رواية خطوات نحو الجحيم ج3 الجزء السابع
للكاتبة زينب ماجد
.....
ﻛﻢ ﺍﻭﺩ ﺗﻔﺠﻴﺮﻙ ﺑﻘﻨﺒﻠﺔ ﻻ ﻧﻮﻥ ﻓﻴﻬﺎ ❤
ﺍﻟﻌﺮﺍﻕ _ ﺍﺭﺑﻴﻞ
ﺍﻟﺴﺎﻋﺔ ١١ ﻣﺴﺎﺀﺍ
ﻣﺨﻠﺪ : ﺷﻨﻮ ﮔﻠﺘﻲ ؟
- ﺷﮕﻮﻝ ﻣﻦ ﻋﻘﻠﻚ ﻧﺘﺰﻭﺝ ﺑﺎﻟﺴﺮ ؟ !!
- ﻛﻠﺘﻠﺞ ﺍﺳﺒﻮﻉ
- ﺍﺳﺒﻮﻋﻴﺶ ﻫﺎﻻﻣﻮﺭ ﻣﺎ ﺍﺣﺒﻬﺎ، ﻛﻠﺘﻠﻚ ﺍﻧﻄﻴﻨﻲ ﻣﻬﻠﺔ ﺍﻓﻜﺮ
- ﺗﻔﻜﺮﻳﻦ ﺑﺸﻨﻮ
- ﺍﻓﻜﺮ ﺍﻓﻜﺮ ﺷﻨﻮ ﻳﻌﻨﻲ ﺗﻔﻜﺮﻳﻦ ﺑﺸﻨﻮ ، ﺣﻴﺎﺗﻲ ﻫﺬﻩ ﻣﻮ ﻟﻌﺒﺔ ﺍﺧﺬ ﺭﺃﻱ ﺍﻣﻲ ﺍﺷﻮﻑ ﺭﺃﻱ ﺍﻟﻤﻘﺮﺑﻴﻦ
- ﻳﻼ ﻓﻜﺮﻱ ﺩﺷﻮﻑ
ﺻﻔﻨﺖ ﺑﻀﺤﻜﺔ : ﺗﺮﺍ ﺍﻧﺖ ﻣﺨﺒﻞ
- ﻣﺨﺒﻞ ﺑﻴﺞ ﻭﺍﻟﻠﻪ ﺟﻨﻨﺘﻴﻨﻲ
ﺍﺑﺘﺴﻤﺖ ﺍﺟﺎ ﻛﻤﺒﺺ ﻛﺒﺎﻟﻲ : ﻭﺍﻟﻠﻪ ﺍﻭﻓﻖ ﺑﺸﻨﻮ ﺗﺮﻳﺪﻳﻦ ﺍﻧﺖ ﺷﺘﺸﺮﻃﻴﻦ ﺍﻭﺍﻓﻖ ﺑﺲ ﻗﺒﻠﻲ
- ﻟﻴﺶ ﺍﻧﻲ ؟
*****- ﺍﻛﻠﻬﺎ ﺍﺣﺒﺞ ﻭﺭﺍﻳﺪﺝ ﺗﻜﻠﻲ ﻟﻴﺶ ﺍﻧﻲ
- ﻻ ﺗﻔﺸﺮ ﺷﻮﻑ ﻫﺬﺍ ﺍﻷﺳﻠﻮﺏ ﺍﻧﻲ ﻣﺎ ﺍﺣﺒﻪ ﺑﻜﻞ ﻛﻠﻤﻪ ﺗﻔﺸﺮ
- ﻻ ﺗﺨﻠﻴﻨﻲ ﻭﻟﺞ ﺍﻏﺮﺩ ﺩﺍ ﺍﻛﻮﻟﺞ ﺍﺣﺒﺞ ﻳﻠﻜﺎﺋﻨﺎﺕ ﺍﺣﺒﺒﺒﺞ
- ﺣﺒﺘﻚ ﺣﻴﺔ ﺑﺮﺹ ﺍﺑﻮ ﺭﺍﺱ ﻣﻤﺼﺪﻛﻪ ﺍﻧﺖ ﺗﺒﺠﻲ
- ﺍﻱ ﻋﺎﺩ ﺭﻭﺣﻲ ﻫﻨﺎﻙ ﻋﺪ ﺍﻫﻠﻲ ﻭ ﺍﺷﻬﺮﻳﻨﻲ ﻭ ﻛﻮﻟﻲ ﻣﺨﻠﺪ ﺑﺠﻰ ﻋﻠﻴﻪ ﻭ ﻛﺎﻋﺪ ﻳﻢ ﺭﺟﻠﻴﻪ ﻳﺘﻮﺳﻞ ﺑﻴﻪ ﺍﺣﺠﻴﻪ ﻻ ﺗﻘﺼﺮﻳﻦ
- ﻟﻴﺶ ﺗﺨﺠﻞ ؟
- ﺍﺧﺠﻞ ﺷﻨﻮ ﻭ ﻛﺮﺍﻣﺘﻲ ﺑﻨﺖ ﺍﻟﻜﻠﺐ ﻭﺻﻠﺔ ﻣﺴﺢ ﺧﻮﻣﺎ ﻭﺻﻠﺔ ﻣﺴﺢ
- ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻟﻚ ﻻ ﺗﻐﻠﻂ ﻋﻠﻰ ﺍﺑﻮﻳﻪ
- ﺷﻠﻮﻥ ﺭﺍﺡ ﺗﺨﻠﻴﻨﻲ ﺍﺑﺘﻠﻲ ﺑﻴﻬﺎ
- ﺷﺮﺍﻳﺪ
- ﻓﻜﺮﻳﻴﻴﻴﻴﻴﻴﻴﻲ
- ﻳﺎ ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻻ ﺍﻧﻲ ﺻﺪﻛﺖ ﺍﻧﺖ ﺍﻧﺠﻨﻴﺖ ، ﺍﻛﻮﻡ ﺍﻧﺎﻡ ﺍﺷﺮﻓﻠﻲ
- ﺍﻟﺠﻮﺍﺏ ﺷﻮﻛﺖ ﺍﺳﻤﻌﻪ
- ﻟﺤﻴﺖ
- ﺷﻮﻛﺖ
- ﻟﺤﻴﻴﻴﺖ
ﻋﻔﺘﻪ ﻭ ﺭﺣﺖ ﺍﻧﺎﻡ ﺍﺟﺎ ﻭﺭﺍﻳﺎ ، ﻟﺰﻣﺖ ﺭﺍﺳﻲ : ﺑﻌﺪ ؟
- ﺑﺲ ﺍﺭﻳﺪ ﺍﻛﻮﻟﺞ ﺷﻲ
- ﻭ ﻫﻮ
ﺗﻘﺮﺏ ﻣﻨﻲ
- ﺷﻜﻮ
ﻟﺰﻡ ﺭﺍﺳﻲ ﺑﻌﺪ ﺷﻌﺮﻱ ﻣﻦ ﻭﺟﻬﻲ ، ﺍﺧﺬ ﻧﻔﺲ ﻭ ﺍﺗﻨﻬﺪ : ﺍﻭﻋﺪﺝ ﻭﺍﻟﻠﻪ ﺍﺧﻠﻴﺞ ﺍﺳﻌﺪ ﺍﻧﺴﺎﻥ ﺑﻬﺬﺍ ﺍﻟﻜﻮﻥ ، ﺍﻧﺴﻴﺞ ﺍﻟﻤﺮﻳﺘﻲ ﺑﻴﻪ ﺑﻌﻤﺮﺝ، ﺭﺍﺡ ﺗﺸﻮﻓﻴﻦ ﻣﺨﻠﺪ ﺛﺎﻧﻲ ﻛﻠﺶ ﻳﻌﺠﺒﺞ ، ﻣﺮﺍﺡ ﺍﻗﺒﻞ ﻳﻤﺴﺞ ﺍﻱ ﺷﻲ
- ﻣﺨﻠﺪ ﺍﻟﻠﻲ ﮔﺎﻟﻬﺎ ﮔﺒﻠﮏ ﺑﺎﻋﻨﻲ
- ﺍﻟﻜﺎﻟﻬﺎ ﮔﺒﻠﻲ ﻣﺎ ﺣﺒﺞ ﻣﺠﺮﺩ ﺍﻧﻌﺠﺐ ﺑﻴﺞ ، ﺍﻧﺖ ﺍﻟﻠﻲ ﺣﺒﻴﺘﻲ ﻭ ﻋﻘﻠﺞ ﻃﺎﺭ ﺑﻲ ﻭ ﻧﺴﻴﺘﻲ ﻛﻞ ﺍﻟﺪﻧﻴﺎ ﺑﺴﺒﺐ ﻭ ﺿﺮﺑﺘﺞ ﺗﻮﺟﻊ ﻋﻠﻰ ﺣﺠﻢ ﺗﺼﺪﻳﻘﺞ ﻭ ﺣﺒﺞ ﺍﻟﻪ، ﻻ ﺗﻘﻴﺴﻴﻦ ﺍﻟﻜﻞ ﻋﻠﻰ ﻭﺍﺣﺪ ،ﺍﻟﺪﻧﻴﺎ ﺑﻴﻬﺎ ﺍﺷﻜﺎﻝ ﻭ ﺍﺻﺎﺑﻌﺞ ﻣﻮ ﺳﻮﺍ
......
ﻣﺎ ﺍﻋﺮﻑ ﺍﻛﺬﺏ ﻟﻮ ﺍﻛﻮﻟﻚ ﺍﻧﻲ ﻣﻤﻜﻦ ﺍﻛﺪﺭ ﺍﺣﺐ ﻟﻮ ﺍﻋﻴﺶ ﻃﺒﻴﻌﻲ ﺑﻌﺪ ﺍﻟﺼﺎﺭ ﻭﻳﺎﻳﻪ، ﻣﺸﺎﻋﺮﻱ ﻛﺎﻟﻘﻄﺐ ﺍﻟﺸﻤﺎﻟﻲ ﺑﺎﺭﺩﻩ ﻛﻠﺶ
- ﺍﻧﻄﻲ ﻓﺮﺻﺔ ﻟﻨﻔﺴﺞ ﻭ ﻣﺎ ﺭﺍﺡ ﺗﻨﺪﻣﻴﻦ ، ﻳﻼ ﺭﻭﺣﻲ ﻧﺎﻣﻲ ، ﺍﻧﻲ ﺭﺍﺡ ﺍﻛﻄﻊ ﺳﻔﺮﻱ ﻭ ﺍﺭﺟﻊ ﻟﺒﻐﺪﺍﺩ ﺑﺎﺟﺮ ﻭ ﺍﻧﺘﻈﺮﺝ ﺍﺳﺒﻮﻉ ﺗﻔﻜﺮﻳﻦ ﺑﺎﻟﻤﻮﺿﻮﻉ ﻛﻠﺶ ﻫﻮﺍﻳﻪ ﻭ ﺗﺠﺎﻭﺑﻴﻦ
ﻫﺰﻳﺖ ﺭﺍﺳﻲ ، ﺿﺮﺏ ﻋﻠﻰ ﻛﺘﻔﻲ ﻭ ﻃﻠﻊ
ﺑﻘﻴﺖ ﺍﻟﻠﻴﻞ ﻛﻠﻪ ﺍﻓﻜﺮ : ﺍﻧﻲ ﺷﻨﺎﻗﺼﻨﻲ ﺑﺎﻟﻌﺮﺍﻕ ﻭ ﺍﺳﺎﻓﺮ، ﺑﻴﺖ ﻭ ﺭﺍﺗﺐ ﻭ ﺳﻴﺎﺭﺓ ﻭ ﺷﻐﻞ ﺍﺗﺮﻙ ﻛﻞ ﻫﺬﺍ ﻭ ﺍﺭﻭﺡ ﻟﻠﺴﻮﻳﺪ !!
ﻳﻄﻠﻊ ﺑﺮﺍ ﺍﻟﻤﺤﺘﺎﺝ ﺍﻟﻤﺘﻀﺎﻳﻖ، ﺍﻧﻲ ﺑﺸﻨﻮ ﻣﺘﻀﺎﻳﻘﺔ
ﻋﻴﺸﺘﻲ ﺑﺄﺭﺑﻴﻞ ﻫﻨﺎ ﻣﻦ ﺍﺭﻭﻉ ﻣﺎ ﻳﻜﻮﻥ .. ﻣﻮ ﺑﺤﺎﺟﺔ ﻏﻴﺮ ﺷﻮ ﺟﺪﻳﺪ ﺑﺤﻴﺎﺗﻲ
ﻣﺨﻠﺪ !!
ﺑﺸﻨﻮ ﻳﻨﺎﺳﺒﻨﻲ ﻣﺨﻠﺪ
ﻟﻮ ﺍﺷﺘﺮﻃﺖ ﻋﻠﻴﻪ ﺷﺮﻭﻃﻲ ﻳﻘﺒﻞ ؟
ﺑﻘﻴﺖ ﺍﻓﻜﺮ ﻫﻮﺍﻳﺔ ﻟﺤﺪ ﻣﺎ ﻧﻤﺖ ، ﻛﻌﺪﺕ ﺍﻟﺼﺒﺢ ﻫﻮ ﺩﻳﺒﺪﻝ
ﺭﺣﺖ : ﺻﺒﺎﺡ ﺍﻟﺨﻴﺮ
- ﺻﺒﺎﺡ ﺍﻟﻨﻮﺭ
- ﺧﻞ ﺍﺳﻮﻳﻠﻚ ﺭﻳﻮﻙ
- ﻻ ﻣﺎ ﺍﺭﻳﺪ ﻫﻢ ﻳﺎﻟﻠﻪ ﺍﻭﺻﻞ
- ﻋﻨﺪﻱ ﻛﻼﻡ ﻭﻳﺎﻙ ﻻ ﺗﺴﺘﻌﺠﻞ ﺧﻠﻴﻨﺎ ﻧﺘﺮﻳﮓ ﻭ ﻧﺤﺠﻲ
- ﺍﻭﻙ
... ﻭﻛﻔﺖ ﺍﺳﻮﻱ ﺍﻟﺮﻳﻮﻙ ﻫﻮ ﻭﺍﻛﻒ ﻳﻤﻲ ﻣﻨﺘﻈﺮﻧﻲ ﺍﺣﺠﻲ، ﺍﺧﺬ ﺷﻲ ﻛﺎﻝ : ﺍﻛﻌﺪﻱ ﺷﻮ ﻛﺪﺍﻣﻲ ﻛﻮﻟﻲ ﺍﻟﻠﻲ ﻋﻨﺪﺝ ﻭ ﺑﻌﺪﻳﻦ ﻧﺘﺮﻳﻚ
- ﺑﺲ ﺍﻛﻤﻞ
- ﻃﻔﻴﺖ ﺍﻛﻌﺪﻱ
ﻛﻌﺪﺕ، ﻛﺤﻴﺖ : ﺷﻮﻑ ﻣﺨﻠﺪ ﺍﺫﺍ ﺗﺮﻳﺪﻧﻲ ﺍﺗﺰﻭﺟﻚ ﻭ ﺍﻗﺒﻞ ﺑﻴﻚ ، ﻋﻨﺪﻱ ﻣﺠﻤﻮﻋﺔ ﺷﺮﻭﻁ
- ﻭﻫﻲ ؟
- ﺍﻻﻭﻟﻰ ﺍﺑﻘﻰ ﻫﻨﺎ ﺑﺄﺭﺑﻴﻞ ﻣﺎ ﺍﻟﻚ ﺣﻖ ﺗﺠﺒﺮﻧﻲ ﺍﺭﺟﻊ ﻟﺒﻐﺪﺍﺩ ﻟﻮ ﺍﻃﻠﻊ ﻣﻦ ﺑﻴﺘﻲ
- ﺷﻠﻮﻥ ﻳﻌﻨﻲ
- ﺷﻨﻮ ﺍﻟﻠﻲ ﻣﺎ ﻓﻬﻤﺘﻪ ؟
- ﻳﻌﻨﻲ ﺍﻧﻲ ﺿﺎﺑﻂ ﺍﺑﻐﺪﺍﺩ ﺷﻠﻮﻥ ﺗﺮﻫﻢ ﺍﺧﻠﻴﺞ ﻫﻨﺎ ﺑﺄﺭﺑﻴﻞ ﺯﻭﺍﺟﻴﺶ ﻫﺬﺍ
- ﻛﻞ ﺍﺳﺒﻮﻉ ﺗﺠﻲ ﻟﻬﻨﺎ ﺍﻭ ﺍﻧﻲ ﺍﺟﻴﻚ ﻭﻗﺖ ﻓﺮﺍﻏﻲ ﻟﻬﻨﺎﻙ
- ﺑﺲ ﻫﺬﻩ ﻣﻮ ﺣﺎﻟﺔ !!
- ﻫﺬﺍ ﺍﻟﺸﺮﻁ ﺍﻻﻭﻝ ، ﺍﻟﺸﺮﻁ ﺍﻟﺜﺎﻧﻲ ﺗﺘﻬﺪﻟﻲ ﻣﺎ ﺗﺪﺧﻞ ﺑﺸﻐﻠﻲ ﺍﺑﺪ ﻭﻳﺎ ﻣﻨﻮ ﺍﺷﺘﻐﻞ ﻭ ﻟﻴﺶ ﻭ ﻛﻴﻒ ﻫﺎﻻﻣﻮﺭ ﺍﻧﻲ ﺍﻗﺮﺭﻫﺎ ، ﺍﻟﻚ ﺣﻖ ﺗﻨﺼﺤﻨﻲ ﻭ ﺗﻘﻨﻌﻨﻲ ﻟﻜﻦ ﺍﻧﻚ ﺗﻔﺮﺽ ﻣﺮﻓﻮﺽ
- ﻭ ﺍﻟﺜﺎﻟﺚ ؟
- ﻟﺒﺴﻲ ، ﺍﻋﺘﻘﺪ ﺍﻧﺖ ﻛﺎﻧﺖ ﻋﻨﺪﻙ ﺯﻭﺟﺔ ﺳﺎﺑﻘﺔ ﻭ ﻛﺎﻧﺖ ﻣﺤﺠﺒﺔ، ﺍﻟﺤﺠﺎﺑﺔ ﻗﻨﺎﻋﺔ ﻣﺘﻜﺪﺭ ﺗﺠﺒﺮ ﺍﻧﺴﺎﻥ ﻋﻠﻰ ﻟﺒﺴﻪ ﻓﻤﻤﻨﻮﻉ ﺗﻔﺮﺽ ﻋﻠﻴﻪ ﺭﺃﻳﻚ
ﺑﻌﺪ ﻳﻮﻣﻴﻦ ﺍﻟﻨﺎﺱ ﺗﺤﺠﻲ ﺯﻭﺟﺘﻪ ﺍﻻﻭﻟﻰ ﺷﻠﻮﻥ ﺟﺎﻧﺖ ﻭ ﺷﻮﻑ ﺍﻟﺜﺎﻧﻴﺔ ﻭ ﻳﻜﻌﺪﻭﻥ ﻳﺨﻠﻮﻧﻪ ﺑﻤﻘﺎﺭﻧﺎﺕ ﻭ ﺷﻮﻑ ﻣﺨﻠﺪ ﺷﻴﺨﻠﻴﻬﺎ ﺗﻠﺒﺲ ﻫﺎﻻﻣﻮﺭ ﻣﺘﻬﻤﻨﻲ
ﺍﻧﺖ ﻛﻠﺶ ﺯﻳﻦ ﺗﻌﺮﻑ ﺭﺃﻱ ﺍﻟﻨﺎﺱ ﺑﻴﻪ ﺍﺧﺮ ﻫﻤﻲ ،
ﺣﺠﻲ ﺍﻟﻨﺎﺱ ﻣﻴﻤﺸﻴﻨﻲ ﺍﻣﺸﻲ ﻋﻠﻰ ﺍﻟﻠﻲ ﺍﻗﺘﻨﻊ ﺑﻴﻪ ﻭ ﺑﺲ
... ﺻﻔﻦ ﺩﺍﺭ ﻭﺟﻬﻪ ﻳﻔﻜﺮ ﻭ ﻫﻮ ﻳﺤﻚ ﺑﺸﻮﺍﺭﺑﻪ ، ﺭﺟﻊ ﺑﺎﻭﻋﻠﻲ : ﮔﻮﻟﻲ ﺍﻧﺖ ﻣﺎ ﻧﺎﻭﻳﻪ ﺗﻀﺤﻴﻦ ﺑﺄﻱ ﺷﻲﺀ ﻣﻨﺞ ﻟﻬﺬﺍ ﺍﻟﺰﻭﺍﺝ
......
ﺍﻻﻧﺴﺎﻥ ﻳﺮﺑﺢ ﻟﻴﺶ ﺩﺍ ﺍﺧﺴﺮ ﻭ ﺍﺿﺤﻲ، ﻫﺬﻩ ﺍﻧﻲ ﻭ ﻫﺬﻩ ﺣﻴﺎﺗﻲ ﻭ ﺍﻧﺖ ﺣﺒﻴﺘﻨﻲ ﻫﺸﻜﻞ ﻣﺎ ﺍﻟﻚ ﺣﻖ ﺗﺠﻲ ﺗﺮﻳﺪ ﺗﻐﻴﺮ ﻛﻞ ﺷﻲﺀ ﻋﻠﻰ ﻣﺰﺍﺟﻚ
ﺗﻨﺎﺳﺒﻚ ﺑﻨﻴﺔ ﻣﺤﺠﺒﺔ ﺭﻭﺣﻚ ﺍﺧﻄﺐ ﺑﻨﻴﻪ ﻣﺤﺠﺒﻪ ﻣﻮ ﺗﺨﻄﺐ ﺑﻨﻴﻪ ﺳﺎﻓﺮﻩ ﻭ ﺗﻄﻠﺐ ﻣﻨﻬﺎ ﺗﺘﺤﺠﺐ
ﺗﻨﺎﺳﺒﻚ ﻣﺮﻩ ﻣﺎ ﺗﺸﺘﻐﻞ ﺭﻭﺡ ﺍﺧﻄﺐ ﺑﻨﺖ ﺑﻴﺖ ﻻ ﺗﺨﻄﺐ ﺑﻨﺖ ﻋﺎﻣﻠﻪ ﻭ ﺗﻄﻠﺐ ﻣﻨﻬﺎ ﺗﻜﻌﺪ ..
ﺍﺧﺬ ﺍﻟﻠﻲ ﻳﻨﺎﺳﺒﻚ ﻣﻮ ﺷﻲ ﻣﻴﻨﺎﺳﺒﻚ ﻭ ﺗﺮﻳﺪﻩ ﻳﺠﻲ ﻋﻠﻰ ﻗﻴﺎﺳﻚ ، ﻭ ﺍﺫﺍ ﺗﻜﻮﻝ ﺍﺣﺐ .. ﺍﻗﺒﻞ ﺑﺎﻟﺸﺮﻭﻁ
- ﻫﺴﻪ ﺍﻧﺖ ﻻ ﺍﺩﻭﺧﻴﻨﻲ ﺷﻐﻞ ﻭ ﻟﺒﺲ ﺍﻧﻲ ﺍﺗﻌﺪﻳﺖ ﻫﺎﻟﻤﻮﺍﺿﻴﻊ ﻳﻤﻜﻦ ﺑﺎﻟﺒﺪﺍﻳﻪ ﻗﺒﻞ ﺟﻨﺖ ﺍﻣﻨﻌﺞ ﺣﺘﻰ ﻻ ﺍﺩﺧﻠﻴﻦ ﻋﻤﻖ ﺑﻬﺬﺍ ﺍﻟﻤﺠﺎﻝ ﺑﺲ ﺧﻠﺺ ﺍﻧﺖ ﺩﺧﻠﺘﻲ ﻣﻮ ﻣﻦ ﺣﻖ ﺍﺣﺪ ﻳﻔﺮﺽ ﺑﻌﺪ ﺑﺲ ﻣﺴﺄﻟﺔ ﺍﻟﺒﻴﺖ ﻟﺠﻴﻦ ﺻﻌﺐ ﺍﻧﻲ ﻳﻮﻣﻴﻪ ﺟﺎﻱ ﻣﻨﺎﻙ ﻟﻬﻨﺎ ﻟﻮ ﺍﺧﻠﻴﺞ ﺍﻧﺖ ﻛﻞ ﺍﺳﺒﻮﻉ ﺗﺘﻌﻨﻴﻦ ﻣﻦ ﺍﺭﺑﻴﻞ ﻟﺒﻐﺪﺍﺩ ﻭ ﻭﺿﻊ ﺍﻟﻌﺮﺍﻕ ﺯﻓﺖ ﺷﻠﻮﻥ ﺗﺮﻫﻢ
- ﺻﺪﻙ ﻧﺴﻴﺖ ﺍﻟﺸﺮﻁ ﺍﻻﺧﻴﺮ
- ﻳﺎ ﺳﺘﺎﺭ ﺑﻌﺪ ﺍﻛﺜﺮ ﻣﻦ ﺫﻥ ؟
- ﺍﻱ ﻭ ﺍﻻﻫﻢ
- ﻭ ﻫﻮ ؟
- ﺍﻣﻚ
- ﺍﻣﻲ ﺷﺒﻴﻬﺎ
- ﻣﺴﺘﺤﻴﻞ ﺍﻛﻌﺪ ﻭﻳﺎﻫﺎ ﻟﻮ ﺗﻜﻌﺪ ﻭﻳﺎﻳﻪ
- ﺷﻠﻮﻥ ﻳﻌﻨﻲ
- ﻳﻌﻨﻲ ﺍﻧﻲ ﻣﻘﺒﻠﻪ ﻋﻠﻰ ﻫﺎﻟﺨﻄﻮﺓ ﻭ ﺍﻋﺮﻑ ﺍﻣﻚ ﺷﻨﻮ ﺭﺍﺡ ﺗﺴﻮﻱ ﻟﺤﺘﻰ ﺗﺴﻮﺩ ﻋﻴﺸﺘﻲ ، ﻓﺴﺎﻟﻔﺔ ﺍﺗﺤﻤﻠﻴﻬﺎ ﺍﺻﺒﺮﻱ ﺍﺳﻜﺘﻲ ﻣﺎ ﻣﻮﺟﻮﺩﻩ ﺑﻘﺎﻣﻮﺳﻲ
ﻫﻲ ﺍﻣﻚ ﻋﻠﻰ ﻋﻴﻨﻚ ﻭ ﻋﻠﻰ ﺭﺍﺳﻚ ﺍﻧﺖ ﺗﺘﺤﻤﻠﻬﺎ ﻭ ﺍﻧﺖ ﺗﺼﺒﺮﻟﻬﺎ ﺍﻣﺎ ﺍﻧﻲ ﻓﻼ ، ﻣﻦ ﺗﺄﺫﻳﻨﻲ ﻻ ﺗﻜﻮﻟﻲ ﺍﺳﻜﺘﻲ ﻭ ﻻ ﺍﺗﺤﻤﻠﻲ ﻳﺎ ﺗﺮﺩ ﺍﻧﺖ ﺍﻭ ﺗﺨﻠﻴﻨﻲ ﺍﺭﺩﻫﺎ
- ﺷﻬﻬﻬﻬﻪ ﺷﻨﻮ ﻣﺘﺤﻤﻠﻪ ﻟﻠﻤﺸﺎﻛﻞ ﻛﻮﻟﻲ ﻳﺎ ﺍﻟﻠﻪ
- ﻭ ﺍﻟﻨﻌﻢ ﺑﺎﻟﻠﻪ ﺍﻧﺖ ﺗﻌﺮﻓﻨﻲ ﻣﻮ ﺭﺍﻋﻴﺔ ﻣﺸﺎﻛﻞ ﺍﻣﺎ ﺍﻣﻚ ﻓﺴﺒﻖ ﻭ ﻃﻠﻘﺖ ﺯﻭﺟﺘﻚ ﺑﺴﺒﺐ ﻣﺸﺎﻛﻞ ﺍﻣﻚ ﻟﻮ ﻏﻠﻄﺎﻧﻪ ؟
ﻫﺰ ﺭﺍﺳﻪ : ﺍﺳﺎﺳﺎ ﺍﻧﻲ ﻣﺎ ﻧﺎﻭﻱ ﺍﻛﻌﺪﺝ ﻭﻳﺎﻫﺎ ﻋﻨﺪﻱ ﺑﻴﺖ ﻭ ﻧﻜﻌﺪ ﺑﻴﻪ
- ﻫﺬﺍ ﺍﻟﺒﻴﺖ ﺍﻟﻤﻨﻌﺘﻚ ﺗﻜﻌﺪ ﺍﻧﺖ ﻭ ﻋﺎﺋﻠﺘﻚ ﺑﻴﻪ ؟ ﺭﺍﺡ ﺗﺨﻠﻴﻚ ﻫﺴﻪ !!
- ﻫﺎﻱ ﺍﻻﻣﻮﺭ ﺍﻧﻲ ﺍﺣﻠﻬﺎ ﻫﺴﻪ ﺧﻠﺼﺖ ﺷﺮﻭﻃﺞ ﻟﻮ ﺑﻌﺪ؟
- ﻫﺎﻱ ﺷﺮﻭﻃﻲ ﺑﺲ ﺗﺒﻘﻰ ﻣﺎﻣﺎ ﺷﻨﻮ ﺭﺃﻳﻬﺎ ﻭ ﺷﺮﻭﻃﻬﺎ
- ﻫﺎﺍﺍﻩ ﺻﺎﺭ ﺳﺎﻋﻪ ﺍﻣﻚ ﻭ ﺍﻣﻚ ﻫﺴﻪ ﺷﺮﻭﻁ ﺍﻣﻲ، ﺍﻣﺞ ﺷﻜﻮ ﻗﺎﺑﻞ ﺭﺍﺡ ﺍﺗﺰﻭﺝ ﺍﻣﺞ ﺍﻧﻲ
- ﻣﻦ ﺣﻘﻬﺎ ﻏﻴﺮ ﺑﻨﺘﻬﺎ ﻭ ﻟﺴﻪ ﻻ ﺗﺤﻜﻢ ﺍﺳﻤﻊ ﻣﺎﻣﺎ ﻭ ﻋﻮﺩ ﺍﺣﺠﻲ
- ﺍﻥ ﺷﺎﺀﺍﻟﻠﻪ ﺍﻧﻲ ﺍﺭﻭﺡ ﺍﻧﺖ ﺗﺮﻳﮕﻲ ﻭﺣﺪﺝ ﻻﺯﻡ ﺍﻭﺻﻞ ﻣﻦ ﻭﻗﺖ
ﻭﺩﻋﻨﻲ ﻭ ﺍﻧﻲ ﺧﺎﺑﺮﺕ ﻣﺎﻣﺎ ﺧﺒﺮﺗﻬﺎ ﺑﻜﻞ ﺷﻲﺀ، ﻛﺎﻟﺖ ﻣﻘﺒﻠﺖ ﺍﻭﻝ ﺑﺪﺍﻳﻪ ﻣﻘﺒﻠﺖ ﺑﻘﻴﺖ ﺍﺣﺠﻲ ﻭﻳﺎﻫﺎ ﻭ ﺍﻛﻮﻟﻠﻬﺎ ﺷﻨﻮ ﺷﺮﻃﺖ ﻋﻠﻴﻪ ﻭ ﺟﺒﺘﻬﺎ ﻣﻨﺎ ﻭ ﺭﺩﻳﺘﻬﺎ ﻣﻨﺎ ﻛﺎﻟﺖ ﺍﺻﺒﺮﻱ ﻫﻨﺎﻳﺔ ﺍﻻﺳﺒﻮﻉ ﺍﺣﺎﻭﻝ ﺍﺳﺎﻓﺮ ﻭ ﺍﺟﻴﻜﻢ ﻭ ﺍﻧﻲ ﺍﻟﻠﻲ ﺍﺣﺠﻲ ﻭ ﺍﺛﺒﺖ ﺍﻟﺤﺠﻲ ﻭ ﺍﻟﻲ ﺷﺮﻭﻃﻲ
- ﺷﻨﻮ ﻫﻲ ﺷﺮﻭﻃﺞ
- ﻣﻦ ﺍﺟﻲ ﺗﻌﺮﻓﻴﻬﺎ
ﻭ ﺍﻟﻠﻪ ﺍﻧﺘﻈﺮﺗﻬﺎ ﺍﺳﺒﻮﻉ، ﺍﺳﺒﻮﻉ ﺍﻟﻼﺥ ﻳﻼ ﻛﺪﺭﺕ ﺗﺠﻲ ﻟﻼﻣﺎﺭﺍﺕ ﻭ ﻣﻦ ﺍﻻﻣﺎﺭﺍﺕ ﻉ ﺍﻟﻌﺮﺍﻕ ، ﺧﺎﺑﺮﺗﻨﻲ ﻛﺎﻟﺖ ﺍﻧﻲ ﻋﻨﺪ ﺑﻴﺘﺞ ﻋﻤﺞ
.......
ﻛﻠﺘﻠﻬﺎ : ﺑﺎﺟﺮ ﻣﻦ ﺍﻟﺼﺒﺢ ﺍﻧﻲ ﻳﻤﺞ
ﺧﺎﺑﺮﺕ ﺍﺣﻤﺪ ﻭ ﺍﺧﺬﺕ ﻣﻨﻪ ﺍﻻﺫﻥ ﺑﺎﻟﺴﻔﺮ ﻟﻤﺪﺓ ، ﺍﻧﻄﺎﻧﻲ ﺍﻟﻤﻮﺍﻓﻘﺔ ، ﻟﻤﻴﺖ ﻏﺮﺍﺿﻲ ﻭ ﺑﻮﺟﻬﻲ ﻋﻠﻰ ﺑﻐﺪﺍﺩ ، ﻃﻠﻌﺖ ﺑﺴﻴﺎﺭﺗﻲ ﺍﻟﺨﺎﺻﺔ
ﺍﻟﻈﻬﺮ ﻭﺻﻠﺖ، ﺩﺧﻠﺖ ﻓﺮﻉ ﺑﻴﺖ ﻋﻤﻲ ﺟﺎﻥ ﻣﺎﺯﻥ ﻭﺍﻛﻒ ﺑﺎﻟﻔﺮﻉ، ﺑﻘﻰ ﻣﻌﻠﻚ ﻋﻴﻨﻪ ﻣﻌﺮﻓﻨﻲ ﺟﻨﺖ ﻻﺑﺴﻪ ﻣﻨﺎﻇﺮ ﺷﻤﺴﻴﺔ ﻭ ﺍﻟﺸﻌﺮ ﺭﺍﻓﻌﺘﻪ ﺫﻳﻞ ﺣﺼﺎﻥ
ﺻﻔﻴﺖ ﺍﺑﺎﺏ ﺑﻴﺖ ﻋﻤﻲ ﻋﺜﻤﺎﻥ، ﻫﻮ ﺍﺟﺎ : ﻭﻟﺞ ﻫﺎﻱ ﺍﻧﺖ ﻭﻻ ﻋﺮﻓﺘﺞ ﻭﺍﻟﻠﻪ ﻛﻠﺖ ﻣﻦ ﻫﺎﻱ ﺍﻟﻄﺎﻛﻪ ﺍﻟﻔﺎﺗﺖ ﻓﺮﻋﻨﺎ ﻃﻠﻌﺖ ﺑﻨﺖ ﻋﻤﻲ
- ﻫﻬﻬﻬﻬﻪ
ﺳﻠﻤﺖ ﻋﻠﻴﻪ : ﺷﻠﻮﻧﻚ ﺷﻠﻮﻧﻚ ﺯﻳﻦ ﻃﻴﺒﺔ ﺍﺷﻠﻮﻧﻬﺎ
- ﺍﻟﺤﻤﺪﻟﻠﻪ ﻋﻠﻰ ﺍﻟﻠﻪ ، ﻣﻨﻴﻠﺞ ﻫﺎﻟﺴﻴﺎﺭﺓ ﻫﺎﻱ ؟
- ﻣﺎﻟﺘﻲ ﻟﻴﺶ
- ﻻ ﺍﻛﻮﻝ ﺑﺲ ﻻﺯﻡ ﺍﻣﻮﺭﺝ ﺗﻮﺏ ﺣﺘﻰ ﻛﺎﺩﺭﺓ ﺗﺸﺘﺮﻳﻦ ﻫﻴﺞ ﺳﻴﺎﺭﺓ
- ﻧﺸﻜﺮ ﻋﻠﻰ ﺍﻟﻠﻪ ﻋﻠﻰ ﻧﻌﻤﺘﻪ ، ﻣﺨﻠﺪ ﻣﻮﺟﻮﺩ ؟
- ﻻ ﻭﺍﻟﻠﻪ ﺑﺎﻟﺪﻭﺍﻡ ﺍﻟﻈﻬﺮ ﻳﺮﺟﻊ ، ﺗﻔﻀﻠﻲ ﻋﺪﻧﺎ
- ﻻ ﻣﻮ ﻣﺎﻣﺎ ﺟﺎﻳﻪ ﻫﻨﺎ
- ﻭﺍﻟﻠﻪ ﻣﺎ ﺍﺩﺭﻱ ﺍﻣﺞ ﻫﻨﺎ
- ﺍﻱ ﻣﺘﺪﺭﻱ
- ﻣﺎ ﺍﺩﺭﻱ ﺗﻌﺮﻓﻴﻨﻲ ﻣﻮ ﻛﻠﺶ ﺑﻬﺎﻻﻣﻮﺭ ﻛﻌﺪﺕ ﺍﻟﺼﺒﺢ ﻭﻛﻔﺖ ﻭﻳﺎ ﺟﻤﺎﻋﺘﻲ ﺑﺎﻟﺮﻛﻦ ﻣﺎ ﺍﺩﺭﻱ ﻣﻨﻮ ﺭﺍﺡ ﻭ ﻣﻨﻮ ﺍﺟﺎ
- ﻫﻬﻬﻬﻬﻪ ﺍﺣﺴﻦ ﻟﻚ ﺍﺳﺘﻤﺮ ، ﻣﻦ ﺭﺧﺼﺘﻚ
- ﺗﻔﻀﻠﻲ
ﺗﻘﺪﻣﺖ ﻟﺒﺎﺏ ﺑﻴﺖ ﻋﻤﻮ ﺩﻛﻴﺖ ﺍﻟﺒﺎﺏ ، ﻓﺘﺤﻠﻲ ﻋﻤﻮ ﺍﻟﺒﺎﺏ ﺍﺧﺬﻧﻲ ﺑﺤﻈﻨﻪ ﻭ ﺳﻠﻢ ﻋﻠﻴﻪ
ﺑﺎﻭﻋﺖ ﻫﻴﺞ ﺷﻔﺖ ﻣﺎﻣﺎ ﻃﻠﻌﺖ ، ﻳﺎ ﺍﻟﻠﻪ ﺷﻜﺪ ﻣﺸﺘﺎﻗﺘﻠﻬﺎ ﺭﻛﻀﺖ ﻟﺤﻈﻨﻬﺎ ، ﺣﻀﻨﺘﻬﺎ ﺣﻴﻞ ، ﻭ ﻫﻲ ﺗﺒﻮﺱ ﺑﻴﻪ ﻭ ﺗﻜﻮﻟﻲ : ﻟﺞ ﻣﺎﻣﺎ ﻳﺎ ﺍﻟﻠﻪ ﺷﻜﺪ ﻣﺸﺘﺎﻗﺔ ﻟﻄﻮﻟﺞ ﻭ ﻟﻌﻄﺮﻙ ﻭ ﻟﻜﻠﺞ ﻓﺪﻭﺓ ﻷﺳﻤﺞ ﻣﺎﻣﺎﺗﻲ ﺣﺒﻴﺒﺘﻲ ﺷﻠﻮﻧﺞ
ﺍﻧﻲ ﺧﻠﻴﺖ ﺭﺍﺳﻲ ﻋﻠﻰ ﻛﺘﻔﻬﺎ ﻭ ﻣﻨﻄﻘﺖ ﺑﻌﺪ ﺑﺲ ﺑﺠﻴﺖ : ﻳﺎ ﺍﻟﻠﻪ ﺗﺒﺠﻲ ﺳﻮﺩﻩ ﻋﻠﻴﻪ ﻣﺎﻣﺎﺗﻲ ﻟﺘﺒﺠﻴﻦ ﻓﺪﻭﻩ ﻟﻌﻴﻮﻧﺞ ﺣﻴﺎﺗﻲ
- ﻣﺸﺘﺎﻗﺘﻠﺞ ﻛﻠﺶ ﻫﻮﺍﻳﻪ
- ﺍﻧﻲ ﺍﺷﻮﻕ ﻳﻤﺎﻣﺎ ﺍﺷﻮﻧﺞ ﺷﺨﺒﺎﺭﺝ
- ﺯﻳﻨﻪ
- ﺷﺼﺎﻳﺮﻩ ﻳﺪﺍﺩﻩ ﻏﻴﺮ ﺗﻔﺎﺣﺔ ﺗﻜﺘﻠﻴﻦ ﻣﻦ ﺍﻟﺠﻤﺎﻝ ﻭﺟﻬﺞ ﻣﺘﺤﺴﻦ ﻭﻳﻦ ﺟﺘﻦ ﺍﺧﺮ ﻣﺮﻩ ﺷﻔﺘﺞ ﺑﻠﺒﻨﺎﻥ ﺍﻟﺘﻌﺐ ﻫﺎﺩ ﻋﻴﻮﻧﺞ ﻭ ﺍﻟﻬﺎﻻﺕ ﺍﻟﺴﻮﺩ ﺍﻟﻴﺸﻮﻓﺞ ﻋﺒﺎﻟﻪ ﺑﺎﻧﺪﺍ
- ﻏﻴﺮ ﻫﻤﻮﻡ ﻣﺎﻟﻚ ﻫﺴﻪ ﺍﻟﺤﻤﺪﻟﻠﻪ ﻭﺿﻌﻲ ﺯﻳﻦ ﻭ ﻣﺮﺗﺎﺣﻪ ﻭ ﻣﺮﺍﻛﺰ ﺗﺠﻤﻴﻞ ﺑﺄﺭﺑﻴﻞ ﻛﻠﺶ ﻣﻤﺘﺎﺯﺓ ﻛﻞ ﺍﺳﺒﻮﻉ ﺟﻠﺴﺔ
- ﻓﺪﻭﺓ ﻳﻤﺎﻣﺎ ﺗﻌﺎﻟﻲ ﻓﻮﺗﻲ ﺗﻌﺎﻟﻲ
.. ﻓﺘﺖ ﻭ ﺍﻧﻲ ﺍﻧﺰﻉ ﺑﺎﻟﺤﺬﺍﺀ ﻣﺎﻟﺘﻲ، ﺳﺄﻟﺘﻬﺎ : ﺍﻟﻤﺼﺮﻑ ﺍﻟﻠﻲ ﺍﺑﻌﺜﻪ ﺍﻟﺞ ﺩﻳﻜﻔﻴﺞ ﻫﻨﺎﻙ ﻟﻮ ﺗﺤﺘﺎﺟﻴﻦ ﺑﻌﺪ ؟
- ﻻ ﻣﺎﻣﺎﺗﻲ ﻛﻔﺎﻳﺔ ﻭ ﺯﻳﺎﺩﺓ ﺍﻟﻠﻪ ﻳﺤﻔﻈﺞ ﺑﻨﻴﺘﻲ
ﺩﺧﻠﻨﺎ ﻛﻌﺪﻧﺎ ﻭ ﻋﻤﻮ ﺣﺠﻪ ﻭﻳﺎﻳﺔ ﺑﻤﻮﺿﻮﻉ ﻣﺨﻠﺪ ﻭ ﻣﺎﻣﺎ ﺣﺠﺖ ﻭ ﻋﻤﻮ ﻛﺎﻝ : ﻫﺬﺍ ﺍﻟﺸﻲﺀ ﺟﺎﻥ ﻻﺯﻡ ﻳﺼﻴﺮ ﻣﻦ ﺳﻨﻴﻦ ﻣﻮ ﻫﺴﻪ ، ﺟﺎﻥ ﻻ ﻫﻮ ﺗﺰﻭﺝ ﻭ ﺗﻮﺭﻁ ﺑﺄﻃﻔﺎﻝ ﺧﻄﻴﺔ ﻭ ﻫﺴﻪ ﻋﻨﺪ ﺧﻮﺍﻟﻬﻢ ﻭﻻ ﻫﻲ ﺍﺗﻤﺮﻣﺮﺕ ﻭﻳﺎ ﻣﺎﻟﻚ ﻭ ﻣﺎﺧﺬ ﺑﻨﺘﻬﺎ ﻭ ﺣﺎﻟﻬﺎ ﺍﻟﻀﻴﻢ، ﺑﺲ ﺷﻨﺴﻮﻱ ﻫﺎﻱ ﺍﻟﺪﻧﻴﺎ ﻭ ﻫﺬﺍ ﺍﻟﻠﻲ ﺍﻟﻠﻪ ﻛﺎﺗﺒﺔ
.......
ﺑﻌﺪﻫﺎ ﻋﻤﻮ ﻋﺰﻡ ﺑﻴﺖ ﻋﻤﻮ ﻋﻤﺮﺍﻥ ﺍﺑﻴﺘﻪ ﻉ ﺍﻟﻌﺸﺎ ﻭ ﻛﺎﻟﻪ : ﻣﻌﺰﻭﻣﻴﻦ ﻛﻠﻜﻢ ﻳﻤﻨﺎ ﺍﻟﻴﻮﻡ ﻣﺴﻮﻱ ﺛﻮﺍﺏ ﻟﺮﻭﺡ ﺍﻫﻠﻲ ﻭ ﺷﺎﻛﺮ
ﺍﻟﻌﺼﺮ ﻭ ﺍﺟﺖ ﻃﻴﺒﺔ ﻭ ﺍﺑﻨﻬﺎ ﺷﺎﻳﻠﻪ ﺟﺪﺭ ﺩﻭﻟﻤﺔ ﺩﺍ ﺗﻀﻴﻔﺔ ﻟﺴﻔﺮﺗﻨﺎ، ﺷﻔﺘﻬﺎ ﺩﺧﻠﺖ ﻟﻠﻤﻄﺒﺦ ﺭﺣﺖ ﺍﻟﻬﺎ ﺳﻠﻤﺖ ﻋﻠﻴﻬﺎ ﻭ ﺑﺎﻭﺳﺘﻬﺎ : ﺍﺣﺠﻴﻠﻲ ﺑﺴﺎﻉ ﻛﺮﺟﻴﺔ ﺷﺴﻮﺕ ﻣﻦ ﻋﺮﻓﺖ ﻣﺨﻠﺪ ﺣﻴﺨﻄﺒﻨﻲ
- ﻭﻟﺞ ﺧﺎﻳﺒﺔ ﺍﺳﻜﺘﻲ ﺧﻠﻴﻨﻲ ﺍﺭﺩﺡ ﻫﻠﻪ ﻫﻠﻪ ﻫﻠﻪ
- ﻫﻬﻬﻬﻬﻬﻬﻪ ﺩﺣﺠﻲ ﻳﻤﻌﻮﺩﻩ ﺷﻜﻮ
- ﻭﻟﺞ ﻏﻴﺮ ﻋﺰﻓﺘﻠﻬﻢ ﺍﻟﺒﺎﺭﺣﺔ ﻭ ﺗﺨﺒﻠﺖ ﻭ ﻣﺘﺤﻠﻔﺔ ﺑﻴﺞ ﺍﻟﻴﻮﻡ ﺑﺲ ﺗﻠﺰﻣﺞ ﺗﻜﺼﺒﺞ
- ﻳﺎ ﻓﺪﻭﺓ ﻟﻠﻪ ﻟﻌﺪ ﻟﻮ ﺗﺪﺭﻱ ﻣﺎﻣﺎ ﺷﻤﺤﻈﺮﺗﻠﻬﺎ ﺷﺘﺴﻮﻱ
- ﻭﻟﺞ ﺗﻜﻠﻪ ﺗﺎﻟﻲ ﻋﻤﺮﻙ ﺗﻤﺸﻲ ﺑﻜﻴﻒ ﻭﺩﺍﺩ ﻭ ﺑﺘﻬﺎ ﻭ ﻫﻮ ﻳﻜﻮﻟﻬﺎ ﺍﻧﻲ ﺍﻋﺮﻑ ﺍﺩﻳﺮ ﺍﻣﺮﻱ ﺍﻧﺖ ﺑﺲ ﺍﻃﻠﻌﻲ ﻣﻦ ﻣﻮﺿﻮﻉ ﻭ ﻫﻲ ﺗﺼﺮﺥ ﻣﻦ ﻫﺴﻪ ﺑﺖ ﻭﺩﺍﺩ ﻏﻴﺮﺕ ﺍﺑﻨﻲ ﻋﻠﻴﻪ ﻭ ﻣﺎ ﻳﺮﻳﺪﻧﻲ
ﺍﻣﺞ ﺷﻤﺤﻈﺮﺗﻠﻪ ﻛﻮﻟﻲ
- ﻳﻜﻌﺪﻭﻥ ﻭ ﺗﻌﺮﻓﻴﻦ
- ﻭﺍﻟﻠﻪ ﺑﻌﺪ ﺍﻳﺪﻱ ﺍﺭﻳﺪﺝ ﻛﻮﻥ ﻫﻴﺞ ﺟﻠﻄﺔ ﺭﺑﺎﻋﻴﻪ ﻣﺎ ﺗﻜﻮﻡ ﻣﻨﻬﺎ ﺑﻠﻜﻲ ﻳﺮﺑﻲ ﺗﻤﻮﺕ ﻭ ﺍﺧﺬ ﻭﻟﻴﺪﺍﺗﻲ ﻭ ﺍﻋﺰﻝ ﻭﺣﺪﻱ ﻭ ﺍﺷﺘﻢ ﺍﻟﻬﻮﻯ
- ﺧﺮﺏ ﺑﻴﻮﻣﺞ ﻭﻟﺞ ﻣﻴﺼﻴﺮ ﻫﻴﺞ
- ﻭﻟﺞ ﺧﻴﺔ ﻃﻚ ﻛﻠﺒﻲ، ﺳﻢ ﺳﻨﻮﻧﻬﺎ ﺗﺸﻮﻓﻨﺎ ﻣﺘﺼﺎﻓﻴﻦ ﺍﻧﻲ ﻭﺭﺟﻠﻲ ﺗﻤﻮﺕ ﺗﺤﻮﺹ ﻟﺤﺪ ﻣﺎ ﺗﺴﻮﻳﻠﻬﺎ ﻣﺼﻴﺒﺔ
ﺩﻧﺤﺠﻲ ﻓﺎﺕ ﻣﺨﻠﺪ ﻭ ﻫﻮ ﻳﻜﺢ : ﺍﻟﺴﻼﻡ ﻋﻠﻴﻜﻢ
- ﻭ ﻋﻠﻴﻜﻢ ﺍﻟﺴﻼﻡ
ﻓﺎﺕ ﻟﻠﻬﻮﻝ ﻭ ﻋﻤﻲ ﻓﺎﺕ ﻭﺭﺍﻩ ، ﻭ ﺍﻧﻮﺑﻪ ﻓﺎﺗﺖ ﮔﺮﭼﻴﺔ ﻋﺎﻭﺟﻪ ﺣﻠﻜﻬﺎ ﻭ ﺗﺒﺎﻭﻋﻠﻲ ﺻﻔﺢ ، ﺳﻤﻌﺖ ﺳﻼﻣﻬﻢ ﺟﻮﺍ
ﻧﺪﺳﺖ ﻃﻴﺒﺔ : ﻛﻤﻠﻲ ﻭ ﺗﻌﺎﻟﻲ ﻭ ﺭﺍﻳﺎ
ﻓﺘﺖ ﺳﻠﻤﺖ ﻋﻠﻰ ﻋﻤﻮ ﻭ ﺑﺴﺖ ﺭﺍﺳﻪ ﻭ ﺳﻠﻤﺖ ﻋﻠﻰ ﻛﺮﺟﻴﻪ ﻭ ﻛﻌﺪﻧﺎ ﻛﻼﻡ ﻭ ﺳﻮﺍﻟﻒ ﻃﺒﻴﻌﻴﺔ ﻭﺟﻬﺎﻝ ﺗﻠﻌﺐ ﻭ ﺳﻮﺍﻟﻒ ﻧﺴﻮﺍﻥ ، ﺭﺍﺳﻠﻨﻲ ﻣﺨﻠﺪ ( ﺷﻜﻠﻪ ﺍﻣﺞ ﻣﺎ ﻧﺎﻭﻳﻪ ﻋﻠﻰ ﺧﻴﺮ )
- ( ﻟﻴﺶ؟ ﻭ ﺍﺷﻠﻮﻥ ﺍﺳﺘﻨﺘﺠﺖ ﻫﺎﻻﻣﻮﺿﻮﻉ ﻳﺎ ﺗﻮﻛﻮ ﻣﻮﺭﻱ )
- ( ﻛﻠﺒﻲ ﺣﺎﺱ ﺿﺎﻣﺘﻠﻲ ﺿﻤﻴﻤﻪ ﺍﻫﻠﻜﺒﺮﻫﺎ ﻭ ﺗﺮﻳﺪ ﺗﻔﺠﺮﻫﺎ ﺑﻌﺪ ﺍﻟﻌﺸﺎ )
( ﻭﺍﻟﻠﻪ ﻫﻲ ﻣﺎﻝ ﺿﺎﻣﻪ ﺑﻠﻲ ﺿﺎﻣﺘﻠﻚ ﺿﻤﻴﻤﻪ ﻛﻔﻴﻠﺔ ﺗﺰﻭﻋﻚ ﺍﻟﻌﺸﺎ ﻛﻠﻪ )
( ﻻ ﺍﻟﻘﺮﺍﻥ ﻋﻠﻴﺞ )
.. ﺑﻌﺜﺘﻠﻪ ﺳﻤﺎﻳﻼﺕ ﺿﺤﻚ
ﺷﺎﻝ ﺭﺍﺳﻪ ﻣﻦ ﺍﻟﻔﻮﻥ ﻭ ﻳﻬﺰ ﺑﻴﻪ ﻋﻮﺩ ﻳﺴﺄﻝ ( ﺷﻜﻮ )
ﻫﺰﻳﺖ ﺭﺍﺳﻲ ﻭ ﺍﻧﻲ ﺍﺿﺤﻚ ( ﺗﻠﺤﻚ ﺗﻠﺤﻚ )
ﺭﺟﻊ ﺭﺍﺳﻠﻲ ( ﻛﻮﻟﻲ ﻣﺎ ﺍﺗﻌﺸﻰ )
( ﻻ ﻻ ﺗﻌﺸﻰ ﺧﺎﻑ ﺗﺴﻤﻊ ﻭ ﺗﻨﻬﺒﻂ ﻋﻠﻰ ﺍﻻﻗﻞ ﻣﺎﻛﻞ ) ﻭ ﺳﻤﺎﻳﻞ ﺿﺤﻚ
ﺍﺑﺘﺴﻤﺖ ﺑﺎﻭﻋﻠﻲ ﺍﺿﺤﻚ ، ﺑﺎﻭﻉ ﻻﻣﻲ ﺗﺤﺠﻲ ﻭ ﺍﺷﺮﻟﻲ ﺑﺮﺍﺳﻪ ﻛﻮﻣﻲ ، ﻓﺎﺕ ﻟﻠﻐﺮﻓﺔ ﻣﺎﻝ ﺑﻴﺖ ﻋﻤﻲ ﺭﺣﺖ ﻭﺭﺍﻩ ﺳﺪ ﺍﻟﺒﺎﺏ ﻭﺭﺍﻱ
- ﺷﻜﻮ
- ﺍﻧﺖ ﻛﻠﻴﻠﻲ ﺷﻜﻮ
- ﺗﺴﻤﻊ ﺑﻌﺪﻳﻦ
......
ﺍﻱ ﺯﻳﻦ ﺩﻧﻄﻴﻨﻲ ﺍﻟﺘﺼﺒﻴﺮﺓ ﻟﻌﺪ
- ﻳﻌﻨﻲ ﺷﻨﻮ
- ﻫﺎﻟﻴﻄﻠﻊ ﺑﻴﺪﺝ
- ﺳﺨﻴﻒ ﺍﺑﻌﺪ ﻣﻨﺎ
- ﻣﻤﻨﻮﻉ ﺑﻌﺪ ﻣﻨﺎ ﻭ ﻫﻴﺞ ﺍﺳﻠﻚ ﺍﺑﻮ ﺍﺑﻮﺝ ﺍﻃﻠﻊ ﻋﻮﺽ ﻣﺎﻝ ٢٠ ﺳﻨﻪ ﺣﺐ ﺣﺎﻣﺴﻨﻲ ﺣﻤﺲ
- ﻻ ﻭﺍﻟﻠﻪ ﻫﻬﻬﻬﻬﻲ ﺩﺭﻭﺡ ﺑﺎﺑﺎ ﺭﻭﺡ ﻳﻼ ﺧﻞ ﺍﻣﺸﻲ
ﺩﺍ ﺍﻣﺸﻲ ، ﺳﺤﺒﻨﻲ : ﻭﻳﻴﻴﻴﻴﻴﻦ ﺩﺍ ﺍﻛﻮﻟﺞ ﺍﺭﻳﺪ ﺗﺼﺒﻴﺮﺓ
- ﺗﺼﺒﻴﺮﺗﻴﺶ ﻣﻨﺤﺮﻑ ﺑﻌﺪﻧﺎ ﻣﺎ ﻗﺮﺭﻧﺎ ﺍﻟﺰﻭﺍﺝ
- ﺍﻟﺤﺠﻲ ﺍﻟﺒﺮﺓ ﻣﻴﻬﻤﻨﻲ ﺍﻟﺠﻤﻌﺔ ﻋﺮﺳﻨﺎ
- ﻫﻠﻠﻠﻠﻮ ﺍﻟﺠﻤﻌﺔ ﺷﻨﻮ
- ﻭﺍﻟﻠﻪ ﻫﺬﺍ ﺍﻟﻌﻨﺪﻱ
- ﺍﻭﻛﻲ ﺍﻭﻛﻲ ﻋﻮﺩ ﺑﻌﺪ ﺍﻟﻜﻼﻡ ﻧﺤﺪﺩ
- ﻛﻠﺖ ﺍﺭﻳﺪ
- ﻣﻤﻨﻮﻭﻭﻭﻉ
ﻟﺰﻡ ﻭﺟﻬﻲ ﻭ ﺍﺧﺬ ﺑﻮﺳﻪ ﻗﻮﻳﺔ ﻣﻦ ﺷﻔﺎﻳﻔﻲ ﺩﻓﻌﺘﻪ : ﺣﻘﻴﺮ
- ﻟﻮ ﻣﻮ ﺣﻘﻴﺮ ﻃﻌﻤﻬﺎ ﻳﺠﻨﻦ ﺍﺍﺍﺥ ﺷﻮﻛﺖ ﺍﻟﺰﻣﺞ
ﺑﻌﺪﺗﻪ ﻭ ﻃﻠﻌﺖ ﻃﻴﺒﺔ ﺻﺎﺭﺕ ﻛﺒﺎﻟﻲ : ﻭﻟﺞ ﺧﻴﺔ ﻋﺪﻟﻲ ﺍﻟﺤﻤﺮﺓ ﻭ ﻻ ﺗﺸﻬﺮﻳﻨﺎ ﺍﻟﻤﺮﺓ ﻣﻮﺟﺮ ﻛﻠﺒﻬﺎ ﻣﻦ ﺗﺸﻮﻑ ﺣﻤﺮﺗﺞ ﺧﺮﺑﺎﻧﻪ ﺗﺤﻄﺞ ﻭ ﺗﺒﺘﻠﻲ ﺑﻴﺞ
ﺿﺤﻜﺖ ﺑﺼﻮﺕ ﻋﺎﻟﻲ ﻭ ﺭﺣﺖ ﻟﻠﻤﺮﺍﻳﺎ ﻋﺪﻟﺖ ﺍﻟﺤﻤﺮﺓ
ﺑﻌﺪ ﺍﻟﻤﻐﺮﺏ ﺻﺒﻴﻨﺎ ﺍﻟﻌﺸﺎ ﻭ ﻛﻌﺪﻧﺎ ﻧﺎﻛﻞ ﻛﻞ ﺍﺣﻨﺎ ﻋﻠﻰ ﺳﻔﺮﺓ ﻭﺣﺪﻩ ﺭﻳﺎﺟﻴﻞ ﻭ ﻧﺴﻮﺍﻥ ﻭ ﺍﻃﻔﺎﻝ ، ﻛﻤﻠﻨﺎ ﻛﻤﺖ ﻭﻳﺎﻫﻢ ﺩﺍ ﺍﺭﻳﺪ ﺍﻏﺴﻞ ﺍﻟﻤﻮﺍﻋﻴﻦ ﻣﺎ ﻗﺒﻠﺖ ﻣﺮﺕ ﻋﻤﻲ ﻛﺎﻟﺖ : ﺍﻧﻲ ﻭ ﻃﻴﺒﺔ ﻧﻐﺴﻠﻬﻢ ﺍﻧﺖ ﺍﺧﺬﻱ ﺍﻟﺠﺎﻱ ﻭﺭﻭﺣﻲ ﺍﻛﻌﺪﻱ ﻳﻢ ﺍﻣﺞ ﻫﺴﻪ ﻧﻜﻤﻞ ﺑﺴﺎﻉ ﻭ ﻧﺠﻲ
ﻓﺎﺧﺬﺕ ﺻﻴﻨﻴﺔ ﺍﺳﺘﻜﺎﻳﻦ ﺍﻟﺠﺎﻱ ﻭ ﺭﺣﺖ ﺻﺒﻴﺖ ﻟﻌﻤﺎﻣﻲ ﻭ ﻻﻣﻲ ﻭ ﻓﺘﺢ ﻋﻤﻲ ﻋﻤﺮﺍﻥ ﺍﻟﻤﻮﺿﻮﻉ ﻭﻳﺎ ﻋﻤﻮ ﻋﺜﻤﺎﻥ ﻭ ﺍﻣﻲ
ﻋﻤﻮ ﻋﺜﻤﺎﻥ ﺣﺠﻪ ﺑﺎﻟﺨﻴﺮ ﻭ ﺍﺣﻨﺎ ﻧﻔﺮﺡ ﻭ ﺑﻤﻴﺘﻨﺎ ﺗﺮﻭﺡ ﻟﻮﻟﻴﺪﻧﺎ ﻭ ﻫﻮ ﺗﻌﺐ ﻭ ﻳﺴﺘﺎﻫﻞ ﻭﻭﻣﺨﻠﺪ ﺳﺒﻊ ﻭ ﻣﻦ ﻫﺎﻟﻜﻼﻡ
ﺩﺍﺭﻭ ﻟﻤﺎﻣﺎ : ﻭ ﺍﻧﺖ ﻳﺎ ﺍﻡ ﻟﺠﻴﻦ ﺷﺮﺍﻳﺞ
- ﻭﺍﻟﻠﻪ ﻳﺎ ﺍﺑﻮ ﻣﺨﻠﺪ ﺑﻌﺪ ﺍﻟﺸﺮﻭﻁ ﺍﻟﺸﺮﻃﺘﻬﻢ ﻟﺠﻴﻦ ﺍﻧﻲ ﻣﺎ ﻋﻨﺪﻱ ﻏﻴﺮ ﺷﺮﻁ ﻭﺍﺣﺪ
ﻋﻤﺮﺍﻥ : ﺳﻤﻌﻴﻨﺎ ﺷﺮﻭﻁ ﻟﺠﻴﻦ ﺑﺎﻻﻭﻝ
ﻣﺨﻠﺪ -: ﺍﻧﻲ ﻭﻟﺠﻴﻦ ﺗﻔﺎﻫﻤﻨﺎ ﻋﻠﻰ ﻫﺎﻟﺸﺮﻭﻁ ﻣﺎ ﻳﺤﺘﺎﺝ ﺫﻛﺮﻫﺎ
ﻋﺜﻤﺎﻥ : ﻫﻮ ﺯﻭﺍﺝ ﻋﻤﻮ ﻫﻠﻲ ﻛﻠﺸﻲ ﺑﺸﻬﻮﺩﻩ ﺣﺘﻰ ﻻ ﺑﻌﺪﻳﻦ ﻳﺨﻔﻰ ﺷﻲ ﻭ ﻧﺨﺘﻠﻒ ﺩﻧﺒﺎ ﻫﺎﻱ ﻛﻞ ﺷﻲ ﻳﺼﻴﺮ ﺑﻴﻬﺎ
ﺍﻡ ﻟﺠﻴﻦ : ﺷﺮﻭﻃﻬﺎ ﺍﻭﻝ ﺷﻲ ﻣﺎ ﻳﻔﺮﺽ ﻋﻠﻴﻬﺎ ﺗﺘﺮﻙ ﺷﻐﻠﻬﺎ ﺍﻭ ﺷﻨﻮ ﺍﺷﺘﻐﻠﺘﻲ ﻟﻮ ﻳﻌﺘﺮﺽ ﻫﺬﺍ ﻣﺠﺎﻟﻬﺎ ﻭ ﻫﻮ ﻳﻌﺮﻑ ﺑﻴﻪ ﻗﺒﻞ ﻻ ﻳﺎﺧﺬﻫﺎ ﻭ ﺍﻟﺸﺮﻁ ﺍﻟﺜﺎﻧﻲ ﻟﺒﺴﻬﺎ ﻭ ﻭ ﺍﺳﻠﻮﺏ ﺣﻴﺎﺗﻬﺎ ﻭ ﺍﺧﻴﺮﻫﺎ ﺗﻌﻴﺶ ﺍﺑﻴﺘﻬﺎ ﺑﺄﺭﺑﻴﻞ ﻭ ﻣﺎ ﺗﻌﻴﺶ ﺍﺑﻴﺖ ﻣﺨﺘﻠﻂ ﻣﻊ ﺍﻫﻠﻪ ﻓﻲ ﺣﺎﻝ ﺭﺟﻌﺖ ﻟﺒﻐﺪﺍﺩ
ﻛﺮﺟﻴﺔ : ﺍﻧﺘﻦ ﺗﺮﻳﺪﻥ ﺗﺎﺧﺬﻥ ﺍﺑﻨﻲ ﻷﺭﺑﻴﻞ
- ﺍﻡ ﻣﺨﻠﺪ ﺍﺣﻨﻪ ﻣﻤﺎﺧﺬﻳﻦ ﺷﻲﺀ ﻣﻦ ﺍﺣﺪ ﺷﻮﻓﺔ ﻋﻴﻨﺞ ﺍﺑﻨﺞ ﺩﻳﻄﻠﺐ ﺍﻟﺰﻭﺍﺝ ﻣﻦ ﺑﻨﺘﻲ ﻭ ﻫﻲ ﺩﺍ ﺗﻜﻮﻝ ﺷﺮﻭﻃﻬﺎ ﻭ ﺍﻧﺘﻢ ﺍﺣﺮﺍﺭ ﺑﺎﻟﺮﻓﺾ ﺍﻭ ﺍﻟﻘﺒﻮﻝ
.......
ﻣﺨﻠﺪ : ﻋﻤﻪ ﺍﻧﻲ ﻫﺎﻻﻣﻮﺭ ﻭﺍﻓﻘﺖ ﻋﻠﻴﻬﺔ ﺍﻟﺠﻴﻦ ﻣﻦ ﺯﻣﺎﻥ ﻛﻮﻟﻲ ﺷﺮﻃﺞ ﺍﻧﺖ ﺷﻨﻮ
ﻛﺮﺟﻴﻪ : ﻳﺎ ﺷﺮﻁ ﺍﻧﺖ ﺷﻠﻮﻥ ﺗﺮﺿﻰ ﻋﻠﻰ ﺣﺎﻟﻚ ﺑﺖ ﻭﺩﺍﺩ ﺗﻤﺸﻴﻚ ﻭﻟﻚ ﺷﻴﻜﻮﻟﻮﻥ ﻋﻠﻴﻚ ﻳﻸﻏﻢ
ﻋﺜﻤﺎﻥ : ﻳﺎ ﺍﻡ ﻣﺨﻠﺪ ﻣﺎ ﻳﺼﻴﺮ ﻫﺬﺍ ﺍﻟﻜﻼﻡ ﺍﺣﻨﺎ ﻫﻨﺎ ﺩﻧﺘﻔﺎﻫﻢ ﻣﻮ ﻧﺘﻌﺎﺭﻙ
- ﺷﻠﻮﻥ ﻣﺎ ﻳﺼﻴﺮ ﻭ ﻫﻦ ﺩﺍ ﻳﻤﺸﻦ ﺍﺑﻨﻲ ﺑﻜﻴﻔﻬﻦ ﺗﺎﻟﻲ ﻋﻤﺮﻱ ﻳﻘﺒﻞ ﻣﺮﺗﻪ ﺗﻄﻠﻊ ﻭ ﺍﻃﺐ ﺍﺑﻨﻄﺮﻭﻧﻬﺎ ﺍﺑﻜﻴﻔﻬﺎ ﺷﻨﻜﻮﻝ ﻟﻠﻨﺎﺱ ﺷﻨﻜﻮﻝ ﻟﻠﻌﺎﻟﻢ ﺍﺑﻨﻲ ﻳﻤﺸﻲ ﺑﻜﻴﻒ ﻣﺮﺗﻪ
- ﻫﺬﺍ ﺍﺳﻤﻪ ﺗﻔﺎﻫﻢ ﺑﻴﻨﻬﻢ ﻟﻮ ﻗﻨﻌﻬﺎ ﻣﺎ ﺗﻄﻠﻊ ﻫﻢ ﺭﺍﺡ ﺗﻜﻌﺪ ﻓﻬﺎﻟﺸﻲ ﺑﻴﻨﻬﻢ ﻫﻢ ﻳﺘﻔﺎﻫﻤﻮﻥ ﻳﻘﻨﻌﻪ ﻳﻘﻨﻌﻬﺎ ﺑﻜﻴﻔﻬﻢ ﻻ ﺗﺪﺧﻠﻴﻦ ﺑﺤﻴﺎﺗﻬﻢ
.. ﻃﻴﺒﺔ ﻳﻤﻲ ﻧﺪﺳﺘﻲ ﻭ ﻫﻤﺴﺖ : ﻳﺎﺍﺍ ﺷﻮﻑ ﻋﻤﻲ ﺷﻴﺤﺠﻲ ﻫﺬﺍ ﻭﺍﻟﻠﻪ ﻋﻠﻰ ﻧﻴﺘﻲ ، ﻭﻳﻦ ﻳﻤﺸﻲ ﻫﺎﻟﺤﺠﻲ ﻋﺪ ﻛﺮﺟﻴﻪ ﺍﺫﺍ ﻣﻮ ﺍﻟﻜﻞ ﺗﻤﺸﻲ ﺑﻜﻴﻔﻬﺎ ﻭﻻ ﺗﺮﺿﻰ
- ﺩﺷﻮﻓﻲ ﺑﻌﺪ ﺷﺮﻁ ﺍﻣﻲ ﺷﺮﺍﺡ ﺗﺴﻮﻱ
- ﻏﻴﺮ ﻟﻮ ﺍﺳﻤﻊ ﺍﻟﺸﺮﻁ، ﺩﻧﻄﻘﻲ ﻳﺎ ﻋﻤﻪ
ﻋﺜﻤﺎﻥ : ﺍﺣﺠﻲ ﺍﻡ ﻟﺠﻴﻦ ﺍﻧﺖ ﺷﻨﻮ ﺷﺮﻃﺞ
- ﻣﺜﻞ ﻣﺎ ﺗﻌﺮﻓﻮﻥ ﺍﻧﻲ ﻫﻨﺎ ﺧﻄﺎﺭ ﻭ ﻣﺎ ﺍﻛﺪﺭ ﺍﺭﺟﻊ ﺍﺳﻜﻦ ﻫﻨﺎ ﻛﻠﺖ ﺑﻨﻴﺘﻲ ﻣﻦ ﺣﻔﻬﺎ ﺗﻌﻴﺶ ﺣﻴﺎﺗﻬﺎ ﺑﺎﺟﺮ ﺗﺘﺰﻭﺝ ﺗﻌﻴﺶ ﺧﻮﻣﺎ ﺍﺑﻘﻰ ﺑﺮﻛﺒﺘﻬﺎ ﻣﺎ ﺗﻜﺪﺭ ﺗﺸﻮﻑ ﺣﻴﺎﺗﻬﺎ ﺑﺴﺒﺐ ﻟﻬﺬﺍ ﻫﻨﺎﻙ ﺳﺎﻛﻨﻪ ﻭﻳﺎ ﺍﺧﺘﻲ
ﺑﺲ ﺑﻘﺎﺀ ﻟﺠﻴﻦ ﻭﺣﺪﻫﺎ ﻫﻨﺎ ﻫﻢ ﻳﻌﺰ ﻋﻠﻴﻪ
- ﻫﻲ ﻣﻮ ﻭﺣﺪﻫﺎ ﺍﺣﻨﺎ ﻋﻤﺎﻣﻬﺎ ﻳﻤﻬﺎ
- ﻭ ﺍﻟﻨﻌﻢ ﻣﻨﻜﻢ ﻣﺎ ﺗﻘﺼﺮﻭﻥ، ﺍﻟﻠﻲ ﺍﺭﻳﺪ ﺍﻛﻮﻟﻪ ﻣﺨﻠﺪ ﺭﺟﻞ ﻣﻄﻠﻚ ﺳﺎﺑﻘﺎ ﻭ ﻋﻨﺪﻩ ﺍﻃﻔﺎﻝ ﻭ ﻫﺎﻱ ﺩﻧﻴﺎ ﻛﻠﺸﻲ ﺑﻴﻬﺎ ، ﻫﻲ ﺍﻛﻴﺪ ﻣﺎ ﺭﺍﺡ ﺗﺒﻘﻰ ﻃﻮﻝ ﻋﻤﺮﻫﺎ ﺑﺄﺭﺑﻴﻞ ﻻ ﺑﺪ ﻳﻮﻡ ﺗﺮﺟﻊ ﺗﺴﻜﻦ ﻳﻢ ﺯﻭﺟﻬﺎ ﻫﻨﺎ ﺍﺑﻐﺪﺍﺩ
ﻓﺎﻟﻴﻮﻡ ﺑﻨﺘﻲ ﻋﺰﻳﺰﺓ ﺑﺎﺟﺮ ﻣﻦ ﻳﻤﻠﻜﻬﺎ ﻭ ﺗﺼﻴﺮ ﻋﻨﺪﻩ ﻭ ﻫﺎﻱ ﺷﺮﻭﻃﻬﺎ ﻭ ﻣﺎ ﻳﻜﺪﺭ ﻳﺘﺤﻜﻢ ﺑﻴﻬﺎ ﻣﻨﻮ ﻛﺎﻝ ﻳﺒﻘﻰ ﻧﻔﺴﻪ ؟
- ﻳﻌﻨﻲ ﺷﻠﻮﻥ ﻣﺎ ﻳﺒﻘﻰ ﻧﻔﺴﻪ
- ﺭﺍﺩ ﻳﻐﻴﻀﻬﺎ ﻭ ﺭﺟﻊ ﻣﺮﺗﻪ ﻭ ﻛﻌﺪﻫﺎ ﺍﺷﻠﻮﻥ ؟
- ﻏﻴﺮ ﻣﺮﺗﻪ ﻭ ﺟﻬﺎﻟﻪ ﺷﻨﻮ ﺍﻧﺖ ﺗﻤﻨﻌﻴﻨﻪ ﻳﺮﺟﻊ ﻣﺮﺗﻪ ﻭ ﺟﻬﺎﻟﻪ
- ﺭﺣﻢ ﺍﻟﻠﻪ ﻭﺍﻟﺪﻳﺞ ﻭ ﻫﺬﺍ ﺍﻟﺨﺎﻳﻔﺔ ﻣﻨﻪ ، ﻳﻜﺴﺮ ﺑﻨﻴﺘﻲ ﻭ ﻳﺠﻴﺒﻠﻬﺎ ﺍﻟﻀﺮﺓ ﻟﻨﺺ ﺑﻴﺘﻬﺎ ﻭ ﻳﺠﺒﺮﻫﺎ ﺗﺘﺤﻤﻞ
ﻓﺸﺮﻃﻲ ﻋﻠﻰ ﻫﺎﻟﺰﻭﺍﺝ ﻣﻬﺮ ﺑﻨﺘﻲ ﺑﻴﺖ ﻣﺨﻠﺪ ﺍﻟﺒﻨﺎﻩ ﺑﺎﻻﻋﻈﻤﻴﺔ ﻳﺘﺴﺠﻞ ﺑﺄﺳﻤﻬﺎ
ﻫﻲ ﻛﺎﻟﺖ ﻫﻴﺞ ﻭ ﻫﻢ ﻛﻠﻬﻢ ﻓﺰﻭﺍ : ﺷﻨﻮ ﻫﺬﺍ ﺍﻟﺤﺠﻲ ﻭ ﻣﺎ ﻳﺼﻴﺮ
ﻭﻛﺮﺟﻴﺔ ﻭﻛﻔﺖ ﻋﻠﻰ ﺣﻴﻠﻬﺎ : ﺷﻠﻮﻭﻭﻭﻭﻭﻭﻥ ﺷﻠﻮﻭﻭﻭﻥ ﻭﻟﺞ ﺍﻧﺘﻴﻴﻴﻴﻲ ﺗﺎﺧﺬﻳﻦ ﺑﻴﺖ ﺍﺑﻨﻲ، ﻭﻟﺞ ﻻ ﻋﺸﺘﻲ ﻭﻻ ﺻﺮﺗﻲ ﻻ ﺍﻧﺖ ﻭﻻ ﺑﻨﺘﺞ ﻭﻋﺴﻰ ﻣﺤﺪ ﺍﺧﺬﻫﺎ ﺧﻠﻴﻬﺎ ﺗﻨﺎﻡ ﻋﻠﻰ ﮔﻠﺒﭻ ﺗﺤﻤﺾ ﻣﻨﻮ ﻣﻴﺖ ﻋﻠﻰ ﺑﻨﺘﺞ ﻭ ﻳﻨﻄﻴﻬﺎ ﺑﻴﺖ
ﺍﻡ ﻟﺠﻴﻦ : ﺑﻨﺘﻲ ﻣﺎ ﺗﻀﻞ ﻋﻠﻰ ﮔﻠﺒﻲ ﺍﻧﺴﺎﻧﻪ ﻣﺜﻘﻔﺔ ﻭ ﺩﺍﺭﻳﻪ ﻭ ﻣﺸﻬﻮﺭﺓ ﻭ ﺍﻟﻬﺎﻣﻜﺎﻧﺘﻬﺎ ﺑﺎﻟﻤﺠﺘﻤﻊ ﻭ ﺍﻟﻒ ﻭﺍﺣﺪ ﻳﺘﻤﻨﺎﻫﺎ ﻣﻮ ﻫﻲ ﺍﻟﺘﺘﻤﻨﺎ ﺍﺣﺪ ﻻ ﺍﺑﻨﺞ ﻭﻻ ﻏﻴﺮ ﺧﺎﻑ ﺗﻜﻮﻟﻴﻦ ﻛﺎﺗﻠﻪ ﺭﻭﺣﻬﺎ ﻋﻠﻰ ﺍﺑﻮ ﺿﺎﺑﻂ ﻭ ﻫﺎﻟﺴﻮﺍﻟﻒ ﺷﻔﺎﻳﺘﻠﻬﺎ ﺫﺍﻙ ﺍﻟﻴﻮﻡ ﺗﻘﺪﻣﻠﻬﺎ ﻣﺴﺆﻝ ﺑﺎﻟﺒﺮﻟﻤﺎﻥ ﻭ ﺭﻓﻀﺘﻪ ، ﺍﻻ ﻫﻲ ﻣﻮ ﺑﻌﻴﻨﻬﺎ ﺍﺣﺪ ﺑﺲ ﺍﺑﻨﺞ ﺍﻟﻠﻲ ﻳﺤﺒﻬﺎ ﻛﻞ ﻫﺎﻟﺴﻨﻴﻦ ﻭ ﻳﺮﻳﺪﻫﺎ
......
ﻣﺨﻠﺪ : ﻭ ﺍﻧﺖ ﻋﻤﻪ ﺷﻨﻮ ﺩﺍﺧﻠﻪ ﻭﻳﺎﻱ ﻋﻠﻰ ﻃﻤﻊ ﻫﻲ ﺑﻨﺖ ﻋﻤﻲ ﻭ ﺻﺒﺮﺕ ﻫﻮﺍﻱ ﻳﻠﻪ ﻫﺴﻪ ﺩﺍ ﺍﺧﺬﻫﺎ ﺷﻨﻮ ﻫﺎﻟﺸﺮﻁ ﻫﺬﺍ
- ﻋﻤﻪ ﺍﻧﻲ ﻣﺎ ﺭﺍﺡ ﺍﺧﺬ ﻃﺎﺑﻮﻛﻪ ﻣﻦ ﺑﻴﺘﻚ ﻭ ﺍﺧﻠﻴﻬﺎ ﺑﺠﻴﺒﻬﺎ ﻫﺎﻟﻤﻮﺿﻮﻉ ﻟﻤﺼﻠﺤﺔ ﺑﻨﺘﻲ ﻭ ﻣﺎﻛﻮ ﺍﻡ ﻣﺎ ﺍﺩﻭﺭ ﻣﺼﻠﺤﺔ ﺑﻨﺘﻬﺎ ، ﻣﺎﻟﻚ ﺫﺍﻙ ﺍﻟﺤﺮﺍﻣﻲ ﻣﻦ ﺗﺰﻭﺟﻬﺎ ﺍﻭﻝ ﻣﺮﻩ ﺍﻧﻄﺎ ﻣﻬﺮﻫﺎ ١٠٠ ﻣﻠﻴﻮﻥ ﻭ ﺳﻠﻤﻬﻢ ﻟﻌﻤﻚ ﺍﻟﻠﻪ ﻳﺮﺣﻤﻪ
- ﻭ ﺗﺎﻟﻲ ﺷﺴﻮﺍﻟﻬﺎ ﻣﺎﻟﻚ ﺍﻟﻠﻲ ﺗﻘﺎﺭﻧﻴﻨﻲ ﺑﻴﻪ
- ﻭﺍﻟﻠﻪ ﻋﻤﻪ ﺍﻧﺘﻢ ﺍﻟﺰﻟﻢ ﻛﻠﻜﻢ ﻣﺎ ﺍﻟﻜﻢ ﺍﻣﺎﻥ ﻻ ﻣﺠﺮﻣﻜﻢ ﻭﻻ ﺿﺎﺑﻄﻜﻢ ، ﺍﻟﻴﻤﺸﻲ ﻋﻠﻰ ﺭﺟﻠﻴﻪ ﻣﺎ ﻳﻨﺤﻠﻒ ﻋﻠﻴﻪ ﻓﺄﻋﺬﺭﻧﻲ ﻫﺎﻻﻣﻮﺭ ﻟﻤﺼﻠﺤﺔ ﺑﻨﺘﻲ
ﺍﻣﻲ ﺗﺤﺠﻲ ﻭ ﻛﺮﺟﻴﻪ ﺍﺧﺬﺕ ﻋﻤﻲ ﻋﻤﺮﺍﻥ ﺑﺮﺍ ﻭ ﺑﺲ ﻧﺴﻤﻊ ﺣﺠﻴﻬﺎ ﻭ ﺻﻴﺎﺣﻬﺎ ﻭﻳﺎﻩ ﺧﺒﺼﺖ ﺍﻻﻣﺔ، ﻓﺎﺕ ﻋﻨﻲ ﻛﺎﻝ : ﺯﻭﺍﺝ ﻣﺎﻛﻮ
- ﺍﻭﻛﻒ ﻳﺎﺑﻪ ﻣﻮ ﻫﻴﺞ ﺍﻟﺤﺠﻲ ﻫﻮ ﺍﻟﻘﺮﺍﺭ ﺍﻟﻲ ﺑﺲ ﺧﻞ ﻧﺘﻔﺎﻫﻢ
- ﻭﺩﺍﺩ ﻭ ﺑﺘﻬﺎ ﻧﺎﻭﻳﺎﺕ ﻋﻠﻰ ﺑﻴﺘﻚ ﻭ ﺍﻧﺖ ﻣﺎ ﻋﻨﺪﻙ ﻏﻴﺮ ﻫﺎﻟﺒﻴﺖ ﺳﻨﺪ ﺍﻟﻚ ﻭ ﻟﺠﻬﺎﻟﻚ ﺧﻠﺼﺖ ﻋﻤﺮﻙ ﺗﺠﻤﻊ ﻭ ﺗﻜﺪ ﺣﺘﻰ ﺗﺸﺘﺮﻱ ﺗﺎﻟﻲ ﺗﻨﻄﻲ ﻟﺒﻨﺖ ﻭﺩﺍﺩ
ﻋﺜﻤﺎﻥ : ﻋﻴﺐ ﻫﺎﻟﻜﻼﻡ ﻋﻤﺮﺍﻥ ﺍﻟﺒﻨﻴﺔ ﺑﻨﻴﺘﻨﺎ ﻭ ﺑﻨﺖ ﺍﺧﻮﻧﺎ ﺍﻟﻤﺮﺣﻮﻡ ﻻ ﺗﻨﻜﺮﻫﺎ ﻋﻠﻰ ﻣﻮﺩ ﺷﻮﻳﺔ ﻓﻠﻮﺱ ﺍﻧﻲ ﺍﺷﻮﻑ ﻛﻼﻡ ﺍﻡ ﻟﺠﻴﻦ ﺻﺤﻴﺢ ﻭ ﺑﺘﺎﻟﻲ ﺍﻟﺒﻴﺖ ﺍﻟﻬﻢ ﺍﺛﻨﻴﻨﻬﻢ ﻗﺎﺑﻞ ﻧﻮﺍﻳﻦ ﻛﻢ ﺳﻨﻪ ﻭ ﻳﻄﻠﻜﻮﻥ ﺍﻟﻜﺎﻥ ﺍﻟﻬﺎ ﺍﻭ ﺍﻟﻪ ﻣﺎﻛﻮ ﻓﺮﻕ ﻻ ﺗﻮﻛﻒ ﺑﻘﺴﻤﺔ ﺍﻟﻮﻟﺪ
- ﻻ ﺍﻭﻛﻒ ﻭ ﺍﻣﻨﻊ ﺑﻌﺪ ﺍﻣﺸﻲ ﻣﻦ ﻋﻴﻦ ﺑﺎﺟﺮ ﺍﺧﻄﺒﻠﻚ ﻣﺮﻩ ﺍﻏﺎﺗﻬﺎ ﻭ ﺣﺘﻰ ﻣﺎ ﻣﺘﺰﻭﺟﻪ ﺍﻣﺸﻲ ﻣﻮ ﺍﺣﻨﺎ ﺍﻟﻴﺠﻦ ﻧﺴﻮﺍﻥ ﻣﻦ ﺍﻟﺸﺎﺭﻉ ﻳﻤﺸﻦ ﺍﺑﻨﺎ ﺑﻜﻴﻔﻬﻦ ﻭﻳﻠﻌﺒﻦ ﻋﻠﻴﻪ ﻭ ﻳﺎﺧﺬﻥ ﺑﻴﺘﻪ
ﺍﻡ ﻟﺠﻴﻦ : ﺍﻟﻜﻼﻡ ﻣﺮﺟﻮﻉ ﻋﻠﻴﻚ ﺍﺑﻮ ﻣﺨﻠﺪ ﻣﻮ ﺍﺣﻨﺎ ﺍﻟﻠﻲ ﺟﺎﻳﻴﻦ ﻣﻦ ﺍﻟﺸﺎﺭﻉ ﺍﺻﻠﻲ ﻭ ﻓﺼﻠﻲ ﻣﻌﺮﻭﻑ ﻭ ﺑﻨﺘﻲ ﻣﻨﻜﻢ ، ﺍﻧﻤﺎ ﺍﻟﺤﺠﻲ ﺍﻟﺪﺍ ﺗﺤﺠﻲ ﺣﺠﻲ ﺷﻮﺍﺭﻉ ﻭ ﻋﻴﺐ ﻳﻨﻜﺎﻝ ﻋﻠﻰ ﻋﺮﺽ ﺍﺧﻮﻙ ﺍﻟﻤﺮﺣﻮﻡ
ﻛﺎﻡ ﻋﻤﻲ ﻋﻠﻰ ﺍﻣﻲ ﻭ ﻳﺼﺮﺥ ﻋﻠﻴﻬﺎ ﺷﻠﻮﻥ ﺗﻜﻮﻟﻪ ﻛﻼﻣﻚ ﻛﻼﻡ ﺷﻮﺍﺭﻉ ، ﻛﺎﻡ ﻳﻔﺸﺮ ﻭ ﻳﻐﻠﻂ
ﻛﺎﻟﺘﻠﻪ ﺍﻣﻲ : ﺍﺧﺬ ﺍﺑﻨﻚ ﻭﺭﻭﺡ ﻣﺎ ﻋﻨﺪﻱ ﺑﻨﻴﺔ ﻟﻠﺰﻭﺍﺝ ﻭﻻ ﺍﺳﻤﺢ ﺍﻟﺠﺒﻦ ﺗﺘﺰﻭﺝ ﺍﺑﻨﻚ
ﻣﺨﻠﺪ ﻻﺯﻡ ﺑﺎﺑﻮﻩ ﻳﻬﺪﻱ ﺑﻴﻪ ﻭ ﻋﻤﻲ ﻭﺍﻛﻒ ﺑﻴﻦ ﺍﻷﺛﻨﻴﻦ ﻭ ﺍﻻﺛﻨﻴﻦ ﻳﺘﺸﺎﻣﺮﻭﻥ ﺑﺎﻟﺤﺠﻲ
ﺍﻟﻰ ﺍﻥ ﻛﺮﺟﻴﺔ ﻓﺸﺮﺕ ﻋﻠﻰ ﺍﻣﻲ ﺑﻤﻨﻌﻰ ﺗﻜﻮﻟﻬﺎ ( ﻧﺎﻳﻤﻪ ﻭ ﻳﺎ ﺯﻟﻢ ﺍﻟﺴﻮﻳﺪ ﻭ ﺟﺎﻳﻪ ﻫﻨﺎ ﺗﺒﻴﻊ ﺷﺮﻑ ﺑﺮﺍﺱ ﺍﺑﻨﻲ )
ﻋﻤﻲ ﺗﺨﺒﻞ ﺷﻠﻮﻥ ﺗﺤﺠﻲ ﻫﻴﺞ ﻭﻛﻒ ﻣﺼﺎﻳﺢ ﻭ ﻋﻠﻴﻬﺎ ﻭ ﻋﻠﻰ ﻋﻤﻲ ﻭ ﻃﺮﺩﻫﺎ ﻣﻦ ﺍﻟﺒﻴﺖ ﻭ ﺗﻌﺎﺭﻙ ﻭﻳﺎ ﻋﻤﻲ ﻭ ﻫﻮ ﻳﻜﻮﻟﻪ : ﻣﺎ ﺗﺮﻳﺪ ﻣﺨﻠﺪ ﺗﻤﺸﻲ ﻣﺮﻩ ﻭ ﺍﻧﺖ ﻣﺎﺷﻲ ﺑﻜﻴﻒ ﻛﺮﺟﻴﻪ ﻭ ﺭﺍﺿﻴﻠﻬﺎ ﻭ ﻫﻲ ﺗﻄﻌﻦ ﺑﺸﺮﻑ ﺍﺧﻮﻙ ﻟﻮ ﻋﻨﺪﻙ ﺫﺭﺓ ﻏﻴﺮﺓ ﺟﺎﻥ ﺭﺩﻳﺖ ﻣﺮﺗﻚ
ﻭﺻﺎﺭﺕ ﻫﻮﺳﻪ ﺑﻴﻦ ﻋﻤﺎﻣﻲ ﻭ ﻣﺎﺯﻥ ﻭ ﻣﺨﻠﺪ ﻳﻬﺪﻭﻥ ﺑﻴﻬﻢ ﺍﻟﻰ ﺍﻥ ﺍﺧﺬﻭﺍ ﺍﺑﻮﻫﻢ ﻭ ﻋﻤﻲ ﻓﺎﺕ ﺟﻮﺍ
ﻛﻌﺪﺕ ﻣﺎﻣﺎ ﺗﺮﺟﻒ ﺑﺲ ﺗﺤﺎﻭﻝ ﺗﻜﻮﻥ ﻫﺎﺩﻳﺔ ، ﺍﺧﺮ ﺷﻲ ﺑﺎﻭﻋﺖ ﺑﻮﺟﻬﻲ ﻭ ﺑﺠﺖ ﻭ ﻛﺎﻟﺘﻠﻲ : ﻭﻟﺞ ﺗﻤﻨﻴﺖ ﺍﺑﻮﺝ ﺍﻟﻴﻮﻡ ﻣﻮﺟﻮﺩ ﺟﺎﻥ ﻓﺮﻙ ﺣﻠﻮﻙ ﺍﻟﺘﻨﻔﻚ ﻋﻠﻴﻨﺎ ﻋﻤﺖ ﻋﻴﻦ ﺍﻟﺘﺮﺍﺏ ﺍﻟﺨﺬﺗﻪ ﻣﻨﻲ ﺍﻱ ﻭﺍﻟﻠﻪ
ﻛﺎﻣﺖ ﺩﻣﻮﻋﻬﺎ ﺗﺠﺮﻱ ﺑﺤﺮﺍﺭﻩ ﻭ ﻫﻲ ﺗﻀﺮﺏ ﻋﻠﻰ ﺯﺭﻫﺎ ﺑﺤﺮﻛﺔ ﻭ ﺗﺤﺠﻲ، ﺍﺧﺬﺗﻬﺎ ﺑﺤﻈﻨﻲ ﻭ ﺍﻧﻲ ﺍﺑﺠﻲ
- ﻟﺘﻘﻬﺮﻳﻦ ﻧﻔﺴﺞ ﻣﺎﻣﺎ ﻓﺪﻭﺓ ﺧﻴﻮﻟﻮﻥ ، ﻻ ﺍﺭﻳﺪﻫﻢ ﻭ ﻻ ﺍﺭﻳﺪ ﺍﺑﻨﻬﻢ
......
ﻋﺜﻤﺎﻥ : ﻣﺎﻛﻮ ﻫﻴﺞ ﻣﺮﺓ ﻣﺎ ﺗﻨﺠﺮﻉ ﻃﻠﻜﺖ ﻣﺮﺗﻪ ﻭ ﻣﺎ ﻧﻜﺴﺮﺕ ﻭﻻ ﺗﺎﺑﺖ ﻭﺍﻛﻔﻪ ﺑﺼﻼﻓﺔ ﺗﻔﺸﺮ ﻭ ﺗﻄﻌﻦ ﺑﺄﻋﺮﺍﺽ ﺍﻟﻌﺎﻟﻢ ﻭ ﻫﺬﺍ ﺍﺧﻮﻱ ﺑﻼﻳﺎ ﺣﻆ ﺗﺎﺑﻌﻬﺎ
ﻟﺠﻴﻦ : ﻋﻤﻮ ﺍﺣﻨﺎ ﻧﻌﺮﻑ ﻋﻤﻪ ﻛﺮﺟﻴﺔ ﻭ ﻗﺒﺎﺣﺘﻬﺎ ﻭ ﺍﻧﻲ ﻣﻦ ﺍﻻﻭﻝ ﺷﺮﻃﺖ ﻋﻠﻴﻪ ﺍﻣﻚ ﻣﺎ ﺍﻋﺎﻳﺸﻬﺎ
- ﻭﺍﻟﻠﻪ ﻋﻤﻮ ﺣﻘﺞ ﺍﻟﻠﻪ ﻳﻠﻮﻡ ﺍﻟﻠﻲ ﻳﻠﻮﻣﺞ
... ﺑﻘﻴﻨﺎ ﻛﺎﻋﺪﻳﻦ ﻭﻳﺎ ﻣﺎﻣﺎ ﻭ ﻧﻬﺪﻱ ﺑﻴﻬﺎ ﻭ ﻃﻠﻊ ﻋﻤﻮ ﻋﺸﺎﺭﻉ ﻭ ﺟﺎﺑﻠﻨﺎ ﻣﻮﻃﻪ ﻭ ﺑﻘﻼﻭﺓ ﻭ ﻛﻌﺪﺕ ﻣﺮﺕ ﻋﻤﻲ ﺧﻠﺘﻬﻢ ﻛﺒﺎﻟﻨﺎ ﻭ ﺍﻧﺠﻤﻌﻨﺎ
ﺳﻤﻌﺖ ﻣﻮﺑﺎﻳﻠﻲ ﻳﺪﻙ
ﺑﺎﻭﻋﺘﻪ ﻣﺨﻠﺪ ، ﺭﺩﻳﺖ : ﺍﻟﻮﻭ
- ﺍﺭﻳﺪﺝ ﺍﻃﻠﻌﻲ
- ﻛﺎﻋﺪﻩ ﻭﻳﺎ ﻣﺎﻣﺎ
- ﻻ ﺗﺨﻠﻴﻨﻲ ﺍﻧﺰﻝ ﻋﺸﻴﺮﺗﺞ ﻛﻠﻬﺎ ﻣﻮ ﺑﺲ ﺍﻣﺞ ﺩﺍ ﺍﻛﻠﺞ ﺍﻃﻠﻌﻲ
- ﺍﺻﺒﺮ ﺑﺲ ﺷﻮﻳﻪ ﻭ ﺍﻃﻠﻊ
- ﻣﻨﺘﻈﺮﺝ ﺑﺴﺎﻉ
ﻧﺪﺳﺖ ﻋﻤﻮ : ﻣﺨﻠﺪ ﻳﺮﻳﺪﻧﻲ ﺑﺮﺍ ﺭﺍﺡ ﺍﻃﻠﻊ ﺍﺷﻮﻑ ﺷﻨﻮ ﻳﺮﻳﺪ
- ﺭﻭﺣﻲ ﻋﻤﻮ
ﺭﺗﺒﺖ ﻧﻔﺴﻲ ﺍﺧﺬﺕ ﺣﺬﺍﺋﻲ ﻟﺒﺴﺘﻪ ﻭ ﻃﻠﻌﺖ ، ﺷﻔﺘﻪ ﺑﺴﻴﺎﺭﺗﻪ ﻛﺎﻋﺪ ، ﺍﺷﺮﻟﻲ ﺑﺮﺍﺳﻪ ( ﺍﺻﻌﺪﻱ )
ﺻﻌﺪﺕ، ﻣﺸﻰ ﺑﺎﻟﺴﻴﺎﺭﺓ ﻭ ﺣﺠﻰ : ﻋﻮﺩ ﺷﻨﻮ ﻣﻌﻨﺎﻫﺎ ﺍﻣﺞ ﻫﺬﺍ ﺣﺠﻴﻬﺎ ؟
- ﺩﺍ ﺗﺤﺎﺳﺒﻨﻲ ﺍﻧﺖ ﻋﻠﻰ ﻛﻼﻡ ﺍﻣﻲ ﻣﺴﻤﻌﺖ ﺍﻣﻚ ﺷﻨﻮ ﻛﺎﻟﺖ
- ﺍﻣﻲ ﻫﻴﺎﻧﻲ ﺗﻌﺎﺭﻛﺖ ﻭﻳﺎﻫﺎ ﻭ ﻃﻠﻌﺖ ﻭ ﻻ ﺭﺍﺿﻲ ﻋﻠﻰ ﻓﻌﻠﻬﺎ ﻭ ﻻ ﻗﺎﺑﻞ ﺑﻴﻪ ، ﻭ ﻣﺜﻞ ﻣﺎ ﺍﻧﻲ ﻣﺎ ﺍﺭﺿﻰ ﺍﻻﻣﻲ ﺍﻟﻤﻔﺮﻭﺽ ﺍﻧﺖ ﺍﻟﻤﺜﻞ
- ﻳﻌﻨﻲ ﺷﻨﻮ ﺍﻟﻤﺜﻞ ﺷﺴﻮﻱ ﻫﻲ ﻣﺎﻣﺎ ﺷﺴﻮﺕ ﻭ ﺍﻭﻛﻒ ﺿﺪﻫﺎ
- ﺷﻨﻮ ﺗﺴﺠﻴﻞ ﺑﻴﺖ
- ﻭ ﺷﺒﻲ ﻭ ﺍﺫﺍ ﺳﺠﻠﺘﻪ ﺑﺸﻨﻮ ﻳﻀﺮﻙ ، ﺭﺍﺡ ﺍﺧﺬ ﺑﻴﺘﻚ ﻭ ﺍﺷﺮﺩ ﻟﻮ ﺍﻛﻠﺐ ﻋﻠﻴﻚ ﺗﺮﺍ ﺑﻴﺘﻚ ﻛﻠﻪ ﻣﻮ ﺑﻌﻴﻨﻲ ﻭ ﺍﻧﺖ ﺗﻌﺮﻑ ﻛﻠﺶ ﺯﻳﻦ ﺍﻛﺪﺭ ﺍﺟﻴﺐ ﺍﻏﺎﺗﻪ ﻭ ﻛﻼﻡ ﻣﺎﻣﺎ ﺣﺠﺘﻪ ﻟﻤﺼﻠﺤﺘﻲ ﻓﺄﺫﺍ ﺗﺮﻳﺪ ﻧﻔﺬ
- ﺷﻨﻔﺬ ﺍﺳﺠﻞ ﺍﻟﺒﻴﺖ ﺑﺄﺳﻤﺞ ، ﻟﺞ ﻫﺬﺍ ﺑﻴﺘﻲ ﻟﻠﻴﻮﻡ ﻣﻄﻠﻮﺏ ﻋﻠﻴﻪ ﻗﺮﻭﺽ ﻣﻦ ﺍﻟﺒﻨﻚ ﻭ ﺩﻳﻮﻥ ﻣﻦ ﺍﻟﻌﺎﻟﻢ ﻣﺎ ﻣﺴﺪﺩﻫﺎ ﺍﺟﻲ ﺍﻧﻄﻲ
- ﺍﻛﻮﻟﻚ ﺩﺍ ﺗﺤﺴﺴﻨﻲ ﻣﻨﻄﻲ ﻟﻐﺮﻳﺒﺔ ﺗﺮﺍ ﺍﻥ ﻛﺎﻥ ﺑﺄﺳﻤﻚ ﺍﻭ ﺑﺄﺳﻤﻲ ﻣﻴﻔﺮﻕ ﻣﺠﺮﺩ ﺩﺍ ﺍﺿﻤﻦ ﺣﻘﻲ ﻻ ﺍﻛﺜﺮ ﺧﺎﻑ ﺑﺎﺟﺮ ﻋﻜﺒﻪ ﺗﺮﺟﻊ ﻣﺮﺗﻚ ﻭ ﺗﺬﻟﻨﻲ ﺑﻴﻪ ﻭﻟﻮ ﺫﺍﻙ ﺍﻟﻮﻛﺖ ﻻ ﺍﺑﻘﺎﻟﻚ ﻭﻻ ﺗﺸﻮﻓﻨﻲ
ﺑﺎﻭﻋﻠﻲ : ﺍﻧﺖ ﺑﻴﺞ ﺷﻲ
- ﻭﺍﻟﻠﻪ ﺍﻧﻲ ﻋﻘﻠﻲ ﺑﺮﺍﺳﻲ ﺍﻧﺖ ﻭ ﺍﻫﻠﻚ ﺍﻟﻠﻲ ﻣﻌﻈﻤﻴﻦ ﺍﻻﻣﻮﺭ ، ﻫﺬﺍ ﺍﻧﻲ ﻭ ﻫﺎﻳﻪ ﺷﺮﻭﻃﻲ ﺗﻘﺒﻞ ﺑﻴﻬﻢ ﺍﻫﻼ ﺑﻴﻚ ﻣﺘﻘﺒﻞ ﺍﺗﺮﻛﻨﻲ ﻭ ﺷﻮﻑ ﺣﻴﺎﺗﻚ
- ﻫﻴﺞ ﺻﺎﺭﺕ
- ﻭﺍﻟﻠﻪ ﻣﺨﻠﺪ ﻫﺬﺍ ﺍﻟﻌﻨﺪﻱ ﻭ ﻛﺎﻓﻲ ﺍﻟﻴﻮﻡ ﺍﻟﻠﻲ ﺍﺗﺤﻤﻠﺘﻪ ﻣﻦ ﺍﻣﻚ ﻻ ﺗﺰﻳﺪﻫﺎ ﺍﺭﺟﻮﻙ، ﺭﺟﻌﻨﻲ
ﻫﺰ ﺭﺍﺳﻪ ﻭ ﻟﻒ ﺳﻴﺎﺭﺗﻪ ﻭ ﺭﺟﻌﻨﻲ ﻟﺒﻴﺖ ﻋﻤﻮ ، ﻗﺒﻞ ﻻ ﺍﻧﺰﻝ ، ﻟﺰﻡ ﺍﻳﺪﻱ ﺩﺭﺕ ﻭﺟﻬﻲ، ﻛﺎﻟﻲ : ﺍﻟﻴﻮﻡ ﻋﺮﻓﺖ ﻣﺎ ﺍﻟﻲ ﻛﻞ ﻗﻴﻤﺔ ﻋﻨﺪﺝ ﻟﻮ ﺍﻟﻲ ﺫﺭﺓ ﺟﺎﻥ ﺣﺠﻴﺘﻲ ﻟﻮ ﺩﺍﻓﻌﺘﻲ ﻋﻨﻲ ﺷﻮﻳﻪ ﺑﺲ ﺍﻧﺖ ﻭ ﺍﻟﻜﻞ ﻋﻠﻴﻪ ﻭ ﺍﻧﻲ ﺍﻟﻠﻲ ﺷﺎﺭﻳﺞ ﻭﺍﻟﻠﻪ ﻟﻮ ﮔﻠﺒﻲ ﺑﺲ ﻳﻨﻄﻴﻨﻲ ﻟﺠﺎﻥ ﻗﻠﻌﺘﺞ ﻣﻨﻪ ﻭﺟﻮﻳﺖ ﻣﻜﺎﻧﺞ ﺣﺘﻰ ﻣﺎ ﺗﺮﺟﻌﻴﻦ ﻟﻜﻠﺒﻲ ﻣﺮﻩ ﺛﺎﻧﻴﻮ ﻭ ﺍﺑﺘﻠﻲ ﺑﻴﺞ ﻭ ﺍﺣﻴﺮ ﺑﺪﻧﻴﺎ ﻭﻳﺎﺝ
- ﺍﺫﺍ ﻫﻠﻜﺪ ﻣﻀﺎﻳﻘﺘﻚ ﻋﻮﻓﻨﻲ ﻭﻻ ﺗﻔﻜﺮ ﺑﻴﻪ
ﻫﺰ ﺭﺍﺳﻪ، ﻋﺎﻓﻨﻲ ﻭ ﺣﺮﻙ ﺍﻟﺴﻴﺎﺭﺓ ﻭ ﻃﻠﻊ
ﺩﺧﻠﺖ ﻟﻠﺒﻴﺖ ﻟﻜﻴﺖ ﺑﻴﺖ ﻋﻤﻲ ﻓﺎﺭﺷﻴﻦ ﻟﻠﻨﻮﻡ، ﺍﺧﺬﺕ ﺗﺮﺍﻙ ﻣﻦ ﺟﻨﻄﺘﻲ ﺑﺪﻟﺖ ﻭ ﺗﻤﺪﺩﺕ ﻋﻠﻰ ﺍﻳﺪ ﻣﺎﻣﺎ ﺗﻠﻌﺒﻠﻲ ﺑﺸﻌﺮﻱ ﻭ ﺗﺴﻮﻟﻔﻠﻲ ﻋﻨﻬﺎ ﻭ ﻋﻦ ﺧﺎﻟﺘﻲ ﻫﻨﺎﻙ ﻭﻳﺎﻫﺎ ﻭ ﺷﻠﻮﻥ ﺍﻧﺘﻘﻠﺖ ﻭ ﺍﺟﺖ ﻳﻤﻬﺎ ، ﻣﺎ ﺍﺩﺭﻱ ﺷﻠﻮﻥ ﻏﻔﻴﺖ ﺑﻴﺪﻫﺎ ﺍﻟﻠﻲ ﺍﻋﺮﻓﻪ ﻣﺜﻞ ﺍﻟﻄﻔﻠﻪ ﺿﻠﻴﺖ ﻋﻠﻰ ﺍﻳﺪﻫﺎ ﻟﻠﺼﺒﺢ
ﺛﺎﻧﻲ ﻳﻮﻡ ﻛﻌﺪﺗﻨﻲ ﻣﺮﺕ ﻋﻤﻲ ﻭ ﻫﻲ ﺗﻨﺪﻫﻨﻲ ﻋﻠﻰ ﻛﻴﻒ : ﻫﺎ ﻋﻤﻪ
- ﻛﻮﻣﻲ ﻣﺨﻠﺪ ﺑﺎﻟﺒﺎﺏ ﻳﺮﻳﺪﺝ
ﻛﻤﺖ ﻣﻦ ﻣﻜﺎﻧﻲ ﻟﻤﻴﺖ ﺷﻌﺮﻱ ﻭ ﻃﻠﻌﺘﻠﻪ ﻭﺍﻛﻒ ﺑﺎﻟﻜﺮﺍﺝ، ﻛﻮﻩ ﺍﻓﺘﺢ ﺑﻌﻴﻮﻧﻲ : ﻫﺎ ﻣﺨﻠﺪ
- ﺍﻣﺸﻲ ﻟﺒﺴﻲ ﺩﺍ ﻧﺮﻭﺡ
- ﻣﻮ ﺗﺮﻳﺪﻳﻦ ﺍﻟﺒﻴﺖ ، ﺍﻣﺸﻲ ﺩﺍ ﺍﺳﺠﻠﻪ ﺑﺄﺳﻤﺞ ﻭ ﺧﻞ ﺍﺷﻮﻑ ﻫﺎﻟﺴﺎﻟﻔﺔ ﻭﻳﻦ ﺗﻮﺻﻞ
- ﻭ ﺍﻫﻠﻚ
- ﻣﺤﺪ ﻳﻌﺮﻑ ﻋﻮﺩ ﻣﻦ ﺍﻛﻤﻞ ﺍﻛﻮﻟﻠﻬﻢ ﻭ ﺍﺧﻠﻴﻬﻢ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ﺍﻣﺸﻲ ﻳﻼ
- ﻓﻮﺕ ﺗﺮﻳﻚ
- ﻣﺎ ﺍﻟﺤﻚ ﻣﺎﺧﺬ ﺍﺟﺎﺯﺓ ﺯﻣﻨﻴﺔ ﺍﻣﺸﻲ
ﺩﺧﻠﺖ ﻛﻌﺪﺕ ﻣﺎﻣﺎ ﻛﻠﺘﻠﻬﺎ ﺑﻘﺖ ﺻﺎﻓﻨﻪ، ﺑﺪﻟﺖ ﻭ ﻣﺎﻣﺎ ﻛﺎﻟﺖ ﺍﻟﻌﻤﻮ، ﻛﺎﻟﻠﻬﺎ : ﺍﻟﺮﺟﺎﻝ ﺍﻟﻤﺴﺘﻌﺪ ﻳﺴﺠﻞ ﺑﻴﺘﻪ ﺑﺄﺳﻤﻬﺎ ﻫﺬﺍ ﻳﻌﺸﻚ ﺗﺮﺍﺑﻬﺎ ﻻ ﺗﺘﺮﺩﺩﻳﻦ ﺗﻨﻄﻴﻨﻪ ﺗﺮﻩ ﺧﻄﻴﺔ ﻣﺨﻠﺪ ﻣﺎ ﺍﻟﻪ ﺫﻧﺐ ﺑﻘﺒﺎﺣﺔ ﺍﻫﻠﻪ ﺗﻌﺬﺏ ﺑﺤﺒﻬﺎ ﻫﻮﺍﻱ ﺧﻠﻲ ﻳﺮﺗﺎﺡ
ﻟﺒﺴﺖ ﻭ ﻃﻠﻌﺖ ﻭﻳﺎﻩ ﻟﻤﻌﺎﻣﻠﺔ ﺍﻟﺒﻴﺖ، ﺻﻌﺪﺕ ﺍﻟﺴﻴﺎﺭﺓ، ﺣﺠﻴﺖ ﻭﻳﺎﻩ : ﻣﻦ ﮔﻠﺐ ﻭ ﺭﺏ ﺭﺍﺿﻲ ﺗﻨﻄﻴﻨﻲ ﺍﻟﺒﻴﺖ ﻟﻮ ﻣﺠﺒﻮﺭ
ﺍﺧﺬ ﺍﻳﺪﻱ : ﺍﻧﻲ ﻣﻦ ﺯﻣﺎﻥ ﻣﺴﻠﻤﻬﺎ ﺍﻟﺞ ﺗﺮﺍﺏ ﻫﺎﻟﺒﻴﺖ ﻭﻻ ﺷﻲ ﻣﻦ ﺍﻟﻠﻲ ﺷﺎﻳﻠﻪ ﺍﻟﺞ ﺑﺪﺍﺧﻠﻲ ، ﻭ ﻫﺴﺔ ﻣﻮﺍﻓﻘﺔ ﺗﺘﺰﻭﺟﻴﻨﻲ ؟ ...... ﻳﺘﺒﻊ
☆☆☆☆☆☆
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء