رواية قلوب على جرف الهاوية الجزء السادس
للكاتبة نهى الحسون
↙️
ﻓﺮﺡ
ﺻﺤﻴﺖ ﻋﻠﻰ ﺍﻳﺪ ﺗﺘﻠﻤﺲ ﺑﻮﺟﻬﻲ ﻭﺻﻮﺕ ﺑﻜﺎﺀ ﻓﺘﺤﺖ ﻋﻴﻮﻧﻲ ﻭﺑﻘﻴﺖ ﺍﺭﻣﺶ ﻭﺑﻌﺪﻳﻦ ﺍﻧﺘﺒﻬﺖ ﺍﻧﻲ ﺑﺤﻀﻦ ﻣﻨﻮ ﻳﺎﻟﻠﻪ ﺩﺧﻴﻠﻚ ﻫﺎﻱ ﻣﻨﻮ ﺍﺑﺘﻌﺪﺕ ﻋﻨﻬﺎ ﺑﻔﺰﻉ
- ﻣﻨﻮ ﺍﻧﺘﻲ ﻣﺴﺘﺤﻴﻞ ﻣﻮ ﻣﻌﻘﻮﻟﺔ ﻣﺎ ﺻﺪﻙ
- ﻻ ﺧﻴﺔ ﺻﺪﻛﻲ ﺍﻧﺔ ﺍﺧﺘﺞ ﺳﻤﺎﺡ ﺍﻟﻲ ﻛﺎﻧﺖ ﻏﺎﻳﺒﺔ ﻭﻣﺨﺘﻔﻴﺔ ﺑﺤﺠﺔ ﺍﻟﻤﻮﺕ
ﻓﺮﺡ ﺑﺼﻮﺕ ﻛﻠﺔ ﻳﺮﺟﻒ ﻣﻦ ﺍﺛﺮ ﺍﻟﺼﺪﻣﺔ
- ﺍﻧﺘﻲ ﺷﺘﺤﺠﻴﻦ ﻣﻨﻮ ﺍﻧﺘﻲ ﻣﺎ ﺍﻋﺮﻓﺞ ﻟﺞ ﺍﻧﻲ ﺍﺧﺘﻲ ﺳﻤﺎﺡ ﻣﺎﺗﺖ ﻭﻣﻮﺗﺘﻨﻲ ﻭﻳﺎﻫﺔ
ﻟﺞ ﺍﻧﻲ ﺍﺧﺘﻲ ﺳﻤﺎﺡ ﺍﺩﻣﺮﺕ ﻭﺩﻣﺮﺕ ﺣﻴﺎﺗﻲ ﻭﻳﺎﻫﺔ ﺑﻴﻮﻡ ﺍﻟﻲ ﻣﺎﺗﺖ ﺑﻲ ﻟﺞ ﺍﻧﻲ ﺍﺗﺪﻣﺮﺕ ﻣﻦ ﺑﻌﺪﺝ
ﺷﺘﺤﺠﻴﻦ ﺷﻨﻮ ﺟﺎﻱ ﻳﺼﻴﺮ ﺭﺍﺡ ﺍﺗﺨﺒﻞ ﺯﻳﻦ ﺍﺫﺍ ﺍﻧﺘﻲ ﻣﻮ ﻣﻴﺘﺔ ﺷﻠﻮﻥ ﻫﺎﻧﺖ ﻋﻠﻴﺞ ﺍﺧﺘﺞ ﺗﺸﻮﻓﻴﻬﺎ ﺗﺘﻠﻮﻉ ﻭﻣﺎ ﺣﺎﻭﻟﺘﻲ ﺗﺒﺮﺩﻳﻦ ﻧﺎﺭﻫﺎ ﺑﺨﺒﺮ ﻭﺟﻮﺩﺝ ﺑﺎﻟﺪﻧﻴﺎ
ﺳﻤﺎﺡ ﻭﻫﻲ ﺗﺒﺠﻲ ﻭﺗﺤﺎﻭﻝ ﺗﻮﺻﻞ ﻟﻔﺮﺡ ﺍﻟﻲ ﺩﺧﻠﺖ ﺑﺤﺎﻟﺔ ﻣﻦ ﺍﻟﻬﺴﺘﺮﻳﺎ ﻣﻦ ﻭﺭﺓ ﺍﻟﻤﻔﺎﺟﺌﺔ
ﻓﺮﺡ - ﻭﻟﺞ ﺑﻌﺪ ﻣﻮﺗﺞ ﺻﺮﺕ ﺍﺗﮕﻄﻊ ﺑﺎﻟﻴﻮﻡ ﺍﻟﻒ ﻣﺮﺓ ﻣﻦ ﺍﻟﻘﻬﺮ ﻭﺍﻟﺤﻘﺪ ﻭﺍﻻﻧﺘﻘﺎﻡ ﻛﻨﺖ ﻛﻞ ﻳﻮﻡ ﺍﺻﺒﺢ ﻭﺍﻧﻲ ﻫﺪﻑ ﻭﺍﺣﺪ ﺑﺒﺎﻟﻲ ﺍﻥ ﺍﺩﻣﺮ ﺟﺪﻱ ﺍﻻﻧﺴﺎﻥ ﺍﻟﻲ ﺍﺳﺘﻘﺒﻠﻨﻲ ﻭﺍﺗﺤﻤﻞ ﺟﻨﻮﻧﻲ ﻭﺍﺳﺘﻬﺘﺎﺭﻱ ﺯﻳﻦ ﻟﻴﺶ ﻟﻴﺶ ﻫﺬﺍ ﻛﻠﺔ ﺷﻨﻮ ﺍﻟﻐﺎﻳﺔ ﻣﻦ ﺍﺧﺘﻔﺎﺋﺞ ﻭﺧﺒﺮ ﻣﻮﺗﺞ ﺍﺣﺠﻲ ﻛﻮﻟﻲ ﻳﺒﻨﺖ ﺍﻣﻲ
ﻭﺑﻌﺪﺓ ﻓﺘﺮﺓ ﻣﻦ ﺍﻟﺴﻜﻮﻥ ﺍﻟﺬﻱ ﻋﻢ ﺟﻮ ﺍﻟﻐﺮﻓﺔ ﻭﻣﺮﺕ ﺍﻟﻠﺤﻀﺎﺕ
ﻓﺮﺡ
ﺻﺎﺭﺕ ﻣﺸﺎﻋﺮﻱ ﺷﻮﻳﺔ ﺷﻮﻳﺔ ﺗﺘﻜﻴﻒ ﻣﻊ ﺍﻟﻮﺿﻊ
ﻭﺑﺪﻳﺖ ﺍﺳﺘﻮﻋﺐ ﻓﻜﺮﺓ ﻇﻬﻮﺭ ﺍﺧﺘﻲ ﺍﻟﻤﻔﺎﺟﻲﺀ ﺑﺤﻴﺎﺗﻲ
ﻭﺑﻌﺪﻣﺎ ﺍﺗﻘﺒﻠﺖ ﺧﺒﺮ ﺍﻥ ﺳﻤﺎﺡ ﺍﺧﺘﻲ ﻋﺎﻳﺸﺔ ﻭﺑﻌﺪﻫﺎ ﻋﻠﻰ ﻗﻴﺪ ﺍﻟﺤﻴﺎﺓ
ﺍﻧﻬﺎﺭﻳﺖ ﻋﻠﻰ ﺍﻻﺭﺽ ﻭﺻﺮﺕ ﺍﺑﺠﻲ ﻣﺜﻞ ﺍﻟﻄﻔﻠﺔ ﺍﻟﺘﻲ ﺍﻧﻬﻜﺘﻬﺎ ﺍﻟﺤﻴﺎﺓ ﺍﻟﻤﺘﻼﻃﻤﺔ ﻋﻠﻴﻬﺎ ﺑﺼﻌﺎﺑﻬﺎ ﻣﻦ ﺟﻤﻴﻊ ﺍﻟﺠﻬﺎﺕ
ﺻﺎﺭﺕ ﺩﻣﻮﻋﻲ ﺗﻠﺴﻌﻨﻲ ﻣﻦ ﺍﺛﺮ ﺍﻟﺤﺮﻗﺔ ﺍﻟﻲ ﺑﺪﺍﺧﻠﻲ
ﺷﻔﺖ ﺍﺧﺘﻲ ﺳﻤﺎﺡ ﺍﻗﺘﺮﺑﺖ ﻣﻨﻲ ﺑﻜﻞ ﻫﺪﻭﺀ ﻣﺜﻞ ﻣﺎﻛﺎﻧﺖ ﺗﺴﻮﻱ ﻭﻳﺎﻱ ﺑﺎﻟﻤﺎﺿﻲ ﻣﻦ ﺍﻛﻮﻥ ﺣﺰﻳﻨﺔ ﺣﻀﻨﺘﻨﻲ ﺑﻴﻦ ﺍﻳﺪﻳﻬﺔ
ﻭﺍﻧﻲ ﺑﻠﺤﻈﺘﻬﺎ ﺍﻧﻬﺎﺭﺕ ﻛﻞ ﺗﺤﻔﻈﺎﺗﻲ ﺑﺘﺠﺎﻫﺔ ﻭﺷﻤﺮﺕ ﻧﻔﺴﻲ ﻟﺤﻈﻨﻬﺎ ﺍﺍﺍﺍﺍﺍﺍﺥ ﺍﻟﻠﻪ ﻳﺎ ﺣﻀﻨﻬﺎ ﻭﻛﻌﺪﺕ ﺍﺷﻢ ﺑﺤﻀﻨﻬﺎ ﻟﻜﻴﺖ ﺭﻳﺤﺔ ﺍﻣﻨﺎ ﺍﻟﻐﺎﻟﻴﺔ ﺑﺪﻓﻮ ﺣﻀﻨﻬﺎ ﺍﺍﺥ ﺍﻟﻠﻪ ﺭﺣﻤﺘﻚ ﺷﻜﺪ ﻭﺍﺳﻌﺔ
ﻣﺮ ﺍﻟﻮﻗﺖ ﻋﻠﻰ ﺍﻻﺧﺘﻴﻦ ﺑﺎﻟﻜﻼﻡ ﻭﺗﺒﺎﺩﻝ ﺍﻻﺧﺒﺎﺭ ﻭﺑﺪﺕ ﺍﻟﻤﻔﺎﺟﺌﺎﺕ ﻭﺣﺪﺓ ﻭﺭﺓ ﺍﻟﻼﺥ ﺗﻈﻬﺮ ﻟﻔﺮﺡ ﺍﻟﻤﺼﺪﻭﻣﺔ
ﻭﺻﺎﺭﺕ ﺳﻤﺎﺡ ﺗﺤﺠﻲ ﻟﻔﺮﺡ ﺍﻟﻲ ﺻﺎﺭ ﻭﻳﺎﻫﺔ
ﺑﻴﻮﻡ ﺍﻟﻲ ﺍﺧﺬﻧﻲ ﻋﻤﻮ ﺗﻮﻓﻴﻖ ﻭﻋﻠﻲ ﻭﻳﺎﻫﻢ ﺑﺎﻟﺴﻴﺎﺭﺓ
ﺑﻮﻗﺘﻬﺎ ﺩﺧﻠﻮﻧﻲ ﺑﻤﺰﺭﻋﺔ ﻧﺰﻭﻟﻮﻧﻲ ﻣﻦ ﺍﻟﺴﻴﺎﺭﺓ ﻭﺍﻧﻲ ﮔﻠﺒﻲ ﻣﻦ ﺍﻟﺨﻮﻑ ﺍﺟﺔ ﻳﻮﻛﻒ ﮔﻠﺖ ﻫﺎﻱ ﻫﻲ ﺍﻗﺘﺮﺑﺖ ﺳﺎﻋﺔ ﻣﻮﺗﻲ
ﺷﻔﺖ ﻋﻠﻲ ﺩﺧﻞ ﻟﺪﺍﺧﻞ ﺍﻟﺒﻴﺖ ﻭﺍﻧﻲ ﻭﻋﻤﻲ ﻣﻨﺘﻈﺮﻳﻦ ﺑﺎﻟﺤﺪﻳﻘﺔ ﻭﺷﻔﺘﺔ ﺍﺟﺔ ﺑﺘﺠﺎﻫﻲ ﻭﺟﺎﻳﺐ ﻭﻳﺎﻩ ﺳﺠﻴﻦ ﺟﺒﻴﺮ ﻟﻠﺬﺑﺢ ﺍﻧﻲ ﺑﻮﻗﺘﻬﺎ ﺍﺗﺨﺒﻠﺖ ﻭﺻﺮﺕ ﻣﺜﻞ ﺍﻟﻄﻴﺮ ﺍﻟﻤﺬﺑﻮﺡ ﻓﺮﺕ ﺭﻭﺣﻲ ﻣﻦ ﺍﻟﺨﻮﻑ ﻭﺷﻤﺮﺕ ﻧﻔﺴﻲ ﻋﻠﻰ ﺭﺟﻠﻴﻦ ﻋﻤﻲ ﺗﻮﻓﻴﻖ
ﻭﮔﻌﺪﺕ ﺍﺗﻮﺳﻞ
- ﻋﻤﻲ ﻓﺪﻭﺓ ﺭﺣﺘﻠﻚ ﻭﺍﻟﻠﻪ ﻣﻈﻠﻮﻣﺔ ﻻﺗﺪﺧﻠﻮﻥ ﺑﺨﻄﻴﺘﻲ ﺍﺑﻮﺱ ﺭﺟﻠﻚ ﻟﺘﺬﺑﺤﻨﻲ ﺍﺑﻮﺱ ﺍﻳﺪﻙ ﻋﻤﻮ
ﺣﺴﻴﺖ ﻋﻠﻰ ﻋﻤﻮ ﺗﻮﻓﻴﻖ ﺩﻧﮓ ﻋﻠﻴﺔ ﻭﺭﻓﻌﻨﻲ ﻣﻦ ﺯﻧﺪﻱ ﻭﮔﻮﻣﻨﻲ ﻣﻦ ﺍﻟﮕﺎﻉ ﻭﺍﻧﻲ ﺟﺴﻤﻲ ﻛﻠﺔ ﻳﻬﺘﺰ ﻣﻦ ﺍﻟﺨﻮﻑ
ﻛﻤﺖ ﻭﺭﻓﻌﺖ ﺭﺍﺳﻲ ﻭﺷﻔﺖ ﻋﻠﻲ ﺍﺗﻘﺪﻡ ﻋﻠﻴﺔ ﻭﺭﺟﻌﺖ ﻟﻠﺨﻠﻒ ﻛﻠﺖ ﻫﺬﺍ ﻧﺎﻭﻱ ﻳﺬﺑﺤﻨﻲ ﺑﻴﺪﺓ
- ﻻ ﻻ ﺍﺍﺍﺍ ﻋﻔﻴﺔ ﻋﻠﻲ ﻻﺗﻈﻠﻢ ﺑﺨﺘﻲ
ﺍﻗﺘﺮﺏ ﻣﻨﻲ ﻭﻏﻤﻀﺖ ﻋﻴﻮﻧﻲ ﺑﺲ ﻇﻠﻴﺖ ﻓﺘﺮﺓ ﻣﻐﻤﻀﺔ ﻣﻨﺘﻈﺮﺗﺔ ﻳﺠﺮﻧﻲ ﻭﻳﺬﺑﺤﻨﻲ ﻟﻜﻦ ﻛﺎﻧﺖ ﺍﻟﻤﻔﺎﺟﺌﺔ ﻣﻦ ﺷﻔﺘﺔ ﺟﺎﺏ ﺧﺮﻭﻑ ﻭﺫﺑﺤﺔ ﮔﺪﺍﻣﻨﺎ ﻭﻟﺜﻚ ﻣﻼﺑﺲ ﻭﺍﻳﺪﻳﻦ ﻋﻤﻮ ﺗﻮﻓﻴﻖ ﺑﺎﻟﺪﻡ ﻭﻓﺘﺢ ﻛﻢ ﺩﻛﻤﺔ ﻣﻦ ﺛﻮﺏ ﺍﺑﻮﻩ
ﺗﻮﻓﻴﻖ - ﺷﻮﻓﻲ ﺑﻮﻳﺔ ﺳﻤﺎﺡ ﻫﺬﺍ ﻛﻠﺔ ﺍﻟﻲ ﺭﺍﺡ ﻧﺴﻮﻳﻪ ﺣﻔﺎﻇﺎً ﻋﻠﻰ ﺳﻼﻣﺘﺞ ﻭﺳﻼﻣﺖ ﺧﻮﺍﺗﺞ ﻫﺴﺔ ﺍﺣﻨﺎ ﺭﺍﻳﺤﻴﻦ ﺍﻧﻲ ﻭﻋﻠﻲ ﻻﺑﻮﻱ ﺣﺘﻰ ﻧﺜﺒﺖ ﻟﻠﻜﻞ ﺍﻥ ﺍﻧﻲ ﺫﺑﺤﺘﺞ ﻭﺍﺗﺨﻠﺼﺖ ﻣﻦ ﺍﻟﻌﺎﺭ
ﺑﻘﻴﺖ ﺻﺎﻓﻨﺔ ﻭﺟﺎﻣﺪﺓ ﺑﻤﻜﺎﻧﻲ ﻣﻦ ﺍﻟﻤﻔﺎﺟﺌﺔ
ﻋﻠﻲ - ﺗﻜﺪﺭﻳﻦ ﺗﻔﻮﺗﻴﻦ ﺗﺪﺧﻠﻴﻦ ﺟﻮﺓ ﺑﺎﻟﺒﻴﺖ ﻣﺤﺪ ﻣﻮﺟﻮﺩ ﺍﺭﻳﺪﺝ ﺗﻘﻔﻠﻴﻦ ﺍﻟﺒﺎﺏ ﻋﻠﻴﺞ ﻣﻦ ﻧﻄﻠﻊ ﻭﺍﺣﻨﺎ ﺑﻌﺪﻳﻦ ﻧﺮﺟﻊ ﻧﻔﻬﻤﺞ ﺑﺎﻟﺴﺎﻟﻔﺔ ﻛﻠﻬﺎ
ﻭﻓﻌﻼ ﺭﺣﺖ ﺩﺧﻠﺖ ﺑﺎﻟﺒﻴﺖ ﻭﻗﻔﻠﺖ ﺍﻟﺒﺎﺏ ﻋﻠﻰ ﻧﻔﺴﻲ ﻭﺭﺣﺖ ﺍﺗﻮﺿﻴﺖ ﻭﺻﻠﻴﺖ ﺭﻛﻌﺘﻴﻦ ﺷﻜﺮ ﻋﻠﻰ ﺳﻼﻣﺘﻲ ﻭﺍﻟﻠﻪ ﺑﻮﻛﺘﻬﺎ ﺑﺠﻴﺖ ﺑﺠﻲ ﻣﺼﺎﻳﺮ ﻣﻤﺼﺪﮔﺔ ﺍﻟﻠﻪ ﻧﺠﺎﻧﻲ ﻣﻦ ﻫﺎﻟﻤﺤﻨﺔ
ﻓﺮﺡ ﻭﻫﻲ ﺗﻤﺴﺢ ﺩﻣﻮﻋﻬﺎ
- ﺯﻳﻦ ﻭﺟﺪﻱ ﻋﻨﺪﺓ ﻋﻠﻢ ﺑﺎﻟﻤﻮﺿﻮﻉ ﻟﻮ ﺑﺲ ﻋﻤﻮ ﺗﻮﻓﻴﻖ ﻭﻋﻠﻲ ﻳﺪﺭﻭﻥ ﺑﺎﻟﺴﺎﻟﻔﺔ
ﺳﻤﺎﺡ - ﺳﻤﻌﻲ ﺟﺎﻳﺘﺞ ﺑﺎﻟﺴﺎﻟﻔﺔ
ﺍﻟﻤﻬﻢ ﻭﺭﺓ ﺳﺎﻋﺎﺕ ﺍﺟﺔ ﻋﻤﻲ ﺗﻮﻓﻴﻖ ﻭﻋﻠﻲ ﻭﻭﻳﺎﻫﻢ ﺟﺪﻱ
ﻭﻓﺘﺤﺘﻠﻬﻢ ﺍﻟﺒﺎﺏ ﻭﻛﺎﻧﺖ ﺍﻋﺼﺎﺑﻲ ﺟﺪﺍً ﻣﺘﻮﺗﺮﺓ
ﺩﺧﻠﺘﻬﻢ ﻭﻛﻌﺪﻧﺎ ﻭﺑﺪﻭﺍ ﻳﻔﻬﻤﻮﻧﻲ ﺍﻟﺴﺎﻟﻔﺔ ﻛﻠﻬﺎ
ﺍﻟﺠﺪ - ﺷﻮﻓﻲ ﺑﻮﻳﺔ ﺍﻧﻲ ﺧﻠﻴﺘﻬﻢ ﻳﺠﻴﺒﻮﻧﺞ ﻫﻨﺎ ﺣﺘﻰ ﺍﻛﻄﻊ ﺍﻟﺸﻚ ﺑﺎﻟﻴﻘﻴﻦ ﺑﺨﺒﺮ ﻭﻓﺎﺗﺞ ﻭﺳﻮﻳﺖ ﻫﺬﺍ ﻛﻠﺔ ﺣﺘﻰ ﺗﻨﻄﻮﻱ ﺍﻟﺴﺎﻟﻔﺔ ﻋﻠﻰ ﺍﻟﻜﻞ ﻭﻳﺼﺪﻛﻮﻧﻬﺎ ﻭﺍﻭﻟﻬﻢ ﻋﻤﺞ ﻧﺒﻴﻞ
ﺳﻤﺎﺡ ﺍﻧﻲ ﺍﻭﻝ ﻣﺎﺟﺎﺑﻮ ﺳﻴﺮﺓ ﻋﻤﻲ ﻧﺒﻴﻞ ﻭﺟﻬﻲ ﺍﻧﮕﻠﺐ ﻟﻮﻧﺔ ﻻﻥ ﻫﺬﺍ ﺍﻟﺸﺨﺺ ﻋﻤﺮﻱ ﻣﺎ ﺭﺍﺡ ﺍﻧﺴﺎﻩ ﻋﻠﻰ ﺍﻟﻲ ﺳﻮﺍﻩ ﺑﻴﻨﺎ
↙️
ﻋﻠﻲ - ﺷﻮﻓﻲ ﺳﻤﺎﺡ ﺍﻟﻤﻮﺿﻮﻉ ﺟﺪﺍ ﺟﺒﻴﺮ ﻭﺭﺍﻳﺪﺝ ﺗﺘﻌﺎﻭﻧﻴﻦ ﻭﻳﺎﻧﺔ ﺣﺘﻰ ﻧﻜﺪﺭ ﻧﺨﻠﺼﺞ ﺍﻧﺘﻲ ﻭﺧﻮﺍﺗﺞ ﻣﻦ ﻧﺒﻴﻞ
ﺳﻤﺎﺡ - ﻳﻌﻨﻲ ﺗﺮﺩﻭﻥ ﺗﻘﻨﻌﻮﻧﻲ ﺍﻥ ﻛﻠﻜﻢ ﻣﺘﻜﺪﺭﻭﻥ ﻋﻠﻰ ﻧﺒﻴﻞ
ﻭﺗﻮﻛﻔﻮﻧﺔ ﻋﻨﺪ ﺣﺪﺓ ﻭﺍﻧﻲ ﺟﺎﻥ ﻋﺸﻤﻲ ﺑﻴﻜﻢ ﺍﻥ ﻣﻦ ﺍﻋﺜﺮ ﻋﻠﻴﻜﻢ ﺭﺍﺡ ﺗﺨﻠﺼﻮﻧﻲ ﺍﻧﻲ ﻭﺧﻮﺍﺗﻲ ﻣﻦ ﻋﻨﺪﺓ ﻭﺗﺎﺧﺬﻭﻥ ﺑﺤﻘﻨﺔ ﻭﺣﻖ ﺍﺑﻮﻧﺎ ﻣﻦ ﻫﺬﺍ ﻧﺒﻴﻞ ﻭﺍﻟﻠﻪ ﺧﺎﺏ ﺍﻣﻠﻲ ﺑﻴﻜﻢ
ﻋﻠﻲ ﻭﻫﻮ ﻳﺨﺰﺭ ﺳﻤﺎﺡ ﺑﻌﻴﻮﻧﺔ
- ﻻﺗﺴﺘﻌﺠﻠﻴﻦ ﻭﺗﻜﻌﺪﻳﻦ ﺗﺠﺮﺣﻴﻦ ﺑﺎﻟﻜﻼﻡ ﻳﺒﻨﺖ ﻋﻤﻲ
ﺻﺒﺮﻱ ﻋﻠﻴﺔ ﺧﻞ ﺍﻓﻬﻤﺞ ﺍﻟﻤﻮﺿﻮﻉ ﻛﻠﺔ
ﺗﺮﺓ ﻋﻤﻲ ﻧﺒﻴﻞ ﻣﻮ ﻟﻮﺣﺪﺓ ﻳﺸﺘﻐﻞ
ﻋﻤﻲ ﻧﺒﻴﻞ ﻭﺭﺍﻩ ﺑﺆﺭﺓ ﻋﺼﺎﺑﺎﺕ ﻛﺎﻣﻠﺔ ﻳﻌﻨﻲ ﻣﻴﻨﻔﻊ ﺍﻥ ﻧﺘﺨﻠﺺ ﺑﺲ ﻣﻦ ﻧﺒﻴﻞ ﻟﻮﺣﺪﺓ ﺍﺫﺍ ﺭﺍﺡ ﻫﻮ ﻳﻄﻠﻌﻠﻜﻢ ﻏﻴﺮﻩ
ﻭﺍﻛﺘﺸﻔﻨﺎ ﺑﻌﺪ ﺍﻟﺘﺤﻘﻴﻖ ﻭﺍﻻﺳﺘﺠﻮﺍﺏ ﻭﺍﻟﻀﻐﻂ ﻋﻠﻰ ﺍﻟﻤﺘﻬﻤﻴﻦ ﺑﻘﻀﻴﺔ ﺍﻻﻏﺘﺼﺎﺏ ﮔﺪﺭﻧﺎ ﻧﺴﺤﺐ ﻣﻨﻬﻢ ﺍﻻﻋﺘﺮﺍﻑ ﺑﺎﻧﻪ ﺷﺨﺺ ﺩﺯﻫﻢ ﻋﻠﻴﺞ ﺍﻧﺘﻲ ﺑﺎﻟﺬﺍﺕ ﻭﻛﺎﻥ ﻫﺬﺍ ﺍﻟﺸﺨﺺ ﻧﺒﻴﻞ ﻃﺒﻌﺎ ﻛﺎﻥ ﺍﻟﻬﺪﻑ ﺍﻏﺘﺼﺎﺏ ﻭﻗﺘﻞ ﻟﻜﻦ ﺷﺎﺀﺕ ﺍﻻﻗﺪﺍﺭ ﺍﻥ ﺍﻟﻠﻪ ﻧﺠﺎﺝ ﻣﻨﻬﻢ ﻭﻛﺘﺒﻠﺞ ﻋﻤﺮ ﺟﺪﻳﺪ
ﺳﻤﺎﺡ
ﻣﻦ ﺳﻤﻌﺖ ﻛﻼﻣﻬﻢ ﻭﮔﻒ ﺷﻌﺮ ﺭﺍﺳﻲ ﻣﻦ ﺍﻟﻲ ﻋﺮﻓﺘﺔ ﻳﻌﻨﻲ ﺍﻛﻮ ﻋﻢ ﻳﺴﻮﻱ ﺑﺒﻨﺖ ﺍﺧﻮﻩ ﻫﻴﺞ ﺯﻳﻦ ﺷﻨﻮ ﻫﺪﻓﺔ ﺷﻨﻮ ﻏﺎﻳﺘﺔ ﻳﻌﻨﻲ ﻣﻌﻘﻮﻟﺔ ﻫﺬﺍ ﻛﻠﺔ ﻋﻠﻤﻮﺩ ﺍﻧﻲ ﺍﻛﺘﺸﻔﺖ ﺍﻥ ﻫﻮ ﻭﺭﺓ ﺣﺎﺩﺙ ﺑﺎﺑﺎ ﻭﻣﺎﻣﺎ
ﺑﺲ ﻫﺬﺍ ﺍﻟﻤﻮﺿﻮﻉ ﻟﻮﺣﺪﺓ ﻣﺎ ﺍﺗﻮﻗﻊ ﻓﺪﺷﻲ ﻣﻬﻢ ﻟﻨﺒﻴﻞ ﺣﺘﻰ ﻳﺨﻠﻲ ﻫﻴﺞ ﻳﺮﻳﺪ ﻳﺘﺨﻠﺺ ﻣﻨﻲ ﺍﻧﻲ ﺑﺎﻟﺬﺍﺕ
ﻟﻜﻦ ﺑﻤﺮﻭﺭ ﺍﻻﻳﺎﻡ ﻭﺍﻟﺴﻨﻴﻦ ﺍﻛﺘﺸﻔﺖ ﺑﺎﻟﺼﺪﻓﺔ ﻫﺎﻱ ﺍﻻﻳﺎﻡ
ﻟﻴﺶ ﻧﺒﻴﻞ ﻳﻄﺎﻟﺐ ﺑﻤﻮﺗﻲ ﺍﻭ ﺑﺎﻻﺣﺮﻯ ﺗﺪﻣﻴﺮ ﻋﺎﺋﻠﺔ ﺍﺧﻮﻩ
ﻓﺮﺡ - ﻣﻔﺘﻬﻤﺖ ﺷﻠﻮﻥ ﺑﺎﻟﻠﻪ ﺷﻨﻮ ﻗﺼﺪﺝ ﻫﻮ ﻭﺭﺓ ﺣﺎﺩﺙ ﻭﻓﺎﺓ ﺍﻣﻲ ﻭﺍﺑﻮﻱ ﻭﺷﻨﻮ ﺍﻟﻲ ﺍﻛﺘﺸﻔﺘﻲ ﺑﻬﺎﻱ ﺍﻻﻳﺎﻡ
ﺳﻤﺎﺡ - ﺍﻧﻲ ﺍﻛﻠﺞ
ﻣﻦ ﺻﺎﺭ ﺣﺎﺩﺙ ﺍﻣﻲ ﻭﺍﺑﻮﻱ
ﺍﺧﺬﻧﻲ ﺍﺑﻮ ﻧﻮﺍﻝ ﻭﺭﺣﻨﺎ ﻟﻠﻤﺴﺘﺸﻔﻰ ﻭﻛﻨﺘﻮ ﺑﻮﻛﺘﻬﺎ ﺑﺎﻟﻤﺪﺍﺭﺱ ﻣﺎﻛﺪﺭﺕ ﺍﻧﺘﻈﺮﻛﻢ ﻻﻥ ﺍﻣﻲ ﻭﺍﺑﻮﻱ ﺣﺎﻟﺘﻬﻢ ﻛﻠﺶ ﺣﺮﺟﺔ ﺩﺧﻠﻨﺎ ﺍﺳﺘﻔﺴﺮﻧﺎ ﻋﻦ ﺍﺳﻢ ﺍﻟﻲ ﻛﺎﻧﻮ ﺑﺎﻟﺤﺎﺩﺙ ﺑﻌﺪﻫﺎ
ﺭﺣﺖ ﻋﻠﻰ ﺑﺎﺑﺎ ﺑﻌﺪ ﻣﺎ ﻋﺮﻓﺖ ﺑﺨﺒﺮ ﻭﻓﺎﺓ ﺍﻣﻲ
ﺭﺣﺖ ﻋﻠﻰ ﺑﺎﺑﺎ ﻭﻛﺎﻧﺖ ﻋﻴﻮﻧﻲ ﻏﺮﻛﺎﻧﺔ ﺑﺎﻟﺪﻣﻊ
ﻣﺎ ﻗﺒﻠﻮ ﻳﺪﺧﻠﻮﻧﺔ ﻻﻥ ﮔﺎﻟﻮ ﺍﻟﻤﺼﺎﺏ ﺑﺤﺎﻟﺔ ﺟﺪﺍ ﺣﺮﺟﺔ ﻣﻤﻨﻮﻋﺔ ﻋﻨﺔ ﺍﻟﺰﻳﺎﺭﺓ ﻫﺬﺍ ﺍﻟﻜﻼﻡ ﺍﺣﻨﺎ ﻭﺻﻠﻨﺎ ﺧﺒﺮ ﺣﺎﺩﺙ ﺳﻴﺎﺭﺓ ﺑﺎﺑﺎ ﻭﺭﺓ ﺍﺭﺑﻊ ﺳﺎﻋﺎﺕ ﻣﻦ ﺍﻟﺤﺎﺩﺙ
ﺍﻟﺘﻘﻴﺖ ﻣﻊ ﺍﻟﻀﺎﺑﻂ ﺍﻟﻤﺴﺆﻝ
ﻭﺍﻛﺪﻟﻨﺎ ﺍﻟﻀﺎﺑﻂ ﺍﻥ ﺣﺎﺩﺙ ﺍﻟﺴﻴﺎﺭﺓ ﻛﺎﻥ ﻣﻔﺘﻌﻞ
- ﺑﻌﺪ ﻣﺎ ﺍﻟﻘﻮ ﻧﻈﺮ ﻭﺍﺟﺮﻭ ﺍﻟﻔﺤﺺ ﻋﻠﻴﻬﺎ ﺍﻧﺘﺒﻬﻮﻭ ﻋﻠﻰ ﺗﻢ ﺍﻟﺘﻼﻋﺐ ﺑﻤﻜﺎﺑﺢ ﺍﻟﺴﻴﺎﺭﺓ ( ﺍﻟﻔﺮﺍﻣﻞ )
ﻣﻤﺎ . ﺍﺩﻯ ﺍﻟﻰ ﻋﺪﻡ ﺳﻴﻄﺮﺓ ﺍﻟﻮﺍﻟﺪ . ﺑﺎﻟﺘﺤﻜﻢ ﺑﺴﺮﻋﺔ ﺍﻟﺴﻴﺎﺭﺓ ﺑﻌﺪ ﺍﻃﻼﻉ ﺧﺒﻴﺮ ﺳﻴﺎﺭﺕ ﺛﺒﺖ ﺍﻟﺤﺎﺩﺙ ﺗﻢ ﺑﻔﻌﻞ ﻓﺎﻋﻞ
ﺑﻌﺪﻫﺎ ﺩﺧﻠﺖ ﻋﻠﻰ ﺑﺎﺑﺎ ﻭﻛﺎﻥ ﺑﻨﻔﺎﺳﻪ ﺍﻻﺧﻴﺮﺓ
- ﺳﻤﺎﺡ ﺑﻨﺘﻲ ﺿﺮﻭﺭﻱ ﺗﺘﺼﻠﻴﻦ ﻋﻠﻰ ﺍﻫﻠﻲ ﺣﺘﻰ ﻳﺠﻮﻥ ﻳﺎﺧﺬﻭﻧﻜﻢ ﻳﻤﻬﻢ ﻭﺩﻳﺮﻱ ﺑﺎﻟﺞ ﻣﻦ ﻋﻤﺞ ﻧﺒﻴﻞ ﻻﺗﺨﻠﻴﻪ ﻳﻘﺘﺮﺏ ﻋﻠﻰ ﺧﻮﺍﺗﺞ
ﺗﻠﻜﻴﻦ ﺭﺳﺎﻟﺔ ﺗﺤﺖ ﺍﻟﺼﻨﺪﻙ ﺍﻟﻲ ﻣﻮﺟﻮﺩ ﺑﻜﻨﺘﻮﺭﻱ
ﺑﻴﻬﺎ ﺭﺳﺎﻟﺔ ﺗﻬﺪﻳﺪ ﻣﻦ ﻧﺒﻴﻞ ﺍﺧﻮﻱ ﺍﻟﻲ ﻳﻬﺪﺩﻧﻲ ﺍﺫﺍ ﺍﻭﺻﻞ ﻟﺒﻴﺖ ﺍﻫﻠﻲ ﻳﻜﻮﻡ ﻳﺮﺳﻞ ﻧﺎﺱ ﺗﺘﺨﻠﺺ ﻣﻨﻲ
ﻭﻓﻌﻼ ﺑﺪﺍ ﺑﺎﻟﺘﻬﺪﻳﺪ
ﻭﺩﺧﻞ ﻧﺒﻴﻞ ﻭﺍﺑﻮﻱ ﺍﺗﺸﺎﻫﺪ
ﻭﺍﻟﺘﻘﻂ ﺍﻧﻔﺎﺳﻪ ﺍﻻﺧﻴﺮﺓ ﻭﺍﻧﻲ ﺍﺗﺨﺒﻠﺖ ﻭﺭﺣﺖ ﺍﺭﻛﺾ ﻋﻠﻰ ﻧﺒﻴﻞ ﻭﻛﻌﺪﺕ ﺍﺿﺮﺏ ﺑﻲ ﻭﺍﺻﻴﺢ ﻋﻠﻴﻪ ﺍﻧﺖ ﺍﻟﻲ ﻗﺘﻠﺖ ﺍﺑﻮﻱ ﺍﻻ ﺍﺧﻴﺴﻚ ﺑﺎﻟﺴﺠﻦ ﺑﺴﻴﻄﺔ ﺍﻧﻲ ﺍﻋﻠﻤﻚ
ﻧﺒﻴﻞ ﺷﻨﻮ ﻳﺎﺣﺒﺎﺑﺔ ﺗﺬﺑﻴﻦ ﺑﻼﺝ ﻋﻠﻴﻨﺎ
ﻻ ﻣﺎ ﺍﺫﺏ ﺑﻼﻱ ﻋﻠﻴﻚ ﺍﻧﻲ ﻋﻨﺪﻱ ﺍﻟﺪﻟﻴﻞ ﺍﻟﻲ ﺍﺧﻠﻴﻚ ﺗﺨﻴﺲ ﺑﺎﻟﺴﺠﻮﻥ ﺷﻔﺖ ﻧﺒﻴﻞ ﺻﺎﺭ ﻭﺟﻪ ﺍﺻﻔﺮ
ﻟﻜﻦ ﺛﺎﻟﺚ ﻳﻮﻡ ﺍﻟﻔﺎﺗﺤﺔ ﻭﺍﺳﺘﻠﻤﺖ ﺗﻬﺪﻳﺪ ﺍﻥ ﺍﺫﺍ ﻓﺘﺤﺖ ﺣﻠﻜﻲ ﺑﺤﺮﻑ ﻭﺍﺣﺪ ﺭﺍﺡ ﻳﺄﺫﻱ ﻭﺣﺪﺓ ﻣﻨﻜﻢ
ﻭﺯﺍﺩ ﺍﻟﻴﺄﺱ ﻣﺎﻟﺘﻲ ﻣﻦ ﺷﻔﺖ ﺍﻫﻞ ﺍﺑﻮﻱ ﺍﺗﺨﻠﻮ ﻋﻨﺎ ﺍﺫﻥ ﻣﺎ ﺭﺍﺡ ﺍﻛﺪﺭ ﺍﺳﻮﻱ ﺷﻲ ﻟﻮ ﻛﺎﻥ ﺟﺪﻱ ﻭﻳﺎﻧﺔ ﺍﻭ ﻭﺍﺣﺪ ﻣﻦ ﻋﻤﺎﻣﻲ ﻛﺎﻥ ﻣﺎ ﺍﻫﺘﻤﻴﺖ ﺑﻮﻗﺘﻬﺎ ﻟﺘﻬﺪﻳﺪ ﻧﺒﻴﻞ
ﻭﻃﺒﻌﺎ ﻫﺬﺍ ﺍﻟﺘﻬﺪﻳﺪ ﺍﻧﻀﺎﻑ ﺍﻟﻰ ﺭﺳﺎﻳﻞ ﺍﻟﺘﻬﺪﻳﺪ ﺍﻻﺧﺮﻯ ﺍﻟﻲ ﻭﺻﻠﺖ ﻟﺒﺎﺑﺎ ﺳﺎﺑﻘﺎ
ﻟﻜﻦ ﻫﺎﻱ ﺍﻟﺮﺳﺎﺋﻞ ﻟﻮﺣﺪﻫﺎ ﻣﺎﺗﺜﺒﺖ ﺍﺩﺍﻧﺘﺔ
ﺑﺎﻟﺒﺪﺍﻳﺔ ﻣﺎﻛﻦ ﻳﻬﺪﺩﻧﻲ ﻻ ﻛﺎﻥ ﻳﻄﺎﻟﺐ ﺑﺠﻤﻴﻊ ﺍﻟﺮﺳﺎﻳﻞ ﺍﻟﻌﺪﻧﺎ ﺣﺘﻰ ﺍﻟﺮﺳﺎﻳﻞ ﺍﻟﺼﻮﺗﻴﺔ ﺍﻟﻲ ﺑﺎﺑﺎ ﻛﺎﻥ ﻣﺴﺠﻠﻬﻢ ﻭﻛﺎﻥ ﻧﺎﻭﻱ ﻳﻮﺩﻳﻬﻢ ﻻﺑﻮﻱ ﺑﺎﺑﺎ ﻛﺎﻥ ﻣﺴﺠﻞ ﻛﻠﺸﻲ ﻻﻥ ﻋﺮﻑ ﺍﺧﻮﻩ ﻛﺎﻥ ﻫﻮ ﺍﻟﻌﺎﺋﻖ ﺍﻟﻲ ﺑﻴﻨﺔ ﻭﺑﻴﻦ ﺍﺑﻮﻩ ﻭﺭﺍﺩ ﻳﻔﻀﺤﺔ ﻛﺪﺍﻡ ﺍﺑﻮﻩ ﻟﻜﻦ ﻋﻤﻲ ﻧﺒﻴﻞ ﻛﺎﻥ ﺍﺳﺮﻉ ﻭﺩﺑﺮ ﺍﻟﺤﺎﺩﺙ ﻻﺑﻮﻱ ﺑﺲ ﻣﺎﻛﺎﻥ ﺣﺎﺳﺐ ﺣﺴﺎﺏ ﺍﻥ ﺍﻟﺼﻮﺗﻴﺎﺕ ﻭﺻﻠﺖ ﻋﻨﺪﻱ ﻛﺎﻥ ﻛﻞ ﻳﻮﻡ ﻳﻄﺎﻟﺒﻨﻲ ﺍﻥ ﺍﻧﻄﻴﻪ ﻭﺍﻧﻲ ﻛﻨﺖ ﺍﺭﻓﺾ ﻻﻥ ﻫﺎﻱ ﺑﻴﻬﺔ ﺣﻴﺎﺓ ﺍﺑﻮﻱ ﺭﺍﺡ ﻣﻦ ﻭﺭﺍﻫﺔ ﻭﺑﻌﺪ ﺻﺎﺭ ﺣﺎﺩﺙ ﺍﻏﺘﺼﺎﺑﻲ
↙️
ﻃﺒﻌﺎ ﻫﺬﺍ ﻛﻠﺔ ﺣﺠﻴﺘﺔ ﻟﻌﻠﻲ ﻭﻫﻮ ﺍﻧﺼﺪﻡ ﻭﻃﻠﺐ ﻣﻨﻲ ﺍﻟﺘﺴﺠﻴﻼﺕ ﻭﺍﻧﻄﻴﺘﻬﻢ ﻟﻌﻠﻲ
ﻓﺮﺡ ﺑﻘﻬﺮ - ﺍﻟﻠﻪ ﻳﺎﺧﺬﺓ ﻭﻣﺎﻳﺮﺩﺓ
ﺑﺲ ﻣﻜﻠﺘﻲ ﺍﻧﺘﻲ ﺷﻠﻮﻥ ﻋﺸﺘﻲ ﻟﻮﺣﺪﺝ
ﺳﻤﺎﺡ ﺍﺑﺘﺴﻤﺖ ﻟﻔﺮﺡ
- ﻃﺒﻌﺎ ﻣﻦ ﺧﻠﺺ ﻋﻤﻲ ﺗﻮﻓﻴﻖ ﻛﻼﻣﺔ ﺑﻌﺪﻳﻦ ﻃﻠﺒﻨﻲ ﻣﻦ ﺟﺪﻱ ﻟﻌﻠﻲ ﺍﺑﻨﺔ ﺣﺘﻰ ﻳﺘﺰﻭﺟﻨﻲ ﻭﻳﻄﻤﻦ ﻋﻠﻴﺔ
ﻭﺍﻟﻠﻪ ﻭﺍﺗﺰﻭﺟﻨﺎ ﻭﺍﺧﺬﻧﻲ ﻭﻟﻠﻨﺎﺻﺮﻳﺔ ﻟﺒﻴﺖ ﺑﺎﺑﺎ ﻫﻨﺎﻙ ﻋﺸﺖ
ﺑﺲ ﻛﺎﻥ ﮔﻠﺒﻲ ﻳﻠﻮﺏ ﻋﻠﻴﺞ ﺍﻧﺘﻲ ﻭﺍﻟﺒﻨﺎﺕ ﻭﻛﺎﻥ ﺧﻮﻓﻲ ﻋﻠﻴﺞ ﺍﻧﺘﻲ ﺑﺎﻟﺬﺍﺕ ﺍﻛﺜﺮ ﻭﺣﺪﺓ ﺑﻴﻬﻢ ﻻﻥ ﻋﻠﻲ ﻣﻦ ﻛﺎﻥ ﻳﻮﺻﻠﻲ ﺍﺧﺒﺎﺭﻛﻢ ﻛﻨﺖ ﻛﻠﺶ ﺍﻧﻘﻬﺮ ﻣﻦ ﺍﺳﻤﻊ ﺑﻴﺞ ﻣﺘﺄﺫﻳﺔ ﻭﻣﺘﺪﻣﺮﺓ ﻭﺟﺪﻱ ﻋﺎﻣﻠﺞ ﺑﻘﺴﺎﻭﺓ ﻻﺳﺘﻐﺮﺍﺑﻪ ﺑﺠﺴﺎﺭﺗﺞ ﻭﺣﺠﺎﻟﻲ ﻋﻦ ﻳﻮﻡ ﺍﻟﻲ ﺍﺧﺬﻭﻧﻲ ﻣﻨﺞ ﺍﻧﺘﻲ ﺷﺼﺎﺭ ﺑﻴﺞ ﻭﺻﺮﺗﻲ ﻛﻠﺶ ﻣﺘﻮﺣﺸﺔ ﻭﺍﺫﻳﺘﻲ ﺍﻟﻜﻞ ﺑﻌﻨﺎﺩﺝ ﻭﺍﻟﺴﺎﻧﺞ ﺍﻟﺤﺎﺩ
ﻟﻜﻦ ﺍﺩﺭﻱ ﺑﻴﺞ ﻻﻥ ﺍﻧﺘﻲ ﺍﺧﺘﻲ ﻫﺬﺍ ﻛﻠﺔ ﺩﻓﺎﻉ ﻋﻦ ﺍﻟﻨﻔﺲ ﻭﻋﻦ ﺧﻮﺍﺗﻲ
ﻭﻃﻠﺒﺖ ﻣﻦ ﺑﻌﺪﻫﺎ ﺍﺭﻳﺪ ﺍﺗﻮﺍﺻﻞ ﻭﻳﺎﺝ ﺍﻧﺘﻲ ﻭﺍﻟﺒﻨﺎﺕ
ﻓﻘﺘﺮﺡ ﻋﻠﻲ ﺍﻥ ﻳﺎﺧﺬﻟﺞ ﻧﻘﺎﻝ ﻭﻳﻨﺰﻟﺞ ﺍﻟﻔﻴﺲ ﻭﺍﻟﺒﺮﺍﻣﺞ ﺍﻟﺒﻘﻴﺔ ﺣﺘﻰ ﻋﻦ ﻃﺮﻳﻘﻬﺎ ﺍﻛﺪﺭ ﺍﺗﻮﺍﺻﻞ ﻭﻳﺎﻛﻢ ﻭﺍﻋﺮﻑ ﺍﺧﺒﺎﺭﻛﻢ ﻭﺍﻃﻤﻦ ﻋﻠﻴﺞ ﺍﻧﺘﻲ ﻭﺍﻟﺒﻨﺎﺕ
ﻭﺩﺧﻠﺖ ﻋﻠﻴﺞ ﺑﺎﻟﻔﻴﺲ ﺑﺎﺳﻢ ﻃﻴﻒ ﺭﺍﺣﻞ ﻭﻋﺮﻓﺘﺞ ﻋﻠﻰ ﻧﻔﺴﻲ ﺍﻥ ﺍﻧﻲ ﺭﻧﺎ
ﻓﺮﺡ ﻭﺑﺼﺪﻣﺔ ﺍﺑﺪ ﻣﻤﺘﻮﻗﻌﺔ ﻭﺍﺣﺪ ﺑﺎﻟﻤﻴﺔ ﺍﻥ ﺭﻧﺎ ﻫﻲ ﻧﻔﺴﻬﺎ ﺍﺧﺘﻬﺎ ﻫﺎﻱ ﺷﻠﻮﻥ ﻓﺎﺗﺘﻨﻲ ﺍﺥ ﺍﻟﻠﻪ
ﻓﺮﺡ - ﺯﻳﻦ ﺍﻧﺘﻲ ﻣﺨﻔﺘﻲ ﺍﺗﻌﺮﻑ ﻋﻠﻰ ﺻﻮﺗﺞ
ﻭﻟﻮ ﺣﺘﻰ ﻟﻮ ﺍﺗﻌﺮﻓﺖ ﻋﻠﻰ ﺻﻮﺗﺞ ﻫﻢ ﻣﺎ ﺭﺍﺡ ﻳﺠﻲ ﺑﺒﺎﻟﻲ ﺍﻥ ﻫﺎﻱ ﺍﻧﺘﻲ ﻻﻥ ﻋﻘﻠﻲ ﻗﺎﻓﻞ ﻭﻣﺘﺄﻛﺪ ﺍﻥ ﺍﻧﺘﻲ ﻣﺘﻮﻓﻴﺔ ﻭﺍﻥ ﻣﻴﺰﺕ ﺻﻮﺗﺞ ﻫﻢ ﺭﺍﺡ ﻋﻘﻠﻲ ﻳﻬﻲﺀ ﻟﻲ ﺍﻥ ﻫﺬﺍ ﺗﺸﺎﺑﻪ ﺑﺎﻻﺻﻮﺍﺕ
ﺍﻭﻑ ﻭﺍﻟﻠﻪ ﻋﺒﺎﻟﻚ ﺩﺍﺧﻠﺔ ﺑﻔﻠﻢ ﻫﻨﺪﻱ ﺷﻨﻮ ﻫﺬﺍ ﺍﻟﻲ ﺟﺎﻱ ﻳﺼﻴﺮ ﺑﻴﻨﺎ
ﺯﻳﻦ ﻣﻜﻠﺘﻲ ﺷﻨﻮ ﺍﻛﺘﺸﻔﺘﻲ ﺑﻬﺎﻱ ﺍﻻﻳﺎﻡ
- ﺍﻛﺘﺸﻔﺖ ﺑﺎﺛﻨﺎﺀ ﺍﻟﺘﻌﺰﻳﻞ ﻟﻠﻤﺨﺰﻥ ﻣﺎﻝ ﺑﻴﺖ ﺍﻫﻠﻲ ﺭﺣﺖ ﻋﻠﻰ ﻛﺎﺭﺗﻮﻥ ﻛﻠﺶ ﺟﺒﻴﺮ ﻛﺎﻧﺖ ﻛﻠﻬﺎ ﺷﻬﺎﺩﺍﺕ ﻭﺍﺑﺤﺎﺙ ﻭﻛﺘﺐ ﺗﺨﺺ ﺑﺎﺑﺎ ﺍﻟﻠﻪ ﻳﺮﺣﻤﺔ
ﻟﻜﻦ ﺑﺄﺛﻨﺎﺀ ﺗﺮﺗﻴﺒﻲ ﻟﻠﻜﺘﺐ ﺷﻔﺖ ﺻﻨﺪﻭﻙ ﺻﻐﻴﺮ ﺑﻲ ٤ﻓﻼﺵ )) ﻭﺻﻠﺔ ﻣﻴﻤﻮﺭﻱ ﻳﺴﺘﺨﺪﻡ ﻟﻠﺨﺰﻥ ﺍﻟﻤﻌﻠﻮﻣﺎﺕ ﻭﻏﻴﺮﻫﺎ (( ﺍﻧﻲ ﻃﻠﻌﺘﻬﻢ ﺍﺳﺘﻐﺮﺑﺖ ﺍﺣﻨﺎ ﻣﺎﻋﺪﻧﺎ ﻻﺑﺘﻮﺏ ﻭﻻ ﻛﻤﺒﻴﻮﺗﺮ ﺑﺎﻟﺒﻴﺖ ﻫﺬﻧﻲ ﺷﻴﺴﻮﻭﻥ ﻫﻨﺎ
ﻓﻄﻠﺒﺖ ﻣﻦ ﻋﻠﻲ ﻳﺸﻮﻓﻠﻲ ﺍﻳﺎﻫﻦ ﺷﻨﻮ
ﻭﻟﺞ ﻫﻨﺎ ﺍﻟﺼﺪﻣﺔ ﺍﻟﺠﺒﻴﺮﺓ
ﻛﺎﻧﺖ ﺗﻮﻗﻌﺎﺗﻲ ﺑﺨﺼﻮﺹ ﻧﺒﻴﻞ ﻭﺍﻻﺩﻟﺔ ﻛﻠﻬﺎ ﻏﻠﻂ
ﻭﺍﻧﻲ ﺑﻜﻞ ﻇﻨﻲ ﻧﺒﻴﻞ ﻳﻬﺪﺩ ﺑﻴﺔ ﻭﻳﻀﻐﻂ ﻋﻠﻴﺔ ﻭﺳﻮﺓ ﻫﺬﺍ ﻛﻠﺔ ﺑﻴﻨﺎ ﻭﺑﺄﺑﻮﻱ ﻋﻠﻤﻮﺩ ﻻ ﺍﻭﺩﻱ ﺍﻟﺘﺴﺠﻴﻼﺕ ﻟﺠﺪﻱ ﺍﻟﻲ ﻛﺎﻥ ﺑﺎﺑﺎ ﺧﺎﺯﻧﻬﻢ ﻋﻨﺪﺓ
ﺍﺛﺎﺭﻱ ﺗﺒﻴﻦ ﺑﻌﺪﻳﻦ ﺍﻥ ﺍﻟﺴﺎﻟﻔﺔ ﺍﻛﺒﺮ ﻣﻦ ﻫﻴﺞ ﻛﺎﻥ ﺧﺎﻳﻒ
ﺍﻥ ﻫﺬﻧﻲ ﺍﻟﻤﻌﻠﻮﻣﺎﺕ ﺗﻮﮔﻊ ﺑﻴﺪ ﺍﻟﺴﻠﻄﺎﺕ
ﻭﻛﺎﻧﺖ ﻫﺎﻱ ﺍﻻﺩﻟﺔ ﺍﻛﺘﺸﺎﻑ ﻛﻠﺶ ﻣﻬﻢ ﺑﺤﻴﺚ ﻋﻠﻲ ﮔﺒﻞ ﺍﺗﺨﺬ ﺍﻻﺟﺮﺍﺀﺍﺕ ﻣﻊ ﺍﻟﺠﻬﺎﺕ ﺍﻟﻤﻌﻨﻴﺔ ﻭﺍﻟﺴﻠﻄﺎﺕ
ﺟﺎﻥ ﻳﮕﻮﻉ ﻧﺒﻴﻞ ﺫﻳﺞ ﺍﻟﻮﮔﻌﺔ ﻫﻮ ﻭﺍﻟﺒﺆﺭﺓ ﻣﺎﻟﺘﺔ ﻭﻟﺞ
ﻃﻠﻊ ﺗﺎﺟﺮ ﻣﺎﻝ ﺍﺳﻠﺤﺔ ﻭﻣﺨﺪﺭﺍﺕ ﺑﺲ ﻳﺎﻓﺮﺣﺔ ﻣﺎ ﺗﻤﺖ ﺍﻧﻲ ﻟﻜﻴﺖ ﺍﻻﺩﻟﺔ ﻭﺍﻧﻲ ﺍﻧﺨﻄﻔﺖ ﻳﻮﻡ ﺛﺎﻧﻲ ﻻﻥ ﻋﻠﻲ ﻣﻦ ﺑﺎﺷﺮ ﺑﻌﻤﻠﻴﺔ ﺍﻟﻘﺎﺀ ﺍﻟﻘﺒﺾ ﻋﻠﻰ ﺍﻟﺮﺅﻭﺱ ﺍﻟﻜﺒﻴﺮﺓ ﻭﻧﺒﻴﻞ ﻣﺎﺟﺎﻥ ﺣﺎﺳﺐ ﺣﺴﺎﺏ ﺍﻥ ﻧﺒﻴﻞ ﻳﻌﺮﻑ ﺑﻮﺟﻮﺩﻱ ﻋﻠﻰ ﻗﻴﺪ ﺍﻟﺤﻴﺎﺓ ﻟﻜﻦ ﻫﺬﺍ ﻧﺒﻴﻞ ﺍﻟﺸﻴﻄﺎﻥ ﻛﻠﺸﻲ ﺍﺗﻮﻗﻊ ﻣﻦ ﻋﻨﺪﺓ
ﻭﻫﺴﺔ ﻳﺎ ﺍﺧﺘﻲ ﺍﺣﻨﺎ ﻣﺨﻄﻮﻓﺎﺕ ﻣﻦ ﻗﺒﻞ ﻧﺒﻴﻞ ﻭﺍﻟﻠﻪ ﺍﻟﻌﺎﻟﻢ ﺷﻨﻮ ﺭﺍﺡ ﻳﺴﻮﻱ ﺑﻴﻨﺎ
ﻇﻠﻴﺖ ﻣﺼﻔﺼﺔ ﻋﻠﻰ ﻛﻼﻡ ﺳﻤﺎﺡ ﻭﺍﻟﻠﻪ ﻛﻼﻡ ﻣﺎﻳﺸﻴﻠﻪ ﺍﻟﻌﻘﻞ
ﻳﻌﻨﻲ ﺻﺪﻙ ﻳﺨﻠﻒ ﻣﻦ ﻇﻬﺮ ﺍﻟﻌﺎﻟﻢ ﻓﺎﺳﺪ
ﺧﻄﻴﺔ ﺟﺪﻱ ﺍﻧﺴﺎﻥ ﻛﻠﺶ ﻃﻴﺐ ﻭﺍﻟﻠﻪ ﺍﺗﻨﺪﻣﺖ ﻋﻠﻰ ﻛﻞ ﻟﺤﻈﺔ ﺿﻴﻌﺘﻬﺎ ﺑﺎﻟﻤﺸﺎﻛﻞ ﻭﺍﻟﻌﻨﺎﺩ ﻭﻳﺎﻩ ﺳﻮﺩﺓ ﻋﻠﻴﺔ ﺟﺪﻭ ﺟﺎﻥ ﻳﻤﻮﺕ ﻋﻠﻰ ﺧﺒﺰﺍﺗﻲ ﻭﺟﻨﺖ ﺍﺷﻮﻓﺔ ﺷﻠﻮﻥ ﻳﺤﺐ ﻳﮕﻌﺪ ﻭﻳﺎﻧﺔ ﻋﺎﻟﺮﻭﻳﻮﻙ ﺍﻭﻑ ﻭﺍﻟﻠﻪ ﺍﺫﺍ ﺭﺑﻲ ﺳﻠﻤﻨﺎ ﻳﺎﺳﻤﺎﺡ ﺍﻻ ﺍﻋﻮﺽ ﺟﺪﻱ ﻋﻠﻰ ﻛﻞ ﻳﻮﻡ ﺷﻠﻌﺖ ﮔﻠﺒﺔ ﺑﻲ
ﺑﻘﻴﻨﺔ ﺍﻧﻲ ﻭﺳﻤﺎﺡ ﻧﺤﺠﻲ ﻭﺫﻛﺮﺗﻨﻲ ﺑﺎﺑﻨﻬﺎ ﻭﻃﻤﻨﺘﻬﺎ ﻋﻠﻴﻪ
ﻭﺍﻧﺘﺒﻬﺖ ﻋﻠﻰ ﺑﻄﻨﻬﺎ ﻛﺎﻧﺖ ﺟﺒﻴﺮﺓ
- ﺍﻛﻮﻝ ﺳﻤﺎﺡ ﺷﻨﻮ ﺍﺷﻮ ﻛﺮﺷﺞ ﻛﻠﺶ ﻛﺒﺮﺍﻥ
- ﺍﻫﻮﻭﻭﻭ ﺍﻧﻲ ﺑﻴﺎ ﺣﺎﻝ ﻭﻫﺎﻱ ﻛﺎﻋﺪﺓ ﺗﺤﺸﺶ ﻋﻠﻴﺔ
ﻭﻟﺞ ﺍﻧﻲ ﺣﺎﻣﻞ ﺑﺸﻬﺮ ﺍﻟﺴﺎﺩﺱ
ﺭﺣﺖ ﺣﻀﻨﺘﻬﺎ ﻭﺧﻴﻠﺘﻬﺎ ﺗﻨﺎﻡ ﻋﻠﻰ ﺣﻀﻨﻲ
ﻓﺮﺡ - ﻳﺎﺍﺍ ﺳﻮﺩﺓ ﻋﻠﻴﺔ ﻟﻌﺪ ﺍﺗﻤﺪﺩﻱ ﺧﻴﺔ ﻣﻮ ﺯﻳﻦ ﻋﻠﻴﺞ ﺍﻟﮕﻌﺪﺓ ﺍﻟﻄﻮﻳﻠﺔ ﻭﺍﻟﻠﻪ ﻳﻌﻠﻢ ﺷﻴﺼﺎﺭ ﺑﻴﺞ ﻫﺴﺔ ﺻﺪﻙ ﺍﻧﺘﻲ ﻭﻳﻦ ﺟﺎﻧﻮ ﺣﺎﺑﺴﻴﻨﺞ
- ﺟﻨﺖ ﺑﺒﺴﺘﺎﻥ ﺑﺎﻟﻨﺎﺻﺮﻳﺔ ﻭﺟﺎﺑﻮﻧﻲ ﺍﻟﺒﺎﺭﺣﺔ ﺑﺎﻟﻠﻴﻞ ﻟﺒﻐﺪﺍﺩ ﺩﺧﻠﻮﻧﻲ ﻭﺟﺎﻧﺖ ﺍﻟﻐﺮﻓﺔ ﻇﻠﻤﺔ ﻭﺟﻨﺖ ﺩﺍﻳﺨﺔ ﻣﻦ ﺍﺛﺮ ﺍﻟﺒﻨﺞ ﻭﻛﻨﺖ ﺷﺒﻪ ﺻﺎﺣﻴﺔ
ﻓﺮﺡ - ﻳﺒﻮﻱ ﻳﻌﻨﻲ ﺩﺧﻠﻮﺝ ﻋﻠﻴﺔ ﺑﺎﻟﻐﺮﻓﺔ ﻭﺍﻧﻲ ﻏﺎﻃﺔ ﺑﺴﺎﺑﻊ ﻧﻮﻣﺔ ﻭﻻﺣﺴﻴﺖ ﻋﻠﻴﻬﻢ ﻣﻦ ﺩﺧﻠﻮﺝ ﻋﻠﻰ ﺍﻟﺮﻏﻢ ﺷﻜﺪ ﺟﻨﺖ ﺣﺮﻳﺼﺔ ﺍﻥ ﺍﻛﻮﻥ ﻳﻘﻀﺔ ﻭﺣﺬﺭﺓ ﺑﺲ ﻳﻤﻜﻦ ﻣﻦ ﺯﻭﺩ ﺍﻟﺘﺮﻗﺐ ﻏﻄﻴﺖ ﺑﻨﻮﻡ ﻋﻤﻴﻖ
ﺍﮔﻮﻝ ﺳﻤﺎﺡ ﺑﻔﻜﺮﺝ ﻫﻤﺔ ﺭﺍﺡ ﻳﻜﺪﺭﻭﻥ ﻳﻠﻜﻮﻥ ﻣﻜﺎﻧﺔ ﻟﻮ ﺷﻨﻮ ﺭﺍﺡ ﻳﺴﻮﻥ ﺍﻧﻲ ﺑﺎﻻﻭﻝ ﺍﺗﻮﻗﻌﺖ ﻳﻄﻠﺒﻮﻥ ﻓﺪﻳﺔ ﻻﻥ ﻧﺒﻴﻞ ﻣﻄﻠﻮﺏ ﻟﻠﻨﺎﺱ
ﺳﻤﺎﺡ - ﺍﻱ ﻣﻮ ﻻﻥ ﻋﻠﻲ ﻟﺰﻡ ﺗﺠﺎﺭ ﺍﻟﻤﺨﺪﺭﺍﺕ ﻭﺍﻻﺳﻠﺤﺔ ﻛﻠﻬﻢ
ﻭﻧﺒﻴﻞ ﺍﺗﺤﺎﺻﺮ ﻓﺼﺎﺭ ﻳﻠﺠﻲﺀ ﺑﺘﻤﻮﻳﻞ ﺍﻟﺸﺒﻜﺔ ﺑﺎﻟﺪﻳﻦ ﻣﻦ ﺍﻟﻨﺎﺱ ﻭﻳﻘﺸﻤﺮﻫﻢ ﺣﺘﻰ ﻳﺎﺧﺬﻣﻨﻬﻢ ﺍﻣﻮﺍﻝ ﻃﺎﺋﻠﺔ
ﻛﺎﻥ ﻧﺠﺎﺡ ﻋﻠﻲ ﺑﺎﻟﻘﺎﺀ ﺍﻟﻘﺒﺾ ﻋﻠﻴﻬﻢ ﻫﺬﺍ ﻛﻠﺔ ﺑﻤﺴﺎﻋﺪﺓ ﺑﺎﺑﺎ ﺍﻟﻠﻪ ﻳﺮﺣﻤﺔ
ﻳﻤﻜﻦ ﺟﺎﻥ ﺑﺎﺑﺎ ﻣﺘﻌﺎﻭﻥ ﻣﻊ ﺟﻬﺔ ﻣﺨﺘﺼﺔ ﺣﺘﻰ ﻳﻮﮔﻌﻮﻥ ﻧﺒﻴﻞ ﻭﺍﻟﻌﺼﺎﺑﺔ ﺑﺲ ﻣﻊ ﺍﻻﺳﻒ ﻧﺒﻴﻞ ﻗﻀﻰ ﻋﻠﻴﻪ ﻭﺟﺎﻥ ﻧﺒﻴﻞ ﻛﻠﺶ ﻣﺘﺨﻮﻑ ﻭﻳﺮﻳﺪ ﻳﻮﺻﻞ ﻟﻠﺪﻟﻴﻞ ﺣﺘﻰ ﻳﺘﺨﻠﺺ ﻣﻦ ﻋﻨﺪﺓ ﻭﺟﺎﻥ ﺑﻜﻞ ﻋﻘﻠﺔ ﻳﺘﻮﻗﻊ ﺍﻥ ﺍﻧﻲ ﻋﻠﻰ ﻣﻌﺮﻓﺔ ﻻﻥ ﻣﻦ ﻫﺠﻤﺖ ﻋﻠﻴﻪ ﺑﻴﻮﻡ ﺍﻟﺤﺎﺩﺙ ﺫﻛﺮﺕ ﺍﻧﻲ ﻋﻨﺪﻱ ﺍﻟﺪﻟﻴﻞ ﺍﻟﻲ ﻳﺨﻴﺴﺔ ﺑﺎﻟﺴﺠﻦ
ﻭﺍﻟﻠﻪ ﺑﻜﻞ ﺿﻨﻲ ﻋﺒﺎﻟﻲ ﺑﺎﺑﺎ ﻳﻘﺼﺪ ﺑﺎﻟﺪﻟﻴﻞ ﺍﻥ ﻫﻮ ﻳﺮﻳﺪ ﻳﺒﺮﺭ ﻟﺠﺪﻱ ﺍﻥ ﻧﺒﻴﻞ ﻭﺭﺓ ﺍﻟﺘﻔﺮﻗﺔ ﺍﻟﻲ ﺑﻴﻨﻬﻢ ﻟﻜﻦ ﺍﻟﺴﺎﻟﻔﺔ ﻃﻠﻌﺖ ﺍﻛﺒﺮ ﻭﺍﻛﺒﺮ ﻣﻦ ﻫﻴﺞ
ﺑﺲ ﺍﻟﻠﻪ ﺍﻟﻴﺴﺘﺮ ﺷﺮﺍﺡ ﺑﻌﺪ ﻧﺸﻮﻑ
↙️
ﺣﺴﺎﻡ
ﻃﺒﻌﺎ ﻗﺮﺭﺕ ﺍﻥ ﻣﺎ ﺍﺧﺒﺮ ﺍﺧﻮﻱ ﻋﻠﻲ ﻻﻥ ﺍﻟﻈﺎﻫﺮ ﻧﺒﻴﻞ
ﻋﻨﺪﺓ ﻣﻦ ﻳﺮﺍﻗﺒﻨﺎ ﻭﻳﻌﺮﻑ ﻋﻨﻲ ﻛﻠﺸﻲ ﻭﻣﺎ ﻣﺴﺘﻌﺪ ﺍﻥ ﺍﺭﺗﻜﺐ ﺍﻱ ﺧﻄﺎﺀ ﺗﻜﻮﻥ ﺍﻟﻨﺘﻴﺠﺔ ﺍﻋﺮﺽ ﻓﺮﺡ ﻟﻠﺨﻄﺮ
ﻟﻜﻦ ﺍﺗﺨﺬﺕ ﻋﺪﺓ ﺍﺟﺮﺍﺀﺍﺕ ﺍﻣﻨﻴﺔ ﺧﺎﺻﺔ ﺑﻴﺔ
ﻓﻲ ﺣﺎﻝ ﻻ ﺳﺎﻣﺢ ﺍﻟﻠﻪ ﻧﺒﻴﻞ ﺣﺎﻭﻝ ﻳﻠﻌﺐ ﻭﻳﺎﻱ ﺑﺬﻳﻠﻪ
ﺣﻀﺮﺕ ﺍﻟﻤﺒﻠﻎ ﻭﺍﺗﺼﺮﻓﺖ ﻣﻊ ﻋﻠﻲ ﺍﺧﻮﻱ ﺑﺼﻮﺭﺓ ﺟﺪﺍ ﻃﺒﻴﻌﻴﺔ ﻭﻣﺎﺧﻠﻴﺖ ﺍﺣﺪ ﻳﻨﺘﺒﻪ ﻋﻠﻰ ﺗﺤﺮﻛﺎﺗﻲ ﺻﺤﻴﺢ ﻛﺎﻥ ﺍﻟﻤﺒﻠﻎ ﺍﻟﻤﻄﻠﻮﺏ ﻳﻜﺴﺮ ﺍﻟﻈﻬﺮ ﻟﻜﻦ ﮔﺪﺭﺕ ﺍﺩﺑﺮﻫﻦ ﺑﺴﺤﺐ ﻛﻞ ﻓﻠﻮﺳﻲ ﺍﻟﻲ ﺑﺎﻟﻤﺼﺮﻑ
ﻳﺎﻟﻠﻪ ﻫﺬﺍ ﻛﻠﺔ ﻳﻬﻮﻥ ﻻﺟﻞ ﻋﻴﻮﻥ ﻓﺮﺣﺔ ﺣﺴﺎﻡ
ﺑﺲ ﻛﻮﻥ ﺗﺮﺟﻌﻠﻲ ﺳﺎﻟﻤﺔ ﻧﺬﺭ ﻋﻠﻴﺔ ﺍﺭﻭﺡ ﺍﻧﻲ ﻭﻳﺎﻫﺔ ﺳﻮﻳﺔ ﻟﻠﻌﻤﺮﺓ
ﻭﺟﺎﻥ ﻳﺠﻴﻨﻲ ﺍﺗﺼﺎﻝ ﻣﻦ ﻧﺒﻴﻞ ﻳﺄﻛﺪ ﻋﻠﻰ ﻣﻮﻋﺪ ﻭﻣﻜﺎﻥ ﺍﻟﺘﺴﻠﻴﻢ ﻭﺍﻟﻠﻪ ﻭﺣﻀﺮﺕ ﻧﻔﺴﻲ ﻭﺍﻟﻤﺒﻠﻎ ﻭﺍﺧﺬﺕ ﺟﻤﻴﻊ ﺍﻻﺣﺘﻴﺎﻃﺎﺕ ﻭﺣﺴﺒﺖ ﺍﺣﺴﺎﺏ ﻛﻞ ﺍﻻﺣﺘﻤﺎﻻﺕ
ﺍﻟﻤﻬﻢ ﻛﺎﻥ ﻣﻮﻋﺪ ﺍﻟﺘﺴﻠﻴﻢ ﺍﻟﻌﺎﺷﺮﺓ ﺻﺒﺎﺣﺎ ﻭﻛﺎﻥ ﻭﺻﻒ ﺍﻟﻤﻜﺎﻥ ﺟﺪﺍ ﻏﺮﻳﺐ ﻟﻜﻦ ﻣﻦ ﺧﻼﻝ ﺍﻟﻮﺻﻒ ﻛﺪﺭﺕ ﺍﻭﺻﻞ ﻟﻠﻤﻜﺎﻥ ﺍﻟﻤﻄﻠﻮﺏ ﻛﺎﻥ ﻋﺒﺎﺭﺓ ﻋﻦ ﻫﻴﻤﺔ ﻣﻨﻄﻘﺔ ﻣﻘﻄﻮﻋﺔ
ﺑﺲ ﻗﻄﻊ ﺍﺭﺍﺿﻲ ﺑﻴﻬﻦ ﺯﺭﻉ ﻗﻠﻴﻞ ﻣﺘﻨﺎﺛﺮﺓ ﻳﻌﻨﻲ ﺍﺭﺽ ﻋﻦ ﺍﺭﺽ ﺗﺒﻌﺪ ﻓﺪ ﻛﻠﻴﻮﻣﺘﺮﻳﻦ ﻭﻛﻔﺖ ﺳﻴﺎﺭﺕ ﺑﺎﻟﻤﻜﺎﻥ ﻭﺍﻧﺘﻈﺮﺗﻬﻢ ﻭﺭﺓ ﺳﺎﻋﺘﻴﻦ ﻣﻦ ﺍﻻﻧﺘﻈﺎﺭ ﺍﻟﻤﻤﻴﺖ ﺍﻟﻈﺎﻫﺮ ﻫﺬﺍ ﺍﺟﺮﺍﺀ ﺍﺣﺘﺮﺍﺯﻱ ﺣﺘﻰ ﻳﺘﺄﻛﺪﻭﻥ ﺍﻥ ﺍﻧﻲ ﻟﻮﺣﺪﻱ ﻭﻣﺤﺪ ﻳﺮﺍﻗﺒﻨﻲ
ﻭﺟﺎﻧﻲ ﺍﺗﺼﺎﻝ ﻣﻦ ﻋﻤﻲ
ﺣﺴﺎﻡ - ﺷﻨﻮ ﻧﺒﻴﻞ ﻟﻴﺶ ﺍﺗﺄﺧﺮﺗﻮ ﻋﻦ ﻣﻮﻋﺪ ﺍﻟﺘﺴﻠﻴﻢ ﻻﻳﻜﻮﻥ ﺗﻔﻜﺮ ﺗﻠﻌﺐ ﺑﺬﻳﻠﻚ ﻭﻳﺎﻱ ﺩﻳﺮ ﺑﺎﻟﻚ ﻭﺍﻟﻠﻪ ﻣﺎ ﺍﺭﺣﻤﻚ
ﻧﺒﻴﻞ - ﻃﻮﻝ ﺑﺎﻟﻚ ﻭﻳﺎﻧﺔ ﺍﺑﻮ ﺍﻟﺸﺒﺎﺏ
ﺷﻮﻑ ﻋﻴﻨﻲ ﻫﺴﺔ ﺍﺭﻳﺪﻙ ﺗﺼﻴﺮ ﺣﺒﺎﺏ ﻭﺗﺴﻤﻊ ﻭﺗﻨﻔﺬ ﻛﻞ ﻛﻠﻤﺔ ﺍﮔﻮﻟﻬﺎ ﺍﻟﻚ ﻭﺍﻧﺖ ﺳﺎﻛﺖ
ﺣﺴﺎﻡ - ﻫَـﺎ ﻧﺒﻴﻞ ﺑﺪﺕ ﺭﺣﻤﺔ ﺍﻟﻠﻪ ﺗﺮﺓ ﺍﺣﻨﺎ ﻣﺘﻔﻘﻨﺎ ﻋﻠﻰ ﻫﻴﺞ ﺷﻲ
ﻧﺒﻴﻞ - ﺷﻮﻑ ﺣﺒﺎﺏ ﺗﺮﺓ ﻣﻮﻗﻔﻚ ﺿﻌﻴﻒ ﻓﻤﻮ ﻣﻦ ﻣﺼﻠﺤﺘﻚ
ﺗﻌﺘﺮﺽ ﻋﻠﻰ ﺍﻱ ﺷﻲ ﺍﻧﺖ ﻣﻬﻤﺘﻚ ﺗﻨﻔﺬ ﻭﺑﺲ
ﺣﺴﺎﻡ
ﺍﺥ ﺍﻟﻠﻪ ﺍﻟﻄﻒ ﺑﻴﻨﺎ
ﺣﺴﺎﻡ - ﻭﺍﻟﻤﻄﻠﻮﺏ ﺷﻨﻮ
ﻧﺒﻴﻞ - ﺷﻮﻑ ﻳﺎ ﺍﺑﻦ ﺍﺧﻮﻱ ﺍﻟﻮﺭﺩﺓ ﺍﻟﺘﻔﺖ ﻋﻠﻰ ﺟﻬﺘﻚ ﺍﻟﻴﺴﺮﻯ ﺭﺍﺡ ﺗﺸﻮﻑ ﻛﺪﺍﻣﻚ ﺻﺨﺮﺓ ﺟﺒﻴﺮﺓ ﺭﻭﺡ ﻟﻌﻨﺪﻫﺎ ﺭﺍﺡ ﺗﻠﻜﺔ ﻋﻼﮔﺔ ﺳﻮﺩﺓ ﺗﻔﺘﺤﻬﺎ ﺗﻠﻜﺔ ﺑﻴﻬﺎ ﻛﻠﺒﺸﺎﺕ
ﺷﻮﻑ ﺣﺒﺎﺏ ﺗﺤﻂ ﺟﻨﻄﺔ ﺍﻟﻔﻠﻮﺱ ﺑﺎﻻﺭﺽ ﻭﺗﺒﺘﻌﺪ ﻋﻨﻬﺔ ﻭﺗﻠﺒﺲ ﺍﻟﻜﻠﺒﺸﺎﺕ ﺑﻴﺪﻳﻚ
ﺣﺴﺎﻡ ﻧﻔﺬ ﺍﻟﻤﻄﻠﻮﺏ
ﻭﻓﻌﻼ ﺷﻔﺖ ﺍﻟﻌﻼﻛﺔ ﺍﻟﺴﻮﺩﺓ ﻭﺣﻄﻴﺖ ﺟﻨﻄﺔ ﺍﻟﻔﻠﻮﺱ ﻋﺎﻟﮕﺎﻉ
ﻭﻧﻔﺬﺕ ﻛﻠﺸﻲ ﻭﺍﻟﻠﻪ ﻭﺭﺓ ﻋﺸﺮ ﺩﻗﺎﻳﻖ ﺍﺟﺖ ﺳﻴﺎﺭﺗﻴﻦ ﻣﻦ ﺑﻌﻴﺪ ﻭﺣﺪﺓ ﻋﺎﻟﻴﺔ ﺑﺮﺍﺩﻭ ﻭﺍﻟﺜﺎﻧﻴﺔ ﺍﻭﺑﺎﻣﺎ ﺍﻟﻤﻬﻢ ﻧﺰﻟﻮ ﺍﺛﻨﻴﻦ ﻣﻠﺜﻤﻴﻦ ﻭﺳﺤﺒﻮﻧﻲ ﻭﺣﻄﻮﻧﻲ ﺑﺎﻟﺼﻨﺪﻭﻙ ﻭﺍﺧﺬﻭﻧﻲ ﻭﻳﺎﻫﻢ ﻭﻣﺎ ﺍﻋﺮﻑ ﻭﻳﻦ ﺻﺎﺭ ﮔﻠﺒﻲ ﻳﺪﻙ ﻣﺜﻞ ﻗﺮﻉ ﻃﺒﻮﻝ ﺍﻟﺤﺮﺏ ﻣﻦ ﺍﻟﺘﺮﻗﺐ ﻳﺎﻟﻠﻪ ﺭﺣﻤﺘﻚ
ﻛﻨﺖ ﺍﺣﺴﺐ ﻭﻗﺖ ﺳﻴﺮ ﺍﻟﺴﻴﺎﺭﺓ ﻭﺣﺴﻴﺖ ﻋﻠﻴﻬﺎ ﺍﺗﻮﻗﻔﺖ
ﻭﺳﻤﻌﺖ ﺍﻟﺒﻴﺒﺎﻥ ﺍﻧﻔﺘﺤﺖ ﻭﻧﺰﻟﻮ ﻣﻨﻬﺎ ﺍﺫﻥ ﺍﻟﻤﺴﺎﻓﺔ ﺑﻴﻦ ﺳﻴﺎﺭﺗﻲ ﻭﺍﻟﻤﻜﺎﻥ ﺍﻟﻲ ﺍﺧﺬﻭﻧﻲ ﺍﻟﺔ ﻟﻴﺲ ﺑﺎﻟﺒﻌﻴﺪ
ﺣﻠﻮ ﺗٌـٌـﻤــﺎﻡ ﻫﺎﻱ ﺍﻭﻝ ﺧﻴﻂ
ﻧﺰﻟﻮﻧﻲ ﻭﺑﺪﻳﺖ ﺍﺩﻓﻊ ﻭﺍﻋﺎﻧﺪ ﻭﺍﻏﻠﻂ ﻋﻠﻴﻬﻢ ﻭﻋﻠﻰ ﻧﺒﻴﻞ
ﻭﺍﺟﺎﻧﻲ ﺑﻮﻛﺲ ﺑﺒﻄﻨﻲ ﻭﺍﺣﺪ ﻻﺥ ﻋﻠﻰ ﻭﺟﻬﻲ
ﺍﺣﺲ ﺷﺎﻏﺖ ﺭﻭﺣﻲ ﺍﻟﻠﻪ ﻳﺎﺧﺬﻛﻢ ﺷﺘﺎﻛﻠﻮﻥ ﺍﻭﻻﺩ ﺍﻻﺑﻠﺴﺔ
ﻛﻞ ﻭﺍﺣﺪ ﺍﻳﺪﺓ ﺟﻨﻬﺔ ﺷﻔﻞ
ﺍﻟﻤﻬﻢ ﺍﺧﺬﻭﻧﻲ ﺳﺤﻞ ﻭﺷﻔﺘﻬﻢ ﻓﺘﺤﻮ ﺍﻗﻔﺎﻝ ﺑﺎﺏ ﺣﺪﻳﺪ ﻣﺰﻧﺠﺮ ﻭﺩﺧﻠﻮﻧﻲ ﺩﻓﻊ ﺑﺤﻴﺚ ﻃﺤﺖ ﺑﺎﻟﮕﺎﻉ ﻟﻜﻦ ﺷﻬﻜﺖ ﺭﻭﺣﻲ ﻣﻦ ﺍﻧﺘﺒﻬﺖ ﻋﻠﻰ ﺻﺮﺧﺔ ﺧﻮﻑ
ﺍﺥ ﺍﻟﻠﻪ ﻫﺬﺍ ﺍﻟﺼﻮﺕ ﺩﺭﺕ ﻭﺟﻬﻲ ﻭﺷﻔﺘﻬﺎ ﻟﻔﺮﺣﺔ ﺣﺴﺎﻡ
ﻭﺍﻧﺘﺒﻬﺖ ﻋﻠﻴﻬﺎ ﺷﻠﻮﻥ ﺭﻛﻀﺖ ﺑﻜﻞ ﻟﻬﻔﺔ ﻟﺤﻀﻨﻲ ﻭﺻﺮﻧﺎ ﺍﺛﻨﻴﻨﺔ ﻛﺎﻋﺪﻳﻦ ﺑﺎﻟﮕﺎﻉ ﺑﺎﺣﻀﺎﻥ ﺑﻌﺾ
ﻛﺎﻧﺖ ﻓﺮﺡ ﻻﻣﺘﻨﻲ ﻟﺤﻀﻨﻬﺎ ﻣﺜﻞ ﺍﻻﻡ ﺍﻟﻲ ﺗﺴﺘﻘﺒﻞ ﺍﺑﻨﻬﺎ ﻫﻴﺞ ﻛﺎﻥ ﺷﻜﻠﻬﺎ ﺍﻧﺘﺒﻬﺖ ﻋﻠﻰ ﻋﻴﻮﻧﻬﺎ ﺷﻠﻮﻥ ﺗﺨﺰﺭ ﺑﻴﻬﻢ ﺑﻐﻀﺐ ﻭﻛﺄﻥ ﺗﺮﻳﺪ ﺗﻬﺠﻢ ﻋﻠﻴﻬﻢ
ﺗﺮﻛﻮﻧﺎ ﻟﻮﺣﺪﻧﺎ
ﻛﺎﻧﺖ ﻟﻬﻔﺘﻲ ﻟﻔﺮﺣﺘﻲ ﻣﺘﻨﻮﺻﻒ ﺍﺥ ﺍﻟﻠﻪ ﻗﺮﺑﺖ ﺭﺍﺳﻲ ﻋﻠﻰ ﺭﻛﺒﺘﻬﺔ ﻭﺷﻤﻴﺖ ﻋﻄﺮﻫﺎ
ﺍﻓﻴﻴﻴﻴﻴﻴﺶ ﻳﺎﻋﻄﺮﺝ ﻟﺞ ﺍﺷﻜﺪ ﻣﺸﺘﺎﻕ
ﻓﺮﺡ ﻭﻫﻲ ﺗﺒﺠﻲ ﻭﻋﻴﻮﻧﻬﺎ ﻛﻠﻬﺎ ﺩﻣﻮﻉ
- ﺣﺴﺎﻡ ﺷﻠﻮﻥ ﻭﻛﻌﺖ ﺑﻴﺪﻫﻢ
- ﻣﻮ ﺣﺴﺎﻣﺞ ﺍﺗﺼﻠﻮ ﻋﻠﻴﻪ ﻳﻄﺎﻟﺒﻮﻥ ﺑﻔﺪﻳﺔ ﺣﺘﻰ ﻳﺴﻠﻤﻮﺝ ﺍﻟﻲ ﺑﺲ ﻣﻊ ﻛﻞ ﺍﺳﻒ ﻋﻤﺞ ﻛﺎﻥ ﺍﻛﺒﺮ ﻧﺎﻗﺺ ﻭﻧﺬﻝ
ﻫﻤﺴﺖ ﺑﺄﺫﻧﻬﺎ ﺑﺲ ﻟﺘﺨﺎﻓﻴﻦ ﺍﻟﻠﻪ ﻭﻳﺎﻧﺔ
ﻓﺮﺡ ﻭﻫﻲ ﺗﺒﺘﺴﻢ - ﻟﻴﺶ ﺍﺟﻴﺖ ﻭﺭﺍﻱ ﻳﻌﻨﻲ ﺣﺘﻰ ﻫﻨﺎ ﻻﺣﮕﻨﻲ ﻟﻴﺶ ﻣﺨﻠﻴﺘﻬﻢ ﻳﺘﺨﻠﺼﻮﻥ ﻣﻨﻲ ﺍﺣﺴﻨﻠﻚ ﺣﺘﻰ ﺗﺮﺗﺎﺡ ﻣﻦ ﻓﺮﺡ ﺍﻟﻲ ﺿﺎﻳﺞ ﻣﻨﻬﺎ ﻭﻣﺎﺗﺮﻳﺪ ﺗﺸﻮﻓﻬﺎ
- ﺟﺎ ﻣﺎ ﺩﺭﻳﺘﻲ ﺍﻟﺒﺰﻭﻥ ﺗﺤﺐ ﺧﻨﺎﮔﻬﺎ ﻭﻟﺞ ﻟﻮ ﺣٍٍِْــًﺒٌٍـــِٓﯥٍٓ ﺍﻟﺞ ﻋﻠﻘﻢ ﺟﺎﻥ ﺗﺠﺮﻋﺘﺔ ﻣﺜﻞ ﺍﻟﻌﺴﻞ ﻋﻠﻰ ﮔﻠﺒﻲ ﻟﺞ ﺍﻧﺘﻲ ﺷﺘﺤﺠﻴﻦ ﺷﻮﻓﻲ ﻫﺴﺔ ﺍﻧﻲ ﺑﻬﺬﺍ ﻭﺿﻌﻲ ﻣﻘﻴﺪ ﻭﻣﺎ ﺍﻋﺮﻑ ﺷﻨﻮ ﻣﺼﻴﺮﻱ ﻭﺟﻨﺖ ﺍﻋﺮﻑ ﻛﻠﺶ ﺯﻳﻦ ﺍﺫﺍ ﺭﺣﺖ ﺍﻟﻬﻢ ﻣﺎ ﺭﺍﺡ ﻳﻬﺪﻭﻧﻲ ﻟﻜﻦ ﻛﻞ ﻫﺬﺍ ﺳﻮﻳﺘﺔ ﺣﺘﻰ ﺑﻠﻜﺖ ﺍﻟﻠﻪ ﻭﻳﺤﺒﺴﻮﻧﻲ ﻭﻳﺎﺝ ﻭﺍﺷﻮﻓﺞ ﻭﺍﺷﺒﻊ ﻣﻨﺞ ﺷﻮﻑ ﻳﻌﻨﻲ ﺗﮕﺪﺭﻳﻦ ﺗﻌﺘﺒﺮﻳﻦ ﻫﺎﻱ ﺍﻟﻬﻮﺳﺔ ﻛﻠﻬﺎ ﺍﻟﻲ ﺻﺎﺭﺕ
ﺍﻭﻝ ﻣﻮﻋﺪ ﻏﺮﺍﻣﻲ ﺑﻴﻨﺎ
- ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ ﺑﺲ ﺍﻧﻲ ﺣﻀﻲ ﻫﻴﺞ ﻣﻮﺍﻋﻴﺪ ﺍﻟﻐﺮﺍﻡ ﺗﺼﻴﺮ ﻳﻌﻨﻲ ﺍﻟﻨﺎﺱ ﺗﺘﻮﺍﻋﺪ ﺑﺤﺪﻳﻘﺔ ﺗﺤﺖ ﺷﺠﺮﺓ ﻳﻠﺘﻘﻮﻥ
ﻭﺍﻧﻲ ﺣﻀﻲ ﻣﺘﻮﺍﻋﺪ ﻭﻳﺎﻱ ﺑﻬﺬﺍ ﺍﻟﻤﻜﺎﻥ
ﺣﺴﺎﻡ ﺑﺒﺘﺴﺎﻣﺔ - ﺍﺗﺤﻤﻠﻲ ﻫﺬﺍ ﺣﻀﺞ ﻻﻥ ﺣﺴﺎﻣﺞ ﻃﻠﻊ ﻳﺸﺘﻐﻞ ﻭﻳﺔ ﻋﺼﺎﺑﺔ ﺍﺑﻮ ﻃﺒﺮ
ﺳﻤﺎﺡ - ﺍﺣﻢ ﺍﺣﻢ ﻧﺤﻦ ﻫﻨﺎ ﺗﺮﺓ ﺟﺎﻱ ﺗﺤﺴﺴﻮﻧﻲ ﻋﺒﺎﻟﻚ ﺷﻤﻌﺔ ﻓﻜﺮ ﺑﻴﻨﻜﻢ ﺣﺴﻮ ﺑﻴﺔ ﻻﺗﺮﺓ ﺍﺻﻴﺢ ﻋﻠﻴﻜﻢ ﻧﺒﻴﻞ
↙️
ﺣﺴﺎﻡ ﻭﻫﻮ ﻣﺘﻔﺎﺟﻲﺀ ﺑﺎﻟﻠﻲ ﺟﺎﻱ ﻳﺸﻮﻓﺔ ﻛﺪﺍﻣﺔ ﻭﻛﺎﻧﺖ ﺻﺪﻣﺘﺔ ﺍﻛﺒﺮ ﺑﻌﺪ ﻣﺎ ﺳﻤﻊ ﻛﻞ ﺍﻟﻘﺼﺔ ﻣﻦ ﺳﻤﺎﺡ ﻭﻓﺮﺡ
ﺣﺴﺎﻡ - ﻣﻌﻘﻮﻟﺔ ﻫﺎﻱ ﺷﻨﻮ ﻣﺪﺍﺻﺪﮒ
ﻭﻓﺠﺎﺀﺓ ﺍﻟﺘﻔﺘﻮ ﻛﻠﻬﻢ ﻋﻠﻰ ﺻﻮﺕ ﺍﻟﺒﺎﺏ ﻳﻨﻔﺘﺢ ﻭﻛﺎﻧﺖ ﺍﻟﻤﻔﺎﺟﺌﺔ ﺩﺧﻮﻝ ﻫﺎﻟﺔ ﻭﻧﺒﻴﻞ ﻋﻠﻴﻬﻢ ﻭﺭﺍﻫﻢ ﺍﺛﻨﻴﻦ ﻣﺴﻠﺤﻴﻦ
ﺣﺴﺎﻡ ﺑﺼﺪﻣﺔ - ﻫﺎﻟﺔ ﺷﺠﺎﺑﺞ ﻋﻠﻰ ﻧﺒﻴﻞ ﺷﻌﻨﺪﺝ ﻭﻳﺎﻩ
ﻫﺎﻟﺔ ﻭﺑﻤﻜﺮ - ﻳﻌﻨﻲ ﺍﺫﺍ ﻣﺎ ﺍﻛﻮﻥ ﻳﻢ ﺯﻭﺟﻲ ﻭﻳﻦ ﺗﺮﻳﺪﻧﻲ ﺍﻛﻮﻥ
- ﻣﻨﻮ ﺯﻭﺟﺞ
ﻫﺎﻟﺔ - ﺣﺒﻴﺒﻲ ﻧﺒﻴﻞ ﻫﻮ ﺯﻭﺟﻲ ﻓّـِﺪﻳﺘﺔ ﻫﻮ ﺍﻟﻲ ﺳﺎﻋﺪﻧﻲ ﺣﺘﻰ ﺍﻧﺘﻘﻢ ﻣﻨﻚ ﻭﺍﻫﺠﻢ ﺣﻴﺎﺗﻚ ﻛﺎﻥ ﻫﺬﺍ ﺷﺮﻃﻲ ﻣﻦ ﺭﺍﺩ ﻳﺘﺰﻭﺟﻨﻲ ﺍﻥ ﻳﺴﺎﻋﺪﻧﻲ ﺍﺧﺬ ﺣﻘﻲ ﻣﻨﻚ ﺗﺘﺬﻛﺮ ﺷﻠﻮﻥ ﺣﻄﻤﺘﻨﻲ ﻭﺷﻤﺮﺗﻨﻲ ﻣﻦ ﺷﻔﺖ ﺍﻥ ﺑﻌﺪ ﻣﺎ ﺍﺻﺮﻓﻠﻚ ﺫﺑﻴﺘﻨﻲ ﻭﻣﺎﺍﻫﺘﻤﻴﺖ ﻟﺘﻮﺳﻼﺗﻲ ﺍﻟﻚ ﺑﺲ ﺍﻧﻲ ﺍﺷﻄﺮ ﻣﻨﻚ ﻭﻋﺮﻓﺖ ﺍﻟﻌﺒﻬﺎ ﺻﺢ ﻫﻬﻬﻬﻬﻬﻪ ﺣﻄﻤﺘﻚ ﻭﻟﻮﻋﺘﻚ ﻣﺜﻞ ﻣﺎ ﻟﻮﻋﺘﻨﻲ
ﺣﺴﺎﻡ - ﻳﻌﻨﻲ ﺍﻧﺘﻲ ﻭﻧﺒﻴﻞ ﺍﻟﻲ ﻭﺭﺓ ﺳﺎﻟﻔﺔ ﺍﺧﺘﻔﺎﺀ ﻧﻘﺎﻟﻲ
- ﺍﻱ ﺣﺒﻴﺒﻲ ﺍﺣﻨﺎ ﻭﺑﻤﺴﺎﻋﺪﺓ ﺣﺒﻴﺐ ﺍﻟﮕﻠﺐ ﻧﻮﺭﺱ ﺟﺎﻥ ﺻﺎﺩﻑ ﻣﺴﺎﻓﺮ ﺑﺪﺑﻲ ﻭﺍﺳﺘﻐﻠﻴﺖ ﻛﻠﺸﻲ ﻟﺼﺎﻟﺤﻲ ﻭﺍﺳﺘﻐﻴﻠﺖ ﺷﻚ ﺣﺒﻴﺒﺖ ﺍﻟﮕﻠﺐ ﺑﻴﻚ ﻭﻣﻦ ﺣﺠﺎﻟﻲ ﻧﺒﻴﻞ ﺍﻥ ﺍﻥ ﻫﻮ ﺷﺎﻓﻜﻢ ﻻﺯﻣﻴﻦ ﺍﻳﺪﻳﻦ ﺑﻌﺾ ﮔﻠﻲ ﺍﻟﻈﺎﻫﺮ ﺍﻟﺠﻤﺎﻋﺔ
ﺭﺍﺟﻌﻴﻦ ﻭﺗﻌﺒﺞ ﺭﺍﺡ ﻛﻠﺔ ﺑﺎﻟﺸﻂ
ﻟﻜﻦ ﺍﻧﻲ ﻫﺎﻟﺔ ﻣﻮ ﺍﻱ ﻭﺣﺪﺓ ﻋﻠﻴﺔ ﻭﻋﻠﻰ ﺍﻋﺪﺍﺋﻲ
ﺣﺴﺎﻡ ﺍﻟﺘﻔﺖ ﻋﻠﻰ ﻧﺒﻴﻞ
ﻭﺑﺼﻖ ﻋﻠﻴﻪ
- ﻭﺍﻟﻠﻪ ﺣﺴﺎﻓﺔ ﺍﻧﺖ ﺗﻨﺤﺴﺐ ﻋﻠﻴﻨﺎ ﻋﻢ ﺍﻧﺖ ﺍﻟﻴﻬﻮﺩﻱ ﺍﺭﺣﻢ ﻣﻨﻚ ﻭﻣﻦ ﺳﻮﺍﻳﺘﻚ ﻟﻴﺶ ﺍﺣﻨﺎ ﻣﻮ ﺍﺗﻔﻘﻨﺎ ﺍﻥ ﺍﻧﻲ ﺍﺳﻠﻤﻚ ﺍﻟﻔﻠﻮﺱ ﻭﺗﺴﻠﻤﻨﻲ ﻓﺮﺡ ﻟﻴﺶ ﺳﻮﻳﺖ ﻫﻴﺞ ﺷﻲ
ﻧﺒﻴﻞ - ﻫﻬﻬﻬﻬﻬﻬﻪ ﻭﺍﻟﻠﻪ ﺿﺤﻜﺘﻨﻲ ﻟﻚ ﺍﻧﺖ ﺑﻜﻞ ﻋﻘﻠﻚ ﺍﺗﺮﻙ ﺑﻄﺔ ﺗﺒﺾ ﺫﻫﺐ ﺗﺮﻭﺡ ﻫﻴﺞ ﻣﻦ ﺍﻳﺪﻱ
ﻫﻬﻬﻬﻬﻬﻬﻬﻬﻬﻬﻬﻬﻬﻪ ﺣﺒﻴﺒﻲ ﺍﻧﺘﻲ ﺗﺴﻮﻯ ﻛﻮﻣﺔ ﻓﻠﻮﺱ ﻋﻨﺪ ﺟﺪﻙ ﻭﺍﺑﻮﻙ ﺧﻠﻴﻬﻢ ﻳﺒﻴﻌﻮﻥ ﺍﻟﻔﻮﻛﺎﻫﻢ ﻭﺍﻟﺠﻮﺍﻫﻢ ﺣﺘﻰ ﻳﺸﺘﺮﻭﻥ ﺳﻼﻣﺖ ﺭﺍﺳﻚ ﻭﺍﺧﻮﻙ ﺭﺍﺡ ﻳﮕﻠﺐ ﺍﻟﻤﻴﻤﻨﺔ ﻋﻠﻤﻴﺴﺮﺓ
ﺣﺘﻰ ﻳﺪﺑﺮﻟﻲ ﺟﻤﺎﻋﺔ ﻳﻬﺮﺑﻮﻧﻲ ﻭﺣﺘﻰ ﻣﻴﺨﺴﺮ ﺍﺧﻮﻩ ﻭﻣﺮﺗﺔ
ﻫﻬﻬﻬﻬﻪ
ﺣﺴﺎﻡ ﻭﺑﻜﻞ ﻗﻬﺮ ﺍﻟﺪﻧﻴﺎ ﮔﺎﻡ ﺑﺴﺮﻋﺔ ﻋﻠﻰ ﺣﻴﻠﺔ ﻭﺭﻛﺾ ﺑﺘﺠﺎﻩ ﻋﻤﺔ ﻭﻫﻮ ﻣﻘﻴﺪ ﻭﻧﻄﺤﺔ ﺑﺮﺍﺳﻪ ﻭﻭﻛﻊ ﻓﻮﮔﺎﻩ ﺑﺎﻟﮕﺎﻉ
ﻟﻜﻦ ﻭﺍﺣﺪ ﻣﻦ ﺍﻟﺤﺮﺍﺱ ﺿﺮﺏ ﺣﺴﺎﻡ ﺑﺮﺍﺳﺔ
ﻓﺮﺡ ﻭﺑﺼﺮﺧﺔ ﺭﻛﻀﺖ ﻋﻠﻰ ﺍﻟﺤﺎﺭﺱ
ﺳﻤﺎﺡ - ﻟﺞ ﻓﺮﺡ ﻻ ﻻ ﻟﻜﻦ ﺍﻟﺤﺎﺭﺱ ﺍﻧﻄﺎﻫﺔ ﺩﻓﻌﺔ ﻗﻮﻳﺔ ﻭﮔﻌﺖ ﻋﻠﻰ ﻇﻬﺮﻫﺎ ﻭﺷﺎﻓﻬﺎ ﺣﺴﺎﻡ ﻫﺪﺕ ﻭﺷﻠﻮﻥ ﻫﺬﺍ ﺍﻟﻌﺎﺭ ﺩﻓﻌﻬﺎ ﺻﺎﺍﺍﺍﺡ ﺑﻜﻞ ﻗﻬﺮ ﻋﻠﻰ ﻓﺮﺡ ﻣﺎ ﺭﺍﺩﻫﺎ ﺗﺘﺄﺫﺓ
ﺣﺴﺎﻡ - ﻟﻚ ﺟﻌﻔﺮ ﻟﺘﻜﻮﻡ ﻋﻠﻴﻨﺎ ﺩﺧﻴﻞ ﺍﻟﻠﻪ ﺗﺮﺓ ﺣﺴﺎﻡ ﻣﺎ ﻧﺎﻗﺺ
ﻓﺮﺡ ﺭﻓﻌﺖ ﺭﺍﺳﻬﺎ ﺗﻨﻈﺮ ﻟﺤﺴﺎﻡ ﻭﺍﺗﺬﻛﺮﺕ ﺳﺠﻴﻨﺘﻬﺎ ﻟﻜﻦ ﺍﺟﺔ ﻭﺍﺣﺪ ﻣﻦ ﺍﻟﺤﺮﺍﺱ ﻓﺘﺢ ﺍﻟﻜﻠﺒﺸﺎﺕ ﻭﻋﻠﻚ ﺣﺴﺎﻡ ﺑﺎﻟﺤﺒﺎﻝ
ﻫﺎﻟﺔ ﺑﻀﺤﻜﺔ ﺧﺒﻴﺜﺔ
- ﻳﺎﻟﻠﻪ ﺳﻠﻮﻣﻲ ﺷﻮﻑ ﺷﻐﻠﻚ ﻭﻳﺎﻩ ﺍﺭﻳﺪ ﺍﺳﻤﻊ ﺻﻮﺕ ﺻﻴﺎﺣﻪ ﻣﻦ ﺍﻻﻟﻢ ﻳﻮﺻﻞ ﻟﻌﻨﺪﻱ
ﻓﺮﺡ ﻭﺑﺸﻬﮕﺔ ﺧﻮﻑ ﻋﻠﻰ ﺣﺴﺎﻡ
ﻭﺳﻤﺎﺡ ﻇﻠﺖ ﻻﺯﻣﺔ ﻣﻜﺎﻧﻬﺎ ﺍﺑﺪ ﻣﺘﺤﺮﻛﺖ ﺗﺨﺎﻑ ﻋﻠﻰ ﻃﻔﻠﻬﺎ
ﺍﻟﺘﻔﺖ ﻧﺒﻴﻞ ﻋﻠﻰ ﺳﻤﺎﺡ
- ﺷﻮﻓﻲ ﻭﻟﺞ ﺍﻧﺘﻲ ﺟﺎﻳﺞ ﺍﻟﺪﻭﺭ ﺑﺲ ﺧﻞ ﺍﺧﻠﺺ ﺍﻟﻌﻨﺪﻱ ﻫﻠﻤﺮﺓ ﺻﺪﻙ ﺭﺍﺡ ﺗﺼﻴﺮﻳﻦ ﺍﻟﻤﺮﺣﻮﻣﺔ ﺳﻤﺎﺡ ﺍﻧﺔ ﺍﻟﺞ
ﻓﺮﺡ
ﺧﻔﺖ ﻣﻦ ﺳﻤﻌﺖ ﻛﻼﻣﻪ ﻫﺬﺍ ﺷﻨﻮ ﻣﻦ ﺍﻧﺴﺎﻥ
ﻳﻤﺔ ﺷﻔﺘﻬﻢ ﻃﻠﻌﻮ ﻭﺑﻘﻰ ﺑﺲ ﻫﺬﺍ
ﻭﺍﺟﺔ ﺍﻟﺜﺎﻧﻲ ﺭﺑﻂ ﺍﺩﻳﺔ ﻭﺭﺟﻠﻴﺔ ﺑﺎﻟﺤﺒﻞ ﻭﺭﺑﻂ ﺍﻳﺪﻳﻦ ﺳﻤﺎﺡ ﻭﺭﺟﻠﻴﻬﺔ ﺳﻮﺩﺓ ﻋﻠﻴﺔ ﺷﻔﺖ ﺷﻠﻮﻥ ﺍﻧﮕﻠﺐ ﻭﺟﻬﺔ ﺍﺻﻔﺮ ﻛﺮﻛﻢ ﺧﻔﺖ ﻋﻠﻴﻬﺎ ﻭﻫﻲ ﺣﺎﻣﻞ
ﻭﺍﻟﻠﻪ ﻃﻠﻌﻮ ﻭﺗﺮﻛﻮﻧﺔ
ﻭﺑﻘﻰ ﻭﺍﺣﺪ ﻣﻨﻬﻢ ﺍﻟﻈﺎﻫﺮ ﻫﻮ ﻫﺬﺍ ﺳﺎﻟﻢ ﺍﻟﻲ ﻟﻤﺲ ﻭﺟﻬﻲ ﺑﺎﻭﻝ ﻳﻮﻡ ﺍﻟﻲ ﻫﻨﺎ
ﺷﻔﺘﺔ ﺷﻠﻮﻥ ﺷﻚ ﻗﻤﻴﺺ ﺣﺴﺎﻡ ﻭﺣﺴﺎﻡ ﻛﺎﻥ ﻣﺮﺑﻄﻴﻨﺔ ﺑﺎﻟﺤﺒﺎﻝ ﺍﻟﻤﻌﻠﮕﺔ ﻭﺑﺪﺓ ﻭﻳﺎﻩ ﺍﻟﺘﻌﺬﻳﺐ ﺍﺥ ﺍﻟﻠﻪ ﺑﺎﻟﻘﺮﺍﻥ ﻣﺎ ﺍﺣﺠﻴﻠﻜﻢ ﻋﻠﻰ ﺣﺴﺎﻡ ﺷﻠﻮﻥ ﺍﺗﻠﻮﺓ ﻣﻦ ﺍﻻﻟﻢ
ﺍﻧﻲ ﺍﺑﺎﻭﻉ ﻋﻠﻴﻪ ﺷﻠﻮﻥ ﻳﺘﻌﺬﺏ ﻭﺻﺮﺕ ﺍﺻﺮﺥ ﻭﻳﺔ ﻛﻞ ﺿﺮﺑﺔ ﻳﻨﻀﺮﺑﻬﺎ ﺣﺴﺎﻡ ﻭﺍﻟﻠﻪ ﺍﻟﻤﻨﻈﺮ ﻛﺎﻥ ﺟﺪﺍ ﻗﺎﺳﻲ ﻭﺻﻌﺐ ﺍﻥ ﺗﺸﻮﻑ ﺣﺒﻴﺒﻚ ﻳﺘﻌﺬﺏ ﻭﺍﻧﺖ ﺗﺘﻔﺮﮔﻊ ﻋﻠﻴﻪ
ﺑﺲ ﺍﻧﻲ ﻣﺎ ﺍﺳﺘﺴﻠﻤﺖ ﻭﺗﺬﻛﺮﺕ ﺍﻟﺴﺠﻴﻦ ﺍﻟﺼﻐﻴﺮﺓ ﻭﺍﻟﻠﻪ ﻭﺍﺟﺔ ﻳﻮﻣﺞ ﻛﻤﺖ ﺍﺣﺮﻙ ﺑﻨﻔﺴﻲ ﺣﺘﻰ ﺍﻃﻠﻌﻬﺎ ﻣﻦ ﺍﻟﺠﻮﺭﺍﺏ
ﻭﺑﺎﻟﻒ ﻳﺎﻋﻠﻲ ﻳﺎﻟﻠﻪ ﻃﻠﻌﺖ ﺑﺲ ﺍﺣﺲ ﺭﻭﺣﻲ ﻃﻠﻌﺖ
ﻭﺑﻘﻴﺖ ﻣﺴﺘﻤﺮﺓ ﺍﺻﺮﺥ ﺣﺘﻰ ﺍﺿﻴﻊ ﺍﻟﺴﺎﻟﻔﺔ ﺍﻧﺘﺒﻬﻠﻲ ﺣﺴﺎﻡ ﻋﻠﻰ ﺣﺮﻛﺘﻲ ﻭﺷﺎﻓﻨﻲ ﺷﻨﻮ ﻃﻠﻌﺖ ﻣﻦ ﺟﻮﺭﺍﺑﻲ
ﻭﻃﺒﻚ ﻭﻳﺎﻱ ﻋﻠﺨﻄﺔ ﻭﻛﻌﺪ ﻳﺴﺎﻳﺮ ﻓﺮﺡ
ﺣﺴﺎﻡ ﻭﺑﺎﻟﻢ - ﻫﻬﻬﻬﻬﻬﻪ ﻫﻲ ﻫﺎﻱ ﺍﻟﺘﻜﺪﺭ ﻋﻠﻴﻬﺎ ﻫﻲ ﻫﺎﻱ ﻛﻞ ﻗﻮﺗﻚ ﻭﻟﻚ ﺷﻤﺎﻟﻚ ﺗﻀﺮﺏ ﻣﺜﻞ ﺍﻟﺒﻨﺎﺕ ﺧﺎﻳﺐ ﺍﺿﺮﺏ ﻋﺪﻝ
ﻏﻤﺰ ﻟﻔﺮﺡ
ﺣﺴﺎﻡ ﺍﺟﺘﻨﻲ ﻟﻄﻤﺔ ﻋﻠﻰ ﻭﺟﻬﻲ ﺍﺣﺲ ﻃﺸﺮﺕ ﺍﻟﺪﻡ ﻛﻠﺔ ﻣﻦ ﺣﻠﮕﻲ
ﺣﺴﺎﻡ ﻳﺘﻜﻠﻢ ﺑﺎﻻﻟﻐﺎﺯ ﻣﻊ ﻓﺮﺡ
- ﻟﻚ ﺟﻌﻔﺮ ﺍﻧﺔ ﺑﺸﺎﺭﺑﻚ ﺍﻟﺤﻚ ﻋﻠﻴﺔ ﺍﺗﻮﺭﻃﺖ ﻋﻠﻰ ﻋﻤﺮﻱ ﻭﺍﺳﺘﻔﺰﻳﺖ ﺍﻟﺸﻔﻞ ﺍﺑﻦ ﺍﻟﺸﻔﻞ
ﺍﻟﺤﺎﺭﺱ - ﻟﻚ ﺻﮕﻂ ﻣﻨﻮ ﺍﻟﺒﻨﻴﺔ ﺍﻧﺔ ﺍﻟﻚ ﺍﻻ ﺍﻋﻠﻤﻚ
ﻓﺮﺡ
ﻛﺎﻧﺖ ﻛﻞ ﺿﺮﺑﺔ ﻟﺤﺴﺎﻡ ﺗﺨﻠﻴﻨﻲ ﺍﺗﺤﺮﻙ ﺑﺴﺮﻋﺔ ﻭﺍﻓﻜﺮ
ﻭﺍﻟﻠﻪ ﺍﺳﺘﺪﺍﺭﻳﺖ ﻭﺍﻧﻲ ﮔﺎﻋﺪﺓ ﺑﻮﺿﻌﻴﺔ ﺍﻟﺠﻠﻮﺱ ﻭﺻﺎﺭﺕ ﺍﻳﺪﻳﺔ ﺍﻟﻤﺮﺑﻮﻃﺎﺕ ﻟﻠﺨﻠﻒ ﻋﺎﻟﺴﺠﻴﻦ ﻭﻛﺪﺭﺕ ﺍﻟﺰﻡ ﺍﻟﺴﺠﻴﻦ ﺑﺎﻃﺮﺍﻑ ﺍﻳﺪﻳﺔ ﻭﺩﺧﻠﺘﻬﺎ ﺑﻴﻦ ﺍﻳﺪﻳﺔ ﻭﻛﻌﺪﺕ ﺍﺣﺮﻙ ﺑﻴﻬﺔ ﻟﻼﻋﻠﻰ ﻭﻟﻼﺳﻔﻞ ﻭﺣﺴﻴﺖ ﺍﺗﺠﺮﺣﺖ ﺍﻳﺪﻳﺔ ﻻﻥ ﺍﻟﺴﺠﻴﻦ ﻛﻠﺶ ﺣﺎﺩﺓ ﻭﺍﻟﻠﻪ ﻭﻛﺪﺭﺕ ﺍﻓﺘﺢ ﺍﻳﺪﻳﺔ ﻭﺻﺎﺭﺕ ﻋﻴﻨﻲ ﺑﻌﻴﻦ ﺣﺴﺎﻡ
ﺣﺴﺎﻡ ﺷﺎﻑ ﻓﺮﺡ ﻧﺠﺤﺖ ﺑﻔﺘﺢ ﺍﻟﺤﺒﺎﻝ ﻭﻛﻌﺪﺕ ﺗﻔﺘﺢ ﺭﺟﻠﻴﻬﺎ ﻭﻣﺎ ﻳﻌﺮﻑ ﺑﻌﺪﻫﺎ ﺷﻨﻮ ﺧﻄﺖ ﻓﺮﺡ ﺑﻌﺪ ﻣﺎ ﻓﺘﺤﺖ ﺍﻟﺤﺒﺎﻝ
ﻟﻜﻦ ﻫﻮ ﻛﻠﺶ ﺗﻌﺐ ﻣﻦ ﺍﻟﺘﻌﺬﻳﺐ ﺑﺎﺩ ﺣﻴﻠﺔ
ﻭﺻﺎﺭ ﻛﻮﺓ ﻳﻄﻠﻊ ﺍﻟﺼﻮﺕ
- ﻟﻚ ﺟﻌﻴﻔﺮ ﺷﻨﻮ ﻧﻤﺖ ﺍﻱ ﻣﻮ ﺣﺴﺎﻡ ﺧﻠﺺ ﺑﺎﻧﺰﻳﻨﺔ
ﺍﻟﺤﺎﺭﺱ - ﻫَـﺎ ﻭﻟﻚ ﺗﻌﺒﺖ ﻫﻬﻬﻬﻬﻪ ﺍﺫﺍ ﺍﻧﺖ ﺗﻌﺒﺖ ﻓﺎﻧﺔ ﻣﺎﺗﻌﺒﺖ ﻭﺍﺭﻳﺪ ﺍﺗﻔﻨﻦ ﺑﺘﻌﺬﻳﺒﻚ
ﺣﺴﺎﻡ ﻳﺮﻓﻊ ﺭﺍﺳﺔ ﻭﻭﺟﻬﺔ ﻛﻠﺔ ﻣﺰﻭﺭﻙ ﺍﺑﺘﺴﻢ
- ﺍﺣﻠﻒ ﻭﺍﻟﻠﻪ ﻣﺮﺗﻴﻦ
ﻟﻜﻦ ﺣﺴﺎﻡ ﻓﺘﺢ ﻋﻴﻮﻧﺔ ﻋﻠﻰ ﻭﺳﻌﻬﻦ ﻣﻦ ﺷﺎﻑ ﻓﺮﺡ ﺷﻠﻮﻥ ﺭﻛﻀﺖ ﻭﺑﻜﻞ ﺳﺮﻋﺘﻬﺎ ﻭﺣﻄﺖ ﺍﻟﺴﺠﻴﻦ ﺑﺤﺘﻒ ﺍﻟﺤﺎﺭﺱ ﺍﻟﻲ ﻭﻛﻊ ﺑﺎﻟﻜﺎﻉ ﻭﻣﺎ ﺍﻧﻄﺘﺔ ﻣﺠﺎﻝ ﺑﺴﺮﻋﺔ ﺭﻛﻀﺖ ﻋﻠﻰ ﺣﺴﺎﻡ ﻭﻓﺘﺤﺖ ﺍﻟﺤﺒﺎﻝ ﺑﺎﻟﺴﺠﻴﻦ ﻭﻛﺎﻥ ﺍﻟﻤﻮﻗﻒ ﺟﺪﺍً ﺳﺮﻳﻊ ﻛﻠﺸﻲ ﺗﻢ ﺑﻠﺤﻈﺎﺕ ﻟﻜﻦ ﻛﺎﻧﺖ ﺍﻟﻠﺤﻈﺎﺕ ﺑﻴﻦ ﺍﻟﻬﻠﻊ ﻭﺍﻟﺨﻮﻑ
ﺣﺴﺎﻡ ﺍﺳﺘﻠﻢ ﺍﻟﺤﺎﺭﺱ ﺿﺮﺏ ﺑﻮﻛﺴﺎﺕ ﻭﺑﻌﺪﻳﻦ ﺭﺑﻂ ﺍﻟﺤﺎﺭﺱ ﺑﻤﻜﺎﻧﻪ ﻭﻋﻠﮕﻪ ﺑﺎﻟﺤﺒﺎﻝ ﻭﻓﺮﺡ ﺣﻄﺖ ﺍﻟﺴﺠﻴﻦ ﺑﺮﮔﺒﺔ ﺍﻟﺤﺎﺭﺱ
ﺷﻮﻑ ﻭﻟﻚ ﻫﺴﺔ ﺗﻨﻄﻲ ﺻﻮﺕ ﻟﺼﺎﺣﺒﻚ ﺣﺘﻰ ﻳﻔﺘﺢ ﺍﻟﺒﺎﺏ ﺑﺴﺮﻋﺔ ﻛﻠﻠﻬﻢ ﺩﻛﻮ ﺍﻟﺒﺎﺏ ﺣﻴﻞ ﻭﻫﻮ ﻳﺠﻲ ﻳﻔﺘﺢ ﺍﻟﻜﻢ
ﻭﺍﻟﻠﻪ ﻭﺩﮔﺖ ﻓﺮﺡ ﺍﻟﺒﺎﺏ ﺣﻴﻞ ﻗﻮﻱ ﻗﺒﻠﻬﺎ ﻓﺘﺤﺖ ﻗﻴﻮﺩ ﺍﺧﺘﻬﺎ
ﻭﺣﺴﺎﻡ ﻟﻒ ﺍﻟﻘﻤﻴﺺ ﺍﻟﻮﺍﻛﻊ ﺑﺎﻟﮕﺎﻉ ﻭﺣﺸﺮﺓ ﺑﺤﻠﻚ ﺍﻟﺤﺎﺭﺱ ﻭﺍﻟﻠﻪ ﻭﺻﺪﻙ ﺍﺟﺔ ﺍﻟﺤﺎﺭﺱ ﺍﻟﺜﺎﻧﻲ ﻭﻓﺘﺢ ﺍﻟﺒﺎﺏ ﻭﺣﺴﺎﻡ ﺍﺳﺘﻠﻤﺔ ﺿﺮﺏ
ﺣﺴﺎﻡ ﺑﺼﻮﺕ ﻋﺎﻟﻲ
ﻓﺮﺡ ﺍﺧﺬﻱ ﺳﻤﺎﺡ ﻭﻃﻠﻌﻲ ﺑﻴﻬﺎ ﺑﺴﺮﻋﺔ ﺑﺴﺮﻋﺔ
ﻓﺮﺡ ﺍﺧﺬﺕ ﺳﻤﺎﺡ ﻭﻃﻠﻌﺖ ﻭﺷﻔﺖ ﻛﺎﻥ ﺍﻟﻮﻗﺖ ﻋﺼﺮ ﻭﺍﻟﻠﻪ ﺭﻛﻀﺖ ﺑﻴﻬﺎ ﻋﻠﻰ ﺟﻬﺔ ﺍﻟﺰﺭﻉ
ﻓﺮﺡ - ﺳﻤﻮﺣﺔ ﺧﻴﺔ ﺑﺲ ﺧﻔﻲ ﺭﺟﻠﺞ ﺷﻮﻳﺔ ﻭﻳﺎﻱ ﺑﺲ ﻋﻠﻰ ﻣﺎﻧﻮﺻﻞ ﻟﻠﺰﺭﻉ ﺣﺘﻰ ﻣﺎﻳﻜﺪﺭﻭﻥ ﻳﺸﻮﻓﻮﻧﺔ
ﺳﻤﻌﺖ ﺻﻮﺕ ﺭﻣﻲ ﻣﻦ ﻭﺭﺍﻫﺔ ﺍﻟﺘﻔﺘﺖ ﺷﺎﻓﺖ ﻧﺒﻴﻞ ﻳﺮﻣﻲ
ﻓﺮﺡ
ﺟﻤﺪﺕ ﺑﺪﻣﻲ ﻭﺻﺮﺕ ﻭﺍﻛﻔﺔ ﺍﻧﻲ ﻭﺍﺧﺘﻲ ﺑﻨﺺ ﺍﻟﺴﺎﺣﺔ
ﺍﻧﺘﺒﻬﺖ ﻋﻠﻰ ﻧﺒﻴﻞ ﻭﺟﻪ ﺍﻟﺴﻼﺡ ﺑﺘﺠﺎﻫﻲ ﺍﻧﻲ ﻭﺳﻤﺎﺡ
ﺭﻣﺔ ﺍﻭﻝ ﻭﺣﺪﺓ ﺑﺘﺠﺎﻫﻨﺎ ﺑﺲ ﻣﺎ ﺻﺎﺑﺘﻨﺎ ﻟﻜﻦ ﺛﺎﻧﻲ ﻭﺣﺪﺓ
ﻛﺒﻞ ﺷﻔﺖ ﻭﺍﺣﺪ ﺻﺎﺭ ﻛﺒﺎﻟﻲ ﺍﻧﻲ ﻭﺍﺧﺘﻲ ﻭﺍﺷﻮﻓﻠﻚ ﺍﺟﺖ ﺍﻟﻄﻠﻘﺔ ﺑﺤﺴﺎﻡ
ﺍﻧﻲ ﺑﻮﻗﺘﻬﺎ ﺍﺗﻮﻗﻒ ﻋﻨﺪﻱ ﺍﻟﺰﻣﻦ
ﻭﺻﺮﺧﺖ ﺑﺨﻮﻑ ﻋﻠﻰ ﺣﺴﺎﻡ ﻭﻛﻊ ﺑﺤﻀﻨﻲ ﻭﺑﻌﺪﻫﺎ
ﺳﻤﻌﺖ ﺍﺻﻮﺍﺕ ﺳﻴﺎﺭﺍﺕ ﻭﺭﻣﻲ
ﺣﺴﻤﺎﻡ ﻭﺑﺼﻮﺕ ﻭﺍﻫﻦ
ﺍﻧﺒﻄﺤﻮ ﻭﻻﺗﺮﻓﻌﻮﻥ ﺭﺍﺳﻜﻢ ﻣﻦ ﺍﻟﮕﺎﻉ
ﺣﺴﺎﻡ ﺑﺼﻮﺕ ﻗﺮﻳﺐ ﻋﻠﻰ ﺍﻻﻏﻤﺎﺀ
- ﻭﺍﺧﻴﺮﺍ ﺍﺟﺔ ﻋﻠﻲ
↙️
ﻓﺮﺡ
ﺑﻌﺪﻣﺎ ﺩﺍﻫﻢ ﻋﻠﻲ ﻫﻮ ﻭﺍﻟﺠﻬﺎﺕ ﺍﻻﻣﻨﻴﺔ ﻣﻜﺎﻥ ﻭﻭﻛﺮ ﺑﻌﺪﺓ ﺍﺷﺘﺒﺎﻛﺎﺕ ﺍﻃﻼﻗﺎﺕ ﻧﺎﺭﻳﺔ ﮔﺪﺭﻭ ﺑﻌﺪﻫﺎ ﻳﺤﺎﺻﺮﻭﻥ ﻧﺒﻴﻞ ﻭﺍﻟﻌﺼﺎﺑﺔ ﻭﺗﻢ ﺍﻟﻘﺒﺾ ﻋﻠﻴﻬﻢ ﺑﻌﺪ ﻣﺎ ﺍﺗﻌﺮﺽ ﻧﺒﻴﻞ ﺍﻟﻰ ﺍﺻﺎﺑﺔ ﺧﻄﻴﺮﺓ ﺍﻭﺩﺕ ﺑﺤﻴﺎﺗﻪ ﻭﺑﻌﺪﻫﺎ ﺻﺎﺭﺕ ﺍﻻﺣﺪﺍﺙ ﻛﺪﺍﻡ ﻋﻴﻨﻲ ﻋﺒﺎﻟﻚ ﻓﻠﻢ ﺑﻄﻲﺀ ﺷﻔﺖ ﺷﻠﻮﻥ ﺳﻴﺎﺭﺍﺕ ﺍﻻﺳﻌﺎﻑ ﺍﻗﺘﺤﻤﺖ ﺍﻟﻤﻜﺎﻥ ﻭﻭﺻﻠﺖ ﻟﻌﺪﻧﺎ ﻭﺍﺧﺬﻭ ﺣﺴﺎﻡ ﻭﺳﻤﺎﺡ ﻭﺍﻧﻲ ﻭﻋﻠﻲ ﺭﻛﺒﻨﺎ ﻭﻳﺎﻫﻢ ﺷﻔﺖ ﺣﺴﺎﻡ ﻋﺎﻟﺴﺪﻳﺔ ﺑﺪﺍﺧﻞ ﺳﻴﺎﺭﺓ ﺍﻻﺳﻌﺎﻑ ﺷﻠﻮﻥ ﻛﻞ ﺳﺎﻋﺔ ﻳﻔﺘﺢ ﻋﻴﻮﻧﺔ ﻭﻳﺒﺎﻭﻉ ﻋﻠﻴﺔ ﻭﻳﺮﺟﻊ ﻳﻐﻤﻰ ﻋﻠﻴﻪ ﻻﻥ ﻇﻞ ﻳﻨﺰﻑ ﺩﻡ ﻭﺍﺑﺪ ﻣﺎ ﺍﺗﻮﻗﻒ ﻭﺍﻟﻠﻪ ﻛﺎﻧﺖ ﻟﺤﻈﺎﺕ ﺟﺪﺍ ﻋﺼﻴﺒﺔ
ﺍﻟﻤﺮﺓ ﺍﻻﺧﻴﺮﺓ ﻓﺘﺢ ﻋﻴﻮﻧﺔ ﻭﺷﻔﺘﺔ ﻳﺤﺠﻲ ﺑﺼﻮﺕ ﻫﺎﻣﺲ ﻗﺮﺑﺖ ﻣﻨﺔ ﺣﺘﻰ ﺍﺳﻤﻌﺔ ﺷﻴﺤﺠﻲ
ﺣﺴﺎﻡ ﻭﻛﻮﺓ ﻳﺤﺠﻲ ﻭﻛﺄﻧﻪ ﻳﺮﻳﺪ ﻳﻄﻤﻦ ﺻﺎﺣﺒﺔ ﺍﻟﻌﻴﻮﻥ ﺍﻟﺒﺎﻛﻴﺔ ﻭﺍﻟﻘﻠﻘﺔ ﻋﻠﻴﻪ
ﺣﺴﺎﻡ - ﻫﺎ ﻳﺠﻌﻔﺮ ﺍﺷﻮ ﺟﻨﻲ ﺍﺷﻮﻓﻚ ﺗﺒﺠﻲ ﻣﺜﻞ ﺍﻟﺒﻨﺎﺕ ﻣﻌﻘﻮﻟﺔ ﻃﻠﻌﺖ ﺗﺤﺒﻨﻲ ﻭﺍﻧﻲ ﻣﺎ ﺍﺩﺭﻱ
ﻓﺮﺡ ﻭﻫﻲ ﺗﻤﺴﺢ ﺑﺪﻣﻮﻋﻬﺎ ﻭﺗﺒﺘﺴﻢ ﺑﺎﻟﻢ ﻋﻠﻴﻪ
- ﺍﻧﺖ ﺷﺘﺤﺠﻲ ﻟﻚ ﺍﻧﺖ ﺍﺑﻮﻳﺔ ﻟﻚ ﺍﻧﺘﺔ ﺍﺑﻨﻲ ﺍﻟﻲ ﺣﺒﺔ ﺷﻠﻊ ﮔﻠﺒﻲ
ﻟﻚ ﺍﻧﺖ ﺍﻭﻝ ﺣﺐ ﺑﺤﻴﺎﺗﻲ ﻭﺍﻭﻝ ﻟﻬﻔﺔ ﺷﻮﮒ ﺩﺧﻠﺖ ﺑﮕﻠﺒﻲ ﻭﺍﻭﻝ ﻓﺮﺣﺔ ﺍﻣﻞ ﺻﺮﺕ ﻣﺜﻞ ﺍﻟﺸﻤﻌﺔ ﺍﻟﻲ ﺿﻮﺕ ﻇﻠﻤﺔ ﺣﻴﺎﺗﻲ
ﺣﺴﺎﻡ ﻭﻫﻮ ﻳﻬﻤﺲ ﺑﺎﺫﻧﻬﺎ ﻋﻠﻰ ﻛﻴﻒ
- ﺍﺍﺍﺍﺍﺥ ﻳﺎﻓﺮﺣﺔ ﺣﺴﺎﻡ ﺷﻠﻌﺘﻲ ﮔﻠﺒﻲ ﻭﺭﺑﻴﺘﻴﻠﻲ ﺍﻟﻒ ﻋﻠﺔ
ﺍﻟﻤﻔﺮﻭﺽ ﺍﺳﻤﻴﺞ ﻋﻠﺔ ﺣﺴﺎﻡ
ﺷﻔﺘﺔ ﺭﺟﻊ ﻏﻤﺾ ﻋﻴﻮﻧﺔ ﻣﺜﻞ ﺭﺍﺡ ﻏﻔﺔ ﻋﻴﻨﺔ ﻭﺍﻧﻲ ﺍﺗﺨﺒﻠﺖ ﺳﻤﻌﺖ ﺍﺣﺪ ﺍﻟﻤﺴﻌﻔﻴﻦ ﺍﻟﻲ ﻣﻮﺟﻮﺩﻳﻦ ﺑﺎﻟﺴﻴﺎﺭﺓ ﺍﻧﻄﺔ ﺍﺷﺎﺭﺓ ﻟﻠﺴﺎﻳﻖ
- ﺭﺟﺎﺀﺍً ﺍﺳﺮﻉ ﺷﻮﻳﺔ ﺗﺮﺓ ﺍﻟﻤﺼﺎﺏ ﺑﺪﺓ ﺿﻐﻄﺔ ﻳﻨﺰﻝ ﺑﺴﺮﻋﺔ ﺍﺳﺘﻌﺠﻞ ﻻ ﻧﻔﻘﺪ ﺍﻟﻤﺼﺎﺏ
ﻭﺻﻠﻨﺎ ﻟﻠﻤﺴﺘﺸﻔﻰ ﻭﺩﺧﻠﻨﺎﻩ ﻟﻠﻤﺴﺘﺸﻘﻰ ﻭﺑﺴﺮﻋﺔ ﺍﺳﺘﻠﻤﻮﻩ ﻣﻦ ﻋﺪﻧﺎ ﻭﺩﺧﻠﻮﻩ ﻋﻠﻰ ﻏﺮﻓﺔ ﺍﻟﻌﻤﻠﻴﺎﺕ
ﻭﺍﻟﻠﻪ ﻣﺎ ﺍﻛﺪﺭ ﺍﻭﺻﻔﻠﻜﻢ ﺍﻟﺠﻮ ﺷﻠﻮﻥ ﺍﻧﮕﻠﺐ ﺑﺎﻟﻤﺴﺘﺸﻔﻰ
ﺑﺎﻟﻨﺎﺱ ﻭﺍﻟﻤﻌﺎﺭﻑ ﻭﺍﻻﻫﻞ ﺍﻟﻜﻞ ﺍﺟﺔ ﻋﻠﻤﻮﺩ ﻳﻄﻤﻦ ﻋﻠﻰ ﺣﺎﻟﺖ ﺣﺴﺎﻡ
ﻟﻜﻦ ﻓﺮﺡ ﻓﻲ ﻫﺬﻩ ﺍﻻﺛﻨﺎﺀ ﻛﺎﻧﺖ ﺗﻨﺘﻈﺮ ﻗﺪﻭﻡ ﺷﺨﺺ ﻋﺰﻳﺰ ﻋﻠﻴﻬﺎ ﻛﺎﻧﺖ ﺟﺪﺍ ﻣﺤﺘﺎﺟﺔ ﻭﺟﻮﺩ ﻫﺬﺍ ﺍﻟﺸﺨﺺ
ﻭﻓﺠﺎﺀﺓ ﺷﺎﻓﺖ ﻗﺪﻭﻣﻪ ﺑﺎﻛﻴﺎً ﻣﻦ ﻧﻬﺎﻳﺔ ﻣﻤﺮ ﺍﻟﻤﺴﺘﺸﻔﻰ ﻭﺑﻠﺤﻈﺔ ﺍﻟﺘﻘﺎﺀ ﺍﻟﻌﻴﻮﻥ ﻣﻊ ﺑﻌﻀﻬﺎ ﻛﺎﻧﺖ ﺍﺣﺪﻫﺎ ﺍﻛﻠﺔ ﺍﻟﺪﻫﺮ ﻋﻠﻴﻬﺎ ﻭﺍﻻﺧﺮﻯ ﺍﺿﻌﻔﻬﺎ ﻫﻮﻝ ﺍﻟﺰﻣﺎﻥ
ﻓﺮﺡ ﻛﺎﻧﺖ ﺗﻨﻈﺮ ﻟﺠﺪﻫﺎ ﺍﻻﻧﺴﺎﻥ ﺍﻟﻲ ﻛﺎﻥ ﺍﻟﺴﻨﺪ ﺍﻟﺤﻨﻮﻥ ﺍﻟﻲ ﺍﺑﺪ ﻣﺘﻨﺎﺯﻝ ﻋﻨﻬﺎ ﻭﻋﻦ ﺧﻮﺍﺗﻬﺎ ﻭﺑﻘﻰ ﻳﺘﺤﻤﻞ ﻋﻨﺎﺩﻫﺎ ﻭﺍﺳﺘﻬﺘﺎﺭﻫﺎ ﻭﺍﺗﺤﻤﻞ ﻣﻨﻬﺎ ﺟﻤﻴﻊ ﺍﻧﻮﺍﻉ ﺍﻟﺼﺪ ﻭﺍﻟﺠﺤﻮﺩ
ﮔﺎﻣﺖ ﻓﺮﺡ ﻣﻦ ﻣﻜﺎﻧﻬﺎ ﻭﺭﺍﺣﺖ ﺗﻤﺸﻲ ﺑﺨﻄﻮﺍﺕ ﻣﺘﺮﺩﺩﺓ
ﺑﺘﺠﺎﻩ ﺫﻟﻚ ﺍﻟﺠﺪ ﺍﻟﺤﺰﻳﻦ ﻟﻜﻦ ﺍﺻﺒﺤﺖ ﻫﺬﻩ ﺍﻟﺨﻄﻮﺍﺕ ﺗﺴﺮﻉ ﺷﻴﺌﺎً ﻓﺸﻴﺌﺎً ﺍﻟﻰ ﺍﻥ ﺍﺻﺒﺤﺖ ﺗﻌﺪﻭ ﺭﺍﻛﻀﺔ ﺑﺘﺠﺎﻩ ﺣﻀﻦ ﺍﻟﺤﺒﻴﺐ ﺻﺎﺣﺐ ﺍﻟﻠﺤﻴﺔ ﺍﻟﻤﺨﻀﺒﺔ ﺑﺎﻟﺸﻴﺐ ﻭﺍﻟﺪﻣﻮﻉ
ﻭﺻﻠﺖ ﺍﻟﻰ ﺣﻴﺚ ﻛﺎﻥ ﻭﺍﻗﻔﺎً ﻭﻭﻗﻔﺖ ﺍﻣﺎﻣﻪ ﺑﺘﺮﺩﺩ ﻭﻛﺄﻧﻬﺎ ﺗﻨﺘﻈﺮ ﻣﻨﻪ ﺍﻟﺴﻤﺎﺡ ﻟﻬﺎ ﻓﻲ ﺍﻟﺪﺧﻮﻝ ﺍﻟﻰ ﺍﺣﻀﺎﻧﻪ
ﻓﻤﺎ ﻛﺎﻥ ﻣﻦ ﺍﻟﺠﺪ ﺍﻟﺤﻨﻮﻥ ﺍﻻ ﺍﻥ ﻳﻔﺘﺢ ﻟﻬﺎ ﺫﺭﺍﻋﻴﻪ ﺍﻟﻴﻬﺎ ﻭﻫﻮ ﻳﺒﻜﻴﻬﺎ ﻣﻮﺟﻮﻋﺎً ﻣﻦ ﺍﻻﻟﻢ ﻟﻤﺎ ﻓﻘﺪﻩ ﻣﻦ ﺍﺣﺒﺘﻪ
ﻧﻀﺮﺕ ﺍﻟﻰ ﺫﺭﺍﻋﻴﻪ ﺍﻟﻤﺮﺣﺒﺔ ﺑﻬﺎ ﻓﻠﻢ ﻳﻜﻦ ﻣﻦ ﻓﺮﺡ ﺍﻻ ﺍﻟﺴﻘﻮﻁ ﻓﻲ ﺍﺣﻀﺎﻥ ﺍﻟﺠﺪ ﺷﺎﻛﻴﺘﺎً ﻟﻪ ﺍﻭﺟﺎﻋﻬﺎ ﻋﻠﻰ ﻛﻞ ﻣﺎ ﻣﺮ ﻋﻠﻴﻬﺎ ﻣﻦ ﺿﻴﺎﻉ ﻭﺍﻟﻢ
ﻓﺮﺡ
ﺷﻬﻜﺖ ﻭﺍﺧﺬﺕ ﺍﻻﻧﻔﺎﺱ ﺩﺍﺧﻞ ﺫﻟﻚ ﺍﻟﺤﻀﻦ ﺍﻟﻲ ﺍﺳﺘﻘﺒﻠﻨﻲ ﺑﻜﻞ ﻟﻬﻔﺔ
ﻭﺍﺳﺘﻨﺸﻘﺖ ﺭﻳﺤﺔ ﺣﻀﻨﻪ ﺍﻟﻲ ﺍﺧﺘﻠﻄﺖ ﻣﻊ ﺍﻧﻔﺎﺳﻲ ﻭﺗﻮﻏﻠﺖ ﻟﺪﺍﺧﻞ ﺻﺪﺭﻱ
ﻭﻫﻨﺎﺍﺍﺍ ﻭﻛﺄﻧﻨﻲ ﺍﺳﺘﻨﺸﻘﺖ ﺭﻳﺤﺔ ﺍﻟﻐﺎﻟﻲ ﺍﺑﻮﻳﺔ ﺍﻱ ﺍﻱ ﻫﺎﻱ ﺭﻳﺤﺔ ﺍﻟﻌﺰﻳﺰ ﺑﺎﺑﺎ ﺍﻓﻴﺸﺸﺸﺸﺸﺸﺶ ﻳﺠﺪﻱ ﻳﺎﺻﺎﺣﺐ ﺍﻟﺤﻀﻦ ﺍﻟﺪﺍﻓﻲ ﺍﻟﺤﻨﻮﻥ
ﺍﺥ ﻣﻨﻲ ﺍﺷﻜﺪ ﺍﺫﻳﺘﻚ ﻭﺻﺒﺮﺕ ﻋﻠﻴﺔ ﻭﺍﺗﺤﻤﻠﺘﻨﻲ ﺑﺲ ﻛﻠﻲ ﺷﻠﻮﻥ ﺍﺟﺎﺯﻳﻚ
ﺭﻓﻌﺖ ﺭﺍﺳﻬﺔ ﺗﺒﺎﻭﻉ ﻟﻌﻴﻮﻥ ﺟﺪﻫﺎ ﻭﻫﻮ ﻳﻨﻈﺮ ﻋﻠﻴﻬﺎ ﺑﻜﻞ ﺣﻨﺎﻥ
ﺍﻟﺠﺪ - ﻟﺞ ﻳﻔﺮﺣﺔ ﺍﻧﺘﻲ ﻣﺎﺳﺎﻣﻌﺔ ﺍﻟﻤﺜﻞ ﺍﻟﻲ ﻳﮕﻮﻝ
)) ﻣﺎ ﺍﻏﻠﻰ ﻣﻦ ﺍﻟﻮﻟﺪ ﺍﻻ ﻭﻟﺪ ﺍﻟﻮﻟﺪ ((
ﻟﺞ ﻳﻔﺮﺣﺔ ﺍﻧﺘﻲ ﻏﺎﻟﻴﺔ ﻭﺑﻨﺖ ﺍﻟﻐﺎﻟﻲ
ﻟﺞ . ﺍﻧﺘﻲ ﻋﺰﻳﺰﺓ ﻋﻠﻴﺔ ﻭﺍﺷﻮﻑ ﺑﻴﺞ ﺍﺑﻮﺝ ﺍﻟﻌﺰﻳﺰ ﺑﺼﺒﺎﻩ ﺍﺷﻮﻑ ﺑﻌﻨﻔﻮﺍﻧﺞ ﻭﻋﻨﺎﺩﺝ ﻭﻣﻜﺎﺑﺮﺗﺞ ﻭﺣﺘﻰ ﺭﺍﺳﺞ ﺍﻟﻴﺎﺑﺲ ﺍﺷﻮﻑ ﺑﻴﺞ ﺍﺑﻨﻲ ﺍﻟﻲ ﺭﺍﺡ ﻭﻣﺎﻟﺤﮕﺖ ﺍﺷﺒﻊ ﻣﻨﺔ
ﺭﺟﻊ ﺣﻂ ﺭﺍﺳﻬﺔ ﻋﻠﻰ ﺻﺪﺭﻩ
ﻭﻫﻲ ﻇﻠﺖ ﺗﺒﺠﻲ ﻋﻠﻰ ﺍﻟﺼﺪﺭ ﺍﻟﺤﻨﻮﻥ
ﻓﺮﺡ ﺗﺸﺘﻜﻲ ﺍﻟﻢ ﮔﻠﺒﻬﺎ ﻟﺠﺪﻫﺎ - ﺟﺪﻱ ﺣﺴﺎﻡ ﺑﺤﺎﻟﺔ ﺧﻄﺮﺓ ﻭﺍﻟﻠﻪ ﺍﺫﺍ ﺻﺎﺭ ﻋﻠﻴﻪ ﺷﻲ ﺍﻣﻮﺕ ﺍﻣﻮﺕ ﻣﺎ ﺍﺗﺤﻤﻞ ﺑﻌﺪ ﺍﻟﻢ ﻓﻘﺪﺍﻥ ﺍﻻﺣﺒﺔ
ﺍﻟﺠﺪ ﻭﻫﻮ ﻳﻤﺴﺢ ﻋﻠﻰ ﺭﺍﺳﻬﺎ - ﻟﺘﺨﺎﻓﻴﻦ ﻋﻠﻴﻪ ﺑﻨﻴﺘﻲ
ﺗﺮﺓ ﺍﺑﻦ ﻋﻤﺞ ﺫﻳﺐ ﺍﻣﻌﻂ ﻣﻴﻨﺨﺎﻑ ﻋﻠﻴﻪ
ﺑﻌﺪ ﻣﺎ ﺍﻧﺘﻬﺖ ﻟﺤﻈﺎﺕ ﺍﻟﻮﺋﺎﻡ ﺍﻟﺘﻲ ﻛﺎﻧﺖ ﺗﺤﻴﻂ ﺑﻴﻦ ﺍﻟﺤﻔﻴﺪﺓ ﻭﺟﺪﻫﺎ ﺳﻤﻌﻮ ﻣﻦ ﺧﻠﻔﻬﻢ ﺍﺻﻮﺍﺕ ﺍﻟﺸﺒﺎﺏ ﻋﻠﻲ ﻭﻋﺎﻣﺮ ﻭﻋﻼﺀ ﻳﺴﺆﻟﻮﻥ ﺍﻟﺪﻛﺘﻮﺭ ﺍﻟﻲ ﻃﻠﻊ ﻣﻦ ﻏﺮﻓﺔ ﺍﻟﻌﻤﻠﻴﺎﺕ
ﻋﻦ ﻭﺿﻊ ﺍﺧﻮﻫﻢ
ﺍﻟﺪﻛﺘﻮﺭ - ﺍﻟﺤﻤﺪ ﻟﻠﻪ ﻛﺪﺭﻧﺎ ﻧﺘﻼﺣﻚ ﻟﻠﻤﺼﺎﺏ ﻭﻧﻄﻠﻊ ﺍﻟﺮﺻﺎﺻﺔ ﻣﻦ ﻛﺘﻔﻪ ﻭﻛﺪﺭﻧﺎ ﻧﺠﺘﺎﺯ ﻣﺮﺣﻠﺔ ﺍﻟﺨﻄﺮ ﻻﻥ ﺍﻟﻤﺼﺎﺏ ﻣﻦ ﻭﺻﻞ ﺍﻟﻰ ﻫﻨﺎ ﻛﺎﻥ ﻓﺎﻗﺪ ﺍﻟﻜﺜﻴﺮ ﻣﻦ ﺍﻟﺪﻡ
ﻭﻫﺴﺔ ﺣﺎﻟﺘﺔ ﺣﺎﻟﻴﺎً ﻣﺴﺘﻘﺮﺓ ﺗﻜﺪﺭﻭﻥ ﺗﺪﺧﻠﻮﻥ ﻋﻠﻴﻪ ﻣﻦ ﻳﺼﺤﺔ
ﻓﺮﺡ ﻛﺎﻥ ﺍﻟﻜﻞ ﺣﺎﺑﺲ ﺍﻻﻧﻔﺎﺱ ﻟﻜﻦ ﺑﻌﺪ ﺳﻤﺎﻉ ﺍﻻﺧﺒﺎﺭ ﺍﻟﻤﻔﺮﺣﺔ ﻋﻦ ﺻﺤﺔ ﺣﺴﺎﻡ ﺍﺻﺒﺢ ﺍﻟﻜﻞ ﻳﺘﻨﻔﺲ ﺍﻟﺼﻌﺪﺍﺀ ﺑﺮﺍﺣﺔ ﻭﻛﺎﻧﺖ ﺍﻟﻌﻴﻮﻥ ﺗﺪﻣﻊ ﻓﺮﺣﺎ ﺑﻨﺠﺎﺓ ﺣﺴﺎﻡ ﻭﺧﺮﻭﺟﻪ ﻣﻦ ﻏﺮﻓﺔ ﺍﻟﻌﻤﻠﻴﺎﺕ ﺳﺎﻟﻤﺎً
ﺍﻭﻑ ﻭﺍﻟﻠﻪ ﻛﺎﻧﺖ ﻓﺘﺮﺓ ﻭﺍﻭﻗﺎﺕ ﺟﺪﺍ ﺻﻌﺒﺔ
ﺭﺣﺖ ﻛﻌﺪﺕ ﺑﺼﻒ ﺟﺪﻱ ﻛﺎﻥ ﺟﺎﻟﺲ ﻗﺮﺏ ﻋﻠﻲ ﻭﻛﺎﻧﻮ ﻣﻨﺘﻈﺮﻳﻦ ﺍﻥ ﻳﺼﺤﻮ ﺣﺴﺎﻡ ﺣﺘﻰ ﻳﺪﺧﻠﻮﻥ ﻋﻠﻴﻪ ﻭﻳﻄﻤﻨﻮﻥ ﻋﻠﻴﻪ
ﺳﻤﻌﺖ ﺟﺪﻱ ﻳﺴﺄﻝ ﻋﻠﻲ
- ﺍﻱ ﺻﺪﻙ ﻋﻠﻲ ﺍﺣﺠﻴﻠﻲ ﺑﺎﻟﻠﻪ ﺷﻠﻮﻥ ﮔﺪﺭﺕ ﺗﻌﺮﻑ ﻣﻜﺎﻥ ﺣﺴﺎﻡ ﻭﺍﻟﺒﻨﺎﺕ ﻭﻳﻦ
ﻋﻠﻲ - ﻭﺍﻟﻠﻪ ﺟﺪﻱ ﺑﻔﻀﻞ ﺍﻟﻠﻪ ﻭﺩﻫﺎﺀ ﺣﺴﺎﻡ ﮔﺪﺭﺕ ﺍﻭﻛﻊ ﻋﻠﻰ ﻭﻛﺮ ﻋﺼﺎﺑﺔ ﻧﺒﻴﻞ ﺣﺴﺎﻡ ﻗﺒﻞ ﻻ ﻳﺮﻭﺡ ﻋﻠﻰ ﻣﻜﺎﻥ ﺗﺴﻠﻴﻢ ﺍﻟﻔﻠﻮﺱ
ﻗﺒﻠﻬﺎ ﺧﻄﺔ ﺧﻄﻮﺓ ﺫﻛﻴﺔ ﺗﻀﻤﻦ ﻋﺪﻡ ﺍﻟﻤﺠﺎﺯﻓﺔ ﺑﺤﻴﺎﺓ ﻓﺮﺡ ﻭﺑﻨﻔﺲ ﺍﻟﻮﻛﺖ ﺗﻀﻤﻦ ﻭﺻﻠﻨﺎ ﺍﻟﻬﻢ ﻻﻧﻘﺎﺫﻫﻢ
ﺍﻟﺠﺪ - ﻫﺎﻱ ﺷﻠﻮﻥ
ﺣﺴﺎﻡ - ﺍﻧﻲ ﺍﻛﻠﻚ ﺷﻠﻮﻥ ﺣﺴﺎﻡ ﻣﻦ ﺭﺍﺡ ﻳﺴﻠﻢ ﺍﻟﻔﻠﻮﺱ ﺳﻠﻢ ﻭﺭﻗﺔ ﻟﻠﻌﺎﻣﻞ ﺍﻟﻲ ﻳﺸﺘﻐﻞ ﻋﻨﺪﺓ ﻭﻛﻠﺔ ﺍﺫﺍ ﺍﺗﺄﺧﺮﺕ ﻭﻣﺎ ﺭﺟﻌﺖ ﻋﺎﻟﻤﺤﻞ ﺧﻼﻝ ﺧﻤﺲ ﺳﺎﻋﺎﺕ ﺿﺮﻭﺭﻱ ﺗﺴﻠﻢ ﻫﺎﻱ ﺍﻟﻮﺭﻗﺔ ﺑﻴﺪ ﻋﻠﻲ ﺍﺧﻮﻱ ﺑﺎﻟﺬﺍﺕ ﻓﺎﻫﻢ ﺿﺮﻭﺭﻱ
ﻭﺍﻟﻠﻪ ﻓﻌﻼً ﻋﺪﺕ ﺍﻟﺨﻤﺲ ﺳﺎﻋﺎﺕ ﻭﺣﺴﺎﻡ ﻣﺮﺟﻊ ﻋﻠﻰ ﺍﻟﻤﺤﻞ ﻭﺷﻔﺖ ﺍﻟﻌﺎﻣﻞ ﺍﺟﺎﻧﻲ ﻟﻠﻤﺮﻛﺰ ﻭﻃﻠﺐ ﻳﺸﻮﻓﻨﻲ ﺑﻨﻔﺴﺔ ﻭﻳﺴﻠﻤﻨﻲ ﺍﻟﻮﺭﻗﺔ
ﻭﻫﻨﺎ ﻛﺎﻧﺖ ﺍﻟﺼﺪﻣﺔ ﺍﻥ ﻧﺒﻴﻞ ﻣﺘﺼﻞ ﻋﻠﻰ ﺣﺴﺎﻡ ﻭﻃﺎﻟﺐ ﻣﻨﺔ ﺍﻟﻔﺪﻳﺔ ﻭﺣﺴﺎﻡ ﺭﺍﺡ ﻟﻤﻜﺎﻥ ﺍﻟﺘﺴﻠﻴﻢ ﻟﻮﺣﺪﺓ ﺑﺲ ﺣﺴﺎﻡ ﻛﺎﻥ ﻳﻌﺮﻑ ﺑﻨﺒﻴﻞ ﻣﺎ ﺭﺍﺡ ﻳﻬﺪﺓ ﻭﻳﺘﺮﻛﺔ ﻳﺮﻭﺡ ﺑﺴﻬﻮﻝ ﻓﻬﻮ ﺍﺗﺨﺬ ﺍﻻﺟﺮﺍﺀﺍﺕ ﻣﻦ ﻳﻤﺔ ﻭﺧﻠﺔ ﻧﻘﺎﻝ ﺑﺎﻟﺴﻴﺎﺭﺓ ﻣﺎﻟﺘﺔ ﻭﻛﺎﻥ ﻣﻨﺰﻝ ﺑﺮﻧﺎﻣﺞ ﺍﻟﺒﺤﺚ ﻋﻦ ﺍﻟﻤﻮﺍﻗﻊ ﻭﺷﻐﻞ ﺍﻝ GPS ( ﻫﺬﺍ ﺑﺮﻧﺎﻣﺞ ﻳﺴﺎﻋﺪ ﻋﻠﻰ ﻣﻌﺮﻓﺔ ﺍﻟﻤﻮﺍﻗﻊ )
ﺍﻟﻤﻬﻢ ﻭﺍﺣﻨﺎ ﻋﻦ ﻃﺮﻳﻖ ﺍﻟﺠﻲ ﺑﻲ ﺍﺱ ﮔﺪﺭﻧﺎ ﻧﺘﺒﻊ ﻣﻜﺎﻥ ﺍﻟﻨﻘﺎﻝ ﻭ ﻧﻮﺻﻞ ﻟﻠﻤﻜﺎﻥ ﻟﻜﻦ ﻋﺜﺮﻧﺎ ﺑﺲ ﻋﻠﻰ ﺳﻴﺎﺭﺓ ﺣﺴﺎﻡ ﻭﻣﺎ ﻳﻤﻬﺔ ﺷﻲ ﺑﺲ ﻗﻄﻊ ﺍﺭﺿﻲ ﻣﺘﻨﺎﺛﺮﺓ ﺑﺎﻟﻤﻜﺎﻥ ﻟﻜﻦ ﺑﻬﺎﻱ ﺍﻻﺛﻨﺎﺀ ﺳﻤﻌﻨﺎ ﺭﻣﻲ ﺍﻟﺮﺻﺎﺹ ﻭﻛﺎﻥ ﺟﺪﺍً ﻗﺮﻳﺐ ﻋﻠﻰ ﻣﻮﻗﻊ ﺍﻟﺴﻴﺎﺭﺓ ﻭﺭﺣﻨﺎ ﺍﻟﻰ ﻣﻜﺎﻥ ﻭﻣﺼﺪﺭ ﺍﻻﻃﻼﻕ ﻭﻛﻨﺎ ﻣﺘﻮﻗﻌﻴﻦ ﺍﻥ ﻫﺬﺍ ﺍﻟﺮﻣﻲ ﺍﻟﺔ ﻋﻼﻗﺔ ﺑﺤﺴﺎﻡ ﻭﺍﻟﻠﻪ ﻭﺻﻠﻨﺎ ﻟﻠﻤﻜﺎﻥ ﺑﺎﻟﻮﻗﺖ ﺍﻟﻤﻨﺎﺳﺐ ﻭﻛﺎﻥ ﺍﻟﻮﺿﻊ ﺟﺪﺍ ﺣﺴﺎﺱ
ﺑﻌﺪﻫﺎ ﺣﺎﺻﺮﻧﺎﻫﻢ ﺑﻌﺪ ﻣﺎ ﺩﺍﻫﻤﻨﺎﻫﻢ ﻛﺎﻥ ﺍﻟﻮﺿﻊ ﺣﺮﺝ ﻟﻜﻦ ﺭﺑﻚ ﻟﻄﻒ ﺑﻴﻨﺎ ﻭﻛﺪﺭﻧﺎ ﻧﺠﺘﺎﺯ ﻫﺎﻱ ﺍﻟﻤﻬﻤﺔ ﺑﻨﺠﺎﺡ
ﺍﻟﺠﺪ ﻭﺑﺼﻮﺕ ﺣﺰﻳﻦ - ﻭﻋﻤﻚ
ﻋﻠﻲ ﺩﻧﮓ ﺭﺍﺳﻪ - ﻋﻤﻲ ﺍﺗﻮﻓﻰ ﺑﺴﺒﺐ ﺍﺻﺎﺑﺘﺔ ﺍﻟﺨﻄﺮﺓ ﻻﻥ ﻫﻮ ﻇﻞ ﻳﺮﻣﻲ ﺑﺘﺠﺎﻩ ﺳﻤﺎﺡ ﻭﻓﺮﺡ ﻭﺍﻟﻜﻞ ﺩﺧﻞ ﺑﺎﻻﻧﺬﺍﺭ ﻭﺻﺎﺭ ﺗﺒﺎﺩﻝ ﺍﻟﺮﻣﻲ ﺑﻴﻦ ﺍﻟﻄﺮﻓﻴﻦ ﻭﺍﻭﺩﺕ ﺑﺤﻴﺎﺓ ﻧﺒﻴﻞ
ﺍﻟﺠﺪ - ﺍﻟﻤﻮﺕ ﻭﻻ ﺍﻟﻌﺎﺭ ﺟﻨﺖ ﺷﺎﻳﻞ ﻫﻢ ﻭﻳﻦ ﺍﻭﺩﻱ ﻭﺟﻬﻲ ﻣﻦ ﻋﻤﺎﻳﻞ ﻋﻤﻜﻢ ﺍﻟﺴﻮﺩﺓ ﺑﺲ ﺭﺑﻚ ﻣﺎ ﺭﺍﺩ ﻳﺨﺰﻳﻨﻲ ﻭﻳﻨﺰﻝ ﺭﺍﺳﻲ ﻣﻦ ﺗﺎﻟﻲ ﻋﻤﺮﻱ ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ
ﻓﺮﺡ
ﺑﻌﺪ ﻣﺮﻭﺭ ﺛﻼﺙ ﺍﻳﺎﻡ
ﺣﺴﺎﻡ ﻳﻬﻤﺲ ﺑﺄﺫﻧﺔ ﻟﺞ ﺫﻛﺮﻳﻨﻲ ﺍﺫﺍ ﺍﻟﻠﻪ ﻛﺘﺒﻠﻨﺎ ﻧﻄﻠﻊ ﻣﻦ ﺍﻟﻤﺴﺘﺸﻔﻰ
ﺍﻋﻀﺞ ﻛﻞ ﻳﻮﻡ ﺍﻟﺼﺒﺢ ﻣﻦ ﺭﮔﺒﺘﺞ
ﻓﺮﺡ ﺑﺒﺘﺴﺎﻣﺔ - ﻟﻴﺶ ﺗﻌﻀﻨﻲ
ﺣﺴﺎﻡ ﻭﻳﺠﺮ ﺣﺴﺮﺓ - ﺷﻨﻮ ﺍﻟﻠﻴﺶ ﻟﺞ ﺍﺭﻳﺪ ﺍﻃﻠﻊ ﺍﻟﻘﻀﻰ ﻭﺍﻟﻤﻀﻰ ﺑﻴﺞ ﻭﻟﺞ ﺧﻠﻴﺘﻴﻨﻲ ﺍﺭﺑﻌﺔ ﻭﻋﺸﺮﻳﻦ ﻋﻠﻰ ﺍﻫﺒﺔ ﺍﻻﺳﺘﻌﺪﺍﺩ ﻭﻳﺎﺝ
ﻓﺮﺡ - ﻳﺎﻟﻠﻪ ﻭﺍﻧﺖ ﻫﻢ ﺷﺪ ﺍﻟﻬﻤﺔ ﺣﺘﻰ ﺗﺘﺸﺎﻓﺔ ﺑﺴﺮﻋﺔ ﺣﺘﻰ ﻧﺘﺰﻭﺝ
ﺣﺴﺎﻡ - ﺍﺍﺍﺍﺥ ﺍﻟﻠﻪ ﻭﺍﻟﻠﻪ ﺟﻨﻚ ﻳﺤﻌﻔﺮ ﻣﺴﺘﻌﺠﻞ ﺍﻛﺜﺮ ﻣﻨﻲ ﻋﺎﻟﺰﻭﺍﺝ
ﻓﺮﺡ - ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ ﺍﻧﺘﺔ ﺷﻨﻮ ﺷﺒﻴﻚ ﻣﺘﻌﺮﻑ ﺗﺤﺠﻲ ﺑﺎﻟﺮﻭﻣﺎﻧﺴﻴﺎﺕ ﻫﺴﺔ ﺍﻛﻮ ﻭﺍﺣﺪ ﻳﻐﺎﺯﻝ ﺧﻄﻴﺒﺘﺔ ﻭﻳﻜﻠﻠﻬﺔ ﺟﻌﻔﺮ ﺍﺩﺭﻱ ﻫﻮ ﻫﺬﺍ ﻫﻢ ﻳﺴﻤﻮﻧﺔ ﻏﺰﻝ
ﺣﺴﺎﻡ - ﻫﻬﻬﻬﻬﻬﻬﻪ ﺍﺥ ﻳﺎﺑﺔ ﻭﺍﻟﻠﻪ ﻋﻨﺪﻱ ﺷﻠﻞ ﺑﺎﻟﻤﺸﺎﻋﺮ
ﻭﺍﻟﻠﻪ ﺍﺣﺘﻤﺎﻝ ﻋﻨﺪﻱ ﺍﻋﺎﻗﺔ ﻋﺎﻃﻔﻴﺔ
ﺑﺲ ﻋﺬﺭﻳﻨﻲ ﺍﻧﻲ ﻣﺎ ﺍﻋﺮﻑ ﺍﻋﺒﺮ ﻋﻦ ﻣﺸﺎﻋﺮﻱ ﺍﻻ ﺑﻄﺮﻳﻘﺔ ﻭﺣﺪﺓ
ﻓﺮﺡ - ﺍﻱ ﺑﺎﻟﻠﻪ ﺷﻨﻮ ﻫﺎﻟﻄﺮﻳﻘﺔ
ﺣﺴﺎﻡ ﻭﻳﻬﻤﺲ - ﺗﻌﺎﻱ ﺍﻗﺘﺮﺑﻲ ﻳﻤﻲ ﺧﻞ ﺍﺷﺎﻭﺭﺝ
ﻓﺮﺡ ﺑﻜﻞ ﺑﺮﺍﺋﺔ ﺭﺍﺣﺖ ﻟﻌﻨﺪﺓ ﻳﻢ ﺍﻟﺴﺮﻳﺮ ﻭﻗﺮﺑﺖ ﺭﺍﺳﻬﺔ ﻣﻨﺔ ﺣﺘﻰ ﺗﺴﻤﻌﺔ
ﻭﺣﺴﺎﻡ ﻭﻣﺎ ﺍﺩﺭﺍﻙ ﻣﺎ ﺣﺴﺎﻡ
ﺑﺴﺮﻋﺔ ﺍﺳﺘﻐﻞ ﺍﻟﻔﺮﺻﺔ ﻭﺟﺮﻫﺔ ﻭﮔﻌﺪﻫﺎ ﺑﺤﻀﻨﺔ
ﻭﺍﻛﻞ ﺷﻔﺎﻳﻔﻬﺎ ﺍﻟﻤﺘﻔﺎﺟﺌﺔ ﻭﺍﻗﺘﺤﻤﻬﺎ ﻋﻠﻰ ﺣﻴﻦ ﻏﺮﺓ
ﻭﻏﺎﺑﻮ ﺛﻨﻴﻨﻬﻢ ﺑﻌﺎﻟﻤﻬﻢ ﻭﺣﺴﻴﺖ ﻋﻠﻴﻪ ﺷﻠﻮﻥ ﻓﺮﺩ ﺍﻟﺸﻔﺎﻳﻒ ﻭﺻﺎﺭ ﻳﺘﻔﻨﻦ ﺑﻜﻞ ﺷﻔﺔ ﻋﻠﻰ ﺣﺪﻯ
ﻓﺮﺡ ﺣﺴﻴﺖ ﺑﺤﺮﺍﺭﺓ ﺑﺪﻣﻲ ﺗﺠﺮﻱ ﻭﺻﺎﺭﺕ ﺣﺮﻛﺎﺗﻪ ﻭﻳﺎﻱ ﺍﻛﺜﺮ ﺟﺮﺋﺔ ﻭﺧﻔﺖ ﻻ ﻭﺍﺣﺪ ﻳﺪﺧﻞ ﻋﻠﻴﻨﺎ ﻭﺍﺑﺘﻌﺪﺕ ﺑﺲ ﻏﻴﺮ ﺍﻟﺼﺪﻙ ﻏﺼﺐ ﻋﻨﻲ ﺍﺑﺘﻌﺪﺕ
ﺣﺴﺎﻡ ﻭﻫﻮ ﺩﺍﻳﺦ ﻭﻛﻮﺓ ﻳﻬﻤﺲ - ﺍﺥ ﻳﺎﺑﺔ ﻣﻦ ﺍﺣﺘﺮﻛﺖ ﻋﺸﻴﺮﺗﻚ ﺣﺴﺎﻡ
ﺩﺧﻠﺖ ﺳﻤﺎﺡ ﻭﻋﻠﻲ ﻭﺳﻤﻌﻮ ﺣﺴﺎﻡ ﻳﻐﻠﻂ ﻋﺎﻟﻌﺸﻴﺮﺓ
ﻋﻠﻲ - ﺧﻴﺮ ﺷﻜﻮ ﺷﺒﻴﻜﻢ ﻭﺍﻟﻠﻪ ﻛﻤﺖ ﺍﺧﺎﻑ ﻣﻨﻜﻢ ﺍﻧﺘﻮ ﺍﻟﺜﻨﻴﻦ ﻛﻠﻤﺎ ﺍﺷﻮﻓﻜﻢ ﻛﺎﻋﺪﻳﻦ ﺳﻮﺓ ﺑﻨﻔﺲ ﺍﻟﻤﻜﺎﻥ ﮔﻠﺒﻲ ﻳﮕﺮﺻﻨﻲ ﺍﺣﺲ ﺭﺍﺡ ﺗﺼﻴﺮ ﻛﺎﺭﺛﺔ ﺑﺎﻟﻌﺎﻟﻢ ﻣﺎ ﺍﻋﺮﻑ ﻟﻴﺶ ﺍﺣﺲ ﺑﻴﻜﻢ ﻋﺒﻮﺓ ﻣﺘﻨﻘﻠﺔ ﺍﻳﻨﻤﺎ ﺗﺤﻠﻮﻥ ﻳﺤﻞ ﺍﻟﺪﻣﺎﺭ
ﺣﺴﺎﻡ - ﺍﺷﻜﺮﻙ ﺍﺧﻮﻳﺔ ﺍﻟﻌﺰﻳﺰ
ﺑﺲ ﺑﻌﺪ ﺗﻌﺮﻑ ﺍﺧﻮﻙ ﺍﺑﻮ ﻣﺼﻌﺐ ﺍﻟﺰﺭﺍﻗﺎﻭﻱ ﻭﻣﺮﺗﺔ ﺟﺎﻱ ﻳﺘﻌﺎﺭﻛﻮﻥ ﻋﻠﻤﻮﺩ ﻳﺸﺮﺣﻠﻬﺎ ﺍﻟﻄﺮﻳﻘﺔ ﺍﻟﻮﺣﻴﺪﺓ ﺍﻟﻲ ﺍﻋﺮﻑ ﺍﻋﺒﺮ ﺑﻴﻬﺎ ﻋﻦ ﻣﺸﺎﻋﺮﻱ ﻭﺍﻟﺤﻤﺪ ﻟﻠﻪ ﻓﻬﻤﺘﻬﺔ ﺍﻟﻄﺮﻳﻘﺔ ﻭﻋﻠﻤﺘﻬﺎ
ﺍﻟﺘﻔﺖ ﻟﻔﺮﺡ ﻭﻏﻤﺰﻟﻬﺎ
- ﺍﻱ ﺑﺲ ﺻﺪﻙ ﻓﺮﺡ ﻳﺤﺘﺎﺝ ﻟﺞ ﺩﺭﻭﺱ ﺗﻘﻮﻳﺔ ﻣﻦ ﻧﺎﺣﻴﺔ ﺗﻌﺒﻴﺮ ﻋﻦ ﺍﻟﻤﺸﺎﻋﺮ
ﻓﺮﺡ ﺻﺎﺭﺕ ﺧﺪﻭﺩﻫﺎ ﻃﻤﺎﻃﺔ - ﺿﺮﺑﺖ ﺣﺴﺎﻡ ﻋﻠﻰ ﺟﺘﻔﺔ
ﺣﺴﺎﻡ - ﺍﺥ ﺍﺥ ﺍﺥ ﻳﺎﺑﺔ ﺍﻟﺠﺮﺡ ﺑﻌﺪﺓ ﻣﺎﻃﺎﺏ ﻳﻔﺮﺣﺔ
ﻭﻫﻲ ﻛﻤﺰﺕ ﻭﺧﺎﻓﺖ ﻋﻠﻴﻪ
- ﻳﻤﺔ ﺍﺳﻢ ﺍﻟﻠﻪ ﻋﻠﻴﻚ ﺍﺳﻔﺔ ﻭﺍﻟﻠﻪ ﻣﺎﺍﺩﺭﻱ ﻧﺴﻴﺖ
ﺣﺴﺎﻡ - ﻳﺎﻟﻠﻪ ﻫﺎﻙ ﺍﺳﺘﻠﻢ ﻭﺗﺰﻋﻞ ﻣﻦ ﺍﻛﻮﻝ ﺟﻌﻔﺮ
ﺗﺮﺓ ﻳﺎﺑﺔ ﻋﻠﻰ ﻛﻴﻔﻚ ﻭﻳﺎﻧﺔ ﺍﺭﺣﻢ ﺑﺤﺎﻝ ﺣﺴﺎﻣﻚ
ﺣﺴﺎﻡ ﻭﺑﺎﻣﺮ
ﻳﺎﻟﻠﻪ ﺗﻌﺎﻱ ﺑﻮﺳﻲ ﻣﻜﺎﻥ ﺍﻻﻟﻢ ﺑﻜﻠﺖ ﻳﺸﻔﻰ
ﻓﺮﺡ - ﻭﺍﻟﻠﻪ ﺗﺴﺘﺎﻫﻞ ﺍﻟﻀﺮﺑﺔ ﺍﻟﻲ ﺍﻛﻠﺘﻪ ﻻﻥ ﻫﺎﻱ ﻣﻦ ﻭﺭﺓ ﺳﻮﺍﻟﻔﻚ
↙️
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء