رواية خطوات نحو الجحيم ج3 الجزء الثامن

رواية خطوات نحو الجحيم ج3 الجزء الثامن

للكاتبة زينب ماجد

....

ﺩﺧﻮﻝ ﺍﻟﻨﺎﺭ ﻻ ﻳﻌﻨﻲ ﺍﻟﺒﻘﺎﺀ ﻓﻴﻬﺎ

ﻭ ﺧﻄﻮﺍﺗﻚ ﺍﻟﺘﻲ ﺳﺮﺕ ﺑﻬﺎ ﺍﻟﻰ ﺍﻟﺠﺤﻴﻢ

ﺭﺑﻤﺎ ﺳﺘﻜﻮﻥ ﻟﻚ ﻳﻮﻣﺎ ﺧﻄﻮﺍﺕ ﻋﻜﺴﻴﺔ

ﺍﻟﻌﺮﺍﻕ _ ﺑﻐﺪﺍﺩ

ﻣﺨﻠﺪ -: ﻭ ﻫﺴﺔ ﻣﻮﺍﻓﻘﺔ ﺗﺘﺰﻭﺟﻴﻨﻲ ؟

... ﺍﺑﺘﺴﻤﺖ ﻭ ﺩﺭﺕ ﻭﺟﻬﻲ، ﻫﻮ ﺍﺑﺘﺴﻢ ﻭ ﺣﺮﻙ ﺍﻟﺴﻴﺎﺭﺓ

ﺭﺣﻨﺎ ﺍﻧﻲ ﻭﻳﺎ ﻟﺘﺴﺠﻴﻞ ﺍﻟﻌﻘﺎﺭﻱ ﻗﺪﻡ ﻣﺴﺘﻤﺴﻜﺎﺗﻲ ﻭ ﻣﺴﺘﻤﺴﻜﺎﺗﻪ ﻭ ﺳﻮﺍ ﺗﻨﺎﺯﻝ ﺍﻟﻲ ﺑﺎﻟﺒﻴﺖ ، ﻛﻤﻠﻨﺎ ﻭ ﺭﺟﻌﻨﺎ ﻛﻠﺖ ﻟﻪ : ﺷﻮﻛﺖ ﻣﻘﺮﺭ ﺍﻟﺰﻭﺍﺝ ؟

- ﻣﺴﺘﻌﺠﻠﻪ !

- ﻻ ﻳﺎ ﻣﺴﺘﻌﺠﻠﻪ ﺑﺲ ﺣﺘﻰ ﺍﻋﺮﻑ ﺍﺭﺗﺐ ﺍﻣﻮﺭﻱ ﺍﺭﺗﺐ ﺍﻟﺒﻴﺖ ﺍﻏﻴﺮ ﺩﻳﻜﻮﺭﻩ

- ﺍﻧﻲ ﻣﺄﺛﺜﻪ

- ﻻ ﺍﺭﻳﺪ ﺍﻏﻴﺮ ﺩﻳﻜﻮﺭﻩ ﻋﻠﻰ ﻣﺰﺍﺟﻲ

- ﻟﺠﻴﻦ ﺗﺮﺍ ﻣﺎ ﻋﻨﺪﻱ ﻓﻠﻮﺱ ﺑﺎﻟﻘﺮﺍﻥ ﻣﻄﻠﻮﺏ

- ﻭﺷﻜﻮ ﺑﺠﻴﺖ ﺑﻮﺟﻬﻲ ﺗﺮﺍ ﻣﻄﺎﻟﺒﺔ ﻣﻨﻚ ﺗﻨﻄﻴﻨﻲ

- ﻣﺎ ﺗﺮﻳﺪﻳﻦ ﻧﻴﺸﺎﻥ ﻏﺮﻓﺔ ﻧﻮﻡ ﻏﻴﺮ ﻫﺎﻱ ﺳﻮﺍﻟﻔﺠﻦ

- ﺍﻛﻮﻟﻚ ﺍﻧﻲ ﺿﺎﺭﺑﻪ ﺍﻟﻘﺎﻋﺪﺓ ﺣﺘﻰ ﺑﻬﺬﻩ ﺗﺮﺍ، ﻳﻌﻨﻲ ﻧﻴﺸﺎﻥ ﺷﺘﺮﻳﺪ ﺗﺸﺘﺮﻳﻠﻲ ﺍﻧﻲ ﺍﺷﺘﻐﻞ ﺍﻋﻼﻥ ﻭ ﺍﻓﺨﻢ ﺍﻟﻤﻼﺑﺲ ﻭ ﺍﻟﻤﻜﻴﺎﺝ ﻭ ﺍﻟﺠﻨﻂ ﻭ ﺍﻻﺣﺬﻳﺔ ﺍﺳﺘﻮﺭﺩ ﻭ ﺍﻧﺸﺮ ، ﺍﻃﻠﺐ ﻣﻨﻚ ﻧﻴﺸﺎﻥ ﺷﺘﺸﺘﺮﻳﻠﻲ ﻣﺜﻼ

- ﺯﻳﻦ ﻫﺬﺍ ﺍﻻﻋﻼﻥ ﻫﻢ ﺗﺴﺘﻤﺮﻳﻦ ﺑﻴﻪ ﺑﻌﺪ ﺍﻟﺰﻭﺍﺝ !

- ﻫﻼﻭﻭﻭﻭ ﻟﻌﺪ ﺷﺘﻔﻘﻨﺎ ﺍﻟﺒﺎﺭﺣﺔ ﻣﻮ ﻛﻠﺖ ﻣﺘﺪﺧﻞ ﺑﺸﻐﻠﻲ

- ﺗﺮﺍ ﺩﺍ ﺍﺣﺠﻲ ﻭﻳﺎﺝ ﻣﻦ ﺑﺎﺏ ﺍﻟﺘﻔﺎﻫﻢ ﻣﺪﺍ ﺍﻓﺮﺽ ﻟﻴﺶ ﺍﺣﺴﺞ ﻛﻮﻩ ﻋﻠﻰ ﺍﻟﻠﻪ ﻣﺘﺤﻤﻠﺘﻨﻲ

- ﻻ ﺑﺲ ﺳﺆﺍﻟﻚ ﻣﻮ ﻣﻌﻘﻮﻝ ﺗﻌﺮﻑ ﻫﺬﺍ ﺷﻐﻠﻲ ﻭ ﺍﺗﻔﻘﺖ ﻭﻳﺎﻙ ﻭ ﺗﻜﻮﻟﻲ ﻭﺭﺍ ﺍﻟﺰﻭﺍﺝ ﺗﺴﺘﻤﺮﻳﻦ ﻟﻮ ﺗﺒﻄﻠﻴﻦ

- ﺍﻱ ﻣﺎﺷﻲ ﻣﺎﺷﻲ ﺍﻓﺘﻬﻤﻨﺎ ﻳﻼ ﺑﺲ ﺍﺳﻜﺘﻲ ﻣﻮ ﺻﻮﺟﺞ ﺻﻮﺝ ﺍﻟﻴﺤﺠﻲ ﻭﻳﺎﺝ

- ﺷﺒﻴﻚ ﻣﺨﻠﺪ !

- ﻧﺰﻟﻲ ﻟﺠﻴﻦ ﺧﻠﻴﻨﻲ ﺍﺭﺟﻊ ﻟﺸﻐﻠﻲ

- ﺍﺭﻳﺪ ﺍﺭﻭﺡ ﻟﻠﺒﻴﺖ ﺩﻟﻴﻨﻲ ﺑﻴﻪ

- ﻣﻮ ﻫﺴﻪ ﺑﻌﺪﻳﻦ ﺭﻭﺣﻲ

- ﻫﺎﻱ ﺍﺷﺒﻴﻚ ﺗﻨﺘﺮ ﻭ ﺍﻃﺮﺩ ﺑﻴﻪ

- ﻷﻥ ﺍﻧﺖ ﻛﻮﻩ ﻣﺘﺤﻤﻠﺘﻨﻲ

- ﻭ ﺷﺤﺠﻴﺖ ﻭﻳﺎﻙ ؟ !

- ﺩﻧﺰﻟﻲ ﻳﻼ ﺍﻧﺰﻟﻲ

ﺭﻓﻌﺖ ﺣﻮﺍﺟﺒﻲ ﺑﺘﻀﺎﻳﻖ ﻭ ﺑﺎﻭﻋﺘﻠﻪ ، ﻫﺰﻳﺖ ﺍﻳﺪﻱ ﻭ ﻧﺰﻟﺖ ﻣﺸﻴﺖ ﻛﺪﺍﻡ ﻣﺎ ﻓﺘﺖ ﻟﻠﺒﻴﺖ

- ﻭﻳﻦ ﺭﺍﻳﺤﺔ ﻓﻮﺗﻲ ﻟﻠﺒﻴﺖ

ﻃﻠﻌﺖ ﺳﻮﻳﺞ ﺳﻴﺎﺭﺗﻲ ﻣﻦ ﺟﻮﺯﺩﺍﻧﻲ ﻭ ﺻﻌﺪﺕ، ﻛﺎﻡ ﻳﺨﺰﺭﻧﻲ : ﻭﻳﻦ ﺭﺍﻳﺤﻪ

- ﻣﻮ ﻣﺴﺘﻌﺠﻞ ﺭﻭﺡ ﻳﻼ ﺷﻮﻑ ﺷﻐﻠﻚ

- ﻃﻔﻰ ﺍﻟﺴﻴﺎﺭﺓ ﻭ ﻧﺰﻝ ﻋﺼﺒﻲ ﻭ ﺿﺮﺏ ﺑﺎﺏ ﺍﻟﺴﻴﺎﺭﺓ ﻭ ﺍﺟﺎ ﻳﻤﻲ ﻓﺘﺢ ﺍﻟﺒﺎﺏ ﻭ ﺻﺮﺥ : ﺷﺒﻴﺞ ؟

- ﻭﺍﻟﻠﻪ ﺍﺳﺄﻝ ﻧﻔﺴﻚ ﺗﻨﺘﺮ ﻋﻠﻴﻪ ﻭ ﺗﺼﻴﺢ ﻭ ﻛﺄﻥ ﻃﻔﻠﺔ ﻋﻨﺪﻙ ﻫﺎﻱ ﺑﻌﺪﻧﺎ ﻣﺎ ﺗﺰﻭﺟﻨﺎ ﻭ ﺍﺫﺍ ﻧﺎﻭﻱ ﺗﻀﻞ ﻋﻠﻰ ﻫﺬﺍ ﺍﻻﺳﻠﻮﺏ ﻫﺴﻪ ﺍﺭﺟﻊ ﻛﻠﺸﻲ ﻭ ﺍﺷﻚ ﻭﺭﻗﺔ ﺍﻟﺘﻨﺎﺯﻝ ﻭﻻ ﺗﺘﺼﺪﻕ ﻭﻻ ﺍﺑﺪ ﻭﻛﻞ ﻭﺍﺣﺪ ﻳﺮﺟﻊ ﻟﻤﻜﺎﻧﻪ ﻳﻼ

.......

ﺭﺍﺩ ﻳﺤﺠﻲ ﺳﺤﺒﺖ ﺑﺎﺏ ﺍﻟﺴﻴﺎﺭﺓ ﻗﻔﻠﺘﻪ ﻭ ﺷﺤﻄﺘﻬﺎ ﻣﺎ ﺍﻋﺮﻑ ﺷﺒﻘﻰ ﻳﺼﻴﺢ ﻭﺭﺍﻳﺎ ﻣﻬﺘﻤﻴﺖ ، ﺟﺎﻧﺖ ﺣﺎﺭﺓ ﺍﻟﺪﻧﻴﺎ ﻣﻮ ﻣﺎﻝ ﻃﻠﻌﺔ ﺍﺑﺪ ﻛﻠﺶ ﻣﺰﻋﺞ ﺍﻟﺠﻮ ﻓﻠﻔﻴﺖ ﺍﻟﻔﺮﻉ ﻭ ﺭﺟﻌﺖ ﻟﻜﻴﺘﻪ ﻣﺎﻛﻮ، ﺻﻔﻴﺖ ﺍﻟﺴﻴﺎﺭﺓ ﻭ ﺩﺧﻠﺖ ﻟﺒﻴﺖ ﻋﻤﻮ

ﺳﺄﻟﺘﻨﻲ ﻣﺎﻣﺎ ﻭ ﻋﻤﻮ ﻋﻠﻰ ﺍﻟﻤﻌﺎﻣﻠﺔ ﺟﺎﻭﺑﺘﻬﻢ ﺑﺲ ﻋﺮﻓﻮﺍ ﻣﻦ ﺧﻼﻝ ﻧﺒﺮﺗﻲ ﺑﺎﻟﻜﻼﻡ ﻣﺘﻀﺎﻳﻘﺔ ﺳﺄﻟﻮ : ﺷﻜﻮ

ﻛﻠﺘﻠﻬﻢ : ﻣﺎﻛﻮ ﺷﻲ ﺑﺲ ﺍﻟﺠﻮ ﺣﺎﺭ ﻭ ﺗﻌﺒﺎﻧﻪ

ﻓﺘﺖ ﺳﺒﺤﺖ ﺷﻮﻳﻪ ﻫﺪﻳﺖ ﻛﻌﺪﺕ ﻭﻳﺎ ﻣﺎﻣﺎ ﺑﺎﻻﺳﺘﻘﺒﺎﻝ ﺗﻐﺪﻳﻨﺎ ﻭ ﻭﺭﺍﻫﺎ ﺟﺎﻱ ﻭ ﺑﻘﻴﻨﺎ ﻣﺘﻤﺪﺩﻳﻦ ﻉ ﺍﻟﺴﺒﻠﺖ ﻭ ﻧﺴﻮﻟﻒ

ﻟﻠﻌﺼﺮ ﺍﺟﺎ ﻣﺨﻠﺪ ﺭﺩﺗﺖ ﺍﻓﻮﺕ ﺟﻮﺍ ، ﺻﺎﺡ ﻋﻠﻴﻪ : ﻟﺠﻴﻦ ﺍﺭﻳﺪ ﺍﺣﺠﻲ ﻭﻳﺎﺝ

ﺗﻘﺮﺑﺖ ﻳﻤﻪ : ﻫﺎ ؟

ﺍﺧﺬ ﺣﻨﺠﻲ ﻭ ﺑﺎﺱ ﻛﺼﺘﻲ : ﺍﺳﻒ

- ﻋﻠﻰ ﺷﻨﻮ

- ﺟﺎﻥ ﺍﻟﺠﻮ ﺣﺎﺭ ﻭ ﺣﺴﻴﺖ ﺑﻜﻼﻣﺞ ﻣﺎ ﻣﺘﺤﻤﻠﺘﻨﻲ ﻓﻨﻔﺠﺮﺕ ﺑﻴﺞ

- ﺍﻧﻲ ﻣﻮ ﻣﺎ ﻣﺘﺤﻤﻠﺘﻚ ﺍﻧﺖ ﺟﻨﺖ ﺗﺤﺠﻲ ﻭ ﺍﻧﻲ ﺟﻨﺖ ﺍﺟﺎﻭﺑﻚ ﻭ ﻛﻠﺘﻠﻲ ﻣﺘﻀﺎﻳﻖ ﻣﺎﺩﻳﺎ ﻭ ﻛﻠﺘﻠﻚ ﻣﺎ ﻃﺎﻟﺒﻪ ﻣﻨﻚ ﻻ ﻏﺮﻓﺔ ﻧﻮﻡ ﻭﻻ ﻧﻴﺸﺎﻥ ﻭ ﻻ ﻫﺎﻟﺴﻮﺍﻟﻒ

- ﺍﻧﻲ ﻣﺎ ﺍﻗﺒﻞ ﻫﺎﻻﻣﻮﺭ ﺍﻧﺖ ﺗﺸﻴﻠﻴﻬﺎ ، ﺍﻧﻲ ﺍﻧﻄﻴﺠﻴﺎﻫﻢ ﻛﻠﻬﻢ ﺑﻌﻴﻨﻲ، ﺑﺲ ﺗﻐﻴﻴﺮ ﺍﺛﺎﺙ ﺍﺟﻠﻴﻬﺎ ﻣﻦ ﻳﺼﻴﺮ ﻋﻨﺪﻱ

- ﻣﺨﻠﺪ ﺍﺣﻨﺎ ﺩﺍ ﻧﺮﻳﺪ ﻧﺘﺰﻭﺝ ﻳﻌﻨﻲ ﺍﻟﺼﺮﻑ ﻣﻦ ﻋﻨﺪﻱ ﺍﻭ ﻣﻦ ﻋﻨﺪﻙ ﻣﺎﻛﻮ ﻓﺮﻕ ، ﻓﻲ ﻳﻮﻡ ﻟﻮ ﺍﺣﺘﺎﺟﻴﺖ ﻭ ﺷﻐﻞ ﻣﺎ ﻋﻨﺪﻱ ﻣﺎ ﺭﺍﺡ ﺍﺗﺮﺩﺩ ﺍﻃﻠﺐ ﻣﻨﻚ ﺑﺲ ﻣﺪﺍﻡ ﻫﺴﻪ ﺍﻟﻠﻪ ﻣﻨﻌﻢ ﻋﻠﻴﻪ ﻟﻴﺶ ﺗﻤﻨﻌﻨﻲ ﺍﻏﻴﺮ ﺩﻳﻜﻮﺭ ﺍﻟﺒﻴﺖ

- ﻣﺎ ﻣﺎﻧﻌﺞ ﻭﺍﻟﻠﻪ ﺑﺲ ﺍﺧﺎﻑ ﻣﻦ ﺍﻟﻜﻼﻡ ﻫﺎ ﺻﺮﻓﺖ ﻋﻠﻴﻪ ﻭ ﻫﺎ ﻫﻲ ﺍﺛﺜﺖ ﻳﻌﻨﻲ ﻣﺘﻌﺮﻓﻴﻦ ﺍﻟﺤﺠﻲ ﺍﻧﺖ

- ﺍﻭﻭﻭ ﻫﻠﻲ ﻣﻦ ﻫﺴﻪ ﺷﺎﻳﻞ ﺣﻤﻞ ﺍﻟﻜﻼﻡ ﻫﺬﺍ ﻭ ﺫﺍﻙ ، ﻟﺘﺨﺎﻑ ﺭﺍﺡ ﺍﻛﻮﻝ ﻫﻮ ﺍﻧﻄﺎﻧﻲ ﻭ ﺍﺛﺜﺖ ﺑﻌﺪ !

ﺗﻨﻬﺪ : ﺍﻧﻲ ﻣﺸﺘﺮﻱ ﻏﺮﻓﺔ ﺑﺎﻟﺒﻴﺖ ﻭ ﻣﺄﺛﺚ ﺍﻟﻄﺎﺑﻖ ﺍﻟﺠﻮﺍ ﻛﻠﻪ ﺑﻌﺪ ﺷﺘﺄﺛﺜﻴﻦ

- ﺷﻮﻓﻨﻲ ﺍﻻﺛﺎﺙ ﺧﻞ ﺍﺣﻜﻢ ﺍﺭﻳﺪﻩ ﺍﻭ ﻻ

- ﺑﺪﻟﻲ ﻭ ﺧﻞ ﻧﺮﻭﺡ ﻧﺸﻮﻓﺔ، ﺑﺲ ﻫﺎﺍ ﺍﻣﺞ ﻣﺎ ﺍﺭﻳﺪﻫﺎ

- ﺗﺮﺍ ﻳﻮﻣﻴﻦ ﻭ ﺗﺮﻭﺡ ﻣﺨﻠﺪ ﻻ ﺗﺨﻠﻲ ﮔﻮﺭﻙ ﻭﻳﺎﻫﺎ

- ﻭﺍﻟﻠﻪ ﻫﺎﻱ ﺑﻜﻴﻔﻲ ﻣﺜﻞ ﻣﺎ ﺍﻧﺖ ﻣﺎ ﺗﺘﺤﻤﻠﻴﻦ ﺍﻣﻲ .. ﺍﻧﻲ ﺍﻣﺞ ﻣﻦ ﺍﻟﻠﻪ ﻣﺎ ﺍﻃﻴﻘﻬﺎ ﻭﻻ ﺗﻜﻮﻟﻴﻦ ﻣﺼﻠﺤﺘﻲ ﻭ ﻣﺎ ﻣﺼﻠﺤﺘﻲ ﺍﺫﺍ ﻉ ﺍﻟﻤﺼﻠﺤﺔ ﻓﺤﺘﻰ ﺍﻣﻲ ﺍﺩﻭﺭ ﻣﺼﻠﺤﺘﻲ ﻭ ﺍﻧﻲ ﺗﺠﺎﻫﻠﻬﺖ ﻛﻼﻣﻬﺎ ﻭ ﺍﺟﻴﺘﺞ

- ﺩﺭﺕ ﻣﻦ ﻋﻨﺪﻩ ﻣﺎ ﻋﺎﺟﺒﻨﻲ ﺍﻟﻜﻼﻡ ﺭﺣﺖ ﺑﺪﻟﺖ، ﺳﺄﻟﺘﻨﻲ ﻣﺎﻣﺎ : ﻭﻳﻦ ﺣﺘﺮﺣﻮﻥ ﺍﻧﺖ ﻭ ﻣﺨﻠﺪ ؟

- ﻟﻠﺒﻴﺖ ﺩﺍ ﺍﺭﻳﺪ ﺍﺷﻮﻓﻪ

- ﻫﺎﺍ

ﻟﺒﺴﺖ ﻭ ﻃﻠﻌﺖ ﻭﻳﺎﻩ ، ﺭﺣﻨﺎ ﻟﻠﺒﻴﺖ ﺟﺎﻥ ١٥٠ ﻣﺘﺮ ﺑﺲ ﺑﻨﺎﺀ ﺣﺪﻳﺚ ، ﻏﺮﻓﺔ ﻭ ﺻﺎﻟﺔ ﻭ ﺍﺳﺘﻘﺒﺎﻝ ﻭ ﻃﺒﺦ ﺟﻮﺍ . ﻭ ﺍﻟﻔﻮﻙ ﻋﻠﻰ ﻧﻔﺲ ﺍﻻﺳﺎﺱ ﺑﺲ ﻏﺮﻓﺘﻴﻦ ﻓﻮﻙ ﺑﺪﻝ ﺍﻻﺳﺘﻘﺒﺎﻝ ، ﻫﻮ ﻣﺄﺛﺚ ﺣﻠﻮ ﻭ ﺍﻟﻐﺮﻓﺔ ﻋﺮﺍﻗﻴﺔ ﺑﺲ ﺍﻧﻲ ﺍﺑﺎﻟﻲ ﻏﻴﺮ ﺍﺛﺎﺙ .. ﺻﺮﺕ ﺍﻓﺘﺮ ﺑﺎﻟﺒﻴﺖ ﻭ ﺍﺧﻄﻂ

ﺩﺭﺕ ﺳﺄﻟﺖ : ﻟﻴﺶ ﻣﺎ ﻛﻌﺪﺕ ﺯﻭﺟﺘﻚ ﺍﻟﺴﺎﺑﻘﺔ ﻫﻨﺎ ﻭ ﺍﺭﺗﺎﺣﻴﺘﻮ ﻣﻦ ﻋﺮﻙ ﻛﺮﺟﻴﺔ

- ﺗﺮﺍ ﻛﺮﺟﻴﺔ ﺍﻣﻲ ﻭ ﻳﻌﺰ ﻋﻠﻴﻪ ﺯﻋﻠﻬﺎ

......

ﻭ ﻫﺴﻪ ﺷﺼﺎﺭ ﻭ ﺭﺿﻴﺖ ﻋﻠﻰ ﺯﻋﻠﻬﺎ

- ﺗﻌﺮﻓﻴﻦ ﺷﺼﺎﺭ ﻣﺎ ﻳﺤﺘﺎﺝ ﺗﺬﻛﺮﻳﻨﻲ ﻛﻞ ﻣﺮﺓ

- ﻣﺨﻠﺪ ﺍﻧﻲ ﻣﺪﺍ ﺍﻋﻴﺮﻙ ﻭﻻ ﺩﺍ ﺍﺣﺎﻭﻝ ﺍﺿﺎﻳﻘﻚ ﺑﺲ ﻛﺎﻥ ﺍﻟﻤﻔﺮﻭﺽ ﻣﻦ ﺍﻻﻭﻝ ﺗﺨﺎﻟﻒ ﺍﻣﻚ ﻭ ﺗﺨﺘﺎﺭ ﺭﺍﺣﺔ ﺯﻭﺟﺘﻚ ﻭ ﺍﻃﻔﺎﻟﻚ

- ﺟﻨﺖ ﻣﻘﺮﺭ ﻫﻴﺞ ﺑﺲ ﻫﻲ ﺯﻋﻠﺖ ﻭ ﺭﺍﺩﺕ ﺍﻟﻄﻼﻙ

- ﻭ ﺍﻧﺖ ﻣﺎ ﻋﻮﻟﺖ ﻋﻠﻰ ﺍﻟﻄﻼﻕ ﺑﺴﺮﻋﺔ ﻃﻠﻜﺖ

- ﻟﺠﻴﻦ ﺍﻧﻲ ﻭﻳﺎﻫﺎ ﺟﻨﻪ ﻧﺎﻭﻳﻦ ﻧﻄﻠﻚ ﻗﺒﻞ ﺳﻨﻪ ﻳﻌﻨﻲ ﻗﺒﻞ ﻻ ﺗﺘﻄﻠﻜﻴﻦ ﺍﻧﺖ ، ﺯﻭﺍﺝ ﻏﻠﻄﺔ ﻻ ﺍﻧﻲ ﺟﻨﺖ ﺍﻃﻴﻘﻬﺎ ﻭﻻ ﻫﻲ ﻭ ﺍﺛﻨﻴﻨﺎ ﺍﻳﺪﻧﺎ ﺍﻟﻄﻼﻙ ﻫﻲ ﻃﻠﺒﺘﻪ ﻭ ﺍﻧﻲ ﺍﻧﻄﻴﺘﻪ ﻭﻫﺎﻱ ﺍﻧﺘﻬﺖ ﻻ ﺗﻀﻠﻴﻦ ﺗﻔﺮﻳﻦ ﺑﻬﺎﻟﺴﺎﻟﻔﺔ ﺍﻧﺴﻴﻬﺎ ﺧﻠﻴﻨﺎ ﺑﻤﻮﺿﻮﻋﻨﺎ

- ﺑﺮﺍﺣﺘﻚ

ﺩﺭﺕ ﻭﺟﻬﻲ ﻟﻠﺒﻴﺖ، ﻫﺬﺍ ﺍﻻﺛﺎﺙ ﻛﻠﻪ ﻳﺼﻌﺪ ﻓﻮﻙ ﺑﻨﻔﺴﻲ ﻏﻴﺮ ﺍﺛﺎﺙ ﻭ ﻏﻴﺮ ﺗﺼﻤﻴﻢ ﺍﻧﻲ ﻋﻨﺪﻱ ﺻﺪﻳﻘﺔ ﺷﻐﻠﻬﺎ ﺩﻳﻜﻮﺭ ﻭ ﺗﺼﻤﻴﻢ ﺍﺟﻴﺒﻬﺎ ﻭ ﺍﺻﻤﻢ ﺍﻟﺒﻴﺖ

ﺍﺣﺠﻲ ﻭ ﺍﻧﻲ ﺍﺑﺎﻭﻉ ﻟﻠﺒﻴﺖ، ﺍﻟﺘﻔﺘﺖ ﻟﻜﻴﺘﻪ ﻣﻨﺘﺠﻲ ﻉ ﺍﻟﺤﺎﻳﻂ ﻭ ﻣﻜﺘﻒ ﺍﺩﻳﻪ ﻭ ﺻﺎﻓﻦ ﺑﻴﻪ : ﺷﺒﻴﻚ

- ﺍﻧﻲ ﺑﺤﻠﻢ ﻟﻮ ﺣﻘﻴﻘﺔ

- ﻟﻴﺶ !

- ﻳﻌﻨﻲ ﻫﺴﻪ ﺍﻧﺖ ﺍﻟﻴﻪ ﻭ ﻫﺬﺍ ﺑﻴﺘﻨﺎ ﻭ ﺗﻢ ﻛﻞ ﺷﻲ

ﺿﺤﻜﺖ ، ﻣﺸﻴﺖ ﻣﻨﻪ ﻋﺼﺮﺕ ﺧﺸﻤﻪ ﻭ ﻃﻠﻌﺖ ﺑﺮﺍ ﺑﺎﻟﻜﺮﺍﺝ ﺍﺟﺎ ﻭﺭﺍﻳﺎ : ﺍﻧﻄﻴﻨﻲ ﻣﻔﺎﺗﻴﺢ ﺍﻟﺒﻴﺖ

ﻗﺪﻣﻠﻲ ﺍﻟﻤﻔﺎﺗﻴﺢ ﻭ ﺳﺤﺒﻨﻲ ﻣﻦ ﺧﺼﺮﻱ ﺍﻟﻪ : ﺧﻠﻴﺞ ﻳﻤﻲ ﺧﻠﻴﻨﻲ ﺍﺻﺪﻙ ﺍﻧﻲ ﻣﻮ ﺑﺤﻠﻢ

ﺗﻘﺮﺑﺖ ﻣﻨﻪ ، ﻫﻤﺴﺖ ﺑﺄﺫﻧﻪ .............

ﻓﺘﺢ ﻋﻴﻮﻧﻪ : ﻟﻌﺪ ﺑﺎﺟﺮ ﻧﺘﺰﻭﺝ

- ﻻ

- ﻣﺎﻛﻮ ﻻ ﺍﻱ

ﻃﻠﻌﺖ ﺑﺮﺍ ﺍﻟﺒﻴﺖ ﻭ ﺻﻌﺪﺕ ﺍﻟﺴﻴﺎﺭﺓ ، ﺻﻌﺪ : ﺍﺣﺒﺞ

ﺍﺑﺘﺴﻤﺖ ﻭ ﻣﺠﺎﻭﺑﺘﻪ ﻣﺴﺢ ﻋﻠﻰ ﺧﺪﻱ ﻭ ﺗﻘﺮﺏ ﺑﺎﺳﻨﻲ : ﺍﻋﺸﻜﺞ ﻭﻟﺞ ﺣﺘﻰ ﺍﻟﻌﺸﻚ ﺣﺎﺭ ﺑﮕﻠﺒﻲ ﻻ ﻓﺪ ﻳﻮﻡ ﻣﻠﺞ ﻭﻻ ﻓﺪ ﻳﻮﻡ ﻧﺴﺎﺝ ﺑﻮﺩﻱ ﺍﺧﺬﺝ ﻟﻤﻜﺎﻥ ﻣﺎ ﺑﻲ ﺍﺣﺪ ﻫﻴﺞ ﺍﻛﺎﺑﻠﺞ ﻭﺍﻛﻌﺪ ﻛﻠﺸﻲ ﻣﺎ ﺍﺳﻮﻱ

ﻃﻮﻟﻲ ﻭﻳﻦ ﺗﺮﻳﺪﻳﻦ ﻧﺮﻭﺡ ﺏ١٠ ﺍﻳﺎﻡ ﺍﻟﻌﻄﻠﺔ ﺍﻟﻨﺘﺰﻭﺝ ﺑﻴﻬﺎ

- ﻛﻠﺶ ﺣﺎﺑﻪ ﻧﻘﻀﻴﻬﻢ ﺑﺎﻟﺒﻴﺖ ﻭ ﻧﺴﻮﻱ ﻋﺮﺱ ﺗﻘﻠﻴﺪﻱ ﻛﻠﺶ ﺑﻴﻦ ﻟﻤﺔ ﺍﻻﻫﻞ ﻭ ﺍﻻﺣﺒﺎﺏ ﻣﺤﺎﺑﺔ ﻧﺴﺎﻓﺮ ﻭﻻ ﻧﺮﻭﺡ ﻟﻤﻜﺎﻥ

- ﺍﻣﻤﻢ ﺍﻓﻬﻢ ﻣﻨﺞ ﻣﺎ ﺗﺮﻳﺪﻳﻦ ﺗﻜﻠﻔﻴﻨﻲ ﻷﻥ ﺍﻟﺼﺒﺢ ﻛﻠﺘﻠﺞ ﻣﺎ ﻋﻨﺪﻱ ﻣﻮ، ﺗﺮﺍ ﻣﻮ ﻛﻠﺶ ﻣﺎ ﻋﻨﺪﻱ ﺑﺲ ﺿﺎﻡ ﺍﻟﻔﻠﻮﺱ ﻟﻄﻠﻌﺘﻨﺎ ﻣﻮ ﻷﺛﺎﺙ

- ﺍﻟﻌﻨﺪﻙ ﻭﻓﺮﻩ ﻟﺤﻴﺎﺗﻨﺎ ، ﻣﻬﻤﺎ ﺗﻐﻴﺮﺕ ﺍﻻﻣﺎﻛﻦ ﺍﺣﻨﺎ ﺍﺣﻨﺎ ﻣﺎ ﻧﺘﻐﻴﺮ

- ﻳﺎ ﻳﺎﺑﺔ ﺷﻜﺪ ﺍﺣﺒﺞ

ﺣﺮﻙ ﺳﻴﺎﺭﺗﻪ ﻭ ﻃﻠﻊ ﺑﻴﻪ ﻟﺒﻴﺖ ﻋﻤﻮ ، ﻭﺻﻠﺖ ﻟﻬﻨﺎﻙ ﻧﺰﻟﺖ ﻭ ﺳﻮﻟﻔﺖ ﻟﻤﺎﻣﺎ ﻋﻦ ﺷﻨﻮ ﻧﺎﻭﻳﻪ ﺍﺳﻮﻱ ﺑﺎﻟﺒﻴﺖ ﻭ ﺷﺮﺍﻳﺪﻩ ﻭ ﺍﺗﺼﻠﺖ ﺑﺼﺪﻳﻘﺘﻲ ﻭ ﺍﺗﻔﻘﺖ ﻭﻳﺎﻫﺎ ﺗﺠﻲ ﺑﺎﺟﺮ ﻟﺘﺼﻤﻴﻢ ﺍﻟﺒﻴﺖ

ﻟﺜﺎﻧﻲ ﻳﻮﻡ ﺍﺧﺬﺕ ﻣﺎﻣﺎ ﻭ ﺭﺣﺖ ﺍﻟﺘﻘﻴﺖ ﺍﻟﺒﻨﺖ ﻭ ﻛﺎﻟﺖ ﻣﻦ ﺑﺎﺟﺮ ﻧﻄﻠﻊ ﻋﻤﺎﻝ ﻭ ﻧﺸﻴﻞ ﺍﻻﺛﺎﺙ ﺍﻟﺠﻮﺍ ﻧﺼﻌﺪﻩ ﻭ ﻧﺒﻠﺶ ، ﻛﺘﻠﻬﺎ ﻻ ﺑﻠﺸﻲ ﻣﻦ ﺍﻟﻴﻮﻡ ﻛﻠﺶ ﻣﺴﺘﻌﺠﻠﻪ ﻻﺯﻡ ﻳﻨﺘﻬﻲ ﻛﻞ ﺷﻲ ﺧﻼﻝ ﺍﻳﺎﻡ

.....

ﻭﻓﻌﻼ ﺍﺗﺼﻠﺖ ﺑﻌﻤﺎﻝ ﺑﻨﻔﺲ ﺍﻟﻴﻮﻡ ﻧﻘﻠﻮ ﺍﻻﺛﺎﺙ ﻭ ﺭﺗﺒﻨﺎﻩ ﻓﻮﻙ ، ﻭ ﺛﺎﻧﻲ ﻳﻮﻡ ﺑﻠﺸﻨﺎ ﺷﻐﻞ ..

٤ ﺍﻳﺎﻡ ﻳﻼ ﺧﻠﺼﺖ ﻛﻞ ﺷﻲ ﺻﺎﺭ ﺍﻟﺒﻴﺖ ﻳﺠﻨﻦ

ﺯﻳﻨﺖ ﺍﻟﺼﺎﻟﺔ ﻟﻠﻌﺮﺱ ﻭ ﺭﺗﺒﺘﻬﺎ ﻋﻠﻰ ﻫﺎﻻﺳﺎﺱ ، ﻣﺨﻠﺪ ﻣﻨﻌﺘﻪ ﻣﻦ ﺷﻮﻓﺔ ﺍﻟﺒﻴﺖ ﻛﻠﺘﻠﻪ ﺑﻴﻮﻡ ﺍﻟﻌﺮﺱ ﻳﻼ ﺗﺸﻮﻓﻪ

ﻗﺒﻞ ﺍﻟﻌﺮﺱ ﺑﻴﻮﻡ ﺭﺣﻨﺎ ﻋﻘﺪﻧﺎ ﺑﺎﻟﻤﺤﻜﻤﺔ ..

ﺟﺎﻥ ﻣﺨﻠﺪ ﻃﺎﻳﺮ ﻣﻦ ﺍﻟﻔﺮﺡ ﻣﺎ ﻳﻌﺮﻑ ﺷﻠﻮﻥ ﻳﻌﺒﺮ ﻋﻦ ﻓﺮﺣﻪ ﻏﻴﺮ ﻛﻞ ﺷﻮﻱ ﻳﺎﺧﺬﻧﻲ ﻟﺤﻀﻨﻪ ﺣﻴﻞ ﻭ ﻳﺒﻮﺳﻨﻲ ﻭ ﻳﻜﻮﻝ : ﻭﻟﺞ ﺍﻧﻲ ﺑﺤﻠﻢ ﻟﻮ ﺣﻘﻴﻘﺔ ﻛﺮﺻﻴﻨﻲ ، ﻳﻌﻨﻲ ﺻﺮﺗﻲ ﻣﺮﺗﻲ ﻳﻌﻨﻲ ﺗﺰﻭﺟﻨﺎ ﻫﺎﻱ ﻫﻲ ؟

ﺍﻧﻲ ﺍﻛﺬﺏ ﻟﻮ ﺍﻛﻮﻝ ﻋﻨﺪﻱ ﻣﺸﺎﻋﺮ ﻭ ﻃﺎﻳﺮﺓ ﻭ ﻓﺮﺣﺎﻧﺔ ، ﺍﻟﻔﺮﺣﺔ ﻋﻨﺪﻱ ﻋﺎﺩﻳﻪ ﻛﻠﺶ ﺗﺨﺘﻠﻒ ﺗﻤﺎﻧﺎ ﺍﻭﻝ ﺍﺣﺴﺎﺱ ﻭﻳﺎ ﻣﺎﻟﻚ ﺟﻨﺖ ﻭﻛﺘﻬﺎ ﮔﻠﺒﻲ ﻳﺮﻳﺪ ﻳﻄﻠﻊ ﻣﻦ ﻣﻜﺎﻧﻪ ﻋﻠﻰ ﻛﺪ ﻣﺎ ﻣﻤﺼﺪﻛﻪ ﺍﻧﻲ ﺻﺮﺕ ﺍﻟﻪ ..

ﻣﺎ ﺍﻋﺮﻑ ﺷﻠﻮﻥ ﻋﻤﻰ ﻋﻠﻰ ﮔﻠﺒﻲ ﻭ ﺣﺒﻴﺘﻪ ﺑﻬﺎﻟﻄﺮﻳﻘﺔ ﺗﺎﻟﻲ ﻛﺮﻫﻨﻲ ﺑﻜﻞ ﺷﻲ ﺍﺳﻤﻪ ﺣﺐ ﻭ ﺻﺮﺕ ﺑﺎﺭﺩﺓ ﻣﺎ ﺍﻧﻄﻲ ﺭﺩﺓ ﻓﻌﻞ ﻟﺤﺐ ﻣﺨﻠﺪ ﺍﻟﻠﻲ ﻳﻜﻮﻝ ﺑﺮﻛﺎﻥ ﻛﺪﺍﻣﻚ ﻭ ﻫﻮ ﻓﺮﺣﺎﻥ ﻭ ﻓﺮﺣﺘﻪ ﻭﺍﺿﺤﻪ ﻛﻠﺶ ﺑﻌﻴﻮﻧﺎ

ﺍﺧﺬﻧﻲ ﻣﻦ ﺍﻳﺪﻱ ﻭ ﺭﺣﻨﺎ ﻟﺒﻴﺖ ﺍﻫﻠﻪ ..

ﺩﺧﻠﻨﺎ ﻣﺤﺪ ﺍﺳﺘﻘﺒﻠﻨﺎ ﻏﻴﺮ ﻃﻴﺒﺔ ﻭ ﻣﺎﺯﻥ ﺑﺎﺭﻛﻮﻟﻨﺎ ﺍﻣﺎ ﻋﻤﻲ ﻭ ﻋﻤﺘﻲ ﺑﻘﻮﺍ ﺟﻮﺍ، ﻓﻬﻮ ﺗﺮﻛﻨﻲ ﻭ ﺩﺧﻞ ﻳﻘﻨﻊ ﺑﻴﻬﻢ

ﻋﻤﻲ ﻳﻜﻮﻟﻪ ﺍﻧﻲ ﻣﺎ ﺍﺭﺿﺎﻟﻚ ﺗﻐﻀﺐ ﺍﻣﻚ، ﻭ ﺍﻣﻪ ﺗﻜﻮﻟﻪ ﻣﺪﺍﻡ ﺗﺰﻭﺟﺖ ﻟﺠﻴﻦ ﮔﻠﺒﻲ ﻭ ﺭﺑﻲ ﻣﺎ ﺭﺍﺿﻴﻴﻦ ﻋﻠﻴﻚ

ﺍﺧﺮ ﺷﻲ ﺿﺎﺝ ﻭ ﻛﺎﻝ ﺍﻟﻬﻢ : ﺍﻧﺘﻢ ﺻﺪﻙ ﺍﻧﺎﻧﻴﻴﻦ ﻭ ﻣﺎ ﺗﻔﻜﺮﻭﻥ ﻏﻴﺮ ﺑﺮﺿﺎﻛﻢ ﻭ ﺑﻨﻔﺴﻜﻢ ﻣﺘﻜﻮﻟﻮﻥ ﺍﺑﻨﺎ ﺍﻟﻴﻮﻡ ﻋﻘﺪ ﻗﺮﺍﻧﻪ ﻋﻠﻰ ﺑﻨﻴﻪ ﻃﻮﻝ ﻋﻤﺮﺓ ﻳﺘﻤﻨﻰ ﻫﻮ ﺍﻧﻲ ﻣﺎ ﺍﻫﻤﻜﻢ ﻫﻲ ﻛﻮﺓ ﺑﺲ ﻣﻮ ﺻﻮﺟﻜﻢ ﺻﻮﺟﻲ ﺍﻧﺐ ﺍﺟﻲ ﻭ ﺍﺗﻮﺳﻞ ﺍﻟﺮﺿﺎ ﻣﻨﻜﻢ ﺻﺎﺭ ﺳﺎﻋﻪ ﻭ ﺍﻧﺘﻢ ﻣﺎ ﻓﺮﺣﺎﻧﻴﻠﻲ

ﺑﻴﻮﻡ ﺍﻟﻌﺮﺱ ﻋﺰﻣﻨﺎ ﻛﻞ ﺍﻗﺎﺭﺑﻨﺎ ﻭ ﻣﻌﺎﺭﻓﻨﺎ ﺍﻟﻤﻘﺮﺑﻴﻦ ﺑﺲ ﻣﺎ ﻛﺎﻥ ﻋﺮﺱ ﺟﺒﻴﺮ، ﺑﻴﻨﺎﺗﻨﺎ ..

ﺍﻧﻲ ﻃﻠﻌﺖ ﻟﻠﺼﺎﻟﻮﻥ ﻭ ﻣﻔﺎﺗﻴﺢ ﺍﻟﺒﻴﺖ ﺧﻠﻴﺖ ﺍﺑﻴﺪ ﻣﺎﻣﺎ ﻫﻲ ﻭ ﻋﻤﺎﺗﻲ ﻧﻈﻤﻮﺍ ﺍﻟﻌﺮﺱ ﺑﺎﻟﺒﻴﺖ ﻭ ﻧﻈﻤﻮﺍ ﺍﻟﻜﻌﺪﺍﺕ ﻭ ﺍﻻﺳﺘﻘﺒﺎﻝ ﻭ ﺍﻟﻀﻴﺎﻓﺔ

ﻟﺒﺴﺖ ﺍﻟﺒﺪﻟﺔ ﺍﻟﺒﻴﻀﺔ ﻭ ﺭﺗﺒﺘﻠﻲ ﺍﻡ ﺍﻟﺼﺎﻟﻮﻥ ﺍﻟﺘﺴﺮﻳﺤﺔ ﻭ ﺍﻟﻤﻜﻴﺎﺝ ، ﻟﻤﺎ ﻛﻤﻠﺖ ﺧﺎﺑﺮﺕ ﻣﺨﻠﺪ ﻳﺠﻲ ﻳﺎﺧﺬﻧﻲ

ﺭﻣﺸﻠﻲ ﻟﻤﺎ ﻭﺻﻠﺖ ﻧﺰﻟﺖ ﺍﻟﺒﺮﻛﻊ ﻭ ﻧﺰﻟﺖ ، ﺟﺎﻥ ﻻﺑﺲ ﻗﺎﻁ ﺍﺳﻮﺩ ﻭ ﺍﻟﻔﺮﺣﺔ ﺗﺒﺮﮒ ﺑﻌﻴﻮﻧﻪ ، ﺗﻘﺮﺑﺖ ﻳﻤﻪ ﻋﻴﻮﻧﻪ ﻋﻠﻰ ﻛﺪ ﻓﺮﺣﺘﻪ ﻭ ﻫﻮ ﻳﺒﺎﻭﻋﻠﻲ ﻣﻦ ﻓﻮﻙ ﺍﻟﺠﻮ

ﺍﺧﺬ ﺍﻳﺪﻱ ﻭ ﺻﻌﺪﻧﻲ ﺍﻟﺴﻴﺎﺭﺓ ، ﻭ ﻣﺸﻐﻞ ‏( ﺍﺭﻳﺪ ﺍﻓﺮﺡ ﻭ ﺍﻫﻮﺱ ﻭ ﺍﻛﻄﻊ ﺍﻟﺴﻴﺮ ‏) ﻭ ﻋﻠﻰ ﻛﻞ ﻋﻼﻫﺎ ﻣﻊ ﻛﻼﻣﻪ ﺍﻟﺴﺨﻴﻒ : ﻭﻟﺞ ﻧﻮﺻﻞ ﻟﻮ ﻻ ﻭﺍﻟﻠﻪ ﺍﻣﻮﺗﺞ ﺍﻟﻴﻮﻡ ﺍﺍﺍﺥ ﻟﻮ ﺑﺲ ﺍﻟﺰﻣﺞ

ﻭﺻﻠﻨﺎ ﻟﻠﺒﻴﺖ ، ﺟﺎﻥ ﻋﻤﻮ ﻋﺜﻤﺎﻥ ﻣﺴﺘﺄﺟﺮ ﻓﺮﻗﺔ ﻣﻮﺳﻴﻘﻴﺔ ﻫﺪﻳﺔ ﻣﻦ ﻋﻨﺪﻩ ﺍﻟﻨﺎ ﺑﺰﻭﺍﺟﻨﺎ، ﻓﺮﺣﺎﻥ ﺑﻤﺨﻠﺪ ﻭ ﺍﺧﻴﺮﺍ ﺗﺰﻭﺟﻨﻲ ﻓﺎﻭﻝ ﻣﺎ ﻭﺻﻠﻨﺎ ﺍﺷﺘﻐﻠﺖ ﺍﻟﻤﻮﺳﻴﻘﻰ ﻭ ﺍﻟﻬﻼﻫﻞ

ﻭ ﺍﻟﻜﻞ ﻭﻛﻒ ﻳﺮﻛﺺ ﻭ ﻳﻬﺰ ﺣﺘﻰ ﺍﻟﻤﻨﻄﻘﺔ ﺍﻟﺘﻤﺖ ﻭ ﺍﻟﺠﻴﺮﺍﻥ ، ﻛﻠﻬﺎ ﻓﺮﺣﺎﻧﻪ ﻭ ﺗﺼﻒ ﻭ ﺗﺮﻛﺺ

ﺗﻔﺎﺟﺌﺖ ﺑﻌﻤﻮ ﻋﻤﺮﺍﻥ ﺟﺎﻥ ﻣﻮﺟﻮﺩ ﻭ ﻣﺎﺯﻥ ﻭﺍﻛﻒ ﻭ ﺍﻛﻮ ﺧﺮﻭﻑ ﻻﺯﻣﺔ ﻭﻟﺪ ﺑﺲ ﺗﻘﺮﺑﻨﺎ ﺫﺑﺢ ﻳﻢ ﺭﺟﻠﻨﺎ ﻭ ﺟﺮﺍ ﺍﻟﺪﻡ ، ﻣﺨﻠﺪ ﺑﺎﺱ ﺭﺍﺱ ﺍﺑﻮﻩ ﻋﻤﻮ ﻭ ﺑﺎﺭﻛﻠﻨﺎ ﺍﺛﻨﻴﻨﺎ ﻭ ﻛﺎﻟﻲ ﺩﻭﺳﻲ ﻉ ﺍﻟﺪﻡ ﻭ ﻓﻮﺗﻲ

......

ﺩﺳﺖ ﺑﺎﻟﻜﻌﺐ ﻉ ﺍﻟﺪﻡ ﻭ ﻣﺸﻴﺖ ، ﺩﺧﻠﻨﺎ ﻟﻠﺼﺎﻟﺔ ﺍﺳﺘﻘﺒﻠﻮﻧﺎ ﺑﺎﻟﺠﻜﻠﻴﺖ ﻭ ﺍﻟﻬﻼﻫﻞ ﻭ ﺍﻻﻓﺮﺍﺡ ، ﻣﺎﻣﺎ ﻭ ﻋﻤﻪ ﺟﺎﺑﻮﻟﻨﺎ ﻛﻴﻜﻪ ﺟﺒﻴﺮﺓ ﻭ ﺧﻠﻮﻫﺎ ﻛﺒﺎﻟﻨﺎ، ﻛﻤﻨﺎ ﺍﻧﻲ ﻭ ﻣﺨﻠﺪ ﮔﺼﻴﻨﺎﻫﺎ ﻭ ﺍﺧﺬ ﻗﻄﻌﺔ ﻭ ﺧﻼﻫﺎ ﺑﻤﺎﻋﻮﻥ ﻭ ﻭﻛﻠﻨﻲ ﺑﺸﻮﻛﺔ ﻭ ﻫﻤﺲ ﻳﻼ ﻭﻛﻠﻴﻨﻲ ﺑﺲ ﻣﻮ ﺗﺴﻮﻳﻦ ﺳﺎﻟﻔﺔ ﻛﻞ ﺷﻮﻱ ﺗﺠﺮﻳﻦ ﻣﻦ ﻳﻢ ﺣﻠﻜﻲ ﺍﺷﻴﻞ ﺍﻟﻜﻴﻜﻪ ﻭ ﺍﺣﻄﻬﺎ ﺑﺮﺍﺳﺞ

ﺿﺤﻜﺖ ﻣﺎ ﻭﻛﻠﺘﻪ ﻛﻴﻚ ﺍﺧﺬﺕ ﺍﻟﻌﺼﻴﺮ ﻭ ﻗﺮﺑﺘﻪ ﻣﻦ ﺣﻠﻜﻪ ﺭﺍﺩ ﻳﺸﺮﺏ ﺟﺮﻳﺘﻪ ﻭ ﺷﺮﺑﺖ ﻭ ﻛﺘﻠﻪ : ﺫﺍﻙ ﺍﻛﻼﺻﻚ ﺷﻨﻮ ﻣﺎ ﻋﻨﺪﻙ ﺍﻳﺪ ﺗﺸﺮﺏ

ﻛﻠﻬﺎ ﺿﺤﻜﺖ ﻫﻮ ﺿﺤﻚ ﺑﺲ ﺷﻔﺘﻪ ﺗﻀﺎﻳﻖ ﺑﺲ ﻣﺎ ﺑﻴﻨﻬﺎ، ﺍﺧﺬﺕ ﻛﻴﻜﺔ ﺑﺎﻟﺸﻮﻛﻪ ﻭ ﻛﺘﻠﻪ : ﺍﻓﺘﺢ

- ﻣﺎ ﺍﺭﻳﺪ ﻧﺰﻟﻴﻬﺎ

- ﻗﺮﺑﺖ ﺍﻟﺸﻮﻛﻪ ﻣﻦ ﺣﻠﻜﻪ ﻭ ﺍﻛﻠﻬﺎ، ﺗﻘﺮﺑﺖ ﺑﺴﺘﻪ ﺑﺨﺪﻩ ﻭ ﻫﻢ ﻛﻠﻬﻢ ﺻﺮﺧﻮﺍ ‏( ﻋﺎﺍﺍﺍﺍﺍﺍ ‏)

ﻫﻲ ﺑﻨﺎﺕ ﻋﻤﻲ ﻛﺎﻣﻮ ﻳﺼﻴﺤﻮﻥ ‏( ﺑﻮﺳﻬﺎ ﺑﻮﺳﻬﺎ ‏) ﻭ ﻛﻠﻬﺎ ﺗﻀﺤﻚ ﻫﻮ ﺍﻧﺤﺮﺝ ﻟﺰﻡ ﻭﺟﻬﻲ ﻭ ﻃﺒﻊ ﺑﻮﺳﻪ ﺑﺸﻔﺎﻳﻔﻲ ، ﻭ ﻫﻢ ﺻﺮﺧﻮﺍ ‏( ﻋﺎﺍﺍﺍﺍﺍ ﻛﻠﻨﺎﻟﻚ ﺑﻮﺳﻬﺎ ﻣﻮ ﻫﻨﺎ ﺍﻟﻈﺎﻫﺮ ﻣﺴﺘﻌﺠﻞ ﻛﻠﺶ ﺍﻃﻠﻌﻮﺍ ﺍﻃﻠﻌﻮ ‏)

- ﺷﺴﻮﻱ ﻣﺘﻜﻠﻮﻟﻲ ﺍﻻﺳﺘﺤﻴﺖ ﺻﺤﺘﻮ ﺑﻮﺳﻬﺎ ﺍﻟﺠﺮﺃﺕ ﻭ ﺑﺴﺘﻬﺎ ﺻﺤﺘﻮ ﺍﺳﺘﻌﺠﻞ ﺷﺴﻮﻱ ﺑﻌﺪ ﻭﻟﺪ ﺍﻟﻜﻠﺐ

ﻛﻠﻬﺎ ﺗﻀﺤﻚ ﻭ ﻋﻤﺘﻲ ﺗﻜﻮﻟﻪ : ﻭﻟﻚ ﺍﻟﻴﻮﻡ ﻋﺮﺳﻚ ﻣﺨﻠﺪ ﻻ ﺗﺴﺐ

ﻛﻠﺘﻠﻬﺎ : ﻛﻞ ﺍﻳﺎﻡ ﺭﺑﻨﺎ ﺯﻱ ﺑﻌﻀﻴﻬﺎ ﻳﻌﻤﻪ

- ﻳﻌﻨﻲ ﻻﺯﻡ ﺍﺻﻴﺮ ﺣﺒﺎﺏ

ﻏﻤﺰﺗﻠﻪ ﻋﻤﺘﻲ : ﺍﻫﻢ ﺷﻲ ﺗﺼﻴﺮ ﺣﺒﺎﺏ

ﺩﺍﺭ ﻭﺟﻬﻪ ﻋﻠﻴﻪ ﻭ ﺣﺠﺔ : ﺩﺧﻞ ﻳﻄﻠﻌﻮﻥ ﻭ ﺍﺷﻮﻓﺞ ﺍﻟﺤﺒﺎﺏ ﺷﻠﻮﻥ ﺻﺎﻳﺮ

- ﻋﺎﺑﺘﻠﻚ

ﻛﺎﻣﻮ ﻳﺎﻛﻠﻮ ﻭ ﻳﻀﺤﻜﻮﻥ ﻭ ﻳﺼﻔﻜﻮﻥ ﺍﺟﺎ ﻣﺎﺯﻥ ﺍﺷﺮﻟﻪ ﻳﻄﻠﻊ ﺑﺮﺍ ﻫﻮ ﻫﻤﺴﻠﻲ : ﺍﻧﻲ ﺭﺍﺡ ﺍﻃﻠﻊ ﺑﺮﺍ ﻳﻢ ﺍﻟﻮﻟﺪ ﺍﺗﻔﻘﻲ ﻭﻳﺎ ﺍﻣﺞ ﻭ ﻋﻤﺘﻲ ﺷﻮﻳﺔ ﻭ ﻳﻔﻀﻮﻫﺎ ﻣﺎﺷﻲ

ﻫﺰﻳﺖ ﺭﺍﺳﻲ

ﻛﺎﻡ ﺭﺍﺡ ﻭ ﻣﺎﺯﻥ ﻳﻜﻮﻟﻪ : ﺗﺮﺍ ﻣﺘﺤﻠﻔﻴﻠﻚ ﻣﺨﻠﺪ ﻃﻚ ﺟﻴﻨﻜﻮ ﺗﺮﺍ *******

ﻭ ﻫﻮ ﻳﻜﻮﻝ

- ﺷﺤﺪﺍ ﺍﻟﻴﺘﻘﺮﺑﻠﻲ ﻏﻴﺮ ******* ﻭﻟﺪ *******

ﻛﻠﻬﺎ ﺿﺤﻜﺖ ، ﺗﻘﺮﺑﺖ ﻣﺎﻣﺎ : ﻫﺎ ﻣﺎﻣﺎﺗﻲ ﺷﻨﻮ ﺷﻌﻮﺭﺝ

- ﺗﻤﺎﻡ ﺑﺲ ﺟﻨﺖ ﺍﺗﻤﻨﻰ ﺑﺎﺑﺎ ﻣﻮﺟﻮﺩ ، ﺟﺎﻥ ﻳﺤﺐ ﻳﺸﻮﻓﻨﻲ ﻟﻤﺨﻠﺪ

- ﺍﻟﻠﻪ ﻳﺮﺣﻤﻪ ﻟﺘﻔﻜﺮﻳﻦ ﺑﻬﺎﻻﻣﻮﺭ ﻫﺴﻪ ، ﻓﻜﺮﻱ ﺑﻨﻔﺴﺞ ﻭ ﺑﺴﻌﺎﺩﺗﺞ ، ﻓﺮﺣﺎﻧﻪ

- ﺍﻱ ﻓﺮﺣﺎﻧﻪ

ﺍﺑﺘﺴﻤﺖ ﺑﻮﺟﻬﻲ : ﺍﻟﺒﻜﻠﺒﺞ ﻣﺎﻣﺎ ﺧﻠﻲ ﺑﻜﻠﺒﺞ ﻭ ﺳﺎﻳﺮﻱ ﺣﻴﺎﺗﺞ ﻣﺨﻠﺪ ﻳﺤﺒﺞ ﻫﻮﺍﻳﺔ ﻭ ﻣﺴﺘﻌﺪ ﻳﺴﻮﻳﻠﺞ ﻛﻠﺸﻲ ﻭ ﺑﺎﻟﺴﻴﺎﺳﺔ ﺗﺎﺧﺬﺑﻦ ﺍﻟﺸﻌﺮﺓ ﻣﻦ ﺭﺍﺱ ﺍﻻﺳﺪ .. ﻓﺴﺎﻳﺴﻲ ﻭ ﻛﻠﺸﻲ ﺑﻴﻨﺎﺗﻜﻢ ﺧﻠﻲ ﺑﺎﻟﺘﻔﺎﻫﻢ

ﺍﻟﺒﻴﺖ ﻣﺎ ﻳﻘﻮﻡ ﻏﻴﺮ ﺑﻮﺟﻮﺩ ﺍﻧﺜﻰ ﻭ ﺭﺟﻞ ﺍﺫﺍ ﺍﻧﺖ ﺍﺳﺘﺮﺟﻠﺘﻲ ﻭ ﺭﺩﺗﻲ ﺭﺃﻳﺞ ﺍﻟﻴﻤﺸﻲ ﻭ ﻫﻮ ﺍﺳﺘﺮﺟﻞ ﻭ ﻳﺮﻳﺪ ﺭﺍﻳﻪ ﻳﻤﺸﻲ ، ﻳﻮﻛﻒ ﺍﻟﻤﺮﻛﺐ ﻭ ﻣﺎ ﻳﻤﺸﻲ ﻭ ﺗﻮﻛﻒ ﺣﻴﺎﺗﻜﻢ ﻛﻠﺸﻲ ﺧﻠﻲ ﻭﻳﺎﻩ ﺑﺎﻟﺘﻔﺎﻫﻢ ﻣﺜﻞ ﻣﺎ ﻫﻮ ﺗﻨﺎﺯﻝ ﻭ ﻗﺒﻞ ﺷﺮﻭﻃﺞ ﺍﺗﻨﺎﺯﻟﻲ ﺍﻧﺖ ﺗﻀﻴﻖ ﻭﻳﺎﻩ ﻭ ﺣﺴﺴﻲ ﺍﻧﺖ ﻭﻳﺎﻩ ﻉ ﺍﻟﺪﻧﻴﺎ ﻣﻮ ﺍﻧﺖ ﻭ ﺍﻟﺪﻧﻴﺎ ﻋﻠﻴﻪ

.......

ﺍﻟﻤﺮﺃ ﺍﻟﻠﻲ ﻳﻌﺸﻘﻬﺎ ﺍﻟﺮﺟﺎﻝ ﻫﻲ ﺍﻟﻠﻲ ﺗﻜﻮﻥ ﺍﻧﺜﻰ ﺑﻮﺟﻮﺩﻩ ﻭ ﺭﺟﻞ ﺑﻐﻴﺎﺑﺔ ﻓﻼ ﺗﺴﺘﺮﺟﻠﻴﻦ ﻋﻠﻴﻪ ﺍﺑﺪ ﻛﻞ ﻗﻮﺗﺞ ﺍﺧﻔﻴﻬﺎ ﻭ ﺣﺴﺴﻲ ﺍﻧﺖ ﺑﺪﻭﻥ ﻣﺘﻜﺪﺭﻳﻦ ﺍﺩﺑﺮﻳﻦ ﺷﻲ ﺍﺑﺪ ﻧﻔﺨﻲ ﺑﻴﻪ ﻭ ﺣﺴﺴﻲ ﻫﻮ ﻣﺎﻟﻚ ﺍﻣﺮﺝ ﻻ ﺗﺤﻄﻴﻦ ﺭﺍﺳﺞ ﺑﺮﺍﺱ ﻭ ﺳﺎﻳﺮﻱ ﺣﻴﺎﺗﺞ ﻭﻳﺎﻩ ﻳﻤﺎﻣﺎ ﻣﻮ ﻟﺨﺎﻃﺮ ﺍﺣﺪ .. ﺍﺧﺎﻃﺮﺝ ﺍﻧﺖ ﺣﺘﻰ ﺗﻌﻴﺸﻴﻦ ﺣﻴﺎﺓ ﺑﻌﻴﺪﺓ ﻋﻦ ﺍﻟﻤﺸﺎﻛﻞ

- ﺍﻥ ﺷﺎﺀﺍﻟﻠﻪ

- ﻋﻔﻴﺔ ﻣﺎﻣﺎﺗﻲ ﺑﺎﻟﻜﻠﻤﺔ ﺍﻟﻄﻴﺒﺔ ﻭ ﺣﺒﻴﺒﻲ ﻭ ﺣﻴﺎﺗﻲ ﻣﺸﻲ ﺍﻣﻮﺭﺝ

ﺑﺎﺳﺘﻨﻲ ﻭ ﺍﻧﻄﺘﻨﻲ ﻫﺪﻳﺘﻲ ﻣﺤﺒﺲ ﺫﻫﺐ ﻭ ﺑﻴﻪ ﺷﺬﺭﺓ ﻓﻴﻮﺯﻱ ، ﺑﺴﺘﻬﺎ ﻭ ﺣﻈﻨﺘﻬﺎ : ﻣﺎﻣﺎﺗﻲ ﺭﺑﻲ ﻻ ﻳﺤﺮﻣﻨﻲ ﻣﻨﺞ

ﻋﻤﺘﻲ ﺍﻧﻄﺘﻨﻲ ﻫﺪﻳﻪ ﻭ ﻭﺻﺘﻨﻲ ﻭ ﺍﻗﺎﺭﺑﻨﺎ ﺣﻄﻮ ﺍﻟﻬﺪﺍﻳﺎ ﻭ ﺗﻘﺮﻳﺒﺎ ﻛﻠﻬﻢ ﺍﻧﺴﺤﺒﻮﺍ ﺑﻘﺖ ﺑﺲ ﻣﺎﻣﺎ ﻭ ﻋﻤﻪ ﻭ ﻣﺮﺕ ﻋﻤﻲ ﻟﻤﺎ ﺻﺎﺣﻠﻬﻢ ﻋﻤﻲ : ﻳﻼ ﻳﺎﺑﻪ ﺍﻧﻄﻮ ﻣﺠﺎﻝ ﻟﻠﻌﺮﺳﺎﻥ ﻳﺎﺧﺬﻭﻥ ﺭﺍﺣﺘﻬﻢ

ﺳﻠﻤﻮﺍ ﻋﻠﻴﻨﺎ ﻭ ﻣﺨﻠﺪ ﺳﻠﻢ ﻋﻠﻴﻬﻢ ﺑﺎﻟﻜﺮﺍﺝ ﻭ ﻭﺻﻠﻬﻢ ﻟﻠﺒﺎﺏ ﻭ ﻗﻔﻞ ﻭ ﺍﺟﺎ ﺍﻧﻲ ﺳﻮﻳﺖ ﻧﻔﺴﻲ ﺩﺍ ﺍﺗﻔﻘﺪ ﺍﻟﻬﺪﺍﻳﺎ ﺑﺲ ﺑﺎﻟﻲ ﻛﻠﻪ ﻭﻳﺎﻩ

ﺗﻘﺮﺏ ﻳﻤﻲ ، ﻣﺪ ﺍﺩﻳﻪ ﻋﻠﻰ ﺧﺼﺮﻱ : ﺷﺪﺍ ﻳﺴﻮﻱ ﺍﻟﺤﻠﻮ

ﺩﺭﺗﻠﻪ ﻭﺟﻬﻲ -: ﻭﻻ ﺷﻲ

ﺻﺮﺕ ﺑﻮﺟﻬﻪ ﺍﺑﺎﻭﻋﻠﻪ، ﺍﺗﻨﻬﺪ ﻭ ﻫﻮ ﻳﺒﺘﺴﻢ

ﺭﻓﻊ ﺍﺩﻳﻪ : ﻳﻌﻨﻲ ﻫﺎﻱ ﺍﻧﺖ ﺍﻟﻲ

- ﻫﻬﻬﻪ ﺍﻱ

- ﺷﻔﺘﻲ ﺩﺭﺗﻲ ﻭ ﻟﻔﻴﺘﻲ ﻭ ﺭﺟﻌﺘﻴﻠﻲ ، ﻟﺞ ﻣﺪﺍ ﺍﺻﺪﻙ ﻭ ﺍﻟﻘﺮﺃﻥ

ﺑﺎﻭﻋﺖ ﻷﻳﺪﺍ ﺩﺍ ﺗﺮﺟﻒ ، ﺍﺑﺘﺴﻤﺖ ﻭﻟﻔﻴﺖ ﺍﺩﻳﺔ ﻋﻠﻰ ﺭﻛﺒﺘﻪ : ﺻﺪﻙ ﻛﻠﻲ ﺍﻟﻚ ﻭ ﺣﻼﻟﻚ ﻭ ﻣﻮ ﻣﻦ ﺣﻖ ﺍﺣﺪ ﻳﻤﻨﻌﻚ

ﻟﺰﻡ ﻭﺟﻬﻲ ﻭ ﻛﺎﻡ ﻳﺒﺎﺩﻟﻨﻲ ﺍﻟﺒﻮﺳﺔ ﺑﻠﻬﻔﻪ ، ﺑﻘﻰ ﻃﺎﻳﺮ ﻣﻠﻬﻮﻑ ﻣﺠﻨﻮﻥ ﻭ ﻫﻮ ﻳﺎﺧﺬﻧﻲ ﺑﻴﻦ ﺍﺩﻳﺔ

ﺩﻙ ﺍﻟﻤﻮﺑﺎﻳﻞ ، ﻓﺰﺯﻧﺎ ﺍﺛﻨﻴﻨﺎ

ﺑﺎﻭﻋﻪ ﺭﻗﻢ ﺍﻣﻪ : ﻫﺎﻱ ﺍﻣﻲ ﺷﻌﺪﻫﺎ ﺩﺍ ﺩﻙ ﻋﻠﻴﻪ

- ﺭﺩ ﺧﺎﻑ ﺍﻛﻮ ﺷﻲ ﻣﻬﻢ

- ﻫﺎﻱ ﺭﺟﻌﻮﺍ ﻣﺎﺯﻥ ﻭ ﺍﺑﻮﻳﻪ ﻭ ﺗﻀﺎﻳﻘﺖ

- ﺩﺭﺩ ﻋﻠﻴﻬﺎ ﻗﺒﻞ ﻟﻴﻨﻘﻄﻊ

- ﺍﻟﻮ ﻫﺎ ﻳﻤﻪ

- ﻭﻟﻚ ﻳﻤﻪ ﺳﻮﻳﺘﻬﺎ ﻛﺴﺮﺕ ﺑﺄﻣﻚ ﻟﻴﺶ ﻳﺎ ﺍﺑﻨﻲ ﻟﻴﺶ ..

- ﻳﻤﻪ ﺍﻟﻤﻔﺮﻭﺽ ﺗﻔﺮﺣﻴﻠﻲ

- ﺍﺧﺬﺗﻚ ﻣﻨﻲ ﺑﻨﺖ ﻭﺩﺍﺩ ﻋﺴﺎﻫﺎ ﻻ ﺗﺘﻬﻨﻰ ﺑﺠﺎﻩ ﻛﻠﻤﻦ ﻋﻨﺪﻩ ﺟﺎﻩ ﺍﺧﺬﺕ ﻣﻨﻲ ﻭﻟﻴﺪﻱ ﺍﺥ ﻳﺎ ﻛﻠﺒﻲ ﺍﺥ

- ﻳﻤﻪ ﻻ ﻫﻴﺞ ﻛﻮﻟﻲ ﻳﺎ ﺍﻟﻠﻪ

ﺍﻧﻲ ﻋﻔﺘﻪ ﻭ ﻓﺘﺖ ﻟﻠﻐﺮﻓﺔ ، ﺷﻮﻳﻪ ﻭ ﺳﻤﻌﺘﻪ ﺻﺮﺥ ﻃﻠﻌﺖ ﺑﺴﺮﻋﻪ : ﺷﻜﻮ

- ﻭﻟﺞ ﺍﻣﻲ ﺍﺗﺨﺮﺑﻄﺖ ﺍﺭﻭﺡ ﺍﺷﻮﻓﻬﺎ

ﺣﺠﺎﻫﺎ ﻭ ﺭﻛﺾ ﻃﻠﻊ

- ﺑﺎﻟﻠﻪ ﻫﺎﻱ ﻣﻦ ﻛﻞ ﻋﻘﻠﻬﺎ ﺍﺗﺨﺮﺑﻄﺖ ﻻﻥ ﺗﺰﻭﺟﻨﻲ ، ﺩﻳﻼ ﺑﺎﻟﻠﻪ

ﺩﺧﻠﺖ ﻟﻠﻐﺮﻓﺔ ﻃﻠﻌﺖ ﺭﻭﺏ ﺍﻟﻨﻮﻡ ، ﺍﻧﺪﺭﺕ ﺍﺭﻳﺪ ﺍﻓﺘﺢ ﺍﻟﺒﺪﻟﻪ ﻣﻦ ﻭﺭﺍ ، ﺳﺤﺒﺖ ، ﺍﻧﻔﺘﺢ ﺍﻟﻈﻬﺮ ﺩﺍ ﺍﺭﻳﺪ ﺍﻧﺰﻉ ﻓﺎﺕ ﻣﺨﻠﺪ ﺭﺟﻌﺘﻬﺎ ﺑﺴﺮﻋﻪ ﻭ ﺍﻟﺘﻔﺘﺖ ﻋﻠﻴﻪ

- ﻫﺎ

- ﺧﺎﺑﺮﺕ ﻣﺎﺯﻥ ﻛﺎﻝ ﺑﺲ ﺿﻐﻄﻬﺎ ﺻﺎﻋﺪ ﺧﻠﻴﻚ ﺑﻤﻜﺎﻧﻚ ﻭ ﺍﻗﻔﻞ ﺍﻟﺠﻬﺎﺯ ﺍﻣﻲ ﻣﺎ ﻋﻠﻴﻬﺎ ﺷﻲ

.........

ﻫﻢ ﺯﻳﻦ ﻳﻌﻨﻲ ﻣﺎ ﺑﻴﻬﺎ ﺷﻲ

ﺩﻙ ﺍﻟﺠﻬﺎﺯ

- ﻫﻬﻬﻬﻬﻪ ﻳﻌﻨﻲ ﻣﺎ ﻗﻔﻠﺖ ﺍﻟﺠﻬﺎﺯ

- ﻫﻮ ﺍﻧﻲ ﻟﺤﻜﺖ

ﺭﺩ : ﻫﺎ ﻳﻤﻪ

ﻛﻌﺪ ﻉ ﺍﻟﺴﺮﻳﺮ ﻳﺨﺎﺑﺮﻫﺎ ﻭ ﻳﻘﻨﻊ ﺑﻴﻬﺎ ، ﺍﻧﻲ ﻭﻛﻔﺖ ﺑﺎﻟﺰﺍﻭﻳﺎ ﻧﺰﻟﺖ ﻧﺺ ﺍﻟﺒﺪﻟﻪ ﻭ ﺩﺍ ﺍﻟﺒﺲ ﻣﻼﺑﺴﻲ، ﺗﺸﻜﻠﺖ ﻋﻴﻨﻪ ﻭﻳﺎﻳﻪ ﺍﺑﺘﺴﻢ ﻭ ﻫﻮ ﻳﻜﻮﻝ : ﺩﻳﻼ ﻳﺎ ﻳﻤﻪ ﺷﻨﻮ ﻗﺼﺘﺞ ﻣﺘﻜﻠﻴﻠﻲ

ﺍﺧﺮ ﺷﻲ ﻛﺎﻟﻪ : ﺍﻱ ﻳﻤﻪ ﺍﻱ

ﻭﺷﻴﻞ ﺍﻟﺠﻬﺎﺯ ﺍﺿﺮﺑﻪ ﺑﺎﻟﺤﺎﻳﻂ ﻭﻛﻊ ﻣﻘﺴﻮﻡ ﻧﺼﻴﻦ

- ﺗﻌﺎﻱ ﻳﺮﺑﺞ ﻭﻳﻦ ﻣﺒﺪﻟﻪ ﺍﻟﻮﺣﺪﺝ ، ﻭﻟﺞ ﺍﺫﺍ ﻣﻮ ﺍﻧﻲ ﺍﺑﺪﻟﺞ ﺑﺄﺩﻳﻪ ﻣﺎ ﺍﺭﺗﺎﺡ

- ﺭﺍﺡ ﺍﻛﻤﻞ ﺍﺑﺘﻌﺪ

- ﻭﻟﺞ ﺩﺗﻌﺎﻟﻲ

ﺳﺤﺒﻨﻲ ﺍﻟﻪ ﻭﻛﺎﻡ ﻳﺒﻮﺱ ﺑﻴﻪ ﻭ ﻫﻮ ﻳﻘﺮﺑﻨﻲ ﺑﺄﻳﺪﻩ ﻋﻠﻰ ﺟﺴﻤﻪ، ﺭﺟﻌﻨﻲ ﻟﻠﺴﺮﻳﺮ ﻭ ﺍﺧﺬﻧﻲ ﺍﻟﻪ ...

ﻟﻠﻴﻞ ﻛﻌﺪﺕ ﺟﺎﻥ ﺑﺲ ﺍﻟﺘﻴﺒﻼﻡ ﻣﺸﺘﻐﻞ، ﻭ ﺍﻧﻲ ﻧﺎﻳﻤﻪ ﻋﻠﻰ ﺍﻳﺪﻩ ﻭ ﻣﻨﻄﻴﺘﻪ ﻇﻬﺮﻱ ، ﺩﺍ ﺍﺭﻳﺪ ﺍﻛﻮﻡ ﺍﺳﺤﺐ ﺍﻟﺠﻬﺎﺯ ﺍﺷﻮﻑ ﺑﻴﺶ ﺍﻟﺴﺎﻋﻪ

ﺳﺤﺒﻨﻲ ﻟﺤﻈﻨﻪ ﺣﻴﻞ : ﺧﻠﻴﺞ ﻳﻤﻲ ﻻ ﺗﻜﻮﻣﻴﻦ

- ﺑﻴﺶ ﺍﻟﺴﺎﻋﻪ

- ﻣﺎ ﺍﻋﺮﻑ

- ﺑﺲ ﺍﺷﺮﺏ ﻣﻲ ﻋﻄﺸﺎﻧﻪ

ﺳﺤﺒﺖ ﺍﻟﺮﻭﺏ ﻟﺒﺴﺘﻪ ﻭ ﻛﻤﺖ ﻟﻠﻤﻄﺒﺦ : ﺟﺎﻥ ﻋﻤﻪ ﻭ ﻣﺎﻣﺎ ﻣﺎﻟﻴﺎﺕ ﺍﻟﺜﻼﺟﺔ ﻓﻮﺍﻛﻪ ﻭ ﺣﻠﻮﻳﺎﺕ ﻛﺎﺭﺗﻮﻧﺎﺕ ﺍﺷﻜﺎﻝ ﺍﻟﻮﺍﻥ ﻭ ﻉ ﺍﻟﻄﺒﺦ ﺍﻻﻛﻞ ﻭ ﺍﻟﺒﻘﻼﻭﺓ .. ﺍﺧﺬﺕ ﻣﻲ ﺷﺮﺑﺖ ﺣﺴﻴﺖ ﺍﻳﺪ ﻣﺨﻠﺪ ﻋﻠﻰ ﺧﺼﺮﻱ ﺑﺎﻭﻋﺘﻪ ﻃﺎﻟﻊ ﺑﺲ ﺑﺎﻟﺒﺠﺎﻣﺔ ﻋﺎﺭﻱ ﺍﻟﺼﺪﺭ

- ﻫﺎ ﺣﻴﺎﺗﻲ ﺟﻮﻋﺎﻧﻪ

- ﻻ ﺩﺍ ﺍﺳﺘﻔﻘﺪ ﺍﻟﻮﺿﻊ

- ﺑﺲ ﺍﻧﻲ ﺟﻮﻋﺎﻥ ﺧﻠﻴﻠﻨﺎ ﺷﻲ ﻧﺎﻛﻠﻪ

- ﺗﻤﺎﻡ

ﺣﻈﺮﺕ ﺷﻲ ﻉ ﺍﻟﻄﺎﻭﻟﻪ ﺭﺩﺕ ﺍﻛﻌﺪ ﻣﻘﺒﻞ، ﺳﺤﺒﻨﻲ ﻭ ﻛﻌﺪﻧﻲ ﻋﻠﻰ ﺭﺟﻠﻪ ﻳﺎﻛﻞ ﻭ ﻳﻮﻛﻠﻨﻲ ﻭ ﻳﺒﻮﺱ ﺑﺠﺴﻤﻲ : ﻓﺮﻕ ﻣﺎ ﺑﻴﻦ ﺯﻭﺍﺟﻨﺎ ﻫﺬﺍ ﻭﺑﻴﻦ ﺍﻟﻠﻲ ﺑﺎﻟﻤﻮﺻﻞ

- ﻫﻬﻬﻬﻬﻪ

- ﺟﻨﺘﻲ ﻣﺜﻞ ﺍﻟﻌﺼﻔﻮﺭ ﺍﻟﻠﻲ ﺣﺎﺑﺴﻪ ﺗﺘﻤﻨﻴﻦ ﺗﻘﺘﻠﻴﻨﻲ ﺣﺘﻰ ﺗﺸﺮﺩﻳﻦ

- ﻭ ﺷﺮﺩﺕ

- ﻣﺘﻨﺪﻣﻪ ؟

- ﻛﻠﺶ ﻫﻮﺍﻳﻪ

ﺑﺎﺳﻨﻲ ﺑﺰﻧﺪﻱ ﻭ ﺻﺎﺭ ﺣﺎﻭﻝ ﻳﺘﻘﺮﺏ

- ﺍﻭﻭ ﻣﺨﻠﺪ ﻣﻮ ﺑﺎﻟﻤﻄﺒﺦ

- ﻭﻟﺞ ﺍﻧﻲ ﻧﺎﻭﻳﻪ ﻋﻠﻴﺞ ﻧﻴﻪ ﻣﺎﻛﻮ ﻣﻜﺎﻥ ﻣﺎ ﺍﺟﺮﺑﻪ ﻭﻳﺎﺝ ﻭ ﺍﻛﺺ ﺭﺍﺳﺞ ﻟﻮ ﻣﻨﻌﺘﻴﻨﻲ ، ﺳﻠﻜﺘﻲ ﺍﺑﻮ ﺍﺑﻮﻳﻪ ﻳﻼ ﺻﺮﺗﻴﻠﻲ ﻭ ﻫﺴﻪ ﺗﻤﻨﻌﻴﻨﻲ ﺍﺫﺑﺤﺞ ﻭﺍﻟﻠﻪ ﺍﻓﺘﻬﻤﺘﻴﻲ

- ﻫﻬﻬﻬﻬﻬﻬﻬﻬﻬﻬﻪ

... ﺑﻌﺪﻫﺎ ﺭﺍﺡ ﻛﻌﺪ ﺑﺎﻟﺼﺎﻟﻪ ﺑﻌﺪ ﺃﻟﻨﻔﺎﺥ ﻭ ﺍﻻﻭﺭﺍﻕ ﻭ ﺗﻤﺪﺩ ﻉ ﺍﻟﺘﺨﻢ ﻭ ﻓﺘﺢ ﺍﻟﺘﻠﻔﺰﻳﻮﻥ

ﺍﻧﻲ ﻟﻤﻴﺖ ﺍﻟﻌﺸﺎ ﻣﻦ ﺍﻟﻄﺎﻭﻟﻪ ﻭ ﺍﺧﺬﺕ ﺩﻳﺒﺎﺝ ﻣﻦ ﺍﻟﻐﺮﻓﺔ ﻭ ﺭﺣﺖ ﻣﻐﻔﻲ ﻉ ﺍﻟﺘﺨﻢ ، ﺧﻠﻴﺖ ﺍﻟﻐﻄﺎ ﻭ ﻛﻌﺪﺕ ﻋﻠﻰ ﺭﺟﻠﻴﻪ ﻭ ﺗﻤﺪﺩﺕ ﻋﻠﻰ ﺻﺪﺭﻩ ﻭ ﺧﻠﻴﺖ ﺭﺍﺳﻲ ﺑﺮﻛﺒﺘﻪ، ﺗﻨﻬﺪ ﻛﺎﻡ ﻳﺸﺘﻢ ﺑﻜﺼﺘﻲ ﻣﺴﺢ ﻋﻠﻰ ﺷﻌﺮﻱ ﻭ ﺣﻈﻨﻲ ﺣﻴﻞ ﻭ ﻏﻄﺎﻧﺎ ...

.......

ﻏﻔﻴﻨﺎ ﺍﺛﻨﻴﻨﺎ ﻟﻠﺼﺒﺢ ﻣﺎ ﺍﻋﺮﻑ ﺷﻠﻮﻥ ﻟﻜﻴﺖ ﻧﻔﺴﻨﺎ ﻧﺎﻳﻤﻴﻦ ﺑﺎﻟﻜﺎﻉ ﻭ ﺑﺪﻭﻥ ﻣﺨﺪﻩ ﺑﺲ ﻣﻠﺘﻔﻴﻦ ﺍﺑﻌﺾ ﻭ ﻧﺎﻳﻤﻪ ﻋﻠﻰ ﺍﻳﺪﻩ

ﺍﻧﺪﻛﺖ ﺍﻟﺒﺎﺏ ، ﻓﺰ ﻫﻮ ﻭ ﺍﻧﻲ ﻛﻌﺪﺕ ﻋﻠﻰ ﻓﺰﺗﻪ : ﻣﻨﻮ

- ﻭﺍﻟﻠﻪ ﻣﺎ ﺍﻋﺮﻑ ﺑﺲ ﻣﺎﻛﻮ ﻫﻴﺞ ﻗﻠﺔ ﺍﺣﺴﺎﺱ ﻳﻌﻨﻲ ﻣﻴﻜﻮﻟﻮﻥ ﻋﺮﺳﺎﻥ ﺷﻌﺪﻫﻢ ﺟﺎﻳﻴﻬﻢ ﻣﻦ ﺍﻟﺼﺒﺢ

- ﻣﺨﻠﺪ ﺑﺎﻉ ﺍﻟﺴﺎﻋﻪ ١١ ﻳﺎ ﺻﺒﺢ، ﻛﻮﻡ ﻉ ﺍﻟﺴﺮﻳﻊ ﺍﻟﺒﺲ ﻗﻤﻴﺼﻚ ﻭ ﺍﻃﻠﻊ ﻋﻠﻰ ﻣﺎ ﺍﺑﺪﻝ

ﮔﻤﻨﺎ ﺍﺛﻨﻴﻨﺎ ﻟﻠﻐﺮﻓﺔ ﻫﻮ ﻟﺒﺲ ﻗﻤﻴﺺ ﻭ ﻃﻠﻊ ﻭ ﺍﻧﻲ ﺑﻘﻴﺖ ﺍﺧﺘﺎﺭ ﻟﺒﺴﺘﻲ ﻣﻦ ﺍﻟﺼﺒﺢ ﺷﻨﻮ ، ﺳﻤﻌﺖ ﺻﻮﺕ ﻣﺎﻣﺎ ﻭ ﻋﻤﺘﻲ ﻛﻌﺪﻭﺍ ﺑﺎﻟﻬﻮﻝ

ﻓﺎﺕ ﻫﻮ : ﺷﻔﺘﻲ ﻫﺎﻱ ﺍﻣﺞ ﺍﻟﺒﻼ ﺍﺣﺴﺎﺱ ﺍﺟﺘﻨﺎ ﻣﻦ ﺍﻟﺼﺒﺢ

- ﻟﻴﺶ ﺗﺤﺠﻲ ﻋﻠﻰ ﻣﺎﻣﺎ ، ﺧﻮ ﺍﻣﻚ ﺍﻡ ﺍﻻﻓﻼﻡ ﺍﻟﻬﻨﺪﻱ ﻟﻮ ﻣﺎ ﻛﺎﺳﺮ ﺍﻟﻤﻮﺑﺎﻳﻞ ﺟﺎﻥ ﺣﺮﺍﻡ ﺍﻟﺒﺎﺭﺣﺔ ﻣﻨﻤﻨﺎ

- ﺑﺎﻟﻠﻪ ﺍﻣﻲ ﻣﺮﺗﻔﻊ ﺿﻐﻄﻬﺎ ﻭ ﺧﺎﺑﺮﺗﻨﻲ ﺍﻣﺞ ﺷﻜﻮ ﻣﺘﺤﻠﻤﻪ ﺑﻴﻨﺎ ﻭ ﺟﺎﻳﺒﺔ ﺍﻟﻜﻴﻤﺮ ﻭ ﺟﺎﻳﻪ ﺍﺟﻠﻴﻬﺎ ﻋﻠﻰ ﺑﺎﺟﺮ ﻭ ﺗﻌﺎﻱ ﻭ ﺍﺫﺍ ﻣﺎ ﺍﺟﺖ ﻭﺍﻟﻠﻪ ﻣﺤﺪ ﻳﻌﺘﺐ ﻋﻠﻴﻬﺎ

- ﺍﻛﻮﻝ ﺍﺳﻜﺖ ﻳﻼ ﺍﺳﻜﺖ ﻭ ﻫﻼ ﺑﻤﺎﻣﺎ ﺷﻮﻛﺖ ﻣﺎ ﺍﺟﺖ ﻭ ﻛﻠﻤﻪ ﻣﺎ ﺍﺳﻤﻊ ﻋﻠﻴﻬﺎ ﺍﻓﺘﻬﻤﺖ

- ﻣﻮ ﺗﺮﺍ ﺍﻗﻔﻞ ﺍﻟﺒﺎﺏ ﻭ ﺍﺳﺘﻔﺮﺩ ﺑﻴﺞ ﻭ ﺍﺧﻠﻲ ﺑﺲ ﻧﻐﺎﻭﻳﺼﺞ ﺗﻮﺻﻠﻬﺎ

- ﻫﻬﻬﻬﻬﻬﻬﻪ ﻳﺎ ﻣﻨﺤﺮﻑ ﺍﺑﻌﺪ ﻣﻨﺎ

ﻟﺒﺴﺖ ﻭ ﻟﻤﻴﺖ ﺷﻌﺮﻱ ﻭ ﻃﻠﻌﺖ ﻟﻤﺎﻣﺎ ﺳﻠﻤﺖ ﻋﻠﻴﻬﺎ ﻭ ﻋﻠﻰ ﺑﻴﺖ ﻋﻤﻮ، ﻫﻮ ﻟﺒﺲ ﺩﺷﺪﺍﺷﻪ ﻭ ﻃﻠﻊ ﻛﻌﺪ ﻭﻳﺎﻧﻪ

ﻭ ﻣﺎﻣﺎ ﺗﻜﻮﻝ : ﺭﺩﻧﺎ ﻧﺠﻲ ﻣﻦ ٨ ﺑﺲ ﻛﻠﻨﺎ ﻋﺮﺳﺎﻥ ﺧﻠﻴﻬﻢ ﻳﺮﺗﺎﺣﻮﻥ ﺷﻌﺪﻧﺎ ﺭﺍﻳﺤﻴﻠﻬﻢ ﻣﻦ ﺍﻟﺼﺒﺢ

ﻣﺨﻠﺪ : ﻻ ﻋﻤﻪ ﻟﻮ ﺟﺎﻳﻪ ﺻﺪﻙ ﺟﺬﺏ ﺍﺫﺍ ﺗﺮﻳﺪﻳﻦ ﺑﺎﺗﻲ ﺍﻟﻠﻴﻠﺔ ﻳﻤﻨﺎ ﻋﺪﻧﺎ ﺧﻴﺮ ﻣﻦ ﺍﻟﻠﻪ ﻏﺮﻑ ﻓﺎﺭﻏﻪ ﻋﺎﺩ ﺍﻧﺖ ﻋﻤﺘﻲ ﻛﻌﺪﺗﺞ ﻣﺎ ﺗﻨﻤﻞ

ﻧﺪﺳﺘﻪ ﺣﻴﻞ ﺻﺎﺡ : ﺷﻌﺪﻧﺎ ﻏﻴﺮﺝ ﻋﻤﻪ ﺍﻟﻠﻪ ﻳﺤﻔﻈﺞ ﺍﻟﻠﻪ ﻳﺤﻔﻈﺞ ... ﺩﺍﺭ ﻭﺟﻪ ﺑﺜﻼﺟﺔ ﺍﻟﻤﻮﺗﺎ ﺍﻧﺸﺎﺀﺍﻟﻠﻪ

ﻛﺮﺻﺘﻪ ﺣﻴﻞ : ﻫﻬﻬﻬﻬﻪ ﻻ ﻣﺎﻣﺎ ﻣﺎ ﻋﺪﻧﺎ ﺷﻲ

- ﺍﻛﻮﻟﺞ ﻫﺬﺍ ﺭﺟﻠﺞ ﺷﻮ ﺟﻨﻪ ﻣﺮﺍﺿﻲ ﺑﺠﻴﺘﻨﺎ

ﺭﻓﻌﺖ ﺻﻮﺗﻲ : ﻻ ﻣﺎﻣﺎ ﺷﻠﻮﻥ ﻣﺎ ﺭﺍﺿﻲ ، ﻳﺎ ﻣﺨﻠﺪ ﺷﻮﻑ ﻣﺎﻣﺎ ﻋﺒﺎﻟﻬﺎ ﻣﺎ ﺭﺍﺿﻲ ﺑﺠﻴﺘﻬﻢ

ﻭ ﺧﺰﺭﺗﻪ

- ﻻ ﻋﻤﻪ ﺍﻓﺎ ﻋﻠﻴﺞ ﺷﻠﻮﻥ ﻣﺎ ﺭﺍﺿﻲ ﻫﻮ ﺍﻟﺒﻴﺖ ﺍﻟﻜﻢ ﻭ ﺍﻧﻲ ﺍﻟﺨﻄﺎﺭ ﺗﺮﺍ ، ﻣﻮ ﺳﺠﻠﺘﻪ ﺑﺄﺳﻢ ﺑﺘﺞ ﺑﻌﺪ ﺷﻜﻮ ، ﺷﻮﻛﺖ ﻣﺎ ﺗﺠﻴﻦ ﺷﻨﺴﻮﻱ ﻫﺬﺍ ﺍﻟﻠﻪ ﻛﺎﺗﺒﻪ ﻋﻠﻴﻨﺎ

ﻋﻤﺘﻲ ﺿﻠﺖ ﺗﻀﺤﻚ

- ﻭﻟﺞ ﻫﺬﺍ ﺭﺟﻠﺞ ﺩﺍ ﻳﻄﺮﺩ ﺑﻴﻨﺎ

- ﻻ ﻣﺎﻣﺎ ﻣﻮ ﻫﻴﺞ ، ﻛﻞ ﺍﻟﻘﺼﺔ ﻣﺨﻠﺪ ﺩﻳﺸﺎﻗﺔ ﻣﻮ ﻣﺨﻠﺪ

ﺍﻟﺘﻔﺘﻠﻲ : ﻻ ﺷﻘﺎ ﺷﻨﻮ ﺻﺤﻴﺢ، ﺍﺍﺍﺍﺍ ﺍﻱ ﺍﻱ ﺍﺷﺎﻗﻰ ﻋﻤﻪ ﺷﺒﻴﺞ ﻣﺘﻜﻠﻴﻠﻲ ﻣﺎ ﺗﻌﺮﻓﻴﻨﻲ ﺷﻜﺪ ﺍﻋﺰﺝ ﻭ ﺍﺣﺒﺞ

- ﻭﻟﺞ ﻫﺬﺍ ﺑﺲ ﻻ ﻧﺎﺻﺐ ﻋﻠﻴﻪ

ﺣﺠﺖ ﻋﻤﺘﻲ : ﻳﺎ ﻭﺩﺍﺩ ﺍﻟﺮﺟﺎﻝ ﺣﻘﺔ ﻳﺘﻀﺎﻳﻖ ﺍﻟﻴﻮﻡ ﺻﺒﺎﺣﻴﺔ ﻋﺮﺳﻪ ﺧﻞ ﻧﻜﻮﻡ

ﻣﺨﻠﺪ : ﻳﺎ ﻋﻤﻪ ﺍﻧﺖ ﻋﻠﻰ ﺭﺍﺳﻲ ﻣﻦ ﺯﻣﺎﻥ ﺍﻧﻲ ﺍﺣﺒﺞ

ﺍﺛﻨﻴﻨﻬﻦ ﺿﺤﻜﻦ ﻣﻦ ﻛﺎﻝ ﻫﻴﺞ ﻭ ﺳﻠﻤﻮﺍ ﻋﻠﻴﻨﺎ ﻭ ﻛﺎﻣﻮﺍ ﺭﺍﺣﻮﺍ، ﻗﻔﻠﺖ ﺍﻟﺒﺎﺏ ﻭﺭﺍﻫﻢ ﻭﺭﺟﻌﺘﻪ : ﻣﻦ ﻛﻞ ﻋﻘﻠﻚ ﻣﺨﻠﺪ ﻫﻴﺞ ﻓﺸﻠﺘﻨﻲ ﻛﺪﺍﻡ ﺍﻣﻲ ﻭ ﻋﻤﺘﻲ

- ﺩﻧﻌﻞ ﺍﻣﺞ ﻻﺑﻮ ﻋﻤﺘﺞ ﻭﻳﺎﺝ ﻭﻟﺞ ﺍﻧﻲ ﺭﺟﺎﻝ ﻣﺴﻤﻮﻁ ﺟﺪ ﺟﺪﻱ ﺍﻣﺞ ﺗﺠﻴﻨﻲ ﻣﻦ ﺍﻟﺼﺒﺢ ﺷﻌﺪﻫﺎ ﻣﺎ ﺗﻜﻮﻝ ﻫﺬﺍ ﻣﻔﻄﻮﻡ ﺻﺎﺭﻟﻪ ﺳﻨﻴﻦ ﺩﺗﻌﺎﺍﺍﺍﻱ

- ﺟﻮﻋﺎﻧﻪ ﺍﺭﻳﺪ ﺍﺗﺮﻳﻚ ﻭﺧﺮﺭﺭﺭﺭﺭ ﻣﻤﻠﻴﺖ

- ﻭﻟﺞ ﻓﻠﻮﺱ ﺑﻨﺖ ﺍﻟﻜﻠﺐ ﺧﻞ ﺍﻃﻠﻌﻬﻦ

- ﻳﺎ ﺷﻨﻮ ﺩﺍ ﻧﺘﻘﻢ ﻣﻨﻲ ﺍﻧﺖ ﺩﻋﻮﻓﻨﻲ

- ﻭﺍﻟﻠﻪ ﻣﺎ ﺍﻋﻮﻓﺞ ﺍﺫﺍ ﻣﺎ ﺍﻃﻠﻊ ﺣﻚ ﺍﻟﺒﻴﺖ ﺍﻟﺰﻭﻋﺘﻴﻨﻴﺎﻩ

ﻻ ﻻ ﺍﻭﻛﻒ ﺑﺲ ﺧﻞ ﺍﺣﺠﻲ ﻭﻳﺎﻙ ﺍﻧﺖ ﻣﻜﻠﺘﻠﻲ ﺍﻟﺒﻴﺖ ﺗﺼﻤﻴﻤﻪ ﺣﻠﻮ ﻟﻮ ﻻ

- ﺍﻛﻠﺞ ﺷﻐﻠﻪ

- ﺷﻨﻮ

- ﺍﺫﺍ ﻭﺍﺣﺪ ﺟﻮﻋﺎﻥ ﻛﻠﺶ ﺟﻮﻋﺎﻥ ﻭ ﺣﻄﻮﻟﻪ ﺻﻴﻨﻴﺔ ﻗﻮﺯﻱ ﺑﻨﺺ ﻗﺼﺮ ﻟﻮ ﺑﻨﺺ ﺧﺮﺍﺑﻪ ﻳﻔﺮﻕ ؟ ﺍﻫﻢ ﺷﻲ ﻳﻌﺒﻲ ﺑﻄﻨﻪ ﻓﺘﻌﺎﺍﺍﺍﺍﻱ ﺧﻞ ﺍﺗﻌﺒﻰ ﺑﻴﺞ

- ﻻﺍﺍﺍﺍﺍﺍﺍ

ﺍﻧﺪﻙ ﺍﻟﺒﺎﺏ ، ﻛﺎﻡ ﻣﻦ ﺣﻴﻠﻪ ﺷﺎﻝ ﺍﻟﻨﻌﺎﻝ ﻭ ﻃﻠﻊ ﻳﺮﻳﺪ ﻳﺸﺤﺘﻬﻢ ﻭﺻﻞ ﻳﻢ ﺍﻟﺒﺎﺏ ﺧﻼﻩ ﺑﺮﺟﻠﻪ ﻭ ﻓﺘﺢ ﺍﻟﺒﺎﺏ ﻭ ﺍﻧﻲ ﻣﻴﺘﻪ ﺿﺤﻚ

ﻓﺎﺗﺖ ﻣﺎﻣﺎ : ﻟﻚ ﻋﻴﻨﻲ ﻳﻤﻜﻦ ﻧﺴﻴﺖ ﺟﻬﺎﺯ ﺍﻟﻤﻮﺑﺎﻳﻞ ﻳﻤﻜﻢ

- ﻓﻮﺗﻲ ﻋﻤﻪ ﻓﻮﺗﻲ ﺻﺪﻙ ﺟﺬﺏ ﻣﻮ ﻛﺘﻠﺞ ﺍﻟﺒﻴﺖ ﺑﻴﺘﺞ

ﻓﺎﺗﺖ ﻛﻠﺘﻠﻬﺎ : ﻫﺎ ﻣﺎﻣﺎ

- ﺍﻱ ﻫﺬﺍ ﺟﻬﺎﺯﻱ ﺷﻮﻓﻲ ﻭﺍﻛﻊ ﻣﻨﻲ ﻟﺞ ﺩﺍﺩﺍ

- ﺍﻱ ﺩﺍﺩﺍ ﻳﺎ ﻋﻤﻪ ﺍﻟﺴﺎﻋﻪ ١٢ ﺍﻧﻲ ﺍﻛﻮﻝ ﻟﻮ ﺗﺘﻐﺪﻳﻦ ﻭ ﻏﺪﺍﺝ ﻣﻦ ﺍﻳﺪﻱ ﺷﺘﻜﻮﻟﻴﻦ

- ﻻ ﻟﻚ ﻋﻴﻨﻲ ﺗﺮﻭﺡ ﺗﺨﻠﻴﻠﻲ ﺳﻢ ﺑﺎﻻﻛﻞ ﺍﻧﺖ ﺍﺑﻦ ﻛﺮﺟﻴﺔ ﻣﺎ ﺍﻟﻚ ﺍﻣﺎﻥ

- ﻓﺪﻭﺓ ﺍﺭﻭﺣﻠﺞ ﻋﻤﻪ ﻓﺎﻫﻤﺘﻨﻲ

- ﺍﺭﻭﺡ ﻟﺞ ﻣﺎﻣﺎ ﻻ ﻳﺮﻭﺡ ﻳﺬﺑﺤﻨﻲ ﻫﺬﺍ ﺭﺟﻠﺞ ﺩﺍ ﺍﺣﺴﻪ ﻛﻮﻩ ﻃﺎﻳﻘﻨﻲ

- ﻳﺸﺎﻗﻪ ﻣﺎﻣﺎ ﻳﺸﺎﻗﻪ

- ﺍﻱ ﺍﺷﺎﻗﻪ ﻋﻤﻪ ﺷﺒﻴﺞ ﺍﻧﺖ ﻟﻮ ﺗﻌﺮﻓﻴﻦ ﺍﻟﺸﻘﻰ ﺍﻟﻀﺎﻣﻠﺠﻴﺎﻩ ﺑﻜﻠﺒﻲ ﺍﻗﺼﺪ ﺍﻟﺤﺐ ﻭ ﺍﻟﻤﺤﺒﻪ

- ﺍﺭﻭﺡ ﻣﺎﻣﺎ

- ﻫﺴﻪ ﻏﻴﺮ ﺗﺮﻭﺡ ﻭ ﺗﻔﻀﻨﺎ

- ﻳﺎ ﺷﻮ ﺍﻧﺖ ﺗﻄﺮﺩﻧﻲ

- ﻣﻮ ﻋﻠﻴﺞ ﻳﺎ ﻋﻤﻪ ﻋﻠﻰ ﻫﺎﻟﺸﻤﺲ ﺍﻟﺴﻤﻄﺖ ﺍﺑﻮ ﺍﺑﻮﻧﺎ ﻣﺪﺍ ﺍﺷﻮﻓﻴﻦ ﺍﻟﺠﻮ ﺻﺎﺭ ٥٠ ﻣﻦ ﺍﻟﺤﺮﺍﺭﺓ

- ﻫﺎﺍﺍ ﻳﻼ ﻣﺎﻣﺎ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ

- ﻭ ﺍﻧﻲ ﻓﺰﺍﻋﺔ ﺧﻀﺮﺓ ﻫﻨﺎ ﺍﺩﻳﺮ ﺑﺎﻟﻬﺎ ﻋﻠﻰ ﺭﻭﺣﻬﺎ

- ﺩﻳﺮﻭ ﺑﺎﻟﻜﻢ ﻋﻠﻰ ﺑﻌﺾ

- ﻏﻴﺮ ﺗﺮﻭﺣﻴﻦ ﺣﺘﻰ ﻧﺸﻮﻑ ﺑﻌﺾ ﻭ ﻧﺪﻳﺮ ﺑﺎﻟﻨﺎ ﻋﻠﻴﻬﺎ

ﺿﺤﻜﺖ ﻭ ﻃﻠﻌﺖ ﻭ ﺍﻧﻲ ﻫﻢ ﺍﺿﺤﻚ ﻋﻠﻰ ﺳﻮﺍﻟﻔﻪ ، ﺳﺪﻳﺖ ﺍﻟﺒﺎﺏ ﻭﺭﺟﻌﺖ ﺍﺿﺤﻚ ﻟﻜﻴﺘﻪ ﻳﺪﻭﺭ

ﺷﺪﻭﺭ ؟

- ﻭﻟﺞ ﻻ ﺍﻧﻮﺏ ﺍﺑﻮﺳﺞ ﻭ ﺗﻄﻠﻊ ﻧﺎﺳﻴﺘﻠﻬﺎ ﺑﻠﻮﺓ ﺛﺎﻧﻴﻪ ﻓﺨﻞ ﺍﺗﻌﺐ ﺭﻭﺣﻲ ﻭ ﺍﺩﻭﺭ ﻗﺒﻞ ﻻ ﺍﺑﻠﺶ ﺑﻴﺞ

ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..... ﻳﺘﺒﻊ

☆☆☆☆☆☆

# ﺯﻳﻨﺐ _ ﻣﺎﺟﺪ

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤