رواية خطوات نحو الجحيم ج3 الجزء الثالث

رواية خطوات نحو الجحيم ج3 الجزء الثالث

للكاتبة زينب ماجد

..

ﺃﻋﻠﻢ ..

ﺍﻥ ﺍﻟﺬﻱ ﺃﺳﺘﻘﺘﻠﺖ ﻋﻠﻴﻪ ﻳﻮﻣﺎً

ﺳﻴﻜﻮﻥ ﻗﺎﺗﻠﻚ ﺫﺍﺕ ﻳﻮﻡ .. 🖤

ﺍﻟﻌﺮﺍﻕ _ ﺑﻐﺪﺍﺩ

ﺍﻟﺜﺎﻟﺜﺔ ﻇﻬﺮﺍ

ﻣﺨﻠﺪ : ﻫﺎﻱ ﺷﻨﻮ ﻳﺎﺑﻪ ﺍﻟﻴﻮﻡ ﻣﻨﻴﻦ ﻃﻠﻌﺖ ﺍﻟﺸﻤﺲ

ﺍﺑﺘﺴﻤﺖ ﻟﻪ ﻭ ﮔﻤﺖ ﻣﻦ ﻣﻜﺎﻧﻲ ﺩﺍ ﺍﺳﺘﻘﺒﻠﻪ ، ﻭﺳﻊ ﻋﻴﻮﻧﻪ ﻣﺘﻔﺎﺟﺊ : ﻭﻟﺞ ﻫﺎﻱ ﺷﺼﺎﻳﺮ ﺑﻴﺞ

- ﺳﻜﺮﺍﺏ ﺍﻟﻠﻪ ﻭﻛﻴﻠﻚ ﻫﻬﻬﻬﻪ

ﺳﻠﻤﺖ : ﺍﺷﻮﻧﻚ ﺍﺷﻠﻮﻧﻚ ﺯﻳﻦ

ﺍﺑﺘﻌﺪ ﻣﻨﻲ : ﻻ ﻻ ﺻﺪﻙ ﺷﺼﺎﻳﺮ ﻭﻳﺎﺝ ﻟﻴﺶ ﻫﻴﺞ ﺣﺎﻟﺞ ﺍﻳﺪﺝ ﺷﺒﻴﻬﺎ ؟

- ﺗﻌﺮﺿﺖ ﻟﺤﺎﺩﺙ ﺳﻴﺎﺭﺓ

- ﺍﻫﺎﺍﺍﺍﺍ ﺗﺤﺠﻴﻦ ﺻﺪﻙ ﺍﻧﺖ ؟

- ﺍﻱ ﻭﺍﻟﻠﻪ ، ﺍﻛﻌﺪ ﺍﺳﺘﺮﻳﺢ ﺧﻞ ﻧﺸﻮﻓﻚ ﻭ ﺗﻠﺤﻚ ﺗﺴﻤﻊ ﺍﺧﺒﺎﺭﻱ

ﻛﻌﺪ ﻭ ﻫﻮ ﺻﺎﻓﻦ ﺑﺄﻳﺪﻱ ﻭ ﻳﺒﺎﻭﻋﻠﻲ ﺑﺄﺳﺘﻐﺮﺍﺏ : ﺍﺩﺭﻱ ﻟﻴﺶ ﻣﺎ ﺧﺎﺑﺮﺗﻲ ﻟﻴﺶ ﻣﻜﻠﺘﻲ ﺷﻨﻮ ﺑﻌﻴﺪﻩ ﻟﺒﻨﺎﻥ ﻃﻴﺎﺭﺓ ﻧﺺ ﺳﺎﻋﻪ ﻭ ﺍﺣﻨﺎ ﻳﻤﺞ ﻟﻴﺶ ﻫﻴﺞ ﻣﺴﺘﺴﻬﻞ ﺍﻻﻣﻮﺭ ﺍﻧﺖ

- ﺻﺎﺭ ﺍﻟﻠﻲ ﺻﺎﺭ ﻭ ﻫﻴﺎﻧﻲ ﺭﺟﻌﺖ ﻟﻬﻨﺎ

- ﺍﻣﺞ ﺳﺎﻓﺮﺕ ﻳﻌﻨﻲ ﻣﺎ ﺗﺴﺎﻓﺮﻳﻦ ﻭﻳﺎﻫﺎ

- ﺟﺎﻥ ﺯﻳﻦ ﻟﻮ ﺍﻛﺪﺭ ﺍﺳﺎﻓﺮ، ﺍﻟﻜﻠﺐ ﺍﺧﺬ ﺑﻨﺘﻲ ﻭ ﺧﺮﺑﻂ ﻛﻞ ﺍﻭﺿﺎﻋﻲ

- ﺍﻋﺘﺮﺽ ﻋﻠﻰ ﺳﻔﺮﻫﺎ ﻳﻌﻨﻲ ﻭ ﺳﺤﺐ ﺍﻟﺤﻀﺎﻧﻪ ؟

- ﻻ ﻣﻮ ﻫﻴﺞ ﺑﺲ ﺗﻌﺮﻑ ﻣﺎﻟﻚ ﻭ ﻭﺳﺎﺧﺘﻪ ﻛﺪﺭ ﻳﻘﻠﺐ ﻛﻞ ﺍﻻﻣﻮﺭ ﻟﺼﺎﻟﺤﺔ ..

- ﺍﻣﻤﻤﻢ ﺟﺎ ﻋﻠﻴﻨﺎ ﺳﻴﺪﻱ !! ﻣﻮ ﮔﻠﻨﺎﻟﺞ ﻣﻦ ﺍﻟﺒﺪﺍﻳﺔ ﻳﻤﺖ ﺍﻟﻜﺎﺋﻨﺎﺕ ﻣﺠﺮﻡ ﻫﺴﻪ ﻋﺮﻓﺘﻲ ﻭﺻﺦ ؟

- ﺍﻟﺤﺠﻲ ﻣﻴﻘﺪﻡ ﻭﻻ ﻳﺄﺧﺮ ﺍﻟﻠﻲ ﺻﺎﺭ ﺻﺎﺭ ﺍﻟﻤﻬﻢ ﻻﺯﻡ ﺍﺳﺘﻘﺮ ﻫﻨﺎ ﺍﺷﺘﻐﻞ ﻭ ﺍﺭﺗﺐ ﻭﺿﻌﻲ ﻟﺤﺘﻰ ﺍﺭﺟﻊ ﺍﺭﻓﻊ ﺩﻋﻮﺓ ﻭ ﺍﻃﺎﻟﺐ ﺑﻴﻬﺎ .. ﻟﻬﺬﺍ ﺭﺟﻌﺖ ﻟﻬﻨﺎ

- ﺷﺘﺸﺘﻐﻠﻴﻦ ؟

- ﻣﺎ ﺍﻋﺮﻑ ﻟﻬﺴﺔ ﻣﻤﻔﻜﺮﺓ ﻣﻦ ﻭﻳﻦ ﺍﺑﻠﺶ ﻭ ﻣﻦ ﻭﻳﻦ ﺍﺑﺪﻱ ..

- ﺷﻮﻛﺖ ﻭﺻﻠﺘﻲ

- ﻣﺼﺎﺭ ﺳﺎﻋﺘﻴﻦ

- ﺗﻐﺪﻳﺘﻲ ﺍﻛﻠﺘﻲ ؟

ﺍﻧﺪﺍﺭ ﻋﻠﻴﻬﻢ ؛ ﻳﺎﺑﻪ ﻏﺪﺍ ﺷﻨﻮ ﺷﻮ ﻭﺍﻛﻔﻴﻦ ، ﻣﺎ ﺗﻌﺰﺑﻮﻥ ﺍﺣﺪ ﺍﻧﺘﻢ ؟

ﺿﺤﻜﻮﺍ، ﻭ ﺳﺄﻟﻪ ﻋﻤﻮ ﻋﺜﻤﺎﻥ : ﻣﺘﻐﺪﻱ ﺍﻧﺖ ؟ ﺣﺘﻰ ﻧﺨﻠﻴﻠﻚ ﻭﻳﺎﻫﺎ

- ﻻ ﻭﺍﻟﻠﻪ ﻭﻳﻦ ﻣﺘﻐﺪﻱ، ﺍﻟﻠﻪ ﻭﻛﻴﻠﻚ ﻫﺎﻱ ﺟﻴﺘﻲ ﻣﻦ ﺍﻟﺪﻭﺍﻡ ﺧﺎﺑﺮﻧﻲ ﺍﻟﻮﺍﻟﺪ ﻛﺎﻝ ﺑﺖ ﺷﺎﻛﺮ ﻋﺪ ﺑﻴﺖ ﻋﻤﻚ ﻋﺜﻤﺎﻥ ﺍﺟﻴﺖ ﻋﻠﻴﻜﻢ ﻛﺒﻞ

ﺍﻟﺘﻔﺘﻠﻲ : ﻫﺴﻪ ﺷﻨﻮ ﺗﺒﻘﻴﻦ ﻫﻨﺎ ﺗﺮﻭﺣﻴﻦ ﻭﻳﺎﻱ ﻫﻨﺎﻙ ﻟﺒﻴﺘﻨﺎ

- ﻻ ﻋﺴﺎﻙ ﺳﺎﻟﻢ ﻓﺘﺮﺓ ﺍﺑﻘﻰ ﻫﻨﺎ ﻟﺒﻴﻦ ﻣﺎ ﺍﺭﺗﺐ ﻭﺿﻌﻲ

- ﻻ ﺳﻬﻠﺔ ﺍﻥ ﺷﺎﺀﺍﻟﻠﻪ ﻻ ﺗﺸﻴﻠﻴﻦ ﻫﻢ ﻛﻤﻠﻲ ﻏﺪﺍﺝ ﻭ ﺭﻭﺣﻲ ﻭﻳﺎﻱ ﻫﻨﺎﻙ ﻭ ﺍﻥ ﺷﺎﺀﺍﻟﻠﻪ ﺍﻟﻠﻲ ﺗﺮﺩﻱ ﻳﺠﺮﺍﻟﺞ

ﺍﺑﺘﺴﻤﺖ ﻭ ﻛﻠﺖ ﻟﻪ : ﺗﺴﻠﻢ ﺍﻟﻠﻪ ﻳﺤﻔﻈﻚ ﺍﻥ ﺷﺎﺀﺍﻟﻠﻪ

- ﺷﻮ ﺗﺴﻠﻢ !! ﺷﻨﻮ ﻭﻟﺞ ﺍﻧﻲ ﻏﺮﻳﺐ ﻭ ﺗﺘﺸﻜﺮﻳﻦ ﻣﻨﻲ ، ﺑﺎﻋﻲ ﻟﺞ ﻻ ﻋﺒﺎﻟﺞ ﺷﺎﻛﺮ ﻣﺎﺕ ﻭ ﻣﺎ ﺑﻘﺎﻟﺞ ﺍﺣﺪ ﻫﻨﺎ ، ﺛﻘﻲ ﺑﺎﻟﻠﻪ ﻫﺎﻟﺮﮔﺒﺔ ﺳﺪﺍﺩﻩ ﺷﺘﺮﻳﺪﻳﻦ ﻭ ﺷﺘﺄﻣﺮﻳﻦ ﻭ ﻭﻳﻦ ﻣﺎ ﻳﻌﺠﺒﺞ ﺑﻴﺘﺞ ﻭ ﻣﻄﺮﺣﺞ

....

ﻋﺜﻤﺎﻥ : ﻻ ﺍﻓﺎ ﻋﻠﻴﻚ ﺍﻧﻲ ﺑﻤﺜﺎﺑﺔ ﺍﺑﻮﻫﺎ ﻭ ﻛﻞ ﺍﺣﻨﺎ ﻫﻨﺎ ﺍﻫﻠﻬﺎ ﺍﻥ ﺷﺎﺀﺍﻟﻠﻪ ﻭ ﺍﻧﺖ ﻫﻢ ﺍﺧﻮﻫﺎ ﻭ ﻣﺎ ﺗﻘﺼﺮ .....

- ﺍﻧﻲ ﺍﺧﻮﻫﺎ !! ﺷﻮ ﺗﺼﺮﺡ ﺑﻜﻴﻔﻚ ﻋﻤﻲ ﻣﻦ ﻳﻤﺘﻰ ﺍﻧﻲ ﺍﺧﻮﻫﺎ ؟

ﻛﻠﻬﺎ ﺿﺤﻜﺖ ﺑﺼﻮﺕ ﻋﺎﻟﻲ ، ﻭ ﺍﻧﻲ ﻫﺰﻳﺖ ﺭﺍﺳﻲ ﻭ ﺍﺿﺤﻚ ﻭ ﻋﻤﻮ ﻳﻜﻮﻟﻪ : ﺍﻧﻚ ﻟﻔﻲ ﺿﻼﻟﻚ ﺍﻟﻘﺪﻳﻢ

ﺩﺍﺭ ﻭﺟﻬﻪ ﻣﺒﺘﺴﻢ ﻭ ﻫﻮ ﻳﺤﻚ ﺭﺍﺳﻪ ﺑﺴﻮﻳﺞ ﺳﻴﺎﺭﺗﻪ

ﺟﺎﺑﻮﺍ ﺍﻟﻐﺪﺍ ﺗﻘﺪﻣﺖ ﻟﻠﺼﻴﻨﻴﺔ، ﻭ ﻫﻮ ﻛﺎﻡ ﻣﻦ ﻣﻜﺎﻧﻪ : ﻳﺎﺑﻪ ﻓﺪ ﻣﺨﺪﺓ ﺭﺣﻤﺔ ﻟﻮﺍﻟﺪﻳﻜﻢ ﻣﺎ ﺍﻛﺪﺭ ﺍﻛﻌﺪ ﻣﻦ ﺑﻨﻄﺮﻭﻧﻲ ..

ﺣﻄﻮﻟﻪ ﻣﺨﺪﺓ ، ﺳﺤﺐ ﺑﻨﻄﺮﻭﻧﻪ ﻣﻦ ﻳﻢ ﺭﻛﺒﺔ ﻭ ﻛﻌﺪ : ﻳﺎ ﺍﻟﻠﻪ ، ﻻ ﺗﺴﺘﺤﻴﻦ ﺍﻛﻠﻲ

ﺭﻓﻌﺖ ﻟﻪ ﺭﺍﺳﻲ : ﺍﻧﺖ ﻣﻨﻮ ﻛﺎﻟﻚ ﻣﺴﺘﺤﻴﺔ ﻛﻞ ﺷﻮﻳﻪ ﻭ ﻛﺎﻳﻠﻲ ﻻ ﺗﺴﺘﺤﻴﻦ

- ﺍﻟﻌﻔﻮ ﻳﺎﺑﻪ ﻋﺒﺎﻟﻲ ﺗﺴﺘﺤﻴﻦ، ﻧﺴﻴﺖ ﺍﻧﺖ ﻣﺎ ﺗﺴﺘﺤﻴﻦ

- ﻣﺨﻠﺪ !!

- ﺍﺳﻔﻴﻦ ﻳﻤﻌﻮﺩﻩ ﺑﻌﺪ ﻣﺎ ﻧﺤﺠﻲ

ﻋﺜﻤﺎﻥ : ﺷﻠﻮﻥ ﺻﺎﺭ ﺍﻟﺤﺎﺩﺙ

- ﻣﺎ ﺍﻋﺮﻑ ﻛﻨﺎ ﻃﺎﻟﻌﻴﻦ ﺍﻧﻲ ﻭ ﺟﻴﺎﺩ ﺍﻟﻤﻐﺮﺏ

ﻣﺨﻠﺪ : ﻣﻨﻮ ﺟﻴﺎﺩ ﻫﺬﺍ ﻧﻔﺴﻪ ﺍﺑﻮ ﺣﻠﻚ ﺍﻻﻋﻮﺝ ﺍﻟﻠﻲ ﻳﮕﻠﻲ ﺍﻧﺖ ﺑﻼ ﺯﻭﺀ

- ﻟﺘﺤﺠﻲ ﻋﻠﻴﻪ ﻣﺨﻠﺪ ﺷﺒﻴﻚ، ﻏﻴﺮ ﻟﻮ ﺍﻛﻮ ﻣﻨﻪ .. ﻭ ﻛﻒ ﻭﻳﺎﻳﺔ ﻭﻛﻔﻪ ﻣﺎ ﻭﻛﻔﻬﺎ ﺑﺸﺮ ﺑﻌﻤﺮ ﻣﺎ ﺍﻧﺴﻰ ﻣﻌﺮﻭﻓﻪ

ﺑﻘﻰ ﻳﻬﺰ ﺑﺮﺍﺳﻪ ﻣﻌﺎﺟﺒﺔ، ﺣﺠﻪ ﻭﻳﻠﻊ ﻋﻤﻲ : ﻣﺨﻠﺪ ﺍﻧﻄﻴﻬﺎ ﻣﺠﺎﻝ ﺗﺤﺠﻲ ﺩﺍ ﻧﻔﺘﻬﻢ ﺍﻟﺴﺎﻟﻔﺔ

- ﻋﻤﻮ ﻣﺎﻛﻮ ﺳﺎﻟﻔﺔ ﺟﻨﺎ ﺩﻧﻤﺸﻲ ﻓﺠﺄﺓ ﺑﻮﺟﻬﻨﺎ ﺳﻴﺎﺭﺓ ﺧﻠﺘﻨﺎ ﻧﺘﻜﻠﺐ ﺑﺎﻟﺴﻴﺎﺭﺓ ﻟﻮ ﻻ ﺭﺑﻚ ﺳﺖ ﻟﻜﺎﻥ ﺍﺣﻨﺎ ﺍﺛﻨﻴﻨﺎ ﻣﻴﺘﻴﻦ ﻣﺎ ﺍﻋﺮﻑ ﺷﻠﻮﻥ ﺍﻟﻠﻪ ﻧﺠﺎﻧﺎ ..

- ﺍﻟﺤﺎﺩﺙ ﻣﺘﻌﻤﺪ ؟

- ﺍﻟﺘﺤﻘﻴﻘﻴﺎﺕ ﺍﻛﺪﺭ ﺍﻧﻮ ﻧﻌﻢ ﻣﺘﻌﻤﺪ

- ﻣﻨﻮ ﺍﻟﻤﺴﺘﻬﺪﻑ

- ﻣﺎ ﺍﻋﺮﻑ .. ﺍﻟﻤﻬﻢ ﺗﺮﻛﺖ ﻛﻠﺸﻲ ﻫﻨﺎﻙ ﻭ ﺍﺟﻴﺖ ﻣﺎ ﺍﻛﺪﺭ ﺍﺑﻘﻰ ﺑﻠﺒﻨﺎﻥ ﺍﻛﺜﺮ .. ﻛﻠﺖ ﺍﺷﻮﻓﻠﻲ ﺷﻐﻞ ﻫﻨﺎ ﻭ ﺍﺧﺬﻟﻲ ﺷﻘﺔ ﻭ ﺍﺳﺘﻘﺮ

- ﻭﻟﻴﺶ ﺷﻘﺔ ؟ ﺑﻴﺖ ﻋﻤﻲ ﻫﻨﺎ ﻭ ﺑﻴﺘﻨﺎ ﻫﻨﺎﻙ ﺗﻜﺪﺭﻳﻦ ﺗﺎﺧﺬﻳﻦ ﻏﺮﻓﺔ ﻭ ﺗﺴﺘﻘﺮﻳﻦ !

- ﻣﺎ ﺗﻘﺼﺮﻭﻥ، ﺑﺲ ﺑﻌﺪﻧﻲ ﻣﻤﺎﺧﺬﺓ ﻗﺮﺍﺭ ﺛﺎﺑﺖ ﺍﺷﻮﻑ ﺍﺷﻮﻑ ﺗﺼﻔﻰ ﺍﻻﻣﻮﺭ

- ﺍﻥ ﺷﺎﺀﺍﻟﻠﻪ ،ﻛﻤﻠﻲ ﻏﺪﺍﺝ ﻭ ﻛﻮﻣﻲ ﻭﻳﺎﻱ ﻫﻨﺎﻙ ﻫﻢ ﺍﻟﺒﻨﺎﺕ ﻣﻠﺘﻤﺎﺕ ﻭ ﻋﻤﺎﺗﻲ ﺍﺫﺍ ﺳﻤﻌﻮ ﺍﻧﺖ ﻫﻨﺎ ﻛﻠﻬﻢ ﻳﺠﻮﻥ

ﻋﺜﻤﺎﻥ : ﻻ ﺧﻠﻴﻬﺎ ﻫﻨﺎ ﺷﻜﻮ ﻣﺎﺧﺬﻫﺎ

- ﺑﻴﺖ ﻋﻤﻬﺎ ﺍﻟﺠﺒﻴﺮ ﻫﻨﺎﻙ ﻫﻢ ﺯﺣﻤﺔ ﻣﻦ ﺍﺑﻮﻱ ﻳﻜﻮﻝ ﻣﺎ ﺍﺟﺖ ﻋﻠﻴﻪ .. ﺍﻧﺎ ﺍﻓﻀﻴﻠﻬﺎ ﻏﺮﻓﺔ ﻫﻨﺎﻙ ﻭ ﺗﻜﻌﺪ ﻻ ﺗﺨﺎﻓﻴﻦ ﺳﻬﻠﺔ

... ﻛﻤﻠﺖ ﻏﺪﺍ ﻭ ﺭﺣﺖ ﻟﻠﻤﻐﺴﻠﺔ ﺩﺍ ﺍﻏﺴﻞ ﺍﺟﺎ ﻭﻛﻒ ﻣﺨﻠﺪ ﻫﻢ ﻳﻐﺴﻞ ، ﺍﺧﺬ ﺍﻟﺼﺎﺑﻮﻧﺔ ﻣﻦ ﺍﻳﺪﻱ ﻭ ﻛﺎﻝ : ﻳﻼ ﻋﻴﻨﻲ ﻫﻤﻲ ﻧﻔﺴﺞ ﺩﺍ ﻧﺮﻭﺡ

- ﺧﻠﻴﻬﺎ ﻏﻴﺮ ﻭﻗﺖ ﺗﻌﺒﺎﻧﻪ

- ﺍﻱ ﺍﺭﺗﺎﺣﻲ ﻫﻨﺎﻙ

- ﺗﺴﻠﻢ ﻣﻘﺪﺭﻩ ﺍﺳﺘﻘﺒﺎﻟﻚ ﻭ ﻟﻬﻔﺘﻚ ﺑﺲ ﻭﺍﻟﻠﻪ ﻣﻨﺎﻳﻤﻪ ﺍﺑﺪ، ﺭﺍﺳﻲ ﺻﺎﻳﺮ ﻫﺎﻟﻜﺒﺮﺓ ﻭ ﺍﺫﺍ ﺍﺭﻭﺡ ﻭﻳﺎﻙ ﻫﻢ ﺗﻌﺎﻝ ﺳﻠﻢ ﻭ ﺳﻮﻟﻒ ﻭ ﻳﺠﺮﻭﻫﺎ ﻋﺸﺎ ﻣﺎ ﺑﻴﻪ ﺑﺲ ﺍﻧﺎﻡ ﻭ ﺑﺎﻟﻠﻴﻞ ﺍﺫﺍ ﻛﺪﺭﺕ ﺍﺟﻴﻜﻢ

......

ﺍﻫﺎ ﺑﺮﺍﺣﺘﺞ ﻟﻌﺪ، ﺍﻣﺮﻟﺞ ﺑﺎﻟﻠﻴﻞ ﺍﺧﺬﺝ

- ﺍﻥ ﺷﺎﺀﺍﻟﻠﻪ

- ﻣﺤﺘﺎﺟﺔ ﺷﻲ ﺍﺟﻴﺒﻠﺞ ؟

- ﻣﺎ ﺗﻘﺼﺮ ﻓﺪﻭﻩ ﺍﻟﮕﻠﺒﻚ ﻳﺤﻔﻈﻚ ﺍﻟﻠﻪ

- ﻫﻼ ﺑﻴﺞ .. ﻧﺸﻒ ﻭ ﺩﺍﺭ ﻣﺸﻰ ﻃﻠﻊ ﻟﺒﻴﺘﻬﻢ .. ﺍﻧﻲ ﻃﻠﺒﺖ ﻣﻦ ﻣﺮﺕ ﻋﻤﻲ ﺑﺲ ﺍﻧﺎﻡ ﻻﻥ ﻧﻌﺴﺎﻧﻪ

ﻓﻀﻮﻟﻲ ﻏﺮﻓﺔ ﻋﻤﻲ .. ﻓﺮﺷﻮﻟﻲ ﻭ ﻧﻤﺖ ﻧﻮﻣﻪ ﻃﻮﻳﻠﺔ ﻣﻦ ﺍﻟﺘﻌﺐ .. ﻟﺜﺎﻧﻲ ﻳﻮﻡ ﺍﻟﺼﺒﺢ ﺍﻟﺴﺎﻋﻪ ﺳﺘﻪ ﺍﻻ .. ﻳﻼ ﺻﺤﻴﺖ

ﺍﺑﺎﻭﻉ ﻛﻠﻬﺎ ﻧﺎﻳﻤﺔ ..

ﻓﺘﺤﺖ ﺍﻟﺒﺎﺏ ﻭ ﻃﻠﻌﺖ ﻟﻠﻄﺮﻣﺔ ، ﺍﻟﺸﻤﺲ ﻫﺴﺔ ﺑﺪﺕ ﺗﻄﻠﻊ ﻭ ﺍﻟﺠﻮ ﺭﺑﻴﻊ ﻳﺠﻨﻦ ، ﻭ ﺍﻟﻬﻮﺍ ﻣﻨﻌﺶ ﺣﻴﻞ، ﻳﻌﻨﻲ ﻳﺤﻠﻰ ﻟﻠﻮﺍﺣﺪ ﻳﻮﻛﻒ ﻭ ﻳﺘﻨﻔﺲ ﺑﺲ .

ﺩﺧﻠﺖ ﺟﻮﺍ .. ﺭﻓﻌﺖ ﺷﻌﺮﻱ ﺫﻳﻞ ﺣﺼﺎﻥ ﻭ ﺭﺗﺒﺘﻪ ﻭ ﻟﺒﺴﺖ ﺗﻴﺸﻴﺮﺕ ﻭ ﺟﻴﻨﺰ ﻭﺑﺎﺗﻪ ﻭ ﻃﻠﻌﺖ ﺍﺗﻤﺸﻰ ﺑﺸﻮﺍﺭﻉ ﺍﻻﻋﻈﻤﻴﺔ

ﻭ ﻋﺠﺒﺘﻨﻲ ﺭﻭﺣﻲ ﺑﻜﻞ ﻣﻜﺎﻥ ﺍﻭﻛﻒ ﺍﺗﺼﻮﺭ ﻭ ﺍﺑﺎﻭﻉ ﺻﻮﺭﻱ ﻭ ﺍﻣﺴﺢ .. ﺍﺗﻤﺸﻰ ﻭ ﺍﺗﺬﻛﺮ ﺍﻳﺎﻣﻨﺎ ﺍﻧﻲ ﻭﺑﺎﺑﺎ ﻣﻦ ﺟﻨﺎ ﻧﺠﻲ ﻣﺸﻲ ﻟﺒﻴﺖ ﻋﻤﻲ

ﻟﺤﻈﺎﺕ ﺗﺪﻣﻊ ﻋﻴﻨﻲ ﻭ ﺑﻨﻔﺲ ﺍﻟﻠﺤﻈﺔ ﺍﺿﺤﻚ ﻭ ﺷﺮﻳﻂ ﺍﻟﺬﺍﻛﺮﺓ ﻳﻔﺘﺮ ﺑﺪﻣﺎﻏﻲ ... ﺍﺍﺍﺍﻩ ﺷﻴﺮﺟﻊ ﺫﻳﺞ ﺍﻻﻳﺎﻡ

ﻋﻠﻰ ﻛﺪ ﻣﺎ ﺫﻛﺮﻳﺎﺕ ﺑﺴﻴﻄﺔ ﺷﻜﺪ ﺗﺘﻤﻨﺎﻫﺎ ﺗﺮﺟﻊ ﻭ ﺗﺘﺨﻠﺺ ﻣﻦ ﻭﺍﻗﻌﻚ ﺍﻟﻴﻮﻡ ..

ﻣﻦ ﻋﺠﺎﺋﺐ ﺍﻻﻧﺴﺎﻥ ﺑﺼﻐﺮﺓ ﻳﺘﻤﻨﻰ ﻳﻜﺒﺮ ﻭ ﻣﻦ ﻳﻜﺒﺮ ﻳﺘﻤﻨﻰ ﻳﺮﺟﻊ ﺻﻐﻴﺮ ﻭ ﻳﻌﻴﺶ ﺍﻷﻳﺎﻡ ﺍﻟﺠﺎﻥ ﻳﺘﻤﻨﻰ ﺑﻴﻬﺎ

.. ﻭﻛﻔﺖ ﻋﻠﻰ ﻣﺤﻞ ﺻﻐﻴﺮ ﻳﺒﻴﻊ ﺟﺮﻙ ﻭ ﺻﻤﻮﻥ ﺑﻜﻞ ﺍﻧﻮﺍﻋﻪ ﻭ ﻟﺤﻢ ﺑﻌﺠﻴﻦ ﻭ ﻛﺎﻫﻲ ، ﻭ ﺍﻛﻮ ﻣﺮﻩ ﻋُﺮﺑﻴﺔ ﻛﺎﻋﺪﻩ ﻋﻠﻰ ﺟﺎﻧﺐ ﺍﻟﻤﺨﺒﺰ ﻛﺒﺎﻟﻬﺎ ﺻﻴﻨﻴﺔ ﻛﻴﻤﺮ .

ﻛﻌﺪﺕ ﻳﻤﻬﺎ : ﺍﺷﻮﻧﺞ ﺣﺠﻴﺔ

- ﻫﻼ ﻳﻴﻤﻪ ﻫﻼ ﻳﺒﻌﺪ ﺍﻣﺞ

- ﻓﺪﻭﺓ ﻟﺤﺠﺎﻳﺎﺗﺞ ﺧﺎﻟﺔ

ﺑﻘﻴﺖ ﺍﺣﺠﻲ ﻭﻳﺎﻫﺎ ﻭ ﻫﻲ ﺗﺠﺎﻭﺑﻨﻲ ﻭ ﻟﻬﺠﺘﻬﺎ ﻋﺮﺏ ﺗﺠﻨﻦ .. ﺍﺧﺬﺕ ﻣﻨﻬﺎ ﺑﻤﺎﻋﻮﻥ ﺑﻼﺳﺘﻚ ﻛﻴﻤﺮ ﻭ ﺻﺎﺣﺖ ﻉ ﺍﻟﻮﻟﺪ ﺑﺎﻟﻤﺤﻞ ﻳﺠﻴﺒﻠﻲ ﻛﺎﻫﻲ ..

ﺍﺟﺎ ﺍﻟﻮﻟﺪ ﺟﺎﻳﺒﻠﻲ ﻛﺎﻫﻲ ﻭ ﺳﺄﻟﻨﻲ : ﺍﻟﻌﻔﻮ ﻣﺎ ﺍﻋﺮﻑ ﻭﻳﻦ ﺷﺎﻳﻔﺞ ؟

- ﺑﺎﻟﺘﻠﻔﺰﻳﻮﻥ

- ﺍﻋﻼﻣﻴﺔ ؟

- ﻫﻴﺞ ﺷﻲ

- ﺍﻫﻼ ﻭﺳﻬﻼ ﻧﺘﺸﺮﻑ ﺑﺠﻴﺘﺞ، ﺑﺲ ﻟﻴﺶ ﻛﺎﻋﺪﻩ ﺑﺎﻟﻜﺎﻉ .. ﻫﺴﻪ ﺍﺟﻴﺒﻠﺞ ﻛﺮﺳﻲ

- ﺗﺴﻠﻤﻠﻲ ﻓﺪﻭﺓ ﺍﻟﮕﻠﺒﻚ ﻳﺎ ﻃﻴﺐ ، ﺣﻠﺘﻠﻲ ﺍﻟﻜﻌﺪﺓ ﻭﻳﺎ ﺍﻟﺤﺠﻴﺔ ﻭ ﺑﺴﻄﺖ ﺑﺎﻟﻜﺎﻉ

ﻫﻮ ﻭﻛﻒ ﻭ ﻋﺎﻣﻞ ﻻﺥ ﺍﺟﺎ ﻭﻛﻒ ﻳﺤﺠﻲ، ﻭ ﺍﻟﺤﺠﻴﺔ ﺍﺷﻮﻥ ﺳﻮﺍﻟﻒ ﻋﻠﻴﻬﺎ ﻭ ﻫﻢ ﻳﻄﻠﻌﻮﻥ ﺑﻠﺴﺎﻧﻬﺎ ﻭ ﻳﺰﻋﺠﻮﻫﺎ

ﻭ ﻣﺴﺘﻤﺘﻌﻪ ﻫﻮﺍﻳﻪ ﺑﻜﻌﺪﺗﻲ ﻭﻳﺎﻫﻢ ..

ﺣﺴﻴﺖ ﻧﻔﺴﻲ ﻻﺯﻡ ﺍﺭﺟﻊ ، ﻓﻜﻤﺖ ﻧﻜﺜﺖ ﻣﻼﺑﺲ ﻭ ﺍﺳﺘﻌﺠﻠﺖ ﺑﻄﺮﻳﻖ ﺍﻟﺮﺟﻌﺔ .. ﻭ ﺻﻠﺖ ﺍﻟﻔﺮﻉ ﺷﻔﺖ ﻣﺨﻠﺪ ﻳﻔﺘﺢ ﺑﺴﻴﺎﺭﺗﻪ ﻳﺮﻳﺪ ﻳﻄﻠﻊ

- ﺻﺒﺎﺡ ﺍﻟﺨﻴﺮ

ﺭﻓﻊ ﺭﺍﺳﻪ ﻭ ﻋﻘﺪ ﺣﻮﺍﺟﺒﺔ : ﺷﻤﻄﻠﻌﺞ ﺑﻬﺎﻟﺴﺎﻋﻪ ؟

- ﻭﻳﻴﻲ ﺭﺟﻌﺖ ﻫﺴﻪ، ﻃﻠﻌﺖ ﻗﺒﻞ ﺍﻟﺴﺘﺔ

- ﺷﻜﻮ ؟

- ﻫﻴﺞ ﺍﻓﺘﺮ ﺷﻮﻳﻪ ﻣﻨﻬﺎ ﺣﺮﻛﻪ ﻏﻴﺮ ﺍﺳﺘﺮﺟﻊ ﺫﺍﻛﺮﺗﻲ ﺑﻬﺎﻟﺸﻮﺍﺭﻉ ﺍﻟﻄﻴﺒﺔ .

......

 ﻫﺎ ﻭ ﻫﻴﺞ ﻃﻠﻌﺘﻲ ؟

ﺑﺎﻭﻋﺖ ﻟﻨﻔﺴﻲ : ﻟﻴﺶ ﺷﺒﻴﻪ ؟

ﺍﺧﺬ ﻧﻔﺲ ﻭ ﻫﺰ ﺭﺍﺳﻪ ﻭ ﺗﻘﺮﺏ ﻳﻤﻲ ﻳﺘﻤﺸﻰ ﻭﻳﺎﻱ ﻟﺒﻴﺖ ﻋﻤﻲ ..

- ﻟﺠﻴﻦ ﺣﺎﻭﻟﻲ ﺗﺤﺴﺒﻴﻦ ﻃﻠﻌﺎﺗﺞ ﻫﻨﺎ ﻭ ﺗﺮﺍﻋﻴﻦ ﺍﻟﻈﺮﻭﻑ ﻫﻨﺎ ﺑﻐﺪﺍﺩ ﻣﻮ ﻟﺒﻨﺎﻥ ﻭ ﺍﻻﻣﻮﺭ ﺗﺨﺘﻠﻒ

- ﻗﺼﺪﻙ ﻣﻄﻠﻘﺔ !!

- ﻣﺎ ﻣﺠﺒﻮﺭﺓ ﺗﺴﻤﻌﻴﻦ ﻛﻼﻡ ﻳﻐﺜﺞ ﻓﺤﺎﺫﺭﻱ

- ﺑﺲ ﺍﻧﻲ ﻣﺴﻮﻳﺖ ﺷﻲﺀ ﺑﺲ ﺗﻤﺸﻴﺖ

- ﺍﻋﺮﻑ ﺑﺲ ﺗﻌﺮﻓﻴﻦ ﻧﺎﺳﻨﺎ ﺗﺘﻤﻨﻰ ﺍﻟﻜﻠﻤﺔ

- ﻛﻼﻣﻚ ﻫﺬﺍ ﻳﺨﻮﻓﻨﻲ ﻭ ﻳﺨﻠﻴﻨﻲ ﺍﻋﻴﺪ ﺍﻟﻨﻈﺮ ﺑﺄﺳﺘﻘﺮﺍﺭﻱ ﻫﻨﺎ

- ﻋﻠﻰ ﺷﻨﻮ ﺩﺍ ﺗﻌﻴﺪﻳﻦ ﺍﻟﻨﻈﺮ، ﺗﺮﻩ ﻣﺠﺘﻤﻌﻨﺎ ﻣﻮ ﺳﺠﺎﻥ ﻛﻞ ﺍﻟﻘﺼﺔ ﺍﻟﻤﺮﻩ ﻻﺯﻡ ﺗﻜﻮﻥ ﺣﺬﺭﺓ ﺑﺨﻄﻮﺍﺗﻬﺎ ﻷﻥ ﻣﺤﺪ ﻳﺮﺣﻢ ﺍﻻ ﺗﺮﻳﺪﻳﻦ ﺗﺸﺘﻐﻠﻴﻦ ﺑﻜﻴﻔﺞ ﺍﻟﺸﻐﻞ ﻣﻮ ﻋﻴﺐ ﺍﺫﺍ ﺟﺎﻧﺖ ﺷﻐﻠﻪ ﺷﺮﻳﻔﺔ ﻭ ﻣﺤﺘﺮﻣﻪ ﻟﻴﺶ ﻻ

ﺣﺠﺎﻫﺎ ﻭ ﺗﻘﺮﺏ ﻣﻨﻲ ﻭ ﻫﻮ ﻳﺤﻂ ﺍﻳﺪﻩ ﻋﻠﻰ ﺍﻛﺘﺎﻓﻲ ﻭ ﻳﻤﺸﻲ، ﺑﺎﻭﻋﺖ ﻷﻳﺪﻩ ﻭ ﻭﺭﺟﻌﺖ ﺑﺎﻭﻋﺘﻠﻪ : ﺑﺲ ﺍﻧﺖ ﺩﺍ ﺗﺴﻮﻱ ﺷﻲﺀ ﻋﻜﺲ ﺍﻟﻠﻲ ﺩﺍ ﺗﻜﻮﻟﻪ

- ﺷﻠﻮﻥ ﻳﻌﻨﻲ ؟

ﻧﺰﻟﺖ ﺍﻳﺪﻩ ﻣﻦ ﺍﻛﺘﺎﻓﻲ، ﺿﺤﻚ : ﻣﺎ ﺣﻈﻨﺘﺞ ﺑﺎﻟﺸﺎﺭﻉ ﺧﻠﻴﺖ ﺍﻳﺪﻱ ﻋﻠﻰ ﻛﺘﻔﺞ ﻻﻥ ﻭﺻﻠﻨﺎ ﻟﻠﺒﻴﺖ ﻭ ﺻﺎﺭ ﻻﺯﻡ ﻧﺪﺧﻞ

ﺍﻧﻄﻴﺖ ﻇﻬﺮﻱ ﻟﻠﺒﺎﺏ ﻣﺎﻝ ﺑﻴﺖ ﻋﻤﻲ ﻭ ﻭﻛﻔﺖ ﻛﺪﺍﻣﻪ ﻭ ﻛﻠﺖ ﻟﻪ : ﻣﺨﻠﺪ ﺍﺗﻤﻨﻰ ﺗﺨﻠﻲ ﺷﻐﻠﺔ ﺍﺑﺎﻟﻚ ﻭ ﻣﺘﻨﺴﺎﻫﺎ ، ﺭﺟﻮﻋﻲ ﻟﻬﻨﺎ ﻣﺎ ﻳﻌﻨﻲ ﺷﻲﺀ ﺍﺧﺮ

- ﻗﺼﺪﺝ ﻣﻮ ﺍﻟﻲ ؟

- ﺍﻓﻬﻤﻬﺎ ﺑﺎﻟﻄﺮﻳﻘﺔ ﺍﻟﻠﻲ ﺍﺗﻌﺠﺒﻚ ﺑﺲ ﺣﺒﻴﺖ ﺍﻭﺿﺤﻠﻚ ﻫﺎﻻﻣﺮ ﺣﺘﻰ ﻻ ﺗﺘﺄﻣﻞ ﺑﻴﻪ

ﺻﻔﻦ ﺑﺎﻟﻜﺎﻉ ﻭ ﺭﺟﻊ ﺑﺎﻭﻋﻠﻲ : ﻃﺮﻳﻘﻲ ﻃﻮﻳﻞ

- ﻣﺎ ﺑﻴﻨﺎﺗﻨﺎ ﻃﺮﻳﻖ ﻳﺠﻤﻌﻨﺎ .. ﺍﻧﺖ ﺭﺟﺎﻝ ﻣﺘﺰﻭﺝ ﻭ ﻋﻨﺪﻙ ﺍﻃﻔﺎﻝ ﺍﺗﻤﻨﻰ ﺗﺨﻠﻲ ﻫﺎﻻﻣﻮﺭ ﺍﺑﺎﻟﻚ ﻭ ﺗﺒﻄﻞ ﺍﻟﺘﻔﻜﻴﺮ ﺑﺄﻧﺎﻧﻴﺔ ﻭ ﺗﺨﻠﻴﻨﻲ ﺍﻋﻴﺶ ﺑﺤﻴﺎﺓ ﺑﻌﻴﺪﻩ ﻋﻦ ﺍﻟﻤﺤﺎﺳﺒﺔ ﻭ ﺍﻟﻤﺸﺎﻛﻞ ﻻﻥ ﻫﺎﻻﻣﻮﺭ ﻻ ﺗﺨﺪﻣﻨﻲ ﻭﻻ ﺗﺨﺪﻣﻚ

ﺿﺤﻚ ﺑﺄﺳﺘﻬﺰﺍﺀ ﻭ ﺑﺎﻭﻉ ﻟﻠﺸﺎﺭﻉ : ﻛﻠﺘﻴﻠﻲ ﻣﺎﻛﻮ ﻃﺮﻳﻖ ﻳﺠﻤﻌﻨﺎ

- ﻣﺠﺮﺩ ﺻﺪﻓﺔ ﺑﺸﺎﺭﻉ

- ﻫﺴﻪ ﺧﻠﻲ ﻫﺎﻻﻣﻮﺭ ﻋﻨﺞ، ﻛﺪﺍﻣﺞ ﺍﻣﻮﺭ ﺍﻫﻢ ﺗﻔﻜﺮﻳﻦ ﺑﻴﻬﺎ، ﺣﺎﻭﻟﻲ ﺗﺴﺘﻌﻴﺪﻳﻦ ﺣﻴﺎﺗﺞ ﻭ ﻭﺿﻌﺞ ﻭ ﺍﻟﻠﻲ ﺗﺤﺘﺎﺟﻲ ﻻ ﺗﺘﺮﺩﺩﻳﻦ ﺑﻄﻠﺒﻪ

- ﺗﺴﻠﻤﻠﻲ

ﺍﺧﺬ ﻧﻔﺲ : ﺍﺭﻭﺡ ﻟﺪﻭﺍﻣﻲ ، ﺍﺭﺟﻌﻠﺞ ﺍﻟﻈﻬﺮ ﺍﺧﺬﺝ ﺍﻟﺒﻴﺘﻨﺎ

- ﻋﻤﻮ ﻣﻮﺟﻮﺩ ؟

- ﺍﻱ ﻣﻮﺟﻮﺩ

- ﻟﻌﺪ ﺍﺧﺬ ﺭﺍﺣﺘﻚ ﺍﻧﺖ ، ﺷﻮﻱ ﺍﺳﺒﺢ ﻭ ﺍﺭﺗﺐ ﻧﻔﺴﻲ ﻭ ﺍﺟﻲ ﺍﺷﻮﻑ ﻋﻤﻮ ﻭ ﺍﺳﻠﻢ ﻋﻠﻴﻪ

- ﻣﻦ ﻫﺴﻪ ﻟﺠﻴﻦ ﺩﺍ ﺗﺒﻌﺪﻳﻨﻲ ﻋﻨﺞ

- ﻣﻮ ﻗﺼﺪﻱ ﺑﺲ ﻟﺮﺍﺣﺘﻚ ﺍﻧﻲ ﻟﻴﺶ ﺗﺮﺟﻊ ﺗﻌﺒﺎﻥ ﻭ ﺗﺒﺘﻠﻲ ﺑﻴﻪ

- ﺍﻧﻲ ﻣﻄﺎﻟﺐ ﻣﻨﺞ ﺭﺍﺣﺘﻲ ﻭﻻ ﻃﻠﺒﺖ ﻧﺮﺗﺒﻂ ، ﺩﺍ ﺍﺳﻮﻱ ﻫﺎﻻﻣﻮﺭ ﻣﻦ ﻃﻴﺐ ﺧﺎﻃﺮ، ﺑﺲ ﺩﺍ ﺍﺣﺲ ﻛﻠﺶ ﻣﺘﻀﺎﻳﻘﺔ ﻣﻦ ﻭﺟﻮﺩﻱ ﺷﺒﻴﺞ ؟

......

ﺍﺑﺪﺍ ﻣﺨﻠﺪ ﻟﺘﻌﺘﺒﺮﻫﺎ ﻫﻴﺞ ، ﺑﺲ ﻣﺎ ﺍﺭﻳﺪ ﺗﺘﺄﻣﻞ ﻭ ﺗﺮﺟﻌﻠﻚ ﻋﻮﺍﻃﻔﻚ ﻭ ﺗﺒﻌﺪﻙ ﻋﻦ ﻋﺎﺋﻠﺘﻚ .. ﺍﻧﻲ ﻣﺮﺓ ﻭ ﺍﺣﺲ ﺑﺎﻟﻤﺮﻩ ﺍﻟﻠﻲ ﺯﻭﺟﻬﺎ ﻳﻬﻮﻯ ﻏﻴﺮﻫﺎ ﻭ ﻛﻠﺶ ﺍﻋﺮﻑ ﺷﻌﻮﺭ ﺍﻟﺨﻴﺎﻧﺔ ﻭ ﻣﺎ ﺍﺗﻤﻨﺎﻫﺎ ﻟﻌﺪﻭﻱ، ﻟﻬﺬﺍ ﺩﺍ ﺍﻭﺿﺢ ﺍﻻﻣﻮﺭ ﻣﻦ ﺍﻟﺒﺪﺍﻳﺔ ﺣﺘﻰ ﻻ ﻧﺨﺘﻠﻒ ﺑﻌﺪﻳﻦ

- ﻣﺎ ﻧﺨﺘﻠﻒ ﺍﻥ ﺷﺎﺀﺍﻟﻠﻪ ﻓﻮﺗﻲ ﻫﺴﻪ ﻭ ﺍﻟﻠﻪ ﻛﺮﻳﻢ

ﻓﺘﺖ ﻭ ﺍﻭﻣﺄﺗﻠﻪ ‏( ﺑﻴﺒﺎﻱ ‏) ﻭﺭﺍﺡ ﻗﻔﻠﺖ ﺍﻟﺒﺎﺏ ﻭ ﻓﺘﺖ، ﻟﻜﻴﺖ ﻋﻤﻮ ﻛﺎﻋﺪ : ﻫﺎ ﻋﻤﻮ ﺻﺒﺎﺡ ﺍﻟﺨﻴﺮ

- ﻫﻼ ﻋﻤﻮ ﺻﺒﺎﺡ ﺍﻟﻨﻮﺭ ﻭﻳﻦ ﺟﻨﺘﻲ

- ﻃﻠﻌﺖ ﺍﻓﺘﺮﻳﺖ ﺷﻮﻱ

- ﻫﺴﻪ ﺍﻛﻌﺪ ﻋﻤﺘﺞ ﺗﺴﻮﻳﻠﻨﺎ ﺭﻳﻮﻙ

- ﻻ ﻻ ﺧﻠﻴﻬﺎ ﺗﺮﺗﺎﺡ ﺍﻧﻲ ﺗﺮﻳﻜﺖ ﺑﺮﺍ ﻛﻴﻤﺮ ﻭ ﻛﺎﻫﻲ ﻣﻦ ﻳﻢ ﺣﺠﻲ ﻛﺎﻋﺪﻩ ﺍﺑﺎﺏ ﻓﺮﻥ ﻭ ﺍﻟﺤﻤﺪﻟﻠﻪ، ﺍﺫﺍ ﺗﺮﻳﺪ ﺍﺳﻮﻳﻠﻚ ﺭﻳﻮﻙ

ﻣﻘﺒﻞ ﺍﻧﻲ ﺍﺳﻮﻳﻠﻪ، ﺑﺲ ﺍﺻﺮﻳﺖ ﻭﻛﻔﺖ ﺳﻠﻜﺘﻠﻪ ﺑﻴﻀﺔ ﻭ ﺟﺎﻱ ﺣﺎﺭ ، ﺑﺲ ﺷﻨﻮ ﺍﺣﺲ ﻣﻌﺪﺗﻲ ﻛﺎﻣﺖ ﺗﮕﻠﺐ .. ﺍﺑﺪ ﻣﻤﺘﻌﻮﺩﻩ ﻋﻠﻰ ﺍﻛﻞ ﺩﺳﻢ ﻭ ﻫﻨﻮﺏ ﺍﻛﻠﺖ ﮔﻴﻤﺮ ﻭ ﻛﺎﻫﻲ ﺍﻧﺤﻤﺴﺖ ﺣﻤﺲ ..

- ﻋﻤﻮ ﺍﺭﻳﺪ ﺍﺭﻭﺡ ﻟﻘﺒﺮ ﺑﺎﺑﺎ ، ﻣﺤﺘﺎﺟﺔ ﻫﺎﻟﺸﻲﺀ ﻫﻮﺍﻳﻪ

- ﺍﻱ ﻋﻤﻮ ﻫﺴﻪ ﺍﻛﻤﻞ ﻭ ﻧﺮﻭﺡ

.. ﺩﻳﺤﺠﻲ ﺍﻧﺪﻛﺖ ﺍﻟﺒﺎﺏ، ﺭﺣﺖ ﺍﻧﻲ ﻓﺘﺤﺖ ﺍﻟﺒﺎﺏ، ﻃﻠﻌﺖ ﻋﻤﺘﻲ ﺍﺧﺬﺗﻨﻲ ﺑﺤﻈﻨﻬﺎ ﻭ ﻛﺎﻣﺖ ﺗﺒﺠﻲ ﻭ ﺗﺸﻢ ﺑﻴﻪ ﻭ ﺗﻜﻮﻝ : ﻳﺎ ﺭﻳﺤﺔ ﺍﻟﻐﺎﻟﻲ ﻳﺎ ﻟﺠﻴﻦ ﻳﺎ ﻋﻤﻪ

ﺍﻧﻲ ﻫﻤﺎﺗﻴﻦ ﻣﺨﻨﻮﻛﺔ ﻭ ﻣﺎ ﺍﻋﻮﻝ ﻋﻠﻰ ﺍﻟﻠﻪ ﺍﺣﺪ ﻳﺒﺠﻲ ﺣﺘﻰ ﺍﻧﻔﺠﺮ ﻭ ﺍﻃﻠﻊ ﺍﻟﺒﺪﺍﺧﻠﻲ .. ﺣﻈﻨﺘﻬﺎ ﻭ ﻛﻤﺖ ﺍﺑﺠﻲ ﺑﻘﻮﺓ

ﺩﺧﻠﻨﺎ ﺟﻮﻩ ﻭ ﻛﻌﺪﺕ ﻣﺮﺕ ﻋﻤﻲ ، ﻭ ﻋﻤﻮ ﻫﻢ ﺍﺟﺎ ﻛﻌﺪ ﻳﺴﻮﻟﻔﻮﻥ ﻭ ﻫﻲ ﺗﺴﺄﻟﻨﻲ ﻋﻦ ﺻﺤﺘﻲ ﻭ ﺍﺧﺒﺎﺭﻱ ..

ﻃﻠﺒﺖ ﻣﻨﻬﺎ ﻧﺮﻭﺡ ﻟﻘﺒﺮ ﺑﺎﺑﺎ ، ﻓﺮﺣﺖ ﻛﺎﻟﺖ : ﻳﻼ ﻣﺎ ﻋﻨﺪﻱ ﺷﻲ

ﺍﺧﺬﺕ ﺟﺒﻪ ﺳﻮﺩﻩ ﻭ ﺣﺠﺎﺏ ﻣﻦ ﻣﺮﺕ ﻋﻤﻲ ﻭ ﻃﻠﻌﻨﺎ ﻟﻠﻤﻘﺒﺮﺓ ..

ﻭﺻﻠﺖ ﻗﺒﺮ ﺍﺑﻮﻳﺔ، ﺍﻟﺪﻣﻮﻉ ﻭﺣﻴﺪﻫﻢ ﻧﺰﻟﻮ .. ﻛﻌﺪﺕ ﻳﻤﻲ ﻭ ﺩﻧﻜﺖ ﻉ ﺍﻟﻘﺒﺮ ﻭ ﻛﻤﺖ ﺍﺑﺠﻲ ﺑﺼﻮﺕ ﻋﺎﻟﻲ : ﺑﺎﺑﺎ ﺩﺧﻴﻠﻚ ﺑﺲ ﺍﺭﺿﻰ ﻋﻠﻴﻪ ﺑﺎﺑﺎ

ﻭﺣﻴﺪﺗﻚ ﻟﺠﻴﻦ ﺍﻧﻲ ﺑﺎﺑﺎ ﺍﻟﻤﺪﻟﻠﻪ ﻣﺎﻟﺘﻚ ، ﺑﺎﺑﺎ ﻭﺍﻟﻠﻪ ﺗﻌﺒﺖ ﻫﻮﺍﻳﻪ ﺍﻧﺬﻟﻴﺖ ﻫﻮﺍﻳﺔ .. ﻣﺤﺘﺎﺟﺘﻚ ﻛﻠﺶ ﻫﻮﺍﻳﺔ ﺑﺎﺑﺎ

ﺍﻧﺖ ﺍﻟﺠﻨﺖ ﺗﻜﻮﻟﻲ ﻟﺠﻴﻦ ﺿﻮﺍ ﺩﺭﻭﺑﻲ ، ﻟﺠﻴﻦ ﺷﻤﻌﺔ ﺣﻴﺎﺗﻲ .. ﺍﻧﺖ ﺍﻟﺪﻟﻠﺘﻨﻲ ﻭ ﻣﺨﻠﻴﺘﻨﻲ ﺍﺣﺘﺎﺝ ﺍﻻﻱ ﺍﺣﺪ ﺍﺭﻓﻊ ﺭﺍﺳﻲ ﻭ ﺍﻋﺎﻧﺪ ﺍﻟﺪﻧﻴﺎ ﻭ ﺍﺩﺭﻱ ﺍﻧﺖ ﺑﻈﻬﺮﻱ .. ﻛﻠﺶ ﺍﻧﻜﺴﺮﺕ ﺑﻐﻴﺎﺑﻚ ﺑﺎﺑﺎ ﺍﺧﺬﻭ ﺑﻨﺘﻲ ﻭ ﺻﺤﺘﻲ ﺧﺴﺮﺕ ﻛﻠﺸﻲ ﺑﺎﺑﺎ ﻣﺎ ﺍﺭﻳﺪ ﺑﺲ ﺭﺿﺎﻙ ﻋﻠﻴﻪ ..

ﺑﻘﻴﺖ ﻛﺎﻋﺪﻩ ﻛﺒﺎﻝ ﺍﻟﻘﺒﺮ ﻭﻛﺎﻧﻤﺎ ﺍﺣﺎﺟﻴﻪ .. ﻣﻤﻨﺘﺒﻬﻪ ﻟﻠﻲ ﻳﻤﻲ ﺍﻟﺘﻔﺘﺖ ﻟﻜﻴﺖ ﺣﺘﻰ ﻋﻤﻮ ﻳﺒﺠﻲ ﻭﻳﺎﻳﻪ ..

ﺑﺎﺱ ﺭﺍﺳﻲ ﻭ ﻛﻮﻣﻨﻲ

- ﻛﺎﻓﻲ ﻋﻤﻮ ﻣﺎ ﻳﺼﻴﺮ ﻫﻴﺞ ﺍﻟﻤﻴﺖ ﻳﻌﺬﺏ ﺑﺒﻜﺎﺀ ﺍﻟﺤﻲ ، ﻭﺍﻟﻠﻪ ﻳﺎ ﻋﻤﻮ ﺭﺍﺿﻲ ﻋﻠﻴﺞ، ﻫﻮ ﺑﺲ ﺟﺎﻥ ﻳﺘﻤﻨﻰ ﺷﻮﻓﺘﺞ ﺑﺄﺧﺮ ﺍﻳﺎﻡ ﻭ ﻣﺎ ﺻﺎﺭﺕ ﻗﺴﻤﺔ ﻭ ﻫﺎﻱ ﺍﺭﺍﺩﺓ ﺍﻟﻠﻪ ﺍﺻﺒﺮﻱ ﺑﻨﻴﺘﻲ ﻭ ﺍﺣﻨﺎ ﻭﻳﺎﺝ ﻻ ﺗﻬﺘﻤﻴﻦ ..

ﻛﻤﻨﺎ ﻣﻦ ﺍﻟﻘﺒﺮ ﺭﺷﻴﺘﻪ ﺑﻤﻲ ﻭ ﻗﺮﻳﻨﺎ ﺍﻟﻘﺮﺍﻥ ﻭ ﻭﺩﻋﺘﻪ ﻭ ﺭﺩﻳﺖ، ﺑﺲ ﺷﺮﺩﻳﺖ ﺟﻨﺎﺯﺓ ﻋﻠﻰ ﻛﺪ ﻣﺎ ﺑﺠﻴﺖ ﻭ ﺍﻧﻬﺪ ﺣﻴﻠﻲ ﻋﻠﻰ ﻗﺒﺮﻩ ..

ﺍﺻﻌﺐ ﺷﻌﻮﺭ ﻫﻮ ﺷﻌﻮﺭ ﺍﻟﻨﺪﻡ ..

ﺍﻟﻨﺪﻡ ﻣﻮ ﻋﻠﻰ ﻧﻔﺴﻚ ﻻ .. ﺍﻟﻨﺪﻡ ﻋﻠﻰ ﻣﻌﺼﻴﺘﻚ ﻟﺸﺨﺺ ﺍﻓﻨﻰ ﻛﻞ ﻋﻤﺮﻩ ﺣﺘﻰ ﻳﺴﻌﺪﻙ ﺗﺎﻟﻲ ﺗﻔﻀﻞ ﻋﻠﻴﻪ ﺍﻧﺴﺎﻥ ﻛﻠﺸﻲ ﻣﺎ ﺗﻌﺮﻑ ﻋﻨﻪ ﻭ ﺗﺒﺘﻌﺪ ﻭ ﺗﺨﻠﻲ ﻛﻞ ﻟﻴﻠﻪ ﻭ ﻛﻞ ﻳﻮﻡ ﻳﺘﻌﺬﺏ ﻋﻠﻰ ﻓﺮﺍﻛﻚ ﻭ ﺧﻼﻧﻚ ﺍﻟﻪ ..

......

ﻓﻌﻼ ﻣﺎ ﺍﺳﺘﺤﻖ ﺍﻟﻠﻪ ﻳﻮﻓﻘﻨﻲ

ﺍﻧﻲ ﺧﺬﻟﺖ ﺭﺟﺎﻝ ﻗﻀﻰ ﻛﻞ ﻋﻤﺮﺓ ﻳﺸﺘﻐﻞ ﺣﺘﻰ ﻳﺨﻠﻲ ﺍﻟﻌﺎﻟﻢ ﻛﻠﻪ ﻳﺘﻤﻨﻰ ﻳﻮﻡ ﻣﻦ ﻋﻴﺸﺘﻲ، ﻭﻛﻒ ﺑﻌﻴﻦ ﻛﻞ ﺍﻧﺴﺎﻥ ﻳﺤﺠﻲ ﻋﻨﻲ .. ﺟﺎﻥ ﺍﺏ ﻭ ﺻﺪﻳﻖ ﻭ ﺣﺒﻴﺐ ﻭ ﻛﻠﺸﻲ ﻫﻮ ..

ﻟﻮ ﺷﻜﺪ ﻣﺎ ﺍﺣﺠﻲ ﻭ ﺍﺷﺮﺡ ﻣﺎ ﺍﻋﺒﺮ ﻋﻦ ﻧﺪﻣﻲ ﻋﻠﻰ ﺧﺬﻻﻧﻲ ﻷﺑﻮﻳﺔ ﺑﺲ ﻟﺤﺘﻰ ﺍﺗﺰﻭﺝ ﺷﺨﺺ ﺍﻻﺣﺒﺔ ..

.. ﺑﺎﻟﻄﺮﻳﻖ ﺧﺎﺑﺮ ﻋﻤﻮ ﻋﻤﺮﺍﻥ ﻋﻠﻰ ﻋﻤﻮ ﻋﺜﻤﺎﻥ ﻭ ﺍﺳﻤﻌﻪ ﻳﻜﻮﻟﻪ : ﻫﻲ ﻟﻴﺶ ﻣﺎ ﺗﺠﻴﻨﺎ ﺷﻨﻮ ﻃﺎﺑﺘﻠﻬﺎ ﺍﻟﻜﻌﺪﻩ ﻋﻨﺪﻙ، ﺻﺪﻙ ﻣﺎ ﻋﺪﻫﺎ ﺍﺣﺘﺮﺍﻡ ﻣﺎ ﺗﻜﻮﻝ ﺍﻣﺮ ﻋﻠﻰ ﻋﻤﻲ ﺍﻟﺠﺒﻴﺮ ﻭ ﺍﻛﻌﺪ ﺍﺑﻴﺘﻪ ﺷﻨﻮ ﺟﺎﻳﻪ ﻋﻠﻴﻚ ، ﺷﻨﻮ ﺍﻧﻲ ﻣﺎ ﺍﻟﻲ ﺍﺣﺘﺮﺍﻡ ﺑﻌﻴﻦ ﺑﻨﺖ ﺷﺎﻛﺮ ﻟﻮ ﻣﻨﺘﻈﺮﺗﻨﻲ ﺍﻧﻲ ﺍﺟﻴﻬﺎ ﻭ ﺍﺳﺘﻘﺒﻞ ﺣﻈﺮﺗﻬﺎ

ﻭ ﻋﻤﻮ ﻋﺜﻤﺎﻥ ﻳﺮﺩﻩ : ﻣﻮ ﻫﻴﺞ ﻳﺎ ﺍﺑﻮ ﻣﺨﻠﺪ ﺑﺲ ﺍﻟﺒﻨﻴﺔ ﺗﻌﺮﻓﻬﺎ ﻣﺘﺤﺐ ﻣﺸﺎﻛﻞ ﻭ ﺍﻧﻲ ﻣﺎ ﻋﻨﺪﻱ ﺍﺣﺪ ﺑﺎﻟﺒﻴﺖ ﻟﻬﺬﺍ ﺍﺟﺖ ﻋﻨﺪﻱ، ﻭ ﺍﺣﻨﺎ ﺍﻟﻴﻮﻡ ﻳﻢ ﻗﺒﺮ ﺍﺑﻮﻫﺎ ﻭ ﻫﺎﻱ ﺟﻴﺘﻨﺎ ، ﺭﺍﺡ ﻧﺠﻴﻜﻢ ﻫﺴﻪ

... ﻗﻔﻞ ﺍﻟﺨﻂ ﻭﻳﺎﻩ ﺑﻌﺪ ﺻﻴﺎﺡ ﻣﻦ ﻋﻤﻲ

- ﻋﻤﻮ ... ﻋﻤﺞ ﻋﻤﺮﺍﻥ ﻫﻢ ﺣﻘﻪ ﻣﻦ ﺍﻟﺒﺎﺭﺣﻪ ﺟﺎﻳﻪ ﻭ ﻣﺎ ﺳﻠﻤﺘﻲ ﻋﻠﻴﻪ ، ﻧﻔﻮﺕ ﻋﻠﻴﻬﻢ ﻧﺴﻠﻢ ﻫﺴﻪ ؟

- ﻋﻤﻮ ﻛﻠﺶ ﺗﻌﺒﺎﻧﻪ ﻭ ﺑﻄﻨﻲ ﺩﺍ ﺗﺄﺫﻳﻨﻲ ﻭ ﺍﻳﺪﻱ ﺗﻨﺰ ﻣﻦ ﺍﻻﻟﻢ ﺧﻠﻴﻨﻲ ﻫﺴﻪ ﺑﺎﻟﻠﻴﻞ ﻧﺮﻭﺣﻠﻬﻢ

- ﻋﻤﻮ ﻫﻲ ﺳﺎﻋﻪ ﻧﻤﺮ ﻧﺴﻠﻢ ﻭ ﻧﻄﻠﻊ ﻭ ﻧﺘﻜﻔﻰ ﺍﻟﺸﺮ

ﻋﻤﺘﻲ : ﻛﻼﻡ ﻋﻤﺞ ﺻﺤﻴﺢ ﺧﻞ ﻧﻔﻮﺕ ﻧﺴﻠﻢ ﺳﺎﻋﺔ ﺯﻣﺎﻥ ﺣﺘﻰ ﻟﻮ ﻣﺎ ﺑﻴﺞ ﺣﻴﻞ ﺷﻨﺴﻮﻱ ﺗﻌﺮﻓﻴﻦ ﻋﻤﺞ ﻋﻤﺮﺍﻥ ﻭ ﻋﺼﺒﻴﺘﻪ

- ﻻ ﻫﺎﻱ ﻫﻲ ﺑﺮﺍﺣﺘﻜﻢ ﻳﻼ ..

.. ﻧﺰﻟﻨﺎ ﻋﻠﻴﻬﻢ ﺩﻛﻴﻨﺎ ﺍﻟﺒﺎﺏ، ﻓﺘﺤﻠﻨﺎ ﻣﺎﺯﻥ ﺍﺳﺘﻘﺒﻠﻨﺎ ﺑﺎﻟﻬﻼ ﻭ ﺍﻟﻤﺮﺣﺒﺎ ﻭ ﺗﻔﻀﻠﻮﺍ ... ﺩﺧﻠﻨﺎ ﻟﻜﻴﺖ ﻋﻤﻲ ﻛﺎﻋﺪ ﺑﺎﻟﺼﺎﻟﺔ ..

ﺗﻘﺪﻣﺖ ﺭﺩﺕ ﺍﺳﻠﻢ ﻭ ﻣﺮﺗﻪ ﻛﺮﺟﻴﺔ ﺣﺠﺖ : ﺑﻌﺪ ﻭﻛﺖ ﻫﺴﻪ ﻳﻼ ﺗﺬﻛﺮﺗﻲ ﻋﻤﺞ ﻟﻮ ﻣﺎ ﻋﺎﺗﺐ ﻫﻢ ﻣﺎ ﺗﻤﺮﻳﻦ ﻣﻦ ﻳﻮﻣﺞ ﻣﺎ ﻋﺪﺝ ﺍﺣﺘﺮﺍﻡ ﻻﺣﺪ

ﻣﻬﺘﻤﻴﺖ ﻟﻜﻼﻣﻬﺎ ﺑﺴﺖ ﺭﺍﺱ ﻋﻤﻮ ﻭ ﺳﻠﻤﺖ ﺑﺲ ﻫﻮ ﺿﺎﻳﺞ ﺳﻠﻢ ﻋﻠﻴﻪ ﻣﻦ ﻭﺭﻩ ﺧﺸﻤﺔ ﻣﺜﻞ ﻣﻴﻜﻮﻟﻮﻥ ..

ﺳﻠﻤﺖ ﻋﻠﻰ ﻛﺮﺟﻴﺔ ﻭ ﻉ ﺍﻟﺒﻨﺎﺕ ﻭ ﺍﻟﺠﻬﺎﻝ ، ﺣﺴﻴﺖ ﺭﺍﺳﻲ ﺍﻧﺪﺍﺭ ﻋﻠﻰ ﻛﺪ ﻣﺎ ﺳﻠﻤﺖ .. ﺩﺧﺖ ﻛﻠﺶ

ﻛﻌﺪﺕ ﻭ ﻋﻤﺘﻲ ﮔﺮﺟﻴﺔ ﻣﺎ ﺑﻄﻠﺖ ﻛﻼﻡ : ﺷﻮ ﺍﻟﻴﻮﻡ ﻻﺑﺴﻪ ﺟﺒﻪ ﻭ ﻣﺴﺘﻮﺭﺓ ﺷﻌﺠﺐ ﻣﻮ ﻋﻮﺍﻳﺪﺝ

ﺭﺩﺗﻬﺎ ﻋﻤﺘﻲ : ﺷﺒﻴﺞ ﻳﺎ ﮔﺮﺟﻴﺔ ﺩﺍ ﻧﻜﻮﻟﺞ ﺍﻟﺒﻨﻴﻪ ﺟﺎﻳﺔ ﻣﻦ ﻗﺒﺮ ﺍﺑﻮﻫﺎ ﻭ ﺗﻌﺒﺎﻧﻪ ﻋﺎﺩ ﻛﻔﻴﻨﺎ ﻣﻦ ﺍﻟﻜﻼﻡ ﺍﻟﻤﺎﻟﻪ ﻧﻔﻊ

- ﻭ ﺍﺣﻨﺎ ﺷﺤﺠﻴﻨﺎ ﻳﺎ ﺍﻣﻞ ﻭﺍﺣﺪ ﻳﺒﺘﻠﻲ ﺗﻄﻠﻊ ﻣﻦ ﺍﻟﺴﺎﻧﻪ ﻛﻠﻤﺔ

ﺩﺍ ﻳﺤﺠﻮﻥ ﻓﺎﺕ ﻣﺨﻠﺪ ﺍﻃﺎﻓﺮﻭ ﺟﻬﺎﻟﻪ ﻟﺤﻈﻨﻪ ﻭ ﻫﻢ ﻳﺼﻴﺤﻮﻥ ‏( ﺑﺎﺑﺎﺍﺍﺍﺍ ‏) ﻓﺮﺣﺎﻧﻴﻦ ﺑﺠﻴﺘﻪ .. ﻫﻮ ﺑﺎﺳﻬﻢ ﻭ ﻧﺰﻟﻬﻢ ﻭ ﺣﺠﺎ : ﻫﻼ ﻳﺎﺑﻪ ﺷﻠﻮﻧﻜﻢ

ﺳﻠﻢ ﻋﻠﻴﻪ ﻋﻤﻲ، ﺍﻧﻲ ﺣﺎﻃﺔ ﺭﺍﺳﻲ ﻉ ﺍﻟﺘﺨﻢ ﻭ ﻛﺎﻋﺪﻩ ﻭ ﻋﻴﻮﻧﻲ ﻣﺒﻘﺒﻘﺔ ﻣﻦ ﺍﻟﺒﺠﻲ ﻭ ﻛﻮﻩ ﻛﺎﻋﺪﻩ، ﺳﺄﻝ : ﺷﺒﻴﻬﺎ ﻟﺠﻴﻦ ؟

- ﺯﺍﺭﺓ ﮔﺒﺮ ﺍﺑﻮﻫﺎ ﻭﺭﺟﻌﺖ ﺗﻌﺒﺎﻧﺔ

ﺗﻘﺮﺏ ﻣﻦ ﻳﻤﻲ ﺣﻂ ﺍﻳﺪﻩ ﻋﻠﻰ ﮔﺼﺘﻲ : ﺍﻫﺎﺍﺍﺍ ﻳﺎﺑﻪ ﻫﺎﻱ ﻣﺼﺨﻨﻪ ؟

ﻛﺮﺟﻴﺔ : ﻣﻮ ﻛﺎﻟﻮﻟﻚ ﺟﺎﻧﺖ ﻳﻢ ﻛﺒﺮ ﺍﺑﻮﻫﺎ ﻟﻌﺬ ﺷﺘﺮﻳﺪﻫﺎ ﺗﺮﺟﻊ ﻣﺠﻤﺪﻩ

ﻣﺎ ﺍﻫﺘﻢ ﺍﻟﺤﺠﻴﻬﺎ ﺩﻧﻚ ﻳﺒﺎﻭﻋﻠﻲ : ﺷﻴﻮﺟﻌﺞ ﻳﺎﺑﻪ

.......

ﺷﻮ ﺍﻧﻲ ﺑﺲ ﮔﺎﻟﻲ ﺷﻴﻮﺟﻌﺞ ﺑﺠﻴﺖ ، ﻫﻮ ﺗﺨﺒﻞ : ﺍﻫﺎﺍ ﺷﺒﻴﺞ ﺗﺒﺠﻴﻦ ﺍﺣﺠﻲ ﺻﺎﻳﺮ ﺷﻲ

ﻛﻤﺒﺺ ﻭ ﻛﻌﺪ ﻛﺒﺎﻟﻲ : ﺍﺣﺠﻲ ﺷﻴﻮﺟﻌﺞ ﺍﺧﺬﺝ ﻟﻠﻄﺒﻴﺐ

ﺍﻧﻲ ﻛﻤﺖ ﺍﺷﻬﻚ ﺍﺣﺮ ﺑﺨﺸﻤﻲ ﻭ ﺍﺑﺠﻲ ﻭ ﺍﻛﺢ ، ﻣﻦ ﻗﻮﺓ ﺍﻟﻜﺢ ﺣﺴﻴﺖ ﺭﺍﺡ ﺍﺗﻘﻴﺊ ﻛﻤﺖ ﺑﺴﺮﻋﻪ ﻭ ﺭﺣﺖ ﻟﻠﻤﻐﺴﻠﺔ ﺯﻋﺖ ﺍﻟﻠﻲ ﺍﻛﻠﺘﻪ ﺍﻟﺼﺒﺢ ﻛﻠﻪ ﻳﻼ ﺍﺭﺗﺎﺣﺖ ﺑﻄﻨﻲ

ﻫﻮ ﻣﺎ ﺑﻄﻞ ﻛﻮﻣﻲ ﻫﻞ ﺍﺧﺬﺝ ، ﻭ ﺭﺍﺡ ﺗﻤﻮﺕ ﻭ ﺗﻌﺎﻱ ﺍﻣﺸﻲ ﻭ ﺍﻧﻲ ﺍﺷﺮﻟﻪ ‏( ﻻ ‏)

ﻏﺴﻠﺖ ﻭﺟﻬﻲ ﻭ ﺍﻧﺪﺭﺗﻠﻪ : ﻣﺒﻴﻪ ﺷﻲﺀ ﻣﺨﻠﺪ ﺑﺲ ﺟﻨﺖ ﻣﺎﻛﻠﻪ ﮔﻴﻤﺮ ﻭ ﺩﺳﻢ ﻣﺘﺤﻤﻠﺘﻪ ﻣﻌﺪﺗﻲ ﻛﻠﺶ ﺿﺎﻳﻘﻨﻲ

- ﻭ ﺍﻧﺖ ﺗﺒﺠﻴﻦ ﻣﻦ ﻭﺭﺍ ﻛﻴﻤﺮ

- ﻻ ﺑﺲ ﻧﻔﺴﻴﺘﻲ ﺗﻌﺒﺎﻧﻪ ﺟﻨﺖ ﻳﻢ ﻛﺒﺮ ﺑﺎﺑﺎ ﻭ ﺑﺠﻴﺖ ﻫﻮﺍﻳﻪ

- ﻳﻠﻌﻦ ﺍﺑﻠﻴﺴﺞ ﺳﻤﻴﺘﻴﻨﻲ ﻋﺒﺎﻟﻲ ﻣﺪﺭﻱ ﺷﺒﻴﺞ ﻛﻠﺖ ﺗﺰﻭﻫﺮﺕ ﺍﻟﺒﻨﻴﺔ ﻟﻮ ﺷﻮﻑ ﺷﺼﺎﻳﺮ ﻭﻳﺎﻫﺎ ..

ﺍﻧﺪﺍﺭﻳﺖ ﻣﺮﺗﻪ ﻭﺍﻛﻔﻪ ﻛﺎﻝ ﺍﻟﻬﺎ : ﻏﺪﺍﻛﻢ ﻭﻳﻦ ؟

ﺣﺠﺎﻫﺎ ﻭ ﻫﻮ ﻳﻔﻮﺕ ﻛﺪﺍﻣﻲ ﻟﻠﺼﺎﻟﻪ .. ﺟﺎﻭﺑﺘﻪ : ﻫﻢ ﻳﺘﻐﺪﻭﻥ ؟

ﻛﺮﺟﻴﺔ : ﺷﻨﻮ ﻣﺎ ﻣﺘﻐﺪﻳﻦ ؟

ﻋﻤﺘﻲ -: ﻻ ﻭﺍﻟﻠﻪ ﻫﺎﻱ ﺟﻴﺘﻨﺎ ﻣﻦ ﺍﻟﻤﻘﺒﺮﺓ

ﻣﺨﻠﺪ : ﻋﺰﻳﻤﺔ ﺣﻀﻴﺮﻱ ﻫﻲ ، ﻣﻮ ﻛﻠﺘﻠﻜﻢ ﺣﻀﺮﻭﺍ ﺍﻟﻐﺪﺍ ﻣﻤﺤﻀﺮﻳﻦ ؟

ﻃﻴﺒﺔ : ﻻ ﺷﻠﻮﻥ ﻣﻤﺤﻀﺮﻳﻦ ﺩﻗﺎﻳﻖ ﻭ ﺍﻟﺴﻔﺮﺓ ﺗﻨﻤﺪ

ﻛﻌﺪﺕ ﺑﺲ ﺑﻌﺪﻩ ﺭﺍﺳﻲ ﻳﺪﻭﺭ، ﺍﻧﻤﺪﺕ ﺍﻟﺴﻔﺮﺓ ﺭﻓﻀﺖ ﺍﻛﻞ ﻻﻥ ﺑﺮﻳﺎﻧﻲ ﻭ ﻓﻮﻛﻪ ﻟﺤﻢ ﻭ ﻣﺮﻛﺔ ﻓﺎﺻﻮﻟﻴﺔ .. ﻭ ﺍﻧﻲ ﻣﻦ ﺍﻟﻜﻴﻤﺮ ﻣﺘﺖ ﻫﻨﻮﺏ ﺍﻛﻞ ﻫﺬﺍ ﺍﻻﻛﻞ ﺷﻴﺼﻴﺮ ﺑﻴﻪ

ﻟﺤﻮ ﻛﻠﺘﻠﻬﻢ ﺑﺎﻟﻌﺎﻓﻴﺔ : ﻣﺨﻠﺪ ﺳﻮﺍ ﻟﻔﺔ ﺻﻐﻴﺮ ﺑﻠﺤﻢ ﻣﺒﻲ ﺷﺤﻢ ﻭ ﻛﺎﻝ : ﻫﺎﺝ ﺍﻛﻠﻲ

- ﻻ ﻣﺎ ﺍﺭﻳﺪ

- ﺩﻛﻠﻲ ﺍﺫﺍ ﻣﺎ ﺍﻛﻠﺘﻲ ﺑﻄﻨﺞ ﺗﻮﺟﻌﺞ ﻫﺎﻱ ﻣﺎ ﺑﻴﻬﺎ ﺷﺤﻢ ﺣﺘﻰ ﺗﻜﻤﻠﻴﻦ ﻭ ﻧﻨﻄﻴﺞ ﻋﻼﺝ

- ﺍﺧﺬﺗﻬﺎ ﻣﻦ ﺍﻳﺪﻩ ﻭ ﺑﻘﺖ ﺑﺄﻳﺪﻱ ﻭ ﺣﺎﻃﺔ ﺭﺍﺳﻲ ﻉ ﺍﻟﺘﺨﻢ ﺍﻏﻔﻲ

ﺑﺲ ﻣﺮﺗﻪ ﻣﺸﺎﻟﺖ ﻋﻴﻨﻬﺎ ﻣﻨﻪ ﻭ ﻫﻮ ﻣﺸﺎﻝ ﻋﻴﻨﻪ ﻣﻨﻲ، ﻣﺪ ﺍﻳﺪﻩ : ﻛﺎﻝ ﻫﺎﻱ ﻣﺼﺨﻨﻪ ﻋﻤﻪ ﻧﻜﻤﻞ ﺍﻛﻞ ﻭ ﻧﺮﻭﺡ ﻧﺎﺧﺬﻫﺎ ﺩﻛﺘﻮﺭ ﻫﻢ ﻧﺸﻮﻑ ﺷﻨﻮ ﻋﻠﺔ ﺍﻳﺪﻫﺎ ﻭ ﻫﻢ ﻧﺎﺧﺬﻟﻬﺎ ﻋﻼﺝ ﻟﺼﺨﻮﻧﺘﻬﺎ ..

ﺟﺎﻭﺑﺘﻪ ﻣﺮﺗﻪ : ﺍﻧﺖ ﻣﻮ ﻋﻨﺪﻙ ﻃﻠﻌﻪ ﻟﺮﺣﻤﻦ ﻉ ﺍﻟﺒﻴﺖ ؟

ﺧﺰﺭﻫﺎ ﺧﺰﺭﻩ .. ﺩﻧﻜﺖ ﻭ ﻣﺎ ﺣﺠﺖ

ﺑﻘﻰ ﻋﻤﻲ ﻋﺜﻤﺎﻥ : ﺷﺒﻴﺞ ﺑﻨﻴﺘﻲ ﻭ ﺷﻨﻮ ﺍﻟﻴﻮﺟﻌﺞ

- ﻋﻤﻮ ﻣﻌﺪﺗﻲ ﺣﻴﻞ ﻣﺄﺫﻳﺘﻨﻲ ﺑﺲ ﻣﻦ ﺗﻘﻴﺌﺖ ﺍﺭﺗﺎﺣﻴﺖ

ﺣﺠﺖ ﻣﺮﺕ ﻣﺨﻠﺪ : ﺧﺎﻑ ﺣﺎﻣﻞ

ﻭ ﻫﻮ ﺻﺎﺡ ﺑﻴﻬﺎ : ﺍﻧﺖ ﺷﻬﺎﻟﺤﺠﻲ ﺍﻟﺘﺤﺠﻲ ﻭ ﻣﻦ ﺳﺎﻣﺤﻠﺞ ﺗﺪﺧﻠﻴﻦ ﺍﻛﻮﻡ ﺍﺩﻓﻨﺞ ﻭﺍﻟﻠﻪ

ﻋﻤﺘﻲ ﺟﺮﺗﻪ : ﻋﻠﻰ ﻛﻴﻔﻚ ﻳﻤﻌﻮﺩ ﺩﻋﻠﻰ ﻛﻴﻔﻚ ﺍﻛﻌﺪ

ﺑﻘﻰ ﺧﺎﺯﺭ ﺑﻴﻬﺎ .. ﻛﺎﻣﺖ ﻣﻦ ﻣﻜﺎﻧﻬﺎ ﻭ ﻃﻠﻌﺖ

ﺑﺎﻭﻋﺖ ﻟﻌﻤﺘﻲ، ﺍﺷﺮﺗﻬﺎ ﺑﻌﻴﻮﻧﻲ ﻭ ﻫﻲ ﺗﺄﺷﺮﻟﻲ ﺑﺄﺩﻳﻬﺎ ﺑﺤﺮﻛﺔ : ﺷﺒﻴﺪﻱ ؟

ﻻﻥ ﺍﺣﻨﺎ ﺑﻄﺮﻳﻖ ﺍﻟﺮﻭﺣﻪ ﺣﺠﻴﻨﺎ ﺍﻧﻲ ﻭ ﻋﻤﻲ ﻭ ﻋﻤﺘﻲ ﻟﻤﻮﺿﻮﻉ ﻣﺨﻠﺪ ﻭ ﻛﻠﺘﻠﻬﻢ ﻣﺎ ﺍﺭﻳﺪ ﺍﺑﻘﻰ ﻋﺪﻫﻢ ﺍﻋﺮﻑ ﻣﺨﻠﺪ ﻣﺎ ﺭﺍﺡ ﻳﺒﻄﻞ ﻳﻬﺘﻢ ﺑﻴﻪ ﻭ ﺭﺍﺡ ﺍﺧﻠﻖ ﻣﺸﺎﻛﻞ ﺑﻴﻨﻪ ﻭ ﺑﻴﻦ ﺯﻭﺟﺘﻪ

.......

ﺍﺷﺮﺕ ﻟﻌﻤﻮ ﻋﺜﻤﺎﻥ ﻛﺎﻡ ﻛﺎﻝ : ﺩﺍﻳﻤﺔ ﺍﻥ ﺷﺎﺀﺍﻟﻠﻪ .. ﻳﻼ ﺍﻣﻞ ﻛﻮﻣﻲ ﺧﻞ ﻧﺮﻭﺡ ﻟﻠﺒﻴﺖ ﻟﺠﻴﻦ ﻫﻢ ﺗﻌﺒﺎﻧﻪ ﺗﺮﺗﺎﺡ ﺧﻄﻴﺔ

ﻋﻤﺮﺍﻥ : ﻻ ﻟﺠﻴﻦ ﺗﻀﻞ ﻫﻨﺎ ﻣﺎ ﺗﺮﻭﺡ

- ﻻ ﻋﻤﻮ ﺗﺴﻠﻤﻠﻲ ﻋﺴﺎﻙ ﺳﺎﻟﻢ ﺑﺲ ﺍﺭﻭﺡ ﻭﻳﺎ ﻋﻤﻮ ﺍﻓﻀﻞ

- ﺍﻧﻲ ﺍﺩﺭﻱ ﺟﻴﺘﺞ ﻫﺎﻱ ﻣﻦ ﻭﺭﻩ ﺧﺸﻤﺞ ﺍﻻ ﺍﻧﺖ ﻛﻞ ﺍﺣﺘﺮﺍﻡ ﻣﺎ ﻋﻨﺪﺝ ﻟﻌﻤﺞ ﺍﻟﺠﺒﻴﺮ ﺍﻟﻤﻔﺮﻭﺽ ﻣﻦ ﺍﻭﻝ ﻣﺎ ﺗﺠﻴﻦ ﺗﻜﻮﻟﻴﻦ ﻫﺬﺍ ﺑﻴﺖ ﻋﻤﻲ ﺍﻟﺠﺒﻴﺮ ﻭ ﺍﺩﻙ ﺑﺎﺑﻪ ﻭ ﺍﻛﻌﺪ ﻋﻨﺪﻩ ﺑﺲ ﺍﻧﺖ ﺍﻟﺤﻘﺪ ﺗﺎﺭﺱ ﮔﻠﺒﭻ

- ﻻ ﻋﻤﻮ ﻭﺍﻟﻠﻪ ﻣﻮ ﻫﻴﺞ ﺑﺲ ..

ﻣﺨﻠﺪ : ﻻ ﺑﺲ ﻭﻻ ﺑﺴﻴﻦ ﺩﻛﻌﺪﻱ ﺷﻌﻨﺪﺝ ﺭﺍﻳﺤﺔ ﻫﻮ ﻣﻨﻮ ﺍﺑﻴﺖ ﻋﻤﻲ ﺑﺲ ﺭﻭﺉ ﻭ ﻛﻠﻬﺎ ﻳﻮﻣﻴﻦ ﻭ ﺗﺮﻭﺡ ﻟﺒﻴﺖ ﺭﺟﻠﻬﺎ ﺍﺑﻘﻲ ﻫﻨﺎ ﻭﻳﺎ ﺍﻟﺒﻨﺎﺕ

- ﻫﻮ ﺍﻥ ﺷﺎﺀﺍﻟﻠﻪ ﻣﻦ ﺗﺮﻭﺡ ﺍﺟﻴﻜﻢ

ﻋﻤﺮﺍﻥ : ﻋﻮﻓﻬﺎ ﻋﻮﻓﻬﺎ ﻫﻮ ﺍﻟﻤﺎ ﻳﺤﺘﺮﻡ ﻭ ﻳﺮﻳﺪﻧﺎ ﺷﻌﺪﻧﻪ ﻣﭽﻠﺒﻴﻦ ﺑﻴﻪ ﺧﻠﻴﻬﺎ ﺗﺮﻭﺡ

ﻋﻤﻮ ﻋﺜﻤﺎﻥ ﺭﺍﺡ ﻟﻠﻤﻐﺴﻠﺔ ﻭ ﺻﺎﺡ : ﺍﺑﻮ ﻣﺨﻠﺪﺩﺩﺩ ﺗﻌﺎﻝ ﺗﻌﺎﻝ ﺭﺍﻳﺪﻙ ﺷﻮﻳﻪ

ﻛﺎﻡ ﻟﻪ ﻋﻤﻲ، ﻭ ﺍﻧﻲ ﻋﻤﺘﻲ ﺍﺷﺮﺗﻠﻲ ﻭﺍﻛﻔﻪ ﻫﻲ ﻭ ﻣﺮﺕ ﻋﻤﻲ .. ﻛﻤﺖ ﺭﺣﺖ ﻳﻤﻬﻢ : ﻳﻌﻨﻲ ﻫﺴﻪ ﺣﺮﺕ ﺷﺴﻮﻱ ﻟﻌﻤﻮ ﻋﻤﺮﺍﻥ ﻣﺪﺍ ﻳﺘﻔﺎﻫﻢ

- ﻭﺍﻟﻠﻪ ﻳﺎ ﻋﻤﻪ ﺣﻘﺞ ﺍﺟﻴﺘﻲ ﺗﺮﺗﺎﺣﻴﻦ ﻃﻠﻌﺖ ﺍﻟﻤﺸﺎﻛﻞ ﺍﻛﺒﺎﻟﺞ ، ﻫﺴﻪ ﻋﻤﺮﺍﻥ ﻣﺘﻜﻠﻮﻟﻲ ﺷﺒﻴﻪ ﺍﻧﻲ ﺍﻟﺠﺒﻴﺮ ﻭ ﺍﻣﺎ ﺗﺤﺘﺮﻣﻮﻧﻲ ، ﻫﺴﻪ ﺍﻛﻮ ﺍﺣﺪ ﻛﺎﻳﻠﻪ ﺍﻧﻲ ﺍﻛﺒﺮ ﻣﻨﻚ ﻭ ﻛﻞ ﺷﻮﻱ ﺍﻧﻲ ﺍﻟﺠﺒﻴﺮ ﻭ ﺍﻧﻲ ﺍﻟﺠﺒﻴﺮ

ﻧﺰﺗﻬﺎ ﻣﺮﺕ ﻋﻤﻬﺎ : ﺍﺳﻤﻌﻲ

ﺍﻟﺘﻔﺘﻨﺎ ﻟﻌﻤﻮ ﻋﺜﻤﺎﻥ ﻭ ﻫﻮ ﻳﻜﻮﻟﻪ : ﻳﺎ ﺍﺑﻮ ﻣﺨﻠﺪ ﺍﻓﻬﻢ ﺍﺑﻨﻚ ﻋﻴﻮﻧﻪ ﻓﺎﺿﺤﺘﻪ ﻳﺪﻭﺭ ﻟﺠﻴﻦ ﻣﺜﻞ ﺩﻭﺍﺭﺓ ﺍﻷﻡ ﻋﻠﻰ ﺍﺑﻨﻬﺎ .. ﻭ ﻣﺮﺗﻪ ﺣﺎﻣﻞ ﻭ ﺑﻄﻨﻬﺎ ﻟﺨﺸﻤﻬﺎ ﻳﺎ ﺳﺎﻋﻪ ﻳﺼﻴﺮ ﺑﻴﻬﺎ ﺷﻲ ﻟﻮ ﺑﺎﻟﻄﻔﻞ

- ﻭ ﺍﺣﻨﺎ ﺷﻌﻠﻴﻨﺎ ﻣﻨﻬﺎ .. ﺗﺎﻟﻲ ﻋﻤﺮﻧﺎ ﻧﺮﺍﻋﻲ ﻣﺸﺎﻋﺮ ﺍﻟﻨﺴﻮﺍﻥ ﻭ ﺍﻟﻠﻪ ﺷﻨﻮ ﺣﺎﻣﻞ ، ﻣﺨﻠﺪ ﺭﺟﺎﻝ ﻭ ﺍﻟﺮﺟﺎﻝ ﻳﺤﺐ ﻭ ﻳﺘﺰﻭﺝ ٤ ﺍﻟﻤﺮﻩ ﻣﺎ ﺍﻟﻬﺎ ﻛﻠﻤﻪ ﻉ ﺍﻟﺮﺟﺎﻝ

- ﻫﺴﻪ ﻟﻴﺶ ﺗﺠﻴﺐ ﺍﻟﻤﺸﺎﻛﻞ ﻟﺒﻴﺘﻚ ﻳﺎ ﺍﺑﻮ ﻣﺨﻠﺪ ﺍﺑﻌﺪ ﻟﺠﻴﻦ ﻭ ﺧﻠﻴﻬﺎ ﺧﻄﺎﺭ ﺗﺠﻴﻜﻢ ﺗﻤﺮ ﺗﺴﻠﻢ ﻋﻠﻴﻚ ﺳﺎﻋﺔ ﺯﻣﺎﻥ ﻭ ﺗﺮﻭﺡ

- ﻋﺜﻤﺎﻥ ﺍﻧﻲ ﻣﺮﺍﻗﺒﻚ ﺗﺤﺐ ﺗﺘﺼﺪﻯ ﻟﻜﻞ ﺍﻟﻤﻮﺍﺿﻴﻊ ﻭ ﺗﺒﺮﺯ ﻧﻔﺴﻚ ﻭﻻ ﻛﺎﻥ ﺍﻧﻲ ﺍﺧﻮﻙ ﺍﻟﺠﺒﻴﺮ

- ﺷﻬﺎﻟﺤﺠﻲ ﻳﺎ ﻋﻤﺮﺍﻥ ﺍﻧﺖ ﻣﻨﻴﻦ ﺗﺠﻴﺐ ﻫﺎﻟﺴﻮﺍﻟﻒ

... ﺍﻧﻮﺏ ﺻﺎﺭﻭ ﻳﺘﺮﺍﺩﺩﻭﻥ ﻋﻤﺎﻣﻲ ﺍﻻﺛﻨﻴﻦ ﻭ ﻋﻤﻲ ﻋﻤﺮﺍﻥ ﻛﺎﻡ ﻳﺼﻴﺢ ، ﺍﺩﺧﻠﻦ ﻋﻤﺎﺗﻲ ﺑﻴﻨﺎﺗﻬﻢ ﻭ ﻣﺎﺯﻥ ﺍﺟﺎ ﻳﻬﺪﻱ ﺑﻴﻬﻢ

ﺗﻘﺪﻣﺖ ﺍﻧﻲ ﻛﻠﺖ ﻟﻌﻤﻮ ﻋﺜﻤﺎﻥ : ﻋﻤﻮ ﺭﻭﺡ ﺍﻧﻲ ﺍﺑﻘﻰ ﻫﻨﺎ ﺍﺳﺎﺳﺎ ﺗﻌﺒﺎﻧﻪ ﻣﺎ ﺑﻴﻪ ﺍﺭﻭﺡ ﻫﺴﻪ ﺍﻧﺎﻡ ، ﺍﻧﺖ ﺭﻭﺡ

ﺳﻠﻢ ﻋﻠﻴﻪ ﺍﺧﺬ ﻣﺮﺗﻪ ﻭ ﻃﻠﻊ ، ﻭ ﻋﻤﺘﻲ ﺗﻬﺰ ﺍﻳﺪﻫﺎ : ﻭ ﺍﻧﻲ ﻫﻢ ﺍﺭﻭﺡ

- ﺑﻜﻴﻔﺞ ﻋﻤﻪ ﻋﺎﺩ ﺷﺴﻮﻱ ﺍﺑﺘﻠﻴﺖ

ﻧﺰﻝ ﻣﺨﻠﺪ : ﺷﺼﺎﺭ ﻭﻳﻦ ﻋﻤﻲ ﻋﺜﻤﺎﻥ

ﻋﻤﺘﻲ : ﺑﻌﺪ ﻭﻛﺖ ﻳﻌﻤﻪ ﻟﻮ ﻣﺎﺧﺬﻟﻚ ﻧﻮﻣﻪ ﻭ ﻧﺎﺯﻝ

- ﻋﻤﻪ ﺑﺲ ﺻﻌﺪﺕ ﺍﺑﺪﻝ ﻭ ﺍﻝ ... ﺍﺳﺘﻠﻤﺘﻨﻲ ﺍﻛﺲ ﻣﺮﺑﻊ

- ﻳﻌﻨﻲ ﻛﺘﻠﺘﻚ ﻻ ﺑﺸﺮﻧﺎ

......

 ﻻ ﻋﻤﻪ ﺍﻧﻲ ﺍﻧﻜﺘﻞ ﺍﻓﺎ ﻋﻠﻴﺞ ﻗﺒﻞ ﻻ ﺗﻜﺘﻠﻨﻲ ﺷﺮﺩﺕ

- ﻋﻔﻴﺔ ﺑﺎﻟﻨﺠﺮ ﺍﺑﻨﻲ

- ﻋﺪ ﻋﻴﻨﺎﺝ ﻋﻤﻪ ﺑﺎﻟﺸﺮﺩﻩ ﺍﻧﻲ ﻣﺎ ﺍﻧﻜﺪﺭ ﺣﻄﻴﻨﻲ ﺗﺤﺖ ﻳﻤﻨﺎﺝ ﺗﻠﻜﻴﻦ ﺑﺲ ﻧﻌﺎﻻﺗﻲ ﻳﻄﺎﻳﺮﻥ ﻭ ﺍﻟﺘﺮﺍﺏ ﻳﻬﻔﻲ

ﺿﺤﻜﺖ ﺑﺼﻮﺕ ﻋﺎﻝ : ﻫﺎﻱ ﻣﻦ ﺗﺎﻟﻲ ﺻﺎﻳﺮ ﺍﻟﺒﻴﺐ ﺑﻴﺐ

- ﺷﺴﻮﻱ ﻫﺎﻱ ﺍﻟﺪﻧﻴﺎ ﺑﻌﺪ

- ﺍﻳﺪﻱ ﺗﺸﻬﺪ ﺗﺘﺬﻛﺮ ﻣﻦ ﻛﺴﺮﺗﻪ

ﻋﺾ ﺍﺻﺒﻌﻪ : ﺍﺍﺍﺍﺥ ﺍﻟﻠﻪ ﻟﻮ ﺣﺎﺿﻲ ﺑﻴﺞ ﺟﺎﻥ ﻣﻦ ﺯﻣﺎﻥ ﻣﻨﻮﻣﺞ ﺑﺼﻒ ﺍﺑﻮﺝ

ﺑﺴﺖ ﺍﻳﺪﻱ ﻭﺟﻪ ﻭ ﻛﻔﺔ ﻭ ﻛﺘﻠﻪ : ﺍﻟﺤﻤﺪ ﻭ ﺍﻟﺸﻜﺮ ﺍﻟﻚ ﺭﺑﻲ ﻣﺎ ﺍﺧﺬﺗﻚ

- ﻣﺎ ﻃﺎﺭ ﻃﻴﺮﺍ ﻭ ﺍﺭﺗﻔﻊ ﺍﻻ ﻛﻤﺎ ﻃﺎﺭ ﻭﻗﻊ

- ﻋﻤﻪ ﻓﺪﻭﺗﻚ ﻫﺎﻟﺴﻮﺍﻟﻒ ﻋﻮﻓﻬﺎ ﻣﺮﺗﻚ ﺧﻄﻴﺔ ﻭ ﺗﺤﺒﻚ

- ﺍﻱ ﻗﺎﺑﻞ ﺷﻤﺴﻮﻳﻠﻬﺎ ﻳﺎ ﻋﻤﻪ

- ﺍﺑﺘﻌﺪ ﻣﻦ ﻟﺠﻴﻦ ﮔﺒﺎﻟﻬﺎ

- ﺍﻥ ﺷﺎﺀﺍﻟﻠﻪ ﻋﻤﻪ ﺍﻟﻠﻪ ﻛﺮﻳﻢ

.. ﺍﺟﺖ ﻛﻌﺪﺕ ﻫﻲ

ﻓﺪﺭﺕ ﻭﺟﻬﻲ ﻟﻌﻤﺘﻲ : ﻋﻤﻪ ﺍﻧﻲ ﻫﺬﻩ ﺍﻟﺴﺘﻠﻔﺔ ﻣﺘﺼﺮﻓﻠﻲ ﻻﺯﻡ ﺍﻟﻜﺎﻟﻲ ﺷﻘﺔ ﺑﻴﺖ ﻟﺤﺎﻟﻲ ﺍﻋﻴﺶ ﻣﺎ ﺍﺗﺤﻤﻞ ﺍﻋﻴﺶ ﻭ ﺍﺫﺏ ﺣﻤﻠﻲ ﻋﻠﻰ ﺑﺸﺮ

ﻣﺨﻠﺪ : ﺍﻧﺘﻈﺮﻱ ﺧﻞ ﺍﺷﻮﻓﻠﺞ ﺑﻴﺖ ﻫﻨﺎ ﻗﺮﻳﺐ ﺑﻠﻜﺖ ﺍﻟﻜﻰ ﺍﺣﺪ ﻳﺄﺟﺮ ﻭ ﺍﺧﺬﻩ ﺍﻟﺞ

- ﻭﺍﻟﻠﻪ ﻳﺎﺭﻳﺖ

- ﺍﺫﺍ ﺗﺮﺩﻳﻦ ﺍﺟﺮﻟﺞ ﺑﻴﺘﻲ

- ﺷﻨﻮ ﻣﺸﺘﺮﻱ ﺑﻴﺖ ﺍﻧﺖ ؟

- ﺍﻱ ﺑﺎﻟﻔﺮﻉ ﺍﻟﺜﺎﻧﻲ ﻭ ﺻﻐﻴﺮ ﻭ ﺍﺭﻳﺪ ﺍﺟﺮﻩ

- ﻭ ﻟﻴﺶ ﻣﺘﻜﻌﺪ ﺑﻴﻪ ؟

- ﻻ ﺷﻜﻌﺪ ﻳﻤﻌﻮﺩﻩ ﺍﻟﻮﺍﻟﺪﻩ ﻣﻌﺘﺮﺿﻪ ﻋﻠﻰ ﻃﻠﻌﺘﻲ ﻭ ﻗﺮﺭﺕ ﺍﺟﺮﻩ

ﺑﺎﻭﻋﺖ ﻟﻤﺮﺗﻪ ﺍﺩﺑﻠﺖ ﻓﺪ ﻣﺮﺓ ﻭ ﻛﺄﻥ ﺗﺮﻳﺪ ﺗﻨﻔﺠﺮ .. ﻣﻌﺮﻓﺖ ﺷﺠﺎﻭﺏ ﻛﻠﺖ ﻟﻪ : ﺍﻟﻠﻪ ﻛﺮﻳﻢ ﺩﺷﻮﻑ ﺍﺷﻮﻥ ﺗﺼﻔﻰ ﺍﻣﻮﺭﻱ

ﻓﺎﺕ ﻣﺎﺯﻥ ﻉ ﺍﻷﺳﺘﻘﺒﺎﻝ : ﻣﺨﻠﺪ ﺍﻟﻮﺍﻟﺪ ﻳﺮﻳﺪﻙ

- ﻫﻮ ﻭﻳﻨﻪ

- ﻫﻮ ﻭ ﺍﻣﻲ ﺑﻐﺮﻓﺘﻬﻢ

... ﻛﺎﻡ ﻫﻮ ﻭ ﻣﺮﺗﻪ ﻃﻠﻌﺖ ﻭ ﻣﺎﺯﻥ ﺭﺍﺡ

ﺑﻘﻴﻨﺎ ﺑﺲ ﺍﻧﻲ ﻭ ﻋﻤﺘﻲ ﺣﺠﺖ : ﺗﺒﻘﻴﻦ ﻫﻨﺎ ﻋﻤﻪ .. ﺍﻧﻲ ﺑﺎﺟﺮ ﺍﺧﺎﺑﺮﺝ ﻭ ﺍﻋﺰﻣﺞ ﻟﺒﻴﺘﻲ ﻭ ﺗﻌﺎﻱ

- ﺍﻥ ﺷﺎﺀﺍﻟﻠﻪ

- ﻳﻼ ﻋﻤﻪ ﺍﻧﻲ ﺍﺭﻭﺡ ﻣﻨﺎﻙ ﺍﻟﺒﻴﺖ ﻓﺎﺭﻍ ، ﻣﺤﺘﺎﺟﺔ ﺷﻲ ؟

- ﻻ ﺳﻼﻣﺘﺞ ﺍﻥ ﺷﺎﺀﺍﻟﻠﻪ ﺑﺲ ﻻ ﺗﻨﺴﻴﻦ ﻋﺰﻣﻴﻨﻲ ﺑﺎﺟﺮ ﻭ ﺗﺨﻠﺼﻴﻨﻲ

- ﻫﻬﻬﻬﻬﻬﻪ ﻻ ﻻ ﻭ ﺍﺩﺯﻟﺞ ﺳﻴﺎﺭﺓ ﻫﻨﺎ ﺗﺎﺧﺬﺝ ﺑﻌﺪ ﺷﺮﺍﻳﺪﻩ

- ﻓﺪﻭﻩ ﺍﻟﮕﻠﺒﭻ ﻋﻤﻪ

- ﺣﻈﻨﺘﻨﻲ ﻭ ﻫﻲ ﺗﻜﻮﻝ : ﻳﺮﻳﺤﺔ ﺍﻟﻐﺎﻟﻲ ﺍﻧﺖ

ﺳﻠﻤﺔ ﻋﻠﻴﻬﺎ ﻭ ﻃﻠﻌﺖ ﺳﻠﻤﺖ ﻋﻠﻴﻬﻢ ﻫﻲ ﻭ ﺭﺍﺣﺖ

ﺭﺣﺖ ﻟﻠﻤﻄﺒﺦ ﻟﻜﻴﺖ ﻃﻴﺒﺔ ﺗﻘﺮﻱ ﺑﺄﺑﻨﻬﺎ ، ﻛﻌﺪﺕ ﻳﻤﻬﺎ : ﺷﻠﻮﻧﺞ ؟

- ﺑﺨﻴﺮ ﺷﺘﺸﻮﻓﻴﻦ ﻫﻬﻪ

- ﻣﺎ ﺗﻐﻴﺮ ﺍﻟﺤﺎﻝ ؟

- ﻻ ﻭﺍﻟﻠﻪ ﻋﻤﺘﻲ ﻛﺮﺟﻴﺔ ﻣﺎ ﺗﺮﺿﻰ ﺍﺣﺪ ﻣﻦ ﻭﻟﺪﻫﺎ ﻳﻄﻠﻊ ﻭ ﻫﻢ ﻣﺎ ﻳﻬﻮﻥ ﻳﺰﻋﻠﻮﻫﺎ ﻭ ﺑﺎﻗﻴﻦ

......

ﺷﺎﻟﻘﺼﺔ ﺑﻴﺎ ﻋﺼﺮ ﻛﺎﻋﺪﻳﻦ ﺍﻃﻔﺎﻟﻜﻢ ﻛﺜﺮﻭ

- ﺍﻧﻲ ﻭ ﻣﺎﺯﻥ ﺑﻨﻴﻨﺎ ﻏﺮﻓﺔ ﻟﺠﻬﺎﻟﻨﺎ ﻭ ﺭﺗﺒﻨﺎ ﻭﺿﻌﻨﺎ ﺍﻻ ﺍﻟﻤﺴﻜﻴﻦ ﻣﺨﻠﺪ ﺍﺷﺘﺮﻯ ﺑﻴﺖ ﻭ ﺍﺛﺜﻪ ﻭ ﻛﻤﻠﻪ ﻭ ﻋﻤﺘﻲ ﻋﺮﺿﺖ ﻣﺤﺪ ﻳﻄﻠﻊ ، ﻭ ﺍﻟﻴﻄﻠﻊ ﺍﺗﺒﺮﻯ ﻣﻨﻪ ﺍﻟﻰ ﻳﻮﻡ ﺍﻟﺪﻳﻦ ﻭ ﻻ ﻫﻮ ﺍﺑﻨﻲ ﻭﻻ ﺟﺎﺑﺘﻪ ﺑﻄﻨﻲ ﻭ ﺧﻞ ﺍﻟﻨﺴﻮﺍﻥ ﺗﻔﻴﺪﻩ ، ﻋﺎﺩ ﺑﻄﻞ ﻭ ﻛﻌﺪ ﺷﻴﺴﻮﻱ ﺍﻟﻤﺴﻜﻴﻦ

- ﻭ ﻫﺎﻱ ﺍﻃﻔﺎﻟﻪ ﻳﻨﺎﻣﻮﻥ ﻭﻳﺎﻩ ﺑﻨﻔﺲ ﺍﻟﻐﺮﻓﺔ ؟

- ﺍﻱ ﻭﺍﻟﻠﻪ

- ﺍﻭﻭﻭﻱ ﺷﻬﺎﻟﺘﺨﻠﻒ ﻋﻔﻴﺔ ﺍﻟﻌﺎﻟﻢ ﻭﻳﻦ ﻭﺻﻠﺖ ، ﺷﻨﻮ ﻗﺼﺘﻬﺎ ﻋﻤﺘﻲ ﺍﺩﺭﻱ ﻋﻤﻲ ﻣﻴﺤﺠﻲ ؟

ﺍﺷﺮﺗﻠﻲ ﻋﻠﻰ ﺍﻟﻤﺤﺒﺲ ﺑﺄﻳﺪﻫﺎ ﻃﻠﻌﺘﻪ ﻭ ﺭﺟﻌﺘﻪ ﻻﻳﺪﻫﺎ ﻋﻮﺩ : ﻣﺤﺒﺲ ﺑﻴﺪﻫﺎ

- ﻋﺸﺘﻮ ﻭ ﻫﻮ ﻳﺼﻴﺢ ﺍﻧﻲ ﺍﻟﺠﺒﻴﺮ ﻭ ﺍﻧﻲ ﺍﻟﺠﺒﻴﺮ

- ﻭﺍﺣﺪ ﻳﺤﺠﻲ ﺍﻣﺎﻧﺔ ﺍﻟﻠﻪ ﻣﺮﺍﺕ ﻫﻮ ﺯﻳﻦ ﺑﺲ ﻫﻲ ﺍﻟﺘﺤﺠﻲ ﺑﺮﺍﺳﻪ ، ﺍﺧﻮﻙ ﻫﻴﺞ ﻭ ﺍﺑﻨﻚ ﻫﻴﺞ ﻭ ﻫﺬﺍ ﻫﻴﺞ .. ﻭ ﻫﻮ ﻧﻘﻄﺔ ﺿﻌﻔﺔ ﺍﺣﺪ ﻳﺴﺘﺼﻐﺮ ﻭ ﻫﻲ ﻟﻮ ﺭﺍﺩﺕ ﺗﺄﺫﻱ ﺍﺣﺪ ﻛﺎﻟﺘﻠﻪ ﻫﺬﺍ ﻣﺎ ﻳﺤﺘﺮﻣﻚ

- ﻭﻳﻴﻲ ﻟﻴﻜﻮﻥ ﻟﺮﺯﺍﻟﺘﻲ ﻫﻲ ﺳﺒﺒﻬﺎ ؟

- ﻟﻌﺪ ﺷﻌﺒﺎﻟﺞ، ﺍﻻ ﻫﻮ ﻭﺍﻟﻠﻪ ﻣﺸﺘﺎﻗﻠﺞ ﻭ ﻣﻦ ﺳﻤﻊ ﺑﻴﺞ ﺍﻟﺒﺎﺭﺣﺔ ﺑﺴﺎﻉ ﺑﺸﺮ ﻣﺨﻠﺪ ﻭ ﻟﺒﺲ ﺭﺍﺩ ﻳﺠﻴﺞ ﻭ ﻫﻲ ﻛﺎﻟﺘﻠﻪ : ﻟﻮ ﺗﺤﺘﺮﻣﻚ ﺟﺎﻥ ﺍﺟﺖ ﻟﺒﻴﺘﻚ ﻣﻮ ﺍﻧﺖ ﻋﻤﻬﺎ ﺍﻟﺠﺒﻴﺮ، ﻋﺎﺩ ﺿﺎﺝ ﻭ ﻛﻌﺪ ﻣﺎ ﺍﺟﺎ

- ﺍﻭﻭﻭﻭﻭ ﺷﻠﻮﻥ ﺳﺎﻟﻔﺔ ﻫﺎﻱ

ﺍﻧﺘﺒﻬﺖ ﻻﺑﻨﻬﺎ ﻗﺒﻞ ﺟﺎﻥ ﻳﻜﻮﻟﻲ ﺍﻧﺖ ﺣﻠﻮﺓ ﺍﺣﺒﺞ ، ﻋﺼﺮﺕ ﺧﺸﻤﻪ ﻭ ﻛﻠﺘﻠﻪ : ﻫﺎ ﻳﺤﻠﻮ ﺑﻌﺪﻙ ﺗﺤﺒﻨﻲ

ﺿﺤﻚ ، ﺍﺗﺸﺎﻗﻴﺖ ﻭﻳﺎﻩ : ﻻ ﻻ ﺍﻧﻲ ﻗﻔﻠﺖ ﻣﺎ ﺍﺗﺰﻭﺝ ﺍﻧﺘﻈﺮﻙ ﺗﻜﺒﺮ ﻭ ﺗﺎﺧﺬﻧﻲ ﻣﺎﺷﻲ ؟

ﺿﺤﻚ ﻭ ﻳﻜﻮﻟﻲ : ﺍﻱ ﻣﺎﺷﻲ

- ﻫﻬﻬﻬﻬﻪ ﻃﻴﺒﺔ ﺗﺎﺧﺬﻳﻨﻲ ﺟﻨﻪ ﺍﻟﺞ ﻟﻮ ﺗﻌﺎﻣﻠﻴﻨﻲ ﻣﺜﻞ ﻛﺮﺟﻴﺔ

- ﻻ ﻳﺎ ﻣﺮﺍﻳﺪﻩ ﺭﻭﺣﻲ ﺍﺧﺬﺝ ﻳﺨﻴﻪ ﻏﻴﺮ ﺍﺑﻦ ﻛﺮﺟﻴﺔ ﻳﺸﺮﺩﻧﺎ ﺑﻠﻴﻠﻪ ﺿﻠﻤﺔ ﺍﻧﻲ ﻭ ﺍﺑﻨﻲ

- ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ

ﻛﻤﻨﺎ ﻧﻀﺤﻚ ﺑﺼﻮﺕ ﻋﺎﻟﻲ ﺟﺎﻥ ﺗﻄﺐ ﻋﻤﺘﻲ ﻛﺮﺟﻴﺔ، ﻉ ﺍﻟﺴﺮﻳﻊ ﻃﻴﺒﻪ ﻭ ﺍﺑﻨﻬﺎ ﺣﻄﻮ ﺭﻭﺳﻬﻢ ﺑﺄﻟﻜﺘﺎﺏ ﻳﻘﺮﻭﻥ

- ﺧﻴﺮ ﺍﻥ ﺷﺎﺀﺍﻟﻠﻪ ﺷﻮ ﺍﻟﻀﺤﻚ ﻭﺍﺻﻞ ﻟﺴﺎﺑﻊ ﺟﺎﺭ

- ﻻ ﻋﻤﻪ ﻫﻴﺞ ﺩﻧﻀﺤﻚ ﻭﻳﺎ ﻋﻠﻮﺵ

- ﺗﻀﺤﻜﻴﻦ ﻫﺴﻪ ﻗﺒﻞ ﺷﻮﻳﻪ ﺳﻮﻳﺘﻲ ﺭﻭﺣﺞ ﻣﻮﺍﺗﻪ ﻛﺪﺍﻣﻬﻢ

ﺣﺠﺖ ﻭ ﻋﻠﻮﺵ ﺍﺑﻦ ﻣﺎﺯﻥ ﻓﻄﻴﺮ ﺿﺤﻚ ﺑﻘﻮﻩ ﻭ ﻃﻠﻊ ﻣﺨﺎﻁ ﺧﺸﻤﻪ ﺍﻧﻔﺠﺮﻧﺎ ﺍﻧﻲ ﻭ ﻃﻴﺒﺔ ﺿﺤﻚ

ﻭ ﻫﻲ ﺗﺼﻴﺢ : ﺷﺒﻴﺠﻦ ﺗﻀﺤﻜﻦ ﻋﻠﻴﻪ

ﻃﻴﺒﺔ : ﻻ ﻋﻤﻪ ﺣﺸﺎﺝ ﻟﻴﺶ ﻧﻀﺤﻚ ﻋﻠﻴﺞ ﺩﺍ ﻧﻀﺤﻚ ﻋﻠﻰ ﻋﻠﻮﺵ

ﻓﺮﺕ ﺍﻳﺪﻫﺎ ﻭ ﻃﻠﻌﺖ ، ﺑﻘﻴﻨﺎ ﻧﻀﺤﻚ ﻭ ﻧﺼﻴﺢ : ﺍﻟﻠﻬﻢ ﻳﺠﻌﻠﻬﺎ ﺿﺤﻜﺔ ﺧﻴﺮ

ﻃﻴﺒﺔ : ﺻﺪﻙ ﺍﻧﺖ ﻣﻮ ﺟﻨﺘﻲ ﻣﺮﻳﻀﺔ ﺷﺼﺤﺎﺝ

- ﻟﺞ ﻋﻴﻨﻲ ﻣﻦ ﺍﻟﻤﺸﺎﻛﻞ ﺻﺤﻴﺖ ﻃﺎﺭ ﺍﻻﻟﻢ ﻣﻨﻲ

- ﻫﻢ ﺯﻳﻦ ﺭﺏ ﺿﺎﺭﺓ ﻧﺎﻓﻌﺔ

- ﻻ ﺑﺲ ﻭﺍﻟﻠﻪ ﺗﻌﺒﺎﻧﻪ ﻛﺎﻋﺪﻩ ﻗﺒﻞ ﺍﻟﺴﺘﻪ ﻓﺮﻳﺖ ﺍﻟﺪﻳﻨﺎ ﻛﻠﻬﺎ ﻣﺸﻲ ﺗﻨﻮﺏ ﺭﺣﺖ ﻣﻘﺒﺮﺓ ﺍﺣﺲ ﻣﻴﺘﻪ ﺗﻌﺐ ﻳﺎﺭﻳﺖ ﻟﻮ ﺗﻔﺮﺷﻴﻠﻲ ﻧﻌﺴﺎﻧﻪ

......

ﺍﻓﺮﺷﻠﺞ ﺑﻐﺮﻓﺔ ﺟﻬﺎﻟﻲ ﻓﻮﻙ ؟

- ﺧﺎﻑ ﻳﻨﺎﻣﻮﻥ ﺑﻴﻬﺎ

- ﻻ ﺗﺨﺎﻓﻴﻦ ﻣﺤﺪ ﻳﻨﺎﻡ ﺍﺻﻼ ﻣﺎﺯﻥ ﻫﺎﻟﻴﺎﻡ ﻳﻨﺎﻡ ﺟﻮﺍ ﻋﻮﺩ ﺍﻧﻮﻣﻬﻢ ﻳﻤﻲ

- ﻟﻴﺶ ﻳﻨﺎﻡ ﺟﻮﺍ

ﺭﻓﻌﺖ ﻳﺎﺧﺎﺗﻬﺎ ﻭ ﺗﻜﻮﻝ : ﻣﺘﻌﺎﺭﻛﻴﻴﻴﻦ

- ﺷﻮ ﻓﺮﺣﺎﻧﻪ ﻫﻬﻬﻬﻪ ﺷﻨﻮ ﺍﻧﺖ ﺣﺘﻰ ﺑﺎﻟﻌﺮﻛﺔ ﻣﺘﻔﺎﺋﻠﺔ

- ﺷﺴﻮﻳﻠﻪ ﻟﻌﺪ ﺍﺑﺠﻲ ﻭﺭﺍﻩ ﻫﻮ ﺍﻧﻲ ﻛﻠﺒﻲ ﺧﻠﺼﺎﻥ ، ﺍﺻﻼ ﺧﻔﺘﺎ ﻭﺭﺍﺣﺔ ﺍﺧﻠﺺ ﺷﻐﻞ ﻭ ﺍﺻﻌﺪ ﺍﻧﺎﻡ ﻣﺮﺗﺎﺣﺔ ﻻ ﺍﻛﻮ ﺭﺟﺎﻝ ﻳﺪﻭﺭ ﻭﺭﺍﻱ ﺍﺣﻲ ﺑﺤﻲ ﻭﻻ ﺩﻭﺧﺔ ﺭﺍﺱ

- ﻫﻬﻬﻬﻬﻬﻬﻬﻬﻬﻬﻬﻬﻪ ﻫﻴﺞ ﻋﻨﺼﺮ ﺍﻻ ﺷﻌﻮﺭ ﺻﺎﻋﺪ ﻋﻨﺪﺝ

- ﻳﺎ ﻭﺍﻟﻠﻪ ﺷﺒﻴﺞ ﺻﺎﻳﺮﺓ ﺛﻼﺟﺔ ﻣﻦ ﻳﺒﻮﺳﻨﻲ ﺍﺻﻔﻦ ﺑﻮﺟﻬﻪ ﻭ ﻣﺮﺍﺕ ﺗﺸﻜﻞ ﻋﻴﻮﻧﻲ ﻭ ﻳﻨﺤﻮﻟﻦ

- ﻫﻬﻬﻬﻬﻬﻬﻬﺎﺍﺍﺍﺍﺍﺍﻱ ﺗﻨﺤﻮﻝ ﻫﻬﻬﻬﻬﻬﻪ ﻋﺰﺍ ﺑﻌﻴﻨﺞ ﺻﺪﻙ ﺿﺤﻜﺘﻴﻨﻲ

- ﻣﻦ ﻛﺜﺮ ﺍﻟﺤﺐ ﺣﺒﻴﺒﺘﻲ ﻟﻌﺪ ﺷﻌﺒﺎﻟﺞ ﺍﺗﻌﻠﻤﻲ

- ﻻ ﻻ ﺻﺎﻳﺮﻩ ﻛﻠﺶ ﺑﻼ ﺍﺣﺴﺎﺱ

- ﻫﺎﻱ ﺍﻟﺘﻌﻴﺶ ﻭﻳﺎ ﺍﻟﻌﻴﺎﻝ ﺧﻴﻪ ﻳﺎ ﺗﺼﻴﺮ ﺑﻼ ﺍﺣﺴﺎﺱ ﻳﺎ ﺗﻤﻮﺕ ﻗﻬﺮ ، ﻭ ﻋﺎﺑﺘﻠﻬﻢ ﺍﻱ ﻭﺍﻟﻠﻪ ﺍﻣﻮﺕ ﻟﻴﺶ ﺣﺘﻰ ﻳﺒﻘﻮﻥ ﺟﻬﺎﻟﻲ ﻣﻜﻔﺨﺔ ﻟﻠﺮﺍﻳﺢ ﻭ ﺍﻟﺠﺎﻱ ﺧﻠﻴﻬﻢ ﻳﻄﺒﻬﻢ ﻣﺮﺽ

- ﻧﻔﺴﺞ ﻛﻴﺎﻧﺞ ، ﺍﻟﻨﻔﺲ ﻫﻢ ﺍﻟﻬﺎ ﺣﻖ ﻉ ﺍﻻﻧﺴﺎﻥ

- ﺍﻭﻭﻭﻭﻭ ﻛﻞ ﻫﺬﺍ ﻧﺴﻴﺘﺔ ﻭ ﺩﺍﻋﺘﺞ ﻛﻞ ﻫﻤﻲ ﺍﻋﺘﻨﻲ ﺑﺠﻬﺎﻝ ﺍﻫﻠﺺ ﺷﻐﻞ ﺍﻟﺒﻴﺖ ﺍﺻﻌﺪ ﺍﺗﻤﺪﺩ ﺷﻮﻱ ﻣﺎ ﺍﻟﺤﻚ ﺍﺑﺎﻭﻋﻠﻲ ﻧﺺ ﻣﺴﻠﺴﻞ ﻏﻔﻴﺖ

- ﺗﻼﻡ ﻣﺎﻣﺎ ﻣﻦ ﺟﺎﻧﺖ ﺗﺮﻓﺾ ﻣﺨﻠﺪ، ﺗﻜﻮﻟﻲ ﺍﻧﺖ ﻣﺪﻟﻠﻪ ﻭ ﻣﺎ ﺗﺘﻮﺍﻟﻤﻴﻦ ﻭﻳﺎ ﻛﺮﺟﻴﻪ ﻭ ﻣﺨﻠﺪ ﻣﺎ ﻳﻌﺼﻲ ﺍﻣﻪ ﻭ ﺗﻨﺴﻜﻤﻴﻦ ..

- ﻭﺍﻟﻠﻪ ﺗﻔﺘﻬﻢ ، ﻟﻴﺶ ﻣﺎ ﻃﻠﻌﺘﻲ ﻳﻤﻬﺎ ؟

- ﻭ ﺑﻨﺘﻲ ؟

- ﻣﺎ ﺍﻋﺮﻑ ﺍﺭﻳﺪ ﺍﺭﺗﺐ ﻭﺿﻌﻲ ﻭ ﺍﺟﺮﻟﻲ ﺑﻴﺖ ﻭ ﺍﺳﺘﻘﺮ ﺣﺘﻰ ﺍﻃﻠﺒﻬﺎ .

- ﻳﺨﻠﻴﺞ ﻣﺨﻠﺪ ؟

- ﻭ ﺍﻟﻠﻪ ﻣﺎ ﺍﻋﺮﻑ ﻛﻞ ﻫﻤﻲ ﺑﻨﺘﻲ .. ﻫﻮ ﺍﺧﺮ ﻫﻤﻲ

ﻓﺎﺗﺖ ﻣﺮﺕ ﻣﺨﻠﺪ ﺳﻜﺘﻨﺎ ﻭ ﻃﻴﺒﺔ ﻟﻔﺖ ﺍﻟﺴﺎﻟﻔﺔ : ﻳﻌﻨﻲ ﺍﻣﺢ ﺑﻌﺪ ﻣﺎ ﺗﺮﺟﻊ

- ﻻ

- ﺯﻳﻦ ﺍﺷﻠﻮﻥ ﻋﺎﻳﺸﻪ ﻭﺣﺪﻫﺎ ﻫﻨﺎﻙ

- ﻋﺎﻳﺸﻪ ﻳﻤﻌﻮﺩﻩ ﻻ ﺗﺨﺎﻓﻴﻦ ﻉ ﺍﻟﻌﺎﻳﺶ ﺑﺮﻩ ﺧﺎﻓﻲ ﻉ ﺍﻟﻌﺎﻳﺶ ﻫﻨﺎ

- ﺍﻱ ﻭﺍﻟﻠﻪ

- ﺩﻛﻮﻣﻲ ﻓﺮﺷﻴﻠﻲ ﻓﺪﻭﺓ .. ﺧﻞ ﺍﻛﻮﻡ ﺍﺑﺪﻝ ﻣﻼﺑﺴﻲ، ﺍﻟﺒﺲ ﺷﻲﺀ ﺧﻔﻴﻒ

- ﺍﻧﻄﻴﺞ ﺩﺷﺪﺍﺷﺔ ﻣﻦ ﻳﻤﻲ ﻧﻈﻴﻔﺔ ؟

- ﺍﻱ ﻭﺍﻟﻠﻪ

ﻛﻤﺖ ﺻﻌﺪﺕ ﻭﻳﺎ ﻃﻴﺒﺔ ﻟﻐﺮﻓﺘﻬﺎ، ﻏﺮﻓﺔ ﻣﺨﻠﺪ ﺟﺎﻧﺖ ﻣﻔﺘﻮﺣﺔ ﺻﺎﺣﻠﻲ : ﻟﺠﻴﻦ ﺗﻌﺎﻱ

ﺭﺣﺖ ﻳﻤﻪ : ﺷﻠﻮﻥ ﺻﺮﺗﻲ

- ﺷﺠﻴﺒﻠﺞ ﻋﺸﺎ

- ﻻ ﺍﺭﻳﺪ ﺍﻧﺎﻡ ﺗﺴﻠﻢ

- ﻣﻤﺎﻛﻠﻪ ﺷﻲ ﺍﻧﺖ

- ﻣﻤﺸﺘﻬﻴﺔ ﺑﺲ ﻧﻌﺴﺎﻧﻪ

- ﻟﻌﺪ ﺍﺟﻴﺒﻠﺞ ﻟﻔﺔ ﺻﺎﺝ ﺍﺧﺎﻑ ﺗﻜﻌﺪﻳﻦ ﺑﺎﻟﻠﻴﻞ ﻭ ﺗﺠﻮﻋﻴﻦ

- ﻣﺸﻜﻮﺭ ...

ﻋﻔﺘﻪ ﻭ ﻃﻠﻌﺖ ﻣﻦ ﻏﺮﻓﺘﻪ ، ﺭﺣﺖ ﻟﻐﺮﻓﺔ ﻃﻴﺒﺔ ﻣﻄﻠﻌﺘﻠﻲ ﺛﻮﺏ ﻗﻤﺎﺷﺔ ﻓﺎﻧﻴﻠﺔ ﻣﺮﻳﺢ ،ﻛﺎﻟﺖ : ﺑﺪﻟﻲ ﻫﻨﺎ ﻣﺎﺯﻥ ﻃﺎﻟﻊ

ﻃﻠﻌﺖ ﻭ ﺳﺪﺕ ﺍﻟﺒﺎﺏ

ﺑﺪﻟﺖ ﺭﺩﺕ ﺍﻃﻠﻊ ، ﻟﻔﺖ ﺍﻧﺘﺒﺎﻫﻲ ﺍﻟﻤﻜﻴﺎﺝ ﻭ ﺍﻟﻌﻄﻮﺭ ﻉ ﺍﻟﻤﻴﺰ ﻭ ﺍﻧﻲ ﻧﻘﻄﺔ ﺿﻌﻔﻲ ﻫﺎﻟﺴﻮﺍﻟﻒ ﺫﻭﻟﻪ

ﺑﻘﻴﺖ ﺍﺭﺵ ﻋﻄﺮ ﻭ ﺍﺧﻂ ﻛﺤﻞ ﻭ ﺗﺎﺗﻮ ﻭ ﺍﺗﻤﻌﻤﺮ ﺑﻮﺟﻬﻲ ﺍﺧﺮ ﺷﻲﺀ ﺟﺮﻳﺖ ﻛﻠﻴﻨﻜﺲ ﻣﺒﻠﻞ ﻣﺴﺤﺖ ﻭ ﻃﻠﻌﺖ

ﺳﻤﻌﺖ ﺻﻮﺕ ﻋﺎﻟﻲ ﻃﺎﻟﻊ ﻣﻦ ﻏﺮﻓﺔ ﻣﺨﻠﺪ ، ﻭ ﺍﺳﻤﻌﻬﺎ ﺗﻜﻮﻟﻪ : ﻣﺎ ﺗﻨﻄﻲ ﺑﻴﺘﻲ ﺍﻟﺠﻴﻦ

ﻭ ﻫﻮ ﻳﺼﺮﺥ : ﻣﻮ ﺍﻧﺖ ﺍﻟﺘﺤﻜﻤﻴﻨﻲ ﺍﻟﺒﻴﺖ ﺑﻴﺘﻲ ﻭ ﺍﻧﻲ ﺣﺮ ﺍﺣﺮﻛﻪ ﺍﺟﺮﻩ ﺍﻧﻄﻲ ﺑﻜﻴﻔﻲ

ﻭ ﻫﻲ ﺗﺮﺩ : ﻭﺍﻟﻠﻪ ﻳﺎ ﻣﺨﻠﺪ ﻟﻮ ﺍﻧﻄﻴﺖ ﻟﺒﻴﺖ ﺍﻟﺠﻴﻦ ﺳﺎﻋﻪ ﻣﺎ ﺍﺑﻘﺎﻟﻚ ﺑﻬﺎﻟﺒﻴﺖ

- ﻭ ﻋﺴﺎﺝ ﻻ ﺗﺒﻘﻴﻦ ﺍﺗﻬﺪﺩﻳﻨﻲ ﺍﻧﺖ ، ﻟﺞ ﺑﺎﺑﺎ ﺍﻟﺒﺎﺏ ﻳﻮﺳﻊ ﺟﻤﺎﻝ ﻣﻮ ﺟﻤﻞ ﻭﺍﺣﺪ

... ﺻﻔﻨﺖ : ﻳﻼ ﺑﺎﻟﻠﻪ ﻫﻮ ﻫﺬﺍ ﺣﻈﻲ ؟ ﻭﻳﻦ ﻣﺎ ﺍﺭﻭﺡ ﺍﻟﻤﺸﺎﻛﻞ ﻛﺒﺎﻟﻲ ؟ .. ﺑﺎﻟﻠﻪ ﻟﻮ ﺑﺎﻗﻴﺔ ﻋﻠﻰ ﺿﻴﻢ ﺍﻡ ﺟﻴﺎﺩ ﻣﻮ ﺍﺷﺮﻓﻠﻲ !

ﺭﺣﺖ ﻟﻠﻐﺮﻓﺔ ﻧﻤﺖ ..

ﻟﻬﻨﺎﻙ ﻭ ﺣﺴﻴﺖ ﺍﺣﺪ ﻳﻤﻲ، ﻓﺰﻳﺖ ﻭ ﺍﻟﻜﺎ ﻣﺨﻠﺪ ﻭﺍﻛﻒ ﻭﻳﺒﺎﻭﻉ ﺑﻮﺟﻬﻲ

ﻓﺰﻳﺖ ﺑﺴﺮﻋﺔ .... ﻳﺘﺒﻊ

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤