رواية خطوات نحو الجحيم ج3 الجزء التاسع

رواية خطوات نحو الجحيم ج3 الجزء التاسع

للكاتبة زينب ماجد

.....

ﻛﺎﻟﻀﻞ ﺍﺛﺎﺭ ﺍﻟﻤﺎﺿﻲ ﺗﻼﺣﻘﻚ

ﻻ ﺗﻘﻮﻯ ﻋﻠﻰ ﻣﺤﻮﻩ ﻭ ﻻ ﻫﻮ ﻟﺠﻨﺒﻚ ﺗﺎﺭﻙٌ

- ﻭﻳﻦ ﺭﺍﻳﺤﺔ

- ﺍﺳﺒﺢ،

ﺗﻘﺮﺑﺖ ﻣﻨﻪ ﻛﺮﺻﺘﻪ ﻣﻦ ﺧﺪﺓ ﻭ ﺑﻘﻴﺖ ﻛﺎﺭﺻﺘﻪ : ﺍﻃﻠﻊ ﺍﻟﻜﺎﻙ ﻣﺤﻈﺮﻟﻲ ﺍﻟﺮﻳﻮﻙ ﻛﺎﻣﻞ ﻣﺎﺷﻲ ﻳﺎ ﺣﺒﺎﺏ ؟

- ﻻ ﺑﺎﻟﻠﻪ ﺧﻮﻣﺎ ﺗﺮﻳﺪﻳﻨﻲ ﺍﻛﻨﺴﻠﺞ ﺑﻌﺪ

- ﻻ ﺣﺎﻟﻴﺎ ﻛﻠﺸﻲ ﻧﻈﻴﻒ ﻳﻜﻔﻲ ﺗﺴﻮﻳﻠﻲ ﺭﻳﻮﻙ

- ﻳﺠﻲ ﻣﻦ ﮔﻠﺒﭻ ﺗﺮﻭﺣﻴﻦ ﻭ ﺗﻌﻮﻓﻴﻨﻲ ؟

ﺣﺠﺎﻫﺎ ﻭ ﺍﺟﺎ ﻭ ﺣﻮﻁ ﺍﺩﻳﻪ ﻋﻠﻰ ﺧﺼﺮﻱ

ﺍﺑﺘﺴﻤﺖ : ﺭﻭﺡ ﺣﺒﺎﺏ ﺧﻠﻲ ﺍﺳﺒﺢ

- ﻻ ﺍﺗﻌﺒﻴﻠﻲ ﺭﻭﺣﺞ ﺍﻧﻲ ﺍﺳﺒﺤﺞ

- ﺑﻬﺬﻩ ﻣﺎ ﺗﺮﻳﺪ ﺍﺗﻌﺐ ﺑﺲ ﻣﻦ ﺍﻃﻠﺐ ﺭﻳﻮﻙ ﺗﻌﺘﺮﺽ ، ﻫﻤﻤﻢ !!

ﺭﻓﻌﺘﻠﻪ ﺑﺤﺎﺟﺒﻲ ﺑﻀﺤﻜﺔ

- ﺑﻼ ﺣﺠﻲ ﺯﺍﻳﺪ

ﺣﺠﺎﻫﺎ ﻭ ﺷﺎﻟﻨﻲ ﻭ ﺍﺧﺬﻧﻲ ﻟﻠﺤﻤﺎﻡ ﺳﺒﺤﻨﺎ ﺳﻮﻳﺎ ، ﺑﺲ ﺣﺮﺍﻡ ﺍﺫﺍ ﻫﺬﺍ ﺟﺎﻥ ﻣﺘﺰﻭﺝ ، ﻻ ﺑﻌﻤﺮﻩ ﻣﺸﺎﻳﻒ ﻣﺮﻩ

ﻃﻠﻌﻨﺎ ﻣﻦ ﺍﻟﺤﻤﺎﻡ ﻫﻮ ﻛﻤﻞ ﻭﺭﺍﺡ ﻟﻠﻤﻄﺒﺦ ﻭ ﺍﻧﻲ ﺑﻘﻴﺖ ﺍﺭﺗﺐ ﻧﻔﺴﻲ ﻋﻠﻰ ﺍﻟﻤﺮﺍﻳﺎ ، ﺷﻮﻳﻪ ﻭ ﺟﺎﺏ ﺻﻴﻨﻴﺔ ﺍﻟﺮﻳﻮﻙ : ﻳﻤﻪ ﺷﻨﻮ ﻫﺎﻟﻨﺪﺍﺭﺓ ﺷﻨﻮ ﻫﺎﻟﺪﻻﻝ

- ﺑﻌﺪﺝ ﻋﺮﻭﺱ ﺣﻴﺎﺗﻲ ﺗﻤﺮ ﻛﻢ ﻳﻮﻡ ﺍﺳﻤﻂ ﺍﺑﻮ ﺍﺑﻮﺝ ﺍﺫﺍ ﺍﺗﺄﺧﺮ ﺍﻟﺮﻳﻮﻙ ﺧﻤﺲ ﺩﻗﺎﻳﻖ

ﺿﺤﻜﺖ ، ﺧﻠﻪ ﺍﻟﺼﻴﻨﻴﺔ ﺑﺎﻟﻜﺎﻉ ﺭﺩﺕ ﺍﻛﻌﺪ ﻣﺎ ﻗﺒﻞ ﻛﺎﻝ : ﺗﻌﺎﻟﻲ ﺑﺤﻈﻨﻲ ﺍﻧﻲ ﺍﻭﻛﻠﺞ

ﺣﻂ ﻣﺨﺪﻩ ﻭ ﺍﻧﺘﺠﺔ ﻉ ﺍﻟﺠﺮﺑﺎﻳﺔ ﻭ ﻛﻌﺪﻧﻲ ﺑﺤﻈﻨﻪ ﻭ ﺍﺧﺬ ﻟﻜﻤﺔ ﻛﺎﻫﻲ ﺑﻜﻴﻤﺮ ﻭ ﺧﻠﻪ ﺑﺤﻠﻜﻲ : ﻛﻠﺶ ﻃﻴﺐ ﺍﻟﻜﻴﻤﺮ ﻃﻌﻤﺔ ﻳﺠﻨﻦ

- ﻏﻴﺮ ﺍﻣﺞ ﺟﺎﻳﺒﺘﻪ ﻳﺎﺑﻪ، ﻟﻮ ﺟﺎﻳﺒﺘﻪ ﺍﻣﻲ ﺟﺎﻥ ﻛﻠﺘﻲ ﻳﻴﻊ ﻛﻴﻤﺮ ﺍﻣﻚ ﺣﺎﻣﺾ

- ﻋﺎﺩ ﻋﻤﻪ ﻛﺮﺟﻴﺔ ﻭ ﻳﻄﻠﻊ ﻣﻨﻬﺎ ﻛﻴﻤﺮ ﺷﺘﺘﻮﻗﻌﻪ

- ﺗﺮﻭﺣﻴﻠﻬﺎ ﻓﺪﻭﺓ ﺑﻨﺖ .......

ﻗﺎﻃﻌﺘﻪ ﻭ ﺍﻧﻲ ﺍﺧﻠﻲ ﺍﻛﻞ ﺑﺤﻠﻜﻪ : ﻛﺎﻓﻲ ﺗﺴﺐ

- ﻋﻮﻓﻴﻨﻲ ﻣﻦ ﺍﻣﻬﺎﺗﻨﺎ ﻭ ﺧﻠﻴﻨﻲ ﺍﺳﺘﻤﺘﻊ ﺑﻴﺞ ﺟﻮﻋﺎﻥ

ﻳﺤﺠﻲ ﻭ ﺻﺎﺭ ﻳﻬﻤﺲ ﻭ ﻳﺸﺘﻢ ﺑﺮﻛﺒﺘﻲ ، ﺍﻟﺘﻔﺘﺖ ﻟﻪ : ﻟﻴﺶ ﺣﺒﻴﺘﻨﻲ ﻣﺨﻠﺪ

- ﻣﺎ ﺍﺩﺭﻱ ﻣﻦ ﺟﻨﺘﻲ ﺻﻐﻴﺮﻩ ﻭ ﺍﻧﻲ ﺍﻫﺘﻢ ﺑﻴﺞ ﻭ ﺍﺧﺎﻑ ﻋﻠﻴﺞ ﻭ ﺗﺤﻮﻝ ﻫﺎﻻﻫﺘﻤﺎﻡ ﺍﻟﻰ ﺣﺐ

- ﻟﻴﺶ ﻣﺎ ﻛﺪﺭﺕ ﺍﺣﺒﻚ ، ﺻﺮﺍﺣﺔ ﺟﺎﻥ ﺣﺒﻚ ﻳﻀﺎﻳﻘﻨﻲ ﻭ ﻣﻘﻴﺪﻧﻲ ﻭ ﺟﻨﺖ ﺍﺗﻤﻨﻰ ﺗﺸﻮﻑ ﻏﻴﺮﻱ ﻭ ﺗﺤﺐ

- ﻷﻥ ﻏﺒﻴﻪ ، ﺗﺮﻳﺪﻳﻦ ﺍﻟﻴﺨﺪﻋﺞ ﺑﺎﻟﻜﻼﻡ ﻭ ﻳﺴﻤﻌﺞ ﻏﺰﻝ ﻭ ﻫﺎﻻﻣﻮﺭ ﺑﻴﻨﻤﺎ ﺍﻧﻲ ﻛﺎﻥ ﺩﻣﻲ ﻣﺤﺘﺮﻙ ﻟﻨﺎ ﺍﺷﻮﻓﺞ ﺗﺘﺰﻳﻨﻴﻦ ﻭ ﺍﻃﻠﻌﻴﻦ ﻭ ﻋﻤﻲ ﻣﺨﻠﻴﺞ ﺑﺮﺍﺣﺘﺞ ﺍﺣﺲ ﺩﺍ ﺍﺿﻴﻌﻴﻦ ﻧﻔﺴﺞ ﻭ ﺍﺭﺩﻉ ﺑﻴﺞ ﻭ ﻣﺎ ﺗﺮﺩﻳﻦ

- ﻣﺨﻠﺪ ﺍﻟﻤﺮﺃﺓ ﺗﻌﺸﻖ ﺑﺄﺫﻧﻬﺎ ، ﻣﺴﺘﺤﻴﻞ ﺗﺤﺐ ﺷﺨﺺ ﻳﺤﺎﻭﻝ ﻳﻘﻴﺪﻫﺎ ﻭ ﻳﻔﺮﺽ ﻋﻠﻴﻬﺎ ، ﺍﻧﺖ ﺟﻨﺖ ﺍﺩﺧﻞ ﻧﻔﺴﻚ ﺑﺄﻣﻮﺭ ﺑﺎﺑﺎ ﻣﺎ ﺟﺎﻥ ﻳﻤﻨﻌﻨﻲ ﻣﻨﻬﺎ ،ﺧﻮ ﺗﺘﺬﻛﺮ ﻣﻦ ﺍﺷﺘﺮﺍﻟﻲ ﺳﻴﺎﺭﺓ ﺷﺴﻮﻳﺖ ﺍﻧﺖ، ﺟﻨﺖ ﺍﺣﺴﻚ ﻭﺍﺣﺪ ﻳﺤﺐ ﻳﺘﺤﻜﻢ ﺑﻴﻪ ﻻ ﺍﻛﺜﺮ

- ﺑﺲ ﺍﻧﻲ ﺟﻨﺖ ﻣﻌﺒﺮﻟﺞ ﻋﻦ ﺣﺒﻲ

- ﺟﻨﺖ ﺍﺿﻮﺝ ﻣﻦ ﺗﻌﺒﺮﻟﻲ ﻻﻥ ﻣﺎ ﺗﻌﺒﺮ ﺑﻄﺮﻳﻘﺔ ﺣﺐ، ﺗﻌﺒﺮ ﺑﻌﺪ ﻣﺎ ﺗﺮﺯﻟﻨﻲ ﻭ ﺗﺘﺄﺯﻡ ﺑﻴﻨﺎﺗﻨﺎ ﺗﺠﻲ ﺗﺤﺎﻭﻝ ﺗﻌﺘﺬﺭ ﻭ ﺗﻜﻠﻲ ﺍﻧﻲ ﺍﺣﺒﺞ ﻭ ﻫﺎﻻﻣﻮﺭ ﻟﻤﺼﻠﺤﺘﺞ، ﺟﻨﺖ ﺍﺿﻮﺝ ﺍﻛﻮﻝ ﻫﺎﻱ ﻳﺎ ﻣﺼﻠﺤﺔ ﻳﺎ ﺣﺐ ﺟﻨﺖ ﺑﺲ ﺍﺗﻤﻨﻰ ﺍﺧﻠﺺ ﻣﻦ ﻣﺤﺎﺳﺒﺘﻚ

........

ﻭ ﺗﺎﻟﻲ ﻋﺮﻓﺘﻲ ﻛﻼﻣﻲ ﺻﺢ

- ﺻﺢ ﺑﻤﺎﻟﻚ ﺑﺲ ﺍﻧﺖ ﺟﻨﺖ ﻗﺒﻞ ﻣﺎﻟﻚ ﻓﺎﺭﺽ ﻋﻠﻴﻪ ﻭ ﺗﺤﻜﻤﻨﻲ ، ﺷﻨﻮ ﻧﺴﻴﺖ ﻟﻤﺎ ﺟﻨﺖ ﺗﺘﻌﺎﺭﻙ ﻭﻳﺎ ﺍﺑﻮﻳﻪ ﺷﻠﻮﻥ ﻳﺨﻠﻴﻨﻲ ﺍﺳﺎﻓﺮ ﻭﻳﺎ ﺍﻟﻜﺮﻭﺏ ﻣﺎﻝ ﻛﻠﻴﺘﻲ ﻟﻮ ﻣﻦ ﺍﻃﻠﻊ ﺑﺴﻔﺮﺓ ﺑﻴﻬﺎ ﺷﺒﺎﺏ، ﻣﺮﺓ ﻣﻦ ﺍﻟﻤﺮﺍﺕ ﺿﺮﺑﺘﻨﻲ

ﺿﺤﻚ : ﻫﻬﻪ ﺍﺗﺬﻛﺮ

- ﻳﻌﻨﻲ ﺟﺎﻥ ﻣﻦ ﺣﻘﻲ ﺍﺿﻮﺝ ﻣﻨﻚ

- ﻻ ﺟﻨﺖ ﺍﺧﺎﻑ ﻋﻠﻴﺞ ﺍﻋﺮﻑ ﺍﻟﺸﺒﺎﺏ ﺍﻟﺘﺘﻘﺮﺑﻠﺞ ﺷﻨﻮ ﻏﺎﻳﺘﻬﺎ

- ﻏﺎﻳﺘﻴﺶ ﺍﻟﻠﻪ ﻳﺨﻠﻴﻚ ﻏﻴﺮ ﺍﻟﻜﻠﻴﺔ ﻛﻠﻬﺎ ﻋﺮﻓﺖ ﺍﻧﻲ ﻣﺤﺠﻮﺯﺓ ﻷﺑﻦ ﻋﻤﻲ

- ﻫﻬﻬﻬﻬﻬﻪ ﺗﺎﻟﻲ ﺍﺧﺬﺗﺞ ﻭ ﻫﺴﻪ ﺍﻧﺖ ﺍﻟﻲ

ﺍﺑﺘﺴﻤﺖ، ﺍﺧﺬ ﻭﺟﻬﻲ ﺑﺎﺱ ﺷﻔﺎﻳﻔﻲ : ﻣﺤﺪ ﻳﺤﺒﺞ ﺑﮕﺪﻱ

- ﻣﺎﻛﻮ ﺍﺣﺪ ﻣﺨﺒﻞ ﺑﻜﺪﻙ

ﺿﺤﻚ ﻭ ﺍﺧﺬ ﻭﺟﻬﻲ ﻳﺒﻮﺳﻨﻲ

... ﺑﻘﻴﻨﺎ ﻳﻮﻣﻴﻦ ﺑﺎﻟﺒﻴﺖ ﻣﻄﻠﻌﻨﺎ ﺍﺑﺪ، ﺍﻟﻴﻮﻡ ﺍﻟﺜﺎﻟﺚ ﻃﻠﻌﻨﺎ ﻭﺻﻠﻨﺎ ﻣﺎﻣﺎ ﻟﻠﻤﻄﺎﺭ ﻭﺩﻋﻨﺎﻫﺎ ﻭ ﺭﺟﻌﻨﺎ ...

ﺑﻌﺪﻫﺎ ﺧﻠﺼﻨﺎﻫﺎ ﻋﺰﺍﻳﻢ ، ﻳﻮﻡ ﺑﻴﺖ ﻋﻤﻲ ﻋﺰﻣﻮﻧﺎ ﻳﻮﻡ ﺑﻴﺖ ﻋﻤﺘﻲ ﻭ ﺍﺧﻴﺮ ﺷﻲ ﺑﻴﺖ ﺍﻫﻠﻪ ﺑﺲ ﻛﻮﻩ ﻋﻠﻰ ﺍﻣﻪ ﻫﺎﻟﻌﺰﻳﻤﺔ ﻭ ﻫﻠﻜﺪ ﺟﻔﺼﺖ ﺑﺎﻟﻜﻼﻡ ﻭ ﻏﺜﺘﻨﻲ ﺑﺲ ﻣﺨﻠﺪ ﺟﺎﻥ ﻳﻜﻮﻝ ﺗﺤﻤﻠﻲ ﻟﺨﺎﻃﺮ ﻭ ﺍﺗﺠﺎﻫﻠﻲ ﻫﻲ ﻛﻢ ﺳﺎﻋﻪ ﻭ ﻧﺮﺟﻊ ﻟﻠﺒﻴﺖ

ﺑﺲ ﻣﺒﻘﺖ ﻛﻠﻤﺔ ﻣﺎ ﺣﺠﺘﻬﺎ ﻃﻠﻌﺘﻬﺎ ﻟﺮﻭﺣﻲ ، ﺑﺲ ﻛﻤﻠﻨﺎ ﻏﺪﺍ ﻛﻠﺘﻠﻪ ﮔﻮﻡ ﻧﻌﺴﺖ ﺍﺭﻳﺪ ﺍﺭﺟﻊ ﻟﻠﺒﻴﺖ

ﻭﺻﻠﺖ ﻟﻠﺒﻴﺖ ، ﻫﻮ ﺑﻘﻰ ﻳﺼﻒ ﺑﺎﻟﺴﻴﺎﺭﺓ ﺍﻧﻲ ﺩﺧﻠﺖ ﻟﻠﻐﺮﻓﺔ ﺍﺑﺪﻝ ﻟﺒﺴﺖ ﺑﺠﺎﻣﻪ ﻭ ﻛﻴﻤﻮﻧﻪ ، ﺷﻮﻳﻪ ﻭ ﺩﺧﻞ ﻟﻠﻐﺮﻓﺔ ، ﺣﻂ ﺳﻮﻳﺞ ﺍﻟﺴﻴﺎﺭﺓ ﻉ ﺍﻟﻤﻴﺰ ﻭ ﺗﻘﺮﺏ ﻳﻤﻲ ﺍﻧﻲ ﺩﺍ ﺍﻣﺴﺢ ﺍﻟﻤﻜﻴﺎﺝ ﻉ ﺍﻟﻤﺮﺍﻳﺎ، ﺣﻈﻨﻲ ﻭ ﺩﻧﻚ ﻳﺒﻮﺱ ﻛﺘﻔﻲ

- ﺿﺎﻳﻘﺞ ﻛﻼﻡ ﺍﻣﻲ ﺍﻋﺮﻑ

- ﻋﺎﺩﻱ ﺷﻨﺴﻮﻱ ﻣﺮﺓ ﺟﺒﻴﺮﺓ ﺍﺗﺤﻤﻠﻬﺎ

- ﺍﻋﺬﺭﻳﻨﻲ ﻣﺎ ﻛﺪﺭﺕ ﺍﺣﺠﻲ ﺍﻱ ﺷﻲ ﻻﻥ ﻫﺴﻪ ﻣﺰﻭﺝ ﻭ ﻋﺎﺯﻝ ﻋﻨﻬﻢ ﻻ ﺍﻛﺪﺭ ﺍﺭﺩ ﻭﻻ ﺍﻛﺪﺭ ﺍﺳﻜﺖ ﻣﺎ ﻋﻮﻟﺖ ﺗﺨﻠﺺ ﺍﻟﻌﺰﻳﻤﺔ ﻭ ﻧﻜﻮﻡ

ﺍﻟﺘﻔﺘﺘﻠﻪ، ﺣﻈﻨﺘﻪ : ﺣﺒﻴﺒﻲ ﻟﻴﺶ ﺩﺍ ﺗﻌﺘﺬﺭ ﻋﻦ ﺷﻲ ﺍﻧﺖ ﻣﺴﻮﻳﺘﻪ، ﺍﻋﺮﻑ ﺟﺎﻥ ﺻﻌﺐ ﻋﻠﻴﻚ ﺗﺠﺎﻭﺑﻬﺎ ﻭﻻ ﺟﺎﻥ ﻗﺒﻠﺖ ﻟﻮ ﺟﺎﻭﺑﺘﻬﺎ ﻷﻥ ﻻ ﻣﻜﺎﻥ ﻭﻻ ﺍﻟﻮﻗﺖ ﻣﻨﺎﺳﺐ ﻓﻠﺘﺨﻠﻲ ﺍﺑﺎﻟﻚ ﻭ ﺍﻧﺴﻰ .. ﻟﺘﻀﻮﺝ ﻧﻔﺴﻚ

ﺑﺴﺘﻪ ﺑﺨﺪﻩ

- ﺍﻋﺸﻜﺞ

- ﺣﻴﺎﺍﺍﺗﻲ ﺍﻧﺖ ﺑﺲ ﻧﻌﺴﺎﻧﻪ ﺣﻴﻞ

- ﺍﺑﺪﻝ ﻭ ﺍﺟﻲ ﺍﻧﻮﻣﺞ ﺑﺤﻈﻨﻲ

- ﻻ ﻻ ﻣﺎ ﺍﻗﺒﻞ ، ﺍﻧﻲ ﺍﺑﺪﻟﻚ ﺑﺎﻳﺪﻱ

- ﻳﺮﺑﻲ ﺷﻠﻮﻥ ﺗﺨﻠﻴﻨﻲ ﺍﻋﺸﻜﻬﺎ ﻭ ﺍﻣﻮﺕ ﺑﻴﻬﺎ

ﺿﺤﻜﺖ ﻭ ﺍﻧﻲ ﺍﻓﺘﺤﻠﻪ ﺩﻛﻢ ﺍﻟﻘﻤﻴﺺ، ﻃﻠﻌﺘﻠﻪ ﺗﺮﺍﻛﺴﻮﺩ ﻭ ﺑﺪﻟﺘﻠﻪ ﺑﺄﻳﺪﻱ ﻭ ﻫﻮ ﻣﺒﺘﺴﻢ ﻭ ﻳﺸﺎﻗﻴﻨﻲ ، ﻛﻤﻠﺖ ﺗﻤﺪﺩﺕ ﻛﺪﺍﻣﻪ ﻉ ﺍﻟﺴﺮﻳﺮ ﺍﺟﺎ ﺍﺧﺬﻧﻲ ﺑﺤﻈﻨﻪ ﻭ ﻧﻤﻨﺎ

ﻛﻌﺪﺕ ﺍﻟﻤﻐﺮﺏ ﻗﺒﻠﻪ، ﻓﺘﺖ ﺳﺒﺤﺖ ﻭ ﻏﺴﻠﺖ ﻣﻼﺑﺴﻨﺎ ﺍﻟﻠﻲ ﻧﺰﻋﻨﺎﻫﺎ ﻭ ﺳﻮﻳﺘﻠﻪ ﻋﺸﺎ ، ﺳﻤﻌﺖ ﻣﻮﺑﺎﻳﻠﻪ ﻳﺪﻙ ، ﻋﻔﺖ ﺍﻻﻛﻞ ﻉ ﺍﻟﻨﺎﺭ ﻭ ﺭﺣﺖ ﻟﻠﻐﺮﻓﺔ ﺩﺍ ﺍﺭﻳﺪ ﺍﺻﺨﻲ ﻟﻜﻴﺘﻪ ﻛﺎﻋﺪ ﺩﺍ ﻳﺮﺩ ﻛﻮﻩ ﻭ ﻫﻮ ﻧﺎﻳﻢ

ﺟﺎﻱ ﺍﺭﺟﻊ ﺳﻤﻌﺘﻪ ﻳﺤﺠﻲ : ﻫﺴﻪ ﺍﻧﺖ ﺷﺮﺍﻳﺪﻩ

ﺣﺠﻴﺖ ﻭﻳﺎ ﻧﻔﺴﻲ : ﻣﻨﻮ ﻫﺬﻩ ؟

.......

ﻋﻔﺘﻪ ﻭ ﺭﺣﺖ ﺩﺍ ﺍﻛﻤﻞ ﺍﻻﻛﻞ ﻋﻔﺘﻪ ﻉ ﺍﻟﻨﺎﺭ، ﺷﻮﻳﻪ ﻭ ﺍﺟﺎ ﻫﻮ ﺑﺲ ﺑﺎﻟﺒﺠﺎﻣﺔ ﻳﺘﻤﺸﻰ ﺑﺎﻟﻤﻄﺒﺦ ﺍﺧﺬ ﻣﻦ ﺍﻻﻛﻞ ﻭ ﻭﻛﻒ ﺩﺍ ﻳﻀﻮﮒ ، ﺳﺄﻟﺘﻪ : ﻣﻨﻮ ﺍﻟﺨﺎﺑﺮﻙ

- ﺯﻣﻦ

ﻋﻘﺪﺕ ﺣﻮﺍﺟﺒﻲ : ﻭ ﺷﺘﺮﻳﺪ ﻣﻨﻚ

- ﻣﺎ ﺍﻋﺮﻑ ، ﺍﻟﺒﺎﺭﺣﺔ ﺩﺯﺗﻠﻲ ﺻﻮﺭ ﺍﻟﺠﻬﺎﻝ ﻋﻠﻰ ﺍﻟﻮﺍﺗﺴﺎﺏ ﻭ ﻫﻲ ﻭﻳﺎﻫﻢ ﻃﺎﻟﻊ ﻧﺼﻬﺎ ﻛﺘﺒﺘﻠﻬﺎ ﺍﻟﻠﻪ ﻳﺤﻔﻈﻬﻢ ﺭﺟﻌﺖ ﺩﺯﺗﻠﻲ ﺻﻮﺭ ﻓﻄﻮﻣﺔ ﺑﻨﺘﻲ ﺍﻟﺼﻐﻴﺮﺓ ﺑﻘﻴﺖ ﺍﺑﺎﻭﻉ ﺑﺼﻮﺭ ﺟﻬﺎﻟﻲ ﻭ ﻣﺎ ﺭﺩﻳﺖ

ﺧﺎﺑﺮﺗﻨﻲ ﺍﻟﻴﻮﻡ ﺗﻜﻠﻲ ﺷﻨﻮ ﺗﺰﻭﺟﺖ ﻭ ﻧﺴﻴﺖ ﺟﻬﺎﻟﻚ ، ﻛﺘﻠﻬﺎ ﺍﻧﺖ ﺍﻟﻠﻲ ﺍﺧﺬﺗﻴﻬﻢ ﻭ ﻃﻠﺒﺘﻲ ﺍﻟﻄﻼﻙ ، ﺗﺘﻜﻠﻲ ﺍﻱ ﻏﻴﺮ ﻣﻦ ﺿﻴﻢ ﺍﻣﻚ ، ﻛﺘﻠﻬﺎ ﻫﺴﺔ ﺍﻧﺖ ﺷﺮﺍﻳﺪﺓ ، ﺗﻜﻮﻟﻲ ﺟﻬﺎﻟﻚ ﻳﺒﺠﻮﻥ ﻋﻠﻴﻚ

- ﻣﻔﺘﻬﻤﺖ ﺍﻟﻤﻐﺰﻯ ﻣﻦ ﻛﻼﻣﻬﺎ ﺷﻨﻮ ﺗﺮﻳﺪﻙ ﺗﺮﺟﻌﻬﺎ ﻟﻮ ﺷﻨﻮ

- ﻣﺎ ﺍﻋﺮﻑ

- ﺷﻮﻑ ﻣﺨﻠﺪ ﺗﺮﻳﺪ ﺗﺮﺟﻊ ﺯﻭﺟﺘﻚ ﻣﻦ ﺣﻘﻚ ﺗﻠﻢ ﺷﻤﻞ ﺍﻃﻔﺎﻟﻚ ﺑﺲ ﻟﻮ ﺭﺟﻌﺖ ﺍﻧﻲ ﺍﻃﻠﻜﻨﻲ ، ﻣﺎ ﺍﺗﺤﻤﻞ ﺍﻋﻴﺶ ﻭ ﺍﻧﻲ ﺍﻧﺘﻈﺮ ﺩﻭﺭﻱ ﻭﻳﺎ ﻣﺮﺓ ﺛﺎﻧﻴﺔ ﻟﻮ ﺍﻛﻌﺪ ﺍﺗﺴﺎﺑﻖ ﺣﺘﻰ ﺍﻛﺴﺒﻠﻲ ﺭﺟﺎﻝ ﺗﻌﺮﻓﻨﻲ ﻫﺎﻻﻣﻮﺭ ﺍﻧﻲ ﻣﺎ ﺍﺗﺤﻤﻠﻬﺎ

- ﺷﻨﻮ ﻫﺎﻟﺤﺠﻲ ﻟﺠﻴﻦ ﺍﻧﻲ ﻣﺎ ﻃﻠﻜﺖ ﺣﺘﻰ ﺍﺭﺟﻌﻬﺎ ، ﺍﺫﺍ ﻣﺎ ﻋﺠﺒﻬﺎ ﺗﺮﺑﻲ ﺟﻬﺎﻟﻲ ﻭ ﺗﺮﻳﺪ ﺗﺸﻮﻑ ﺣﻴﺎﺗﻬﺎ ﺍﺳﺤﺐ ﺟﻬﺎﻟﻲ ﻭ ﺧﻞ ﺗﻌﻴﺶ ﻣﺤﺪ ﻻﺯﻣﻬﺎ

- ﻉ ﺍﻟﻌﻤﻮﻡ ﺍﻛﻌﺪ ﺩﻧﺘﻌﺸﻰ ، ﺩﺍ ﺍﺭﻳﺪ ﺍﺣﺠﻲ ﻭﻳﺎﻙ

- ﺷﻜﻮ

ﻭﻛﻔﺖ ﺍﺻﺐ ﻭ ﺍﺣﺠﻲ : ﺑﺎﺟﺮ ﺍﺭﺟﻊ ﻻﺭﺑﻴﻞ

ﻫﺰ ﺭﺍﺳﻪ ﻣﺎ ﺣﺠﻪ ، ﺣﻄﻴﺖ ﺍﻟﻤﺎﻋﻮﻥ ﻛﺒﺎﻟﻪ ﻭ ﺣﻈﻨﺘﻪ ﻣﻦ ﻇﻬﺮﻩ ﻭ ﻛﻠﺘﻠﻪ : ﺍﺩﺭﻱ ﻫﺎﻻﻣﺮ ﺻﻌﺐ ﻋﻠﻴﻚ ﺑﺲ ﺗﻌﺮﻑ ﺷﻐﻠﻲ

ﻓﺮﻙ ﻭﺟﻬﻪ ﻭ ﺣﻂ ﺭﺍﺳﻪ ﺑﻴﻦ ﺍﺩﻳﻪ : ﺍﻓﺘﻬﻢ

ﻫﻤﺴﺖ ﺑﺄﺫﻧﻪ : ﺑﺲ ﺗﻌﺮﻑ ﺷﻐﻠﻪ ﺭﺍﺡ ﺍﺷﺘﺎﻗﻠﻚ ﻛﻠﺶ ﻫﻮﺍﻳﺔ

ﺳﺤﺐ ﺍﻳﺪﻳﻪ ﻭ ﻛﻌﺪﻧﻲ ﺑﺤﻀﻨﻪ : ﺑﺲ ﺍﻧﻲ ﻣﻦ ﻫﺴﻪ ﺩﺍ ﺍﺷﺘﺎﻗﻠﺞ

ﻗﺮﺑﺖ ﻭﺟﻬﻲ ﻭ ﻃﺒﻌﺖ ﺑﻮﺳﻪ ﻋﻠﻰ ﺷﻔﺎﻳﻔﺔ ، ﻟﺰﻡ ﻭﺟﻬﻲ ﻭ ﺑﺎﺩﻟﻨﻲ ﺍﻟﺒﻮﺳﺔ ..... ﺍﺑﺘﻌﺪﺕ ﻣﻨﺎ : ﻛﻮﻡ ﻧﺘﻌﺸﻰ ﻳﺎ ﻭﻛﻴﺢ

- ﺍﺭﻳﺪ ﺍﺳﺒﺢ

- ﻛﻤﻞ ﻋﺸﻰ ﻭ ﺍﻧﻲ ﺍﺣﻈﺮﻟﻚ ﺍﻟﺤﻤﺎﻡ ﻭ ﺍﺳﺒﺤﻚ ﺑﺄﻳﺪﻱ ﺑﻌﺪ !!

- ﻭﻟﺞ ﺍﻧﺖ ﻟﻴﺶ ﺣﺮﻣﺘﻴﻨﻲ ﻣﻨﺞ ﻛﻞ ﻫﺎﻟﺴﻨﻴﻦ ﻭﺍﻟﻠﻪ ﺣﺮﺍﻡ ﻋﻠﻴﺞ

- ﻫﻬﻬﻬﻬﻬﻬﻬﻪ

ﻛﻤﻠﻨﺎ ﻋﺸﻰ ﻭ ﺭﺣﺖ ﺣﻈﺮﺗﻠﻪ ﻣﻼﺑﺴﻪ ﺑﺎﻟﺤﻤﺎﻡ ﻭ ﺳﺒﺤﺘﻪ ﻭ ﻛﻌﺪﻧﺎ ﺍﻧﻲ ﻭﻳﺎﻩ ﻧﺴﻮﻟﻒ ﻭ ﻧﻀﺤﻚ ﻭ ﻧﺒﺎﻭﻉ ﺗﻠﻔﺰﻳﻮﻥ ..

ﻟﺜﺎﻧﻲ ﻳﻮﻡ ﺭﺟﻌﺖ ﻷﺭﺑﻴﻞ ، ﺑﺲ ﺍﻟﺼﺮﺍﺣﺔ ﺍﺳﺘﻔﻘﺪﺕ ﻭﺟﻮﺩﻩ ﻟﻤﺎ ﺭﺟﻌﺖ ، ﺣﺴﻴﺖ ﺭﻭﺣﻲ ﺿﻠﺖ ﻫﻨﺎﻙ ﻭ ﺍﻧﻲ ﺍﺟﻴﺖ

ﺑﻘﻴﺖ ﻭﻳﺎﻩ ﻉ ﺍﻟﻮﺍﺗﺴﺎﺏ ﻧﺤﺠﻲ ، ﻭ ﺣﺘﻰ ﺑﺎﻟﻠﻴﻞ ﻓﺘﺤﻨﺎ ﻛﺎﻣﻴﺮﺍ ﻭ ﺑﻘﻴﻨﺎ ﻧﺤﺠﻲ ﻣﻊ ﺑﻌﺾ ﻭ ﻋﻔﻨﺎ ﺍﻻﺟﻬﺰﺓ ﻣﻔﺘﻮﺣﻪ ﺍﻟﻜﺎﻣﻴﺮﺍﺕ ﻭ ﻧﻤﻨﺎ ﻟﺤﺪ ﺍﻟﺼﺒﺢ ﻻ ﺍﻧﻲ ﻗﺎﻓﻠﻪ ﻭﻻ ﻫﻮ

ﺳﻤﻌﺖ ﺍﻛﻮ ﺻﻮﺕ ﻃﮕﻄﮕﻪ ﺑﺎﻟﻤﻮﺑﺎﻳﻞ ﻓﺘﺤﺖ ﻋﻴﻮﻧﻲ ﻟﻜﻴﺖ ﻳﺒﻮﺱ ﺑﺸﻜﻠﻲ ﺑﺎﻟﻜﺎﻣﻴﺮﺍ .. ﺍﺑﺘﺴﻤﺖ

- ﺻﺒﺎﺡ ﺍﻟﺨﻴﺮ

.......

ﺻﺒﺎﺡ ﺍﻻﻧﻮﺍﺭ ، ﺍﻧﻲ ﺭﺍﺡ ﺍﻃﻠﻊ ﻟﻠﺪﻭﺍﻡ ﺍﻧﺖ ﻛﻤﻠﻲ ﻧﻮﻣﺘﺞ ﺣﻴﺎﺗﻲ

- ﺍﺭﻳﺪﻙ ﻳﻤﻲ

- ﻟﻴﺶ ﺍﻧﻲ ﺍﻟﻠﻲ ﻣﺎ ﺍﺭﻳﺪﺝ ﻳﻤﻲ ﺑﺲ ﺷﺴﻮﻱ ﻫﺬﺍ ﺣﻜﻤﺞ ﺑﻌﺪ ﻭ ﻫﺎﻱ ﺷﺮﻭﻃﺞ

ﻏﻄﻴﺖ ﻭﺟﻬﻲ ﺑﺎﻟﻤﺨﺪﺓ ﻫﻮ ﺑﺎﺱ ﺍﻟﺸﺎﺷﺔ ﻭ ﻗﻔﻞ ﺍﻻﺗﺼﺎﻝ ﻭ ﺍﻧﻲ ﻛﻤﻠﺖ ﻧﻮﻣﺘﻲ ، ﺳﺎﻋﺔ ﻭ ﻛﻌﺪﺕ ﺗﺮﺗﺒﺖ ﻭ ﺑﺪﻟﺖ ﻭ ﻧﺰﻟﺖ ﺍﺧﺬﺕ ﺳﻴﺎﺭﺗﻲ ﻭ ﺩﺍ ﺍﻣﺸﻲ

ﺩﻙ ﺟﻬﺎﺯﻱ ﺍﺗﺼﺎﻝ

ﺑﺎﻭﻋﺘﻪ، ﺭﻗﻢ ﻏﺮﻳﺐ، ﺭﻓﻌﺖ ﺍﻟﺨﻂ : ﺍﻟﻮﻭﻭ

ﻣﺎﻟﻚ : ﻣﺒﺮﻭﻙ ﻳﺎ ﻋﺮﻭﺱ

ﻭﻛﻔﺖ ﺍﻟﺴﻴﺎﺭﺓ ﺑﺴﺮﻋﺔ : ﺍﻧﺖ ﺷﺮﺍﻳﺪ ﻣﻨﻲ

- ﻻ ﻟﻴﺶ ﻭﻛﻔﺘﻲ ﺍﻟﺴﻴﺎﺭﺓ ﻛﻤﻠﻲ ، ﺍﻭﻭﻭ ﺑﺲ ﻣﺎ ﻳﻜﻮﻥ ﺿﺎﻳﻘﻨﺎﺝ ﻳﺎ ﺳﺖ ﺍﻟﻌﺮﻭﺳﺔ !!

ﻗﻔﻠﺖ ﺍﻟﺨﻂ ﺑﻮﺟﻬﻪ ، ﻭ ﻛﻤﻠﺖ ﺳﻴﺎﻗﺔ ﺑﺲ ﺷﻨﻮ ﮔﻠﺒﻲ ﻫﺒﻂ ، ﻭ ﺍﻧﻲ ﺍﺑﺎﻭﻉ ﺑﺎﻟﻤﺮﺍﻳﺎﺕ ﻣﺎﻝ ﺍﻟﺴﻴﺎﺭﺓ : ﻣﺮﺍﻗﺒﻨﻲ ﻫﺬﺍ ﻟﻮ ﺷﻨﻮ

ﻓﺘﺖ ﺑﻔﺮﻉ ﺣﺘﻰ ﺍﺷﻮﻑ ﺍﻛﻮ ﺳﻴﺎﺭﺓ ﻣﻼﺣﻘﺘﻨﻲ ..

ﻣﺎﻛﻮ ﻣﺎ ﺷﻔﺖ ﺳﻴﺎﺭﺓ، ﻃﻠﻌﺖ ﺍﻟﻔﺮﻉ ﺩﻙ ﺍﻟﻤﻮﺑﺎﻳﻞ ، ﺭﺩﻳﺖ

- ﺍﻧﺖ ﺷﺮﺍﺍﻳﺪ ﻣﻨﻲ

- ﻣﻨﻮ ؟

- ﻫﺎ ﻣﺨﻠﺪ ، ﻻ ﺑﺲ ﻫﻴﺞ ﺭﻗﻢ ﺩﺍ ﻳﺰﻋﺠﻨﻲ

- ﺩﺯﻳﻠﻴﺎﻩ ﺩﺍ ﺍﺭﺯﻟﻪ

- ﻣﺎ ﻳﺤﺘﺎﺝ ﺭﺍﺡ ﺍﺳﻮﻳﻠﻪ ﺗﺤﻮﻳﻞ ﻣﻜﺎﻟﻤﺎﺕ ﻭ ﺍﺧﻠﺺ ﻣﻨﻪ

- ﻳﺮﻭﺡ ﻳﺰﻋﺠﺞ ﻣﻦ ﺭﻗﻢ ﻻﺥ ﺩﺯﻳﻠﻴﺎﻩ ﺧﻞ ﺍﻫﺪﺩﻩ ﺷﻮﻳﻪ ﻭ ﺍﺑﻬﺬﻝ ﺍﺣﻮﺍﻟﻪ

- ﺷﺒﻴﻚ ﻣﺨﻠﺪ ﺩﺍ ﺍﻛﻮﻟﻚ ﺭﺍﺡ ﺍﺳﻮﻳﻠﻪ ﺣﻈﺮ ﻣﻮ ﻣﺴﺘﺎﻫﻞ ﺍﻟﻤﻮﺿﻮﻉ

- ﻟﺠﻴﻦ ﺻﺎﻳﺮ ﺷﻲ ﺷﻮ ﺗﺨﺮﺑﻄﻴﻦ ﺷﺒﻴﺞ

- ﻣﺎ ﺑﻴﻪ ﺷﻲ ﻭﺻﻠﺖ ﻟﻠﺸﺮﻛﺔ ﻳﻼ ﺍﺧﺎﺑﺮﻙ ﺑﻌﺪﻳﻦ، ﺑﻴﺒﻴﺎﻱ

ﻗﻔﻠﺖ ﺍﻟﺨﻂ ﻭ ﺑﺎﻭﻋﺖ ﺭﻗﻢ ﻣﺎﻟﻚ، ﺩﺍ ﺍﺭﻳﺪ ﺍﻣﺴﺤﺔ ﺑﻌﺜﻠﻲ ﺭﺳﺎﻟﺔ ‏( ﻛﻤﻠﺘﻲ ﻣﻜﺎﻟﻤﺔ ﻣﻦ ﺭﺟﻠﺞ ﺍﻻﺭﻋﻦ ﻟﻮ ﺑﻌﺪ ‏)

ﺍﺗﺼﻠﺖ ﺑﺸﺮﻛﺔ ﺍﺳﻴﺎﺳﻴﻞ ﻭ ﻃﻠﺒﺖ ﺣﺠﺐ ﻫﺬﺍ ﺍﻟﺮﻗﻢ ، ﺳﺎﻋﺪﻧﻲ ﻣﻮﺿﻒ ﺍﻟﺨﺪﻣﺔ ﻭ ﺣﺠﺒﺘﻪ ﺑﻌﺪ ﻣﺎ ﺍﺗﺼﻞ ﺍﺑﺪ

ﺩﺧﻠﺖ ﻟﻠﺸﺮﻛﺔ ﺑﻠﺸﺖ ﺷﻐﻞ، ﻫﻨﺎﻙ ﻭ ﺍﺗﺬﻛﺮﺕ ﻣﺨﻠﺪ ﺣﺠﻴﺖ ﻭﻳﺎﻩ ﺑﺸﻜﻞ ﺟﺎﻑ، ﺧﺎﺑﺮﺗﻪ ، ﺭﺩ

- ﺍﻟﻮ ﺣﺒﻴﺒﻲ

- ﻫﻠﻮ ﻟﺠﻴﻦ

- ﺍﺳﻔﺔ ﺣﻴﺎﺗﻲ ﺟﻨﺖ ﻣﺘﻀﺎﻳﻘﺔ ﻭ ﺣﺠﻴﺖ ﻭﻳﺎﻙ ﺑﺸﻜﻞ ﺟﺎﻑ

- ﺍﻟﺮﻗﻢ ﺷﺼﺎﺭ ﻭﻳﺎﻩ

- ﺍﺗﺼﻠﺖ ﺑﺎﻟﺸﺮﻛﺔ ﻭ ﺣﺠﺒﺘﻪ

- ﻭﺍﺗﺼﻞ ﺑﻌﺪ ؟

- ﻻ ﻣﻮ ﺩﺍ ﺍﻛﻮﻟﻚ ﺣﺠﺒﺘﻪ ﺑﻌﺪ ﺍﺑﺪ ﻣﺎ ﺯﻋﺠﻨﻲ

- ﺍﻱ ﺯﻳﻦ ﻟﻌﺪ ﺍﺫﺍ ﺍﺗﺼﻞ ﻣﻦ ﺧﻂ ﻻﺥ ﺑﻠﻐﻴﻨﻲ

- ﻣﺎﺷﻲ ﺣﺒﻴﺒﻲ

- ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ

- ﺣﺘﺮﺟﻊ ﻟﺒﻴﺖ ﺍﻫﻠﻚ ﻣﻮ

- ﻛﻢ ﻣﺮﺓ ﺳﺄﻟﺘﻴﻨﻲ ﻫﺬﺍ ﺍﻟﺴﺆﺍﻝ ﻭ ﻛﻠﺖ ﻟﺞ ﺍﺭﺟﻊ ﻟﺒﻴﺘﻨﺎ

- ﻣﻮ ﺣﺒﻴﺒﻲ ﺍﺷﻴﻞ ﻫﻤﻚ ﻣﻨﻮ ﻳﻐﺴﻠﻚ ﻣﻼﺑﺴﻚ ﻣﻨﻮ ﻳﺴﻮﻳﻠﻚ ﺍﻛﻞ

- ﻣﺎ ﺍﻟﺞ ﻋﻼﻗﺔ ﺍﻧﻲ ﻣﺮﺗﺎﺡ ﺑﺎﻟﺒﻴﺖ ، ﻣﺎ ﺍﻟﻲ ﺧﻠﻚ ﻫﻮﺳﺔ ﺟﻬﺎﻝ ﻣﺎﺯﻥ

.......

ﺍﻭﻛﻲ ﺣﻴﺎﺗﻲ ﻋﻠﻰ ﺭﺍﺣﺘﻚ

- ﺍﺣﺒﺞ

- ﺍﻣﻮﺕ ﻋﻠﻴﻚ ، ﺍﻣﻮﻭﻭﺍﺡ ﺑﺎﻱ

ﺳﻠﻢ ﻭ ﻗﻔﻞ ﺍﻟﺨﻂ

ﺑﻘﻴﺖ ﻳﻮﻣﻴﺎ ﻋﻠﻰ ﻫﺬﺍ ﺍﻟﻤﻨﻮﺍﻝ، ﻧﺘﺼﻞ ﺍﺑﻌﺾ ﻃﻮﻝ ﺍﻟﻴﻮﻡ ﻭ ﻧﺤﺠﻲ ﻭ ﻣﻦ ﺍﻧﺎﻡ ﻧﺒﻘﻲ ﺍﻟﺠﻬﺎﺯ ﻣﻔﺘﻮﺡ ..

ﺍﺳﺒﻮﻉ ﻭ ﻛﺎﻝ ﺑﺎﺟﺮ ﺍﻧﻲ ﻳﻤﺞ ، ﺍﻧﻲ ﻣﺎ ﺻﺪﻛﺖ ﺩﻳﺠﻲ ﻳﻤﻲ، ﻧﺰﻟﺖ ﻟﻠﺴﻮﻙ ﺍﺷﺘﺮﻳﺖ ﺍﻧﻮﺍﻉ ﺍﺷﻜﺎﻝ ﻣﻼﺑﺲ ﻧﻮﻡ ﻭ ﺗﺮﺍﻛﺎﺕ ﻣﻐﺮﻳﺔ ﺍﻣﺸﻲ ﺑﻴﻬﺎ ﺑﺎﻟﺒﻴﺖ ﻛﺪﺍﻣﻪ ، ﻭ ﺗﺴﻮﻛﺖ ﻟﻠﺒﻴﺖ ﻣﻮﺍﺩ ﺍﻛﻞ ﻭ ﺣﻠﻮﻳﺎﺕ ﺍﻧﻮﺍﻉ

ﻧﻈﻔﺖ ﺍﻟﺒﻴﺖ ﺗﻤﺎﻡ ﻭ ﺣﻈﺮﺕ ﺍﻟﺤﻠﻮﻳﺎﺕ ﺑﺼﺤﻮﻥ ﻣﺰﻳﻨﻪ ﻟﻠﺘﻘﺪﻳﻢ ﻭ ﺣﻈﺮﺕ ﺍﻟﻐﺪﺍ ﻣﻦ ﺍﻟﺼﺒﺢ ﻣﻦ ﺍﻟﻴﻮﺗﻴﻮﺏ ﺳﻮﻳﺖ ﺗﻤﻦ ﺍﺣﻤﺮ ﻭ ﻋﻠﻴﻪ ﺣﺸﻮ ﻣﺎﻝ ﺷﻌﺮﻳﺔ ﻭ ﻟﺤﻢ ﻭ ﺑﻘﻴﺖ ﺍﺗﻔﻨﻦ

ﺣﻈﺮﺕ ﺍﻟﻐﺮﻓﺔ ﺷﻤﻮﻉ ﻭ ﺍﻟﺤﻤﺎﻡ ﻫﻢ ﺧﻠﻴﺖ ﺑﻴﻪ ﺷﻤﻮﻉ ﻛﺒﺎﺭ

ﻭﺑﻌﺪﻫﺎ ﺭﺣﺖ ﺍﺣﻈﺮ ﻧﻔﺴﻲ

ﻟﺒﺴﺖ ﺷﻮﺭﺕ ﺑﻨﻄﺮﻭﻥ ﻭ ﺑﺪﻱ ﻣﻜﺸﻮﻑ ﺍﻟﺬﺭﻋﺎﻥ ﻭ ﻣﺎ ﺑﻴﻪ ﺣﻤﺎﻻﺕ ﻟﺒﺴﺖ ﻭﻳﺎﻩ ﻛﻼﺩﺓ ﺻﺎﺭ ﺍﻟﺸﻜﻞ ﻛﻠﺶ ﺣﻠﻮ ﺷﻤﺮﺕ ﺍﻟﺸﻌﺮ ﻭﺭﺍ ﻭ ﻓﻜﺮﺕ ﺍﺑﺮﻣﻪ ﺑﺲ ﺍﻧﺪﻛﺖ ﺍﻟﺒﺎﺏ ﻭ ﻣﻠﺤﻜﺖ

ﺭﻛﻀﺖ ﻟﻠﺒﺎﺏ ﻭ ﺍﻟﻀﺤﻜﺔ ﺷﺎﻛﺔ ﺣﻠﻜﺐ ﻓﺘﺤﺘﻪ ، ﻫﻮ ﻣﺒﺘﺴﻢ ﺷﺎﻓﻨﻲ ﻋﻘﺪ ﺣﻮﺍﺟﺒﺔ ﻓﺎﺕ ﺑﺴﺮﻋﻪ : ﻻ ﺗﻔﺘﺤﻴﻦ ﺍﻟﺒﺎﺏ ﻫﻴﺞ ﺑﻨﺖ ﺍﻟﻜﻠﺐ ﻛﻮﻟﻲ ﻃﻠﻊ ﺍﺣﺪ . ﻏﻴﺮﻱ ﻭ ﻣﻮ ﺍﻧﻲ ﻳﺸﻮﻓﺞ ﻫﻴﺞ،

ﺳﺪ ﺍﻟﺒﺎﺏ ﻭ ﻗﻔﻠﻪ ، ﺣﻈﻨﺘﻪ : ﻣﺠﻨﻮﻥ ﻣﺸﺘﺎﻗﺘﻠﻚ

ﺍﺧﺬﻧﻲ ﺑﺤﻈﻨﻪ : ﺍﻧﻲ ﺍﺷﻮﻕ ﻳﺎ ﺣﻴﻮﺍﻧﻪ

ﻟﺰﻣﺘﻪ ﻣﻦ ﺷﻌﺮﻩ ﻣﻠﺸﺘﻪ ﻭ ﻛﻤﺖ ﺍﺟﺮ ﺑﻲ : ﻛﺎﻓﻲ ﺗﻐﻠﻄﻄﻄﻄﻄﻄﻄﻄﻂ

- ﻭﻟﺞ ﺍﻧﻲ ﺑﻮﺩﻱ ﺍﻛﺘﻠﺞ ﻣﻮ ﺑﺲ ﺍﻏﻠﻂ ﻋﻠﻰ ﻫﺎﻟﻤﺴﺎﻓﺔ ﺍﻟﻤﺨﻠﻴﺘﻬﺎ ﺑﻴﻨﺎﺗﻨﺎ، ﻟﻴﺶ ﻫﻴﺞ ﻟﻴﺶ ﺭﺍﺿﻴﺔ ﺑﻮﺿﻌﻲ ﻫﻴﺞ ﺍﺟﺪﻱ ﻣﻨﺞ ﺷﻮﻓﺘﺞ ﺟﺪﺍﻭﺓ

- ﺍﺣﻠﻰ ﺍﺣﻠﻰ ﻭ ﻟﺘﺒﻠﺶ ﺑﺎﻟﻠﻮﻡ ﻣﺤﻈﺮﺗﻠﻚ ﺍﻻﻛﻞ ﺣﺎﺭ ﻭ ﻃﺎﺑﺨﺘﻪ ﻣﻦ ﺍﺩﻳﺔ

- ﺍﺭﻳﺪ ﺍﺑﻠﺶ ﺑﻴﺞ

- ﺍﻭﻭﻭ ﺗﻠﺤﻚ ﺗﻠﺤﻚ ﻭﺍﻟﻠﻪ ﺗﻌﺒﺎﻧﻪ ﻉ ﺍﻻﻛﻞ ، ﺍﻛﻞ ﺍﻭﻝ ﻭﺑﻌﺪﻳﻦ ﺍﺧﺬ ﺭﺍﺣﺘﻚ

ﺭﺣﻨﺎ ﻟﻠﻤﻄﺒﺦ ، ﻃﻠﻊ ﺗﺼﻔﻴﺮﺓ ﻣﻦ ﺣﻠﻜﺔ : ﻭﻟﺞ ﻫﺎﻱ ﺍﺧﻠﺺ ﺍﻻﺟﺎﺯﺓ ﻳﻤﺞ ﺍﻛﻮﻡ ﻣﺎ ﺍﻃﻠﻊ ﻣﻦ ﺍﻟﺒﺎﺏ

- ﺷﺴﻮﻱ ﻣﻦ ﻛﺪ ﻣﺎ ﻣﺸﺘﺎﻗﺘﻠﻚ ﺭﺣﺖ ﺍﺷﺘﺮﻳﺖ ﺍﻟﺴﻮﻙ ﻛﻠﻪ ﺩﺍ ﺍﺣﻈﺮﻟﻚ

- ﻛﻌﺪﺗﻪ ﻭ ﺍﺻﺒﻠﻪ ﺗﻤﻦ ﻭ ﻟﺤﻢ ﻭ ﺍﺧﻠﻴﻠﺔ ﺣﻠﻮﻳﺎﺕ ﺗﺎﻟﻲ ﻛﺎﻝ ﻛﻮﺭﺷﺘﻴﻨﻲ ﺑﺘﻞ ﺑﺘﻞ ﺍﻧﺘﻲ ﺗﻨﻘﺸﻴﻦ ﻭ ﺍﻧﻲ ﺗﻌﺒﻴﻦ ﺑﺤﻠﻜﻲ ..

ﺍﺧﺬﻧﻲ ﻭ ﺭﺣﻨﺎ ﻟﻠﻐﺮﻓﺔ، ﺷﺎﻓﻬﺎ ﻛﻠﻬﺎ ﺍﺷﻤﻮﻉ ﻧﻔﺦ : ﻟﺞ ﺍﻧﻲ ﻫﻢ ﺣﺎﺳﺐ ﻧﻔﺴﻲ ﺟﻨﺖ ﻋﺎﻳﺶ

- ﻫﻬﻬﻬﻬﻪ

ﺳﺤﺒﻨﻲ ﻟﺤﻈﻨﻪ ﻭ ﻧﻤﻨﺎ ﻉ ﺍﻟﺠﺮﺑﺎﻳﺔ ﺑﻌﺪﻫﺎ ﺭﺣﻨﺎ ﺑﺎﻟﺤﻤﺎﻡ ، ﺗﺮﺳﺖ ﺍﻟﺒﺎﻧﻴﻪ ﻣﻲ ﺩﺍﻓﻲ ﻭ ﻛﻌﺪﻥ ﺑﺤﻀﻦ ﺑﻌﺾ ﺑﻴﻪ

ﻭ ﺧﻠﺼﻨﺎﻫﺎ ﺭﻭﻣﺎﻧﺴﻴﺎﺕ ، ﻭﻛﺄﻥ ﺑﻌﺎﻟﻢ ﺛﺎﻧﻲ ﻣﻦ ﻛﺪ ﻣﺎ ﺍﻟﺘﻬﻴﻨﺎ ﺍﺑﻌﺾ ﻧﺴﻴﻨﺎ ﺍﻟﺪﻧﻴﺎ، ﻛﻤﻠﻨﺎ ﺷﻴﻠﻨﻲ ﻣﻦ ﺍﻟﺤﻤﺎﻡ ﻭ ﺍﺧﺬﻧﻲ ﻟﻠﻐﺮﻓﺔ ﻭ ﻃﻔﻰ ﺍﻟﻤﻜﻴﻒ ﻭ ﻣﺎ ﻗﺒﻞ ﺍﻛﻮﻡ ﻧﻮﻣﻨﻲ ﻋﻠﻰ ﺍﻳﺪﻩ ﻭ ﺑﺲ ﻉ ﺍﻟﻤﺮﻭﺣﺔ ﻏﻄﻴﺖ ﺑﺎﻟﻨﻮﻡ ﺑﻌﺪ ﻣﺎ ﺣﺴﻴﺖ ﻋﻠﻰ ﺷﻲ ﻻﻥ ﻛﺎﻋﺪﻩ ﻣﻦ ﺍﻟﺼﺒﺢ

ﻟﻠﻴﻞ ﻛﻌﺪﺕ ﻣﺨﻠﺪ ﻣﺎﻛﻮ ..

ﻛﻤﺖ ﻣﻦ ﻣﺨﺪﺗﻲ ﺍﺩﻭﺭﻩ ﻣﻤﻮﺟﻮﺩ ..

ﺑﺪﻟﺖ ﺗﺮﺍﻙ ﻭ ﻃﻠﻌﺖ ﻟﻜﻴﺘﻪ ﻛﺎﻋﺪ ﺑﺎﻟﺼﺎﻟﺔ ﻭ ﻋﺎﻗﺪ ﺣﻮﺍﺟﺒﺔ

........

ﺗﻘﺮﺑﺖ ﻣﻨﻪ : ﻫﺎ ﺣﻴﺎﺗﻲ

ﺩﺍ ﺍﻛﻌﺪ ﺑﻌﺪﻧﻲ ﻣﻨﻪ ﻭ ﻛﻌﺪ ﻋﻠﻰ ﺣﺎﻓﺔ ﺍﻟﺘﺨﻢ

- ﻫﺎﻱ ﺷﺒﻴﻚ ؟

- ﻣﻨﻮ ﻫﺬﺍ ﻟﺠﻴﻦ ؟

- ﻣﻨﻮ ؟ !!

ﻗﺪﻣﻠﻲ ﻣﻮﺑﺎﻳﻠﻲ ، ﻭ ﻓﺎﺗﺢ ﺭﺳﺎﻟﺔ ﻣﺎﻟﻚ ﺍﻟﻤﻜﺘﻮﺏ ﺑﻴﻬﺎ ‏( ﻛﻤﻠﺘﻲ ﻣﻜﺎﻟﻤﺔ ﻣﻦ ﺭﺟﻠﺞ ﺍﻻﺭﻋﻦ ﻟﻮ ﺑﻌﺪ ‏) ﻧﺎﺳﻴﺔ ﺍﻣﺴﺤﻬﺎ

: ﻭ ﻋﻠﻰ ﻫﺎﻳﻪ ﻣﺘﻀﺎﻳﻖ ، ﻫﺬﺍ ﻧﻔﺴﺔ ﺍﻟﺮﻗﻢ ﺍﻟﺠﺎﻥ ﻳﺰﻋﺠﻨﻲ ، ﻭ ﺑﻌﺪﻳﻦ ﻋﻴﺐ ﻫﺎﻻﺳﺎﻟﻴﺐ ﻣﺎﻝ ﺗﻔﺘﺶ ﺑﻤﻮﺑﺎﻳﻠﻲ ﺷﻨﻮ ﻣﺎ ﻋﻨﺪﻙ ﺛﻘﺔ

- ﻋﻮﻓﻲ ﺍﻟﺜﻘﺔ ﻋﻠﻰ ***** ﻭ ﻛﻠﻴﻠﻲ ﻣﻦ ﻭﻳﻦ ﻳﻌﺮﻑ ﺍﻧﺖ ﻣﺘﺰﻭﺟﺔ ﻭ ﺷﻠﻮﻥ ﻋﺮﻑ ﺍﻧﺖ ﺟﻨﺘﻲ ﺗﺤﺠﻴﻦ ﻭﻳﺎﻱ ﻭ ﻫﻴﺞ ﺩﻳﻜﻮﻟﺞ ﺑﺎﻟﺮﺳﺎﻟﺔ

- ﻣﺎ ﺍﻋﺮﻑ ﺍﻟﻤﻬﻢ ﺳﻮﻳﺘﻠﻪ ﺣﺠﺐ ﻭ ﺗﻜﺪﺭ ﺗﺘﺎﻛﺪﺭ ﺍﺫﺍ ﻣﺴﻮﻳﺘﻠﻪ ﺣﺠﺐ ﺍﻭ ﻻ ﺣﺘﻰ ﺗﺄﻣﻦ ﻻﻥ ﺍﻟﻈﺎﻫﺮ ﺍﻧﺖ ﺗﺸﻚ ﺑﻴﻪ

- ﻟﺞ ﺍﺩﺏ ﺳﺰ ﺍﺷﻚ ﺑﻴﺞ ﺷﻨﻮ ﺍﻟﻠﻲ ﻳﻜﻮﻟﺞ ﻫﻴﺞ ﻣﺎ ﺑﻴﻬﺎ ﻏﻴﺮ ﺍﺣﺘﻤﺎﻟﻴﻦ ﻳﺎ ﻳﻌﺮﻓﺞ ﻣﻌﺮﻓﺔ ﺗﺎﻣﺔ ﻳﺎ ﺍﻧﺖ ﺩﺍﻛﻪ ﻭﻳﺎﻩ ﺳﻮﺍﻟﻒ ﻭ ﻣﻌﺮﻓﺘﻪ ﺑﻴﺞ ﻭ ﻫﻴﺞ ﺩﻳﻜﻮﻟﺞ

- ﻣﺨﻠﺪ ﻣﻴﻌﺮﻓﻨﻲ ﻭ ﻫﻮ ﻣﺰﻋﺞ ﻭ ﻛﻠﺘﻠﻚ ﺣﺠﺒﺖ ﺍﻟﺮﻗﻢ ﻭ ﺑﻌﺪ ﻣﺎ ﺍﺗﺼﻞ ﻋﻠﻴﻪ ﺍﻧﺖ ﻟﻴﺶ ﺗﻠﺢ ﺑﺎﻟﻤﻮﺿﻮﻉ

ﺣﺠﻴﺖ ﻫﺎﻟﻜﻠﻤﺔ ﻭ ﻫﻮ ﻓﺰ ﻣﻦ ﻣﻜﺎﻧﻪ ﺑﺴﺮﻉ ﻭ ﻃﻮﻕ ﺍﻳﺪﻩ ﻋﻠﻰ ﺭﻛﺒﺘﻲ ﺧﻨﻜﻨﻲ : - ﻫﺬﺍ ﻣﻨﻮ ﺍﻟﻴﻠﺢ ﺑﻨﺖ ﺍﻟﻜﻠﺐ

ﺩﻓﻌﺘﻪ ﺣﻴﻞ : ﻻ ﺗﻐﻠﻂ ﻭ ﺍﺣﺘﺮﻡ ﺍﻓﺘﻬﻤﺖ، ﺍﻧﺖ ﺩﺍ ﺗﺴﻮﻱ ﻣﺸﻜﻠﻪ ﻣﻦ ﻓﺮﺍﻍ

- ﺳﻤﻌﻲ ﻟﺞ ﻣﻦ ﺗﺤﺠﻴﻦ ﻭﻳﺎﻱ ﺑﻬﺎﻻﺳﻠﻮﺏ ﻭﺍﻟﻘﺮﺍﻥ ﺍﻛﻄﻌﺞ ﺣﻴﻮﺍﻧﻪ

- ﻛﻠﺖ ﻟﻚ ﻻ ﺗﻐﻠﻂ

- ﺍﻏﻠﻂ ﻭ ﻧﺺ ﻭ ﻛﻠﻤﺔ ﻟﺦ ﻟﻮ ﺳﻤﻌﺖ ﻣﻨﺞ ﻭﺍﻟﻠﻪ ﺍﺑﺘﻠﻲ ﺑﻴﺞ

- ﻻ ﺍﻧﺖ ﺻﺎﺭ ﻣﺎ ﻳﻨﺤﺠﻲ ﻭﻳﺎﻱ ﺍﺑﺪ ، ﺍﻛﻮﻡ ﻣﻨﻚ ﺍﺣﺴﻨﻠﻲ

ﺍﻧﺪﺍﺭﻳﺖ ﺍﻣﺸﻲ ﻣﻨﻪ، ﺟﺎﻥ ﻳﻜﻮﻝ : ﺭﻭﺣﻲ ﻳﻄﺒﺞ ﻃﻮﺏ ﺍﻧﻲ ﺍﻋﺮﻑ ﺷﻠﻮﻥ ﺍﺗﻮﺻﻞ ﻟﺼﺎﺣﺐ ﺍﻟﺮﻗﻢ ﻫﺴﻪ ﺍﺗﺼﻞ ﺑﻴﻪ ﻭ ﺍﻋﺮﻓﻪ

ﺍﻟﺘﻔﺘﺖ ﺑﺴﺮﻋﺔ، ﻫﺬﺍ ﺍﺗﺼﻞ ﻭ ﻃﻠﻊ ﻣﺎﻟﻚ ﻭ ﺍﻧﻲ ﻧﺎﻛﺮﺓ ﻭ ﺍﻛﻮﻟﻪ ﺷﺨﺺ ﻣﺰﻋﺞ ﺣﺮﺍﻡ ﺍﻻ ﻳﻜﻠﺐ ﺍﻟﺪﻧﻴﺎ ﻓﻮﻙ ﺭﺍﺳﻲ

- ﺍﻧﺖ ﺷﻨﻮ ﻣﺎ ﻭﺍﺛﻖ ﺑﻴﻪ ﺩﺍ ﺗﺘﺼﻞ ﺗﺘﺄﻛﺪ

ﺍﺗﺼﻞ ﻣﺎ ﺭﺩ ﻋﻠﻴﻪ : ﺟﺮﻳﺖ ﺍﻟﻤﻮﺑﺎﻳﻞ ﻣﻦ ﺍﺫﻧﻪ ﻭ ﻗﻔﻠﺘﻪ : ﺍﻧﺖ ﻣﻦ ﺻﺪﻙ ﺗﺮﺍ ﺩﺍ ﺗﻬﻴﻨﻲ ﻭ ﻫﺎﻻﺳﺎﻟﻴﺐ ﻣﺎ ﺍﺭﺿﻰ ﺑﻴﻬﺎ

- ﺍﻧﺖ ﺷﻠﻮﻥ ﺍﺗﺴﺤﺒﻴﻦ ﺍﻟﺠﻬﺎﺯ ﻣﻦ ﺍﺫﻧﻲ

- ﻻﻥ ﻋﻴﺐ ﺗﺸﻚ ﺑﻤﺮﺗﻚ ، ﻣﻮﺍﺛﻖ ﺑﻴﻪ ﻋﻮﻓﻨﻲ

- ﻟﺞ ﻃﺎﻳﺤﺔ ﺍﻟﺤﻆ ﺍﺷﻚ ﺑﻴﺞ ﺷﻨﻮ ﻫﺬﺍ ﺍﻟﻴﻜﻮﻟﺞ ﻫﻴﺞ ﻳﻌﺮﻓﺞ ﻭ ﺍﺭﻳﺪ ﺍﻋﺮﻑ ﻣﻨﻴﻦ ﻳﻌﺮﻓﺞ

- ﺗﺮﺍ ﺍﻧﻲ ﺍﻧﺴﺎﻧﻪ ﻣﻌﺮﻭﻓﻪ ﻭ ﻣﻮ ﻏﺮﻳﺐ ﺑﺸﺮ ﺗﻌﺮﻓﻨﻲ ﺩﺍ ﺗﻜﺒﺮ ﺍﻟﻤﻮﺿﻮﻉ ﻫﻮﺍﻳﺔ ﻭ ﺩﺓ ﺗﻨﻄﻲ ﺍﻛﺒﺮ ﻣﻦ ﺣﺠﻤﺔ

- ﺍﻧﺖ ﻟﻴﺶ ﻫﻠﻜﺪ ﺧﻔﺘﻲ ﻭ ﻫﺬﺍ ﻣﻨﻮ ﺍﻟﻠﻲ ﺭﺍﺳﻠﺞ، ﺳﻤﻌﻲ ﻟﺞ ﺍﻟﻜﺪﺍﻣﺞ ﺿﺎﺑﻂ ﺷﺮﻃﺔ ﻃﺮﻥ ﻭ ﻣﺎ ﺍﻓﺘﻬﻢ ﺍﻋﺮﻑ ﺍﻟﻠﻲ ﺩﺍﺯ ﻫﺎﻟﺮﺳﺎﻟﺔ ﺑﻬﺎﻻﺳﻠﻮﺏ ﻳﻌﺮﻓﺞ ﻟﻮ ﻻ ﻭ ﺍﺫﺍ ﺟﺎﻥ ﻣﻌﺠﺐ ﻭ ﻫﻴﺞ ﻳﻜﻠﻤﺞ ﻭ ﻳﻜﻮﻟﺞ ﻛﻤﻠﺘﻲ ﻣﻜﺎﻟﻤﺔ ﻭﻳﺎ ﺭﺟﻠﺞ ﺍﻻﺭﻋﻦ ﻣﻌﻨﺎﻫﺎ ﻫﺬﺍ ﻣﺮﺍﻗﺒﺞ ﻭ ﻧﺎﻭﻳﻠﺞ ﻋﻠﻰ ﻧﻴﺔ

.......

ﺩﻛﺎﻓﻲ ﻣﺨﻠﺪ ﻛﺎﻓﻲ ﻛﻠﺘﻠﻚ ﻭﺍﻟﻠﻪ ﺣﺠﺒﺘﻪ ﻭ ﺧﻠﺺ ﻣﻮﺿﻮﻋﻪ ﻟﻴﺶ ﺩﺍ ﺗﺨﻠﻘﻨﺎ ﻣﺸﻜﻠﻪ ﻣﻦ ﻻ ﺷﻲ

... ﻛﻤﺖ ﺍﺭﺟﻒ ﻛﺪﺍﻣﻪ ﻭ ﺍﺧﺮﺑﻂ ﺧﻔﺖ ﻻ ﺍﺯﻟﻚ ﺑﻜﻠﻤﺔ ﻣﻦ ﺍﻷﺭﺑﺎﻙ ﻛﻌﺪﺕ ﺍﺑﺠﻲ ، ﻛﻠﺖ ﻫﺴﻪ ﻳﺸﻮﻓﻨﻲ ﺍﺑﺠﻲ ﻳﺠﻲ ﻳﻠﺘﻬﻲ ﺑﻴﻪ ﻭ ﻳﻨﺴﻰ ﺍﻟﻤﻮﺿﻮﻉ ﺑﺲ ﻗﻔﻞ ﺷﻴﻞ ﺍﻟﻤﻮﺑﺎﻳﻞ ﻭ ﺍﺗﺼﻞ

ﻛﻤﺖ ﻋﻠﻰ ﺣﻴﻠﻲ ﺳﻤﻌﺖ ﺍﻡ ﺍﻟﺸﺮﻛﺔ ﺗﻜﻮﻝ : ﺍﻥ ﺍﻟﺠﻬﺎﺯ ﻣﻐﻠﻖ ﺍﻭ ﺧﺎﺭﺝ ﻣﻨﻄﻘﺔ ﺍﻟﺘﻐﻄﻴﺔ

ﺗﻨﻔﺴﺖ ﺍﻟﺼﻌﺪﺍﺀ، ﻭ ﻛﻠﺖ ﻟﻪ : ﺍﻟﻈﺎﻫﺮ ﺍﻧﺖ ﺻﺪﻙ ﻣﺎ ﺗﺤﺘﺮﻡ ، ﻋﻔﺘﻪ ﻭ ﺭﺣﺖ ﻟﻠﻐﺮﻓﺔ

ﻛﻠﺖ ﻫﺴﻪ ﺣﻴﺠﻲ ﻭﺭﺍﻳﻪ، ﺷﻮ ﻫﺬﺍ ﻣﺎ ﺍﻫﺘﻢ ﻟﻜﻼﻣﻲ ﻭ ﻣﺎ ﺍﺟﺎ ، ﻳﻌﻨﻲ ﻣﺼﺮ ﻳﻌﺮﻑ ﺻﺎﺣﺐ ﺍﻟﺮﻗﻢ ﻣﻨﻮ .. ﺯﻳﻦ ﻫﺴﻪ ﺍﻟﻠﻪ ﺳﺘﺮ ﻭ ﻣﺎﻟﻚ ﻣﻐﻠﻖ، ﺍﺫﺍ ﻓﺘﺢ ﺍﻟﺨﻂ ﻭ ﺍﺗﺼﻞ ﻭ ﻋﺮﻑ ﻣﺨﻠﺪ ﻫﺬﺍ ﻣﺎﻟﻚ ﺷﺴﻮﻱ ﺍﻧﻲ ﻏﻴﺮ ﻳﺬﺑﺤﻨﻲ ﻣﺨﻠﺪ

ﺍﺭﻭﺡ ﺍﻋﺘﺮﻑ ﻭ ﺍﻛﻮﻟﻪ ﻫﺬﺍ ﻣﺎﻟﻚ ﻭ ﺧﺎﺑﺮﻧﻲ ﺩﻳﺴﺘﻔﺰﻧﻲ

ﻻ ﻻ ﻣﻬﻠﺪ ﺷﻜﺎﻙ ﻭ ﻫﺴﻪ ﻳﻜﻮﻡ ﻳﺸﻚ ﺑﻴﻪ ﻟﻴﺶ ﺿﻤﻴﺖ ﻋﻠﻴﻪ ﻭﻟﻴﺶ ﺍﻋﺘﺮﻓﺖ ﻭ ﻳﺒﻘﻰ ﺍﺑﺮﺍﺳﺔ ﺍﻟﻒ ﻟﻴﺶ ﻭ ﻟﻴﺶ ، ﻻ ﻣﺎ ﺍﻛﻮﻟﻪ

ﺯﻳﻦ ﺍﺫﺍ ﻣﺎ ﻛﻠﺖ ﻟﻪ ﻣﺨﻠﺪ ﻣﺼﺮ ﻳﻌﺮﻓﺔ ﻭ ﺍﺫﺍ ﻋﺮﻓﺔ ﺭﺍﺡ ﺍﻟﻮﺻﻬﺎ ﻋﻠﻰ ﺭﻭﺣﻲ ﻣﻌﻨﺎﻫﺎ ﺩﺍ ﺍﺧﺎﺑﺮ ﻣﺎﻟﻚ ﻣﻦ ﻭﺭﺍ ﻇﻬﺮﺍ ﻭ ﺗﻌﺎﻝ ﺟﻴﺐ ﺍﻟﻴﺨﻠﺼﻨﻲ

ﺍﺥ ﻳﺎ ﺍﻟﻠﻪ ﺍﺍﺍﺍﺥ ﻣﻦ ﻏﺒﺎﺋﻲ ﺍﻱ ﻣﻮ ﺟﻨﺖ ﻣﺮﺗﺎﺣﻪ ﻭ ﻣﺎ ﺍﻓﻜﺮ ﻭ ﺍﺧﺎﻑ ﻣﻦ ﺍﺣﺪ ﻛﻤﺖ ﺍﺗﺰﻭﺟﺖ ﻟﻴﻴﻴﻴﺶ ﺷﻨﺎﻗﺼﻨﻲ ﻭ ﺍﺗﺰﻭﺝ ، ﺍﺣﺴﻨﻠﻲ ﻫﺎﻟﻬﺒﻄﺔ ﻫﺴﻪ ﻫﺎﻱ

ﻳﺮﺑﻲ ﻋﺪﻳﻬﺎ ﻓﺪﻭﺓ ..

ﺷﺒﻴﻪ ﻏﺒﻴﻪ ﺷﺒﻴﻪ ﻣﺎ ﻛﻠﺘﻠﻪ ﻫﺬﺍ ﻣﺎﻟﻚ ﻣﻦ ﺍﻟﺒﺪﻟﻴﺔ ﻭ ﺻﻠﺮﺣﺘﻪ ﻭ ﺍﻻ ﺍﻧﻲ ﺷﻜﻮ ﻋﻔﺖ ﺍﻟﺮﺳﺎﻟﺔ ﻛﻠﺶ ﺯﻳﻦ ﺍﻋﺮﻑ ﻣﺨﻠﺪ ﺩﻭﻡ ﻳﺪﻭﺭ ﺑﻤﻮﺑﺎﻳﻠﻲ ، ﺷﻨﺴﺎﻧﻲ ﻫﺎﻟﺮﺳﺎﻟﺔ ﻫﺎﻱ

ﻳﺮﺑﻲ ﺭﺟﻠﻴﻪ ﻛﺎﻣﺖ ﺗﻮﺟﻌﻨﻲ ﻣﻦ ﺍﻟﺨﻮﻑ ﻳﺎ ﺍﻟﻠﻪ

ﺩﺍ ﺍﻓﺘﺮ ﻓﺎﺕ ﻫﻮ ، ﺳﻮﻳﺖ ﻧﻔﺴﻲ ﺍﻣﺸﻲ ﻟﻠﻤﻴﺰ ﺩﺍ ﺍﺭﺵ ﻋﻄﺮ ﻭ ﺍﻣﺸﻂ ﺷﻌﺮﻱ

ﻣﻦ ﺧﻮﻓﺘﻲ ﺑﺎﻟﻲ ﺍﻧﺸﻐﻞ ﻭﻛﻔﺖ ﺍﺗﻤﻜﻴﺞ ﻭ ﻣﺎ ﺍﺩﺭﻱ ﺑﺮﻭﺣﻲ ﻟﻤﺎ ﻛﻤﻠﺖ ﺷﻔﺖ ﺭﻭﺣﻲ ﺍﻣﺸﻄﺔ ﻭ ﺍﻣﻜﻴﺠﻪ : ﻳﺎﺍﺍ ﺍﻧﻲ ﺗﻤﻜﻴﺠﺖ ﻛﺪﺍﻣﻪ ﺍﻱ ﻏﻴﺮ ﺯﻋﻼﻧﻪ ﻣﻨﻪ ﺷﻌﻨﺪﻱ ﺗﻤﻜﻴﺠﺖ ﻫﺴﻪ ﺷﻴﻜﻮﻝ ﻋﻠﻴﻪ ﺩﺍ ﺗﻐﺮﻳﻨﻲ ﺗﺮﻳﺪﻧﻲ ﺍﺻﺎﻟﺤﻬﺎ ..

ﺍﻣﺴﺢ ﺍﻟﻤﻜﻴﺎﺝ ﺷﻌﻨﺪﻱ ﻣﺒﻘﻴﺘﻪ ﺭﺩﺕ ﺍﻣﺴﺢ

ﻟﻜﻔﺘﻪ ﺑﺎﻟﻤﺮﺍﻳﺎ ﻳﺒﺎﻭﻋﻠﻲ ﻣﻦ ﺟﻮﺍ ﺍﻟﺠﻮﺍ ﺑﻄﺮﻑ ﻋﻴﻨﻪ ﻭ ﻳﺪﻭﺭ ﻭﺟﻬﻪ، ﺩﺍ ﻳﺮﺍﻗﺐ ﺗﺼﺮﻓﺎﺗﻲ ﻭ ﺍﺫﺍ ﺍﻣﺴﺢ ﻫﺴﻪ ﻳﻜﻮﻝ ﻫﺎﻱ ﻋﺪﻫﺎ ﺷﻲ ﻭ ﻣﺪﺍ ﺗﻮﺯﻥ ﺗﺼﺮﻓﺎﺗﻬﺎ ﺗﺘﻤﻜﻴﺞ ﻭ ﺗﻤﺴﺢ

ﻋﻔﺖ ﺍﻟﻤﻜﻴﺎﺝ ﻭ ﺗﻮﺟﻬﺖ ﻟﻠﺴﺮﻳﺮ ﺍﻧﺎﻡ ..

ﺍﻧﻄﻴﺘﻪ ﺿﻬﺮﻱ ﻭ ﻧﻤﺖ ، ﺳﺤﺒﺖ ﺍﻟﻐﻄﺎ ﻣﻨﻪ ﻭ ﺑﻔﻴﺖ ﺍﻓﻜﺮ ﺭﺍﺩ ﻳﻨﺎﻡ ﺳﺤﺐ ﺍﻟﻐﻄﺎ ﺍﻟﺘﻒ ﺑﻴﻪ ﻭ ﺩﺍﺭ ﻭﺟﻪ ﻋﻨﻲ

ﻛﻌﺪﺕ : ﻫﺬﺍ ﻣﻦ ﻛﻞ ﻋﻘﻠﻪ ﻫﻮ ﺟﺎﻳﻨﻲ ﻳﻮﻣﻴﻦ ﻭ ﻳﻨﺎﻡ ﻭ ﻳﻨﻄﻴﻨﻲ ﺿﻬﺮﻩ ﻣﻴﻜﻮﻝ ﺯﻋﻼﻧﺔ

ﺳﺤﺒﺖ ﺍﻟﻐﻄﺎ ﻣﻦ ﻋﻨﺪﻩ ﻭ ﺍﺗﻐﻄﻴﺖ، ﻛﻌﺪ : ﻣﺪﺍ ﺗﺸﻮﻓﻴﻨﻲ ﻣﻨﻄﻤﺮ ﻧﺎﻳﻢ ﻟﻴﺶ ﺗﺴﺤﺒﻴﻦ ﺍﻟﻐﻄﺎ

- ﻭﺍﻟﻠﻪ ﻫﻮ ﻏﻄﺎﻳﻪ ﻭ ﺑﻜﻴﻔﻲ

- ﻫﺎ ﺑﻜﻴﻔﺞ ﻳﻌﻨﻲ ﺍﻧﻲ ﻫﻨﺎ ﻣﺠﺮﺩ ﻟﺰﻛﺔ ﺟﺎﻱ ﻋﻠﻴﺞ ، ﺍﻱ ﺯﻳﻦ ﺍﺧﺬﻱ ﺍﻟﻐﻄﺎ ﻭ ﺍﻟﺒﻴﺖ ﺍﻟﺞ ﻭ ﺍﻃﻠﻊ ﻛﻠﺐ ﺍﺑﻦ ﻛﻠﺐ ﺍﺫﺍ ﻋﺘﺒﺖ ﻫﺎﻟﺒﻴﺖ ﺑﻌﺪ

ﻛﺎﻡ ﻣﻦ ﻳﻤﻲ ﺳﺤﺐ ﺑﻨﻄﺮﻭﻧﻪ ﻳﺮﻳﺪ ﻳﻠﺒﺲ

- ﻫﺎﻱ ﺷﺒﻴﻚ ﻣﺨﻠﺪ ﺍﺩﻭﺭ ﺍﻟﺰﻟﺔ ﺣﺘﻰ ﺗﺰﻋﻞ

......

ﺍﻧﻲ ﺍﻟﻠﻲ ﺍﻻﺗﺰﻋﻞ ﻟﺞ ﺣﻴﻮﺍﻧﻪ ﻟﻮ ﻣﺎ ﺍﻧﺖ ﺍﻟﻠﻲ ﻛﺎﻟﺒﺔ ﺧﻠﻘﺘﺞ ﻋﻠﻴﻪ ﻭﻻ ﺗﻜﻮﻟﻴﻦ ﺟﺎﻳﻨﻲ ﻳﻮﻡ ﻭﺍﺣﺪ ﺑﻼ ﻫﺎﻟﺴﻮﺍﻟﻒ ﺍﻟﺘﻌﺒﺎﻧﻪ ﺑﺲ ﺍﻧﻲ ﻣﺎﻟﻲ ﺧﻠﻚ ﻫﺎﻟﺴﻮﺍﻟﻒ ﺍﺭﻭﺡ ﻣﻨﺎ ﻭ ﺍﺗﻔﻠﻲ ﺑﻮﺟﻬﻲ ﻟﻮ ﺍﺟﻴﺘﺞ ﺑﻌﺪ ﺑﺴﻴﻄﺔ

ﻛﻤﺖ ﻣﻦ ﻣﻜﺎﻧﻲ ﺳﺤﺒﺖ ﺍﻟﻤﻼﺑﺲ ﻣﻦ ﻋﻨﺪﺓ : ﺍﻧﺖ ﺩﺍ ﺗﻜﺒﺮ ﺍﻟﻤﻮﺿﻮﻉ ﺣﻴﻞ ﺍﻧﻲ ﺿﺠﺖ ﻣﻨﻚ ﻻﻥ ﺍﻧﺖ ﺩﺍ ﺗﺸﻚ ﺑﻴﻪ ﻭ ﻣﺪﺍ ﺗﺜﻖ

- ﻟﺞ ﻣﻮ ﺍﻟﺴﺎﻧﻲ ﺯﻓﺮ ﻻ ﺗﺨﻠﻴﻨﻲ ﻫﺴﻪ ﺍﻧﺰﻝ ﺑﻴﺞ ﻛﻠﺘﻠﺞ ﻣﺎ ﺷﺎﻙ ﺭﺩﺕ ﺍﻋﺮﻑ ﺻﺎﺣﺐ ﺍﻟﺮﻗﻢ ﻣﻨﻮ ﺍﻧﺖ ﺍﻟﻠﻲ ﻛﻤﺘﻲ ﺗﺮﺟﻔﻴﻦ ﻭ ﺑﻜﺘﻲ ﻫﻮﻯ ﻭ ﺧﻮﻓﺞ ﻫﺬﺍ ﺧﺎﻳﻒ ﻣﻨﻪ

- ﻣﺨﺎﻳﻔﺔ ﺍﻧﻲ ﻋﻠﻰ ﺷﻨﻮ ﺩﺍ ﺍﺧﺎﻑ ﺑﺲ ﺍﻧﺖ ﺗﻠﺰﻡ ﺟﻬﺎﺯﻱ ﻭ ﺍﺩﻭﺭ ﺑﻴﻪ ﻋﻴﺐ ﺗﻘﺒﻞ ﺍﺳﻮﻱ ﻭﻳﺎﻙ ﻫﺸﻜﻞ ﻭ ﺍﺩﻭﺭ ﻭﺭﺍﻙ ﻫﺎﻻﻣﻮﺭ ﺗﻌﺒﺮ ﻋﻦ ﻋﺪﻡ ﺛﻘﺔ

- ﻫﺬﺍ ﺟﻬﺎﺯﻱ ﺑﻴﻦ ﺍﺩﻳﺞ ﻭﻻ ﻣﺮﻩ ﻣﻨﻌﺘﺞ ﺗﻠﺰﻣﻴﻪ ﻟﻮ ﺗﻔﺘﺸﻴﻦ ﺑﻴﻪ، ﻭ ﻣﻦ ﺣﻘﻲ ﺍﺩﻭﺭ ﺟﻬﺎﺯﺝ ﺍﻧﻲ ﺍﻏﻴﺐ ﻋﻨﺞ ﺍﺳﺒﻮﻉ ﺷﻌﺮﻑ ﻋﻦ ﺷﻐﻠﺞ ﺑﻐﻴﺒﺎﺑﻲ ﺷﻨﻮ ﺗﺮﻳﺪﻳﻦ ﺗﻨﻮﻣﻴﻨﻲ ﻭ ﺭﺟﻠﻴﺔ ﺗﺨﻠﻴﻬﻦ ﺑﺎﻟﺸﻤﺲ

- ﺍﻱ ﺭﺟﻠﻴﻦ ﻫﺎﻱ ﺍﻱ ﺷﻤﺲ ، ﺗﻜﺪﺭ ﺗﻄﻠﺐ ﻣﻨﻲ ﻭ ﺗﺴﺄﻟﻨﻲ ﻭ ﺍﻧﻲ ﻭ ﺍﺳﻮﻟﻔﻠﻚ ﻛﻠﺸﻲ، ﻋﻮﻑ ﺍﻟﻤﻼﺑﺲ ﻭﻻ ﺗﻜﺒﺮﻫﺎ ﻭ ﺑﻌﺪﻳﻦ ﺍﻟﺰﻋﻠﻪ ﺯﻋﻠﺘﻲ ﻻ ﺗﺒﻮﻛﻬﺎ

- ﺣﻠﻮ ﻭﺍﻟﻠﻪ ﺯﻋﻠﺘﺞ ﻟﻴﺶ ﻳﺎﺑﺔ ﺷﺴﻮﻳﺖ، ﻛﺘﻠﺞ ﻫﺬﺍ ﺷﺎﻙ ﻳﻌﺮﻓﺞ ﻭ ﺍﺭﻳﺪ ﺍﻋﺮﻓﻪ ﺣﺘﻰ ﻻ ﺍﺧﺬ ﺣﺬﺭﻱ ﻣﻨﻪ ﻭ ﺍﺣﺬﺭﺝ ﺣﺘﻰ ﻻ ﻳﺄﺫﻳﺞ ، ﺑﺲ ﺍﻧﺖ ﻣﺼﺮﺓ ﺍﻧﻮ ﺧﻮﻓﻲ ﻋﻠﻴﺞ ﺷﻚ ﻭ ﺍﺫﺍ ﺍﻧﺖ ﺩﺍ ﺗﺨﺘﺮﻋﻴﻦ ﺷﻐﻼﺕ ﻣﻦ ﺑﺎﻟﺞ ﻭ ﺗﺰﻋﻠﻴﻦ ﺍﻧﻲ ﻣﺎ ﻣﺠﺒﻮﺭ ﺍﺭﺍﺿﻴﺞ ﻋﻠﻰ ﺳﻮﺍﻟﻒ ﺍﻧﻲ ﻣﺎ ﻏﻠﻄﺎﻥ ﺑﻴﻬﺎ ﺩﺍ ﺍﺗﺤﻘﻖ ﻣﻦ ﻫﺬﺍ ﻟﻤﺼﻠﺤﺘﺞ ﺍﻧﺖ ﻟﻴﺶ ﺍﺣﺴﺞ ﺍﺭﺗﺒﻜﺘﻲ ﻭ ﻛﺄﻥ ﺩﺍ ﺗﺨﻔﻴﻦ ﺷﻲ

- ﺍﺧﻔﻲ ﺷﻨﻮ ﺑﺲ ﺗﻌﺮﻓﻨﻲ ﻫﺎﻻﺳﺎﻟﻴﺐ ﻣﺎ ﺍﺣﺒﻬﺎ ﻭ ﺑﻌﺪﻳﻦ ﺍﻧﺖ ﺗﻌﺪﻳﺖ ﻋﻠﻴﻪ ﻭ ﻏﻠﻄﺖ ﻭ ﺣﺘﻰ ﺧﻨﻜﺘﻨﻲ

- ﻣﻦ ﺍﻳﺪﺝ ﻏﻴﺮ ﺍﻧﺖ ﺗﻠﻮﺻﻴﻦ ﺑﺎﻟﺤﺠﻲ ﻭ ﺗﺨﻠﻴﻨﻲ ﺍﻋﺼﺎﺑﻲ ﺗﻄﻠﻊ ﻋﻠﻴﺞ

- ﻫﻤﻢ ﺍﻫﺬﺕ ﺍﻟﺒﻨﻄﺮﻭﻥ ﺭﺗﺒﺘﻪ ﺑﺎﻟﻜﻨﺘﻮﺭ ﻭ ﺭﺟﻌﺖ ﻟﻠﺴﺮﻳﺮ ﺍﻧﺎﻡ

- ﻳﻌﻨﻲ ﺍﻓﻬﻢ ﻣﻦ ﺗﺼﺮﻓﺞ ﻣﺎ ﺗﺮﻳﺪﻳﻦ ﺗﺤﻀﻨﻴﻨﻲ ﺣﺘﻰ ﻧﺘﻌﺪﻯ ﺍﻟﻤﻮﺿﻮﻉ

- ﻭﻟﻴﺶ ﻣﻮ ﺍﻧﺖ ﺍﻟﺘﺤﻀﻨﻲ ﻟﻴﺶ ﺍﻧﻲ ﺷﺴﻮﻳﺖ ﻭ ﺑﺸﻨﻮ ﻏﻠﻄﺖ

ﺿﺤﻚ ﻭ ﺳﺤﺒﻨﻲ ﻟﺤﻀﻨﻪ : ﺍﻡ ﺭﺍﺱ ﺍﻟﻴﺎﺑﺲ ﺍﻧﻲ ﺭﺟﻠﺞ ﺍﺗﻨﺎﺯﻟﻲ ﻭ ﻃﺨﻲ ﺭﺍﺳﺞ ﺍﻓﺘﻬﻤﺘﻲ

- ﺑﺲ ﻣﻮ ﻋﻠﻰ ﺣﺴﺎﺏ ﻛﺮﺍﻣﺘﺞ

- ﻣﻮ ﺍﻧﺰﻝ ﺑﻜﺮﺍﻣﺘﺞ ﻫّﻲ ****** ﻫﻮ ﻣﻨﻮ ﻫﺎﻳﻦ ﻛﺮﺍﻣﺘﺞ ﺗﺮﺍ ﺍﻧﺖ ﺍﻟﻤﻜﺒﺮﺓ ﺍﻟﻤﻮﺿﻮﻉ ﻭ ﻣﻨﻄﻴﺘﻪ ﺍﻛﺒﺮ ﻣﻦ ﺣﺠﻤﺔ

ﺳﺄﻟﺖ ﻣﻨﻮ ﻫﺬﺍ ﺍﻟﻜﺎﺗﺒﻠﺞ ﻫﻴﺞ ﻛﻮﻟﻴﻠﻲ ﻫﺬﺍ ﺍﻟﺰﻋﺠﻨﻲ ﻭ ﻳﺎ ﺭﻳﺖ ﺗﻌﺮﻓﻪ ﻣﻨﻮ ﻻﻥ ﺍﺳﺘﻔﺰﻧﻲ ﺑﻜﻼﻣﻪ ﻭ ﻳﻐﻠﻂ ، ﻣﻮ ﺗﺮﻭﺣﻴﻦ ﺗﻜﻠﺒﻴﻦ ﺍﻟﺪﻧﻴﺎ

- ﻣﻮ ﻛﺎﻧﻮ ﻟﺤﻴﻨﺎ ﺑﻬﺎﻱ ﺍﻟﺴﺎﻟﻔﺔ ﻫﻮﺍﻳﻪ ﻣﻨﺎﻭﻱ ﺗﺘﻌﺪﺍﻫﺎ ؟

- ﻟﺞ ﻫﻲ ***** ﺷﻮ ﺯﻋﻼﻧﻪ ﻭ ﺻﺎﻟﺤﻨﻲ ﻭ ﺧﺎﺑﺼﺔ ﻧﻔﺴﺞ ﻭ ﺗﻜﻠﻴﻠﻲ ﻟﺤﻴﺖ ، ﺍﻧﻲ ﻟﻮ ﺍﻧﺖ ؟

- ﺍﻭﻛﻲ ﺍﻭﻛﻲ ﺍﻗﻔﻞ ﻭ ﻏﻴﺮ ﺍﻟﻤﻮﺿﻮﻉ ﻭ ﺍﺣﺠﻲ ﺑﻐﻴﺮﺓ ﻳﻼ

- ﻣﺎ ﺍﺭﻳﺪ ﺍﺣﺠﻲ ﻧﺎﻣﻲ ﻭ ﺧﻠﺼﻴﻨﻲ ﻣﻦ ﺍﻟﺴﺎﻧﺞ ﻭ ﺑﺲ

ﺣﻄﻴﺖ ﺭﺍﺳﻲ ﺑﺼﺪﺭﻩ ﻭ ﺩﺍ ﺍﻧﺎﻡ ﺑﺎﺱ ﺭﺍﺳﻲ ﻭ ﻫﻮ ﻳﻜﻮﻝ : ﺷﻜﺪ ﻋﻴﺎﺭﺓ ﻋﻮﺩ ﺯﻋﻼﻧﻪ ﻭ ﻫﻲ ﻭﻛﻔﺖ ﺗﺘﻤﻜﻴﺞ ﻭ ﺗﺘﻌﻄﺮ ﻛﺪﺍﻣﻲ ﻭ ﺗﻔﺮ ﻣﻨﺎ ﻭ ﺗﺠﻲ ﻣﻨﺎ ﺗﺤﻮﺱ ﺗﺮﻳﺪﻧﻲ ﺍﺻﺎﻟﺤﻬﺎ ، ﻋﻮﺩ ﺗﺴﺘﺤﻴﻦ ﺗﻘﺮﺑﻲ ﻭ ﻛﻮﻟﻲ ﻳﻼ ﺧﻞ ﻧﺼﺎﻟﺢ ﻟﻴﺶ ﺗﻔﺮﻳﻦ ﺍﻟﺴﻮﺍﻟﻒ ﻋﻠﻰ ﺭﻭﺣﺞ

- ﺍﻭﻭﻭ ﻻ ﺗﺤﺠﻲ ﻫﻴﺞ ﻣﺎﻟﻚ ﻛﺎﻓﻲ

ﺭﻓﻊ ﺣﺎﺟﺒﻪ : ﺑﺲ ﺍﻧﻲ ﻣﺨﻠﺪ ﻣﻮ ﻣﺎﻟﻚ ﻻ ﺗﺨﻠﻄﻴﻦ ﺑﺎﻻﻣﻮﺭ

- ﺍﺍﺍﺍ ﺍﺳﻔﺔ ﻭﺍﻟﻠﻪ ﺍﺳﻔﺔ ﺯﻟﺔ ﺍﻟﺴﺎﻥ ﻣﺎ ﺍﺩﺭﻱ ﻣﺨﻠﺪ ﺍﻟﻠﻪ ﻋﻠﻴﻚ ﻻ ﺗﻌﺘﺒﺮﻫﺎ ﺍﻱ ﺷﻲ

- ﻻ ﻋﺎﺩﻱ ﺣﺒﻴﺒﺘﻲ ﺯﻣﻦ ﺗﺼﻴﺮ ﻫﺎﻻﻣﻮﺭ

ﻋﻘﺪﺕ ﺣﺎﺟﺒﻲ : ﺯﻣﻦ ﺷﻨﻮ ؟

- ﺍﻭﻭﻭ ﺯﻟﺔ ﺍﻟﺴﺎﻥ ﺍﺳﻒ ﻗﺼﺪﻱ ﻟﺠﻴﻦ

ﻛﻤﺖ ﻣﻦ ﺣﻀﻨﻪ : ﺗﺮﺍ ﻣﺎ ﺣﺠﻴﺘﻬﺎ ﻣﺘﻌﻤﺪﻩ ﻣﺎﻛﻮ ﺩﺍﻋﻲ ﺗﺘﻌﻤﺪ ﺗﻐﻠﻂ ﻛﺪﺍﻣﻲ ﺣﺘﻰ ﺗﺴﻮﻳﻬﺎ ﻭﺣﺪﺓ ﺑﻮﺣﺪﺓ

ﺭﺟﻌﻨﻲ ﻟﺤﻀﻨﺔ : ﺩﺍ ﺍﺗﺸﺎﻗﻰ ﻭﻳﺎﺝ ﺣﺒﻴﺒﺘﻲ، ﻳﻼ ﻧﺎﻣﻲ

- ﺗﻌﺸﻴﺖ

- ﺍﻱ ﺍﻛﻠﺖ ﻗﺒﻞ ﺷﻮﻳﺔ ﻻ ﺗﻔﻜﺮﻳﻦ ﻧﺎﻣﻲ

ﺑﻘﻰ ﻣﺨﻠﻴﻨﻲ ﻋﻠﻰ ﺍﻳﺪﺓ ﻭ ﻳﻤﺴﺢ ﻋﻠﻰ ﺭﺍﺳﻲ .. ﻟﺤﺪ ﻣﺎ ﻏﻔﻴﺖ ﻭ ﺣﺘﻰ ﻫﻮ ﻧﺎﻡ

ﺍﻟﺼﺒﺢ ﺗﻘﺮﻳﺒﺎ ﺍﻟﺴﺎﻋﺔ ﺏ٨ ﺍﻟﺼﺒﺢ ﺳﻤﻌﺖ ﺻﻮﺕ ﻣﺨﻠﺪ ﺩﺍ ﻳﺪﻙ .. ﺷﻠﺖ ﺭﺍﺳﻲ ﻣﻦ ﺍﻳﺪﺓ ، ﺑﺎﻭﻋﺘﻪ ﻟﻜﻴﺘﻪ ﺭﻗﻢ ﻣﺎﻟﻚ ، ﻓﺘﺤﺖ ﻋﻴﻮﻧﻲ ﻭ ﺍﻧﻄﻴﺘﻪ ﺭﻓﺾ ﺑﺴﺮﻋﺔ

ﺷﺎﻝ ﺭﺍﺳﻪ ﻫﻮ : ﻣﻨﻮ ﺣﺒﻴﺒﻲ

- ﺍﺍﺍﺍ ﻣﺎ ﺍﻋﺮﻑ ﺭﻗﻢ ﻏﺮﻳﺐ ﺍﺗﺼﻞ ﻭ ﻏﻠﻘﺔ، ﻋﻮﻓﻪ

ﻃﻔﻴﺖ ﺍﻟﺠﻬﺎﺯ ﺑﻼ ﻣﺎ ﻳﺪﺭﻱ ﻭ ﺩﺍ ﺍﻟﺘﻔﺖ ﺍﺭﺟﻊ ﺍﻧﺎﻡ ﻋﻠﻰ ﺍﻳﺪﻩ ﺟﺎﻥ ﻳﻜﻮﻝ

- ﻻ ﺍﻧﻄﻴﻨﻲ ﺍﻟﺠﻬﺎﺯ ﺧﺎﻑ ﺍﻟﺮﻗﻢ ﻣﻦ ﺍﻟﺪﺍﺋﺮﺓ ﺩﺍ ﻳﺘﺼﻠﻮﻥ ﻋﻠﻴﻪ

ﻭﺳﺤﺐ ﺍﻟﺠﻬﺎﺯ ﻋﻘﺪ ﺣﺎﺟﺒﺔ ﻭ ﻫﻮ ﻣﻨﻌﺲ ﻭ ﻛﺎﻝ : ﻫﺎﻱ ﻟﻴﺶ ﻃﻔﻴﺘﻲ

- ﻣﺎ ﺍﺩﺭﻱ ﻫﻮ ﻃﻔﻰ

ﺷﻐﻠﺔ ﺩﻭﺭ ﻉ ﺍﻟﺮﻗﻢ ﺍﻟﻠﻲ ﺍﺗﺼﻞ ، ﻭ ﺭﺟﻊ ﺍﺗﺼﻞ ﺑﻴﻪ

ﻫﻨﺎ ﺍﺣﺲ ﻛﻠﺒﻲ ﺻﺎﺭ ﻃﺒﻞ ﻣﻦ ﺍﻟﺮﻋﺐ ﻭ ﺍﻟﺨﻮﻑ، ﺭﺩ ﻭ ﻛﺎﻝ : ﺍﻟﻮﻭ

ﻣﺎﻟﻚ : ﻣﻨﻮ ﺍﻧﺖ ؟

- ﺍﻧﺖ ﺍﻟﻤﺘﺼﻞ

- ﻻ ﺍﻏﺎﺗﻲ ﺍﻧﺖ ﺍﻟﻤﺘﺼﻞ ﻋﻠﻴﻪ ﺍﻟﺒﺎﺭﺣﺔ

ﺑﺎﻭﻉ ﻣﺨﻠﺪ ﺑﺎﻟﺮﻗﻢ ﻭ ﺭﻛﺰ ﺑﻴﻪ ﻋﺮﻓﺔ ﺍﻟﺮﻗﻢ ﺍﻟﺒﺎﺭﺣﺔ ﺍﻟﻠﻲ ﺍﺗﺼﻞ ﺑﻴﻪ : ﻣﻨﻮ ﺍﻧﺖ

- ﻣﺘﺼﻞ ﻭ ﺗﺴﺄﻟﻨﻲ ﻣﻨﻮ

- ﺟﺎﻭﺏ ﺑﻼ ﺗﻨﻌﺜﻞ ﻟﻚ

- ﻫﻬﻬﻬﻬﻪ ﻟﻚ ﺍﻧﺖ ﻣﻨﻮ

- ﻣﻌﻠﻴﻚ ﺍﻧﻲ ﻣﻨﻮ ﺍﻧﺖ ﻣﻀﺎﻳﻖ ﺯﻭﺟﺘﻲ ﻣﻦ ﻫﺬﺍ ﺍﻟﺮﻗﻢ

- ﺯﻭﺟﺘﻚ ! ﺯﻭﺟﺘﻚ ﻣﻨﻮ ؟ ﺍﻧﺖ ﺷﺎﺭﺏ ﻟﻮ ﻣﺘﻌﺎﻃﻲ ﻳﺎﺑﻪ ؟

- ﺍﻧﺠﺐ ﻟﻚ ﻭﺍﺣﺪ ﻗﻨﺪﺭﺓ ﻣﺜﻠﻚ ﻣﺎ ﻳﺤﺠﻲ ﻭﻳﺎﻱ ﺑﻬﺎﻻﺳﻠﻮﺏ ﻛﻮﻝ ﻣﻨﻮ ﺍﻧﺖ

- ﻫﻬﻬﻬﻪ ﺍﻧﻲ ﺍﺳﻤﻲ ﻣﺎﻟﻚ ﺑﺲ ﻣﺎ ﻛﻠﺘﻠﻲ ﺯﻭﺟﺘﻚ ﻣﻨﻮ ؟

ﺍﻟﺘﻔﺘﻠﻲ ﻣﺨﻠﺪ ﻭ ﻫﻮ ﻓﺎﺗﺢ ﻋﻴﻮﻧﻪ ﺑﺨﺰﺭﺓ ...... ﻳﺘﺒﻊ

☆☆☆☆☆☆☆

# ﺯﻳﻨﺐ _ ﻣﺎﺟﺪ

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤