟﺰﻣﺘﻨﻲ ﺍﻳﺪ ﻗﻮﻳﺔ ﻣﻦ ﺯﻧﺪﻱ ﺍﻟﺘﻔﺘﺖ ﺷﻔﺘﻬﺎ
ﻧﺴﺮﻳﻦ ﺍﻟﺸﺮﺭ ﻳﺮﻳﺪ ﻳﻄﻠﻊ ﻣﻦ ﻋﻴﻮﻧﻬﺎ
ﻧﺴﺮﻳﻦ - ﺷﺘﺴﻮﻳﻦ ﺭﻛﺒﺘﻲ ﻟﻮﺣﺪﺝ ﺑﺴﻴﺎﺭﺓ ﺣﺴﺎﻡ
ﻓﺮﺡ - ﻋﺎﺩﻱ ﺍﺭﻛﺐ ﺷﻨﻮ ﻳﻌﻨﻲ ﺗﺮﺓ ﻫﺎﻱ ﺳﻴﺎﺭﺓ ﺯﻭﺟﻲ ﻭﻋﺎﺩﻱ ﺍﺭﻛﺐ ﺑﻴﻬﺎ
ﻧﺴﺮﻳﻦ ﻭﺍﺣﺲ ﺑﻴﻬﺎ ﺗﺮﻳﺪ ﺗﻄﻠﻊ ﻋﻴﻮﻧﻬﺎ ﻣﻦ ﻣﻜﺎﻧﻜﻢ
- ﺷﻨﻮ ﻭﻟﺞ ﺍﺣﺠﻲ ﻋﺪﻝ ﺷﻨﻮ ﻗﺼﺪﺝ ﺑﺰﻭﺟﺢ
ﻓﺮﺡ - ﻣﺜﻞ ﻣﺎ ﺳﻤﻌﺘﻲ ﺗﺮﺓ ﺣﺴﺎﻡ ﺧﻄﻴﺒﻲ ﻭﺍﻻﺳﺒﻮﻉ ﺍﻟﺠﺎﻱ ﺍﻧﺘﻲ ﻣﻌﺰﻭﻣﺔ ﻋﻠﻰ ﻋﺮﺳﻨﺎ
ﺩﺧﻠﺖ ﺭﺷﺎ - ﻳﺎﻟﻠﻪ ﺑﻨﺎﺕ ﺭﺍﺡ ﺗﺘﺪﺧﻞ ﺳﻠﻮﻯ ﺗﻌﺎﻟﻮ ﺷﻮﻓﻮ
ﻓﺮﺡ ﺭﺣﺖ ﺷﻔﺖ ﺑﻴﺒﻲ ﻛﺎﻋﺪﺓ ﻋﻠﻰ ﻣﻴﺰ ﻗﺮﻳﺐ ﻋﻠﻰ ﺍﻟﻜﻮﺷﺔ
ﻛﻌﺪﺕ ﻫﺎﻱ ﺑﻴﺒﻲ ﺍﺷﻮ ﻟﻮﺣﺪﺝ ﮔﺎﻋﺪﺓ ﻭﻳﻦ ﺍﻟﺒﻘﻴﺔ
ﺍﻟﺠﺪﺓ - ﻭﺍﻟﻠﻪ ﺷﻮﻓﺖ ﻋﻴﻨﺞ ﻳﻤﺔ ﻛﻠﻤﻦ ﻣﻠﺘﻬﻲ ﻭﻳﺔ ﺟﻤﺎﻋﺘﺔ
ﻭﻫﺬﻧﻲ ﭼﻨﺎﻳﻨﻲ ﻋﺸﺘﻮ ﻛﺎﺿﻴﺎﺗﻬﺎ ﻭﻳﺔ ﺻﺎﺣﺒﺎﺗﻬﻦ ﺳﻮﺍﻟﻒ
ﺭﻓﻌﺖ ﺭﺍﺳﻲ ﺷﻔﺖ ﻣﺠﻤﻮﻋﺔ ﺷﺒﺎﺏ ﺩﺧﻠﺖ ﻭﻳﺔ ﻋﺎﻣﺮ ﺍﻟﻈﺎﻫﺮ ﻣﻦ ﺍﻗﺎﺭﺑﻬﻢ ﻣﻦ ﺑﻴﻌﺪ
ﺷﻔﺖ ﻭﺍﺣﺪ ﺻﺎﺭﺕ ﻋﻴﻨﻲ ﺑﻌﻴﻨﺔ ﺭﺟﻌﺖ ﺩﻧﻜﺖ ﻭﻛﻤﻠﺖ ﻛﻼﻣﻲ ﻭﻳﺔ ﺑﻴﺒﻲ
ﺩﺧﻠﺖ ﺍﺧﺘﻲ ﺳﻠﻮﻯ ﻛﻠﺶ ﺣﻠﻮﻯ ﺑﺎﻟﻔﺴﺘﺎﻥ
ﻭﻛﻌﺪﺕ ﻭﺑﻌﺪﻫﺎ ﺩﺧﻞ ﻧﻮﺍﻑ ﺍﻟﻔﺮﺣﺔ ﻣﺎﺳﺎﻳﻌﺘﺔ
ﻭﺑﻌﺪﻫﺎ ﺍﺷﺘﻐﻠﺖ ﺍﻻﻏﺎﻧﻲ ﻭﺍﻟﺮﻛﺺ ﺻﺎﺭ ﺑﻔﻠﺲ
ﻟﻜﻦ ﺍﻟﺸﺨﺺ ﺍﻟﻲ ﺩﺧﻞ ﻗﺒﻞ ﺷﻮﻳﺔ ﺻﺎﺭ ﻛﺪﺍﻣﻲ ﻭﺭﺍﻩ ﻋﺎﻣﺮ ﺍﺟﻮ ﻳﺴﻠﻤﻮﻥ ﻋﻠﻰ ﺑﻴﺒﻲ
- ﻋﺎﻣﺮ ﺍﺷﻮ ﻣﺎﻋﺮﻓﺘﻨﺎ ﻋﻠﻰ ﺍﻟﺤﻠﻮﺓ
ﺍﺳﺘﺪﺍﺭ ﻋﺎﻣﺮ ﻭﺧﺰﺭﺓ
ﻟﻜﻦ ﺳﻤﻌﺖ ﺻﻮﺕ ﻣﻦ ﻭﺭﺍﻫﻢ
ﺣﺴﺎﻡ - ﺍﻋﺮﻓﻚ ﻋﻠﻰ ﺯﻭﺟﺘﻲ ﻭﺑﻨﺖ ﻋﻤﻲ ﻓﺮﺡ
ﺍﻟﺘﻔﺖ ﺍﻟﺸﺎﺏ ﻋﻠﻰ ﺣﺴﺎﻡ - ﺍﺥ ﻫﺎﻱ ﺷﻮﻛﺖ ﺍﺗﺰﻭﺟﺖ
ﻟﻌﺪ ﻭﺫﻭﻻﻙ ﺍﻟﺒﻘﻴﺔ ﻭﻳﻦ ﻭﺩﻳﺘﻬﻢ
ﻓﺮﺡ ﻭﻫﻲ ﺗﻌﻜﺪ ﺣﻮﺍﺟﺒﻬﺎ ﺑﺴﺘﻐﺮﺍﺏ ﻭﺗﺴﺎﺋﻞ ﺷﻨﻮ ﺫﻭﻻﻙ ﺍﻟﺒﻘﻴﺔ ﻳﻘﺼﺪ ﻣﻨﻮ
ﺣﺴﺎﻡ - ﺍﻛﻮﻝ ﺍﺷﻮ ﺟﻨﻚ ﺷﺎﻳﻞ ﻫﻤﻲ ﺭﻭﺡ ﺑﺎﺑﺎ ﻻﺗﺨﺎﻑ ﻋﻠﻴﺔ ﻳﺎﻟﻠﻪ ﺗﻮﻛﻞ ﻣﻨﺎ ﻭﺧﻠﻴﻨﻲ ﺍﻛﻌﺪ ﻳﻢ ﻋﺮﻭﺳﺘﻲ ﻭﺍﺷﺒﻊ ﻣﻨﻬﺎ ﺷﻮﻑ
ﺍﻟﺠﺪﺓ - ﺍﻱ ﻳﻤﺔ ﺗﻌﺎﻝ ﺍﻛﻌﺪ ﻳﻢ ﻣﺮﺗﻚ ﻻﻥ ﺍﻧﺸﻠﻊ ﮔﻠﺒﻲ ﻛﻞ ﺳﺎﻋﺔ ﻭﺣﺪﺓ ﺗﺠﻲ ﺗﺨﻄﺒﻬﺎ ﻣﻨﻲ
ﺣﺴﺎﻡ - ﻫﻬﻬﻬﻬﻬﻬﻪ . ﻭﺍﻧﺘﻲ ﺷﺘﺠﺎﻭﺑﻴﻬﻢ
ﺍﻟﺠﺪﺓ - ﺍﮔﻠﻠﻬﻢ ﺭﻭﺣﻮ ﺫﺍﻙ ﺭﺟﻠﻬﺎ ﺭﻭﺣﻮ ﺧﻄﺒﻮﻫﺎ ﻣﻦ ﻋﻨﺪﺓ
ﺣﺴﺎﻡ - ﻫﻬﻬﻬﻬﻬﻬﻪ ﻭﺍﻟﻠﻪ ﻳﺎﺑﻴﺒﻲ ﺍﻧﺘﻲ ﺗﺤﻔﺔ
ﺍﻟﺠﺪﺓ - ﻓﺮﺡ ﺍﺷﻮ ﻣﺎﻛﻤﺘﻲ ﻟﻌﻨﺪ ﺍﺧﺘﺞ ﺭﻭﺣﻲ ﻳﻤﺔ
ﺣﺴﺎﻡ ﻓﻌﻼ ﺍﺑﺪ ﻣﺎ ﺷﻔﺘﻬﺎ ﺍﺗﺤﺮﻛﺖ ﻣﻦ ﻣﻜﺎﻧﻬﺎ
ﻻﻫﻲ ﻭﻻﺳﺮﻭﺭ
ﺣﺴﺎﻡ - ﮔﻮﻣﻲ ﺧﻞ ﺍﻭﺩﻳﺞ ﺗﺎﺧﺬﻳﻦ ﺻﻮﺭ ﻭﻳﺔ ﺍﺧﺘﺞ
ﺍﻟﺘﻔﺘﺖ ﻋﻠﻰ ﻣﻜﺎﻥ ﺳﻠﻮﻯ ﺷﻔﺘﻬﺎ ﺍﺗﺄﺷﺮ ﻋﻠﻴﺔ ﺣﺘﻰ ﺍﺟﻲ ﻳﻤﻬﺎ
ﺳﻠﻮﻯ - ﺷﻨﻮ ﻭﻳﻨﺞ ﺍﺍﺷﺮ ﻋﻠﻴﺞ ﻣﺎﻛﻮ ﺍﻧﺘﻲ ﺑﻐﻴﺮ ﻋﺎﻟﻢ ﺗﻌﺎﻱ ﻛﻌﺪﻱ ﻳﻤﻲ
ﺣﺴﺎﻡ - ﻳﺎﻟﻠﻪ ﻫﺎﻱ ﺍﺧﺘﺞ ﻫﻬﻬﻬﻪ ﺍﺛﺎﺭﻱ ﺟﻌﻔﺮ ﻃﻠﻊ ﻳﺨﺠﻞ
ﻧﻮﺍﻑ - ﺑﺸﺮﻓﻚ ﻫﺬﺍ ﺍﻟﺠﻤﺎﻝ ﻛﻠﺔ ﻭﺗﺼﻴﺢ ﻋﻠﻴﻪ ﺟﻌﻔﺮ
ﺣﺴﺎﻡ - ﺍﻛﻮﻝ ﺍﻧﺠﺐ ﻭﺧﻠﻲ ﻋﻴﻨﻚ ﻋﻠﻰ ﻣﺮﺗﻚ ﻭﺷﻴﻞ ﻋﻴﻨﻚ ﻋﻦ ﻣﺮﺗﻲ
ﻧﻮﺍﻑ - ﺍﻫﻮﻭ ﻫﺎﻱ ﺷﻨﻮ ﺍﺷﻮ ﺟﻨﻲ ﺍﺷﻢ ﺭﻳﺤﺔ ﻏﻴﺮﺓ ﺑﺎﻟﺠﻮ .
ﻓﺮﺡ
ﺍﺧﺬﻧﺎ ﺻﻮﺭ ﺍﻧﻲ ﻭﺳﻠﻮﻯ ﻭﺳﺮﻭﺭ ﺳﻮﻳﺔ ﻭﻛﺎﻧﺖ ﺳﻠﻮﻯ ﻛﻠﺶ ﻓﺮﺣﺎﻧﺔ ﻭﺑﻌﺪﻫﺎ ﺍﺟﻮ ﺍﻟﺒﻨﺎﺕ ﻭﺍﺗﺠﻤﻌﻮ ﻛﻠﻬﻢ ﻭﺍﺧﺬﻧﺎ ﺻﻮﺭﺓ
↙️
ﺷﻮﻳﺔ ﻭﺣﺴﺖ ﻋﻠﻰ ﺳﺮﻭﺭ ﺍﺗﺄﺧﺮﺕ ﮔﺎﻟﺖ ﺭﺍﺡ ﺍﺭﻭﺡ ﻟﻠﺤﻤﺎﻡ
ﺍﺷﻮ ﻣﺎﻛﻮﻟﺤﺪ ﻫﺴﺔ
ﺧﻞ ﺍﻛﻮﻡ ﺍﺷﻮﻑ ﻭﻳﻦ ﺻﺎﺭﺕ
ﺭﺣﺖ ﻟﺨﺎﺭﺝ ﺍﻟﺼﺎﻟﺔ ﻻﻥ ﺷﻲ ﺍﻛﻴﺪ ﺍﻟﺤﻤﺎﻣﺎﺕ ﺑﺮﺓ
ﻃﻠﻌﺖ ﺑﺮﺓ ﻭﺷﻔﺖ ﺍﺛﻨﻴﻦ ﺷﺒﺎﺏ ﻣﺘﺰﺍﻧﮕﻴﻦ ﻭﺍﺣﺪ ﻻﺯﻡ ﻗﻤﻴﺺ ﺍﻟﻼﺥ ﻣﻦ ﺭﮔﺒﺘﺔ
ﻭﺳﺮﻭﺭ ﻭﺍﻛﻔﺔ ﻋﻠﻰ ﺻﻔﺤﺔ ﺗﺒﺠﻲ
ﺭﺣﺖ ﺍﺭﻛﺾ ﻟﻌﻨﺪﻫﻢ
ﺍﻧﺘﺒﻬﺖ ﻟﻲ ﺳﺮﻭﺭ ﻭﺭﻛﻀﺖ ﻋﻠﻴﺔ ﻭﺣﻀﻨﺘﻨﻲ ﻭﻫﻲ ﺗﺒﺠﻲ
ﺳﺮﻭﺭ - ﻟﺤﻜﻲ ﻓﺮﺡ ﻫﺬﺍ ﻋﻼﺀ ﻭﻣﺤﻤﺪ ﺍﺗﻌﺎﺭﻛﻮ
ﻓﺮﺡ - ﻭﺍﻧﺘﻲ ﺷﻠﺞ ﻏﺮﺽ ﺑﻴﻬﻢ ﻟﻴﺶ ﻣﺎ ﺗﺮﻛﺘﻴﻬﻢ ﻭﺩﺧﻠﺘﻲ ﺷﻨﻮ ﻗﺎﺑﻞ ﺍﻧﺘﻲ ﺗﺮﻳﺪﻳﻦ ﺗﻔﻜﻴﻬﻢ
ﺳﺮﻭﺭ - ﻻ ﻣﻮ ﻫﻮ ﺍﻟﻌﺮﻛﺔ ﻛﻠﻬﺎ ﻣﻦ ﻭﺭﺍﻱ
ﻓﺮﺡ ﺑﺨﻮﻑ - ﻟﻴﺶ ﻭﻟﺞ ﺷﻤﺴﻮﻳﺔ ﺍﺣﺠﻲ
ﺳﺮﻭﺭ ﻭﻫﻲ ﺗﺒﺠﻲ - ﺟﺎﻱ ﺍﺭﻭﺡ ﻟﻠﺤﻤﺎﻡ ﻭﻣﺤﻤﺪ ﻗﻄﻊ ﻋﻠﻴﺔ ﺍﻟﻄﺮﻳﻖ ﻭﺟﺮﻧﻲ ﻣﻦ ﺍﻳﺪﻱ ﻳﮕﻠﻲ ﺍﻧﺘﻲ ﺍﻟﻲ ﺩﻳﺮﻱ ﺑﺎﻟﺞ ﺍﺷﻮﻓﺞ ﻭﺍﻛﻔﺔ ﻳﻢ ﺍﺣﺪ ﻟﻮ ﺗﻀﺤﻜﻴﻦ ﻭﻳﺔ ﻭﺍﺣﺪ
ﻭﺍﻧﻲ ﺭﺩﺕ ﺍﺳﺤﺐ ﺍﻳﺪﻱ ﻣﻨﺔ ﻭﻛﺘﻠﺔ ﻋﻮﻓﻨﻲ ﻻ ﺍﻛﻮﻝ ﻟﻔﺮﺡ ﺗﺠﻲ ﺗﻠﻌﺐ ﺑﻴﻚ ﻃﻮﺑﺔ ﺑﺲ ﻓﺠﺎﺀﺓ ﻣﺎﺣﺴﻴﺖ ﻋﻠﻰ ﻋﻼﺀ ﺍﺑﻦ ﻋﻤﻮ ﺗﻮﻓﻴﻖ ﻣﻦ ﺭﻛﺾ ﻋﻠﻰ ﻣﺤﻤﺪ ﻭﺯﻧﮕﺔ ﻣﻦ ﺭﮔﺒﺘﺔ
ﻭﻳﻜﻠﺔ ﻫﺎﻱ ﻫﺎﻱ ﺍﻟﻤﺮﺟﻠﺔ ﺍﻥ ﺗﺴﺘﻘﻮﻯ ﻋﻠﻰ ﺍﺑﻨﻴﺔ ﻭﻟﻚ ﻫﺎﻱ ﺑﻨﺖ ﻋﻤﻚ ﻳﺎﻟﻌﺎﺭ ﺗﺘﻌﺮﺽ ﻟﺸﺮﻓﻚ ﺍﻧﺔ ﺍﻋﻠﻤﻚ ﺗﻌﺎﻝ
ﻓﺮﺡ ﻭﺣﺴﺖ ﺍﻟﻨﺎﺭ ﺻﺎﺭﺕ ﺑﮕﻠﺒﻬﺎ ﻭﻣﺎ ﺍﺗﺤﻤﻠﺖ
ﺣﺴﺎﻡ ﺍﻓﺘﻘﺪﺕ ﻭﺟﻮﺩ ﻓﺮﺡ ﻣﺎﺷﻔﺘﻬﺎ ﻳﻢ ﺑﻴﺒﻲ ﻭﻻ ﻋﻨﺪ ﺳﻠﻮﻯ
ﻭﺍﻧﻲ ﺍﻟﺸﻚ ﻇﻞ ﻳﻠﻌﺐ ﺑﺮﺍﺳﻲ ﺭﺣﺖ ﺍﺩﻭﺭ ﻋﻠﻴﻬﺎ ﻭﺍﻧﻲ ﺟﺴﻤﻲ ﻳﺮﺟﻒ ﻟﻜﻦ ﺍﻧﺼﺪﻣﺖ ﻣﻦ ﻃﻠﻌﺖ ﻣﻦ ﺍﻟﻘﺎﻋﺔ ﻭﺍﺷﻮﻑ ﺳﻠﻮﻯ ﺭﻛﻀﺖ ﻋﻠﻰ ﻣﺤﻤﺪ ﻭﺳﺤﺒﺘﺔ ﻣﻦ ﺭﺑﺎﻃﺔ ﺑﺲ ﻛﺎﻧﺖ ﺍﻟﺼﺪﻣﺔ ﻣﻦ ﻟﺰﻣﺖ ﺗﺤﻔﻴﺔ ﻛﺎﻧﺖ ﻣﻮﺿﻮﻋﺔ ﻋﻠﻰ ﻣﻴﺰ ﻣﻨﻈﺮ ﻭﮔﺎﻣﺖ ﻭﺣﻄﺖ ﺍﻟﺘﺤﻔﻴﺔ ﺑﺮﺍﺱ ﻣﺤﻤﺪ ﻭﻃﺸﺮﺗﻬﺎ ﻋﻠﻰ ﺭﺍﺳﺔ
ﺍﺥ ﺍﻟﻠﻪ ﻫﺎﻱ ﺷﻨﻮ ﻣﻮ ﻣﻌﻘﻮﻟﺔ ﻫﺎﻱ ﺍﻟﺒﻨﻴﺔ ﺭﺍﺡ ﺗﺠﻠﻄﻨﻲ ﻭﺍﻟﻠﻪ ﻋﻤﻲ ﺿﺒﻌﺔ
ﺭﺣﺖ ﺍﺭﻛﺾ ﻋﻠﻴﻬﻢ ﻭﺷﻠﺘﺔ ﻣﻦ ﺧﺼﺮﻫﺎ ﻭﺑﻌﺪﺗﻬﺎ ﻋﻦ ﻣﺤﻤﺪ ﺍﻟﻲ ﺻﺎﺭ ﻋﺒﺎﺭﺓ ﻋﻦ ﻭﺟﻪ ﻭﺷﻌﺮ ﻭﻗﻤﻴﺺ ﻛﻠﺔ ﻣﻬﻮﺱ ﻭﻗﻄﻊ ﻣﻜﺴﺮﺓ ﻫﻬﻬﻬﻬﻪ ﻋﺒﺎﻟﻚ ﺑﺰﻭﻧﺔ ﻫﺎﺩﺓ ﻋﻠﻴﻪ ﻻﻋﺒﺔ ﺑﻲ ﻃﻮﺑﺔ ﺑﻨﺖ ﺍﻻﻭﺍﺩﻡ
ﻓﺮﺡ ﻭﻫﻲ ﺗﻘﺎﻭﻡ ﻭﺗﺪﻓﻊ ﺍﻟﻲ ﺳﺤﺒﻬﺎ ﻭﻗﻴﺪﻫﺎ ﻣﻦ ﺧﺼﺮﻫﺎ ﻭﺗﻬﺪﺩ ﻣﺤﻤﺪ
ﻓﺮﺡ ﻭﺍﻟﻨﺎﺭ ﺗﻄﻠﻊ ﻣﻦ ﻋﻴﻮﻧﻬﺔ - ﺷﻮﻑ ﻳﺎﻟﻨﺠﺲ ﺍﺫﺍ ﺍﻗﺘﺮﺑﺖ ﻣﻦ ﺍﺧﺘﻲ ﻭﺍﻟﻠﻪ ﻟﺴﻮﻱ ﺑﻴﻚ ﺳﻮﺍﻳﺔ ﺍﺧﻠﻲ ﺍﻟﻨﺎﺱ ﻛﻠﻬﺎ ﺗﺤﺠﻲ ﺑﻴﻬﺎﻭﺍﺣﺴﺐ ﺍﻟﻠﻪ ﻣﺎﺧﻠﻘﻚ
ﻋﻼﺀ - ﻻ ﺗﺸﻴﻠﻴﻦ ﻫﻢ ﺍﻧﻲ ﻣﻮﺟﻮﺩ ﻭﺍﺣﻄﻠﺔ ﺣﺪ ﻟﻬﻞ ﺍﻟﻌﺎﺭ
ﻓﺮﺡ ﻣﺎﺣﺴﻴﺖ ﻋﻠﻰ ﺭﻭﺣﻲ ﻣﻦ ﺭﻛﺒﺖ ﺍﻟﺴﻴﺎﺭﺓ ﺍﻟﺘﻔﺘﺖ ﻫﺬﺍ ﻣﻨﻮ ﺍﻟﻲ ﺭﻛﺒﻨﻲ ﺩﺭﺕ ﻭﺟﻬﻲ ﻋﻠﻴﻪ ﺷﻔﺘﺔ ﺣﺴﺎﻡ ﻭﺍﻟﻨﺎﺭ ﺑﻌﻴﻮﻧﺔ ﺗﺠﺪﺡ
ﻭﺻﻠﻨﺎ ﻟﻠﺒﻴﺖ ﻭﻧﺰﻝ ﻣﻦ ﺍﻟﺴﻴﺎﺭﺓ ﻭﺩﺧﻠﻨﻲ ﻟﺒﻴﺖ ﺟﺪﻱ ﻭﻫﻮ ﻻﺯﻡ ﺯﻧﺪﻱ ﻗﻮﻱ ﻭﻳﺴﺤﺒﻨﻲ ﻟﻠﺒﻴﺖ
ﺍﻭﻝ ﻣﺎ ﺩﺧﻠﻨﺎ ﻟﻠﺒﻴﺖ ﺩﻓﻌﻨﻲ ﻛﺪﺍﻣﺔ ﻭﺍﻧﻲ ﺍﻟﺘﻔﺘﺖ ﻋﻠﻴﻪ ﻭﺟﻤﺪﺕ ﺑﻤﻜﺎﻧﻲ
ﺣﺴﺎﻡ - ﺍﻛﻮﻝ ﺍﺷﻮ ﺍﻧﺘﻲ ﺿﺎﺭﺑﺔ ﺍﻟﺪﻧﻴﺎ ﺑﻌﺮﺽ ﺍﻟﺤﺎﻳﻂ ﻭﻣﺎ ﺣﺎﺳﺒﺔ ﻋﻨﺪﺝ ﺭﺟﺎﻝ ﺷﻠﻮﻥ ﺗﺮﺣﻴﻦ ﺗﻬﺪﻳﻦ ﻋﻠﻰ ﻣﺤﻤﺪ ﺍﻧﺘﻲ ﻣﺎﺗﺴﺘﺤﻴﻦ
ﻓﺮﺡ ﻭﺑﻌﻨﺎﺩ ﻭﻏﻀﺐ - ﺍﻧﺖ ﻣﺎﺗﻌﺮﻑ ﺷﻨﻮ ﺳﻮﺓ ﻣﺤﻤﺪ ﻻﺧﺘﻲ
ﺣﺴﺎﻡ - ﻟﻮ ﻣﻬﻤﺎ ﻛﺎﻥ ﺍﻟﻲ ﺳﻮﺍﻩ ﻻﺧﺘﺞ ﺍﻛﻮ ﺭﻳﺎﺟﻴﻞ ﺗﺮﺣﻴﻦ ﺍﻟﻬﻢ ﻭﺗﺤﺠﻴﻦ ﻭﻳﺎﻫﻢ ﻣﻮ ﺗﺮﺣﻴﻦ ﺗﻬﺪﻳﻦ ﻋﺒﺎﻟﻚ ﺯﻟﻤﺔ
ﻓﺮﺡ - ﻣﺎﻟﻚ ﺣﻖ ﺗﺠﻲ ﺗﺤﺠﻲ ﻭﺗﺤﻜﻢ ﻋﻠﻴﺔ ﺍﻧﺖ ﻣﺎﺗﻌﺮﻑ ﻫﺬﺍ ﺍﻟﻌﺎﺭ ﺷﺴﻮﺓ ﻭﻳﺔ ﺍﺧﺘﻲ ﻫﺬﺍ ﻛﻞ ﻣﺮﺓ ﻳﺘﺤﺎﺭﺵ ﺑﻴﻬﺎ
ﻭﻫﻲ ﺗﺨﺎﻑ ﻣﻨﺔ ﻣﺎﺗﻜﺪﺭ ﺗﺤﺠﻲ ﻻﻥ ﻳﻬﺪﺩﻫﺎ ﻭﻳﻜﻠﻠﻬﺎ ﻣﺤﺪ ﺭﺍﺡ ﻳﺼﺪﻙ ﻛﻼﻣﺞ ﻣﻦ ﺗﻜﻮﻟﻴﻦ ﺍﺗﺤﺎﺭﺵ ﺑﻴﺞ
ﺍﻧﺘﻲ ﺍﺧﺘﺞ ﻛﺘﻠﻮﻫﺎ ﻻﻥ ﺷﺮﻓﻬﺎ ﺿﺎﻳﻊ
ﺗﻌﺮﻑ ﺷﻨﻮ ﻳﻜﻮﻥ ﺍﺣﺴﺎﺳﻲ ﻣﻦ ﺍﺷﻮﻑ ﻭﺍﺣﺪ ﻳﺄﺫﻱ ﻭﺣﺪﺓ ﻣﻦ ﺧﻮﺍﺗﻲ ﺍﻭ ﻳﻤﺴﻬﻢ ﺑﻜﻠﻤﺔ ﺍﺻﻴﺮ ﻭﺣﺶ ﻭﺍﻫﺠﻢ ﻭﻣﺎ ﺍﻫﺘﻢ ﻻﻛﺒﺮ ﻭﺍﺣﺪ ﻟﻮ ﺍﻋﺮﻑ ﻋﻠﻰ ﻛﺺ ﺭﮔﺒﺘﻲ ﺑﺲ ﺍﻫﻢ ﺷﻲ ﺍﺧﺬ ﺣﻴﻔﻲ ﻣﻨﺔ ﻭﺍﺑﺮﺩ ﮔﻠﺒﻲ ﻭﮔﻠﺐ ﺧﻮﺍﺗﻲ ﻭﺑﻌﺪﻳﻦ ﺷﻨﻮ ﺗﺮﺩﻭﻥ ﺗﺴﻮﻭﻥ ﺑﻴﺔ ﺳﻮﻭﻩ ﻣﺎ ﺭﺍﺡ ﺍﻫﺘﻢ ﻻﻥ ﺑﻮﻗﺘﻬﺎ ﺍﻛﻮﻥ ﺍﺧﺬﺕ ﺣﻘﻲ ﻣﻦ ﺍﻟﻌﺎﺭ ﻭﺟﻨﺖ ﺍﺗﻤﻨﻰ ﻋﻨﺪﻱ ﺍﻟﺴﺠﻴﻦ ﺍﻟﺼﻐﻴﺮﺓ ﻣﺎﻟﺘﻲ ﻭﺍﻟﻠﻪ ﻣﺎ ﺍﺗﺮﺩﺩ ﻟﺤﻈﺔ ﻭﺣﺪﺓ ﻭﺍﺣﻄﻬﺔ ﺑﺼﺪﺭﻩ ﺗﺮﺓ ﻛﺎﻓﻲ ﺳﻜﺘﻨﺎﻟﻜﻢ ﻫﻮﺍﻱ ﺑﻌﺪ ﻣﺎ ﺭﺍﺡ ﺍﺳﻜﺖ
ﻛﺎﻧﺖ ﻓﺮﺡ ﺗﺤﺠﻲ ﻭﺗﺘﻨﻔﺲ ﺑﻐﻀﺐ
ﻭﻛﺎﻥ ﺣﺴﺎﻡ ﻳﻨﻈﺮ ﺍﻟﻬﺎ ﻭﻫﻮ ﺑﻐﻴﺮ ﻋﺎﻟﻢ ﻳﻨﻈﺮ ﻟﺸﻜﻠﻬﺎ ﻭﻋﻨﻔﻮﺍﻧﻬﺎ ﺍﻟﻲ ﻣﺎﻟﺔ ﺣﺪﻭﺩ
ﺍﻟﻲ ﻳﺸﻮﻓﻬﺎ ﻳﺤﺴﺒﻬﺎ ﺍﻧﺜﻰ ﺑﻤﻌﻨﺎ ﺍﻟﻜﻠﻤﺔ
ﻳﻌﻨﻲ ﺍﻟﻐﻼﻑ ﺍﻟﺨﺎﺭﺟﻲ ﻛﻠﺔ ﺍﻧﻮﺛﺔ
ﻟﻜﻦ ﺍﻟﻤﺤﺘﻮﻯ ﻏﻴﺮ ﻳﺨﺘﻠﻒ ﻛﺎﻥ ﺍﻟﺪﺍﺧﻞ ﻋﺒﺎﺭﺓ ﻋﻦ ﻭﻟﺪ ﻣﺸﺎﻛﺲ ﻳﻌﺎﻧﺪ ﻭﻳﻄﺎﻟﺐ ﺑﺤﻘﺔ ﻭﺣﻖ ﺧﻮﺍﺗﻪ
ﺑﺲ ﻏﻴﺮ ﺍﻟﺼﺪﻙ ﺑﺪﻳﺖ ﺍﻓﺘﺨﺮ ﺍﻥ ﻫﺎﻱ ﺍﻻﻧﺴﺎﻥ ﺍﻟﻲ ﻭﺍﻗﻔﺔ ﺍﻣﺎﻣﻲ ﺭﺍﺡ ﺗﺼﻴﺮ ﺯﻭﺟﺘﻲ ﻓﻌﻼ ﺍﻟﻮﺍﺣﺪ ﻣﺎﻳﺨﺎﻑ ﻋﻠﻰ ﺑﻴﺘﺔ ﻣﻦ ﺗﻜﻮﻥ ﻫﻴﺞ ﺑﻨﻴﺔ ﺍﻡ ﺑﻴﺘﺔ ﻫﺎﻱ ﺍﻟﻲ ﺭﺍﺡ ﺗﺼﻮﻧﺔ ﺍﺫﺍ ﻏﺎﺏ ﻋﻦ ﺍﻟﺒﻴﺖ
ﻭﺩﺧﻠﺖ ﻧﺒﻀﺔ ﺟﺪﻳﺪﺓ ﺍﻟﻰ ﻗﻠﺐ ﺣﺴﺎﻡ ﻭﻛﺴﺒﺖ ﻧﻘﻄﺔ ﻟﺼﺎﻟﺤﻬﺎ
ﺍﻗﺘﺮﺏ ﺣﺴﺎﻡ ﻣﻦ ﻋﻨﺪﻫﺎ ﻭﻫﻲ ﺗﺘﻨﻔﺲ ﺑﻐﻀﺐ ﻭﻣﺎ ﻳﻌﺮﻑ ﻟﻴﺶ ﻫﻮ ﺭﺍﻳﺢ ﻟﻌﻨﺪﻫﺎ ﺑﺲ ﺣﺲ ﺑﺮﻭﺣﺔ ﻳﺮﻳﺪ ﺍﻥ ﻳﺎﺧﺬ ﻫﺎﻱ ﺍﻻﻧﻔﺎﺱ ﺍﻟﻐﺎﺿﺒﺔ ﺑﻴﻦ ﺷﻔﺎﻳﻔﺔ ﻭﻳﺘﻨﻔﺴﻬﺎ
ﻭﺑﻤﻔﺎﺟﺌﺔ ﺳﺤﺒﻬﺎ ﻟﺤﻀﻨﺔ ﻭﺳﺤﺐ ﺷﻔﺎﻳﻔﻬﺎ ﻭﺣﺒﺴﻬﺔ ﺑﻴﻦ ﺷﻔﺎﻳﻔﻪ
ﻭﻫﻲ ﺑﻴﻦ ﺍﻟﻤﺼﺪﻭﻣﺔ ﻭﺑﻴﻦ ﺍﻟﻲ ﺑﺪﺕ ﺗﺴﺘﻮﻋﺐ ﻭﺿﻌﻬﺎ ﺑﺤﻀﻦ ﺣﺴﺎﻡ
ﻟﻜﻦ ﺣﺴﺎﻡ ﺍﻟﻲ ﻋﺮﻑ ﺷﻠﻮﻥ ﻳﺒﺪﻱ ﻭﻳﺎﺧﺬﻫﺎ ﻭﻳﺎﻩ ﻟﻌﺎﻟﻤﺔ ﻭﺍﻣﺘﻠﻚ ﺷﻔﺎﻳﻔﻬﺔ ﻭﺍﺧﺬ ﻳﻄﺒﻊ ﻋﻠﻴﻬﻢ ﻣﻠﻜﻴﺘﺔ ﻟﻜﻦ ﻣﺎ ﻋﺮﻑ ﺷﻠﻮﻥ ﻳﻨﻬﻲ ﺍﻟﻲ ﺑﺪﺍﻩ ﻳﺤﺲ ﺑﺮﻭﺣﺔ ﺍﺻﻼ ﻣﺎﻳﺮﻳﺪ ﻳﻨﻬﻲ ﺍﻟﻮﺿﻊ
ﻓﺮﺡ ﺍﺗﻔﺎﺟﺌﺖ ﺑﻲ ﻣﻦ ﺳﻮﺓ ﻫﻴﺞ ﻭﻳﺎﻱ ﻟﻜﻦ ﻣﻔﺎﺟﺌﺘﻲ ﻛﺎﻧﺖ
ﺍﻛﺒﺮ ﺑﺴﺘﺴﻼﻣﻲ ﺍﻟﺔ ﻭﺫﺑﺖ ﺑﻴﻦ ﺍﺩﻳﻪ ﻣﻌﻘﻮﻟﺔ ﺍﻧﻲ ﻫﻴﺞ
ﺍﺥ ﻳﺎﺭﺑﻲ ﻫﻮ ﻫﺬﺍ ﺍﻟﺸﻌﻮﺭ ﺍﻟﻲ ﻳﺤﺴﻮﻥ ﺑﻲ ﺍﻟﺒﻨﺎﺕ
ﺍﻭﻑ ﺍﺣﺲ ﺑﺮﻭﺣﻲ ﺻﺮﺕ ﻗﻄﻌﺔ ﻧﺎﺭ
ﺣﺴﻴﺖ ﻋﻠﻰ ﻧﻔﺲ ﺣﺴﺎﻡ ﺻﺎﺭ ﺛﮕﻴﻞ ﻭﺣﺴﻴﺖ ﺑﻲ ﻟﺰﻣﻨﻲ ﻣﻦ ﺧﺼﺮﻱ ﻭﻗﻄﻊ ﺍﻻﺗﺼﺎﻝ ﺑﻴﻨﺎ ﻭﺻﺎﺭ ﻳﻨﻈﺮ ﺍﻟﻲ ﺑﺸﻐﻒ
ﺍﻛﻮﻝ ﻓﺮﺡ ﻫﺬﺍ ﺧﺼﺮﺝ ﻣﻮ ﻃﺒﻴﻌﻲ
ﻫﻲ ﺻﺎﺭﺕ ﻃﻤﺎﻃﺔ ﻣﻦ ﺍﻟﺨﺠﻞ
ﺣﺴﺎﻡ ﺍﻭﻝ ﻣﺮﺓ ﺍﺷﻮﻑ ﺑﻨﻴﺔ ﺧﺠﻠﻬﺎ ﻳﺰﻳﺪﻫﺎ ﺟﻤﺎﻝ
ﺣﺴﺎﻡ - ﺍﺥ ﺍﻟﻠﻪ ﺷﻮﻛﺖ ﻳﺨﻠﺺ ﺍﻻﺳﺒﻮﻉ ﻭﺗﺼﻴﺮﻳﻦ ﻣﻠﻜﻲ ﻭﺣﻼﻟﻲ ﺑﻮﻗﺘﻬﺎ ﺗﺼﺒﺤﻴﻦ ﺑﺤﻀﻨﻲ
↙️
ﻓﺮﺡ
ﻣﺮﺕ ﺍﻻﻳﺎﻡ ﻭﺍﻟﺘﻬﻴﺖ ﺑﺠﻬﻴﺰ ﻧﻔﺴﻲ ﻭﺧﻄﻴﺔ ﻋﻤﺔ ﺭﺳﻤﻴﺔ ﺍﺑﺪ ﻣﺎ ﺗﺮﻛﺘﻨﻲ ﻟﻮﺣﺪﻱ ﻭﺭﺷﺎ ﺍﻟﺘﻬﺖ ﺑﺘﺠﻬﺰ ﺍﻟﻐﺮﻓﺔ ﻭﻏﺮﺍﺿﻬﺎ ﻻﻥ ﻣﺎﻋﻨﺪﻱ ﻭﻗﺖ ﺍﻃﻠﻊ ﺍﺧﺘﺎﺭ ﻭﻳﺎﻫﻢ ﺍﻟﻐﺮﻓﺔ
ﻛﻨﺖ ﺍﺣﺲ ﺑﺮﻭﺣﻲ ﺍﺳﻌﺪ ﺍﻧﺴﺎﻧﺔ
ﻛﺎﻧﺖ ﺻﺎﺩﻑ ﺍﻟﻔﺘﺮﺓ ﻋﻄﻠﺔ ﺍﻟﺒﻨﺎﺕ ﻭﺳﻠﻮﻯ ﺍﺳﺘﻠﻤﺖ ﻋﻨﻲ ﺍﻟﻤﻄﺒﺦ ﻭﺳﺮﻭﺭ ﺣﺒﻴﺒﺘﻲ ﺍﺳﺘﻠﻤﺖ ﺍﻟﺒﻴﺖ ﻻﻥ ﺍﻧﻲ ﻫﺎﻱ ﺍﻻﻳﺎﻡ ﻛﻠﺶ ﺍﻧﺸﻐﻠﺖ
ﺳﺮﻭﺭ ﺣﺒﻴﺒﺘﻲ ﺍﺣﺲ ﺑﻴﻬﺎ ﻛﺒﺮﺕ
ﻭﺍﻧﺘﺒﻬﺖ ﻋﻠﻰ ﻧﻈﺮﺍﺕ ﻋﻼﺀ ﺍﺑﻦ ﻋﻤﻲ ﻭﻣﻌﺎﻣﻠﺘﺔ ﻭﻳﺔ ﺳﺮﻭﺭ
ﺷﻠﻮﻥ ﻳﺤﺮﺹ ﻋﻠﻴﻬﺎ ﻭﻣﺮﺓ ﺷﻔﺘﺔ ﺷﻠﻮﻥ ﺍﻋﺘﺮﺽ ﻭﻣﺎ ﻗﺒﻞ ﺳﺮﻭﺭ ﺗﺮﻭﺡ ﻟﻮﺣﺪﻫﺎ ﻣﺎ ﺭﺍﺩﺕ ﺗﺮﻭﺡ ﻣﺸﻲ ﻟﻠﻤﺪﺭﺳﺔ ﻣﺎﻟﺘﻬﺔ ﻻﻥ ﺳﻴﺎﺭﺓ ﺍﻟﺴﺎﻳﻖ ﻋﻄﻼﻧﺔ ﻭﻛﺎﻧﺖ ﺍﻟﻤﺪﺭﺳﺔ ﻗﺮﻳﺒﺔ
ﻟﻜﻦ ﻋﻼﺀ ﺭﻓﺾ ﺗﻄﻠﻊ ﻟﻮﺣﺪﻫﺎ ﺗﻤﺸﻲ ﻭﺍﺻﺮ ﺍﻥ ﻳﻮﺻﻠﻬﺎ ﻣﻮ ﻫﻨﺎ ﺍﻟﺤﺠﻲ ﺍﺳﺘﻐﺮﺑﺖ ﻣﻦ ﻣﻮﻗﻒ ﺍﺧﺘﻲ ﺳﺮﻭﺭ ﺷﻠﻮﻥ ﺻﺎﺭﺕ ﺧﺪﻭﺩﻫﺔ ﻃﻤﺎﻃﺔ ﺣﺴﻴﺖ ﻣﻦ ﻧﻈﺮﺍﺗﻬﺎ ﺍﻥ ﺍﺧﺘﻲ ﻛﺒﺮﺕ ﻭﺑﺪﺕ ﺗﺤﺐ
ﺑﺲ ﺍﻟﺤﻤﺪﻟﻠﻪ ﻋﻠﻰ ﺍﻻﻗﻞ ﺍﺧﺘﻴﺎﺭﻫﺎ ﻣﻮﻓﻖ ﻭﺣﺒﺖ ﻋﻼﺀ ﻻﻥ ﻫﻮ ﻛﻠﺶ ﺣﺒﺎﺏ
ﻭﻫﺬﺍ ﺍﻟﺸﻲ ﻃﻤﻨﻲ
ﺍﻟﺤﻤﺪﻟﻠﻪ ﻳﺎ ﺭﺏ ﺍﺳﻌﺪﻧﻲ ﻭﺍﺳﻌﺪ ﺧﻮﺍﺗﻲ
ﻛﻨﺖ ﻛﻞ ﻗﻄﻌﺔ ﺍﺷﺘﺮﻳﻬﺎ ﺑﻤﻼﺑﺴﻲ ﺍﺣﺲ ﺑﻴﻬﺎ ﺭﻳﺤﺔ ﻓﺮﺡ ﻭﺳﻌﺎﺩﺓ ﻭﻛﺎﻥ ﺍﻻﺷﺘﻴﺎﻕ ﻣﺮﺳﻮﻡ ﻋﻠﻰ ﻭﺟﻬﻲ
ﺣﺴﺎﻡ
ﻣﻦ ﻳﻮﻡ ﺍﻟﻲ ﺍﻗﺘﺮﺑﺖ ﻋﻠﻰ ﻓﺮﺡ ﻭﺻﺎﺭﺕ ﺑﺤﻀﻨﻲ
ﺑﻠﺤﻈﺘﻬﺎ ﺣﺴﻴﺖ ﺍﻟﻨﻔﺲ ﻃﺎﺑﺖ ﻣﺎﻳﺤﻼﻟﻲ ﻏﻴﺮ ﺣﻀﻨﻬﺎ ﺣﺎﻭﻟﺖ ﺍﺭﻭﺡ ﻟﻌﻨﺪ ﻫﺎﻟﺔ ﻟﻜﻦ ﻣﺎ ﻛﺪﺭﺕ ﺣﺴﻴﺖ ﺑﻄﻌﻢ ﺍﻟﺤﻀﻦ ﻓﺎﻫﻲ ﻭﺑﺎﺭﺩ
ﻣﻮ ﻣﺜﻞ ﺍﻟﻨﺎﺭ ﺍﻟﻲ ﺻﺎﺭﺕ ﺑﻴﻨﻲ ﻭﺑﻴﻦ ﻓﺮﺡ ﻫﺬﺍ ﻛﺎﻥ ﺷﻌﻮﺭ ﻏﻴﺮ ﺍﺑﺪﻣﺎ ﺣﺎﺱ ﻣﺜﻠﺔ ﻭﻳﺔ ﺍﻱ ﻭﺣﺪﺓ ﻣﻦ ﺍﻟﻲ ﺟﻨﺖ ﺍﺗﺰﻭﺟﻬﻦ
ﺻﺮﺕ ﺍﻋﺪ ﺍﻻﻳﺎﻡ ﻭﺍﻟﺴﺎﻋﺎﺕ ﻟﺤﻈﺔ ﻟﺤﻈﺔ
ﺣﺴﻴﺖ ﺍﻻﺳﺒﻮﻉ ﻋﺒﺎﻟﻚ ﺳﻨﺔ
ﻭﺻﺮﺕ ﺍﺭﻳﺪ ﺑﺲ ﺍﺷﻮﻓﻬﺎ ﻟﻜﻦ ﺩﺍﺋﻤﺎ ﻳﺼﻴﺮ ﻟﻘﺎﺀﻧﺎ ﺑﻮﺟﻮﺩ ﺍﻟﺠﻤﻴﻊ
ﺻﺮﺕ ﺍﻏﺎﺭ ﺍﺫﺍ ﺍﺷﻮﻑ ﺳﻴﺎﺭﺓ ﻋﺎﻣﺮ ﻋﻨﺪ ﺑﻴﺖ ﺟﺪﻱ
ﺍﺗﻐﻴﺮﺕ ﺑﻴﺔ ﻫﻮﺍﻱ ﺍﺷﻴﺎﺀ
ﺍﻧﺘﺒﻬﺖ ﻋﻠﻰ ﻓﺮﺡ ﺷﻠﻮﻥ ﻣﻌﺘﻨﻴﺔ ﺑﻔﻬﺪ ﺍﺑﻨﻲ ﻭﺷﻠﻮﻥ ﺍﺷﻮﻓﺔ ﺩﺍﺋﻤﺎ ﺑﺤﻀﻨﻬﺎ ﻛﻨﺖ ﻣﺮﺍﺕ ﺣﺘﻰ ﺍﻏﺎﺭ ﻋﻠﻴﻬﺎ ﻣﻦ ﻓﻬﺪ ﻣﻦ ﺍﺷﻮﻑ ﺍﻋﺘﻨﺎﺀﻫﺎ . ﺑﻲ ﻫﻮ ﻭﺟﺪﻱ
ﺍﺣﺲ ﺻﺮﺕ ﺍﻧﺎﻧﻲ ﻭﺍﺭﻳﺪﻫﺎ ﺑﺲ ﺍﻟﻲ
ﻭﺍﻟﻠﻪ ﺍﺑﺪ ﻣﺎ ﺍﺗﻤﻨﻴﺖ ﺍﻥ ﻳﻮﻡ ﻣﻦ ﺍﻻﻳﺎﻡ ﻭﺣﺪﺓ ﻣﻦ ﻫﺬﻧﻲ ﺍﻟﻲ ﺟﻨﺖ ﻣﺘﺰﻭﺟﻬﻦ ﺍﻥ ﺗﺠﻲ ﺗﺴﻜﻦ ﺑﺒﻴﺘﻲ ﻭﺍﺷﻮﻓﻬﺎ ﺍﻡ ﺑﻴﺘﻲ ﺍﺑﺪ
ﻟﻜﻦ ﻓﺮﺡ ﻻ ﻏﻴﺮ ﻛﻨﺖ ﺍﺭﻳﺪﻫﺎ ﺗﺼﻴﺮ ﺍﻡ ﺑﻴﺘﻲ ﻭﻣﻮ ﺑﺲ ﻫﻴﺞ ﺣﺘﻰ ﻛﻤﺖ ﺍﺗﻤﻨﺎﻫﺎ ﺗﺼﻴﺮ ﺍﻡ ﺟﻬﺎﻟﻲ ﻭﺻﺮﺕ ﺍﺗﺼﻮﺭﻫﺎ ﺷﻠﻮﻥ ﺗﺤﻤﻞ ﺑﺎﺣﺸﺎﺀﻫﺎ ﺍﺑﻨﻲ ﺑﻮﻗﺘﻬﺎ ﺭﺍﺡ ﺍﺣﺲ ﺑﺎﻟﻔﺨﺮ
ﺍﻟﺠﺪ - ﺗﻮﻓﻴﻖ ﺍﻟﻴﻮﻡ ﺟﻴﺐ ﺍﻟﻤﺤﺎﻣﻲ ﻭﻳﺎﻙ ﻣﻦ ﺗﺠﻲ
ﺗﻮﻓﻴﻖ - ﺻﺎﺭ ﺑﻮﻳﺔ ﭠــڊٍﻟََُﻞََُؖ ﺑﺲ ﺧﻞ ﺍﺧﻠﺺ ﺍﻟﺸﻐﻞ ﺍﻟﻌﻨﺪﻱ ﻭﺑﻌﺪﻳﻦ ﺍﺟﻲ ﻭﺍﺟﻴﺒﺔ ﻭﻳﺎﻱ
ﻓﺮﺡ
ﻫﻠﻮ ﺭﻧﻮﺵ ﺷﻠﻮﻧﺞ ﺷﺨﺒﺎﺭﺝ
ﺭﻧﺎ - ﺍﻟﺤﻤﺪﻟﻠﻪ ﺯﻳﻨﺔ ﺑﺲ ﻫﺬﺍ ﻣﻮﺗﻨﻲ ﻋﺒﻮﺩﻱ ﻟﻌﺐ ﺑﺤﺎﻟﻲ ﻟﻌﺐ ﻳﺮﻳﺪ ﻳﻄﻠﻊ ﺍﺳﻨﺎﻥ ﺍﻟﺮﺣﻰ ﻭﻣﺄﺫﻳﻨﻲ
ﻓﺮﺡ - ﻳﺒﻮﻱ ﺍﻟﻠﻪ ﻳﺴﺎﻋﺪﺝ
ﺭﻧﺎ - ﻋﻮﻓﺞ ﻣﻨﻲ ﺍﻧﺘﻲ ﺷﻠﻮﻧﺞ ﻭﻭﻳﻦ ﻭﺻﻠﺘﻲ ﺑﺎﻟﺘﺠﻬﻴﺰﺍﺕ
ﻓﺮﺡ - ﺍﻫﻮﻭﻭ ﺳﻜﺘﻲ ﺍﻟﻴﻮﻡ ﺍﺷﺘﺮﻳﺖ ﺑﺪﻟﺔ ﺍﻟﻌﺮﺱ ﺑﺲ ﺗﺠﻨﻦ
ﻋﻠﻴﺔ ﻃﻠﻌﺖ ﻣﺎ ﺍﺗﺼﻮﺭﺗﻬﺎ ﻫﻴﺞ ﺣﻠﻮﺓ ﻋﻠﻴﺔ
ﻭﺩﺯﻳﺖ ﻏﺮﺍﺿﻲ ﻫﻨﺎﻙ ﻟﺒﻴﺖ ﻋﻤﻲ ﺗﻮﻓﻴﻖ ﺑﻴﺪ ﺳﻠﻮﻯ
ﻫﻲ ﺭﺍﺣﺖ ﺗﺴﻔﻄﻬﻢ ﻭﺗﺮﺗﺒﻬﻢ ﺑﺎﻟﻐﺮﻓﺔ
ﺳﻜﺘﻲ ﻭﻟﺞ ﺍﻧﻲ ﻧﺴﻴﺖ ﺍﺣﺠﻴﻠﺞ ﻋﻦ ﺳﺮﻭﺭ ﺍﺧﺘﻲ ﻭﻛﻌﺪﺕ ﻓﺮﺡ ﺗﺴﻮﻟﻒ ﻟﺮﻧﺎ ﺷﻨﻮ ﺳﻮﺕ ﺑﻬﺎﻱ ﺍﻳﺎﻣﻬﺎ ﺍﻟﻔﺎﺗﺖ
ﺣﺴﺎﻡ ﺑﺎﻟﺸﻐﻞ
- ﺍﻟﻮ ﻫَـﺎ ﻫﺎﻟﺔ ﻟﻴﺶ ﻣﺘﺼﻠﺔ
ﻫﺎﻟﺔ ﻭﻫﻲ ﺗﺒﺠﻲ - ﻟﻴﺶ ﻭﻟﻚ ﻫﺎﺟﺮﻧﻲ ﻭﻋﺎﻳﻔﻨﻲ ﺑﺎﻟﺒﻴﺖ ﻟﻮﺣﺪﻱ ﻻﺗﺴﺄﻝ ﻋﻠﻴﺔ ﻭﻻﺗﻜﻮﻝ ﻫﺎﻱ ﻣﺮﺗﻲ ﺣﺴﺎﻡ ﻋﻔﻴﺔ ﻭﺍﻟﻠﻪ ﺍﺷﺘﺎﻗﻴﺖ ﻟﻚ ﻻﺗﺘﺮﻛﻨﻲ ﻟﻮﺣﺪﻱ ﺗﺮﺓ . ﺟﺎﻱ ﺍﺧﺎﻑ
ﺣﺴﺎﻡ ﻭﻫﻮ ﻣﺘﻀﺎﻳﻖ ﻣﻦ ﻫﺎﻟﺔ
ﻣﺎ ﺍﻋﺮﻑ ﻟﻴﺶ ﺻﺮﺕ ﺍﺗﺨﺒﻞ ﻣﻦ ﻭﺣﺪﺓ ﺗﻔﺮﺽ ﻧﻔﺴﻬﺎ ﻋﻠﻴﺔ ﻣﻮ ﻣﺜﻞ ﻗﺒﻞ ﺟﻨﺖ ﺍﺗﻮﻧﺲ ﻋﻠﻰ ﻫﺎﻱ ﺍﻟﺤﺎﻟﺔ ﺑﺲ ﻫﺴﺔ . ﻣﺎ ﺍﻋﺮﻑ ﻟﻴﺶ ﺻﺮﺕ ﺍﺧﺘﻨﻚ ﻣﻦ ﻭﺣﺪﺓ ﺗﺘﻮﺩﺩ ﺍﻟﻲ ﻭﺗﺘﻮﺳﻞ ﺣﺘﻰ ﺍﺟﻴﻬﺎ ﺑﺎﻟﻌﻜﺲ ﺍﺣﺲ ﺑﺎﻟﻨﻔﻮﺭ ﻣﻨﻬﺎ
ﺣﺴﺎﻡ - ﻫﺎﻟﺔ ﻛﻢ ﻣﺮﺓ ﺍﻋﻴﺪ ﻭﺍﻛﻮﻝ ﻣﺎ ﻣﺴﻤﻮﺣﻠﺞ ﺗﺘﺼﻠﻴﻦ ﻋﻠﻴﺔ ﻭﺗﺒﻘﻴﻦ ﺗﻨﺘﻈﺮﻳﻦ ﺍﺗﺼﺎﻟﻲ ﺷﻮﻛﺖ ﻣﺎ ﺍﺭﻳﺪ ﺍﻧﻲ ﺍﺗﺼﻞ
ﻭﺍﻇﻦ ﻛﻠﺶ ﺯﻳﻦ ﺗﻌﺮﻓﻴﻦ ﺷﻨﻮ ﺷﺮﻭﻃﻲ ﻳﺎﻟﻠﻪ ﺣﺒﺎﺑﺔ ﺭﻭﺣﻲ ﻛﻌﺪﻱ ﺑﺒﺘﺞ ﻭﺳﻜﺘﻲ ﻻﺗﺨﻠﻴﻨﻲ ﺍﺿﻮﺝ ﻣﻨﺞ ﻭﺍﺻﺪﺭ ﺍﻟﻘﺮﺍﺭ
ﺑﺤﻘﺞ
↙️
ﻓﺮﺡ
ﺳﻤﻌﺖ ﺻﻮﺕ ﺳﺮﻭﺭ ﺗﺤﺠﻲ ﻭﻳﺔ ﺑﻴﺒﻲ ﻭﺭﺣﺖ ﻟﻌﻨﺪﻫﺎ ﻭﺟﻠﺴﺖ ﻗﺮﺑﻬﻢ ﻭﺍﻧﻲ ﺍﺑﺎﻭﻉ ﻋﻠﻴﻬﺎ
ﻭﺑﻌﺪﻫﺎ ﺟﻠﺴﺖ ﺳﻠﻮﻯ ﻗﺮﻳﺐ ﻋﻠﻴﺔ
ﺍﻟﺠﺪﺓ - ﺍﻱ ﻳﻤﺔ ﻭﻣﺜﻞ ﻣﺎﻛﺘﻠﺞ ﺍﺑﻮﺝ ﻛﺎﻥ ﻛﻠﺶ ﺷﺎﻃﺮ ﻭﺻﺎﺭ ﻫﻮ ﺍﻋﻠﻰ ﻭﺍﺣﺪ ﺑﺎﺧﻮﺍﻧﺔ ﺑﺸﻬﺎﺩﺗﺔ
ﻭﺻﺎﺭ ﺟﺪﻛﻢ ﻭﻳﻦ ﻣﺎﻳﺮﻭﺡ ﻳﺎﺧﺬﺓ ﻭﻳﺎﻩ ﺣﺘﻰ ﻳﻔﺘﺨﺮ ﺑﻲ
ﺍﺣﻨﺎ ﮔﺒﻞ ﺟﻨﺎ ﺍﻟﻲ ﻋﻨﺪﺓ ﺷﻬﺎﺩﺓ ﻧﻜﻌﺪ ﻧﻔﺘﺨﺮ ﺑﻲ
ﻭﺟﺪﻛﻢ ﻛﺎﻥ ﻭﺍﺣﺪ ﻣﻦ ﻫﺬﻭﻟﻲ ﺍﻟﻨﺎﺱ
ﻟﻜﻦ ﺍﺟﺘﻨﺎ ﺧﺪﺍﻣﺔ ﻓﻠﺴﻄﻴﻨﻴﺔ ﻣﺘﺰﻭﺟﺔ ﺟﻨﺪﻱ ﻋﺮﺍﻗﻲ
ﻭﺯﻭﺟﻬﺎ ﺍﺳﺘﺸﻬﺪ ﻭﺟﺎﺑﺖ ﻣﻦ ﻋﻨﺪﺓ ﺑﻨﻴﺔ ﺍﺳﻤﻬﺎ ﻓﺎﺗﻦ
ﻭﺟﺎﺑﻬﺔ ﺟﺪﻛﻢ ﺍﻟﻨﺎ ﻟﻠﺒﻴﺖ ﺧﻄﻴﺔ ﻛﺎﻧﺖ ﺑﻮﻗﺘﻬﺎ ﺗﻜﺴﺮ ﺍﻟﺨﺎﻃﺮ
ﻭﺍﻧﻲ ﺧﻠﻴﺘﻬﺎ ﺗﺴﺎﻋﺪﻧﻲ ﺑﺸﻐﻞ ﺍﻟﺒﻴﺖ ﻻﻥ ﺍﺣﻨﺎ ﻗﺒﻞ ﻫﻮﺍﻱ ﺗﺠﻴﻨﺎ ﻧﺎﺱ ﻓﺒﻴﺘﻨﺎ ﻋﻠﻴﻪ ﺍﻟﺮﺟﻞ
ﻭﺭﺑﻴﺖ ﻓﺎﺗﻦ ﺑﻨﺘﻪ ﻭﻳﺔ ﺭﺳﻤﻴﺔ ﺑﻨﺘﻲ
ﻭﻳﻮﻡ ﻋﻦ ﻳﻮﻡ ﻛﺎﻣﺖ ﺗﻜﺒﺮ ﻓﺎﺗﻦ ﻭﺻﺎﺭﺕ ﺟﻤﻴﻠﺔ ﻣﻠﻔﺘﺔ ﻟﻠﻨﻈﺮ ﺍﻛﺜﺮ ﻭﺣﺪﺓ ﺑﻴﻜﻢ ﺗﺸﺒﻬﺔ ﻫﻲ ﻓﺮﺡ
ﻭﺑﻮﻗﺘﻬﺎ ﺍﺑﻮﻛﻢ ﻣﻨﺬﺭ ﻛﺎﻥ ﻣﺴﺎﻓﺮ ﺑﺒﻌﺜﺔ ﺩﺭﺍﺳﻴﺔ ﻟﻠﺨﺎﺭﺝ
ﻭﺟﺪﻛﻢ ﺍﺑﺪ ﻣﺎﻳﻔﺮﻕ ﺑﻴﻨﻬﺎ ﻭﺑﻴﻦ ﺭﺳﻤﻴﺔ ﻋﻤﺘﻜﻢ ﻭﺩﺧﻠﻬﻢ ﺑﻨﻔﺲ ﺍﻟﻤﺪﺭﺳﺔ
ﻛﺎﻥ ﺩﺍﺋﻤﺎ ﻳﮕﻮﻝ ﻋﻠﻴﻬﺎ ﻳﺘﻴﻤﺔ ﺧﻄﻴﺔ ﻭ ﺍﻛﺴﺐ ﺑﻴﻬﺎ ﺛﻮﺍﺏ
ﻛﻨﺖ ﺍﺷﻮﻑ ﺑﻨﻈﺮﺍﺕ ﻋﻤﻜﻢ ﻧﺒﻴﻞ ﻟﻔﺎﺗﻦ ﺍﻋﺠﺎﺏ ﻭﺟﻨﺖ ﺍﺧﺎﻑ ﻋﻠﻴﻬﺎ ﻻﻥ ﺍﺣﻨﺎ ﺑﻮﻛﺘﻬﺎ ﺧﺎﻃﺒﻴﻦ ﺑﻨﺖ ﻋﻤﺔ ﺍﻟﺔ ﻭﻋﻴﺐ
ﻳﻜﺴﺮ ﺑﻨﺖ ﻋﻤﺔ
ﻓﻜﻤﺖ ﻋﺠﻠﺖ ﺑﺰﻭﺍﺝ ﻋﻤﻜﻢ ﺣﺘﻰ ﻳﺸﻴﻞ ﻋﻴﻨﺔ ﻋﻨﻬﺎ ﻻﻥ ﺍﺩﺭﻱ ﻛﻠﺶ ﺯﻳﻦ ﺍﻥ ﺟﺪﻛﻢ ﻣﺎ ﺭﺍﺡ ﻳﻘﺒﻞ ﻳﺰﻭﺟﺔ ﻓﺎﺗﻦ ﻻﻥ ﻋﺪﻧﺎ ﻫﺎﻱ ﻋﻴﺒﺔ ﺍﻧﺘﻮ ﺟﻴﻞ ﻫﺴﺔ ﺭﺍﺡ ﺗﻜﻮﻟﻮﻥ ﺷﺪﻋﻮﺓ ﻫﻴﺞ ﻣﺘﺸﺪﺩﻳﻦ
ﻟﻜﻦ ﺍﺣﻨﺎ ﺑﺰﻣﻨﺎ ﻫﺎﻱ ﺗﻌﺘﺒﺮ ﺍﻫﺎﻧﺔ ﺍﻥ ﻭﺍﺣﺪ ﻳﺎﺧﺬ ﻣﺮﺓ ﻣﻮ ﻣﻦ ﺩﻳﺮﺗﺔ ﻏﺮﻳﺒﺔ ﺍﺟﻨﺒﻴﺔ ﻻﻥ ﻣﺎﻧﻌﺮﻑ ﺍﺻﻠﻬﺎ ﻭﻓﺼﻠﻬﺎ ﻣﻨﻴﻦ
ﻓﻤﻦ ﺯﻭﺟﺖ ﻧﺒﻴﻞ ﻟﺒﻨﺖ ﻋﻤﺔ ﺍﻧﺸﻐﻞ ﺑﻴﻬﺎ
ﺑﺲ ﻣﺎﺟﻨﺖ ﺣﺎﺳﺒﺔ ﺣﺴﺎﺏ ﺭﺟﻮﻉ ﺍﺑﻮﻛﻢ ﻭﺍﻋﺠﺎﺑﻪ ﻭﺗﻌﻠﻘﻪ
ﺑﻔﺎﺗﻦ ﺍﺑﻮﻛﻢ ﻣﻦ ﺭﺟﻊ ﻣﻦ ﺍﻟﺨﺎﺭﺝ ﻭﺧﻠﺺ ﺩﺭﺍﺳﺘﺔ ﻫﻨﺎﻙ ﻭﺍﺳﺘﻠﻢ ﺍﻟﺸﻬﺎﺩﺓ ﺭﺟﻊ ﺷﺎﻑ ﻓﺎﺗﻦ ﻛﺒﺮﺍﻧﺔ ﻭﺣﻠﺖ ﺑﻌﻴﻨﺔ ﻭﻋﺸﻜﻬﺔ
ﻟﻜﻦ ﺻﺎﺩﻑ ﺑﻔﺘﺮﺓ ﺭﺟﻮﻋﻪ ﻭﻓﺎﺓ ﺟﺪﻫﻢ ﻭﺍﻟﺘﻬﻴﺖ ﻋﻦ ﺍﻟﺒﻴﺖ
ﺑﻔﺎﺗﺤﺔ ﻋﻤﻲ ﺍﺑﻮ ﺻﺎﻟﺢ ﻭﻣﺎ ﺩﺭﻳﺖ ﺷﺼﺎﺭ ﺑﻴﻨﻬﻢ
ﺍﻻ ﻣﻦ ﻳﻮﻡ ﺍﺟﺘﻨﻲ ﺍﻡ ﻓﺎﺗﻦ ﺗﺸﺘﻜﻲ ﺗﺤﺮﺵ ﻧﺒﻴﻞ
ﺑﺒﺘﻬﺎ ﻓﺎﺗﻦ ﻭﺍﻧﻲ ﺍﺗﺨﺒﻠﺖ
ﻭﺭﺣﺖ ﻫﺪﻳﺖ ﻋﻠﻰ ﻧﺒﻴﻞ ﺑﻐﺮﻓﺘﺔ ﻭﺟﺎﻧﺖ ﺳﻨﺪﺱ ﻛﺎﻋﺪﺓ ﺑﺼﻔﺔ
ﻭﺑﻮﻛﺘﻬﺎ ﻃﻴﺤﺖ ﺣﻈﺔ ﻋﻠﻰ ﺳﻮﺍﻳﺘﺔ ﺑﺒﻨﺖ ﺍﻟﻌﺎﻟﻢ
ﻟﻜﻦ ﺍﺗﻔﺎﺟﺌﺖ ﻣﻦ ﺩﺧﻞ ﻣﻨﺬﺭ ﻋﻠﻴﻨﺎ ﺑﺎﻟﻐﺮﻓﺔ ﻭﻫﺪ ﻋﻠﻰ ﻧﺒﻴﻞ ﻭﻛﻌﺪﻭﺍ ﻳﺘﻀﺎﺭﺑﻮﻥ ﺑﻴﻨﻬﻢ
ﺑﻮﻗﺘﻬﺎ ﻋﺮﻓﺖ ﺍﺑﻨﻲ ﻣﻨﺬﺭ ﻋﺸﻚ ﻓﺎﺗﻦ ﻭﺍﻟﻤﺼﻴﺒﺔ ﻓﺎﺗﻦ ﻫﻢ ﺣﺒﺖ ﻣﻨﺬﺭ ﻭﺭﺩﺕ ﺍﺗﻼﺣﻚ ﺍﻟﻤﻮﺿﻮﻉ
ﻭﻃﻠﺒﺖ ﻣﻦ ﺟﺪﻛﻢ ﻳﺨﻄﺐ ﻟﻤﻨﺬﺭ ﺑﻨﺖ ﻋﻤﺔ ﻟﻜﻦ ﻫﻨﺎ ﺑﺪﺕ ﺍﻟﻤﺸﺎﻛﻞ ﺗﻄﻴﺢ ﻋﻠﻰ ﺭﺍﺳﻲ ﻭﺻﺎﺭﺕ ﺍﻭﻝ ﻣﺸﻜﻠﺔ ﺑﻴﻦ ﻣﻨﺬﺭ ﻭﺍﺑﻮﻩ ﻭﺍﻋﺘﺮﺽ ﻭﺭﻓﺾ ﻃﻠﺐ ﺍﺑﻮﻫﺔ ﺑﺘﺰﻭﻳﺠﻪ ﺑﻨﺖ ﻋﻤﻪ
ﻟﻜﻦ ﺑﻌﺪﻫﺎ ﺑﻔﺘﺮﺓ ﺍﺟﺔ ﻻﺑﻮﻩ ﻳﺮﻳﺪ ﻳﻄﻠﺐ ﺍﻳﺪ ﻓﺎﺗﻦ ﻣﻦ ﻋﻨﺪﺓ
ﻭﻫﻨﺎ ﺍﺷﺘﻌﻠﺖ ﻧﺎﺭ ﺍﻟﻔﺘﻴﻠﺔ ﻭﻛﺄﻥ ﻋﺎﺻﻔﺔ ﻫﺪﺕ ﻋﻠﻰ ﺑﻴﺘﻨﺎ
ﻭﺻﺎﺭﺕ ﻣﺸﺎﻛﻞ ﺟﺪﻛﻢ ﺻﺎﻟﺢ ﻭﻣﻨﺬﺭ ﺑﺼﻔﺤﺔ
ﻭﻣﺸﻜﻠﺔ ﻣﻨﺬﺭ ﻭﻧﺒﻴﻞ ﺑﺼﻔﺤﺔ
ﺑﺲ ﺍﻟﻄﺎﻣﺔ ﺍﻟﻜﺒﺮﻯ ﻣﻦ ﺻﺎﺭﺕ ﺍﻟﻤﺼﻴﺒﺔ ﻭﻫﺪ ﺍﺑﻮﻛﻢ ﺑﺎﻟﺴﻼﺡ ﻋﻠﻰ ﻧﺒﻴﻞ ﺑﻴﻮﻡ ﺍﻟﺸﺎﻑ ﻧﺒﻴﻞ ﺑﻐﺮﻓﺔ ﻓﺎﺗﻦ ﻣﻌﺘﺪﻱ ﻋﻠﻴﻬﺎ ﻭﺭﺍﻳﺪ ﻳﻐﺘﺼﺒﻬﺎ
ﻭﺳﺎﻋﺘﻬﺎ ﺍﺑﻮﻛﻢ ﺻﻮﺑﺔ ﺑﺮﺟﻠﺔ ﻭﺍﺧﺬ ﻓﺎﺗﻦ ﻣﻦ ﺑﻴﺖ ﺍﺑﻮﻩ
ﻭﺷﺮﺩ ﺑﻴﻬﺎ ﻭﺳﻤﻌﺖ ﺑﻌﺪﻳﻦ ﺍﺗﺰﻭﺟﻬﺎ ﻭﺍﺳﺘﻘﺮ ﻫﻨﺎﻙ ﺑﺎﻟﻨﺎﺻﺮﻳﺔ ﻻﻥ ﺍﺗﻌﻴﻦ ﻫﻨﺎﻙ
ﻓﺮﺡ ﻭﻫﻲ ﺳﺮﺣﺎﻧﺔ ﺑﻜﻼﻡ ﺟﺪﻫﺎ - ﺍﻟﻠﻪ ﺑﺎﺑﺎ ﺷﻜﺪ ﻛﺎﻥ ﺯﻟﻤﺔ ﻭﻋﻨﺪ ﻛﻠﻤﺘﺔ ﻭﻣﺎﺗﺮﻙ ﺍﻟﺒﻨﻴﺔ ﺍﻟﻲ ﺣﺒﻬﺎ ﮔﻠﺒﻪ
ﺍﻟﺠﺪﺓ - ﺍﻱ ﻳﻤﺔ ﻭﺍﻟﻤﺼﻴﺒﺔ ﺍﻧﺘﻲ ﻃﺎﻟﻌﺔ ﻋﻠﻰ ﺍﺑﻮﺝ ﺭﺍﺳﺞ ﻳﺎﺑﺲ ﺍﺗﺬﻛﺮ ﻣﻦ ﺍﺟﻴﺘﻲ ﺑﺎﻭﻝ ﻳﻮﻡ ﺩﺧﻠﺘﻴﻨﺎ ﻛﻠﻨﺎ ﺑﺎﻻﻧﺬﺍﺭ
ﺍﻭﻑ ﻭﺍﻟﻠﻪ ﺍﻳﺎﻡ
ﻓﺮﺡ ﺑﺤﺴﺮﺓ ﺍﻟﻢ
ﺍﻟﺠﺪﺓ ﻛﺄﻧﻬﺎ ﺭﺍﺩﺕ ﺍﺗﻐﻴﺮ ﺍﻟﻤﻮﺿﻮﻉ ﺍﻟﻲ ﻣﺎﺟﺎﺏ ﻏﻴﺮ ﺍﻻﻟﻢ ﻟﻠﺒﻨﺎﺕ
- ﻛﻮﻣﻲ ﻳﻤﺔ ﺳﻠﻮﻯ ﻓﺘﺤﻲ ﻛﻨﺘﻮﺭﻱ ﺗﻠﻜﻴﻦ ﺑﻲ ﺻﺪﻭﻕ ﺟﻴﺒﻲ ﻟﻌﻨﺪﻱ
ﺭﺍﺣﺖ ﺳﻠﻮﻯ ﻭﺍﺟﺒﺘﻠﻬﺎ ﺍﻟﺼﻨﺪﻭﻙ
ﺳﻠﻮﻯ - ﻫﺎﺝ ﺑﻴﺒﻲ
ﻓﺘﺤﺘﺔ ﻛﺪﺍﻣﻬﻦ ﻭﻃﻠﻌﺖ ﻣﻦ ﻛﻼﺩﺓ ﻭﺳﻮﺍﺭ ﻭﺗﺮﺍﺟﻲ
ﻫﺎﺝ ﻳﻤﺔ ﺳﻠﻮﻯ ﻫﺎﻱ ﺍﻟﻜﻼﺩﺓ ﺍﻟﺞ
ﻭﻫﺬﺍ ﺍﻟﺴﻮﺍﺭ ﻟﻔﺮﺡ ﻭﺍﻟﺘﺮﺍﺟﻲ ﻟﺴﺮﻭﺭ
ﺍﻧﻲ ﻣﺘﻌﻮﺩﺓ ﻛﻠﻤﺎ ﻭﺣﺪﺓ ﺗﺘﺰﻭﺝ ﻣﻦ ﺑﻨﺎﺗﻨﺎ ﺍﻧﻄﻴﻬﺔ ﻗﻄﻌﺔ ﻣﻦ ﺫﻫﺒﻲ ﻫﺎﻱ ﻋﺎﺩﺓ ﻋﺪﻧﺎ ﺣﺘﻰ ﺗﺴﺘﺒﺮﻙ ﺑﻴﻬﺎ ﻓﺪ ﺷﻲ ﺣﮓ ﺍﻟﺒﺮﻛﺔ
ﺳﻠﻮﻯ ﻛﺎﻣﺖ ﻭﺑﺎﺳﺖ ﺭﺍﺱ ﺑﻴﺒﻲ ﻭﺍﻳﺪﻫﺎ
ﻭﺍﻧﻲ ﻭﺳﺮﻭﺭ ﺳﻮﻳﻨﺎ ﻣﺜﻠﻬﺎ ﻭﺍﺟﻴﻨﺎ ﻧﻜﻮﻡ ﻧﻄﻠﻊ
ﺍﻟﺠﺪﺓ - ﻳﻤﺔ ﻓﺮﺡ ﻣﻮ ﺗﻄﻠﻌﻴﻦ ﺍﺭﻳﺪﺝ ﺑﺸﻐﻠﺔ ﺳﺪﻱ ﺍﻟﺒﺎﺏ ﻭﺗﻌﺎﻱ
ﺳﺪﻳﺖ ﺍﻟﺒﺎﺏ ﻭﺭﺣﺖ ﻛﻌﺪﺕ ﻳﻤﻬﺎ
ﺍﻟﺠﺪﺓ - ﺷﻮﻓﻲ ﻳﻤﺔ ﺍﻧﺘﻲ ﻋﻜﺐ ﺑﺎﺟﺮ ﺗﺮﺣﻴﻦ ﻟﺒﻴﺖ ﺭﺟﻠﺞ ﻭﺗﻌﻴﺸﻴﻦ ﻋﻨﺪ ﻋﻴﺎﻟﺞ ﻓﻴﺎ ﻳﻤﺔ ﺍﻭﺻﺞ ﺗﺼﻴﺮﻳﻦ ﺳﺒﺎﻋﻴﺔ
ﻭﻛﻌﺪﺕ ﺍﻟﺠﺪﺓ ﺍﻟﺤﻨﻮﻧﺔ ﺗﻌﻠﻢ ﻓﺮﺡ ﺟﻤﻴﻊ ﺍﻻﻣﻮﺭ ﺍﻟﻲ ﻛﺎﻧﺖ ﺗﺠﻬﻠﻬﺎ ﺍﻟﺘﻲ ﺗﺤﺪﺙ ﺑﻴﻦ ﺍﻟﺰﻭﺝ ﻭﺍﻟﺰﻭﺟﺔ ﻓﻲ ﺍﻭﻝ ﻟﻴﻠﺔ ﺯﻭﺍﺟﻬﻢ
ﻭﻛﺎﻧﺖ ﻓﺮﺡ ﺣﻴﻞ ﺧﺠﻼﻧﺔ ﻣﻦ ﻛﻼﻡ ﺟﺪﺗﻬﺎ
↙️
ﺣﺴﺎﻡ
ﺍﻟﻮ ﺻﺎﺭ ﻳﺎﺑﺔ ﺍﻱ ﻛﻤﻠﺖ ﻭﺣﻀﺮﺕ ﻛﻠﺸﻲ
ﺷﻨﻮ ﻫَـﺎ ﺗﻤﺎﻡ ﻟﻌﺪ ﻻﺯﻡ ﺍﺟﻴﺐ ﺑﻌﺪ ﺧﺮﻓﺎﻥ ﻳﻌﻨﻲ ﺍﻟﻠﻪ ﻳﺤﻔﻈﺔ ﺟﺪﻱ ﻋﺎﺯﻡ ﻧﺺ ﺑﻐﺪﺍﺩ ﻋﻠﻰ ﻋﺮﺳﻲ ﻫﻮ ﻳﻌﺰﻡ ﻭﺍﻧﻲ ﺗﻄﻴﺢ ﻓﻮﻙ ﺭﺍﺳﻲ
ﺧﻠﺺ ﺍﻻﺗﺼﺎﻝ ﺑﻴﻦ ﺧﺴﺎﻡ ﻭﺍﺑﻮﻩ ﻭﺍﻟﺘﻔﺖ ﻋﻠﻰ ﺍﻫﻮﻩ ﻋﺎﻣﺮ ﺍﻟﻤﺴﺎﻋﺪ ﻭﺍﻻﻳﺪ ﺍﻟﻴﻤﻨﻰ ﻭﺑﺎﻭﻉ ﻋﻠﻴﻪ ﻭﺍﻣﻒ ﻓﻮﻙ ﺭﺍﺳﻪ ﺟﻨﺔ ﻋﻨﺪﺓ ﻛﻼﻡ ﻳﺮﻳﺪ ﻳﺤﺠﻴﻪ
ﻋﺎﻣﺮ - ﺣﺴﺎﻡ ﺍﺭﻳﺪ ﺍﺣﺠﻲ ﻭﻳﺎﻙ
ﺣﺴﺎﻡ ﻭﺑﺜﻜﻞ ﻻﻥ ﺑﻌﺪﺓ ﺯﻋﻼﻥ ﻋﻠﻴﻪ ﻣﻦ ﺍﺧﺮ ﻣﺮﺓ
- ﺍﺗﻔﻀﻞ ﺍﺳﻤﻌﻚ
ﻋﺎﻣﺮ - ﺧﻮﻳﺔ ﺣﻘﻚ ﻋﻠﻴﺔ ﻣﺎ ﺍﻋﺮﻑ ﺷﺼﺎﺭ ﺑﻴﺔ ﺑﺲ ﻭﺍﻟﻠﻪ ﺍﻧﺼﺪﻣﺖ ﻣﻦ ﺳﻤﻌﺖ ﺣﺠﻲ ﺟﺪﻱ ﻭﺍﻟﻠﻪ ﺍﺗﻔﺎﺟﺌﺖ ﺧﺼﻮﺻﺎ ﻣﻦ ﺷﻔﺘﻚ ﻣﺎﻣﻬﺘﻢ ﻟﻔﺮﺡ
ﻟﻜﻦ ﻣﻦ ﺷﻔﺘﻚ ﻋﺠﻠﺖ ﺑﺎﻟﺰﻭﺍﺝ ﻭﺷﻔﺖ ﻓﺮﺣﺘﻚ ﻭﻟﻬﻔﺘﻚ ﻋﻠﻰ ﺯﻭﺍﺟﻚ ﻣﻦ ﻓﺮﺡ ﻋﺮﻓﺖ ﺍﻥ ﺍﻧﺖ ﺗﺤﺐ ﻓﺮﺡ
ﻭﺍﻧﺖ ﺳﻌﺎﺩﺗﻚ ﻭﻓﺮﺣﺘﻚ ﻣﻦ ﺳﻌﺎﺩﺗﻲ ﻓﺎﻃﻠﺐ ﻣﻨﻚ ﺍﻟﺴﻤﻮﺣﺔ ﻳﺎﺧﻮﻱ ﻭﺍﻟﻒ ﻣﺒﺮﻭﻙ ﻋﻠﻴﻚ ﺍﻟﺰﻭﺍﺝ
ﻛﺎﻡ ﺣﺴﺎﻡ ﻭﺣﻂ ﺍﻳﺪﺓ ﻋﻠﻰ ﻛﻨﻒ ﻋﺎﻣﺮ ﻭﺣﻀﻨﺔ
- ﺍﻟﻠﻪ ﻳﺒﺎﺭﻙ ﺑﻴﻚ ﻭﻳﻮﻡ ﺍﻻﻟﻚ ﻭﻫﻜﺬﺍ ﺗﺼﺎﻓﺖ ﺍﻻﻧﻔﺲ
ﻭﺑﺪﺃﺕ ﺍﻟﺘﺠﻬﻴﺰﺍﺕ ﺍﻟﻲ ﻳﻮﻡ ﺍﻟﻌﺮﺱ
ﺣﺴﺎﻡ ﻭﻫﻮ ﺟﺎﻟﺲ ﻳﻜﻤﻞ ﺷﻐﻠﺔ ﺍﻟﻤﺘﺮﺍﻛﻢ ﺣﺘﻰ ﻳﻔﻀﻲ ﻭﻳﺘﻔﺮﻍ ﻟﻌﺮﺳﺔ ﻭﻟﻌﺮﻭﺳﺘﺔ
ﺩﻙ ﻧﻘﺎﻟﻪ
ﺣﺴﺎﻡ ﻭﻫﻮ ﺑﻨﺘﺒﻪ ﻋﻠﻰ ﺍﻟﻤﺘﺼﻞ ﻭﻳﻌﻘﺪ ﺣﻮﺍﺟﺒﺔ ﻭﺻﺎﺭ ﻻﺯﻡ ﻳﻨﻬﻲ ﻋﻼﻗﺘﺔ ﻭﻳﺔ ﻫﺎﻟﺔ ﻻﺯﻡ ﻳﺒﺪﻱ ﺣﻴﺎﺓ ﺟﺪﻳﺪﺓ ﻭﻳﺔ ﻓﺮﺡ ﻭﻣﺎﺑﻴﻬﺎ ﺍﻱ ﺷﻲ ﻳﻌﻜﺮ ﺻﻔﻮﺓ ﺣﻴﺎﺗﻬﻢ
- ﺍﻟﻮ ﻫﺎﻟﺔ ﺍﻧﻲ ﺟﺎﻳﺞ ﻟﻠﺒﻴﺖ
ﺭﺍﺡ ﺣﺴﺎﻡ ﻭﺷﻐﻞ ﺳﻴﺎﺭﺗﻪ ﻭﻛﺒﻞ ﻋﻠﻰ ﺑﻴﺖ ﻫﺎﻟﺔ
ﺩﺧﻞ ﻋﻠﻴﻬﺎ ﻭﺷﺎﻓﻬﺔ ﺗﺒﺠﻲ
ﻫﺎﻟﺔ - ﻟﻴﺶ ﺣﺴﺎﻡ ﺻﺪﻙ ﻫﺬﺍ ﺍﻟﺨﺒﺮ ﺍﻟﻲ ﺳﻤﻌﺘﺔ ﺗﺮﻳﺪ ﺗﺘﺰﻭﺝ ﻋﻠﻴﺔ ﻟﻚ ﺣﺴﺎﻡ ﺍﻧﻲ ﺷﺴﻮﻳﺘﻠﻚ ﺣﺘﻰ ﺗﺘﺰﻭﺝ ﻋﻠﻴﺔ
ﺣﺴﺎﻡ - ﺷﻨﻮ ﻋﻴﻨﻲ ﺗﺮﺓ ﻻ ﻳﻜﻮﻥ ﻣﺼﺪﻛﺔ ﺭﻭﺣﺞ ﻣﺮﺗﻲ ﻭﻋﺎﻳﺸﺔ ﺍﻟﺪﻭﺭ ﺷﻮﻓﻲ ﺣﺒﺎﺑﺔ
ﺗﺮﺓ ﺍﻧﻲ ﻣﺎﺿﺮﺑﺘﺞ ﻋﻠﻰ ﺍﻳﺪﺝ ﻭﺍﻧﺘﻲ ﺑﻴﻮﻡ ﺍﻟﻲ ﻗﺒﻠﺘﻲ ﺟﻨﺘﻲ ﺗﻌﺮﻓﻴﻦ ﺷﻨﻮ ﺩﻭﺭﺝ ﻓﻼ ﺗﺴﻮﻳﻦ ﻧﻔﺴﺞ ﻣﺘﻔﺎﺟﺌﺔ
ﻭﺍﻧﻲ ﺟﻴﺖ ﺍﻟﻴﻮﻡ ﺣﺘﻰ ﺍﻧﻬﻲ ﻛﻠﺸﻲ ﻭﻳﺎﺝ ﻟﻬﻨﺎ ﻭﺧﻠﺼﺖ ﺭﺣﻠﺘﻲ ﻭﻳﺎﺝ ﻳﺎﺑﻨﺖ ﺍﻟﻨﺎﺱ
ﺍﻧﻲ ﺭﺟﺎﻝ ﻋﻨﺪﻱ ﺍﻟﺘﺰﺍﻡ ﻭﺭﺍﺡ ﺍﺗﺰﻭﺝ ﻭﺩﻳﺮﻱ ﺑﺎﻟﺞ ﺗﻠﻌﺒﻴﻦ ﺑﺬﻳﻠﺞ ﻭﺗﺤﺎﻭﻟﻴﻦ ﺗﺠﺮﺑﻴﻦ ﺣﻈﺞ ﻭﻳﺎﻱ ﻭﺍﻟﻠﻪ ﻟﻮ ﺗﺮﺣﻴﻦ ﻟﺴﺎﺑﻊ ﺍﺭﺽ ﺍﺟﻴﺒﺞ ﻭﺑﻮﻛﺘﻬﺎ ﺟﻴﺒﻲ ﺍﻟﻲ ﻳﺨﻠﺼﺞ ﻣﻨﻲ
ﻓﺮﺡ ﺑﻴﻮﻡ ﺍﻟﻌﺮﺱ
ﺟﻨﺖ ﻃﺎﻳﺮﺓ ﻣﻦ ﺍﻟﻔﺮﺡ ﻭﺍﺟﺖ ﺳﻠﻮﻯ ﻭﺳﺮﻭﺭ ﻭﻛﻌﺪﺕ ﻣﻦ ﺍﻟﻨﻮﻡ ﻋﻠﻰ ﺍﺻﻮﺍﺗﻬﻢ ﻭﺿﺤﻜﺘﻬﻢ
ﺳﺮﻭﺭ ﻳﺎﻟﻠﻪ ﻛﻌﺪﻱ ﻳﺎﺣﻠﻮﺓ ﺗﺮﺓ ﻭﺭﺍﺝ ﺷﻐﻞ ﻳﺎﺑﻮ ﺷﻐﻞ
ﻫﻬﻬﻬﻪ ﻭﻟﺞ ﻛﻠﺴﺎﻋﺔ ﺣﺴﺎﻡ ﻳﺘﺼﻞ ﺣﺮﻛﻨﻲ ﺣﺮﻙ
ﻓﺮﺡ ﺍﺗﺬﻛﺮﺕ ﺍﻟﺒﺎﺭﺣﺔ ﺗﺮﻛﺖ ﺍﻟﻨﻘﺎﻝ ﺟﻮﺓ ﻋﺎﻟﺸﺤﻦ ﻳﺒﻮﻱ
ﻛﻤﺖ ﻭﺍﻧﻲ ﻛﻠﻲ ﻧﺸﺎﻁ ﻭﻟﻬﻔﺔ ﻧﺰﻟﺖ ﻭﺣﻀﻨﺖ ﺑﻴﺒﻲ
ﻃﺒﻌﺎ ﺟﺪﻱ ﺍﺑﺪ ﺍﺑﺪ ﻣﺎ ﺍﻗﺘﺮﺏ ﻣﻨﺔ ﻭﻻ ﺍﺑﺎﺩﻟﺔ ﺍﻱ ﺷﻌﻮﺭ ﺑﺘﺠﺎﻫﺔ
ﺭﺍﺣﺖ ﺳﺮﻭﺭ ﻭﺳﻠﻮﻯ ﻭﺑﺎﺳﻮ ﺍﻳﺪ ﺟﺪﻱ ﻭﺭﺍﺳﻪ
ﻟﻜﻦ ﺍﺑﺪ ﻣﻮ ﻳﻤﻲ
ﻭﺍﺗﺮﻛﻴﺖ ﻭﺍﺟﺖ ﻋﻤﺔ ﺭﺳﻤﻴﺔ ﻫﻲ ﻭﺑﻨﺎﺗﻬﺔ ﻭﺭﺷﺎ ﻫﻲ ﻭﺷﻬﺪ ﺍﺟﺖ ﺗﻬﻠﻬﻞ ﻭﺗﺼﻔﻚ ﺧﻄﻴﺔ ﺗﺴﻮﻳﻠﻲ ﺍﺟﻮﺍﺀ ﻟﻠﻌﺮﺱ
ﻭﺑﻌﺪﻳﻦ ﺍﺟﺔ ﻋﻠﻲ ﻋﻠﻴﻨﺔ ﻭﺍﺧﺬﻧﺎ ﻟﻠﺼﺎﻟﻮﻥ
ﺭﻛﺒﻨﺎ ﺑﺎﻟﺴﻴﺎﺭﺓ ﻭﺳﻤﻠﺖ ﻋﻠﻴﻪ ﻭﺍﻧﻲ ﺧﺬﻱ ﻃﻤﺎﻃﺔ
ﻭﺻﻠﻨﺎ ﻟﻠﺤﻼﻗﺔ
ﻋﻠﻲ - ﻣﻦ ﺗﺨﻠﺼﻮﻥ ﺍﺗﺼﻠﻮ ﻋﻠﻴﺔ
ﺭﺷﺎ - ﺍﻭﻙ
ﺣﺴﺎﻡ
ﺍﻟﺘﻬﻴﺖ ﺑﺎﻟﻌﺮﺱ ﻭﺭﺍﺳﻲ ﻣﺎ ﺍﺣﻜﺔ ﻳﻌﻨﻲ ﺻﺪﻙ ﺟﺬﺏ ﻳﻌﻨﻲ ﺍﻟﻮﺍﺣﺪ ﻣﻦ ﻳﻌﺮﺱ ﻛﻮﻥ ﻳﻄﻴﺢ ﺣﻈﺔ ﺍﻱ ﻫﺴﺔ ﻏﻴﺮ ﺍﻧﻲ ﻋﺮﻳﺲ ﻭﺍﺗﺪﻟﻞ ﺍﻟﻴﻮﻡ
ﻋﻼﺀ - ﻋﻤﻲ ﺩﺭﻭﺡ ﺯﻳﻦ ﺍﻧﺖ ﺍﻟﻌﺮﻳﺲ ﻭﺗﺸﺘﻐﻞ ﺍﻧﻲ ﺷﻠﻲ ﺩﺧﻞ
ﻳﻌﻨﻲ ﺻﺪﻙ ﻟﻮﻛﺎﻟﻮ
ﺍﻟﻌﺮﻭﺳﺔ ﻟﻠﻌﺮﻳﺲ ﻭﺍﻟﺠﺮﻱ ﻟﻠﻤﺘﺎﻋﻴﺲ ﻭﺍﻧﺔ ﺍﻛﺒﺮ ﺗﻌﻴﺲ ﺍﺑﻦ ﺗﻌﻴﺲ
ﺣﺴﺎﻡ ﺧﻠﺼﺖ ﻣﻦ ﺍﻟﺤﻼﻕ ﻭﺳﺒﺤﺖ ﻭﻟﺒﺴﺖ ﻗﺎﻃﻲ ﻭﺭﺩﺕ ﺍﺗﺼﻞ ﻋﻠﻰ ﻓﺮﺡ ﺍﺷﻮﻑ ﺍﻟﻮﺿﻊ ﻋﻨﺪﻫﺎ ﻻﻥ ﻣﺎﺑﻘﺔ ﻏﻴﺮ ﺭﺑﻊ ﺳﺎﻋﺔ ﺍﺭﻭﺡ ﺍﺧﻄﻔﻬﺎ ﻣﻦ ﺍﻫﻠﻬﺎ ﻭﺗﺼﻴﺮ ﺣﻼﻟﻲ
ﻭﺩﻙ ﻧﻘﺎﻝ ﺣﺴﺎﻡ
ﻓﺮﺡ ﺑﻌﺪﻣﺎ ﺭﺟﻌﻨﺎ ﻣﻦ ﺍﻟﺤﻼﻗﺔ ﻭﺑﻴﺒﻲ ﺷﺎﻓﺘﻨﻲ ﻛﻌﺪﺕ ﺗﻘﺮﺓ ﺍﻟﻤﻌﻮﺫﺍﺕ
ﺭﺷﺎ - ﻳﺎﻟﻠﻪ ﻛﻮﻣﻲ ﻳﺎﺣﻠﻮﺓ ﺗﻌﺎﻱ ﻛﻌﺪﻱ ﺑﺎﻟﺼﺎﻟﺔ ﻻﻥ ﺭﺍﺡ ﻳﺠﻮﻥ ﺧﻠﻲ ﺷﻮﻳﺔ ﻧﺸﻐﻞ ﺍﻟﺪﻳﺠﻲ ﻭﻧﺎﺧﺬ ﺑﺮﻭﻓﺎ ﻭﻳﺎﺝ ﻋﻠﻰ ﻣﺎ ﻳﺠﻮﻥ
ﺩﺧﻠﺖ ﻋﻠﻰ ﺍﻟﺼﺎﻟﺔ ﻭﺷﻔﺖ ﻋﻤﺘﻲ ﻭﺑﻨﺎﺗﻬﺎ ﻭﻭﺍﻟﻜﻞ ﺟﺎﻳﻴﻴﻦ ﻣﻦ ﺍﻗﺎﺭﺑﻬﻢ ﻭﺍﻟﺒﻴﺖ ﻣﺎﻟﻚ ﻣﺤﻂ ﺭﺟﻞ ﺑﻲ
ﺭﻛﻀﺖ ﺷﻬﺪ - ﻳﺎﻟﻠﻪ ﺑﻨﺎﺕ ﺣﻀﺮﻭ ﻧﻔﺴﻜﻢ ﻭﻟﺒﺴﻮ ﻻﻥ ﺭﺍﺡ ﻳﺠﻮﻥ
ﺗﻮﻓﻴﻖ - ﻋﻠﻲ ﺍﺗﺼﻞ ﻋﻠﻰ ﺍﺧﻮﻙ ﺷﻮﻓﺔ ﻭﻳﻦ ﺻﺎﺭ
ﻋﻠﻲ - ﻳﺎﺑﺔ ﺍﺗﺼﻠﺖ ﻋﻠﻴﻪ ﻛﺎﻝ ﺑﻤﺴﺎﻓﺔ ﺍﻟﻄﺮﻳﻖ ﺟﺎﻱ ﺑﺲ ﺧﻠﻲ ﺍﻛﻤﻞ ﻫﺎﻱ ﺍﻟﺸﻐﻠﺔ ﻭﻳﺠﻲ
ﺑﻌﺪ ﻧﺺ ﺳﺎﻋﺔ
ﺗﻮﻓﻴﻖ - ﻋﻠﻲ ﻳﺎﺑﺔ ﺍﺭﺟﻊ ﺍﺗﺼﻞ ﻋﻠﻰ ﺍﺧﻮﻙ ﺷﻨﻮ ﻭﻳﻦ ﺻﺎﺭ ﺗﺮﺓ ﺍﻟﻨﺎﺱ ﻭﺯﻟﻢ ﻋﻠﻴﻬﻢ ﺍﻟﻌﺘﺐ ﻭﺍﻛﻔﻴﻦ ﻣﻨﺘﻈﺮﻳﻦ ﺗﺮﺓ ﻭﺍﻟﻠﻪ ﺯﺣﻤﺔ
ﻋﻠﻲ - ﻳﺎﺑﺔ ﺍﺗﺼﻠﺖ ﻋﻠﻴﻪ ﺍﻧﻄﺎﻧﻲ ﺭﻓﺾ ﻳﻤﻜﻦ ﺟﺎﻱ ﺑﺎﻟﻄﺮﻳﻖ
ﺷﻨﻮ ﻫﺬﺍ ﻟﻴﺶ ﺍﺗﺎﺧﺮ
ﻟﻜﻦ ﻭﺭﺓ ﻟﺤﻈﺎﺕ ﺍﺟﺖ ﺭﺳﺎﻟﺔ ﻋﻠﻰ ﻭﺍﺗﺲ ﺍﺏ ﻋﻠﻲ
ﻋﻠﻲ ﻭﺑﺼﺪﻣﺔ - ﻻ ﻳﺎ ﺍﻟﻠﻪ ﻻ ﺍﺍﺍﺍ ﻣﺴﺘﺤﻴﻞ ﻟﻴﺶ ﻟﻴﺶ ﺣﺴﺎﺍﺍﺍﺍﺍﻡ
↙️
ﻓﺮﺡ
ﻛﻨﺖ ﻛﺎﻋﺪﺓ ﺍﻋﺪﻝ ﺑﻔﺴﺘﺎﻧﻲ ﻭﻣﻨﺘﻈﺮﺓ ﺍﻟﺤﺒﻴﺐ ﺍﻟﻲ ﺭﺍﺡ ﻳﺠﻲ ﻭﻳﺎﺧﺬﻧﻲ ﺍﻟﻲ ﺭﺍﺡ ﺍﻋﻴﺶ ﻭﻳﺎﻩ ﺣﻴﺎﺗﻲ ﻭﺍﻋﻴﺶ ﻛﻞ ﺍﺣﻼﻣﻲ
ﻭﺻﺮﺕ ﺍﻋﺪﻝ ﺑﻔﺴﺘﺎﻧﻲ ﻭﺑﻘﻴﺖ ﻣﻨﺘﻈﺮﺓ ﻭﺍﺿﺤﻚ ﻭﻳﺔ ﺍﻟﺒﻨﺎﺕ ﻭﺍﺧﺬ ﻭﻳﺎﻫﻢ ﺻﻮﺭ ﺑﻨﻘﺎﻟﻲ ﻭﻛﻌﺪﺕ ﺍﺭﺳﻞ ﺑﺼﻮﺭﻱ
ﻟﺮﻧﺎ ﺻﺪﻳﻘﺘﻲ ﺣﺘﻰ ﺗﺸﻮﻓﻨﻲ ﺑﺒﺪﻟﺔ ﺍﻟﻌﺮﺱ ﻭﻫﻲ ﺧﻄﻴﺔ ﻛﻠﺴﺎﻋﺔ ﺗﺘﺼﻞ ﻋﻠﻴﺔ ﻭﺗﻌﻠﻤﻨﻲ ﺷﻨﻮ ﺍﺳﻮﻱ ﻓﺪﻳﺘﻬﺔ
ﻭﺍﺷﻮﻑ ﺧﻮﺍﺗﻲ ﻭﺑﻨﺎﺕ ﻋﻤﻲ ﺷﻠﻮﻥ ﻓﺮﺣﺎﻧﺎﺕ ﻭﻳﺮﻛﺼﻮﻥ ﻋﻠﻰ ﺍﻏﺎﻧﻲ ﺍﻟﺪﻳﺠﻲ ﻭﺍﻟﻨﺴﻮﺍﻥ ﻳﺴﻮﻟﻔﻦ ﻭﻳﻀﺤﻜﻦ ﻭﻛﺎﻧﺖ ﺍﻟﺴﻌﺎﺩﺓ ﻣﺮﺳﻮﻣﺔ ﻋﻠﻰ ﺟﻤﻴﻊ ﺍﻟﻮﺟﻮﻩ ﻭﺍﻟﺠﻮ ﻣﺨﺒﻮﺹ ﺧﺒﺺ
ﻗﺒﻞ ﻗﻠﻴﻞ ﻛﺎﻟﺖ ﺷﻬﺪ ﺣﻀﺮﻭ ﺭﻭﺣﻜﻢ ﻭﺍﺳﺘﻌﺪﻭ ﺭﺍﺡ ﻳﺠﻮﻥ ﻭﺍﻧﻲ ﺩﮔﺎﺕ ﮔﻠﺒﻲ ﺻﺎﺭﺕ ﻣﺜﻞ ﻗﺮﻉ ﺍﻟﻄﺒﻮﻝ ﺑﻴﻮﻡ ﺍﻟﺤﺮﺏ ﻫﻴﺞ ﻛﺎﻧﺖ ﺗﺮﻋﺪ
ﻣﺎ ﺍﻋﺮﻑ ﺍﺧﺒﻲ ﻓﺮﺣﺘﻲ ﻭﻳﻦ ﻣﻦ ﻋﻴﻮﻥ ﺍﻟﺒﻨﺎﺕ ﻛﻨﺖ ﻛﻠﺶ ﻛﻠﺶ ﻓﺮﺣﺎﻧﺔ
ﻟﻜﻦ ﺑﻌﺪ ﺳﺎﻋﺔ ﻣﻦ ﺍﻻﻧﺘﻈﺎﺭ ﺣﺴﻴﺖ ﻫﻨﺎﻙ ﻭﺻﺎﺭﺕ ﺣﺮﻛﺔ ﻏﺮﻳﺒﺔ ﺑﻴﻦ ﺍﻟﺒﻨﺎﺕ ﻭﺍﻧﺘﺒﻬﺖ ﻋﻠﻴﻬﻦ ﺷﻮﻳﺔ ﺷﻮﻳﺔ ﺑﺪﻥ ﻳﻨﺴﺤﺒﻦ ﻭﺣﺪﺓ ﻭﺭﺓ ﺍﻟﺜﺎﻧﻴﺔ ﻭﻃﻠﻌﻦ ﻣﻦ ﺍﻟﺼﺎﻟﺔ
ﻭﺭﺍﻫﺔ ﺣﺴﻴﺖ ﻧﺼﺔ ﺻﻮﺕ ﺍﻟﺪﻳﺠﻲ
ﻭﺷﻮﻳﺔ ﺧﻔﺖ ﺍﻟﺮﺟﻞ ﻋﻦ ﺍﻟﺮﻗﺺ ﻭﺍﺻﺒﺤﺖ ﻓﻘﻂ
ﺍﺳﻤﻊ ﺻﻮﺕ ﺍﻟﻬﻤﺲ ﺑﻴﻦ ﺍﻟﻨﺴﺎﺀ
ﺷﻔﺖ ﺍﺧﺘﻲ ﺳﺮﻭﺭ ﺩﺧﻠﺖ ﻭﺻﺎﺭﺕ ﻋﻴﻨﻬﺎ ﺑﻌﻴﻨﻲ ﻭﻛﺎﻧﺖ ﻋﻴﻮﻧﻬﺎ ﺣﻤﺮﺓ
ﺍﺗﻤﻠﻤﻠﺖ ﺍﺗﻀﺠﻮﺭﺕ ﻣﻦ ﺍﻟﻜﻌﺪﺓ ﺍﺷﺮﺕ ﻟﺴﺮﻭﺭ ﺷﻨﻮ ﺷﺒﻴﻬﺎ
ﺳﺮﻭﺭ - ﻫﺎ ﻻﻣﺎﺑﻴﺔ ﺷﻲ
ﻭﺑﻌﺪﻳﻦ ﺻﺎﺭﺕ ﺳﻨﻄﺔ ﻫﺪﻭﺀ ﻭﺷﻔﺖ ﺍﻟﻨﺴﻮﺍﻥ ﺷﻠﻮﻥ ﺑﺪﻭ ﻳﻨﺴﺤﺒﻮﻥ ﺍﻫﻮﻭﻭ ﻣﺎﻋﺎﺩ ﻋﻨﺪﻱ ﺻﺒﺮ ﺧﻞ ﺍﺭﻭﺡ ﺍﺷﻮﻑ ﺷﻨﻮ ﺍﺷﻮ ﻣﻨﻮ ﺃﺳﺌﻠﻬﺎ ﺗﻜﻠﻲ ﻣﺎﻛﻮ ﺷﻲ ﺍﺧﻴﺮ ﺷﻲ ﻣﺎ ﺍﺗﺤﻤﻠﺖ
ﻛﻤﺖ ﺍﻧﻲ ﻭﺑﺪﻟﺘﻲ ﻭﺩﺧﻠﺖ ﻋﻠﻰ ﺍﻟﺒﻴﺖ ﻭﺗﻮﺟﻬﺖ ﻋﻠﻰ ﻏﺮﻓﺔ ﺑﻴﺒﻲ ﺭﺩﺕ ﺍﺷﻮﻑ ﻭﻳﻦ ﺻﺎﺭﻭ ﺍﻟﺠﻤﺎﻋﺔ ﺍﺷﻮ ﺍﺗﺄﺧﺮﻭ ﻋﺴﻰ ﻣﺎﺷﺮ
ﺭﺣﺖ ﺍﻗﺘﺮﺑﺖ ﻭﻛﺎﻧﺖ ﺷﻬﺪ ﻭﺭﺷﺎ ﻇﻬﺮﻫﻢ ﻋﻠﻴﺔ ﻭﻳﺤﺠﻮﻥ ﻭﻳﺔ ﺑﻴﺒﻲ
ﺭﺷﺎ - ﺷﻬﺪ ﻣﺎ ﺍﺻﺪﻙ ﺍﻟﻲ ﺟﺎﻱ ﺗﺤﺠﻴﻨﺔ ﻣﺎﻣﻌﻘﻮﻟﺔ ﺣﺴﺎﻡ ﻳﺴﻮﻱ ﻫﻴﺞ ﺩﻛﺔ ﻣﺴﺘﺤﻴﻞ
ﺷﻬﺪ - ﺣﺒﻴﺒﺘﻲ ﺭﻭﺣﻲ ﺷﻮﻓﻲ ﺑﻌﻴﻨﺞ ﺑﺎﺑﺎ ﺷﻠﻮﻥ ﺷﺎﻳﻂ ﻣﻦ ﺍﻟﻘﻬﺮ ﻭﺍﻻﻣﺔ ﻣﮕﻠﻮﺑﺔ ﺑﺮﺓ
ﻭﻳﮕﻮﻟﻮﻥ ﺧﻄﻴﺔ ﻋﻠﻲ ﺷﻠﻮﻥ ﻣﻜﺴﺮ ﺟﺎﻡ ﺍﻟﺴﻴﺎﺭﺓ ﻣﺎﻟﺖ ﺍﻟﻌﺮﺱ ﻣﻦ ﺍﻟﻐﻀﺐ ﻛﻠﺔ ﻣﻦ ﻭﺭﺓ ﺍﺧﻮﺝ ﻭﺍﻟﻠﻪ ﻓﺸﻠﻨﺎ ﮔﺪﺍﻡ ﺍﻟﻌﺎﻟﻢ
ﻓﺮﺡ ﺍﻧﻲ ﺍﺳﻤﻊ ﺑﻜﻼﻡ ﺍﻟﺒﻨﺎﺕ ﺑﺲ ﺣﺴﻴﺖ ﺍﻃﺮﺍﻓﻲ ﺑﺪﺕ ﺗﺒﺮﺩ ﻭﺛﻜﻠﺖ
ﺭﺷﺎ - ﻭﺍﻟﻠﻪ ﻣﺎ ﺍﺻﺪﻙ ﻟﻴﺶ ﻫﻴﺞ ﺳﻮﻭﺓ ﺑﻴﻨﺎ ﺍﺩﺭﻱ ﺣﺘﻰ ﻟﻮ ﺟﺪﻱ ﻏﺼﺒﺔ ﻭﺟﺒﺮﺓ . ﻋﻠﻰ ﺍﻟﺰﻭﺍﺝ ﻣﻨﻬﺎ ﺑﺲ ﻣﻮ ﻣﻌﻨﺎﻫﺎ ﻳﻄﻠﻊ ﻫﻴﺞ ﻃﻠﻌﺔ ﻧﺎﻗﺼﺔ ﺍﺩﺭﻱ ﻫﺎﻱ ﻣﻮ ﺑﻨﺖ ﻋﻤﺔ ﺷﻠﻮﻥ ﻳﻜﺴﺮ ﺑﺨﺘﻬﺎ ﻫﻴﺞ ﻭﺍﻟﻠﻪ ﺣﺮﺍﻡ ﻋﻠﻴﻪ
ﻓﺮﺡ
ﻣﻦ ﺳﻤﻌﺖ ﻛﻼﻡ ﺍﻟﺒﻨﺎﺕ ﻋﺒﺎﻟﻚ ﻭﺍﺣﺪ ﺭﻓﺴﻨﻲ ﺑﺒﻄﻨﻲ ﺍﻧﺤﻨﺔ ﺟﺴﻤﻲ ﻟﻼﻣﺎﻡ ﻭﻟﻔﻴﺖ ﺫﺭﺍﻋﻲ ﻭﺣﻀﻨﺖ ﻧﻔﺴﻲ ﻣﻦ ﺍﻟﺮﺟﻔﺔ ﻭﺍﻟﺒﺮﺩ ﺍﻟﻲ ﺍﻛﺘﺴﺢ ﺟﺴﻤﻲ ﻣﻮ ﻫﻨﺎ ﺍﻟﺼﺪﻣﺔ ﻻ
ﺍﻟﺼﺪﻣﺔ ﻣﻦ ﺍﺟﺘﻨﻲ ﺭﺳﺎﻳﻞ ﻋﻠﻰ ﺍﻟﻮﺍﺗﺲ ﺍﺏ ﻣﻦ ﻧﻘﺎﻝ ﺣﺴﺎﻡ ﻭﺍﻧﻲ ﺩﻣﻮﻋﻲ ﻏﻮﺷﺖ ﻋﻴﻮﻧﻲ ﻣﻦ ﺍﻻﻟﻢ
ﺩﺧﻠﺖ ﻋﻠﻰ ﺍﻟﻮﺍﺗﺲ ﺍﺏ ﻭﻛﺎﻧﺖ ﺍﻟﺼﺪﻣﺔ ﺍﻟﻲ ﺍﻭﺩﺕ ﺑﺤﻴﺎﺗﻲ ﻭﺣﻄﻤﺘﻬﺎ ﺍﻟﻰ ﻗﻄﻊ ﺻﻐﻴﺮﺓ ﻣﺒﻌﺜﺮﺓ
ﺷﻔﺖ ﺻﻮﺭ ﺣﺴﺎﻡ ﻭﻫﻮ ﻧﺎﻳﻢ ﺑﺤﻀﻦ ﺑﻨﻴﺔ ﻭﺣﺪﺓ ﻻﺥ ﺷﻠﻮﻥ ﻭﻫﻮ ﻳﻀﺤﻚ ﻭﻳﺎﻫﺔ ﻭﺣﺎﺿﻨﺔ ﻭﻏﻴﺮﻫﺎ ﻭﻏﻴﺮﻫﺎ
ﻭﺑﻌﺪ ﺻﻮﺭ ﻋﺪﻳﺪﺓ ﺑﻴﻬﺔ ﻟﻌﻘﺪ ﺯﻭﺍﺟﻪ
ﻟﻜﻦ ﺍﻻﺧﻴﺮﺓ ﻛﺎﻧﺖ ﺍﻟﻄﻌﻨﺔ ﺍﻥ ﻫﻮ ﺑﻘﺎﻁ ﺍﻟﻌﺮﺱ ﻣﺎﻟﺘﺔ ﻧﺎﻳﻢ ﺑﺤﻀﻨﻬﺎ ﻭﻫﻲ ﺣﺎﺿﻨﺘﺔ ﺍﺥ ﺍﻟﻠﻪ
ﺍﻱ ﻫﻮ ﻫﺬﺍ ﻗﺎﻁ ﺍﻟﻌﺮﺱ ﻧﻔﺴﺔ ﺍﻟﻲ ﺭﺳﻠﺔ ﺍﻟﻲ ﺣﺘﻰ ﺍﺷﻮﻓﺔ ﻭﻳﺎﺧﺬ ﺭﺃﻳﻲ ﺑﻲ
ﻭﺭﺍﻫﺔ ﺭﺳﻞ ﺍﻟﻜﻼﻡ ﺍﻟﻲ ﻧﻬﺎ ﺍﺧﺮ ﺍﻣﻞ ﺍﻟﻲ
)) ﻫﺎﻱ ﻫﺪﻳﺔ ﻣﻨﻲ ﺍﻟﺞ ﻳﺎﺣﺒﺎﺑﺔ ﺣﺘﻰ ﺗﺒﻄﻠﻴﻦ ﺣﺮﻛﺎﺕ ﺍﻻﺳﺘﺮﺟﺎﻝ ﻣﻨﺎ ﻭﺭﺍﻳﺢ
ﺗﺮﺓ ﻣﻮ ﺍﻧﻲ ﺍﻟﻲ ﻳﺠﺒﺮﻧﻲ ﺟﺪﻱ ﻋﻠﻤﻮﺩ ﺍﺗﺰﻭﺟﺞ ﻫﺬﺍ ﻋﺸﻢ ﺍﺑﻠﻴﺲ ﺑﺎﻟﺠﻨﺔ ﻳﺨﻠﻴﻨﻲ ﺍﺭﺑﻂ ﻧﻔﺴﻲ ﺑﻮﺣﺪﺓ ﻣﺜﻠﺞ ((
↙️
ﻻ ﻻ ﻣﺴﺘﺤﻴﻞ ﺷﻠﻮﻥ
ﻳﺘﺮﻛﻨﻲ ﻭﻳﺨﻠﻴﻨﻲ ﺑﻬﻴﺞ ﻣﻮﻗﻒ ﺍﻧﺘﻈﺮﺓ ﺑﺒﺪﻟﺔ ﺍﻟﻌﺮﺱ
ﻟﻴﺶ ﻫﻴﺞ ﻳﺴﻮﻱ ﺑﻴﺔ ﻭ ﮔﺪﺍﻡ ﺍﻟﻨﺎﺱ ﻛﻠﻬﺎ ﻳﻬﺠﺮﻧﻲ ﻳﻌﻨﻲ ﺭﺑﻲ ﺣﺘﻰ ﻟﻮ ﻳﻬﻮﺩﻱ ﻣﺎ ﺍﺗﻮﻗﻊ ﺭﺍﺡ ﻳﺴﻮﻱ ﻫﻴﺞ ﺳﻮﺍﻳﺔ ﻭﻳﺎﻱ
ﻓﺮﺡ ﻭﻫﻲ ﺗﺠﺮ ﺍﻟﻨﻔﺲ ﻭﺗﺤﺲ ﺑﺎﻻﻟﻢ ﻟﻴﺶ ﻟﻴﺶ ﺍﻧﻲ ﺷﺴﻮﻳﺖ ﺣﺘﻰ ﺍﺳﺘﺤﻖ ﻫﻴﺞ ﻳﺼﻴﺮ ﺑﻴﺔ ﺗﺮﺓ ﻣﺎ ﺭﺩﺕ ﺷﻲ
ﺭﺩﺕ ﺑﺲ ﺍﻧﺴﺘﺮ ﺣﺎﻟﻲ ﺣﺎﻝ ﺍﻱ ﺑﻨﻴﺔ
ﺭﻓﻌﺖ ﺭﺍﺳﻲ ﻟﻠﺴﻤﺎ ﻭﺣﺴﻴﺖ ﺑﺎﻟﻢ ﺟﺎﻱ ﻳﻜﻄﻊ ﺑﻜﻠﺒﻲ ﺭﺑﻲ ﺍﺧﺬ ﺍﻣﺎﻧﺘﻚ ﻭﻻ ﻫﺎﻱ ﺍﻟﺬﻟﺔ ﻭﺍﻟﻌﺎﺭ ﺭﺑﻲ ﺍﺧﺬ ﻋﻤﺮﻱ ﺧﻠﻴﻨﻲ ﺍﺭﺗﺎﺡ ﻣﺎ ﻋﺎﺩ ﺑﻴﺔ ﺻﺒﺮ
ﻛﺎﻥ ﻣﻨﻈﺮﻱ ﻣﻦ ﺑﻌﻴﺪ ﻭﺍﻧﻲ ﻻﺑﺴﺔ ﺑﺪﻟﺖ ﺍﻟﻌﺮﺱ ﻭﻻﺯﻣﺔ ﻧﻘﺎﻟﻲ ﺑﻴﺪﻱ ﻭﺩﻣﻮﻋﻲ ﺍﺧﺘﻠﻄﺖ ﺑﻜﺤﻠﺘﻲ ﻭﺳﺎﺣﺖ ﻋﻠﻰ ﺧﺪﻱ ﻛﺎﻧﺖ ﻟﻮﺣﺔ ﺗﻌﺒﺮ ﻋﻦ ﻣﺪﻯ ﺍﻧﻜﺴﺴﺎﺭ ﺣﻠﻢ ﻓﺘﺎﺓ
ﻟﻢ ﻳﻜﻦ ﺑﻤﻘﺪﻭﺭﻫﺎ ﺣﻤﺎﻳﺔ ﻧﻔﺴﻬﺎ ﻣﻦ ﺍﻻﻟﻢ ﻭﺍﻟﺨﺬﻻﻥ
ﺍﻧﺘﺒﻬﻮﻟﻲ ﺍﻟﺒﻨﺎﺕ ﻣﻦ ﮔﻌﺪﺕ ﻋﻠﻰ ﺍﻟﮕﺎﻉ ﺍﻧﻲ ﻭﺑﺪﻟﺘﻲ
ﻭﺷﺎﻓﻮ ﺣﺎﻟﻲ ﻭﺭﻛﻀﻮ ﻋﻠﻴﺔ
ﺭﺷﺎ ﺍﺧﺬﺕ ﻣﻨﻲ ﻧﻘﺎﻟﻲ ﻭﺷﻬﺪ ﮔﻮﻣﺘﻨﻲ ﺭﺷﺎ ﺑﺸﻬﻜﺔ ﻭﻫﻲ ﺗﺤﻂ ﺍﻳﺪﻫﺔ ﻋﻠﻰ ﺣﻠﮕﻬﺎ ﻣﻦ ﺍﻟﺼﺪﻣﺔ ﻭﺍﻗﺘﺮﺑﻮ ﻣﻨﻬﺎ ﺍﻟﺒﻨﺎﺕ ﻭﺷﺎﻫﺪﻭ ﻟﺤﻈﺎﺕ ﺍﻧﻜﺴﺎﺭﻱ ﻭﺷﺎﻓﻮ ﺻﻮﺭ ﺣﺴﺎﻡ ﻭﻫﻮ ﻳﺪﻭﺱ ﻋﻠﻰ ﻛﺮﺍﻣﺘﻲ ﺑﺎﻟﮕﺎﻉ
ﻭﺍﻟﺮﺳﺎﻟﺔ ﻟﺤﺪ ﻫﺴﺔ ﺍﻣﺎﻡ ﻋﻴﻮﻧﻲ
ﮔﻤﺖ ﺍﻧﻲ ﻭﺑﺪﻟﺘﻲ ﺑﻌﺪ ﻣﺎ ﺍﺟﺖ ﺍﺧﺘﻰ ﺳﻠﻮﻯ ﻋﻠﻴﺔ ﻭﻫﻲ ﺗﺒﺠﻲ ﻋﻠﻰ ﺣﺎﻟﻲ
ﻃﺒﻌﺎ ﺷﻤﺎ ﺍﺣﺠﻲ ﻋﻦ ﻟﺤﻈﺔ ﺍﻻﻧﻜﺴﺎﺭ ﺍﻟﻲ ﺍﺗﻌﺮﺿﺖ ﻟﻬﺎ ﺑﻮﻗﺘﻬﺎ ﻣﺎ ﺭﺍﺡ ﺍﻭﻓﻴﻬﺔ ﺣﻘﻬﺎ ﻣﻦ ﻛﻢ ﺍﻻﻟﻢ ﺍﻟﻲ ﺣﺴﻴﺖ ﺑﻲ
ﺷﻌﻮﺭﻱ ﻛﺎﻥ ﻣﺜﻞ ﺍﻟﻲ ﻳﺴﺘﺄﺻﻠﻮﻥ ﻋﻀﻮ ﻣﻦ ﺟﺴﻤﺔ ﺑﻌﻤﻠﻴﺔ ﺑﺪﻭﻥ ﺑﻨﺞ ﻫﻴﺞ ﻛﺎﻥ ﺣﺎﻟﻲ ﻣﻦ ﺍﻻﻟﻢ
ﺭﻓﻌﺖ ﺍﻟﺒﺪﻟﺔ ﻭﺭﻓﻌﺖ ﺭﺍﺳﻲ ﻭﻭﻛﻌﺖ ﻋﻴﻨﻲ ﻋﻠﻰ ﺑﻨﺖ ﻋﻤﻲ ﻧﺴﺮﻳﻦ ﺷﻠﻮﻥ ﻓﺮﺣﺎﻧﺔ ﻭﺗﻀﺤﻚ ﺑﻜﻞ ﺷﻤﺎﺗﺔ
ﻭﺭﺍﻫﺔ ﺑﻔﺘﺮﺓ ﺳﻤﻌﺖ ﺍﻟﻨﺎﺱ ﻛﻠﻪ ﺭﺍﺣﺖ ﻟﺒﻴﻮﺗﻬﺎ ﻭﻛﻠﻬﺎ ﺗﺘﺴﺎﺋﻞ ﻭﺍﺳﻤﻌﻬﻢ ﺷﻴﺤﺠﻮﻥ
ﻭﺍﻟﻲ ﻭﺻﻞ ﻟﺴﻤﻌﻲ
)) ﺍﻟﻠﻪ ﺍﻟﻌﺎﻟﻢ ﺷﻨﻮ ﻣﺴﻮﻳﺔ ﻣﻦ ﻣﺼﻴﺒﺔ ﻭﺧﻠﺖ ﺍﺑﻦ ﻋﻤﻬﺎ ﻳﺘﺒﺮﺓ ﻣﻨﻬﺎ ﺑﻴﻮﻡ ﻋﺮﺳﻬﺎ ((
ﻫﺬﻩ ﺍﻟﻜﻠﻤﺎﺕ ﺣﺴﻴﺖ ﺑﻴﻬﺎ ﻣﺜﻞ ﺍﻟﺴﻴﺎﻁ ﺍﻟﺘﻲ ﺗﻘﻊ ﻋﻠﻰ ﺟﺴﻤﻲ ﻓﺘﻠﺴﻌﻪ ﺑﺎﻟﻢ ﻣﺒﺮﺡ
ﻭﻏﻴﺮﺓ ﻭﻏﻴﺮﺓ ﻣﻦ ﺍﻟﻜﻼﻡ ﺍﻟﻲ ﻛﻠﺔ ﻃﻌﻦ ﻭﻣﺎﺑﻲ
ﺍﻱ ﺭﺣﻤﺔ
ﻭﺍﻟﻠﻪ
ﻣﺎ ﺭﺩﺕ ﺷﻲ ﻏﻴﺮ ﺍﻓﺮﺡ ﺣﺎﻟﻲ ﺣﺎﻝ ﺍﻟﺒﻨﺎﺕ
ﻓﺮﺡ ﻭﺑﺼﻮﺕ ﻋﺎﻟﻲ ﺍﻣﺎﻡ ﺍﻟﻜﻞ
ﺍﺍﺍﺍﺍﺥ ﺍﻟﻠﻪ
ﺭﺑﻲ ﺟﺎ ﻣﺎﻛﺴﺮﺕ ﺧﺎﻃﺮﻙ ﻭﺗﻌﺎﻳﻦ ﻟﺤﺎﻟﻲ
ﺳﻤﻌﺖ ﺍﺻﻮﺍﺕ ﺍﻟﺰﻟﻢ ﺩﺧﻠﺖ ﻟﻠﺪﻳﻮﺍﻥ
ﻭﺍﻧﻲ ﻧﻬﻀﺖ ﻣﻦ ﻣﻜﺎﻧﻲ ﻭﻛﺄﻥ ﻓﺮﺡ ﺍﻟﻘﺪﻳﻤﺔ ﺭﺟﻌﺖ ﻣﻦ ﺟﺪﻳﺪ ﺑﻌﺪ ﻣﺎ ﺍﻧﻲ ﺧﻨﻜﺘﻬﺎ ﺑﺜﻨﻴﻦ ﺍﻳﺪﻳﺔ ﻭﻗﻀﻴﺖ ﻋﻠﻴﻬﺎ ﻫﺴﺔ ﻣﺤﺪ ﺭﺍﺡ ﻳﻔﻴﺪﻧﻲ ﻏﻴﺮ ﻓﺮﺡ ﺍﻟﻘﺪﻳﻤﺔ
ﺭﻓﻌﺖ ﺑﺪﻟﺘﻲ
ﺳﻠﻮﻯ - ﻓﺮﺡ ﻭﻳﻦ ﺭﺍﻳﺤﺔ
ﻓﺮﺡ - ﺭﺍﻳﺤﺔ ﺑﺮﺟﻠﻲ ﻟﻠﻤﻮﺕ ﺍﻻﺣﻤﺮ
ﺭﺍﺡ ﺍﺭﻭﺡ ﻭﺍﻛﻠﺔ ﻫﻠﺔ ﺑﻴﻚ ﻳﺎﻟﻤﻮﺕ ﺗﻌﺎﻝ ﻟﻴﺔ ﻭﺍﻓﺘﺤﻠﺔ ﺫﺭﻋﺎﻧﻲ ﺍﺫﺍ ﻳﺮﻳﺪ ﺑﻌﺪ
ﺳﺮﻭﺭ ﻭﻫﻲ ﻣﻤﺮﻭﺩﺓ ﻋﻠﻰ ﺣﺎﻝ ﺍﺧﺘﻬﺎ ﺷﺎﻓﺖ ﻫﻲ ﻭﻳﻦ ﻣﺘﻮﺟﻬﺔ ﻭﺧﺎﻓﺖ ﻋﻠﻴﻬﺎ ﺧﺎﻑ ﻳﺴﻮﻥ ﺑﻴﻬﺎ ﺷﻲ ﻻﻥ ﻫﻨﺎﻙ ﺍﻫﻠﻨﺎ ﻛﻠﻬﻢ ﻣﻮﺟﻮﺩﻳﻦ ﻋﻤﺎﻣﻲ ﻭﺍﻭﻻﺩﻫﻢ ﻭﺍﻗﺎﺭﺑﻬﻢ
- ﻻﻋﻔﻴﺔ ﻓﺮﺡ ﻋﻠﻰ ﺑﺨﺘﺞ ﻭﻳﻦ ﺭﺍﻳﺤﺔ
ﺭﻛﻀﺖ ﻭﺭﺍﻫﺔ ﻟﻜﻦ ﻣﻊ ﺍﻻﺳﻒ ﻣﺎ ﻟﺤﻜﺖ ﻋﻠﻴﻬﺎ
ﻛﺎﻧﺖ ﻓﺮﺡ ﺩﺧﻠﺖ ﻋﻠﻴﻬﻢ ﻋﻠﻰ ﺟﺪﻫﺎ ﻭﻋﻤﺎﻣﻬﺔ ﻭﺑﺲ ﺍﻟﻠﻪ ﺍﻟﻴﺴﺘﺮ
ﻓﺮﺡ
ﺩﺧﻠﺖ ﻋﻠﻴﻬﻢ ﻭﺷﻔﺖ ﺟﺪﻱ ﻭﻋﻤﺎﻣﻲ ﻭﺍﻭﻻﺩﻫﻢ ﻭﺍﻗﺎﺭﺑﻬﻢ ﻛﻠﻬﻢ ﺭﻓﻌﺖ ﻓﺴﺘﺎﻧﻲ ﺍﻟﺜﻘﻴﻞ ﻭﺍﺗﻘﺪﻣﺖ ﻋﻠﻴﻬﻢ
ﻓﺮﺡ ﺍﻟﺸﺮﺭ ﻳﺘﻄﺎﻳﺮ ﻣﻦ ﻋﻴﻮﻧﻬﺎ ﺑﺘﺠﺎﻩ ﺟﺪﻫﺎ
↙️
ﺍﻧﺘﺒﻬﺖ ﻋﻠﻰ ﻋﻠﻲ ﺍﺑﻦ ﻋﻤﻬﺎ ﺷﻠﻮﻥ ﺭﻛﺾ ﻣﻦ ﺷﺎﻓﻬﺎ ﺩﺧﻠﺖ ﻋﻠﻴﻬﻢ ﺭﺍﺩ ﻳﺮﺩﻋﻬﺎ ﻋﻴﺐ ﻋﻤﻮﻣﺘﻬﻢ ﻛﻠﻬﺎ ﻣﻮﺟﻮﺩﺓ
ﻟﻜﻦ ﻓﺮﺡ ﻟﻢ ﺗﺒﺎﻟﻲ
ﺍﻧﺘﺒﻬﺖ ﻟﻌﻼﺀ ﺷﻠﻮﻥ ﻟﺰﻡ ﻋﻠﻲ ﻭﻣﻨﻌﺔ ﻋﻨﻬﺎ ﺣﺘﻰ ﻣﺎﻳﺼﻮﻟﻬﺎ
ﻛﺎﻧﺖ ﺟﺪﺍ ﻣﻤﻨﻮﻧﺔ ﻟﻌﻼﺀ ﻋﻠﻰ ﻣﻮﻗﻔﺔ ﻫﺬﺍ ﻻﻥ ﻫﻮ ﻣﺎ ﺍﻫﺘﻢ ﻟﻠﻌﺎﻟﻢ ﺑﻜﺪ ﻣﺎ ﺍﻫﺘﻢ ﺍﻥ ﺍﻧﻲ ﺍﺩﺧﻞ ﻭﺍﺧﺬ ﺣﻘﻲ ﻣﻨﻬﻢ ﻭﺍﺑﺮﺩ ﺍﻟﻨﺎﺭ ﺍﻟﻲ ﺑﺼﺪﺭﻱ ﺍﻟﻲ ﻣﺎ ﻧﺎﻭﻳﺔ ﺗﻨﻄﻔﻲ
ﻭﻣﺎ ﺍﻫﺘﻤﻴﺖ ﻟﻠﻌﺎﻟﻢ ﻭﻟﻤﻨﻈﺮﻱ ﻣﻦ ﺩﺧﻠﺖ ﺑﻬﺬﺍ ﺷﻜﻠﻲ
ﻻﻥ ﺷﻨﻮ ﻓﺎﻳﺪﺓ ﺍﻟﺴﺘﺮ ﺑﻌﺪ ﻣﺎ ﺍﻧﻬﺘﻚ ﻋﺮﺿﻲ ﻭﺷﺮﻓﻲ ﻣﻦ ﻭﺭﺓ ﺳﻮﺍﻳﺔ ﺍﺑﻦ ﻋﻤﻲ ﺑﻴﺔ
ﻓﺮﺡ ﻭﻛﻔﺖ ﮔﺒﺎﻝ ﺟﺪﻱ ﻭﺭﻓﻌﺖ ﺭﺍﺳﻲ ﻭﺻﺎﺭﺕ ﻋﻴﻨﻲ ﺑﻌﻴﻨﺔ
ﻭﺣﺠﻴﺖ ﻭﺑﺼﻮﺕ ﻋﺎﻟﻲ ﻣﻬﻀﻮﻡ - ﻫَـﺎ ﻳﺸﻴﺦ ﺻﺎﻟﺢ ﻣﺎﺑﺴﻚ ﻣﺎ ﺷﺒﻌﺖ ﻣﻦ ﺩﻡ ﺑﻨﺎﺕ ﻣﻨﺬﺭ ﻟﻴﺶ ﻳﺸﻴﺦ ﻣﺎﻛﻔﺎﻙ ﻗﻬﺮﺓ ﻣﻨﺬﺭ ﻭﻫﻮ ﻋﺎﻳﺶ ﻭﺭﺣﺖ ﻋﻠﻴﻪ ﺑﮕﺒﺮﺓ ﺗﺮﻳﺪ ﺗﻘﻬﺮﺓ ﺑﺒﻨﺎﺗﺔ ﺟﺎ ﻣﺎﺧﻔﺖ ﺍﻟﻠﻪ ﺑﺎﻳﺘﺎﻡ ﻣﻨﺬﺭ ﻋﻔﻮ ﻋﻠﻴﻚ ﻳﺎﺷﻴﺦ ﺻﺎﻟﺢ ﻣﻮ ﻫﻴﺞ ﺍﻟﻌﺸﻢ ﺑﻴﻜﻢ ﻭﺍﻟﻠﻪ ﻟﻮ ﺗﺎﺭﻛﻴﻨﺎ ﻟﻠﺬﻳﺎﺑﺔ ﺗﻨﻬﺶ ﺑﻠﺤﻤﻨﺎ ﻭﻻﻫﺎﻱ ﺳﻮﺍﻳﺘﻜﻢ ﺑﻴﻨﺎ ﺍﻧﻲ ﻭﺧﻮﺍﺗﻲ ﻋﻠﻰ ﺍﻻﻗﻞ ﻫﺬﻭﻟﻲ ﻏﺮﺑﺔ ﻭﻣﺎ ﻋﻠﻴﻬﻢ ﻋﺘﺐ ﺑﻴﻮﻡ ﻳﻜﺴﺮﻭﻧﺔ ﻟﻜﻦ ﺍﻧﺘﻮ ﺷﻨﻮ ﻋﺬﺭﻛﻢ ﻭﻳﺎﻧﺔ
ﻭﺍﻟﻠﻪ ﺟﻨﺖ ﺧﺎﻳﻔﺔ ﻣﻦ ﺍﻟﻐﺮﺏ ﺧﺎﻑ ﻣﺎﻳﺮﺣﻤﻮﻧﺔ
ﻟﻜﻦ ﻣﺎﺟﻨﺖ ﺣﺎﺳﺒﺔ ﺣﺴﺎﺏ ﺍﻫﻠﻨﺎ ﻭﺳﻨﺪﻧﺎ
ﻳﻜﺴﺮﻭﻧﺎ ﻭﻳﻄﻌﻨﻮﻧﺎ ﺑﻈﻬﺮﻧﺎ
ﻟﻴﺶ ﻳﺠﺪﻱ ﻛﺴﺮﺕ ﺑﺨﺘﻲ ﻭﺍﻧﻲ ﺣﺮﻣﺔ ﻟﻴﺶ
ﺑﻌﺪ ﺷﺨﻠﻴﺘﻮ ﻟﻠﻐﺮﺏ ﺑﻌﺪ ﻣﺎ ﺍﻋﺘﺐ ﻋﻠﻰ ﺍﻟﻨﺎﺱ ﺑﻴﻮﻡ ﺗﻨﻬﺶ ﺑﺸﺮﻓﻲ ﻭﺑﺴﻤﻌﺘﻲ
ﻓﺮﺡ ﺗﺘﻮﻋﺪ - ﺷﻮﻑ ﻳﺠﺪﻱ ﺍﺫﺍ ﺟﺎﻧﺖ ﻧﻴﺘﻚ
ﺑﻌﺪ ﺍﻟﻲ ﺻﺎﺭ ﺑﻴﺔ ﺍﻟﻴﻮﻡ
ﺗﺮﺟﻊ ﺗﻜﻤﻞ ﻭﺗﺰﻭﺟﻨﻲ ﻟﺤﺴﺎﻡ
ﻣﻦ ﻫﺴﺔ ﺍﮔﻠﻚ ﻻﺗﻌﺐ ﻧﻔﺴﻚ
ﺍﻛﺘﻠﻨﻲ ﻭﺍﺩﻓﻨﻲ ﻣﻦ ﻫﺴﺔ ﺍﺣﺴﻨﻠﻚ ﻻﻥ . ﺍﻧﺘﻮ . ﺑﺲ ﻫﺎﻱ ﺍﻟﻲ ﺗﮕﺪﺭﻭﻥ ﻋﻠﻴﻬﺎ ﺑﺲ ﺍﻟﺬﺑﺢ
ﻭﺗﻌﻮﻓﻮﻥ ﺍﻟﻲ ﻳﻠﺤﻖ ﺑﻴﻜﻢ ﺍﻟﻌﺎﺭ ﻳﻌﻴﺶ ﺣﻴﺎﺗﺔ ﻃﻮﻝ ﺑﻌﺮﺽ
ﻭﺗﺮﻭﺣﻮﻥ ﺗﺮﻛﻀﻮﻥ ﻋﻠﻰ ﺍﻟﻤﻈﻠﻮﻡ ﺗﺎﺧﺬﻭﻥ ﺍﻟﺤﻖ ﻣﻨﺎ
ﺷﻮﻑ ﻟﻮ ﻳﺒﻘﻰ ﺣﺴﺎﻡ ﺍﺧﺮ ﺭﺟﺎﻝ ﺑﺎﻟﻌﺎﻟﻢ ﻣﺎ ﺭﺍﺡ ﺑﻌﺪ ﺍﻗﺒﻞ ﺑﻴﻪ ﻭﺍﻟﻠﻪ ﻟﻮﺗﺼﻮﻏﻮﻧﺔ ﺫﻫﺐ ﻣﺎ ﺍﻗﺒﻞ ﺑﻲ
ﻻﻥ ﻣﻊ ﺍﻻﺳﻒ ﻣﺎﻳﺸﺮﻓﻨﻲ ﺍﺧﺬ ﻫﻴﺞ ﻭﺍﺣﺪ
ﺍﻧﺘﺒﻬﺖ ﻋﻠﻰ ﺣﺮﻛﺔ ﻣﻮ ﻃﺒﻴﻌﻴﺔ ﺧﻠﻔﻬﺎ ﻭﺍﺗﺠﻬﺖ ﺍﻟﻮﺟﻮﻩ ﻋﻠﻰ ﺍﻟﻲ ﺩﺧﻞ ﻣﻦ ﺑﺎﺏ ﺍﻻﺳﺘﻘﺒﺎﻝ
ﺍﻟﺘﻔﺘﺖ
ﻭﺷﻔﺖ ﺣﺴﺎﻡ
ﻻﺑﺲ ﻗﺎﻁ ﺍﻟﻌﺮﺱ ﻭﻋﻴﻮﻧﺔ ﺣﻤﺮﺓ ﻭﺷﻌﺮﺓ ﻣﻨﻔﻮﺵ ﻭﻣﻬﻮﺱ
ﺍﻧﺘﺒﻬﺖ ﻋﻠﻰ ﻋﻠﻲ ﺷﻠﻮﻥ ﺭﻛﺾ ﻋﻠﻴﻪ ﻟﺰﻣﺔ ﻣﻦ ﺳﺘﺮﺗﺔ ﻭﺷﺒﻌﺔ ﻃﻦ ﺑﻮﻛﺴﺎﺕ ﻭﺿﺮﺏ ﻭﺭﻓﺲ
ﻭ ﺣﺴﺎﻡ ﻻﻳﺸﻴﻞ ﺍﻳﺪ ﻭﻻ ﺭﺟﻞ
ﻟﻜﻦ ﺍﻧﺘﺒﻬﺖ ﻋﻠﻰ ﺻﻴﺤﺔ ﻋﻤﻮ ﺗﻮﻓﻴﻖ
ﺍﻟﺘﻔﺘﺖ ﺷﻔﺖ ﺟﺪﻱ ﻻﺯﻡ ﮔﻠﺒﺔ ﻭﻭﮔﻊ ﺑﺎﻟﮕﺎﻉ
ﺍﻧﻲ ﺍﺭﺗﺪﻳﺖ ﻟﻠﺨﻠﻒ ﻭﺳﻮﻳﺖ ﻣﺠﺎﻝ ﻟﻌﻤﺎﻣﻲ ﻻﻥ ﺍﻧﺨﺒﺼﻮ
ﺑﺠﺪﻱ
ﻭﺷﻔﺖ ﻋﻤﻲ ﺗﻮﻓﻴﻖ ﻭﻋﻠﻲ ﺷﺎﻟﻮ ﺟﺪﻱ ﻭﺭﻛﻀﻮ ﺑﻲ ﻭﺻﺎﺭ ﺍﻟﺼﻴﺎﺡ ﻭﻛﻠﻬﺎ ﺭﻛﻀﺖ ﻋﻠﻰ ﺳﻴﺎﺭﺍﺗﻬﻢ ﺣﺘﻰ ﻳﺎﺧﺬﻭﻧﺔ ﻟﻠﻤﺴﺘﺸﻔﻰ
ﺍﺑﺪ ﻣﺎ ﺭﻑ ﮔﻠﺒﻲ ﻋﻠﻰ ﺟﺪﻱ ﻻﻥ ﻣﻮﻫﻴﻦ ﺍﻟﻲ ﺻﺎﺭ ﺑﻴﺔ ﻛﻠﺔ ﻣﻦ ﺗﺤﺖ ﺍﻳﺪﺓ
ﻋﻔﺘﻬﻢ ﻭﻃﻠﻌﺖ ﺑﻌﺪ ﻣﺎ ﻭﺟﻬﺖ ﻧﻈﺮﺓ ﺍﺧﻴﺮﺓ
ﻋﻠﻰ ﺣﺴﺎﻡ ﺍﻟﻲ ﻛﺎﻧﺖ ﺷﻔﺘﺔ ﺗﺠﺮﻱ ﺩﻡ
ﻓﺮﺡ
ﺩﺧﻠﺖ ﻋﻠﻰ ﺍﻟﺒﻨﺎﺕ ﻻﻥ ﻣﺎ ﻳﺪﺭﻭﻥ ﺷﻨﻮ ﺻﺎﺭ
ﻧﻈﺮﺕ ﻟﻨﺴﺮﻳﻦ ﺍﺷﻮﻓﻬﺎ ﺷﻠﻮﻥ ﺗﻀﺤﻚ ﺑﺸﻤﺎﺗﺔ ﻋﻠﻰ ﺣﺎﻟﻲ
ﺍﺥ ﺍﻟﻠﻪ ﺷﻜﻮﻝ ﻋﻠﻴﻚ ﻳﺎﺣﺴﺎﻡ ﺧﻠﻴﺖ ﺍﻟﺸﻤﺎﺗﺔ ﻳﻔﺮﺣﻮﻥ ﺑﻬﻀﻤﻲ ﻭﻛﺴﺮﻱ
ﺭﺣﺖ ﻟﻐﺮﻓﺘﻲ ﻭﺳﻤﻌﺖ ﺑﻴﺒﻲ ﺗﺒﺠﻲ
ﺍﻟﺠﺪﺓ - ﺍﻭﻱ ﺣﺴﻴﻢ ﻛﻮﻥ ﺍﻟﻠﻪ ﻳﺒﻠﻴﻚ ﻭﻳﺸﻠﻊ ﮔﻠﺒﻚ ﻣﺜﻞ ﻣﺎﺷﻠﻌﺖ ﮔﻠﺐ ﻫﺎﻟﻤﻜﺮﻭﺩﺓ
ﺭﻓﻌﺖ ﺑﺪﻟﺘﻲ ﺭﺩﺕ ﺍﺻﻌﺪ ﻓﻮﻙ ﻟﻐﺮﻓﺘﻲ
ﺷﻔﺖ ﺍﻟﺒﻨﺎﺕ ﺭﺍﺩﻭ ﻳﺼﻌﺪﻥ ﻭﺭﺍﻱ ﻟﻜﻦ ﺍﺷﺮﺗﻠﻬﻢ ﻣﺤﺪ ﺗﺠﻲ ﻭﺭﺍﻱ ﻃﻠﺒﺖ ﻣﻨﻬﻢ ﻳﺘﺮﻛﻮﻧﻲ ﻟﻮﺣﺪﻱ ﻻﻥ ﻣﺤﺘﺎﺟﺔ ﺍﺑﻘﻰ ﻟﻮﺣﺪﻱ ﻣﺎ ﺍﺭﻳﺪ ﺍﺣﺪ ﻳﺸﺎﻫﺪ ﻟﺤﻈﺔ ﺿﻌﻔﻲ ﻭﺍﻧﻬﻴﺎﺭﻱ
ﺭﺣﺖ ﺩﺧﻠﺖ ﺑﻐﺮﻓﺘﻲ ﻭﻗﻔﻠﺖ ﺍﻟﺒﺎﺏ ﻋﻠﻰ ﺭﻭﺣﻲ
ﻭﺟﻠﺴﺖ ﺑﺎﻟﺰﺍﻭﻳﺔ ﻭﻛﺮﻓﺼﺖ ﻋﻠﻰ ﻧﻔﺴﻲ . ﻣﺜﻞ ﺍﻟﻄﻔﻠﺔ
ﻇﻠﻴﺖ ﻓﺘﺮﺓ ﻃﻮﻳﻠﺔ ﻋﻠﻰ ﻧﻔﺲ ﻛﻌﺪﺗﻲ ﻭﺍﻧﻲ ﺟﺎﻣﺪﺓ ﺑﻤﻜﺎﻧﻲ
ﻛﺎﻥ ﺍﻟﺒﻴﺖ ﻫﺎﺍﺍﺍﺩﻱﺀ ﺍﻧﺘﺒﻬﺖ ﻋﻠﻰ ﻧﻔﺴﻲ ﻭﺷﻔﺖ ﻭﺿﻌﻲ
ﺣﺴﻴﺖ ﺑﺮﻭﺣﻲ ﻭﺣﻴﺪﺓ ﺑﻬﺬﺍ ﺍﻟﻌﺎﻟﻢ
ﺻﺎﺭ ﺣﺎﻟﻲ ﻣﺜﻞ ﺍﻟﻲ ﻋﺒﺎﻟﻚ ﺩﺧﻞ ﻏﻴﺒﻮﺑﺔ
)) ﺍﻣﻲ - ﺷﻮﻓﻲ ﻣﺎﻣﺎ ﺍﻧﻲ ﺍﺳﻮﻳﻠﺞ ﺷﻌﺮﺝ ﻣﻦ ﺗﺼﻴﺮﻳﻦ ﻋﺮﻭﺳﺔ
ﻓﺮﺡ ﺑﻘﻬﺮ ﻭﻫﻲ ﺗﻬﻠﺲ ﻭﺗﺠﺮ ﺑﺨﺼﻞ ﺷﻌﺮﻫﺔ ﻭﺗﻨﺰﻝ ﺑﺘﺴﺮﻳﺤﺘﻬﺎ -ﺯﻳﻦ ﻳﻤﺔ ﺗﻌﺎﻱ ﺷﻮﻓﻲ ﺑﺘﺞ ﺷﻠﻮﻥ ﻫﻀﻤﻮﻫﺔ ﺑﺎﺣﻠﻰ ﻳﻮﻡ ﺑﺤﻴﺎﺗﻬﺎ ﻳﻤﺔ ﺗﻌﺎﻱ ﺍﺳﻮﻟﻔﻠﺞ ﺷﻨﻮ ﺟﺮﺓ ﺑﺤﺎﻟﻲ ((
ﺗﺮﺓ ﻳﺎﻧﺎﺱ
ﻭﺍﻟﻠﻪ ﻣﺎﺳﻮﻳﺖ ﺷﻲ ﻏﻴﺮ ﺳﻠﻤﺖ ﺍﻣﺮﻱ ﺑﻴﺪﻫﻢ ﻭﺗﻨﺎﺯﻟﺖ ﻋﻦ ﻋﻨﺎﺩﻱ ﻭﺭﺿﻴﺖ ﺍﻥ ﺍﺭﺿﺦ
ﻟﻘﻮﺍﻧﻴﻨﻬﻢ ﻭﻛﻔﻴﺖ ﻋﻦ ﺍﻟﻌﻨﺎﺩ ﻭﻟﺒﺴﺖ ﺛﻮﺏ ﺍﺑﺪ ﻣﻮ ﺛﻮﺑﻲ ﻭﻏﻴﺮﺕ ﻣﻦ ﺷﺨﺼﻴﺘﻲ
ﻭﻏﻴﺮﺕ ﺣﻴﺎﺗﻲ ﻛﻠﻬﺎ
ﺟﻨﺖ ﺍﮔﻮﻝ ﻋﺴﻰ ﻭﻟﻌﻞ ﻣﻦ ﺍﺗﻐﻴﺮ ﻫﻤﺔ ﻭﺍﻟﺰﻣﻦ ﻳﺘﻐﻴﺮﻭﻥ ﻭﻳﺎﻱ ﻭ
ﺍﻟﺠﺎﺋﺰ ﺍﻧﻲ ﺑﺎﺳﻠﻮﺑﻲ ﻭﺗﺼﺮﻓﺎﺗﻲ ﻫﻲ ﺍﻟﻲ ﺟﺎﻱ ﺗﻌﺜﺮ ﻭﺗﻌﺎﻛﺲ ﺣﻴﺎﺗﻲ ﻭﺗﺨﻠﻴﻬﻢ ﻳﻘﺴﻮﻥ ﻭﻳﺎﻱ ﻛﻠﺔ ﻣﻨﻲ
ﻟﻜﻦ ﻣﻊ ﺍﻻﺳﻒ ﺍﻟﻲ ﺻﺎﺭ ﻫﺴﺔ ﺛﺒﺘﻠﻲ ﺍﻥ
ﻓﺮﺡ ﺍﻟﻘﻮﻳﺔ ﺍﻟﺼﻠﺒﺔ ﻫﻲ ﺍﻟﺼﺤﻴﺤﺔ
ﺍﻥ ﻓﺮﺡ ﺍﻟﻤﺴﺘﺮﺟﻠﺔ ﺍﻟﻘﺪﻳﻤﺔ ﻫﻲ ﺍﻟﻮﺣﻴﺪﺓ ﺍﻟﻘﺎﺩﺭﺓ ﻋﻠﻰ ﺍﻟﻮﻗﻮﻑ ﺑﻮﺟﻬﻢ ﻭﻫﻲ ﺍﻟﻮﺣﻴﺪﺓ ﺍﻟﻘﺎﺩﺭﺓ ﻋﻠﻰ ﺣﻤﺎﻳﺔ ﻧﻔﺴﻬﺎ
ﻭﻟﻮ ﻫﻲ ﻣﻮﺟﻮﺩﺓ ﺟﺎﻥ ﻣﺎﻫﺬﺍ ﺣﺎﻟﻲ ﻭﻻﺻﺮﺕ ﺑﻬﻴﺞ ﻣﻮﻗﻒ
ﺍﻟﻤﻔﺮﻭﺽ ﻣﺎ ﺍﻏﻴﺮ ﻧﻔﺴﻲ ﻭﺍﺗﻨﺎﺯﻝ ﺍﻟﻬﻢ
ﻟﻜﻦ ﻓﻀﻠﺖ ﺍﻟﺴﻜﻮﺕ ﻭﺍﻻﻧﺤﻨﺎﺀ ﺍﻣﺎﻣﻬﻢ
ﺗﺤﺖ ﻣﻘﻮﻟﺔ ﺍﺳﺎﻳﺮﻫﻢ ﻟﻜﻲ ﺍﻋﻴﺶ ﻟﻜﻦ ﻣﻊ ﺍﻻﺳﻒ ﻛﻨﺖ ﺑﻬﺬﺍ ﻋﻤﻠﻲ ﺍﺳﻠﻤﻬﻢ ﺳﻼﺡ ﻣﻮﺗﻲ ﺑﻴﺪﻫﻢ ﺣﺘﻰ ﻳﻘﺘﻠﻮﻥ ﺭﻭﺣﻲ ﺍﻻﺑﻴﺔ ﻭﻳﺪﻓﻨﻮﻥ ﻓﺮﺡ ﺑﻨﺖ ﺍﺑﻮﻫﺎ
ﮔﻤﺖ ﻭﻧﺰﻋﺖ ﺍﻟﺒﺪﻟﺔ ﻋﻨﻲ ﻭﻟﺰﻣﺖ ﻣﻜﺺ ﻭﻇﻠﻴﺖ ﺍﻛﺺ ﻭﺍﻣﺰﻕ ﺑﺎﻟﻔﺴﺘﺎﻥ
ﻭﺍﻧﻬﺎﺭﻳﺖ ﺍﺑﺠﻲ
ﺷﻜﻮﻝ ﻋﻠﻴﻚ
ﻳﺎﻟﻌﻠﻜﺖ ﮔﻠﺒﻲ ﺑﻬﻮﺍﻙ
ﺷﻜﻮﻝ ﻋﻠﻴﻚ ﻳﻠﻌﻠﮕﺘﻨﻲ ﺑﻴﻚ ﻟﻴﺶ ﻭﻟﻚ ﺧﻠﻴﺘﻨﻲ ﺍﺣﺒﻚ
ﺍﺥ ﺍﻟﻠﻪ ﺍﺗﻌﻠﻤﺖ ﻣﻦ ﻭﺭﺍﻙ ﺷﻠﻮﻥ ﺍﺣﻠﻢ ﻣﺜﻞ ﺍﻟﺒﻨﺎﺕ
ﻓﺮﺡ ﺍﺻﺤﻲ ﻟﻴﺶ ﻣﻘﻬﻮﺭﺓ ﻋﻠﻰ ﻭﺍﺣﺪ ﺧﺎﻧﺞ ﻭﻏﺪﺭﺝ ﻫﻮ ﺍﺻﻼ ﺷﻮﻛﺖ ﺣﺒﺞ ﺣﺘﻰ ﺟﺎﻳﺔ ﺗﻌﺘﺒﻦ ﻋﻠﻴﻪ ﻭﺗﻨﻘﻬﺮﻳﻦ ﻋﻠﻰ ﺣﺐ ﺍﺻﻼ ﻣﺎﻣﻮﺟﻮﺩ
ﻭﺭﺣﺖ ﻭﻛﻔﺖ ﻛﺪﺍﻡ ﺍﻟﻤﺮﺍﻳﺎ
ﻭﻟﺰﻣﺖ ﻭﻛﻌﺪﺕ ﺍﻛﺺ ﺑﺨﺼﻞ ﺷﻌﺮﻱ ﻭﺍﻧﻲ ﻓﺎﻗﺪﺓ ﻭﻣﺎ ﺍﺩﺭﻱ ﺑﺮﻭﺣﻲ ﺷﺠﺎﻱ ﺍﺳﻮﻱ ﻭﻛﻌﺪﺕ ﺑﺎﻟﮕﺎﻉ
ﻭﻃﺎﺡ ﺍﻟﻤﻜﺺ ﻣﻦ ﺍﻳﺪﻱ ﻭﺣﺴﻴﺖ ﺑﻲ ﺟﺮﺣﻨﻲ ﺟﺮﺡ ﻋﻤﻴﻖ
ﻣﻦ ﻃﺎﺡ ﻟﻜﻦ ﻣﺎ ﺍﻫﺘﻤﻴﺖ ﻻﻥ ﺟﺮﺡ ﺍﻟﻤﻜﺺ ﻣﺎﻳﺠﻲ ﺑﻜﺪ ﺍﻟﺠﺮﺡ ﺍﻟﻲ ﻳﮕﻠﺒﻲ
ﺍﻧﻬﺎﺭﻳﺖ ﺣﺴﻴﺖ ﻧﻔﺴﻲ ﻣﻦ ﻭﺭﺓ ﺍﻟﻤﺼﺎﻳﺐ ﺍﻟﻲ ﺟﺎﻱ ﺗﺪﻭﺭ ﻋﻠﻴﺔ ﻋﺒﺎﻟﻚ ﺷﻠﻮﻥ ﺍﻟﻤﺪﻓﻮﻋﺔ ﻋﻠﻰ ﺣﺎﻓﺔ ﻫﺎﻭﻳﺔ ﻭﺍﺭﻳﺪ ﺍﻭﻛﻊ
ﻭﺣﺴﻴﺖ ﺑﻠﺤﻈﺔ ﻻﺯﻡ ﺍﻗﺮﺭ ﺍﻥ ﺍﺭﻣﻲ ﻧﻔﺴﻲ ﻣﻦ ﺍﻟﺤﺎﻓﺔ ﺣﺘﻰ ﺍﺭﺗﺎﺡ ﻟﻮ ﺍﺑﻘﻰ ﺍﻗﺎﻭﻡ
ﻣﺮﺕ ﺍﻟﺴﺎﻋﺎﺕ ﻭﺍﻧﻲ ﻟﻮﺣﺪﻱ ﺑﺎﻟﻐﺮﻓﺔ
ﺻﺤﻴﺖ ﻋﻠﻰ ﺩﮒ ﺍﻟﺒﺎﺏ ﻭﺷﻔﺖ ﺭﻭﺣﻲ ﻧﺎﻳﻤﺔ ﺑﻤﻜﺎﻧﻲ ﺑﺎﻟﮕﺎﻉ
ﻣﺎ ﻛﻤﺖ ﻣﺎﺑﻴﺔ ﺣﻴﻞ ﻭﺍﺻﻼ ﻣﺎ ﺍﺭﻳﺪ ﺍﻛﻮﻡ ﺍﺣﺠﻲ ﻭﻳﺔ ﺍﺣﺪ
ﺣﺴﻴﺖ ﺟﺴﻤﻲ ﺑﺎﺭﺩ ﻭﻣﻼﺑﺴﻲ ﻣﺒﻠﻠﺔ ﻣﺎ ﺍﻋﺮﻑ ﻟﻴﺶ ﺭﺩﺕ ﺍﺭﻓﻊ ﺍﻳﺪﻱ ﺍﺗﺤﺴﺲ ﻫﺬﺍ ﺍﻟﺒﻠﻞ ﻣﻨﻴﻦ ﻟﻜﻦ ﻣﺎﻛﺪﺭﺕ ﻭﺭﺟﻌﺖ ﺣﺴﺖ ﻏﻄﻴﺖ ﺑﺎﻟﻨﻮﻡ ﺑﺪﻭﻥ ﻣﺎ ﺍﺩﺭﻱ ﻋﻠﻰ ﺭﻭﺣﻲ
ﻭﺭﺓ ﻓﺘﺮﺓ ﻣﺎ ﺍﻋﺮﻑ ﺷﻜﺪ ﺑﺲ ﺳﻤﻌﺖ ﺍﺻﻮﺍﺕ ﺻﻴﺎﺡ ﻭﺻﻮﺕ ﻛﻠﺶ ﻗﻮﻱ ﻋﺒﺎﻟﻚ ﺑﺎﺏ ﻭﮔﻊ ﻋﻠﻰ ﺭﺍﺳﻲ
ﺭﺟﻌﺖ ﻏﻄﻴﺖ ﺑﺎﻟﻨﻮﻡ
ﻟﻜﻦ ﺍﻟﺼﺮﻳﺦ ﻣﺎ ﻳﺮﻳﺪ ﻳﺘﺮﻛﻨﻲ ﻭﺩﻭﺧﻨﻲ
ﺣﺴﻴﺖ ﻋﻠﻰ ﺭﻭﺣﻲ ﺧﻔﻴﻔﺔ ﺑﺎﻟﻬﻮﻯ ﻃﺎﻳﺮﺓ
ﺷﻨﻮ ﻣﻌﻘﻮﻟﺔ ﺍﻟﻠﻪ ﺍﺳﺘﺠﺎﺏ ﻟﺪﻋﺎﺋﻲ ﻭﺭﺍﺡ ﺍﻣﻮﺕ
ﻭﺭﺍﻫﺎ ﺣﺴﻴﺖ ﺑﺎﻟﻬﺪﻭﺀ ﺍﻟﻌﻤﻴﻖ ﺍﻟﻤﺮﻳﺢ
↙️
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء