رواية إيام لا تحتسب الجزء السادس
للكاتبة
طائر بلا تغريد
.....
ﺯﻳﻨﺐ
ﺍﻟﻴﻮﻡ ﺍﻣﻲ ﻣﻦ ﺍﻟﻌﺼﺮ ﻣﺎﻟﻪ ﺧﻠﻚ
ﺣﺎﻭﻟﺖ ﺍﺧﺬﻩ ﻟﻠﻄﺒﻴﺐ ﻣﺎﻗﺒﻠﺖ
ﻳﻤﻪ ﻭﺷﺞ ﺍﺻﻔﺮ ﺷﻮ
ﻣﺎ ﺩﺭﻱ ﻳﻤﻪ ﺷﻮ ﻣﺎﻟﻲ ﺧﻠﻚ
ﺷﺘﻬﻴﺴﻴﻦ
ﻛﻠﺒﻲ ﻋﺎﺻﺮﻧﻲ ﻭﻧﻔﺴﻲ ﺿﺎﻳﺞ ﻋﻠﻰ
ﺟﺎ ﺧﻠﻴﻨﻲ ﺍﻭﺩﻳﺞ ﻟﻠﻄﺒﻴﺐ
ﻻ ﻣﺎ ﻣﺸﻲ
ﻳﻤﻪ ﻻ ﺗﻌﺎﻧﺪﻳﻦ ﻻ ﺗﻄﻴﺤﻴﻦ ﻋﻠﻲ ﺑﻠﻴﻞ ﻭﻳﻦ ﺍﻭﺩﻳﺞ
ﻻ ﻣﺎﻃﻴﺢ
ﻳﻤﻪ
ﻭﻏﻤﻪ ﻳﻴﺰﻱ ﻋﻨﻲ
ﺍﺑﺎﻭﻉ ﻋﻠﻴﻪ ﻭﺷﻪ ﺍﺻﻔﺮ
ﻭﺍﻟﻌﺮﻙ ﻳﺎﺧﺬﻩ ﻭﻳﺮﺩﻩ
ﻻ ﻫﺎﻱ ﻣﻮ ﻣﺎﻝ ﻭﺍﺣﺪ ﻳﺴﻜﺖ ﻋﻠﻴﻪ
ﺭﻛﻈﺖ ﻋﻠﻰ ﺍﻟﺘﻠﻴﻔﻮﻥ ﺧﺎﺑﺮﺕ ﺳﻌﺪ
ﺍﻟﻮ
ﻳﺒﻌﺪ ﺍﻷﻟﻮ ﻭﺃﻫﻞ ﺍﻷﻟﻮ
ﻫﻬﻪ ﺷﻠﻮﻧﻚ
ﻣﻦ ﺍﺳﻤﻊ ﺻﻮﺗﺞ ﺍﺻﻴﺮ ﺑﺨﻴﺮ ﻳﺒﻌﺪ ﺭﻭﻳﺤﺘﻲ ﺍﺷﺘﺎﻗﻴﺘﻴﻠﻲ
ﻻ
ﺷﻨﻮ
ﻫﺎ ﺧﺮﺏ ﺟﻔﺼﺖ
ﻗﺼﺪﻱ ﺃﻱ ﺍﺷﺘﺎﻗﻴﺘﻠﻚ
ﻳﺒﻌﺪ ﻛﻠﻤﻦ ﻳﺸﺘﺎﻕ
ﺍﻛﻠﻚ ﺳﻌﺪ
ﻛﻮﻟﻲ
ﺍﻣﻲ ﻣﺮﻳﻈﻪ
ﺷﻨﻬﻮ ﻣﺮﻳﻈﻪ ﺷﺒﻴﻬﻪ
ﻣﺎﻋﺮﻑ ﺑﺲ ﻭﺟﻬﻪ ﺍﺻﻔﺮ ﻭﺍﻟﻌﺮﻙ ﻳﺼﺐ ﻣﻨﻬﻪ
ﺧﺎﻑ ﻣﺼﺨﻨﻪ
ﻻ ﻣﻮﺵ ﻣﺼﺨﻨﻪ ﺟﺴﺘﻪ
ﺟﺎ ﺧﻮﺵ ﺣﻈﺮﻱ ﺭﻭﺣﺞ ﻫﺴﻰ ﺍﺟﻲ ﻭﻧﺎﺧﺬﻩ ﻟﻠﻄﺒﻴﺐ
ﻣﺎﺗﺮﻇﺎﺵ ﺗﺮﻭﺡ ﻟﻠﻄﺒﻴﺐ
ﻣﻮ ﺑﻜﻴﻔﻬﻪ ﺍﻧﺎ ﺍﻭﺩﻳﻬﻪ ﺑﺲ ﺣﻈﺮﻳﻬﻪ ﺍﻧﺘﻲ
ﺟﺎ ﺧﻮﺵ ﻫﺴﻰ ﺑﺴﺮﻋﻪ
ﺳﺪﻳﺘﻪ ﻣﻦ ﺳﻌﺪ ﻭﻣﺸﻴﺖ ﻟﻤﻲ ﻟﻜﻴﺘﻪ ﻏﺎﻃﻪ ﺑﻠﻌﺮﻙ ﻭﻣﺴﻨﺤﻪ ﻋﻠﻰ ﺍﻟﻜﺎﻉ
ﻳﻤﻪ ﻳﻤﻪ ﻟﻴﺶ ﻧﺎﻳﻤﻪ ﻫﻨﺎ ﺷﻮ ﻛﻮﻣﻲ ﻟﻌﺪ ﺟﺮﺑﺎﻳﺘﺞ
ﻣﺎﺭﻳﺪ ﻭﻟﺞ ﻣﺎﺑﻴﻪ ﺍﻣﺸﻲ
ﺟﺎ ﺷﻠﻮﻥ ﺍﺭﻳﺪ ﺍﺑﺪﻝ ﻫﺪﻭﻣﺞ ﺗﻨﻜﻌﻦ ﻣﻦ ﺍﻟﻌﺮﻙ
ﻫﺴﻰ ﺧﻠﻴﻨﻲ ﺍﺭﺗﺎﺡ ﻭﺍﻧﺎ ﺍﻛﻮﻡ
ﺭﺣﺖ ﺟﺒﺖ ﺍﻟﻪ ﺩﺷﺪﺍﺷﻪ ﻭﺷﻴﻠﻪ ﻭﺭﺩﻳﺖ
ﻳﻤﻪ ﻳﻤﻪ ﺟﺮﻳﺖ ﺍﻳﺪﻩ ﺍﺭﻳﺪﻩ ﺗﻜﻌﺪ ﻣﺎﻣﺶ
ﺻﺤﺖ
ﻳﻤﻬﻬﻬﻬﻬﻬﻬﻪ ﻻ ﺩﺧﻴﻠﺞ
ﺑﺼﻴﺤﺘﻲ ﻃﺐ ﺳﻌﺪ
ﻫﺎ ﺯﻳﻨﺐ
ﺳﻌﺪ ﺩﺧﻴﻠﻚ ﺍﻣﻲ ﻣﺎﺩﺭﻱ ﺷﻤﺎﻟﻪ
ﺗﻜﺮﺏ ﻣﻨﻬﻪ ﺟﺎﺳﻪ ﻛﻠﻲ ﺑﺴﺮﻋﻪ ﻧﺎﺧﺬﻩ ﻟﻠﻤﺴﺘﺸﻔﻰ
......
ﺃﻣﻲ ﺟﺜﻴﺜﻪ ( ﺳﻤﻴﻨﻪ )
ﻛﻮﻩ ﺷﻠﻨﺎﻫﻪ ﺻﻌﺪﻧﺎﻫﻪ ﺑﻠﺴﻴﺎﺭﻩ
ﻭﺭﺣﻨﻪ ﻟﻠﻤﺴﺘﺸﻔﻰ
ﺍﻟﻄﺮﻳﻖ ﻛﻠﻪ ﺍﺿﺮﺏ ﺑﻴﻪ ﺭﺍﺷﺪﻳﺎﺕ ﻣﺎﻛﻮ
ﻻ ﺗﺸﻴﻞ ﺍﻳﺪ ﻭﻻ ﺭﺟﻞ
ﻭﺻﻠﻨﻪ ﻟﻠﻤﺴﺘﺸﻔﻰ ﻧﺰﻝ ﺳﻌﺪ ﺑﺴﺮﻋﻪ ﻛﺎﻝ ﺭﺍﺡ ﺍﺟﻴﺐ ﺳﺪﻳﻪ ﻭﺍﺟﻲ
ﺭﺍﺡ ﻭﺭﻩ ﺭﺑﻊ ﺳﺎﻋﻪ ﺭﺟﻊ ﻭﻳﺎ ﺛﻨﻴﻦ ﻭﻟﺪ ﻭﻣﺮﻩ ﺷﺎﻟﻮﻫﻪ ﺧﻠﻮﻫﻪ ﺑﻠﺴﺪﻳﻪ ﻭﺧﺬﻭﻫﻪ
ﻣﺸﻮ ﻭﺍﻧﻲ ﻋﻴﻮﻧﻲ ﺗﺠﺮﻱ ﻭﺍﻣﺸﻲ ﻭﺭﺍﻫﻢ
ﺭﺟﻊ ﻋﻠﻴﻪ ﺳﻌﺪ ﻛﻆ ﺍﻳﺪﻱ ﻭﺍﺧﺬﻧﻲ ﻭﻳﺎ
ﺩﺧﻠﻮﻩ ﺍﻟﻐﺮﻓﻪ ﺍﻷﻧﻌﺎﺵ
ﺑﻘﻴﻨﻪ ﺑﺮﻩ
ﺍﺷﻮﻑ ﺍﻟﺪﻛﺎﺗﺮﻩ ﻧﺨﺒﺼﻮ ﺑﻴﻪ
ﻣﺎﺳﺎﻟﺖ ﻭﻻ ﺍﺭﻳﺪ ﺃﺳﺄﻝ ﺃﺧﺎﻑ ﻣﻦ ﺍﻟﺠﻮﺍﺏ
ﻻ ﺻﺎﻳﺮ ﻋﻠﻴﻬﻪ ﺷﻲ ﻭﻳﻦ ﺍﻧﻄﻲ ﻭﺷﻲ
ﻻ ﺍﺏ ﻭﻻ ﺃﺥ ﻭﻧﻮﺑﻪ ﺍﺑﻘﻪ ﺑﻼ ﺃﻡ
ﻻ ﻳﻤﻪ ﺍﺳﻢ ﺍﻟﻠﻪ ﻋﻠﻴﺞ
ﻳﻮﻣﻲ ﻗﺒﻞ ﻳﻮﻣﺞ
ﺑﻘﻴﻨﻪ ﺑﻘﻠﻖ ﻳﻤﻜﻦ ﺳﺎﻋﻪ ﻭﺭﺍﻫﻪ ﻃﻠﻊ ﺍﻟﺪﻛﺘﻮﺭ
ﺭﻛﻈﻨﻪ ﺍﻧﺎ ﻭﺳﻌﺪ ﻋﻠﻴﻪ
ﻛﺎﻝ ﻣﺘﻌﺮﻇﻪ ﺍﻟﺬﺑﺤﻪ ﺻﺪﺭﻳﻪ ﻻﺯﻡ ﺗﺮﺗﺎﺡ
ﺧﻠﻮﻫﻪ ﺑﺤﺠﺮﻩ ﻭﺣﺪﻩ ﻣﻤﻨﻮﻉ ﻭﺍﺣﺪ ﻳﺪﺧﻞ ﻋﻠﻴﻪ
ﻛﺎﺑﻠﺖ ﺍﻟﻐﺮﻓﻪ ﻭﻛﻌﺪﺕ
ﺳﻌﺪ ﺭﺍﺡ ﺍﻟﻬﻼ ﻭﺭﺩ ﻭﻳﺎ ﺧﺎﻟﻲ ﻭﻋﻤﻲ ﻭﻣﺮﺕ ﻋﻤﻲ
ﺷﻮﻳﻪ ﻭﺭﺍﺣﻮ ﺑﻘﻴﺖ ﺍﻧﺎ ﻭﺳﻌﺪ ﻣﺘﻜﺎﺑﻠﻴﻦ ﺑﻠﻤﺴﺘﺸﻔﻰ
ﻋﻠﻲ
ﻛﻠﺒﻲ ﻳﻮﺟﻌﻨﻲ ﻋﻠﻰ ﺍﻣﻲ ﻳﻤﻜﻦ ﺑﻴﻪ ﺷﻲ
ﻳﺮﺑﻲ ﺩﺧﻴﻠﻚ ﻻ ﺗﻔﺠﻌﻨﻲ ﺑﻴﻬﻪ
ﻣﺎﻧﻤﺖ ﺫﻳﺞ ﺍﻟﻠﻴﻠﻪ
ﻟﻠﺼﺒﺢ ﻛﻌﺪﺕ ﺗﻮﻇﻴﺖ ﻭﺻﻠﻴﺖ ﺍﻧﺎ ﻭﻋﻤﺮ
ﺳﻮﺍﻟﻨﻪ ﺍﺑﻮ ﺍﻟﺒﻴﺖ ﺭﻳﻮﻙ ﻭﺩﻻﻧﻪ ﺑﻠﻄﺮﻳﻖ
ﻃﻠﻌﻨﻪ ﻭﺍﺣﻨﻪ ﻋﺪﻧﻪ ﺃﻣﻞ ﻧﻠﺘﻘﻲ ﺑﺄﻫﻞ ﻋﻤﺮ ﺑﻘﺮﻳﺔ ﺍﻟﻨﺎﺯﺣﻴﻦ
ﻭﻛﻔﺖ ﺳﻴﺎﺭﻩ ﻣﺒﻴﻦ ﻣﻦ ﺷﻜﻠﻪ ﺩﺍﻋﺸﻲ ﻛﻠﻪ ﻋﻤﺮ
ﺍﺭﻳﺪ ﺍﻟﻘﺮﻳﺔ ﺍﻝ .......
ﻭﺷﻌﺪﻛﻢ ﻫﻨﺎﻙ
ﻋﻤﺮ .... ﻭﺍﻟﻠﻪ ﻫﻠﻲ ﻫﻨﺎﻙ
ﻫﻨﺎﻙ ﺑﺲ ﺍﻟﺠﺒﻨﺎﺀ ﻫﺮﺑﻮﺍ
ﻋﻠﻲ ﺷﻔﺖ ﻋﻤﺮ ﺗﻨﺮﻓﺰ ﺟﺮﻳﺘﻪ ﻣﻦ ﺃﻳﺪﻩ ﺑﻌﺪﺗﻪ ﻋﻦ ﺍﻟﺴﻴﺎﺭﻩ ﻻ ﻳﺠﻔﺺ ﻭﺣﺎﺟﻴﺖ ﺍﻟﺴﺎﻳﻖ ﻛﺘﻠﻪ
ﺧﻴﻲ ﺍﺑﻮﻧﻪ ﺭﺟﺎﻝ ﻣﺮﻳﻆ ﻭﻋﺪﻧﻪ ﺧﻮﺍﺕ ﻭﺟﻬﺎﻝ ﻫﻨﺎﻙ
ﺍﺣﻨﻪ ﻣﺎﺭﺣﻨﻪ ﻭﻳﺎﻫﻢ ﺑﻘﻴﻨﻪ ﻫﻨﺎ ﻻﻥ ﻧﺘﺤﻤﻞ ﻭﻛﻠﻨﻪ ﻭﻳﻪ ﺍﻟﺪﻭﻟﻪ ﺍﻻﺳﻼﻣﻴﻪ ﺑﺲ ﺫﻭﻻﻙ ﺷﻴﺎﺏ ﻭﺯﻋﺎﻃﻴﻂ ﻳﺨﺎﻓﻮﻥ
ﺑﺎﻭﻋﻠﻲ ﺑﺤﻘﺪ ﺗﺎﻟﻲ ﻛﻠﻲ ﺍﺻﻌﺪﻭ ﺃﻧﻲ ﺍﻭﺻﻠﻜﻢ
ﻓﺘﺤﺖ ﺍﻟﺒﺎﺏ ﻭﺻﻌﺪﺕ ﻋﻤﺮ ﺑﻠﻮﺭﻩ ﻭﺍﻧﺎ ﺻﻌﺪﺕ ﻳﻢ ﺍﻟﺴﺎﻳﻖ
ﻣﺸﺖ ﺍﻟﺴﻴﺎﺭﻩ ﻭﺍﻟﺴﺎﻳﻖ ﻣﺎﺑﻄﻞ ﺣﺠﻲ ﻋﻠﻰ ﺍﻟﺸﺎﺭﺩﻳﻦ ﻣﻦ ﺍﻟﻘﺼﻒ
ﺟﺒﻨﺎﺀ ﺍﻟﻨﺴﻮﺍﻥ ﺍﺣﺴﻦ ﻣﻨﻬﻢ
ﺧﻮﺍﻓﻴﻦ
ﻭﺍﻧﺎ ﻋﻴﻨﻲ ﻋﻠﻰ ﻋﻤﺮ ﻻ ﻳﺘﻬﻮﺭ ﻭﻳﻜﺘﻞ ﺍﻟﺮﺟﺎﻝ ﻭﻳﺨﻠﻴﻨﻪ ﺑﻨﺺ ﺍﻟﺸﺎﺭﻉ
ﺁﺧﺮ ﺷﻲ ﻛﺘﻠﻪ
ﺍﻛﻠﻚ ﺧﻴﻲ ﻫﺎﻱ ﺷﺴﻤﻬﻪ ﺍﻟﻤﻨﻄﻘﻪ
ﻛﺎﻝ
ﻭﺍﻟﻠﻪ ﻣﺎﻋﺮﻓﻪ
.......
ﻋﻤﺮ ... ﺷﻠﻮﻥ ﻣﺎ ﺗﻌﺮﻓﻪ
ﻣﻮ ﺍﻧﻲ ﻣﻮ ﻣﻦ ﺍﻟﻤﻮﺻﻞ
ﻋﻠﻲ .... ﻫﺎ ﺟﺎﻣﻨﻴﻦ ﻳﺒﻌﺪ ﺍﺧﻮﻙ
ﺃﻧﻲ ﻣﻦ ﺍﻷﺭﺩﻥ
ﺍﻷﺭﺩﻥ ﺟﺎ ﺷﻌﻨﺪﻙ ﺟﺎﻱ ﻟﻬﻨﺎ
ﺃﻧﻲ ﺟﺎﻱ ﻣﺘﻄﻮﻉ ﻟﺨﺪﻣﺔ ﺍﻟﺪﻭﻟﻪ ﺍﻻﺳﻼﻣﻴﻪ
ﻋﺎﺩ ﻫﻨﺎ ﻋﻤﺮ ﺍﻧﻔﺠﺮ ﺟﺮ ﺍﻟﺴﻼﺡ ﻣﺎﻟﺖ ﺍﻟﺮﺟﺎﻝ ﻣﺨﻠﻴﻪ ﺑﺨﺎﺻﺮﺗﻪ
ﺟﺮﻩ ﻣﻨﻪ ﻭﺧﻼ ﻋﻠﻰ ﺭﺍﺳﻪ ﻛﻠﻪ
ﻣﻨﻌﻮﻝ ﻭﺍﻟﺪﻳﻦ ﺟﺎﻱ ﻣﻦ ﺍﻷﺭﺩﻥ ﻟﻬﻨﺎ ﺗﻜﺘﻞ ﺑﺸﺒﺎﺑﻨﻪ ﻭﺭﺟﺎﻟﻪ
ﻭﺗﺴﺒﻲ ﻧﺴﻮﺍﻧﻪ ﻭﺗﻜﻮﻝ ﻋﻠﻴﻬﻢ ﺟﺒﻨﺎﺀ
ﺍﻟﻴﻮﻡ ﻣﻮﺗﻚ ﻋﻠﻰ ﺍﻳﺪﻱ
ﺩﺧﻴﻠﻜﻢ ﺍﻧﺎ ﻣﺎ ﻣﺴﻮﻱ ﺷﻲ
ﻭﻟﻚ ﻳﺎ ﻣﺎ ﻣﺴﻮﻱ ﺷﻲ ﻫﺬﺍ ﺍﻟﺤﺠﻲ ﻛﻠﻪ ﻭﻣﺎﻣﺴﻮﻱ ﺷﻲ
ﺷﻮ ﺗﻌﺎﻝ
ﺟﺮﻩ ﻣﻦ ﻳﺎﺧﺘﻪ ﻭﺳﺤﻠﻪ ﻳﻤﻪ
ﺭﻛﻌﻪ ﺑﺠﻌﺐ ﺍﻟﻤﺴﺪﺱ ﻋﻠﻰ ﺭﺍﺳﻪ
ﻭﻛﻠﻲ
ﺳﻮﻕ ﻋﻠﻲ ﺧﻠﻴﻨﻪ ﻧﻜﺘﻠﻪ ﻭﻧﺬﺑﻪ ﺑﻠﺰﺑﺎﻟﻪ
ﺻﺪﻙ ﻋﺒﺮﺕ ﺳﻘﺖ ﺍﻟﺴﻴﺎﺭﻩ
ﻭﻋﻤﺮ ﻳﺪﻟﻴﻨﻲ ﻟﺤﺪ ﻣﺎ ﻭﺻﻠﻨﻪ ﺍﻟﻤﻨﻄﻘﻪ ﻣﻬﺠﻮﺭﻩ
ﺷﻤﺮﻩ ﻋﻤﺮ ﻭﻇﺮﺑﻪ ﺑﻄﻠﻘﻪ ﺑﺮﺍﺳﻪ
ﺗﺤﺮﻛﻨﻪ ﺑﺴﺮﻋﻪ
ﻟﺤﺪ ﻣﺎ ﻭﺻﻠﻨﻪ ﻟﻠﻘﺮﻳﻪ
ﻣﻜﺎﻧﻪ ﻋﻠﺤﺪﻭﺩ ﺍﻟﺴﻌﻮﺩﻳﻪ
ﺫﺑﻴﻨﻪ ﺍﻟﺴﻴﺎﺭﻩ ﻭﺭﺣﻨﻪ ﻣﺸﻲ
ﺩﺧﻠﻨﻪ ﺍﻟﻘﺮﻳﻪ ﻣﺴﻮﻳﻦ ﻣﺜﻞ ﺍﻟﺒﺎﺏ ﻣﻦ ﺳﻌﻒ ﺍﻟﻨﺨﻞ ﻭﺍﻛﻔﻴﻦ ﺛﻨﻴﻦ ﺯﻟﻢ ﺑﻠﺒﺎﺏ
ﻋﻤﺮ .... ﺍﻟﺴﻼﻡ ﻋﻠﻴﻜﻢ ﺷﺒﺎﺏ
ﻭﻋﻠﻴﻜﻢ ﺍﻟﺴﻼﻡ ﻧﻌﻢ ﺭﺍﻳﺪﻳﻦ ﺷﻲ
ﻋﻤﺮ .... ﺃﻱ ﻭﺍﻟﻠﻪ ﺟﺎﻱ ﻋﻠﻰ ﺍﻫﻠﻲ ﻫﻨﺎ ﻋﺪﻛﻢ ﺑﻠﻘﺮﻳﻪ
ﺷﻨﻮ ﺍﺳﻢ ﺭﺏ ﺍﻟﻌﺎﺋﻠﻪ
ﻋﻤﺮ .... ﺍﺳﻤﻪ ........
ﻃﻠﻊ ﺳﺠﻞ ﺍﻟﻮﻟﺪ ﻭﺑﻘﻪ ﻳﻜﻠﺐ ﺑﻴﻪ ﺷﻮﻳﻪ
ﺍﺑﺎﻭﻉ ﺍﻟﻌﻤﺮ ﻣﻠﻬﻮﻑ ﻭﻳﺒﺎﻭﻉ ﻋﻠﻰ ﺍﻟﺴﺠﻞ ﻳﺮﻳﺪ ﻳﻘﺮﺀ ﺍﺳﻢ ﺍﺑﻮﻩ
ﻭﺍﻟﺸﻮﻕ ﺑﻌﻴﻮﻧﻪ
ﻟﺤﺪ ﻣﺎ ﻟﻚ ﺍﺳﻢ ﺍﺑﻮﻩ ﺻﺎﺡ
ﻫﺬﺍ ﻫﺬﺍ ﺍﺳﻤﻪ
ﺗﻤﺎﻡ ﺩﺧﻠﻮﺍ ﺭﻭﺣﻮﺍ ﻋﻠﻰ ﻫﻞ ﺭﻗﻢ ﺧﻴﻤﺘﻬﻢ ﻫﻠﻜﺪ .......
ﺩﺧﻠﻨﻪ ﺷﻔﻨﻪ ﻧﺎﺱ ﻛﺎﺭﺛﻪ
ﻭﺟﻮﻫﻬﻢ ﺷﺎﺣﺒﻪ ﻣﺒﻴﻦ ﻋﻠﻴﻬﻪ ﺍﻟﺨﻮﻑ
ﺍﻃﻔﺎﻝ ﺗﻠﻌﺐ ﺑﺲ ﺣﺘﻰ ﻟﻌﺒﻪ ﺑﻠﻘﺘﻞ ﻭﺍﻟﺤﺮﻭﺏ
ﺃﻭﻭﻭﻑ ﻭﻳﻦ ﺟﺎﻧﺖ ﺍﻟﻌﺎﺑﻨﻪ ﻫﺴﻪ ﻟﻌﺒﻬﻢ ﺑﺲ ﺣﺮﻭﺏ ﻭﻗﺘﻞ
ﺑﻘﻴﻨﻪ ﻧﻤﺸﻲ ﻟﺤﺪ ﻣﺎ ﻭﺻﻠﻨﻪ ﺍﻟﻨﺺ ﺍﻟﻤﺨﻴﻢ
ﺷﺎﻑ ﻭﻟﺪ ﻛﺎﻋﺪ ﺳﺄﻟﻪ ﻋﻤﺮ
ﺩﻻﻩ ﻋﻠﻰ ﺧﻴﻤﺔ ﺃﻫﻠﻪ
ﺍﺑﺎﻭﻉ ﺍﻟﻌﻤﺮ ﻳﻤﺸﻲ ﺑﻬﻤﻪ
ﺳﺎﻋﻪ ﻳﻈﺤﻚ ﺳﺎﻋﻪ ﻳﻐﻴﻢ
ﻟﻤﻦ ﻭﺻﻠﻨﻪ ﻗﺮﻳﺐ ﻋﻠﻰ ﺍﻟﺨﻴﻤﻪ
ﺷﺎﻑ ﻣﻦ ﺑﻌﻴﺪ ﺟﻬﺎﻝ ﻳﻠﻌﺒﻮﻥ
ﻣﺴﻚ ﺍﻳﺪﻱ ﻭﻛﻠﻲ
ﺫﻭﻻﻙ ﻭﻟﺪ ﺍﺧﻮﻱ ﺷﻮﻓﻬﻢ
ﺍﻳﺪﻩ ﺗﺮﺟﻒ
ﺧﻔﺖ ﻋﻠﻴﻪ ﻣﻦ ﺍﻟﻔﺮﺣﻪ
ﻭﺣﺴﻴﺖ ﻛﻠﺒﻪ ﺭﺍﺡ ﻳﻮﻛﻒ
ﻛﺘﻠﻪ ﻋﻤﺮ ﻋﻠﻰ ﻛﻴﻔﻚ
ﺻﺎﺡ ﻣﺎﺟﺪ ﻳﻌﻘﻮﺏ
ﺍﻟﺘﻔﺘﻮ ﻋﻠﻴﻪ ﺍﻟﻮﻟﺪ ﺑﻘﻮﺍ ﺻﺎﻓﻨﻴﻦ ﻋﻠﻴﻪ ﻟﺤﺪ ﻣﺎ ﻓﺘﺢ ﺫﺭﺍﻋﺎﺗﻪ ﻭﺃﺷﺮ ﺍﻟﻬﻢ ﺗﻌﺎﻟﻮﺍ
ﺍﺟﻮ ﻳﺮﻛﻈﻮﻥ
ﺷﺒﻜﻮﻩ ﻭﺭﺍﺣﻮ ﻳﺮﻛﻈﻮﻥ ﻭﻳﺼﻴﺤﻮﻥ
ﺭﺟﻊ ﻋﻤﻮ ﻋﻤﺮ
ﺭﺟﻊ ﻋﻤﻮ ﻋﻤﺮ
.......
ﺩﻗﺎﻳﻖ ﻭﻧﺸﻮﻑ ﻃﻠﻌﺖ ﻧﺎﺱ ﻣﻦ ﻛﻞ ﺍﻷﺗﺠﺎﻫﺎﺕ ﻫﻬﻬﻪ
ﺣﺎﻭﻃﻮﻧﻪ
ﻫﺬﺍ ﺍﻟﻲ ﻳﺤﻈﻦ ﺑﻌﻤﺮ
ﻭﻫﺬﺍ ﺍﻟﻲ ﻳﺒﻮﺱ ﺑﻴﻪ
ﺷﻮﻳﻪ ﻭﺃﺟﺖ ﻣﺮﻳﻪ ﺟﺒﻴﺮﻩ ﺑﻠﻌﻤﺮ ﻣﻦ ﺍﻟﻔﺮﺣﻪ ﻣﺎﺗﻜﺪﺭ ﺗﻤﺸﻲ
ﻣﻦ ﺷﺎﻓﻪ ﻋﻤﺮ ﺭﻛﻆ ﻋﻠﻴﻪ ﺷﺒﻜﻪ ﻭﻛﻌﻮﺍ ﻫﻮ ﻭﻳﺎﻫﻪ
ﻫﻴﻪ ﺗﺼﻴﺢ ﻭﻟﻴﺪﻱ
ﻭﻫﻮ ﻳﺼﻴﺢ ﺍﻣﻲ
ﻭﺍﻟﻠﻪ ﺑﺴﺎﻋﺘﻪ ﺑﺠﻴﺖ
ﺗﺬﻛﺮﺕ ﺍﻣﻲ ﻟﻮ ﺷﺎﻓﺘﻨﻲ ﺷﺮﺍﺡ ﺗﺴﻮﻱ
ﺑﻘﻴﻨﻪ ﺍﻛﺜﺮ ﻣﻦ ﻧﺺ ﺳﺎﻋﻪ
ﺷﻔﺖ ﺑﻨﻴﻪ ﻭﺍﻛﻔﻪ ﺑﻌﻴﺪ ﻭﻋﻴﻨﻪ ﻋﻠﻰ ﻋﻤﺮ ﻭﺗﺒﺠﻲ
ﻧﻀﺮﺗﻪ ﺷﻮﻕ ﻭﺣﺐ
ﻋﺮﻓﺘﻪ ﻫﺎﻱ ﺣﺒﻴﺒﺔ ﻋﻤﺮ ﻓﺮﻗﺪ
ﺑﻌﺪ ﻣﺎ ﻛﻤﻞ ﺳﻼﻡ ﻋﻤﺮ ﺭﻓﻊ ﺭﺃﺳﻪ ﻳﺒﺎﻭﻉ ﻭﻳﺪﻭﺭ
ﻟﻤﺤﻪ ﺍﺑﺘﺴﻢ ﻭﺃﺷﺮ ﺍﻟﻪ ﺗﺠﻲ
ﺻﺎﺣﻮ ﺍﻟﻜﻞ ﻭﺍﻟﻔﺮﺡ ﺑﻌﻴﻮﻧﻬﻢ
ﺗﻌﺎﻟﻲ ﻓﺮﻗﺪ
ﺍﺳﺘﺤﻴﺖ ﺍﺑﺎﻭﻉ ﺍﻟﻪ ﺑﺲ ﺟﻤﺎﻝ ﻣﻨﻈﺮ ﺷﻮﻓﺖ ﺍﺣﺒﻪ ﻳﻠﺘﻘﻮﻥ ﻏﻠﺒﺖ ﺣﺬﺭﻱ ﺧﻠﺘﻨﻲ ﺍﺗﻤﻌﻦ ﺑﻠﻤﻨﻈﺮ
ﺍﻗﺘﺮﺑﺖ ﻣﻨﻪ
ﻭﻫﻮ ﻓﺘﺢ ﺍﺩﻳﻪ ﺛﻨﻴﻨﻬﻦ ﻧﺎﺳﻲ ﻛﻞ ﻣﺎ ﺩﺍﻳﺮﻩ
ﺍﺭﺗﻤﺖ ﺑﺄﺣﻈﺎﻧﻪ
ﻏﻠﻔﻪ ﺑﺸﻮﻕ ﻭﺣﺐ ﻭﺍﺷﺘﻴﺎﻕ
ﺣﻈﻨﻪ ﺑﻜﻠﺒﻪ ﻛﺒﻞ ﺍﺩﻳﻪ
ﺩﻗﺎﻳﻖ ﻭﺑﻌﺪﻩ ﺍﻟﺘﻔﺖ ﻋﻠﻴﻪ ﻣﺜﻞ ﺍﻟﻲ ﺗﺬﻛﺮﻧﻲ
ﻣﻦ ﺷﺎﻓﻨﻲ ﺍﺑﺘﺴﻢ
ﻛﺘﻠﻪ ﺑﺮﺍﺣﺘﻚ ﺧﻴﻲ
ﻫﻬﻪ ﺍﺳﻒ ﻭﺍﻟﻠﻪ ﺍﻟﺘﻬﻴﺖ ﻋﻨﻚ
ﻻ ﻳﻤﻌﻮﺩ ﻳﺴﺘﺎﻫﻠﻮﻥ ﺗﺮﻩ
ﺍﻟﺘﻔﺖ ﻋﻠﻰ ﺍﻟﻜﻞ ﻭﻛﻠﻬﻢ
ﻫﺬﺍ ﺧﻮﻳﻲ ﻭﻋﻀﻴﺪﻱ ﻭﺍﻟﻲ ﻃﻠﻌﻨﻲ ﻣﻦ ﺍﻟﻤﻮﺕ ﺍﻛﺜﺮ ﻣﻦ ﻣﺮﻩ
ﻫﺬﺍ ﻋﻠﻲ
ﻛﻠﻪ ﺍﺑﺘﺴﻤﺖ
ﺍﺟﺖ ﺍﻣﻪ ﻋﻠﻴﻪ ﺑﺎﺳﺘﻨﻲ ﺑﻜﺼﺘﻲ ﻭﻛﺎﻟﺖ
ﺭﺣﻤﻪ ﻋﻠﻰ ﺍﻟﺒﻄﻦ ﺍﻟﺸﺎﻟﺘﻚ
ﺭﺟﻌﺘﻠﻲ ﻭﻟﻴﺪﻱ ﺍﻟﻠﻪ ﻳﺮﺟﻌﻠﻚ ﺣﻴﺎﺗﻚ
ﺩﻧﻜﺖ ﻋﻠﻰ ﺍﻳﺪﻩ ﺑﺴﺘﻪ ﻭﻛﺘﻠﻪ
ﻳﺨﻠﻴﺞ ﺭﺑﻲ
ﺑﻌﺪﻩ ﺩﺧﻠﻨﻪ ﻟﻠﺨﻴﻤﻪ
ﺍﻟﻠﻪ ﻳﺴﺎﻋﺪﻫﻢ ﺷﻠﻮﻥ ﻋﺎﻳﺸﻴﻦ ﺑﻴﻬﻪ
ﺑﻴﻮﻣﻪ ﻣﺤﺪ ﻛﻌﺪ ﻛﻞ ﺷﻮﻳﻪ ﻭﺟﺎﻱ ﻭﺍﺣﺪ ﻳﺴﻠﻢ ﻋﻠﻴﻨﻪ
ﺑﻠﻴﻞ ﻓﺮﺷﻮﻟﻨﻪ ﺑﺨﻴﻤﺔ ﺍﺧﻮ ﻧﻤﻨﻪ ﺃﻧﻲ ﻭﻋﻤﺮ ﻭﺃﺑﻮ ﻋﻤﺮ ﻭﺍﺧﻮﻩ ﺑﺎﺭﻕ
ﺍﺑﻮ ﻋﻤﺮ ....... ﺑﺎﺟﺮ ﺍﺧﺬﻛﻢ ﺍﺳﺠﻞ ﺍﻟﻜﻢ ﻋﻠﻰ ﺧﻴﻤﻪ ﻭﻏﺮﺍﻅ
ﻻ ﻋﻤﻲ ﺃﻧﻲ ﻣﺎ ﺑﺎﻗﻲ ﻫﻨﺎ
ﻟﻴﺶ ﻭﻟﻴﺪﻱ ﻭﻳﻦ ﺗﺮﻭﺡ ﺧﻠﻴﻚ ﻭﻳﺎﻧﻪ ﻟﻤﻦ ﺍﻟﻠﻪ ﻳﻔﺮﺝ
ﻳﺎﺑﻪ ﻋﻠﻲ ﺳﺎﻟﻔﺘﻪ ﺳﺎﻟﻔﻪ
ﺃﻱ ﻧﺴﻤﻊ ﺷﻌﺪﻧﻪ ﺃﺫﺍ ﻣﺎﺑﻴﻪ ﺍﺣﺮﺍﺝ
ﻋﻠﻲ ..... ﻻ ﻋﻤﻲ ﻣﺎﻛﻮ ﺃﺣﺮﺍﺝ
ﺑﺪﻳﺖ ﺍﺳﻮﻟﻒ ﺍﻟﻬﻢ ﻛﻠﺸﻲ ﻣﻦ ﻳﻮﻡ ﻃﻠﻊ ﺍﺧﻮﻱ ﻟﻠﻴﻮﻡ
ﺍﺑﺘﻌﺪﺕ ﻋﻦ ﺳﺎﻟﻔﺔ ﺍﻟﻘﺘﻞ ﻭﻏﻴﺮﻩ ﺣﺘﻰ ﻻ ﺃﺋﺬﻱ ﻣﺸﺎﻋﺮﻫﻢ
ﺑﺲ ﻋﻤﺮ ﺳﻮﻟﻔﻠﻬﻢ
ﻓﺮﺣﻮ ﺑﻠﻲ ﺳﻮﻳﻨﺎ ﻭﻛﺎﻟﻮ ﻳﺎﺭﻳﺖ ﺟﻨﻪ ﻭﻳﺎﻛﻢ
ﺣﻘﻴﻘﻪ ﺗﻔﺎﺟﺌﺔ ﺑﻜﻤﻴﺔ ﺍﻟﻐﻴﺮﻩ ﺍﻟﻲ ﻋﺪﻫﻢ ﻋﻠﻰ ﻭﻃﻨﻬﻢ
ﻣﺎﻋﺮﻑ ﺑﻴﺶ ﺍﻟﺴﺎﻋﻪ ﻧﻤﻨﻪ
ﻛﻌﺪﺕ ﻋﻠﻰ ﺻﻮﺕ ﺍﺑﻮ ﻋﻤﺮ ﻳﻜﻌﺪ ﺑﻌﻤﺮ ﻳﻜﻠﻪ ﺍﻛﻌﺪ ﺍﻟﺴﺎﻋﻪ ﺑﻠﻮﺣﺪﻩ ﺍﻟﻀﻬﺮ ﺍﻛﻌﺪﻭﺍ ﺍﺗﻐﺪﻭ
.......
ﻋﻤﺮ .... ﺣﻴﻞ ﻫﺎﻱ ﺷﻜﺪ ﻧﺎﻳﻤﻴﻦ
ﺍﺑﻮ ﻋﻤﺮ .... ﺍﻟﻠﻪ ﻳﺴﺎﻋﺪﻛﻢ ﻳﺎﺑﻪ ﻣﻦ ﺍﻟﺘﻌﺐ ﺍﻟﺸﻔﺘﻮﺍ
ﻋﻠﻲ ..... ﺷﻠﺖ ﺭﺍﺳﻲ ﻭﻛﺘﻠﻬﻢ ﺻﺒﺎﺡ ﺍﻟﺨﻴﺮ
ﺻﺒﺎﺡ ﺍﻟﻨﻮﺭ ﻳﻠﻠﻪ ﻋﻤﻲ ﺍﻛﻌﺪﻭ ﺍﺗﻐﺪﻭ ﺧﺎﻃﺮ ﻧﺮﻭﺡ ﻧﺴﺠﻞ ﺍﺳﻤﺎﺋﻜﻢ
ﻋﻠﻰ ... ﻋﻤﻲ ﻣﻮ ﻛﺘﻠﻚ ﺍﻧﺎ ﻣﺎﺑﺎﻗﻲ ﻫﻨﺎ
ﻣﻴﺨﺎﻟﻒ ﻣﻴﺼﻴﺮ ﺣﺘﻰ ﻟﻮ ﻣﻮ ﺑﺎﻗﻲ ﺑﺲ ﻻﺯﻡ ﺗﺴﺠﻞ ﺍﺳﻤﻚ
ﻭﻫﻢ ﺍﻛﻮ ﻣﻨﻈﻤﻪ ﻣﻦ ﺍﻟﻬﻼﻝ ﺍﻷﺣﻤﺮ ﺟﺎﻳﻪ ﺍﻟﻴﻮﻡ ﻧﺴﺄﻝ ﻋﻠﻰ ﺍﺧﻮﻙ ﺑﻠﻜﺖ ﻧﻠﻜﺎﻟﻪ ﺧﺒﺮ
ﻻﻥ ﻫﺎﻱ ﺍﻟﻤﻨﻈﻤﻪ ﻭﻳﻦ ﺃﻛﻮ ﻧﺎﺯﺣﻴﻦ ﺗﺮﻭﺡ ﻋﻠﻴﻬﻢ ﺗﺴﺠﻞ ﺍﺳﻤﺎﺋﻬﻢ
ﻛﻌﺪﺕ ﻋﺪﻝ ﻛﺘﻠﻪ
ﺃﻱ ﻭﺍﻟﻠﻪ ﻳﺎﺭﻳﺖ
ﻳﻠﻠﻪ ﻟﻌﺪ ﻛﻮﻡ ﻏﺴﻞ ﻭﺗﻐﺪﻩ ﺣﺘﻰ ﻧﺮﻭﺡ ﻛﺒﻞ ﻻ ﻳﺼﻴﺮ ﺍﺯﺩﺣﺎﻡ
ﻃﻠﻌﺖ ﻣﻦ ﺍﻟﺨﻴﻤﻪ ﻣﺨﻠﻴﻦ ﺧﺰﺍﻥ ﻣﺎﻱ ﻭﻳﻨﻪ ﺣﻤﺎﻣﺎﺕ
ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﻃﻠﻌﺖ
ﺭﺟﻌﺖ ﻟﻠﺨﻴﻤﻪ ﻟﻜﻴﺖ ﺍﻟﻐﺪﻩ ﺣﺎﻇﺮ ﺗﻐﺪﻳﻨﻪ ﻭﺷﺮﺑﻨﻪ ﺟﺎﻱ ﻭﺗﻮﺟﻬﻨﻪ ﻟﻠﻤﻨﻈﻤﻪ
ﺣﻴﺪﺭ ......
ﺍﻟﻴﻮﻡ ﺭﺍﺡ ﺗﺠﻲ ﻣﻨﻈﻤﺔ ﺍﻟﻬﻼﻝ ﺍﻷﺣﻤﺮ ﺍﻟﻲ ﺳﺠﻠﺖ ﺍﺳﻤﻲ ﺑﻠﻜﺖ ﻭﺻﻠﻮ ﺍﺳﻤﻲ ﻟﻬﻠﻲ
ﻭﺟﺎﻳﺒﻴﻠﻲ ﺧﺒﺮ ﻣﻨﻬﻢ
ﻃﻠﻌﺖ ﻣﻦ ﺍﻟﺼﺒﺢ ﻣﺎﻟﻜﻴﺘﻬﻢ ﺟﺎﻳﻴﻦ ﻛﺎﻟﻮ ﻭﺭﻯ ﺍﻟﻈﻬﺮ ﻳﺠﻮﻥ
ﺭﺟﻌﺖ ﻟﻠﺨﻴﻤﻪ ﻟﻜﻴﺖ ﺃﻡ ﻓﻴﺼﻞ ﻛﺎﻋﺪﻩ ﻭﺟﺎﻳﻬﻪ ﻳﻤﻪ ﻣﺮﻳﺖ ﻋﻠﻴﻬﻪ
ﺍﻟﺴﻼﻡ ﻋﻠﻴﻜﻢ ﺍﻡ ﻓﻴﺼﻞ
ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ ﺍﺟﻴﺖ ﺑﻮﻛﺘﻚ ﺷﻠﻮﻥ ﺟﺎﻱ ﻣﻬﻴﻞ ﻳﻠﻮﻙ ﺍﻟﻬﻞ ﺣﻠﻚ
ﺗﺴﻠﻤﻴﻦ ﺧﺎﻟﻪ ﺃﻱ ﻭﺍﻟﻠﻪ ﻣﺤﺘﺎﺝ ﺟﺎﻱ
ﺻﺒﺘﻠﻲ ﻛﻼﺹ ﻭﻛﻌﺪﺕ ﻳﻤﻪ ﻛﺎﻟﺖ
ﺍﻣﺲ ﻳﻜﻮﻟﻮﻥ ﺟﺎﻳﻴﻦ ﺛﻨﻴﻦ ﻭﻟﺪ ﻣﻦ ﺍﻟﺤﺸﺪ ﻟﻬﻠﻬﻢ ﻫﻨﺎ
ﻓﺰ ﻛﻠﺒﻲ ﻣﻦ ﺳﻤﻌﺖ ﻣﺎﻋﺮﻑ ﻟﻴﺶ ﻛﺘﻠﻬﻪ
ﻣﻨﻴﻦ ﺫﻭﻟﻪ
ﻣﺎﻋﺮﻑ ﺑﺲ ﺳﻤﻌﺖ ﻫﻤﻪ ﺑﻠﺤﺸﺪ ﻭﻋﺎﻓﻮﻩ ﻭﺍﺟﻮ ﻳﺪﻭﺭﻭﻥ ﻋﻠﻰ ﺍﻫﻠﻬﻢ
ﻭﻟﻜﻮﻫﻢ
ﺃﻱ ﻟﻜﻮﻫﻢ ﻫﻨﺎ ﻧﺎﺯﺣﻴﻦ ﻣﻦ ﺑﻴﻮﺗﻬﻢ
ﺧﻄﻴﻪ ﺍﻟﻠﻪ ﻳﺴﺎﻋﺪﻫﻢ ﺑﺲ ﺷﻠﻮﻥ ﻛﺪﺭﻭ ﻳﻮﺻﻠﻮﻥ
ﻳﻮﻭ ﻟﻮ ﺗﺴﻤﻊ ﺍﻟﻤﺼﺎﻳﺐ ﺍﻟﺼﺎﻳﺮﻩ ﺑﻴﻬﻢ
ﺑﺲ ﺭﺑﻚ ﻟﻮ ﺭﺍﺩ ﻳﻨﺠﻲ ﻭﺍﺣﺪ
ﻭﻧﻌﻢ ﺑﻠﻠﻪ ﺻﺪﻙ ﺧﺎﻟﻪ ﺃﻧﺎ ﻫﺴﻰ ﻣﺎﺿﻦ ﺑﻘﻪ ﻭﺍﺣﺪ ﻣﻦ ﺭﺑﻌﻲ ﺑﺲ ﺍﻧﺎ
ﻻ ﻭﻟﻚ ﻳﻜﻠﻚ ﻫﻮﺍﻱ ﻃﺎﻟﻌﻴﻦ ﻣﻦ ﺳﺒﺎﻳﻜﺮ
ﺻﺪﻙ ﻣﻨﻬﻮ ﻛﻠﺞ
ﺍﻟﻮﺍﺩﻡ ﺗﺤﺠﻲ
ﺍﻟﻌﺼﺮ ﻧﺮﻭﺡ ﻧﺸﻮﻓﻬﻢ ﺗﺮﻭﺡ ﻭﻳﺎﻱ
ﺃﻱ ﻃﺒﻌﺎ ﺍﺭﻭﺡ
ﻏﻠﻔﻨﻲ ﺍﻟﻔﻀﻮﻝ ﺍﺭﻳﺪ ﺍﺷﻮﻑ ﺷﻠﻮﻥ ﻛﺪﺭﻭ ﻳﻮﺻﻠﻮﻥ ﻟﻬﻨﺎ
ﻷﻥ ﺍﻟﻤﻨﻄﻘﻪ ﻛﻠﺶ ﺑﻌﻴﺪﻩ ﻭﺍﻟﻲ ﻳﺮﻳﺪ ﻳﻮﺻﻞ ﺍﻟﻪ ﻻﺯﻡ ﻳﻤﺮ ﺑﻠﻤﻮﺻﻞ ﻛﻠﻪ ﻳﻌﺒﺮﻩ ﻣﻌﻘﻮﻟﻪ ﻋﺎﺑﺮﻳﻦ ﺍﻟﻤﻮﺻﻞ ﻭﻫﺎﻱ ﺍﻟﺪﻧﻴﻪ ﺍﻟﻤﻜﻠﻮﺑﻪ
ﺭﺟﻌﺖ ﻟﻠﺨﻴﻤﻪ ﻟﻜﻴﺖ ﺍﻟﻮﻟﺪ ﻧﺎﻳﻤﻴﻦ ﻛﻌﺪﺗﻬﻢ ﺗﺮﻳﻜﻮ ﻭﺳﻮﻟﻔﺖ ﺍﻟﻬﻢ ﻋﻠﻰ ﺍﻟﻮﻟﺪ
ﻟﻠﻌﺼﺮ ﻃﻠﻌﻨﻪ ﺍﻧﺸﻮﻑ ﺍﻷﺳﻤﺎﺀ
.....
ﻭﺻﻠﻨﻪ ﻫﻮﺳﻪ ﻭﺻﻴﺎﺡ
ﻧﺎﺱ ﺗﻌﻴﻂ ﻋﻠﻰ ﻧﺎﺱ
ﺟﺎﻳﺒﻴﻦ ﻭﻳﺎﻫﻢ ﺑﻄﺎﻧﻴﺎﺕ ﻭﻣﻮﺍﺩ ﺻﺤﻴﻪ
ﻭﺍﻟﺪﻧﻴﻪ ﻧﻜﻠﺒﺖ ﻋﻠﻴﻬﻢ
ﻛﻮﻩ ﻃﻠﻌﻨﻪ ﻣﻦ ﺍﻟﻬﻮﺳﻪ
ﻟﻜﻴﻨﻪ ﻣﻌﻠﻜﻴﻦ ﺃﺳﻤﺎﺀ ﺍﻟﻨﺎﺱ ﺍﻟﻲ ﻭﺍﺻﻠﻴﻦ ﻷﻫﻠﻬﻢ
ﺩﻭﺭﺕ ﻣﺎ ﻟﻜﻴﺖ ﺍﺳﻤﻲ ﺭﺣﺖ ﺳﺄﻟﺖ ﻛﺎﻟﻮ
ﺑﻌﺪ ﺍﻛﻮ ﻭﺟﺒﻪ ﺛﺎﻧﻴﻪ ﻛﻢ ﻳﻮﻡ ﻭﻳﻨﺰﻟﻮﻫﻦ
ﺭﺟﻌﻨﻪ ﻟﻠﺨﻴﻤﻪ ﻟﻜﻴﺖ ﺃﻡ ﻓﻴﺼﻞ ﻻﺑﺴﻪ ﻋﺒﺎﺗﻪ ﻛﺎﻟﺖ
ﻫﺎ ﺑﺸﺮ
ﺃﺷﺮﺕ ﺍﻟﻪ ﻣﺎﻛﻮ ﺷﻲ
ﻳﻜﻮﻟﻮﻥ ﺑﻌﺪ ﺍﻛﻮ ﻭﺟﺒﻪ ﺛﺎﻧﻴﻪ
ﺍﻟﻠﻪ ﻛﺮﻳﻢ ﻛﺎﻟﺖ ﺗﺮﻭﺡ ﻭﻳﺎﻱ ﻧﺸﻮﻑ ﺍﻟﻮﻳﻼﺩ
ﺃﻱ ﻭﺍﻟﻠﻪ ﺍﺭﻭﺡ
ﺍﻟﺘﻔﺘﺖ ﻟﻠﻮﻟﺪ ﺗﺮﺣﻮﻥ
ﻛﺎﻟﻮ ﻻ
ﺭﺣﻨﻪ ﺃﻧﻲ ﻭﺍﻡ ﻓﻴﺼﻞ
ﻭﺻﻠﻨﻪ ﺍﻟﺨﻴﻤﺘﻬﻢ ﺳﻠﻤﺖ ﺃﻡ ﻓﻴﺼﻞ ﻋﻠﻰ ﺍﻟﻤﺮﻩ ﺳﺄﻟﺖ ﻋﻠﻰ ﺍﺑﻨﻬﻪ ﺍﻟﻲ ﺍﺳﻤﻪ ﻋﻤﺮ ﻛﺎﻟﺖ ﻣﻮ ﻫﻨﺎ ﺭﺍﺡ ﻳﺘﻤﺸﻰ ﻭﻳﻪ ﺻﺎﺣﺒﻪ
ﺳﺄﻟﺘﻪ ﺧﺎﻟﻪ ﻫﻮ ﻣﻨﻴﻦ ﺍﻟﻮﻟﺪ ﺍﻟﻮﻳﺎ
ﻣﻦ ﺍﻟﻌﻤﺎﺭﻩ
ﻛﻠﺒﻲ ﺍﻧﺘﻔﺾ ﻣﻦ ﺳﻤﻌﺖ ﺍﺳﻢ ﺍﻟﻌﻤﺎﺭﻩ
ﻫﻴﺞ ﻭﻳﻄﻠﻊ ﻳﻌﺮﻑ ﻭﺍﺣﺪ ﻣﻦ ﻫﻠﻲ
ﺭﺟﻌﺖ ﻟﻠﺨﻴﻤﻪ ﻭﺑﺎﻟﻲ ﻣﻴﺖ ﺣﺴﺒﻪ
ﻋﻠﻲ ......
ﺭﺣﻨﻪ ﻟﻤﻘﺮ ﺍﻟﻤﻨﻈﻤﻪ ﻟﻜﻴﻨﻪ ﺍﻷﻣﻪ ﻣﻜﻠﻮﺑﻪ
ﻧﺎﺱ ﺗﺴﺘﻠﻢ ﺑﻄﺎﻧﻴﺎﺕ
ﻧﺎﺱ ﺗﺴﺘﻠﻢ ﻣﺴﺎﻋﺪﺍﺕ
ﻧﺎﺱ ﺗﺴﺄﻝ ﻋﻦ ﺃﻫﻠﻪ
ﺍﺑﻮ ﻋﻤﺮ ﻳﻌﺮﻑ ﻭﺍﺣﺪ ﺑﻠﻤﻨﻈﻤﻪ ﺩﺧﻠﻨﻪ ﻋﻠﻴﻪ ﺳﺠﻞ ﺍﺳﻤﺎﺋﻨﻪ ﻭﻧﻄﺎﻧﻪ ﺧﻴﻤﻪ
ﺭﺟﻌﻨﻪ ﻟﻠﺨﻴﻤﻪ ﺍﺧﺬﻭ ﺍﻟﻮﻟﺪ ﺧﻴﻤﺘﻨﻪ ﻭﻛﺎﻟﻮ ﺍﺣﻨﻪ ﻧﺒﻨﻴﻪ
ﻓﻜﻠﺖ ﺍﻟﻌﻤﺮ ﺧﻠﻴﻨﻪ ﻧﻄﻠﻊ ﻧﺘﻤﺸﻪ ﺷﻮﻳﻪ
ﻃﻠﻌﻨﻪ ﺍﻓﺘﺮﻳﻨﻪ ﺑﻴﻦ ﺍﻟﻤﺨﻴﻤﺎﺕ
ﺍﻟﺤﺎﻟﻪ ﻛﻠﺶ ﺗﻌﺒﺎﻧﻪ
ﻋﻤﺮ .... ﺑﻌﺪﻙ ﺧﻠﻲ ﻳﺠﻲ ﺍﻟﺸﺘﺎﺀ ﻭﺍﻟﻤﻄﺮ ﻭﺷﻮﻑ ﺍﻟﺤﺎﻟﻪ ﺷﻠﻮﻥ ﺗﺼﻴﺮ ﻭﺧﺎﺻﻪ ﻫﺎﻱ ﺍﻟﻤﻨﻄﻘﻪ ﺍﻣﻄﺎﺭﻫﻪ ﻏﺰﻳﺮﻩ
ﻋﻠﻲ .... ﻻ ﺣﻮﻝ ﺍﻟﻠﻪ ﺍﻥ ﺷﺎﺀ ﺍﻟﻠﻪ ﻣﺘﺒﻘﻮﻥ ﻫﻨﺎ ﻟﻠﺸﺘﺎﺀ
ﻋﻤﺮ .... ﺑﻴﻨﻲ ﻭﺑﻴﻨﻚ ﺍﺷﻚ ﻧﺮﺟﻊ ﺑﻬﺎﻱ ﺍﻟﺸﺘﻮﻳﻪ ﻋﻠﻰ ﺍﻟﻲ ﺷﻔﻨﺎ ﻣﻦ ﺍﻟﺪﻭﺍﻋﺶ ﺑﻌﺪﻫﻢ ﻣﺴﻴﻄﺮﻳﻦ
ﻋﻠﻲ .... ﻻ ﻳﺨﻮﻱ ﻭﺩﺍﻋﺘﻚ ﺷﻐﻠﺘﻬﻢ ﻛﺎﻇﻴﻪ ﻛﻠﻪ ﻛﻢ ﺷﻬﺮ ﻭﻣﺎ ﺗﺸﻮﻑ ﻏﻴﺮ ﺍﻟﺠﻴﺶ ﺩﺍﺧﻞ ﻭﻣﻄﻴﺢ ﺣﻈﻬﻢ
ﺍﻟﻠﻪ ﻛﺮﻳﻢ
ﺑﻌﺪﻩ ﺭﺟﻌﻨﻪ ﻟﻠﺒﻴﺖ ﺗﻠﻜﺘﻨﻪ ﺃﻡ ﻋﻤﺮ ﻛﺎﻟﺖ
ﺍﺟﺖ ﻋﻠﻴﻜﻢ ﺍﻣﺮﻳﻪ ﻫﻴﻪ ﻭﺃﺑﻨﻬﻪ ﺭﺍﺩﺕ ﺗﺸﻮﻓﻜﻢ
ﻋﻤﺮ .... ﻳﺎﻣﺮﻩ ﻧﻌﺮﻓﻬﻪ
ﻻ ﻫﺎﻱ ﺃﻡ ﻓﻴﺼﻞ ﺧﻴﻤﺘﻪ ﻭﺭﺍﻧﻪ ﺳﻤﻌﺖ ﺑﻴﻚ ﺭﺟﻌﺖ ﺭﺍﺩﺕ ﺗﺸﻮﻓﻜﻢ
ﻫﻬﻬﻪ ﺷﻨﻲ ﺻﺮﻧﻪ ﻓﺮﺟﻪ ﻟﻠﻨﺎﺱ ﻛﻠﻪ ﻋﻤﺮ
ﻻ ﻭﻙ ﻳﻤﻪ ﺍﻟﻤﺮﻩ ﺍﺟﺖ ﺗﺘﺤﻤﺪﻟﻚ ﺑﻠﺴﻼﻣﻪ ﻣﺎﺑﻴﻪ ﺷﻲ
ﻋﻠﻲ .... ﻻ ﺧﺎﻟﻪ ﻣﺎﺑﻴﻪ ﺷﻲ ﺑﺲ ﻫﺬﺍ ﻳﺤﺐ ﻳﺘﻤﺎﺯﺡ ﻭﻳﺎﺝ
ﺃﻱ ﻳﻤﻪ ﺍﺗﻤﺎﺯﺡ ﻭﻳﺎﺝ ﻻ ﺗﺨﻠﻴﻦ ﺑﺎﻟﺞ
ﺑﻌﺪﻩ ﻋﻤﺮ ﺍﺗﺮﺧﺺ ﻣﻨﻲ ﻛﺎﻝ ﻋﻨﺪﻱ ﺷﻐﻠﻪ ﺍﻛﻤﻠﻬﻪ ﻭﺍﺟﻲ
ﻋﺮﻓﺘﻪ ﺭﺍﻳﺢ ﻳﺸﻮﻑ ﻓﺮﻗﺪ ﻫﻬﻬﻬﻪ
ﺭﺟﻌﺖ ﻟﻠﺨﻴﻤﻪ ﺳﻨﺤﺖ ﻗﺒﻞ ﺍﻟﻤﻐﺮﺏ
ﺯﻳﻨﺐ ......
ﻳﻮﻣﻴﻦ ﻣﺮﺕ ﻭﺃﻣﻲ ﻻ ﺗﺤﺮﻙ ﺍﻳﺪ ﻭﻻ ﺭﺟﻞ
ﺍﻟﺪﻛﺎﺗﺮﻩ ﻣﺨﻠﻴﻬﻪ ﻋﻠﻰ ﺍﻟﻤﻐﺬﻳﺎﺕ
ﺿﻐﻄﻪ ﻣﺎﺟﺎﻱ ﻳﺴﺘﻘﺮ
.....
ﺍﻧﻲ ﻭﺳﻌﺪ ﻭﻳﺎﻫﻪ ﻣﻜﺎﺑﻠﻴﻦ ﺑﺎﺏ ﻏﺮﻓﺘﻪ ﻭﻛﺎﻋﺪﻳﻦ ﻧﺒﺎﻭﻉ ﻣﻦ ﺍﻟﺸﺒﺎﻙ
ﺛﺎﻟﺚ ﻳﻮﻡ ﺳﻤﺤﻮﻟﻲ ﺍﺩﺧﻞ ﺍﺷﻮﻓﻬﻪ
ﺩﺧﻠﺖ ﻋﻠﻴﻪ ﺟﺎﻧﺖ ﻓﺎﻗﺪﻩ
ﻛﻌﺪﺕ ﻳﻤﻬﻪ ﻭﻟﺰﻣﺖ ﺍﻳﺪﻩ ﺑﻘﻴﺖ ﺍﺑﻮﺱ ﺑﻴﻬﻪ ﻭﺍﺣﺠﻲ ﻭﻳﺎﻫﻪ
ﺃﻭﻑ ﻳﺎ ﺃﻳﺪﺝ ﺷﻜﺪ ﺗﻌﺒﺖ ﻭﻳﺎﻧﻪ
ﻭﺧﺎﺻﻪ ﺃﻧﻲ ﻷﻥ ﻣﻦ ﺻﺮﺕ ﻟﻠﺪﻧﻴﻪ ﺛﺎﻟﺚ ﻳﻮﻡ ﺻﺎﺭ ﺑﻴﻪ ﺍﺑﻮ ﺻﻔﺎﺭ ﺣﺎﺩ
ﻭﺩﺧﻠﺖ ﺑﻴﻪ ﻟﻠﻤﺴﺘﺸﻔﻰ
ﺑﻘﺖ ﺳﺖ ﺍﻳﺎﻡ ﺑﺪﻟﻠﻮﻟﻲ ﺩﻣﻲ ﻣﺮﺗﻴﻦ
ﻭﺑﻌﺪ ﻣﺎ ﻃﻠﻌﻨﻪ ﺑﺸﻬﺮ
ﺻﺎﺭ ﻋﻨﺪﻱ ﺗﺴﻤﻢ ﺑﻠﺪﻡ ﺍﺣﺘﺎﺭﻭ ﺑﻴﻪ ﻟﺤﺪ ﻣﺎ ﺻﺎﺭ ﻋﻤﺮﻱ ﺷﻬﺮﻳﻦ ﻫﻴﻪ ﺳﺎﻛﻨﻪ ﺍﻟﻤﺴﺘﺸﻔﻴﺎﺕ
ﻭﻣﻦ ﺟﻨﺖ ﺍﺳﺄﻟﻪ
ﻟﻴﺶ ﻫﻠﻜﺪ ﺍﻋﺘﻨﻴﺘﻲ ﺑﻴﻪ ﺟﺎﻥ ﻋﻔﺘﻴﻨﻲ ﺃﻣﻮﺕ
ﺟﺎﻧﺖ ﺗﻜﻠﻲ
ﺍﺳﻢ ﺍﻟﻠﻪ ﻋﻠﻴﺞ ﻭﻟﺞ ﻏﻴﺮ ﺍﻧﺘﻲ ﺍﻟﻨﻔﺲ ﺍﻟﻴﺼﻌﺪ ﻭﻳﻨﺰﻝ ﺷﻠﻮﻥ ﺗﺮﺩﻳﻨﻲ ﺍﺗﺮﻛﺞ
ﺑﻌﺪ ﻋﻤﺮﻱ ﻳﻤﻪ ﻻ ﺗﺮﺣﻴﻦ ﻭﺗﻌﻮﻓﻴﻨﻲ
ﺟﺎ ﺍﻧﺎ ﻣﻨﻮ ﺍﻟﻲ ﻣﻦ ﺑﻌﺪﺝ
ﺍﺧﻮﺗﻲ ﺍﻟﻠﻪ ﺍﻟﻴﻌﻠﻢ ﻭﻳﻦ ﺻﻔﻪ ﺑﻴﻬﻢ ﺍﻟﺪﻫﺮ
ﻭﻻ ﻋﻤﺎﻡ ﺍﻟﻴﻨﺸﺪ ﺑﻴﻬﻢ ﺍﻟﻈﻬﺮ
ﺣﺘﻰ ﺧﻮﺍﻟﻲ ﻣﻮﺵ ﻛﺪ ﺍﻟﻤﺴﺆﻟﻴﻪ
ﺍﻧﺎ ﻣﻮﺵ ﻋﺰﻳﺰﺗﺞ ﺗﺮﺿﻴﻠﻲ ﺍﻟﺘﻌﺐ ﻭﺍﻟﻘﻬﺮ
ﺣﺴﻴﺖ ﺍﻳﺪﻩ ﺗﺤﺮﻛﺖ ﻭﻟﺰﻣﺖ ﺍﻳﺪﻱ
ﻳﺎﺑﻌﺪ ﻋﻤﺮﻱ ﻳﻤﻪ ﺣﺴﻴﺘﻲ ﺑﻴﻪ
ﻃﻠﻌﺖ ﺍﺭﻛﻆ ﻟﻠﺪﻛﺘﻮﺭ
ﻻﻛﺎﻧﻲ ﺳﻌﺪ ﻛﻠﻲ ﻫﺎ ﺷﺒﻴﺞ ﺗﺮﻛﻈﻴﻦ
ﺃﻣﻲ ﺳﻌﺪ ﺃﻣﻲ ﻛﻌﺪﺕ
ﺍﻟﻠﻪ ﻳﺒﺸﺮﺝ ﺑﻠﺨﻴﺮ
ﺍﻧﺎ ﺭﺍﻳﺢ ﺍﺻﻴﺢ ﻟﻠﻄﺒﻴﺐ
ﻣﺸﻪ ﺳﻌﺪ ﻭﺍﻧﺎ ﺭﺩﻳﺖ ﻳﻢ ﺃﻣﻲ
ﺷﻮﻳﻪ ﻭﻃﺐ ﺳﻌﺪ ﻭﻳﺎ ﺍﻟﻄﺒﻴﺐ ﻭﻣﺮﺭﻇﺎﺕ
ﻃﻠﻌﻮﻧﻪ ﺑﺮﻩ ﻭﻫﻤﻪ ﺑﻘﻮﺍ ﻳﻔﺤﺼﻮﻥ
ﺍﻧﺎ ﺟﻨﺖ ﻭﺍﺟﻔﻪ ﺑﻠﺸﺒﺎﺝ ﺍﺑﺎﻭﻉ ﻋﻠﻴﻬﻢ ﺗﻘﺮﺏ ﻋﻠﻲ ﺳﻌﺪ ﻭﺷﺎﻭﺭﻧﻲ
ﺍﻧﺎ ﺯﻋﻼﻥ ﻣﻨﺞ
ﺗﺒﺎﻭﻋﺖ ﻋﻠﻴﻪ ﻛﺘﻠﻪ ﻣﺎ ﻋﺎﺵ ﺍﻟﻴﺰﻋﻠﻚ
ﻟﻴﺶ ﺗﺸﺠﻴﻦ ﻟﻤﺞ ﻭﺗﻜﻠﻴﻠﻪ ﻣﺎﻋﻨﺪﻱ ﺳﻨﺪ ﺟﺎ ﺍﻧﺎ ﺷﻨﻬﻮ
ﻣﺎﺗﺪﺭﻳﻦ ﺍﻟﻲ ﻳﻤﺴﺞ ﺑﺲ ﺍﻣﺴﺤﻪ ﻣﻦ ﺍﻟﺪﻧﻴﻪ
ﻣﺎﺗﺪﺭﻳﻦ ﺭﻭﺣﻲ ﻭﻓﻠﻮﺳﻲ ﻛﻠﻪ ﻓﺪﻭﻩ ﺍﻟﺞ
ﺩﻧﻜﺖ ﻣﺴﺘﺤﻴﻪ ﻣﻨﻪ ﺷﻠﻮﻥ ﺳﻤﻊ
ﻭﺍﻟﻠﻪ ﻭﻟﻨﻌﻢ ﻣﻨﻚ ﺑﺲ ﻫﺎﻱ ﺃﻣﻲ
ﻭﺍﻧﺎ ﺳﻌﺪ ﻭﺭﻭﺡ ﺍﺑﻮﻱ ﻟﺨﻠﻴﺞ ﻣﺎﺗﺤﺘﺎﺟﻴﻦ ﻻ ﺍﻟﻌﻢ ﻭﻻ ﺍﻟﺨﺎﻝ ﻭﻻ ﺣﺘﻰ ﻟﻤﺞ ﻭﺍﺧﻮﺗﺞ
ﻛﻔﻮﺍ ﻣﻨﻚ ﻭﺍﻟﻠﻪ ﺍﻧﺎ ﻣﻮﺵ ﻗﺼﺪﻱ ﺑﺲ ﻫﻴﺞ ﺣﺴﻴﺖ ﺑﺮﻭﺣﻲ ﻣﺨﻨﻮﻛﻪ ﻭﺣﺠﻴﺖ
ﺑﻌﺪ ﺍﺑﺪ ﻻ ﺗﺤﺠﻴﻦ ﻫﻴﺞ ﺣﺘﻰ ﻟﻮ ﺑﻠﺠﺬﺏ
ﻫﺰﻳﺖ ﺭﺍﺳﻲ ﻭﺑﺘﺴﻤﺖ ﺍﻟﻪ
ﻃﻠﻊ ﺍﻟﻄﺒﻴﺐ ﻛﺎﻝ
ﺍﻟﺤﻤﺪ ﻟﻠﻪ ﺍﻟﻤﺮﻳﻈﻪ ﺍﺳﺘﻌﺎﺩﺕ ﻭﻋﻴﻬﻪ ﺑﺲ ﻳﺮﺍﺩﻟﻪ ﻳﻮﻡ ﺣﺘﻰ ﺗﻜﺪﺭ ﺗﺼﺤﻰ ﻛﺎﻣﻞ ﻭﻋﻴﻪ
ﺍﻟﺤﻤﺪ ﻟﻠﻪ ﺑﺲ ﻧﻜﺪﺭ ﻧﺸﻮﻓﻪ
ﺃﻱ ﻃﺒﻌﺎ ﺑﺲ ﻫﺎ ﻫﻢ ﻻ ﺗﺘﺄﺧﺮﻭﻥ ﻳﻤﻪ
ﺍﻟﺤﻤﺪ ﻟﻠﻪ ﻋﻠﻰ ﺍﻟﺴﻼﻣﻪ
ﻣﺸﻜﻮﺭ ﺩﻛﺘﻮﺭ ﻛﺎﻟﻪ ﺳﻌﺪ ﻭﺍﻧﺎ ﺩﺧﻠﺖ ﻟﻠﻐﺮﻓﻪ
ﺍﺑﺎﻭﻉ ﻟﻤﻲ ﻭﺟﻬﻪ ﻣﺘﻌﻮﺏ ﻭﺗﻮﻥ
ﺳﻼﻣﺘﺞ ﻳﺎﺑﻌﺪ ﺣﻴﻠﻲ ﺷﻠﻮﻧﺞ ﻫﺴﻰ
ﻣﻴﻪ ﻋﻄﺸﺎﻧﻪ
ﺭﺍﺡ ﻋﻨﺞ ﺍﻟﻌﻄﺶ ﻫﺴﻰ ﺍﻃﻴﺞ ﻣﺎﻱ
ﺳﻌﺪ .... ﺍﻭﻛﻔﻲ ﻻ ﺗﻄﻴﻪ ﺧﻠﻴﻨﻲ ﺍﻣﺸﻲ ﺃﺳﺄﻝ ﺍﻟﻄﺒﻴﺐ ﻭﺭﺩ ﺧﺎﻑ ﻣﺎﻳﻘﺒﻞ
ﺧﻮﺵ ﺭﻭﺡ ﺑﺴﺮﻋﻪ
ﻟﻴﻠﻰ .....
ﺗﻤﺮ ﺍﻷﻳﺎﻡ ﻋﻠﻴﻨﻪ ﺑﻄﻴﺌﻪ ﺑﻐﻴﺎﺏ ﺍﻷﺣﺒﺎﺏ
ﻧﻜﻈﻲ ﺍﻟﻴﻮﻡ ﻧﻮﻡ ﻟﻮ ﺃﻛﻞ
ﻟﺪﺭﺟﻪ ﺻﺮﺕ ﺳﻤﻴﻨﻪ
ﻭﻛﻔﺖ ﻋﻠﻰ ﺍﻟﻤﺮﺍﻳﻪ ﺃﺑﺎﻭﻉ ﺍﻟﺠﺴﻤﻲ
ﺳﻤﻴﻦ ﻣﻼﺑﺴﻲ ﻣﺎﻛﺎﻣﺖ ﺗﺼﻴﺮ ﻋﻠﻴﻪ
ﺃﻧﻲ ﻣﻦ ﺩﺧﻠﺖ ﺍﻟﻬﺬﺍ ﺍﻟﺒﻴﺖ ﻟﻜﻴﺖ ﻣﻼﺑﺲ ﻣﺎﻝ ﺑﺘﻬﻢ ﻟﺒﺴﺘﻪ ﺻﺎﺭﺕ ﻋﻠﻴﻪ
ﻫﺴﻪ ﻻ ﺻﺎﺭﺕ ﺿﻴﻜﻪ
ﻟﺪﺭﺟﻪ ﺻﺮﺕ ﺍﺳﺘﺤﻲ ﺍﻟﺒﺴﻪ ﻛﺪﺍﻡ ﺍﻟﻮﻟﺪ
ﺩﺧﻠﺖ ﻣﺎﻣﺎ ﻛﺎﻟﺖ
ﻟﻮﻟﻴﺘﺎ ﺗﻌﺎﻟﻲ ﺃﻏﺴﻠﻲ ﺍﻟﺼﺤﻮﻥ
ﻣﺎﻣﺎ ﻣﻮ ﺻﺎﻳﺮﻩ ﺳﻤﻴﻨﻪ ﺃﻧﻲ
ﻫﻬﻬﻪ ﺍﺳﻢ ﺍﻟﻠﻪ ﻋﻠﻴﺞ ﺗﺨﺒﻠﻴﻦ ﺣﺒﻴﺒﺘﻲ
ﻻ ﻣﺎﻣﺎ ﻣﺤﻠﻮ ﺍﻟﺴﻤﻦ ﻋﻠﻴﻪ
ﺑﻠﻌﻜﺲ ﺧﺪﻭﺩﺝ ﻣﺘﻔﺤﺎﺕ ﺻﺎﻳﺮﺍﺕ ﻣﺜﻞ ﺍﻟﺘﻔﺎﺡ
ﺍﻟﻤﻼﺑﺲ ﺻﺎﻳﺮﻩ ﻋﻠﻴﻪ ﺿﻴﻜﻪ
ﺃﻱ ﺻﺢ ﺷﻔﺖ ﻣﻜﻴﻨﻪ ﺑﻠﻤﺨﺰﻥ ﺭﺍﺡ ﺍﻃﻠﻌﻪ ﻭﺳﻮﻳﻠﺞ ﻛﻢ ﺛﻮﺏ ﻣﻦ ﺛﻮﺍﺏ ﺍﻟﺤﺠﻴﻪ ﺍﻟﻜﺒﻴﺮﻩ ﺷﻮﻳﻪ ﻧﻔﻬﺎﺕ
ﻻ ﺷﻨﻮ ﺛﻮﺍﺏ ﺍﻟﺤﺠﻴﻪ ﻣﺎﺭﻳﺪ ﻣﻮﺩﻳﻠﻬﻢ ﻗﺪﻳﻢ
ﻻ ﻳﻤﺎﻣﺎ ﺍﺳﻮﻳﻬﻦ ﺍﻟﺞ ﻧﻐﻴﺮ ﺑﻴﻬﻦ
ﻭﻫﺴﻪ ﻛﻮﻣﻲ ﻏﺴﻠﻲ ﺍﻟﺼﺤﻮﻥ ﺣﺘﻰ ﻧﻄﻠﻊ ﺍﻟﻤﻜﻴﻨﻪ
ﺍﻭﻛﻲ ﺭﺍﻳﺤﻪ
ﺣﻴﺪﺭ .... ﺑﻌﺪ ﻳﻮﻣﻴﻦ ﺭﺣﺖ ﻋﻠﻰ ﺃﻡ ﻓﻴﺼﻞ ﻛﺘﻠﻪ
ﺧﺎﻟﻪ ﺭﺣﺘﻲ ﻟﻠﻮﻟﺪ ﺍﻟﻲ ﺃﺝ ﻣﻦ ﺍﻟﻌﻤﺎﺭﻩ
ﻻ ﻭﺍﻟﻠﻪ ﺧﺎﻟﻪ ﻣﻮ ﺭﺣﺖ ﺍﻧﺎ ﻭﻳﺎﻙ ﺑﻌﺪ ﻣﺎﺭﺣﺖ
ﺧﻠﻲ ﻧﺮﻭﺡ ﻫﺴﻪ
ﻫﺴﻪ ﻫﺴﻪ
ﺃﻱ ﻫﺴﻪ ﻟﻴﺶ ﻋﻨﺪﺝ ﺷﻐﻞ
ﻻ ﻭﻟﻚ ﺷﻌﻨﺪﻱ ﺑﺲ ﻳﻠﻠﻪ ﺍﻣﺸﻴﻨﻪ
ﻳﻠﻠﻪ ﻣﻨﺘﻈﺮﺝ ﻳﻢ ﺧﻴﻤﺘﻲ
ﻃﺒﺖ ﺑﺪﻟﺖ ﻭﻃﻠﻌﺖ ﺃﺷﺮﺗﻠﻲ ﺭﺣﺖ ﻋﻠﻴﻪ
ﺭﺣﻨﻪ ﻟﻠﻮﻟﺪ ﻣﺎﻋﺮﻑ ﺭﻭﺣﻲ ﺻﺎﺭﺕ ﺑﻴﻪ ﻻﺯﻡ ﺍﺷﻮﻓﻪ ﻭﺍﺷﺘﻢ ﺭﻳﺤﺔ ﺍﻟﻌﻤﺎﺭﻩ
ﻭﺻﻠﻨﻪ ﻟﻜﻴﻨﻪ ﺟﻬﺎﻟﻬﻢ ﺑﻠﺒﺎﺏ ﻛﺎﻟﺖ ﺍﻟﻬﻢ
ﺧﺎﻟﻪ ﻳﻮﻟﺪ ﺭﻭﺡ ﺻﻴﺢ ﺟﺪﺗﻚ ﺃﻡ ﻋﻤﺮ
ﺭﻛﻆ ﺍﻟﻮﻟﺪ ﺩﺧﻞ ﺷﻮﻳﻪ ﻭﻃﻠﻌﺖ ﺍﻟﻤﺮﻩ ﻭﻳﻪ ﺍﻟﻮﻟﺪ
ﻫﻼ ﻫﻼ ﺍﻡ ﻓﻴﺼﻞ ﺷﻠﻮﻧﺞ
ﺑﻌﺪ ﻛﻠﺒﻲ ﺃﻡ ﻋﻤﺮ ﺍﻟﺤﻤﺪ ﻟﻠﻪ
ﺷﻠﻮﻧﻚ ﺧﺎﻟﻪ ﻛﺎﻟﺘﺎﻟﻲ
ﺍﻫﻼ ﺧﺎﻟﻪ ﺍﻟﺤﻤﺪ ﻟﻠﻪ
ﺗﻔﻈﻠﻮﺍ ﻟﻴﺶ ﻭﺍﻛﻔﻴﻦ
ﻭﺍﻟﻠﻪ ﺧﻴﻪ ﺟﺎﻳﻴﻦ ﻧﺸﻮﻑ ﺍﻟﻮﻟﻴﺪ ﺍﻟﺠﺎﻱ ﻣﻦ ﺍﻟﻌﻤﺎﺭﻩ ﻭﻻ ﺗﻜﻮﻟﻴﻦ ﻣﻮ ﻫﻨﺎ
ﻫﻬﻪ ﻻ ﻣﻮﺟﻮﺩ ﺗﻮﻩ ﺭﺩ ﻫﻮ ﻭﻋﻤﺮ ﻃﺒﻲ ﺟﻮﻩ ﻭﻫﺴﻪ ﺍﺻﻴﺤﻪ
ﺧﻮﺵ ﻳﻠﻠﻪ ﻳﻤﻪ ﻓﻮﺕ
ﻃﺒﻴﻨﻪ ﻛﻌﺪﻧﻪ ﺑﻠﺨﻴﻤﻪ ﺑﻌﺪ ﺷﻮﻳﻪ ﺳﻤﻌﻨﻪ ﺻﻮﺕ
ﻋﻠﻲ ....
ﺍﺟﺖ ﺃﻡ ﻋﻤﺮ ﻛﺎﻟﺖ ﺍﻟﻤﺮﻩ ﺟﺎﻳﻪ ﻫﻴﻪ ﻭﺑﻨﻪ ﺗﺸﻮﻓﻨﻲ
ﻣﺎﻋﺮﻑ ﻟﻴﺶ ﺷﻜﻴﺖ ﺗﻌﺮﻓﻨﻲ ﻷﻥ ﻟﻴﺶ ﻫﺎﻱ ﺍﻟﻤﻠﺤﻪ ﻋﻠﻰ ﺷﻮﻓﺘﻲ
ﺑﺪﻟﺖ ﺗﺮﺍﻙ ﻭﻃﻠﻌﺖ ﻭﻳﻪ ﻋﻤﺮ ﺍﻟﺨﻴﻤﺔ ﺍﻫﻠﻪ
ﻃﺐ ﻋﻤﺮ ﻗﺒﻠﻲ ﺳﻠﻢ ﺑﻌﺪﻧﻲ ﺑﻠﺒﺎﺏ ﻭﺳﻤﻌﺖ ﺻﻮﺕ ﺍﻟﻮﻟﺪ
ﺣﺴﻴﺘﻪ ﻳﺪﻙ ﺑﻜﻠﺒﻲ ﺻﻮﺗﻪ ﺍﻧﺎ ﺳﺎﻣﻌﻪ ﻫﺬﺍ ﺍﻟﺼﻮﺕ
ﻻ ﻣﻮﺵ ﺳﺎﻣﻌﻪ ﻣﺘﺄﻛﺪ ﻣﻨﻪ ﻳﺎﺭﺑﻲ ﺩﺧﻴﻠﻚ ﻭﻳﻄﻠﻊ ﺍﻟﻲ ﺑﺎﻟﻲ
ﺩﺧﻠﺖ ﻟﻠﺨﻴﻤﻪ ﻛﻠﺖ ﺍﻟﺴﻼﻡ ﻋﻠﻴﻜﻢ
ﺣﻴﺪﺭ .....
ﻭﻋﻠﻴﻜﻢ ﺍﻟﺴﻼﻡ ؟؟؟؟؟؟؟
........
ﻋﻠﻲ .....
ﺩﺧﻠﺖ ﻟﻠﺨﻴﻤﻪ ﻛﻠﺖ ﺍﻟﺴﻼﻡ ﻋﻠﻴﻜﻢ
ﺣﻴﺪﺭ .....
ﻭﻋﻠﻴﻜﻢ ﺍﻝ .......
ﻣﺎ ﻛﻤﻠﺖ ﺍﻟﺴﻼﻡ ﻷﻥ ﺍﻟﻲ ﺟﺎﻱ ﺃﺷﻮﻓﻪ ﻛﺪﺍﻣﻲ ﺃﺧﻮﻱ ﻋﻠﻲ
ﻣﻌﻘﻮﻟﻪ ﻟﻮ ﺟﺎﻱ ﺍﺗﻮﻫﻢ
ﻋﻠﻲ ﺑﻄﻮﻟﻪ ﺍﻟﺤﻠﻮ ﻭﻛﺸﺨﺘﻪ ﺻﺢ ﻣﺘﻐﻴﺮ ﻫﻮﺍﻱ ﺑﺲ ﻳﺒﻘﻪ ﺫﺍﻙ ﻫﻮﻩ
ﻓﺮﻛﺖ ﻋﻴﻮﻧﻲ ﻣﺮﻩ ﻣﺮﺗﻴﻦ ﻭﺍﻧﻲ ﺃﺭﺩﺩ
ﻳﺎﺭﺏ ﺩﺧﻴﻠﻚ
ﻳﺎﺭﺏ ﺩﺧﻴﻠﻚ
ﺗﻘﺮﺑﺖ ﻣﻨﻪ ﻛﺘﻠﻪ ﺍﻧﺖ ﻣﻨﻬﻮ
ﻋﻠﻲ
ﺷﻔﺖ ﺣﻴﺪﺭ ﺍﻟﻲ ﺻﺎﺭﻟﻲ ﺳﻨﺘﻴﻦ ﺍﺩﻭﺭ ﻋﻠﻴﻪ
ﺭﺑﻲ ﺭﺣﻤﺘﻪ ﻋﻠﻰ ﺳﺎﻋﻪ
ﻣﺎﻋﺮﻑ ﺷﻠﻮﻥ ﺍﻭﺻﻒ ﺷﻌﻮﺭﻱ
ﻓﺮﺣﺎﻥ ؟؟؟؟ ﻻ ﺍﻛﺜﺮ
ﻣﺼﺪﻭﻡ ؟؟؟؟ ﻳﻤﻜﻦ
ﻟﺰﻣﺖ ﻛﻠﺒﻲ ﺑﺄﻳﺪﻱ ﻭﺍﻧﻲ ﺃﻛﻠﻪ ﺃﻫﺪﺀ ﺃﻫﺪﺀ ﺩﺧﻴﻠﻚ ﻻ ﺗﻮﻛﻒ ﻫﺴﻰ
ﻣﻮﻛﺘﻪ ﺍﺭﻳﺪ ﺍﺗﺄﻛﺪ ﻣﻦ ﺃﺧﻮﻱ
ﺍﺭﻳﺪ ﺃﺣﻀﻨﻪ
ﺍﺭﻳﺪ ﺍﺷﺒﻊ ﻣﻨﻪ ﺷﻮﻑ
ﺷﻔﺘﻪ ﻫﻮ ﻫﻢ ﻣﺎ ﻣﺼﺪﻙ ﻋﻴﻮﻧﻪ ﺗﻘﺮﺏ ﻳﻤﻲ ﻭﻫﻮ ﻳﻜﻮﻝ
ﺍﻧﺖ ﻣﻨﻬﻮ
ﻋﻠﻲ ..... ﺍﻧﺖ ﻣﻨﻬﻮ ﺍﺧﻮﻱ ﺣﻴﺪﺭ ﻟﻮ ﻻ
ﻫﺰ ﺭﺍﺳﻪ ﻭﻛﺎﻝ
ﺃﻱ ﺃﻧﺎ ﺣﻴﺪﺭ ﺑﺲ ﺍﻧﺖ ﻋﻠﻲ ﺃﺧﻮﻱ
ﺃﻱ ﻋﻠﻲ ﺃﺧﻮﻙ
ﺃﺧﻮﻙ ﺍﻟﻲ ﻛﻄﻊ ﻫﺎﻱ ﺍﻟﻤﺴﺎﻓﻪ ﻛﻠﻪ ﻭﺷﻔﺖ ﺍﻟﻈﻴﻢ ﺣﺘﻰ ﺑﺲ ﺍﺳﻤﻊ ﺧﺒﺮ ﻋﻨﻚ
ﺃﺧﻮﻙ ﺍﻟﻲ ﻣﻦ ﻳﻮﻡ ﻃﻠﻌﺖ ﻣﻦ ﺍﻟﺒﻴﺖ ﻭﺍﻧﺎ ﻣﺸﻔﺖ ﻃﻌﻢ ﺍﻟﻨﻮﻡ ﻭﺍﻟﺮﺍﺣﺔ
ﺍﺧﻮﻙ ﺍﻟﻲ ﻗﺴﻤﺖ ﺑﺸﻴﻠﺔ ﺍﻣﻲ ﻣﺎ ﺃﺭﺩ ﺍﺫﺍ ﻣﺎ ﺃﺭﺩﻙ ﻭﻳﺎﻱ
ﺃﺧﻮﻙ ﺍﻟﻲ ﻋﻔﺖ ﻫﻠﻲ ﻭﻋﻤﺎﻣﻲ ﻭﺍﺟﻴﺖ ﺍﺩﻭﺭ ﻋﻠﻴﻚ
ﺃﺣﺠﻲ ﻭﻋﻴﻮﻧﻲ ﺗﺠﺮﻱ ﺩﻣﻮﻉ ﺍﻣﺴﺤﻪ ﻣﺎﺭﻳﺪ ﺷﻲ ﻳﻐﻮﺵ ﻋﻠﻰ ﺷﻮﻓﻲ ﺃﺭﻳﺪ ﺃﺷﻮﻑ ﺃﺧﻮﻱ ﺯﻳﻦ
ﺣﻴﺪﺭ .... ﻛﻞ ﻫﺬﺍ ﺻﺎﺭ ﻭﻳﺎﻙ ﻣﻦ ﻭﺭﺍﻱ
ﺍﻧﺎ ﻣﺎ ﺃﺳﺘﺎﻫﻞ ﺍﻟﻲ ﺳﻮﻳﺖ
ﻛﺒﻞ ﻻ ﻳﻜﻤﻞ ﺳﺪﻳﺖ ﺣﻠﻜﻪ ﻭﺟﺮﻳﺘﻪ ﺍﻟﺤﻈﻨﻲ
ﺃﻓﻴﻴﻴﻴﻴﻴﻴﺶ ﻳﺎﺭﻳﺤﺔ ﻫﻠﻴﻴﻴﻴﻴﻲ
ﻋﻤﺮ ..... ﻣﻌﻘﻮﻟﻪ ﻫﺬﺍ ﺃﺧﻮ ﻋﻠﻲ ﺷﻠﻮﻥ ﺻﺪﻓﻪ ﺭﺑﻲ ﺟﻤﻌﻬﻢ ﺑﻤﻜﺎﻥ ﻣﺤﺪ ﻳﻔﻜﺮ ﺑﻴﻮﻡ ﻳﻮﺻﻠﻪ
ﺃﻡ ﻓﻴﺼﻞ .....
ﻭﻟﻚ ﺣﻴﺪﺭ ﺑﺲ ﻻ ﻫﺬﺍ ﺍﺧﻮﻙ
ﻫﻬﻪ ﺃﻛﻮﻟﻦ ﻛﻤﺖ ﺗﺤﻮﺱ ﺑﺲ ﺗﺮﻳﺪ ﺗﺠﻲ ﻟﻬﻨﺎ
ﻭﺍﻧﺎ ﺣﺴﺒﺎﻟﻲ ﺗﺮﻳﺪ ﺗﺘﻌﺮﻑ ﻋﻠﻴﻪ ﺃﺛﺎﺭﻱ ﺃﺧﻴﻚ
ﺧﺎﻟﻪ ﻫﺬﺍ ﺍﺧﻮﻱ ﺷﻔﺘﻲ ﺷﻠﻮﻥ ﻛﻠﺒﻲ ﺣﺲ ﺑﻴﻪ
ﺃﻱ ﻭﺍﻟﻠﻪ ﺻﺪﻙ ﻛﻠﺒﻚ ﺣﺲ ﺭﺑﻲ ﻳﺤﻤﻴﻜﻢ ﻭﻳﺮﺩﻛﻢ ﻟﻤﻴﻤﺘﻜﻢ ﺳﺎﻟﻤﻴﻦ ﻭﺗﻔﺮﺡ ﺑﻴﻜﻢ
ﻋﻠﻲ ﺣﻴﺪﺭ
ﺃﻣﻴﻦ ﺭﺏ ﺍﻟﻌﺎﻟﻤﻴﻦ
ﻭﻟﻚ ﻋﻤﺮ ﺷﻔﺖ ﺍﻟﻠﻪ ﺷﻠﻮﻥ ﻣﺎ ﻳﻀﻴﻊ ﺗﻌﺐ
ﺷﻔﺖ ﺷﻠﻮﻥ ﺟﺎﺑﻪ ﺍﻟﻲ
ﻋﻤﺮ .... ﺣﺸﻰ ﺍﻟﻠﻪ ﻳﻀﻴﻊ ﻋﺒﺪﻩ ﺃﻟﻒ ﻣﺒﺮﻭﻙ ﺧﻴﻲ
ﺣﻴﺪﺭ ﻫﺬﺍ ﻋﻤﺮ ﺍﺧﻮﻱ ﻭﺭﻓﻴﺠﻲ
ﺍﺟﻴﺖ ﻭﻳﺎ ﻣﻦ ﺗﻜﺮﻳﺖ ﻟﻬﻨﺎ ﺍﺑﺪ ﻣﺎﻋﺎﻓﻨﻲ ﻭﻛﻒ ﻭﻳﺎﻱ ﺑﻜﻠﺸﻲ
......
ﻋﻤﺮ ... ﻻ ﻳﺨﻮﻱ ﺍﻧﺖ ﺍﻟﻮﻛﻔﺖ ﻭﻳﺎﻱ ﺗﺴﺎﻋﺪﻭﻧﻲ ﻫﻮﺍﻱ
ﺣﻴﺪﺭ ... ﺃﻟﻒ ﺷﻜﺮ ﺍﻟﻚ ﺧﻴﻲ
ﻋﻤﺮ .... ﻣﺎﻛﻮ ﺩﺍﻋﻲ ﺍﻟﻠﻪ ﻭﻛﻴﻠﻚ ﻟﻮ ﻣﺎ ﻋﻠﻲ ﺿﻌﺖ ﻣﻦ ﺯﻣﺎﻥ
ﻋﻠﻲ .....
ﺑﻘﻴﻨﻪ ﻣﺘﺤﺎﻇﻨﻴﻦ ﻣﺎﻋﺮﻑ ﺷﻜﺪ
ﺍﺑﺎﻭﻋﻠﻪ ﻭﺍﺭﺩ ﺃﺣﻀﻨﻪ ﻣﺎ ﻣﺼﺪﻙ ﻋﻴﻮﻧﻲ
ﺑﻌﺪﻩ ﻛﻌﺪﻧﻪ ﻭﺍﻧﺎ ﻻﺯﻡ ﺃﻳﺪﻩ ﻣﺜﻞ ﺃﻡ ﻭﺟﺎﻥ ﻣﺘﻴﻪ ﺃﺑﻨﻬﻪ ﻭﺗﺨﺎﻑ ﻻ ﺗﺮﻛﻪ ﻭﻳﺮﺟﻊ ﻳﻈﻴﻊ
ﺍﺣﺠﻴﻠﻲ ﺣﻴﺪﺭ ﺷﺼﺎﺭ ﺑﻴﻚ ﺷﻠﻮﻥ ﻭﺻﻠﺖ ﻟﻬﻨﺎ
ﺣﻴﺪﺭ ...... ﺍﻧﺖ ﺍﺣﺠﻴﻠﻲ ﺷﺠﺎﺑﻚ
ﻭﻟﻚ ﻏﻴﺮ ﺍﺟﻴﺖ ﻭﺭﺍﻙ
ﺃﻧﻲ ﻣﺎ ﺃﺳﺘﺎﻫﻞ ﺗﻌﺮﺽ ﻧﻔﺴﻚ ﻟﻠﻤﻮﺕ ﻋﻠﻤﻮﺩﻱ ﻋﻠﻲ ﺃﻧﺖ ﻧﻬﻴﺘﻨﻲ ﻭﺍﻧﻲ ﻣﺎ ﺍﻧﺘﻬﻴﺖ
ﺍﻧﺖ ﻋﺮﺿﺖ ﻭﺍﻧﻲ ﻣﺎ ﺳﻤﻌﺖ ﺍﻋﺘﺮﺍﻇﻚ
ﻣﻴﺨﺎﻟﻒ ﻳﺨﻮﻱ ﺍﻧﺖ ﺗﺴﺘﺎﻫﻞ ﻣﺎﻱ ﺍﻟﻌﻴﻦ
ﺣﻴﺪﺭ ... ﻣﺎﺳﻤﻌﺖ ﻋﻦ ﺃﻣﻲ
ﻻ ﻭﺍﻟﻠﻪ ﺁﺧﺮ ﻣﺮﻩ ﻗﺒﻞ ﺳﺖ ﺍﺷﻬﺮ ﻭﺻﻠﺖ ﺧﺒﺮ ﺍﻟﻘﺎﺋﺪ ﻭﻛﺘﻠﻪ ﻳﺘﺼﻞ ﺑﻴﻬﻪ ﻭﻳﻄﻤﻨﻪ
ﺣﻴﺪﺭ .... ﻫﺴﻪ ﺷﻠﻮﻥ ﺣﺎﻟﻪ
ﻋﻠﻲ .... ﺍﻟﻠﻪ ﻛﺮﻳﻢ ﺑﺎﺟﺮ ﻧﺮﺟﻌﻠﻪ ﻭﺗﺼﻴﺮ ﻛﻠﻪ ﺃﻳﺎﻡ ﻣﺎﺗﺤﺘﺴﺐ ﻣﻦ ﺣﻴﺎﺗﻨﻪ
ﺣﻴﺪﺭ ... ﺍﻟﻠﻪ ﻛﺮﻳﻢ
ﺃﻡ ﻓﻴﺼﻞ .... ﻳﻠﻠﻪ ﻳﻤﻪ ﺗﺮﻭﺡ ﻟﻮ ﻣﻦ ﻟﻜﻪ ﺣﺒﺎﺑﻪ ﻧﺴﻪ ﺍﺻﺤﺎﺑﻪ ﻫﻬﻬﻬﻬﻪ
ﻫﻬﻬﻬﻬﻪ ﻻ ﺧﺎﻟﻪ ﺍﻧﺘﻲ ﺍﻟﺨﻴﺮ ﻭﺍﻟﺒﺮﻛﺔ ﺍﻭﺻﻠﺞ ﻭﺍﺭﺟﻊ ﺍﻟﻴﻮﻡ ﺍﺭﻳﺪ ﺍﺳﻬﺮ ﻟﻠﺼﺒﺢ ﻭﻳﻪ ﻋﻼﻭﻱ
ﺧﻮﺵ ﻳﻠﻠﻪ ﻭﺻﻠﻨﻲ ﻭﺭﺩ
ﺣﻴﺪﺭ ....
ﺫﺍﻙ ﺍﻟﻴﻮﻡ ﺑﻨﺘﻪ ﺑﺨﻴﻤﺔ ﻋﻤﺮ ﻭﻋﻠﻲ
ﻣﺎﻧﻤﻨﻪ ﻟﻠﺼﺒﺢ
ﺃﻧﻲ ﺍﺳﻮﻟﻔﻠﻪ ﻭﻫﻮ ﻳﺴﻮﻟﻔﻠﻲ
ﻟﺤﺪ ﻣﺎ ﻃﺮ ﺍﻟﻔﺠﺮ
ﻛﻤﻨﻪ ﺻﻠﻴﻨﻪ ﻭﻧﻤﻨﻪ
ﺛﺎﻧﻲ ﻳﻮﻡ ﻛﻌﺪﻧﻪ ﺍﻟﻀﻬﺮ ﺗﻐﺪﻳﻨﻪ ﻭﺭﺣﻨﻪ ﺍﻟﺨﻴﻤﺘﻲ
ﺟﺒﺖ ﻏﺮﺍﺿﻲ ﻭﺩﻋﺖ ﺍﻟﻮﻟﺪ ﻭﺭﺩﻳﺖ ﻭﻳﻪ ﻋﻠﻲ
ﺑﻘﻴﻨﻪ ﻳﻮﻣﻴﻦ ﺑﻌﺪ ﻣﺎ ﺍﻟﺘﻘﻴﻨﻪ ﻭﺑﻌﺪﻩ ﺟﻨﻪ ﻛﺎﻋﺪﻳﻦ ﺍﻟﻀﻬﺮ ﺃﻧﻲ ﻭﻋﻠﻲ ﻭﻋﻤﺮ ﺟﺎﻥ ﻳﻜﻮﻝ ﻋﻠﻲ
ﻳﺨﻮﺗﻲ ﺍﻟﻲ ﺟﻨﺖ ﺍﺩﻭﺭ ﻋﻠﻴﻪ ﻟﻜﻴﺘﻪ
ﻭﺻﺎﺭ ﻻﺯﻡ ﺍﺭﺩ ﺍﻟﺪﻳﺮﺗﻲ ﻭﻫﻠﻲ
ﻋﻤﺮ .... ﻻ ﻋﻼﻭﻱ ﺑﻌﺪ ﻭﻛﺖ
ﻋﻠﻲ .... ﻻ ﻳﻌﻤﺮ ﻫﺴﻰ ﺍﻧﺖ ﺗﻄﻤﻨﺖ ﻋﻠﻰ ﻫﻠﻚ
ﻭﺍﻧﺎ ﺍﻟﺤﻤﺪ ﻟﻠﻪ ﺗﻄﻤﻨﺖ ﻋﻠﻰ ﺍﺧﻮﻱ ﺑﻌﺪ ﻻﺯﻡ ﺍﻃﻤﻦ ﺍﻟﻮﺍﻟﺪﻩ ﻋﻠﻴﻨﻪ
ﺣﻴﺪﺭ .... ﺃﻱ ﻭﺍﻟﻠﻪ ﻳﺨﻮﻱ ﺑﺲ ﺷﻠﻮﻥ ﻧﺮﺟﻊ ﺍﻟﻄﺮﻕ ﻣﺴﺪﻭﺩﻩ
ﻋﻠﻲ .... ﻣﺜﻞ ﻣﺎ ﺍﺟﻴﻨﻪ ﻧﺮﺩ
ﻋﻤﺮ .... ﺣﻴﺪﺭ ﺑﺼﻮﺕ ﻭﺍﺣﺪ
ﺷﻠﻮﻭﻭﻭﻥ
ﻋﻠﻲ .... ﺷﺒﻴﻜﻢ ﺃﻱ ﻣﺜﻞ ﻣﺎ ﺍﺟﻴﻨﻪ ﻧﺮﺩ
ﻋﻤﺮ .... ﻳﻌﻨﻲ ﺗﺮﺟﻊ ﺍﻟﺴﺎﺣﻞ ﺍﻷﻳﺴﺮ
ﻋﻠﻲ ... ﻃﺒﻌﺎ ﺟﺎ ﻭﻳﻦ ﻧﺮﻭﺡ
ﻋﻤﺮ .... ﺑﺲ
ﻋﻠﻲ .... ﻋﻤﺮ ﺧﻮﻳﻪ ﺷﻠﻮﻥ ﺃﺩﻳﺮ ﻭﺟﻬﻲ ﻋﻨﻬﻢ ﻧﺘﺮﺕ
ﺣﻴﺪﺭ .... ﺧﻮﻳﻪ ﺍﻧﺎ ﻭﻳﺎﻙ ﻭﻳﻦ ﻣﺎ ﺗﺮﻭﺡ ﺍﺭﻭﺡ ﻭﻳﺎﻙ
ﻋﻤﺮ .... ﻭﺍﻧﺎ ﻫﻢ ﻭﻳﺎﻙ ﻟﻠﻤﻮﺕ
ﻋﻠﻲ .....
ﻻ ﻻ ﻻ ﻣﺤﺪ ﻳﺮﺩ ﻭﻳﺎﻱ ﺍﻧﺘﻮ ﺗﺒﻘﻮﻥ ﻫﻨﺎ
ﻋﻤﺮ ﺍﻫﻠﻚ ﺑﺤﺎﺟﺘﻚ ﻣﺎﺻﺪﻛﻮ ﺭﺩﻳﺖ
ﻭﺍﻧﺖ ﺣﻴﺪﺭ ﺗﺒﻘﻰ ﻫﻨﺎ ﻟﺤﺪ ﻣﺎ ﺍﻟﻠﻪ ﻳﻔﺮﺟﻪ ﺑﻠﺠﻦ ﺗﺠﻲ ﻣﻨﻈﻤﺎﺕ ﺗﻨﻘﻞ ﻧﺎﺱ ﻭﺭﺩ ﻭﻳﺎﻫﻪ
ﺣﻴﺪﺭ ..... ﻭﺍﻟﻠﻪ ﻟﻮ ﺗﻨﻄﺒﻚ ﺍﻟﺪﻧﻴﻪ ﻫﻢ ﺍﺭﻭﺣﻦ ﻭﻳﺎﻙ
ﻋﻠﻲ ... ﻫﺎ ﻫﻢ ﺭﺩﻳﻨﻪ ﻟﻠﻌﻨﺎﺩﻩ
ﺣﻴﺪﺭ .... ﻣﻮﺵ ﻋﻨﺎﺩﻩ ﺑﺲ ﺷﻠﻮﻥ ﺗﺮﻇﺎﻫﻪ ﺍﺧﻠﻴﻚ ﺗﺮﻭﺡ ﻟﻠﻤﻮﺕ ﻭﺣﺪﻙ ﻭﺍﻧﺖ ﺍﻟﺠﻴﺖ ﻭﺭﺍﻱ ﺑﻨﺺ ﺍﻟﺤﺮﺏ
ﻋﻠﻲ ... ﻻ ﺗﺨﺎﻑ ﺍﻟﺤﺎﻓﻈﻪ ﺍﻟﻠﻪ ﺣﺎﻓﻈﻪ
ﻋﻠﻲ ..... ﻗﺮﺭﺕ ﺑﺎﺟﺮ ﺍﻃﻠﻊ ﻣﻦ ﺍﻟﺼﺒﺢ ﺍﺭﺩ ﻟﻠﺠﺎﻧﺐ ﺍﻷﻳﺴﺮ
ﺑﻠﻴﻞ ﻃﻠﻌﻨﻪ ﺍﻧﺎ ﻭﺣﻴﺪﺭ ﻛﻌﺪﻧﻪ ﺑﺴﺘﺎﻥ ﻗﺮﻳﺐ ﻋﻠﻰ ﺍﻟﻤﺨﻴﻢ
ﻭﺑﺎﻟﻲ ﻭﻓﻜﺮﻱ ﻭﻳﻪ ﺍﻟﻌﺎﺷﻜﻪ ﻛﻠﺒﻲ
ﺑﻨﺎﺕ ﺗﺨﻴﻠﻮﺍ ﻭﻳﺎﻱ
ﺍﺭﺑﻊ ﺃﺷﺨﺎﺹ
ﻋﻠﻲ ﻭﻟﻴﻠﻰ
ﻭﺣﻴﺪﺭ ﻭﺿﻔﺎﻑ
ﻛﺎﻋﺪﻳﻦ ﻛﻞ ﻭﺍﺣﺪ ﺑﻤﻜﺎﻥ
ﺑﺲ ﺑﻨﻔﺲ ﺍﻟﻮﻗﺖ ﻛﻠﺐ ﻭﺍﺣﺪ ﻭﻓﻜﺮ ﻭﺍﺣﺪ
ﺍﺗﻼﺷﺖ ﺍﻟﻤﺴﺎﻓﺎﺕ ﺑﻴﻨﺎﺗﻬﻢ
ﻭﺗﻘﺮﺑﺖ ﺍﻷﻧﻔﺎﺱ ﻛﺄﻧﻤﺎ ﻭﺍﺣﺪ ﻳﺸﻮﻑ ﺍﻟﺜﺎﻧﻲ
ﺗﺨﻴﻠﻮﺍ ﻭﻳﺎﻱ ﺑﻌﺪ
ﻛﻞ ﻭﺍﺣﺪ ﻣﻜﺎﺑﻞ ﺣﺒﻴﺒﺘﻪ ﻭﻛﺎﻋﺪ
ﻭﻟﺴﺎﻥ ﺣﺎﻟﻬﻢ ﻳﻜﻮﻝ
👈💘 ﻋﺸﻜﺘﻚ ﻋﺸﻚ ﺍﻋﻤﻰ ﻣﺎ ﻳﺸﻮﻑ ﺍﻟﻨﺎﺱ .
ﻫﻨﻴﺎﻟﻪ ﺍﻟﻴﺸﻮﻑ ﺍﻟﺮﺳﻢ ﻣﻜﺸﻮﻑ
ﻋﺸﻜﺘﻚ ﻭﺍﻧﻪ ﺍﺩﺭﻱ ﺍﻟﻌﺸﻚ ﻣﻤﻨﻮﻉ .
ﺑﺲ ﻣﻮ ﺑﻴﺪﻱ ﻭﺍﻟﻠﻪ ﺍﻟﻜﻠﺐ ﻣﻠﻬﻮﻑ
ﻣﻠﻬﻮﻑ ﺍﻟﻜﻠﺐ ﻣﻦ ﺣﺒﻚ ﺑﺴﺎﻉ .
ﺗﻠﻮﻉ ﺑﺎﻟﻌﺸﻚ ﺗﺎﻟﻴﺘﻪ ﻣﻜﻔﻮﻑ
ﻣﺎ ﺣﻨﻴﺖ ﺍﻟﻴﻪ ﻭﺍﻧﻪ ﻣﺸﺘﺎﻙ .
ﺭﺩﺕ ﻣﻨﻚ ﺗﺠﻴﻨﻲ ﺑﻜﻠﺐ ﻣﺨﻄﻮﻑ
ﺻﺢ ﺣﺒﻴﺖ ﺷﺨﺼﻚ ﻣﻦ ﻭﻻﻧﻲ ﺍﻟﺸﻴﺐ .
ﺑﺲ ﻳﺮﺟﻊ ﺳﻮﺍﺩ ﺍﻟﻠﻴﻞ ﻣﺤﻴﻮﻑ
ﺗﻌﺎﻝ ﻟﺨﺎﻃﺮ ﺍﻟﻠﻪ ﺍﻟﻠﻴﻞ ﺻﺎﺭ ﺍﻃﻮﻳﻞ .
ﺭﺩ ﺳﺎﻋﻪ ﻓﺮﺡ ﺍﻟﻜﻠﺐ ﻣﺨﻠﻮﻑ
ﺗﻌﺎﻝ ﺍﻗﺴﻢ ﻋﻠﻴﻚ ﺑﺪﻣﻌﺖ ﺍﻟﻌﻴﻦ
ﻳﺘﺤﺎﻟﻒ ﻛﻠﺒﻨﻪ ﺣﺎﻟﻒ ﻭﻣﺤﻠﻮﻑ
ﺗﻌﺎﻝ ﺍﻟﻠﻴﻠﻪ ﻳﻤﻲ ﻭﺭﻳﺢ ﺍﻟﺒﺎﻝ .
ﺧﺎﻑ ﺍﻟﻠﻴﻠﻪ ﺍﻭﺩﻉ ﺑﻌﺪ ﻣﺎ ﺷﻮﻑ 👉
💔💔💔
......
ﺿﻔﺎﻑ .....
ﺍﻧﺎ ﺿﻔﺎﻑ ﺑﺖ ﺧﺎﻝ ﺣﻴﺪﺭ
ﻣﻦ ﻭﻋﻴﺖ ﻋﻠﻰ ﺍﻟﺪﻧﻴﻪ ﺍﺷﻮﻑ ﺣﻴﺪﺭ ﻣﺤﺎﻭﻃﻨﻲ ﻣﻦ ﻛﻞ ﺻﻮﺏ
ﺑﻠﺒﻴﺖ
ﺑﻠﺸﺎﺭﻉ
ﺑﻠﻤﺪﺭﺳﻪ
ﺗﻌﻠﻤﺖ ﻋﻠﻰ ﻭﺟﻮﺩﻩ ﺷﻮﻛﺖ ﻣﺎ ﺃﺣﺘﺎﺟﻪ ﺍﻟﻜﻰ ﻣﻮﺟﻮﺩ
ﻛﺒﺮﺕ ﻭﺩﺧﻠﺖ ﻣﺘﻮﺳﻄﻪ ﻭﻫﻮ ﻛﻞ ﻳﻮﻡ ﻳﺄﺧﺬﻧﻲ ﻭﻳﺮﺩﻧﻲ
ﺧﻠﺼﺖ ﻣﺘﻮﺳﻄﻪ ﺭﺣﺖ ﺍﻋﺪﺍﺩﻳﻪ
ﻭﻫﻨﺎ ﺍﺑﻮﻱ ﻗﺮﺭ ﺍﺑﻄﻞ ﻣﻦ ﺍﻟﻤﺪﺭﺳﻪ
ﻟﻴﺶ ﻣﺎﻋﺮﻑ
ﺷﻨﻮ ﺍﻟﺴﺒﺐ ﻫﻢ ﻣﺎ ﺍﻋﺮﻑ
ﺍﺭﻭﺡ ﺍﻷﻣﻲ ﺗﻜﻠﻲ ﺍﺑﻮﺝ ﻳﻌﺮﻑ ﻣﺼﻠﺤﺘﺞ
ﺭﺣﺖ ﻷﺧﻮﺗﻲ ﻛﺎﻟﻮ ﺑﻜﻴﻒ ﺍﺑﻮﻱ ﻣﺤﺪ ﻳﻌﺘﺮﻅ ﻋﻠﻰ ﺣﻜﻢ ﺍﺑﻮﻱ
ﺳﻠﻤﺖ ﺍﻣﺮﻱ ﻟﻠﻪ ﻭﻛﻌﺪﺕ
ﺭﺣﺖ ﺍﻟﺤﻴﺪﺭ ﺷﻜﻴﺘﻠﻪ ﻭ ﺑﺠﻴﺖ
ﺭﺍﺡ ﻋﻠﻰ ﺍﺑﻮﻱ ﺗﻮﺳﻞ ﺑﻴﻪ ﻣﺎﻗﺒﻞ ﺍﺑﺪ ﻗﺎﻓﻞ
ﺣﻴﺪﺭ ..... ﺍﺑﻮﺝ ﻣﺎﻳﻘﺒﻞ ﺭﺍﻓﻆ ﺍﻟﺪﺭﺍﺳﻪ
ﻭﺍﻧﺘﻲ ﺷﺘﺴﻮﻳﻦ ﺑﻴﻬﻪ ﺃﻧﻲ ﺑﻌﺪ ﺟﻢ ﺳﻨﻪ ﺍﺗﺨﺮﺝ ﻭﺍﺟﻲ ﺍﺧﺬﺝ ﻭﺩﺭﺳﺞ ﺃﻧﻲ ﺩﺭﻭﺱ ﺧﺼﻮﺻﻴﻪ
ﻳﻌﻨﻲ ﺗﺮﺟﻌﻨﻲ ﻟﻠﺪﺭﺍﺳﻪ
ﻫﻬﻬﻪ ﻻ ﻭﻟﺞ ﻫﺎﻱ ﺩﺭﻭﺱ ﺧﺎﺻﻪ ﺑﺲ ﺍﻟﻌﺸﺎﻕ ﻭﺍﻟﻤﺘﺰﻭﺟﻴﻦ ﻳﺎﺧﺬﻭﻧﻪ
.....
ﻏﻀﺒﺖ ﻋﻠﻴﻪ ﻭﻛﺘﻠﻪ
ﺍﻳﺎ ﻣﺎ ﺗﺴﺘﺤﻲ
ﻫﻬﻬﻬﻬﻪ ﻟﻴﺶ ﻣﺎ ﺍﺳﺘﺤﻲ ﻏﻴﺮ ﻣﺮﺗﻲ
ﺩﺭﻭﺡ ﺭﻭﺡ ﻭﺭﺟﻌﺖ ﻟﻠﺒﻴﺖ
ﺳﻠﻤﺖ ﺍﻣﺮﻱ ﻟﻠﻪ ﻭﺑﻄﻠﺖ ﺩﺭﺍﺳﻪ
ﻭﺟﻨﺖ ﺍﺣﺴﺐ ﻳﻮﻡ ﻳﻮﻡ ﺍﻟﺤﻴﺪﺭ ﻳﺘﺨﺮﺝ ﻭﻳﺨﻄﺒﻨﻲ
ﻓﻌﻼ ﺑﻴﻮﻡ ﺍﻟﺘﺨﺮﺝ ﺛﺎﻧﻲ ﻳﻮﻡ ﺍﺝ ﺧﻄﺒﻨﻲ
ﺑﺲ ﺍﻟﻲ ﺻﺪﻣﻨﻲ ﻗﺮﺍﺭ ﺍﺑﻮﻱ
ﻻﺯﻡ ﺣﻴﺪﺭ ﻳﺘﻌﻴﻦ ﻳﺎﻟﻠﻪ ﻳﻘﺒﻞ ﻧﺘﺰﻭﺝ
ﻫﻨﺎ ﺃﻧﻲ ﺍﻧﻬﺎﺭﻳﺖ ﺑﻘﻴﺖ ﺍﺻﻴﺢ ﻭﺃﺑﺠﻲ
ﺗﺨﺒﻠﺖ
ﺩﺧﻠﺖ ﺍﻟﻐﺮﻓﺘﻲ ﻭﻗﻄﻌﺖ ﺍﻷﻛﻞ
ﺛﺎﻧﻲ ﻳﻮﻡ ﺩﺧﻞ ﻋﻠﻴﻪ ﺍﺑﻮﻱ
ﺳﻮﻳﺖ ﻧﻔﺴﻲ ﻧﺎﻳﻤﻪ
ﻛﻌﺪ ﻋﻠﻰ ﺍﻟﻜﺮﺳﻲ ﺍﻟﻲ ﺑﺼﻒ ﺍﻟﺠﺮﺑﺎﻳﻪ ﻣﺎﻟﺘﻲ ﻭﻛﻠﻲ
ﺑﻮﻳﻪ ﺿﻔﺎﻑ ﺃﺩﺭﻱ ﺑﻴﺞ ﻣﺎﻧﺎﻳﻤﻪ
ﺑﺲ ﻋﻨﺪﻱ ﺣﺠﺎﻳﺘﻴﻦ ﺍﻟﺞ ﺍﺳﻤﻌﻴﻬﻦ ﻭﺍﺭﻭﺡ
ﺳﻜﺘﺖ
ﻛﻠﻲ ﺷﻮﻓﻲ ﺑﻮﻳﻪ ﻛﻞ ﺃﺏ ﻳﺘﻤﻨﻪ ﻳﺸﻮﻑ ﺍﻭﻻﺩﻩ ﺍﺣﺴﻦ ﺍﻭﻻﺩ
ﻳﺮﻳﺪﻫﻢ ﻳﺼﻌﺪﻭﻥ ﻷﺣﺴﻦ ﺍﻟﻤﺮﺍﺗﺐ ﻻ ﺗﺼﺪﻛﻴﻦ ﺍﻛﻮ ﺃﺏ ﻣﺎ ﻳﺤﺐ ﺍﻟﺨﻴﺮ ﻷﻭﻻﺩﻩ
ﻭﺧﺎﺻﻪ ﺍﻟﺒﻨﺎﺕ
ﺑﺲ ﺍﻷﺏ ﻳﺸﻮﻑ ﺃﺷﻴﺎﺀ ﺍﻧﺘﻮ ﻣﺎ ﺗﺸﻮﻓﻮﻩ
ﺑﺤﻜﻢ ﻋﻤﺮﻩ ﻭﺗﺠﺎﺭﺑﻪ ﺑﻠﺤﻴﺎﺓ
ﺍﻧﺎ ﻣﻦ ﺑﻄﻠﺘﺞ ﻣﻦ ﺍﻟﻤﺪﺭﺳﻪ ﺟﺎﻥ ﺍﻟﻤﺼﻠﺤﺘﺞ ﻷﻥ ﺷﻔﺖ ﺍﻟﻨﺎﺱ ﺗﺤﺠﻲ ﻋﻠﻴﺞ ﺍﻧﺘﻲ ﻭﺣﻴﺪﺭ
ﺃﻧﻲ ﺣﻴﺪﺭ ﻣﺮﺑﻴﻪ ﻋﻠﻰ ﺃﻳﺪﻱ ﻭﻋﺮﻓﻪ ﻭﻋﺮﻑ ﺃﺧﻼﻗﻪ ﻛﻠﺶ ﺯﻳﻦ
ﺑﺲ ﺍﻟﻮﺍﺩﻡ ﻳﺒﻮﻳﻪ ﻣﺎﺗﺮﺣﻢ
ﻭﺍﻧﺎ ﻣﺎ ﺃﻛﺪﺭ ﺍﻛﻞ ﺍﻟﺤﻴﺪﺭ ﻻ ﺗﺠﻲ ﺑﻌﺪ ﺧﺎﻑ ﻳﺰﻋﻞ ﻭﻳﻜﻠﻲ ﺗﺸﻚ ﺑﻴﻪ
ﻓﻜﻠﺖ ﺍﺑﻄﻠﺞ ﻣﻦ ﺍﻟﻤﺪﺭﺳﻪ ﺻﺢ ﻗﺮﺍﺭ ﻣﻮ ﺻﺤﻴﺢ ﺑﺲ ﺍﺣﺴﻦ ﻣﻦ ﻏﻴﺮ ﻗﺮﺍﺭ ﺍﻟﻲ ﺭﺍﺡ ﻳﺨﺮﺏ ﺑﻴﻨﻲ ﻭﺑﻴﻦ ﺍﺧﺘﻲ ﻭﻟﺪﻩ
ﻭﻫﺴﻪ ﻣﻦ ﺗﺨﺮﺝ ﺣﻴﺪﺭ ﻭﺗﻘﺪﻣﻠﺞ
ﻳﺒﻮﻳﻪ ﺣﻴﺪﺭ ﺍﺗﻜﺎﻟﻲ ﻣﺘﻜﻞ ﻋﻠﻰ ﺍﺧﻮﻩ ﻋﻠﻲ ﺑﻜﻠﺸﻲ
ﻣﻦ ﻳﻮﻡ ﺗﻮﻓﻪ ﺍﺑﻮﻩ ﻭﻋﻠﻲ ﻻﺯﻡ ﺍﻟﺒﻴﺖ ﻭﺍﻟﺸﻐﻞ ﺣﺘﻰ ﺑﻠﻌﻄﻠﻪ ﻣﺎ ﻳﻄﻠﻊ ﻭﻳﻪ ﺍﺧﻮﻩ
ﺯﻳﻦ ﻫﺴﻰ ﻟﻮ ﺭﺍﺩ ﻳﺘﺰﻭﺝ ﻫﻢ ﺭﺍﺡ ﻳﺘﻜﻞ ﻋﻠﻰ ﺍﺧﻮﻩ
ﻭﻳﺒﻘﻰ ﻫﻴﺞ ﺍﻟﻔﻠﻮﺱ ﺗﺠﻲ ﻋﻠﺤﺎﻇﺮ ﻻ ﻳﺸﺘﻐﻞ ﻭﻻ ﻳﺘﻌﺐ
ﻭﺍﻧﺎ ﺍﺭﻳﺪﻧﻪ ﻳﻌﺘﻤﺪ ﻋﻠﻰ ﺭﻭﺣﻪ
ﺍﺭﻳﺪﻩ ﻳﺼﻴﺮ ﺯﻟﻤﻪ ﺑﺎﺟﺮ ﻋﻠﻲ ﺗﺰﻭﺝ ﻭﺻﺎﺭ ﻋﺪﻩ ﻋﻴﺎﻝ
ﻫﻢ ﻳﺒﻘﻪ ﻳﺼﺮﻑ ﻋﻠﻴﻜﻢ
ﺍﻧﺎ ﻇﺒﻴﺘﻪ ﺍﻟﻤﺼﻠﺤﺘﻜﻢ
ﻭﺻﺪﻛﻴﻨﻲ ﺣﻴﺪﺭ ﺭﺍﺡ ﻳﺸﺘﻐﻞ ﻭﻳﻌﺘﻤﺪ ﻋﻠﻰ ﺭﻭﺣﻪ
ﺻﻔﻨﺖ ﻋﻠﻰ ﺣﺠﻲ ﺍﺑﻮﻱ ﻛﻠﻪ ﺻﺢ ﺑﺲ ﺍﻧﺎ ﻣﺎﺟﻨﺖ ﻣﻔﻜﺮﻩ ﺑﻴﻪ
ﻛﻤﻞ ﺣﺠﻲ ﻭﻛﺎﻡ ﺭﺍﺩ ﻳﻄﻠﻊ
ﻛﻤﺖ ﺣﻈﻨﺘﻪ ﻭ ﺑﺠﻴﺖ
ﺣﻈﻨﻲ ﻭﻣﺴﺪ ﻋﻠﻰ ﺷﻌﺮﻱ ﻭﻛﻠﻲ
ﻻ ﺗﺨﺎﻓﻴﻦ ﻳﺒﻮﻳﻪ ﺍﻥ ﺷﺎﺀ ﺍﻟﻠﻪ ﺗﺘﺰﻭﺟﻮﻥ ﻭﺍﻧﺎ ﺍﺯﻓﺞ ﺑﺄﻳﺪﻱ
ﻣﺮﺕ ﺍﻷﻳﺎﻡ ﻭﺣﻴﺪﺭ ﻣﺎ ﻟﻜﻪ ﻭﻇﻴﻔﻪ
ﺑﻴﻮﻡ ﺍﺟﺎﻧﻲ ﻓﺮﺣﺎﻥ ﻭﻛﻠﻲ ﻟﻜﻴﺖ ﻭﻇﻴﻔﻪ
ﺻﺪﻙ ﺣﻴﺪﺭ ﺭﺍﺡ ﺗﺘﻮﻇﻒ
ﺃﻱ ﻭﺭﻭﺡ ﺍﺑﻮﻱ
ﺯﻳﻦ ﻭﻳﻦ
ﺷﻮﻓﻲ ﻫﻲ ﻣﺜﻞ ﺍﻟﺪﺭﺍﺳﻪ ﻳﻌﻨﻲ ﺍﺩﺭﺱ ﻓﺘﺮﻩ ﻭﺑﻌﺪﻳﻦ ﺍﺗﺨﺮﺝ ﻃﻴﺎﺭ
ﻻ ﺻﺪﻙ ﻭﺗﺼﻴﺮ ﻃﻴﺎﺭ
ﻫﻬﻪ ﺑﺲ ﻛﻮﻟﻲ ﺍﻥ ﺷﺎﺀ ﺍﻟﻠﻪ
ﺍﻥ ﺷﺎﺀ ﺍﻟﻠﻪ ﻫﻬﻬﻪ
ﺷﻮﻛﺖ ﺗﺮﻭﺡ
ﺑﺎﺟﺮ ﺍﻥ ﺷﺎﺀ ﺍﻟﻠﻪ
ﺑﺎﺟﺮ ﻫﻴﺞ ﺑﺴﺮﻋﻪ
ﺑﺎﺟﺮ ﺍﺭﻭﺡ ﺍﻗﺪﻡ ﺍﺫﺍ ﻗﺒﻠﻮﻧﻲ ﺍﺭﺟﻊ ﻭﻧﻮﺑﻪ ﺍﻟﺘﺤﻖ
......
ﻫﺎ ﺧﻮﺵ ﺍﻟﻠﻪ ﻳﺴﻬﻞ ﻋﻠﻴﻚ
ﻳﺎﺭﺏ ﻫﺴﻪ ﺍﻧﺎ ﺍﺭﻭﺡ ﻭﺍﺩﻋﻴﻠﻲ ﺣﺒﻴﺒﻪ
ﺩﺍﻋﻴﺘﻠﻚ ﻣﻦ ﻛﻞ ﻛﻠﺒﻲ
ﻓﺪﻭﻩ ﺍﻟﻜﻠﺒﺞ
ﺭﺍﺡ ﺣﻴﺪﺭ ﻭﺛﺎﻧﻲ ﻳﻮﻡ ﺍﻟﺘﺤﻖ
ﻭﺍﻧﺎ ﻛﻠﺒﻲ ﺍﻧﻤﻠﻪ ﺃﻣﻞ ﺃﻥ ﻳﻘﺒﻠﻮﻧﻪ ﻭﻳﺮﺟﻌﻠﻲ ﻃﺎﻟﺐ ﺑﻜﻠﻴﺔ ﺍﻟﻄﻴﺮﺍﻥ
ﺑﻌﺪ ﻣﺎ ﺍﻟﺘﺤﻖ ﺣﻴﺪﺭ ﺟﻨﺖ ﺃﺷﺮ ﻣﻼﺑﺲ ﻭﺟﺎﻥ ﻳﺠﻲ ﺍﺧﻮﻱ ﺍﻟﺼﻐﻴﺮ ﺣﺴﻨﻴﻦ ﻳﺼﻴﺢ
ﺳﻘﻄﺖ ﺍﻟﻤﻮﺻﻞ
ﺳﻘﻄﺖ ﺍﻟﻤﻮﺻﻞ
ﺷﻨﻬﻮ ﻭﻟﻚ ﺷﺘﻜﻮﻝ
ﺍﻛﻠﺞ ﺳﻘﻄﺖ ﺍﻟﻤﻮﺻﻞ ﺍﺣﺘﻠﻮﻫﻪ ﺍﻟﺪﻭﺍﻋﺶ
ﻣﻨﻬﻢ ﺍﻟﺪﻭﺍﻋﺶ ﺳﺄﻟﺘﻪ
ﺫﻭﻟﻪ ﻳﻜﻮﻟﻮﻥ ﻣﺴﻠﻤﻴﻦ ﻳﺮﺩﻭﻥ ﻳﺤﺘﻠﻮﻥ ﺍﻟﻌﺮﺍﻕ
ﻳﺎ ﺟﺎ ﺍﺣﻨﻪ ﺷﻨﻬﻮ ﻣﻮﺵ ﻣﺴﻠﻤﻴﻦ ﻧﺘﺮﺕ ﺃﻣﻲ ﺑﺄﺧﻮﻱ
ﺷﻮﻑ ﻫﺎﻱ ﺍﻛﻠﻪ ﺍﻟﻨﺎﺱ ﻛﻠﻪ ﺧﺎﻳﻔﻪ
ﻳﻜﻠﺞ ﻫﺎﻱ ﻗﺎﻋﺪﺓ ﺳﺒﺎﻳﻜﺮ ﻫﻴﺞ ﻣﺎﺭﺩﻳﻨﻪ ﻣﺮﺩ ﻣﺎ ﻣﺨﻠﻴﻠﻬﻢ ﻣﺨﺒﺮ
ﺣﺴﻴﺖ ﺑﻤﻐﺼﻪ ﺑﻄﻨﻲ ﻛﺘﻠﻪ ﺷﻨﻬﻮ ﻭﻟﻚ ﻳﺎﺳﺒﺎﻳﻜﺮ ﻫﺎﻱ
ﻫﺎﻱ ﺍﻟﺮﺍﺡ ﺍﻟﻪ ﺣﻴﺪﺭ ﻭﻫﺴﻰ ﺍﻟﺪﻧﻴﻪ ﻣﻜﻠﻮﺑﻪ ﺑﻴﺖ ﻋﻤﺘﻲ ﺃﻡ ﻋﻠﻲ
ﺣﺴﻴﺖ ﺑﺪﻭﺧﻪ ﺍﻧﺘﺠﻴﺖ ﻋﻠﻰ ﺍﻟﺤﺎﻳﻂ ﻭﻛﺘﻠﻪ
ﺣﺴﻨﻴﻦ ﺍﻧﺖ ﺗﺤﺠﻲ ﺻﺪﻙ ﻟﻮ ﺗﺘﻘﺸﻤﺮ
ﺷﻮﻑ ﻫﺎﻱ ﺍﺗﻘﺸﻤﺮ ﺍﻛﻠﻪ ﺍﻟﺪﻧﻴﻪ ﻣﻜﻠﻮﺑﻪ ﻭﻫﺎﻱ ﺗﻜﻠﻲ ﺗﺘﻘﺸﻤﺮ ﺷﻮ ﻭﺧﺮﻱ ﻣﻦ ﻳﻤﻲ
ﻋﺎﻓﻨﻲ ﺑﺤﻴﺮﺗﻲ ﻭﺩﺧﻞ ﻟﻠﻐﺮﻓﻪ
ﺑﻘﻴﺖ ﻣﻨﺘﺠﻴﻪ ﻋﻠﻰ ﺍﻟﺤﺎﻳﻂ ﻭﻋﻘﻠﻲ ﺑﻴﻦ ﺍﻟﻤﺼﺪﻙ ﻭ ﻟﻤﺎ ﻣﺼﺪﻙ
ﺩﺧﻞ ﺍﺑﻮﻱ ﻋﻴﻮﻧﻪ ﺣﻤﺮ ﻣﺒﻴﻦ ﺑﺎﺟﻲ
ﺭﻛﻈﺖ ﻋﻠﻴﻪ ﻛﺘﻠﻪ ﺑﻮﻳﻪ ﻫﺬﺍ ﺍﻟﺤﺠﻲ ﺻﺪﻙ ﻣﺎﻝ ﺣﻴﺪﺭ
ﻳﻌﻨﻲ ﺣﻴﺪﺭ ﺭﺍﺡ ﻣﺎ ﻳﺮﺩ ﺑﻌﺪ
ﺟﺮﻧﻲ ﺍﻟﺤﻈﻨﻪ ﻛﻮﻟﻲ ﻳﺎﻟﻠﻪ ﺍﻥ ﺷﺎﺀ ﺍﻟﻠﻪ ﻳﺮﺟﻊ ﺳﺎﻟﻢ
ﺑﻮﻳﻪ ﺍﻧﺖ ﺗﺮﻳﺪ ﺗﻄﻤﻨﻲ ﻟﻮ ﺷﻨﻬﻮ ﻣﺘﺄﻛﺪ ﺍﻧﺖ ﻣﺎﺑﻴﻪ ﺷﻲ
ﺍﻟﻠﻪ ﻛﺮﻳﻢ ﺑﻮﻳﻪ
ﻻ ﺑﻮﻳﻪ ﺍﻧﺎ ﻛﺘﻠﺘﻪ ﺣﻴﺪﺭ
ﻭﺍﻧﺖ ﻫﻢ ﻛﻠﻪ ﻣﻨﻚ ﻟﻮﻧﻚ ﻣﺎ ﺷﺎﺭﻁ ﻋﻠﻴﻪ ﺍﻟﻪ ﻳﺘﻌﻴﻦ ﺟﺎ ﻣﺎﺭﺍﺡ
ﺑﻮﻳﻪ ﺟﺎ ﺍﻧﺎ ﺍﺩﺭﻱ ﺭﺍﺡ ﻳﺮﻭﺡ ﺑﻬﺎﻱ ﺳﺒﺎﻳﻜﺮ
ﻛﻠﻪ ﻣﻨﻚ ﻛﻠﻪ ﻣﻨﻚ
ﺗﻬﺴﺘﺮﺕ ﺑﻘﻴﺖ ﺍﺻﻴﺢ ﻛﻠﻪ ﻣﻨﻚ
ﻛﻠﻪ ﻣﻨﻲ
ﻟﺤﺪ ﻣﺎ ﺧﺮﻳﺖ ﻭﻃﺤﺖ
ﻭﻋﻴﺖ ﻋﻠﻰ ﺍﻟﺪﻧﻴﻪ ﻟﻨﻲ ﺑﻠﻤﺴﺘﺸﻔﻰ
ﺃﻣﻲ ﻭﺃﺑﻮﻱ ﻭﻳﺎﻱ
ﺩﺭﺕ ﻭﺟﻬﻲ ﻋﻨﻬﻢ ﻣﺎﺭﻳﺪ ﺍﺷﻮﻑ ﻭﺍﺣﺪ
ﻳﻮﻣﻴﻦ ﺍﻧﺎ ﺑﻠﻤﺴﺘﺸﻔﻰ ﻋﺎﻳﺸﻪ ﻋﻠﻰ ﺍﻟﻤﻐﺬﻳﺎﺕ
ﺑﻌﺪﻳﻦ ﺭﺩﻭﻧﻲ ﻟﻠﺒﻴﺖ
ﺩﺧﻠﺖ ﺍﻟﻐﺮﻓﺘﻲ ﺑﻌﺪ ﻣﺎ ﻃﻠﻌﺖ ﻣﻨﻬﻪ
ﺭﺩﺕ ﺍﺭﻭﺡ ﺍﻟﻌﻤﺘﻲ ﺃﻡ ﻋﻠﻲ ﺑﺲ ﻣﺴﺘﺤﻴﻪ ﻣﻨﻬﻪ ﺷﻜﻠﻪ
ﻛﻠﻪ ﻣﻨﻲ ﺭﺍﺡ ﺍﺑﻨﺞ
ﻣﺴﺘﺤﻴﻞ ﺍﺧﻠﻴﻪ ﺗﺸﻮﻓﻨﻲ ﺇﻟﻰ ﻳﺮﺩ ﺣﻴﺪﺭ
ﺳﻤﻌﺖ ﻋﻠﻲ ﺭﺍﻳﺢ ﻭﺭ ﺣﻴﺪﺭ ﺑﻠﻜﺖ ﻳﺮﺩﻩ
ﻣﺮﺕ ﺍﻷﻳﺎﻡ ﻭﺍﻧﺎ ﺑﺲ ﺍﺻﻠﻲ ﻭﺃﺩﻋﻲ ﺍﻟﻬﻢ ﻳﺮﺩﻭﻥ ﺑﻠﺴﻼﻣﻪ
ﺍﻟﻴﻮﻡ ﺳﻤﻌﻨﻪ ﻋﻤﺘﻲ ﻣﺘﺨﺮﺑﻄﻪ ﻭﺩﺍﺧﻠﻪ ﻣﺴﺘﺸﻔﻰ
ﺑﻌﺪ ﻣﺎ ﺗﺤﻤﻠﺖ ﺭﺣﺖ ﺍﻟﻪ
ﻟﻜﻴﺘﻪ ﻃﺎﻟﻌﻬﻴﻨﻬﻪ ﻟﻠﺒﻴﺖ
ﺭﺣﺖ ﻟﻠﺒﻴﺖ
ﻃﺒﻴﺖ ﺍﺑﺎﻭﻉ ﺑﻜﻞ ﺭﻛﻦ ﺍﺷﻮﻑ ﺣﻴﺪﺭ
ﻫﻨﺎ ﻟﻌﺒﻨﻪ
ﻫﻨﺎ ﻇﺤﻜﻨﻪ
ﻫﻨﺎ ﺳﻮﻟﻔﻨﻪ
ﻫﺠﻤﺖ ﻋﻠﻴﻪ ﺍﻟﺬﻛﺮﻳﺎﺕ ﻣﻦ ﻛﻞ ﺻﻮﺏ
ﻛﻤﺖ ﺍﻧﺎﺷﻎ ﻭﺍﺑﺠﻲ
.......
ﺳﻤﻌﺖ ﺯﻳﻨﺐ ﺗﻜﻠﻲ
ﻛﺎﻓﻲ ﻭﻟﺞ ﻻ ﺗﺴﻤﻌﺞ ﺍﻣﻲ ﻭﻫﻴﻪ ﺑﻌﺪﻩ ﻣﺮﻳﻈﻪ
ﺣﻈﻨﺖ ﺯﻳﻨﺐ ﻭﺍﺑﺠﻲ ﻭﻛﻠﻪ
ﻭﻟﺞ ﺯﻳﻨﺐ ﻛﻠﻪ ﻣﻨﻲ ﺭﺍﺡ ﺣﻴﺪﺭ ﺍﻧﺎ ﺍﻟﺴﺒﺐ
ﻛﻮﻟﻲ ﻳﺎﻟﻠﻪ ﻭﻟﺞ ﻻ ﺻﻮﺟﺞ ﻭﻻ ﺻﻮﺝ ﺣﻴﺪﺭ ﺻﻮﺝ ﺍﻟﺪﻧﻴﻪ ﺍﻟﻤﺎﻟﻪ ﺻﺎﺣﺐ ﺻﺪﻳﺞ
ﺳﻤﻌﻨﻪ ﺻﻮﺕ ﻋﻤﺘﻲ ﺗﻨﺪﻩ ﻋﻠﻰ ﺯﻳﻨﺐ
ﺭﺍﺣﺖ ﺷﻮﻳﻪ ﻭﺭﺩﺕ ﻛﺎﻟﺖ
ﺿﻔﺎﻑ ﺍﻣﻲ ﺗﺮﻳﺪ ﺗﺸﻮﻓﺞ ﺑﺲ ﻣﻮﺵ ﺗﺒﺠﻴﻦ ﻭﺗﻮﺟﻌﻴﻦ ﻛﻠﺒﻬﻪ ﺗﺮﺍﻫﻲ ﺑﻌﺪﻩ ﻣﻮﺟﻮﻋﻪ
ﻫﺰﻳﺖ ﺭﺍﺳﻲ ﻭﺩﺧﻠﺖ ﻋﻠﻰ ﻋﻤﺘﻲ
ﺍﺑﺎﻭﻉ ﺍﻟﻪ ﺫﺑﻼﻧﻪ ﻭﺟﻬﻪ ﺍﺻﻔﺮ
ﻣﻦ ﺷﺎﻓﺘﻨﻲ ﻓﺘﺤﺖ ﺍﺩﻳﻪ ﻭﻛﺎﻟﺖ ﻫﻼ ﺑﺮﻳﺤﺔ ﺍﻟﻐﺎﻟﻲ
ﺭﻛﻈﺖ ﻋﻠﻰ ﺣﻈﻨﻪ ﺷﺒﻜﺘﻪ ﻭﺍﺑﺠﻲ
ﺗﺸﺘﻢ ﺑﻴﻪ ﻭﺗﻜﻮﻝ
ﺃﻓﻴﺶ ﺑﺮﻳﺤﺔ ﻭﻟﻴﺪﻱ ﻭﻟﺞ ﻟﻴﺶ ﻛﻄﻌﺘﻲ ﺑﻴﻪ
ﻋﻤﻪ ﻭﺍﻟﻠﻪ ﻣﺴﺘﺤﻴﻪ ﻣﻨﺞ ﺷﻠﻮﻥ ﺍﺷﻮﻓﺞ ﻭﺍﻧﺎ ﺳﺒﺐ ﺭﻭﺣﺔ ﺣﻴﺪﺭ
ﻻ ﻳﻤﻪ ﺭﻭﺣﺔ ﺣﻴﺪﺭ ﻗﺪﺭ ﻭﻣﻜﺘﻮﺏ ﻧﺸﻮﻓﻪ ﻻ ﺗﻌﺒﻴﻦ ﺭﻭﺣﺞ ﺑﻠﺘﻔﻜﻴﺮ
ﺍﻟﻠﻪ ﻳﺮﺩﻫﻢ ﺍﻟﻨﻪ ﺑﻠﺴﻼﻣﻪ
ﺑﺬﻳﺞ ﺍﻟﻠﻴﻠﻪ ﺑﻘﻴﺖ ﻋﺪ ﻋﻤﺘﻲ ﻭﻣﺎﻋﻔﺘﻪ ﺑﻌﺪ
ﺭﺩﻳﺖ ﻟﻬﻠﻲ ﻭﻃﻠﺒﺖ ﺍﺭﻭﺡ ﺍﻛﻌﺪ ﻭﻳﺎﻫﻪ ﻟﺤﺪ ﻣﺎ ﻳﺮﺩﻭﻥ ﺍﻟﻮﻟﺪ
ﺍﺑﻮﻱ ﻗﺒﻞ ﻷﻥ ﻳﺤﺲ ﺑﻠﺬﻧﺐ
ﺧﺬﺕ ﻣﻼﺑﺴﻲ ﻭﺭﺣﺖ ﻛﻌﺪﺕ ﻋﺪﻩ
ﻋﻠﻲ .....
ﺛﺎﻧﻲ ﻳﻮﻡ ﻛﻌﺪﺕ ﻭﻳﻪ ﺍﻟﺼﻼﺓ ﺻﻠﻴﺖ ﻭﻟﻜﻴﺖ ﻋﻤﺮ ﻣﺴﻮﻳﻠﻲ ﺭﻳﻮﻙ ﺗﺮﻳﻜﺖ ﻭﺳﻠﻤﺖ ﻋﻠﻰ ﻋﻤﺮ ﻭﺍﻫﻠﻪ ﻭﻃﻠﻌﺖ
ﺭﺣﺖ ﻋﻠﻰ ﺣﻴﺪﺭ ﺳﻠﻤﺖ ﻋﻠﻴﻪ ﻭﺻﻴﺘﻪ ﻳﺸﻮﻑ ﻃﺮﻳﻘﻪ ﻳﺮﺩ ﺑﻴﻬﻪ ﻟﻬﻠﻪ ﻭﻃﻠﻌﺖ
ﻣﺸﻴﺖ ﻣﺴﺎﻓﻪ ﺍﺭﻳﺪ ﺳﻴﺎﺭﻩ ﺗﻮﺻﻠﻨﻲ ﻣﺎﻛﻮ
ﻫﻨﺎﻙ ﻭﺷﻮﻑ ﺳﻴﺎﺭﻩ ﺯﻏﻴﺮﻩ ﺩﺑﻞ ﻗﻤﺎﺭﻩ ﺟﺎﻳﻪ ﻣﻦ ﺑﻌﻴﺪ
ﺃﺷﺮﺕ ﺍﻟﻪ ﺭﺟﺎﻝ ﺟﺒﻴﺮ ﺧﺬﺍﻧﻲ ﻭﻳﺎ
ﻋﻤﻲ ﻭﻳﻦ ﻃﺎﻟﻊ ﻭﺍﻟﺪﻧﻴﻪ ﻣﻮ ﺃﻣﺎﻥ ﻛﺘﻠﻪ
ﻋﻤﻲ ﺍﻟﻠﻪ ﻳﺄﻣﻦ ﻋﻠﻰ ﺍﻟﻨﺎﺱ ﺍﻧﺎ ﻃﺎﻟﻊ
ﻋﻠﻰ ﺑﺎﺑﺎ ﺍﻟﻠﻪ ﻟﻮ ﻛﻌﺪﺕ ﺷﻄﻲ ﻫﺎﻱ ﺍﻟﺠﻬﺎﻝ ﺍﻟﻤﺠﻮﻣﻪ ﻋﺪﻱ
ﺻﺪﻛﺖ ﻭﺍﻟﻠﻪ ﻋﻤﻲ
ﺍﻟﻠﻪ ﻳﺤﻤﻲ ﺑﻨﺎﺩﻡ ﻭﻛﻠﻤﻦ ﺑﻴﻮﻣﻪ ﻻ ﺗﺘﺄﺧﺮﻭﻥ ﺳﺎﻋﻪ ﻭﻻ ﺗﺘﻘﺪﻣﻮﻥ ﺳﺎﻋﻪ
ﺷﻨﻬﻮ ﺷﻐﻠﻚ ﺍﻧﺖ
ﺍﻧﺎ ﻋﻨﺪﻱ ﻫﺎﻱ ﺍﻟﺴﻴﺎﺭﻩ ﺍﻧﻘﻞ ﺑﻴﻪ ﺣﺸﺎﻙ ﺣﻴﻮﺍﻧﺎﺕ ﻣﺴﻮﺍﻙ ﺍﻟﻲ ﻋﻨﺪﻩ ﻣﻮﻟﺪﻩ ﻋﺎﻃﻠﻪ
ﺍﻟﻲ ﻛﻨﺪﻩ ﺗﺒﺮﻳﺪ ﻋﺎﻃﻞ
ﻫﻴﺞ ﺷﻲ
ﺟﺎ ﺷﻮ ﺻﺎﺭ ﻟﻚ ﺳﺎﻋﺘﻴﻦ ﺗﻤﺸﻲ ﻣﺎ ﻧﻘﻠﺖ ﺷﻲ
ﻋﻤﻲ ﺟﺎ ﻏﻴﺮ ﺍﻭﺻﻠﻚ ﺷﻠﻮﻥ ﺍﻋﻮﻓﻚ ﺑﻨﺺ ﺍﻟﻄﺮﻳﻖ
ﺍﻧﺖ ﺗﺮﻳﺪ ﺗﻮﺻﻞ ﻟﻠﺠﺎﻧﺐ ﺍﻷﻳﺴﺮ ﻭﺍﻧﺎ ﺭﺍﺡ ﺍﻭﺻﻠﻚ ﻷﻗﺮﺏ ﻣﻜﺎﻥ
ﻭﺍﻟﻠﻪ ﻭﻛﻔﻮﺍ ﻣﻨﻚ ﻋﻤﻲ
ﺻﺎﺭﺕ ﺑﻮﺟﻬﻨﻪ ﺳﻴﻄﺮﻩ ﻣﺎﻝ ﺩﻭﺍﻋﺶ
ﺍﻟﻈﺎﻫﺮ ﻳﻌﺮﻓﻮﻧﻪ ﺳﻠﻢ ﻋﻠﻴﻬﻢ ﻭﻃﻠﻊ
ﻋﻤﻲ ﺷﻨﻮ ﺍﻟﻮﺍﺩﻡ ﺗﻌﺮﻓﻚ ﺷﻮ ﻣﺮﻳﺖ ﺑﺪﻭﻥ ﺳﺆﺍﻝ
ﻫﻬﻪ ﺃﻱ ﻋﻤﻲ ﻣﻮ ﺃﻧﻲ ﻳﻮﻣﻴﻪ ﺃﻣﺮ ﻣﻨﺎ
ﻭﻫﺎﻱ ﺍﻟﺴﻴﻄﺮﻩ ﺳﻬﻠﻪ ﺑﺲ ﺍﻟﺴﻴﻄﺮﻩ ﺍﻟﻜﺪﺍﻣﻨﻪ ﻛﻠﺶ ﺻﻌﺒﻪ
......
ﻫﺎ ﻳﻌﻨﻲ ﺍﻧﺰﻝ ﻛﺒﻠﻪ
ﻻ ﻳﻮﻟﻴﺪﻱ ﺧﻠﻴﻚ ﻭﺍﻟﻠﻪ ﻛﺮﻳﻢ
ﺍﻟﻠﻪ ﻳﺒﻌﺪ ﻋﻨﻪ ﺷﺮﻫﻢ
ﻣﺸﻴﻨﻪ ﻣﺴﺎﻓﻪ ﻭﺻﻠﻨﻪ ﻟﻠﺠﺴﺮ ﺍﻟﻲ ﻳﻔﺼﻞ ﺑﻴﻦ ﺍﻟﺠﺎﻧﺐ ﺍﻷﻳﻤﻦ ﻭﺑﻴﻦ ﺍﻟﺠﺎﻧﺐ ﺍﻷﻳﺴﺮ
ﺟﺎﻧﺖ ﺍﻛﻮ ﺳﻴﻄﺮﻩ ﺟﺒﻴﺮﻩ
ﺃﺷﺮﻭﻟﻨﻪ
ﻭﻛﻔﻨﻪ
ﺍﺟﺎﻧﺎ ﻭﺍﺣﺪ ﻟﺤﻴﺘﻪ ﺑﻄﻮﻝ ﺍﻟﻨﻌﺎﻝ ( ﺣﺸﺎﻛﻢ )
ﻛﺎﻝ
ﻣﻨﻴﻦ ﺟﺎﻳﻴﻦ ﻭﻳﻦ ﺭﺍﻳﺤﻴﻦ
ﻫﺬﺍ ﺍﺑﻦ ﺍﺧﻮﻱ ﺟﺎﻥ ﻋﺪﻧﻪ ﻭﺍﺭﻳﺪ ﺍﻭﺻﻠﻪ ﺍﻟﻬﻠﻪ ﺑﺬﺍﻙ ﺍﻟﺼﻮﺏ
ﺑﺎﻭﻋﻠﻲ ﺻﻔﺢ ﻭﺩﻙ ﻋﻠﻰ ﺍﻟﺴﻴﺎﺭﻩ ﻛﻠﻲ ﺍﻧﺰﻝ
ﻋﻤﻲ ﺍﻟﻠﻪ ﻳﺨﻠﻴﻚ ﻟﻴﺶ ﺗﻨﺰﻝ ﺍﻟﻮﻟﺪ ﻛﺘﻠﻚ ﺍﺑﻦ ﺍﺧﻮﻱ
ﺑﺪﻭﻥ ﺣﺠﻲ ﺍﻧﺰﻝ ﺍﻧﺖ
ﻭﺍﻧﺖ ﺍﺭﺟﻊ ﻣﻨﻴﻦ ﻣﺎ ﺟﻴﺖ ﻟﻮ ﺗﺮﻳﺪ ﺗﺒﻘﻪ ﻭﻳﺎ
ﺑﺎﻭﻋﺖ ﻟﻠﺰﻟﻤﻪ ﻛﺘﻠﻪ ﻋﻤﻲ ﺭﺣﻤﻠﻪ ﻭﺍﻟﺪﻳﻚ ﺳﻮﻳﺖ ﺍﻟﻌﻠﻴﻚ ﺭﺩ ﻟﻬﻠﻚ ﺍﻧﺖ
ﻭﻧﺖ ﺷﻠﻮﻥ
ﺍﻟﻠﻪ ﻛﺮﻳﻢ ﻻ ﺗﻨﺴﻪ ﻣﺤﺪ ﻳﻤﻮﺕ ﻧﺎﻗﺺ ﻋﻤﺮ
ﻭﻧﻌﻢ ﺑﻠﻠﻪ
ﺷﻠﺖ ﻓﻠﻮﺱ ﺍﻧﻄﻴﻪ ﻣﺎﻗﺒﻞ ﺫﺑﻴﺘﻬﻦ ﺑﻠﺴﻴﺎﺭﻩ
ﻧﺰﻟﺖ ﻣﻦ ﺍﻟﺴﻴﺎﺭﻩ ﺃﺷﺮﺕ ﻟﻠﺰﻟﻤﻪ ﻭﺭﺍﺡ
ﻭﺍﻧﺎ ﺗﻮﺟﻬﺖ ﺍﻟﻬﻢ
ﺍﺧﺬﻭ ﺟﻨﻄﺘﻲ ﻭﺩﻓﻌﻮﻧﻲ ﻛﺪﺍﻣﻬﻢ
ﻣﺸﻴﺖ ﻭﻛﻞ ﻣﺎ ﺍﻭﺻﻞ ﺍﻟﻮﺍﺣﺪ ﻳﺪﻓﻌﻨﻲ ﻋﻠﻰ ﺍﻟﺜﺎﻧﻲ
ﺩﺧﻠﻮﻧﻲ ﺑﻐﺮﻓﻪ ﺑﻴﻪ ﻛﺎﻋﺪ ﻭﺍﺣﺪ
ﻭﺟﻬﻪ ﺍﺯﺭﻙ ﻭﻟﺤﻴﺘﻪ ﺣﻤﺮﻩ ﻣﺒﻴﻦ ﻋﻠﻴﻪ ﺑﺎﻛﺴﺘﺎﻧﻲ ﺍﻓﻐﺎﻧﻲ ﻳﺤﺠﻲ ﻋﺮﺑﻲ ﻣﻜﺴﺮ ﻛﻠﻲ
ﺍﻧﺖ ﻣﻨﻮ ﻭ ﺷﻨﻮ ﺍﺳﻤﻚ
ﺍﻧﺎ ﺍﺳﻤﻲ ﻣﺤﻤﺪ ﻭﺭﺍﺟﻊ ﺍﻟﺒﻴﺖ ﺍﻫﻠﻲ ﺑﻠﺠﺎﻧﺐ ﺍﻷﻳﺴﺮ
ﻭﺷﺠﻨﺖ ﺗﻌﻤﻞ ﻫﻨﺎ
ﻣﺎ ﺍﻋﻤﻞ ﺷﻲ ﺭﺣﺖ ﺍﻟﺒﻴﺖ ﻋﻤﻲ ﺷﻔﺘﻬﻢ ﻭﺭﺩﻳﺖ
ﺑﻴﺖ ﻋﻤﻚ
ﻧﻌﻢ ﺑﻴﺖ ﻋﻤﻲ ﺻﺎﺣﺐ ﺍﻟﺴﻴﺎﺭﻩ
ﺷﻮ ﺍﻧﻜﻠﺒﺖ ﺧﻠﻘﺘﻪ ﻭﺻﺎﺡ ﻋﻠﻰ ﻭﺍﺣﺪ ﺍﺳﻤﻪ
ﺍﺑﻮ ﺟﺮﺍﺡ
ﺩﺧﻞ ﻭﺍﺣﺪ ﺷﻜﻠﻪ ﺻﻴﻨﻲ ﻭﻋﻨﺪﻩ ﻟﺤﻴﻪ ﺿﻌﻴﻔﻪ ﻃﻮﻳﻠﻪ ﻛﺎﻝ ﻧﻌﻢ ﺃﻣﻴﺮﻱ
ﺧﺬﻭ ﻫﺬﺍ ﺍﻟﺤﻘﻴﺮ ﻭﺃﻋﺪﻣﻮﻩ
ﺑﺎﻭﻋﺖ ﻋﻠﻴﻪ ﻛﺘﻠﻪ
ﻟﻴﺶ ﺗﻌﺪﻣﻮﻧﻲ ﻣﺎ ﻣﺴﻮﻱ ﺷﻲ ﺃﻧﻲ
ﺍﻧﺖ ﻛﺎﺫﺏ ﺍﻧﺖ ﻣﻦ ﺍﻟﻤﺮﺗﺪﻳﻦ ﺍﻟﺠﺒﻨﺎﺀ
ﻟﻚ ﺧﻴﺎﺭﻳﻦ ﺍﻭ ﺗﺼﺒﺢ ﻣﻦ ﻋﻨﺪﻧﺎ ﺍﻭ ﺗﻤﻮﺕ ﻣﺎﺫﺍ ﺗﺨﺘﺎﺭ
ﻻ ﻳﺮﺑﻲ ﺷﻠﻮﻥ ﺑﻴﻪ ﻻﺯﻡ ﺍﻭﺻﻞ ﺍﻟﻠﻴﻠﻰ ﻭﻋﺪﺗﻪ
ﺑﻌﺪﻧﻲ ﻣﺎ ﺣﺠﻴﺖ ﻭﺟﺎﻥ ﺍﺳﻤﻊ ﺻﻮﺕ ﺳﻴﺎﺭﻩ ﺷﺤﻄﺖ ﺣﻴﻞ
ﻛﻤﺰﻭ ﻛﻠﻬﻢ
ﻭﺍﺳﻤﻊ ﺻﻮﺕ ﻭﺍﺣﺪ ﻳﺤﺠﻲ ﻭﻳﺎﻫﻢ ﺑﺲ ﺑﺼﻮﺕ ﻋﺎﻟﻲ
ﻋﺮﻓﺖ ﻫﺬﺍ ﺻﻮﺕ ﻋﻤﺮ
ﺭﻛﻈﺖ ﻭﺭﺍﻫﻢ ﻭﺍﺷﻮﻑ ﺣﻴﺪﺭ ﻭﻋﻤﺮ
ﺣﻴﺪﺭ ﻳﺴﻮﻕ ﻭﻋﻤﺮ ﻳﺤﺠﻲ ﻭﻳﺎﻫﻦ
ﻣﻦ ﺷﺎﻓﻨﻲ ﻛﺴﺮﻭ ﺑﻠﺴﻴﺎﺭﻩ
ﻳﻤﻲ ﺭﻛﻈﺖ ﺻﻌﺪﺕ ﺑﻠﺴﻴﺎﺭﻩ
ﻭﺍﻟﺮﻣﻲ ﺻﺎﺭ ﻋﻠﻴﻨﻪ
ﺩﻧﻜﻨﻪ ﻭﺣﻴﺪﺭ ﺩﺍﺱ ﻟﻠﺴﻴﺎﺭﻩ
ﻋﺒﺮﻧﻪ ﺍﻟﺠﺴﺮ ﻣﺎﻧﻌﺮﻑ ﺷﻠﻮﻥ
ﺍﻟﻠﻪ ﺧﻠﺼﻨﻪ
ﻟﺤﺪ ﻫﺴﻪ ﻣﻦ ﺍﺗﺬﻛﺮ ﺍﻟﻲ ﺻﺎﺭ ﻣﺎ ﺍﺻﺪﻛﻪ
ﻳﻤﻜﻦ ﺧﻤﺲ ﺩﻗﺎﻳﻖ ﻣﺮﺕ ﺑﺲ ﺷﻠﻮﻥ ﻃﻠﻌﻨﻪ ﻋﺠﺒﻪ
ﻋﺪﻧﻪ ﺧﺒﺰﻩ ﺑﻠﺪﻧﻴﻪ ﺑﻌﺪ
....
ﻋﺒﺮﻧﻪ ﺍﻟﺠﺴﺮ ﻭﺍﺣﻨﻪ ﺳﺎﻛﺘﻴﻦ
ﺍﺑﺎﻭﻉ ﻭﺭﺍﻧﻪ ﻣﺎﻛﻮ ﺷﻲ
ﺻﺎﺭ ﻫﺪﻭﺀ
ﻛﺘﻠﻬﻢ ﺍﻧﺘﻮ ﺍﻏﺒﻴﺎﺀ ﺷﻠﻮﻥ ﺗﺠﻮﻥ ﻭﺭﺍﻱ ﻫﺎ ﻣﻮ ﻛﻠﺖ ﻣﺤﺪ ﻳﺠﻲ ﻭﻳﺎﻱ ﻟﻮ ﻛﻠﻤﺘﻲ ﻣﺎ ﺗﻨﺴﻤﻊ
ﺩﺭﺕ ﻭﺟﻬﻲ ﻋﻠﻰ ﺍﻟﺸﺒﺎﺝ ﻣﻘﻬﻮﺭ ﺑﺲ ﻣﻦ ﺟﻮﻩ ﻓﺮﺣﺎﻥ ﻷﻥ ﻋﻨﺪﻱ ﻫﻴﺞ ﺃﺧﻮﻩ ﻳﺨﺎﻓﻮﻥ ﻋﻠﻴﻪ
ﻋﻤﺮ ....
ﺑﻌﺪ ﻣﺎ ﻃﻠﻊ ﻋﻠﻲ ﻛﻠﺒﻲ ﺍﻋﺘﺼﺮ ﻃﻠﻌﺖ ﺃﺗﻤﺸﻰ
ﻟﻜﻴﺖ ﺣﻴﺪﺭ ﻛﺎﻋﺪ ﺑﺎﺏ ﺧﻴﻤﺘﻪ ﻭﻣﺪﻧﻚ
ﺍﻟﺴﻼﻡ ﻋﻠﻴﻜﻢ
ﻭﻋﻠﻴﻜﻢ ﺍﻟﺴﻼﻡ ﻫﻼ ﺧﻴﻲ
ﻫﺎ ﺷﻮ ﻫﻨﺎ ﻛﺎﻋﺪ
ﺟﺎ ﻭﻳﻦ ﺍﺭﻭﺡ ﻣﺘﺎﻧﻲ ﺭﺣﻤﺔ ﺍﻟﻠﻪ
ﻭﻧﻌﻢ ﺑﻠﻠﻪ ﻛﻌﺪﺕ ﻳﻤﻪ
ﺍﻧﻲ ﺷﻠﻮﻥ ﺍﺧﻮ ﺍﻋﻮﻑ ﺍﺧﻮﻱ ﻳﺮﻭﺡ ﻟﻠﻤﻮﺕ ﻭﺣﺪﻩ
ﻟﻌﺪ ﺷﺘﻜﺪﺭ ﺗﺴﻮﻱ ﻣﺎ ﺷﻔﺘﻪ ﺷﻠﻮﻥ ﻣﺎﻗﺒﻞ ﻧﺮﻭﺡ ﻭﻳﺎ
ﻣﺎﻋﺮﻑ ﻋﻤﺮ ﻛﻠﺒﻲ ﻣﻌﺘﺼﺮ ﻛﻠﺶ ﻭﺣﺎﺳﺲ ﺍﻧﺎ ﻛﻠﺶ ﺟﺒﺎﻥ
ﻻ ﻳﺨﻮﻱ ﻻ ﺗﻜﻮﻝ ﻫﻴﺞ ﺣﺸﺎﻙ ﺑﺲ ﺣﺠﻴﻚ ﺻﺪﻙ
ﺃﻧﻲ ﻫﻢ ﻛﻠﺶ ﺿﺎﻳﺞ ﻣﻦ ﺭﻭﺣﻲ ﻋﻠﻲ ﻣﻮ ﺑﺲ ﺻﺪﻳﻘﻲ ﻻ ﻋﻠﻲ ﺭﻓﻴﻖ ﺩﺭﺏ ﻛﻠﺶ ﺻﻌﺐ ﺗﺠﺎﻭﺯﻧﺎ ﺑﺤﻠﻮﻩ ﻭﺑﻤﺮﻩ
ﺣﻴﺪﺭ .... ﻋﻤﺮ ﺑﻌﺪ ﻣﺎ ﺍﻛﺪﺭ ﺭﺍﺡ ﺍﺭﻭﺡ ﻭﺭﻯ
ﻭﻳﻦ ﺗﺮﻭﺡ ﻭﺭﻯ ﺗﺨﺒﻠﺖ ﺍﻧﺖ
ﺃﻱ ﺗﺨﺒﻠﺖ ﻟﻮ ﺍﻋﻮﻑ ﺍﺧﻮﻱ ﻭﺣﺪﻩ ﻳﺮﺩ ﻟﻠﻤﻮﺕ
ﺩﺧﻠﺖ ﻟﻠﻐﺮﻓﻪ ﻃﻠﻌﺖ ﻣﻼﺑﺴﻲ ﺑﺠﻨﻄﻪ ﻭﻃﻠﻌﺖ ﻣﺎ ﻟﻜﻴﺖ ﻋﻤﺮ ﺭﺣﺖ ﻋﻠﻰ ﺃﻡ ﻓﻴﺼﻞ ﺳﻠﻤﺖ ﻋﻠﻴﻪ ﻭﻛﺘﻠﻪ ﺍﻧﺎ ﺭﺍﻳﺢ ﻭﺭﻯ ﺍﺧﻮﻱ
ﻭﻟﻚ ﻳﻤﻪ ﺻﻐﻴﺮ ﺍﻧﺖ ﺷﻠﻮﻥ ﺗﺮﻭﺡ ﻟﻠﻤﻮﺕ ﺑﺮﺟﻠﻚ
ﺧﺎﻟﻪ ﺟﺎ ﺍﺧﻮﻱ ﻣﻮﺵ ﺍﺝ ﻭﺭﺍﻱ ﻟﻠﻤﻮﺕ
ﺃﻱ ﺑﺲ
ﻣﺎﻛﻮ ﺑﺲ ﺍﻧﺎ ﺭﺍﻳﺢ ﻭﺍﻥ ﺟﺎﻥ ﻋﻨﺪﻱ ﻋﻤﺮ ﻭﻟﻤﻮﺻﻞ ﺗﺤﺮﺭﺕ ﺍﻭﻋﺪﺝ ﺍﺟﻴﺞ ﺍﻟﺒﻴﺘﺞ ﺍﻧﺎ ﺍﺧﺬﺕ ﺍﻟﻌﻨﻮﺍﻥ ﻣﻦ ﻓﻴﺼﻞ
ﺍﻟﻠﻪ ﻳﺮﺩﻛﻢ ﺳﺎﻟﻤﻴﻦ
ﺗﺴﻠﻤﻴﻦ ﺧﺎﻟﻪ
ﻃﻠﻌﺖ ﻣﻦ ﺧﻴﻤﻪ ﺃﻡ ﻓﻴﺼﻞ ﺷﻔﺖ ﻋﻤﺮ ﻣﺒﺪﻝ ﻭﺷﺎﻳﻞ ﺟﻨﻄﻪ ﺍﻭ ﻭﺍﻛﻒ
ﺃﺷﺮﺗﻠﻪ ﻛﺘﻠﻪ ﺷﻜﻮ ﻭﻳﻦ ﺗﺮﻳﺪ
ﺃﻧﻲ ﺗﺴﺠﻞ ﺍﺳﻤﻲ ﻭﻳﻪ ﺍﺳﻤﻜﻢ ﻟﻮ ﺍﺭﺩ ﻟﻮ ﺍﻣﻮﺕ ﻭﻳﺎﻛﻢ
ﻭﺍﻟﻨﻌﻢ ﻣﻨﻚ ﻳﺨﻮﻱ ﻣﺎﺭﺍﺡ ﺍﻛﻠﻚ ﺭﺩ ﻷﻥ ﻣﺎﺭﺍﺡ ﺗﺴﻤﻊ ﻣﻨﻲ ﻣﻮ
ﻫﻬﻪ ﻻ
ﺧﻼﺹ ﺧﻠﻴﻨﻪ ﻧﺘﻮﻛﻞ
ﻃﻠﻌﺖ ﻭﺭﺍﻧﻪ ﺃﻡ ﻓﻴﺼﻞ ﺑﻴﺪﻩ ﻃﺎﺳﺔ ﻣﺎﻱ ﺷﻤﺮﺗﻪ ﻭﺭﺍﻧﻪ
ﺍﻟﺘﻔﺘﻨﻪ ﻋﻠﻴﻪ ﺍﺑﺘﺴﻤﺖ ﺍﻟﻪ ﻭﻣﺸﻴﻨﻪ
ﻋﺒﺮﻧﻪ ﺧﻴﻤﺔ ﻋﻤﺮ ﺟﺎﻥ ﻧﺴﻤﻊ ﺻﻮﺕ ﺍﺑﻮﻩ ﻳﺼﻴﺢ ﻭﺭﺍﻧﻪ
ﻋﻤﺮ ﻋﻤﺮ
ﻭﻛﻔﻨﻪ ﻭﻟﺘﻔﺘﻨﻪ ﻋﻠﻴﻪ
ﻛﺎﻝ ﻋﻤﺮ
ﻫﺎ ﻳﺎﺑﻪ ﺧﻴﺮﻙ ﺑﺲ ﻻ ﺗﻌﺮﻇﻠﻲ
ﻻ ﻳﺎﺑﻪ ﻣﻮﻛﻞ ﺑﻠﻠﻪ ﺑﺲ ﺭﺩﺕ ﺍﻃﻴﻚ ﻫﺎﻱ
ﻃﻠﻊ ﺳﻮﻳﺞ ﺳﻴﺎﺭﻩ ﺧﻼﻩ ﺑﻴﺪ ﻋﻤﺮ
ﻫﺎﻱ ﺷﻨﻮ ﻳﺎﺑﻪ ﺳﻴﺎﺭﺗﻚ ﺧﺎﻑ ﺗﺤﺘﺎﺟﻮﻧﻪ
ﻻ ﻳﺎﺑﻪ ﺷﻨﺴﻮﻱ ﺑﻴﻬﻪ ﻣﻦ ﻳﻮﻡ ﺍﺟﻴﻨﻪ ﻟﻬﻨﺎ ﻟﻠﻴﻮﻡ ﻣﺎ ﺍﺳﺘﻌﻤﻠﻨﺎﻫﻪ
ﺍﻧﺘﻮ ﻣﺤﺘﺎﺟﻴﻨﻬﻪ ﺍﻛﺜﺮ
...
ﺣﻈﻦ ﻋﻤﺮ ﺍﺑﻮ ﻭﺑﺎﺱ ﻛﺼﺘﻪ ﻭﻛﻠﻪ
ﺗﺴﻠﻢ ﻳﺎ ﻏﺎﻟﻲ
ﺍﺧﺬﻧﻪ ﺍﻟﺴﻴﺎﺭﻩ ﻭﻣﺸﻴﻨﻪ
ﻛﺘﻠﻪ ﻋﻤﺮ ﻫﺴﻪ ﻭﻳﻦ ﻧﻠﻜﻪ ﻋﻠﻲ
ﻧﻤﺸﻲ ﺑﻠﻄﺮﻳﻖ ﺍﻟﻲ ﻳﻮﺻﻞ ﻟﺠﺴﺮ ﺍﻟﻮﺍﺻﻞ ﺑﻴﻦ ﺍﻟﺠﺎﻧﺒﻴﻦ ﺍﻛﻴﺪ ﻣﺎ ﻣﺎﺷﻲ ﻫﻮﺍﻱ
ﻳﻌﻨﻲ ﻫﻮ ﻃﺮﻳﻖ ﻭﺍﺣﺪ
ﻻ ﻫﻮﺍﻳﻪ ﺟﺴﻮﺭ ﺑﺲ ﺍﺣﻨﻪ ﻧﻤﺸﻲ ﺑﻬﺬﺍ ﺍﻟﻄﺮﻳﻖ ﻷﻥ ﻣﻦ ﻋﻨﺪﻩ ﻳﻮﺻﻞ ﻟﻠﺠﺴﺮ
ﺧﻮﺵ ﻳﻌﻨﻲ ﺗﻨﺪﻝ ﺍﻧﺖ
ﻫﻬﻬﻪ ﻭﻟﻚ ﻏﻴﺮ ﺃﻧﻲ ﺍﺑﻦ ﺍﻟﻤﻮﺻﻞ ﺷﻠﻮﻥ ﻣﺎ ﺍﻧﺰﻝ
ﻭﺩﺍﻋﺘﻚ ﻫﻨﺎ ﺍﻧﺪﻝ ﺷﺒﺮ ﺷﺒﺮ
ﺑﻘﻴﻨﻪ ﻣﺎﺷﻴﻦ ﻟﺤﺪ ﻣﺎ ﻭﺻﻠﻨﻪ ﻟﻠﺴﻴﻄﺮﻩ ﺍﻷﻭﻟﻰ ﻟﻤﺤﻨﻪ ﺳﻴﺎﺭﻩ ﻭﺍﻛﻔﻪ ﻛﺪﺍﻣﻨﻪ ﺷﻮﻳﻪ ﻣﺸﺖ
ﻭﺭﺍﻫﻪ ﺍﺣﻨﻪ ﻋﺒﺮﻧﻪ
ﺑﻘﻴﻨﻪ ﻧﻤﺸﻲ ﻭﺍﻟﺴﻴﺎﺭﻩ ﺗﻤﺸﻲ ﻛﺪﺍﻣﻨﻪ
ﻣﺴﺎﻓﻪ ﻃﻮﻳﻠﻪ
ﻟﺤﺪ ﻣﺎ ﻭﺻﻠﻨﻪ ﻟﻠﺠﺴﺮ ﺍﻟﻔﺎﺻﻞ
ﺷﻔﻨﻪ ﺍﻟﺴﻴﺎﺭﻩ ﻭﻛﻔﺖ ﻳﻢ ﺍﻟﺴﻴﻄﺮﻩ
ﺷﻮ ﻃﻮﻟﺖ
ﺷﻮﻳﻪ ﻧﺰﻝ ﻣﻦ ﻋﺪﻩ ﻭﻟﺪ ﺑﺎﻭﻋﻨﻪ ﺯﻳﻦ ﺟﺎﻥ ﻳﻄﻠﻊ ﻋﻠﻲ
ﺑﻘﻮ ﻳﻔﺘﺸﻮﻥ ﺑﻴﻪ
ﻭﺍﺣﺪ ﻳﺸﻤﺮﻩ ﻋﻠﻰ ﻭﺍﺣﺪ
ﻣﺮﺕ ﻣﻦ ﻳﻤﻨﻪ ﺍﻟﺴﻴﺎﺭﻩ ﻛﺘﻠﻪ ﻫﺎ ﻋﻤﻲ ﻟﻴﺶ ﻧﺰﻝ ﺍﻟﻮﻟﺪ
ﻫﺰ ﺭﺍﺳﻪ ﺑﻘﻬﺮ ﻭﻛﺎﻝ
ﻭﺍﻟﻠﻪ ﻳﻌﻤﻲ ﺑﺲ ﺍﻟﻠﻪ ﻳﺨﻠﺼﻨﻪ ﻣﻦ ﻫﻠﺪﻭﺍﻋﺶ
ﻟﻴﺶ ﺷﻤﺴﻮﻱ ﺍﻟﻮﻟﺪ
ﻣﺎ ﻣﺴﻮﻱ ﺷﻲ ﻭﺍﻟﻠﻪ ﺑﺲ ﻫﻤﻪ ﺩﻛﻮ ﺍﻟﻨﺎﻗﺼﻪ ﻭﻳﺎ ﻭﺧﺬﻭﺍ ﻭﺍﻟﻠﻪ ﺃﻋﻠﻢ ﺷﻨﻮ ﻣﺼﻴﺮﻩ
ﺑﺎﻭﻋﺖ ﺍﻟﻌﻤﺮ ﻛﺘﻠﻪ ﺷﺮﺍﺡ ﻧﺴﻮﻱ
ﻋﻤﺮ .... ﺗﻜﺪﺭ ﺗﺴﻮﻕ
ﺃﻱ ﺍﻛﺪﺭ
ﺧﻮﺵ ﺗﻌﺎﻝ ﺑﻤﻜﺎﻧﻲ ﺳﻮﻕ ﻭ ﺧﻠﻴﻨﻲ ﺃﻧﻲ ﺍﺣﺠﻲ
ﻣﻦ ﻳﻄﻠﻊ ﻋﻠﻲ ﺩﻭﺱ ﻟﻠﺴﻴﺎﺭﻩ
ﺧﻮﺵ
ﻛﻌﺪﺕ ﺑﻤﻜﺎﻥ ﺍﻟﺴﺎﻳﻖ ﻭﻣﺸﻴﻨﻪ ﻳﻢ ﺍﻟﺴﻴﻄﺮﻩ
ﺑﻘﻪ ﻋﻤﺮ ﻳﺤﺠﻲ ﺣﻴﻞ ﻭﻳﺎﻫﻢ ﻭﻳﺼﻴﺢ ﺑﺲ ﻳﺮﻳﺪ ﻋﻠﻲ ﻳﻄﻠﻊ
ﺷﻮﻳﻪ ﺻﺪﻙ ﻃﻠﻊ ﻋﻠﻲ
ﺩﺳﺖ ﻟﻠﺴﻴﺎﺭﻩ ﻭﻋﻤﺮ ﻓﺘﺢ ﺍﻟﺒﺎﺏ
ﻭﺻﻠﻨﻪ ﻳﻢ ﻋﻠﻲ ﺻﻌﺪ ﺑﺴﺮﻋﻪ
ﻣﺸﻴﺖ ﺑﺴﺮﻋﻪ
ﻭﺍﻟﺮﻣﻲ ﺻﺎﺭ ﻭﺭﺍﻧﻪ .
ﺍﻟﺤﺪ ﻣﺎ ﻋﺒﺮﻧﻪ ﺍﻟﺠﺴﺮ
ﻭﺑﻌﺪﻧﻪ ﻋﻠﻴﻬﻢ
ﺻﺎﺭ ﺍﻟﻴﻞ ﻭﺍﺣﻨﻪ ﻧﻤﺸﻲ ﻭﻣﺎ ﻧﻨﺪﻝ
ﺣﻴﺪﺭ ﻫﺴﻪ ﻭﻳﻦ ﻧﺮﻭﺡ
ﻋﻤﺮ .... ﺧﻠﻴﻨﻪ ﻧﺒﺎﺕ ﺍﻟﻠﻴﻮﻡ ﻫﻨﺎ ﻟﺤﺪ ﻣﺎ ﻳﻄﻠﻊ ﺍﻟﻨﻬﺎﺭ ﻷﻥ ﻣﺎ ﺍﻧﺪﻝ ﻫﻨﺎ ﻫﻮﺍﻱ
ﻋﻠﻲ ....
ﺃﻱ ﺑﻌﺪ ﺑﻌﺪ ﻗﺮﺭﻭ ﺑﻜﻴﻔﻜﻢ
ﻋﻤﺮ .... ﻻ ﺧﻴﻲ ﺍﻧﺖ ﺍﻷﺻﻞ ﺑﻜﻴﻔﻚ ﺷﺘﻘﺮﺭ ﺍﺣﻨﻪ ﺍﻧﻔﺪﺫ
ﺣﻴﺪﺭ .... ﺻﺪﻙ ﺟﺬﺏ ﺍﺣﺠﻲ ﻛﻮﻝ ﺍﻟﻲ ﺗﺄﻣﺮ ﺑﻴﻪ ﻧﺴﻮﻱ
ﻋﻠﻲ .....
ﻧﺒﺎﺕ ﻫﻨﺎ ﻧﺘﺮﺕ
ﻋﻤﺮ .... ﺣﻴﺪﺭ .... ﻫﻬﻬﻬﻬﻬﻬﻬﻬﻬﻬﻬﻪ
ﺑﻘﻴﻨﻪ ﺍﻟﻴﻞ ﻛﻠﻪ ﻧﺴﻮﻟﻒ ﻭﻧﻈﺤﻚ ﻟﺤﺪ ﻣﺎ ﻏﻔﻴﻨﻪ
ﻗﺒﻞ ﻻ ﺗﻄﻠﻊ ﺍﻟﺸﻤﺲ
ﺗﺤﺮﻛﻨﻪ
ﺍﻟﻄﺮﻳﻖ ﻣﻮﺣﺶ ﺟﺎﻥ ﺍﻟﻔﺠﺮ ﻣﺎﻛﻮ ﻧﺎﺱ ﻭﻻ ﺩﻭﺍﻋﺶ
ﺍﻟﻀﺎﻫﺮ ﺟﺎﻱ ﻳﻨﺴﺤﺒﻮﻥ ﻷﻥ ﻛﻞ ﻭﻳﻦ ﻳﺎﻟﻠﻪ ﻧﻠﻜﻪ ﺳﻴﻄﺮﻩ
ﻋﻤﺮ ﻻﻥ ﻣﺼﻼﻭﻱ ﻳﺤﺠﻲ ﻭﻳﺎﻫﻢ ﻭﻳﻌﺒﺮﻧﻪ
ﻟﺤﺪ ﻣﺎ ﻭﺻﻠﻨﻪ ﻟﻠﺤﻲ ﺍﻟﻲ ﺑﻴﻪ ﺃﻡ ﺯﻳﺪ ﻭﺍﻟﻮﻟﺪ
ﻟﻴﻠﻰ .....
ﺍﻟﻴﻠﻪ ﻣﺎﻋﺮﻑ ﺷﻨﻮ ﺑﻴﻪ
ﺍﺣﺲ ﺑﻨﻔﺴﻲ ﻓﺮﺣﺎﻧﻪ
ﻻ ﻃﺎﻳﺮﻩ ﻣﻦ ﺍﻟﻔﺮﺡ
ﻛﻞ ﺍﻟﻲ ﺷﺎﻓﻨﻲ ﻻﺣﻆ ﻋﻠﻴﻪ ﺍﻟﻔﺮﺡ
ﺟﺎﻥ ﻋﻨﺪﻱ ﻭﺍﻫﺲ ﺍﻃﺒﺦ
ﺳﻮﻳﺖ ﻣﻘﻠﻮﺑﻪ ﻭﺳﻮﻳﺖ ﺣﻠﻮﻳﺎﺕ
ﻭﺯﻻﻃﻪ
ﻣﺎﺧﻠﻴﺖ ﻣﺎﻣﺎ ﺗﺴﺎﻋﺪﻧﻲ
ﺗﻌﺸﻴﻨﻪ ﻭﺍﻟﺒﺴﻤﻪ ﻣﺎﻓﺎﺭﻛﺖ ﻭﺟﻬﻲ
ﻟﺤﺪ ﻣﺎ ﺭﺩﻧﻪ ﻧﺎﻡ
ﺭﺣﺖ ﻋﻠﻰ ﻣﺎﻣﺎ ﻭﻛﺘﻠﻪ
ﻣﺎﻣﺎ ﻣﻤﻜﻦ ﺍﻧﺎﻡ ﻭﻳﺎﺝ
ﻳﺎﻋﻤﺮﻱ ﺗﻌﺎﻟﻲ ﻳﺮﻭﺣﻲ
ﻓﺘﺤﺖ ﺍﻟﺠﺮﺟﻒ ﻭﻛﺎﻟﺖ ﺗﻌﺎﻟﻲ
ﻧﻤﺖ ﻭﻳﺎﻫﻪ ﻭﺍﻧﻲ ﻓﺮﺣﺎﻧﻪ ﻛﺘﻠﻪ
ﻣﺎﻣﺎ ﺍﻟﻴﻮﻡ ﺃﻧﻲ ﻛﻠﺶ ﻓﺮﺣﺎﻧﻪ
ﺩﻭﻣﺞ ﺣﺒﻴﺒﺘﻲ
ﻧﻤﺖ ﻭﺍﻧﻲ ﻣﻨﺘﻈﺮﻩ ﺳﻌﺎﺩﻩ ﺑﻈﻬﺮ ﺍﻟﻐﻴﺐ
ﻋﻠﻲ
ﻛﻠﻤﺎ ﻧﻘﺘﺮﺏ ﻣﻦ ﺍﻟﺒﻴﺖ ﻛﻠﻤﺎ ﻛﻠﺒﻲ ﺩﻛﺎﺗﻪ ﺗﺰﻳﺪ
ﻃﺒﻴﻨﻪ ﺑﻠﺸﺎﺭﻉ ﻭﺍﻧﻲ ﺑﻮﺩﻱ ﺃﻃﻴﺮ ﻣﻦ ﺍﻟﺴﻴﺎﺭﻩ ﻭﺍﺩﺧﻞ ﻟﻠﺒﻴﺖ ﺑﺲ ﺣﺘﻰ ﺍﻛﻠﻪ
ﺃﻧﻲ ﻭﻓﻴﺖ ﺑﻮﻋﺪﻱ ﻭﺭﺟﻌﺖ ﺍﻟﺞ
ﺑﻌﺪ ﻛﻢ ﺑﻴﺖ ﻭﻧﻮﺻﻞ
ﺟﺎﻥ ﺗﻌﺘﺮﻅ ﻃﺮﻳﻘﻨﻪ ﺳﻴﺎﺭﺕ ﺩﻭﺍﻋﺶ
ﻧﺰﻟﻮﺍ ﻭﻭﺟﻬﻮ ﺳﻼﺣﻬﻢ ﻋﻠﻴﻨﻪ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء