رواية خطوات نحو الجحيم ج3 الجزء الثاني

رواية خطوات نحو الجحيم ج3 الجزء الثاني

للكاتبة زينب ماجد

.....

ﻋﻠﻰ ﺭﻏﻢ ﻛﺒﺮ ﺳﻨﻲ، ﺍﻻ ﺍﻥ ﻻ ﻳﺰﺍﻝ ﻓﻲ ﺩﺍﺧﻠﻲ ﻃﻔﻼ :

ﻳﻨﺠﺬﺏ ﻟﻠﺤﻴﺎﺓ

ﻳﺼﺪﻕ ﻛﻞ ﻣﻦ ﻳﺘﺤﺪﺙ

ﻳﺰﻋﻞ ﻓﺘﺮﺿﻴﻪ ﺍﺑﺴﻂ ﺍﻻﺷﻴﺎﺀ

ﻳﺨﺎﻑ ﺍﻟﺘﻘﺮﺏ ﻟﻤﻦ ﻳﺆﺫﻳﻪ

ﻓﻴﺘﻘﺮﺏ ﻟﻜﻞ ﻣﺎ ﻳﺆﺫﻳﻪ ﺟﻬﻼ

ﻳﺒﻜﻲ ﻭ ﺳﺮﻋﺎﻥ ﻣﺎ ﻳﻀﺤﻚ

ﻳﺤﺐ ﻭ ﺳﺮﻋﺎﻥ ﻣﺎ ﻳﻨﻔﺮ

ﻫﻤﻪ ﺍﻻﻋﻈﻢ ﻟﻌﺒﺘﻪ ﻭ ﻫﺎ ﺍﻧﺎ ﻗﺪ ﺳﺮﻗﻮﺍ ﻟﻌﺒﺘﻲ

‏( ﻣﻼﺣﻈﺔ ﺍﺭﺟﻮﺍ ﻋﺪﻡ ﺍﻟﺘﺠﺎﻭﺯ ﻟﻤﺮﺍﻋﺎﺕ ﻛﻮﻥ ﺍﻟﺮﻭﺍﻳﺔ ﻣﻘﺘﺒﺴﺔ ﻣﻦ ﻗﺼﺔ ﺣﻘﻴﻘﻴﺔ ﻣﻊ ﻓﺎﺋﻖ ﺷﻜﺮﻱ ﻟﻤﺘﺎﺑﻌﺘﻜﻢ ﻭ ﻛﻼﻣﻜﻢ ﺍﻟﺠﻤﻴﻞ ‏) ﺯﻳﻨﺐ ﻣﺎﺟﺪ

ﺑﻴﺮﻭﺕ _ ٨ ﻣﺴﺎﺀﺍً

.. ﺍﺻﻮﺍﺕ ﺳﻴﺎﺭﺍﺕ ﺗﺘﻌﺎﻟﻰ ﺍﺳﻌﺎﻑ ﻭ ﺩﻭﺭﻳﺎﺕ ﺷﺮﻃﺔ، ﻧﺎﺱ ﻣﻠﺘﻤﺔ ﻭ ﺗﺤﻘﻴﻘﺎﺕ ﻭ ﻫﻮﺳﺔ ..

ﺑﻴﻦ ﺍﻟﻮﻋﻲ ﻭ ﺍﻟﻼ ﻭﻋﻲ ﺍﻧﺴﺤﺒﺖ ﻣﻦ ﺍﻟﻤﻜﺎﻥ ﺍﻟﻠﻲ ﺍﻧﻲ ﺑﻴﻪ، ﻣﻦ ﺗﺤﺖ ﺍﻟﺴﻴﺎﺭﺓ ﺍﻟﻤﻘﻠﻮﺑﺔ ، ﺍﻧﺤﻄﻴﺖ ﻋﻠﻰ ﺳﺪﻳﻪ ﻭﺭﻓﻌﻮﻧﻲ ﻧﻘﻠﻮﻧﻲ ﻟﺴﻴﺎﺭﺓ ﺍﻻﺳﻌﺎﻑ ..

ﺍﺿﻮﻳﺔ ﻗﻮﻳﺔ ﺍﺣﺲ ﺭﻏﻢ ﻣﻐﻤﻀﺔ، ﻭ ﻫﻢ ﻳﻀﻤﺪﻭﻥ ﺑﺮﺍﺳﻲ ﻭ ﺍﻟﺴﻴﺎﺭﺓ ﺗﻤﺸﻲ ﻭ ﺻﻮﺗﻬﺎ ﻋﺎﻟﻲ ﺟﺪﺍ

ﺍﻛﺜﺮ ﻣﻜﺎﻥ ﺍﺗﻮﺟﻊ ﻣﻨﻪ ﻫﻮ ﺍﻳﺪﻱ ﺍﻟﻴﻤﻨﻰ، ﺻﺮﺕ ﺍﺁﻥ ﻣﻦ ﺍﻷﻟﻢ، ﺻﺎﺡ ﺍﻟﻠﻲ ﻳﻀﻤﺪﻧﻲ : ﻓﺎﺋﺖ ﺍﻟﺒﻨﺖ

ﺍﺟﺎ ﺍﻟﺜﺎﻧﻲ ، ﺗﻘﺮﺏ ﻭ ﻫﻮ ﻳﻜﻮﻟﻲ -: ﺷﻮ ﺍﺳﻤﻚ ﻳﺎ ﻣﺪﺍﻡ

- ﺍﻳﺪﻱ ﺗﻮﺟﻌﻨﻲ ﺍﺍﺍﺍﻩ

- ﺍﻧﺖ ﺗﻌﺮﺿﺘﻲ ﻟﺤﺎﺩﺙ ﺳﻴﺮ ، ﻛﻼ ﺩﺍﻗﺎﻳﻖ ﻭ ﺑﻨﻮﺻﻞ ﻉ ﺍﻟﻤﺸﻔﻰ ، ﺍﺗﺤﻤﻠﻲ ﻳﻤﺪﺍﻡ

ﺑﻘﻴﺖ ﺍﺋﻦ ﻭ ﺍﺑﺠﻲ ، ﺿﺮﺑﻮﻧﻲ ﺍﺑﺮ ﻣﻬﺪﺋﺎﺕ ﻭ ﺑﻌﺪﻫﺎ ﻣﺎ ﺣﺴﻴﺖ .. ﻏﻴﺮ ﺍﻧﻲ ﺑﺎﻟﻤﺴﺘﺸﻔﻰ

ﺩﻳﻨﻘﻠﻮﻥ ﺑﻴﻨﺎ ﺑﺎﻟﻤﻤﺮ ، ﻣﺎ ﺍﻋﺮﻑ ﻭﻳﻦ ﺟﻴﺎﺩ . ﻛﺪ ﺍﻻﻟﻢ ﺍﻟﺒﺠﺴﻤﻲ ﻓﻘﺪﺕ ﺍﻭﻥ .

ﻓﺤﺺ ﻃﺒﻲ، ﺗﺒﻴﻦ ﺍﻥ ﻣﺘﻌﺮﺿﺔ ﻟﻜﺴﺮ ﺑﺎﻷﻳﺪﻭ ﺿﺮﺑﺔ ﺑﺎﻟﺮﺍﺱ ﺩﺍﺧﻠﺔ ﻛﺰﺍﺯﺓ ﺑﺲ ﻣﺎ ﻣﻀﺮﺭﺓ ﺑﺲ ﻳﺤﺘﺎﺟﻠﻬﺎ ﺧﻴﺎﻁ

ﺟﺒﺴﻮ ﺍﻳﺪﻱ ﻭ ﻋﺎﻟﺠﻮ ﺭﺍﺳﻲ ﻭ ﻧﻘﻠﻮﻧﻲ ﻟﻐﺮﻓﺔ ﺧﺎﺻﺔ ..

ﺑﻌﺪﻫﺎ ﺍﺟﺎ ﺿﺎﺑﻂ ﺗﺤﻘﻴﻖ، ﻃﻠﺐ ﺍﺳﻤﻲ ﻭ ﺍﺳﻢ ﺻﺪﻳﻘﻲ .. ﺍﻋﻄﻴﺘﻪ ﺷﻐﻠﻨﺎ ﻭ ﻋﻨﻮﺍﻧﺎ ﻭ ﻋﻨﻮﺍﺏ ﺍﺑﻮﻩ ﻟﺠﻴﺎﺩ ﻟﻴﺨﺒﺮﻭﻩ ﺑﻌﺪﻫﺎ ﺑﺪﺃ ﻭﻳﺎﻳﺎ ﺗﺤﻘﻴﻘﻴﺎﺕ ﺑﻤﺠﺮﻳﺎﺕ ﺍﻟﺤﺎﺩﺙ

ﻭ ﺍﻟﻨﺘﺎﺋﺞ ﺗﺆﻛﺪ ﺍﻥ ﻫﻮ ﺣﺎﺩﺙ ﻣﺘﻌﻤﺪ .. ﻛﻤﻠﻮﺍ ﻭ ﺭﺍﺣﻮﺍ .

ﻭ ﻫﻨﺎ ﺍﻟﻐﺮﺑﺔ ...

ﻟﻤﺎ ﺍﻧﺖ ﺑﺄﺷﺪ ﺣﺎﻟﺘﻚ ﻭ ﻣﺤﺪ ﻭﻳﺎﻙ

ﺗﺘﺄﻟﻢ ﻭ ﻣﺤﺪ ﻳﺴﻤﻌﻚ

ﻣﻦ ﺟﺪ ﺑﺠﻴﺖ ﻳﻮﻣﻬﺎ ﻛﻠﺶ ﻫﻮﺍﻳﺔ ﻭ ﺣﺰﺕ ﺑﻨﻔﺴﻲ ﺍﻥ ﺧﺴﺮﺕ ﻛﻞ ﺷﻲﺀ ﺑﻬﺬﻩ ﺍﻟﺤﻴﺎﺓ ﺣﺘﻰ ﺻﺤﺘﻲ

ﺣﺎﻭﻟﺖ ﺍﻛﻮﻡ ﻭ ﺍﺳﻨﺪ ﻧﻔﺴﻲ ﻣﻜﺪﺭﺕ ﺟﺴﻤﻲ ﻛﻠﻪ ﻣﻜﺴﺮ ﻭ ﺍﻳﺪﻱ ﺍﻟﻤﻬﺎ ﻳﻜﺘﻞ ﻭ ﺭﺍﺳﻲ ﻣﺸﺪﻭﺩ

ﺍﺟﺖ ﺍﻟﻤﻤﺮﺿﺔ ﺳﻨﺪﺗﻨﻲ ﺭﺣﺖ ﻟﻠﺤﻤﺎﻡ ﻭ ﺭﺍﺩﺕ ﺗﺮﺟﻌﻨﻲ ، ﻛﺘﻠﻬﺎ : ﻻ ﺍﺧﺬﻳﻨﻲ ﻟﻐﺮﻓﺔ ﺻﺪﻳﻘﻲ ﺍﺳﻤﻮ ﺟﻴﺎﺩ ﻛﺎﻥ ﻣﻌﻲ ﺑﺎﻟﺤﺎﺩﺙ

- ﺭﻓﻴﺌﻚ ﺣﺎﻟﺘﻮ ﺣﺮﺟﺔ ﻭ ﺍﻟﻌﻨﺎﻳﺔ ﺍﻟﻤﺮﻛﺰﺓ

- ﺷﻠﻮﻥ ﻳﻌﻨﻲ ﺟﻴﺎﺩ ﺣﺎﻟﺘﻪ ﺧﻄﺮﺓ

- ﻣﺎ ﺑﻌﺮﻑ ، ﻳﻠﻲ ﺑﻌﺮﻓﻮ ﺍﻟﺘﻮ، ﺑﺪﻙ ﺗﺮﺗﺎﺧﻲ ﻳﻤﺪﺍﻡ ﻛﺮﻣﺎﻝ ﺻﺤﺘﻚ

- ﺍﺭﻳﺪ ﺍﺷﻮﻑ ﺟﻴﺎﺩ ﺍﺧﺬﻳﻨﻲ

.....

ﻣﺎ ﺑﻴﺼﻴﺮ ﻳﺎ ﻣﺪﺍﻡ

- ﻻ ﺍﺭﻳﺪ ﺍﺷﻮﻓﻪ

ﺍﺑﺘﻌﺪﺕ ﻣﻨﻬﺎ ﻭ ﻫﻲ ﺗﺤﺎﻭﻝ ﺗﺮﺟﻌﻨﻲ، ﺍﺧﺮ ﺷﻲ ﻣﺸﺘﻨﻲ ﻟﻠﻤﻤﺮ ﺍﻟﻘﺮﻳﺐ ﻣﻦ ﺍﻟﻌﻨﺎﻳﺔ ﺍﻟﻤﺮﻛﺰﺓ ..

ﺷﻔﺖ ﺍﻫﻠﻪ ﻭ ﺍﻣﻪ ﻛﺎﻋﺪﻩ ﺑﺎﻟﻜﺎﻉ ﻭ ﺗﺒﺠﻲ ﺧﻮﺍﺗﻪ ﺍﺛﻨﻴﻦ ﻳﻤﻬﺎ ﻭ ﻫﻲ ﺗﻜﻠﻪ : ﺍﻧﺎ ﺣﺬﺭﺗﻮ ﻷﺑﻨﻚ ﻳﺘﺮﻙ ﻫﻴﺪﺍ ﺍﻟﻔﻠﺘﺎﻧﻲ ﻣﺴﻤﻊ ﻣﻨﻲ، ﺟﻴﺎﺩ ﺍﺑﻨﻲ ﻳﺮﻭﺡ ﻗﻠﺐ ﺍﻣﻚ ﻭﻳﻨﻚ

ﺭﺍﺡ ﺍﺑﻨﻲ ﻳﻤﺄﻣﻮﻥ ﺭﺍﺡ ﺍﺑﻨﻴﻴﻲ

.. ﻭﺍﻛﻔﺔ ﺑﻤﻜﺎﻧﻲ ﻭ ﺍﺳﻤﻌﻬﺎ ﻭ ﺍﺑﺠﻲ : ﻛﻮﻟﻴﻠﻲ ﺍﻟﺤﻘﻴﻘﺔ ﺟﻴﺎﺩ ﻣﺎﺕ ؟

- ﻻ ﻳﺎ ﻣﺪﺍﻡ ﺑﻌﺪﻭ ﺟﻮﺍ، ﺑﺪﻙ ﺗﺮﺟﻌﻲ ﻉ ﺋﻮﺿﺘﻚ ﻛﺮﻣﺎﻟﻚ ﺻﺤﺘﻚ ﻫﻼﺀ ﺍﻧﺎ ﺑﺘﺤﺎﺳﺐ ﻋﻠﻴﻜﻲ

ﺍﺧﺬﺕ ﺑﻜﻼﻣﻬﺎ، ﻛﻠﺖ ﺍﺭﺟﻊ ﻟﻐﺮﻓﺘﻲ ﻭ ﻟﻤﺎ ﻳﺼﺢ ﺍﻟﺼﺒﺢ ﺍﺭﺟﻊ ﺑﻠﻜﻲ ﺍﻟﮕﺎﻩ ﻃﺎﻟﻊ ﻣﻦ ﺍﻟﻌﻨﺎﻳﺔ ﻭ ﺍﻋﺮﻑ ﺍﺧﺒﺎﺭﻩ، ﻫﺴﻪ ﺍﺫﺍ ﺍﺭﻭﺡ ﺗﻌﻠﻖ ﺑﻴﻨﻲ ﻭ ﺑﻴﻦ ﺍﻣﻪ

ﺍﺧﺬﺕ ﻋﻼﺟﻲ ﻭ ﻧﻤﺖ ﺑﺴﺮﻳﺮﻱ ..

ﻟﻠﺼﺒﺢ ﻛﻌﺪﺕ ﺍﻳﺪﻱ ﺗﺄﺫﻳﻨﻲ، ﻧﺎﺩﻳﺖ ﻟﻠﻤﻤﺮﺿﺔ ﺷﻜﻠﺘﻠﻲ ﺍﻟﺴﻴﺮﻭﻡ ﻭ ﺍﻟﺪﻭﺍ ﻟﺸﻮﻱ ﻃﻠﻌﺖ ﻟﻼﺳﺘﻌﻼﻣﺎﺕ ، ﺩﻛﻴﺖ ﺭﻗﻢ ﻣﺎﻣﺎ .. ﻣﺎ ﺣﺼﻠﺘﻬﺎ

ﺳﺄﻟﺖ ﻋﻦ ﺟﻴﺎﺩ، ﺻﺎﻳﺮ ﻋﻨﺪﻩ ﻧﺰﻳﻒ ﺑﺎﻟﺪﻣﺎﻍ ﻣﻦ ﻗﻮﺓ ﺍﻟﻀﺮﺑﺔ ﻭ ﺣﺎﻟﺘﻪ ﻟﻼﻥ ﻣﺎ ﻣﺴﺘﻘﺮﺓ ..

ﺗﺮﺩﺩﺕ ﺍﺭﻭﺡ ﺍﺷﻮﻓﻪ ﺑﺴﺒﺐ ﺍﻫﻠﻪ

ﺭﺟﻌﺖ ﻟﻐﺮﻓﺘﻲ ، ﻟﺸﻮﻱ ﻭ ﻓﺎﺗﺖ ﺍﻣﻪ ﺗﺘﻬﺠﻢ : ﻳﺎ ﻓﻠﺘﺎﻧﻲ ﺍﺧﺪﺗﻲ ﺍﺑﻨﻲ ﻣﻨﻴﻴﻴﻲ ﺑﺪﻱ ﺍﻗﺘﻠﻚ ﻭ ﺍﺷﺮﺏ ﻣﻦ ﺩﻣﻚ ﻳﺎ ﻗﺎﺗﻠﺔ

ﺗﺴﺤﺐ ﺑﻴﻪ ﻭ ﺗﻀﺮﺏ ﻭ ﺍﻧﻲ ﺍﺣﺎﻭﻝ ﺍﺑﻌﺪ ﺑﻴﻬﺎ ﻣﻨﻲ ﺑﺄﻳﺪ ﻭﺣﺪﺓ، ﺍﺟﺎ ﺍﻷﺏ ﺳﺤﺒﻬﺎ ﻣﻨﻲ ﻭ ﺍﻟﻤﻤﺮﺿﻴﻦ ﻭ ﺍﻟﺪﻛﺎﺗﺮﺓ ﺍﻋﺘﺮﺿﻮﺍ ﻋﻠﻰ ﺗﺼﺮﻓﻬﺎ ﻭ ﺍﻣﺮﻭﺍ ﺑﻄﺮﺩﻫﺎ ﺧﺎﺭﺝ ﺍﻟﻤﺴﺘﺸﻔﻰ ﻟﺘﻌﺮﺿﻬﺎ ﻟﻠﻤﺮﻳﻀﺔ

ﺭﺟﻌﺖ ﻟﺴﺮﻳﺮﻱ ﺍﺑﺠﻲ ﺑﻬﺪﻭﺀ، ﺷﻮﻱ ﻭ ﺍﺟﺎ ﺍﺑﻮﻩ : ﺑﻨﻌﺘﺬﺭ ﻣﻨﻚ ﻳﺒﻨﺘﻲ ﺑﺲ ﺑﺘﻌﺮﻓﻲ ﺍﻣﻮ ﻭ ﻗﻠﺒﻬﺎ ﻋﻢ ﻳﻮﺟﻌﺎ ﻉ ﺍﺑﻨﺎ ﺑﺪﻙ ﻣﺎ ﺗﻮﺍﺧﺬﻳﻨﺎ

- ﻻ ﻋﻤﻮ ﻭﻟﻮ ﺍﻧﻲ ﻣﺘﻔﻬﻤﺔ ﻣﻮﻗﻔﻬﺎ ﺍﻧﻲ ﺍﻟﻠﻲ ﺍﻋﺘﺬﺭ ﻣﻨﻜﻢ، ﻛﻠﻤﺘﻪ ﻟﺠﻴﺎﺩ ﻭﺭﺩﺕ ﺍﺑﺘﻌﺪ ﻣﻦ ﺣﻴﺎﺗﻪ ﺑﺲ ﻣﻘﺒﻞ ﻳﻜﻮﻟﻲ ﻻ ﺗﺼﻴﺮﻳﻦ ﺍﻧﺎﻧﻴﺔ ﺍﻧﻲ ﺗﺎﺭﻙ ﺍﻟﺪﻧﻴﺎ ﻟﺨﺎﻃﺮﻙ ﻭ ﺍﻧﺖ ﺑﺘﺮﻛﻴﻨﻲ

- ﺟﻴﺎﺩ ﺑﻴﺤﺒﻚ ﻛﺘﻴﺮ ﺻﺢ ﺍﻧﺎ ﻣﺎ ﻗﺒﻠﺖ ﻉ ﻃﻼﻗﻮ ﻣﻦ ﻣﺮﺗﻮ ﺑﺲ ﺑﺘﺎﻟﻲ ﺍﻟﻘﻠﺐ ﻭ ﻣﺎ ﻳﺨﺘﺎﺭ ﻭ ﺍﻧﺖ ﺍﺧﺘﻴﺎﺭ ﻗﻠﺒﻮ ﻭ ﻧﺤﻨﺎ ﻣﺎ ﺑﻨﻘﺪﺭ ﻧﺠﺒﺮﻭ ﻉ ﺍﺷﻲ ﻫﻮ ﻣﺎ ﺑﺪﻳﺎﻩ ﺑﺲ ﻟﺴﺎ ﺍﻣﻮ ﻣﺎ ﻣﺘﻘﺒﻠﺔ ﺍﻟﻤﻮﺿﻮﻉ

- ﺍﺷﻜﺮﻙ ﻛﻼﻣﻚ ﻋﻤﻮ ﻭﺟﻴﺘﻚ ﻋﻠﻴﻪ ﻟﻬﻨﺎ ﻏﺎﻟﻴﺔ، ﺍﻧﺖ ﻟﻮ ﺗﺮﻳﺪ ﺷﻲ ﻭ ﻣﺎ ﺗﺤﺐ ﺍﺭﺗﺒﻂ ﺑﺠﻴﺎﺩ ﺍﻧﻲ ﻣﺎ ﺍﻓﺮﺽ ﻧﻔﺴﻲ ﻋﻠﻰ ﺍﺣﺪ ﻫﺴﻪ ﺍﺧﺬ ﺗﻜﺖ ﻭ ﺍﻃﻠﻊ ﻟﻠﻌﺮﺍﻕ ﺍﺭﺟﻊ

- ﻻ ﻳﺎ ﺑﻨﺘﻲ ﺍﻧﺎ ﻣﺎ ﺑﻘﺪﺭ ﻭﻗﻒ ﺍﺩﺍﻡ ﺗﻨﻴﻦ ﺑﻴﺤﺒﻮﺍ ﺑﻌﺾ، ﺍﻧﺘﻮ ﺑﺎﻟﻐﻴﻦ ﻭ ﺭﺍﺷﺪﻳﻦ ﻭ ﻋﺎﺭﻓﻴﻦ ﺷﻮ ﻳﻠﻲ ﻋﻢ ﺗﺴﺎﻭﻭ، ﻣﺶ ﺻﻐﺎﺭ ﻟﻨﻔﺮﺽ ﺭﺃﻳﻨﺎ ﻋﻠﻴﻜﻦ، ﺍﻧﺎ ﻣﺎ ﺑﺘﻤﻨﺎﻟﻜﻢ ﻏﻴﺮ ﺍﻟﺘﻮﻓﻴﻖ

ﺍﺑﺴﻤﺘﻠﻪ ﺍﺑﺘﺴﺎﻣﺔ ﺍﻣﺘﻨﺎﻥ، ﻃﺒﻄﺐ ﻋﻠﻰ ﻛﺘﻔﻲ ﻭ ﻛﺎﻡ .

ﻟﻠﻴﻞ ﻛﺘﺒﺖ ﻭ ﻃﻠﻌﺖ ﻟﺒﻴﺖ ﺟﻴﺎﺩ ﻛﻌﺪﺕ ﻭﺣﺪﻱ ﻭﺍﺧﺬﺕ ﺭﻗﻢ ﺍﻟﻤﻤﺮﺿﺔ ﺗﺨﺒﺮﻧﻲ ﺑﺤﺎﻟﺘﻪ، ﻟﻤﺎ ﺧﺎﺑﺮﺗﻨﻲ ﻭ ﺑﻠﻐﺘﻨﻲ ﺑﺼﺤﻮﺗﻪ ﺭﺣﺖ ﻉ ﺍﻟﻤﺴﺘﺸﻔﻰ ﺍﺭﻛﺾ

ﻓﺘﺖ ﻟﺸﻮﻓﻪ ﺍﻣﻪ ﺟﻨﺖ ﺑﺲ ﻣﻬﺘﻤﻴﺖ ﺍﻟﻬﺎ، ﺗﻘﺮﺑﺖ ﻟﺠﻴﺎﺩ ﻣﺴﻜﺖ ﺍﻳﺪﻩ ﻭ ﻛﻠﺘﻠﻪ : ﺍﻟﺤﻤﺪﻟﻠﻪ ﻉ ﺳﻼﻣﺘﻚ

- ﻳﺴﻠﻤﻮ، ﻛﻴﻔﻚ ﺍﻧﺖ ؟

- ﺍﻧﻲ ﺯﻳﻨﻪ ، ﻛﻠﺶ ﺍﻧﺸﻐﻞ ﺑﺎﻟﻲ ﻋﻠﻴﻚ ﻭ ﻣﺎ ﺣﺒﻴﺖ ﺍﺟﻲ ﻭ ﺍﻧﺖ ﻣﺎ ﺻﺎﺣﻲ ﻻﻥ ﺣﺎﻟﺔ ﺍﻟﻮﺍﻟﺪﺓ ﻣﺘﺴﻤﺢ

...

ﺑﺘﻌﺬﺭ ﺑﺎﻟﻨﻴﺎﺑﺔ ﻋﻦ ﺍﻣﻲ ﻟﻮ ﺳﻤﻌﺘﻚ ﻛﻠﻤﺔ ﻣﺶ ﻣﻨﻴﺤﺔ

- ﻟﺘﺸﻴﻞ ﻫﻢ ﻣﻘﺪﺭﺓ ﻭﺿﻌﻬﺎ ، ﻳﻜﻮﻟﻮﻥ ﺍﻟﺤﺎﺩﺙ ﻣﺘﻌﻤﺪ ؟ ﺗﺸﻚ ﺍﻥ ﻫﻮ ﻣﺎﻟﻚ

- ﺍﺟﻮ ﻟﻴﺤﻘﻘﻮ ﻣﻌﻲ، ﻭ ﺧﺒﺮﺗﻮﻥ ﺑﻴﻠﻲ ﺑﻌﺮﻓﻮ

- ﻣﻨﻮ ﺗﻜﻮﻝ

- ﻣﺎ ﺑﻌﺮﻑ ﺑﺲ ﻣﻮ ﻣﺎﻟﻚ ﻋﻠﻰ ﺍﻟﻜﺘﻴﺮ ﺷﻲ ﻭﺍﺣﺪ ﻣﻦ ﺟﻤﺎﻋﺔ ﻣﻴﺸﻴﻞ

- ﻳﻌﺮﻓﻮﻙ

- ﻻ ﻣﺒﻴﻌﺮﻓﻮﻧﻲ، ﺑﻴﻌﺮﻓﻮﻙ ﻷﻟﻚ

- ﻣﻔﻬﻤﺖ ﺍﻧﻲ ﺍﻟﻤﻘﺼﻮﺩﺓ ﻳﻌﻨﻲ ؟

- ﺍﻧﺖ ﻛﻨﺘﻲ ﺑﻴﻨﻮﻥ ﻭ ﺍﻟﻠﻲ ﻳﺨﻮﻧﻦ ﻫﺪﻭﻝ ﺑﺪﻭﻥ ﻳﻘﺘﻠﻮﻩ

- ﻣﻮ ﻓﺎﺭﻗﺔ ﻣﻌﻲ، ﺍﺳﺎﺳﺎ ﺣﻴﺎﺗﻲ ﻭﻋﺪﻣﻬﺎ ﻭﺍﺣﺪ

- ﻣﺘﻘﻮﻟﻲ ﻫﻴﻚ، ﺑﻨﻤﺴﻜﻮﻥ ﻛﻠﻦ ﺍﻥ ﺷﺎﺀﺍﻟﻠﻪ

ﻓﺎﺗﺖ ﺍﻣﻪ ﺗﺤﺠﻲ : ﻣﺒﻴﻜﻔﻲ ﺷﻮ ﻋﻤﻠﺘﻲ ﺑﺄﺑﻨﻲ ﺟﺎﻳﻲ ﻟﺘﺨﺮﺑﻴﻠﻲ ﺑﻴﺘﻲ

ﺟﻴﺎﺩ : ﺍﻣﻲ ﻛﺮﻣﺎﻝ ﺍﻟﻠﻪ ﻫﻼﺀ ﻣﺶ ﻭﻗﺘﻚ

- ﺷﻮ ﻣﺶ ﻭﻗﺘﻚ ﻳﺎ ﺑﻨﻲ ﻣﺎ ﺑﺮﺿﻰ ﻋﻠﻴﻚ ﺑﻌﻤﺮﻱ ﻟﻮ ﺗﺠﻮﺯﺗﺎ .

- ﺟﻴﺎﺩ ﺍﻧﻲ ﺍﺗﺮﺧﺺ ﻣﺎ ﺍﺭﻳﺪ ﺍﻋﻤﻞ ﻣﺸﻜﻠﻪ ..

ﻣﺴﻚ ﺍﻳﺪﻱ ﺭﺍﺩ ﻳﻮﻗﻔﻨﻲ ﺑﺲ ﻣﺎ ﺭﺩﻳﺖ، ﻛﺎﻓﻲ ﺗﻬﻴﻦ ﻫﻮﺍﻳﺔ ﻫﻮ ﻣﻨﻮ ﺟﺎﺑﺮ ﻧﻔﺴﻪ ﻋﻠﻴﻬﻢ ﺍﺑﻨﻬﺎ ﺩﻳﻜﻮﻝ ﺍﺭﻳﺪﻫﺎ ﻭ ﻫﻲ ﻧﺎﺯﻟﻪ ﻋﻠﻴﻪ ﻣﻮ ﻋﻠﻰ ﺍﺑﻨﻬﺎ ﻭ ﻛﺎﻧﻮ ﺍﻧﻲ ﺍﻟﻮﺍﻛﻔﺔ ﺑﻮﺟﻬﻪ ﻭ ﻣﺎﺧﺬﻩ ﺍﺑﻨﻬﺎ ، ﺷﻜﺪ ﻣﺎ ﺍﻛﺒﺮ ﻋﻘﻞ ﻭ ﺍﺑﺘﻌﺪ ﻋﻨﻬﺎ ﺩﺍ ﺍﺷﻮﻓﻬﺎ ﺗﺘﻤﺎﺩﻯ ..

ﻃﻠﻌﺖ ﻟﻠﺒﻴﺖ ...

ﺑﻌﺪﻫﺎ ﺑﻴﻮﻡ ﻃﻠﻊ ﺟﻴﺎﺩ ﻋﻠﻰ ﻣﺴﺆﻟﻴﺘﻪ ﻣﻦ ﺍﻟﻤﺴﺘﺸﻔﻰ، ﻭﺑﻘﻴﺖ ﻭﻳﺎﻩ ﺑﺎﻟﺒﻴﺖ ﺍﻋﺘﻨﻲ ﺑﻴﻪ ، ﻣﺎ ﻻﺯﻡ ﻳﺘﺤﺮﻙ ﺍﻭ ﻳﺴﻮﻕ ﺍﻭ ﺷﻲ ﻳﺘﻌﺐ ﺭﺍﺳﺔ .. ﻳﺤﺘﺎﺟﻠﻪ ﺭﺍﺣﻪ ﺗﺎﻣﻪ

ﺑﺪﻝ ﻣﺎ ﺍﺗﺰﻭﺟﻪ ﻭ ﻳﺨﻠﺼﻨﻲ ﻣﻦ ﻫﻤﻮﻣﻲ ﻭ ﻳﺮﺟﻌﻠﻲ ﺑﻨﺘﻲ، ﺻﺮﺕ ﺟﻠﻴﺴﺔ ﺑﻴﺖ ﺍﻟﻄﺎﻟﻊ ﻭ ﺍﻟﻄﺎﺏ ﻳﺘﻜﻠﻢ ﻭ ﻳﺴﻤﻊ ﺍﻟﻜﻼﻡ ﺍﻟﻠﻲ ﻳﺴﻢ ﺍﻟﺒﺪﻥ

ﻻ ﺍﻛﺪﺭ ﺍﺗﺮﻛﻪ ﻭ ﻫﻮ ﻣﺮﻳﺾ ﻭﻻ ﺍﻛﺪﺭ ﺍﺑﻘﻰ، ﺍﻗﺘﺮﺣﺖ ﻋﻠﻴﻪ ﻳﺠﻮﻥ ﺍﻫﻠﻪ ﻳﻌﺘﻨﻮﻥ ﺑﻴﻪ ﻟﺒﺴﻦ ﻣﺎ ﻳﺸﻔﻰ ﺣﺘﻰ ﻳﻜﻒ ﺍﻟﺜﺎﻝ ﻭ ﺍﻟﻘﻠﺖ .. ﻣﻴﻘﺒﻞ ﻳﻜﻮﻝ : ﺗﺤﻤﻞ ﻛﺮﻣﺎﻟﻲ ﻓﺘﺮﺓ ﻭ ﺑﺘﻤﺮﺉ

ﺑﻴﻮﻡ ﺍﺟﺖ ﺯﻭﺟﺘﻪ ﺍﻟﺴﺎﺑﻘﺔ ﻭ ﺍﻃﻔﺎﻟﻪ ﻭ ﺍﻣﻪ ﻫﻢ ﺍﺟﺖ، ﺍﺟﺘﻤﻌﻮﺍ ﻳﺘﻌﺎﺗﺒﻮﻥ ﻭ ﺟﺎﺑﺖ ﺳﻴﺮﺗﻲ ﻣﺮﺗﻪ : ﻟﻴﺶ ﻳﺎ ﺟﻴﺎﺩ ﻛﺮﻣﺎﻝ ﺑﻨﺖ ﻣﻦ ﺍﻟﺒﺎﺭ ﺑﺘﺒﻴﻌﻨﻲ ﺍﻧﺎ ﻭ ﻭﻻﺩﻙ

ﻫﻢ ﺩﻳﺤﺠﻮﻥ، ﻓﺘﺖ ﻋﻠﻴﻬﻢ : ﻟﺤﻈﺔ ﻟﺤﻈﺔ ﺍﻧﺘﻢ ﺑﺄﻱ ﺣﻖ ﺗﺤﺠﻮﻥ ﻋﻠﻴﻪ، ﺗﺮﺍ ﻛﺎﻓﻲ ﺍﻛﻮﻝ ﺍﺗﺤﻤﻞ ﺍﻟﻄﺎﻟﻊ ﻭ ﺍﻟﺮﺍﺟﻊ ﻳﺤﺠﻲ ﺑﺲ ﺟﺪ ﻛﺎﻓﻲ ﻳﺎ ﺭﻳﺖ ﺗﻌﺮﻓﻮﻥ ﺍﻧﻲ ﻣﺎ ﻓﺎﺭﺿﻪ ﻧﻔﺴﻲ ﻋﻠﻴﻪ ﻭ ﻃﻠﺒﺖ ﻣﻨﻪ ﺍﺭﻭﺡ ﻭ ﻣﻘﺒﻞ ﻛﺎﻓﻲ ﺗﺠﻴﺒﻮﻥ ﺳﻴﺮﺗﻲ ﻻﻥ ﻣﻦ ﺟﺪ ﺗﻌﺒﺖ

ﺩﺍ ﺍﺣﺠﻲ ﺟﺎﻥ ﻣﺮﺗﻪ ﺗﺘﻬﺠﻢ ﻋﻠﻴﻪ ﺑﺎﻟﺴﺐ ﻭ ﺍﻟﻠﻌﻦ ﻋﻠﻴﻪ ﻭ ﻋﻠﻰ ﻭﺍﻟﺪﻱ، ﺍﻧﻲ ﻫﻨﺎ ﻧﻔﺮﺕ ﻣﻦ ﺻﺪﻙ ﻭ ﻃﻠﻌﺖ ﻋﻦ ﻛﻞ ﺍﻋﺼﺎﺑﻲ، ﻭ ﻟﺰﻣﺘﻬﺎ ﻣﻦ ﺷﻌﺮﻫﺎ : ﺍﻧﺖ ﺷﻨﻮ ﻭ ﺗﺤﻴﺒﻴﻦ ﺑﺎﺑﺎ ﻋﻠﻰ ﺍﻟﺴﺎﻧﺞ

ﻭ ﺟﺒﺘﻬﺎ ﺑﺎﻟﺠﺒﺲ ﻣﺎﻝ ﺍﻳﺪﻱ ﻋﻠﻰ ﻭﺟﻬﻪ ، ﺟﻴﺎﺩ ﻛﻤﺰ ﻣﻦ ﻣﻜﺎﻧﻪ ﻭ ﺍﻣﻪ ﺳﺤﺒﺘﻬﺎ ﻣﻨﻲ ﻭ ﺍﻧﻲ ﺍﻧﻬﺪﻳﺖ : ﻫﻴﺞ ﻣﻨﻜﻢ ﻭ ﻫﻴﺞ ﻣﻦ ﺍﻟﻠﻲ ﺟﺎﺑﻜﻢ ﻋﻠﻴﻪ

ﻟﻤﻴﺖ ﻏﺮﺍﺿﻲ ﻛﻠﻬﺎ، ﻫﻮ ﺗﺠﺎ ﻭﺭﺍﻳﺎ : ﻟﺠﻴﻦ ﻛﺮﻣﺎﻟﻲ ﻣﺘﻌﻤﻠﻲ ﻫﻴﻚ ﻫﺪﻱ

- ﻭﺧﺮ ﻣﻦ ﻛﺪﺍﻣﻲ

ﻳﺤﺠﻲ ﻭﻳﺎﻳﻪ ﻭ ﺍﻣﻪ ﺗﺤﺠﻲ ﻭ ﺗﻐﻠﻂ ﻭ ﻃﻠﻌﻮ ﻣﻦ ﺍﻟﺒﻴﺖ

ﻭ ﻫﻮ ﻳﺴﺤﺐ ﺍﻟﺠﻨﻄﺔ ﻣﻦ ﺍﻳﺪﻱ : ﺻﺮﺧﺖ ﻛﺎﻓﻲ ﻣﺎ ﺍﺭﻳﺪﻙ ﻋﻮﻓﻨﻲ ﻣﻜﻌﺪﻧﻲ ﺍﺑﻴﺘﻚ ﻫﻨﺎ ﺷﻨﻮ ، ﺍﺣﺘﺮﺍﻣﺎ ﻟﻠﺼﺪﺍﻗﺔ ﺍﻟﺒﻴﻨﺎ ﺗﻘﺒﻠﺖ ﻭﺍﻻ ﺍﺧﺮ ﻳﻮﻡ ﺑﻌﻤﺮﻱ ﻣﺎ ﺍﻗﺒﻞ ﺍﻛﻌﺪ ﻭﻳﺎ ﺭﺟﺎﻝ ﻣﺎ ﻳﺮﺑﻄﻨﻲ ﺑﻴﻪ ﺷﻲﺀ ، ﻣﺨﻠﻲ ﺍﻟﻴﺴﻮﺍ ﻭ ﺍﻟﻤﺎ ﻳﺴﻮﺍ ﻳﺤﺠﻲ ﻋﻠﻴﻪ، ﻟﻚ ﺍﻧﻲ ﻧﻔﺴﻲ ﺍﺳﺘﻘﺮﻓﺖ ﻧﻔﺴﻲ ﺍﺑﺘﻌﺪﺩﺩﺩﺩ

......

ﺩﻓﻌﺘﻪ ﻭ ﻃﻠﻌﺖ ﻣﻦ ﺍﻟﺒﻴﺖ ﻣﻔﺮﻓﺢ ﮔﻠﺒﻲ، ﺭﺣﺖ ﻉ ﺍﻭﺗﻴﻞ ﺍﺟﺮﺕ ﻏﺮﻓﺔ ﻭ ﺩﺧﻠﺖ ، ﺷﻤﺮﺕ ﺍﻟﺠﻨﻄﺔ ﻣﻦ ﺍﻳﺪﻱ ﻭ ﻃﻠﻌﺖ ﺑﺎﻛﻴﺖ ﺍﻟﺠﻜﺎﻳﺮ .. ﻭ ﺍﺩﺧﻦ ﻣﺎ ﻋﺮﻓﺖ ﺷﻠﻮﻥ ﻣﺮ ﺍﻟﻮﻗﺖ ﻋﻠﻰ ﻛﺪ ﻣﺎ ﻣﻌﺼﺒﺔ ..

ﻟﻬﻨﺎﻙ ﺍﻧﺪﻙ ﺑﺎﺑﺎ ﺍﻟﻐﺮﻓﺔ ، ﻓﺘﺤﺖ ﻭ ﺍﻟﺸﺮﻃﺔ ﻛﺒﺎﻟﻲ : ﺷﻮ ؟

- ﻣﻄﻠﻮﺑﺔ ﻉ ﺍﻟﻤﺨﻔﺮ

- ﻭﻟﻴﺶ ﺷﻨﻮ ﺳﻮﻳﺖ

- ﻗﻀﻴﺔ ﺍﻋﺘﺪﺍﺀ ﻋﻠﻰ ﺍﻟﻤﺪﻋﻮﺓ ﺍﻣﻞ ﻧﺎﺟﻲ ﺻﺪﻗﻲ

- ﺯﻭﺟﺔ ﺟﻴﺎﺩ !! ﻭ ﺍﻧﻲ ﺷﻨﻮ ﺳﻮﻳﺖ ﺍﻟﻬﺎ، ﻫﻲ ﺍﻋﺘﺪﺕ ﻋﻠﻴﻪ ﺗﺴﺐ ﺍﺑﻮﻳﺔ ﻭ ﺗﻐﻠﻂ

- ﺑﺘﻌﻄﻲ ﺍﻓﺎﺩﺗﻚ ﻫﻮﻧﻴﻚ ﻳﻤﺪﺍﻡ ، ﻫﻼﺀ ﺑﺪﻙ ﺗﺮﻭﺣﻲ ﻣﻌﻨﺎ ﻉ ﺍﻟﻤﺨﻔﺮ

- ﺍﻱ ﺑﺲ ﺍﺻﺒﺮ ﺍﻟﺒﺲ

- ﻟﺒﺴﺖ ﺣﺬﺍﺋﻲ ﻭ ﺍﺧﺬﺕ ﺟﺎﻛﻴﺖ ﻭ ﺭﺣﺖ ﻭﻳﺎﻫﻢ

ﻭﺻﻠﻨﺎ ﻟﻠﻤﺨﻔﺮ ، ﻛﻌﺪﻭﻧﻲ ﺑﻐﺮﻓﺔ ﻭ ﺍﺟﺎ ﺿﺎﺑﻂ ﻳﺤﺠﻲ ﻭ ﺷﺨﺺ ﻳﺴﺠﻞ ﻛﻼﻣﻲ

ﺑﻘﻰ ﻳﺴﺄﻟﻨﻲ ﻋﻦ ﺍﻟﺤﺎﺩﺙ، ﺳﻮﻟﻔﺘﻠﻪ ﺑﺲ ﺗﻌﺒﺎﻧﻪ ﺍﻋﺼﺎﺑﻲ ﺍﺭﺩ ﺑﻨﺮﻓﺰﺓ ﺣﺎﻭﻟﺖ ﺍﻫﺪﻱ ﻣﻦ ﺍﻋﺼﺎﺑﻲ ﻣﻜﺪﺭﺕ ﻛﻞ ﺟﺴﻤﻲ ﻳﺮﺟﻒ ﻭ ﺍﻟﻀﺎﺑﻂ ﺗﻀﺎﻳﻖ ﻭﺻﺎﺭ ﻳﻜﻠﻤﻨﻲ ﺑﺎﻋﺼﺎﺏ

ﺷﻮﻳﻪ ﻭ ﺍﺟﺎ ﺟﻴﺎﺩ ﻋﺮﻑ ﻧﻔﺴﻪ ﻭ ﻛﻌﺪ، ﺍﻭﻝ ﺷﻲﺀ ﻛﺎﻟﻪ : ﺍﻟﺒﻨﺖ ﻫﻴﺪﺍ ﺑﺘﺘﻌﺎﻃﻰ ﻣﺨﺪﺭﺍﺕ

ﺟﺎﻭﺑﺘﻪ : ﻛﺘﻠﻚ ﻻ

- ﺍﻟﺴﺆﺍﻝ ﻣﻤﻮﺟﻪ ﻻﺋﻠﻚ ﻳﻤﺪﺍﻡ

ﺟﻴﺎﺩ ﺧﺰﺭﻧﻲ ﻭ ﻫﻮ ﻳﺮﺍﻗﺐ ﺭﻋﺸﺔ ﺍﻳﺪﻱ : ﺣﺎﻟﻴﺎ ﻣﺎ ﺑﺘﺘﻌﺎﻃﻰ ﻣﺨﺪﺭﺍﺕ ﺑﺲ ﻛﺎﻧﺖ ﻣﺪﻣﻨﺔ ﻭ ﺿﺤﻴﺔ ﻟﻌﺼﺎﺑﺔ ﻗﺪﺭﻧﺎ ﻧﻤﺴﻜﺎ ﺑﻤﺴﺎﻋﺪﺗﺎ

ﻃﻠﺐ ﺍﻟﻤﻠﻔﺎﺕ ﺍﻟﻀﺎﺑﻂ

- ﺍﺳﺮﺍﺭ ﺷﻐﻞ ﺑﺲ ﺑﻘﺪﺭ ﻭﺭﺟﻴﻚ ﻣﻠﻒ ﺷﻔﺎﺋﻬﺎ ﻣﻦ ﺍﻻﺩﻣﺎﻥ ﻭ ﻫﻲ ﻫﻼﺀ ﺑﺲ ﻋﻢ ﺗﻌﺎﻧﻲ ﻣﻦ ﺍﺛﺎﺭ ﺍﻻﺩﻣﺎﻥ ﻣﺶ ﻣﺪﻣﻨﻪ ﻭ ﻫﻴﺪﺍ ﺍﻟﺤﺎﻟﺔ ﺑﺘﺼﻴﺮ ﻋﻨﺪﺍ ﺑﺲ ﻟﻤﺎ ﺑﺘﻌﺼﺐ

ﻛﺪﺭ ﻳﺘﻔﻖ ﻭ ﻳﺘﻜﻠﻢ ﻣﻊ ﺍﻟﻀﺎﺑﻂ ﻳﻄﻠﻌﻨﻲ، ﺑﺲ ﺷﻴﻬﺪﻳﻨﻲ ﻣﺜﻞ ﺑﺮﻛﺎﻥ ﻭ ﺍﻧﻔﺠﺮ ﺑﺪﺍﺧﻠﻲ، ﺭﺍﺳﻲ ﻣﺘﺖ ﻣﻦ ﺍﻟﻮﺟﻊ ﺟﺴﻤﻲ ﻳﺮﺟﻒ ﻭ ﺍﻟﻌﺮﻙ ﻳﻨﺰﻝ ﻣﻦ ﺟﺴﻤﻲ، ﺟﻜﺎﺭﺓ ﻭﺭﺓ ﺟﻜﺎﺭﺓ ﺍﺧﺬ ﺑﺲ ﺍﺭﻳﺪ ﺍﻧﺴﻰ

ﻋﻼﺝ ﺍﻻﺩﻣﺎﻥ ﺍﺳﺎﺳﺎ ﻗﻄﻌﺘﻪ ﻣﻜﻤﻠﺘﻪ ﻣﻦ ﻣﺎﺕ ﺑﺎﺑﺎ ، ﺻﺮﺕ ﺍﻋﻮﺽ ﺍﺩﻣﺎﻧﻲ ﺑﺎﻟﺪﺧﺎﻥ ، ﺑﺲ ﺑﻌﺪﻧﻲ ﺩﻣﻲ ﺩﺍ ﻳﺤﺮﻛﻨﻲ

ﻟﻠﺤﻈﺔ ﻭﻛﻔﺖ ﺟﻴﺎﺩ ﻭ ﻃﻠﺒﺖ ﻣﻦ ﻋﻨﺪﻩ : ﺣﺒﺎﻳﺔ ﻭﺣﺪﺓ

- ﻣﺴﺘﺤﻴﻞ ﻟﺠﻴﻦ ﺍﻧﺖ ﻫﻼﺀ ﺗﺸﺎﻓﻴﺘﻲ ﻭ ﻫﻴﺪﺍ ﻳﻠﻲ ﻳﺼﻴﺮ ﻣﻌﻚ ﺳﺎﻋﺎﺕ ﻭ ﺑﻴﻤﺮﺉ ﺑﺪﻙ ﺗﻤﺴﻜﻲ ﺣﺎﻟﻚ

- ﺩﺍ ﺍﻣﻮﺕ ﺗﻔﺘﻬﻢ ﺟﺴﻤﻲ ﺩﺍ ﻳﺤﺘﺮﻙ

ﻣﻜﺎﻡ ﻳﺮﺩ ﻋﻠﻴﺔ ، ﻧﺰﻝ ﻟﻠﺼﻴﺪﻟﻴﻪ ﺍﺧﺬﻟﻲ ﺩﻭﺍ ﻭ ﻛﺎﻝ ﺍﺷﺮﺑﻲ، ﺷﺮﺑﺖ

ﻭ ﻧﺰﻟﻨﻲ ﻋﻠﻰ ﻣﻄﻌﻢ ﺣﺘﻰ ﺍﻏﺴﻞ ﻭﺟﻬﻲ ﻭ ﺍﺭﺗﺎﺡ : ﺩﺧﻠﺖ ﻏﺴﻠﺖ ﻭﺭﺟﻌﺖ ﻛﻌﺪﺕ ﻭﻳﺎﻩ ﻉ ﺍﻟﻄﺎﻭﻟﻪ

- ﺍﻧﻲ ﻣﺎ ﻻﺯﻡ ﺍﺑﻘﻰ ﻫﻴﺞ ﻻﺯﻡ ﺍﻟﻜﺎﻟﻲ ﺷﻐﻞ ﻣﻨﺘﻈﻢ

- ﻭ ﻟﺸﻮ ﻫﻴﺪﺍ ﺍﻟﺸﻐﻞ ﺻﺤﺘﻚ ﻣﺒﺘﺴﻤﺢ ﺍﻧﺎ ﻫﻮﻥ ﺣﺪﻙ، ﺑﺪﻙ ﻣﺘﻌﺒﻲ ﺣﺎﻟﻚ ﺍﻭﻛﻲ ؟

- ﺗﺴﻠﻢ ﺑﺲ ﻣﺎ ﺍﻛﺪﺭ ﻻﺯﻡ ﺍﺷﺘﻐﻞ ﻭ ﺍﺗﻘﻮﻯ ﻷﺭﺟﻊ ﻧﻔﺴﻲ ﻭ ﺑﻨﺘﻲ

- ﺑﻨﺘﻚ ﺑﺘﺮﺟﻊ ﻣﺘﺨﺎﻓﻲ ﺑﺪﻙ ﺗﺼﺒﺮﻱ ﻫﻼﺀ، ﻧﺘﺠﻮﺯ ﻭ ﺑﺘﺘﻌﺎﻓﻲ ﻣﻨﻴﺢ ﻭ ﻗﺘﺎ ﺑﻨﺮﻓﻊ ﻋﻠﻴﺔ ﻗﻀﻴﺔ ﻣﻦ ﺟﺪﻳﺪ ﻭ ﺑﻨﺴﺘﺮﺟﻌﺎ ﻟﺒﻨﺘﻚ

......

ﺟﻴﺎﺩ ﺑﺲ ﺍﻧﻲ ﻣﺎ ﺍﻛﺪﺭ ﺍﺑﻘﻰ ﺑﻠﺒﻨﺎﻥ ﻫﻨﺎ ﺩﺍ ﺍﺧﺘﻨﮓ، ﺍﻫﻠﻚ ﻣﺪﺍ ﺍﺗﺤﻤﻞ ﻛﻼﻣﻬﻢ ﻭﻻ ﻣﺠﺒﻮﺭﺓ ﺍﺗﺤﻤﻞ ﺍﻟﺒﻴﻪ ﻛﺎﻓﻴﻨﻲ ﻭ ﺯﺍﻳﺪ ﻣﺎ ﺍﻛﺪﺭ ﺷﻴﻞ ﺣﻤﻞ ﺯﺍﻳﺪ

- ﻳﻌﻨﻲ ﻟﻮﻳﻦ ﺑﺪﻙ ﺗﺮﻭﺣﻲ، ﺑﺘﻌﺮﻓﻲ ﺍﻧﺎ ﺷﻐﻠﻲ ﻫﻮﻥ ﻣﺎ ﻓﻴﻲ ﺍﺗﺮﻙ

- ﻭ ﺷﻨﻮ ﻳﻌﻨﻲ ﺍﺑﻘﻰ ﻫﻨﺎ ﺍﺗﺤﻤﻞ ﻻﻥ ﺷﻐﻠﻚ ﻫﻨﺎ

- ﺷﻮ ﻓﻲ ﻟﺠﻴﻦ ﻋﻢ ﺗﻜﻠﻤﻴﻨﻲ ﻭ ﻛﺄﻧﻲ ﻋﺪﻭﻙ ﻣﺶ ﺣﺒﻴﺒﻚ ﻭ ﺑﺪﻧﺎ ﻧﺘﺠﻮﺯ

- ﺍﻱ ﺯﻭﺍﺝ ﻫﺬﺍ ﺍﻟﻠﻲ ﺗﻬﻠﻚ ﻻﻋﻨﻲ، ﺟﺮﺑﺖ ﻗﺒﻞ ﺑﻤﺮﺓ ﺍﺗﺰﻭﺝ ﺑﺪﻭﻥ ﻣﻮﺍﻓﻘﺔ ﺍﻫﻠﻲ ﻣﺘﻮﻗﻔﺖ

- ﻭ ﺷﻮ ﻳﻌﻨﻲ ﺑﻨﺘﺮﻙ ﺑﺴﺒﺐ ﺭﻓﺾ ﺍﻣﻲ ﻟﺰﻭﺍﺟﻨﺎ ؟

- ﺍﻧﻲ ﻣﺎ ﺍﻛﺪﺭ ﺍﻋﻴﺶ ﺑﻠﺒﻨﺎﻥ ﺟﻴﺎﺩ ﺍﻓﻬﻢ

- ﻟﻮﻳﻦ ﺑﺪﻧﺎ ﺍﻧﺮﻭﺡ ﻟﺠﻴﻦ ﺍﺻﺤﻲ ﻉ ﺣﺎﻟﻚ ﺷﻮ ﻋﻢ ﺗﺤﻜﻲ ﻣﻔﻴﻨﺎ ﻧﺮﻭﺡ ﻟﻐﻴﺮ ﻣﺤﻞ

- ﺫﻛﺮﻳﺎﺗﻲ ﻭﺟﻌﻲ ﺍﻫﻠﻚ ﻛﻠﺸﻲ ﺑﻠﺒﻨﺎﻥ ﺩﺍ ﻳﺄﺫﻳﻨﻲ ﺣﺘﻰ ﻫﻮﺍﻫﺎ ﻳﺬﻛﺮﻧﻲ ﺍﺑﻨﺘﻲ ﻣﺎ ﺭﺍﺡ ﺍﻛﺪﺭ ﺍﺳﺘﻤﺮ ﻫﻨﺎ !

- ﻭ ﻟﻤﺎ ﺍﻧﺎ ﻭ ﺍﻧﺖ ﻣﺎ ﺑﻨﻘﺪﺭ ﺳﻮ ﻛﻴﻒ ﺭﺡ ﺗﻀﺒﻂ ؟

- ﺑﺪﻙ ﺗﺤﻠﻬﺎ

ﺍﺑﺘﺴﻢ ﻭ ﺟﺘﻒ ﺍﻳﺪﻩ ﻭ ﺍﺗﻜﺊ ﻉ ﺍﻟﻄﺎﻭﻟﺔ -: ﻛﺘﻴﺮ ﻣﻨﻴﺢ ﺻﺮﺗﻲ ﺑﺘﺤﻜﻲ ﻟﺒﻨﺎﻧﻲ

- ﻻ ﺗﻐﻴﺮ ﺍﻟﻤﻮﺿﻮﻉ ﺟﻴﺎﺩ

- ﺷﻮ ﺑﻚ ﻳﺎ ﺑﻨﺖ ﻋﻢ ﺣﺎﻭﻝ ﻫﺪﻳﻜﻲ

- ﺍﻧﺖ ﺩﺍ ﺗﻨﺮﻓﺰﻧﻲ ﺑﻐﺰﻟﻚ ﺍﻟﺒﺎﻳﺦ ﻫﺬﺍ

- ﻫﻼ ﺍﻧﺎ ﺻﺮﺕ ﺑﺎﻳﺦ

- ﺟﻴﺎﺩ ﺍﺳﻜﺖ ﻣﻨﻲ ﻣﺪﺍ ﺍﺗﺤﻤﻞ ﺍﻱ ﻛﻠﻤﺔ ﺍﺳﻤﻌﻬﺎ

ﺩﻧﺤﺠﻲ ﺍﻟﻜﺮﺻﻮﻥ ﺣﻂ ﻉ ﺍﻟﻄﺎﻭﻟﺔ ﺑﻄﻞ ‏( ﻭﻳﺴﻜﻲ ‏) ﻭ ﻛﺎﺳﺎﺕ ﻣﺸﺮﻭﺏ

ﺟﻴﺎﺩ : ﻣﺎ ﻃﻠﺒﻨﺎ ﻣﺸﺮﻭﺏ، ﻃﻠﺒﻨﺎ ﻗﻬﻮﺓ

- ﺍﻧﺎ ﻛﺘﻴﺮ ﺑﻌﺘﺬﺭ ﻳﺎ ﺍﺳﺘﺎﺫ ﺍﺳﻒ

ﻟﺠﻴﻦ -: ﻻ ﺍﺗﺮﻛﻪ ﻣﻌﻠﺶ ﺷﻜﺮﺍ ﺍﻟﻚ ﺭﻭﺡ

- ﺷﻮ ﻋﻢ ﺗﻌﻤﻠﻲ ﺍﻧﺖ

- ﺍﺭﻳﺪ ﺍﺗﺨﻠﺺ ﻣﻦ ﺍﻟﻢ ﺭﺍﺳﻲ ﺍﻳﺪﻱ ﻣﺪﺍ ﺗﺴﺘﻘﺮ

- ﻫﻴﺪﺍ ﻣﺶ ﺣﻞ ﻳﺎ ﻟﺠﻴﻦ ، ﺍﻋﻄﻴﺘﻚ ﺍﻟﻤﻬﺪﺉ ﻭ ﺑﺪﻧﺎ ﻧﺮﻭﺡ ﻉ ﺑﻜﺮﻩ ﻟﻠﻤﺸﻔﻰ ﻟﺘﻜﻤﻠﻲ ﻋﻼﺟﻚ

ﻓﺘﺤﺖ ﺍﻟﻮﻳﺴﻜﻲ ، ﻭ ﺻﺒﻴﺖ

- ﻟﺠﻴﻦ ﻋﻢ ﺍﺣﻜﻲ ﻣﻌﻚ

- ﺍﺧﺬﺕ ﻭ ﺷﺮﺑﺖ

- ﺍﻧﺖ ﻋﻢ ﺗﺘﺠﺎﻫﻠﻴﻨﻲ ﻛﺘﻴﺮ، ﻣﻦ ﻳﻮﻡ ﻳﻠﻲ ﻗﺮﺭﻧﺎ ﻧﺘﺠﻮﺯ ﻭ ﺍﻧﺖ ﻣﺶ ﻃﺎﻳﻘﺘﻴﻨﻲ ﻭ ﻛﺘﻴﺮ ﻋﻢ ﺗﺘﺠﺎﻭﺯﻱ ﺣﺪﻭﺩﻙ ﻣﻌﻲ، ﺍﺫﺍ ﻣﺘﺤﺒﻴﻨﻲ ﻗﻮﻟﻴﻠﻲ ﻻﺗﺮﻛﻚ ﻭ ﻓﻞ ﻣﻦ ﺣﻴﺎﺗﻚ

ﻣﺎ ﺭﺩﻳﺖ ﻋﻠﻴﻪ، ﺍﻋﺼﺎﺑﻲ ﻛﻠﺶ ﻣﻮ ﺗﻤﺎﻡ ﻭ ﺑﻮﺩﻱ ﺍﻧﻔﺠﺮ ﺑﻜﻠﺸﻲ ﻛﺪﺍﻣﻲ ﺍﻓﻠﺸﺔ ﻭ ﺩﺍ ﺍﺷﻤﺮ ﺍﻋﺼﺎﺑﻲ ﺑﺎﻟﺘﺪﺧﻴﻦ ﻭ ﺍﻟﺸﺮﺏ ﻻﻣﺴﻚ ﻧﻔﺴﻲ ..

ﻣﻦ ﻣﺎ ﺭﺩﻳﺖ ﻋﻠﻴﻪ ، ﺣﺲ ﺑﻴﻬﺎ ﺍﻫﺎﻧﻪ ﮔﺎﻡ ﻭ ﻛﺎﻝ : ﻫﻴﻚ ﻟﻜﺎﻥ، ﻟﻘﻮﻡ ﺍﻧﺎ ﺑﺌﻰ ، ﺍﻟﻤﻜﺎﻥ ﻳﻠﻲ ﻣﺎ ﺑﻼﻗﻲ ﺍﺣﺘﺮﺍﻣﻲ ﻓﻴﻪ ﻣﺎ ﺑﻘﻌﺪ ﻓﻴﻪ

ﺧﻠﺔ ﻭ ﻛﺎﻡ، ﺑﻘﻴﺖ ﻣﺴﺘﻤﺮﺓ ﺑﺎﻟﺸﺮﺏ ﺑﺲ ﻛﻤﺖ ﺍﺑﺠﻲ ﺑﻘﻮﺓ ﺷﻮﻳﻪ ﻭ ﺍﻧﻤﺴﻜﺖ ﺍﻳﺪﻱ : ﺧﻠﺺ ﺑﻴﻜﻔﻲ ﻫﻴﻚ ﻗﻮﻣﻲ ﻣﻌﻲ ﻟﺸﻮﻑ

- ﺍﺗﺮﻛﻨﻴﻴﻴﻴﻴﻲ ﻣﻌﻠﻴﻚ ﺑﻴﻴﻴﻴﻪ

- ﺍﺷﺸﺸﺸﺶ ..

ﻟﻤﻠﻤﻨﻲ ﺑﺄﺩﻳﻪ ﻭ ﻃﻠﻌﻨﻲ ﻣﻦ ﺍﻟﻤﻄﻌﻢ، ﺣﻄﻨﻲ ﺑﺎﻟﺴﻴﺎﺭﺓ ﻭ ﻧﺰﻝ ﻗﻔﻠﻬﺎ ﻭ ﺭﺟﻊ ﻟﻠﻤﻄﻌﻢ، ﺳﺪﺩ ﺍﺟﺮ ﺍﻟﻤﺸﺮﻭﺏ ﻭ ﺟﺎﺏ ﺟﺎﻛﻴﺘﻲ ﻭ ﺍﺟﻪ

.......

ﻛﻨﺖ ﺳﻜﺮﺍﻧﺔ ﻓﺪ ﻣﺮﺓ ﻭ ﻫﺬﺓ ﻳﻤﻜﻦ ﻣﻦ ﺍﺻﻌﺐ ﺣﺎﻻﺗﻲ ﺍﻟﻠﻲ ﻣﺮﻳﺖ ﺑﻴﻬﺎ ﻭ ﺍﻗﺮﻓﻬﺎ ، ﻛﻨﺖ ﺍﺻﺮﺥ ﻭ ﺍﺑﺠﻲ ﻭ ﺍﺿﺤﻚ ﺑﻨﻔﺲ ﺍﻟﻮﻗﺖ ﻭ ﻛﻞ ﺷﻮﻳﻪ ﺍﺣﺎﻭﻝ ﺍﻓﺘﺢ ﺑﺎﻟﺒﺎﺏ ﻟﺤﺘﻰ ﺍﺷﻤﺮ ﻧﻔﺴﻲ ﻭ ﺍﻧﺘﺤﺮ ﺑﺲ ﻣﻘﻔﻮﻝ .

ﻣﺎ ﻛﻨﺖ ﺍﺗﺬﻛﺮ ﺷﻨﻮ ﻛﻨﺖ ﺍﺣﺠﻲ، ﻟﻜﻦ ﺍﺗﺬﻛﺮ ﺍﻧﻲ ﻛﻤﺖ ﺍﺻﺮﺥ ﺑﻴﻪ ﻟﺤﺘﻰ ﺍﻧﺰﻝ ﺍﺗﻘﻴﺊ، ﻭ ﻛﻒ ﺍﻟﺴﻴﺎﺭﺓ ﺑﺴﺮﻋﻪ ﻣﻦ ﺷﺎﻓﻨﻲ ﺍﻫﻮﻉ

ﻓﺘﺤﺖ ﺍﻟﺒﺎﺏ ﺑﺴﺮﻋﻪ ﺩﻧﮕﺖ ﻭ ﺗﻘﻴﺌﺖ ﻉ ﺍﻟﺮﺻﻴﻒ، ﺻﺮﺕ ﺍﺣﺲ ﮔﻠﺒﻲ ﻳﻄﻠﻊ ﻭ ﺍﻧﻲ ﺍﺯﻭﻉ، ﺗﻘﺮﺏ ﻣﻨﻲ ﺟﻴﺎﺩ ﻭ ﺑﻴﺪﺓ ﺑﻄﻞ ﻣﻲ ﺳﺤﺒﻨﻲ، ﻏﺴﻞ ﻭﺟﻬﻲ ﻭ ﺍﻧﻲ ﺍﻛﺢ ﺑﻘﻮﺓ

- ﺍﺷﺮﺑﻲ

- ﺑﻌﺪ ﻣﻨﻲ ﺍﺗﺮﻛﻨﻲ ﺍﻣﻮﻭﻭﻭﻭﻭﺕ

ﺑﻘﻰ ﻳﺤﺎﻭﻝ ﻳﺸﺮﺑﻨﻲ -: ﻛﻠﺘﻠﻚ ﺑﻌﺪﺩﺩﺩﺩﺩﺩﺩﺩ ﻭ ﺧﺮ ﻣﻨﻲ، ﻻ ﺗﺸﻔﻖ ﻋﻠﻴﻪ ﺍﻧﻲ ﻣﻮ ﺑﺤﺎﺟﺔ ﺷﻔﻘﺘﻚ

ﻫﻮ ﺳﺎﻛﺖ ﻣﺎ ﻳﺤﺠﻲ، ﺑﺲ ﻛﻮﺓ ﻻﺯﻡ ﺍﻋﺼﺎﺑﻪ -: ﻻ ﺗﺘﻮﺭﻁ ﺑﻴﻪ ﻋﻮﻓﻨﻲ، ﺍﺳﺎﺳﺎ ﺍﻧﻲ ﻣﺎ ﺍﺣﺒﻚ ﻣﺎﺍﺍﺍﺍﺍ ﺍﺣﺒﻚ ﺍﻧﻲ ﺍﺷﻔﻖ ﻋﻠﻴﻚ ﻭ ﻋﻠﻰ ﻣﺸﺎﻋﺮﻙ

ﺿﺤﻜﺖ، ﺍﺭﺗﻔﻌﺖ ﺿﺤﻜﺘﻲ ﺑﺼﻮﺕ ﻋﺎﻟﻲ ﻭ ﻛﻤﺖ ﺍﺿﺤﻚ ﺑﻬﺴﺘﻴﺮﻳﺎ ﻭ ﺍﺷﺮﻟﻪ : ﻻ ﻻ ﺍﻧﻲ ﺍﺷﻔﻖ ﻋﻠﻰ ﻧﻔﺴﻲ ﺑﻴﻚ، ﺍﻧﺎ ﻣﺠﺮﺩ ﻭﺍﺣﺪ ﻛﻠﺶ ﺧﻄﻴﺔ

ﺍﻟﻠﻲ ﺩﻳﻤﺸﻮﻥ ﻉ ﺍﻟﺮﺻﻴﻒ ﺻﺎﺭﻭ ﻳﺒﺎﻭﻋﻮﻥ ﺑﺘﻌﺠﺐ، ﻫﻮ ﺳﺤﺒﻨﻲ ﺑﻘﻮﺓ ﻟﻠﺴﻴﺎﺭﺓ ﺷﻤﺮ ﺍﻟﺒﻄﻞ ﻋﻠﻴﺔ ﻭ ﺿﺮﺏ ﺍﻟﺒﺎﺏ ﺣﻴﻞ ﻭ ﺍﻟﺘﻒ ﻳﺼﻌﺪ ﻣﻦ ﺍﻟﺒﺎﺏ ﺍﻟﺜﺎﻧﻴﺔ

ﺑﻌﺪﻫﺎ ﻣﺎ ﺍﺗﺬﻛﺮ ﻧﻤﺖ ﺻﺎﺣﻴﺔ ﻣﺎ ﺍﻋﺮﻑ، ﺑﺲ ﺍﺗﺬﻛﺮ ﻣﻦ ﺧﻠﻴﺖ ﺭﺍﺳﻲ ﻉ ﺍﻟﻤﺨﺪﺓ ﺑﺎﻟﺒﻴﺖ ﻭ ﻫﻮ ﻧﺰﻉ ﻣﻦ ﺭﺟﻠﻴﺔ ﺍﻟﺤﺬﺍﺀ

ﻛﻌﺪﺕ ﺍﻟﺼﺒﺢ ، ﻓﺘﺤﺖ ﻋﻴﻨﻲ ﺑﺎﻭﻋﺖ ﺍﻟﻐﺮﻓﺔ

ﺑﻴﺖ ﺟﻴﺎﺩ !

ﻛﻌﺪﺕ ﻣﻦ ﺣﻴﻠﻲ، ﺟﺴﻤﻲ ﻣﻜﺴﺮ ﻓﺪ ﻣﺮﺓ، ﺍﺗﻠﻔﺖ ﺑﺰﻭﺍﻳﺎ ﺍﻟﻐﺮﻓﺔ ﻭ ﺍﺩﻭﺭ ﻋﻴﻮﻧﻲ ﺑﺘﻌﺐ

... ﺍﻧﻲ ﺷﺠﺎﺑﻨﻲ ﻫﻨﺎ ؟ ﺍﺍﺍﺍﺍﺍﺥ ﺭﺍﺳﻲ ﻳﺎ ﺍﻟﻠﻪ ﻭﺟﻊ ﻳﺬﺑﺢ

ﺭﻓﻌﺖ ﺍﻟﻐﻄﺎ ﻣﻦ ﻋﻠﻰ ﺟﺴﻤﻲ، ﻧﺰﻟﺖ ﺭﺟﻠﻴﺔ ﻣﻦ ﺍﻟﺴﺮﻳﺮ، ﺑﺎﻭﻋﺖ ﺍﻳﺪﻱ ﻣﺠﺒﺴﺔ ﻭ ﺍﻟﻮﺟﻊ ﺑﻴﻬﺎ ﻳﺬﺑﺢ، ﻭ ﻛﻤﺖ ﻃﻠﻌﺖ ﺍﻟﻐﺮﻓﺔ ﺍﻣﺸﻲ ﺑﺎﻟﺒﻴﺖ -: ﺟﻴﺎﺍﺍﺍﺩ ... ﺟﻴﺎﺍﺍﺍﺩ ﻭﻳﻦ ﺍﻧﺖ

ﺩﺧﻠﺖ ﻟﻠﻤﻄﺒﺦ ﻟﻜﻴﺘﻪ ﻛﺎﻋﺪ ﻛﺪﺍﻡ ﺍﻟﻄﺎﻭﻟﺔ ﻻﺑﺲ ﻓﺎﻧﻴﻠﺔ ﺑﻴﻀﺔ ﻭ ﺑﺠﺎﻣﺔ ﺭﺻﺎﺻﻴﺔ ﻭ ﻣﺎﺩ ﺍﻳﺪﺓ ﻣﺎﺳﻚ ﻓﻨﺠﺎﻥ ﺍﻟﻘﻬﻮﺓ -: ﻫﺎﻱ ﺍﻧﺖ ﻫﻨﺎ ﻭ ﺍﻧﻲ ﺍﺻﻴﺢ ﻋﻠﻴﻚ

ﺳﺤﺒﺖ ﺍﻟﻜﺮﺳﻲ، ﻭ ﻛﻌﺪﺕ ﺍﻓﺮﻙ ﺑﺮﺍﺳﻲ -: ﺟﻴﺎﺩ ﺍﺭﻳﺪ ﻋﻼﺝ ﺻﺪﺍﻉ ﺫﺍﺑﺤﻨﻲ ﺭﺍﺡ ﺍﻣﻮﺕ ﺍﺣﺲ ﺷﻲﺀ ﻳﺰﺭﻑ ﺑﺮﺍﺳﻲ

ﺗﻨﻬﺪ ﻛﺎﻡ ﻣﻦ ﻣﻜﺎﻧﺔ ﻓﺘﺢ ﺍﻟﺜﻼﺟﺔ ﻃﻠﻊ ﺑﻨﺪﻭﻝ ﻭ ﺣﻄﺔ ﻛﺪﺍﻣﻲ ﺑﻼ ﻣﺎ ﻳﺤﺠﻲ -: ﺍﻋﺮﻑ ﺯﻋﻼﻥ ﻭ ﺍﻋﺘﺮﻑ ﺯﻭﺩﺗﻬﺎ ﺍﻟﺒﺎﺭﺣﻪ ﻭ ﻣﻮ ﺷﻮﻳﺔ ﻫﻮﺍﻳﺔ ﺑﺲ ﺍﻧﻲ ﺍﻋﺘﺬﺭ ﻭ ﺍﻭﻋﺪﻙ ﻫﺎﻟﺸﻲﺀ ﻣﺎ ......... ﻗﺎﻃﻌﻨﻲ

- ﺍﺧﺪﻱ ﺍﻟﺪﻭﺍ

- ﻛﻤﺖ ﻣﻦ ﻣﻜﺎﻧﻲ ﻭ ﻛﻤﺖ ﺍﺑﺎﻭﻋﻠﻪ، ﺍﻧﺪﺍﺭ ﻟﻠﺸﺒﺎﻙ ﺍﻟﻠﻲ ﻳﻄﻞ ﻉ ﺍﻟﺤﺪﻳﻘﺔ، ﻛﺘﻒ ﺍﺩﻳﺔ ﻭ ﻛﺎﻡ ﻳﻨﻈﺮ ﺑﻌﺰﻡ ﻭ ﻣﺒﻴﻦ ﻣﺘﻀﺎﻳﻖ ﺣﻴﻞ ﻣﻨﻲ

- ﻣﺎ ﺍﻋﺮﻑ ﺷﻨﻮ ﺣﺠﻴﺖ ﺍﻟﺒﺎﺭﺣﺔ ﻭ ﺷﻨﻮ ﺧﺒﺼﺖ ﺑﺲ ﺍﺗﺎﻛﺪ ﺍﻧﻮ ﺍﻧﻲ ﻣﻜﻨﺖ ﻭﺍﻋﻴﺔ ﻟﻜﻼﻣﻲ ﻭﻻ ﻟﺘﺼﺮﻓﺎﺗﻲ ﻓﻠﻮ ﻃﻠﻌﺖ ﻣﻨﻲ ﻛﻠﻤﺔ ﺿﺎﻳﻘﺘﻚ ﻻ ﺗﺎﺧﺬﻫﺎ ﻋﻠﻰ ﻣﺤﻤﻞ ﺍﻟﺠﺪ

- ﻣﺎ ﻫﻮ ﻳﻠﻲ ﺑﻴﺤﺰ ﻓﻴﻲ ﺍﻧﻚ ﻣﻜﻨﺘﻲ ﻭﺍﻋﻴﺔ، ﺣﻜﻴﺘﻲ ﻛﻞ ﻳﻠﻲ ﺑﺌﻠﺒﻚ ﺑﺪﻭﻥ ﻣﺘﻨﺘﺒﻬﻲ

- ﺟﻴﺎﺩ

........

ﺑﻼ ﺟﻴﻴﻴﻴﺎﺩ ﺑﻼ ﺑﻄﻴﻴﻴﻴﺦ، ﻟﻚ ﺍﻧﺎ ﺗﺮﻛﺖ ﺍﻣﻲ ﻭ ﺑﻴﻲ ﻭ ﻋﻴﻠﺘﻲ ﻭ ﻛﻞ ﺷﻲ ﻛﺮﻣﻠﻚ، ﻛﺮﻣﻠﻚ ﺍﻧﺎ ﺑﺤﺒﻚ ، ﻭ ﺍﻧﺖ ﺷﻮﻭﻭﻭﻭ .. ﺑﺘﺸﻔﻘﻲ ﻋﻠﻴﻲ ﻭﺍﻧﺎ ﺣﺪﻥ ﺑﺎﻳﺦ ﻭﻣﺒﻴﺴﻮﺍﻟﻮ ﻗﺮﺷﻴﻦ ﻋﻨﺪﻙ ؟ !!

- ﺍﺑﺪﺍ ﻣﻮ ﻫﻴﺞ

- ﻣﺎ ﺑﺪﺍ ﺗﻔﺴﻴﺮ ﻟﺠﻴﻦ ﻣﺎ ﻛﻠﺸﻲ ﻭﺍﺿﺢ ﻗﺪﺍﻣﻲ ، ﻟﻚ ﺋﻠﺘﻠﻚ ﻛﺮﻣﺎﻟﻲ ﻛﺮﻣﺎﺍﺍﺍﺍﺍﻟﻲ ﻣﺘﻌﻤﻠﻲ ﻫﻴﻴﻴﻴﻴﻴﻚ، ﻭ ﺍﻧﺖ ﺷﻮ ﻋﻤﻠﺘﻲ ؟

ﻟﻚ ﺍﻧﺖ ﻣﺶ ﺣﺎﻃﻄﺘﻴﻨﻲ ﺑﺒﺎﻟﻚ ﺍﺻﻼ ﻭ ﻣﺶ ﻋﺎﻣﻠﺘﻲ ﺣﺴﺎﺏ ﺍﺑﺪﺍ، ﺍﻧﺎ ﺣﺪﻙ ﺷﺌﻔﺔ ﺣﺪ ﺑﻴﻄﺒﻄﺐ ﻋﻠﻴﻜﻲ ﻭ ﻳﻮﻗﻒ ﺟﻨﺒﻚ ﻭﻗﺖ ﻳﻠﻲ ﺍﻧﺖ ﺑﺪﻙ، ﻭ ﻟﻤﺎ ﺗﺘﻌﺎﻓﻲ ﺭﺍﺡ ﺗﻌﺮﻓﻲ ﺍﻧﻚ ﺍﺳﻮﺀ ﺷﻲﺀ ﻋﻤﻠﺘﻲ ﺑﺤﻴﺎﺗﻚ ﺍﻧﻚ ﺩﺧﻠﺘﻴﻨﻲ ﺑﺤﻴﺎﺗﻚ، ﺳﻮ ﺍﻃﻠﻌﻲ ﻣﻦ ﺣﻴﺎﺗﻲ ﻭ ﺍﺗﺮﻛﻴﺘﻲ ﻟﺤﺎﻟﻲ ﺑﺘﺮﺟﺎﻛﻲ

- ﺟﻴﺎﺩ ﺍﻋﺮﻑ ﺍﻧﺖ ﻣﺘﻀﺎﻳﻖ ﻛﺜﻴﺮ ﻭ ﺣﻘﻚ ﺍﻟﺒﺎﺭﺣﺔ ﻫﻮﺍﻳﺔ ﺗﻤﺎﺩﻳﺖ ﺑﺲ ﺻﺪﻛﻨﻲ ﺍﻧﺖ ﺑﺎﻟﻨﺴﺒﺔ ﺍﻟﻴﻪ .....

- ﺍﻧﺎ ﺷﻮ ﻟﺠﻴﻦ ؟ ﺷﻮ ﺑﻌﻨﻴﻠﻚ ، ﻗﻠﻴﻠﻲ ﺑﺤﺒﻚ ﻟﻮ ﺗﻘﺪﺭﻱ ، ﺟﺮﺭﺭﺭﺭﺭﺑﻲ ﻟﺸﻮ ﺟﺮﺑﻴﻴﻴﻲ ...

ﻣﺎ ﺑﺘﻘﺪﺭﻱ ﻣﺎﺍﺍﺍﺍ

- ﺟﻴﺎﺩ ﺍﻧﺖ ﺗﻌﺮﻑ ﻇﺮﻓﻲ ﻭ ﻣﻮ ﺫﻧﺒﻲ ﺑﺲ ﺍﻧﻲ ......

- ﻣﻮ ﺫﻧﺒﻲ ﻣﻮ ﺫﻧﺒﻲ ﻣﻮ ﺫﻧﺒﻲ ﻟﺴﺔ ﺍﺩﻳﺶ ﺑﺪﻙ ﺗﻘﻮﻟﻲ ﻣﺶ ﺫﻧﺒﻚ، ﻛﻞ ﻳﻠﻲ ﺣﻮﻟﻴﻜﻲ ﻣﺬﻧﺒﻴﻦ ﺑﺲ ﺍﻧﺖ ﻣﺶ ﺫﻧﺒﻚ ﺍﺑﺪﺍ ...

ﺍﺳﻤﻌﻲ ﻣﻨﻲ ﻟﺸﻮ، ﻛﻞ ﻳﻠﻲ ﺑﻴﺼﻴﺮ ﻣﻌﻚ ﺫﻧﺒﻚ ﺍﻧﺖ ﻭﺣﺪﻙ، ﺣﺘﻰ ﻣﺎﻟﻚ ﻣﺎ ﺋﻠﻮ ﺫﻧﺐ ﻓﻴﻜﻲ

ﺍﻧﺖ ﻳﻠﻲ ﺩﺧﻠﺘﻲ ﺑﺤﻴﺎﺗﻚ ﻭ ﺑﻠﺴﺎﻧﻚ ﺣﻜﻴﺘﻴﻠﻲ ﺍﺩﻳﺶ ﺍﻫﻠﻚ ﺣﺎﻭﻟﻮ ﻳﻤﻨﻌﻮﻛﻲ ﻭ ﻣﺎ ﺭﺩﻳﺘﻲ

ﺍﻧﺖ ﻳﻠﻲ ﺳﺎﻓﺮﺗﻲ ﻭ ﺍﺟﻴﺘﻲ ﻣﻌﻮ ﻟﻬﻮﻥ ﻭ ﻣﺎ ﻫﺮﺑﺘﻲ ﻻﻫﻠﻚ ... ﺍﻧﺖ ﺍﺧﺘﺎﺭﻳﺘﻲ ﺗﺒﺌﻲ ﻣﻌﻮ ... ﺍﻧﻨﻨﻨﻨﻨﻨﺖ

ﺍﻧﺖ ﻳﻠﻲ ﺧﻠﻴﺘﻲ ﻳﺘﻤﺎﺩﻯ ﻭ ﻳﺎﺧﺪ ﻣﻨﻚ ﻟﻴﺴﺪﺩ ﺩﻳﻮﻥ ﺍﻟﻘﻤﺎﺭ ﺗﺒﻌﻮ .. ﻭ ﻟﻤﺎ ﺧﻠﺼﺘﻲ ﺑﺎﻋﻚ ﺍﻧﺖ ﻟﻴﺴﺪﺩ ﺍﻟﺪﻳﻦ ﻳﻠﻲ ﻋﻠﻴﻪ

ﻛﻢ ﻣﺮﺓ ﺍﺋﻠﺘﻠﻚ ﻟﺠﻴﻦ ﻣﺎ ﺗﺒﺮﺋﻲ ﻟﻤﺎﻟﻚ ﻫﻴﺪﺍ ﻣﺎ ﺑﻴﺘﺄﻣﻦ ﻭ ﻭﻋﺪﺗﻚ ﺭﺟﻌﻠﻚ ﺑﻨﺘﻚ ... ﺷﻮ ﻋﻤﻠﺘﻲ ﺍﻧﺖ؟

ﻣﺎ ﺍﺣﺘﺮﻣﺘﻲ ﻛﻠﻤﺘﻲ ﻭ ﻻ ﺍﺧﺪﺗﻲ ﻛﻞ ﻳﻠﻲ ﺣﻜﻴﺘﻮ ﻷﻟﻚ .. ﻭ ﺭﺣﺘﻲ ﻋﻤﻠﺘﻲ ﺍﻟﻠﻲ ﺑﺮﺍﺳﻚ ﺑﺴﺴﺴﺲ

ﻣﺶ ﺫﻧﺐ ﺣﺪ ﺍﺑﺪﺍ، ﻛﻠﺸﻲ ﺻﺎﺭ ﺫﻧﺒﻚ ﺍﻧﺖ ﺑﺲ ﻳﺎ ﻟﺠﻴﻦ

..... ﺍﺑﺎﻭﻋﻠﻪ ﺑﺼﺪﻣﺔ ﻭ ﺍﻟﺪﻣﻮﻉ ﺗﺠﺮﻱ ﻭ ﻓﺎﺗﺤﺔ ﺍﺩﻳﺔ -: ﺟﻴﺎﺩ

- ﻣﺎ ﺗﻄﻠﻌﻲ ﻓﻴﺎ ﻫﻴﻚ، ﺫﻧﺒﻚ ﺍﻧﻚ ﻣﺎ ﺑﺘﺴﻤﻌﻲ ﻏﻴﺮ ﻟﻌﺌﻠﻚ ﻭ ﻋﻘﻠﻚ ﻟﺴﺔ ﺭﺍﺡ ﻳﺎﺧﺪﻙ ﻟﻠﺠﺤﻴﻢ ﻛﺘﻴﻴﻴﻴﺮ ﻭ ﺑﺪﻙ ﺗﺤﺘﺮﻗﻲ ﺍﻛﺘﺮ ﻷﻥ ﻣﺎ ﺑﺘﺴﻤﻌﻲ ﻏﻴﺮﺭﺭﺭﺭﺭﺭ ﻟﺤﺎﻟﻚ ...

ﺳﻮ ﺍﺿﻬﺮﻱ ﻣﻦ ﺣﻴﺎﺗﻲ ﻭ ﺍﺗﺮﻛﻴﻨﻲ ﺑﻠﻴﻴﻴﻴﺰ

ﺍﻧﺎ ﻋﺮﻓﺖ ﻣﻜﺎﻧﺘﻲ ﺑﻘﻠﺒﻚ ﻣﺒﺤﺎﺝ ﺣﺐ ﺣﺪﻥ ﻣﺒﻴﺤﺒﻨﻲ ، ﻃﻠﻌﻴﻨﻲ ﻣﻦ ﺣﻴﺎﺗﻚ ﻭ ﺍﺗﺮﻛﻴﻨﻲ ﻛﻔﻲ ﺣﻴﺎﺗﻲ

ﻫﺰﻳﺖ ﺭﺍﺳﻲ ﻭ ﺍﻟﺪﻣﻮﻉ ﺗﺠﺮﻱ، ﺗﻮﺟﻬﺖ ﻟﻠﻐﺮﻓﺔ ﺍﺧﺬﺕ ﺍﻟﺠﺎﻛﻴﺖ ﻭ ﻃﻠﻌﺖ ﻣﻦ ﺑﻴﺘﻪ ﺍﻣﺸﻲ ﻭ ﺍﺑﺠﻲ .. ﺍﺑﺎﻭﻉ ﺍﻟﺨﻄﻮﺍﺗﻲ ﻭ ﺍﻧﻲ ﺍﺧﻄﺒﻬﺎ ﻉ ﺍﻟﻜﺎﻉ ﺗﻮﻗﻔﺖ ﻭ ﺭﻓﻌﺖ ﺭﺍﺳﻲ ﻟﻠﻄﺮﻳﻖ

ﺷﺎﺭﻉ ﻃﻮﻳﻴﻴﻴﻞ ﻣﻤﻌﺮﻭﻑ ﻭﻳﻦ ﻧﻬﺎﻳﺘﻪ

ﻭﻛﻔﺖ ﺣﻄﻴﺖ ﺍﺩﻳﻪ ﻋﻠﻰ ﺍﺫﻧﻲ ﻭ ﺍﺑﺠﻲ ﺑﺼﻮﺕ ﻋﺎﻟﻲ

ﻭﻳﻦ ﻭﺩﻳﺖ ﺭﻭﺣﻲ ﻭ ﺑﺄﺧﻄﺎﺋﻲ ﻭﻳﻦ ﻭﺻﻠﺖ ﺣﺎﻟﻲ

ﺻﻔﻴﺖ ﺑﻄﺮﻳﻖ ﺿﺎﻳﻊ ﻭﺣﺪﻱ ﻣﺎ ﺍﻟﻲ ﺍﺣﺪ

.......

ﺗﺮﻛﺖ ﺍﻫﻠﻲ ﻭ ﺍﻗﺎﺭﺑﻲ ﻭ ﻧﺎﺳﻲ ﻭ ﻛﻠﺸﻲ ﺣﺘﻰ ﺍﺭﺗﺒﻂ ﺑﺸﺨﺺ ﮔﻠﺒﻲ ﺗﻌﻠﻖ ﺑﻴﻪ ﻭ ﺻﺪﻗﺔ

ﺍﻟﻜﻞ ﺷﺎﻓﺖ ﻋﻴﻮﺑﻪ ﺍﻻ ﺍﻧﻲ

ﻳﺎﻣﺎ ﻭ ﻳﺎﻣﺎ ﺣﺬﺭﻭﻧﻲ ﻭ ﺍﺫﻧﻲ ﻭ ﺍﻟﺤﺎﻳﻂ ﻋﻦ ﺍﻏﻼﻃﺔ

ﻣﺸﻴﺖ ﻣﺸﻴﺖ ﻭﺭﺍﻩ ﻟﺤﺪ ﻣﺎ ﺧﻼﻧﻲ ﺑﺎﻟﻘﺎﻉ ﻭ ﻫﻮ ﺑﺤﻴﻠﺔ ﻭ ﺍﻓﻌﺎﻟﻪ ﻧﺠﺎ ﻭ ﺭﺣﺖ ﺍﻧﻲ ﺍﻟﻀﺤﻴﺔ

ﻣﻮ ﺿﺤﻴﺘﻪ ﺍﺑﺪﺍ، ﺍﻧﻲ ﺿﺤﻴﺔ ﺍﺧﻄﺎﺋﻲ .. ﺿﺤﻴﺔ ﻏﺒﺎﺋﻲ

ﺧﺴﺮﺕ ﻛﻠﺸﻲ ﺍﻣﻠﻚ، ﺻﺤﺘﻲ ﺑﻨﺘﻲ ﺍﻫﻠﻲ ﺍﻗﺎﺭﺑﻲ ﺑﻠﺪﻱ .. ﻛﻠﺸﻲ ﺑﺴﺒﺒﻪ

ﺫﻧﺒﻲ ﺑﺲ ﺣﺒﻴﺖ ﻭ ﺻﺪﻗﺖ ﺷﺨﺺ ﻣﺎ ﺟﺎﻥ ﻻﺯﻡ ﺍﺻﺪﻗﻪ

ﻛﻤﻠﺖ ﻃﺮﻳﻘﻲ ﻭ ﺍﻧﻲ ﺍﺑﺤﺐ ﻭ ﺍﺗﺬﻛﺮ ﺍﺣﺪﺍﺙ ﺣﺒﺎﺗﻲ ﺍﻟﺴﺎﺑﻘﺔ .. ﺷﻠﻮﻥ ﺟﻨﺖ ﺍﻧﻬﺰﻡ ﻣﻦ ﻣﻜﺎﻥ ﻟﻤﻜﺎﻥ ﺑﺲ ﺣﺘﻰ ﺍﺗﺨﻠﺺ ﻣﻦ ﻣﺨﻠﺪ ﻭ ﺍﺭﻭﺡ ﻟﻤﺎﻟﻚ

ﺍﺗﺬﻛﺮ ﺻﻴﺎﺡ ﻭ ﻗﺴﻮﺓ ﻣﺨﻠﺪ ﻋﻠﻴﻪ ﺑﺴﺒﺐ ﻣﺎﻟﻚ

ﺩﻣﻮﻉ ﺑﺎﺑﺎ ﺑﻴﻮﻡ ﺍﻟﻠﻲ ﻃﻠﻌﺖ ﻣﻦ ﺑﻴﺘﻪ ﻭ ﻫﻮ ﻣﺮﺍﺿﻲ

ﺗﺎﻟﻲ ﻣﺎﺕ ﻭ ﺍﻧﻲ ﻣﻤﺎﺧﺬﻩ ﺭﺿﺎﻩ

ﺍﻱ ﺗﻮﻓﻴﻖ ﻭ ﺑﺮﻛﺔ ﺍﺷﻮﻑ ﺑﺤﻴﺎﺗﻲ ﻭ ﺍﻧﻲ ﻣﻠﻌﻮﻧﻪ ﺑﻌﻴﻮﻥ ﺍﺑﻮﻳﺔ ..

ﻛﻌﺪﺕ ﺑﺎﻟﻜﺎﻉ ﻭ ﺑﻘﻴﺖ ﺍﺑﺠﻲ ﻣﻦ ﺻﺪﻙ ..

ﺑﺲ ﻫﺎﻟﻤﺮﺓ ﺑﺠﻴﺖ ﻋﻠﻰ ﻧﻔﺴﻲ ﻣﻦ ﻧﻔﺴﻲ

ﺑﺠﻴﺖ ﻟﺤﺪ ﻣﺎ ﻫﺪﻳﺖ ﺑﺎﻟﺸﺎﺭﻉ ، ﻭﻗﺘﻬﺎ ﻗﺮﺭﺕ ﻗﺮﺍﺭ

ﺍﺭﺟﻊ ﻟﻠﻌﺮﺍﻕ ﻭ ﺍﺑﺪﻱ ﻣﻦ ﺍﻭﻝ ﻭ ﺟﺪﻳﺪ ، ﺍﺭﺟﻊ ﻷﺻﻠﻲ ﻟﺤﺘﻰ ﺍﺭﺟﻊ ﻟﺠﻴﻦ ﺍﻟﻘﻮﻳﺔ ﺍﻟﻠﻲ ﻣﺎ ﺗﻨﻜﺴﺮ ... ﺍﺭﺟﻊ ﺍﻋﻴﺪ ﻧﻔﺴﻲ ﻭ ﺍﺳﺘﻌﻴﺪﻫﺎ

ﺍﺭﻭﺡ ﻟﻘﺒﺮ ﺑﺎﺑﺎ ﻭ ﺍﻃﻠﺐ ﺭﺿﺎﻩ ﺑﻜﻞ ﺍﻣﺮ ﺍﺳﻮﻳﻪ

... ﻛﻤﺖ ﻣﻦ ﻣﻜﺎﻧﻲ ﻭ ﺭﺣﺖ ﻟﻠﻤﻄﺎﺭ ﺣﺠﺰﺕ ﻟﺒﺎﺟﺮ ﻋﻠﻰ ﺍﻟﺴﺎﻋﺔ ٦ ﺍﻃﻠﻊ ﻟﺒﻐﺪﺍﺩ

ﺭﺣﺖ ﻋﻠﻰ ﻣﺤﻞ ﺷﻐﻠﻲ ﺳﺤﺒﺖ ﺍﻟﻠﻲ ﺍﻟﻲ ﻭ ﻛﻤﻠﺖ ﺷﻐﻠﻲ ﻭﻳﺎﻫﻢ، ﻭ ﺭﺟﻌﺖ ﻟﻠﻔﻨﺪﻕ ﻟﻤﻴﺖ ﻏﺮﺍﺿﻲ ﻭ ﻣﻦ ﺍﻟﺼﺒﺢ ﻃﻠﻌﺖ ..

ﺍﻟﻰ ﺑﻐﺪﺍﺩ ...

ﻧﺰﻟﺖ ﺑﺎﻟﻤﻄﺎﺭ ، ﺍﺧﺬﺕ ﻧﻔﺲ : ﺍﺍﺍﺍﺍﺍﻩ ﻫﻮﻯ ﺑﻐﺪﺍﺩ ﻏﻴﺮ ﻛﻞ ﻫﻮﻯ ﺍﻟﻌﺎﻟﻢ ..

ﺍﺟﻤﻞ ﻣﺎ ﺑﺎﻷﻧﺴﺎﻥ ﻫﻮ ﻟﻮ ﺷﻜﺪ ﻣﺎ ﻳﻠﻒ ﻭ ﻳﺪﻭﺭ ﺍﻟﻌﺎﻟﻢ ﻳﺒﻘﻰ ﻗﻠﺒﻪ ﻭ ﺍﻧﺘﻤﺎﺋﺔ ﻟﺒﻠﺪﺓ ﻭ ﺍﺭﺿﻪ

ﻣﺸﻴﺖ ﻭ ﻛﻤﻠﺖ ﺍﺟﺮﺍﺋﺎﺗﻲ .. ﻭ ﻃﻠﻌﺖ ﻟﺒﻴﺖ ﻋﻤﻮ ﻋﺜﻤﺎﻥ

ﻓﺎﺕ ﺍﻟﺘﻜﺴﻲ ﺑﺸﺎﺭﻉ ﺍﻻﻋﻈﻤﻴﻪ .. ﺍﺣﺲ ﻛﻠﺒﻲ ﺻﺎﺭ ﻫﺎﻟﻜﺒﺮﻩ ﻣﻦ ﺍﻟﻘﻬﺮ ﻭ ﺍﻧﻲ ﺍﺗﺬﻛﺮ ﺍﻟﺸﻮﺍﺭﻉ ﺷﺎﺭﻉ ﺷﺎﺭﻉ ﻭ ﺭﻳﺤﺔ ﺍﺑﻮﻳﻪ ﺑﻴﻬﻢ

ﺍﺥ ﺷﻴﺮﺟﻊ ﺫﻳﺞ ﺍﻻﻳﺎﻡ ..

ﺍﻧﻄﻲ ﻋﻤﺮﻱ ﻛﻠﻪ ﺑﺲ ﺧﻞ ﻳﺮﺟﻊ ﺍﺑﻮﻳﻪ ﻭ ﺍﺑﻮﺱ ﺍﻳﺪﻩ ﻭ ﺍﻃﻠﺐ ﺭﺿﺎﻩ ﻭﺑﻌﺪﻫﺎ ﻫﻞ ﺍﻟﻠﻪ ﻳﺎﺧﺬ ﻋﻤﺮﻱ ﻟﻮ ﻳﺨﺮﻣﻨﻲ ﻣﻦ ﻛﻠﺸﻲ ﻗﺎﺑﻠﻪ .. ﺑﺲ ﻳﺮﺟﻊ ﺍﺑﻮﻳﺔ

ﻛﻞ ﻗﻮﺗﻲ ﻭ ﺯﻭﺩﻱ ﺟﺎﻥ ﻋﻨﺪﻱ ﺳﻨﺪ ﺑﺎﻟﺪﻧﻴﺎ ﻟﻮ ﻣﺎﻟﺖ ﺑﻴﺎ ﺍﻟﺪﻧﻴﺎ ﺍﺭﺟﻊ ﻭ ﺍﻧﺘﺠﻲ ﻋﻠﻴﻪ ... ﻣﻮﺗﻪ ﻫﻮ ﺍﻷﻧﻜﺴﺎﺭ ﺍﻟﺤﻘﻴﻘﻲ ﺍﻟﻠﻲ ﺍﻓﻠﺴﻨﻲ ﻣﻦ ﻛﻞ ﺷﻲﺀ ..

ﻭﺻﻠﺖ ﺑﺎﺏ ﺑﻴﺖ ﻋﻤﻲ، ﻧﺰﻟﺖ ﻭ ﺍﻧﻄﻴﺖ ﺍﺑﻮ ﺍﻟﺘﻜﺴﻲ ﺍﺟﺮﺓ ﺟﺎﻧﺖ ﺳﻴﺎﺭﺓ ﺳﺎﻳﺒﺔ .. ﺑﺎﻭﻋﺘﻬﺎ ﻭ ﻫﻲ ﺗﻄﻠﻊ ﻣﻦ ﺍﻟﻔﺮﻉ

ﺗﻘﺪﻣﺖ ﻟﺒﺎﺏ ﺑﻴﺖ ﻋﻤﻮ .. ﺩﻛﻴﺖ

ﻟﺤﻈﺎﺕ ﻭ ﻃﻠﻌﺘﻠﻲ ﺑﻨﺖ ﻋﻤﻲ ﺍﻟﻤﺘﺰﻭﺟﻪ .. ﺍﻧﺼﺪﻣﺖ ﻣﻦ ﻟﻜﺘﻨﻲ ﺑﺎﻟﺒﺎﺏ ﺍﺧﺬﺗﻨﻲ ﺑﺎﻻﺣﻀﺎﻥ ﻭ ﻫﻲ ﺗﺼﻴﺢ : ﺑﺎﺑﺎ ﻫﺎﻳﻪ ﻟﺠﻴﻴﻴﻴﻦ ﺑﺎﺑﺎ

ﻃﻠﻊ ﻋﻤﻮ ﺑﺴﺮﻋﻪ : ﺍﻫﺎ ﻟﺠﻴﻦ ﻫﺎﻱ ﺷﻮﻛﺖ ﺍﺟﻴﺘﻲ ، ﺍﻧﻲ ﺍﺑﺎﻭﻋﻬﻢ ﻭ ﺩﻣﻮﻋﻲ ﻭ ﺿﺤﻜﺘﻲ ﺑﻌﻴﻮﻧﻲ

ﺷﻔﺖ ﺑﻴﻪ ﻣﻼﻣﺢ ﺍﺑﻮﻳﻪ ﺣﻈﻨﺘﻪ ﺣﻴﻞ ﻭ ﺑﺠﻴﺖ ﻣﻦ ﻛﻞ ﮔﻠﺒﻲ ﻭ ﻫﻮ ﺍﺳﺘﻐﺮﺏ : ﻫﺎﻱ ﺷﺼﺎﻳﺮ ﻭﻳﺎﺝ ﻋﻤﻮ ﻟﻴﺶ ﻫﺸﻜﻞ ﺷﺒﻴﺞ ﺑﺎﺑﺎﺗﻲ ﻟﺠﻴﻦ ﺍﺣﺠﻲ

: ﻋﻤﻮ ﻣﺎ ﺍﺭﻳﺪ ﺷﻲﺀ ﺑﺲ ﺧﻠﻴﻨﻲ ﻳﻤﻚ

- ﺑﻴﺘﺞ ﻳﺎﺑﺎ ﺍﻓﺎ ﺗﻌﺎﻟﻲ ﺗﻌﺎﻟﻲ ﺑﻨﻴﺘﻲ

ﺍﺧﺬﻧﻲ ﻟﻠﺼﺎﻟﺔ ﻛﻌﺪﻧﻲ ﻭ ﺍﻟﺘﻤﻮ ﻛﻠﻬﻢ ﻳﺴﻠﻤﻮﻥ ﻭ ﻫﺬﺍ ﺍﻟﻴﺠﻴﺐ ﻣﻲ ﻭ ﻫﺬﺍ ﺍﻟﻴﺴﺄﻝ ﻣﺘﻐﺪﻳﻪ ؟ ﻭ ﻫﺬﺍ ﺍﻟﻴﻜﻮﻝ ﺷﺼﺎﻳﺮ ﻭﻳﺎﺝ ﻭﻟﻴﺶ ﺍﻳﺪﺝ ﻣﻜﺴﻮﺭﺓ ؟

ﻭ ﻫﺬﺍ ﺍﻟﺠﺎﺏ ﻗﻮﻃﻴﺔ ﺑﻴﺒﺴﻲ ﻭ ﺍﻣﻪ ﺗﺼﻴﺢ : ﻳﺎﻷﻏﺒﺮ ﻫﻮ ﻫﻴﺞ ﻏﻴﺮ ﻭﻳﺎﻩ ﻛﻼﺹ

ﻭ ﻋﻤﻮ ﻳﺮﺩﻫﻢ ﻳﺎ ﻛﻼﺹ ﻳﺎ ﺑﻴﺒﺴﻲ ﻣﺎ ﺗﺸﻮﻓﻮﻥ ﻋﻈﺎﻣﻬﺎ ﻣﻜﺴﺮﺓ ﻫﻨﻮﺏ ﺗﺴﻮﻟﻬﺎ ﻫﺸﺎﺷﺔ ﺩﺟﻴﺒﻠﻬﺎ ﻋﺼﻴﺮ ﺣﺒﻴﺒﺎﺕ ﻃﺒﻴﻌﻲ ﺧﺎﻑ ﺗﻌﺒﺎﻧﻪ

... ﻫﻮﺳﻪ ﺑﺲ ﻳﺎ ﺭﺍﺣﺘﻲ ﺑﻬﺎﻟﻬﻮﺳﺔ

ﺷﺎﻝ ﺍﻟﻤﻮﺑﺎﻳﻞ ﻋﻤﻮ ﻭ ﺍﺗﺼﻞ ﺑﻌﻤﻮ ﻋﻤﺮﺍﻥ ﻛﺎﻟﻪ : ﺑﻨﺖ ﺷﺎﻛﺮ ﻫﻨﺎ ﺍﺟﺖ ﻣﻦ ﺍﻟﺴﻔﺮ

ﻭ ﻛﺎﻝ : ﻋﻤﻮ ﻻ ﺗﺘﻐﺪﻳﻦ ﺍﺻﺒﺮﻱ ﻭ ﺻﻴﺘﻠﺞ ﻋﻠﻰ ﻛﻴﻠﻮ ﻛﺒﺎﺏ ﻫﺴﻪ ﻳﺠﻴﺒﻮﻩ ﺍﻟﺞ

- ﻻ ﻋﻤﻮ ﻭﺍﻟﻠﻪ ﻣﺎ ﺍﺭﻳﺪ ﺍﻛﻞ ﺷﺒﻌﺎﻧﻪ

- ﺷﻤﺎﻛﻠﻪ ﻳﺎ ﻋﻤﻮ ﺻﺎﻳﺮﺓ ﻋﻈﻢ ﺗﺤﺠﻴﻦ ﺻﺪﻙ ﻳﺎ ﻋﻤﻲ ..

ﺍﺟﺎ ﻛﻌﺪ ﻛﺒﺎﻟﻲ ﻭ ﻳﺴﺄﻟﻨﻲ ﺷﺼﺎﻳﺮ ﻣﺼﺎﻳﺮ ﻭﻳﺎﻳﺔ

ﻭ ﻛﻌﺪﺕ ﺍﺳﻮﻟﻔﻠﻪ ﺍﻃﺮﺍﻑ ﻣﺸﺎﻛﻠﻲ ﻣﻮ ﺗﻔﺎﺻﻴﻠﻬﺎ

ﺷﻮﻳﺔ ﻭ ﺍﻧﺪﻛﺖ ﺍﻟﺒﺎﺏ، ﺭﺍﺡ ﺍﺑﻦ ﻋﻤﻲ ﺍﻟﺼﻐﻴﺮ ﻳﻔﺘﺤﻪ .. ﻓﺎﺕ ﻣﺨﻠﺪ : ﺍﻳﺒﺎﺍﺍﺍﺍﻩ ﻫﺎﻱ ﺍﻟﻴﻮﻡ ﻣﻨﻴﻦ ﻃﺎﻟﻌﺔ ﺍﻟﺸﻤﺲ ؟

..... ﻳﺘﺒﻊ

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤