رواية المهندس 🔞 الجزء الاول
للكاتبة زينب علي
.
ﺳﻼﻡ ﻋﻠﻴﻜﻢ ﺍﻧﻲ ﺍﺳﻤﻲ ﺭﻋﺪ ﻋﻤﺮﻱ ٢٨ ﺳﻨﻪ
ﻣﺘﺰﻭﺝ ﺑﺖ ﻋﻤﻲ ﺍﺣﻼﻡ ﺍﺣﺒﻬﺎ ﺣﻴﻞ ﻭﺗﺤﺒﻨﻲ
ﻭﺻﺎﺭ ﺯﻭﺍﺟﻨﻪ ﺑﺴﻨﻪ ﺍﻝ١٩٩١ ﻳﻌﻨﻲ ﺑﺴﻨﻪ
ﺍﻻﻧﺘﻔﺎﺿﻪ ﻭﺑﺤﺮﺏ ﺍﻟﻜﻮﻳﺖ ﻭﺑﻠﺤﺼﺎﺭ ﻳﻌﻨﻲ
ﺑﻀﺮﻭﻑ ﻛﻠﺶ ﺻﻌﺒﻪ
.
ﺍﺣﻨﻪ ٥ ﺍﺧﻮﻩ ﺣﺴﻦ ﻣﺘﺰﻭﺝ ﻭﻳﺸﺘﻐﻞ ﻣﻄﻬﺮﺟﻲ ﺍﻭ ﻣﻀﻤﺪ ﻳﻌﻨﻲ ﻓﺎﺗﺢ ﻣﻦ ﺑﻴﺘﻪ ﻏﺮﻓﻪ ﻟﻠﻲ ﻳﺸﺪ ﻛﺎﻧﻮﻧﻪ ﺍﻭ ﺍﺑﺮﻩ ﺍﻭ ﻫﻴﺞ ﺷﻲ . ﻭﻋﻨﺪﻩ ﺍﻭﻻﺩ
ﻭﻓﺮﺍﺕ ﻳﺸﺘﻐﻞ ﺩﻻﻝ ﻭﻣﺘﺰﻭﺝ ﻭﻋﻨﺪﻩ ﺍﻃﻔﺎﻝ .
ﺣﻴﺪﺭ ﻳﺸﺘﻐﻞ ﻣﺼﻠﺢ ﻭﻣﺘﺰﻭﺝ ﻭﻋﻨﺪﻩ ﺍﻃﻔﺎﻝ .
ﻭﺍﻣﻴﺮ ﻳﺸﺘﻐﻞ ﻋﺎﻣﻞ ﺑﻨﻪ ﻭﻣﺘﺰﻭﺝ ﻭﻋﻨﺪﻩ ﺍﻃﻔﺎﻝ .
ﻫﺬﻭﻟﻪ ﺍﺧﻮﺗﻲ ﻛﻮﻭﻭﻟﻬﻢ ﻣﺘﺰﻭﺟﻴﻦ ﻭﻋﺪﻫﻢ ﺭﺯﻕ ﻟﻮ ﺷﻤﻬﺎ ﻳﻜﻮﻥ ﻭﻛﻠﻤﻦ ﻣﺤﺘﺎﺭ ﺑﺮﻭﺣﻪ ﺑﻴﻨﺎﺗﻨﻪ ﺍﺧﻮﻩ ﺣﻘﻴﻘﻴﻪ ﻭﻣﻮﺩﻩ ﻳﻌﻨﻲ ﻋﻠﻰ ﺣﺴﺐ ﻣﺎ ﻳﻜﻮﻟﻮﻥ ﺣﻠﻴﺒﻨﻪ ﻃﺎﻫﺮ ﻭﺍﻣﻲ ﺍﻟﻠﻪ ﻳﺮﺣﻤﻬﺎ ﺟﺎﻧﺖ ٢٤ ﺳﺎﻋﻪ ﺗﻮﺻﻲ ﺑﻴﻨﻪ ﺩﻳﺮ ﺑﺎﻟﻜﻢ ﺍﻟﻨﺴﻮﺍﻥ ﺗﻔﺮﻗﻜﻢ ﺩﻳﺮ ﺑﺎﻟﻜﻢ ﺍﺧﻮﺗﻜﻢ ﻳﻤﻪ ﺩﻳﺮ ﺑﺎﻟﻜﻢ ﻟﺘﻮﺭﺛﻮﻥ ﺍﻟﻜﻄﻊ ﻭﺭﺛﻮ ﺍﻟﻤﺤﻨﻪ .
ﻭﺻﺪﻙ ﺍﺣﻨﻪ ﻛﻠﺐ ﻋﻠﻰ ﻛﻠﺐ ﻭﺍﺣﺪ ﻛﻠﺒﻪ ﻉ ﺍﻟﺜﺎﻧﻲ .
ﺍﻧﻲ ﻣﻦ ﺩﻭﻥ ﺍﺧﻮﺗﻲ ﺣﺒﻴﺖ ﺍﻟﻤﺪﺭﺳﻪ ﻻﻥ ﺍﻧﻲ ﺍﻟﺼﻐﻴﺮ ﻛﻠﻬﻢ ﺍﻛﺒﺮ ﻣﻨﻲ ﻭﻳﺼﺮﻓﻮﻥ ﻋﻠﻴﻪ ﻣﻮ ﻣﺜﻠﻬﻢ ﺗﺤﻤﻠﻮ ﻣﺴﺆﻟﻴﻪ ﻣﻦ ﻫﻤﻪ ﻭﺻﻐﺎﺭ . ﻓﻀﻠﻴﺖ ﺍﻟﺢ ﺍﻟﻪ ﺍﻛﻤﻞ ﺩﺭﺍﺳﻪ ﻭﺟﺎﻥ ﺑﻌﻘﻠﻲ ﻣﺴﺘﻌﺪ ﺍﺿﻞ ﺍﺩﺭﺱ ﺍﻟﻌﻤﺮ ﻛﻠﻪ ﻭﻻ ﺍﺧﺪﻡ ﺳﻨﻪ ﻭﺣﺪﻩ ﺑﻠﺠﻴﺶ ﻓﻀﻠﻴﺖ ﺍﺩﺭﺱ ﻭﺍﺭﻳﺪ ﺍﺻﻴﺮ ﺑﻜﻞ ﻭﺳﻴﻠﻪ ﻋﻨﺪﻱ ﻃﻤﻮﺡ ﺍﺻﻴﺮ ﻭﺍﻛﻮﻥ ﺍﻧﺴﺎﻥ ﻧﻬﺎﺋﻴﺎﺍﺍﺍ ﻣﺎ ﻋﺎﺟﺒﺘﻨﻲ ﺍﻛﺘﻔﻲ ﺑﻌﻤﻞ ﻭﺍﺣﺪ ﻳﺤﺪ ﻋﻘﻠﻲ ﻭﻓﻜﺮﻱ . ﻭﻣﻊ ﻫﺬﺍ ﺧﺪﻣﺖ ﺑﻠﺠﻴﺶ ﺍﻟﻌﺮﺍﻗﻲ .
ﻋﻘﻞ ﻣﺮﺍﻫﻖ ﺍﻭ ﻣﻌﺎﻧﺪ ﻣﺎ ﺍﻋﺮﻑ ﺑﺬﺍﻙ ﺍﻟﻮﻗﺖ . ﻟﺤﺪ ﻣﺎ ﻳﻮﻡ ﻣﻦ ﺍﻻﻳﺎﻡ ﺗﺰﻭﺟﺖ ﺑﺖ ﻋﻤﻲ . ﺑﺲ ﺷﻨﻮ ﺑﺖ ﻋﻤﻲ ﺣﻠﻮﻩ ﻛﻠﺶ ﻭﺗﺮﻓﻪ ﻭﻣﺆﻣﻨﻪ ﻭﻧﻀﻴﻔﻪ ﻭﻓﺎﻫﻤﻪ ﻳﻌﻨﻲ ﺻﻌﺐ ﺍﻱ ﺭﺟﺎﻝ ﻳﻠﻜﻪ ﻣﺜﻞ ﻫﻠﻤﻮﺍﺻﻔﺎﺕ ﺑﻤﺮﻩ ﺑﻬﺬﺍ ﺍﻟﻮﻗﺖ ﺑﺲ ﺑﻴﻬﺎ ﺷﻐﻠﻪ ﻭﺣﺪﻩ ﻋﻨﻴﺪﻩ ﻋﻨﺎﺩﻩ ﻣﺎ ﺍﻟﻬﺎ ﻣﺜﻴﻞ . ﺍﺣﻼﻡ ﺑﻴﻬﺎ ﻫﻮﺍﻱ ﻣﻮﺍﺻﻔﺎﺕ ﻭﺭﻏﻢ ﺣﺒﻲ ﺍﻟﻬﺎ ﻋﻴﺸﺘﻲ ﻭﻳﺎﻫﺎ ﺍﺑﺪﺩﺩﺍﺍﺍ ﻣﺎ ﺗﻮﺍﻟﻤﻨﻪ ﺍﺳﻮﻟﻔﻠﻜﻢ ﺷﻠﻮﻥ :
.
ﺍﺣﻼﻡ : ﺭﻋﺪ ﻭﺗﺎﻟﻲ ﻣﻜﺎﺑﻞ ﺍﻟﻜﺘﺐ ﻣﻦ ﺍﻟﺼﺒﺢ ﻟﻠﻴﻞ ﻛﺎﻓﻲ ﺍﻧﻄﻴﻨﻲ ﻭﻗﺖ .
ﺷﺒﻴﺞ ﺑﺪﻝ ﻻ ﺗﺸﺠﻌﻴﻨﻲ ﻭﺍﺗﺨﺮﺝ ﺍﻗﺪﻡ ﻭﺍﺧﺬ ﺍﻟﻤﺎﺟﺴﺘﻴﺮ ﻭﺩﻛﺘﻮﺭﺍ .
ﻫﻬﻬﻪ ﻭﺍﻧﻲ ﺍﺻﻴﺮ ﻣﺮﻩ ﺍﻟﺪﻛﺘﻮﺭ
ﺍﻧﺘﻲ ﺍﻟﺪﻛﺘﻮﺭ ﻳﻜﻤﺮ .
ﻫﻬﻬﻬﻬﻪ
ﺗﻌﺎﻟﻲ .
ﺷﺘﺮﻳﺪ .
ﺑﺲ ﺍﻟﻠﻪ ﻳﺮﺯﻗﻨﻲ ﻭﺍﺗﺨﺮﺝ ﺍﻟﻤﻠﻲ ﺟﻢ ﻓﻠﺲ ﻭﺍﺷﻮﻓﻠﻲ ﺑﻴﺖ ﻣﺮﺗﺐ .
ﺍﻟﻠﻪ ﻛﺮﻳﻢ ﻛﻠﺸﻲ ﺑﻮﻗﺘﻪ ﺣﻠﻮ
ﺑﻬﺎﻱ ﺍﻻﺛﻨﺎﺀ ﺟﻨﺖ ﺍﺷﺘﻐﻞ ﻛﻬﺮﺑﺎﺋﻲ ﻳﻌﻨﻲ ﻣﺮﺍﺕ ﻓﺮﺍﺕ ﻳﻠﺰﻡ ﺑﻴﺖ ﻭﺍﻧﻲ ﺍﺷﺘﻐﻠﻪ ﺑﻴﻨﻤﺎ ﺍﺗﺨﺮﺝ . ﻭﺍﻻﻣﻮﺭ ﺩﺍﺭﺟﻪ ﺍﻟﺤﻤﺪ ﻟﻠﻪ .
ﺑﺄﻭﻝ ﺳﻨﻪ ﺯﻭﺍﺟﻲ ﺍﺣﻼﻡ ﺣﺒﻠﺖ . ﻭﺑﻬﺎﻱ ﺍﻟﺴﻨﻪ ﺑﻠﺬﺍﺕ ﺗﺨﺮﺟﺖ ﻣﻦ ﻛﻠﻴﻪ ﺍﻟﻬﻨﺪﺳﻪ . ﻭﻃﺒﻌﺎ ﺣﺎﻟﻲ ﺣﺎﻝ ﻛﻞ ﺷﺎﺏ ﻫﻢ ﻟﺒﺴﺖ ﺧﺪﻣﻪ ﻋﺴﻜﺮﻳﻪ ﻭﻣﺮﺕ ﺍﻻﻳﺎﺍﺍﺍﺍﻡ ﻭﺍﺣﻼﻡ ﺗﻠﻮﺝ ﻣﻦ ﺍﻻﻟﻢ . ﺻﺎﺩﻓﺖ ﻓﺘﺮﻩ ﺍﻟﺤﻤﻞ ﺻﻌﺒﻪ ﻋﻠﻴﻬﺎ ﻳﻌﻨﻲ ﺍﻧﻲ ﺑﻌﻴﺪ ﻋﻨﻬﺎ ﺍﻳﺎﻡ
...
ﺟﻨﺖ ﻣﺎ ﺍﻋﺮﻑ ﻭﺿﻌﻬﺎ ﺍﻛﻮﻝ ﺗﺪﻟﻞ ﻟﻮ ﺗﺘﺄﻟﻢ ﻟﻮ ﺷﻨﻮ ﻣﺎ ﺍﻋﺮﻑ ﻭﺻﻠﻨﻪ ﻟﺤﺪ ﺍﻟﺸﻬﺮ ﺍﻟﺘﺎﺳﻊ ﻭﺟﺎﺑﺖ ﺑﻨﻴﻪ ﺍﻭﻝ ﻣﺎ ﻟﺰﻣﺘﻬﺎ ﻋﺒﺎﻟﻚ ﻻﺯﻡ ﺟﻮﻫﺮﻩ ﻓﺪ ﻣﻨﻈﺮ ﺑﺪﻳﻊ ﺍﻭﻝ ﻣﺮﻩ ﺍﺣﺲ ﺍﻧﻲ ﺍﻧﺴﺎﻥ ﺍﻭﻝ ﻣﺮﻩ ﺍﺣﺲ ﺻﺎﺭﺕ ﻗﻄﻌﻪ ﻣﻨﻲ ﺑﻼﺭﺽ ﺑﻬﺬﺍ ﺍﻟﻴﻮﻡ ﺑﺠﻴﺖ ﻣﻦ ﺷﻔﺘﻬﺎ ﻋﻠﻰ ﻛﺪ ﺟﻤﺎﻟﻬﺎ .
ﻃﻠﻌﺖ ﺍﺣﻼﻡ ﺑﻮﻻﺩﻩ ﻃﺒﻴﻌﻴﻪ ﺍﻟﺤﻤﺪ ﻟﻠﻪ . ﻭﻧﻮﺭﺕ ﺍﻟﻄﻔﻠﻪ ﺣﻴﺎﺗﻲ ﺑﻌﺪﻩ ﻣﺎ ﻃﻠﻊ ﺍﻻﺭﺑﻌﻴﻦ ﺗﻮﻓﺖ .
ﻭﻫﺎﻱ ﺟﺎﻧﺖ ﻋﺒﺎﺭﻩ ﻋﻦ ﺻﺪﻣﻪ ﻣﺮﻳﺖ ﺑﻴﻬﺎ ﺍﻧﻲ ﻭﺍﺣﻼﻡ ﻭﺍﻟﻲ ﻳﺄﻟﻤﻚ ﺍﻛﺜﺮ ﻧﻔﺴﻬﺎ ﺍﻟﻲ ﻣﻮﺟﻮﺩ ﺑﻠﺒﻴﺖ ﻭﻣﻼﺑﺴﻬﺎ ﻭﻫﺰﺍﺯﻫﺎ ﻗﻮﻳﺖ ﻧﻔﺴﻲ ﺣﺘﻪ ﺗﻘﻮﻩ ﻭﻳﺎﻱ ﺍﺣﻼﻡ . ﺍﻟﻲ ﺍﻧﻬﺎﺭﺕ ﺑﻌﺪ ﻭﻓﺎﻩ ﺍﻟﻄﻔﻠﻪ .
ﺑﻌﺪ ﻣﺮﻭﺭ ٤ ﺍﺷﻬﺮ ﺍﺣﻼﻡ ﺣﺒﻠﺖ ﻭﺿﻠﻴﺖ ﻣﻨﺘﻈﺮ ﻭﻻﺩﺗﻬﺎ ﻋﻠﻰ ﺍﺣﺮ ﻣﻦ ﺍﻟﺠﻤﺮ ﺍﺩﻋﻮ ﻣﻦ ﺭﺑﻲ ﻻ ﻳﻔﺠﻌﻨﻲ ﺑﻠﺠﺎﻱ ﻣﺜﻞ ﺍﻟﻲ ﻗﺒﻠﻪ .
ﻭﻣﺮﺕ ﺍﻻﻳﺎﺍﺍﺍﺍﻡ ﻭﺻﺎﺭﺕ ﻣﻮﻋﺪ ﻭﻻﺩﻩ ﺍﺣﻼﻡ ﻭﺻﺎﺭ ﻋﺪﻫﺎ ﻋﺴﺮ ﻭﻻﺩﻩ ﻣﻴﻨﺰﻝ ﺍﻟﻄﻔﻞ ﺍﺑﺪ ﻭﺍﻟﻲ ﺳﻤﻌﺘﻪ ﻣﻦ ﻣﺮﻩ ﺍﺧﻮﻳﻪ ﻛﺎﻟﺖ ﺭﺍﺱ ﺍﻟﻄﻔﻞ ﺍﻟﺠﺒﻴﺮ ﻳﺤﺘﺎﺝ ﺗﺴﻮﻱ ﻋﻤﻠﻴﻪ . ﺗﻌﺎﻝ ﻭﻗﻊ .
ﺭﺣﺖ ﻭﻗﻌﺖ ﻭﺍﻧﻲ ﻛﻠﺒﻲ ﻓﺎﺍﺍﺍﺍﻳﺮ ﻣﺎ ﻓﻬﻤﺖ ﻳﻌﻨﻲ ﺷﻨﻮ ﺭﺍﺳﻪ ﺟﺒﻴﺮ ﺷﺒﻲ ؟؟؟؟؟ ﺟﺎﻧﺖ ﻋﻼﻣﺎﺕ ﺍﺳﺘﻔﺎﻡ ﺑﺪﻣﺎﻏﻲ ﺭﺍﺩﺕ ﺗﺨﺒﻠﻨﻲ ﺑﺲ ﺍﺭﻳﺪ ﻣﺮﻩ ﺍﺧﻮﻳﻪ ﺣﺴﻦ ﺗﻄﻠﻊ ﺍﺭﻳﺪ ﺍﺣﺎﺟﻴﻬﺎ .
ﻭﺟﺎﺑﺖ ﺍﺣﻼﻡ ﻭﻟﺪ ﺍﺻﻼ ﻣﺎ ﺷﻔﺘﻪ ﻛﺎﻟﻮ ﻣﺸﻮﻩ ﻭﺍﻧﻄﺎﻙ ﻋﻤﺮﻩ .
ﻭﺻﻠﺖ ﺑﻴﻪ ﻣﺮﺣﻠﻪ ﺭﺩﺕ ﺍﺗﺨﺒﻞ . ﻛﻠﺖ ﺍﻟﺤﻤﺪ ﻟﻠﻪ ﺑﺲ ﺍﻧﻲ ﺷﻨﻮ ﺍﺣﺲ ﻛﻠﺒﻲ ﻳﻌﺼﺮ ﺩﻡ .
ﺍﻡ ﺍﻳﻤﻦ ( ﻣﺮﻩ ﺣﺴﻦ ) ﻫﺎ ﺧﻮﻳﻪ ﺑﺸﺮﻱ .
ﺗﻌﺎﻝ ﻛﻌﺪﺕ ﺍﺣﻼﻡ .
ﺍﻱ .
ﻫﺎ ﺣﺒﻴﺒﺘﻲ ﺷﺨﺒﺎﺭﺝ .
ﺍﻟﻄﻔﻞ ﺷﻠﻮﻧﻪ .
ﺍﻛﻠﺞ ﻫﺴﻪ ﺍﻃﻠﻌﺞ . ﺷﻮﻓﻲ ﺍﻟﺪﻛﺘﻮﺭﻩ ﺍﻡ ﺍﻳﻤﻦ .
ﺭﻋﺪ ﺍﻟﻄﻔﻞ ﺷﻠﻮﻧﻪ .
ﺑﻴﻦ ﺟﺎﻧﺖ ﺳﺘﻮﻫﺎ ﻛﺎﻋﺪﻩ ﻣﻦ ﺍﻟﺒﻨﺞ ﺑﻴﻦ ﻫﻴﻪ ﻣﺮﻳﻀﻪ ﻛﺴﺮﺕ ﺧﺎﻃﺮﻱ . ﻳﺎ ﺭﺑﻲ ﻫﺴﻪ ﻫﺎﻱ ﺷﺄﻛﻞ ﺍﻟﻬﺎ .
ﻭﺣﺎﻭﺑﺘﻬﺎ : ﺯﻳﻦ ﺍﻟﺤﻤﺪ ﻟﻠﻪ .
ﺍﻡ ﺍﻳﻤﻦ : ﺍﺟﺘﻲ ﺍﻟﺪﻛﺘﻮﺭﻩ ﺭﻋﻮﺩﻱ .
ﺍﻱ .
ﺍﻟﺪﻛﺘﻮﺭﻩ : ﻫﺎ ﺷﻠﻮﻧﻬﺎ ﺍﻟﻤﺮﻳﻀﻪ .
ﺗﻄﻠﻊ ﺩﻛﺘﻮﺭﻩ ؟؟؟
ﻻ ﻣﻮ ﻫﺴﻪ ﻟﻤﻦ ﺗﻄﻠﻊ ﺑﻄﻨﻬﺎ ﻭﻧﺘﺄﻛﺪ ﻣﻦ ﻋﻤﻠﻴﺘﻬﺎ ﻣﺎ ﺑﻴﻬﺎ ﺷﻲ .
ﻭﺭﻩ ﻳﻮﻡ ﻛﺘﺒﺖ ﺧﺮﻭﺟﻴﻪ ﻭﻃﻠﻌﻨﻬﺎ ﻭﺟﺎﻧﺖ ﺻﺪﻣﻪ ﺍﺣﻼﻡ ﻗﻠﻴﻠﻪ ﭼﻦ ﻫﻴﺞ ﺣﺎﺳﺴﻪ ﺭﺍﺡ ﻳﻤﻮﺕ ﺑﺲ ﺣﺴﻴﺘﻬﺎ ﺍﻧﺘﻜﺴﺖ .
ﻳﻮﻣﻴﻪ ﺗﺒﺠﻲ ﺧﻄﻴﻪ ﻭﺗﻠﻮﺏ ﺑﺮﻭﺣﻬﺎ .
ﻟﺤﺪ ﻳﻮﻡ ﺍﻟﻌﺎﺷﺮ ﺷﺎﻟﺖ ﺍﻟﺨﻴﻂ ﻭﻛﺎﻟﺖ ﺍﺭﻳﺪ ﺍﺳﺎﻝ ﺍﻟﺪﻛﺘﻮﺭﻩ ﻟﻴﺶ ﻫﻴﺞ ﻭﺿﻌﻲ ﻟﻴﺶ ﻣﺠﺎﻱ ﻳﺼﻴﺮ ﻋﻨﺪﻱ ﻃﻔﻞ .
ﺧﻠﻴﻬﺎ ﻭﺭﻩ ﺍﻟﻠﻪ ﺣﺒﻴﺒﺘﻲ .
ﺭﻋﺪ ﺷﻨﻮ ﺧﻠﻴﻬﺎ ﻭﺭﻩ ﺍﻟﻠﻪ . ﺍﻧﻲ ﻋﻨﺪﻱ ﻣﺸﻜﻠﻪ ﺷﻨﻮ ﺍﻟﻠﻪ ﻟﻴﺶ ﺧﻠﻖ ﺍﻟﺪﻛﺎﺗﺮﻩ ﺧﻮ ﺗﻀﻞ ﺍﻟﻨﺎﺱ ﺗﻜﻌﺪ ﺗﺪﻋﻲ . ﺑﺲ ﻏﻴﺮ ﺍﻟﻠﻪ ﻣﻘﺴﻢ ﺍﻻﺭﺯﺍﻕ .
ﺑﻜﻴﻔﺞ ﻭﻟﻮ ﺍﻧﻲ ﻣﺎ ﺍﺷﺠﻊ ﻋﻠﻰ ﺍﻻﺩﻭﻳﻪ .
ﻟﺘﻌﺮﺿﻠﻲ ﺭﺟﺎﺀﺍﺍﺍﺍﺍ ﺭﻋﺪ ﺗﺮﻩ ﺍﻧﻲ ﺭﺍﺡ ﺍﺗﺨﺒﻞ
........
ﺍﻧﺘﻲ ﺳﺎﻣﻌﻪ ﺍﻟﻤﺜﻞ ( ﻣﻜﺮﻭﻫﻪ ﻭﺟﺎﺑﺖ ﺑﺖ ) . ﺍﻧﺘﻲ ﻫﺬﺍ ﺍﻟﻤﺜﻞ ﻳﻨﻄﺒﻖ ﻋﻠﻴﺞ ﺧﻞ ﻳﻄﻠﻊ ﺍﺭﺑﻌﻴﻨﺞ ﻭﺭﺍﺟﻌﻲ .
ﻋﺠﻴﺐ ﺍﻣﺮﻙ ﻭﺍﻟﻠﻪ ﻓﻮﻙ ﻣﺎ ﺍﺭﻳﺪ ﻃﻔﻞ ﺍﻟﻨﻪ ﺛﻨﻴﻨﻪ ﻳﻮﻧﺴﻨﻪ ﻭﻳﺸﻴﻞ ﺍﺳﻤﻚ .
ﻫﺴﻪ ﺍﻧﻲ ﻛﺎﻳﻞ ﻣﺎ ﺍﺭﻳﺪ ؟؟؟؟ ﺣﺎﺟﻴﻨﻲ ﺑﺲ ﻟﺘﺨﻠﻴﻦ ﺍﻳﻤﺎﻧﺞ ﺑﻬﺬﺍ ﺍﻟﺸﻲ .
ﺍﺧﺬﻧﻲ ﺭﻋﺪ ﻟﻠﺪﻛﺘﻮﺭﻩ ﻭﻫﺎﻫﻴﻪ ...
.
ﺑﻌﺪ ﻣﻔﺎﻭﺿﺎﺕ ﻫﻮﺍﻱ ﺑﻴﻨﺎﺗﻨﻪ ﻭﺍﻧﻲ ﺭﺍﻓﺾ ﻓﻜﺮﺕ ﺍﻟﺪﻛﺘﻮﺭ . ﻻﻥ ﻣﺪﺭﻱ ﻟﻴﺶ ﺍﺣﺲ ﺍﻻﻃﻔﺎﻝ ﺭﺯﻕ ﻭﺍﺧﺎﻑ ﻣﻦ ﺍﻟﺪﻛﺎﺗﺮﻩ .
ﺭﺣﺖ ﻭﺩﻳﺘﻬﺎ ﻟﻠﺪﻛﺘﻮﺭﻩ ﻭﺿﻠﺖ ﺍﻟﺪﻛﺘﻮﺭﻩ ﻳﻮﻣﻴﻪ ﻣﻄﻠﻊ ﻗﺼﻪ ﺑﻴﻬﺎ ﻭﺩﻭﻩ ﺗﺮﻛﻊ ﺍﺣﻼﻡ . ﺍﻟﻰ ﺍﻥ ﺣﺒﻠﺖ . ﻭﺍﻛﻴﺪ ﻫﻢ ﻋﻤﻠﻴﻪ ﻻﻥ ﺍﺻﻼ ﻣﺼﺎﺭ ﺍﻟﻬﺎ ﻣﻦ ﻟﺤﻤﺖ ﻋﻤﻠﻴﺘﻬﺎ ﻓﻀﻠﻴﻨﻪ ﻧﺘﺎﻧﻲ ﻣﻮﻋﺪ ﺍﻟﻮﻻﺩﻩ ﻭﺍﺣﻼﻡ ﻣﻠﺘﺰﻣﻪ ﺑﺪﻭﻩ ﺍﻟﺪﻛﺘﻮﺭﻩ ﻟﻮ ﺷﺘﻜﻠﻬﺎ ﺗﺎﺧﺬﻩ ﺑﺄﻧﺘﻈﺎﻡ ﻭﺍﺩﻭﻳﻪ ﻣﺎﻝ ﺗﺸﻮﻩ .
ﻟﺤﺪ ﻣﺎ ﺣﺎﻧﺖ ﺳﺎﻋﻪ ﺍﻟﻮﻻﺩﻩ ﻭﺍﺳﺮﻉ ﻣﺎ ﻳﻜﻮﻥ ﻭﻻﺩﺗﻬﺎ ﻭﺟﺎﺑﺖ ﻃﺒﻴﻌﻲ ﻣﻊ ﺍﻟﻌﻠﻢ ﺣﺘﻪ ﺍﻟﺪﻛﺘﻮﺭﻩ ﻛﺎﻟﺖ ﺍﻟﻬﺎ ﻋﻤﻠﻴﻪ ﺑﺲ ﺷﺎﺀﺕ ﺍﻻﻗﺪﺍﺭ ﺍﻧﻮ ﺗﺠﻴﺐ ﺍﺣﻼﻡ ﺭﻗﻢ ٣ ﻭﻣﺎﺗﺖ ﺑﺪﻭﻥ ﺍﻱ ﺳﺒﺐ ﻭﺍﻟﻄﻔﻠﻪ ﻛﻠﺸﻲ ﻣﺎ ﺑﻴﻬﺎ ﻭﻃﺒﻴﻌﻴﻪ ﻭ ﻭﺯﻧﻬﺎ ٣ ﻛﻴﻠﻮﺍﺕ ﻭﺣﺘﻪ ﺍﻟﺪﻛﺎﺗﺮﻩ ﺗﻜﻮﻝ ﻣﺎﻛﻮ ﺳﺒﺐ .
ﺑﻮﻓﺎﻩ ﻫﺎﻱ ﺍﻟﻄﻔﻠﻪ ﺍﺣﻼﻡ ﻧﻬﺎﺭﺕ ﺿﻠﺖ ﺗﺒﺠﻲ ﻟﻤﺪﻩ ﻳﻮﻣﻴﻦ ﺑﺪﻭﻥ ﺍﻧﻘﻄﺎﻉ ﻭﻻ ﺍﻛﻞ ﻭﻻ ﺷﺮﺏ .
ﺍﺣﻼﻡ ﻛﺎﻓﻲ ﺷﻲ ﻭﺍﻟﻠﻪ ﻣﻘﺎﺳﻤﻪ ﻭﺭﺑﺞ ﻳﻜﺘﺒﻠﺞ ﺍﻻﺣﺴﻦ .
ﻳﻜﺘﺒﻠﻲ ﺍﻻﺣﺴﻦ . ﺭﻋﺪ ﺳﻨﻮﺍﺕ ﺟﺎﻱ ﺗﻀﻴﻊ ﻣﻦ ﻋﻤﺮﻱ ﻭﺣﻴﻠﻲ ﺟﺎﻱ ﻳﺮﻭﺡ ﺑﻠﻬﻮﻭﻭﻩ ﺟﺎﻱ ﺗﻌﺮﻑ ﺷﻨﻮ ؟؟؟؟
ﻋﻮﻓﻲ ﺍﻟﺤﺒﺎﻟﻪ ﺧﻞ ﻧﺄﺟﻠﻬﺎ ﺑﻠﻜﺖ ﻭﻟﻌﻞ ﻧﺪﺍﻭﻋﻲ ﺍﻋﺸﺎﺏ ﻭﺍﺩﺍﻭﻱ ﺍﻧﻲ ﺑﻠﻜﻲ ﺍﻟﺼﻮﺝ ﻣﻨﻲ ﻭﻣﺠﺎﻱ ﻳﺼﻴﺮ .
ﺷﻮﻳﻪ ﺻﻔﻨﺖ ﻫﻴﻪ ﻋﻠﻰ ﻫﺬﺍ ﺍﻟﺤﺠﻲ ﻭﻛﺎﻟﺖ ﺻﺪﻙ ﺍﻧﻲ ﻧﺎﺳﻴﺘﻚ ﻳﺠﻮﺯ ﻣﻨﻚ ﺭﻋﺪ .
ﻫﺴﻪ ﻛﻠﺸﻲ ﻳﺼﻴﺮ ﻳﺠﻮﺯ ﺷﻤﺪﺭﻳﺞ .
ﺭﻭﺡ ﺩﺍﻭﻱ ﺭﻋﺪ ﺍﻟﻠﻪ ﻳﺨﻠﻴﻚ .
ﺷﻨﻮﻭﻭ؟؟؟
ﻟﺨﺎﻃﺮﻱ ﺭﻋﺪ ﺍﺫﺍ ﺗﺤﺒﻨﻲ ﻟﺨﺎﻃﺮﻱ ﺭﻭﺡ ﺭﺍﺟﻊ .
ﻣﻮ ﻫﺴﻪ .
ﻣﺘﺤﺒﻨﻲ ﻭﺍﻟﻠﻪ ﺍﺩﺭﻱ ﺑﻴﻚ .
ﻫﻴﻪ ﺷﻐﻠﻪ ﻣﻮ ﺷﻐﻠﻪ ﺣﺐ ﺍﻓﺘﻬﻤﻲ ﺑﺲ ﺍﻧﻲ ﺗﻌﺒﺖ ﻣﻦ ﺍﻟﺨﻴﺒﺎﺕ ﺍﻧﻄﻲ ﻣﺠﺎﻝ ﻟﺮﻭﺣﺞ .
ﻣﻦ ﺷﻨﻮ ﺗﻌﺒﺖ ﺍﻧﺖ ؟؟؟ ﺷﻨﻮ ﺍﻟﻢ ﺍﻟﺤﺒﺎﻟﻪ ﺑﻀﻬﺮﻙ ﻟﻮ ﺍﻟﺘﻨﺴﺎ ﺍﻟﻲ ﻣﺘﺮﻭﺡ ﻣﻨﻚ ﻟﻮ ﺍﻟﻢ ﺍﻟﻮﻻﺩﻩ ﻟﻮ ﺍﻟﻢ ﺍﻟﻌﻤﻠﻴﻪ ﻟﻮ ﺗﻔﻘﺪ ﺷﻲ ﺣﺴﻴﺖ ﺑﻲ ﺑﺄﺣﺸﺎﺋﻚ ﻓﻬﻤﻨﻲ ﺑﺸﻨﻮ ﺗﻌﺒﺖ .
ﺗﻌﺒﺖ ﺍﺷﻮﻑ ﺍﻻﻧﺴﺎﻧﻪ ﺍﻟﻲ ﺍﺣﺒﻬﺎ ﺗﺘﻌﺬﺏ ﺑﺪﻭﻥ ﻧﺘﻴﺠﻪ .
ﺭﺍﺣﺘﻲ ﺑﻴﺪﻙ ﺍﺫﺍ ﻣﺼﺎﺭ ﻋﻨﺪﻱ ﻃﻔﻞ ﺍﺗﺨﺒﻞ ﻋﻠﻰ ﺣﺴﺎﺑﻲ ﺭﻋﺪ ﺩﺍﻭﻱ ﻋﻠﻰ ﺣﺴﺎﺑﻲ ﻣﻮ ﺗﻜﻮﻝ ﺗﺤﺒﻨﻲ ﺍﺛﺒﺘﻠﻲ ﻫﻠﺸﻲ ﻭﺧﻠﻴﻨﻲ ﺍﺻﻴﺮ ﺍﻡ ﻭﺍﻟﻠﻪ ﻛﻠﺒﻲ ﺭﺍﺡ ﻳﻄﻚ .
ﻣﻴﺨﺎﻟﻒ ﻣﻦ ﺍﻟﺸﻬﺮ ﺍﻟﺠﺎﻱ .
ﻭﻟﻴﺶ ﻫﻠﺘﺄﺧﻴﺮ ﻳﺎ ﻋﻴﻮﻧﻲ .
ﻟﺞ ﺑﺎﺑﺎ ﺳﺘﻮﻭﻭﻭﺝ ﺟﺎﻳﺒﻪ .
ﺷﻌﻠﻴﻚ ﺍﻧﻲ ﻣﺴﺘﻌﺪﻩ ﺍﺣﺒﻞ ﻭﺍﺟﻴﺐ ﻫﺴﻪ
ﺍﻟﻠﻪ ﻛﺮﻳﻢ .
ﻟﺘﻜﻮﻝ ﺍﻟﻠﻪ ﻛﺮﻳﻢ ﻛﻮﻝ ﻣﻴﺨﺎﻟﻒ
.....
ﺍﻟﻠﻠﻠﻠﻠﻠﻠﻠﻪ ﺍﻛﺒﺮ ﻳﺎ ﻋﺎﻟﻢ ﻟﺘﺼﻴﺮﻳﻦ ﻟﺠﻮﺟﻪ . ﻛﺘﻠﺞ ﺍﻳﻴﻲ .
ﻣﺘﺤﺒﻨﻲ ﻭﺍﻟﻠﻪ ﺍﺑﺪ ﻣﺘﺤﺒﻨﻲ ﻣﺘﻮﻧﺲ ﺗﺸﻮﻓﻨﻲ ﻣﺬﻟﻮﻟﻪ ﻛﺪﺍﻡ ﺍﻟﻨﺴﻮﺍﻥ ﻳﻮﻣﻴﻪ ﻭﺣﺪﻩ ﺣﺒﻼﻧﻪ ﻭﺟﺎﻳﺒﻪ ﻭﺍﻧﻲ ﻻ .
ﻟﺞ ﺍﻧﻲ ﻣﺘﻮﻧﺲ ﻋﻠﻴﺞ ﺍﻡ ﻋﻘﻞ ﺍﻟﺴﺴﺰ ﻭﺍﻟﻠﻪ ﺍﻣﻮﺕ ﻋﻠﻰ ﺍﻟﻤﺞ ﺍﻟﻒ ﻣﻮﺗﻪ ﺑﺲ ﺍﻧﺘﻲ ﺑﺪﻭﻥ ﺍﺣﺴﺎﺱ .
ﻟﺨﺎﻃﺮﻱ ﺭﻋﺪ ﻭﺍﻟﻠﻪ ﺣﺘﻪ ﺧﻮﺍﺗﻲ ﻛﻤﺖ ﺍﻛﺮﻫﻦ ﺍﻟﻠﻪ ﻳﺨﻠﻴﻚ ﻣﻦ ﺍﺳﻤﻊ ﻃﺎﺭﻱ ﻭﺣﺪﻩ ﺟﺎﺑﺖ ﺍﺗﻬﺴﺘﺮ ﺑﺮﻭﺡ ﺍﻣﻚ ﻭﺍﺑﻮﻙ ﺍﺭﺣﻤﻨﻲ ﻭﺍﺭﺣﻢ ﻋﺬﺍﺑﻲ .
ﻣﻴﺨﺎﻟﻒ ﻭﺍﻟﻠﻪ ﺍﺭﻭﺡ .
ﺷﻮﻛﺖ .
ﺍﺣﻼﻡ ﺍﻧﻲ ﺭﺍﺡ ﺍﺗﺨﺒﻞ ﻟﺘﻀﻐﻄﻴﻦ ﻋﻠﻴﻪ ﺟﺎﻱ ﺍﻛﻠﺞ ﻭﺍﻟﻠﻪ ﺍﺭﻭﺡ ﺑﺲ ﺍﺻﺒﺮﻱ ﺧﻞ ﺍﺳﺎﻝ ﻋﻦ ﺩﻛﺘﻮﺭ ﺑﻲ ﺧﻴﺮ .
.
ﻭﺻﺪﻙ ﺭﺣﺖ ﺳﺄﻟﺖ ﻋﻦ ﺩﻛﺘﻮﺭ ﺟﺎﻥ ﺍﺳﻤﻪ ﻣﺤﻤﺪ ﺍﻟﻌﻤﻴﺪﻱ ﺑﺬﺍﻙ ﺍﻟﻮﻗﺖ ﺟﺎﻥ ﻋﻤﻼﻕ .
ﺳﻮﻟﻔﺘﻠﻪ ﺑﻠﺘﻔﺼﻴﻞ ﻋﻦ ﺍﻟﻲ ﺟﺎﻱ ﻳﺼﻴﺮ ﻭﺳﺄﻟﻨﻲ ﻋﺪﻛﻢ ﻭﺭﺍﺛﻪ ﻛﺘﻠﻪ ﻻ .
ﻛﺎﻝ ﺧﻞ ﻧﺒﻠﺶ ﺑﻠﺘﺤﺎﻟﻴﻞ ﻭﻧﺸﻮﻑ .
ﺳﻮﻳﻨﻪ ﺍﻟﺘﺤﺎﻟﻴﻞ ﻭﺑﺬﺍﻙ ﺍﻟﻮﻗﺖ ﺟﺎﻥ ﻣﺠﻤﻮﻉ ﺍﻟﺘﺤﺎﻟﻴﻞ ﺍﻟﻲ ﺳﻮﻳﺘﻬﻦ ﺏ ١٢٠ ﺍﻟﻒ ﻳﻌﻨﻲ ﺷﻐﻞ ٣ ﺍﺷﻬﺮ ﻭﺍﻧﻲ ﻣﺠﻤﻌﻬﻦ ﺑﺲ ﺷﺴﻮﻱ ﻣﺠﺒﻮﺭ ﻻﻥ ﺍﺷﻮﻑ ﺍﺣﻼﻡ ﺑﻌﺪ ﻣﺘﺘﺤﻤﻞ ﻧﻬﺎﺋﻴﺎﺍﺍﺍ ﺑﺪﻭﻥ ﻃﻔﻞ .
ﻭﻃﻠﻌﺖ ﺍﻟﻨﺘﺎﺋﺞ ﺳﻠﺴﻴﻤﻪ .
ﺭﺍﻭﻳﺘﻬﻴﺎ . ﺍﺣﻼﻡ ﻃﻠﻌﺖ ﺍﻟﻨﺘﺎﺋﺞ ﺳﻠﻴﻤﻪ .
ﻣﺴﺘﺤﻴﻞ .
ﺷﻨﻮ ﺍﻟﻤﺴﺘﺤﻴﻞ ﺑﻠﻤﻮﺿﻊ
ﺟﺎ ﺍﻧﻲ ﻳﺠﻮﺯ ﺗﺤﺎﻟﻴﻠﻲ ﻏﻠﻂ ﺧﻞ ﻧﻌﻴﺪﻫﻦ .
ﺍﺣﻼﻡ ﻛﺎﺍﺍﺍﻓﻲ ﻣﻮ ﻫﺴﻪ ﺧﻞ ﻧﺄﺟﻞ ﻫﻠﻤﻮﺿﻮﻉ ﺷﻮﻳﻪ ﺑﻴﻦ ﻣﺎ ﺭﺑﺞ ﻳﻔﺮﺟﻬﺎ .
ﺿﻠﺖ ﺗﻠﺢ ﺗﻠﺢ ﺗﻠﺢ ﻟﻤﻦ ﺍﺧﺬﺗﻬﺎ ﻭﻋﺎﺩﺕ ﺍﻟﺘﺤﺎﻟﻴﻞ ﻋﺪ ﻏﻴﺮ ﺩﻛﺘﻮﺭﻩ .
ﺩﻛﺘﻮﺭ ﺍﻟﻌﻤﻴﺪﻱ ﺣﻮﻟﻨﻪ ﺍﻟﻬﺎ . ﻭﻛﺎﻟﺖ ﺍﻟﻨﺘﺎﺋﺞ ﺳﻠﻴﻤﻪ .
ﻋﻔﺘﻬﺎ ﻭﻛﺘﻠﻬﺎ ﺷﻮﻳﻪ ﻭﺍﺟﻴﺞ ( ﺟﺎﻥ ﻣﻜﺎﻥ ﺍﻟﺪﻛﺘﻮﺭ ﺑﻨﺺ ﺍﻟﺴﻮﻙ ﻭﺍﻟﺴﻮﻙ ﺑﻲ ﻣﺤﻞ ﻛﻬﺮﺑﺎﺋﻴﺎﺕ ﺟﻤﻠﻪ ﻛﻞ ﻓﺘﺮﻩ ﻳﻨﺰﻝ ﺷﻲ ﺟﺪﻳﺪ ﻓﻜﻠﻤﺎ ﺍﻣﺮ ﺑﻠﺴﻮﻙ ﺍﻣﺮ ﻋﻠﻴﻪ ﺍﺫﺍ ﺟﺎﻳﺐ ﺷﻲ ﺟﺪﻳﺪ ﺍﺧﺬﻩ ) ﻛﺎﻟﺖ ﺍﻱ ﻣﻨﺘﻈﺮﺗﻚ . ﺿﻠﺖ ﺗﺴﻮﻟﻒ ﻭﻱ ﺍﻟﻨﺴﻮﺍﻥ ﺍﻟﻲ ﻣﻮﺟﻮﺩﺍﺕ
ﻭﺭﻩ ﺷﻮﻳﻪ ﺍﺟﻴﺖ ﻋﻠﻴﻬﺎ . ﻳﻼ ﺍﻣﺸﻴﻨﻪ .
ﺍﻱ .
ﻭﺻﻠﻨﻪ ﺟﺎﻱ ﻧﻤﺸﻲ ﻣﺴﺎﻓﻪ ﻋﻦ ﺍﻟﺪﻛﺘﻮﺭﻩ ﻛﺎﻟﺖ ﺍﻧﻲ ﻋﺮﻓﺖ ﺷﻌﻨﺪﻱ .
ﻳﺎ ﺳﺘﺎﺭ . ﺷﻨﻮ . ؟؟؟
ﻋﻨﺪﻱ ﺗﺎﺑﻌﻪ .
ﺻﻠﻮﺍﺕ ﻭﻣﻨﻴﻦ ﺍﺟﺘﺞ ﻫﺎﻱ .
ﻟﺘﺴﺘﻬﺰﺀ . ﻣﺒﻴﻦ ﻋﻨﺪﻱ ﺗﺎﺑﻌﻪ .
ﺍﺣﻼﻡ ﺑﻼ ﺧﺮﺍﻓﺎﺕ ﻳﻼ ﺟﺎﻱ ﺍﻛﻠﺞ ﺷﻲ ﻭﻣﻘﺎﺳﻤﻪ ﺭﺑﺞ .
ﺍﺫﺍ ﻣﻘﺎﺳﻤﻪ ﻟﻴﺶ ﻳﻨﻄﻴﻨﻴﺎ ﻣﺮﻩ ﻭﺛﻨﻴﻦ ﻭﺗﻼﺛﻪ ﻟﻴﺸﺸﺶ؟
ﺍﺧﺘﺒﺎﺭ ﻭﺍﻟﺪﻧﻴﺎ ﺍﺷﻜﺎﻝ ﻭﺍﻟﻮﺍﻥ ﺍﻻﺧﺘﺒﺎﺭﺍﺕ .
ﻣﺴﺘﺤﻴﻞ ﻓﻜﺮ ﺑﻴﻬﺎ ﺷﻮﻳﻪ ﻟﻴﺶ ﺍﻟﺒﻨﻴﻪ ﺍﺟﻴﺒﻬﺎ ﻣﺎ ﺑﻴﻬﺎ ﺷﻲ ﻭﺗﻤﻮﺕ ﺑﻌﺪﻳﻦ ﻭﻟﻴﺶ ﺍﻟﻮﻟﺪ ﻋﻤﻠﻴﻪ ﻭﻣﺸﻮﻩ ؟؟؟.
ﺍﺣﻼﺍﺍﺍﺍﻡ ﻛﺎﻓﻲ ﻫﺎﻱ ﻣﻨﻮ ﻛﻠﺞ ﺍﻟﻴﻮﻡ ﻋﻠﻰ ﻫﺎﻱ ﺍﻟﻨﺼﻴﺤﻪ !!!!
ﻣﺘﺼﺪﻙ ﺻﺤﻴﺢ ﺣﻘﻚ . ﺑﺲ ﺍﻧﻲ ﻣﺘﺄﻛﺪﻩ ﻋﻨﺪﻱ ﺗﺎﺑﻌﻪ .
ﺷﻮﻓﻲ ﺍﺣﻼﻡ ﺍﻧﻲ ﺍﻋﺮﻑ ﺷﻨﻮ ﻏﺎﻳﺘﺞ ﻻ ﻋﺒﺎﻟﺞ ﻣﻄﻨﺶ . ﺑﺲ ﺻﺪﻛﻴﻨﻲ ﺑﻴﻮﻡ ﺍﻟﻲ ﺍﺩﻭﺭﻳﻦ ﺩﺟﺎﻻﺕ ﻭﺍﻟﻠﻠﻪ ﻣﺮﺍﺡ ﺗﻀﻠﻴﻦ ﻋﻠﻰ ﺫﻣﺘﻲ .
ﻭﺍﻧﻲ ﺷﻨﻮ ﺫﻧﺒﻲ ﺍﺿﻞ ﺍﻟﻌﻤﺮ ﻛﻠﻪ ﺑﺪﻭﻥ ﺍﻃﻔﺎﻝ ؟
ﻃﺒﺞ ﻃﻮﻭﻭﺏ ﻛﺎﻳﻠﺞ ﻋﻠﻰ ﺍﻃﻔﺎﻝ ﺷﺎﻛﻴﻠﺞ ﺑﺎﺟﻲ ﻛﺪﺍﻡ ﺍﻟﻨﺎﺱ ﻋﻠﻰ ﻃﻔﻞ ﺍﻧﻲ ﻣﺎ ﺍﺭﻳﺪ .
ﻫﺬﺍ ﺍﻟﺤﺠﻲ ﺍﺗﻌﺎﺭﻙ ﻭﺍﻧﻲ ﺑﻠﺸﺎﺭﻉ ﺑﺲ ﺑﺼﻮﺕ ﻧﺎﺻﻲ ﻭﺻﻠﺖ ﻋﻨﺪﻱ ﺑﺤﻴﺚ ﺭﺩﺕ ﺍﺿﺮﺑﻬﺎ ﺑﻨﺺ ﺍﻟﺸﺎﺭﻉ .
ﻃﺒﻴﻨﻪ ﻟﻠﺒﻴﺖ ﻭﺟﺎﻧﺖ ﺑﻴﻬﺎ ﺗﻤﻮﻭﻭﻭﺯ ﻭﺣﺎﺍﺍﺍﺭﻩ ﻣﻮﺕ ﺣﺮ ﻛﻌﺪﺕ ﻛﻮﻩ ﻋﻠﻰ ﺍﻋﺼﺎﺑﻲ . ﻭﻫﻴﻪ ﻣﺴﺘﻤﺮﻩ ﺑﻠﺒﺠﻲ .
ﻫﺴﻪ ﺍﻧﺘﻲ ﺷﺘﺮﺩﻳﻦ ﺑﺲ ﺟﺎﻭﺑﻴﻨﻲ ؟
ﺍﺟﺘﻲ ﺗﺮﻛﺾ ﺑﺎﺳﺖ ﺍﻳﺪﻱ . ﺑﺲ ﺧﻠﻴﻨﻲ ﺍﺭﻭﺡ ﻟﻠﻜﺸﺎﻓﻪ ﻫﺎﻱ ﻳﻤﻨﻪ ﻋﻠﻮﻳﻪ ﺧﻴﺮﻩ ﻭﺑﺖ ﺭﺳﻮﻝ ﺍﻟﻠﻪ ﺧﻠﻴﻨﻲ ﺍﺭﻭﺡ ﺍﻟﻬﺎ .
ﻻ .
ﺭﻋﺪ ﺍﻟﻠﻪ ﻳﺨﻠﻴﻚ ﻟﺨﺎﻃﺮﻱ . ﺍﺭﺣﻤﻨﻲ ﻭﺍﻟﻠﻪ ﺟﺎﻱ ﺍﺗﻌﺬﺏ .
.
ﻋﻔﺘﻬﺎ ﻭﻛﻤﺖ ﺟﺰﻋﺘﻨﻲ ﺭﻭﺣﻲ ﻟﻌﺒﺖ ﻣﻨﻬﺎ ﻣﻨﺎ ﺍﻧﻲ ﻣﻄﻠﻮﺏ ﻓﻠﻮﺱ ﺍﻟﺪﻛﺎﺗﺮﻩ ﻻﻥ ﻋﺎﺩﺕ ﻓﺨﻮﺻﺎﺗﻬﺎ ﺍﺧﻼﻡ ﻛﻠﻬﻦ ﻭﻣﻨﺎ ﻫﺎﻱ ﻛﻞ ﺳﺎﻉ ﻃﻠﻌﺖ ﺑﺴﺎﻟﻔﻪ ﺟﺪﻳﺪﻩ . ﻋﻔﺘﻬﺎ ﻭﺭﺣﺖ ﻟﺒﻴﺖ ﺣﻴﺪﺭ ﺍﺧﻮﻳﻪ .
ﺳﻼﻡ ﻋﻠﻴﻜﻢ ﺣﻴﺪﻭﺭ ﺷﻠﻮﻧﻚ .
ﻫﻼ ﺑﺄﺑﻮ ﺍﺣﻤﺪ ﺍﻟﻐﺎﻟﻲ ﺗﻔﻀﻞ .
ﻫﻬﻬﻬﻪ ﻫﻮ ﻭﻳﻨﻪ ﺍﺣﻤﺪ ﻳﺨﻮﻳﻪ ﻣﺘﻜﻠﻲ .
ﻻ ﺗﺴﺘﻌﺠﻞ ﻋﻠﻰ ﺭﺯﻗﻚ ﻗﺤﻂ . ﺭﺑﻚ ﻋﻠﻰ ﺳﺎﻋﻪ ﻟﻨﻪ ﻫﺎﻓﻠﻚ ﻛﻮﻣﻪ ﻓﺮﻭﺥ .
ﻭﻧﻌﻢ ﺑﺎﻟﻠﻪ . ﻭﺍﻟﻠﻪ ﻣﻮ ﺑﺤﺎﻟﻪ ﺑﺲ ﺍﺣﻼﻡ ﺭﺍﺡ ﺗﺨﺒﻠﻨﻲ .
ﺣﻘﻬﺎ ﺧﻮﻳﻪ ﻛﻞ ﻣﺮﻩ ﺗﺮﻳﺪ ﻃﻔﻞ .
ﺍﻛﻠﻚ ﺣﻴﺪﺭ ﺍﺭﻳﺪ ﺍﺷﻮﻓﻠﻲ ﺷﻐﻠﻪ ﻣﺮﺗﺒﻪ ﺗﻌﺒﺖ ﻣﻦ ﻭﺿﻌﻲ ﻫﻮﺍﻱ ﺟﺎﻱ ﺍﻛﻌﺪ .
ﻭﺷﻠﻜﻴﺘﻨﻲ ﻭﺯﻳﺮ ﺟﻤﻬﻮﺭﻳﻪ . ﻫﻬﻬﻪ
ﻻ ﺑﻠﻜﻲ ﺍﺑﺎﻟﻚ ﻓﺪ ﺷﻐﻠﻪ ﻣﺮﺗﺒﻪ ﺗﺸﻮﺭﻧﻲ ﺑﻴﻬﺎ .
ﺷﺎﻳﻒ ﺍﺑﻮ ﺍﻟﻤﺨﻈﺮ ﺷﻠﻮﻥ ﻳﻜﺮﻑ ﻓﻠﻮﺱ ﻭﺣﻖ ﺭﺑﻚ ﻫﺬﺍ ﺍﻟﻜﺪﺍﻣﻨﻪ ﻣﺎ ﻳﻠﺤﻚ . ﺣﻄﻠﻚ ﺑﺴﻄﻴﻪ . ﻭﺍﺳﺘﻔﺘﺢ .
ﻣﺎ ﻟﻲ ﺧﻠﻚ ﺧﺎﻑ ﺍﺧﺴﺮ ﺑﻴﻬﺎ .
ﻳﺨﻮﻱ ﻟﻮ ﺍﻟﻨﺎﺱ ﺗﻔﻜﺮ ﻣﺜﺎﻙ ﻣﺤﺪ ﺍﺷﺘﻐﻞ . ﺟﻴﺐ ﺍﻟﻤﺴﻮﺍﻙ ﻭﺍﻟﻲ ﻳﺰﻭﺩ ﻭﺩﻱ ﻟﻬﻠﻚ ﻭﺍﻧﻲ ﻋﻠﻴﻪ ﺍﻟﺸﻲ ﺍﻟﻲ ﻳﺘﻐﺐ ﺍﺧﺬﻧﻪ ﻣﻨﻚ ﻭﺑﻨﻔﺲ ﺍﻟﺴﻌﺮ .
ﺍﻟﻠﻪ ﻛﺮﻳﻢ .
ﺍﻧﻲ ﻣﺎ ﺟﺬﺑﺖ ﺧﺒﺮ ﺛﺎﻧﻲ ﻳﻮﻡ ﺍﺳﺘﻔﺘﺤﺖ ﺍﻟﺒﺴﻄﻴﻪ ﻭﺭﺣﺖ ﺍﺷﺘﺮﻳﺖ ﻣﺴﻮﺍﻙ ﻗﻠﻴﻞ ﻣﻮ ﻫﻮﺍﻱ ﺣﺘﻪ ﻻ ﻳﻀﻞ ﻋﻠﻰ ﻛﻠﺒﻲ . ﻭﺍﻟﻠﻪ ﺍﻟﺤﻤﺪ ﻟﻠﻪ ﺑﻴﻬﺎ ﺑﺮﻛﻪ ﻭﺍﻟﻠﻪ ﺭﺯﻗﻨﻲ .
ﺿﻠﻴﺖ ﻳﻮﻣﻴﻪ ﺍﻃﻠﻊ ﻣﻦ ﺍﻟﻐﺒﺸﻪ ﻋﻠﻰ ﺷﻐﻠﻲ . ﻭﺍﺭﺟﻊ ﺍﻟﻀﻬﺮﻳﺎﺕ . ﻭﺍﺫﺍﺍﻛﻮ ﻛﻬﺮﺑﺎﺋﻴﺎﺕ ﺍﻃﻠﻊ ﻭﺍﺣﺪ ﻣﻦ ﻭﻟﺪ ﺍﺧﻮﺗﻲ ﻭﻳﺎﻱ ﻻﻥ ﺭﺯﻗﻲ ﻣﺎ ﺍﺭﻳﺪﻩ ﺍﺗﺮﻛﻪ . ﻭﺍﺣﻨﻪ ﻣﻘﺴﻤﻴﻦ ﺑﻴﺖ ﺍﻫﻠﻨﻪ ﻭﻛﻠﻤﻦ ﺍﺧﺬ ﺣﺼﺘﻪ ﻭﻛﻌﺪﻧﻪ ﻭﺍﺣﺪ ﻗﺮﻳﺐ ﻉ ﺍﻟﺜﺎﻧﻲ . ﻓﻮﺿﻌﻴﺘﻲ ﺳﻬﻠﻪ ﻳﻌﻨﻲ ﻣﺎ ﺍﺭﻭﺡ ﻟﻤﻜﺎﻥ ﺑﻌﻴﺪ
....
ﻳﻮﻡ ﻣﻦ ﺍﻻﻳﺎﻡ ﺭﺟﻌﺖ ﻟﻜﻴﺖ ﺍﺣﻼﻡ ﻣﺎﻛﻮ . ﺿﻠﻴﺖ ﻣﻨﺘﻈﺮﻫﺎﺍﺍﺍﺍ ﺷﻮﻳﻪ ﻭﻃﺒﺖ ﺗﺘﺨﺘﻞ ﻣﺜﻞ ﺍﻟﺤﺮﺍﻣﻴﻪ .
ﺗﻌﺎﻱ ﻟﺞ ﻭﻳﻦ ﺟﻨﺘﻲ .
ﻳﻤﻤﻤﻤﻪ ﺧﺮﻋﺘﻨﻲ ﺭﻋﺪ ﺷﺒﻴﻚ .
ﺍﻭﻭﻭﻭﻱ ﺧﺮﻋﺘﺞ . ﻭﻳﻦ ﺟﻨﺘﻲ ﺣﻈﺮﺗﺞ .
ﺭﺣﺖ ﻳﻢ ﺍﻟﺪﻻﻟﻪ .
ﻳﺎ ﺩﻻﻟﻪ ؟
ﺗﺒﻴﻊ ﻣﻼﺑﺲ .
ﻭﻳﻨﻬﻦ ﺍﻟﻲ ﺍﺷﺘﺮﻳﺘﻴﻬﻦ .
ﻣﺎ ﺍﺷﺘﺮﻳﺖ ﻣﻮ ﺣﻠﻮﺍﺕ .
ﻣﻮ ﺣﻠﻮﺍﺕ ﻣﻮ . ﺟﺮﻳﺘﻬﺎ ﻣﻦ ﻋﺒﺎﺗﻬﺎ ﺷﻌﺮﻫﺎ ﻛﻠﻪ ﻣﺒﻠﻞ ﺍﻧﻲ ﺷﻔﺘﻬﺎ ﻫﻴﺞ ﺗﺨﺒﻠﺖ ﻛﻠﺸﻲ ﻣﺎ ﻋﺆﻓﺖ ﺍﺻﺮﻑ ﺑﻌﺪ ﻛﺎﻡ ﺣﻴﻠﻲ ﻳﺮﻋﺶ . ﻣﺎ ﺍﺟﻪ ﺑﺲ ﺷﻲ ﻭﺍﺣﺪ ﺍﺑﺎﻟﻲ . ﺣﻄﻴﺘﻬﺎ ﺍﻭﻝ ﻣﺮﻩ ﻣﻦ ﺍﺧﺬﺗﻬﺎ ﻟﺤﺪ ﺍﻻﻥ ﺍﻣﺪ ﺍﻳﺪﻱ ﻋﻠﻴﻬﺎ . ﺩﻛﻴﺘﻬﺎ ﺩﻙ ﻧﻬﻴﺘﻬﺎ ﺗﻨﻬﻲ
ﺍﺫﺍ ﻣﻜﻠﺘﻲ ﻭﻳﻦ ﺭﺣﺘﻲ ﺍﺟﻨﺰﺝ ﻫﺴﻪ ﻭﺍﻟﻠﻪ .
ﺍﺣﻼﺍﺍﺍﺍﺍﻡ ﻭﻳﻦ ﺟﻨﺘﻲ ؟
ﻳﻢ ﺍﻟﻌﻠﻮﻳﻪ .
ﻳﺎ ﻋﻠﻮﻳﻪ ﻟﺞ ﺳﺎﻳﺒﻪ ﺳﺎﻗﻄﻪ ﺗﺮﺑﻴﻪ ﺷﻮﺍﺭﻉ ﺟﺎﻳﻪ ﺷﻌﺮﺝ ﻣﺒﻠﻞ .
ﺗﺎﺧﺬﻟﻲ ﺧﻴﺮﻩ . ﻭﺗﺒﺠﻲ ﻭﺍﻟﺪﻣﻮﻉ ﺗﺼﺐ .
ﺧﻴﺮﻩ ﺷﻨﻮ ﺧﻴﺮﺭﺭﻩ ﺟﻮﻩ ﺍﻟﻤﺎﻱ ﺷﻨﻮ ﻟﺞ ﻣﻦ ﺧﻴﺮﻩ .
ﺳﺒﺤﺘﻨﻲ ﻫﻴﻪ ﻭﺍﻟﻠﻪ ﻭﺍﻟﻠﻪ ﻫﻴﻪ ﺳﺒﺤﺘﻨﻲ ﻭﺍﻟﻠﻪ ﻭﺩﺍﻋﻪ ﻋﺎﻓﻴﺘﻲ .
ﺍﻟﻤﺸﻜﻠﻪ ﺍﻧﻮ ﺍﻧﻲ ﻣﺎ ﺍﺛﻖ ﺑﻬﻴﺞ ﺷﻐﻼﺕ ﻧﻬﺎﺋﻴﺎﺍﺍﺍﺍ ﻭﻻ ﻋﻨﺪﻱ ﺫﺭﻩ ﺍﻳﻤﺎﻥ ﺑﻴﻬﺎ . ﻭﺭﻩ ﻣﺼﺎﺭﺕ ﻫﻠﻤﺼﻴﺒﻪ . ﺭﺣﺖ ﻛﺒﻞ ﻟﻤﺮﻩ ﺣﺴﻦ .
ﻟﺒﺴﻲ ﻋﺒﺎﺗﺞ ﻭﺗﻌﺎﻱ .
ﺧﻴﺮ ﺭﻋﻮﺩﻱ ﺷﺒﻴﻚ .
ﺑﻠﻄﺮﻳﻖ ﺍﺳﻮﻟﻔﻠﺞ ﺑﺴﺮﻋﻪ .
ﺍﻛﻠﻲ ﻋﻠﻰ ﺍﻟﻨﺎﺭ .
ﻋﻤﻮ ﻛﺮﺍﺭ ﺍﺫﺍ ﺍﺟﻪ ﺍﺑﻮﻙ ﻛﻠﻪ ﻋﻤﻮ ﺭﻋﺪ ﺍﺟﻪ ﻋﻠﻰ ﺍﻣﻲ . ﻛﻮﻣﻲ ﻧﻮﺭ ﻋﻤﻮ ﺩﻳﺮ ﺑﺎﻟﺞ ﻉ ﺍﻟﻄﺒﺦ ﺑﻴﻦ ﻣﺎ ﺗﺠﻲ ﺍﻣﺞ .
ﻳﻼ ﺧﻮﻳﻪ ﺧﺼﻤﻴﻬﺎ ﺑﺮﻭﺡ ﺍﺧﻴﺞ ﻭﺍﻟﻠﻪ ﺗﺮﻩ ﻫﺴﻪ ﺍﺗﺨﺒﻞ .
ﻳﺎ ﺳﺘﺎﺭ ﻣﺪﺭﻱ ﺷﺒﻴﻚ ﺷﺠﺎﻙ ﺧﻞ ﺍﻟﺒﺲ ﺟﻮﺍﺭﻳﺒﻲ .
* ﺣﺴﻦ ﺍﻛﺒﺮ ﻣﻨﻲ ﺑﻬﻮﺍﻱ ﻟﻤﻦ ﺗﺰﻭﺝ ﺟﻨﺖ ﺻﻐﻴﺮ ﻭﻣﺮﺗﻪ ﺍﻡ ﺍﻳﻤﻦ ﺍﻋﺘﻨﺖ ﺑﻴﻪ ﺣﺎﻟﻲ ﻣﻦ ﺣﺎﻝ ﻭﻟﺪﻫﺎ ﻟﻮ ﺍﺧﻮﻫﺎ ﺍﻟﺼﻐﻴﺮ ﻓﺎﺣﺴﻬﺎ ﺍﻣﻲ ﺍﻟﺜﺎﻧﻴﻪ ﻳﻌﻨﻲ ﺍﻛﺒﺆ ﻣﻨﻲ ﺑﻬﻮﺍﻱ ﺍﺣﺘﺆﻣﻬﺎ ﻭﺍﺣﺒﻬﺎ ****
ﺳﻮﻟﻔﺖ ﺍﻟﻬﺎ ﺑﻠﻄﺮﻳﻖ ﻋﻦ ﺍﻟﻲ ﺻﺎﺭ . ﻭﺻﻠﺖ ﻟﻠﺒﻴﺖ . ﻳﺎﺍﺍ ﺳﻮﺩﻩ ﺑﻔﻜﺮﻙ ﺷﻤﺴﻮﻱ ﺑﻠﻤﺮﻩ .
ﺭﻭﺣﻲ ﻫﺴﻪ ﻟﻬﺎﻱ ﺍﻟﻌﻠﻮﻳﻪ ﺷﻮﻓﻴﻬﺎ ﻋﻠﻮﻳﻪ ﻋﺘﻮﻳﻪ ﺧﻞ ﻧﻔﺘﻬﻢ ﺍﻟﺴﺎﻟﻔﻪ .
ﺍﺧﺬﺗﻬﺎ ﻟﺤﺪ ﺍﻟﺒﻴﺖ ﻭﻧﺰﻟﺖ ﻳﻤﻬﺎ ﺍﻡ ﺍﻳﻤﻦ ﻭﺍﻧﻲ ﻛﺎﻋﺪ ﺑﻠﺒﺎﺏ ﻣﺜﻞ ﺍﻟﺨﺒﻞ . ﺍﺣﻮﺹ ﺍﺟﻲ ﻣﻨﺎ ﻭﺍﺭﺟﻊ ﻣﻨﺎ ﻓﺪ ﺭﺑﻊ ﺳﺎﻋﻪ ﻭﻃﻠﻌﺖ .
ﻫﺎ ﺷﺼﺎﺭ .
ﺍﻱ ﺻﺪﻙ ﺗﺴﺒﺢ ﺧﻄﻴﻪ ﻫﻴﻪ ﻣﺴﺒﺤﺘﻬﺎ .
ﻣﺎ ﻣﺼﺪﻙ ﻣﺪﺭﻱ ﻟﻴﺶ .
ﺭﻋﻮﺩﻱ ﺧﻴﻲ ﺗﺮﻩ ﺍﻟﺒﻨﻴﻪ ﺧﺎﻳﻔﻪ ﺍﻟﻠﻪ ﻭﺑﺖ ﻋﻤﻚ ﻣﺎ ﻳﺼﻴﺮ ﻫﻴﺞ ﺗﻄﻌﻦ ﺑﻴﻬﺎ ﻭﺑﺸﺮﻓﻬﺎ ﺍﻭﻝ ﺗﺎﻟﻲ ﺷﺠﺎﻙ ﺗﺨﺒﻠﺖ .
ﺍﻛﻮﻝ ﺧﺎﻑ ﺗﺮﻳﺪ ﻃﻔﻞ ﻣﻨﻲ ﻣﻦ ﻏﻴﺮﻱ ﺑﺲ ﺍﻟﻤﻬﻢ ﻃﻔﻞ .
ﻻ ﺧﻴﻲ ﻟﺘﻔﻜﺮ ﻫﻴﺞ ﺍﻟﻠﻬﻢ ﺍﻟﻌﻨﻚ ﻳﻠﺸﻴﻄﺎﻥ ﻟﺘﺨﻠﻲ ﺍﺑﻠﻴﺲ ﻣﻌﺸﻌﺶ ﺑﺪﻣﺎﻏﻚ .
ﻳﻼ ﺗﻌﺎﻱ ﺗﻐﺪﻱ ﻳﻤﻨﻪ .
ﺑﺎ ﺧﻴﻲ ﺫﺑﻨﻲ ﺍﺑﻴﺘﻲ ﻭﺍﻟﻠﻪ ﻭﻳﺎﻙ ﺭﻭﺡ ﺻﺎﻟﺢ ﻣﺮﺗﻚ ﺧﻄﻴﻪ .
.
ﺫﺑﻴﺘﻬﺎ ﻭﺭﺣﺖ ﻟﻠﺒﻴﺖ ﻟﻜﻴﺖ ﺍﺣﻼﻡ ﺑﻌﺪﻫﺎ ﻋﻠﻰ ﻛﻌﺪﺗﻬﺎ . ﻭﺍﻟﻌﻴﻮﻥ ﺻﺎﻳﺮﺍﺕ ﺟﺒﺪ ﺩﻡ .
ﺑﺎﻭﻋﺘﻠﻬﺎ ﺑﺎﻭﻋﺘﻠﻲ ﻭﻧﺰﻟﺖ ﺭﺍﺳﻬﺎ ﻭﺿﻠﻦ ﺍﻟﺪﻣﻮﻉ ﺷﻼﻻﺕ ..
ﻛﻮﻣﻲ .
ﺯﺍﺩﺕ ﺑﻠﺒﺠﻲ .
ﻳﻼ ﻳﺎ ﺑﺖ ﻋﻤﻲ ﻟﺘﺴﻮﻳﻬﺎ ﻃﻼﺑﻪ ﻧﻄﻠﺐ ﻣﻨﺞ ﺍﻟﺴﻤﺎﺡ ﺑﻮﻳﻪ .
ﻛﺎﻣﺖ ﻋﺎﻓﺘﻨﻲ ﻭﺭﺍﺣﺖ .
ﺭﺣﺖ ﻭﺭﺍﻫﺎ ﺍﺣﻼﻡ ﺑﺲ ﺑﺎﻋﻴﻠﻲ ﺗﻌﺮﻓﻴﻦ ﺷﻨﻮ ﺍﻧﺴﺎﻥ ﻳﺤﺐ ﺷﺨﺺ ﻭﻳﺮﻳﺪﻩ ﺑﺲ ﺍﻟﻪ .
( ﻛﺎﻋﺪﻩ ﻉ ﺍﻟﺠﺮﺑﺎﻳﻪ ﻭﻣﺘﺠﺎﻭﺑﻨﻲ ﺑﺲ ﺗﺴﻤﻊ . )
ﻫﺎﻱ ﺍﻧﻲ ﺍﺭﻳﺪﺝ ﺑﺲ ﺍﻟﻴﻪ .
ﻭﻣﻨﻮ ﻛﻠﻚ ﺭﺣﺖ ﺑﻐﻴﺮﻙ . ﻟﻮ ﺷﻚ ﺑﺮﺟﻮﻟﺘﻚ ﻫﺎﻱ .
ﻣﻴﺨﺎﻟﻒ ﻣﻘﺒﻮﻟﻪ ﻣﻨﺞ ﺑﺖ ﻋﻤﻲ ﺑﺲ ﻟﻮ ﻣﺎ ﺍﺣﺒﺞ ﻣﺎ ﺍﺧﺎﻑ ﻋﻠﻴﺞ ﻭﻣﺎ ﺍﺣﺮﺹ ﻋﻠﻴﺞ .
ﺍﻟﺤﺐ ﻓﻌﻞ ﻣﻮ ﻗﻮﻝ . ﺧﻮﺵ ﻣﻮ ﻟﻘﻠﻘﻪ ﻟﺴﺎﻥ .
ﺍﺣﻼﻡ ﺍﻧﻲ ﺍﺳﻒ ﻣﺎ ﻣﺘﻘﺼﺪ ﻫﻴﺞ ﻳﺼﻴﺮ ﺑﺲ ﺍﻧﺘﻲ ﺻﻮﺟﺞ .
ﻃﺒﻌﺎ ﺻﻮﺟﻲ ﻻﻥ ﺍﻧﻲ ﻣﺮﻩ ﻣﻦ ﺑﺎﺟﺮ ﺗﺰﻭﺝ ﻋﻠﻴﻪ ﻭﺍﻧﻲ ﻣﺎ ﺑﻴﺪﻱ ﺷﻲ ﺍﺣﺎﻓﻆ ﺑﻲ ﻋﻠﻰ ﺑﻴﺘﻲ .
ﻟﻴﺶ ﻣﺘﻮﻗﻌﻪ ﺣﺒﻲ ﺍﻟﺞ ﺟﺬﺏ . ﺷﻨﻮ ﺍﻟﺸﻲ ﺍﻟﻲ ﻳﺨﻠﻴﺞ ﺗﺘﺎﻛﺪﻳﻦ ﻣﻦ ﺣﺒﻲ ﺍﻟﺞ ﻭﺍﻱ ﻭﺣﺪﻩ ﻟﻮ ﻣﻠﻜﻪ ﺟﻤﺎﻝ ﻣﺆﺍﺡ ﺍﺑﺎﻭﻉ ﻋﻠﻴﻬﺎ ﻟﻮ ﺗﺤﻼﻟﻲ ﻭﺍﻧﺘﻲ ﻣﻮﺟﻮﺩﻩ ﻗﺮﺑﻲ .
ﺍﺫﺍ ﺗﺤﺒﻨﻲ ﺧﻠﻴﻨﻲ ﺍﺭﻭﺡ ﻟﻠﻌﻠﻮﻳﻪ .
ﻟﻮ ﺗﻤﻮﺗﻴﻦ ﻭﻫﻠﻤﺮﻩ ﻋﺪﺕ ﻻﻥ ﺍﺫﻳﺘﺞ ﻣﺮﻩ ﻟﺦ ﺍﺳﺤﻠﺞ ﺑﻠﺸﺎﺭﻉ .
ﺧﻞ ﻳﻜﻮﻥ ﺑﻌﻠﻤﻚ ﺭﻋﺪ ﺍﻧﻲ ﻫﺎﻱ ﺍﻟﻌﻠﻮﻳﻪ ﺍﺧﺮ ﺍﻣﻞ ﺍﻟﻴﻪ ﺍﺫﺍ ﻣﺎ ﺍﺷﻮﻑ ﺷﺘﻜﻠﻲ ﻣﺎ ﺍﺭﺗﺎﺡ .
ﻳﻌﻨﻲ ﺗﺮﺣﻴﻦ ﻏﺼﺒﺎ ﻋﻨﻲ .
ﻫﺎﻱ ﺍﺧﺮ ﻣﺮﻩ . ﻭﻣﺮﻩ ﻟﺦ ﺍﻧﻮﺏ ﺍﺯﻭﺟﻚ ﺑﻴﺪﻱ .
ﺯﻳﻦ ﻋﻨﺪﻱ ﺣﻞ !!!
ﻭﻫﻮﻩ ؟؟؟
ﻻ ﺗﺮﺣﻴﻦ ﻟﻠﻌﻠﻮﻳﻪ ﻭﻻ ﺗﺰﻭﺟﻴﻨﻲ . ﻭﻫﺎﻱ ﻋﻤﻲ ﻭﻋﺪ ﺯﻟﻤﻪ ﺍﺫﺍ ﺗﺰﻭﺟﺖ ﻋﻠﻴﺞ ﺍﻃﻠﻊ ﻛﻠﺐ ﺍﺑﻦ ﻛﻠﺐ . ﺑﺲ ﻟﺘﺮﺣﻴﻦ ﻭﺍﻟﻠﻪ ﺟﺬﺍﺑﺎﺍﺍﺕ ﻭﺍﻟﻠﻪ .
.
.
.
.
.
* ﻻ ﺗﺴﺎﻝ ﺭﺍﺣﻼً ﻗﺒﻞ ﺭﺣﻴﻠﻪ ﻓﺎﻧﻪ ﺟﻬﺰﻩ ﻋﺬﺭﻩ ﻗﺒﻞ ﺣﻘﺎﺋﺒﻪ
...
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء