رواية خطوات نحو الجحيم ج3 الجزء الرابع
للكاتبة زينب ماجد
...
ﺗﺬﻛﺮﻱ ﻳﺎ ﺣﻮﺍﺀ
.. ﻋﻨﺪﻣﺎ ﻳﺼﻌﺐ ﻋﻠﻴﻪ ﺍﻣﺘﻼﻛﻚ
ﺳﺘﻜﻮﻧﻴﻦ ﺃﻭﻟﻰ ﺍﻫﺘﻤﺎﻣﺎﺗﻪ ..
ﻭ ﻣﺎ ﺍﻥ ﻳﻀﻤﻦ ﺑﻘﺎﺀﻙ ﺑﺠﺎﻧﺒﻪ
ﺣﺘﻰ ﺗﻜﻮﻧﻴﻦ ﻓﻲ ﺍﻟﺪﺭﻙ ﺍﻻﺳﻔﻞ ﻣﻦ ﻗﺎﺋﻤﺘﻪ
ﻫﻜﺬﺍ ﻫﻮ ﺁﺩﻡ ..
ﻑ ( ﺍﻳﺎﻙ ﺛﻢ ﺍﻳﺎﻙ ﻭ ﺍﻻﺳﺘﺮﺧﺎﺹ ) Zainab majid
ﺍﻟﻌﺮﺍﻕ _ ﺑﻐﺪﺍﺩ
12 ﻣﻨﺘﺼﻒ ﺍﻟﻠﻴﻞ
ﻓﺘﺤﺖ ﻋﻴﻨﻲ، ﻣﺨﻠﺪ ﻭﺍﻛﻒ ﻭ ﻳﺒﺎﻭﻉ ﺑﻮﺟﻬﻲ
ﻓﺰﻳﺖ ﻣﻦ ﻣﻜﺎﻧﻲ ﺑﺴﺮﻋﺔ : ﻫﺎﻱ ﺷﻜﻮ
- ﺍﺟﻴﺖ ﺩﺍ ﺍﻃﻤﻦ ﻋﻠﻴﺞ ﺷﻠﻮﻥ ﺻﺮﺗﻲ
ﻓﺮﻛﺖ ﻭﺟﻬﻲ : ﻳﻤﻌﻮﺩ ﮔﻤﺰﺗﻨﻲ ﺗﺤﺠﻲ ﺻﺪﻙ
ﺍﺑﺘﺴﻢ ﻭ ﮔﻌﺪ ﻳﻤﻲ : ﺍﺳﻢ ﺍﻟﻠﻪ ﻋﻠﻴﺞ ﻳﺎﺑﻪ
- ﻣﺨﻠﺪ ﻫﺎﻟﺘﺼﺮﻓﺎﺕ ﻻ ﻣﻦ ﺻﺎﻟﺤﻚ ﻭﻻ ﻣﻦ ﺻﺎﻟﺤﻲ
- ﺍﻱ ﺗﺼﺮﻓﺎﺕ ؟
- ﺗﻌﺮﻑ ﺷﻘﺼﺪ
- ﻛﻞ ﺍﻟﻘﺼﺔ ﺍﺟﻴﺖ ﺍﻃﻤﻦ ﻋﻠﻴﺞ ﻟﻴﺶ ﺗﻜﺒﺮﻳﻬﺎ ؟
- ﺍﻧﺖ ﺷﺎﻳﻒ ﻣﺮﺗﻚ ﺷﻜﺪ ﺗﻐﺎﺭ ﻋﻠﻴﻚ، ﻳﻌﻨﻲ ﻭﺟﻮﺩﻙ ﻫﻨﺎ ﺑﻬﺎﻟﺴﺎﻋﺔ ﻳﻤﻲ ﻣﻤﻜﻦ ﻳﺴﺒﺐ ﻣﺸﻜﻠﺔ
- ﻣﻮ ﺍﺑﺎﻟﻲ
ﺩﺭﺕ ﻟﻪ ﻭﺟﻬﻲ ﻣﺴﺘﻐﺮﺑﺔ ﻣﻦ ﻻﻣﺒﺎﻻﺗﻪ : ﺑﺲ ﺍﻧﻲ ﺍﺑﺎﻟﻲ ﻣﺨﻠﺪ ﺟﺎﻳﻪ ﺩﺍ ﺍﺭﺗﺎﺡ ﻣﻮ ﺍﺗﻠﻜﻰ ﺍﻟﻤﺸﺎﻛﻞ ﺑﻮﺟﻬﻲ
- ﻣﻨﻮ ﻳﺴﻮﻱ ﻣﺸﺎﻛﻞ ؟
- ﺍﻧﺖ ﻟﻴﺶ ﺩﺍ ﺗﺸﺘﺮﻱ ﺍﻟﻤﺸﻜﻠﺔ ﺷﺮﺍﻳﺔ، ﮔﻮﻡ ﺍﺭﺟﻊ ﻟﻐﺮﻓﺘﻚ
ﻳﺒﺎﻭﻋﻠﻲ ﻭ ﻳﺒﺘﺴﻢ، ﮔﻤﺖ ﻣﻦ ﻳﻤﻪ ﻭ ﻧﺰﻟﺖ ﺟﻮﺍ، ﻓﺘﺖ ﻟﻸﺳﺘﻘﺒﺎﻝ ﺷﻔﺖ ﻣﺎﺯﻥ ﺩﺍ ﻳﺸﺮﺏ ﻭ ﻛﺪﺍﻣﻪ ﺍﻟﻜﺮﺯﺍﺕ ﻭ ﺍﻟﺠﺎﺟﻴﻚ ﻭ ﻳﺴﻤﻊ ﺳﻌﺪﻱ ﺍﻟﺤﻠﻲ
ﻃﻠﻌﺖ ﻣﻨﻪ ، ﺷﻔﺖ ﻣﺨﻠﺪ ﻣﻦ ﻉ ﺍﻟﺪﺭﺝ : ﻫﺬﺍ ﺑﻌﺪﻩ ﻉ ﺍﻟﺸﺮﺏ ﻣﺒﻄﻞ ؟
- ﻻ ﻣﻦ ﻳﻮﻡ ﻳﻮﻣﻪ ﻫﺬﺍ ﻃﺒﻌﻪ ﺷﻨﺴﻮﻳﻠﻪ
- ﺍﻧﺖ ﻟﻴﺶ ﻣﺘﺮﻭﺡ ﺗﻨﺎﻡ
- ﺍﺩﺭﻱ ﻛﺎﻋﺪ ﻋﻠﻰ ﮔﻠﺒﭻ ﺍﻧﻲ ﺷﺒﻴﺞ ﻭﻳﺎﻱ
ﺍﺑﺘﺴﻤﺖ : ﻣﻮ ﺍﺩﻭﺭ ﻣﺸﺎﻛﻞ ﻳﻮﻟﺪ
- ﻫﺴﻪ ﺩﻋﻮﻓﻲ ﺍﻟﻤﺸﺎﻛﻞ ﺍﺑﺎﻟﺞ ﺍﻃﻠﻌﻴﻦ ﻫﺴﻪ ؟
- ﻭﻳﻦ ؟
- ﻧﺮﻭﺡ ﻧﻔﺘﺮ ﺍﺭﻳﺪ ﺍﺣﺠﻲ ﻭﻳﺎﺝ ﺷﻮﻳﺔ
- ﺣﺮﺍﻡ ﺍﺫﺍ ﻣﺎ ﺍﻧﻜﺘﻠﻨﺎ ﺍﻧﻲ ﻭﻳﺎﻙ ﻭ ﺍﻧﺪﻓﺮﻧﺎ ﻣﻦ ﺍﻟﺒﻴﺖ ﻣﺎ ﺍﺗﺴﻤﻰ ﻟﺠﻴﻦ ﻳﺎ ﻣﺨﻠﺪ
- ﻫﺎﻱ ﻣﻦ ﺷﻮﻛﺖ ﺍﻧﺖ ﻫﻴﺞ ﺧﻮﺍﻓﺔ ، ﺗﺮﻯ ﺑﺖ ﻋﻤﻲ ﻭ ﺟﺎﻳﻪ ﻣﻦ ﺳﻔﺮ ﻭ ﺩﺍ ﺍﻃﻠﻊ ﻭ ﺍﻫﺘﻢ ﺑﻴﺞ ﺑﻴﻬﺎ ﺷﻲﺀ ؟
- ﻻ ﻳﻌﻢ ﺷﺒﻴﻬﺎ .. ﺍﻟﻤﻬﻢ ﺷﻴﻄﻠﻌﻨﻲ ﺍﻧﻲ ﻣﻼﺑﺴﻲ ﻋﺪ ﺑﻴﺖ ﻋﻤﻮ ﻋﺜﻤﺎﻥ ﻭ ﺍﻟﻠﻲ ﺟﻨﺖ ﻻﺑﺴﺘﻬﻢ ﺑﻐﺮﻓﺔ ﻃﻴﺒﺔ ﺧﻮﻣﺎ ﺍﻃﻠﻊ ﺑﺎﻟﻜﻼﺑﻴﺔ ؟
- ﺩﻟﺒﺴﻲ ﺍﻱ ﺷﻲﺀ ﻭ ﺍﻣﺸﻲ ﮔﺒﺎﻟﻲ ﻳﻼ
... ﺻﻌﺪﺕ ﻟﻐﺮﻓﺔ ﻃﻴﺒﺔ ﺗﻤﺸﻴﺖ ﻋﻠﻰ ﻛﻴﻒ ﺍﺧﺬﺕ ﻣﻼﺑﺴﻲ ﻟﺒﺴﺘﻬﻢ ﻭ ﻧﺰﻟﺖ ﻟﻜﻴﺘﻪ ﻣﺎﻛﻮ .. ﻃﻠﻌﺖ ﻟﻠﺸﺎﺭﻉ
ﺷﻔﺘﻪ ﻛﺎﻋﺪ ﺑﺎﻟﺴﻴﺎﺭﺓ
......
ﺻﻌﺪﺕ ﻳﻤﻪ ﺑﺎﻟﺴﻴﺎﺭﺓ : ﺍﺧﺮ ﻣﺮﺓ ﺻﻌﺪﺕ ﻭﻳﺎﻙ ﺣﺼﻠﺖ ﻣﻨﻚ ﻛﻒ ﻳﺎ ﺗﺮﻯ ﺷﻨﻮ ﺍﺣﺼﻞ ﻫﺎﻟﻤﺮﺓ
- ﻟﺞ ﺑﻨﺖ ﺍﻟﻜﻠﺐ ﻟﻴﺶ ﺗﺨﻠﻴﻨﻲ ﺍﺭﺯﻟﺞ
- ﻫﺎﻫﺎ ﺑﻠﺸﻨﺎ ﺳﺐ ﺍﺭﺟﻊ ﺍﺭﺟﻊ
- ﻭﻟﺞ ﺍﻧﺖ ﻣﺎﻝ ﺍﻏﻠﻂ ﻋﻠﻴﺞ ﻏﻠﻄﺔ ﺑﺎﻟﻠﻪ ﻟﻮ ﺍﺩﻭﺭﻳﻦ ﻛﻮﻛﻞ ﻛﻠﻪ ﻣﺎ ﺗﻠﻜﻴﻦ ﻣﻨﻬﺎ
- ﻏﻠﻂ ﺧﺎﺹ ﺑﻴﻪ ﻗﺼﺪﻙ
- ﺑﺎﻟﻀﺒﻂ
- ﻭ ﻫﺎﻱ ﺍﻧﺖ ﻣﺼﻌﺪﻧﻲ ﺣﺘﻰ ﺗﺮﺯﻟﻨﻲ
- ﻻ
- ﻟﻌﺪ ؟
ﺍﺧﺬ ﻧﻔﺲ ، ﺗﻨﻬﺪ : ﻧﻤﺸﻲ ﻭ ﻋﻮﺩ ﻧﺤﺠﻲ
- ﻫﻤﻢ
... ﻓﺘﺢ ﺍﻏﻨﻴﺔ ﺑﺎﻟﺴﻴﺎﺭﺓ
ﺧﺬﻧﻲ ﻣﻌﻚ ﻋﻠﻰ ﺩﺭﺏ ﺑﻌﻴﺪ
ﻣﻄﺮﺡ ﻣﻜﻨﺎ ﻭﻻﺩ ﺻﻐﺎﺭ
ﺩﻓﻲ ﺭﺑﻴﻌﻲ ﺑﺸﻤﺲ ﺟﺪﻳﺪﻩ
ﻧﺴﻴﻨﻲ ﻳﻮﻡ ﺍﻟﺼﺮﻧﺎ ﻛﺒﺎﺭ
- ﻳﻴﻴﻴﻴﻲ ﺷﻬﺎﻻﻏﻨﻴﺔ ﻣﺨﻠﺪ ﺷﺬﻛﺮﻙ ﺑﻴﻬﺎ ﺍﻭﻭﻭﻑ ﺭﺍﺡ ﺍﺑﺠﻲ
- ﺩﺍﺋﻤﺎ ﺍﺷﻐﻠﻬﺎ ﻭ ﺍﺗﺬﻛﺮﺝ ﺑﻴﻬﺎ
- ﺷﻴﺮﺟﻊ ﺫﻳﺞ ﺍﻻﻳﺎﻡ ﻣﻦ ﺻﺪﻙ ﺟﻨﻪ ﺑﻴﻬﺎ ﻣﺮﺗﺎﺣﻴﻦ ، ﻻ ﻫﻢ ﻻ ﺟﺮﻭﺡ ﻛﻞ ﻫﻤﻨﺎ ﻧﺘﻌﺎﺭﻙ ﺍﻧﻲ ﻭﻳﺎﻙ ﻭ ﻭﺭﺓ ﻧﺺ ﺳﺎﻋﻪ ﻧﺮﺟﻊ ﻧﺤﺠﻲ ﻣﻊ ﺑﻌﺾ ﻧﺎﺳﻴﻦ ﺍﺣﻨﻪ ﻣﺘﻌﺎﺭﻛﻴﻦ
- ﺍﻱ ﺑﺎﻟﻠﻪ ﺷﻠﻮﻥ ﺟﻨﻪ ﻋﺎﻳﺸﻴﻦ ، ﺍﺗﺬﻛﺮ ﺟﻨﺖ ﻗﺒﻞ ﺣﻠﺖ ﺍﻟﻄﻼﺏ ﺍﻃﻔﺮ ﻣﻦ ﺳﻴﺎﺝ ﺍﻟﻤﺪﺭﺳﺔ ﺣﺘﻰ ﺍﻟﺤﻚ ﻋﻠﻰ ﻣﺪﺭﺳﺘﺞ ﻗﺒﻞ ﻻ ﺗﺤﻠﻴﻦ ﺍﻭﻛﻒ ﺍﺑﺎﺏ ﺍﻟﻤﺪﺭﺳﺔ ﺍﺧﺬﺝ ﻻﻥ ﺟﻨﺖ ﻓﺎﻫﻴﺔ ﺍﺧﺎﻑ ﺍﻟﻄﻼﺏ ﻳﺪﻓﻌﻮﺝ ﻭ ﺗﺘﺄﺫﻳﻦ ﺍﻭﻝ ﻣﻄﻠﻌﻴﻦ ﺍﻟﺒﺲ ﺟﻨﻄﺘﺞ ﻭ ﺍﺷﻴﻠﺞ ﺍﻛﻌﺪﺝ ﻋﻠﻰ ﺟﺘﺎﻓﻲ ﻭ ﺍﺭﺟﻌﺞ ﻟﻠﺒﻴﺖ
- ﻫﻬﻬﻬﻬﻬﻪ ﺷﻠﻮﻥ ﺍﻳﺎﻡ .. ﻋﺰﺯﺯﺯﻩ ﺷﺘﺘﺬﻛﺮ ﺍﻧﺖ
- ﻣﺎ ﻧﺎﺳﻲ ﻣﻨﺞ ﺷﻲﺀ، ﻛﻞ ﻋﻤﺮﻱ ﺟﻨﺖ ﻳﻤﺞ ﺍﻧﺖ ﺍﻟﻠﻲ ﻣﺎ ﺟﻨﺘﻲ ﺗﺮﺩﻳﻨﻲ
- ﻣﻮ ﻣﺎ ﺍﺭﻳﺪﻙ ﺑﺲ ﺍﻧﺖ ﺟﻨﺖ ﻫﻮﺍﻳﻪ ﺗﺘﻤﺮﺟﻞ ﻋﻠﻴﻪ ﻭ ﺗﺤﻜﻤﻨﻲ ﺍﻛﺜﺮ ﻣﻦ ﺍﺑﻮﻳﻪ ﻓﺄﺿﻮﺝ ﻣﻨﻚ
- ﻷﻥ ﺷﺎﺏ ﻭ ﺍﻋﺮﻑ ﺍﻟﺸﺒﺎﺏ ﺷﺘﻔﻜﺮ ﻭ ﻋﻤﻲ ﺍﻟﻠﻪ ﻳﺮﺣﻤﻪ ﺟﺎﻥ ﻣﺨﻠﻴﺞ ﻋﻠﻰ ﺣﻞ ﺷﻌﺮﺝ ﺍﻃﻠﻌﻴﻦ ﺗﺠﻴﻦ ﻣﺎ ﻳﻮﻛﻔﺞ ﻻﻥ ﻭﺣﻴﺪﺗﻪ ﻭ ﻣﺪﻟﻠﻪ ﻳﺨﺎﻑ ﺗﺰﻋﻠﻴﻦ ﻭ ﺍﻧﻲ ﺟﻨﺖ ﺍﺗﻀﺎﻳﻖ ﻓﺎﻣﻨﻌﺞ
- ﺍﻧﻲ ﺍﺗﺎﻛﺪﺕ ﺍﻛﺜﺮ ﺍﻧﺴﺎﻥ ﻳﺘﺄﺫﻯ ﺑﻬﺎﻱ ﺍﻟﺪﻧﻴﺎ ﻫﻮ ﺍﻟﻤﺪﻟﻞ، ﻻﺑﺪ ﻓﻲ ﻳﻮﻡ ﻳﻄﻠﻊ ﺩﻻﻝ ﺍﻫﻠﻪ ﻣﻦ ﺧﺸﻤﻪ .. ﻭﻋﻠﻰ ﻛﺪ ﻣﺎ ﺍﺩﻟﻠﺖ ﻋﻨﺪ ﺑﺎﺑﺎ ﺷﻔﺖ ﺍﻟﻮﻳﻞ
- ﺑﺴﺒﺐ ﻋﻨﺎﺩﺗﺞ ، ﺍﻧﺰﻟﻲ ﺍﻭﻛﻠﺞ ﻣﻮﻃﺔ
ﻧﺰﻟﻨﺎ ﻃﻠﺒﻨﺎ ﺍﻳﺲ ﻛﺮﻳﻢ ﻭ ﻛﻌﺪﻧﺎ ﻉ ﺍﻟﻤﺴﻄﺒﺔ ﻧﺎﻛﻞ
- ﺳﺆﺍﻝ ﻫﻢ ﺍﻃﻠﻊ ﻣﺮﺗﻚ ﺍﻧﺖ ؟
- ﻭﻻ ﺑﻌﻤﺮﻱ ﻣﺴﻮﻳﻬﺎ
- ﺗﺤﺠﻲ ﺻﺪﻙ ؟
- ﺍﻱ ﻭﺍﻟﻠﻪ
- ﻟﻴﺶ ؟
- ﻟﺠﻴﻦ ﺍﻟﻌﻼﻗﺔ ﺍﻟﻠﻲ ﺑﻴﻨﻲ ﻭ ﺑﻴﻦ ﺯﻣﻦ ﻋﻼﻗﺔ ﺭﺗﻴﺒﺔ ﻣﻤﻠﻪ ﻛﻠﺶ، ﺭﺩﻧﺎ ﻧﻄﻠﮓ ﻗﺒﻞ ﻓﺘﺮﺓ ﺑﺲ ﻃﻠﻌﺖ ﺣﺎﻣﻞ ﻭ ﺭﺟﻌﺘﻬﺎ
- ﻟﻴﺶ؟ ﻭﺍﺫﺍ ﻣﻨﺎﻭﻳﻦ ﺗﺴﺘﻤﺮﻭﻥ ﻟﻴﺶ ﺗﺨﻠﻔﻮﻥ ﻫﻠﻜﺪ ﺍﻃﻔﺎﻝ !
- ﻣﻮ ﻗﺼﺔ ﻣﺎ ﻧﺎﻭﻳﻦ ﻧﺴﺘﻤﺮ ﺑﺲ ﺍﻟﻌﻼﻗﺔ ﺑﻴﻨﺎﺗﻨﺎ ﺑﺎﺭﺩﺓ ﻻ ﺍﻧﻲ ﺍﻧﺠﺬﺑﺘﻠﻬﺎ ﻭﻻ ﻫﻲ ﻋﺎﻳﺸﻴﻦ ﺣﻴﺎﺓ ﺗﻘﻠﻴﺪﻳﻪ ﺑﺤﺘﻪ
......
ﻟﻴﺶ ؟
- ﻫﻲ ﺗﻜﻮﻝ ﺍﻫﻠﻲ ﺟﺒﺮﻭﻧﻲ ﺍﺗﺰﻭﺝ ﻭ ﺍﻧﻲ ﻣﺎ ﺍﺭﻳﺪ ﻋﻴﺸﺔ ﺍﻟﻌﻴﺎﻝ، ﻭ ﺍﻧﻲ ﺍﺳﺎﺳﺎ ﻟﻮ ﻣﺎ ﺍﻣﻲ ﻣﺎ ﺍﺗﺰﻭﺝ ﺑﺲ ﻫﻲ ﺍﻟﻠﻪ ﻳﺴﻠﻤﻬﺎ ﺟﺎﻧﺖ ﺍﺩﻙ ﻭ ﺗﻨﻮﺡ ﺍﻻ ﺍﺗﺰﻭﺝ ﻭ ﺍﺷﻴﻠﺞ ﻣﻦ ﺭﺍﺳﻲ .. ﺗﺎﻟﻲ ﺗﺰﻭﺟﺖ ﻻ ﺍﻧﻲ ﺷﺎﻳﻠﺞ ﻣﻦ ﺭﺍﺳﻲ ﻭ ﻻ ﺍﻧﻲ ﻣﺘﻌﻮﺩ ﻋﻠﻰ ﻣﺮﺗﻲ
- ﺑﻌﺪﻙ ﺗﺘﺄﻣﻞ ﺍﺭﺟﻌﻠﻚ ﻟﻮ ﺷﻨﻮ
- ﻟﺠﻴﻦ ﺍﻧﺖ ﺍﻧﺨﻠﻘﺘﻲ ﺍﻟﻲ ﻭﻳﺎ ﻃﻴﺮ ﺷﻤﺎ ﻃﺮﺕ ﺗﺎﻟﻲ ﻟﻠﻌﺶ ﺗﻌﻮﺩ
- ﺍﻧﺖ ﻏﻠﻄﺎﻥ ﻣﺨﻠﺪ ﺍﻧﻲ ﺣﺎﻟﻴﺎ ﺑﻌﻴﺪﻩ ﻛﻞ ﺍﻟﺒﻌﺪ ﻋﻦ ﻓﻜﺮﺓ ﺍﻟﺰﻭﺍﺝ ﻭ ﺍﻟﺤﺐ ﻭ ﻫﺎﻻﻣﻮﺭ ، ﺗﺠﺮﺑﺔ ﻣﺎﻟﻚ ﺑﺤﻴﺎﺗﻲ ﺧﻠﺘﻨﻲ ﺍﻛﺮﻩ ﺍﻟﺤﺐ ﻭ ﺍﻟﻌﻼﻗﺎﺕ ﻛﻠﻬﺎ
- ﻣﻮ ﻛﻞ ﺍﺻﺎﺑﻴﻌﺞ ﺳﻮﺍ ﻭ ﻣﻦ ﺛﻢ ﻣﺎﻟﻚ ﻣﻌﺮﻭﻑ ﻣﻦ ﺍﻟﺒﺪﺍﻳﺔ ﻗﺎﺗﻞ ﻣﺄﺟﻮﺭ ﺍﻧﺖ ﺍﻟﻠﻲ ﺟﻨﺘﻲ ﻣﻌﻤﻴﺔ ﻋﻴﻮﻧﺞ ﻋﻦ ﺳﻠﺒﻴﺎﺗﻪ
- ﻭ ﺍﻥ ﻳﻜﻦ ﺑﺲ ﻣﺒﺎﻟﻲ ﻛﻞ ﻓﻜﺮﺓ ﻟﻠﺰﻭﺍﺝ
- ﻟﺠﻴﻦ ﺍﻧﻲ ﻣﺎ ﻃﺎﻟﺐ ﻣﻨﺞ ﻧﺮﺗﺒﻂ ﻭ ﻻ ﺣﺎﺟﻲ ﺍﻱ ﺷﻲﺀ ﻳﻜﻔﻴﻨﻲ ﻭﺟﻮﺩﺝ ﻫﻨﺎ ﻛﺪﺍﻡ ﻋﻴﻨﻲ
ﺍﺑﺘﺴﻤﺖ : ﻣﺠﻨﻮﻥ
.. ﻣﻦ ﺑﻌﺪﻫﺎ ﺭﺟﻌﻨﺎ ﻟﻠﺒﻴﺖ ﺍﻧﻲ ﻛﻌﺪﺕ ﺑﺎﻟﺼﺎﻟﻪ ﺍﺗﻔﺮﺝ ﻉ ﺍﻟﺘﻠﻔﺰﻳﻮﻥ .. ﻭ ﻫﻮ ﺻﻌﺪ ﺍﻟﻐﺮﻓﺘﻪ
ﻟﺜﺎﻧﻲ ﻳﻮﻡ ﻣﻦ ﺍﻟﺼﺒﺢ ﺭﺣﺖ ﻋﺰﻳﻤﺔ ﺍﻟﺒﻴﺖ ﻋﻤﺘﻲ ، ﻛﻠﺶ ﺗﻮﻧﺴﺖ ﻋﺪﻫﺎ، ﺑﻘﻴﺖ ﺑﺎﻳﺘﻪ ﻋﺪﻫﺎ ﻳﻮﻡ .. ﺛﺎﻧﻲ ﻳﻮﻡ ﻃﻠﻌﻨﺎ ﻧﺘﺴﻮﻕ ﻭ ﻧﻔﺘﺮ
ﺑﺎﻟﺸﺎﺭﻉ ﻭ ﺟﺎﻥ ﺍﻟﮕﻰ ﺍﻳﻮﺏ : ﻟﻪ ﻟﻪ ﻣﻦ ﺻﺪﻙ ﺍﻳﻮﺏ
- ﻟﻚ ﻫﻼﺍﺍﺍﺍ ﻫﺎﻱ ﺷﻨﻮ ﻣﻦ ﺷﻮﻛﺖ ﺍﻧﺖ ﺍﺑﻐﺪﺍﺩ
- ﺻﺎﺭ ٣ ﺍﻳﺎﻡ ﻣﻦ ﺍﺟﻴﺖ ﻟﻬﻨﺎ ﺷﻠﻮﻧﻚ ﺷﻠﻮﻥ ﺻﺤﺘﻚ
- ﻭﺍﻟﻠﻪ ﻋﻠﻰ ﺍﻟﻠﻪ ، ﺷﻨﻮ ﺗﺮﻛﺘﻲ ﺍﻟﺸﻐﻞ ﺑﻠﺒﻨﺎﻥ
- ﺍﻱ ﻭﺍﻟﻠﻪ ﻣﺎﻓﻴﺎﺕ ﻣﺎ ﺗﻨﺮﺍﺩ ﺻﻌﺐ ﻛﻠﺶ ﺍﻟﺸﻐﻞ ﻫﻨﺎﻙ
- ﻳﻌﻨﻲ ﻛﻮﻟﻲ ﺭﺟﻌﺘﻲ
- ﺍﻱ ﻭﺍﻟﻠﻪ ﻭ ﻳﺎﺭﻳﺖ ﻋﻠﻰ ﻣﻌﺎﺭﻓﻚ ﻭ ﺟﻤﺎﻋﺘﻚ ﺍﺗﺸﻮﻓﻠﻲ ﻋﻤﻞ
- ﺍﻥ ﺷﺎﺀﺍﻟﻠﻪ ﺑﻌﻴﻨﻲ ﺍﻟﻴﻮﻡ ﺍﺧﺎﺑﺮ ﺍﻟﺠﻤﺎﻋﺔ ﻭ ﺍﺭﺩﻟﺞ ﺧﺒﺮ ، ﺑﺲ ﺧﻠﻴﻨﺎ ﻧﻠﺘﻘﻲ ﻧﺸﻮﻓﺞ ﻳﻤﻌﻮﺩﻩ ﺷﻬﺎﻟﻜﻄﻊ ﻫﺬﺍ
- ﻻ ﻻ ﺍﻃﻤﺌﻦ ﻣﺴﺘﻘﺮﺓ ﻫﻨﺎ ﻭ ﺍﻛﻴﺪ ﻧﻠﺘﻘﻲ
.... ﻛﻠﺶ ﻓﺮﺣﺖ ﺑﻠﻘﺎﺋﻲ ﻣﻊ ﺍﻟﻤﺨﺮﺝ ﺍﻳﻮﺏ ، ﺟﻨﺖ ﻫﻮﺍﻳﺔ ﻣﺤﺘﺎﺟﺔ ﺍﻟﺘﻘﻲ ﺑﻴﻪ ﺑﺲ ﺭﻗﻤﻪ ﺿﺎﻉ ﻣﻦ ﻋﻨﺪﻱ ﻭ ﺗﻘﺮﻳﺒﺎ ﻛﻞ ﺍﺭﻗﺎﻡ ﺯﻣﻼﺋﻲ ﺿﻴﻌﺘﻬﻢ
ﻛﻤﻠﻨﺎ ﻃﻠﻌﺔ ﺍﻧﻲ ﻭ ﻋﻤﺘﻲ، ﺧﺎﺑﺮ ﻋﻤﻲ ﻋﻤﺮﺍﻥ ﺩﻳﺴﺄﻝ ﻋﻨﻲ ﻭ ﻛﺎﻝ ﻣﺨﻠﺪ ﺣﻴﺠﻴﺞ ﺑﺎﻟﻠﻴﻞ .. ﻭ ﻓﻌﻼ ﺍﺟﺎ ﻣﺨﻠﺪ ﺑﺎﻟﻠﻴﻞ ﻭﺻﻠﻨﻲ ﻟﺒﺎﺏ ﺑﻴﺘﻬﻢ ﻭ ﺭﺍﺡ
ﺩﺧﻠﺖ ﻟﻜﻴﺖ ﻃﻴﺒﺔ ﺩﺍ ﺗﺴﻮﻱ ﺍﻟﻌﺸﺎ : ﻟﻌﺪ ﻭﻳﻨﻬﻢ ؟
- ﻣﺎﺗﻮ ﻋﺴﺎﻫﻢ
- ﻫﻬﻬﻬﻪ ﻻ ﻻ ﺻﺪﻙ
- ﺑﻐﺮﻓﻬﻢ
- ﻟﻌﺪ ﺯﻣﻦ ﻭﻳﻦ ؟
- ﺣﺎﻣﻞ ﻭ ﻣﺎ ﺗﻜﺪﺭ ﺗﻮﻛﻒ ﻣﺘﻤﺪﺩﻩ ﺍﻟﺨﺎﻧﻢ
- ﺷﻮ ﻣﻌﺎﺟﺒﺞ ﺳﺖ ﻃﻴﺒﺔ
- ﻳﺨﻴﻪ ﻃﺎﺡ ﺣﻈﻲ، ﻫﻲ ﻳﻮﻣﻴﻪ ﺗﺨﻠﻒ ﻭ ﺍﻧﻲ ﺍﺑﺘﻠﻲ ﺑﻬﺎﻟﻌﻴﺎﻝ
......
ﻣﺒﻴﻨﻪ ﻋﻠﻴﻬﺎ ﺧﻮﺵ ﺑﻨﻴﻪ ﻟﻴﺶ ﻣﻄﺎﻳﻘﺘﻬﺎ
- ﻻ ﻭﺍﻟﻠﻪ ﺧﻮﺵ ﺑﻨﻴﺔ ﺑﺲ ﺗﺘﺸﺮﺩ ﻣﻦ ﺍﻟﺸﻐﻞ ﻭ ﺗﻨﻄﻲ ﺍﻋﺬﺍﺭ ﻭ ﺗﺨﻠﻴﻪ ﺑﺮﺍﺳﻲ ﻭ ﺍﻧﻲ ﻭﺭﺍﻱ ﺍﻟﻒ ﺷﻐﻠﻪ
- ﺍﻻ ﺻﺪﻙ ﻫﻲ ﻣﺠﺒﻮﺭﻩ ﻋﻠﻰ ﺯﻭﺍﺟﻬﺎ ﻣﻦ ﻣﺨﻠﺪ ؟
- ﺍﻱ ﺑﻴﻨﻲ ﻭ ﺑﻴﻨﺞ ﺍﻟﺤﺠﻲ ﻳﻤﻜﻦ ﺟﺎﻧﺖ ﺗﺤﺐ ﻭﺍﺣﺪ
- ﺍﺳﺘﻐﻔﺮ ﺍﻟﻠﻪ ﺷﻬﺎﻟﻜﻼﻡ
- ﺣﺴﺐ ﻣﺎ ﻓﻬﻤﺖ ﻣﻨﻬﺎ ﺗﻜﻮﻝ ﺍﻫﻠﻲ ﻓﻀﻠﻮ ﺍﻟﻀﺎﺑﻂ ﻭ ﺍﺑﻮ ﺍﻟﻨﺠﻤﺎﺕ ﻋﻠﻰ ﺳﻌﺎﺩﺗﻲ ﻭ ﻟﻮ ﺑﺎﻗﻴﺔ ﻋﻠﻰ ﺍﺑﻦ ﺍﻟﻔﻜﺮ ﺍﺷﺮﻓﻠﻲ
- ﻳﻌﻨﻲ ﺍﻫﻠﻬﺎ ﺟﺎﺑﺮﻳﻬﺎ ﻋﻠﻰ ﻣﺨﻠﺪ ﻻﻥ ﺿﺎﺑﻂ ﻭ ﻣﺎﻧﻌﻴﻬﺎ ﻣﻦ ﺍﻟﺘﺤﺒﺔ ﻻﻥ ﻣﺎ ﻋﻨﺪﻩ ﺍﻣﻜﺎﻧﻴﺔ
- ﺍﻟﻈﺎﻫﺮ ﻫﻴﺞ ﻭ ﻣﺨﻠﺪ ﺍﻟﻠﻪ ﻳﺴﻠﻤﻪ ﻫﻢ ﻣﺎ ﻳﻨﺠﺮﻉ، ﻳﻌﻨﻲ ﻣﺮﻩ ﺍﻧﺠﺒﺮﺕ ﻋﻠﻰ ﺍﻟﺰﻭﺍﺝ ﺗﺠﻲ ﺗﻠﻜﻰ ﺭﺟﺎﻝ ﻳﺘﺄﻣﺮ ﻭ ﻳﻀﺮﺏ ﻭ ﺳﺎﻋﺔ ﻭﻛﺘﻪ ﺷﺎﻳﻞ ﺧﺸﻤﻪ ﺷﻠﻮﻥ ﺗﺤﺒﻪ ﻟﻮ ﺗﺘﻘﺒﻞ ﻭﺿﻌﻬﺎ ﻭﻳﺎﻩ
.... ﺩﺍ ﺗﺤﺠﻲ ﻓﺎﺗﺖ ﻛﺮﺟﻴﺔ : ﺷﺮﻓﺘﻲ ﻋﻴﻨﻲ ﻣﻴﺎﺩﻩ ﺣﻨﺎﻭﻱ ؟ ﺧﻠﺼﺖ ﺣﻔﻼﺗﺞ ﻭ ﺳﻔﺮﺍﺗﺞ ؟
- ﻫﺎ ﻋﻤﻪ ﻛﺄﻧﻮ ﻣﺘﻀﺎﻳﻘﺔ ﻣﻦ ﻃﻠﻌﺎﺗﻲ
- ﺗﺮﻩ ﺑﻴﺘﻨﺎ ﺑﻴﺖ ﻣﺤﺘﺮﻡ ﻣﻮ ﺳﻔﺮﺩﺡ ﻭﻛﺖ ﻣﺎ ﻋﺠﺒﺞ ﻃﻜﻴﺘﻲ ﺑﻨﻄﺮﻭﻧﺞ ﻭ ﻃﻠﻌﺘﻲ
- ﻭ ﺍﻧﻲ ﺷﻠﻲ ﻋﻼﻗﺔ ﺑﺎﻟﺒﻴﺖ ؟ ﺧﻄﺎﺭ ﻛﻢ ﻳﻮﻡ ﻭ ﺭﺍﻳﺤﻪ ﻭ ﻋﻤﻲ ﻫﻮ ﺍﻟﺨﺎﺑﺮﻧﻲ
- ﻳﻌﻨﻲ ﻗﺼﺪﺝ ﻋﻤﺞ ﻫﻮ ﺍﻟﻜﺎﺗﻞ ﺭﻭﺣﻪ ﻋﻠﻰ ﺟﻴﺘﺞ ﻣﻮ ﺍﻧﺖ ﺍﻟﺮﺍﻳﺪﺗﻪ
- ﺍﻟﺨﻼﺻﺔ ﻋﻤﻪ ﺷﻨﻮ ﺍﻟﻤﻄﻠﻮﺏ ؟
- ﺻﺤﻴﺢ ﺭﺍﻳﺪﻩ ﺑﻴﺖ ﻣﺨﻠﺪ ؟
- ﻫﻮ ﺍﻟﻠﻲ ﺩﺍ ﻳﺮﻳﺪ ﻳﺄﺟﺮﻧﻴﺎﻩ
- ﺍﻧﻲ ﻣﺎ ﺧﻠﺼﺖ ﻣﻨﺞ ﺭﺟﻌﺘﻠﻲ ﺩﺍ ﺗﺎﺧﺬﻳﻦ ﺍﻟﺠﻮﺍﻩ ﻭ ﺍﻟﻮﺭﺍﻩ
- ﺗﺮﻩ ﻋﻴﺐ ﻫﺎﻟﻜﻼﻡ ﻋﻤﻪ ﺍﻧﻲ ﻣﻄﻠﺒﺖ ﺷﻲ ﻣﻦ ﻣﺨﻠﺪ ﻭﻻ ﻣﻦ ﻏﻴﺮﻩ ﻭ ﺣﺘﻰ ﺍﻟﺒﻴﺖ ﻣﻨﺎﻭﻳﻪ ﺍﺧﺬﻩ ....
- ﺍﻧﺖ ﺍﻟﻠﻲ ﺗﻜﻠﻴﻠﻲ ﺍﻟﻌﻴﺐ ، ﺍﻧﺖ ﺗﻌﺮﻓﻴﻦ ﺍﻟﻌﻴﺐ ﺷﻨﻮ ﻭ ﺗﺤﺠﻴﻦ ﺑﻴﻪ ﺟﺎﻳﻪ ﻣﻦ ﺗﺎﻟﻲ ﻣﻄﻠﻜﻪ ﻭ ﺗﺮﻳﺪ ﺗﺎﺧﺬ ﺍﺑﻨﻲ
- ﺷﻨﻮ ﻣﻄﻠﻜﺔ ﺍﺣﺘﺮﻣﻲ ﻧﻔﺴﺞ ﺩﺍ ﺗﻌﻴﺒﻴﻨﻲ ﺍﻧﺖ
.. ﺍﻧﻔﺘﺤﺖ ﺑﻴﻪ ﺻﻴﺎﺡ ﻭ ﻏﻠﻂ ﻭ ﻛﺎﻧﻬﺎ ﻣﺤﻤﻠﺔ ﻛﺎﻣﺖ ﺑﺲ ﻃﻴﺒﺔ ﺗﺮﺩ ﺑﻴﻬﺎ .. ﻋﺎﺩ ﺗﺮﻛﺘﻬﺎ ﺗﺤﺠﻲ ﺍﺧﺬﺕ ﺟﻨﻄﺘﻲ ﻭ ﺗﻮﺟﻬﺖ ﻟﺒﻴﺖ ﻋﻤﻮ ﻋﺜﻤﺎﻥ
ﺳﻮﻟﻔﺘﻠﻪ ﺍﻟﺼﺎﺭ ﻛﺎﻝ : ﺑﻌﺪ ﻣﺎ ﺍﻟﺞ ﺭﻭﺣﻪ ﻫﻨﺎﻙ ﻭ ﺍﺫﺍ ﺍﺟﺎ ﻋﻤﺮﺍﻥ ﺍﻧﻲ ﺍﻋﺮﻑ ﺷﺘﺼﺮﻑ ﻭﻳﺎﻩ
ﺧﺎﺑﺮﻧﻲ ﻣﺨﻠﺪ ﺑﺎﻟﻠﻴﻞ : ﺷﺼﺎﻳﺮ ﻭ ﻟﻴﺶ ﻫﻴﺞ
ﺳﻮﻟﻔﺘﻠﻪ ﮔﺎﻡ ﻳﻐﻠﻂ ﻭ ﻳﺼﻴﺢ ﻭ ﺷﻠﻮﻥ ﺑﺄﻣﻲ ﻭ ﺍﺑﺘﻠﻴﺖ ﺍﻧﻲ ﻭ ﺷﻴﺒﺖ ﺭﺍﺳﻲ ﻭ ﻣﻦ ﻫﺎﻟﻜﻼﻡ ﻟﺤﺪ ﻣﺎ ﻧﻬﻴﻨﺎ ﺍﻻﺗﺼﺎﻝ
.. ﺑﻘﻴﺖ ﺳﻬﺮﺍﻧﻪ ﻣﺄﺧﺬﺕ ﻋﻴﻨﻲ ﻧﻮﻡ ، ﻛﻠﺶ ﺗﻀﺎﻳﻘﺖ ﻭ ﺟﺴﻤﻲ ﺿﻞ ﻳﺮﺟﻒ ﺍﺧﺬﺕ ﺑﺎﻛﻴﺖ ﺟﻜﺎﻳﺮ ﻣﻦ ﻋﻤﻮ ﻭ ﺍﻟﺘﻬﻴﺖ ﺑﻴﻪ
ﻭﻳﻦ ﻣﺎ ﺍﺭﻭﺡ ﻣﺸﺎﻛﻞ ﻭ ﻳﻦ ﻣﺎ ﺍﻧﻄﻲ ﻭﺟﻬﻲ ﺗﻌﻜﺲ ﻭﻳﺎﻳﺔ، ﻣﻠﻴﺖ ﻣﻦ ﺣﻴﺎﺗﻲ، ﻭ ﺣﺘﻰ ﻣﺎﻣﺎ ﻻﻥ ﺑﻌﻴﺪﻩ ﻣﻦ ﺍﺧﺎﺑﺮﻫﺎ ﻣﺎ ﺍﺷﻜﻴﻠﻪ ﺍﺧﺎﻑ ﺍﺷﻐﻞ ﺑﺎﻟﻬﺎ ﻋﻠﻴﻪ
ﺑﺲ ﻣﻦ ﺻﺪﻙ ﻣﺎ ﻋﺎﺩ ﺍﺗﺤﻤﻞ ﻭﺿﻌﻲ
ﺑﻘﻴﺖ ﺍﺑﺠﻲ ﺑﻤﻜﺎﻧﻲ
ﺯﻫﻜﺖ ﻭ ﺗﻌﺒﺖ ﺍﺻﺒﺮ ﻭ ﺍﺗﺤﻤﻞ ﻭ ﺍﻟﻤﺸﻜﻠﺔ ﻣﺎ ﺑﻴﺪﻱ ﻏﻴﺮ ﺍﺻﺒﺮ ﻭ ﺍﺗﺤﻤﻞ
......
ﺑﻘﻴﺖ ﻛﺎﻋﺪﻩ ﻟﻠﺼﺒﺢ ﻟﺤﺪ ﺍﻟﺴﺎﻋﺔ ٧ ﻳﻼ ﻧﻤﺖ، ﻣﻜﻌﺪﺕ ﻏﻴﺮ ﻋﻠﻰ ﻣﺨﻠﺪ ﻭ ﻫﻮ ﻳﻜﻌﺪ ﻳﻢ ﺭﺍﺳﻲ ﻭ ﻫﻮ ﻳﻜﻮﻝ : ﻟﺠﻴﻴﻴﻴﻦ ﻭﻟﺞ ﻫﺎﻱ ﻣﻦ ﻳﻤﺘﻰ ﺍﺩﺧﻨﻴﻦ
- ﻛﻌﺪﺕ ﺍﺑﺎﻭﻋﻠﻪ ﺑﺘﻚ ﻋﻴﻦ : ﺷﺒﻴﻚ ؟
- ﺷﻤﻮ ﺷﺼﺎﻳﺮ ﺭﻳﺤﺔ ﺍﻟﻐﺮﻓﺔ ﻣﺘﻨﻄﺎﻕ ﻣﻦ ﺭﻳﺤﺔ ﺍﻟﺠﻜﺎﻳﺮ ﻭ ﻟﻴﺶ ﺍﺩﺧﻨﻴﻦ
- ﺗﻌﻠﻤﺖ ﻉ ﺍﻟﺘﺪﺧﻴﻦ ﻣﻦ ﺿﻴﻤﻲ ﻋﻨﺪﻙ ﺍﻋﺘﺮﺍﺽ ؟
- ﺍﺣﺠﻲ ﻋﺪﻝ ﻻ ﺗﺨﻠﻴﻨﻲ ﻭ ﺍﻟﻘﺮﺍﻥ ﺭﻛﺒﺘﺞ ﺍﻛﺴﺮﻫﺎ
- ﺍﻱ ﻣﻮ ﺗﺎﻳﻬﻪ ﺍﻧﻲ ﺍﻟﻚ ﻭ ﻻﻣﻚ
- ﺷﺒﻴﺞ ﺍﻧﺖ ﺗﺨﺒﻠﺘﻲ
- ﺍﻱ ﺗﺨﺒﻠﺖ ﻋﻨﺪﻙ ﺍﻋﺘﺮﺍﺽ ، ﻳﺎ ﺍﺧﻲ ﻓﻚ ﻣﻦ ﻋﻨﺪﻱ ﺗﺮﻩ ﻣﻮ ﺳﺎﻟﻔﻪ ﻫﺎﻱ
- ﻟﺞ ﺑﻨﺖ ﺍﻟﻜﻠﺐ ﺍﻋﺮﻓﻲ ﺷﻠﻮﻥ ﺗﺤﺠﻴﻦ ﺍﻧﻲ ﺷﻠﻲ ﻋﻼﻗﺔ ﻣﻦ ﻭﺭﺍﺝ ﺍﻟﻴﻮﻡ ﺗﺤﺎﺟﻴﺖ ﻭﻳﺎ ﺍﻣﻲ ﻭ ﺗﻌﺎﺭﻛﺖ ﻭﻳﺎﻩ
- ﻭﺍﻟﻠﻪ ﺻﺎﺭﺕ ﻋﻠﻴﻚ ﺯﺣﻤﺔ ، ﺣﻘﻚ ﻣﺨﻠﻴﺘﻚ ﻣﺤﺒﺲ ﺑﺄﻳﺪﻫﺎ ﻣﺨﻠﺪ ﻻ ﺗﻄﻠﻊ ﻣﻦ ﺍﻟﺒﻴﺖ ﺍﻣﺮﺝ ﺳﺖ ﻛﺮﺟﻴﻪ ﻣﺨﻠﺪ ﻻ ﺍﺩﻟﻞ ﻣﺮﺗﻚ ﺍﻣﺮﺝ ﺳﺖ ﻛﺮﺟﻴﻪ ﺍﻣﺎ ﺍﻟﻴﻮﻡ ﻓﻼﺍﺍ ﻳﺤﺘﺎﺟﻠﻚ ﺻﻔﻜﺔ ﻻﻥ ﻭﻛﻔﺖ ﺑﻮﺟﻪ ﺍﻣﻚ ﻟﺨﺎﻃﺮﻱ ﻭﺍﻭﻭﻭ ﺷﻬﺎﻻﻧﺠﺎﺯ ﺍﻟﻌﻈﻴﻢ
- ﻻ ﺍﻟﻴﻮﻡ ﺻﺪﻙ ﻃﺎﺑﻜﺎﺕ ، ﻣﺨﺒﻠﻪ ﻋﺎﻗﻠﺔ ﺍﻧﺖ، ﺷﺒﻴﺞ ﺗﺮﺟﻔﻴﻦ ؟
- ﻣﻮ ﺷﻐﻠﻚ ﺍﺑﺘﻌﺪ ﻣﻨﻲ ﻭ ﺑﺲ ﻛﺎﻓﻲ ﺍﺭﻳﺪ ﺍﻋﻴﺶ ﺑﺮﺍﺣﻪ
- ﺍﺍﺍﻩ ﻳﻌﻨﻲ ﻗﺼﺪﺝ ﻭﺟﻮﺩﻱ ﻣﻀﺎﻳﻘﺞ ؟
- ﻭ ﻛﻠﺶ ﻣﻀﺎﻳﻘﻨﻲ ﻭ ﺯﺍﻋﺠﻨﻲ ﻫﻢ
- ﻫﺎ ﺯﻳﻦ ﻟﻌﺪ ﺍﻧﻲ ﺍﺳﻒ ﻣﻮ ﺻﻮﺟﺞ ﺻﻮﺝ ﺍﻟﻴﺒﺎﻭﻉ ﺑﺨﻠﻘﺘﺞ ﻭﻳﺠﻲ ﻳﻄﻤﻦ ﻋﻠﻴﺞ ﺩﻧﻌﻞ ﺍﺑﻮ ﺍﻟﻠﻲ ﺟﺒﺮﻧﻲ ﺍﺟﻴﺞ ﺑﻨﺖ ﺍﻟﻜﻠﺐ
- ﻣﻮ ﺍﻧﺖ ﺍﻟﺘﺴﺐ ﺍﺑﻮﻳﻪ ﺍﻓﺘﻬﻤﺖ ﺳﻤﺤﺘﻠﻚ ﻣﺮﻩ ﻣﺮﺗﻴﻦ ﻣﺮﻩ ﻟﺦ ﻣﻦ ﺗﻌﻴﺪﻫﺎ ﻭﺍﻟﻠﻪ ﻣﺘﻠﻮﻡ ﺍﻻ ﻧﻔﺴﻚ
- ﻟﺞ ﻻ ﺗﺨﻠﻴﻨﻲ ﺍﺑﺘﻠﻲ ﺑﻴﺞ ﻟﺠﻴﻴﻴﻴﻦ
ﻟﺰﻣﻨﻲ ﻣﻦ ﺭﻛﺒﺘﻲ ﺣﻴﻞ ﻭ ﺍﻧﻲ ﺍﺩﻓﻊ ﺑﻴﻪ ﻭ ﺍﺻﺮﺥ ﻓﺎﺗﺖ ﻣﺮﺕ ﻋﻤﻲ ﺗﺠﺮ ﺑﻴﻪ ﻭ ﺗﺼﺮﺥ : ﻳﺎ ﻋﻤﻪ ﺍﺗﺮﻛﻬﺎ ﺷﺼﺎﺭﻟﻜﻢ ﻣﺘﻜﻠﻮﻟﻲ ﺩﻋﻮﻓﻬﺎ
ﺟﺮﺗﻨﻲ ﻣﻦ ﺍﻳﺪﻩ ﻭ ﻫﻮ ﻣﺨﻨﺰﺭ ﻋﻠﻴﻪ ﻭ ﺍﻧﻲ ﻧﺎﺭ ﺍﺷﺐ ﻭ ﺍﺷﺘﻌﻞ ﻭ ﺍﺭﺟﻒ ﺑﻮﺩﻱ ﺍﻛﻠﻪ، ﻋﺎﻓﻨﺎ ﻭ ﻃﻠﻊ ﺑﻘﺖ ﻣﺮﺕ ﻋﻤﻲ ﺗﻬﺪﻱ ﺑﻴﻪ : ﻭ ﺍﻧﺖ ﺍﻟﻌﺎﻗﻠﺔ ﻭ ﺍﻟﺤﺒﺎﺑﺔ ﺷﺼﺎﺭﻟﺞ ﻳﻌﻤﻪ
ﻭ ﻣﻦ ﻫﺎﻟﻜﻼﻡ
ﺳﻤﻌﺖ ﺍﺑﻦ ﻋﻤﻲ ﺍﻟﺼﻐﻴﺮ ﺍﻧﻄﻴﺘﻪ ﻓﻠﻮﺱ ﻭ ﻛﻠﺖ ﻟﻪ ﺭﻭﺡ ﺟﻴﺒﻠﻲ ﺟﻜﺎﻳﺮ ﺑﺴﺮﻋﺔ ..
ﺑﻘﻴﺖ ﻛﺎﻋﺪﻩ ﺟﻜﺎﺭﺓ ﻭﺭﻩ ﺟﻜﺎﺭﺓ ﺍﺭﻳﺪ ﺍﻫﺪﻱ ﺍﻋﺼﺎﺑﻲ ﻣﺪﺍ ﺍﻛﺪﺭ .. ﺍﻧﻮﺏ ﺷﻤﺮﺕ ﻋﺼﺒﻴﺘﻲ ﺑﻤﺨﻠﺪ ﻭ ﻫﻮ ﻻ ﺑﻴﻬﺎ ﻭﻻ ﻋﻠﻴﻬﺎ
ﺍﻧﻮﺑﻪ ﻛﻤﺖ ﺍﻟﻮﻡ ﺑﺮﻭﺣﻲ ﺷﺒﻴﻪ ﻧﺰﻟﺖ ﺑﻴﻪ ، ﻫﻮ ﺷﻌﻠﻴﻪ
ﺍﻟﻤﺴﻜﻴﻦ ﺟﺎﻱ ﺩﻳﻄﻤﻦ ﻋﻠﻴﻪ ﻭ ﻣﺘﻌﺎﺭﻙ ﻭﻳﺎ ﺍﻣﻪ ﻣﻦ ﻭﺭﺍﻳﺔ
ﺑﻘﻴﺖ ﺍﻟﻮﺏ ﺍﺭﻭﺡ ﻣﻨﺎ ﻭ ﺍﺟﻲ ﻣﻨﺎ ..
ﺍﺧﺎﺑﺮﻩ ﺍﻋﺘﺬﺭ ﻣﻨﻪ ؟
ﻟﻮ ﻻ ﻋﻠﻰ ﺷﻨﻮ ﺩﺍ ﺍﻋﺘﺬﺭ ﻣﻜﺎﻓﻲ ﺗﺠﺎﻭﺯ ﻋﻠﻴﻪ ﻭ ﻋﻠﻰ ﺑﺎﺑﺎ ﻭ ﺧﻨﻜﻨﻲ
ﻻ ﺑﺲ ﻣﻦ ﻭﺭﺍﻳﺎ ﺍﻧﻲ ﺩﺳﺖ ﺍﺑﻄﻨﻪ ﻭ ﺟﺒﺮﺗﻪ ﻳﻨﻔﺠﺮ
.... ﺍﺧﺮ ﺷﻲ ﺍﺧﺬﺕ ﺍﻟﻤﻮﺑﺎﻳﻞ ﺍﺗﺼﻠﺖ ﺑﻴﻪ ﺭﻥ ﺭﻥ ﺭﻥ ﺭﺩﺕ ﺍﻏﻠﻖ ﻟﻤﺎ ﺷﻔﺘﻪ ﻣﺪﺍ ﻳﺠﺎﻭﺏ، ﺑﺲ ﺑﺎﻻﺧﻴﺮ ﺟﺎﻭﺏ : ﺍﻟﻮ
- ﺍﻟﻮ ﻫﺎ ﻣﺨﻠﺪ
- ﻛﻮﻟﻲ
- ﺷﻨﻮ ﺍﻧﺖ ﺯﻋﻼﻥ ؟
.....
ﻻ ﻳﺎﺑﺔ ﺍﺳﺘﻐﻔﺮ ﺍﻟﻠﻪ ﻋﻠﻰ ﺷﻨﻮ ﺩﻧﺰﻋﻞ ﻣﻨﺞ ﺳﺖ ﻟﺠﻴﻦ
- ﺩﺍ ﺗﺴﺘﻬﺰﺉ
- ﻟﺠﻴﻦ ﺷﺒﻴﺞ؟ ﻣﻤﻜﻦ ﺍﻓﻬﻢ
- ﻭﻻ ﺷﻲ ﺍﺗﺼﻠﺖ ﺍﺷﻮﻑ ﺍﺫﺍ ﺍﻛﻮ ﻣﺠﺎﻝ ﺍﺻﺎﻟﺤﻚ ﻭ ﺍﻛﻮﻟﻚ ﺍﺳﻔﻪ
- ﻭ ﻏﻴﺮﻫﺎ
- ﻫﺎﻱ ﺷﺒﻴﻚ ﻣﻮ ﺩﺍ ﺍﻛﻮﻟﻚ ﺍﺳﻔﺔ ﺑﻌﺪﻙ ﺿﺎﻳﺞ ﻳﻌﻨﻲ
- ﻻ ﻳﺎﺑﻪ ﻋﻠﻰ ﺷﻨﻮ ﺍﺿﻮﺝ ﺍﻋﺮﻓﺞ ﺣﻴﻮﺍﻧﻪ ﻭ ﻣﻦ ﺗﺠﻮﻋﻴﻦ ﺗﻜﻮﻣﻴﻦ ﺗﺤﻴﻮﻧﻴﻦ
- ﻫﺎﺍﺍﻩ ﺧﻠﻒ ﺍﻟﻠﻪ ﻋﻠﻴﻚ ﻳﺎﺑﻪ
- ﻫﺴﺔ ﺷﺮﺍﻳﺪﻩ
- ﺍﻛﻮﻟﻚ ﺷﻮ ﻣﺤﻤﻠﻨﻲ ﻣﻨﻴﻪ ﻓﻮﻙ ﻣﺎ ﺍﺗﺼﻠﺖ ﺩﺍ ﺍﺭﺍﺿﻴﻚ ﻫﻮ ﺻﻮﺟﻚ
- ﻟﺞ ﺣﻴﻮﺍﻧﻪ ﺩﺍ ﺍﻛﻮﻟﺞ ﺷﺮﺍﻳﺪﻩ ﻻﻥ ﻛﺪﺍﻣﻲ ﻣﺤﻠﻴﻦ ﻣﺤﻞ ﺣﻠﻮﻳﺎﺕ ﻭ ﻣﺤﻞ ﻣﺮﻃﺒﺎﺕ ﻓﺘﺮﻳﺪﻳﻦ ﺑﻘﻼﻭﻩ ﻟﻮ ﻣﻮﻃﻪ ؟
- ﻫﺎﺍﺍﺍ ﺍﻱ ﻫﻴﺞ ﻭ ﺻﻴﺮ ﺍﺩﻣﻲ ﻭ ﺍﺣﺠﻴﻠﻲ ﺑﺎﻟﺸﻲ ﺍﻟﻄﻴﺐ ﻭ ﻳﺮﻭﻕ ﺍﻟﻤﺰﺍﺝ
- ﺑﻨﺖ ﺍﻝ ...... ﻟﻴﺶ ﺗﺨﻠﻴﻨﻲ ﺍﺣﺠﻲ ﻟﺞ ﻣﻮ ﺍﻟﺴﺎﻧﻲ ﺯﻓﺮ ﻛﺎﻓﻲ ﺍﻟﻴﻮﻡ ﺳﺒﻴﺖ ﻋﻤﻲ ﺍﻟﻤﺮﺣﻮﻡ ﻣﻦ ﻭﺭﺍﺝ
- ﻫﻨﻮﺏ ﺻﺎﺭﺕ ﻣﻦ ﻭﺭﺍﻱ ﺧﻮ ﺍﻧﺖ ﺩﺍ ﺗﻜﻮﻟﻬﺎ ﺍﻟﺴﺎﻧﻚ ﺯﻓﺮ ﺍﻧﻲ ﺷﻌﻠﻴﻪ
- ﺍﺥ ﻳﺎﺑﻪ ﺷﻠﻮﻥ ﺗﺮﻳﺪﻧﻲ ﺍﺑﺘﻠﻲ ﺑﻴﻬﺎ
- ﻭ ﻋﻠﻰ ﺷﻨﻮ ﺗﺒﺘﻠﻲ ﺑﻴﻪ ﺣﻠﻮﻩ ﻫﺎﻱ
- ﻭﻟﺞ ﻳﺒﻨﺖ ******* ﻣﻮﻃﻪ ﻟﻮ ﺑﻘﻼﻭﺓ ؟
- ﻫﻬﻬﻬﻬﻬﻬﻬﻬﻬﻬﻬﻪ ﻋﺎﺑﺘﻠﻚ ، ﻻ ﻣﻮﻃﻪ ﻭ ﻣﻮ ﺷﻮﻳﻪ ﺗﺠﻴﺐ، ﺍﺭﻳﺪ ﻧﺺ ﻛﻴﻠﻮ ﻭ ﺍﺫﺍ ﻛﻴﻠﻮ ﺑﻌﺪ ﺍﺣﺴﻦ ﺣﺘﻰ ﺍﺑﻘﻴﻬﺎ ﺑﺜﻼﺟﻪ ﻣﻦ ﺍﺳﻬﺮ ﻛﻞ ﺷﻮﻳﻪ ﺍﻛﻞ
- ﺍﻡ ﺍﻟﺮﺟﻴﻢ ﺍﻛﻠﺘﻲ ﺭﺍﺳﻲ ﺫﺍﻙ ﺍﻟﻴﻮﻡ ﻭ ﺍﻧﺖ ﺗﺘﻔﻴﻜﻴﻦ ﻭ ﻣﺎ ﺍﺗﺤﻤﻞ ﺍﻟﻜﻴﻤﺮ ﻭ ﺍﻩ ﺑﻄﻨﻲ ﺭﻗﻴﻘﺔ ﺗﺎﻟﻲ ﻛﻴﻠﻮ ﻣﻮﻃﺔ ﻭﻟﺞ ﺍﻧﻲ ﻭﻋﺸﻴﺮﺗﻲ ﻣﺎ ﻧﺎﻛﻞ ﻛﻴﻠﻮ
- ﻣﺎ ﺑﻼﺯﻡ ﻋﻴﻨﻲ ﺣﻄﻴﺖ ﻋﻴﻨﻚ ﻋﻠﻴﻬﺎ
- ﺍﻓﻠﺘﻲ ﺍﻧﺖ ﺍﺫﺍ ﺍﺑﻘﻰ ﺍﻛﺎﺑﻠﺞ ﻣﻌﻨﺎﻫﺎ ﺍﻟﺴﺎﻧﻲ ﻳﺸﺘﻐﻞ ﻏﻠﻂ ﻭ ﻓﺸﺎﺭ
ﺿﺤﻜﺖ ﻭ ﻗﻔﻠﺖ ﺍﻟﺠﻬﺎﺯ ... ﻣﻦ ﺭﺍﺿﻴﺘﻪ ﻳﻼ ﺍﺭﺗﺎﺣﻴﺖ
ﺭﻏﻢ ﺷﻜﺪ ﻳﻀﺎﻳﻘﺖ ﺑﺲ ﻭﻻ ﻳﻬﻮﻥ ﻋﻠﻴﻪ ﻳﺰﻋﻞ ﺍﻋﺮﻓﻪ ﻟﻮ ﺷﻤﺎ ﻳﺴﻮﻱ ﻳﺨﺎﻑ ﻋﻠﻴﻪ ﻭ ﻣﺎ ﻳﻬﻮﻥ ﺑﻴﻪ
ﻭﺭﻩ ﺷﻮﻳﻪ ﺍﺟﺎ ﻫﻮ ﺳﻠﻢ ﻋﻠﻰ ﻋﻤﻲ ﻭ ﻓﺎﺕ ﻟﻠﻐﺮﻓﺔ ﺍﻟﻠﻲ ﻛﺎﻋﺪﻩ ﺑﻴﻬﺎ ..
- ﻫﺎ ﻣﺨﺒﻠﺔ ﻋﻘﻠﺘﻲ ؟
- ﻭﺍﻟﻠﻪ ﻳﺎ ﺧﻠﻮﺩﻱ ﺍﺳﻤﺤﻠﻲ ﻭﻻ ﺗﺰﻋﻞ ﺍﻣﻚ ﺗﺠﻨﻦ ﺍﻛﺒﺮ ﻭﺍﺣﺪ ﺍﻟﻠﻪ ﻳﺴﺎﻋﺪ ﻃﻴﺒﺔ ﻭ ﺯﻣﻦ ﺍﺷﻮﻥ ﻣﺘﺤﻤﻼﺗﻬﺎ
- ﺍﻱ ﻏﻴﺮ ﻭﺍﻟﺪﻩ ﺷﻨﺴﻮﻱ ﻳﻌﻨﻲ ﻗﺎﺑﻞ ﻧﺸﻤﺮﻫﺎ ؟
- ﺗﺘﺤﻤﻠﻬﺎ ﺍﻧﺖ ﺍﺧﻮﻙ ﺍﺑﻮﻙ ﻏﻴﺮﻛﻢ ﻣﻤﺠﺒﻮﺭ ﻳﺘﺤﻤﻠﻬﺎ
- ﻫﺎﻱ ﺍﻟﺴﻮﺍﻟﻒ ﻳﻤﺞ ﻣﺎﻝ ﺷﺨﺼﻴﺘﻲ ﻭ ﻛﺮﺍﻣﺘﻲ ﻭ ﻣﺎ ﺍﺳﻤﺢ، ﻋﺪﻧﺎ ﺍﻟﺠﻨﻪ ﺗﺘﺤﻤﻞ ﻛﻞ ﺷﻲﺀ ﺍﻟﻰ ﺍﻥ ﺍﻟﻠﻪ ﻳﻔﺮﺟﻬﺎ
- ﻭﺍﻟﻠﻪ ﻟﻮ ﻣﺎﺧﺬﺗﻚ ﻭ ﺟﻨﻪ ﻋﺪﻫﺎ ﺣﺮﺍﻡ ﺩﻗﻴﻘﺔ ﻣﺎ ﺍﺗﺤﻤﻠﻬﺎ
- ﺍﻓﻬﻢ ﻣﻦ ﻛﻼﻣﺞ ﻣﻔﻜﺮﺓ ﺑﺎﻟﻤﻮﺿﻮﻉ
ﺿﺤﻜﺖ : ﻋﺎﺑﺘﻠﻚ ﻫﺎﻱ ﻭﻳﻦ ﺭﺍﺡ ﺑﺎﻟﻚ
- ﻟﺞ ﺑﺎﻟﻲ ﻛﻠﻪ ﻳﻤﺞ ﻳﺨﺒﻠﻪ
ﺑﺎﻭﻋﺖ ﺑﻌﻴﻮﻧﻪ ﺍﺑﺘﺴﻤﺖ -: ﺷﻜﺪ ﻣﺎ ﺗﻔﻮﺕ ﺃﻳﺎﻡ ﻭ ﺗﺮﻭﺡ ﻧﺎﺱ ﻭ ﺗﺠﻲ ﻧﺎﺱ ﺑﺲ ﻟﺴﺔ ﺍﺷﻮﻑ ﻟﺠﻴﻦ ﻫﻴﺎﻧﻬﺎ ﻣﺘﺮﺑﻌﺔ ﺑﻨﺺ ﻋﻴﻮﻧﻚ
.......
ﻟﺞ ﺍﻗﺴﻢ ﺍﺑﺄﻟﻠﻪ ﻣﺎ ﻣﺮ ﻳﻮﻡ ﻭ ﻣﺎ ﺍﺟﻴﺘﻲ ﺑﻴﻪ ﻋﻠﻰ ﺑﺎﻟﻲ، ﻛﻞ ﻟﻴﻠﺔ ﺍﻧﺖ ﻣﺘﻌﺸﻌﺸﺔ ﺑﺘﻔﻜﻴﺮﻱ، ﺍﻧﻲ ﻛﺘﻠﺞ ﺑﻴﻮﻡ ﺍﺫﺍ ﺗﺘﺬﻛﺮﻳﻦ .. ﻣﺎ ﺗﺮﺗﺎﺣﻴﻦ ﻭﻻ ﺭﺍﺡ ﺗﺮﺗﺎﺣﻴﻦ ﻷﻥ ﻣﻨﻔﻮﺳﺔ
- ﻣﻨﻔﻮﺳﺔ !! ﺷﻨﻮ ﻳﻌﻨﻲ ؟
- ﻧﻔﺴﻲ ﺑﻴﺞ ﻣﺎ ﺗﺮﺗﺎﺣﻴﻦ ﺍﻻ ﺗﺼﻴﺮﻳﻦ ﺍﻟﻲ
- ﻭ ﻟﻮ ﺻﺮﺕ ﺍﻟﻚ ﺍﺭﺗﺎﺡ ﻳﻌﻨﻲ؟
ﺩﻙ ﻋﻠﻰ ﺟﺘﻔﻪ : - ﻫﺬﺍ ﺍﻟﺠﺘﻒ ﺍﻟﺸﺎﻟﺞ ﻭ ﺍﻧﺖ ﺻﻐﻴﺮﺓ ﻭ ﺍﻟﺤﻤﻞ ﻫﻤﻮﻣﺞ ﻭ ﻣﺼﺎﻳﺒﺞ ﺍﻟﻤﺎ ﻛﺒﺮﺗﻲ ﻣﺎ ﺭﺍﺡ ﻳﻘﺒﻞ ﺗﺸﻴﻠﻴﻦ ﻋﻠﻰ ﺍﺟﺘﺎﻓﺞ ﻫﻢ، ﻭﻻ ﺍﻟﮕﻠﺐ ﺍﻟﻌﺸﺘﻲ ﺑﻴﻪ ﺳﻨﻴﻦ ﺭﺍﺡ ﻳﻘﺒﻞ ﻳﺰﻋﻠﺞ ﺑﻴﻮﻡ
ﺻﻔﻨﺖ ﺑﻮﺟﻬﻪ، ﺍﺑﺘﺴﻤﺖ ﻭ ﻣﺪﻳﺖ ﺍﻳﺪﻱ ﻋﻠﻰ ﺑﺎﻛﻴﺖ ﺍﻟﺠﻜﺎﻳﺮ، ﺳﺤﺒﺖ ﺟﻜﺎﺭﺓ ﻭﺭﺛﺘﻬﺎ، ﺳﺤﺒﻬﺎ : ﻳﺎ ﻃﺎﻳﺤﺔ ﺍﻟﺤﻆ ﺍﺩﺧﻨﻴﻦ ﻛﺪﺍﻣﻲ
- ﻫﺎﺍﺍﺍ، ﻫﺴﻪ ﻛﻠﺖ ﻣﺎ ﺍﺫﻳﺞ
- ﺍﻱ ﺑﺲ ﺧﻮﻣﺎ ﺣﺮﻣﻪ ﺍﺷﻮﻓﺞ ﺍﺩﺧﻨﻴﻦ ﻭ ﺍﻧﻲ ﻛﺎﻋﺪ، ﺷﻨﻮ ﻣﺎﻟﻲ ﺍﺣﺘﺮﺍﻡ
ﺿﺤﻜﺖ - ﻣﺠﻨﻮﻥ ﻣﺘﺼﻴﺮﻟﻚ ﭼﺎﺭﺓ
- ﺍﻗﺴﻢ ﺑﺄﻟﻠﻪ ﺍﻋﺸﮕﭻ
ﺣﺠﺎﻫﺎ ﻭ ﻫﻮ ﻳﺪﺧﻦ ﺍﻟﺠﻜﺎﺭﺓ ﺍﻟﺴﺤﺒﻬﺎ ﻣﻦ ﺍﻳﺪﻱ
ﺿﺤﻜﺖ ﺿﺤﻜﺔ ﻃﻮﻳﻠﺔ ﻭ ﺗﺤﺮﻛﺖ ﻣﻦ ﻣﻜﺎﻧﻲ ﺷﻠﺖ ﺍﻳﺪﺓ ﻭ ﻧﻤﺖ ﻋﻠﻰ ﺭﺟﻠﻪ -: ﻳﺎ ﻣﺠﻨﻮﻥ ﻣﺶ ﺍﻧﺎ ﻟﻴﻠﺔ ﻭﻻ ﺑﻨﺴﻤﺔ ﻫﻮﺍﻙ ﻣﻴﻼ
- ﺍﻱ ﺍﻱ ﻛﻤﻠﻲ ﺍﺳﻤﻊ
- ﺍﻟﺒﻘﻴﺔ ﻣﺎ ﺗﻔﻴﺪﻙ ﻫﻬﻬﻬﻬﻬﻬﻬﻬﻬﻬﻬﻪ
ﻭ ﺿﺮﺑﺘﻪ ﺧﻔﻴﻒ ﻋﻠﻰ ﺧﺸﻤﺔ
ﺍﺑﺘﺴﻢ ﻭ ﮔﺎﻡ ﻳﻤﺴﺢ ﻋﻠﻰ ﺷﻌﺮﻱ ﺍﺧﺬ ﻧﻔﺲ ﻭ ﺗﻨﻬﺪ، ﮔﺎﻝ : ﺧﻠﻴﻨﺎ ﻧﺘﺰﻭﺝ ﻭ ﺍﺑﻘﻲ ﻫﻴﺞ ﺑﺤﻈﻨﻲ ﺍﻟﻌﻤﺮ ﻛﻠﻪ ﻭ ﻳﺎ ﻭﻳﻞ ﻭﻳﻠﻪ ﺍﻟﻴﻮﺻﻞ ﻳﻤﺞ ، ﻭ ﺍﻟﻠﻪ ﻣﺎ ﺍﺧﻠﻴﺞ ﺗﺤﺘﺎﺟﻴﻦ ﺷﻲ
ﺻﻔﻨﺖ ﺑﻮﺟﻬﻪ، ﻭ ﺑﻘﻴﺖ ﺍﺑﺎﻭﻉ ﺑﻌﻴﻮﻧﻪ، ﺗﻨﻬﺪﺕ : ﻣﺨﻠﺪ ﺍﻧﻲ ﻣﻮ ﻧﻔﺴﻬﺎ ﺫﻳﺞ ﻟﺠﻴﻦ ﺍﻟﻌﺮﻓﺘﻬﺎ، ﺭﺑﻤﺎ ﻟﻮ ﻋﺮﻓﺖ ﺷﻨﻮ ﺍﻟﺒﻴﺔﻭ ﺷﻨﻮ ﻫﻲ ﻣﺸﺎﻛﻠﻲ،ﺗﻨﺴﻰ ﻛﻞ ﻫﺎﻟﺤﺐ ﺍﻟﺼﺎﺭﻟﻪ ﺳﻨﻴﻦ ﺑﮕﻠﺒﻚ
- ﺍﻟﺤﺪﻳﺪ ﻳﺼﺪﺃ ﻭ ﻳﺰﻧﺠﺮ ﻟﻮ ﻗﺴﻰ ﻋﻠﻴﻪ ﺍﻟﺠﻮ، ﺑﺲ ﻳﺒﻘﻰ ﺣﺪﻳﺪ، ﺗﻜﺪﺭ ﺗﻌﻴﺪ ﺑﻴﻪ ﺍﻟﺤﻴﺎﺓ ﻟﻮ ﺍﻫﺘﻤﻴﺖ ﺑﻴﻪ
ﻣﺪﻧﻚ ﺭﺍﺳﺔ ﻳﺒﺎﻭﻉ ﻭﻳﺤﺠﻲ ﻭﻳﺎﻳﻪ ﻭ ﻫﻮ ﻳﻤﺸﻂ ﺷﻌﺮﻱ ﺑﺄﺻﺎﺑﻌﻪ ﻓﺠﺄﺓ ﺗﻔﻮﺕ ﺯﻭﺟﺘﻪ، ﮔﻤﺰﺕ ﻣﻦ ﺭﺟﻠﻪ ﺑﺴﺮﻋﺔ
ﺑﻌﺪﻧﻲ ﻣﺎ ﻣﺴﺘﻮﻋﺒﺔ ﺩﺧﻮﻟﻬﺎ ﻋﻠﻴﻨﺎ، ﻣﺎ ﺍﺣﺲ ﺍﻻ ﻛﻒ ﻣﻨﻬﺎ ﻋﻠﻰ ﺧﺪﻱ ﻭ ﻫﻲ ﺗﺪﻓﻌﻨﻲ
- ﻛﺎﻓﻲ ﺗﺤﻤﻠﺖ ﻣﻦ ﺍﺟﻴﺘﻲ ﻟﻠﻴﻮﻡ ﻳﺎ **** ﺗﻔﺘﺮﻳﻦ ﻉ ﺍﻟﺮﺟﺎﻝ ﺗﺎﻟﻲ ﺗﺘﺨﺘﻠﻴﻦ ﺑﻴﻪ ﺑﺎﻟﺒﻴﻮﻭﻭﺕ
ﺗﺤﺠﻲ ﻭ ﺗﺪﻓﻊ ﺑﻴﻪ .. ﺳﺤﺒﻬﺎ ﻫﻮ ﻣﻨﻲ : ﺍﻧﺖ ﺷﺠﺎﺑﺞ ﻟﻬﻨﺎ ﺑﻨﺖ ﺍﻟﻜﻠﺐ
- ﺟﺎﻱ ﺗﺴﺄﻟﻨﻲ ﺷﺠﺎﺑﻨﻲ ﻟﻬﻨﺎ ﻣﺘﺴﺄﻝ ﻧﻔﺴﻚ ﺷﺘﺴﻮﻱ ﻫﻨﺎ : ﻣﻠﻴﺖ ﻣﻨﻚ ﻃﻠﻌﺖ ﺭﻭﺣﻲ ﺍﻟﻠﻪ ﻳﺎﺧﺬﻧﻲ ﻭ ﺍﺧﻠﺺ ﻣﻨﻚ ، ﺿﻴﻌﺘﻨﻲ ﺩﻣﺮﺗﻨﻲ
ﻭ ﺍﻧﻀﺮﺑﻮﺍ ﻫﻲ ﻭﻳﺎﻩ ﻋﺮﻙ ، ﻟﺰﻣﻬﺎ ﻣﻦ ﺍﻳﺪﻫﺎ ﻭ ﻣﺸﻰ ﺑﻴﻬﺎ ﻭ ﻛﺎﻝ ﺍﻟﻬﺎ : ﺣﺴﺎﺑﺞ ﻫﻨﺎﻙ ﺍﻣﺸﻲ ﻭﻳﺎﻱ
ﺍﺟﺎ ﻋﻤﻲ ﺍﺧﺬﻫﺎ ﻣﻦ ﺍﻳﺪﻩ : ﻣﺨﻠﺪ ﺍﻫﺪﺉ ﺍﻟﻤﺮﺓ ﺣﺎﻣﻞ
- ﻋﻤﻲ ﻣﻦ ﺭﺧﺼﺘﻚ ﻋﻮﻓﻬﺎ ﺍﻧﻲ ﺍﺗﺤﺎﺳﺐ ﻭﻳﺎﻫﺎ ﺩﺍ ﺍﺷﻮﻑ ﻣﻨﻮ ﺍﻟﻠﻲ ﺍﺩﻭﺭﻧﻲ ﺑﺎﻟﺒﻴﻮﺕ
- ﻻ ﺍﺩﻭﺭﻙ ﻭﻻ ﺍﺩﻭﺭﻧﻲ ﻃﻠﻜﻨﻲ ﺧﻠﺼﻨﻲ ﻣﻨﻚ ﻭ ﻣﻦ ﺍﻣﻚ ﺧﻠﺼﻮﻧﻲ
.......
ﺍﻱ ﻭﻳﺠﺮﺍﻟﺞ ﻣﻦ ﺑﺎﺟﺮ ﺍﻟﺤﺎﻇﺮ ﻭ ﺍﻟﻐﺎﻳﺐ ﻳﻤﺞ ﻭ ﺍﻧﻌﻞ ﺍﺑﻮ ﺍﻟﻴﺮﺟﻌﺞ
ﻋﺜﻤﺎﻥ : ﻣﺨﻠﺪ ﺑﺲ ﺍﻫﺪﺃ ﻳﺎ ﻋﻤﻮ ﻫﺎﻱ ﺷﺒﻴﻚ
ﺳﺤﺒﻪ ﻛﻮﻩ ﻭ ﻃﻠﻌﻪ ﺑﺮﺍ ﻭ ﻫﻲ ﻛﻌﺪﺕ ﺗﺒﺠﻴﻮ ﻋﻤﺘﻲ ﺗﻬﺪﻱ ﺑﻴﻬﺎ ﻭ ﻫﻲ ﺗﺸﻜﻲ : ﻳﺎ ﻋﻤﻪ ﻣﻠﻴﺖ ﺷﺘﺤﻤﻞ ﺣﺘﻰ ﺍﺗﺤﻤﻞ ﺻﻴﺎﺡ ﺍﺑﻮﻩ ﻭ ﺍﻣﻪ ﻭ ﻣﺸﺎﻛﻠﻬﻢ ﻟﻮ ﺿﻴﻢ ﺟﻬﺎﻟﻪ ﻟﻮ ﺍﻟﻨﺎﻳﻢ ﺍﺑﻄﻲ ﻭ ﺫﺍﺑﺤﻨﻲ ﻟﻮ ﺍﺗﺤﻤﻞ ﻋﺼﺒﻴﺘﻪ ﻭ ﻻ ﻣﺒﺎﻻﺗﻪ ﺍﻟﻲ ﻟﻮ ﺍﺗﺤﻤﻞ ﺧﻴﺎﻧﺘﻪ ﺷﺘﺤﻤﻞ ﮔﻠﻴﻠﻲ
- ﺯﻣﻦ ﺗﺮﺍ ﺍﻧﺖ ﻓﺎﻫﻤﺔ ﺍﻟﻤﻮﺿﻮﻉ ﻏﻠﻂ ﻭﺍﻟﻠﻪ ﺍﻟﻌﻈﻴﻢ ﻣﺒﻴﻨﺎﺗﻨﺎ ﺷﻲ ﻛﻞ ﺍﻟﻘﺼﺔ ﺍﻥ ﺗﻌﺎﺭﻛﻨﺎ ﺍﻟﻌﺼﺮ ﻭ ﺍﻋﺘﺬﺭﺕ ﻣﻨﻪ ﻭ ﺍﺟﺎ ﺩﻳﺤﻞ ﺍﻟﻤﺸﻜﻠﺔ ، ﺍﻻ ﺍﺧﺮ ﺍﻧﺴﺎﻥ ﺍﻓﻜﺮ ﺑﻴﻪ ﻣﺨﻠﺪ
- ﺍﻧﻲ ﺍﻋﺮﻑ ﺍﻧﺖ ﻣﺎ ﺭﺍﻳﺪﺗﻪ ﺑﺲ ﻫﻮ ﺣﺎﻃﺞ ﺍﺑﺎﻟﻪ ﻭ ﻳﻔﺘﺮ ﻭ ﻣﺎ ﻣﺨﻠﻴﻨﻲ ﻻ ﺍﻧﻲ ﻭﻻ ﺟﻬﺎﻟﻲ ﺍﺑﺎﻟﻪ ،
ﺭﻓﻌﺖ ﺭﺍﺳﻬﺎ ﻭ ﻫﻲ ﺗﺸﻬﻚ ﺑﺠﻲ : ﻋﻠﻴﺞ ﺑﺮﻭﺡ ﺍﺑﻮﺝ ﺍﺫﺍ ﺍﺑﻮﺝ ﺍﻟﻪ ﻳﻤﺞ ﺧﺎﻃﺮ ﺍﺑﺘﻌﺪﻱ ﻣﻦ ﻋﺪﻧﺎ ﻭﻻ ﺗﺨﻠﻴﻦ ﻣﺨﻠﺪ ﻳﺸﻮﻓﺞ
- ﻳﻌﻨﻲ ﻭﻳﻦ ﺍﺭﻭﺡ ﻳﺎ ﺯﻣﻦ ﻗﺎﺑﻞ ﺍﻧﻲ ﻣﺘﺒﻄﺮﻩ ﻭﺭﺍﺟﻌﻪ ﻟﻬﻨﺎ ﻟﻮ ﻣﺎ ﺿﻴﻤﻲ ﺍﻧﻲ ﻫﺴﻪ ﺑﺎﻭﺭﺑﺎ ﻭ ﻣﻮ ﻳﻢ ﻫﺎﻟﻤﺸﺎﻛﻞ ﻛﻠﻬﺎ
- ﺍﺑﺘﻌﺪﻱ ﻣﻨﻪ ﻋﻠﻴﺞ ﺭﻭﺡ ﺍﺑﻮﺝ ﻓﺪﻭﻩ ﺍﺑﺘﻌﺪﻱ ﻣﻨﻪ
ﺑﻘﺖ ﺗﺘﻮﺳﻞ ﺑﻴﻪ ﺍﻟﻰ ﺍﻥ ﻋﻤﺘﻲ ﺍﺧﺬﺗﻬﺎ ﻭ ﺭﺍﺣﺖ ﺑﻴﻬﺎ ﻟﺒﻴﺘﻬﻢ ﻭ ﺑﻘﺖ ﺗﻬﺪﻱ ﺑﻴﻬﻢ ﻭ ﻣﺎ ﻗﺒﻠﻮ ﺗﺮﻭﺡ ﺯﻋﻼﻧﻪ
ﻭ ﻫﻲ ﺗﺼﻴﺢ ﻃﻠﻜﻮﻧﻲ ﻭ ﻣﺨﻠﺪ ﻳﺼﻴﺢ ﺍﺭﻳﺪ ﺍﻃﻠﻚ ﻭ ﺍﻟﻄﺮﻓﻴﻦ ﻣﻘﺎﺑﻠﻴﻦ ﻻ ﺍﻫﻠﻪ ﻭ ﻻ ﺍﻫﻠﻬﺎ ..
ﺧﺎﺑﺮﺕ ﻃﻴﺒﺔ ﺍﺳﺄﻝ ﻋﻦ ﺍﺧﺒﺎﺭﻫﻢ ﻭ ﻛﻞ ﻋﺎﺩﻩ ﺳﻮﺍﻟﻒ ﻃﻴﺒﺔ : ﻳﺎ ﺧﻴﻪ ﻣﺎ ﺗﺪﺭﻳﻦ ﻏﻴﺮ ﺗﻜﺎﺑﻠﻮ ﻋﻨﻪ ﻭ ﻋﻨﻴﻦ ﻭ ﻋﻠﻴﻚ ﻳﺎﺭﺏ ﺍﻟﻤﻌﻴﻦ ﺍﺑﺸﺮﺝ ﻛﻠﻬﺎ ﺯﻋﻼﻧﻪ ﻭ ﻣﺨﻠﺪ ﻭ ﻣﺎﺯﻥ ﻣﺘﻜﺎﺑﻠﻴﻦ ﺑﺎﻻﺳﺘﻘﺒﺎﻝ ﺭﺍﺱ ﺑﺮﺍﺱ
- ﻫﻬﻬﻬﻬﻬﻬﻬﻬﻬﻬﻬﻬﻪ ﺧﺮﺏ ﺑﻴﻮﻣﺞ ﻃﻴﺒﺔ ﻭﻻ ﺗﺒﻄﻠﻴﻦ ﺳﻮﺍﻟﻔﺞ ﻳﻌﻨﻲ ﻣﺎ ﺗﺼﺎﻟﺤﻮ ؟
- ﻻ ﻭﺍﻟﻠﻪ ﺧﻴﻪ ﻛﻞ ﺍﻟﺮﻭﺱ ﻗﺎﻓﻠﻪ ﻣﺎ ﺗﺘﺼﺎﻟﺢ ﻻ ﺍﻧﻲ ﻭﻻ ﻣﺎﺯﻡ ﻭ ﻻ ﻣﺨﻠﺪ ﻭﻻ ﺣﺘﻰ ﺯﻣﻦ .
- ﻋﻔﻴﻪ ﻋﻠﻴﻜﻢ ﺧﻮﺵ ﺷﺪﺓ ﻭﺭﺩﻩ
ﻗﻔﻠﺖ ﻣﻨﻬﺎ ﻭ ﺻﻔﻨﺖ ﻭﻳﺎ ﺭﻭﺣﻲ ،ﺣﺮﺕ ﻭﻳﻦ ﺍﺭﻭﺡ ﻭ ﻣﻨﻴﻦ ﺍﺧﻠﺺ، ﻛﻠﺶ ﺗﻀﺎﻳﻘﺖ ﻣﻦ ﻭﺿﻌﻲ
ﻣﺮﺕ ٣ ﺍﺳﺎﺑﻴﻊ ﻻ ﺍﻧﻲ ﻻﻛﻴﺔ ﺷﻐﻞ ﻭ ﺷﻐﻞ ﺍﻟﺼﻴﺪﻟﻪ ﻭ ﺍﻟﺪﻭﺍ ﻭ ﻫﺎﻻﻣﻮﺭ ﻛﻠﺶ ﺗﻠﻌﺐ ﻧﻔﺴﻲ ﻣﻨﻬﺎ ﻣﺎ ﺍﺣﺒﻬﺎ ﺍﺑﺪ ..
ﺍﻻ ﻣﺎ ﺟﻨﺖ ﻧﺎﻳﻤﻪ ﻭ ﺗﻜﻌﺪﻧﻲ ﻋﻤﺘﻲ : ﻟﺠﻴﻦ ﻟﺠﻴﻦ ﺍﻛﻌﺪﻱ
- ﻫﺎ ﻋﻤﻪ ؟
- ﻭﻟﺞ ﻫﺬﺍ ﺻﺪﻳﻘﺞ ﺍﻟﻠﺒﻨﺎﻧﻲ ﻋﺪ ﺑﻴﺖ ﻋﻤﺞ ﻋﻤﺮﺍﻥ
- ﻣﻨﻮ ﻗﺼﺪﺝ ﺟﻴﺎﺩ ؟
- ﻣﺎ ﺍﻋﺮﻑ ﺑﺲ ﺍﻟﻠﻲ ﺍﻋﺮﻓﻪ ﻫﻮ ﻭ ﺍﺑﻮﻩ ﺟﺎﻳﻴﻦ
ﻛﻤﺖ ﻣﻦ ﻣﻜﺎﻧﻲ ﻣﻔﺰﻭﻋﻪ ﺍﺭﻳﺪ ﺍﺑﺪﻝ ﺣﺘﻰ ﺍﺭﻭﺡ ، ﻟﺰﻣﺘﻨﻲ ﻭ ﻫﻲ ﺗﻜﻮﻝ : ﻋﻤﺞ ﻛﺎﻝ ﻻ ﺗﺠﻲ ﺧﻞ ﻧﺸﻮﻑ ﺷﻨﻮ ﺟﻴﺘﻪ
- ﻏﻴﺮ ﺟﺎﻱ ﺩﺍ ﻳﺸﻮﻓﻨﻲ ﺷﻨﻮ ﺷﻨﻮ ﺟﻴﺘﻪ
- ﺍﺫﺍ ﺟﺎﻱ ﻳﺸﻮﻓﺞ ﻭﻛﺘﻬﺎ ﻋﻮﺩ ﻋﻤﺎﻣﺞ ﻫﻢ ﻳﺪﺯﻭﻥ ﻋﻠﻴﺞ ﺗﺮﻭﺣﻴﻦ ﺗﺴﻠﻤﻴﻦ ﻋﻠﻴﻪ
- ﻭ ﻫﺴﻪ ﺍﻧﻲ ﺍﻧﺘﻈﺮ ﻟﻤﺎ ﻫﻢ ﻳﺪﺯﻭﻥ ﻟﻮ ﻻ
... ﻣﺎ ﻗﺒﻠﺖ ﺍﺭﻭﺡ ﺑﻘﻴﺖ ﺍﺭﺍﻭﺡ ﺑﻤﻜﺎﻧﻲ ﺗﻨﻮﺏ ﻣﻐﻴﺮﺓ ﺭﻗﻤﻲ ﻣﻴﻌﺮﻓﻪ، ﻭ ﻣﻴﻨﺪﻝ ﻏﻴﺮ ﺑﻴﺖ ﻋﻤﻲ ﻋﻤﺮﺍﻥ ﺧﻄﻴﺔ ﺍﻛﻴﺪ ﺟﺎﻱ ﺩﺍ ﻳﻌﺘﺬﺭ ﻋﻦ ﺫﺍﻙ ﺍﻟﻴﻮﻡ ﺍﻟﺼﺎﺭ ﺑﻴﻨﺎﺗﻨﺎ ﻭ ﻧﺘﺼﺎﻓﻰ
ﻭﻳﻴﻴﻪ ﺷﻜﺪ ﻣﺸﺘﺎﻗﻪ ﻟﺠﻴﺪﻭ، ﺿﻠﻴﺖ ﺍﻧﺘﻈﺮ ﻟﻤﺎ ﻳﺪﺯﻭﻥ ﻋﻠﻴﻪ ﺑﺲ ﻃﻮﻟﻮ ..
ﻟﻬﻨﺎﻙ ﺍﺟﺎ ﻋﻤﻮ ﻭ ﻣﺘﻀﺎﻳﻖ
ﺷﻨﻮ ﻋﻤﻮ ﺧﻴﺮ ﺷﻜﻮ ؟
- ﺍﻟﻮﻟﺪ ﺟﺎﻳﺐ ﺍﺑﻮﻩ ﺩﺍ ﻳﺨﻄﺒﺞ ﻣﻔﺎﺗﺤﺞ ﻫﻮ ﺑﻤﻮﺿﻮﻉ ﺯﻭﺍﺝ ؟
- ﺍﻱ ﺑﺲ ﻧﻬﻴﻨﺎ ﻫﺎﻟﻤﻮﺿﻮﻉ ﻭ ﺭﻓﻀﺘﻪ ﻭ ﻋﻠﻰ ﻫﺎﻻﺳﺎﺱ ﺍﺟﻴﺖ ﻟﻬﻨﺎ
- ﻻ ﺗﺨﺎﻓﻴﻦ ﻣﺨﻠﺪ ﻫﻢ ﻣﺎ ﻗﺼﺮ ﻭﺍﻟﻠﻪ ﻓﺸﻠﻨﺎ ﺧﻼﻧﺎ ﻧﻠﻮﻑ ﺑﺮﻭﺳﻨﺎ
- ﺷﺴﻮﺍ ﻣﺨﻠﺪ ؟
- ﻛﺎﻝ ﺍﻟﻬﻢ ﺍﻧﻲ ﻭﻟﺠﻴﻦ ﺧﻄﺒﻨﺎ ﻣﻦ ﻛﻢ ﻳﻮﻡ ﻭ ﻫﺎﻟﺤﺠﻲ ﻣﺎ ﺍﻗﺒﻞ ﺑﻴﻪ ﻭ ﻋﻴﺐ ﻋﻠﻴﻜﻢ ﺟﺎﻳﻴﻦ ﺗﺨﻄﺒﻮﻥ ﺯﻭﺟﺘﻲ ﻭ ﺍﺑﻮ ﺍﻟﻮﻟﺪ ﻫﻠﻜﺪ ﺑﻘﻰ ﻳﺘﻌﺬﺭ ﺍﻣﺎ ﺍﻟﻮﻟﺪ ﺑﻘﻰ ﻳﺼﻔﻦ ﻭ ﻣﻨﺼﺪﻡ ﻣﺎ ﺣﺠﻪ ﻭﻻ ﻛﻠﻤﻪ ﺗﻌﺬﺭﻭ ﻭﺭﺍﺣﻮ
- ﻳﺤﺠﻲ ﺻﺪﻙ ﻣﺨﻠﺪ ؟ ﺷﻨﻮ ﻫﺬﺍ ﻣﻨﺎﻭﻱ ﻳﻔﻚ ﻣﻨﻲ ؟
- ﻭﺍﻟﻠﻪ ﻳﺎ ﻋﻤﻮ ﺍﺣﻨﺎ ﻫﻢ ﺍﺑﺘﻠﻴﻨﺎ ﺑﻴﻪ ﻣﺮﺗﻪ ﻋﻠﻰ ﻭﺟﻪ ﻭﻻﺩﻩ ﻭ ﻫﻮ ﻣﺎ ﺟﺎﻱ ﻳﺘﻮﺏ ﻭﻻ ﻳﺠﻮﺯ ﻣﻦ ﻫﺎﻟﺴﺎﻟﻔﺔ ﻣﻘﻔﻞ ﻉ ﺍﻟﻤﻮﺿﻮﻉ ﻭ ﻳﻜﻮﻝ ﻣﻮ ﺑﻜﻴﻒ ﺍﺣﺪ ﻟﺠﻴﻦ ﺍﺧﺬﻫﺎ ﺍﺧﺬﻫﺎ ﺧﻞ ﻳﻜﻮﻥ ﺑﻌﻠﻢ ﺍﻟﻜﻞ
ﻳﺎﺑﻪ ﺷﻜﺪ ﺗﻀﺎﻳﻘﺖ ﻣﻦ ﺗﺼﺮﻑ ﻣﺨﻠﺪ ﻟﻮ ﻳﻤﻲ ﺟﺎﻥ ﻛﻄﻌﺘﻪ ، ﺍﺗﺼﻠﺖ ﻋﻠﻴﻪ ﺗﻌﺎﺭﻛﺖ ﻭﻳﺎﻩ ﺗﺎﻟﻲ ﺿﻞ ﻳﺼﻴﺢ ﻭ ﻓﻮﻛﺎﻫﺎ ﻫﻮ ﺍﺑﻮ ﺍﻟﺮﺍﻫﻲ ﻭ ﻗﻔﻞ ﺍﻟﺨﻂ ﺑﻮﺟﻬﻲ
ﺭﺍﺳﻠﺖ ﺟﻴﺎﺩ ﻉ ﺍﻟﻔﻴﺴﺒﻮﻙ ﻭ ﺍﻋﺘﺬﺭﺕ ﻣﻨﻪ ﻫﻮﺍﻳﻪ ﻭ ﺑﻴﻨﺖ ﻟﻪ ﺍﻥ ﻛﻞ ﺍﻟﻠﻲ ﺍﻧﺬﻛﺮ ﻣﺎ ﺍﻟﻪ ﺻﺤﻪ ﻣﺨﻠﺪ ﺍﺧﺘﻠﻖ ﻫﺎﻟﻤﻮﺿﻮﻉ ﻣﻦ ﻳﻤﻪ ﺣﺘﻰ ﻳﻤﻨﻊ ﺍﻟﺰﻭﺍﺝ ، ﺍﺣﻨﺎ ﻣﻮ ﺑﺤﺎﺟﺔ ﺯﻭﺍﺝ ﺍﻟﺼﺪﺍﻗﺔ ﺍﻟﻠﻲ ﺑﻴﻨﺎﺗﻨﺎ ﺍﺟﻤﻞ ﻣﻦ ﻛﻞ ﻋﻼﻗﺔ ﻭ ﺗﺒﻘﻰ ﺍﻧﺖ ﺑﻌﻴﻨﻲ ﺫﺍﻙ ﺍﻟﻔﺎﺭﺱ ﺍﻟﻠﻲ ﻧﻘﺬﻧﻲ ﻣﻦ ﺗﺤﺖ ﺍﻟﺠﺤﻴﻢ
ﺭﺳﻠﺘﻬﺎ ﺍﻟﻪ ﺑﺲ ﻣﺎ ﻛﺎﻧﺖ ﺍﻭﻥ ﻻﻳﻦ ..
ﺻﺎﺩﻑ ﺑﻌﺪﻫﺎ ﺑﻴﻮﻡ ﺍﺗﺼﻞ ﺑﻴﻪ ﺍﻳﻮﺏ ﺩﺍ ﻳﺨﺒﺮﻧﻲ ﺍﻥ ﻓﻲ ﺷﻐﻞ ﺑﺄﺭﺑﻴﻞ ﻣﻤﺘﺎﺯ ﺗﻜﺪﺭﻳﻦ ﺗﺘﻮﺟﻬﻴﻦ ﻫﻨﺎﻙ ﻭ ﺗﺴﺘﻠﻤﻴﻦ ﺍﻟﺸﻐﻞ ﻭ ﺍﻟﺮﺟﺎﻝ ﺻﺪﻳﻘﻲ ﻭ ﺍﻧﻲ ﻭﺻﻴﺘﻪ ﻋﻠﻴﺞ ﻫﻮﺍﻳﻪ
ﺍﺟﺖ ﻣﻦ ﺍﻟﻠﻪ ﺩﺍ ﺍﺧﻠﺺ ﻣﻦ ﻣﺨﻠﺪ ﻭ ﻗﻴﻮﺩﻩ ﻟﻤﻴﺖ ﻣﻼﺑﺴﻲ ﻭ ﺣﻈﺮﺕ ﺍﻣﻮﺭﻱ ﻭ ﻧﺎﻗﺸﺖ ﻋﻤﻲ ﻭ ﻗﻨﻌﺘﻪ ﻭ ﺛﺎﻧﻲ ﻳﻮﻡ ﻃﻠﻌﺖ ﻻﺭﺑﻴﻞ
ﺗﻮﺟﻬﺖ ﻟﻠﺮﺟﺎﻝ ﺍﻟﻠﻲ ﺩﻻﻧﻲ ﺑﻴﻪ ﺍﻳﻮﺏ ، ﺍﻟﺮﺟﻞ ﺍﺳﺘﻘﺒﻠﻨﻲ ﺑﻄﺮﻳﻘﺔ ﺟﺪﺍ ﺭﺍﻗﻴﺔ ﻭ ﻛﺎﻝ : ﺳﻤﻌﻨﺎ ﺑﻴﺞ ﻫﻮﺍﻳﻪ ﻭ ﺍﻃﻠﻌﻨﺎ ﻉ ﺍﻝ CV ﺍﻟﺨﺎﺹ ﺑﻴﺞ ﺑﻨﺖ ﻣﺤﺘﺮﻣﺔ ﻭ ﻧﺘﺸﺮﻑ ﺑﺎﻟﺸﻐﻞ ﻭﻳﺎﺝ
ﺍﻟﺸﻐﻞ ﻫﻮ ﻣﺪﻳﺮﺓ ﻋﻼﻗﺎﺕ ﻋﺎﻣﺔ ﺑﺸﺮﻛﺘﻬﻢ ﻭ ﺑﺮﺍﺗﺐ ﺷﻬﺮﻱ 5000 ﺩﻭﻻﺭ .. ﻣﻊ ﺳﻜﻦ ﻣﺠﺎﻧﺎ ﻋﻠﻰ ﺣﺴﺎﺏ ﺍﻟﺸﺮﻛﺔ ﺑﺸﻘﺔ ﺭﺍﻗﻴﺔ
ﺍﺧﺬﺕ ﻧﺒﺬﻩ ﻋﻦ ﺍﻟﺸﻐﻞ ﻭ ﺍﻃﻠﻌﺖ ﻉ ﺍﻻﻣﻮﺭ ﻭﻛﻠﺶ ﻓﺮﺣﺖ ﺑﺎﻟﺸﻐﻞ، ﻳﻌﻨﻲ ﺍﺟﺎ ﺍﻟﻮﻗﺖ ﻳﻠﻲ ﻻﺯﻡ ﺍﺑﻠﺶ ﺑﻴﻪ ﺑﺤﺜﻲ ﻋﻦ ﺍﻫﻢ ﻧﻘﻄﺔ ﺑﺤﻴﺎﺗﻲ ﻭ ﻫﻲ ﺑﻨﺘﻲ ﻭ ﺻﺎﺭ ﻻﺯﻡ ﺍﺳﺤﺒﻬﺎ ﺍﻟﻴﻪ
.. ﻣﺨﻠﺪ ﻳﺮﺍﺳﻞ ﻭ ﻣﺎ ﺍﺭﺩ ﻋﻠﻴﻪ ، ﺑﻌﺪ ﺍﻟﻤﻮﻗﻒ ﺍﻟﺴﻮﺍﻩ ﻭﻳﺎ ﺟﻴﺎﺩ ﻛﻠﺶ ﻃﻠﻊ ﻣﻦ ﻋﻴﻨﻲ، ﻛﺎﻥ ﺍﻟﻤﻔﺮﻭﺽ ﻳﺤﻄﻠﻲ ﺍﻋﺘﺒﺎﺭ ﻛﺪﺍﻡ ﺟﻴﺎﺩ ﻭ ﺍﺑﻮﻩ ﻣﻮ ﻳﻬﻴﻨﻲ ﺑﻬﺎﻟﺸﻜﻞ ﻭ ﻳﺤﺴﺴﻬﻢ ﺍﻧﻲ ﺍﺷﻤﺮ ﺭﻭﺣﻲ ﻣﻦ ﺭﺟﺎﻝ ﻟﺮﺟﺎﻝ ﻟﺜﺎﻧﻲ ﻭ ﺍﺗﺨﻄﺐ ﻟﻬﺬﺍ ﻭ ﺫﺍﻙ
ﻭ ﺣﺮﺍﻡ ﻟﻮ ﺭﺍﻳﺪﺗﻠﻲ ﻭﺍﺣﺪ ﺑﻴﻬﻢ
ﺑﻌﺪ ﻣﺮﻭﺭ ٤ ﺍﺷﻬﺮ ﺑﺎﻟﺸﻐﻞ ﺑﺄﺭﺑﻴﻞ ﻭ ﺍﻟﻮﺿﻊ ﺍﻟﻤﺎﺩﻱ ﻭ ﺍﻻﺟﺘﻤﺎﻋﻲ ﻭ ﺍﻟﻨﻔﺴﻲ ﺗﺤﺴﻦ ﺍﻟﻰ ﺩﺭﺟﺔ ﻛﺒﻴﺮ ..
ﺑﺤﺜﺖ ﻋﻦ ﻣﺎﻟﻚ ﻭ ﻟﻜﻴﺘﻪ ﺳﺎﻛﻦ ﺑﺎﻷﺭﺩﻥ ﻫﻮ ﻭ ﺍﻟﻠﺒﻨﺎﻧﻴﺔ ﺍﻟﻤﺘﺰﻭﺟﻬﺎ ﻭ ﺑﻴﻼ .. ﺭﻓﻌﺖ ﺩﻋﻮﺓ ﻋﻠﻴﻪ ﺑﺴﺤﺐ ﺑﻨﺘﻲ ﻭ ﻗﺪﻣﺖ ﻛﻞ ﺍﻻﻭﺭﺍﻕ ﻭ ﺍﻟﺜﺒﻮﺗﺎﺕ ﺍﻟﻠﻲ ﺗﺎﻛﺪ ﺷﻔﺎﺋﻲ ﻣﻦ ﺍﻻﺩﻣﺎﻥ ﻭ ﺍﻥ ﺍﻟﻠﻲ ﺗﻌﺮﺿﺘﻠﻪ ﻛﻨﺖ ﺿﺤﻴﺔ ﻓﻴﻪ ﻭ ﻓﻲ ﺷﻬﻮﺩ ﻋﻠﻰ ﻫﺎﻟﻤﻮﺿﻮﻉ ﻭ ﻗﺪﻣﺖ ﺣﺎﻟﺘﻲ ﺍﻻﺟﺘﻤﺎﻋﻴﺔ ﺍﻟﻠﻲ ﺗﺄﻫﻠﻨﻲ ﻟﺴﺤﺐ ﺑﻨﺘﻲ
ﺑﻌﺪ ﺍﻟﺪﻋﻮﺓ ﺑﻴﻮﻣﻴﻦ
ﺟﻨﺖ ﻛﺎﻋﺪﻩ ﺑﺸﻘﺘﻲ، ﺍﻧﺪﻛﺖ ﺟﺮﺱ ﺍﻟﺒﺎﺏ
ﻛﻤﺖ ﻣﻦ ﻣﻜﺎﻧﻲ ، ﻓﺘﺤﺖ ﺍﻟﺒﺎﺏ ﻭ ﺍﻧﺼﺪﻡ ﺑﻤﺎﻟﻚ ﻛﺒﺎﻟﻲ
ﻉ ﺍﻟﺴﺮﻳﻊ ﻓﺎﺕ ﺩﻓﺮ ﺍﻟﺒﺎﺏ ﺑﺮﺟﻠﻪ ﻭ ﺳﺤﺒﻨﻲ ﻭ ﺣﻂ ﺍﻟﺤﺒﻞ ﻋﻠﻰ ﺭﮔﺒﺘﻲ ، ﻭ ﻫﻤﺲ ﻭ ﻫﻮ ﺻﺎﻙ ﻋﻠﻰ ﺍﺳﻨﺎﻧﻪ : ﻧﺎﻭﻳﻪ ﺗﺨﻠﻴﻦ ﺍﺭﺳﺞ ﺑﺮﺍﺳﻲ ﺳﺖ ﻟﺠﻴﻦ ؟ ....... ﻳﺘﺒﻊ
☆☆☆☆☆☆☆
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء