رواية قلوب على جرف الهاوية الجزء السابع | النهاية
للكاتبة نهى الحسون
↙️
ﻓﺮﺡ
ﻃﺒﻌﺎ ﻛﺎﻥ ﺩﺧﻮﻝ ﺳﻤﺎﺡ ﻣﻦ ﺑﻌﺪ ﺍﻟﺤﺎﺩﺙ ﺍﻟﻰ ﺑﻴﺖ ﺟﺪﻱ ﻣﻔﺎﺟﺌﺔ ﻟﻠﻜﻞ ﻭﺍﻭﻟﻬﻢ ﺳﺮﻭﺭ ﻭﺳﻠﻮﻯ ﻭﻛﺎﻧﺖ ﻟﺤﻈﺎﺕ ﺍﻟﻠﻘﺎﺀﺟﺪﺍ ﻣﺆﺛﺮﺓ ﺑﻴﻦ ﺍﻟﺨﻮﺍﺕ ﻻﺗﺨﻠﻮ ﻣﻦ ﺍﻟﺼﺪﻣﺔ ﻭﺍﻟﻤﻔﺎﺟﺌﺔ ﺗﺘﺒﻌﻬﺎ ﺍﻟﻔﺮﺣﺔ ﺑﻤﻌﺮﻓﺔ ﺍﻥ ﺍﺧﺘﻬﻢ ﻋﻠﻰ ﻗﻴﺪ ﺍﻟﺤﻴﺎﺓ
ﻭﺑﻌﺪﻫﺎ ﮔﻌﺪﻧﺎ ﺍﺭﺑﻌﺘﻨﺎ ﺳﻮﻳﺔ ﺑﻐﺮﻓﺘﻲ ﻣﺜﻞ ﻣﺎﻛﻨﺎ ﻗﺒﻞ ﻧﻨﺠﻤﻊ ﺳﻮﺓ ﻭﺻﺮﻧﺎ ﻧﺴﻮﻟﻒ
ﻭﮔﻌﺪﻭ ﺍﻟﺒﻨﺎﺕ ﻳﺴﺄﻟﻦ ﺳﻤﺎﺡ ﻋﻦ ﺣﻴﺎﺗﻬﺎ ﻭﺷﻠﻮﻥ ﻋﺎﺷﺖ
ﺳﻠﻮﻯ - ﺻﺪﻙ ﺳﻤﺎﺡ ﺍﺣﺠﻴﻠﻨﺎ ﺑﺎﻟﺘﻔﺼﻴﻞ ﺷﻠﻮﻥ ﻋﺸﺘﻲ ﻣﻦ ﺑﻌﺪ ﻣﺎ ﺍﺗﺰﻭﺟﺘﻲ ﻋﻠﻲ ﺧﺼﻮﺻﺎ ﻇﺮﻭﻑ ﺯﻭﺍﺟﻜﻢ ﻛﺎﻧﺖ ﻛﻠﺶ ﻏﺎﻣﻀﺔ
ﺳﺮﻭﺭ - ﺍﻱ ﻋﻔﻴﺔ ﺻﺪﻙ ﺍﺣﺠﻴﻠﻨﺎ ﺷﺼﺎﺭ ﻭﻳﺎﻛﻢ ﻣﻦ ﺑﻌﺪ ﻣﺎ ﺍﺧﺬﻭﺝ ﻣﻦ ﻋﺪﻧﺎ
ﺍﺑﺘﺴﻤﺖ ﺳﻤﺎﺡ ﻟﻠﺒﻨﺎﺕ
ﻭﻫﻲ ﺗﺴﺎﻓﺮ ﺑﺬﺍﻛﺮﺗﻬﺎ ﺍﻟﻰ ﺫﺍﻙ ﺍﻟﻴﻮﻡ ﺍﻟﺒﻌﻴﺪ ﻭﺑﺪﺕ ﺗﺴﻮﻟﻔﻠﻬﻢ ﺷﺼﺎﺭ ﺑﺤﻴﺎﺗﻬﺎ ﻣﻦ ﺑﻌﺪ ﻣﺎﺗﺮﻛﺘﻬﻢ
ﺳﻤﺎﺡ
- ﻓﻲ ﺑﺪﺍﻳﺔ ﺯﻭﺍﺟﻲ ﺑﻌﻠﻲ ﻛﻨﺖ ﻣﺘﻮﻗﻌﺔ ﺍﻥ ﻫﻮ ﻣﺠﺒﻮﺭ ﻋﻠﻴﺔ ﺍﻭ ﻛﺎﻧﺖ ﻫﺎﻱ ﺷﻬﺎﻣﺔ ﻣﻦ ﻋﻨﺪﺓ ﺣﺘﻰ ﻳﺴﺘﺮ ﻋﻠﻴﺔ ﻭﻛﻨﺖ ﺟﺪﺍ ﻣﺘﺨﻮﻓﺔ ﻣﻨﺔ
ﻻﻥ ﺍﻧﻲ ﻣﺎ ﺍﻋﺮﻓﺔ ﻭﻻ ﺍﻋﺮﻑ ﺍﻃﺒﺎﻋﻪ ﻭﻣﻦ ﺟﺎﺏ ﻋﻤﻲ ﺳﻴﺮﺓ ﺍﻟﺰﻭﺍﺝ ﺧﻔﺖ ﻻﻥ ﻛﺎﻧﺖ ﻋﻨﺪﻱ ﻫﻮﺍﻱ ﺣﻮﺍﺟﺰ ﺑﻴﻨﻲ ﻭﺑﻴﻦ ﻋﻠﻲ
ﻣﺎ ﺍﻧﻜﺮ ﺷﻜﺪ ﻋﺠﺒﺘﻨﻲ ﺷﺨﺼﻴﺘﺔ ﻭﺭﺯﺍﻧﺘﺔ ﻭﻻ ﺭﺍﺡ ﺍﻧﺴﻰ ﻧﻈﺮﺍﺗﺔ ﺍﻟﻲ ﻣﻦ ﺍﻭﻝ ﻟﺤﻈﺔ ﺩﺧﻠﺖ ﻋﻠﻴﻬﻢ ﻫﻮ ﻭﻋﻤﺎﻣﻲ ﺷﻠﻮﻥ ﻛﺎﻧﺖ ﺗﺎﻛﻠﻨﻲ ﻭﺍﺑﺪ ﻣﺎ ﺍﻧﺘﺒﻪ ﻋﻠﻰ ﻧﻔﺴﻪ ﻭﻻ ﺣﺎﻭﻝ ﻳﺪﺍﺭﻱ ﺭﻭﺣﺔ ﻭﻳﻨﺰﻝ ﻋﻴﻨﺔ ﻋﻨﻲ
ﺑﺤﻴﺚ ﺍﻧﻲ ﻣﻦ ﻳﻤﻲ ﺧﺠﻠﺖ ﻭﺻﺮﺕ ﺣﻤﺮﺓ ﻣﻦ ﻭﺭﺍﻩ
ﻳﻌﻨﻲ ﻫﺴﺔ ﺍﻧﻲ ﺷﺎﻳﻔﺔ ﻭﺍﺣﺪ ﻳﺒﺎﻭﻉ ﺑﺲ ﻫﻮ ﻫﻴﺞ ﻟﻬﺪﺭﺟﺔ
ﻟﻜﻦ ﻣﻦ ﻋﺮﻑ ﺍﻧﻲ ﺍﺳﻤﻲ ﺳﻤﺎﺡ ﺷﻔﺖ ﺑﻌﻴﻮﻧﺔ ﻧﻈﺮﺓ ﻋﻤﺮﻱ ﻣﺎ ﺭﺍﺡ ﺍﻧﺴﺎﻫﺎ ﻛﺎﻧﺖ ﻧﻈﺮﺓ ﻋﻄﻒ ﻭﻛﺄﻧﻪ ﻛﺴﺮﺕ ﺧﺎﻃﺮﺓ ﻭﻫﺬﺍ ﺍﻟﺸﻲ ﺟﺪﺍ ﻗﻬﺮﻧﻲ ﻭﻛﺴﺮﻧﻲ ﻭﺑﻮﻗﺘﻬﺎ ﻫﺬﺍ ﺻﺎﺭ ﺍﻭﻝ ﺣﺎﺟﺰ ﺑﻴﻨﻲ ﻭﺑﻴﻦ ﻋﻠﻲ
ﻟﻜﻦ ﻧﻈﺮﺍﺗﺔ ﺍﺳﺘﻤﺮﺕ ﺗﺮﺍﻗﺒﻨﻲ ﻣﻦ ﺻﻌﺪﻧﺎ ﺑﺎﻟﺴﻴﺎﺭﺓ ﻣﺎﻟﺘﺔ ﺍﻧﻲ ﻭﺧﻮﺍﺗﻲ ﺭﻛﺒﺖ ﺳﺮﻭﺭ ﻳﻤﺔ ﺑﺎﻟﺼﺪﺭ ﻭﺍﻧﻲ ﻭﺍﻟﺒﻨﺎﺕ
ﺻﻌﺪﻧﺎ ﻭﺭﺓ ﺍﻟﻤﻬﻢ ﺷﻔﺘﺔ ﻋﺪﻝ ﺍﻟﻤﺮﺍﻳﺎ ﻋﻠﻰ ﻭﺟﻬﻲ ﻭﺻﺎﺭ ﻋﻠﻰ ﻃﻮﻝ ﺍﻟﻄﺮﻳﻖ ﻳﺒﺎﻭﻋﻠﻲ ﺑﺲ ﻣﺎ ﺍﺣﺠﻴﻠﻜﻢ ﺷﺼﺎﺭ ﺑﮕﻠﺒﻲ ﺑﻮﻛﺘﻬﺎ ﺍﻭﻝ ﻣﺮﺓ ﻳﻨﺒﺾ ﮔﻠﺒﻲ ﻭﻳﺨﻔﻖ
ﺑﺲ ﺭﺟﻌﺖ ﺩﻧﮕﺖ ﻭﺑﻌﺪ ﻣﺎ ﺭﻓﻌﺖ ﻋﻴﻮﻧﻲ ﻣﺮﺓ ﺛﺎﻧﻴﺔ
ﺣﺘﻰ ﻣﺎ ﺍﻋﺸﻢ ﮔﻠﺒﻲ ﻭﻻ ﺭﺍﺡ ﺍﺣﺎﻭﻝ ﺍﻟﻔﺖ ﺍﻧﺘﺒﺎﻫﺔ ﺍﻟﻲ
ﻻﻥ ﺍﻋﺮﻑ ﺍﻥ ﻫﺬﺍ ﺍﻟﺸﺨﺺ ﺣﻠﻢ ﺑﻌﻴﺪ ﺍﻟﻤﻨﺎﻝ ﻳﻌﻨﻲ ﻧﺠﻮﻡ ﺍﻟﺴﻤﺎ ﺍﻗﺮﺑﻠﻲ ﻣﻨﺔ
ﻓﺎﺣﺴﻦ ﺷﻲ ﻻ ﺍﻇﻞ ﺍﺑﻨﻲ ﻋﻠﻴﻪ ﺍﻣﺎﻝ ﻭﺷﻨﻮ ﻳﻌﻨﻲ ﻭﺍﺫﺍ ﺑﺎﻭﻋﻠﻲ ﻳﻌﻨﻲ ﻣﻮ ﻣﻌﻨﺎﻫﺎ ﺍﻥ ﻫﻮ ﻣﻌﺠﺐ ﺑﻴﺔ
ﻭﻋﻠﻰ ﻓﻜﺮﺓ ﻳﺴﻤﺎﺡ ﻻﺗﻨﺴﻴﻦ ﻧﻔﺴﺞ ﺍﻟﻤﺜﻠﺞ ﻭﺑﻮﺿﻌﺞ ﻫﺬﺍ
ﺗﺤﻠﻤﻴﻦ ﺍﺣﺪ ﻳﻔﻜﺮ ﺑﻴﺞ ﻛﺰﻭﺟﺔ ﻻﻥ ﺍﻧﺘﻲ ﻣﻜﺴﻮﺭﺓ
ﻭﺑﻘﻴﺖ ﻃﻮﻝ ﺍﻟﻄﺮﻳﻖ ﺍﺻﺪ ﺑﻨﻈﺮﺍﺗﻪ ﻣﺎ ﺍﻧﻈﺮﻟﻪ
ﻟﻜﻦ ﻫﻮ ﻣﺘﺮﻛﻨﻲ ﺑﺤﺎﻟﻲ
ﻭﺻﺎﺭ ﻛﻞ ﺳﺎﻋﺔ ﻳﺴﺄﻟﻨﻲ
ﻋﻠﻲ - ﺳﻤﺎﺡ ﺍﻧﺘﻲ ﺷﻤﺨﻠﺼﺔ ﺩﺭﺍﺳﺔ
ﺍﻧﻲ ﺭﻓﻌﺖ ﻋﻴﻮﻧﻲ ﺍﻟﺔ ﻭﺍﺑﺘﺴﻤﻠﻲ
- ﺍﻧﻲ ﻣﻤﺨﻠﺼﺔ ﺩﺧﻠﺖ ﻛﻠﻴﺔ ﺗﺮﺑﻴﺔ ﺳﻨﺔ ﺛﺎﻧﻴﺔ ﻟﻜﻦ ﺑﻌﺪ ﺣﺎﺙ ﻭﻓﺎﺓ ﺍﺑﻮﻳﺔ ﺑﻄﻠﺖ ﻭﮔﻌﺪﺕ ﺑﺎﻟﺒﻴﺖ ﺍﻋﺘﻨﻲ ﺑﺎﻟﺒﻨﺎﺕ ﻭﺍﺷﺘﻐﻞ
ﻭﺑﻌﺪﻳﻦ ﺷﻔﺘﺔ ﻛﺎﻡ ﻳﺘﺤﻴﻦ ﺍﻟﻔﺮﺹ ﺣﺘﻰ ﻳﻠﻔﺖ ﺍﻧﺘﺒﺎﻫﻲ ﻭﺍﺭﻓﻊ ﻋﻴﻨﻲ ﻭﺍﺑﺎﻭﻋﻠﺔ ﺑﺎﻟﻤﺮﺍﻳﺔ ﻭﻧﺰﻟﻨﺎ ﺑﺎﻟﻄﺮﻳﻖ ﺑﻤﻄﻌﻢ ﺍﺳﺘﺮﺍﺣﺔ ﻭﻧﺰﻟﻮ ﻭﻳﺎﻧﺔ ﻋﻤﺎﻣﻲ ﻭﻃﻠﺐ ﺍﻟﻨﺎ ﺍﻛﻞ ﺑﺲ ﻋﻴﻮﻧﺔ ﺍﺑﺪ ﻣﻨﺰﻟﻬﺎ ﻋﻨﻲ ﺑﺤﻴﺚ
ﺻﺮﺕ ﻣﻦ ﻭﺭﺍﻩ ﻣﺜﻞ ﺍﻟﺜﻮﻟﺔ ﻭﻛﻞ ﺳﺎﻋﺔ ﺍﺗﺨﺮﺩﻝ ﻭﺍﻋﺜﺮ ﺑﻤﺸﻴﺘﻲ ﻟﻮ ﺍﻧﻀﺮﺏ ﺑﺠﺎﻣﺔ ﺍﻟﺒﺎﺏ ﻣﺎﻟﺖ ﺍﻟﻤﻄﻌﻢ ﺑﺎﻟﻘﺮﺍﻥ ﺧﺮﺩﻟﻨﻲ ﺑﻨﻈﺮﺍﺗﻪ ﻭﻣﺮﺍﻗﺒﺔ ﺍﻟﻲ
ﻭﺍﻟﻠﻪ ﺑﻮﻛﺘﻬﺎ ﺑﺲ ﻭﺍﺣﺪ ﻳﺴﻮﻳﻠﻲ ﺑﺰ ﺍﻧﻔﺠﺮ ﺑﻮﺟﻪ ﻣﻦ ﺍﻟﺒﺠﻲ
ﻭﻓﻌﻼً ﺛﻮﻟﻨﻲ ﻭﺧﺮﺑﻂ ﺍﺣﻮﺍﻟﻲ ﺍﻟﻠﻪ ﻳﻠﻌﻦ ﺍﺑﻠﻴﺴﺔ
ﺧﻠﺼﻨﺔ ﺍﻛﻞ ﺍﻧﻲ ﻭﺍﻟﺒﻨﺎﺕ ﻭﺍﻧﻲ ﻛﻨﺖ ﻣﻠﺘﻬﻴﺔ ﺑﻌﻠﻲ ﻭﻣﺎ ﺍﻧﺘﺒﻬﺖ ﻋﻠﻰ ﺍﻟﺒﻨﺎﺕ ﺭﺍﺣﻮ ﻟﻠﺤﻤﺎﻣﺎﺕ ﻭﺭﺟﻌﻮ ﻭﻇﻠﻴﺖ ﺑﺲ ﺍﻧﻲ
ﺑﻌﺪﻫﺎ ﻛﻤﺖ ﻭﺭﺣﺖ ﻟﻠﺤﻤﺎﻣﺎﺕ ﻟﻮﺣﺪﻱ ﻻﻥ ﻭﺣﺪﺓ ﻣﻦ ﺧﻮﺍﺗﻲ ﻗﺒﻠﺖ ﺗﺮﻭﺡ ﻭﻳﺎﻱ
ﻭ ﺍﺷﻮﻓﻠﻚ ﻫﺬﺍ ﺍﺳﺘﺎﺫ ﻋﻠﻲ ﮔﺎﻡ ﻳﻤﺸﻲ ﻭﺭﺍﻱ
ﻭﺍﻧﻲ ﺻﺎﺭﺕ ﺭﺟﻞ ﺗﻄﻚ ﺑﺮﺟﻞ
ﻭﻭﺻﻠﺖ ﻋﺎﻟﺤﻤﺎﻣﺎﺕ ﺍﺷﻮ ﻫﺬﺍ ﺻﺎﺭ ﻛﻠﺶ ﻗﺮﻳﺐ ﻋﻠﻴﺔ ﻭﻟﺰﻣﻨﻲ ﻣﻦ ﺯﻧﺪﻱ ﻭﺳﺤﺒﻨﻲ ﻋﻠﻴﻪ ﻭﺍﻟﻠﻪ ﻭ ﻫﻨﺎ ﺍﻧﻔﺠﺮﺕ ﺑﻮﺟﻪ ﺫﺍﻙ ﺍﻻﻧﻔﺠﺎﺭ
ﺳﻤﺎﺡ ﺑﺮﺗﺒﺎﻙ - ﺗﺮﺓ ﻭﺍﻟﻠﻪ ﻣﺼﺨﺘﻬﺎ ﺣﻀﺮﺕ ﺟﻨﺎﺑﻚ ﻭﻳﻦ ﺍﺭﻭﺡ ﺟﺎﻱ ﻭﺭﺍﻱ ﺗﺮﺓ ﻋﻴﺐ ﻋﻠﻴﻚ ﺍﻧﻲ ﺑﻨﺖ ﻋﻤﻚ ﻳﻌﻨﻲ ﺻﺪﻙ ﻣﺘﺴﺘﺤﻲ ﺗﻮﺻﻞ ﺑﻴﻚ ﺍﻟﻤﻮﺍﺻﻴﻞ ﺗﻠﺤﮕﻨﻲ ﻟﻠﺤﻤﺎﻣﺎﺕ
ﻋﻠﻲ ﻭﻫﻮ ﻳﺨﺰﺭﻧﻲ ﻭﻋﻠﻰ ﺣﻠﮕﻪ ﺷﺒﻪ ﺍﺑﺘﺴﺎﻡ
- ﻭﺍﻟﻠﻪ ﺷﻮﻓﻲ ﺍﻻﻭﻝ ﻋﻠﻰ ﻭﻳﻦ ﺭﺍﻳﺤﺔ ﻭﺑﻌﺪﻳﻦ ﺍﺣﺠﻲ ﻭﺍﺷﺮﻟﻲ ﻋﻠﻰ ﺍﻟﻼﻓﺎﺗﺎﺕ ﻣﺎﻟﺖ ﺍﻟﺤﻤﺎﻣﺎﺕ ﻛﻨﺖ ﺩﺍﺧﻠﺔ ﻋﻠﻰ ﺣﻤﺎﻡ ﺍﻟﺮﺟﺎﻝ ﻳﺒﻮﻱ ﺗﻌﺎﻟﻮ ﺩﻭﺭﻧﻲ
ﻋﻠﻲ - ﻳﺎﻟﻠﻪ ﺑﺎﻟﻠﻪ ﻫﺴﺔ ﻣﻨﻮ ﺍﻟﻲ ﺟﺎﻱ ﻳﺮﻛﺾ ﻭﺭﺓ ﺍﻟﺜﺎﻧﻲ
ﻫﻬﻬﻬﻬﻬﻪ ﺩﺷﻮﻓﻲ ﻧﻔﺴﺞ ﺩﺍﺧﻠﺔ ﻭﻳﺎﻱ ﺑﺤﻤﺎﻡ ﺍﻟﺮﺟﺎﻝ ﻣﺘﺴﺘﺤﻴﻦ ﻻﺣﮕﺘﻨﻲ
ﺳﻤﺎﺡ ﻭﻫﻲ ﺗﺒﺠﻲ ﻣﻦ ﺍﻟﻔﺸﻠﺔ
- ﺍﺓ ﺍﺓ
ﻃﻜﺘﻬﺎ ﺑﺠﻴﺔ ﻣﺜﻞ ﺍﻟﻄﻔﻠﺔ ﻭﺑﻌﺪ ﻣﮕﺪﺭﺕ ﺗﺪﺍﺭﻱ ﺩﻣﻮﻋﻬﺎ
ﻋﻠﻲ - ﻫَـﺎ ﻫَـﺎ ﻫَـﺎ ﻟﻴﺶ ﺍﻟﺒﺠﻲ ﺷﻜﻮ ﻳﺎﺳﺘﺎﺭ ﺷﺴﻮﻳﻨﺎﻟﺞ
ﺳﻤﺎﺡ ﻭﻫﻲ ﺗﻨﺎﺷﻎ ﻭﺗﺴﺤﺐ ﺍﻟﻨﻔﺲ ﻣﻦ ﺧﺸﻤﻬﺎ
- ﻛﻠﺔ ﻣﻦ ﻭﺭﺍﻙ ﺍﻧﺖ ﺧﻠﻴﺘﻨﻲ ﺍﺩﺧﻞ ﻟﺤﻤﺎﻡ ﺍﻟﺮﺟﺎﻝ ﻭﺍﻟﻠﻪ ﺧﺮﺩﻟﺘﻨﻲ ﺍﻧﺖ ﻣﺎ ﺗﻨﺘﺒﻪ ﻋﻠﻰ ﻧﻔﺴﻚ
ﻋﻠﻲ - ﺍﻩ ﻫﺎ ﻧﻮﺏ ﺻﺎﺭﺕ ﻣﻦ ﻭﺭﺍﻱ ﺩﺧﻠﺘﻲ ﺑﺤﻤﺎﻡ ﺍﻟﺮﺟﺎﻝ
ﺳﻤﺎﺡ - ﺍﻱ ﻭﺍﻟﻠﻪ ﺧﺮﺩﻟﺘﻨﻲ ﺍﻧﺖ ﻭﻋﻴﻮﻧﻚ ﺑﺲ ﺗﺒﺎﻭﻉ ﻋﻠﻴﻪ
ﻋﻠﻲ - ﻫﻬﻬﻬﻬﻬﻬﻬﻬﻬﻬﻬﺖ ﻭﺍﻟﻠﻪ ﺍﻧﺘﻲ ﻓﻠﻢ
ﺳﻤﻌﻨﺎ ﺻﻮﺕ ﺯﻟﻤﺔ ﻣﻦ ﻭﺭﺍﻧﺔ ﻳﺤﻢ ﺣﻢ
ﺍﻧﻲ ﻟﺒﺪﺕ ﺧﻠﻒ ﻋﻠﻲ
ﻋﻠﻲ - ﻳﺎﻟﻠﻪ ﻳﺎﻣﺮﺓ ﺭﻭﺣﻲ ﻛﻌﺪﻱ ﻭﺍﻧﺘﻈﺮﻳﻨﻲ ﺑﺮﺓ ﻻﺗﺨﺎﻓﻴﻦ ﺍﻧﻲ ﺟﺎﻱ ﻭﺭﺍﺝ
ﺣﺘﻰ ﻳﻮﻫﻢ ﺍﻟﺮﺟﻞ ﻫﺎﻱ ﻣﺮﺗﺔ ﻭﺧﻄﻴﺔ ﺩﺍﺧﻠﺔ ﻭﻳﺎﻩ ﺑﺎﻟﺤﻤﺎﻡ ﻻﻥ ﺗﺨﺎﻑ ﺗﺒﻘﻰ ﻟﻮﺣﺪﻫﺎ ﻫﻬﻬﻬﻬﻪ
↙️
ﻭﺑﻌﺪﻫﺎ ﻭﺻﻠﻨﺎ ﻟﺒﻴﺖ ﺟﺪﻱ ﻭﺷﻔﺘﺔ ﺷﻠﻮﻥ ﮔﺎﻡ ﻳﻨﺰﻝ ﺑﻐﺮﺍﺿﻨﺎ
ﻭﺑﻌﺪﻫﺎ ﺻﺎﺭﺕ ﺍﻻﺣﺪﺍﺙ ﻭﺍﻟﺼﻴﺎﺡ ﻭﺑﻮﻗﺘﻬﺎ ﺍﻋﺼﺎﺑﻲ ﻛﻠﺶ ﺍﺩﻣﺮﺕ ﻭﻓﺎﺟﺌﻨﻲ ﺑﺎﻟﻤﺰﺭﻋﺔ ﺷﻠﻮﻥ ﻣﻦ ﺫﺑﺤﻮ ﺍﻟﺨﺮﻭﻑ ﻭﮔﻠﻲ ﻓﻮﺗﻲ ﺟﻮﺓ ﻭﻗﻔﻠﻲ ﻋﻠﻰ ﺭﻭﺣﺞ ﺍﻟﺒﺎﺏ ﻟﺘﻄﻠﻌﻴﻦ ﺍﻻﻣﻦ ﻧﺠﻲ ﺍﺣﻨﺎ ﻋﻠﻴﺞ ﻭﻛﺎﻧﺖ ﻧﻈﺮﺍﺗﺔ ﺗﺤﺠﻲ ﻭﺑﻴﻬﻢ ﺧﻮﻑ ﻋﻠﻴﺔ
ﻭﺍﻧﻲ ﻫﻢ ﺍﺧﺘﻜﻢ ﻛﻠﺖ ﻫﻮ ﺍﻟﺒﺰﻭﻥ ﺍﻟﺒﺸﺎﺭﻉ ﻫﻢ ﺍﻟﻮﺍﺣﺪ ﻳﻨﻜﺴﺮ ﺧﺎﻃﺮﺓ ﻋﻠﻴﻬﺎ ﻗﺎﺑﻞ ﺑﻘﺖ ﻋﻠﻴﺔ ﻣﺎ ﺍﻛﺴﺮ ﺧﺎﻃﺮﺓ ﻭﻳﺨﺎﻑ
ﻭﻓﻌﻼ ﻣﺮﺕ ﺍﻻﻳﺎﻡ ﻭﺍﺟﺔ ﻫﻮ ﻭﺟﺪﻱ ﻭﻋﻤﻲ ﻭﺟﺎﺑﻮ ﻭﻳﺎﻫﻢ ﺳﻴﺪ ﻭﻋﻘﺪﻟﻨﺎ ﺍﻧﻲ ﻭﻋﻠﻲ ﻭﻫﻮ ﺍﺑﺪ ﻣﺤﺠﺔ ﻭﻳﺎﻱ ﺍﻱ ﻛﻠﻤﺔ ﺑﺲ ﺧﻼﻝ ﻫﺎﻱ ﺍﻻﻳﺎﻡ ﺍﺷﺘﺮﺍﻟﻲ ﻧﻘﺎﻝ ﮔﻠﻲ ﺣﺘﻰ ﺍﮔﺪﺭ ﺍﺗﻮﺍﺻﻞ ﻭﻳﺎﺝ ﻭﺍﺷﻮﻓﺞ ﺷﻤﺤﺘﺎﺟﺔ ﻭﺑﻌﺪﻳﻦ ﺻﺎﺭ ﺍﻟﻌﻘﺪ
ﻭﻃﻠﻊ ﺍﻟﺴﻴﺪ ﻭﺑﻘﻰ ﺟﺪﻱ ﻭﻋﻤﻲ
ﺍﻟﺠﺪ - ﺷﻮﻓﻲ ﺑﻮﻳﺔ ﺍﻧﻲ ﺯﻭﺟﺘﺞ ﻟﺒﻦ ﻋﻤﺞ ﻣﻮ ﻣﺴﺘﻌﺎﺭ ﻣﻨﺞ ﻻ ﻭﺍﻟﻠﻪ ﻟﻜﻦ ﺣﺘﻰ ﺍﻃﻤﻦ ﺍﻥ ﺍﻧﺘﻲ ﺑﺎﻣﺎﻥ ﻭﻣﺎﻳﺠﺮﺓ ﻋﻠﻴﺞ ﺷﻲ ﻭﺗﺮﺓ ﺍﺑﻦ ﻋﻤﺞ ﻋﻠﻲ ﺧﻮﺵ ﺭﺟﺎﻝ ﻳﻨﺤﻂ ﻋﻠﻰ ﻳﻤﻨﺎﺝ
ﻭﻫﻮ ﺍﻭﻟﻰ ﺑﻴﺞ ﻣﻦ ﺍﻟﻐﺮﻳﺐ ﻭﺍﻥ ﺷﺎﺀ ﺍﻟﻠﻪ ﺍﻻﻳﺎﻡ ﺗﺜﺒﺘﻠﺞ
ﺍﻧﻲ ﺟﺪﻱ ﻳﺤﺠﻲ ﻭﻳﺎﻱ ﻭﺍﻧﻲ ﺻﺎﺭ ﮔﻠﺒﻲ ﻃﺒﻞ
ﻭﺍﻟﺘﻔﺖ ﺍﻟﺠﺪ ﻋﻠﻰ ﻋﻠﻲ
ﺍﻟﺠﺪ - ﺷﻮﻑ ﺑﻮﻳﺔ ﻋﻼﻭﻱ ﻫﺎﻟﻠﻪ ﻫﺎﻟﻠﻪ ﺑﺒﻨﺖ ﻋﻤﻚ ﺗﺮﺍﻫﺔ ﻳﺘﻴﻤﺔ ﻭﻣﺎﻟﻪ ﺍﺣﺪ ﻏﻴﺮ ﺑﺲ ﺍﻟﻠﻪ ﻭﺍﻧﺖ ﻓﻌﻴﻨﻚ ﻋﻠﻴﻬﺎ ﻭﺍﺗﺤﻤﻠﻬﺎ ﻭﻫﻲ ﺫﻫﺐ ﺑﻨﺖ ﺫﻫﺐ ﺍﺻﻴﻠﺔ ﻭﺭﺍﺡ ﺗﻠﻜﺎﻫﺔ ﺗﻮﻛﻔﻠﻚ ﻭﺗﺴﻨﺪﻙ
ﻳﺎﻟﻠﻪ ﺑﻮﻳﺔ ﺗﻮﻓﻴﻖ ﺍﻣﺸﻨﺎ ﺧﻞ ﻧﺮﻭﺡ ﻭﺧﻞ ﻳﺎﺧﺬﻭﻥ ﺍﻟﻌﺮﺳﺎﻥ ﺭﺍﺣﺘﻬﻢ
ﺍﻧﻲ ﺷﻔﺖً ﺣﺪﻱ ﻭﻋﻤﻲ ﻃﻠﻌﻮ ﻭﺍﻧﻲ ﺩﮔﺎﺕ ﮔﻠﺒﻲ ﺻﺎﺭﺕ
ﻣﻦ ﺍﻟﺴﺮﻋﺔ ﻣﺜﻞ ﺍﻟﻲ ﻳﺮﻛﺾ ﻭﻳﺮﻛﻀﻮﻥ ﻭﺭﺍﻩ ﺍﻟﺠﻼﺑﺔ ﻫﻴﺞ ﺻﺎﺭ ﺣﺎﻟﻲ
ﻭﺍﻟﻠﻪ ﻫﻮ ﺍﻧﺴﺪ ﺍﻟﺒﺎﺏ ﻭﺷﻔﺖ ﻋﻠﻲ ﺍﻗﺘﺮﺏ ﻣﻨﻲ ﻭﺍﻧﻲ ﺟﻨﺖ ﮔﺎﻋﺪﺓ ﻋﻠﻰ ﺍﻟﻘﻨﻔﺔ ﻭﻣﺪﻧﮕﺔ
ﻗﺮﺏ ﻋﻠﻴﺔ ﻭﮔﻔﻨﻲ ﻣﻘﺎﺑﻴﻠﺔ ﻭﻣﺪ ﺍﻳﺪﺓ ﻭﺭﻓﻊ ﻭﺟﻬﻲ ﻋﻠﻴﻪ ﻭﺻﺎﺭﺕ ﻋﻴﻮﻧﻲ ﺑﻌﻴﻮﻧﻪ ﻭﺑﺎﺳﻨﻲ ﻣﻦ ﺭﺍﺳﻲ
ﻭﺟﺎﻥ ﺟﺴﻤﻲ ﺣﻴﻞ ﻳﺮﺟﻒ
ﻋﻠﻲ - ﺷﻮﻓﻲ ﺳﻤﺎﺡ ﺍﺩﺭﻱ ﺑﻴﺞ ﺍﻧﻲ ﺍﻧﻔﺮﺿﺖ ﻋﻠﻴﺞ ﻭﺍﺩﺭﻱ ﺍﻧﺘﻲ ﻫﺬﺍ ﻣﻮ ﺍﺧﺘﻴﺎﺭﺝ ﻭﺍﻟﻈﺮﻭﻑ ﻫﻲ ﺟﻤﻌﺘﻨﺎ
ﺍﻧﻲ ﻣﺎ ﺍﺭﻳﺪ ﻣﻨﺞ ﺍﻱ ﺣﻘﻮﻕ ﻫﺴﺔ ﻭﺍﻧﺘﻲ . ﻫﺴﺔ ﺍﺧﺬﻱ ﺭﺍﺣﺘﺞ ﺑﺲ ﺣﺒﻴﺖ ﺍﮔﻠﺞ ﺗﺮﺓ ﺭﺍﺡ ﺍﺭﺟﻌﺞ ﻟﻠﻨﺎﺻﺮﻳﺔ ﺑﺒﻴﺖ ﺍﺑﻮﺝ ﺍﺣﺴﻦ ﻭﺍﺍﻣﻦ ﺍﻟﺞ ﻫﻨﺎﻙ ﻧﻌﻴﺶ
ﺳﻤﺎﺡ
ﻣﻦ ﺳﻤﻌﺖ ﻛﻼﻡ ﻋﻠﻲ ﺣﺴﻴﺖ ﻣﺜﻞ ﺍﻟﺴﺠﻴﻦ ﺍﻧﻄﻌﻨﺖ ﺑﮕﻠﺒﻲ ﻋﺮﻓﺖ ﺍﻥ ﻫﻮ ﺻﻌﺒﺔ ﻋﻠﻴﻪ ﻳﺘﻘﺒﻞ ﻭﺣﺪﺓ ﻣﺜﻞ ﺣﺎﻟﺘﻲ
ﻛﻨﺖ ﺍﻋﺮﻑ ﺍﻥ ﻫﻮ ﻣﺎ ﺭﺍﺡ ﻳﺘﻘﺒﻞ ﻭﺣﺪﺓ ﻣﻐﺘﺼﺒﻴﻨﻬﺎ ﻭﺍﻥ ﺍﻛﻮ ﻣﻦ ﺳﺒﻘﻪ ﻭﺍﺧﺬ ﺑﺮﺍﺋﺘﻲ ﻗﺒﻠﻪ
ﺩﻧﮕﺖ ﺑﻠﺤﻈﺘﻬﺎ ﻭﺑﺠﻴﺖ ﺷﻔﺖ ﺣﺮﻛﺎﺗﻪ ﺷﻠﻮﻥ ﺻﺎﺭﺕ ﻣﺘﻮﺗﺮﺓ ﻭﺣﺴﻴﺖ ﻋﻠﻴﻪ ﺿﺎﺝ
ﻋﻠﻲ - ﻟﺘﺒﺠﻴﻦ ﻭﻟﺘﺨﺎﻓﻴﻦ ﻣﺎ ﺭﺍﺡ ﺍﺳﻮﻳﻠﺞ ﺷﻲ ﻭﺍﺗﺤﻤﻠﻴﻨﻲ ﺑﺲ ﻫﺎﻱ ﺍﻟﻔﺘﺮﺓ ﻋﻠﻰ ﻣﺎﺗﺨﻠﺺ ﺍﻟﺴﺎﻟﻔﺔ ﻭﺑﻌﺪﻳﻦ ﺍﻧﺘﻲ ﺣﺮﺓ ﻳﺒﻨﺖ ﺍﻟﻨﺎﺱ ﻭﺷﻔﺘﺔ ﻋﺎﻓﻨﻲ ﻭﻃﻠﻊ ﻛﻠﺶ ﺿﺎﻳﺞ
ﻭﻓﻌﻼ ﺳﺎﻓﺮﻧﺎ ﻟﻠﻨﺎﺻﺮﻳﺔ ﻟﺒﻴﺖ ﺍﺑﻮﻳﺔ ﻭﻫﻮ ﺍﺧﺬ ﺍﺟﺎﺯﺓ ﻣﻦ ﺩﻭﺍﻣﺔ ﻛﺎﻧﺖ ﺍﺳﺒﻮﻋﻴﻦ
ﻭﻇﻞ ﻫﻮ ﺍﻭﻝ ﺍﻳﺎﻡ ﻳﻌﺪﻝ ﺑﺎﻟﺒﻴﺖ ﻭﺍﺷﺘﺮﺍﻟﻲ ﺣﻠﻘﺔ ﻭﺫﻫﺐ ﻛﺎﻥ ﺟﺎﻳﺒﻬﻢ ﻭﻳﺎﻩ ﻣﻦ ﺑﻐﺪﺍﺩ ﻭﺟﺎﻧﻮ ﻛﻠﺶ ﺣﻠﻮﺍﺕ
ﺑﺲ ﺍﻧﻲ ﻣﻔﺮﺣﺖ ﺑﻴﻬﻢ ﻻﻥ ﻋﻠﻰ ﺷﻨﻮ ﻳﺠﻴﺒﻠﻲ ﻭﻫﻮ ﺍﺻﻼ ﺍﺗﻔﻖ ﻭﻳﺎﻱ ﻣﻦ ﺍﻭﻝ ﻳﻮﻡ ﺍﻥ ﺯﻭﺍﺟﻨﺎ ﻣﺎ ﺭﺍﺡ ﻳﺴﺘﻤﺮ ﻭﮔﻠﻲ ﺍﻧﺘﻈﺮ ﻣﺪﺓ ﻋﻠﻰ ﻣﺘﺨﻠﺺ ﺍﻟﺴﺎﻟﻔﺔ ﻭﺑﻌﺪﻳﻦ ﻛﻠﻤﻦ ﻳﺮﻭﺡ ﺑﻄﺮﻳﻘﺔ
ﻭﺍﻟﻠﻪ ﻣﺮﺕ ﺍﻻﻳﺎﻡ ﻭﺍﺑﺎﻭﻉ ﻋﻠﻴﻪ ﻧﻈﺮﺍﺗﻪ ﺍﺑﺪ ﻣﺘﻐﻴﺮﺕ ﺑﺎﻟﻌﻜﺲ ﺍﺣﺲ ﺑﻲ ﻳﺮﻳﺪ ﻳﺎﻛﻠﻨﻲ ﻭﻳﻮﻡ ﻋﻦ ﻳﻮﻡ ﺻﺮﺕ ﺍﺗﻌﻠﻖ ﺑﻲ
ﻭﻛﺎﻥ ﻫﻮ ﺩﺍﺋﻤﺎ ﻳﺤﺠﻴﻠﻲ ﻋﻨﻜﻢ ﻭﻋﻦ ﺍﻭﺿﺎﻋﻜﻢ ﻭﻣﺮﺓ ﻣﻦ ﺍﻟﻤﺮﺍﺕ ﻛﺎﻥ ﻫﻮ ﻃﺎﻟﻊ ﺑﺮﺓ ﺍﻟﺒﻴﺖ ﻭﺍﻧﻲ ﺍﻟﺘﻬﻴﺖ ﺍﻃﺒﺦ ﻭﺍﻧﻀﻒ ﺍﻧﺘﺒﻬﺖ ﻋﻠﻰ ﻣﻼﺑﺲ ﻭﺭﻭﺣﻲ ﺍﺗﻮﺻﺨﺖ
ﻭﺭﺣﺖ ﺩﺧﻠﺖ ﺑﺎﻟﺤﻤﺎﻡ ﺍﺳﺒﺢ
↙️
ﻃﺒﻌﺎ ﺍﻧﻲ ﺍﺑﺪ ﻣﺎ ﺍﺩﺧﻞ ﺍﺳﺒﺢ ﻭﻫﻮ ﻣﻮﺟﺪ ﺑﺎﻟﺒﻴﺖ ﺍﺳﺘﺤﻲ
ﻻﻥ ﺍﻧﻲ ﺑﻴﺔ ﻃﺒﻴﻌﺔ ﻣﺎ ﺍﻟﺒﺲ ﻣﻼﺑﺴﻲ ﺑﺎﻟﺤﻤﺎﻡ ﻭﻛﻨﺖ ﺩﺍﺋﻤﺎً ﺍﻟﻒ ﺍﻟﻤﻨﺸﻔﺔ ﺣﻮﻝ ﺟﺴﻤﻲ ﻭﺍﺭﻭﺡ ﻟﻐﺮﻓﺘﻲ ﺍﻟﺒﺲ ﻫﺪﻭﻣﻲ
ﻭﺧﻠﺼﺖ ﻣﻦ ﺍﻟﺤﻤﺎﻡ ﻭﻃﻠﻌﺖ ﻭﺍﻧﻲ ﻻﻓﺔ ﻧﻔﺴﻲ . ﺑﺎﻟﻤﻨﺸﻔﺔ ﻛﺎﻟﻌﺎﺩﺓ ﻟﻜﻦ ﺍﻧﺼﺪﻣﺖ ﺑﻌﻠﻲ ﺻﺎﺭ ﺑﻮﺟﻬﻲ ﻭﺍﻧﻲ ﺷﻬﮕﺖ ﻣﻦ ﺍﻟﻜﻤﺰﺓ ﻻﻥ ﻣﺎﺟﻨﺖ ﻣﺘﻮﻗﻌﺔ ﻳﻄﻠﻊ ﺑﻮﺟﻬﻲ ﻭﻳﺨﺮﻋﻨﻲ
ﻭﺍﻧﺘﺒﻬﺖ ﻟﻌﻴﻮﻥ ﻋﻠﻲ ﺷﻠﻮﻥ ﺍﻧﻔﺘﺤﺖ ﻋﻠﻰ ﻭﺳﻌﻬﻦ ﻋﺒﺎﻟﻚ ﺗﺮﻳﺪ ﺗﻄﻠﻊ ﻭﻓﺘﺢ ﺣﻠﻜﺔ
ﻭﺍﻧﻲ ﺍﺧﺘﻜﻢ ﻧﺴﻴﺖ ﻧﻔﺴﻲ ﺑﻄﺮﮒ ﺍﻟﻤﻨﺸﻔﺔ ﻭﺍﻟﻠﻪ ﻛﻠﺔ ﻣﻦ ﻭﺭﺓ ﺍﻟﺨﺮﻋﺔ
ﻫﻮ ﺍﻗﺘﺮﺏ ﻣﻨﻲ ﻭﺍﻧﻲ ﺭﺟﻌﺖ ﻟﻠﺨﻠﻒ
ﺳﻤﺎﺡ - ﻫَـﺎ ﻋﻠﻲ ﺍﺟﻴﺖ
ﻋﻠﻲ - ﻻ ﻫﺬﺍ ﺍﻟﺠﻨﻲ ﻭﺍﻛﻒ ﮔﺪﺍﻣﺞ
ﺑﺲ ﻋﻮﺩﻙ ﻫﻮ ﺷﻨﻮ ﻳﺤﺠﻲ ﻭﻳﺎﻱ ﻋﺒﺎﻟﻚ ﺷﻠﻮﻥ ﺍﻟﻮﺍﺣﺪ ﺍﻟﻲ ﻳﺮﻳﺪ ﻳﻠﻬﻲ ﻭﺍﺣﺪ ﺣﺘﻰ ﻳﻨﺴﻲ ﻧﻔﺴﺔ
ﺑﺲ ﺍﻧﻲ ﺷﻴﻨﺴﻴﻨﻲ ﻭﻟﻜﻢ ﺑﻄﺮﻙ ﺍﻟﺨﺎﻭﻟﻲ ﺻﺮﺕ ﺑﺲ ﺍﺭﻳﺪ ﺍﺣﺸﻢ ﻧﻔﺴﻲ ﺑﻮﻛﺘﻬﺎ ﺣﺴﻴﺖ ﺍﻟﺤﺮﺍﺭﺓ ﺗﻄﻠﻊ ﻣﻦ ﻭﺟﻬﻲ
ﺷﻔﺘﺔ ﺍﺗﻘﺪﻡ ﻣﻨﻲ
ﻫﻮ ﺻﺎﺭ ﻗﺮﻳﺐ ﻋﻠﻴﺔ ﻭﺍﻧﻲ ﻧﺼﺒﺘﻠﻜﻢ ﻣﻨﺎﺣﺔ ﻣﻦ ﺍﻟﺒﺠﻲ
ﺧﻄﻴﺔ ﺧﻠﻴﺘﺔ ﻳﻔﺮ ﺑﺬﺍﻧﺔ ﻳﺮﻳﺪ ﺑﺲ ﻳﺴﻜﺖ ﺍﻟﻐﺎﺭﺓ ﺍﻟﻲ ﺍﻧﻔﺘﺤﺖ ﻋﻠﻴﻪ ﻣﺎﻛﻮ ﺑﻌﺪ ﺍﺧﺘﻜﻢ ﻭﺍﻧﻔﺘﺤﺖ ﺑﺎﻟﺒﺠﻲ ﺗﻌﺎﻝ ﺟﻴﺐ ﺍﻟﻲ ﻳﺴﻜﺘﻬﺎ
ﻋﻠﻲ ﺑﺮﺗﺒﺎﻙ - ﻫَـﺎ ﻫَـﺎ ﺷﻜﻮ ﺷﻜﻮ ﻟﻴﺶ ﺍﻟﺒﺠﻲ ﺗﺮﺓ ﻭﺍﻟﻠﻪ ﻣﺴﻮﻳﺘﻠﺞ ﺷﻲ ﺣﺘﻰ ﺗﺒﺠﻴﻦ
ﻭﺍﺧﺘﻜﻢ ﺍﺳﺘﻐﻠﻴﺘﻬﺎ ﻓﺮﺻﺔ ﻫﻮ ﻳﺤﺠﻲ ﻳﺮﻳﺪ ﻳﺴﻜﺘﻨﻲ ﻭﺍﻧﻲ )) ﺍﺷﺮﺩ ﺧﻮﻳﺔ ﻋﺎﻣﺮ (( ﻣﺎﺗﺸﻮﻓﻮﻥ ﻭﺭﺍﻱ ﺑﺲ ﻏﺒﺎﺭﻱ ﻣﻦ ﺍﻟﺴﺮﻋﺔ ﺑﻴﺐ ﺑﻴﺐ
ﺍﻟﻤﻬﻢ ﺩﺧﻠﺖ ﺑﺴﺮﻋﺔ ﻋﻐﺮﻓﺘﻲ ﻭﻗﻔﻠﺖ ﺍﻟﺒﺎﺏ
ﻭﺍﻟﻠﻪ ﻭﺟﺎﻥ ﺍﺳﻤﻊ ﺍﻟﺒﺎﺏ ﻳﻨﺪﻙ ﻭﺳﻤﻌﺖ ﻛﻠﻤﺎﺕ ﻋﻠﻲ ﺍﻟﻲ ﻟﺤﺪ ﻫﺴﺔ ﺗﺮﻥ ﺑﺄﺫﻧﻲ ﻭﺑﻌﻤﺮﻱ ﻣﺎ ﺭﺍﺡ ﺍﻧﺴﺎﻫﺎ
ﻋﻠﻲ - ﺷﻮﻓﻲ ﻳﺎﺣﻠﻮﺓ ﻫﺎﻟﻤﺮﺓ ﮔﺪﺭﺗﻲ ﺗﻨﻔﺬﻳﻦ ﺑﺠﻠﺪﺝ ﻭﺗﺸﺮﺩﻳﻦ ﻣﻦ ﺑﻴﻦ ﺍﺩﻳﺔ ﻟﻜﻦ ﻫﺎﻱ ﺍﺧﺮ ﻣﺮﺓ ﺭﺍﺡ ﺍﺧﻠﻴﺞ ﺗﺸﺮﺩﻳﻦ ﻳﺎﻟﻠﻪ ﻃﻠﻌﻲ ﺻﺒﻴﻠﻲ ﻏﺪﺓ ﻣﻴﺖ ﻣﻦ ﺍﻟﺠﻮﻉ
ﻭﺳﻤﻌﺘﺔ ﺣﺠﺔ ﺑﺼﻮﺕ ﻧﺎﺻﻲ ﻋﺒﺎﻟﺔ ﻣﺴﻤﻌﺘﻪ
ﺍﺥ ﺍﻟﻠﻪ ﻣﻴﺖ ﻣﻦ ﺍﻟﺠﻮﻉ ﻭﺍﺭﻳﺪ ﺍﻛﻠﺞ ﻛﻠﺞ
ﻃﻠﻌﺖ ﻣﻦ ﺍﻟﻐﺮﻓﺔ ﻭﺍﻧﻲ ﺍﺗﻠﻔﺖ ﻣﺜﻞ ﺍﻟﺤﺮﺍﻣﻲ
ﻣﺎ ﺍﻧﻜﺮ ﻭﺍﺟﺬﺏ ﻋﻠﻴﻜﻢ ﺍﻥ ﺍﻧﻲ ﻓﺮﺣﺖ ﻣﻦ ﺳﻤﻌﺖ ﻛﻼﻡ ﻋﻠﻲ ﺑﻮﻛﺘﻬﺎ ﺩﺧﻞ ﺍﻻﻣﻞ ﻟﮕﻠﺒﻲ
ﻭﺭﺣﺖ ﺍﺻﺐ ﺍﻟﻐﺪﺓ ﻭﻣﺎ ﺣﺴﻴﺖ ﺍﻻ ﻋﻠﻰ ﻭﺍﺣﺪ ﺍﺟﺎﻧﻲ ﻣﻦ ﺍﻟﺨﻠﻒ ﻭ ﻟﻒ ﺍﻳﺪﺓ ﻋﻠﻰ ﺧﺼﺮﻱ ﻭﺷﺎﻟﻨﻲ ﺑﺲ ﺍﻧﻲ ﺍﺗﺨﺮﺩﻟﺖ ﻣﻦ ﺍﻟﻤﻔﺎﺟﺌﺔ
ﺳﻤﺎﺡ - ﺷﻨﻮ ﺷﻨﻮ ﻧﻠﺰﻟﻨﻲ ﻋﻴﻔﺔ ﺍﻟﻠﻪ ﻳﺨﻠﻚ
ﻋﻠﻲ ﻭﻫﻮ ﻳﻀﺤﻚ ﺩﺧﻠﻨﻲ ﻟﻐﺮﻓﺘﺔ ﺍﻟﻲ ﺍﺷﺘﺮﺍﻫﺔ ﺑﻮﻗﺘﻬﺎ ﺍﺳﺘﻐﺮﺑﺖ ﻟﻴﺶ ﺟﺎﺏ ﻏﺮﻓﺔ ﺑﺲ ﮔﻠﺖ ﺍﻟﺠﺎﺋﺰ ﻣﺘﻌﻮﺩ ﻳﺎﺧﺬ ﺭﺍﺣﺘﺔ ﺑﻬﻴﺞ ﻏﺮﻓﺔ
ﻋﻠﻲ - ﺷﻮﻓﻲ ﺣﺒﺎﺑﺔ ﺗﺮﺓ ﻧﻔﺬ ﺻﺒﺮﻱ ﻭﻣﺎ ﺑﻌﺪ ﺍﻛﺪﺭ ﺍﺗﺤﻤﻞ
ﺍﺭﻳﺪﺝ ﺍﻟﻲ ﻣﺮﺓ ﻭﺍﻟﻠﻪ ﻏﻴﺮ ﻭﺍﺣﺪ ﺟﺎﻥ ﻣﺎﺳﻜﺖ
ﺳﻤﺎﺡ - ﻻ ﻋﻠﻲ ﺍﺫﺍ ﺟﺎﻳﻨﻲ ﺗﺮﻳﺪ ﺣﺘﻰ ﺗﺸﺒﻊ ﺭﻏﺒﺎﺗﻚ
ﻓﺎﻧﻲ ﺍﺳﻔﺔ ﺭﻭﺡ ﺍﺷﺒﻊ ﺭﻏﺒﺎﺗﻚ ﺑﻌﻴﺪ ﻋﻨﻲ ﺗﺮﺓ ﺍﻧﻲ ﻣﺎ ﺍﻓﻴﺪﻙ ﻻﻥ ﺍﻋﺮﻑ ﺻﻌﺒﺔ ﻋﻠﻴﻚ ﺗﺘﻘﺒﻞ ﻭﺣﺪﺓ ﻣﺜﻠﻲ ﺑﺤﻴﺎﺗﻚ ﻭﺍﺩﺭﻱ ﻛﻠﺶ ﺯﻳﻦ ﺍﻧﻲ ﺍﻧﻔﺮﺿﺖ ﻋﻠﻴﻚ ﺣﺘﻰ ﺗﺘﺰﻭﺟﻨﻲ
ﻭﺍﺷﻜﺮﻙ ﻭﺍﺷﻜﺮ ﺷﻬﺎﻣﺘﻚ ﻭﻳﺎﻱ ﻟﻜﻦ ﻣﺎ ﺍﮔﺪﺭ ﺍﺻﻴﺮ ﺑﺤﻴﺎﺗﻚ ﻧﺰﻭﺓ ﻋﺎﺑﺮﺓ
ﻭﺍﺩﺭﻱ ﺑﻴﻚ ﺷﻔﺘﻨﻲ ﮔﺒﺎﻟﻚ ﻭﮔﻠﺖ ﺧﻞ ﺍﺳﺘﻔﻴﺪ ﻣﻨﻬﺎ ﻣﺪﺍﻡ ﻫﻲ ﺍﮔﺒﺎﻟﻚ
ﺍﺗﺮﻛﻨﻲ ﻭﺍﺑﻘﺔ ﻋﻠﻰ ﻣﻠﺘﺰﻡ ﺑﻜﻠﻤﺘﻚ ﻭﻳﺎﻱ
ﻋﻠﻲ - ﺷﺠﺎﻱ ﺗﺤﺠﻴﻦ ﻫﺬﺍ ﺍﻟﻜﻼﻡ ﻣﻨﻴﻦ ﺟﺒﺘﻲ
ﺳﻤﺎﺡ - ﻟﻴﺶ ﻧﺴﻴﺖ ﺑﺎﻭﻝ ﻳﻮﻡ ﺯﻭﺍﺟﻨﺎ ﺷﺤﺠﻴﺖ
ﻛﻠﺖ ﺍﺧﺬﻱ ﺭﺍﺣﺘﺞ ﻭﺍﻧﻲ ﻣﺎ ﺍﺭﻳﺪ ﻣﻨﺞ ﺍﻱ ﺣﻘﻮﻕ ﻭﻣﻦ ﺷﻔﺘﻨﻲ ﺑﺠﻴﺖ ﻛﻠﺖ ﻟﺘﺒﺠﻴﻦ ﺗﺮﺓ ﻫﺬﺍ ﺍﻟﺰﻭﺍﺝ ﻭﻗﺘﻲ
ﻋﻠﻲ - ﺍﻫﻮﻭﻭﻭﻭﻭﻭﻭ ﻫﺎﻱ ﺍﻧﺘﻲ ﺷﻨﻮ ﻣﻦ ﺩﺍﻫﻴﺔ ﺧﺮﺏ ﺑﺎﻟﺤﻆ ﺷﻠﻮﻥ ﺣﻮﺭﺗﻲ ﻛﻼﻣﻲ ﻭﺳﻮﻳﺘﻪ ﻓﻠﻢ ﻫﻨﺪﻱ
ﻭﻟﺞ ﺷﺤﺠﻴﻠﺞ ﺩﺗﻌﺎﻱ ﮔﻌﺪﻱ ﻳﻤﻲ ﺧﻞ ﺍﻓﻬﻤﺞ
ﺳﻤﺎﺡ
ﺭﺣﺖ ﮔﻌﺪﺕ ﻳﻤﺔ ﻭﺍﻧﻲ ﻣﺘﺮﺩﺩﺓ
ﻭﻫﻮ ﺍﻟﺘﻔﺖ ﻋﻠﻴﺔ ﻭﺳﺤﺒﻨﻲ ﻋﻠﻪ ﻭﺧﻤﻂ ﺷﻔﺎﻳﻔﻲ ﺑﺒﻮﺳﺔ ﻭﻧﺰﻝ ﻋﻠﻰ ﺭﮔﺒﺘﻲ
ﺍﻧﻲ ﺑﻮﻛﺘﻬﺎ ﺻﺮﺕ ﺷﻠﻮﻥ ﺍﻟﻲ ﺩﺧﻠﻮ ﻋﻠﻴﻬﻢ ﺍﻟﻐﺰﻭ ﻳﻌﻨﻲ ﺍﺗﻔﺮﻫﺪﺕ ﺑﻴﻦ ﺍﺩﻳﻪ ﻣﺎﻛﺪﺭﺕ ﺍﺣﺠﻲ ﺍﻱ ﺍﻱ ﺣﺮﻑ ﺟﻨﺖ ﻣﺘﻔﺎﺟﺌﺔ ﺑﺘﺼﺮﻑ ﻋﻠﻲ ﻭﻣﺘﻔﺎﺟﺌﺔ ﻣﻦ ﺭﻭﺣﻲ ﺣﺴﻴﺖ ﺑﻤﺠﻤﻮﻋﺔ ﻣﺸﺎﻋﺮ ﻏﺰﺗﻨﻲ ﻭﺍﺣﺘﻠﺖ ﮔﻠﺒﻲ
ﺍﺑﺘﻌﺪ ﻋﻠﻲ ﻋﻨﻲ ﻭﻫﻮ ﻳﺘﻨﻔﺲ ﺳﺮﻳﻊ
ﻋﻠﻲ - ﺷﻮﻓﻲ ﻳﺒﻨﺖ ﻋﻤﻲ ﺍﻧﻲ ﺭﺩﺗﺞ ﺍﻟﻲ ﻣﻦ ﺍﻭﻝ ﻳﻮﻡ ﻭﻛﻌﺖ ﻋﻴﻨﻲ ﻋﻠﻴﺞ ﻭﺭﺩﺗﺞ ﺗﺼﻴﺮﻳﻦ ﺯﻭﺟﺘﻲ ﻳﻌﻨﻲ ﺍﻟﻈﺮﻭﻑ ﻣﺠﺒﺮﺗﻨﻲ ﺍﺯﻭﺟﺞ ﻻﻥ ﺑﻴﻬﺔ ﺑﻠﻴﺎﻫﺔ ﺍﻧﻲ ﺍﺭﻳﺪﺝ ﺍﻟﻲ ﻣﻠﻜﻲ
ﻭﻫﺬﺍ ﺍﻟﻜﻼﻡ ﺍﻟﻲ ﺣﺠﻴﺘﺔ ﺍﻟﺞ ﺑﺎﻭﻝ ﻳﻮﻡ ﻛﺎﻧﺖ ﻏﺎﻳﺘﻲ . ﺍﻃﻤﻨﺞ ﻭﻣﺘﺨﺎﻓﻴﻦ
ﻭﻣﺎ ﻛﻌﺪﺕ ﺍﻃﺎﻟﺒﺞ ﺑﺤﻘﻮﻗﻲ ﻛﻠﺖ ﺍﺻﺒﺮ ﻋﻠﻴﺞ ﺣﺘﻰ ﺗﺒﺪﻳﻦ ﺗﺘﻌﻮﺩﻳﻦ ﻋﻠﻴﺔ ﻭﺗﺘﻘﺒﻠﻴﻦ ﻭﺟﻮﺩﻱ ﺑﺤﻴﺎﺗﺞ ﻻﻥ ﺍﻋﺮﻑ ﻛﻠﺶ ﺯﻳﻦ ﺍﻧﻲ ﻏﺮﻳﺐ ﻋﻠﻴﺞ ﻭﻣﺘﻌﺮﻓﻴﻦ ﻋﻨﻲ ﺷﻲ ﻭﺻﻌﺒﺔ ﻋﻠﻴﺞ ﺑﻠﻴﻠﺔ ﻭﻳﻮﻡ ﺗﺘﻘﺒﻠﻴﻨﻲ ﺑﺤﻴﺎﺗﻲ
ﺳﻤﺎﺡ
ﻛﺎﻥ ﻛﻼﻡ ﻋﻠﻲ ﻣﻔﺎﺟﺌﺔ ﻟﻜﻦ ﻣﻔﺎﺟﺌﺔ ﺟﻤﻴﻠﺔ
ﺍﻧﻲ ﻣﺴﺤﺖ ﺩﻣﻮﻋﻲ ﻭﺍﺑﺘﺴﻤﺖ
- ﺍﻧﻲ ﻛﻨﺖ ﺍﺗﻮﻗﻊ ﻣﺘﺮﻳﺪﻧﻲ
ﻭﻋﻠﻲ ﻣﺎ ﺍﻧﻄﺎﻫﺔ ﻣﺠﺎﻝ
ﻋﻠﻲ - ﺩﺗﻌﺎﻱ ﺧﻞ ﺍﺷﻮﻓﺞ ﻣﻨﻮ ﺍﻟﻤﺎﻳﺮﻳﺪﺝ ﻣﻨﻮ
ﻭﺩﻓﻌﻨﻲ ﻋﻠﻰ ﻛﻴﻒ ﻋﻠﻰ ﺍﻟﺴﺮﻳﺮ ﻭﺑﺪﺓ ﻳﺴﺘﺪﺭﺟﻨﻲ ﻭﻳﺎﺧﺬﻧﻲ ﻭﻳﺎﻩ ﺍﻟﻰ ﻋﺎﻟﻢ ﻏﺮﻳﺐ ﻻﻭﻝ ﻣﺮﺓ ﺍﺩﺧﻞ ﺑﻴﻪ ﻭﻛﺎﻥ ﻋﻠﻲ ﻫﻮ ﺍﻟﻘﺎﺋﺪ ﺑﺘﻌﻠﻴﻤﻲ ﻭﺑﻌﺪﻫﺎ ﺻﺮﻧﺎ ﺟﺴﺪ ﻭﺍﺣﺪ ﻭﻛﺎﻧﺖ ﺍﻻﻧﻔﺎﺱ ﻭﺍﻟﻠﻤﺴﺎﺕ ﻫﻲ ﺍﻟﺘﻲ ﺗﺘﻜﻠﻢ ﻋﻦ ﻣﺎ ﻳﺠﻮﻝ ﻓﻲ ﺧﺎﻃﺮ ﻋﻠﻲ ﺑﺘﺠﺎﻩ ﺳﻤﺎﺡ
ﻭﺑﻌﺪﻫﺎ ﻋﺸﺖ ﻣﻊ ﻋﻠﻲ ﺍﺟﻤﻞ ﺣﻴﺎﺓ ﻣﺎ ﺍﻧﻜﺮ ﺍﻥ ﻋﻠﻲ ﻣﻮ ﻛﺎﻣﻞ ﻭﻋﻨﺪﺓ ﺑﻌﺾ ﺍﻟﻌﻨﺎﺩ ﻭﻣﺎ ﺭﺍﺡ ﺍﻧﻜﺮ ﺍﺣﻨﺎ ﻣﺎ ﻋﻨﺪﻧﺎ ﺑﻌﺾ ﺍﻟﻤﺸﺎﻛﻞ ﺑﺤﻴﺎﺗﻨﺎ ﻣﺜﻞ ﺍﻱ ﻣﺘﺰﻭﺟﻴﻦ ﻭﺻﺎﺭ ﻋﺪﻧﺎ ﺣﻤﻮﺩﻱ ﻭﺭﺑﻲ ﺭﺯﻗﻨﻲ ﺑﻬﺬﺍ ﺣﻤﻠﻲ ﺍﻟﺜﺎﻧﻲ
ﻭﺍﺣﻤﺪ ﺍﻟﻠﻪ ﻛﺘﺒﻠﻲ ﺍﺷﻮﻓﻜﻢ ﻭﺍﻟﺘﻘﻲ ﺑﻴﻜﻢ
ﻭﺍﺳﺘﻤﺮﺕ ﺑﺨﺒﺮ ﺳﻠﻮﻯ ﻭﺳﺮﻭﺭ ﺷﻠﻮﻥ ﻛﺎﻧﺖ ﺗﺘﻮﺍﺻﻞ ﻭﺑﺠﻤﻊ ﺍﻻﺣﺪﺍﺙ ﺍﻟﻲ ﻛﺎﻧﻮ ﻏﺎﻓﻠﻴﻦ ﻋﻨﻬﺎ ﺣﺘﻰ ﻳﺒﻘﻮﻥ ﻋﻠﻰ ﺍﺗﺼﺎﻝ
ﻭﻗﻄﻊ ﺻﻮﺕ ﻋﻠﻲ ﻋﻠﻴﻨﺎ ﺟﻤﻌﺘﻨﺎ ﺍﻧﻲ ﻭﺧﻮﺍﺗﻲ
ﻛﺎﻥ ﻳﺼﻴﺢ ﻟﺴﻤﺎﺡ ﺣﺘﻰ ﺗﺠﻲ ﺗﺎﺧﺬ ﺍﺑﻨﻬﻢ ﺣﻤﻮﺩﻱ ﻭﺭﺍﺣﺖ ﺳﻤﺎﺡ ﻟﻌﻠﻲ ﻭﻃﻠﻌﻨﺎ ﻭﺭﺍﻫﻢ
ﻭﺳﻤﻌﻨﺎ ﻋﻠﻲ
ﻋﻠﻲ - ﺍﺩﺭﻱ ﻣﻦ ﻟﮕﺔ ﺍﺣﺒﺎﺑﺔ ﻧﺴﺔ ﺍﺻﺤﺎﺑﺔ
ﺩﺗﻌﺎﻱ ﺷﻨﻮ ﻧﻤﺘﻲ ﻣﺘﮕﻮﻟﻴﻦ ﻫﺬﺍ ﺭﺟﻠﻲ ﺧﻄﻴﺔ ﺍﺷﻮﻓﺔ ﺷﺒﻲ ﻣﺎﺑﻲ
ﺳﻤﺎﺡ - ﺷﻌﻨﺪﻱ . ﻏﻴﺮﻙ ﺑﺲ ﻭﺍﻟﻠﻪ ﻣﺸﺘﺎﻗﺔ ﻟﺨﻮﺍﺗﻲ . ﺧﻠﻴﻨﻲ ﺍﺑﻘﻰ ﻳﻤﻬﻢ ﺍﻟﻴﻮﻡ
ﻋﻠﻲ - ﻻ ﻳﺎﺑﺔ ﻫﺎﻱ ﺍﺣﺠﻴﻬﺎ ﻟﺨﻮﺍﻟﺞ ﻣﺎﻝ ﺍﺧﻠﻴﺞ ﺗﺒﺎﺗﻴﻦ ﺑﻌﻴﺪ ﻋﻦ ﺣﻀﻨﻲ
ﻟﺞ ﺍﻧﺘﻲ ﻣﺘﺪﺭﻳﻦ ﺷﺼﺎﺭ ﺑﻴﺔ ﻣﻦ ﺧﻄﻔﻮﺝ ﺍﺟﻴﺖ ﺍﺗﺨﺒﻞ ﺻﺮﺕ ﻣﺜﻞ ﺍﻟﻄﻴﺮ ﺍﻟﻤﺬﺑﻮﺡ ﺍﺭﻳﺪ ﺍﻃﻴﺢ ﻋﻠﻰ ﻣﻜﺎﻧﺞ ﻣﺎﻛﻮ ﺍﺥ ﺍﻟﻠﻪ ﻟﺞ ﺩﺗﻌﺎﻱ ﻟﺤﻀﻨﻲ ﺧﻞ ﺍﺷﻤﺞ ﺍﻭﻑ ﻳﺎﺑﺔ ﺗﻌﺎﻱ ﻳﺎﻟﻠﻪ ﺣﺘﻰ ﺗﺮﺗﺎﺣﻴﻦ ﻣﻮ ﺯﻳﻦ ﻋﻠﻰ ﺍﻟﺤﻤﻞ
ﺷﻔﺘﻬﻢ ﺷﻠﻮﻥ ﻟﺰﻡ ﺍﻳﺪ ﺳﻤﺎﺡ ﻭﺍﺧﺬﻫﺎ ﻭﻳﺎﻩ ﻟﺒﻴﺘﻬﻢ ﻭﺍﻧﻲ
ﺻﺤﺖ ﻭﺭﺍﻫﻢ ﺭﻭﺣﻮ ﻭﺧﻠﻮ ﺣﻤﻮﺩﻱ ﻋﻨﺪﻱ ﺍﺫﺍ ﺑﺠﺔ ﻋﻠﻴﻜﻢ ﺍﺭﺟﻌﺔ ﺑﻴﺪ ﻋﻼﺀ
ﻋﻠﻲ ﻭﻫﻮ ﻳﻐﻤﺰ ﻟﺴﻤﺎﺡ
- ﻭﺍﻟﻠﻪ ﺍﺣﻠﻰ . ﺧﺎﻟﺔ
↙️
ﻣﺮﺕ ﺍﻻﻳﺎﻡ ﻭﻧﺸﻐﻠﻨﺎ ﺑﺰﻭﺍﺝ ﺳﻠﻮﻯ ﻭﻧﻮﺍﻑ ﺍﺑﻦ ﻋﻤﻲ ﻭﺟﻬﺰﻧﺎ ﻟﺴﻠﻮﻯ ﻭﺟﺪﻱ ﻣﻘﺒﻞ ﺍﻟﺰﻭﺍﺝ ﻳﺘﺄﺟﻞ ﻻﻥ ﺧﻄﻴﺔ ﺍﻟﻤﮕﺮﻭﺩ ﻧﻮﺍﻑ ﺑﺲ ﻭﺍﺣﺪ ﻳﮕﻠﺔ ﺍﺟﻞ ﻳﺒﺠﻲ ﻻﻥ ﻫﺬﻭﻟﻲ ﻫﻮﺍﻱ ﻋﺎﻧﻮ ﻭﻳﺎﻧﺎ ﻣﻦ ﻭﺭﺓ ﺍﻟﻤﺸﺎﻛﻞ ﻭﺍﻻﺣﺪﺍﺙ ﺍﻟﺼﺎﺭﺕ
ﻭﻣﺒﻘﻰ ﺷﻲ ﻋﻠﻰ ﺯﻭﺍﺟﻬﻢ
ﺣﺴﺎﻡ
ﻃﻠﻊ ﻣﻦ ﺍﻟﻤﺴﺘﺸﻔﻰ ﻟﻜﻦ ﺑﻌﺪﺓ ﺟﺮﺣﺔ ﻣﻄﺎﺏ ﺑﺲ ﻛﺎﻥ ﺍﻟﺠﺮﺡ ﻣﻀﻤﺪ ﻭﻻﺑﺲ ﺣﺎﻣﻞ ﺍﻟﻴﺪ ﻭﻣﺜﺒﺖ ﺍﻟﻜﺘﻒ ﺧﻄﻴﺔ ﻭﻫﻮ ﺍﻻﺳﺘﺎﺫ ﻣﺴﺘﻐﻞ ﻫﺎﻱ ﺍﻟﻔﻘﺮﺓ ﺍﺷﻮ ﻛﻠﻤﺎ ﻳﺸﻮﻓﻨﻲ ﺍﺩﺧﻞ ﻟﺒﻴﺘﻬﻢ ﻳﺴﻮﻱ ﺭﻭﺣﺔ ﻛﻠﺶ ﻣﻌﻮﻕ ﻭﻣﺎﺑﻲ ﺣﻴﻞ ﻻﻳﺸﻴﻞ ﺍﻳﺪ ﻭﻻﻳﺤﻂ ﺭﺟﻞ ﻭﺗﻌﺎﻱ ﻳﻔﺮﺡ ﺳﺎﻋﺪﻳﻨﻲ ﻭﺗﻌﺎﻱ ﻳﻔﺮﺡ ﻭﻛﻠﻴﻨﻲ ﻭﺗﻌﺎﻱ ﻳﻔﺮﺡ ﻧﻮﻣﻴﻨﻲ
ﻭﺍﻧﻲ ﺍﺧﺘﻜﻢ ﻫﻢ ﻣﺎ ﺍﺟﺬﺏ ﻋﻠﻴﻜﻢ ﺻﺮﺕ ﺍﺫﺍ ﺍﺭﻳﺪ ﺍﺷﺮﺏ ﻛﻼﺹ ﻣﺎﻱ ﻛﻤﺖ ﺍﺭﻭﺡ ﺍﺷﺮﺑﺔ ﻣﻦ ﻳﻢ ﺑﻴﺖ ﻋﻤﻲ ﺗﻮﻓﻴﻖ
ﺍﺣﻠﻰ ﺷﻲ ﺣﺴﺎﻡ ﻣﻦ ﮔﺪ ﻣﺎ ﻛﻞ ﺳﺎﻋﺔ ﻳﺸﻮﻓﻨﻲ ﺭﺍﺯﺓ ﻧﻔﺴﻲ ﻋﺪﻫﻢ ﻭﻳﻢ ﺍﻟﺒﻨﺎﺕ
ﺣﺴﺎﻡ - ﺷﻨﻮ ﻳﺎﺣﻠﻮ ﺍﺷﻮ ﻛﻞ ﺳﺎﻋﺔ ﺍﺷﻮﻓﻚ ﻋﺪﻧﺎ
ﺷﻨﻮ ﻣﺎﻋﻨﺪﻛﻢ ﺑﻴﺖ ﺷﻌﻨﺪﻙ ﮔﺎﻋﺪ ﺑﮕﻠﺒﻲ
ﻓﺮﺡ - ﺍﻧﻲ ﻣﺠﺎﻳﺔ ﻋﻠﻴﻚ ﺍﻧﻲ ﺟﺎﻳﺔ ﻟﺒﻴﺖ ﻋﻤﻲ ﺗﻮﻓﻴﻖ ﺣﺒﻴﺒﻲ
ﺣﺴﺎﻡ ﻭﺑﺪﺕ ﻋﻨﺪﺓ ﺑﻮﺍﺩﺭ ﺍﻟﻐﻴﺮﺓ
- ﻫَـﺎ ﻫَـﺎ ﻋﻴﺪﻱ ﺷﻨﻮ ﺷﮕﻠﺘﻲ ﻣﺴﻤﻌﺘﺞ ﺯﻳﻦ
ﻓﺮﺡ ﻭﺑﻀﺤﻜﺔ ﺷﻘﻴﺔ - ﻫﻬﻬﻬﻬﻬﻪ ﻻ ﻣﻮ ﻭﻳﺎﻙ ﺩﺓ ﺍﺣﺠﻲ ﻭﻳﺔ ﻋﻤﻮ ﺗﻮﻓﻴﻖ
ﺗﻮﻓﻴﻖ - ﻫﻠﺔ ﺑﻮﻳﺔ ﺗﻮﺓ ﻣﺎﻧﻮﺭ ﺍﻟﺒﻴﺖ ﻭﺍﻟﻠﻪ ﺍﺷﻜﺪ ﺍﻓﺮﺡ ﻣﻦ ﺍﺳﻤﻊ ﺻﻮﺗﺞ
ﺭﺷﺎ - ﺑﺎﺑﺎ ﻗﺼﺪﻙ ﮔﻮﻝ ﺍﺷﻜﺪ ﻳﻔﺮﺡ ﻛﺮﺷﻚ ﻣﻦ ﺗﺴﻤﻊ ﺑﻔﺮﺡ ﻫﻨﺎ
ﺍﺷﻮ ﻫﻲ ﻣﺪﻟﻠﺘﻚ ﺍﻧﺖ ﻭﺟﺪﻭ ﻭﻋﻤﻮ ﺟﻮﺍﺩ ﺧﻮ ﻫﺬﺍ ﺭﻣﻀﺎﻥ ﻛﻀﻴﺘﺔ ﻛﻠﺔ ﺗﺘﻔﻄﺮ ﻋﻨﺪ ﺑﻴﺖ ﺟﺪﻭ ﻋﻠﻰ ﺍﺑﻮ ﺧﻄﻴﺔ ﺟﺪﻭ ﻳﻀﻮﺝ ﻳﺘﻔﻄﺮ ﻟﻮﺣﺪﺓ ﻭﻣﺎ ﺷﻮﻑ ﺍﻻ ﺭﻣﻀﺎﻥ ﺧﻠﺺ ﻭﺍﻧﺖ ﻭ ﻛﺮﺷﻚ ﺩﺧﻠﺖ ﺑﺸﻬﺮ ﺍﻟﺘﺎﺳﻊ
ﺣﺴﺎﻡ - ﻫﻠﺔ ﻫﻠﺔ ﻛﻠﺔ ﻫَـﺬﺍ ﻳﺼﻴﺮ ﻣﻦ ﻭﺭﺍﻱ ﻭﺍﻧﻲ ﻣﺎﺍﺩﺭﻱ
ﺛﺎﺭﻱ ﻃﻠﻌﺖ ﻳﺒﻮ ﺣﺴﺎﻡ ﺯﺍﺣﻒ ﻭﺗﺰﺣﻒ ﻋﻠﻰ ﺑﻨﺎﺕ ﺍﺧﻮﻙ ﺣﺘﻰ ﻳﺪﻟﻌﻮﻙ
ﻓﺮﺡ ﻭﻫﻲ ﺗﺒﺎﻭﻉ ﻟﺤﺴﺎﻡ ﻭﺗﺤﺮﻙ ﺑﺤﻮﺍﺟﺒﻬﺎ - ﻋﻮﻓﻮ ﻋﻤﻲ ﺷﺒﻴﻜﻢ ﻣﻘﻬﻮﺭﻳﻦ ﻣﻦ ﻋﻨﺪﺓ ﻟﻮ ﺗﻐﺎﺭﻭﻥ
ﺗﻮﻓﻴﻖ - ﺍﻱ ﻳﺎﺑﻌﺪﻋﻤﺞ ﻛﻠﻴﻠﻬﻢ ﻣﻘﻬﻮﺭﻳﻴﻴﻴﻦ ﻣﻦ ﺍﻟﻤﻠﻜﺔ
ﻫﻬﻬﻬﻬﻬﻬﻬﻬﻪ
ﻭﺍﻧﺘﻬﺖ ﻣﺮﺍﺳﻢ ﺣﻠﻔﺔ ﺯﻓﺎﻑ ﺳﻠﻮﻯ ﻭﻧﻮﺍﻑ ﻭﻛﺎﻧﺖ ﺟﺪﺍ ﺟﻤﻴﻠﺔ ﻻﺗﺨﻠﻮ ﻣﻦ ﻣﻄﺎﺭﺩﺍﺕ ﺣﺴﺎﻡ ﻟﻔﺮﺡ ﻭﻣﻌﻜﺴﺎﺕ ﻓﺮﺡ ﻟﺤﺴﺎﻡ
ﺍﻟﺠﺪ ﻭﻫﻮ ﻳﺤﺠﻲ ﻭﻳﺔ ﻓﺮﺡ ﺍﻟﻲ ﺩﺧﻠﺖ ﻋﻠﻴﻬﻢ ﺑﺼﻴﻨﺔ ﺍﻟﺨﺒﺰ ﺍﻟﺤﺎﺭ ﻭﺭﺍﺣﺖ ﻋﻠﻰ ﻋﻤﻴﺰ ﺍﻟﻄﻌﺎﻡ ﺣﺘﻰ ﺗﺼﺐ ﺍﻟﺮﻳﻮﻙ ﺍﻟﻬﻢ
- ﻭﺍﻟﻠﻪ ﻳﺎﺑﻮﻳﺔ ﺭﺍﺡ ﺗﻔﺮﻏﻮﻥ ﻋﻠﻴﻨﺎ ﺍﻟﺒﻴﺖ ﻭﺭﺍﺡ ﻧﺴﺘﻮﺣﺶ ﺍﻧﺔ ﻭﺟﺪﺗﺞ
ﻫﺎﻱ ﺳﻠﻮﻯ ﺍﺗﺰﻭﺟﺖ ﻭﺍﻧﺘﻲ ﻣﺎﺑﻘﺔ ﺷﻬﺮ ﻋﻠﻰ ﺯﻭﺍﺟﺞ ﺍﻧﺘﻲ ﻭﺣﺴﺎﻡ
ﺳﺮﻭﺭ - ﻋﻔﻮ ﻋﻠﻴﻚ ﺟﺪﻱ ﻟﻌﺪ ﺍﻧﻲ ﻭﻳﻦ ﺭﺣﺖ ﻋﻨﻚ ﻟﻮ ﺑﺲ ﻓﺮﺡ ﺣﻔﻴﺪﺗﻚ
ﺍﻟﺠﺪ ﻭﻫﻮ ﻳﺒﺘﺴﻢ
- ﺍﻧﺘﻲ ﺍﻟﺮﻭﺡ ﻭﺍﻟﺮﻳﺔ ( ﻳﻌﻨﻲ ﺍﻟﺮﺋﺔ ) ﺍﻧﺘﻲ ﺍﻟﻜﻞ ﺑﺎﻟﻜﻞ
ﺍﻟﺠﺪﺓ - ﺷﻮﻑ ﺍﻟﺸﺎﻳﺐ ﺷﻠﻮﻥ ﻳﻘﺸﻤﺮ ﻋﻠﻰ ﺍﻟﺒﻨﺎﺕ ﻭﻳﺎﻛﻞ ﺑﻌﻘﻠﻬﻦ ﺍﺛﺎﺭﻳﻚ ﻳﺎﻟﺸﻮﻳﺐ ﻣﺎﺗﮕﻌﺪ ﺭﺍﺣﺔ
ﺍﻟﺠﺪ - ﻫَـﺎ ﺍﻡ ﺗﻮﻓﻴﻖ ﺍﺷﻮ ﺟﻨﻚ ﺍﺷﻢ ﺭﻳﺤﺔ ﻏﻴﺮﺓ ﺑﺎﻟﻬﻮﻯ
ﻟﺞ ﺍﻡ ﺗﻮﻓﻴﻖ ﺍﻧﺖ ﺍﻻﻭﻝ ﻭﺍﻧﺖ ﺍﻻﺧﻴﺮ ﻭﻳﺒﺘﺴﻢ ﺍﻟﻬﺎ
ﺍﻟﺠﺪﺓ ﻭﻫﻲ ﺗﺤﻂ ﺷﻴﻠﺘﻬﺎ ﻋﻠﻰ ﺣﻠﮕﻬﺎ
- ﻳﺎ ﻳﺎ ﺧﺎﺑﻴﺔ ﺻﺎﻟﺢ ﻣﻨﺎ ﺍﻟﺒﻨﺎﺕ ﺍﺳﺘﺤﻲ ﻋﻠﻰ ﺷﺒﻴﺎﺗﻚ
ﻓﺮﺡ ﻭﺳﺮﻭﺭ ﻳﻀﺤﻜﻮﻥ ﻋﻠﻰ ﻣﻨﻈﺮ ﺟﺪﻫﻢ ﻭﺟﺪﺗﻬﻢ
ﻭﻛﺎﻥ ﻣﻨﻈﺮﻫﻢ ﻭﻫﻤﺎ ﻳﺘﺒﺎﺩﻻﻥ ﺗﻠﻚ ﺍﻟﻜﻠﻤﺎﺕ ﺷﻜﻠﻬﻢ ﻭﻣﻮﺩﺗﻬﻢ ﻛﺎﻧﺖ ﻋﺒﺎﺭﺓ ﻋﻦ ﻟﻮﺣﺔ ﺗﺴﺘﺤﻖ ﺍﻟﺮﺳﻢ ﻻﻧﻬﺎ ﻛﺎﻧﺖ ﺗﻌﺒﺮ ﻋﻦ ﻣﻜﻨﻮﻥ ﺗﻠﻚ ﺍﻟﺴﻨﻴﻦ ﺍﻟﺘﻲ ﻗﻀﻮﻫﺎ ﻣﻌﺎً ﻓﻲ ﺣﻠﻮﻫﺎ ﻭﻣﺮﻫﺎ ﻣﻘﺪﻣﻴﻦ ﺍﻏﻠﻰ ﻣﺎﻟﺪﻳﻬﻢ ﻟﺘﺴﺘﻤﺮ ﺍﻟﺴﻔﻴﻨﺔ ﺑﺎﻻﺑﺤﺎﺭ ﻋﻠﻰ ﺷﻮﺍﻃﻲﺀ ﺍﻟﺤﻴﺎﺓ
ﻣﺮ ﺍﻟﺸﻬﺮ
ﻭﺷﺎﺭﻑ ﺣﺴﺎﻡ ﻋﻠﻰ ﺍﻟﺸﻔﺎﺀ ﻣﻦ ﺍﻻﺻﺎﺑﺔ ﻭﺭﺟﻊ ﺍﻟﻰ ﺣﻴﺎﺗﻪ ﺍﻟﻄﺒﻴﻌﻴﺔ ﻭﻃﺎﺑﺖ ﺍﻟﺠﺮﺍﺡ ﺍﻟﺒﺪﻥ ﻭﺍﻟﻘﻠﺐ ﻣﻌﺎً
ﻭﻛﺎﻧﺖ ﻓﺮﺣﺔ ﺣﺴﺎﻡ ﺟﺪﺍ ﻣﺸﻐﻮﻟﺔ ﻓﻲ ﺗﺤﻀﻴﺮﺍﺕ ﺍﻟﻌﺮﺱ
ﻭﺍﻳﻀﺎ ﺣﺴﺎﻡ ﺍﻧﺸﻐﻞ ﻋﻦ ﻓﺮﺡ ﻟﺬﻟﻚ ﺍﺑﻄﺎﻟﻨﺎ ﻟﻢ ﻳﻠﺘﻘﻴﺎ ﻣﻊ ﺑﻌﻀﻬﻤﺎ ﻟﻤﺪﺓ ﻣﻦ ﺍﻟﺰﻣﻦ
ﻭﺍﻟﻠﻪ ﻭﻓﻲ ﻳﻮﻡ ﺍﻟﻌﺮﺱ
ﻛﺎﻧﺖ ﺍﻻﺟﻮﺍﺀ ﺭﺍﺋﻌﺔ
ﻓﺮﺡ
ﻭﻛﻔﺖ ﺍﻣﺎﻡ ﺍﻟﻤﺮﺍﻳﺎ ﻭﺍﺑﺎﻭﻉ ﻟﻨﻔﺴﻲ ﻭﻟﻔﺴﺘﺎﻧﻲ ﻭﺟﻨﺖ ﺟﺪﺍ ﺧﺎﻳﻔﺔ ﻻﻥ ﻣﺜﻞ ﻣﺘﻌﺮﻓﻮﻥ ﻳﺎﺣﺒﺎﻳﺒﻲ ﺍﻥ ﻛﻞ ﻋﺮﺱ ﻻﺯﻡ ﺗﻄﻠﻌﻠﻨﺎ ﺳﺎﻟﻔﺔ ﺗﻌﻮﻛﺲ ﺯﻭﺍﺟﻨﺎ ﻭﺍﻟﻠﻪ ﺩﺧﻠﺖ ﻋﻠﻴﻨﺎ ﺳﻤﺎﺡ ﻫﻲ ﻭﺑﻄﻨﻬﺎ ﻛﺪﺍﻣﻬﺎ ﻭﺳﻠﻮﻯ ﻣﺎﺷﺎﺀ ﺍﻟﻠﻪ ﺷﻠﻮﻥ ﺣﻠﻴﺎﻧﺔ ﻋﺎﻟﻌﺮﺱ ﻭﺳﺮﻭﺭ ﻓﺪﻳﺘﻬﺎ ﻛﺎﻧﺖ ﻣﺜﻞ ﺍﻟﻮﺭﺩﺓ
ﺳﻠﻮﻯ - ﻳﺎﻟﻠﻪ ﻓﺮﺡ ﻧﺰﻟﻲ ﺭﺍﺡ ﻳﺠﻮﻥ ﺍﻫﻞ ﺍﻟﻌﺮﻳﺲ
ﻓﺮﺡ
ﺍﺧﺬﺕ ﻧﻔﺲ ﻋﻤﻴﻖ ﻭﺳﻮﻳﺖ ﺷﻬﻴﻖ ﻭﺯﻓﻴﺮ ﺛﻼﺙ ﻣﺮﺍﺕ
ﺣﺘﻰ ﺍﺧﻔﻒ ﻣﻦ ﺍﻟﺘﻮﺗﺮ ﻻﻥ ﺍﺣﺲ ﮔﻠﺒﻲ ﺻﺎﺭﺕ ﺩﻛﺎﺗﻪ ﻣﺘﻔﺎﻭﺗﺔ
ﻧﺰﻟﺖ ﻋﻠﻰ ﺍﻟﺪﺭﺝ ﻭﺷﻔﺖ ﺟﺪﻱ ﻭﺍﻛﻒ ﻗﺮﻳﺐ ﻋﺎﻟﺪﺭﺝ ﻧﺰﻟﺖ ﻭﺻﻠﺖ ﻟﻌﻨﺪﺓ ﻭﺭﺣﺖ ﺑﺴﺖ ﺍﻳﺪﺓ ﻭﺭﺍﺳﻪ ﻭﻫﻮ ﺩﻧﻚ ﺑﺎﺱ ﺭﺍﺳﻲ
ﺍﻟﺠﺪ ﻭﺍﻟﻌﻴﻮﻥ ﻟﻤﻌﺖ ﺑﺎﻟﺪﻣﻮﻉ ﺍﻟﺘﻲ ﻟﻢ ﺗﻨﺰﻝ
- ﻫﻠﺔ ﻳﻔﺮﺣﺔ ﺟﺪﺝ ﻭﺭﻓﻌﺖ ﺭﺍﺳﺔ ﺭﺑﻲ ﻳﻮﻓﻘﺞ ﻭﻳﻬﻨﻴﺞ ﻳﺎﺑﻨﺖ ﺍﻟﻐﺎﻟﻲ ﺭﻭﺣﻲ ﺍﻟﻠﻪ ﻳﺴﻌﺪﺝ ﻭﻳﺔ ﺣﺴﺎﻣﺞ
↙️
ﻭﺑﻌﺪ ﺫﻟﻚ ﺳﻤﻌﺖ ﺍﺻﻮﺍﺕ ﺍﻟﻤﺰﺍﻳﻖ ﺍﻟﻌﺮﺍﻗﻴﺔ ﺍﻟﺠﻤﻠﻴﺔ ﻭﺍﻧﻲ ﻛﻤﺖ ﺍﺟﺮ ﺍﻻﻧﻔﺎﺱ ﻛﻮﺓ
ﻭﺻﺮﺕ ﻛﻞ ﺷﻮﻳﺔ ﺍﻛﺮﺭ ﻋﻤﻠﻴﺔ ﺷﻬﻴﻖ ﻭﺯﻓﻴﺮ ﺍﺣﺲ ﺻﻮﺕ ﮔﻠﺒﻲ ﺻﺎﺭ ﻣﺜﻞ ﺻﻮﺕ ﺿﺮﺑﺖ ﺍﻟﺪﻣﺎﻡ
ﻭﺍﻟﻠﻪ ﻭﺷﻔﺖ ﺣﺴﺎﻡ ﺩﺧﻞ ﻋﻠﻴﻨﺎ ﺍﻭﻑ ﻳﻤﺔ ﺷﻄﺎﻟﻊ ﻣﺎ ﺍﺻﺪﻙ ﻫﺬﺍ ﺍﻟﻮﺍﻛﻒ ﻛﺪﺍﻣﻲ ﺣﺴﺎﻡ ﻳﻤﺔ ﻓﺪﻳﺘﺔ ﻳﻌﻨﻲ ﻣﺎﺟﺎﻱ ﺍﺣﻠﻢ ﻭﺍﺧﻴﺮﺍً ﺭﺍﺡ ﻳﺼﻴﺮ ﻣﻠﻜﻲ ﻭﻧﻨﺠﻤﻊ
ﺣﺴﺎﻡ ﻭﻫﻮ ﻳﻜﻌﺪ ﺑﺼﻔﻲ ﻭﻋﻴﻮﻧﺔ ﻣﺸﺎﻟﻬﻦ ﻣﻦ ﻋﻠﻴﺔ
- ﺍﺥ ﺍﻟﻠﻪ ﻭﻟﺞ ﺭﺍﺡ ﺍﻣﻮﺕ ﻣﻦ ﺍﻻﻧﺘﻈﺎﺭ
ﻳﺎﻟﻠﻪ ﻛﻮﻣﻲ
ﻓﺮﺡ ﺑﻀﺤﻜﺔ - ﻋﻠﻰ ﻛﻴﻔﻚ ﺣﺴﺎﻡ ﺗﺮﺓ ﺍﺣﻨﺎ ﻣﻮ ﻟﻮﺣﺪﻧﺎ ﻭﺗﻜﻌﺪ ﺗﻠﻌﺐ ﻋﻠﻴﺔ ﺗﺮﺓ ﻣﻨﺎ ﺍﻟﻨﺎﺱ
ﺣﺴﺎﻡ - ﻟﺞ ﺷﺘﺤﺠﻴﻦ ﻻﺗﺨﻠﻴﻨﻲ ﻫﺴﺔ ﺍﺧﺬﺝ ﻭﺍﺷﺮﺩ ﻛﺪﺍﻡ ﻫﺎﻱ ﺍﻟﻨﺎﺱ ﻛﻠﻬﺎ ﻋﻔﻴﺔ ﺧﻠﻴﻨﻲ ﺳﺎﻛﺖ
ﺷﻮﻓﻲ ﺷﮕﻠﺞ ﺍﻧﺘﻲ ﮔﻮﻟﻲ ﺍﻱ
ﻓﺮﺡ ﺑﺴﻌﺎﺩﺓ - ﺍﻱ
ﺣﺴﺎﻡ - ﺑﻌﺪﻧﻲ ﻣﺎﺣﺠﻴﺖ ﺷﻔﺘﻬﻤﺘﻲ ﺣﺘﻰ ﻛﻠﺘﻲ ﺍﻱ
ﺩﻳﺎﻟﻠﻪ ﻛﻮﻣﻲ
ﺍﺟﺔ ﺍﻟﺠﺪ
- ﻭﻟﻚ ﺣﻮﻳﺴﻢ ﺍﺛﮕﻞ ﻋﻴﺐ ﺍﻧﺘﻈﺮﻧﻲ ﺣﺘﻰ ﺍﻧﻲ ﺍﺧﻠﻲ ﺍﻳﺪﻳﻜﻢ ﻣﻊ ﺑﻌﺾ ﻭﺍﮔﻮﻣﻜﻢ ﺳﻮﻳﺔ ﺣﺘﻰ ﺗﺎﺧﺬﻭﻥ ﺍﻟﺒﺮﻛﺔ ﻭﺗﺴﺘﺒﺮﻛﻮﻥ
ﺣﺴﺎﻡ - ﻟﻴﺶ ﺟﺪﻱ ﺷﺒﻴﻨﺎ ﻣﻌﻮﻗﻴﻦ ﻭﻣﺎﻧﻌﺮﻑ ﻧﻠﺰﻟﻢ ﺍﻳﺪﻳﻦ ﺑﻌﻀﻨﺎ ﺗﺮﺓ ﺍﻟﻠﻪ ﻭﻛﻴﻠﻚ ﺍﺗﻌﺪﻳﻨﺎ ﻫﺎﻱ ﺍﻟﻤﺮﺣﻠﺔ ﺑﺲ ﺍﻧﺖ ﺍﺳﺘﻌﺠﻞ ﻭﺍﺭﺣﻢ ﺑﺤﺎﻝ ﺣﺴﺎﻡ
ﺭﺣﻤﺔ ﻋﻠﻰ ﻭﺍﻟﺪﻳﻚ ﺟﺪﻱ ﻻﺗﺴﻮﻳﻬﺎ ﻃﻮﺍﻟﺔ ﻳﺎﻟﻠﻪ ﻛﻮﻣﻨﺎ ﺑﺴﺮﻋﺔ ﺗﺮﺓ ﻻ ﺍﻓﻀﺤﻜﻢ ﻭﺍﻟﻠﻪ
ﻓﺮﺡ
ﻛﻮﻣﻨﺎ ﺟﺪﻱ ﻭﺣﻂ ﺍﻳﺪﻳﻨﺎ ﺑﺪﻳﻦ ﺑﻌﺾ ﻭﺍﻧﻲ ﻭﺣﺴﺎﻡ ﺑﻮﺳﻨﺎ ﺭﺍﺱ ﺟﺪﻱ ﻭﺍﻳﺪﻳﻪ
ﻭﻃﻠﻌﻨﺎ ﻭﺍﺷﻮﻑ ﺣﺴﺎﻡ ﻳﻤﺸﻲ ﻣﺴﺘﻌﺠﻞ ﻭﺭﻛﺒﻨﻲ ﺑﺎﻟﺴﻴﺎﺭﺓ
ﻭﺭﻛﺐ ﻭﺟﺎﻥ ﻫﻮ ﻳﺴﻮﻕ ﺍﻟﺴﻴﺎﺭﺓ ﻭﺍﻧﻲ ﮔﺎﻋﺪﺓ ﮔﺪﺍﻡ ﺑﺼﻔﺔ
ﺑﺎﻭﻋﻠﻲ ﻭﺍﺑﺘﺴﻢ
ﺣﺴﺎﻡ - ﺍﻭﻛﻔﻲ ﺍﻧﺘﻈﺮﻱ ﺑﺲ ﻟﺤﻈﺔ ﺧﻞ ﺍﺗﺄﻛﺪ ﻣﻦ ﻭﺳﺎﺋﻞ ﺍﺍﻟﺤﻤﺎﻳﺔ
ﻓﺮﺡ ﻋﻘﺪﺕ ﺣﻮﺍﺟﺒﻬﺎ ﺑﺘﺴﺎﺋﻞ ﺷﻨﻮ ﻳﻘﺼﺪ ﺷﺎﻓﺖ ﺣﺴﺎﻡ ﺩﺍﺭ ﺟﺴﻤﺔ ﻋﺎﻟﻤﻘﻌﺪ ﺍﻟﺨﻠﻔﻲ ﻭﺳﺤﺐ ﻋﻠﺒﺔ ﻭﺣﻄﻬﺎ ﺑﺤﻈﻨﻲ ﻭﺍﻧﻲ ﺧﺠﻠﺖ ﻳﺎﺭﺑﻲ ﻋﻠﻰ ﺍﻟﺮﻭﻣﺎﻧﺴﻴﺔ ﺷﻜﻠﺔ ﺍﺗﺤﺴﻦ ﺑﺎﻟﺮﻭﻣﺎﻧﺴﻴﺔ ﻣﻦ ﺍﺧﺮ ﻣﺮﺓ
ﻓﺮﺡ ﺑﺨﺠﻞ - ﺣﺴﻮﻣﺔ ﻫﺎﻱ ﺷﻨﻮ ﺍﻟﻌﻠﺒﺔ
ﺣﺴﺎﻡ ﻓﺘﺤﻴﻬﺎ ﻭﺷﻮﻓﻲ ﺷﻨﻮ ﺑﻴﻬﺎ
ﻓﺮﺡ ﻓﺘﺤﺖ ﺍﻟﻌﻠﺒﺔ ﻭﻛﺎﻧﺖ ﺍﻟﻤﻔﺎﺟﺌﺔ
ﻃﻠﻌﺖ ﻣﻦ ﺍﻟﻌﻠﺒﺔ ﻗﻄﻦ ﻭﺩﻳﺘﻮﻝ ﻭﺷﺎﺵ ﻭﻻﺻﻖ ﻣﺎﻝ ﺟﺮﻭﺡ
ﺩﺍﺭﺕ ﻋﻠﻴﻪ
- ﺣﺴﺎﻡ ﻫﺎﻱ ﺷﻨﻮ
ﺣﺴﺎﻡ ﻭﻫﻮ ﻳﻀﺤﻚ - ﻫﻬﻬﻬﻬﻬﻬﻬﻬﻪ ﻫﺎﻱ ﺍﺣﺪ ﻭﺳﺎﺋﻞ ﺍﻟﺴﻼﻣﺔ ﻻﺯﻡ ﻧﺘﺨﺬﻫﺎ ﻻ ﻣﻮ ﺑﺲ ﻫﺎﻱ ﺟﺒﺖ ﻭﻳﺎﻱ ﻫﺎﺝ ﺷﻮﻓﻲ ﺷﺎﻓﺘﺔ ﺳﺤﺐ ﻣﻦ ﺗﺤﺖ ﺍﻟﻜﺸﻦ ﻣﺎﻟﺖ ﺍﻟﺴﺎﻳﻖ ﻣﺴﺪﺱ
ﺣﺴﺎﻡ - ﻭﺍﻟﻠﻪ ﻣﻦ ﻭﺭﺓ ﺍﻻﻛﺸﻦ ﺍﻟﻤﻔﺎﺟﺌﺎﺕ ﺍﻟﺼﺎﺭﺕ ﻭﻳﺎﻧﺔ ﺻﺎﺭﺕ ﺑﻴﺔ ﺧﻮﻓﺔ ﻛﻠﺸﻲ ﻳﺼﻴﺮ ﺍﻛﻮﻥ ﻣﺎﺧﺬ ﺍﺣﺘﻴﺎﻃﻲ
ﻫﺎ ﺻﺪﻙ ﻫﺎﺝ ﻟﺰﻣﻲ
ﻓﺮﺡ ﺑﺼﺪﻣﺔ - ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻫﻬﻬﻬﻬﻬﻬﻪ ﻳﺒﻮﻱ ﻫﺎﻱ ﺍﻟﺴﺠﻴﻦ ﺍﻟﺼﻐﻴﺮﺓ ﻣﺎﻟﺘﻲ ﺷﺬﻛﺮﻙ ﺑﻴﻬﺎ
ﺣﺴﺎﻡ - ﻟﺰﻣﻲ ﺣﻄﻴﻬﺎ ﺑﺠﻮﺭﺍﺑﺞ ﻛﻠﺸﻲ ﻳﺼﻴﺮ ﻋﻠﻰ ﺍﻻﻗﻞ ﻧﻜﻮﻥ ﻣﺎﺧﺬﻳﻦ ﺍﺣﺘﻴﺎﻃﺎﺗﻨﺎ
ﻓﺮﺡ - ﻫﻬﻬﻬﻬﻬﻬﻪ ﺣﺴﺴﺘﻨﻲ ﺩﺍﺧﻠﻴﻦ ﻋﻠﻰ ﺣﺮﺏ ﻣﻮ ﺭﺍﻳﺤﻴﻦ
ﺣﺘﻰ ﻧﺤﺘﻔﻞ ﺑﻌﺮﺳﻨﺎ
ﺣﺴﺎﻡ ﻭﺷﻐﻞ ﺍﻟﺴﻴﺎﺭﺓ ﻭﺣﺮﻛﻬﺎ
- ﻳﺎﻟﻠﻪ ﺍﺗﻮﻛﻠﻨﺎ ﻋﻠﻰ ﺍﻟﻠﻪ ﻭﺍﻟﻠﻪ ﻣﻊ ﺍﻟﻤﺘﻮﻛﻠﻴﻦ
ﻭﺻﻠﻨﺎ ﻋﺎﻟﻘﺎﻋﺔ ﻭﺩﺧﻠﻨﺎ ﺑﻐﺮﻓﺔ ﺍﻻﻧﺘﻈﺎﺭ ﺣﺘﻰ ﻳﺸﻐﻠﻮﻥ
ﺍﻏﻨﻴﺔ ﺍﻟﺪﺧﻠﺔ
ﻭﺍﺧﺘﺎﺭﻳﺖ ﺍﻏﻨﻴﺔ . ﺭﺍﺷﺪ ﺍﻟﻤﺎﺟﺪ )) ﺻﻠﻮﺻﻠﻮ ﻋﺎﻟﻨﺒﻲ ((
ﺑﻘﻴﻨﺎ ﻣﺘﻈﺮﻳﻦ ﺑﻐﺮﻓﺔ ﺍﻻﻧﺘﻈﺎﺭ ﺑﺲ ﺍﻧﻲ ﻭﺣﺴﺎﻡ ﻟﻜﻦ ﺣﺴﺎﻡ ﺍﺗﻘﺪﻡ ﻋﻠﻴﻪ
ﻭﺍﻧﻲ ﺍﺑﺘﻌﺪﺕ ﻋﻨﻪ ﻻﻥ ﻛﺎﻧﺖ ﻧﻴﺘﺔ ﻭﺍﺿﺤﺔ ﻣﻦ ﻧﻈﺮﺍﺕ ﻋﻴﻮﻧﺔ ﺷﻨﻮ ﻧﺎﻭﻱ ﻳﺴﻮﻱ
ﻓﺮﺡ - ﻻﻻ ﺣﺴﺎﻡ ﺍﻟﻠﻪ ﻋﻠﻴﻚ ﻻ ﺗﻠﻌﺐ ﺑﺬﻳﻠﻚ ﻭﺍﻟﻠﻪ ﺍﻟﻤﻜﻴﺎﺝ ﻭﺍﻟﺤﻤﺮﺓ ﻣﺘﻌﻮﺏ ﻋﻠﻴﻬﻦ ﻻﺗﺨﺮﺑﻬﻦ ﻫﺴﺔ ﻣﺒﻘﻰ ﺷﻲ ﻭﻧﻨﺠﻤﻊ ﻭﺍﺧﺬ ﺭﺍﺣﺘﻚ
ﺣﺴﺎﻡ - ﺍﻧﻲ ﻣﻮﻛﻠﺖ ﺷﻨﻮ ﺭﺍﺡ ﺍﮔﻮﻝ ﺍﻧﺘﻲ ﮔﻮﻟﻲ ﺍﻱ
ﻓﺮﺡ - ﺍﻱ
- ﺗﻌﺎﻱ ﻭﺍﻟﻠﻪ ﻣﺎ ﺍﺳﻮﻱ ﺷﻲ ﺑﺲ ﺍﺷﺎﻭﺭﺝ
ﻓﺮﺡ - ﻻﻻ ﺟﺬﺍﺏ ﻣﺘﻘﺸﻤﺮﻧﻲ ﻫﺎﻟﻤﺮﺓ
ﻭﺍﻟﻠﻪ ﺑﻌﺪﻧﻲ ﻣﺎﻛﻤﻠﺖ ﻛﻼﻣﻲ ﺧﻤﻂ ﻣﻨﻲ ﺑﻮﺳﺔ ﻭﺣﺪﺓ
ﻭﺑﻌﺪﻳﻦ ﺭﺟﻊ ﻋﺎﻟﺜﺎﻧﻴﺔ ﺑﺲ ﺷﻜﻞ ﺍﻟﺜﺎﻧﻴﺔ ﻃﻮﻟﺖ ﻭﺍﻧﻲ ﻣﻦ ﻭﺭﺍﻩ ﻭﻣﻦ ﻭﺭﺓ ﺳﻮﺍﻟﻔﻪ ﻧﺴﻴﺖ ﺣﺘﻰ ﻧﻔﺴﻲ ﻋﺮﻭﺱ ﻭﻻﺯﻡ ﺍﺑﻴﻊ ﺛﮕﻞ ﺑﺲ ﻭﺍﻟﻠﻪ ﺣﻘﻲ ﻋﻄﺸﺎﻧﺔ ﻟﺤﺐ ﺣﺒﻴﺒﻲ
ﻭﺍﻧﺎ ﻟﺤﺒﻴﺒﻲ ﻭﺣﺒﻴﺒﻲ ﺍﻟﻲ )) ﻓﻴﺮﻭﺯ ((
ﻭﺳﻤﻌﻨﺎ ﺻﻮﺕ ﺍﻟﺒﻨﻴﺔ ﺗﻨﻄﻴﻨﺎ ﺍﺷﺎﺭﺓ ﺣﺘﻰ ﻧﻮﮔﻒ ﺍﻣﺎﻡ ﺑﺎﺏ ﺍﻟﻘﺎﻋﺔ ﻭﺍﻟﻠﻪ ﻃﻔﻮ ﺍﻻﺿﺎﺀﺓ ﻭﺻﺎﺭﺕ ﺧﺎﻓﺘﺔ ﻭﺧﻠﻮ ﺑﺲ ﻋﻠﻴﻨﺎ ﺍﻻﺿﺎﺀﺓ ﻭﺍﻟﻠﻪ ﺑﻮﻗﺘﻬﺎ ﺑﺠﻴﺖ ﻻﻥ ﻛﺎﻧﺖ ﻟﺤﻈﺔ ﺟﺪﺍً ﺛﻤﻴﻨﺔ ﻛﻨﺖ ﺍﺗﻤﻨﻰ ﺍﻣﻲ ﻭﻳﺎﻱ ﺣﺘﻰ ﺗﺸﻮﻓﻨﻲ ﻋﺮﻭﺳﺔ ﻣﺜﻞ ﻣﺎ ﻛﺎﻧﺖ ﺗﺘﻤﻨﺔ ﺍﻟﻠﻪ ﻳﺮﺣﻤﺞ ﻳﺎﻟﻐﺎﻟﻴﺔ
ﺍﻧﻔﺘﺤﺖ ﺍﻟﺒﻮﺍﺑﺔ ﻭﺑﺎﻭﻝ ﺩﺧﻠﺘﻨﺎ ﺍﺷﺘﻐﻠﺖ ﺍﻟﺤﺎﻥ ﺍﻻﻏﻨﻴﺔ
↙️
ﻣﺎ ﺍﻭﺻﻔﻠﻜﻢ ﺍﻟﺸﻌﻮﺭ ﺟﺪﺍ ﻛﺎﻥ ﺟﻤﻴﻞ ﻭﺍﻟﻠﻪ ﻫﺬﻩ ﺍﻟﻠﺤﻈﺎﺕ ﺍﻟﺜﻤﻴﻨﺔ ﻟﻮ ﺗﻨﺨﺰﻥ ﺑﺼﻨﺪﻕ ﻛﺎﻥ ﺣﻔﻈﺘﻬﺎ
ﺑﺪﻳﻨﺎ ﻧﻤﺸﻲ ﻋﻠﻰ ﻃﻮﻝ ﺍﻟﺒﺴﺎﻁ ﺍﻻﺣﻤﺮ ﺑﺨﻄﻮﺍﺕ ﻣﻠﻜﻴﺔ ﻭﻛﺎﻥ ﺣﺴﺎﻡ ﻋﻴﻮﻧﺔ ﺗﻀﺤﻚ ﺷﻔﺖ ﺍﻡ ﺣﺴﺎﻡ ﻻﺯﻣﺔ ﺳﻠﺔ ﻭﺭﺩ ﻫﻲ ﻭﻋﻤﺔ ﺭﺳﻤﻴﺔ ﻭﺑﺪﻭﺍ ﻳﻄﺸﻮﻥ ﺍﻭﺭﺍﻕ ﺍﻟﻮﺭﺩ ﻛﺪﺍﻣﻨﺔ ﻋﻠﻰ ﺍﻟﺒﺴﺎﻁ ﺍﻻﺣﻤﺮ ﻋﻄﻮﻝ ﺧﻄﻮﺍﺗﻨﺎ ﻭﺷﻔﺖ ﻣﻦ ﺑﻌﻴﺪ ﺍﻟﻤﺼﻮﺭﺓ ﺷﻠﻮﻥ ﺗﺼﻮﺭﻧﺎ
ﻭﺍﻧﻲ ﺍﺑﺘﺴﻤﺖ ﻟﺤﺴﺎﻡ ﻭﺍﻧﺘﺒﻬﺖ ﻋﻠﻰ ﺧﻮﺍﺗﻲ ﻣﻦ ﺑﻌﻴﺪ ﻭﺍﻛﻔﺎﺕ ﻣﺎﺧﺬﺍﺕ ﺯﺍﻭﻳﺔ ﺑﻌﻴﺪﺓ ﻭﺷﻔﺖ ﺳﺮﻭﺭ ﺷﻠﻮﻥ ﺗﺒﺠﻲ
ﻋﻠﻴﺔ ﺣﺒﻴﺒﺘﻲ ﻭﺑﻨﺘﻲ ﻭﻋﺰﻳﺰﺗﻲ ﺣﺴﻴﺖ ﻧﺰﻟﺖ ﺍﻟﺪﻣﻌﺔ ﻋﻠﻰ ﺧﺪﻱ ﻭﻛﺎﻧﺖ ﻫﺬﻩ ﺍﻟﺪﻣﻮﻉ ﺩﻣﻮﻉ ﻋﺮﻭﺱ ﺳﻮﻑ ﺗﻔﺎﺭﻕ ﺧﻮﺍﺗﻬﺎ ﻭﺗﺮﺣﻞ ﻟﺒﻴﺖ ﺯﻭﺟﻬﺎ
ﻭﺻﺎﺭ ﺷﺮﻳﻂ ﺣﻴﺎﺗﻲ ﻳﻤﺮ ﺍﻣﺎﻡ ﻋﻴﻮﻧﻲ
ﺷﻠﻮﻥ ﻛﻨﺎ ﻣﻊ ﺑﻌﺾ ﻭﺷﻠﻮﻥ ﻋﺸﺖ ﺣﻴﺎﺗﻲ ﻣﻊ ﺧﻮﺍﺗﻲ ﺑﺤﻠﻮﻫﺎ ﻭﻣﺮﻫﺎ ﻭﺷﻘﺎﻭﺗﻬﺎ ﻭﺯﻋﻠﻬﺎ ﺍﻟﻠﻪ ﻋﻠﻰ ﺫﻳﺞ ﺍﻻﻳﺎﻡ
ﻭﺑﺪﺕ ﺍﻻﻏﺎﻧﻲ ﻭﺍﺟﻮﺍﺀ ﺍﻟﻌﺮﺱ ﻭﺍﻟﺮﻗﺺ ﻭﺷﻔﺖ ﻋﻼﺀ ﺷﻠﻮﻥ ﻛﻞ ﺳﺎﻋﺔ ﻳﺮﻭﺡ ﻳﺮﻛﺺ ﻳﻢ ﺳﺮﻭﺭ ﻭﻳﺴﻮﻳﻠﻬﺎ ﺣﺮﻛﺎﺕ
ﻭﻛﻠﻤﺎ ﺗﺸﺘﻐﻞ ﺍﻏﻨﻴﺔ ﻳﺮﻭﺡ ﻳﻤﻬﺎ ﻳﻐﻨﻲ ﻭﻳﺔ ﺍﻻﻏﻨﻴﺔ ﻭﻳﺄﺷﺮ ﻟﺴﺮﻭﺭ ﻭﻫﻲ ﻋﻴﻮﻧﻬﺎ ﻓﺎﺿﺤﺘﻬﺎ ﺑﺎﻟﺤﺐ ﺑﺎﺗﺠﺎﻩ ﺍﻟﺤﺒﻴﺐ
ﻟﻜﻦ ﻫﻨﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻙ
ﻭﺳﻤﻌﻨﺎ ﺻﻮﺕ ﺻﺮﺧﺔ ﻗﻮﻳﺔ
ﺍﻩ ﻩ ﻩ ﻩ ﺍﻩ
ﺍﺍﺍﺍﺍﺍﺍﺍﻩ
ﺳﻤﺎﺡ - ﻋﻠﻲ ﺍﻟﺤﻚ ﻋﻠﻴﺔ ﺟﺎﻱ ﺍﻃﻠﻚ ﺭﺍﺡ ﺍﻭﻟﺪ
ﻋﻠﻲ ﺑﺨﻮﻑ - ﻭﻟﺞ ﺷﺘﻮﻟﺪﻳﻦ ﻋﺰﺓ ﻳﺎﻃﻠﻮﻙ ﻭﻟﺞ ﺍﻧﺘﻲ ﺑﺸﻬﺮ ﺍﻟﺴﺎﺑﻊ ﻫﺎﻱ ﺷﻠﻮﻥ ﺩﺑﺮﺗﻴﻬﺎ
ﺣﺴﺎﻡ ﺍﻟﺘﻔﺖ ﻭﺑﺎﻭﻉ ﻋﻠﻰ ﻓﺮﺡ ﻭﻓﺮﺡ ﺍﻟﺘﻔﺘﺖ ﻋﻠﻰ ﺣﺴﺎﻡ
ﻭﺑﺨﻮﻑ ﻛﺎﻣﺖ ﻣﻦ ﺍﻟﻜﻮﺷﺔ ﺗﺮﻛﺾ ﻋﻠﻰ ﺍﺧﺘﻬﺎ ﺍﻟﻲ ﺟﺎﻱ ﺗﻄﻠﻚ ﻭﺑﺤﺎﻟﺔ ﻣﺨﺎﺽ
ﺩﺧﻴﻠﻚ ﺭﺑﻲ ﻫﻲ ﺑﺸﻬﺮ ﺍﻟﺴﺎﺑﻊ
ﻭﻭﺍﻟﺘﻤﺖ ﺍﻟﻨﺎﺱ ﻋﻠﻴﻬﻢ
ﻓﺮﺡ ﺍﻧﺘﺒﻬﺖ ﻋﻠﻰ ﺣﺴﺎﻡ ﺭﺧﺔ ﺭﺑﻄﺔ ﺍﻟﻌﻨﻖ ﻭﻧﺰﻝ ﻣﻦ ﺍﻟﻜﻮﺷﺔ ﻭﻧﺰﻉ ﺍﻟﺴﺘﺮﺓ ﻭﺷﻤﺮﻫﺎ ﻋﻠﻰ ﻋﻼﺀ ﻭﺍﺧﺬ ﺍﻟﺴﻮﻳﺞ
ﺭﻛﺾ ﻋﻠﻰ ﻋﻠﻲ
ﺣﺴﺎﻡ - ﺧﺎﻳﺐ ﻋﻠﻴﻮﻱ ﺷﻴﻞ ﻣﺮﺗﻚ ﺍﺭﻓﻌﻬﺎ ﺧﻞ ﻧﻮﺩﻳﻬﺎ ﻟﻠﻤﺴﺘﺸﻔﻰ ﺑﺴﺮﻋﺔ
ﻓﺮﺡ ﺻﻌﺪﺕ ﻭﻳﺔ ﺳﻤﺎﺡ ﺑﺎﻟﺴﻴﺎﺭﺓ ﻳﻤﺔ ﻫﺎﻱ ﺍﺧﺘﻲ ﺳﻮﺩﺓ ﻋﻠﻴﺔ ﻭﻫﺎﻱ ﺍﻭﻝ ﻣﺮﺓ ﺍﺷﻮﻓﻬﺎ ﺗﻄﻠﻚ ﻭﻣﺘﺄﺫﻳﺔ ﻭﻣﺎﻳﻨﻄﻴﻨﻲ ﮔﻠﺒﻲ ﺍﻋﻮﻓﻬﺎ ﺳﻮﺩﺓ ﻋﻠﻴﺔ ﺗﻌﺒﺖ ﻭﻳﺎﻱ ﺑﺘﺠﻬﻴﺰ ﻋﺮﺳﻲ
ﻭﺣﺴﺎﻡ ﺳﺎﻕ ﺍﻟﺴﻴﺎﺭﺓ
ﻭﺍﻧﻜﻠﺒﺖ ﺍﻻﻣﺔ ﻛﻼﺏ ﻭﺻﺎﺭ ﻭﺍﺣﺪ ﻳﺪﻋﻢ ﺑﺎﻻﺥ ﻣﻦ ﺍﻟﺨﺒﺼﺔ
ﺧﻮ ﻋﻠﻲ ﻋﺒﺎﻟﻚ ﻫﻮ ﺍﻟﻴﻄﻠﻚ ﺍﺑﺎﻭﻉ ﻟﻮﺟﻬﺔ ﺷﻠﻮﻥ ﻳﻌﺼﺮ ﻭﻳﺪﻓﻊ ﻭﻳﺔ ﺳﻤﺎﺡ ﻣﺎ ﺍﻋﺮﻑ ﺍﺿﺤﻚ ﻋﻠﻴﺔ ﻣﺪﺭﻱ ﺍﺑﺠﻲ ﻋﻠﻰ ﻋﺮﺳﻲ ﺍﻟﻲ ﺧﺮﺏ ﻳﺎﻟﻠﻪ ﻋﺎﺩﻱ ﺍﺻﻼ ﺗﻌﻮﺩﺕ
ﻭﺍﻟﻠﻪ ﻭﺻﻠﻨﺎ ﻟﻠﻤﺴﺘﺸﻔﻰ ﻭﺍﺗﺼﻠﺖ ﻋﻠﻰ ﺳﺮﻭﺭ ﺗﺠﻴﺒﻠﻲ ﻣﻼﺑﺲ ﻻﻥ ﺍﻧﻲ ﺑﺒﺪﻟﺘﻲ ﻭﻋﻠﻴﻬﺎ ﺍﻟﺒﺮﻧﺺ ﺍﺧﺬﻧﺎﻫﺔ ﻟﻤﺴﺘﺸﻔﻰ ﺍﻫﻠﻴﺔ ﺣﺘﻰ ﻫﻨﺎﻙ ﺗﻮﻟﺪ ﻻﻥ ﻋﻠﻲ ﺍﺗﺼﻞ ﻋﻠﻰ ﺩﻛﺘﻮﺭﺓ ﺳﻤﺎﺡ ﻫﻨﺎﻙ ﺗﺠﻲ
ﻃﺒﻌﺎ ﻛﺎﻥ ﺷﻜﻠﻲ ﻭﺷﻜﻞ ﺣﺴﺎﻡ ﻏﺮﻳﺐ ﺑﺎﻟﻤﺴﺘﺸﻔﻰ ﻭﺻﺎﺭ ﻛﻞ ﻭﺍﺣﺪ ﻳﻌﺒﺮ ﻻﺯﻡ ﻳﺒﺎﻭﻉ ﻋﻠﻴﻨﺎ ﺑﻔﻀﻮﻝ ﻻﻥ ﻛﺎﻥ ﺷﻜﻠﻨﺎ ﻏﻠﻂ ﺑﺎﻟﻤﺴﺘﺸﻔﻰ
ﺍﻟﻤﻬﻢ ﻭﺭﺓ ﺳﺎﻋﺘﻴﻦ ﺟﺎﺑﺖ ﺳﻤﺎﺡ ﻓﺘﺢ ﺑﻄﻦ )) ﻭﻻﺩﺓ ﻗﻴﺼﺮﻳﺔ (( ﻭﺍﻟﺤﻤﺪ ﻟﻠﻪ ﻛﺎﻧﺖ ﺻﺤﺘﻬﺎ ﻭﺻﺤﺔ ﺍﻟﻄﻔﻞ ﺑﺨﻴﺮ
ﻛﺎﻥ ﺣﺴﺎﻡ ﮔﺎﻋﺪ ﻋﻠﻰ ﺍﻟﻜﺮﺳﻲ ﻭﺭﺑﻄﺘﺔ ﻧﺎﺯﻟﺔ ﻭﻣﺸﻨﻒ ﺭﺩﻥ ﺍﻟﻘﻤﻴﺺ ﻟﻠﺴﺎﻋﺪ ﻭﺍﻧﻲ ﺟﻨﺖ ﮔﺎﻋﺪﺓ ﺑﺼﻔﺔ ﻭﺣﺎﻃﺔ ﺭﺍﺳﻲ ﻋﻠﻰ ﻛﺘﻔﻪ ﻛﺎﻥ ﺷﻜﻠﻨﺎ ﻋﺒﺎﺭﺓ ﻋﻦ ﻋﺮﺳﺎﻥ ﺩﺍﺧﻠﻴﻦ ﻣﻌﺮﻛﺔ
ﺍﺟﺔ ﻋﻠﻲ ﻋﻠﻴﻨﺎ ﻭﺷﺎﻑ ﺷﻜﻠﻨﺎ
ﻋﻠﻲ - ﺍﻧﻲ ﻣﻦ ﺍﻻﻭﻝ ﻛﻠﺖ ﮔﻠﺒﻲ ﻳﮕﺮﺻﻨﻲ ﻣﻦ ﺍﺷﻮﻓﻜﻢ ﺳﻮﺓ ﺑﻨﻔﺲ ﺍﻟﻤﻜﺎﻥ ﻻﻥ ﺍﻳﻦ ﻣﺎ ﺗﺤﻠﻮﻥ ﺗﺤﻞ ﺍﻟﻜﻮﺍﺭﺙ
ﺣﺴﺎﻡ - ﻭﺍﻟﻠﻪ ﻳﺎﺧﻮﻱ ﺟﻨﺖ ﻣﺤﻀﺮ ﻧﻔﺴﻲ ﻟﻜﺸﻲ ﺑﺲ ﻣﺎﺟﻨﺖ ﺣﺎﺳﺐ ﺣﺴﺎﺏ ﺍﺟﻴﺐ ﻗﺎﺑﻠﺔ ﻣﺄﺫﻭﻧﺔ ﻟﻠﻌﺮﺱ ﺣﺘﻰ ﺗﻮﻟﺪ ﻣﺮﺗﻚ ﻋﻮﺩﻙ ﺍﻟﻤﺮﺓ ﺍﻟﺠﺎﻳﺔ ﺍﺟﻴﺐ ﻗﺎﺑﻠﺔ ﺣﺘﻰ ﺧﺎﻑ ﻭﺣﺪﺓ ﺗﺤﺼﺮﻫﺎ ﺍﻟﻮﻻﺩﺓ ﺑﻌﺮﺳﻲ ﻻﻥ ﺍﺩﺭﻱ ﺑﺮﻭﺣﻲ ﺳﻌﻴﺪ ﺍﻟﺤﻆ
ﻋﻠﻲ - ﻳﺎﻟﻠﻪ ﻛﻮﻡ ﺍﻧﺖ ﻭﻣﺮﺗﻚ ﻣﻦ ﮔﺪﺍﻣﻲ ﺗﺮﺓ ﻻﺳﻮﻱ ﻋﻠﻴﻜﻢ ﺍﻟﻘﺎﺀ ﺍﻟﻘﺒﺾ ﻻﻥ ﺍﻧﺘﻮ ﺍﻟﻈﺎﻫﺮ ﺧﻄﺮ ﻋﻠﻰ ﺍﻟﻤﺠﺘﻤﻊ
ﻭﺍﻧﻲ ﻋﻨﺪﻱ ﻋﺎﺋﻠﺔ ﺑﺮﮔﺒﺘﻲ ﺍﺧﺎﻑ ﻋﻠﻴﻬﺎ
ﻳﺎﻟﻠﻪ ﻳﺎﻟﻠﻪ ﺍﺧﺬﻫﺎ ﻭﺭﺡ ﻻ ﺍﻏﻴﺮ ﺭﺃﻱ ﻭﺍﺷﻤﺮﻛﻢ ﺑﺎﻟﺴﺠﻦ
ﺗﻬﻤﺔ ﺟﻠﺐ ﺍﻟﻜﻮﺍﺭﺙ
ﺷﻤﺮ ﺳﻮﻳﺞ ﺍﻟﺴﻴﺎﺭﺓ ﻟﺤﺴﺎﻡ
ﺣﺴﺎﻡ ﻛﺎﻡ ﻭﻣﺪ ﺍﻳﺪﺓ ﻟﻔﺮﺡ - ﻳﺎﻟﻠﻪ ﺟﻌﻔﻮﺭﻱ ﮔﻮﻡ ﺍﻣﺸﻴﻨﺎ ﺧﻞ ﻧﺮﻭﺡ ﻧﻜﻤﻞ ﺳﺎﻟﻔﺘﻨﺎ ﺍﻟﻤﺎ ﻧﺎﻭﻳﺔ ﺗﺨﻠﺺ
ﻓﺮﺡ ﻭﻫﻲ ﺗﺤﻂ ﺍﻳﺪﻫﺔ ﺑﻴﺪ ﺣﺴﺎﻡ ﻭﺗﮕﻮﻡ
ﻭﺭﺍﺣﻮ ﺍﺛﻨﻴﻨﻬﻢ ﻳﻤﺸﻮﻥ ﺳﻮﻳﺔ ﻻﺯﻣﻴﻦ ﺍﺩﻳﻦ ﺑﻌﺾ
ﻛﺎﻧﺖ ﺻﻮﺭﺗﻬﻢ ﻭﻫﻤﺔ ﻳﻄﻠﻌﻮﻥ ﻣﻦ ﺑﺎﺏ ﺍﻟﻤﺴﺘﺸﻔﻰ ﻟﻮﺣﺔ ﺗﻌﺒﺮ ﻋﻦ ﺍﻻﻣﻞ ﻭﺍﻟﺤﺐ
ﺣﺴﺎﻡ ﻭﻫﻮ ﻳﺤﻮﻁ ﻛﺘﻒ ﻓﺮﺡ
ﻭﻫﻤﺲ ﺑﺄﺫﻧﻬﺎ
- ﻓﺮﺣﺔ ﺣﺴﺎﻡ ﺫﻛﺮﻳﻨﻲ ﻣﻦ ﺗﻄﻠﮕﻴﻦ ﻭﺗﺤﺼﺮﺝ ﺍﻟﻮﻻﺩﺓ ﺍﺟﻴﺒﺞ ﻫﻨﺎ
ﻓﺮﺡ ﺑﺨﺠﻞ - ﺍﻥ ﺷﺎﺀ ﺍﻟﻠﻪ ﮔﻮﻝ ﺍﻣﻴﻦ
ﺍﻟﻰ ﻫﻨﺎ ﺗﺼﻞ ﻧﻬﺎﻳﺔ ﻗﺼﺘﻲ ﻣﻊ ﺍﺑﻄﺎﻝ ﺭﻭﺍﻳﺘﻲ ﻭﺗﺮﻛﺘﻬﻢ ﻫﻨﺎﻙ ﻟﻴﻜﻤﻠﻮ ﺣﻴﺎﺗﻬﻢ ﻓﻲ ﺣﻠﻮﻫﺎ ﻭﻣﺮﻫﺎ ﻣﻌﺎً
ﻭﺭﺟﻌﺖ ﻟﻜﻦ ﻻﺭﻭﻳﻬﺎ ﻋﻠﻴﻜﻢ ﺑﻜﻞ ﻣﺎ ﺗﺤﻤﻠﻬﺎ ﻣﻦ ﺍﺣﺪﺍﺛﻬﺎ ﻣﻦ ﻋﺒﺮ
ﻓﻴﺎ ﺍﺣﺒﺘﻲ ﺍﺣﻴﺎﻧﺎ ﺍﻟﺪﻧﻴﺎ
ﻭﻣﺼﺎﺑﺌﻬﺎ ﺗﺪﺧﻞ ﻋﻠﻰ ﺣﻴﺎﺗﻨﺎ ﻓﺘﺪﻓﻊ ﻗﻠﻮﺑﻨﺎ ﺍﻟﻤﺤﻤﻠﺔ ﺑﺎﻻﻻﻡ ﺍﻟﻰ ﺣﺎﻓﺔ ﺍﻟﻬﺎﻭﻳﺔ ﺍﻟﺴﺤﻴﻘﺔ
ﻟﻜﻦ ﻳﺠﺐ ﺍﻥ ﻧﻜﻮﻥ ﺍﻗﻮﻳﺎﺀ ﻭﻧﻮﺍﺟﺔ ﻣﺎ ﺗﻄﺮﺣﻪ ﻟﻨﺎ ﺍﻟﺤﻴﺎﺓ ﻣﻦ ﻣﺼﺎﺋﺐ ﻭﺍﺧﺘﺒﺎﺭﺍﺕ ﻓﻠﻨﺪﻉ ﺍﻧﻔﺴﻨﺎ ﻫﻲ ﺍﻟﺘﻲ ﺗﺪﻓﻊ ﺑﻬﻤﻮﻡ ﺍﻟﺤﻴﺎﺓ ﻣﻦ ﻋﻠﻰ ﺟﺮﻑ ﺍﻟﻬﺎﻭﻳﺔ ﻭﻟﻴﺴﺖ ﻫﻲ ﻣﻦ ﺗﺪﻓﻌﻨﺎ
ﺍﻟﻨﻬﺎﻳﺔ
ﻣﻊ ﺗﺤﻴﺎﺕ ﻛﺎﺗﺒﺘﻜﻢ ﺍﻟﻤﺨﻠﺼﺔ Nuha-d-h
ﺍﻟﻰ ﺍﻟﻠﻘﺎﺀ ﻭﺍﺷﻮﻓﻜﻢ ﺑﺨﻴﺮ
↙️
تحياتي سيد مرتضى الموسوي مطور تطبيق قصص عراقية على Google play ▶
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء