رواية خطوات نحو الجحيم ج3 الجزء الأول
للكاتبة زينب ماجد
.
ﻣﻦ ﻣﻨﺎ ﻻ ﻳﺨﻄﺄ ؟
ﻭ ﻣﻦ ﻣﻨﺎ ﻻ ﻳﺴﺘﺒﺪ ﺑﺮﺃﻳﻪ ﻣﻌﺎﺭﺽٌ ﻟﺮﺃﻱ ﺍﻟﺠﻤﻴﻊ ؟
ﻓﻼ ﺿﻴﺮ ﺍﻥ ﺗﺨﻄﺄ، ﺍﻧﻤﺎ ﺍﻟﻀﺮﺭ ﻫﻮ ﻓﻲ ﻋﺪﻡ ﺍﺧﺬ ﺍﻟﻌﺒﺮﺓ ﻣﻦ ﺃﺧﻄﺎﺋﻚ ﻭ ﺗﻜﺮﺍﺭﻫﺎ ..
ﺍﻧﻤﺎ ﺍﻷﺣﻤﻖ ﻫﻮ ﻣﻦ ﻳﻘﻊ ﻓﻲ ﺍﻟﺤﻔﺮﺓ ﻣﺮﺗﻴﻦ
ﻭ ﻋﻠﻴﻬﺎ ﻓﺎﻥ ﺳﻴﺮﻙ ﺍﻟﻤﺴﺘﻤﺮ ﻓﻲ ﺍﻟﻄﺮﻳﻖ ﺍﻟﺨﺎﻃﺊ، ﻳﻌﻨﻲ ﺑﺨﻄﻮﺍﺗﻚ ﺍﻟﻰ ﺍﻟﺠﺤﻴﻢ ( Zainab majid )
.
ﺍﻟﻤﻮﻗﻊ : ﻟﺒﻨﺎﻥ _ ﺑﻴﺮﻭﺕ
ﺍﻟﺘﻮﻗﻴﺖ : ﺍﻟﺜﺎﻧﻴﺔ ﻇﻬﺮﺍً
ﺟﻬﺎﺯ ﺍﻟﻤﻮﺑﺎﻳﻞ ﻳﺮﻥ .. ﺻﻮﺗﻪ ﻳﺼﺪﺡ ﺑﺄﺭﺟﺎﺀ ﺍﻟﺸﻘﺔ
ﺭﻛﻀﺖ ﺑﻴﻼ ﻟﻠﻤﻮﺑﺎﻳﻞ ﻣﺴﻜﺘﻪ : ﻣﺎﻣﺎ ﻫﻴﺪﺍ ﺑﺎﺑﺎ ﻫﻴﺪﺍ ﺑﺎﺑﺎ
- ﻻ ﻣﻮ ﺑﺎﺑﺎ ﻫﺬﺍ ﻋﻤﻮ ﻣﺨﻠﺪ، ﺭﻭﺣﻲ ﺍﻟﻌﺒﻲ ﻟﺸﻮﻑ ﺷﻨﻮ ﻳﺮﻳﺪ ﻋﻤﻮ ﺍﻭﻛﻲ ﻳﺄﻣﻮﺭﺓ؟
ﻣﺸﺖ ﻛﺪﺍﻣﻲ، ﺭﺩﻳﺖ ﻉ ﺍﻻﺗﺼﺎﻝ : ﺍﻟﻮﻭﻭ
- ﺍﻟﻮﻭ
- ﻫﻠﻮ ﻣﺨﻠﺪ
- ﻫﻼ ﻳﺎﺑﻪ ﺷﻠﻮﻧﺞ
- ﺑﻌﺪ ﺍﺧﺮ ﻛﻒ ﺍﻛﻠﺘﻪ ﻣﻨﻚ ﺯﻳﻨﺔ ﺍﻟﺤﻤﺪ ﻟﻠﻪ
- ﺗﺴﺘﺎﻫﻠﻲ ﺍﻏﺎﺗﻲ ﺗﻌﻴﺸﻴﻦ ﻭ ﺗﺎﻛﻠﻴﻦ ﻏﻴﺮﻩ
- ﺍﻩ ﻭﺍﻟﻠﻪ ؟
- ﻟﺞ ﺑﻨﺖ ﺍﻟﻜﻠﺐ ﻗﺎﺑﻞ ﺍﻧﻲ ﻣﺴﺘﻤﺘﻊ ﺑﻀﺮﺑﺞ ﺑﺲ ﻏﻲ .......
- ﻟﺤﻈﺔ ﻟﺤﻈﺔ ﺷﻨﻮ ﺑﻨﺖ ﺍﻟﻜﻠﺐ ﻣﺨﻠﺪ ﺗﺮﺍ ﺑﺎﺑﺎ ﻣﻴﺖ
- ﻟﺞ ﺣﻴﻮﺍﻧﻪ ﺍﻓﺘﻬﻤﻲ ﺍﻧﻲ ﻣﻮ ﻋﻠﻰ ﺍﺑﻮﺝ، ﺗﺮﻭﺣﻴﻦ ﻓﺪﻭﺓ ﻟﺘﺮﺍﺏ ﻋﻤﻲ ﺑﺲ ﺍﻧﻲ ﻣﻦ ﻭﺭﺍﺝ ﺗﺤﺮﮔﻴﻦ ﮔﻠﺒﻲ ﻭ ﺗﺨﻠﻴﻦ ﺍﻟﺴﺎﻧﻲ ﻳﻔﻠﺖ ﺍﻻ ﺍﻧﻲ ﺧﻮﺵ ﺍﺩﻣﻲ ﻟﻮ ﻣﺎ ﺍﻧﺖ ﻣﺨﺮﺑﻪ ﺍﺧﻼﻗﻲ
- ﻻ ﻳﺎﺑﺎ ﺍﺳﺘﻐﻔﺮ ﺍﻟﻠﻪ ﺍﺑﻮ ﺣﻤﻮﺩﻱ ﻭﻳﻦ ﺍﻛﻮ ﻣﻨﻚ ﺍﻧﺖ
... ﺍﻱ ﻛﻮﻝ ﻫﺴﻪ ﺷﺮﺍﻳﺪ
- ﺭﺍﻳﺪ ﺍﺟﺪﻱ ﻣﻨﺞ ﻓﺪ ﺭﺑﻊ ﺧﻤﺴﻤﻴﺔ ﺑﻨﺖ ﺍﻟﻜﻠﺐ ﺷﺮﺍﻳﺪ ﻳﻌﻨﻲ
- ﻭ ﻫﺎﻱ ﻣﺮﺗﻴﻦ ﺗﺴﺒﻨﻲ ﺑﺪﻗﻴﻘﺔ ﻭﺣﺪﺓ ﺑﺎﺗﺼﺎﻝ ﻭﺍﺣﺪ ﻣﺨﻠﺪ ﻭ ﺗﺎﻟﻲ
- ﻭﻟﺞ ﺍﻧﺖ ﺍﻃﻠﻌﻴﻨﻲ ﻣﻦ ﻃﻮﺭﻱ ﺍﺩﺭﻱ ﻣﺨﺎﺑﺮ ﻋﻠﻴﺞ ﻳﻌﻨﻲ ﺷﺮﺍﻳﺪ ﻏﻴﺮ ﺍﺳﺄﻝ ﺷﻤﺤﺘﺎﺟﺔ ﺷﺒﻴﺞ ﺷﻨﺎﻗﺼﺞ ﻣﺤﺴﺴﺘﻨﻲ ﺍﺳﺘﺠﺪﻱ ﻣﻨﺞ ﺍﺗﺼﺎﻝ
ﺿﺤﻜﺖ -: ﺍﺳﺘﻐﻔﺮ ﺍﻟﻠﻪ ﺯﻳﻨﺔ ﺯﻳﻨﺔ
- ﻓﻮﻛﺎﻫﺎ ﺗﺴﺘﻐﻔﺮ ﻣﺎ ﻋﺎﺟﺒﻬﺎ، ﻭﻟﺠﻦ ﺍﻧﺘﻦ ﺍﻟﻨﺴﻮﺍﻳﻦ ﻭ ﺍﻟﻘﺮﺍﻥ ﺍﻟﻮﺍﺣﺪ ﻳﺤﻴﺮ ﺷﻴﺘﺼﺮﻑ ﻭﻳﺎﺟﻦ ﺗﺴﻄﺮﻥ ﻋﻘﻞ ﺍﻛﺒﺮ ﺯﻟﻤﺔ ، ﺍﻟﺴﺄﻟﺖ ﻋﻠﻴﻬﺎ ﻣﺎ ﺭﺿﺖ ﻭ ﺍﻟﻌﻔﺘﻬﺎ ﺿﻠﺖ ﺗﻌﺘﺐ
- ﻫﺎﻱ ﺷﻮﻛﺖ ﻋﺎﺗﺒﺔ ﻋﻠﻴﻚ ﺍﻧﻲ؟ ﺷﻮ ﺍﻧﺖ ﺣﺎﻣﻲ ﻋﻠﻴﻪ ﺷﺒﻴﻚ ؟ !
- ﺍﺥ ﻭﻟﺞ ﻭﺍﻟﻠﻪ ﺍﻧﺖ ﻣﺎﻝ ﺍﻏﻠﻂ ﻋﻠﻴﺞ ﻏﻠﻄﺔ ﻟﻮ ﺍﺩﻭﺭﻳﻦ ﻛﻮﻛﻞ ﻛﻠﻪ ﻣﺎ ﺗﻠﻜﻴﻦ ﻣﻨﻬﺎ
- ﺷﻨﻮ ﺍﺳﺘﺤﺪﺍﺙ ﺟﺪﻳﺪ ﺍﻧﻮﺏ، ﻏﻠﻂ ﺧﺎﺹ ﺑﻴﻪ ﺣﺼﺮﻳﺎ
- ﻳﻠﻮﻛﻠﺞ ﺳﺖ ﻟﺠﻴﻦ
- ﺍﺩﺭﻱ ﺍﺗﺼﺎﻝ ﺭﺯﺍﻟﺔ ﺷﻘﺼﺘﻚ ﻣﺨﻠﺪ
- ﻭﻟﺞ ﻣﺸﺘﺎﻗﻠﺞ ﻭ ﺑﺎﻟﻲ ﻳﻤﺞ ﺭﺣﺘﻲ ﺯﻋﻼﻧﻪ ﮔﻠﺖ ﺍﺗﺼﻞ ﺍﺳﺄﻝ ﺷﻠﻮﻧﻬﺎ ﻣﺎ ﻟﻮﻧﻬﺎ
- ﺯﻳﻨﻪ
- ﺷﺴﻮﻳﺘﻲ ﻭﻳﺎ ﻫﻼﺑﻦ ﺍﻟﻜﻠﺐ
- ﻗﺼﺪﻙ ﻣﺎﻟﻚ ؟ ﺍﺧﺬﺕ ﻣﻨﻪ ﺑﻨﺘﻲ ﻭ ﺍﻃﻠﻜﻨﻪ
....
ﺍﻱ ﺍﻟﺤﻤﺪﻟﻠﻪ ﺧﻠﺼﺘﻲ ﻣﻨﻪ، ﺗﺮﺟﻌﻴﻦ ﺑﻐﺪﺍﺩ ﻟﻮ ﻭﻳﻦ ؟
- ﻻ ﻣﺎﻣﺎ ﺣﺘﺠﻴﻨﻲ
- ﺍﻧﻲ ﺭﺩﺕ ﺍﺣﺠﻲ ﺑﻬﺎﻟﻤﻮﺿﻮﻉ ﺑﺲ ﺍﺑﻮﻱ ﻭ ﻋﻤﺎﻣﻲ ﺍﻟﻬﺘﻠﻴﺔ ﺍﺳﻜﺖ ﺍﺳﻜﺖ ﻻﻃﻤﻴﻨﻲ ﻋﻠﻰ ﺣﻠﻜﻲ ..
.. ﺍﻻ ﺍﻧﺘﻦ ﻧﺴﻮﺍﻥ ﺍﺛﻨﻴﻦ ﺭﺍﻳﺤﺎﺕ ﻟﻠﺴﻮﻳﺪ ﺑﻼ ﺯﻟﻤﻪ ﻣﻨﻮ ﺍﻟﺠﻦ ﻣﻨﻮ ﻭﻳﺎﺟﻦ ﻫﻨﺎﻙ، ﺗﺮﺍ ﺍﻟﺪﻧﻴﺎ ﻣﻮ ﺳﻬﻠﻪ ﻳﺎ ﻟﺠﻴﻦ ﻫﻲ ﻣﻮ ﻃﻜﺔ ﻃﻴﺎﺭﺓ ﻭ ﺍﻓﻠﺖ .. ﺍﻟﻮﺍﻗﻊ ﺻﻌﺐ ﻭ ﺍﻧﺘﻦ ﻭﻳﺎﺟﻦ ﻃﻔﻠﻪ ﻟﻴﺶ ﻣﺎ ﺗﺮﺟﻌﻦ ﻟﺒﻐﺪﺍﺩ ؟
- ﻣﺎﻣﺎ ﻣﻘﺘﻨﻌﺔ ﺑﺎﻟﻌﻴﺸﺔ ﻫﻨﺎﻙ ﺍﻓﻀﻞ ﻣﻦ ﺑﻐﺪﺍﺩ ﻭ ﺍﻧﻲ ﺻﺮﺍﺣﺔ ﻣﺒﻘﺎﻟﻲ ﻏﻴﺮﻫﺎ
- ﺍﻧﻲ ﺭﺩﻳﺘﺞ ﻛﺒﻞ ﺑﻤﺮﺓ ﻭ ﻣﺎ ﺭﺩﻳﺘﻲ ﻭ ﺷﻔﺘﻲ ﺷﺼﺎﺭ ﺑﻴﺞ، ﺣﺎﻭﻟﻲ ﺗﻘﻨﻌﻴﻦ ﺍﻣﺞ ﺗﺮﺟﻌﻮﻥ ﺗﻌﻴﺸﻮﻥ ﺍﺑﻐﺪﺍﺩ ﻭ ﺍﺗﺮﻛﻮﻥ ﺍﻟﺨﺎﺭﺝ
- ﻟﻴﺶ ﺗﺤﺠﻲ ﻭﻳﺎﻳﻪ، ﻟﻴﺶ ﻣﺤﺠﻴﺖ ﻭﻳﺎ ﻣﺎﻣﺎ
- ﺍﻣﺞ ﺭﺍﻛﺒﺔ ﺭﺍﺳﻬﺎ ﻛﻠﺖ ﺍﺣﺠﻲ ﻭﻳﺎﺝ ﺑﻠﻜﻦ ﺗﻘﻨﻌﻴﻬﺎ
- ﺍﻧﻲ ﻣﻘﺎﻧﻌﻪ ﺷﻘﻨﻌﻬﺎ
- ﺑﻨﺖ **** ﺍﻧﺖ ﺷﻴﻘﻨﻌﺞ
- ﻣﺨﻠﺪ ﻻ ﺗﻜﻔﺮ ﻫﺎﻱ ﺷﺒﻴﻚ !
- ﻟﺞ ﺑﺎﺑﺎ ﺍﻓﻬﻤﻲ ﻫﻨﺎﻙ ﺍﻟﻌﻴﺸﺔ ﺻﻌﺒﻪ ﻭﻟﻮ ﺍﻧﻲ ﺍﺩﺭﻱ ﺟﺎﻱ ﺍﻣﺴﻠﺖ ﻟﻮ ﺍﺣﺠﻲ ﻭ ﺍﺷﺮﺣﻠﺞ ﻣﻨﺎ ﻟﺒﺎﺟﺮ ﺍﻧﺖ ﻭ ﺍﻣﺞ ﻭ ﺍﻛﻠﺠﻦ ﺻﻌﺐ ﻫﻨﺎﻙ ﻫﻢ ﻣﺎ ﺗﻘﻨﻌﻦ
- ﻣﺎﻣﺎ ﻣﻔﻜﺮﺓ ﻧﻨﺘﻘﻞ ﻫﻨﺎﻙ ﻳﻢ ﺑﻴﺖ ﻋﻤﻮ ﻗﺪﻭﺭﻱ ﺳﺘﻮﻛﻬﻮﻟﻢ ﻭ ﻧﻌﻴﺶ ﻗﺮﻳﺒﻴﻦ ﻣﻨﻬﻢ
- ﻫﻼﻭﻭﻭﻭﻭ ﺍﺳﺘﻠﻢ ﻳﻌﻨﻲ ﻳﻢ ﺳﻔﻴﺎﻥ ﺗﻜﻌﺪﻳﻦ !
- ﻭ ﺳﻔﻴﺎﻥ ﺷﻨﻮ ﺍﻟﻲ ﻋﻼﻗﺔ ﺑﻴﻪ ﺷﺒﻴﻚ ﻣﺨﻠﺪ ؟
- ﺍﻧﺖ ﺗﻌﺮﻓﻴﻦ ﻛﻠﺶ ﺯﻳﻦ ﺷﻨﻮ ﺳﻔﻴﺎﻥ ﻓﻼ ﺗﻐﺸﻤﻴﻦ ﻧﻔﺴﺞ
- ﺍﻟﺨﻼﺻﺔ ﻣﺨﻠﺪ ﺷﺮﺍﻳﺪ ؟
- ﻫﻮ ﻣﻮ ﺻﻮﺟﺞ ﺻﻮﺟﻲ ﺍﻧﻲ ﺍﺑﻦ ﻛﻠﺐ ﻭ ﺳﻄﻌﺶ ﻛﻠﺐ ﺩﺍ ﺍﺗﺼﻞ ﻋﻠﻴﺞ ﻭ ﺧﺎﻳﻒ، ﻳﻄﺒﺞ ﻣﺮﺽ ﺍﻧﺖ ﻭ ﺍﻣﺞ ﺷﻌﻠﻴﻪ
........ ﻃﻮﻁ ﻃﻮﻁ ﻃﻮﻁ ﺍﻧﻘﻄﻊ ﺍﻷﺗﺼﺎﻝ !
... ﺻﻔﻨﺖ ﺑﺎﻟﺠﻬﺎﺯ : ﻣﺨﺒﻞ ﺻﺎﺣﻲ ﻫﺬﺍ ؟
ﺭﺟﻌﺖ ﺍﻟﻤﻮﺑﺎﻳﻞ ﻋﻠﻰ ﻣﻴﺰ، ﻭ ﺭﺣﺖ ﺍﺑﺤﺚ ﺑﻴﻼ : ﻳﺎ ﺑﻴﻼ ﺑﻨﺘﻲ ﺍﻟﺸﻄﻮﺭﺭﺭﺭﺓ ﻭﻳﻨﻬﺎ
ﺩﺧﻠﺖ ﺍﻟﻐﺮﻓﺔ ﻟﻜﻴﺘﻬﺎ ﻻﻣﺔ ﻧﻔﺴﻬﺎ ﻭ ﺣﺎﻃﺔ ﺍﺩﻳﻬﺎ ﻋﻠﻰ ﻭﺟﻬﻪ ﻭ ﺗﺒﺠﻲ : ﺍﻭﻱ ﺍﻭﻱ ﺍﻭﻱ ﻣﻨﻮ ﻭﻳﺎ ﺑﻨﻮﺗﻲ ﺍﻟﺤﻠﻮﺓ ﻣﻨﻮ ﻣﺒﺠﻲ ﻫﺎﻟﻌﻴﻮﻥ ﺍﻟﺘﺠﻨﻦ ﻣﻨﻮﻭﻭﻭ
- ﻣﺎﻣﺎ ﺑﺪﻱ ﺑﺎﺑﺎ ﺍﺷﺘﻘﺘﻪ
- ﺍﻧﺖ ﺍﺷﻘﺘﻴﻲ ﻟﺒﺎﺑﺎ ﻳﻤﻪ ﻳﻤﻪ ﺍﻟﻴﻮﻡ ﺍﺟﻴﺒﻠﺞ ﺍﺣﻠﻰ ﻭ ﺍﻛﺒﺮ ﻟﻌﺎﺑﻴﺔ ﺑﺎﻟﻌﺎﻟﻢ ﺷﺮﺍﻳﺞ ؟
- ﻣﺎ ﺍﻟﻴﺪ ﻟﻌﺎﺑﻴﻪ ﺍﻟﻴﺪ ﺑﺎﺑﺎ
- ﺍﻣﻤﻢ ﺳﻮ ﺍﻭﻛﻲ ﺗﻌﺎﻟﻲ ﺗﻌﺎﻟﻲ ﻟﺤﻈﻦ ﺍﻟﻤﺎﻣﺎ ﻟﺸﻮﻑ
ﺷﻠﺘﻬﺎ ﺑﺤﻈﻨﻲ ﻭ ﺑﻘﻴﺖ ﺍﻣﺸﻲ ﺑﻴﻬﺎ ﻭ ﺍﻣﺴﺪ ﻋﻠﻰ ﺷﻌﺮﻫﺎ
ﻭ ﻫﻲ ﻣﺘﻀﺎﻳﻘﺔ ﻭ ﺣﺰﻧﺎﻧﻪ ﻫﻮﺍﻳﺔ ﺗﺮﻳﺪ ﺍﺑﻮﻫﺎ
ﺍﺧﺬﺗﻬﺎ ﻟﻠﻤﻄﺒﺦ ﻛﻌﺪﺗﻬﺎ ﻉ ﺍﻟﻜﺎﻭﻧﺘﺮ ﻳﻤﻲ ﻭ ﻃﻠﻌﺖ ﺗﻮﺳﺖ، ﺳﻮﻳﺖ ﺗﻮﺳﺖ ﺑﺎﻟﻤﻮﺯ ﻭ ﺍﻟﻨﻮﺗﻴﻼ ﺗﺤﺒﻪ ﻫﻲ : ﻫﺎﻱ ﺍﻻﻛﻠﻪ ﺍﻟﻄﻴﺒﺔ ﺗﻠﺶ ﺗﻠﺶ ﻟﻤﻨﻮﻭﻭﻭ ؟
- ﻣﺎ ﺑﺪﻱ ﺍﻟﻴﺪ ﺑﺎﺑﺎ
- ﻣﻨﻮ ﺍﻟﺸﻄﻮﺭﺓ ﺍﻟﺘﺴﻤﻊ ﻛﻼﻡ ﻣﺎﻣﺎ
ﻭ ﺑﻘﻴﺖ ﺍﻏﻨﻴﻠﻬﺎ ﺷﺎﻃﺮ ﺷﺎﻃﺮ، ﻭ ﻫﻲ ﺑﻌﺪﻫﺎ ﻣﻘﻔﻠﻪ ﺍﺩﻳﻬﺎ ﻭ ﻭ ﻣﺒﻮﺯﻩ ﺯﻋﻼﻧﻪ
....
ﺍﻧﺪﻙ ﺍﻟﺠﺮﺱ : ﻳﻴﻴﻴﻲ ﺍﺟﺎ ﻋﻤﻮ ﺟﻴﺪﻭﻭﻭﻭﻭﻭ
ﺷﻠﺘﻬﺎ ﻭ ﺭﻛﻀﺖ ﺑﻴﻬﺎ ﻟﻠﺒﺎﺏ ﻓﺘﺤﺘﻪ : ﻋﻤﻮ ﺟﻴﺪﻭ ﻋﻤﻮ ﺟﻴﺪﻭ
- ﺍﻭﻑ ﺍﻭﻑ ﻟﺸﻮ ﻫﻴﺪﺍ ﺍﻟﻌﻘﺪ ﻳﻠﻲ ﺑﻮﺝ ﺍﻻﻣﻮﺭﺓ ﻣﻴﻦ ﻳﻠﻲ ﺯﻋﻞ ﺑﻴﻠﻮ ﺑﺪﻱ ﺍﻗﺘﻠﻮﺍ ﻫﻴﻴﻴﻚ
ﻭ ﺗﺸﺎﻗﻰ ﻭﻳﺎﻳﻬﺎ ﻭ ﺿﺮﺏ ﺑﻮﻛﺲ ﻛﺬﺍﺑﻲ ﻋﻠﻰ ﺑﻄﻨﻬﺎ ﻭ ﺳﺤﺒﻬﺎ ﻣﻦ ﺣﻈﻨﻲ ﻭ ﻓﺎﺕ ، ﺍﻟﺘﻔﺖ : ﺷﻮﺑﺎ ؟
- ﻋﻠﻰ ﺍﺑﻮﻫﺎ ﺗﺸﺘﺎﻗﻠﻪ
- ﻟﻤﻴﻦ ﻫﻴﺪﺍ ﺍﻟﺴﺎﻧﺪﻭﺵ ؟ ﻭﺍﺍﺍﺍﺍﻭ ﻫﻴﺪﺍ ﻻﻟﻲ ﺍﻣﻤﻢ
ﺿﻞ ﻳﻐﺮﻳﻬﺎ ﻭ ﻳﻀﺤﻜﻬﺎ ﻭ ﺧﻼﻫﺎ ﺗﻨﺴﻰ ﻭ ﻃﻠﺐ ﻣﻨﻲ ﺍﺑﺪﻝ ﻟﻨﻄﻠﻊ ﻧﻼﻋﺒﻬﺎ ﺑﺎﻟﺠﻨﻴﻨﻪ .
ﺍﺧﺬﻧﺎﻫﺎ ﻭ ﺧﻠﺼﻨﺎ ﻛﻞ ﺍﻟﻮﻗﺖ ﻭ ﺍﺣﻨﺎ ﻧﻠﻌﺐ، ﻟﺤﺪ ﻣﺎ ﺗﻌﺒﺖ ﺷﺎﻟﻬﺎ ﻋﻠﻰ ﺻﺪﺭﺓ ﻭ ﻃﻠﻌﻨﺎ ﻟﻠﺸﻘﺔ، ﻓﺘﺤﺖ ﻟﻪ ﺍﻟﺒﺎﺏ، ﻓﺎﺕ ﻭﺻﻠﻬﺎ ﻟﺴﺮﻳﺮﻱ ﻏﻄﻴﻨﺎﻫﺎ ﻭ ﻃﻠﻌﻨﺎ
- ﺋﺒﻞ ﻣﺎ ﻓﻞ ﺑﺪﻱ ﺍﺣﻜﻲ ﻣﻌﻚ ﺑﻤﻮﺿﻮﻉ
- ﺍﻱ ﺗﻔﻀﻞ ﻛﻮﻝ
ﺑﻘﻰ ﻳﺒﺎﻭﻉ ﺑﻮﺟﻬﻲ، ﺍﺑﺘﺴﻤﺖ ﻟﻪ : ﺷﻮ ؟
ﺗﻘﺮﺏ ﻭ ﺍﺧﺬ ﻭﺟﻬﻲ ﺑﻴﻦ ﺍﺩﻳﻪ -: ﻓﻲ ﺣﻜﻲ ﻛﺘﻴﺮ ﺑﺄﻟﺒﻲ ﺑﺪﻱ ﺧﺒﺮﻙ ﻓﻴﻪ ﺑﺲ ﻣﺎ ﻋﻢ ﺍﺗﺠﺮﺉ ﻛﻴﻒ ﺍﺷﺮﺣﻠﻚ
- ﻻ ﻭﻟﻮ ﺍﻧﺖ ﺗﻌﺮﻑ ﻏﻼﺗﻚ ﻋﻨﺪﻱ، ﻛﻮﻝ
- ﺑﺪﻱ ﺍﺗﺠﻮﺯﻙ
.. ﺍﺳﺘﻐﺮﺑﺖ ﻃﻠﺒﻪ ﺑﻘﻰ ﻳﺸﺮﺣﻠﻲ ﻣﺸﺎﻋﺮﻩ ﻭ ﻳﺸﺮﺡ ﻭ ﺍﻧﻲ ﻣﺼﺪﻭﻣﻪ ﺑﻴﻪ، ﺍﺧﺮﻫﺎ ﻓﻜﺮ ﺍﻥ ﺳﻜﻮﺗﻲ ﺭﺿﺎ، ﺗﻘﺮﺏ ﺑﺎﺱ ﺷﻔﺎﻓﻲ .. ﺍﺑﺘﻌﺪﺕ ﻉ ﺍﻟﺴﺮﻳﻊ
- ﺍﻧﺖ ﺷﺪﺍ ﺗﺴﻮﻱ
- ﺍﻧﺎ ﺑﺤﺒﻚ
- ﺍﻧﺖ ﺻﺪﻳﻘﻲ ﻭ ﺑﺲ ﻣﺎ ﻣﻤﻜﻦ ﺟﻴﺎﺩ ﺍﺭﺟﻮﻙ
ﺑﻘﻰ ﻳﺸﺮﺣﻠﻲ ﺣﺒﻪ ﻭ ﺍﻧﻲ ﺍﺭﻓﺾ، ﻣﺘﻘﺒﻠﺘﻪ ﺍﺑﺪﺍ ﺍﻧﻲ ﻣﻔﻜﺮﺗﻪ ﺻﺪﻳﻖ ﻭ ﻫﻮ ﻣﺎﺧﺬ ﺍﻟﻤﻮﺿﻮﻉ ﺑﺤﺐ ﻭ ﻋﺎﻃﻔﺔ .. ﺍﺧﺮﻫﺎ ﺧﻴﺮﺗﻪ ﻟﻮ ﺻﺪﺍﻗﺘﻲ ﻟﻮ ﻳﺘﺮﻛﻨﻲ
ﺗﺮﻛﻨﻲ ﻭ ﻃﻠﻊ .. ﺻﺮﺍﺣﺔ ﺗﻀﺎﻳﻘﺖ ﻫﻮﺍﻳﻪ ﻣﺎ ﺍﺭﻳﺪ ﺍﺧﺴﺮﻩ ﺍﺑﺪ ﻫﻮ ﺍﻧﺴﺎﻥ ﺭﺍﺋﻊ ﺑﺤﻴﺎﺗﻲ، ﺑﺲ ﻣﻮ ﺣﺐ، ﻛﻠﺒﻲ ﻣﻮ ﺑﻮﺿﻊ ﻳﺤﺐ ﻭ ﻳﺘﻤﻌﺸﻖ
ﺍﺗﺼﻠﺖ ﻣﺎﻣﺎ ﻭ ﺧﺒﺮﺗﻨﻲ ﺑﻤﻮﻋﺪ ﻭﺻﻮﻟﻬﺎ ﺑﺎﺟﺮ ﻉ ﺑﻴﺮﻭﺕ .. ﻛﻠﺘﻠﻬﺎ : ﺭﺍﺡ ﺍﺳﺘﻘﺒﻠﺞ ﺍﻧﻲ ﻭﺑﻴﻼ ﺑﺎﻟﻤﻄﺎﺭ ﺍﻥ ﺷﺎﺀﺍﻟﻠﻪ
.. ﺭﺣﺖ ﺍﺧﺬﺕ ﺑﻴﻼ ﺑﺤﻈﻨﻲ ﻭ ﺍﻧﻲ ﺍﻓﻜﺮ ﺑﺠﻴﺎﺩ ﻭ ﺑﻬﻮﺍﻳﺔ ﺍﻣﻮﺭ ... ﺍﻟﻰ ﺍﻥ ﺍﺧﺬ ﺍﻟﻨﻮﻡ ﻋﻴﻨﻲ .
ﺍﻟﺼﺒﺢ ﺑﺪﻟﺖ ﺍﻧﻲ ﻭ ﺑﻴﻼ ﻭ ﻃﻠﻌﺖ ﻟﺒﻴﺖ ﺟﻴﺎﺩ، ﺩﻛﻴﺖ ﺍﻟﺠﺮﺱ : ﻣﺎﻛﻮ ﺭﺩ
ﺭﺟﻌﺖ ﺍﺗﺼﻠﺖ ﻳﺮﻥ ﻭ ﻣﺎﻛﻮ ﺟﻮﺍﺏ : ﺷﻨﻮ ﺍﻟﻘﺼﺔ ﻻ ﺑﺎﻟﺒﻴﺖ ﻭﻻ ﻉ ﺍﻟﺠﻬﺎﺯ ﺩﻳﺠﺎﻭﺏ ﻟﻌﺪ ﻭﻳﻨﻪ ؟
ﺑﻘﻴﺖ ﺍﺑﺎﻭﻉ ﻟﻠﺸﺎﺭﻉ ﻭ ﺍﺭﺟﻊ ﺍﺑﺎﻭﻉ ﻟﺒﻴﻼ، ﻭﺍﺣﺠﻲ ﻭﻳﺎ ﻧﻔﺴﻲ : ﻳﻌﻨﻲ ﻫﺴﻪ ﺍﺭﻭﺡ ﻟﻮ ﺷﻠﻮﻥ ؟
... ﻓﺠﺄﺓ ﺳﻤﻌﺖ ﺻﻮﺕ ﺍﻟﺒﺎﺏ ﻭ ﻫﻮ ﻳﻨﻔﺘﺢ، ﻃﻠﻊ ﺟﻴﺎﺩ ﺑﺎﻟﻔﺎﻧﻴﻠﺔ ﻭ ﺍﻟﺒﻴﺠﺎﻣﺔ ﻭ ﺷﻜﻠﻪ ﻫﺴﻪ ﻛﺎﻋﺪ ﻣﻦ ﺍﻟﻨﻮﻡ : ﺍﻫﻠﻴﻦ ﻟﺠﻴﻦ
- ﻫﻠﻮﻭ ﻳﻤﻌﻮﺩ ﺍﺗﺼﻞ ﻭ ﺍﺩﻙ ﺑﺎﻟﺒﺎﺏ ﺻﺎﺭ ﺳﺎﻋﻪ ﻣﺎﻛﻮ
- ﺑﻌﺘﺬﺭ ﺍﻟﻤﻮﺑﺎﻳﻞ ﺳﺎﻳﻠﻨﺖ ﻭ ﺍﻧﺎ ﻛﻨﺖ ﻧﺎﻳﻢ ﻫﻼﺀ ﺗﺎ ﻓﻘﺖ ﻉ ﺻﻮﺕ ﺍﻟﺒﺎﺏ، ﻟﻴﻪ ﻭﺍﻗﻔﺔ ﻋﻨﺪﻙ .. ﻓﻮﺗﻲ
ﻓﺘﺖ ﻭ ﻫﻮ ﺷﺎﻝ ﺑﻴﻼ ﻳﺒﻮﺱ ﺑﻴﻬﺎ : ﺍﺷﻮﻧﻚ
- ﻣﻨﻴﺢ ، ﺷﻮ ﻗﻬﻮﺓ ﻭﻻ ﺑﻌﻤﻞ ﻓﻄﻮﺭ ؟
......
ﻻ ﻻ ﺍﻛﻌﺪ ﻣﻜﺎﻧﻚ ﺟﺎﻳﻪ ﺑﺲ ﺍﺣﺠﻲ ﻭﻳﺎﻙ ﺷﻮﻳﻪ
- ﺑﺴﻤﻌﻚ !
- ﺍﺍﺍﺍ ﻳﻌﻨﻲ ﻉ ﺍﻟﻠﻲ ﺻﺎﺭ ﺍﻟﺒﺎﺭﺣﺔ ﺍﺍﺍﺍﻣﻤﻢ، ﺷﻮﻑ ﺟﻴﺎﺩ ﺍﻧﺖ ﺍﻧﺴﺎﻥ ﻣﺎ ﺍﺣﺐ ﺍﺧﺴﺮﻩ ﻭ ﻣﺎ ﺍﺗﻤﻨﻰ ﺍﺧﺴﺮﻩ ﺍﺑﺪ، ﺑﺲ ﻻﺯﻡ ﺗﻌﺮﻑ ﺍﻥ ﺍﻟﻠﻲ ﻣﺮﻳﺖ ﺑﻴﻪ ﻣﻮ ﺳﻬﻞ ﻭ ﻣﺎ ﺍﻛﺪﺭ ﺍﺣﺐ ﻭ ﺍﻧﺤﺐ ﻣﺮﻩ ﻟﺦ ..
.. ﺍﺳﺘﻨﺰﻓﺖ ﻛﻞ ﻃﺎﻗﺘﻲ ﺑﺤﺐ ﻣﺎﻟﻚ ﻟﺤﺪ ﻣﺎ ﺗﺮﻛﻨﻲ ﻣﺜﻞ ﺍﻟﻘﺎﺭﻭﺭﺓ ﺍﻟﻔﺎﺭﻏﺔ ﻣﺎ ﻋﻨﺪﻫﺎ ﺷﻲﺀ ﺍﻋﻄﻴﻪ، ﻣﺎ ﺍﻋﺮﻑ ﺍﺫﺍ ﺩﺍ ﺗﻔﻬﻤﻨﻲ ﺍﻭ ﻻ ﺑﺲ ﺻﺪﻕ ﺍﻧﻮ ﺍﻧﻲ ﻣﻮ ﺭﺍﻓﻀﺘﻚ ﻟﺸﺨﺼﻚ ﺍﺑﺪﺍ ﺍﻧﻤﺎ ﺍﻧﻲ ﻣﺎ ﺍﻛﺪﺭ ... ﺍﻓﻬﻤﻨﻲ
- ﺑﻌﺮﻓﻚ ﻭ ﺑﻌﺮﻑ ﻛﺘﻴﺮ ﻣﻨﻴﺢ ﺍﻧﺖ ﺷﻮﺑﻚ ﻭ ﺷﻮ ﺑﺪﻙ، ﻭ ﺍﻧﺎ ﺣﺒﻴﺖ ﻛﻮﻥ ﺣﺪﻙ ﻭ ﻋﻮﺿﻚ ﻭ ﺍﻣﻠﻲ ﺍﻟﻘﺎﺭﻭﺭﺓ ﺍﻟﻔﺎﺭﻏﺔ ﻳﻠﻲ ﺑﺘﺤﻜﻲ ﻋﻨﺎ ﺕ ﺗﻘﻮﻱ ﺣﺎﻻ ﻭ ﺗﻌﻄﻲ ﺍﻛﺘﺮ ﻣﻦ ﺋﺒﻞ
- ﺻﻌﺐ
- ﺍﺧﺬﻱ ﺭﺍﺣﺘﻚ ﺑﺎﻟﺘﻔﻜﻴﺮ، ﻛﻠﺸﻲ ﺑﺪﻭﻥ ﺗﻔﻜﻴﺮ ﺻﻌﺐ، ﺍﻗﻌﺪﻱ ﻭ ﺍﺩﺭﺳﻲ ﺣﻴﺎﺗﻚ ﻭ ﺷﻮﻓﻲ ﺷﻮ ﻳﻠﻲ ﻳﻨﺎﺳﺒﻚ ﻭ ﺍﻧﺎ ﺭﺡ ﺃﺣﺘﺮﻡ ﻗﺮﺍﺭﻙ ﺷﻮ ﻣﺎ ﻛﺎﻥ
- ﻫﻤﻤﻢ ﺍﺍﺍﺍ ﻣﺎﻣﺎ ﺟﺎﻳﺎ ﺑﺎﻟﻄﺮﻳﻖ ﻟﺒﻴﺮﻭﺕ
- ﺑﺘﻮﺻﻞ ﺑﺎﻟﺴﻼﻣﺔ ﺍﻥ ﺷﺎﺀﺍﻟﻠﻪ، ﻛﻨﺖ ﺑﺘﻤﻨﻰ ﺭﻭﺡ ﻣﻌﻚ ﺕ ﺍﺳﺘﻘﺒﻼ ﺑﺲ ﺑﺘﻌﺮﻓﻲ ﻋﻨﺪﻱ ﺑﺮﻭﻑ
- ﻻ ﻻ ﺍﻧﻲ ﺍﺟﻴﺖ ﺑﺲ ﺍﺳﻠﻢ ﻭ ﺍﻃﻤﻦ ﻋﻠﻴﻚ، ﺭﺍﻳﺤﻪ ﻫﺴﻪ ﻟﻠﻤﻄﺎﺭ، ﻳﻼ ﺑﻴﻼ
- ﺍﻣﻚ ﺟﺎﻳﻲ ﻟﻬﻮﻥ ﻟﺘﺎﺧﺬﻙ ؟
- ﻣﺎ ﺍﻋﺮﻑ ﺣﺎﻟﻴﺎ ﺗﺠﻲ ﻭ ﻧﺸﻮﻑ
- ﺍﻭﻛﻲ، ﻭﺻﻠﻴﻠﻬﺎ ﺳﻼﻣﻲ
- ﺍﻥ ﺷﺎﺀﺍﻟﻠﻪ، ﺍﺗﺮﺧﺺ
- ﺍﻭﻛﻲ
.... ﻃﻠﻌﺖ ﺍﻧﻲ ﻭﺑﻴﻼ ﻭ ﺭﺣﺖ ﻟﻠﻤﻄﺎﺭ ، ﺍﻧﺘﻈﺮﻧﺎﻫﺎ ﺷﻲ ﺳﺎﻋﺔ ﻭ ﻧﺺ ﻭ ﻃﻠﻌﺖ ، ﺭﺣﺘﻠﻬﺎ ﺍﺭﻛﺾ ﺣﻀﻨﺘﻬﺎ ﺷﻮ ﻭﺧﺮﺗﻨﻲ ﻭ ﺍﺧﺬﺕ ﺑﻨﺘﻲ ﺣﻀﻨﺘﻬﺎ ﻭ ﺑﺠﺖ ﺗﺒﻮﺱ ﺑﻴﻬﺎ ﻭ ﺗﺒﺎﻭﻋﻠﻬﺎ ﻭ ﺗﻜﻮﻝ : ﻟﺞ ﺩﺍﺩﺍ ﺷﻨﻮ ﻫﺎﻱ ﺷﺼﺎﻳﺮﻩ ﻳﺎ ﻋﻴﻨﻲ
ﺣﺎﺟﻴﺘﻬﺎ ﺑﻀﺤﻜﺔ ﻭ ﺗﺨﺼﺮﺗﻠﻬﺎ - ﺍﻳﺒﺎﺍﺍﻩ ﻫﺴﻪ ﺑﻴﻼ ﺻﺎﺭﺕ ﺍﻫﻢ ﻣﻨﻲ ﻣﻮ؟
- ﻟﺞ ﺣﻔﻴﺪﺗﻲ ﺍﻟﻮﺣﻴﺪﻩ ﻫﺎﻳﻪ، ﻣﻮ ﺩﻳﻜﻮﻟﻮﻥ ﺍﻋﺰ ﺍﻟﻮﻟﺪ ﻭﻟﺪ ﺍﻟﻮﻟﺪ ﻭ ﻫﺎﻱ ﺍﻟﺤﻔﻴﺪﺓ ﺍﻟﻮﺣﻴﺪﺓ ﻣﻦ ﺑﻨﺘﻲ ﺍﻟﻮﺣﻴﺪﺓ
- ﺣﻴﺎﺍﺍﺗﻲ ﻫﻬﻬﻬﻬﻬﻬﻪ
ﺣﻀﻨﺘﻬﺎ، ﺍﺧﺬﺗﻨﻲ ﺑﺤﻀﻨﻬﺎ ﺍﻧﻲ ﻭﺑﻴﻼ ﻭ ﺗﺒﻮﺱ ﺑﻴﻨﺎ ...
ﺭﺟﻌﺖ ﻟﻠﺸﻘﺔ ﻭ ﻫﻲ ﻣﻤﺼﺪﻛﻪ ﻋﻠﻰ ﺍﻟﻠﻪ ﺷﺎﻳﻔﺘﻨﺎ ﻭ ﻣﻔﺎﺭﮔﺖ ﺑﻴﻼ ﻣﻦ ﺣﻈﻨﻬﺎ ﺍﺑﺪ ..
ﮔﻤﺖ ﻋﻮﺩ ﺩﺍ ﺍﺻﻴﺮ ﻣﻌﺪﻟﻪ ﻭ ﺍﻃﺒﺦ ﻟﻤﺎﻣﺎ ﻣﻘﻠﻮﺑﻪ، ﻭﻋﻮﺩ ﻣﺴﺘﻘﺒﻠﺘﻬﺎ ﺍﺑﻴﺘﻲ ﻭ ﻛﺬﺍ ﻭ ﻓﺮﺣﺎﻧﺔ ﺗﺎﻟﻲ ﻧﺴﻴﺖ ﺍﻟﻤﻮﺍﺩ ﻭ ﻛﻞ ﺷﻮﻱ ﺍﻛﻮﻟﻬﺎ : ﻣﺎﻣﺎ ﺷﺤﻂ، ﻭ ﺷﻨﻮ ﺑﻌﺪ
ﺗﺎﻟﻴﺘﻬﺎ ﻫﻲ ﻭﮔﻔﺖ ﺗﻄﺒﺦ ﻭ ﺍﻧﻲ ﺍﺳﻮﻱ ﺯﻻﻃﺔ .
ﺑﺎﻭﻋﺘﻠﻲ ﻭ ﻫﻲ ﺗﻄﺒﺦ : ﻟﺞ ﻋﻴﻨﻲ ﻣﺎﻣﺎ ﻫﺎﻱ ﺷﻨﻮ ﺻﺎﻳﺮ ﺑﻴﺞ ﺻﺎﻳﺮﺓ ﺟﻠﺪ ﻭ ﻋﻈﻢ ﻟﻴﺶ ﻫﺸﻜﻞ ﻳﺎ ﻣﺎﻣﺎ ﻣﺘﺎﻛﻠﻴﻦ
- ﻻ ﻣﺎﻣﺎ ﻭﺍﻟﻠﻪ ﻣﺒﻴﻪ ﺷﻲ ﺑﺲ ﺩﺍﻳﺖ ﺗﻌﺮﻓﻴﻦ ﺷﻐﻠﻲ ﺍﻋﻼﻧﺎﺕ ﻳﻌﺘﻤﺪ ﻋﻠﻰ ﺷﻜﻠﻲ ﻻﺯﻡ ﻣﺎ ﺍﺳﻤﻦ
ﺑﻘﻴﻨﺎ ﻭﻳﺎﻫﺎ ﻫﺬﺍ ﺍﻟﻴﻮﻡ ﺳﺎﻋﺔ ﻧﻀﺤﻚ ﺳﺎﻋﺔ ﻧﺘﺬﻛﺮ ﺍﻳﺎﻣﻨﺎ ﺍﻟﻠﻲ ﺍﺑﻐﺪﺍﺩ ﻭﻳﺎ ﺑﺎﺑﺎ ﻭ ﻧﺒﭽﻲ، ﻭ ﺳﺎﻋﻪ ﻧﻜﻌﺪ ﻧﺴﻮﻟﻒ ﻟﺒﻌﺾ ﻋﻠﻰ ﺍﺣﻮﺍﻟﻨﺎ ﺑﻐﻴﺎﺏ ﺑﻌﺾ
.....
ﺍﻟﺠﻤﻴﻞ ﺑﺎﻟﺬﻛﺮ ﺍﻥ ﺍﻟﻴﻮﻡ ﻭﻷﻭﻝ ﻣﺮﺓ ﺑﻴﻼ ﻣﺬﻛﺮﺕ ﻣﺎﻟﻚ ﻭﻻ ﺑﺠﺖ، ﻛﻠﺶ ﺣﺒﺖ ﻣﺎﻣﺎ ﻋﻠﻰ ﻛﺪ ﻟﻬﻔﺔ ﻣﺎﻣﺎ ﻭ ﺣﺒﻬﺎ ﻭ ﺍﺣﺘﻀﺎﻧﻬﺎ ﺍﻟﺒﻴﻼ .
ﺛﺎﻧﻲ ﻳﻮﻣﺖ ﺗﺮﻛﺖ ﻣﺎﻣﺎ ﻣﻊ ﺑﻴﻼ ﺑﺎﻟﺒﻴﺖ، ﻻﻥ ﻋﻨﺪﻱ ﺍﻋﻼﻥ ﻣﺤﺘﺎﺟﻪ ﻓﻠﻮﺱ ﻻﺯﻡ ﺍﺷﺘﻐﻠﻪ ﻟﻬﺬﺍ ﻭﺍﻓﻘﺖ ﻋﻠﻴﻪ، ﻏﻴﺮ ﺍﻣﻮﺭﻱ ﺍﻟﻠﻲ ﺍﺧﻠﺼﻬﺎ ﺣﺘﻰ ﺍﺧﺘﻢ ﻭﺿﻌﻲ ﻫﻨﺎ ﻭ ﺍﺳﺎﻓﺮ
ﺍﻟﻤﻐﺮﺏ ﻭ ﺍﻧﻲ ﺩﺍ ﺍﺭﺟﻊ ﻟﻠﺸﻘﺔ ﻣﺎﻟﺘﻲ، ﺑﺎﻟﺸﺎﺭﻉ ﻗﺮﻳﺐ، ﺍﻋﺘﺮﺿﺖ ﻃﺮﻳﻘﻲ ﺳﻴﺎﺭﺓ .. ﺑﺎﻭﻋﺖ ( ﻣﺎﻟﻚ )
- ﺍﻧﺖ ﺷﻨﻮ ﻫﺎﻟﻮﻗﺎﺣﺔ ﺍﻟﻌﻨﺪﻙ ﻟﺴﻪ ﻭ ﺍﻟﻚ ﻋﻴﻦ ﺗﻄﻠﻊ ﺑﻄﺮﻳﻘﻲ
ﻧﺰﻝ ﻣﻦ ﺳﻴﺎﺭﺗﻪ : ﺍﺻﻌﺪﻱ ﺍﺭﻳﺪ ﺍﺣﺠﻲ ﻭﻳﺎﺝ ﺷﻮﻳﻪ
- ﻣﺎ ﺍﻟﻲ ﺍﻱ ﻛﻼﻡ ﻭﻳﺎﻙ ﻳﻼ ﻭﻟﻲ
ﺳﺤﺐ ﺍﻳﺪﻱ : ﻟﺠﻴﻦ ﺩﺍ ﺍﮔﻮﻟﭻ ﺍﺻﻌﺪﻱ ﻋﻨﺪﻱ ﺣﺠﻲ ﻭﻳﺎﺝ
ﺿﺮﺑﺘﻪ ﺑﺼﺪﺭﻩ : ﺩﺍ ﺍﻛﻮﻟﻚ ﻣﺎ ﺍﺭﻳﺪ ﺗﺒﺘﻌﺪ ﻣﻦ ﻃﺮﻳﻘﻲ ﻻ ﻭﺭﻭﺣﻪ ﻷﺑﻮﻳﻪ ﺍﺧﺎﺑﺮ ﻭ ﺍﺷﺘﻜﻲ ﻋﻠﻴﻚ
- ﺻﺢ ﺳﻤﻌﺖ ﺑﺨﺒﺮ ﻭﻓﺎﺓ ﻭﺍﻟﺪﺝ ﺍﻟﻌﻤﺮ ﺍﻟﺞ
- ﻫﻪ ﺑﻌﻤﺮﻱ ﻣﺸﻔﺖ ﻣﺜﻠﻚ ﻭ ﺑﻤﺜﻞ ﺣﻘﺎﺭﺗﻚ
ﺳﺤﺒﺖ ﺍﻳﺪﻱ ﺭﺟﻊ ﻟﺰﻣﻬﺎ : ﮔﻠﺘﻠﭻ ﺍﺻﻌﺪﻱ
- ﺍﺗﺮﻙ ﺍﻳﺪﻱ
- ﺭﺍﺡ ﺍﺗﺮﻛﻬﺎ ﺑﺲ ﺑﻌﺪ ﻣﺎ ﺍﺣﺠﻲ ﺍﻟﻠﻲ ﻋﻨﺪﻱ
- ﻣﺎ ﻋﻨﺪﻱ ﺷﻲ ﻳﺮﺑﻄﻨﻲ ﺑﻴﻚ
- ﻻ ﺑﻠﻲ ﻋﻨﺪﺝ ﺑﻴﻼ ﺍﻟﻠﻲ ﻃﻠﻌﺖ ﻣﻨﻲ ﻭ ﻣﻨﺞ ﻭ ﻣﺘﻜﺪﺭﻳﻦ ﺗﺤﺮﻣﻴﻨﻲ ﻣﻦ ﺑﻨﺘﻲ ﻃﻮﻝ ﺍﻟﻌﻤﺮ
- ﺍﻧﺖ ﺍﻟﻠﻲ ﺧﺴﺮﺗﻬﺎ ﺑﺄﻓﻌﺎﻟﻚ
- ﺍﻓﻌﺎﻟﻲ ﺧﺴﺮﺗﺞ ﺑﻴﻬﺎ ﺍﻧﺖ، ﻭ ﺍﻧﻲ ﻛﻠﺶ ﻧﺎﺩﻡ ﻋﻠﻰ ﺍﻟﻠﻲ ﺻﺎﺭ ﻓﻌﻼ .. ﺑﺲ ﺑﻨﺘﻲ ﻣﺎ ﺍﻟﻬﺎ ﺫﻧﺐ ﺑﺎﻟﻠﻲ ﺳﻮﻳﺘﻪ ﻭ ﺍﻧﻲ ﺍﺣﺒﻬﺎ
- ﺍﺗﺮﻛﻨﻲ ﻣﺎﻟﻚ ﻭﻻ ﻋﺎﺩ ﺗﻄﻠﻊ ﺑﺤﻴﺎﺗﻨﺎ ﻛﻠﻬﺎ ﺍﻳﺎﻡ ﻭﺍﺧﺬﻫﺎ ﻭ ﺍﺧﻠﺺ ﻣﻦ ﺷﻜﻠﻚ ﻭ ﺑﻌﻤﺮﻱ ﻋﺴﺎﻧﻲ ﻣﺎ ﺍﺷﻮﻓﻚ
- ﻭﻳﻦ ﺣﺘﺮﺣﻴﻦ
- ﺣﺴﺎﻓﺮ ﺍﺳﺘﻘﺮ ﻋﻨﺪ ﺍﻣﻲ ﺑﺎﻟﺴﻮﻳﺪ
- ﻭ ﺑﻨﺘﻲ ؟
- ﻟﺴﺔ ﻳﻌﻴﺪ ﺑﻨﺘﻲ ﺑﻨﺘﻲ ﺑﻨﺘﻲ ، ﻣﻔﻜﺮﺕ ﺍﺑﻨﺘﻚ ﻟﻤﺎ ﺑﻌﺘﻨﻲ ﻫﺎﺍﺍ ؟
ﻟﻤﺎ ﺍﺫﻳﺖ ﺍﻣﻬﺎ ﻭ ﺗﺎﺟﺮﺕ ﺑﺄﻋﻀﺎﺋﻬﺎ ﻣﻔﻜﺮﺕ ﺍﺑﻨﺘﻚ ؟
ﻣﻜﻠﺖ ﺑﻨﺘﻲ ﺭﺍﺡ ﺗﺤﺘﺎﺝ ﺍﻡ ؟
ﻣﻜﻠﺖ ﺑﻨﺘﻲ ﺭﺍﺡ ﺗﻌﻴﺶ ﺑﻨﻘﺺ ﻟﻤﺎ ﻧﻔﺘﺮﻕ ﺍﻧﻲ ﻭﺍﻣﻬﺎ ؟
ﻭﻻ ﻋﺎﺩﻱ ﻋﻨﺪﻙ ﺗﻨﺤﺮﻡ ﻣﻨﻲ ﺑﺲ ﺗﺒﻘﻰ ﻣﻊ ﺍﺏ ﻣﻨﺤﻂ ﻭ ﻧﺬﻝ ﻣﺜﻠﻚ ؟
ﻟﻚ ﺍﻧﻲ ﺍﻟﻠﻲ ﺗﺤﻤﻠﺖ ﺳﻜﺮﻙ ﻭ ﺧﻴﺎﻧﺎﺗﻚ ﻭ ﻋﺎﺭﻙ ﻭ ﺍﻧﻄﻴﺘﻚ ﻛﻞ ﺷﻲﺀ ﻋﻨﺪﻱ ﻭﺗﺤﻤﻠﺖ ﺍﺷﻜﺎﻝ ﺍﻟﻮﺍﻥ ﺍﻟﻌﺬﺍﺏ ﻭ ﺑﻘﻴﺖ ﻭﻳﺎﻙ ﻫﻨﺎ ﺑﻠﺒﻨﺎﻥ ﻭ ﻣﺎ ﺍﺧﺬﺗﻬﺎ ﻭ ﺳﺎﻓﺮﺕ ﺑﺲ ﺣﺘﻰ ﻣﺎ ﺍﺣﺮﻣﻬﺎ ﻣﻨﻚ ﻭ ﻣﻦ ﺟﻮ ﺍﻟﻌﺎﺋﻠﺔ ﺍﻟﻠﻲ ﺍﻣﺜﻞ ﺑﻴﻪ ﺍﻟﺴﻌﺎﺩﻩ ﺣﺘﻰ ﻧﻌﻴﺸﻬﺎ ﺑﻬﺎﻟﺠﻮ، ﺑﺲ ﺍﻧﺖ ﺷﻨﻮ ﺳﻮﻳﺖ ﻫﺎ ؟
ﺍﻧﺖ ﺩﻣﺮﺕ ﻛﻞ ﺷﻲﺀ ﺑﻴﺪﻙ، ﻻ ﺗﺠﻲ ﻫﺴﻪ ﺗﺤﺎﻭﻝ ﺗﺮﺟﻊ ﺗﺼﻠﺢ ﺷﻲﺀ ﻣﻨﻜﺴﺮ، ﺍﻟﻴﻨﻜﺴﺮ ﻳﻨﺸﻤﺮ ﻭ ﺍﻧﻲ ﺷﻤﺮﺗﻚ ﻣﻦ ﺣﻴﺎﺗﻲ ﺳﻮ ﺍﺧﺘﻔﻲ ﻣﻦ ﻛﺪﺍﻣﻲ ﻓﻮﺭﺍ
.. ﻋﻔﺖ ﻭ ﺩﺍ ﺍﻣﺸﻲ ﺳﺤﺒﻨﻲ ﻣﻦ ﻛﺘﻔﻲ ﻭ ﺍﺧﺬﻧﻲ ﻟﺤﻈﻨﻪ : ﺑﺲ ﺑﻌﺪﻧﻲ ﺍﺣﺒﺞ ﻟﺠﻴﻦ
ﺻﺮﺧﺖ ﺑﻘﻮﻩ ﻭﺍﻧﻲ ﺍﺩﻓﻌﻪ : ﻛﻠﺘﻠﻚ ﺍﺑﺘﻌﺪﺩﺩﺩﺩﺕ
......
ﺷﻮﻓﻲ ﺍﻧﻲ ﻣﻘﺪﺭ ﺣﺠﻢ ﺍﻻﻟﻢ ﻭ ﺍﻟﻌﺬﺍﺏ ﺍﻟﻠﻲ ﺳﺒﺒﺘﻪ ﺍﻟﺞ ﻓﻠﻬﺬﺍ ﻣﺎ ﺭﺍﺡ ﺍﺗﻀﺎﻳﻖ ﻣﻦ ﺗﺼﺮﻓﺎﺗﺞ ﻟﻮ ﺷﻤﺎ ﺳﻮﻳﺘﻲ، ﻣﻔﺎﺕ ﺍﻟﻮﻛﺖ ﻧﻜﺪﺭ ﻧﺮﺟﻊ ﻛﻞ ﺷﻲ ﺍﻧﺖ ﺑﺲ ﺍﻫﺪﻱ ﻭ ﻓﻜﺮﻱ ﺑﻤﺴﺘﻘﺒﻞ ﺑﻨﺘﻨﺎ
... ﻣﺸﻴﺖ ﺑﺄﻧﺰﻋﺎﺝ ﻣﻨﻪ، ﺭﺟﻊ ﻭﻛﻒ ﻛﺪﺍﻣﻲ : ﻟﺠﻴﻦ ﺩﺍ ﺍﺣﺠﻲ ﻭﻳﺎﺝ ﻻ ﺗﺘﺠﺎﻫﻠﻴﻨﻲ
- ﺍﻧﺖ ﺗﻌﺮﻑ ﺍﻟﻤﻔﺮﻭﺽ ﺍﻧﺖ ﻫﺴﻪ ﺑﺎﻟﺤﺒﺲ ﻭ ﺍﻧﻲ ﺧﻠﺼﺎﻧﻪ ﻣﻨﻚ، ﻗﺪﺭ ﻫﺎﻟﻨﻌﻤﺔ ﺍﻟﻠﻲ ﺍﻧﺖ ﺑﻴﻬﺎ ﻭ ﺍﺑﺘﻌﺪ ﻣﻦ ﻋﻨﺪﻱ
- ﻣﻮ ﺑﻔﻀﻠﺞ ﻭﻻ ﺑﻔﻀﻞ ﺍﺣﺪ ﺍﻧﻲ ﺣﺮ، ﻛﻞ ﻋﻤﺮﻱ ﺷﻐﻠﻲ ﺍﺟﺮﺍﻡ ﻭﻻ ﻣﺮﻩ ﺍﺣﺪ ﻛﺪﺭ ﻳﺤﺒﺴﻨﻲ، ﺍﺗﺬﻛﺮﻱ ﺍﻧﻲ ﻣﺎﻟﻚ ﻣﻮ ﻟﺠﻴﻦ ﺣﺘﻰ ﺍﻓﻜﺮ ﺑﻐﺒﺎﺀ ﻭ ﺍﺗﺒﻊ ﮔﻠﺒﻲ ﺍﻧﻲ ﺍﺷﻐﻞ ﻋﻘﻠﻲ ﻭ ﺑﻔﻀﻠﻪ ﺍﻃﻠﻊ ﻣﻦ ﻛﻞ ﻣﺸﻜﻠﻪ ﺍﻭﻛﻊ ﺑﻴﻬﺎ ﻓﻼ ﺗﺨﻠﻴﻨﻲ ﺍﺷﻐﻞ ﻋﻘﻠﻲ ﻋﻠﻴﺞ ﻭ ﺍﻃﻠﻊ ﻣﻦ ﻛﻞ ﻫﺬﺍ ﺭﺑﺤﺎﻥ .. ﺍﺗﻘﺒﻠﻲ ﻧﺪﻣﻲ ﻭ ﺍﺭﺟﻌﻴﻠﻲ ﻭﻻ ﺗﺨﻠﻴﻨﻲ ﺍﺧﺴﺮﺝ ﻛﻞ ﺷﻲﺀ ﻭ ﺍﺭﺟﻌﺞ ﺍﻧﺖ ﻭ ﺍﻟﻤﺎﻛﻮ ﺳﻮﺍ
- ﻫﻤﻤﻢ ﻃﻴﺐ ﺍﺫﻥ ، ﺷﻐﻞ ﻋﻘﻠﻚ ﻭ ﺷﺘﺮﻳﺪ ﺗﺴﻮﻱ ﺳﻮﻳﻪ ﻭﻻ ﺗﻘﺼﺮ ﻭ ﺍﻗﺒﻞ ﻣﻦ ﻫﺎﻟﻜﻠﻤﺔ ( ﻃﺰﺯﺯﺯﺯ ﺑﻴﻚ )
ﺩﻓﻌﺘﻪ ﻭ ﻣﺸﻴﺖ ﺳﺮﻳﻊ، ﻣﺎ ﺗﺒﻌﻨﻲ ﺩﺭﺕ ﻭﺟﻬﻲ ﻭ ﺍﻧﻲ ﺍﻣﺸﻲ .. ﻳﺘﺮﻗﺒﻨﻲ ﺑﻨﻈﺮﺍﺕ ﺣﺎﺩﺓ ﻭ ﻛﺄﻧﻪ ﻳﻔﻜﺮ ﺑﺄﻓﺘﺮﺍﺱ ﻛﺒﺶ
ﻟﻠﺤﻈﺔ ﺗﻤﻠﻜﻨﻲ ﺍﻟﺨﻮﻑ، ﺍﻋﺮﻓﻪ ﻧﺬﻝ ﺑﺲ ﺑﻌﺪ ﺷﻨﻮ ﺑﺄﻳﺪﻩ ﻳﻜﺪﺭ ﻳﺴﻮﻱ .. ﻫﻮ ﻫﺴﻪ ﺣﺎﻟﻪ ﺣﺎﻝ ﺍﻟﻜﻠﺐ ﺍﻟﻤﺴﻌﻮﺭ ﻣﺎ ﺑﻴﺪﻩ ﻏﻴﺮ ﻳﻨﻄﻢ ﻭ ﻳﺘﻘﺒﻞ ﻭﺿﻌﻪ ﻭ ﻳﺴﻜﺖ
ﻟﻜﻦ ﻣﺎ ﺍﺧﻔﻲ ﺧﻮﻓﻲ ...
ﺭﺟﻌﺖ ﻟﻠﺒﻴﺖ، ﻓﺘﺤﺘﻠﻲ ﻣﺎﻣﺎ ﺍﻟﺒﺎﺏ -: ﺷﺒﻴﺞ ﻣﺎﻣﺎ ﺷﻜﻠﺞ ﻣﺨﻄﻮﻑ
- ﺍﺍﺍ ﻟﻴﺶ
- ﺷﻨﻮ ﻟﻴﺶ ﺷﺼﺎﻳﺮ
- ﺍﺍﺍ ﻣﺼﺎﻳﺮ ﺷﻲ ،ﺑﺲ ﺍﺭﻳﺪ ﺍﺩﻭﺵ ﺑﺎﻟﺤﻤﺎﻡ ﺍﺭﺗﺎﺡ ﻫﻮﺍﻳﺔ ﺗﻌﺒﺎﻧﻪ
ﺑﻴﻼ ﻭﻳﻦ ؟
- ﺩﺍ ﺗﻠﻌﺐ ﺑﻐﺮﻓﺘﻬﺎ
- ﺟﻴﺪ ..
ﻣﺸﻴﺖ ﻟﻠﺤﻤﺎﻡ ﻣﺤﺴﻴﺖ ﺍﺷﻮﻥ ﺗﺤﻤﻤﺖ ﻭ ﺍﺷﻮﻥ ﻃﻠﻌﺖ ﻭ ﻛﻌﺪﺕ ﻋﻠﻰ ﻛﺪ ﻣﺎ ﻓﻜﺮﺕ ﺑﻤﺎﻟﻚ : ﺍﻟﻠﻪ ﻳﺎﺧﺬﻩ ﺷﻮﺵ ﻋﻘﻠﻲ ..
ﺳﻮﻟﻔﺖ ﺍﻟﻤﺎﻣﺎ ﺑﻘﺖ ﺗﺤﺬﺭﻧﻲ ﻣﻨﻪ ﻭ ﺗﻮﺻﻴﻨﻲ ﺍﺑﻘﻰ ﺑﻌﻴﺪﻩ ﻋﻨﻪ ﻗﺪﺭ ﺍﻻﻣﻜﺎﻥ ﻭ ﻣﺎ ﺍﺛﻴﺮ ﺍﺳﺘﻔﺰﺍﺯﻩ ﻭ ﻳﻜﻮﻡ ﻳﺘﺤﺎﻳﻞ ..
ﺛﺎﻧﻲ ﻳﻮﻡ ﻫﻢ ﻃﻠﻊ ﺑﻮﺟﻬﻲ ﻭ ﻳﻜﻮﻟﻲ : ﺍﺧﺮ ﻓﺮﺻﺔ ﺍﻟﺞ ﺍﺗﺮﺟﻌﻴﻠﻲ ﻟﻮ ﺗﺮﺟﻌﻴﻦ ﺑﻨﺘﻲ ﻭ ﺑﻜﻴﻔﺞ ﺳﺎﻓﺮﻱ ﻟﻠﻤﻜﺎﻥ ﺍﻟﻠﻲ ﻳﻌﺠﺒﺞ ﺍﻧﺖ ﺣﺮﻩ
... ﻣﺎ ﺭﺩﻳﺖ ﻋﻠﻴﻪ ﺍﻱ ﻛﻼﻡ ﺍﻣﺸﻲ ﻭ ﻫﻮ ﻳﺴﺤﺐ ﻭ ﻳﺤﺠﻲ ﻭ ﺍﻋﻮﻓﻪ ﻭ ﺍﺭﺟﻊ ﺍﻣﺸﻲ ﺍﺧﺮ ﺷﻲﺀ ﺳﺤﺒﻨﻲ ﺣﻴﻞ ﻭ ﻟﺰﻣﻨﻲ ﻣﻦ ﻭﺟﻬﻲ : ﻻ ﺗﺨﻠﻴﻨﻲ ﺍﺳﻮﻱ ﺷﻲﺀ ﻭﺍﻟﻠﻪ ﺍﻧﺪﻣﺞ ﻋﻠﻴﻪ ﺍﻟﻌﻤﺮ ﻛﻠﻪ ﺍﺳﻤﻌﻲ ﻣﻨﻲ ﻭ ﺧﻠﻴﻨﺎ ﻧﺮﺟﻊ
- ﺍﻟﻠﻲ ﺗﺮﻳﺪﻩ ﺳﻮﻳﻪ، ﻭ ﻟﻮ ﻟﺰﻣﺘﻨﻲ ﻣﺮﻩ ﻟﺦ ﺛﻖ ﺍﺑﻠﻎ ﻋﻠﻴﻚ
- ﺍﻫﻤﻤﻢ .. ﺍﻭﻛﻲ ﻟﺠﻴﻦ ﻫﻴﺎﻧﻲ ﺗﺮﻛﺘﻬﺎ ﻻﻳﺪﺝ ﻭ ﺛﻘﻲ ﻣﺎ ﺭﺍﺡ ﺍﻛﻤﺸﻬﺎ ﻣﺮﻩ ﻟﺦ ﺍﺑﺪﺍ ﺑﺲ ﺑﺎﻭﻋﻲ ﺑﻌﻴﻮﻧﻲ ﺯﻳﻦ ﻭ ﺍﺣﻔﻈﻴﻬﻢ ﻟﺤﺘﻰ ﻃﻮﻝ ﻋﻤﺮﺝ ﺗﺒﻘﻴﻦ ﺗﺘﺬﻛﺮﻳﻦ ﺍﻟﻠﻲ ﺭﺍﺡ ﺍﺳﻮﻳﻪ ﺑﻴﺞ .
ﺑﻘﻴﺖ ﺧﺎﺯﺭﻩ ﺑﻌﻴﻮﻧﻪ ﻭ ﺍﺗﻨﻔﺲ ﺑﻐﻀﺐ : ﻭﻗﺢ ﺍﺳﺘﻘﺮﻑ ﺍﻟﻨﻈﺮ ﺑﻴﻚ
ﻋﻔﺘﻪ ﻭ ﻣﺸﻴﺖ ..
ﺑﻌﺪﻫﺎ ﻣﺮ ﺍﺳﺒﻮﻉ ﻣﺎ ﺷﻔﺘﻪ ﻃﻠﻊ ﮔﺪﺍﻣﻲ، ﻭﻻ ﺯﻋﺠﻨﻲ ﺑﺄﺗﺼﺎﻝ .. ﻛﻤﻠﺖ ﻛﻞ ﺍﺟﺮﺍﺋﺎﺗﻲ ﻟﻠﺴﻔﺮ
.....
ﻭﻳﻮﺻﻠﻨﻲ ﺗﺒﻠﻴﻎ، ﺍﺳﺘﻠﻤﺘﻪ ﻃﻠﻊ ﻣﻦ ﺍﻟﻤﺤﻜﻤﺔ ﻣﺎﻟﻚ ﺭﺍﻓﻊ ﺩﻋﻮﺓ ﺣﻀﺎﻧﺔ ﻟﺒﻴﻼ .. ﺻﻔﻨﺖ ﻣﺎ ﺍﻋﺮﻑ ﻟﻴﺶ ﺧﻔﺖ
ﺭﻓﻌﺖ ﺍﻟﻤﻮﺑﺎﻳﻞ ﻭ ﺍﺗﺼﻠﺖ ﺑﺼﺪﻳﻘﺔ ﻣﺤﺎﻣﻴﺔ ﻟﺘﺘﻮﻟﻰ ﻗﻀﻴﺔ ﺍﻟﺪﻋﻮﺓ ﻭ ﺳﺄﻟﺘﻬﺎ ﻛﺎﻟﺖ : ﻻ ﺗﺨﺎﻓﻴﻦ ﺣﻀﺎﻧﺔ ﺍﻟﻄﻔﻞ ﻣﻦ ﺣﻖ ﺍﻻﻡ ﺩﺍﺋﻤﺎ ﻗﻀﻴﺔ ﺳﻬﻠﺔ ﻭ ﺭﺍﺡ ﻧﻜﺴﺒﻬﺎ ﻻ ﺗﻘﻠﻘﻴﻦ
ﺍﻃﻤﻨﺖ، ﺑﺲ ﻣﺎ ﺍﻋﺮﻑ ﻟﻴﺶ ﺑﺎﻗﻲ ﺍﻛﻮ ﻗﻠﻖ ﺑﺪﺍﺧﻠﻲ ﺍﻋﺮﻑ ﻣﺎﻟﻚ ﻗﺬﺭ ﻭ ﻋﻨﺪﻩ ﺍﺳﺎﻟﻴﺐ ﻗﺬﺭﺓ ﻳﺴﺘﺨﺪﻣﻬﺎ ﺑﻬﺎﻻﻣﻮﺭ ... ﺗﺤﻔﻈﺖ ﻋﻠﻰ ﺑﻴﻼ ﻭ ﻋﻠﻴﻪ ﻣﻦ ﺍﻟﺨﺮﻭﺝ ﺣﺘﻰ ﻻ ﻳﺤﺎﻭﻝ ﻳﺘﺨﻄﻔﻬﺎ ﻟﺴﺎﻋﺎﺕ ﻭ ﻳﺸﺘﻜﻲ ﻟﻴﺴﺠﻠﻬﺎ ﻋﻠﻴﻪ ﻟﻮ ﻳﻌﺮﺽ ﺑﻴﻼ ﻟﻠﺨﻄﺮ ﺣﺘﻰ ﺗﺴﻘﻂ ﻋﻨﻲ ﺍﻟﺤﻀﺎﻧﺔ ..
ﺑﻘﻴﺖ ﻗﺪﺭ ﺍﻻﻣﻜﺎﻥ ﺑﺎﻟﺒﻴﺖ ﺣﺴﺐ ﻧﺼﺎﺋﺢ ﺍﻣﻲ .
ﺑﻴﻮﻡ ﺍﻟﻤﺤﻜﻤﺔ ﻭﻛﻔﺖ ﺍﻣﺎﻡ ﺍﻟﻘﺎﺿﻲ ﻭ ﻫﻮ ﺍﺟﺎ ﻭﻛﻒ ﻭ ﺻﺪﻣﻨﻲ ﻟﻤﺎ ﻗﺪﻡ ﻟﻠﻘﺎﺿﻲ ﺻﻮﺭ ﻭ ﺗﻘﺎﺭﻳﺮ ﺗﺆﻛﺪ ﺍﻥ ﺍﻧﻲ ﻛﻨﺖ ﺍﺭﺗﺎﺩ ﺍﻟﻤﻼﻫﻲ ﻭ ﺍﺗﻌﺎﻃﻰ ﺍﻟﻤﺨﺪﺭﺍﺕ ﻭ ﺍﻟﻤﺤﺎﻣﻲ ﻣﺎﻟﺘﻪ ﺷﺎﻃﺮ ﺗﻼﻋﺐ ﺑﻜﻞ ﺍﻻﻣﻮﺭ ﻟﺼﺎﻟﺤﻪ
ﻭ ﺍﺭﺗﻔﻊ ﻗﺮﺍﺭ ﺍﻟﻘﺎﺿﻲ ﻭ ﻗﺮﺭ ﺟﻌﻞ ﺍﻟﺤﻀﺎﻧﻪ ﻣﻦ ﺣﻖ ﺍﻷﺏ ﺍﻟﻤﺪﻋﻮ ﻣﺎﻟﻚ .. ﻭ ﺣﺮﻣﻨﻲ ﻣﻨﻬﺎ
ﺑﻤﺠﺮﺩ ﺳﻤﺎﻋﻲ ﺍﻟﺨﺒﺮ ﺍﻧﻐﻤﻰ ﻋﻠﻴﻪ ﻣﻦ ﻗﻮﺓ ﺍﻟﻤﺼﻴﺒﺔ ﺍﻟﻮﻛﻌﺖ ﻋﻠﻰ ﺭﺍﺳﻲ ﻭ ﻓﻘﺪﺕ
ﺷﺎﻟﻮﻧﻲ ﻟﻐﺮﻓﺔ ﺍﻧﻄﻮﻧﻲ ﺻﺨﻮﻧﻲ ﻭ ﺍﻧﻄﻮﻧﻲ ﻣﻲ، ﻛﻌﺪﺕ ﺍﺻﺮﺥ : ﻭﻳﻦ ﺑﻨﺘﻲ ﻣﺎ ﺍﻧﻄﻲ ﺑﻨﺘﻲ ﺣﺮﺍﻡ ﻋﻠﻴﻜﻢ ﻣﺎ ﺍﻧﻄﻴﻬﺎ ﻭﺍﻟﻠﻪ ﻛﺬﺍﺏ
ﻋﻔﺘﻬﻢ ﻭ ﻃﻠﻌﺖ ﻣﻦ ﺍﻟﻤﺤﻜﻤﺔ ﻟﻠﺒﻴﺖ ﺑﺴﺮﻋﺔ، ﻟﻜﻴﺖ ﻣﺎﻟﻚ ﻭﺍﻛﻒ ﻋﻠﻰ ﺑﺎﺏ ﺍﻟﺸﻘﺔ .. ﺿﺮﺑﺘﻪ : ﺣﻘﻴﻴﻴﺮ ﺣﻴﻮﺍﺍﺍﺍﻥ ﻣﻜﺎﻓﻲ ﺳﻠﺒﺖ ﻣﻦ ﻋﻨﺪﻱ ﻋﻤﺮﻱ ﻭ ﺻﺤﺘﻲ ﻭﺣﺎﻟﻲ ﺟﺎﻱ ﺗﺎﺧﺬ ﺑﻨﺘﻲ ﺭﻭﺡ ﻣﻨﺎ ﻣﺎ ﺍﻧﻄﻴﻬﺎ ﺍﻟﻚ ﺗﺤﻠﻢ ﺍﻓﺘﻬﻤﺖ
- ﮔﻠﺘﻠﭻ ﺍﺧﺬﻫﺎ ﻻ ﺗﺴﺘﻬﻴﻦ، ﻣﺎ ﺻﺪﻛﺘﻲ .. ﺍﺑﺘﻌﺪﻱ ﺍﺭﻳﺪ ﺑﻨﺘﻲ ﻣﻦ ﺣﻘﻲ
- ﺍﻧﺖ ﻛﺬﺍﺏ ﻭ ﻛﻠﺐ ، ﺍﻧﺖ ﻃﻠﺒﺖ ﻣﻨﻲ ﺍﺗﻨﺎﺯﻝ ﻋﻨﻚ ﻣﻘﺎﺑﻞ ﺗﺮﺟﻌﻠﻲ ﺑﻨﺘﻲ ﻭ ﺍﻧﺖ ﺣﻠﻔﺖ ﺑﺮﻭﺡ ﺍﺧﺘﻚ ﻧﺬﺫﺫﺫﺫﺫﻝ ﺍﻃﻠﻊ ﻣﻦ ﺣﻴﺎﺍﺍﺍﺗﻲ ﺍﻃﻠﻊ ﻣﺎ ﺍﻧﻄﻴﻚ ﺑﻨﺘﻲ
ﻛﺎﻣﺖ ﺍﻣﻲ ﺗﺴﺤﺐ ﺑﻴﺎ ﻭ ﻧﺎﺱ ﻃﻠﻌﺖ ﻋﻠﻰ ﺻﻮﺗﻲ، ﻭ ﻫﻮ ﺑﻜﻞ ﺣﻘﺎﺭﺓ ﻳﻜﻮﻝ : ﺣﺒﻴﺒﺘﻲ ﻟﺘﺴﻮﻳﻦ ﺑﻨﻔﺴﺞ ﻫﺸﻜﻞ ﺷﻨﻮ ﺑﺄﻳﺪﻱ ﺍﻧﻲ ﻣﺎ ﺣﺒﻴﺖ ﺍﺧﺴﺮﻛﻢ ﺣﺎﻭﻟﺖ ﺍﺭﺟﻌﺞ ﻭ ﻋﺠﺰﺕ ﻭ ﺍﻧﺖ ﺍﻟﻠﻲ ﺭﻓﻀﺘﻲ ﻓﺄﺫﺍ ﺣﺒﻴﺘﻲ ﺑﻨﺘﺞ ﺍﺭﺟﻌﻴﻠﻲ ..
- ﻣﺴﺘﺤﻴﻴﻴﻞ ﻣﺴﺘﺤﻴﻴﻴﻴﻞ ﺣﻴﻮﺍﻥ ﻣﺘﻠﻮﻥ ﻣﺎ ﺍﺭﻳﺪﻙ
- ﻋﻴﺐ ﻋﻴﺐ ﻣﻨﺎ ﺍﻟﻨﺎﺱ ﺍﻭﻭﻑ ﺑﻌﺪﺝ ﺑﻬﺬﺍ ﻃﺒﻌﺞ ﻭ ﺻﻴﺎﺣﺞ ﺷﺨﺮﺏ ﺣﻴﺎﺗﻨﺎ ﻏﻴﺮ ﻭﻗﺎﺣﺘﺞ، ﺭﺍﺟﻌﻲ ﻧﻔﺴﺞ ﺣﺒﻴﺒﻲ ﻭ ﺍﺭﺟﻌﻴﻠﻨﺎ ﺍﻧﻲ ﻭ ﺑﻨﺘﺞ، ﻭﻳﻦ ﺑﻨﺘﻲ ﺑﻴﻼ ﻳﻼ
- ﻣﺎﻟﻚ ﺭﻭﺡ ﻣﻨﺎ ﺍﻧﻄﻴﻚ ﺑﻨﺘﻲ
- ﻟﺤﻈﺔ ﻣﻨﻮ ﻛﺎﻥ ﻳﻬﺪﺩﻧﻲ ﺍﺷﺘﻜﻲ ﻋﻠﻴﻚ ﻭ ﺍﺑﻠﻎ ﻋﻠﻴﻚ، ﺍﻫﻤﻢ ﺣﺒﻴﺒﻲ ﻣﺎ ﺍﺭﻳﺪ ﺍﺻﻴﺮ ﻗﺎﺳﻲ ﻣﺜﻠﺞ ﻭ ﺍﻫﺪﺩ ﺍﻧﻄﻴﻨﻲ ﺑﻨﺘﻲ ﻭ ﺍﺑﻌﺪﻱ ﻣﻦ ﺣﻴﺎﺗﻨﺎ ﻟﻮ ﺣﺒﻴﺘﻲ ﺑﻼ ﻣﺸﺎﻛﻞ ﺍﻓﻀﻞ ﻣﻤﺎ ﺍﻻﻣﻦ ﻫﻮ ﺍﻟﻠﻲ ﻳﺴﺤﺒﻬﺎ ﻣﻨﺞ ﺑﺎﻟﻘﻮﺓ
ﺑﻌﺪﻧﻲ ﻣﻨﻪ ﺑﻘﻮﺓ ﻭ ﻓﺎﺕ ﻟﻠﺸﻘﺔ ﺷﺎﻝ ﺑﻴﻼ ﺭﻛﻀﺖ ﻭﺭﺍﻩ ﺳﺤﺒﺖ ﺍﻟﻄﻔﻠﺔ ﻣﻦ ﺍﻳﺪﻩ : ﻻ ﻻ ﺍﻟﻠﻪ ﻋﻠﻴﻚ ﻻ ﺗﻜﺴﺮﻧﻲ ﻣﺮﻩ ﺛﺎﻧﻴﻪ ﺍﺑﻨﺘﻲ ﻻ ﺗﻔﺮﻗﻨﻲ ﻋﻨﻬﺎ ﺍﺭﺟﻮﻙ ﺣﺮﺍﻡ ﻋﻠﻴﻚ ﻭﺍﻟﻠﻪ
ﺑﻘﻴﺖ ﺣﺎﻇﻨﺘﻬﺎ ﻭ ﺍﻣﻲ ﺗﻐﻠﻂ ﻭ ﺗﺪﻓﻊ ﺑﻴﻪ ﻭ ﻫﻮ ﻭﺍﻛﻒ ﻣﺒﺘﺴﻢ، ﺗﻘﺮﺏ ﺍﺧﺬ ﺑﻴﻼ ﻣﻦ ﺍﻳﺪﻱ، ﻫﻲ ﺗﺒﺠﻲ ﻣﻦ ﻗﻮﺓ ﺍﻟﻤﻮﻗﻒ، ﻣﺴﺢ ﺩﻣﻮﻋﻬﺎ ﺩﻳﺮﻳﺪ ﻳﺴﻜﺘﻬﺎ، ﻟﺰﻣﺘﻪ ﻣﻦ ﺍﻳﺪﻩ
......
ﺍﺑﻮﺱ ﺍﻳﺪﻙ ﻋﻮﻑ ﺑﻨﺘﻲ ﺍﻟﻠﻪ ﻋﻠﻴﻚ ﻣﺎﻟﻚ ﺍﺗﻮﺳﻞ ﺑﻴﻚ
ﻭ ﻛﻌﺪﺕ ﻳﻢ ﺭﺟﻠﻴﻪ ﺍﺑﺠﻲ
ﺩﻧﮓ ﺛﻨﻰ ﺭﺟﻠﻴﻪ ﻭ ﻛﻤﺒﺺ، ﺑﺎﻭﻋﻠﻲ ﻭ ﺍﺷﺮﻟﻲ ﻋﻠﻰ ﻋﻴﻮﻧﻪ : ﺍﺣﻔﻈﻴﻬﻢ ﺯﻳﻦ ﻭ ﺍﺗﺬﻛﺮﻱ ﻃﻮﻝ ﻋﻤﺮﺝ ﺷﻨﻮ ﺳﻮﺕ ﺑﻴﺞ ﻫﺎﻟﻌﻴﻮﻥ ﺍﻟﺤﺬﺭﺗﺞ ﻣﻨﻬﻢ
ﻗﺮﺏ ﻭﺟﻬﻪ ﻭ ﺑﺎﺱ ﺧﺪﻱ ﻭ ﮔﺎﻡ ، ﻓﺮﻓﺤﺖ ﺭﻭﺣﻲ ﻭﺭﺍﻩ ﻛﻤﺖ ﺍﺭﻳﺪ ﺍﻟﺤﻜﻪ ﻭ ﺍﻣﻲ ﺗﻠﺰﻡ ﺑﻴﻪ ﻛﻤﺖ ﺍﺻﺮﺥ ﻭ ﺍﻣﻠﺦ ﺑﺸﻌﺮﻱ ﻣﻦ ﺍﻟﻘﻬﺮ
ﺍﺧﺮﻫﺎ ﻓﻘﺪﺕ ﻭﺑﻌﺪ ﻣﺤﺴﻴﺖ .
ﻣﺎﻣﺎ ﻣﻦ ﺧﻮﻓﻬﺎ ﻭ ﺣﺮﺍﺭﺓ ﮔﻠﺒﻬﺎ ﺍﺗﺼﻠﺖ ﺑﺠﻴﺎﺩ ﻳﺠﻲ ﻳﻠﺤﻜﻨﻲ .. ﺑﻮﻗﺘﻬﺎ ﺍﺟﺎ ﺑﺴﺮﻋﻪ ﻭ ﻧﻘﻠﻮﻧﻲ ﻟﻠﻤﺴﺘﺸﻔﻰ
ﺍﺳﺒﻮﻉ ﻻ ﺍﻛﻞ ﻭﻻ ﺍﺷﺮﺏ ﺑﺲ ﻉ ﺍﻟﻤﻐﺬﻳﺎﺕ، ﺣﺎﻭﻟﺖ ﺍﺗﺼﻞ ﺑﻤﺎﻟﻚ ﻟﻮ ﺍﺗﻮﺻﻠﻪ ﻣﺎﻛﻮ ﺣﺮﮒ ﺭﻗﻤﻪ ﻭ ﺍﻟﻮﺍﺗﺴﺎﺏ .. ﻭﻣﺪﺍ ﺍﻋﺮﻑ ﻭﻳﻦ ﺍﻟﻜﺎﻩ
ﺟﻨﻴﺖ ﺗﻤﺎﻣﺎ ..
ﻣﺎﻣﺎ ﺍﺳﺘﻌﺠﻠﺖ ﻻﺯﻡ ﺗﺮﺟﻊ ﻟﻠﺴﻮﻳﺪ ﻭ ﺍﻧﻲ ﻣﺪﺍ ﺍﻛﺪﺭ ﺍﺳﺎﻓﺮ ﻭﺑﻨﺘﻲ ﻣﺎ ﺍﻋﺮﻑ ﻭﻳﻦ .. ﺍﻗﺘﺮﺣﺖ ﻋﻠﻴﻬﺎ ﻧﺮﺟﻊ ﻟﺒﻐﺪﺍﺩ
ﺭﻓﻀﺖ ﻭ ﻛﺎﻟﺖ : ﻻ ﻣﺎﻣﺎ ﺷﻌﻨﺪﻱ ﺍﺑﻐﺪﺍﺩ ﺍﻫﻞ ﻧﺎﺱ ﺷﻮ ﺍﺑﻮﺝ ﻭ ﻣﺎﺕ ﻭ ﺧﻮﺍﻟﺞ ﻭ ﻃﻠﻌﻮﺍ ﺑﺮﺍ .. ﺍﻛﺎﺑﻞ ﻛﺮﺟﻴﺔ ﻭ ﺳﻮﺍﻟﻔﻬﺎ ﺷﺒﻴﻪ ؟ !
... ﻗﺒﻞ ﺍﻟﺴﻔﺮ ﺑﻴﻮﻡ، ﻭ ﺍﻧﻲ ﻟﺴﻪ ﻣﻤﻘﺮﺭﺓ ﺍﺳﺎﻓﺮ ﺍﻭ ﻻ .. ﻛﻠﻤﻨﻲ ﺟﻴﺎﺩ ﻭ ﻓﺘﺢ ﻋﻠﻴﻪ ﻣﻮﺿﻮﻉ ﺍﻟﺰﻭﺍﺝ
ﺷﻔﺖ ﺍﻟﻤﻮﺿﻮﻉ ﺑﺼﺎﻟﺤﻲ، ﻻﺯﻡ ﺍﺑﻘﻰ ﻫﻨﺎ ﻭ ﺍﺗﺰﻭﺝ ﻭ ﺍﺳﺘﻘﺮ ﻟﺤﺘﻰ ﺍﻛﺪﺭ ﺍﺭﻓﻊ ﺩﻋﻮﺓ ﻟﺦ ﻭ ﺍﺳﺘﺮﺟﻊ ﺑﻨﺘﻲ .
ﻭﺍﻓﻘﺖ ﻋﻠﻰ ﺍﻟﺰﻭﺍﺝ ﻣﻨﻪ ، ﺑﺪﻭﻥ ﺍﻱ ﻣﺸﺎﻋﺮ ﺍﺣﻤﻠﻬﺎ ﺍﻟﻪ ﺑﻘﻠﺒﻲ ﻏﻴﺮ ﻣﺸﺎﻋﺮ ﺍﻟﺼﺪﺍﻗﺔ ﻭ ﺍﻟﻤﻮﺩﺓ .
ﺷﺮﻃﺖ ﻋﻠﻴﻪ ﺑﺎﻟﺰﻭﺍﺝ ﻳﻄﻠﺐ ﺍﻳﺪﻱ ﻣﻦ ﻋﻤﺎﻣﻲ ﻫﻮ ﻭ ﺍﺑﻮﻩ ﺣﺘﻰ ﻧﺘﺰﻭﺝ ﺑﻤﻮﺍﻓﻘﺔ ﺍﻻﻫﻞ ﺑﻌﺪ ﻣﻮﺍﻓﻘﺔ ﻣﺎﻣﺎ ﻋﻠﻰ ﺯﻭﺍﺟﻨﺎ
ﺭﺟﻌﺖ ﺳﺎﻓﺮﺕ ﻣﺎﻣﺎ ﻭ ﻫﻲ ﺗﺄﻛﺪ ﻋﻠﻴﻪ ﻭ ﺗﻮﺻﻲ ﺍﻥ ﻣﺎ ﺍﺗﻌﺐ ﻧﻔﺴﻲ ﻭ ﺍﻗﻬﺮﻫﺎ ﻭﺍﺻﻴﺮ ﻗﻮﻳﺔ ﺣﺘﻰ ﺍﺭﺟﻊ ﺑﻨﺘﻲ
ﺭﺟﻌﺖ ﻟﻠﺸﻘﺔ ﻣﺎﻟﺘﻲ، ﻣﻘﺒﻞ ﻛﺎﻝ : ﺿﺒﻲ ﺍﻏﺮﺍﺿﻚ ﻭ ﺗﻌﻲ ﻣﻌﻲ ﻉ ﺑﻴﺘﻲ ﺍﺧﺬﻱ ﻏﺮﻓﺔ ﻟﺤﺎﻟﻚ، ﻟﺒﻴﻦ ﻣﺎ ﻧﻜﻤﻞ ﺍﺟﺮﺍﺋﺎﺕ ﺍﻟﺰﻭﺍﺝ ﻭ ﻳﻔﻀﻰ ﺑﺎﺑﺎ ﻟﻨﻄﻠﺐ ﺍﻳﺪﻙ ﻣﻦ ﺍﻫﻠﻚ ﺑﺎﻟﻌﺮﺍﻕ
... ﺍﻭﻝ ﺷﻲﺀ ﻣﺎ ﻗﺒﻠﺖ ﺑﺲ ﻫﻮ ﺍﻛﺪﻟﻲ ﺍﻥ ﻫﻮ ﻣﻮ ﺩﻭﻡ ﻣﺘﻮﺍﺟﺪ ﺑﺎﻟﺒﻴﺖ ﻭ ﻏﺮﻓﻪ ﻣﻨﻔﺼﻠﺔ ﻣﺎ ﺭﺍﺡ ﺗﺤﺪﺙ ﻓﺮﻕ ..
ﺍﺧﺬﺕ ﺍﻏﺮﺍﺿﻲ ﻭ ﺍﻧﺘﻘﻠﺖ ﻟﺒﻴﺘﻪ، ﻛﻌﺪ ﻭﻳﺎﻳﻪ ﺳﺎﻋﺔ ﻭ ﺍﺿﻄﺮ ﻳﻄﻠﻊ ﻻﻥ ﻋﻨﺪﻩ ﺷﻐﻞ ..
ﻓﺒﻘﻴﺖ ﺍﺭﺗﺐ ﺑﻐﺮﺍﺿﻲ ﻭ ﻛﻌﺪﺕ ﻭﺣﺪﻱ ﺍﺗﺬﻛﺮ ﺑﻨﺘﻲ ﻭ ﺍﺑﺠﻲ ﻭﺍﺩﺧﻦ ﻭ ﺍﺣﺮﻙ ﺑﻨﻔﺴﻲ ﺑﺎﻟﺪﺧﺎﻥ، ﻟﺤﺪ ﻣﺎ ﻃﻠﻊ ﺍﻟﻔﺠﺮ ﻭ ﻏﻔﻴﺖ
ﺍﻟﺼﺒﺢ ﻛﻌﺪﺕ ﻋﻠﻰ ﺻﻮﺕ ﺍﻟﺒﺎﺏ، ﻓﻄﻠﻌﺖ ﻣﻦ ﺍﻟﻐﺮﻓﺔ ﻭ ﺍﻟﺒﻴﺠﺎﻣﺔ ﻭ ﺍﻟﺘﻴﺸﻴﺮﺕ، ﻓﺘﺤﺖ ﺍﻟﺒﺎﺏ ﻭ ﺍﻧﻲ ﻛﻮﻩ ﺍﻭﺳﻊ ﺑﻌﻴﻮﻧﻲ ﻣﻦ ﺍﻟﻨﻌﺎﺱ ... ﺷﻔﺖ ﻣﺮﻩ ﻛﺪﺍﻣﻲ ﺣﺎﻭﻟﺖ ﺍﺭﻛﺰ ﺑﻴﻬﺎ ﻣﻨﻮ، ﻓﺴﺄﻟﺘﻨﻲ ﻫﻲ
- ﻣﻴﻦ ﺍﻧﺖ ؟
- ﻣﻮ ﻻﺯﻡ ﺍﻧﻲ ﺍﺳﺄﻟﻚ ﺑﺎﻋﺘﺒﺎﺭﻙ ﺍﻧﺖ ﻳﻠﻲ ﺩﺍﮔﺔ ﺍﻟﺒﺎﺏ !
- ﺍﻩ ﻋﺮﻓﺘﻚ ﺍﻧﺖ ﺍﻟﺒﻨﺖ ﺫﺍﺗﻚ ﺍﻟﻌﺮﺍﻗﻴﺔ ﻳﻠﻲ ﻻﻋﺒﻲ ﺑﻌﻘﻠﻮ ﻷﺑﻨﻲ ﺟﻴﺎﺩ، ﺍﻧﺎ ﺍﻣﻮ
ﻓﺮﻛﺖ ﺭﺍﺳﻲ ﺷﻠﻮﻥ ﻧﺴﻴﺖ ﻣﺎ ﺍﺗﺬﻛﺮ ﺷﺎﻳﻔﺘﻬﺎ : ﺍﻋﺘﺬﺭ ﺟﺪﺍ ﻓﻮﺗﻲ
......
ﻭﺍﻟﻠﻪ ﻛﺘﻴﺮ ﺣﻠﻮ، ﻫﻼﺀ ﺻﺮﺕ ﻓﻮﺕ ﻉ ﺑﻴﺖ ﺍﺑﻨﻲ ﻣﺘﻞ ﺍﻟﻀﻴﻮﻑ، ﻭ ﻣﻴﻦ ﻳﻠﻲ ﺗﻔﻮﺗﻨﻲ ﻭﺣﺪﺓ ﺑﻼ ﺗﺮﺑﺎﻳﻲ ﻣﺘﻠﻚ
- ﺍﻟﻌﻔﻮ ﻣﺎ ﺍﺳﻤﺤﻠﺞ ﺗﻘﻠﻠﻴﻦ ﺍﺣﺘﺮﺍﻡ ﻭﻳﺎﻳﻪ، ﺍﻧﻲ ﻣﺸﺎﻣﺮﻩ ﺣﺎﻟﻲ ﻋﻠﻰ ﺍﺑﻨﺞ ﻫﻮ ﺍﻟﻠﻲ ﺟﺎﻧﻦ ﻋﻘﻠﻪ ﻭ ﻳﻤﺸﻲ ﻭﺭﺍﻳﻪ ﻭ ﻫﻮ ﺍﻟﻠﻲ ﻃﻠﺐ ﻣﻨﻲ ﺍﻟﺰﻭﺍﺝ .....
- ﻭ ﺩﻏﺮﻱ ﻭﺍﻓﺌﺘﻲ ﻣﺎ ؟ ﺑﺎﻳﻨﻲ ﻭﺣﺪﻩ ﻣﺘﻠﻚ ﻣﺎ ﺗﺴﺪﺉ ﻉ ﺍﻟﻠﻪ ﺑﻴﺨﻄﺒﻬﺎ ﺯﻟﻤﻲ
- ﺭﺩﺕ ﺍﻃﻠﻊ ﻗﻬﺮﻱ ﺑﻴﻬﺎ ﺧﻔﺖ ﺍﺗﻔﺸﻞ ﻭﻳﺎ ﺟﻴﺎﺩ .. ﺗﺮﻛﺘﻬﺎ ﻭ ﺩﺧﻠﺖ ﺧﺎﺑﺮﺕ ﺟﻴﺎﺩ ﻭ ﺧﺒﺮﺗﻪ ﺑﺎﻟﻠﻲ ﮔﺎﻟﺘﻪ ﺍﻟﻲ، ﮔﺎﻝ : ﺟﺎﻳﻲ ﻓﻮﺭﺍ
ﺩﻗﺎﻳﻖ ﻭ ﺍﺟﺎ ﺟﻴﺎﺩ، ﺳﻤﻌﺘﻪ ﺍﺭﺗﻔﻊ ﺻﻮﺗﻪ ﻭ ﻫﻮ ﻳﻜﻮﻝ : ﺑﺎ ﺍﻣﻲ ﻣﺎ ﺩﺧﻠﻚ ﻓﻴﻨﻲ ﺍﻇﻬﺮﻱ ﻣﻦ ﺧﻴﺎﺗﻲ ﺍﻧﺎ ﺣﺮ ﺑﻴﻠﻲ ﺣﺒﺎ ﻭ ﺍﺗﺠﻮﺯﺍ
ﻭ ﻫﻲ ﺗﺮﺩ : ﻟﻚ ﺑﺘﺘﺠﻮﺯ ﺑﻨﺖ ﺑﻼ ﺗﺮﺑﺎﻳﻲ ﺳﺎﻛﻨﻲ ﻣﻌﻚ ﺑﻨﻔﺲ ﺍﻟﺒﻴﺖ ﺑﻼ ﺯﻭﺍﺝ، ﻟﻚ ﻫﻴﺪﻱ ﻋﺎﻫﺮﺓ ﻳﺎ ﺍﺑﻨﻲ ﺍﺻﺤﻰ ﻉ ﺣﺎﻟﻚ ﺑﺌﻰ ﻭ ﺷﻐﻞ ﻋﻘﻠﻚ ﺷﻮ ﺑﻘﻮﻝ ﻟﺨﻮﺍﺗﻚ ﻟﺨﻮﺍﻟﻚ ﻟﻠﻨﺎﺱ ﺍﺑﻨﻲ ﻣﺘﺠﻮﺯ ﺑﻨﺖ ﻣﻦ ﺍﻟﺒﺎﺭﺍﺕ
- ﺍﻣﻲ ﺍﻧﺎ ﺑﻌﺮﻓﺎ ﻟﻠﺠﻴﻦ ﻭ ﺑﻌﺮﻑ ﺷﻮ ﻫﻴﻲ، ﻣﺒﺤﺎﺟﺔ ﺣﺪﻥ ﻳﻘﻠﻲ ﺷﻮ ﻫﻲ ﻭ ﺷﻮ ﻻﺯﻡ ﺳﺎﻭﻱ ﺑﺌﻰ ﻳﺎ ﺭﻳﺖ ﺗﻌﻤﻠﻲ ﻣﻌﺮﻭﻑ ﻭ ﻣﺎ ﺗﺪﺧﻠﻲ ﺑﺰﻭﺍﺟﻨﺎ
- ﺍﻧﺎ ﺻﺮﺕ ﺑﺪﺧﻞ ﺑﺰﻭﺍﺟﻚ ﻳﺎ ﺟﻴﺎﺩ ﻭ ﺣﺎﺷﺮﺓ ﺣﺎﻟﻲ ﺑﺤﻴﺎﺗﻚ، ﻳﺎ ﺍﺑﻨﻲ ﻳﺎ ﺣﻮﻳﻨﺖ ﺍﻟﺘﺮﺑﺎﻳﻲ ﻓﻴﻚ ﻭﺍﻟﻠﻪ
ﻃﻠﻌﺖ ﻣﻦ ﺍﻟﺒﻴﺖ ﻭ ﻫﻲ ﻏﻀﺒﺎﻧﻪ ﻋﻠﻴﻪ، ﺭﺣﺖ ﻳﻤﻪ : ﺟﻴﺎﺩ ﺍﻧﺖ ﻣﻮ ﻣﺠﺒﻮﺭ ﺗﻐﻀﺐ ﺍﻣﻚ ﻟﺤﺘﻰ ﺗﺘﺰﻭﺟﻨﻲ، ﺍﻧﻲ ﻣﺎ ﺍﺣﺐ ﺍﺧﺮﺑﻠﻚ ﺣﻴﺎﺗﻚ
- ﻣﺘﻘﻮﻟﻲ ﻫﻴﻚ ﻟﺠﻴﻦ ﺍﺗﺮﻛﻲ ﺍﻟﻤﻮﺿﻮﻉ ﺍﻋﻤﻠﻲ ﻣﻌﺮﻭﻑ
ﺗﺮﻛﻨﻲ ﻭ ﻓﺎﺕ ، ﻣﺘﻘﺒﻠﺖ ﺍﻟﻜﻼﻡ ﺍﺑﺪﺍ ﻭ ﻣﺎ ﺍﻛﺪﺭ ﺍﺑﻘﻰ ﻻﺯﻡ ﺍﻧﺴﺤﺐ ﻣﻦ ﺣﻴﺎﺗﻪ ﻭ ﺍﺗﺮﻛﻪ ﻻﻫﻠﻪ، ﺭﺣﺖ ﻟﻠﻐﺮﻓﺔ ﻟﻤﻴﺖ ﺍﻏﺮﺍﺿﻲ ﻭ ﻃﻠﻌﺖ ﻣﻦ ﺍﻟﻐﺮﻓﻪ ﺻﺪﻑ ﺑﻮﺟﻬﻲ
- ﺷﻮ ﻟﻮﻳﻦ ؟
- ﺟﻴﺎﺩ ﺍﻋﺘﺬﺭ ﺟﺪﺍ ﺑﺲ ﺻﺪﻗﺎ ﻣﺎ ﺍﻛﺪﺭ ﺍﺗﺤﻤﻞ ﺍﻟﻠﻲ ﺻﺎﺭ، ﺍﻧﻲ ﻣﻮ ﺑﻼ ﺗﺮﺑﻴﺔ ﺳﺎﻛﻨﻪ ﻭﻳﺎﻙ ﺑﻼ ﺯﻭﺍﺝ ﻛﻼﻡ ﺍﻣﻚ ﺻﺤﻴﺢ ﻻﺯﻡ ﺗﺎﺧﺬ ﻛﻼﻣﻬﺎ ﺑﺠﺪﻳﺔ
- ﺍﺗﺮﻛﻲ ﻣﻦ ﺍﻳﺪﻙ ﻭ ﻣﺎ ﺗﺠﻨﻲ ﺍﻧﺎ ﺑﻌﺮﻑ ﺷﻮ ﻻﺯﻡ ﺳﺎﻭﻱ ﻭ ﻣﺘﻌﺘﻠﻲ ﻫﻢ، ﺑﻄﻠﺐ ﻣﻦ ﺑﻴﻲ ﺑﻴﻘﻨﻊ ﺍﻣﻲ ﻭ ﻣﺼﻴﺮﺍ ﺑﺘﻘﺒﻞ ﺑﺰﻭﺍﺟﻨﺎ
- ﻣﺎ ﺍﻛﺪﺭ ﺟﻴﺎﺩ
- ﻣﺘﺼﻴﺮﻱ ﺍﻧﺎﻧﻴﺔ ﻟﺠﻴﻦ ﺍﻧﺎ ﻣﺴﺘﻌﺪ ﺍﺗﺮﻙ ﺍﻟﺪﻧﻲ ﻻﺗﺠﻮﺯﻙ ﻭ ﺍﻧﺖ ﻛﺮﻣﺎﻝ ﻛﻢ ﻛﻠﻤﻲ ﺍﺳﻤﻌﺘﻴﻬﺎ ﻣﻦ ﺍﻣﻲ ﺑﺪﻙ ﺗﺘﺮﻛﻴﻨﻲ ﻭ ﺗﻔﻠﻲ
- ﻣﻮ ﻫﻴﺞ
- ﺍﺷﺶ ﺑﻼ ﻛﻼﻡ ﻭ ﺗﻌﻲ ﻟﺤﻀﻨﻲ ﻣﺸﺘﺌﻠﻚ
ﺳﺤﺒﻨﻲ ﻟﺤﻈﻨﻪ -: ﻭﻑ ﻭﻑ ﻭﻑ ﺷﻮ ﻫﻴﺪﺍ ﻳﻠﻲ ﻋﻤﻠﺘﻲ ﺑﺤﺎﻟﻚ ﻣﻠﻴﺎﻧﻲ ﺭﻳﺤﺔ ﺳﮕﺎﻳﺮ
ﺍﺑﺘﻌﺪﺕ : ﺟﻴﺎﺩ ﺗﻌﺒﺎﻧﻪ ﻣﻨﺎﻳﻤﺔ ﻟﻠﻔﺠﺮ ﻣﺸﺘﺎﻗﺔ ﻟﺒﻨﺘﻲ
- ﻭﻳﻴﻴﻲ ﻣﺘﺒﻜﻲ ﻫﻼﺀ ﻟﺠﻴﻴﻴﻴﻦ ﻛﺘﻴﺮ ﺟﻮﻋﺎﻥ ﺑﺪﻙ ﺗﺄﺟﻠﻲ ﺍﻟﺒﻜﻲ ﻟﺒﻌﺪ ﺍﻻﻛﻞ
- ﻋﺎﺑﺘﻠﻚ
- ﻫﻬﻬﻬﻬﻬﻪ ﺷﻮ ﺑﺤﺒﻚ ﺍﻧﺎ
ﺍﺧﺬﻧﻲ ﻟﻠﻤﻄﺒﺦ ﻛﻌﺪﻧﻲ ﻭ ﻫﻮ ﻳﻄﺒﺦ ﻭ ﻳﻐﻨﻴﻠﻲ
: ﺑﺤﺒﻚ ﺍﻧﺎ ﻛﺘﻴﺮ ﻳﺤﺒﻴﺒﻲ ﺿﻠﻚ ﻃﻞ ﻋﻠﻴﻲ
ﻭﻋﻴﻨﻲ ﺑﻜﻴﺮ ﺍﻏﻤﺮﻧﻲ ﻭ ﺍﻟﻤﺴﻠﻲ ﺍﻳﺪﻳﻲ
ﻳﻐﻨﻲ ﻭ ﻫﻮ ﻓﺎﻳﺖ ﺑﺎﻟﺠﻮ ﻭ ﻣﺴﺘﻤﺘﻊ : ﻋﻠﻰ ﻛﺪ ﻣﺘﻐﻨﻲ ﻟﻮﺍﺋﻞ ﻛﻔﻮﺭﻱ ﺳﺎﻋﺎﺕ ﺍﺣﺴﻚ ﺗﺸﺒﻬﻪ
- ﻭﻭﻭﻭ ﺍﻧﺎ ﺑﺸﺒﻬﻮ ﻟﻮﺍﺋﻞ ﻳﺴﻌﺪﻟﻲ ﺋﻠﺒﻲ
- ﺍﻱ ﻭﺍﻟﻠﻪ ﺷﺒﻴﻚ
ﺗﻘﺮﺏ ﻭ ﻫﻮ ﻳﻀﺤﻚ ﺳﻨﺪ ﺍﺩﻳﻪ ﻉ ﺍﻟﻄﺎﻭﻟﻪ ﻭ ﻳﻬﺰ ﺭﺍﺳﻪ ﻳﻀﺤﻚ، ﺻﻔﻦ ﺑﻮﺟﻬﻲ : ﺑﺤﺒﻚ
- ﺍﺑﺘﺴﻤﺖ
ﻭ ﮔﻤﺖ ﻣﻨﻪ ﺭﺣﺖ ﻟﻠﺼﺎﻟﻪ ﻭ ﻫﻮ ﺑﻘﻰ ﻳﻜﻤﻞ ﺍﻟﻔﻄﻮﺭ
ﻭ ﺑﺴﺒﺐ ﻧﻌﺎﺳﻲ ﻧﻤﺖ ﻗﺒﻞ ﻻ ﻳﺠﻴﺐ ﺍﻻﻛﻞ
ﺣﺴﻴﺖ ﻭ ﻫﻮ ﻳﺠﻴﺒﻠﻲ ﻏﻄﺎ ﻭ ﻳﻐﻄﻴﻨﻲ ﻭ ﺍﻧﺎ ﻧﺎﻳﻤﻪ ﻋﻠﻰ ﺍﻟﻜﻨﺒﺔ، ﻛﻌﺪﺕ ﺗﻘﺮﻳﺒﺎ ﺍﻟﻌﺼﺮ
ﻫﻮ ﺑﻐﺮﻓﺘﻪ ﻳﺸﺘﻐﻞ ﻉ ﺍﻟﺤﺎﺳﻮﺏ
ﺗﺮﻛﺘﻪ ﻭ ﻣﺸﻴﺖ، ﺍﻧﻲ ﻭﻗﺖ ﺍﻟﻠﻲ ﻳﺼﻴﺮ ﺑﻴﻦ ﺍﻟﻌﺼﺮ ﻭ ﺍﻟﻤﻐﺮﺏ ﻳﻘﺒﺾ ﮔﻠﺒﻲ ، ﻛﻌﺪﺕ ﺑﺎﻟﺼﺎﻟﺔ ﺍﺩﺧﻦ ﻭ ﺍﺗﺼﻔﻦ
ﺍﻧﺴﺤﺒﺖ ﺍﻟﺠﻜﺎﺭﺓ ﻣﻦ ﺍﻳﺪﻱ : ﺑﻼ ﺍﻛﻞ ﻭ ﺑﺲ ﺩﺧﺎﻥ ، ﺑﺪﻙ ﺍﺩﻳﺮﻱ ﺑﺎﻟﻚ ﻉ ﺻﺤﺘﻚ ﻟﺘﺮﺟﻌﻲ ﺑﻨﺘﻚ
- ﺍﻧﻲ ﺑﺪﻳﺖ ﺍﻓﻘﺪ ﺍﻻﻣﻞ ﻣﺎﻟﻚ ﻣﺪﺍ ﻳﺒﻴﻦ
- ﻣﺘﻌﺘﻠﻲ ﻫﻢ ،ﻗﻮﻱ ﺣﺎﻟﻚ ﻭ ﺑﺘﺮﺟﻊ، ﻫﻼﺀ ﻗﻮﻣﻲ ﺍﺗﺤﻤﻤﻲ ﻭ ﺍﻟﺒﺴﻲ ﻟﻨﻄﻠﻊ ﻧﺎﻛﻞ ﺑﺮﺍ ﺍﻟﺠﻮ ﻛﺘﻴﺮ ﺣﻠﻮ
.. ﻛﻤﺖ ﻣﻦ ﻣﻜﺎﻧﻲ ﺗﺤﻤﻤﺖ ﻭ ﺑﺪﻟﺖ ﻭ ﻃﻠﻌﻨﺎ ﺍﻛﻠﻨﺎ ﺍﻛﻼﺕ ﺳﺮﻳﻌﺔ ﻣﻦ ﺍﻟﺒﻴﺎﻋﻪ ﺍﻟﺠﻮﺍﻟﻴﻦ ﻭ ﺑﻘﻴﻨﺎ ﻧﻤﺸﻲ ﻭ ﻧﺎﻛﻞ ﻭ ﻧﺴﻮﻟﻒ
... ﻛﻤﻠﻨﺎ ﻗﺮﺭﻧﺎ ﻧﺮﺟﻊ ﻟﻠﺒﻴﺖ، ﺍﺧﺬﻧﺎ ﺍﻟﺴﻴﺎﺭﺓ ﻟﻔﻴﻨﺎ ﻭ ﻫﺴﻪ ﻣﺸﻴﻨﺎ ﻣﻨﺤﺲ ﺍﻻ ﻭ ﺳﻴﺎﺭﺓ ﻛﺒﻴﺮﺓ ﺑﻮﺟﻬﻨﺎ ﺻﺮﺧﺖ ﺣﻴﻞ ﻟﻒ ﻉ ﺍﻟﻴﻤﻴﻦ ﺑﺴﺮﻋﻪ .. ﺿﺮﺑﺘﻨﺎ ﻭ ﺍﺭﺗﻔﻌﺖ ﺍﻟﺴﻴﺎﺭﺓ ﻭ ﺍﻧﻜﻠﺒﺖ
ﺍﺭﻳﺪ ﺍﻭﻋﻰ ﻉ ﺍﻟﺸﻲﺀ ﺍﻻﺣﻨﺎ ﺑﻲ ، ﻛﻤﺖ ﺍﺣﺲ ﺷﻲ ﺣﺎﺭ ﻳﻨﺰﻝ ﻋﻠﻰ ﻭﺟﻬﻲ ﻭ ﺟﻴﺎﺩ ﻣﺎ ﻣﺪﺍ ﺍﺳﻤﻌﻠﻪ ﺻﻮﺕ .... ﻳﺘﺒﻊ
☆☆☆☆☆☆
ﻋﺪﻧﺎ ﻭ ﻣﻦ ﺍﻟﻠﻪ ﺍﻟﺘﻮﻓﻴﻖ، ﻣﺸﺘﺎﻗﺘﻠﻜﻢ ﻛﺜﻴﻴﻴﺮ ﺷﻮﻕ ﺑﺤﺠﻢ ﺍﻟﺴﻤﺎﺀ .. ﺍﺣﺒﻜﻢ ﺟﺪﺍ
ﻭﺍﺗﻤﻨﺎﻟﻜﻢ ﻣﺘﺎﺑﻌﺔ ﺷﻴﻘﺔ
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء