رواية قلوب على جرف الهاوية الجزء الخامس
للكاتبة نهى الحسون
↙️
ﺳﻠﻮﻯ - ﻓﺮﺡ ﺻﺪﻙ ﺗﺤﺠﻴﻦ ﻳﻌﻨﻲ ﻫﺬﺍ ﻫﻮ ﻗﺮﺭﺗﻲ ﺗﻘﻀﻴﻦ ﻋﻠﻰ ﺣﻴﺎﺗﺞ
ﻓﺮﺡ - ﻟﻴﺶ ﺳﻠﻮﻯ ﻳﻌﻨﻲ ﺍﺫﺍ ﺍﻧﺨﻄﺒﺖ ﻣﻌﻨﺎﻫﺎ ﻗﻀﻴﺖ ﻋﻠﻰ ﺣﻴﺎﺗﻲ ﻫﺎﻱ ﺑﺪﻝ ﻣﺎ ﺗﻔﺮﺣﻴﻠﻲ ﻭﺗﺒﺎﺭﻛﻴﻠﻲ
ﺳﻠﻮﻯ - ﻋﻠﻰ ﺷﻨﻮ ﺍﺑﺎﺭﻛﻠﺞ ﻋﻠﻰ ﺭﺍﺳﺞ ﺍﻟﻴﺎﺑﺲ
ﻓﺮﺡ ﺍﻧﺘﻲ ﺗﺤﺒﻴﻨﺎ ﻟﺤﺴﺎﻡ ﻟﻴﺶ ﺗﻌﺎﻧﺪﻳﻦ ﻭﺗﻜﺎﺑﺮﻳﻦ
ﻓﺮﺡ - ﻻﺳﻠﻮﻯ ﻏﻠﻄﺎﻧﺔ ﻣﺎﺟﺎﻱ ﺍﻋﺎﻧﺪ ﻧﻔﺴﻲ ﻭﻻ ﺟﺎﻱ ﺍﻋﺎﻧﺪ ﺣﺴﺎﻡ ﺗﺮﺓ ﺷﺨﺒﺼﺘﻮﻧﻲ ﺑﺤﺴﺎﻡ ﻛﻠﻬﺎ ﺗﺼﻴﺢ ﺣﺴﺎﻡ ﺣﺴﺎﻡ
ﺷﻜﻮ ﻛﻠﻜﻢ ﺧﺎﻳﻔﻴﻦ ﻣﻦ ﻋﻨﺪﺓ ﺷﻨﻮ ﻳﺎﺑﺔ ﺗﺮﺓ ﺍﻧﻲ ﻣﻮ ﺍﻭﻝ ﺍﺑﻨﻴﺔ ﻭﻻ ﺍﺧﺮ ﺑﻨﻴﺔ ﺗﻨﻔﺼﻞ ﻭﺗﺮﺟﻊ ﺗﺮﺗﺒﻂ ﺑﻮﺍﺣﺪ ﺛﺎﻧﻲ ﻣﻦ ﺟﺪﻳﺪ ﻭﺗﺮﺓ ﻻﺗﻨﺴﻴﻦ ﻫﻮ ﺍﻟﻲ ﻋﺎﻓﻨﻲ ﻣﻮ ﺍﻧﻲ ﺍﻟﻲ ﻋﻔﺘﺔ
ﺍﺷﻮ ﻣﻦ ﺗﺮﻛﻨﻲ ﻣﺤﺪ ﺣﺠﺔ ﻭﻳﺎﻩ ﻭﻻ ﻭﺍﺣﺪ ﺣﺎﺳﺒﺔ ﻭﻛﻠﺔ ﺧﻄﻴﺔ ﻓﺮﺡ ﺍﺷﻮ ﺑﺲ ﮔﺎﺩﺭﻳﻦ ﻋﻠﻴﺔ
ﻫﺎﻱ ﺑﻴﺒﻲ ﻣﻨﺎ ﺍﻛﻠﺖ ﮔﻠﺒﻲ ﻭﻛﺎﻟﺒﺔ ﺍﻟﺨﻠﻘﺔ ﻋﻠﻴﺔ ﻋﺒﺎﻟﻚ ﺍﻧﻲ ﺍﻟﻲ ﺣﺮﮔﺖ ﮔﻠﺐ ﺣﺴﺎﻡ ﻣﻮ ﻫﻮ ﺍﻟﻲ ﺩﺍﺳﻨﻲ ﻭﺭﺍﺡ
ﺧﻼﺹ ﺑﻠﻌﻮ ﻫﺎﻱ ﺳﻮﺍﻳﺘﻲ ﺑﺤﺴﺎﻡ ﻭﺳﻜﺘﻮ ﻣﺜﻞ ﻣﺎ ﮔﺪﺭﺗﻮ ﺗﺒﻠﻌﻮﻥ ﺳﻮﺍﻳﺖ ﺣﺴﺎﻡ ﺑﻴﺔ ﻭﺭﺿﻴﺘﻮ
ﺗﺮﺓ ﻭﺍﻟﻠﻪ ﺯﻫﮕﺘﻮﻧﻲ ﺑﻌﻴﺸﺘﻲ ﻣﺎ ﺻﺎﺭﺕ ﻟﻠﻪ
ﺳﻠﻮﻯ - ﻛﻼﻣﺞ ﻛﻠﺔ ﺻﺤﻴﺢ ﺑﺲ ﺍﺭﻳﺪ ﺍﻛﻠﺞ ﺍﻧﻲ ﻣﺎ ﺍﻋﺮﻑ ﺷﻨﻮ ﺑﮕﻠﺐ ﺣﺴﺎﻡ
ﻟﻜﻦ ﺍﻋﺮﻑ ﺷﻨﻮ ﺍﻟﻲ ﺑﮕﻠﺒﺞ ﺍﻧﺘﻲ ﺍﺧﺘﻲ ﺍﻧﻲ ﻭﺍﻗﺮﺏ ﺍﻧﺴﺎﻥ ﺍﻟﺞ
ﻭﺍﻋﺮﻑ ﺑﺸﻨﻮ ﺗﺤﺴﻴﻦ ﺍﺩﺭﻱ ﺑﻴﺞ ﻛﻠﺶ ﺯﻳﻦ ﺍﻧﺘﻲ ﺗﺤﺒﻴﻦ ﺣﺴﺎﻡ ﺑﺲ ﻣﺸﻜﻠﺘﺞ ﺗﺮﺩﻳﻦ ﺗﻨﺘﻘﻤﻴﻦ ﻣﻦ ﺣﺴﺎﻡ ﻋﻠﻰ ﺍﻟﺴﻮﺍﻩ ﺑﻴﺞ ﻭﻫﺬﺍ ﺍﻧﺘﻘﺎﻣﺞ ﻋﺎﻣﻲ ﻋﻴﻮﻧﺞ ﻭﻣﺨﻠﻴﺞ ﻣﺘﺸﻮﻓﻴﻦ ﺷﻲ
ﻓﺮﺡ - ﺍﻫﻮﻭﻭ ﻫﺎﻱ ﺍﻧﺘﻲ ﻭﻳﻦ ﺭﺍﻳﺤﺔ ﻓﺎﻳﺘﺔ ﺯﺍﻳﺪ ﺷﻨﻮ ﻫﺎﻱ ﺳﻮﻳﺘﻴﻬﺎ ﻋﻠﻴﺔ ﻓﻠﻢ ﻫﻨﺪﻱ
ﺗﺮﺓ ﺍﻟﻤﺴﺄﻟﺔ ﻻﻣﺴﺄﻟﺔ ﻋﻨﺎﺩ ﻭﻻ ﺍﻧﺘﻘﺎﻡ ﻛﻞ ﻣﺎ ﻫﻨﺎﻟﻚ ﺑﺎﻟﻤﻮﺿﻮﻉ ﺍﻧﻲ ﻣﻌﺠﺒﺔ ﺑﺈﻳﻬﺎﺏ ﻭﺍﺷﻮﻓﺔ ﻣﻨﺎﺳﺐ ﺍﻟﻲ ﺧﻼﺹ ﺑﺢ ﺍﻧﺘﻬﺖ ﺍﻟﺴﺎﻟﻔﺔ ﻳﻌﻨﻲ ﺍﻧﺘﻮﺍ ﻻﺯﻡ ﺑﻜﻠﺸﻲ ﺗﺨﻠﻮﻥ ﺑﻲ ﺇﻥ
)) ﻟﻜﻦ ﻣﻊ ﺍﻻﺳﻒ ﺍﻟﻘﻮﻝ ﻟﻴﺲ ﻣﺜﻞ ﺍﻟﻔﻌﻞ ﻋﻠﻰ ﺍﻻﻗﻞ ﻳﺤﻠﻮﺓ ﻛﻮﻧﻲ ﺑﮕﺪ ﺣﺠﺎﻳﺘﺞ ((
ﻭﺭﺓ ﻳﻮﻣﻴﻦ ﻛﻨﺖ ﺳﺘﻮﻧﻲ ﺭﺍﺟﻌﺔ ﻣﻦ ﺍﻟﻜﻠﻴﺔ ﻭﺟﺎﻱ ﺍﻧﺰﻝ ﻣﻦ ﺍﻟﺴﻴﺎﺭﺓ ﻭﺭﺣﺖ ﻋﻠﻰ ﺍﻟﺠﺮﺱ ﺟﺎﻱ ﺍﺩﻙ ﺍﻟﺒﺎﺏ
ﻭﺟﺎﻥ ﺍﺷﻮﻑ ﺳﻴﺎﺭﺓ ﺣﺴﺎﻡ ﻣﻦ ﺭﺍﺱ ﺍﻟﻔﺮﻉ ﺟﺎﻳﺔ ﺑﺘﺠﺎﻩ ﺑﻴﺘﻨﺎ ﻳﻤﺔ ﺟﺜﺘﻲ ﻛﻠﻬﺎ ﮔﺎﻣﺖ ﺗﺮﺟﻒ ﻋﺰﺓ ﺿﻠﻴﺖ ﺍﺿﻐﻂ ﻋﻠﻰ ﺍﻟﺠﺮﺱ ﺍﺭﻳﺪ ﺑﺲ ﻭﺍﺣﺪ ﺷﺮﻳﻒ ﻳﻔﺘﺤﻠﻲ ﺍﻟﺒﺎﺏ ﺣﺘﻰ ﺍﺩﺧﻞ ﻭﺍﻟﻠﻪ ﺻﺎﺭﺕ ﺭﻭﺣﻲ ﺑﺎﻟﺠﺮﺱ ﺧﺮﺏ ﺑﺎﻟﺤﻆ ﺍﻟﻤﺼﺨﻢ
ﻳﻤﺔ ﻳﻤﺔ ﺍﺟﺎﻧﻲ ﺍﺟﺎﻧﻲ ﻭﺻﻞ ﻣﻦ ﺍﺣﺘﺮﻛﻮ ﺍﻱ ﻏﻴﺮ ﻳﻔﺘﺤﻮﻟﻲ ﺍﻟﺼﺨﺎﻡ ﻛﻌﺪﺕ ﺍﺩﻙ ﺍﻟﺒﺎﺏ ﺑﻴﺪﻱ ﺣﻴﻞ ﻭﻣﻦ ﻭﺭﺓ ﺍﻟﺪﻙ ﻋﺎﻟﺒﺎﺏ ﺻﺮﺕ ﻋﺒﺎﻟﻚ ﺍﺩﻙ ﺩﻣﺎﻡ ﺳﻤﻌﺖ ﺻﻮﺕ ﺳﻠﻮﻯ ﻣﻦ ﻭﺭﺓ ﺍﻟﺒﺎﺏ ﺟﺎﻳﺔ ﺟﺎﻳﺔ ﻳﺎﺳﺘﺎﺭ ﺷﻜﻮ ﺩﺧﻠﻮ ﻋﻠﻴﻨﺎ ﺩﺍﻋﺶ
ﻓﺮﺡ ﻭﻟﺞ ﻓﺘﺤﻲ ﻋﻮﺑﺔ ﻭﻟﺞ ﺍﺟﺔ ﺍﻻﻃﻜﻊ ﻣﻦ ﺩﺍﻋﺶ ﻭﻟﺞ ﺍﺟﺔ
ﺣﺴﺎﻡ
ﻭﺍﻟﻠﻪ ﮔﻠﺒﻲ ﺍﺟﺔ ﻳﻮﻛﻒ ﻣﻦ ﺷﻔﺘﺔ ﻧﺰﻝ ﺑﻜﻞ ﺳﺮﻋﺘﺔ ﻣﻦ ﺍﻟﺴﻴﺎﺭﺓ ﻭﺻﺮﺕ ﺍﺣﺴﺐ ﻻﺧﺘﻲ ﺑﺎﻟﻌﺪ ﺍﻟﺘﻨﺎﺯﻟﻲ ﺍﻟﺒﻄﻲﺀ ﺧﻄﻮﺓ ﺧﻄﻮﺓ ﻳﻌﻨﻲ ﺣﻄﻮ ﺭﻭﺣﻜﻢ ﺑﻤﻮﻗﻔﻲ
ﺻﺮﺕ ﺑﻴﻦ ﺧﻄﻮﺍﺕ ﺍﺧﺘﻲ ﻟﻠﺒﺎﺏ ﻭﺑﻴﻦ ﺧﻄﻮﺍﺕ ﺣﺴﺎﻡ ﺑﺘﺠﺎﻫﻲ
ﻭﺍﻟﻠﻪ ﺍﺣﺲ ﺍﻟﺰﻣﻦ ﺍﺗﻮﻗﻒ ﻣﺜﻞ ﺍﻟﻲ ﻳﻌﺪ ﻟﻘﻨﺒﻠﺔ ﻣﻮﻗﻮﺗﺔ ﻣﻦ ﮔﺪ ﺍﻟﺘﻮﺗﺮ
ﺑﺲ ﻛﺎﻧﺖ ﺧﻄﻮﺍﺕ ﺣﺴﺎﻡ ﻫﻲ ﺍﻻﺳﺒﻖ ﻭﻟﺤﻚ ﻳﻜﻤﺸﻨﻲ
ﻣﻦ ﺯﻧﺪﻱ ﻭﻳﺴﺤﻠﻨﻲ ﻟﻠﺴﻴﺎﺭﺓ ﻭﻭﻛﻌﺖ ﺟﻨﻄﺘﻲ ﻭﺍﻟﺴﺠﻼﺕ ﻛﻠﻬﻢ ﺑﺎﻟﮕﺎﻉ ﻣﻦ ﺍﻟﺨﻮﻓﺔ ﺍﺑﺎﻭﻉ ﻋﻠﻴﻪ
ﺣﺴﺎﻡ - ﺗﻌﺎﻱ ﻭﻟﺞ ﻭﻳﻦ ﺗﺮﺣﻴﻦ ﻣﻨﻲ ﺍﻟﻴﻮﻡ ﺍﺣﺮﻙ ﻋﺸﻴﺮﺗﺞ ﺑﻨﺎﺭ ﻭﻧﻔﻂ
ﻓﺮﺡ ﺍﻧﻲ ﺍﺟﺮ ﺑﺮﻭﺣﻲ ﻣﻦ ﺍﻳﺪ ﺣﺴﺎﻡ ﺍﺭﻳﺪ ﺍﻓﻚ ﻧﻔﺴﻲ ﻣﻨﺔ ﻣﺎﻛﻮ ﻣﺎﻛﺪﺭﺕ - ﺍﺓ ﺍﺓ ﺍﺓ ﺣﺴﺎﻡ ﺑﺲ ﺍﻓﻬﻤﻚ ﺑﺲ ﻟﺤﻈﺔ
ﺍﻟﺘﻔﺘﺖ ﻻﺧﺘﻲ ﺳﻠﻮﻯ ﻓﺘﺤﺖ ﺍﻟﺒﺎﺏ ﻭﻣﺪﺕ ﺭﺍﺳﻬﺔ ﺗﺸﻮﻑ ﻣﻨﻮ ﺑﺎﻟﺒﺎﺏ
ﻳﺎﺍﺍﺍ ﺻﻠﻮﺍﺕ ﺳﺘﻮﺝ ﻓﺘﺤﺘﻲ ﺍﻟﺒﺎﺏ ﻟﻮ ﺭﺍﻳﺤﺔ ﻧﺎﻳﻤﺔ ﺍﺣﺴﻠﺞ
ﻫﺎﻱ ﺍﺧﺘﻲ ﺧﻠﺼﺖ ﺍﻟﻌﺮﻛﺔ ﻭﻫﻲ ﺳﺘﻮﻫﺔ ﺟﺎﻱ ﺗﺘﺤﺰﻡ ﺍﻣﺪﺓ ﺣﻈﻲ
ﻓﺘﺢ ﺣﺴﺎﻡ ﺑﺎﺏ ﺍﻟﺴﻴﺎﺭﺓ ﻭﺩﻓﻌﻨﻲ ﺟﻮﺓ ﻭﺳﺪ ﺍﻟﺒﺎﺏ ﺣﻴﻞ
↙️
ﺭﺣﺖ ﻛﺒﻞ ﻧﺰﻟﺖ ﺟﺎﻣﺔ ﺍﻟﺴﻴﺎﺭﺓ
ﻓﺮﺡ ﺗﺴﺘﻨﺠﺪ ﺑﺴﻠﻮﻯ ﻭﺗﻤﺪ ﺭﺍﺳﻬﺎ ﻣﻦ ﺷﺒﺎﻙ ﺍﻟﺴﻴﺎﺭﺓ
- ﺳﻠﻮﻯ ﻟﺤﻜﻲ ﺻﻴﺤﻲ ﻟﺠﺪﻱ ﺧﻠﻲ ﻳﺸﻮﻑ ﺟﺎﺭﺓ ﻟﻬﺬﺍ ﺍﻟﻤﺴﻌﻮﺭ
ﺣﺴﺎﻡ - ﻭﻟﺞ ﻫﺎﻱ ﻋﻠﻤﻴﻦ ﺍﻟﻤﺴﻌﻮﺭ
ﻓﺮﺡ ﺣﺴﺖ ﻋﻠﻰ ﺯﻟﺔ ﺍﻟﺴﺎﻧﻬﺎ ﻭﺷﺎﻓﺖ ﺣﺴﺎﻡ ﺷﻠﻮﻥ ﺩﺍﺱ ﻋﻠﻰ ﺑﺎﻧﺰﻳﻦ ﺍﻟﺴﻴﺎﺭﺓ ﻭﺣﺮﻙ ﺑﺤﻴﺚ ﺑﻄﻨﺸﺖ ﺍﻟﺴﻴﺎﺭﺓ ﻣﻦ ﺍﺛﺮ ﻗﻮﺓ ﺍﻧﻄﻼﻗﻪ
ﻓﺮﺡ - ﺍﺓ ﺍﺓ ﺍﺓ ﺍﻧﻲ ﻣﺎﻛﻮ ﻏﻴﺮﻱ ﺍﻟﻤﺴﻌﻮﺭﺓ ﻭﺳﺘﻴﻦ ﺍﻟﻒ ﻣﺴﻌﻮﺭﺓ
ﺩﺍﺭ ﻭﺟﻬﺔ ﻋﻠﻴﺔ ﻭﺧﺰﺭﻧﻲ
ﺍﻧﻲ ﻛﺒﻞ
ﻫﻨﺎ ﺻﺮﺕ ﻣﺜﻞ ﺍﻟﺼﻨﻢ ﻻ ﺍﺭﻯ ﻻ ﺍﺳﻤﻊ ﻻ ﺍﺗﻜﻠﻢ
ﻣﺎﻧﻄﻘﺖ ﻋﺒﺎﻟﻚ ﺍﺫﺍ ﻓﺘﺤﺖ ﺣﻠﮕﻠﻲ ﺑﺤﺮﻑ
ﺭﺍﺡ ﺍﺫﻛﺮﺓ ﺑﻮﺟﻮﺩﻱ ﻭﻳﺎﻩ ﺑﺎﻟﺴﻴﺎﺭﺓ ﻋﻔﻴﺔ ﺧﻠﻴﻪ ﻧﺎﺳﻴﻨﻲ
ﺑﺲ ﺷﻴﻨﺴﻰ ﻳﻔﺮﺡ ﻫﺬﺍ ﻋﺸﻢ ﺍﺑﻠﻴﺲ ﺑﺎﻟﺠﻨﺔ
ﺑﻘﻴﺖ ﺳﺎﻛﺘﺔ ﺑﺲ ﻋﻮﺩﻙ ﺷﻨﻮ ﺧﺘﻤﺖ ﺍﻟﻘﺮﺍﻥ ﻛﻠﺔ ﺑﮕﻠﺒﻲ ﻣﺎﻇﻠﺖ ﺍﻳﺔ ﻣﺎ ﻗﺮﻳﺘﻬﺎ ﺷﺮﺍﺡ ﻳﺴﻮﻱ ﺑﻴﺔ
ﻃﺒﻚ ﺍﻟﺴﻴﺎﺭﺓ ﻗﺮﺏ ﻧﻔﺲ ﺍﻟﻌﻤﺎﺭﺓ ﺍﻟﻲ ﺫﻳﺞ ﺍﻟﻤﺮﺓ ﺟﺎﺑﻨﻲ ﺍﻟﻬﺔ
ﻓﺮﺡ ﺍﺭﻳﺪ ﺍﻋﺮﻑ ﺍﻧﻲ ﻟﻴﺶ ﺍﺧﺎﻑ ﻣﻨﺔ ﺑﺲ ﻭﺍﻟﻠﻪ ﻣﻮ ﺑﻴﺪﻱ ﺍﺧﺎﻑ ﻣﻨﺔ ﻻﻥ ﺍﻋﺮﻓﺔ ﻣﺨﺒﻞ ﻭﻛﻠﺸﻲ ﻳﻄﻠﻊ ﻣﻨﺔ
- ﺍﻛﻮﻝ ﺍﺷﻮ ﺟﻨﻚ ﺣﻠﺘﻠﻚ ﺍﻟﺴﺎﻟﻔﺔ ﻛﻞ ﻳﻮﻡ ﺟﺎﻳﺒﻨﻲ ﻫﻨﺎ
ﺣﺴﺎﻡ ﻭﺑﺼﻮﺕ ﻫﺎﻣﺲ ﻭﻛﻮﺓ ﻣﺴﻴﻄﺮ ﻋﻠﻰ ﺍﻋﺼﺎﺑﺔ
- ﺍﺣﺴﻨﻠﺞ ﺗﻨﺰﻟﻴﻦ ﻫﺴﺔ ﻭﻳﺎﻱ ﻣﻦ ﺍﻟﺴﻴﺎﺭﺓ ﻭﺍﻧﺘﻲ ﺳﺎﻛﺘﺔ ﻣﺎﻛﻮ ﺗﻌﻤﻴﻦ ﻋﻠﻰ ﺭﻭﺣﺞ ﺍﻧﻲ ﺍﻛﻠﺞ ﻳﺎﻫﺔ ﻣﻦ ﻫﺴﺔ ﺍﻧﺔ ﻣﺎ ﻣﺴﺆﻝ ﻋﻦ ﺗﺼﺮﻓﺎﺗﻲ
ﻭﺍﻟﻠﻪ ﻧﺰﻟﺖ ﻭﺗﻠﻤﺴﺖ ﻣﻜﺎﻥ ﺍﻟﺴﺠﻴﻦ ﻣﺎﻟﺘﻲ
ﻃﺒﻌﺎ ﺻﺎﺭﺕ ﻋﻨﺪﻱ ﻋﺎﺩﺓ ﺻﺮﺕ ﺍﺧﺬ ﺍﻟﺴﺠﻴﻦ ﻭﻳﺎﻱ ﻭﻳﻦ ﻣﺎ ﺍﺭﻭﺡ ﺍﺧﻠﻴﻬﺔ ﺑﺠﻮﺍﺭﻳﺒﻲ ﻻﻥ ﻣﻦ ﺫﺍﻙ ﺍﻟﻴﻮﻡ ﺍﻟﻲ ﺳﻮﺍﻩ ﺑﻴﺔ ﺣﺴﺎﻡ ﻭﺍﻧﻲ ﺑﻌﺪ ﻣﺎ ﺗﺮﻛﺖ ﺍﻟﺴﺠﻴﻦ
ﻭﺍﻟﻠﻪ ﺍﻟﻌﻈﻴﻢ ﺍﺫﺍ ﻫﺴﺔ ﺳﻮﺓ ﺑﻴﺔ ﺷﻲ ﺍﻛﺘﻠﺔ ﻭﺍﻛﺘﻞ ﺭﻭﺣﻲ
ﻭﻋﻠﻴﺔ ﻭﻋﻠﻰ ﺍﻋﺪﺍﺋﻲ ﻭﺷﻴﺮﻳﺪ ﻳﺼﻴﺮ ﺧﻴﺼﻴﺮ
ﻓﺘﺢ ﺑﺎﺏ ﺷﻘﺘﺔ
ﻭﺩﺧﻠﺖ
ﺍﻟﺘﻔﺘﺖ ﻋﻠﻴﻪ
ﻭﺍﻧﻲ ﺍﺭﻳﺪ ﺍﺣﺠﻲ
ﻣﺎﺣﺴﻴﺖ ﺍﻻ ﺍﺟﺎﻧﻲ ﺭﺍﺷﺪﻱ ﻋﻠﻰ ﺧﺪﻱ ﻭﺭﺍﻩ ﺭﺍﺷﺪﻱ ﻻﺥ ﻭﺍﺻﺒﺤﺖ ﺍﻟﻀﺮﺑﺎﺕ ﺗﺘﻮﺍﻟﻰ ﻋﻠﻰ ﻭﺟﻬﻲ
ﺍﻧﻲ ﻋﻴﻮﻧﻲ ﺍﻧﻔﺘﺤﺖ ﻋﻠﻰ ﻭﺳﻌﻬﻦ ﻣﻦ ﺍﻟﺼﺪﻣﺔ ﻭﺻﺎﺭﺕ ﻋﻴﻮﻧﻲ ﺑﻌﻴﻮﻧﺔ ﻭﺍﻳﺪﻱ ﻋﻠﻰ ﺧﺪﻱ
ﻭﻛﺎﻥ ﻳﺘﻨﻔﺲ ﺑﻐﻀﺐ ﻋﺒﺎﻟﻚ ﻳﻨﻔﺚ ﻧﺎﺭ
ﺣﺴﺎﻡ ﻭﻫﻮ ﻳﺠﺮﻫﺎ ﻣﻦ ﺷﻌﺮﻫﺎ ﺑﻌﺪﻣﺎ ﺳﺤﺐ ﺷﺎﻟﻬﺔ ﻣﻦ ﻋﻠﻰ ﺭﺍﺳﻬﺎ
ﺣﺴﺎﻡ ﻗﺮﺏ ﻭﺟﻬﺔ ﻭﺑﻜﻞ ﻏﻀﺐ
ﺣﺴﺎﻡ ﺑﺘﻮﻋﺪ - ﺷﻮﻓﻲ ﻭﻟﺞ ﻭﺍﻟﻠﻪ ﻭﺍﻣﺎﻥ ﺍﻟﻠﻪ ﻭﺣﻖ ﺍﻟﺤﻖ
ﻣﺎ ﺭﺍﺡ ﺍﺧﻠﻴﺞ ﺗﺘﺰﻭﺟﻴﻦ ﺍﻳﻬﺎﺏ ﻟﻮ ﻋﻠﻰ ﻛﺺ ﺭﻛﺒﺘﻲ ﺍﻻ ﺍﺳﻮﺩ ﻋﻴﺸﺘﺞ
ﻣﻮ ﺣﺒﺎً ﺑﻴﺞ ﻫﻠﻤﺮﺓ ﻻ ﻭﻻ ﻋﻠﻤﻮﺩ ﺣﺘﻰ ﺗﺼﻴﺮﻳﻦ ﺍﻟﻴﺔ ﻻ
ﺍﺭﻳﺪ ﺍﺧﻠﻴﺞ ﻣﻌﻠﻜﺔ ﻭﻣﺘﻌﻠﻌﻠﺔ ﻻ ﺍﻧﺘﻲ ﻟﻠﻪ ﻭﺍﻧﺘﻲ ﻻﺑﻦ ﺍﺩﻡ ﺍﻻ ﺍﺧﻠﻴﺞ ﺗﺠﻴﻨﻲ ﺑﺮﺟﻠﺞ ﺗﺘﻮﺳﻠﻴﻦ ﺣﺘﻰ ﺍﺧﺬﺝ ﺍﻟﻲ ﻣﺮﺓ
ﻭﮔﻮﻟﻲ ﮔﺎﻝ ﺣﺴﺎﻡ
ﺳﻮﻳﻬﺎ ﻭﻛﺴﺮﻱ ﺣﺠﺎﻳﺘﻲ ﻭﺷﻮﻓﻲ
ﺑﻘﻰ ﻻﺯﻣﻬﺎ ﻣﻦ ﺷﻌﺮﻫﺎ ﻭﻫﻲ ﺿﻠﺖ ﺗﺪﻓﻊ ﺑﻲ
ﻓﺮﺡ - ﺍﺥ ﺣﺴﺎﻡ ﺍﺫﻳﺘﻨﻲ ﻋﻮﻓﻨﻲ ﺍﻟﻠﻪ ﻳﺨﻠﻴﻚ ﻛﺎﻓﻲ
ﻟﻴﺶ ﺍﺧﺮ ﺣﻴﻮﺍﻧﺔ ﻭﻟﺞ ﺍﻧﺘﻲ ﺗﻠﻌﺒﻴﻦ ﻋﻠﻲ ﻭﺗﻐﺎﻓﻠﻴﻨﻲ ﺍﺥ ﺍﻟﻠﻪ
ﻳﻌﻨﻲ ﺑﻜﻞ ﻋﻘﻠﺞ ﺍﻋﻮﻓﺞ ﻓﺮﺣﺎﻧﺔ ﻭ ﺟﺎﻳﺒﺔ ﻋﺮﻳﺲ ﺍﻟﻐﻔﻠﺔ ﻭﺟﺎﻳﺔ ﻋﺎﻟﺒﻴﺖ ﺑﺲ ﺑﺴﻴﻄﺔ ﻭﻟﺞ
ﺩﻓﻌﻬﺔ ﻋﻨﺔ ﻭﻭﮔﻌﺖ ﻋﻠﻰ ﻭﺟﻪ ﺑﺎﻟﮕﺎﻉ ﻭﺍﻟﺘﺘﻔﺘﺖ ﻋﻠﻴﻪ
ﻭﺻﺎﺭ ﺧﺸﻤﻪ ﻳﺼﺐ ﻣﻨﺔ ﺩﻡ ﻣﺴﺤﺘﺔ ﺑﻈﻬﺮ ﺍﻳﺪﻫﺎ
ﻓﺮﺡ - ﺣﺴﺎﻡ ﺍﻟﻠﻪ ﻳﺨﻠﻴﻚ ﺑﺲ ﺍﺳﻤﻌﻨﻲ ﺑﺲ ﺧﻠﻴﻨﻲ ﺍﻓﻬﻤﻚ ﻣﺎﻳﺼﻴﺮ ﻫﺬﺍ ﻋﻨﺎﺩﻙ
ﻇﻞ ﻭﺍﻛﻒ ﻓﻮﮒ ﺭﺍﺳﻬﺔ ﻳﺒﺎﻭﻉ ﻋﻠﻴﻬﺎ ﺑﻘﻬﺮ
ﻭﺑﻌﺪﻳﻦ ﻭﺭﺓ ﻓﺘﺮﺓ ﺣﺠﺔ ﺑﺼﻮﺕ ﺗﻌﺒﺎﻥ ﻣﻨﻬﻚ ﺧﺎﻭﻱ
ﻟﻴﺶ ﻭﻟﺞ ﻳﻔﺮﺣﺔ ﺗﺪﺭﻳﻦ ﻛﻠﺶ ﺯﻳﻦ ﮔﻠﺒﻲ ﻳﻬﻮﺍﺝ ﻭﻣﺎ ﻫﻮﻯ ﻏﻴﺮﺝ
ﺷﻠﻮﻥ ﺍﻃﺎﺝ ﮔﻠﺒﺞ ﺗﻬﺪﻣﻴﻦ ﻛﻞ ﺍﻟﻲ ﺑﻨﻴﺘﺔ ﻭﻟﺞ ﺑﻨﻴﺘﻠﺞ ﺑﮕﻠﺒﻲ ﻗﺼﺮ ﺳﻜﻨﺖ ﺣﺒﺞ ﺑﻲ
ﻭﻟﺞ ﺑﺲ ﻛﻠﻴﻠﻲ ﻭﻳﻦ ﺗﺮﺩﻳﻦ ﺗﻮﺻﻠﻴﻦ ﺑﻌﻨﺎﺩﺝ ﻫﺬﺍ
- ﻓﺮﺡ ﺗﺤﺠﻲ ﻭﻫﻲ ﻣﻮﺟﻮﻋﺔ - ﻻ ﺣﺴﺎﻡ ﺍﻧﺖ ﻣﺘﻮﻫﻢ ﺍﻧﺖ ﻣﺘﺤﺒﻨﻲ ﺍﻧﺖ ﻣﻘﻬﻮﺭ ﻻﻥ ﺍﻭﻝ ﻣﺮﺓ ﺑﺤﻴﺎﺗﻚ ﻣﺘﺤﺼﻞ ﺍﻟﻲ ﺗﺮﻳﺪﺓ ﺑﺲ ﺍﻧﻲ ﺑﺎﻟﻨﺴﺒﺔ ﺍﻟﻚ ﻣﺴﺄﻟﺔ ﻋﻨﺎﺩ ﻭﺗﺤﺪﻱ ﻫﺬﺍ ﻫﻮ ﻛﻞ ﺍﻟﻲ ﺑﺎﻟﻤﻮﺿﻮﻉ ﺧﻞ ﺍﻧﻜﺒﺮ ﻋﻘﻠﻨﺎ ﻭﻟﻬﻨﺎ ﻭﻛﺎﻓﻲ
ﻛﻼﻣﻬﺎ ﺍﺳﺘﻔﺰ ﺣﺴﺎﻡ ﺍﺗﻘﺪﻡ ﻋﻠﻴﻬﺎ ﻭﮔﻮﻣﻬﺎ ﻣﻦ ﺷﻌﺮﻫﺎ
ﺣﺴﺎﻡ - ﺍﺥ ﺍﻟﻠﻪ ﻟﺞ ﻳﻔﺮﺣﺔ ﺍﻧﺘﻲ ﻛﻞ ﺣﺮﻑ ﺗﻨﻄﻘﻴﻨﺔ ﻭﻳﺎﻱ ﺗﻌﻤﻴﻦ ﻋﻠﻰ ﺭﻭﺣﺞ ﻭﻟﺞ ﻳﺎ ﻋﻨﺎﺩ ﻳﺎ ﺗﺤﺪﻱ ﺗﺤﺠﻴﻦ ﻋﻠﻴﻪ ﺍﻧﺘﻲ ﺗﻀﺤﻜﻴﻦ ﻋﻠﻰ ﻣﻨﻮ ﻭﻟﺞ ﺍﻟﻤﺴﺄﻟﺔ ﻋﻨﺪﻱ ﻣﺴﺄﻟﺔ ﮔﻠﺐ
ﻭﻟﺞ ﻟﻴﺶ ﺍﻟﻨﻜﺮﺍﻥ ﻭﺍﻟﺘﺼﺪﻱ ﻭﻫﺬﺍ ﺍﻟﻲ ﺑﻌﻴﻮﻧﺞ ﺷﻨﻮ ﻳﺴﻤﻮﻧﺔ ﺯﻳﻦ ﻭﺭﺟﻔﺖ ﺟﺴﻤﺞ ﺑﻴﻦ ﺍﺩﻳﺔ ﻫﺎﻱ ﺷﻲ ﻳﺴﻤﻮﻧﻬﺔ
ﻭﻟﻬﻔﺖ ﺣﻀﻨﺞ ﻟﺤﻀﻨﻲ ﺷﻴﺴﻤﻮﻧﻪ ﺍﺫﺍ ﻣﻮ ﺣﺐ ﻫﺬﺍ ﻟﻌﺪ ﺷﻨﻮ
ﻓﺮﺡ ﻭﻫﻲ ﺗﻨﺰﻝ ﻋﻴﻮﻧﻬﺎ ﻣﻦ ﻋﻴﻮﻥ ﺣﺴﺎﻡ - ﻻ ﺣﺴﺎﻡ ﻣﺎﻛﻮ ﻫﻴﺞ ﺷﻲ ﻳﺘﺨﻠﻴﻚ ﺍﻧﻲ ﻣﺎ ﺍﺣﺒﻚ
ﻗﺮﺏ ﺭﺍﺳﺔ ﻣﻨﻬﺎ ﻭﺍﻳﺪﺓ ﺑﻌﺪﻫﺎ ﻻﺯﻣﺔ ﺷﻌﺮﻫﺎ ﺣﻴﻞ ﺑﺤﻴﺚ ﺷﻬﻜﺖ ﻭﻭﻧﺖ ﻣﻦ ﺍﻻﻟﻢ
ﻭﻫﻮ ﻣﺎ ﺍﻧﻄﺎﻫﺔ ﻓﺮﺻﺔ ﺑﻠﻊ ﺍﻧﺎﺗﻬﺎ ﻭﺻﻮﺗﻬﺎ ﺍﻟﻤﻮﺟﻮﻉ ﺑﻴﻦ ﺷﻔﺎﻳﻔﺔ
ﺑﺎﻟﺒﺪﺍﻳﺔ ﺿﻠﺖ ﺗﺪﻓﻊ ﻭﺗﻀﺮﺏ ﺑﻴﺪﻳﻬﺎ ﺍﻟﺜﻨﻴﻦ
ﻟﻜﻦ ﻫﻮ ﻛﺎﻥ ﻟﻪ ﺍﻟﺴﻼﺡ ﺍﻻﻛﺜﺮ ﺧﺒﺮﺓ ﻣﻨﻬﺎ
ﻭﻛﺪﺭ ﻳﻀﻌﻒ ﻣﻦ ﻣﻘﺎﻭﻣﺘﻬﺎ ﺍﻟﺔ ﻭﻳﺎﺧﺬ ﺷﻔﺎﻳﻔﻬﺎ ﺍﻟﺘﺮﺟﻒ ﻭﻳﺎﻩ ﻟﻨﻔﺲ ﺍﻟﻄﺮﻳﻖ ﺍﻟﻲ ﻫﻮ ﺭﺍﻳﺢ ﺑﻲ ﻭﺻﺎﺭﻭ ﺍﺛﻨﻴﻨﻬﻢ ﻳﺘﺒﺎﺩﻟﻮﻥ
ﺍﻟﻠﻬﻔﺔ ﻭﺍﻟﺸﻮﮒ ﻭﺻﺎﺭﻭ ﻳﻌﺰﻓﻮﻥ ﺛﻨﻴﻨﻬﻢ ﺑﻌﻨﺎﻗﻬﻢ ﻧﻔﺲ ﺍﻟﻠﺤﻦ ﻭﻛﺎﻧﺖ ﻓﺮﺡ ﻻﺗﻘﻞ ﻋﻦ ﺣﺴﺎﻡ ﺑﺮﺩﺕ ﻓﻌﻠﻬﺎ ﻭﺍﺣﺘﻮﺍﺋﻬﺎ ﻟﺤﻀﻦ ﺣﺴﺎﻡ ﺻﺎﺭﺕ ﺍﻳﺪﻳﻬﺎ ﺗﺘﻠﻤﺲ ﺍﻛﺘﺎﻑ ﺣﺴﺎﻡ ﺑﺸﺮﺍﻫﺔ ﺑﻌﺪ ﻣﺎﻛﺎﻧﺖ ﺗﻀﺮﺏ ﻋﻠﻰ ﺻﺪﺭﻩ ﻣﺜﻞ ﺍﻟﻤﻄﺮﻗﺔ
ﻭﺗﺤﻮﻟﺖ ﻳﺪ ﺣﺴﺎﻡ ﻋﻠﻰ ﺷﻌﺮ ﻓﺮﺡ ﻟﻤﺴﺎﺕ ﺣﻨﻮﻧﺔ
ﺑﻌﺪﻣﺎ ﻣﺎﻛﺎﻥ ﻳﺴﺒﺤﻬﺎ ﺑﻘﻮﺓ
ﻟﻜﻦ ﺣﺴﺎﻡ ﻫﻮ ﻣﻦ ﺍﻧﻬﻰ ﺗﻠﻚ ﺍﻟﻠﺤﻀﺎﺕ ﺍﻟﺜﻤﻴﻨﺔ
ﺑﻌﺪ ﻣﺎﺗﺤﻮﻝ ﺍﻟﻬﻮﺍﺀ ﺍﻟﻲ ﺑﻴﻨﻬﻢ ﻛﺜﻴﻒ ﻣﻤﻠﻮﺀ ﺑﺎﻟﻤﻔﺮﻗﻌﺎﺕ ﻣﻦ ﺍﺛﺮ ﺍﻟﺸﻐﻒ ﺍﻟﻤﺘﺒﺎﺩﻝ ﺑﻴﻨﻬﻢ
ﺣﺴﺎﻡ ﻭﻫﻮ ﮔﻮﺓ ﻳﺠﺮ ﻧﻔﺲ - ﻭﻫﺴﺔ ﺑﻌﺪﺝ ﺗﻜﻮﻟﻴﻦ ﻳﺘﺨﻴﻠﻲ ﺍﺣﻠﻔﺞ ﺑﺎﻟﻠﻪ ﺷﻠﻮﻥ ﻳﻨﻄﻴﺞ ﮔﻠﺒﺞ ﺗﺴﻠﻤﻴﻦ ﺍﻟﻨﻔﺲ ﻟﻐﻴﺮ ﺣﺴﺎﻡ ﺍﺳﺄﻟﺞ ﺑﺎﻟﻠﻪ ﻫﻢ ﺭﺍﺡ ﺗﺮﺟﻔﻴﻦ ﺗﺤﺖ ﺍﻳﺪﺓ
ﻳﻔﺮﺡ ﻻﺗﺤﻄﻤﻴﻦ ﺣٍٍِْــًﺒٌٍـــِٓﯥٍٓ ﺍﻟﺞ
ﻟﺞ ﺍﻧﺘﻲ ﻣﻠﻚ ﺣﺴﺎﻡ ﺍﻧﺘﻲ ﺭﻭﺣﺞ ﻣﻮ ﻣﻠﻜﺞ ﺣﺘﻰ ﺗﺘﺼﺮﻓﻴﻦ ﺑﻴﻬﺎ ﺑﻜﻴﻔﺞ
ﻓﺮﺡ - ﻣﺎ ﺍﻛﺪﺭ ﺣﺴﺎﻡ ﻣﺎ ﺍﻛﺪﺭ ﺍﺳﻠﻢ ﻟﻚ ﺍﻟﻨﻔﺲ ﻭﺍﻟﺮﻭﺡ ﻣﺮﺓ ﺛﺎﻧﻴﺔ ﺗﺮﺓ ﻣﺮﺓ ﻭﺣﺪﺓ ﻛﺎﻧﺖ ﻛﺎﻓﻴﺔ ﻟﺪﺭﺟﺔ ﺧﻠﺘﻨﻲ ﺍﻭﺻﻞ ﻟﻠﻤﻮﺕ ﻧﺴﻴﺖ ﺷﺼﺎﺭ ﺑﺤﺎﻟﻲ ﻣﺎ ﺍﻛﺪﺭ ﺍﺗﻌﺮﺽ ﻟﺨﻴﺒﺔ ﺍﻣﻞ ﻣﺮﺓ ﺛﺎﻧﻴﺔ ﻋﻠﻰ ﺍﻻﻗﻞ ﺍﻳﻬﺎﺏ ﺍﻧﻲ ﻣﺎ ﺍﺣﺒﺔ ﻓﻤﺎ ﺭﺍﺡ ﻳﻜﺪﺭ ﻳﺄﺫﻳﻨﻲ ﺑﻴﻮﻡ
ﻭﺣﺘﻰ ﻟﻮ ﺣﺎﻭﻝ ﻳﺄﺫﻳﻨﻲ ﺑﻴﻮﻡ ﻣﻦ ﺍﻻﻳﺎﻡ ﻣﺎ ﺭﺍﺡ ﺍﺗﺄﻟﻢ ﺑﻮﻗﺘﻬﺎ ﻻﻥ ﻣﺎ ﺍﺣﺒﺔ ﻫﻲ ﺍﻟﻤﺴﺎﻟﺔ ﻣﺴﺄﻟﺔ ﺍﺣﻜﻢ ﻋﻘﻠﻲ ﺣﺴﺎﻡ ﺗﺮﺓ ﺍﻟﺤﺐ ﻳﻮﺟﻊ ﺻﺪﻛﻨﻲ ﺍﻟﻲ ﺷﻔﺘﺔ ﻣﻦ ﺑﻌﺪ ﻣﺎ ﺿﮕﺖ ﻟﻮﻋﺔ ﺣﺒﻚ ﺣﺮﻣﺖ ﻋﻠﻰ ﮔﻠﺒﻲ ﻳﺤﺐ ﻣﺮﺓ ﺛﺎﻧﻴﺔ ﻣﻮ ﻭﻓﺎﺀﺍً ﺍﻟﻚ ﻻ ﺑﺲ ﺗﺤﺼﻴﻨﺎً ﻟﻨﻔﺴﻲ ﻣﺎ ﺍﺭﻳﺪ ﺍﺻﻴﺮ ﻣﻐﻔﻠﺔ ﻣﺮﺓ ﺛﺎﻧﻴﺔ ﻭﻣﺎ ﺍﺭﻳﺪ ﺍﻱ ﻭﺍﺣﺪ ﻳﺴﺘﻐﻠﻨﻲ
ﺍﺳﻔﺔ ﺣﺴﺎﻡ ﻛﻞ ﺍﻟﻲ ﺗﻜﺪﺭ ﺗﺎﺧﺬﺓ ﻣﻨﻲ ﺭﺍﺡ ﻳﻜﻮﻥ ﺑﺎﻟﻘﻮﺓ
ﻓﺨﻠﻴﻨﻲ ﺍﺫﻛﺮﻙ ﺑﺨﻴﺮ ﻭﺍﻋﺘﻘﻨﻲ ﻟﻮﺟﻪ ﺍﻟﻠﻪ ﺗﻌﺎﻟﻰ ﻭﺧﻠﻴﻨﻲ ﺍﺭﻭﺡ
ﻟﻜﻦ ﻻﺯﺍﻝ ﺍﻟﻠﻘﺎﺀ ﺑﻴﻦ ﺍﺑﻄﺎﻝ ﺭﻭﺍﻳﺘﻨﻲ ﻟﻢ ﻳﻨﺘﻬﻲ ﺑﻌﺪ ﺍﻧﺘﻈﺮﻭﻧﻲ ﻋﺎﻟﺒﺎﺭﺕ ﺍﻟﻘﺎﺩﻡ ﻣﻊ ﺍﺣﺪﺍﺙ ﻣﻔﺎﺟﺌﺔ ﻭﻣﺸﻮﻗﺔ ﻟﻜﻼ ﺍﻟﺒﻄﻠﻴﻦ
↙️
ﻓﺮﺡ
ﺍﻟﻴﻮﻡ ﺍﻟﻤﻬﺮ ﻣﺎﻟﺘﻲ ﻭﺍﻧﻲ ﻛﻠﺖ ﻹﻳﻬﺎﺏ ﺍﻥ ﻳﺴﻮﻳﻪ ﺑﺴﻴﻂ ﻭﻫﺪﻭﺀ ﻣﺎ ﺍﺭﻳﺪ ﻫﻮﺳﺔ
ﻭ ﻃﻠﺒﺖ ﻣﻦ ﺟﺪﻱ ﺍﻥ ﻳﻨﻄﻲ ﺧﺒﺮ ﺑﺲ ﻟﻌﻤﻮ ﺗﻮﻓﻴﻖ ﻭﻋﻤﻮ ﺟﻮﺍﺩ ﻣﺎ ﺍﺭﻳﺪ ﺍﻭﻻﺩ ﻋﻤﻲ ﻳﺤﻀﺮﻭﻥ ﺍﻟﺨﻄﻮﺑﺔ ﻃﺒﻌﺎً ﺟﺪﻱ ﺍﻓﺘﻬﻤﻨﻲ
ﺻﺮﺕ ﺍﺟﻬﺰ ﻧﻔﺴﻲ ﻟﻠﺨﻄﻮﺑﺔ ﻭﺷﻔﺖ ﺭﺷﺎ ﻭﺷﻬﺪ ﺍﺟﻦ ﻭﻳﺎﻱ ﻳﺴﺎﻋﺪﻧﻲ ﺭﻏﻢ ﻋﻴﻮﻧﻬﻦ ﻣﻔﻀﻮﺣﺔ ﺑﺲ ﻣﺎﻳﻜﺪﺭﻥ ﻳﺤﺠﻮﻥ ﻭﻳﺎﻱ
ﺍﺗﺬﻛﺮﺕ ﺍﻻﻳﺎﻡ ﺍﻟﻲ ﺗﻠﺖ ﻣﻮﻗﻔﻲ ﻣﻊ ﺣﺴﺎﻡ ﺑﻴﻮﻡ ﺍﺧﺬﻧﻲ ﻟﻠﺸﻘﺔ ﺍﺗﺬﻛﺮ ﺑﻮﻗﺘﻬﺎ
ﻣﻦ ﺭﺩﺕ ﺍﻃﻠﻊ ﺑﻴﻮﻣﻬﺎ ﻭﻛﻨﺖ ﻭﺍﻛﻔﺔ ﻳﻢ ﺑﺎﺏ ﺍﻟﺸﻘﺔ
ﺍﺣﺲ ﻭﺟﻬﻲ ﻛﻠﺔ ﺍﺣﻤﺮ ﻣﻦ ﺍﻟﻀﺮﺏ ﻭﻛﺎﻥ ﻭﺿﻌﻲ ﻛﻠﺔ ﻳﻮﺣﻲ ﺑﺎﻻﻧﻜﺴﺎﺭ
ﺣﺴﻴﺖ ﺑﺤﺴﺎﻡ ﺍﺗﻘﺪﻡ ﻋﻠﻴﺔ ﺑﺨﻄﻮﺍﺕ ﺛﻘﻴﻠﺔ
ﺍﻗﺘﺮﺏ ﻣﻨﻲ
- ﻳﻔﺮﺣﺔ ﺣﺴﺎﻡ ﻭﻳﻦ ﺭﺍﻳﺤﺔ
ﺷﻮﻓﻲ ﻗﺒﻞ ﻻ ﺍﺗﻄﻠﻌﻴﻦ ﻭﻫﺎﻱ ﺍﺧﺮ ﻣﺮﺓ ﺍﺣﺠﻴﻬﺎ ﻭﻳﺎﺝ ﻭﺍﺭﻳﺪﺝ ﺗﺠﺎﻭﺑﻴﻨﻲ ﻭﺑﺼﺮﺍﺣﺔ ﻋﻠﻰ ﺳﺆﺍﻟﻲ
ﺍﺣﻠﻔﺞ ﺑﺎﻟﻠﻪ ﻭﺍﺭﻳﺪﺝ ﺗﺤﺠﻴﻦ ﺍﻟﺼﺪﻙ
- ﺍﻧﺘﻲ ﺗﺤﺒﻴﻨﺔ ﻟﺤﺴﺎﻡ ؟؟
ﻓﺮﺡ ﻭﻫﻲ ﺗﺘﻤﻠﻤﻞ ﻣﻦ ﺑﻴﻦ ﺍﺩﻳﻪ ﻭﺗﺮﻳﺪ ﺗﺘﻬﺮﺏ ﻣﻦ ﺍﻻﺟﺎﺑﺔ
ﺣﺴﺎﻡ ﻻﺗﻨﺴﻴﻦ ﺣﻠﻔﺘﺞ ﺑﺎﻟﻠﻪ ﺣﺎﻭﻟﻴﻨﻲ ﻭﺍﻋﺪﺝ ﺑﻌﺪ ﻣﺎ ﺍﺗﻌﺮﺿﻠﺞ
ﻓﺮﺡ ﺑﻀﻌﻒ ﻭﺩﻣﻮﻋﻬﺎ ﻧﺰﻟﺖ ﺑﻨﻜﺴﺎﺭ ﻭﺣﺠﺘﻬﺎ ﺑﻐﻀﺐ
- ﺍﻱ ﺍﺣﺒﻚ ﻭﺍﺗﻨﻔﺲ ﻫﻮﺍﻙ ﻭﺍﻋﺸﻘﻚ ﻟﺤﺪ ﺍﻻﻟﻢ . ﺍﻱ ﺍﻻﻟﻢ ﻟﺪﺭﺟﺔ ﺍﻟﺨﻮﻑ ﻳﺎﻟﻠﻪ ﻫﺴﺔ ﺍﺭﺗﺎﺣﻴﺖ ﻣﻦ ﺷﻔﺘﻨﻲ ﻣﻜﺴﻮﺭﺓ
ﺣﺴﺎﻡ ﻭﻫﻮ ﻳﻠﻤﻬﺎ ﺑﺤﻀﻨﺔ
- ﺍﺥ ﺍﻟﻠﻪ ﻭﻟﺞ ﺷﺘﺤﺠﻴﻦ ﻳﺎ ﺍﻧﻜﺴﺎﺭ ﻳﺎ ﺗﻔﻠﻴﺶ
ﻭﻟﺞ ﺍﻧﺘﻲ ﺑﻜﻼﻣﺞ ﻫﺬﺍ ﻭﻗﻌﺘﻲ ﻋﻠﻰ ﻣﻠﻜﻴﺘﻲ ﺍﻟﺞ
ﻓﺮﺡ - ﺣﺴﺎﻡ ﻭﺍﻟﻠﻪ ﺧﺎﻳﻔﺔ ﻣﻨﻚ ﺧﺎﻑ ﺗﺮﺟﻊ ﺗﻜﺴﺮﻧﻲ ﻣﻦ ﺟﺪﻳﺪ
ﺣﺴﺎﻡ - ﻭﻟﺞ ﻋﻠﻰ ﺷﻨﻮ ﺗﺨﺎﻓﻴﻦ ﺍﺫﺍ ﻫﻮ ﺣﺴﺎﻡ ﺑﻜﺒﺮﺓ ﺻﺎﺭ ﻣﻠﻜﺞ ﺷﺘﺤﺠﻴﻦ ﻭﺗﻜﻮﻟﻴﻦ ﺧﺎﻳﻔﺔ ﻟﻌﺪ ﺍﻧﺔ ﺷﻜﻮﻝ
ﻣﻦ ﺍﺷﻮﻓﺞ ﺗﺮﺩﻳﻦ ﺗﺮﺣﻴﻦ ﮔﺒﺎﻝ ﻋﻴﻨﻲ ﻟﻐﻴﺮﻱ ﺑﺎﻟﻠﻪ ﺷﻴﻜﻮﻥ ﺷﻌﻮﺭﺝ ﻟﻮﻛﻨﺘﻲ ﺑﻤﻜﺎﻧﻲ ﻭﻟﺞ ﺍﻟﻤﻔﺮﻭﺽ ﺍﻧﻲ ﺍﻟﻲ ﺍﺧﺎﻑ
ﻻ ﺗﺮﺣﻴﻦ ﻣﻦ ﺑﻴﻦ ﺍﺩﻳﺔ
ﺑﻮﻗﺘﻬﺎ ﻣﺎ ﻛﺪﺭﺕ ﺣﺴﻴﺖ ﺑﺎﻟﻀﻌﻒ ﻭﺍﺗﻬﺪﻣﺖ ﺟﺪﺭﺍﻥ ﮔﻠﺒﻲ ﻭﻣﺎ ﺑﻘﻰ ﺍﻱ ﺣﺎﺟﺰ ﺑﻴﻨﻲ ﻭﺑﻴﻦ ﺣﺴﺎﻡ
ﺷﻤﺮﺕ ﻧﻔﺴﻲ ﺑﺤﻀﻨﺔ ﻭﻫﻮ ﻟﻤﻨﻲ ﺑﺜﻨﻴﻦ ﺍﺩﻳﻪ ﻟﺼﺪﺭﻫﺔ ﺍﻟﻠﻪ
ﺍﺣﻠﻰ ﺷﻌﻮﺭ ﻛﺎﻥ ﻋﺒﺎﻟﻚ ﺟﻨﺖ ﺿﺎﻳﻌﺔ ﻭﻟﻜﻴﺖ ﺍﻟﺒﻴﺖ ﻭﻛﺎﻥ ﻓﻌﻼ ﺣﻀﻦ ﺣﺴﺎﻡ ﻫﻮ ﺑﻴﺘﻲ
ﻭﻗﺮﺭﺕ ﺍﻓﺘﺢ ﺻﻔﺤﺔ ﺟﺪﻳﺪﺓ ﺑﻴﻨﻲ ﻭﺑﻴﻦ ﺣﺴﺎﻡ ﻭﻃﻠﺒﺖ ﻣﻨﺔ
ﻓﺮﺡ - ﺣﺴﺎﻡ ﻋﻔﻴﺔ ﺍﻧﻄﻴﻨﻲ ﻭﻗﺖ ﺣﺘﻰ ﺍﺣﺠﻲ ﻭﻳﺔ ﺟﺪﻱ ﻳﻨﻄﻲ ﺧﺒﺮ ﻻﻳﻬﺎﺏ ﺍﻥ ﻣﺎﻛﻮ ﺧﻄﻮﺑﺔ ﻭﻣﻦ ﻳﺨﻠﺺ ﻣﻮﺿﻮﻉ ﺍﻟﺨﻄﻮﺑﺔ
ﺍﻧﺖ ﺍﻓﺘﺢ ﺍﻟﻤﻮﺿﻮﻉ ﻣﻊ ﺟﺪﻱ
ﺣﺴﺎﻡ - ﺧﻼﺹ ﻫﺬﺍ ﻫﻮ ﺍﻟﺞ ﺍﻟﺘﺮﺩﻳﻨﺔ ﺍﻧﻲ ﻋﻨﺪﻱ ﺳﻔﺮﺓ ﻟﺪﺑﻲ ﻣﻦ ﺍﺭﺟﻊ ﮔﺒﻞ ﻧﺘﺰﻭﺝ ﻓﺎﻫﻤﺔ
ﻓﺮﺡ ﺑﺨﺠﻞ ﺍﻣﻤﻤﻢ
ﺣﺴﺎﻡ ﻭﺑﻠﻬﻔﺔ - ﺷﻨﻮ ﻣﺎﺳﻤﻌﺘﺞ ﻋﻠﻲ ﺻﻮﺗﺞ
ﻓﺮﺡ - ﺍﻱ
ﻭﺻﻠﻨﻲ ﺑﻮﻗﺘﻬﺎ ﺣﺴﺎﻡ ﻟﻠﺒﻴﺖ
ﻭﻧﺰﻟﻨﺎ ﺳﻮﺓ ﺑﺒﻴﺖ ﺟﺪﻱ ﻭﺩﺧﻠﻨﺎ ﺑﺎﻻﺳﺘﻘﺒﺎﻝ ﻭﺻﺎﺭ ﺑﻮﺟﻬﻨﺎ
ﻧﺒﻴﻞ ﻭﻫﻮ ﺷﺎﻳﻂ ﻣﻦ ﺍﻟﻐﻀﺐ ﻭﻛﺎﻥ ﻳﺼﻴﺢ ﺑﺎﻭﻉ ﻋﻠﻴﻨﺎ ﺍﻧﻲ ﻭﺣﺴﺎﻡ ﻭﻛﻨﺎ ﻣﺘﻼﺯﻣﻴﻦ ﺍﻳﺪ ﺑﺄﻳﺪ
ﺷﺎﻓﻨﺎ ﻭﺧﺰﺭﻧﺎ ﻭﻃﻠﻊ ﺭﻛﺐ ﺳﻴﺎﺭﺗﺔ ﻭﺭﺍﺡ
ﺣﺴﺎﻡ - ﺑﺎﺳﺘﻔﺴﺎﺭ ﻫﺬﺍ ﺷﺒﻲ ﺍﺷﻮ ﺑﺲ ﻳﺼﻴﺢ ﺷﻜﻮ
ﺗﻮﻓﻴﻖ - ﺑﻌﺪ ﺷﺒﻲ ﻣﺘﺪﺍﻳﻦ ﻣﻦ ﺍﻟﻨﺎﺱ ﻭﻻﻋﺐ ﻋﻠﻴﻬﻢ ﻭﺍﻟﻔﻠﻮﺱ ﻛﻠﺶ ﻫﻮﺍﻱ ﻭﻣﺎ ﻳﻌﺮﻑ ﻳﺘﺼﺮﻑ ﺍﺟﺔ ﻻﺑﻮﻱ ﻫﺴﺔ ﻳﻜﻠﺔ ﺍﺷﺘﺮﻱ ﺍﺑﻨﻚ ﻟﻴﺶ ﺍﻧﺔ ﻣﻮ ﺍﺑﻨﻚ ﺍﺷﺘﺮﻱ ﺳﻼﻣﺖ ﺍﺑﻨﻚ ﻭﺑﻴﻊ ﻭﺍﺣﺪ ﻣﻦ ﺍﻟﻤﺤﻼﺕ ﻣﺎﻟﺖ ﺍﻟﺬﻫﺐ ﻭﺍﻧﻄﻴﻨﻲ ﺧﻠﻴﻨﻲ ﺍﻭﻓﻲ ﺩﻳﻮﻧﻲ ﻭﺍﻧﺘﻮ ﻣﺎ ﻣﺤﺘﺎﺟﻴﻦ ﺍﻟﻤﺤﻞ ﺧﻠﻮﻩ ﺍﻟﻲ
ﺣﺴﺎﻡ - ﻳﻌﻨﻲ ﺑﻜﻞ ﮔﻮﺍﺕ ﻋﻴﻦ ﺟﺎﻱ ﻳﻄﺎﻟﺐ ﻫﺬﺍ ﺷﻨﻮ ﻣﻦ ﺑﺸﺮ ﻭﺍﻟﻠﻪ ﺗﻌﺒﺎﻥ ﺻﺪﻙ ﻳﺤﺠﻲ ﻭﻣﺘﺪﺍﻳﻦ ﻓﻠﻮﺱ ﻣﻦ ﺍﻟﻨﺎﺱ ﺑﻤﺌﺎﺕ ﺍﻟﻤﻼﻳﻴﻦ ﺑﺎﻟﻠﻪ ﻫﺬﺍ ﺷﻠﻮﻥ ﺭﺍﺡ ﻳﺪﺑﺮ ﺍﻣﺮﺓ
ﺍﻟﺠﺪ - ﺍﻧﻲ ﻛﺘﺒﺖ ﺑﻲ ﺗﺒﺮﺋﺔ
ﺑﺲ ﻣﻮ ﻋﻠﻤﻮﺩ ﺍﻟﻔﻠﻮﺱ ﺍﻟﻲ ﻣﺎﺧﺬﻫﻦ ﻣﻦ ﺍﻟﻨﺎﺱ ﺗﺒﺮﻳﺖ ﻣﻨﺔ ﻻ
ﺍﻟﺸﻐﻠﺔ ﺍﻛﺒﺮ ﻣﻦ ﻫﻴﺞ
ﻭﺍﻟﻠﻪ ﻟﻮ ﻋﻠﻰ ﺍﻟﻔﻠﻮﺱ ﺟﺎﻥ ﺳﻬﻠﺔ ﺍﻟﺴﺎﻟﻔﺔ ﻭﺗﻨﺤﻞ
ﺍﺥ ﻳﺎﺭﺏ ﺳﺘﺮﻙ ﺷﺤﺠﻲ ﻭﺍﻟﻠﻪ ﺍﻟﺴﺎﻟﻔﺔ ﻣﺎﺗﻨﺤﺠﻲ
ﺻﺎﺭﺕ ﺍﻛﺒﺮ ﻣﻦ ﺍﻟﻔﻠﻮﺱ
ﺣﺴﺎﻡ - ﻟﻴﺶ ﺷﺒﻴﻪ ﺷﻤﺴﻮﻱ ﻫﻠﻤﺮﺓ ﻣﻦ ﻣﺼﻴﺒﺔ
ﺍﻟﺠﺪ - ﺧﻠﻴﻨﻲ ﺳﺎﻛﺖ ﺍﺣﺴﻦ ﻭﺍﻟﻠﻪ
ﺧﻞ ﺍﻟﻀﻴﻢ ﺍﻟﻲ ﺑﮕﻠﺒﻲ ﻣﺴﺘﻮﺭ ﻳﻤﻜﻦ ﻟﻮ ﺍﻃﻠﻊ ﻋﻠﻴﻪ ﺍﻟﻄﻔﻞ ﻳﺸﻴﺐ ﻣﻦ ﺍﻟﻘﻬﺮ
ﻣﺮﺕ ﺍﻻﻳﺎﻡ ﻭﺳﺎﻓﺮ ﺣﺴﺎﻡ ﻟﺪﺑﻲ
ﺑﻌﺪ ﻳﻮﻣﻴﻦ ﻣﻦ ﺳﻔﺮﻩ
ﺣﺴﺎﻡ ﻣﺎ ﺍﺗﺼﻞ ﻋﻠﻴﺔ ﺑﻬﺎﻱ ﺍﻟﻔﺘﺮﺓ ﻭﺍﺗﺬﻛﺮ ﻗﺒﻞ ﻻﻳﺴﺎﻓﺮ ﻛﻠﻲ ﻧﺘﻮﺍﺻﻞ ﻋﻦ ﻃﺮﻳﻖ ﺍﻟﻮﺍﺕ ﺳﺎﺏ
ﻟﻜﻦ ﺑﻬﺎﻱ ﺍﻟﻴﻮﻣﻴﻦ ﻫﻮ ﻣﺎ ﺍﺗﺼﻞ
ﻭﻇﻞ ﺑﺎﻟﻲ ﻋﻠﻴﻪ ﻭﻛﻌﺪﺕ ﺍﺗﺼﻞ ﻋﻠﻰ ﻧﻘﺎﻟﻪ ﺑﺲ ﻣﺎﻛﻮ ﻣﺎ ﺭﺩ ﻟﻜﻦ ﺑﺎﻟﻠﻴﻞ ﺍﺗﺼﻠﺖ ﻋﻠﻴﻪ ﻭﺣﺼﻠﺘﺔ ﻟﻜﻦ
ﺟﺎﻭﺑﻨﻲ ﺻﻮﺕ ﺑﻨﻴﺔ
ﻳﻤﺔ ﻫﺎﻱ ﻣﻨﻮ
ﻓﺮﺡ - ﺍﻟﻮ ﺍﻧﺘﻲ ﻣﻨﻮ
- ﺣٍٍِْــًﺒٌٍـــِٓﯥٍٓ ﺍﻧﺘﻲ ﺍﻟﻤﺘﺼﻠﺔ ﻋﻠﻰ ﺟﻮﺍﻝ ﺭﺟﻠﻲ ﻣﻮ ﺍﻧﻲ
ﻫﻨﺎ ﺍﺟﻴﺖ ﺍﺗﺨﺒﻞ ﻇﻠﻴﺖ ﺑﺲ ﺍﺭﺟﻒ
ﻓﺮﺡ ﻭﻫﻲ ﺗﺮﺟﻒ - ﻣﻨﻮ ﺍﻧﺘﻲ ﻭﻣﻨﻮ ﺗﻘﺼﺪﻳﻦ ﺑﺮﺟﻠﺞ
- ﺷﻮﻓﻲ ﺣﺒﺎﺑﺔ ﺭﺟﻠﻲ ﺣﺴﺎﻡ ﺍﻛﺪﺭ ﺍﻋﺮﻑ ﺍﻧﺘﻲ ﻣﻨﻮ ﻭﺷﺘﺴﻮﻳﻦ ﻣﺘﺼﻠﺔ ﻋﻠﻰ ﺯﻭﺟﻲ
ﻓﺮﺡ - ﺍﻧﻄﻴﻨﻲ ﺍﺭﻳﺪ ﺍﺣﺠﻲ ﻭﻳﺔ ﺣﺴﺎﻡ
- ﻻ ﻭﺍﻟﻠﻪ ﺧﺎﻑ ﻣﺎﺗﺮﺿﻴﻦ ﺍﻧﻄﻴﺞ ﺯﻭﺟﻲ ﺗﺤﺠﻴﻦ ﻭﻳﺎﻩ ﺷﻨﻮ ﺍﺗﺨﺒﻠﺘﻲ ﺷﻮﻓﻲ ﻭﻟﺞ ﺍﺫﺍ ﻣﺮﺓ ﻻﺥ ﺍﺗﺼﻠﺘﻲ ﻋﻠﻰ ﺭﻗﻢ ﺯﻭﺟﻲ ﺻﺪﻛﻲ ﺍﻣﺤﻴﺞ ﻓﺎﻫﻤﺔ
ﻓﺮﺡ - ﺍﻧﺘﻲ ﺟﺬﺍﺑﺔ ﺟﺬﺍﺑﺔ ﺣﺴﺎﻡ ﻣﻮ ﺯﻭﺟﺞ ﻫﻮ ﻛﻠﻲ ﻣﺎﻣﺘﺰﻭﺝ
- ﻫﻬﻬﻬﻬﻬﻬﻪ ﻭﺍﻟﻠﻪ ﺧﻄﻴﺔ ﺍﻧﺘﻲ ﻋﺎﺩﻱ ﺍﺗﻌﻮﺩﺕ ﻛﻞ ﻣﺮﺓ ﻫﻴﺞ ﻳﻀﺤﻚ ﻋﻠﻰ ﺍﻟﺒﻨﺎﺕ ﺗﺮﺓ ﻫﺎﻱ ﺍﻧﺘﻲ ﻣﻮ ﺍﻭﻝ ﻭﺣﺪﺓ ﺗﺘﺼﻞ ﻋﻠﻰ ﺣﺴﺎﻡ ﻭﺗﻔﺎﺟﺌﻨﻲ ﺑﺲ ﺍﺗﻌﻮﺩﺕ ﻋﻠﻴﻪ ﻭﻋﻠﻰ ﺩﮔﺎﺗﻪ ﻭﻳﺎﻱ ﺑﺲ ﻫﻮ ﻳﺮﻭﺡ ﻳﺮﻭﺡ ﻭﻳﺮﺟﻌﻠﻲ
↙️
ﻭﮔﻊ ﺍﻟﻨﻘﺎﻝ ﻣﻦ ﺍﻳﺪﻱ ﻫﺎﻱ ﺷﻨﻮ ﻟﻴﺶ ﺷﺠﺎﻱ ﻳﺼﻴﺮ ﻭﻳﺎﻱ ﻳﻌﻨﻲ ﻣﻌﻘﻮﻟﺔ
ﻫﺎﻱ ﻟﻴﺶ ﻫﻴﺞ ﺟﺎﻱ ﻳﺴﻮﻱ ﺑﻴﺔ ﻳﻌﻨﻲ ﻣﺎﻛﻔﺎﻩ ﺍﻟﻲ ﺻﺎﺭ ﻣﻦ ﻭﺭﺍﻩ ﻭﺟﺎﻱ ﻫﺴﺔ ﻳﻜﻤﻞ ﻋﻠﻰ ﺍﻟﺒﺎﻗﻲ ﻣﻦ ﻓﺮﺡ
ﻟﻜﻦ ﻣﻦ ﻭﺻﻠﺘﻨﻲ ﺍﻟﺼﻮﺭﻟﺤﺴﺎﻡ ﻭﻫﻮ ﻭﻳﺎﻩ ﻧﻔﺲ ﺍﻟﺒﻨﻴﺔ ﺍﻟﻲ ﻛﺎﻥ ﻣﺘﺰﻭﺟﻬﺎ ﺍﻭ ﺑﺎﻻﺣﺮﻯ ﺍﺣﺘﻤﺎﻝ ﺑﻌﺪﺓ ﺯﻭﺟﻬﺎ ﻭﺍﻟﺼﻮﺭ ﻭﻛﻠﻬﻦ ﻛﺎﻧﻮ ﺑﺪﺑﻲ ﻳﻌﻨﻲ ﺷﻨﻮ ﻣﺴﻔﺮﻫﺎ ﻭﻳﺎﻩ
ﻓﺮﺡ ﻭﻃﻠﻌﺖ ﺍﻧﻲ ﺍﻟﻤﻐﻔﻠﺔ ﺑﺎﻟﻤﻮﺿﻮﻉ ﻛﻠﺔ
ﻻﺍﺍﺍﺍﺍﺍﺍﺍﺍﺍﺍ ﻛﺎﺍﺍﺍﺍﺍﺍﺍﺍﺍﻓﻲ ﻛﺎﺍﺍﺍﺍﺍﺍﻓﻲ ﻭﺍﻟﻠﻪ ﻣﻠﻴﺖ ﻟﻴﺶ ﺍﻟﺪﻫﺮ ﺩﻳﻌﺎﻧﺪ ﻭﻳﺎﻱ ﻟﻴﺶ ﻳﺎﺭﺏ
ﺭﺣﺖ ﻋﻠﻰ ﻣﻴﺰ ﺍﻟﻤﺮﺍﻳﺔ ﻛﺴﺮﺕ ﻛﻠﺸﻲ ﺻﺎﺭ ﮔﺪﺍﻣﻲ
ﺩﺧﻠﺖ ﻋﻠﻴﺔ ﺳﺮﻭﺭ ﻭﺷﺎﻓﺖ ﺣﺎﻟﺘﻲ ﻭﺭﻛﻀﺖ ﻋﻠﻴﺔ ﻭﻟﺰﻣﺘﻨﻲ
ﺣﺘﻰ ﺗﻬﺪﺋﻨﻲ
ﺳﺮﻭﺭ - ﺷﻨﻮ ﺷﺒﻴﺞ ﻓﺮﺡ ﺷﻜﻮ ﺷﺼﺎﻳﺮ
ﻓﺮﺡ - ﺳﺮﻭﺭ ﻋﻔﻴﺎ ﺍﺑﻮﺱ ﺍﻳﺪﺝ ﻃﻠﻌﻲ ﺑﺮﺓ ﻭﺗﺮﻛﻴﻨﻲ ﻟﻮﺣﺪﻱ
ﺳﺮﻭﺭ - ﻣﺎﺍﮔﺪﺭ ﺍﻋﻮﻓﺞ ﻭﺍﻧﺘﻲ ﻫﺬﺍ ﺣﺎﻟﺞ ﺍﻱ ﻏﻴﺮ ﺗﺤﺠﻴﻦ ﺷﻨﻨﻮ ﺻﺎﻳﺮ ﻭﻳﺎﺝ ﺣﺘﻰ ﺍﻓﺘﻬﻢ
- ﻓﺮﺡ ﻣﺎﻛﻮ ﺷﻲ ﻣﺎﺻﺎﻳﺮ ﺷﻲ ﺑﺲ ﻃﻠﻌﻲ ﻣﻨﺎ ﻓﺪﻭﺓ ﺍﺭﻭﺣﻠﺞ
ﻭﻇﻠﻴﺖ ﺍﺑﺠﻲ ﺑﻨﻬﻴﺎﺭ
ﺳﺮﻭﺭ - ﻳﺎﻟﻠﻪ ﻳﺎﻟﻠﻪ ﺭﺍﺡ ﺍﻃﻠﻊ ﺑﺲ ﻻ ﺗﺘﻌﺼﺒﻴﻦ ﺑﺲ ﺧﻠﻲ ﺑﺒﺎﻟﺞ ﻟﻜﻠﺸﻲ ﺍﻟﺔ ﺣﻞ ﻻﺗﻘﻬﺮﻳﻦ ﻧﻔﺴﺞ
ﻭﻃﻠﻌﺖ ﻭﺗﺮﻛﺘﻨﻲ
ﻣﺴﺤﺖ ﺩﻣﻮﻋﻲ ﻭﻛﻤﺖ
ﺧﻼﺹ ﻟﻬﻨﺎ ﻭﺍﻧﺘﻬﻰ ﺍﻟﻤﻮﺿﻮﻉ ﻣﺎﻋﺎﺩ ﺑﻴﺔ ﺻﺒﺮ ﻭﻻﺭﺍﺡ ﺍﮔﺪﺭ ﺍﺗﺤﻤﻞ ﺍﻟﻢ
ﺍﻧﻲ ﺍﺣﺠﻲ ﻭﺍﺣﺲ ﻧﺎﺭ ﺗﻜﻮﻱ ﺑﺼﺪﺭﻱ
ﻭﻛﺎﻧﺖ ﺭﺩﺕ ﻓﻌﻠﻲ ﻟﻀﺮﺑﺔ ﺣﺴﺎﻡ ﺍﻟﻲ ﺑﻮﻗﺘﻬﺎ ﺍﺗﺨﺬﺕ ﻗﺮﺍﺭ ﻭﻧﻔﺬﺗﺔ ﺑﺴﺎﻋﺘﻬﺎ
ﻓﺮﺡ - ﺍﻟﻮ ﻫﻠﻮ ﺍﻳﻬﺎﺏ ﺷﻠﻮﻧﻚ
ﺍﻧﻲ ﺯﻳﻨﺔ
ﺍﺗﺼﻠﺖ ﻋﻠﻴﻚ ﺣﺘﻰ ﺗﺴﺘﻌﺠﻞ ﺑﺎﻟﺨﻄﻮﺑﺔ ﻭﺧﻞ ﻧﺴﻮﻳﻬﺎ ﻫﻲ ﺧﻄﻮﺑﺔ ﻭﻫﻲ ﻣﻬﺮ ﺍﺣﺴﻦ ﻭﻳﺎﺣﺒﺬﺍ ﻟﻮ ﻛﺎﻧﺖ ﺑﺴﻴﻄﺔ ﺑﺪﻭﻥ ﻫﻮﺳﺔ
ﻃﺒﻌﺎ ﺧﻼﻝ ﻫﺎﻱ ﺍﻻﻳﺎﻡ ﻣﺤﺪ ﻳﺪﺭﻱ ﺑﻘﺮﺍﺭﻱ ﺍﻧﻲ ﻭﺣﺴﺎﻡ ﺑﺎﻥ ﺍﺣﻨﺎ ﺭﺍﺡ ﻧﺮﺟﻊ ﻟﺒﻌﻀﻨﺎ
ﻭﺍﺣﻤﺪ ﺍﻟﻠﻪ ﺍﻟﻒ ﻣﺮﺓ ﻣﺎ ﺍﺳﺘﻌﺠﻠﻨﺎ ﻭﻣﺎﺣﺠﻴﻨﺎ ﻻﺣﺪ ﻋﻦ ﺧﺒﺮ ﺭﺟﻮﻋﻨﺎ
ﻭﻣﺎ ﺭﺍﺡ ﺍﺧﻠﻲ ﺍﻱ ﻭﺍﺣﺪ ﻳﻌﺮﻑ
ﻫﺬﺍ ﻫﻮ ﺍﻧﻄﻴﺖ ﺍﻛﺜﺮ ﻣﻦ ﻃﺎﻗﺘﻲ
ﻭﺻﺮﺕ ﺑﻬﺎﻱ ﺍﻟﻔﺘﺮﺓ ﺑﺤﺮﺏ ﺍﻋﺼﺎﺏ ﻣﻊ ﻧﻔﺴﻲ
ﻭﺍﻟﻜﻞ ﻳﺒﺎﻭﻉ ﻋﻠﻰ ﺣﺎﻟﻲ ﺑﺲ ﻣﺤﺪ ﻳﺪﺭﻱ ﺑﻀﻴﻤﻲ ﺑﺲ ﺍﻧﻲ
ﻭﺻﺮﺕ ﺍﺣﻀﺮ ﻟﻤﻬﺮﻱ ﻣﻊ ﺍﻳﻬﺎﺏ ﻭﺍﺗﺤﺮﻙ ﻣﺜﻞ ﺍﻟﺮﺟﻞ ﺍﻻﻟﻲ
ﻛﻤﺖ ﻣﺎ ﺍﻛﻞ ﻭﻻ ﺍﻧﺎﻡ ﺻﺮﺕ ﻣﺜﻞ ﺍﻟﺸﺒﺢ
ﺳﻠﻮﻯ ﻭﻧﻮﺍﻑ ﺭﺟﻌﻮ ﻟﺒﻌﺾ ﻭﻛﺎﻧﺖ ﺟﺎﻱ ﺗﺠﻬﺰ ﻟﻌﺮﺳﻬﺎ
ﻓﻘﺮﺭﺕ ﺍﻥ ﺍﺑﻠﻊ ﺿﻴﻤﻲ ﻭﺍﺳﻜﺖ ﻭﻣﺎ ﺍﺣﺠﻲ ﻷﺣﺪ ﺧﺎﻑ ﻫﻤﻴﻦ ﺍﺍﺛﺮ ﻋﻠﻰ ﺍﺧﺘﻲ ﺍﻟﻤﻜﺮﻭﺩﺓ ﻛﻠﻤﺎ ﺗﺮﻳﺪ ﺗﻔﺮﺡ ﺍﻧﻲ ﺍﻛﻮﻡ ﺍﻋﺮﺱ ﻋﻠﻴﻬﺎ ﻭﺍﺟﺒﻠﻬﺎ ﺍﻟﻀﻴﻢ
ﻭﻛﻤﺖ ﺍﺷﺘﺮﻳﻠﻲ ﻣﻼﺑﺲ ﻭﺍﺣﺬﻳﺔ ﻭﺟﻨﻂ ﺍﺣﻀﺮ ﻟﺠﻬﺎﺯﻱ ﺑﺲ ﺑﺪﻭﻥ ﻓﺮﺣﺔ
ﻛﺎﻧﺖ ﺍﻡ ﺍﻳﻬﺎﺏ ﻛﻠﺶ ﺣﺒﺎﺑﺔ ﻛﻮﻥ ﺭﺑﻲ ﻳﻘﺪﺭﻧﻲ ﻭﺍﺳﻌﺪ ﺍﺑﻨﻬﺎ
ﺑﺲ ﺧﻄﻴﺔ ﺍﻳﻬﺎﺏ ﺭﺍﺡ ﻳﺮﺗﺒﻂ ﻣﻊ ﺑﻘﺎﻳﺎ ﺣﻄﺎﻡ ﺍﻧﺜﻰ
ﻭﺍﻟﻠﻪ ﺭﺟﻌﻨﺎ ﺍﻧﻲ ﻭﺳﻠﻮﻯ ﻣﻦ ﺍﻟﺴﻮﮒ . ﻣﺤﻤﻼﺕ ﺑﺎﻟﻐﺮﺍﺽ
ﻭﺻﺎﺩﻑ ﺷﻔﺖ ﺳﻴﺎﺭﺓ ﺳﺘﻮﻫﺎ ﻃﺒﮕﺖ ﺑﺒﺎﺏ ﺑﻴﺖ ﺟﺪﻱ
ﺍﻧﺘﺒﻬﺖ ﻋﻠﻰ ﺍﻟﺮﺍﻛﺐ ﺷﻔﺘﺔ ﻋﻼﺀ
ﻭﺍﻟﻠﻪ ﻧﺰﻝ ﻭﮔﻌﺪ ﻳﺴﺎﻋﺪﻧﺎ ﺑﺘﻨﺰﻳﻞ . ﺍﻟﻐﺮﺍﺽ ﻣﻦ ﺳﻴﺎﺭﺓ ﺍﻟﺘﻜﺴﻲ
ﻭﺍﻟﻠﻪ ﻭﺩﺧﻠﻨﺎ ﻛﻠﻨﺎ ﺟﻮﺓ ﻟﻠﻤﻄﺒﺦ ﺷﻔﺖ ﺳﺮﻭﺭ ﻛﺎﻋﺪﺓ ﻋﻠﻰ ﻣﻴﺰ ﺍﻟﻄﻌﺎﻡ ﻭﺗﺒﺠﻲ
ﻭﮔﻌﻦ ﺍﻟﻐﺮﺍﺽ ﻣﻨﻲ ﻭﺭﻛﻀﺖ ﻋﻠﻴﻬﺎ ﻭﮔﻌﺪﺕ ﺍﻟﺘﻔﺖ ﻣﻨﺎ ﻭﻣﻨﺎ ﺍﺭﻳﺪ ﺍﺷﻮﻑ ﻣﻨﻮ ﺑﺎﻟﺒﻴﺖ ﺧﻔﺖ ﻋﻠﻴﻬﺎ ﻻﺻﺎﻳﺮ ﺑﻴﻬﺎ ﺷﻲ
ﻓﺮﺡ - ﺷﺒﻴﺞ ﺳﺮﻭﺭ ﻭﮔﻌﺘﻲ ﮔﻠﺒﻲ
ﺳﺮﻭﺭ - ﻋﻤﻲ ﻧﺒﻴﻞ ﺍﻟﻴﻮﻡ ﺍﺟﺔ ﻫﻮ ﻭﻣﺤﻤﺪ ﻭﺧﻄﺒﻨﻲ ﻻﺑﻨﺔ ﻣﺤﻤﺪ ﻭﮔﺎﻝ ﻟﺠﺪﻱ ﺍﺑﻦ ﻋﻤﻬﺎ ﺍﻭﻟﻰ ﺑﻴﻪ ﻣﻦ ﺍﻟﻐﺮﻳﺐ
ﻫﻨﺎ ﺳﻤﻌﻨﺎ ﺻﻮﺕ ﺍﻟﻌﻼﻟﻴﻚ ﻣﺎﻟﺖ ﺍﻟﻐﺮﺍﺽ ﻭﮔﻦ ﺑﺎﻟﮕﺎﻉ ﺍﻟﺘﻔﺘﺖ ﺷﻔﺖ ﻋﻼﺀ ﺟﺎﻣﺪ ﺑﻤﻜﺎﻧﻪ ﻭﻭﺟﻬﺔ ﺍﺻﻔﺮ
ﻛﻤﺰﺕ ﻋﻠﻰ ﺻﻮﺕ ﺍﺻﻴﺎﺡ ﺑﺎﻻﺳﺘﻘﺒﺎﻝ
ﺩﺭﺕ ﻭﺟﻬﻲ ﻟﺴﺮﻭﺭ ﺑﺎﺳﺘﻔﺴﺎﺭ ﻣﻨﻮ ﻣﻮﺟﻮﺩ ﻋﺪﻧﺎ
ﺳﺮﻭﺭ - ﻫﻤﺔ ﻧﻔﺴﻬﻢ ﻋﻤﻲ ﻧﺒﻴﻞ ﻭﻣﺤﻤﺪ ﺑﻌﺪﻫﻢ ﻫﻨﺎ ﻣﻮﺟﻮﺩﻳﻦ
ﻣﺎ ﺣﺴﻴﺖ ﺍﻻ ﻋﻠﻰ ﻋﻼﺀ ﺭﻛﺾ ﻟﻼﺳﺘﻘﺒﺎﻝ ﻭﻋﺮﻓﺖ ﻧﻴﺘﺔ ﺷﻨﻮ
ﺑﻮﻗﺘﻬﺎ ﻋﺮﻓﺖ ﻗﻴﻤﺔ ﺳﺮﻭﺭ ﺑﮕﻠﺐ ﻋﻼﺀ
ﺧﻼﺹ ﺳﺮﻭﺭ ﺗﺴﺘﺎﻫﻞ ﻭﺍﺣﺪ ﻣﺜﻞ ﻋﻼﺀ
ﻭﺳﻤﻌﻨﺎ ﺻﺎﺭ ﻣﺼﺎﻳﺢ ﻭﻣﺪﺍﻓﻊ ﺑﺲ ﺍﻧﻲ ﻭﺧﻮﺍﺗﻲ ﺍﺑﺪ ﻣﺎ ﺍﻗﺘﺮﺑﻨﺎ ﻣﻨﻬﻢ ﻭﺭﺍﻫﺔ ﺳﻤﻌﻨﺎ ﺻﻮﺕ ﻋﻤﻲ ﺗﻮﻓﻴﻖ
- ﺑﻮﻳﺔ ﺳﻠﻮﻯ ﺳﻮﻳﻠﻨﺎ ﺟﺎﻱ ﻻﻥ ﺭﺍﺳﻲ ﺭﺍﺡ ﻳﻨﻔﺠﺮ ﻣﻦ ﻭﺭﺓ ﻣﺸﺎﻛﻞ ﻧﺒﻴﻞ ﺍﻟﻤﺎ ﺗﻨﺘﻬﻲ
ﺑﻌﺪﻳﻦ ﺍﻓﺘﻬﻤﺖ ﺍﻥ ﻋﻼﺀ ﻣﺘﻌﺎﺭﻙ ﻭﻳﻢ ﻣﺤﻤﺪ ﻭﻣﺘﺰﺍﻧﮕﻴﻦ ﻣﻊ ﺑﻌﺾ ﻟﺪﺭﺟﺔ ﺍﻥ ﻣﺘﻌﺎﺭﻙ ﻭﻳﺔ ﻋﻤﺔ ﻭﺍﺑﻦ ﻋﻤﺔ ﻭﻣﺘﻀﺎﺭﺑﻴﻦ ﻭﻃﻠﻊ ﻋﻼﺀ ﻣﻦ ﺍﻟﻤﻌﺮﻛﺔ ﻣﺸﻜﻮﻙ ﺍﻟﺮﺃﺱ ﺍﺯﺭﻕ ﺍﻟﻌﻴﻨﻴﻦ ﻣﺴﻜﻴﻨﺔ ﻳﺎﺳﺮﻭﺭ ﺷﻜﻠﺞ ﺭﺍﺡ ﺗﺘﺰﻭﺟﻴﻦ ﻋﻼﺀ ﺑﺎﻟﺘﻔﺼﻴﺦ ﺍﻭ ﺑﺎﻻﻗﺴﺎﻁ
ﻋﻠﻰ ﺍﻟﻌﻤﻮﻡ ﻳﺎﻟﻠﻪ ﻋﻠﻰ ﻛﻮﻟﺖ ﺍﺧﻮﺍﻧﺎ ﺍﻟﻤﺼﺮﻳﻴﻦ )) ﺍﻫﻮ ﻇﻞ ﺭﺍﺟﻞ ﻭﻻ ﻇﻞ ﺣﻴﻄﺔ ﻧﺤﻤﺪﻭﻩ ﻭﻧﺸﻜﺮﻭﻩ ﻋﻠﻰ ﻛﻞ ﺣﺎﻝ ((
ﺭﺟﻌﺖ ﻓﺮﺡ ﻣﻦ ﺭﺣﻠﺔ ﺍﻟﺬﻛﺮﻳﺎﺕ ﻋﻠﻰ ﺻﻮﺕ ﺍﻡ ﺍﻳﻬﺎﺏ ﺑﻴﻮﻡ ﺷﺎﻓﺘﻬﺎ ﺷﻠﻮﻥ ﻃﺎﻟﻌﺔ ﺣﻠﻮﺓ ﺑﺎﻟﻔﺴﺘﺎﻥ ﻭﺍﻟﻤﻴﻚ ﺍﺏ
ﺍﻡ ﺍﻳﻬﺎﺏ - ﻣﺸﺎﺀ ﺍﻟﻠﻪ ﻓﺮﻭﺣﺔ ﻃﺎﻟﻌﺔ ﻛﻠﺶ ﺣﻠﻮﺓ
ﻓﺮﺡ ﺑﺠﻤﻮﺩ - ﺍﺷﻜﺮﺝ ﺧﺎﻟﺔ
ﺳﻠﻮﻯﻮﻫﻲ ﺗﻘﺘﺮﺏ ﻋﻠﻰ ﻓﺮﺡ
- ﺿﺤﻜﻲ ﺷﺒﻴﺞ ﺟﻨﺞ ﻣﻴﺘﻠﺞ ﻭﺍﺣﺪ ﺍﻱ ﻣﻮ ﻫﺬﺍ ﺍﻟﻲ ﺭﺩﺗﻴﻪ ﺧﻼﺹ ﺑﻌﺪ ﺷﺘﺮﺩﻳﻦ ﮔﺎﻟﺒﺔ ﺍﻟﺨﻠﻘﺔ ﻋﻴﺐ ﺗﺮﺓ ﻣﻨﺎ ﺍﻟﻨﺎﺱ ﺗﺒﺎﻭﻉ ﻋﻠﻴﺞ
ﻓﺮﺡ
ﺍﻟﻜﻞ ﻛﺎﻥ ﻣﻠﺘﻢ ﻭﻣﺤﻀﺮ ﻧﻔﺴﻪ ﻟﻤﻬﺮﻱ ﻭﺟﺎﻧﻮ ﺍﻟﺰﻟﻢ ﺑﺎﻻﺳﺘﻘﺒﺎﻝ ﻳﻢ ﺟﺪﻱ ﻭﻋﻤﻲ ﺗﻮﻓﻴﻖ ﻭﺟﻮﺍﺩ
ﺷﻔﺖ ﺍﻡ ﺣﺴﺎﻡ ﻭﺑﻴﺒﻲ
ﻛﺎﻋﺪﺍﺕ ﻳﻤﻲ ﻭﻳﺴﻮﻟﻔﻦ
ﺍﻟﺠﺪﺓ - ﺷﻨﻮ ﻳﻤﺔ ﺣﺴﺎﻡ ﺷﻠﻮﻧﺔ ﺍﺷﻮ ﻣﻦ ﺳﺎﻓﺮ ﻟﻠﻴﻮﻡ ﻣﺎﺳﻤﻌﺖ ﻋﻨﺔ ﺧﺒﺮ
ﺍﻡ ﺣﺴﺎﻡ - ﻳﺎ ﺧﺎﻟﺔ ﺟﺎ ﻣﺎ ﺩﺭﻳﺘﻲ ﻧﻘﺎﻝ ﺣﺴﺎﻡ ﺍﻧﺴﺮﻕ ﻣﻨﺔ ﻭﻫﻮ ﺑﺒﺪﺑﻲ ﻳﻜﻮﻝ ﺟﺎﻥ ﻛﺎﻋﺪ ﻳﺎﻛﻞ ﺑﺎﻟﻤﻄﻌﻢ ﻭﺿﺎﻉ ﻣﻨﺔ ﻳﻜﻮﻝ ﺩﻭﺭﺕ ﻋﻠﻴﻪ ﺭﺩﺕ ﻣﺎﻛﻮ
ﻭﺧﻄﻴﺔ ﺍﺿﻄﺮ ﻳﺸﺘﺮﻳﻠﺔ ﻧﻘﺎﻝ ﺟﺪﻳﺪ ﻭﻛﺎﻝ ﺍﺭﻗﺎﻣﻜﻢ ﻛﻠﻬﺎ ﻣﺎ ﺍﻋﺮﻓﻬﺎ ﺑﺲ ﺭﻗﻢ ﻋﻠﻲ ﺍﺧﻮﻩ ﺣﺎﻓﻈﺔ ﻻﻥ ﺳﻬﻞ ﻭﺍﺗﺼﻞ ﻋﻠﻰ ﻋﻠﻲ ﻭﺧﻄﻴﺔ ﻭﻃﻤﻨﺎ ﻋﻠﻴﻪ
ﻓﺮﺡ ﺑﻔﺰﻋﺔ ﻭﺧﻮﻑ
ﺍﻟﺘﻔﺘﺖ ﻋﻠﻰ ﺍﻡ ﺣﺴﺎﻡ
- ﺧﺎﻟﺔ ﺻﺎﺭﻟﺔ ﺷﻜﺪ ﻣﻦ ﺿﺎﻉ ﻧﻘﺎﻟﺔ
ﺍﻡ ﺣﺴﺎﻡ - ﻭﺍﻟﻠﻪ ﻣﻦ ﺍﻭﻝ ﻳﻮﻡ ﺩﺧﻞ ﺑﻲ ﻟﺪﺑﻲ
ﻓﺮﺡ ﻣﺎ ﺍﻋﺮﻑ ﺷﺼﺎﺭ ﺑﻴﺔ ﺍﺣﺲ ﺍﻓﺘﺮ ﺭﺍﺳﻲ ﻭﻣﻌﺪﺗﻲ ﺍﻧﻌﻘﺪﺕ ﺣﺴﻴﺖ ﺭﺍﺡ ﺍﺗﻘﻲﺀ
ﻋﺒﺎﻟﻚ ﺻﺎﻋﺪﺓ ﺑﺪﻭﻻﺏ ﺷﻨﻮ ﺷﺠﺎﻱ ﻳﺼﻴﺮ ﻣﺎﺟﺎﻱ ﺍﻓﺘﻬﻢ
ﺍﺫﺍ ﻛﺎﻧﺎﻟﻨﻘﺎﻝ ﻣﺴﺮﻭﻕ ﻟﻌﺪ ﺷﻠﻮﻥ ﺍﻧﻲ ﺣﺠﻴﺖ ﻭﻳﺔ ﺯﻭﺟﺘﺔ
ﻃﺒﻌﺎ ﻫﻲ ﻭﺣﺪﺓ ﻣﻦ ﺍﻟﺜﻨﻴﻦ ﺍﻣﺎ ﺣﺴﺎﻡ ﻛﺎﻥ ﻳﻜﺬﺏ ﻭﻧﻘﺎﻟﻪ ﻣﺎﻣﺴﺮﻭﻕ ﺍﻭ ﺿﺎﻳﻊ ﻣﺜﻞ ﻣﺎ ﻳﺪﻋﻲ
ﺍﻭ ﻓﻌﻼ ﻧﻘﺎﻟﻪ ﺍﻧﺴﺮﻕ ﻣﻨﺔ ﻭﻫﺬﺍ ﻃﻌﻢ
ﺑﺲ ﺍﻟﺨﻴﺎﺭ ﺍﻻﻭﻝ ﻫﻮ ﺍﻻﺭﺟﺢ ﺍﻥ ﺣﺴﺎﻡ ﻛﺬﺍﺏ
ﻛﻨﺎ ﮔﺎﻋﺪﻳﻦ ﻭﺩﺧﻞ ﻋﻤﻮ ﺗﻮﻓﻴﻖ ﻋﻠﻴﺔ ﻭﮔﻠﻲ ﻋﻤﻮ ﺣﻀﺮﻱ ﻧﻔﺴﺞ ﺣﺘﻰ ﺍﺩﺧﻠﺞ ﻟﻼﺳﺘﻘﺒﺎﻝ ﻋﻠﻤﻮﺩ ﺗﻌﻘﺪﻭﻥ
ﺍﻧﻲ ﺑﻮﻗﺘﻬﺎ ﮔﻠﺒﻲ ﻛﺎﻡ ﻳﺮﻋﺪ ﻭﺣﺴﻴﺖ ﺍﻛﻮ ﺷﻲ ﻏﻠﻂ ﺟﺎﻱ ﻳﺼﻴﺮ
ﮔﻤﺖ ﺍﺣﻀﺮ ﺑﻨﻔﺴﻲ ﻭﺍﺟﺖ ﻋﻠﻴﺔ ﺳﻠﻮﻯ ﺗﺴﺎﻋﺪﻧﻲ ﺣﺘﻰ ﺗﻠﺒﺴﻨﻲ ﺍﻟﺒﺮﻧﺺ ﻋﻠﻤﻮﺩ ﺍﺩﺧﻞ ﻋﻠﻴﻬﻢ
ﻟﻜﻦ ﺑﻬﺎﻱ ﺍﻻﺛﻨﺎﺀ
ﺳﻤﻌﺖ ﺻﻮﺕ ﺻﻴﺎﺡ ﺑﺎﻟﺸﺎﺭﻉ ﻣﺎﻝ ﺯﻟﻢ ﻭﺻﺎﺭ ﺭﻣﻲ ﻛﻠﺶ ﻗﻮﻱ ﻭﺻﺎﺭ ﺍﻟﻤﺮﺍﻛﺾ ﺷﻔﺖ ﻋﻼﺀ ﻃﻠﻊ ﻣﻦ ﺑﺎﺏ ﺍﻻﺳﺘﻘﺒﺎﻝ ﻋﻠﻰ ﻏﺮﻓﺔ ﺟﺪﻱ ﻭﺑﻌﺪﻳﻦ ﻃﻠﻊ ﺷﺎﻳﻞ ﺳﻼﺡ ﺑﻴﺪﺓ
ﻳﻤﺔ ﻋﺰﺓ ﺍﺻﺨﺎﻡ ﺷﻨﻮ ﺷﺠﺎﻱ ﻳﺼﻴﺮ
ﺑﺲ ﻭﺻﻠﺖ ﻻﺫﻧﻲ ﺻﻴﺎﺡ ﻋﻠﻲ
ﻋﻠﻲ - ﺣﺴﺎﺍﺍﺍﺍﻡ ﺍﺭﺟﻊ ﺍﺭﺟﻊ ﻟﺘﺮﻭﺡ ﻳﻤﻬﻢ
ﻫﺬﻭﻟﻲ ﻫﺎﺩﻳﻦ ﻋﻠﻴﻨﺎ ﺍﻭﻛﻒ
ﻭﺻﺎﺭ ﺍﻟﺮﻣﻲ ﻭﻣﺎﺣﺴﻴﺖ ﻋﻠﻰ ﺭﻭﺣﻲ ﺍﻻ ﻭﺍﻧﻲ ﺍﻏﻤﻰ ﻋﻠﻴﺔ
↙️
ﺣﺴﺎﻡ
ﻣﻦ ﺑﻌﺪ ﻣﺎ ﺍﺗﻔﻘﺖ ﻣﻊ ﻓﺮﺡ ﺍﻥ ﺗﻨﺘﻈﺮﻧﻲ ﺍﺭﺟﻊ ﻣﻦ ﺩﺑﻲ
ﻭﺍﻃﻠﺒﻬﺎ ﻣﻦ ﺟﺪﻱ ﻭﺑﻌﺪﻫﺎ ﻧـِـٓـﺘﺰﻭﺝ ﻻﻥ ﻣﻠﻴﻨﺎ ﺍﻻﻧﺘﻈﺎﺭ ﻭﺍﻟﺼﺒﺮ ﻭﺟﺰﻋﺖ ﻣﻦ ﺍﻟﻔﺮﺍﻕ
ﺍﻟﻤﻬﻢ ﺍﻟﺘﻬﻴﺖ ﻭﺳﺎﻓﺮﺕ ﻟﺪﺑﻲ ﻭﺍﻟﺘﻘﻴﺖ ﺑﺎﻟﺼﺪﻓﺔ ﻣﻊ ﺻﺪﻳﻘﻲ ﻧﻮﺭﺱ ﺑﺎﻭﻝ ﻳﻮﻡ ﻭﺻﻮﻟﻲ ﻟﺪﺑﻲ ﻭﻋﺰﻣﻨﻲ ﻋﻠﻰ ﺍﻟﻐﺪﺓ ﺑﻤﻄﻌﻢ ﻭﺍﺧﺬﻧﻲ ﻭﻳﺎﻩ ﻭﺑﻌﺪ ﻣﺎ ﺧﻠﺼﺖ ﺍﻛﻞ ﺭﺣﺖ ﺍﻧﻲ ﻭﻳﺎﻩ ﺣﺠﺰﺕ ﺑﻔﻨﺪﻕ ﻭﺑﻌﺪﻳﻦ ﺍﻓﺘﺮﻗﻨﺎ ﻻﻥ ﻫﻮ ﻫﻢ ﻛﺎﻥ ﻋﻨﺪﺓ ﺷﻐﻞ
ﻟﻜﻦ ﺍﻧﺘﺒﻬﺖ ﻋﻠﻰ ﻧﻘﺎﻟﻲ ﻣﺎﻛﻮ ﺑﺠﻴﺒﻲ ﻭﺗﺬﻛﺮﺕ ﺍﺧﺮ ﻣﺮﺓ ﺣﻄﻴﺘﺔ ﻋﻠﻰ ﻣﻴﺰ ﺍﻟﻄﻌﺎﻡ ﻭﺍﻟﻠﻪ ﻇﻠﻴﺖ ﺍﺣﻮﻡ ﺷﻠﻮﻥ ﺍﻟﮕﺔ ﻧﻘﺎﻟﻲ ﻻﻥ ﺑﻲ ﺍﺭﻗﺎﻣﻲ ﻛﻠﻬﻦ ﻭﺍﺭﻗﺎﻡ ﺍﻟﻌﻤﻼﺀ ﻭﻏﻴﺮﻫﻦ
ﺍﻫﻮﻭﻭ ﻭﺍﻟﻠﻪ ﺳﺎﻟﻔﺔ ﻫﺎﻱ ﻣﻨﻴﻦ ﻃﻠﻌﺘﻠﻲ ﺑﺎﻟﻠﻴﻞ ﻭﺍﺟﺔ ﻧﻮﺭﺱ
ﻭﺣﺠﻴﺘﻠﺔ ﺍﻟﺴﺎﻟﻔﺔ ﻭﺍﺗﺼﻞ ﻋﺎﻟﻤﻄﻌﻢ ﻭﺍﻧﻄﺎﻫﻢ ﻣﻮﺍﺻﻔﺎﺕ ﺍﻟﻨﻘﺎﻝ ﺑﺲ ﻣﺎﻛﻮ ﻣﺎ ﻟﮕﻮﻩ
ﺍﻧﻲ ﻣﺎ ﻳﻬﻤﻨﻲ ﺍﻟﻨﻘﺎﻝ ﺑﺲ ﻋﻨﺪﻱ ﻫﻮﺍﻱ ﺷﻐﻼﺕ ﻣﻬﻤﺔ
ﻭﺍﻫﻢ ﺷﻲ ﺳﺠﻞ ﺍﻻﺭﻗﺎﻡ ﻭﻋﻤﻼﺋﻲ ﻛﻠﺔ
ﻳﺘﻮﺍﺻﻠﻮﻥ ﻭﻳﺎﻱ ﻋﻦ ﻃﺮﻳﻘﻪ ﻫﺴﺔ ﻣﺎ ﺍﺭﻳﺪﺓ ﻣﻴﺨﺎﻟﻒ ﺧﻞ ﻳﺎﺧﺬﻭﻧﺔ ﺑﺲ ﻋﻠﻰ ﺍﻻﻗﻞ ﻳﺮﺟﻌﻮﻥ ﺍﻟﺸﺮﻳﺤﺔ
ﺍﻭﻑ ﻭ ﺍﻟﻠﻪ ﻏﻴﺮ ﺷﻐﻠﺔ ﻋﺎﻭﻳﺔ ﻃﻠﻌﺘﻠﻲ
ﺑﻌﺪﻳﻦ ﺍﺧﺬﺕ ﻧﻮﺭﺱ ﻭﺭﺣﺖ ﺍﺷﺘﺮﻳﺖ ﻧﻘﺎﻝ ﺟﺪﻳﺪ ﻭﺷﺮﻳﺤﺔ ﻭﺑﻌﺪﻫﺎ ﺍﺗﺼﻠﺖ ﻋﻠﻰ ﻋﻠﻲ ﻻﻥ ﻫﻮ ﺍﻟﺮﻗﻢ ﺍﻟﻮﺣﻴﺪ ﺍﻟﻲ ﻋﺎﻟﻖ ﺑﺒﺎﻟﻲ ﻭﺣﺎﻓﻈﺔ ﻻﻥ ﺍﻧﻲ ﺑﻴﺔ ﻃﺒﻴﻌﺔ ﻣﺎ ﺍﺣﻔﻆ ﺍﺭﻗﺎﻡ
ﺍﻟﻤﻬﻢ ﺍﻧﻄﻴﺘﺔ ﺧﺒﺮ ﺍﻥ ﻧﻘﺎﻟﻲ ﺿﺎﻉ ﺍﻭ ﺍﻧﺴﺮﻕ ﻭﺑﻌﺪﻳﻦ ﻛﻌﺪﺕ ﺍﺧﻠﺺ ﺷﻐﻠﻲ
ﻭﺭﺣﺖ ﻋﻠﻰ ﺍﻟﻮﻛﻴﻞ ﻭﺧﻠﺼﺘﻠﻲ ﻛﻢ ﺷﻐﻠﺔ ﺗﺨﺺ ﻣﻌﺮﺽ ﺍﻟﺴﻴﺎﺭﺍﺕ ﻭﺑﻌﺪﻫﺎ ﺭﺣﺖ ﻋﻠﻰ ﺷﻐﻠﺔ ﺍﻟﺼﻴﺎﻏﺔ ﻻﻥ ﻛﻨﺖ ﻣﺘﻔﻖ ﻣﻊ ﻛﻢ ﺯﺑﻮﻥ ﻋﻠﻰ ﻣﻮﺩﻳﻼﺕ ﻃﻠﺐ ﺧﺎﺹ ﻭﺍﻧﻲ ﻛﻠﺔ ﺍﺷﺘﻐﻠﻬﻢ ﻫﻨﺎ ﺑﺪﺑﻲ ﻋﻨﺪﻧﺎ ﻣﺸﻐﻞ ﺧﺎﺹ ﺑﻴﻨﺎ ﻧﺘﻌﺎﻣﻞ ﻭﻳﺎﻩ ﺩﺍﺋﻤﺎ ﻭﻫﺬﺍ ﺍﻟﺸﻐﻞ ﺍﺧﺬ ﻣﻨﻲ ﻭﻗﺖ ﻛﻠﺶ ﻫﻮﺍﻱ
ﻭﺑﻌﺪﻫﺎ ﻃﻠﺒﺖ ﻣﻦ ﺻﺎﺣﺐ ﺍﻟﻤﺸﻐﻞ ﺍﻥ ﻳﺴﻮﻳﻠﻲ ﻋﻘﺪ ﺫﻫﺐ ﻣﺨﺼﻮﺹ ﻣﺤﻔﻮﺭ ﻋﻠﻴﻪ ﻛﻠﻤﺔ )) ﻓﺮﺣﺔ ﺣﺴﺎﻡ (( ﻭﻛﻌﺪ ﺍﺑﻮ ﺍﻟﻤﺸﻐﻞ ﻳﻌﺮﺿﻠﻲ ﺍﻟﺪﺯﺍﻳﻦ ﻋﻠﻰ ﺍﻟﻜﻤﺒﻴﻮﺗﺮ ﻭﺍﻧﻲ ﻇﻔﺖ ﻋﻠﻴﻬﻢ ﺑﻌﺾ ﺍﻟﺘﻌﺪﻳﻼﺕ ﻭﻫﻮ ﻛﺎﻥ ﺟﺪﺍ ﻣﺘﻌﺎﻭﻥ ﻭﻳﺎﻱ
ﻭﺧﻠﺼﺖ ﻭﻃﻠﻌﺖ ﻭﺑﻘﻴﺖ ﺑﺲ ﺍﻧﺘﻈﺮ ﺍﻻﺳﺘﻼﻡ ﺑﺲ ﻋﻮﺩﻙ ﺷﻨﻮ ﺍﻧﻬﻠﻜﺖ ﻣﻦ ﺍﻟﻤﺸﺎﻭﻳﺮ ﻻﻥ ﺷﻐﻞ ﺍﻟﻤﻌﺮﺽ ﻣﻮ ﺑﻨﻔﺲ ﻣﻜﺎﻥ ﺷﻐﻞ ﺍﻟﻤﺠﻮﻫﺮﺍﺕ
ﻭﺍﻧﻲ ﺑﺎﻟﻄﺮﻳﻖ ﺍﺗﺼﻞ ﻋﻠﻴﺔ ﻋﻠﻲ ﺍﺧﻮﻱ
ﻭﺻﺪﻣﻨﻲ ﺑﺨﺒﺮ ﺧﻄﻮﺑﺔ ﻓﺮﺡ ﻣﻦ ﺍﻳﻬﺎﺏ
ﺑﻠﺤﻈﺘﻬﺎ ﺍﺟﻴﺖ ﺍﻧﺠﻠﻂ ﻣﻦ ﺍﻟﺼﺪﻣﺔ
ﺣﺴﺎﻡ - ﻋﻠﻲ ﺷﺠﺎﻱ ﺗﺤﺠﻲ ﺍﻧﺖ ﻣﺘﺄﻛﺪ
ﻋﻠﻲ - ﺍﻱ ﻣﺘﺄﻛﺪ ﮔﻠﺖ ﺧﻞ ﺍﻧﻄﻴﻚ ﺧﺒﺮ ﻻﻥ ﺷﻜﻠﻚ ﻣﺎﺗﺪﺭﻱ
ﺑﺎﻟﺨﻄﻮﺑﺔ ﻭﺍﻧﻲ ﺍﺩﺭﻱ ﺑﻴﻚ ﺑﻌﺪﻙ ﻧﻔﺴﻚ ﺑﻴﻬﺎ
ﻓﻴﺎ ﺧﻮﻱ ﺗﺮﺓ ﺭﺍﺡ ﻳﺴﻮﻭﻥ ﺍﻟﺨﻄﻮﺑﺔ ﻭﺍﻟﻤﻬﺮ ﺑﻨﻔﺲ ﺍﻟﻴﻮﻡ ﻭﺍﻟﻤﻮﻋﺪ ﻋﻠﻰ ﺑﺎﺟﺮ ﻳﺠﻮﻥ ﻳﺨﻄﺒﻮﻥ
ﺍﻧﻲ ﻣﺎ ﺍﺩﺭﻱ ﺷﺼﺎﺭ ﺑﻴﺔ ﻟﻜﻦ ﺍﺗﻤﻨﻴﺖ ﺑﻠﺤﻈﺘﻬﺎ ﻓﺮﺡ ﮔﺪﺍﻣﻲ ﺟﺎﻥ ﻟﺰﻣﺘﻬﺎ ﺭﮔﺒﺘﻬﺎ ﻭﺧﻨﻜﺘﻬﺎ ﻋﻠﻰ ﻫﺎﻱ ﺍﻟﺸﻮﻃﺔ
ﺍﻟﻲ ﺍﻛﻠﺘﻬﺎ ﺑﺲ ﺑﺎﻟﻘﺮﺍﻥ ﺍﺫﺍ ﻣﺎ ﺍﺣﺮﻙ ﻋﺸﻴﺮﺗﻬﺎ ﻭﺍﺳﻮﺩ ﻋﻴﺸﺘﻬﺎ ﻓﻼ ﺍﻧﻲ ﺣﺴﺎﻡ ﺑﺲ ﺧﻞ ﺗﺼﺒﺮﻟﻲ
ﻳﻮﻡ ﺛﺎﻧﻲ ﻃﻠﻌﺖ ﻣﻦ ﻣﻄﺎﺭ ﺑﻐﺪﺍﺩ ﺍﻟﺪﻭﻟﻲ
ﻭﺑﻮﺟﻬﻲ ﺍﺟﺮﺕ ﺗﻜﺴﻲ ﮔﺒﻞ ﻋﻠﻰ ﺑﻴﺖ ﺟﺪﻱ
ﻭﻛﺎﻥ ﻭﻗﺖ ﺍﻟﻌﺼﺮ ﻳﻌﻨﻲ ﻣﺎﺑﻘﻰ ﺷﻲ ﺍﺣﺘﻤﺎﻝ ﻫﺴﺔ ﻳﻤﻜﻦ ﻭﺻﻠﻮ ﺍﻟﺨﻄﺎﺑﺔ ﻋﻠﻰ ﺑﻴﺖ ﺟﺪﻱ ﺑﺲ ﻛﻮﻥ ﺍﻟﺤﻚ ﺍﺗﻤﻨﻰ ﻣﻦ ﺍﻟﻠﻪ ﺟﺎﻳﻴﻦ ﻭﺍﻟﻠﻪ ﺍﻟﻌﻈﻴﻢ ﻳﺎﻓﺮﺡ ﺍﺫﺍ ﻣﺎ ﺍﺧﻠﻴﺞ ﺗﺘﻤﻨﻴﻦ ﺍﻟﻤﻮﺕ ﻭﻣﺎﺗﺤﺼﻠﻴﻪ ﺑﺴﻴﻄﺔ ﻟﺞ ﺍﻧﻲ ﺗﻠﻌﺒﻴﻦ ﻋﻠﻴﺔ ﻭﺗﻮﻫﻤﻴﻨﻲ ﺑﺎﻟﻤﻮﺍﻓﻘﺔ ﻭﺗﺴﺘﻐﻠﻴﻦ ﻏﻴﺎﺑﻲ ﻭﺗﻨﻔﺬﻳﻦ ﺍﻟﻲ ﺑﺒﺎﻟﺞ ﻭﺗﻜﻤﻠﻴﻦ ﺧﻄﻮﺑﺘﺞ ﺟﺎ ﺑﺴﻴﻄﺔ
ﺍﺗﺼﻞ ﻋﻠﻴﺔ ﻋﻠﻲ ﺍﺧﻮﻱ
- ﻫَـﺎ ﺣﺴﺎﻡ ﻭﻳﻦ ﺻﺮﺕ ﺗﺮﺓ ﻭﺻﻠﻮ ﻭﺟﺎﻱ ﻳﺤﺠﻮﻥ
- ﺟﺎﻱ ﺟﺎﻱ ﻫﺬﺍ ﺍﻧﺔ ﻭﺻﻠﺖ ﻳﻢ ﺑﺎﺏ ﺍﻟﺒﻴﺖ
↙️
ﻭﺻﻠﺖ ﻭﺷﻔﺖ ﺳﻴﺎﺭﺍﺕ ﻫﻮﺍﻱ ﻳﻢ ﺑﻴﺖ ﺟﺪﻱ ﺷﻲ ﺍﻛﻴﺪ ﻫﺬﻭﻟﻲ ﺍﻫﻞ ﺍﻟﻌﺮﻳﺲ
ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﺻﺪﻓﺖ ﻭﻳﺔ ﻧﺰﻟﺘﻲ ﻃﺒﮕﺖ ﺳﻴﺎﺭﺗﻴﻦ ﻏﺮﻳﺒﺎﺕ ﺑﺎﻻﻭﻝ ﻋﺒﺎﻟﻲ ﺗﻌﻮﺩ ﻻﻗﺎﺭﺏ ﺍﻳﻬﺎﺏ ﻟﻜﻦ ﺍﺗﻔﺎﺟﺌﺖ
ﻧﺰﻟﻮ ﻣﻦ ﺍﻟﺴﻴﺎﺭﺓ ﻭﺑﻴﺪﻫﻢ ﺭﺷﺎﺷﺎﺕ
ﻭﺷﻔﺖ ﻋﻠﻲ ﻣﻨﺘﻈﺮﻧﻲ ﺑﺎﻟﺒﺎﺏ ﻟﻜﻦ ﺍﺗﻔﺎﺟﻲﺀ ﻣﻦ ﻫﺬﻭﻟﻲ
ﺭﺣﺖ ﺑﺄﺗﺠﺎﻫﻢ ﺍﺭﻳﺪ ﺍﻓﺘﻬﻢ ﺷﻨﻮ ﺳﺎﻟﻔﺘﻬﻢ ﺷﻌﻨﺪﻫﻢ ﻫﻨﺎ
ﺑﺲ ﻓﺎﺟﺌﻨﻲ ﺻﻴﺎﺡ ﻋﻠﻲ ﺍﺧﻮﻱ
ﻋﻠﻲ - ﺣﺴﺎﺍﺍﺍﺍﻡ ﺍﺭﺟﻊ ﺍﺭﺟﻊ ﻟﺘﺮﻭﺡ ﻳﻤﻬﻢ
ﻫﺬﻭﻟﻲ ﻫﺎﺩﻳﻦ ﻋﻠﻴﻨﺎ ﺍﻭﻛﻒ ﻭﻟﻚ ﺍﻭﻛﻒ
ﺍﻧﻲ ﻣﺎﻟﺤﻜﺖ ﺍﻓﻬﻢ ﺷﻲ ﻏﻴﺮ ﻫﺬﻟﻲ ﻛﺎﻣﻮ ﻳﺮﻣﻮﻥ ﻋﻠﻰ ﺑﻴﺘﻨﺎ ﻭﺍﻧﻲ ﺍﺗﺨﺒﻠﺖ ﺷﺠﺎﻱ ﻳﺼﻴﺮ ﺭﺣﺖ ﻋﻠﻴﻬﻢ ﺍﺭﻛﺾ
- ﺷﻜﻮ ﺷﻜﻮ ﻟﻴﺶ ﻫﺎﺩﻳﻦ ﻋﻠﻴﻨﺎ
ﻭﺍﻟﻠﻪ ﻣﺎﺣﺴﻴﺖ ﺍﻻ ﻭﺍﻧﻲ ﻭﻛﻌﺖ ﺑﺎﻟﮕﺎﻉ ﻭﺍﺣﺪ ﺿﺮﺑﻨﻲ ﻋﻠﻰ ﺭﺍﺳﻲ ﺑﻜﻌﺐ ﺍﻟﺴﻼﺡ ﻭﺑﻌﺪﻫﺎ ﻣﺎ ﺩﺭﻳﺖ ﺷﺼﺎﺭ
ﻏﻴﺮ ﺷﻔﺘﻬﻢ ﺷﺎﻳﻠﻴﻨﻲ ﻭﻣﺪﺧﻠﻴﻨﻲ ﻟﻠﺒﻴﺖ
ﻭﺷﻔﺖ ﺍﻫﻞ ﺍﻳﻬﺎﺏ ﻃﻠﻌﻮ ﺑﺎﻟﺒﺎﺏ ﻳﺮﺩﻭﻥ ﻳﻔﺘﻬﻤﻮﻥ ﺷﻨﻮ ﺍﻟﺴﺎﻟﻔﺔ
ﺑﻌﺪﻳﻦ ﺍﺗﻀﺢ ﺍﻟﻤﻮﺿﻮﻉ ﻫﺬﻭﻟﻲ ﺍﻟﺪﻳﺎﻧﺔ ﺟﺎﻳﻴﻦ ﻋﻠﻤﻮﺩ ﻳﻄﺎﻟﺒﻮﻥ ﺑﺪﻳﻨﻬﻢ ﻣﻦ ﻋﻤﻲ ﻧﺒﻴﻞ ﻭﺍﻟﺘﻬﻴﻨﺎ ﻭﻳﺎﻫﻢ
ﻭﺍﺗﺼﻠﻨﺎ ﻋﺎﻟﺸﺮﻃﺔ ﻭﺻﺎﺭﺕ ﻟﺨﺔ
ﻭﺭﺓ ﺳﺎﻋﺘﻴﻦ ﺩﺧﻠﻮﻧﻲ ﻋﻠﻲ ﻭﻋﻼﺀ ﻣﺴﻨﺪﻳﻨﻲ ﻟﻠﺒﻴﺖ ﻭﺭﺍﺳﻲ ﻭﺭﮔﺒﺘﻲ ﻛﻠﻬﺎ ﺩﻡ ﻣﻦ ﻭﺭﺓ ﺍﻟﻀﺮﺑﺔ
ﺩﺧﻠﺖ ﻭﺷﻔﺖ ﻓﺮﺡ ﻋﻴﻮﻧﻬﺎ ﺣﻤﺮ ﻭﺷﻔﺎﻳﻔﻬﺔ ﺗﺮﺟﻒ ﻭﺟﺎﻧﺖ ﺑﻴﺒﻲ ﻛﺎﻋﺪﺓ ﻳﻤﻪ ﻭﺍﻣﻲ ﺑﺎﻟﺠﻬﺔ ﺍﻟﺜﺎﻧﻴﺔ
ﻭﺻﺎﺭﺕ ﻋﻴﻮﻧﻲ ﺑﻌﻴﻮﻧﻬﺎ ﻭﺍﻧﻄﻴﺘﻬﺎ ﻧﻈﺮﺓ ﺍﺣﺘﻘﺎﺭ ﻭﺣﻘﺪ ﺗﺮﻛﺘﻬﺎ ﻭﺩﺧﻠﺖ ﺑﻐﺮﻓﺔ ﺟﺪﻱ ﺍﺗﻤﺪﺩﺕ ﻋﻠﻰ ﺍﻟﺴﺮﻳﺮ
ﻓﺮﺡ
ﺑﻌﺪ ﻣﺎ ﺍﻏﻤﻲ ﻋﻠﻴﺔ ﺍﺗﺒﻬﺖ ﻋﻠﻰ ﺑﻴﺒﻲ ﺗﻤﺴﺢ ﻋﻠﻰ ﻭﺟﻬﻲ
ﻭﻭﻋﻴﺖ ﻋﻠﻰ ﺭﺷﺎ ﺗﺤﺠﻲ ﻟﺒﻴﺒﻲ ﺷﻨﻮ ﺍﻟﺼﺎﺭ
ﻭﺍﻥ ﺣﺴﺎﻡ ﺍﻧﻀﺮﺏ ﺑﺮﺍﺳﺔ ﻭﺍﻧﻲ ﮔﻠﺒﻲ ﮔﺮﺻﻨﻲ ﻋﻠﻴﻪ
ﺟﻨﺖ ﻛﻠﺶ ﺧﺎﻳﻔﺔ ﻋﻠﻴﻪ
ﻭﻋﺮﻓﺖ ﺑﻌﺪﻳﻦ ﺍﻥ ﻫﺬﺍ ﺍﻟﺮﻣﻲ ﻛﺎﻥ ﻋﻠﻤﻮﺩ ﺳﺎﻟﻔﺔ ﻋﻤﻲ ﻧﺒﻴﻞ
ﻭﺑﻌﺪﻫﺎ ﺟﺪﻱ ﻭﻋﻤﺎﻣﻲ ﺍﻟﺘﻬﻮ ﻭﻳﺔ ﺍﻟﺪﻳﺎﻧﺔ ﻭﺍﺗﺼﻠﻮ ﻋﺎﻟﺸﺮﻃﺔ ﻭﺑﻌﺪﻳﻦ ﺟﺪﻱ ﺍﻋﺘﺬﺭ ﻣﻦ ﺍﻳﻬﺎﺏ ﻭﺍﻫﻠﺔ
ﻋﻦ ﺗﻜﻤﻠﺔ ﻣﺮﺍﺳﻴﻢ ﺍﻟﺨﻄﻮﺑﺔ ﻭﺍﻟﻤﻬﺮ ﻭﻛﻠﻠﻬﻢ ﺍﻥ ﻳﺄﺟﻠﻮﻥ ﺍﻟﻤﻮﺿﻮﻉ ﻭﻛﺎﻥ ﺟﺪﺍ ﻣﺘﻔﺸﻞ ﻭﻣﺴﺘﺤﻲ ﻣﻨﻬﻢ ﻟﻜﻦ ﺍﻫﻞ ﺍﻳﻬﺎﺏ ﺍﺗﻔﻬﻤﻮ ﺍﻟﻮﺿﻊ ﻭﺍﻧﺴﺤﺒﻮ ﻫﻤﺔ ﻭﺍﻫﻠﻬﻢ )) ﻃﺒﻌﺎ ﻫﺬﺍ ﺍﻟﻤﻮﻗﻒ ﺣﻘﻴﻘﻲ ﻣﻦ ﺍﺭﺽ ﺍﻟﻮﺍﻗﻊ ((
ﺍﻟﻤﻬﻢ ﺭﺣﺖ ﺷﻔﺖ ﺷﻬﺪ ﺩﺧﻠﺖ ﻟﻐﺮﻓﺔ ﺟﺪﻱ ﻭﺑﻴﺪﻫﺔ ﺻﻨﺪﻭﻕ ﻋﺪﺓ ﺍﻻﺳﻌﺎﻓﺎﺕ
ﻭﺍﻧﻲ ﮔﻠﺒﻲ ﮔﺎﻡ ﻳﻠﻮﺏ ﺍﺭﻳﺪ ﺍﺷﻮﻑ ﺣﺴﺎﻡ ﺷﺼﺎﺭ ﻋﻠﻴﻪ
ﺑﺲ ﺍﻟﻌﺠﻴﺐ ﺑﺎﻻﻣﺮ ﻧﻈﺮﺗﺔ ﺧﻠﺘﻨﻲ ﺍﻋﻴﺪ ﺣﺴﺎﺑﺎﺗﻲ ﻣﺮﺓ ﺛﺎﻧﻴﺔ ﺷﻨﻮ ﻛﺎﻥ ﻳﻘﺼﺪ ﺑﻬﺎﻱ ﺍﻟﻨﻈﺮﺓ . ﺍﻟﻲ ﻛﺎﻧﺖ ﻛﻠﻬﺎ ﺍﺣﺘﻘﺎﺭ ﻭﺣﻘﺪ ﺍﻟﻲ ﻳﺸﻮﻓﺔ ﻭﻛﺄﻥ ﺍﻧﻲ ﺍﻟﻲ ﺧﻨﺘﺔ ﻣﻮ ﻫﻮ
ﺑﺲ ﺭﻏﻢ ﻫﺬﺍ ﻇﻠﻴﺖ ﺍﺣﻮﻡ ﺍﺭﻳﺪ ﺍﺷﻮﻓﺔ
ﺑﻌﺪﻳﻦ
ﺷﻔﺘﻬﻢ ﺧﻔﺖ ﺍﻟﺮﺟﻞ ﻋﻦ ﻏﺮﻓﺔ ﺟﺪﻱ ﻭﺍﻧﺘﺒﻬﺖ ﺑﺲ ﻋﻠﻲ ﺑﻘﺔ ﻋﻨﺪ ﺣﺴﺎﻡ
ﻭﺍﻟﻠﻪ ﺑﻌﺪ ﻣﺎ ﺑﻘﻰ ﺑﻴﺔ ﺻﺒﺮ ﺍﺭﻳﺪ ﺍﺷﻮﻓﺔ
ﺯﻳﻦ ﺍﻧﻲ ﻟﻴﺶ ﻳﻨﺘﺎﺑﻨﻲ ﺷﻌﻮﺭ ﺑﻌﺪﻡ ﺍﻟﺮﺍﺣﺔ ﻭﺍﻥ ﺍﻟﺴﻴﻮﻳﺘﺔ ﻏﻠﻂ ﻭﻛﺎﻥ ﻫﺬﺍ ﺍﻻﺣﺴﺎﺱ ﺗﺄﺗﻴﺐ ﺿﻤﻴﺮﻱ
ﺑﺲ ﻳﺎﻧﺎﺱ ﻫﻮ ﺍﻟﺨﺎﻧﻲ ﻫﻮ ﺍﻟﻄﻌﻨﻲ ﺑﻌﺪ ﺷﻜﻮ ﻟﻴﺶ ﺍﺧﺎﻑ ﺧﻞ ﺍﺩﺧﻞ ﻭﺍﻭﺟﻬﺔ ﺑﺴﻮﺍﻳﺘﺔ ﻭﻳﺎﻱ ﺣﺘﻰ ﺑﻌﺪﻫﺎ ﺿﻤﻴﺮﻱ ﺑﺮﺗﺎﺡ ﻣﻦ ﺍﻟﺘﺄﻧﻴﺐ
ﺭﺣﺖ ﺩﺧﻠﺖ ﻋﻠﻴﻪ ﻛﺎﻥ ﻋﻠﻲ ﮔﺎﻋﺪ ﺑﺼﻒ ﺣﺴﺎﻡ ﻋﺎﻟﺴﺮﻳﺮ .
ﻭﺷﻔﺖ ﺭﺍﺳﻬﺔ ﺷﺎﺩﻳﻨﺔ ﻭﻻﻓﻴﻨﺔ ﺑﻘﻄﻦ ﻭﺷﺎﺵ
ﺣﺴﺎﻡ ﺍﻧﺘﺒﻪ ﻋﻠﻴﺔ ﻣﻦ ﺩﺧﻠﺖ
- ﻋﻠﻲ ﺭﺣﻤﺔ ﻋﻠﻰ ﻭﺍﻟﺪﻳﻚ ﻃﻠﻌﻬﺎ ﺑﺮﺓ ﻣﻦ ﮔﺪﺍﻣﻲ ﻣﺎ ﺍﺭﻳﺪ ﺍﺷﻮﻓﻬﺎ ﻻ ﺑﺎﻟﻘﺮﺍﻥ ﺍﺭﺗﻜﺐ ﺑﻴﻬﺎ ﺟﺮﻳﻤﺔ
ﻓﺮﺡ
ﺑﺎﺭﺗﺒﺎﻙ ﺑﻌﺪ ﻣﺎ ﺩﺧﻠﺖ ﻭﻛﺎﻧﺖ ﻭﺍﺛﻘﺔ ﺍﻥ ﻫﻲ ﺻﺎﺣﺒﺔ ﺍﻟﺤﻖ
ﻟﻜﻦ ﻛﻼﻡ ﺣﺴﺎﻡ ﻗﻠﺐ ﻋﻠﻴﻬﺎ ﺍﻟﻄﺎﻭﻟﺔ ﻭﺍﺻﺒﺤﺖ ﺗﺒﺎﺩﻝ ﺑﺎﻻﺩﻭﺍﺭ ﺍﺻﺒﺢ ﺣﺴﺎﻡ ﺻﺎﺣﺐ ﺍﻟﺤﻖ
ﻓﺮﺡ - ﻳﻌﻨﻲ ﺣﻀﺮﺗﻚ ﻓﻮﻙ ﺣﮕﺔ ﺩﮔﺔ ﻳﻌﻨﻲ ﻓﻮﻙ ﻣﺎ ﺍﻧﺖ ﺍﻟﺨﻨﺖ ﻭﻓﻮﻙ ﻣﺎ ﺍﻧﺖ ﺍﻟﻜﺴﺮﺕ ﺟﺎﻳﻨﻲ ﺑﻜﻞ ﻭﻗﺎﺣﺔ ﺗﻬﺠﻮﻡ ﻋﻠﻴﺔ ﺑﻠﺴﺎﻧﻚ
ﻻﺣﺴﺎﻡ ﺗﺮﺓ ﻣﻮ ﻛﻞ ﻣﺮﺓ ﺗﺴﻠﻢ ﺍﻟﺠﺮﺓ ﺍﻧﺖ ﻛﺴﺮﺗﻨﻲ ﻭﺧﻨﺖ ﺛﻘﺘﻲ ﺑﻴﻚ ﻟﻠﻤﺮﺓ ﺍﻟﺜﺎﻧﻴﺔ
ﺣﺴﺎﻡ ﻭﻫﻮ ﻳﺮﻓﻊ ﺣﺎﺟﺐ
- ﺍﻱ ﺑﺎﻟﻠﻪ ﻧﻮﺭﻳﻨﺎ ﻭﻓﻬﻤﻴﻨﺎ ﺷﻨﻮ ﺍﻟﻲ ﺍﺳﺘﺠﺪ ﺑﺎﻟﺴﺎﻟﻔﺔ ﻭﺧﻼﺝ ﺗﺴﺘﻐﻠﻴﻦ ﻓﺘﺮﺓ ﻏﻴﺎﺑﻲ ﻭﺗﺮﺣﻴﻦ ﺗﺪﺯﻳﻦ ﻋﻠﻰ ﺍﻳﻬﺎﺏ ﺣﺘﻰ ﻳﺨﻄﺒﺞ ﻣﻦ ﻭﺭﺍﻱ ﺧﻮ ﻟﻴﺶ ﻣﺎ ﺗﮕﻮﻟﻴﻦ ﺍﻧﺘﻲ ﺍﻟﻲ ﺧﻨﺘﻲ ﺛﻘﺘﻲ ﺑﻴﺞ
ﺟﺮ ﻧﻔﺲ ﺑﻐﻀﺐ ﻭﻛﻤﻞ
ﺍﻛﻮﻝ ﻃﻠﻌﻲ ﺑﺮﺓ ﻣﻨﺎ ﺍﺣﺴﻦ ﻣﺎ ﺍﻛﻔﺮ ﺑﻴﺞ ﻫﺴﺔ
- ﻻ ﻣﺎ ﺍﻃﻠﻊ ﺣﺴﺎﻡ ﻭﻛﻼﻣﻚ ﻛﻠﺔ ﺧﻄﺎﺀ ﺭﺍﺟﻊ ﺫﺍﻛﺮﺗﻚ ﺷﻮﻑ ﻧﻔﺴﻚ ﻭﻳﺎﻣﻦ ﺳﺎﻓﺮﺕ ﻟﺪﺑﻲ
ﺣﺴﺎﻡ ﻭﻫﻮ ﻳﻌﻘﺪ ﺣﻮﺍﺟﺒﺔ ﺑﺘﺴﺎﺋﻞ
- ﺍﻧﺘﻲ ﺷﻨﻮ ﺟﺎﻱ ﺗﺨﺮﺑﻄﻴﻦ ﻛﻤﻠﻲ ﻛﻼﻣﺞ ﻭﺍﺣﺠﻲ ﻋﺪﻝ
ﻓﺮﺡ - ﺍﻧﻲ ﺍﺗﺼﻠﺖ ﻋﻠﻴﻚ ﻭﺟﺎﻭﺑﺘﻨﻲ ﺑﻨﻴﺔ ﻣﻦ ﻧﻘﺎﻟﻚ ﻭﻛﺎﻟﺖ ﺍﻧﻲ ﺯﻭﺟﺔ ﺣﺴﺎﻡ ﻭﻇﻠﺖ ﺗﺤﺠﻲ ﻋﻠﻴﺔ ﻭﻫﺪﺩﺗﻨﻲ ﺑﻌﺪ ﻣﺎ ﺍﺗﺼﻞ ﻋﻠﻴﻚ ﻭﺑﻌﺪﻫﺎ ﺭﺳﻠﺘﻠﻲ ﺻﻮﺭﻛﻢ ﻫﺎﻙ ﺷﻮﻑ
ﻭﺍﻧﻄﺖ ﺍﻟﻨﻘﺎﻝ ﻟﻌﻠﻲ ﺣﺘﻰ ﺣﺴﺎﻡ ﻳﺸﻮﻑ
ﺣﺴﺎﻡ ﺑﺘﺴﺎﺋﻞ ﺍﻱ ﻭﺷﻨﻮ ﻳﻌﻨﻲ
ﻟﻴﺶ ﺍﻧﺘﻲ ﻣﺎ ﺩﺭﻳﺘﻲ ﺍﻥ ﻧﻘﺎﻟﻲ ﺍﻧﺴﺮﻕ
- ﻭﻣﻨﻮ ﻳﻜﻮﻝ ﻧﻘﺎﻟﻚ ﺍﻧﺴﺮﻕ ﺷﻨﻮ ﻳﺨﻠﻴﻨﻲ ﺍﺻﺪﻙ ﻛﻼﻣﻚ
ﺣﺴﺎﻡ ﻭﺣﺲ ﺭﻭﺣﻪ ﺯﻫﻜﺖ ﻭﺗﻌﺐ ﻣﻦ ﺍﻟﻤﺤﺎﻭﻟﺔ ﻭﻳﺎﻫﺔ
- ﺷﻮﻓﻲ ﻳﺒﻨﺖ ﺍﻟﻨﺎﺱ ﺍﻧﻲ ﺍﻧﻄﻴﻬﺎ ﺍﻟﺞ ﻣﻦ ﺍﻻﺧﻴﺮ
ﺗﺮﺓ ﺍﻧﻲ ﺍﺑﻮ ﻧﺴﻮﺍﻥ ﻭﻛﻞ ﻳﻮﻡ ﻭﻳﺔ ﻭﺣﺪﺓ ﻭﻣﻮ ﺭﺍﺣﺔ ﻭﻋﻨﺪﻱ ﺳﻮﺍﻟﻒ ﻣﻜﺴﺮﺓ ﻛﻠﺶ ﻫﻮﺍﻱ ﻭﻻﻋﺐ ﻟﻌﺐ ﺑﺤﻴﺎﺗﻲ
ﻫﺴﺔ ﺍﺭﺗﺎﺣﻴﺘﻲ ﻫﺬﺍ ﺍﻧﺔ ﻭﻫﺎﻱ ﺣﻴﺎﺗﻲ
ﺑﻌﺪ ﻣﺎ ﺭﺍﺡ ﺍﻛﻌﺪ ﺍﺑﺮﺭﻟﺞ ﻛﻞ ﻳﻮﻡ ﻣﻮﻗﻔﻲ ﻭﺗﻌﺎﻝ ﻳﺤﺴﺎﻡ ﺑﺮﺭ ﻟﺴﺖ ﻓﺮﺡ ﺍﻡ ﺭﺍﺱ ﺍﻟﻴﺎﺑﺲ ﻭﺍﻛﻌﺪ ﺍﺷﺮﺣﻠﻬﺎ ﻭﻓﻬﻤﻬﺎ ﺗﺮﺓ ﻭﺍﻟﻠﻪ ﻣﻠﻴﺖ ﻃﻠﻌﺖ ﺭﻭﺣﻲ ﻣﻨﺞ
ﺑﺲ ﺗﺪﺭﻳﻦ ﺷﻨﻮ
ﺍﻧﺘﻲ ﺍﺻﻼ ﻋﻤﺮﺝ ﻣﺎ ﺣﺒﻴﺘﻲ ﺣﺴﺎﻡ ﺍﻧﺘﻲ ﺍﺻﻼ ﺑﺎﻳﻌﺔ
ﻭﺍﻧﺔ ﺍﻟﻤﺸﺘﺮﻱ ﺑﺲ ﻟﻬﻨﺎ ﻭﺧﻼﺹ
ﻣﺎ ﺍﺭﻳﺪﺝ ﺑﺲ ﻣﻮ ﺗﻔﺮﺣﻴﻦ ﻣﺎ ﺍﺭﻳﺪﺝ
ﺑﺲ ﻻﺗﻔﺮﺣﻴﻦ ﻣﺎﺍﺧﻠﻴﺞ ﺗﺎﺧﺬﻳﻦ ﻭﺍﺣﺪ ﺛﺎﻧﻲ
ﺍﺧﻠﻴﺞ ﻫﻴﺞ ﺗﺒﻘﻴﻦ ﻋﻨﺪ ﺑﻴﺖ ﺟﺪﻱ ﻟﺤﺪ ﻣﺎ ﺗﻌﻔﻨﻴﻦ ﻭﺗﻌﻨﺴﻴﻦ ﻭﻳﺎﻟﻠﻪ ﻫﺴﺔ ﻃﻠﻌﻲ ﺑﺮﺓ ﻣﺎ ﺍﺭﻳﺪ ﺍﺷﻮﻓﺞ
ﻓﺮﺡ ﻛﺎﻥ ﻛﻼﻡ ﺣﺴﺎﻡ ﻣﺜﻞ ﺍﻟﺼﺪﻣﺔ ﺍﻟﻲ ﺳﺤﺐ ﺍﻟﺒﺴﺎﻁ ﻣﻦ ﺗﺤﺘﻲ ﺑﺤﻴﺚ ﺳﺮﻕ ﻛﻞ ﺍﻟﻜﻼﻡ ﻣﻨﻲ ﻭﻣﺎ ﻋﺮﻓﺖ ﺷﻠﻮﻥ ﺍﺟﺎﻭﺑﺔ ﻭﺍﺣﺠﻲ ﻭﻳﺎﻩ ﻳﻌﻨﻲ ﺷﻨﻮ ﻣﺎ ﺍﻓﺘﻬﻤﺖ ﺷﺠﺎﻱ ﻳﺼﻴﺮ
ﺍﻧﺘﺒﻬﺖ ﻋﻠﻰ ﻋﻠﻲ ﺍﺟﺔ ﻭﺭﺍﻱ
ﻋﻠﻲ - ﻓﺮﺡ ﻣﻤﻜﻦ ﺗﺠﻴﻦ ﻭﻳﺎﻱ ﻟﻠﻤﻄﺒﺦ ﺍﺭﻳﺪ ﺍﺣﺠﻲ ﻭﻳﺎﺝ
ﺭﺣﺖ ﻭﺭﺓ ﻋﻠﻲ ﻭﺍﻧﻲ ﻣﺜﻞ ﺍﻟﻤﺒﻨﺞ ﺍﻣﺸﻲ ﻭﺭﺍﻩ
ﻛﻌﺪﺕ ﻋﻠﻰ ﺍﻟﻤﻴﺰ ﻭﻫﻮ ﻛﻌﺪ ﻣﻘﺎﺑﻴﻠﻲ
ﻋﻠﻲ - ﺷﻮﻓﻲ ﻓﺮﺡ ﺍﺣﻨﺎ ﻣﻦ ﺫﺍﻙ ﺍﻟﻴﻮﻡ ﻛﺎﻥ ﻻﺯﻡ ﺍﻧﻔﻬﻤﺞ ﺍﻟﻤﻮﺿﻮﻉ ﻭﺗﻜﻮﻧﻴﻦ ﻋﻠﻰ ﺑﻴﻨﺔ
ﺗﺮﺓ ﺣﺴﺎﻡ ﺑﻴﻮﻡ ﻋﺮﺳﺞ ﻭﺍﻟﻤﻮﻗﻒ ﺍﻟﻲ ﺻﺎﺭ ﻭﻳﺎﻩ ﻛﺎﻥ ﻛﻠﺔ ﻛﻤﻴﻦ ﻣﻨﺼﻮﺏ ﺣﺘﻰ ﻳﻮﮔﻌﻮﻥ ﺣﺴﺎﻡ
ﻭﻫﺴﺔ ﻫﺬﺍ ﺍﻟﺼﺎﺭ ﻭﻳﺎﺝ ﺍﻧﺘﻲ ﻭ ﺣﺴﺎﻡ ﻛﺎﻥ ﻧﻔﺲ ﺍﻟﺸﺨﺺ ﺍﻟﻲ ﺭﺍﺩ ﻳﻮﻛﻌﻜﻢ ﻭﻻﺗﻨﺴﻴﻦ ﺗﺮﺓ ﺣﺴﺎﻡ ﺍﺧﺘﻔﻰ ﻧﻘﺎﻟﺔ ﻣﻦ ﻭﺻﻞ ﻟﺪﺑﻲ ﻭﺍﻧﻲ ﻫﺴﺔ ﻋﺮﻓﺖ ﻣﻨﻮ ﻭﺭﺓ ﺳﺎﻟﻔﺔ ﺍﺧﺘﻔﺎﺀ ﻧﻘﺎﻝ ﺣﺴﺎﻡ ﺑﺲ ﺑﺴﻴﻄﺔ ﻫﺬﻭﻟﻲ ﺣﺴﺎﺑﻬﻢ ﻳﻤﻲ
ﻟﻜﻦ ﺍﻧﺘﻲ ﻣﺎﻳﺼﻴﺮ ﻛﻞ ﻣﻮﻗﻒ ﻭﺍﻟﺜﺎﻧﻲ ﺗﺘﻤﺰﻋﻠﻴﻦ ﻭﺗﺘﻬﻤﻴﻦ ﺣﺴﺎﻡ ﺑﺪﻭﻥ ﻣﺎ ﺗﺴﻤﻌﻴﻦ ﻛﻼﻣﺔ ﺑﺎﻻﻭﻝ
ﻭ ﺗﺤﻜﻤﻴﻦ ﻋﻠﻴﻪ
ﻭﺧﻠﻲ ﺑﺒﺎﻟﺞ ﺗﺮﺓ ﺍﻧﻲ ﺍﻭﻝ ﻣﺮﺓ ﺍﺷﻮﻑ ﺣﺴﺎﻡ ﻣﺘﻤﺴﻚ ﺑﻮﺣﺪﺓ ﻭﻳﻘﺎﺗﻞ ﻋﻠﻤﻮﺩﻫﺎ ﻟﻬﺪﺭﺟﺔ
ﺗﺮﺓ ﻫﻮ ﻣﻄﻮﻝ ﺧﻠﻚ ﻭﻳﺎﺝ ﻛﻠﺶ ﻫﻮﺍﻱ ﻻﻥ ﻳﺤﺒﺞ ﻭﺍﻟﻠﻪ ﻟﻮ ﻣﺎ ﻳﺤﺒﺞ ﻛﺎﻥ ﻣﻦ ﺯﻣﺎﻥ
ﻋﺎﻓﺞ ﻭﺍﻧﻬﺰﻡ ﻣﻦ ﺍﻟﺴﺎﻧﺞ ﺑﺲ ﺧﻄﻴﺔ ﻫﺬﺍ ﺍﻟﻠﻪ ﺑﻼﻩ ﺑﻮﺣﺪﺓ ﻣﺨﺒﻠﺔ ﺗﺒﺠﻴﻪ ﻋﻠﻰ ﺯﻣﺎﻧﻪ
ﺣﺘﻰ ﻳﺘﻮﺏ ﻟﻠﻪ ﻭﺑﻌﺪ ﻳﺤﺮﻡ ﻳﻌﻠﺐ ﺑﺬﻳﻠﺔ
ﻓﺮﺡ ﺍﺳﻤﻊ ﻛﻼﻡ ﻋﻠﻲ ﺍﺑﺠﻲ ﻭﺍﺑﺘﺴﻢ
ﺍﺑﺠﻲ ﻋﻠﻰ ﺍﻟﺨﻄﺎﺀ ﺍﻟﻔﺎﺩﺡ ﺍﻟﻲ ﺍﺭﺗﻜﺒﺘﺔ ﺑﺘﺠﺎﻩ ﺣﺴﺎﻡ ﻭﺍﺑﺘﺴﻢ ﻋﻠﻰ ﻣﻌﺮﻓﺘﻲ ﺍﻥ ﺣﺴﺎﻡ ﺷﻜﺪ ﻳﺤﺒﻨﻲ ﻭﻣﺘﻤﺴﻚ ﺑﻴﺔ
ﺑﺲ ﻳﺎ ﺗﺮﻯ ﻫﻞ ﺣﺴﺎﻡ ﺑﻌﺪﺓ ﻳﺤﺒﻨﻲ ﺑﻌﺪ ﻛﻞ ﻫﺎﻱ ﺳﻮﺍﻟﻔﻲ ﻭﻳﺎﻩ ﻭﺍﻟﻠﻪ ﻣﺎ ﺍﺗﻮﻗﻊ ﺭﺍﺡ ﻳﻈﻞ ﺑﺎﻗﻲ ﻋﻠﻰ ﺣﺒﺔ ﺍﻟﻲ
ﻭﻣﺮﺕ ﺍﻻﻳﺎﻡ ﻭﺍﻧﻲ ﻧﻬﻴﺖ ﻣﻮﺿﻮﻉ ﺧﻄﻮﺑﺘﻲ ﻣﻊ ﺍﻳﻬﺎﺏ ﺑﺎﺗﺼﺎﻝ ﻣﻨﻲ ﻛﺎﻥ
ﺍﻥ ﺍﻋﺘﺬﺭﺕ ﻣﻨﺔ ﻋﻠﻰ ﻛﻞ ﺍﻟﻲ ﺻﺎﺭ ﻭﺍﻥ ﺍﻧﻲ ﺍﺣﺐ ﺍﺑﻦ ﻋﻤﻲ ﻭﺍﺭﻳﺪﺓ
ﻭﻫﻮ ﺍﺗﻘﺒﻞ ﺍﻟﻤﻮﺿﻮﻉ ﺑﺮﻭﺡ ﺭﻳﺎﺿﻴﺔ ﻻﺗﺨﻠﻮ ﻣﻦ ﺍﻟﺘﺄﻧﻴﺐ
ﻭﺑﻌﺪﻫﺎ ﻗﺮﺭﺕ ﺍﺳﻌﻲ ﻭﺍﺑﺬﻝ ﻛﻞ ﻣﺠﻬﻮﺩﻱ ﺣﺘﻰ ﺣﺴﺎﻡ ﻳﺮﺟﻌﻠﻲ ﻟﻜﻦ ﻣﻊ ﺍﻻﺳﻒ ﻫﻮ ﺍﺑﺪ ﻣﺎ ﺍﻧﻄﺎﻧﻲ ﺍﻱ ﻓﺮﺻﺔ
ﺣﺘﻰ ﺍﺣﺠﻲ ﻭﻳﺎﻩ ﻭﺍﺫﺍ ﻳﺠﻲ ﻟﻠﺒﻴﺖ ﻋﻠﻤﻮﺩ ﺟﺪﻱ ﺍﻧﻲ ﺑﺴﺮﻋﺔ ﺍﺭﻭﺡ ﻟﻌﻨﺪﻫﻢ ﺍﺭﻳﺪ ﺑﺲ ﺍﺷﻮﻓﺔ ﺑﻠﻜﻲ ﺍﺣﺠﻲ ﻭﻳﺎﻩ
ﻟﻜﻦ ﻣﻊ ﺍﻻﺳﻒ ﺍﺷﻮﻓﺔ ﻳﺘﺠﻨﺒﻨﻲ ﻭﻳﻨﻬﻲ ﻛﻼﻣﺔ ﻣﻊ ﺟﺪﻱ ﻭﻳﻄﻠﻊ ﺍﺑﺪ ﻣﺎ ﻳﻨﻈﺮ ﺑﺎﺗﺠﺎﻫﻲ ﻭﻇﻠﻴﺖ ﺍﺣﺎﻭﻝ ﻭﻳﺎﻩ
ﺍﺗﺼﻞ ﻋﻠﻴﻪ ﺑﻌﺪ ﻣﺎ ﺍﺧﺬﺕ ﺭﻗﻤﻪ ﺍﻟﺠﺪﻳﺪ ﻣﻦ ﻋﻠﻲ
ﻟﻜﻦ ﺍﺑﺪ ﻣﻴﺠﺎﻭﺏ ﻋﻠﻰ ﺍﺗﺼﺎﻻﺗﻲ ﻭﻻ ﻋﻠﻰ ﻣﺴﺠﺎﺗﻲ
ﺻﺮﺕ ﺍﺭﻭﺡ ﻟﻌﻨﺪﻫﻢ ﺑﺎﻟﺒﻴﺖ ﺣﺘﻰ ﺑﻠﻜﻲ ﺍﺷﻮﻓﺔ
ﺑﺲ ﻣﺮﺓ ﺍﻧﺘﺒﻬﺖ ﻋﻠﻴﻪ ﻛﺎﻥ ﺟﺎﻟﺲ ﻭﻳﺔ ﺍﻫﻠﺔ ﻭﺑﺤﻀﻨﻪ ﺍﺑﻨﺔ ﻓﻬﻮﺩﻱ ﻭﺟﺎﻥ ﻳﻠﻌﺒﻪ ﻭﻳﻀﺤﻚ ﻭﻳﺎﻩ ﻟﻜﻦ ﻣﻦ ﺍﻧﺘﺒﻪ ﻋﻠﻰ ﺩﺧﻮﻟﻲ ﻋﻠﻴﻬﻢ ﺷﻔﺖ ﻣﻌﺎﻟﻢ ﻭﺟﻬﺔ ﺍﺗﻐﻴﺮﺕ ﻣﻦ ﺍﻻﺑﺘﺴﺎﻣﺔ ﺍﻟﻲ ﻋﻘﺪﺓ ﺍﻟﺤﺎﺟﺒﻴﻦ ﺑﻀﺠﺮ
ﺍﻧﻲ ﺑﻮﻗﺘﻬﺎ ﺍﻓﺘﻬﻤﺖ ﺍﻟﺮﺳﺎﻟﺔ ﺍﻥ ﺣﺴﺎﻡ ﻣﺎ ﻋﺎﺩ ﻳﺤﺒﻨﻲ ﻣﺜﻞ ﺍﻻﻭﻝ
ﻭﻣﻦ ﻋﻨﺪﻫﺎ ﺑﻌﺪ ﺍﺗﻮﻗﻔﺖ ﻣﺤﺎﻭﻻﺗﻲ ﻭﺍﻧﻄﻮﻳﺖ ﻋﻠﻰ ﻧﻔﺴﻲ ﻭﺻﺮﺕ ﺍﺧﺘﻠﻂ ﺑﺲ ﻣﻊ ﺧﻮﺍﺗﻲ ﻭﺑﻴﺒﻲ ﻭﻣﺎﻟﻲ ﺷﻐﻞ ﺑﺎﺣﺪ ﻭﻛﻤﺖ ﺍﺳﺎﻋﺪ ﺳﻠﻮﻯ ﺑﺘﺠﻬﻴﺰ ﺍﻟﻌﺮﺱ . ﻭﺍﻟﺘﺤﻀﻴﺮﺍﺕ
ﻭﻛﻨﺖ ﺩﺍﺋﻤﺎ ﻋﻠﻰ ﺍﺗﺼﺎﻝ ﻣﻊ ﺻﺪﻳﻘﺘﻲ ﺭﻧﺎ
ﻭﺍﻃﻠﻌﻬﺎ ﻋﻠﻰ ﻛﻠﺸﻲ ﻳﺼﻴﺮ ﻭﻳﺎﻱ
ﻟﻜﻦ ﺍﺳﺘﻐﺮﺑﺖ ﺻﺎﺭﻟﻲ ﻳﻮﻣﻴﻦ
ﺍﺗﺼﻞ ﻋﻠﻰ ﺭﻧﺎ ﻣﺎﻛﻮ ﻇﻞ ﺑﺎﻟﻲ ﻋﻨﺪﻫﺎ ﻫﻲ ﺧﻄﻴﺔ ﻟﻮﺣﺪﻫﺎ ﺑﺎﻟﻨﺎﺻﺮﻳﺎ ﻭﺍﻫﻠﻬﺎ ﻛﻠﻬﻢ ﻣﺴﺎﻓﺮﻳﻦ ﻭﻇﺎﻟﺔ ﺑﺲ ﻫﻲ ﻭﺯﻭﺟﻬﺎ
ﻭﺯﻭﺟﻬﺎ ﺿﺎﺑﻂ ﻭﻛﺎﻥ ﻳﺪﺍﻭﻡ ﻳﻮﻣﻴﻦ ﺑﺒﻐﺪﺍﺩ ﻭﻳﻮﻣﻴﻦ ﻳﻤﻬﻢ ﻫﻲ ﻭﺍﺑﻨﻬﺎ
ﻭﺧﻔﺖ ﻋﻠﻴﻬﺎ ﻻﻥ ﺗﺒﻘﻰ ﺗﺒﺎﺕ ﻟﻮﺣﺪﻫﺎ ﺑﺎﻟﺒﻴﺖ
ﺭﺟﻌﺖ ﺍﺗﺼﻞ . ﻭﻣﺎﻛﻮ ﻭﺍﻟﻠﻪ ﺧﻔﺖ ﻋﻠﻴﻬﺎ ﺍﺩﺭﻱ ﺷﻨﻮ ﺍﻟﺴﺎﻟﻔﺔ
ﺷﺼﺎﺭ ﻋﻠﻴﻬﺎ ﮔﻠﺒﻲ ﻇﻞ ﻳﻠﻮﺏ ﻭﻳﻦ ﺻﺎﺭﺕ
ﺍﻧﺘﺒﻬﺖ ﻋﻠﻰ ﺑﻴﺒﻲ ﺗﺤﺠﻲ ﻭﻳﺔ ﻋﻤﺔ ﺭﺳﻤﻴﺔ ﻋﻠﻰ ﺳﺎﻟﻔﺔ ﻋﻤﻲ ﻧﺒﻴﻞ
ﺍﻟﺠﺪﺓ - ﻣﺎ ﺍﺩﺭﻱ ﻫﺎﻱ ﻭﻳﻦ ﺟﺎﻧﺘﻠﻲ ﻳﻤﺔ ﺍﺑﻨﻲ ﺻﺎﺭ ﻣﻄﻠﻮﺏ ﻟﻠﺤﻜﻮﻣﺔ
ﻳﻤﺔ ﺻﺨﺎﻡ ﺍﻟﺼﺨﻤﻨﻲ ﻋﻠﻰ ﻋﻤﻠﺘﺔ ﺍﻟﺴﻮﺩﺓ ﻭﺍﻟﻠﻪ ﻳﻨﺒﻴﻞ ﻛﻀﻴﺖ ﻋﻤﺮﻙ ﺷﺎﻟﻊ ﮔﻠﺒﻲ ﻭﮔﻠﺐ ﺍﺑﻮﻙ
ﺭﺳﻤﻴﺔ - ﺣﻞ ﻳﺴﺘﺎﻫﻞ ﺧﻠﻲ ﻳﺎﺧﺬ ﺟﺰﺍﻩ ﻣﻦ ﺍﻟﺤﻜﻮﻣﺔ
ﻫﺴﺔ ﺷﻨﻮ ﻟﺰﻣﻮﻩ ﻟﻮ ﺑﻌﺪﻫﻢ
ﺍﻟﺠﺪﺓ - ﻻ ﻳﻤﺔ ﺷﺎﺭﺩ ﻭﻣﺎﻧﻌﺮﻑ ﻭﻳﻦ ﺍﺭﺍﺿﻴﻪ ﻭﺍﺑﻮﺝ ﺍﻧﻄﺔ ﺑﻴﻪ ﺗﺒﺮﺋﺔ
ﺷﺪﻋﻮﺓ ﻋﻠﻴﻪ ﺍﺗﻨﺎﺯﻝ ﺑﺪﻡ ﺍﺑﻨﺔ ﺧﻠﻲ ﻳﺪﻓﻊ ﻓﻠﻮﺱ ﺍﻟﺪﻳﺎﻧﺔ ﻭﻳﺨﻠﺼﺔ ﻣﻨﻬﻢ ﺑﺲ ﻣﻮ ﺗﻮﺻﻞ ﺑﻲ ﻳﺘﺒﺮﺓ ﻣﻦ ﺍﺑﻨﺔ
ﺭﺳﻤﻴﺔ - ﺍﻫﻮﻭﻭ ﺍﻧﺘﻲ ﻇﻠﻲ ﻫﻴﺞ ﻫﻮ ﺷﺨﺮﺏ ﻧﺒﻴﻞ ﻏﻴﺮ ﻫﺎﻱ ﺳﻮﺍﻟﻔﺞ ﻭﺍﻟﺘﺴﺘﺮ ﻋﻠﻰ ﺍﻓﻌﺎﻟﺔ ﺑﺲ ﺧﻠﻲ ﺑﺒﺎﻟﺞ ﺗﺮﺓ ﺍﺑﻮﻱ ﻣﺎﻳﺴﻮﻱ ﻫﻴﺞ ﺷﻲ ﻟﻮ ﻣﺎ ﺍﻟﻠﻪ ﺍﻟﻴﻌﻠﻢ ﺷﻨﻮ ﻋﺮﻑ ﻋﻦ ﻧﺒﻴﻞ ﻭﺧﻼﻩ ﻳﺘﻨﺎﺯﻝ ﻋﻨﻪ
↙️
ﻓﺮﺡ ﻇﻞ ﺑﺎﻟﻲ ﻋﻠﻰ ﺭﻧﺎ ﺻﺎﺭﻟﻬﺎ ﻳﻮﻣﻴﻦ ﻣﺎﻛﻮ
ﻟﻜﻦ ﺑﺜﻨﺎﺀ ﻫﺎﻱ ﺍﻻﻳﺎﻡ ﺻﺎﺭﺕ ﺣﺮﻛﺔ ﻏﺮﻳﺒﺔ ﺑﺒﻴﺖ ﺟﺪﻱ ﻭﺻﺎﺭﺕ ﺟﻴﺎﺕ ﻋﻠﻲ ﻭﻋﻤﻲ ﺗﻮﻓﻴﻖ ﻟﻠﺒﻴﺖ ﻛﻠﺶ ﻫﻮﺍﻱ ﻭﻣﺮﺓ ﻣﻦ ﺍﻟﻤﺮﺍﺕ ﺷﻔﺖ ﻋﻠﻲ ﺩﺍﺧﻞ ﻟﺒﻴﺖ ﺟﺪﻱ ﻭﻻﺯﻡ ﺑﻴﺪﺓ ﻭﻟﺪ ﺻﻐﻴﺮ ﺳﺘﻮﺓ ﻳﻤﺸﻲ ﻓﺪﻭﺓ ﺷﻠﻮﻥ ﺣﻠﻮ ﻭﺩﺑﺪﻭﺏ ﻭﻛﻮﺓ ﻳﻤﺸﻲ ﻣﻦ ﺍﻟﻠﺤﻢ ﺍﺑﻮ ﺧﺪﻭﺩ
ﺭﺣﺖ ﻋﻠﻴﻬﻢ ﻭﺳﺄﻟﺖ ﻋﻠﻲ
- ﻫﺬﺍ ﻣﻨﻮ ﺍﻟﺪﺑﺪﻭﺏ ﺍﻟﻲ ﺟﺎﻳﺒﺔ ﻭﻳﺎﻙ
ﻋﻠﻲ ﻭﻛﺎﻧﺖ ﻋﻴﻮﻧﺔ ﺣﻤﺮ ﻭﺍﺭﺗﺒﻚ ﻣﻦ ﺷﺎﻓﻨﻲ
- ﻫﻠﺔ ﻓﺮﺡ ﺍﺓﺓ ﻫﺬﺍ ﺍﺑﻦ ﺻﺪﻳﻘﻲ ﺧﻄﻴﺔ ﺍﻣﺔ ﺍﺗﻤﺮﺿﺖ ﻭﻫﻮ ﻣﺎﻋﻨﺪﺓ ﺍﺧﺪ ﺑﺨﻠﻲ ﻳﻤﺔ
ﻓﺮﺡ ﺩﻧﻜﺖ ﻋﺎﻟﻄﻔﻞ ﻭﺷﺎﻟﺘﺔ ﻭﺷﻤﺘﺔ
- ﺍﻭﻭﻱ ﺳﻮﺩﺓ ﻋﻠﻴﺔ ﺧﻄﻴﺔ ﺭﺑﻲ ﻳﮕﻮﻡ ﺍﻣﺔ ﺑﺎﻟﺴﻼﻣﺔ
ﺍﻧﺘﺒﻬﺖ ﺍﻛﻮ ﻭﺍﺣﺪ ﺩﺧﻞ ﺑﺎﻟﻤﻄﺒﺦ ﺍﻟﺘﻔﺘﺖ ﺷﻔﺘﺔ ﺣﺴﺎﻡ ﺍﻫﻮﻭﻭ ﺻﺎﺭﻟﻲ ﺷﻜﺪ ﻣﺎ ﺷﺎﻳﻔﺘﺔ ﺟﺎﻥ ﻻﺯﻡ ﺑﻴﺪﺓ ﺍﺑﻨﺔ ﻓﻬﺪ
ﻭﺑﺎﻭﻉ ﻋﻠﻴﺔ ﺷﺎﻳﻠﺔ ﺍﻟﻄﻔﻞ ﻭﻋﻴﻮﻧﺔ ﺻﺎﺭﺕ ﺑﻴﻬﻦ ﻟﻤﻌﺔ
ﺍﻱ ﻟﻤﻌﺔ ﮔﻤﺖ ﺍﻋﺮﻓﻬﺔ ﻫﺎﻱ ﺍﻟﻠﻤﻌﺔ ﻛﺎﻧﺖ ﻟﻤﻌﺔ ﺷﻮﮒ ﻭﻟﻬﻔﺔ ﻭﺣﻨﻴﻦ
ﺍﻧﻲ ﺩﻧﮕﺖ ﻭﺳﻮﻳﺖ ﻧﻔﺴﻲ ﻣﺸﻐﻮﻟﺔ ﺑﺎﻟﻄﻔﻞ
ﺭﻓﻌﺖ ﺭﺍﺳﻲ ﻭﺳﺄﻟﺖ ﻋﻠﻲ ﻣﺎﮔﻠﺘﻠﻲ ﺷﻨﻮ ﺍﺳﻤﺔ
- ﺍﺳﻤﺔ ﺍﺣﻤﺪ
ﺍﺟﺔ ﻟﻌﻨﺪﻱ ﻓﻬﻮﺩﻱ ﻭﺍﺧﺬﺗﻬﻢ ﺍﺛﻨﻴﻨﻬﻢ ﻭﻃﻠﻌﺖ ﻣﺎ ﺍﻛﺪﺭ ﺍﺑﻘﻰ ﺍﻛﺜﺮ ﺑﻨﻔﺲ ﻣﻜﺎﻥ ﺍﻟﺒﻲ ﺣﺴﺎﻡ ﻭﺍﻟﻠﻪ ﻟﻮ ﺑﺎﻗﻴﺔ ﺑﻌﺪ ﺷﻮﻳﺔ ﺟﺎﻥ ﺑﺠﻴﺖ
ﻭﻣﺮ ﻳﻮﻣﻴﻦ ﺑﻬﺎﻱ ﺍﻟﻴﻮﻣﻴﻦ ﻛﻞ ﻣﺮﺓ ﺍﺷﻮﻑ ﻋﻠﻲ ﻭﺍﺳﻤﻊ . ﺻﻴﺎﺣﺔ ﺑﺎﻻﺳﺘﻘﺒﺎﻝ ﻭﻋﻤﻲ ﺗﻮﻓﻴﻖ ﻃﻠﻊ ﻣﻦ ﺍﻻﺳﺘﻘﺒﺎﻝ ﻭﺟﻪ ﺍﺳﻮﺩ ﻭﺻﺎﺭ ﻭﺟﻬﺔ ﺑﻮﺟﻬﻲ ﺑﺲ ﺩﻧﻚ ﻭﺭﺍﺡ ﺣﺘﻰ ﻣﺴﻠﻢ ﻋﻠﻴﺔ ﻣﺎ ﺍﻋﺮﻑ ﺷﺒﻴﻬﻢ ﺷﺴﺼﺎﻳﺮ
ﺍﻟﻤﻬﻢ ﺍﻧﻲ ﺍﻟﺘﻬﻴﺖ ﺑﺪﺭﺍﺳﺘﻲ ﻭﺳﻠﻮﻯ ﻣﺎ ﺑﻘﺔ ﺷﻲ ﻋﻠﻰ
ﻋﺮﺳﻬﺎ
ﻭﺍﻧﻲ ﺑﻌﺪﻧﻲ ﺑﺎﻟﻲ ﻣﺸﻐﻮﻝ ﻋﻠﻰ ﺭﻧﺎ ﺍﻟﻲ ﺟﻬﺎﺯﻫﺎ ﺍﻧﻐﻠﻖ
ﻭﻣﺎﺟﺎﻱ ﺑﻨﻔﺘﺢ ﺩﺧﻠﻴﻚ ﺭﺑﻲ ﻟﻴﺶ ﻫﻴﺞ ﺷﺼﺎﻳﺮ ﻭﻳﺎﻫﺔ ﻫﻲ ﺍﺑﺪ ﻣﺎ ﮔﻄﻌﺖ ﻋﻨﻲ
ﻭﻧﻮﺏ ﺍﻧﻲ ﻣﺎ ﺍﻋﺮﻑ ﺭﻗﻢ ﺯﻭﺟﻬﺎ ﻭﻻ ﺍﻋﺮﻑ ﺭﻗﻢ ﺍﺣﺪ ﻳﻘﺮﺑﻠﻬﺎ ﺣﺘﻰ ﺍﻃﻤﻦ ﻋﻠﻴﻬﺎ
ﻭﺻﺮﺕ ﻛﻞ ﻳﻮﻡ ﻣﻦ ﻳﺠﻲ ﻋﻠﻴﺔ ﺍﻟﺨﻂ ﺍﺷﻮﻑ ﺣﺴﺎﻡ ﻳﺎﺧﺬ ﺍﺑﻨﺔ ﻟﻠﺮﻭﺿﺔ
ﻭﺻﺎﺭ ﻋﺪﻧﺎ ﺗﻌﻮﺩ ﺍﻥ ﻻﺯﻡ ﺍﺷﻮﻓﺔ ﻭﻳﺸﻮﻓﻨﻲ ﻭﻧﺘﺒﺎﺩﻝ ﺍﻟﻨﻈﺮﺍﺕ ﺍﻟﻤﺤﻤﻠﺔ ﺑﺎﻟﻠﻬﻔﺔ ﻛﻞ ﻳﻮﻡ
ﻟﻜﻦ ﺍﻟﻴﻮﻡ ﻭﻻﻭﻝ ﻣﺮﺓ ﺍﺷﻮﻓﺔ ﺍﺑﺘﺴﻤﻠﻲ
ﻭﺍﻧﻲ ﺍﺑﺘﺴﻤﺘﻠﺔ
ﺑﺲ ﻋﻮﺩﻙ ﺷﻨﻮ ﺍﺣﺲ ﺭﻭﺣﻲ ﺍﺳﻌﺪ ﻭﺣﺪﺓ ﺑﺎﻟﻌﺎﻟﻢ
ﺻﻌﺪﺕ ﺑﺎﻟﺴﻴﺎﺭﺓ ﻭﺷﻔﺖ ﺍﺳﺮﺍﺀ ﺑﻨﺖ ﻋﻤﻮ ﻭﺟﻬﺔ ﺍﺻﻔﺮ ﺩﺧﻠﺖ ﻟﺒﻴﺖ ﺟﺪﻱ
ﺍﺳﺘﻐﺮﺑﺖ ﺷﻌﻨﺪﻫﺎ ﺟﺎﻳﺔ ﻣﻦ ﺍﻟﺼﺒﺢ ﻭﺷﻔﺖ ﺳﻴﺎﺭﺓ ﺣﺴﺎﻡ ﺍﺗﺤﺮﻛﺖ ﻭﻋﺒﺮﺕ ﺳﻴﺎﺭﺓ ﺍﻟﺨﻂ ﻭﺭﺍﺡ ﻛﺒﻞ ﻭﺍﻓﺘﺮﻗﺖ ﺍﻟﻄﺮﻕ
ﻭﺻﻠﻨﺎ ﻟﻠﻜﻠﻴﺔ
ﻧﺰﻟﺖ ﻭﺻﻠﺖ ﻟﺒﺎﺏ ﺍﻟﻜﻠﻴﺔ
ﻭﺟﺎﻥ ﺗﻄﺒﻚ ﻋﻠﻴﺔ ﺳﻴﺎﺭﺗﻴﻦ ﻧﺰﻟﻮ ﻣﻨﻪ ﺛﻨﻴﻦ ﻻﺑﺴﻴﻦ ﺯﻱ ﻋﺴﻜﺮﻱ
- ﺍﻧﺘﻲ ﻓﺮﺡ ﻣﻨﺬﺭ ﺻﺎﻟﺢ
ﻓﺮﺡ ﺑﺴﺘﻐﺮﺍﺏ - ﺍﻱ ﻧﻌﻢ ﺍﻧﻲ ﻓﺮﺡ
- ﺍﺗﻔﻀﻠﻲ ﻭﻳﺎﻧﺔ ﻟﻠﻤﺮﻛﺰ ﻟﻼﺳﺘﺠﻮﺍﺏ
- ﺍﻛﺪﺭ ﺍﻋﺮﻑ ﻋﺸﻨﻮ
- ﺍﺗﻔﻀﻠﻲ ﻭﻳﺎﻧﺔ ﻭﺍﻧﺘﻲ ﻫﻨﺎﻙ ﺗﻌﺮﻓﻴﻦ
- ﺯﻳﻦ ﺑﺲ ﺍﻧﺘﻈﺮﻭﻧﻲ ﺍﺗﺼﻞ ﻋﻠﻰ ﺍﻫﻠﻲ ﺣﺘﻰ ﻳﺠﻮﻥ ﻭﻳﺎﻱ
ﺣﺠﺔ ﻭﺍﺣﺪ ﻣﻨﻬﻢ - ﻣﻴﺤﺘﺎﺝ ﺍﺻﻼ ﺍﺑﻦ ﻋﻤﺞ ﻋﻠﻲ ﺗﻮﻓﻴﻖ ﺭﺍﺡ ﻳﻜﻮﻥ ﻫﻨﺎﻙ
ﻣﻦ ﺳﻤﻌﺖ ﺍﺳﻢ ﻋﻠﻲ ﺍﺭﺗﺎﺣﻴﺖ
ﻭﺭﺣﺖ ﺭﻛﺒﺖ ﻭﻳﺎﻫﻢ ﺑﺎﻟﺴﻴﺎﺭﺓ ﻭﺷﻔﺖ ﺍﻳﻬﺎﺏ ﻣﻦ ﺑﻌﻴﺪ ﺍﺟﺔ ﻳﺮﻛﺾ ﺑﺎﺗﺠﺎﻫﻲ ﻭﻳﺄﺷﺮﻟﻲ ﺑﺤﺮﻛﺔ ﻻ ﻻ ﺍﺳﺘﻐﺮﺑﺖ ﻣﺎﻓﺘﻬﻤﺖ ﻋﻠﻴﻪ ﺷﻴﺮﻳﺪ ﻣﺎﻟﺤﻚ ﻳﻮﺻﻞ
ﻻﻥ ﻛﺎﻧﺖ ﺍﻟﺴﻴﺎﺭﺍﺕ ﺍﺗﺤﺮﻛﺖ ﻭﻣﺸﺖ ﺑﻴﻨﺎ
ﺍﻟﺘﻔﺖ ﻋﻠﻴﺔ ﻭﺍﺣﺪ ﻣﻦ ﺍﻟﻀﺒﺎﻁ
- ﺍﻟﻌﻔﻮ ﺍﺧﺘﻲ ﻣﻤﻜﻴﻦ ﺗﺴﻠﻤﻴﻨﺎ ﻧﻘﺎﻟﺞ
ﻓﺮﺡ ﺑﺴﺘﻐﺮﺍﺏ - ﻟﻴﺶ ﺷﺘﺴﻮﻭﻥ ﺑﻲ
- ﺍﺧﺘﻲ ﺍﺟﺮﺍﺀ ﺍﻣﻨﻲ ﻻﺯﻡ ﻧﺘﺨﺬﺓ ﻣﻊ ﺍﻟﻜﻞ
ﻓﺮﺡ ﺍﻗﺘﻨﻌﺖ ﻧﻮﻋﺎً ﻣﺎ ﺑﻜﻼﻣﻪ ﻟﻜﻦ ﺑﺪﺕ ﺗﺪﺧﻞ ﻋﻠﻰ ﮔﻠﺒﻲ ﺍﻭﻝ ﺑﻮﺍﺩﺭ ﺍﻟﺨﻮﻑ ﻣﺎ ﺍﻋﺮﻑ ﻟﻴﺶ
ﺳﻠﻤﺘﺔ ﺍﻟﻨﻘﺎﻝ ﻭﺳﻤﻌﺖ ﺻﻮﺕ ﻧﻘﺎﻟﻲ ﺩﻙ ﻭﺍﻧﺘﺒﻬﺖ ﻋﻠﻴﻪ ﻫﻮ ﻗﻔﻠﺔ
ﻭﺻﺮﺕ ﺍﻧﺘﻈﺮ ﺷﻮﻛﺖ ﻧﻮﺻﻞ ﻟﻠﻤﺮﻛﺰ ﺍﺷﻮ ﻃﻮﻟﻨﺎ ﺷﻨﻮ ﻗﺎﺑﻞ ﺍﻟﻤﺮﻛﺰ ﻫﻴﺞ ﺑﻌﻴﺪ ﻟﻬﺪﺭﺟﺔ
ﻭﺑﺪﺕ ﺍﻟﻮﻗﺖ ﻳﻄﻮﻝ ﺍﻧﻲ ﺯﺍﺩ ﺍﻟﺘﻮﺗﺮ ﻭﺑﺪﺕ ﺍﻻﻓﻜﺎﺭ ﺍﻟﻤﺨﻴﻔﺔ
ﺗﻠﻌﺐ ﺑﻌﻘﻠﻲ ﻭﻛﻠﺶ ﺧﻔﺖ ﺑﻠﺤﻈﺘﻬﺎ ﺣﺴﻴﺖ ﺍﻛﻮ ﺷﻲ ﻏﻠﻂ ﺑﺎﻟﻤﻮﺿﻮﻉ ﺑﻌﺪ ﻣﺎ ﺍﺗﺤﻤﻠﺖ ﺍﺳﻜﺖ
- ﺍﻟﻌﻔﻮ ﺍﺧﻮﻳﺔ ﺍﻧﺘﻮ ﻭﻳﻦ ﻣﺎﺧﺬﻳﻨﻲ ﺗﺮﺓ ﺷﻐﻠﺘﻜﻢ ﻣﻮ ﻣﺮﻳﺤﺔ ﻭﺍﺣﺲ ﺍﻧﺘﻮ ﻣﻮ ﺿﺒﺎﻁ ﺍﺻﻼ
- ﻻﺗﺨﺎﻓﻴﻦ ﻣﺎﻋﻨﺪﺓ ﺷﻲ ﻭﻳﺎﺝ ﺍﺣﻨﺎ ﺷﻐﻠﺘﻨﺎ ﻭﻳﺔ ﺍﻫﻠﺞ ﻭﺣﺴﺎﻡ ﻭﺍﻧﺘﻲ ﺻﻴﺮﻱ ﺣﺒﺎﺑﺔ ﻭﺍﻟﺘﺰﻣﻲ ﺑﺎﻟﻬﺪﻭﺀ ﺣﺘﻰ ﻣﺎ ﺗﺘﺄﺫﻳﻦ
ﻓﺮﺡ ﻭﺑﺨﻮﻑ
ﻋﺰﺓ ﺍﻟﻌﺰﺍﺝ ﻳﻔﺮﺡ
- ﻳﻌﻨﻲ ﺷﻨﻮ ﺍﻧﺘﻮ ﺧﻄﻔﺘﻮﻧﻲ ﺷﺘﺮﺩﻭﻥ ﻣﻨﻲ
ﺻﺎﺭ ﺟﺴﻤﻲ ﻛﻠﺔ ﻳﺮﺟﻒ ﻣﻦ ﺍﻟﻔﺰﻉ ﻻ ﻳﺎﺭﺑﻲ ﺳﺘﺮﻙ ﻻﺗﻮﮔﻌﻨﻲ ﺑﻴﺪ ﻫﺬﻭﻟﻲ
ﻃﺒﻌﺎ ﻋﻘﻠﻲ ﺻﺎﺭ ﺳﺎﺣﺔ ﻣﻦ ﺍﻻﻓﻜﺎﺭ ﺍﻟﻤﺨﻴﻔﺔ ﻭﺍﻟﺘﺨﻤﻴﻨﺎﺕ ﺍﻟﺴﻴﺌﺔ ﺍﻟﺘﺰﻣﺖ ﺍﻟﺼﻤﺖ ﻭﺍﻟﻬﺪﻭﺀ ﻭﺻﺮﺕ ﻛﻞ ﺳﺎﻋﺔ ﺍﺗﺤﺴﺲ ﺍﻟﺴﺠﻴﻦ ﺍﻟﺼﻐﻴﺮﺓ ﺍﻟﻲ ﺑﺎﻟﺠﻮﺭﺍﺏ
ﻃﺎﻝ ﺍﻟﻄﺮﻳﻖ ﻟﺪﺭﺟﺔ ﺣﺴﻴﺖ ﻋﻠﻰ ﺭﻭﺡ ﻧﻌﺴﺖ ﻭﺍﺭﻳﺪ ﺍﻧﺎﻡ
↙️
ﺳﻤﻌﺖ ﻭﺍﺣﺪ ﻣﻨﻬﻢ ﻳﮕﻮﻝ ﻟﺼﺪﻳﻘﺔ ﻳﺎﻟﻠﻪ .
- ﺧﻠﻲ ﻧﻨﻔﺬ ﺍﻟﺨﻄﻮﺓ ﺍﻟﺜﺎﻧﻴﺔ ﻣﻦ ﺍﻟﺨﻄﺔ ﺗﺮﺓ ﺭﺍﺡ ﻧﻮﺻﻞ ﺧﺎﻑ ﺗﻨﺪﻝ ﺍﻟﻤﻜﺎﻥ
- ﻳﺎﻟﻠﻪ ﻣﺎﺷﻲ
ﻓﺮﺡ ﻣﺎﻋﺮﻓﺖ ﺷﻘﺼﺪﻫﻢ
ﺧﻔﺖ ﺧﺎﻑ ﻳﺮﻳﺪ ﻳﺴﻮﻱ ﺑﻴﺔ ﺷﻲﺀ ﻛﺒﻞ ﺭﺟﻌﺖ ﺍﺗﻠﻤﺴﺖ ﺍﻟﺴﺠﻴﻨﺔ ﺍﻟﺼﻐﻴﺮﺓ ﺍﻟﻲ
ﻃﺒﻌﺎ ﺗﻌﻮﺩﺕ ﻋﻠﻴﻬﺎ ﻭﻳﻦ ﻣﺎ ﺍﺭﻭﺡ ﺍﺧﺬﻫﺎ ﻣﻦ ﻛﺪ ﻣﺎ ﺍﺗﻌﺮﺿﺖ ﻟﺼﺪﻣﺎﺕ ﻫﻮﺍﻱ ﺧﻠﺘﻨﻲ ﺩﺍﺋﻤﺎ ﻋﻠﻰ ﺍﻫﺒﺔ ﺍﻻﺳﺘﻌﺪﺍﺩ ﻟﺤﻤﺎﻳﺔ ﻧﻔﺴﻲ ﺑﺤﺎﻟﺔ ﺣﻤﻞ ﺍﻟﺴﻼﺡ ﻟﻼﻣﺎﻥ ﺍﻟﻨﻔﺴﻲ
ﺍﺗﻮﻗﻊ ﻫﺎﻱ ﺣﺎﻟﺘﻲ ﺗﺴﻤﻰ ﺑﺎﻟﺼﺪﻣﺔ ﺍﻟﻨﻔﺴﻴﺔ
ﺍﻟﻤﻬﻢ ﺍﻟﺘﻔﺖ ﻋﻠﻴﺔ ﻭﺍﺣﺪ ﻣﻨﻬﻢ ﻭﺑﻴﺪﺓ ﻣﺮﺵ ﺑﺨﺎﺥ ﺭﺷﺔ ﺑﻮﺟﻬﻲ ﻋﻠﻰ ﺣﻴﻦ ﻏﻔﻠﺔ ﻭﻛﻨﺖ ﻣﺎﻣﺘﻮﻗﻌﺔ ﻫﺬﺍ ﺍﻟﺸﻲ ﻭﺑﻌﺪﻫﺔ ﻣﺎﺣﺴﻴﺖ ﻋﻠﻰ ﺷﻲ
ﺣﺴﺎﻡ
ﺍﻟﺘﻘﻴﺖ ﺍﻟﻴﻮﻡ ﺑﻔﺮﺡ ﻛﺎﻟﻌﺎﺩﺓ ﻣﺜﻞ ﻛﻞ ﻳﻮﻡ ﻻﺯﻡ ﺍﺷﻮﻓﻬﺎ ﺍﻟﺼﺒﺢ ﺻﺮﺕ ﻣﺎ ﺍﻃﻠﻊ ﻟﻠﺸﻐﻞ ﺍﺫﺍ ﻣﺎ ﺍﺻﺒﺢ ﺑﻮﺟﻬﺎ ﺣﺴﻴﺖ ﺍﻥ ﺍﻟﺰﻣﻦ ﻛﺎﻥ ﻛﻔﻴﻞ ﺑﺘﻬﺪﺋﺖ ﻏﻀﺒﻲ ﻣﻦ ﻧﺎﺣﻴﺘﻬﺎ ﻭﺷﻔﺘﻬﺎ ﺷﻠﻮﻥ ﺍﻟﺘﺰﻣﺖ ﺑﻜﻼﻣﻲ ﻭﻧﻬﺖ ﺳﺎﻟﻔﺔ ﺧﻄﻮﺑﺘﻬﺎ ﻣﻦ ﺍﻳﻬﺎﺏ ﻭﺣﺴﻴﺖ ﻋﻠﻴﻬﺎ ﺷﻠﻮﻥ ﺑﺪﺕ ﺗﺘﻘﺮﺏ ﻣﻨﻲ ﻭﺗﺘﻮﺩﺩ ﺍﻟﻲ ﺑﺲ ﺍﻧﻲ ﻛﻨﺖ ﺟﺪﺍً ﻣﻘﻬﻮﺭ ﻣﻨﻬﺎ ﻭﺷﺎﻳﻞ ﺑﮕﻠﺒﻲ ﻋﻠﻴﻬﺎ ﺍﻟﻰ ﻣﺘﻰ ﺗﺒﻘﻰ ﺗﺘﻬﺠﻢ ﻋﻠﻴﺔ ﻭﺗﺼﺪﺭ ﺍﻻﺣﻜﺎﻡ ﺑﺤﻘﻲ ﺣﺘﻰ ﺑﺪﻭﻥ ﻣﺘﺤﺎﻭﻝ ﺗﺠﻲ ﺗﺴﺄﻟﻨﻲ ﺍﻟﻤﻔﺮﻭﺽ ﺍﺣﻨﺎ ﻧﺤﺐ ﺑﻌﺾ ﻭﻣﺘﻔﺎﻫﻤﻴﻦ ﻭﺗﺪﺭﻱ ﻛﻠﺶ ﺯﻳﻦ ﺍﻧﻲ ﺍﺣﺒﻬﺎ ﻭﺣﺠﻴﺘﻬﺎ ﻣﻮ ﺑﺲ ﻣﺮﺓ ﮔﻠﺘﻬﺎ ﺍﻟﻒ ﻣﺮﺓ ﺍﻧﻲ ﺍﺣﺒﺞ ﻳﺎﺑﻨﺖ ﺍﻟﻨﺎﺱ ﻭﻣﺎ ﺑﻌﻴﻨﻲ ﻏﻴﺮﺝ
ﻭﻓﻬﻤﺘﻬﺎ ﺑﺴﺎﻟﻔﺔ ﺍﻟﺼﻮﺭ ﻭﺍﻟﺒﻨﺎﺕ ﺍﻟﻜﻨﺖ ﻣﺘﺰﻭﺟﻬﻦ
ﺑﻌﺪ ﺷﺴﻮﻱ ﺍﻛﺜﺮ ﻣﻦ ﻫﻴﺞ
ﻭﻫﻲ ﺑﻠﺤﻈﺔ ﻭﺣﺪﺓ ﻫﺪﺕ ﻛﻠﺸﻲ ﺳﻮﻳﺘﺔ ﻭﻳﺎﻫﺔ
ﻭﺳﻤﻌﺖ ﻭﺍﻗﺘﻨﻌﺖ ﻭﺍﺻﺪﺭﺕ ﺍﻟﺤﻜﻢ ﺑﺎﺗﺠﺎﻫﻲ ﺑﻤﺠﺮﺩ ﻣﺎ ﺳﻤﻌﺖ ﻭﺣﺪﺓ ﺗﻜﻮﻝ ﻫﺬﺍ ﺯﻭﺟﻲ
ﺍﻭﻙ ﺍﻧﻲ ﻭﻳﺎﺝ ﻳﻔﺮﺡ ﺑﻬﺎﻱ ﺣﻘﺞ ﺍﻥ ﻛﺎﻧﺖ ﻣﺘﺼﻠﺔ ﻣﻦ ﻧﻘﺎﻟﻲ ﻭﺍﻟﺼﻮﺭ ﻛﺎﻧﺖ ﻛﻠﻬﺎ ﺑﺪﺑﻲ ﺍﻱ ﻋﻠﻰ ﺍﻻﻗﻞ ﺗﻌﺎﻱ ﺳﺌﻠﻴﻨﻲ ﺍﻧﺘﻈﺮﻳﻨﻲ ﺍﺟﻲ ﻭﺍﺣﺠﻲ ﻭﻳﺎﻱ ﻳﻌﻨﻲ ﻣﺎ ﺍﺗﻮﻗﻊ ﻣﻜﺪﺭﺕ ﺗﺼﺒﺮ ﻋﺸﺮ ﺍﻳﺎﻡ ﻋﻠﻴﺔ ﺣﺘﻰ ﺗﻔﺘﻬﻢ ﻣﻨﻲ ﺷﺴﺎﻟﻔﺔ ﻭﺍﻧﻲ ﻫﻢ ﻛﻨﺖ ﻏﻠﻄﺎﻥ ﻣﺎ ﺍﺗﻮﺍﺻﻠﺖ ﻭﻳﺎﻫﺔ ﻟﻜﻦ ﻛﻨﺖ ﻣﺘﺄﻛﺪ ﺍﻥ ﻫﻲ ﺳﻤﻌﺖ ﺑﺄﺧﺘﻔﺎﺀ ﻧﻘﺎﻟﻲ ﻭﺟﻨﺖ ﻣﺘﺄﻛﺪ ﻣﺮﺗﺎﺡ ﻭﻣﻄﻤﻦ ﺍﻥ ﺳﺎﻟﻔﺔ ﺍﻟﺨﻄﻮﺑﺔ ﻣﻦ ﺍﻳﻬﺎﺏ ﺍﻧﺘﻬﺖ
ﻻﻥ ﻗﺒﻞ ﻻ ﺍﺳﺎﻓﺮ ﺗﺮﻛﺘﻬﺎ ﻭﺍﺣﻨﺎ ﻣﺘﻔﻘﻴﻦ ﻋﻠﻰ ﺍﻟﺰﻭﺍﺝ ﻭﻛﻨﺎ ﺣﺒﺎﻳﺐ ﻭﻣﺎﺑﻴﻨﺎ ﺷﻲ ﻳﻌﻨﻲ ﻣﺎﺧﻠﻴﺖ ﻭﺍﺣﺪ ﺑﺎﻟﻤﻴﺔ ﺍﻥ ﺍﻛﻮ ﻭﺍﺣﺪ ﻛﺎﻥ ﻳﺤﻮﻙ ﻣﺆﺍﻣﺮﺓ ﺿﺪﻱ ﺍﺥ ﺍﻟﻠﻪ ﻟﻮﺑﺲ ﺍﻋﺮﻑ ﻫﺬﺍ ﻣﻨﻮ ﺍﻟﻲ ﻳﺸﺘﻐﻞ ﺿﺪﻱ ﻭﻳﺔ ﻫﺎﻟﺔ ﻭﻣﺨﻠﻴﻬﺎ ﺗﻌﺮﻑ ﺑﻜﻞ ﺗﺤﺮﻛﺎﺗﻲ ﻳﻌﻨﻲ ﺍﻟﻌﺠﻴﺐ ﺑﺎﻻﻣﺮ ﻣﺤﺪ ﻳﻌﺮﻑ ﺍﻧﻲ ﻭﻓﺮﺡ ﺭﺍﺡ ﻧﺮﺟﻊ ﻟﺒﻌﺾ ﻏﻴﺮﻱ ﺑﺲ ﺍﻧﻲ ﻭﻓﺮﺡ
ﻳﻌﻨﻲ ﻫﺎﻟﺔ ﻣﺎﻇﻬﺮﺕ ﺑﺤﻴﺎﺗﻲ ﺍﻻ ﻣﻦ ﺍﻧﻲ ﻭﻓﺮﺡ ﻗﺮﺭﻧﺎ ﻧﺮﺟﻊ ﻟﺒﻌﺾ
ﻭﺍﻟﻠﻪ ﺷﻐﻠﺔ ﺗﻮﮔﻒ ﺍﻟﻌﻘﻞ ﺭﺍﺡ ﺍﺗﺨﺒﻞ ﻣﻨﻮ ﺍﻻ ﺍﻳﺪ ﺑﺎﻟﺴﺎﻟﻔﺔ ﻭﺷﻨﻮ ﻣﺼﻠﺤﺘﺔ ﺑﺎﻟﻠﻪ ﺍﻓﺘﻬﻤﺖ ﻫﺎﻟﺔ ﺗﻨﺘﻘﻢ ﻣﻨﻲ ﺯﻳﻦ ﺍﻟﺜﺎﻧﻲ ﺷﻨﻮ ﻏﺎﻳﺘﺔ ﺑﺄﺫﻳﺘﻲ
ﻭﺍﻧﻲ ﺑﺎﻟﻄﺮﻳﻖ ﺭﺍﻳﺢ ﻟﻠﺸﻐﻞ ﺑﻌﺪ ﻣﺎ ﻭﺩﻋﺖ ﻓﺮﺡ ﺑﻨﻈﺮﺍﺗﻲ ﻭﺍﺑﺘﺴﻤﺖ ﺍﻟﻬﺔ ﻭﺍﺑﺘﺴﻤﺘﻠﻲ ﻇﻠﻴﺖ ﺍﻣﺸﻲ ﻣﻊ ﺳﻴﺎﺭﺕ ﺍﻟﺨﻂ ﻣﺎﻟﺘﻬﺔ ﻟﺤﺪ ﻣﺎ ﺍﻓﺘﺮﻗﺖ ﺍﻟﻄﺮﻕ
ﻭﺭﺣﺖ ﻟﻠﻤﻌﺮﺽ ﺑﺲ ﺩﻙ ﻧﻘﺎﻟﻲ
- ﺍﻟﻮ ﻫﻠﺔ ﻋﻠﻲ ﺷﻨﻮ ﺷﻨﻮ ﺷﻠﻮﻥ ﻫﺎﻱ ﺷﻮﻛﺖ
ﻻﺑﺮﺑﻚ ﺳﺘﻮﻧﻲ ﺷﻔﺘﻬﺎ ﻣﺎ ﺻﺎﺭﻟﻲ ﻧﺺ ﺳﺎﻋﺔ ﺍﻧﺖ
ﺷﺘﺤﺠﻲ
ﻋﻠﻲ - ﺣﺴﺎﻡ ﺧﻞ ﻧﻠﺤﮓ ﻋﻠﻰ ﻓﺮﺡ ﺗﺮﺓ ﻋﻤﻲ ﻧﺒﻴﻞ ﺭﺍﺡ ﻳﺨﻄﻔﻬﺎ ﻭﺍﻟﺴﺎﻟﻔﺔ ﻛﻠﺶ ﺟﺒﻴﺮﺓ ﻓﻮﻙ ﻣﺘﺘﺼﻮﺭ
ﺣﺴﺎﻡ ﻭﻛﻔﺖ ﺍﻟﺴﻴﺎﺭﺓ ﺑﺎﻟﻄﺮﻳﻖ ﺍﺣﺲ ﮔﻠﺒﻲ ﺭﺍﺩ ﻳﻄﻠﻊ ﻣﻦ ﻇﻠﻮﻋﻲ
- ﻋﻠﻲ ﻣﻨﻮ ﻛﻠﻚ ﻫﺬﺍ ﺍﻟﺤﺠﻲ ﻣﻨﻴﻦ ﺟﺒﺖ ﻫﺎﻱ ﺍﻟﻤﻌﻠﻮﻣﺎﺕ
ﻋﻠﻲ - ﺣﺴﺎﻡ ﻫﺴﺔ ﻣﻮ ﻭﻛﺖ ﺍﺳﺌﻠﺔ ﺍﻛﻠﮓ ﺧﻞ ﻧﻠﺤﻚ ﻋﻠﻰ ﻓﺮﺡ ﻻﻥ ﺍﺣﺘﻤﺎﻝ ﻳﺨﻄﻔﻮﻫﺎ ﻣﻦ ﺍﻟﻜﻠﻴﺔ ﻻﻥ ﺍﺳﺮﺍﺀ ﻣﺬﻛﺮﺕ
ﺍﺑﻮﻫﺎ ﻣﻦ ﺍﻱ ﻣﻜﺎﻥ ﻧﺎﻭﻱ ﻳﺨﻄﻒ ﻓﺮﺡ
ﺣﺴﺎﻡ ﻭﺑﺪﺓ ﺍﻟﺨﻮﻑ ﻳﻨﺘﺸﺮ ﺑﺠﻤﻴﻊ ﺍﻧﺤﺎﺀ ﺟﺴﻤﻪ
- ﻳﺎﻟﻠﻪ ﻳﺎﻟﻠﻪ ﺭﺍﺡ ﺍﺗﺼﻞ ﻋﻠﻰ ﻓﺮﺡ ﺑﺴﺮﻋﺔ ﺳﺪ ﺍﻟﻨﻘﺎﻝ
ﻋﻠﻲ - ﻳﺎﻟﻠﻪ ﻟﻌﺪ ﺍﻧﻲ ﺭﺍﺡ ﺍﺗﺼﻞ ﻋﻠﻰ ﺍﻳﻬﺎﺏ ﺑﻠﻜﻲ ﻳﻠﺤﻚ ﻳﻨﺘﺒﻪ ﻋﻠﻴﻬﺎ
ﻏﻠﻘﺖ ﺍﻟﻨﻘﺎﻝ ﻣﻦ ﻋﻠﻲ ﻭﺍﻳﺪﻳﺔ ﺑﺪﺕ ﺗﺮﺟﻒ ﺍﺭﻳﺪ ﺍﺩﻭﺭ ﻋﻠﻰ ﺍﺳﻢ ﻓﺮﺡ ﻭﺍﺣﺼﻠﺔ ﻭﺍﻟﻠﻪ ﻭﺑﺴﺮﻋﺔ ﺍﺗﺼﻠﺖ ﻭﻫﻨﺎ ﺍﺟﻴﺖ ﺍﺗﺨﺒﻞ ﻭﻋﻘﻠﻲ ﺷﺪﻩ ﺍﻻﺗﺼﺎﻝ ﺍﻧﻘﻄﻊ ﻭﺑﻌﺪﻫﺎ ﻋﺪﺕ ﻣﺤﺎﻭﻟﺔ ﺍﻻﺗﺼﺎﻝ ﺍﻧﻄﺎﻧﻲ ﺍﻟﺠﻬﺎﺯ ﻣﻐﻠﻖ
ﺭﺟﻌﺖ ﺍﺗﺼﻠﺖ ﻋﻠﻰ ﻋﻠﻲ ﺑﻠﻜﻲ ﺣﺼﻞ ﺍﻳﻬﺎﺏ
- ﺍﻟﻮ ﻫَـﺎ ﻋﻠﻲ ﺑﺸﺮ ﺷﻨﻮ ﺣﺠﻴﺖ ﻭﻳﺔ ﺍﻳﻬﺎﺏ ﺗﺮﻙ ﻓﺮﺡ ﺍﺗﺼﻠﺖ ﻋﻠﻴﻬﺎ ﻭﺟﻬﺎﺯﻫﺎ ﺩﻙ ﻭﻧﻮﺏ ﺻﺎﺭ ﻣﻐﻠﻖ
ﻋﻠﻲ ﻭﺑﺨﻮﻑ ﻋﻠﻰ ﺑﻨﺖ ﻋﻤﺔ
- ﺣﺴﺎﻡ ﻓﺮﺡ ﺍﻧﺨﻄﻔﺖ ﺍﻳﻬﺎﺏ ﺷﺎﻓﻬﺎ ﺭﻛﺒﺖ ﻣﻊ ﺍﺛﻨﻴﻦ ﻧﺰﻟﻮ ﻣﻦ ﺍﻟﺴﻴﺎﺭﺓ ﻭﻛﺎﻧﻮ ﻻﺑﺴﻴﻦ ﺯﻱ ﺿﺒﺎﻁ
ﻭﺣﺴﺐ ﻛﻼﻡ ﺻﺪﻳﻘﺘﻬﺎ ﺍﻥ ﻫﻤﺔ ﺣﺠﻮ ﻭﻳﺔ ﻓﺮﺡ
ﻋﻠﻰ ﺍﺳﺎﺱ ﺍﻥ ﻫﻲ ﻣﻄﻠﻮﺑﺔ ﻟﻠﺘﺤﻘﻴﻖ ﻭﻃﻤﻨﻮﻫﺎ ﺍﻥ ﺍﻧﻲ ﺍﺑﻦ ﻋﻤﻬﺎ ﺭﺍﺡ ﺍﻛﻮﻥ ﻫﻨﺎﻙ ﻣﻨﺘﻈﺮﻫﺎ ﺑﺎﻟﻤﺮﻛﺰ ﻭﻫﻲ ﺍﻃﻤﺌﻤﻨﺖ ﺍﻟﻬﻢ ﻭﺭﺍﺣﺖ ﺭﻛﺒﺖ ﻭﻳﺎﻫﻢ ﺑﺎﻟﺴﻴﺎﺭﺓ ﻭﺑﺎﺛﻨﺎﺀ ﺍﺗﺼﺎﻟﻲ ﻣﻊ ﺍﻳﻬﺎﺏ ﺭﺍﺡ ﺭﻛﺾ ﻋﻠﻴﻬﺎ ﺣﺘﻰ ﻳﻤﻨﻌﻬﺎ ﻟﻜﻦ ﻫﻲ ﻣﻨﺘﺒﻬﺖ ﻋﻠﻴﻪ ﻭﻣﻦ ﻭﺻﻞ ﻟﻤﻜﺎﻧﻬﻢ ﻛﺎﻧﺖ ﺍﻟﺴﻴﺎﺭﺓ ﻣﺘﺤﺮﻛﺔ ﻭﻣﺎﺷﻴﺔ ﺑﻌﻴﺪ ﻋﻨﺔ ﻣﻊ ﺍﻻﺳﻒ ﻣﺎﻟﺤﮓ ﻋﻠﻴﻬﻢ
ﺣﺴﺎﻡ ﺣﺴﻴﺖ ﺍﻟﺰﻣﻦ ﺗﻮﻗﻒ ﻭﺑﺮﺩﺕ ﺍﻃﺮﺍﻓﻲ ﺑﻮﻗﺘﻬﺎ ﻋﺮﻓﺖ ﻋﻨﺪﻣﺎ ﻳﺠﺘﻤﻊ ﺷﻌﻮﺭ ﺍﻟﺠﺰﻉ ﻭﺍﻟﺨﻮﻑ ﺳﻮﻑ ﺗﺆﺩﻱ ﺍﻟﻰ ﺩﻓﻌﻚ ﺑﻜﻞ ﻗﻮﺓ ﺍﻟﻰ ﺣﺎﻓﺔ ﺍﻟﻬﺎﻭﻱ ﻭﺑﻮﻗﺘﻬﺎ ﺭﺍﺡ ﻳﻜﻮﻥ ﺳﻘﻮﻃﻚ ﻣﻦ ﻋﻠﻰ ﺣﺎﻓﺔ ﺍﻟﻬﺎﻭﻱ ﺷﻲ ﺍﻛﻴﺪ
ﺣﺴﺖ ﺍﻛﻮ ﺣﺼﺮﺓ ﺑﮕﻠﺒﻲ ﺻﺎﺭﺕ ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﮔﻌﺪﺕ ﺑﺎﻟﮕﺎﻉ
ﺣﺴﺎﻡ ﻭﻫﻮ ﺑﺼﻴﺢ ﺑﻌﺎﻟﻲ ﺻﻮﺗﺔ
- ﺍﺥ ﺍﻟﻠﻪ ﻻﺍﺍﺍﺍﺍﺍﺍﺍﺍﺍ ﻳﺎﺭﺑﻲ ﺍﻻ ﻓﺮﺡ ﺍﻻ ﻓﺮﺡ
↙️
ﻓﺮﺡ
ﻭﻋﻴﺖ ﻋﻠﻰ ﻧﻔﺴﻲ ﻭﺣﺴﻴﺖ ﺍﺩﻳﺔ ﻣﺮﺑﻄﺔ ﻭﻋﻴﻮﻧﻲ ﻣﻌﺼﺒﺔ ﻭﻧﺎﻳﻤﺔ ﻋﺎﻟﻜﺎﻉ ﻋﺪﻟﺖ ﻧﻔﺴﻲ ﻻﻥ ﺭﺟﻠﻴﺔ ﻛﺎﻧﺖ ﺣﺮﺓ ﻏﻴﺮ ﻣﻘﻴﺪﺓ ﻭﮔﻤﺖ ﻭﻛﻔﺖ ﺻﺮﺕ ﺍﺗﺤﺮﻙ ﺑﺎﻟﻤﻜﺎﻥ ﻣﺜﻞ ﺍﻟﻌﻤﻴﺔ ﻭﺍﻧﻀﺮﺑﺖ ﺑﻮﺟﻬﻲ ﺑﺎﻟﺤﺎﻳﻂ ﻭﻛﻤﺖ ﺍﻣﺸﻲ ﻋﻠﻰ ﻛﻴﻒ ﺑﻤﻮﺍﺯﺍﺓ ﺍﻟﺤﺎﻳﻂ ﻛﻨﺖ ﺍﺣﺎﻭﻝ ﺍﺳﺘﻄﻠﻊ ﺍﻟﻤﻜﺎﻥ ﺍﻟﻲ ﺍﻧﻲ ﺑﻲ ﻭﻣﺎﻋﻨﺪﻱ ﺍﻱ ﻭﺳﻴﻠﺔ ﺗﺨﻠﻴﻨﻲ ﺍﻋﺮﻑ ﺍﻧﻲ ﻭﻳﻦ ﻭﺷﻨﻮ ﻳﺤﻴﻂ ﺩﺍﻳﺮ ﻣﺪﺍﻳﺮﻱ ﻛﺎﻧﺖ ﺍﻟﻌﻴﻮﻥ ﻭﺍﻻﻳﺪﻳﻦ ﻣﻘﻴﺪﺍﺕ ﻛﺎﻧﺖ ﺑﺲ ﺭﺟﻠﻴﺔ ﺣﺮﺓ . ﻭﺑﻘﻴﺖ ﺍﺗﺤﺮﻙ ﻋﻠﻰ ﻛﻴﻒ ﻭﻛﺘﻔﻲ ﻣﻼﺻﻖ ﻟﻠﺤﺎﻳﻂ ﺑﻌﺪﻳﻦ ﺣﺴﻴﺖ ﺑﺘﻐﻴﻴﺮ ﻣﺴﺎﺭ ﺍﻟﺤﺎﻳﻂ ﻫﺎﺍ
ﻫﺬﺍ ﺭﻛﻦ ﺍﻟﻐﺮﻓﺔ ﻳﻌﻨﻲ ﻻﺯﻡ ﺍﻋﻜﺲ ﻭﺍﺳﺘﻤﺮﻳﺖ ﺑﺎﻟﺤﺮﻛﺔ ﻟﺤﺪ ﻣﺎ ﺻﺎﺩﻓﺖ ﺑﻮﺍﺣﺪ ﻣﻦ ﺍﻟﺤﻴﻄﺎﻥ ﺑﺎﺏ
ﺩﺭﺕ ﺟﺴﻤﻲ ﻭﺗﻜﺄﺕ ﻋﻠﻰ ﺍﻟﺒﺎﺏ ﻣﻦ ﺟﻬﺖ ﺍﻟﻈﻬﺮ ﻻﻥ ﻛﺎﻧﺖ ﺍﻳﺪﻳﺔ ﻣﻘﻴﺪﺓ ﻟﻠﺨﻠﻒ ﺍﺗﻠﻤﺴﺖ ﺍﻟﺒﺎﺏ ﻛﺎﻥ ﻧﻮﻋﺔ ﺑﺎﺏ ﺣﺪﻳﺪ ﻗﻮﻱ ﺣﺎﻭﻟﺖ ﺍﺗﺤﺴﺲ ﻣﻌﺎﻟﻢ ﺍﻟﺒﺎﺏ ﻻﺣﻈﺖ ﺑﻲ ﺳﺮﻛﻲ )) ﻳﻌﻨﻲ ﺍﻟﻠﺴﺎﻥ ﺍﻟﻲ ﻣﻦ ﻧﺴﺤﺒﺔ ﻟﻠﺨﻠﻒ ﻭﻟﻼﻣﺎﻡ ﻟﻘﻔﻞ ﺍﻟﺒﺎﺏ ((
ﺣﻄﻴﺖ ﺍﺫﻧﻲ ﻋﻠﻰ ﺍﻟﺒﺎﺏ ﻛﺎﻧﺖ ﻫﻨﺎﻙ ﺑﺮﻭﺩﺓ ﻭﺳﻤﻌﺖ ﺻﻮﺕ ﺟﻠﺐ ﻭﺻﻮﺕ ﺻﻴﺎﺡ ﺩﻳﺞ ﺑﻌﻴﺪ
ﻛﻌﺪ ﺩﻣﺎﻏﻲ ﻳﺤﻠﻞ ﻧﻮﻉ ﺍﻟﻤﻜﺎﻥ ﺍﻟﻲ ﺍﻧﻲ ﺑﻲ
ﻭﺗﺒﻴﻦ ﻣﻦ ﺧﻼﻝ ﺑﺤﺜﻲ ﻓﻲ ﺍﻟﻤﻜﺎﻥ ﺍﻥ ﺍﻧﻲ ﻛﺎﻋﺪﺓ ﺑﻐﺮﻓﺔ ﻣﻌﺰﻭﻟﺔ ﺧﺎﺭﺟﻴﺔ ﻟﻴﺴﺖ ﻓﻲ ﺑﻴﺖ ﺍﻭ ﺗﺎﺑﻌﺔ ﻟﺒﻨﺎﻳﺔ ﻻﻥ ﺣﺴﺐ ﻣﻌﻠﻮﻣﺎﺗﻲ ﺍﻟﻄﻔﻴﻔﺔ ﺍﻥ ﻫﺬﺍ ﺍﻟﺒﺎﺏ ﻧﻮﻋﺔ ﺣﺪﻳﺪ ﻭﻣﺤﺪ ﻳﺤﻂ ﺑﺎﺏ ﺣﺪﻳﺪ ﻟﻐﺮﻓﺔ ﺩﺍﺧﻞ ﺍﻟﺒﻨﺎﻳﺔ ﺍﻭ ﺍﻟﻤﻨﺰﻝ ﻫﺎﻱ ﻭﺣﺪﺓ
ﺛﻨﻴﻦ ﺑﻤﺎ ﺍﻥ ﺍﻟﺒﺎﺏ ﺑﺎﺭﺩ ﻭﺻﻮﺕ ﺍﻟﻜﻠﺐ ﻭﺍﻟﺪﻳﻚ ﻳﺪﻝ ﻋﻠﻰ ﺍﻥ ﺍﻟﻐﺮﻓﺔ ﺧﺎﺭﺟﻴﺔ ﻣﻌﺰﻭﻟﺔ ﻏﻴﺮ ﻣﺘﺼﻠﺔ ﻣﻊ ﺍﻟﺒﻴﺖ ﺍﻭ ﺍﻟﺒﻨﺎﻳﺔ
ﺍﻭ ﺑﺎﻻﺣﺮﻯ ﺍﻟﻐﺮﻓﺔ ﻫﺎﻱ ﻣﻮﺟﻮﺩﺓ ﻓﻲ ﻣﺰﺭﻋﺔ ﻭﺍﻟﻠﻪ ﺍﻋﻠﻢ
ﺭﺣﺖ ﺍﺗﺎﺑﻊ ﺭﺣﻠﺔ ﺍﻟﺒﺤﺚ ﻟﻜﻦ ﻫﺎﻱ ﺍﻟﻤﺮﺓ ﺍﺗﺨﻠﻴﺖ ﻋﻦ ﻟﻤﺲ ﺍﻟﺠﺪﺭﺍﻥ ﻭﺍﺻﻄﺪﻣﺖ ﺑﺒﺤﺒﺎﻝ ﻣﻌﻠﻘﺔ ﻧﺎﺯﻟﺔ ﻣﻦ ﺍﻟﺴﻘﻒ
ﺍﺗﻮﺻﻠﺖ ﺍﻟﻰ ﺍﺳﺘﻨﺘﺎﺝ ﺍﻥ ﻫﺎﻱ ﺍﻟﻐﺮﻓﺔ ﻣﺨﺼﺼﺔ ﻟﺨﻄﻒ ﺍﻟﺮﺍﻫﺎﺋﻦ ﻋﺰﺓ ﻳﻌﻨﻲ ﺍﻧﻲ ﺭﻫﻴﻨﺔ ﺑﺲ ﻫﺴﺔ ﺑﻴﺶ ﺍﻟﺴﺎﻋﺔ ﻭﺍﻧﻲ ﺷﻜﺪ ﺑﻘﻴﺖ ﻋﻠﻰ ﻫﺬﺍ ﻭﺿﻌﻲ
ﻭﺣﺴﻴﺖ ﻣﻌﺪﺗﻲ ﺻﺎﺣﺖ ﻣﻦ ﺍﻟﺠﻮﻉ ﺍﻭﻑ ﻳﻤﺔ
ﻭﺍﻟﺠﻮ ﮔﻌﺪ ﻳﺒﺮﺩ ﺑﺎﻟﺰﺍﻳﺪ
ﺍﺣﺘﻤﺎﻝ ﺍﻟﻮﻗﺖ ﻟﻮ ﻓﺠﺮ ﻟﻮ ﻟﻴﻞ ﻻﻥ ﺻﺎﺭﺕ ﺑﺮﻭﺩﺓ ﻗﺎﺭﺻﺔ
ﺍﻭﻑ ﻭﺍﻟﻠﻪ ﻳﺎﺭﺑﻲ ﺍﺣﺲ ﺑﺮﻭﺣﻲ ﺻﺮﺕ ﺍﻟﻤﺤﻘﻖ ﻛﻮﻧﺎﻥ
ﻭﺍﻟﻠﻪ ﺣﺘﻰ ﻛﺴﺮﺕ ﻋﻠﻴﻪ
ﺳﻤﻌﺖ ﺍﺻﻮﺍﺕ ﺍﻗﺪﺍﻡ ﻗﺮﻳﺒﺔ ﻋﻠﻰ ﺍﻟﺒﺎﺏ ﺭﺣﺖ ﺭﺟﻌﺖ ﻋﻠﻰ ﻧﻔﺲ ﻣﻜﺎﻧﻲ ﻭﺳﻮﻳﺖ ﻧﻔﺴﻲ ﻧﺎﻳﻤﺔ ﺑﺎﻟﮕﺎﻉ
ﺳﻤﻌﺖ ﺍﻟﺒﺎﺏ ﺍﻧﻔﺘﺢ ﻭﺍﻧﻲ ﮔﻠﺒﻲ ﺍﺣﺲ ﺻﻌﺪ ﻟﺒﻠﻌﻮﻣﻲ ﻣﻦ ﺳﺮﻋﺔ ﺍﻟﻨﺒﺾ
- ﺍﻫﻮﻭﻭ ﻫﺎﻱ ﺑﻌﺪﻫﺎ ﻧﺎﻳﻤﺔ ﻭﻟﻚ ﺷﻜﺪ ﺧﻠﻴﺘﻠﻬﺎ ﻣﺨﺪﺭ
- ﻣﺎ ﺣﻄﻴﺖ ﻫﻮﺍﻱ ﺑﺲ ﺭﺷﻴﺖ ﻋﻠﻰ ﻭﺟﻬﺎ ﺛﻼﺙ ﻣﺮﺍﺕ
ﺑﺲ ﺗﻠﻜﺎﻫﺔ ﮔﻌﺪﺕ ﻭﺭﺟﻌﺖ ﻧﺎﻣﺖ
- ﺍﻛﻠﻚ ﺍﺗﺮﻙ ﺻﻴﻨﻴﺔ ﺍﻻﻛﻞ ﻫﻨﺎ ﻭﻫﻲ ﻣﻦ ﺗﮕﻌﺪ ﺗﺎﻛﻞ
ﺑﺲ ﻓﻚ ﺍﻳﺪﻳﻬﺔ
ﺣﺴﻴﺖ ﻋﻠﻰ ﻭﺍﺣﺪ ﺍﻗﺘﺮﺏ ﻣﻨﻲ ﻭﺍﻧﻲ ﺟﻤﺪﺕ ﺑﻤﻜﺎﻧﻲ
ﻭﻛﻌﺪﺕ ﺍﺭﺩﺩ ﺑﮕﻠﺒﻲ ( ﻭﺟﻌﻠﻨﺎ ﻣﻦ ﺑﻴﻦ ﺍﻳﺪﻳﻬﻢ ﺳﺪﺍً ﻭﻣﻦ ﺧﻠﻔﻬﻢ ﺳﺪﺍً ﻓﺄﻏﺸﻴﻨﺎﻫﻢ ﻓﻬﻢ ﻻﻳﺒﺼﺮﻭﻥ ) ﺻﺎﺭﺕ ﻣﻬﻤﺘﻲ ﺟﺪﺍ ﺻﻌﺒﺔ ﺍﻥ ﻻﺯﻡ ﺍﻣﺜﻞ ﺩﻭﺭ ﺍﻟﻨﺎﻳﻤﺔ ﻭﻻﺯﻡ ﻣﺎ ﺍﺧﻠﻲ ﻳﺤﺲ ﺑﻴﺔ ﺍﻧﻲ ﺻﺎﺣﻴﺔ ﻭﻫﻮ ﺭﺍﺡ ﻳﻘﺘﺮﺏ ﻣﻨﻲ ﻭﺭﺍﺡ ﻳﻠﺰﻣﻨﻲ ﻳﺎﻟﻠﻪ ﺍﻣﺘﺤﺎﻧﻚ ﺻﻌﺐ
ﺩﻧﻚ ﺑﺘﺠﺎﻫﻲ ﻭﮔﻌﺪ ﻳﻔﺘﺢ ﺑﺎﻟﺤﺒﻞ ﺍﻟﻤﺸﺪﻭﺩ ﺣﻮﻝ ﺍﺩﻳﺔ
ﻭﺑﻌﺪﻫﺎ ﺣﺴﻴﺖ ﺍﻃﻠﻖ ﺳﺮﺍﺡ ﺍﺩﻳﺔ ﻣﻦ ﺍﻟﺤﺒﻞ
ﺣﺴﻴﺖ ﺍﻳﺪﻩ ﺗﺘﻠﻤﺲ ﺑﻮﺟﻬﻲ ﻭﻗﺮﺏ ﻧﻔﺴﻪ ﻋﻠﻰ ﻭﺟﻬﻲ
ﻛﻤﺰﺕ ﻭﻛﻮﺓ ﻟﺰﻣﺖ ﺭﻭﺣﻲ ﻭﺑﻘﻴﺖ ﻣﺘﻤﺎﺳﻜﺔ ﺣﺘﻰ ﻣﺎ ﺍﺻﺮﺥ ﻣﻦ ﺍﻟﻬﻠﻊ ﻭﺍﻟﺨﻮﻑ
- ﻫَـﺎ ﺳﺎﻟﻢ ﺑﺪﺕ ﺭﺣﻤﺔ ﺍﻟﻠﻪ ﺩﻋﻮﻑ ﺍﻟﺒﻨﻴﺔ ﺗﺮﺓ ﻫﺎﻱ ﻣﻮ ﺍﻟﻨﺎ ﻫﺎﻟﻤﺮﺓ
ﻭﻟﻚ ﻫﺎﻱ ﺍﺫﺍ ﻳﺼﻴﺮ ﺑﻴﻬﺎ ﺧﺪﺵ ﻧﺮﻭﺡ ﻛﻠﻨﺎ ﻭﺭﺓ ﺍﻟﺸﻤﺲ
- ﺍﺥ ﺑﻮﻳﺔ ﺩﺷﻮﻑ ﺷﻮﻑ ﺷﻠﻮﻥ ﺟﻤﺎﻝ ﺧﺮﺏ ﺑﺎﻟﺤﻆ
- ﺩﻣﺸﻲ ﻳﺎﻟﻠﻪ ﻋﻮﻓﻬﺎ ﺧﻞ ﻧﺮﻭﺡ ﺗﺮﺓ ﺍﺟﺘﻨﺎ ﺍﻭﺍﻣﺮ ﻻﺯﻡ ﻧﺸﺪﺩ ﻋﻠﻰ ﺍﻟﺤﺮﺍﺳﺔ
ﺣﺴﻴﺖ ﻋﻠﻴﻬﻢ ﺟﺎﻱ ﻳﻤﺸﻮﻥ ﺑﺘﺠﺎﻩ ﺍﻟﺒﺎﺏ ﻭﻳﺴﻮﻟﻔﻮﻥ
ﻓﺘﺤﻮﺍ ﺍﻟﺒﺎﺏ ﺣﺘﻰ ﻳﻄﻠﻌﻮﻥ ﻭﻛﻤﻞ ﻛﻼﻣﻪ ﻭﻳﺔ ﺻﺎﺣﺒﺔ
ﺳﻤﻌﺘﺔ ﻳﮕﻮﻝ ﻻﺯﻡ ﻳﺸﺪﺩ ﻋﻠﺤﺮﺍﺳﺔ ﻻﻥ ﺭﺍﺡ ﻳﻨﻘﻠﻮﻥ ﺍﻟﺮﻫﻴﻨﺔ ﺍﻟﺜﺎﻧﻴﺔ ﻳﺠﻴﺒﻮﻫﺎ ﻫﻨﺎ
- ﻫَـﺎ ﺯﻳﻦ ﻫﺎﻱ ﺍﻟﺮﻫﻴﻨﺔ ﻫﻢ ﺑﻨﻴﺔ ﻟﻮ ﺭﺟﺎﻝ
ﺳﻤﻌﺖ ﺻﻮﺕ ﻗﻔﻞ ﺍﻟﺒﺎﺏ ﻣﻦ ﺍﻟﺨﺎﺭﺝ
ﻭﺍﺻﺒﺤﺖ ﺍﺻﻮﺍﺗﻬﻢ ﺿﻌﻴﻔﺔ ﺑﺲ ﻛﺎﻥ ﺑﺎﺳﺘﻄﺎﻋﺘﻲ ﺍﺳﻤﻌﻬﻢ
- ﻭﺍﻟﻠﻪ ﻣﺎ ﺍﺩﺭﻱ ﺑﻨﻮﻉ ﺍﻟﺮﻫﻴﻨﺔ ﻣﺮﺓ ﺭﺟﺎﻝ ﻃﻔﻞ ﺷﺎﺏ ﺷﺎﻳﺐ
ﺍﻟﻤﻬﻢ ﻫﻤﺔ ﻛﺎﻟﻮ ﺟﻬﺰﻭ ﻧﻔﺴﻜﻢ ﺍﺣﻨﺎ ﻫﻨﺎ ﻋﺒﺪ ﻣﺄﻣﻮﺭ
ﻭﺍﺻﺒﺤﺖ ﺍﻻﺻﻮﺍﺕ ﺟﺪﺍ ﺑﻌﻴﺪﺓ ﻭﺍﻃﻤﻨﺖ ﺍﻥ ﺍﺻﺒﺢ ﺍﻟﻤﻜﺎﻥ ﻫﺎﺩﻱﺀ ﻛﻌﺪﺕ ﻭﺣﺴﻴﺖ ﺑﺮﻭﺣﻲ ﻛﻨﺖ ﺣﺎﺑﺴﺔ ﺍﻧﻔﺎﺳﻲ ﻣﻦ ﺍﻟﺘﺮﻗﺐ ﻳﻤﺔ ﻭﺍﻟﻠﻪ ﻣﺘﺖ ﺑﺪﻣﻲ ﻳﺎﺭﺑﻲ ﺩﺧﻠﻴﻚ ﺍﺑﻌﺪﻫﻢ ﻋﻨﻲ ﻳﺎﺭﺏ ﺍﺩﻓﻊ ﺍﻟﺒﻼﺀ ﻭﺍﻭﻻﺩ ﺍﻟﺤﺮﺍﻡ ﻣﻦ ﻃﺮﻳﻘﻲ
ﻛﻤﺖ ﻣﺪﻳﺖ ﺍﻳﺪﻱ ﻋﻠﻰ ﺍﻟﻌﺼﺒﺔ ﻭﻧﺰﻟﺘﻬﺔ ﻣﻦ ﻋﻴﻮﻧﻲ ﻭﺍﻧﺘﺒﻬﺖ ﻟﻠﻤﻜﺎﻥ ﺍﻟﻲ ﺍﻧﻲ ﺑﻲ ﻛﺎﻧﺖ ﻏﺮﻓﺔ ﺗﻌﺒﺎﻧﺔ ﻭﻭﻗﺬﺭﺓ ﻭﻣﻌﻠﻚ ﺑﻴﻬﺎ ﺣﺒﺎﻝ ﻭﺍﻧﺘﺒﻬﺖ ﻋﻠﻰ ﺷﺒﺎﻙ ﻟﻜﻦ ﻋﺎﻟﻲ ﻭﺭﺣﺖ ﮔﺒﻞ ﻋﺎﻟﺼﻴﻨﻴﺔ ﻭﺍﻧﻲ ﺍﻓﺮﻙ ﺑﻴﺪﻱ ﺑﻤﻜﺎﻥ ﺷﺪ ﺍﻟﺤﺒﻞ .
ﺭﺣﺖ ﻛﻌﺪﺕ ﻭﺷﻔﺖ ﺷﻨﻮ ﺣﺎﻃﻴﻦ ﺧﺒﺰ ﻭﺭﻭﺑﺔ ﻭﻣﺎﻱ ﻳﺎﻟﻠﻪ ﺍﻧﻌﻢ ﺍﻟﻠﻪ ﺍﺣﺴﻦ ﻣﻦ ﻣﺎﻛﻮ
ﻭﻃﺤﺘﻠﻚ ﻋﻠﻰ ﺍﻟﻤﻮﺟﻮﺩ ﻭﻧﺴﻔﺖ ﺍﻻﻛﻞ ﻧﺴﻒ
ﻭﺷﺮﺑﺖ ﺍﻟﻤﺎﻱ ﻭﻛﻌﺪﺕ ﺍﺗﺨﻴﻞ ﺷﺮﺍﺡ ﻳﺼﻴﺮ ﺑﺨﻮﺍﺗﻲ ﻣﻦ ﻳﺴﻤﻮﻋﻮﻥ ﺍﻧﻲ ﺍﻧﺨﻄﻔﺖ ﻭﺣﺴﺎﻡ ﺷﻨﻮ ﺭﺍﺡ ﺗﻜﻮﻥ ﺭﺩﺕ ﻓﻌﻠﻪ ﺣﺴﻴﺖ ﺑﺎﻟﻨﻌﺎﺱ ﻭﺍﻟﺒﺮﺩ ﺩﻭﺭﺕ ﺑﻌﻴﻮﻧﻲ ﺣﻮﻝ ﺍﻟﻐﺮﻓﺔ ﻋﻠﻰ ﻏﻄﺔ ﺣﺘﻰ ﺍﺩﻓﻲ ﻧﻔﺴﻲ ﻳﻌﻨﻲ ﺍﺫﺍ ﻣﺎ ﺍﻣﻮﺕ ﻣﻦ ﻭﺭﺓ ﺍﻟﻘﺘﻞ ﻋﻠﻰ ﺍﻳﺪ ﻫﺬﻭﻟﻲ ﻳﻤﻜﻦ ﺍﻣﻮﺕ ﻣﻦ ﻭﺭﺓ ﺍﻟﺒﺮﺩ ﻭﺍﻧﺘﺒﻬﺖ
ﻟﻜﻴﺖ ﺑﺴﺎﻁ ﻣﺸﻤﻮﺭ ﺑﺎﻫﻤﺎﻝ ﺭﺣﺖ ﺭﻛﻀﺖ ﻋﻠﻴﻪ ﻧﻔﻀﺘﻪ
ﻣﺮﺓ ﻣﺮﺗﻴﻦ ﺣﺘﻰ ﺧﺎﻑ ﺑﻲ ﺷﻲ ﺍﺧﺎﻑ ﻣﻦ ﺍﻟﺤﺸﺮﺍﺕ ﺍﻭﻑ
ﺍﺧﺬﺗﺔ ﻭﺭﺟﻌﺖ ﻋﻠﻰ ﻧﻔﺲ ﻣﻜﺎﻧﻲ ﻭﻟﻔﻴﺖ ﺭﻭﺣﻲ ﺑﺎﻟﺒﺴﺎﻁ ﻭﺍﻟﻠﻪ ﻛﻌﺪﺕ ﺍﺗﺤﺴﺮ ﻋﻠﻰ ﻧﻮﻣﺘﻲ ﺑﺒﻴﺖ ﺟﺪﻱ
ﺑﺲ ﻛﻮﻥ ﺍﻟﻠﻪ ﻳﻄﻠﻌﻨﻲ ﻣﻦ ﻫﺎﻱ ﺍﻟﺸﺪﺓ ﺑﺎﻟﺴﻼﻣﺔ ﻭﺍﻟﻠﻪ ﺍﻭﺭﺡ ﮔﺒﻞ ﻋﻠﻰ ﺟﺮﺑﺎﻳﺘﻲ ﻭﻟﻤﺨﺪﺗﻲ ﻭﺑﻄﺎﻧﻴﺘﻲ ﺍﺑﻮﺱ ﺑﻴﻬﻢ ﻭﺍﺷﻤﻬﻢ ﻭﺑﻌﺪ ﺍﺗﻨﻌﻢ ﺑﺤﺴﺎﺱ ﺍﻟﺪﻓﻮ ﺍﻟﻲ ﺍﺣﺲ ﺑﻲ ﻭﺍﻧﻲ ﺟﻮﺓ ﺑﻄﺎﻧﻴﺘﻲ ﻭﺭﺍﺳﻲ ﻋﻤﺨﺪﺗﻲ ﻏﻔﻴﺖ ﻭﻧﻤﺖ ﻋﻠﻰ ﻫﺬﻩ ﺍﻻﻓﻜﺎﺭ ﺍﻟﺘﻲ ﺗﺮﺍﻭﺩ ﺍﻓﻜﺎﺭﻱ
↙️
ﺣﺴﺎﻡ
ﺻﺮﺕ ﻣﺜﻞ ﺍﻟﻤﻀﻴﻊ ﻟﻪ ﻭﻃﻦ ﺗﺎﻳﻪ ﻭﺍﻋﺎﻳﻦ ﺑﺎﻟﻌﺒﻮﻥ ﻭﺍﺑﺎﻭﻉ ﻟﻠﺤﻠﻮﻙ ﺷﻴﺤﺠﻮﻥ
ﺟﺎﻧﺖ ﺍﻋﺼﺎﺑﻲ ﻛﻠﺶ ﻣﺸﺪﻭﺩﺓ ﻣﻦ ﺍﻟﺘﻮﺗﺮ ﻭﺍﻟﺘﺮﻗﺐ ﺟﻨﺖ ﻋﺎﻳﺶ ﻋﻠﻰ ﺳﻤﺎﻉ ﺍﻻﺧﺒﺎﺭ ﻋﻦ ﻓﺮﺡ
ﻓﻬﻤﻨﻲ ﻋﻠﻲ ﻣﻦ ﺭﺣﻨﺎ ﺍﻧﻲ ﻭﻳﺎﻩ ﻟﺒﻴﺖ ﺟﺪﻱ ﻋﻦ ﻣﻮ ﺿﻮﻉ ﻋﻤﻲ ﻧﺒﻴﻞ ﻭﺷﻠﻮﻥ ﻋﺮﻓﻮ ﺑﻲ ﺍﻥ ﻫﻮ ﻭﺭﺓ ﺍﺧﺘﻄﺎﻑ ﻓﺮﺡ
ﻋﻠﻲ - ﺍﺟﺖ ﺍﺳﺮﺍﺀ ﻟﺒﻴﺖ ﺟﺪﻱ ﺍﻟﻴﻮﻡ ﻣﻦ ﺍﻟﺼﺒﺢ ﺣﺘﻰ ﺗﺤﺠﻲ ﻟﺠﺪﻱ ﺍﻟﺴﻤﻌﺘﺔ ﻣﻦ ﺍﺑﻮﻫﺎ ﺑﺄﺛﻨﺎﺀ ﺍﺗﺼﺎﻟﺔ ﻣﻊ ﺑﻌﺾ ﺍﻻﺷﺨﺎﺹ ﺳﻤﻌﺘﺔ ﺍﻥ ﻫﻮ ﺭﺍﺡ ﻳﻘﻮﻡ ﺑﺨﻄﻒ ﻓﺮﺡ
ﻭﺑﻌﺪ ﺣﺠﺖ ﻫﻮﺍﻱ ﺍﺷﻴﺎ ﻋﻦ ﺍﺑﻮﻫﺎ ﺍﺣﻨﺎ ﺑﺎﻻﺻﻞ ﻧﻌﺮﻓﻬﺎ
ﺣﺴﺎﻡ - ﻭﺍﻟﻠﻪ ﻋﻤﻲ ﻃﻠﻌﺖ ﺍﺳﺮﺍﺀ ﺳﺒﺎﻋﻴﺔ ﻭﺑﻨﺖ ﺣﻼﻝ ﺷﻠﻮﻥ ﮔﺪﺭﺕ ﺗﺤﺠﻲ ﻋﻦ ﺍﺑﻮﻫﺎ
ﻋﻠﻲ - ﺣﺴﺎﻡ ﺗﺮﺓ ﺍﻟﻈﺎﻟﻢ ﻻ ﺑﺪ ﻭﺍﻥ ﻳﺠﻲ ﻳﻮﻡ ﻭﻳﻮﮔﻊ ﻭﻋﻠﻰ ﺍﻳﺪ ﺍﻗﺮﺏ ﺍﻟﻨﺎﺱ ﺍﻟﺔ ﻭﺍﺳﺮﺍﺀ ﺭﻓﻀﺖ ﺍﻥ ﺗﺒﻘﻰ ﺳﺎﻛﺘﺔ ﻋﻦ ﺍﻓﻌﺎﻝ ﺍﺑﻮﻫﺎ ﻭﻃﻠﺒﺖ ﻣﻨﺎ ﺍﻥ ﻣﺎ ﺍﻧﺠﻴﺐ ﺍﺳﻤﻬﺎ ﻭﺳﻴﺮﺗﻪ ﻟﻌﻨﺪ ﺍﺑﻮﻫﺎ ﻭﻣﺎ ﻧﮕﻮﻝ ﺍﻥ ﺍﺳﺮﺍﺀ ﺣﺠﺖ ﺷﺴﻤﻌﺖ ﻋﻨﻚ
ﺣﺘﻰ ﻣﺎﻳﺄﺫﻳﻪ ﻻﻥ ﻫﺬﺍ ﻣﺠﺮﻡ
ﺣﺴﺎﻡ - ﻻ ﻫﺬﺍ ﻫﻮ ﺍﻟﻬﺔ ﺍﻻﻣﺎﻥ ﺑﺲ ﺧﻞ ﺗﺮﺟﻊ ﺍﺑﻴﺘﻬﻢ ﻭﺗﺒﻘﻲ ﻋﻴﻮﻧﻬﺎ ﻣﻔﺘﺤﺔ ﻋﻠﻰ ﺍﺑﻮﻫﺎ ﻭﺷﻜﻮ ﺷﻲ ﺟﺪﻳﺪ ﺗﺴﻤﻌﺔ ﺧﻞ ﺗﻨﻄﻴﻨﺔ ﺧﺒﺮ ﺣﺘﻰ ﻟﻮ ﺑﺮﺳﺎﻟﺔ
ﻋﻠﻲ - ﻭﻫﻮ ﻛﺬﺍﻟﻚ ﺍﻧﻲ ﻓﻬﻤﺘﻬﺎ ﺷﺘﺴﻮﻱ ﻣﻦ ﺗﺮﻭﺡ ﻃﻠﺒﺖ ﻣﻨﻬﺎ ﺣﺘﻰ ﺍﺫﺍ ﺗﻜﺪﺭ ﺗﺪﻭﺭ ﺑﻐﺮﺍﺽ ﺍﺑﻮﻫﺎ ﺍﻟﺨﺎﺻﺔ ﺑﻠﻜﺖ ﺗﻮﮔﻊ ﺍﻟﻨﺎ ﻋﻠﻰ ﻓﺪ ﺧﻴﻂ ﻳﻮﺻﻠﻨﺎ ﻟﻤﻜﺎﻥ ﻓﺮﺡ
ﺣﺴﺎﻡ - ﻋﺎﺷﺖ ﺍﻳﺪﻙ
ﻋﻠﻲ - ﺷﻮﻑ ﺣﺴﺎﻡ ﺗﺮﺓ ﺍﺗﻮﻗﻊ ﺭﺍﺡ ﻳﺠﻴﻚ ﺍﻭ ﻳﺠﻲ ﻟﺠﺪﻱ ﺍﺗﺼﺎﻝ ﻣﻦ ﺍﻟﺨﺎﻃﻔﻴﻦ ﻓﻤﺎ ﺍﺭﻳﺪﻙ ﺗﺘﺼﺮﻑ ﻣﻦ ﻳﻤﻚ ﻟﻮ ﻣﻬﻤﺎ ﻛﺎﻥ ﻓﺎﻫﻢ ﺍﻱ ﺍﺗﺼﺎﻝ ﺗﺴﺘﻠﻤﺔ ﺗﻨﻄﻴﻨﻲ ﺧﺒﺮ ﺑﺴﺮﻋﺔ ﻭﺍﻧﻲ ﺍﺗﺼﺮﻑ ﻓﺎﻫﻢ
ﺣﺴﺎﻡ - ﻫﺬﺍ ﻫﻮ ﻭﺍﻧﺖ ﺑﺎﻟﻤﻘﺎﺑﻞ ﻣﺘﺘﺤﺮﻙ ﻻﻱ ﻣﻜﺎﻥ ﻳﺨﺺ ﻓﺮﺡ ﺑﺪﻭﻧﻲ ﺳﺎﻣﻊ
ﻋﻠﻲ - ﻫﺬﺍ ﻫﻮ ﺍﺗﻔﻘﻨﺎ
ﺣﺴﺎﻡ
ﺭﺣﺖ ﻃﻠﻌﺖ ﻣﻦ ﻋﻨﺪ ﻋﻠﻲ ﻭﺍﻧﻲ ﺍﻟﺪﻧﻴﺎ ﺻﺎﺭﺕ ﺿﻴﮕﺔ ﺑﻌﻴﻨﻲ ﻓﺪﻭﺓ ﺭﺣﺘﻠﻚ ﺭﺑﻲ ﺣﻮﻁ ﻓﺮﺣﺔ ﮔﻠﺒﻲ ﺑﺄﻣﺎﻧﻚ ﻭﺑﺪﺭﻋﻚ ﺍﻟﻤﺘﻴﻦ ﺭﺑﻲ ﻫﺎﻱ ﻓﺮﺣﺘﻲ ﻣﻦ ﺍﻟﺪﻧﻴﺎ ﻻﺗﺨﻠﻴﻬﻢ ﻳﺄﺫﻭﻫﺎ ﺍﺍﺍﺍﺥ ﺍﻟﻠﻪ
ﻭﻳﻦ ﺍﻟﻜﺎﺝ ﻳﻔﺮﺣﺔ ﺑﻴﺎ ﻣﻜﺎﻥ ﺍﺗﻌﻨﺎﻟﺞ ﻭﺍﺟﻴﺞ ﺻﺮﺕ ﻣﺜﻞ ﺍﻟﻬﺎﻳﻢ ﺑﺼﺤﺮﺍﺀ ﻣﺎﻳﻌﺮﻑ ﺍﻟﻄﺮﻳﻖ ﻣﻨﻴﻦ
ﻳﻔﺮﺣﺔ ﻫﺴﺔ ﺷﻨﻮ ﺣﺎﻟﺞ ﺧﺎﻳﻔﺔ ﻣﺮﻋﻮﺑﺔ ﻟﻮ ﺟﺎﻱ ﺗﺤﺎﻭﻟﻴﻦ ﺗﺨﻠﺼﻴﻦ ﻧﻔﺴﺞ ﻣﻨﻬﻢ ﻟﻮ ﻣﻨﺘﻈﺮﺓ ﺣﺴﺎﻡ ﻳﺠﻴﺞ
ﺍﺍﺍﺥ ﺍﻟﻠﻪ ﺩﻟﻴﻨﻲ ﻋﻠﻴﻬﺎ ﻭﺍﻟﻠﻪ ﺭﺍﺡ ﺍﻣﻮﺕ ﻣﻦ ﺍﻻﻧﺘﻈﺎﺭ
)) ﻭﻳﻨﺞ ﻳﻔﺮﺣﺔ ﻋﺸﮓ ﺣﺴﺎﻡ ﻭﻳﻨﺞ ﻳﻠﻬﻔﺔ ﺑﻮﺳﻂ ﻇﻠﻌﻲ
ﻭﻳﻨﺞ ﻳﺤﺴﺮﺓ ﺍﻟﻢ ﮔﻠﺒﻲ ﻭﻳﻨﺞ ﻳﻮﺭﺩﺓ ﺑﻮﺳﻂ ﺧﻀﻨﻲ (( ( ﺧﺎﻃﺮﺗﻲ )
ﻗﻄﻊ ﺍﻓﻜﺎﺭ ﺣﺴﺎﻡ ﻭﺩﻙ ﻧﻘﺎﻟﻪ
ﺑﺎﻭﻉ ﻋﻠﻰ ﺍﻟﻤﺘﺼﻞ ﻭﻛﺎﻥ ﺭﻗﻢ ﻏﺮﻳﺐ ﻭﺑﺴﺮﻋﺔ ﺭﺩ
- ﺍﻟﻮ
- ﺍﻟﻮ ﻫﻠﺔ ﺑﺤﺴﻮﻣﺔ ﺍﻟﻮﺭﺩﺓ ﺷﻠﻮﻧﻚ
- ﻣﻨﻮ ﻭﻳﺎﻱ
- ﺍﻧﺔ ﻋﻤﻚ ﻧﺒﻴﻞ ﻫﺴﺔ ﻋﺮﻓﺘﻨﻲ
- ﻫﻠﺔ ﺑﻨﺒﻴﻞ ﮔﻮﻝ ﻃﻠﺒﺎﺗﻚ ﻭﺑﺴﺮﻋﺔ ﺍﺩﺧﻞ ﺑﺎﻟﻤﻔﻴﺪ
- ﺣﻠﻮ ﻫﺴﺔ ﺍﻟﺸﻐﻞ ﺑﺪﺓ ﻳﺤﻠﻰ
- ﺷﻮﻑ ﻧﺒﻴﻞ ﻗﺒﻞ ﻛﻠﺸﻲ ﻗﺴﻤﺎ ﺑﺎﻟﻠﻪ ﺍﺫﺍ ﻟﺰﻣﺖ ﺷﻌﺮ ﻣﻦ ﻓﺮﺡ ﻣﺎﺗﻠﻮﻡ ﺍﻻ ﻧﻔﺴﻚ ﻭﻗﺴﻤﺎً ﺑﺬﺍﺕ ﺍﻟﻠﻪ ﻟﻮ ﺗﺼﻴﺮ ﺑﺴﺎﺑﻊ ﺍﺭﺽ ﺍﺟﻴﺒﻚ
- ﻟﺘﺨﺎﻑ ﻋﻠﻰ ﻓﺮﺣﺘﻚ ﺑﺎﻟﺤﻔﻆ ﻭﺍﻟﺼﻮﻥ ﻫﻲ ﺧﻄﺎﺭ ﻋﻨﺪ ﻋﻤﻬﺎ ﻛﻢ ﻳﻮﻡ
ﺑﺲ ﻫﺎﻱ ﺑﻘﺖ ﺍﻧﺖ ﻭﺷﻄﺎﺭﺗﻚ ﺑﻘﺖ ﺗﺮﻳﺪﻫﺎ ﺗﺮﺟﻌﻠﻚ ﺳﺎﻟﻤﺔ ﻟﻮ ﺗﺮﻳﺪﻫﺎ ﺗﺮﺟﻌﻠﻚ ﺑﺘﺎﺑﻮﺕ ﺑﻌﺪ ﺍﻧﺖ ﺑﻜﻴﻔﻚ ﻫﺎﻱ ﺑﻘﺖ ﻳﻤﻚ
- ﻛﻮﻝ ﻣﻦ ﺍﻻﺧﻴﺮ ﺷﻨﻮ ﻃﻠﺒﺎﺗﻚ
- ﺣﻠﻮ ﺗﻤﺎﻡ ﺍﻭﻝ ﺷﻲ ﺍﺭﻳﺪ ﺗﺤﻀﺮ ﻣﺒﻠﻎ ﻣﺎﻟﻲ ﺑﻘﻴﻤﺔ ( ﻭﺫﻛﺮ ﺭﻗﻢ ﺍﻟﻤﺒﻠﻎ ) ﻭﺛﺎﻧﻲ ﺷﻲ ﺗﺠﻴﻨﻲ ﻋﻠﻰ ﺍﻟﻌﻨﻮﺍﻥ ﺍﻟﻲ ﺍﻧﻲ ﺭﺍﺡ ﺍﺣﺪﺩﺓ ﺍﻟﻚ ﻭﺛﺎﻟﺚ ﺷﻲ ﻭﻫﻮ ﺍﻻﺧﻴﺮ ﺍﻳﺎﻧﻲ ﻭﻳﺎﻙ ﻭﺩﻳﺮ ﺑﺎﻟﻚ ﺍﻥ ﺗﻮﺻﻞ ﺍﻱ ﻛﻠﻤﺔ ﻣﻦ ﺍﻻﺗﻔﺎﻕ ﻻﺧﻮﻙ ﻋﻠﻲ ﺍﻭ ﻻﻱ ﺟﻬﺔ ﻣﺨﺘﺼﺔ ﺑﺎﻻﺳﺘﺨﺒﺎﺭﺍﺕ ﺗﺮﺓ ﺍﻱ ﺣﺮﻑ ﻳﻄﻠﻊ ﻣﻨﻚ
ﻓﺮﺣﺘﻚ ﺗﺮﻭﺡ ﺑﺎﻟﺮﺟﻠﻴﻦ ﺳﺎﻣﻊ ﺗﺮﺓ ﻫﻲ ﺍﻟﻀﺤﻴﺔ
ﺣﺴﺎﻡ ﻳﺴﻤﻊ ﻛﻼﻡ ﻋﻤﺔ ﻭﻫﻮ ﻳﺤﺲ ﺑﻨﺰﻭﻝ ﻋﺮﻕ ﺑﺎﺭﺩ ﻋﻠﻰ ﻃﻮﻝ ﻇﻬﺮﻩ ﻣﻦ ﺍﻟﺨﻮﻑ ﻋﻠﻰ ﻓﺮﺣﺔ ﻭﻣﺎﻣﺘﻮﻗﻊ ﺍﻥ ﻧﺒﻴﻞ ﻟﻬﺪﺭﺟﺔ ﻗﺬﺭ ﺍﺑﺪ ﻣﻤﺘﻮﻗﻊ ﻭﺍﻟﻈﺎﻫﺮ ﻋﻠﻲ ﻳﻌﺮﻑ ﻋﻨﺔ ﻫﻮﺍﻱ ﺍﺷﻴﺎﺀ
- ﻫﺬﺍ ﻫﻮ ﺗﻤﺎﻡ ﺑﺲ ﮔﻠﻲ ﻋﻦ ﻣﻮﻋﺪ ﻭﻣﻜﺎﻥ ﺍﻻﺳﺘﻼﻡ ﻭﺍﻧﻲ ﺟﺎﻫﺰ ﺑﺲ ﻫَـﺎ ﺩﻳﺮ ﺑﺎﻟﻚ ﺗﻠﻌﺐ ﺑﺬﻳﻠﻚ ﻭﻳﺎﻱ ﺻﺪﻛﻨﻲ ﺍﻛﺘﻠﻚ ﻭﻟﺸﺮﺏ ﻣﻦ ﺩﻣﻚ ﻟﻮ ﻳﻜﻮﻥ ﺍﺧﺮ ﻋﻤﻞ ﺍﻟﻲ ﺑﺤﻴﺎﺗﻲ
ﻓﺮﺡ
ﻛﻨﺖ ﻏﺎﻃﺔ ﺑﻨﻮﻡ ﻋﻤﻴﻖ ﻭﺳﻤﻌﺖ ﺻﻮﺕ ﻭﺍﺣﺪ ﻳﻮﻥ ﺑﺎﻟﻐﺮﻓﺔ ﺍﻟﻲ ﺍﻧﻲ ﺑﻴﻬﺎ ﺻﺪﻙ ﺧﻔﺖ ﺑﺪﻳﺖ ﺍﺻﺤﺼﺢ ﻣﻦ ﺍﻟﻨﻮﻡ ﻭﻛﻨﺖ ﻣﻨﻄﻴﺔ ﻭﺟﻬﻲ ﻋﺎﻟﺤﺎﻳﻂ ﺑﺪﻳﺖ ﺍﻧﻬﺾ ﻭﻭﺧﺮﺕ ﻋﻨﻲ ﺍﻟﺒﺴﺎﻁ ﺍﻟﻲ ﻛﻨﺖ ﻻﻓﺔ ﺭﻭﺣﻲ ﺑﻲ ﻭﺍﻟﺘﻔﺘﺖ ﻟﻨﺎﺣﻴﺔ ﺍﻟﺼﻮﺕ
ﺷﻔﺖ ﺟﺴﻢ ﻣﻤﺪﺩ ﻋﻠﻰ ﺍﻻﺭﺽ ﻭﺑﺎﻟﺠﻬﺔ ﺍﻟﻤﻘﺎﺑﻠﺔ ﺍﻟﻲ ﻛﺎﻥ ﻣﻐﻄﻰ ﺑﺎﻟﺴﻮﺍﺩ ﻣﻦ ﻓﻮﻙ ﻟﻲ ﺟﻮﺓ
ﻭﺍﻧﺘﺒﻬﺖ ﻋﻠﻰ ﺻﺎﺣﺐ ﺍﻟﺠﺴﺪ ﺑﺪﺓ ﻳﺼﺤﺔ ﻭﻳﻮﻋﻲ ﻟﻨﻔﺴﻴﻪ ﻭﻛﺎﻥ ﻇﻬﺮﺓ ﺑﺘﺠﺎﻫﻲ ﺷﻜﻠﺔ ﻫﺬﺍ ﻫﻢ ﺭﻫﻴﻨﺔ ﻣﺜﻞ ﺣﻼﺗﻲ
ﺧﻄﻴﺔ ﺑﺲ ﻣﺒﻴﻦ ﻣﻮﺟﻮﻉ ﺑﺪﺓ ﻳﻠﺘﻔﺖ ﺑﺨﻮﻑ ﻭﺩﺍﺭ ﻭﺟﺴﻤﺔ ﻭﻭﺟﻬﺔ ﻟﻨﺎﺣﻴﺘﻲ ﻭﺑﺎﻭﻋﺖ ﻋﻠﻴﻪ ﻭﺷﻔﺘﺔ
ﻓﺮﺡ ﺑﻔﺰﻉ ﻭﺧﻮﻑ ﻭﻫﻠﻊ ﺻﺎﺭﺕ ﺗﺼﺮﺥ ﺑﺼﻮﺕ ﻋﺎﻟﻲ
ﻻﺍﺍﺍﺍﺍ ﻣﺴﺘﺤﻴﻞ
ﺩﺧﻴﻠﻚ ﻳﺎﻟﻠﻪ ﺩﺧﻴﻠﻚ ﻳﺎﺻﺎﺣﺐ ﺍﻟﺪﺧﻴﻞ
ﻻﻻ ﻻ ﺍﺍﺍ ﻣﺴﺘﺤﻴﻴﻴﻴﻞ ﻻ ﻫﺎﻱ ﺷﻨﻨﻮ ﻳﻤﺔ ﻻ ﻻ ﻭﺍﻏﻤﻰ ﻋﻠﻴﻬﺎ
↙️
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء