رواية خطوات نحو الجحيم ج3 الجزء العاشر
للكاتبة زينب ماجد
.....
ﻗﺎﻟﻮﺍ ﺣﺒﻞ ﺍﻟﻜﺬﺏ ﻗﺼﻴﺮ
ﻭ ﻣﺮﺍﺭﺓ ﺍﻟﺼﺪﻕ ﻭ ﺍﻥ ﻛﺎﻧﺖ ﻋﺼﻴﺒﺔ ﻭﻟﻜﻦ ﺍﻫﻮﻥ ﻣﻦ ﺍﻟﺴﻘﻮﻁ ﺑﺪﺍﺋﺮﺓ ﺍﻟﻜﺬﺏ ، ﻓﺄﺻﺪﻕ ﺍﻟﻘﻮﻝ ﻭ ﺗﺤﻤﻞ ﻋﻘﺒﺎﺕ ﻣﺎ ﺗﻔﻌﻞ ﻭﻻ ﺗﺰﻳﺪ ﺍﺧﻄﺎﺋﻚ ﺑﺎﻟﻜﺬﺏ 🖤
ﺍﻟﻌﺮﺍﻕ _ ﺃﺭﺑﻴﻞ
ﻗﻔﻞ ﺍﻟﺠﻬﺎﺯ ﻭ ﺍﺟﺎ ﻳﻤﻲ ﺍﺧﺬ ﺍﻳﺪﻱ : ﺟﻨﺖ ﺗﻌﺮﻓﻴﻦ ﻫﺬﺍ ﻣﺎﻟﻚ
- ﻣﺨﻠﺪ ﺍﻳﺪﻱ ، ﺍﻧﻲ ﺍﻓﻬﻤﻚ
ﺿﺮﺑﻨﻲ ﺭﺍﺷﺪﻱ، ﻟﺰﻣﺖ ﺧﺪﻱ ﻭ ﺑﺎﻭﻋﺘﻠﻪ : ﻟﻴﺶ ﺗﻀﺮﺏ
- ﻟﺞ ﺗﻀﻤﻴﻦ ﻋﻠﻴﻪ ﻭ ﻣﺎ ﺗﻜﻮﻟﻴﻦ ﻫﺬﺍ ﻣﺎﺍﺍﺍﺍﺍﺍﺍﻟﻚ ، ﻋﺎﺟﺒﺞ ﺍﻟﻮﺿﻊ ﻭ ﻫﻮ ﻳﺨﺎﺑﺮ ﺑﻨﺖ ﺍﻟﻜﻠﺐ
- ﺍﻟﻒ ﻣﺮﻩ ﻛﻠﺘﻠﻚ ﻣﺎ ﺍﺳﻤﺤﻠﻚ ﺗﺴﺐ ﺍﺑﻮﻳﻪ ﻭ ﻻ ﺑﻌﻤﺮﻙ ﺍﺳﻤﺤﻠﻚ ﺗﻤﺪ ﺍﻳﺪﻙ ﻋﻠﻴﻪ ﺍﻓﺘﻬﻤﺖ
- ﻟﺞ ﺍﻛﺴﺮ ﺭﺍﺳﺞ ﻭ ﺍﻟﻘﺮﺍﻥ ﺗﺘﻤﻠﻌﺒﻴﻦ ﻣﻦ ﻭﺭﺍ ﻇﻬﺮﻱ ﺍﻧﺖ
- ﻣﺎ ﻟﻌﺒﺖ ﻛﻞ ﺍﻟﻘﺼﺔ ﺍﺗﺼﻞ ﻣﺎﻟﻚ ﻭ ﺍﺳﺘﻔﺰﻧﻲ ﻭﻟﻤﺎ ﺭﺩﻳﺖ ﻉ ﺍﻻﺗﺼﺎﻝ ﻭﺻﺤﺖ ﺑﻴﻪ ﻃﻠﻌﺖ ﺍﻧﺖ ، ﺑﺮﺩﺓ ﻓﻌﻞ ﺳﺮﻳﻌﺔ ﻛﻠﺘﻠﻚ ﻭﺍﺣﺪ ﺣﺘﻰ ﻻ ﺗﻘﻠﻖ ﻋﻠﻴﻪ ﻭ ﺍﻧﺖ ﺍﺑﻐﺪﺍﺩ ﻭ ﺗﻮﺭﻃﺖ ﻻ ﺍﻛﺪﺭ ﺍﺣﺠﻴﻠﻚ ﻭﻻ ﺍﻛﺪﺭ ﺍﺳﻜﺖ
ﻭﺍﺫﺍ ﺗﺸﻚ ﺑﻴﻪ ﻭﻟﻮ ١ ﺑﺎﻟﻤﻴﺔ ﺍﺗﺮﻛﻨﻲ ﺑﺲ ﻣﻤﻨﻮﻉ ﺗﻀﺮﺑﻨﻲ ﻣﻮ ﻃﻔﻠﺔ ﻛﺪﺍﻣﻚ ﺍﻧﻲ
ﺣﺠﻴﺘﻬﺎ ﻭ ﺩﺭﺕ ﻭﺟﻬﻲ ﻭ ﺍﻧﻲ ﺍﺩﺍﺭﻱ ﺑﺪﻣﻮﻋﻲ ﻭ ﺍﻣﺴﺢ، ﻟﺰﻡ ﺍﻳﺪﻱ : ﺍﺳﻤﻌﻲ ﻟﺞ ﻣﺎﻝ ﺗﺒﺠﻴﻦ ﻭ ﺗﻠﻮﻓﻴﻬﺎ ﻋﻠﻴﻪ ﻭ ﺍﻟﻘﺮﺃﻥ ﺍﻟﺪﻧﻴﺎ ﺍﻛﻠﺒﻬﺎ ﻓﻮﻙ ﺭﺍﺳﺞ ﺍﻟﺒﺎﺭﺣﺔ ﺗﺘﺮﺍﺟﻔﻴﻦ ﻻ ﺍﻋﺮﻑ ﺍﻟﺤﻘﻴﻘﺔ ﻭ ﻣﻦ ﺍﺗﺼﻞ ﻗﻔﻠﺘﻲ ﺍﻟﻤﻮﺑﺎﻳﻞ ﻟﻮ ﻣﺎ ﻋﻨﺪﺝ ﺷﻲ ﻣﺎ ﻣﺎ ﺗﺘﻠﻮﺗﻴﻦ ﻭ ﺗﺘﺤﺎﻳﻠﻴﻦ ﻫﻴﺞ ﺣﺘﻰ ﻻ ﺍﻋﺮﻑ، ﺷﻌﻨﺪﺝ ﻭﻳﺎﻩ
- ﻣﻦ ﺻﺪﻙ ﻳﺎ ﺍﺳﻔﻲ ﻋﻠﻴﻚ، ﺍﻛﺮﺭ ﻟﻠﻤﺮﺓ ﺍﻻﺧﻴﺮ ﺍﺫﺍ ﺷﻜﻴﺖ ﺑﻴﻪ ﻃﻠﻜﻨﻲ
ﻋﻔﺘﻪ ﻭ ﺩﺍ ﺍﺭﻭﺡ، ﺳﺤﺒﻨﻲ ﺣﻴﻞ : ﻛﻠﻤﺔ ﻃﻠﻜﻨﻲ ﻣﺎ ﺍﺳﻤﻌﻬﺎ ﻟﺠﻴﻴﻴﻴﻴﻴﻦ ﻭﻫﺴﻪ ﺗﺠﺎﻭﺑﻴﻨﻲ ﻋﻠﻰ ﻛﻞ ﺍﺳﺄﻟﺘﻲ
- ﺍﻟﻠﻲ ﻋﻨﺪﻱ ﻛﻠﺘﻪ ﻭ ﻣﺎ ﻋﻨﺪﻱ ﺷﻲ ﺍﺿﻴﻒ، ﻭﻻ ﺗﻌﺘﻘﺪ ﺑﺼﻴﺎﺣﻚ ﻭ ﺻﺮﺍﺧﻚ ﺗﺨﻠﻴﻨﻲ ﺍﺧﺎﻑ ﻟﻮ ﺍﻛﻌﺪ ﺍﺑﺮﺭﻟﻚ ، ﺍﻧﻲ ﻏﻠﻄﺖ ﻣﻦ ﻛﺬﺑﺖ ﺑﺲ ﻣﺎ ﻏﻠﻄﺖ ﻣﻦ ﻭﺭﺍﻙ ﺗﺼﺪﻙ ﺑﺮﺍﺣﺘﻚ ﻣﺘﺼﺪﻙ ﺍﻧﺖ ﺣﺮ
ﺳﺤﺒﺖ ﺍﻳﺪﻱ ﻭ ﺩﺧﻠﺖ ﻟﻠﻐﺮﻓﺔ .. ﻫﻮ ﻛﺎﻡ ﻳﺼﻴﺢ ﻭ ﻳﺤﺠﻲ ﺑﺮﺍ ﻭ ﻳﺴﻤﻌﻨﻲ ، ﻣﺎ ﺭﺩﻳﺖ ﺑﺲ ﻋﻴﻮﻧﻲ ﺗﺠﺮﻱ
ﺍﺧﺬﺕ ﻣﻼﺑﺲ ﻭ ﺭﺣﺖ ﻟﻠﺤﻤﺎﻡ ﺳﺒﺤﺖ ﻭﺭﺗﺒﺖ ﻧﻔﺴﻲ، ﺟﺮﻳﺖ ﺳﻮﻳﺞ ﺳﻴﺎﺭﺗﻲ ﻭ ﻣﺸﻴﺖ ﻣﻦ ﻛﺪﺍﻣﻪ
- ﺍﻭﻛﻔﻲ ﺍﻧﺖ ﻭﻳﻦ ﺭﺍﻳﺤﺔ
- ﻋﻨﺪﻱ ﺷﻐﻠﺔ
- ﺍﺳﻤﻌﻲ ﻟﺞ ﻣﻦ ﻭﺍﻓﻘﺖ ﻋﻠﻰ ﺷﺮﻭﻃﺞ ﻭ ﺷﻐﻠﺞ ﻣﻮ ﻣﻌﻨﺎﻫﺎ ﺍﺭﺿﻰ ﺍﻃﻠﻌﻴﻦ ﻭ ﺍﻧﻲ ﻫﻨﺎ ﺍﺗﻔﺮﺝ ﻋﻠﻴﺞ ﻣﺜﻞ ﻓﺰﺍﻋﺔ ﺍﻟﺨﻀﺮﺓ
- ﻣﺨﻠﺪ ﺷﺮﺍﻳﺪ ﻣﻨﻲ ﺍﻧﻲ ﻻ ﺭﺍﻳﺪ ﺍﻛﺴﺮ ﻛﻼﻣﻚ ﻭﻻ ﺭﺍﻳﺪﺓ ﺍﻗﻠﻞ ﻣﻨﻚ، ﺻﺎﺭﻟﻚ ﺳﺎﻋﺔ ﺗﺼﻴﺢ ﻭ ﺗﺴﺐ ﻭﺻﻮﺗﻚ ﻭﺍﺻﻞ ﻻﺧﺮ ﺍﻟﻌﺎﻟﻢ ﻭ ﻣﺎ ﺣﺴﺒﺖ ﺣﺴﺎﺏ ﺍﻥ ﺍﻟﻲ ﺳﻤﻌﺘﻲ ﺑﺎﻟﻌﻤﺎﺭ ﻭ ﻣﻜﻠﺖ ﻋﻴﺐ ﻭ ﺭﻏﻢ ﻫﺬﺍ ﻛﻌﺪﺕ ﺟﻮﺍ ﻭ ﻟﺰﻣﺖ ﺍﻟﺴﺎﻧﻲ ﻭﻣﺎ ﺳﻜﺘﺖ ﺍﻧﺖ ﻗﺮﺭﺕ ﺍﻃﻠﻊ ﺣﺘﻰ ﻣﺎ ﺍﺭﺩ ﻭ ﺗﻜﺒﺮ ، ﺷﺮﺍﻳﺪ ﺍﺳﻮﻱ
.....
ﺍﻛﻌﺪﻱ ﻭ ﺗﺤﺎﺟﻴﻨﻲ ﻋﻠﻰ ﻛﻠﺸﻲ ﻭﺣﺪﻩ ﻭﺣﺪﻩ
ﺑﺎﻭﻋﺖ ﺑﻴﺄﺱ، ﺗﻨﻬﺪﻱ ﻭ ﻛﻌﺪﺕ ﻛﺪﺍﻣﻪ ﻉ ﺍﻟﺘﺨﻢ : ﻫﻴﺎﻧﻲ ﻛﻌﺪﺕ ﺍﺣﺠﻲ ﺑﺲ ﺍﺫﺍ ﺳﺒﻴﺖ ﻟﻮ ﺣﺎﻭﻟﺖ ﺗﺘﻬﺠﻢ ﻻ ﺗﺘﻮﻗﻊ ﺍﺑﻘﻰ ﺗﺮﻳﺪﻧﺎ ﻧﺘﻨﺎﻗﺶ ﺑﻬﺪﻭﺀ ﻫﻴﺎﻧﻲ ﻛﺎﻋﺪﺓ ﻛﺒﺎﻟﻚ ﻭ ﺍﺟﺎﻭﺑﻚ
- ﻣﺎﻟﻚ ﻣﻦ ﺷﻮﻛﺖ ﻳﺨﺎﺑﺮﺝ
- ﺛﺎﻧﻲ ﻳﻮﻡ ﺍﻟﻠﻲ ﺭﺟﻌﺖ ﻭ ﻛﻼﻡ ﺳﺨﻴﻒ ﺍﺧﺮ ﺷﻲ ﺍﻧﻄﻴﺘﻪ ﺣﺠﺐ ﻭ ﺑﻌﺪ ﻣﺎ ﺍﺗﺼﻞ ﺍﺑﺪ
- ﻭ ﻟﻴﺶ ﺿﻤﻴﺘﻲ ﻋﻠﻴﻪ ؟
- ﻣﻮ ﻗﺼﺪﻱ ﺍﺿﻢ ﺑﺲ ﺍﻧﺼﺪﻣﺖ ﺑﻴﻚ ﻟﻤﺎ ﺭﺩﻳﺖ ﻋﺒﺎﻟﻲ ﻣﺎﻟﻚ ﻭ ﺍﺑﺘﻠﻴﺖ ﻭ ﻧﻜﺮﺕ ﻭ ﺑﻘﻴﺖ ﺟﺬﺑﻪ ﺗﺠﺮ ﺟﺬﺑﺔ ﺣﺘﻰ ﻻ ﺗﻜﺒﺮ ﺍﻟﻤﺸﻜﻠﺔ ﺑﻴﻨﺎﺗﻨﺎ
- ﺍﺫﺍ ﺍﻧﺖ ﻭﺍﺛﻘﺔ ﻣﻤﺴﻮﻳﺔ ﺷﻲ ﻟﻴﺶ ﺗﺨﺎﻓﻴﻦ ﺗﺼﻴﺮ ﻣﺸﻜﻠﺔ ؟
- ﻣﺎ ﺍﻋﺮﻑ ﺧﻔﺖ ﻭﺑﺲ ، ﺗﻬﻮﺭ ﻏﺒﻴﻪ ﺷﺘﺮﻳﺪ ﺗﻜﻮﻝ ﻛﻮﻝ ﻣﺎ ﺍﻋﺮﻑ ﻟﻴﺶ ﻧﻜﺮﺕ ﺍﻻ ﻣﺎﻟﻚ ﻣﻦ ﺍﻟﻤﺴﺘﺤﻴﻞ ﺍﺗﺤﻤﻞ ﺍﺳﻤﻊ ﺻﻮﺗﻪ
- ﺗﻌﺎﻟﻲ
- ﻋﻮﻓﻨﻲ ﻣﺨﻠﺪ ﺍﻟﻠﻪ ﻳﺨﻠﻴﻚ ﺿﺮﺑﻚ ﺻﻴﺎﺣﻚ ﻭ ﻏﻠﻄﻚ ﻟﺴﺔ ﻳﺮﻥ ﺑﺄﺫﻧﻲ ﺧﻠﻴﻨﻲ ﺍﻃﻠﻊ ﻭ ﺍﺗﻨﺎﺳﻰ ﺍﻟﺤﺠﻴﺘﻪ
ﻛﺎﻡ ﻣﻦ ﻣﻜﺎﻧﻪ : ﻳﻌﻨﻲ ﺍﻧﻲ ﺿﺮﺑﺘﺞ ﻣﺘﻌﻤﺪ ﻭﺍﻟﻠﻪ ﻣﻦ ﺧﻮﻓﻲ ﻋﻠﻴﺞ ﻣﺎﻟﻚ ﻭﺍﺣﺪ ﻗﺬﺭ ﻭﺍﺫﺍ ﺟﻨﺖ ﺧﺎﻳﻒ ﻋﻠﻴﺞ ﻣﻦ ﻭﺍﺣﺪ ﻏﺮﻳﺐ ﻋﺒﺎﻟﻲ ﻳﺮﺍﻗﺒﺞ ﻫﺴﻪ ﺩﺍ ﺍﺧﺎﻑ ﻋﻠﻴﺞ ﺍﺿﻌﺎﻑ ﻣﻦ ﻋﺮﻓﺘﻪ ﻣﺎﻟﻚ ﻫﺬﺍ ﻣﺎ ﺭﺍﺡ ﻳﺨﻠﻴﺞ ﺗﺮﺗﺎﺣﻴﻦ ﻟﺠﻴﻦ ﺭﺍﺡ ﻳﺒﻘﻰ ﻭﺭﺍﺝ ﻭ ﺑﻬﺎﻟﺤﺎﻟﺔ ﺷﻠﻮﻥ ﺍﺋﻤﻦ ﻋﻠﻴﺞ ﻫﻨﺎ
- ﺷﺴﻮﻱ ﺷﻐﻠﻲ ﻫﻨﺎ ﻣﺎ ﺍﻛﺪﺭ
- ﻧﺮﺟﻊ ﻟﺒﻐﺪﺍﺩ ﻣﺤﺎﺝ ﺍﻟﺸﻐﻞ ﻟﺠﻴﻦ
- ﺭﺍﺗﺒﻚ ﻳﺎ ﺩﻭﺏ ﻳﻜﻔﻴﻚ ﻭ ﻳﻜﻔﻲ ﺍﻃﻔﺎﻟﻚ ﻭ ﺍﻫﻠﻚ، ﻭ ﺭﺍﺗﺒﻲ ﺿﻌﻒ ﺭﺍﺗﺒﻚ ﺍﺗﻜﺒﺮ ﻋﻠﻰ ﻧﻌﻤﺘﻲ ﻭ ﺍﺗﺮﻙ ﺷﻐﻠﻲ ﻫﻨﺎ ﺣﺘﻰ ﺍﻛﻌﺪ ﺍﺑﻐﺪﺍﺩ ﻋﻠﻰ ﻣﻮﺩ ﻭﺍﺣﺪ ﺍﻋﺮﻓﻪ ﻟﻮ ﻭﻳﻦ ﻣﺎ ﺭﺣﺖ ﻣﺎ ﺭﺍﺡ ﻳﻌﻮﻓﻨﻲ ﺑﺤﺎﻟﻲ ، ﺧﻠﻴﻨﻲ ﻫﻨﺎ ﺑﺸﻐﻠﻲ ﺑﺘﺎﻟﻲ ﺍﺭﺑﻴﻞ ﺍﺋﻤﻦ ﻣﻦ ﺑﻐﺪﺍﺩ
- ﺑﺲ ﺍﻧﻲ ﻣﺎ ﺍﺭﺗﺎﺡ ﺭﺍﺡ ﻳﻀﻞ ﺑﺎﻟﻲ ﻳﻤﺞ، ﺷﻠﻮﻥ ﺍﻋﻮﻓﺞ ﻫﻨﺎ ﻭ ﺍﺭﺟﻊ ﻟﺒﻐﺪﺍﺩ
- ﻫﺬﺍ ﻛﺎﻥ ﺍﺗﻔﺎﻗﻨﺎ ﻣﻦ ﺍﻻﻭﻝ، ﻛﺄﻥ ﻣﺎ ﺗﻌﺮﻑ ﻣﺎﻟﻚ ﻳﻼﺣﻘﻨﻲ ﻣﻦ ﻗﺒﻞ ﻻ ﺍﺗﺰﻭﺟﻚ ﻣﻮ ﻛﻠﺘﻠﻚ ﺍﺟﺎ ﻭ ﻫﺪﺩﻧﻲ ، ﻳﻌﻨﻲ ﻣﻮ ﺷﻲﺀ ﻏﺮﻳﺐ ﺩﺍ ﺍﺣﺎﻭﻝ ﻗﺪﺭ ﺍﻻﻣﻜﺎﻥ ﺍﺑﻘﻰ ﺑﻌﻴﺪﺓ ﻋﻨﻪ ﻭ ﺑﺲ
ﻛﻤﺖ ﻣﻦ ﻣﻜﺎﻧﻲ ﺩﺍ ﺍﻣﺸﻲ، ﺍﻟﺘﻔﺘﺖ ﻭ ﻛﻠﺖ ﻟﻪ : ﺍﻧﺖ ﻣﺪﻳﻦ ﺍﻟﻲ ﺑﺎﻋﺘﺬﺍﺭ ﻋﻠﻰ ﺿﺮﺑﻚ ﻭ ﺗﺠﺎﻭﺯﻙ ﻭ ﺍﻻ ﻣﺎ ﺍﻟﻲ ﻛﻠﻤﺔ ﻭﻳﺎﻙ ﺍﺑﺪ
ﺍﺑﺘﺴﻢ، ﻋﻔﺘﻪ ﻭ ﻣﺸﻴﺖ ، ﺍﺟﺎ ﻭﺭﺍﻳﺎ : ﺗﻌﺎﻟﻲ ﻟﺞ ﻣﺘﻀﺎﻳﻘﺔ ﻻﻥ ﺿﺮﺑﺘﺞ
- ﻻ ﺣﺸﺎ ﻻﺯﻡ ﺍﻓﺮﺡ ﻭ ﺍﻫﻠﻬﻞ ﻻﻥ ﺿﺮﺑﺘﻨﻲ ﻣﻮ
- ﻛﺎﻓﻲ ﻻ ﺗﻜﺒﺮﻳﻬﺎ ﻛﻠﺘﻠﺞ ﻣﻦ ﺧﻮﻓﻲ ﻋﻠﻴﺞ
- ﻻ ﺗﺘﻜﺒﺮ ﻭ ﺍﻋﺘﺬﺭ
- ﺍﻋﺘﺬﺭ ﻋﻠﻰ ﺷﻨﻮ ﺩﻛﻮﻣﻲ ﺑﺎﺑﺎ ﺍﻧﻲ ﻏﻴﺮ ﺭﺍﻳﺪ ﻣﺼﻠﺤﺘﺞ
- ﻣﺼﻠﺤﺘﻲ ﻣﻮ ﺑﻬﺸﻜﻞ ﻭﺍﻻ ﻟﻴﻜﻮﻥ ﺗﻌﻮﺩﺕ ﺗﻀﺮﺏ ﺯﻭﺟﺘﻚ ﻭ ﺗﺴﻜﺖ ﻭ ﻣﺎ ﺗﻮﻛﻒ ﺑﻮﺟﻬﻚ
- ﻻ ﺗﻜﻠﻴﻠﻲ ﻣﺎﻟﻚ ﻣﺎ ﺟﺎﻥ ﻳﻀﺮﺑﺞ
- ﻟﻮ ﺟﻨﺖ ﺍﻛﺪﺭ ﺍﺗﺨﻠﺺ ﻣﻨﻪ ﻣﺎ ﺍﻗﺼﺮ ﺑﺲ ﺟﺎﻥ ﻳﻬﺪﺩﻧﻲ ﺑﻘﺘﻞ ﺍﻫﻠﻲ ﻭ ﻳﺠﺒﺮﻧﻲ ﺍﺑﻘﻰ ﺑﺲ ﺑﺘﺎﻟﻲ ﺧﻠﻌﺘﻪ ﻣﺜﻞ ﻣﺎ ﺧﻠﻌﺘﻪ ﻣﺜﻞ ﺍﻱ ﻗﻨﺪﺭﺓ ﺗﻨﺨﻠﻊ ﻟﻤﺎ ﺗﺄﺫﻱ ﺍﻟﺮﺟﻞ
.......
ﻳﻌﻨﻲ ﺷﻔﻬﻢ ﻣﻦ ﻛﻼﻣﺞ
- ﻣﺪﺍ ﺍﺣﺎﻭﻝ ﺍﻭﺻﻠﻚ ﺍﻱ ﺭﺳﺎﻟﺔ ﺍﻭ ﻣﺴﺞ ، ﺍﻧﺖ ﺗﺨﺘﻠﻒ ﻋﻦ ﻣﺎﻟﻚ ﺗﻤﺎﻣﺎ ﻭ ﺣﺸﺎﻙ ﻣﻨﻪ ﺑﺲ ﻣﺪﺍ ﺍﻃﻠﺐ ﺍﻛﺜﺮ ﻣﻦ ﺍﻋﺘﺬﺍﺭ !
ﻫﺰ ﺭﺍﺳﻪ ﻭ ﺗﻨﻬﺪ : ﺭﺍﺡ ﺍﺗﺮﻛﺞ ﺗﻬﺪﻳﻦ ﺍﻃﻠﻊ ﺷﻮﻳﺔ ﻭ ﺍﺭﺟﻊ
- ﺍﻧﻲ ﻫﺎﺩﻳﺔ ﻣﺨﻠﺪ ﺍﻟﻠﻲ ﻃﻠﺒﺘﻪ ﺑﺲ ﺍﻋﺘﺬﺍﺭ
- ﺗﺮﺍ ﺻﺎﺭ ﺳﺎﻋﺔ ﺩﺍ ﺍﺣﺎﻭﻝ ﺍﺭﺍﺿﻴﺞ ﻭ ﺍﻧﺖ ﻣﻴﺴﺒﺔ ﺭﺍﺳﺞ ﺩﻛﺎﻓﻲ
- ﻫﻠﻜﺪ ﻛﻠﻤﺔ ﺍﺳﻒ ﺻﻌﺒﺔ ﻋﻨﺪﻙ !!
- ﻋﺎﻓﻨﻲ ﻭ ﻃﻠﻊ ﻣﺎ ﺭﺩ
ﻫﺰﻳﺖ ﺭﺍﺳﻲ ﻟﻤﺎ ﻳﺮﻳﺪ ﻣﺼﻠﺤﺔ ﺑﺮﺍﺳﺔ ﻳﺠﻲ ﻳﻌﺘﺬﺭ ﺑﺲ ﻟﻤﺎ ﻭﺍﺟﺐ ﻋﻠﻴﻪ ﻳﻌﺘﺬﺭ ﻳﻴﺒﺲ ﺭﺍﺱ ..
ﺷﻤﺮﺕ ﺍﻟﺴﻮﻳﺞ ﻭ ﻛﻠﺖ : ﺣﺮﺍﻡ ﺍﺫﺍ ﻣﺎ ﺗﻌﺘﺬﺭ ﻓﻼ ﺍﺣﺠﻲ ﻭﻳﺎﻙ ﻭ ﺩﺍ ﺍﺭﻳﺪ ﺍﺷﻮﻑ ﻣﻨﻮ ﺍﻟﻠﻲ ﺗﻜﺒﺮ ﺭﺍﺳﻚ ﻋﻠﻴﻬﺎ
ﺭﺣﺖ ﻟﻐﺮﻓﺘﻲ، ﺧﺎﺑﺮﺕ ﻣﺎﻣﺎ ﻭ ﺳﻮﻟﻔﺘﻠﻬﺎ ﻛﻞ ﺍﻟﺼﺎﺭ ﺑﻴﻨﺎﺗﻨﺎ ﻭﻭﻛﺘﻠﻬﺎ : ﺩﻳﻜﺒﺮ ﺭﺍﺳﻪ ﻋﻠﻴﻪ ﺿﺮﺑﻨﻲ ﻭﻳﺮﻳﺪﻧﻲ ﺍﻣﺸﻲ ﺍﻻﻣﻮﺭ ﺍﻋﺘﻴﺎﺩﻳﺔ
- ﻣﺎﻣﺎﺗﻲ ﺍﻋﺮﻑ ﺍﻧﺖ ﻫﺴﻪ ﻋﺼﺒﻴﺔ ﻭ ﻣﺘﻀﺎﻳﻘﺔ ﺑﺲ ﺍﺫﺍ ﻧﺤﺴﺒﻬﺎ ﻫﻢ ﺣﻘﺔ ﻣﺤﺪ ﻳﻘﺒﻞ ﻃﻠﻴﻖ ﺯﻭﺟﺘﻪ ﻳﺨﺎﺑﺮ ﻭ ﺯﻭﺟﺘﻪ ﺗﻨﻜﺮ، ﺭﺩﺓ ﻓﻌﻠﻪ ﻧﻜﺪﺭ ﻧﻜﻮﻝ ﻧﺎﺗﺠﺔ ﻋﻦ ﻏﻀﺐ
- ﺍﻭﻙ ﺍﻧﻲ ﻛﻠﺖ ﻟﻪ ﺍﻋﺘﺮﻑ ﻛﺬﺑﺖ ﺑﺲ ﻣﺎﻣﺎ ﻫﻮ ﻳﻌﺮﻑ ﻣﺎﻟﻚ ﻳﻔﺘﺮ ﻭﺭﺍﻳﺎ ﻳﻌﻨﻲ ﺷﻌﻨﺪﻱ ﻭﻳﺎﻩ ﻭ ﻳﻀﺮﺑﻨﻲ
- ﻫﻮ ﺷﻮﻛﺖ ﻳﺮﻭﺡ
- ﺑﺎﺟﺮ ﺍﻟﺴﺒﺖ
- ﻛﺒﺮﻱ ﺭﺍﺳﺞ ﻭ ﻫﻮ ﻳﻜﺒﺮ ﺭﺍﺳﻪ ﻭ ﻛﺒﺮﻭﻫﺎ ﻭ ﺑﺎﺟﺮ ﻳﺮﻭﺡ ﺯﻋﻼﻥ ﻭ ﺧﻠﻲ ﺍﻟﻴﻜﺮﻫﺞ ﻳﻌﺮﻑ ﻭ ﻳﺘﺸﻤﺖ ، ﺷﺴﺘﻔﺎﺩﻳﺘﻲ ﺑﻬﺸﻜﻞ ﻳﻤﺎﻣﺎ ؟
- ﻭﺣﺘﻰ ﻻ ﺍﺧﻠﻲ ﺍﺣﺪ ﻳﺘﺸﻤﺖ ﺍﻗﺒﻞ ﻳﻬﻴﻦ ﻭ ﻳﺴﺐ ﻭ ﻳﻀﺮﺏ ؟
- ﻻ ﺧﻠﻴﺞ ﺯﻋﻼﻧﻪ ﺑﺲ ﻛﻮﻣﻲ ﺭﺗﺒﻲ ﻧﻔﺴﺞ ﻟﺒﺴﻴﻠﺞ ﻣﻼﺑﺲ ﺧﻔﻴﻔﺔ ﻭ ﺣﻠﻮﺓ ﻭ ﺳﻮﻱ ﺍﻛﻞ ﻭ ﺻﺒﻲ ﻭ ﺍﻛﻌﺪﻭﺍ ﻭﻻ ﺗﺤﺠﻴﻦ ﺍﻱ ﻛﻠﻤﺔ، ﺍﻟﺮﺟﺎﻝ ﻣﻦ ﻳﺸﻮﻑ ﺯﻭﺟﺘﻪ ﺗﺎﺩﻱ ﻭﺍﺟﺒﻬﺎ ﻭ ﻣﺎ ﺗﺤﺠﻲ ﻭﻳﺎﻩ ﻫﻢ ﻳﺨﺠﻞ ﻭﻳﺤﺎﻭﻝ ﻳﺘﻘﺮﺏ ﺍﻟﻬﺎ ﺍﻛﺜﺮ
... ﺑﻘﺖ ﺗﺤﺠﻲ ﻭﻳﺎﻳﻪ ﻭ ﺗﻬﺪﻳﻨﻲ، ﺷﻔﺖ ﻛﻼﻣﻬﺎ ﺻﺤﻴﺢ ﻛﻤﺖ ﺑﺪﻟﺖ ﻭ ﻟﻤﻴﺖ ﺷﻌﺮﻱ ﻛﺒﺎﻳﺔ ﻭﺭﺣﺖ ﺍﺳﻮﻱ ﻏﺪﺍ
ﻓﺎﺕ ﻟﻠﺒﻴﺖ ﻭ ﺍﺟﺎ ﻟﻠﻤﻄﺒﺦ ، ﺍﺧﺬ ﻣﻦ ﺍﻻﻛﻞ ﻭ ﺍﻧﺘﺠﻰ ﻉ ﺍﻟﻜﺎﻭﻧﺘﺮ : ﺑﻌﺪﻩ ﺍﻟﺤﻠﻮ ﺯﻋﻼﻥ ؟
- ﻣﺎ ﺟﺎﻭﺑﺖ
ﻛﻌﺪ ﻛﺪﺍﻡ ﺍﻟﻄﺎﻭﻟﺔ ، ﺻﺒﻴﺖ ﺍﻛﻞ، ﺣﻄﻴﺖ ﻛﺪﺍﻣﻪ ﺍﻟﻤﺎﻋﻮﻥ ﻟﺰﻡ ﺍﻳﺪﻱ : ﻋﻤﻲ ﺍﺳﻒ ﻣﺎ ﺍﺿﺮﺑﺞ ﺑﻌﺪ ﺑﺲ ﻻ ﺗﻜﺒﺮﻳﻬﺎ ﻛﻠﻬﺎ ﺑﺎﺟﺮ ﻭ ﺍﺭﻭﺡ ﻭ ﺍﺑﻘﻰ ﺍﺷﺘﺎﻗﻠﺞ
ﺑﻘﻴﺖ ﺍﺑﺎﻭﻋﻠﻪ ﺑﻨﻈﺮﺓ ﺷﻘﺎﻭﺓ، ﺍﺧﺬ ﺍﻳﺪﻱ ﺑﺎﺳﻬﺎ ﺑﺮﺍﺣﺘﻬﺎ ﻭ ﺣﺠﻪ : ﺍﻋﺸﻜﺞ
ﺩﻧﻜﺖ ﺑﺴﺘﻪ ﺑﺨﺪﻩ : ﻭ ﺍﻧﻲ ﻫﻢ ﺍﺣﺒﻚ ﺑﺲ ﻣﺮﺓ ﻟﺦ ﺍﺗﻤﻨﻰ ﺗﺴﻤﻊ ﻣﻨﻲ ﻭ ﺗﺴﻤﻊ ﺗﺒﺮﻳﺮﻱ ﻳﻼ ﺗﺘﺼﺮﻑ ﻟﻮ ﺗﺘﻬﺠﻢ
- ﺣﺎﺍﺍﺍﺍﺍﻇﺮ ﺳﺖ
ﺿﺤﻜﻨﺎ ﻭ ﺗﺼﺎﻟﺤﻨﺎ ﻭ ﻋﺪﺍ ﺍﻟﻤﻮﺿﻮﻉ ﺑﺲ ﺑﻘﻰ ﻳﺤﺬﺭ ﻭ ﻳﻮﺻﻲ ﻣﻦ ﻣﺎﻟﻚ ﺍﺫﺍ ﺍﺗﺼﻞ ﺍﻭ ﺯﻋﺠﻨﻲ ﺍﺑﻠﻐﺔ ﻭ ﺗﺮﺍﺿﻴﻨﺎ
ﻣﺮ ﺍﻟﺸﻬﺮ ﻭ ﺍﻟﺸﻬﺮﻳﻦ ﻭ ﺍﻟﺜﻼﺛﺔ ﻭ ﺍﺣﻨﺎ ﻋﻠﻰ ﻧﻔﺲ ﺍﻟﺤﺎﻝ ، ﺍﻧﻲ ﺍﺷﺘﻐﻞ ﺑﺎﺭﺑﻴﻞ ﻭ ﻫﻮ ﺍﺑﻐﺪﺍﺩ ﻭ ﻟﻘﺎﺋﻨﺎ ﺑﺲ ﺑﺄﻳﺎﻡ ﺍﻟﻌﻄﻞ ، ﻫﻮ ﻳﺠﻲ ﻳﻮﻡ ﺍﻟﺨﻤﻴﺲ ﻟﻠﺴﺒﺖ ﻳﺮﺟﻊ
........
ﺑﺲ ﺩﺍ ﺍﺷﻮﻓﺔ ﻳﺘﻀﺎﻳﻖ ﻣﻦ ﻫﺎﻟﻤﻮﺿﻮﻉ ﺑﺲ ﻣﺎ ﺣﺠﺔ ﺍﺑﺪ، ﻭ ﺍﻟﺼﺮﺍﺣﺔ ﺍﻧﻲ ﺻﺢ ﺷﺮﻃﺖ ﻋﻠﻴﻪ ﻫﺎﻟﻤﻮﺿﻮﻉ ﺑﺲ ﺻﺮﺕ ﺍﺷﺘﺎﻗﻠﻪ ﻛﺄﻱ ﺯﻭﺟﺔ ﺗﺮﻳﺪ ﺗﻜﻮﻥ ﻳﻢ ﺯﻭﺟﻬﺎ ﻛﻞ ﺍﻻﻳﺎﻡ ﻣﻮ ﺑﺲ ﺑﺎﻟﻌﻄﻠﺔ ..
ﺭﻏﻢ ﻟﻤﺎ ﻭﺍﻓﻘﺖ ﻋﻠﻴﻪ ﻣﺎ ﺟﻨﺖ ﺍﺣﺒﻪ ﺑﺲ ﺳﺒﺤﺎﻥ ﺍﻟﻠﻪ ﻳﺨﻠﻖ ﺍﻟﻤﻮﺩﺓ ﻭ ﺍﻟﺮﺣﻤﺔ ﺑﻴﻦ ﺍﻟﺰﻭﺟﻴﻦ ﺑﻤﺠﺮﺩ ﺍﺭﺗﺒﺎﻃﻬﻢ ﺑﻌﻘﺪ ﺍﻟﺰﻭﺍﺝ ..
ﻋﻠﻰ ﻛﺪ ﺣﺒﻪ ﻭ ﺍﻫﺘﻤﺎﻣﻪ ﺻﺮﺕ ﺍﺣﺒﻪ
ﻣﻮ ﺫﺍﻙ ﻣﺨﻠﺪ ﺍﻟﻠﻲ ﺑﺲ ﻳﻔﺮﺽ ﺭﺃﻳﻪ ﻭ ﻳﺘﺄﻣﺮ، ﺑﺎﻟﺰﻭﺍﺝ ﻭ ﺍﻟﺘﻘﺎﺭﺏ ﺗﻐﻴﺮﺕ ﻧﻈﺮﺗﻲ ﻋﻠﻴﻪ ﻭ ﺗﻐﻴﺮﺕ ﻣﺸﺎﻋﺮﻱ، ﻣﺎ ﺍﻋﺮﻑ ﻫﻮ ﺍﻟﻠﻲ ﺗﻐﻴﺮ ﻭ ﺻﺎﺭ ﻳﺘﻨﺎﺯﻝ ﻟﺨﺎﻃﺮﻱ
ﺍﻟﻤﻬﻢ ﺗﺮﺍﻫﻤﻨﺎ
ﻣﺮﻩ ﺧﺎﺑﺮﺕ ﻃﻴﺒﺔ ﺩﺍ ﺍﺳﺄﻝ ﻋﻠﻰ ﻣﺨﻠﺪ ﺍﻥ ﻛﺎﻥ ﻋﺪﻫﻢ ﺍﻭ ﺑﺎﻟﺒﻴﺖ ﻻﻥ ﺍﺧﺎﺑﺮ ﻋﻠﻴﻪ ﻣﻴﺠﺎﻭﺏ ﻓﻜﺎﻟﺘﻠﻲ : ﺗﻌﺎﺭﻙ ﻫﻮ ﻭ ﺍﻣﻪ ﻭ ﻃﻠﻊ ﻭ ﻧﺎﺳﻲ ﻣﻮﺑﺎﻳﻠﻪ ﻉ ﺍﻟﺸﺤﻦ
- ﺗﻌﺎﺭﻙ ﻟﻴﺶ ﺷﺼﺎﻳﺮ
- ﻣﺘﻌﺮﻓﻴﻬﺎ ﻟﻜﺮﺟﻴﺔ ﺷﻜﺪ ﺗﻨﻜﺪ ﻭ ﺗﻌﻴﺮ ﻃﻠﺒﺖ ﻣﻦ ﻋﻨﺪﻩ ﻓﻠﻮﺱ ﻭ ﻫﻮ ﻳﻜﻮﻟﻬﺎ ﻣﺎ ﻋﻨﺪﻱ ﺍﻟﺒﺎﺭﺣﺔ ﻣﺪﺍﻳﻦ ﻣﻦ ﺻﺪﻳﻘﻲ ٢٠٠ ﻛﻠﺘﻠﻪ ﻉ ﺍﻟﺮﺍﺗﺐ ﺍﻧﻄﻴﻜﻴﺎﻫﻢ ﻭ ﻫﻲ ﺍﺗﺨﺒﻠﺖ ﺗﻜﻠﻪ ﻭﺻﻠﺘﻚ ﻟﺠﻴﻦ ﻟﻠﺪﻳﻦ
ﺟﺎﻧﺖ ﻣﺮﺗﻚ ﻣﺎ ﺗﻄﻠﺐ ﺍﺑﺮﺑﻊ ﻭ ﺑﻨﻴﺖ ﺑﺮﺍﺳﻬﺎ ﺑﻴﺖ ﻭ ﻟﻤﻴﺖ ﻧﻔﺴﻚ ﻫﺴﻪ ﻟﺠﻴﻦ ﺧﻠﺘﻚ ﺗﺘﺪﺍﻳﻦ ﻣﺎ ﻛﻔﻴﺖ ﻣﻦ ﻟﺠﻴﻦ ﻣﺎ ﻣﻠﻴﺖ ﻭ ﻫﻲ ﺿﺎﺭﺑﺘﻚ ﻋﺮﺽ ﺍﻟﺤﺎﻳﻂ ﻭ ﺿﺎﻟﻪ ﺑﺎﺭﺑﻴﻞ ﺗﺘﻔﺮﻓﺮ
ﺑﻘﺖ ﻃﻴﺒﺔ ﺗﺤﺠﻲ ﺑﺲ ﺍﻟﺼﺮﺍﺣﺔ ﺗﻀﺎﻳﻘﺖ ﻣﻦ ﺍﻟﻜﻼﻡ، ﻗﻔﻠﺖ ﻣﻨﻬﺎ ﻭ ﺧﺎﺑﺮﺕ ﻋﻠﻰ ﻣﺪﻳﺮ ﺷﻐﻠﻲ ﻃﻠﺒﺖ ﺍﺟﺎﺯﺓ ﻳﻮﻣﻴﻦ ﺍﻃﺒﻜﻬﺎ ﻭﻳﺎ ﺍﻟﺠﻤﻌﺔ ﻭ ﺍﻟﺴﺒﺖ ﺗﺼﻴﺮﻟﻲ ﻓﺘﺮﺓ ﺍﺭﻭﺡ ﺍﺷﻮﻑ ﻣﺨﻠﺪ ﺑﻴﻬﺎ
ﻟﻤﻴﺖ ﺟﻨﻄﺔ ﺍﻟﻴﻪ ﻭ ﻃﻠﻌﺖ ﺑﺴﺎﻋﺘﻪ ﻣﻦ ﺍﺭﺑﻴﻞ ﻟﺒﻐﺪﺍﺩ ، ﻭﺻﻠﺖ ﺗﻘﺮﻳﺒﺎ ﺑﺎﻟﻠﻴﻞ ، ﺭﺣﺖ ﻟﺒﻴﺘﻨﺎ ، ﺟﺎﻥ ﻋﻨﺪﻱ ﻧﺴﺦ ﻣﻦ ﻣﻔﺎﺗﻴﺢ ﺍﻟﺒﻴﺖ، ﻓﺘﺤﺖ ﻭ ﻓﺘﺖ ﻟﻠﺒﻴﺖ
ﺩﺧﻠﺖ ﺍﻟﺒﻴﺖ ﻫﻮﺳﺔ ﻭ ﻣﻄﻔﻰ ، ﺭﺣﺖ ﻟﻐﺮﻓﺘﻨﺎ ، ﺭﺩﺕ ﺍﻓﺘﺢ ﺍﻟﻀﻮﺓ ﺷﻔﺖ ﻣﺨﻠﺪ ﻧﺎﻳﻢ ﻉ ﺍﻟﺠﺮﺑﺎﻳﺔ، ﻋﻔﺖ ﺍﻟﻀﻮﺍ ﻧﺰﻋﺖ ﺍﻟﺠﺎﻛﻴﺖ ﻭ ﺍﻟﺤﺬﺍﺀ ﻭ ﺗﻘﺮﺑﺖ ﻳﻤﻪ
ﻛﻌﺪﺕ ﻉ ﺍﻟﺠﺮﺑﺎﻳﺔ ، ﺣﺲ ﺑﺴﺮﻋﺔ ﻛﺎﻡ ﻋﻴﻮﻧﻪ ﻣﻐﻮﺷﻪ ﻳﺮﻳﺪ ﻳﺸﻮﻑ ﻣﻨﻮ ﻛﺎﻡ ﻳﺘﻠﻤﺲ ﻭﻳﻜﻮﻝ : ﻣﻨﻮ
- ﺣﻴﺎﺗﻲ ﺍﻧﻲ ﻟﺠﻴﻦ
ﻛﻌﺪ ﻋﻠﻰ ﺣﻴﻠﻪ : ﺷﺠﺎﺑﺞ ﻟﺠﻴﻦ
- ﺍﺷﺘﺎﻗﻴﺘﻠﻚ
- ﺍﻧﻲ ﻣﺤﺬﺭﺝ ﺗﺠﻴﻦ ﻣﻦ ﺑﻐﺪﺍﺩ ﻻﺭﺑﻴﻞ ﺳﻮﺍﻟﻒ ﺍﻟﻤﻔﺎﺟﺄﺕ ﺍﻛﺮﻫﻪ
ﺩﺧﻠﺖ ﺑﺤﻀﻨﻪ : ﺍﺳﻔﺔ ﺑﺲ ﺿﻞ ﺑﺎﻟﻲ ﻋﻠﻴﻚ ﻻﻥ ﻣﺠﺎﻭﺑﺖ ﻋﻠﻰ ﺍﺗﺼﺎﻟﻲ ﻭ ﻣﻜﺪﺭﺕ ﺍﻣﻨﻊ ﻧﻔﺴﻲ ﻣﻦ ﺍﻧﻮ ﺍﺟﻴﻚ
- ﻭ ﻫﺎﻱ ﻣﺮﻩ ﺍﺫﺍ ﻣﺎ ﺟﺎﻭﺑﺖ ﺗﺠﻴﻦ ﻣﻨﻚ ﻟﻬﻨﺎ
- ﺍﻳﻲ ، ﻳﻌﻨﻲ ﺷﻨﻮ ﻣﻤﺸﺘﺎﻗﻠﻲ
- ﻟﺠﻴﻦ ﺗﻌﺒﺎﻥ
- ﺗﻌﺎﻝ ﺑﺤﻀﻨﻲ ﺷﻮ
- ﻻ ﺍﻛﻮﻡ ﺍﺭﻭﺡ ﺍﺟﻴﺐ ﻣﻮﺑﺎﻳﻠﻲ ﺑﻘﻰ ﻋﺪ ﺍﻫﻠﻲ ﻻ ﻳﺨﺎﺑﺮﻭﻧﻲ ﺍﻟﺪﺍﺋﺮﺓ ﻭ ﻣﺎ ﺍﻋﺮﻑ ﺑﻴﻬﻢ
- ﻣﺎﺷﻲ ﺑﺮﺍﺣﺘﻚ
ﻛﺎﻡ ﺑﺪﻝ ﻣﻼﺑﺴﻪ ﻭ ﻃﻠﻊ، ﺍﻧﻲ ﺭﺣﺖ ﺑﺎﻭﻋﺖ ﺍﻟﺒﻴﺖ ﺻﺎﻳﺮ ﻫﻮﺳﻪ ﺍﻛﻞ ﻭ ﻣﻮﺍﻋﻴﻦ ﻣﻜﻮﻣﺔ ﺑﺎﻟﻤﻄﺒﺦ
ﺑﺎﻭﻋﺖ ﺍﻇﺎﻓﻴﺮﻱ ﻣﺼﺎﺭ ﻳﻮﻣﻴﻦ ﻣﻦ ﻣﺴﻮﻳﺘﻬﻢ ﺑﺎﻟﻤﺮﻛﺰ ، ﻏﺴﻞ ﻭ ﺟﻠﻒ ﻛﻞ ﻫﺬﺍ ﻳﻌﻨﻲ ﺑﻴﺒﺎﻱ ﺍﻇﺎﻓﻴﺮﻱ
.......
ﺑﺎﻋﺘﻠﻬﻦ ﺑﻮﺟﻪ ﻣﻜﺮﻣﺶ ﺣﺰﻳﻦ ﺑﺴﺘﻬﻢ ﻭ ﻭﺩﻋﺘﻬﻢ ﻭ ﺑﻠﺸﺖ ﺷﻐﻞ، ﺑﻠﺸﺖ ﺑﺎﻟﺼﺎﻟﺔ ﺭﺗﺒﺘﻬﺎ ﻭ ﻣﺴﺤﺖ ﺍﺭﺿﻴﺘﻬﺎ، ﻓﺎﺕ ﻣﺨﻠﺪ ﻭ ﺍﻧﻲ ﺍﻣﺴﺢ ﻛﻌﺪ ﻳﺘﻔﺮﺝ ﻉ ﺍﻟﺘﻠﻔﺰﻳﻮﻥ، ﺍﻧﻲ ﺧﻠﺼﺖ ﺍﻟﻬﻮﻝ ﻭ ﺭﺣﺖ ﻟﻠﻤﻄﺒﺦ ﺧﻠﻴﺘﻠﻪ ﻓﺤﻢ ﻉ ﺍﻟﻨﺎﺭ ﻭﺳﻮﻳﺘﻠﻪ ﺍﺭﻛﻴﻠﺔ .. ﻭ ﻛﻌﺪﺕ ﺍﺭﺗﺐ ﺑﻐﺮﺍﺽ ﺍﻟﻤﻄﺒﺦ ..
ﻛﻤﻠﺖ ﺍﻻﺭﻛﻴﻠﺔ ﺍﺧﺬﺗﻬﺎ ﻟﻤﺨﻠﺪ ﻭ ﻛﻠﺖ ﻋﻮﺩ ﺑﻌﺪﻳﻦ ﺍﻛﻤﻞ ﺍﻟﺸﻐﻞ ، ﺧﻠﻴﺘﻬﺎ ﻛﺪﺍﻣﻪ ﻛﺎﻝ : ﺍﻱ ﻭﺍﻟﻠﻪ ﺑﻮﻛﺘﻬﺎ ، ﺍﺧﺬﻫﺎ ﻣﻦ ﺍﻳﺪﻱ ﻭ ﻛﺎﻡ ﻳﺪﺧﻦ ﻭ ﻳﻔﺤﺼﻬﺎ ﻭ ﻳﻌﺪﻝ ﺑﺎﻟﻔﺤﻢ
- ﺷﺒﻴﻚ ﺣﺒﻴﺒﻲ ﺷﺼﺎﻳﺮ
- ﺍﺳﺘﺨﺒﺎﺭﺍﺗﺞ ﻣﺎ ﻛﺎﻟﺘﻠﺞ ﺍﺗﻌﺎﺭﻛﺖ ﻭﻳﺎ ﺍﻣﻲ
ﺍﺑﺘﺴﺖ : ﺑﻠﻲ ﻛﺎﻟﺘﻠﻲ
- ﺑﻌﺪ ﻋﻠﻰ ﺷﻨﻮ ﺗﺴﺄﻟﻴﻦ
- ﺍﺳﺄﻝ ﻋﻨﻚ ﻣﺘﻀﺎﻳﻖ ﺣﻴﻞ ﻭ ﻣﺎ ﺍﻟﻚ ﺧﻠﻚ ، ﺍﻧﻲ ﺯﻭﺟﺘﻚ ﺣﺒﻴﺒﻲ ﺍﻓﺘﺤﻠﻲ ﻛﻠﺒﻚ ﻭ ﺍﺣﺠﻲ
- ﻟﻮ ﺣﺠﻴﺖ ﺍﻟﺤﺠﻲ ﻣﻴﻌﺠﺒﺞ
- ﺟﺮﺏ
ﺗﻨﻬﺪ، ﻭ ﺟﺮ ﺍﻟﻜﻮﺷﺔ ﻣﺎﻝ ﺍﻟﺘﺨﻢ ﻭ ﺧﻼﻫﺎ ﻋﻠﻰ ﺟﻬﺔ ﺍﻟﺤﺎﻓﺔ ﻟﻠﺘﺨﻢ ﻭ ﺍﺗﻤﺪﺩ : ﻟﺠﻴﻦ ﻋﻘﻠﻲ ﻣﺸﻮﺵ ﻭ ﻭﺿﻌﻲ ﻣﺎ ﺻﺎﻓﻲ
- ﻟﻴﺶ
- ﻟﺞ ﻭﺻﻠﺖ ﻣﺮﺣﻠﺔ ﺭﺍﺗﺒﻲ ﻣﺎ ﻛﺎﻡ ﻳﻜﻔﻴﻨﻲ
- ﻳﻌﻨﻲ ﻣﺤﺘﺎﺝ ﻓﻠﻮﺱ
- ﺍﻟﻘﻀﻴﺔ ﻣﻮ ﻣﺤﺘﺎﺝ ﻓﻠﻮﺱ، ﺍﻧﻲ ﺍﺧﺎﻑ ﺍﺣﺠﻲ ﻭ ﺗﻜﻮﻟﻴﻦ ﻣﻮ ﺍﺗﻔﻘﻨﺎ ﺑﺲ ﻭﺟﻮﺩﺝ ﺑﺄﺭﺑﻴﻞ ﺍﺫﺍﻧﻲ
- ﺷﻠﻮﻥ
- ﺭﺍﺗﺒﻲ ﻛﻮﻟﻲ ٣ ﻣﻼﻳﻴﻦ ، ٥٠٠ ﻻﺑﻮﻱ ﻟﻤﺼﺮﻑ ﺑﻴﺘﻪ ﻭ ٣٥٠ ﻧﻔﻘﺔ ﺍﻃﻔﺎﻟﻲ ، ﻏﻴﺮ ﻣﺴﻮﻱ ﺳﻠﻔﺔ ﻣﻦ ﺭﺍﺗﺒﻲ ﻋﻠﻰ ﺩﻳﻦ ﺍﻟﺒﻴﺖ ، ﻏﻴﺮ ﻣﺪﻳﻮﻥ ﻋﻠﻴﻪ ١٢ ﻣﻠﻴﻮﻥ ، ﻏﻴﺮ ﺑﺎﻧﺰﻳﻦ ﺳﻴﺎﺭﺗﻲ ﻭ ﻣﺼﺮﻓﻲ ﻭ ﻳﺠﻴﺞ ﻣﺼﺮﻑ ﺍﻟﺮﻭﺣﺔ ﻭ ﺍﻟﺮﺟﻌﺔ ﻣﺎﻝ ﺍﻟﺮﻭﺣﺔ ﺍﻟﺞ ﻻﺭﺑﻴﻞ
ﺍﺭﻭﺡ ﺑﺴﻴﺎﺭﺗﻲ ﺍﻭﺻﻞ ﻳﻤﺞ ﺩﺍﻳﺦ ﻣﺎ ﺍﻋﻮﻝ ﺑﺲ ﺍﻧﺎﻡ ﻣﻦ ﻋﺠﺔ ﺍﻟﻄﺮﻳﻖ ، ﻭ ﻫﻨﻪ ﻳﻮﻣﻴﻦ ﻣﺎ ﺍﻟﺤﻚ ﺣﺘﻰ ﺍﺷﻮﻓﺞ، ﺍﺟﻴﺞ ﺑﺴﻴﺎﺭﺓ ﺍﺟﺮﺓ ﻟﻴﻮﻳﻦ ﻳﻼ ﺍﻭﺻﻠﺞ ﻳﺮﻭﺡ ﻳﻮﻡ ﺑﺲ ﻃﺮﻳﻖ ، ﺍﺟﻲ ﻋﻠﻰ ﻣﻄﺎﺭ ﺑﻐﺪﺍﺩ ، ﺍﺟﺮﺕ ﺍﻟﻄﻴﺎﺭﺓ ﺗﺰﻳﻦ ﺍﻟﺮﺍﺱ
ﻣﺎ ﺍﻋﺮﻑ ﺷﻠﻮﻥ ﺍﺣﻠﻬﺎ ﺣﺮﺕ
ﺗﻘﺮﺑﺖ ﻳﻤﻪ : ﺍﺫﺍ ﻫﻠﻜﺪ ﺷﻐﻠﻲ ﻣﺴﺒﺒﻠﻚ ﺍﺯﻣﻪ ﻣﻮ ﺑﺎﻻﺯﻡ ﺣﺒﻴﺒﻲ ﺍﻛﺪﺭ ﺍﺗﺮﻙ ﺍﻧﻲ ﻣﺘﺮﻛﺖ ﻻﻥ ﺍﻋﺮﻑ ﺭﺍﺗﺒﻚ ﻳﺎ ﺩﻭﺏ ﻳﻜﻔﻲ ﻭ ﺷﻐﻠﻲ ﻣﺎ ﻳﺘﻌﻮﺽ ﺑﺲ ﺍﻛﻴﺪ ﻣﻮ ﺍﻫﻢ ﻣﻦ ﺭﺍﺣﺘﻚ ﺣﺒﻴﺒﻲ
- ﻳﻌﻨﻲ ﺗﺘﺮﻛﻴﻦ ﺷﻐﻞ ﺍﺭﺑﻴﻞ ؟
- ﺣﻴﺎﺗﻲ ﺍﻧﻲ ﻫﻢ ﻣﻌﺎﺟﺒﻨﻲ ﺍﺗﺮﻛﻚ ﻫﻨﺎ ﻭ ﺍﻧﻲ ﺑﺎﺭﺑﻴﻞ ﺍﺷﺘﺎﻗﻠﻚ ﻭ ﺍﺭﻳﺪﻙ ﻳﻤﻲ ﻭ ﻛﻨﺖ ﺩﺍ ﺍﻓﻜﺮ ﺍﺗﺮﻙ ﺍﻟﺸﻐﻞ ﻭ ﺍﻧﺘﻘﻞ ﻟﺒﻐﺪﺍﺩ ﺍﻓﺘﺤﻠﻲ ﻣﺤﻞ ﺍﺯﻳﺎﺀ ﺍﻭ ﺷﻲﺀ ﻳﻨﺎﺳﺒﻨﻲ ﺑﺎﻟﻔﻠﻮﺱ ﺍﻟﻠﻲ ﻋﻨﺪﻱ
ﻓﺘﺤﻠﻲ ﺍﻳﺪﻯ ، ﺗﻤﺪﺩﺕ ﻋﻠﻰ ﺻﺪﺭﻩ : ﺍﻋﺸﻜﺞ ﻳﺒﻨﻴﺔ
- ﻫﻬﻬﻬﻪ ﺍﻣﻮﺕ ﻋﻠﻴﻚ ﺍﻛﻮﻡ ﺍﻛﻤﻞ ﺷﻐﻠﻲ ﺣﺘﻰ ﺍﺗﻔﺮﻍ ﺑﺲ ﻟﻬﺎﻟﺤﻠﻮ ﺍﻟﻮﻛﻴﺢ ﻻﻥ ﻣﺸﺘﺎﻗﺘﻠﻪ
ﻏﻤﺰﻟﻲ : ﻭ ﺍﻧﺎ ﺑﺎﻻﻧﺘﻈﺎﺭ
ﺑﺴﺘﻪ ﺑﺨﺪﻩ ﻭ ﻛﻤﺖ ﻣﻦ ﻳﻤﻪ ﺍﺿﺤﻚ، ﺭﺣﺖ ﺍﻧﻈﻒ ﺑﺎﻟﻤﻄﺒﺦ ﺟﺎﺏ ﻧﺮﻛﻴﻠﺘﻪ ﻭ ﻛﻌﺪ ﻳﻤﻲ ﻧﺴﻮﻟﻒ ﻭ ﻧﺤﺠﻲ
.... ﻣﻦ ﺑﻌﺪﻫﺎ ﻗﺮﺭﺕ ﺍﺗﺮﻙ ﺷﻐﻞ ﺍﺭﺑﻴﻞ ﻭ ﺍﺭﺟﻊ ﺍﺳﺘﻘﺮ ﻳﻤﻪ، ﺭﺣﺖ ﻟﻬﻨﺎﻙ ﺧﺒﺮﺕ ﺍﻟﺸﺮﻛﺔ ﺑﺘﺮﻙ ﺍﻟﺸﻐﻞ ﺍﻧﻄﻮﻧﻲ ﺍﺧﺮ ﺭﺍﺗﺐ ﻭ ﻃﻠﻌﺖ ﻟﻤﻴﺖ ﻛﻞ ﻏﺮﺍﺿﻲ ﻣﻦ ﺍﺭﺑﻴﻞ ﺍﻧﻲ ﻭ ﻣﺨﻠﺪ ﻭ ﺍﻧﺘﻘﻠﺖ ﻟﺒﻐﺪﺍﺩ ..
........
ﻳﺎ ﻓﺮﺣﺔ ﻣﺨﻠﺪ ﺍﻟﻠﻲ ﻣﺎ ﻛﺎﻧﺖ ﻭﺍﺳﻌﺘﻪ ﺟﺎﻥ ﻃﺎﻳﺮ ﻣﻦ ﺍﻟﻔﺮﺡ ﺑﺎﻧﺘﻘﺎﻟﻲ ﻟﺒﻐﺪﺍﺩ
ﻓﺘﺮﺓ ﺗﺮﻛﺖ ﻛﻞ ﺍﻟﺸﻐﻞ ﻭ ﻛﺎﺑﻠﺘﻪ ﻻﻥ ﻓﺮﺣﺎﻥ ﺑﻴﻪ ، ﺣﺒﻴﺖ ﺍﻋﻴﺶ ﺍﺟﻮﺍﺀ ﺍﻟﻌﺎﺋﻠﺔ ﻭ ﺍﻟﺰﻭﺟﺔ ﺍﻟﻠﻲ ﺗﻨﻈﻒ ﻭ ﺗﺮﺗﺐ ﺍﻟﺒﻴﺖ ﻭ ﺍﻟﻄﺒﺦ ﻭ ﺗﻨﺘﻈﺮ ﺯﻭﺟﻬﺎ ﺣﺘﻰ ﻳﺠﻲ ﻣﻦ ﺍﻟﺪﻭﺍﻡ ﻭ ﺗﺴﺘﻘﺒﻠﻪ ﻭ ﻫﻲ ﺑﻜﺎﻣﻞ ﺗﺮﺗﻴﺒﻬﺎ ..
ﻃﺒﻌﺎ ﺣﻴﺎﺗﻨﺎ ﻣﺎ ﺗﺨﻠﻰ ﻣﻦ ﺗﺪﺧﻼﺍﺕ ﺍﻣﻪ ﺑﺎﻟﺼﻐﻴﺮﺓ ﻭ ﺍﻟﺠﺒﻴﺮﺓ ﺑﺲ ﺟﻨﺖ ﺍﺣﺎﻭﻝ ﺍﺗﺤﻨﻠﻬﺎ ﻟﺨﺎﻃﺮ ﻣﺨﻠﺪ ﻻﻥ ﻣﺮﺍﺕ ﻳﺮﺩﻫﺎ ﻭ ﻳﻜﻮﻟﻬﺎ : ﻳﻤﻪ ﺩﻛﺎﻓﻲ ﻟﺨﺎﻃﺮ ﺍﻟﻠﻪ
ﻭ ﻣﺮﺍﺕ ﻳﺴﻜﺖ ﻭ ﻳﻜﻮﻝ ﺍﻣﻲ ﻣﺎ ﺍﻛﺪﺭ ﺍﺟﺮﺣﻬﺎ ﻭ ﺍﺭﺩﻫﺎ ﻛﻞ ﻣﺮﻩ ، ﺍﺗﺤﻤﻠﻴﻬﺎ ﻟﺨﺎﻃﺮﻱ
ﺍﺟﺖ ﻟﻠﺒﻴﺖ ﻣﺮﺓ ﻭ ﺗﺤﺎﺳﺐ ﻋﻠﻰ ﻫﺬﺍ ﻭ ﺫﺍﻙ ﻓﺎﻟﺘﻔﺘﺖ ﻭ ﻫﻲ ﺗﻜﻮﻟﻲ : ﻟﻴﺶ ﻣﺎ ﺗﺴﻮﻳﻦ ﻻﺑﻨﻲ ﻓﺎﺻﻮﻟﻴﺔ ﻣﻜﻀﻴﺘﻬﺎ ﻋﻠﻰ ﻫﺎﻻﻛﻞ ﻣﻦ ﺑﺮﺍ ﻟﻮ ﺍﻛﻞ ﺗﻠﺰﻙ ﻣﺎ ﻳﻠﺰﻡ ﺑﻄﻨﻪ ﺍﺑﻨﻲ ﻳﺤﺐ ﺍﻟﻔﺎﺻﻮﻟﻴﺔ
- ﻻ ﻋﻤﺔ ﻭﺍﻟﻠﻪ ﺍﺳﻮﻳﻬﺎ ﺑﺲ ﺍﻧﻮﻋﻠﻪ ﻏﻴﺮ
- ﺩﺯﻱ ﻓﺎﺻﻮﻟﻴﺔ ﻭ ﺳﻮﻱ ﺍﻓﺘﻬﻤﺘﻲ ﻭ ﺧﻞ ﺍﺷﻮﻑ ﻃﺎﺑﺨﺘﻠﻪ ﻓﻄﺎﻳﺮ ﻟﻮ ﺑﻴﺘﺰﺍ ﻟﻮ ﻫﺎﻻﻛﻞ ﺍﻟﺘﻤﺴﻠﺖ ﻣﺎﻟﺘﺞ
ﺿﺤﻜﺖ ﻭ ﻋﺪﻳﺘﻬﺎ ﺑﻀﺤﻜﺔ ﺷﺴﻮﻱ ﻭ ﻛﻠﺘﻠﻬﺎ : ﺗﺪﻟﻠﻴﻦ ﻋﻤﻪ ﻓﺪ ﻣﻨﺪﻟﻪ ﻳﻌﻨﻲ ﺍﻟﻔﺎﺻﻮﻟﻴﻪ ﻫﺴﻪ ﺍﻃﺒﺦ
ﺷﻮﻳﺔ ﻭﺭﺍﺣﺖ ، ﻋﺎﺩ ﻃﻠﻌﺖ ﻓﺎﺻﻮﻟﻴﺔ ﻭ ﺳﻠﻜﺖ، ﺧﺎﺑﺮﻧﻲ ﻣﺨﻠﺪ ﻭ ﻫﻮ ﻳﺴﺄﻝ ﻋﻠﻴﻪ ﻭ ﺷﺴﻮﻳﺘﻲ ﻭ ﺷﻨﻮ ﻏﺪﺍﻧﺎ ﻛﻠﺘﻠﻪ ﻓﺎﺻﻮﻟﻴﻪ ﻭ ﺑﻘﻴﻨﺎ ﻧﺤﺠﻲ ﺷﻮﻳﺔ ﻭ ﻧﻬﻴﻨﺎ ﺍﻻﺗﺼﺎﻝ
ﻟﻠﻈﻬﺮ ﺣﺴﻴﺘﻪ ﺗﺄﺧﺮ ﺧﺎﺑﺮﺗﻪ ﻛﺎﻝ ﺍﻧﻲ ﺍﺗﻐﺪﻳﺖ ﻳﻢ ﺍﻫﻠﻲ ﺍﺗﻐﺪﻱ ﻋﻤﺮﻱ، ﺧﺎﺑﺮﻧﻲ ﺍﺑﻮﻱ ﻋﻠﻰ ﺳﺎﻟﻔﺔ ﺷﻮﻳﻪ ﻭ ﺍﺟﻴﺞ
ﻛﻠﺖ ﻟﻪ ﺑﺮﺍﺣﺘﻚ ، ﻓﺨﺎﺑﺮﺕ ﻃﻴﺒﺔ ﺩﺍﺋﻤﺎ ﻧﺘﺨﺎﺑﺮ ﻭ ﻧﺴﻮﻟﻒ ﺑﻤﺸﺎﻛﻞ ﻛﺮﺟﻴﺔ ﻋﺎﺩ ﻻ ﺷﻐﻞ ﻭ ﻻ ﻋﻤﻞ ﻣﺸﺘﻐﻠﻴﻦ ﻧﻘﺸﺐ ﺑﻜﺮﺟﻴﺔ
ﻓﻜﻠﺖ ﻟﻬﺎ : ﺷﻴﺮﻳﺪ ﻋﻤﻮ ﻣﻦ ﻣﺨﻠﺪ ؟
- ﻳﺎ ﻋﻤﺞ ﺍﻧﺖ ؟ ﻭﺍﻟﻠﻪ ﺑﻄﺮﺍﻧﻪ ﻋﻤﺘﻲ ﻛﺮﺟﻴﺔ ﺧﺎﺑﺮﺗﻪ
- ﻭ ﺷﺘﺮﻳﺪ ﻣﻨﻪ ﻛﺮﺟﻴﺔ
- ﺟﺎﺑﺖ ﺳﻤﺞ ﻭ ﺷﻮﺗﻪ ﻭ ﺧﺎﺑﺮﺗﻪ ﻛﺎﻟﺘﻠﻪ ﺷﻨﻮ ﻏﺪﺍﻙ ﻛﺎﻟﻠﻬﺎ ﻟﺠﻴﻦ ﻣﺴﻮﻳﻪ ﻓﺎﺻﻮﻟﻴﺔ ﻛﺎﻟﺘﻠﻪ ﻳﻮﻭﻩ ﻳﻴﻤﻪ ﺳﻮﺩﺓ ﺑﻮﺟﻬﻲ ﺧﺎﺳﺖ ﺑﻄﻨﻚ ﺑﺲ ﻣﻦ ﺍﻟﻔﺎﺻﻮﻟﻴﻪ ﺗﻌﺎﻝ ﻳﻤﻲ ﺷﺎﻭﻳﺔ ﺷﻠﻮﻥ ﺳﻤﺞ ﻳﻠﻮﻙ ﺍﻟﺤﻠﻜﻚ ﻳﻴﻤﻪ ﻭ ﻣﻨﻬﺎ ﻋﻨﺪﻱ ﺳﺎﻟﻔﺔ ﻭﻳﺎﻙ
ﻛﺎﻝ ﺍﻟﻬﺎ ﺍﻛﻤﻞ ﺷﻐﻠﻲ ﻭ ﺍﺟﻴﺞ
- ﻳﺎ ﻳﺎ ﻳﺎ ﺗﺤﺠﻴﻦ ﺻﺪﻙ ؟
- ﺍﻱ ﻭﺍﻟﻠﻪ
- ﻭﻟﺞ ﻫﻲ ﺍﻻﺟﺖ ﻭ ﺧﺒﺼﺘﻨﻲ ﺷﻠﻮﻥ ﻣﺎ ﺗﺴﻮﻳﻦ ﻻﺑﻨﻲ ﻓﺎﺻﻮﻟﻴﻪ، ﺑﺎﻟﻠﻪ ﻫﺎﻱ ﺍﻟﻤﺮﺓ ﺻﺎﺣﻴﺔ ﺑﺮﺑﺞ ؟
- ﻫﻬﻬﻬﻬﻬﻬﻬﻬﻬﻬﻬﻬﻬﻪ ﺍﻟﻠﻪ ﻋﻠﻴﺞ ﻫﻲ ﻛﺎﻟﺘﻠﺞ ﻃﺒﺨﻲ ﻓﺎﺻﻮﻟﻴﺔ
- ﺍﻱ ﻭﺭﻭﺡ ﺍﺑﻮﻳﺔ ﺷﺒﻴﺞ
- ﻫﻬﻬﻬﻬﻬﻬﻬﻬﻬﻬﻪ ﻫﺎﻟﻌﺠﻴﺰ ﺑﻠﻮﺓ ﻭﺍﻟﻠﻪ
- ﺑﺎﻟﻠﻪ ﻫﺎﻟﻤﺮﺓ ﺷﺘﺴﺘﻔﺎﺩ ﻣﻦ ﺗﺼﺮﻓﻬﺎ ﻫﺬﺍ
- ﻭﻟﺞ ﻏﻴﺮ ﺍﺟﺎ ﺗﻐﺪﻩ ﻋﺪﻧﺎ ﻫﺎﻟﺴﻤﺠﺔ ﺍﻟﻤﺴﻠﺒﺤﺔ ﺍﻟﺸﺎﻭﻳﺘﻬﺎ ﻋﺸﺘﻮ ﻭ ﺗﻜﻠﻪ ﺍﺷﺘﺮﻳﺖ ﺳﻤﺞ ﺏ٧٠ ﺍﻟﻒ
ﻛﺎﻝ ﺍﻟﻬﺎ ﻳﻤﻪ ﺑﺲ ﻻ ﺻﺎﺩﻳﻬﺎ ﻣﻦ ﻣﺜﻠﺚ ﺑﺮﻣﻮﺩﺍ ﺑﻌﻤﺮﻱ ﻣﺎ ﺳﺎﻣﻊ ﺳﻤﺠﺔ ﻫﻴﺞ ﺳﻌﺮﻫﺎ
.......
ﻫﻬﻬﻬﻬﻬﻬﻬﻬﻪ ﻋﺎﺩ ﻫﻮ ﻫﻢ ﻣﺎ ﺗﻌﺒﺮ ﻋﻠﻴﻪ ﺳﻮﺍﻟﻔﻬﺎ
- ﻻ ﻭﻟﺞ ﺗﻜﻠﻪ ﻣﻮ ﺍﺗﺴﻮﻛﺖ ﻟﻠﺒﻴﺖ ﺳﻤﺞ ﻭ ﺟﻤﺪﺗﻪ ﺑﺎﻟﻤﺠﻤﺪﺓ ﻋﻠﻮﺍ ﻟﻮ ﺗﻨﻄﻴﻨﻲ ﺗﺮﺍ ﻭﺍﻟﻠﻪ ﻳﻴﻤﻪ ﻣﺎ ﻋﻨﺪﻱ ﻭ ﺧﻄﺎﺭﻧﺎ ﺭﺍﻳﺢ ﺭﺍﺩ
ﺷﺎﻝ ﺍﻟﻬﺎ ١٠٠ ﺍﻟﻒ ﻭ ﺍﻧﻄﺎﻫﺎ ﻣﺼﺮﻑ
- ﺩﻳﻼ ﺑﺎﻟﻠﻪ ﻭ ﻓﺎﺻﻮﻟﻴﺘﻲ ﻭﻳﻦ ﺍﻭﺩﻳﻬﺎ ؟
- ﺍﻛﻠﻮﻫﺎ ﺑﺎﻟﻌﺸﺎ
- ﺍﻱ ﻋﺸﺘﻮ ﺑﺲ ﻟﺠﻴﻦ ﺗﺘﻌﺸﻰ ﻓﺎﺻﻮﻟﻴﻪ ﻭﻟﺞ ﻫﺎﻱ ﻧﺎﻭﻳﺔ ﺍﻃﻠﻜﻨﻲ ﻣﻦ ﺭﺟﻠﻲ
- ﻫﺴﺘﻮﺝ ﺩﺭﻳﺘﻲ ﻫﻬﻬﻬﻬﻬﻬﻬﻬﻬﻬﻬﻬﻪ ﺑﻌﺪﺝ ﺟﺪﻳﺪﺓ ﻋﻠﻰ ﺳﻮﺍﻟﻒ ﻛﺮﺟﻴﺔ ﻭ ﻣﺼﺎﻳﺒﻬﺎ ﻭﻟﺞ ﺍﻧﻲ ﻣﺸﻴﺒﺔ ﺭﺍﺳﻲ ﻫﺎﻟﻌﺠﻴﺰﻩ
- ﻭ ﺷﻨﻮ ﺍﻟﺴﻮﻳﻠﻔﺔ ﺑﺮﺑﺞ
- ﻋﻠﻰ ﺟﻬﺎﻟﻪ ﻣﻮ ﻫﻲ ﻭ ﺯﻣﻦ ﺻﺎﺭﻥ ﻳﺘﺨﺎﺑﺮﻥ
- ﺍﻧﻮﻭﻭﺏ ، ﻣﻮ ﺍﻃﻠﻜﺖ ﻣﻦ ﻭﺭﺍﻫﺎ ﻫﺴﻪ ﺻﺎﺭﻭ ﺣﺒﺎﻳﺐ
- ﺍﻱ ﺗﺮﻳﺪﻩ ﻳﺮﺟﻌﻬﺎ ﻋﺎﺩ ﺭﺟﻠﺞ ﻣﺎ ﻗﺼﺮ ﻛﺎﻟﻠﻬﺎ ﻳﻤﻪ ﺭﺟﻌﻪ ﻟﺰﻣﻦ ﻣﺎﻛﻮ ﻣﺎ ﺗﺮﻳﺪ ﺟﻬﺎﻟﻲ ﺧﻞ ﺗﻮﺩﻳﻬﻢ ﺍﻧﻲ ﺍﺭﺑﻴﻬﻢ ﻋﻨﺪﻱ ﻣﺎ ﻣﺘﻌﺎﺟﺰ ﻣﻨﻬﻢ ﻭﺑﻘﺖ ﺗﺤﺠﻲ ﻭﻳﺎﻩ ﻋﻠﻰ ﻫﺎﻟﺴﺎﻟﻔﺔ
... ﺍﺛﻨﺎﺀ ﻣﺪﺍ ﺍﺳﻮﻟﻒ ﻭﻳﺎ ﻃﻴﺒﺔ ﺩﺧﻞ ﻣﺨﻠﺪ، ﻧﻬﻴﺖ ﻭﻳﺎﻫﺎ
- ﻭﻳﺎ ﻣﻨﻮ ﺟﻨﺘﻲ ﺩﺍ ﺗﺤﺠﻴﻦ ؟
- ﻭﻳﺎ ﻃﻴﺒﻪ
ﻧﺰﻋﺘﻠﻪ ﻣﻼﺑﺴﻪ ﻭ ﻃﻠﻌﺘﻠﻪ ﻣﻼﺑﺲ ﻭ ﺭﺣﺖ ﺟﺒﺖ ﻟﻪ ﺍﻧﺠﺎﻧﻪ ﺑﻴﻬﺎ ﻣﻲ ﺩﺍﻓﻲ ﻳﺮﺧﻲ ﺑﻴﻬﻢ ﺭﺟﻠﻴﻪ ﻣﻦ ﺍﻟﺘﻌﺐ ﻭ ﺍﻟﻮﻛﻔﺔ : ﻣﺘﻐﺪﻱ ﺣﺒﻴﺒﻲ ﻣﻮ
- ﺍﻱ ﺣﻴﺎﺗﻲ، ﺳﻮﻟﻔﻴﻠﻲ ﺍﻻﺳﺘﺨﺒﺎﺭﺍﺕ ﺷﻨﻘﻠﺘﻠﺞ
- ﻫﻬﻬﻪ ﻛﺎﻟﺘﻠﻲ ﺍﻣﻚ ﺗﺮﻳﺪ ﺗﺮﺟﻊ ﺯﻣﻦ
- ﻭ ﺑﻌﺪ
- ﺍﻛﻮ ﺑﻌﺪ ؟
- ﻟﺠﻴﻦ ﻣﻘﺮﺭ ﺍﺟﻴﺐ ﺟﻬﺎﻟﻲ ﻭ ﺍﺧﻠﻴﻬﻢ ﻫﻨﺎ
- ﺑﻜﻴﻔﻚ ﺣﻴﺎﺗﻲ ﺍﻃﻔﺎﻟﻚ ﺫﻭﻟﻪ ﻭ ﻣﻦ ﺣﻘﻚ
- ﺷﻠﻮﻥ ﺭﺍﺡ ﺗﻌﺘﻨﻴﻦ ﺑﻴﻬﻢ
- ﺍﻧﺖ ﻛﻮﻝ ﺍﻣﻬﻢ ﺗﻘﺒﻠﻦ ﺗﻨﻄﻴﻬﻢ ﺍﻟﻚ، ﻫﻢ ﻣﻮ ﻣﻦ ﺣﻘﻚ ﺗﺎﺧﺬ ﻃﻔﻞ ﻣﻦ ﺍﻣﻪ
- ﻫﻲ ﺩﺍ ﺗﺸﻜﻲ ﺷﻨﻮ ﻋﺎﻳﺶ ﻭ ﻧﺎﺳﻲ ﺟﻬﺎﻟﻪ ﻭ ﻣﺨﻠﻴﻨﻲ ﺍﺑﺘﻠﻲ ﺑﻴﻬﻢ
- ﺍﺫﺍ ﻫﻲ ﻣﺘﺮﻳﺪﻫﻢ ﺟﻴﺒﻬﻢ
- ﺍﻥ ﺷﺎﺀﺍﻟﻠﻪ
- ﺭﺩﺕ ﺍﺣﺠﻲ ﻭﻳﺎﻙ ﺑﻤﻮﺿﻮﻉ
- ﺷﻨﻮ
- ﻋﺎﺟﺒﻨﻲ ﺍﻓﺘﺢ ﻣﺤﻞ ﺍﺯﻳﺎﺀ ﻭ ﺍﺷﻐﻞ ﻓﻠﻮﺳﻲ ﺑﻬﺎﻟﻤﺸﺮﻭﻉ
- ﻣﻮ ﻧﺎﺟﺢ %100 ، ﻭ ﻳﺘﻌﺐ ﻭ ﻳﺮﺍﺩﻟﻪ ﻧﻘﻞ ﻭ ﺍﺳﺘﻴﺮﺍﺩ ﻭ ﺍﺳﺘﻨﻜﺎﻩ ﻭ ﺗﻌﺐ
- ﺍﻱ ﻏﻴﺮ ﺷﻐﻞ
- ﺍﻧﺖ ﺍﻟﻠﻲ ﻫﺎﻣﺞ ﺗﺸﻐﻠﻴﻦ ﻓﻠﻮﺳﺞ ﻟﻮ ﻋﺎﺟﺒﺞ ﻣﺤﻞ ﺍﺯﻳﺎﺀ
- ﻻ ﺩﺍ ﺍﺭﻳﺪ ﺍﺷﻐﻠﻬﻢ ﻃﺒﻌﺎ ﺑﺪﻝ ﻣﺎ ﺑﺎﻗﻴﻪ ﺍﺟﺮ ﻭ ﺍﺳﺤﺐ ﻣﻨﻬﻢ
- ﺧﻠﻴﻨﻲ ﺍﺧﺪﻣﺞ ﺑﻤﻮﺿﻮﻉ ﻭ ﺍﻓﺘﺤﻠﺞ ﻣﺸﺮﻭﻉ
- ﺷﻨﻮ ﻫﻮ ؟
- ﻋﻨﺪﻱ ﺻﺪﻳﻖ ﺑﺰﻳﻮﻧﺔ ﻳﺮﻳﺪ ﻳﺒﻴﻊ ﺍﻟﻤﻘﻬﻰ ﻣﺎﻟﺘﻪ ﻭ ﻳﻄﻠﻊ ﻟﻠﺨﺎﺭﺝ
.......
ﻣﻘﻬﻰ ﻳﻌﻨﻲ ﻛﻮﻓﻲ !!
- ﺍﻱ ﺑﺲ ﻣﻜﺎﻥ ﺭﺍﻗﻲ ﻭ ﻣﺴﺘﻌﺠﻞ ﻋﻠﻰ ﺑﻴﻌﺘﻪ ﻭ ﻫﺎﻟﺸﻐﻞ ﻋﺠﻴﺐ ﺑﺎﻟﻌﺮﺍﻕ ﺍﻟﻮﺍﺭﺩ ﻣﺎﻟﺘﻪ ﺗﻮﺏ
- ﺯﻳﻦ ﺍﻧﻲ ﺷﻜﺪﺭ ﺍﺷﺘﻐﻞ ﺑﻴﻪ ﻭ ﺷﻌﺮﻑ ؟
- ﺗﺜﻘﻴﻦ ﺑﻴﻪ ﻟﻮ ﻻ ؟
- ﺍﻱ ﻃﺒﻌﺎ ﺍﺛﻖ
- ﻟﻌﺪ ﺧﻠﻴﻬﺎ ﻋﻠﻴﻪ ﻧﺸﺘﺮﻳﻪ ﻭ ﻧﺮﺗﺒﺔ ﻭ ﻧﺨﻠﻴﻠﻪ ﺍﺟﻬﺰﺓ ﺣﺪﻳﺜﺔ ﻭ ﻃﺎﻭﻻﺕ ﺑﻠﻴﺎﺭﺩﻭ ﻭ ﻧﺖ ﻭ ﻓﺪ ﺗﺮﺗﻴﺐ ﺭﺍﻗﻲ ﻳﻄﻠﻊ ﺗﻮﺏ ﻭ ﺍﻟﻮﺍﺭﺩ ﺍﻟﺞ
- ﻣﺨﻠﺪ ﺍﻧﻲ ﻣﺎ ﺍﻓﺘﻬﻢ ﻋﻠﻰ ﻫﺎﻟﺸﻐﻠﺔ
- ﻧﺸﺘﺮﻱ ﻭ ﻧﺸﺘﻐﻞ ﺑﻴﻪ ﻛﻢ ﺷﻬﺮ ﺍﺫﺍ ﻣﺎ ﻋﺠﺒﺞ ﺍﺟﺮﻱ ﺍﻟﻤﻜﺎﻥ ﻭ ﺍﺭﺑﺤﻲ ﻓﻠﻮﺳﻪ ﻛﻞ ﺷﻬﺮ ﻫﻢ ﻣﺎ ﺧﺴﺮﺍﻧﻪ
- ﻣﺎ ﺍﻋﺮﻑ ﻭﺍﻟﻠﻪ ﻋﻮﺩ ﺍﻧﻲ ﻣﻔﻜﺮﺓ ﺑﻤﺤﻞ ﺍﺯﻳﺎﺀ ﻫﻴﺞ ﻋﺎﺟﺒﻨﻲ
- ﻣﻮ ﺭﺍﺡ ﺍﺟﻴﺐ ﺟﻬﺎﻟﻲ ﻫﻢ ﺭﺍﺡ ﺗﺼﻴﺮ ﻋﻠﻴﺞ ﻣﺴﺆﻟﻴﺔ ﺷﻠﻮﻥ ﺍﺫﺍ ﺍﻧﻲ ﺍﻃﻠﻊ ﻭ ﺍﻧﺖ ﺍﻃﻠﻌﻴﻦ ﻣﻨﻮ ﺍﻟﻬﻢ ؟
ﺻﻔﻨﺖ ﺑﻮﺟﻬﻪ ﻣﺤﺘﺎﺭﺓ
- ﺍﺫﺍ ﻣﺎ ﺗﻜﺪﺭﻳﻦ ﺗﻌﺘﻨﻴﻦ ﺑﺠﻬﺎﻟﻲ ﻛﻮﻟﻲ ﺍﻧﺖ ﻣﺎ ﻣﺠﺒﻮﺭﺓ ، ﺑﺲ ﻭﺍﻟﻠﻪ ﺷﻐﻞ ﺍﻟﻜﻮﻓﻲ ﻳﻔﻮﺗﺞ ﻭ ﻣﻮﻗﻌﻪ ﻣﻤﺘﺎﺯ ﻭ ﺗﺠﺎﺭﻱ ﺗﺮﺑﺤﻴﻦ ﺑﻴﻪ ﺑﺸﻜﻞ ﻣﻮ ﻃﺒﻴﻌﻲ
- ﺧﻞ ﻧﺴﺄﻝ ﻭ ﺍﺑﺤﺚ ﺍﻛﺜﺮ ﺑﻬﺎﻟﻤﻮﺿﻮﻉ ﻭ ﺍﺭﺩﻟﻚ ﺍﻟﺠﻮﺍﺏ
- ﺑﺮﺍﺣﺘﺞ، ﻫﺎﺝ ﻛﻮﻣﻲ ﺍﺧﺬﻱ ﺍﻟﻤﻲ ﻭ ﺭﺟﻌﻲ ﻓﺮﻛﻴﻠﻲ ﻇﻬﺮﻱ ﺗﻌﺒﺎﻥ ﻛﻠﺶ ﺑﻠﻜﺖ ﺍﻛﺪﺭ ﺍﻧﺎﻣﻠﻲ ﻓﺪ ﺳﺎﻋﻪ
- ﺍﻱ ﻫﺴﻪ ﺍﺩﻟﻞ
ﺭﺣﺖ ﺍﺧﺬﺕ ﻣﻨﺸﻔﺔ ﻟﺮﺟﻠﻴﻪ ﻭ ﺷﻠﺖ ﺍﻟﻤﻲ ﻭ ﺭﺟﻌﺖ ﺩﻟﻜﺘﻠﻪ ﻇﻬﺮﻩ ﻟﺤﺪ ﻣﺎ ﻧﻤﻨﺎ ﺳﻮﻳﺔ ..
ﺍﻟﺼﺮﺍﺣﺔ ﻣﻤﻘﺘﻨﻌﺔ ﺑﺸﻐﻞ ﺍﻟﻜﻮﻓﻲ ﻭ ﻫﺎﻟﺴﻮﺍﻟﻒ ﺍﻋﺮﻑ ﻣﺨﻠﺪ ﻣﺤﻴﺨﻠﻴﻨﻲ ﺍﺷﺮﻑ ﻋﻠﻰ ﺍﻱ ﺷﻲ ﻭ ﻫﻮ ﻳﺘﺼﺪﺭ ﺍﻟﺸﻐﻞ ﻭ ﺍﺑﻘﻰ ﺑﺎﻟﺒﻴﺖ ﻭ ﺍﻧﺘﻈﺮ ﺍﻟﻮﺍﺭﺩ ﺑﺪﻭﻥ ﺍﻱ ﺧﺒﺮﻩ ﺍﻭ ﻣﻌﺮﻓﻪ ﺑﺎﻟﺸﻐﻞ ﺍﻟﻠﻲ ﻳﺼﻴﺮ ﺑﺎﺳﻤﻲ
ﺳﺄﻟﺖ ﻋﻤﺎﻣﻲ ﻛﺎﻟﻮ ﺷﻐﻞ ﻣﻤﺘﺎﺯ ﻭ ﻣﺮﺑﺢ ﻭ ﺑﻘﻮﺍ ﺳﺎﻋﻪ ﻳﺸﺮﺣﻮﻟﻲ ﺷﻜﺪ ﻫﺬﺍ ﺍﻟﺸﻐﻞ ﺭﺍﺡ ﻳﻔﻴﺪﻧﺎ ﻭ ﻧﺸﻐﻠﻲ ﻭﻟﺪﻧﺎ ﻋﻤﺎﻝ ﻭ ﺍﺣﻨﺎ ﻧﺪﻳﺮ ﺍﻟﺸﻐﻞ ﻭ ﺻﺎﺭﻭ ﻳﻘﺴﻤﻮﻥ ﺍﻻﻣﻮﺭ ﺑﻴﻨﻬﻢ ﻭ ﻳﺤﺠﻮﻥ ﺑﻴﻪ ﻭ ﻗﺮﺭﻭ ﻉ ﺍﻟﻤﺸﺘﺮﻯ ﻭ ﺻﻔﻮﺍ ﺑﻴﻨﻬﻢ
ﺯﻳﻦ ﺷﻨﻮ ﺍﻛﻮﻟﻬﻢ ﻣﺎ ﺍﺭﻳﺪ ﻭ ﻫﻢ ﺍﺗﻔﻘﻮ ﻭ ﺍﺗﺤﻤﺴﻮﺍ ﻭ ﻧﺠﻴﺐ ﻫﺬﺍ ﻭ ﻧﺤﻂ ﺫﺍﻙ ﻭ ﻳﺸﺠﻌﻮﻥ ﺑﻴﻪ ﻭ ﻓﻮﺗﻲ ﻭ ﺧﻮﺵ ﺷﻐﻞ ﻭ ﻣﺎﺯﻥ ﻳﻜﻮﻝ ﺍﻧﻲ ﺍﻟﺰﻡ ﻛﺬﺍ ﻭ ﻋﻤﻮ ﻳﻜﻮﻝ ﺍﻧﻲ ﺍﺧﻠﻲ ﺻﺪﻳﻖ ﻏﻼﻧﻲ ﻳﻔﺘﻬﻢ ﺑﻜﺬﺍ
ﺻﻔﻨﺖ ﻭ ﻣﺎ ﺍﻧﻄﻴﺘﻬﻢ ﺧﺒﺮ ﻭ ﻛﻠﺘﻠﻬﻢ : ﺍﻟﻠﻪ ﻛﺮﻳﻢ
ﺍﺧﺬﺕ ﺭﺃﻱ ﻣﺎﻣﺎ ، ﻣﺎﻣﺎ ﻣﺎ ﻛﺎﻧﺖ ﻗﺎﺑﻠﺔ ﻭ ﺗﻜﻮﻝ : ﻫﺴﻪ ﺍﻧﺖ ﻣﺴﺘﻌﺠﻠﻪ ﻉ ﺍﻟﺸﻐﻞ ﻳﺎ ﺩﺍﺩﻩ ﺍﺗﺄﻧﻲ ﻭ ﺷﻮﻓﻲ ﺭﺟﻠﺞ ﺷﻮﻛﺖ ﻳﺠﻴﺐ ﺍﻃﻔﺎﻟﻪ ﻭ ﺭﺗﺒﻲ ﻭﺿﻌﺞ ﻭ ﺍﺳﺘﻘﺮﻱ ﻭ ﺫﺍﻙ ﺍﻟﻮﻗﺖ ﻋﻮﺩ ﻓﻜﺮﻱ ﺗﺸﻐﻠﻴﻦ ﻓﻠﻮﺳﺞ ﻫﺴﻪ ﺷﻌﻠﻴﻬﻢ ﻧﺎﻳﻤﺎﺕ ﺑﺎﻟﻤﺼﺮﻑ ﻣﺎ ﻋﻠﻴﻬﻦ ﺷﻲ ﻭ ﺍﻧﺖ ﻛﺎﻋﺪﻩ ﺑﺎﻟﺒﻴﺖ ﺷﺘﺼﺮﻓﻴﻦ ﻳﻌﻨﻲ
... ﺷﻔﺖ ﺭﺍﻳﻬﺎ ﺻﺤﻴﺢ ﻟﻤﺎ ﻳﺠﻴﺐ ﺍﻃﻔﺎﻟﻪ ﻭ ﻳﺴﺘﻘﺮ ﺫﺍﻙ ﺍﻟﻮﻗﺖ ﺍﻓﻜﺮ ﺑﻬﺎﻟﻤﻮﺿﻮﻉ
ﺣﺠﻴﺖ ﻭﻳﺎ ﻣﺨﻠﺪ ﺷﻮ ﺿﺎﺝ ، ﻭ ﻛﺎﻡ ﻳﺤﺠﻲ : ﺍﻧﺖ ﺗﻤﺸﻴﻦ ﺑﺤﺠﻲ ﺍﻣﺞ ﻭ ﻣﺎ ﻭﺍﺛﻘﺔ ﺑﻴﻪ ﻭ ﺍﻧﻲ ﺩﺍ ﺍﻛﻮﻟﺞ ﻫﺎﻟﺸﻐﻞ ﻳﻔﻮﺗﺞ ﻭ ﺍﺫﺍ ﻣﺎ ﻋﺠﺒﺞ ﺗﻜﺪﺭﻳﻦ ﺗﺎﺟﺮﻳﻦ ﻭﺑﺪﻝ ﻣﺎ ﻓﻠﻮﺳﺞ ﺑﺎﻟﺒﻨﻚ ﺍﻧﺖ ﻣﺎﺟﺮﺓ ﻭ ﻳﺠﻴﺞ ﻭﺍﺭﺩ
ﺗﺎﻟﻴﻬﺎ ﺿﺎﺝ ﻭ ﻛﺎﻝ : ﺑﻜﻴﻔﺞ ﺑﻌﺪ ﺍﻧﻲ ﻣﺎ ﺍﺩﺧﻞ ﺧﺎﻑ ﺗﻜﻮﻟﻴﻦ ﻳﺮﻳﺪ ﻳﺴﺘﻐﻠﻨﻲ ﻟﻮ ﻳﺎﺧﺬ ﻓﻠﻮﺳﻲ ﺑﺲ ﺍﻧﻲ ﺍﻛﻮﻟﺞ ﻫﺎﻟﻤﻜﺎﻥ ﻳﻔﻮﺗﺞ ﺍﺫﺍ ﻣﺎ ﺍﺷﺘﺮﻳﺘﻲ
ﻭﺑﻘﻰ ﻳﺤﺠﻲ ﻭﻳﺎﻳﻪ ﻭ ﺷﻔﺘﻪ ﺗﺤﺴﺲ ﻣﻦ ﺍﺭﻓﺾ، ﻋﺎﺩ ﻛﻠﺖ ﺍﻧﻲ ﺷﺨﺴﺮﺍﻧﻪ ﺷﻮ ﻫﻲ ﻓﻠﻮﺳﻲ ﺍﻟﻠﻲ ﺑﺎﻟﺒﻨﻚ ﺭﺍﺡ ﺗﺼﻴﺮ ﺑﻬﺎﻟﻤﻘﻬﻰ ، ﺍﺫﺍ ﻣﺎ ﺍﺷﺘﻐﻞ ﺑﻴﻪ ﺍﺟﺮﻩ ﻭ ﺍﻟﻲ ﺍﻟﻮﺍﺭﺩ ..
ﻋﻮﺩ ﻭﻗﺖ ﺍﻟﻠﻲ ﺍﺳﺘﻘﺮ ﻭ ﻳﺮﻛﺰ ﺑﺎﻟﻲ ﺍﺑﻴﻊ ﻭ ﺍﺷﺘﻐﻞ ﺑﺎﻟﺸﻐﻞ ﺍﻟﻠﻲ ﻳﻌﺠﺒﻨﻲ ..
ﺍﺗﻔﻖ ﻭﻳﺎ ﺍﻟﻮﻟﺪ ﻭ ﺟﺎﻥ ﺍﻟﺴﻌﺮ ﺍﻛﺒﺮ ﻣﻦ ﺍﻟﻤﺒﻠﻎ ﺍﻟﻌﻨﺪﻱ ﻛﻠﺶ ﻋﺎﻟﻲ ﺍﺿﻄﺮﻳﺖ ﺍﺑﻴﻊ ﺳﻴﺎﺭﺗﻲ ﻭ ﺍﺿﻴﻒ ﻋﻠﻰ ﺍﻟﻔﻠﻮﺱ ﺣﺘﻰ ﻧﺸﺘﺮﻱ ﺍﻟﻤﻜﺎﻥ
ﻟﻤﺎ ﺭﺩﻧﺎ ﻧﺘﻜﺎﺗﺐ، ﺍﻡ ﻣﺨﻠﺪ ﺳﻮﺗﻠﻬﺎ ﺳﺎﻟﻔﺔ ﻭﻳﺎ ﻣﺨﻠﺪ ﻭ ﺗﺎﻟﻲ ﻋﻤﺮﻙ ﺑﻴﻦ ﺍﻟﺰﻟﻢ ﺗﺸﺘﻐﻞ ﺑﻤﺤﻞ ﻣﺮﺗﻚ ﻭ ﺑﺎﺳﻤﻬﺎ ﻫﻴﺞ ﻫﻲ ﻣﺎ ﻭﺍﺛﻘﺔ ﺑﻴﻚ ﻭ ﺗﺎﻣﻨﻚ ﻋﻠﻰ ﺣﻼﻟﻬﺎ، ﻫﺎﻱ ﺍﻟﻜﺘﻠﺖ ﺭﻭﺣﻚ ﻋﻠﻴﻬﺎ ﺗﺮﻳﺪ ﺗﺬﻟﻚ
ﻭ ﺳﻮﺕ ﺍﻟﻨﺎ ﻋﺮﺱ ﺑﺎﻟﺒﻴﺖ ﻭﻳﺎ ﻣﺨﻠﺪ ﺑﺲ ﻋﻠﻰ ﺳﺎﻟﻔﺔ ﺍﻟﻤﻜﺎﺗﺒﺔ .. ﻣﺨﻠﺪ ﺿﺎﺝ ﻭ ﻛﺎﻡ ﻳﺤﺠﻲ ﻭﻳﺎﻩ ﻭ ﻳﻄﻠﺐ ﻣﻨﻬﺎ ﻣﺎ ﺗﺪﺧﻞ ﺑﺤﻴﺎﺗﻨﺎ ﺑﺲ ﺻﺮﺕ ﺑﻤﻮﻗﻒ ﻣﺤﺮﺝ ، ﻛﻠﺖ ﻫﻮ ﺷﻨﻮ ﺍﻟﻔﺮﻕ ﺑﻴﻨﻲ ﻭ ﺑﻴﻨﻪ ؟ ﻫﻮ ﻣﻦ ﺣﺒﻪ ﺍﻟﻲ ﺗﻨﺎﺯﻝ ﺍﻟﻴﻪ ﺑﺎﻟﺒﻴﺖ ﻭ ﺳﺠﻠﻪ ﺑﺎﺳﻤﻲ ﺑﻼ ﺗﻔﻜﻴﺮ ، ﺍﺟﻲ ﻫﺴﻪ ﻣﺎ ﺍﺋﻤﻦ ﺑﻤﺨﻠﺪ ﻭ ﻫﻮ ﻛﻞ ﻋﻤﺮﻩ ﺣﺮﻳﺺ ﻋﻠﻴﻪ ﻭ ﻋﻠﻰ ﻣﺼﻠﺤﺘﻲ
ﻓﻜﻠﺖ ﻟﻪ : ﻋﻤﺮﻱ ﻻ ﺗﻬﺘﻢ ﻭﻻ ﺗﺨﻠﻲ ﺍﺑﺎﻟﻚ ﺳﻮﺍﺀ ﺍﻟﻚ ﺍﻭ ﺍﻟﻲ ﻣﺎﻛﻮ ﻓﺮﻕ ﺑﻴﻨﺎﺗﻨﺎ ﺍﻟﻌﻨﺪﻱ ﺍﻟﻚ ﻭ ﺍﻟﻌﻨﺪﻙ ﺍﻟﻲ ﺧﻠﻲ ﺍﻟﻤﻜﺎﺗﺒﺔ ﺗﺘﺴﺠﻞ ﺑﺎﺳﻤﻚ ﻣﺎ ﻋﻨﺪﻱ ﺍﺷﻜﺎﻝ
ﻭ ﺗﻜﺎﺗﺒﻨﺎ ﻭ ﺧﻠﻴﺖ ﺍﻟﻤﻘﻬﻰ ﺑﺄﺳﻤﻪ ..
ﻟﻤﺎ ﺍﺟﻴﺖ ﻭ ﻛﻠﺖ ﻟﻤﺎﻣﺎ ، ﺍﻧﺠﺖ ﻭ ﻻﻭﻝ ﻣﺮﺓ ﺑﺤﻴﺎﺗﻬﺎ ﺗﻨﺰﻝ ﻋﻠﻴﻪ ﻏﻠﻂ ﻭ ﻣﺼﺎﻳﺢ ﻭ ﺗﻜﻮﻟﻲ : ﻳﺎ ﻏﺒﻴﻪ ﺍﻛﻮ ﻭﺣﺪﺓ ﺗﺴﻮﻱ ﺳﻮﺍﻳﺘﺞ ﺳﻠﻤﺘﻲ ﻛﻞ ﺷﻐﻠﺞ ﻟﺮﺟﺎﻝ ﻭﻟﺞ ﻣﺎ ﺗﺒﺘﻲ ﻣﻦ ﺍﻣﻨﺘﻲ ﺑﻤﺎﻟﻚ ﺗﺮﺟﻌﻴﻦ ﺗﺜﻘﻴﻦ ﺑﻤﺨﻠﺪ ﻭﻟﺞ ﺳﺠﻠﺘﻲ ﻛﻞ ﺗﻌﺒﺞ ﺑﺄﺳﻢ ﻣﺨﻠﺪ ﻋﻠﻰ ﻛﻢ ﺣﺠﺎﻳﻪ ﺳﻤﻤﺘﺞ ﺑﻴﻬﻦ ﺍﻣﻪ ﺗﺒﺮﻋﺘﻲ ﺑﻜﻠﺸﻲ ﻋﻨﺪﺝ ..... ﻳﺘﺒﻊ
☆☆☆☆☆☆
ﺭﺃﻳﻜﻢ ؟؟
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء