رواية خطوات نحو الجحيم ج3 الجزء الخامس
للكاتبة زينب ماجد
.....
ﺍﻟﻌﺮﺍﻕ _ ﺃﺭﺑﻴﻞ
ﺍﻟﺜﺎﻣﻨﺔ ﻣﺴﺎﺀﺍ
ﺭﻥ ﺟﺮﺱ ﺍﻟﺒﺎﺏ
ﻛﻤﺖ ﻣﻦ ﻣﻜﺎﻧﻲ ، ﻓﺘﺤﺖ ﺍﻟﺒﺎﺏ ﻭ ﺍﻧﺼﺪﻡ ﺑﻤﺎﻟﻚ ﻛﺒﺎﻟﻲ
ﻉ ﺍﻟﺴﺮﻳﻊ ﻓﺎﺕ ﺩﻓﺮ ﺍﻟﺒﺎﺏ ﻭﺳﺪﻩ ﺑﺮﺟﻠﻪ ﻭ ﺳﺤﺒﻨﻲ ﻭ ﺣﻂ ﺍﻟﺤﺒﻞ ﻋﻠﻰ ﺭﮔﺒﺘﻲ ، ﻭ ﻫﻤﺲ ﻭ ﻫﻮ ﺻﺎﻙ ﻋﻠﻰ ﺍﺳﻨﺎﻧﻪ : ﻧﺎﻭﻳﻪ ﺗﺨﻠﻴﻦ ﺍﺭﺳﺞ ﺑﺮﺍﺳﻲ ﺳﺖ ﻟﺠﻴﻦ ؟
- ﺍﺑﺘﻌﺪ ﻋﻨﻲ ﻳﺎ ﺣﻘﻴﻴﻴﻴﺮ
ﺑﻘﻴﺖ ﺍﺟﺮ ﺑﺎﻟﺤﺒﻞ ﺍﻟﻠﻲ ﺧﺎﻟﻪ ﻋﻠﻰ ﺭﮔﺒﺘﻲ ، ﺿﻴﻖ ﻋﻠﻴﻪ ﺑﺰﻳﺎﺩﻩ ، ﺍﺧﺘﻨﻜﺖ ﻛﻠﺶ ﺿﻠﻴﺖ ﺍﺭﻓﺲ، ﻋﻴﻮﻧﻲ ﺗﺮﻳﺪ ﺗﻄﻠﻊ ﻋﻠﻰ ﻛﺪ ﻣﺎ ﺯﻫﻖ ﺭﻭﺣﻲ
ﻓﺠﺄﺓ ﺑﻌﺪ ﺍﻟﺤﺒﻞ ﻣﻦ ﺭﮔﺒﺘﻲ ﻭ ﺩﻓﻌﻨﻲ ﻟﻠﮕﺎﻉ ..
ﻭﻛﻌﺖ ﺍﺗﻨﻔﺲ ﺣﻴﻞ ﻭ ﺍﮔﺢ ﺑﻘﻮﺓ
- ﻣﺎ ﺍﺧﻠﻲ ﺑﻨﺘﻲ ﻋﻨﺪﻙ ﺣﻴﻮﺍﻥ
ﺍﺣﺠﻲ ﻭ ﻛﻮﺓ ﺗﻄﻠﻊ ﺍﻟﻜﻠﻤﺔ ﻣﻦ ﺣﻠﻜﻲ ﻋﻠﻰ ﻛﺪ ﻣﺎ ﺍﮔﺢ
ﺗﻘﺮﺏ ﻣﻦ ﻳﻤﻲ ﻭﻛﻤﺒﺺ ﻭﺭﻓﻊ ﻭﺟﻬﻲ ﺑﺄﺻﺒﻌﺔ : ﺍﻧﻄﻴﺘﺞ ﻓﺮﺻﺔ ﺳﺎﺑﻘﺎ ﻧﺮﺟﻊ ﻭ ﺍﻧﺖ ﺍﻟﻠﻲ ﺭﻓﻀﺘﻲ ﺑﻨﺘﺞ ﻻ ﺗﺤﻠﻤﻴﻦ ﺗﺸﻮﻓﻴﻬﺎ ﺑﻌﻤﺮﺝ ، ﺗﻨﺴﻴﻦ ﻋﻨﺪﺝ ﺑﻨﺖ ﺍﺳﻤﻬﺎ ﺑﻴﻠﺴﺎﻥ
ﺩﻓﻌﺘﻪ ﻣﻦ ﻋﻨﺪﻱ ﺣﻴﻞ ﻭﻛﻌﺘﻪ ﺑﺎﻟﻜﺎﻉ، ﻭﻛﻤﺖ : ﻣﻮ ﺍﻧﺖ ﺍﻟﻠﻲ ﺗﺤﺮﻣﻨﻲ ﻣﻦ ﺑﻨﺘﻲ ﺣﻴﻮﺍﻥ ﺍﺧﺬﻫﺎ ﻭ ﻏﺼﺐ ﻋﻨﻚ ﻭ ﻣﻦ ﻋﻴﻮﻧﻚ ﻫﻢ
ﻫﻮ ﻋﻠﻰ ﻛﻌﺪﺗﻪ ﻣﺎ ﻛﺎﻡ ﻣﺜﻨﻲ ﺭﺟﻞ ﻭ ﺣﺎﻁ ﺍﻳﺪﻩ ﻋﻠﻴﻬﺎ ﻭﻳﺒﺎﻭﻋﻠﻲ ﺑﺄﺳﺘﻬﺰﺍﺀ : ﺷﻠﻮﻥ ﻳﻌﻨﻲ ﻏﺼﺐ ﺳﺖ ﻟﺠﻴﻦ
- ﺑﺎﻟﻘﺎﻧﻮﻥ ﻭ ﺑﺎﻭﺭﺍﻕ ﻭ ﺛﺒﻮﺗﺎﺕ ﺍﺧﺬﻫﺎ ﻣﻦ ﻋﻴﻮﻧﻚ
- ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﺎﺍﺍﻱ ﻻ ﻗﻮﻳﺔ ﻫﺎﻱ، ﻣﺎﻟﻚ ﻳﻤﺸﻲ ﻋﻠﻴﻪ ﻗﺎﻧﻮﻥ !
ﺭﻓﻊ ﺭﺍﺳﻪ ﻳﺒﺎﻭﻋﻠﻲ : ﻣﻦ ﺷﻮﻛﺖ ؟
- ﺍﺳﺘﻬﺰﺉ ﺷﻜﺪ ﻣﺎ ﺗﻜﺪﺭ ﻭﻫﺪﺩ ﻭ ﺷﺘﺮﻳﺪ ﺗﺴﻮﻱ ﻣﺮﺍﺡ ﺗﺨﻮﻓﻨﻲ ﻭﺭﺍﺡ ﺍﺧﺬ ﺑﻨﺘﻲ ﻣﻦ ﻋﻨﺪﻙ ﺧﻠﻴﻬﺎ ﺍﺑﺎﻟﻚ
ﻛﺎﻡ ﻣﻦ ﻣﻜﺎﻧﻪ : ﻳﻜﻮﻟﻮﻥ ﻏﺒﻲ ﺍﻟﻴﻌﺜﺮ ﺑﻨﻔﺲ ﺍﻟﺤﺠﺮ ﻭ ﻫﻢ ﻳﻜﻮﻟﻮﻥ ﻛﻞ ﺣﻠﻮ ﺑﻴﻪ ﻟﻮﻟﻪ ﻭ ﺍﻧﺖ ﻳﺎ ﻣﺮﺗﻲ ﻭ ﺣﺒﻴﺒﺘﻲ ﺍﻟﺴﺎﺑﻘﺔ ﻛﻠﺶ ﺣﻠﻮﺓ ﺑﺲ ﻟﻮﻟﺘﺞ ﻛﻠﺶ ﻏﺒﻴﺔ ﻭ ﺑﻜﻞ ﻣﺮﺓ ﺗﻐﻠﻄﻴﻦ ﻧﻔﺲ ﺍﻟﻐﻠﻄﺔ ﻭ ﺗﻜﺮﺭﻳﻬﺎ ﻭ ﻣﻔﺘﺨﺮﺓ ﺑﺮﻭﺣﺞ
.... ﻣﺸﻰ ﺑﺎﻟﺸﻘﺔ ﺭﺍﺡ ﻟﻠﺼﺎﻟﺔ
- ﻻ ﺗﻨﻜﺲ ﺑﻴﺘﻲ ﺍﻃﻠﻊ ﺑﺮﺍ
ﻣﺎ ﺍﻫﺘﻢ ﺑﻘﻰ ﻳﻤﺸﻲ ﻭ ﻛﻌﺪ ﻉ ﺍﻟﺘﺨﻢ ﻭ ﺷﺨﺺ ﺍﻳﺪﻩ ﻭ ﻫﻮ ﻣﺒﺘﺴﻢ : ﺍﻱ ﺷﺘﻀﻴﻔﻴﻨﻲ ؟ ﺍﺍﺍﺍﺍﺍ ﻣﺎ ﺍﮐﻠﻔﺞ ﺑﺲ ﺳﺘﻜﺎﻥ ﺟﺎﻱ ﻭﻟﻮ ﺍﻣﻮﺭﺝ ﻫﺎﻷﻳﺎﻡ ﺗﻮﺏ ﺑﺲ ﻣﺎ ﺍﺭﻳﺪ . ﺍﺻﻴﺮ ﺿﻴﻒ ﺛﻘﻴﻞ
- ﻋﻨﺪﻱ ﺳﻢ ﻭ ﺯﻫﺮ ﺑﮕﻠﺒﻚ ﻳﺎ ﻣﺨﻨﺚ ﻛﻮﻡ ﺍﻃﻠﻊ ﻣﻨﺎ
- ﺳﺒﻖ ﻭ ﻃﺮﺩﺗﻴﻨﻲ ﻭ ﺍﺗﻨﺪﻣﺘﻲ ﻭ ﻛﻠﺘﻠﺞ ﺍﺗﺬﻛﺮﻱ ﻫﺎﻟﻌﻴﻮﻥ ﺷﻨﻮ ﺭﺍﺡ ﺗﺴﻮﻱ ﺑﻴﺞ ﺗﺎﻟﻲ ﺗﺮﻛﺘﺞ ﺗﺮﻛﻌﻴﻦ ﻳﻢ ﻗﻨﺪﺭﺗﻲ ﺗﺘﻮﺳﻠﻴﻦ ، ﻭ ﺍﻻ ﻧﺴﻴﺘﻲ ﺳﺖ ﻟﺠﻴﻦ ؟
- ﻣﺎﻟﻚ ﺷﺮﺍﻳﺪ ﻣﻨﻲ ؟ ﻣﻜﺎﻓﻲ ﺍﻟﻠﻲ ﺍﺧﺬﺗﻪ ﻣﻨﻲ ﻭ ﺍﺫﻳﺘﻨﻲ ﺑﻴﻪ، ﺧﻠﻴﻨﻲ ﺍﺧﺬ ﺑﻨﺘﻲ ﻭ ﺍﻋﻴﺸﻬﺎ ﺑﻌﺎﻟﻢ ﺑﻌﻴﺪ ﻋﻦ ﺍﺟﺮﺍﻣﻚ
- ﺗﻨﺴﻴﻦ ﻋﻨﺪﺝ ﺑﻨﺖ ﻳﻤﻲ ، ﻭﻗﺘﻬﺎ ﺍﻓﻜﺮ ﺍﺑﺘﻌﺪ ﻋﻨﺞ ﻭ ﻣﺎ ﺍﺫﻳﺞ
- ﺗﻔﻜﺮ !! ﺷﺘﻘﺼﺪ ﻳﻌﻨﻲ
- ﻓﻜﺮﺝ ﺍﻧﻲ ﻏﺎﻓﻞ ﻋﻨﺞ ؟
ﺍﻋﺮﻑ ﺑﺴﻜﻨﺞ ﻭﻳﺎ ﺍﻟﻠﺒﻨﺎﻧﻲ ﺍﺑﻴﺖ ﻣﻨﻔﺮﺩ ﻟﻮﺣﺪﻛﻢ
ﻭ ﺍﻋﺮﻑ ﺑﺤﺎﺩﺙ ﺍﻟﺴﻴﺎﺭﺓ ﻭ ﻣﻮﻗﻒ ﺍﻫﻠﻪ ﻣﻨﺞ
ﻭ ﺍﻋﺮﻑ ﺑﺮﺟﻌﺘﺞ ﻟﻌﻤﺎﻣﺞ ﻭ ﺣﺘﻰ ﺷﻐﻠﺞ ﻫﻨﺎ
......
ﺑﺲ ﻣﺨﻠﻴﺞ ﻋﻠﻰ ﺭﺍﺣﺘﺞ ﺑﻤﺰﺍﺟﻲ
- ﺷﻮﻑ ﻟﻚ ﻻ ﺗﻜﻌﺪ ﺗﺘﻤﺮﺟﻞ ﺑﺮﺍﺳﻲ ﺍﻟﻠﻲ ﺗﺮﻳﺪ ﺗﺴﻮﻱ ﺳﻮﻱ ﻭﻻ ﻋﺒﺎﻟﻚ ﺗﻬﺪﺩﻧﻲ ﻭﺍﻟﻠﻪ ﻟﻮ ﺍﻣﻮﺕ ﻫﻢ ﺍﺧﺬ ﺑﻨﺘﻲ ﻣﻨﻚ
- ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﻫﺰ ﺭﺍﺳﺔ : ﻏﺒﻴﻪ ﻣﻮ ﺑﻴﺪﺝ، ﺍﺫﺍ ﺗﻘﺮﺑﺘﻲ ﻣﻨﻲ ﺭﺍﺡ ﺗﻤﻮﺗﻴﻦ ﻭ ﻣﻦ ﺗﻤﻮﺗﻴﻦ ﺑﻨﺘﻲ ﺗﺮﺟﻊ ﺍﻟﻲ ﻭ ﺍﻧﺖ ﻣﻦ ﻫﺎﻟﺪﻧﻴﺎ ﺑﻴﺒﺎﻱ
ﺍﺧﺬﺕ ﻧﻔﺲ : ﻳﺎﺭﺑﻲ ﺻﺒﺮﻧﻲ
ﺑﺎﻭﻋﺘﻠﻪ : ﺷﺘﺮﻳﺪ ﻣﻨﻲ ﺍﻧﺖ ؟
- ﻭ ﺷﻌﻨﺪﺝ ﺑﻌﺪ ﺣﺘﻰ ﺗﻨﻄﻴﻨﻴﺎﻩ ؟
ﺑﺴﺴﺴﺴﺲ !!! ﺧﻞ ﻧﺘﻔﻖ
ﺷﺮﺍﻳﺞ ؟
ﮔﺎﻡ ﻳﻤﻲ ﻭ ﺍﻓﺘﺮ ﻣﻦ ﻭﺭﺍﻳﺎ : ﻣﻘﺎﺑﻞ ﻛﻞ ﻟﻴﻠﺔ ﺗﺨﻠﻴﻨﻲ ﺍﺭﺗﺎﺡ ﻋﻠﻰ ﻫﺎﻟﺮﻛﺒﺔ ﺍﻟﺤﻠﻮﺓ ﻭ ﺍﺗﻤﺎﻳﻞ ﻋﻠﻰ ﻫﺎﻟﺨﺼﺮ ﺍﺧﻠﻴﺞ ﺗﺸﻮﻓﻴﻦ ﺑﻨﺘﺞ
ﺷﺮﺍﻳﺞ ؟
ﺩﺭﺕ ﻭ ﺿﺮﺑﺘﻪ ﺭﺍﺷﺪﻱ ﺣﻴﻞ ﻭ ﺩﻓﻌﺘﻪ : ﺑﺮﺍ ﻣﻨﺎ ﻳﻼ ، ﻧﺬﻝ ﺧﺴﻴﺲ ﻟﻮ ﺍﺧﺮ ﻳﻮﻡ ﺑﻌﻤﺮﻙ ﺗﺤﻠﻢ ﺍﺭﺟﻌﻠﻚ ﺍﻃﻠﻊ ﺑﺮﺍﺍﺍﺍﺍﺍﺍﺍ
ﺩﻓﻌﺘﻪ ﺑﺮﺍ ﺍﻟﺼﺎﻟﺔ ﻭﮔﻒ ﻳﻤﺴﺢ ﻋﻠﻰ ﺧﺪﻩ ﻭ ﻳﻀﺤﻚ، ﺗﻘﺮﺑﺖ ﻣﻨﻪ -: ﺩﺍ ﺍﻛﻮﻟﻚ ﺍﻃﻠﻊ
ﺩﺍ ﺍﺩﻓﻌﻪ ﻟﺰﻣﻨﻲ ﻣﻦ ﺭﮔﺒﺘﻲ ﻭ ﺭﺟﻌﻨﻲ ﻟﻠﺤﺎﻳﻂ : ﺍﺳﻤﻊ ﻟﺞ ﻭ ﺧﻠﻲ ﺍﻟﻠﻲ ﺭﺍﺡ ﺍﮔﻮﻟﻪ ﺗﺮﺟﻴﺔ ﺑﺄﺫﻧﺞ ﻟﻮ ﺣﺎﻭﻟﺘﻲ ﺗﺘﻘﺮﺑﻴﻦ ﻣﻨﻲ ﺍﻭ ﻣﻦ ﺑﻨﺘﻲ ﻭ ﺗﻌﻠﺒﻴﻦ ﻋﻠﻴﻪ ﺭﺍﺡ ﺗﺸﻮﻓﻴﻦ ﺷﻲ ﺑﻌﻤﺮﺝ ﻣﺎ ﺷﺎﻳﻔﺘﻪ، ﻭ ﺍﺫﺍ ﺑﺄﻋﺘﻘﺎﺩﺝ ﺗﺎﺧﺬﻳﻦ ﺑﻨﺘﻲ ﺑﺎﻟﻘﺎﻧﻮﻥ ﻟﻮ ﺑﺄﻱ ﻭﺳﻴﻠﻪ ﻓﺎﻧﺖ ﻭﻫﻤﺎﻧﻪ
ﺩﻓﻌﻨﻲ ﻭ ﺗﻮﺟﻪ ﻟﻠﺒﺎﺏ ﻓﺘﺤﻪ ﻭ ﻃﻠﻊ ... ﻭ ﺿﺮﺑﻪ ﻭ ﺭﺍﻩ
ﻛﻌﺪﺕ ﺑﻤﻜﺎﻧﻲ ﻛﺮﻓﺼﺖ ﻧﻔﺴﻲ ﻭ ﺿﻠﻴﺖ ﺍﺑﺠﻲ
ﺑﺠﻲ ﻻ ﺣﻮﻝ ﻭﻻ ﻗﻮﺓ
.. ﺭﺣﺖ ﻟﻠﻐﺮﻓﺔ ﺧﺎﺑﺮﺕ ﻣﺎﻣﺎ
ﺭﻥ ﺭﻥ ... ﺭﺩﺕ
- ﻫﺎ ﻣﺎﻣﺎﺗﻲ ﻟﻠﻮ
ﺑﺠﻴﺖ ﺑﻘﻮﺓ ﻭ ﺍﻧﻲ ﺍﻛﻮﻝ ﺍﻟﻬﺎ : ﻣﺎﻣﺎ
- ﺧﻴﺮ ﻳﻤﺎﻣﺎ ﺷﺒﻴﺞ ، ﻟﺠﻴﻦ
ﺑﺲ ﺍﺑﺠﻲ
- ﻟﺞ ﻋﻴﻨﻲ ﻣﺎﻣﺎ ﺣﺮﻛﺘﻲ ﻟﮕﻠﺒﻲ ﺷﻨﻮ ﺑﻴﺞ ﻳﺮﻭﺡ ﺍﻣﺞ ﺍﻧﺖ
- ﻗﺒﻞ ﺷﻮﻱ ﺍﺟﺎ ﻣﺎﻟﻚ
:- ﺀﺀﺀﺀﺀﺀﺀﺀ ﻋﺰﺍ ﺑﻌﻴﻨﻲ ﻟﺞ ﺩﺍﺩﺍ ﻟﻴﻜﻮﻥ ﺳﻮﺍﻟﺞ ﺷﻲ
- ﻣﺎﻣﺎ ﺍﺟﺎ ﺩﻳﻬﺪﻧﻨﻲ
- ﻫﺎﻱ ﻷﻥ ﺭﻓﻌﺘﻲ ﻋﻠﻴﻪ ﺩﻋﻮﺓ ﻣﻮ ؟
- ﺍﻱ
- ﺑﺲ ﺍﻫﺪﻱ ﻳﻤﺎﻣﺎ ﻭ ﮔﻮﻟﻴﻠﻲ ﺷﺤﺠﻪ ﻭﻳﺎﺝ ﺷﺴﻮﺍﻟﺞ ﺩﺍ ﺍﻓﺘﻬﻢ
... ﺳﻮﻟﻔﺘﻠﻬﺎ ﻛﻞ ﺷﻲﺀ ﻣﻦ ﻓﺘﺤﺘﻠﻪ ﺍﻟﺒﺎﺏ ﻟﺤﺪ ﻣﺎ ﻃﻠﻊ
- ﺍﺳﻤﻌﻲ ﻣﺎﻣﺎ ، ﺍﻧﻲ ﻭﺍﺑﻮﺝ ﺍﻟﻠﻪ ﻳﺮﺣﻤﺔ ﺑﻌﻤﺮﻧﺎ ﻣﺎ ﻗﺒﻠﻨﺎ ﺑﻤﺎﻟﻚ ﺯﻭﺝ ﺍﻟﺞ .. ﻭﻻ ﺭﺿﻴﻨﺎ ﻋﻠﻴﻪ ﺑﻴﻮﻡ ..
ﻣﺨﻠﺪ ﻫﺬﺍ ﺍﻟﻠﻲ ﺑﻌﻤﺮﻱ ﻣﺎ ﺍﻗﺒﻠﺞ ﺑﻲ ، ﺟﺎﻥ ﺍﻫﻮﻥ ﻋﻠﻴﻪ ﻣﻦ ﻣﺎﻟﻚ ، ﺑﻮﻗﺖ ﻣﺎ ﺟﻨﻪ ﻧﻌﺮﻑ ﻋﻨﻪ ﺷﻲﺀ ﻏﻴﺮ ﺍﻥ ﻫﻮ ﻗﺎﺗﻞ ﻭ ﻫﺬﺍ ﺍﻟﻜﻼﻡ ﻛﺎﻟﻠﻨﻴﺎﻩ ﻣﺨﻠﺪ ﺍﻟﻠﻲ ﻻ ﻧﻌﺮﻑ ﺻﺪﻙ ﻟﻮ ﻛﺬﺏ ﺑﺲ ﻛﻠﺒﻲ ﺣﺎﺱ ﺟﺎﻥ .. ﺍﻥ ﻫﺬﺍ ﺍﻟﺮﺟﻞ ﻣﻮ ﺯﻳﻦ
ﻭ ﺣﺬﺭﻧﺎﺝ ﻭ ﺑﺲ ﺟﻨﺘﻲ ﻏﺮﻛﺎﻧﻪ ﺑﻌﻮﺍﻃﻔﺞ ﻭ ﻋﺎﻃﻔﺘﺞ ﺳﺒﻘﺖ ﻋﻘﻠﺞ ...
ﻣﺴﺄﻟﺘﻲ ﻧﻔﺴﺞ ﻟﻴﺶ ﺗﺮﻛﻨﺎﺝ ﺗﺘﺰﻭﺟﻲ ﺑﺮﻏﻢ ﺍﺣﻨﺎ ﻣﻤﻮﺍﻓﻘﻴﻦ ﻋﻠﻴﻪ ؟
ﻟﻤﺎ ﺷﻔﻨﺎﺝ ﺍﺧﺘﺎﺭﻳﺘﻲ ﺍﻟﻤﻮﺕ ﻭ ﺣﺎﻭﻟﺘﻲ ﺍﻷﻧﺘﺤﺎﺭ ﺑﺲ ﻟﺤﺘﻰ ﺗﺎﺧﺬﻱ، ﻭﻗﺘﻬﺎ ﻗﺮﺭﻧﺎ ﻧﺨﻠﻴﺞ ﺑﺎﻟﻠﻲ ﺗﺸﻮﻓﻲ
......
ﻣﺎﻣﺎﺗﻲ ﻟﺠﻴﻦ ﺍﻧﺞ ﺗﻀﺤﻴﻦ ﺍﻓﻀﻞ ﻣﻦ ﺍﻧﺞ ﺗﺨﺴﺮﻳﻦ
... ﻛﻞ ﺍﻟﺰﻳﻦ ﻣﺎﻟﻚ ﻛﺪ ﺗﻬﺪﻳﺪﻩ .. ﻭ ﻟﻮ ﻟﻌﺒﺘﻲ ﻭﻳﺎﻩ ﺭﺍﺡ ﻳﻘﺘﻠﺞ ﻭ ﻳﺴﺘﺮﺟﻊ ﺑﻨﺘﻪ ﻭﻛﺘﻬﺎ ﺍﻧﺖ ﺧﺴﺮﺗﻲ ﻛﻞ ﺷﻲ ﻣﻦ ﺻﺪﻙ
ﻓﻀﺤﻲ ﺍﻓﻀﻞ ﻣﻤﺎ ﺗﺨﺴﺮﻳﻦ ، ﻭ ﺛﻘﻲ ﻟﻮ ﺍﻟﻠﻪ ﻛﺎﺗﺐ ﻟﺞ ﺍﻥ ﻓﻲ ﻳﻮﻡ ﻳﺮﺟﻌﻠﺞ ﺑﻨﺘﺞ ﺭﺍﺡ ﻳﺮﺟﻌﻠﺠﻴﺎﻩ ﻟﻮ ﻣﻮ ﻣﺎﻟﻚ .. ﻟﻮ ﺍﻟﺪﻧﻴﺎ ﺑﻜﺒﺮﻫﺎ ﺗﻮﻛﻒ ﺑﻮﺟﻬﺞ
ﺍﻟﻠﻲ ﺩﻳﺼﻴﺮ ﻭﻳﺎﺝ ﻳﺎ ﻣﺎﻣﺎ ﻳﺎ ﺃﻣﺎ ﻫﻮ ﻋﻘﺎﺏ ﺍﻭ ﺍﺧﺘﺒﺎﺭ ﻭ ﺑﺎﻷﺛﻨﻴﻦ ﺧﻠﻴﺞ ﺻﺒﻮﺭﺓ ﻭ ﻗﻮﻱ ﺍﻳﻤﺎﻧﺞ ﺑﺮﺑﺞ ﻭﻻ ﺗﺜﻘﻴﻦ ﺑﻐﻴﺮ ﻭ ﺍﺧﻀﻌﻲ ﻟﻸﻣﺮ ﺍﻟﻮﺍﻗﻊ ﻭ ﻣﻮ ﻛﻞ ﺷﻲ ﻧﺮﻳﺪﻩ ﻳﺼﻴﺮ ﻣﺮﺍﺕ ﻣﺠﺒﻮﺭﻳﻦ ﻧﻀﺤﻲ ﺑﺄﻏﻠﻰ ﻣﺎ ﻧﻤﻠﻚ ﺣﺘﻰ ﺍﻷﻣﻮﺭ ﺗﺒﻘﻰ ﺗﺴﻴﺮ
ﻟﻮ ﻳﺤﺘﺎﺝ ﺍﺫﻛﺮﺝ ﺑﻘﺼﺔ ﺍﻟﻨﺒﻲ ﺍﻳﻮﻡ ﻟﻤﺎ ﺧﺴﺮ ﺍﻭﻻﺩﻩ ﻭ ﺟﺎﻩ ﻭ ﺻﺤﺘﻪ .. ﺗﺎﻟﻲ ﺑﻘﻮﺓ ﺻﺒﺮﺓ ﺍﻟﻠﻪ ﺭﺟﻌﻠﻪ ﻛﻞ ﺷﻲ !
ﺧﻠﻴﺞ ﻗﻮﻳﺔ ﻣﺎﻣﺎ
- ﺑﺲ ﻣﺎﻣﺎ ﺗﻌﺒﺖ ﺍﺭﻳﺪ ﺑﻨﺘﻲ
- ﻳﻤﺎﻣﺎ ﺍﺩﻋﻲ ﺍﻟﻠﻲ ﻳﺮﺟﻌﻬﺎ ﻟﺤﻀﻨﺞ ﻣﺎﻟﻚ ﺳﺎﻓﻞ ﻭ ﻣﻤﻜﻦ ﻳﺄﺫﻳﺞ ﺃﺑﺘﻌﺪﻱ ﻋﻨﻪ
... ﺑﻘﻴﺖ ﺍﺣﺠﻲ ﻭﻳﺎﻫﺎ ﺍﻟﻰ ﺍﻥ ﻫﺪﺋﺘﻨﻲ ﻭ ﺍﻧﻄﺘﻨﻲ ﺟﺮﻋﺔ ﻣﻦ ﺍﻟﺼﺒﺮ ﻭ ﺣﻮﻟﺘﻬﺎ ﺍﻟﻰ ﺿﺤﻚ ﺣﺘﻰ ﺗﻨﺴﻴﻨﻲ ﻭ ﺑﻘﺖ ﺗﺴﻮﻟﻔﻠﻲ ﻋﻦ ﻳﻮﻣﻬﺎ ﻭ ﻣﻦ ﻫﺎﻻﻣﻮﺭ
ﺑﺲ ﻣﺘﺮﻫﻢ ﺳﺎﻟﻔﺔ ﺍﺗﺮﻙ ﺑﻨﺘﻲ ﻭ ﺍﻧﺤﺮﻡ ﻣﻨﻬﺎ ﻛﻞ ﻋﻤﺮﻱ ﻣﺎ ﺍﻛﺪﺭ ، ﻛﻠﺶ ﺻﻌﺐ ﮔﻠﺒﻲ ﻧﺎﺭ ﻋﻠﻴﻬﺎ
... ﺑﻘﻴﺖ ﺍﻟﻠﻴﻞ ﻛﻠﻪ ﺳﻬﺮﺍﻧﻪ ﺍﻓﻜﺮ ﺑﻬﺎﻟﻤﻮﺿﻮﻉ ﻳﺎﻛﻞ ﻭ ﻳﺸﺮﺏ ﻭﻳﺎﻳﺔ ..
... ﻛﻌﺪﺕ ﺍﻟﺼﺒﺢ ﻭﻛﻔﺖ ﺩﺍ ﺍﺑﺪﻝ .. ﺷﻔﺖ ﺍﺛﺮ ﺍﻟﺤﺒﻞ ﻋﻠﻰ ﺭﮔﺒﺘﻲ ، ﺭﺟﻌﺖ ﺑﺬﺍﻛﺮﺗﻲ ﺍﻟﻰ ﺍﻭﻝ ﻣﺎ ﻃﻠﻊ ﻛﺒﺎﻟﻲ ﻟﻤﺎ ﺟﻨﺖ ﻣﺎ ﺍﻋﺮﻑ، ﻭﻗﺘﻬﺎ ﺧﻨﻜﻨﻲ ﺑﺎﻟﺤﺰﺍﻡ ﺑﺎﻟﻤﺨﺰﻥ ﻭ ﻃﻠﺐ ﻣﻨﻲ ﻧﻔﺲ ﺍﻟﻄﻠﺐ ﺍﺗﻘﺮﺏ ﻣﻨﻪ ﻣﻘﺎﺑﻞ ﻳﺒﺘﻌﺪ ﻣﻨﻲ
.. ﺍﺍﺍﺍﺥ ﻏﺒﻴﻪ ﻏﺒﻴﺔ ﻛﺎﻥ ﺍﻟﻤﻔﺮﻭﺽ ﻣﻦ ﺫﺍﻙ ﺍﻟﻴﻮﻡ ﺍﻋﺮﻑ ﻣﻌﺪﻧﻪ ﻭ ﺍﻋﺪﻣﻪ ﻣﻦ ﺣﻴﺎﺗﻲ ﻭ ﺍﺭﻓﻀﻪ ﺷﺒﻴﻪ ﺻﺪﻛﺘﻪ ﻭ ﺣﺒﻴﺘﻪ ﻫﻴﺞ ﺍﻧﻌﻤﻰ ﻋﻠﻰ ﮔﻠﺐ
ﻟﻮ ﻳﺼﺢ ﻣﺎ ﻳﻜﻮﻟﻮﻥ ﺍﻟﺤﺐ ﺃﻋﻤﻰ ﻭ ﺍﻧﻌﻤﻴﺖ ﺑﺤﺒﻪ
.. ﺣﺎﻭﻟﺖ ﺍﺧﻔﻲ ﺍﻷﺛﺎﺭ ﺑﺎﻟﻔﺎﻭﻧﺪﻳﺸﻦ ﻭ ﺑﺪﻟﺖ ﻭ ﻧﺰﻟﺖ، ﺍﺧﺬﺕ ﺳﻴﺎﺭﺗﻲ ﻣﻦ ﺍﻟﮕﺮﺍﭺ ﻭ ﻃﻠﻌﺖ ، ﻓﺘﺤﺖ ﺍﻟﺮﺍﺩﻳﻮ ﺍﺳﺘﻤﻊ ﺑﻴﻪ، ﺩﻙ ﺍﻟﻤﻮﺑﺎﻳﻞ ﻧﺼﻴﺖ ﺍﻟﺮﺍﺩﻳﻮ، ﺑﺎﻭﻋﺖ ﺍﻟﻔﻮﻥ ﺍﺣﻤﺪ ﻣﺪﻳﺮ ﺷﻐﻠﻲ : ﺍﻟﻮ ﺍﻫﻼ ﺍﺳﺘﺎﺫ ﺍﺣﻤﺪ
- ﺍﻫﻼ ﻟﺠﻴﻦ ، ﻭﻳﻨﺞ
- ﻣﺴﺎﻓﺔ ﺍﻟﻄﺮﻳﻖ ﻭﺍﺻﻠﺘﻜﻢ
- ﺍﻟﻴﻮﻡ ﻋﺪﻧﺎ ﻟﻘﺎﺀ ﺟﺪﺍ ﻣﻬﻢ ﻣﻊ ﻧﺎﺋﺐ ﺑﺎﻟﺒﺮﻟﻤﺎﻥ ﺑﺨﺼﻮﺹ ﺍﻟﻌﻘﺪ ﻣﺎﻝ ﺍﻟﺸﺮﻛﺔ
- ﻭ ﻣﻨﻮ ﻫﺬﺍ ﺍﻟﻨﺎﺋﺐ ؟
- ﺯﺍﻫﺮ ﺣﻤﻴﺪ ﻧﺎﺋﺐ ﻛﻠﺶ ﻣﻬﻢ ﺗﺎﺑﻊ ﻟﺤﺰﺏ ﻗﻮﻱ، ﻻﺯﻡ ﻧﺤﺎﻭﻝ ﻧﻜﻮﻥ ﺍﺫﻛﻴﺎﺀ ﺑﺎﻟﺘﻌﺎﻣﻞ ﻭﻟﻮ ﻣﺎ ﺍﻭﺻﻴﺞ ﺍﻧﺖ ﺫﻛﻴﺔ ﺑﺸﻐﻠﺞ ﻭ ﻟﺒﻘﺔ ﺑﺎﻟﺘﻌﺎﻣﻞ
( ﻣﻼﺣﻈﺔ ﺍﻷﺳﻢ ﻣﺴﺘﻌﺎﺭ )
- ﻃﺒﻌﺎ ﻫﺬﺍ ﺷﻐﻠﻲ، ﺩﻗﺎﻳﻖ ﻭ ﺍﻧﻲ ﻳﻤﻚ ﻭ ﻧﺘﻤﻢ ﻛﻞ ﺷﻲﺀ ﺍﻥ ﺷﺎﺀﺍﻟﻠﻪ
- ﺟﻴﺪ ﺟﻴﺪ ﺑﺄﻧﺘﻀﺎﺭﺝ
.. ﻗﻔﻠﺖ ﻣﻦ ﻋﻨﺪﻩ ﻭ ﺑﻘﻴﺖ ﺍﻓﻜﺮ ﺑﺎﻟﺸﻐﻠﺔ ﻟﺤﺪ ﻭﺍﺿﺢ ﺍﻻﻣﺮ ﻣﻬﻢ ﻛﻠﺶ ..
ﻭﺻﻠﺖ ﺍﻟﺸﺮﻛﺔ ﺻﻔﻴﺖ ﺍﻟﺴﻴﺎﺭﺓ ﻭ ﺩﺧﻠﺖ
ﺭﺣﺖ ﻟﻤﻜﺘﺐ ﺍﺣﻤﺪ ﺩﻛﻴﺖ ﺍﻟﺒﺎﺏ
......
ﺍﺩﺧﻞ
... ﻓﺘﺖ : ﻧﻌﻢ ﺍﺳﺘﺎﺫ ﺍﺣﻤﺪ
- ﺟﻴﺪ ﺍﻧﻚ ﻭﺻﻠﺘﻲ ﻟﺠﻴﻦ ﺗﻘﺮﺑﻲ ، ﺍﺧﺬﻱ ﻫﺬﻩ ﺍﻻﻭﺭﺍﻕ ، ﻻﺯﻡ ﺗﻄﻠﻌﻴﻦ ﻋﻠﻴﻬﺎ ﻭ ﻳﺼﻴﺮ ﻋﻨﺪﺝ ﻋﻠﻢ ﺑﻴﻬﺎ ﻭﻭﻭ ﺷﻮﻓﻲ ﻟﺠﻴﻦ ﻻﺯﻡ ﻻﺯﻡ ﻧﺮﺑﺢ ﻫﺬﺍ ﺍﻟﻌﻘﺪ ﺍﻟﻠﻲ ﻗﻴﻤﺘﻪ 2 ﻣﻠﻴﺎﺭ ﺩﻭﻻﺭ
ﻭﺳﻌﺖ ﻋﻴﻮﻧﻲ ﻭ ﺻﻔﺮﺕ ، ﺭﻓﻊ ﺭﺍﺳﻪ ﻣﺴﺘﻐﺮﺏ : ﺍﻟﻌﻔﻮ ﺑﺲ ﺍﻟﺮﻗﻢ ﺟﺪﺍ ﻋﺎﻟﻲ ﺍﺫﻫﻠﻨﻲ
- ﻭﻟﻬﺬﺍ ﺩﺍ ﺍﻛﻮﻟﺞ ﺟﺪﺍ ﻣﻬﻢ ﻻﺯﻡ ﻧﺸﺘﻐﻞ ﻋﻠﻴﻪ ﺑﺄﺩﻳﻨﺎ ﻭ ﺭﺟﻠﻴﻨﺎ ﻟﺤﺘﻰ ﻧﻜﺴﺒﻪ ، ﺍﻟﻠﻘﺎﺀ ﺑﺎﻟﻠﻴﻞ ﻉ ﺍﻟﻌﺸﺎﺀ ، ﺗﺰﻳﻨﻲ ﻭ ﺍﻟﺒﺴﻲ ﺍﺟﻤﻞ ﻣﺎ ﻋﻨﺪﺝ ﻭ ﺍﻇﻬﺮﻱ ﺍﻓﻀﻞ ﻣﺎ ﺗﻤﻠﻜﻴﻦ
- ﺍﻥ ﺷﺎﺀﺍﻟﻠﻪ ﺍﺳﺘﺎﺫ
- ﻟﺠﻴﻦ
- ﻧﻌﻢ
- ﻓﻲ ﺣﺎﻝ ﺭﺑﺤﻨﺎ ﺍﻟﻌﻘﺪ ﺍﻟﺞ ﻣﻜﺎﻓﺌﺔ ﻗﺪﺭﻫﺎ 10 ﺍﻻﻑ ﺩﻭﻻﺭ
- ﺍﺷﻜﺮﻙ ﺟﺪﺍ ﺍﺳﺘﺎﺫ ﻣﺎ ﺗﻘﺼﺮ، ﻭ ﺍﻥ ﺷﺎﺀﺍﻟﻠﻪ ﺍﻛﻮﻥ ﻋﻨﺪ ﺣﺴﻦ ﻇﻨﻚ
ﺭﺣﺖ ﻟﻤﻜﺘﺒﻲ ﺍﺷﺘﻐﻞ ﻭ ﺍﺑﺤﺚ ﻭ ﺍﻃﻠﻊ ، ﻭ ﺍﻟﺘﻬﻴﺖ ﺭﺍﺳﻲ ﺻﺎﺭ ﻫﻮﺳﺔ ، ﺍﺗﺼﻞ ﻣﺨﻠﺪ ﻣﺮﺩﻳﺖ ، ﺭﺩ ﺍﺗﺼﻞ ﻣﺮﻩ ﻟﺦ، ﺭﺩﻳﺖ : ﺍﻟﻮ ﻣﺨﻠﺪ
- ﺗﺮﺍ ﻣﺎ ﻧﺎﻛﻞ ﺑﺸﺮ ﺷﺒﻴﺞ ﻣﺎ ﺗﺮﺩﻳﻦ
- ﺑﺎﻟﺸﻐﻞ ﻣﺨﻠﺪ ﻭﺍﻟﻠﻪ ﻣﺸﻐﻮﻟﻪ
- ﻳﺎ ﺷﻐﻞ ﻫﺬﺍ ﺍﻟﻠﻲ ﺑﺸﻬﺮ ﺗﺠﺎﻭﺑﻴﻦ ﻣﺮﻩ
- ﻳﻌﻨﻲ ﺷﺴﻮﻱ ﺍﻟﻲ ﺍﺳﺒﺎﺑﻲ
- ﺍﻻﺳﺒﺎﺏ ﺍﻟﻜﺎﻧﺖ ﺍﺑﺎﻟﺞ ﺧﻠﺼﺖ ﺭﺍﺣﺖ
- ﻳﻌﻨﻲ ﺷﻨﻮ ؟
- ﺍﻧﻲ ﻭ ﺯﻣﻦ ﺍﻃﻠﻜﻨﺎ
- ﺗﺤﺠﻲ ﺻﺪﻙ
- ﻣﺎ ﻧﺎﻭﻱ ﺍﺧﺎﺑﺮﺝ ﺣﺘﻰ ﺍﺟﺬﺏ
- ﻣﺨﻠﺪ ﺑﺎﻟﻠﻴﻞ ﺍﺧﺎﺑﺮﻙ ﻭ ﺍﻓﺘﻬﻢ ﻣﻨﻚ ﺍﻣﺎ ﺍﻻﻥ ﻓﻮﺍﻟﻠﻪ ﻛﻠﺶ ﻣﺸﻐﻮﻟﻪ ﺑﺸﻐﻞ
- ﺍﻫﺎﺍ ﻣﺎﺷﻲ ﻣﺎﺷﻲ ﻳﻼ ﺍﻧﻲ ﻫﻢ ﺑﺎﻟﺸﻐﻞ ﺑﺲ ﺻﺎﺭﺕ ﻋﻨﺪﻱ ﻓﺴﺤﺔ ﻭ ﺍﺗﺼﻠﺖ .. ﺑﻴﺒﺎﻱ
.. ﻛﻤﻠﺖ ﺷﻐﻠﻲ ﻟﻠﻈﻬﺮ ﻃﻠﻌﺖ ﺭﺟﻌﺖ ﻟﻠﺒﻴﺖ ﺗﺤﻤﻤﺖ ﻭ ﺗﻮﺟﻬﺖ ﻟﻠﺼﺎﻟﻮﻥ ﺻﺒﻐﺖ ﺷﻌﺮﻱ ﺑﻨﻲ ﻏﺎﻣﻖ ﻭ ﺷﺴﻮﺍﺭ ﻭ ﺗﺴﺮﻳﺢ ﻭ ﺑﺮﻡ ، ﻣﺴﺎﺝ ﻭﺟﻪ ﻭ ﻣﻜﻴﺎﺝ .. ﻭ ﻟﺒﺴﺖ ﻓﺴﺘﺎﻥ ﺍﺣﻤﺮ ﻣﺎﺭﻭﻧﻲ ﻗﺼﻴﺮ ﻣﺨﺼﺮ ﻣﻊ ﺟﺎﺭﻭﺏ ﻃﻮﻳﻞ ﺍﺳﻮﺩ ﺷﻔﺎﻑ ﻭ ﻛﻌﺐ ﺍﺳﻮﺩ ﻭ ﺟﺎﻛﻴﺖ ﺍﺳﻮﺩ
ﺗﻤﻤﺘﻬﻢ ﺑﺎﻷﻛﺴﺴﻮﺍﺭﺍﺕ ﻭ ﻃﻠﻌﺖ ..
ﻭﺻﻠﺖ ﺍﻟﻤﻄﻌﻢ ، ﻛﺎﻥ ﺭﺍﻗﻲ ﺟﺪﺍ ﻭ ﺣﺎﺟﺰﻱ ﺑﺲ ﻟﻠﻘﺎﺀ
ﺭﺣﺐ ﺑﻴﻪ ﺍﺣﻤﺪ ﻭ ﺳﻮﺍﻟﻲ ﻻﻳﻚ ﺑﺄﻳﺪﻩ ﻭ ﻫﻮ ﻳﻜﻮﻝ : ﺗﻮﺏ ﮔﻠﻮﺏ
- ﻫﻬﻬﻬﻬﻬﻪ ﻣﻦ ﺫﻭﻗﻚ
ﻛﻌﺪﺕ، ﻭ ﻃﻠﺒﺖ ﻣﻦ ﺍﻟﻨﺎﺩﻝ ﻳﺠﻴﺒﻠﻲ ﻛﻮﻓﻲ ﻉ ﺍﻟﺴﺮﻳﻊ ﻷﻥ ﺍﻟﻠﻴﻞ ﻣﻨﺎﻳﻤﺘﻪ ﻭ ﻛﺎﻋﺪﻩ ﻣﻦ ﺍﻟﺼﺒﺢ ، ﻭ ﻣﻦ ﺍﻟﺼﺒﺢ ﻟﺴﻪ ﺍﻓﺘﺮ ﺍﺣﺲ ﻋﻴﻮﻧﻲ ﻃﻔﻦ
ﺷﺮﺑﺖ ﺍﻟﮕﻬﻮﺓ ﻛﻤﻠﺘﻬﺎ، ﻛﺎﻝ : ﻛﻮﻣﻲ ﺍﺟﺎ
ﻃﻠﻌﻨﺎ ﻧﺴﺘﻘﺒﻠﻪ ، ﺍﺑﺎﻭﻉ ﺍﻟﻤﻮﻛﺐ ﻣﺎﻝ ﺍﻟﻨﺎﺋﺐ ﺷﻜﺒﺮﺭﺭﺭﺭﻩ ﻭ ﺍﻟﺤﻤﺎﻳﻪ ﻣﺎﻟﺘﻪ ﻣﻦ ﺫﻭﻟﻪ ﺍﻟﻌﻀﻼﺗﻬﻢ ﺑﺎﺭﺯﻩ ﻭ ﻣﺤﺰﻣﻴﻦ ﻭ ﺍﺳﻠﺤﺘﻬﻢ ﺑﺤﺰﺍﻣﻬﻢ .. ﻓﺘﺤﻮﻟﻪ ﺍﻟﺒﺎﺏ ﻭ ﻧﺰﻝ
ﺍﺳﺘﻘﺒﻠﻪ ﺍﻟﻤﺪﻳﺮ ﻭ ﺍﺳﺘﺎﺫ ﺍﺣﻤﺪ ﺑﺤﺮﺍﺭﺓ ،ﺗﻘﺪﻣﺖ ﻣﺪﻳﺖ ﺍﻳﺪﻱ : ﺍﺗﺸﺮﻑ ﺍﻋﺮﻓﻚ ﺑﻨﻔﺴﻲ ﻟﺠﻴﻦ ﺷﺎﻛﺮ ﺍﻟﻤﻤﺜﻠﺔ ﺍﻻﻋﻼﻣﻴﺔ ﻋﻦ ﺍﻟﺸﺮﻛﺔ ﻭ ﻣﺪﻳﺮﺓ ﺍﻟﻌﻼﻗﺎﺕ ﺍﻟﻌﺎﻣﺔ
......
ﻣﺪ ﺍﻳﺪﻩ ﻭ ﺳﻠﻢ ﻭ ﺿﻞ ﻳﻬﺰ ﺑﺄﻳﺪﻱ : ﻳﺴﻌﺪﻧﻲ ﻭ ﻳﺸﺮﻓﻨﻲ ﻫﺬﺍ ﺍﻟﺘﻌﺎﺭﻑ ﺳﺖ ﻟﺠﻴﻦ
- ﺍﻟﻲ ﺍﻟﺸﺮﻑ ﺍﻛﻴﺪ .. ﺗﻔﻀﻞ ﻟﻮ ﺳﻤﺤﺖ
ﺩﺧﻞ ﻭ ﻃﻠﺒﻨﺎ ﻋﺸﺎ ﻭ ﻭ ﺣﺠﻴﻨﺎ ﻋﻠﻰ ﺍﻟﻌﻘﺪ ﻭ ﺣﺎﻭﻟﺖ ﺷﻜﺪ ﻣﺎ ﺍﻛﺪﺭ ﺍﻧﻮ ﺍﺣﺬﺭ ﺑﺎﻟﺘﻌﺎﻣﻞ ﻭ ﺍﺑﺬﻝ ﺍﻗﺼﻰ ﻣﺎ ﻋﻨﺪﻱ ﻟﻨﻨﺠﺢ
ﻛﻤﻠﻨﺎ ﺍﻟﻠﻘﺎﺀ ﻭ ﺷﻜﻠﺔ ﺍﻟﻠﻘﺎﺀ ﺑﺸﺮ ﺑﺨﻴﺮ ، ﻭﺻﻞ ﻟﻠﺒﺎﺏ ﺭﺟﻊ ﻣﺪ ﺍﻳﺪﻩ : ﺍﺳﻌﺪﻧﻲ ﻟﻘﺎﺋﺞ ﺳﺖ ﻟﺠﻴﻦ ﺣﻘﻴﻘﺔٌ ﻛﻨﺖ ﺭﺍﺋﻌﺔ
- ﻣﻦ ﺣﺴﻦ ﺫﻭﻗﻚ ﺳﻴﺎﺩﺓ ﺍﻟﻨﺎﺋﺐ ﻭ ﻛﺬﻟﻚ ﺍﺳﻌﺪﻧﻲ ﺍﻟﺘﻌﺮﻑ ﻋﻠﻰ ﺟﻨﺎﺑﻚ
- ﻟﻨﺎ ﻟﻘﺎﺀ ﺍﺧﺮ ﺑﻈﺮﻭﻑ ﺍﺧﺮﻯ ﺑﻌﻴﺪﻩ ﻋﻦ ﺍﻟﻌﻤﻞ ﻧﺘﺤﺪﺙ ﻓﻴﻬﺎ ﻋﻦ ﺍﻟﺸﻬﺮﺓ ﻭ ﺍﻻﻋﻼﻡ ﻭ ﻣﺎ ﺷﺎﺑﻪ ﻓﺄﻧﺎ ﻣﻦ ﺍﻟﻨﺎﺱ ﺍﻟﻤﺤﺐ ﻟﻠﻔﻦ ﻭ ﺍﻟﻔﻨﺎﻧﻴﻦ
- ﻳﺴﻌﺪﻧﻲ ﺟﺪﺍ
ﻛﻞ ﻫﺬﺍ ﺍﻟﺤﺠﻲ ﻭ ﻫﻮ ﻻﺯﻡ ﺍﻳﺪﻱ ﻭﺭﺍﻓﻌﻬﺎ ﻭ ﻣﻨﺰﻟﻬﺎ ﻳﺴﻠﻢ
ﻭﺩﻋﻨﺎ ﻭ ﺭﺍﺡ .... ﻭﻳﻴﻴﻴﻴﻴﻪ
ﺭﺟﻌﺖ ﻛﻌﺪﺕ ﻉ ﺍﻟﻤﻴﺰ ... ﻭ ﻫﻢ ﻛﻌﺪﻭﺍ ﻳﺤﺠﻮﻥ ﺑﺎﻟﻠﻘﺎﺀ ﻭ ﺍﻳﺠﺎﺑﻴﺎﺗﻪ ، ﺍﻧﻲ ﻧﺰﻋﺖ ﺍﻟﻜﻌﺐ ﺭﻓﻌﺖ ﺭﺟﻠﻴﻪ ﻟﻠﻜﺮﺳﻲ ﻭ ﻛﻠﺘﻠﻬﻢ : ﻣﺘﺖ ﺟﻮﻭﻉ ﻣﻦ ﺻﺒﺢ ﻟﻼﻥ ﻣﺎ ﺍﻛﻠﺖ
ﺍﺣﻤﺪ : ﻫﻮ ﻣﻨﻮ ﺍﻛﻞ ﻏﻴﺮ ﺍﻧﻬﻠﻜﻨﺎ ﻣﻦ ﺍﻟﺼﺒﺢ ﻟﺤﺪ . ﻫﺴﻪ
ﻛﻤﻠﻮﺍ ﺍﻛﻠﻬﻢ ﻻﻥ ﮔﺒﺎﻝ ﺍﻟﻨﺎﺋﺐ ﻳﻤﻜﻦ ﻭﺍﺣﺪﻧﺎ ﺍﻛﻞ ﻟﻜﻤﺔ ﺧﻠﺼﻨﺎﻫﺎ ﻧﻜﻤﻊ ﺑﺎﻟﻌﺼﻴﺮ ..
ﻛﻤﻠﺖ ﻭ ﺭﺟﻌﺖ ﻟﻠﺒﻴﺖ ﻛﺒﻞ ﻟﻠﺤﻤﺎﻡ ﺳﺒﺤﺖ ﻭ ﻧﺸﻔﺖ ﺷﻌﺮﻱ ﻭ ﻛﺒﻞ ﻧﻤﺖ ﻣﺎ ﻓﻜﺮﺕ ﺑﺄﻱ ﺑﺸﺮ
ﻓﺘﺤﺖ ﻋﻴﻮﻧﻲ ﺍﻟﺼﺒﺢ ﻋﻠﻰ ﺻﻮﺕ ﺟﺮﺱ ﺍﻟﺒﺎﺏ ﻳﺮﻥ، ﻛﻤﺖ ﻣﻦ ﻣﻜﺎﻧﻲ ﻭ ﺍﻧﻲ ﻣﻐﻤﻀﺔ ﻓﺘﺤﺖ ﺍﻟﺒﺎﺏ ﻭ ﻛﻮﺓ ﺍﺑﺎﻭﻉ ﺷﻔﺘﻪ ﻣﺨﻠﺪ
- ﺍﻫﻼﺍﺍﺍﺍ ﻣﺨﻠﺪ ﻓﺘﺤﺖ ﺍﺩﻳﻪ ﻭ ﺗﻘﺮﺏ ﺳﻠﻢ ﻭ ﺣﻈﻨﻲ
- ﺷﻠﻮﻧﺞ ﻭﻟﺞ
- ﺯﻳﻨﻪ ﻳﻤﻌﻮﺩ ﻣﺸﺘﺎﻗﻮﻥ
- ﺍﻱ ﻭﺍﺿﺢ ﻛﻠﺶ ﺍﻟﺸﻮﻕ
- ﻫﻬﻬﻬﻬﻬﻪ ﻣﺠﺒﻮﺭﻳﻦ ﻭﺩﺍﻋﺘﻚ .. ﺗﻔﻀﻞ ﻳﻤﻌﻮﺩ
ﻓﺎﺕ ﻟﻠﺒﻴﺘﻮ ﻣﺸﻰ -: ﺷﻠﻮﻧﺞ ﺷﺨﺒﺎﺭﺝ
- ﻭﺍﻟﻠﻪ ﺍﻟﺤﻤﺪﻟﻠﻪ ﻋﻠﻰ ﺍﻟﻠﻪ ، ﺍﻻﺧﺒﺎﺭ ﺍﻟﺴﻤﻌﺘﻪ ﺍﻟﺒﺎﺭﺣﺔ ﺻﺤﻴﺤﺔ ﻋﻮﺩ ؟
- ﻗﺼﺪﺝ ﻃﻼﻗﻨﺎ ﺍﻧﻲ ﻭ ﺯﻣﻦ !
- ﺍﻱ
- ﺍﻱ ﺍﻃﻠﻘﻨﺎ
- ﺻﺪﻙ ﻋﻮﺩ ؟
- ﺍﻱ ﻭﺍﻟﻠﻪ ﺷﺒﻴﺞ ، ﺷﻨﻮ ﻫﺬﺍ ﺍﻷﺛﺮ ﺍﻟﻠﻲ ﻋﻠﻰ ﺭﻛﺒﺘﺞ
- ﺍﺍﺍﺍ ﻫﺬﺍ ، ﮔﻼﺩﻩ ﻣﻨﺎﺳﺒﺖ ﺑﺸﺮﺗﻲ ﻭ ﺳﺒﺒﺘﻠﻲ ﺗﺤﺴﺲ
- ﻻ ﻭﺍﻟﻠﻪ ، ﺷﻮ ﺑﺎﻭﻋﻴﻠﻲ ﺷﺎﻳﻔﺔ ﻣﻜﺘﻮﺏ ﻋﻠﻰ ﻛﺼﺘﻲ ﻃﺮﻥ ﺣﺘﻰ ﺍﺻﺪﻙ ﻛﻼﻣﺞ، ﻫﺎﻻﻣﻮﺭ ﺍﻧﻲ ﺍﻋﺮﻑ ﺑﻴﻬﺎ ﻫﺬﻩ ﺍﺛﺎﺭ ﻟﻒ ﺣﺒﻞ، ﻣﺤﺎﻭﻟﺔ ﺍﻧﺘﺤﺎﺭ ﺍﻭ ﺍﻋﺘﺪﺍﺀ
- ﺩﻛﻮﻡ ﻭﻳﺎﻳﺔ ﻟﻠﻤﻄﺒﺦ ﺍﺷﻮﻑ ﺷﻨﻮ ﺍﺳﻮﻱ ﻻﻥ ﻛﻠﺶ ﺟﻮﻋﺎﻧﻪ ﻭ ﺍﻧﻲ ﺍﺳﻮﻟﻔﻠﻚ ﻛﻞ ﺷﻲﺀ
- ﻛﻤﺖ ﻏﺴﻠﺖ ﻭ ﺭﺣﺖ ﻟﻠﻤﻄﺒﺦ ﻃﻠﻌﺖ ﻣﻮﺍﺩ، ﺳﺄﻟﺘﻪ : ﻣﺘﺮﻳﻚ ؟
- ﺍﻱ ﺑﺲ ﺍﺳﺘﻜﺎﻥ ﺟﺎﻱ ﻭﻳﺎ ﺍﻟﺠﻜﺎﺭﺓ ، ﻭ ﺍﺣﺠﻴﻠﻲ ﺷﺼﺎﻳﺮ
- ﺭﻓﻌﺖ ﺩﻋﻮﺓ ﻟﺴﺤﺐ ﺑﻨﺘﻲ ﻭ ﻛﺴﺐ ﻗﻀﻴﺔ ﺍﻟﺤﻀﺎﻧﺔ
......
ﺍﻱ
- ﻫﻮ ﻭﺍﺻﻠﺔ ﺍﻟﺘﺒﻠﻴﻎ ﻭ ﺍﺟﻪ ﺩﻳﻬﺪﺩﻧﻲ
- ﺧﺮﺏ ******* ﺍﺫﺍ ﺭﺩﻳﺘﻲ ﻭﻟﺞ ﺷﻜﻢ ﻣﺮﺓ ﻛﺎﻳﻠﺞ ﻫﺬﺍ ﻣﺠﺮﻡ ﻻ ﺗﻨﺪﻛﻴﻦ ﺑﻲ ﻭ ﺍﻟﺪﻧﻴﺎ ﺳﺎﻳﺒﻪ ﻟﺠﻴﻦ
- ﺷﺴﻮﻱ ﻣﺨﻠﺪ ﻭ ﺑﻨﺘﻲ ﺩﺍ ﺍﻣﻮﺕ ﻛﻞ ﻟﻴﻠﺔ ﻭ ﻫﻲ ﻣﻮ ﻳﻤﻲ
- ﻟﻌﺪ ﺷﻌﺒﺎﻟﺞ ﺍﻟﻠﻪ ﻳﻄﻚ ﺑﺤﺠﺎﺭ ، ﻣﺜﻞ ﻣﺎ ﺣﺮﻣﺘﻲ ﺍﻫﻠﺞ ﻣﻨﺞ ﻭﺭﺣﺘﻲ ﻟﺬﺍﻙ ﺍﻟﻨﺬﻝ ﺣﺮﻣﺞ ﺍﻟﻠﻪ ﻣﻦ ﺿﻨﺎﺝ ﺣﺘﻰ ﻳﻀﻮﻛﺞ ﻟﻮﻋﺔ ﺍﻻﻟﻢ ﻭ ﺍﻟﻔﺮﺍﻙ ﺍﻟﺴﺒﺒﺘﻲ ﻻﻫﻠﺞ ﻭ ﺍﻧﺖ ﻭﺣﻴﺪﺗﻬﻢ
ﺩﻧﻜﺖ ﺍﺗﻨﻬﺪ : ﻣﻦ ﺍﻟﺒﺎﺭﺣﺔ ﻭ ﻟﻠﻴﻮﻡ ﻭ ﺍﻧﻲ ﺍﻓﻜﺮ ﺑﻜﻼﻡ ﻣﺎﻣﺎ ﻟﻤﺎ ﻛﺎﻟﺘﻠﻲ ﻫﺬﺍ ﺍﻟﻠﻲ ﺩﻳﺼﻴﺮ ﻭﻳﺎﺝ ﻳﺄﻣﺎ ﻋﻘﺎﺏ ﺍﻭ ﺍﺧﺘﺒﺎﺭ ﻭ ﺑﻜﻼﻣﻚ ﺍﻛﺪﺗﻠﻲ ﺍﻥ ﺍﻟﻠﻲ ﺩﺍ ﺍﻣﺮ ﺑﻴﻪ ﻋﻘﺎﺏ
- ﺍﻧﻲ ﻣﺎ ﺍﺭﻳﺪ ﺍﺯﻳﺪﻫﺎ ﻋﻠﻴﺞ ﻟﺠﻴﻦ، ﺑﺲ ﺍﻟﻠﻲ ﺍﺣﺠﻲ ﻟﻤﺼﻠﺤﺘﺞ ﻭﺍﻟﻠﻪ ﺍﺑﺘﻌﺪﻱ ﻣﻦ ﻣﺎﻟﻚ ﻭ ﺍﻧﺴﻲ ﺑﻨﺘﺞ ﻭ ﺍﺩﻋﻲ ﺑﺲ ﺍﻟﻠﻪ ﻳﺤﻔﻈﻬﺎ ﻣﻦ ﺷﺮ ﺍﺑﻮﻫﺎ ﻭ ﻣﺎ ﺗﺘﺄﺫﻯ
ﻧﺰﻟﻮ ﺩﻣﻮﻋﻲ ﻭ ﺍﻧﻲ ﺍﺳﺘﻤﻌﻠﻪ ﺗﻘﺮﺏ ﻣﻨﻲ ﻭ ﺍﺧﺬ ﻭﺟﻬﻲ ﺑﻴﻦ ﺍﺩﻳﻪ : ﺷﺸﺶ ﻟﺘﻀﻌﻔﻴﻦ ﻭﻻ ﺗﺒﺠﻴﻦ ﺍﻧﻲ ﻣﺎ ﺍﺭﻳﺪ ﺍﺯﻳﺪﻫﺎ ﻋﻠﻴﺞ ﺑﺲ ﺗﻘﺮﺑﺞ ﻣﻦ ﻣﺎﻟﻚ ﻭ ﻣﺴﺎﺳﺞ ﺑﻴﻪ ﻣﺎ ﻳﺠﻴﺐ ﻏﻴﺮ ﺍﺧﺮﺗﺞ ، ﻣﺎﻛﻮ ﻗﻮﺓ ﺗﻜﺪﺭ ﻟﻬﻴﺞ ﻣﺠﺮﻡ ﻣﺪﺍﻡ ﺍﻟﻘﺎﻧﻮﻥ ﻓﺎﻟﺖ ﺑﺎﻟﻌﺮﺍﻕ ﻭ ﺍﻟﻘﺘﻞ ﻣﺒﺎﺡ ﻳﻘﺘﻠﺞ ﻭ ﺗﺮﻭﺣﻴﻦ ﺍﻧﺖ ﺍﻟﻀﺤﻴﺔ ﻭﻛﺘﻬﺎ ﻻ ﺣﺼﻠﺘﻲ ﺭﻭﺣﺞ ﻭﻻ ﺑﺘﺞ
ﻫﺰﻳﺖ ﺭﺍﺳﻲ
ﺳﺤﺐ ﺍﺩﻳﻪ ﻣﻦ ﻭﺟﻬﻲ ﻭ ﺩﻙ ﻋﻠﻰ ﺟﺘﻔﻲ : ﻭ ﻫﺴﺔ ﻳﻼ ﻛﺎﻓﻲ ﺗﺒﺠﺒﺞ ﻭ ﺳﻮﻳﻠﻲ ﺟﺎﻱ
ﻭﻛﻔﺖ ﺧﻠﻴﺖ ﺍﻟﺠﺎﻱ ﻉ ﺍﻟﻨﺎﺭ ﻭ ﻃﻠﻌﺖ ﻗﻄﻌﺘﻴﻦ ﺩﻭﺳﺖ ﺩﻫﻨﺘﻬﻢ ﺑﺠﺒﻦ ﻭ ﺧﻠﻴﺘﻬﻢ ﺑﺎﻟﻤﺎﻳﻜﺮﻭﻳﻒ، ﻫﻮ ﺻﺎﻓﻦ ﻋﻠﻴﻪ ﺷﺪﺍ ﺳﻮﻱ
- ﻫﺎﻱ ﺍﻧﺖ ﺷﺪﺍ ﺗﺸﻮﻳﻦ
- ﺗﻮﺳﺖ
- ﻭﻟﺞ ﺑﺎﻟﻘﺮﺍﻥ ﺍﻧﺖ ﻓﺪ ﻭﺣﺪﻩ ﺗﺤﺐ ﺗﺘﻔﻴﻚ ﻭ ﺗﺘﻌﺎﻳﺮ ، ﺩﺳﻮﻳﻠﺞ ﻣﺨﻠﻤﻪ ﻃﻜﻴﻠﺞ ﺑﻴﺾ ﻭ ﻃﻤﺎﻃﺔ ﺩﻛﻠﻴﻠﺞ ﺷﻐﻠﺔ ﺗﻘﻮﻳﺞ ﻭ ﻋﻮﻓﻲ ﻫﺎﻟﺴﻮﺍﻟﻒ ﻫﺎﻱ
- ﻣﻮ ﻫﺎﻻﻣﻮﺭ ﺍﻟﻠﻲ ﺗﻜﻮﻝ ﻋﻠﻴﻬﺎ ﺗﺴﻤﻦ ﻣﺎ ﺗﻘﻮﻱ ، ﻭ ﺍﻧﻲ ﻣﺎ ﺍﻛﺪﺭ ﺍﺳﻤﻦ ﻳﺨﺮﺏ ﺷﻜﻠﻲ ﻭ ﺍﺧﺴﺮ ﺷﻐﻠﻲ
- ﻫﻢ ﺯﻳﻦ ﺍﻋﺘﺮﻓﺘﻲ ﻣﺸﻐﻠﻴﺞ ﺑﺲ ﻋﻠﻰ ﻣﻮﺩ ﺷﻜﻠﺞ
- ﻃﺒﻌﺎ ﻛﻞ ﺍﻟﺸﺮﻛﺎﺕ ﺍﺩﻭﺭ ﺟﺬﺏ ﺍﻧﻈﺎﺭ ﻓﻴﺨﺘﺎﺭﻭﻥ ﻧﺴﺎﺀ ﺣﺴﻨﺎﺕ ﺍﻟﻤﻈﻬﺮ ﻟﺒﻘﺎﺕ ﺍﻟﻜﻼﻡ ﺧﺎﺻﺔ ﺍﺫﺍ ﺗﺘﻜﻠﻢ ﺍﻻﻧﻜﻠﻴﺰﻳﺔ ﻓﻬﺬﺓ ﺗﻮﺏ
ﻭ ﺍﻧﻲ ﻛﻞ ﻫﺬﺍ ﺍﻣﺘﻠﻜﻬﻢ ﻓﻠﻴﺶ ﻣﻴﺸﻐﻠﻮﻧﻲ
- ﻫﻤﻢ
- ﻣﻜﻠﺘﻠﻲ ﻟﻴﺶ ﻃﻠﻜﺖ
- ﺻﺎﺭﺕ ﻣﺸﻜﻠﺔ ﺑﻴﻬﺎ ﻭ ﺑﻴﻦ ﺍﻣﻲ ﻭ ﻛﺒﺮﺕ
- ﻭ ﻃﻠﻜﺖ
- ﻫﻲ ﻃﻠﺒﺖ ﺍﻟﻄﻼﻙ ﻭﺍﺻﺮﺕ ﻋﻠﻴﻪ ﻣﻮ ﺍﻧﻲ
- ﻣﺴﻜﻴﻦ ﺗﺤﺴﺴﻨﻲ ﺍﻧﻮ ﺍﻧﺖ ﺟﻠﺒﺖ ﺑﻴﻬﺎ ﺑﺎﺩﻳﻚ ﻭ ﺭﺟﻠﻴﻚ ﻭ ﻫﻲ ﻣﺎ ﺭﺍﺩﺗﻚ
- ﺍﺟﻠﺐ ﺑﻴﻬﺎ ﻟﻴﺶ ﭼﻠﺐ ﺍﻧﻲ ، ﺗﺮﺩ ﺍﻟﻄﻼﻙ ﺍﻟﻠﻪ ﻭﻳﺎﻩ ﺗﺮﻭﺡ ﻳﺠﻲ ﻏﻴﺮﻫﺎ ﺍﻟﻒ
- ﻭﺟﻬﺎﻟﻚ
- ﺷﺒﻴﻬﻢ
- ﻣﻔﻜﺮﺕ ﺑﻴﻬﻢ
- ﻧﻔﻘﺔ ٣٠٠ ﺍﻟﻒ ﺑﺎﻟﺸﻬﺮ ﺑﻌﺪ ﺷﺴﻮﻱ ؟
- ﻫﻪ ﺷﻠﻮﻥ ﺗﻔﻜﺮ ، ﻋﻨﺪﻙ ﻭﻟﺪ ﻣﻮ ﺑﻨﺎﺕ ﺗﺨﻠﻴﻬﻢ ﻳﺮﺑﻮﻥ ﻋﻨﺪ ﺧﻮﺍﻟﻬﻢ ﻭ ﻳﺎﺧﺬﻭﻥ ﺍﻃﺒﺎﻋﻬﻢ ﻣﺎ ﺗﺮﺑﻲ ﻭﻟﺪﻙ ﻋﻠﻰ ﺍﻳﺪﻙ ، ﺯﻳﻦ ﻋﻮﻑ ﻭﻟﺪﻙ ﺍﻟﻠﻪ ﺭﺯﻗﻚ ﺑﺒﻨﻴﺔ ﻣﺜﻞ ﺍﻟﮕﻤﺮ ﻭ ﻋﻤﺮﻫﺎ ﺍﺷﻬﺮ ﺍﺷﺎﻓﺖ ﻣﻨﻚ ، ﻭﻟﻚ ﺍﻧﻲ ﻣﻴﺘﻪ ﺍﻟﻒ ﻣﻮﺗﻪ ﺣﺘﻰ ﺍﺭﺟﻊ ﺑﻨﺘﻲ ﻭ ﺍﻧﺖ ﻫﻴﺞ ﺑﮕﻠﺐ ﺑﺎﺭﺩ ﺗﺸﻤﺮﻫﻢ
......
ﻭﻟﺞ ﺷﺎﻣﺮﻫﻢ ﻭﻳﻦ ﺑﺎﻟﺸﺎﺭﻉ ﻏﻴﺮ ﻋﻨﺪ ﺍﻣﻬﻢ ﻭ ﺑﻌﺪﻳﻦ ﻋﻲ ﺭﺍﺩﺕ ﺍﻟﻄﻼﻙ ﻳﻌﻨﻲ ﺷﺴﻮﻳﻠﻬﺎ ﻗﺎﺑﻞ
- ﺍﻱ ﻏﻴﺮ ﻣﻦ ﺿﻴﻢ ﺍﻣﻚ ﻟﻴﺶ ﻫﻲ ﺍﻣﻚ ﺗﻨﺤﻤﻞ ، ﻳﻮﻡ ﻭﺍﺣﺪ ﻛﻌﺪﺕ ﺑﻴﻬﺎ ﻋﺪﻛﻢ ﺗﻌﺎﺭﻛﺖ ﻭﻳﺎﻫﺎ ﻭ ﻫﺠﻴﺖ ، ﺍﻟﻠﻬﻢ ﻳﺴﺎﻋﺪ ﻫﺎﻟﺒﻨﻴﻪ ﺷﻨﻮ ﺷﺎﻓﺖ ﻭ ﺷﻨﻮ ﺗﺤﻤﻠﺘﻮﻟﺤﺪ ﻣﺎ ﻗﺮﺭﺕ ﺗﻨﻬﻲ ﺯﻭﺍﺟﻬﺎ ﻭ ﺗﺨﻀﻊ ﻟﻠﻤﺠﺘﻤﻊ ﻭ ﺗﺼﻴﺮ ﻣﻄﻠﻘﺔ ﻭ ﺗﺴﻤﻊ ﻛﻼﻡ ﺍﻟﻴﺴﻮﻯ ﻭ ﺍﻟﻤﺎ ﻳﺴﻮﻯ ﻋﻠﻰ ﺍﻥ ﺗﺒﻘﻰ ﻋﻨﺪﻙ ﻭ ﻋﻨﺪ ﺍﻣﻚ
- ﺑﻌﺪ . ﺷﺴﻮﻱ ﺻﺎﺭ ﺍﻟﻠﻲ ﺻﺎﺭ ﻭ ﺍﻟﻠﻪ ﻛﺮﻳﻢ، ﺍﻟﺨﻴﺮﺓ ﻓﻴﻤﺎ ﺍﺧﺘﺎﺭﻩ ﺍﻟﻠﻪ ﻭ ﻫﺬﺍ ﺍﻟﻠﻲ ﺍﻟﻠﻪ ﻛﺎﺗﺒﺔ
- ﺍﺑﻘﻰ ﺍﺑﻘﻰ ﻗﻨﻊ ﻧﻔﺴﻚ ﺑﻬﺎﻟﺴﻮﺍﻟﻒ
- ﺍﺥ ﻣﻦ ﺍﻟﺴﺎﻧﺞ ﻟﻮ ﺍﻧﻬﺪ
- ﻫﻬﻬﻬﻬﻪ
ﺩﻧﺤﺠﻲ ﺩﻙ ﺍﻟﺠﻬﺎﺯ ﺑﺎﻭﻋﺘﻪ ﺭﻗﻢ ﻏﺮﻳﺐ
- ﻣﻨﻮ ؟
- ﻣﺎ ﺍﻋﺮﻑ ﺭﻗﻢ ﻏﺮﻳﺐ
ﺍﺷﺮﺗﻠﻪ ﺷﺸﺶ ﻭ ﺭﺩﻳﺖ : ﺍﻟﻮﻭ
- ﺍﻟﻮ ﺳﺖ ﻟﺠﻴﻦ
- ﻧﻌﻢ ﺗﻔﻀﻞ
- ﺍﻧﻲ ﻣﺪﻳﺮ ﺍﻋﻤﺎﻝ ﺳﻴﺎﺩﺓ ﺍﻟﻨﺎﺋﺐ ﺯﺍﻫﺮ ﺣﻤﻴﺪ
- ﺍﻫﺎﺍﺍ ﺍﻫﻼ ﺗﻔﻀﻞ
- ﺳﻴﺎﺩﺓ ﺍﻟﻨﺎﺋﺐ ﻃﺎﻟﺐ ﻣﻮﻋﺪ ﻟﻠﻘﺎﺀ ﻭﻳﺎﺝ ﺍﺫﺍ ﻧﻜﺪﺭ ﻧﺤﺪﺩ ﺍﻟﻤﻮﻋﺪ
- ﺍﻟﻤﺸﻜﻠﺔ ﺍﻧﻲ ﺟﺪﻭﻝ ﺍﻋﻤﻠﻲ ﺍﻳﻀﺎ ﻣﻤﺘﻠﺊ ﺗﻌﺮﻑ ﺍﻋﻼﻡ ﻭ ﺍﻋﻼﻥ ، ﺍﻛﺪﺭ ﺍﺧﺬ ﺍﻟﺮﻗﻢ ﺍﻟﺨﺎﺹ ﻟﻼﺳﺘﺎﺫ ﻟﻨﺘﻜﻠﻢ
- ﻃﺒﻌﺎ ، ﻣﻮﺟﻮﺩ ﻋﻠﻰ ﻫﺬﺍ ﺭﻗﻤﺞ ﻭﺍﺗﺴﺎﺏ ﻣﻮ ؟ ﺣﺘﻰ ﺍﺑﻌﺜﻠﺞ ﺍﻟﺮﻗﻢ
- ﻧﻌﻢ ﻧﻌﻢ ﻣﻨﺼﺒﺔ ﻋﻠﻴﻪ ﺍﻟﻮﺍﺗﺴﺎﺏ ﺗﻜﺪﺭ ﺗﺒﻌﺜﻪ
- ﺟﻴﺪ، ﺍﺧﺬﻱ ﺭﺍﺣﺘﺞ ﺳﺖ ﻟﺠﻴﻦ
- ﺍﻫﻼ ﻭ ﺳﻬﻼ
ﻣﺨﻠﺪ : ﻣﻨﻮ ؟
- ﻣﺪﻳﺮ ﺍﻋﻤﺎﻝ ﺍﻟﻨﺎﺋﺐ ﺯﺍﻫﺮ ﺣﻤﻴﺪ
- ﻭ ﻫﺬﺍ ﺷﻌﻨﺪﺝ ﻭﻳﺎﻩ ﺷﻐﻞ
- ﻋﻘﺪ ﺷﺮﻛﺔ ﻭ ﻫﺎﻻﻣﻮﺭ ، ﺗﻌﺮﻑ ﺷﺮﻛﺘﻨﺎ
- ﺍﺧﺬﻱ ﺣﺬﺭﺝ ﺑﺎﻟﺘﻌﺎﻣﻞ ﻭﻳﺎﻫﻢ ﻟﺠﻴﻦ
- ﻭ ﻫﻮ ﻛﺬﻟﻚ ﺩﺍ ﺍﺣﺎﻭﻝ ﻗﺪﺭ ﺍﻻﻣﻜﺎﻥ ﺍﻛﻮﻥ ﺣﺬﺭﺓ
ﺍﺑﺪﻝ ﻭ ﻧﻄﻠﻊ، ﺍﻟﻴﻮﻡ ﺟﻤﻌﺔ ﻭ ﺗﺤﻠﻰ ﺍﻟﻄﻠﻌﺔ ﻭ ﺍﻟﻮﻧﺴﺔ ﺷﺮﺍﻳﻚ
- ﻳﻼ ﺍﻧﺘﻈﺮﺝ
ﺑﺪﻟﺖ ﻭ ﻃﻠﻌﺖ ﺍﻧﻲ ﻭﻳﺎﻩ ﻓﺮﻳﻨﺎ ﻭ ﻟﻔﻴﻨﺎ ﻭ ﺗﻮﻧﺴﻨﺎ ﻭ ﺗﻌﺸﻴﻨﺎ ﺑﺮﺍ ﻣﺮﺟﻌﻨﺎ ﻟﺤﺪ ﺍﻟﻠﻴﻞ ، ﻫﻮ ﺗﻤﻤﺪ ﺑﺎﻟﺼﺎﻟﺔ ﻉ ﺍﻟﺘﺨﻢ ﻧﺎﻡ ﺍﻧﻲ ﺍﺧﺬﺕ ﻏﻄﺎﻯ ﻭ ﻏﻄﻴﺘﻪ ﻭ ﺭﺣﺖ ﺳﺒﺤﺖ ﻭ ﻛﻌﺪﺕ ﺑﻐﺮﻓﺘﻲ
ﺷﻔﺖ ﺍﻟﺮﻗﻢ ﺑﺎﻋﺜﻠﻲ ﻣﺪﻳﺮ ﺍﻋﻤﺎﻝ ﺍﻟﻨﺎﺋﺐ ، ﺑﺎﻭﻋﺖ ﺍﻟﺴﺎﻋﻪ ﺑﺎﻟﺘﺴﻌﺔ ، ﻳﻌﻨﻲ ﺑﻌﺪ ﻭﻛﺖ .. ﺍﺧﺬﺕ ﺍﻟﺮﻗﻢ ﻭ ﺭﺍﺳﻠﺖ ﻭ ﺍﺗﺴﺎﺏ ﻭ ﺑﻌﺜﺖ ( ﻣﺮﺣﺒﺎ )
ﺩﻗﺎﻳﻖ ﻭ ﺟﺎﻭﺑﻨﻲ : ﺍﻫﻼ ﺳﺖ ﻟﺠﻴﻦ
- ﺍﻫﻼ ﺍﺳﺘﺎﺫ ﻛﻠﻤﻨﻲ ﻣﺪﻳﺮ ﺍﻋﻤﺎﻟﻚ ﺑﺨﺼﻮﺹ ﻣﻮﻋﺪ
- ﻧﻌﻢ
- ﺍﺳﺘﺎﺫ ﺍﻟﻲ ﺍﻟﺸﺮﻑ ﺍﻥ ﺍﻟﺘﻘﻴﻚ ﻭ ﺍﻛﻮﻥ ﻋﻠﻰ ﻣﻮﻋﺪ ﻣﻌﺎﻙ ﻟﻜﻦ ﻣﺎ ﺍﺧﻔﻲ ﻋﻨﻚ ﺍﻣﺮ، ﺍﻧﻲ ﺍﻋﻼﻣﻴﺔ ﻭ ﻓﺌﺔ ﻣﻦ ﺍﻟﻨﺎﺱ ﺗﻌﺮﻓﻨﻲ ﺻﻌﺐ ﺟﺪﺍ ﺍﻥ ﺍﻟﺘﻘﻴﻚ ﻋﻠﻰ ﺍﻧﻔﺮﺍﺩ ﺑﻤﻮﻋﺪ ﺧﺎﺹ ﻫﺎﻻﻣﺮ ﻻ ﻳﺨﺪﻣﻨﻲ ﻭﻻ ﻳﺨﺪﻣﻚ
......
ﻭ ﺍﻧﺖ ﺗﻌﺮﻑ ﺻﻔﺤﺎﺕ ﻣﻮﺍﻗﻊ ﺍﻟﺘﻮﺍﺻﻞ ﻭ ﺍﻻﻋﻼﻡ ﻭ ﺍﻟﺠﺮﺍﻳﺪ ﻳﺘﻤﻨﻮﻥ ﺍﻟﺨﺒﺮ ﺣﺘﻰ ﻭ ﺍﻥ ﻛﺎﻥ ﻛﺎﺫﺏ ﻟﻴﻜﺒﺮﻭﻩ ﻭ ﻳﻌﻤﻠﻮﻥ ﻣﻨﻪ ﻗﺼﺔ ﻓﻠﻘﺎﺋﻲ ﻭﻳﺎﻙ ﺭﺑﻤﺎ ﻳﺴﺒﺐ ﻣﺸﻜﻠﻪ
ﺣﺘﻰ ﺍﻣﺎﻡ ﻣﺪﻳﺮﻱ ﺑﺎﻟﻌﻤﻞ ﺷﻲﺀ ﻏﻴﺮ ﻻﺋﻖ ﺟﺪﺍ
- ﻛﻼﻣﻚ ﻋﻴﻦ ﺍﻟﺼﻮﺍﺏ ﻭ ﺍﻧﺎ ﻛﺬﻟﻚ ﺍﺧﺸﻰ ﻋﻠﻰ ﺳﻤﻌﺘﻲ ﻭ ﺳﻤﻌﺘﻚ ﺍﻳﻀﺎ ﺗﻬﻤﻨﻲ ، ﻭ ﻋﻠﻴﻪ ﻓﺄﻧﺎ ﺍﺩﻋﻮﻙ ﻟﺴﻔﺮﺓ ﻟﺘﺮﻛﻴﺎ ﺑﺘﺬﻛﺮﺓ ﻭ ﺗﻜﺎﻟﻴﻒ ﺍﻟﺴﻔﺮ ﻋﻠﻰ ﺣﺴﺎﺑﻲ ﺍﻟﺨﺎﺹ
..... ﺑﺎﻭﻋﺖ ﻫﺬﺍ ﺩﺍ ﻳﺪﻋﻴﻨﻲ ﻟﺘﺮﻛﻴﺎ ﺯﻳﻦ ﺷﻌﻨﺪﻱ ﻭﻳﺎﻩ ﻭ ﺍﻟﺘﻘﻴﻪ ﺑﺘﺮﻛﻴﺎ ﻫﺬﺍ ﺍﻟﻠﻲ ﻳﻜﻮﻝ ﺍﺭﻳﺪ ﺍﺗﺤﺪﺙ ﺑﺎﻟﻔﻦ ﻭ ﺍﻟﻔﻨﺎﻧﻴﻦ ﻫﺎﻟﺠﺬﺍﺏ
- ﺑﺲ ﺍﺳﺘﺎﺫ ﻳﻌﻨﻲ ﺍﺷﻮﻥ ﺭﺍﺡ ﺍﻟﺘﻘﻴﻚ ﻫﻨﺎﻙ
- ﻻ ﺗﻘﻠﻘﻲ ﻣﻦ ﺍﻱ ﺟﺎﻧﺐ، ﺳﺄﻭﻓﺮ ﻟﻚ ﻣﺮﺍﻓﻖ ﺧﺎﺹ ﺣﺘﻰ ﻳﻜﻮﻥ ﻓﻲ ﺧﺪﻣﺘﻚ
... ﺩﻳﻼ ﺑﺎﻟﻠﻪ ﻋﻠﻰ ﻫﺎﻟﻠﺰﻛﺔ ﺑﺴﺎﻉ ﺳﺤﻞ ﺭﻭﺣﻪ ، ﺍﺩﺭﻱ ﺍﺷﻔﺖ ﻣﻨﻲ ﺷﻌﺮﻓﺖ ﻋﻨﻲ ، ﻫﺬﺍ ﻫﻢ ﺣﻈﻲ
- ﺍﻥ ﺷﺎﺀﺍﻟﻠﻪ ﺍﺳﺘﺎﺫ ﻳﺼﻴﺮ ﺧﻴﺮ
- ﺍﺫﻥ ﻧﻠﺘﻘﻲ
- ﺍﻥ ﺷﺎﺀﺍﻟﻠﻪ
ﻧﻬﻴﺖ ﺍﻟﻤﺮﺍﺳﻠﺔ ﻭﻳﺎﻩ، ﺭﺣﺖ ﺭﺍﺳﻠﺔ ﺍﺣﻤﺪ
- ﺍﻫﻼ ﺍﺳﺘﺎﺫ ﺍﺣﻤﺪ
- ﺍﻫﻼ ﺳﺖ ﻟﺠﻴﻦ
- ﺍﻛﻮﻟﻚ ﺍﺳﺘﺎﺫ ﻫﺬﺍ ﺍﻟﻨﺎﺋﺐ ﺭﺍﺳﻠﻨﻲ ﻭ ﺩﻳﻄﻠﺐ ﻣﻮﻋﺪ ، ﺑﻴﻨﺘﻠﻪ ﺍﻧﻮ ﺻﻌﺐ ﺗﻨﻮﺏ ﺯﻭﺩﻫﺎ ﻭ ﻳﻜﻮﻟﻲ ﺍﺩﻋﻴﺞ ﻟﻤﻮﻋﺪ ﺑﺘﺮﻛﻴﺎ ﻭ ﺗﻜﺎﻟﻴﻒ ﺍﻟﺴﻔﺮ ﻋﻠﻰ ﺣﺴﺎﺑﻲ ﺍﻟﺨﺎﺹ
- ﻫﺬﻩ ﻓﺮﺻﺔ ﺟﻴﺪﻩ ﺟﺪﺍ ﻟﻨﺮﺑﺢ ﺍﻟﻌﻘﺪ ﻻ ﺗﻀﻴﻌﻴﻬﺎ ﺳﺖ ﻟﺠﻴﻦ
- ﺍﻱ ﻓﺮﺻﺔ ﺍﺳﺘﺎﺫ ﺍﺣﻤﺪ ﺩﺧﻴﻠﻚ ﺍﻧﻲ ﺷﻌﻨﺪﻱ ﻭﻳﺎ ﻧﺎﺋﺐ ﺑﻤﻮﻋﺪ ﺧﺎﺹ ، ﺳﻤﻌﺘﻲ ﺍﺳﻤﻲ
- ﻫﻮ ﻃﻠﺒﺞ ﻟﺘﺮﻛﻴﺎ ﻟﻴﻜﻮﻥ ﺍﻟﻠﻘﺎﺀ ﺑﻌﻴﺪ ﻋﻦ ﺍﻻﻧﻈﺎﺭ
- ﻳﺎ ﺍﻧﻈﺎﺭ ﺍﻧﻲ ﻣﺘﺎﻛﺪﻩ ﺑﻌﺪ ﺍﻟﻠﻘﺎﺀ ﻳﻄﻠﺐ ﺍﻣﻮﺭ ﺍﻛﺜﺮ
- ﺳﺎﻳﺮﻱ
- ﻣﺎ ﺍﻛﺪﺭ ﺍﺳﺘﺎﺫ ﻗﺎﺑﻞ ﺍﻧﻲ ﺑﻨﺖ ﻟﻴﻞ ﺩﺍ ﺍﺳﺎﻳﺮﻩ ﺣﺘﻰ ﺍﺧﺬ ﺍﻟﻠﻲ ﺍﺭﻳﺪﻩ
- ﺣﺸﺎﺝ ﺳﺖ ﺍﺟﻴﻦ ﺍﻧﺖ ﺍﻧﺴﺎﻥ ﻣﻌﺮﻭﻓﻪ ﻭ ﺻﺎﺭﻟﻨﺎ ﻓﺘﺮﺓ ﻧﺸﺘﻐﻞ ﻭﻳﺎﺝ ﺍﻛﻴﺪ ﺍﻧﺖ ﺍﺭﻓﻊ ﻭ ﺍﺳﻤﻰ ﻣﻦ ﻫﺎﻟﺸﻲﺀ ﻭ ﺣﺎﺷﻰ ﺍﻥ ﺗﺘﻘﺎﺭﻧﻴﻦ ﺑﻬﻜﺬﺍ ﺍﻟﻔﺎﻅ ﻟﻜﻦ ﺗﻌﺮﻓﻴﻦ ﺍﻫﻤﻴﺔ ﻫﺬﺍ ﺍﻟﻌﻘﺪ ﻟﻠﺸﺮﻛﺔ ﻭ ﺍﺣﺘﻤﺎﻝ ﺑﺮﻓﻀﺞ ﻳﺨﺮﺏ ﻛﻞ ﺷﻲﺀ ﺍﻧﻲ ﻧﺴﺘﻌﺪ ﺍﺯﻳﺪ ﺑﻤﻜﺎﻓﺌﺘﺞ ﺿﻌﻔﻴﻦ ﻟﻜﻦ ﺍﺭﺟﻮﺝ ﻻ ﺗﺨﺮﺑﻴﻦ ﺍﻟﻤﻮﺿﻮﻉ ﻟﺠﻴﻦ
- ﻫﻲ ﻣﻮ ﻗﺼﺔ ﻣﻜﺎﻓﺄﺓ ﺑﺲ ﻳﺎ ﺍﺧﻲ ﻣﺪﺍ ﺍﺗﻘﺒﻠﻬﺎ ،
... ﺑﻘﻰ ﻳﺘﻮﺳﻞ ﻭ ﻳﻘﻨﻌﻨﻲ ، ﺍﺧﺮﻫﺎ ﻛﻠﺖ ﺷﻴﺼﻴﺮ ﻳﻌﻨﻲ ﺍﺳﺎﻓﺮ ﻭ ﺍﻟﺘﻘﻴﻪ ﻭ ﺍﺷﻮﻑ ﻭﻳﻦ ﺩﻳﻮﺻﻞ
ﺑﺲ ﺑﻘﻴﺖ ﺍﻟﻠﻴﻞ ﻛﻠﻪ ﻓﻜﺮﺓ ﺗﺎﺧﺬﻧﻲ ﻭ ﻓﻜﺮﺓ ﺗﺮﺩﻧﻲ ﻟﺤﺪ ﻣﺎ ﻧﻤﺖ .
ﻛﻌﺪﺕ ﺍﻟﺼﺒﺢ ﺍﻟﺴﺎﻋﺔ ١١ ﺗﻘﺮﻳﺒﺎ ﻋﻠﻰ ﺻﻮﺕ ﻣﺨﻠﺪ ﻳﻐﻨﻲ ﺑﺎﻟﻤﻄﺒﺦ ﻭ ﻫﻮ ﻳﻄﺒﺦ
ﻛﻤﺖ ﻣﻦ ﻣﻜﺎﻧﻲ ﺭﺣﺖ ﻳﻤﻪ ﻭ ﺍﺳﻤﻌﻪ ﻳﻄﺮﺏ
-: ﻳﺎ ﻃﻴﻮﺭ ﺍﻟﻄﺎﻳﺮﺓ ﻣﺮﺑﻲ ﺑﻬﻠﻲ ﻃﻦ ﻃﻦ ﻃﺮﻥ
ﻳﺎ ﺷﻤﺴﻨﺎ ﺍﻟﺪﺍﻳﺮﺓ ﺿﻮﻱ ﻟﻬﻠﻲ ﻃﻦ ﻃﻦ ﻃﺮﻥ
- ﻃﻦ ﻃﻦ ﻃﺮﻥ ﻋﻮﺩ ﺷﻨﻮ ﻫﺎﻱ ؟
ﺍﻟﺘﻔﺘﻠﻲ : ﻟﺤﻦ ﻫﺬﺍ ﺑﺎﺑﺎ ﻟﺤﻦ ﺷﻌﺮﻓﺞ ﺍﻧﺖ ﺑﺎﻷﻟﺤﺎﻥ
- ﻫﻬﻬﻬﻬﻬﻬﻬﻬﻬﻬﻪ ، ﺷﺪﺍ ﺗﺴﻮﻱ
- ﺳﻮﻳﺘﻠﺞ ﻣﺨﻠﻤﺔ ﻟﺤﻢ ﻭ ﻃﻤﺎﻃﺔ
- ﺍﻱ
- ﻭ ﺑﻴﺾ ﺳﻠﻚ
- ﻭ ﺟﺒﺘﻠﺞ ﺧﺒﺰ ﺍﺑﻴﺾ ﻭ ﺍﺫﺍ ﻣﺎ ﻛﻠﺘﻲ ﻛﺮﺻﺘﻴﻦ ﻛﺪﺍﻣﻲ ﺍﺑﻮ ﺍﺑﻮﺝ ﺍﺳﻤﻄﻪ
- ﻫﻠﻮﻭﻭﻭﻭﻭ ﻫﻨﻮﺏ ﺣﻮﻝ ﻋﻠﻰ ﺟﺪﻱ
- ﻫﻢ ﻛﻮﻟﻲ ﺍﺑﻮﺝ ، ﺟﺪﻱ ﻭ ﺍﻧﻲ ﺣﺮ ﺍﺳﺒﻪ ﺍﺷﻌﻠﻪ ﺍﻧﻌﻠﻪ ﻣﺎ ﺍﻟﺞ ﻋﻼﻗﺔ ﺍﻧﻲ ﻭ ﺟﺪﻱ ﻧﺘﺼﺎﻓﻰ
- ﻫﻬﻬﻬﻬﻬﻬﻬﻬﻬﻪ
- ﺍﻃﻠﻊ ﺗﻮﺳﺖ
- ﺩﻃﻠﻌﻲ ﻭ ﺷﻮﻓﻲ ﻻ ﺍﺷﻴﻠﻬﻦ ﻭ ﺧﻠﻴﻬﻦ ﺑﻌﻴﻮﻧﺞ ﺑﺲ ﺍﻃﻠﻌﻴﻬﻦ ، ﻳﻜﺮﻡ ﺍﻟﻠﻪ ﻫﻮ ﻫﻢ ﻳﻨﻮﻛﻞ ﻓﺎﻫﻲ ﻳﻠﻌﺐ ﺍﻟﻨﻔﺲ
- ﻫﻬﻬﻬﻬﻬﻬﻪ ﺷﺴﻮﻱ ﺗﻌﻮﺩﺕ ﺑﻠﺒﻨﺎﻥ ﻟﻮ ﻋﻴﺶ ﻟﻮ ﺗﻮﺳﺖ ، ﺍﻟﻌﻴﺶ ﻳﺴﻤﻨﻲ ﻓﺄﻛﻞ ﺍﻟﺘﻮﺳﺖ ﺣﺘﻰ ﺍﻛﺘﻔﻲ ﺑﻘﻄﻌﺘﻴﻦ ﻭ ﻣﺎ ﺍﻛﺜﺮ
- ﻫﺎﺍﺍﺍ ، ﺳﻮﻳﺖ ﺍﻛﻞ ﻭ ﺩﺍ ﺍﺷﻮﻑ ﺍﺷﻮﻥ ﻣﺎ ﺗﺎﻛﻞ ﻭ ﻋﻮﺩ ﻛﻮﻟﻲ ﺍﺳﻤﻦ ﺍﻻ ﺍﺭﺑﻄﺞ ﻭ ﺍﻭﻛﻠﺞ ﻏﺼﺐ
- ﻫﻬﻬﻬﻬﻪ ﺭﺍﺡ ﺗﺒﻘﻰ ﺍﻟﻴﻮﻡ ﻫﻨﺎ ﻟﻮ ﺗﺮﻭﺡ
- ﺛﻘﻠﺖ ﻋﻠﻴﺞ ﺳﺖ ﻟﺠﻴﻦ
- ﻻ ﻭﺍﻟﻠﻪ ﺑﺎﻟﻌﻜﺲ ﻛﻠﺶ ﺗﻮﻧﺴﺖ ﻭﻳﺎﻙ ﻭ ﺍﺗﻤﻨﻰ ﺗﺒﻘﻰ ﺑﺲ ﺩﺍ ﺍﺳﺄﻝ
- ﻻ ﺍﻛﻤﻞ ﺭﻳﻮﻙ ﻭ ﺍﺭﺟﻊ ﻭﺭﺍﻳﺎ ﺩﻭﺍﻡ ﺑﺎﺟﺮ
- ﺍﻫﺎﺍ ﻋﻮﺩ ﺳﻠﻤﻨﺎ ﻫﻮﺍﻳﻪ ﻋﻠﻰ ﻋﻤﺎﻣﻲ ﻭ ﺧﺎﺻﺔ ﺣﺒﻴﺒﺔ ﻗﻠﺒﻲ ﻭ ﺭﻭﺣﻲ ﻭ ﻓﻠﺬﺓ ﻓﺆﺍﺩﻱ ﺍﻣﻚ ﺳﺖ ﻛﺮﺟﻴﺔ ﺧﺎﻧﻢ
- ﺗﺮﻭﺣﻴﻠﻬﺎ ﻓﺪﻭﻩ ﻟﺞ
- ﻭ ﺍﻧﻲ ﻗﺎﺑﻞ ﺳﺎﺑﺘﻬﺎ، ﻫﺬﺍ ﻫﻢ ﺣﻈﻲ ، ﻏﻴﺮ ﺩﺍ ﺍﺳﻠﻢ
*******-
- ﻋﺎﺑﺘﻠﻚ ﻳﺎ ﺑﺬﻳﺊ
ﺻﺐ ﺍﻟﺮﻳﻮﻙ ﻭ ﺍﻛﻠﺖ ، ﺑﺲ ﻣﻦ ﺻﺪﻙ ﺍﻛﻠﺖ ﻫﻮﺍﻳﻪ ﻭ ﻫﻮ ﺳﺄﻟﻨﻲ : ﺷﻨﻮ ﺭﺃﻳﺞ ﺑﺎﻻﻛﻞ؟
- ﻭﺍﻟﻠﻪ ﻋﺎﺷﺖ ﺍﻳﺪﻙ ﻣﻦ ﺻﺪﻙ ﻳﺠﻨﻦ ﺗﺬﻛﺮﻧﻲ ﺍﺑﺎﺑﺎ ﻣﻦ ﺟﺎﻥ ﻳﻄﺒﺨﻠﻨﺎ ﻫﻢ ﻫﺸﻜﻞ ﻃﺒﺨﺔ ﻃﻴﺐ ، ﻋﻠﻰ ﺍﻟﺮﻏﻢ ﻣﺎ ﺍﺣﺐ ﺍﻟﺒﻴﺾ ﺑﺲ ﺍﻛﻠﺖ ﺍﻛﻞ ﻣﺎﻝ ﻧﺎﺱ ﺟﻮﻋﻴﺔ
- ﺑﺎﻟﻌﺎﻓﻴﻪ ﻳﺮﻭﺣﻲ
ﺑﺎﻭﻋﺘﻠﻪ ﻣﺒﺘﺴﻤﺔ ، ﺍﺑﺘﺴﻢ ﻭ ﺩﻧﻚ ﺭﺍﺳﺔ ﻳﻜﻤﻞ ﺍﻛﻠﻪ
.. ﻛﻤﻠﻨﺎ ﺑﺪﻝ ﻭ ﻃﻠﻊ ﺍﻟﺒﻐﺪﺍﺩ
ﺑﺎﻭﻋﺖ ﺍﻟﻔﻮﻥ ﺍﻟﻨﺎﺋﺐ ﺑﺎﻋﺜﻠﻲ ﺍﻟﻤﻮﻋﺪ ﺑﺎﺟﺮ .. ﻳﺎ ﻫﺬﺍ ﺍﺷﻮﻥ ﻣﺴﺘﻌﺠﻞ ﻫﺴﻪ ﺷﺤﻈﺮ ﻣﻼﺑﺲ ﺷﺨﻠﻲ ﺷﺴﻮﻱ
ﺑﺎﻟﻠﻪ ﺷﺘﺤﺠﻲ ﻭﻳﺎﻩ
ﺍﺗﺼﻠﺖ ﺑﻤﺤﻞ ﻣﺘﻔﻘﺔ ﻭﻳﺎﻩ ﻋﻠﻰ ﺍﻋﻼﻧﺎﺕ ﻣﻼﺑﺲ ﻭ ﺍﺣﺬﻳﺔ ﻭ ﺣﻘﺎﺋﺐ ﺍﺳﻮﻳﻠﻬﻢ ﺟﻠﺴﺎﺕ ﺗﺼﻮﻳﺮ ﻭ ﺍﻗﺪﻣﻬﻢ ﺍﻟﻪ .. ﺣﺘﻰ ﻳﻌﺮﺽ ﺑﻀﺎﻋﺘﻪ
ﻓﺒﻌﺜﻠﻲ ﻣﺠﻤﻮﻋﺔ ﻣﻼﺑﺲ ﻓﺴﺎﺗﻴﻦ ﺳﻬﺮﺓ ﻭ ﻛﺎﺟﻮﻝ ﻭ ﺍﺣﺬﻳﺔ ﻭ ﺟﻨﻂ
ﺍﺧﺬﺗﻬﻢ ﻭ ﺭﺣﺖ ﺛﺎﻧﻲ ﻳﻮﻡ ﺍﻟﺘﺮﻛﻴﺎ، ﺍﻟﻤﺮﺍﻓﻖ ﻓﻌﻼ ﻣﺎ ﻓﺎﺭﻛﻨﻲ ﺟﺎﻥ ﺑﻮﻛﺎﺭﺩ ﻭﻳﻦ ﻣﺎ ﺍﺭﻭﺡ .. ﺍﺗﻔﻘﺖ ﻣﻊ ﻣﺼﻮﺭ ﻳﺴﻮﻳﻠﻲ ﺟﻠﺴﺎﺕ ﺗﺼﻮﻳﺮ ﺑﺄﻣﻜﺎﻥ ﻣﺘﻌﺪﺩ
ﻭ ﺍﻭﻝ ﺷﻲﺀ ﺑﺪﻳﺖ ﺑﺄﻋﻼﻧﺎﺕ ﻓﺴﺎﺗﻴﻦ ﺍﻟﺴﻬﺮﺓ ﻛﻤﻠﺖ ﺟﻠﺴﺔ ﺍﻟﺘﺼﻮﻳﺮ ﻃﻠﻌﺖ ﺑﻮﺟﻬﻲ ﻟﻠﻘﺎﺋﻲ ﻭﻳﺎ ﺍﻟﻨﺎﺋﺐ
ﻭﺻﻠﺖ ﻟﻠﻤﻜﺎﻥ ﺍﻟﻤﺤﺪﺩ ، ﻟﻜﻴﺘﻪ ﻛﺪﺍﻣﻲ ﻣﺴﻮﻱ ﺍﺟﻮﺍﺀ ﻭ ﻓﺪ ﺗﺮﺗﻴﺐ ﺍﻟﻴﻜﻮﻝ ﻋﺎﻳﺶ ﺑﻤﺴﻠﺴﻞ ﺗﺮﻛﻲ
ﺗﻘﺮﺑﺖ ﻣﻨﻪ ﺳﻠﻤﺖ ﻋﻠﻴﻪ
: ﺍﻫﻼ ﺑﺎﻻﻣﻴﺮﺓ ﺍﻟﺤﺴﻨﺎﺀ
- ﺍﻫﻼ ﺑﻴﻚ ﺍﺳﺘﺎﺫ
- ﺭﺟﺎﺋﺎ ﺑﻼ ﺭﺳﻤﻴﺎﺕ ﺍﺣﻨﻪ ﺍﻻﻥ ﺑﻌﻴﺪﻳﻦ ﻋﻦ ﺍﻣﺎﻛﻦ ﺷﻐﻠﻨﺎ ﻭ ﺑﻌﻴﺪﻳﻦ ﺣﺘﻰ ﻋﻦ ﺍﻟﻌﺮﺍﻕ ﻓﻴﺎﺭﻳﺖ ﻳﺎ ﻟﺠﻴﻦ ﺗﺴﻤﻴﻨﻲ ﺯﺍﻫﺮ
ﺑﺪﻭﻥ ﻣﺴﻤﻰ ﺍﺧﺮ
ﺍﺑﺘﺴﻤﺖ ﻣﺠﺎﻭﺑﺖ ﻭ ﺑﻜﻠﺒﻲ ﻛﻠﺖ ﺣﻠﻮ ﻫﺎﻱ ﺑﺪﺍﻳﺘﻬﺎ ﺍﻟﻠﻪ ﻳﺴﺘﺮ ﻣﻦ ﺗﺎﻟﻴﻬﺎ ..... ﻳﺘﺒﻊ
☆☆☆☆☆☆
# ﺯﻳﻨﺐ _ ﻣﺎﺟﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء