رواية خطوات نحو الجحيم ج3 الجزء الحادي عشر | نهاية الجزء الثالث
للكاتبة زينب ماجد
.
ﺗﻠﻚ ﺍﻟﻌﻴﻮﺏ ﺍﻟﺘﻲ ﻧﺘﻐﺎﺿﻰ ﻋﻨﻬﺎ ﻓﻲ ﺑﺎﺩﺉ ﺍﻟﻌﻼﻗﺔ ..
ﻏﺎﻟﺒﺎً ﻫﻲ ﺍﻟﺘﻲ ﺗﻨﻬﻴﻬﺎ ﻭ ﺗﻀﻊ ﺍﻟﻨﻬﺎﻳﺔ 🖤 Zainab majid
ﺍﻟﻌﺮﺍﻕ _ ﺑﻐﺪﺍﺩ
ﺍﻟﺴﺎﻋﺔ ٢ ﻟﻴﻼً
ﻏﺎﻃﺔ ﺑﻨﻮﻣﻲ، ﺗﺤﺮﻛﺖ ﺑﻤﻜﺎﻧﻲ ﻭ ﺍﻟﺘﻔﻴﺖ ﺩﺍ ﺍﻧﺪﺍﺭ ﻟﻤﺨﻠﺪ، ﺣﺴﻴﺖ ﻫﻮ ﻣﻤﻮﺟﻮﺩ ، ﻣﺪﻳﺖ ﺍﻳﺪﻱ ﺍﺳﺘﻔﻘﺪ ﺍﻟﻔﺮﺍﺵ ﻭ ﺍﻧﻲ ﻣﻐﻤﻀﺔ
ﺍﺗﺤﺴﺲ ، ﺍﺩﻭﺭ
ﻣﺎﻛﻮ !
ﻓﺘﺤﺖ ﻋﻴﻮﻧﻲ، ﺍﻟﻐﺮﻓﺔ ﻇﻠﻤﺔ ﺗﻘﺮﻳﺒﺎ، ﺍﻧﺪﺍﺭﻳﺖ ﻟﻠﺘﻴﺒﻞ ﻻﻡ ﻭ ﻓﺘﺤﺖ ﻭ ﻛﻌﺪﺕ ﻋﻠﻰ ﺣﻴﻠﻲ، ﺍﺑﺎﻭﻉ
ﻣﻤﻮﺟﻮﺩ !!
- ﻭﻳﻦ ﺭﺍﺡ ؟
ﺳﺤﺒﺖ ﺍﻟﻐﻄﺎ ﻣﻦ ﺟﺴﻤﻲ، ﻛﻨﺖ ﻻﺑﺴﺔ ﺷﻠﺤﺔ ﺣﺮﻳﺮ ﻃﻮﻳﻠﻪ، ﺍﺧﺬﺕ ﻓﻮﻛﻪ ﺭﻭﺏ ﻭﻟﺒﺴﺖ ﻭ ﻃﻠﻌﺖ ﻟﻠﺒﻴﺖ ﺍﺩﻭﺭﻩ
ﺑﺎﻟﺼﺎﻟﺔ ﻣﺎﻛﻮ
ﻣﺸﻴﺖ ﻟﻠﻤﻄﺒﺦ ، ﻟﻜﻴﺘﻪ ﻛﺎﻋﺪ ﻭ ﺍﻟﺘﻠﻴﻔﻮﻥ ﺑﻴﺪﻩ ﻭ ﻳﺪﺧﻦ ﺍﺭﻛﻴﻠﻪ ، ﻣﻦ ﺷﺎﻓﻨﻲ ﻋﺎﻑ ﺍﻟﺘﻠﻴﻔﻮﻥ ﻭ ﺑﺎﻭﻋﻠﻲ : ﻫﺎ ﻋﻤﺮﻱ ﻛﻌﺪﺗﻲ
- ﻣﻠﻜﻴﺘﻚ ﺑﺎﻟﻔﺮﺍﺵ ﻃﻠﻌﺖ ﺩﺍ ﺍﺩﻭﺭﻙ
- ﻫﻴﺎﻧﻲ ﺣﺒﻴﺒﻲ ﻣﺎ ﺟﺎﻳﻨﻲ ﻧﻮﻡ ﻭ ﺧﻔﺖ ﺍﺫﺍ ﺍﺑﻘﻰ ﺍﺗﻜﻠﺐ ﺑﻔﺮﺍﺷﻲ ﻣﺎ ﺗﺮﺗﺎﺣﻴﻦ ﺑﻨﻮﻣﺘﺞ
ﺗﻘﺮﺑﺖ ﻳﻤﻪ ﺳﺤﺐ ﺍﻟﻜﺮﺳﻲ ﻭ ﻛﻌﺪﻧﻲ ﻋﻠﻰ ﺭﺟﻠﻴﻪ ﺣﻈﻨﺘﻪ ﻭ ﺧﻠﻴﺖ ﺭﺍﺳﻲ ﻋﻠﻰ ﺟﺘﻔﻪ ﻭ ﺩﻓﻨﺖ ﻭﺟﻬﻲ ﺑﺮﻛﺒﺘﻪ ﻭ ﺣﺠﻴﺖ ﺑﺪﻟﻊ : ﺍﺭﻳﺪﻙ ﻳﻤﻲ ﻣﺎ ﺍﻗﺒﻞ ﺗﻌﻮﻓﻨﻲ
- ﻟﻴﺶ ﺍﻛﺪﺭ ﺍﻋﻮﻓﺞ ﺍﻧﻲ ، ﻳﻌﺸﻜﻲ ﺍﻧﺖ
- ﻛﻮﻡ ﺩﻧﺎﻡ ﺑﺎﺭﺩﻩ ﻫﻨﺎ
- ﻫﺴﻪ ﺍﻛﻤﻞ ﺟﻜﺎﺭﺗﻲ ﻭ ﻧﻜﻮﻡ
ﺑﻘﻴﺖ ﻋﻠﻰ ﻭﺿﻌﻲ ﺑﺤﻈﻨﻪ، ﺳﺄﻟﻨﻲ : ﻟﺠﻴﻦ ﺍﻧﻲ ﺍﺗﻔﻘﺖ ﻭﻳﺎ ﺍﻟﻮﻟﺪ ﻉ ﺍﻟﺸﻐﻞ ﻭ ﻛﻠﺖ ﻟﻮ ﺍﺭﺗﺒﻪ ﻟﻠﻤﻘﻬﻰ ﻭ ﺍﺟﻴﺐ .....
ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻪ : ﺷﺸﺶ ﺍﻧﻲ ﺳﻠﻤﺘﻚ ﻫﺎﻟﺸﻐﻞ ﻭ ﺍﻧﺖ ﺍﻋﺮﻑ ﺑﻴﻪ ﻭ ﺍﻟﻠﻲ ﻳﻨﺎﺳﺐ ﺳﻮﻱ
- ﻳﻌﻨﻲ ﻣﻤﺘﻀﺎﻳﻘﺔ ﻻﻥ ﺳﺠﻠﺘﻲ ﺑﺄﺳﻤﻲ ؟
- ﺷﻨﻮ ﺍﺳﻤﻚ ﻭ ﺷﻨﻮ ﺍﺳﻤﻲ ؟
ﺑﺎﻭﻋﺖ ﻟﺠﺴﻤﻨﺎ ﻛﻨﺎ ﻣﺘﺤﺎﻇﻨﻴﻦ : ﺩﺍ ﺗﺸﻮﻑ ﺣﺘﻰ ﺍﻟﻬﻮﻯ ﻣﺎﻛﻮ ﺑﻴﻨﺎﺗﻨﺎ ﻭ ﻣﺨﺘﻠﻂ ﺟﺴﻤﻲ ﺑﺠﺴﻤﻚ ، ﻟﺸﻮ ﺑﻌﺪ ﺍﺳﻤﻲ ﻭ ﺍﺳﻤﻚ ﻭ ﺗﻔﺮﻗﻨﺎ ﺑﻬﺎﻟﻤﺴﻤﻴﺎﺕ ؟
ﺍﺣﺠﻲ ﻭ ﺍﻧﻲ ﺍﻫﻤﺲ ﺑﺄﺫﻧﻪ ﻭ ﺍﺟﺮ ﺑﺎﻟﻜﻼﻡ ﻧﻌﺴﺎﻧﻪ
- ﻫﻠﻜﺪ ﺣﺒﻴﺘﻴﻨﻲ ؟
- ﻭ ﺣﺒﻴﺖ ﺍﻟﺒﻴﺖ ﻭ ﺗﺮﻛﺖ ﺍﻻﻋﻼﻡ ﻭ ﺷﻐﻠﻲ ﻭ ﺣﻴﺎﺗﻲ ﻛﻠﻬﺎ ﺑﺲ ﺣﺘﻰ ﺍﺻﻴﺮﻟﻚ ﺯﻭﺟﺔ ﺗﻨﻈﻢ ﻭ ﺗﺮﺗﺐ ﻛﻠﺸﻲ ﻭ ﺗﺘﺤﻈﺮ ﻗﺒﻞ ﻟﺘﺠﻲ ﻭ ﻣﻦ ﺗﺠﻲ ﻣﻦ ﺍﻟﺪﻭﺍﻡ ﺍﺭﻛﺾ ﻻﺣﻀﺎﻧﻚ ﺭﻛﻀﺔ ﺍﻟﻄﻔﻠﺔ ﻷﺑﻮﻫﺎ
ﺍﺑﺘﺴﻢ ﻭ ﺑﺎﺳﻨﻲ ﺑﺰﻧﺪﻱ : ﺍﻋﺸﻜﺞ ﻭﻟﺞ ﺗﻌﺮﻓﻴﻦ ﺍﻧﺖ ﺷﻨﻮ ﺑﺎﻟﻨﺴﺒﺔ ﺍﻟﻴﺔ ﻭ ﻗﺴﻢ ﺍﺑﺄﻟﻠﻪ ﻣﺎ ﺣﺒﻴﺖ ﺍﺣﺪ ﺑﮕﺪ ﻣﺎ ﺣﺒﻴﺘﺞ ، ﺍﻫﻠﻲ ﺍﺧﻮﺗﻲ ﺍﻃﻔﺎﻟﻲ ﻋﻤﺎﻣﻲ ﺍﻗﺎﺭﺑﻲ ﻧﺎﺳﻲ ﻣﺎ ﺍﺗﺬﻛﺮ ﺍﻟﻠﻪ ﺧﺎﻟﻖ ﺑﺸﺮ ﻣﻦ ﺍﻧﺖ ﻳﻤﻲ ﻛﻠﻬﻢ ﻳﻤﺞ ﺍﻧﺴﺎﻫﻢ
- ﺍﻧﻲ ﻣﺎ ﺍﻟﻲ ﻏﻴﺮﻙ ، ﺩﺍ ﺗﺸﻮﻑ ﺑﺲ ﺍﻡ ﻭ ﺑﻐﻴﺮ ﻗﺎﺭﺓ ، ﻻ ﺍﻫﻞ ﻻ ﺍﺧﻮﺓ ﻻ ﺍﺻﺪﻗﺎﺀ، ﻣﺎ ﺍﻟﻲ ﺑﻬﺎﻟﺪﻧﻴﺎ ﻏﻴﺮﻙ ﺍﻻ ﺍﻧﺖ ﺻﺮﺗﻠﻲ ﻛﻞ ﺍﻟﺪﻧﻴﺎ ، ﻣﺨﻠﺪ ﺍﻧﻲ ﻛﻠﺶ ﻓﺮﺣﺎﻧﻪ ﻭ ﻣﺮﺗﺎﺣﻪ ﻭﻳﺎﻙ ﻭ ﻣﺘﻨﺪﻣﻪ ﻋﻠﻰ ﺍﻟﻤﺎﺿﻲ ﻟﻤﺎ ﺗﺮﻛﺘﻚ ﻭ ﻣﺸﻴﺖ ﻻﻧﺴﺎﻥ ﻛﺴﺮﻧﻲ ﻭ ﻣﺎ ﻗﺪﺭﻧﻲ
..
ﺍﻧﺖ ﺍﻟﻲ ﻟﺠﻴﻦ ﻃﻴﺮﺓ ﺷﻤﺎ ﺍﻃﻴﺮﻳﻦ ﻟﻜﻠﺒﻲ ﺗﺮﺟﻌﻴﻦ
ﺑﺴﺘﻪ ﺑﺨﺪﻩ : ﻳﻼ ﻛﻮﻡ ﺩﻧﺎﻡ ﺑﻔﺮﺍﺷﻨﺎ
ﻛﻤﺖ ﻣﻦ ﺭﺟﻠﻴﻪ، ﻛﺎﻡ ﻫﻮ ﻟﻒ ﺍﻻﺭﻛﻴﻠﺔ ﻭ ﺷﺎﻟﻬﺎ ، ﺍﻧﻲ ﻣﺪﻳﺖ ﺍﻳﺪﻱ ﻟﻠﻤﻮﺑﺎﻳﻞ ﺩﺍ ﺍﺧﺬﻩ ﻟﻠﻐﺮﻓﺔ، ﺷﻔﺖ ﺑﺎﻻﺷﻌﺎﺭﺍﺕ ﺭﺳﺎﻟﺔ
ﻓﺘﺤﺘﻬﺎ ﻭ ﺍﻧﻲ ﺍﻣﺸﻲ ﻟﻠﻐﺮﻓﺔ ، ﺷﻔﺖ ﻣﻈﻤﻮﻧﻬﺎ ﻣﻜﺘﻮﺏ ( ﺍﻧﺖ ﺑﺤﺎﻝ ﺍﺣﺪ ﻏﺎﺭﻙ ﺑﺎﻟﻌﺴﻞ ﻭ ﻧﺎﺳﻲ ﻭﻟﺪﻙ ﺍﻧﻲ ﻫﻢ ﻣﻦ ﺣﻘﻲ ﺍﺷﻮﻑ ﺣﻴﺎﺗﻲ )
ﻓﺘﺖ ﻟﻠﻐﺮﻓﺔ ﻭﻛﻔﺖ ﺍﻋﻴﺪ ﺑﻘﺮﺍﺋﺔ ﺍﻟﻤﺴﺞ ﻭ ﺍﺑﺎﻭﻉ ﺍﻻﺳﻢ، ﺩﺧﻠﺖ ﺩﺍ ﺍﺷﻮﻑ ﺑﺎﻗﻲ ﺍﻟﺮﺳﺎﺋﻞ ، ﻛﻼﻡ ﺑﻴﻨﻪ ﻭ ﺑﻴﻨﻬﺎ ﺩﺍ ﺍﺻﻌﺪ ﻟﻠﺒﺪﺍﻳﺔ ﺣﺘﻰ ﺍﻓﺘﻬﻢ ، ﻓﺎﺕ ﻫﻮ
- ﺑﺎﻟﻠﻪ ﺧﻞ ﺍﺷﻐﻞ ﺍﻟﺘﻨﺒﻴﻪ ﻟﻠﺼﺒﺢ
ﺍﻧﻄﻴﺘﻪ ﺍﻟﻤﻮﺑﺎﻳﻞ ﻭ ﺍﻧﻲ ﺍﻛﻮﻟﻪ -: ﺯﻣﻦ ﻣﺮﺍﺳﻠﺘﻚ !!
- ﺍﻱ
- ﺷﺘﺮﻳﺪ
- ﻣﻀﺎﻳﻘﻴﻬﺎ ﺍﻟﺠﻬﺎﻝ
- ﺍﺫﺍ ﻣﻀﺎﻳﻘﻴﻬﺎ ﺟﻴﺒﻬﻢ
- ﻫﻮ ﺩﺍ ﺍﻓﻜﺮ ، ﺍﻥ ﺷﺎﺀﺍﻟﻠﻪ ﻳﻼ ﻟﻠﻔﺮﺍﺵ ﺣﺒﺎﺑﻪ
ﺷﻐﻞ ﺍﻟﺘﻨﺒﻴﻪ ﻭ ﺍﻧﻲ ﺭﺣﺖ ﻟﻔﺮﺍﺷﻲ، ﺗﺮﻙ ﺍﻟﺠﻬﺎﺯ ﻉ ﺍﻟﻤﻴﺰ ﻭ ﺍﺟﺎ ﻓﺘﺢ ﺍﻟﻐﻄﺎ ﻭ ﻧﺎﻡ ﻳﻤﻲ .
.... ﺑﻌﺪﻫﺎ ﻣﺮﺕ ﺍﻷﻳﺎﻡ ﻭ ﻫﻮ ﺑﻴﻦ ﺷﻐﻞ ﺍﻟﻤﻘﻬﻰ ﻭ ﺷﻐﻠﻪ ﺑﺎﻟﻤﺮﻛﺰ ، ﺣﺘﻰ ﻛﺮﻫﺖ ﺍﻟﺸﻐﻞ ﻷﻥ ﻣﺎ ﺍﺷﻮﻓﻪ ﻫﻮﺍﻳﻪ، ﻭ ﻟﻤﺎ ﻳﺮﺟﻊ ﻣﻔﺮﻏﻪ ﻛﻞ ﻭﻗﺘﻲ ﺍﻟﻪ
ﺑﻌﺪ ﺃﺳﺒﻮﻉ ﻓﺎﺕ ﻟﻠﺒﻴﺖ ﻭ ﺍﻃﻔﺎﻟﻪ ﺍﻻﺛﻨﻴﻦ ﻭﻳﺎﻩ، ﺍﻟﺼﻐﻴﺮ ﻋﻤﺮ ﺷﺎﻳﻠﻪ ﻋﻠﻰ ﺟﺘﻔﺔ ﻭ ﺍﻟﺠﺒﻴﺮ ﺍﺣﻤﺪ ﻻﺯﻡ ﺍﻳﺪﻩ ﻭ ﻳﻤﺸﻴﻪ
ﺿﺤﻜﺘﻠﻪ ﻭ ﻣﺸﻴﺖ ﻳﻤﻪ ﺍﺧﺬﺕ ﻋﻤﺮ ﻣﻦ ﺟﺘﻔﻪ : ﺍﻟﻠﻪ ﻳﺴﺎﻋﺪﻙ ﺣﺒﻴﺒﻲ
- ﻫﻼ ﻋﻤﺮﻱ ﺟﺒﺖ ﺍﻟﺠﻬﺎﻝ ﺑﺲ ﺍﻟﺼﻐﻴﺮﻩ ﻣﺎ ﺟﺒﺘﻬﺎ ﺑﻘﺖ ﻋﻠﻰ ﺻﺪﺭ ﺍﻣﻬﺎ ﺗﺮﺿﻊ
- ﺍﻱ ﻫﻼ ﺑﻴﻬﻢ ﺣﻴﺎﺗﻲ
ﺍﻟﺘﻔﺘﺖ ﻟﻌﻤﺮ ﺍﺑﻮﺳﻪ : ﺍﻟﻴﻮﻡ ﺷﻨﻮ ﻫﺎﻟﺤﻼﻭﺓ ﺍﻻﺟﺘﻨﺎ ، ﺧﻞ ﺍﻛﻠﻬﺎ
ﻭ ﻛﻤﺖ ﺍﺑﻮﺱ ﺑﻴﻪ ، ﺷﻔﺘﻪ ﻣﺘﻀﺎﻳﻖ
- ﻣﺘﻀﺎﻳﻘﻴﻦ ﻋﻠﻰ ﺍﻣﻬﻢ
ﻫﺰ ﺭﺍﺳﻪ ( ﺍﻱ ) ، ﺑﺠﻰ ﻋﻤﺮ ﺍﺧﺬﻩ ﻣﻦ ﺍﻳﺪﻱ، ﻭ ﺍﻧﻲ ﺳﺤﺒﺖ ﺍﺣﻤﺪ ﻭ ﺷﻠﺘﻪ : ﺍﻟﺤﻠﻮ ﻫﺬﺍ ﻣﺘﻀﺎﻳﻖ
- ﺍﺭﻳﺪ ﻣﺎﻣﺎ
- ﻳﺪﻟﻞ ﺍﻟﺤﻠﻮ ﺷﻴﺄﻣﺮ ﺍﺣﻨﻪ ﻧﺴﻮﻳﻠﻪ، ﺑﺲ ﻫﺴﻪ ﻣﺎﻣﺎ ﺑﺎﻟﻄﺒﻴﺐ ﻣﻦ ﺗﺮﺟﻊ ﻧﻮﺩﻳﻚ ﻳﻤﻬﺎ ﻣﺎﺷﻲ ؟
ﻫﺰ ﺭﺍﺳﻪ ﺑﺲ ﻣﺒﺮﻃﻢ ﻣﺎ ﺭﺍﺿﻲ، ﺣﻈﻨﺘﻪ : ﺣﻴﺎﺍﺍﺗﻲ
ﻟﻤﺎ ﺧﻠﻴﺘﻪ ﻋﻠﻰ ﮔﻠﺒﻲ : ﺍﺗﺬﻛﺮﺕ ﺑﻨﺘﻲ
: ﺍﺍﺍﻩ ﻳﺎ ﻣﺎﻣﺎ ﻳﺎ ﺑﻴﻼ ﻫﻢ ﻫﻴﺞ ﺗﻀﺎﻳﻘﺘﻲ ﻭ ﺑﺠﻴﺘﻲ ﻋﻠﻴﻪ ﻭ ﻃﻠﺒﺘﻴﻨﻲ ﻭ ﻣﺎ ﻟﻜﻴﺘﻴﻨﻲ
ﺍﺧﺬﺕ ﺍﺣﻤﺪ ﻟﻠﻤﻄﺒﺦ، ﻃﻠﻌﺘﻠﻪ ﺍﻟﻔﻮﺍﻛﻪ ﻭ ﺍﻟﺤﻠﻮﻳﺎﺕ ﻭ ﻣﺨﻠﺪ ﻳﻘﻨﻊ ﻭ ﻳﻠﻌﺐ ﻭﻳﺎ ﻋﻤﺮ ﺍﻟﻠﻲ ﻣﺎ ﺑﻄﻞ ﻭ ﻫﻮ ﻳﻜﻮﻝ : ﺍﺭﻳﺪ ﻣﺎﻣﺎ
ﺍﺣﻤﺪ ﺭﺿﻰ ﻭ ﻗﻨﻊ ﺍﻻ ﻋﻤﺮ ﻟﻠﻴﻞ ﻭ ﻫﻮ ﻣﺘﻮﺣﺶ ﻭ ﻳﺮﻳﺪ ﺍﻣﻪ، ﺍﺧﺮ ﺷﻲ ﺭﻓﻊ ﺍﻟﺨﻂ ﻣﺨﻠﺪ ﻭ ﺧﺎﺑﺮ ﺯﻣﻦ ﻭ ﻛﺎﻝ ﺍﻟﻬﺎ : ﺍﻟﺠﻬﺎﻝ ﻳﺒﺠﻮﻥ
- ﻭﺍﻟﻠﻪ ﻣﺎ ﺍﻟﻲ ﻋﻼﻗﺔ ﻣﺜﻞ ﻣﺎ ﺍﻧﻲ ﻣﺘﺤﻤﻠﺘﻬﻢ ﺻﺎﺭ ﺍﺷﻬﻮﺭ ﺍﺗﺤﻤﻠﻬﻢ ﺍﻧﺖ ﻟﻮ ﺿﺎﻳﻘﻮﻙ ﻛﻢ ﺳﺎﻋﻪ
- ﺑﻨﺖ ﺍﻟﻜﻠﺐ ﺍﻧﻲ ﻣﺨﺎﺑﺮﺝ ﺗﻘﻨﻌﻴﻬﻢ ﺑﻄﺮﻳﻘﺘﺞ ﻣﺎ ﺭﺍﻳﺪ ﺍﺭﺟﻌﻬﻢ ﻟﺸﻜﻮﻟﺞ
....
ﺭﺩﺗﻪ ﻫﻲ ﺭﺩﻫﺎ ﻫﻮ ﺭﺍﺩﺕ ﺍﻃﻚ ﺑﻴﻨﺎﺗﻬﻢ ،ﺧﺰﺭﺗﻪ ﻭ ﺍﺷﺮﺗﻠﻪ ﻳﻨﻄﻲ ﻟﺠﻬﺎﺯ ﻟﻌﻤﺮ ﻳﺤﺠﻲ ﻭﻳﺎﻩ ﺍﻣﻪ ، ﺷﻤﺮ ﺍﻟﺠﻬﺎﺯ ﻋﻠﻰ ﻋﻤﺮ ﻭ ﻛﻠﻪ : ﻫﺎﻙ ﺍﺣﺠﻲ ﻭﻳﺎ ﺍﻟﺨﻠﻔﺘﻚ ﻭ ﺧﻠﺼﻨﺎ
ﺍﻟﻄﻔﻞ ﻣﺎ ﺻﺪﻙ ﺧﻄﻴﺔ ﺍﺧﺬ ﺍﻟﺠﻬﺎﺯ ﻭ ﺑﺠﻰ ﻻﻣﻪ ، ﻣﻜﺪﺭﺕ ﺍﺗﺤﻤﻞ ﺩﻣﻮﻋﻲ ﻛﺎﻣﺖ ﺗﺠﺮﻱ ﻭﻳﺎﻩ، ﺍﺧﺬﺗﻪ ﺑﺤﻈﻨﻲ ﻭ ﻛﻌﺪﺗﻪ ﻭ ﻛﻠﺘﻠﻪ : ﻳﻼ ﺣﻴﺎﺗﻲ ﺑﺎﺟﺮ ﻣﺎﻣﺎ ﺗﺠﻲ ﻣﻮ ؟
ﻫﻲ ﺟﺎﻭﺑﺘﻪ ﺍﻱ ﻭﺑﻘﺖ ﺗﻘﻨﻊ ﺑﻴﻪ، ﺍﺷﺮﺕ ﻟﺤﻤﻮﺩﻱ ﻛﺎﻋﺪ ﻭ ﻳﺒﺎﻭﻋﻠﻨﺎ ﻭ ﻳﺒﺎﻭﻉ ﻻﺑﻮﻩ ﻋﺼﺒﻲ، ﺍﺷﺮﺗﻠﻪ ﺑﻀﺤﻜﺔ ﻋﻮﺩ ﺗﻌﺎﻝ ، ﺍﺟﺎ ﺭﻛﺾ ﺍﺧﺬ ﺍﻟﺠﻬﺎﺯ ﻭ ﻛﺎﻡ ﻳﺤﺠﻲ ﻭﻳﺎ ﺍﻣﻪ
ﻗﻔﻠﻨﺎ ﺍﻟﺨﻂ ﻭ ﻛﻌﺪﺗﻬﻢ ﻳﻤﻲ : ﺍﻟﺸﺎﻃﺮ ﺍﻟﺤﻠﻮ ﺍﻟﻠﻲ ﻣﻴﺒﺠﻲ ﺑﺎﺟﺮ ﺍﺧﺬﻩ ﻟﻼﻟﻌﺎﺏ ﻭ ﺍﺷﺘﺮﻳﻠﻪ ﻣﻼﻋﻴﺐ ﻫﻮﺍﻳﻪ ﻫﻮﺍﻳﻪ ﻣﺎﺷﻲ ؟
ﺍﺛﻨﻴﻨﻬﻢ ﻭﺍﻓﻘﻮ ﻭ ﻗﻨﻌﻮ ، ﺍﺧﺬﺗﻬﻢ ﻟﻠﻐﺮﻓﺔ ﻣﺎﻟﺘﻨﺎ ، ﻓﺮﺷﺘﻠﻬﻢ ﺑﺎﻟﻜﺎﻉ ﻭ ﺑﺪﻟﺘﻠﻬﻢ ﻭ ﻧﻮﻣﺘﻬﻢ ﺑﻤﻜﺎﻧﻬﻮ ﻭ ﺗﻤﺪﺩﺕ ﻭﻳﺎﻫﻢ ﻭ ﺍﻧﻲ ﺍﺳﻮﻟﻒ ﻭﻳﺎﻫﻢ ﻭ ﺍﺿﺤﻚ ﻭ ﺍﻣﻨﻨﻬﻢ ﺍﺫﺍ ﻧﺎﻣﻮ ﺍﺷﺘﺮﻳﻠﻬﻢ ﺣﻠﻮﻳﺎﺕ ﻭ ﺍﻻﻋﻴﺐ
ﺍﺟﺎ ﻣﺨﻠﺪ ﻫﻢ ﺗﻤﺪﺩ ﻳﻤﻬﻢ ﻭ ﻛﺎﻡ ﻳﻠﻌﺐ ﻭﻳﺎﻫﻢ ﻭ ﺻﻌﺪﻫﻢ ﻋﻠﻰ ﻇﻬﺮﻩ ﻭ ﻳﻤﺸﻲ ﺑﻴﻬﻢ ﻟﻮ ﻳﻨﻔﺦ ﺍﺑﻄﻨﻬﻢ ﻭ ﻳﻄﻠﻊ ﺻﻮﺕ، ﻫﻨﺎ ﻫﻢ ﺍﻓﺘﺮﻫﻮ ﻭ ﻛﺎﻣﻮ ﻳﻀﺤﻜﻮﻥ ﺑﺼﻮﺕ ﻋﺎﻟﻲ ﺍﻟﻰ ﺍﻥ ﺗﻌﺒﻮ ﺭﺟﻌﻨﺎﻫﻢ ﻟﻔﺮﺍﺷﻬﻢ ﻭ ﺧﻠﻴﻨﺎﻫﻢ ﺑﻴﻨﺎﺗﻨﺎ ﻭ ﻧﻤﻨﺎ ﻛﻠﻨﺎ .
ﻣﻦ ﺑﻌﺪﻫﺎ ﺍﻧﺸﻐﻠﺖ ﺑﻬﺎﻟﻄﻔﻠﻴﻦ ﻛﻠﺶ ﻫﻮﺍﻳﻪ ﻻﻥ ﻣﺨﻠﺪ ﻃﻮﻝ ﺍﻟﻮﻗﺖ ﺑﺮﺍ، ﺻﺢ ﻣﺘﻌﺒﻴﻦ ﻛﻠﺶ ﺑﺲ ﺍﻋﻮﺽ ﺑﻴﻬﻢ ﻧﻘﺼﺎﻥ ﺍﻻﻣﻮﻣﺔ ﺍﻟﻠﻲ ﺑﺪﺍﺧﻠﻲ ﻟﺒﻴﻼ ﻋﻮﺿﺘﻪ ﺑﻴﻬﻢ
ﺍﻭﻝ ﺍﻳﺎﻡ ﺟﺎﻧﻮﺍ ﺣﻴﻞ ﻣﺴﺘﻮﺣﺸﻴﻦ ﻷﻥ ﺍﻣﻬﻢ ﻣﺎﻛﻮ ﺑﺲ ﺻﺮﺕ ﺍﻃﻠﻌﻬﻢ ﻣﺘﻨﺰﻫﺎﺕ ﻳﻠﻌﺒﻮﻥ ﻟﺤﺪ ﻣﻴﺘﻌﺒﻮﻥ ، ﻭ ﺍﺷﺘﺮﻳﻠﻬﻢ ﺍﻟﻌﺎﺏ ﻭ ﺣﻠﻮﻳﺎﺕ ﻭ ﺍﻛﻼﺕ ﺳﺮﻳﻌﺔ ﻣﺜﻞ ﺍﻟﺒﻴﺘﺰﺍ ﻭ ﺍﻟﺒﺮﻛﺮ ﻭ ﺍﺧﻠﻴﻬﻢ ﻳﺘﺴﺎﺑﻘﻮﻥ ﺑﺎﻻﻛﻞ ﺣﺘﻰ ﻳﺎﻛﻠﻮﻥ
ﻛﺪﺭﺕ ﺷﻮﻳﻪ ﺷﻮﻳﻪ ﺍﻧﺴﻴﻬﻢ ﺍﻣﻬﻢ ﺍﻟﻰ ﺍﻥ ﺻﺎﺭﻭﺍ ﻣﻴﺬﻛﺮﻭﻫﺎ ﺍﻻ ﻣﺎ ﻧﺪﺭ ، ﺳﻮﻳﺘﻠﻬﻢ ﻏﺮﻓﺔ ﻭ ﺟﻤﻌﺖ ﺑﻴﻬﺎ ﻛﻞ ﺍﻟﻌﺎﺑﻬﻢ ﻭ ﺭﺗﺒﺘﻬﺎ ﺍﻟﻬﻢ ﺑﺪﻳﻜﻮﺭ ﻭﻻﺩﻱ ﻭ ﻋﻠﻤﺘﻬﻢ ﻳﻨﺎﻣﻮﻥ ﻭﺣﺪﻫﻢ
ﺑﺲ ﺍﻧﻲ ﺍﺑﻘﻰ ﻳﻤﻬﻢ ﻟﺤﺪ ﻣﺎ ﻳﻨﺎﻣﻮﻥ
ﺍﻧﺸﻐﻠﺖ ﺑﻴﻬﻢ ﺑﺸﻜﻞ ﻣﻮ ﻃﺒﻴﻌﻲ
ﺑﺲ ﻏﻴﺮ ﻟﻮ ﺍﺧﻠﺺ ﻣﻦ ﻛﺮﺟﻴﺔ، ﻳﻮﻣﻴﺔ ﺗﺠﻲ ﻭ ﺗﺘﻔﻘﺪﻫﻢ : ﺿﺮﺑﺘﻜﻢ ﻣﻮ ؟ ﻣﺎ ﺳﻮﺗﻠﻜﻢ ﺍﻛﻞ ، ﻣﺎ ﺗﺨﻠﻴﻜﻢ ﺗﻠﻌﺒﻮﻥ
ﻭ ﻟﻮ ﺍﺟﺖ ﻭ ﻛﺎﻟﻮﻟﻬﺎ ﻣﻤﺎﻛﻠﻴﻦ ﺗﻜﻠﺐ ﺍﻟﺪﻧﻴﺎ ﻭ ﺗﻜﻌﺪﻫﺎ ﺷﻠﻮﻥ ﻣﻤﻮﻛﻠﺘﻬﻢ ، ﺍﻛﻮﻟﻬﺎ : ﻣﻴﻘﺒﻠﻮﻥ ﻳﺎﻛﻠﻮﻥ ﻻﻥ ﺑﺲ ﺣﺘﻰ ﺍﻧﺴﻴﻬﻢ ﺍﻣﻬﻢ ﺻﺮﺕ ﺷﻴﻄﻠﺒﻮﻥ ﻣﻦ ﺑﺮﺍ ﺍﻭﺻﻲ ﻭ ﺍﺟﻴﺐ ﻓﺼﺎﺭ ﺍﻛﺜﺮ ﺍﻛﻠﻬﻢ ﻣﻦ ﺑﺮﺍ ﻭ ﺍﺳﺘﻄﻤﻌﻮﺍ ﺍﺫﺍ ﻛﻠﺖ ﻻ ﻳﺰﻋﻠﻮﻥ ﻭ ﻣﺎ ﻳﺎﻛﻠﻮﻥ ﻓﻜﻤﺖ ﺍﺗﺮﻛﻬﻢ ﺑﻼ ﺍﻛﻞ ﺣﺘﻰ ﻳﻨﺠﺒﺮﻭﻥ ﻳﺎﻛﻠﻮﻥ ﺍﻛﻞ ﺍﻟﺒﻴﺖ ﻭ ﻣﻴﺒﻘﻮﻥ ﻣﺘﻌﻮﺩﻳﻦ ﻋﻠﻰ ﺍﻛﻞ ﺍﻟﺒﺮﺍ
ﺑﺲ ﻫﺎﻟﺤﺠﻲ ﻣﻴﺼﺮﻑ ﺍﻟﻜﺮﺟﻴﺔ ﻳﻮﻣﻴﺔ ﻋﺮﻛﻪ ﻭ ﺍﻛﺜﺮ ﻣﻦ ﻣﺮﺓ ﻣﺨﻠﺪ ﻃﻚ ﻭﻳﺎﻫﺎ ﻭ ﺻﺎﺭ ﻣﺸﺪ ﻛﻼﻣﻲ ﺑﻴﻨﻬﻢ ﻭ ﻫﻮ ﻳﻜﻮﻟﻬﺎ : ﻻ ﺗﺪﺧﻠﻴﻦ ﻳﻤﻬﺎ
ﻭ ﻛﺎﻟﻌﺎﺩﺓ : ﺍﻏﻢ ﺍﺧﺬﺗﻚ ﻟﺠﻴﻦ ﻭ ﻣﺸﺘﻚ ﺑﻜﻴﻔﻬﺎ
ﺍﻟﺼﺮﺍﺣﺔ ﻫﻼﻙ ﻫﻠﻜﺪ ﺍﻓﺘﺮ ﻭﺭﺍﻫﻢ ﻭ ﺍﻋﻠﻢ ﻭ ﺍﻓﻬﻢ ﺑﺄﺳﻠﻮﺏ ﺍﻟﺒﻴﺖ ﻣﻴﻔﻴﺪ ﻳﻠﻌﺒﻮﻥ ﻳﺨﺒﺼﻮﻥ ﺍﻟﺠﻮ، ﺍﺟﺖ ﺍﻳﺎﻡ ﻣﻜﻤﺖ ﺍﺗﺤﻤﻞ ﻟﻌﺒﻬﻢ ﻭ ﺻﻴﺎﺣﻬﻢ
ﻣﺨﻠﺪ ﺍﻋﺘﻤﺪ ﻭ ﻛﻞ ﻣﺴﺆﻟﻴﺘﻬﻢ ﻋﻠﻴﻪ ، ﻳﺠﻲ ﻳﺘﻐﺪﻩ ﻳﻨﺎﻡ ﻳﻄﻠﻊ ﻳﺮﺟﻊ ﺑﺎﻟﻠﻴﻞ ﻳﺮﺩﻧﻲ ﻋﺮﻭﺱ ﺍﻟﻪ
ﺑﻴﻮﻡ ﺗﺮﻛﺘﻬﻢ ﺑﺎﻟﺼﺎﻟﻪ ﻉ ﺍﻟﻔﻼﻡ ﻛﺎﺭﺗﻮﻥ ﻭ ﺣﺬﺭﺗﻬﻢ ﻣﻴﻬﻮﺳﻮﻥ ﺍﻟﺒﻴﺖ ﺍﻭ ﻳﺘﻮﻛﺤﻮﻥ ﻭ ﺍﻻ ﻋﻘﺎﺏ ﻳﺮﺣﻮﻥ ﻟﻐﺮﻓﺘﻬﻢ ﻭ ﻣﺎﻛﻮ ﻟﻌﺐ ﻭ ﻣﺼﺮﻑ ﻭﻻ ﺣﻠﻮﻳﺎﺕ ﻟﻤﺪﺓ ﻳﻮﻡ ﻭ ﺍﻟﻠﻲ ﻣﻴﺴﻤﻊ ﺍﻟﻜﻼﻡ ﺍﻛﻮﻝ ﺍﻟﻤﺨﻠﺪ ﻋﻠﻴﻪ
.......
ﺭﺣﺖ ﺗﻤﺪﺩﺕ ﺑﻐﺮﻓﺘﻲ ﻭ ﺑﺄﻳﺪﻱ ﺍﻟﻤﻮﺑﺎﻳﻞ ﻭ ﺃﮔﻠﺐ ، ﻫﻨﺎﻙ ﻭ ﺳﻤﻌﺖ ﺍﺣﻤﺪ ﺻﺮﺥ ﻓﺰﻳﺖ ﺑﺴﺮﻋﺔ ﺑﺎﻭﻋﺖ ﺑﺎﻟﻬﻮﻝ ﻣﺎﻛﻮ ، ﺑﺎﻟﻤﻄﺒﺦ ﻫﻢ ﺭﻛﻀﺘﻠﻬﻢ ﻟﻜﻴﺖ ﺍﺣﻤﺪ ﻳﺼﺮﺥ ﻭ ﻇﻬﺮﻩ ﻳﻨﺰﻑ ﺩﻡ ﻭ ﻋﻤﺮ ﺧﺎﺗﻞ ﻭ ﻳﺒﺠﻲ
ﺷﻠﺘﻪ ﻟﻠﺤﻤﺎﻡ ﻭ ﺍﻧﻲ ﺍﺻﺮﺥ : ﻣﻮ ﻛﻠﺖ ﺍﻟﻜﻢ ﻻ ﺗﺘﺤﺮﻛﻮﻥ ﺗﻌﺒﺘﻮﻧﻲ ﻳﻌﻨﻲ ﺷﻠﻮﻥ ﻭﻳﺎﻛﻢ
ﻛﻌﺪﺗﻪ ﺑﺎﻟﺤﻮﺽ ﻭ ﻧﺰﻋﺘﻪ، ﺟﺮﻳﺖ ﺍﻟﺪﻭﺵ ﺍﻏﺴﻠﻪ ، ﻫﺬﺍ ﻣﺠﺮﻭﺡ ﺟﺮﺡ ﻗﻮﻱ ﻭ ﻳﺼﺐ ﻭ ﺍﻟﻄﻔﻞ ﻳﺼﺮﺥ
ﺑﺎﻭﻋﺖ ﻫﺴﻪ ﺍﻧﻲ ﺍﺳﻜﺖ ﻭ ﻳﻄﻠﻊ ﺍﻟﻄﻔﻞ ﺑﻲ ﺷﻲ ﺍﺧﺎﺑﺮ ﺍﺑﻮﻩ ﻳﺠﻲ ﺑﺴﺮﻋﻪ، ﺭﻛﻀﺖ ﻟﻠﻐﺮﻓﻪ ﺧﺎﺑﺮﺕ ﻋﻠﻰ ﻣﺨﻠﺪ ﻛﻠﺖ ﻟﻪ : ﺍﻟﺤﻚ ﺑﺴﺮﻋﻪ ﺍﺣﻤﺪ ﻭﻛﻊ ﻭ ﺍﻧﺠﺮﺡ ﻭ ﺩﻳﻨﺰﻑ ﻗﻮﻱ
ﻃﻠﻌﺖ ﻗﻄﻦ ﻭ ﻋﻘﻤﺖ ﺍﻟﺠﺮﺡ ﻭ ﺿﻤﺪﺗﻪ ﺑﺲ ﻳﺤﺘﺎﺟﻠﻪ ﺧﻴﺎﻁ ﻭ ﻣﺎ ﺍﺗﺤﻤﻞ ﻣﺴﺆﻟﻴﺘﻪ، ﻳﺠﻲ ﺍﺑﻮﻩ ﻭ ﻳﺘﺼﺮﻑ ، ﺭﺣﺖ ﺑﺪﻟﺘﻠﻪ ﻭ ﺍﻟﻄﻔﻞ ﻣﺎ ﻳﺴﻜﺖ
ﺷﻮﻳﻪ ﻭ ﺍﺟﺎ ﻣﺎﺯﻥ ﻣﺨﺎﺑﺮ ﻋﻠﻴﻪ ﻣﺨﻠﺪ ﺩﻳﺠﻲ ﻳﺎﺧﺬ ﺍﺣﻤﺪ ﺑﻘﻰ ﻳﺤﺠﻲ ﻭ ﻳﺼﻴﺢ ﻭ ﻳﻐﻠﻂ ﻭ ﺷﺎﻟﻪ ﻭ ﺭﺍﺡ ﺑﻴﻪ ﻟﻠﻤﺴﺘﺸﻔﻰ
ﺭﺣﺖ ﻟﻌﻤﺮ ﺍﺻﻴﺢ ﻋﻠﻴﻪ ﻭ ﻛﻠﺘﻠﻪ : ﺑﺸﻨﻮ ﺿﺮﺑﺘﻪ
ﺍﻟﻄﻔﻞ ﺑﺲ ﻳﺒﺠﻲ ﺧﺎﻳﻒ ﻣﻨﻲ
ﺣﺎﻭﻟﺖ ﺍﻫﺪﺉ ﺍﺧﺬﺕ ﻧﻔﺲ ﺗﻨﻬﺪﺕ : ﺗﻌﺎﻝ ﻣﺎﻣﺎ ﻻ ﺗﺨﺎﻑ ﺑﺲ ﻛﻮﻟﻲ ﺑﺸﻨﻮ ﺿﺮﺑﺘﻪ
ﺳﺤﺒﺖ ﺍﻟﻄﻔﻞ ﻭ ﺷﻠﺖ، ﺍﺷﺮﻟﻲ ﻋﻠﻰ ﺳﺠﻴﻦ ﻣﻄﻠﻌﻴﻬﺎ ﻣﻦ ﺍﻟﺠﺮﺍﺭ ﻭ ﻫﺎﻱ ﺣﺎﺩﺓ ﺣﻴﻞ
ﺑﻘﻴﺖ ﺍﻟﻮﻡ ﺑﻴﻪ ﻭ ﺍﻓﻬﻢ، ﺷﻮﻳﻪ ﻭ ﻓﺎﺗﺖ ﺍﻡ ﻣﺨﻠﺪ : ﺍﺧﺬﺕ ﺍﻟﻄﻔﻞ ﻣﻨﻲ ﻭ ﻧﺰﻟﺖ ﺫﺍﻙ ﺍﻟﻐﻠﻂ ﻭ ﺍﻟﺼﻴﺎﺡ
ﻫﻨﺎ ﻣﻜﺪﺭﺕ ﺍﺳﻜﺖ ﻭ ﻛﻠﺘﻠﻬﺎ : ﺍﻧﺖ ﻋﻠﻰ ﻣﻨﻮ ﺩﺍ ﺗﺼﻴﺨﻴﻦ ﻭ ﺗﻐﻠﻄﻴﻦ ﺍﺣﺘﺮﻣﻲ ﻧﻔﺴﺞ ﺗﺮﺍ ﺗﺤﻤﻠﺖ ﻣﻨﺞ ﺑﻤﺎ ﻓﻴﻪ ﺍﻟﻜﻔﺎﻳﻪ ﻋﻴﺐ ﻋﻠﻴﺞ
- ﻭﻟﺞ ﺍﻧﺖ ﻭﺣﺪﺓ ﺳﺎﻗﻄﺔ ﻭ ﻣﻜﻌﺪﻳﻨﺞ ﺍﺑﻴﺖ ﻭ ﻣﺤﺘﺮﻣﻴﺞ ﺍﺗﻜﻠﻴﻠﻲ ﻏﻴﺐ ﻋﻠﻴﺞ ، ﺍﻡ ﺍﻝ .... ﺍﻡ ﺍﻝ ....
- ﺍﻃﻠﻌﻲ ﻣﻦ ﺑﻴﺘﻲ ﻭ ﻳﺠﻲ ﺍﺑﻨﺞ ﻭ ﺍﻟﻪ ﺗﺼﺮﻑ ﻭﻳﺎﺝ ﻭ ﺍﻻ ﻭﺍﻟﻠﻪ ﻣﺎ ﺍﺑﻘﺎﻟﻪ ﻣﻮ ﺍﻧﻲ ﺍﻟﺒﺘﻔﺸﺮ ﻋﻠﻴﻪ ﺑﻬﺎﻟﻄﺮﻳﻘﺔ ﻭﻻ ﻣﺠﺒﻮﺭﺓ ﺍﺗﺤﻤﻞ ﺟﻬﺎﻝ ﻭ ﻣﺴﺆﻭﻟﻴﺔ ﻛﻞ ﺍﻟﻠﻲ ﺩﺍ ﺍﺳﻮﻱ ﻓﻀﻞ ﻣﻨﻲ ﻋﻠﻴﻜﻢ ﺍﻓﺘﻬﻤﺘﻲ
ﻛﺎﻣﺖ ﺗﻠﻄﻢ ﻋﻠﻰ ﻭﺟﻬﺎ ﻭ ﺗﺼﻴﺢ ﺍﺧﺬﺕ ﻋﻤﺮ ﻭ ﺗﻜﻮﻝ : ﻳﺎ ﻟﺠﻴﻦ ﻃﻼﻛﺞ ﺍﻟﻴﻮﻡ ﻋﻠﻰ ﺍﻳﺪﻱ ﺩﺷﻮﻓﻲ
- ﺩﺭﻭﺣﻲ ﻣﺎ ﺍﺧﻠﺺ ﻣﻦ ﺷﺮﺝ ﻫﻢ ﺍﻟﺮﺟﺎﻝ ﺍﻟﻴﻄﻠﻜﻨﻲ ﻋﻠﻰ ﻣﻮﺩﺝ ﻣﺎ ﺍﺭﻳﺪﻩ
ﻋﻔﺖ ﺍﻟﺒﻴﺖ ﻭ ﺭﺣﺖ ﺗﻤﺪﺩﺕ ﺭﺍﺳﻲ ﺫﺑﺤﻨﻲ ﻣﻦ ﺍﻟﻮﺟﻊ، ﻫﻨﺎﻙ ﻭ ﻓﺎﺕ ﻣﺨﻠﺪ : ﺷﻜﻮ ﻟﺠﻴﻦ ﺍﻛﻌﺪﻱ
- ﺷﺼﺎﺭ ﻭﻳﺎ ﺍﺣﻤﺪ ؟
- ﻣﻮﺩﻳﻪ ﻣﺎﺯﻥ ٣ ﺧﻴﺎﻃﺎﺕ ﻭ ﺫﺍﻙ ﻫﻮ ﺍﺑﻴﺖ ﺍﻫﻠﻲ ﻳﻢ ﻃﻴﺒﻪ ، ﺷﺼﺎﺭ ﻏﻴﺮ ﺍﺩﻳﺮﻳﻦ ﺑﺎﻟﺞ ﻭﻳﻦ ﺟﻨﺘﻲ
- ﺍﻛﻮﻟﻚ ﺷﻮﻑ ، ﺷﺼﺎﺭ ﻭ ﺩﻳﺮﻱ ﺑﺎﻟﺞ ﻭ ﻭﻳﻦ ﺟﻨﺘﻲ ﻛﻞ ﻫﺬﺍ ﺍﻧﻲ ﻣﻤﺠﺒﻮﺭﺓ ﺑﻴﻪ ﺍﻓﺘﻬﻤﺖ
- ﻣﺎ ﺗﺘﺤﻤﻠﻴﻬﻢ ﻛﻮﻟﻲ ﻣﻮ ﺗﺘﻜﻔﻠﻴﻬﻢ ﻭ ﺗﺎﻟﻲ ﻣﺼﻴﺒﻪ ﺗﻮﻛﻌﻴﻬﻢ ﻋﻠﻰ ﺭﺍﺳﻲ
- ﺍﻧﻲ ﻛﻠﺘﻠﻚ ﺍﺗﻌﺎﻭﻥ ﻭﻳﺎﻙ ﺑﺤﻀﺎﻧﺘﻬﻢ ﻣﻮ ﺗﺘﺮﻛﻬﻢ ﺑﺮﺍﺳﻲ ﻟﻴﻞ ﻧﻬﺎﺭ ﻭ ﺗﻜﻌﺪ ﺗﺤﺎﺳﺒﻨﻲ ﻋﻠﻴﻬﻢ ، ﺍﻛﻌﺪ ﻛﺎﺑﻠﻬﻢ ﺷﻮﻓﻬﻢ ، ﺍﻧﻲ ﺗﺮﻛﺖ ﺷﻐﻠﻲ ﻭ ﺗﺮﻛﺖ ﻛﻠﺸﻲ ﻟﺤﺘﻰ ﺍﻛﺎﺑﻠﻚ ﻭ ﺍﻛﺎﺑﻞ ﺍﻃﻔﺎﻟﻚ ﺗﺎﻟﻲ ﻣﺤﺪ ﺭﺍﺿﻲ ﻭ ﺍﻃﻠﻊ ﺍﻧﻲ ﺑﺎﻟﻮﺟﻪ ﺍﻻﺳﻮﺩ ﻳﺎ ﺍﺧﻲ ﺗﻌﺒﺖ ﻣﻤﺠﺒﻮﺭﺓ ﻭﻛﺤﻴﻦ ﻣﺪﺍ ﺍﻛﺪﺭ ﺍﺳﻴﻄﺮ
......
ﻫﺎﻱ ﻏﻴﺮ ﺍﻣﻚ ﻭ ﺑﻼﻭﻳﻬﺎ ﻋﻠﻰ ﺭﺍﺳﻲ ، ﻣﺎ ﺍﻋﺮﻑ ﺍﺫﺍ ﻛﺎﻋﺪﻩ ﻋﻠﻰ ﻛﻠﺒﻬﺎ
- ﻫﺴﻪ ﺩﻛﺎﻓﻲ ، ﻣﺎ ﺗﻜﺪﺭﻳﻦ ﻛﻮﻟﻲ ﻣﺤﺪ ﺟﺎﺑﺮﺝ ، ﻭ ﺍﻣﻲ ﻫﻢ ﺣﻘﻬﺎ ﺫﻭﻟﻪ ﺍﺣﻔﺎﺩﻫﺎ
- ﻭﺍﻟﻠﻪ ﺣﻘﻬﺎ ﺗﺎﺧﺬﻫﻢ ﻳﻤﻬﺎ ﻣﻮ ﻳﻮﻣﻴﻪ ﺗﺠﻲ ﻟﺒﻴﺘﻲ ﺗﺤﺎﺳﺐ ﻭ ﺗﻐﻠﻂ
- ﺑﻴﺘﻲ ! ﻟﻴﻜﻮﻥ ﺻﺪﻙ ﻃﺎﺭﺩﺗﻬﺎ ﺍﻧﻲ ﻛﺎﻟﺘﻠﻲ ﻟﺠﻴﻦ ﻃﺎﺭﺩﺗﻨﻲ ﺑﺲ ﻛﻠﺘﻠﻬﺎ ﻫﺴﻪ ﺍﻛﺴﺮ ﺭﺍﺳﻬﺎ ﻭ ﺗﻮﻗﻌﺖ ﺍﻣﻲ ﺩﺍ ﺗﻜﺒﺮ ﺍﻟﻤﻮﺿﻮﻉ، ﻳﻌﻨﻲ ﻃﺎﺭﺩﺗﻬﺎ
- ﺍﻱ ﻭ ﺍﻃﺮﺩﻫﺎ ﻣﻤﺠﺒﻮﺭﺓ ﺑﺄﻣﻚ ﺍﻧﻲ ﻭ ﻫﺎﻻﻣﻮﺭ ﻛﻠﺘﻠﻚ ﻋﻠﻴﻬﺎ ﻣﻦ ﺍﻟﺒﺪﺍﻳﻪ ﻫﻲ ﺍﻣﻚ ﻣﻮ ﺍﻣﻲ ﻭ ﺍﺣﺘﺮﻣﻬﺎ ﻟﺨﺎﻃﺮﻙ ﺑﺲ ﻣﻦ ﺗﻜﻌﺪ ﺗﻌﻠﻲ ﺻﻮﺗﻬﺎ ﺑﺎﻟﻔﺸﺎﺭ ﻭ ﺍﻟﻐﻠﻂ ﻭ ﻛﻼﻡ ﻣﺎ ﻳﻨﺤﺠﻲ ﻓﻼ ﻭﺍﻟﻠﻪ ﻣﺎ ﺍﺗﺤﻤﻠﻬﺔ
ﺗﻘﺮﺏ ﻳﻤﻲ، ﻟﺰﻣﻨﻲ ﻣﻦ ﺟﺘﻔﻲ : ﺍﻧﺖ ﺗﻬﻴﻨﻴﻦ ﺍﻣﻲ ﻭ ﺍﻃﺮﺩﻳﻬﺎ
- ﻭﺧﺮ ﺍﻳﺪﻙ ﻣﻨﻲ
ﺑﺲ ﺣﺠﻴﺖ ﺿﺮﺑﻨﻲ ﺭﺍﺷﺪﻱ ، ﻭ ﻟﺰﻣﻨﻲ ﻣﻦ ﺭﻛﺒﺘﻲ : ﺍﺳﻤﻌﻲ ﻟﺞ ﻣﻦ ﺗﺘﻨﻔﺴﻴﻦ ﺍﺫﺑﺤﺞ ﺍﻓﺘﻬﻤﺘﻲ
ﺩﻓﻌﺘﻪ ﻣﻦ ﻋﻨﺪﻱ : ﻣﺮﺟﻠﺘﻚ ﻃﻠﻌﻬﺎ ﻋﻠﻰ ﺍﻣﻚ ﺍﻟﻠﻲ ﺗﻄﻌﻦ ﺑﻴﻪ ﻭ ﺍﻧﻲ ﻣﺮﺗﻚ ﻣﻮ ﺗﺠﻲ ﺗﻀﺮﺏ ﻭ ﺗﻐﻠﻂ ﻭ ﺗﻌﺮﻑ ﻣﺎ ﺍﻟﻠﻲ ﺍﻟﻴﺮﺩﻙ ﺗﺮﻩ ﻭ ﻣﺴﺘﻬﻴﻦ ، ﺍﺗﺮﻛﻠﻚ ﺍﻟﺠﻤﻞ ﺑﻤﺎ ﺣﻨﻞ ﻭ ﺍﻃﻠﻊ ﻣﻨﻚ
- ﻣﻨﻮ ﺍﻟﻴﻄﻠﻊ ﻣﺮﺟﻠﺘﻪ
- ﺍﺑﺘﻌﺪ ﻣﺨﻠﺪ
ﺟﺎﺑﻨﻲ ﺑﻜﻒ ﻻﺥ : ﺍﺣﺠﻲ ﻣﻨﻮ ﺍﻟﻠﻲ ﻳﻄﻠﻊ ﻣﺮﺟﻠﺘﻪ
- ﺍﻃﻠﻊ ﻣﻨﻲ ﻣﺎ ﺍﺭﻳﺪ ﺍﺷﻮﻓﻚ ﻳﻤﻲ ﻳﻼ ﺍﻃﻠﻊ
- ﻭﻟﺞ ﺍﻧﺖ ﺍﻃﺮﺩﻳﻨﻲ ﺑﻨﺖ ******
ﻟﺰﻣﻨﻲ ﻣﻦ ﺷﻌﺮﻱ ﻛﻤﺖ ﺍﺩﻓﻊ ﺑﻴﻪ، ﻭ ﺑﻘﻴﻨﺎ ﻧﺪﺍﻓﻊ ، ﺍﺧﺮﻫﺎ ﺗﺮﻛﻨﻲ ﻭ ﻫﻮ ﻳﻐﻠﻂ ﻭ ﻃﻠﻊ
ﻛﻌﺪﺕ ﻭﻳﺎ ﻧﻔﺴﻲ ﺳﺎﻋﺎﺕ ﺍﻓﻜﺮ ﻭ ﺍﺣﺮﻙ ﺑﺮﻭﺣﻲ ﻭ ﺭﺍﺳﻲ ﺫﺑﺤﻨﻲ ﻣﻮﺗﻨﻲ ، ﺍﺧﺮﻫﺎ ﻧﻤﺖ
ﻟﻠﻴﻞ ﻛﻌﺪﺕ ﺍﻟﺴﺎﻋﻪ ٢ ﺗﻘﺮﻳﺒﺎ ، ﻣﺨﻠﺪ ﻣﺎﻛﻮ
ﺩﻭﺭﺗﻪ ﺑﺎﻟﺒﻴﺖ ﻫﻢ ﻣﺎﻛﻮ
ﺧﺎﺑﺮﺗﻪ ﺍﻭﻝ ﻣﺮﻩ ﻣﺎﻛﻮ ﺭﺩ ﺛﺎﻧﻲ ﻣﺮﻩ ﺭﺩ ﻭ ﻫﻮ ﻧﺎﻳﻢ : ﻫﺎﺍﺍﺍ
- ﻭﻳﻦ ﺍﻧﺖ
- ﻭ ﺷﻌﻠﻴﺞ
- ﺷﻨﻮ ﺷﻌﻠﻴﻪ ﺍﻟﺴﺎﻋﻪ ٢ ﺣﺘﺼﻴﺮ ﺷﻨﻮ ﻧﺎﻳﻢ ﺍﻧﺖ
- ﺍﻱ ﻋﺪ ﺍﻫﻠﻲ
- ﺷﻨﻮ ﻋﻨﺪ ﺍﻫﻠﻚ ﻣﻦ ﻋﻘﻠﻚ ﺗﺮﺍ ﻫﺎﻷﻣﻮﺭ ﻻ ﺗﻠﻴﻖ ﺑﻴﻚ ﻭﻻ ﺑﻴﻪ ، ﺷﻨﻮ ﺯﻋﻼﻥ ﻣﻦ ﺑﻴﺘﻚ ﻟﻴﺶ ﺗﺠﻴﺐ ﺍﻟﻜﻼﻡ ﺍﻟﺮﻭﺡ
- ﺭﻭﺣﻲ ﻣﺎ ﺍﺭﻳﺪ ﺍﺳﻤﻌﺞ
- ﺍﻱ ﻻ ﺗﺴﻤﻌﻨﻲ ﻫﻮ ﻫﻢ ﺻﻮﺟﻲ ﺍﺗﺼﻞ ﺑﻴﻚ ، ﺭﻭﺡ
ﻗﻔﻠﺖ ﺍﻟﺨﻂ ﻭ ﺑﻘﻴﺖ ﻣﻌﻠﻌﻠﻪ ﻻ ﺍﻧﻲ ﻧﺎﻳﻤﻪ ﻭﻻ ﺍﻧﻲ ﻛﺎﻋﺪﻩ ، ﻛﻤﺖ ﺍﺧﺬﺕ ﻛﺘﺎﺏ ﻭ ﻛﻌﺪﺕ ﺍﻗﺮﺃ
ﻟﻠﺼﺒﺢ ﺣﺴﻴﺘﻪ ﺩﺧﻞ ﻟﻠﺒﻴﺖ ﺑﺲ ﻣﺎ ﻓﺎﺕ ﻟﻠﻐﺮﻓﺔ ﻧﺎﻡ ﺑﻐﺮﻓﺔ ﺍﻟﺠﻬﺎﻝ، ﻋﻔﺘﻪ
ﺑﺲ ﺑﻘﻰ ﻓﺘﺮﺓ ٣ ﺍﻳﺎﻡ ﻻ ﺍﻧﻲ ﺍﺣﺠﻲ ﻭﻳﺎﻩ ﻭﻻ ﻫﻮ ﻭﻻ ﻧﻘﺮﺏ ﻣﻦ ﺑﻌﺾ
ﻫﻮ ﻋﻨﺪﻩ ﻗﺪﺭﺓ ﺗﺤﻤﻞ ﺑﺲ ﺍﻧﻲ ﻃﻠﻌﺖ ﺭﻭﺣﻲ ﻭ ﻫﻮ ﻣﺎﻳﻬﺘﻢ ، ﺗﺮﺗﺒﺖ ﻭ ﺗﺤﻈﺮﺕ ﺑﺎﻟﻠﻴﻞ ﻭ ﻛﻌﺪﺕ ﺑﺎﻟﺼﺎﻟﺔ
ﻓﺎﺕ ﻭ ﺗﺠﺎﻫﻠﻨﻲ ، ﻛﻤﺖ ﻭﺭﺍﻩ ﻟﻠﻐﺮﻓﺔ : ﺍﻟﺸﻐﻞ ﺷﻠﻮﻧﻪ
ﺍﻟﺘﻔﺖ ﻋﻠﻴﻪ ﺑﻼ ﻣﺒﺎﻻﺕ : ﺯﻳﻦ
......
ﺍﺭﻳﺪ ﺍﻣﺮ ﻟﻠﻤﻘﻬﻰ ﺩﺍ ﺍﺷﻮﻑ ﺳﻴﺎﺳﺔ ﺍﻟﺸﻐﻞ
- ﺭﺟﻠﺞ ﺍﻛﺴﺮﻫﺎ
ﺗﻘﺮﺑﺖ ﻳﻤﻪ ﻭ ﻫﻮ ﺩﻳﺒﺪﻝ -: ﻻ ﻭﺍﻟﻠﻪ ﻏﻴﺮ ﺷﻐﻠﻲ
ﻣﺎ ﺭﺩ : ﺍﻧﺖ ﺷﺒﻴﻚ
ﺭﺟﻊ ﺑﺎﻭﻋﻠﻲ ﺑﻌﻴﻮﻧﻪ ﻭ ﺩﺍﺭﻫﻢ ﻋﻨﻲ ﻭ ﻫﻮ ﻳﺘﻤﺪﺩ ﻋﻠﻰ ﺳﺮﻳﺮ ﺍﺑﻨﻪ
- ﺍﺣﺠﻲ
- ﺳﺪﻱ ﺍﻟﺒﺎﺏ ﻭﺭﺍﺝ
- ﺍﻻﻃﻔﺎﻝ ﻭﻳﻨﻬﻢ
- ﻳﻢ ﺟﺪﺗﻬﻢ
- ﺍﻧﻲ ﻣﻠﻴﺖ ﻣﻦ ﻫﺎﻟﻮﺿﻊ ﺷﻮﻛﺖ ﺭﺍﺡ ﻳﺨﻠﺺ
- ﻣﻦ ﺍﻃﻠﻌﻴﻦ ﺳﺪﻱ ﺍﻟﻀﻮﻩ ﻭﻳﺎﺝ ﻫﻤﺎﺕ ﻣﺎ ﺑﻴﻪ ﺍﻛﻮﻡ
- ﺷﻨﻮ ﺧﺪﺍﻣﺘﻚ ﺗﺘﺄﻣﺮ ﻭ ﻣﺎ ﺗﺤﺠﻲ ﻭﻳﺎﻳﻪ
ﻛﻌﺪ ﻋﻠﻰ ﺣﻴﻠﻪ -: ﺷﺮﺍﻳﺪﻩ ﺍﻧﺖ ؟
- ﺍﺭﻳﺪ ﺗﺮﺟﻊ ﻣﺜﻞ ﻗﺒﻞ
- ﺗﻌﺘﺬﺭﻳﻦ ﻣﻦ ﺍﻣﻲ
- ﻣﺴﺘﺤﻴﻞ ﻭ ﻟﻮ ﺍﺧﺮ ﻧﻔﺲ ﺑﻌﻤﺮﻱ ﻷﻥ ﻫﻲ ﺍﻟﻠﻲ ﻏﻠﻄﺖ ﺑﺤﻘﻲ ﻣﻮ ﺍﻧﻲ
- ﻟﻌﺪ ﺍﻃﻠﻌﻲ ﺑﺮﺍ ﻭ ﻧﺺ ﻛﻠﻤﻪ ﻣﺎ ﺍﺭﻳﺪ ﺍﺳﻤﻊ ﻳﻼ
ﻛﻤﺖ ﻣﻦ ﺍﻟﻤﻜﺎﻥ ﻣﺘﻀﺎﻳﻘﺔ ﻋﻔﺖ ﺍﻟﺒﺎﺏ ﻭ ﺍﻟﻀﻮﻩ ﻣﺎ ﺳﺪﻳﺘﻬﻢ ﻭ ﻃﻠﻌﺖ
ﻋﺎﻓﻨﻲ ﻭ ﻫﻢ ﻣﺎ ﺍﻫﺘﻢ ..
ﻟﺜﺎﻧﻲ ﻳﻮﻡ ﺟﺎﻥ ﻋﻄﻠﺔ ﻫﻮ ﺑﺲ ﻣﻦ ﻛﺪ ﺍﻟﺴﻬﺮ ﻭ ﺍﻟﺘﻔﻜﻴﺮ ﺭﺍﺳﻲ ﺫﺑﺤﻨﻲ ﻣﻜﻤﺖ ﻣﻦ ﺍﻟﻔﺮﺍﺵ ﺍﺑﺪ ﺑﺲ ﺍﻭﻥ
ﺳﻤﻌﺘﻪ ﻳﺸﺘﻐﻞ ﺑﺎﻟﻤﻄﺒﺦ، ﻭ ﺭﺍﺡ ﻃﻠﻊ ﺳﺎﻋﻪ ﻭ ﺭﺟﻊ ﻭ ﺍﻧﻲ ﺍﻭﻥ ﻣﻦ ﺭﺍﺳﻲ
ﻓﺎﺕ ﻟﻠﻐﺮﻓﺔ ، ﺗﻤﺸﻰ ﻳﻤﻲ ﺍﻧﻲ ﺑﺲ ﺍﻭﻥ ، ﺗﻘﺮﺏ ﺣﻂ ﺍﻳﺪﻩ ﻋﻠﻰ ﻛﺼﺘﻲ ، ﺗﻨﻬﺪ ﻭ ﻣﺴﺢ ﻭﺟﻬﻪ ﺑﺘﻤﻠﻤﻞ : ﻛﻮﻣﻲ ﺧﻞ ﺍﺧﺬﺝ ﻟﻠﻄﺒﻴﺐ ﺩﺍ ﺍﺷﻮﻑ ﺷﺒﻲ ﺭﺍﺳﺞ
- ﻣﺎ ﺍﺭﻳﺪ
ﺳﺤﺐ ﺍﻳﺪﻱ ﺣﻴﻞ ﻭ ﻛﻌﺪﻧﻲ : ﺩﺍ ﺍﻛﻮﻟﻚ ﻣﺎ ﺍﺭﻳﺪ ﻣﺎ ﺍﻛﺪﺭ ﺍﻣﺸﻲ ﺩﺍﻳﺨﻪ
ﻓﺘﺢ ﺍﻟﺨﺎﻧﻪ ﻃﻠﻊ ﻣﻼﺑﺴﻲ : ﻫﺎﺝ ﻳﻼ ﺍﻟﺒﺴﻲ
ﺭﺟﻌﺖ ﻟﻠﻤﺨﺪﻩ ، ﺻﺮﺥ : ﻣﻮ ﺍﺣﺠﻲ ﻭﻳﺎﺍﺍﺍﺍﺝ
- ﻻ ﺗﺼﻴﺢ ﺭﺍﺳﻲ، ﻣﺎ ﺍﺭﻳﺪ ﺍﺭﻭﺡ
- ﻭ ﻳﻄﺒﺞ ﻃﻮﺏ ﺿﻠﻲ
ﺭﺟﻌﺖ ﻟﻠﻔﺮﺍﺵ ﻭ ﻫﻮ ﻃﻠﻊ ﻋﺼﺒﻲ، ﺑﻘﻴﺖ ﺍﻭﻥ ﻣﻦ ﻛﺪ ﻭﺟﻊ ﺭﺍﺳﻲ ﻣﺎ ﺍﺷﻮﻑ ﻃﺮﻳﻘﻲ ﺍﻟﻜﺎﻉ ﺗﻔﺘﺮ ﺑﻴﻪ
ﺑﺲ ﺍﻭﻥ ..
ﺭﺟﻊ ﺑﺄﻳﺪﻩ ﺑﻨﺪﻭﻝ ﻭ ﻛﻼﺹ ﻣﻲ : ﻛﻌﺪﻱ ﺍﺧﺬﻱ ﺑﻨﺪﻭﻝ
- ﺍﺧﺬﺕ ﺷﺮﻳﻂ ﻭ ﻣﺪﺍ ﻳﺴﺘﻘﺮ
- ﺍﻱ ﻟﻌﺪ ﺩﻛﻮﻣﻲ ﻧﺸﻮﻑ ﺷﺒﻴﺞ ﺑﺲ ﻧﺎﻳﻤﻪ
- ﻣﺎ ﺍﻛﺪ ﺍﻛﻮﻟﻚ ﻣﺎ ﺍﻛﺪﺭ ﺭﺍﺳﻲ
ﺣﺠﻴﺖ ﻭ ﺑﺠﻴﺖ
ﺗﻨﻬﺪ ﻭ ﺗﻘﺮﺏ ﺧﻠﻪ ﺍﻳﺪﻩ ﻋﻠﻰ ﺭﺍﺳﻲ : ﺍﻱ ﺍﺑﻮﻳﻪ ﺍﻧﺖ ﻏﻴﺮ ﺍﺧﺬﺝ ﺣﺘﻰ ﻳﻄﻴﺐ ، ﻻ ﺗﺒﺪﻟﻴﻦ ﺑﺲ ﺍﻟﺒﺴﻲ ﺍﻟﺠﺎﻛﻴﺖ ﻭ ﺍﻗﻔﻠﻲ ﻛﻮﻣﻲ ﻳﻼ
ﺣﺠﺎﻫﺎ ﻭ ﻫﻮ ﻳﺎﺧﺬ ﺍﻟﺠﺎﻛﻴﺖ ﻭ ﺍﺟﺎ ﻟﺒﺴﻨﻲ ، ﺧﻠﻰ ﺍﻟﻠﻔﺎﻑ ﻋﻠﻰ ﺭﻛﺒﺘﻲ ﻭ ﻟﻢ ﺷﻌﺮﻱ ﺫﻳﻞ ﺳﻮﺍﻩ
ﺟﺎﺏ ﺍﻟﺒﺎﺗﻪ ﻭ ﺩﻧﻚ ﻳﻠﺒﺴﻨﻲ : ﺍﻧﻲ ﺍﻟﺒﺲ
- ﺍﺳﺘﻘﺮﻱ ﺑﻤﻜﺎﻧﺞ ﻣﺎ ﻋﻨﺪﻱ ﺷﻲ
ﻻﺯﻣﻪ ﺭﺍﺳﻲ ﻭ ﺣﺠﻴﺖ : ﺗﺮﻭﺡ ﺍﻣﻚ ﺗﺴﻮﻳﻠﻲ ﻋﺮﺱ ﻣﺎ ﺑﻴﻪ ﺣﻴﻞ
- ﺍﻱ ﻻ ﺗﻘﺼﺮﻳﻦ ﻋﻮﺩ ﺭﻭﺣﻲ ﻛﻠﻴﻠﻴﻬﺎ ﻳﻠﺒﺴﻨﻲ ﺍﻟﺤﺬﺍﺀ
......
ﻛﺎﻡ ﻣﻦ ﻣﻜﺎﻧﻪ ﻭ ﺍﺧﺬ ﺍﻳﺪﻱ : ﻳﻼ
ﺭﺣﻨﺎ ﻟﻠﺴﻴﺎﺭﻩ ﻭ ﻃﻠﻌﻨﺎ ﻟﻠﺪﻛﺘﻮﺭﺓ، ﻛﻌﺪﻧﻲ ﻭ ﺭﺍﺡ ﻳﺤﺠﻲ ﻭﻳﺎ ﺍﻟﺴﻜﺮﺗﻴﺮ ، ﺷﻮﻳﻪ ﻭ ﻓﺘﺖ ﻭﺣﺪﻱ ﻟﻠﺪﻛﺘﻮﺭﺓ ﻛﻠﺘﻠﻬﺎ ﺭﺍﺳﻲ ﻭ ﻧﺤﻮﻝ ﻭ ﻣﺪﺍ ﺍﻛﺪﺭ ﺍﻛﻮﻡ ﻣﻦ ﺍﻟﻔﺮﺍﺵ
ﻛﺘﺒﺘﻠﻲ ﺗﺤﻠﻴﻞ ﺩﻡ ، ﻭ ﻛﺎﻟﺖ : ﻛﻮﻣﻲ ﻟﻠﺴﻮﻧﺎﺭ ﺍﺷﻮﻓﺞ
ﻓﺤﺼﺘﻨﻲ، ﻛﺎﻟﺖ : ﺣﺎﻣﻞ ﻣﺎﻣﺎ ﺍﻧﺖ ، ﻣﻴﺤﺘﺎﺝ ﺗﺤﻠﻴﻞ ﺩﻡ
.. ﻛﺘﺒﺘﻠﻲ ﻋﻼﺝ ﻭ ﻛﺎﻟﺖ ﺍﺧﺬﻳﻬﻢ ﻋﻨﺪ ﺍﻟﻀﺮﻭﺭﺓ
- ﺷﻜﺮﺍ ﺩﻛﺘﻮﺭﺓ
ﻃﻠﻌﺖ ﻣﻦ ﺍﻟﺪﻛﺘﻮﺭﺓ ، ﻫﻮ ﻛﺎﻋﺪ ﻳﺪﺧﻦ ﺟﻜﺎﺭﺓ ﻭ ﺻﺎﻓﻦ ، ﺗﻘﺮﺑﺖ ﻳﻤﻪ ﺩﺍﺭ ﻭﺟﻬﻪ ﻋﻠﻴﻪ : ﻫﺎ ﺷﻜﺎﻟﺘﻠﺞ ؟
- ﺣﺎﻣﻞ
ﺣﺠﻪ ﺑﻨﺒﺮﺓ ﻓﺮﺡ : ﺻﺪﻙ !
- ﺍﻱ ﻭﺍﻟﻠﻪ
- ﺍﻱ ﻉ ﺍﻟﺨﻴﺮ
ﻭﻛﺎﻡ ﺳﻠﻢ ﻋﻠﻴﻪ ﻭ ﺑﺎﺳﻨﻲ ، ﻭ ﻋﻴﻮﻧﻪ ﻓﺮﺣﺎﻧﻪ
- ﺍﻟﺒﺎﺭﺣﻪ ﺍﺭﺍﺿﻲ ﺑﻴﻚ ﻣﺘﻘﺒﻞ ﺑﺲ ﻫﺴﻪ ﻻ ﺗﺒﻮﺱ ﻭ ﻓﺮﺣﺎﻥ ﻷﻥ ﺣﺎﻣﻞ
- ﺗﺪﺭﻳﻦ ﻟﺠﻴﻦ ﺍﻧﺖ ﻣﺎﻛﻮ ﺷﻲ ﻳﺮﺿﻴﺞ ﺍﺑﺪ ؟
ﺑﺎﻭﻋﺘﻠﻪ ﺻﻔﺢ ﻭ ﺍﻧﻄﻴﺘﻪ ﺍﻟﺮﺍﺟﻴﺘﻪ : ﺍﺭﻭﺡ ﻟﻠﺴﻴﺎﺭﺓ ﻭ ﺍﻧﺖ ﺟﻴﺐ ﺍﻟﻌﻼﺝ ﺭﺍﺳﻲ ﺩﻳﻮﺟﻌﻨﻲ ﺣﻴﻞ
ﺍﺧﺬﻫﺎ ﻣﻨﻲ ﻭ ﻭﺻﻠﻨﻲ ﻟﻠﺴﻴﺎﺭﺓ ﻛﻌﺪﻧﻲ ﻭ ﺳﺪ ﺍﻟﺒﺎﺏ ﻭﺭﺍﺡ ﻫﻮ ﺟﺎﺏ ﺍﻟﻌﻼﺝ ﻭ ﺍﺟﺎ ﺻﻌﺪ : ﻣﺤﺎﺳﺒﺔ ﻟﺮﻭﺣﺞ ﺍﻧﺖ ﻟﻌﺪ ؟ ﻟﻴﺶ ﻣﺘﺪﺭﻳﻦ ﺣﺎﻣﻞ
- ﺩﺍ ﺍﺧﺬ ﺣﺒﻮﺏ ﻣﻨﻊ ﺣﻤﻞ ﻭ ﻣﺘﺎﺭﻛﺘﻬﻢ ﺣﺘﻰ ﺗﻨﺰﻝ ﻋﻨﺪﻱ ﺍﻟﺸﻬﺮﻳﺔ
- ﺗﺎﺧﺬﻳﻦ ﻟﻴﺶ؟ﺷﻮ ﺍﻧﻲ ﻣﺎ ﺍﺩﺭﻱ، ﺷﻨﻮ ﻣﻌﺎﺟﺒﺞ ﺗﺨﻠﻔﻴﻦ ﻣﻨﻲ ؟
- ﻣﻮ ﻣﻌﺎﺟﺒﻨﻲ ﺑﺲ ﻣﻮ ﻭﻗﺘﻪ ﺩﺍ ﺗﺸﻮﻑ ﻭﺿﻌﻨﺎ
- ﺭﺯﻕ ﺍﻟﻠﻪ ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ
- ﻋﻠﻰ ﻛﻮﻟﺘﻚ ﺍﺫﺍ ﺍﻟﻠﻪ ﻳﺮﻳﺪ ﻣﺤﺪ ﻳﻜﺪﺭ ﻳﻤﻨﻌﻪ ﻣﻨﺘﻈﻤﺔ ﻭ ﺑﺲ ﻳﻮﻡ ﻧﺴﻴﺖ ﺧﻼﻩ ﺑﻬﺎﻟﻴﻮﻡ ..
- ﺧﻞ ﺍﻧﺰﻝ ﺍﺧﺬ ﻧﺺ ﻛﻴﻠﻮ ﺑﻘﻼﻭﺓ ﻭ ﻧﺮﻭﺡ ﻻﻫﻠﻲ ﻓﺪ ﺳﺎﻋﻪ ﺷﺮﺍﻳﺞ
- ﻻ ﻻ ﺭﺟﻌﻨﻲ ﻭ ﺭﻭﺡ ﺍﻧﺖ
- ﻟﺠﻴﻦ ﻻ ﺗﻜﺒﺮﻳﻬﺎ ﻋﺎﺟﺒﺞ ﻭﺿﻌﻲ، ﺍﻧﻲ ﺑﺼﻔﺤﺔ ﻭ ﺟﻬﺎﻟﻲ ﺑﺼﻔﺤﺔ ﻭ ﺍﻣﻲ ﺯﻋﻼﻧﻪ
- ﻭ ﻣﺘﺠﻴﺐ ﺟﻬﺎﻟﻚ ﻣﻨﻮ ﻻﺯﻣﻚ ﺑﺲ ﺍﻣﻚ ﺍﻋﺬﺭﻧﻲ ﻣﺎ ﺍﺭﻳﺪ ﺍﻟﺘﻘﻲ ﻭﻳﺎﻫﺎ
- ﺍﻧﺖ ﻃﺎﺭﺩﺗﻬﺎ ﻣﻦ ﺍﻟﺒﻴﺖ ﻭ ﻫﺎﻟﻌﻴﺐ ﻋﻠﻴﻪ ﺣﺘﻰ ﻛﺪﺍﻡ ﺍﻫﻠﻲ ﻭ ﻛﺮﺍﻳﺒﻲ ﻓﻀﻴﻬﺎ
- ﻫﻠﻠﻪ ﻫﻲ ﻣﻦ ﺗﺠﻲ ﻛﻞ ﻳﻮﻡ ﻭ ﺗﻨﺰﻝ ﺭﺯﺍﻳﻞ ﻭ ﻏﻠﻂ ﺍﻫﻠﻚ ﻭ ﻛﺮﺍﻳﺒﻚ ﻣﺤﺪ ﻳﻜﻮﻝ ﺭﺯﻟﺘﻬﺎ ﻟﻮ ﺍﺫﺗﻬﺎ، ﻭ ﻣﻦ ﺍﻧﻲ ﻳﻄﻚ ﻛﻠﺒﻲ ﻭ ﺍﻧﻔﺠﺮ ﺑﻴﻬﺎ ﻛﻠﻬﺎ ﺗﺼﻴﺢ ﻟﺠﻴﻦ ﺗﺠﺎﻭﺯﺕ
- ﻣﺮﺓ ﺟﺒﻴﺮﺓ ﻭ ﻣﺎ ﻋﻠﻴﻬﺎ ﻋﺘﺐ
- ﻻ ﺍﻟﻤﺮﻳﺾ ﻭ ﺍﻟﻔﺎﻗﺪ ﻋﻘﻠﻪ ﻣﺎ ﻋﻠﻴﻪ ﺣﺮﺝ ﺑﺲ ﻫﻲ ﻣﺮﻩ ﻭﺍﻋﻴﺔ ﻛﻞ ﻳﻮﻡ ﻫﺎﺩﻩ ﻭ ﺍﺩﻭﺱ ﺑﺎﻟﻤﺼﺎﺭﻳﻦ ﻣﺎ ﺗﺼﺮﻑ ﻋﻨﺪﻱ،، ﻣﺎﻝ ﻣﺮﻩ ﺟﺒﻴﺮﺓ ﻫﺎﻱ ﻻ ﺗﺤﺠﻴﻬﺎ ، ﺍﻟﺠﺒﻴﺮ ﺑﺲ ﺍﻟﻠﻪ ﻣﻮ ﺑﺤﺠﺔ ﺟﺒﻴﺮﺓ ﻣﻠﻮﻋﺘﻨﻲ
- ﻭ ﺗﺎﻟﻲ ؟
- ﺟﻴﺐ ﺟﻬﺎﻟﻚ ﻭ ﻓﺾ ﺍﻟﻤﻮﺿﻮﻉ
- ﻭ ﺍﻣﻲ ﺯﻋﻼﻧﻪ ﻭ ﻣﺎ ﺗﺪﺧﻞ ﺑﻴﺘﻲ !
.......
ﻣﺨﻠﺪ ﺭﺍﺳﻲ ﻳﻮﺟﻌﻨﻲ ﺧﺼﻢ ﺍﻟﻜﻼﻡ ﺍﺭﺟﻊ ﻟﻠﺒﻴﺖ ﺧﻠﻴﻨﻲ ﺍﻧﺎﻡ ﻭ ﺍﻟﻠﻲ ﺗﺮﻳﺪﻩ ﺳﻮﻳﻪ
ﻫﺰ ﺭﺍﺳﻪ ﻭ ﻣﺎ ﺣﺠﻪ، ﺩﺭﺕ ﻭﺟﻬﻲ ﻋﻨﻪ، ﺷﻮ ﺷﻮﻳﻪ ﻭ ﻓﺎﺕ ﺑﻔﺮﻉ ﺑﻴﺖ ﻋﻤﻲ ﻭ ﺻﻒ ﺍﺑﺎﺏ ﺑﻴﺖ ﺍﻫﻠﻪ
- ﺷﻌﻨﺪﻙ ؟
- ﺍﺟﻴﺐ ﺟﻬﺎﻟﻲ
- ﺍﻱ ﻭﺩﻳﻨﻲ ﻭ ﺍﺭﺟﻊ
- ﻭ ﺍﺿﻞ ﺭﺍﻳﺢ ﺭﺍﺩ
ﻓﺎﺕ ﻭ ﻭﺻﻰ ﻃﻴﺒﺔ ﺗﻄﻠﻊ ﺣﺘﻰ ﺗﻘﻨﻌﻨﻲ ﺍﻓﻮﺕ، ﻭ ﻃﻠﻌﺖ : ﻓﻮﺗﻲ ﻟﺨﺎﻃﺮﻱ ﻭ ﻳﻤﻌﻮﺩﻩ ﺷﻔﻨﺎ ﻭ ﺗﺤﻤﻠﻨﺎ ﻭ ﻣﺮﺓ ﺟﺒﻴﺮﺓ ﻭ ﺍﻧﺖ ﺍﻟﻌﺎﻗﻠﻪ ﻭ ﻻ ﺗﺨﻠﻴﻦ ﺍﻟﺤﺠﺎﻳﺔ ﻋﻠﻴﺞ
ﻭﺑﻘﺖ ﺗﻠﺢ ﺣﺘﻰ ﺍﺩﺧﻞ
ﻛﻠﺘﻠﻬﺎ : ﺭﺍﺳﻲ ﻳﻮﺟﻌﻨﻲ ﻭﺍﻟﻠﻪ ﻣﺎ ﺍﻛﺪﺭ
ﻓﺘﺤﺖ ﺍﻟﺒﺎﺏ ﻭ ﻧﺰﻟﺘﻨﻲ ﺑﻀﺤﻜﺔ ﻭ ﺟﺒﺮﺗﻨﻲ ﺍﺩﺧﻞ، ﻓﺘﺖ ﻟﻠﺒﻴﺖ ﻣﺨﻠﺪ ﻛﺎﻋﺪ ﻣﻦ ﺷﺎﻓﻨﻲ ﺍﺑﺘﺴﻢ ، ﻫﺰﻳﺘﻠﻪ ﺭﺍﺳﻲ ﺑﻤﻌﻨﻰ ( ﺍﺻﺒﺮﻟﻲ )
ﻛﻌﺪﺕ ﻭ ﻫﻮ ﻳﻀﺤﻚ ﻭﻳﺎ ﺍﻟﺠﻬﺎﻝ ﻭ ﻛﺎﻟﻠﻬﻢ : ﺭﻭﺣﻮ ﺑﻮﺳﻮ ﻣﺎﻣﺎ ﻟﺠﻴﻦ ﺭﺍﺡ ﺗﺠﻴﺒﻠﻜﻢ ﺍﺧﻮ ﺟﺪﻳﺪ
ﺑﺎﺭﻛﻮﻟﻲ ﻫﻢ ﻭ ﻓﺮﺣﻮ ، ﻋﻤﻲ ﻭ ﻃﻴﺒﺔ ﻭ ﻋﻤﺘﻲ ﻛﺮﺟﻴﻪ ﺗﻜﻮﻝ : ﻫﻲ ﻭﺣﺪﻩ ﻭ ﻣﺎ ﺣﺎﻣﻠﻴﻬﺎ ﺍﻧﻮﺏ ﺗﺨﻠﻒ
ﻣﺨﻠﺪ : ﻳﻤﻪ ﻟﺨﺎﻃﺮﻱ ﻛﺎﻓﻲ ﻓﻀﻮﻫﺎ ﺗﺮﺍ ﺗﻌﻠﻌﻠﺖ ﻭﺍﻟﻠﻪ ﺷﺬﻧﺒﻲ ﻣﺎ ﺗﺮﺩﻳﻬﺎ
- ﺍﻧﺖ ﺷﻠﻮﻥ ﻭﻳﺎﻙ ﻣﺎ ﺗﺸﻮﻑ ﺍﻻ ﺷﻮﻳﺔ ﺟﺎﻥ ﻣﺎﺕ ﺍﺑﻨﻚ، ﻭ ﻫﻲ ﻧﺎﻳﻤﻪ
- ﻣﺎ ﻣﺠﺒﻮﺭﻩ ﺑﻴﻬﻢ ﻳﻤﻪ ﻭ ﻭﺍﺣﺪ ﻳﺤﺠﻲ ﻣﺎﻟﺖ ﺍﻟﻠﻪ ﻣﺎ ﻣﻘﺼﺮﺓ ﻭ ﻫﻢ ﻳﺤﺒﻮﻫﺎ ﻭ ﻫﻲ ﺑﺴﺒﺐ ﻧﺴﺎﻭﺗﻬﺎ ﺩﺍ ﺗﻨﺎﻡ
ﺩﺍﺭ ﻭﺟﻬﻪ ﻋﻠﻰ ﻃﻴﺒﻪ : ﺑﺎﻟﻨﻬﺎﺭ ﺭﺍﺡ ﺍﺟﻴﺒﻬﻢ ﻳﻢ ﺍﻟﺠﻬﺎﻝ ﻳﻠﻌﺒﻮﻥ ﻋﻴﻨﺞ ﻋﻠﻴﻬﻢ
- ﺍﺑﻄﻦ ﻋﻴﻨﻲ ﺍﺧﻠﻴﻬﻢ ﺧﻮﻳﻪ ﺟﻴﺒﻬﻢ ﻣﻦ ﺍﻟﺼﺒﺢ ﻭ ﺍﻧﻲ ﺑﺎﻟﻠﻴﻞ ﺍﺩﺯﻫﻢ ﺑﺄﻳﺪ ﻣﺎﺯﻥ ﺧﻄﻴﺔ ﻣﺪﺍﻣﻬﺎ ﺣﺎﻣﻞ ﺧﻠﻴﻬﺎ ﺗﺮﺗﺎﺡ
... ﻛﻤﻨﺎ ﻣﻦ ﻣﻜﺎﻧﺎ ﻭ ﺍﺧﺬﺕ ﻣﺤﻤﺪ ﻣﻦ ﺍﻳﺪﻩ ﻭ ﺭﺩﺕ ﺍﻃﻠﻊ ، ﻛﺎﻝ : ﺳﻠﻤﻲ ﻋﻠﻰ ﺍﻣﻲ ﻗﺒﻞ ﻻ ﺍﻃﻠﻊ
- ﺳﻠﻢ ﻋﻠﻴﻬﺎ ﺍﻧﺖ ﺍﻧﻲ ﺭﺍﺳﻲ ﻳﻮﺟﻌﻨﻲ
- ﻟﺠﻴﻦ ﻟﻴﻨﻲ ﻣﺨﺞ ﺗﺮﺍ ﻫﻲ ﺍﻣﻲ
- ﻛﻠﺘﻬﺎ ﺍﻣﻚ ﻣﻮ ﺍﻣﻲ
- ﻟﺠﻴﻴﻴﻦ ﺳﻠﻤﻲ ﺩﺍ ﺍﻛﻮﻟﺞ
ﺩﺭﺕ ﻭﺟﻬﻲ : ﻧﺘﺮﺧﺺ ﻋﻤﻮ ﻣﻊ ﺍﻟﺴﻼﻣﺔ
ﺣﺠﻴﺘﻬﺎ ﻭ ﻃﻠﻌﺖ ، ﻫﻮ ﺻﺎﺭﻥ ﻋﻴﻮﻧﻪ ﺑﺮﺍﺳﻪ ، ﺻﻌﺪﻧﺎ ﺍﻟﺠﻬﺎﻝ ﻭ ﺳﺎﻕ ﻫﻮ ﻣﺎ ﺣﺠﻪ ﻛﻠﻤﺔ ﺑﺲ ﻳﻨﻔﺦ
ﻭﺻﻠﻨﺎ ، ﺩﺧﻠﻨﺎ ﻟﻠﺒﻴﺖ ﺻﺤﺖ : ﺍﺣﺬﻳﺘﻜﻢ ﻣﺎﻣﺎ ﺍﻧﺰﻋﻮﻫﺎ ﺑﺮﺍ ﻭ ﻟﻐﺮﻓﺘﻜﻢ ﻓﻮﺭﺍ ، ﺍﺑﺪﻝ ﻭ ﺍﺟﻴﻜﻢ
ﻓﺘﺖ ﻟﻠﻤﻄﺒﺦ ﺍﺧﺬﺕ ﺍﻟﻌﻼﺝ ﺷﺮﺑﺘﻪ، ﻭ ﺭﺣﺖ ﺍﺧﺬﺕ ﻣﻼﺑﺲ ﺳﺒﺤﺖ ﻭ ﺭﺗﺒﺖ ﻧﻔﺴﻲ ﻭﺭﺣﺖ ﻟﻐﺮﻓﺘﻬﻢ ﻟﻜﻴﺘﻪ ﻣﺨﻠﻲ ﺻﻴﻨﻴﺔ ﻭ ﻃﺎﻭﺓ ﺑﻴﻬﺎ ﺗﻤﻦ ﻭ ﻣﺮﻙ ﺧﺎﺑﻂ ﻭ ﻣﺤﻤﻲ ﻭ ﻳﻮﻛﻠﻬﻢ
ﻓﺘﺖ ﮔﻠﺒﺖ ﺍﻟﻘﻨﺎﺓ ﻉ ﻃﻴﻮﺭ ﺍﻟﺠﻨﺔ، ﻃﻠﻌﺘﻠﻬﻢ ﻣﻼﺑﺲ ﻧﻮﻡ، ﻭ ﻛﻠﺘﻠﻬﻢ : ﺍﻟﻜﻤﻞ ﻳﺮﻭﺡ ﻳﻐﺴﻞ ﺣﻠﻜﺔ ﻭﻳﺮﺟﻊ ﻳﻠﻪ
ﺭﺍﺣﻮ ﻫﻤﺔ، ﻫﻮ ﺑﻘﻰ ﻣﺪﻧﻚ ﻳﻠﻢ ﺑﺎﻟﺘﻤﻦ ﺍﻟﻮﺍﻛﻊ : ﻛﺎﻥ ﺍﻟﻤﻔﺮﻭﺽ ﺍﺗﻀﺎﻳﻖ ﻟﻤﺎ ﺧﻠﻴﺘﻨﻲ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ﻭ ﺟﺒﺮﺗﻨﻲ ﺍﻧﺰﻝ ﻟﺒﻴﺖ ﺍﻫﻠﻚ ﻣﻮ ﺗﺘﻀﺎﻳﻖ ﻷﻥ ﻣﺴﻠﻤﺖ
ﻫﺰ ﺭﺍﺳﻪ ﻭ ﻛﺎﻡ : ﺍﺑﻘﻰ ﻳﺒﺴﻲ ﺭﺍﺳﺞ ﺍﺑﻘﻲ
- ﻻ ﻻﺯﻡ ﺍﻗﺒﻞ ﺍﺻﻴﺮ ﺑﻼ ﻛﺮﺍﻣﻪ ﻭ ﺍﺗﺤﻤﻞ ﺍﻣﻚ ﺍﻟﻴﻮﻣﻴﻪ ﺳﺎﺣﻠﺘﻨﻲ ﺫﻫﺎﺑﺎ ﻭ ﺍﻳﺎﺑﺎ ﻭ ﻫﻲ ﺗﻐﻠﻂ ﻭ ﺗﺴﻮﻱ ﺍﻓﻼﻡ ﻣﺎ ﺗﺨﻄﺮ ﻋﻠﻰ ﺭﺍﺱ ﺑﺸﺮ ﺣﺘﻰ ﺗﻬﻴﻨﻲ ، ﻫﻴﺞ ﺍﺻﻴﺮ ﻣﺮﻩ ﻣﻌﺪﻟﻪ ﻭ ﻋﻘﻠﻲ ﻳﻮﺯﻥ ﺑﻠﺪ ﻣﻮ ؟
......
ﻣﻦ ﺍﺣﺠﻲ ﻭﻳﺎﺝ ﺗﻠﺼﻤﻴﻦ ﻭ ﻛﻠﻤﺔ ﻣﺎ ﺍﺳﻤﻊ ﻭ ﺍﻻ ﻭ ﺭﺏ ﻣﺤﻤﺪ ﺍﻧﺪﻣﺞ ﻉ ﺍﻟﻴﻮﻡ ﺍﻟﺼﺮﺗﻲ ﺑﻴﻪ
- ﻟﻤﺎ ﺗﺮﻳﺪﻧﻲ ﺍﺣﺘﺮﻡ ﺍﻧﺖ ﺗﺤﺘﺮﻡ ﻭﺍﻻ ﻓﺎﻗﺪ ﺍﻟﺸﻲﺀ ﻻ ﻳﻌﻄﻴﻪ
ﻟﺰﻣﻨﻲ ﻣﻦ ﺯﻧﺪﻱ ، ﻓﺎﺗﻮ ﺍﻟﺠﻬﺎﻝ : ﻭﺧﺮ ﺍﻳﺪﻙ ﺍﻟﺠﻬﺎﻝ ﻣﻨﺎ
- ﻟﻮ ﺍﺑﻮ ﺍﻟﺠﻬﺎﻝ ﺭﺍﺳﺞ ﺍﻛﺴﺮﻩ ﻣﻦ ﺗﺤﺠﻴﻦ
ﺳﺤﺒﺖ ﺍﻳﺪﻱ ﻣﻨﻪ ﻣﺎ ﺣﺠﻴﺖ ﺑﺲ ﺑﻘﻴﺖ ﺍﺧﺰﺭ ﺑﻌﻴﻮﻧﻲ، ﻋﺎﻓﻨﺎ ﻭ ﻃﻠﻊ ﺑﺪﻟﺘﻠﻬﻢ ﻭ ﺧﻠﻴﺘﻠﻬﻢ ﻟﻌﺒﺔ ﺗﺮﻛﻴﺐ ﻭ ﺍﻟﺘﻠﻔﺰﻳﻮﻥ ﻣﻔﺘﻮﺡ ﻭ ﻃﻠﻌﺖ
ﺩﺧﻠﺖ ﻟﻠﻐﺮﻓﺔ ﻫﻮ ﺍﻣﺪﺩ ﺻﻔﺢ ﻉ ﺍﻟﺴﺮﻳﺮ ﻳﻜﻠﺐ ﺑﻤﻮﺑﺎﻳﻠﻪ، ﻧﺰﻋﺖ ﺍﻟﺘﻴﺸﻴﺮﺕ ﻭ ﺑﻘﻴﺖ ﺑﺎﻟﻜﻴﻤﻮﻧﻪ ﻭ ﺷﻤﺮﺕ ﺍﻟﺘﻴﺸﻴﺮﺕ ﺑﻮﺟﻬﻪ، ﺍﻧﺘﻔﺾ ﻣﻦ ﻣﻜﺎﻧﻪ : ﺍﻧﺖ ﺷﻨﻮ ﻫﺎﻟﺼﻼﻓﺔ ﺍﻟﺼﺎﻳﺮﻩ ﻋﻨﺪﺝ ﺣﻴﻮﺍﻧﻪ
ﺩﺧﻠﺖ ﻟﻠﺴﺮﻳﺮ ﻭﺣﻈﻨﺘﻪ : ﺯﻭﺟﻲ ﻭ ﺑﻜﻴﻔﻲ ﻣﻦ ﺗﺤﺠﻲ ﺍﻛﺺ ﺍﻟﺴﺎﻧﻚ ﺍﻓﺘﻬﻤﺖ
- ﺍﻛﺴﺮﻩ ﻟﺮﺍﺳﺞ ﻭﺍﻟﻠﻪ ﻛﻮﻣﻲ ﻣﻦ ﻳﻤﻲ ﻳﻼ
- ﺣﺎﻣﻞ ﻻ ﺗﻜﻠﻤﻨﻲ
ﺍﺑﺘﺴﻢ : ﺭﺍﺡ ﺍﺳﻜﺖ ﺑﺲ ﻟﺨﺎﻃﺮ ﺍﺑﻨﻲ ﺍﻟﺒﻄﻨﺞ ﻫﺎ
ﺭﺟﻊ ﺭﺍﺳﻪ ﻟﻠﻤﺨﺪﻩ ، ﺗﻘﺮﺑﺖ ﻳﻤﻪ ﺍﺫﻧﻪ ﻭ ﻫﻤﺴﺖ : ﻣﺘﺄﻛﺪ ؟
ﺑﻘﻰ ﻳﺒﺎﻭﻋﻠﻲ ﻭ ﻫﻮ ﻳﻀﺤﻚ، ﺗﻘﺮﺏ ﺑﺎﺱ ﺷﻔﺎﻳﻔﻲ ، ﻭ ﻫﻤﺲ : ﺍﻋﺸﻜﺞ ﻳﺼﻠﻔﺔ
- ﺍﻣﻮﺕ ﻋﻠﻴﻚ ﻳﺒﻮ ﻋﻘﻞ ﻣﺘﺨﻠﻒ
ﺑﻌﺪ ﺭﺍﺳﻪ ﻣﺘﻔﺎﺟﺊ : ﻫﺎﻱ ﺷﻨﻮ ﻭﻟﺞ ﺷﻠﻮﻥ ﻭﻳﺎﺝ
- ﺍﻭﻭﻭ ﺷﻜﻠﻚ ﻣﻮ ﻣﺎﻝ ﺭﻭﻣﺎﻧﺴﻴﺔ ﺍﺩﻭﺭ ﺍﻧﺎﻡ ﺍﺷﺮﻓﻠﻲ، ﻭ ﺍﻱ ﺍﻟﻴﻐﻠﻂ ﻋﻠﻰ ﺯﻭﺟﺘﻪ ﻭ ﻣﻴﻘﺒﻞ ﺍﻟﻬﺎ ﺗﺮﺩ ﻫﺬﺍ ﻋﻘﻠﻪ ﻣﺘﺨﻠﻒ
ﺍﻧﻄﻴﺘﻪ ﺑﻮﺳﻪ ﺑﺎﻟﻬﻮﻯ : ﺍﺣﺒﻚ ﻳﺎ ﻣﺘﺨﻠﻒ
ﻭ ﺍﻧﺪﺍﺭﻳﺖ ﺍﻧﻄﻴﺘﻪ ﻇﻬﺮﻱ ﻭ ﻧﻤﺖ
ﻟﺰﻣﻨﻲ ﻣﻦ ﺷﻌﺮﻱ ﻭ ﻫﻤﺲ : ﻣﻦ ﺗﻬﻴﻨﻴﻨﻲ ﺑﺤﺠﺔ ﺭﻭﻣﺎﻧﺴﻴﺔ ﺍﻃﻴﺢ ﺣﻈﺞ ﺑﻨﻔﺲ ﺍﻟﺤﺠﺔ ﺍﻓﺘﻬﻤﺘﻲ
ﻭ ﻋﺾ ﺭﻛﺒﺘﻲ ﺣﻴﻞ
- ﺍﻳﻴﻴﻴﻲ ﻭﺧﺮ
ﺳﺤﺒﻨﻲ ﺍﻟﻪ ﺑﻘﻮﻩ : ﺷﺸﺸﺶ ﺍﺫﺑﺤﺞ ﺑﺲ ﺗﺤﺠﻴﻦ
ﻭ ﺣﻂ ﺍﻳﺪﻩ ﻋﻠﻰ ﺣﻠﻜﻲ ...
ﺗﺮﻛﻴﺒﺘﻨﺎ ﻋﺠﻴﺒﻪ ﺣﺘﻰ ﻭ ﺍﺣﻨﻪ ﺑﺮﻭﻣﺎﻧﺴﻴﺘﻨﺎ ﻧﺘﻌﺎﺭﻙ .
ﻣﺮﺕ ﺍﻷﻳﺎﻡ ﻭ ﺍﻟﺸﻬﻮﺭ ﺑﺸﻜﻞ ﻃﺒﻴﻌﻲ
ﺍﻃﻔﺎﻟﻪ ﻭﻳﺎﻧﺎ ﻫﻮﺍﻳﻪ ﺗﻌﻮﺩﻭ ﻋﻠﻴﻪ ﻭ ﺍﻧﻲ ﺍﺗﻌﻮﺩﺕ ﻋﻠﻴﻬﻢ ، ﻭ ﺣﺘﻰ ﻻ ﻓﻜﺮﺕ ﺑﺸﻐﻞ ﻭﻻ ﻃﻠﻌﻪ ﻣﻦ ﻭﺭﺍﻫﻢ ﺻﺢ ﻣﺘﻌﺒﻴﻨﻲ ﺑﺲ ﻋﻤﺮ ﻣﻦ ﺍﻟﻜﺪ ﻭ ﺍﻟﺸﻐﻞ ﻭﺍﻟﺴﻔﺮ ﻳﺨﻠﻴﻚ ﺗﺤﺘﺎﺝ ﻓﺘﺮﺓ ﺗﺮﺟﻊ ﺑﻴﻬﺎ ﺗﻌﻴﺶ ﻛﻌﺎﺋﻠﺔ ﺗﻘﻠﻴﺪﻳﻪ ﻭ ﺗﻌﻴﺶ ﻃﺒﻴﻌﻲ ﺯﻭﺟﺔ ﻭ ﻣﺴﺆﻟﺔ ﻋﻦ ﺍﻃﻔﺎﻝ ﻭ ﺭﺟﺎﻝ ﻭ ﺣﺎﻣﻞ
ﻣﺎ ﺍﻧﻜﺮ ﻣﺨﻠﺪ ﺍﻟﻪ ﺩﻭﺭ ﻳﺴﺎﻋﺪﻧﻲ ﻫﻮﺍﻳﻪ ، ﻟﻤﺎ ﺍﻛﻮﻥ ﺗﻌﺒﺎﻧﻪ ﻳﺎﺧﺬﻫﻢ ﻟﺒﻴﺖ ﺟﺪﻫﻢ ﺣﺘﻰ ﺍﺭﺗﺎﺡ ، ﻳﺠﻤﻊ ﺍﻟﻤﻼﺑﺲ ﺑﺎﻟﻐﺴﺎﻟﻪ ﻭ ﻳﺸﻐﻞ ﺍﻟﻤﻲ ﻭ ﻳﺸﻤﺮ ﺗﺎﻳﺖ ﻭ ﻳﺸﻐﻠﻬﺎ ﻭ ﻳﻜﻮﻟﻲ : ﻏﺴﻠﺘﻠﺞ ﻣﻼﺑﺴﻨﺎ ﺍﺫﺍ ﺗﻜﺪﺭﻳﻦ ﻧﺸﺮﻳﻬﻢ
ﻏﻴﺮ ﺍﻟﻄﺒﺦ ﻭ ﺍﻻﻛﻞ ﻣﻦ ﺑﺮﺍ ﺣﺘﻰ ﻣﻴﺘﻌﺒﻨﻲ، ﻭ ﻳﺠﻤﻊ ﺍﻃﻔﺎﻟﻪ ﻭ ﻳﻠﻌﺒﻬﻢ ﻭ ﻳﺨﻠﻴﻬﻢ ﻳﻨﻈﻔﻮﻥ ﻭﻳﺎﻩ ﺍﻟﺒﻴﺖ ﻭ ﻳﺮﺗﺒﻮﻥ
ﺑﺲ ﻣﻨﺒﻬﻨﻲ ﺍﻧﻲ ﻭ ﺍﻻﻃﻔﺎﻝ ﻣﻨﻜﻮﻝ ﻟﺒﻴﺖ ﺟﺪﻭ ﺑﺎﺑﺎ ﻳﻐﺴﻞ ﻟﻮ ﻳﺴﻮﻱ ﺍﻛﻞ ﻟﻮ ﺍﻱ ﺷﻲ ، ﻣﻦ ﻳﺴﺄﻟﻮﻛﻢ ﻛﻮﻟﻮ : ﻣﺎﻣﺎ ﻟﺠﻴﻦ
ﺍﻟﺸﻐﻞ ﻣﺎﻝ ﺍﻟﻤﻘﻬﻰ ﻓﻌﻼ ﻛﺎﻥ ﺍﻟﻮﺍﺭﺩ ﻣﺎﻟﺘﻪ ﻣﻤﺘﺎﺯ ﻭ ﻣﺨﻠﺪ ﺧﻼ ﺍﺧﻮﻩ ﻣﺎﺯﻥ ﻳﻠﺰﻣﻪ ﻭ ﻣﺎﺯﻥ ﺷﻐﻠﻪ ﺟﻤﺎﻋﺘﻪ ﻭ ﺍﺷﺘﻐﻠﻮﺍ ، ﺧﻼﻝ ﻛﻢ ﺷﻬﺮ ﺍﺷﺘﺮﻯ ﺳﻴﺎﺭﺓ ﻭ ﻣﺨﻠﺪ ﺑﺪﻝ ﺳﻴﺎﺭﺗﻪ ﺑﺴﻴﺎﺭﺓ ﺍﺣﺴﻦ
.......
ﺑﺴﺒﺐ ﺍﻟﺸﻐﻞ ﺣﺎﻟﻬﻢ ﺗﺒﺪﻝ، ﺑﺪﻝ ﻣﺎ ﻣﺎﺯﻥ ﺟﺎﻥ ﻟﻴﻠﺔ ﻭ ﻧﻬﺎﺭﻩ ﺳﻜﺮﺍﻥ ﻭ ﻧﺎﻳﻢ ﺻﺎﺭ ﻳﺸﺘﻐﻞ ﻭ ﻳﻠﻌﺐ ﺑﺎﻟﻔﻠﻮﺱ ﻟﻌﺐ
ﺍﻟﺼﺮﺍﺣﻪ ﻣﺎ ﺍﻋﺘﺮﺿﺖ ﺭﻏﻢ ﻣﺎﺯﻥ ﺍﻟﺴﺎﻧﻪ ﺯﻓﺮ ﺑﺲ ﻃﻴﺒﺔ ﺧﻮﺵ ﺑﻨﻴﻪ ﻭ ﺣﻴﻞ ﺍﺭﺗﺎﺣﺖ ﻣﻦ ﺭﺟﻠﻬﺎ ﻛﺎﻡ ﻳﺸﺘﻐﻞ ، ﺑﺪﻟﺖ ﻏﺮﻓﺔ ﻧﻮﻣﻬﺎ ﻃﻠﻌﺖ ﻫﻲ ﻭﺟﻬﺎﻟﻬﺎ ﺳﻔﺮﺓ ﻟﻠﺸﻤﺎﻝ ﻭ ﻃﺒﻌﺎ ﻛﺮﺟﻴﻪ ﻭﻳﺎﻫﻢ
ﻻﻥ ﻟﻤﺎ ﺍﻧﻲ ﻣﻘﺒﻠﺖ ﺍﺣﺠﻲ ﻭﻳﺎﻫﺎ ﻛﺎﻣﺖ ﻣﺎ ﺗﺠﻴﻨﺎ ﺑﺲ ﻛﻞ ﺣﻴﻠﻬﺎ ﻋﻠﻰ ﻃﻴﺒﺔ ﻓﻄﻴﺒﺔ ﺗﺤﺎﻭﻝ ﺗﻜﺴﺒﻬﺎ ﺣﺘﻰ ﺗﻌﻴﺶ .
ﺍﺫﺍ ﻣﺨﻠﺪ ﻳﺨﺎﻟﻒ ﺍﻣﻪ ﻟﺨﺎﻃﺮﻱ ﻣﺎﺯﻥ ﻣﺴﺘﻌﺪ ﻳﺒﻴﻊ ﻣﺮﺗﻪ ﻭﺟﻬﺎﻟﻪ ﻟﺨﺎﻃﺮ ﺍﻣﻪ ﻭ ﻫﻢ ﻫﻴﺞ ﻃﺒﻌﻬﻢ ﻣﺎ ﻳﺘﺠﺮﺃﻭﻥ ﻋﻠﻰ ﺍﻣﻬﻢ ﻭ ﺣﺘﻰ ﻣﺨﻠﺪ ﻛﺎﻥ ﺍﻟﻤﺜﻞ ﻟﻤﺎ ﺟﺎﻥ ﻭﻳﺎ ﺯﻣﻦ ، ﺑﺲ ﻫﺎﻟﺤﺠﻲ ﻳﻤﻲ ﻣﻴﺼﺮﻑ ﻣﻦ ﻳﺤﺠﻲ ﺍﺧﺶ ﺑﻌﻴﻨﻪ ﻓﺎﻧﺠﺒﺮ ﻳﻔﺼﻞ ﺑﻴﻦ ﺍﻫﻠﻪ ﻭ ﻋﺎﺋﻠﺘﻪ ﻣﻴﻀﺤﻲ ﺑﺸﻲ ﻟﺨﺎﻃﺮ ﺷﻲﺀ
... ﻭﻫﻴﺞ ﻣﺮﺕ ﺍﻷﻳﺎﻡ ﻃﺒﻴﻌﻴﻪ
ﺻﺢ ﺗﺼﻴﺮ ﻣﺸﺎﻛﻞ ﻭ ﺍﻣﻮﺭ ﺑﺲ ﻋﺎﺩﻱ ﺗﻨﺤﻞ
ﺍﻟﻰ ﺃﻥ ﺻﺎﺭ ﺍﻟﺸﻲ ﺍﻟﻠﻲ ﻗﻠﺐ ﺣﻴﺎﺗﻲ ﺭﺃﺳﺎ ﻋﻠﻰ ﻋﻘﺐ
... ﻛﻨﺖ ﺑﺎﻟﺸﻬﺮ ﺍﻟﺜﺎﻣﻦ
ﻭ ﺍﻧﻲ ﻣﺜﻞ ﻣﻞ ﺍﻡ ﺭﺑﻤﺎ ﺻﻌﺒﺖ ﻋﻠﻴﻪ ﺣﻀﺎﻧﺔ ﺑﻨﺘﻲ ﺑﺲ ﻣﺎ ﺍﻧﺴﻰ ﻭ ﺍﺑﻘﻰ ﺍﺗﻤﻨﻰ ﺣﺘﻰ ﻟﻮ ﺻﻮﺭﺓ ﻣﻨﻬﺎ ، ﻓﺠﻨﺖ ﺩﺍ ﺍﺣﺠﻲ ﻭﻳﺎ ﺧﻮﺍﺕ ﻣﺎﻟﻚ ﻣﻦ ﺍﺑﻮﻩ ﻭ ﺍﻃﻠﺐ ﻣﻨﻬﺎ ﻟﻘﺎﺀ ﻟﺒﻨﺘﻲ ﺍﺑﻴﺘﻬﻢ ﺣﺘﻰ ﺍﺷﻮﻓﻬﺎ ﻷﻥ ﺳﻤﻌﺖ ﻫﺎﻟﻔﺘﺮﺓ ﻣﺎﻟﻚ ﺭﺍﺟﻊ ﻟﻠﻌﺮﺍﻕ ﺑﺲ ﻣﺎ ﻛﺎﻟﺘﻠﻲ ﺑﻴﻼ ﻭﻳﺎﻩ ﺍﻭ ﻻ ، ﻛﺎﻟﺖ ﻋﻨﺪﻩ ﺷﻐﻞ
ﻓﺒﻘﻴﺖ ﺍﺣﺠﺐ ﻭﻳﺎﻫﺎ
ﺍﻧﻄﺘﻨﻲ ﺭﻗﻤﻪ ﻭ ﻛﺎﻟﺘﻠﻲ : ﺧﺎﺑﺮﻱ ﻭ ﺍﺗﻔﻘﻲ ﻭﻳﺎﻩ ﻻﻥ ﺗﻌﺮﻓﻴﻦ ﻣﺎﻟﻚ ﻣﻴﺴﻤﻊ ﻻﺣﺪ ﻭﻻ ﻳﻬﺘﻢ ﻻﺣﺪ ﻭ ﻣﻦ ﺍﺩﺧﻞ ﻳﻀﻞ ﻳﺮﺯﻝ
ﺍﺧﺬﺕ ﺭﻗﻤﻪ ﻭ ﺭﺍﺳﻠﺘﻪ ، ﻭﻗﺘﻬﺎ ﺟﺎﻥ ﻣﻮ ﻋﻠﻰ ﻃﺒﺎﻳﻌﻪ ، ﻳﻀﺤﻚ ﻭ ﻳﺴﺘﻬﺰﺃ ﺑﻜﻼﻣﻲ ﺟﺎﻥ ﻋﺼﺒﻲ ﻭ ﻳﺤﺠﻲ ﻭﻳﺎﻱ ﺑﻨﺘﺮ ﻭ ﻏﻠﻂ
ﺍﺧﺮ ﺷﻲ ﺍﻧﻔﺠﺮﺕ ﺑﻮﺟﻬﻪ ﻛﻠﺖ ﻟﻪ : ﺍﺣﺘﺮﻡ ﻧﻔﺴﻚ ﻻ ﺗﺨﻠﻴﻨﻲ ﺍﻫﻴﻨﻚ ﺍﻧﺖ ﻗﻨﺪﺭﺗﻴﺶ ﺣﺘﻰ ﺗﻨﺘﺮ ﻭ ﺗﺘﺠﺎﻭﺯ ﺩﺍ ﺍﻛﻠﻚ ﺍﺭﻳﺪ ﺍﺷﻮﻑ ﺑﻨﺘﻲ ﻣﻮ ﻣﻦ ﺣﻘﻚ ﺗﻤﻨﻌﻨﻲ ﻣﻦ ﺑﻨﺘﻲ ﺑﻬﺎﻟﺸﻜﻞ ، ﺍﻗﻴﻢ ﺩﻋﻮﺓ ﻭ ﺍﺧﻠﻲ ﺍﻟﻤﺤﻜﻤﺔ ﺗﻘﺮﺭﻟﻲ ﺍﻳﺎﻡ ﺍﺷﻮﻑ ﺑﻨﺘﻲ ﺑﻴﻬﺎ
ﻛﺎﻝ : ﻗﻴﻤﻲ ﺩﻋﻮﺓ ﻭ ﺷﻮﻓﻲ ﺷﻨﻮ ﻳﺼﻴﺮ ﺑﻴﺞ
ﺍﻧﻲ ﻫﻨﺎ ﺑﺰﻋﺖ ﺭﻭﺣﻲ ﻣﻦ ﺗﻬﺪﻳﺪﺍﺗﻪ ، ﻛﻠﺖ ﺷﻴﺮﻳﺪ ﻳﺴﻮﻱ ﺧﻴﺴﻮﻱ ﻣﻠﻴﺖ ﺍﺭﻳﺪ ﺍﺷﻮﻑ ﺑﻨﺘﻲ ﻭ ﺍﻧﻲ ﻣﻤﺎﺧﺬﺗﻬﺎ ﻣﻨﻪ ﺑﺲ ﻳﻘﺮﺭﻭﻟﻲ ﺍﻳﺎﻡ ﺍﺷﻮﻓﻬﺎ ﻻﻥ ﻫﻮ ﻣﺪﺍ ﻳﺴﻤﺢ ﻟﻠﻤﻘﺎﺑﻠﻪ
ﻛﻠﺖ ﻟﻤﺨﻠﺪ ﻣﺎ ﻗﺒﻞ ﻭ ﻛﺎﻝ : ﺗﺎﻟﻲ ﻋﻤﺮﻱ ﻣﺮﺗﻲ ﺗﻔﺮ ﻣﺤﺎﻛﻢ ﻭ ﺩﻋﺎﻭﻱ ﻫﺎﻷﻣﻮﺭ ﺍﻧﻲ ﻣﺎ ﺍﺭﺿﺎﻫﺎ ، ﺍﺭﺿﻲ ﺑﻮﺍﻗﻌﺞ ﻭ ﺍﻧﺴﻲ ﺑﻨﺘﺞ ، ﺷﻔﺘﻴﻬﺎ ﻳﻮﻡ ﺷﺤﺼﻠﺘﻲ ﺑﺲ ﺗﺒﻘﻴﻦ ﺗﺸﺘﺎﻗﻴﻠﻬﺎ ﻭ ﺗﺒﺠﻴﻦ ﺧﻮ ﻋﻮﻓﻴﻬﺎ ﻭ ﺍﻧﺴﻴﻬﺎ
ﻣﺎ ﻗﺒﻠﺖ ﺑﻘﻴﺖ ﺍﺗﺠﺎﺩﻝ ﻭﻳﺎﻩ ﻭ ﺍﺣﺎﻭﻝ ﺍﻓﻬﻤﻪ ﺍﻧﻮ ﻫﺬﻩ ﺑﻨﺘﻲ ﺷﻠﻮﻥ ﺍﺗﺮﻙ ﻭ ﻣﺎ ﺍﺷﻮﻓﻬﺎ ﺷﻲ ﻃﺎﻟﻊ ﻣﻨﻲ ﺍﺗﺮﻛﻬﺎ ﺷﻠﻮﻥ
ﻫﻮ ﻣﻘﻔﻞ ﺭﺍﺳﻪ ﻭ ﺍﻧﻲ ﻣﻘﻔﻠﻪ ﺍﺧﺮ ﺷﻲ ﺍﻧﺘﻔﻀﺖ ﻭ ﻛﻠﺘﻠﻪ : ﻣﻮ ﻣﻦ ﺣﻘﻚ ﺗﻤﻨﻌﻨﻲ ﻛﺎﻓﻲ ﺻﺎﺭ ﻗﺮﺍﺑﺔ ﺍﻟﺴﻨﺔ ﺍﻧﻲ ﻛﺎﻋﺪﻩ ﻫﻨﺎ ﻟﺨﺪﻣﺘﻚ ﻭ ﺧﺪﻣﺔ ﺍﻃﻔﺎﻟﻚ ﻻ ﻛﻠﺘﻠﻚ ﺍﺭﻳﺪ ﺷﻐﻞ ﻭ ﻻ ﻋﻔﺖ ﺑﻴﺘﻚ ﻣﺜﻞ ﻣﺎ ﻣﺤﺘﺮﻣﺘﻚ ﺍﺣﺘﺮﻣﻨﻲ، ﻣﻮ ﻫﺬﻩ ﻣﺮﺗﻚ ﻛﻞ ﺍﺳﺒﻮﻋﻴﻦ ﺗﺸﻮﻑ ﺟﻬﺎﻟﻚ ﺷﻨﻮ ﻫﻲ ﺍﻡ ﻭ ﺍﻧﻲ ﺣﺎﻳﻂ ، ﺣﺲ ﻛﻮﻝ ﺍﻧﻲ ﺍﻡ ﻭ ﺍﺷﺘﺎﻕ ﻟﺒﻨﺘﻲ ﺷﻨﻮ ﻣﺤﺎﻛﻢ ﺷﻨﻮ ﺩﻋﺎﻭﻱ ﻗﺎﺑﻞ ﺷﻜﻮ ﺑﺎﻟﻤﺤﻜﻤﺔ ﺣﺘﻰ ﻣﺘﻘﺒﻞ ﻣﺮﺗﻚ ﺗﻔﻮﺕ ، ﺑﺸﺮ ﺣﺎﻟﻬﻢ ﺣﺎﻟﻨﺎ ﻣﻦ ﻳﻤﺘﻰ ﺗﻤﻨﻊ ﺍﺣﺪ ﻳﺸﻮﻓﻨﻲ ﺍﻧﺖ
......
ﻣﺎﻛﻮ ﻗﻔﻞ ﺭﺍﺳﻪ : ﺗﻨﺴﻴﻦ ﻫﺎﻟﺴﺎﻟﻔﺔ
ﻫﻨﺎ ﻛﻠﺘﻠﻪ : ﻻ ﻭﺍﻟﻠﻪ ﻣﺎ ﺍﻧﺴﻰ ﺍﻧﻲ ﺭﺍﺡ ﺍﺭﻭﺡ ﻟﻠﻤﺤﻜﻤﺔ ﻭ ﺍﻗﺪﻡ ﻃﻠﺐ ﻋﺎﺟﺒﻚ ﺍﻫﻼ ﻭﺳﻬﻼ ﻣﻌﺎﺟﺒﻚ ﻋﺎﺩ ﺷﺴﻮﻳﻠﻚ ، ﻫﺬﻩ ﺑﻨﺘﻲ ﻭ ﻣﻦ ﺣﻘﻲ
ﻛﺎﻝ : ﺧﺎﻟﻔﻲ ﺍﺣﺠﺎﻳﺘﻲ ﻭ ﺷﻮﻓﻲ ﺷﺴﻮﻱ ﺑﻴﺞ
... ﻭﻻ ﺍﻫﺘﻤﻴﺖ ﺛﺎﻧﻲ ﻳﻮﻡ ﻫﻮ ﺑﺎﻟﺪﻭﺍﻡ ﻭﺻﻠﺖ ﺍﻃﻔﺎﻟﻪ ﻳﻢ ﺑﻴﺖ ﺟﺪﻫﻢ ﻭ ﻃﻠﻌﺖ ﻟﻠﻤﺤﻜﻤﺔ ﻗﺪﻣﺖ ﻃﻠﺐ
ﻣﻦ ﺭﺟﻊ ﻭ ﻋﺮﻑ ﮔﻠﺐ ﺍﻟﺪﻧﻴﺎ ﺑﺎﻟﺼﻴﺎﺡ ﻭ ﺍﻟﺘﻜﺴﻴﺮ ﻭ ﺍﻟﻐﻠﻂ ﻭ ﺍﻟﺴﺐ ﻭ ﺗﻌﺎﺭﻛﻨﺎ ﻋﺮﻛﻪ ﺷﻜﺒﺮﻫﺎ ﻭﺻﻠﺖ ﺑﻴﻪ ﻳﻜﻮﻝ : ﻟﻮ ﺍﻟﺞ ﺍﺣﺪ ﻫﻨﺎ ﺟﺎﻥ ﻭﺍﻟﻠﻪ ﻣﻦ ﻫﺎﻟﺴﺎﻋﺔ ﻃﺮﺩﺗﺞ ﻭ ﻣﺎ ﺑﻘﻴﺘﺞ ﺍﺑﻴﺘﻲ
ﺭﺩﺕ ﺍﺟﺎﻭﺑﻪ ﻭ ﺍﻛﻮﻟﻪ ﻫﺬﺍ ﺑﻴﺘﻲ ﻭ ﺍﻧﺖ ﺍﻟﺘﻄﻠﻊ، ﺑﺲ ﺧﻔﺖ ﺗﻜﺒﺮ ﻋﺎﺩ ﻋﻔﺘﻪ ﻳﺤﺠﻲ ﻭ ﻓﺘﺖ ﻟﻠﻐﺮﻓﺔ
ﺑﻘﻴﻨﺎ ﻗﺮﺍﺑﺔ ٣ ﺍﻳﺎﻡ ﺍﺣﻨﺎ ﻣﻨﺤﺠﻲ ﻣﻊ ﺑﻌﺾ
ﺭﺍﺑﻊ ﻳﻮﻡ ﺍﺟﺎ ﻧﺎﺭ ﻭ ﺷﺮﺍﺭ ﻣﻦ ﻳﺼﻴﺮ ﺷﻲ ﺑﺮﺟﻠﻪ ﻳﺪﻓﺮﺓ ﻭ ﻣﺎ ﻳﻜﻌﺪ ﻭﻻ ﻳﺴﺘﻘﺮ ﺧﺎﺑﺮ ﻣﺎﺯﻥ ﻛﺎﻟﻪ ﺗﻌﺎﻝ ﺍﺧﺬ ﺍﻟﺠﻬﺎﻝ ﻳﻤﻜﻢ ﻣﺎﺯﻥ ﻣﺎ ﺍﻋﺮﻑ ﺷﺤﺠﻪ ﻭ ﻣﺨﻠﺪ . ﺻﺮﺥ ﺑﻴﻪ : ﺩﺍ ﺍﻛﻠﻚ ﺗﻌﺎﻝ ﺍﺧﺬ ﺍﻟﺠﻬﺎﺍﺍﺍﺍﺍﺍﺍﻝ
ﻭ ﻗﻔﻞ ﺍﻟﺠﻬﺎﺯ ﻭ ﺭﻛﻌﻪ ﺑﺎﻟﻜﺎﻉ ﻭ ﻳﻔﺘﺮ ﻭ ﻳﻤﺸﻲ ﻭ ﻳﺮﺟﻒ ﻣﻦ ﺍﻟﻌﺼﺒﻴﺔ، ﺑﻘﻴﺖ ﻣﺼﻔﺼﻔﻪ : ﺷﺒﻴﻪ ﺷﺼﺎﻳﺮ ﻭﻳﺎﻩ
ﺍﺟﺎ ﻣﺎﺯﻥ ﻃﻮﻁ ﺑﺎﻟﻬﻮﺭﻥ ﻣﺨﻠﺪ ﺻﺮﺥ ﺑﺎﻟﺠﻬﺎﻝ ﻳﻄﻠﻌﻮﻥ ، ﺗﺮﺍﻛﻀﻮﺍ ﻣﻦ ﺍﻟﺨﻮﻑ ﻭ ﺭﺍﺣﻮ ﻭﻳﺎ ﻣﺎﺯﻥ
ﺗﻘﺮﺑﺖ ﻟﻪ : ﺷﺒﻴﻚ ﻟﻴﺶ ﻫﻴﺞ ﻭﻳﺎ ﺍﻻﻃﻔﺎﻝ
ﻟﺰﻣﻨﻲ ﻣﻦ ﺷﻌﺮﻱ : ﺗﻌﺎﻱ ﻟﺞ ﺍﻛﻌﺪﻱ ﺑﺎﻟﻜﺎﻉ
- ﺷﺒﻴﻚ ﻣﺨﻠﺪ ﺷﻌﺮﻱ ﻋﻮﻓﻨﻲ
ﻃﻠﻊ ﺳﻼﺣﻪ ، ﺳﺤﺐ ﺍﻗﺴﺎﻡ ﺑﺤﺎﻓﺔ ﺣﺬﺍﺋﻪ ﻭ ﺧﻼﻩ ﺑﺮﺍﺳﻲ : ﻣﻦ ﺗﻨﻄﻘﻴﻦ ﻛﻠﻤﺔ ﺍﻓﺠﺮﻩ ﻟﺮﺍﺳﺞ ، ﺍﺭﻛﻌﻲ ﻭ ﺍﺛﻨﻲ ﻟﻠﻜﺎﻉ ﻳﻼ
ﻛﻠﺒﻲ ﺭﺟﻒ ﻣﻦ ﺍﻟﺨﻮﻑ ﻟﻤﺎ ﺣﻂ ﺍﻟﻤﺴﺪﺱ ﺑﺮﺍﺳﻲ ، ﺍﻟﺘﻘﻠﺼﺎﺕ ﻟﺰﻣﺖ ﺑﻄﻨﻲ : ﺷﺒﻴﻚ ﻣﺨﻠﺪ ﺷﺼﺎﻳﺮ
- ﺍﺳﺄﻟﺞ ﻭ ﺗﺠﺎﻭﺑﻴﻦ ﺍﺫﺍ ﻣﺎ ﺟﺎﻭﺑﺘﻲ ﻃﻠﻘﻪ ﻃﻠﻘﻪ ﺍﺧﻠﻴﻬﻦ ﺑﺄﻃﺮﺍﻓﺞ ﻭ ﺍﻋﻮﻗﺞ ﻭﺍﻟﻠﻪ
ﻛﻤﺖ ﺍﺭﺟﻒ ﻭ ﻫﻮ ﻣﺮﻛﻌﻨﻲ ﻭ ﺍﻟﻤﺴﺪﺱ ﻣﺴﺤﻮﺏ ﺍﻗﺴﺎﻡ ﺑﺮﺍﺳﻲ ، ﺍﻭﻝ ﺳﺆﺍﻝ ﺟﺎﻥ : ﺻﺤﻴﺢ ﺍﺷﺘﻐﻠﺘﻲ ﺍﺑﻴﺖ ﺩﻋﺎﺭﺓ ﺑﻠﺒﻨﺎﻥ ؟
- ﺷﻨﻮ ﻫﺎﻟﺤﺠﻲ ﻻ
ﺳﺤﺐ ﺭﺍﺳﻲ ﻣﻦ ﺷﻌﺮﻱ ﻭ ﻫﻮ ﻳﺮﻓﻌﻠﻲ ﻭﺟﻬﻲ ، ﻛﻤﺖ ﻣﻦ ﺭﺟﻠﻴﻪ ﻟﺰﻣﺖ ﺑﻤﻼﺑﺴﻪ ﻟﻤﺎ ﺭﻓﻌﻨﻲ ﺻﺮﺥ : ﻣﻜﺎﻧﺞ ﺍﻛﻌﺪﻱ
ﺑﻬﺬﻟﻨﻲ ﻭ ﻫﻮ ﺭﺍﻓﻊ ﺷﻌﺮﻱ ﻭ ﻻ ﺍﻧﻲ ﻛﺎﻋﺪﻩ ﻭﻻ ﻛﺎﻳﻤﻪ ﻭ ﺑﻄﻨﻲ ﺷﻜﺒﺮﻫﺎ ﻭ ﻫﻮ ﻳﻜﻮﻟﻲ : ﻣﻦ ﺗﺘﻠﻮﺗﻴﻦ ﻭ ﺗﻀﻤﻴﻦ ﻋﻠﻴﻪ ﺭﺍﺳﺞ ﺍﻓﺠﺮﻩ
ﺑﺠﻴﺖ : ﻣﺨﻠﺪ ﺷﺒﻴﻚ ﺑﻄﻨﻲ
- ﻟﺞ ﺍﺫﺑﺤﺞ ﻭ ﺍﺫﺑﺢ ﺍﻟﻠﻲ ﺍﺑﻄﻨﻲ ﻷﻧﻪ ﻣﻮ ﺍﺑﻨﻲ ﻭ ﺍﻧﺖ ﻓﺪ ﻭﺣﺪﺓ ﻛﺢ ..... ﻭ ﺑﻨﺖ ******
- ﻋﻮﻓﻨﻲ ﻣﺨﻠﺪ ﻭﺧﺮ ﺍﻟﺴﻼﺡ ﻣﻦ ﺭﺍﺳﻲ
- ﺍﺣﺠﻲ ﺟﻨﺘﻲ ﺗﺸﺘﻐﻠﻴﻦ ﻭﻳﺎ ﻭﺍﺣﺪ ﻛﻮﺍ ..... ﺍﺳﻤﻪ ﻣﻴﺸﻴﻞ
- ﺍﻱ ﺑﺲ ﻫﺬﺍ ﺗﺎﺟﺮ ﺍﻋﻀﺎﺀ ﺑﺸﺮﻳﺔ ﻣﻮ ﻣﺜﻞ ﻣﺎ ﺍﻧﺖ ﻣﺘﺨﻴﻞ
- ﻣﺘﻘﺮﺑﻠﺞ ﻣﻮ
- ﺍﻫﺪﺉ ﻭ ﺍﻧﻲ ﺍﺣﺠﻴﻠﻚ ﻗﺼﺘﻲ ﻭﻳﺎﻩ
- ﺍﺣﺠﻲ ﻣﺘﻘﺮﺑﻠﺠﺠﺠﺠﺠﺠﺠﺠﺞ
- ﻣﺎﻟﻚ ﺑﺎﻋﻨﻲ ﺍﻟﻪ ﺣﺘﻰ ﻳﻮﻓﻲ ﺩﻳﻮﻧﻪ
.......
ﻣﺎﻟﻚ ﻳﻜﻮﻝ ﺟﺎﻧﺖ ﺗﺨﻮﻧﻲ ﻭﻳﺎﻩ
- ﻭﺍﻟﻠﻪ ﻻ ﻭ ﺭﻭﺡ ﻷﺑﻮﻳﻪ ﻻ ﻣﺎ ﺧﻨﺘﻪ ، ﻫﻮ ﺍﻟﻠﻲ ﺟﺎﻥ ﻳﺎﺧﺬ ﻣﻨﻲ ﻓﻠﻮﺱ ﻭ ﻳﻮﻓﻲ ﻣﻦ ﺧﻠﺼﺖ ﻭﺭﻓﻀﺖ ﺍﻧﻄﻲ ﺑﺎﻋﻨﻲ ﺍﻟﻪ ﻛﺄﻋﻀﺎﺀ ﺑﺸﺮﻳﻪ ﺣﺘﻰ ﻳﻮﻓﻲ ﺩﻳﻦ ﺍﻻﻗﻤﺎﺭ ﻣﺎﻟﺘﻪ
- ﻭ ﻣﻴﺸﻴﻞ ﺷﻐﻠﺞ ﻛﺢ ... ﺣﺘﻰ ﺗﺠﻴﺒﻴﻠﻪ ﺯﺑﺎﻳﻦ ؟
- ﻣﻮ ﻫﻴﺞ
ﺍﺣﺠﻲ ﻭ ﻛﻤﺖ ﺍﻧﺎﺷﻎ ﺑﺎﻟﺒﺠﻲ ﺍﺭﻳﺪ ﺍﻧﻄﻖ ﺍﻟﺨﻮﻑ ﻣﻠﻰ ﻛﻠﺒﻲ ﻛﻤﺖ ﺑﺲ ﺍﻧﺸﻎ ﻭ ﺍﺑﺠﻲ
- ﺍﺳﻤﻌﻠﻲ ﻟﺞ ﺳﺎﻗﻄﺔ ﺗﺤﺠﻴﻠﻲ ﻛﻞ ﺍﻟﺼﺎﺭ ﻭﻳﺎﺝ ﻻ ﻗﺴﻤﺎ ﺑﺎﻟﻠﻪ ﺍﻟﻌﻈﻴﻢ ﺍﻓﺮﻍ ﺍﻟﻤﺴﺪﺱ ﺑﺮﺍﺳﺞ ﻭ ﺍﻛﻮﻟﻬﻢ ﻏﺴﻞ ﻋﺎﺭ ﻭ ﺍﺭﻳﺪ ﻙ .... ﻳﺤﺎﺳﺒﻨﻲ ، ﺍﺣﺠﻲ ﻣﻴﺸﻴﻞ ﻧﺎﻳﻢ ﻭﻳﺎﺝ
ﻣﺎ ﺟﺎﻭﺑﺖ ﺑﺲ ﺍﺑﺠﻲ : ﻭﻟﺞ ﺍﺣﺠﻴﻴﻴﻴﻲ ﻻ ﺗﺨﺒﻠﻴﻨﻲ ﺍﺣﺠﻴﻴﻴﻴﻴﻲ ﻣﺘﻘﺮﺑﻠﺞ ﻟﻮﻭﻭﻭﻭ ﻻ
- ﻣﺎﻟﻚ ﺑﺎﻋﻨﻲ ﺍﻟﻪ ﻭﺍﻟﻠﻪ ﺟﻨﺖ ﺿﺤﻴﺔ
ﻭ ﻫﻮ ﺻﺮﺥ : ﻳﻌﻨﻲ ﻧﺎﺍﺍﺍﺍﺍﺍﺍﻳﻢ ﻭﻳﺎﺝ
ﺩﻓﺮﻧﻲ ﺑﺮﺍﺳﻲ ﺍﻛﻠﺒﺖ ﺍﻧﻲ ﻭ ﺑﻄﻨﻲ ﻟﻠﻜﺎﻉ ، ﺭﺟﻊ ﻟﺰﻣﻨﻲ ﻣﻦ ﺷﻌﺮﻱ ﻭ ﻳﻀﺮﺏ ﺑﺮﺍﺳﻲ ﻟﻠﻜﺎﻉ ﻭ ﺍﻧﻲ ﺍﺻﺮﺥ ﺑﺲ ﺍﺣﺎﻭﻝ ﺍﻟﺰﻡ ﺍﻳﺪﻩ
ﺑﻬﺎﻟﻌﺼﺒﻴﺔ ﺛﺎﺭﺕ ﻃﻠﻘﻪ ﻣﻦ ﺳﻼﺣﻪ ﺍﺟﺖ ﺑﺎﻟﺘﺨﻢ ، ﻫﻨﺎ ﻓﺮﻍ ﮔﻠﺒﻲ ﻣﻦ ﺍﻟﺨﻮﻑ ﻟﻤﺎ ﺳﻤﻌﺖ ﺍﻟﻄﻠﻘﺔ ﻛﻞ ﺿﻨﻲ ﺍﺟﺖ ﺑﺮﺍﺳﻲ ﻋﻠﻰ ﻛﺪ ﺍﻟﺪﻡ ﺍﻟﻴﻨﺰﻑ ﻣﻨﻲ
ﻣﻜﻤﺖ ﺍﺳﺘﻮﻋﺐ ﻉ ﺍﻟﺪﻧﻴﺎ ﺑﺲ ﺍﺻﺮﺥ ، ﺷﻤﺮﻧﻲ ﻣﻦ ﺍﻳﺪﻩ ﺍﻧﺰﻑ ﻭ ﺍﻧﺎﺷﻎ ﺑﺠﻲ ﻭ ﺛﻜﻴﻠﻪ ﻣﻦ ﺑﻄﻨﻲ ﻭ ﺗﻘﻠﺼﺎﺕ
ﺍﻧﺘﻬﻴﺖ ..
ﻫﻮ ﻳﻔﺘﺮ ﻭ ﻳﺼﺮﺥ : ﺍﻧﻲ ﻣﺘﺰﻭﺝ ﻛﺢ .... ﻟﺞ ﺧﻠﻴﺘﻴﻨﻲ ﺍﺷﺪ ﻣﺮﻭﻥ ﻭ ﺗﺼﻴﺮ ﻛﻮ ..... ﻣﻦ ﻭﺭﺍﺝ ﺗﻬﺮﻣﻴﻦ ﻣﻦ ﻭﺭﺍﻱ
ﻛﺎﻟﻲ ﻭ ﻣﺎ ﺻﺪﻛﺘﻪ ﻛﺎﻝ ﺟﺎﻧﺖ ﺗﺸﺘﻐﻞ ﺑﺎﻟﻤﻼﻫﻲ ﻭ ﺗﺸﺮﺏ ﻭ ﺗﺘﻌﺎﻃﻰ ﻣﺨﺪﺭﺍﺕ ﻭ ﻫﺎﻱ ﺗﻘﺎﺭﻳﺮ ﺗﺜﺒﺖ ﺍﻟﻠﻲ ﺍﻛﻮﻟﻪ
ﻳﺤﺠﻲ ﻭ ﻳﺮﺟﻒ ﻭ ﻳﻀﺮﺏ ﺑﺎﻟﺘﺨﻢ ﻭ ﺑﺎﻟﻐﺮﺍﺽ ، ﻛﺴﺮ ﺩﻣﺮ ﺍﻟﺒﻴﺖ ﺭﺟﻊ ﻟﺰﻡ ﺷﻌﺮﻱ ﻭ ﻳﻌﺖ ﻭ ﻳﻜﻮﻝ : ﺍﺣﺠﻲ ﺻﺢ ﺷﻐﻠﺞ ﺟﻴﺎﺩ ﻭﻳﺎﻩ ﻭ ﺍﺳﺘﻐﻠﺞ ﻭ ﺳﻜﻨﺞ ﺍﺑﻴﺘﻪ ، ﺍﺣﺠﻴﻴﻴﻲ
ﺻﺢ ﺍﻣﻪ ﻃﺎﺭﺩﺗﺞ ﻣﻦ ﺑﻴﺘﻪ ﻷﻧﺞ ﺑﻌﻴﻨﻬﻢ ﻋﺎﻫﺮﺓ ﻭ ﻣﺎ ﺭﺍﺿﻴﻦ ﺍﺑﻨﻬﻢ ﻳﺎﺧﺬﺝ ﺍﺣﺠﻴﻲ
ﻛﻮﻩ ﺍﺣﺠﻲ ﻭ ﺗﻄﻠﻊ ﻣﻨﻲ ﻛﻠﻤﺔ : ﻣﻮ ﻫﻴﺞ ﻭﺍﻟﻠﻪ
ﻟﺰﻡ ﺷﻌﺮ ﺭﺍﺳﻲ ﺑﺄﺛﻨﻴﻦ ﺍﺩﻳﻪ ﻭﻳﻌﺖ ﻭﻳﺼﺮﺥ -: ﻭﻟﺞ ﺷﻠﻮﻥ ﻣﻮ ﻫﻴﺞ ﻭ ﻫﻮ ﺳﺎﺣﺐ ﻣﻨﺞ ﺑﺘﺞ ﻷﻧﺞ ﻋﺎﻫﺮﺓ ﻭ ﺑﺖ ﻣﻼﻫﻲ ﻭﻟﺞ ﻣﻮ ﻫﻴﻴﻴﻴﺞ
ﺭﺟﻊ ﺿﺮﺑﻨﻲ ﻟﻠﻜﺎﻉ ﻭ ﺗﻮﻻﻧﻲ ﺩﻓﺮﺍﺕ ﻋﻠﻰ ﺭﺟﻠﻲ ﻭ ﺭﺍﺳﻲ ، ﺩﻣﺮﻧﻲ
ﺍﺧﺮﻫﺎ ﺗﻌﺐ ﻭ ﺗﺮﻛﻨﻲ ، ﻛﻌﺪ ﻋﻠﻰ ﺍﻟﺘﺨﻢ
ﻳﺤﺠﻲ ﺑﺤﺮﻛﺔ ﻭ ﻳﺴﺐ ﻭ ﻳﻐﻠﻂ ﻭ ﺩﻣﻮﻋﻪ ﺗﺠﺮﻱ ﻭ ﻫﻮ ﻳﻜﻮﻟﻲ : ﻭﻟﺞ ﺳﻮﻳﺘﻴﻨﻲ ﻛﻮﺍ .... ﻟﺠﻴﻦ ، ﻭ ﻟﻴﺶ ﻣﺎ ﺻﺎﺭﺣﺘﻴﻨﻲ ﺑﻌﺎﺭﺝ ﻗﺒﻞ ﻻ ﺍﺧﺬﺫﺫﺫﺫﺫﺫﺝ ، ﻭﻟﺞ ﺗﺘﻜﺒﺮﻳﻦ ﻋﻠﻴﻪ ﺍﻧﺖ ﻭ ﺍﻟﻜﺢ .... ﺍﻣﺞ ﻭﻟﺞ ﺳﺠﻠﺖ ﺑﻴﺘﻲ ﻭ ﺗﻌﺐ ﺳﻨﻴﻨﻲ ﺑﺴﻤﺞ ﺑﺲ ﻛﻮﻥ ﺍﺣﺘﻮﻳﺞ ﺗﺎﻟﻲ ﺍﻃﻠﻌﻴﻠﻲ ﺑﺖ ﻟﻴﻞ ﻟﺠﻴﻴﻴﻦ
ﻭﻟﺞ ﺍﻛﺘﻠﺞ ﻭ ﺍﺧﻠﺺ ﻣﻦ ﻋﺎﺭﺝ ﻟﻮ ﺷﺴﻮﻳﻠﺞ ﻓﻬﻤﻴﻨﻴﻴﻴﻴﻴﻲ ، ﺷﻌﻠﺘﻲ ﺭﺍﺳﻲ ﺍﺣﺘﺮﻛﺖ ﺭﻭﺡ ﺍﺑﻮﺝ ﺍﻟﺨﻠﻒ ﻣﺜﻠﺞ ، ﻟﻮ ﻣﺎ ﺍﻟﻜﻮ .... ﺍﺑﻮﺝ ﺍﻧﻲ ﺍﺧﻠﻴﺞ ﺗﺘﻨﻔﺴﻴﻦ ﻭ ﺗﻮﺻﻠﻴﻦ ﻫﺎﻟﻤﻮﺍﺻﻴﻞ
ﻭﻟﺞ ﻛﺘﻠﺖ ﺭﻭﺣﻲ ﻋﻠﻴﺞ ﻣﻦ ﺟﻨﺘﻲ ﺷﺮﻳﻔﻪ ﻣﺎ ﺭﺿﻴﺘﻲ ﺑﻴﻪ ﺑﻌﺪ ﻣﺎ ﺯﺍﻋﺘﺞ ﺍﻟﺪﻧﻴﺎ ﺭﺟﻌﺘﻴﻠﻲ
ﻭﺑﻘﻰ ﻳﺴﺐ ﺑﻴﻪ ﻭ ﻳﻔﺸﺮ ﻋﻠﻰ ﺍﺑﻮﻱ ﻭ ﻳﻐﻠﻂ
......
ﺍﺧﺮﻫﺎ ﻛﺎﻡ ﻣﻦ ﻣﻜﺎﻧﻪ ﺳﺤﺒﻨﻲ ﻣﻦ ﺷﻌﺮﻱ ﻭ ﺳﺤﻠﻨﻲ، ﻛﻤﺖ ﺍﺻﺮﺥ ، ﺣﻂ ﺍﻳﺪﻩ ﻋﻠﻰ ﺣﻠﻜﻲ ﻭ ﺳﺤﻠﻨﻲ ﻋﻠﻰ ﺍﻟﺪﺭﺝ ، ﺍﻟﺒﺎﺏ ﻳﻨﺪﻙ ﺣﻴﻞ ﺟﻮﺍ، ﺷﻤﺮﻧﻲ ﺑﻐﺮﻓﺔ ﻇﻠﻤﺔ : ﺍﺫﺍ ﺳﻤﻌﺘﻠﺞ ﺻﻮﺕ ﺍﻟﻤﺴﺪﺱ ﺍﻓﺮﻏﻪ ﺑﺮﺍﺳﺞ
ﻗﻔﻞ ﺍﻟﺒﺎﺏ ﻭ ﻧﺰﻝ، ﻛﻤﺖ ﺍﺭﺟﻒ ﻭ ﺍﺑﺠﻲ ﺑﻤﻜﺎﻧﻲ ، ﺍﻟﻮﺟﻊ ﺫﺑﺤﻨﻲ ﺑﻜﻞ ﻣﻜﺎﻥ
ﺍﺳﻤﻊ ﺍﻟﻜﻼﻡ ﺟﻮﺍ ﻳﻜﻮﻟﻮﻟﻪ : ﻫﺎ ﺍﺑﻮ ﺍﺣﻤﺪ ﺧﻴﺮ ﺳﻤﻌﻨﺎ ﺻﻮﺕ ﺳﻼﺡ ﻛﻠﻨﺎ ﺧﺎﻑ ﻣﻮ ﺭﻣﻲ ﺑﺲ ﺻﻮﺕ ﺍﻟﻤﺮﺓ ﺗﺼﺮﺥ ﺻﺎﻳﺮ ﺷﻲ
ﻭ ﻫﻮ ﻳﻜﻮﻟﻬﻢ : ﻻ ﺩﺍ ﺍﻧﻈﻒ ﺍﻟﻤﺴﺪﺱ ﻭ ﺍﺟﺎ ﺑﺎﻟﻐﺮﺍﺽ ﻭ ﺍﻟﻤﺮﺓ ﺻﺎﺭﺕ ﺍﻋﺼﺎﺏ ﻷﻥ ﺗﻠﻔﺖ ﺍﻟﻐﺮﺍﺽ، ﻣﺎﻛﻮ ﺷﻲ ﺍﻥ ﺷﺎﺀﺍﻟﻠﻪ
- ﺍﻥ ﺷﺎﺀﺍﻟﻠﻪ ﺍﻟﻠﻪ ﻳﻬﺪﻱ ﺳﺮﻛﻢ ﻳﺎﺑﻪ ﺍﺣﻨﺎ ﻧﺘﺮﺧﺺ ﻭ ﺍﺫﺍ ﺭﺍﻳﺪ ﺷﻲ ﺍﺣﻨﺎ ﺑﺎﻟﺨﺪﻣﺔ
- ﻣﺎ ﺗﻘﺼﺮﻭﻥ ﺭﺣﻢ ﺍﻟﻠﻪ ﻭﺍﻟﺪﻳﻜﻢ
ﻛﻤﻞ ﻣﻦ ﻋﺪﻫﻢ، ﺭﺟﻊ ﺻﻌﺪ ﺍﻟﻴﻪ ﻓﺘﺢ ﺍﻟﻀﻮﻩ ﻭ ﻓﺎﺕ ﻳﻬﺪﺩﻧﻲ : ﺍﺳﻤﻌﻲ ﻟﺞ ﺻﻮﺗﺞ ﺍﺫﺍ ﻳﻄﻠﻊ ﺑﻜﺎﺗﻢ ﺍﻓﺠﺮﻩ ، ﻫﺴﻪ ﺗﻌﺘﺮﻓﻴﻦ ﺍﻟﻠﻲ ﺍﺑﻄﻨﺞ ﻣﻨﻲ ﻟﻮ ﻣﻨﻴﻦ
- ﻣﺎ ﺍﺭﺩ ﺑﺲ ﺍﺑﺠﻲ
ﺷﺎﻟﻨﻲ ﻣﻦ ﺷﻌﺮﻱ ﻭﺣﺠﻪ ﻭﻫﻮ ﻳﺼﻚ ﻋﻠﻰ ﺍﺳﻨﺎﻧﻪ : ﺍﺣﺠﻴﻴﻴﻲ ﻣﻨﻴﻴﻴﻴﻦ
- ﻭﺍﻟﻠﻪ ﻛﻞ ﺍﻟﻤﺮﻳﺖ ﺑﻲ ﺍﻧﺠﺒﺮﺕ ﻋﻠﻴﻪ ﺑﻌﻤﺮﻱ ﻣﺎ ﺧﻨﺖ ﻣﺎﻟﻚ ﻭﻻ ﻣﺸﻴﺖ ﺑﻄﺮﻳﻖ ﺍﻟﺤﺮﺍﻡ ﻭﺍﻟﻠﻪ
- ﺍﻳﻴﻴﻴﻴﻴﻪ ﻭﻟﺞ ﻣﺎ ﻓﺪ ﻳﻮﻡ ﻟﺰﻣﺘﻠﻲ ﻛﺢ **** ﻭ ﻛﻠﺘﻠﻬﺎ ﻋﻠﻰ ﺷﻐﻠﻬﺎ ﺍﺫﺍ ﻣﺎ ﻛﺎﻟﺖ ﻣﺠﺒﻮﺭﺓ ، ﻛﻠﺠﻦ ﺷﺮﻳﻔﺎﺍﺍﺍﺍﺕ ﻭ ﻣﺠﺒﻮﺭﺍﺕ ﻣﺤﺪ ﺑﻴﺠﻦ ﺑﻨﺖ ****** ﺗﻜﻮﻝ ﻋﺎﺟﺒﻨﻲ ﺍﻟﺸﻐﻞ
- ﻣﺎ ﻣﺼﺪﻛﻨﻲ ﻃﻠﻜﻨﻲ ﺑﺲ ﻭﺍﻟﻠﻪ ﻣﺎ ﺟﻨﺖ ﻫﻴﺞ
- ﻣﺎﻝ ﺍﻃﻠﻜﺞ ﮔﻄﻨﻪ ﻭ ﺍﺷﻠﻌﻴﻬﺎ ﻣﻦ ﺍﺫﻧﺞ ﻟﻮ ﺍﻛﺘﻠﺞ ﻭ ﺍﻏﺴﻞ ﻋﺎﺭﻱ ﻣﻨﺞ ﻟﻮ ﺍﻋﻮﻗﺞ ﻭ ﺍﻛﻌﺪﺝ ﺑﺎﻟﺒﻴﺖ ﻭ ﺍﻧﺪﻣﺞ ﻉ ﺍﻟﻴﻮﻡ ﺍﻟﺤﻄﻴﺘﻲ ﺭﺟﻠﺞ ﺑﺎﻟﺸﺎﺭﻉ ﻭ ﻓﺮﻳﺘﻲ
ﺍﺷﺘﻌﻠﺖ ﺭﻭﺡ ﺍﺑﻮﺝ ﺍﻟﻜﻮ .... ﺟﻨﺖ ﺍﻛﻠﻪ ﻭﻟﻚ ﻋﻤﻲ ﺍﻟﺸﺎﺭﻉ ﻣﻮ ﻟﻠﺒﻨﻴﻪ ﺍﺳﺘﺮ ﻋﻠﻴﻬﺎ ، ﻳﻮﻛﻒ ﺑﻌﻴﻨﻲ ﻭ ﻳﻜﻮﻟﻲ ﺑﻨﺘﻲ ﻓﺎﻫﻤﺔ ﺑﻨﺘﻲ ﻋﺎﻗﻠﻪ ﻭ ﻣﺨﻠﻲ ﺑﻴﺪﺝ ﺍﻟﺴﻴﺎﺭﺓ ﺗﻔﺮﻳﻦ ﻭ ﺍﺩﻭﺭﻳﻦ ﺑﺎﻟﺸﻮﺍﺭﻉ ﻟﺤﺪ ﻣﺎ ﺩﻧﺴﺘﻲ ﺭﺍﺳﻲ ﻭ ﺭﺍﺱ ﺍﻟﺨﻠﻔﻮﺝ
ﻭﻟﺞ ﺍﻛﺘﻠﺞ ﻭ ﺍﺣﻤﻞ ﺧﻄﻴﺘﺞ ﻭ ﺍﻧﻔﻀﺢ
ﻟﻮ ﺍﻋﻴﺸﺞ ﻭ ﺍﻋﻴﺶ ﺑﺠﺎﻟﺞ ﻣﮕﺮﻥ
ﻛﻠﻴﻠﻲ ﺷﺴﻮﻱ ﻓﻬﻤﻴﻨﻲ ﺭﺍﺍﺍﺍﺍﺍﺍﺡ ﻳﻮﻛﻒ ﮔﻠﺒﻲ ﻋﻘﻞ ﻣﺎ ﺿﻞ ﻋﻨﺪﻱ ﻭﻟﺞ ﺑﻨﺖ ******** ﻛﻠﻴﻠﻲ
ﺑﻘﻴﺖ ﺑﻤﻜﺎﻧﻲ ﺍﺑﺠﻲ
ﻛﻤﺒﺺ ﻛﺒﺎﻟﻲ ﻭ ﻛﻌﺪ ﻭ ﺍﻳﺪﻩ ﻋﻠﻰ ﺧﺪﻩ ﻭ ﺻﺎﻓﻦ ﻭ ﺍﻟﻌﻴﻮﻥ ﺣﻤﺮ ﻳﻤﺴﺢ ﺑﻴﻬﻢ ﻭ ﻳﺮﺩ، ﻭ ﻣﺤﺘﺮﻙ ﺑﺲ ﻳﺘﻨﻬﺪ، ﺳﺤﺐ ﺟﻜﺎﺭﺓ ﻭﻛﻌﺪ ﻳﺪﺧﻦ ﻭ ﻳﻠﻮﻥ ﻭ ﻳﺤﺠﻲ ﺳﺎﻋﻪ ﻳﻐﻠﻂ ﻭ ﻳﺼﻴﺢ ﻭ ﻳﺪﻓﺮ ﻭﺳﺎﻋﻪ ﻳﻠﻮﻡ ﻭ ﻳﻀﺮﺏ ﻋﻠﻰ ﺭﺍﺳﻪ
ﺍﻧﻲ ﻣﺎ ﺟﺎﻭﺑﺖ ﺑﺲ ﻣﺘﻤﺪﺩﻩ ﺑﻤﻜﺎﻧﻲ ﻭ ﺍﻟﺪﻡ ﺟﻒ ﻋﻠﻰ ﺭﺍﺳﻲ ﻭ ﺣﺎﻟﺘﻲ ﺗﺒﺠﻲ ﺍﻟﻜﺎﻓﺮ، ﺑﺲ ﻣﺎ ﻋﺠﺒﻪ ﻷﻥ ﻫﺪﻳﺖ ﻭ ﻣﺎ ﻛﻤﺖ ﺍﺑﺠﻲ
ﺗﻘﺮﺏ ﻳﻤﻲ : ﺗﺮﻳﺪﻳﻦ ﺗﺮﺗﺎﺣﻴﻦ ﻣﻮ ؟
- ﻣﺨﻠﺪ ﻋﻮﻓﻨﻲ ﺍﻟﻠﻪ ﻳﺨﻠﻴﻚ
- ﺍﻧﻲ ﺍﻋﻮﻓﺞ ﻭﻟﺞ ﺑﺄﺣﻼﻣﺞ ﻻ ﺗﺴﻮﻟﻔﻴﻬﺎ ، ﺑﻌﺪ ﻛﻞ ﺍﻟﺴﻮﻳﺘﻲ ﺗﺮﻳﺪﻳﻦ ﺍﻋﻮﻓﺞ ﻭﺗﻌﻴﺸﻴﻦ ﺣﻴﺎﺗﺞ ﻭ ﺗﺮﺗﺎﺣﻴﻦ، ﻟﻮ ﻳﻄﻠﻊ ﺍﺑﻮﺝ ﻣﻦ ﻛﺒﺮﻩ ﻣﺎ ﺍﻋﻮﻓﺞ ﺍﻧﺪﻣﺞ ﻋﻠﻰ ﻛﻞ ﻳﻮﻡ ﻋﺸﺘﻲ ﺑﻴﻪ ﻭ ﺍﺧﻠﻴﺞ ﺗﺼﻴﺤﻴﻦ ﻳﺎ ﺭﻳﺖ ﺍﻣﻲ ﻣﺎ ﺟﺎﺑﺘﻨﻲ
.....
ﺣﺠﺎﻫﺎ ﻭ ﺧﻠﻪ ﺍﻟﺠﻜﺎﺭﺓ ﺑﺠﺘﻔﻲ ﻣﻦ ﻭﺭﺍ ، ﺻﺮﺧﺖ ﺣﻴﻞ ﺧﻠﻪ ﺍﻳﺪﻩ ﻋﻠﻰ ﺣﻠﻜﻲ ﻭ ﺧﺸﻤﻲ ، ﺧﻨﻜﻨﻲ ﻛﻤﺖ ﺍﺭﺍﻓﺲ ﺑﻴﻦ ﺍﺩﻳﻪ
ﺣﺴﻴﺖ ﺣﺘﻄﻠﻊ ﺭﻭﺣﻲ
ﻓﻘﺪﺕ ﺑﻴﻦ ﺍﺩﻳﻪ ، ﻛﺎﻳﻢ ﺭﺍﻳﺢ ﺟﺎﻳﺐ ﺳﻄﻞ ﻣﻲ ﻣﻦ ﺍﻟﺤﻤﺎﻡ ﻭ ﺷﻤﺮﺍ ﻋﻠﻴﻪ ، ﻓﺰﻳﺖ ﻭ ﻧﺸﻐﺖ
ﻭ ﻛﻤﺖ ﺍﺗﻨﻔﺲ ﺳﺮﻳﻊ ﻭ ﺷﺎﻫﻜﻪ ﻋﻴﻮﻧﻲ
ﺗﻔﻞ ﻋﻠﻴﻪ ﻓﺸﺮ ﻭ ﻃﻠﻊ ﻗﻔﻞ ﺍﻟﺒﺎﺏ، ﻛﻤﺖ ﺍﺑﺠﻲ ﻭﺍﻭﻥ ﻣﻦ ﺍﻟﻮﺟﻊ ، ﺍﻟﻄﻔﻞ ﺍﺑﻄﻨﻲ ﺳﻜﻦ ﻣﺎ ﺗﺤﺮﻙ ﺍﺑﺪ
ﺟﺎﻥ ﻳﺨﻠﺼﻬﺎ ﻟﻴﻞ ﻧﻬﺎﺭ ﺍﺑﻄﻨﻲ ﻳﻔﺘﺮ ﻭ ﻳﺘﺤﺮﻙ ، ﻛﻞ ﻫﺎﻟﻀﺮﺏ ﺗﺄﻛﺪﺕ ﻣﻦ ﺧﻨﺲ ﻣﻴﺖ
ﺑﻘﻴﺖ ﺍﺑﺠﻲ ﻣﻦ ﺻﺪﻙ ﺣﻴﻞ ، ﺍﻟﻔﺮﺍﺵ ﺗﺒﻠﻞ ﻭ ﺟﺴﻤﻲ ﻣﺒﻠﻞ ﻛﻤﺖ ﺍﺭﺟﻒ ، ﺳﻨﺪﺕ ﻧﻔﺴﻲ ﻭ ﻧﺰﻋﺖ ﻣﻼﺑﺴﻲ ﺟﺮﻳﺖ ﺍﻟﻐﻄﺎ ﻭ ﺗﻠﻔﻠﻔﺖ ﻉ ﺍﻟﺴﺮﻳﺮ
ﻭ ﺍﻧﻲ ﺍﺑﺠﻲ ﻣﺴﺤﺖ ﺍﻳﺪﻱ ﻋﻠﻰ ﻭﺟﻬﻲ، ﺑﺎﻭﻋﺖ ﺍﻳﺪﻱ ﺣﻤﺮﺓ ﻭ ﺩﻡ ﺍﺳﻮﺩ ﻳﺎﺑﺲ ﺍﺟﺎ ﺑﺄﻳﺪﻱ
ﻭﻗﺘﻬﺎ ﺩﻋﻴﺖ ﻣﻦ ﻛﻞ ﮔﻠﺒﻲ ﺍﻟﻠﻪ ﻳﺎﺧﺬ ﺭﻭﺣﻲ ﻭ ﻳﻤﻮﺗﻨﻲ ﺑﻮﻻﺩﺗﻲ ﻭ ﺍﺭﻭﺡ ﻷﺑﻮﻳﻪ ﻫﻨﺎﻙ ﺍﻋﻴﺶ ﻳﻤﻪ
ﻫﻠﻜﺪ ﺩﻋﻴﺖ ﻭ ﺗﻮﺳﻠﺖ ﻟﻠﻤﻮﺕ
ﺑﻘﻴﺖ ﺑﻔﺮﺍﺷﻲ ﺍﻭﻥ ﻭ ﺍﺑﺠﻲ ﻟﺤﺪ ﻣﺎ ﻓﻘﺪﺕ ﻣﺎ ﺍﻋﺮﻑ ﻧﻤﺖ ﻣﺎ ﺍﺗﺬﻛﺮ
ﻣﺎ ﺣﺴﻴﺖ ﻏﻴﺮ ﻋﻠﻰ ﻣﺨﻠﺪ ﻭ ﻫﻮ ﻳﺠﺮ ﺍﻟﻐﻄﺎ ﺣﻴﻞ، ﻟﻤﻴﺖ ﻧﻔﺴﻲ ﻭ ﻛﻌﺪﺕ ﺍﻏﻄﻲ ﺑﺮﻭﺣﻲ ، ﺍﺑﺎﻭﻋﻠﻪ ﻳﺨﺰﺭ ﺑﻴﻪ
ﺷﻤﺮ ﻋﻠﻴﻪ ﺍﻟﻐﻄﺎ ﻧﺰﻝ ﺟﻮﺍ ﺟﺎﺏ ﻣﻼﺑﺲ ﺧﻼﻫﻢ ﻭ ﻃﻠﻊ
ﺍﺧﺬﺕ ﺍﻟﻤﻼﺑﺲ، ﺍﻟﺒﺲ ﺑﻴﻬﻢ ﻛﻮﻩ، ﺭﺟﻠﻴﻪ ﻣﻮﺭﻣﻪ ﻣﻦ ﻛﺪ ﻣﺎ ﺩﻓﺮ ﺑﻴﻬﻢ ﻭ ﻭ ﻛﻞ ﺍﺛﺮ ﺩﻓﺮﺓ ﺍﺯﺭﻙ ﻭ ﺍﺳﻮﺩ ﻛﻮﻩ ﺍﻟﺒﺲ ﺍﻟﺤﺎﺟﺔ ، ﻗﺒﻞ ﻻ ﺍﻛﻤﻞ ﻟﺒﺲ ﺍﻟﺘﻴﺸﺮﺕ ﺭﺟﻊ
ﺍﻟﻤﺴﺪﺱ ﺑﻴﺪﻩ : ﺗﻌﺪﻟﻲ ﺍﻛﻌﺪﻱ ﻳﻼ
- ﻣﺨﻠﺪ ﺗﺮﻳﺪ ﺗﻜﺘﻠﻨﻲ ﺍﻛﺘﻠﻨﻲ ﻭ ﺍﻏﺴﻠﻲ ﻋﺎﺭﻱ، ﺑﺲ ﺧﻞ ﺍﻭﻟﺪ ﺍﻟﻄﻔﻞ ﻣﺪﺍ ﻳﺘﺤﺮﻙ ﻳﻤﻜﻦ ﻣﺎﺕ
- ﺍﻧﻌﻞ ﺍﺑﻮ ﺍﻟﻄﻔﻞ ﻭ ﺍﻧﻌﻞ ﺍﺑﻮﺝ ﻻﺑﻮ ﻋﺸﻴﺮﺗﺞ ، ﺍﺣﺠﻴﻠﻲ ﻣﻦ ﺍﻷﻟﻒ ﻟﻠﻴﺎﺀ ﻛﻠﺸﻲ ﺻﺎﺭ ﻭﺍﺫﺍ ﺿﻤﻴﺘﻲ ﺣﺮﻑ ﺍﻟﻠﻪ ﺑﻜﺒﺮﻩ ﻣﺎ ﻳﺨﻠﺼﺞ ﻣﻦ ﺍﺩﻳﻪ
ﺣﺠﻴﺘﻠﻪ ﻋﻠﻰ ﺍﻟﺮﻫﻦ ﻭ ﺍﻻﻗﻤﺎﺭ ﻭ ﺷﻠﻮﻥ ﺟﺎﻥ ﻳﺎﺧﺬ ﻣﻨﻲ ﻭ ﻫﻮ ﻛﺎﻡ ﻳﺼﻴﺢ : ﻭ ﺷﻌﻨﺪﺝ ﺑﻘﻴﺘﻲ ﻣﺎ ﺍﺧﺬﺗﻲ ﺑﻨﺘﺞ ﻭ ﺷﺮﺩﺗﻲ ﻭﻟﻴﺘﻲ ﻭﻟﺞ ﺗﺮﻳﺪﻳﻦ ﺗﻘﻨﻌﻴﻨﻲ ﺍﻟﺼﺎﺭ ﺑﻴﺞ ﻣﺎ ﺭﺍﺿﻴﻪ ﺑﻴﻪ
- ﻣﺎ ﻛﺪﺭﺕ ﺟﺎﻥ ﻋﻨﺪﻱ ﺍﻣﻞ ﻳﻨﺼﻠﺢ ، ﺍﺑﺪ ﻣﺎ ﺧﻄﺮ ﺍﺑﺎﻟﻲ ﻳﺒﻴﻌﻨﻲ ﻟﻮ ﻫﻴﺞ ﻳﺴﻮﻱ ﺑﻴﻪ ، ﻋﻨﺪﻱ ﻣﻨﻪ ﺑﻨﻴﻪ ﻭ ﻣﺘﻌﻠﻘﻪ ﺑﻴﻪ ﻣﺎ ﺣﺒﻴﺖ ﺍﺣﺮﻣﻬﺎ ﻟﻬﺬﺍ ﻣﺎ ﻋﻔﺘﻪ ﺷﻌﺮﻓﻨﻲ ﺣﻴﺴﻮﻱ ﻫﻴﺞ
- ﺷﻌﺮﻓﺞ ﻳﺒﻨﺖ **** ﺷﻌﺮﻓﺞ ﻭﻟﺞ ﺍﻛﻮ ﺭﺟﺎﻝ ﻳﻜﻮﻝ ﻟﻤﺮﺗﻪ ﺗﺼﻠﺨﻲ ﻭ ﺍﻟﺒﺴﻲ ﺿﻴﻚ ﻭ ﻣﺼﻠﺦ ﺣﺘﻰ ﻳﻄﻴﺤﻮﻥ ﺍﻟﺪﻳﻦ ﺍﻟﻌﻠﻴﻨﺎ، ﻭﻟﺞ ﺍﻧﺖ ﺣﺎﺳﺒﺘﻨﻲ ﻛﺪﻳﺶ ﻭ ﺍﺻﺪﻛﺞ ﻱ ********
- ﻭﺭﻭﺣﻪ ﻷﺑﻮﻳﻪ ﻣﺠﻨﺖ ﺍﻋﺮﻑ ﻭﺍﻟﻠﻪ
ﺑﻘﻰ ﻳﺴﺐ ﻭ ﻳﻜﻔﺮ ﻭ ﺭﺟﻊ ﺿﺮﺑﻨﻲ ﻭ ﻃﻠﻊ ﻣﺎ ﺍﺗﺤﻤﻞ ﻳﻜﻤﻞ، ﻟﻠﻴﻞ ﻭ ﺭﺟﻊ ﻳﻜﻮﻟﻲ ﻛﻤﻠﻴﻠﻲ
ﺣﺠﻴﺘﻠﻪ ﺷﻠﻮﻥ ﺗﻌﺮﻓﺖ ﻋﻠﻰ ﺟﻴﺎﺩ ﻭ ﺳﺎﻋﺪﻧﻲ ﻭ ﻫﻮ ﺍﻧﺠﻦ ﻭ ﻳﺼﺮﺥ : ﻭﻟﺞ ﻛﺢ ... ﻭ ﻟﻤﺞ ﻣﻦ ﺍﻟﺒﺎﺭﺍﺕ ﻭ ﻭﻛﻌﺘﻲ ﺑﺮﺍﺳﻲ
ﻭﺿﻞ ﻳﻐﻠﻂ ﻭ ﻳﺼﻴﺦ ﻭ ﻳﻌﻴﻂ
ﺫﻳﺞ ﺍﻟﻠﻴﻠﻪ ﻣﺎ ﻧﻤﺖ ﻭﻻ ﻧﺎﻡ ﻟﺤﻈﺔ ، ﻳﺼﻌﺪ ﻳﺴﻤﻊ ﻳﻨﺠﻦ ﻳﺒﻘﻰ ﻳﺨﺒﺺ ﺍﻟﺪﻧﻴﺎ ﻭ ﻳﻨﺰﻝ ﻭ ﻳﺮﺩ ﻳﺼﻌﺪ ...
ﻟﻠﻔﺠﺮ ﻳﻼ ﺑﻄﻞ ﻳﺼﻌﺪ، ﺑﻌﺪ ﻣﺎ ﺻﻌﺪ ، ﺑﻘﻴﺖ ﺍﻧﺎﻡ ﻭ ﺍﺭﺟﻊ ﺍﻛﻌﺪ ﻣﻦ ﺍﻷﻟﻢ ﺍﻟﻠﻲ ﺍﺑﻄﻨﻲ
ﺯﺍﺩ ﻋﻨﺪﻱ ﺍﻟﻮﺟﻊ ، ﺑﻘﻴﺖ ﺍﺩﻙ ﺑﺎﻟﺒﺎﺏ ﺍﺭﻳﺪﻩ ﻳﻔﺘﺢ ﻳﻄﻠﻌﻨﻲ ﻣﺎ ﺻﻌﺪ، ﺍﺣﺘﺎﺟﻴﺖ ﺣﻤﺎﻡ ، ﻋﺎﺩﺓ ﺍﻟﺤﺎﻣﻞ ﻣﺘﻜﺪﺭ ﺑﺪﻭﻥ ﺣﻤﺎﻡ ﻛﻞ ﺳﺎﻋﻪ ، ﺑﺲ ﻣﺎ ﺻﻌﺪ ﻭﻻ ﺍﺟﺎ
.....
ﺗﻌﺬﺑﺖ ﺣﻴﻞ ﻣﺘﺖ ، ﻭﻳﻴﻴﻦ ﻳﻼ ﺻﻌﺪ، ﺑﺲ ﺳﻤﻌﺘﻪ ﻛﻤﺖ ﻣﻦ ﺣﻴﻠﻲ ﻭ ﻭﻛﻔﺖ ﺑﺎﻟﺒﺎﺏ، ﻓﺘﺤﻪ ﺻﺮﺕ ﺑﻮﺟﻪ ﺧﺰﺭ ﻋﻴﻮﻧﻪ : ﻭﻳﻴﻴﻴﻴﻦ ﻟﺠﺠﺠﺠﺠﺞ
- ﺍﻷﻟﻢ ﺫﺑﺤﻨﻲ ﻭﺍﻟﻠﻪ
ﺣﺠﻴﺘﻬﺎ ﻭ ﺍﻧﻲ ﺍﻃﻠﻊ ﻭ ﻻﺯﻣﻪ ﺑﻄﻨﻲ ، ﺗﺮﻛﻨﻲ ﺍﺳﺘﺨﺪﻡ ﺍﻟﺤﻤﺎﻡ
ﻛﻤﻠﺖ، ﺗﻘﺮﺑﺖ ﻳﻤﻪ : ﺍﻟﻠﻲ ﺍﺑﻄﻨﻲ ﻣﺎ ﺍﻟﻪ ﺫﻧﺐ ﺑﺎﻟﻠﻲ ﺳﻮﻳﺘﻪ ﺧﻞ ﺍﺭﻭﺡ ﻟﻠﻤﺴﺘﺸﻔﻰ ﺍﺷﻮﻓﻪ ﻋﺎﻳﺶ ﻟﻮ ﻣﺎﺕ ﻣﺪﺍ ﻳﺘﺤﺮﻙ ﻣﻦ ﺍﻟﺒﺎﺭﺣﻪ ﻟﻠﻴﻮﻡ
- ﻓﻮﺗﻲ ﺟﻮﺍﺍ
- ﻣﺨﻠﺪ ﻭﺭﻭﺡ ﺍﺑﻮﻳﻪ ﺍﺑﻨﻚ ﺣﺮﺍﻡ ﻋﻠﻴﻚ ﺷﺬﻧﺒﻪ ﺑﻴﻨﺎﺗﻨﺎ
ﻟﺰﻣﻨﻲ ﻣﻦ ﻣﻼﺑﺴﻲ ﻭ ﺩﻓﻌﻨﻲ ﻟﻠﻐﺮﻓﺔ
ﻣﺎ ﻓﺘﺢ ﺍﻟﺒﺎﺏ ﻭﻻ ﺍﺟﺎ ﻟﻠﻤﻐﺮﺏ ﻏﻔﻴﺖ ، ﺳﻤﻌﺘﻪ ﻓﺎﺕ ﻟﻠﻐﺮﻓﺔ ﺧﺎﻝ ﻳﻢ ﺭﺍﺳﻲ ﺑﻄﻞ ﻣﻲ ﻭ ﻟﻔﺔ ﺻﻤﻮﻥ ﺑﺠﺒﻦ
ﺑﻘﺎﻧﻲ ٣ ﺍﻳﺎﻡ ﻣﺤﺒﻮﺳﺔ ﺑﻬﺎﻟﺒﻴﺖ
ﺍﻛﻮﻟﻪ ﻃﻠﻜﻨﻲ ﻟﻴﻘﺒﻞ
ﺍﻛﻮﻟﻪ ﺍﻛﺘﻠﻨﻲ ﻟﻴﻘﺒﻞ
ﺍﻛﻮﻟﻪ ﻋﻮﻓﻨﻲ ﺍﺭﻭﺡ ﻣﺴﺘﺸﻔﻰ ﺍﺷﻮﻑ ﺍﺑﻨﻲ ﻣﻴﺘﺤﺮﻙ ﻣﻴﻘﺒﻞ
ﺍﺳﻤﻪ ﻛﻞ ﻣﺎ ﺛﺎﺭﺕ ﺍﻋﺼﺎﺑﻪ ﻳﺠﻲ ﻳﻐﻠﻂ ﻭ ﻳﻔﺸﺮ ﻭ ﻳﻀﺮﺏ ﻭ ﻳﻄﻠﻊ ﻭ ﺑﺲ . ﺍﻟﺘﻘﻠﺼﺎﺕ ﻭ ﺍﻻﻭﺟﺎﻉ ﺗﺰﻳﺪ ﻭ ﻭﺿﻌﻲ ﻭﺻﺤﺘﻲ ﻓﻲ ﺗﺮﺍﺟﻊ
ﻋﺮﻓﺘﻪ ﺩﻳﺴﺘﺨﺪﻡ ﻭﻳﺎﻳﻪ ﺍﻟﻤﻮﺕ ﺍﻟﺒﻄﻲﺀ
ﻣﻴﺮﻳﺪﻧﻲ ﺍﻣﻮﺕ ﺑﺴﺮﻋﻪ ﻭ ﺍﺭﺗﺎﺡ، ﻳﺮﻳﺪﻧﻲ ﺍﺗﻌﺬﺏ ﻭ ﺍﺩﻣﺮ ﻟﺤﺪ ﻣﺎ ﺍﻧﺘﻬﻲ ﻭ ﺍﻣﻮﺕ
ﺑﺲ ﻣﺎ ﻃﻠﻌﺖ ﻭﻳﺎﻳﻪ ، ﺑﺎﻟﺤﻤﺎﻡ ﺍﻛﻮ ﺩﺭﺯﻥ ﻣﺎﻝ ﻣﺎﺷﺎﺕ ، ﺍﺧﺬﺕ ﻣﺎﺷﺎ ﻣﻦ ﺍﻟﻤﺠﺮ ﻭ ﺭﺟﻌﺖ ﻟﻠﻐﺮﻓﻪ ﻗﻔﻠﻬﺎ ﻋﻠﻴﻪ ﻭ ﻧﺰﻝ ، ﺍﻣﻨﺖ ﻟﻤﺎ ﺣﺴﻴﺘﻪ ﻫﻮ ﻣﺎﻛﻮ
ﻃﻠﻌﺖ ﺍﻟﻤﺎﺷﺔ ﻭ ﺑﻨﻬﺎﻳﺘﻬﺎ ﺍﻟﻤﺪﻭﺭﺓ ﺍﺧﻠﻴﻬﺎ ﻋﻠﻰ ﻓﺮﻙ ﺍﻟﺒﺮﻏﻲ ﻭ ﺍﻓﺮ ﺑﻲ ﺍﻟﻰ ﺍﻥ ﻛﺪﺭﺕ ﺍﺭﺧﻲ ﻛﻞ ﺍﻟﺒﺮﺍﻏﻲ
ﺩﻛﻴﺖ ﺍﻟﺒﺎﺏ ﻫﻮﺍﻳﻪ ﺭﺩﺕ ﺍﺗﺄﻛﺪ ﻫﻮ ﻣﻮﺟﻮﺩ ﻟﻮ ﻻ .. ﻣﺎ ﻃﻠﻊ ﺻﻮﺗﻪ، ﺍﻧﺪﺍﺭﻳﺖ ﻟﻠﺸﺒﺎﻙ ﻓﺘﺤﺘﻪ ﺣﺎﻭﻟﺖ ﺍﺷﻮﻑ ﻛﺮﺍﺟﻨﺎ ﺑﻴﻪ ﺳﻴﺎﺭﺓ ﻟﻮ ﻻ
ﺑﺲ ﺗﺒﻴﻦ ﺍﻟﻜﺮﺍﺝ ﻓﺎﺭﻍ ، ﺍﻧﺪﺍﺭﻳﺖ ﻟﻠﺒﺎﺏ ﻭ ﺑﺮﺍﻏﻴﻪ ﻣﻔﻠﻮﻟﻪ ﻛﻤﺖ ﺍﻓﺘﺢ ﺑﻴﻪ ﺣﻴﻞ ﻭ ﺍﺟﺮ ﻭﻛﻌﺖ ﻳﺪﺓ ﺍﻟﺒﺎﺏ ، ﻓﺘﺤﺘﻪ ﺣﻴﻞ ﻭ ﻃﻠﻌﺖ
ﺍﺧﺬﺕ ﻣﻼﺑﺲ ﻣﻦ ﺧﺎﻧﺘﻲ ﻟﺒﺴﺖ ﻭ ﻃﻠﻌﺖ ﻗﺒﻞ ﻟﻴﺠﻲ ﻫﻮ، ﺗﻮﺟﻬﺖ ﻟﻠﻤﺴﺘﺸﻔﻰ ﺍﻭﻝ ﺷﻲﺀ ﺭﺣﺖ ﻟﺼﺎﻟﺔ ﺍﻟﻮﻻﺩﺓ ﻓﺤﺼﺖ ﺍﻟﻄﻔﻞ
ﻛﺎﻟﻮ ﻋﺎﻳﺶ ﺑﺲ ﻧﺒﻀﻪ ﺿﻌﻴﻒ ﻭ ﺑﻘﺖ ﺗﺴﺄﻟﻨﻲ ﻋﻠﻰ ﺣﺎﻟﺘﻲ ، ﺍﺧﺬﺗﻬﺎ ﻋﻠﻰ ﺻﻔﺤﺔ ﻭ ﻛﻠﺖ ﺍﻟﻬﺎ : ﺍﻧﻲ ﺗﻌﺮﺿﺖ ﻟﺘﻌﻨﻴﻒ ﻭ ﺗﻬﺪﻳﺪ ﺑﺎﻟﻘﺘﻞ ﻭ ﺻﺎﺭ ٣ ﺍﻳﺎﻡ ﻣﺤﺒﻮﺳﺔ ﺗﺤﺖ ﺍﻟﺠﺒﺮ ﻭ ﺍﻟﺘﻬﺪﻳﺪ ﺍﺭﻳﺪ ﺍﺳﺠﻞ ﺗﻘﺮﻳﺮ ﻭ ﺍﺭﻓﻊ ﺩﻋﻮﺓ ﺍﻛﺪﺭ
ﺍﻟﺪﻛﺘﻮﺭﺓ ﺳﺎﻋﺪﺗﻨﻲ ﺑﺎﻟﺘﻀﻤﻴﺪ ﻭﺗﺴﺠﻴﻞ ﺗﻘﺮﻳﺮ ﻋﻨﻒ ﺍﺳﺮﻱ ﺍﻟﻲ ﻭ ﻟﻠﻄﻔﻞ ﺍﻟﻠﻲ ﺍﺑﻄﻨﻲ ﺑﺴﺮﻳﺔ ﺗﺎﻣﺔ، ﻛﺎﻟﺘﻠﻲ ﺍﺧﺬﻱ ﺍﻟﺘﻘﺮﻳﺮ ﻭﺭﻭﺣﻲ ﻋﻠﻰ ﻣﺮﻛﺰ ﺍﻟﺸﺮﻃﺔ ﺍﻟﻤﺴﺆﻝ ﻋﻠﻰ ﺍﻟﻤﻨﻄﻘﺔ ﺍﻟﻠﻲ ﺍﻧﺖ ﺳﺎﻛﻨﺔ ﺑﻴﻬﺎ ﻭﻗﺪﻣﻲ ﺩﻋﻮﺓ ﺑﺤﻘﻪ ﻭ ﺑﺎﺟﺮ ﺍﻃﻠﻌﻲ ﻟﻠﻤﺤﻜﻤﺔ ﺍﻷﺳﺮﻳﺔ ﻭ ﺛﺒﺘﻲ ﺍﻗﻮﺍﻟﺞ ﻳﻢ ﺍﻟﻤﺤﻘﻖ
ﺍﺧﺬﺕ ﺍﻟﺘﻘﺮﻳﺮ ﻭ ﺭﺣﺖ ﻟﻤﺮﻛﺰ ﺍﻟﺸﺮﻃﺔ ﺍﻟﻠﻲ ﺑﻤﻨﻄﻘﺘﻨﻪ ﻭ ﻗﺪﻣﺘﻠﻪ ﺍﻟﺘﻘﺮﻳﺮ ﻭ ﺍﺷﺘﻜﻴﺖ ﻋﻠﻴﻪ ﻭ ﺣﺠﻴﺖ ﺍﻟﺤﺎﺩﺛﺔ، ﻛﺘﺐ ﺍﻟﺪﻋﻮﺓ ﻭ ﺍﻧﻄﻴﺘﻪ ﺍﺳﻢ ﻣﺨﻠﺪ ﻭ ﺍﻟﻌﻨﻮﺍﻥ
ﺭﻓﻊ ﺭﺍﺳﻪ : ﺯﻭﺟﺞ ﻧﻔﺴﻪ ﺍﻟﻤﻘﺪﻡ ﻣﺨﻠﺪ ﻋﻤﺮﺍﻥ ﻟﻮ ﻏﻴﺮﻩ
- ﺍﻱ ﻫﻮ ﻧﻔﺴﻪ
- ﺍﺍﺍ ﺍﺧﺘﻲ ﺍﻧﺖ ﺯﻭﺟﺘﻪ ؟
- ﻧﻌﻢ ﻭ ﺍﺗﻤﻨﻰ ﻫﺎﻻﻣﺮ ﻳﺘﻢ ﺑﺴﺮﻳﺔ ﺗﺎﻣﻪ
- ﺍﺧﺘﻲ ﺯﻭﺟﺞ ﺿﺎﺑﻂ ﻭ ﻫﺎﻟﺪﻋﻮﺓ ﻣﻤﻜﻦ ﺗﺴﺒﺒﻠﻪ ﻣﺸﺎﻛﻞ ﻭ ﻓﻀﻴﺤﺔ ﺍﻧﻲ ﺍﻛﻮﻝ ﻟﻮ ﻧﻜﺪﺭ ﻧﺤﻞ ﺍﻟﻤﻮﺿﻮﻉ ﺑﻴﻨﺎﺗﻨﺎ
- ﺣﺎﻭﻟﺖ ﺍﺣﻞ ﺍﻟﻤﻮﺿﻮﻉ ﻫﻮ ﺍﻟﻠﻲ ﺭﻓﺾ ، ﻛﻠﺘﻠﻪ ﻃﻠﻜﻨﻲ ﻣﻘﺒﻞ ﻛﻠﺘﻠﻪ ﺍﺗﺮﻛﻨﻲ ﺍﻛﺘﻠﻨﻲ ، ﻫﻮ ﺍﻟﻠﻲ ﻓﻀﻞ ﺍﻥ ﻳﺤﺒﺴﻨﻲ ﺑﺎﻻﻗﺎﻣﺔ ﺍﻟﺠﺒﺮﻳﺔ ﻭ ﺍﻧﻲ ﺣﺎﻣﻞ ﻭ ﻃﻔﻠﻲ ﻧﺒﻀﺎﺗﻪ ﺿﻌﻴﻔﻪ ﻭ ﻣﻌﺮﺽ ﻟﻠﻤﻮﺕ ﺑﺴﺒﺒﻪ
- ﺍﺧﺘﻲ ﺍﻟﻤﻮﺿﻮﻉ ﺍﻟﻠﻲ ﻳﺨﻠﻲ ﺍﻟﺮﺟﺎﻝ ﻳﺸﻴﻞ ﺍﺳﻼﺣﻪ ﻋﻠﻰ ﺯﻭﺟﺘﻪ ﺍﻛﻴﺪ ﻓﻀﻴﺤﺔ ﺗﻨﺰﻝ ﺭﺍﺳﻪ ﻭ ﻫﺎﻻﻣﺮ ﻛﺒﻴﺮ ﺑﺤﻖ ﺍﻟﻤﻘﺪﻡ ﻣﺨﻠﺪ ﺍﻧﺴﺎﻥ
- ﻣﺎﻛﻮ ﺍﻱ ﻓﻀﻴﺤﻪ ﻛﻞ ﺍﻻﻣﺮ ﻫﻮ ﻋﺼﺒﻲ ﺟﺪﺍ ﻭ ﻋﺼﺒﻴﺘﻪ ﺍﺣﻴﺎﻧﺎ ﺗﺰﻳﺪ ﻋﻦ ﺍﻟﺤﺪ ﻭ ﻣﺒﻘﻰ ﻛﺪﺍﻣﻲ ﻏﻴﺮ ﻫﺎﻻﻣﺮ
ﻫﺰ ﺭﺍﺳﻪ ﻭ ﻛﺎﻝ : ﺍﻥ ﺷﺎﺀﺍﻟﻠﻪ ﺍﺧﺘﻲ ﺭﺍﺟﻌﻴﻨﺎ ﺑﺎﺟﺮ ﻭ ﺍﺧﺬﻱ ﻣﻠﻒ ﺍﻟﺪﻋﻮﺓ
- ﻟﻴﺶ ﻣﻮ ﻫﺴﻪ ؟
- ﻻﺯﻡ ﺍﺛﺒﺖ ﺍﻟﺪﻋﻮﺓ ﻣﻴﺠﻮﺯ ﺑﺎﺟﺮ ﺷﺮﻓﻴﻨﺎ ﻭ ﺍﺣﻨﺎ ﺑﺎﻟﺨﺪﻣﺔ ﻭ ﺍﺗﻤﻨﻰ ﺗﻌﻴﺪﻳﻦ ﺍﻟﻨﻈﺮ ﺑﻬﺎﻻﻣﺮ
... ﺳﻠﻤﺖ ﻭ ﻃﻠﻌﺖ ﺑﺲ ﻋﺮﻓﺖ ﻣﺮﺍﺡ ﻳﻤﺸﻲ ﺍﻟﺪﻋﻮﺓ ﻭ ﻫﺴﻪ ﻳﺘﺼﻞ ﺑﻤﺨﻠﺪ ﻭ ﻳﻜﻮﻟﻪ ﺯﻭﺟﺘﻚ ﺍﺷﺘﻜﺖ ﻋﻠﻴﻚ ﺗﻌﺎﻝ ﺗﻼﺣﻚ ﺍﻟﻤﻮﺿﻮﻉ ﻗﺒﻞ ﻻ ﻳﻨﺘﺸﺮ
ﺭﺣﺖ ﻟﺒﻴﺖ ﻋﻤﻲ ﺍﻻﻟﻢ ﺛﺎﺑﺤﻨﻲ، ﺍﺣﺲ ﺍﻟﻄﻔﻞ ﻧﺰﻝ ﻋﻨﺪﻱ ﺑﺎﻟﻤﺜﺎﻧﻪ ﻣﺘﺖ ﺗﻌﺐ، ﺩﻛﻴﺖ ﺍﻟﺒﺎﺏ ﻭ ﺩﺧﻠﺖ ﻋﻨﺪ ﻋﻤﻲ ﺍﺑﺠﻲ ﻭ ﺍﺷﻜﻲ
ﺑﺲ ﻣﺎ ﻛﻠﺖ ﻟﻪ ﺷﻨﻮ ﺍﻟﻤﻮﺿﻮﻉ، ﺑﺲ ﻛﻠﺖ ﻟﻪ : ﺗﺨﺒﻞ ﻋﻠﻴﻪ ﻣﺎ ﺍﻋﺮﻑ ﺷﺒﻴﻪ
ﻋﻤﻲ ﺍﻧﺠﻦ ، ﺭﻓﻊ ﺍﻟﺨﻂ ﻭ ﺧﺎﺑﺮ ﻣﺨﻠﺪ ﻳﺮﺯﻝ ﺑﻴﻪ ، ﻣﺨﻠﺪ ﺍﻧﻬﺪ ﺑﻌﻤﻲ ﺻﻴﺎﺡ ، ﻗﻔﻞ ﺍﻟﺨﻂ ﻭ ﺑﺎﻭﻋﻠﻲ : ﻋﻤﻮ ﺍﻧﺖ ﻣﺸﺘﻜﻴﻪ ﻋﻠﻴﻪ ﺑﺎﻟﻤﺮﻛﺰ
- ﺍﻱ ﻋﻤﻮ ﺍﺷﺘﻜﻴﺖ
- ﻳﺎ ﻣﺼﻴﺒﺘﺞ ﻳﺎ ﻋﻤﻲ ﻫﺬﺍ ﻳﻬﺎﺩﺩ ﻳﻜﻮﻝ ﺍﻟﺰﻣﻬﺎ ﺍﻟﻴﻪ ﺍﻟﻴﻮﻡ ﺍﺣﻂ ﻃﻠﻘﺔ ﺑﺮﺍﺳﻬﺎ ﺧﺎﻑ ﻣﺎ ﻛﺘﻠﺘﻬﺎ ﻗﺒﻞ ﻭﻟﺞ ﺷﺼﺎﻳﺮ ﺑﻴﻨﺎﺗﻜﻢ ﻭ ﻣﺨﻠﺪ ﻳﻬﺪﺩ ﺑﺎﻟﻘﺘﻞ
- ﻋﻤﻮ ﻭﺍﻟﻠﻪ ﻣﺼﺎﻳﺮ ﻣﺨﻠﺪ ﻋﺪﻣﻨﻲ ﺍﻧﻲ ﻭ ﺍﻟﻄﻔﻞ ﺍﻟﻠﻲ ﺍﺑﻄﻨﻲ ﻧﺒﻀﻪ ﺿﻌﻴﻒ ﻭ ﺣﻴﻤﻮﺕ ﺷﻨﻮ ﺫﻧﺒﻪ ﺑﻴﻨﺎﺗﻨﺎ ﻛﻠﺘﻠﻪ ﺍﻗﺘﻠﻨﻲ ﻭ ﻣﺎ ﻗﺒﻞ ، ﺑﻘﻰ ﺣﺎﺑﺴﻨﻲ ﻭ ﻛﻞ ﻳﻮﻡ ﻳﻀﺮﺏ ﻭ ﻳﺘﻌﺪﻯ
ﺍﺫﺍ ﻣﺎ ﺍﺳﺠﻞ ﻋﻠﻴﻪ ﻫﺎﻟﺪﻋﻮﺓ ﻭ ﺍﺛﺒﺖ ﻋﻠﻴﻪ ﺍﻟﺘﻌﻨﻴﻒ ﻳﺴﻘﻂ ﺣﻘﻲ ﻭ ﻳﺒﻘﻰ ﻳﺘﻤﺎﺩﻯ ﺑﻘﺴﻮﺗﻪ، ﺩﻧﺤﺠﻲ ﻭ ﺳﻤﻌﻨﺎ ﺻﻮﺕ ﺳﺤﻚ ﺳﻴﺎﺭﺓ ﻛﻠﺶ ﻋﺎﻟﻲ ﻭﻛﻔﺖ ﺑﺎﻟﺒﺎﺏ
ﺩﻓﺮ ﺍﻟﺒﺎﺏ ﻣﺨﻠﺪ ﻭ ﻓﺎﺕ ....
....
ﺩﻓﺮ ﺍﻟﺒﺎﺏ ﻭ ﻓﺎﺕ ﻭ ﻫﻮ ﻳﺼﺮﺥ : ﻭﻳﻨﻬﺎﺍﺍﺍﺍﺍﺍ
ﺍﻧﻲ ﺑﺎﻟﻐﺮﻓﺔ ﻭ ﻋﻤﺘﻲ ﻻﺯﻣﺔ ﺑﺎﺏ ﺍﻟﻐﺮﻓﺔ ﻭ ﻭﺍﻛﻔﺔ ﻭ ﻭﻟﺪ ﻋﻤﻲ ﺍﻟﺼﻐﺎﺭ ﻭﺍﻛﻔﻴﻦ ﺑﺎﻟﻤﻤﺮ ﻭ ﻋﻤﻲ ﺑﺎﻟﺼﺎﻟﺔ
- ﺍﻫﺪﺉ ﻣﺨﻠﺪ ﻭ ﺍﻛﻌﺪ ﺧﻞ ﻧﺘﻔﺎﻫﻢ ﺑﻌﻘﻞ
- ﻳﺎ ﻋﻘﻞ ﻋﻤﻲ ﻫﺎﻱ ﺍﻟﺴﺎﻗﻄﺔ ﺑﻘﺖ ﻋﻘﻞ ﺑﺮﺍﺳﻲ ﺗﺮﻳﺪ ﺗﺸﻬﺮﻧﻲ ﺭﺍﻳﺢ ﺑﺎﻟﻤﺮﺍﻛﺰ ﺗﺸﺘﻜﻲ ﻋﻠﻴﻪ ، ﻟﺠﻴﻴﻴﻴﻴﻴﻴﻴﻴﻴﻦ ﻭﻟﺞ ﺍﻟﻴﻮﻡ ﺍﻧﺒﺶ ﺍﺑﻮﺝ ﻣﻦ ﻛﺒﺮﻩ ﻭ ﺍﻃﻠﻌﻪ ﺑﻨﺖ ﺍﻟﻜﻠﺒﺒﺒﺒﺒﺒﺒﺐ
- ﺍﺣﺘﺮﻡ ﻧﻔﺴﻚ ﻣﺨﻠﺪ ﻻ ﺗﺠﻴﺐ ﻃﺎﺭﻱ ﺍﻟﻤﺮﺣﻮﻡ ﻋﻠﻰ ﺍﻟﺴﺎﻧﻚ
- ﻭﻳﻨﻬﺎﺍﺍﺍﺍ
- ﺍﻛﻌﺪﺩﺩﺩﺩ
- ﻭﺧﺮ ﻋﻤﻲ ﺧﻞ ﺍﻟﺰﻣﻬﺎ
ﻣﺮﺕ ﻋﻤﻲ : ﺑﺪﺍﻋﺔ ﺍﻟﻠﻪ ﻳﻴﻤﻪ ﺍﻟﻤﺮﻩ ﺣﺎﻣﻞ ﻟﺨﺎﻃﺮﻱ ﺍﻛﻌﺪ ﻭ ﺍﻫﺪﺉ
- ﻫﺎﻱ ﺗﺮﻳﺪ ﺗﻨﺰﻝ ﺭﺍﺳﻲ ﻭﻟﻜﻢ ﺗﺮﻳﺪ ﺗﻜﺴﺮ ﻋﻴﻨﻲ ﻭﻟﺞ ﺍﻧﻮﺏ ﻛﺪﺍﻡ ﺍﻟﺸﺮﻃﺔ ﻭ ﺍﻟﻀﺒﺎﻁ ﺗﻔﻀﺤﻴﻨﻲ ﻟﺠﻴﻴﻴﻴﻴﻴﻴﻦ
- ﻣﺨﻠﺪ ﺍﻧﺖ ﺍﻟﻠﻲ ﻭﺻﻠﺖ ﺍﻷﻣﻮﺭ ﻟﻬﺎﻟﻤﻮﺍﺻﻴﻞ ﻛﺎﻥ ﺍﻟﻤﻔﺮﻭﺽ ﺗﺠﻴﻨﻲ ﻭ ﺗﻜﻠﻲ ﺑﻨﺖ ﺍﺧﻮﻙ ﻫﻴﺞ ﻏﻠﻄﺖ ﻭ ﺗﺨﻠﻴﻨﻲ ﺍﻧﻲ ﺍﺣﺎﺳﺒﻬﺎ ﻣﻮ ﺗﺤﺒﺴﻬﺎ ﻭ ﻫﻲ ﺣﺎﻣﻞ ﻓﻬﻤﻨﺎ ﺷﻨﻮ ﺍﻟﻠﻲ ﺻﺎﻳﺮ ﺑﻴﻨﺎﺗﻜﻢ ﺩﺍ ﻧﺤﻠﻬﺎ
- ﻋﻤﻲ ﺭﺣﻤﺔ ﻟﺬﺍﻙ ﺍﻟﻄﻤﺘﻪ ﺍﻟﺘﺮﺍﺏ ﺍﺑﺘﻌﺪﺩﺩﺩﺩﺩﺩﺩ ﻣﻨﻲ ﻭ ﻋﻮﻓﻨﻲ ﺍﺧﺬﻫﺎ، ﻭﻟﻜﻢ ﮔﻠﺒﻲ ﺗﻌﺐ ﻳﺎﺍﺍﺍﺍﺍﺍ ﻧﺎﺍﺍﺍﺍﺍﺱ ﮔﻠﺒﻲ ﺗﻌﺒﺒﺒﺐ
ﺗﻌﺪﺍﻫﻢ ﻭ ﻓﺎﺕ ﻟﺰﻣﺘﻪ ﻋﻤﺘﻲ ﻭﺧﺮﻫﺎ ﻣﻦ ﺟﺴﻤﻪ ﻓﺘﺢ ﺍﻟﺒﺎﺏ، ﻟﺰﻣﻨﻲ ﻣﻦ ﺷﻌﺮﻱ، ﻭﻛﻒ ﻋﻤﻲ ﺑﻮﺟﻬﻪ : ﻭﺣﻖ ﺍﻷﺳﻤﻪ ﻣﺤﻤﺪ ﻋﻠﻰ ﺗﺼﺮﻓﻚ ﻫﺬﺍ ﻟﺠﻴﻦ ﻣﺎ ﺍﻟﻬﺎ ﻃﻠﻌﻪ ﻣﻦ ﺑﻴﺘﻲ ﻭﻟﻮ ﻣﺪﻳﺖ ﺍﻳﺪﻙ ﻋﻠﻴﻬﺎ ﺗﻨﻜﺴﺮ
ﻭﺳﺤﺐ ﺍﻳﺪﻩ ﻣﻦ ﻋﻨﺪﻱ : ﻣﺎ ﺍﺿﺮﺑﻬﺎ ﻭﺧﺮ ﻣﻨﻬﺎ ﻭ ﺧﻠﻴﻨﻲ ﺍﺗﻔﺎﻫﻢ ﻭﻳﺎﻫﺎ
- ﻣﺎ ﺗﺘﻔﺎﻫﻢ ﻗﺒﻞ ﻟﺘﻜﻮﻟﻲ ﺷﻨﻮ ﺍﻟﻠﻲ ﺑﻴﻨﺎﺗﻜﻢ
ﺑﺎﻭﻋﻠﻲ ﻭ ﻫﻮ ﻳﺨﺰﺭ : ﻛﻮﻟﻲ ﺷﻨﻮ ﺑﻴﻨﺎﺗﻨﺎ ، ﺍﺣﺠﻲ ﻣﻮ ﺟﺎﻳﻪ ﺗﻬﺎﺩﺩﻳﻦ ﺑﻲ ﺍﺣﺠﻲ ﻭ ﺧﻠﻲ ﻫﻮ ﺍﻟﻴﻜﺴﺮ ﻇﻬﺮﺝ ﺍﺣﺠﻴﻴﻴﻴﻲ ﻟﻴﺶ ﺳﺎﻛﺘﻪ
ﻣﺎ ﻧﻄﻘﺖ ﻭﻻ ﻛﻠﻤﺔ، ﺍﻧﺪﺍﺭﻟﻲ ﻋﻤﻮ : ﺷﻤﺴﻮﻳﻪ ﻟﺠﻴﻦ
- ﻭﺍﻟﻠﻪ ﻋﻤﻮ ﻣﻤﺴﻮﻳﻪ ﺷﻲ ﻭﺭﻭﺡ ﺍﺑﻮﻳﻪ
- ﺍﺫﺍ ﻣﻤﺴﻮﻳﻪ ﺷﻲﺀ ﻟﻴﺶ ﺳﺎﻛﺘﻪ
- ﻋﻤﻲ ﺧﻠﻴﻨﻲ ﺍﺧﺬﻫﺎ ﻭﺍﻧﻲ ﺍﺗﻔﺎﻫﻢ ﻭﻳﺎﻫﺎ
- ﻗﺒﻞ ﻻ ﻧﻔﺘﻬﻢ ﻣﺎ ﺍﻟﻬﺎ ﻃﻠﻌﻪ ، ﺍﻟﻤﺮﻩ ﺣﺎﻣﻞ ﻣﺨﻠﺪ ﺧﺎﻑ ﺍﻟﻠﻪ
- ﻋﻤﻲ ﺷﺤﺠﻴﻠﻚ ﺷﺤﺠﻴﻴﻴﻴﻴﻠﻚ ﻫﻲ ﻭ ﺍﻣﻬﺎ ﻛﺢ ..... ﻟﻌﺒﻮﺍ ﻋﻠﻴﻴﻴﻴﻴﻴﻪ
- ﻣﺨﻠﺪ ﺍﻟﻤﻮﺿﻮﻉ ﻣﺒﻴﻦ ﻣﺎ ﻳﻨﺴﻜﺖ ﻋﻨﻪ ﺗﺤﺠﻲ ﻟﻮ ﻧﺘﺼﺮﻑ ﻏﻴﺮ ﺗﺼﺮﺭﺭﻯﺮﻑ
- ﻋﻤﻲ ﺍﺑﻮﺱ ﺭﺍﺳﻚ ﺍﻃﻠﻊ ﻣﻨﻬﺎ ﻭ ﺧﻠﻴﻨﻲ ﺍﻧﻲ ﻭﻳﺎﻫﺎ ﻧﺘﺠﺎﺯﺍ
ﻟﺰﻣﺖ ﺑﻄﻨﻲ ﻋﻔﺘﻬﻢ ﻭ ﻃﻠﻌﺖ ، ﺻﺎﺡ ﻋﻤﻲ ﻭﺭﺍﻱ ﻭ ﻫﻮﺍ ﺍﺟﺎ ، ﻟﺰﻣﻨﻲ ﻣﻦ ﺍﻳﺪﻱ : ﻭﻟﺞ ﺍﻧﺖ ﺭﺍﺡ ﺍﻃﻴﺮﻳﻦ ﻋﻘﻠﻲ ﺍﻟﺠﺴﺎﺭﺓ ﺍﻟﻌﻨﺪﺝ ﺷﻨﻮ ﺗﻌﻮﻓﻴﻨﺎ ﺑﺎﻟﻤﻜﺎﻥ ﻭ ﺗﻤﺸﻴﻦ
.....
ﺿﺮﺑﻨﻲ ﺭﺍﺷﺪﻱ، ﺩﻓﻌﺖ : ﺍﺍﺍﺍﺍﺍﺍﺥ ﻗﺴﻤﺎ ﺑﺎﻟﻠﻪ ﻟﻮ ﻣﺪﻳﺖ ﺍﻳﺪﻙ ﻣﺮﺍ ﻟﺦ ﻟﻮ ﺗﺤﺒﺴﻨﻲ ﺟﻮﺍ ﺍﻟﻜﺎﻉ ﻫﻢ ﺍﺣﻔﺮ ﻭ ﺍﻃﻠﻊ ﻭ ﺍﻓﻀﺤﻚ ﻭﺍﻟﻠﻪ
ﻟﺰﻣﻨﻲ ﻣﻦ ﺯﻧﻮﺩﻱ ﺍﺛﻨﻴﻨﻬﻢ ﻭ ﺭﻓﻌﻨﻲ : ﺍﻟﻔﻀﻴﺤﺔ ﻻ ﺑﺼﺎﻟﺤﺞ ﻭﻻ ﺑﺼﺎﻟﺤﻲ ﺍﻣﺸﻲ ﻭﻳﺎﻱ ﻻ ﺗﺨﻠﻴﻦ ﺍﻟﺸﻴﻄﺎﻥ ﻳﻮﺯﻧﻲ ﻭ ﺍﺟﺮﻡ ﺑﻴﺞ ﻭ ﺍﺭﻣﻴﺞ ﺧﻠﻴﻨﻲ ﻻﺯﻡ ﺭﻭﺣﻲ
- ﺷﻠﻮﻥ ﻳﻌﻨﻲ ﺭﺍﺡ ﻧﺒﻘﻰ ﻧﺒﺎﻭﻋﻠﻜﻢ ﻭ ﻣﺎ ﻧﻔﺘﻬﻢ ﺷﻲ ، ﻣﺨﻠﺪ ﻣﻮ ﺳﺎﻟﻔﻪ ﻫﺎﻱ ﺍﻛﻌﺪﻭﺍ ﺍﺛﻨﻴﻨﻜﻢ ﻭ ﻓﻬﻤﻮﻧﻲ ﺍﻟﺒﻴﻨﺎﺗﻜﻢ ﺷﻨﻮ
ﻟﺠﻴﻦ : ﺍﺭﻭﺡ ﻭﻳﺎ ﺑﺸﺮﻁ ﻣﺎ ﺗﺘﻌﺮﺿﻠﻲ، ﻣﺨﻠﺪ ﻭﺍﻟﻠﻪ ﺍﻟﻄﻔﻞ ﻧﺒﻀﻪ ﺿﻌﻴﻒ ﺍﺫﺍ ﺍﻧﻲ ﻣﺎ ﺍﺳﺘﺤﻖ ﺍﺑﻨﻚ ﺷﻨﻮ ﺫﻧﺒﻪ ﻳﻤﻮﺕ ﺑﺴﺒﺒﻨﺎ
- ﺍﻣﺸﻲ ﻛﺪﺍﻣﻲ
ﻋﻤﻲ ﻣﺎﻧﻌﻪ ، ﺭﺩﻩ ﻣﺨﻠﺪ : ﻋﻤﻲ ﻳﺮﺣﻢ ﺍﻫﻠﻚ ﺍﻃﻠﻊ ﻣﻨﻬﺎ ﺳﺠﻴﻦ ﺍﺑﻠﻌﻮﻣﻲ ﻣﻦ ﺍﺣﺠﻲ ﺍﺯﻭﻋﻦ ﺩﻡ ﺍﺗﺮﻛﻨﻴﻴﻴﻲ
ﺍﺧﺬ ﺍﻳﺪﻱ ﻭﻣﺸﺎﻧﻲ ﺣﻴﻞ، ﺳﺤﺒﺖ ﺍﻳﺪﻱ ﻣﻨﺎ ﻻﻥ ﺍﺣﺲ ﻳﺼﻴﺮ ﻋﻨﺪﻱ ﺩﻓﻊ ﻣﻦ ﺍﻣﺸﻲ ﺣﻴﻞ ﺍﺗﺄﺫﻯ
ﻟﺰﻣﺖ ﺑﻄﻨﻲ ﻭ ﻣﺸﻴﺖ ، ﺻﻌﺪﺕ ﻭﻳﺎﻩ ﺑﺎﻟﺴﻴﺎﺭﺓ
ﺷﺴﻮﺍ ﺑﺎﻟﻐﻠﻂ ﻭ ﺍﻟﺴﺐ ﻭ ﺍﻟﺼﻴﺎﺡ، ﻭﺻﻠﺖ ﺍﻟﺒﻴﺖ ﻧﺰﻟﻨﺎ ﻳﺸﻲ ﺭﻭﺣﻪ ﻭ ﻳﺸﻤﺮﻫﺎ ﺑﻮﺩﻩ ﻳﺎﻛﻠﻨﻲ ﻭ ﻳﻜﻮﻟﻲ : ﻓﻮﻙ ﺷﻴﻨﺞ ﺗﺮﻳﺪﻳﻦ ﺗﻔﻀﺨﻴﻨﻲ ﻛﺪﺍﻡ ﺟﻤﺎﻋﺘﺞ ﻭﻟﺞ ﺷﻄﺎﻟﺒﺘﻨﻲ ﺍﻧﺖ ﻛﻠﻴﻠﻲ ﺭﺍﻳﺪﻩ ﺗﻤﻮﺗﻴﻨﻲ
- ﻣﺎ ﺍﻟﻲ ﺫﻧﺐ ﺑﻜﻞ ﺍﻟﻠﻲ ﺻﺎﺭ ﺑﻴﺶ ﺗﺮﻳﺪﻧﻲ ﺍﺣﻠﻔﻠﻚ
- ﻻ ﺗﻜﻮﻟﻴﻴﻴﻴﻴﻦ ﻣﺎ ﺍﻟﻲ ﺫﻧﺐ ﻛﻞ ﺍﻟﺼﺎﺭ ﻣﻦ ﺍﻳﺪﺝ ﻣﻮ ﻫﺬﺍ ﺍﻟﺸﺮﺩﺗﻲ ﻣﻦ ﺑﻴﺘﻲ ﺣﺘﻰ ﺗﺮﻭﺣﻴﻠﻪ، ﻣﻮ ﻫﺬﺍ ﺍﻟﺸﺮﺑﺘﻲ ﺍﻟﺴﻢ ﻋﻠﻰ ﻣﻮﺩﻩ ، ﻛﻠﻪ ﻣﻨﺞ ﺍﻧﺖ ﺍﻟﺮﺩﺗﻴﻴﻴﻴﻲ
- ﻭﺩﻓﻌﺖ ﺛﻤﻦ ﻛﻞ ﻏﻠﻂ ﻏﻠﻄﺘﻪ ﻭ ﻟﻠﻴﻮﻡ ﺩﺍ ﺍﺩﻓﻊ ﺣﺮﺍﻡ ﻋﻠﻴﻜﻢ ﻳﺎ ﻧﺎﺱ، ﻣﺎ ﺳﻮﻳﺖ ﺷﻲ ﺑﺲ ﺣﺒﻴﺘﻪ ، ﻣﺤﺪ ﻳﻌﺮﻑ ﻧﻔﺴﻪ ﻣﺎﺷﻲ ﻟﻠﻬﺎﻭﻳﻪ ﻭ ﻳﻜﻤﻞ ﻃﺮﻳﻘﻪ
ﺧﺴﺮﺕ ﺍﻫﻠﻲ
ﻭﺧﺴﺮﺕ ﺻﺤﺘﻲ
ﻭﺭﺿﺎ ﺍﺑﻮﻳﻪ ﻣﺎﺕ ﻭﻣﺎ ﺭﺍﺿﻲ ﻋﻨﻲ
ﻭ ﺧﺴﺮﺕ ﺑﻨﺘﻲ
ﻭ ﺧﺴﺮﺕ ﻛﻞ ﺷﻲ ﻭ ﺩﺍ ﺍﺧﺴﺮﻙ ﻭ ﺩﺍﺧﺴﺮ ﻋﺎﺋﻠﺘﻲ ﻟﺴﻪ ﺷﻜﺪ ﺭﺍﺡ ﺍﺧﺴﺮ ﺑﺴﺒﺐ ﻫﺎﻟﺤﺐ ﺍﻟﻐﺒﻲ ﻭﺍﻟﻠﻪ ﻣﺘﻨﺪﻣﻪ
ﻛﺎﻋﺪﻩ ﺑﺎﻟﻜﺎﻉ ﻭ ﻫﻮ ﻛﺎﻋﺪ ﻉ ﺍﻟﻘﻨﻔﻪ ﻭ ﺭﺍﻛﺰ ﺍﻳﺪﻳﻪ ﻋﻠﻰ ﺍﺭﻛﺒﻪ ، ﻭﻣﺨﻠﻲ ﺟﻒ ﺍﻳﺪﻩ ﻋﻠﻰ ﻭﺟﻬﻪ
- ﺷﺴﻮﻱ ﻫﺴﻪ ﻭﻟﺞ ﻓﻬﻤﻴﻨﻲ ﺭﺍﺳﻲ ﺫﺑﺤﻨﻲ ﻻ ﺍﻛﺪﺭ ﺍﺣﻂ ﻃﻠﻘﺔ ﺑﺮﺍﺳﺞ ﻭﻻ ﻳﻨﻄﻴﺘﻲ ﻛﻠﺒﻲ ﺗﻌﻴﺸﻴﻦ ﻣﺮﺗﺎﺣﻪ ﻋﻠﻰ ﻫﺎﻟﻨﺎﺭ ﺍﻟﺸﻌﻠﺘﻴﻬﺎ ﺑﻴﻪ ، ﻟﻴﺶ ﻣﺎ ﺻﺎﺭﺣﺘﻴﻨﻲ ﻗﺒﻞ ﺍﻟﺰﻭﺍﺝ ﻟﻴﺶ ﻣﺎ ﻛﻠﺘﻲ
- ﻛﻠﺖ ﻟﻚ ﻟﻤﺎ ﻃﻠﺒﺖ ﻣﻨﻲ ﻧﺘﺰﻭﺝ ، ﻛﻠﺘﻠﻚ ﺍﻧﻲ ﻣﻮ ﻧﻔﺴﻲ ﺫﻳﺞ ﻟﺠﻴﻦ ﺍﻟﻘﺪﻳﻤﻪ ﻟﻮ ﺗﻌﺮﻑ ﺍﻟﺒﻴﻪ ﺍﻧﺖ ﻧﻔﺴﻚ ﻣﺎ ﺗﺮﻳﺪﻧﻲ ﻛﻠﺘﻠﻲ ﺍﻟﺤﺪﻳﺪ ﺭﻏﻢ ﺻﻼﺑﺘﻪ ﻳﺰﻧﺠﺮ ﺑﺲ ﺗﻜﺪﺭ ﺗﺠﺪﺩﻩ ﻭ ﺗﻌﻴﺪ ﺑﻴﻪ ﺍﻟﺤﻴﺎﺓ ﻣﻮ ﻫﺬﺍ ﻛﻼﻣﻚ ﺍﻟﻲ
- ﻭﻟﺞ ﻛﻼﻣﻴﺶ ﺍﻻﻋﺮﻓﻪ ﻣﺎﻟﻚ ﻋﺎﺭ ﻭ ﺣﻂ ﺩﻳﻨﻪ ﺑﺮﻛﺒﺘﺞ ﻭ ﺍﻧﺖ ﻭﻓﻴﺘﻲ ، ﺍﻧﺐ ﺍﺩﺭﻱ ﺍﻧﺖ ﻛﺢ ... ﻭ ﺍﻗﺒﻞ ﺑﻴﺞ
- ﻣﺨﻠﺪ ﻣﺎ ﺍﺳﺘﺎﻫﻞ ﻛﻞ ﻫﺎﻟﺘﻌﺎﻣﻞ ﻣﻨﻚ ﻭﺍﻟﻠﻪ ﻛﺎﻓﻲ ﻋﻠﻴﻪ ﺍﻭﺟﺎﻉ ﺍﻟﺤﻤﻞ ﺩﺍ ﺍﻣﻮﺕ ﻣﺎ ﺳﻮﻳﺖ ﺷﻲ ﺍﺳﺘﺤﻖ ﺍﺗﻌﺎﻗﺐ ﻋﻠﻴﻪ ﺑﻬﺎﻟﺸﻜﻞ
ﺗﺮﻳﺪ ﺗﻨﺘﻘﻢ ﺫﺍﻙ ﻣﺎﻟﻚ ﻭ ﺍﻧﺘﻘﻢ ﻣﻦ ﺍﻟﻠﻲ ﺳﻮﺍ ﺑﻴﻨﺎ ﻫﻴﺞ، ﻟﻴﺶ ﺩﺍ ﺗﻨﺘﻘﻢ ﻣﻨﻲ ﺍﻧﻲ ﺿﺤﻴﺘﻪ ﻭﺍﻟﻠﻪ
ﺩﺍ ﻧﺤﺠﻲ، ﺍﻧﺪﻛﺖ ﺍﻟﺒﺎﺏ : ﻓﻮﺗﻲ ﻟﻠﻐﺮﻓﺔ ﻭ ﺳﻮﻱ ﻧﻔﺴﺞ ﻧﺎﻳﻤﻪ ﻣﺎ ﺍﺭﻳﺪ ﺍﻃﻠﻌﻴﻦ ﺧﻠﻘﺘﺞ ﻻﺣﺪ ﻳﻼ
ﻛﻤﺖ ﻟﻠﻐﺮﻓﺔ، ﺩﺧﻠﺖ، ﺭﺣﺖ ﻟﻔﺮﺍﺷﻲ ﺍﺗﻠﻔﻠﻔﺖ ، ﺳﻤﻌﺖ ﺍﻣﻪ ﻭ ﺍﺑﻮﻩ ﺑﺎﻟﻬﻮﻝ ﻭ ﻫﻮ ﻳﻜﻮﻟﻬﻢ : ﻣﺎﻛﻮ ﺷﻲ ﺳﺎﻟﻔﺔ ﺑﻴﻨﻲ ﻭ ﺑﻴﻨﻬﺎ ﻧﺤﻠﻬﺎ
.......
ﻭ ﻋﻤﻮ ﻳﻜﻮﻟﻪ : ﻣﺮﺗﻚ ﻣﺸﺘﻜﻴﻪ ﻋﻠﻴﻚ ﺑﺎﻟﻤﺮﺍﻛﺰ ﺷﻨﻮ ﺳﺎﻟﻔﻪ ﺑﻴﻨﻚ ﻭ ﺑﻴﻨﻬﺎ ﻣﻦ ﻳﻤﺘﻰ ﻋﺪﻧﺎ ﻧﺴﻮﺍﻥ ﺗﺸﺘﻜﻲ ﻋﻠﻴﻨﺎ ﺑﺎﻟﻤﺮﺍﻛﺰ
- ﻳﺎﺑﻪ ﺍﺭﺣﻤﻨﻲ ﺭﺍﺡ ﺍﻃﻚ ﻭ ﺍﻣﻮﺕ ﻣﻦ ﺍﻟﻘﻬﺮ ﻭ ﺍﻟﺘﻌﺐ ﻻ ﺗﺼﻴﺮ ﺍﻧﺖ ﻭ ﺍﻟﺪﻧﻴﺎ ﻋﻠﻴﻪ
ﻛﺮﺟﻴﻪ : ﻳﺎ ﺩﻧﻴﺎ ﻳﻤﻪ ﻣﺎ ﺣﺠﻴﺖ ﺍﻧﻲ ﻣﺎ ﻛﻠﺖ، ﻣﻮ ﻛﻠﺖ ﻟﻚ ﻳﻤﻪ ﻫﺎﻟﻠﺠﻴﻦ ﻫﺎﻱ ﺗﺸﻞ ﺣﺎﻟﻚ ﻋﻮﻓﻬﺎ ﻻ ﺧﻠﺘﻚ ﺗﺤﺐ ﻣﺮﺗﻚ ﻻ ﺗﺮﻳﺪ ﻋﺎﺋﻠﺘﻚ ﻣﺪﺭﻱ ﺍﺷﺎﺩﺗﻠﻚ ﻭ ﺷﻤﺴﻮﻳﺘﻠﻚ ﻭ ﻣﻌﻠﻜﺘﻚ ﺑﻴﻬﺎ ﻭﻟﻚ ﺑﺎﻭﻉ ﻭﺟﻬﻚ ﺍﺻﻔﺮ ﻭ ﺍﻟﻀﻴﻢ ﻳﺎ ﺣﺎﻟﻚ ﻋﻮﻓﻬﺎ ﻃﻠﻜﻬﺎ ﻭ ﺍﺧﻠﺺ ﻣﻨﻬﺎ ﻭﺭﺟﻊ ﻣﺮﺗﻚ ﻭ ﻋﺎﻯﻠﺘﻚ ﻭ ﺍﻧﺴﺎﻫﺎ
- ﻳﻤﻪ ﻓﺪﻭﺓ ﺍﻟﻌﻴﻨﺞ ﺍﺳﻜﺘﻲ
- ﻛﻠﻲ ﺷﺴﻮﺗﻠﻚ ﻭ ﻫﻴﺞ ﺗﺮﻳﺪ ﺗﻜﺘﻠﻬﺎ ﺑﺴﻼﺣﻚ ، ﺧﺎﻧﺘﻚ ﻟﻜﻴﺖ ﺍﺣﺪ ﻭﻳﺎﻫﺎ ﺍﺣﺠﻲ ﻭﻳﺎﻩ
- ﻳﻤﻤﻤﻤﻤﻤﻤﻪ ﻣﻮ ﺍﻧﻲ ﺍﻟﺘﺨﻮﻧﻲ ﻣﺮﻩ ، ﻻ ﺗﻔﻜﺮﻳﻦ ﺑﻴﻬﺎ ﻫﻴﺞ ﺍﻟﻤﻮﺿﻮﻉ ﺑﻌﻴﺪ ﻋﻦ ﺍﻟﺘﻔﻜﺮﻳﻦ ﺑﻲ ﻛﻠﺘﻠﻜﻢ ﺑﻴﻨﻲ ﻭ ﺑﻴﻨﻬﺎ ﻻ ﺗﺪﺧﻠﻮﻭﻭﻥ
- ﺟﻬﺎﻟﻚ ﻳﺒﺠﻮﻥ ﻋﻠﻴﻚ
- ﺩﺍﻧﻌﻞ ﺍﺑﻮ ﺟﻬﺎﻟﻲ ﻋﻮﻓﻮﻧﻲ ، ﺷﻤﺮﻭﻫﻢ ﻋﻠﻰ ﺍﻣﻬﻢ ﻃﻜﺖ ﺭﻭﺣﻲ ﻣﺘﺖ
- ﻣﻮﺗﺘﻚ ﺭﺍﺡ ﻳﺘﻤﺮﺽ ﻭﻟﻴﺪﻱ ﻋﺴﺎﻫﺎ ﺑﺤﻈﺞ ﻭ ﺍﺑﺨﺘﺞ ﻳﻠﺠﻴﻦ ﺑﻴﻤﻦ ﺭﺑﺤﻲ ﻳﻤﻪ ﺅﺍﺡ ﺗﻜﺘﻞ ﺍﺑﻨﻲ ﺑﺖ ﻭﺩﺍﺩ ﺍﻟﺪﺍﻳﺤﻪ
... ﺍﺧﺬﺕ ﻣﺨﺪﺓ ﺛﺎﻧﻴﻪ ﺧﻠﻴﺘﻪ ﻋﻠﻰ ﺍﺫﻧﻲ ﻣﺎ ﺍﺭﻳﺪ ﺍﺳﻤﻊ ﻛﻞ ﻛﻼﻣﻬﻢ ، ﻭ ﺣﺎﻭﻟﺖ ﺍﻧﺎﻡ
ﮔﻌﺪﺕ ﺑﺎﻟﻠﻴﻞ ، ﺳﻤﻌﺖ ﺻﻮﺕ ﻣﺨﻠﺪ ﺑﻐﺮﻓﺔ ﺍﻟﺠﻬﺎﻝ ﺟﺎﻳﺒﻬﻢ
ﻛﻮﺓ ﺍﺟﺮ ﺧﻄﻮﺍﺗﻲ، ﺍﻟﻮﺭﻡ ﻭ ﺍﻷﻟﻢ ﻃﻠﻊ ﻋﻠﻴﻪ ﻣﻦ ﺑﻌﺪﻳﻦ ﺟﺴﻤﻲ ﻛﻠﻪ ﻳﻮﺟﻌﻨﻲ ﻭ ﺛﻜﻴﻠﻪ ﺍﻟﻨﻔﺲ ﻛﻮﻩ ﺍﺟﺮﻩ
ﻣﺸﻴﺖ ﻟﻠﻤﻄﺒﺦ ﺩﺍ ﺍﻛﻞ ﺷﻲ ، ﻃﻠﻊ ﻫﻮ ﻭﺭﺍﻱ ، ﻣﻬﺘﻤﻴﺖ ﻛﻤﻠﺖ ﻃﺮﻳﻘﻲ ﻟﻠﻤﻄﺒﺦ، ﺍﺟﺎ ﻭﺭﺍﻳﺎ
- ﺑﺎﺟﺮ ﺗﺮﻭﺣﻴﻦ ﻭﻳﺎﻱ
- ﻭﻳﻦ
- ﺗﺘﻨﺎﺯﻟﻴﻠﻲ ﺑﻄﺎﺑﻮ ﻫﺬﺍ ﺍﻟﺒﻴﺖ ﻭ ﻳﺮﺟﻊ ﺑﺄﺳﻤﻲ، ﺍﻟﻤﺜﻠﺞ ﺩﻳﻨﺎﺭ ﻣﺎ ﺍﺻﺮﻑ ﻋﻠﻴﻬﺎ ﻣﻮ ﺍﻧﻄﻴﻬﺎ ﺑﻴﺖ
- ﻣﺎ ﻋﻨﺪﻱ ﻣﺸﻜﻠﻪ ﺍﺗﻨﺎﺯﻝ ﻭ ﺍﻧﺖ ﻫﻢ ﺗﺘﻨﺎﺯﻝ ﺍﻟﻲ ﺑﺎﻟﻤﻘﻬﻰ ﺍﺭﻳﺪ ﺍﺑﻴﻊ ﻭ ﺍﺣﻮﻝ ﻓﻠﻮﺳﻲ ﻟﻠﻤﺼﺮﻑ
ﺗﻘﺮﺏ ﻣﻦ ﻋﻨﺪﻱ ﻭ ﺳﺤﺒﻨﻲ ﻣﻦ ﺯﻧﺪﻱ ﺣﻴﻞ -: ﺩﺍ ﺗﺴﻮﻣﻴﻨﻲ ﺍﻧﺖ
- ﻻ ﺑﺲ ﺍﻋﺮﻑ ﻣﺎ ﻳﺠﻤﻌﻨﺎ ﻏﻴﺮ ﻫﺎﻟﻴﻮﻣﻴﻦ ﺍﻟﻠﻲ ﺍﻭﻟﺪ ﺑﻴﻬﻢ ﻭ ﺑﻌﺪﻫﺎ ﻛﻞ ﺍﻧﺴﺎﻥ ﻳﺮﻭﺡ ﺑﺤﺎﻝ ﺳﺒﻴﻠﻪ
- ﺍﺫﺍ ﻣﻔﻜﺮﻩ ﺍﻃﻠﻜﺞ ﻭﺍﺧﻠﻴﺞ ﺗﺮﺗﺎﺣﻴﻦ ﺗﻜﻮﻧﻴﻦ ﻏﻠﻄﺎﻧﻪ، ﻷﻃﻠﻊ ﻗﻬﺮﻱ ﻭ ﺗﻌﺐ ﮔﻠﺒﻲ ﻣﻦ ﻋﻴﻮﻧﺞ ﻭﺍﻟﻠﻪ
- ﻣﺎ ﺟﺒﺮﺗﻚ ﺗﺤﺒﻨﻲ ﻭ ﺗﻘﻬﺮ ﻧﻔﺴﻚ ﻭ ﺗﺘﻌﺒﻬﺎ ﺍﺑﺘﻌﺪﺕ ﻣﻨﻚ ﻭ ﺳﻜﻨﺖ ﺍﺭﺑﻴﻞ ﺣﺘﻰ ﻣﺎ ﺍﻟﺘﻘﻴﻚ ﻭ ﻣﺎ ﻛﻔﻴﺖ ﺍﻧﺖ ﺍﻟﻠﻲ ﺟﻨﺖ ﺗﺘﻌﻨﻰ ﻭ ﺗﺠﻲ
- ﻻ ﺗﺨﺎﻓﻴﻦ ﻛﻞ ﻫﺬﺍ ﺍﻃﻠﻌﻪ ﻣﻦ ﻋﻴﻮﻧﺞ ﻭ ﺷﻮﻓﻲ ﺷﻠﻮﻥ ﺭﺍﺡ ﺍﻋﺬﺑﺞ، ﻭ ﺍﻟﺒﻴﺖ ﺗﺘﻨﺎﺯﻟﻴﻦ ﺑﻲ ﺍﻟﻴﻪ ﻭ ﻛﻞ ﺗﻨﺎﺯﻝ ﺍﻟﺞ ﺑﺎﻟﻤﻘﻬﻰ ﻳﻤﻲ ﻣﺎﻝ ﺍﻟﺞ
- ﺷﻮﻑ ﻣﺨﻠﺪ ﺳﺎﺑﻘﺎ ﻣﺎﻟﻚ ﺷﻤﺮﻧﻲ ﺑﻨﺺ ﺯﻣﺮﺕ ﺫﻳﺎﺏ ﻭ ﺗﺮﻛﻨﻲ ﻭﺣﺪﻱ ﺍﻧﺎﺯﻉ، ﻻ ﺍﻫﻞ ﻭﻻ ﺻﺪﻳﻖ ﻭﻻ ﺍﻗﺎﺭﺏ، ﺑﺲ ﺭﺑﻲ ﻛﺎﻥ ﻭﻳﺎﻳﻪ ﻭ ﻛﺪﺭﺕ ﺍﺳﺤﻚ ﺍﻟﻜﻞ ﻭ ﺍﻃﻠﻊ ﻭ ﺍﺗﺨﻠﺺ ﻭ ﺍﺧﻠﻊ ﻣﺎﻟﻚ ﺑﻨﻔﺴﻲ ﻣﺎ ﺧﻠﻴﺘﻪ ﻳﻄﻠﻜﻨﻲ
ﻭ ﺣﺮﺑﻲ ﻭﻳﺎﻩ ﻟﻠﻴﻮﻡ ﻋﻠﻰ ﺑﻨﺘﻲ ﻭﻻ ﺗﻀﻦ ﺭﺍﺡ ﺍﺳﻜﺖ ﻋﻨﻬﺎ ﺑﻴﻮﻡ
......
ﺑﻌﺪ ﻛﻞ ﻫﺬﺍ ﺍﻟﻤﺮﻳﺖ ﺑﻴﻪ، ﻻ ﺗﻌﺘﻘﺪ ﺍﻧﻜﺴﺮ ﻟﻮ ﺍﻧﺠﺒﺮ
ﺍﻟﻀﺮﺑﻪ ﺍﻟﻤﺎ ﺗﻤﻮﺗﻚ ﺗﻘﻮﻳﻚ ، ﻭ ﺍﻧﻲ ﻗﻮﻳﺖ ﺍﺿﻌﺎﻑ ﻗﻮﺗﻲ، ﻓﻼ ﺗﺨﻠﻴﻨﻲ ﺍﺳﺘﺨﺪﻡ ﻫﺎﻟﻘﻮﺓ ﻭﻳﺎﻙ ، ﺣﺒﻴﺘﻚ ﻭ ﺗﺮﻛﺖ ﻛﻞ ﺷﻲ ﻭ ﻗﺒﻠﺖ ﺍﺻﻴﺮﻟﻚ ﺯﻭﺟﺔ ﺍﺑﻴﺘﻚ ﻭ ﺍﻡ ﻻﻃﻔﺎﻟﻚ ﻭ ﺍﺳﻌﻰ ﺑﻜﻞ ﺟﻬﺪﻱ ﻣﺎ ﺍﻗﺼﺮ ﺑﺬﺭﺓ ﻭﻳﺎﻛﻢ
ﻟﻤﺎ ﺗﻘﺼﺮ ﻭ ﺗﺤﺎﻭﻝ ﺗﻜﺴﺮ ﻣﺎ ﺭﺍﺡ ﺗﻠﻜﺎﻧﻲ
ﻭﻟﻮ ﻣﻮ ﺗﺤﺒﺴﻨﻲ ﻟﻮ ﺗﺪﻓﻨﻲ ﺗﺤﺖ ﺳﺎﺑﻊ ﺍﺭﺽ ﻭ ﺗﻤﻮﺗﻨﻲ ، ﺍﺻﻴﺮﻟﻚ ﺑﺰﻭﻧﻪ ﺑﺴﺒﻊ ﺍﺭﻭﺍﺡ ﺍﺣﻔﺮ ﻭ ﺍﻃﻠﻊ ﻭ ﺍﺗﺤﺮﺭ ﻣﻨﻚ
ﻟﺰﻣﻨﻲ ﻣﻦ ﺭﻛﺒﺘﻲ ﻭ ﺻﺮﺥ ﺑﻮﺟﻬﻲ : ﺗﻬﺪﺩﻳﻦ ﺍﻧﺖ
- ﺩﺍ ﺍﺣﺬﺭﻙ ﺑﺲ ، ﻷﻥ ﻣﻮ ﺣﺎﺑﻪ ﺍﺧﺴﺮﻙ
- ﻋﺒﺎﻟﺞ ﻫﺎﻻﺳﺎﻟﻴﺐ ﺗﻌﺒﺮ ﻋﻠﻴﻪ ﻗﺒﻞ ﺷﻮﻳﻪ ﺗﻜﻮﻟﻴﻦ ﻣﻴﺠﻤﻌﻨﺎ ﻏﻴﺮ ﻫﺎﻟﻴﻮﻣﻴﻦ ﻭ ﻫﺴﻪ ﻣﺎ ﺍﺭﻳﺪ ﺍﺧﺴﺮﻙ، ﻭﻟﺞ ﺍﺫﺍ ﻣﺎ ﺍﻃﻠﻊ ﺭﻭﺣﺞ ﻛﺒﺎﻟﻲ ﻣﺎ ﺍﺭﺗﺎﺡ
- ﻣﺎ ﺍﺭﻳﺪ ﺍﺧﺴﺮﻙ ﺑﺲ ﺍﻋﺮﻑ ﻣﺎ ﺭﺍﺡ ﺍﺭﺟﻊ ﻟﺠﻴﻦ ﺍﻟﻠﻲ ﺑﻜﻠﺒﻚ ﻣﺜﻞ ﻗﺒﻞ ﺷﻜﻚ ﻭ ﻏﻴﺮﺗﻚ ﻣﺎ ﺭﺍﺡ ﻳﺨﻠﻮﻧﺎ ﻧﻌﻴﺶ ﻣﺮﺗﺎﺣﻴﻦ
- ﻫﻪ ﺗﻜﻮﻝ ﺭﺍﺣﻪ ﺍﻧﻲ ﻫﻨﺎ ﻣﺒﻘﻴﺞ ﻣﻮ ﻟﺸﻜﻮﻟﺞ، ﻣﺒﻘﻴﺞ ﺣﺘﻰ ﺍﻫﻴﻨﺞ ﻭ ﺍﺯﻳﺪ ﺑﻜﺮﻫﻲ ﺍﻟﺞ ﻷﻥ ﻛﻠﻤﺎ ﺩﺍ ﺍﺑﺎﻭﻉ ﻟﺸﻜﻠﺞ ﺍﺷﻤﺌﺰ ﻣﻦ ﻭﺣﺪﺓ ﻛﺢ ... ﺗﺰﻭﺟﺘﻬﺎ
- ﺭﺍﺡ ﺗﺸﻤﺌﺰ ﻣﻨﻲ ﻫﻮﺍﻳﻪ ﻭﺭﺍﺡ ﺗﺤﺎﻭﻝ ﺗﻜﺮﻫﻨﻲ ﺑﺲ ﺛﻖ ﻣﺮﺍﺡ ﺗﻜﺪﺭ ﺍﻃﻠﻌﻨﻲ ﻻ ﻣﻦ ﻋﻘﻠﻚ ﻭﻻ ﻣﻦ ﻛﻠﺒﻚ ﻓﻘﻂ ﺭﺍﺡ ﺗﺒﻌﺪﻧﻲ ﻋﻨﻚ ﺑﺄﻓﻌﺎﻟﻚ ﻭ ﺗﺒﻘﻰ ﺍﻧﺖ ﻭﺣﺪﻙ ﺍﻟﻠﻲ ﺍﺗﻌﺎﻧﻲ ﻣﻮ ﻏﻴﺮﻙ ......
ﻗﺎﻃﻌﻨﻲ ﻭ ﻫﻮ ﻳﻀﺮﺑﻨﻲ ﺭﺍﺷﺪﻱ ﺑﻘﻮﺓ ﻭ ﺭﺟﻊ ﺷﺪ . ﺷﻌﺮﻱ ﻋﻠﻰ ﺍﻳﺪﻩ : ﺍﺣﺴﺒﻲ ﺳﺎﻋﺎﺗﺞ ﻫﻨﺎ ﺍﺫﺍ ﻣﺎ ﺩﻣﺮﺗﺞ ﻣﺎ ﺍﻃﻠﻊ ﺍﻧﻲ ﻣﺨﻠﺪ
- ﺿﺮﺑﺘﻨﻲ ﻷﻥ ﻣﺎ ﻛﺪﺭﺕ ﺗﻨﻜﺮ ﻫﺎﻟﺤﻘﻴﻘﺔ ﺍﻟﻜﻠﺘﻬﺎ، ﻭ ﺿﺮﺑﻚ ﻫﺬﺍ ﻳﻌﺒﺮ ﻋﻦ ﺿﻌﻔﻚ ﻣﻮ ﻗﻮﺗﻚ ﻷﻥ ﻋﻤﺮ ﺍﻟﻤﺮﺍﺟﻞ ﻣﺎ ﺻﺎﺭﺕ ﺑﻀﺮﺏ ﺍﻟﻨﺴﻮﺍﻥ
ﺩﻓﻌﻨﻲ ﻣﻦ ﺍﻳﺪﻩ ﻟﻠﻜﺎﻉ ، ﻛﺎﻝ : ﺑﺴﻴﻄﺔ
ﻫﺰ ﺭﺍﺳﻪ ﻭ ﻃﻠﻊ ﻭ ﻫﻮ ﻳﺘﻮﻋﺪ
.. ﺛﺎﻧﻲ ﻳﻮﻡ ﺍﺟﺖ ﻋﻤﺘﻲ ﺍﺧﺖ ﺑﺎﺑﺎ
ﺍﺧﺬﺗﻨﻲ ﺑﺤﻈﻨﻬﺎ ﻣﻦ ﺷﺎﻓﺖ ﻭﺿﻌﻴﺘﻲ ﻭ ﺍﻟﺰﺭﺍﻙ ﺍﻟﻠﻲ ﺑﻮﺟﻬﻲ ﻭﻛﺼﺘﻲ ﺍﻟﻤﻀﻤﺪﺓ ، ﺗﺨﺒﻠﺖ
ﻭﺍﺻﺮﺕ ﺍﻻ ﺗﻌﺮﻑ ﻭ ﺣﻠﻔﺖ ﺑﺮﻭﺡ ﺍﺑﻮﻳﻪ ﻣﺎ ﺗﺤﺠﻲ ﻷﻱ ﺑﺸﺮ
ﺳﻮﻟﻔﺘﻠﻬﺎ ﺍﻟﺼﺎﺭ ﻭﻳﺎﻳﻪ ﻛﻠﻪ ، ﺑﻘﺖ ﺗﻠﻄﻢ ﻋﻠﻰ ﺧﺪﻫﺎ ﻭ ﻋﻠﻰ ﺭﺍﺳﻬﺎ ﻭ ﺗﻜﻠﻲ : ﻻ ﺗﻠﻮﻣﻴﻨﻪ ﻟﺞ ﻋﻤﻪ ﺯﻳﻦ ﻭ ﻣﺎ ﻭﻛﻒ ﻛﻠﺒﻪ ﻟﻠﺮﺟﺎﻝ ﻭﻟﺞ ﺯﻳﻦ ﻭ ﻣﺎ ﺣﻂ ﻃﻠﻘﺔ ﺑﺮﺍﺳﺞ ﺍﻟﻠﻪ ﻻ ﻳﻨﻄﻴﻚ ﻣﺎﻟﻚ ، ﻳﻤﻪ ﻳﺎﻟﻤﺼﻴﺒﺔ ﻳﻤﻪ
ﺩﻳﺮﺑﺎﻟﺞ ﺗﺤﺠﻴﻦ ﻻﺣﺪ ﻟﻮ ﺗﺴﻮﻟﻔﻴﻦ ﻛﺮﺟﻴﺔ ﻟﻮ ﻋﺮﻓﺖ ﺍﺩﻛﻠﺞ ﻃﺒﻞ ﻭ ﺗﻔﻀﺤﺞ
- ﻣﺎ ﺣﺎﺟﻴﻪ ﻭﻻ ﻫﻮ ﻧﺎﻭﻱ ﻳﺤﺠﻲ ﺑﺲ ﻋﻤﻪ ﻣﺨﻠﺪ ﻣﺮﺍﺡ ﻳﻜﺪﺭ ﻳﺘﻘﺒﻠﻨﻲ ﺑﻌﺪ ﻟﻮ ﺷﻜﺪ ﻣﻴﺤﺒﻨﻲ، ﻛﺸﺖ ﺭﻭﺣﻪ ﻣﻨﻲ
- ﻻ ﺗﺴﺒﻘﻴﻦ ﺍﻻﻳﺎﻡ ﻭ ﺗﺤﻜﻤﻴﻦ ﺍﺗﺮﻛﻲ ﻫﺎﻻﻣﻮﺭ ﻟﺮﺑﺞ ﻳﺤﻠﻬﺎ
ﻣﻦ ﻋﻔﺘﻲ ﻭ ﺷﺮﺩﺗﻲ ﻟﻤﺎﻟﻚ ﻛﺎﻝ ﺗﺘﺤﺮﻡ ﻋﻠﻴﻪ ﺑﻌﺪ ﺑﻌﻤﺮﻱ ﻣﺎ ﺍﺗﻘﺒﻠﻬﺎ، ﺍﻟﻤﺮﻩ ﺍﻟﻔﻀﻠﺖ ﻭﺍﺣﺪ ﻣﺠﺮﻡ ﻭ ﺳﻤﻤﺖ ﺭﻭﺣﻬﺎ ﺣﺘﻰ ﻣﺎ ﺗﻌﻴﺶ ﻭﻳﺎﻱ ﻭ ﺗﻨﺤﺮﻡ ﻣﻨﻪ ﺗﺘﺤﺮﻡ ﻋﻠﻴﻪ
ﻭﻣﺮﺕ ﺍﻟﺴﻨﻴﻦ ﻭ ﻣﺎ ﻧﺴﺎﺝ ﻭﻻ ﻛﺪﺭ ﻳﺤﺮﻣﺞ ﻋﻠﻰ ﻛﻠﺒﻪ، ﺍﺗﺤﻤﻠﻲ ﻭ ﺍﺻﺒﺮﻱ ﻭ ﺷﻮﻓﻲ ﻭﻳﻦ ﻳﻮﺻﻞ
ﺩﻧﺤﺠﻲ ﻓﺎﺕ ﻣﺨﻠﺪ ﻟﻠﺒﻴﺖ ﺟﺎﻱ ﻣﻦ ﺍﻟﺪﻭﺍﻡ
ﺗﻠﻜﺘﻪ ﻋﻤﺘﻲ ﺑﺎﻟﻬﻼ ﻭ ﺍﻟﻤﺮﺣﺒﺎ، ﺑﺲ ﻫﻮ ﻛﻠﺶ ﺗﻌﺒﺎﻥ ﻭ ﻛﻮﻩ ﺗﻄﻠﻊ ﺍﻟﻜﻠﻤﺔ ﻣﻨﻪ، ﺳﺄﻟﺘﻪ ﺍﺫﺍ ﻳﺮﻳﺪ ﻏﺪﻩ ﻛﺎﻝ ﺍﻟﻬﺎ ﻣﺎ ﺍﺷﺘﻬﻲ
......
ﻛﻌﺪﺕ ﺗﺤﺠﻲ ﻭﻳﺎﻩ ﻭ ﺗﻔﺎﺟﺊ ﻣﻦ ﻋﺮﻓﻬﺎ ﺗﻌﺮﻑ ﺑﺎﻟﺸﺎﻟﻔﻪ ﻭ ﺣﻠﻔﺘﻠﻪ ﻗﺴﻢ ﻳﻤﻴﻦ ﻣﺎ ﺗﻜﻮﻝ ﻻﺣﺪ ﻭ ﻫﻲ ﺟﺎﻳﻪ ﻟﻬﻨﺎ ﺗﺮﻳﺪ ﺗﺼﻠﺢ ﺑﻴﻨﺎ
ﻫﻮ ﻛﺎﻝ ﺍﻟﻬﺎ : ﻟﺠﻴﻦ ﺍﻧﺘﻬﺖ ﺑﺎﻟﻨﺴﺒﺔ ﺍﻟﻴﻪ ﻟﻌﺒﺖ ﺭﻭﺣﻲ ﻣﻨﻬﺎ
- ﻻ ﻳﻌﻤﻪ ﻫﻲ ﺷﺬﻧﺒﻬﺎ ﺍﻟﻤﺴﻜﻴﻨﻪ
- ﻻ ﺗﺒﺮﻭﻥ ﺳﺎﺣﺘﻬﺎ ﻭ ﺗﺒﺮﺭﻭﻟﻬﺎ ﻋﻤﻪ ﻛﻞ ﺍﻟﺼﻮﺝ ﻣﻨﻬﺎ، ﻭ ﺍﻟﻜﺎﺗﻠﻨﻲ ﺍﺳﺘﻐﻔﺎﻟﻬﺎ ﺍﻟﻲ ﻣﺎ ﻛﺎﻟﺘﻠﻲ ﺑﺤﻘﻴﻘﺘﻬﺎ ﺧﻠﺘﻨﻲ ﺍﻣﺸﻲ ﻭﺭﺍﻫﺎ ﻭ ﻫﻲ ﺍﺯﺑﺎﻟﻪ
- ﻣﺎﺿﻴﻬﺎ ﻳﻌﻤﻪ ﻭ ﻣﺎ ﺗﺮﻳﺪ ﺗﺬﻛﺮ ﻣﺎﺿﻴﻬﺎ ﻭ ﺭﺍﺩﺕ ﺗﻌﻴﺶ ﻭﻳﺎﻙ ﻭ ﺗﻐﻴﺮ ﺣﻴﺎﺗﻬﺎ، ﻣﺎ ﻛﻌﺪﺕ ﺗﺘﺸﺮﻁ ﻋﻠﻴﻚ ﺑﺎﻟﺒﺪﺍﻳﻪ ﺷﻐﻠﻲ ﻭ ﻟﺒﺴﻲ ﻭ ﺑﻴﺘﻲ ﺗﺎﻟﻲ ﻛﻠﻬﻦ ﺗﻨﺎﺯﻟﺖ ﺑﻴﻬﻦ ﺍﻟﻚ ﺣﺘﻰ ﺗﻜﺎﺑﻠﻚ ﻭ ﺗﻌﻮﺽ ﻛﻞ ﺣﺮﻣﺎﻧﻬﺎ ﺑﻴﻚ
- ﻋﻤﻪ ﻭﻛﺤﻪ ﺟﺴﺮﺓ ﻣﺎ ﺗﻨﻜﺴﺮ ﻋﻴﻨﻬﺎ ، ﺭﺍﺡ ﺍﺟﻦ ﺭﺍﺡ ﺍﺗﺨﺒﻞ ﻋﻘﻞ ﻣﺎ ﺿﻞ ﺑﺮﺍﺳﻲ ﻭ ﻣﻦ ﺍﺣﺠﻲ ﻭﻳﺎﻫﺎ ﻛﻠﻤﺔ ﺗﺠﺎﻭﺑﻨﻲ ﺑﻌﺸﺮﺓ ﻭ ﻛﻼﻡ ﻣﺜﻞ ﺍﻟﺴﺠﺎﺟﻴﻦ ﺗﺤﻄﻬﻦ ﺑﻜﻠﺒﻲ ﻻ ﺍﺳﺘﺤﺖ ﻭﻻ ﺍﻧﻜﺴﺮﺕ ﻋﻴﻨﻬﺎ ﻭﻣﺴﺘﻤﺮﺓ ﺗﻬﺪﺩ ﺭﻏﻢ ﺻﺨﺎﻡ ﻭﺟﻬﻪ
- ﻣﻴﺨﺎﻟﻒ ﻋﻤﻪ ﺍﻟﻤﺮﺓ ﺣﺎﻣﻞ ﻭﻛﻮﻩ ﺗﺘﻨﻔﺲ ﻭ ﺍﻟﻄﻔﻞ ﻧﺒﻀﻪ ﺿﻌﻴﻒ ﻭ ﺣﺎﻟﺘﻬﺎ ﺣﺎﻟﻪ ﻫﻢ ﻭﺍﺣﺪ ﻣﻦ ﺍﻟﻘﻬﺮ ﻣﺎ ﻳﻌﺮﻑ ﺷﻴﺤﺠﻲ ﻳﺒﻘﻰ ﻳﺨﻮﻁ ﺑﺎﻟﻜﻼﻡ ﺭﺩﺓ ﻓﻌﻞ ﻟﻠﺪﻳﺘﻌﺮﺿﻠﻪ
ﺍﻧﻮ ﺍﻟﺰﻟﻤﻪ ﻭ ﻣﻮ ﻛﺪﺍﻣﻚ ﻋﻘﻠﻚ ﺟﺒﻴﺮ ﻭ ﺍﻟﺮﺍﺡ ﺭﺍﺡ ﻭ ﺍﺣﻨﺎ ﻧﻌﺮﻓﻬﺎ ﺍﻟﺠﻴﻦ ﻭ ﻧﻌﺮﻑ ﻧﻀﺎﻓﺔ ﻛﻠﺒﻬﺎ ﻭ ﺻﺪﻗﻬﺎ ﻭ ﺍﻟﻠﻪ ﺑﻜﺒﺮﻩ ﻣﺎ ﻳﻠﻮﻡ ﺍﻟﻤﺠﺒﻮﺭ
ﻋﻤﺎﺭ ﺑﻦ ﻳﺎﺳﺮ ﻣﻦ ﺗﻌﺮﺽ ﻟﻠﻀﺮﺏ ﻧﻜﺮ ﺍﻟﻠﻪ ﻭ ﺫﻛﺮ ﺍﻟﺼﻨﻢ ﻣﺠﺒﻮﺭ ﻭ ﺍﻟﺮﺳﻮﻝ ﻛﺎﻟﻪ ( ﺻﺒﺮﺍ ﺍﻝ ﻳﺎﺳﺮ ﻓﺄﻥ ﻣﻮﻋﺪﻛﻢ ﺍﻟﺠﻨﻪ ) ﻭ ﻣﺎ ﺍﺧﺬ ﺑﻜﻔﺮﺍﻧﻪ ﺍﻻﻧﺠﺒﺮ ﻋﻠﻴﻪ
ﻓﺄﺫﺍ ﺍﻟﻠﻪ ﺑﻜﺒﺮﻩ ﻳﺴﺎﻣﺢ ﺍﺣﻨﺎ ﻣﻨﻮ ﻳﻌﻤﻪ ﻭ ﻣﺎ ﻧﺴﺎﻣﺢ، ﺍﺣﺘﻮﻱ ﺑﻴﺘﻚ ﻭ ﻋﺎﺋﻠﺘﻚ ﻭﻻ ﺗﺨﻠﻲ ﺍﻟﺮﺍﻳﺢ ﻭ ﺍﻟﺮﺍﺩ ﻳﺘﺴﺎﺋﻞ ﺷﺴﻮﺕ ﻟﺠﻴﻦ ﻭ ﻣﺨﻠﺪ ﻳﺮﻳﺪ ﻳﻜﺘﻠﻬﺎ ﺑﺎﻟﺴﻼﺡ
ﺷﻮﻓﻠﻚ ﻋﺬﺭ ﻭ ﻗﺪﻣﻪ ﻟﻠﻨﺎﺱ ﻭ ﻻ ﺗﺨﻠﻲ ﺍﻟﺤﺠﺎﻳﻪ ﺗﻠﻮﺣﻜﻢ ﻭ ﻟﻢ ﺍﻟﺴﺎﻟﻔﺔ ﻭ ﺍﻟﺰﻣﻦ ﻛﻔﻴﻞ ﻳﻨﺴﻴﻚ ﻛﻞ ﻫﺎﻻﻣﻮﺭ
ﺑﻘﺖ ﺗﺤﺠﻲ ﻭﻳﺎﻩ ﻫﻮﺍﻳﻪ
ﺻﺢ ﺗﺮﻛﻨﻲ ﻭ ﺑﻌﺪ ﻣﺎ ﺿﺮﺑﻨﻲ ﺍﻭ ﺍﺫﺍﻧﻲ ﺑﺲ ﻣﺎ ﻳﺤﺠﻲ ﻭﻳﺎﻱ ﻭﻻ ﺣﺘﻰ ﻳﺨﻠﻲ ﻭﺟﻬﻪ ﺑﻮﺟﻬﻲ
ﻣﺮ ﺍﻛﺜﺮ ﻣﻦ ﺍﺳﺒﻮﻋﻴﻦ ﻭ ﻫﻮ ﻋﻠﻰ ﻫﺎﻟﺤﺎﻟﻪ
ﻛﺮﺟﻴﺔ ﺍﻣﻪ ﺍﺟﺖ ﺍﺧﺬﺕ ﺍﻟﺠﻬﺎﻝ ﻭ ﺗﺘﻌﺎﺭﻙ ﻭﻳﺎﻱ ﻭ ﺗﻜﻠﻲ : ﺷﻠﻴﺘﻲ ﺣﺎﻟﻪ ﻋﺴﻰ ﺍﻟﻠﻪ ﻳﺸﻞ ﺣﺎﻟﺞ ﻭﻻ ﻳﺨﻠﻴﺞ ﺗﺮﺗﺎﺣﻴﻦ ﺑﻴﻮﻡ
ﺑﻘﻰ ﺍﻟﺒﻴﺖ ﻓﺎﺭﻍ ﻫﻮ ﻳﻄﻠﻊ ﺍﻟﺼﺒﺢ ﻟﻠﺪﻭﺍﻡ ﻳﺮﺟﻊ ﺑﺎﻟﻠﻴﻞ ﻛﻠﺶ، ﺣﺘﻰ ﺍﻟﻈﻬﺮ ﻣﻴﺠﻲ ﻳﺒﻘﻰ ﻋﻨﺪ ﺍﻫﻠﻪ ﻳﺘﻐﺪﺍ ﻭﻳﻜﻌﺪ ﻭﻳﺎﻫﻢ، ﺣﺘﻰ ﻣﻴﺮﺟﻊ ﻭﻳﺸﻮﻓﻨﻲ
ﻭ ﺣﺎﻛﻢ ﻋﻠﻴﻪ ﻣﺎ ﺍﻧﺎﻡ ﻳﻤﻪ ﻉ ﺍﻟﺴﺮﻳﺮ، ﺍﻧﺎﻡ ﺑﺎﻟﻜﺎﻉ
ﺑﻴﻮﻡ ﺍﻟﻠﻲ ﻫﻮ ﺧﻔﺮ ﻭ ﻣﺎ ﻳﺠﻲ .. ﺍﻧﺎﻡ ﺑﻔﺮﺍﺷﻲ
... ﺑﻴﻮﻡ ﺟﻨﺖ ﻭﺣﺪﻱ ﺑﺎﻟﺒﻴﺖ ، ﻋﻨﺪﻱ ﺍﻻﻡ ﻗﻮﻳﺔ ﺣﻴﻞ ﻭ ﻫﻮ ﻟﺴﻪ ﻣﺎ ﺭﺍﺟﻊ ، ﺻﺎﺭﺕ ﺏ٢ ﻭ ﻫﻮ ﻣﺎﻛﻮ ﻭ ﺍﻷﻟﻢ ﻳﺰﻳﺪ ﻋﻨﺪﻱ
ﺍﻟﻰ ﺍﻥ ﻃﻚ ﻋﻨﺪﻱ ﻣﻲ ﺍﻟﺮﺍﺱ ﺗﺨﺒﻠﺖ ، ﻳﻌﻨﻲ ﺭﺍﺡ ﺍﺟﻴﺐ
ﺍﺧﺎﺑﺮ ﻣﺨﻠﺪ ﻣﺎ ﻳﺮﺩ ، ﺧﺎﺑﺮﺕ ﻋﻤﻲ ﻫﻢ ﻣﺎ ﻳﺠﺎﻭﺑﻨﻲ، ﺍﺧﺬﺕ ﺟﻨﻄﺔ ﺍﻟﺒﻴﺒﻲ ﻭ ﺟﻨﻄﺔ ﺛﺎﻧﻴﺔ ﻣﺤﻈﺮﺗﻬﺎ ﺍﻟﻴﻪ ﻭ ﻃﻠﻌﺖ ﺍﻟﺪﻧﻴﺎ ﻟﻴﻞ
ﻛﻮﻩ ﺍﻣﺶ ﻭ ﺍﻟﻮﺟﻊ ﻳﺰﻳﺪ ﻛﻞ ١٠ ﺩﻗﺎﻳﻖ ﺍﻭﻛﻒ ﺍﻋﺼﺮ ﺑﺮﻭﺣﻲ ﻟﻤﺎ ﻳﺮﻭﺡ ﺍﻛﻤﻞ ﻃﺮﻳﻘﻲ ﻛﻮﻩ ﻭ ﺍﻧﻲ ﺷﺎﻳﻠﻪ ﺍﻟﺠﻨﻂ
.......
ﺩﻛﻴﺖ ﺍﻟﺒﺎﺏ ﻋﻠﻰ ﺑﻴﺖ ﻋﻤﻲ ﻋﺜﻤﺎﻥ ﻣﺤﺪ ﻳﻄﻠﻊ ﺗﻌﺒﺖ ﻣﻦ ﺍﻟﺪﻙ ﻭ ﻣﺎﻛﻮ ﺍﺣﺪ ﺍﻟﻰ ﺍﻥ ﺗﺬﻛﺮﺕ ﻣﺎﺧﺬ ﻋﺎﺋﻠﺘﻪ ﻳﻮﻧﺴﻬﻢ ﺑﺄﺭﺑﻴﻞ
ﺗﻤﺸﻴﺖ ﻟﺒﻴﺖ ﻋﻤﻲ ﻋﻤﺮﺍﻥ ﺍﺩﻙ ﺑﺎﻟﺒﺎﺏ ﻭ ﻣﺤﺪ ﻳﻄﻠﻊ
ﻛﻌﺪﺕ ﺍﺑﺠﻲ ﺑﺎﻟﻜﺎﻉ ﻣﻦ ﺍﻟﻮﺟﻊ ، ﺍﺭﻳﺪ ﺍﺣﺪ ﻳﺴﺎﻋﺪﻧﻲ ﻣﺎﻛﻮ
ﻓﺘﺤﺖ ﺍﻟﺒﺎﺏ ﻛﺮﺟﻴﺔ ﻭ ﻣﺎ ﺍﻧﺴﺎﻟﻬﺎ ﻫﺎﻟﻴﻮﻡ ﺑﻌﻤﺮﻱ
ﻣﻦ ﻛﺎﻟﺘﻠﻲ ( ﺍﻣﺸﻲ ﻣﻨﺎ ﻋﺴﻰ ﺗﻬﻠﻜﻴﻦ ﻭ ﺗﻤﻮﺗﻴﻦ ﺑﻬﺎﻟﺴﺎﻋﻪ ﻭﻳﺨﻠﺺ ﺍﺑﻨﻲ ﻣﻨﺞ )
ﺳﺪﺕ ﺍﻟﺒﺎﺏ
ﺭﻓﻌﺖ ﺍﻟﺨﻂ ﻋﻠﻰ ﻋﻤﺘﻲ ﻛﻠﺘﻠﻬﺎ : ﻋﻤﻲ ﺍﻟﺤﻜﻴﻨﻲ ﻓﺪﻭﻭﻭﻭﻩ ﺭﺍﺡ ﺍﻣﻮﻭﻭﻭﻭﺕ
- ﻭﻳﻦ ﺍﻧﺖ
- ﺍﺑﺎﺏ ﺑﻴﺖ ﻋﻤﻲ ﻋﻤﺮﺍﻥ ﻭ ﻃﺮﺩﺗﻨﻲ ﻛﺮﺟﻴﺔ ﻋﻤﻪ ﻃﻚ ﻣﻲ ﺍﻟﺮﺍﺱ ﺭﺍﺡ ﺍﺟﻴﺐ ﻓﺪﻭﺓ ﺍﻟﺤﻜﻴﻨﻲ
ﺩﺍ ﺍﺣﺠﻲ، ﻋﺪﻧﺎ ﻭﺍﺣﺪ ﺑﺎﻟﻤﻨﻄﻘﺔ ﻛﻞ ﻟﻴﻠﺔ ﻫﻮ ﻭ ﺍﻟﺠﻠﺐ ﻣﺎﻟﺘﻪ ﻳﻔﺎﺭﻭﻥ ﺑﺎﻟﺸﺎﺭﻉ ﻣﻦ ﺷﺎﻓﻨﻲ ﺍﺑﺠﻲ ﻭ ﺍﻟﺠﻨﻂ ﻳﻤﻲ ﻭ ﻛﺎﻋﺪﻩ ﺑﺎﻟﻜﺎﻉ
ﺭﻛﺾ ﺧﻄﻴﻪ ﻭ ﻋﺎﻑ ﺍﻟﺠﻠﺐ ﻣﺎﻟﺘﻪ ﻭ ﺗﻘﺮﺏ : ﻫﺎ ﺧﻮﻳﻪ ﻣﺤﺘﺎﺟﻪ ﺷﻲ
ﻣﻦ ﺣﺠﻪ ﻭﻳﺎﻳﻪ ﻧﺴﻴﺖ ﺍﻟﺘﻠﻴﻔﻮﻥ ﻭ ﻣﺪﻳﺘﻠﻪ ﺍﻳﺪﻱ ﻭ ﺍﻧﻲ ﺍﻛﻮﻟﻪ : ﺍﻣﺮﻭﺗﻚ ﻓﺪﻭﺓ ﺭﺍﺡ ﺍﻣﻮﻭﻭﺕ
ﻛﻮﻣﻨﻲ ﻭ ﺍﺣﺘﺎﺭ ﺑﻜﺎﻋﻪ ﺷﻴﺴﻮﻱ : ﺧﻮﻳﻪ ﺳﻴﺎﺭﺗﻲ ﺫﻳﺞ ﺑﺎﻟﺒﺎﺏ ﺑﺲ ﺍﻧﺘﻈﺮﻱ ﺍﺟﻴﺒﻬﺎ ﻭ ﺍﺟﻲ ﻭﺍﻟﻠﻪ ﻣﺎ ﺍﻃﻮﻝ
ﻛﻤﺖ ﺍﺑﺠﻲ ﺳﻤﻌﺖ ﺻﻮﺕ ﺍﻟﻮﺑﺎﻳﻞ ﻋﻤﺘﻲ ﺗﺼﻴﺢ ﺣﺠﻴﺖ ﻭﻳﺎﻫﺎ : ﻫﺎ ﻋﻤﻪ ﻫﺬﺍ ﻭﻟﺪ ﺭﺍﺡ ﻳﺎﺧﺬﻧﻲ
- ﺧﻠﻲ ﺍﻟﻤﻮﺑﺎﻳﻞ ﻗﺮﻳﺐ ﻣﻨﺞ ﺍﻧﻲ ﻫﺴﻪ ﺟﺎﻳﺘﺞ ﻭ ﺍﻧﻌﻞ ﺷﺮﻑ ﻋﻤﺮﺍﻥ ﺍﻟﻴﻮﻡ ﻻﺑﻮ ﻛﺮﺟﻴﺔ ﺍﻝ ******
ﺍﻟﻮﻟﺪ ﺷﺨﻂ ﺍﻟﺴﻴﺎﺭﺓ ﻭ ﺧﻼﻫﺎ ﻛﺒﺎﻟﻲ، ﻛﻌﺪﻧﻲ ﻭﺭﺍ ﻭﺻﻌﺪﻟﻲ ﺍﻟﺠﻨﻂ ﻭ ﺳﺎﻕ
ﻛﻤﺖ ﺳﺎﻋﺔ ﺍﻟﻴﺠﻲ ﺍﻟﻮﺟﻊ ﺍﺻﺮﺥ ﻭ ﺍﻋﺼﺮ ﺑﺎﻟﻜﺸﻦ ، ﻭ ﺳﺎﻋﺔ ﺍﻭﺻﻲ ﺑﺎﻟﻮﻟﺪ ﻭ ﺍﻛﻮﻟﻪ ﻉ ﺍﻟﻤﻮﺑﺎﻳﻞ ﻳﺒﻘﻲ ﻳﻤﻪ ﺣﺘﻰ ﻋﻤﺘﻲ ﺗﺨﺎﺑﺮﻩ
ﺧﻄﻴﺔ ﺍﻧﻀﺮﺏ ﺭﺍﺳﻪ ﻣﻜﺎﻡ ﻳﻌﺮﻑ ﻳﺴﺮﻉ ﺣﺘﻰ ﻳﻮﺻﻞ ﻟﻮ ﻳﺒﻄﺊ ﺣﺘﻰ ﻣﺎ ﺍﺗﺄﺫﻯ ﺑﺎﻟﻄﺴﺎﺕ ﻭ ﻳﺰﻳﺪ ﺍﻟﻮﺟﻊ ﻭﻛﻠﻤﺎ ﻳﻮﺻﻞ ﺳﻴﻄﺮﺓ ﻳﺼﻴﺢ : ﺍﻟﻤﺮﺓ ﺭﺍﺡ ﺗﺠﻴﺐ ﺭﺍﺡ ﺗﺠﻴﺐ
ﻭ ﻫﻢ ﻳﺄﺷﺮﻭﻟﻪ : ﺍﻃﻠﻊ ﻉ ﺍﻟﺴﺮﻳﻊ ﺍﻃﻠﻊ
ﻭﺻﻠﻨﻲ ﻟﻤﺴﺘﺸﻔﻰ ﺍﻫﻠﻴﻪ، ﻭﺻﻒ ﺍﻟﺴﻴﺎﺭﻩ ﺑﺎﻟﺒﺎﺏ ﻭﺻﺎﺡ ﻋﻠﻰ ﺍﻟﺤﺮﺱ ﻭ ﺍﻟﻤﻤﺮﺿﻴﻦ ﻳﺠﻴﺒﻮﻥ ﻛﺮﺳﻲ ﺣﺎﻟﺔ ﻃﺎﺭﺋﺔ
ﺍﻟﺘﻤﻮ ﺍﺧﺬﻭﻧﻲ، ﻣﺨﻠﺪ ﻛﺎﻡ ﻳﺘﺼﻞ ﻭ ﺍﻟﻤﻮﺑﺎﻳﻞ ﺑﺄﻳﺪ ﺍﻟﻮﻟﺪ ﻭ ﻣﺎ ﺍﻋﺮﻑ ﺷﻴﻐﻠﻂ ﻋﻠﻴﻪ ﻣﻦ ﺭﺩ ﻋﻠﻴﻪ ﻭﻟﺪ ﻏﺮﻳﺐ ﻣﻦ ﺟﻬﺎﺯﻱ
ﺑﻘﻰ ﺍﻟﻤﻮﺑﺎﻳﻞ ﻋﻨﺪ ﺍﻟﻮﻟﺪ ﻭ ﺍﻧﻲ ﺩﺧﻠﻮﻧﻲ ﺻﺎﻟﺔ ﺍﻟﻮﻻﺩﺓ، ﻣﻔﻮﻟﻪ ﻋﻠﻰ ﺍﻷﺧﺮ ﺑﺲ ﺧﻠﻮﻧﻲ ﻉ ﺍﻟﺴﺪﻳﺎ ﻭ ﺍﺳﺘﻘﺮﻳﺖ ﺑﻮﺿﻊ ﺍﻟﻮﻻﺩﺓ ﻧﺰﻝ ﻋﻨﺪﻱ ﺍﻟﻄﻔﻞ
ﻛﻤﺖ ﺍﺻﺮﺥ ﺻﻮﺕ ﺑﺎﻟﺴﻤﺎ ﻭ ﺻﻮﺕ ﺑﺎﻟﻜﺎﻉ ﻟﺤﺪ ﻣﺎ ﺗﻤﺖ ﻭﻻﺩﺗﻲ، ﺷﻜﻞ ﻋﻨﺪﻱ ﻧﺰﻳﻒ ﻣﺎ ﺍﺩﺭﻱ ﺑﻌﺪﻫﺎ ﺷﺼﺎﺭ ﻓﻘﺪﺕ
ﻛﻌﺪﺕ ﻋﻠﻰ ﺻﻮﺕ ﻋﻤﺘﻲ ﻭﻳﺎ ﻣﺨﻠﺪ ﻭ ﻫﻮ ﺟﺎﻳﺐ ﺍﻟﺪﻡ
ﻓﺘﺤﺖ ﻋﻴﻨﻲ ﻭ ﺍﻭﻥ ﻣﻦ ﺍﻟﻮﺟﻊ ، ﺑﺎﺳﺖ ﺭﺍﺳﻲ ﻋﻤﺘﻲ : ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ ﻋﻤﻪ ﻳﺘﺮﺑﻰ ﺑﻌﺰﻛﻢ ﺍﻥ ﺷﺎﺀﺍﻟﻠﻪ
- ﻭﻳﻨﻪ ﺍﻟﻄﻔﻞ ﻋﻤﻪ
- ﺑﺎﻟﺨﺪﺝ ﺑﻌﺪﻩ ﻣﻦ ﻳﻄﻠﻊ ﺍﺟﻴﺒﻪ ﺍﻟﺞ ﺍﺭﺗﺎﺣﻲ ﻫﺴﻪ ﺍﻧﺖ
......
ﺍﺟﺖ ﺍﻟﻤﻤﺮﺿﺔ ﺗﺸﻜﻠﻲ ﺍﻟﺪﻡ ، ﺑﺎﻭﻋﺖ ﻟﻤﺨﻠﺪ ﻋﺎﻗﺪ ﺣﻮﺍﺟﺒﻪ ﻭ ﻣﺒﺎﻭﻋﻠﻲ ﻳﺒﺎﻭﻉ ﻟﻠﺒﺎﺏ ﺑﺮﺍ
ﺣﻘﺪﺕ ﻋﻠﻴﻪ ﺣﻘﺪ ﺑﻜﺪ ﺍﻟﺪﻧﻴﺎ ﺑﺬﻳﺞ ﺍﻟﺴﺎﻋﺔ ﺗﻜﺒﺮ ﻳﺮﺩ ﻋﻠﻰ ﺍﺗﺼﺎﻟﻲ ﻭ ﺧﻼﻧﻲ ﺍﻓﺘﺮ ﺑﺎﻟﺸﻮﺍﺭﻉ ﺑﺄﺳﻮﺀ ﺣﺎﻟﻪ ﺣﺘﻰ ﺍﻟﻜﺎ ﺍﺣﺪ ﻳﺴﻌﻔﻨﻲ
ﺑﻘﻴﺖ ﻳﻮﻡ ﻛﺎﻣﻞ ﺑﺎﻟﻤﺴﺘﺸﻔﻰ ﻛﺎﻟﻮ ﺭﺣﻤﻬﺎ ﺗﻌﺒﺎﻥ ﺍﻟﻄﻔﻞ ﻋﻨﺪﻩ ﻭﻻﺩﺓ ﻣﻦ ﺯﻣﺎﻥ ﻭ ﻫﻲ ﻣﻘﺎﻭﻣﺔ ﻓﺎﻟﻄﻔﻞ ﻣﺘﻀﺮﺭ ﻭ ﺍﻟﺮﺣﻢ ﻣﺘﻀﺮﺭ ، ﻭ ﻟﺴﻪ ﺍﻟﻄﻔﻞ ﺑﺎﻟﺨﺪﺝ ﺩﻳﻌﺎﻟﺠﻮ
ﻣﻘﺒﻠﺖ ﺍﻃﻠﻊ ﻣﻦ ﺍﻟﻤﺴﺘﺸﻔﻰ ﺍﻻ ﺍﺑﻨﻲ ﻭﻳﺎﻳﻪ، ﺍﻟﻌﺮﻓﺘﻪ ﻣﺨﻠﺪ ﻛﺎﺗﺐ ﺍﺳﻤﻪ ﺑﺎﻟﺒﻴﺎﻥ ﺍﺳﻤﻪ ( ﺭﺿﺎ )
ﻛﻤﺖ ﻋﻠﻰ ﺣﻴﻠﻲ ﻭ ﻣﺸﻴﺖ ﻟﻠﺨﺪﺝ ﻭ ﺍﺳﺘﺨﺮﺟﺖ ﺍﻟﻤﺎﺩﺓ ﺍﻟﺼﻤﻐﻴﺔ ﻣﻦ ﺻﺪﺭﻱ ﻟﻠﻤﻤﻴﻪ ﺣﺘﻰ ﻳﻨﻄﻮﻫﺎ ﺍﻟﻪ ﻭﺑﻘﻴﺖ ﺭﺍﻳﺤﻪ ﺭﺍﺟﻌﻪ ﻋﻠﻰ ﻃﻔﻠﻲ ﻟﺤﺪ ﻣﺎ ﺍﻧﻄﻮﻧﻴﺎﻩ
ﻣﺨﻠﺪ ﻣﺎ ﻳﺤﺠﻲ ﻭﻳﺎﻳﻪ ﺍﺑﺪ ﺣﺘﻰ ﻣﺎ ﻛﺎﻝ : ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ
ﺑﺲ ﻣﻦ ﺷﻔﺖ ﻃﻔﻠﻲ ﻧﺴﻴﺖ ﻣﺨﻠﺪ ﻭ ﺍﻫﻠﻪ ﻭ ﻧﺴﻴﺖ ﻛﻞ ﺍﻭﺟﺎﻋﻲ ، ﺑﻘﻴﺖ ﺍﺑﻮﺱ ﺑﺨﺸﻤﻪ ﻭ ﺍﺷﺘﻢ ﺑﻴﻪ
ﺭﺟﻌﻨﺎ ﻟﻠﺒﻴﺖ، ﻣﺨﻠﺪ ﻳﺴﻮﻕ ﻭ ﻋﻤﺘﻲ ﻭﻳﺎﻧﺎ، ﻛﻠﺖ ﺍﻟﻬﺎ : ﻋﻤﻪ ﻳﺎﺭﻳﺖ ﺗﺎﺧﺬﻳﻨﻲ ﻋﻨﺪﺝ ﻋﻠﻰ ﻣﺎ ﺍﻛﻤﻞ ﺍﺟﺮﺍﺋﺎﺕ ﺍﻟﻄﻼﻕ ﻭ ﺍﺳﺘﻘﺮ ﺍﺑﻴﺖ ﻟﻮﺣﺪﻱ ﺍﻧﻲ ﻭ ﺍﺑﻨﻲ
ﺭﻓﻊ ﻋﻴﻨﻪ ﻳﺒﺎﻭﻋﻠﻲ ﺑﺨﺰﺭﺓ : ﻋﻤﻪ ﻛﻠﻴﻠﻬﺎ ﺍﻧﺠﻮﻡ ﺍﻟﺴﻤﺎ ﺍﻗﺮﺑﻠﺞ
ﻋﻤﺘﻲ : ﺍﺭﺗﺎﺣﻲ ﺑﻨﺘﻲ ﻭ ﺍﺳﺘﻘﺮﻱ ﺍﺑﻴﺘﺞ ﻭ ﺍﻧﻲ ﻳﻤﺞ ﻭ ﻣﻦ ﺗﻜﻮﻣﻴﻦ ﺑﺎﻟﺴﻼﻣﻪ ﺍﻟﻠﻪ ﻛﺮﻳﻢ
- ﻋﻤﻪ ﻣﺎ ﺍﻛﺪﺭ ﺍﻋﻴﺶ ﻭﻳﺎ ﻫﺎﻟﻌﺎﺋﻠﻪ ﺑﻌﺪ ﻭ ﺍﺗﻘﺒﻠﻬﻢ، ﻋﻤﻲ ﻭ ﺭﺟﻠﻲ ﺍﻟﻠﻲ ﺭﻓﻀﻮﺍ ﻳﺮﺩﻭﻥ ﻋﻠﻴﻪ ﻭ ﺍﻧﻲ ﺑﻨﺺ ﺍﻟﻮﺟﻊ ﻭ ﻋﻤﺘﻲ ﻛﺮﺟﻴﻪ ﺗﻄﺮﺩ ﺑﻴﻪ ﺑﺎﻟﺒﺎﺏ
- ﻋﻤﺞ ﺗﻌﺎﺭﻛﺖ ﻭﻳﺎﻩ ﻭﺍﻟﻠﻪ ﻳﻜﻮﻝ ﻧﺎﻳﻢ ﻣﺎ ﺳﻤﻌﺖ ﺻﻮﺕ ﻣﻮﺑﺎﻳﻞ ، ﻭ ﺍﺟﺎﺝ ﻭ ﺍﻧﺖ ﺟﻨﺘﻲ ﻣﺘﺨﺮﺑﻄﺔ ﺑﺲ ﻣﺨﻠﺪ ﻛﺎﻟﻪ ﺭﻭﺡ ﺍﺭﺗﺎﺡ ﻳﺎﺑﻪ ﻣﺎ ﻋﻠﻴﻬﺎ ﺷﻲ
ﺑﺲ ﻛﺮﺟﻴﻪ ﻭ ﺍﻧﻲ ﻣﻨﺘﻈﺮﺓ ﺍﻭﺻﻠﺞ ﻟﻠﺒﻴﺖ ﻭ ﺍﻃﻠﻊ ﺍﺗﻌﺎﺭﻙ ﻭﻳﺎﻫﺎ ﻟﻬﺎﻟﻴﻬﻮﺩﻳﻪ
- ﺣﺸﻰ ﺍﻟﻴﻬﻮﺩ ﻣﻦ ﺍﻓﻌﺎﻟﻬﻢ ﻋﻤﻪ ، ﺣﺘﻰ ﺍﻟﻴﻬﻮﺩﻱ ﻟﻮ ﺷﺎﻑ ﻣﺮﺓ ﺗﻄﻠﻚ ﺍﻧﺴﺎﻧﻴﺘﻪ ﻣﺎ ﺗﺴﻤﺢ ﻳﺘﺮﻛﻬﺎ ﺍﻻ ﺑﻴﺖ ﻋﻤﻲ ﺍﺧﺘﺮﻗﻮﺍ ﻛﻞ ﻣﻌﺎﻟﻢ ﺍﻻﻧﺴﺎﻧﻴﻪ ﻭ ﻫﻴﻬﺎﺕ ﺍﺿﻞ ﻭﻳﺎﻫﻢ ﺑﻌﺪ ﻣﻮ ﺍﻧﻲ ﺍﻻﻧﺠﺒﺮ ﻋﻠﻰ ﺷﻜﻮﻟﻬﻢ
- ﺍﻧﻌﻞ ﺍﺑﻮﺝ ﻻﺑﻮ ﺷﻜﻮﻟﺞ ﺑﻨﺖ ﺍﻟﻜﻠﺐ ﺗﺮﻭﺣﻴﻦ ﻓﺪﻭﺓ ﺍﻟﻘﻨﺪﺭﺓ ﺍﻫﻠﻲ ﺗﺸﺮﻓﺞ ﻳﺎ ........ ﺧﻠﻴﻨﻲ ﺳﺎﻛﺖ ﻻ ﺍﻃﻠﻌﻴﻦ ﺍﻟﺴﺎﻧﻲ ﻳﺎ ﺳﺎﻗﻄﺔ
- ﺍﺳﻜﺖ ﻭ ﻻ ﺗﺤﺠﻲ ﻭ ﺍﻧﺘﻈﺮ ﻭ ﺷﻮﻑ ﺷﻠﻮﻥ ﺑﻨﻔﺴﻲ ﺍﺧﻠﻌﻚ ﻭ ﻣﺎ ﺍﺩﻭﺭﻙ ﻭﻛﺘﻬﺎ ﺧﻠﻲ ﺍﻣﻚ ﻭ ﺣﻘﺎﺭﺗﻬﺎ ﺗﻔﻴﺪﻙ
ﻭﻛﻒ ﺍﻟﺴﻴﺎﺭﺓ ، ﺍﺧﺘﻀﺖ ﺑﻴﻨﺎ ﻋﻤﺘﻲ ﻟﺰﻣﺘﻪ : ﺍﺳﻜﺖ ﻣﺨﻠﺪ ﻭ ﻭﺻﻠﻨﺎ ﻋﻠﻰ ﺧﻴﺮ
- ﻋﻮﻓﻴﻨﻲ ﺧﻞ ﺃﺩﺑﻬﺎ ﺩﺍ ﺍﺷﻮﻑ ﺷﻠﻮﻥ ﺗﻔﻚ ﺣﻠﻜﻬﺎ
- ﺍﻟﻤﺮﺓ ﺗﻮﻫﺎ ﻭﺍﻟﺪﻩ ﻳﺎ ﻣﻬﻠﺪ ﺍﺳﻜﺖ ﻋﻤﻠﺘﻜﻢ ﻭﻳﺎﻫﺎ ﻣﺎ ﺗﻨﺤﺠﻲ ﻭ ﺗﺮﻳﺪ ﺗﻀﺮﺑﻬﺎ ﻭ ﻫﻲ ﻧﻔﺴﻪ ﻋﻮﻓﻬﺎ ﻻ ﻭﺍﻟﻠﻪ ﻫﺴﻪ ﺍﻧﺰﻟﻬﺎ ﻣﻦ ﺳﻴﺎﺭﺗﻚ ﻭ ﺍﺧﺬﻫﺎ ﻟﺒﻴﺘﻲ
- ﻣﻦ ﻋﻤﺎﻳﻠﻬﺎ ﻭ ﺍﻧﻲ ﻛﻠﺘﻠﻬﺎ ﺍﺫﻟﻬﺎ ﻭ ﺍﻛﺴﺮ ﻋﻴﻨﻬﺎ ﻭ ﺍﻻ ﺍﺧﻠﻴﻬﺎ ﻫﻲ ﻭ ﺍﻟﻤﺎﻳﺴﻮﻯ ﺳﻮﻯ .. ﻭ ﺗﺤﻠﻢ ﺑﻄﻼﻙ ﻭ ﻛﻞ ﺍﺣﺘﺮﺍﻡ ﻣﺎ ﺍﻟﻬﺎ
- ﻫﺎﻱ ﺍﺣﻼﻣﻚ ﺍﻟﻬﺎ، ﻭ ﻋﺴﺶ ﻭ ﺷﻮﻑ ﺷﻠﻮﻥ ﺍﻫﺪﻣﻠﻚ ﺍﺣﻼﻣﻚ
ﺍﻧﺘﻔﺾ ﻣﻦ ﻣﻜﺎﻧﻪ ﻭﻛﻒ ﺍﻟﺴﻴﺎﺭﺓ ﻭ ﻧﺰﻝ ﻓﺘﺢ ﺑﺎﺏ ﺍﻟﺴﻴﺎﺭﺓ ﻭ ﻟﺰﻣﻨﻲ ﻣﺰ ﺷﻌﺮﻱ، ﻭ ﻋﻤﺘﻲ ﻧﺰﻟﺖ ﺗﺘﻌﺎﺭﻙ ﻭﻳﺎﻩ ﻭ ﻫﻮ ﻳﺼﻴﺢ
......
ﺷﺎﻑ ﺍﻛﻮ ﺳﻴﺎﺭﺍﺕ ﺗﺒﺎﻭﻉ ﻋﻠﻴﻪ، ﺻﻌﺪ ﻭ ﻛﻤﻞ ﺍﻟﻄﺮﻳﻖ ﻟﻠﺒﻴﺖ ، ﻭﺻﻠﻨﺎ ﻭ ﻣﺎ ﻧﺰﻝ
ﺑﻘﺖ ﻋﻤﺘﻲ ﻓﺮﺷﺘﻠﻲ ﺑﻐﺮﻓﺘﻲ ﻭ ﺳﻮﺗﻠﻲ ﺍﻛﻞ ﻭﻛﻠﺘﻨﻲ ﻭ ﺳﺎﻋﺪﺗﻨﻲ ﺑﺮﺿﺎﻋﺔ ﺍﻟﻄﻔﻞ
ﻛﻞ ﻫﺬﺍ ﻭ ﻫﻲ ﺗﺤﺠﻲ ﻭ ﺗﻨﺼﺢ : ﺻﺎﺭ ﻋﻨﺪﺝ ﻃﻔﻞ ﻭ ﺍﺗﺤﻤﻠﻲ ﻭ ﺍﺻﺒﺮﻱ ﻭ ﺷﺘﺴﻮﻳﻦ ﻭ ﺍﻟﺼﺎﺭ ﻣﻮ ﺳﻬﻞ ﻭ ﺻﻌﺐ ﻋﻠﻰ ﺍﻟﺮﺟﺎﻝ ﻳﺘﺤﻤﻞ
ﻋﺪﻳﺖ ﻭ ﺗﺤﻤﻠﺖ ﻭ ﺑﻘﺖ ﻋﻤﺘﻲ ﻭﻳﺎﻳﻪ ﻳﻮﻣﻴﻦ ﻟﺤﺪ ﻣﺎ ﺗﻌﺎﻓﻴﺖ ﻭ ﻛﻤﺖ ﺍﻛﺪﺭ ﺍﻛﻮﻡ ﻟﻨﻔﺴﻲ ﻟﻮ ﻷﺑﻨﻲ
ﻣﺎﻣﺎ ﻣﺎ ﺗﺮﻛﺘﻨﻲ ﻛﻞ ﺍﻟﻮﻗﺖ ﻭﻳﺎﻳﻪ ﺻﻮﺕ ﻭﺻﻮﺭﺓ ﻧﺤﺠﻲ ﺑﺲ ﻣﻦ ﻳﺠﻲ ﻣﺨﻠﺪ ﺍﻗﻔﻞ ﺍﻟﺨﻂ ، ﺍﻓﺮﺵ ﺍﻧﻲ ﺑﺎﻟﻜﺎﻉ ﻭ ﺍﺑﻨﻲ ﺑﻤﻬﺪﻩ ﻭ ﻫﻮ ﻋﻠﻰ ﺍﻟﺴﺮﻳﺮ
ﻭﻟﻬﺴﻪ ﻣﺎ ﻟﺰﻡ ﺍﻟﻄﻔﻞ ﻭﻻ ﺍﺧﺬﻩ ﺑﺤﻈﻨﻪ ﻛﺎﺵ ﻣﻨﻪ ﻭ ﻣﻨﻲ ﻭ ﻛﻮﻩ ﻣﺘﺤﻤﻠﻨﻪ، ﻻ ﻫﻮ ﺭﺍﺿﻲ ﻳﻄﻠﻚ ﻭﻳﺨﻠﻴﻨﻲ ﺍﺭﻭﺡ ﺍﺩﺑﺮ ﻧﻔﺴﻲ ﻭﻻ ﻫﻮ ﻳﺴﺎﻣﺢ ﻭﻳﻌﺪﻱ
ﻛﻠﺖ ﻳﻬﺪﺃ ﻣﻦ ﻳﻮﻡ ﻣﻦ ﻳﻮﻣﻴﻦ ﺑﺲ ﺍﺑﺪ ﻣﺎ ﺭﺿﻰ، ﻗﺎﺭﺑﺖ ﺍﻭﺻﻞ ﻟﻸﺭﺑﻌﻴﻦ ﻭ ﻫﻮ ﻣﺎ ﻳﺤﺠﻲ ﻭﻳﺎﻳﻪ، ﻳﻄﻠﻊ ﺍﻟﺼﺒﺢ ﻳﺮﺟﻊ ﺑﺎﻟﻠﻴﻞ ﻭ ﻣﺴﻮﻱ ﺍﻟﺒﻴﺖ ﻓﻨﺪﻕ
ﻛﻌﺪﺕ ﻣﺮﺓ ﺑﺎﻟﻠﻴﻞ ﺩﺍ ﺍﻏﺴﻞ ﺍﻟﻤﻤﻴﺔ ﻣﺎﻝ ﺭﺿﺎ ، ﻟﻜﻴﺖ ﻣﺨﻠﺪ ﻛﺎﻋﺪ ﺑﺎﻟﻤﻄﺒﺦ ﻭ ﻣﺨﻠﻲ ﻭﺟﻬﻪ ﺑﻴﻦ ﺍﺩﻳﻪ ، ﻣﻦ ﻓﺘﺖ ﻓﺰ ﺑﺎﻭﻉ ﻭﺭﺟﻊ ﻟﻮﺿﻌﻪ
ﻏﺴﻠﺖ ﺍﻟﻤﻤﻴﺔ ﻭ ﻫﻮ ﻋﻠﻰ ﻧﻔﺲ ﻛﻌﺪﺗﻪ، ﺗﺮﻛﺖ ﺍﻟﻤﻤﻴﻪ، ﻭ ﺗﻘﺮﺑﺖ ﻣﻨﻪ، ﻣﺪﻳﺖ ﺍﺩﻳﻪ ﻋﻠﻰ ﺻﺪﺭﻩ ﻭ ﺣﻈﻨﺘﻪ ﻭ ﻫﻮ ﻛﺎﻋﺪ ﻭ ﺧﻠﻴﺖ ﺭﺍﺳﻲ ﻳﻢ ﺭﻛﺒﺘﻪ ﻭ ﺻﺮﺕ ﺍﻫﻤﺲ
-: ﺻﺎﺭﻟﻨﺎ ﺷﻬﺮﻳﻦ ﻭ ﺍﺣﻨﺎ ﺑﻌﻴﺪﻳﻦ ﻋﻦ ﺑﻌﺾ، ﻻ ﺗﻨﻜﺮ ﺍﻧﺖ ﻣﺎ ﻣﺮﺗﺎﺡ ﺑﺪﻭﻧﻲ ﻭﻻ ﺍﻧﻲ ﻣﺮﺗﺎﺣﻪ ﺑﺰﻋﻠﻚ
ﺑﺴﺘﻪ ﺑﺮﻛﺒﺘﻪ : ﻣﺴﺘﻌﺪﻩ ﻛﻮﻟﺸﻲ ﺍﺳﻮﻱ ﺑﺲ ﻧﺮﺟﻊ ﻟﺒﻌﺾ ﻣﺜﻞ ﻗﺒﻞ ، ﻭ ﺗﺮﺟﻊ ﺗﻠﻤﻨﻲ ﺑﺄﺩﻳﻚ ﻭ ﺗﻀﻴﻌﻨﻲ ﺑﺴﺤﺮﻙ
ﻭﺧﺮ ﺍﺩﻳﻪ ﻣﻦ ﺻﺪﺭﺓ ﻭ ﻛﺎﻡ، ﻟﺰﻣﺖ ﻗﻤﻴﺼﻪ : ﻛﺎﻓﻲ ﻣﺨﻠﺪ ﻛﺎﻓﻲ ﺗﺤﺎﺳﺒﻨﻲ ﻋﻠﻰ ﺫﻧﺐ ﻣﺎ ﺳﻮﻳﺘﻪ ﺑﺄﺭﺍﺩﺗﻲ، ﻭ ﺍﻟﻠﻪ ﻟﻮ ﺟﻨﺖ ﺭﺍﺿﻴﺔ ﻓﻼ ﺍﻟﻮﻣﻚ ﺑﺲ ﺍﻧﻲ ﺿﺤﻴﺔ ﻭ ﺩﻓﻌﺖ ﺛﻤﻦ ﻏﺒﺎﺋﻲ ﺑﺤﺐ ﻣﺎﻟﻚ ﻭ ﻟﻠﻴﻮﻡ ﺩﺍ ﺗﺨﺴﺮ ﻭ ﺍﺩﻓﻊ ﻣﺎ ﺍﺭﻳﺪ ﺍﺧﺴﺮﻙ
- ﺍﻧﺖ ﺑﺎﻟﻨﺴﺒﻪ ﺍﻟﻴﻪ ﺍﻧﺘﻬﻴﺘﻲ ﺍﻧﺖ ﻫﻨﺎ ﺣﺘﻰ ﺍﺯﻳﺪ ﺑﻜﺮﻫﻲ ﺍﻟﺞ ﺑﺲ ﻣﺎ ﺣﺎﺳﺒﺞ ﻣﺮﻩ ﻭ ﺍﺣﺒﺞ
- ﻣﺘﻘﻨﻌﻨﻲ ﺑﻬﺎﻟﻜﻼﻡ ﻣﺨﻠﺪ ﺍﻋﺮﻓﻚ ﻭ ﺍﻋﺮﻑ ﻛﻞ ﺗﻔﻜﻴﺮﻙ ﻣﺴﺘﺤﻴﻞ ﺗﻜﺮﻫﻨﻲ ﻭﻻ ﻋﻨﺪﻙ ﻧﻴﻪ ﻟﻬﺎﻟﻤﻮﺿﻮﻉ ﺍﻧﺖ ﺑﺲ ﺗﺮﻳﺪ ﺗﻨﺴﻰ ﻭ ﻣﺪﺍ ﺗﻨﺴﻰ ، ﺧﻠﻴﻨﺎ ﻧﺮﺟﻊ ﻭ ﻧﻨﺴﻰ ﻛﻠﺸﻲ ﻓﺎﺕ
ﻧﺰﻝ ﺍﺩﻳﻪ ﻣﻦ ﻗﻤﻴﺼﻪ ﻭ ﻣﺸﻰ ﻣﺎ ﺍﻫﺘﻤﻠﻲ، ﺗﻨﻬﺪﺕ ﺑﺘﻌﺐ، ﺷﺴﻮﻱ ﺑﻌﺪ ﺗﻌﺒﺖ ﻭ ﺍﻧﻲ ﺍﻧﺘﻈﺮﺓ ﻳﻨﺴﻰ ﺍﻃﻠﻚ ﻭ ﺍﺭﻭﺡ ﻣﺎ ﺍﻛﺪﺭ ﻭ ﻫﺬﺍ ﺍﺑﻨﻲ ﺑﻴﻨﺎﺗﻨﺎ ، ﺍﺑﻘﻰ ﺍﺗﺤﻤﻞ ﻣﺎ ﻋﺪﺕ ﺍﺻﺒﺮ ﻭ ﺣﺎﻳﺮﺓ ﺷﻠﻮﻥ ﻳﻨﺤﻞ ﻫﺎﻟﻤﻮﺿﻮﻉ
ﺑﻘﻴﺖ ﺍﺑﺠﻲ ﺑﺎﻟﻤﻄﺒﺦ، ﺳﻤﻌﺖ ﺍﻟﻄﻔﻞ ﻳﺒﺠﻲ ﺭﺣﺖ ﺍﺧﺬﺗﻪ ﺑﺤﻈﻨﻲ ﺍﺭﺿﻌﻪ ﻭ ﺍﺑﺠﻲ ﻫﻮ ﺣﺲ ﻭ ﺑﻘﻰ ﻳﺘﮕﻠﺐ ﺑﻔﺮﺍﺷﻪ
ﺍﻟﻰ ﺍﻥ ﻧﻮﻣﺖ ﺍﻟﻄﻔﻞ ، ﻭ ﻣﺎ ﻧﻤﺖ ﺑﺎﻟﻜﺎﻉ ﺭﺣﺖ ﻧﻤﺖ ﻉ ﺍﻟﺴﺮﻳﺮ ﻣﻦ ﺍﻟﺠﻬﻪ ﺍﻟﺜﺎﻧﻴﺔ، ﺑﻘﻰ ﻫﻮ ﺩﺍﻓﻦ ﺭﺍﺳﻪ ﺑﺎﻟﻤﺨﺪﺓ ﻣﺎ ﺣﺠﻪ
ﺛﺎﻧﻲ ﻳﻮﻡ ﺟﺎﻥ ﺍﻷﺭﺑﻌﻴﻦ ﻣﺎﻝ ﻃﻔﻠﻲ، ﺳﺒﺤﺘﻪ ﻭ ﻋﻄﺮﺗﻪ ﻭ ﺍﻧﻲ ﺭﺗﺒﺖ ﻧﻔﺴﻲ ﻭ ﺷﺴﻮﺭﺕ ﺷﻌﺮﻱ ﻭ ﻧﺰﻟﺘﻪ ﻭ ﻟﺒﺴﺖ ﻛﻴﻤﻮﻧﻪ ﺳﻮﺩﺍ ﻭ ﺷﻮﺭﺕ ﻛﺎﺑﻮﻱ ﻭ ﺑﻘﻴﺖ ﺍﺗﻤﻜﻴﺞ ﻭ ﺍﺩﻟﻞ ﺑﺮﻭﺣﻲ ﻋﺎﺩ ﻣﻨﻮ ﻳﺴﻮﻯ ﻏﻴﺮ ﻧﻔﺴﻲ ﺍﻫﺘﻢ ﺑﻴﻬﺎ
ﺟﻨﺖ ﻓﺎﺗﺤﻪ ﺍﺩﻳﻨﺎﺕ ﺭﺿﺎ ﻭ ﻣﺨﻠﻴﺘﻪ ﻣﺤﻠﻞ ﻉ ﺍﻟﺴﺮﻳﺮ ﻭ ﻳﻼﻋﺐ ﻟﻮﺣﺪﻩ ، ﻭ ﺍﻧﻲ ﻭﺍﻛﻔﻪ ﻋﻠﻰ ﺍﻟﻤﺮﺍﻳﺎ
.....
ﻓﺎﺕ ﻣﺨﻠﺪ، ﺍﻟﺘﻔﺘﺘﻠﻪ ﺑﺎﻭﻋﻠﻲ ﻭ ﺭﺍﺡ ﻛﻌﺪ ﻉ ﺍﻟﺴﺮﻳﺮ ﺍﺧﺬ ﺍﻟﺮﻳﻤﻮﺕ ﻭ ﻳﺒﺎﻭﻉ ﺑﺎﻟﺘﻠﻔﺰﻳﻮﻥ
ﺍﻟﺘﻠﻔﺰﻳﻮﻥ ﻳﺼﻴﺮ ﺑﺼﻒ ﻣﻴﺰ ﺍﻟﺘﻮﺍﻟﻴﺖ ﻣﻦ ﺍﺑﺎﻭﻋﻠﻪ ﺍﻟﻜﺎﻩ ﻋﻴﻨﻪ ﻋﻠﻰ ﻃﻮﻟﻲ ﻣﻮ ﺑﺎﻟﺘﻠﻔﺰﻳﻮﻥ ﻣﻦ ﻳﺤﺲ ﺍﻧﻲ ﺑﺎﻭﻋﺖ ﻳﺮﺟﻊ ﻟﻠﺘﻠﻔﺰﻳﻮﻥ
ﺑﺠﻰ ﺍﻟﻄﻔﻞ ﻳﺮﻳﺪ ﻳﻨﺎﻡ، ﺻﺤﺖ : ﻫﺴﻪ ﻣﺎﻣﺎﺗﻲ ﻫﺴﻪ ﻛﻤﻠﺖ ﺑﺲ ﺷﻮﻳﻪ
ﺍﻧﺘﺒﻬﺖ ﻟﻤﺨﻠﺪ ﺟﺮ ﻣﻠﺤﻒ ﺍﻟﻄﻔﻞ ﻭ ﺿﺤﻜﻠﻪ ﻭ ﻳﻜﻮﻟﻪ : ﻟﻴﺶ ﻳﺒﺠﻲ ﻟﻴﺶ
- ﺷﻴﻠﻪ ﺑﺲ ﺍﻛﻤﻞ ﻋﻔﻴﺔ
ﺗﻨﻬﺪ ﻭ ﻣﺎ ﺑﺎﻭﻋﻠﻲ ﻣﻦ ﺣﺠﻴﺖ، ﺍﺧﺬﻩ ﻭ ﺷﺎﻟﻪ ﺑﺤﻈﻨﻪ ﻭ ﻳﺒﻮﺱ ﺑﻴﻪ ﻭ ﻳﻬﺪﻱ، ﺷﻤﺮﺕ ﺷﻌﺮﻱ ﻭ ﺭﺷﻴﺖ ﻋﻄﺮ ﺷﻮﻳﻪ ﻭ ﻭﻛﻔﺖ ﺍﺳﻮﻱ ﻣﻤﻴﺔ
ﺍﻧﺪﺭﺕ ﺍﺧﺾ ﺑﺎﻟﻤﻤﺔ ﻭ ﻛﻠﺖ ﻟﻪ : ﻧﻮﻣﻪ ﺑﻔﺮﺍﺷﻪ ﺩﺍ ﺍﺭﺿﻌﻪ
ﻭﺩﺍﻩ ﻟﻠﻜﺎﺭﻭﻙ ﺧﻼﻩ ﻭ ﻭﻛﻔﺖ ﺧﻠﻴﺖ ﺍﻟﻤﻤﻪ ﺑﺤﻠﻜﻪ : ﻟﻴﺶ ﻣﺎ ﺗﺸﻴﻠﻲ ﻭ ﺗﺮﺿﻌﻲ ﻟﻴﺶ ﻧﺎﻳﻢ
ﺣﺠﺎﻫﺎ ﻭ ﻫﻮ ﻳﺨﻠﻲ ﺍﻳﺪﻩ ﻋﻠﻰ ﻇﻬﺮﻱ ﻳﺘﻠﻤﺲ ، ﺍﺑﺘﺴﻤﺖ : ﻣﻴﺼﻴﺮ ﻳﺘﻌﻮﺩ ﻉ ﺍﻟﺤﻈﻦ ﻭﻳﺼﻴﺮ ﻣﺰﻋﺞ ﺍﻟﻄﺮﻳﻘﺔ ﺻﺤﻴﺤﻪ ،ﻳﻜﻤﻞ ﺭﺿﺎﻋﺘﻪ ﻭ ﻳﻨﺎﻡ
- ﻫﺎﺍﺍ
ﺩﻧﻜﺖ ﻟﻠﻄﻔﻞ ﺑﺤﺠﺔ ﺍﺭﺿﻌﻪ ﻭ ﻛﻤﺖ ﺍﺣﺸﺮ ﻧﻔﺴﻲ ﺑﻴﻪ ﻭ ﺍﺗﺤﺎﺭﺵ ﻫﻮ ﻭﺍﻛﻒ ﻋﻮﺩ ﺩﻳﺒﺎﻭﻉ ﺍﺷﻮﻥ ﺍﺭﺿﻌﻪ ، ﺿﻞ ﻳﻤﺪ ﺍﻳﺪﻩ ﻋﻠﻴﻪ ﻳﺘﻠﻤﺲ ﻟﻮ ﻳﻮﺧﺮ ﺑﺸﻌﺮﻱ ﻣﻦ ﻇﻬﺮﻱ ﻭ ﻳﻠﻌﺐ ﺑﻴﻪ ﻻﻥ ﻧﺎﻋﻢ ﻭ ﻣﻔﻠﻮﻝ
ﺧﻠﺺ ﺍﻟﻄﻔﻞ ﺍﻟﻤﻤﻴﺔ : ﻫﺎ ﺧﻠﺺ
ﺣﺠﺎﻫﺎ ﻭ ﻫﻮ ﻳﺤﻂ ﺍﻳﺪﻩ ﻋﻠﻰ ﺧﺼﺮﻱ ﻭ ﻳﻘﺮﺑﻨﻲ ﺍﻟﻪ
ﺍﻟﺘﻔﺘﺖ ﺍﻟﻪ : ﺷﻜﻮ
ﺗﻨﻬﺪ ﻭﻣﺴﺢ ﻭﺟﻬﻪ ﺑﺎﺭﺗﺒﺎﻙ : ﻻ ﻣﺎﻛﻮ ﺷﻲ ﻫﻴﺞ ﺩﺍ ﺍﺳﺄﻝ ﻛﻤﻠﻲ
ﺍﻧﺰﻋﺞ ﺍﺑﺘﻌﺪ ﻣﻦ ﺣﺲ ﺩﺍ ﺍﺗﻤﻠﻌﺐ ﻋﻠﻴﻪ
ﺷﻠﺖ ﺍﻟﻄﻔﻞ ﺧﻠﻴﺘﻪ ﻋﻠﻰ ﺻﺪﺭﻱ ﻭﺭﺍﺳﻲ ﻋﻠﻰ ﺟﺘﻔﻲ ﻭ ﺍﺩﻛﺪﻛﻠﻪ ﺣﺘﻰ ﻳﻨﺰﻝ ﺍﻟﺤﻠﻴﺐ ﻣﻴﺘﻘﻴﺊ، ﺗﻘﺮﺑﺖ ﻣﻨﻪ ﺍﻧﻄﻴﺘﻪ ﻇﻬﺮﻱ ﻭ ﻛﻠﺘﻠﻪ : ﺑﺎﻋﻪ ﺍﺷﻮﻥ ﻧﺎﻳﻢ ﻛﺄﻧﻪ ﻣﻼﻙ
ﺗﻘﺮﺏ ﻣﻨﻲ ﻟﻒ ﺍﻳﺪﻩ ﻋﻠﻰ ﺑﻄﻨﻲ ﻭ ﻫﻮ ﻳﺤﻈﻨﻲ ﻭ ﺩﻧﻚ ﻳﺒﻮﺱ ﺭﺍﺱ ﺍﻟﻄﻔﻞ ﻭ ﺑﺎﺱ ﺍﺫﻧﻲ ﻭ ﻫﻮ ﻳﻬﻤﺲ : ﻧﻮﻣﻲ ﻋﺎﺩ
ﺿﺤﻜﺖ ﻭ ﺭﺟﻌﺖ ﺍﻟﻄﻔﻞ ﻟﻤﻬﺪﻩ ، ﺳﺤﺒﻨﻲ ﻟﺤﻈﻨﻪ ﺣﻴﻞ ﻣﺜﻞ ﺍﻟﻤﺠﻨﻮﻥ ﻳﺘﻨﻔﺴﻨﻲ ﻭ ﻳﺒﻮﺱ ﺑﻴﻪ
ﻣﺎ ﺍﻧﻜﺮ ﺟﻨﺖ ﻣﺸﺘﺎﻗﺘﻠﻪ ﻛﻠﺶ ﻫﻮﺍﻳﻪ ﻭ ﻓﺮﺣﺖ ﺣﻴﻞ ﻟﻤﺎ ﺍﻧﺘﻬﻰ ﺯﻋﻠﻨﺎ ﻭ ﺗﺼﺎﻟﺤﻨﺎ .
ﻛﻌﺪﺕ ﺍﻟﺼﺒﺢ ﻫﻮ ﻣﺎﺧﺬ ﺍﺟﺎﺯﺓ ﻣﺎ ﺭﺍﻳﺢ ﻟﻠﺪﻭﺍﻡ ، ﺭﺣﺖ ﻟﻠﻤﻄﺒﺦ ﺍﺳﻮﻱ ﺍﻷﻛﻞ ﻭ ﻫﻮ ﻛﻌﺪ ﻳﻤﻲ ، ﺑﺲ ﻣﺎ ﺣﺠﺎ ﻭﻻ ﻛﻠﻤﻪ ﻳﻠﻌﺐ ﺑﻤﻮﺑﺎﻳﻠﻪ
ﺳﻤﻊ ﺻﻮﺕ ﺍﻟﻄﻔﻞ ﺭﺍﺡ ﺟﺎﺑﻪ ﻭ ﺍﺟﺎ ﻳﻠﻌﺐ ﻭﻳﺎﻩ
ﺣﺠﻴﺖ : ﺍﻟﻈﺎﻫﺮ ﺟﺎﻥ ﺍﻟﺰﻋﻞ ﻣﺎﻧﻌﻚ ﻣﻦ ﺍﻟﻄﻔﻞ، ﺍﺷﻮﻓﻚ ﻣﺎ ﻓﺎﺭﻛﺘﻪ ﻣﻦ ﺍﻟﺒﺎﺭﺣﺔ
ﻣﺎ ﺟﺎﻭﺑﻨﻲ
ﺗﻘﺮﺑﺖ ﺳﻨﺪﺕ ﺍﻳﺪﻱ ﻉ ﺍﻟﻄﺎﻭﻟﻪ ﻭ ﺍﻧﻲ ﺍﺑﺎﻭﻋﻪ ﺍﺷﻮﻥ ﻳﻠﻌﺐ ﻭﻳﺎﻩ ﻭ ﻳﻨﺎﻏﻴﻠﻪ ﻭ ﺍﺑﺘﺴﻢ، ﺗﻘﺮﺑﺖ ﺑﺴﺖ ﺍﻟﻄﻔﻞ ﺑﺤﻈﻨﻪ ﻭ ﺑﺴﺖ ﺧﺪﻩ
ﻫﺰ ﺭﺍﺳﻪ : ﻛﻤﻠﻲ ﺍﻻﻛﻞ ﻳﻼ ﻟﻴﺒﺠﻲ ﺍﻟﻄﻔﻞ
- ﺍﺭﻭﺡ ﺍﺳﻮﻳﻠﻪ ﻣﻤﻪ
- ﻭﻟﻴﺶ ﺧﻠﻴﺘﻴﻪ ﻋﻠﻰ ﻣﻤﻪ ﻟﻴﺶ ﻣﻮ ﻋﻠﻰ ﺻﺪﺭﺝ
- ﻣﺎ ﺍﺭﻳﺪ ﻳﺮﺗﺒﻂ ﺑﻴﻪ، ﺍﻃﻠﻊ ﺍﺷﺘﻐﻞ ﻭ ﻫﻮ ﻋﻠﻰ ﺻﺪﺭﻱ
- ﻻﺯﻡ ﺣﻈﺮﺗﺞ ﻧﺎﻭﻳﻪ ﺗﺸﺘﻐﻠﻴﻦ
......
- ﺍﻱ ﻷﻥ ﻣﻠﻴﺖ ﻣﻦ ﺍﻟﺒﻴﺖ ﻣﺎ ﻋﺎﺩ ﺍﺗﺤﻤﻞ ﺍﻟﻮﺿﻊ ﻭ ﺣﺠﻴﺖ ﻭﻳﺎ ﺻﺪﻳﻖ ﺍﻟﻴﻪ ، ﺍﻛﻮ ﻗﻨﺎﺓ ﻣﺤﺘﺎﺟﺔ ﻣﻘﺪﻣﻴﻦ ﻭ ﻭﺟﻮﻩ ﺷﺎﺑﻪ
- ﻭ ﺍﺗﻔﻘﺘﻲ ﺑﻼ ﻣﺎ ﺍﻋﺮﻑ ؟
- ﻻ ﻟﺴﻪ ﻣﺘﻔﻘﺖ ﻣﺠﺮﺩ ﺣﺠﻲ ﻭ ﻧﻴﻪ ﻟﻠﺸﻐﻞ، ﻣﺒﻠﺸﺖ
- ﻣﻤﻨﻮﻉ ﺗﻨﺴﻴﻦ ﺍﻟﺸﻐﻞ ﻭ ﺍﻟﻄﻠﻌﺔ ﻛﺎﻓﻲ ﻋﻠﻴﺞ ﺗﺮﺑﻴﺔ ﺍﺑﻨﺞ
- ﻣﻠﻴﺖ ﻛﻠﺶ، ﻛﻠﺖ ﺍﺧﻠﻲ ﺍﻟﻄﻔﻞ ﺑﺤﻀﺎﻧﻪ ﺍﻭ ﻋﻨﺪ ﻣﺮﺕ ﻋﻤﻲ ﻛﺎﻟﺖ ﺍﺫﺍ ﺍﺷﺘﻐﻠﺘﻲ ﺧﻠﻲ ﻳﻤﻲ ﺑﺴﺎﻋﺎﺕ ﺷﻐﻠﺢ
- ﺣﻠﻮﻭﻭ ﻣﺮﺕ ﻋﻤﻲ ﺗﺪﺭﻱ ﻭ ﺷﻲ ﺍﻛﻴﺪ ﻋﻤﻲ ﻳﺪﺭﻱ ﺑﺲ ﺍﻧﻲ ﺍﻟﻠﻲ ﻧﺎﻳﻢ ﻭ ﺭﺟﻠﻴﻪ ﺑﺎﻟﺸﻤﺲ
- ﻟﻴﺶ ﺩﺍ ﺗﻜﺒﺮ ﺍﻟﻤﻮﺿﻮﻉ ﻛﻠﺖ ﻟﻚ ﻣﺠﺮﺩ ﻧﻴﻪ ﻣﺎ ﺑﻠﺸﺖ ﻭﻻ ﺍﺗﻔﻘﺖ ﻋﻠﻰ ﺷﻲ ﺣﺘﻰ ﺍﺑﻠﻐﻚ ﻭ ﺑﻌﺪﻳﻦ ﺍﻧﺖ ﺟﻨﺖ ﻣﺘﺤﺠﻲ ﻭﻳﺎﻳﻪ ﺷﻠﻮﻥ ﺍﺣﺠﻴﻠﻲ ﻋﻠﻰ ﻧﻴﺘﻲ ﺑﺎﻟﺸﻐﻞ
- ﺷﻐﻞ ﻭ ﻫﺎﻻﻣﻮﺭ ﺗﻨﺴﻴﻬﺎ
- ﺑﻜﻴﻔﻚ ﺣﻴﺎﺗﻲ ، ﺷﻐﻠﻪ ﻟﺦ ﺍﺭﻳﺪ ﺍﻛﻮﻟﻚ ﺑﻴﻬﺎ ، ﺍﻟﻤﻘﻬﻰ ﺍﺭﻳﺪ ﺍﺑﻴﻌﻪ
- ﻟﻴﺶ؟
- ﻣﺎ ﻋﺎﺟﺒﻨﻲ ﻫﺎﻟﺸﻐﻞ ﻭ ﻣﻤﺮﺗﺎﺣﻪ ﻟﻬﺎﻟﺴﺎﻟﻔﺔ ﺍﺑﺪ ، ﻛﻞ ﺍﻟﻠﻲ ﺩﺍ ﻳﺪﺧﻠﻲ ﻣﻦ ﺍﻟﻤﻘﻬﻰ ٣ ﻣﻠﻴﻮﻥ ﺷﻬﺮﻳﺎ ﻭ ﺍﻟﻤﻘﻬﻰ ﻭﺍﺭﺩﺍﺗﻪ ﺍﻛﺜﺮ ﻣﻦ ﻫﻴﺞ ﺑﻬﻮﺍﻳﻪ
- ﻳﻌﻨﻲ ﺩﺍ ﺍﺳﺘﻐﻠﺞ ﻟﻮ ﺷﻨﻮ
- ﻣﻮ ﻫﻴﺞ ﺣﻴﺎﺗﻲ ﺑﺲ ﺍﻧﻲ ﻣﺎ ﺣﺎﺑﻪ ﻫﺎﻟﺸﻐﻞ
- ﻣﺎﺯﻥ ﺩﻳﺸﺘﻐﻞ ﻭ ﺍﻟﻮﻟﺪ ﻋﻮﻓﻲ ﺍﻟﻤﻘﻬﻰ ﺳﺎﺗﺮ ﻋﻠﻴﻬﻢ
- ﻭ ﺷﻨﻮ ﺍﻧﻲ ﺍﺻﺮﻑ ﻋﻠﻴﻬﻢ ، ﻣﻦ ﺑﺎﺏ ﺍﻧﺖ ﻣﺮﻩ ﻭ ﻣﺎ ﺗﺸﺘﻐﻠﻴﻦ ﻭﻛﺎﻓﻲ ﻋﻠﻴﺞ ﺍﻟﺒﻴﺖ، ﻭ ﻣﻦ ﺑﺎﺏ ﻳﺮﺩﻭﻥ ﺍﻟﻤﺮﺓ ﺗﺼﺮﻑ ﻉ ﺍﻟﺮﻳﺎﺟﻴﻞ ﻭ ﻳﺸﺘﻐﻠﻮﻥ ﺑﺮﺍﺳﻬﺎ
ﺧﺰﺭﻧﻲ ﻭ ﻫﻮ ﻳﻜﻮﻝ : ﺍﻗﻔﻠﻲ ﻉ ﺍﻟﻤﻮﺿﻮﻉ ﻣﺎﻛﻮ ﺑﻴﻊ ﻭ ﻫﺎﺝ ﺍﺧﺬﻱ ﺍﺑﻨﺞ ﻧﻮﻣﻲ
ﻋﻔﺖ ﺍﻟﻤﻮﺿﻮﻉ ﻷﻥ ﻣﻮ ﻭﻗﺘﻪ، ﺍﺧﺬﺕ ﺍﻟﻄﻔﻞ ﻧﻮﻣﺘﻪ ﻭ ﺭﺟﻌﺖ ﺧﻠﻴﺖ ﺍﻷﻛﻞ ﻧﺎﻛﻞ، ﻫﻮ ﻳﺎﻛﻞ ﺑﻼ ﺻﻮﺕ ﺍﻭ ﻣﻨﺎﻗﺸﻪ
- ﺍﻟﺒﺎﺭﺣﻪ ﺟﻨﺖ ﻏﻴﺮ ﺷﻜﻞ ﺍﻟﻴﻮﻡ ﺷﻐﻴﺮﻙ
... ﻣﺎ ﺭﺩ
ﻋﻔﺖ ﺍﻷﻛﻞ ﻭ ﺍﺑﺘﺴﻤﺖ ﻟﻪ : ﺻﺪﻙ ﻟﻮ ﻛﺎﻟﻮ ﺍﻟﺮﺟﺎﻝ ﻳﺤﺐ ﺑﻌﻴﻮﻧﻪ ﻣﻮ ﺑﺄﺫﻧﻪ ﻣﺎ ﺗﻐﺮﻳﻪ ﺍﻟﻌﻮﺍﻃﻒ
ﻟﻤﺎ ﺍﺟﻴﺖ ﻭ ﺣﻀﻨﺘﻚ ﻭ ﻛﻠﺘﻠﻚ ﻣﺸﺘﺎﻗﺘﻠﻚ ﺭﻓﻀﺘﻨﻲ ﻭﻻ ﺍﻋﺘﺮﻓﺖ ﺑﻴﻪ، ﺑﺲ ﻟﻤﺎ ﺗﺤﻈﺮﺕ ﻭ ﻟﺒﺴﺖ ﻣﺪﻟﻊ ﻭ ﻛﻌﺪﺕ ﺍﻏﺮﻳﻚ ﺍﺟﻴﺖ ﺭﻛﺾ ﻷﻥ ﺍﻟﺴﺎﻟﻔﻪ ﺗﺨﺺ ﻏﺮﻳﺰﺗﻚ ﻭ ﺭﻏﺒﺎﺗﻚ
- ﻫﺴﻪ ﺍﻟﺮﺍﻳﺪﺗﻪ ﺷﻨﻮ ﻧﺮﺟﻊ ﻣﺜﻞ ﻗﺒﻞ ؟
- ﻣﻮ ﻗﺒﻞ، ﻣﺜﻞ ﺍﻟﺒﺎﺭﺣﻪ
ﺗﻨﻬﺪ، ﻛﺎﻡ ﻣﻦ ﺍﻷﻛﻞ : ﺍﺭﻭﺡ ﺍﺷﻮﻑ ﺍﻫﻠﻲ ﺳﺎﻋﻪ ﻭ ﺍﺭﺟﻊ
- ﺷﺘﺴﻮﻱ ﺑﺎﻫﻠﻚ ﺧﻠﻴﻚ ﻭﻳﺎﻳﻪ
- ﺍﺭﺟﻊ ﺍﺭﻳﺪ ﺍﻟﻤﺮﺓ ﺍﻟﺸﻔﺘﻬﺎ ﺍﻟﺒﺎﺭﺣﻪ ﻛﺒﺎﻟﻲ ﺣﺘﻰ ﺍﺭﺟﻊ ﺍﺻﻴﺮ ﻣﺜﻞ ﺍﻟﺒﺎﺭﺣﻪ ﺍﻋﺠﺒﺞ
ﻟﻔﻴﺖ ﺍﺩﻳﻪ ﻋﻠﻰ ﺭﻛﺒﺘﻪ : ﺗﺤﺒﻨﻲ
ﻧﺰﻝ ﺍﺩﻳﻪ : ﺳﺎﻋﻪ ﻭ ﺍﺟﻲ ﻣﺎ ﺍﻃﻮﻝ
ﺍﻟﺼﺮﺍﺣﻪ ﺗﻀﻴﻘﺖ ﻣﻦ ﻛﺒﺮﻳﺎﺋﺔ ﺍﻟﺰﺍﻳﺪ ، ﻻ ﻣﻜﻴﺠﺖ ﻭﻻ ﻟﺒﺴﺖ ﺑﻘﻴﺖ ﻋﻠﻰ ﻭﺿﻌﻲ ﺑﺲ ﺍﻧﻈﻒ، ﺷﻮﻳﻪ ﻭ ﺭﺟﻊ
.......
ﺑﺎﻭﻋﻠﻲ ﻣﻤﺒﺪﻟﻪ، ﺳﻮﺍ ﺣﺮﻛﻪ ﺑﺤﻠﻜﻪ ﻭ ﻓﺎﺕ
ﻛﻤﻠﺖ ﺷﻐﻠﻲ ﻭ ﺭﺣﺖ ﻳﻤﻪ : ﺍﻟﺠﻬﺎﻝ ﻟﻴﺶ ﻣﺘﺠﻴﺒﻬﻢ ؟
.. ﻣﺎ ﺟﺎﻭﺏ
- ﺷﺒﻴﻚ ﻣﻮ ﺍﺣﺠﻲ ﻭﻳﺎﻙ
- ﺑﺲ ﺍﻧﻲ ﻣﺎ ﻋﺎﺟﺒﻨﻲ ﺍﺣﺠﻲ ﻭﻳﺎﺝ
ﺻﻔﻨﺖ ﺑﻴﻪ ﺑﺘﻌﺠﺐ : ﺍﻱ ﻻ ﺗﺤﺠﻲ ﻓﺪ ﻗﻀﻴﺔ ﻳﻌﻨﻲ
ﻋﻔﺘﻪ ﻭﺭﺣﺖ ﻟﻠﻐﺮﻓﺔ ﻋﻠﻰ ﻣﻮﺑﺎﻳﻠﻲ، ﺷﻮﻳﻪ ﻭ ﺍﺟﺎ ﻫﻮ ﺗﻤﺪﺩ ﻭﻳﺎﻱ
- ﺻﺎﻳﺮ ﺗﺠﻴﻠﻲ ﺑﺲ ﻭﻗﺖ ﺭﻏﺒﺘﻚ
- ﺷﻨﻮ ﺗﻜﺪﺭﻳﻦ ﺗﻘﺪﻣﻴﻠﻲ ﺍﻛﺜﺮ ﻣﻦ ﺭﻏﺒﻪ
- ﺍﻗﺪﻣﻠﻚ !! ﻣﻮ ﺍﻧﺖ ﺍﻟﻠﻲ ﺟﻨﺖ ﻣﺠﻨﻮﻥ ﺑﻴﻪ ﻭ ﺗﺮﻳﺪﻧﻲ ﺣﺘﻰ ﻟﻮ ﺑﺪﻭﻥ ﻣﻘﺎﺑﻞ ﺑﺲ ﻳﻜﻔﻴﻚ ﻭﺟﻮﺩﻱ ﻳﻤﻚ
- ﺟﻨﺖ ، ﻭ ﺍﻟﻴﻮﻡ ﺻﺮﺕ ﻫﻴﺞ
- ﺑﺮﻭﺩﻙ ﺩﺍ ﻳﻀﺎﻳﻘﻨﻲ ، ﻭ ﺧﻞ ﺍﺑﺎﻟﻚ ﻓﻜﺮﺓ ﺍﺫﺍ ﺗﻌﺘﺒﺮﻧﻲ ﻣﺸﺎﻛﻪ ﺍﻧﺖ ﺩﺍ ﺗﺨﻮﻧﻲ ﺗﻜﻮﻥ ﻏﻠﻄﺎﻥ، ﺍﻧﻲ ﻭﺍﺛﻘﻪ ﻣﻨﺘﻈﺮﺓ ﺍﻟﺰﻡ ﺷﻲﺀ ﺑﺄﻳﺪﻱ ﺣﺘﻰ ﻭﻛﺘﻬﺎ ﺍﺗﺼﺮﻑ
- ﺷﺘﺴﻮﻳﻦ
- ﻭﻛﺘﻬﺎ ﻣﻦ ﺍﺳﻮﻱ، ﺭﺍﺡ ﺗﻌﺮﻑ
- ﻫﺎﺍ
ﺣﺠﺎﻫﺎ ﻭ ﺍﺗﻘﺮﺏ ﻳﺘﻠﻤﺴﻨﻲ ، ﻧﻔﺮﺕ : ﺩﺍ ﺗﻀﺎﻳﻘﻨﻲ ﺣﺮﻛﺎﺗﻚ
- ﻣﻮ ﻣﻬﻢ، ﺍﺭﺟﻌﻲ ﻟﻤﻜﺎﻧﺞ
- ﻣﻮ ﺍﺑﺎﻟﻲ
- ﺑﺲ ﺍﻧﻲ ﺍﺑﺎﻟﻲ
- ﻣﺨﻠﺪ ﺍﺣﺘﺮﻡ ﻧﻔﺴﻚ
- ﻣﻮ ﺍﻧﻲ ﺍﻟﻮﺣﺪﻩ ﻣﺜﻠﺞ ﺗﻌﻠﻤﻨﻲ ﺍﻻﺣﺘﺮﺍﻡ، ﺍﻣﺎ ﺗﺮﻳﺪﻳﻦ ﺍﺣﺘﺮﻣﺞ ﻭ ﻣﺎ ﺗﺤﺒﻴﻦ ﻫﺎﻟﺘﺼﺮﻓﺎﺕ، ﻓﺄﻋﺘﻘﺪ ﺍﻧﺖ ﺍﻟﻠﻲ ﺭﺧﺼﺘﻲ ﻧﻔﺴﺞ ﻭ ﻛﻌﺪﺗﻲ ﺗﻐﺮﻳﻨﻲ ﺑﺠﺴﻤﺞ ﻭ ﻟﺒﺴﺞ ﺣﺘﻰ ﺗﺜﻴﺮﻳﻦ ﺭﻏﺒﺘﻲ ﻭ ﺍﺟﻴﺞ
ﻓﻠﻴﺶ ﻫﺴﻪ ﻣﺘﻀﺎﻳﻘﻪ ؟
- ﻛﻼﻡ ﺑﻼ ﻣﻌﻨﻰ ﺑﺎﻟﻤﺮﺓ ، ﺍﻧﻲ ﺯﻭﺟﺘﻚ ﻭﻟﻤﺎ ﺍﺣﺎﻭﻝ ﺍﻧﻬﻲ ﺍﻟﺰﻋﻞ ﻓﺒﺲ ﺣﺘﻰ ﺍﺣﺘﻮﻳﻚ ﻭ ﺍﺭﺟﻊ ﺍﻟﻌﺎﺋﻠﻪ ﺍﻟﻠﻲ ﺗﺒﻌﺜﺮﺕ ﺑﺴﺒﺐ ﺍﻟﻤﺸﺎﻛﻞ ، ﻣﻮ ﻣﻦ ﺍﻟﺸﺎﺭﻉ ﻭ ﻏﻮﻳﺘﻚ
- ﻣﺎﻛﻮ ﻓﺮﻕ ﺍﻧﺖ ﻭ ﺍﻟﻠﻲ ﺑﺎﻟﺸﺎﺭﻉ ﻭﺍﺣﺪ ﻭﺍﻻ ﻧﺴﻴﺘﻲ ؟
- ﺻﻔﻌﺘﻪ ﺑﺮﺍﺷﺪﻱ ﻗﻮﻱ ﻋﻠﻰ ﻭﺟﻬﻪ : ﻣﻮ ﺍﻧﺖ ﺍﻟﺘﻬﻴﻨﻲ ﺍﻓﺘﻪ ...... ﺑﻌﺪﻧﻲ ﻣﻤﻜﻤﻠﻪ ﻟﺰﻣﻨﻲ ﻭ ﺩﻓﻌﻨﻲ ﻟﻠﻜﺎﻉ ﺻﺎﺭ ﻓﻮﻙ ﺻﺪﺭﻱ ﻭ ﺍﺳﺘﻠﻤﻨﻲ ﺭﺍﺷﺪﻳﺎﺕ ﺣﺎﻭﻟﺖ ﺍﻭﺧﺮﻩ ﻣﻦ ﻋﻨﺪﻱ ﻭ ﺍﺻﺮﺥ
ﻛﺎﻡ ﻳﺘﻘﺮﺑﻠﻲ ﺑﻄﺮﻳﻘﻪ ﻣﻘﺮﻓﺔ ﺟﺪﺍ ﻛﻤﺖ ﺍﺻﺮﺥ ﻭ ﺍﺗﻌﺎﺭﻙ ﻭﻳﺎﻩ ﻭ ﺍﻧﻬﺮﻩ ﻭ ﺍﺑﻌﺪ ﺑﻴﻪ، ﺍﺑﺘﻌﺪ ﻣﻨﻲ ﻭ ﻟﺰﻣﻨﻲ ﻣﻦ ﺷﻌﺮﻱ : ﻣﻮ ﻫﺬﺍ ﻣﺴﺘﻮﺍﺝ ، ﻻ ﺍﻃﺎﻟﺒﻴﻦ ﺑﺄﻛﺜﺮ ﻣﻨﻪ، ﻉ ﺍﻻﻗﻞ ﺻﻴﺮﻱ ﻛﺢ ... ﻟﺮﺟﻠﺞ ﺑﺲ ﻣﻮ ﻟﻠﺸﺎﺭﻉ
ﻛﻤﺖ ﻣﻦ ﻣﻜﺎﻧﻲ ﺍﺑﺠﻲ ﻭﺍﻛﻮﻟﻪ : ﺍﺷﺮﻓﻚ ﻭ ﺍﺷﺮﻑ ﺍﻫﻠﻚ ﻭﺍﺣﺪ ﺭﺧﻴﺺ ﻣﺜﻠﻚ ﻣﺎ ﻳﺴﺘﺤﻖ ﺍﺑﻘﻰ ﻭﻳﺎﻩ
ﺟﺮﻳﺖ ﻣﻼﺑﺴﻲ، ﻟﺒﺴﺘﻬﻢ ﻭ ﻓﺘﺤﺖ ﺍﻟﻜﻨﺘﻮﺭ ، ﺍﺟﺎ ﺣﻈﻨﻲ ﻣﻦ ﻭﺭﺍ : ﻭﺧﺮ ﻣﻨﻲ ﺣﻴﻮﺍﻥ ﻭﺧﺮﺭﺭ
ﺷﺪ ﺷﻌﺮﻱ ﺑﺄﻳﺪﻩ : ﻣﺎ ﺍﻭﺧﺮ ﻭ ﺑﻌﻤﺮﺝ ﻣﺎ ﺭﺍﺡ ﺗﺨﻠﺼﻴﻦ ﻣﻨﻲ ، ﺩﻧﻚ ﻳﺎﺧﺬ ﻳﺒﻮﺱ ﺭﻛﺒﺘﻲ ﺻﺮﺧﺖ : ﻭﺧﺮ
- ﻣﺸﺘﺎﻗﻠﺞ ﻫﻮﺍﻱ ﻭ ﺍﻋﺘﺮﻑ ﻣﺠﻨﻮﻥ ﺑﻴﺞ ﺭﻏﻢ ﻛﺢ .. ﺑﺲ ﻣﺎ ﺍﻛﺪﺭ ﺍﻋﻮﻓﺞ ﺍﻋﺸﻜﺞ ﻭ ﺍﺭﻳﺪ ﺍﻃﻠﻊ ﺣﻮﺑﺔ ﻫﺎﻟﻌﺸﻚ ﺑﻴﺞ ﻭ ﺍﺧﻠﻲ ﺍﻟﻪ ﺍﺛﺎﺭ ﺑﺠﺴﻤﺞ
..........
ﻋﺾ ﺭﻛﺒﺘﻲ ﺣﻴﻞ ﻛﻤﺖ ﺍﺑﻌﺪ ﺑﻴﻪ ﻭ ﺍﻧﻲ ﺍﺑﺠﻲ ﺧﺎﻧﻜﻨﻲ ﻭﻳﺎ ﺍﻟﺤﺎﻳﻂ ﻭ ﺗﺤﻮﻝ ﺍﻟﻰ ﺍﻧﺴﺎﻥ ﻣﺠﻨﻮﻥ ﺍﺳﺘﻐﺮﺑﺖ ﻛﻞ ﺗﺼﺮﻓﺎﺗﻪ ﻛﻤﺖ ﺍﺑﻌﺪ ﺑﻴﻪ ﺣﻴﻞ ﻭ ﺍﺻﺮﺥ
ﺑﺠﻰ ﺍﻟﻄﻔﻞ ، ﺩﻓﻌﺘﻪ ﺣﻴﻞ ﻭ ﺍﺧﺬﺕ ﺍﻟﻄﻔﻞ ﺑﺄﻳﺪﻱ ، ﺣﻈﻨﻲ ﻣﻦ ﻭﺭﺍ ﻭ ﺑﻌﺪﻩ ﻻﺯﻡ ﺷﻌﺮﻱ : ﻣﺨﻠﺪ ﺍﻟﻄﻔﻞ ﻟﻴﻮﻛﻊ ﻣﻨﻲ
- ﻋﺠﺰﺕ ﺍﻛﺮﻫﺞ ﻋﺠﺰﺕ ﺍﻃﺮﺩﺝ ﻋﺠﺰﺕ ﺍﻧﺴﺎﺝ ﻟﻮ ﺍﻋﻮﻓﺞ ﺑﺲ ﻣﺎ ﻋﺠﺰﺕ ﺍﺣﺒﺞ ﻭ ﺩﺍ ﺩﺿﺎﻳﻘﻨﻲ ﻫﺎﻟﻤﺤﺒﻪ ﻛﻠﺶ ﻷﻥ ﻣﺎ ﺗﺴﺘﺤﻘﻴﻬﺎ
- ﺍﻧﺖ ﺍﻧﺠﻨﻴﺖ ﻭﺧﺮ
ﺷﻔﺖ ﺍﻟﻄﻔﻞ ﺳﻜﺖ ﻭ ﺭﺟﻊ ﻟﻨﻮﻣﺘﻪ، ﻭﺧﺮﺕ ﻣﻨﻪ ، ﻭ ﺧﻠﻴﺖ ﺍﻟﻄﻔﻞ ﺑﻤﻬﺪﻩ
ﺭﺟﻊ ﺳﺤﺒﻨﻲ ﻟﺤﻈﻨﻪ ﺣﻴﻞ، ﻣﺎ ﺍﻧﻄﻴﺖ ﺭﺩﺓ ﻓﻌﻞ ﺩﺍ ﺍﺭﻳﺪ ﺍﺷﻮﻑ ﺷﻴﺮﻳﺪ ، ﻧﺎﻡ ﻭ ﻧﻮﻣﻨﻲ ﻋﻠﻰ ﺍﻳﺪﻩ ﺧﻠﻪ ﺭﺍﺳﻲ ﺑﺼﺪﺭﺓ ﻭ ﺑﻘﻰ ﺣﺎﺑﺴﻨﻲ ﺑﺤﻈﻨﻪ ﻭ ﻫﺪﺃ
ﺭﻓﻌﺘﻠﻪ ﺭﺍﺳﻲ، ﺑﺎﻭﻋﺖ ﺑﻮﺟﻬﻪ ﻣﺎ ﺣﺠﻴﺖ ، ﺣﺴﻴﺘﻪ ﺩﻳﻌﺎﻧﻲ ﻫﻮﺍﻳﻪ ﻭ ﻣﺘﺸﺘﺖ ﻭ ﻣﺪﺍ ﻳﻌﺮﻑ ﺷﻴﺴﻮﻱ ، ﺭﺟﻌﺖ ﺭﺍﺳﻲ ﻋﻠﻰ ﺻﺪﺭﻩ ﻭ ﺣﻈﻨﺘﻪ ﻭ ﻏﻤﻀﺖ
ﻛﻌﺪﺕ ﺍﻟﻤﻐﺮﺏ ﻋﻠﻰ ﺻﻮﺕ ﺭﺿﺎ ﻭ ﻫﻮ ﻳﺒﺠﻲ، ﻛﻤﺖ ﻣﻦ ﻣﻜﺎﻧﻲ، ﻟﻜﻴﺖ ﻣﺨﻠﺪ ﻣﺨﻠﻲ ﺑﺄﻳﺪﻩ ﻭ ﺩﻳﺴﻮﻱ ﻣﻤﻪ ﺑﺎﻷﻳﺪ ﺍﻟﺜﺎﻧﻴﻪ
ﺍﺧﺬﺗﻪ ﻣﻦ ﺍﻳﺪﻩ : ﻣﻦ ﺷﻮﻛﺖ ﺩﺍ ﻳﺒﺠﻲ
- ﻛﻌﺪ ﻗﺒﻞ ﺍﻗﻞ ﻣﻦ ﺳﺎﻋﻪ ﻭ ﻃﻠﻌﺘﻪ ﻣﻨﺞ ﻛﻌﺪﻧﺎ ﺑﺎﻟﺼﺎﻟﻪ ﻧﺎﻡ ﺷﻮﻳﻪ ﻭﺭﺟﻊ ﻳﺒﺠﻲ ﻛﻠﺖ ﺍﺳﻮﻳﻠﻪ ﻣﻤﻪ ﻳﻤﻜﻦ ﺟﻮﻋﺎﻥ
ﺍﺑﺘﺴﻤﺘﻠﻪ ﻭ ﺍﺧﺬﺕ ﺍﻟﻤﻤﻪ ﻣﻦ ﺍﻳﺪﻩ ﻛﻌﺪﺕ ﺍﺭﺿﻌﻪ
: ﻧﻮﻣﻲ ﻭ ﻓﻮﺗﻲ ﺍﺳﺒﺤﻲ ﺍﻧﻲ ﻃﺎﻟﻊ ﻟﻠﺸﺎﺭﻉ ﺍﺟﻴﺐ ﻋﺸﺎ
ﻫﺰﻳﺖ ﺭﺍﺳﻲ ﺑﻤﻌﻨﻰ ( ﺍﻱ )
ﻧﻮﻣﺖ ﺭﺿﺎ ﻭ ﺍﺧﺬﺕ ﻣﻼﺑﺲ ﻭ ﻓﺘﺖ ﻟﻠﺤﻤﺎﻡ ﺩﺍﻳﺨﻪ ﺑﻤﻮﺿﻮﻉ ﻣﺨﻠﺪ ﻣﻮ ﻃﺒﻴﻌﻲ ﻭ ﺗﺼﺮﻓﺎﺗﻪ ﻏﺮﻳﺒﻪ ﻛﻠﺶ
ﺳﻤﻌﺖ ﺣﺮﻛﺘﻪ ﺑﺎﻟﺒﻴﺖ، ﺑﺪﻟﺖ ﻭ ﻃﻠﻌﺖ
- ﺟﺒﺖ ﺻﺎﺝ ﻛﺺ ﻟﺤﻢ ﻭ ﺑﻴﺒﺴﻲ ﺗﺎﻛﻠﻴﻦ ؟
- ﺟﺎﻳﻪ ﺑﺲ ﺍﻧﺸﻒ ﺷﻌﺮﻱ ﺑﺎﻟﺸﺴﻮﺍﺭ
ﺭﺍﺡ ﻃﻠﻊ ﺑﻠﻢ ﻭ ﺣﻂ ﺍﻟﺼﺎﺝ ﻭﺭﺗﺐ ﺻﻴﻨﻴﻪ ﻭ ﺟﺎﺑﻬﺎ ﻟﻠﻐﺮﻓﺔ ، ﺭﺿﺎ ﺑﺠﺎ ﺣﻂ ﺍﻟﺼﻴﻨﻴﺔ ﻭ ﺷﺎﻟﻪ
ﻛﻤﻠﺖ ﺷﻌﺮﻱ ﻛﻠﺖ ﻟﻪ : ﺍﻧﻄﻴﻨﻴﺎﻩ
- ﺍﻛﻌﺪﻱ ﺍﻛﻠﻲ ﺍﻧﺖ ﺧﻠﻲ ﻋﻨﺪﻱ
ﺣﻈﻨﺘﻪ ﻫﻮ ﻭ ﺍﻟﻄﻔﻞ ﻭ ﺧﻠﻴﺖ ﺭﺍﺳﻲ ﺑﺼﺪﺭﻩ : ﻣﺎ ﺍﻋﺮﻑ ﺍﺣﻘﺪ ﻋﻠﻴﻚ ﻟﻮ ﺍﺣﺒﻚ ﺷﺼﺎﻳﺮ ﻭﻳﺎﻙ
- ﺍﻧﺴﻲ ﺍﻟﺼﺎﺭ ﺍﻟﻈﻬﺮ ﺷﻮﻱ ﺍﻋﺼﺎﺑﻲ ﺗﻌﺒﺎﻧﻪ
- ﺍﻛﻌﺪ ، ﻣﻦ ﺷﻨﻮ ﻓﻬﻤﻨﻲ ﻟﻴﺶ ﺑﺎﻗﻴﻦ ﺧﺎﻳﻔﻴﻦ ﻣﻦ ﺑﻌﺾ ﻭ ﻧﺄﺫﻱ ﺑﻌﺾ ، ﺍﺣﺠﺴﻠﻲ ﺍﻟﺒﺪﺍﺧﻠﻚ ﻛﻠﻪ ﻋﺴﻰ ﺍﻧﻮ ﺗﻜﺪﺭ ﺗﺘﺨﻠﺺ ﻣﻨﻪ
- ﻣﺪﺍ ﺍﻛﺪﺭ ﺍﺳﺘﻘﺒﻞ ﺍﻟﻤﻮﺿﻮﻉ، ﺍﻋﻮﻓﺞ ﻣﺴﺘﺤﻴﻞ ﻭ ﻣﺴﺘﺤﻴﻞ ﺍﺗﻘﺒﻞ ﺣﻘﻴﻘﺘﺞ
- ﻫﺬﻩ ﻣﻮ ﺣﻘﻴﻘﺔ، ﺍﻟﻤﻮﺿﻮﻉ ﻣﺮ ﻭ ﺭﺍﺡ ﻋﻠﻴﻪ ﺯﻣﺎﻥ ﺟﺎﻥ ﺍﺳﺎﻭﺀ ﺍﻳﺎﻡ ﺣﻴﺎﺗﻲ ﻭ ﻋﺪﻯ
- ﺑﺲ ﻣﺎ ﻳﻨﻔﻲ ﺍﻧﺖ ﺟﻨﺘﻲ ﺗﺸﺘﻐﻠﻴﻦ ﺑﻬﺎﻟﻤﺠﺎﻝ
- ﻣﺎ ﺍﺷﺘﻐﻠﺖ ﻭﻻ ﺧﻠﻴﺖ ﺍﺣﺪ ﻳﺘﻘﺮﺏ ﻣﻨﻲ ﻓﻘﻂ ﺍﻟﻠﻲ ﺧﺒﺮﺗﻚ ﺑﻴﻪ ﻛﺪﺭﺕ ﺍﺗﺨﻠﺺ ﻣﻨﻬﻢ ﻭ ﺍﺧﻠﺺ ﻧﻔﺴﻲ
- ﻟﻤﺎ ﺍﺗﻘﺒﻠﺞ ﻭ ﺍﺣﺎﻭﻝ ﺍﻧﺴﻰ، ﺍﺗﺬﻛﺮ ﺍﻧﻲ ﻣﺮﺗﻲ ﺟﺎﻧﺖ ﺗﺪﺧﻞ ﺑﺎﺭﺍﺕ ﻭ ﺗﻐﺮﻱ ﺭﻳﺎﺟﻴﻞ ﺣﺘﻰ ﺗﺠﻴﺐ ﻣﻌﻠﻮﻣﺎﺕ ﻟﻼﺳﺘﺨﺒﺎﺭﺍﺕ ﻳﻌﻨﻲ ﺑﺎﻟﻀﺒﻂ ﻣﺜﻞ ﺑﻨﺎﺕ ﺍﻟﻠﻴﻞ ﺍﻟﻠﻲ ﻧﺴﺘﺨﺪﻣﻬﻢ ﻭ ﻧﺒﻌﺜﻬﻢ ﻟﻨﺎﺱ ﻧﺮﻳﺪ ﻧﻮﻛﻌﻬﻢ ، ﻭ ﻫﺬﺍ ﺍﻟﺸﻲ ﻣﺎ ﺟﺎﻱ ﺍﻛﺪﺭ ﺍﺗﻌﺪﻯ ﻧﺎﻗﺺ ﺷﺮﻑ ﻭ ﺍﺗﻘﺒﻞ ﻫﺎﻟﻤﻮﺿﻮﻉ ؟
- ﺍﻧﻲ ﻣﺴﺘﻌﺪﻩ ﺍﺗﺤﻤﻞ ﻣﻨﻚ ﻛﻠﺸﻲ ﻭ ﻛﻞ ﺣﺎﻻﺗﻚ ﻟﺤﺪ ﻣﺎ ﻧﺘﻌﺪﻯ ﻫﺎﻟﻤﻮﺿﻮﻉ ﻭ ﻧﺮﺟﻊ ﻧﻌﻴﺶ ﻣﺜﻞ ﻗﺒﻞ
ﻫﺰ ﺭﺍﺳﻪ ﻭ ﺩﻧﻚ ﻳﺒﻮﺱ ﺍﻟﻄﻔﻞ : ﻧﺎﻡ ﺍﺭﺟﻌﻪ ﻟﻔﺮﺍﺷﻪ
- ﻋﻨﻚ ﺍﻧﻲ ﺍﺭﺟﻌﻪ ﺍﻛﻞ
ﺑﻘﻴﻨﺎ ﻧﺤﺎﻭﻝ ﻧﺘﻔﻬﻢ ﺑﻌﺾ ، ﺟﺎﻥ ﺑﻌﺪ ﻫﺬﺍ ﺍﻟﻴﻮﻡ ﺟﻤﻌﻪ ﻭ ﺳﺒﺖ ﻗﻀﺎﻫﻢ ﻭﻳﺎﻳﻪ ﻣﻄﻠﻊ ﺍﺑﺪ ، ﺩﻧﺮﺟﻊ ﺣﻴﺎﺗﻨﺎ ﻃﺒﻴﻌﻲ ﻭ ﻧﺮﺟﻊ ﻧﺤﺘﻀﻦ ﺑﻌﺾ
ﻳﻮﻡ ﺍﻷﺣﺪ ﺩﺍﻭﻡ
ﺳﻮﻳﺖ ﺍﻛﻞ ﻭ ﺧﺎﺑﺮﺗﻪ : ﺣﺒﻴﺒﻲ ﻣﻮ ﻛﺄﻧﻚ ﻃﻮﻟﺖ ؟
- ﺍﺗﺎﺧﺮ ﺑﺎﻟﺸﻐﻞ ﺍﻟﻴﻮﻡ، ﺑﺎﻟﻠﻴﻞ ﺍﺭﺟﻊ
- ﻳﻌﻨﻲ ﻣﺘﺠﻲ ؟
- ﻻ ﺍﺗﻐﺪﻱ ﺍﻧﺖ ﻭ ﺑﺎﻟﻠﻴﻞ ﺍﺟﻴﺐ ﻋﺸﺎ ﻭﻳﺎﻳﻪ ﻻ ﺗﻌﺒﻴﻦ ﻧﻔﺴﺞ
- ﺍﻭﻙ ﺣﺒﻴﺒﻲ
ﻛﻠﺖ ﻣﺪﺍﻡ ﻣﺨﻠﺪ ﻣﺎﻛﻮ ﻭ ﺭﺿﺎ ﻧﺎﻳﻢ ﺧﻞ ﺍﻟﻢ ﺍﻟﻤﻼﺑﺲ ﺍﻏﺴﻠﻬﻢ، ﺑﻘﻴﺖ ﺍﻟﻢ ﻭ ﺍﻓﺮﺯ ﺍﻟﻘﻤﻴﺺ ﺍﻻﺑﻴﺾ ﻋﻦ ﺍﻟﻜﻮﺑﻮﻱ ﻋﻦ ﺍﻻﻟﻮﺍﻥ
ﺍﺳﺘﻔﻘﺪﺕ ﻣﻼﺑﺲ ﻫﻮﺍﻳﻪ ﻟﻤﺨﻠﺪ ﻫﻮ ﺍﺧﺬﻫﻢ ﻫﻨﺎﻙ ﻻﻥ ﻣﻦ ﺟﻨﺎ ﻣﺰﺍﻋﻠﻴﻦ ﺻﺎﺭ ﻣﺎ ﻳﺮﻏﺐ ﻳﺮﺟﻊ ﻟﻠﺒﻴﺖ ، ﻑ ﺍﺗﺼﻠﺖ ﺑﻄﻴﺒﺔ : ﻫﻠﻮ ﻃﻴﻮﺏ
- ﻫﻠﻮ ﻟﺠﻮﻧﻪ ﺷﻠﻮﻧﺞ
- ﺍﻟﺤﻤﺪﻟﻠﻪ ﺍﻛﻮﻟﺞ ﻃﻴﺒﻪ ﻟﻤﻴﻠﻲ ﻣﻼﺑﺲ ﻣﺨﻠﺪ ﻭ ﺩﺯﻳﻠﻴﺎﻫﻢ ﺑﺄﻳﺪ ﻋﻠﻮﺵ ﺩﺍ ﺍﻏﺴﻠﻬﻢ ﻭ ﺍﻛﻮﻳﻬﻢ ﺧﺎﻑ ﻳﺤﺘﺎﺟﻬﻢ
ﺩﺍ ﺍﺣﺠﻲ ﺟﺎﻥ ﻣﺎﺯﻥ ﻳﺼﻴﺢ ﺑﺎﺑﻨﻪ : ﺍﻣﺸﻲ ﻟﻐﺮﻓﺔ ﻋﻤﻚ ﻣﺨﻠﺪ ﺭﻭﺡ ﺟﻴﺒﻠﻲ ﻣﻨﻪ ﺟﻜﺎﺭﻩ
ﻃﻴﺒﻪ ﻣﻨﺘﺒﻬﺖ ﻟﻜﻼﻡ ﻣﺎﺯﻥ ﺟﺎﻧﺖ ﻣﻠﺘﻬﻴﺔ ﺩﺍ ﺗﻨﻄﻴﻨﻲ ﻋﺬﺭ ﻋﻠﻰ ﻣﻼﺑﺲ ﻣﺨﻠﺪ ﻓﻜﺎﻟﺖ : ﺍﺍﺍ ﺑﻐﺮﻓﺔ ﻋﻤﺘﻲ ﻭ ﻫﺴﻪ ﺑﺲ ﺍﻛﻮﻟﻬﺎ ﻣﺎ ﺗﻘﺒﻞ ﻭ ﺗﺴﻮﻳﻠﻲ ﺳﺎﻟﻔﻪ ﺍﻧﺖ ﻭﺻﻲ ﻣﺨﻠﺪ ﻳﺠﻴﺒﻠﺠﻴﺎﻫﻢ ﻭ ﻋﻮﺩ ﺑﻔﻴﺮ ﻭﻗﺖ ﺍﻏﺴﻠﻴﻬﻢ ﻋﻠﻰ ﻓﺮﺍﻏﺞ
- ﺍﻭﻛﻲ ﺍﺧﺬﻱ ﺭﺍﺣﺘﺞ
ﻉ ﺍﻟﺴﺮﻳﻊ ﺗﺮﻛﺖ ﺍﻟﻐﺴﺎﻟﺔ ﺭﺣﺖ ﻟﺒﺴﺖ ﻭ ﺑﺪﻟﺖ ﻭ ﺍﺧﺬﺕ ﻃﻔﻠﻲ ﺑﺄﻳﺪﻱ ﻭ ﺗﻮﺟﻬﺖ ﻟﺒﻴﺖ ﻋﻤﻲ، ﺍﻟﺼﺪﻣﺔ ﺟﺎﻧﺖ ﺳﻴﺎﺭﺓ ﻣﺨﻠﺪ ﺑﺎﻟﺒﺎﺏ
ﺗﻘﺮﺑﺖ ﻟﻠﺒﺎﺏ، ﺧﺎﺑﺮﺕ ﻣﺨﻠﺪ : ﻣﺨﻠﺪ ﻭﻳﻦ ﺍﻧﺖ
- ﻣﻮ ﻛﻠﺘﻠﺞ ﺍﺑﻮﻳﻪ ﺍﻧﺖ ﻃﺎﻟﻊ ﺑﺸﻐﻞ
- ﺭﺿﺎﻭﻱ ﻭﻛﻊ ﻣﻦ ﺍﻳﺪﻱ ﻣﺪﺭﻱ ﺷﻠﻮﻥ ﻭ ﺧﺎﻳﻔﻪ ﻟﻴﺼﻴﺮ ﺑﻴﻪ ﺷﻲ ﺍﻟﺤﻚ ﻓﺪﻭﺓ ﺍﻧﻲ ﻃﺎﻟﻌﻪ ﺑﻴﻪ ﻫﺴﻪ ﻟﻠﻤﺴﺘﺸﻔﻰ
- ﺍﻧﺘﻈﺮﻱ ﻣﻜﺎﻧﺞ ﺍﻧﻲ ﺟﺎﻳﺞ ﺑﺴﺮﻋﻪ
ﻗﻔﻠﺖ ﺍﻟﺨﻂ، ﻭ ﻭﻛﻔﺖ ﺍﻧﺘﻈﺮﻩ، ﻃﻠﻊ ﻣﻦ ﺍﻟﺒﺎﺏ ﻣﺴﺘﻌﺠﻞ ﺍﻧﻀﺮﺏ ﺑﻴﻪ، ﺑﺎﻭﻋﻠﻲ ﺣﺲ ﺑﺲ ﺗﺠﺎﻫﻞ ﻭ ﺳﻮﺍ ﻧﻔﺴﻪ ﻣﺸﻐﻮﻝ ﺑﺎﻟﻪ ﻋﻠﻰ ﺭﺿﺎ
ﺧﻠﻴﺖ ﺭﺿﺎ ﺑﺄﻳﺪﻩ ﻭ ﻓﺘﺖ ﻟﻠﺒﻴﺖ، ﺍﻭﻝ ﻣﺎ ﺩﺧﻠﺖ ﻟﻠﻤﻄﺒﺦ ﻟﻜﻴﺖ ﺯﻣﻦ ﻛﺒﺎﻟﻲ ﺩﺍ ﺗﺤﻈﺮ ﻏﺪﺍ ......
☆☆☆
ﺗﺮﻛﺖ ﺭﺿﺎ ﺑﺄﻳﺪﻩ ﻭ ﺩﺧﻠﺖ ﻟﻠﺒﻴﺖ، ﺍﻭﻝ ﻣﻔﺘﺖ ﻟﻠﻤﻄﺒﺦ ﻟﻜﻴﺖ ﺯﻣﻦ ﻛﺒﺎﻟﻲ ﺩﺍ ﺗﺤﻈﺮ ﻏﺪﺍ، ﺑﻘﻴﺖ ﻣﺘﺼﻨﻤﻪ ﺑﻤﻜﺎﻧﻲ
ﺍﻧﺪﺍﺭﻳﺖ ﻭﺭﺍﻳﺎ ، ﻣﺨﻠﺪ ﻻﺯﻡ ﺍﻟﻄﻔﻞ ﻭ ﻭﺍﻛﻒ
- ﺷﺪﺍ ﻳﺼﻴﺮ ؟
- ﺟﻨﺖ ﺩﺍ ﺍﺭﻳﺪ ﺍﻛﻮﻟﺞ
- ﺷﺘﻜﻮﻟﻲ
- ﺍﻓﻀﻞ ﻧﺮﺟﻊ ﻟﻠﺒﻴﺖ ﻭ ﻧﺘﻔﺎﻫﻢ ﻋﻠﻰ ﻛﻠﺸﻲ
- ﻧﺘﻔﺎﻫﻢ !! ﺍﻧﺖ ﺗﺮﻛﺖ ﻣﺠﺎﻝ ﻟﻠﺘﻔﺎﻫﻢ ﺑﺘﺼﺮﻓﺎﺗﻚ ﻫﺬﻩ
- ﺟﺎﻧﺖ ......
- ﺟﺎﻧﺖ ﻟﺤﻈﺔ ﻏﻀﺐ ﻫﺬﺍ ﻋﺬﺭﻙ ﻣﻮ ، ﻻ
ﺍﺫﺍ ﻧﺎﻭﻱ ﺗﻨﻄﻴﻨﻲ ﻫﺬﺍ ﺍﻟﻌﺬﺭ ﻓﻼ ﻣﺴﺘﺤﻴﻞ ﺍﻗﺒﻞ
ﺍﻋﺮﻑ ﻫﺬﺍ ﻣﻮ ﺍﺧﺘﻴﺎﺭﻙ ﺑﺲ ﺣﺠﻲ ﺍﻣﻚ ﻭ ﺍﻟﺰﻥ ﻭ ﺍﻟﺮﻥ ﻣﺎﻟﺘﻬﺎ ﺑﻠﺤﺔ ﺍﻟﻠﻲ ﺍﻧﺖ ﺟﻨﺖ ﻣﺎ ﻃﺎﻳﻘﻨﻲ ، ﻭ ﺍﻟﺮﺟﺎﻝ ﺍﻟﻠﻲ ﺗﻤﺸﻲ ﺍﻣﻪ ﻣﻴﻤﺸﻴﻨﻲ ﻭﻻ ﺍﺭﺿﻰ ﺑﻴﻪ ﺭﺟﺎﻝ ﺍﻟﻴﻪ ، ﺧﻠﻴﻚ ﻷﻣﻚ ﺗﻔﻴﺪﻙ
ﺗﻘﺮﺑﺖ ﻣﻨﻪ ﺳﺤﺒﺖ ﺍﻟﻄﻔﻞ ﻣﻦ ﺍﻳﺪﻩ : ﺍﻭﻛﻔﻲ ﻟﺠﻴﻦ
- ﺍﺷﺸﺸﺶ ﻛﻠﻤﺔ ﻣﺎ ﺍﺳﻤﻊ ، ﻟﻮ ﺗﺴﺘﺤﻖ ﺍﻟﻌﺘﺐ ﻛﺎﻥ ﻋﺎﺗﺒﺘﻚ ﺑﺲ ﺣﺘﻰ ﺍﻟﻌﺘﺐ ﺍﺳﺘﺨﺴﺮﻩ ﺑﻴﻚ ..
ﻋﺪﻟﺖ ﻭﻛﻔﺘﻲ ﻭ ﺍﺳﺘﻘﺎﻣﻴﺖ ﻭ ﻭﻛﻔﺖ ﺍﺑﻨﻲ ﻋﻠﻰ ﺻﺪﺭﻱ ﻭ ﻛﻠﺖ ﻟﻪ : ﺍﻧﺘﻈﺮ ﻭﺭﻗﺔ ﻃﻼﻗﻲ ﻫﺬﻩ ﺍﻷﻳﺎﻡ ﻭ ﺍﺗﻤﻨﺎﻟﻚ ﻭﻗﺖ ﺳﻌﻴﺪ ﻣﻊ ﺍﻣﻚ ﻭ ﻣﺮﺗﻚ
ﺍﻧﺪﺍﺭﻳﺖ ﺍﻣﺸﻲ ﻟﺰﻣﻨﻲ : ﻧﺘﻔﺎﻫﻢ ﺑﺎﻟﺒﻴﺖ
ﺧﺰﺭﺗﻪ : ﻧﺰﻝ ﺍﻳﺪﻙ ﻛﻞ ﺑﻴﺖ ﺍﻟﻚ ﻳﻤﻲ ﻣﺎﻛﻮ
ﺯﻣﻦ : ﻻ ﺷﻨﻮ ﻛﻞ ﺑﻴﺖ ﻣﺎ ﺍﻟﻪ ﺍﻟﺒﻴﺖ ﺑﻴﺘﻨﺎ ﺗﺮﻳﺪﻳﻦ ﺗﻄﻠﻜﻴﻦ ﺍﻟﻠﻪ ﻭﻳﺎﺝ ﻳﻄﺒﺞ ﻣﺮﺽ ﺑﺲ ﻏﺼﺒﺎ ﻋﻨﺞ ﺗﺮﺟﻌﻴﻠﻨﺎ ﺍﻟﺒﻴﺖ ﻫﺬﺍ ﺣﻘﻲ ﻭ ﺣﻖ ﺟﻬﺎﻝ
ﺩﻓﻌﺎ ﻭ ﺻﺮﺥ ﺑﻮﺟﻬﻪ ﻭ ﻛﺎﻡ ﻳﻐﻠﻂ ﻋﻠﻴﻪ ﻭ ﺣﺎﻭﻝ ﻳﺴﺤﺒﻨﻲ ﺣﺘﻰ ﻧﻄﻠﻊ ﺑﺮﺍ : ﺍﺑﺘﻌﺪ
ﻋﺎﻓﻨﺎ ﻭ ﻃﻠﻊ
ﺗﻘﺮﺑﺖ ﻣﻨﻬﺎ : ﻣﺎ ﺣﺠﻴﺖ ﻭﻳﺎﺝ ﻭﻻ ﺗﻌﺪﻳﺖ ﻋﻠﻴﺞ ﻣﺜﻞ ﻣﺎ ﺗﻌﺪﻳﺘﻲ ﻋﻠﻴﻪ ﺳﺎﺑﻘﺎ ﻭ ﺿﺮﺑﺘﻴﻨﻲ ﻷﻧﻲ ﻣﻮ ﺫﻟﻴﻠﺔ ﻭ ﻏﺒﻴﻪ ﻣﺜﻠﺞ ﺍﻋﻮﻑ ﺍﻟﻠﻲ ﻭﺛﻘﺖ ﺑﻴﻪ ﻭ ﺧﺎﻧﻲ ﻭ ﺍﻫﺠﻢ ﻋﻠﻰ ﺍﻟﻠﻲ ﺧﺎﻧﻲ ﻭﻳﺎﻫﺎ ﻭ ﺍﻟﻮﻣﻬﺎ ﻋﻠﻰ ﺧﻴﺎﻧﺔ ﺍﻟﻠﻲ ﺣﺒﻴﺘﻪ
- ﺍﻱ ﻳﻼﺍﺍﺍ ﺍﻃﻠﻌﻲ ﺑﺮﺍ
ﺷﻔﺖ ﻋﻤﻲ ﻭ ﻋﻤﺘﻲ ﻣﺎ ﻣﻮﺟﻮﺩﻳﻦ ﻭ ﻣﺨﻠﺪ ﻃﻠﻊ ﻣﺎ ﺣﺐ ﻳﺒﻘﻰ ﻳﺘﻮﺳﻞ ﺑﻴﻪ ﻧﺘﻔﺎﻫﻢ ﻛﺪﺍﻣﻬﻢ، ﺗﻘﺮﺑﺖ ﻣﻨﻬﺎ : ﻣﻨﻮ ﺍﻟﻠﻲ ﺗﻄﻠﻊ ؟ ﺍﻧﻲ !!
ﺍﻭﻛﻔﻲ ﺧﻞ ﺍﺣﺠﻲ ﻭﻳﺎﺝ ﺑﻌﻘﻞ ، ﺗﺘﺬﻛﺮﻳﻦ ﻟﻤﺎ ﻛﻌﺪﺗﻲ ﺗﺒﺠﻴﻦ ﻭ ﺗﺘﻮﺳﻠﻴﻦ ﺑﻴﻪ ﺍﺑﺘﻌﺪ ﻣﻦ ﻣﺨﻠﺪ ﻭ ﺍﻃﻠﻊ ﻣﻦ ﺣﻴﺎﺗﻪ ؟
ﻭﻗﺘﻬﺎ ﻃﻠﻌﺖ ﺣﺘﻰ ﻣﺎ ﺍﺧﺮﺏ ﺑﻴﺘﺞ ﻭ ﺍﺧﺬ ﺯﻭﺟﺞ ﻭ ﺍﺧﻠﻴﺞ ﺗﻠﻤﻠﻤﻴﻦ ﻫﺎﻟﻌﺎﺋﻠﺔ ﺍﻟﻤﺎﻳﻠﻪ ﻭ ﺗﻌﻴﺸﻮﻥ ، ﺟﻨﺖ ﻣﺎ ﺍﺭﺩ ﻋﻠﻰ ﻛﻞ ﻣﺮﺍﺳﻼﺕ ﻣﺨﻠﺪ ﻷﻧﻪ ﻣﻠﻜﺞ ﻭ ﺍﻧﺖ ﻃﻠﺒﺘﻲ ﻣﻨﻲ ﺍﺑﺘﻌﺪ ﻣﻨﻪ
ﺍﺑﺘﻌﺪﺕ ...
ﻷﻥ ﻻ ﺍﺧﻼﻗﻲ ﻭ ﻻ ﺃﻧﺴﺎﻧﻴﺘﻲ ﺗﺴﻤﺤﻠﻲ ﺍﺳﺮﻕ ﺭﺟﺎﻝ ﻣﺘﺰﻭﺝ ﻣﻦ ﻋﺎﺋﻠﺘﻪ ﺣﺘﻰ ﺍﺧﺬﻩ
ﺷﺴﻮﻳﺘﻲ ﺍﻧﺖ ؟
ﺑﻌﺪ ﻣﺎ ﻃﻠﻘﺘﻲ ﻭ ﺷﻤﺮﺗﻲ ﺣﺘﻰ ﺍﻃﻔﺎﻟﺞ ﻋﻠﻴﻪ ﻭ ﺻﺎﺭ ﻋﻨﺪﻩ ﺑﻴﺖ ﻭ ﻋﺎﺋﻠﺔ ﻭ ﻣﻮ ﺑﺤﺎﺟﺘﺞ ، ﺭﺿﻴﺘﻲ ﻟﺮﻭﺣﺞ ﺗﺮﺟﻌﻴﻦ ﺫﻟﻴﻠﺔ ﻳﺘﺨﺘﻞ ﺑﻴﺞ ﻣﻦ ﺯﻭﺟﺘﻪ
.....
ﺍﻧﻲ ﺍﻷﺻﻞ ﺣﺒﻴﺒﺘﻲ ، ﺍﻧﻲ ﺯﻭﺟﺘﻪ ﺍﻻﻭﻟﻰ ﻭ ﺍﻡ ﺍﻃﻔﺎﻟﻪ
- ﻫﻬﻬﻬﻬﻬﻬﻬﻬﻬﻬﻪ ﺷﻮﻓﻲ ﻳﺤﻠﻮﺓ ﺍﺧﺬﻳﻠﺞ ﻧﻈﺮﺓ ﻟﻮﺟﻪ ﻣﺨﻠﺪ ﻭ ﺷﻮﻓﻲ ﻣﻨﻮ ﺍﻻﺻﻞ ﻭ ﺍﻟﺨﺎﻳﻒ ﻣﻨﻬﺎ ﺍﻧﺖ ﻟﻮ ﺍﻧﻲ
ﻣﻨﻮ ﺍﻟﻠﻲ ﻫﺎﻳﻨﻬﺎ ﻭ ﻣﺘﺨﺘﻞ ﺑﻴﻬﺎ ﺍﻧﺖ ﻟﻮ ﺍﻧﻲ
ﻣﻨﻮ ﺍﻟﻠﻲ ﺑﻠﺤﻀﺔ ﻏﻀﺐ ﻭ ﻏﻠﻄﺎﻥ ﻋﻠﻰ ﺭﺟﻮﻋﻬﺎ ﺍﻧﺖ ﻟﻮ ﺍﻧﻲ
ﺭﻭﺣﻲ ﺷﻮﻓﻲ ﺑﻤﻨﻮ ﺩﻳﺘﻮﺳﻞ ﺍﻧﺖ ﻟﻮ ﺍﻧﻲ ﻭﻗﺘﻬﺎ ﺍﻋﺮﻓﻲ ﻣﻨﻮ ﺍﻷﺻﻞ
ﺑﺲ ﺍﺧﺬﻳﻬﺎ ﻣﻨﻲ ﺣﺘﻰ ﺍﻷﺻﻞ ﻫﺬﺍ ﻣﺎ ﺍﺭﻳﺪﻩ ﻷﻥ ﻣﻮ ﻣﻦ ﻣﺴﺘﻮﺍﻳﻪ ﺍﺻﻼ ﺍﻛﻌﺪ ﺍﻧﺎﻓﺲ ﻭﺣﺪﻩ ﻣﺜﻠﺞ ﻋﻠﻰ ﺭﺟﺎﻝ ﻭ ﺍﺗﺴﺎﺑﻖ ﻋﻠﻴﻪ، ﻭ ﺍﺫﺍ ﺍﻧﺖ ﺭﺟﻌﺘﻲ ﻋﻠﻰ ﺫﻣﺘﻪ ﻭ ﺗﺤﺎﻭﻟﻴﻦ ﺗﻜﺴﺒﻲ ﻓﻼ ﺷﺨﺼﻴﺘﻲ ﻭﻻ ﻛﺮﺍﻣﺘﻲ ﺗﻘﺒﻞ ﺍﻗﻀﻲ ﻭﻗﺘﻲ ﺣﺘﻰ ﺑﺲ ﻟﺤﺘﻰ ﺍﺭﺿﻲ ﺭﺟﺎﻝ ﻭ ﻣﺎ ﺍﺧﻠﻴﻪ ﻳﺒﺎﻭﻉ ﻟﻀﺮﺗﻲ ..
ﺍﺧﺬﻳﻪ ﺍﻟﺞ ﺑﺎﻟﻌﺎﻓﻴﻪ ﻋﻠﻴﺞ، ﺍﻧﻤﺎ ﺍﻟﻄﻴﻮﺭ ﻋﻠﻰ ﺍﺷﻜﺎﻟﻬﺎ ﺗﻘﻊ ، ﺑﺲ ﺗﺬﻛﺮﻱ ﻛﻠﻤﺔ ﻣﻨﻲ ﻭ ﻻ ﺗﻨﺴﻴﻬﺎ، ﺑﻌﻤﺮﻩ ﻣﺨﻠﺪ ﺭﺍﺡ ﻳﺤﺒﺞ ﻭﻻ ﻳﺤﺐ ﺍﻧﺴﺎﻧﻪ ﻗﺒﻠﺖ ﻋﻠﻰ ﻧﻔﺴﻬﺎ ﺗﺮﺟﻌﻠﻪ ﺑﺬﻟﻪ ﻭ ﺑﺪﻭﻥ ﻣﺎ ﺍﺣﺪ ﻳﻌﺮﻑ، ﻭﺭﺍﺡ ﺗﻀﻠﻴﻦ ﻛﻞ ﻣﺎ ﺗﺒﺎﻭﻋﻴﻦ ﻋﻴﻮﻥ ﻣﺨﻠﺪ ﺗﻠﻜﻴﻨﻲ ﺑﻴﻬﻢ ﻭ ﻋﻤﺮﺝ ﻣﺮﺍﺡ ﺗﻮﺻﻠﻴﻦ ﮔﻠﺒﻪ
ﻋﻔﺘﻬﻢ ﻭ ﻃﻠﻌﺖ ، ﺭﺟﻌﺖ ﻟﻠﺒﻴﺖ
ﻟﻜﻴﺖ ﺳﻴﺎﺭﺓ ﻣﺨﻠﺪ ﺑﺎﻟﺒﺎﺏ ، ﻓﺘﺖ ﻟﻠﺒﻴﺖ ﺷﻔﺘﻪ ﻛﺎﻋﺪ ﺑﺎﻟﺼﺎﻟﺔ ﻳﻨﺘﻈﺮﻧﻲ
ﺍﺗﻌﺪﻳﺘﻪ ﻭ ﻣﺸﻴﺖ ﻟﻐﺮﻓﺔ ﺍﻟﻨﻮﻡ ، ﺍﺟﺎ ﻭﺭﺍﻳﻪ
- ﻟﺠﻴﻦ ﺍﻫﺪﻱ ﻭ ﺧﻞ ﻧﺘﻔﺎﻫﻢ
- ﻭ ﻣﻨﻮ ﻛﺎﻟﻚ ﺧﺎﺑﺼﻪ ﻧﻔﺴﻲ ﺣﺘﻰ ﺍﻫﺪﺃ
ﺍﺣﺠﻲ ﻭ ﺍﻓﺘﺢ ﺑﺎﻟﻜﻨﺘﻮﺭ
- ﺍﻱ ﺯﻳﻦ ﻛﻌﺪﻱ
ﻃﻠﻌﺖ ﺟﻨﻄﺔ ﺳﻔﺮ ﻭ ﺳﺤﺒﺖ ﻣﻼﺑﺴﻪ ﺑﺘﻌﻠﻜﺎﺗﻬﻢ ﺟﺮﺓ ﻭﺣﺪﻩ ﻭ ﺧﻠﻴﺘﻬﻢ ﺑﺎﻟﺠﻨﻄﺔ : ﺍﺣﺠﻲ ﺍﻟﻠﻲ ﻋﻨﺪﻙ ﻭ ﺧﻠﺼﻨﻲ ﺍﺳﻤﻌﻚ
- ﺷﺪﺍ ﺗﺴﻮﻳﻦ ﺍﻧﺖ ، ﻣﻼﺑﺴﻲ
- ﻣﻼﺑﺴﻚ ﺗﺎﺧﺬﻫﻢ ﻟﻐﺮﻓﺘﻚ ، ﺷﺘﺴﻮﻱ ﺍﺑﻴﺘﻲ ؟
- ﻟﺠﻴﻦ ﺭﻏﻢ ﻛﻞ ﺍﻟﺴﻤﻌﺘﻪ ﻋﻨﺞ ﻭ ﺍﻟﺴﻮﻳﺖ ﻭ ﺣﻘﻴﻘﺘﺞ ﺗﻌﺪﻳﺖ ﺍﻟﻤﻮﺿﻮﻉ ﻭ ﻣﺎ ﻛﺪﺭﺕ ﺍﻓﺮﻁ ﺑﻴﺞ
- ﻫﻬﻬﻬﻬﻬﻬﻬﻬﻬﻬﻬﻪ
ﺍﻧﺪﺍﺭﻳﺖ ﺗﺨﺼﻠﺘﻠﻪ ﻭ ﺍﻧﻲ ﺍﺿﺤﻚ : ﻭﻫﺴﻪ ﺍﻟﻤﻔﺮﻭﺽ ﺍﺷﻜﺮﻙ ﻷﻥ ﺗﻘﺒﻠﺘﻨﻲ ﻭﻻﺯﻡ ﺍﺭﺿﻰ ﺑﻤﺮﺗﻚ ﻷﻥ ﻗﺒﻠﺖ ﺣﻘﻴﻘﺘﻲ ﺍﻟﻠﻲ ﺍﻧﻲ ﺍﺻﻼ ﻣﺎ ﺍﻟﻲ ﺫﻧﺐ ﻭ ﺿﺤﻴﺘﻬﺎ
ﻭﺍﻭﻭﻭ ﻫﻬﻬﻬﻬﻬﻪ ﻻ ﻻ ﺑﺮﺍﻓﻮ
- ﺑﻼ ﺍﺳﺘﻬﺰﺍﺀ ﻭ ﺗﻤﻀﺤﻚ ﺧﻠﻴﻨﻲ ﻟﺤﺪ ﺍﻻﻥ ﻫﺎﺩﺉ ﻭ ﺍﺣﺠﻲ ﻭﻳﺎﺝ
ﺗﻘﺮﺑﺖ ﻣﻨﻪ : ﺍﻧﺖ ﺷﻤﻔﻜﺮ ﺍﻥ ﺑﺪﻭﻧﻚ ﺍﻣﻮﺕ ﺣﺘﻰ ﺍﻛﻌﺪ ﺍﺷﻜﺮﻙ ﻷﻥ ﺗﻘﺒﻠﺘﻨﻲ ؟ ﺍﺗﺬﻛﺮ ﻛﻠﺘﻠﻚ ﻟﻮ ﺣﺎﻭﻟﺖ ﺗﻜﺴﺮﻧﻲ ﻓﺮﺍﺡ ﺗﺒﻌﺪﻧﻲ ﻋﻨﻚ ﻭ ﻣﺤﺪ ﺭﺍﺡ ﻳﺒﻘﻰ ﻳﻌﺎﻧﻲ ﻏﻴﺮﻙ
- ﻃﻼﻙ ﻣﺎﻛﻮ ﺑﻴﻨﺎﺗﻨﺎ ﻃﻔﻞ ﻓﻜﺮﻱ
- ﻃﻔﻠﻲ ﻣﻦ ﺍﻟﺒﺪﺍﻳﻪ ﺍﻧﻲ ﺍﻟﻠﻲ ﺍﺗﺤﻤﻠﺘﻪ ﺍﻧﺖ ﺻﺎﺭﻟﻚ ﻳﻮﻣﻴﻦ ﻣﻦ ﺑﺎﻭﻋﺖ ﺑﻮﺟﻬﻪ ﻓﻼ ﺗﻜﻌﺪ ﺗﻤﺜﻠﻲ ﺩﻭﺭ ﺍﻷﺏ ﺍﻟﺤﺮﻳﺺ، ﻭﺍﺫﺍ ﻣﺘﺮﻳﺪ ﺍﻃﻠﻚ ﻟﺘﻄﻠﻚ ﻣﺜﻞ ﻣﺎ ﺧﻠﻌﺖ ﻏﻴﺮﻙ ﺍﺧﻠﻌﻚ
ﻟﺰﻣﻨﻲ ﻣﻦ ﺭﮔﺒﺘﻲ : ﻣﻦ ﺗﻘﺎﺭﻧﻴﻨﻲ ﺑﻮﺍﺣﺪ ﺳﻘﻂ ﺍﺫﺑﺤﺞ ﻭﺍﻟﻠﻪ
ﺩﻓﻌﺘﻪ ﻣﻦ ﺻﺪﺭﻩ : ﻣﺎ ﺍﺳﻤﺤﻠﻚ ﺗﻤﺪ ﺍﻳﺪﻙ ﺍﻓﺘﻬﻤﺘﺘﺘﺘﺖ ، ﻫﺎﻙ ﺍﺧﺬ ﺟﻨﻄﺘﻚ ﻭ ﺭﻭﺡ ﻟﺒﻴﺖ ﺍﻣﻚ ﺧﻠﻴﻬﺎ ﺗﻔﻴﺪﻙ
- ﺍﻣﻲ ﻣﺎ ﺗﺠﻴﺒﻴﻬﺎ ﻋﻠﻰ ﺍﻟﺴﺎﻧﺞ ﺳﺎﺍﺍﺍﻗﻄﺔ ، ﺍﻛﺴﺮ ﺭﺍﺳﺞ ﺑﺲ ﺗﺤﺠﻴﻦ ﻭﺍﻟﻠﻪ ، ﻛﺎﻓﻲ ﻋﺪﻳﺘﻠﺞ ﺍﻟﻤﻮﺿﻮﻉ ﻭ ﺍﻻ ﻣﺴﺘﻌﺪ ﻫﺴﻪ ﺍﺣﺠﻲ ﺳﺎﻟﻔﺘﺞ ﻟﻌﻤﺎﻣﻲ ﻭ ﻧﺤﻄﺞ ﻭ ﻧﻐﺴﻞ ﻋﺎﺭﺝ
....
ﺫﺍﻙ ﺍﻟﺒﺎﺏ ﻭﺭﻭﺡ ﺍﺣﺠﻲ ﻭﻻ ﺗﻘﺼﺮ ، ﻳﻼ ﺑﺮﺍ
ﺿﺮﺑﻨﻲ ﺭﺍﺷﺪﻱ ﻭ ﻟﺰﻡ ﺷﻌﺮﻱ ﻭ ﻳﻀﺮﺏ ﺑﻴﻪ ﻭ ﻳﻜﻮﻟﻲ : ﻣﻮ ﺍﻧﻲ ﺍﻟﺘﻄﺮﺩﻧﻲ ﻭﺣﺪﻩ ﻛﺢ ... ﻣﺜﻠﺞ
ﺍﺭﻳﺪ ﺍﺧﻠﺺ ﺭﻭﺣﻲ ﻣﻨﻪ ﺩﻓﻌﻨﻲ ﻟﻠﻜﺎﻉ ﻭ ﺳﺤﻚ ﺭﺍﺳﻲ ﻭ ﻫﻮ ﻳﻜﻮﻟﻲ : ﻣﻦ ﺗﺘﻜﺒﺮﻳﻦ ﻭ ﺗﺘﻤﻬﺰﺋﻴﻦ ﺍﻋﺮﻓﻲ ﻫﺬﺍ ﻣﻜﺎﻧﺞ ﺟﻮﺍ ﺭﺟﻠﻲ ﻭ ﺳﺎﻋﺔ ﺍﻟﻠﻲ ﺍﺭﻳﺪ ﺍﺧﻠﻲ ﻃﻠﻘﺔ ﺑﻯﺎﺳﺞ ﻭ ﺍﻛﻮﻟﻬﻢ ﻏﺴﻞ ﻋﺎﺭ ﻭ ﺍﺧﻠﻲ ﺣﺘﻰ ﺍﻟﻴﺴﻤﻊ ﺑﻴﺞ ﻣﺎ ﻳﺘﺮﺣﻤﻠﺞ
ﻛﻤﺖ ﺍﺻﺮﺥ ﺑﻘﻮﺓ ﻭ ﺑﻌﺪﺗﻪ ﻭ ﻛﻤﺖ ﻭﻛﻔﺖ ﻋﻠﻰ ﺣﻴﻠﻲ ﻭ ﺍﺻﺮﺥ ﺑﻜﻞ ﺻﻮﺗﻲ : ﺍﻃﻠﻊ ﻣﻨﻲ ﺣﻘﻴﻴﻴﺮ ﺍﻃﻠﻊ
ﺑﻘﻰ ﻳﻀﺮﺏ ﻭ ﺍﻧﻲ ﺍﺻﺮﺥ ﻭ ﺍﻟﻄﻔﻞ ﻳﺒﺠﻲ ﺑﻘﻮﺓ، ﻋﺎﻓﻨﻲ ﻭ ﻃﻠﻊ، ﻣﻦ ﺻﻔﻴﺖ ﻭﺣﺪﻱ ﻛﻌﺪﺕ ﺍﺑﺠﻲ ﻋﻠﻰ ﺣﻈﻲ ﺍﻟﻠﻲ ﻭﻳﻦ ﻣﺎ ﺍﺣﻄﻪ ﻳﺪﻣﺮﻧﻲ ، ﺍﻟﺼﺒﺢ ﻓﺮﺣﺎﻧﻪ ﻭ ﺍﻛﻮﻝ ﺗﺮﺍﺿﻴﻨﺎ ﻭ ﺗﻌﺪﻳﻨﺎ ﺍﻟﻤﻮﺿﻮﻉ ﻳﻄﻠﻌﻠﻲ ﺑﺴﺎﻟﻔﺘﻪ ﻭ ﻳﺪﻣﺮ ﻛﻠﺸﻲ
ﺍﺧﺬﺕ ﺍﻟﻤﻮﺑﺎﻳﻞ ﻭ ﺧﺎﺑﺮﺕ ﻣﺎﻣﺎ ﺍﺑﺠﻲ ﺑﻘﻮﺓ ﺗﺮﻳﺪ ﺑﺲ ﺗﻔﺘﻬﻢ ﻣﻨﻲ ﻛﻠﻤﺔ ، ﻛﻌﺪﺕ ﺍﺷﺮﺣﻠﻬﺎ ﺍﻟﻮﺿﻊ ﻭ ﺣﺠﻴﺘﻠﻬﺎ ﺷﻨﻮ ﺳﻮﺍ
ﺑﻘﺖ ﺗﻬﺪﻱ ﺑﻴﻪ ﻭ ﺗﻘﻨﻊ ﻭ ﺍﺻﺒﺮﻱ، ﺑﻘﻴﺖ ﺍﺣﺠﻲ ﻭﻳﺎﻫﺎ ﻟﺴﺎﻋﺘﻴﻦ، ﺭﺟﻊ ﻣﺨﻠﺪ ﺩﺧﻞ
ﻧﻬﻴﺖ ﻭﻳﺎ ﻣﺎﻣﺎ، ﻫﻮ ﺷﻤﺮ ﺍﻟﺠﺎﻛﻴﺖ ﺑﺎﻟﺼﺎﻟﺔ ﻭ ﻓﺎﺕ ﺗﻤﺪﺩ ﺑﺎﻟﻐﺮﻓﺔ، ﻛﻤﺖ ﻋﻠﻰ ﺣﻴﻠﻲ : ﻧﺎﻭﻱ ﺗﻄﻠﻊ ﻣﻦ ﺑﻴﺘﻲ ﻟﻮ ﺷﻠﻮﻥ
ﻛﻌﺪ ﻧﺰﻝ ﺭﺟﻠﻴﻪ ﻣﻦ ﺍﻟﺠﺮﺑﺎﻳﺔ - ﻟﺠﻴﻦ ﻟﻴﺶ ﺗﺠﺒﺮﻳﻨﻲ ﻋﻠﻰ ﺍﺫﻳﺘﺞ ﺍﻧﺖ ﺗﻌﺮﻓﻴﻨﻲ ﺷﻜﺪ ﺍﺣﺒﺞ
- ﺣﺒﻚ ﺍﺣﺘﻔﻆ ﺑﻴﻪ ﻟﻨﻔﺴﻚ ﻣﻮ ﺑﺤﺎﺟﺔ ﻫﺬﺍ ﺍﻟﺤﺐ ﻳﻼ ﺍﻃﻠﻊ
- ﻳﻨﺖ ﺍﻟﻨﺎﺱ ﺍﻛﻌﺪﻱ ﻭ ﺧﻠﻲ ﻧﺘﻔﺎﻫﻢ ﻣﺜﻞ ﺍﻷﻭﺍﺩﻡ ﺷﺮﺍﻳﺪﻩ
- ﺍﻛﻌﺪ ﺍﺗﻔﺎﻫﻢ ﻋﻠﻰ ﺷﻨﻮ، ﺍﺧﺬﺕ ﺭﺃﻳﻲ ﻟﻤﺎ ﺭﺟﻌﺘﻬﺎ، ﺍﺗﺼﻞ ﺑﻴﻚ ﺗﻜﻮﻟﻲ ﺑﺎﻟﺸﻐﻞ ﻭ ﺗﺎﻟﻲ ﺍﻛﺘﺸﻔﻚ ﺍﻧﺖ ﻋﻨﺪ ﺍﻫﻠﻚ ﻭ ﻣﺮﺟﻊ ﻣﺮﺗﻚ ﻭ ﺍﻧﻲ ﺍﺧﺮ ﻣﻦ ﻳﻌﻠﻢ
- ﺭﺟﻌﺘﻬﺎ ﻭﻛﺖ ﺍﻟﻠﻲ ﺟﻨﺖ ﻛﻠﺶ ﻣﺘﻀﺎﻳﻖ ﻣﻨﺞ ﻭ ﺣﺎﻳﺮ ﺍﻃﻠﻜﺞ ﻟﻮ ﺍﻛﺘﻠﺞ .. ﻣﺎ ﺭﺟﻌﺘﻬﺎ ﻷﻥ ﺍﺣﺒﻬﺎ
- ﺣﻠﻮﻭﻭ ﻳﻌﻨﻲ ﻣﺮﺟﻌﻬﺎ ﻗﺒﻞ ﻭﻻﺩﺗﻲ، ﻳﻌﻨﻲ ﺑﻮﻗﺖ ﻟﻤﺎ ﻛﻨﺖ ﺍﻧﻲ ﺍﻓﺮ ﺑﺎﻟﺸﺎﺭﻉ ﻭ ﺍﺗﻮﺳﻞ ﺍﺣﺪ ﻳﺴﻌﻔﻨﻲ ﻭ ﺍﺗﺼﻞ ﺑﻴﻚ ﻣﺘﺮﺩ، ﺍﻧﺖ ﻏﺎﺭﻙ ﺑﺄﺣﻀﺎﻥ ﻣﺮﺗﻚ ﻭ ﻣﺪﻓﻲ
ﺑﻠﻌﺖ ﺭﻳﻜﻲ : ﻫﺬﺍ ﺳﺒﺐ ﻛﻠﺶ ﻣﻬﻢ ﻳﺨﻠﻲ ﺍﺣﻘﺪ ﻋﻠﻴﻚ ﻭ ﻣﺴﺘﺤﻴﻞ ﺍﺗﻘﺒﻠﻚ
- ﻛﻠﺘﻠﺞ ﻏﻠﻄﺖ ﻳﻌﻨﻲ ﻟﻤﺎ ﺍﻧﺖ ﺗﻐﻠﻄﻴﻦ ﺍﻏﻼﻃﺞ ﻣﺴﺎﻣﺤﺔ ﻭ ﻟﻤﺎ ﺍﻏﻠﻂ ﺗﻨﻜﻠﺐ ﺍﻟﺪﻧﻴﺎ ﺿﺤﻴﻠﻲ ﻣﺜﻞ ﻣﺎ ﺿﺤﻴﺘﺞ
- ﻓﺮﻕ ﺑﻴﻨﻲ ﻭ ﺑﻴﻨﻚ ﻻ ﺗﻜﻌﺪ ﺗﻘﺎﺭﻥ ﺍﻏﻼﻃﻲ ﻣﺎ ﺍﺭﺗﻜﺒﺘﻬﺎ ﻭﻳﺎﻙ، ﻭﻳﺎﻙ ﺍﻧﻲ ﺗﺮﻛﺖ ﻛﻠﺸﻲ ﻟﺨﺎﻃﺮﻙ ﺍﺗﻨﺎﺯﻟﺖ ﻋﻦ ﺷﻐﻠﻲ ﻭ ﺧﻠﻴﺖ ﻛﻞ ﻓﻠﻮﺳﻲ ﺑﺄﻳﺪﻙ ﻭ ﻛﻠﺘﻠﻚ ﻫﺎﻙ ﻭ ﺍﻧﻲ ﺍﺻﻴﺮﻟﻚ ﺯﻭﺟﻪ ﺗﺨﺪﻡ ﺑﻴﺘﻚ ﻭ ﺍﻃﻔﺎﻟﻚ
ﻟﻮ ﻏﻠﻄﺎﻧﻪ ﻭﻳﺎﻙ ﺑﺬﺭﺓ ﻭﺍﻟﻠﻪ ﺍﻛﻮﻝ، ﺑﺲ ﺍﻧﻲ ﻋﻔﺖ ﻛﻠﺸﻲ ﻟﺨﺎﻃﺮﻙ ﻭ ﻣﺎ ﺭﺩﺕ ﻏﻴﺮ ﺑﻴﺖ ﻭ ﻋﺎﺋﻠﺔ ﺗﻠﻤﻨﻪ ﻭ ﺍﻋﻴﺶ ﻭ ﺍﻧﺴﻰ ﻭ ﺍﻋﻮﺽ ﻋﻤﺮﻱ ﺑﻴﻚ ..
ﻻ ﺗﻘﺎﺭﻥ ﺍﻏﻼﻃﻲ ﺑﺄﻏﻼﻃﻚ ﺍﻧﻲ ﻣﺎ ﺍﺫﻳﺘﻚ
ﺑﺲ ﺍﻧﺖ ﺗﻌﻤﺪﺕ ﺍﺫﻳﺘﻲ ﻭ ﺭﺟﻌﺖ ﻣﺮﺗﻚ ﺣﺘﻰ ﺗﻜﺴﺮﻧﻲ ﻭ ﺗﻘﻬﺮﻧﻲ ، ﺑﺲ ﻫﻴﻬﺎﺕ ﻣﻮ ﺍﻥ ﺍﻧﻲ ﺍﻻﻃﺦ ﺭﺍﺳﻲ ﻭ ﺍﻗﺒﻞ ﺑﺬﻟﺘﻚ
ﻛﺪﺍﻣﻚ ﺧﻴﺎﺭﻳﻦ ﻳﺎ ﺍﻃﻠﻜﻬﺎ ﻳﺎ ﺍﻃﻠﻜﻨﻲ ﻭ ﺍﺧﺘﺎﺭ
- ﺗﻌﺮﻓﻴﻦ ﺍﻧﻲ ﻣﻦ ﺯﻣﺎﻥ ﻣﺨﺘﺎﺭﺝ ﻭﻛﺖ ﺍﻟﻠﻲ ﻣﺎ ﺟﻨﺘﻲ ﻋﻠﻰ ﺫﻣﺘﻲ ﻭ ﻫﻲ ﻣﺮﺗﻲ ﻧﺎﺳﻴﻬﺎ ﻭ ﺍﻓﻜﺮ ﺑﻴﺞ ﻭ ﺗﻜﻮﻟﻴﻠﻲ ﺍﺧﺘﺎﺭ
.......
ﺍﻟﻤﻌﻨﻰ ؟
- ﻣﺎ ﺍﻛﺪﺭ ﺍﻛﻠﺞ ﺍﻃﻠﻜﻬﺎ ﺻﻌﺐ ﺑﺲ ﺻﺪﻛﻴﻨﻲ ﻏﻴﺮﺝ ﻣﺎ ﺗﺤﻠﻰ ﺑﻌﻴﻨﻲ
- ﻫﻬﻬﻬﻬﻬﻬﻬﻬﻬﻬﻬﻪ ﻣﻨﻮ ﻛﺎﻟﻚ ﺍﻧﻲ ﻫﺎﻣﻨﻲ ﺍﺣﻠﻰ ﺑﻌﻴﻨﻚ ﺍﻭ ﻻ ؟ ﺍﻧﻲ ﺧﻴﺮﺗﻚ ﻭﻻ ﺗﻠﻒ ﻭﺍﺩﻭﺭ ﺑﺎﻟﻜﻼﻡ ، ﻳﺎ ﺍﻃﻠﻜﻨﻲ ﻳﺎ ﺍﻃﻠﻜﻬﺎ
- ﻣﺎ ﺍﻛﺪﺭ
- ﺍﺫﻥ ﺗﻜﺪﺭ ﺗﻄﻠﻊ ﻣﻦ ﺍﻟﺒﻴﺖ
- ﺗﺮﺍ ﻋﻴﺐ ﻋﻠﻴﺞ ﻛﻠﻤﺎ ﺣﺠﻴﺘﻲ ﻭ ﻛﻠﺘﻲ ﺍﻃﻠﻊ ، ﻣﻮ ﺍﻭﻝ ﺭﺟﺎﻝ ﻳﺮﺟﻊ ﻣﺮﺗﻪ ﻛﺎﻓﻲ ﻓﻜﻴﻬﺎ
- ﺭﺍﺿﻴﻪ ﺑﺎﻟﻌﻴﺐ ﻭ ﻣﺎ ﻧﺎﻭﻳﻪ ﺍﻓﻚ ﻭ ﺍﺫﺍ ﺑﺎﻗﻲ ﺫﺭﺓ ﺍﺣﺘﺮﻡ ﺍﻟﻴﻪ، ﺗﻄﻠﻊ ﻭ ﺍﻃﻠﻜﻨﻲ
- ﻣﺎ ﺍﻃﻠﻚ ﻭﻻ ﺍﺗﺤﻠﻤﻴﻦ ﺑﺸﻲ ﺍﺳﻤﻪ ﻃﻼﻙ، ﻣﺎﻛﻮ
- ﻋﻠﻰ ﺭﺍﺣﺘﻚ ﺍﻧﻲ ﺍﻋﺮﻑ ﺷﻠﻮﻥ ﺍﺧﻠﻴﻚ ﺑﺮﺍ ﺑﻴﺘﻲ ﻭ ﺣﻴﺎﺗﻲ ..
ﺍﺧﺬﺕ ﻃﻔﻠﻲ ﻭﺭﺣﺖ ﻟﻐﺮﻓﺔ ﺍﻟﺠﻬﺎﻝ ﻧﻤﺖ
ﺛﺎﻧﻲ ﻳﻮﻡ ﻭﻛﻠﺖ ﻣﺤﺎﻣﻴﺔ ﺻﺪﻳﻘﺘﻲ ﻭ ﺭﻓﻌﺖ ﺩﻋﻮﺓ ﻭ ﺗﻨﺎﺯﻟﺖ ﺑﻜﻞ ﺣﻘﻮﻗﻲ ﻭ ﻃﻠﺒﺖ ﺍﻟﻄﻼﻕ
ﻣﻦ ﻋﺮﻑ ﻣﺎ ﺍﺟﺎ ﻋﻤﻲ ﻣﻨﻌﻪ ﻣﻦ ﺍﻟﺘﺼﺮﻑ، ﻭ ﺍﺟﺎ ﻋﻤﻲ ﻋﺜﻤﺎﻥ ﻭ ﻣﺮﺗﻪ ﻭ ﻋﻤﺘﻲ ﻳﺤﺠﻮﻥ ﻭﻳﺎﻳﻪ
- ﻋﻤﻲ ﻛﻮﻟﻲ ﻳﺎ ﺍﻟﻠﻪ ﻭ ﺳﻤﻲ ﺑﺲ ﺍﻟﺮﺣﻤﻦ ﺑﻴﻨﺎﺗﻜﻢ ﻃﻔﻞ ﻭ ﻣﺎ ﻳﺼﻴﺮ ﺷﻨﻮ ﺫﻧﺐ ﻫﺎﻟﻮﻟﺪ ﻳﻌﻴﺶ ﻣﺸﺘﺖ ﺑﻴﻦ ﺍﻣﻪ ﻭ ﺍﺑﻮﻩ
- ﻟﻴﺶ ﻣﺎ ﮔﻠﺘﻮﻟﻪ ﻫﺎﻟﻜﻼﻡ ﻗﺒﻞ ﻻ ﻳﺮﺟﻌﻬﺎ ﻟﻤﺮﺗﻪ
ﻋﻤﺘﻲ ﻛﺎﻟﺖ : ﻣﺎ ﺍﺩﺭﻱ ﺍﻧﻲ ﻣﻦ ﺭﺟﻌﻬﺎ
ﻭ ﻋﻤﻲ ﻛﺎﻝ : ﻋﻤﻲ ﻫﻢ ﻋﻨﺪﻩ ﺍﻃﻔﺎﻝ ﻣﻦ ﺫﻳﺞ ﻣﺮﺗﻪ ﻭ ﻫﻮ ﻣﺘﻌﺎﺭﻙ ﻭﻳﺎﺝ ﻭ ﻭﺍﺻﻠﻪ ﻟﻠﺴﻼﺡ ﻭ ﻻ ﻣﻔﺘﻬﻤﻴﻦ ﺍﻟﻘﻀﻴﺔ ﻭﻻ ﻧﻌﺮﻑ ﺭﺍﺳﻨﺎ ﻣﻦ ﺭﺟﻠﻴﻨﻪ ﺷﻨﺤﺠﻲ ﺑﻌﺪ
- ﺍﺫﻥ ﻋﻤﻮ ﻻ ﺗﺤﺠﻲ ﻭ ﺧﻠﻮﻧﻲ ﺍﺑﺘﻌﺪ ﻋﻨﻪ ﻣﺪﺍﻡ ﻗﺮﺭ ﻭ ﺍﺧﺘﺎﺭ ﺣﻴﺎﺗﻪ
- ﻫﻮ ﻛﻞ ﻋﻤﺮﻩ ﻣﺨﺘﺎﺭﺝ ﻭ ﺍﻟﺮﺟﺎﻝ ﻳﺤﺒﺞ ﻭ ﻳﺤﺘﺮﻣﺞ
- ﺍﻱ ﺍﺣﺘﺮﺍﻡ ﻫﺬﺍ ﻋﻤﻮ ، ﻣﺮﺟﻊ ﺯﻭﺟﺘﻪ ﺑﺪﻭﻥ ﻋﻠﻤﻲ ﻭ ﺗﻜﻮﻟﻲ ﺍﺣﺘﺮﺍﻡ ، ﻣﺪﺍﻡ ﻣﺪﺧﻠﺖ ﻣﻦ ﺍﻟﺒﺪﺍﻳﻪ ﻭ ﻣﻨﻌﺖ ﻻ ﺗﻜﺪﺭ ﻋﻠﻴﻪ ﻭ ﺗﺠﻲ ﺗﺤﺠﻲ ﻳﻤﻲ ﻋﻤﻮ ﺍﻧﻲ ﻋﺸﺮﺗﻲ ﻭﻳﺎ ﻣﺨﻠﺪ ﺍﻧﺘﻬﺖ
ﺑﻘﻮ ﻳﺤﺎﻭﻟﻮﻥ ﻭﻳﺎﻳﻪ ﻳﺮﻳﺪﻭﻥ ﻣﺎ ﻗﺒﻠﺖ
ﺍﺟﺎ ﻫﻮ ﺗﻌﺎﺭﻙ ﻭﻳﺎﻳﻪ ﻫﺪﺩ ﺑﻘﻰ ﻳﻜﺴﺮ ﻭ ﻳﺘﻮﻋﺪ
ﻣﺮﺩﻳﺖ، ﻛﺎﻝ : ﻟﻮ ﺍﻃﻠﻜﺘﻲ ﻛﻞ ﺣﻖ ﺍﻟﺞ ﺑﺎﻟﻤﻘﻬﻰ ﻳﺴﻘﻂ
- ﺍﻟﻤﻘﻬﻰ ﺑﻔﻠﻮﺳﻲ ﻭ ﻣﺎ ﺍﻟﻚ ﻛﻞ ﺣﻖ ﺑﻴﻪ
- ﻣﻌﻨﺎﻫﺎ ﺗﺘﻨﺎﺯﻟﻴﻦ ﺍﻟﻲ ﺑﻬﺬﺍ ﺍﻟﺒﻴﺖ
- ﻫﺬﺍ ﺍﻟﺒﻴﺖ ﻣﻬﺮﻱ ﻭ ﻣﺎ ﺟﺒﺮﺗﻚ ﺍﻧﻲ ﻋﻠﻴﻪ، ﺟﺎﻥ ﺷﺮﻁ ﻣﻬﺮﻱ ﻳﻜﻮﻥ ﻃﺎﺑﻮ ﺍﻟﺒﻴﺖ ﻭ ﺍﻧﺖ ﻭﺍﻓﻘﺖ ﺑﺲ ﺣﺘﻰ ﻧﺘﺰﻭﺝ
- ﺟﺎﻳﻪ ﺗﺴﻮﻳﻨﻲ ﺯﻭﺝ ﺍﻧﺖ، ﺗﺎﺧﺬﻳﻦ ﺍﻟﺠﻮﺍﻱ ﻭ ﺍﻟﻮﺭﺍﻱ ﻭ ﺗﺮﻭﺣﻴﻦ
- ﺍﻧﻲ ﻻ ﺍﺩﻭﺭ ﻭﺭﺍﻙ ﻭﻻ ﺟﻮﺍﻙ ﻛﻞ ﻫﺬﺍ ﺣﻘﻲ
- ﺍﻟﻌﻨﺪﻱ ﻛﻠﺘﻪ ﻭ ﻣﺎ ﺍﻟﺞ ﻳﻤﻲ ﺍﻱ ﻓﻠﺲ ﺍﻻ ﻓﻲ ﺣﺎﻝ ﺗﺘﻨﺎﺯﻟﻴﻦ ﻋﻦ ﺍﻟﻄﻼﻕ ﺍﺗﻨﺎﺯﻝ ﺍﻟﺞ ﺑﺎﻟﻤﻘﻬﻰ
ﺭﻓﻀﺖ ﻭ ﺭﺣﺖ ﻟﺒﻴﺖ ﻋﻤﻲ ﺭﺩﺗﻪ ﻳﻮﻛﻒ ﻭﻳﺎﻳﻪ ﺷﻮ ﺻﺎﺭ ﺿﺪﻱ ﻭ ﻳﻜﻮﻟﻲ : ﺣﻘﻪ ﻭ ﻻﺯﻡ ﺗﺘﻨﺎﺯﻟﻴﻦ ﻭ ﺍﻃﺨﻴﻦ ﺭﺍﺱ ﻛﺎﻓﻲ ﺭﺍﻛﺒﻪ ﺭﺍﺳﺞ ﺍﻟﺮﺟﺎﻝ ﺷﺎﺭﻳﺞ ﻭ ﺍﻧﺖ ﻋﻠﻌﻠﺘﻲ ﻭ ﺩﻣﺮﺗﻲ ﻭ ﺟﺎﻳﻪ ﺗﻬﺠﻤﻴﻦ ﺑﻴﺘﺞ ﻋﻠﻰ ﺯﻭﺍﺝ ﺍﻧﺖ ﺗﻌﺮﻓﻴﻦ ﻫﻮ ﻣﺎ ﻣﻌﺘﺮﻑ ﺑﻴﻪ ﺑﺲ ﺣﺘﻰ ﻳﺮﺟﻊ ﺍﻡ ﺍﻃﻔﺎﻟﻪ ﻭ ﻳﻠﻤﻬﻢ
........
ﺍﻧﻲ ﻣﺎ ﺟﺒﺮﺗﻪ ﻳﺘﺮﻙ ﺍﻡ ﺍﻃﻔﺎﻟﻪ، ﻣﺎ ﻃﻠﺒﺖ ﻣﻨﻪ ﻳﻄﻠﻜﻬﺎ، ﺍﺑﺘﻌﺪﺕ ﻋﻨﻪ ﻭ ﻫﻮ ﺍﻟﻠﻲ ﺍﺟﺎﻟﻲ ﻟﻨﺺ ﺍﺭﺑﻴﻞ ﻳﺒﺸﺮﻧﻲ ﺑﻄﻼﻙ ﺯﻭﺟﺘﻪ، ﻭﻳﻦ ﻛﻼﻣﻜﻢ ﻫﺬﺍ ﻭﻗﺖ ﺍﻟﻠﻲ ﻃﻠﻚ ﻟﻴﺶ ﺑﺲ ﻣﻦ ﺍﻧﻲ ﺍﺳﻮﻱ ﺷﻐﻠﻪ ﻛﻠﻜﻢ ﺗﺼﻴﺮﻭﻥ ﺿﺪﻱ ﻟﻮ ﻷﻥ ﻫﻮ ﺭﺟﺎﻝ ﻳﺤﻘﻠﻪ ﻛﻞ ﺷﻲ ﻭ ﺍﻧﻲ ﻣﺮﻩ ﻻﺯﻡ ﺍﺧﺾ ﻭ ﺍﺳﻜﺖ
ﻣﺎ ﺍﺳﻜﺖ ﻭﻻ ﺭﺍﺡ ﺍﺳﻜﺖ، ﺍﻟﺮﺟﺎﻝ ﺍﻟﺨﺎﻧﻲ ﻭ ﺭﺍﺩ ﻳﻜﺴﺮﻧﻲ ﻣﺎ ﺍﺳﻜﺘﻠﻪ ﻋﻠﻰ ﺣﻖ ﻭﻻ ﺍﺗﻨﺎﺯﻟﻪ ﺑﺸﻲ ﻛﻞ ﻳﻜﻮﻥ ﺑﻌﻠﻤﻜﻢ
ﺑﻘﻴﺖ ﺑﺼﺮﺍﻉ ﻭﻳﺎﻫﻢ ﻷﻥ ﺍﻟﻜﻞ ﻉ ﺍﻻﻃﻼﻕ ﻛﺎﻥ ﺿﺪ ﺍﻟﻄﻼﻕ ﺣﺘﻰ ﻋﻤﺘﻲ ﻭ ﻣﺤﺪ ﻣﻨﻬﻢ ﻃﻠﺐ ﻣﻨﻪ ﺳﻄﻠﻚ ﻭ ﻳﺮﺟﻌﻨﻲ ﻭ ﺍﻋﺮﻑ ﻟﺨﺎﻃﺮ ﺍﻃﻔﺎﻟﻪ ﺑﺲ ﺍﻧﻲ ﻣﻤﺠﺒﻮﺭﺓ ﺍﺗﻘﺒﻞ ﺧﻴﺎﻧﺘﻪ ﺍﻟﻲ ، ﻫﻮ ﺍﻟﻠﻲ ﻃﻠﻚ ﻭ ﺍﺗﺰﻭﺟﺘﻪ ﻭ ﻫﻮ ﻣﻄﻠﻚ ﻣﻮ ﻣﻦ ﺣﻘﻪ ﻳﺨﻮﻧﻲ
ﻻ ﺭﺿﻴﺖ ﺍﺧﻀﻊ ﻭﻻ ﻫﻢ ﺭﺿﻮﺍ ﺑﺎﻟﻄﻼﻙ، ﺍﻟﻤﻘﻬﻰ ﺣﺎﻭﻟﺖ ﺑﻜﻞ ﺟﻬﺪﻱ ﺍﺭﺟﻌﻪ ﻛﻠﻬﻢ ﺿﺪﻱ ﻭﻳﺎﻩ ﻭ ﻳﻜﻮﻟﻮﻥ ﻣﻦ ﺣﻘﻪ، ﺭﺣﺖ ﻟﻤﺤﺎﻣﻴﻪ ﺻﺪﻳﻘﺘﻲ ﻭ ﺍﺧﺬﺕ ﺭﺃﻳﻬﺎ ﻛﺎﻟﺘﻠﻲ : ﺑﺎﻟﻘﺎﻧﻮﻥ ﻣﺎ ﺍﻟﺞ ﻷﻥ ﺑﺄﺳﻤﻪ
ﻻ ﺍﻟﻲ ﺍﺏ ﻭﻻ ﺍﺣﺪ ﺍﺷﺘﻜﻴﻠﻪ ﻭ ﻳﻜﻌﺪﻫﻢ ﻭ ﻳﺎﺧﺬ ﺣﻘﻲ، ﺑﻘﺖ ﻣﺎﻣﺎ ﺗﻠﻮﻣﻨﻲ ﻋﻠﻰ ﺗﻨﺎﺯﻟﻲ ﻭ ﻛﺘﻠﺞ ﻭ ﺣﺠﻴﺖ ﻭ ﺻﻮﺟﺞ، ﺍﺧﺮﻫﺎ ﺭﺿﻴﺖ ﺑﺎﻟﻮﺍﻗﻊ ﻭ ﺗﺮﻛﺖ ﺍﻟﻤﻘﻬﻰ ﻭ ﺍﻃﻠﻘﺖ
ﻋﺮﺿﺖ ﺍﻟﺒﻴﺖ ﻟﻠﺒﻴﻊ
ﻭ ﺍﻧﺘﻈﺮﺕ ﻳﻨﺒﺎﻉ ﺣﺘﻰ ﺍﺻﻔﻲ ﻛﻠﺸﻲ ﻭ ﺍﻃﻠﻊ
ﺑﻴﻮﻡ ﺟﻨﺖ ﺑﺎﻟﺒﻴﺖ ﺍﻧﻲ ﻭ ﺭﺿﺎ ﺑﺲ
ﺭﺿﺎ ﻧﺎﻳﻢ ﻭ ﺍﻧﻲ ﺑﺎﻟﻤﻄﺒﺦ ﺍﻧﻈﻒ ، ﺳﻤﻌﺖ ﺍﻛﻮ ﺿﺮﺑﻪ ﻓﻮﻙ ﺍﻟﺴﻄﺢ، ﻓﺰﻳﺖ ، ﺻﻔﻨﺖ : ﺷﻜﻮ ؟
ﺻﻌﺪﺕ ﻟﻠﺪﺭﺝ ﻣﺎﻛﻮ ﺍﺣﺪ ، ﺩﻭﺭﺕ ﻣﻨﺎ ﻣﻨﺎ ﻣﺸﻔﺖ ﺷﻲﺀ
ﻧﺰﻟﺖ ﺷﻔﺖ ﺍﻟﺒﺎﺏ ﻣﻔﺘﻮﺡ ﻣﺎﻝ ﺍﻟﺼﺎﻟﺔ، ﺟﺎﻥ ﺍﻟﺠﻮ ﺑﺎﺭﺩ ﺗﻘﺮﻳﺒﺎ ﻓﺮﺣﺖ ﺳﺪﻳﺘﻪ
ﻛﻤﻠﺖ ﺗﻨﻈﻴﻒ ﻭ ﻛﻌﺪﺕ ﻉ ﺍﻟﻤﻮﺑﺎﻳﻞ، ﺳﻬﻴﺖ ﺳﺎﻋﺘﻴﻦ ﻭ ﺍﻧﻲ ﺍﺗﺼﻔﺢ، ﺍﺳﺘﻔﻘﺪﺕ ﺭﺿﺎ ﻣﺎ ﺑﺠﻰ ﻭﻻ ﻛﻌﺪ ﻳﺮﻳﺪ ﺣﻠﻴﺐ
ﺭﺣﺖ ﻟﻠﻜﺎﺭﻭﻙ ﻣﺎﻟﺘﻪ
ﻭ ﺍﻟﻤﻔﺎﺟﺌﺔ ﺭﺿﺎ ﻣﺎﻛﻮ !!
ﺿﺮﺑﺖ ﺍﻳﺪﻱ ﻋﻠﻰ ﺧﺪﻱ : ﻳﻤﻪ ﺍﺑﻨﻲ ﻭﻳﻨﻪ ؟
ﺩﻭﺭﺕ ﺍﻟﺴﺮﻳﺮ ، ﺍﻟﻐﺮﻓﻪ ﻣﺎﻛﻮ
ﻣﻦ ﻋﻘﻠﻲ ﺩﻧﻜﺖ ﺟﻮﺍ ﺍﻟﺴﺮﻳﺮ ﻭ ﺍﺭﻭﺡ ﻟﻠﻤﻄﺒﺦ ﻣﺎﻛﻮ ﺍﻟﻄﻔﻞ ﺍﺧﺘﻔﻰ
ﻃﻠﻌﺖ ﻣﻦ ﺍﻟﺒﻴﺖ ﺍﺭﻛﺾ ﻟﺒﻴﺖ ﻋﻤﻲ ﻋﻤﺮﺍﻥ ﻛﻤﺖ ﺍﺩﻙ ﺍﻟﺒﺎﺏ ﺣﻴﻞ : ﻣﺨﻠﺪ ﺍﻟﺤﻜﻠﻲ ﻣﺨﻠﺪﺩﺩﺩﺩﺩﺩ ، ﺍﺑﻨﻲ ﺭﺍﺍﺍﺍﺡ ﻣﺨﻠﺪ
ﻃﻠﻌﻠﻲ ﻫﻮ ﺑﺴﺮﻋﻪ : ﺷﺒﻴﺞ ﻓﻬﻤﻴﻨﻲ ﺷﻤﻮ ﺷﺼﺎﻳﺮ
- ﻣﺨﻠﺪ ﻃﻔﻠﻲ ﻣﺎﻛﻮ ﻣﻨﻮﻣﺘﻪ ﺑﺴﺮﻳﺮﻩ ﻣﺎ ﻟﻜﻴﺘﻪ ﺷﺴﻮﻱ ﺍﻟﺤﻜﻨﻲ ﺭﺍﺡ ﺍﻣﻮﺕ ﺍﺑﻨﻲ ﻭﻳﻦ ﺭﺍﺡ
- ﻃﻔﻞ ﻫﻠﻜﺪﻩ ﻭﻳﻦ ﻳﺮﻭﺡ
- ﻣﺎ ﺍﺩﺭﻱ ﻣﺎ ﺍﺩﺭﻱ ﺍﺭﻳﺪ ﺍﺑﻨﻲ ﻋﻔﻴﺔ ﻓﺪﻭﺓ ﺍﺭﻳﺪ ﺍﺑﻨﻲ
ﺑﻘﻰ ﻳﺼﻴﺢ ﻋﻠﻴﻪ، ﻓﺎﺕ ﺑﺪﻝ ﻭ ﻛﺎﻝ ﺍﺭﺟﻌﻲ ﻟﻠﺒﻴﺖ ﺍﻧﻲ ﻃﺎﻟﻊ ﺍﺩﻭﺭ ﻋﻠﻴﻪ
- ﺍﺭﻭﺡ ﻭﻳﺎﻙ ﺍﺑﻨﻲ ﻣﺎ ﺍﻛﺪ ﻣﺨﻠﺪ
- ﻛﻠﺘﻠﺞ ﺍﺭﺟﻌﻲ ﻟﻠﺒﻴﺖ
ﺻﻌﺪ ﺑﺎﻟﺴﻴﺎﺭﺓ ﻭ ﻃﻠﻊ، ﺍﺟﺎ ﻣﺎﺯﻥ ﻭﺭﺍﻱ : ﻃﻔﻞ ﻫﻠﻜﺪﻩ ﻣﺎ ﻋﺮﻓﺘﻲ ﺗﺤﺎﻓﻈﻴﻦ ﻋﻠﻴﻪ
- ﺷﻨﻮ ﻣﻤﺤﺎﻓﻈﺔ ﻋﻠﻴﻪ ﻣﻨﻮﻣﺘﻪ ﺑﺴﺮﻳﺮﻩ ﻗﺎﺑﻞ ﻳﻤﺸﻲ ﻫﻮ ﻭ ﺍﺭﻛﺾ ﻭﺭﺍﻩ
ﻃﻠﻌﺖ ﻋﻤﺘﻲ ﻛﺮﺟﻴﻪ ﺗﺼﻴﺢ ﻭ ﺗﺪﻋﻲ ﻭ ﺗﻜﻮﻝ : ﺭﺍﺡ ﺍﻟﻮﻟﺪ ﺍﻟﻠﻪ ﻻ ﻳﻨﻄﻴﺞ ﻟﺠﻴﻦ ﻣﻠﺘﻬﻴﻪ ﺑﺎﻟﻤﻮﺑﺎﻳﻞ ﻭ ﺿﺎﻉ ﺍﻟﻄﻔﻞ ﺭﺍﺡ ﺍﻟﻮﻟﻴﺪ ﻳﻤﻪ
....
ﻛﻤﺖ ﺍﺑﺠﻲ ﻭ ﺍﻣﺸﻲ ﺑﺎﻟﻔﺮﻉ ﻭ ﺍﺩﻋﻲ ﺭﺑﻲ ﻳﺮﺟﻌﻠﻲ ﻃﻔﻠﻲ، ﻛﻤﺖ ﺍﻣﺸﻲ ﺑﺎﻟﺸﺎﺭﻉ ﺑﻼ ﺩﺭﺍﻳﻪ ﺑﺲ ﺍﺻﻴﺢ : ﺍﺭﻳﺪ ﺍﺑﻨﻲ ﺭﺑﻲ ﻟﻴﺶ ﺗﺨﻠﻴﻨﻲ ﺍﺗﻬﻨﻰ ﺑﺄﻃﻔﺎﻟﻲ ، ﺍﺭﻳﺪ ﺍﺑﻨﻴﻴﻴﻲ
ﺷﻔﺖ ﺍﻛﻮ ﺩﻭﺭﻳﺔ ﺍﺟﺖ، ﻣﺨﻠﺪ ﻭﻳﺎﻫﻢ ﻭﻛﻒ ﺍﺑﺎﺏ ﺑﻴﺘﻲ ﺭﺣﺖ ﺭﻛﺾ ﺍﻛﻮﻟﻬﻢ : ﺍﺑﻨﻲ ﻭﻳﻦ ﻣﻠﻜﻴﺘﻮ ﺍﺑﻨﻲ ﺩﺧﻴﻠﻜﻢ ﺍﺭﻳﺪ ﺍﺑﻨﻲ
- ﺍﻫﺪﻱ ﻟﺠﻴﻦ ﻫﺬﺍ ﺍﻟﻤﻼﺯﻡ ﻣﺤﻤﺪ ﺻﺪﻳﻘﻲ ﻳﺮﻳﺪ ﻳﺘﺤﻘﻖ ﺑﺤﺎﻟﺔ ﺍﻟﺨﻄﻒ
- ﺷﻨﻮ ﻳﻌﻨﻲ ﺧﻄﻒ ﻣﺨﻠﺪ ﺍﺑﻨﻲ ﻭﻳﻦ
- ﺍﺧﺘﻲ ﺍﻧﺖ ﺑﺲ ﻛﻮﻟﻴﻠﻲ ﻭﻓﺖ ﺍﻟﺤﺎﺩﺙ ﺷﻮﻛﺖ
ﻭﻛﻒ ﻳﺘﺤﻘﻖ ﻭﻳﺎﻱ ﻣﺨﻠﺪ ﺩﺧﻠﻪ ﺟﻮﻩ ﻭ ﺍﻧﻲ ﺍﺟﺎﻭﺑﻪ ﺑﻘﻰ ﻳﺴﺄﻟﻨﻲ ﺍﺫﺍ ﺻﺎﻳﺮ ﻭﻳﺎﺝ ﺷﻲ ﻏﺮﻳﺐ ﺍﻭ ﻻﺣﻀﺘﻲ ﺻﻮﺕ
ﻛﻠﺘﻠﻪ ﺍﻱ ﺳﻤﻌﺖ ﺻﻮﺕ ﻓﻮﻙ ﻭ ﺻﻌﺪﺕ ﻭ ﻣﻠﻜﻴﺖ ﺍﺣﺪ
- ﺗﺎﻛﺪﺗﻲ ﻣﻦ ﻭﺟﻮﺩ ﺍﺑﻨﺞ ﺑﻌﺪ ﻣﺎ ﻧﺰﻟﺘﻲ ؟
- ﻻ ﻛﺎﻥ ﻧﺎﻳﻢ ﻭ ﺍﻧﻲ ﺍﺷﺘﻐﻞ ﻟﺴﺎﻋﺘﻴﻦ ﻳﻼ ﺍﺳﺘﻔﻘﺪﺗﻪ ﻣﺒﺠﻪ ﻭ ﺭﺣﺖ ﻟﻜﻴﺘﻪ ﻣﻤﻮﺟﻮﺩ ﺑﺴﺮﻳﺮﻩ
ﺣﺤﻘﻮ ﺑﺎﻟﺤﺎﺩﺙ ﻭ ﺍﺳﺘﻔﻘﺪﻭﺍ ﻛﻞ ﺍﻟﺒﻴﺖ ﻭ ﺑﺤﺜﻮﺍ ﺑﻴﻪ
ﺳﺄﻟﻮﻧﻲ ﺍﺫﺍ ﺣﺴﻴﺖ ﺑﺤﺮﻛﻪ ﺑﺎﻟﺒﻴﺖ ﺍﻭ ﺑﺮﺍ
ﻓﻜﻠﺖ ﻟﻪ : ﻻ ﻣﺤﺴﻴﺖ ﻷﻥ ﺑﺎﺭﺩﺓ ﻭ ﺍﻻﺑﻮﺍﺏ ﻣﺴﺪﻭﺩﻩ ﻭ ﻫﻮﺍ ﻋﺎﻟﻲ ﺑﺮﺍ ﻣﺴﻤﻌﺖ ﺷﻲ
ﻟﻠﺤﻈﻪ ﺗﺬﻛﺮﺕ ﺑﺎﺏ ﺍﻟﺼﺎﻟﺔ ﺟﺎﻥ ﻣﻔﺘﻮﺡ ﻛﻤﺖ ﻣﻔﺰﻭﻋﻪ ﻭﻛﻠﺖ ﻟﻪ : ﺍﺗﺬﻛﺮﺕ ﺷﻐﻠﻪ ﻟﻤﺎ ﺳﻤﻌﺖ ﺻﻮﺕ ﻓﻮﻙ ﻭ ﻣﻠﻜﻴﺖ ﺷﻲ ﻧﺰﻟﺖ ﻟﻜﻴﺖ ﺑﺎﺏ ﺍﻟﺼﺎﻟﻪ ﻣﻔﺘﻮﺡ ﻭ ﺳﺪﻳﺘﻪ، ﺑﺲ ﻣﺎ ﺟﺎﻥ ﻫﻮ ﻣﻔﺘﻮﺡ ﻭﻻ ﺧﻄﺮ ﻋﻠﻰ ﺑﺎﻟﻲ ﺍﻧﻮ ﺍﺣﺪ ﻓﺎﺗﺤﻪ ﻷﻥ ﺳﺎﻛﻨﻪ ﻭﺣﺪﻱ ﻭ ﺍﻟﻤﻨﻄﻘﺔ ﺍﻣﺎﻥ
ﻣﺨﻠﺪ -: ﺷﻨﻮ ﻳﻌﻨﻲ ﺍﻟﻤﻨﻄﻘﺔ ﺍﻣﺎﻥ ﻏﻴﺮ ﺍﺩﻳﺮﻳﻦ ﺑﺎﻟﺞ ﻋﻠﻰ ﺍﻟﻄﻔﻞ
- ﻭ ﺍﻧﻲ ﺳﻌﺮﻓﻨﻲ ﺣﻴﺼﻴﺮ ﻫﻴﺞ ﻃﻔﻞ ﻋﻤﺮﻩ ﺧﻤﺶ ﺍﺷﻬﺮ ﻧﺎﻳﻢ ﺑﺴﺮﻳﺮﻩ ﻭﻳﻦ ﻳﺨﻄﺮ ﺑﻌﻘﻠﻲ ﺍﺣﺪ ﻳﻔﻮﺕ ﻟﻨﺺ ﺍﻟﺒﻴﺖ ﻭﻳﺎﺧﺬﻩ
ﺑﻘﻰ ﻳﺤﺠﻲ ﻭ ﻳﺼﻴﺢ ﻋﻠﻴﻪ : ﻭ ﺍﻧﺖ ﻣﻬﻤﻠﻪ ﻭ ﺳﺎﺑﻘﺎ ﺍﻧﺠﺮﺣﺖ ﺑﻄﻦ ﺍﺑﻨﻲ ﻭ ﻫﻢ ﺗﻜﻮﻟﻴﻦ ﻣﻮ ﺫﻧﺒﻲ ﻭ ﺍﻟﻰ ﻣﺘﻰ ﺗﺒﻘﻴﻦ ﺑﻬﺎﻻﻣﺒﻼﺓ ، ﻛﺎﻓﻲ ﺍﺻﺤﻲ ﻋﻠﻰ ﻧﻔﺴﺞ ﺍﺑﻨﻲ ﺭﺍﺡ ﺑﺴﺒﺐ ﻏﺒﺎﺋﺞ
ﻭﺑﻘﻰ ﻳﺮﺯﻟﻨﻲ ﻛﺪﺍﻣﻬﻢ
ﺍﺟﺎ ﺍﻟﻤﺤﻘﻖ ﺑﻌﺪ ﻣﺎ ﻛﻤﻞ ﺗﺤﻘﻴﻖ ﻭ ﻛﺎﻝ ﻟﻤﺨﻠﺪ : ﺳﻴﺪﻱ ﺍﻟﻤﻘﺪﻡ ﺍﻟﺤﺎﻟﺔ ﻋﻠﻰ ﺍﻷﻛﺜﺮ ﻫﻲ ﺣﺎﻟﺔ ﺍﺧﺘﻄﺎﻑ، ﻟﺮﺑﻤﺎ ﻋﺪﺍﻭﺍﺕ ﻭﻳﺎﻙ ﺍﻭ ﻭﻳﺎ ﺍﻷﻡ، ﺭﺍﺡ ﻧﺘﺎﺑﻊ ﺍﻟﻤﻮﺿﻮﻉ ﻭ ﺍﺑﻠﻐﻚ ﺑﺎﻻﺣﺪﺍﺛﻴﺎﺕ ﺃﻭﻝ ﺑﺄﻭﻝ
ﺟﻨﻴﺖ ﻣﻦ ﺳﻤﻌﺖ ﺍﺑﻨﻲ ﻣﺨﻄﻮﻑ ﻛﻤﺖ ﺍﺻﺮﺥ ﻭ ﺍﺑﺠﻲ ﺍﺟﻮ ﺑﻴﺖ ﻋﻤﻲ ﻭ ﻋﻤﺘﻲ ﻭ ﺍﻟﺠﻴﺮﺍﻥ ﻫﻤﺎﺗﻴﻦ ﻭ ﺍﻧﮕﻠﺒﺖ ﺍﻟﺪﻧﻴﺎ ﺑﺎﻟﺒﻴﺖ ﺫﺍﻙ ﺍﻟﻴﻮﻡ
ﻳﻮﻣﻴﻦ ﻭ ﺍﻟﻄﻔﻞ ﻣﺎﻛﻮ ، ﺻﺮﺕ ﺍﻧﻲ ﻭ ﺍﻟﺠﻨﺎﺯﺓ ﺳﻮﺍ ﻻ ﺍﻛﻞ ﻻ ﺷﺮﺏ ﺑﺲ ﺑﺠﻲ ﻭ ﺍﻭﻥ ﻋﻠﻰ ﺍﺑﻨﻲ
ﻧﺎﻫﻴﻚ ﻋﻦ ﺍﻟﺤﺠﻲ ﻭ ﺍﻟﻐﻠﻂ ﻋﻠﻴﻪ ﻷﻥ ﻣﺎ ﺩﺭﺕ ﺑﺎﻟﻲ ﻋﻠﻴﻪ ﻭ ﻳﻜﻠﻮﻟﻲ ﺿﻴﻌﺘﻲ ﺑﻨﺘﺞ ﻭ ﺍﻝ ﺷﻮﻳﻪ ﺟﺎﻥ ﻳﻀﻴﻊ ﺍﺑﻦ ﻣﺨﻠﺪ ﻭ ﻫﺴﻪ ﻫﺎﻟﻄﻔﻞ
ﻭ ﻭ ﺍﻟﻠﻲ ﻳﻠﻮﻡ ﻭ ﺍﻟﻠﻲ ﻳﻌﺘﺐ ﻭ ﺍﻟﻠﻲ ﻳﺘﺸﻤﺖ ﻭ ﺍﻟﻠﻲ ﻳﻐﻠﻂ
ﺍﻣﺘﻠﻴﺖ ﺑﻘﻬﺮﻱ ﻻ ﺍﺣﺪ ﺍﺷﻜﻴﻠﻪ ﻭﻻ ﺍﺣﺪ ﺍﻓﺘﺤﻠﻪ ﻛﻠﺒﻲ ﻭ ﻳﺸﻮﻑ ﺟﺒﺎﻝ ﺍﻟﺤﺰﻥ ﺍﻟﻠﻲ ﺑﻴﻪ
ﺍﻟﻰ ﺍﻥ ﺍﺗﺼﻞ ﺑﻴﻪ ﻣﺨﻠﺪ ﻛﺎﻝ ﻟﻜﻮﻩ
ﻓﺰﻳﺖ ﻣﻦ ﺣﻴﻠﻲ ﻭ ﺍﻛﻤﺰ ﻭ ﺍﺑﺸﺮ ﺑﻴﻬﻢ ﻭ ﺍﺻﺮﺥ ﻟﻜﻮ ﺍﺑﻨﻲ ﻣﺨﻠﺪ ﻟﻜﺎﻩ ﺭﺍﺡ ﻳﺠﻴﺒﻮﻟﻲ ﺍﺑﻨﻲ
ﻭ ﺍﺣﻀﻦ ﺑﻴﻬﻢ ﻣﺜﻞ ﺍﻟﻤﺠﻨﻮﻧﻪ
...
ﻃﻠﻌﺖ ﻣﻦ ﺍﻟﺒﻴﺖ ﻭ ﺧﺎﺑﺮﺕ ﻣﺨﻠﺪ : ﻭﻳﻨﻪ ﻭ ﺷﻠﻮﻥ ﻟﻜﻴﺘﻮ ﺍﺣﺠﻴﻠﻲ
- ﺑﻠﻐﻨﺎ ﺍﻟﻤﺮﺍﻛﺰ ﻛﻠﻬﺎ ﺑﺤﺎﻟﺔ ﺍﻟﺨﻄﻒ ﻭ ﺍﻟﻴﻮﻡ ﻟﻜﻮ ﻃﻔﻞ ﻣﺸﻤﻮﺭ ﻛﺪﺍﻡ ﺍﻟﺠﺎﻣﻊ ﻭ ﺧﺎﺑﺮﻭﻧﻲ ﺍﺫﺍ ﻫﻮ ﺍﺑﻨﻲ ﺭﺣﺖ ﻭ ﻟﻜﻴﺘﻪ ﻫﻮ ﻭ ﻫﺴﻪ ﺍﻧﻲ ﺟﺎﻱ ﺑﺎﻟﻄﺮﻳﻖ
ﺑﻘﻴﺖ ﻣﻨﺘﻈﺮﺓ ﻋﻠﻰ ﻧﺎﺭ ﺷﻮﻛﺖ ﻳﺠﻴﺒﻪ ﻭ ﺍﺣﻈﻨﻪ ﻭ ﻣﺎ ﺍﻓﺎﺭﻛﻪ ﻭ ﻳﻀﻴﻊ ﻣﻨﻲ ﻣﺮﻩ ﺛﺎﻧﻴﺔ
ﺍﻗﻞ ﺍﻟﻨﺺ ﺳﺎﻋﻪ ﻭ ﻭﺻﻞ ﻗﺒﻞ ﻻ ﻳﻄﻔﻲ ﺍﻟﺴﻴﺎﺭﺓ ﻓﺘﺤﺖ ﺍﻟﺒﺎﺏ ﻭ ﺍﺧﺬﺕ ﺍﺑﻨﻲ، ﻭﻛﺘﻬﺎ ﻣﺎ ﺣﻤﻠﺘﻨﻲ ﺭﺟﻠﻴﻪ ﻛﻌﺪﺕ ﻋﻠﻰ ﺭﻛﺒﻲ ﻭ ﺣﻈﻨﺘﻪ ﺣﻴﻞ ﻭ ﻛﻤﺖ ﺍﺑﺠﻲ ﻣﻦ ﻛﻞ ﮔﻠﺒﻲ
ﻛﻮﻣﻨﻲ ﻫﻮ ﻭ ﺩﺧﻠﻨﻲ ﻟﻠﺒﻴﺖ، ﻣﺎ ﻓﺎﺭﻛﺘﻪ ﺑﺲ ﺍﺑﺠﻲ ﻭ ﻫﻮ ﻳﺸﺮﺣﻠﻬﻢ ﺷﻠﻮﻥ ﺍﻟﺸﻴﺦ ﻣﺎﻝ ﺍﻟﺠﺎﻣﻊ ﻟﻜﺎﻩ ﺑﺎﻟﺒﺎﺏ ﻭ ﺷﺎﻣﺮﻳﻪ ﻭ ﻳﻜﻮﻝ ﺍﻟﻠﻪ ﺳﺘﺮﻧﺎ ﻭﻟﻜﻴﻨﺎﻩ ﺟﺎﻥ ﺿﺎﻉ ﺍﻟﻄﻔﻞ ﻣﻦ ﺍﺩﻳﻨﺎ
ﺍﺟﺖ ﻋﻤﺘﻲ ﻛﺮﺟﻴﻪ ﻭ ﻛﺎﻟﺖ : ﻣﺎ ﺍﻟﺞ ﻃﻔﻞ ﻳﻤﻨﺎ ﺑﻌﺪ ، ﺍﺑﻨﺎ ﻳﺮﺟﻊ ﺍﻟﻨﺎ ﻭ ﺍﻧﺖ ﺧﻠﻴﺞ ﺣﺎﻳﺮﻩ ﺑﺎﻟﻤﻮﺑﺎﻳﻞ ﻭ ﺍﻟﺸﺎﺭﻉ ﺍﻟﺘﻔﺘﺮﻳﻦ ﺑﻴﻪ
- ﺍﺑﻨﻲ ﺍﻧﺨﻄﻒ ﻣﻦ ﺑﻴﺘﻲ ﻭ ﺍﻟﻠﻪ ﻋﺎﻟﻢ ﻣﻨﻮ ﺍﻟﺨﻄﻔﻪ ﺗﺤﻠﻤﻮﻥ ﺗﺎﺧﺬﻭﻥ ﺷﻌﺮﻩ ﻣﻦ ﺍﺑﻨﻲ ﺣﺘﻰ ﺍﻧﻄﻴﻪ
ﻣﺨﻠﺪ : ﻻ ﻟﺠﻴﻦ ﺍﺑﻨﻲ ﺑﻌﺪ ﻣﺎ ﺍﻛﺪﺭ ﺍﺋﻤﻨﻪ ﻋﻨﺪﺝ ، ﺍﻧﻲ ﻣﻦ ﺑﺎﺟﺮ ﺍﺭﻓﻊ ﺩﻋﻮﺓ ﺣﻀﺎﻧﻪ ﻟﻠﻄﻔﻞ ﻭ ﺍﺧﺬﻩ ﻋﻨﺪﻱ
- ﻣﺴﺘﺤﻴﻞ ﺍﻗﺒﻞ ، ﻣﺎ ﺍﺳﻤﺤﻠﻚ ﺗﺎﺧﺬ ﺍﺑﻨﻲ ﻣﻦ ﻋﻨﺪﻱ، ﺍﻧﻲ ﻣﺎ ﺍﻟﻲ ﺫﻧﺐ ﺑﻌﺪﺍﻭﺍﺗﻚ ﻳﺨﻄﻔﻮﻥ ﺍﺑﻨﻲ ﻭ ﺍﻧﻲ ﺍﺑﺘﻠﻲ
- ﻭ ﻣﻨﻮ ﻛﺎﻝ ﻋﺪﺍﻭﺓ ﻭﻳﺎﻱ ﻟﻴﺶ ﻣﺎ ﻋﺪﺍﻭﺓ ﻭﻳﺎﺝ ﻭﻳﻄﻠﻊ ﻣﺎﻟﻚ ﻫﻮ ﺍﻟﻠﻲ ﻳﺴﻮﻱ ﺑﻴﺞ ﻫﻴﺞ
- ﻻ ﻣﻮ ﻣﺎﻟﻚ ﻭ ﻻ ﻋﺪﺍﻭﺓ ﻭﻳﺎﻱ
- ﻻ ﺗﻨﻜﺮﻳﻦ ﻣﺎﻟﻚ ﺍﻛﺜﺮ ﻣﻦ ﻣﺮﺓ ﺗﻌﺮﺿﻠﺞ ﻭ ﺣﺎﻭﻝ ﻳﺄﺫﻳﺞ ﻭ ﻫﺴﻪ ﺍﺧﺬ ﺍﺑﻨﺞ ﻭ ﺭﺟﻌﻪ ﺷﻮﻑ ﺷﻴﺮﻳﺪ ﻣﻨﺞ
- ﺩﺍ ﺍﻛﻮﻟﻚ ﻣﻮ ﻣﺎﻟﻚ، ﺍﻋﺮﻑ ﺍﺳﻠﻮﺏ ﻣﺎﻟﻚ ، ﻣﻦ ﻳﺄﺫﻱ ﺍﻟﺸﺨﺺ ﻳﺠﻲ ﻳﻀﺤﻚ ﻭ ﻳﺴﺘﻬﺰﺃ ﺑﻴﻪ ﺣﺘﻰ ﻳﺤﺲ ﺑﻠﺬﺓ ﺍﻷﻧﺘﺼﺎﺭ ﺑﺲ ﺩﺍ ﺍﻛﻮﻟﻚ ﻣﻮ ﻣﺎﻟﻚ
- ﻫﺬﺍ ﺍﻟﻜﻼﻡ ﻳﻔﻴﺪﺝ ﺍﺑﻨﻲ ﺍﺫﺍ ﺍﻟﻴﻮﻡ ﺧﻠﻴﺘﻪ ﻋﻨﺪﺝ ﺍﻋﺮﻓﻲ ﺑﺎﺟﺮ ﻣﺎﺧﺬﻩ
- ﻣﺎ ﺗﺎﺧﺬ ﺍﺑﻨﻲ ﻓﻬﻤﺖ ، ﺍﺑﻨﻲ ﻣﺎ ﺍﻧﻄﻴﻜﻴﺎﻩ
ﻋﺎﻓﻨﻲ ﻭ ﻃﻠﻊ
ﻭ ﻋﻤﺘﻲ ﻛﺮﺟﻴﻊ ﺗﺤﺠﻲ ﻭ ﺗﺘﻮﻋﺪ ﻭ ﻃﻠﻌﺖ
ﻭ ﻛﻠﻬﻢ ﻃﻠﻌﻮﺍ ﺑﻘﻴﺖ ﺑﺲ ﺍﻧﻲ ﻭ ﻋﻤﺘﻲ
ﺍﺧﺬﺕ ﻃﻔﻠﻲ ﻏﻴﺮﺗﻠﻪ ﻭ ﺭﺿﻌﺘﻪ ﻭ ﻧﻮﻣﺘﻪ ﻭﻗﻔﻠﺖ ﻋﻠﻴﻪ ﺍﻟﺒﺎﺏ ﻭ ﺍﺧﺬﺕ ﺍﻟﻤﻔﺘﺎﺡ ﻭ ﻛﻌﺪﺕ ﻭﻳﺎ ﻋﻤﺘﻲ
- ﻋﻤﻪ ﺷﺴﻮﻱ ﺍﺫﺍ ﻣﺨﻠﺪ ﻧﻔﺬ ﺗﻬﺪﻳﺪﻩ ﻭ ﺍﺧﺬ ﺍﻟﻄﻔﻞ ﻣﻦ ﻋﻨﺪﻱ
- ﻭﺍﻟﻠﻪ ﻳﺎ ﻋﻤﻪ ﺍﻧﻲ ﻟﻠﺴﺎﻟﻔﻪ ﻛﻠﻬﺎ ﻣﺎ ﻣﺮﺗﺎﺣﻪ
- ﻳﻌﻨﻲ ﺷﻠﻮﻥ
- ﻣﺎ ﺳﻤﻌﺘﻲ ﻧﺘﻴﺠﺔ ﺍﻟﺘﺤﻘﻴﻖ ﺍﻧﺖ ﺟﻨﺘﻲ ﺟﻮﺍ ﺗﺒﺠﻴﻦ، ﺍﻟﻤﺤﻘﻖ ﻛﺎﻝ ﺍﻟﻤﺨﻠﺪ ﺷﻚ ﻣﺤﺘﻤﻞ ﺍﻥ ﻳﻜﻮﻝ ﺍﻟﺨﺎﻃﻒ ﻗﺮﻳﺐ ﺟﺪﺍ ﻣﻨﻜﻢ ﻭ ﻋﻠﻰ ﻣﻌﺮﻓﻪ ﺑﻴﻜﻢ
- ﺷﻠﻮﻥ ﻳﻌﻨﻲ
- ﻛﺎﻟﻪ ﻷﻥ ﻭﻗﺖ ﺍﻟﺤﺎﺩﺙ ﻛﺎﻥ ﺟﺪﺍ ﻗﺼﻴﺮ ﺑﺼﻌﻮﺩ ﺍﻷﻡ ﻻﻋﻠﻰ ﺍﻟﺒﻴﺖ ﺑﺤﺜﺖ ﺍﺫﺍ ﻛﺎﻥ ﺍﻛﻮ ﺷﻲ ﺍﻭ ﻻ ﺧﻼﻝ ١٠ ﺩﻗﺎﻳﻖ ﺍﻭ ﺍﻗﻞ
- ﺍﻱ ؟
- ﺍﻟﺨﺎﻃﻒ ﺍﻟﻠﻲ ﻳﺪﺧﻞ ﻭ ﻳﻨﻔﺬ ﺟﺮﻳﻤﺘﻪ ﺑﻬﺎﻟﻮﻗﺖ ﻳﻜﻮﻥ ﺣﺎﻓﻆ ﻛﻞ ﺯﻭﺍﻳﺎ ﺍﻟﺒﻴﺖ ﻭ ﻳﻌﺮﻑ ﺑﺎﻟﺘﺤﺪﻳﺪ ﻭﻳﻦ ﻣﻜﺎﻥ ﺳﺮﻳﺮ ﺍﻟﻄﻔﻞ ﻭ ﻣﺎﺧﺬﺕ ﻣﻨﻪ ﺍﻟﻌﻤﻠﻴﻪ ﻏﻴﺮ ﻭﻗﺖ ﻗﺼﻴﺮ ﺟﺪﺍ
......
ﻓﻲ ﺣﻴﻦ ﻟﻮ ﻛﺎﻥ ﻏﺮﻳﺐ ﻣﺤﺘﻤﻞ ﺍﻥ ﻳﺒﺤﺚ ﺑﺎﻟﺒﻴﺖ ﻋﻦ ﺍﻟﻄﻔﻞ، ﺍﻟﻤﻄﺒﺦ ﻭ ﻏﺮﻓﺔ ﺍﻻﻃﻔﺎﻝ ﻗﺒﻞ ﻏﺮﻓﺘﻜﻢ
ﻟﻮ ﺣﺴﺒﻨﺎ ﻣﻘﺪﺍﺭ ﻭﻗﺖ ﺩﺧﻮﻝ ﺍﻟﺨﺎﻃﻒ ﻭ ﺍﺳﺘﻄﻼﻋﻪ ﻉ ﺍﻟﺒﻴﺖ ﻭ ﺩﺧﻮﻟﻪ ﻟﻠﻤﻄﺒﺦ ﻭ ﻣﻦ ﺛﻢ ﻏﺮﻓﺔ ﺍﻻﻃﻔﺎﻝ ﻭ ﻣﻦ ﺛﻢ ﺩﺧﻮﻝ ﻏﺮﻓﺔ ﺍﻟﻨﻮﻡ ﻭ ﺍﺧﺬ ﺍﻟﻄﻔﻞ ﻭ ﺍﻟﺨﺮﻭﺝ ﻟﻜﺎﻥ ﺍﻟﻮﻗﺖ ﺍﻛﺜﺮ ﻣﻦ ﺍﻟﻮﻗﺖ ﺍﻟﻠﻲ ﺍﺳﺘﻐﺮﻗﺘﻪ ﺍﻻﻡ ﺑﺘﻔﻘﺪﻫﺎ ﺍﻟﺴﻄﺢ
ﺑﻬﺎﻟﺤﺎﻟﻪ ﻳﺘﻮﺿﺢ ﺍﻥ ﺍﻟﺨﺎﻃﻒ ﻋﻠﻰ ﻣﻌﺮﻓﺔ ﺗﺎﻣﻪ ﺑﺎﻟﺒﻴﺖ
- ﻳﻌﻨﻲ ﺍﻟﺨﺎﻃﻒ ﻣﺨﻠﺪ ﻭ ﺍﻫﻠﻪ ﺍﻛﻴﺪ ﺣﺘﻰ ﻳﺤﺮﻣﻮﻧﻲ ﻣﻦ ﺍﺑﻨﻲ ﻭ ﻳﺠﺒﺮﻧﻲ ﺍﺭﺟﻌﻠﻪ
- ﻭﺍﻟﻠﻪ ﻣﺎ ﺍﻋﺮﻑ ﻳﻌﻤﻪ ﺑﺲ ﺍﺫﺍ ﻫﻴﺞ ﺍﻟﻠﻪ ﻳﺎﺧﺬﻟﺞ ﺣﻘﺞ
ﻋﻤﻪ ﺑﺪﺍﻋﺔ ﺍﺑﻮﺝ ﺧﻠﻲ ﻋﻴﻨﺞ ﻉ ﺍﻟﻄﻔﻞ ، ﻧﺺ ﺳﺎﻋﻪ ﻭ ﺍﺭﺟﻊ
ﻛﻤﺖ ﻣﻦ ﻣﻜﺎﻧﻲ ﺍﺧﺬﺕ ﺟﺎﻛﻴﺖ ﻟﺒﺴﺖ ﻭ ﻃﻠﻌﺖ، ﺭﺣﺖ ﻟﺒﻴﺖ ﻋﻤﻲ ﻋﻤﺮﺍﻥ ﺩﻛﻴﺖ ﺍﻟﺒﺎﺏ، ﻃﻠﻌﺘﻠﻲ ﻃﻴﺒﺔ
ﺍﻧﻲ ﻣﺎ ﺍﺣﺠﻲ ﻭﻳﺎﻫﺎ ﻣﻦ ﺳﺎﻟﻔﺔ ﺍﻟﻀﻤﺖ ﻋﻠﻴﻪ ﺧﻴﺎﻧﺔ ﻣﺨﻠﺪ ﻗﺎﻃﻌﺘﻬﺎ ﻓﻤﻦ ﻭﺭﺍ ﻭﺟﻬﻲ ﻛﻠﺘﻠﻬﺎ : ﺻﻴﺤﻴﻠﻲ ﻣﺨﻠﺪ ﻉ ﺍﻟﺴﺮﻳﻊ
- ﺍﻱ ﻓﻮﺗﻲ ﻭ ﻫﺴﻪ ﺍﺻﻴﺤﻪ
ﻣﺎ ﺭﺩﻳﺖ ﺳﺤﺒﺖ ﺍﻃﺮﺍﻑ ﺍﻟﺠﺎﻛﻴﺖ ﻭ ﻟﻔﻴﺖ ﻧﻔﺴﻲ ﻭ ﺍﻧﻲ ﺩﺍﻳﺮﻩ ﻭﺟﻬﻲ، ﻓﺎﺗﺖ ﻫﻲ ﻭ ﺭﺟﻌﺖ ﻃﻠﻌﺖ : ﻣﺨﻠﺪ ﻣﻮ ﻫﻨﺎ ﻃﺎﻟﻊ
ﻫﺰﻳﺖ ﺭﺍﺳﻲ ﻭ ﻣﺸﻴﺖ، ﻃﻠﻌﺖ ﺍﻟﻔﻮﻥ ﻣﻦ ﺟﻴﺒﻲ ﺍﺗﺼﻠﺖ ﺑﻤﺨﻠﺪ : ﻭﻳﻦ ﺍﻧﺖ
- ﻛﻮﻟﻲ
- ﺍﻧﻲ ﺍﺑﺎﺏ ﺑﻴﺘﻜﻢ
- ﺷﺼﺎﻳﺮ ؟
- ﺩﺍ ﺍﺭﻳﺪ ﺍﺣﺠﻲ ﻭﻳﺎﻙ
- ﺍﻧﻲ ﻉ ﺍﻟﺸﺎﺭﻉ ﻫﺴﻪ ﺟﺎﻱ
- ﻭﻳﻦ ﺑﺎﻟﻀﺒﻂ
- ﻛﻠﺘﻠﺞ ﺟﺎﻱ
- ﻃﺎﻟﻌﺘﻠﻚ ﻉ ﺍﻟﺸﺎﺭﻉ
ﻗﻔﻠﺖ ﺍﻟﺨﻂ ﻭ ﺗﻮﺟﻬﺖ ﻟﻠﺸﺎﺭﻉ ﺍﻟﻌﺎﻡ ﺍﻣﺸﻲ ﻭ ﺍﺑﺎﻭﻉ ، ﺩﻙ ﻫﻮﺭﻥ ﻭﺭﺍﻱ ، ﺍﻟﺘﻔﺘﺖ ﻣﺨﻠﺪ، ﺍﺷﺮﻟﻲ ﺍﺻﻌﺪﻱ ، ﺍﺷﺮﺗﻠﻪ ( ﺍﻧﺖ ﺍﻧﺰﻟﻪ )
ﺧﺰﺭﻧﻲ ﻭ ﺍﺷﺮ ﺑﻌﺼﺒﻴﻪ ﺍﺻﻌﺪﻱ ، ﺗﻘﺮﺑﺖ ﻟﺒﺎﺏ ﺳﻴﺎﺭﺗﻪ ﻓﺘﺤﺖ ﻭ ﺻﻌﺪﺕ ، ﺍﻟﺘﻔﺘﺘﻠﻪ : ﺍﺫﺍ ﻛﻨﺖ ﺗﻀﻦ ﻏﺒﻴﻪ ﻭ ﺍﺻﺪﻙ ﺑﺄﻻﻋﻴﺒﻚ ﺗﻜﻮﻥ ﻏﻠﻄﺎﻥ
- ﺷﻜﻮ ؟
- ﺍﺳﺘﻤﻌﺖ ﻟﻨﺘﻴﺠﺔ ﺍﻟﺘﺤﻘﻴﻖ ﺑﺤﺎﺩﺛﺔ ﺧﻄﻒ ﺍﺑﻨﻲ
- ﺍﻱ
- ﺍﻟﺨﺎﻃﻒ ﻣﻦ ﻋﺪﻧﺎ ﻭ ﻳﻌﺮﻑ ﺍﻟﺒﻴﺖ ﻭ ﻋﻠﻰ ﻛﻮﻟﺘﻚ ﻋﻨﺪﻩ ﻋﺪﺍﻭﺓ ﻭﻳﺎﻱ ﺣﺴﺐ ﻣﺎ ﺫﻛﺮﺕ ﻭ ﻣﺤﺪ ﻣﻦ ﻛﺮﺍﻳﺒﻲ ﻋﻨﺪﻩ ﻋﺪﺍﻭﻩ ﻭﻳﺎﻱ ﻭ ﻳﻨﺪﻝ ﺑﻴﺘﻲ ﺷﺒﺮ ﺷﺒﺮ ﻏﻴﺮﻙ
- ﻳﻌﻨﻲ ﺍﻧﻲ ﺍﻟﺨﺎﻃﻒ ﺍﺑﻨﻲ !!
- ﺑﺎﻟﻨﺴﺒﺔ ﺍﻟﻚ ﻣﻮ ﺧﻂ ﻛﺪ ﻣﺎ ﻫﻮ ﺗﺴﻘﻴﻄﻲ ﺑﻌﻴﻮﻥ ﺍﻟﻨﺎﺱ ﺣﺘﻰ ﺗﺴﺤﺐ ﺍﺑﻨﻚ ﻣﻨﻲ ﺑﺎﻟﻘﺎﻧﻮﻥ ﻭ ﺗﺠﺒﺮﻧﻲ ﺍﺭﺟﻌﻠﻚ
- ﻻ ﻏﻠﻄﺎﻧﻪ
- ﺳﺎﺑﻘﺎ ﻛﻠﺘﻠﻚ ﺍﻋﺮﻑ ﻣﺎﻟﻚ ﻭ ﺍﻛﺪﺗﻠﻚ ﻣﻮ ﻫﻮ ﻭ ﺍﻷﻥ ﺃﻛﺪﻟﻚ ﺍﻥ ﺍﻟﺨﺎﻃﻒ ﺍﻧﺖ
- ﻟﺠﻴﻦ ﻫﺬﺍ ﺍﺗﻬﺎﻡ ﺧﻄﻴﺮ ﺑﺤﻘﻲ ﻭ ﻣﻮ ﻣﻦ ﺻﺎﻟﺤﺞ، ﺍﻧﻲ ﻣﺎ ﺧﻄﻔﺖ ﺍﺑﻨﻲ ﻓﻼ ﺗﺒﺮﺭﻳﻦ ﺍﻫﻤﺎﻟﺞ ﻭ ﻏﺒﺎﺋﺞ ﺑﺄﺗﻬﺎﻣﻲ ﻭ ﺗﺸﻤﺮﻳﻦ ﺍﺛﺎﻣﺞ ﻋﻠﻴﻪ
- ﺍﻧﺖ ﺍﻟﻠﻲ ﻻ ﺗﺘﻠﻮﺕ ﻋﻠﻴﻪ ﺧﻠﺺ ﺧﻄﺘﻚ ﺍﻧﻜﺸﻔﺖ
- ﻣﺎ ﻛﺪﺍﻣﺞ ﻏﻴﺮ ﺗﺮﺟﻌﻴﻠﻲ
.....
ﺗﻨﻬﺪﺕ : ﻭﻗﺖ ﺍﻟﻠﻲ ﻛﺪﺭﺕ ﺍﺧﻠﻊ ﻣﺎﻟﻚ ، ﺍﺟﺎﻟﻲ ﻭ ﻛﺎﻝ ﺗﺮﺟﻌﻴﻠﻲ ﻟﻮ ﺗﺘﻨﺪﻣﻴﻦ ﻭ ﻫﺪﺩﻧﻲ ﺍﺑﻨﺘﻲ ﺣﺘﻰ ﻳﻠﺰﻣﻨﻲ ﻣﻦ ﺍﻷﻳﺪ ﺍﻟﺘﻮﺟﻌﻨﻲ
ﺍﻷﻥ ﺗﻴﻘﻨﺖ ﺍﻧﺖ ﻭ ﻣﺎﻟﻚ ﻣﺎ ﺗﺨﺘﻠﻔﻮﻥ ﺍﻟﻔﺮﻕ ﻣﺎﻟﻚ ﻳﻨﺒﻬﻨﻲ ﻗﺒﻞ ﻻ ﻳﺄﺫﻧﻲ ﺍﻣﺎ ﺍﻧﺖ ﻓﻼ ﺗﺘﺮﻛﻨﻲ ﻏﺎﻓﻠﻪ ﺍﺣﻴﺮ ﺑﻜﺎﻋﻲ ﻭ ﺍﻟﻒ ﻣﻮﺗﻪ ﺍﻣﻮﺕ ﻛﺒﺎﻟﻚ ﻭ ﻣﺎ ﺗﻬﺘﻢ ﻭ ﺗﻨﻬﻲ ﺍﻭﺟﺎﻋﻲ
ﺑﻬﺎﻟﺘﺼﺮﻑ ﺍﻧﺖ ﺧﺴﺮﺗﻨﻲ ﻣﺎ ﻗﺮﺑﺘﻨﻲ، ﻧﺠﻮﻡ ﺍﻟﺴﻤﺎ ﺍﻗﺮﺑﻚ ﻣﻦ ﺭﺟﻮﻋﻲ
ﻋﻔﺘﻪ ﻭ ﻧﺰﻟﺖ، ﺭﺟﻊ ﺍﻟﺴﻴﺎﺭﺓ ﻛﺎﻡ ﻳﺤﺠﻲ، ﺍﺻﻌﺪﻱ ﻣﻮ ﺍﻧﻲ ، ﺍﺻﻌﺪﻱ ﻧﺘﻔﺎﻫﻢ
ﻋﻔﺘﻪ ﻭ ﻣﺸﻴﺖ ﺑﺲ ﺟﺎﻧﺖ ﺩﻣﻮﻋﻲ ﻳﻨﺰﻟﻮﻥ ﻷﻥ ﺍﻟﻤﺮﺃﺓ ﻟﻮ ﺷﻜﺪ ﻣﺎ ﺟﺎﻧﺖ ﻗﻮﻳﺔ ﺑﻬﺬﺍ ﺍﻟﺒﻠﺪ ﻣﺎ ﺗﻌﻴﺶ ﻭﺣﺪﻩ ﻳﻄﻠﻌﻠﻬﺎ ﺍﻟﻒ ﺫﻳﺐ ﻳﺨﺎﻭﻝ ﻳﺴﻘﻄﻬﺎ ﻭ ﻳﻔﺘﺮﺳﻬﺎ
ﺳﺎﻋﺘﻬﺎ ﺍﻗﺴﻤﺖ ﻗﺴﻢ ﻋﻠﻰ ﻧﻔﺴﻲ ﺑﺎﻟﻌﺮﺍﻕ ﻣﺎ ﺍﺑﻘﻰ ﻭﻻ ﺭﺍﺡ ﺍﺭﺿﻰ ﺍﻧﺬﻝ ﻟﻜﻞ ﺭﺟﺎﻝ ﺣﺘﻰ ﻳﻨﻄﻴﻨﻲ ﺣﻘﻲ
ﺍﻃﻠﻊ ﻭ ﺍﺳﺘﺮﺩ ﺣﻘﻲ ﻣﻨﻬﻢ ﻭﺍﺣﺪ ﻭﺍﺣﺪ
ﺭﻓﻊ ﺩﻋﻮﺓ ﺣﻀﺎﻧﻪ،
ﻭﻛﻠﺖ ﻣﺤﺎﻣﻴﺔ ﺷﻜﺪ ﻣﺎ ﺟﺎﻧﺖ ﺷﺎﻃﺮﺓ ﻣﺎ ﻛﺪﺭﺗﻠﻪ ﻻ ﻫﻮ ﻭﻻ ﺍﻟﻤﺤﺎﻣﻲ ﺍﻟﻠﻲ ﻭﻳﺎﻩ ﻛﺎﻧﻮ ﺫﻳﺎﺏ ﻣﻮ ﻣﻮ ﺿﺎﺑﻂ ﻭ ﻣﺤﺎﻣﻲ
ﻭ ﺍﺳﺎﺳﺎ ﺍﻧﻲ ﻧﺎﻭﻳﻪ ﻋﻠﻰ ﺳﻔﺮ ﺣﺘﻰ ﻟﻮ ﻛﺴﺒﺖ ﺍﻟﻘﻀﻴﺔ، ﺑﺎﺳﺘﻄﺎﻋﺘﻪ ﻳﻌﺘﺮﺽ ﻋﻠﻰ ﺳﻔﺮ ﺍﺑﻨﻪ ﻭ ﻳﻤﻨﻊ
ﻓﻘﺮﺕ ﺍﻧﻄﻲ ﺍﺑﻨﻲ ﻭ ﺍﺻﺒﺮ ﻭ ﺍﻃﻠﻊ ﻭ ﺍﺗﻘﻮﻯ ﺍﻛﺜﺮ ﻭﻛﺘﻬﺎ ﺍﺭﺟﻊ ﺍﺧﺶ ﺑﻌﻴﻨﻪ ﻭ ﺍﺧﺬﻩ ..
ﺑﻌﺖ ﺍﻟﺒﻴﺖ، ﻭ ﺍﺧﺬﺕ ﺍﺑﻨﻲ ﻭﺭﺣﺖ ﻟﻤﺨﻠﺪ
ﺍﻧﻄﻴﺘﻪ ﻛﻞ ﻣﻼﺑﺲ ﺍﻟﻄﻔﻞ ﻭ ﺑﻘﻴﺖ ﺣﺎﻇﻨﻪ ﺍﺑﻨﻲ ﻭ ﺍﺑﺠﻲ
- ﻣﺴﺘﻌﺪﻩ ﺗﺘﻨﺎﺯﻟﻴﻦ ﻋﻦ ﻛﻠﺸﻲ ﻓﻲ ﺳﺒﻴﻞ ﻛﺒﺮﺍﺋﺞ ﻭ ﺍﻧﺎﻧﻴﺘﺞ
- ﻣﺎ ﻣﺘﻨﺎﺯﻟﻪ ﻭ ﺩﺍ ﺍﻧﻄﻴﻜﻴﺎﻩ ﺍﻣﺎﻧﻪ، ﻭ ﺍﺗﺄﻛﺪ ﺭﺍﺟﻌﻪ ﻭ ﻣﺎﺧﺬﺗﻪ ﻣﻨﻚ
- ﻣﺎ ﻣﺠﺒﻮﺭﻩ ﻋﻠﻰ ﻛﻞ ﻫﺎﻷﻣﻮﺭ
- ﻣﻮ ﺍﻧﻲ ﺍﻃﺦ ﺭﺍﺳﻲ ﻟﺮﺟﺎﻝ ﻭ ﺍﻗﺒﻞ ﺑﺄﻫﺎﻧﺘﻪ ﻭ ﺍﺭﺿﻰ ﻋﻠﻰ ﺭﻭﺣﻲ ﺍﺗﺴﺎﺑﻖ ﻭﻳﺎ ﻣﺮﻩ ﺣﺘﻰ ﺍﺣﺼﻠﻪ ، ﺍﺑﻘﻰ ﺍﻧﺖ ﺗﺤﻠﻢ ﺣﺘﻰ ﺗﺤﺼﻠﻨﻲ ﻭ ﺍﺗﺬﻛﺮ ﻋﻴﻮﻧﻲ ﺯﻳﻦ ﻭ ﺑﺎﻭﻉ ﺑﻌﻴﻮﻥ ﺍﺑﻨﻲ ، ﺑﻌﻤﺮﻙ ﻣﺮﺍﺡ ﺗﻨﺴﺎﻧﻲ ﻭﺭﺍﺡ ﺍﻋﻴﺶ ﻭ ﺍﺗﺤﺮﺭ ﻣﻨﻚ ﻭ ﺭﺍﺡ ﺗﺒﻘﻰ ﺑﺲ ﺍﻧﺖ ﺍﻟﻠﻲ ﺍﺗﻌﺎﻧﻲ
ﺍﻧﻄﻴﺘﻪ ﺍﻟﻄﻔﻞ ﻭ ﻃﻠﻌﺖ ﺍﺑﺠﻲ
ﻳﻮﻣﻬﺎ ﻛﻨﺖ ﺍﺩﻋﻲ ﺍﻟﻠﻪ ﻛﻞ ﺍﻟﻠﻴﻞ ﻳﻨﻄﻴﻨﻲ ﺍﻟﻘﻮﺓ ﻭ ﺍﻛﺪﺭ ﺍﺗﺤﻤﻞ ﻓﺮﺍﻙ ﺍﺑﻨﻲ
ﺑﺠﻴﺖ ﺩﻡ ﻋﻠﻴﻪ، ﺍﺣﺲ ﻛﻠﺒﻲ ﻣﻦ ﺍﻟﻘﻬﺮ ﺻﺨﺮ
ﺟﻤﺮ ﺑﺪﺍﺧﻠﻲ ﻣﺪﺍ ﻳﻄﻔﻰ
ﻧﺎﺭ ﻣﺎ ﺭﺍﺿﻴﻪ ﺗﻬﺪﺉ
ﻣﺎﻛﻮ ﺍﻟﻢ ﺍﻗﻮﻯ ﻣﻦ ﺍﻷﻡ ﻟﻤﺎ ﺗﻔﻘﺪ ﺿﻨﺎﻫﺎ
ﺻﻔﻴﺖ ﻛﻞ ﺣﺴﺎﺑﺎﺗﻲ ﺑﺎﻟﻌﺮﺍﻕ، ﻭ ﻃﻠﻌﺖ ﻟﺘﺮﻛﻴﺎ ﺟﺎﻥ ﻋﻨﺪﻱ ﻫﻨﺎﻙ ﺻﺪﻳﻘﺔ ﻋﺎﻳﺸﻪ ، ﺭﺣﺖ ﻛﻌﺪﺕ ﻫﻨﺎﻙ ﻓﺘﺮﺓ ﻭ ﻃﻠﻌﺖ ﺍﻧﻲ ﻭ ﺻﺪﻳﻖ ﻣﻦ ﺍﺭﻛﻴﺎ ﻟﻜﻨﺪﺍ ، ﻗﺪﻣﺖ ﻟﺠﻮﺀ ﻫﻨﺎﻙ ﻭ ﺍﻧﻲ ﻋﻨﺪﻱ ﺗﻘﺮﻳﺮﻱ ﺍﻟﻄﺒﻲ ﻟﻤﺎ ﻛﻨﺖ ﺍﺗﻌﺮﺽ ﻟﻠﻀﺮﺏ ﻣﻦ ﻣﺨﻠﺪ ﻭ ﺧﻠﻌﺘﻪ ﻭ ﺑﻘﻰ ﻳﻬﺪﺩﻧﻲ ﻭ ﺣﺎﻟﺔ ﺍﻟﺨﻄﻒ ﻣﺎﻝ ﺍﺑﻨﻲ ﻭ ﺍﺟﺎﻧﻲ ﺗﻬﺪﻳﺪ ﺍﺫﺍ ﺍﺑﻘﻰ ﺑﺎﻟﻌﺮﺍﻕ ﺍﻧﻘﺘﻞ ﻭ ﺍﺫﺍ ﺑﻠﻐﺖ ﺍﻟﺸﺮﻃﺔ ﻫﻢ ﺍﻧﻘﺘﻞ
ﺣﺒﻜﻨﺎ ﺍﻟﻘﺼﻪ ﻭ ﻗﺪﻣﻨﺎﻫﺎ ﻭ ﻓﺘﺮﺓ ﻭ ﻛﺪﺭﺕ ﺍﺧﺬ ﺍﻷﻗﺎﻣﺔ ﺑﻜﻨﺪﺍ ، ﻋﺸﺖ ﺑﻴﻬﺎ ﻗﺮﺍﺑﺔ ﺍﻟﺴﻨﺔ ﻭ ﻧﺺ ﺍﺷﺘﻐﻠﺖ ﺑﻴﻬﺎ ﺑﺎﻻﻋﻼﻥ ﻭ ﺍﻻﺯﻳﺎﺀ
ﺑﻌﺪﻫﺎ ﻗﺪﻣﺖ ﻃﻠﺐ ﻟﻢ ﺷﻤﻞ ﻟﻠﺴﻮﻳﺪ ﻣﻊ ﺍﻣﻲ ﺑﺎﻻﺗﺤﺎﺩ ﺍﻻﻭﺭﺑﻲ، ﻭﻛﺪﺭﺕ ﺍﺟﺘﻤﻊ ﻭﻳﺎ ﺍﻣﻲ ﺍﺑﻴﺖ ﻭﺍﺣﺪ
......
ﻛﺪﺭﺕ ﺍﺳﺘﻘﺮ ﻭ ﺍﺷﺘﻐﻞ
ﻭ ﺭﻓﻌﺖ ﺩﻋﻮﺓ ﺣﻀﺎﻧﻪ ﻣﻦ ﺟﺪﻳﺪ ﻋﻠﻰ ﺍﺑﻨﻲ ﻭ ﻃﺎﻟﺒﺖ ﺑﺴﺤﺒﻪ ﺍﻟﻴﻪ ، ﺟﺎﻧﺖ ﺍﻛﻮ ﻇﺮﻭﻑ ﻭ ﺍﻋﺘﺮﺍﺿﺎﺕ ﻭ ﺍﻟﻘﻀﻴﺔ ﺍﻃﻮﻟﺖ ﺍﻫﻮﺍﻳﻪ
ﻓﻲ ﻳﻮﻡ ﺍﺟﺘﻨﻲ ﻣﺮﺍﺳﻠﻪ ﻉ ﺍﻟﻤﺎﺳﻨﺠﺮ
( ﻣﺎﻣﺎ ﺍﻧﻲ ﺑﻴﻠﺴﺎﻥ ﺍﺭﻳﺪ ﺍﺣﺠﻲ ﻭﻳﺎﺝ )
ﻃﺎﺭ ﮔﻠﺒﻲ ﻣﻦ ﺷﻔﺖ ﺍﻟﺮﺳﺎﻟﺔ ، ﺭﺍﺳﻠﺖ ﻭ ﺩﺯﻳﺖ ﺑﺎﻟﻤﻴﺔ ﻣﺴﺞ ﻣﺎﻛﻮ ﺭﺩ ، ﺑﺎﻭﻋﺖ ﺍﻟﺼﻔﺤﺔ ﺍﺳﻤﻬﺎ ( ﺍﺳﻴﺮﺓ ﺍﻷﺣﺰﺍﻥ )
ﺑﻘﻴﺖ ﺍﺑﺠﻲ ، ﻣﻌﻘﻮﻟﻪ ﺑﻨﺘﻲ ﻭﺻﻠﺖ ﻟﻬﺎﻟﻤﻮﺍﺻﻴﻞ ﻭ ﻫﻲ ﺑﻬﺎﻟﻌﻤﺮ ﺗﻔﺘﺢ ﻓﻴﺲ ﻭ ﺗﻜﺘﺐ ﻫﻴﺞ ﺍﺳﺎﻣﻲ !!
ﺑﻘﻴﺖ ﻣﻨﺘﻈﺮﻩ ﺭﺩ ﻉ ﺍﻟﺮﺳﺎﻳﻞ ﻛﻞ ﺍﻟﻠﻴﻞ ﻣﻜﺎﺑﻠﻪ ﺍﻟﻔﻮﻥ ﺧﺎﻑ ﺑﻴﻼ ﺗﺮﺍﺳﻞ
ﺛﺎﻧﻲ ﻳﻮﻡ ﺏ١٠ ، ﺑﻌﺜﺖ ﺭﺳﺎﻟﻪ ( ﺍﺭﻳﺪ ﺍﺣﺠﻲ ﻭﻳﺎﺝ )
ﺭﺩﻳﺖ ﻋﻠﻴﻪ، ﺍﺗﺼﻠﻲ ﻣﺎﻣﺎ ﺧﻞ ﺍﺣﺠﻲ
- ﻣﺠﻨﻲ ﻓﺎﺗﺢ ﻭ ﻫﺬﺍ ﻣﻮ ﻣﻮﺑﺎﻳﻞ
ﺟﺎﻧﺖ ﻛﺘﺎﺑﺘﻬﺎ ﺿﻌﻴﻔﺔ ﻭ ﻫﻲ ﺗﺮﺍﺳﻠﻨﻲ ﺍﻟﻌﺮﻓﺘﻪ ﻫﺬﺍ ﻣﻮ ﻣﻮﺑﺎﻳﻠﻬﺎ ﻭ ﻓﺎﺗﺤﻪ ﻣﺠﺎﻧﻲ
- ﻣﻮﺑﺎﻳﻞ ﻣﻨﻮ ﻫﺬﺍ ؟
- ﻣﻌﻠﻤﻪ
- ﺍﻧﻄﻲ ﺍﻟﻔﻮﻥ ﻟﻠﻤﻌﻠﻤﺔ ﺧﻞ ﺍﺭﺍﺳﻠﻬﺎ
ﺷﻮﻳﻪ ﻭ ﻛﺘﺒﺘﻠﻲ ( ﺍﻧﻲ ﻣﻌﻠﻤﺘﻬﺎ ﻭ ﻫﻲ ﻃﺎﻟﺒﻪ ﻣﺤﺒﻮﺑﻪ ﻋﻨﺪﻱ ﻭ ﺷﻜﺘﻠﻲ ﺍﺑﻮﻫﺎ ﻭ ﺍﻟﻌﺮﻓﺘﻪ ﻫﻲ ﺑﻨﺘﺞ ﻭ ﺍﻧﺖ ﻋﺎﻳﺸﻪ ﺑﺎﻟﺨﺎﺭﺝ ﻓﻜﻠﺘﻠﻬﺎ ﺗﻮﺍﺻﻠﻲ ﻭﻳﺎ ﺍﻣﺞ ﻋﺴﻰ ﺗﻘﺒﻞ ﺗﺴﺤﺒﺞ ﺍﻟﻬﺎ ﻳﻤﻬﺎ ﺑﺎﻭﺭﺑﺎ ﻭ ﺗﺨﻠﺼﻴﻦ ﻣﻦ ﺍﺑﻮﺝ )
- ﺍﺑﻮﻫﺎ ﺷﻨﻮ ﻣﺴﻮﻱ ﺑﻴﻬﺎ
- ﺍﺑﻮﻫﺎ ﺳﻜﻴﺮ ﻭ ﻳﺠﻴﺐ ﺟﻤﺎﻋﺘﻪ ﺑﺎﻟﻠﻴﻞ ﻭ ﻳﺨﻠﻴﻬﺎ ﺗﺨﺪﻣﻪ ﻭ ﻳﻜﻮﻝ ﻳﻀﺮﺑﻨﻲ ﻭ ﻫﻲ ﺻﻐﻴﺮﺓ ﺗﺨﺎﻑ ﺗﺸﺮﺩ ﻟﺒﻴﺖ ﺟﺪﻫﺎ ﺑﺲ ﺟﺪﻫﺎ ﻳﻜﻮﻝ ﺍﺣﻨﺎ ﻣﺎ ﻧﺘﺤﻤﻞ ﺍﺑﻮﺝ ﺍﺭﺟﻌﻲ
... ﺍﻗﺮﺃ ﺍﻟﺮﺳﺎﻳﻞ ﻭ ﺩﻣﻮﻋﻲ ﺗﺠﺮﻱ : ﺍﻧﻲ ﺑﻨﺘﻲ ﻳﺼﻴﺮ ﺑﻴﻬﺎ ﻫﻴﺞ ، ﻋﻤﺖ ﻋﻴﻨﻲ ﻟﻮ ﺭﺿﻴﺖ ﺍﻟﻀﻴﻢ ﻟﺒﻨﺘﻲ ﻟﻮ ﺧﻠﻴﺘﻬﺎ ﺗﻌﺎﻧﻲ
ﻃﻠﺒﺖ ﻣﻦ ﺍﻟﻤﻌﻠﻤﻪ ﺍﻧﻮ ﺗﺨﻠﻴﻨﻲ ﺍﺣﺠﻲ ﻭﻳﺎﻫﺎ ﺍﺗﺼﺎﻝ ﻛﺎﻟﺖ : ﻣﺎﻛﻮ ﻧﺖ ﺑﺎﻟﻤﺪﺭﺳﺔ
- ﺍﺷﺘﺮﻛﻲ ﺧﻂ ﻭ ﺧﺎﺑﺮﻳﻨﻲ ﺍﻟﻠﻪ ﻳﺮﺿﻰ ﻋﻠﻴﺞ
ﺳﺎﻋﻪ ﻭ ﺧﺎﺑﺮﺗﻨﻲ ﻭ ﺍﻧﻄﺘﻨﻲ ﺑﻴﻼ، ﻫﻲ ﺗﺒﺠﻲ ﻭ ﺍﻧﻲ ﺍﺑﺠﻲ
- ﻟﻴﺶ ﻣﺎﻣﺎ ﻣﺘﺮﻳﺪﻳﻨﻲ
- ﻳﺎﺧﺬ ﻋﻤﺮﻱ ﻟﻮ ﻣﺮﺩﺗﺞ ﻣﺎﻣﺎﺗﻲ ﻭﺍﻟﻠﻪ ﻋﺠﺰﺕ ﺷﻠﻮﻥ ﺍﺗﻘﺮﺑﻠﺞ ﻭ ﺍﺷﻮﻓﺞ ﻭ ﺍﺑﻮﺝ ﻣﺎ ﺧﻠﻪ ﻃﺮﻳﻘﺔ ﺍﻻ ﻭ ﺍﺫﺍﻧﻲ ﺑﻴﻬﺎ ، ﻣﺎ ﻧﺴﻴﺘﺞ ﻳﺎ ﻣﺎﻣﺎ ﻭ ﺍﻣﻨﻴﺔ ﻋﻤﺮﻱ ﺍﻧﺖ
- ﻣﺎﻣﺎ ﻳﻜﻮﻟﻮﻥ ﺍﻟﺴﻮﻳﺪ ﺣﻠﻮﺓ ﺍﺧﺬﻳﻨﻲ ﻳﻤﺞ
- ﺗﻨﻮﺭﻳﻨﻲ ﻳﻤﺎﻣﺎ ﺣﻠﻢ ﻋﻤﺮﻱ ﺗﺼﻴﺮﻳﻦ ﻋﻨﺪﻱ ، ﻻ ﺗﺨﺎﻓﻴﻦ ﺍﻧﻲ ﺭﺍﺡ ﺍﺭﻓﻊ ﺩﻋﻮﺓ ﻋﻠﻰ ﺍﺑﻮﺝ ﻭ ﺍﺳﺤﺒﺞ ﻋﻨﺪﻱ ﻭ ﻻ ﺗﻬﺘﻤﻴﻦ ﺑﺲ ﺍﺻﺒﺮﻳﻠﻲ ﻫﺎﻟﻔﺘﺮﺓ ﺍﻭﻛﻲ ﻣﺎﻣﺎﺗﻲ
- ﺍﻭﻛﻲ
ﺟﻨﻴﺖ ﻣﻦ ﻋﺮﻓﺖ ﺑﺤﺎﻝ ﺑﻨﺘﻲ ﻫﺸﻜﻞ
ﻃﻠﻊ ﻣﻄﻠﻚ ﺍﻟﻠﺒﻨﺎﻧﻴﺔ ﻭﺭﺍﺟﻊ ﻣﺄﺟﺮ ﺑﻴﺖ ﺑﺎﻟﻌﺮﺍﻕ ﻭﺑﻌﺪﻩ ﻧﻔﺲ ﺷﻐﻠﻪ ﻭ ﺑﻴﻼ ﻫﻲ ﺍﻟﺘﺨﺪﻣﻪ ﻣﺎﻋﺪﻫﺎ ﺑﺲ ﺑﻴﺖ ﺟﺪﻫﺎ ﺗﻠﺘﺠﺊ ﺍﻟﻬﻢ ﺑﺲ ﻫﻢ ﻳﺨﺎﻓﻮﻥ ﻣﻦ ﻣﺎﻟﻚ ﻓﻴﺮﻓﻀﻮﻫﺎ ﺣﺘﻰ ﻳﺘﻜﻔﻮﻥ ﺷﺮﻩ
ﻛﺪﺭﺕ ﺍﺭﻓﻊ ﺩﻋﻮﺓ ﻋﻠﻰ ﻣﺎﻟﻚ ﻭ ﻭﺻﻴﺖ ﺑﻨﺘﻲ ﺗﺸﻜﻲ ﺍﺑﻮﻫﺎ ﻭ ﻣﺘﺨﺎﻑ ﻭ ﻛﻠﺘﻠﻬﺎ ﺣﻴﻬﺪﺩﺝ ﺑﺎﺑﺎ ﻭﺭﺍﺡ ﻳﻜﻮﻟﺞ ﺍﻗﺘﻠﺞ ﻭ ﺍﻗﺘﻞ ﺍﻣﺞ ﻭ ﻣﻦ ﻫﺎﻟﻜﻼﻡ ﻻ ﺗﺨﺎﻓﻴﻦ ﻛﻮﻟﻲ ﺍﻧﻲ ﺍﺭﻳﺪ ﻣﺎﻣﺎ ﻭ ﺍﻧﻲ ﺭﺍﺡ ﺍﺧﺬﺝ
.....
ﺑﻴﻮﻡ ﺍﻟﺤﻜﻢ ﺭﺟﻌﺖ ﻟﻠﻌﺮﺍﻕ، ﻭ ﺣﻈﺮﺕ ﺍﻟﻤﺮﺍﻓﻌﺔ ﻭ ﻗﺪﻣﺖ ﻟﻠﻘﺎﺿﻲ ﻛﻞ ﻛﻼﻣﻲ ﻭ ﺍﻻﺩﻟﻪ ﺍﻥ ﺑﻨﺘﻲ ﺩﺍ ﺗﻌﺎﻧﻲ ﻭ ﺍﺗﺼﻠﺖ ﺑﻴﻪ ﺣﺘﻰ ﺍﻧﻘﺬﻫﺎ، ﺍﻗﺮ ﺑﺎﻟﺤﻜﻢ ﻟﺼﺎﻟﺤﻲ ﻭ ﻛﺪﺭﺕ ﺍﺧﺬ ﺍﻛﺴﺐ ﺣﻀﺎﻧﺔ ﺑﻨﺘﻲ
ﺍﻟﻲ ﺷﻔﺘﻪ ﺍﻥ ﻣﺎﻟﻚ ﻣﺎ ﻛﺎﻥ ﻣﻌﺎﺭﺽ ﺍﻟﺤﻀﺎﻧﻪ ﻷﻥ ﻫﻮ ﺍﺳﺎﺳﺎ ﻣﺘﻘﻴﺪ ﺑﻴﻬﺎ ﻟﻤﺎ ﻳﺸﺘﻐﻞ ﻭ ﻳﻄﻠﻊ ﻳﻀﻄﺮ ﻳﻮﺩﻳﻬﺎ ﻟﺒﻴﺖ ﺟﺪﻫﺎ ﻭ ﺍﺳﺎﺳﺎ ﺷﻐﻠﻪ ﺧﻄﺮ ﻛﺎﻥ ﻟﻤﺎ ﻳﺤﺲ ﻫﻮ ﻣﻬﺪﺩ ﻳﺨﺘﻔﻲ ﻭ ﻳﺨﻠﻴﻬﺎ ﻋﺪ ﺍﻫﻠﻪ ﻓﺎﻧﻄﺎﻧﻴﺎﻫﺎ ﺣﺘﻰ ﻳﺨﻠﺺ ﻣﻦ ﺣﻀﺎﻧﺘﻬﺎ ..
ﻛﺪﺭﺕ ﺍﺳﺤﺐ ﺑﻨﺘﻲ، ﺍﻻ ﺍﺑﻨﻲ ﺻﻌﺐ ﻋﻠﻴﻪ ﺣﻴﻞ
ﻣﺨﻠﺪ ﻣﺎ ﺑﻄﻞ ﻭ ﻫﻮ ﻳﺘﻮﺳﻠﻲ ﺣﺘﻰ ﺍﺭﺟﻊ
ﻛﻞ ﺑﻮﺳﺖ ﺍﻧﺸﺮﻩ ﻣﺨﻠﺪ ﺍﻭﻝ ﺗﻔﺎﻋﻞ
ﺑﺄﻱ ﻣﻜﺎﻥ ﺍﺭﻭﺡ ﺑﻤﻮﺍﻗﻊ ﺍﻟﺘﻮﺍﺻﻞ ﺍﻟﻜﺎﻩ ﻛﺒﺎﻟﻲ
ﻣﻌﺎﻓﻨﻲ ﻭﻻ ﻧﺴﺎﻧﻲ ﺍﺑﺪ
ﺍﻟﺴﻤﻌﺘﻪ ﻣﻦ ﻋﻤﺘﻲ ﺍﻥ ﺻﺎﻳﺮ ﺑﻴﻪ ﺳﻜﺮ
ﻫﻢ ﻳﻜﻮﻟﻮﻥ ﻣﻦ ﺍﻟﻌﺼﺒﻴﺔ ﺑﺲ ﻫﻮ ﻳﻜﻮﻟﻬﻢ ﻫﺬﺍ ﻗﻬﺮ ﻟﺠﻴﻦ ﻭ ﺍﻣﻪ ﻣﺎ ﺑﻄﻠﺖ ﺩﻋﺎﻭﻱ ﻋﻠﻴﻪ ﻷﻥ ﺍﻧﻲ ﺳﺒﺐ ﺣﺎﻟﺔ ﺍﺑﻨﻬﺎ ﻫﺎﻱ
ﻣﺎ ﺗﻨﺎﺯﻟﺖ ﻋﻦ ﻗﻀﻴﺔ ﺍﺑﻨﻲ ﺍﻻ ﻣﺎ ﺑﻴﻮﻡ ..
ﻛﻨﺖ ﺍﻓﺘﻘﺪ ﺍﻟﺪﻭﺭﺓ ﺍﻟﺸﻬﺮﻳﺔ ﻣﺎﻟﺘﻲ ﺻﺎﺭ ﻗﺮﺍﺑﺔ ﺍﻟﺸﻬﺮﻳﻦ ﻣﺎﻧﺰﻟﻪ ﻋﻨﺪﻱ ..
ﻓﺮﺣﺖ ﻓﺤﺺ ﻋﻨﺪ ﺍﻟﺪﻛﺘﻮﺭﺓ
ﺷﻔﺖ ﻭﺟﻬﻪ ﻣﻴﻄﻤﻦ ﺳﺄﻟﺘﻬﺎ ﻋﻦ ﺣﺎﻟﺘﻲ
ﻃﻤﻨﺘﻨﻲ ﺍﻥ ﻣﺎﻛﻮ ﺷﻲ ﻓﻘﻂ ﺗﺤﺘﺎﺝ ﻓﺤﻮﺻﺎﺕ ﺣﺘﻰ ﺗﺘﺎﻛﺪ ﻣﻦ ﺻﺤﺘﻲ
ﺍﺧﺬﺕ ﺍﻟﻔﺤﻮﺻﺎﺕ ﻭ ﻗﺪﻣﺘﻬﺎ
ﻃﻠﻊ ﻋﻨﺪﻱ ﻛﺎﻧﺴﺮ ( ﻣﺮﺽ ﺍﻟﺴﺮﻃﺎﻥ ) ﺑﺎﻟﺮﺣﻢ
ﻟﻠﺤﻈﺔ ﻭﻗﻔﺖ ﻋﻨﺪﻱ ﺍﻟﺪﻧﻴﺎ
ﺳﺮﻃﺎﻥ ﻳﻌﻨﻲ ﺍﻟﻤﻮﺕ ﻳﻌﻨﻲ ﺧﻠﺺ ﻧﻬﺎﻳﺔ ﻋﻤﺮﻱ
ﻛﺎﻧﺖ ﺗﺸﺮﺣﻠﻲ ﺍﻟﺪﻛﺘﻮﺭﺓ ﺑﺲ ﻛﻠﺸﻲ ﻣﺎ ﺍﺳﻤﻊ ﻏﻴﺮ ﺻﻮﺕ ﺑﺪﻣﺎﻏﻲ ﻳﺼﻴﺢ ﺑﻨﺘﻲ ﺍﺑﻨﻲ ﺷﻠﻮﻥ ﺭﺍﺡ ﺍﻣﻮﺕ
ﺭﺟﻌﺖ ﻟﻠﺒﻴﺖ، ﺧﺒﺮﺕ ﻣﺎﻣﺎ ﺑﺎﻟﻔﺤﺺ ﻟﻄﻤﺖ ﻋﻠﻰ ﺧﺪﻫﺎ ﻭ ﺿﻠﺖ ﺗﺒﺠﻲ ﻭ ﺍﺧﺬﺗﻨﻲ ﺑﺤﻈﻨﻬﺎ ﺍﻟﻠﻴﻞ ﻛﻠﻪ ﻣﻮﻛﻔﻮ ﺩﻣﻮﻋﻬﺎ
ﺑﻨﺘﻲ ﻣﺘﻔﻬﻢ ﺑﺲ ﺗﺴﺄﻟﻲ ( ﺑﻴﺒﻲ ﺷﺒﻴﻬﺎ ﻣﺎﻣﺎ )
ﻣﻜﻠﻨﺎﻟﻬﺎ ﺷﻲﺀ ﺑﻘﺖ ﻣﺎﻣﺎ ﺗﻘﻨﻌﻬﺎ ﺑﻄﺮﻳﻘﺘﻬﺎ
ﻗﺮﺭﻭﺍ ﻳﺴﺘﺄﺻﻠﻮﻥ ﺍﻟﺮﺣﻢ ﺣﺘﻰ ﺑﻌﺪﻫﺎ ﻳﻘﺮﺭﻭﻥ ﻧﺴﺒﺔ ﺍﻟﻤﺮﺽ
ﺍﻧﻜﺮ ﻟﻮ ﻣﺎ ﻛﻨﺖ ﻛﻠﺶ ﺧﺎﻳﻔﺔ ﻣﻮ ﺑﺲ ﻋﻠﻰ ﺍﻃﻔﺎﻟﻲ ﺍﻭ ﺷﻲ ، ﺍﺳﻢ ﺍﻟﻤﻮﺕ ﻳﺮﻫﺐ ﻭ ﺍﻟﺴﺮﻃﺎﻥ ﻳﻌﻨﻲ ﻣﻮﺕ
ﺣﺪﺩﻭﻟﻲ ﻋﻤﻠﻴﺔ ﺑﺄﻗﺮﺏ ﻭﻗﺖ، ﻣﺎﻣﺎ ﻭ ﺧﺎﻻﺗﻲ ﻭ ﻋﻤﻲ ﻗﺪﻭﺭﻱ ﻭ ﺳﻔﻴﺎﻥ ﺍﺑﻨﻪ ﻛﻠﻬﻢ ﺟﺎﻧﻮ ﻭﻳﺎﻳﻪ ﻭ ﻣﺘﺎﺭﻛﻴﻨﻲ ﺑﻮﺣﺪﻱ ﺑﻘﻮ ﻳﻨﻄﻮﻧﻲ ﺍﻟﺘﺸﺠﻴﻊ ﻭ ﻳﺤﺎﻭﻟﻮﻥ ﻳﺼﻨﻌﻮﻟﻲ ﺍﻣﻞ
ﺑﺲ ﻣﺎﻛﻮ ﺍﺣﺲ ﺍﻧﺘﻬﺖ ﺍﻟﺤﻴﺎﺓ ﻋﻨﺪﻱ
ﻛﻨﺖ ﺍﺳﻬﺮ ﺍﻟﻠﻴﻞ ﺍﺑﺠﻲ ﻭ ﺍﻧﻲ ﺍﺑﺎﻭﻉ ﻟﺒﻨﺘﻲ ﺍﻟﺒﻌﺪﻧﻲ ﻣﺎ ﺷﺒﻌﺖ ﻣﻨﻬﺎ ، ﻛﻨﺖ ﺍﺩﻋﻲ ﺍﻟﻠﻪ ﻳﺸﺎﻓﻴﻨﻲ ﻻﻋﻴﺶ ﻭﻳﺎﻫﺎ ﻭ ﺍﻋﻮﺿﻬﺎ ﺍﻟﺴﻨﻴﻦ ﺍﻟﻨﺤﺮﻣﻨﻪ ﻣﻦ ﺑﻌﺾ
ﻛﺎﻥ ﻳﻮﻡ ﺍﻟﻌﻤﻠﻴﺔ ﺍﺻﻌﺐ ﻳﻮﻡ
ﻛﻨﺖ ﺍﺣﺲ ﺩﺍ ﺍﻣﺸﻲ ﻟﻠﻤﻮﺕ ﺑﺮﺟﻠﻴﻪ
ﻣﻮﻗﻒ ﺷﻜﺪ ﻣﺎ ﺍﺷﺮﺡ ﻣﺎ ﺍﻭﺻﻒ ﺻﻌﻮﺑﺘﻪ ﻭ ﺭﻫﺒﺘﻪ
ﻭ ﺍﻟﻠﻲ ﺻﻌﺐ ﻋﻠﻴﻪ ﺍﻟﻤﻮﻗﻒ ﺑﻨﺘﻲ ﻟﻤﺎ ﻛﺎﻧﺖ ﺣﺎﺳﺔ ﺑﺨﻮﻓﻲ ﺣﻀﻨﺘﻨﻲ ﻭ ﺗﻜﻮﻝ ( ﻣﺎﻣﺎ ﺍﻧﻲ ﺍﺭﻳﺪﺝ ﻻ ﺗﻤﻮﺗﻴﻦ ﻻ ﺗﻌﻮﻓﻴﻨﻲ ) ﺣﻀﻨﺘﻬﺎ ﻭ ﺿﻠﻴﺖ ﺍﺑﺠﻲ ﺑﻜﻞ ﻗﻮﺗﻲ
ﺑﻘﻮ ﺍﻻﻫﻞ ﻳﻔﺮﻗﻮﻥ ﺑﻴﻨﺎ ﻭ ﻳﻬﺪﻭﻥ ﺑﻴﻨﺎ ﺍﺧﺬﻭ ﺑﻨﺘﻲ ﺳﻜﺘﻮﻫﺎ ﻭ ﺍﻧﻲ ﺍﺣﺘﻀﻨﻮﻧﻲ ﺣﺘﻰ ﻳﻘﻮﻭﻧﻲ
ﻭﻗﺘﻬﺎ ﻭﻛﻔﺖ ﺑﺼﺎﻟﺔ ﺍﻟﻌﻤﻠﻴﺎﺕ ﻭ ﻛﻠﺖ ﻟﺮﺑﻲ ( ﻳﻤﻜﻦ ﻣﺎ ﺍﻟﻲ ﻋﻤﻞ ﻳﻤﻚ ﺍﺷﻔﻊ ﺑﻴﻪ ﺑﺲ ﺿﻨﻲ ﺑﺮﺣﻤﺘﻚ ﺍﻗﻮﻯ ﻣﻦ ﺫﻧﻮﺑﻲ ﺍﺗﻮﺳﻞ ﺭﺣﻤﺘﻚ ﺍﻥ ﺗﻨﺠﻴﻨﻲ ﻭ ﺗﻌﺪﻱ ﻋﻨﻲ ﻫﺬﻩ ﺍﻻﺯﻣﻪ )
ﺻﻌﺪﺕ ﻟﻜﺮﺳﻲ ﺍﻟﻌﻤﻠﻴﺔ ﺣﻀﺮﻭﻧﻲ ﻭ ﺩﺧﻠﺖ ﺑﺎﻟﺒﻨﺞ ..
ﻟﻤﺎ ﻃﻠﻌﺖ ﻛﺎﻥ ﺍﻷﻟﻢ ﻓﻀﻴﻊ ﻛﻨﺖ ﺍﺻﺮﺥ ﻛﻞ ﺍﻟﻮﻗﺖ ﻣﻦ ﺍﻟﻮﺟﻊ ، ﺍﻫﻠﻲ ﻛﻠﻬﻢ ﻛﺎﻧﻮﺍ ﻭﻳﺎﻳﻪ ﻣﺘﺮﻛﻮﻧﻲ ﻭﻻ ﻟﺤﻀﺔ
ﺣﺘﻰ ﻣﺨﻠﺪ ﻛﺎﻥ ﻳﺘﺼﻞ ﻃﻮﻝ ﺍﻟﻮﻗﺖ ﺑﺎﻫﻠﻲ ﺣﺘﻰ ﻳﻌﺮﻑ ﺍﺧﺒﺎﺭﻱ، ﺑﺲ ﺍﺳﺘﻘﺮ ﻭﺿﻌﻲ ﻭ ﺑﻄﻠﺖ ﺍﺻﺮﺥ ﻭ ﻫﺪﻳﺖ ﻋﻤﻲ ﻗﺪﻭﺭﻱ ﺍﻧﻄﺎﻧﻲ ﺍﻟﻔﻮﻥ ﻭ ﻫﻮ ﻓﺎﺗﺢ ﻛﺎﻣﻴﺮﺍ ﻭﻳﺎ ﻣﺨﻠﺪ ﺷﺎﻓﻨﻲ ﻭ ﺗﺤﻤﺪﻟﻲ ﻉ ﺍﻟﺴﻼﻣﺔ ..
ﻭ ﺷﺎﻝ ﺭﺿﺎﻭﻱ ﺷﻜﺒﺮﺓ ﻭ ﻭﻛﺢ ﺣﻴﻞ ﻭ ﺍﻟﺴﺎﻧﻪ ﺷﻄﻮﻟﻪ ، ﺣﻴﻞ ﻓﺮﺣﺖ ﻟﻤﺎ ﺷﻮﻓﻨﻲ ﺍﺑﻨﻲ ﻭ ﺍﺭﺗﺎﺣﻴﺖ
ﻛﺪﺭﺕ ﺍﺗﻌﺪﻯ ﻫﺎﻟﻤﺮﺣﻠﺔ
ﻭ ﻣﺮﺣﻠﺔ ﺍﻟﻌﻼﺝ ..
ﺧﺒﺮﻧﻲ ﺍﻟﺪﻛﺘﻮﺭ ﺍﻥ ﺗﻌﺎﻓﻴﺖ ﻳﺲ ﻧﺴﺒﺔ ﺭﺟﻮﻉ ﺍﻟﻤﺮﺽ ﻛﺒﻴﺮﺓ ﻓﺤﺺ ﻛﻞ ﺷﻬﺮ ﺣﺘﻰ ﻧﺮﺍﻗﺐ ﺍﻟﻮﺿﻊ
ﻛﺪﺭﺕ ﺍﺭﺟﻊ ﻟﻌﺎﺋﻠﺘﻲ ﻭ ﺍﻫﻠﻲ ﻭ ﺍﻋﻴﺶ ..
ﺑﺲ ﺍﺑﻨﻲ ﻧﺎﻗﺼﻨﻲ ﻭ ﻣﺨﻠﺪ ﻣﺎ ﺗﻨﺎﺯﻝ ﻋﻨﻪ ﺍﺑﺪ
ﺟﺎﻥ ﻣﺘﻌﻠﻖ ﺑﻴﻪ ﺣﻴﻞ ، ﻭ ﺷﺮﻃﻪ ﻟﻠﻴﻮﻡ ﺍﺭﺟﻌﻠﻪ ﻭ ﻳﻨﻄﻴﻨﻲ ﻃﻔﻠﻲ
ﻣﺎ ﻗﺒﻠﺖ ﻭ ﻟﻠﻴﻮﻡ ﻣﺼﺮﺓ ﺍﺭﺟﻊ ﺍﺑﻨﻲ ، ﻋﺴﻰ ﺍﻟﻠﻪ ﻳﻜﺘﺒﻠﻲ ﺭﺟﻮﻋﻪ ﻣﺜﻞ ﻣﺎ ﻛﺘﺐ ﻟﺒﻨﺘﻲ ﺗﺮﺟﻌﻠﻲ
ﺭﺣﻠﺔ ﺣﻴﺎﺗﻲ ﻛﺎﻧﺖ ﺍﺷﺒﻪ ﺑﺮﺣﻠﺔ ﺍﻟﻰ ﺍﻟﺠﺤﻴﻢ ﺑﺴﺒﺐ ﻏﺒﺎﺋﻲ ﺍﻟﻌﺎﻃﻔﻲ ﺍﻟﻠﻲ ﻳﺨﻠﻴﻨﻲ ﻭﻗﺖ ﻟﻤﺎ ﺍﺣﺐ ﺍﻧﺴﻰ ﻛﻠﺸﻲ ﻭ ﺍﺗﻨﺎﺯﻝ ﺑﺎﻟﻐﺎﻟﻲ ﻭ ﺍﻟﻨﻔﻴﺲ ﻟﻼﺣﺒﻪ
ﻋﺮﻓﺖ ﺍﻥ ﻣﺤﺪ ﻳﺴﺘﺤﻖ ﺍﻟﺜﻘﺔ ﻏﻴﺮ ﺭﺑﻲ ﻭ ﺍﻣﻲ ﻭ ﺍﺑﻮﻳﻪ
ﻭ ﻋﺮﻓﺖ ﻣﺤﺪ ﻳﺴﺘﺤﻖ ﺍﻟﺤﺐ ﻏﻴﺮ ﺍﻃﻔﺎﻟﻲ
ﻭ ﻋﺮﻓﺖ ﺍﻥ ﺍﻛﺒﺮ ﺫﻧﺐ ﻣﻤﻜﻦ ﺗﺮﺗﻜﺒﻪ ﺍﻟﺒﻨﺖ ﺑﻌﻤﺮﻫﺎ ﺍﻥ ﺗﺘﺠﺎﻫﻞ ﻛﻼﻡ ﺍﻫﻠﻬﺎ ﺍﻟﻬﺎ
ﺭﺑﻤﺎ ﺗﻜﻮﻥ ﻋﻴﻦ ﺍﻟﻌﺎﺷﻖ ﺍﻋﻤﻰ ﻟﻜﻦ ﺍﺳﺘﺤﺎﻟﻪ ﺗﻨﻌﻤﻲ ﻋﻴﻦ ﺍﻷﻡ ﻭ ﺍﻻﺏ ﻋﻦ ﺷﻲﺀ ﻳﻀﺮ ﺑﺄﺑﻨﻬﻢ ﺍﻭ ﺑﻨﺘﻬﻢ
ﻭﻟﻮ ﺻﺎﺭ ﻭ ﻏﻀﺒﺘﻬﻢ ﻓﺒﻌﻤﺮﻙ ﻻ ﺗﺤﻠﻢ ﺑﺎﻟﺘﻮﻓﻴﻖ ﺍﻭ ﺍﻟﺮﺍﺣﺔ
( ﻭﺑﺎﻟﻮﺍﻟﺪﻳﻦ ﺍﺣﺴﺎﻧﺎ ) ﻟﻮ ﻣﺎ ﺍﺣﺴﻨﺖ ﻻ ﺗﺘﻮﻗﻊ ﺭﺑﻚ ﻳﺤﺴﻦ ﺍﻟﻴﻚ ..... ﺍﻟﻨﻬﺎﻳﺔ
☆☆☆☆☆☆☆
ﺍﻧﺘﻬﺖ ﺍﻟﺮﻭﺍﻳﺔ ﻋﻠﻰ ﺧﻴﺮ ﺍﺗﻤﻨﻰ ﺍﻥ ﺗﻜﻮﻧﻮﺍ ﺍﺳﺘﻤﺘﻌﺘﻮﺍ ﻭ ﺍﺳﺘﻔﺪﺗﻮﺍ ﻣﻦ ﺍﻟﻌﺒﺮ ﺍﻟﻜﺎﻧﺖ ﺑﺪﺍﺧﻠﻬﺎ ، ﺍﻟﺘﺤﺮﺭ ﻟﻮ ﻣﺎ ﻛﺎﻥ ﺑﺤﺬﺭ ﻓﺎﻟﻤﺘﺤﺮﺭ ﺍﻟﻰ ﺍﻟﻬﺎﻭﻳﺔ ، ﺭﻓﺾ ﺍﻟﻌﺎﺩﺍﺕ ﺍﻟﺴﻴﺌﺔ ﺑﺎﻟﻤﺠﺘﻤﻊ ﺭﺑﻤﺎ ﻳﻜﻮﻥ ﺍﻓﻀﻞ ﻟﻜﻦ ﺧﺮﻭﺟﻚ ﻋﻦ ﻋﺎﺩﺍﺕ ﻭ ﺗﻘﺎﻟﻴﺪ ﺍﻟﻤﺠﺘﻤﻊ ﺣﺘﻤﺎ ﺳﻴﻄﻴﺢ ﺑﻚ ﻓﻲ ﺍﻟﻬﺎﻭﻳﺔ ..
ﺍﻷﻡ ﻭ ﺍﻷﺏ ﻭﺟﻮﺩﻫﻤﺎ ﻓﻲ ﺍﻟﺤﻴﺎﺓ ﻓﺮﺻﺔ ﺫﻫﺒﻴﺔ ﻟﻤﺴﺎﻧﺪﺗﻚ ﻭ ﺍﺭﺷﺎﺩﻙ ، ﺑﺘﺨﻠﻴﻚ ﻋﻨﻬﻢ ﻷﻱ ﺷﺨﺺ ﻣﻦ ﺍﻷﺷﺨﺺ ﺳﺆﺩﻱ ﺑﻚ ﺍﻟﻰ ﻟﻌﻨﺔ ﺍﻟﻠﻪ ﻭ ﺍﻧﻌﺪﺍﻡ ﺍﻟﺘﻮﻓﻴﻖ ﻓﺎﺣﺬﺭﻭﺍ ... ﻭﺗﻘﺒﻠﻮﺍ ﻣﻨﻲ ﺍﺟﻤﻞ ﺍﻟﺘﺤﺎﻳﺎ ﻭ ﺍﻟﻘﺒﻼﺕ
ﺍﺧﺘﻜﻢ ( ﺯﻳﻨﺐ ﻣﺎﺟﺪ ) ❤
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء