رواية إيام لا تحتسب الجزء السابع | النهاية
للكاتبة
طائر بلا تغريد
.......
ﻭﻛﻔﺘﻨﻪ ﺳﻴﺎﺭﻩ ﻧﺰﻟﻮ ﻣﻨﻬﻪ ﺩﻭﺍﻋﺶ ﺟﺮﻭ ﻋﻠﻴﻨﻪ ﺳﻼﺡ
ﻋﻤﺮ ﺭﺍﺩ ﻳﻨﺰﻝ ﻟﺰﻣﺖ ﺍﻳﺪﻩ ﻛﺘﻠﻪ ﻧﺘﻔﺎﻫﻢ ﺑﻠﻌﻘﻞ
ﺣﻴﺪﺭ .... ﻋﻠﻲ ﺷﻠﻮﻥ ﺷﻨﺴﻮﻱ
ﻣﻌﻠﻴﻚ ﺍﻧﺖ ﺣﻴﺪﺭ ﺗﺒﻘﻰ ﺑﻠﺴﻴﺎﺭﻩ ﻣﺎﺗﻨﺰﻝ ﺍﺑﺪ ﺳﻤﻌﺖ ﻟﻮ ﺑﻌﺪ ﺍﻋﻴﺪ
ﺣﻴﺪﺭ ... ﺑﺲ ﺷﻠﻮﻥ ﺍﺑﻘﻰ
ﻋﻠﻲ ... ﺣﻴﺪﺭ ﻭﺣﻖ ﺍﻟﺤﻖ ﻟﻮ ﻛﺴﺮﺕ ﻛﻠﻤﺘﻲ ﻫﻠﻤﺮﻩ ﻻ ﺍﻧﺖ ﺍﺧﻮﻱ ﻭﻻ ﺍﻋﺮﻓﻚ ﻓﻬﻤﺖ
ﺣﻴﺪﺭ .... ﻗﺒﻀﺖ ﻋﻠﻰ ﺍﻟﻜﺸﻦ ﺣﻴﻞ ﻭﺍﻧﻲ ﺍﻫﺰ ﺭﺍﺳﻲ
ﻋﻤﺮ .... ﻋﻠﻲ ﺧﻠﻴﻨﻲ ﺃﻧﻲ ﺍﺗﻔﺎﻫﻢ ﻭﻳﺎﻫﻢ
ﺗﻤﺎﻡ ﻧﻨﺰﻝ ﺃﻧﻲ ﻭﻳﺎﻙ ﺑﺲ ﺑﺪﻭﻥ ﺗﻬﻮﺭ ﺳﻤﻌﺖ
ﻋﻤﺮ ... ﺗﻤﺎﻡ
ﻧﺰﻟﻨﻪ ﻣﻦ ﺍﻟﺴﻴﺎﺭﻩ ﺗﻘﺮﺑﺖ ﻣﻦ ﻳﻢ ﻋﻤﺮ ﻛﺘﻠﻪ ﺣﻴﺪﺭ ﻣﺮﻳﺾ ﻭﻣﺎﺧﺬﻳﻨﻪ ﻟﻠﻤﺴﺘﺸﻔﻰ
ﻫﺰ ﺭﺍﺳﻪ ﺑﻤﻌﻨﻰ ﻓﻬﻤﺖ
ﻣﻨﻮ ﺍﻧﺘﻮ ﻭﺷﻌﺪﻛﻢ ﻫﻨﺎ ﺑﻬﻞ ﻭﻗﺖ ... ﺻﺎﺡ ﺍﻟﺪﺍﻋﺸﻲ
ﻋﻤﺮ .... ﺳﻴﺪﻱ ﺍﺧﻮﻳﻲ ﻣﺮﻳﺾ ﻭﻣﺎﺧﺬﻳﻨﻮ ﻟﻠﻤﺴﺘﺸﻔﻰ
ﻭﻳﻨﻪ ﺍﺧﻮﻙ
ﻫﺬﺍﻙ ﻫﻮﻱ ﺑﻠﺴﻴﺎﺭﻩ
ﻭﻟﻴﺶ ﻣﻨﺎ ﻃﺎﻟﻌﻴﻦ ﻣﻮ ﻋﻠﻰ ﺍﻟﺸﺎﺭﻉ ﺍﻟﻌﺎﻡ
ﺳﻴﺪﻱ ﺑﻴﺘﻨﻪ ﻫﻨﺎﻙ ﺑﻠﺸﺎﺭﻉ ﺍﻟﻮﺭﻩ ﻫﺬﺍ ﺍﻟﺸﺎﺭﻉ
ﻭﻃﺮﻳﻘﻨﻪ ﻣﻨﺎ ﻟﻠﺸﺎﺭﻉ ﺍﻟﻌﺎﻡ
ﺃﻫﺎ ﻭﺷﺒﻴﻪ ﺍﺧﻮﻛﻢ
ﻋﻤﺮ ..... ﻇﺮﺑﺔ ﺷﻤﺲ ﻛﻠﺘﻪ ﻭﺗﻨﺪﻣﺖ ﻭﻳﻦ ﺃﻛﻮ ﺷﻤﺲ ﺑﻠﺸﺘﻪ ﺑﺲ ﺍﻟﻀﺎﻫﺮ ﺍﻟﻜﺪﺍﻣﻲ ﻣﻄﺎﻳﻪ ﺣﺸﺎﻛﻢ ﻋﺒﺮﺕ ﻋﻠﻴﻬﻢ
ﻧﺰﻟﻮ ﺳﻼﺣﻬﻢ ﻭﻛﺎﻟﻮ
ﻳﻠﻠﻪ ﺍﻣﺸﻲ ﻋﻠﺴﺮﻳﻊ ﻻ ﺗﺒﻘﻮﻥ ﻫﻨﺎ ﻭﺍﻛﻔﻴﻦ
ﺗﻤﺎﻡ ﺳﻴﺪﻱ
ﺭﺟﻌﻨﻪ ﻟﻠﺴﻴﺎﺭﻩ ﻭﺍﺣﻨﻪ ﻧﻈﺤﻚ ﻋﻠﻰ ﻇﺮﺑﺔ ﺍﻟﺸﻤﺲ
ﻭﻟﻚ ﻣﺎ ﻟﻜﻴﺖ ﻏﻴﺮ ﻇﺮﺑﺔ ﺍﻟﺸﻤﺲ ﻛﺘﻠﻪ
ﻫﻬﻬﻪ ﺷﻤﺪﺭﻳﻨﻲ ﺍﺟﺖ ﻋﻠﻰ ﻟﺴﺎﻧﻲ
ﻳﻠﻠﻪ ﻫﻢ ﺯﻳﻦ ﻣﺤﺪ ﺍﻧﺘﺒﻪ
ﺷﻐﻠﻨﻪ ﺍﻟﺴﻴﺎﺭﻩ ﻭﺍﻟﺪﻭﺍﻋﺶ ﻳﺒﺎﻭﻋﻮﻥ ﻋﻠﻴﻨﻪ
ﻟﺤﺪ ﻣﺎ ﻋﺒﺮﻧﺎﻫﻢ
ﺍﻓﺘﺮﻳﻨﻪ ﻣﻦ ﺍﻟﺸﺎﺭﻉ ﺍﻟﺜﺎﻧﻲ
ﻧﺰﻝ ﻋﻠﻲ ﺑﺎﻭﻉ ﻋﻠﻰ ﺍﻟﺸﺎﺭﻉ ﻣﺎﻟﻜﺎﻫﻢ
ﺭﺟﻌﻨﻪ ﻟﻠﺒﻴﺖ
ﻋﻠﻲ ﻳﻤﺸﻲ ﻛﺪﺍﻣﻨﻪ ﺭﻛﻆ ﻓﺘﺢ ﺍﻟﺒﺎﺏ
ﺩﺧﻠﺖ ﺍﻟﺴﻴﺎﺭﻩ ﻭﺳﺪ ﺍﻟﺒﺎﺏ ﺑﺴﺮﻋﻪ
ﻣﺎﻛﻮ ﻭﻻ ﻭﺍﺣﺪ ﺣﺲ ﺑﻴﻨﻪ
ﺟﺎﻧﺖ ﺍﻟﺴﺎﻋﻪ ﺗﻘﺮﻳﺒﺎ ﺳﺘﻪ ﺍﻟﺼﺒﺢ
ﺩﺧﻠﻨﻪ ﻋﻠﻰ ﺍﻟﺒﻴﺖ
ﻣﺎﻛﻮ ﻣﻘﻔﻮﻝ
ﻛﻌﺪﻧﻪ ﺑﻠﻄﺎﺭﻣﻪ
ﺷﻮﻳﻪ ﺳﻤﻌﻨﻪ ﺣﺮﻛﻪ ﺑﻠﺒﺎﺏ
ﻋﻠﻲ ....
ﺑﺎﻭﻋﺖ ﻣﻦ ﺷﺒﺎﻙ ﺍﻟﻤﻄﺒﺦ ﺷﻔﺖ ﻟﻴﻠﻲ ﺩﺧﻠﺖ ﻟﻠﻤﻄﺒﺦ
ﺭﺩﺕ ﺍﺻﻴﺢ ﺍﻟﻪ ﺑﺲ ﻋﺠﺒﻨﻲ ﺍﺑﺎﻭﻉ ﻋﻠﻴﻪ ﺷﻨﻮ ﺗﺴﻮﻱ
ﺩﺧﻠﺖ ﻓﺘﺤﺖ ﺍﻟﻤﺎﻱ ﻏﺴﻠﺖ ﻭﻓﺮﺟﺔ ﺍﺳﻨﺎﻧﻪ
ﻭﻃﻠﻌﺖ ﻗﻮﺭﻱ ﺗﺮﺳﺘﻪ ﻣﻲ ﻭﺧﻠﺘﻪ ﻋﻠﻰ ﺍﻟﻨﺎﺭ
.......
ﺷﻌﺪﻩ ﻛﺎﻋﺪﻩ ﻣﻦ ﺍﻟﺼﺒﺢ ﺍﻟﻲ ﺃﺫﻛﺮﻩ ﺑﻠﻌﺸﺮﻩ ﻳﺎﻟﻠﻪ ﺗﻜﻌﺪ
ﻟﻴﻠﻰ ....
ﺫﻳﺞ ﺍﻟﻠﻴﻠﻪ ﻣﺎﻧﻤﺖ ﺑﻘﻴﺖ ﺳﻬﺮﺍﻧﻪ ﻣﺎﻋﺮﻑ ﻟﻴﺶ
ﻋﻴﻨﻲ ﻣﻦ ﻛﺪ ﺍﻟﻔﺮﺣﻪ ﻣﺎ ﺷﺎﻓﺖ ﻧﻮﻡ
ﻛﻤﺖ ﻣﻦ ﺍﻟﺼﺒﺢ ﻏﺴﻠﺖ ﻭﺧﻠﻴﺖ ﺍﻟﻘﻮﺭﻱ ﻛﻠﺖ ﺍﺳﻮﻱ ﺭﻳﻮﻙ ﺍﺗﺮﻳﻚ ﻭﻛﻌﺪﻫﻢ
ﺧﻠﻴﺖ ﺍﻟﻘﻮﺭﻱ ﻭﺩﺭﺕ ﻭﺟﻬﻲ ﺷﻔﺖ ﺧﻴﺎﻝ ﺑﻠﻄﺎﺭﻣﻪ
ﺗﻘﺮﺑﺖ ﻣﻦ ﺍﻟﺸﺒﺎﻙ ﺷﻔﺖ ﻭﺍﺣﺪ ﺩﺍﻳﺮ ﻇﻬﺮﻩ ﻋﻠﻴﻪ
ﺧﻔﺖ ﻣﻨﻪ
ﺑﺎﻭﻋﺖ ﺳﻴﺎﺭﻩ ﻭﺍﻛﻔﻪ ﺑﻠﻄﺎﺭﻣﻪ
ﻫﺎﻱ ﺷﻠﻮﻥ ﺩﺧﻠﺖ ﻳﺎﺭﺑﻲ
ﺭﺩﺕ ﺍﺭﻭﺡ ﺍﻛﻌﺪﻫﻢ ﺍﻧﺪﺍﺭ ﻋﻠﻴﻪ
ﻭﺷﻮﻑ ﻋﻠﻲ ﻛﺪﺍﻣﻲ ﻣﺒﺘﺴﻢ
ﻳﺎﺑﻪ ﺍﻷﺑﺘﺴﺎﻣﻪ ﻭﺍﻟﺪﻣﻊ ﺳﻮﻳﻪ
ﺗﺒﺴﻤﺮﺕ ﺑﻠﻜﺎﻉ
ﻳﺄﺷﺮﻟﻲ ﺍﻓﺘﺢ ﺍﻟﺒﺎﺏ
ﻭﺍﻧﻲ ﻭﻻ ﻳﻤﻪ
ﺃﻳﺪﻱ ﻋﻠﻰ ﺣﻠﻜﻲ ﻛﺎﺗﻤﻪ ﻇﺤﻜﺘﻲ ﻭﻋﻴﻮﻧﻲ ﺗﺠﺮﻱ
ﻋﻠﻲ .... ﺣﺴﻴﺖ ﺑﻴﻬﻪ ﺷﺎﻓﺘﻨﻲ ﺭﺋﺴﻦ ﺩﺭﺕ ﻭﺟﻬﻲ ﻋﻨﻪ
ﺷﻮﻳﻪ ﻭﻓﺘﺮﻳﺖ ﺍﻟﻪ
ﻣﻦ ﺷﺎﻓﺘﻨﻲ ﺍﻧﺼﺪﻣﺖ ﺧﻄﻴﻪ
ﺃﺷﺮﻟﻪ ﺍﻓﺘﺤﻲ ﺍﻟﺒﺎﺏ ﻣﺎﻛﻮ
ﺑﻌﺪ ﻓﺘﺮﻩ ﻳﺎﻟﻠﻪ ﻛﺪﺭﺕ ﺗﺴﺘﻮﻋﺐ ﺍﻟﺼﺪﻣﻪ
ﺭﻛﻈﺖ ﻓﺘﺤﺖ ﺍﻟﺒﺎﺏ
ﻭﺍﻧﺎ ﻭﻛﻔﺖ ﻛﺒﺎﻟﻪ
ﺷﺎﻓﺘﻨﻲ ﺍﺭﺗﻤﺖ ﺑﺤﻈﻨﻲ ﻭﺗﺒﺠﻲ
ﻭﺝ ﻟﻴﺶ ﺗﺒﺠﻴﻦ
ﻣﺎﻛﻮ ﺟﻮﺍﺏ
ﻣﺠﻠﺒﻪ ﺑﻴﻪ ﻭﺗﺒﺠﻲ
ﺧﻠﻴﺘﻪ ﺑﺮﺍﺣﺘﻪ ﻟﺤﺪ ﻣﺎ ﺗﻌﺒﺖ
ﺭﻓﻌﺖ ﺭﺍﺳﻪ ﺑﺄﺩﻳﻪ ﺑﻘﻴﺖ ﻣﺮﻛﺰ ﻋﻠﻰ ﻋﻴﻮﻧﻪ ﺍﻟﺘﺠﺮﻱ ﻣﺜﻞ ﺍﻟﻤﻄﺮ
ﻋﻴﻮﻧﻪ ﻣﺜﻞ ﻭﺭﻗﻪ ﺧﻈﺮﻩ ﻣﺒﻠﻠﻪ ﺍﻟﻤﻄﺮ
ﻛﺎﻓﻲ ﺣﺒﻴﺒﻲ ﺷﺒﻴﺞ
ﻣﺎ ﻣﺎ ﻣﺼﺪﻛﻪ ﺍﻧﺖ ﺭﺟﻌﺖ
ﻃﺒﻌﺎ ﺭﺟﻌﺖ ﻏﻴﺮ ﻭﺍﻋﺪﺗﺞ
ﺃﻱ ﺍﻧﺖ ﻭﺍﻋﺪﺗﻨﻲ ﺻﺢ
ﺳﻤﻌﺖ ﺻﻮﺕ ﺣﻤﺤﻤﻪ ﻭﺭﺍﻱ
ﺍﻟﺘﻔﺖ ﺷﻔﺖ ﺣﻴﺪﺭ ﻭﻋﻤﺮ ﻭﺭﺍﻱ ﻳﻈﺤﻜﻮﻥ ﻭﻣﺪﻧﻜﻴﻦ
ﺍﻟﺘﻔﺘﺖ ﻋﻠﻴﻪ ﻛﺘﻠﻪ ﺟﺒﺘﻠﺞ ﺍﺣﻠﻰ ﻫﺪﻳﻪ
ﺃﺷﺮﺕ ﺍﻟﻌﻤﺮ ﻭﺣﻴﺪﺭ ﺷﻮﻓﻲ
ﺑﺎﻭﻋﺖ ﺗﺒﺘﺴﻢ ﻭﻣﺨﻠﻴﻪ ﺍﺩﻳﻪ ﻋﻠﻰ ﺣﻠﻜﻪ
ﻫﺬﺍ ﻋﻤﺮ ﻫﻬﻬﻪ
ﺍﻗﺘﺮﺑﺖ ﻣﻨﻪ ﺗﺮﻳﺪ ﺗﺴﻠﻢ
ﻟﺰﻣﺖ ﺍﻳﺪﻩ ﻛﺘﻠﻪ ﺧﻴﺮ ﺷﻜﻮ ﺧﺰﺭﺗﻪ
ﻇﺤﻚ ﻋﻤﺮ ﻛﺎﻝ ﻋﻤﻲ ﺧﻴﺘﻲ ﻫﺎﻱ ﺷﺒﻴﻚ
ﻻ ﻳﺨﻮﻱ ﺳﻠﻢ ﻣﻦ ﺑﻌﻴﺪ
ﻫﻬﻬﻪ ﻣﻮﺗﺪﻟﻞ
ﺷﻠﻮﻧﺞ ﺧﻮﻳﻪ ﺍﺧﺒﺎﺭﺝ
ﺯﻳﻨﻪ ﺍﻧﺖ ﺷﻠﻮﻧﻚ
ﺍﻟﺤﻤﺪ ﻟﻠﻪ ﺗﻤﺎﻡ
ﺑﺎﻭﻋﺖ ﺍﻟﺤﻴﺪﺭ ﻭﺑﺎﻭﻋﺘﻠﻲ
ﻛﺘﻠﻪ ﻫﻬﻪ ﻣﺘﺼﺪﻛﻴﻦ ﻣﻨﻮ ﻫﺬﺍ
ﻣﻨﻮ
ﻫﺬﺍ ﺣﻴﺪﺭ
ﺑﺎﻭﻋﺖ ﻣﻤﺼﺪﻛﻪ
ﺍﺧﻮﻙ ﻛﺎﻟﺖ
ﺃﻱ ﺍﺧﻮﻱ ﻭﻋﺰﻳﺰﻱ
ﻻ ﺻﺪﻙ ﻫﺬﺍ ﻭﻳﻦ ﻟﻜﻴﺘﻪ
ﺍﺳﻜﺘﻲ ﺭﺑﺞ ﻣﺎ ﻳﻈﻴﻊ ﺷﻜﺪ ﺩﻭﺭﺕ ﻋﻠﻴﻪ
ﺍﺟﺎﻧﻲ ﻫﻮﻩ ﺑﺮﺟﻠﻪ
ﻫﻬﻬﻪ ﺷﻠﻮﻥ
ﺑﻌﺪﻳﻦ ﺍﺳﻮﻟﻔﻠﺞ
ﻣﻤﻜﻦ ﺍﺳﻠﻢ ﻟﻮ ﻻ ﻇﺤﻚ ﺣﻴﺪﺭ
ﻫﻬﻬﻪ ﺳﻠﻢ ﺧﻮﻳﻪ ﺑﺲ ﻣﻦ ﺑﻌﻴﺪ
ﻫﻬﻪ ﻣﺎﺷﻲ
ﺷﻠﻮﻧﺞ ﺧﻮﻳﻪ ﺍﺣﻮﺍﻟﺞ ﻫﻮﺍﻱ ﺳﻮﻟﻔﻠﻲ ﻋﻠﻴﺞ ﻋﻠﻲ
ﺯﻳﻨﻪ ﺍﻧﺖ ﺷﻠﻮﻧﻚ
ﻫﻬﻪ ﻭﺍﻧﻲ ﻫﻢ ﺳﻮﻟﻔﻠﻲ ﻋﻨﻚ ﻫﻮﺍﻱ
ﺍﻛﻴﺪ ﻳﻜﺺ ﺑﻴﻪ ﻣﻮ
ﻫﻬﻪ ﻻ ﺍﺑﺪ ﻳﻤﻮﺕ ﻋﻠﻴﻚ ﻋﻤﺮﻱ ﻣﺎ ﺷﻔﺖ ﻭﺍﺣﺪ ﻳﺤﺐ ﺍﺧﻮ ﺑﻜﺪﻩ ﺗﺪﺭﻱ ﻣﻦ ﻳﺤﺠﻲ ﻋﻨﻚ ﻋﻴﻮﻧﻪ ﻳﻠﻤﻌﻦ ﺣﺐ ﺍﻟﻚ ﻭﺷﻮﻕ
.......
ﺍﻟﻠﻪ ﺍﻟﻠﻪ ﻫﻴﺞ ﻳﺤﺒﻨﻲ
ﻟﻴﺶ ﻭﻟﻚ ﺷﺎﻳﻒ ﻣﻨﻲ ﻧﺘﺮﺕ ﺑﻴﻪ
ﻻ ﻋﻤﻲ ﻭﺍﻟﻠﻪ ﺍﻧﺖ ﻭﺭﺩﻩ ﻣﺎﻝ ﺍﻟﻠﻪ
ﻟﻴﻠﻰ ...
ﻳﻠﻠﻪ ﻧﺪﺧﻞ ﻧﺒﺸﺮ ﺍﻟﻮﻟﺪ
ﻋﻠﻲ ....
ﺩﺧﻠﺖ ﻟﻜﻴﺖ ﻋﺰﻳﺰ ﻭﺍﺯﺍﺩ ﻧﺎﻳﻤﻴﻦ ﻭﺍﺣﺪ ﺑﺼﻒ ﺍﻟﺜﺎﻧﻲ
ﻭﻛﻔﺖ ﻋﻠﻰ ﺭﻭﺳﻬﻢ ﻭﻛﺘﻠﻬﻢ
ﻭﻟﻜﻢ ﻟﻮ ﻭﺍﺣﺪ ﻃﺎﺏ ﻋﻠﻴﻜﻢ ﻭﻣﻜﺘﻠﻜﻢ ﻛﻠﻜﻢ ﻣﺤﺪ ﻳﺪﺭﻱ ﺑﻴﻪ
ﻫﺎﻱ ﺍﻷﻣﺎﻧﻪ
ﺧﻮﺵ ﻧﻮﺍﻃﻴﺮ ﻣﺨﻠﻴﻠﻲ ﻭﺍﻟﻠﻪ
ﺷﺎﻝ ﺭﺍﺳﻪ ﻋﺰﻳﺰ ﺷﺎﻓﻨﻲ
ﻓﺰ ﻣﻦ ﻧﻮﻣﺘﻪ ﺻﺎﺡ
ﻋﻠﻲ
ﻫﻬﻬﻪ ﺍﻱ ﻋﻠﻲ ﻳﻠﻨﻮﺍﻃﻴﺮ ﺻﺎﺭﻟﻲ ﺳﺎﻋﻪ ﻣﻦ ﺍﺟﻴﺖ ﻭﻻ ﺣﺴﻴﺘﻮﺍ
ﺩﻓﺮ ﺃﺯﺍﺩ ﺑﺮﺟﻠﻪ ﻭﻫﻮ ﻳﺤﺠﻲ
ﺃﻛﻌﺪ ﻭﻟﻚ ﺍﺝ ﻋﻠﻲ
ﻋﻠﻲ ﺧﻴﻲ ﺷﻠﻮﻧﻚ
ﺣﻈﻨﻲ ﻭﻫﻮ ﻳﺒﺘﺴﻢ
ﺣﺒﻴﺒﻲ ﺍﻟﻐﺎﻟﻲ ﺍﻟﺤﻤﺪ ﻟﻠﻪ ﻋﻠﻰ ﺍﻟﺴﻼﻣﻪ
ﺭﺩ ﺩﻓﺮ ﺃﺯﺍﺩ ﺍﻟﻲ ﻣﺎﺣﺲ ﺑﻜﻠﺸﻲ ﺭﻏﻢ ﺩﻓﺮﺍﺕ ﻋﺰﻳﺰ
ﻭﻟﻚ ﺍﻛﻌﺪ ﺭﺟﻊ ﻋﻠﻲ ﺷﺎﻝ ﺭﺍﺳﻪ ﺷﺎﻑ ﻋﻤﺮ ﺻﺎﺡ ﻭﻋﻤﺮ ﻫﻬﻬﻪ
ﺭﻛﻆ ﻋﻠﻴﻪ ﺣﻈﻨﻪ ﻭﻳﺒﻮﺱ ﺑﻴﻪ
ﻋﺰﻳﺰ .... ﻣﺎﺗﺼﻮﺭﺗﻚ ﺗﺮﺟﻊ ﺑﻌﺪ
ﻟﻴﺶ ﻭﻟﻚ ﻗﻠﻴﻞ ﻧﺎﻣﻮﺱ ﺃﻧﻲ ﻣﺜﻠﻚ
ﻫﻬﻬﻪ ﺃﻧﻲ ﻗﻠﻴﻞ ﻧﺎﻣﻮﺱ ﻟﻮ ﺍﻧﺖ ﺍﻟﻤﻄﻔﻲ
ﻫﻬﻪ ﻣﻄﻔﻲ ﺃﻧﻲ ﻭﻟﻚ ﻃﺒﻴﻨﻪ ﺻﺎﺭﻟﻨﻪ ﺳﺎﻋﻪ ﺍﻧﻔﺎﺭ ﺑﻠﺒﻴﺖ ﻭﺍﻧﺘﻮ ﻣﺎﻛﻮ ﻣﻨﻮ ﺍﻟﻤﻄﻔﻲ
ﻛﻌﺪ ﺃﺯﺍﺩ ﻭﻫﻮ ﻳﻔﺮﻙ ﺑﻌﻴﻮﻧﻪ ﻛﺎﻝ
ﻛﺎﻛﺎ ﻋﻠﻲ ﻭﺩﺍﻋﺖ ﺣﺒﻮﺑﺘﻲ ﺃﻧﻲ ﻭﺍﻋﻲ ﺑﺲ ﺍﻣﺜﻞ ﻋﻠﻴﻜﻢ ﻧﺎﻳﻢ
ﻫﻬﻬﻬﻪ ﺻﺪﻙ ﺻﺪﻛﺘﻚ ﻧﺘﺮ ﻋﻤﺮ
ﺗﺤﺎﻇﻨﻪ ﻭﻳﺎ ﻭﺑﻮﺳﻨﺎﻫﻢ
ﺷﻮﻳﻪ ﺭﺍﺣﺖ ﻟﻴﻠﻰ ﻛﻌﺪﺕ ﺍﻣﻪ ﻭﺍﺟﺖ
ﻭﺍﻟﻔﺮﺣﻪ ﻣﺒﻴﻨﻪ ﺑﻌﻴﻮﻧﻪ
ﺃﻡ ﺯﻳﺪ .... ﻫﻼ ﻫﻼ ﻭﺍﻟﻠﻪ ﺑﻴﻜﻢ ﻭﺑﺠﻴﺘﻜﻢ ﻧﻮﺭﺗﻮ ﺍﻟﺒﻴﺖ
ﺍﻟﺤﻤﺪ ﻟﻠﻪ ﻋﻠﻰ ﺍﻟﺴﻼﻣﻪ
ﻋﻠﻲ .... ﺍﻟﻠﻪ ﻳﺴﻠﻤﺞ ﺧﺎﻟﻪ ﺷﻠﻮﻧﺞ ﺍﺧﺒﺎﺭﺝ
ﺃﻡ ﺯﻳﺪ .... ﻭﺍﻟﻠﻪ ﻋﺎﻳﺸﻴﻦ ﺑﻬﻞ ﺳﺠﻦ ﻫﺬﺍ
ﻋﻠﻲ .... ﺍﻟﺤﻤﺪ ﻟﻠﻪ ﺧﺎﻟﻪ ﻋﻠﻰ ﺍﻟﺴﺠﻦ ﻟﻮ ﺗﻄﻠﻌﻴﻦ ﺑﺮﻩ ﺟﺎﻥ ﺗﺨﺒﻠﺘﻮﺍ ﻋﻠﻰ ﻛﻤﻴﺖ ﺍﻟﻘﻬﺮ ﻭﺍﻟﻌﺬﺍﺏ
ﺍﻟﻬﻠﺪﺭﺟﻪ ﺍﻟﻌﺮﺍﻕ ﺗﺪﻣﺮ
ﻛﻠﺶ
ﻧﺴﻴﺖ ﺍﻋﺮﻓﻜﻢ ﺍﺧﻮﻱ ﺣﻴﺪﺭ
ﺃﺯﺍﺩ .... ﻛﺎﻛﺎ ﺣﻴﺪﺭ
ﻋﻠﻲ ... ﺃﻱ ﻛﺎﻛﺎ ﺃﺯﺍﺩ ﻛﺎﻛﺎ ﺣﻴﺪﺭ ﻫﺬﺍ ﺍﺧﻮﻱ
ﻋﺰﻳﺰ .... ﺑﺲ ﺷﻠﻮﻥ ﻟﻜﻴﺘﻪ ﻫﻬﻬﻪ
ﺗﻌﺎﻟﻮ ﺍﺳﻮﻟﻒ ﺍﻟﻜﻢ ﻛﻠﻜﻢ ﺳﻮﻩ ﻣﺎﺑﻴﻪ ﺍﻋﻴﺪ ﻛﻞ ﺷﻮﻳﻪ ﻫﻬﻬﻪ
ﻛﻌﺪﻧﻪ ﺑﻠﻤﻄﺒﺦ ﻟﻴﻠﻰ ﺗﺴﻮﻱ ﺭﻳﻮﻙ
ﻭﺣﻨﻪ ﻛﻌﺪﻧﻪ ﻧﺴﻮﻟﻒ
ﺍﺳﻮﻟﻒ ﻭﺍﺑﺎﻭﻉ ﻋﻠﻴﻪ ﺷﻠﻮﻥ ﺗﺸﺘﻐﻞ ﻭﻋﻴﻨﻪ ﻋﻠﻴﻪ
ﻭﺍﻟﻈﺤﻜﻪ ﺗﺎﺭﺳﻪ ﻭﺟﻬﻪ
ﻋﻠﻲ .....
ﻭﻫﻴﺞ ﺑﻬﻞ ﺑﺴﺎﻃﻪ ﺷﻔﺘﻪ ﻛﺪﺍﻣﻲ ﻫﻬﻪ ﺷﻔﺘﻮ ﺷﻠﻮﻥ
ﻋﺰﻳﺰ ... ﺃﻟﻒ ﺍﻟﺤﻤﺪ ﻟﻠﻪ ﻋﻠﻰ ﺍﻟﺴﻼﻣﻪ
........
ﻣﺸﻜﻮﺭ ﺧﻴﻲ
ﺻﺒﺖ ﻟﻴﻠﻰ ﺭﻳﻮﻙ ﻭﻛﻌﺪﺕ ﻳﻢ ﺍﻣﻪ
ﺗﺮﻳﻜﻨﻪ ﻭﺷﺮﺑﻨﻪ ﺟﺎﻱ
ﻭﺍﺣﻨﻪ ﻧﺴﻮﻟﻒ
ﺍﺳﻮﻟﻒ ﻭﺍﺑﺎﻭﻉ ﻋﻠﻴﻪ ﺷﻠﻮﻥ ﺗﺸﺘﻐﻞ ﻭﻋﻴﻨﻪ ﻋﻠﻴﻪ
ﻭﺍﻟﻈﺤﻜﻪ ﺗﺎﺭﺳﻪ ﻭﺟﻬﻪ
ﻋﻠﻲ .....
ﻭﻫﻴﺞ ﺑﻬﻞ ﺑﺴﺎﻃﻪ ﺷﻔﺘﻪ ﻛﺪﺍﻣﻲ ﻫﻬﻪ ﺷﻔﺘﻮ ﺷﻠﻮﻥ
ﻋﺰﻳﺰ ... ﺃﻟﻒ ﺍﻟﺤﻤﺪ ﻟﻠﻪ ﻋﻠﻰ ﺍﻟﺴﻼﻣﻪ
ﻣﺸﻜﻮﺭ ﺧﻴﻲ
ﺻﺒﺖ ﻟﻴﻠﻰ ﺭﻳﻮﻙ ﻭﻛﻌﺪﺕ ﻳﻢ ﺍﻣﻪ
ﺗﺮﻳﻜﻨﻪ ﻭﺷﺮﺑﻨﻪ ﺟﺎﻱ
ﻭﺍﺣﻨﻪ ﻧﺴﻮﻟﻒ ﻭﻧﻈﺤﻚ
ﻛﻠﺶ ﻣﺮﺗﺎﺣﻴﻦ ﻧﺴﻴﻨﻪ ﺍﺣﻨﻪ ﻣﻨﻮ
ﻭﺍﺷﻮﻟﻮﻥ ﺗﻘﺎﺑﻠﻨﻪ
ﻭﻳﻦ ﻛﺎﻋﺪﻳﻦ
ﻭﺷﻜﻮ ﻛﺪﺍﻣﻨﻪ
ﻋﺸﻨﻪ ﺳﺎﻋﺎﺕ ﺑﻔﺮﺡ ﺍﻟﺮﺟﻮﻉ
ﺑﻌﺪﻩ ﺭﺣﻨﻪ ﻧﻤﻨﻪ ﻻﻥ ﻛﻠﺶ ﺗﻌﺒﺎﻧﻴﻦ
ﻟﻠﻐﺪﻩ ﻛﻌﺪﻭﻧﻪ ﺗﻐﺪﻳﻨﻪ ﻭﺑﻘﻴﺖ ﺍﺳﺄﻝ ﻋﻠﻰ ﺃﻭﺿﺎﻋﻬﻢ
ﺑﻠﻴﻞ ﺻﻌﺪﺕ ﻟﻠﺴﻄﺢ
ﻛﻠﺖ ﺍﺷﻮﻑ ﺷﻜﻮ ﻣﺎﻛﻮ
ﺻﻌﺪﺕ ﺍﺑﺎﻭﻉ ﻓﺮﺍﺷﻲ ﺑﻤﻜﺎﻧﻪ
ﺍﻟﺠﻮﺩﻟﻴﻪ ﻭﺍﻟﻤﺨﺪﻩ
ﺗﻘﺮﺑﺖ ﻋﻠﻴﻪ ﻛﻌﺪﺕ
ﺑﺎﻭﻋﺖ ﻋﻠﻰ ﺍﻟﺸﺎﺭﻉ ﻭﺭﺩﻳﺖ ﺑﻤﻜﺎﻧﻲ ﺗﻤﺪﺩﺕ
ﺷﻮﻳﻪ ﺣﺴﻴﺖ ﺑﺤﺮﻛﻪ ﻭﺭﺍﻱ
ﺷﻠﺖ ﺭﺍﺳﻲ ﻟﻴﻠﻰ
ﺍﺑﺘﺴﻤﺖ ﻭﺃﺷﺮﺕ ﺍﻟﻪ ﺗﻌﺎﻟﻲ
ﻣﺪﻳﺖ ﺍﻳﺪﻱ ﺧﻠﺖ ﺍﻳﺪﻩ ﺑﺄﻳﺪﻱ
ﺟﺮﻳﺘﻪ ﻛﻌﺪﺕ ﺑﺼﻔﻲ ﻭﺍﻧﻲ ﻣﺘﻤﺪﺩ
ﺟﺮﺕ ﺭﺍﺳﻲ ﺧﻠﺘﻪ ﺑﺤﻈﻨﻪ
ﻭﺗﻤﺴﺪ ﻋﻠﻴﻪ
ﻋﻠﻲ .... ﻟﻴﺶ ﺑﻴﻮﻡ ﺍﻟﺮﺣﺖ ﻣﺎ ﻃﻠﻌﺘﻲ ﺳﻠﻤﺘﻲ ﻋﻠﻴﻪ
ﺑﻴﻮﻡ ﺍﻟﻲ ﺭﺣﺖ ﻣﻨﺎ ﺃﻧﻲ ﺟﻨﺖ ﻣﻨﺘﻈﺮﻩ ﺗﻐﻴﺮ ﺭﺋﻴﻚ ﻭﻣﺎﺗﺮﻭﺡ
ﻋﺒﺎﻟﻲ ﻟﻮ ﻣﺎ ﻃﻠﻌﺖ ﺍﻟﻚ ﺭﺍﺡ ﺗﺮﺟﻊ
ﻟﻴﻠﻰ ﺃﻧﻲ ﻣﺎﺟﺎﻱ ﺍﻟﻌﺐ ﺟﺎﻥ ﻻﺯﻡ ﺍﻃﻠﻊ ﻳﻌﻨﻲ ﻟﻮ ﻣﺎ ﺭﺍﻳﺢ ﻣﺠﺎﻥ ﺭﺟﻌﺖ ﺍﺧﻮﻱ
ﺻﺢ ﺑﺲ ﺃﻧﻲ ﺟﻨﺖ ﺧﺎﻳﻔﻪ ﻋﻠﻴﻚ ﻟﺘﻠﻮﻣﻨﻲ
ﻻ ﺍﺑﺪ ﻣﺎ ﺍﻟﻮﻣﺞ ﺑﻠﻌﻜﺲ ﺧﻮﻓﺞ ﻋﻠﻴﻪ ﻫﻮ ﺍﻟﻲ ﺧﻼﻧﻲ ﺍﺭﺟﻊ ﻟﻬﻨﺎ
ﺗﺪﺭﻱ ﺑﻴﻮﻡ ﺍﻟﻲ ﺭﺣﺖ ﺃﻧﻲ ﺣﺴﻴﺖ ﻧﻔﺴﻲ ﻣﺘﺖ
ﻭﻛﻌﺖ ﺃﺧﺬﻭﻧﻲ ﻟﻠﻤﻀﻤﺪ ﻭﺍﺳﺒﻮﻉ ﺃﻧﻲ ﻧﺎﻳﻤﻪ ﺑﻠﻔﺮﺍﺵ
ﺷﻠﺖ ﺭﺍﺳﻲ ﺑﺎﻭﻋﺖ ﻋﻠﻴﻪ ﻛﺘﻠﻪ ﻣﻌﻘﻮﻟﻪ ﻫﻠﻜﺪ ﺗﺤﺒﻴﻨﻲ
ﺭﺍﺩﺕ ﺗﻨﻬﺰﻡ
ﻟﺰﻣﺖ ﺍﺩﻳﻪ ﻣﺎﺧﻠﻴﺘﻪ ﺗﺮﻭﺡ ﻛﻌﺪﺕ ﻭﺟﺮﻳﺘﻪ ﻳﻤﻲ
ﺧﻠﻴﺖ ﺭﺍﺳﻪ ﻋﻠﻰ ﺻﺪﺭﻱ
ﺍﺷﺘﻢ ﺷﻌﺮﻩ
ﻭﺩﻓﻮ ﺟﺴﻤﻪ ﺯﻳﺪ ﺭﻏﺒﺘﻲ ﺑﻴﻪ
ﻛﺘﻠﻪ ﻟﻴﻠﻰ
ﻫﻤﻤﻢ
ﺍﺣﺒﺞ ﻭﺍﻣﻮﺕ ﻋﻠﻴﺞ
ﻭﺍﻧﻲ ﻫﻢ
ﺷﻠﻮﻥ ﻟﻴﻠﻰ ﻭﺗﺎﻟﻲ ﻫﻠﺤﺐ ﺷﻨﻮ
ﻫﺰﺕ ﺟﺘﻔﻪ ﻣﺎﻋﺮﻑ
ﻛﻌﺪﺗﻪ ﻭﻋﻴﻮﻧﻲ ﺑﻌﻴﻮﻧﻪ ﻛﺘﻠﻪ
ﺗﺘﺰﻭﺟﻴﻨﻲ
ﻓﺘﺤﺖ ﻋﻴﻮﻧﻪ ﺣﻴﻞ ﺑﺎﻥ ﺑﻴﺎﺽ ﻋﻴﻮﻧﻪ
ﺩﻓﻮ ﺻﻮﺗﻪ ﻭﻫﻴﻪ ﺗﺤﺎﻭﻝ ﺗﺮﺩ
ﻛﺎﻟﺖ ﺑﺲ
ﺑﺲ ﺷﻨﻮ
ﺑﺲ ﻳﺼﻴﺮ ﻳﻌﻨﻲ ﻷﻥ
ﺍﻧﺘﻲ ﻳﺰﻳﺪﻳﻪ ﻳﻌﻨﻲ
ﻫﺰﺕ ﺭﺍﺳﻪ ﺑﺄﻱ
ﻫﺎﻱ ﺳﻬﻠﻪ ﺍﺫﺍ ﺗﺤﺒﻴﻨﻲ ﺗﻜﺪﺭﻳﻦ ﺗﺴﻠﻤﻴﻦ
ﺷﻨﻮ ﺍﺳﻠﻢ
ﺃﻱ ﻟﻮ ﺍﻷﺳﻼﻡ ﺻﻌﺐ ﻋﻠﻴﺞ
ﻻ ﺑﺲ
........
ﺑﺲ ﺷﻨﻮ ﻟﻴﻠﻰ ﺃﻧﻲ ﺍﺣﺒﺞ ﻭﺍﻧﺘﻲ ﻫﻢ
ﻭﺍﻧﻲ ﻣﺎ ﺍﻛﺪﺭ ﺍﺗﺰﻭﺟﺞ ﺍﺫﺍ ﻣﺎ ﺍﺳﻠﻤﺘﻲ
ﺑﺲ ﻣﺎﻣﺎ ﺷﻠﻮﻥ
ﻣﺎﻣﺎ ﺧﻠﻴﻪ ﻋﻠﻴﻪ ﻫﺴﻪ ﺍﻫﻢ ﺷﻲ ﺍﻧﺘﻲ ﻭﺍﻓﻘﻲ ﻭﺍﻟﺒﺎﻗﻲ ﻣﻮ ﻣﻬﻢ ﺍﻟﻠﻪ ﻳﺤﻠﻪ
ﻫﻬﻬﻪ ﻣﻮﺍﻓﻘﻪ
ﺍﻟﻠﻪ ﻋﻠﻴﺞ ﻋﺴﻞ ﻭﺍﻟﻠﻪ ﻋﺴﻞ
ﺭﺟﻌﺖ ﻧﺎﻣﺖ ﻋﻠﻰ ﺻﺪﺭﻱ ﻛﺎﻟﺖ ﻋﻠﻲ
ﻋﻴﻮﻧﻪ
ﺷﻮﻛﺖ ﻧﻄﻠﻊ ﻣﻨﺎ
ﻣﺎﺿﻞ ﺷﻲ ﻛﻢ ﻳﻮﻡ ﻭﻧﺮﻭﺡ ﻣﻨﺎ
ﻛﻌﺪﺕ ﺗﺒﺎﻭﻋﻠﻲ ﺑﺄﺳﺘﻐﺮﺍﺏ ﺻﺪﻙ
ﺃﻱ ﻭﺍﻟﻠﻪ ﺑﻌﺪ ﻛﻌﺪﺗﻨﻪ ﻫﻨﺎ ﻃﺎﻟﺖ ﻭﺍﻧﻲ ﻻﺯﻡ ﺍﺭﺟﻊ ﻷﻫﻠﻲ ﻣﺪﺍﻡ ﺍﺧﻮﻱ ﻭﻟﻜﻴﺘﻪ ﺑﻌﺪ ﺷﻜﻮ ﺑﺎﻗﻴﻦ
ﻫﺴﻪ ﻫﻤﻪ ﺍﻛﻴﺪ ﻭﺻﻞ ﺍﻟﻬﻢ ﺧﺒﺮ ﺣﻴﺪﺭ ﻭﻫﻢ ﺃﻧﻲ ﻭﺻﻴﺖ ﺍﺑﻮ ﻋﻤﺮ ﻳﻮﺻﻞ ﺧﺒﺮ ﻋﻠﻴﻪ
ﺍﻛﻴﺪ ﻫﺴﻪ ﺍﻣﻲ ﻣﻨﺘﻈﺮﺗﻨﻲ
ﺯﻳﻦ ﺷﻠﻮﻥ ﻧﻄﻠﻊ ﻣﻨﺎ ﺧﺎﻑ ﻳﻠﺰﻣﻮﻧﻪ
ﺷﻮﻓﻲ ﺍﻟﺪﻭﺍﻋﺶ ﺑﺪﺀ ﺍﻟﻌﺪ ﺍﻟﺘﻨﺎﺯﻟﻲ ﺍﻟﻬﻢ ﻳﻌﻨﻲ ﺧﻠﺺ ﻭﻗﺘﻬﻢ
ﺗﺪﺭﻳﻦ ﻣﻦ ﺍﺟﻴﻨﻪ ﺧﺎﺻﻪ ﺍﻟﺠﺎﻧﺐ ﺍﻷﻳﺴﺮ ﻣﻦ ﺍﻟﻤﻮﺻﻞ ﻛﻠﺶ ﻗﻠﻴﻞ ﺗﻮﺍﺟﺪ ﺍﻟﺪﻭﺍﻋﺶ ﺑﻴﻪ
ﻳﻌﻨﻲ ﺷﺒﻪ ﻃﺎﻟﻌﻴﻦ ﻣﻦ ﺍﻟﻤﻮﺻﻞ
ﻷﻥ ﺣﺴﺐ ﻣﺎ ﺳﻤﻌﻨﻪ ﺍﻟﺠﻴﺶ ﻣﺤﺮﺭ ﺍﻷﻧﺒﺎﺭ ﻭﺗﻜﺮﻳﺖ ﻭﺑﻴﺠﻲ
ﻭﺣﺎﻟﻴﺎ ﺟﺎﻱ ﻳﺤﺸﺪ ﺍﻟﺠﻴﺶ ﺣﺘﻰ ﻳﺪﺧﻞ ﻟﻠﻤﻮﺻﻞ
ﻭﺍﻥ ﺷﺎﺀ ﺍﻟﻠﻪ ﺭﺍﺡ ﻳﻜﺪﺭ ﻳﺪﺧﻞ
ﻓﻄﻠﻌﺘﻨﻪ ﻣﻨﺎ ﺭﺍﺡ ﺗﻜﻮﻥ ﺳﻬﻠﻪ ﻣﻮ ﻣﺜﻞ ﻣﺎ ﺩﺧﻠﻨﻪ
ﻳﺎﺭﻳﺖ ﻋﻠﻲ ﻛﻠﺶ ﻣﺤﺘﺼﺮﻩ ﻫﻨﺎ
ﻳﻌﻨﻲ ﻣﺎﻋﺮﻑ ﺷﻠﻮﻥ ﻋﺸﺖ ﻛﻞ ﻫﻸﻳﺎﻡ ﻫﻨﺎ
ﻭﺧﺎﺻﻪ ﻣﻦ ﺭﺣﺖ ﺣﺴﻴﺖ ﺍﻧﺘﻬﺖ ﺣﻴﺎﺗﻲ ﺑﺮﻭﺣﺘﻚ
ﻳﺎﺑﻌﺪ ﺭﻭﺣﻲ ﺍﻥ ﺷﺎﺀ ﺍﻟﻠﻪ ﺭﺍﺡ ﻧﺮﺟﻊ ﺍﻟﺒﻴﺘﻨﻪ ﻭﻧﺘﺰﻭﺝ ﻭﻧﻌﻴﺶ ﺑﺮﺍﺣﻪ ﻭﻧﻨﺴﻪ ﻫﺎﻱ ﺍﻷﻳﺎﻡ
ﻳﺎﺭﻳﺖ
ﻛﻮﻟﻲ ﻳﺎﺭﺏ
ﺑﺎﻭﻋﺘﻠﻲ ﻭﻇﺤﻜﺖ ﻛﺎﻟﺖ ﻳﺎﺭﺏ
ﻫﻬﻪ ﻣﻦ ﺍﻟﻴﻮﻡ ﺍﺑﺪﻱ ﺍﻋﻠﻤﺞ ﻋﻠﻰ ﺃﻣﻮﺭ ﺍﻷﺳﻼﻡ
ﻻﺯﻡ ﻣﻨﺎ ﻟﻤﻦ ﻧﺘﺰﻭﺝ ﺍﻧﺘﻲ ﺧﺒﻴﺮﻩ ﺑﻸﺳﻼﻡ
ﻷﻥ ﺍﻣﻲ ﻟﻮ ﺷﺎﻓﺘﺞ ﻣﺎﺗﺼﻠﻴﻦ
ﻳﻤﻜﻦ ﻳﻮﻛﻒ ﻛﻠﺒﻪ ﺍﺳﻢ ﺍﻟﻠﻪ ﻋﻠﻴﻪ
ﻫﻬﻪ ﺍﺻﻠﻲ ﻣﺜﻠﻜﻢ
ﺃﻱ ﻃﺒﻌﺎ
ﻟﺰﻣﺖ ﺍﻳﺪﻩ ﻛﺘﻠﻪ
ﺗﺼﻠﻴﻦ ﻭﺗﺼﻮﻣﻴﻦ ﻭﺗﺘﺤﺠﺒﻴﻦ ﻫﻢ
ﺷﻨﻮ ﺍﻟﺒﺲ ﺑﻮﺷﻲ
ﻫﻬﻪ ﻻ ﻣﻮ ﻣﻬﻢ ﻭﻟﻮ ﺍﻧﺘﻲ ﻭﺍﻟﻠﻪ ﻻﺯﻡ ﺍﺑﻮﺷﺞ
ﻻ ﻋﻔﻴﻪ ﻣﺎﻋﺮﻑ ﺍﻟﺒﺴﻪ ﻭﺍﻟﻠﻪ
ﻫﻼ ﻫﻼ ﺗﺤﻠﻔﻴﻦ ﺑﻠﻠﻪ
ﻫﻬﻪ ﻏﻴﺮ ﺗﻌﻠﻤﺖ ﻣﻦ ﻋﺰﻳﺰ ﺍﻟﻨﻬﺎﺭ ﻛﻠﻪ ﻳﺤﻠﻒ
ﻫﻬﻪ ﺃﻱ ﺻﺪﻙ ﻣﻦ ﻋﺎﺷﺮ ﺍﻟﻘﻮﻡ
ﺑﻌﺪﻩ ﻧﺰﻟﻨﻪ ﻟﺠﻮﻩ
ﻣﺮﺕ ﺃﻳﺎﻡ ﻋﻠﻴﻨﻪ ﺑﻌﺪ ﺗﻘﺮﻳﺒﺎ ﺍﺳﺒﻮﻉ ﻗﺮﺭﻧﻪ ﻧﻄﻠﻊ ﻣﻦ ﺍﻟﺒﻴﺖ
ﻛﺘﻠﻬﻢ ﻳﺨﻮﺗﻲ ﺑﻌﺪ ﺿﻠﺘﻨﻪ ﻫﻨﺎ ﺷﻨﻮ ﻻﺯﻡ ﻧﻄﻠﻊ
ﻋﺰﻳﺰ .... ﻳﻌﻨﻲ ﺃﻣﺎﻥ ﻟﻮ ﻃﻠﻌﻨﻪ
ﺍﻟﻠﻪ ﻛﺮﻳﻢ ﻻﺯﻡ ﻧﺮﺟﻊ ﻟﻬﻠﻨﻪ
ﺃﺯﺍﺩ .... ﺃﻧﻲ ﺍﺭﻭﺡ ﻟﻬﻠﻲ ﺑﻌﺪ ﻣﺎﺑﺎﻗﻲ ﻫﻨﺎ
ﻋﻠﻲ ... ﺣﻘﻚ ﺍﻧﺖ ﺭﺩﺕ ﺗﺮﻭﺡ ﻣﻦ ﺯﻣﺎﻥ ﺑﺲ ﻋﻠﻤﻮﺩﻧﻪ ﺑﻘﻴﺖ ﻭﺍﻧﺎ ﻫﻮﺍﻱ ﺍﺷﻜﺮﻙ ﻋﻠﻰ ﻭﻛﻔﺘﻚ ﻭﻳﺎﻧﻪ
.......
ﺃﺯﺍﺩ .... ﻻ ﻛﺎﻛﺎ ﻋﻠﻲ ﻫﺬﺍ ﻭﺍﺟﺒﻲ ﻻﺯﻡ ﺍﻭﻛﻒ ﻭﻳﺎﻛﻢ ﻟﻌﺪ ﺍﺣﻨﻪ ﺷﻠﻮﻥ ﻋﺮﺍﻗﻴﻴﻦ
ﻋﺰﻳﺰ .... ﻳﻤﻌﻮﺩﻳﻦ ﻻ ﺗﺨﻠﻮﻧﻲ ﺍﺑﺠﻲ ﻫﺴﻪ ﻫﻬﻬﻬﻪ
ﻋﻠﻲ .... ﺷﻮﻓﻮ ﺍﺣﻨﻪ ﻧﺤﺎﻭﻝ ﻧﺮﺟﻊ ﺍﻟﺒﻐﺪﺍﺩ ﻛﻠﻨﻪ ﻭﻣﻨﺎﻙ ﻧﻜﺪﺭ ﻛﻞ ﻭﺍﺣﺪ ﻳﺮﻭﺡ ﺍﻻﻫﻠﻪ ﻷﻥ ﺳﻤﻌﺖ ﻭﺍﻧﻲ ﺑﻠﻄﺮﻳﻖ ﻣﻦ ﺍﻟﺴﺎﻳﻖ ﺍﻟﻲ ﺟﺎﺑﻨﻲ ﻣﻦ ﺑﻐﺪﺍﺩ ﺍﻛﻮ ﻃﻴﺎﺭﺍﺕ ﺍﻷﺭﺑﻴﻞ ﻭﻟﻜﻞ ﻣﻜﺎﻥ ﺑﻠﻌﺮﺍﻕ
ﺣﺘﻰ ﻟﻸﻧﺒﺎﺭ
ﺗﻤﺎﻡ ﻟﻌﺪ ﻣﻨﺎﻙ ﻧﺘﻔﺮﻕ
ﻋﻤﺮ ﻭﺍﻧﻲ ﻫﻢ ﺍﺭﻭﺡ ﻭﻳﺎﻛﻢ ﻭﻣﻨﺎﻙ ﺣﺘﻰ ﻟﻮ ﺍﺭﺟﻊ ﻭﻳﻪ ﺍﻟﺼﻠﻴﺐ ﺍﻷﺣﻤﺮ
ﻋﻠﻲ .... ﺧﻮﺵ ﻓﻜﺮﻩ ﻋﻤﺮ ﺍﻧﺖ ﻫﻮﺍﻱ ﺗﻌﺒﺖ ﻭﻳﺎﻧﻪ
ﻋﻤﺮ .... ﺑﻠﻌﻜﺲ ﺃﻧﻲ ﺍﻷﻳﺎﻡ ﺍﻟﻲ ﻛﻈﻴﺘﻪ ﻭﻳﺎﻛﻢ ﺍﺣﻠﻰ ﺍﻳﺎﻡ ﺣﻴﺎﺗﻲ
ﻭﺍﺑﺪ ﻣﺎ ﺗﻨﺤﺴﺐ ﻣﻦ ﻋﻤﺮﻱ
ﺃﺯﺍﺩ ... ﻛﻠﻨﻪ ﻭﺍﻟﻠﻪ ﻫﺎﻱ ﺍﻷﻳﺎﻡ ﻣﺎ ﺗﻨﺤﺴﺐ ﻣﻦ ﻋﻤﺮﻧﻪ ﻷﻧﻪ ﺃﻳﺎﻡ ﺟﻤﻴﻠﻪ
ﺭﻏﻢ ﺍﻟﺘﻌﺐ ﻭﺍﻟﺨﻮﻑ ﺑﺲ ﺣﻠﻮﻩ
ﻋﻠﻲ .... ﺟﺎ ﺧﻠﻮﻧﻪ ﻧﺘﻮﻛﻞ ﻋﻠﻰ ﺍﻟﻠﻪ ﻭﻧﻄﻠﻊ ﺑﺎﺟﺮ ﻣﻨﺎ
ﻋﻤﺮ ... ﺃﺯﺍﺩ .... ﻋﺰﻳﺰ .... ﺣﻴﺪﺭ .... ﺍﻥ ﺷﺎﺀ ﺍﻟﻠﻪ
ﺑﺎﻭﻋﺖ ﻷﻡ ﺯﻳﺪ ﻭﻟﻴﻠﻰ ﻳﺒﺎﻭﻋﻦ ﻭﺍﻟﺪﻣﻌﻪ ﺑﻌﻴﻨﻬﻦ ﺣﺴﻴﺖ ﺑﻴﻬﻢ ﻣﺤﺘﺎﺭﺍﺕ ﻭﻳﻦ ﻳﺮﺣﻦ ﻛﺘﻠﻬﻢ
ﻭﻃﺒﻌﺎ ﺃﻡ ﺯﻳﺪ ﻭﻟﻴﻠﻰ ﺭﺍﺡ ﻳﺮﺣﻮﻥ ﻭﻳﺎﻱ
ﺑﺎﻭﻋﺖ ﺍﻟﻲ ﺃﻡ ﺯﻳﺪ ﻭﻛﺎﻟﺖ
ﻭﻳﺎﻙ
ﺃﻱ ﻃﺒﻌﺎ ﺗﺮﺣﻮﻥ ﻭﻳﺎﻱ ﺍﺻﻼ ﻧﺘﺸﺮﻑ ﺗﻌﻴﺸﻴﻦ ﻭﻳﺎﻧﻪ
ﻭﺃﻣﻲ ﻣﺮﻩ ﺩﺭﻩ ﺭﺍﺡ ﺗﺤﺒﺞ ﻭﺗﺤﺒﻴﻪ
ﺣﻴﺪﺭ .... ﺑﻠﻜﺖ ﻧﻠﻜﺎﻟﺞ ﺷﺎﻳﺐ ﻣﻦ ﺍﻟﻌﻤﺎﺭﻩ ﻭﻧﺰﻭﺟﺞ ﻫﻬﻬﻬﻪ
ﺃﻡ ﺯﻳﺪ .... ﻳﺎ ﺑﻠﻠﻪ ﺻﺪﻙ ﻫﻬﻬﻪ
ﺣﻴﺪﺭ .... ﺃﻱ ﺟﺎ ﺷﺒﻴﺞ ﻭﺍﻟﻠﻪ ﺑﻌﺪﺝ ﺷﺒﺎﺏ
ﻋﻠﻲ .... ﻻ ﺧﺎﻟﻪ ﻣﻌﻠﻴﻚ ﺑﻬﺬﺍ ﺍﻟﺨﺒﻞ ﺑﺲ ﺍﻭﻝ ﺷﻲ ﺍﻧﺎ ﺍﺭﻳﺪ ﺍﻃﻠﺐ ﻣﻨﺞ ﻃﻠﺐ
ﻛﻮﻝ ﻳﻤﻪ ﺍﺫﺍ ﺍﻛﺪﺭ ﻋﻠﻴﻪ
ﺧﺎﻟﻪ ﺍﻧﺘﻲ ﺍﻛﻴﺪ ﺗﻌﺮﻓﻴﻦ ﺍﻧﺎ ﺷﻜﺪ ﺍﺣﺐ ﻟﻴﻠﻰ
ﻭﺻﺎﺭ ﻻﺯﻡ ﻧﺘﺰﻭﺝ
ﺗﺘﺰﻭﺝ ﻟﻮﻟﻴﺘﺎ
ﺃﻱ ﻟﻴﺶ ﻻ
ﺑﺲ ﺷﻠﻮﻥ
ﺧﺎﻟﻪ ﺍﻧﺘﻲ ﺻﺎﺭﻟﺞ ﺷﻜﺪ ﻣﻦ ﺗﻌﺮﻓﻴﻨﻲ ﻣﻮ ﻳﻤﻜﻦ ﺳﻨﻪ ﻭﻧﺺ
ﺃﻱ ﺻﺎﺭ ﺍﻛﺜﺮ
ﺧﻮﺵ ﺟﺎ ﺷﻔﺘﻲ ﻣﻨﻲ
ﻛﻞ ﺧﻴﺮ ﻭﺍﻟﻠﻪ
ﺗﺮﻩ ﺍﻷﺳﻼﻡ ﻣﻮ ﺃﺳﻼﻡ ﺍﻟﺪﻭﺍﻋﺶ ﺫﻭﻟﻪ ﻣﺎﻋﺪﻫﻢ ﺇﻟﻰ ﺍﺳﻢ ﺍﻹﺳﻼﻡ
ﺍﻷﺳﻼﻡ ﺩﻳﻦ ﺧﻴﺮ ﻭﻣﺤﺒﻪ
ﺩﻳﻦ ﻛﻠﻪ ﻣﺴﺎﻣﺤﻪ
ﻭﺍﻧﺘﻲ ﺍﻭ ﻟﻴﻠﻰ ﻟﻮ ﺭﺩﺗﻲ ﺗﺪﺧﻠﻴﻦ ﺑﻸﺳﻼﻡ ﻣﺎﺭﺍﺡ ﺗﻨﺪﻣﻴﻦ ﺍﺑﺪ
ﺑﺲ ﺍﺫﺍ ﻣﺎﻗﺒﻠﺘﻦ ﻣﺎ ﺭﺍﺡ ﺍﺟﺒﺮﺟﻦ ﻋﻠﻰ ﺷﻲ ﻭﺗﺒﻘﻦ ﻭﻳﺎﻧﻪ ﻣﻌﺰﺯﺍﺕ ﻣﻜﺮﻣﺎﺕ
ﻭﺍﻟﻠﻪ ﻳﺨﺎﻟﻪ ﺍﻷﺳﻼﻡ ﻋﺪﻛﻢ ﻭﺑﺲ
ﺟﻨﺖ ﻋﺎﻳﺸﻪ ﻭﻳﻪ ﻧﺎﺱ ﻣﺴﻠﻤﻪ ﺑﺲ ﻣﺎﺷﻔﺖ ﺍﻹﺳﻼﻡ ﻏﻴﺮ ﻋﺪﻛﻢ
ﻭﺍﻧﻲ ﻟﻮ ﺭﺩﺕ ﺍﺩﺧﻞ ﺍﻷﺳﻼﻡ ﺍﻛﻴﺪ ﺍﺗﺸﺮﻑ ﺑﻴﻪ
ﺗﺴﻠﻤﻴﻦ ﺧﺎﻟﻪ ﺭﺍﺡ ﻣﺎﺗﻨﺪﻣﻴﻦ ﺍﺑﺪ
ﻋﺰﻳﺰ .... ﻛﻠﺶ ﺯﻳﻦ ﻟﻌﺪ ﺍﻟﻴﻮﻡ ﻣﺎﺩﺍﻡ ﺁﺧﺮ ﻳﻮﻡ ﺍﻟﻨﻪ ﻫﻨﺎ
ﻭﺑﻤﻨﺎﺳﺒﺔ ﺧﻄﻮﺑﺔ ﺍﺧﻮﻧﻪ ﻋﻠﻲ ﻋﻠﻰ ﺍﺧﺘﻨﻪ ﻟﻴﻠﻰ
ﻻﺯﻡ ﻧﺴﻮﻱ ﺣﻔﻠﻪ
......
ﺣﻴﺪﺭ .... ﺃﻱ ﻭﺍﻟﻠﻪ ﺍﺣﻠﻰ ﺣﻔﻠﻪ
ﺃﺯﺍﺩ .... ﻭﺑﻴﻪ ﻛﻴﻚ ﻭﺣﻠﻮﻳﺎﺕ
ﺃﻡ ﺯﻳﺪ .... ﻣﻮ ﺗﺪﻟﻠﻮﻥ ﺍﺣﻠﻰ ﻛﻴﻚ ﻟﻌﻴﻮﻧﻜﻢ
ﻋﻤﺮ .... ﺑﺮﻭﺡ ﺍﺑﻮﺝ ﺃﻡ ﺯﻳﺪ ﺍﺭﻳﺪ ﻛﺎﺳﺘﺮ ﻣﻦ ﺃﻳﺪﺝ
ﺃﻡ ﺯﻳﺪ .... ﻣﻮ ﺗﺪﻟﻞ
ﺗﺴﻠﻤﻴﻦ ﻳﺎ ﻭﺭﺩﻩ ﻫﻬﻬﻪ
ﻋﺰﻳﺰ .... ﺍﻛﻠﻜﻢ ﻳﻮﻟﺪ ﺷﻔﺖ ﺍﻛﻮ ﻧﻔﺎﺥ ﻭﺯﻳﻨﻪ ﺑﻠﻐﺮﻓﻪ ﻣﺎﻝ ﺍﻟﻤﻮﻧﻪ ﺧﻠﻮﻧﻪ ﻧﻄﻠﻌﻬﻪ ﻭﻧﺰﻳﻦ ﺍﻟﺒﻴﺖ
ﺣﻴﺪﺭ .... ﻛﻠﺶ ﺯﻳﻦ
ﺃﺯﺍﺩ .... ﻳﻠﻠﻪ
ﻋﻤﺮ .... ﻛﻮﻣﻮ
ﻋﻠﻲ .... ﺑﻘﻴﺖ ﺍﺑﺎﻭﻉ ﺍﻟﻴﻠﻰ ﻭﻫﻴﻪ ﺧﺠﻼﻧﻪ ﺃﺧﺬﺗﻪ ﺍﻣﻪ ﻭﺭﺍﺣﺖ ﻟﻠﻤﻄﺒﺦ
ﺍﻟﻮﻟﺪ ﺧﺒﺼﻮ ﺍﻟﺪﻧﻴﻪ
ﻃﻠﻌﻮ ﻧﻔﺎﺧﺎﺕ ﻭﺯﻳﻨﻪ ﻭﺭﻕ ﻣﻠﻮﻥ
ﺯﻳﻨﻮ ﺍﻟﺼﺎﻟﻪ ﻭﺍﻟﺒﻴﺖ ﻛﻠﻪ
ﺃﻡ ﺯﻳﺪ ﺳﻮﺕ ﻛﻴﻚ ﻭﺣﻠﻮﻳﺎﺕ ﻭﻛﺎﺳﺘﺮ
ﺑﻌﺪﻩ ﺩﺧﻠﻮﻧﻲ ﻟﻠﺤﻤﺎﻡ ﻭﻛﺮﻓﻮﻧﻲ ﻛﺮﻑ ﻭﻣﻦ ﺍﺻﻴﺢ ﻭﻟﻜﻦ ﻛﺎﻓﻲ
ﻳﺤﺠﻮﻥ ﻋﻠﻴﻪ ﻭﻟﻚ ﺍﻧﺖ ﻋﺮﻳﺲ ﺍﻟﻴﻮﻡ ﻻﺯﻡ ﻧﻄﻠﻊ ﺍﻟﻚ ﺟﻠﺪ ﺟﺪﻳﺪ ﻫﻬﻬﻪ
ﺑﻌﺪﻩ ﺷﻔﺖ ﻟﻴﻠﻰ ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ ﺩﺧﻠﺖ ﺍﻟﻐﺮﻓﺘﻪ ﻭﻋﻴﻮﻧﻲ ﺗﺮﺍﻗﺒﻬﻪ
ﺑﻌﺪ ﺍﻟﻐﺪﻩ ﺳﻮﻭ ﺍﻟﻮﻟﺪ ﻛﻮﺷﻪ ﺧﻠﻮ ﻛﺮﺍﺳﻲ ﺛﻨﻴﻦ ﻭﺧﻠﻮ ﻋﻠﻴﻬﻦ ﺟﺮﺍﺟﻒ ﺑﻴﺾ
ﻭﺯﻳﻨﻮﻫﻦ ﺑﻠﻮﺭﺩ ﻭﺍﻟﺰﻳﻨﺔ
ﻭﺧﻠﺖ ﺃﻡ ﺯﻳﺪ ﻃﺒﻠﻪ ﻛﺪﺍﻡ ﺍﻟﻜﻮﺷﻪ ﻭﺧﻠﺖ ﺑﻴﻪ ﻛﻴﻜﻪ ﻭﺑﺒﺴﻲ ﻭﻛﻼﺻﺎﺕ
ﻭﺳﺠﻴﻨﻪ ﻭﻣﺎﻋﻴﻦ ﺻﻐﺎﺭ
ﺑﻌﺪ ﻣﺎ ﻛﻤﻠﺖ ﺩﺧﻠﺖ ﻟﻠﻐﺮﻓﻪ ﺗﺸﻮﻑ ﻟﻴﻠﻰ
ﺷﻮﻳﻪ ﻃﻠﻊ ﻋﺰﻳﺰ ﺑﻴﺪﻩ ﻗﺎﻁ ﺭﺻﺎﺻﻲ ﻛﺎﻝ ﻫﺎ ﻋﻼﻭﻱ ﺷﻨﻮ ﺭﺋﻴﻚ
ﻭﻟﻚ ﻣﻨﻴﻠﻚ ﻫﺬﺍ
ﻟﻜﻴﺘﻪ ﻣﻌﻠﻚ ﺑﻠﻜﻨﺘﻮﺭ ﺍﻛﻴﺪ ﻟﺒﻨﻬﻢ
ﻭﻟﻚ ﺍﺣﻨﻪ ﺣﺘﻠﻴﻨﻪ ﺍﻟﺒﻴﺖ ﻛﻠﻪ ﺣﺘﻰ ﻣﻼﺑﺴﻬﻢ
ﻫﻬﻬﻪ ﻳﻤﻌﻮﺩ ﻣﻮ ﺍﺣﺴﻦ ﻣﺎ ﻳﺎﺧﺬﻭﻫﻢ ﺍﻟﺪﻭﺍﻋﺶ
ﺃﻱ ﻭﺍﻟﻠﻪ ﺍﺣﺴﻦ
ﻳﻠﻠﻪ ﻟﻌﺪ ﻛﻮﻡ ﺍﻟﺒﺲ ﺧﻠﻲ ﻧﺸﻮﻓﻪ ﻋﻠﻴﻚ
ﺩﺧﻠﺖ ﻟﻠﻐﺮﻓﻪ ﻟﺒﺴﺖ ﺍﻟﻘﺎﻁ ﺟﺎﻥ ﺷﻮﻳﻪ ﺿﻴﻚ ﻋﻠﻴﻪ ﺑﺲ ﻳﻠﻠﻪ ﺍﺗﺤﻤﻠﻪ ﻓﺪ ﺳﺎﻋﻪ
ﺷﻮﻳﻪ ﺍﺟﻮ ﺍﻟﻮﻟﺪ ﻛﺎﻣﻮ ﻳﻬﻮﺳﻮﻭﻥ ﺑﺲ ﻋﻠﻰ ﻛﻴﻔﻬﻢ
ﻳﻀﺤﻚ ﻋﻤﺮ ﻳﻜﻮﻝ
ﻭﻟﻜﻢ ﻣﺎﺷﺎﻳﻒ ﻫﻮﺳﺎﺕ ﻋﻠﻰ ﺍﻟﺴﺎﻛﺖ
ﻣﻴﺨﺎﻟﻒ ﻳﺨﻮﻱ ﺗﺤﻤﻠﻮ ﺑﺲ ﻫﺎﻱ ﺍﻟﻠﻴﻠﻪ ﻭﻧﻄﻠﻊ ﻣﻨﺎ
ﻭﻧﺬﺭ ﻋﻠﻴﻪ ﺑﻠﻌﺮﺱ ﻛﻠﻜﻢ ﺗﺠﻮﻥ ﻭﻧﺴﻮﻳﻬﻪ ﻫﻮﺳﻪ
ﺃﺯﺍﺩ .... ﺍﺟﻲ ﻭﺍﻟﻠﻪ ﺍﺟﻲ ﺃﻧﻲ ﻣﺴﺘﺤﻴﻞ ﺃﻧﻲ ﻋﻠﻴﺶ ﻭﻣﺎ ﺃﺣﻀﺮ ﻋﺮﺳﻚ
ﻋﻤﺮ .... ﻭﺍﻧﻲ ﻫﻢ ﺍﺟﻴﺐ ﻣﺮﺗﻲ ﻭﺍﺟﻲ
ﻋﺰﻳﺰ .... ﺃﻱ ﻭﺍﻟﻠﻪ ﺍﻧﻲ ﺑﻠﻜﺖ ﺍﺣﺼﻠﻲ ﻣﺮﻩ ﻭﺍﺟﻴﺒﻪ ﻭﺍﺟﻴﻜﻢ
ﻛﻞ ﺍﻟﻬﻼ ﺑﻴﻜﻢ ﻭﺍﻟﻠﻪ ﺍﺧﻠﻴﻜﻢ ﻓﻮﻙ ﺭﺍﺳﻲ
ﻛﻌﺪﺕ ﺑﻠﻜﻮﺷﻪ ﺷﻮﻳﻪ ﻃﻠﻌﺖ ﻟﻴﻠﻰ
ﻻﺑﺴﻪ ﻓﺴﺘﺎﻥ ﺍﺑﻴﺾ ﻃﻮﻳﻞ ﻭ ﺣﺠﺎﺏ ﺍﺑﻴﺾ ﻭﻣﻜﻴﺎﺝ ﺑﺴﻴﻂ ﺍﺧﺬﺕ ﺭﻭﺣﻲ ﻣﻦ ﻃﻠﺖ ﻋﻠﻴﻪ
ﻭﻛﻔﺖ ﺍﺳﺘﻘﺒﻠﺘﻪ ﻟﺰﻣﺖ ﺍﻳﺪﻩ ﻭﻛﻌﺪﺗﻪ ﺑﺼﻔﻲ
ﻛﺼﻴﻨﻪ ﺍﻟﻜﻴﻚ ﻭﻛﻠﺘﻪ ﻭﻛﻠﺘﻨﻲ
ﺷﺮﺑﻨﻪ ﺑﺒﺴﻲ ﺑﻌﺪﻩ ﺍﺝ ﺣﻴﺪﺭ ﺑﺄﻳﺪﻩ ﺣﻠﻘﺎﺕ ﺛﻨﻴﻦ ﻣﺴﻮﻳﻬﻦ ﻣﻦ ﺳﻴﻔﻮﻥ ﺍﻟﺒﺒﺴﻲ ﻫﻬﻬﻪ
ﻭﻟﻚ ﺷﻨﻲ ﻫﺎﻱ ﺷﻠﻮﻥ ﺳﻮﻳﺘﻬﻦ
ﺟﺎ ﺷﻠﻮﻥ ﺧﻄﻮﺑﻪ ﺑﻼ ﺣﻠﻘﺎﺕ
ﺍﺧﺬﺗﻬﻦ ﻟﺒﺴﺘﻬﻪ ﻭﺣﺪﻩ
ﻭﻫﻴﻪ ﻟﺒﺴﺘﻨﻲ ﺍﻟﺤﻠﻘﻪ
ﺑﺲ ﻋﺒﺎﻟﻚ ﺍﻟﻤﺎﺱ ﻣﻠﺒﺴﻪ ﻣﻮ ﺳﻴﻔﻮﻧﻪ
ﺟﺎﻧﺖ ﻓﺮﺣﺎﻧﻪ ﺑﺸﻜﻞ
ﻋﻴﻮﻧﻪ ﺗﺤﺠﻲ ﺳﻌﺎﺩﻩ ﺍﺑﺪﻳﻪ
ﺍﻟﻮﻟﺪ ﻣﺎﺧﻠﻮ ﺷﻲ ﻣﺎ ﺍﻛﻠﻮ ﺣﺘﻰ ﺍﻟﻤﺎﻋﻴﻦ ﻣﺴﺤﻮﻫﻪ ﻫﻬﻬﻬﻪ
ﺑﻌﺪ ﺍﻟﺤﻔﻠﻪ ﺍﻟﻲ ﻃﻮﻟﺖ ﻟﻠﻴﻞ ﺃﺧﺬﺗﻪ ﻭﺻﻌﺪﻧﻪ ﻟﻠﺴﻄﺢ
ﺍﻟﻤﻜﺎﻥ ﺍﻟﻲ ﺷﻬﺪ ﻋﻠﻰ ﻛﻞ ﻗﺼﺘﻨﻪ
ﻣﻦ ﻳﻮﻡ ﺷﻔﺘﻪ ﺍﻭﻝ ﻣﺮﻩ
ﻟﺤﺪ ﻫﺎﻱ ﺍﻟﺪﻗﻴﻘﺔ ﺍﻟﻲ ﺻﺎﺭﺕ ﺑﻴﻪ ﺧﻄﻴﺒﺘﻲ ﺍﻣﺎﻡ ﺍﻟﻠﻪ ﻭﺃﻣﺎﻡ ﺍﻟﻨﺎﺱ
ﺃﺧﺬﺗﻪ ﻟﻠﺴﻄﺢ ﻣﺴﻜﺖ ﺍﻳﺪﻩ ﻭﺩﺭﺕ ﻭﺟﻬﻪ ﻋﻠﻴﻪ ﻭﻛﺘﻠﻪ
ﺣﺒﻲ ﻣﺴﺘﻌﺪﻩ
ﺍﻟﺸﻨﻮ
ﻷﻋﻼﻥ ﺍﺳﻼﻣﺞ
ﻃﺒﻌﺎ
ﻛﻮﻟﻲ ﻭﺭﺍﻱ
ﺍﺷﻬﺪ ﺍﻥ ﻻ ﺍﻟﻪ ﺍﻻ ﺍﻟﻠﻪ
ﺃﺷﻬﺪ ﺃﻥ ﻻ ﺇﻟﻪ ﺇﻻ ﺍﻟﻠﻪ
ﺃﺷﻬﺪ ﺃﻥ ﻣﺤﻤﺪ ﺭﺳﻮﻝ ﺍﻟﻠﻪ
ﺃﺷﻬﺪ ﺃﻥ ﻣﺤﻤﺪ ﺭﺳﻮﻝ ﺍﻟﻠﻪ
ﺃﺷﻬﺪ ﺃﻥ ﻋﻠﻲ ﻭﻟﻲ ﺍﻟﻠﻪ
ﺃﺷﻬﺪ ﺃﻥ ﻋﻠﻲ ﻭﻟﻲ ﺍﻟﻠﻪ
ﻭﻫﺴﻪ ﺍﻧﺘﻲ ﻣﺴﻠﻤﻪ ﺧﻄﻴﺒﺔ ﻣﺴﻠﻢ ﻫﻬﻬﻪ
ﻭﺍﺣﻠﻰ ﻣﺴﻠﻢ
ﻭﺃﺣﻠﻰ ﻣﺴﻠﻤﻪ
ﺑﻌﺪﻩ ﻧﺰﻟﻨﻪ ﺣﻈﺮﻧﻪ ﻣﻼﺑﺴﻨﻪ ﻭﺷﻮﻳﺔ ﺃﻛﻞ ﺳﻮﺗﻪ ﺃﻡ ﺯﻳﺪ
ﻭﻗﻔﻠﻨﻪ ﺍﻟﺒﻴﺖ ﻭﻃﻠﻌﻨﻪ ﺍﻟﺴﻴﺎﺭﻩ
ﺑﻘﻴﺖ ﺃﻧﻲ ﺁﺧﺮ ﻭﺍﺣﺪ
ﻗﺒﻞ ﻻ ﻧﻄﻠﻊ ﻛﺘﺒﺖ ﺭﺳﺎﻟﻪ ﻷﺻﺤﺎﺏ ﺍﻟﺒﻴﺖ
ﺷﻜﺮﺗﻬﻢ ﻋﻠﻰ ﺑﻴﺘﻬﻢ ﻭﻋﻠﻰ ﻛﻞ ﺍﻟﻲ ﻗﺪﻣﻮﻩ ﺍﻟﻨﻪ
ﻭﺧﺒﺮﺗﻬﻢ ﺃﻧﻲ ﻟﻜﻴﺖ ﺍﺧﻮﻳﻪ ﺣﻴﺪﺭ
ﻭﺣﺎﻟﻴﺎ ﺭﺍﺟﻌﻴﻦ ﻟﺪﻳﺎﺭﻧﻪ
ﺧﻠﻴﺘﻪ ﺑﻠﺼﺎﻟﻪ ﻭﻃﻠﻌﺖ
ﻗﻔﻠﺖ ﺍﻟﺒﻴﺒﺎﻥ ﻭﺗﺮﻛﺖ ﺍﻟﻤﻔﺘﺎﺡ ﺑﻠﻤﻜﺎﻥ ﺍﻟﻲ ﻛﻠﻲ ﺑﻴﻪ ﺻﺎﺣﺐ ﺍﻟﺒﻴﺖ
ﻭﺭﻛﺒﻨﻪ ﺑﺴﻴﺎﺭﺕ ﻋﻤﺮ ﻭﺍﻧﻄﻠﻘﻨﻪ ﺍﻟﻮﺟﻬﺘﻨﻪ..
......
ﺭﻛﺒﺖ ﺍﻧﻲ ﻭﺣﻴﺪﺭ ﻭﺍﻡ ﺯﻳﺪ ﻭﻟﻴﻠﻰ ﺑﻸﺧﻴﺮ
ﻭﺭﻛﺐ ﻋﺰﻳﺰ ﻭ ﺃﺯﺍﺩ ﺑﻠﺴﺪﺭ
ﻣﺸﺖ ﺍﻟﺴﻴﺎﺭﻩ ﻭﻋﻴﻮﻧﻲ ﺗﺒﺎﻭﻉ ﻋﻠﻰ ﺍﻟﻄﺮﻳﻖ
ﺗﺬﻛﺮﺕ ﺍﻭﻝ ﻣﺮﻩ ﺩﺧﻠﻨﻪ ﻟﻬﺎﻱ ﺍﻟﻤﻨﻄﻘﻪ
ﺷﻠﻮﻥ ﺟﻨﻪ ﺧﺎﻳﻔﻴﻦ ﻭﻣﻄﺎﺭﺩﻳﻦ
ﺳﺒﺤﺎﻥ ﺍﻟﻠﻪ ﺷﻠﻮﻥ ﻃﻠﻌﻨﻪ ﻫﺴﻪ
ﺻﺢ ﺧﺎﻳﻔﻴﻦ ﺑﺲ ﻋﻨﺪﻱ ﺛﻘﻪ ﺑﺮﺏ ﺍﻟﻌﺎﻟﻤﻴﻦ
ﻛﻞ ﻣﺎ ﻧﺒﺘﻌﺪ ﻣﺘﺮ ﻋﻦ ﺍﻟﻤﻮﺻﻞ ﺍﻷﻣﻞ ﻳﺰﻳﺪ ﻋﺪﻧﻪ
ﻃﻠﻌﺖ ﺍﻟﺸﻤﺲ ﻭﺍﻧﻲ ﺍﺑﺎﻭﻉ ﻣﻦ ﺍﻟﺸﺒﺎﻙ
ﻃﻠﻌﺖ ﻋﻠﻰ ﺗﻠﻪ ﺳﺒﺤﺎﻥ ﺍﻟﺨﺎﻟﻖ ﺷﻠﻮﻥ ﺍﺑﺪﻉ ﻭﺻﻮﺭ ﻫﺎﻱ ﺍﻟﺼﻮﺭﻩ
ﺍﻟﺴﻜﻮﺕ ﻣﺨﻴﻢ ﻋﻠﻰ ﺍﻟﺠﻤﻴﻊ
ﺍﻟﻜﻞ ﺧﺎﻳﻒ ﻭﻳﺘﺮﻗﺐ
ﺗﺬﻛﺮﺕ ﻗﻮﻝ ﺍﻟﻠﻪ ﺗﻌﺎﻟﻰ ﺑﺴﻮﺭﺓ ﻣﻮﺳﻰ ,
. ( ﺧﺮﺝ ﻣﻨﻬﻰ , ﺧﺎﺋﻔﺎ ﻳﺘﺮﻗﺐ , )
ﻓﻌﻼ ﺍﺣﻨﻪ ﻫﻢ ﺧﺮﺟﻨﻪ ﺧﺎ ﺋﻔﻴﻦ ﻧﺘﺮﻗﺐ ﻻ ﻳﺒﻄﺸﻮﻥ ﺑﻴﻨﻪ ﺍﻟﺪﻭﺍﻋﺶ ,
ﺍﻟﺴﻴﻄﺮﺍﺕ ﻗﻠﻴﻠﻪ ﻛﻠﺶ , ﻷﻥ ﺟﺎﻥ ﺍﻟﺠﻴﺶ ﻣﺘﻮﺟﻪ ﻋﻠﻰ ﺍﻟﻤﻮﺻﻞ
ﻭﺷﺒﻪ ﺍﻧﺴﺤﺎﺏ ﺻﺎﺭ ﺑﻠﻤﻮﺻﻞ ﻣﻦ ﺍﻟﺪﻭﺍﻋﺶ ,
ﻟﻜﻴﻨﻪ ﺑﺲ ﺳﻴﻄﺮﺗﻴﻦ ﺳﺌﻠﻮﻧﻪ ﺟﺎﻭﺑﻬﻢ ﻋﻤﺮ ﺑﻠﻤﺼﻼﻭﻱ ﻛﻠﻬﻢ ﺫﻭﻟﻪ ﻋﺎﺋﻠﺘﻲ ﻭﺣﻨﻪ ﻃﺎﻟﻌﻴﻦ ﻣﻦ ﺍﻟﻤﻮﺻﻞ
ﻣﺎﻋﺮﻑ ﻟﻴﺶ ﻣﺤﺪ ﺭﻛﺰ ﻭﻳﺎﻧﻪ ﻳﻤﻜﻦ ﻷﻥ ﺟﺎﻧﻮ ﺧﺎﻳﻔﻴﻦ ﻣﻦ ﺍﻟﺠﻴﺶ ﻭﺍﻟﺤﺸﺪ
ﻟﻮ ﺍﻟﻠﻪ ﺳﺘﺮﻩ ﻭﻳﺎﻧﻪ ﻫﻬﻬﻪ
ﺍﻟﻤﻬﻢ
ﻭﺻﻠﻨﻪ ﺍﻟﻤﻨﻄﻘﻪ ﺯﺭﺍﻋﻴﻪ ﺑﺤﺪﻭﺩ ﺍﻷﻧﺒﺎﺭ
ﺻﺎﺭ ﺍﻟﻈﻬﺮ ﺟﻮﻋﺎﻧﻴﻦ
ﻛﺎﻝ ﻋﻤﺮ
ﻳﺎﺑﻪ ﺷﺘﻜﻮﻟﻮﻥ ﻟﻮ ﻧﺰﻟﻨﻪ ﻫﻨﺎ ﻭﺗﻐﺪﻳﻨﻪ ﻭﺭﺗﺎﺣﻴﻨﻪ ﺷﻮﻳﻪ ﺻﺎﺭﻟﻨﻪ ﺍﻛﺜﺮ ﻣﻦ ﺳﺒﻊ ﺳﺎﻋﺎﺕ ﻧﻤﺸﻲ
ﻋﻠﻲ ..... ﻣﺎﻋﺮﻑ ﻭﺍﻟﻠﻪ ﺑﻜﻴﻔﻜﻢ
ﻋﺰﻳﺰ .... ﺗﺮﻩ ﺍﻟﺠﻤﺎﻋﻪ ﻣﻠﺘﻬﻴﻦ ﺑﺮﻭﺍﺣﺘﻬﻢ ﺧﺎﻳﻔﻴﻦ ﻭﻻ ﻳﺮﻛﺰﻭﻥ ﻭﻳﻪ ﻭﺍﺣﺪ ﻳﺮﺩﻭﻥ ﺑﺲ ﻳﻔﻠﺘﻮﻥ
ﺣﻴﺪﺭ .... ﺍﻛﻴﺪ ﺍﻟﺠﻴﺶ ﻗﺮﻳﺐ ﻣﺘﺸﻮﻓﻮﻫﻢ ﺷﻠﻮﻥ ﺧﺎﻳﻔﻴﻦ
ﺃﺯﺍﺩ ..... ﺍﻱ ﺻﺪﻙ ﻣﺒﻴﻦ ﻋﻠﻴﻬﻢ ﺍﻟﻘﻠﻖ
ﻋﻠﻲ .... ﺟﺎ ﻧﺰﻟﻮﻧﻪ ﺷﻮﻳﻪ ﺧﻠﻮﻧﻪ ﻧﺘﻐﺪﻩ ﻭﻧﺮﺗﺎﺡ ﺻﺪﻙ ﺗﻜﺴﺮﻧﻪ
ﻧﺰﻟﻨﻪ ﻧﺰﻟﺖ ﺍﻡ ﺯﻳﺪ ﺟﻨﻄﻪ ﺑﻴﻪ ﺍﻛﻞ ﻭﻣﺎﻱ ﻭﻓﺮﺍﺵ ,
ﺗﻜﺎﺑﻠﻨﻪ ﻓﺮﺷﻨﻪ ﻭﻛﻌﺪﻧﻪ
ﺷﻠﻮﻥ ﻣﻨﻄﻘﻪ ﺗﺨﺒﻞ ﺍﻷﺷﺠﺎﺭ ﻭﺍﻟﺠﻮ ﺍﻟﺤﻠﻮﺍ
ﺑﺲ ﻟﻮ ﻣﻮ ﺍﺻﻮﺍﺕ ﺍﻟﺘﻔﺠﻴﺮﺍﺕ ﺍﻟﻲ ﻛﻞ ﺷﻮﻳﻪ ﺗﺮﺝ ﺍﻟﺠﻮﺍ
ﺗﻐﺪﻳﻨﻪ ﻋﻠﻰ ﺍﻟﺴﺮﻳﻊ ﻭﻟﻤﻴﻨﻪ ﻏﺮﺍﻇﻨﻪ ﻭﺻﻌﺪﻧﻪ
ﻣﺸﻴﻨﻪ ﻓﺘﺮﻩ ﻟﻜﻴﻨﻪ ﺳﻴﻄﺮﺍﺕ ﻭﺍﻛﻔﻪ ﺑﻠﺤﺪﻭﺩ
ﻣﻤﻨﻮﻉ ﻭﺍﺣﺪ ﻳﻄﻠﻊ ﻣﻦ ﺍﻟﻤﻮﺻﻞ
ﺗﻮﺳﻠﻨﻪ ﺭﺩﻧﻪ ﺍﺑﺪ ﻣﻘﺒﻠﻮﺍ ﻧﻄﻠﻊ
ﻻﺯﻡ ﻧﺮﺟﻊ
ﺭﻛﺒﻨﻪ ﺍﻟﺴﻴﺎﺭﻩ ﻭﺭﺟﻌﻨﻪ
ﻛﺎﻝ ﻋﻤﺮ
ﺍﻧﺪﻝ ﻃﺮﻳﻖ ﺑﺲ ﺷﻮﻳﻪ ﺻﻌﺐ
ﺷﻠﻮﻥ ﺻﻌﺐ ﻳﻌﻨﻲ ﻧﺘﺮﺕ
ﻋﻠﻰ ﺍﻟﺠﺒﺎﻝ ﻳﺼﻴﺮ ﻃﻮﻳﻞ ﻭ ﻭﻋﺮ
ﻟﻌﻠﻲ ﻻ ﻳﺨﻮﻱ ﺧﻠﻴﻨﻪ ﻧﺒﻘﻪ ﺑﻤﻜﺎﻥ ﻗﺮﻳﺐ ﺑﻠﻜﺖ ﻧﻜﺪﺭ ﺑﻠﻴﻞ ﻧﻄﻠﻊ
ﻓﻌﻼ ﺭﺟﻌﻨﻪ ﻣﺴﺎﻓﻪ
ﻭﺻﻠﻨﻪ ﻗﺮﻳﻪ ﺯﻏﻴﺮﻩ ﺷﺒﻪ ﺧﺎﻟﻴﻪ
ﺩﺧﻠﻨﻪ ﺷﻔﻨﻪ ﺑﻴﺖ ﺻﻐﻴﺮ ﺑﻴﻪ ﻳﻄﻠﻊ ﺩﺧﺎﻥ
ﻧﺰﻟﻨﻪ ﻳﻤﻪ
ﺩﻛﻴﺖ ﺍﻟﺒﺎﺏ ﻃﻠﻊ ﺭﺟﺎﻝ ﻛﻮﺭﺩﻱ ﺟﺒﻴﺮ ﺑﻠﻌﻤﺮ ,
ﺣﺠﻪ ﻭﻳﺎ ﺃﺯﺍﺩ
......
ﻫﺎ ﺍﺯﺍﺩ ﺷﻴﻜﻮﻝ
ﺃﺯﺍﺩ .... ﻳﻜﻮﻝ ﺍﻫﻠﻪ ﻛﻠﻬﻢ ﻃﺎﻟﻌﻴﻦ ﻣﻦ ﺍﻟﻤﻮﺻﻞ ﺑﺎﻗﻲ ﻭﺣﺪﻩ
ﻭﻳﺮﺣﺐ ﺑﻴﻨﻪ ﻳﻜﻮﻝ ﺍﺑﻘﻮﺍ ﻫﻨﺎ
ﺩﺧﻠﻨﻪ ﺍﻟﺮﺟﺎﻝ ﻟﻠﺒﻴﺖ
ﺟﺎﻥ ﺧﺎﺑﺰ ﺍﻧﻄﺎﻧﻪ ﺧﺒﺰ ﺣﺎﺭ ﻭﺭﻭﺑﻪ
ﻣﺠﻨﻪ ﻧﺸﺘﻬﻲ ﺑﺲ ﺍﻷﻛﻞ ﺟﺎﻥ ﻃﻴﺐ ﻛﻠﺶ ,
ﺍﻛﻠﻨﻪ ﻭﺑﻘﻴﻨﻪ ﻳﻤﻪ
ﺃﺯﺍﺩ ﻛﻠﺶ ﺍﻧﻄﻠﻖ ﺑﻠﺤﺠﻲ ﻭﻳﺎ
ﺑﺘﻨﻪ ﺫﻳﺞ ﺍﻟﻠﻴﻠﻪ
ﺍﻟﻤﺪﺍﻓﻊ ﻟﻠﺼﺒﺢ ﻣﺎ ﻫﺪﺋﺔ
ﻋﺮﻓﻨﻪ ﻣﻦ ﺍﻟﺮﺟﺎﻝ ﺍﻥ ﺍﻟﺠﻴﺶ , ﺍﻟﻌﺮﺍﻗﻲ ﻋﻠﻰ ﺣﺪﻭﺩ ﺍﻟﻤﻮﺻﻞ
ﻳﻌﻨﻲ ﻳﻮﻣﻴﻦ ﻳﺪﺧﻠﻮﻥ
ﺑﻘﻴﻨﻪ ﻳﻤﻪ ﻭﺍﻟﺨﻮﻑ ﺑﻜﻠﻮﺑﻨﻪ
ﻟﺤﺪ ﺛﺎﻧﻲ ﻳﻮﻡ ﻛﻌﺪﻧﻪ ﺍﻟﺼﺒﺢ ﻋﻠﻰ ﺻﻮﺕ ﺩﺧﻮﻝ ﺍﻟﺪﺑﺎﺑﺎﺕ ﺍﻟﻌﺮﺍﻗﻴﻪ ﻟﻠﻤﻨﻄﻘﻪ
ﻃﻠﻌﻨﻪ ﺷﻔﻨﻪ ﺍﻟﺪﺑﺎﺑﺎﺕ ﻭﺍﻟﺠﻴﺶ
ﺟﺎﻧﺖ ﻓﺮﺣﻪ ﻣﻮ ﻃﺒﻴﻌﻴﻪ
ﺗﻘﺮﺑﻮﺍ ﻣﻦ ﻋﺪﻧﻪ
ﺳﻠﻤﻨﻪ ﻋﻠﻴﻬﻢ
ﻭﻋﺮﻓﻨﻪ ﺍﻟﺠﻴﺶ , ﺟﺎﻱ ﻳﺪﺧﻞ
ﺻﺢ ﺩﺧﻮﻟﻬﻢ ﻛﻠﺶ , ﺑﻄﻴﺊ ﺑﺲ ﺍﻟﻤﻬﻢ ﺑﺪﻭ ﻳﺪﺧﻠﻮﻥ
ﺍﺗﺮﺧﺼﻨﻪ ﻣﻦ ﺍﻟﺮﺟﺎﻝ ﻭﺗﺤﺮﻛﻨﻪ ﺍﻟﺒﻐﺪﺍﺩ ﺑﻌﺪ ﻣﺎ ﻓﺘﺢ ﺍﻟﺠﻴﺶ ﺍﻟﻌﺮﺍﻗﻲ ﺍﻟﻄﺮﻳﻖ
ﺟﺎﻧﺖ ﻓﺮﺣﺘﻨﻪ ﻣﺘﻨﻮﺻﻒ
ﺍﺣﺴﺎﺱ ﺍﻷﻣﺎﻥ ﻟﻤﻦ ﻧﺸﻮﻑ ﺍﻷﺭﺍﻇﻲ ﺍﻟﻌﺮﺍﻗﻴﻪ ﻣﻠﻴﺎﻧﻪ ﺑﺠﻴﺶ ﻭﺣﺸﺪ ﺟﻨﺐ ﺍﻟﻰ ﺟﻨﺐ ,
ﻳﺤﻤﻮﻧﻪ ﻭﻳﺨﻠﺼﻮﻧﻪ ﻣﻦ ﺍﻟﺠﺮﺫﻣﻪ ﺍﻟﻲ ﻋﺜﺖ ﺑﻠﻌﺮﺍﻕ
ﺑﻌﺪ ﻃﺮﻳﻖ ﻃﻮﻳﻞ ﻭﺻﻠﻨﻪ ﺍﻟﺒﻐﺪﺍﺩ
ﺣﻴﺪﺭ ...... ﻧﺮﻭﺡ ﻟﻠﻔﻨﺪﻕ ﻧﺮﺗﺎﺡ
ﻋﻠﻲ ... ﺍﻱ ﻣﺎﻛﻮ ﻏﻴﺮ ﺍﻟﻔﻨﺪﻕ ﻧﺮﺗﺎﺡ ﻭﻧﺴﺒﺢ ﻭﺑﺎﺟﺮ ﻧﺸﻮﻑ ﺷﻨﺴﻮﻱ
ﺭﺣﻨﻪ ﺍﻟﻔﻨﺪﻕ ﺻﻐﻴﺮ ﺍﺧﺬﻧﻪ 3 ﻏﺮﻑ
ﺑﻌﺪﻩ ﺩﺧﻠﻨﻪ
ﺳﺒﺤﻨﻪ ﻭﻧﻤﻨﻪ ﻣﺜﻞ ﺍﻟﻘﺘﻠﻰ
ﻳﻮﻣﻴﻦ ﺍﺣﻨﻪ ﻧﻜﻌﺪ ﻧﺎﻛﻞ ﻭﻧﺮﺟﻊ ﻧﺎﻡ ﻫﻬﻬﻪ ﻣﻦ ﺍﻟﺘﻌﺐ ﺍﻟﻲ ﺷﻔﻨﺎ ﻃﻮﻝ ﻫﻠﺴﻨﺘﻴﻦ
ﺑﻌﺪ ﻳﻮﻣﻴﻦ ﺍﻟﺘﻘﻴﻨﻪ ﻛﻠﻨﻪ ﺑﻠﺮﺳﺒﺸﻦ ﻣﺎﻝ ﺍﻟﻔﻨﺪﻕ
ﻋﺰﻳﺰ ..... ﻫﺎ ﻳﺎﺑﻪ ﺻﺢ ﺍﻟﻨﻮﻡ
ﻋﻤﺮ .... ﻭﻟﻚ ﻋﺒﺎﻟﻚ ﺻﺎﺭﻟﻲ ﺳﻨﻴﻦ ﻣﺎﻧﺎﻳﻢ
ﺃﺯﺍﺩ ..... ﺍﻭﻑ ﺷﻠﻮﻥ ﻧﻮﻣﻪ
ﺍﻡ ﺯﻳﺪ .... ﺍﻟﻠﻪ ﻳﺮﻳﺢ ﺑﺎﻟﻜﻢ ﻭﻳﺼﺤﻲ ﺍﺑﺪﺍﻧﻜﻢ
ﻋﻠﻲ ..... ﺗﺴﻠﻤﻴﻦ ﺧﺎﻟﻪ
ﻫﺴﻪ ﻳﻮﻟﺪ ﺍﺭﻳﺪ ﻧﺮﻭﺡ ﻛﻠﻨﻪ ﻧﺘﺸﻜﺮ ﻣﻦ ﺍﺑﻮ ﺍﻟﺠﻮﺍﺩﻳﻦ ﻋﻠﻰ ﺭﺟﻮﻋﻨﻪ ﺑﻠﺴﻼﻣﻪ
ﻋﺰﻳﺰ .. ﺍﻱ ﻭﺍﻟﻠﻪ
ﻋﻤﺮ ... ﻳﺴﺘﺎﻫﻞ ﺍﻟﺸﻜﺮ
ﺍﺯﺍﺩ .... ﺍﻧﻲ ﻫﻢ ﺍﺭﻭﺡ ﻭﻳﺎﻛﻢ
ﺭﺣﻨﻪ ﻛﻠﻨﻪ ﺍﺟﺮﻧﻪ ﺳﻴﺎﺭﻩ ﻭﻃﻠﻌﻨﻪ ﻟﻠﻜﺎﻇﻤﻴﻪ
ﻭﺻﻠﺖ ﻟﻠﺒﺎﺏ ﻟﺰﻣﺖ ﺍﻳﺪ ﺣﻴﺪﺭ ﻭﻛﺘﻠﻪ
ﻫﺬﺍ ﺍﺧﻮﻱ ﻳﺒﻮ ﺍﻟﺠﻮﺍﺩﻳﻦ ﻣﺎﻗﺼﺮﺕ ﻭﺍﻟﻠﻪ ﺭﺩﻳﺘﻪ ﻟﻴﻪ ﺳﺎﻟﻢ
ﺑﻌﺪﻩ ﺍﺧﺬﺕ ﻟﻴﻠﻰ ﻭﺩﺧﻠﻨﻪ ﻟﻠﺼﺤﻦ
ﺑﻌﺪ ﻣﺎ ﺯﺭﻧﻪ ﻛﻌﺪﻧﻪ ﺑﻠﺤﻈﺮﻩ ﻛﻠﻨﻪ ﻛﺘﻠﻬﻢ
ﺣﺎﻥ ﻭﻗﺖ ﺍﻟﻮﺩﺍﻉ ﺭﻏﻢ ﺍﻟﻠﻪ ﺷﺎﻫﺪ ﻣﺎﺭﻳﺪ ﺍﻭﺩﻉ ﻭﺍﺣﺪ ﻣﻨﻜﻢ ﻻ ﻟﻮ ﺑﻴﺪﻱ ﺍﺧﺬﻛﻢ ﻛﻠﻜﻢ ﻭﻳﺎﻱ
ﺑﺲ ﻋﺪﻛﻢ ﺍﻫﻞ ﻣﻨﺘﻈﺮﻳﻨﻜﻢ
ﻋﻤﺮ .... ﻭﺍﻟﻠﻪ ﺍﻧﺎ ﻫﻢ ﺍﺭﻳﺪ ﺍﺑﻘﻰ ﻭﻳﺎﻛﻢ ﺑﺲ
ﺍﺯﺍﺩ .... ﺍﻧﺎ ﻣﻠﻴﺖ ﻣﻦ ﻋﺪﻛﻢ ﺍﺭﻳﺪ ﺍﺭﻭﺡ ﻟﻤﻲ
ﻋﺰﻳﺰ .... ﻫﻬﻬﻬﻬﻬﻪ ﺍﻱ ﺭﻭﺡ ﻟﻤﻚ ﻟﻮ ......
ﺍﺯﺍﺩ .... ﻛﻴﻔﻲ ﺑﻤﺰﺍﺟﻲ ﻫﻬﻬﻬﻪ
ﺍﻡ ﺯﻳﺪ ..... ﻳﻮﻟﺪ ﺍﺭﻳﺪ ﺍﺣﺠﻲ ﻭﻳﺎﻛﻢ ﺣﺠﺎﻳﻪ ﻗﺒﻞ ﻻ ﻧﻔﺘﺮﻕ
......
ﺍﻧﺎ ﻋﻤﺮﻱ ﻣﺎﺷﻔﺖ ﻣﺜﻞ ﺷﻬﺎﻣﺘﻜﻢ ﻭﺍﺧﻼﻗﻜﻢ
ﻧﺎﺱ ﺍﻗﻞ ﻣﺎ ﻳﻘﺎﻝ ﻋﻨﻜﻢ
ﺷﺮﻓﺎﺀ
ﺍﻟﺸﺮﻑ ﻣﻦ ﺳﻤﺎﺕ ﺍﻷﺳﻼﻡ
ﻭﻋﺪﻛﻢ ﻟﻜﻴﺖ ﺍﻷﺳﻼﻡ
ﻭﺍﻧﻲ ﻛﺪﺍﻣﻜﻢ ﻭﻛﺪﺍﻡ ﺭﺏ ﺍﻟﻌﺎﻟﻤﻴﻦ ﺍﻛﻮﻝ ﺍﻟﻜﻢ ﺍﻧﻲ
ﺍﺷﻬﺪ ﺍﻥ ﻻ ﺍﻟﻠﻪ ﺍﻻ ﺍﻟﻠﻪ ﻭﺍﺷﻬﺪ ﺍﻥ ﻣﺤﻤﺪ ﺭﺳﻮﻝ ﺍﻟﻠﻪ
ﻋﻠﻲ
ﻛﻤﻠﻴﻬﻪ
ﺍﺷﻬﺪ ﺍﻥ ﻋﻠﻲ ﻭﻟﻲ ﺍﻟﻠﻪ
ﺍﻡ ﺯﻳﺪ ....
ﺃﺷﻬﺪ ﺍﻥ ﻋﻠﻲ ﻭﻟﻲ ﺍﻟﻠﻪ
ﻋﻠﻲ ..... ﺍﺣﺴﻨﺘﻲ ﺍﻡ ﺯﻳﺪ ﺍﻟﻠﻪ ﻳﺒﺎﺭﻙ ﺑﻴﺞ
ﺛﺎﻧﻲ ﻳﻮﻡ ﺭﺣﻨﻪ ﻛﻠﻨﻪ ﻟﻜﺮﺍﺝ ﺍﻟﻌﻼﻭﻱ ﻭﺻﻠﻨﻪ ﻋﺰﻳﺰ ﻟﺴﻴﺎﺭﺍﺕ ﻛﺮﺑﻼﺀ , ﻭﺩﻋﻨﺎ ﻭﺍﺧﺬﻧﻪ ﻋﻨﻮﺍﻧﻪ
ﺭﺟﻌﻨﻪ ﺑﻌﺪ ﻣﺎ ﻣﺸﺖ ﺳﻴﺎﺭﺗﻪ
ﺟﺎﻥ ﻣﻜﺎﻥ ﻋﺰﻳﺰ ﻓﺎﺭﻍ ﺍﺑﺘﺴﻤﺖ ﻣﻦ ﺷﻔﺖ ﻧﺎﺳﻲ ﺗﻲ ﺷﻴﺮﺗﻪ
ﺷﻠﺘﻪ ﺧﻠﻴﺘﻪ ﻭﻳﻪ ﻣﻼﺑﺴﻲ
ﻋﻠﻲ .... ﺣﻴﺪﺭ ﻣﺎﺣﺎﻓﻆ ﺭﻗﻢ ﺍﻣﻲ
ﺣﻴﺪﺭ ... ﻻ ﺑﺲ ﻳﻤﻜﻦ ﺣﺎﻓﻆ ﺭﻗﻢ ﺳﻌﺪ
ﺻﺪﻙ ﺟﺎ ﺧﻮﺵ ﺧﻠﻴﻨﻪ ﻧﺨﺎﺑﺮ ﻋﻠﻴﻪ ﻭﻧﺨﺒﺮﻩ
ﺣﻴﺪﺭ .... ﺍﻱ ﻭﺍﻟﻠﻪ ﻫﺴﻰ ﺗﻠﻜﻪ ﺍﻣﻲ ﺧﺮﺑﺎﻧﻪ ﻋﻠﻴﻨﻪ
ﻋﻠﻲ ... ﺩﻳﻠﻠﻪ ﻛﻮﻡ ﺩﻙ ﻋﻠﻴﻪ
ﺣﻴﺪﺭ ... ﺩﻛﻴﺖ ﺭﻗﻢ ﺳﻌﺪ ﻣﺮﻩ ﻣﺮﺗﻴﻦ ﻣﺎﻛﻮ
ﺑﻌﺪﻩ ﺩﻙ
ﺃﻱ ﺩﻙ ﻋﻼﻭﻱ ﺩﻙ
ﺍﺧﺬﺕ ﺍﻟﺘﻠﻔﻮﻥ ﻭﺍﺳﻤﻊ ﺩﻛﺔ ﺍﻟﻤﺒﺎﻳﻞ ﺗﺪﻙ ﺑﻜﻠﺒﻲ
ﺳﻌﺪ .... ﺟﻨﺖ ﺑﻠﺴﻮﻙ ﺩﻙ ﻣﺒﺎﻳﻠﻲ ﺑﺎﻭﻋﺖ ﺭﻗﻢ ﺍﺭﻇﻲ
ﻓﺘﺤﺖ ﺍﻟﺨﻂ ﻛﻠﺖ
ﺍﻟﻮ
ﻋﻠﻲ ... ﺍﻟﻮ ﺍﻟﺴﻼﻡ ﻋﻠﻴﻜﻢ
ﺳﻌﺪ .... ﻭﻋﻠﻴﻜﻢ ﺍﻟﺴﻼﻡ ﻣﻨﻮ ﻭﻳﺎﻱ
ﻋﻠﻲ .... ﺣﺒﻴﺖ ﺍﺗﻤﺎﺯﺡ ﻭﻳﺎ ﻛﺘﻠﻪ
ﻭﻳﺎﻙ ﺍﻟﻤﻘﺪﻡ ﺭﺍﻓﻊ
ﺳﻌﺪ .... ﺍﻫﻼ ﻭﺳﻬﻼ ﺳﻴﺪﻱ ﺑﺸﺮﻧﻲ ﺍﻛﻮ ﺍﺧﺒﺎﺭ ﻋﻦ ﻭﻟﺪ ﻋﻤﻲ
ﻋﻠﻲ .... ﻣﻊ ﺍﻷﺳﻒ ﻋﻨﺪﻱ ﺃﺧﺒﺎﺭ
ﺳﻌﺪ ..... ﻛﻠﺒﻲ ﺍﻧﻘﺒﻆ ﻣﻦ ﻛﺎﻝ ﺍﻟﻤﻘﺪﻡ ﻣﻊ ﺍﻷﺳﻒ , ﻛﺘﻠﻪ
ﻟﻴﺶ ﺳﻴﺪﻱ ﺭﺣﻤﻪ ﻟﻬﻠﻚ ﻛﻠﺸﻲ ﻭﻻ ﺍﺧﺒﺎﺭ ﻣﻮ ﺯﻳﻨﻪ ,
ﻋﻠﻲ .... ﺍﻧﺖ ﺗﺤﺐ ﻭﻟﺪ ﻋﻤﻚ
ﺳﻌﺪ .... ﺟﺎ ﺷﻠﻮﻥ ﻣﺎ ﺍﺣﺒﻬﻢ
ﺧﻮﺵ , ﺟﺎ ﺣﻈﺮ ﺷﺪﺗﻴﻦ ﺧﺎﻃﺮ ﺍﺟﻴﺒﻬﻢ ﺍﻟﻚ
ﺳﻌﺪ ...... ﺷﻠﻮﻥ ﺷﺪﺗﻴﻦ ﻟﻴﺶ , ﻫﻤﻪ ﻭﻳﻦ
ﻣﻌﻠﻴﻚ ﺍﻧﺖ ﻭﻳﻦ ﺣﻈﺮ ﺷﺪﺗﻴﻦ ﻭﻣﻌﻠﻴﻚ ﺍﻧﺖ ﻣﻮ ﺗﻜﻮﻝ ﺍﺣﺒﻬﻢ
ﺳﻌﺪ ... ﺗﺪﻟﻞ ﺍﺣﺒﻬﻢ ﻭﻓﺪﻳﻬﻢ ﺑﻤﺎﻱ ﻋﻴﻨﻲ ﺑﺲ ﺍﻧﻄﻴﻨﻲ ﻣﺠﺎﻱ ﺟﻢ ﻳﻮﻡ ﺍﺑﻴﻊ ﺳﻴﺎﺭﺗﻲ ﻭﺍﺟﻴﺒﻠﻚ ﺍﻟﻔﻠﻮﺱ
ﺣﻴﺪﺭ .... ﻛﺎﻋﺪ ﻳﻤﻪ ﻭﺍﺳﻤﻊ ﺣﺠﻴﻬﻢ ﻣﻴﺖ ﻇﺤﻚ ﻋﻠﻰ ﺳﻌﺪ
ﻋﻠﻲ .... ﻫﺎ ﻟﻴﺶ ﺗﺒﻴﻊ ﺳﻴﺎﺭﺗﻚ ﻫﻤﻪ ﻣﺎﻋﺪﻫﻢ ﻛﺎﻉ ﻣﺤﻼﺕ
ﺳﻌﺪ ... ﺣﺘﻰ ﻟﻮ ﻋﺪﻫﻢ ﻣﺎ ﺍﻛﺪﺭ ﺍﺗﺼﺮﻑ ﺑﻴﻬﻦ ﻫﺎﻱ ﺍﻣﺎﻧﻪ ﻋﻨﺪﻱ ﻳﺮﺩﻭﻥ ﺑﻠﺴﻼﻣﻪ ﻭﻋﻮﺩ ﻳﺘﺼﺮﻓﻮﻥ ﺑﻴﻬﻪ
ﻋﻠﻲ ... ﺧﻮﺵ ﺟﺎ ﺍﺳﺘﻌﺠﻞ ﺑﻠﻔﻠﻮﺱ ﻻ ﺗﻄﻴﺮ ﺭﻛﺒﺖ ﻭﺍﺣﺪ ﻣﻨﻬﻢ
ﺳﻌﺪ .... ﻻ ﺳﻴﺪﻱ ﻓﺪﻭﻩ ﺍﻏﺪﻳﻠﻚ ﻻ ﺗﺄﺫﻳﻬﻢ
ﻋﻠﻲ .... ﺍﻧﺖ ﺗﺤﺒﻬﻢ ﻣﻮ
.........
ﺳﻌﺪ ... ﺣﺰﺍﻡ ﻇﻬﺮﻱ ﺫﻭﻟﻪ
ﻋﻠﻲ .... ﺑﻌﺪ ﻣﺎ ﺗﺤﻤﻠﺖ ﺍﺳﻜﺖ ﻛﺘﻠﻪ
ﻭﻟﻚ ﺛﻮﺭ ﺗﻤﻮﺕ ﻋﻠﻴﻨﻪ , ﻭﻣﺎﺗﻌﺮﻑ ﺻﻮﺗﻲ
ﺳﻌﺪ ..... ﺷﻨﻮ ﻣﻨﻬﻮ ﺍﻧﺖ
ﻋﻠﻲ .... ﻫﻬﻬﻪ ﻭﻟﻚ ﺍﻧﺎ ﻋﻠﻲ ﻭﻫﺬﺍ ﺣﻴﺪﺭ ﻳﻤﻲ
ﺳﻌﺪ .... ﻻ ﺑﺮﺑﻚ ﺻﺪﻙ
ﻋﻠﻲ .... ﺍﻱ ﻭﺍﻟﻠﻪ ﺍﻧﻲ ﻋﻠﻲ ﺟﺒﺖ ﺣﻴﺪﺭ ﻭﺟﻴﺖ
ﺳﻌﺪ .... ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ ﺟﺎ ﻟﻴﺶ ﻭﻛﻌﺖ ﻛﻠﺒﻲ
ﻋﻠﻲ .... ﻫﻬﻬﻪ ﺭﺩﺕ ﺍﺷﻮﻑ ﻣﻌﺰﺗﻲ ﻋﻨﺪﻙ
ﺳﻌﺪ .... ﻫﺎ ﻭﺷﻔﺖ
ﻋﻠﻲ .... ﻻ ﻋﻤﻲ ﺻﺪﻙ ﺗﻌﺰﻧﻪ ﺗﺮﻳﺪ ﺗﺒﻴﻊ ﺳﻴﺎﺭﺗﻚ
ﺳﻌﺪ ..... ﺍﺑﻴﻊ ﺭﻭﺣﻲ ﻣﻮﺵ ﺑﺲ ﺳﻴﺎﺭﺗﻲ ﻛﻮﻥ ﺗﺮﺩﻭﻥ ﻃﻴﺒﻴﻦ
ﻋﻠﻲ .... ﺗﺴﻠﻢ ﺭﻭﺣﻚ ﻳﺨﻮﻱ ﺍﻣﻲ ﺷﻠﻮﻧﻪ ﺍﻟﺒﻴﺖ ﺷﻠﻮﻧﻪ ﻋﻤﺎﻣﻲ ﻛﻞ ﺍﻟﻌﻤﺎﺭﻩ
ﺳﻌﺪ .... ﻛﻠﻪ ﺯﻳﻨﻪ ﻋﻤﺘﻲ ﻭﺍﻟﺒﻴﺖ ﻭﻋﻤﺎﻣﻚ ﻭﺍﻟﻌﻤﺎﺭﻩ ﻛﻠﻪ ﻣﻨﺘﻈﺮﻩ ﺭﺩﺗﻚ
ﺟﺎ ﺷﻮﻛﺖ ﺗﺮﺩﻭﻥ
ﻋﻠﻲ ..... ﺍﻥ ﺷﺎﺀ ﺍﻟﻠﻪ ﺟﻢ ﻳﻮﻡ ﻭﺭﺩ
ﺳﻌﺪ .... ﻟﻴﺶ ﻳﺨﻮﻱ ﺻﺎﻳﺮ ﺷﻲ ﻋﻠﻴﻜﻢ
ﻋﻠﻲ .... ﻻ ﻭﺍﻟﻠﻪ ﺑﺲ ﻋﻨﺪﻱ ﺟﻢ ﺷﻐﻠﻪ ﺍﻛﻤﻠﻬﻪ ﻭﺍﺭﺩ
ﺳﻌﺪ .... ﺟﺎ ﺧﻮﺵ , ﺍﺭﻭﺡ ﺍﺑﺸﺮ ﻋﻤﺘﻲ
ﺑﺲ ﺍﻛﻠﻚ ﻫﺬﺍ ﺍﻟﺮﻗﻢ ﺷﻨﻬﻲ
ﻋﻠﻲ .... ﻫﺬﺍ ﺭﻗﻢ ﺍﻟﻔﻨﺪﻕ ﺍﻟﻜﺎﻋﺪﻳﻦ ﺑﻴﻪ
ﺳﻌﺪ ... ﺟﺎ ﺧﻮﺵ ﺍﻧﻮﺑﻪ ﺍﺧﺎﺑﺮ ﻋﻠﻴﻪ
ﻋﻠﻲ .... ﺍﻱ ﺍﻱ ﺧﺎﺑﺮ ,
ﺳﻌﺪ .... ﺟﺎ ﺧﻮﺵ , ﺍﻟﻠﻪ ﻭﻳﺎﻙ
ﺍﻛﻠﻚ ﻣﻮﺵ ﺗﻨﺴﻪ ﺳﻠﻤﻠﻲ ﻋﻠﻰ ﺣﻴﺪﺭ ..
ﻋﻠﻲ .... ﻳﻮﺻﻞ
ﻋﻤﺮ .... ﻭﺍﻟﻠﻪ ﺧﻄﻴﻪ ﻫﺬﺍ ﺍﺑﻦ ﻋﻤﻚ ﺷﻜﺪ ﻳﺤﺒﻜﻢ
ﻋﻠﻲ .... ﻭﺭﺩﻩ ﺳﻌﺪ ﺍﺣﺴﻦ ﻛﻞ ﻭﻟﺪ ﻋﻤﻲ
ﻫﻮ ﺣﻤﻴﺪ
ﺳﻌﺪ .....
ﺳﺪﻳﺖ ﺍﻟﺘﻠﻔﻮﻥ ﻭﺭﺩﺕ ﺍﺧﺎﺑﺮ ﻋﻠﻰ ﺯﻳﻨﺐ ﺍﻛﻠﻪ ﺑﻌﺪﻳﻦ ﺑﻄﻠﺖ ﻛﻠﺖ ﻻ ﺍﺭﻭﺡ ﻟﻴﻬﻢ ﻭﻛﻠﻬﻢ ﺍﺣﺴﻦ
ﺭﻛﺒﺖ ﺳﻴﺎﺭﺗﻲ ﻭﺭﺣﺖ ﺍﻟﺒﻴﺖ ﻋﻤﻲ
ﺩﻛﻴﺖ ﺍﻟﺒﺎﺏ
ﻃﻠﻌﺖ ﺯﻳﻨﺐ
ﺯﻳﻨﺐ .... ﻣﻨﻬﻮ
ﺍﻧﺎ ﺳﻌﺪ
ﺯﻳﻨﺐ ... ﻓﺘﺤﺖ ﺍﻟﺒﺎﺏ ﻫﻼ ﺳﻌﺪ
ﺑﻌﺪ ﺳﻌﺪ ﻭﻋﺸﻴﺮﺕ ﺳﻌﺪ
ﻫﻬﻬﻪ ﺷﺒﻴﻚ ﺍﻟﻴﻮﻡ
ﺷﺒﻴﻪ ﻣﺎﺑﻴﻪ ﺷﻲ
ﻻ ﻭﺍﻟﻠﻪ ﺷﻮ ﺟﻨﻚ ﻓﺮﺣﺎﻥ ﻭﺟﻬﻚ ﻳﻈﺤﻚ
ﺟﺎ ﻭﻟﺞ ﻳﻮﻣﻴﻪ ﻭﺟﻬﻲ ﻣﻐﻨﺪﺏ
ﻫﻬﻪ ﻻ ﺑﺲ ﺷﻮ ﺍﻛﺜﺮ ﻣﻦ ﻛﻞ ﻳﻮﻡ
ﺟﺎ ﻏﻴﺮ ﻣﻦ ﺍﻷﺧﺒﺎﺭ ﺍﻟﻌﻨﺪﻱ
ﻋﻠﻴﻚ ﺍﻟﺤﺴﻴﻦ ﺷﻌﻨﺪﻙ ﻣﻦ ﺍﺧﺒﺎﺭ
ﻋﻤﺘﻲ ﻭﻳﻦ
ﺑﻠﺤﻮﺵ , ﺟﺎﻋﺪﻩ ﻭﻳﻪ ﺿﻔﺎﻑ
ﺟﺎ ﺧﻮﺵ ﻃﺒﻲ ﺟﺪﺍﻣﻲ ﺍﺭﻳﺪ ﺍﺳﻮﻟﻒ ﻭﻳﺎﺟﻦ
ﺯﻳﻨﺐ ﻋﻠﻴﻚ ﺍﻟﻌﺒﺎﺱ ﻛﻠﻲ ﻋﻨﺪﻙ ﺧﺒﺮ ﻣﻦ ﺍﺧﻮﺗﻲ
ﻫﻬﻪ ﺍﻱ ﺩﻃﺒﻲ ﻫﺴﻪ
ﻳﻤﻪ ﻳﻤﻪ ﺍﺝ ﺳﻌﺪ
ﻫﻼ ﻳﻤﻪ ﻫﻼ ﺑﻴﻪ
ﺳﻌﺪ ... ﺷﻠﻮﻧﺞ ﺣﺠﻴﻪ ﺍﺧﺒﺎﺭﺝ ﻋﺴﺎﺝ ﺯﻳﻨﻪ
........
ﺗﺤﺖ ﻣﻮﺩ ﺍﻟﻠﻪ
ﻋﻤﻪ ﻋﻨﺪﻱ ﺍﻟﺞ ﺍﺧﺒﺎﺭ ﺗﺨﻠﻴﺞ ﻫﺴﻰ ﺗﺮﻛﺼﻴﻦ ﺟﻮﺑﻲ
ﻋﻠﻴﻚ ﺍﻟﻌﺒﺎﺱ ﺷﻨﻬﻲ ﺍﻷﺧﺒﺎﺭ
ﺍﻟﻴﻮﻡ ﺧﺎﺑﺮﻧﻲ ﻋﻠﻲ
ﻋﻠﻴﻚ ﺍﻟﻌﺒﺎﺱ
ﻭﻟﻌﺒﺎﺱ
ﺧﺎﺑﺮﻧﻲ ﻫﻮ ﻭﺣﻴﺪﺭ
ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ
ﻛﻠﻠﻠﻠﺸﺸﺸﺸﺸﺸﺸﺸﺸﺸﺸﺸﺸﺲ
ﻭﻟﻚ ﺟﺎ ﻭﻳﻨﻬﻢ ﻟﻴﺶ , ﻣﺎ ﺭﺩﻭ
ﻋﻤﻪ ﻫﺴﻰ ﻫﻤﻪ ﺑﻐﺪﺍﺩ ﻳﻜﻮﻝ ﻋﺪﻧﻪ ﺷﻐﻴﻠﻪ ﺟﻢ ﻳﻮﻡ ﻭﻳﺮﺩﻭﻥ
ﻭﻟﻚ ﺧﺎﻑ ﺑﻴﻬﻢ ﺷﻲ ﻭﻣﺎﺗﻜﻠﻲ
ﻻ ﻭﻟﻌﺒﺎﺱ ﺍﺑﻮ ﻓﺎﺿﻞ ﻣﺎﺑﻴﻬﻢ ﺷﻲ
ﺟﺎ ﺷﻌﺪﻫﻢ ﺑﻐﺪﺍﺩ
ﻭﺍﻟﻠﻪ ﻣﺎﻋﺮﻑ ﻳﻜﻮﻝ ﺷﻐﻞ ﻋﺪﻫﻢ
ﺯﻳﻨﺐ ﻣﻦ ﺳﻤﻌﺖ ﺑﺨﻮﺗﻲ ﺟﺎﻳﻴﻦ
ﻃﻠﻌﺖ ﻟﻠﺸﺎﺭﻉ ﺍﻫﻠﻬﻞ
ﺍﻧﺎ ﻭﺿﻔﺎﻑ
ﺍﻟﺘﻤﻮ ﻋﻠﻴﻨﻪ ﺍﻟﻨﺎﺱ ﻭﺍﻧﻲ ﺍﻫﻠﻬﻞ ﻭﺿﻔﺎﻑ ﺗﻜﻮﻝ ﺭﺩﻭ ﺍﻟﻌﺰﺍﺯ
ﺭﺩﻧﻪ ﺳﻌﺪ ﺑﻠﻜﻮﻩ ﻫﻬﻬﻬﻪ
ﺳﻌﺪ ... ﻭﻟﺠﻦ ﻛﺎﻓﻲ ﻟﻤﻴﺘﻦ ﺍﻟﻨﺎﺱ , ﺧﻠﻬﻢ ﻳﺮﺩﻭﻥ ﻭﻫﻠﻬﻠﻦ
ﺯﻳﻨﺐ .... ﺍﻟﻒ ﺍﻟﺤﻤﺪ ﻟﻠﻪ ﻭﺍﻟﺸﻜﺮ ,
ﻋﻤﻪ ﺳﻌﺪ ﺗﻌﺎﻝ ﻋﻮﻑ ﺍﻟﺒﻨﻴﺎﺕ ﻓﺮﺣﺎﻧﺎﺕ ﻭﺗﻌﺎﻝ ﺳﻮﻟﻔﻠﻲ ﻛﻠﺸﻲ ,
ﺳﻌﺪ .... ﻛﻌﺪﺕ , ﻳﻢ ﻋﻤﺘﻲ ﺳﻮﻟﻔﺖ ﺍﻟﻪ ﻛﻠﺸﻲ ﺣﺠﺎﻩ ﻋﻠﻲ
ﻋﻠﻲ ....
ﺛﺎﻧﻲ ﻳﻮﻡ ﺍﺧﺬﺕ ﺃﺯﺍﺩ ﻭﻋﻤﺮ ﻭﺭﺣﻨﻪ ﻋﻠﻰ ﻣﻨﻈﻤﺔ ﺍﻟﻬﻼﻝ ﺍﻷﺣﻤﺮ
ﺍﻟﺘﻘﻴﻨﻪ ﻭﻳﻪ ﺍﺣﺪ ﺍﻋﻈﺎﺀ ﺍﻟﻤﻨﻈﻤﻪ
ﺑﻌﺪ ﻣﺎ ﺣﺠﻴﻨﻪ ﺍﻟﻪ ﺳﺎﻟﻔﺘﻨﻪ
ﺍﻟﺮﺟﻞ ﺭﺣﺐ ﺑﻴﻨﻪ ﺣﻴﻞ ﻭﺍﺧﺬ , ﺭﻗﻢ ﺍﻟﻔﻨﺪﻕ ﻛﺎﻝ
ﻋﺪﻧﻪ ﻃﻠﻌﻨﻪ ﻟﻠﻘﺮﻳﻪ ﺍﻟﻲ ﺑﻴﻬﻪ ﺍﻫﻞ ﻋﻤﺮ
ﺑﺲ ﻧﺮﻭﺡ ﺍﺗﺼﻞ ﺑﻴﻜﻢ
ﺗﺸﻜﺮﻧﻪ ﻣﻦ ﺍﻟﺮﺟﻞ ﻭﺭﺟﻌﻨﻪ ﻟﻠﻔﻨﺪﻕ
ﺑﻘﺔ ﺳﺎﻟﻔﺖ ﺍﺯﺍﺩ ﻣﺪﻭﺧﺘﻨﻲ ﺷﻠﻮﻥ ﻳﻮﺻﻞ ﻟﻬﻠﻪ ﺑﺪﻳﺎﻟﻰ
ﺍﻟﻌﺼﺮ ﻃﻠﻌﻨﻪ ﻓﺘﺮﻳﻨﻪ ﺑﻐﺪﺍﺩ
ﺭﺣﻨﻪ ﻟﺸﺎﺭﻉ ﺍﺑﻮ ﻧﺆﺍﺱ
ﺑﻠﻴﻞ ﺧﺎﺑﺮﻧﻪ ﻋﺰﻳﺰ ﻋﻠﻰ ﺍﻟﻔﻨﺪﻕ
ﻭﺍﺻﻞ ﻟﻬﻠﻪ ﻭﻣﺮﺗﺎﺡ
ﺍﻧﻄﺎﻧﻪ ﺭﻗﻢ ﻣﺒﺎﻳﻠﻪ
ﺛﺎﻧﻲ ﻳﻮﻡ ﺭﺣﺖ ﻋﻠﻰ ﻣﻘﺮ ﺣﺮﺱ ﺍﻟﺤﺪﻭﺩ ﺑﻠﻜﺖ ﻭﺍﺣﺪ ﻳﺴﺎﻋﺪﻧﻪ
ﺑﺲ ﻣﺤﺪ ﺳﺎﻋﺪﻧﻪ
ﻣﻦ ﻃﻠﻌﻨﻪ ﻻﻛﺎﻧﻪ ﻭﻟﺪ ﺑﺼﺮﺍﺣﻪ ﺍﻧﺎ ﻣﺎﻋﺮﻓﺘﻪ ﺑﺲ ﻫﻮ ﻋﺮﻓﻨﻲ ﻛﻠﻲ
ﻫﺎ ﺧﻮﻳﻪ ﻋﻠﻲ ﺷﻠﻮﻧﻚ ﺍﺧﺒﺎﺭﻙ
ﺗﺴﻠﻢ ﺧﻴﻲ ﺍﻟﺤﻤﺪ ﻟﻠﻪ
ﻫﻬﻪ ﻃﺒﻌﺎ ﻭﻻ ﻋﺮﻓﺘﻨﻲ ﻣﻮ
ﻋﻠﻲ .... ﻭﻻ ﺯﻏﺮﺍ ﺑﻴﻚ ﺑﺲ , ﻣﺎﻋﺮﻓﺘﻚ
ﺍﻧﺎ ﺳﻠﻤﺎﻥ ﺟﻨﺖ ﻭﻳﺎﻙ ﺑﻨﻔﺲ ﺍﻟﻔﺮﻗﻪ ﺏ ......
ﻫﺎ ﺍﻱ ﻭﺍﻟﻠﻪ ﺷﻠﻮﻧﻚ ﺧﻮﻳﻪ ﺍﺧﺒﺎﺭﻙ ﻭﻳﻦ ﻣﺎﻭﻳﻦ
ﺳﻠﻤﺎﻥ ...... ﺍﻟﺤﻤﺪ ﻟﻠﻪ ﺍﻧﺎ ﺍﻧﻘﻠﺖ ﻟﻬﻨﺎ ﻭﻳﻪ ﺍﻟﻘﺎﺋﺪ
ﺍﻟﻘﺎﺋﺪ ﻫﻨﺎ
ﺍﻱ ﺗﻌﺎﻝ ﺗﻌﺎﻝ ﻫﺴﻰ ﻳﻔﺮﺡ ﺑﺸﻮﻓﺘﻚ ﺩﻭﻡ ﻳﺬﻛﺮﻙ
ﺭﺣﻨﻪ ﻭﻳﺎ ﻭﺻﻠﻨﻪ ﺍﻟﻐﺮﻓﺔ ﺍﻟﻘﺎﺋﺪ
ﺩﻛﻴﻨﻪ ﺍﻟﺒﺎﺏ
ﺩﻙ ﺩﻙ
ﺍﻟﻘﺎﺋﺪ .... ﺗﻔﻈﻞ
ﺳﻠﻤﺎﻥ .... ﺳﻴﺪﻱ ﺍﻟﻘﺎﺋﺪ ﻋﻨﺪﻱ ﺍﻟﻚ ﻣﻔﺎﺟﺌﻪ
ﻫﺎ ﺳﻠﻤﺎﻥ ﺷﻨﻲ ﻣﻦ ﻣﻔﺎﺟﺌﻪ
ﺗﻌﺎﻝ ﺍﺩﺧﻞ
ﺩﺧﻠﺖ ﺷﺎﻓﻨﻲ ﺍﻟﻘﺎﺋﺪ
ﻳﺎ ﺃﻫﻼ ﻭﺳﻬﻼ ﺑﻌﻼﻭﻱ
ﺷﻠﻮﻧﻚ ﺍﺧﺒﺎﺭﻙ
ﻋﻠﻲ .... ﺍﻟﺤﻤﺪ ﻟﻠﻪ ﺳﻴﺪﻱ
ﺗﺤﺎﻇﻨﻪ ﺍﻧﺎ ﻭﻳﺎ ,
ﺍﺗﻔﻈﻞ ﺍﺳﺘﺮﻳﺢ
ﻫﺎ ﻋﻤﺮ ﻭﺍﺯﺍﺩ ﻭﻳﺎﻙ
ﺃﻱ ﺳﻴﺪﻱ ﻣﺎﺗﻔﺎﺭﻛﻨﻪ
ﺳﻮﻟﻔﻮﻟﻲ ﻭﻳﻦ ﺭﺣﺘﻮ ﻣﺎﻭﻳﻦ
ﻛﻌﺪﻧﻪ ﺳﻮﻟﻔﻨﻪ ﺍﻟﻲ ﺻﺎﺭ ﻭﻳﺎﻧﻪ ﺑﺲ ﺑﺄﺧﺘﺼﺎﺭ
ﻭﻫﺴﻪ ﻧﺮﻳﺪ ﻧﺮﺟﻊ ﺃﺯﺍﺩ ﻟﻬﻠﻪ
ﻭﺍﻟﻠﻪ ﻋﻤﻲ ﺳﺒﺎﻉ
ﻭﺭﺟﻌﺖ ﺍﺧﻮﻙ
ﻋﻠﻲ .... ﺍﻱ ﺭﺟﻌﺘﻪ ﻭﺍﻟﻠﻪ
ﻋﻔﻴﻪ ﻋﻠﻴﻚ ﻭﻫﺴﻪ ﺗﺮﻳﺪ ﺗﺮﺟﻊ ﻟﻬﻠﻚ ﺃﺯﺍﺩ
ﺃﻱ ﻭﺍﻟﻠﻪ ﺳﻴﺪﻱ
ﺧﻠﺺ ﺗﻌﺎﻝ ﺑﺎﺟﺮ ﺍﻟﺴﺎﻋﻪ ﺑﻠﺴﺒﻌﻪ ﺍﺻﻌﺪﻙ ﺑﻠﻄﻴﺎﺭﻩ ﺍﻟﺨﺎﺻﻪ ﻭﺭﺟﻌﻚ
ﺃﺯﺍﺩ .... ﺻﺪﻙ ﺳﻴﺪﻱ
ﺟﺎ ﺍﺟﺬﺏ ﻋﻠﻴﻚ ﻫﻬﻬﻪ
ﺃﺯﺍﺩ .... ﻻ ﺣﺸﺎﻙ ﺳﻴﺪﻱ
ﺗﺸﻜﺮﻧﻪ ﻣﻦ ﺍﻟﻘﺎﺋﺪ ﻭﺭﺟﻌﻨﻪ ﻟﻠﻔﻨﺪﻕ
ﺑﻠﻴﻞ ﺧﺎﺑﺮﻭﻧﻪ ﻣﻦ ﺍﻟﺼﻠﻴﺐ ﺍﻷﺣﻤﺮ ﻳﺮﺩﻭﻥ ﻳﺮﺣﻮﻥ ﻟﻠﻤﻮﺻﻞ ﻭﻋﻤﺮ ﺭﺍﺡ ﻳﺮﺟﻊ ﻭﻳﺎﻫﻢ
ﺫﻳﺞ ﺍﻟﻠﻴﻠﻪ ﺍﺑﺪ ﻣﺎ ﻧﻤﻨﻪ
.......
ﺍﻟﺼﺒﺢ ﻃﻠﻌﻨﻪ ﺭﻏﻢ ﻓﺮﺣﻨﻪ ﺑﺮﺟﻮﻉ ﻛﻞ ﻭﺍﺣﺪ ﻷﻫﻠﻪ ﺑﺲ ﺟﻨﻪ ﻛﻠﺶ ﺯﻋﻼﻧﻴﻦ ﻋﻠﻰ ﻓﺮﺍﻕ ﺑﻌﻆ
ﺍﻟﺘﻤﻴﻨﻪ ﻛﻠﻨﻪ ﺣﺘﻰ ﺍﻡ ﺯﻳﺪ ﻭﻟﻴﻠﻰ ﺳﻮﻟﻔﻨﻪ ﺗﺬﻛﺮﻧﻪ ﻟﻘﺎﺋﻨﻪ
ﻟﻠﺴﺎﻋﻪ ﺛﻨﺘﻴﻦ ﺑﻠﻴﻞ ﮔﺎﻋﺪﻳﻦ
ﺑﻌﺪﻩ ﺭﺣﻨﻪ ﻧﻤﻨﻪ
ﺍﻟﺼﺒﺢ ﺗﻮﺍﺩﻋﻨﻪ ﻭﻳﺎﻫﻢ ﻭﺭﺣﻨﻪ ﻭﺻﻠﻨﻪ ﻋﻤﺮ ﻟﻠﻤﻨﻈﻤﻪ ﺟﻨﺖ ﻣﻘﺮﺭ ﺍﺗﺼﻞ ﺑﺴﻌﺪ ﺍﺧﻠﻲ ﻳﺤﻮﻟﻲ ﻓﻠﻮﺱ ﺑﺲ ﻣﻦ ﺭﺣﻨﻪ ﻭﺻﻠﻨﻪ ﺃﺯﺍﺩ ﻟﻤﻘﺮ ﺍﻟﺤﺸﺪ ﺍﻟﻘﺎﺋﺪ ﺍﻧﻄﺎﻧﻲ ﻣﻠﻴﻮﻥ ﺩﻳﻨﺎﺭ ﺍﻟﻲ ﻭﻣﻠﻴﻮﻥ ﺍﻷﺯﺍﺩ ﻭﻋﻤﺮ ﻳﮕﻮﻝ ﻫﺬﺍ ﺭﺍﺗﺐ ﻣﺎﻝ ﺷﻬﺮﻳﻦ ﻭﺍﻟﺒﺎﻗﻴﺎﺕ ﻧﺴﻮﻱ ﻣﻌﺎﻣﻠﻪ ﺑﻴﻬﻢ
ﻃﺒﻌﺎ ﻛﻠﺶ ﻓﺮﺣﺖ ﺑﻠﻔﻠﻮﺱ
ﻭﺻﻠﻨﻪ ﺃﺯﺍﺩ ﻟﻤﻘﺮ ﻗﻴﺎﺩﺓ ﺍﻟﺤﺸﺪ
ﺑﻌﺪ ﻣﺎ ﻭﺩﻋﻨﺎﻫﻢ ﺭﺟﻌﻨﻪ ﺍﻧﻲ ﻭﺣﻴﺪﺭ ﻟﻠﻔﻨﺪﻕ
ﺩﺧﻠﺖ ﻟﻠﻐﺮﻓﻪ ﺃﻭﻝ ﻣﺮﻩ ﺃﺣﺲ ﻧﻔﺴﻲ ﻏﺮﻳﺐ
ﺟﻨﺖ ﺑﻨﺺ ﺍﻟﺪﻭﺍﻋﺶ ﺑﺲ ﺍﺑﺪ ﻣﺎﺣﺴﻴﺖ ﺑﻠﻐﺮﺑﻪ
ﺣﻴﺪﺭ ....
ﻫﻞ ﺧﻮﻳﻪ ﻇﺠﺖ
ﺃﻭﻑ ﺣﻴﺪﺭ ﻛﻠﺶ
ﺗﺪﺭﻱ ﺫﻭﻟﻪ ﻣﻮ ﺑﺲ ﺻﺪﺍﻗﻪ ﻻ ﺫﻭﻟﻪ ﺍﺧﻮﻩ ﺑﻮﻗﺖ ﺍﻟﺸﺪﻩ
ﺟﻢ ﻣﺮﻩ ﺭﺩﺕ ﺍﻣﻮﺕ ﻭﻫﻤﻪ ﻧﻘﺬﻭﻧﻲ
ﺟﻢ ﻣﺮﻩ ﺣﺴﻴﺖ ﺑﻠﻴﺌﺲ ﻭﻫﻤﻪ ﺷﺠﻌﻮﻧﻲ
ﺟﻢ ﻣﺮﻩ ﻭﮔﻌﺖ ﻭﻫﻤﻪ ﮔﻮﻣﻮﻧﻲ
ﺍﻥ ﺷﺎﺀ ﺍﻟﻠﻪ ﺑﺲ ﻧﺮﺟﻊ ﻟﻬﻠﻨﻪ ﻧﺘﺼﻞ ﺑﻴﻬﻢ ﻭﺃﺑﺪ ﻣﺎ ﻧﺘﺮﻛﻬﻢ
ﺍﻥ ﺷﺎﺀ ﺍﻟﻠﻪ
ﺗﻤﺪﺩﺕ ﺷﻮﻳﻪ ﻟﻠﻌﺼﺮ ﻃﻠﻌﺖ ﻛﻠﺖ ﺍﻟﺤﻴﺪﺭ ﺑﺎﺟﺮ ﻧﺮﺟﻊ ﻟﻬﻠﻨﻪ ﺍﻟﻴﻮﻡ ﺭﺍﺡ ﺍﺧﺬ ﻟﻴﻠﻰ ﺷﻮﻳﻪ ﻧﻔﺘﺮ ﺑﻐﺪﺍﺩ
ﺍﺧﺬﺗﻪ ﻭﻃﻠﻌﻨﻪ
ﻓﺘﺮﻳﻨﻪ ﺭﺣﻨﻪ ﺯﺭﻧﻪ ﺍﻷﻣﺎﻡ ﺍﻟﻜﺎﻇﻢ ﻋﻠﻴﻪ ﺍﻟﺴﻼﻡ
ﺑﻌﺪﻩ ﺭﺣﻨﻪ ﺍﺷﺘﺮﻳﺖ ﺍﻟﻪ ﺣﻠﻘﻪ ﻭﺗﻤﺸﻴﻨﻪ ﻋﻠﻰ ﻧﻬﺮ ﺩﺟﻠﻪ
ﺻﺎﺭ ﺍﻟﻤﻐﺮﺏ ﻭﺍﺣﻨﻪ ﺑﻌﺪﻧﻪ ﺷﻠﻮﻥ ﻛﻌﺪﻩ ﺗﺮﺩ ﺍﻟﺮﻭﺡ
ﻟﻴﻠﻰ ....
ﻣﻮ ﺗﺄﺧﺮﻧﻪ ﻛﺘﻠﻪ
ﺍﻟﻤﺎﺀ ﻭﺍﻟﻬﻮﺍﺀ ﻭﺍﻟﻮﺟﻪ ﺍﻟﺤﺴﻦ ﺃﺷﺮﺕ ﻋﻠﻴﻬﻪ ﺑﻌﺪ ﺷﺮﻳﺪ ﻣﻦ ﺩﻧﻴﺘﻲ ﻫﻬﻬﻪ
ﻟﻴﻠﻰ ..... ﻋﻠﻲ ...
ﻋﻴﻮﻥ ﻋﻠﻲ ﻭﮔﻠﺒﻪ ﻭﺭﻭﺣﻪ ﻭﺟﻼﻭﻳﻪ
ﻫﻬﻬﻬﻪ ﺗﺴﻠﻤﻠﻲ
ﻛﻮﻟﻲ ﻳﺮﻭﺣﻲ ﻻ ﺗﺴﺘﺤﻴﻦ ﻣﻦ ﺷﻲ
ﻣﻮ ﻣﺴﺘﺤﻴﻪ ﺑﺲ
ﺑﺲ ﺷﻨﻮ ﮔﻮﻟﻲ
ﺧﺎﻳﻔﻪ
ﻋﻔﻪ ﻋﻠﻴﭻ ﺗﺨﺎﻓﻴﻦ ﻭﺍﻧﺎ ﻣﻮﺟﻮﺩ
ﻣﻮ ﺧﺎﻑ ﻣﺎ ﺃﺗﺌﻘﻠﻢ ﻭﻳﻪ ﻭﺍﻟﺪﺗﻚ
ﻻ ﻻ ﻟﻴﻠﻰ ﻟﺘﮕﻮﻟﻴﻦ ﻫﻴﺞ ﺑﻠﻌﻜﺲ ﺍﻣﻲ ﺍﻧﺴﺎﻧﻪ ﻓﻘﻴﺮﻩ ﻛﻠﺶ
ﻭﻣﺎﻋﺪﻩ ﺃﻱ ﺣﻘﺪ ﻭﻻ ﺗﺸﻴﻞ ﻋﻠﻰ ﻭﺍﺣﺪ ﺍﻧﻲ ﻣﺘﺄﻛﺪ ﺭﺍﺡ ﺗﺤﺒﺞ ﻭﺗﺮﺗﺎﺣﻴﻦ ﻭﻳﺎﻫﻪ
ﺍﻥ ﺷﺎﺀ ﺍﻟﻠﻪ
ﻗﺮﺑﺘﻪ ﻣﻨﻲ ﻭﻛﺘﻠﻪ
ﻫﺴﻪ ﺍﻧﺴﻲ ﻛﻠﺸﻲ ﻭﺧﻠﻴﻨﻪ ﺑﻬﻠﮕﻌﺪﻩ ﺍﻟﺤﻠﻮﻩ
ﺷﻮﻓﻲ ﺍﻟﺠﻮ ﻳﺨﺒﻞ
ﺗﺪﺭﻳﻦ ﻟﻴﻠﻰ ﺃﻧﺎ ﻃﻮﻝ ﻋﻤﺮﻱ ﺷﺎﺭﺩ ﻣﻦ ﺍﻟﺤﺐ
ﺟﻨﺖ ﻣﻦ ﺍﺳﻤﻊ ﺑﻮﺍﺣﺪ ﻳﺤﺐ
ﺍﺩﻋﻲ ﺭﺑﻲ ﻳﺒﻌﺪﻧﻲ ﻣﻨﻪ ﻭﻻ ﻳﺨﻠﻴﻨﻲ ﺍﺣﺐ
ﻫﻬﻪ ﻟﻴﺶ ﻋﻮﺩ
ﻷﻥ ﺍﻟﺤﺐ ﻋﺬﺍﺏ ﺷﻔﺖ ﻫﻮﺍﻱ ﻧﺎﺱ ﺗﻌﺬﺑﺖ ﺑﻠﺤﺐ
ﻫﺬﺍ ﺃﺧﻮﻱ ﺣﻴﺪﺭ ﺷﻨﻮ ﺍﻟﺨﻠﻰ ﻳﺘﻘﺪﻡ ﻟﻠﺠﻴﺶ ﻏﻴﺮ ﺍﻟﺤﺐ
.......
ﺃﻭﻑ ﻟﻴﻠﻰ ﻟﻮ ﺷﺎﻳﻔﻪ ﻋﻤﺎﺩ
ﻋﻤﺎﺩ ﻣﻨﻮ
ﻋﻤﺎﺩ ﻭﻟﺪ ﺗﻌﺮﻓﺖ ﻋﻠﻴﻪ ﺑﻠﺤﺸﺪ ﺣﺒﻴﺒﺘﻪ ﻋﺎﻓﺘﻪ ﻭﺗﺰﻭﺟﺖ
ﻭﻫﻮ ﻋﺎﻓﻪ ﻭﻋﺎﻑ ﺍﻟﺪﻧﻴﻪ ﻛﻠﻪ
ﻻ ﻭﻳﻦ ﺭﺍﺡ
ﻫﻪ ﺍﺳﺘﺸﻬﺪ
ﺧﻄﻴﻪ
ﺃﻱ ﺧﻄﻴﻪ
ﺯﻳﻦ ﻟﻴﺶ ﻋﺎﻓﺘﻪ
ﺑﻌﺪﻳﻦ ﺍﺳﻮﻟﻔﻠﺞ ﻫﺎﻱ ﻗﺼﻪ ﻃﻮﻳﻠﻪ
ﺍﻟﻤﻬﻢ ﻣﻦ ﺷﻔﺘﺞ ﮔﻠﺒﻲ ﮔﺎﻡ ﻳﺪﻙ
ﻟﺰﻣﺘﻪ ﺑﺌﻴﺪﻱ ﻭﮔﺘﻠﻪ ﺩﺧﻴﻠﻚ ﺭﺑﻲ ﺑﺴﻼ ﺍﻟﺨﺎﻳﻒ ﻣﻨﻪ ﺻﺎﺭ
ﻫﻬﻪ ﻭﺣﺒﻴﺘﻨﻲ
ﻫﻬﻬﻪ ﻭﺣﺒﻴﺘﺞ ﺍﻧﺘﻲ ﺟﻨﺖ ﺍﻟﻨﺴﻤﻪ ﺍﻟﻌﺬﺑﻪ ﺍﻟﻲ ﺗﻤﺮ ﻋﻠﻴﻪ ﻭﺗﻄﻔﻴﻨﻲ ﻣﻦ ﺍﺣﺘﺮﻙ
ﺟﻨﺖ ﻣﻦ ﺃﺷﻮﻑ ﻋﻴﻮﻧﺞ ﻧﻔﺴﻴﺘﻲ ﺗﺮﺗﺎﺡ
ﻭﻛﻞ ﻫﻤﻲ ﻳﺮﻭﺡ
ﺍﻟﻠﻪ ﻋﻠﻲ ﺷﻜﺪ ﺣﻠﻮ ﺣﺠﻴﻚ
ﺟﺎ ﻣﺎﺗﺤﺠﻴﻠﻲ ﻫﻴﺞ ﺣﭽﻲ
ﻫﻬﻪ ﻣﺎﻋﺮﻑ
ﻣﻌﻘﻮﻟﻪ ﺑﻨﺎﺕ ﻫﻠﻮﻛﺖ ﻣﻔﺘﺸﺎﺕ ﺑﻞ ﻟﺒﻦ
ﺃﻭﻭﻭﻑ ﻳﺎﻟﺒﻦ ﻋﻼﻭﻱ ﻫﻮ ﺍﻧﻲ ﺍﺷﻔﺖ ﺑﻌﻤﺮﻱ
ﺍﻭﻝ ﻣﺎ ﻓﻬﻤﺖ ﻣﺎﺕ ﺃﺧﻮﻱ ﻭﺗﻌﻘﺪﺕ ﻣﻦ ﻛﻠﺸﻲ
ﻭﺑﻌﺪﻩ ﻋﺸﺖ ﺑﻘﻬﺮ ﻭﺿﻴﻢ ﻟﺤﺪ ﻣﺎ ﺃﺝ ﺩﺍﻋﺶ
ﻭﺍﻟﺒﺎﻗﻲ ﺗﻌﺮﻓﻪ ﺍﻧﺖ
ﺣﺒﻴﺒﻲ ﻣﺎﺭﻳﺪﺝ ﺗﺬﻛﺮﻳﻦ ﻛﻠﺸﻲ ﺑﻌﺪ ﻣﻦ ﻫﺬﺍ ﺍﻟﻴﻮﻡ ﺍﺭﻳﺪﺝ ﺗﻨﺴﻴﻦ ﻛﻠﺸﻲ ﺻﺎﺭ ﻭﻳﺎﺝ
ﺟﺮﻳﺘﻪ ﺍﻟﺤﻈﻨﻲ ﻭﺧﻠﻴﺖ ﺭﺍﺳﻪ ﻋﻠﻰ ﺻﺪﺭﻱ
ﺑﻌﺪﻩ ﺭﺟﻌﻨﻪ ﻟﻠﻔﻨﺪﻕ
ﺍﻭﻝ ﻣﺪﺧﻠﺖ ﻟﻠﻐﺮﻓﻪ ﺻﺎﺡ ﺣﻴﺪﺭ
ﻫﺬﺍ ﻋﻠﻲ ﺃﺟﻪ
ﻫﺎ ﻭﻟﻚ ﻭﻳﺎﻣﻦ ﺗﺤﺠﻲ
ﻭﻳﻪ ﺍﻟﻐﺎﻟﻴﻪ ﺍﻛﻮ ﻏﻴﺮﻩ
ﺃﻣﻲ
ﺃﻱ ﺗﻌﺎﻝ ﺗﺮﻳﺪﻙ
ﺃﺧﺬﺕ ﺍﻟﺘﻠﻔﻮﻥ ﻭﻋﻴﻮﻧﻲ ﮔﺎﻣﻦ ﻳﺠﺮﻥ ﻭﺃﻳﺪﻱ ﺗﺮﺟﻒ
ﺍﻟﻮ ﻳﻤﻪ
ﻳﺒﻌﺪ ﺍﻣﻚ ﻳﺒﻌﺪ ﺣﻴﻠﻲ ﺍﻓﻴﺶ ﻳﺎﺻﻮﺗﻚ
ﺷﻠﻮﻧﺞ ﻳﻠﺤﺒﻴﺒﻪ
ﺗﻮﻧﻲ ﺻﺮﺕ ﺯﻳﻨﻪ ﻣﻦ ﺳﻤﻌﺖ ﺻﻮﺗﻚ
ﺑﻌﺪ ﺣﻴﻠﻲ ﻳﻤﻪ ﻋﺴﺎﺝ ﺩﻭﻡ ﺯﻳﻨﻪ
ﻟﻴﺶ ﻳﻤﻪ ﺻﺎﺭﻟﻚ ﺛﻠﺚ ﺃﻳﺎﻡ ﺑﻐﺪﺍﺩ ﻭﻣﺎﺗﺠﻴﻨﻲ ﺍﻛﺤﻞ ﻋﻴﻨﻲ ﺑﺸﻮﻓﺘﻚ
ﻳﺤﺒﻴﺒﻪ ﺍﻧﺘﻲ ﻣﺎﻋﻠﻤﺘﻴﻨﻲ ﺃﻫﺪ ﺃﻷﻣﺎﻧﻪ ﻟﻤﻦ ﺍﻭﺻﻠﻪ ﻟﻬﻠﻬﻪ
ﻭﺍﻧﺎ ﻋﻨﺪﻱ ﺃﻣﺎﻧﻪ ﻭﺍﻟﻴﻮﻡ ﻭﺻﻠﺘﻪ ﻟﻬﻠﻪ ﻭﺑﺎﺟﺮ ﻣﻦ ﻃﺮﺕ ﺍﻟﻔﺠﺮ ﺃﻧﺎ ﺟﺎﻳﺞ
ﻻ ﻳﻤﻪ ﺍﻻ ﺍﻷﻣﺎﻧﻪ ﺃﻫﻢ ﻣﻦ ﻋﻤﺮﻙ
ﻣﺎﺭﺍﺡ ﺃﻧﺎﻡ ﺍﻟﻴﻠﻪ ﺍﻧﺘﻈﺮ ﻃﺮﺕ ﺷﻤﺴﻲ ﻳﺒﻌﺪ ﺍﻣﻚ ﺗﺮﺍﻧﻲ ﺑﻠﻴﻞ ﻣﻦ ﻳﻮﻡ ﻣﺸﻴﺘﻮ ﻋﻨﻲ ﻟﻠﻴﻮﻡ
ﻭﻣﻨﻬﻮ ﺍﻟﻲ ﻳﺠﻴﻪ ﺍﻟﻨﻮﻡ ﺑﻌﺪ ﻳﺎﻏﺎﻟﻴﻪ
ﺗﺼﺒﺤﻴﻦ ﻋﻠﻰ ﺧﻴﺮ
ﺗﻼﮔﻲ ﺧﻴﺮ
ﺳﺪﻳﺖ ﺍﻟﺘﻠﻔﻮﻥ ﻭﺁﻧﻲ ﻃﺎﻳﺮ ﻣﻦ ﺍﻟﻔﺮﺡ
ﺧﺎﺑﺮﺕ ﺍﻡ ﺯﻳﺪ ﺗﺤﻈﺮ ﺭﻭﺣﻪ ﻭﻳﻪ ﺍﻷﺫﺍﻥ
ﻭﻃﻠﺒﺖ ﺳﻴﺎﺭﻩ ﻣﻦ ﺍﻟﻔﻨﺪﻕ ﺗﻮﺩﻳﻨﻪ ﻟﻠﻜﺮﺍﺝ
ﻭﺣﻴﺪﺭ ﻧﺰﻝ ﺣﺎﺳﺐ ﺍﻟﻔﻨﺪﻕ
ﺑﻌﺪﻩ
ﻧﻤﺖ
ﻭﻳﻪ ﺍﻷﺫﺍﻥ ﻛﻌﺪﻭﻧﻪ ﺍﻫﻞ ﺍﻟﻔﻨﺪﻕ ﻭﺻﻠﺖ ﺍﻟﺴﻴﺎﺭﻩ
ﺧﺎﺑﺮﺕ ﻋﻠﻰ ﻟﻴﻠﻰ ﻛﺘﻠﻪ ﺍﻃﻠﻌﻲ
ﺻﻌﺪﻧﻪ ﺑﻠﺴﻴﺎﺭﻩ ﻭﺗﻮﺟﻬﻨﻪ ﻟﻠﻜﺮﺍﺝ
ﺑﻠﻄﺮﻳﻖ ﮔﺎﻝ ﺍﻟﺴﺎﻳﻖ ﺍﻧﻄﻮﻧﻲ ﻛﺮﻭﺓ ﺍﻟﻌﻤﺎﺭﻩ ﻭﺍﻧﺎ ﺃﺧﺬﻛﻢ
ﺻﺪﻙ ﻛﻠﺶ ﻓﺮﺣﻨﻪ ﻃﻠﻌﻨﻪ ﮔﺒﻞ ﻟﻠﻌﻤﺎﺭﻩ
.......
ﺗﻘﺮﻳﺒﺎ ﺻﺎﺭ ﺍﻟﻄﺮﻳﻖ ﺃﺭﺑﻊ ﺳﺎﻋﺎﺕ
ﻭﺻﻠﻨﻪ ﻟﻠﻌﻤﺎﺭﻩ
ﺭﻳﺤﺖ ﺍﻟﻬﻮﺭ ﺩﻛﺖ ﺑﺨﺸﻤﻲ
ﻫﻮﺍﻫﻪ ﻭﺻﻮﺕ ﺍﻟﻄﻴﺮ
ﻓﺘﺤﺖ ﺷﺒﺎﺝ ﺍﻟﺴﻴﺎﺭﻩ ﻭﺍﺷﺘﻢ ﻫﻮﻯ ﺍﻟﻌﻤﺎﺭﻩ
ﺩﻟﻴﻨﻪ ﺍﻟﺴﺎﻳﻖ ﻋﻠﻰ ﻣﻨﻄﻘﺘﻨﻪ
ﻛﻞ . ﻣﺎ ﻳﻘﺘﺮﺏ ﻣﻦ ﺍﻟﺒﻴﺖ
ﻛﻠﺒﻲ ﻳﺪﻙ ﺍﻛﺜﺮ
ﻭﺻﻠﻨﻪ ﻳﻢ ﻓﺮﻋﻨﻪ ﺷﻔﺖ ﻧﺎﺱ ﻭﺍﮔﻔﻪ ﺟﻤﺎﻫﻴﺮ
ﻋﻤﺎﻣﻲ ﻭﺧﻮﺍﻟﻲ ﻭﺟﻴﺮﺍﻧﻪ
ﺑﺲ ﺟﺎﻥ ﺑﺎﻟﻲ ﺑﺲ ﺃﺭﻳﺪ ﺃﺷﻮﻑ ﺃﻣﻲ
ﻧﺰﻟﺖ ﻣﻦ ﺍﻟﺴﻴﺎﺭﻩ ﺍﻟﺘﻤﻮ ﻋﻠﻴﻨﻪ ﺍﻟﻨﺎﺱ
ﺑﻘﻴﺖ ﺍﺳﻠﻢ ﻭﺑﻮﺱ
ﻟﺤﺪ ﻣﺎ ﺍﻧﺘﺒﻬﺔ
ﻭﻳﻦ ﺍﻭ ﺯﻳﺪ ﻭﻟﻴﻠﻰ
ﺭﺟﻌﺖ ﺍﻟﻬﻦ ﻟﻜﻴﺘﻬﻦ ﮔﺎﻋﺪﺍﺕ ﺑﻠﺴﻴﺎﺭﻩ
ﻧﺰﻟﺘﻬﻦ ﻭﻳﺎﻱ ﻭﺩﺧﻠﺘﻬﻦ ﻟﻠﺒﻴﺖ
ﺑﺎﺏ ﺍﻟﺒﻴﺖ ﻟﻜﻴﺘﻬﻢ ﻣﺨﻠﻴﻦ ﺛﻨﻴﻦ ﺧﺮﻓﺎﻥ
ﺑﻴﺪ ﺍﻟﻜﺼﺎﺏ ﺫﺑﺤﻮﻫﻦ ﺟﻮﻩ ﺭﺟﻠﻴﻨﻪ
ﺗﻠﻜﺎﻧﺎ ﺳﻌﺪ ﺳﻠﻤﺖ ﻋﻠﻴﻪ
ﻭﺩﺧﻠﺖ ﻟﻠﺒﻴﺖ
ﻭﺑﻴﺪﻱ ﻟﻴﻠﻰ
ﻭﺍﻥ ﺯﻳﺪ ﻭﺭﺍﻧﻪ
ﺍﻭﻝ ﻣﺪﺧﻠﺖ ﺻﺎﺭﺕ ﻋﻴﻨﻲ ﺑﻌﻴﻦ ﺃﻣﻲ ﮔﺎﻋﺪﻩ ﺑﻨﺺ ﺍﻟﺼﺎﻟﻪ ﻭﺑﻴﺪﻩ ﻋﺼﺎﺑﺘﻬﻪ
ﺭﻓﻌﺖ ﻋﺼﺎﺑﺘﻬﻪ ﺑﻴﺪﻩ ﻭﮔﺎﻟﺖ
ﻣﺘﺸﻜﺮﻩ ﻣﻨﻚ ﻳﺒﻮ ﺣﺴﻴﻦ
ﺍﻟﻴﻮﻡ ﺍﻟﺒﺲ ﺍﻋﺼﺎﺑﺘﻲ ﻋﻠﻰ ﺭﺍﺳﻲ
ﺭﺍﺩﺕ ﺗﻠﺒﺴﻬﻪ
ﺭﻛﻈﺖ ﻋﻠﻴﻪ ﺍﺧﺬﺗﻪ ﻣﻨﻬﻪ ﻭﻟﺒﺴﺘﻪ ﻛﺘﻠﻪ
ﺃﻧﺎ ﺍﻟﺒﺴﻬﻪ ﺍﻟﺞ
ﺑﺪﻳﺖ ﺍﻟﺒﺲ ﺍﻟﻌﺼﺎﺑﻪ
ﺑﻌﺪﻳﻦ ﺟﺒﺖ ﺣﻴﺪﺭ ﻭﺳﻠﻤﺘﻪ ﺑﻴﺪﻩ ﻛﺘﻠﻪ
ﻳﻤﻪ ﺃﻧﺎ ﻭﻋﺪﺗﺞ ﺍﺭﺩﻟﺞ ﺣﻴﺪﺭ ﻭﻫﺬﺍ ﺃﻧﺎ ﻭﻓﻴﺖ ﺑﻮﻋﺪﻱ
ﻭﺍﻟﻠﻪ ﻣﺎ ﺷﻜﻴﺖ ﺑﻴﻚ ﺩﻗﻴﻘﻪ
ﻭﻛﻠﻲ ﺃﻣﻞ ﺗﺮﺩﻟﻲ ﺳﺎﻟﻢ ﻭﺑﻴﺪﻙ ﺍﺧﻮﻙ
ﺭﻛﻈﺖ ﺍﻟﻪ ﺍﻧﻲ ﻭﺣﻴﺪﺭ
ﺣﻈﻨﺘﻪ ﻭﺁﻧﻲ ﺍﺑﺠﻲ ﻭﺣﻴﺪﺭ ﻳﻌﺘﺬﺭ ﻣﻨﻪ ﻭﻳﺒﺠﻲ
ﺍﻟﺘﻔﺘﺖ ﺷﻔﺖ ﻟﻴﻠﻰ ﻭﺍﮔﻔﻪ ﺑﻌﻴﺪ
ﺃﺷﺮﺕ ﺍﻟﻪ ﺗﺠﻲ
ﺍﺟﺖ ﻳﻤﻲ ﻟﺰﻣﺖ ﺍﻳﺪﻩ ﻛﺘﻠﻬﻪ
ﻳﻤﻪ ﺍﺟﻴﺖ ﻭﺟﺒﺖ ﻭﻳﺎﻱ ﺃﺧﻮﻱ
ﻭﻣﺮﺗﻲ ﻟﻴﻠﻰ
ﻳﻤﻦ ﻓﺪﻭﻩ ﻟﻠﺮﺣﻤﻦ ﺍﻟﺮﺣﻴﻢ ﺭﺑﻚ ﻣﻦ ﻳﺠﺮﻡ ﻳﻄﻴﻬﻦ ﻛﻠﻬﻦ ﺳﻮﻩ
ﺗﻌﺎﻟﻲ ﻳﻤﻪ ﺗﻌﺎﻟﻲ ﺍﺑﻮﺳﺞ
ﺃﺷﺮﺕ ﺍﻟﻪ ﺗﺘﻘﺮﺏ ﻳﻢ ﺃﻣﻲ
ﺷﺒﻜﺘﻪ ﻭﺑﺎﺳﺘﻪ ﻭﮔﺎﻟﺖ ﺍﻟﻪ
ﺃﻭﻭﻭﻭﻑ ﻭﻟﺞ ﺯﻳﻨﺐ ﺷﻔﺘﻲ ﻫﺎﻱ ﺍﻟﻮﺭﺩﻩ ﺍﻟﺸﻔﺘﻪ ﺑﻠﺤﻠﻢ
ﺯﻳﻨﺐ .... ﻫﻬﻪ ﺻﺪﻙ ﻳﻤﻪ ﻫﺎﻱ ﺍﻟﻮﺭﺩﻩ
ﻋﻠﻲ ... ﺷﻨﻲ ﻳﺎﻭﺭﺩﻩ ﻳﻤﻪ
ﺯﻳﻨﺐ ....
ﺑﻌﺪ ﻣﺎ ﺭﺣﺖ ﻭﺭﻯ ﺣﻴﺪﺭ ﺍﻣﻲ ﺷﺎﻓﺖ ﺣﻠﻢ
ﺟﻦ ﻋﺪﻩ ﻭﺭﺩﺗﻴﻦ ﻭﻫﻴﻪ ﻛﺎﻋﺪﻩ ﻳﻤﻬﻦ ﺗﺰﻛﻴﻬﻦ
ﻭﺍﺟﺖ ﻋﺠﻪ ﻗﻮﻳﻪ
ﻭﺟﻦ ﺑﻴﺮﻍ ﻃﺎﺭ ﻭﺣﻂ ﻋﻠﻰ ﺍﻟﻮﺭﺩﺍﺕ ﺑﻌﺪﻩ ﻃﻠﻌﺖ ﻭﺭﺩﻩ ﺑﻨﺺ ﺍﻟﻮﺭﺩﺍﺕ
ﻭﺭﺩﻩ ﺑﻴﻈﻪ
ﻭﻫﺬﺍ ﺗﻔﺴﻴﺮ ﺍﻟﺤﻠﻢ
ﻭﮔﻔﺖ ﺍﻧﻲ ﻭﺣﻴﺪﺭ ﻭﺻﺎﺭﺕ ﻟﻴﻠﻰ ﺑﻨﺼﻨﻪ
ﺃﺷﺮﺕ ﻋﻠﻴﻨﻪ ﺃﻣﻲ
ﻫﺬﺍ ﺗﻔﺴﻴﺮﻩ
ﺍﻧﺖ ﻭﺣﻴﺪﺭ ﻭﺭﻳﺪﺍﺗﻲ
ﺭﺩﻳﺘﻮ ﺑﺼﺎﻳﺖ ﺍﺑﻮ ﺣﺴﻴﻦ ﻋﻠﻲ
ﻭﻳﺎﻛﻢ ﻭﺭﺩﻩ ﻏﺎﻟﻴﻪ
ﺑﻌﺪﻩ ﺭﺟﻌﻨﻪ ﻳﻢ ﺍﻟﻨﺎﺱ
ﺳﻮﻭ ﺍﻟﻮﻟﺪ ﻏﺪﻩ ﻧﺎﺱ ﺟﺎﻳﻪ ﻧﺎﺱ ﺭﺍﻳﺤﻪ ﻟﺤﺪ ﺍﻟﻠﻴﻞ
ﺑﻠﻴﻞ ﻳﺎﻟﻠﻪ ﮔﺪﺭﺕ ﺍﺭﺟﻊ ﻟﻠﺒﻴﺖ
ﻟﮕﻴﺖ ﺍﻣﻲ ﻭﺯﻳﻨﺐ ﻭﻟﻴﻠﻰ ﻭﺍﻡ ﺯﻳﺪ ﻭ ﺿﻔﺎﻑ ﮔﺎﻋﺪﺍﺕ
ﻫﻼ ﻭﺍﻟﻠﻪ ﺷﻠﻮﻥ ﻟﻤﻪ ﺣﻠﻮﻩ ﺍﻟﻠﻪ ﻻ ﻳﺤﺮﻣﻨﻪ ﻣﻦ ﻫﺎﻱ ﺍﻟﺠﻤﻌﻪ
......
ﻳﺒﻌﺪ ﮔﻠﺒﻲ ﻳﻤﻪ ﺗﻌﺎﻝ ﻫﻨﺎ ﺗﻌﺎﻝ ﺍﺷﺒﻊ ﻣﻦ ﻋﻴﻮﻧﻚ ﺍﻟﺤﻠﻮﺍﺕ
ﮔﻌﺪﺕ ﻳﻤﻬﻪ
ﺃﻱ ﻳﻤﻪ ﺳﻮﻟﻔﻠﻲ ﺷﻔﺖ ﺑﻬﺎﻱ ﺍﻻﻳﺎﻡ
ﺃﻭﻑ ﻳﻤﻪ ﺷﻔﺖ ﺃﺷﻜﺎﻝ
ﻟﻮ ﺃﻛﻌﺪ ﺍﺳﻮﻟﻒ ﻳﻮﻣﻴﻦ ﻣﺎ ﺍﺧﻠﺺ
ﺍﺣﺴﻦ ﺷﻲ ﻳﻮﻣﻴﻪ ﺍﺳﻮﻟﻔﻠﺞ ﺷﻐﻠﻪ
ﻣﺜﻼ ﻫﺴﻪ ﺭﺍﺡ ﺃﺳﻮﻟﻔﻠﺞ ﻋﻠﻰ ﻟﻴﻠﻲ ﻭﺍﻡ ﺯﻳﺪ
ﻻ ﻫﺎﻱ ﺍﻟﺴﺎﻟﻔﻪ ﻣﺎﺭﻳﺪ ﺃﺳﻤﻌﻪ ﻣﻨﻚ
ﻫﻨﻪ ﻋﻮﺩ ﻣﻦ ﻳﺮﺩﻥ ﻳﺴﻮﻟﻔﻦ ﻳﺴﻮﻟﻔﻦ
ﺑﺲ ﺃﺭﻳﺪ ﺍﺳﻤﻊ ﺣﺠﺎﻳﻪ ﻭﺣﺪﻩ
ﺷﻨﻲ ﻳﻤﻪ
ﺷﻮﻛﺖ ﺗﻌﺮﺱ
ﻫﻬﻪ ﻋﻠﻜﻴﻔﺞ ﻳﻤﻪ ﺧﻠﻴﻨﻪ ﻧﺮﺗﺎﺡ
ﻻ ﻣﺎﻣﺶ ﺭﺍﺣﻪ ﮔﺒﻞ ﻻ ﺗﻌﺮﺱ
ﺍﻟﻌﺮﻭﺱ ﻣﻮﺟﻮﺩﻩ ﻭﺃﻣﻬﻪ ﻣﻮﺟﻮﺩﻩ ﻭﺍﻧﺖ ﻭﺁﻧﻲ ﻭﺍﺧﻮﻙ ﻣﻮﺟﻮﺩﻳﻦ ﺑﻌﺪ ﻟﻴﺶ ﻧﺘﺄﺧﺮ
ﺃﻡ ﺯﻳﺪ . ﺣﺠﻴﻪ ﻻﺯﻡ ﺗﺴﻤﻌﻴﻦ ﺳﺎﻟﻔﺘﻨﻪ ﻳﺠﻮﺯ ﺗﻐﻴﺮﻳﻦ ﺭﺍﻳﺞ
ﺍﻏﻴﺮ ﺭﺃﻳﻲ ﻟﻴﺶ ﻳﺤﺒﻴﺒﻬﻪ
ﻣﺎﻃﻮﻝ ﻭﻟﻴﺪﻱ ﺭﺍﻳﺪ ﺍﻟﺒﺖ
ﻭﻫﻴﻪ ﺭﺍﻳﺪﺗﻪ
ﺑﻌﺪ ﻣﺎﻣﺶ ﻣﺸﻜﻠﻪ
ﻻ ﺗﻜﻠﻴﻠﻲ ﻭﻻ ﺗﺴﻮﻟﻔﻴﻠﻲ
ﺧﺎﻑ ﻣﻦ ﺗﺴﻤﻌﻴﻦ ﺳﺎﻟﻔﺘﻨﻪ ﻣﺎﻧﻌﺠﺒﺞ
ﺷﻨﻬﻲ ﻣﺎﺗﻌﺠﺒﻴﻨﻲ ﺧﻴﻪ ﺃﻧﺘﻮ ﻣﻮﺵ ﺑﺸﺮ
ﻃﺒﻌﺎ
ﺧﻮﺵ
ﻣﻮﺵ ﻣﺴﻠﻤﻴﻦ
ﺑﺎﻭﻋﺖ ﻟﻢ ﺯﻳﺪ ﻫﺰﻳﺖ ﺭﺍﺳﻲ
ﻛﺎﻟﺖ ﺍﻱ ﻣﺴﻠﻤﻴﻦ
ﺟﺎ ﺧﻮﺵ ﻛﻞ ﺍﻟﻲ ﺻﺎﺭ ﻭﻳﺎﻛﻢ ﻣﻮﺵ ﻣﻬﻢ
ﺍﻟﻤﻬﻢ ﻫﺴﻰ ﻧﻔﺮﺡ ﺑﻴﻬﻢ
ﻣﺎﻃﻮﻝ ﺍﻟﻘﺎﻇﻲ ﺭﺍﻇﻲ ﺑﻌﺪ ﺷﻠﻨﻪ ﻏﺮﻅ
ﻭﻗﺎﻇﻴﻨﻪ ﺇﺫﺍ ﺃﺧﺘﺎﺭ ﻧﻌﻤﻪ ﺍﺧﺘﻴﺎﺭﻩ
ﻭﻫﻰ ﺍﺭﺩ ﺍﻛﻠﻚ ﺃﺭﻳﺪ ﻋﺮﺳﻚ ﻭﻋﺮﺱ ﺍﺧﻮﻙ ﺣﻴﺪﺭ ﺳﻮﻳﻪ
ﺣﻴﺪﺭ ......
ﺟﺎﻥ ﻣﺜﻞ ﺍﻟﺤﻠﻢ ﺍﺭﺟﻊ ﺍﻟﺒﻴﺘﻲ
ﻭﺍﺷﻮﻑ ﺍﻣﻲ
ﻳﻤﻜﻦ ﺍﻷﻧﺴﺎﻥ ﻛﻞ ﻣﺎ ﻳﻄﻴﺢ ﺑﻤﺸﺎﻛﻞ ﻛﻞ ﻣﺎ ﻳﻜﻮﻥ ﻃﻠﺒﻪ ﻣﻦ ﺍﻟﺪﻧﻴﻪ ﺑﺴﻴﻂ
ﺍﺷﻮﻑ ﺃﻣﻲ ﻭﺿﻔﺎﻑ ﻗﺒﻞ ﻻ ﺃﻣﻮﺕ
ﻫﺬﺍ ﺍﺑﺴﻂ ﺣﻠﻢ ﺟﻨﺖ ﺍﺣﻠﻢ ﺑﻴﻪ ﻃﻮﻝ ﺍﻟﺴﻨﺘﻴﻦ ﺍﻟﻤﺮﻥ ﻋﻠﻴﻪ
ﺻﺪﻛﻮﻧﻲ ﻧﺴﻴﺖ ﺍﻟﻮﻇﻴﻔﻪ
ﻭﻧﺴﻴﺖ ﺍﻟﺰﻭﺍﺝ ﻭﺍﻟﻔﻠﻮﺱ
ﺭﺩﺕ ﺑﺲ ﺍﺷﻮﻑ ﺃﻣﻲ ﺁﺧﺮ ﻣﺮﻩ ﻭﺍﺷﻮﻑ ﺿﻔﺎﻑ
ﻭﺍﻛﻠﻪ ﺗﺴﺎﻣﺤﻨﻲ
ﻣﻦ ﺭﺟﻌﺖ ﻟﻠﺒﻴﺖ ﻭﺷﻔﺖ ﺍﻣﻲ ﺣﻈﻨﺘﻪ ﻭﺁﻧﻲ ﺍﺑﺠﻲ
ﻋﻠﻰ ﺍﻳﺎﻡ ﺧﻠﻴﺘﻪ ﺗﺒﺠﻲ ﺑﻴﻬﻦ
ﻭﺍﻟﻤﻔﺎﺟﺌﻪ ﺷﻔﺖ ﺿﻔﺎﻑ ﻭﻳﻪ ﺃﻣﻲ
ﻣﻌﻘﻮﻟﻪ ﺳﻤﻌﺖ ﺑﻴﻪ ﻭﺃﺟﺖ
ﺍﻟﻤﻬﻢ ﺗﺤﻘﻘﺖ ﺃﻣﻨﻴﺘﻲ ﻭﺷﻔﺘﻬﻢ
ﺑﻠﻴﻞ ﮔﺎﻟﺖ ﺃﺭﻳﺪ ﺍﺯﻭﺟﻜﻢ ﺛﻨﻴﻨﻜﻢ
ﮔﺎﻝ ﻋﻠﻲ
ﻳﺎﺭﻳﺖ ﻭﺍﻟﻠﻪ ﻳﻤﻪ
ﺑﺎﻭﻋﺖ ﺍﻟﻀﻔﺎﻑ ﮔﺎﻋﺪﻩ ﻭﻋﻴﻮﻧﻬﻪ ﻣﺒﺘﺴﻤﻪ
ﻭﺁﻧﻲ ﻋﻤﻪ ﺧﻠﻴﻨﻲ ﺍﺗﺰﻭﺝ ﻭﻳﺎﻫﻢ
ﺻﺎﺡ ﺳﻌﺪ ﻭﻫﻮ ﻳﮕﻌﺪ ﻳﻤﻨﻪ
ﻭﺍﻟﻠﻪ ﻳﻌﻤﻪ ﺗﺴﺘﺎﻫﻞ ﺍﻧﺖ ﺳﺒﻊ ﻭﻣﺤﺪ ﻭﻛﻒ ﻭﻳﺎﻱ ﺑﻐﻴﺒﺘﻜﻢ ﻏﻴﺮﻩ
ﻭﻣﺎﺩﺍﻡ ﻛﻠﻜﻢ ﮔﺎﻋﺪﻳﻦ
ﺳﻌﺪ ﺧﻄﺐ ﺯﻳﻨﺐ ﻣﻨﻲ ﻭﺁﻧﻲ ﻭﺍﻓﻘﺖ ﺷﺘﻜﻮﻟﻮﻥ
ﻋﻠﻲ ... ﻭﺍﻟﻠﻪ ﻭﺍﻟﻨﻌﻢ ﻣﻨﻚ ﺳﻌﺪ ﺗﺴﺘﺎﻫﻠﻬﻪ
ﺣﻴﺪﺭ .... ﺃﻟﻒ ﻣﺒﺮﻭﻙ ﺧﻮﻳﻪ ﺑﺲ ﻻﺯﻡ ﻧﺴﺄﻝ ﺯﻧﻮﺑﻪ
ﺑﺎﻭﻋﺖ ﺍﻟﻪ ﺗﻈﺤﻚ ﮔﺘﻠﻪ ﻣﺎﻛﻮ ﺩﺍﻋﻲ ﻣﺒﻴﻦ ﻣﻮﺍﻓﻘﻪ ﻫﻬﻬﻬﻬﻪ
ﺑﻌﺪ ﺍﻟﻌﺸﻪ ﺭﺍﺣﺖ ﺿﻔﺎﻑ ﻟﻠﻐﺮﻓﻪ
ﺑﺎﻭﻋﺖ ﻣﺤﺪ ﻣﻨﺘﺒﻪ ﺍﻟﻨﻪ
ﻃﻠﻌﺖ ﻭﺭﺍﻫﻪ
ﻃﺒﻴﺖ ﻭﺳﺪﻳﺖ ﺍﻟﺒﺎﺏ
ﺿﻔﺎﻑ .... ﻳﻤﻪ ﻣﻨﻮ
ﺣﻴﺪﺭ ..... ﺁﻧﻲ
ﺣﻴﺪﺭ . ﺷﻌﻨﺪﻙ ﻫﻨﺎ
ﺍﻧﺘﻲ ﺷﻌﻨﺪﺝ ﻫﻨﺎ
ﮔﺎﻋﺪﻩ ﺑﻴﺖ ﻋﻤﺘﻲ ﺍﻧﺖ ﺷﻌﻠﻴﻚ
ﻫﻴﺞ ﺍﻧﻲ ﺷﻌﻠﻴﻪ ﻣﻮ
ﻫﻬﻬﻪ ﺃﻱ ﺷﻌﻠﻴﻚ ﺍﺻﻼ ﺍﻧﻲ ﺻﺎﺭﻟﻲ ﺃﺷﻬﺮ ﮔﺎﻋﺪﻩ ﻫﻨﺎ
ﺻﺪﻙ ﻭﺍﻟﻠﻪ
ﺃﻱ ﻣﻮ ﻋﻤﺘﻲ ﺗﺨﺮﺑﻄﺖ ﻭﺃﻧﻲ ﺑﻌﺪ ﻣﺎ ﺃﻛﺪﺭ ﺍﻋﻮﻓﻪ ﻟﻮﺣﺪﻩ ﻓﺄﺟﻴﺖ ﮔﻌﺪﺕ ﻭﻳﺎﻫﻪ
ﻭﺧﺎﻟﻲ ﻗﺒﻞ
ﺃﺻﻼ ﻫﻮ ﺧﺎﻟﻚ ﮔﻠﻲ
ﻭﺍﻟﻠﻪ ﺃﺛﺎﺭﻱ ﺧﺎﻟﻲ ﺧﻮﺵ ﺧﺎﻝ ﻫﻬﻬﻪ
ﻃﺒﻌﺎ
ﺑﺲ ﻟﻮ ﺻﺎﻳﺮ ﻣﻦ ﻗﺒﻞ ﺯﺑﻦ ﻭﻳﺎﻱ ﻭﻣﻨﻄﻴﻨﻲ ﺑﺘﻪ
ﻛﻠﺸﻲ ﺑﻮﻛﺘﻪ ﺣﻠﻮ
ﺻﺢ ﻛﻠﺸﻲ ﺑﻮﻛﺘﻪ ﺣﻠﻮ
ﺃﺣﺠﻲ ﻭﺗﻘﺮﺏ ﻣﻨﻬﻪ
ﻗﺒﻞ ﻻ ﺗﻌﺘﺮﻅ ﺟﺮﻳﺘﻪ ﻋﻠﻴﻪ ﻭﺣﻈﻨﺘﻪ ﺑﻴﻦ ﻇﻠﻮﻋﻲ
ﺃﻭﻑ ﻳﺎﺭﻳﺤﺘﺞ ﺗﺮﺩ ﺍﻟﺮﻭﺡ ﺇﻟﻴﻪ
ﻭﺝ ﻭﺍﻟﻠﻪ ﺑﻨﺺ ﺩﻭﺍﻋﺶ ﻭﻓﻜﺮ ﺑﻴﺞ
ﺷﻠﻮﻥ ﻟﻮ ﻣﺘﺖ ﺷﺮﺍﺡ ﺗﺴﻮﻳﻦ
ﺃﺳﻢ ﺍﻟﻠﻪ ﻋﻠﻴﻚ ﻭﺍﻟﻠﻪ ﺑﻐﻴﺎﺑﻚ ﺍﻧﺘﻬﻴﺖ ﻭﻟﻮ ﻣﺎ ﻧﺴﻤﻊ ﻣﻨﻚ ﺧﺒﺮ ﺟﺎﻥ ﻣﺎﻋﺮﻑ ﺷﻨﻮ ﺻﺎﺭ ﺑﻴﻪ
ﺃﺳﻢ ﺍﻟﻠﻪ ﻋﻠﻴﺞ
ﻋﻠﻲ ......
ﺑﻌﺪ ﺟﻢ ﻳﻮﻡ
ﺳﻮﻳﻨﻪ ﺗﺤﻈﻴﺮﺍﺗﻨﻪ ﻭﺩﺯﻳﻨﻪ ﻟﻴﻠﻰ ﻭﺍﻡ ﺯﻳﺪ ﻭﻳﻪ ﺿﻔﺎﻑ ﺣﺘﻰ ﻧﻜﺪﺭ ﻧﻜﻤﻞ ﺷﻐﻠﻨﻪ ﺑﻠﺒﻴﺖ
ﻓﻌﻼ ﺑﻌﺪ ﺷﻬﺮ ﺣﺪﺩﻧﻪ ﺍﻟﺰﻭﺍﺝ
ﺑﻬﺬﺍ ﺍﻟﺸﻬﺮ ﺍﺗﺼﻞ ﻋﻠﻴﻪ ﻋﺰﻳﺰ ﻭﻛﻠﻲ ﻋﻤﺮ ﻭﺃﺯﺍﺩ ﻣﺘﺼﻠﻴﻦ ﻋﻠﻴﻪ ﻭﺍﻧﻄﺎﻧﻲ ﺭﻗﻤﻪ
ﺍﺗﺼﻠﺖ ﻋﻠﻴﻬﻢ ﻭﻋﺰﻣﺘﻬﻢ ﻋﻠﻰ ﺯﻭﺍﺟﻲ
ﻗﺒﻞ ﺍﻟﻌﺮﺱ ﺑﺄﺳﺒﻮﻉ
ﻭﺻﻞ ﻋﺰﻳﺰ ﻭﻋﻤﺮ ﻭﺃﺯﺍﺩ
ﺑﻘﻮﺍ ﻭﻳﺎﻱ ﺍﺳﺒﻮﻉ ﻗﺒﻞ ﺍﻟﻌﺮﺱ
ﻭﺑﻌﺪ ﺍﻟﻌﺮﺱ ﺑﺨﻤﺲ ﺍﻳﺎﻡ ﺭﺍﺣﻮﺍ
ﺟﺎﻥ ﻋﺮﺱ ﺭﺍﺋﻊ
ﺟﻤﻊ ﻧﺎﺱ ﻣﻦ ﻛﻞ ﺍﻷﺩﻳﺎﻥ
ﻭﻛﻞ ﺍﻟﻤﻨﺎﻃﻖ
ﻋﺮﺳﻲ ﺻﺎﺭ
ﺷﻴﻌﻲ ﺍﺯﻳﺪﻱ ﻣﺴﻴﺤﻲ ﺳﻨﻲ ﻛﺮﺩﻱ
ﻭﺍﻷﻫﻢ
ﻋﺮﺱ ﻋﺮﺍﻗﻲ
ﺍﻡ ﺯﻳﺪ ﺣﺎﻟﻴﺎ ﻧﺪﻭﺭ ﺍﻟﻪ ﻋﻠﻰ ﻋﺮﻳﺲ ﻫﻬﻬﻬﻬﻬﻪ
ﻻ ﺟﺬﺏ ﺣﺎﻟﻴﺎ ﻋﺎﻳﺸﻪ ﻭﻳﺎﻧﻪ ﺑﻠﺒﻴﺖ ﻫﻴﻪ ﻭﺃﻣﻲ ﻭﺣﺪﻩ ﺗﻤﻮﺕ ﻋﻠﻰ ﺍﻟﺜﺎﻧﻴﻪ
ﺑﻌﺪ ﻋﺮﺳﻲ ﻭ ﺑﻌﺪ ﻣﺎ ﺗﺤﺮﺭﺕ ﺍﻟﻤﻮﺻﻞ ﺗﺰﻭﺝ ﻋﻤﺮ
ﻭﺭﺣﻨﻪ ﻛﻠﻨﻪ ﺣﺘﻰ ﺃﻣﻲ ﺭﺍﺣﺖ ﻭﻳﺎﻱ ﺭﻏﻢ ﺗﻌﺐ ﻋﻠﻴﻪ ﺑﺲ ﺣﺒﺖ ﺗﺮﻭﺡ ﺗﺸﻜﺮﻫﻢ
ﻭﺑﻌﺪ ﻋﺮﺱ ﻋﻤﺮ ﺭﺣﻨﻪ ﻋﻠﻰ ﺑﻴﺖ ﺍﺑﻮ ﻋﺒﺪﺍﻟﻠﻪ
ﺍﻟﻲ ﻋﺸﻨﻪ ﺑﻴﻪ ﺳﻨﻪ ﻭﻧﺺ
ﺗﺸﻜﺮﻧﻪ ﻣﻨﻬﻢ ﻭﺗﻐﺪﻳﻨﻪ ﻋﺪﻫﻢ ﻭﻃﻠﻌﻨﻪ ﻛﻤﻠﻨﻪ ﻭﺭﺟﻌﻨﻪ ﺍﻟﺒﻴﺘﻨﻪ
ﺣﺎﻟﻴﺎ ﻋﻤﺮ ﻣﻨﺘﻈﺮ ﻭﻟﺪ ﻭﺣﺎﻟﻒ ﺍﻟﻪ ﻳﺴﻤﻴﻪ ﻋﻠﻲ ﻫﻬﻬﻬﻬﻪ
ﻭﻫﺴﻪ ﺍﻟﺤﻤﺪ ﻟﻠﻪ ﻗﺒﻞ ﻛﻢ ﻳﻮﻡ ﺍﺗﺼﻞ ﻋﻠﻴﻪ ﻋﺰﻳﺰ ﻭﻋﺰﻣﻨﻲ ﻋﻠﻰ ﻋﺮﺳﻪ ﺑﻌﺪ ﻛﻢ ﻳﻮﻡ ﻧﺮﻭﺡ ﺍﻟﻲ ﻳﺤﺐ ﻳﺠﻲ ﺍﻫﻼ ﻭﺳﻬﻼ ﺑﻴﻪ ﻳﻨﻮﺭﻭﻧﻪ ﻛﻞ ﺍﻟﻌﺮﺍﻗﻴﻴﻦ
ﺍﻥ ﺷﺎﺀ ﺍﻟﻠﻪ ﻣﺎ ﺃﻛﻮﻥ ﻗﺼﺮﺕ ﺑﻠﻘﺼﻪ ﻭﻛﺪﺭﺕ ﺍﻧﻘﻞ ﺍﺣﺪﺍﺛﻪ ﺑﺤﻠﻮﻩ ﻭﻣﺮﻩ
ﺍﺧﺘﻜﻢ
ﻃﺎﺋﺮ ﺑﻼ ﺗﻐﺮﻳﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء