رواية إيام لا تحتسب الجزء الخامس
للكاتبة
طائر بلا تغريد
.......
ﺻﻮﺏ ﻋﻠﻴﻪ ﺑﻨﻔﺲ ﺍﻟﻠﺤﻈﻪ ﺻﺎﺭﺕ ﺿﺮﺑﻪ ﻗﻮﻳﻪ ﺍﻧﺪﻓﻌﺖ ﻣﻦ ﻓﻮﻙ ﺍﻟﺠﺮﻑ
ﺟﺎﻥ ﺍﻟﺠﺮﻑ ﻣﻨﺤﺪﺭ ﻳﻌﻨﻲ ﻣﻦ ﻧﻮﻛﻊ ﺗﺘﻠﻜﺎﻙ ﺍﻟﻜﺎﻉ ﻣﺴﺎﻓﻪ ﻭﺑﻌﺪﻳﻦ ﻧﻮﺻﻞ ﻟﻠﻨﻬﺮ
ﺍﻧﻈﺮﺑﺖ ﺑﺤﺠﺮ ﻭﺷﻮﻙ ﻭﺭﻣﻞ ﺩﺧﻞ ﺑﻌﻴﻮﻧﻲ ﻟﺤﺪ ﻣﺎ ﺍﺳﺘﻘﺮﻳﺖ ﺑﻠﻜﺎﻉ
ﺍﻟﻔﻮﻙ ﺍﻟﺠﺮﻑ ﻣﻴﺸﻮﻑ ﺍﻟﻲ ﺟﻮﻩ
ﺑﻘﻴﺖ ﻣﺘﻤﺪﺩ ﻓﺘﺮﻩ ﺳﻤﻌﺖ ﺻﻮﺕ ﺍﻟﻄﻠﻖ ﻛﻤﻠﻮﺍ ﻗﺘﻞ
ﻛﻞ ﺩﻗﻴﻘﻪ ﻳﻨﺸﻤﺮ ﺷﺎﺏ ﺑﻠﻤﻲ
ﻛﺪﺍﻡ ﻋﻴﻨﻲ ﺍﻟﻨﻬﺮ ﺻﺎﺭ ﺃﺣﻤﺮ ﻣﻦ ﺩﻡ ﺍﻟﺸﺒﺎﺏ
ﻭﺍﻧﻲ ﻣﺠﺘﻒ ﺑﺎﻭﻋﺖ ﺩﺍﻳﺮ ﻣﺪﺍﻳﺮﻱ ﺷﻔﺖ ﻛﺰﺍﺯﻩ ﺯﺣﻔﺖ ﺍﻟﻪ ﻭﻟﺰﻣﺘﻪ ﺑﻴﻦ ﺍﺩﻳﻪ ﻭﺑﺪﻳﺖ ﺍﻛﻄﻊ ﺑﻠﺤﺒﻞ
ﺇﻟﻰ ﺃﻥ ﺍﻧﻔﺘﺢ ﺍﻟﺤﺒﻞ
ﺍﺑﺘﻌﺪﺕ ﻋﻦ ﺟﺮﻑ ﺍﻟﻨﻬﺮ ﻟﺤﺪ ﻣﺼﺎﺭ ﺍﻟﻠﻴﻞ
ﺻﺎﺭ ﻫﺪﻭﺀ
ﻗﺮﺭﺕ ﺍﺳﺒﺢ ﻭﺍﻃﻠﻊ ﻣﻦ ﺍﻟﺠﻬﻪ ﺍﻟﺜﺎﻧﻴﻪ
ﻓﻌﻼ ﻧﺰﻟﺖ ﺑﻠﻤﺎﻱ ﻭﺃﺧﺬﺕ ﻧﻔﺲ ﺟﺒﻴﺮ ﻭﺳﺒﺤﺖ ﻟﻠﺼﻮﺏ ﺍﻟﺜﺎﻧﻲ
ﻃﻠﻌﺖ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﻭﺑﻘﻴﺖ ﺍﻣﺸﻲ ﻣﺎﻋﺮﻑ ﻭﻳﻦ ﺍﺭﻭﺡ ﺑﺲ ﺟﺎﻥ ﺍﻛﻮ ﺍﺿﻮﻳﻪ ﻓﻘﺮﺭﺕ ﺍﻣﺸﻲ ﺻﻮﺏ ﺍﻷﺿﻮﻳﻪ
ﻟﺤﺪ ﻣﺎ ﻭﺻﻠﺖ ﺟﺎﻧﺖ ﻗﺮﻳﻪ ﺻﻐﻴﺮﻩ ﺍﺳﻤﻬﻪ ......
ﺗﻠﻜﻮﻧﻲ ﺍﻫﻞ ﺍﻟﻘﺮﻳﻪ ﺭﺣﺒﻮ ﺑﻴﻪ ﺧﺎﺻﻪ ﺑﻌﺪ ﻣﺎ ﻋﺮﻓﻮﺍ ﺃﻧﻲ ﻃﻠﻌﺖ ﻣﻦ ﻣﺠﺰﺭﺓ ﺳﺒﺎﻳﻜﺮ
ﺍﻟﻲ ﻋﺮﻓﺘﻪ ﺍﻛﺜﺮ ﻣﻦ ﺍﻟﻔﻴﻦ ﺷﺎﺏ ﺍﻧﻘﺘﻞ ﺑﻬﺎﻱ ﺍﻟﻠﻴﻠﻪ ﺍﻟﻔﺎﺗﺖ
ﻋﺸﺖ ﺑﻠﻘﺮﻳﻪ ﺍﺳﺒﻮﻉ ﺑﻬﺬﺍ ﺍﻷﺳﺒﻮﻉ ﺍﻫﻞ ﺍﻟﻘﺮﻳﻪ ﻛﺪﺭﻭ ﻳﻄﻠﻌﻮﻥ ﺛﻠﺚ ﺷﺒﺎﺏ ﻧﻔﺲ ﺣﺎﻟﺘﻲ ﺍﻟﻀﺎﻫﺮ ﺗﻌﺒﻮﺍ ﻣﻜﺎﻣﻮ ﻳﺮﻛﺰﻭﻥ ﺑﻠﻘﺘﻞ
ﺍﻟﻤﻬﻢ ﺑﻌﺪ ﺍﻷﺳﺒﻮﻉ ﻃﻠﻌﻨﻪ ﻣﻦ ﺍﻟﻘﺮﻳﻪ ﺭﺣﻨﻪ ﻋﻠﻰ ﺣﺪﻭﺩ ﺍﻷﻧﺒﺎﺭ ﻳﻤﻜﻦ ﻧﻜﺪﺭ ﻧﺮﺟﻊ ﺍﻟﺒﻐﺪﺍﺩ
ﺑﺲ ﺟﺎﻥ ﺍﻟﺮﺟﻮﻉ ﺍﻟﺒﻐﺪﺍﺩ ﻣﻦ ﺍﻟﻤﺴﺘﺤﻴﻞ
ﺟﺎﻥ ﻭﺍﺣﺪ ﻣﻦ ﺍﻟﻮﻟﺪ ﺍﻟﻲ ﻭﻳﺎﻱ ﺍﺳﻤﻪ ﻋﺪﻱ ﻣﻦ ﺍﺭﺑﻴﻞ ﻓﻜﺎﻝ ﻧﺮﻭﺡ ﺍﻷﺭﺑﻴﻞ
ﺑﺲ ﻣﺎﻛﻮ ﻧﻘﻞ ﻣﺒﺎﺷﺮ ﺍﻷﺭﺑﻴﻞ
ﺑﻘﻴﻨﻪ ﻧﺘﻨﻘﻞ ﻣﻦ ﻗﺮﻳﻪ ﺍﻟﻘﺮﻳﻪ
ﺳﻴﺎﺭﻩ ﺗﺬﺑﻨﻪ ﻋﻠﻰ ﺳﻴﺎﺭﻩ
ﺑﻴﻮﻡ ﻭﺻﻠﻨﻪ ﻋﻠﻰ ﻗﺮﻳﻪ ﺑﻸﻧﺒﺎﺭ
ﺩﺧﻠﻨﻪ ﻋﻠﻰ ﻧﺎﺳﻪ ﺟﺎﻧﻮ ﻓﻘﺮﻩ
ﺗﻠﻜﺎﻧﻪ ﻭﺍﺣﺪ ﺍﺧﺬﻧﻪ ﺍﻟﺒﻴﺘﻬﻢ ﻫﻤﻪ ﺛﻨﻴﻦ ﺃﺧﻮﻩ ﺑﺲ ﻋﺎﻳﺸﻴﻦ ﺑﻴﺖ ﻭﺍﺣﺪ
ﺑﻘﻴﻨﻪ ﻋﺪﻫﻢ ﻳﻮﻣﻴﻦ ﺳﺄﻟﺖ
ﺍﺑﻮ ﺟﻼﻝ ﺍﻻﺥ ﺍﻷﻛﺒﺮ ﻛﺘﻠﻪ
ﺧﻴﻲ ﺷﻨﻲ ﺳﺎﻟﻔﺖ ﺫﻭﻟﻪ ﺍﻟﺪﻭﺍﻋﺶ ﻣﻨﻴﻦ ﺍﺟﻮ
ﻛﻠﻲ ﺫﻭﻟﻪ ﺳﺎﻟﻔﺘﻬﻢ ﻃﻮﻳﻠﻪ
ﻭﺍﺣﻨﻪ ﻣﺎﻋﺪﻧﻪ ﺷﻲ ﻧﺴﻤﻊ ﻣﻮ ﺻﺢ ﻳﻮﻟﺪ ﺳﺌﻠﺘﻬﻢ
ﻫﻬﻪ ﺃﻱ ﻛﺎﻋﺪﻳﻦ ﻻ ﺷﻐﻞ ﻭﻻ ﻋﻤﻞ
ﺧﻮﺵ ﺧﻠﻮﻧﻲ ﺍﺳﻮﻳﻠﻜﻢ ﺟﺎﻱ ﻭﺍﻛﻌﺪ ﺍﺳﻮﻟﻒ ﺍﻟﻜﻢ
ﺻﺒﻠﻨﻪ ﺟﺎﻱ ﻭﻛﺎﻝ
ﺍﻭﻝ ﺷﻲ ﺟﺎﻧﻮ ﺑﺲ ﻣﺠﺮﺩ ﻋﺸﺎﺋﺮ ﻣﺠﺘﻤﻌﻴﻦ ﻳﻄﺎﻟﺒﻮﻥ ﺑﺤﻘﻮﻕ ﺑﻌﺪﻳﻦ ﺩﺧﻠﻮ ﻧﺎﺱ ﺑﺮﺍﻳﺎﺕ ﺳﻮﺩﺍﺳﻤﻬﻢ ﺗﻨﻈﻴﻢ ﺍﻟﺪﻭﻟﻪ ﺍﻻﺳﻼﻣﻴﻪ ﺍﻭﻝ ﻣﺪﺧﻠﻮ ﻛﺎﻟﻮ ﻟﻠﻨﺎﺱ ﺍﺣﻨﺎ ﻭﻳﺎﻛﻢ
ﻃﺒﻌﺎ ﺍﺟﻮﻱ ﺑﺴﻴﺎﺭﺍﺕ ﻣـ ƒřô๓ ـﮩـﻦ ﺍﻟﺼﺤﺮﺍﺀ
ﻛﺎﻟﻮ ﺍﺣﻨﺎ ﺍﺟﻴﻨﺎ ﺍﻟﻨﺼﺮﺗﻜﻢ
ﻭﻣﺎﻋﺪﻧﺎ ﺷﻲ ﻭﻳﺎﻛﻢ
ﺷﻮﻳﻪ ﺷﻮﻳﻪ ﺍﺳﺘﻤﻜﻨﻮﺷﻮﻳﻪ ﺷﻮﻳﻪ ﻋﻼ ﺻﻮﺗﻬﻢ
ﺷﻮﻳﻪ ﺷﻮﻳﻪ ﺑﺪﻭ ﻳﺤﺎﺳﺒﻮﻥ ﺛﻮﺍﺭ ﺍﻟﻌﺸﺎﺋﺮ
ﻭﻳﺮﺩﻭﻥ ﻳﻀﻤﻮﻫﻢ ﺍﻟﻬﻢ ﻭﺑﺪﻭ ﻳﺬﺑﺤﻮﻥ ﺑﻴﻬﻢ ﻟﻮ ﺗﺼﻴﺮﻭﻥ ﻭﻳﺎﻧﺎﻟﻮ ﻧﺬﺑﺤﻜﻢ
ﺍﻟﻲ ﺑﻄﻞ ﺍﻧﻬﺰﻡ
ﻭﺍﻟﻲ ﺑﻘﻰ ﺻﺎﺭ ﻭﻳﺎﻫﻢ
ﺑﺪﻭ ﻳﺎﺧﺬﻭﻥ ﻣﺪﻥ ﻫﻮﺍﻱ
ﻭ ﺍﻟﺴﺒﺐ ﻛﺎﻥ ﺍﻟﺠﻴﺶ ﻳﻨﺴﺤﺒﻮﻥ ﻫﻤﻪ ﻳﺎﺧﺬﻭﻥ ﺍﻟﻤﺪﻳﻨﻪ
ﺻﺎﺭﻭ ﻳﻤﻨﻌﻮﻥ ﺍﻟﺠﻜﺎﻳﺮﻟﺤﺪ ﻣﺎ ﺻﻌﺪ ﺳﻌﺮﻫﺎ ﻭﺻﺎﺭﺕ ﺍﻟﺠﻜﺎﺭﻩ ﺍﻟﻮﺣﺪﻩ ﺏ١٠ ﺍﻻﻑ
ﻭﻫﻤﻪ ﻧﻔﺴﻬﻢ ﻳﺒﻴﻌﻮﻥ ﺟﻜﺎﻳﺮ
ﺍﻻﻛﻞ ﻭﺍﻟﻤﻮﺍﺩ ﺍﻟﻐﺬﺍﺋﻴﻪ ﻛﻠﻬﺎ ﺻﻌﺪﺕ
ﺻﺎﺭﺕ ﺍﻟﻨﺎﺱ ﺍﻟﻔﻘﻴﺮﻩ ﺗﺪﻭﺭ ﻋﻠﻰ ﻟﻜﻤﺔ ﺧﺒﺰ ﻣﺎ ﺗﻠﻜﻪ
......
ﺍﻛﻮ ﻧﺎﺱ ﻣﺮﻳﻈﻪ ﺑﻠﺴﻜﺮ ﻻﺯﻡ ﺗﻈﺮﺏ ﺍﻧﺴﻮﻟﻴﻦ
ﻣﻨﻌﻮﺍ ﺍﻷﻧﺴﻮﻟﻴﻦ
ﻑ ﺍﻛﻮ ﻧﺎﺱ ﺟﺰﺍﻫﻢ ﺍﻟﻠﻪ ﺧﻴﺮ ﻳﻬﺮﺑﻮﻥ ﺍﻹﺑﺮ
ﻭﻳﺪﺯﻭ ﺑﺎﻟﺸﻂ ﻭﻳﻮﺻﻞ ﻭﺍﻟﻨﺎﺱ ﺗﺎﺧﺬﻩ
ﺍﻟﺪﻭﺍﻋﺶ ﻋﺮﻓﻮ ﺑﻬﺬﺍ ﺍﻟﺸﻲ
ﺻﺎﺭﻭ ﻳﺎﺧﺬﻭﻥ ﻫﻤﻪ ﺍﻻﻧﺴﻮﻟﻴﻦ
ﺣﺘﻰ ﻳﺒﻴﻌﻮ ﻟﻠﻨﺎﺱ ﺑﻌﺪ ﻣﺎ ﺟﺎﻥ ﻳﻮﺻﻞ ﺍﺑﻼﺵ
ﺍﻟﻔﻘﺮ ﺍﻧﺘﺸﺮ ﺑﺸﻜﻞ ﺑﺤﻴﺚ ﺃﺫﻛﺮ ﺍﻟﻜﻢ ﺣﺎﺩﺛﻪ ﺻﺎﺭﺕ ﺗﺸﺮﺡ ﺍﻟﻜﻢ ﻟﻴﻮﻥ ﻭﺻﻞ ﺍﻟﺠﻮﻉ
ﺍﻛﻮ ﻣﺮﻩ ﺧﻄﻴﻪ ﻋﺪﻫﺎ ﺍﺭﺑﻊ ﺍﻃﻔﺎﻝ ﺑﻌﺪ ﻣﺘﻌﺮﻑ ﺷﻨﻮ ﺗﻨﻄﻴﻬﻢ ﺍﻛﻞ ﻭﺯﻭﺟﻬﺎ ﻣﺘﻮﻓﻲ
ﺍﻷﻃﻔﺎﻝ ﺗﺒﺠﻲ ﺗﺮﻳﺪ ﺃﻛﻞ
ﻭﻫﻴﻪ ﻣﺤﺘﺎﺭﻩ ﻣﻨﻴﻦ ﺗﺠﻴﺐ ﺃﻛﻞ
ﻟﻮ ﺗﺒﻴﻊ ﻧﻔﺴﻪ ﻟﻮ ﺗﻤﻮﺕ ﻫﻴﻪ ﻭﺃﻃﻔﺎﻟﻪ
ﻓﺄﺧﺬﺕ ﺍﻃﻔﺎﻟﻬﻪ ﻭﺫﺑﺖ ﺭﻭﺣﻬﺎ ﺑﻠﺸﻂ ﻫﻴﻪ ﻭﺍﻃﻔﺎﻟﻬﺎ
ﻻ ﺣﻮﻝ ﺍﻟﻠﻪ ﺻﺪﻙ ﺗﺤﺠﻲ ﻧﺘﺮﺕ
ﻭﺍﻟﻠﻪ ﻳﺨﻮﻱ ﻭﺑﻌﺪ ﺃﻛﺜﺮ ﺻﺎﺭ ﺑﻴﻨﻪ
ﺷﻨﻮ ﺑﻌﺪ ﺃﻛﺜﺮ ﻣﻦ ﻫﻴﺞ ﺻﺎﺡ ﻋﺪﻱ
ﺍﺳﻤﻊ ﺍﺳﻤﻊ ﻭﺍﻧﺖ ﺗﻌﺮﻑ ﻛﺎﻝ ﺍﻟﺮﺟﺎﻝ
ﻳﺠﻮﻥ ﻋﻠﻰ ﺍﻟﻨﺎﺱ ﺍﻟﻔﻘﺮﻩ ﺍﻟﻲ ﻣﺎﻋﺪﻫﻢ ﺍﻛﻞ ﻧﻨﻄﻴﻚ ﻃﺤﻴﻦ ﻭﺷﻜﺮ ﻭﺗﻤﻦ ﻭﺻﻴﺮﻭ ﻭﻳﺎﻧﻪ ﺍﻛﻮ ﻧﺎﺱ ﻣـ ƒřô๓ ـﮩـﻦ ﺍﻟﺠﻮﻉ ﺻﺎﺭﺕ ﻭﻳﺎﻫﻢ ﻭﻧﺎﺱ ﻣﺎﺗﺖ ﺣﺘﻰ ﻣﺘﺼﻴﺮ ﻭﻳﺎﻫﻢ
ﻧﺴﻴﺒﻲ ﺟﺎﻥ ﻳﺠﻴﺐ ﻷﺑﻨﻪ ﺣﻠﻴﺐ ﺑﻘﺮ ﻣﻦ ﻣﻨﻄﻘﻪ ﻗﺮﻳﺒﻪ
ﻣﺮﻩ ﺗﻠﻜﻮﻩ
ﻭﺍﺧﺬ ﺍﻟﺤﻠﻴﺐ ﻣﻨﻪ
ﻳﻜﻮﻟﻮﻥ ﺍﻟﻤﻘﺎﺗﻠﻴﻦ ﻳﺴﺘﺎﻫﻠﻮﻥ ﺍﻛﺜﺮ ﻣـ ƒřô๓ ـﮩـﻦ ﺍﺑﻨﻚ
ﺣﺼﺮﻭ ﺍﻟﻨﺎﺱ ﺩﺍﺧﻞ ﺍﻟﻤﺪﻳﻨﻪ
ﻣﻴﺨﻠﻮﻥ ﺍﺣﺪ ﻳﻄﻠﻊ ﻭﻫﻤﻪ ﻋﻮﺍﺋﻠﻬﻢ ﻛﻠﻬﺎ ﺧﺎﺭﺝ ﺍﻟﻤﺪﻳﻨﻪ ﻭﻣﺮﺗﺎﺣﻴﻦ ﻛﻞ ﻭﺍﺣﺪ ﻳﺮﻳﺪ ﻳﻄﻠﻊ ﻻﺯﻡ ﻳﺴﻮﻱ ﻛﺘﺎﺏ ﻣﻨﻬﻢ ﻻﺯﻡ ﻋﻨﺪﻩ ﻣﺮﻳﺾ ﺣﻴﻞ
ﺣﺎﻟﺘﻪ ﺻﻌﺒﻪ ﻭﺍﺧﺮ ﺷﻲ ﺻﺎﺭ ﺣﺘﻰ ﺍﻟﻤﺮﻳﺾ ﻣﻴﻄﻠﻊ
ﻣﺮﺍﺕ ﻳﺼﻴﺮ ﻗﺼﻒ ﺑﺎﻟﺴﻮﻙ ﻭﻳﺮﻭﺡ ﺑﻴﻬﺎ ﻧﺎﺱ ﺍﺑﺮﻳﺎﺀﻳﺠﻮﻥ ﺍﻟﺪﻭﺍﻋﺶ ﺑﺴﻴﺎﺭﺗﻬﻢ ﻣﻴﻘﺒﻠﻮﻥ ﻳﺸﻠﻮﻥ ﺍﻟﻨﺎﺳﻲ ﻳﻜﻮﻟﻮﻥ ﺫﻭﻟﻲ ﻣـ ƒřô๓ ـﮩـﻦ ﺍﻟﻌﺎﻣﻴﻪ ﻣﻨﺸﻴﻠﻬﻢ ﻳﺴﻤﻮﻧﺎ ﺍﺣﻨﺎ ﺍﻟﻲ ﻣـ ℳO ـ͡ﯡ ﻭﻳﺎﻫﻢ ﺍﺑﻨﺎﺀ ﺍﻟﻌﺎﻣﻪ ﻭﻫﻤﻪ ﺍﺑﻨﺎﺀ ﺍﻟﺨﻮﺍﺹ
ﻣﺮﻩ ﻣـ ƒřô๓ ـﮩـﻦ ﺍﻟﻤﺮﺍﺕ ﺟﺎﺑﻮ ﺍﺛﻨﻴﻦ ﺍﻓﺘﺮﻭ ﺑﻴﻬﻢ ﺑﺎﻟﺴﻮﻛﻮﻳﺼﻴﺤﻮﻥ ﻫﺬﻭﻟﻲ ﻳﺴﻮﻥ ﻟﻮﺍﻃﻪ ( ﺣﺸﺎﻛﻢ ) ﺻﻌﺪﻭﻫﻢ ﻋﻠﻰ ﻋﻤﺎﺭﻩ ﺟﺪﺍ ﻋﺎﻟﻴﻪ ﻭﺷﻤﺮﻭﻫﻢ ﻣـ ƒřô๓ ـﮩـﻦ ﻓﻮﻙ ﺍﺛﻨﻴﻨﻬﻢ
ﻃﺒﻌﺎ ﺍﻛﻴﺪ ﺫﻭﻝ ﻣﺎﻋﺪﻫﻢ ﺷﻲ
ﻃﺒﻌﺎ ﺑﺲ ﻟﻔﻘﻮﻟﻬﻢ ﺍﻟﺘﻬﻤﻪ
ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺑﻴﻬﻢ ﻛﻤﻞ
ﺍﺫﺍ ﻭﺍﺣﺪ ﺷﺎﻑ ﻣﺮﺕ ﺍﻟﺜﺎﻧﻲ ﺣﻠﻮﻩ
ﺷﻨﻮ ﻳﺴﻮﻱ ؟
ﺷﻴﺴﻮﻱ ﺑﻠﻠﻬﺔ
ﻳﺪﺯﻩ ﻟﻠﺤﺮﺏ ﻫﻮﻩ ﺑﺎﻻﻭﻝ ﺣﺘﻰ ﻳﻤﻮﺕ ﻭﻳﺮﻭﺡ ﻳﺎﺧﺬ ﻣﺮﺗﻪ
ﻟﻮ ﻳﺪﺯﻩ ﺑﻤﻜﺎﻥ ﻛﻠﻪ ﻋﺒﻮﺍﺕ
ﺣﺘﻰ ﻳﻤﻮﺕ
ﻫﻬﻬﻬﻪ ﺧﻮﺵ ﺷﻠﻪ ﺫﻭﻟﻪ ﻧﺘﺮﺕ
ﻋﺼﺎﺑﻪ ﻣﻮ ﻧﺎﺱ
ﺗﺪﺭﻭﻥ ﻣﺮﻩ ﻣـﻦ ﺍﻟﻤﺮﺍﺕ ﻛﺘﻠﻮ ﺍﺧﻮﻳﻪ ﺿﺮﺑﻮ ﻋﻠﻰ ﻭﺟﻬﻪ ﻻﻥ ﻋﻠﻪ ﺻﻮﺗﻪ ﻋﻠﻴﻪ
ﻓﺮﺣﻨﺎ ﻋﻠﻰ ﺍﺳﺎﺱ ﺩﻧﺸﺘﻜﻲ ﻳﻢ ﺍﻟﺠﺒﻴﺮ ﻣﺎﻟﺘﻬﻢ ﺍﺧﺮ ﺷﻲ ﻳﻜﻠﻪ ﻟﻮ ﺗﺘﻨﺎﺯﻝ ﻋﻦ ﺣﻘﻚ ﻟﻮ ﺍﺫﺑﻚ ﺟﻮﻩ ﻛﻠﻪ ﺍﻟﻠﻪ ﻳﺎﺧﺬ ﺣﻘﻲ ﻭﻋﺎﻓﻬﻢ ﻭﻣﺸﻪ
ﻃﺒﻌﺎ ﻗﺎﺑﻞ ﻳﻜﻠﻬﻢ ﻏﻠﻄﺎﻧﻴﻦ
ﺍﺳﻤﻌﻮﺍ ﺍﻷﻛﺒﺮ ﻣﻨﻬﻪ
ﺣﻴﺪﺭ ... ﻳﺎ ﺳﺘﺎﺭ ﺷﻜﻮ ﺑﻌﺪ
.......
ﺍﺑﻦ ﻋﻤﺘﻲ ﺟﺎﻥ ﻣﺴﺆﻝ ﻋﻠﻰ ﻣﺴﺘﻮﺻﻒ ﺻﺤﻲ ﻭﺑﻲ ﻣﻮﻟﺪﺍﺕ ﺍﻛﺜﺮ ﻣـﻦ ﻣﺮﻩ ﺍﺟﻮﻱ ﻳﺮﺩﻭﻥ ﻳﺎﺧﺬﻭﻥ ﺍﻟﻤﻮﻟﺪ ﻭﺍﻟﻜﺎﺯ ﺍﻟﻲ ﻣﻮﺟﻮﺩ
ﻣﻘﺒﻞ ﻣﻨﻄﺎﻫﻢ ﻭﺣﺠﻰ ﻭﻳﺎﻫﻢ ﺧﺸﻦ
ﺑﻴﻮﻡ ﺟﺎﻥ ﻛﺎﻋﺪ ﺑﻠﺸﺎﺭﻉ ﺍﻧﻄﻠﻖ ﺻﺎﺭﻭﺥ ﻫﺎﻭﻥ ﻣـﻦ ﻣﻨﻄﻘﻪ ﻗﺮﻳﺒﻪ ﻭﺟﺎﻥ ﻳﻮﻛﻊ ﺑﺼﻔﻪ ﻣﻠﺨﻪ ﻣﺎﺑﻘﻰ ﺑﻲ ﺷﻲ
ﺍﺧﺬﻧﺎ ﻟﻠﻤﺴﺘﺸﻔﻰ ﻣﻴﺖ
ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ ﺍﻟﻌﻠﻲ ﺍﻟﻌﻈﻴﻢ
ﺑﻘﻴﻨﻪ ﺑﻸﻧﺒﺎﺭ ﻛﻢ ﺷﻬﺮ ﻧﺘﻨﻘﻞ ﻣﻦ ﻣﻨﻄﻘﻪ ﺍﻟﻤﻨﻄﻘﻪ
ﻟﺤﺪ ﻣﺎ ﻭﺻﻠﻨﻪ ﻟﻠﻤﻮﺻﻞ
ﺃﻳﺎﻡ ﻣﺮﺕ ﻋﻠﻴﻨﻪ ﻛﻠﺶ ﺻﻌﺒﻪ
ﺧﻮﻑ ﺭﻋﺐ ﺟﻮﻉ
ﻭﺍﺣﺪ ﻣﻦ ﺍﻟﻮﻟﺪ ﺗﺼﻮﺏ ﺑﻄﺮﻳﻖ ﻃﻠﻌﺘﻨﻪ ﻣﻦ ﺍﻷﻧﺒﺎﺭ ﺟﺎﻥ ﺻﻮﺍﺑﻪ ﻛﻠﺶ ﻗﻮﻱ
ﻻﻛﺘﻨﻪ ﺩﻭﺭﻳﻪ ﻣﻦ ﺩﺍﻋﺶ ﻭﺷﻜﻮ ﺑﻴﻨﻪ ﻭﻃﻠﻘﻮ ﻋﻠﻴﻨﻪ ﺍﻟﻨﺎﺭ ﻭﺗﺼﻮﺏ
ﺷﻠﻨﺎ ﻭﺩﺧﻠﻨﻪ ﺍﻟﻘﺮﻳﻪ
ﺍﻫﻞ ﺍﻟﻘﺮﻳﻪ ﺳﺎﻋﺪﻭﻧﻪ ﺑﺲ ﻣﺎﻛﺪﺭﻭﺍ ﻳﺴﺎﻋﺪﻭﻥ ﺍﻟﻮﻟﺪ
ﻣﺎﺕ ﺧﻄﻴﻪ ﺍﻟﻮﻟﺪ ﺟﺎﻥ ﻣﻦ ﺍﻫﻞ ﺑﻐﺪﺍﺩ
ﺑﻌﺪ ﻣﺎ ﺩﻓﻨﺎﻩ ﺑﻘﻴﻨﻪ ﻳﻮﻣﻴﻦ ﻭﻃﻠﻌﻨﻪ
ﻟﺤﺪ ﻣﺎ ﻭﺻﻠﻨﻪ ﻟﻠﺠﺎﻧﺐ ﺍﻷﻳﻤﻦ ﻣﻦ ﺍﻟﻤﻮﺻﻞ
ﺟﺎﻧﺖ ﺍﻷﺟﻮﺍﺀ ﺧﻨﻜﻪ
ﻗﺘﻞ ﻭﺭﻋﺐ
ﺍﻭﻝ ﻳﻮﻡ ﺩﺧﻠﻨﻪ ﻟﻠﻤﻮﺻﻞ ﺻﺎﺭﺕ ﻛﺪﺍﻣﻨﻪ ﺷﻐﻠﻪ
ﺩﺧﻠﻨﻪ ﻟﻠﺴﻮﻙ ﺣﺘﻰ ﻧﺸﺘﺮﻱ ﺷﻲ ﻧﺎﻛﻠﻪ
ﻭﺍﻛﻔﻴﻦ ﻳﻢ ﻣﺤﻞ ﻣﺨﻈﺮ
ﺳﻤﻌﻨﻪ ﺻﻮﺕ ﺳﻴﺎﺭﺍﺕ ﺩﺍﻋﺶ ﻣﻠﺖ ﺍﻟﻤﻜﺎﻥ
ﻧﺰﻟﻮ ﺑﻨﺺ ﺍﻟﺴﻮﻙ ﻭﻳﺎﻫﻢ ﺍﺭﺑﻊ ﺷﺒﺎﺏ ﻭﺭﺝ
ﺷﺎﻳﺐ ﺷﻜﻮﻟﻬﻢ ﻣﺜﻞ ﺍﻟﺸﻴﺎﻃﻴﻦ
ﺻﺎﺣﻮﺍ ﻋﻠﻰ ﺍﻟﻨﺎﺱ ﺗﻨﺠﻤﻊ
ﺍﺣﻨﻪ ﺑﻘﻴﻨﻪ ﻧﺒﺎﻭﻉ ﻣﻦ ﺑﻌﻴﺪ
ﻛﺎﻟﻮ ﻫﺬﻭﻟﻪ ﻋﻤﻼﺀ ﺿﺒﺎﻁ ﺑﻠﺠﻴﺶ ﺍﻟﻌﺮﺍﻗﻲ
ﻭﻫﺬﺍ ﺍﺑﻮﻫﻢ ﻭﻳﺎﻫﻢ ﻻﺯﻡ ﻧﻘﻴﻢ ﻋﻠﻴﻬﻢ ﺍﻟﺤﺪ ﻣﺎ
ﺻﻔﻮﻫﻢ ﺍﺭﺑﻌﺘﻬﻢ ﻭﻛﺪﺍﻣﻬﻢ ﺍﺑﻮﻫﻢ
ﻭ ﺑﺪﻭ ﻳﻘﺘﻠﻮﻥ ﺑﻴﻬﻢ
ﺍﻟﻨﺎﺱ ﻣﻦ ﺍﻟﺨﻮﻑ ﻣﺤﺪ ﻛﺪﺭ ﻳﺤﺠﻲ
ﻗﺘﻠﻮ ﺍﺭﺑﻊ ﺷﺒﺎﺏ ﻭﺍﺑﻮﻫﻢ ﺑﺪﻡ ﺑﺎﺭﺩ
ﺫﻳﺞ ﺍﻟﻠﻴﻠﻪ ﺟﺎﻧﺖ ﺍﻷﺻﻌﺐ ﻭﺧﺎﺻﻪ ﺑﻌﺪ ﻣﺎ ﺭﺍﺣﻮ ﺍﻟﺪﻭﺍﻋﺶ ﺑﻘﺖ ﺍﻟﺠﺜﺚ ﺑﻠﻜﺎﻉ
ﻣﺤﺪ ﻳﻜﺪﺭ ﻳﺸﻴﻠﻬﻢ
ﺇﻟﻰ ﺃﻥ ﺍﺟﺖ ﻣﺮﻩ ﺟﺒﻴﺮﻩ ﻭﻳﺎﻫﻪ ﺛﻨﻴﻦ ﺑﻨﺎﺕ ﻭﻣﺠﻤﻮﻋﻪ ﺍﻃﻔﺎﻝ ﺷﺎﻟﻮ ﺍﻟﺠﺜﺚ ﺑﻌﺮﺑﺎﻧﻪ ﻣﺎﻝ ﺣﺼﺎﻥ
ﺑﻘﻴﺖ ﺍﻟﻠﻴﻞ ﻛﻠﻪ ﺍﻧﺎ ﻭﺭﺑﻌﻲ ﻣﻴﺘﻴﻦ ﻗﻬﺮ ﻻ ﻋﺪﻧﻪ ﺳﻼﺡ ﻭﻻ ﻋﺪﻧﻪ ﻭﺍﺣﺪ ﻭﻳﺎﻧﻪ ﻳﺴﺎﻋﺪﻧﻪ
ﺍﻟﻨﺎﺱ ﺟﺎﻧﺖ ﻣﺴﺘﺴﻠﻤﻪ ﻟﻠﺪﻭﺍﻋﺶ
ﻛﻌﺪﻧﻪ ﺑﻴﺖ ﻧﺎﺯﺣﻴﻦ ﻋﻨﻪ ﺃﻫﻠﻪ
ﻟﺒﺴﻨﻪ ﻭﺷﻜﻠﻨﻪ ﺻﺎﺭ ﻣﺜﻞ ﺩﺍﻋﺶ
ﻧﻄﻠﻊ ﻣﺮﺍﺕ ﻧﺠﻴﺐ ﻣﺴﻮﺍﻙ ﻭﻧﺮﺟﻊ ﻟﻠﺒﻴﺖ ﻣﺎ ﻧﻄﻠﻊ ﺑﻌﺪ
ﺑﻴﻮﻡ ﻛﺎﻟﻮ ﺻﺎﺭ ﺇﻧﺰﺍﻝ ﺑﻠﻄﺎﺋﺮﺍﺕ ﻋﻠﻰ ﺍﻟﻤﻨﻄﻘﻪ ﺍﻟﻲ ﺍﺣﻨﻪ ﺑﻴﻬﻪ
ﺑﻘﻴﻨﻪ ﻣﺘﺄﻣﻠﻴﻦ ﺑﻠﻜﺖ ﻳﺪﺧﻠﻮﻥ ﺍﻟﺠﻴﺶ ﻭﻳﺨﻠﺼﻮﻧﻪ
ﺑﺲ ﺍﻟﻀﺎﻫﺮ ﺟﺎﻥ ﻋﺪﻫﻢ ﻋﻠﻢ ﺑﻸﻧﺰﺍﻝ
ﻭﻛﺪﺭﻭ ﻳﺨﺮﺑﻮﻧﻪ
ﻛﺘﻠﻮﺍ ﺍﻟﺸﺒﺎﺏ ﺍﻟﻲ ﻧﺎﺯﻟﻴﻦ
ﻭﺑﺎﻗﻲ ﻛﻢ ﻭﺍﺣﺪ
ﻫﺎﻱ ﺍﻟﺤﺎﺩﺛﻪ ﺷﻔﺘﻪ ﺑﻌﻴﻨﻲ
ﻃﻠﻌﺖ ﺍﺟﻴﺐ ﻣﺴﻮﺍﻙ
ﻭﺍﻥ ﺍﺷﻮﻑ ﻭﺍﺣﺪ ﻳﺮﻛﻆ ﺑﻠﺸﺎﺭﻉ
ﻭﺍﻟﺪﻭﺍﻋﺶ ﻳﺮﻛﻈﻮﻥ ﻭﺭﻯ
ﺟﺎﻥ ﻣﻦ ﺍﻟﺠﻴﺶ ﺍﻟﻌﺮﺍﻗﻲ
ﻳﺪﻙ ﺑﻠﺒﻴﺒﺎﻥ ﻣﺤﺪ ﻳﻔﺘﺢ ﻟﻪ
ﻳﺘﻮﺳﻞ ﺑﻠﻨﺎﺱ ﻳﺨﻔﻮﻧﻪ
ﺍﻟﻜﻞ ﺍﺑﺘﻌﺪ ﻋﻨﻪ
......
ﺭﺍﺡ ﺍﻟﻤﺤﻞ ﻛﻠﻪ ﻋﻤﻲ ﺍﻟﻠﻪ ﻳﺨﻠﻴﻚ ﺑﺲ ﺩﺧﻠﻨﻲ
ﻃﺮﺩﻩ ﻭﺳﺪ ﺍﻟﺒﺎﺏ ﺑﻮﺟﻪ
ﺁﺧﺮ ﺷﻲ ﺍﺳﺘﺴﻠﻢ ﺭﻛﻊ ﺑﻨﺺ ﺍﻟﺴﻮﻙ ﺻﺎﺡ ﺑﻜﻞ ﺻﻮﺗﻪ ﻗﻮﻝ ﺍﻷﻣﺎﻡ ﺍﻟﺤﺴﻴﻦ ( ﻋﻠﻴﻪ ﺍﻟﺴﻼﻡ )
ﺍﻥ ﻛﺎﻥ ﻗﺘﻠﻲ ﻳﺎﺭﺏ ﻳﺮﺿﻴﻚ ﻓﺨﺬ ﺣﺘﻰ ﺗﺮﺿﻰ
ﺫﺑﺤﻮ ﺫﺑﺢ ﺍﻟﺸﺎﺓ
ﺑﻌﻴﻨﻲ ﻫﺎﻱ ﺷﻔﺘﻪ ﻣﻦ ﺍﻧﺬﺑﺢ ﺷﻠﻮﻥ ﻳﺮﺍﻓﺲ ﺑﺮﺟﻠﻴﻪ
ﺷﻤﺮﺕ ﺍﻟﻤﺴﻮﺍﻙ ﻭﺭﺟﻌﺖ ﺍﺭﻛﻆ ﻟﻠﺒﻴﺖ
ﻣﻦ ﺷﺎﻓﻮﻧﻲ ﺍﻟﻮﻟﺪ ﻫﻴﺞ ﻣﻨﻈﺮﻱ ﺳﻜﺘﻮ
ﺑﺬﻳﺞ ﺍﻟﻠﻴﻠﻪ ﻟﺰﻣﺘﻨﻲ ﺍﻟﺮﺟﻔﻪ ﻭﺍﻟﺼﺨﻮﻧﻪ ﻟﻠﺼﺒﺢ
ﺍﻟﻔﺠﺮ ﺑﻴﻦ ﺍﻟﻨﺎﻳﻢ ﻭﺑﻴﻦ ﺍﻟﻜﺎﻋﺪ ﺷﻔﺖ
ﺟﻦ ﺃﻧﻲ ﻛﺎﻋﺪ ﺑﻴﺘﻨﻪ ﻣﺨﻠﻲ ﺭﺍﺳﻲ ﺑﺤﻀﻦ ﺍﻣﻲ
ﺗﻤﺸﻂ ﺑﺸﻌﺮﻱ ﻭﺗﻘﺮﺀ ﻋﻠﻴﻪ ﺳﻮﺭﺓ ﺍﻟﺤﻤﺪ ﻭﻗﻞ ﻫﻮ
ﺍﻣﻲ ﺟﺎﻧﺖ ﺣﺎﻓﻈﻪ ﺑﺲ ﺳﻮﺭﺓ ﺍﻟﺤﻤﺪ ﻭﺁﻝ ﻗﻞ ﻫﻮ
ﺍﺳﻤﻌﻪ ﺗﻌﻴﺪ ﺑﻴﻬﻦ ﺣﺴﻴﺖ ﻣﻲ ﺑﺎﺭﺩ ﻧﺰﻝ ﻋﻠﻰ ﺻﺪﺭﻱ
ﺷﻮﻳﻪ ﺩﺧﻞ ﺍﺧﻮﻱ ﻋﻠﻲ ﻣﺒﺘﺴﻢ ﻛﻠﻲ
ﻫﺎ ﻭﻟﻚ ﺍﻧﺖ ﻫﻨﺎ ﻭﺍﻧﻲ ﺍﺩﻭﺭ ﻋﻠﻴﻚ
ﺷﻠﺖ ﺭﺍﺳﻲ ﺍﺑﺘﺴﻤﺖ ﺍﻟﻪ ﻭﻛﺘﻠﻪ
ﻣﻨﺘﻈﺮﻙ ﻏﻴﺮ
ﻛﻠﻲ ﺟﺎﻳﻚ
ﻓﺰﻳﺖ ﻣﻦ ﺍﻟﻨﻮﻡ ﻣﺮﺗﺎﺡ ﺗﻮﻇﻴﺖ ﻭﺻﻠﻴﺖ
ﺍﺳﺘﻤﺮﻳﻨﻪ ﺑﻠﻌﻴﺸﻪ ﺑﺬﺍﻙ ﺍﻟﺒﻴﺖ ﻓﺘﺮﻩ
ﺑﻌﺪ ﺃﻛﺜﺮ ﻣﻦ ﺳﻨﻪ ﻭﻧﺺ ﻣﺎﺑﻴﻦ ﺗﻜﺮﻳﺖ ﻭﻷﻧﺒﺎﺭ ﻭﺍﻟﻤﻮﺻﻞ
ﻭﺻﻠﻨﻪ ﺍﻟﻘﺮﻳﻪ ﺻﻐﻴﺮﻩ ﺟﺎﻧﺖ ﺑﻌﻴﺪﻩ ﻋﻠﻰ ﺣﺪﻭﺩ ﺍﻟﺴﻌﻮﺩﻳﻪ
ﺟﺎﻧﺖ ﺍﻟﻨﺎﺱ ﺑﻴﻬﻪ ﺍﻏﻠﺒﻴﺘﻪ ﻧﺎﺯﺣﻪ ﻣﻦ ﺍﻟﻤﻮﺻﻞ
ﺗﺎﺭﻛﻪ ﻓﻠﻮﺳﻪ ﻭﺑﻴﻮﺗﻪ ﻭﺣﻼﻟﻬﻪ
ﻋﻠﻲ ......
ﻃﻠﻌﻨﻪ ﺃﻧﻲ ﻭﻋﻤﺮ ﻣﻦ ﺍﻟﺒﻴﺖ ﻋﻴﻨﻲ ﻋﻠﻰ ﺍﻟﺒﺎﺏ ﻷﺧﺮ ﻟﺤﻈﻪ ﺗﻤﻨﻴﺖ ﺍﻭﺩﻋﻬﻪ ﻷﻥ ﻣﺎﻋﺮﻑ ﺭﺍﺡ ﺍﺭﺟﻊ ﺍﺷﻮﻓﻬﻪ ﻟﻮ ﻻ
ﻗﺮﻳﺖ ﺍﻟﻔﺎﺗﺤﻪ ﻷﻡ ﺍﻟﺒﻨﻴﻦ ﻭﻣﺸﻴﻨﻪ
ﻧﻤﺸﻲ ﻭﻧﺘﻠﻔﺖ ﺧﺎﻳﻔﻴﻦ ﺍﻟﺸﻮﺍﺭﻉ ﻓﺎﺭﻏﻪ ﺭﻳﺤﺔ ﺍﻟﻤﻮﺕ ﺑﻜﻞ ﻣﻜﺎﻥ
ﺍﺑﺘﻌﺪﻧﻪ ﻋﻦ ﺍﻟﻤﻨﻄﻘﻪ ﺍﻟﻲ ﺟﻨﻪ ﺑﻴﻬﻪ
ﻻﻛﺘﻨﻪ ﺩﻭﺭﻳﻪ ﻣﺎﻝ ﺩﻭﺍﻋﺶ ﻭﻛﻔﻮﻧﻪ
ﻣﻨﻮ ﺍﻧﺘﻮ ﻭﻳﻦ ﺭﺍﻳﺤﻴﻦ
ﻋﻠﻲ ..... ﺳﻴﺪﻱ ﺍﺣﻨﻪ ﻃﺎﻟﻌﻴﻦ ﺑﻮﺍﺟﺐ
ﻣﻨﻮ ﺩﺯﻛﻢ
ﺑﺎﻭﻋﺖ ﺍﻟﻌﻤﺮ ﻛﻠﻪ
ﺳﻴﺪﻱ ﺍﻷﻣﻴﺮ ﺍﺑﻦ ﺍﻟﻘﻌﻘﺎﻉ ﻫﻮ ﺍﻟﻲ ﺩﺯﻧﻪ ﻭﻻﺯﻡ ﻧﺮﻭﺡ ﺑﺴﺮﻋﻪ ﻷﻥ ﻣﻨﺘﻈﺮﻳﻨﻪ
ﺻﻔﻨﻮ ﻭﺍﺣﺪ ﻋﻠﻰ ﺍﻟﺜﺎﻧﻲ ﻭﻛﺎﻟﻮ
ﻳﻠﻠﻪ ﺑﺴﺮﻋﻪ
ﺑﺎﻭﻋﺖ ﺍﻟﻌﻤﺮ ﻭﻣﺸﻴﻨﻪ
ﻭﻟﻚ ﻣﻨﻴﻦ ﻫﺬﺍ ﺍﺑﻦ ﺍﻟﻘﻌﻘﺎﻉ
ﻫﻬﻪ ﺷﻤﺪﺭﻳﻨﻲ ﻏﻴﺮ ﻫﻤﻪ ﻫﻴﺞ ﻳﺴﻤﻮﻥ
ﺻﺮﻧﻪ ﻛﻠﻤﺎ ﻧﻮﺻﻞ ﺍﻟﺴﻴﻄﺮﻩ ﻧﻜﻠﻬﻢ ﻫﻴﺞ ﻟﺤﺪ ﻣﺎ ﻃﻠﻌﻨﻪ ﻣﻦ ﺍﻟﻤﺪﻳﻨﻪ ﻛﻠﻪ
ﻭﺻﻠﻨﻪ ﺍﻟﻤﻨﻄﻘﻪ ﺭﻳﻔﻴﻪ
ﺑﻴﻪ ﻧﻮﻉ ﻣﺎ ﻣﻦ ﺍﻟﻬﺪﻭﺀ
ﺑﻌﺪ ﻣﺎ ﺷﻔﻨﻪ ﺳﻴﺎﺭﺍﺕ ﺩﺍﻋﺶ
ﺟﺎﻥ ﻋﻤﺮ ﻳﻨﺪﻝ ﺍﻟﻄﺮﻳﻖ
ﺿﻞ ﻳﻤﺸﻲ ﺑﻴﻨﻪ ﺑﻴﻦ ﺍﻟﻤﺰﺍﺭﻉ ﻭﻳﻜﻮﻝ
ﺍﻓﻴﺶ ﻛﻞ ﺧﻄﻮﻩ ﺍﺧﻄﻴﻪ ﺍﺷﺘﻢ ﺭﻳﺤﺔ ﺍﻫﻠﻲ ﺳﺎﻋﻪ ﻧﻤﺸﻲ ﻭﺳﺎﻋﻪ ﻧﺮﻛﺐ ﺳﻴﺎﺭﻩ
ﻟﺤﺪ ﻣﺎ ﻃﻠﻌﻨﻪ ﻣﻦ ﺍﻟﺠﺎﻧﺐ ﺍﻷﻳﺴﺮ ﻣﻦ ﺍﻟﻤﻮﺻﻞ
ﺍﻟﺠﺎﻧﺐ ﺍﻷﻳﻤﻦ ﻳﻜﻮﻥ ﺃﺻﻐﺮ ﻣﻦ ﺍﻟﺠﺎﻧﺐ ﺍﻷﻳﺴﺮ
ﻟﻜﻦ ﺑﻴﻪ ﻗﻠﺐ ﺍﻟﻤﻮﺻﻞ
ﺑﻴﻪ ﺍﻟﻤﺪﻳﻨﻪ ﺍﻟﻘﺪﻳﻤﻪ ﻣﻦ ﺍﻟﻤﻮﺻﻞ
ﻭﺑﻴﻪ ﻣﺘﻤﺮﻛﺰ ﺩﺍﻋﺶ
ﺣﺪﻭﺩﻩ ﺗﻜﻮﻥ ﻣﻊ ﺳﻮﺭﻳﺎ
ﺍﻟﺪﺧﻮﻝ ﺻﻌﺐ ﻟﻜﻦ ﻋﻤﺮ ﺑﺮﺍﻋﺘﻪ ﻛﺪﺭ ﻳﺪﺧﻞ
ﻭﺻﻠﻨﻪ ﺗﻘﺮﻳﺒﺎ ﺍﻟﻤﻐﺮﺏ
ﺩﺧﻠﻨﻪ ﺍﻟﻤﻨﻄﻘﻪ ﺍﻟﺒﻴﻪ ﺑﻴﺖ ﻋﻤﺮ
ﺟﺎﻧﺖ ﻣﻮﺣﺸﻪ ﻣﺎﺑﻴﻪ ﺣﻴﺎﺓ
ﻋﺒﺎﻟﻚ ﻣﺪﻳﻨﺔ ﺃﺷﺒﺎﺡ
ﺷﻮﺍﺭﻉ ﻭﺳﺨﻪ ﻭﺭﻳﺤﺔ ﺍﻟﺪﻡ ﺑﻴﻪ
ﺍﻧﻘﺒﻆ ﻛﻠﺒﻲ ﻣﻦ ﺩﺧﻠﻨﻪ
ﺑﻘﻪ ﻋﻤﺮ ﻳﻤﺸﻲ ﺑﻬﻤﻪ ﻭﻋﻴﻮﻧﻪ ﺣﻤﺮ ﻭﺍﻋﺼﺎﺑﻪ ﺗﻠﻔﺎﻧﻪ
ﻟﺤﺪ ﻣﺎ ﻭﺻﻠﻨﻪ ﺍﻟﺒﻴﺖ
ﻣﺒﻴﻦ ﻗﺪﻳﻢ ﺑﻴﻮﺕ ﺍﻟﻤﻨﻄﻘﻪ ﻛﻠﻪ ﻗﺪﻳﻤﻪ
ﺩﻙ ﺍﻟﺒﺎﺏ ﻣﺎﻛﻮ ﺻﻮﺕ
ﺭﺍﺡ ﻋﻠﻰ ﺍﻟﺒﻴﺖ ﺍﻟﺜﺎﻧﻲ ﺑﻘﻪ ﻳﺪﻙ ﻫﻢ ﻣﺎﻛﻮ
ﺗﺨﺒﻞ ﺻﺎﺭ ﺍﻋﺼﺎﺏ
ﺿﻞ ﻳﻔﺘﺮ ﻣﻦ ﺑﻴﺖ ﺍﻟﺒﻴﺖ
ﻭﺍﻧﻲ ﻭﺭﻯ ﺍﻓﺘﺮ
ﻳﻤﻌﻮﺩ ﻋﻤﺮ ﺷﻨﻲ ﺍﻟﺴﺎﻟﻔﻪ
ﻣﺎﻳﺤﺠﻲ
ﺃﺧﺮ ﺷﻲ ﻛﻌﺪ ﺑﺎﺏ ﺑﻴﺖ ﻭﺧﻠﻪ ﺍﻳﺪﻩ ﻋﻠﻰ ﺭﺍﺳﻪ
ﻛﻌﺪﺕ ﻳﻤﻪ ﻭﻛﺘﻠﻪ
ﻭﻟﻚ ﻋﻤﺮ ﺳﻮﻟﻔﻠﻲ ﺷﻜﻮ
ﻣﺎﻋﺮﻑ ﻋﻠﻲ ﻣﺎﻋﺮﻑ ﻭﻻ ﻭﺍﺣﺪ ﺑﻠﺒﻴﺖ
ﻫﺬﺍ ﺍﻟﺒﻴﺖ ﺷﻮﻓﻪ ﻭﺃﺷﺮ ﻋﻠﻰ ﺍﻟﺒﻴﺖ ﺍﻟﻲ ﻣﻘﺎﺑﻴﻠﻨﻪ
ﻫﺬﺍ ﺑﻴﺖ ﻋﻤﻲ
ﻭﻫﺬﺍ ﺍﻟﻲ ﺑﺼﻔﻪ ﺑﻴﺖ ﺍﺑﻦ ﻋﻤﻲ
ﻭﻫﺬﺍ ﻭﺩﻙ ﻋﻠﻰ ﺍﻟﺒﺎﺏ ﺍﻟﻲ ﻭﺭﻯ ﻫﺬﺍ ﺑﻴﺖ ﺍﺑﻮﻱ
ﺑﺲ ﻭﻻ ﻭﺍﺣﺪ ﺑﻴﻬﻦ ﻛﻠﻬﻢ ﻣﺎﻛﻮ
ﻋﻼﻭﻱ ﻭﻻ ﻭﺍﺣﺪ ﺑﻠﺒﻴﺖ
ﺧﻮﻳﻪ ﻛﻮﻝ ﻳﺎ ﺍﻟﻠﻪ ﺑﻠﻜﺖ ﻃﻠﻌﻮ ﻣﻦ ﺍﻟﻤﻮﺻﻞ ﺍﻧﺖ ﺑﻌﻴﻨﻚ ﺷﻔﺖ ﺷﻠﻮﻥ ﺍﻭﻇﺎﻉ ﺍﻟﻤﻮﺻﻞ
ﻳﻬﺰ ﺑﺮﺍﺳﻪ ﻭﻋﻴﻮﻧﻪ ﺷﺎﺧﺼﻪ ﺑﻠﺴﻤﻰ
ﺻﺎﺭ ﺍﻟﻠﻴﻞ ﻛﺘﻠﻪ
ﺧﻮﻳﻪ ﺍﻟﺪﻧﻴﻪ ﻟﻴﻞ ﻻﺯﻡ ﻧﺸﻮﻑ ﺍﻟﻨﻪ ﻣﻜﺎﻥ ﻧﺒﺎﺕ ﺑﻴﻪ
ﺍﻟﺘﻔﺖ ﻋﻠﻰ ﺍﻟﺒﻴﺖ ﻭﺭﺟﻊ ﺑﺎﻭﻋﻠﻲ ﻛﺎﻝ
ﻋﺪﻧﻪ ﺑﻴﺖ ﻭﻧﺒﺎﺕ ﺑﻴﻪ
ﻭﻳﻦ ﻗﺼﺪﻙ ﺑﻴﺘﻜﻢ ﺑﺲ ﺷﻠﻮﻥ ﻧﺪﺧﻞ
ﻛﻮﻡ ﻭﻳﺎﻱ
ﻣﺸﻪ ﻭﻣﺸﻴﺖ ﻭﻳﺎ
ﺍﻟﺒﻴﺖ ﺑﻴﻪ ﺑﺎﺑﻴﻦ ﺑﺎﺏ ﻋﻠﻰ ﺩﺭﺑﻮﻧﻪ ﻭﺑﻴﻪ ﺭﺍﺯﻭﻧﻪ ﺻﻐﻴﺮﻩ
ﺩﻧﻚ ﻋﻠﻰ ﺍﻟﺮﺍﺯﻭﻧﻪ ﻛﺴﺮ ﺟﺎﻣﻬﻪ
ﻭﻟﻚ ﻋﻤﺮ ﺷﺘﺴﻮﻱ
ﻣﺎﺣﺠﻪ ﺷﻲ
ﻣﺪ ﺍﻳﺪﻩ ﻓﺘﺢ ﺷﺒﺎﻙ ﺍﻟﺮﺍﺯﻭﻧﻪ
ﺩﺧﻞ ﻣﻦ ﻋﻨﺪﻩ ﺷﻮﻳﻪ ﻭﺳﻤﻌﺖ ﺻﻮﺗﻪ ﻭﺭﺍﻱ
ﺗﻌﺎﻝ ﻋﻠﻲ ﻓﺘﺤﺖ ﺍﻟﺒﺎﺏ
ﻣﺸﻴﺖ ﻭﺭﻯ ﻟﻜﻴﺖ ﺍﻟﺒﺎﺏ ﻣﺎﻝ ﺍﻟﺒﻴﺖ ﻣﻔﺘﻮﺡ
ﺩﺧﻠﺖ
ﺍﻟﺒﻴﺖ ﻣﻤﺮ ﻃﻮﻳﻞ ﺗﻘﺮﻳﺒﺎ ﻣﺘﺮﻳﻦ ﻭﺑﻌﺪﻩ ﺳﺎﺣﻪ ﺟﺒﻴﺮﻩ
ﻭﺑﻴﻪ ﺍﻛﺜﺮ ﻣﻦ ﻏﺮﻓﻪ ﻣﻘﻔﻮﻟﻪ
ﺩﺭﺝ ﻃﻮﻳﻞ ﻳﻮﺻﻞ ﻟﻠﻄﺎﺑﻖ ﺍﻟﺜﺎﻧﻲ
ﺑﻘﻴﺖ ﺻﺎﻓﻦ ﻋﻠﻰ ﺗﺼﻤﻴﻢ ﺍﻟﺒﻴﺖ
ﺗﻌﺎﻝ ﻋﻼﻭﻱ ﺍﺩﺧﻞ ﺍﻟﺒﻴﺖ ﺑﻴﺘﻚ ﺍﺧﺬ ﺭﺍﺣﺘﻚ
ﻭﺍﻟﻠﻪ ﺣﻠﻮ ﺑﻴﺘﻜﻢ ﺍﻟﻠﻪ ﻳﻌﻤﺮﻩ
ﻫﺬﺍ ﺑﻴﺖ ﺍﻟﻌﺎﺋﻠﻪ ﻣﻦ ﺯﻣﻦ ﺟﺪ ﺟﺪﻱ ﺟﺎﻥ ﻋﺎﻳﺶ ﺑﻴﻪ
ﻋﻤﺮ ... ﻋﻼﻭﻱ ﺍﺭﻳﺪﻙ ﺗﻌﺬﺭﻧﻲ ﻛﻠﺶ ﺩﺍﻳﺦ ﻭﺗﻌﺒﺎﻥ
ﻫﺬﺍ ﺍﻟﺒﻴﺖ ﻛﺪﺍﻣﻚ ﺷﺘﺮﻳﺪ ﺗﺴﻮﻱ ﺑﻴﻪ ﺳﻮﻱ
ﺗﻨﺎﻡ ﺗﺴﺒﺢ ﺗﺎﻛﻞ ﺑﻜﻴﻔﻚ
ﺗﻤﺎﻡ ﺑﺮﺍﺣﺘﻚ ﺧﻴﻲ ﺭﻭﺡ ﺍﺭﺗﺎﺡ
ﻳﻠﻠﻪ ﺗﺼﺒﺢ ﻋﻠﻰ ﺧﻴﺮ
ﺗﻼﻛﻲ ﺧﻴﺮ
ﺩﺧﻞ ﻋﻤﺮ ﺍﻟﻐﺮﻓﻪ ﻭﺳﺪ ﺍﻟﺒﺎﺏ
ﻭﺍﻧﺎ ﻓﺘﺮﻳﺖ ﺑﻠﺒﻴﺖ ﺷﻮﻳﻪ ﺑﻌﺪﻳﻦ ﻫﻢ ﺩﺧﻠﺖ ﺍﻟﻐﺮﻓﻪ ﻭﻧﻤﺖ
ﺑﻨﺺ ﺍﻟﻠﻴﻞ ﻭﻧﺴﻤﻊ ﺻﻮﺕ ﻗﻮﻱ ﻭﺍﻧﻔﺠﺎﺭﺍﺕ ﺭﺟﺖ ﺍﻟﺒﻴﺖ ﺭﺝ
......
ﻧﺺ ﺍﻟﻠﻴﻞ ﻭﻧﺴﻤﻊ ﺩﺑﻪ ﻛﻠﺶ ﻗﻮﻳﻪ
ﻓﺰﻳﺖ ﻣﻦ ﺍﻟﻨﻮﻡ ﻃﻠﻌﺖ ﺑﺮﻩ ﺷﻔﺖ ﻋﻤﺮ ﻳﻠﺒﺲ ﺑﻘﻤﻴﺼﻪ ﻭﻳﺮﻛﻆ ﻟﺒﺮﻩ
ﺭﻛﻈﺖ ﻟﺰﻣﺘﻪ ﻣﻦ ﺃﻳﺪﻩ ﺳﺤﺒﺘﻪ ﻟﻠﻐﺮﻓﻪ ﻛﺘﻠﻪ ﻭﻳﻦ ﺭﺍﻳﺢ
ﺍﻃﻠﻊ ﺍﺷﻮﻑ ﺷﻜﻮ
ﺃﻱ ﺑﻠﻠﻪ ﻃﻠﻌﻮ ﺍﻟﺪﻭﺍﻋﺶ ﻭﺍﺧﺬﻭﻧﻪ
ﺟﺎ ﺷﻠﻮﻥ ﺍﺑﺎﻭﻉ ﻭﺍﺳﻜﺖ
ﻻ ﻣﺎﻧﺴﻜﺖ ﺑﺲ ﺧﻠﻴﻨﻪ ﻧﻔﻬﻢ ﺍﻟﺴﺎﻟﻔﻪ ﻭﺑﻌﺪﻳﻦ ﻋﻮﺩ
ﺗﻤﺎﻡ ﻧﺘﺮ ﻋﻤﺮ ﺑﻘﻬﺮ
ﺷﻮﻳﻪ ﻫﻢ ﺻﺎﺭﺕ ﺩﺑﻪ ﺛﺎﻧﻴﻪ
ﻃﻠﻌﻨﻪ ﻋﻠﻰ ﻛﻴﻒ ﺑﺎﻭﻋﻨﻪ ﻣﻦ ﺑﺎﺏ ﺍﻟﺼﺎﻟﻪ
ﻛﻠﺸﻲ ﻣﻨﺸﻮﻑ ﻷﻥ ﻣﺎﻛﻮ ﺷﺒﺎﻙ ﻭﺍﻟﺒﺎﺏ ﻛﻠﺶ ﺟﺒﻴﺮ
ﻭﻟﻚ ﻋﻤﺮ ﻫﺎﻱ ﺑﺎﻧﻴﻦ ﺣﺼﻦ ﺷﻠﻮﻥ ﻭﺍﺣﺪ ﻳﺒﺎﻭﻉ ﻟﻠﺸﺎﺭﻉ
ﺗﻌﺎﻝ ﻭﺭﺍﻱ
ﺭﻛﻆ ﻋﻤﺮ ﺭﻛﻈﺖ ﻭﺭﻯ ﺻﻌﺪ ﻟﻠﺴﻄﺢ ﻓﺘﺢ ﺑﺎﺏ ﺍﻟﺒﻴﺘﻮﻧﻪ ﻭﺩﻧﻚ ﺻﺎﺭ ﻳﻤﺸﻲ ﻭﻫﻮ ﻣﺪﻧﻚ ﻭﺍﻧﺎ ﻭﺭﻯ
ﻟﺤﺪ ﻣﺎ ﻭﺻﻞ ﻟﻠﺘﺸﺮﻳﻔﻪ
ﺑﻴﻪ ﺭﺍﺯﻭﻧﻪ ﺯﻏﻴﺮﻩ ﺑﻘﻴﻨﻪ ﻧﺒﺎﻭﻉ ﻣﻨﻬﻪ
ﺩﻭﺍﻋﺶ ﻭﻳﺎﻫﻢ ﻣﺠﻤﻮﻋﻪ ﺷﺒﺎﺏ ﻣﺮﺑﻮﻃﻴﻦ
ﻭﻟﺪﻭﺍﻋﺶ ﻳﺤﺎﻭﻟﻮﻥ ﻳﻜﺴﺮﻭﻥ ﺍﻟﻘﻔﻞ ﻣﺎﻝ ﺑﻴﺖ ﻋﻤﻪ
ﺍﻟﺒﻴﺖ ﺟﺎﻥ ﻣﻘﺎﺑﻴﻠﻨﻪ ﻭﻋﻠﻴﻪ ﻗﻔﻞ ﺟﺒﻴﺮ
ﻭﻟﻚ ﺫﻭﻟﻪ ﻳﺮﺩﻭﻥ ﻳﺪﺧﻠﻮﻥ ﺍﻟﺒﻴﺖ ﻋﻤﻲ
ﺍﺻﺒﺮ ﺷﻮﻳﻪ ﻫﺎﻱ ﺧﻮﺵ ﻓﺮﺻﻪ ﺧﻠﻴﻬﻢ ﻳﺪﺧﻠﻮﻥ ﻭﺑﻌﺪﻳﻦ ﻧﺘﺼﺮﻑ
ﺑﻘﻴﻨﻪ ﻣﺮﺍﻗﺒﻴﻨﻬﻢ ﻟﺤﺪ ﻣﺎ ﻛﺴﺮﻭ ﺍﻟﺒﺎﺏ ﻭﺩﺧﻠﻮ
ﺳﺤﺒﻮ ﺍﻟﺸﺒﺎﺏ ﻭﻳﺎﻫﻢ ﻭ ﺳﺪﻭ ﺍﻟﺒﺎﺏ
ﻋﻠﻲ .... ﻣﺎﻛﻮ ﻃﺮﻳﻖ ﺛﺎﻧﻲ ﻧﺪﺧﻞ ﺍﻟﺒﻴﺖ ﻋﻤﻚ ﻏﻴﺮ ﺍﻟﺒﺎﺏ
ﻋﻤﺮ .... ﺑﻠﻲ ﺍﻛﻮ ﻣﺜﻞ ﻣﺎ ﺩﺧﻠﻨﻪ ﺍﻟﺒﻴﺘﻨﻪ
ﻫﺎﻱ ﺍﻟﺒﻴﻮﺕ ﻗﺪﻳﻤﻪ ﻛﻠﻪ ﺑﻴﻬﻪ ﺳﺮﺍﺩﻳﺐ
ﻛﻠﺶ ﺯﻳﻦ ﺍﻣﺸﻴﻨﻪ ﻧﺪﺧﻞ ﻟﻠﺒﻴﺖ ﻭﻫﻨﺎﻙ ﻧﺸﻮﻑ ﺷﻨﻜﺪﺭ ﻧﺴﻮﻱ
ﻓﻌﻼ ﻃﻠﻌﻨﻪ ﺍﻟﺒﻴﺖ ﻋﻤﻪ ﺍﻓﺘﺮﻳﻨﻪ ﻣﻦ ﺍﻟﺠﻪ ﺍﻟﺜﺎﻧﻴﻪ ﻭﺩﺧﻠﻨﻪ ﻣﻦ ﺍﻟﺮﺍﺯﻭﻧﻪ
ﺻﺮﻧﻪ ﺑﻠﺴﺮﺩﺍﺏ ﻣﺴﺎﺣﻪ ﺟﺒﻴﺮﻩ ﻣﻠﻴﺎﻧﻪ ﻛﺮﺍﻛﻴﺐ ﻗﺪﻳﻤﻪ
ﻭﺑﻴﻪ ﺗﻬﻮﻳﻪ
ﺍﻟﺴﺮﺩﺍﺏ ﺑﺎﺭﺩ ﻛﻠﺶ ﺟﺎﻧﻮ ﻳﺴﺘﺨﺪﻣﻮﻧﻪ ﺍﻟﻨﺎﺱ ﺑﻠﺼﻴﻒ ﻳﻨﺎﻣﻮﻥ ﺑﻴﻪ ﻻﻥ ﺑﺎﺭﺩ
ﻭﻫﻢ ﻳﺤﺘﻔﻈﻮﻥ ﺑﻴﻪ ﺑﻠﻐﺮﺍﻅ ﺍﻟﻲ ﻣﻴﺤﺘﺎﺟﻮﻧﻪ
ﺑﻴﻪ ﺩﺭﺍﺝ ﻳﺼﻌﺪ ﻟﻠﺒﻴﺖ
ﺍﻓﺘﺮﻳﺖ ﺷﻮﻳﻪ ﺑﻠﺴﺮﺩﺍﺏ ﺷﻔﺖ ﺣﺒﻞ ﻭﺗﻮﺛﻴﻪ ﺍﺧﺬﺗﻬﻢ
ﺻﻌﺪﻧﻪ ﺍﻟﺪﺭﺝ ﻭﺍﺣﻨﻪ ﺣﺬﺭﻳﻦ
ﺑﺎﺏ ﺍﻟﺴﺮﺩﺍﺏ ﺟﻮﻩ ﺍﻟﺪﺭﺝ ﻳﻌﻨﻲ ﻣﻴﻨﺸﺎﻑ ﻟﻠﻲ ﺑﻠﺒﻴﺖ
ﻃﻠﻌﻨﻪ ﻧﺘﺨﺘﻞ ﻋﻠﻰ ﻛﻴﻔﻨﻪ
ﺑﺼﻒ ﺍﻟﺪﺭﺍﺝ ﻏﺮﻓﻪ ﺩﺧﻠﻨﻪ ﺑﻴﻬﻪ
ﻭﺑﻘﻴﻨﻪ ﻧﺴﺘﻤﻊ ﻟﻠﺪﻭﺍﻋﺶ
ﻋﺮﻓﻨﻪ ﺫﻭﻟﻪ ﺟﺎﻳﺒﻴﻦ ﺍﻟﺸﺒﺎﺏ ﺣﺘﻰ ﻳﻌﺬﺑﻮﻫﻢ ﻫﻨﺎ ﻭﺑﻌﺪﻳﻦ ﻳﺄﺧﺬﻭﻥ ﻓﻠﻮﺱ ﻣﻦ ﺃﻫﻠﻬﻢ ﻭﻳﻜﺘﻠﻮﻫﻢ
ﻫﻴﺞ ﺳﻤﻌﻨﻪ ﻳﺤﺠﻮﻥ ﻣﻊ ﺑﻌﻈﻬﻢ
ﺻﺮﻧﻪ ﻧﻔﻬﻢ ﺣﺠﻴﻬﻢ ﻣﻦ ﻛﺪ ﻣﺎ ﺷﻔﻨﻪ ﺩﻭﺍﻋﺶ
ﺍﻛﻮ ﺣﻤﺎﻡ ﺑﺼﻒ ﺍﻟﻐﺮﻓﻪ ﺍﻟﻲ ﺑﻴﻬﻪ ﺍﺣﻨﻪ
ﺳﻤﻌﻨﻪ ﻭﺍﺣﺪ ﺩﺧﻞ ﺍﻟﻬﻪ
ﺃﺷﺮﺕ ﺍﻟﻌﻤﺮ ﻭﺷﻠﺖ ﺍﻟﺘﻮﺛﻴﻪ ﻭﻃﻠﻌﺖ
ﺩﺧﻠﺖ ﻋﻠﻴﻪ ﻟﻠﺤﻤﺎﻡ ( ﺗﻜﺮﻣﻮﻥ )
ﺟﺎﻥ ﺗﻮﻩ ﻛﺎﻋﺪ
ﺷﺎﻓﻨﻲ ﺭﺍﺩ ﻳﺼﻴﺢ
ﺿﺮﺑﺘﻪ ﺑﻠﺘﻮﺛﻴﻪ ﻋﻠﻰ ﺭﺍﺳﻪ ﺑﺴﺮﻋﻪ ﻣﺎ ﻟﺤﻚ ﻳﺤﺠﻲ
ﻭﻛﻊ ﺑﻠﻜﺎﻉ
......
ﻓﺘﺤﺖ ﺍﻟﺒﺎﺏ ﺃﺷﺮﺕ ﺍﻝ ﻋﻤﺮ
ﺍﺝ ﺟﺮﻳﻨﺎ ﻟﻠﻐﺮﻓﻪ
ﺷﺪﻳﻨﻪ ﺍﺩﻳﻪ ﻭﺣﻠﻜﻪ ﻭﺷﻤﺮﻧﺎ ﺑﻠﻐﺮﻓﻪ
ﺑﻌﺪ ﻓﺘﺮﻩ ﻫﻢ ﺳﻤﻌﻨﻪ ﺣﺮﻛﻪ ﺑﺮﻩ
ﻓﺘﺢ ﺍﻟﺒﺎﺏ ﻋﻤﺮ ﻣﺮ ﻭﺍﺣﺪ ﺧﻠﻴﻨﺎ ﻳﻌﺒﺮ ﻣﻦ ﺍﻟﻐﺮﻓﻪ
ﻃﻠﻌﻨﻪ ﻭﺭﻯ
ﺿﺮﺑﻨﺎ ﻋﻠﻰ ﺭﺍﺳﻪ ﻫﻢ ﻭﻛﻊ
ﺟﺮﻳﻨﺎ ﻟﻠﻐﺮﻓﻪ ﺭﺑﻄﻨﺎ ﻭﺷﻤﺮﻧﺎ ﻭﻳﻪ ﺻﺎﺣﺒﻪ
ﺑﻌﺪﻩ ﻃﻠﻌﺖ ﺑﺮﻩ ﺍﻟﻐﺮﻓﻪ
ﺍﻟﻤﻄﺒﺦ ﻳﺼﻴﺮ ﺑﺠﻪ ﺍﻟﻐﺮﻓﻪ ﺍﻟﻲ ﺍﺣﻨﻪ ﺑﻴﻬﻪ
ﺷﻔﺖ ﻣﺎﻛﻮ ﺍﺣﺪ ﺑﻠﻤﻄﺒﺦ ﺩﺧﻠﺖ
ﺩﻭﺭﺕ ﻋﻠﻰ ﺳﺠﻴﻨﻪ
ﻟﻜﻴﺖ ﺷﻠﺘﻪ ﻭﺭﺩﺕ ﺍﻃﻠﻊ ﺻﺎﺭ ﺑﻮﺟﻬﻲ ﻭﺍﺣﺪ ﻣﻨﻬﻢ
ﺭﺩﺕ ﺍﺿﺮﺑﻪ ﺑﻠﺴﺠﻴﻨﻪ ﻣﺎﺣﺴﻴﺖ ﻏﻴﺮ ﻭﺍﻛﻊ ﺑﻠﻜﺎﻉ
ﺍﺑﺎﻭﻉ ﻭﺷﻮﻑ ﻋﻤﺮ ﻭﺍﻛﻒ ﻭﺑﻴﺪﻩ ﺗﻮﺛﻴﻪ
ﺟﺮﻳﻨﺎ ﻭﻫﻢ ﻭﻳﻪ ﺭﺑﻌﻪ
ﺍﺧﺬﺕ ﺍﻟﺴﺠﻴﻨﻪ ﻭﺭﺣﻨﻪ ﻋﻠﻰ ﺻﻮﺕ ﺍﻟﺒﺎﻗﻴﻦ
ﺍﻟﻀﺎﻫﺮ ﻣﺴﻮﻳﻦ ﻛﻌﺪﻩ ﺑﻠﺴﺎﺣﻪ ﻣﺎﻝ ﺍﻟﺒﻴﺖ
ﺩﻭﺭﻧﻪ ﻋﻠﻰ ﺍﻟﺸﺒﺎﺏ ﺍﻟﺨﺎﻃﻔﻴﻬﻢ
ﻣﺎﻛﻮ
ﻋﻤﺮ .... ﺧﻠﻲ ﻧﺘﺨﻠﺺ ﻣﻦ ﺫﻭﻟﻪ ﻭﺑﻌﺪﻳﻦ ﻧﺪﻭﺭ ﻋﻠﻰ ﺍﻟﺸﺒﺎﺏ
ﻋﻠﻲ .... ﺻﺢ ﻛﻼﻣﻚ ﻳﻠﻠﻪ ﻻﺯﻡ ﻧﺪﺧﻞ ﻋﻠﻴﻬﻢ ﺑﺴﺮﻋﻪ ﻧﻨﻄﻴﻬﻢ ﻭﻗﺖ ﻟﻠﺘﻔﻜﻴﺮ
ﻫﻤﻪ ﺳﺘﻪ 3 ﺿﺮﺑﻨﺎﻫﻢ ﻭﺑﻌﺪ 3
ﺟﺎﻧﻮ ﺳﻜﺮﺍﻧﻴﻦ ﻛﻠﺶ
ﺩﺧﻠﻨﻪ ﻋﻠﻴﻬﻢ ﺑﺴﺮﻋﻪ ﺿﺮﺑﺖ ﻭﺍﺣﺪ ﻋﻠﻰ ﻓﻜﻪ
ﻭﺍﻟﺜﺎﻧﻲ ﻋﻠﻰ ﺭﺍﺳﻪ
ﻭﻛﻌﻮﺍ ﺑﻠﻜﺎﻉ
ﺍﻟﺜﺎﻟﺚ ﺿﺮﺑﻪ ﻋﻤﺮ ﺑﻄﻞ ﺷﺎﻟﻪ ﻣﻦ ﺍﻟﻄﺒﻠﻪ ﻋﻠﻰ ﺭﺍﺳﻪ
ﺗﻜﻮﻣﻮ ﻛﻠﻬﻢ ﺑﻠﻜﺎﻉ
ﺭﺑﻄﻨﻪ ﺍﺩﻳﻬﻢ ﻭﺷﻤﺮﻧﺎﻫﻢ ﺑﻠﻐﺮﻓﻪ
ﻗﻔﻠﻨﻪ ﺍﻟﻐﺮﻓﻪ ﻋﻠﻴﻬﻢ
ﺭﺣﻨﻪ ﻧﺪﻭﺭ ﻋﻠﻰ ﺍﻟﺸﺒﺎﺏ
ﻟﻜﻴﻨﺎﻫﻢ ﺑﻠﺤﻤﺎﻡ ﺭﺍﺑﻄﻴﻬﻢ
ﻣﻦ ﺷﺎﻓﻮﻧﻪ ﺗﺨﺒﻠﻮﺍ ﺣﺘﻰ ﺑﺠﻲ ﺑﺠﻮﺍ ﻫﻬﻬﻪ
ﺧﻠﻴﻨﻪ ﺭﺑﺎﻃﻬﻢ ﻭﻃﻠﻌﻨﺎﻫﻢ ﻳﻤﻨﻪ
ﺍﻧﻄﻴﻨﺎﻫﻢ ﻣﻲ ﻭﺭﺗﺎﺣﻮﺍ
ﺑﻌﺪﻳﻦ ﻋﺮﻓﻨﻪ ﻫﻤﻪ ﻣﻦ ﺃﻫﺎﻟﻲ ﺍﻟﻤﻮﺻﻞ ﺧﻄﻔﻮﻫﻢ ﻣﻦ ﺍﻟﺴﻮﻙ ﻣﻦ ﻣﺤﻼﺗﻬﻢ ﻭﺟﺎﺑﻮﻫﻢ ﻭﻣﺨﺎﺑﺮﻳﻦ ﺍﻫﻠﻬﻢ ﺣﺘﻰ ﻳﺄﺧﺬﻭﻥ ﻣﻨﻬﻢ ﻓﺪﻳﻪ
ﺍﻟﺤﻤﺪ ﻟﻠﻪ ﻛﺪﺭﻧﻪ ﻧﺨﻠﺼﻬﻢ
ﻃﻠﻌﻨﺎﻫﻢ ﻣﻦ ﺍﻟﺒﻴﺖ
ﺑﻌﺪﻩ ﺭﺟﻌﻨﻪ ﻋﻠﻰ ﺍﻟﺪﻭﺍﻋﺶ
ﻋﻤﺮ .... ﻫﺴﻪ ﺷﺮﺍﺡ ﻧﺴﻮﻱ ﺑﺬﻭﻟﻪ ﺍﻟﺠﻼﺏ
ﻋﻠﻲ .... ﻭﺍﻟﻠﻪ ﻣﺎﻋﺮﻑ ﺍﻧﺖ ﺷﺘﻜﻮﻝ
ﻋﻤﺮ .... ﻭﺍﻟﻠﻪ ﻫﺴﻪ ﺍﺩﺧﻞ ﻋﻠﻴﻬﻢ ﻧﻜﺘﻠﻬﻢ ﻭﻧﺬﺑﻬﻢ ﺑﻠﺰﺑﺎﻟﻪ
ﻋﻤﺮ ﻟﻚ ﻫﺎﻱ ﺍﻟﻤﻨﻄﻘﻪ ﺍﻟﺪﻭﺍﻋﺶ ﻣﺠﻮﻣﻴﻦ ﺑﻴﻬﻪ ﻣﻮ ﻣﺜﻞ ﺫﻳﺞ ﺍﻟﻤﻨﻄﻘﻪ ﻣﺠﺎﻥ ﺍﻛﻮ ﻫﻮﺍﻱ ﺩﻭﺍﻋﺶ
ﻣﺎﻧﻜﺪﺭ ﻧﺘﺤﺮﻙ ﺑﺮﺍﺣﺘﻨﻪ
ﻟﻌﺪ ﺷﻠﻮﻥ ﺷﻨﺴﻮﻱ ﻧﺘﺮ ﻋﻤﺮ ﺑﻴﻪ
ﻋﻠﻰ ﻛﻴﻔﻚ ﻋﻤﺮ ﺧﻠﻴﻨﻪ ﻧﻔﻜﺮ ﺷﻮﻳﻪ
ﺭﺣﺖ ﻋﻠﻴﻬﻢ ﺷﻔﺘﻬﻢ ﺑﻌﺪﻫﻢ ﻧﺎﻳﻤﻴﻦ ﻓﺘﺸﺘﻬﻢ ﻟﻜﻴﺖ ﻣﺒﺎﻳﻼﺕ ﻋﺪﻫﻢ ﻃﻠﻌﺘﻬﻦ ﻭﻓﻠﻮﺱ ﺍﺧﺬﺗﻬﻦ
ﻭﻃﻠﻌﺖ ﻳﻢ ﻋﻤﺮ ﻛﺘﻠﻪ
ﻋﻤﺮ ﺧﻠﻴﻨﻪ ﻧﺤﺠﺰﻫﻢ ﻫﻨﺎ ﻭﻧﺴﺪ ﻋﻠﻴﻬﻢ ﺍﻟﺒﺎﺏ ﻭﻧﺒﻘﻪ ﻧﺮﺍﻗﺐ ﺍﻟﺒﻴﺖ ﻭﻧﺸﻮﻑ
ﺑﺲ ﺧﺎﻑ ﻳﺼﺤﻮﻥ ﻭﻳﺴﻮﻭﻟﻨﻪ ﺳﺎﻟﻔﻪ
ﻻ ﺣﺘﻰ ﻻ ﺻﺤﻮﺍ ﻣﺎﻳﻌﺮﻓﻮﻧﻪ ﻭﻻ ﻳﻨﺪﻟﻮﻧﻪ ﻭﺑﻌﺪﻳﻦ ﺭﺍﺡ ﻧﺨﻠﻴﻬﻢ ﻣﺮﺑﻮﻃﻴﻦ ﻣﺜﻞ ﺍﻟﺠﻼﺏ
ﻫﺬﺍ ﺍﻛﺒﺮ ﻋﻘﺎﺏ ﺍﻟﻬﻢ
......
ﻓﻌﻼ ﺧﻠﻴﻨﺎﻫﻢ ﻣﺮﺑﻄﻴﻦ ﻭﻗﻔﻠﻨﻪ ﺍﻟﺒﻴﺖ ﻋﻠﻴﻬﻢ ﻭﻃﻠﻌﻨﻪ
ﺭﺟﻌﻨﻪ ﻟﻠﺒﻴﺖ ﻭﺑﻘﻴﻨﻪ ﻧﺮﺍﻗﺐ ﺍﻟﺒﻴﺖ
ﻟﻠﺼﺒﺢ
ﻣﺎﻛﻮ ﺃﻱ ﺣﺮﻛﻪ ﺑﻴﺖ ﻋﻤﻪ ﺍﻟﻌﻤﺮ
ﻋﻤﺮ ... ﻫﺴﻪ ﺷﻠﻮﻥ ﻋﻼﻭﻱ
ﻋﻤﺮ ﺷﻔﺖ ﺟﻴﺮﺍﻧﻜﻢ ﻛﻠﻬﻢ ﻣﺎﻫﻤﻪ
ﻭﺍﻟﻠﻪ ﻣﺎﻋﺮﻑ
ﺟﺎ ﺍﻃﻠﻊ ﺃﺳﺄﻝ ﺑﺲ ﻫﺎ ﻛﻮﻥ ﺑﺪﻭﻥ ﻣﺸﺎﻛﻞ
ﺗﻤﺎﻡ ﻳﻠﻠﻪ
ﻃﻠﻌﻨﻪ ﻣﻦ ﺍﻟﺒﺎﺏ ﺻﺎﺭ ﺑﻮﺟﻬﻪ ﺩﻭﺍﻋﺶ
ﻟﺰﻣﺖ ﺍﻳﺪ ﻋﻤﺮ ﻛﺘﻠﻪ ﻻ ﺗﺘﻬﻮﺭ
ﻣﺎﺫﺍ ﺗﻔﻌﻠﻮﻥ ﻫﻨﺎ ﺗﻜﻠﻤﻮﺍ
ﻋﻤﺮ .... ﻫﺬﺍ ﺑﻴﺘﻨﻪ ﻭﺃﺷﺮ ﻋﻠﻰ ﺍﻟﺒﻴﺖ
ﺍﻟﺪﻭﺍﻋﺶ .... ﻣﻦ ﻳﻮﺟﺪ ﻣﻌﻜﻢ ﻓﻠﺪﺍﺧﻞ
ﻋﻤﺮ .... ﻣﺎﻛﻮ ﺍﺣﺪ ﺑﺲ ﺍﻧﺎ ﻭﺍﺑﻦ ﻋﻤﻲ ﺯﻳﺎﺩ ﻭﺑﺎﻭﻋﻠﻲ ﺑﻤﻌﻨﻰ ﺍﺣﺴﻦ ﻏﻴﺮﺕ ﺍﺳﻤﻚ
ﻫﺰﻳﺖ ﺭﺍﺳﻲ ﻛﺘﻠﻪ ﺗﻤﺎﻡ
ﻭﺃﻳﻦ ﺗﺮﻳﺪﻭﻥ ﺍﻟﺬﻫﺎﺏ
ﻋﻤﺮ .... ﺍﺭﻳﺪ ﺍﺟﻴﺐ ﺍﻛﻞ ﻣﺎﻋﺪﻧﻪ
ﺍﻟﺪﻭﺍﻋﺶ .... ﺍﻟﻢ ﺗﺮﻭﺍ ﺟﻤﺎﻋﺔ ﺍﻟﺴﻴﺎﻑ ﺍﺑﻮ ﺍﺣﻤﺪ
ﻋﻠﻲ .... ﻣﻨﻮ ﺍﺑﻮ ﺍﺣﻤﺪ
ﺍﻟﺪﻭﺍﻋﺶ .... ﺍﻻ ﺗﻌﺮﻑ ﻣﻦ ﺍﺑﻮ ﺃﺣﻤﺪ ﺍﻧﻪ ﺍﻷﻣﻴﺮ ﺍﺑﻮ ﺍﺣﻤﺪ ﺍﻛﺒﺮ ﺳﻴﺎﻑ ﺑﻠﺪﻭﻟﻪ ﺍﻷﺳﻼﻣﻴﻪ
ﻋﻤﺮ ... ﺍﺳﻒ ﺑﺲ ﺍﺣﻨﻪ ﻏﻴﺮ ﻣﺘﺼﻠﻴﻦ ﺑﻠﺪﻭﻟﻪ ﺍﻷﺳﻼﻣﻴﻪ
ﻭﻟﻤﺎﺫﺍ ﻋﻠﻴﻜﻢ ﺍﻷﻧﻀﻤﺎﻡ ﺇﻟﻰ ﺍﻟﺪﻭﻟﻪ ﺍﻻﺳﻼﻣﻴﻪ
ﻋﻠﻲ ... ﺍﻛﻴﺪ ﻻﺯﻡ ﻧﻨﻀﻢ
ﻫﻴﺎ ﺑﺴﺮﻋﻪ ﺍﺫﻫﺒﻮﺍ ﻣﻦ ﻫﻨﺎ
ﻋﻠﻲ .... ﻣﺎﺻﺪﻛﻨﻪ ﺧﻠﺼﻨﻪ ﻣﻨﻬﻢ
ﻋﻤﺮ .... ﺭﺣﻨﻪ ﻋﻠﻰ ﺑﻴﺖ ﺟﻴﺮﺍﻧﻪ
ﺩﻛﻴﻨﻪ ﺍﻟﺒﺎﺏ ﻣﺎﻛﻮ ﺻﻮﺕ
ﺭﺣﻨﻪ ﻋﻠﻰ ﺍﻟﺒﻴﺖ ﺍﻟﺜﺎﻧﻲ ﺩﻛﻴﻨﻪ ﺑﻘﻴﻨﻪ ﻓﺘﺮﻩ ﺳﻤﻌﻨﻪ ﺻﻮﺕ ﺻﺎﺡ
ﻣﻨﻮ
ﻋﻤﺮ ... ﺃﻧﻲ ﻋﻤﻲ ﺍﺑﻮ ﺿﻴﺎﺀ
ﻣﻨﻮ ﺍﻧﺖ
ﺃﻧﻲ ﻋﻤﺮ ﺍﺑﻦ ﺍﺑﻮ ﻋﻤﺮ ﺟﺎﺭﻛﻢ
ﻋﻤﺮ ﻛﻞ ﺍﻟﻬﻠﻪ ﺑﻴﻚ
ﺍﻧﻔﺘﺢ ﺍﻟﺒﺎﺏ ﻃﻠﻊ ﺭﺟﺎﻝ ﺧﻤﺴﻴﻨﻲ ﺷﻌﺮﻩ ﺍﺑﻴﺾ
ﻳﺎﻫﻼ ﻭﻣﺮﺣﺒﺎ ﻛﻴﻔﻚ ﻋﻤﺮ ﻭﻳﻦ ﻣﺎﻭﻳﻦ ﻫﺎﻱ ﺍﻟﻐﻄﻪ
ﺍﻟﺤﻤﺪ ﻟﻠﻪ ﺯﻭﻳﻦ ﺍﻧﺖ ﺷﻠﻮﻧﻚ ﺍﻻﻫﻞ ﻭﻳﻦ ﺷﻮ ﻣﺎﻛﻮ
ﺗﻌﺎﻝ ﺍﺩﺧﻞ ﺧﻠﻴﻨﻪ ﻧﻀﻴﻔﻚ ﻭﺑﻌﺪﻳﻦ ﻧﺤﺠﻲ
ﺩﺧﻠﻨﻪ ﺍﻟﺮﺟﺎﻝ ﺍﻟﺒﻴﺘﻪ
ﻫﻢ ﺑﻴﺘﻪ ﺗﻘﺮﻳﺒﺎ ﻧﻔﺲ ﺑﻨﻴﺎﻥ ﺑﻴﺖ ﻋﻤﺮ ﺍﻟﻀﺎﻫﺮ ﻫﺎﻱ ﺍﻟﻤﻨﻄﻘﻪ ﺗﺘﺸﺎﺑﻪ ﺑﻠﺒﻨﻴﺎﻥ
ﻛﻞ ﺍﻟﻬﻼ ﺑﻌﻤﺮ ﻭﻳﻦ ﻫﻠﻐﻄﻪ
ﻋﻤﺮ .. ﻭﺍﻟﻠﻪ ﻋﻤﻲ ﺍﻧﺖ ﺗﻌﺮﻑ ﻛﻨﺖ ﺑﻐﺪﺍﺩ ﺑﻌﺪﻳﻦ ﻣﻦ ﺻﺎﺭﺕ ﻫﻮﺳﻪ ﺩﺍﻋﺶ ﺍﻧﺤﺒﺴﺖ ﻣﺎﻛﺪﺭﺕ ﺍﺭﺟﻊ
ﻫﺴﻪ ﺑﺲ ﺧﺒﺮﻧﻲ ﺍﻫﻠﻲ ﺷﻠﻮﻧﻬﻢ ﺧﻮ ﻣﺎ ﺗﺄﺫﻭﺍ ﺑﻠﺤﺮﺏ
ﻭﺍﻟﻠﻪ ﻋﻤﻲ ﻣﺎﻋﺮﻑ ﺷﻨﻮ ﺍﻗﻮﻟﻚ ﺑﺲ ﺍﻫﻠﻚ ﻣﺜﻞ ﺍﻫﻞ ﺍﻟﻤﻮﺻﻞ ﻛﻠﻪ ﺗﺄﺫﻭ ﺑﺲ ﺍﻟﺤﻤﺪ ﻟﻠﻪ ﻋﻠﻰ ﻛﻠﺸﻲ
ﺷﻠﻮﻥ ﻳﻌﻨﻲ ﻋﻤﻲ ﺗﺄﺫﻭ ﺣﺎﺟﻴﻨﻲ
......
ﻋﻤﻲ ﻣﺎﻛﻮ ﺷﻲ ﺑﺲ
ﺑﺲ ﺷﻨﻮ ﺍﺣﺠﻲ
ﺍﺑﻦ ﻋﻤﻚ ﻋﻤﺎﺩ ﻭ ﻣﺨﺘﺎﺭ ﺍﺳﺘﺸﻬﺪﻭﺍ
ﻻ ﻻ ﺷﻠﻮﻥ
ﻣﻮ ﻋﺪﻫﻢ ﻣﺤﻞ ﺑﻠﺴﻮﻙ ﺟﺎﻳﻴﻦ ﻋﻠﻴﻬﻢ ﻣﻦ ﺍﻟﻠﻪ ﻳﺎﺧﺬ ﺃﻋﻤﺎﺭﻫﻢ ﻭﻣﻄﻠﻌﻴﻬﻢ ﻣﻦ ﻣﺤﻠﻬﻢ
ﻫﻤﻪ ﻣﺎ ﻗﺎﺑﻠﻴﻦ ﻳﻄﻠﻌﻮﻥ ﻗﺘﻠﻮﻫﻢ
ﻛﺎﻡ ﻳﺪﻙ ﻋﻠﻰ ﺭﺍﺳﻪ ﻋﻤﺮ
ﺗﻘﺮﺑﺖ ﻋﻠﻴﻪ ﻟﺰﻣﺖ ﺍﻳﺪﻩ
ﻋﻠﻰ ﻛﻴﻔﻚ ﻋﻤﺮ ﻣﻮ ﻫﻴﺞ ﺍﻟﺤﺠﻲ
ﻟﻚ ﻋﻼﻭﻱ ﻭﻟﺪ ﻋﻤﻲ ﺫﻭﻟﻪ ﺧﻄﻴﻪ ﺑﻌﺪﻫﻢ ﺷﺒﺎﺏ
ﺍﻟﻠﻪ ﻳﺮﺣﻤﻬﻢ ﻳﺨﻮﻱ ﻃﻴﻮﺭ ﺑﻠﺠﻨﻪ ﺫﻭﻟﻪ
ﺍﻭﻑ ﺍﻭﻑ ﻋﻼﻭﻱ
ﺍﻟﺘﻔﺖ ﻋﻠﻰ ﺍﺑﻮ ﺿﻴﺎﺀ ﻛﻠﻪ
ﻭﺍﻟﺒﺎﻗﻴﻦ ﻣﺎﻛﻮ ﻭﻻ ﻭﺍﺣﺪ ﺑﻠﺒﻴﻮﺕ
ﺃﻱ ﻋﻤﻮ ﺑﻌﺪ ﻣﻘﺘﻞ ﺍﻟﻮﻟﺪ ﺟﺪﻙ ﻗﺮﺭ ﻳﻄﻠﻌﻮﻥ ﻣﻦ ﺍﻟﻤﻨﻄﻘﻪ ﻣﺜﻞ ﻫﻮﺍﻱ ﻧﺎﺱ
ﺟﺎﻥ ﺑﻮﻗﺘﻪ ﻭﺍﺣﺪ ﺃﺫﺍ ﻋﻨﺪﻩ ﻭﺍﺳﻄﻪ ﻳﻜﺪﺭ ﻳﻄﻠﻊ
ﻭﺟﺪﻙ ﻧﻄﻪ ﻓﻠﻮﺱ ﺍﻟﻮﺍﺣﺪ ﻭﻃﻠﻌﻬﻢ ﻣﻨﺎ
ﺯﻳﻦ ﻣﺎﻋﺮﻓﺖ ﻭﻳﻦ ﺭﺍﺣﻮﺍ
ﺷﻮﻑ ﻗﺒﻞ ﻓﺘﺮﻩ ﺍﺝ ﺍﺑﻦ ﻋﻤﺘﻚ ﻧﻮﻓﻞ ﺍﻟﺒﻴﺘﻬﻢ ﺷﺎﻑ ﺍﻟﺒﻴﻮﺕ ﻭﺳﺄﻟﺘﻪ . ﻛﻠﻲ ﻛﺎﻋﺪﻳﻦ ﺑﻤﺰﺭﻋﻪ ﻋﻠﻰ ﺍﻟﺤﺪﻭﺩ ﻭﻳﻪ ﺍﻟﺴﻌﻮﺩﻳﻪ ﺍﻛﻮ ﻧﺎﺱ ﻫﻮﺍﻱ ﻧﺎﺯﺣﻴﻦ
ﺯﻳﻦ ﻣﺎﻃﻠﻌﻮﺍ ﺍﻻﺭﺑﻴﻞ ﺍﻟﺒﻐﺪﺍﺩ
ﻣﻴﻜﺪﺭﻭﻥ ﻳﺎﻋﻤﻲ ﺍﻟﻄﺮﻳﻖ ﺧﻄﺮﻩ ﻭﻳﺎﻫﻢ ﺟﻬﺎﻝ ﻭﻧﺴﺎﺀ ﺷﻠﻮﻥ ﺻﻌﺒﻪ
ﻟﻜﻦ ﻫﺬﺍ ﺍﻟﻤﻜﺎﻥ ﺍﻟﻲ ﻫﻤﻪ ﺑﻴﻪ ﺷﻮﻳﻪ ﺍﻣﺎﻥ ﻭﻟﻮ ﻣﺎﻛﻮ ﺃﻣﺎﻥ ﻭﻳﻪ ﺩﺍﻋﺶ ﺑﻌﺪ
ﻣﻦ ﺍﻟﻠﻪ ﻻ ﻳﺨﻠﻴﻬﻢ ﻭﻻ ﻱ ﺭﻳﺤﻬﻢ ﻻ ﺩﻧﻴﻪ ﻭﻻ ﺍﺧﺮﻩ
ﻃﻠﻌﻨﻪ ﻣﻦ ﺑﻴﺖ ﺍﺑﻮ ﺿﻴﺎﺀ ﻭﻋﻤﺮ ﻓﺎﻳﺮ ﻧﺎﺭ
ﻳﻐﻠﻲ ﻣﻦ ﺍﻟﺤﻘﺪ ﻭﺍﻟﻜﺮﻩ
ﺑﻮﺟﻪ ﺍﻟﺒﻴﺖ ﻋﻤﻪ
ﺭﻛﻈﺖ ﻭﺭﻯ ﺭﺩﺕ ﺍﻣﻨﻌﻪ ﻣﺎﻛﺪﺭﺕ
ﺩﺧﻞ ﻟﻠﺒﻴﺖ
ﺳﻤﻌﻨﻪ ﺃﺻﻮﺍﺕ ﻳﺼﻴﺤﻮﻥ
ﻣﻦ ﺳﻤﻌﻨﻪ ﻋﺒﺎﻟﻬﻢ ﺭﺑﻌﻬﻢ ﻛﺎﻣﻮ ﻳﺼﻴﺤﻮﻥ ﺍﻟﻬﻢ
ﻃﻠﻊ ﺳﻼﺡ ﻋﻤﺮ ﻣﻦ ﺍﻟﻲ ﺿﺎﻣﻬﻦ ﻭﺩﺧﻞ ﻋﻠﻴﻬﻢ
ﺧﺮﻃﻬﻢ ﺧﺮﻁ
ﺁﺧﺮ ﺷﻲ ﺳﺤﺒﺘﻪ ﺣﻴﻞ ﻭﻃﻠﻌﻨﻪ ﻣﻦ ﺍﻟﺒﻴﺖ ﺭﻛﻆ
ﻗﺒﻞ ﻻ ﻳﺠﻲ ﻭﺍﺣﺪ
ﺩﺧﻠﻨﻪ ﺍﻟﺒﻴﺘﻬﻢ ﻭﻧﺴﻤﻊ ﺍﻟﻨﺎﺱ ﺍﻟﺘﻤﺖ ﻋﻠﻴﻬﻢ
ﺷﻮﻳﻪ ﺳﻤﻌﻨﻪ ﺃﺻﻮﺍﺕ ﺩﺍﻋﺶ ﺩﺧﻠﻮ ﺍﻟﻤﻨﻄﻘﻪ
ﺭﺟﻮ ﺍﻟﺪﻧﻴﻪ ﺭﺝ
ﻋﻠﻲ .... ﺷﻔﺖ ﺗﻬﻮﺭﻙ ﺷﺴﻮﻩ ﺑﻴﻨﻪ ﻫﺴﻪ ﺍﻛﻴﺪ ﺭﺍﺡ ﻳﻜﻠﺒﻮﻥ ﺍﻟﺪﻧﻴﻪ ﻭﻳﺮﻭﺡ ﺑﻴﻪ ﻧﺎﺱ ﻓﻘﺮﻩ
ﻭﻟﻚ ﻋﻼﻭﻱ ﻛﻠﺒﻲ ﺣﺘﺮﻙ ﻋﻠﻰ ﻭﻟﺪ ﻋﻤﻲ
ﻋﻠﻲ .... ﻭﺍﻟﻨﺎﺱ ﺍﻟﻲ ﺭﺍﺡ ﺗﺮﻭﺡ ﻫﺴﻪ ﺑﺴﺒﺐ ﻃﻴﺸﻚ ﻣﻮﺧﻄﻴﻪ ﻛﻠﺒﻚ ﻣﺎ ﻳﺤﺘﺮﻙ ﻋﻠﻴﻬﻢ
ﺍﻟﻠﻪ ﺍﻋﻠﻢ ﺷﻜﻢ ﻭﺍﺣﺪ ﺍﺧﺬﻭ ﻫﺴﻪ
ﻭﺭﺍﺡ ﻳﺮﺟﻊ ﻟﻮ ﻻ
ﻋﻤﺮ .... ﻛﻌﺪﺕ ﺑﻠﻜﺎﻉ ﻭﺍﻧﻲ ﻣﺎ ﻣﺼﺪﻙ ﺍﻟﻲ ﺳﻮﻳﺘﻪ ﺃﻧﻲ ﻏﻠﻄﺖ ﺳﺘﻮﻧﻲ ﺍﺳﺘﻮﻋﺒﺖ ﺍﻟﻲ ﺳﻮﻳﺘﻪ
ﻳﺎﺭﺑﻲ ﺳﺎﻣﺤﻨﻲ ﻫﻮﺍﻱ ﻧﺎﺱ ﺭﺍﺡ ﺗﺘﺄﺫﻩ ﻣﻦ ﺍﻟﻲ ﺳﻮﻳﺘﻪ
ﻣﺮﺕ ﻫﺎﻱ ﺍﻟﻠﻴﻠﻪ ﻣﺤﺪ ﺷﺎﻑ ﺍﻟﻨﻮﻡ
ﺑﻌﺪ ﻳﻮﻣﻴﻦ ﻫﺪﺋﺖ ﺍﻷﻭﻇﺎﻉ ﺷﻮﻳﻪ ﻛﺪﺭﻧﻪ ﻧﻄﻠﻊ ﻣﻦ ﺍﻟﻤﻨﻄﻘﻪ .......
ﻟﻴﻠﻰ .....
ﺑﻴﻮﻡ ﺍﻟﻲ ﻃﻠﻊ ﻋﻠﻲ ﻣﻦ ﺍﻟﺒﻴﺖ ﺗﻤﻨﻴﺖ ﺍﻛﺪﺭ ﺍﻃﻠﻊ ﺃﻭﺩﻋﻪ
ﺍﺣﻈﻨﻪ ﺍﺷﺒﻊ ﻣﻨﻪ ﺷﻮﻑ
ﺑﺲ ﻣﺎﻣﺎ ﻣﻨﻌﺘﻨﻲ ﻛﺎﻟﺖ
.......
ﻻﺯﻡ ﺗﺘﻌﻮﺩﻳﻦ ﻋﻠﻰ ﻏﻴﺎﺑﻪ ﻭﺃﺻﺮﺕ ﺑﻌﺪ ﻣﺎ ﺃﺫﻛﺮﻩ ﻷﻧﻪ ﻃﻠﻊ ﻣﻦ ﺣﻴﺎﺗﻨﻪ
ﺑﺬﻳﺞ ﺍﻟﻠﻴﻠﻪ ﺟﺎﻧﺖ ﻋﻨﺪﻱ ﻣﺜﻞ ﻟﻴﻠﺔ ﺳﺒﻴﻨﻪ
ﺍﺫﺍ ﻣﻮ ﺍﺻﻌﺐ
ﺍﺣﺴﺎﺱ ﻣﻦ ﻳﻜﻮﻥ ﻳﺮﻭﺡ ﻣﻦ ﻛﺪﺍﻣﻚ ﻋﺰﻳﺰ ﻣﺜﻞ ﻣﺎ ﺗﻨﺴﺤﺐ ﺭﻭﺣﻚ ﻣﻦ ﺑﻴﻦ ﺟﺴﻤﻚ
ﻛﻞ ﻣﻜﺎﻥ ﺑﺠﺴﻤﻲ ﻳﻮﺟﻌﻨﻲ
ﻋﻴﻮﻧﻲ ﻭﺭﻣﺖ ﻣﻦ ﺍﻟﺪﻣﻮﻉ ﺍﺣﺴﻬﻦ ﻳﻄﻠﻊ ﻣﻨﻬﻦ ﻧﺎﺭ
ﺟﺴﻤﻲ ﺷﺐ ﻧﺎﺭ
ﺻﺨﻨﺖ ﻟﻠﺼﺒﺢ
ﺍﻣﻲ ﺗﺴﻮﻳﻠﻲ ﻛﻤﺎﺩﺍﺕ ﻭﻣﺎﻛﻮ
ﻣﺎ ﺻﺮﺕ ﺯﻳﻨﻪ
ﺑﻘﻴﺖ ﺍﺻﺤﻪ ﻭﺃﻧﺎﻡ ﻣﺎﻋﺮﻑ ﺷﻨﻮ ﺻﺎﺭ ﺑﻴﻪ
ﺣﺴﻴﺖ ﻋﻠﻰ ﻧﻔﺴﻲ ﺑﻤﻜﺎﻥ ﻣﺎﻋﺮﻑ ﻭﻳﻦ ﻫﺬﺍ ﺻﻮﺕ ﺍﻣﻲ ﻭﺻﻮﺕ ﺃﺯﺍﺩ ﻭﻋﺰﻳﺰ ﺑﺲ ﻟﻴﺶ ﻣﺎ ﺍﻛﺪﺭ ﺍﻓﺘﺢ ﻋﻴﻮﻧﻲ ﺷﻔﺎﻳﻔﻲ ﻣﺨﺸﺒﺎﺕ ﺍﺭﻳﺪ ﺍﺑﻠﻊ ﺭﻳﻜﻲ ﻣﺎﻛﻮ ﻳﺎﺑﺲ ﻣﺜﻞ ﺍﻟﺨﺸﺒﻪ
ﺷﻮﻳﻪ ﺳﻤﻌﺖ ﺻﻮﺕ ﻭﺍﺣﺪ ﻳﻜﻠﻬﻢ
ﻟﺘﺨﺎﻓﻮﻥ ﻣﺎﺑﻴﻪ ﺷﻲ ﺑﺲ ﻳﺮﺍﺩﻟﻪ ﺭﺍﺣﻪ ﻛﻢ ﻳﻮﻡ
ﻳﻌﻨﻲ ﻧﻜﺪﺭ ﻧﺎﺧﺬﻩ ﻭﻳﺎﻧﻪ
ﺃﻱ ﻃﺒﻌﺎ ﺑﺲ ﻻﺯﻡ ﺍﻟﻌﻼﺝ ﺗﺠﻴﺒﻮﻧﻪ ﻭ ﺗﺤﺎﻭﻟﻮﻥ ﺗﻮﻛﻠﻮﻫﻪ ﻣﻮ ﺯﻳﻦ ﺗﺒﻘﻰ ﺑﻼ ﺃﻛﻞ ﻳﺼﻴﺮ ﻋﺪﻩ ﻓﻘﺮ ﺩﻡ
ﺣﺎﺿﺮ ﺩﻛﺘﻮﺭ ﺑﺲ ﻻﺯﻡ ﻧﻄﻠﻊ ﻫﺴﻪ ﻗﺒﻞ ﻻ ﻳﻄﻠﻊ ﺍﻟﻔﺠﺮ ﻭﺗﺪﺭﻱ ﺍﻟﻄﺮﻳﻖ ﻣﻮ ﺃﻣﺎﻥ
ﺃﻱ ﻭﺍﻟﻠﻪ ﺣﻘﻜﻢ ﺍﻃﻠﻌﻮﺍ ﻫﺴﻪ ﺑﺲ ﻣﺜﻞ ﻣﺎ ﻭﺻﻴﺘﻜﻢ
ﺍﻥ ﺷﺎﺀ ﺍﻟﻠﻪ ﻋﺪﻩ ﺍﻟﻌﺎﻓﻴﻪ
ﺍﻟﻠﻪ ﻳﻌﺎﻓﻴﻚ ﺩﻛﺘﻮﺭ
ﻋﺰﻳﺰ .... ﻫﺎ ﺧﺎﻟﻪ ﻧﻄﻠﻊ
ﺃﻱ ﻧﻄﻠﻊ ﻛﺒﻞ ﺍﻟﻔﺠﺮ
ﻋﺰﻳﺰ ... ﻳﻠﻠﻪ ﺃﺯﺍﺩ ﻃﺒﺐ ﺍﻟﺴﻴﺎﺭﻩ ﻟﻠﺒﻴﺖ
ﻭﺍﻧﺘﻲ ﺧﺎﻟﻪ ﺟﻬﺰﻱ ﻟﻮﻟﻮ ﺧﻠﻴﻨﻪ ﻧﻄﻠﻌﻪ
ﺣﺴﻴﺖ ﺍﻣﻲ ﻟﺒﺴﺘﻨﻲ ﺣﺠﺎﺏ ﻭﻟﻔﺘﻨﻲ ﺑﻌﺒﺎﻳﻪ ﻳﻤﻜﻦ
ﺷﻮﻳﻪ ﺍﻧﺮﻓﻌﺖ ﻣﻦ ﺍﻟﺴﺮﻳﺮ
ﺍﺣﺲ ﻭﺍﺣﺪ ﺷﺎﻳﻠﻨﻲ
ﺩﺧﻠﻨﻲ ﺑﺴﻴﺎﺭﻩ ﺍﺳﻤﻌﻬﻢ ﻳﻬﻤﺴﻮﻥ
ﺣﺮﻛﺖ ﺍﻟﺴﻴﺎﺭﻩ ﻣﺸﺖ ﻣﺴﺎﻓﻪ ﻣﻮ ﻃﻮﻳﻠﻪ
ﻭﻛﻔﺖ ﺷﻮﻳﻪ ﻧﺰﻟﻮﻧﻲ ﻧﻔﺲ ﺍﻟﻲ ﺷﺎﻟﻨﻲ ﺩﺧﻠﻨﻲ ﺍﻟﺒﻴﺖ
ﻧﻤﺖ ﻋﻠﻰ ﺳﺮﻳﺮ ﺑﻌﺪ ﻣﺎﺣﺴﻴﺖ ﺑﺸﻲ
ﺑﻌﺪ ﻣﺪﻩ ﻛﻌﺪﺕ ﺷﻔﺖ ﺍﻣﻲ ﻧﺎﻳﻤﻪ ﻳﻤﻲ
ﻭﺃﻳﺪﻱ ﺑﻴﻪ ﻛﺎﻧﻮﻧﻪ ﻭﻣﻐﺬﻱ ﻣﻌﻠﻚ
ﺻﺤﺖ ﻣﺎﻣﺎ ﻣﺎﻣﺎ
ﻫﺎ ﻣﺎﻣﺎ ﺑﻌﺪ ﻋﻤﺮﻱ ﻓﺰﺕ ﺍﻣﻲ
ﺷﻠﻮﻧﺞ ﻳﻤﺎﻣﺎ ﻟﻴﺶ ﻫﻴﺞ ﺗﺴﻮﻳﻦ ﺑﻴﻨﻪ ﻭﻟﺞ ﺟﺎﻥ ﻣﺘﻲ
ﻣﺎﻣﺎ ﺷﻨﻮ ﺻﺎﺭ
ﻭﺝ ﻳﻤﻪ ﺯﻳﻦ ﻣﺎ ﺍﻧﺠﻠﻄﺘﻲ ﺍﺭﺗﻔﻊ ﺿﻐﻄﺞ ﻭﺻﺨﻮﻧﻪ ﻗﻮﻳﻪ ﺻﺎﺭﺕ ﺑﻴﺞ
ﻳﻮﻣﻴﻦ ﻣﺎ ﻓﺘﺤﺘﻲ ﻋﻴﻮﻧﺞ
ﺧﻠﻔﻠﻪ ﻋﻠﻰ ﻋﺰﻳﺰ ﻃﻠﻊ ﺩﻭﺭ ﻣﻀﻤﺪ ﺑﻠﻤﻨﻄﻘﻪ ﻭﺍﺧﺬﻧﺎﺝ ﺍﻟﻪ ﻫﻤﺰﻳﻦ ﺍﻟﻠﻪ ﻳﻄﻴﻪ ﻃﻠﻊ ﻳﻔﺘﻬﻢ ﺍﻧﻄﺎﺝ ﻋﻼﺝ ﻭﻣﻐﺬﻱ
ﻳﻌﻨﻲ ﺻﺎﺭﻟﻲ ﺷﻜﺪ ﺃﻧﻲ ﻧﺎﻳﻤﻪ
ﺻﺎﺭﻟﺞ ﺍﺭﺑﻊ ﺍﻳﺎﻡ
ﺷﻨﻮ ﺍﺭﺑﻊ ﺍﻳﺎﻡ ﻭﻋﻠﻲ ﻣﺎ ﺭﺟﻊ
ﻻ ﻣﺎ ﺭﺟﻊ ﻭﺑﻌﺪ ﻻ ﺗﻔﻜﺮﻳﻦ ﺑﻴﻪ ﺳﻤﻌﺘﻲ ﻟﻮ ﻻ ﻣﺎﻣﺎ ﻟﻴﺶ ﺗﺸﻠﻌﻴﻦ ﻛﻠﺒﻲ ﻭﺝ ﻳﻤﻪ ﻣﺎﻧﻌﺮﻑ ﺑﻌﺪ ﻧﺸﻮﻓﻪ ﻟﻮ ﻻ
ﻻ ﻣﺎﻣﺎ ﻫﻮ ﻭﻋﺪﻧﻲ ﻳﺮﺟﻊ
ﻭﺝ ﻣﺎﻣﺎ ﻫﻮ ﺃﻣﺮﻩ ﻣﻮ ﺑﻴﺪﻩ ﺍﻟﻠﻪ ﻳﻌﻠﻢ ﺷﺮﺍﺡ ﻳﺼﻴﺮ ﻭﻳﺎ ﺣﺎﻭﻟﻲ ﺗﻨﺴﻴﻦ ﻣﺜﻞ ﻣﺎ ﻧﺴﻴﻨﻪ ﻏﻴﺮﻩ
......
ﻃﻠﻌﺖ ﻣﺎﻣﺎ ﻭﺍﻧﻲ ﺍﻷﻟﻢ ﺭﺟﻊ ﻋﻠﻴﻪ ﺣﺮﻛﻪ ﺑﺼﺪﺭﻱ ﻗﻮﻳﻪ ﻧﻔﺴﻲ ﺿﺎﻙ ﺣﺴﻴﺖ ﺍﻟﺪﻧﻴﻪ ﻫﻠﻜﺪﻩ
ﺣﺼﺮﻩ ﺑﺼﺪﺭﻱ
ﺍﻧﺪﻙ ﺍﻟﺒﺎﺏ
ﻣﻨﻮ ﺻﺤﺖ
ﺃﻧﻲ ﻋﺰﻳﺰ ﻣﻤﻜﻦ ﺍﺩﺧﻞ
ﺍﺗﻔﻀﻞ
ﻫﺎ ﺧﻮﻳﻪ ﺷﻠﻮﻧﺞ ﻫﺴﻪ
ﺯﻳﻨﻪ
ﻻ ﺍﻟﺤﻤﺪ ﻟﻠﻪ ﻭﺟﻬﺞ ﻣﻨﻮﺭ
ﺩﻧﻜﺖ ﻭﺍﻧﻲ ﺧﺠﻼﻧﻪ
ﺧﻮﻳﻪ ﺍﺭﻳﺪ ﺍﺣﺠﻲ ﻭﻳﺎﺝ
ﺍﺗﻔﻀﻞ ﺍﺣﺠﻲ
ﻳﺤﺠﻲ ﻭﻫﻮ ﻣﺪﻧﻚ ﻣﺎ ﺷﻔﺘﻪ ﺭﻓﻊ ﺭﺃﺳﻪ ﻣﻦ ﺍﻟﻜﺎﻉ ﺍﺑﺪ ﺑﺲ ﻛﻠﻲ
ﺧﻮﻳﻪ ﺍﺣﻨﻪ ﻫﻨﺎ ﻛﻠﻨﻪ ﺍﺭﻭﺍﺣﻨﻪ ﻣﻮ ﺍﻟﻨﻪ ﻣﺎﻧﻌﺮﻑ ﺷﻮﻛﺖ ﻳﺪﺧﻠﻮﻥ ﻋﻠﻴﻨﻪ ﻭﻧﻤﻮﺕ
ﻋﻠﻲ ﻣﻦ ﺭﺍﺡ ﺍﻣﻨﺞ ﻋﻨﺪﻱ ﻛﻠﻲ ﻋﺰﻳﺰ ﻫﺎﻱ ﺃﻣﺎﻧﻪ ﻋﻨﺪﻙ ﻟﺤﺪ ﻣﺎ ﺃﺭﺟﻊ
ﺑﺲ ﻣﺎﻋﺮﻑ ﺭﺍﺡ ﻳﻜﺪﺭ ﻳﺮﺟﻊ ﻟﻮ ﻻ
ﻷﻥ ﺍﻟﻄﺮﻳﻖ ﺍﻟﻲ ﺭﺍﺡ ﺍﻟﻪ ﺻﻌﺐ ﻭﻣﻠﻴﺎﻥ ﺷﻮﻙ
ﺍﺣﻨﻪ ﻣﻨﺎ ﻟﺤﺪ ﻣﺎ ﻳﺮﺟﻊ ﻋﻠﻲ ﻭﻋﻤﺮ ﺍﻭ ﻳﺼﻴﺮ ﺣﻞ ﻟﻠﻌﺮﺍﻕ ﻻﺯﻡ ﻧﺼﻴﺮ ﺃﻗﻮﻳﺎﺀ ﺣﺘﻰ ﻧﻜﺪﺭ ﻧﻘﺎﻭﻡ ﻳﻌﻨﻲ ﻋﻠﻲ ﺭﺍﺡ ﻳﺮﺟﻊ
ﺍﻥ ﺷﺎﺀ ﺍﻟﻠﻪ ﻳﺮﺟﻊ ﻋﻠﻲ ﺷﺨﺺ ﺫﻛﻲ ﻭﻗﻮﻱ ﻣﺮ ﺑﺸﻐﻼﺕ ﺻﻌﺒﻪ ﻭﺿﺮﻭﻑ ﺍﺻﻌﺐ ﺑﺲ ﻛﺪﺭ ﻳﻄﻠﻊ ﻣﻨﻬﻪ
ﻭﺍﻧﻲ ﻣﺘﺄﻛﺪ ﺭﺍﺡ ﻳﻜﺪﺭ ﻳﻄﻠﻊ ﻣﻦ ﻫﻞ ﺃﻳﺎﻡ ﻫﺎﻱ ﻭﻳﺮﺟﻊ
ﻭﻟﺤﺪ ﻣﺎ ﻳﺮﺟﻊ ﺍﺭﻳﺪﺝ ﺗﻜﻮﻧﻴﻦ ﻗﻮﻳﻪ ﻭﺗﺜﺒﺘﻴﻦ ﺍﻧﺞ ﻛﺪ ﺍﻟﻤﺴﺆﻟﻴﻪ ﺣﺘﻰ ﻧﺘﻠﻜﻪ ﻋﻠﻲ
ﻋﻴﻮﻧﻲ ﺩﻣﻌﺖ ﻭﺍﻧﻲ ﺍﺳﻤﻊ ﺣﺠﻲ ﻋﺰﻳﺰ
ﺻﺢ ﺃﻧﻲ ﻻﺯﻡ ﺍﺻﻴﺮ ﻗﻮﻳﻪ ﺣﺘﻰ ﺍﺳﺘﺤﻖ ﻋﻠﻲ
ﻋﻠﻲ ﺑﻄﻞ ﻭﺍﻧﻲ ﻣﻮ ﺍﻗﻞ ﻣﻨﻪ ...... ﺍﺣﺠﻲ ﻭﻳﻪ ﺭﻭﺣﻲ
ﻫﺎ ﻭﻫﺴﻪ ﺷﻨﻮ ﺭﺋﻴﺞ ﺑﺤﺠﻲ
ﺣﺠﻴﻚ ﺻﺢ ﻭﺍﻧﻲ ﺍﺳﻔﻪ ﻷﻥ ﻋﺬﺑﺘﻜﻢ ﻃﻮﻝ ﺍﻷﻳﺎﻡ ﺍﻟﻔﺎﺗﺖ
ﻻ ﺧﻴﺘﻲ ﻻ ﻋﺬﺑﺘﻴﻨﻪ ﻭﻻ ﺷﻲ ﺑﺲ ﻋﻠﻤﻮﺩ ﺍﻣﺞ ﺧﻄﻴﻪ ﻛﻠﺒﻬﻪ ﻓﺮﻓﺢ ﻋﻠﻴﺞ
ﺧﻄﻴﻪ ﻭﻫﻴﻪ ﻣﻮ ﺣﻤﻞ ﻫﻤﻮﻡ ﻧﺘﺮﺕ ﺑﻘﻬﺮ
ﻫﺴﻪ ﺍﻟﻤﻬﻢ ﻧﻨﺴﻰ ﺍﻟﻲ ﺻﺎﺭ ﻭﺣﺎﻭﻟﻲ ﺗﺮﻳﺤﻴﻦ ﻧﻔﺴﺞ ﺯﻳﻦ
ﻫﺰﻳﺖ ﺭﺍﺳﻲ ﺯﻳﻦ
ﻫﻬﻪ ﻳﻠﻠﻪ ﺍﺭﻳﺪﺝ ﺗﻜﻮﻣﻴﻦ ﺑﺴﺮﻋﻪ ﺣﺘﻰ ﺗﻄﺒﺨﻴﻠﻨﻪ ﻃﺒﺨﻪ ﺯﻳﻨﻪ
ﺃﺷﺮﺕ ﻋﻠﻰ ﻋﻴﻮﻧﻲ ﻭﻛﺘﻠﻪ ﻣﻦ ﻋﻴﻮﻧﻲ
ﺗﺴﻠﻢ ﻋﻴﻮﻧﺞ ﺧﻴﺘﻲ
ﺑﻌﺪ ﻣﺎ ﻃﻠﻊ ﻋﺰﻳﺰ ﺑﻘﻴﺖ ﺃﻟﻮﻡ ﺑﻨﻔﺴﻲ ﺷﻠﻮﻥ ﻫﻴﺞ ﺳﻮﻳﺖ ﺑﻤﺎﻣﺎ ﺧﻄﻴﻪ ﻫﻴﻪ ﺗﻌﺒﺎﻧﻪ ﻭﺍﻧﻲ ﺗﻌﺒﺘﻪ ﺣﻴﻞ
ﺩﺧﻠﺖ ﻣﺎﻣﺎ ﻛﺎﻟﺖ
ﻫﺎ ﺣﺒﻴﺒﺘﻲ ﺟﺒﺘﻠﺞ ﺷﻮﺭﺑﻪ ﻋﺪﺱ ﺗﺎﻛﻠﻴﻦ ﺍﺻﺎﺑﻴﻌﺞ ﻭﺭﺍﻫﻪ
ﻓﺘﺤﺖ ﺍﺩﻳﻪ ﻭﻛﺘﻠﻪ ﻣﺎﻣﺎ ﺍﺭﻳﺪ ﺍﺣﻈﻨﺞ
ﻋﺎﻓﺖ ﺍﻟﺼﻴﻨﻴﻪ ﻋﻠﻰ ﺍﻟﻄﺒﻠﻪ ﻭﺍﺟﺖ ﺣﻈﻨﺘﻨﻲ ﺣﻴﻞ
ﺑﺠﻴﺖ ﻭﻛﺘﻠﻪ
ﻣﺎﻣﺎ ﺍﺳﻔﻪ ﻭﺍﻟﻠﻪ ﻣﺠﺎﻥ ﻗﺼﺪﻱ ﺃﺋﺬﻳﺞ
ﻛﺎﻓﻲ ﻣﺎﻣﺎ ﺣﺒﻴﺒﺘﻲ ﻻ ﺗﻨﻘﻬﺮﻳﻦ ﻣﺼﺎﺭ ﺷﻲ
ﺣﻴﺪﺭ .....
ﻭﺻﻠﻨﻪ ﺍﻟﻘﺮﻳﻪ ﺑﺤﺪﻭﺩ ﺍﻟﺴﻌﻮﺩﻳﻪ
ﺍﻟﻨﺎﺱ ﺍﻟﺒﻴﻪ ﻧﺎﺯﺣﻪ ﻣﻦ ﺍﻟﻤﻮﺻﻞ ﺗﺤﺎﻭﻝ ﺗﻄﻠﻊ ﺑﺲ ﺍﻟﺤﺪﻭﺩ ﻣﺴﺪﻭﺩﻩ
ﺍﻟﻘﺮﻳﻪ ﺻﻐﻴﺮﻩ ﻭﺍﻟﻨﺎﺱ ﻫﻮﺍﻳﻪ ﻭﺑﺘﺰﺍﻳﺪ
ﺟﺎﻥ ﺍﻛﻮ ﺑﻴﻪ ﻣﻜﺘﺐ ﻣﺨﻠﻴﻨﻪ ﻳﺴﻮﻭﻥ ﺑﻴﻪ ﻫﻮﻳﺎﺕ ﺣﺘﻰ ﻧﺎﺧﺬ ﺑﻴﻪ ﻣﺴﺎﻋﺪﺍﺕ ﻭ ﺧﻴﻢ
ﺭﺣﻨﻪ ﻋﻠﻰ ﺍﻟﻤﻜﺘﺐ ﺳﺠﻠﻨﻪ ﺍﺳﻤﺎﺋﻨﻪ
ﺟﺎﻥ ﻳﺪﺧﻞ ﺷﺎﻳﺐ ﻭﻳﺎ ﺛﻨﻴﻦ ﻭﻟﺪ ﺻﻐﺎﺭ ﻭﺑﻨﻴﻪ ﺍﻟﺒﻨﻴﻪ ﻛﻠﺶ ﺣﻠﻮﻩ ﻭﺑﻌﺪﻩ ﺻﻐﻴﺮﻩ ﻳﻌﻨﻲ ﻳﻄﻠﻊ ﻋﻤﺮﻩ 15 ﺳﻨﻪ
ﻭﻣﺮﻩ ﺟﺒﻴﺮﻩ
ﻣﺒﻴﻦ ﻋﻠﻴﻬﻢ ﺍﻟﺘﻌﺐ
ﺍﻟﻤﺼﻼﻭﻳﺎﺕ ﻛﻠﺶ ﺣﻠﻮﺍﺕ ﻳﻌﻨﻲ ﺭﻏﻢ ﺗﻌﺒﺎﻧﺎﺕ ﻭﻛﻠﻬﻦ ﺗﺮﺍﺏ ﺑﺲ ﻳﻀﻮﻥ
ﺳﺠﻠﻮ ﺃﺳﻤﺎﺋﻬﻢ
ﺭﺣﻨﻪ ﻋﻠﻰ ﺍﻟﺘﺠﻬﻴﺰﺍﺕ ﺣﺘﻰ ﻧﺎﺧﺬ ﺧﻴﻢ
ﺟﺎﻥ ﺍﻟﺴﺮﻩ ﻛﻠﺶ ﻃﻮﻳﻞ
ﻭﻛﻔﻨﻪ ﻭﺍﻟﺸﺎﻳﺐ ﻛﻌﺪ ﻋﻴﻠﺘﻪ ﻭﻛﻒ ﻭﻳﺎﻧﻪ
ﻣﺸﻪ ﺍﻟﺴﺮﻩ ﻳﻤﻜﻦ ﺳﺎﻋﻪ ﻭﺑﻌﺪ ﻣﺎ ﻭﺍﺻﻠﻨﻪ ﺍﻟﺴﺮﻩ
ﺷﻔﺖ ﺍﻟﺮﺟﺎﻝ ﻛﻠﺶ ﺗﻌﺐ ﻭﺍﺫﺍ ﻃﻠﻊ ﻣﻦ ﺍﻟﺴﺮﻩ ﺑﻌﺪ ﻳﺮﻭﺡ ﺳﺮﻯ
ﻛﺘﻠﻪ ﺣﺠﻲ ﺍﻧﻄﻴﻨﻲ ﺑﻄﺎﻗﺘﻚ ﻭﻛﻌﺪ ﺍﻧﺖ ﻣﻦ ﻳﺠﻲ ﺳﺮﺍﻙ ﺍﺻﻴﺤﻚ
ﺍﻟﻠﻪ ﻳﺤﻔﻈﻚ ﻭﻟﻴﺪﻱ
ﻛﻌﺪ ﺍﻟﺮﺟﺎﻝ ﻭﺍﻧﻲ ﺑﻘﻴﺖ ﻭﺍﻛﻒ
ﻟﺤﺪ ﻣﺎ ﻭﺻﻞ ﺍﻟﻨﻪ ﺍﻟﺴﺮﻩ
ﺻﺤﺖ ﻟﻠﺮﺟﺎﻝ ﺍﺝ ﻭﻛﻒ
ﺍﺳﺘﻠﻤﻨﻪ ﺧﻴﻤﻪ ﻭﺑﻄﺎﻧﻴﺎﺕ ﻭﺭﺣﻨﻪ
ﺃﻧﻲ ﻭﻟﻮﻟﺪ ﺑﺴﺮﻋﻪ ﻧﺼﺒﻨﻪ ﺍﻟﺨﻴﻤﻪ ﻭﻓﺮﺷﻨﺎﻫﻪ
ﺑﺎﻭﻋﺖ ﺷﻔﺖ ﺍﻟﺮﺟﺎﻝ ﺧﻄﻴﻪ ﻣﺎﻳﻜﺪﺭ ﻳﻨﺼﺐ ﺍﻟﺨﻴﻤﻪ
ﺭﺣﺖ ﻋﻠﻴﻪ ﻛﺘﻠﻪ ﺣﺠﻲ ﺃﻧﻲ ﺍﺳﺎﻋﺪﻙ
ﺍﺧﺬﺕ ﺍﻟﺨﻴﻤﻪ ﻧﺼﺒﺘﻪ ﻭﻓﺮﺷﺘﻪ ﺍﻟﻬﻢ ﻭﺭﺟﻌﺖ ﺍﻟﺨﻴﻤﺘﻨﻪ
ﺫﺑﻴﻨﻪ ﺍﺭﻭﺍﺣﺘﻨﻪ ﺗﻌﺒﺎﻧﻴﻦ
ﻧﻤﻨﻪ ﺣﺘﻰ ﺑﺪﻭﻥ ﺍﻛﻞ
ﻳﻮﻣﻴﻦ ﺍﺣﻨﻪ ﺑﻠﻤﺨﻴﻢ ﻭﺑﻌﺪﻧﻪ ﻣﻤﻜﻤﻠﻴﻦ ﺗﺠﻬﻴﺰ
ﻛﻞ ﺷﻮﻳﻪ ﻳﺠﻴﺒﻮﻥ ﺷﻲ ﻭﻧﺮﻭﺡ ﻧﻮﻛﻒ ﺑﻠﺴﺎﻋﺎﺕ ﺣﺘﻰ ﻳﻮﺻﻞ ﺍﻟﻨﻪ ﺍﻟﺴﺮﻩ
ﺍﻟﺘﻮﺍﻟﻴﺖ ﺑﻠﺴﺮﻩ
ﺍﻟﺤﻤﺎﻡ ﺑﻠﺴﺮﻩ
ﺣﺘﻰ ﺍﻷﻛﻞ ﻫﻢ ﺑﻠﺴﺮﻩ
ﺟﺎﻧﺖ ﺍﻳﺎﻡ ﻛﻠﺶ ﺻﻌﺒﻪ
ﺧﻴﻤﺔ ﺍﺑﻮ ﻳﺰﻥ ﺍﻟﺤﺠﻲ ﺑﺼﻒ ﺧﻴﻤﺘﻨﻪ
ﺟﻨﺖ ﺍﺷﻮﻑ ﺍﻟﺒﻨﻴﻪ ﺑﻨﺘﻪ ﻛﻠﺶ ﻣﻮ ﺭﺍﺣﻪ
ﻋﻴﻨﻪ ﻋﻠﻰ ﺍﻟﻮﻟﺪ
ﺗﻀﺤﻚ ﻫﻮﺍﻱ
ﻳﻌﻨﻲ ﻛﻠﺶ ﺧﻔﻴﻔﻪ
ﺑﻴﻮﻡ ﻃﻠﻌﺖ ﺑﻠﻴﻞ ﻟﻠﺤﻤﺎﻡ
ﺟﺎﻥ ﻃﺮﻳﻖ ﺍﻟﺤﻤﺎﻡ ﻋﻠﻰ ﺧﻴﻤﺔ ﺍﺑﻮ ﻳﺰﻥ
ﺍﻟﺪﻧﻴﻪ ﻇﻠﻤﻪ
ﺷﻔﺖ ﻭﺍﺣﺪ ﻃﻠﻊ ﻣﻦ ﺧﻴﻤﺔ ﺍﺑﻮ ﻳﺰﻥ
ﺭﻛﺰﺕ ﻋﻠﻴﻪ ﺷﻔﺖ ﻋﺎﻟﻴﻪ ﺑﺖ ﺍﺑﻮ ﻳﺰﻥ ﻃﻠﻌﺖ ﺑﺲ ﺗﺘﻠﻔﺖ
ﺭﺣﺖ ﻭﺭﺍﻫﻪ ﻛﻠﺖ ﺍﺭﻳﺪ ﺍﺷﻮﻑ ﻭﻳﻦ ﺗﺮﻳﺪ ﺑﻬﻞ ﻟﻴﻞ
ﻭﺍﻟﻤﺴﺆﻟﻴﻦ ﻣﺎﻧﻌﻴﻦ ﺗﺠﻮﺍﻝ ﺍﻟﻨﺴﺎﺀ ﺑﻠﻴﻞ ﻭﺣﺪﻫﻢ ﻳﻌﻨﻲ ﻻﺯﻡ ﻭﻳﺎﻫﻢ ﺭﺟﺎﻝ
ﻣﺸﺖ ﻋﺎﻟﻴﺎ ﻭﺻﻠﺖ ﺍﻟﺨﻴﻤﻪ ﺑﺎﻭﻋﺖ ﻣﻨﺎ ﻣﻨﺎ ﻭﺑﻌﺪﻳﻦ ﺩﺧﻠﺖ ﻟﻠﺨﻴﻤﻪ
ﺃﻧﻲ ﺗﺨﺒﻠﺖ ﻭﻳﻦ ﺩﺧﻠﺖ ﻫﺎﻱ
ﺭﺣﺖ ﻟﻠﺤﻤﺎﻡ ﻭﺭﺟﻌﺖ ﻭﺟﺎﻥ ﺍﺳﻤﻊ ﺻﻮﺗﻬﻪ ﻭﻫﻴﻪ ﺗﺒﺠﻲ ﻭﺗﺘﻮﺳﻞ
ﺭﻛﻈﺖ ﻓﺘﺤﺖ ﺍﻟﺨﻴﻤﻪ ﻭﺩﺧﻠﺖ
ﻭﺟﺎﻥ ﺍﺷﻮﻑ
.......
ﺣﻴﺪﺭ
ﺭﺣﺖ ﻟﻠﺤﻤﺎﻡ ﻣﻦ ﺭﺟﻌﺖ ﺳﻤﻌﺖ ﺻﻮﺗﻪ ﺗﺘﻮﺳﻞ
ﺩﺧﻠﺖ ﻟﻠﺨﻴﻤﻪ ﺷﻔﺘﻪ ﻛﺎﻋﺪﻩ ﻭﺑﻼ ﺣﺠﺎﺏ ﻭﺛﻨﻴﻦ ﻭﻟﺪ ﻣﻦ ﺫﻭﻟﻪ ﺍﻟﻜﻴﻜﻴﻪ ﻛﺎﻋﺪﻳﻦ ﻛﺒﺎﻟﻪ ﻭﻳﻀﺤﻜﻮﻥ
ﻭﻫﻴﻪ ﺗﺘﻮﺳﻞ ﺑﻴﻬﻢ
ﺍﻟﻠﻪ ﻳﺨﻠﻴﻜﻢ ﻣﺎ ﺍﻛﺪﺭ ﺍﺳﻮﻱ ﺍﻟﻲ ﺗﺮﺩﻭﻧﻪ
ﺍﺳﻤﻌﻲ ﻟﺞ ﻣﻮ ﺑﻜﻴﻔﺞ ﺍﻟﺤﺠﻲ ﻏﺼﺒﻦ ﻋﻠﻴﺞ ﻟﻮ ﺑﺲ ﺣﻨﻮﺵ ﺣﻼﻝ ﻭﺍﺣﻨﻪ ﺣﺮﺍﻡ
ﺑﺲ ﺣﻨﻮﺵ ﻳﺤﺒﻨﻲ ﻭﻳﺮﻳﺪ ﻳﺘﺰﻭﺟﻨﻲ
ﺣﻨﻮﺵ .... ﺃﻧﻲ ﺍﺗﺰﻭﺟﺞ ﻟﻴﺶ ﻋﻴﻨﻲ ﺧﻠﺼﺖ ﺍﻟﺒﻨﺎﺕ ﻣﺎﻛﻮ ﺑﻌﺪ ﺑﺲ ﺍﻧﺘﻲ ﺍﺗﺰﻭﺟﻬﻪ
ﺣﻴﺪﺭ .... ﺑﻌﺪ ﻣﺎﻛﺪﺭﺕ ﺍﺳﻜﺖ ﺻﺤﺖ
ﺷﻨﻮ ﻫﺎﻱ ﺷﺘﺴﻮﻳﻦ ﻫﻨﺎ ﻭﻟﺞ
ﺑﺎﻭﻋﺘﻠﻲ ﻭﻋﻴﻮﻧﻪ ﻛﻠﻪ ﺩﻣﻊ ﻭﺗﻨﺎﺷﻎ
ﺣﻴﺪﺭ ...
ﺃﻱ ﺣﻴﺪﺭ ﺷﻨﻮ ﻣﺴﻮﻳﻪ ﻭﺗﺘﻮﺳﻠﻴﻦ ﺑﺬﻭﻟﻪ
ﺍﻧﺖ ﻣﻨﻮ ﺣﻈﺮﺗﻚ ﻭﺷﻠﻮﻥ ﺗﺪﺧﻞ ﺍﻟﺨﻴﻤﺘﻨﻪ ﺑﻬﻞ ﺷﻜﻞ
ﺑﺎﻭﻋﺘﻠﻪ ﺑﺘﻚ ﻋﻴﻦ ﻛﺘﻠﻪ
ﺷﻨﻮﻭﻭﻭﻭ ﺧﺎﻳﺐ ﺩﻃﻴﺮ
ﺷﻨﻮ ﺧﺎﻳﺐ ﺍﻧﺖ ﻣﺘﺴﺘﺤﻲ ﻧﺘﺮ ﺣﻨﻮﺵ
ﺣﻴﺪﺭ .... ﻻ ﺧﻠﻴﺖ ﺍﻟﻤﺴﺘﺤﻪ ﺍﻟﻜﻢ ﺍﻟﺘﻔﺘﺖ ﻋﻠﻰ ﻋﺎﻟﻴﺎ ﻛﺘﻠﻪ
ﻓﻬﻤﻴﻨﻲ ﺷﻨﻮ ﺍﻟﺴﺎﻟﻔﻪ ﻟﺘﺨﺎﻓﻴﻦ ﺃﻧﻲ ﻣﺜﻞ ﺍﺧﻮﺝ
ﺩﻧﻜﺖ ﻭﻛﺎﻟﺖ
ﻫﺬﺍ ﺣﻨﻮﺵ ﺿﺤﻚ ﻋﻠﻴﻪ ﻛﻠﻲ ﺍﺗﺰﻭﺟﺞ ﻭ ... ﺳﻜﺘﺖ
ﻣﺴﺤﺖ ﻭﺟﻬﻲ ﺑﺄﻳﺪﻱ ﺑﻘﻬﺮ ﻭﻛﺘﻠﻪ
ﻛﻤﻠﻲ
ﻭﻫﺴﻪ ﺟﺎﻳﺐ ﻫﺬﺍ ﺻﺪﻳﻘﻪ ﺻﻮﻓﻲ ﻟﻮ ﻳﻜﻞ ﺍﻻﺑﻮﻳﻪ ﻟﻮ .....
ﻫﻢ ﻟﻮ ﺍﺣﺠﻴﻴﻴﻴﻲ
ﺷﺤﺠﻲ ﺷﺤﺠﻲ ﻟﻄﻤﺖ ﻋﻠﻰ ﺧﺪﻭﺩﻩ ﻭﺗﺤﺠﻲ
ﺑﺎﻭﻋﺖ ﻋﻠﻴﻬﻢ ﻛﺘﻠﻬﻢ
ﺷﻨﻲ ﻭﻟﻜﻢ ﺻﺎﻳﺮﻳﻦ ﺯﻟﻢ ﺑﺮﺍﺱ ﺍﻟﺒﻨﻴﻪ
ﺣﻨﻮﺵ ... ﺃﻧﻲ ﺯﻟﻤﻪ ﻏﺼﺒﻦ ﻋﻠﻴﻚ
ﺻﻮﻓﻲ ... ﺍﻧﺖ ﻣﻨﻮ ﺣﺘﻰ ﺗﺤﺠﻲ ﻭﻳﺎﻧﻪ
ﺣﻴﺪﺭ ... ﻟﻌﺒﺖ ﻧﻔﺴﻲ ﻣﻦ ﺷﻜﻮﻟﻬﻢ ﻣﺎﻳﻌﻴﻦ ﺟﻨﻬﻢ ﻧﺴﻮﺍﻥ ﻭﺣﺠﻴﻬﻢ ﻣﺜﻞ ﻭﺣﺪﻩ ...... ﺍﺳﺘﻐﻔﺮ ﺍﻟﻠﻪ
ﻟﺰﻣﺖ ﺣﻨﻮﺵ ﻭﺻﻮﻓﻲ ﻛﻞ ﻭﺍﺣﺪ ﻣﻦ ﺧﻮﺍﻧﻴﻜﻪ ﻭﻃﻜﻴﺖ ﺭﺃﺱ ﺑﺮﺍﺱ ﻛﺘﻠﻬﻢ
ﺷﻮﻓﻮ ﻭﻟﻜﻢ ﻭﺣﻖ ﺣﻴﺪﺭ ﺍﻟﻜﺮﺍﺭ
ﻭﺩﺍﻋﺖ ﺍﻣﻲ ﺍﻟﻲ ﺷﻮﻓﺘﻪ ﺍﻏﻠﻰ ﻣﻦ ﻋﻴﻮﻧﻲ ﺍﺫﺍ ﻣﺎ ﻋﻔﺘﻮﺍ ﺍﻟﺒﻨﻴﻪ ﺍﻛﺘﻠﻜﻢ ﻭﺍﺩﻓﻨﻜﻢ ﻫﻨﺎ ﺑﺨﻴﻤﺘﻜﻢ ﺳﻤﻌﺘﻮﺍ ﻟﻮ ﻻ
ﺃﻱ ﺃﻱ ﺳﻤﻌﻨﻪ ﺍﺻﻼ ﻣﺎﻋﺪﻧﻪ ﺷﻲ ﻭﻳﺎﻫﻪ
ﻃﻜﻴﺘﻬﻢ ﻭﺍﺣﺪ ﺑﻠﺜﺎﻧﻲ ﻭﺷﻤﺮﺗﻬﻢ ﺑﻠﻜﺎﻉ
ﻭﻟﺰﻣﺖ ﻋﺎﻟﻴﺎ ﻣﻦ ﺃﻳﺪﻩ ﻭﻃﻠﻌﺘﻪ ﺑﺮﻩ ﺍﻟﺨﻴﻤﻪ
ﺍﻣﺸﻲ ﺑﺲ ﺷﻨﻲ ﺑﺮﻛﺎﻥ ﺑﺪﺍﺧﻠﻲ ﻳﻐﻠﻲ
ﺍﺭﻳﺪ ﺑﺲ ﺍﻓﻬﻢ ﻣﻨﻬﻪ ﺷﻨﻮ ﺻﺎﺭ ﻳﻌﻨﻲ ﻣﺎﺧﺬﻳﻨﻪ ﻟﻮ ﻻ
ﺣﺘﻰ ﺍﻛﺪﺭ ﺍﺗﺼﺮﻑ
ﻭﺫﻭﻟﻪ ﻣﺎ ﺃﻛﺪﺭ ﺍﺟﺮﻡ ﺑﻴﻬﻢ ﻟﻤﻦ ﺃﺗﺄﻛﺪ ﺧﺎﻑ ﻳﻨﻬﺰﻣﻮﻥ
.....
ﺃﺧﺬﺗﻪ ﻭﺭﺟﻌﺘﻪ ﻟﻠﺨﻴﻤﻪ ﻛﺘﻠﻪ ﻣﺎﺭﻳﺪ ﻭﺍﺣﺪ ﻳﻌﺮﻑ ﺷﻲ ﺳﻤﻌﺘﻲ ﺑﺎﺟﺮ ﻋﻮﺩ ﻧﺘﻔﺎﻫﻢ ﺍﺭﺟﻌﻲ ﻫﺴﻪ ﻭﺑﻌﺪﻳﻦ ﻧﺴﻮﻟﻒ
ﻫﺰﺕ ﺭﺍﺳﻬﻪ ﻭﺩﺧﻠﺖ ﻟﻠﺨﻴﻤﻪ
ﻃﺒﻴﺖ ﺍﻟﺨﻴﻤﺘﻲ ﺷﻔﺖ ﺍﻟﻮﻟﺪ ﻧﺎﻳﻤﻴﻦ
ﺗﻤﺪﺩﺕ ﻭﻋﻴﻨﻲ ﻋﻠﻰ ﺳﻜﻒ ﺍﻟﺨﻴﻤﻪ ﻭﺑﺎﻟﻲ ﺷﻠﻮﻥ ﺭﺍﺡ ﺍﻋﺮﻑ ﺍﻟﻲ ﺻﺎﺭ ﻭﻳﺎﻫﻪ
ﻣﻬﻤﻰ ﻳﻜﻮﻥ ﻣﺎ ﺃﻛﺪﺭ ﺃﺳﺄﻟﻪ ﻋﻦ ﻧﻮﻋﻴﺔ ﺍﻟﻌﻼﻗﻪ ﻭﻫﺎﻱ ﻃﻔﻠﻪ ﺭﻏﻢ ﺗﺼﺮﻓﺎﺗﻪ ﺑﺲ ﺗﺒﻘﻰ ﻃﻔﻠﻪ
ﺫﻛﺮﺕ ﺍﻣﻲ ﻣﻦ ﺗﺤﺘﺎﺭ ﺗﻘﺮﺀ ﺍﻟﻔﺎﺗﺤﻪ ﻷﻡ ﺍﻟﺒﻨﻴﻦ ﻭﺗﻨﺎﻡ ﻣﻦ ﺗﻜﻌﺪ ﺗﻠﻜﻪ ﺍﻟﺤﻞ
ﻓﻌﻼ ﻗﺮﻳﺖ ﺍﻟﻔﺎﺗﺤﻪ ﻭﻧﻤﺖ ......
ﺛﺎﻧﻲ ﻳﻮﻡ ﺍﻟﺼﺒﺢ ﻛﻌﺪﺕ ﻋﻠﻰ ﻫﻮﺳﺔ ﺍﻟﻮﻟﺪ ﻳﺴﻮﻟﻔﻮﻥ ﺍﺳﻤﻊ ﻣﻘﺘﺪﻯ ﻳﻜﻮﻝ
ﻫﺎﻱ ﺍﻟﺤﺠﻴﻪ ﺃﻡ ﻓﻴﺼﻞ ﺷﻜﺪ ﻗﻮﻳﻪ ﻭﻟﺴﺎﻥ ﻋﺪﻩ ﺑﻮﻳﻪ ﻣﺜﻞ ﺍﻟﺴﻴﻒ
ﺍﻟﻴﻮﻡ ﻣﻦ ﺍﻟﺼﺒﺢ ﻭﺍﺳﻤﻌﻪ ﺗﺤﺠﻲ ﻭﻳﻪ ﺍﺑﻨﻪ ﻋﻮﺩ ﺗﻨﺼﺤﻪ ﻫﻬﻬﻪ ﻟﻌﺒﺖ ﺑﻴﻪ ﻟﻌﺐ
ﻟﻴﺶ ﺷﺴﻮﻩ
ﻣﺎ ﺍﺩﺭﻱ ﺑﺲ ﻳﻤﻜﻦ ﻻﻛﻔﺘﻪ ﻳﺒﺎﻭﻉ ﻋﻠﻰ ﻋﺎﻟﻴﺎ ﺑﺖ ﺍﺑﻮ ﻳﺰﻥ
ﻻ ﺑﺮﺑﻚ
ﻭﺍﻟﻠﻪ ﺑﺲ ﺷﻨﻲ ﺍﻃﺘﻪ ﺩﺭﺱ ﺑﻸﺧﻼﻕ ﺍﻛﺜﺮ ﻣﻦ ﻧﺺ ﺳﺎﻋﻪ
ﺻﺎﻟﺢ ..... ﻭﺍﻟﻠﻪ ﻋﻔﻴﻪ ﻋﻠﻴﻬﻪ ﺑﺲ ﺗﺮﻩ ﻫﻴﻪ ﺍﻟﺒﻨﻴﻪ ﺧﻔﻴﻔﻪ ﻛﻠﺶ
ﺷﺎﻳﻔﻪ ﻋﻴﻮﻧﻪ ﺗﻔﺘﺮ ﻣﻨﺎ ﻭﻣﻨﺎ
ﺻﺤﻴﺖ ﻛﺘﻠﻬﻢ
ﻋﻴﺐ ﺗﺤﺠﻮﻥ ﻋﻠﻰ ﻋﺮﻅ ﺍﻟﻨﺎﺱ ﺣﺘﻰ ﻟﻮ ﺷﻔﺘﻮﺍ ﺑﻌﻴﻨﻜﻢ ﻻ ﺗﺤﺠﻮﻥ
ﻛﻤﺖ ﻭﺍﻧﻲ ﻣﻔﺘﻬﻢ ﺍﻟﺮﺳﺎﻟﻪ
ﻋﺮﻓﺖ ﻣﺎﻛﻮ ﻏﻴﺮ ﺃﻡ ﻓﻴﺼﻞ ﻫﻴﻪ ﺍﻟﻲ ﺗﺤﻠﻲ ﻣﺸﻜﻠﺘﻲ
ﺃﻡ ﻓﻴﺼﻞ ﻣﺮﻩ ﺟﺒﻴﺮﻩ ﻣﻦ ﺃﻫﺎﻟﻲ ﺍﻟﻤﻮﺻﻞ ﻋﺪﻩ ﻭﻟﺪ ﻭﺍﺣﺪ ﻭﺑﻨﺎﺕ ﺳﺘﻪ
ﺧﻴﻤﺘﻪ ﻣﻘﺎﺑﻴﻞ ﺧﻴﻤﺘﻨﻪ
ﺍﻟﺨﻴﻢ ﻣﺼﻔﻄﺎﺕ ﻭﺣﺪﻩ ﺑﺼﻒ ﻭﺣﺪﻩ ﻭﻣﻘﺎﺑﻴﻠﻬﻦ ﻫﻢ ﻭﺑﻠﻨﺺ ﺻﺎﻳﺮ ﻣﺜﻞ ﺍﻟﺸﺎﺭﻉ
ﻣﻦ ﺍﻃﻠﻊ ﻣﻦ ﺧﻴﻤﺘﻨﻪ ﺗﺼﻴﺮ ﺑﻮﺟﻬﻲ ﺍﺳﻠﻢ ﻋﻠﻴﻬﻪ
ﻣﺮﻩ ﻃﻠﻌﺖ ﻟﻜﻴﺘﻪ ﻛﺎﻋﺪﻩ ﺑﻠﺒﺎﺏ ﻭﻳﻤﻪ ﺗﺮﻣﺰ ﺟﺎﻱ ﻭﺗﺸﺮﺏ ﺟﻜﺎﻳﺮ
ﺃﺷﺮﺗﻠﻲ ﺑﺄﻳﺪﻩ ﺗﻌﺎﻝ
ﺭﺣﺖ ﻳﻤﻬﻪ ﻛﺘﻠﻪ
ﺍﻟﺴﻼﻡ ﻋﻠﻴﻜﻢ ﺣﺠﻴﻪ
ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ ﺗﺸﺮﺏ ﺟﺎﻱ
ﺃﻱ ﻭﺍﻟﻠﻪ ﺭﺣﻤﻪ ﻋﻞ ﺍﻫﻠﺞ
ﺗﻌﻴﺶ ﻳﻤﻪ
ﺻﺒﺖ ﻛﻼﺹ ﺟﺎﻱ ﻭﻧﻄﺘﻨﻲ
ﺗﺸﺮﺏ ﺟﻜﺎﻳﺮ
ﺃﺷﺮﺗﻠﻪ ﻻ ﻭﺍﻟﻠﻪ ﺣﺠﻴﻪ ﻣﺎﻟﻲ ﺑﻴﻬﻪ
ﺑﻜﻴﻔﻚ ﺑﺲ ﺗﺮﻩ ﺟﻤﺮﺓ ﺍﻟﻜﻠﺐ ﻣﺎ ﻳﻄﻔﻴﻬﻪ ﻏﻴﺮ ﺍﻟﺠﻜﺎﺭﻩ
ﻫﻬﻬﻪ ﺧﺎﻟﻪ ﺷﻨﻲ ﻣﺤﺘﺮﻛﻪ ﺍﻟﺒﻮﺍﺧﺮ ﻣﺎﻟﺘﺞ ﻭﻫﻠﻜﺪ ﻣﻘﻬﻮﺭﻩ
ﺟﺮﺕ ﻧﻔﺲ ﻣﻦ ﺍﻟﺠﻜﺎﺭﻩ ﻭﻃﻠﻌﺖ ﺍﻟﺪﺧﺎﻥ ﻣﻦ ﺧﺸﻤﻪ ﺑﻘﻬﺮ ﻭﻛﺎﻟﺖ
ﺍﻭﻭﻭﻭﻭﻭﻭ ﻑ ﻭﺍﻟﻠﻪ ﻳﺨﺎﻟﻪ ﻟﻮﻧﻲ ﻣﺤﺘﺮﻛﻪ ﻣﻮ ﺑﺲ ﺍﻟﺒﻮﺍﺧﺮ ﺍﻟﺒﻴﻮﺕ ﻭﺍﻟﻌﻤﺎﺭﺍﺕ ﻭﻻ ﻫﻠﻌﻴﺶ ﺍﻟﺘﻌﺒﺎﻧﻪ ﺍﻟﻌﺎﻳﺸﻴﻨﻬﻪ
ﺃﻱ ﻭﺍﻟﻠﻪ ﺣﻘﺞ ﻛﻠﺶ ﺗﻌﺒﻨﻪ
ﺍﻧﺖ ﻣﻨﻴﻦ
ﺍﻧﻪ ﻣﻦ ﺍﻟﻌﻤﺎﺭﻩ
ﺃﻫﺎ ﻟﻌﺪ ﺷﺠﺎﺑﻚ ﻟﻬﻨﺎ
ﻗﺴﻤﺘﻲ ﻏﻴﺮ ﻫﻬﻬﻪ ﺳﻮﻟﻔﺖ ﺍﻟﻪ ﺳﺎﻟﻔﺘﻲ ........
.....
ﺍﻟﻠﻪ ﻳﺴﺎﻋﺪﻙ ﻭﻳﺴﺎﻋﺪﻧﻪ ﻋﻔﻪ ﻛﻠﺐ ﺷﻴﺘﺤﻤﻞ ﺑﻌﺪ
ﺷﻮﻑ ﻫﺬﺍ ﻓﻴﺼﻞ
ﺑﺎﻭﻋﺖ ﺷﻔﺘﻪ ﻛﺎﻋﺪ ﺑﻔﻲ ﺍﻟﺨﻴﻤﻪ ﻭﺑﻴﺪﻩ ﻋﻮﺩﻩ ﻳﻠﻌﺐ ﺑﻴﻪ ﺑﻠﻜﺎﻉ
ﺍﻟﻠﻪ ﻳﺤﻔﻈﻪ ﺍﻟﺞ ﺍﺑﻨﺞ ﻣﻮ
ﻻ ﻭﺍﻟﻠﻪ ﻣﻮ ﺍﺑﻨﻲ
ﻫﺎ ﺟﺎ ﺍﺑﻦ ﻣﻨﻮ
ﻫﺬﺍ ﺍﺑﻦ ﺍﺧﻮﻱ ﻣﺎﻋﻨﺪﻩ ﻏﻴﺮﻩ ﻭﺍﻧﺎ ﻣﺎﻋﻨﺪﻱ ﻏﻴﺮ ﺳﺖ ﺑﻨﺎﺕ
ﻣﻦ ﺻﺎﺭ ﻟﻠﺪﻧﻴﻪ ﺍﻣﻪ ﻣﺎﺗﺖ
ﺧﺬﻳﺘﻪ ﺃﻧﻲ ﺭﺑﻴﺘﻪ
ﺑﻌﺪﻳﻦ ﺍﺑﻮ ﺗﺰﻭﺝ ﻭﻫﻮ ﺑﻘﻪ ﻋﻨﺪﻱ
ﻭﻫﺴﻰ ﻣﻦ ﺩﺧﻠﻮﺍ ﻣﻦ ﺧﻔﻪ ﺍﺳﻤﻬﻢ ﻭﺻﺎﺭ ﺍﻟﻜﺘﻞ ﺑﻠﺸﻮﺍﺭﻉ
ﺧﺬﻳﺘﻪ ﺍﻧﻬﺰﻣﺖ ﺑﻴﻪ ﻋﺒﻦ ﻓﻘﻴﺮ ﻭﻣﺎ ﻋﻨﺪﻩ ﻣﻜﺴﺮﺍﺕ ﻭﻣﺎ ﻳﻘﺎﺭﺵ ﻭﻳﻪ ﺍﻟﺬﻳﺎﺑﻪ ﺍﻟﺒﻠﺪﻧﻴﻪ
ﻭﻋﻔﺘﻲ ﺑﻨﺎﺗﺞ
ﺧﺎﻟﻪ ﺑﻨﺎﺗﻲ ﻛﻠﻤﻦ ﻧﺎﻳﻤﻪ ﺣﺪﺭ ﺭﺟﻠﻪ ﺷﻠﻲ ﺑﻴﻬﻦ ﻫﻤﻪ ﻣﺴﺆﻟﻴﻦ ﻋﻨﻬﻦ ﻋﺪﻫﻦ ﺟﻬﺎﻝ ﻭﻣﺎﻟﻲ ﺳﻠﻄﻪ ﻋﻠﻴﻬﻦ
ﺑﺲ ﻫﺬﺍ ﺧﻄﻴﻪ ﻣﻨﻬﻮ ﺍﻟﻪ ﻭﺃﺑﻮ ﻣﺎ ﻳﺴﺄﻝ ﻋﻨﻪ ﺍﺑﺪ
ﺧﻄﻴﻪ ﻭﺍﻟﻠﻪ ﺍﻧﺘﻲ ﻫﻢ ﻣﺎ ﻣﻘﺼﺮﻩ ﻭﻳﺎ
ﺍﻟﻠﻪ ﻳﻤﻪ ﺃﻧﻲ ﺷﻤﺎ ﺍﻧﻄﻴﻪ ﺍﺑﻘﻰ ﻣﺮﻩ ﻭﻫﻮ ﻳﻜﺒﺮ ﻭﻳﺮﻳﺪﻟﻪ ﺍﺑﻮ ﻳﺘﺎﺑﻌﻪ
ﺻﺢ ﻛﻼﻣﺞ ﺑﺲ ﺍﻟﺒﺮﻛﻪ ﺑﻴﺞ
ﺃﻧﻲ ﺍﺳﻮﻱ ﺍﻟﻲ ﺍﻛﺪﺭﻟﻪ ﻭﺑﻌﺪ ﻛﻠﻪ ﻭﺭﻯ ﺭﺑﻚ ﻫﻮ ﺍﻟﺤﺎﻓﻆ
ﻭﻧﻌﻢ ﺑﻠﻠﻪ
ﻃﻠﻌﺖ ﺑﺴﺮﻋﻪ ﺍﻟﺒﺮﻩ ﺍﺩﻭﺭ ﻋﻠﻰ ﺃﻡ ﻓﻴﺼﻞ
ﺷﻔﺘﻪ ﺟﺎﻳﻪ ﻣﻦ ﺑﻌﻴﺪ ﺗﻤﺸﻲ ﻭﻓﻴﺼﻞ ﺷﺎﻳﻞ ﺩﺑﺔ ﻣﺎﻱ ﻭﺭﺍﻫﻪ
ﻭﻛﻔﺖ ﺑﺎﺏ ﺧﻴﻤﺘﻨﻪ ﻟﺤﺪ ﻣﺎ ﻗﺮﺑﻮ ﻋﻠﻴﻪ
ﺷﻠﻮﻧﻚ ﺧﺎﻟﻪ
ﻫﻼ ﺧﺎﻟﻪ ﺷﻠﻮﻧﺞ
ﺍﻟﺤﻤﺪ ﻟﻠﻪ ﻭﺃﺷﺮﺕ ﻋﻠﻰ ﺍﻟﺴﻤﺎ
ﺗﺤﺘﺎﺟﻴﻦ ﺷﻲ
ﺍﺭﻳﺪﻙ ﺳﺎﻟﻢ ﻳﻤﻪ
ﻃﺒﺖ ﻟﻠﺨﻴﻤﻪ ﻭﺍﻧﺎ ﺑﻘﻴﺖ ﻭﺍﻛﻒ ﺑﻠﺒﺎﺏ
ﺷﻮﻳﻪ ﻃﻠﻌﺖ ﺑﺎﻭﻋﺖ ﻋﻠﻴﻪ ﻭﺩﺧﻠﺖ ﺩﻗﺎﻳﻖ ﻃﻠﻌﺖ
ﻓﺮﺷﺖ ﺟﻮﺩﻟﻴﺘﻬﻪ ﻭﻛﻌﺪﺕ ﻭﺃﺷﺮﺕ ﺍﻟﻲ ﺑﺄﻳﺪﻩ ﺗﻌﺎﻝ
ﻋﺒﺮﺕ ﺍﻟﺸﺎﺭﻉ ﻭﺭﺣﺖ ﻳﻤﻬﻪ
ﺩﻛﺖ ﻋﻠﻰ ﺍﻟﻜﺎﻉ ﻭﻛﺎﻟﺖ ﺃﻛﻌﺪ ﻫﻨﺎ
ﻛﻌﺪﺕ ﺑﺼﻔﻪ
ﺩﻧﻜﺖ ﻋﻠﻴﻪ ﻭﻛﺎﻟﺖ
ﺑﻌﻴﻮﻧﻚ ﺣﺠﻲ
ﺑﺎﻭﻋﺖ ﺍﻟﻪ ﻣﺘﻌﺠﺐ
ﺷﻠﻮﻥ ﻋﺮﻓﺘﻲ
ﻃﻠﻌﺖ ﺟﻜﺎﺭﻩ ﺍﺳﺒﻴﻦ ﺧﻠﺘﻪ ﺑﻴﻦ ﺳﻨﻮﻧﻪ ﻭﺭﺛﺘﻪ ﺍﺧﺬﺕ ﻧﻔﺲ ﻭﻃﻠﻌﺖ ﺍﻟﺠﻜﺎﺭﻩ ﻭﻫﺰﺕ ﺭﺍﺳﻬﻪ ﻭﻛﺎﻟﺖ
ﺧﺎﻟﻪ ﺍﻧﺎ ﻣﻮ ﻏﺸﻴﻤﻪ ﻭﺍﻧﺖ ﻣﻔﻈﻮﺡ ﻣﻦ ﻭﺻﻠﺖ ﻭﺷﻔﺘﻚ ﻭﺍﻛﻒ ﻭﺗﺒﺎﻭﻉ ﻋﻠﻴﻨﻪ ﻋﺮﻓﺖ ﻋﻨﺪﻙ ﺳﺎﻟﻔﻪ
ﻫﻬﻪ ﻭﺍﻟﻠﻪ ﻣﺎ ﺍﺩﺭﻱ ﺷﻜﻠﺞ
ﺍﺣﺠﻴﻪ ﻫﻴﺞ ﻭﺑﺴﻄﺖ ﻛﻔﻪ ﺍﻟﻲ
ﺗﻤﺎﻡ ﺧﺎﻟﻪ ﻋﻨﺪﻱ ﺳﺎﻟﻔﻪ ﻭﻳﺎﺝ ﺑﺲ ﺍﺭﻳﺪﻫﻪ ﻣﻴﺘﻪ
ﺗﺪﻟﻞ ﺍﻧﺎ ﺍﻟﻪ ﺑﺲ ﻳﻨﻄﻘﻪ ﻟﺴﺎﻧﻚ
ﺍﻟﻠﻪ ﻳﺤﻴﻲ ﺍﺻﻠﺞ
ﺧﺎﻟﻪ ﺳﺎﻟﻔﺘﻲ .........
ﻭﻫﺴﻪ ﺍﺭﻳﺪ ﺍﺗﺄﻛﺪ ﻭﻳﻦ ﻭﺍﺻﻠﻴﻦ ﻭﻳﺎﻫﻪ ﺣﺘﻰ ﺃﻛﺪﺭ ﺍﺗﺼﺮﻑ
ﻻ ﺣﻮﻝ ﺍﻟﻠﻪ ﻫﺎﻱ ﺍﻟﺰﻋﺎﻃﻴﻂ ﺷﻮﻛﺖ ﻛﺒﺮﺕ ﻭﺻﺎﺭﺕ ﺗﺘﻤﻌﺸﻚ
......
ﺯﻋﺎﻃﻴﻂ ﺑﻌﺪ
ﻭﻻ ﻳﻬﻤﻚ ﺍﻟﻌﺼﺮ ﺍﺭﺩﻟﻚ ﺍﻟﺨﺒﺮ
ﺑﺲ ﻣﺎ ﻭﺻﻴﺞ ﺧﺎﻝ
ﻭﻻ ﻳﻬﻤﻚ ﺍﻟﻌﺼﺮ ﺍﺭﺩﻟﻚ ﺍﻟﺨﺒﺮ
ﺑﺲ ﻣﺎ ﻭﺻﻴﺞ ﺧﺎﻟﻪ ﻣﺎﺭﻳﺪ ﻭﺍﺣﺪ ﻳﺴﻤﻊ ﻫﺎﻱ ﺍﻋﺮﺍﻅ ﻧﺎﺱ
ﻻ ﻳﻤﻪ ﺍﺗﻄﻤﻦ ﻣﺎ ﻳﻜﻮﻥ ﺧﺎﻃﺮﻙ ﺇﻟﻰ ﻃﻴﺐ
ﺭﺟﻌﺖ ﻟﻠﺨﻴﻤﻪ ﻭﺍﻧﻲ ﺑﺎﻟﻲ ﻣﺸﻐﻮﻝ
ﻟﻠﻌﺼﺮ ﻃﻠﻌﺖ ﺃﺗﻤﺸﻰ ﺃﻧﻲ ﻭﻟﻮﻟﺪ
ﺳﻤﻌﺖ ﺻﻮﺕ ﻭﺭﺍﻱ
ﻳﻮﻟﺪ
ﺍﻟﺘﻔﺘﺖ ﺷﻔﺖ ﺍﻡ ﻓﻴﺼﻞ ﻭﺗﺄﺷﺮ ﺍﻟﻲ
ﺗﺮﺧﺼﺖ ﻣﻦ ﺍﻟﻮﻟﺪ ﻭﺭﺣﺖ ﻋﻠﻴﻪ
ﻫﺎ ﺧﺎﻟﻪ ﺑﺸﺮﻱ
ﺗﻌﺎﻝ ﺍﻛﻌﺪ ﻫﻨﺎ ﺧﻠﻨﻪ ﻧﺴﻮﻟﻒ
ﻣﻮ ﻛﺘﻠﻚ ﺫﻭﻟﻪ ﻣﺰﻋﻄﻪ
ﺃﻱ ﺷﻨﻲ ﺍﻟﺴﺎﻟﻔﻪ
ﻭﻟﻚ ﻫﺬﻭﻟﻪ ﻣﺎﺑﻴﻬﻢ ﻫﺪﻩ ﺣﺘﻰ ﻣﺎ ﻭﺍﺻﻠﻴﻦ ﻟﻠﺮﺑﺎﻁ
ﻫﻬﻬﻪ ﻳﺎ ﺭﺑﺎﻁ ﻫﺬﺍ ﺣﺠﻴﻪ
ﺯﺍﻳﺪﻫﻢ ﺑﻮﺳﻪ ﻟﻮ ﺣﻈﻨﻪ ﻛﻠﺸﻲ ﻣﺎ ﻣﺴﻮﻳﻦ
ﺻﺪﻙ
ﻭﺍﻟﻠﻪ ﺑﺲ ﻫﺎﻱ ﺯﻋﻄﻮﻃﻪ ﻛﻠﺸﻲ ﻣﺎﺗﻌﺮﻑ
ﺍﻟﺤﻤﺪ ﻟﻠﻪ ﺟﺎ ﻫﺴﻰ ﺍﻛﺪﺭ ﺍﺣﺠﻲ ﺑﺰﻭﺩﻱ
ﻃﻠﻌﺖ ﻣﻦ ﺃﻡ ﻓﻴﺼﻞ ﺭﺣﺖ ﻋﻠﻰ ﺍﻟﻮﻟﺪ
ﺳﻮﻟﻔﺖ ﺍﻟﻬﻢ ﻋﻠﻰ ﺍﻟﺴﺎﻟﻔﻪ
ﺍﻳﺎ ﺧﺴﻴﺲ ﻋﻠﻰ ﻫﺎﻱ ﺍﻟﺪﻛﻪ
ﻫﺴﻪ ﺷﻨﺴﻮﻱ
ﺍﺭﻳﺪ ﻧﺮﻭﺡ ﻋﻠﻴﻬﻢ ﻧﺘﻮﺑﻬﻢ ﻳﺒﺎﻭﻋﻮﻥ ﺍﻟﻮﺣﺪﻩ
ﺗﺪﻟﻞ ﺷﻮﻛﺖ
ﺑﻠﻴﻞ
ﻓﻌﻼ ﺑﻠﻴﻞ ﺭﺣﻨﻪ ﻋﻠﻴﻬﻢ ﻟﻠﺨﻴﻤﻪ
ﻫﻤﻪ ﻛﺎﻋﺪﻳﻦ ﺑﺨﻴﻤﻪ ﻭﺣﺪﻫﻢ
ﺷﺎﻓﻮﻧﻪ ﺧﺎﻓﻮﺍ ﺭﺍﺩﻭ ﻳﺸﺮﺩﻭﻥ
ﻟﺰﻣﻨﺎﻫﻢ ﺷﺒﻌﻨﺎﻫﻢ ﻛﺘﻞ ﻟﻤﻦ ﺣﺮﻣﻮﺍ ﻳﻄﻠﻌﻮﻥ ﺑﺮﻩ
ﺛﺎﻧﻲ ﻳﻮﻡ ﻃﻠﻌﺖ ﺷﻔﺖ ﻋﺎﻟﻴﺎ ﺑﺮﻩ ﺃﺷﺮﺕ ﺍﻟﻬﻪ ﻭﻣﺸﻴﺖ
ﻣﺸﺖ ﻭﺭﺍﻱ
ﻭﻛﻔﺖ ﻳﻢ ﺗﻨﺎﻛﺮ ﺍﻟﻤﻲ ﺍﺟﺖ ﻳﻤﻲ
ﻣﺠﺎﻥ ﺍﻛﻮ ﻭﺍﺣﺪ
ﻛﺘﻠﻪ
ﺷﻮﻓﻲ ﻋﺎﻟﻴﺎ ﺫﻭﻟﻪ ﺍﻟﻮﻟﺪ ﺑﻌﺪ ﻣﺎ ﻳﺘﻘﺮﺑﻮﻟﺞ ﻭﺍﻧﺘﻲ ﻻﺯﻡ ﺗﺼﻴﺮﻳﻦ ﺛﻜﻴﻠﻪ
ﻳﻌﻨﻲ ﻣﻴﺤﺠﻲ ﻭﻳﺎﻱ ﺑﻌﺪ ﺣﻨﻮﺵ
ﻻ ﺣﻨﻮﺵ ﻭﻻ ﻏﻴﺮﻩ
ﻳﻌﻨﻲ ﻣﻴﺘﺰﻭﺟﻨﻲ
ﺧﺮﺏ ﻏﻴﺮﺗﺞ ﻳﺎﺯﻭﺍﺝ ﻫﺴﻪ ﺑﻬﻠﺰﻟﻚ ﺍﻟﺪﻧﻴﻪ ﻣﻜﻠﻮﺑﻪ ﻭﺍﻧﺘﻲ ﺗﺮﺩﻳﻦ ﺗﺘﺰﻭﺟﻴﻦ
ﻻ ﻣﻮ ﺑﺲ
ﻻ ﻣﻮ ﻭﻻ ﺑﺲ ﺳﻤﻌﺘﻲ ﺍﺑﻮﺝ ﺭﺟﺎﻝ ﺟﺒﻴﺮ ﻭﺍﻟﺪﻧﻴﻪ ﻣﻮ ﺍﻣﺎﻥ ﻻﺯﻡ ﺗﺪﻳﺮﻳﻦ ﺑﺎﻟﺞ ﺯﻳﻦ ﻋﻠﻰ ﺭﻭﺣﺞ
ﻣﻴﺨﺎﻟﻒ ﻭﺍﻟﻠﻪ ﺃﻧﻲ ﻣﻌﻠﻴﻪ ﻫﻮ ﻛﺎﻝ ﺍﺭﻳﺪ ﺍﺗﺰﻭﺟﺞ
ﻭﻟﺞ ﻭﺍﻧﺘﻲ ﺃﻱ ﻭﺍﺣﺪ ﻳﻜﻠﺞ ﺍﺭﻳﺪ ﺍﺗﺰﻭﺟﺞ ﺗﺼﺪﻛﻴﻦ ﺑﻴﻪ
ﻟﻌﺪ ﺷﻠﻮﻥ ﻗﺎﺑﻞ ﻳﺠﺬﺏ
ﺷﻠﻮﻥ ﺑﻴﻬﻪ ﻫﺎﻱ ﺑﺎﺑﺎ ﻫﺬﻭﻟﻪ ﻣﺎﻝ ﺯﻭﺍﺝ
ﺩﺭﻭﺣﻲ ﻫﺴﻪ ﻭﺍﻱ ﻭﺍﺣﺪ ﻳﺘﻌﺮﺿﻠﺞ ﺗﻌﺎﻟﻲ ﺍﻟﻲ ﺳﻤﻌﺘﻲ
.......
ﺃﻱ ﺃﻱ
ﻣﺸﺖ ﺧﻄﻮﺍﺕ ﻭﺭﺟﻌﺖ ﺑﺎﻭﻋﺖ ﺑﻌﻴﻮﻧﻲ ﺷﻠﻮﻥ ﻋﻴﻮﻥ ﻳﻤﻮﺗﻦ ﻛﺎﻟﺖ
ﺷﻜﺮﺍ
ﻭﺭﺍﺣﺖ
ﺿﺤﻜﺖ ﻋﻠﻰ ﺭﻭﺣﻲ ﺧﺮﺏ ﻏﻴﺮﺗﻚ ﺣﻴﺪﺭ ﺍﺣﺠﻲ ﻭﻳﻪ ﺭﻭﺣﻲ
ﺛﺎﻧﻲ ﻳﻮﻡ ﻭﺻﻠﻮ ﻳﻤﻨﻪ ﻣﻨﻈﻤﺔ ﺍﻟﻬﻼﻝ ﺍﻷﺣﻤﺮ
ﺍﺧﺬﻭ ﺍﺳﻤﺎﺋﻨﻪ ﻭﻛﺎﻟﻮ ﺭﺍﺡ ﻧﺘﺼﻞ ﺑﺄﻫﻠﻜﻢ
ﻋﻠﻲ .......
ﻃﻠﻌﻨﻪ ﻣﻦ ﺍﻟﻤﻨﻄﻘﻪ ﺑﻤﺴﺎﻋﺪﺓ ﺍﺑﻮ ﺿﻴﺎﺀ
ﺍﺧﺬﻧﻪ ﺑﺴﻴﺎﺭﺗﻪ ﻷﻥ ﻳﻌﺮﻓﺮﻓﻮﻧﻪ ﺍﻟﺪﻭﺍﻋﺶ
ﻭﻋﺒﺮﻧﻪ ﺍﻟﻤﺪﻳﻨﻪ ﺍﻟﻘﺪﻳﻤﻪ
ﺑﻌﺪﻩ ﻧﺰﻟﻨﻪ ﻧﻤﺸﻲ ﻓﺘﺮﻩ ﻭﻧﺼﻌﺪ ﻓﺘﺮﻩ
ﺍﻟﻄﺮﻳﻖ ﺻﻌﺐ ﻷﻥ ﺍﻟﺪﻭﺍﻋﺶ ﺑﺪﻭ ﻳﺨﺎﻓﻮﻥ ﻣﻦ ﻗﺮﺏ ﺍﻟﺠﻴﺶ ﻭﺍﻟﺤﺸﺪ
ﺗﻘﺮﻳﺒﺎ ﺩﻙ ﻋﺪﻫﻢ ﻧﺎﻗﻮﺹ ﺍﻟﺨﻄﺮ
ﺑﻌﺪ ﻣﺎ ﻛﺪﺭ ﺍﻟﺤﺸﺪ ﻳﺪﺧﻞ ﻣﺪﻳﻨﺔ ﺍﻟﺮﻣﺎﺩﻱ
ﺑﻌﺪ ﻗﺘﺎﻝ ﺭﻫﻴﺐ
ﻭﺻﻠﻨﻪ ﺍﻟﺤﺪﻭﺩ ﺍﻟﻤﻮﺻﻞ ﺑﻌﺪ ﺗﻘﺮﻳﺒﺎ ﺳﺎﻋﺎﺕ ﻭﻧﻮﺻﻞ ﻟﻠﻘﺮﻳﻪ ﺍﻟﻲ ﺑﻴﻬﻪ ﺃﻫﻞ ﻋﻤﺮ
ﺟﺎﻥ ﻋﻤﺮ ﻛﻠﺶ ﻣﺘﻮﺗﺮ ﻭﺧﺎﻳﻒ
ﺍﻋﺼﺎﺑﻪ ﺗﻠﻔﺎﻧﻪ
ﺣﺎﻭﻟﺖ ﺍﻫﺪﺀ ﺑﻴﻪ ﺑﺲ ﻣﺎﻛﻮ ﻓﺎﻳﺪﻩ
ﻟﺤﺪ ﻣﺎ ﻭﺻﻠﻨﻪ ﺍﻟﺴﻴﻄﺮﻩ ﻛﺘﻠﻪ ﻋﻤﺮ ﺍﻧﺖ ﻻ ﺗﺪﺧﻞ ﺑﺸﻲ ﺧﻠﻴﻨﻲ ﺃﻧﻲ ﺍﺣﺠﻲ ﻭﻳﺎﻫﻢ
ﻛﺎﻝ ﻣﻴﺨﺎﻟﻒ ﺑﺲ ﺍﻟﻀﺎﻫﺮ ﺣﺮﻛﺖ ﻛﻠﺒﻪ ﺑﻌﺪﻩ ﻣﺎ ﺑﺮﺩﻩ
ﺟﻨﻪ ﺻﺎﻋﺪﻳﻦ ﺑﻜﻴﻪ ﻃﺒﻜﺔ ﻳﻢ ﺍﻟﺪﻭﺍﻋﺶ ﺣﺠﻮ ﻭﻳﻪ ﺍﻟﺴﺎﻳﻖ ﺑﻌﺪﻳﻦ ﺃﺷﺮﻭ ﻋﻠﻰ ﻋﻤﺮ ﻛﻠﻮﻟﻪ ﻫﻮﻳﺘﻚ
ﻋﻤﺮ .... ﻣﺎﻋﻨﺪﻱ ﻫﻮﻳﻪ
ﻟﻴﺶ ﻣﺎﻋﻨﺪﻙ ﻫﻮﻳﻪ
ﻋﻤﺮ .... ﻣﺎﻋﻨﺪﻱ ﺷﻜﻴﺘﻪ
ﺷﻨﻮ ﺗﻀﺤﻚ ﻋﻠﻴﻨﻪ ﺍﻧﺖ ﺍﻧﺰﻝ ﺑﺴﺮﻋﻪ
ﻋﻠﻲ ﺣﺎﻭﻟﺖ ﺍﺗﺪﺍﺭﻙ ﺍﻟﻤﻮﻗﻒ ﻛﺘﻠﻪ
ﺳﻴﺪﻱ ﻣﺎﻋﺪﻧﻪ ﻫﻮﻳﺎﺕ ﻷﻥ ﺍﺣﻨﻪ ﺭﻣﻴﻨﻪ ﻫﻮﻳﺎﺗﻨﻪ ﻭﺃﺟﻴﻨﻪ ﻧﺘﻄﻮﻉ ﺑﻠﺪﻭﻟﻪ ﺍﻷﺳﻼﻣﻴﻪ
ﺍﻟﺪﺍﻋﺸﻲ ..... ﺗﻄﻮﻉ ﻣﻮ ﺩﻧﺰﻟﻮﺍ ﻫﺴﻪ ﻭﻧﺸﻮﻑ
ﺃﺷﺮﺕ ﺍﻟﻌﻤﺮ ﻛﺘﻠﻪ ﺍﻧﺰﻝ ﻳﺨﻮﻱ
ﻧﺰﻝ ﻋﻤﺮ ﻭﺑﻌﺪﻳﻦ ﺃﻧﻲ
ﺃﺷﺮ ﻟﻠﺴﻴﺎﺭﻩ ﺗﻤﺸﻲ
ﻭﺭﺟﻊ ﻋﻠﻴﻨﻪ ﻛﺎﻝ
ﺷﻨﻮ ﺗﻀﺤﻜﻮﻥ ﻋﻠﻴﻨﻪ ﺟﺎﻳﻴﻦ ﺗﻄﻮﻭﻋﻮﻥ
ﻋﻤﺮ ... ﻟﻴﺶ ﻧﻀﺤﻚ ﻋﻠﻴﻚ
ﻣﺎﻋﺮﻑ ﺑﻌﺪ ﺍﻧﺘﻮ ﻛﻮﻟﻮ
ﻣﺎﻋﺪﻧﻪ ﺷﻲ ﺳﻴﺪﻱ ﺑﺲ ﺍﺣﻨﻪ ﺟﻨﻪ ﺑﻐﺪﺍﺩ ﺑﻌﺪﻳﻦ ﺍﺟﻴﻨﻪ ﻟﺤﺘﻰ ﻧﻨﻈﻢ ﻟﺼﻔﻮﻓﻜﻢ
ﺑﺎﻭﻉ ﻋﻠﻴﻨﻪ ﺑﺤﻘﺪ ﻭﻛﺎﻝ
ﻳﻌﻨﻲ ﻫﺎﻱ ﺟﻴﺘﻜﻢ ﻣﻦ ﺑﻐﺪﺍﺩ
ﺃﻱ ﺳﻴﺪﻱ ﺣﺠﻴﺖ ﺍﻧﺎ
ﻛﺎﻝ ﻫﺎ ﻭﻣﻨﻴﻦ ﻃﺒﻴﺘﻮ
ﻋﻠﻲ .... ﻣﻦ ﺍﻟﻄﺮﻳﻖ ﺍﻟﺴﺮﻳﻊ
ﻣﺎﺣﺴﻴﺖ ﻏﻴﺮ ﺿﺮﺑﻪ ﺍﺟﺘﻨﻲ ﻋﻠﻰ ﺑﻄﻨﻲ
ﺗﺸﻨﺠﺖ ﻣﻌﺪﺗﻲ
ﻟﺰﻣﺖ ﺑﻄﻨﻲ ﻭﺑﻘﻴﺖ ﺍﺗﻠﻮﻩ
ﻟﺰﻣﻨﻲ ﻋﻤﺮ ﻭﺻﺎﺡ
ﺟﻼﺏ ﻟﻴﺶ ﺗﻤﺪﻭﻥ ﺍﺩﻳﻜﻢ ﻋﻠﻰ ﺍﺧﻮﻱ
ﻟﺰﻣﺖ ﺍﻳﺪﻩ ﻭﻛﺘﻠﻪ ﺍﺱ ﻋﻤﺮ ﻻ ﺗﺤﺠﻲ ﻭﻟﻚ ﻳﻤﻌﻮﺩ
ﻻ ﺑﻘﻪ ﻳﻬﺪ ﻋﻠﻴﻬﻢ ﻭﻳﻐﻠﻂ
........
ﻫﻤﻪ ﻳﺮﺩﻭﻥ ﺑﺲ ﺣﺠﺎﻳﻪ
ﺟﺘﻔﻮﻧﻪ ﻭﺫﺑﻮﻧﻪ ﺑﻠﺴﻴﺎﺭﻩ
ﺷﻠﻮﻥ ﻳﺮﺑﻲ ﻧﻄﻠﻊ ﻣﻨﻬﻪ
ﺭﺑﻄﻮ ﺍﺩﻳﻨﻪ ﻭﺧﺬﻭﻧﻪ ﻋﻠﻰ ﻣﻘﺮ ﺩﺍﻋﺶ
ﻧﺰﻟﻮﻧﻪ ﺗﺪﻓﻊ
ﻭﺻﻠﻨﻪ ﺍﻟﻐﺮﻓﻪ ﻇﻠﻤﻪ ﺩﺧﻠﻮﻧﻪ ﺑﻴﻬﻪ ﻭﻗﻔﻠﻮﻩ ﻋﻠﻴﻨﻪ ﻭﺭﺍﺣﻮﺍ
ﺑﻘﻴﻨﻪ ﺍﻛﺜﺮ ﻣﻦ ﻋﺸﺮ ﺳﺎﻋﺎﺕ
ﺑﻌﺪﻩ ﺍﺟﻮ ﻋﻠﻴﻨﻪ ﻃﻠﻌﻮﻧﻪ
ﺩﺧﻠﻮﻧﻪ ﻳﻢ ﻭﺍﺣﺪ ﻳﻜﻠﻮﻟﻪ ﺍﻷﻣﻴﺮ
ﺑﻘﻪ ﻳﺘﺤﻘﻖ ﻭﻳﺎﻧﻪ
ﺁﺧﺮ ﺷﻲ ﺧﺎﺑﺮﻭ ﻛﻠﻮﻟﻪ ﺗﻌﺎﻝ ﺑﺴﺮﻋﻪ
ﻛﻠﻤﻪ ﺭﺟﻌﻮﻫﻢ ﻟﻠﻤﺨﺰﻥ ﻭﺑﻌﺪﻳﻦ ﻧﻜﻤﻞ ﻭﻳﺎﻫﻢ
ﻧﺰﻟﻨﻪ ﻟﻠﻤﺨﺰﻥ ﺟﺎﻥ ﻭﺳﺦ ﺑﺪﺭﺟﻪ ﻣﻘﺮﻓﻪ
ﺷﻤﺮﻭﻧﻪ ﺑﻴﻪ ﻭﺭﺍﺣﻮﺍ
ﺑﻘﻴﻨﻪ ﻧﻔﺘﺮ ﺑﻠﻤﺨﺰﻥ ﻭﺃﺩﻳﻨﻪ ﻣﺮﺑﻄﻪ
ﻟﺤﺪ ﻣﺎ ﻟﻜﻴﺖ ﺣﺪﻳﺪﻩ ﺑﻴﻪ ﺍﺳﻨﺎﻥ ﻣﻜﺴﺮﻩ
ﺷﻠﺘﻪ ﻛﺘﻠﻪ ﺗﻌﻤﺮ ﺍﻧﻄﻴﻨﻲ ﺍﺩﻳﻚ
ﺻﺮﻧﻪ ﺿﻬﺮ ﻋﻠﻰ ﺿﻬﺮ ﻭﺍﻧﻲ ﺍﻛﻄﻊ ﺑﻠﺤﺒﻞ ﻣﺎﻝ ﻋﻤﺮ
ﺍﻟﺤﺒﻞ ﻣﻮ ﻛﻠﺶ ﻏﻠﻴﺾ ﺑﺲ ﺍﻟﺤﺪﻳﺪﻩ ﻣﺰﻧﺠﺮﻩ
ﺍﻟﻤﻬﻢ ﺑﻌﺪ ﻣﺎ ﺟﺮﺣﺖ ﺍﺩﻳﻪ ﻭﺍﺩﻳﻦ ﻋﻤﺮ ﻛﺪﺭﺕ ﺍﻛﺺ ﺣﺒﻞ ﻋﻤﺮ
ﺑﻌﺪﻩ ﺍﺧﺬ ﺍﻟﺤﺪﻳﺪﻩ ﻭﻛﺺ ﺍﻟﺤﺒﻞ ﻣﺎﻟﺘﻲ
ﻛﺪﺭﻧﻪ ﻧﺘﺤﺮﺭ ﻣﻦ ﺍﻟﺤﺒﺎﻝ ﺑﺲ ﺷﻠﻮﻥ ﺭﺍﺡ ﻧﻜﺪﺭ ﻧﻄﻠﻊ ﻣﻨﺎ
ﺍﻓﺘﺮﻳﻨﻪ ﺷﻮﻳﻪ ﺑﻠﻤﺨﺰﻥ
ﺷﻔﻨﻪ ﺭﺍﺯﻭﻧﻪ ﺯﻏﻴﺮﻩ
ﺑﺎﻭﻋﺖ ﻣﻨﻬﻪ ﺷﻔﺖ ﺧﺮﺍﺑﻪ ﻣﺎﻛﻮ ﺷﻲ ﺑﻴﻬﻪ ﻏﻴﺮ ﺍﻻﻭﺳﺎﺥ
ﺍﻟﺮﺍﺯﻭﻧﻪ ﻋﺒﺎﺭﻩ ﻋﻦ ﻓﺘﺤﻪ ﻭﺑﻴﻬﻪ ﺣﺪﺍﻳﺪ ﺧﻤﺴﻪ ﻣﺜﺒﺘﻪ ﺑﻠﺤﺎﻳﻂ ﺍﻟﻲ ﺟﺎﻥ ﻛﻠﺶ ﻗﺪﻳﻢ ﻳﻌﻨﻲ ﻟﻮ ﻛﺪﺭﻧﻪ ﻧﻜﺴﺮ ﺍﻟﺤﺪﻳﺪ ﺍﻭ ﻧﺤﻔﺮ ﺍﻟﺤﺎﻳﻂ ﻧﻜﺪﺭ ﻧﻄﻠﻊ
ﺍﻓﺘﺮﻳﻨﻪ ﺷﻮﻳﻪ ﻧﺪﻭﺭ ﺑﻠﻤﺨﺰﻥ ﻣﺘﺮﻭﺱ ﺣﺪﺍﻳﺪ ﻭﺷﻐﻼﺕ ﻗﺪﻳﻤﻪ
ﻃﻠﻌﺖ ﻣﺜﻞ ﺍﻟﺸﻔﺮﻩ
ﻭﺣﺪﻩ ﺍﻟﻲ ﻭﺣﺪﻩ ﺍﻟﻌﻤﺮ ﻭﺑﺪﻳﻨﻪ ﻧﺤﻔﺮ ﺑﻠﺤﺎﻳﻂ
ﻟﺤﺪ ﻣﺎ ﻛﺪﺭﻧﻪ ﻧﻄﻠﻊ ﺍﻟﺤﺪﺍﻳﺪ ﻣﻦ ﺍﻟﺤﺎﻳﻂ
ﺭﻓﻌﺖ ﻋﻤﺮ ﻃﻠﻌﺘﻪ ﻣﻦ ﺍﻟﺮﺍﺯﻭﻧﻪ
ﻭﺑﻌﺪﻩ ﺟﺒﺖ ﻃﺎﺑﻮﻛﻪ ﺻﻌﺪﺕ ﻋﻠﻴﻪ ﻭﻃﻠﻌﺖ
ﻣﻦ ﺻﺮﻧﻪ ﺑﺮﻩ ﺭﻛﻈﻨﻪ ﺑﻠﺨﺮﺍﺑﻪ ﻭﻧﺒﺎﻭﻉ ﻣﻨﺎ ﻭﻣﻨﺎ
ﻟﺤﺪ ﻣﺎ ﺍﺑﺘﻌﺪﻧﻪ
ﻭﺻﻠﻨﻪ ﻳﻢ ﺑﻴﺖ ﺑﻌﻴﺪ ﻋﻦ ﻣﻜﺎﻥ ﺩﺍﻋﺶ
ﻛﺘﻠﻪ
ﻋﻤﺮ ﺧﻠﻴﻨﻪ ﻧﺪﻙ ﻫﺬﺍ ﺍﻟﺒﺎﺏ ﻭﻟﻮ ﺑﻠﻬﺪﻑ ﻟﻮ ﺑﻠﻨﺠﻒ
ﻋﻤﺮ .... ﻫﻬﻬﻪ ﻭﻟﻚ ﻻ ﺑﻠﺨﺮﺍﺑﻪ ﻻﻥ ﻣﻨﻮ ﻳﻮﺩﻳﻨﻪ ﻟﻠﻨﺠﻒ
ﻋﻠﻲ .... ﻫﺴﻪ ﺑﻠﺨﺮﺍﺑﻪ ﺑﻠﻨﺠﻒ ﻛﻠﻪ ﻧﻔﺲ ﺍﻟﺸﻲ
ﺩﻛﻴﺖ ﺍﻟﺒﺎﺏ ﺳﻤﻌﺖ ﺻﻮﺕ ﺭﺟﺎﻝ ﻛﺎﻝ ﻣﻨﻮ
ﻛﺘﻠﻪ ﺧﻄﺎﺭ ﺗﻌﺒﺎﻥ ﻭﺟﻮﻋﺎﻥ
ﺳﻜﺖ ﺷﻮﻳﻪ ﻛﺎﻝ ﺩﺍﻋﺶ
ﻻ ﻭﺍﻟﻠﻪ ﺍﻟﻌﻈﻴﻢ
ﻓﺘﺢ ﺍﻟﺒﺎﺏ ﻭﻟﺪ ﺷﺎﺏ ﺑﻌﻤﺮﻧﻪ ﻛﺎﻝ ﻟﻌﺪ ﻟﻮ ﺣﺸﺪ ﻟﻮ ﺟﻴﺶ
ﻛﺘﻠﻪ ﻻ ﺣﺸﺪ
ﻛﺎﻝ ﺍﻫﻼ ﻭﺳﻬﻼ ﺑﻴﻚ ﻭﺑﻠﺤﺸﺪ
ﺩﺧﻠﻨﻪ ﺍﻟﻮﻟﺪ ﺿﻴﻔﻨﻪ ﻭﻧﻄﺎﻧﻪ ﻣﻼﺑﺲ
ﻭﺑﻘﻴﻨﻪ ﻋﻨﺪﻩ ﺍﻟﺜﺎﻧﻲ ﻳﻮﻡ
ﺑﻠﻴﻞ ﺟﻨﺖ ﻧﺎﻳﻢ ﻋﻠﻰ ﺿﻬﺮﻱ ﻭﻋﻴﻮﻧﻲ ﺑﻠﺴﻜﻒ
ﻭﺗﻤﺮ ﻋﻠﻰ ﺑﺎﻟﻲ
ﻃﻴﻮﻑ
ﻃﻴﻒ ﺍﻣﻲ ﺍﻟﻌﺰﻳﺰﻩ ﺍﻟﻤﺸﺘﺎﻛﻠﻪ ﺑﻜﺪ ﺭﺣﻤﻪ ﺍﻟﻠﻪ
ﻭﻃﻴﻒ ﺍﺧﺘﻲ ﺯﻳﻨﺐ ﺍﻟﻤﺎﻟﻪ ﻭﺍﺣﺪ ﻏﻴﺮﻱ ﻭﻏﻴﺮ ﺣﻴﺪﺭ
.......
ﻭﻃﻴﻒ ﺍﺧﻮﻱ ﻭﺣﺰﺍﻡ ﻇﻬﺮﻱ ﺣﻴﺪﺭ
ﻭﺑﻌﺪﻩ ﻣﺮ ﻋﻠﻴﻪ ﻃﻴﻒ ﻟﻴﻠﻰ
ﻏﻨﻴﺔ
ﺣﺠﻴﻚ ﻣﻄﺮ ﺻﻴﻒ ﺣﺠﻴﻚ ﻣﻄﺮ ﺻﻴﻒ
ﻣﺎ ﺑﻠﻞ ﺍﻟﻴﻤﺸﻮﻥ ﻭﺣﺠﻴﻚ ﻣﻄﺮ ﺻﻴﻒ
ﺭﺩﺗﻚ ﺗﻤﺮ ﺿﻴﻒ ﺭﺩﺗﻚ ﺗﻤﺮ ﺿﻴﻒ
ﻭﺗﺴﻜﺖ ﺍﻟﻠﻲ ﻳﺤﻜﻮﻥ ﻭﺭﺩﺗﻚ ﺗﻤﺮ ﺿﻴﻒ
ﻭﻳﺎ ﻭﻟﻔﻲ ﻃﻴﻔﻚ ﻳﺎ ﻭﻳﻠﻔﻲ ﻃﻴﻔﻚ
ﻛﻞ ﻣﺎ ﻳﻤﺮ ﻉ ﺍﻟﺒﺎﻝ ﻳﺎ ﻭﻳﻠﻔﻲ ﻃﻴﻔﻚ
ﻭﺑﺲ ﻛﻮﻥ ﺍﺷﻮﻓﻚ ﺍﺭﺿﻰ ﺗﻤﺮﻧﻲ ﺑﻄﻴﻒ
ﺑﺲ ﻛﻮﻥ ﺍﺷﻮﻓﻚ
ﻭَﺣَﺠِّﻴُّﻚَ ﻣَﻄَﺮِ ﺻَﻴِّﻒِ ﺣَﺠَّﻴْﻚَ ﻣَﻄَﺮِ ﺻَﻴِّﻒِ
ﻣَﺎ ﺑَﻠَّﻞَ ﺍﻟﻴﻤﺸﻮﻥ ﻭَﺣَﺠَّﻴْﻚَ ﻣَﻄَﺮ ﺻَﻴِّﻒ
ﻟﻴﻠﻰ
ﺗﻤﺮ ﻋﻠﻴﻪ ﺍﻟﻠﻴﺎﻟﻲ ﻣﻮﺣﺸﻪ ﻣﺎﺑﻴﻪ ﻃﻌﻢ
ﻋﺰﻳﺰ ﻭ ﺃﺯﺍﺩ ﻳﺤﺎﻭﻟﻮﻥ ﻳﺒﻴﻨﻮﻥ ﻫﻤﻪ ﻣﺘﻤﺎﺳﻜﻴﻦ ﺑﺲ ﺍﻣﺒﻴﻦ ﻋﻠﻴﻬﻢ ﺍﻟﺘﻌﺐ
ﻷﻥ ﻋﻠﻲ ﻭﻋﻤﺮ ﺟﺎﻧﻮ ﻫﻤﻪ ﺍﻟﻌﻘﻞ ﺍﻟﻤﺪﺑﺮ ﺍﻟﻬﻢ ﻫﺴﻪ ﻫﻤﻪ ﻓﻘﺪﻭ ﻛﻠﺸﻲ ﻣﺮﺍﺕ ﺍﺷﻮﻓﻬﻢ ﺻﺎﻓﻨﻴﻦ ﻋﻠﻰ ﻻ ﺷﻴﺊ
ﻣﺮﺍﺕ ﺍﺣﺴﻬﻢ ﺭﻳﺒﻮﺭﺗﺎﺕ ﻣﺒﺮﻣﺠﻴﻦ ﻋﻠﻰ ﻋﻤﻞ ﻭﺟﺎﻱ ﻳﺴﻮﻭﻧﻪ
ﺣﺘﻰ ﻣﺎﻣﺎ ﻓﻘﺪﺕ ﺍﻷﻣﻞ ﺑﻠﺤﻴﺎﺓ
ﺍﻟﻴﻮﻡ ﺟﺎﻥ ﺍﺻﻌﺐ ﻳﻮﻡ ﺍﺣﺲ ﻛﻠﺒﻲ ﻳﻮﺟﻌﻨﻲ ﻋﻠﻰ ﻋﻠﻲ
ﻣﺎﻋﺮﻑ ﻳﻤﻜﻦ ﻣﺸﺘﺎﻗﺘﻠﻪ
ﻳﻤﻜﻦ ﺧﺎﻳﻔﻪ ﻋﻠﻴﻪ
ﻳﻤﻜﻦ ﻣﻠﻴﺖ ﻣﻦ ﺣﻴﺎﺗﻨﻪ
ﻣﻦ ﺟﺎﻥ ﻋﻠﻲ ﻫﻨﺎ ﺗﺤﺴﻮﻥ ﺍﻛﻮ ﺣﻴﺎﺓ ﺑﻠﺒﻴﺖ
ﺭﻏﻢ ﻧﻔﺲ ﺍﻷﻭﺿﺎﻉ ﻣﺎ ﺗﻐﻴﺮﺕ
ﻧﻔﺲ ﺍﻟﺤﺒﺴﻪ
ﻭﻧﻔﺲ ﺍﻷﻛﻞ
ﻭﻧﻔﺲ ﺍﻟﻮﺟﻮﻩ
ﺑﺲ ﻃﻌﻢ ﺍﻟﺤﻴﺎﺓ ﺗﻐﻴﺮ
ﻋﻠﻴﻨﻪ ﻛﻠﻨﻪ ﻣﻮ ﺑﺲ ﻋﻠﻴﻪ ﺃﻧﻲ
ﺻﻌﺪﺕ ﻓﻮﻙ ﺍﻟﺴﻄﺢ
ﻛﻌﺪﺕ ﻋﻠﻰ ﺟﻮﺩﻟﻴﺖ ﻋﻠﻲ ﺍﻟﻲ ﺟﺎﻥ ﻳﻜﻌﺪ ﻋﻠﻴﻬﻪ
ﻣﺮﺭﺕ ﺍﻳﺪﻱ ﻋﻠﻰ ﻓﺮﺍﺷﻪ ﻣﺨﺪﺗﻪ
ﺣﺘﻰ ﺍﻟﺴﺎﺗﺮ
ﺣﺴﻴﺘﻪ ﻭﻳﺎﻱ
ﻏﻤﻀﺔ ﻋﻴﻮﻧﻲ ﻭﺍﻧﻲ ﺍﻓﻜﺮ ﺑﻴﻪ
ﻣﻦ ﻣﺎﺕ ﺯﻳﺪ ﺍﻧﻬﺎﺭﻳﺖ ﻻﻥ ﺯﻳﺪ ﺟﺎﻥ ﻛﻠﺸﻲ ﺑﻠﻨﺴﺒﻪ ﺍﻟﻲ
ﺷﺎﻓﻨﻲ ﺑﺎﺑﺎ ﻛﺎﻋﺪﻩ ﻭﺃﺑﺠﻲ
ﻛﻌﺪ ﻳﻤﻲ ﻭﺍﺧﺬﻧﻲ ﺑﺤﻈﻨﻪ ﻭﻛﻠﻲ
ﺃﺫﺍ ﺍﺷﺘﺎﻗﻴﺘﻲ ﺍﻟﺰﻳﺪ ﺣﻴﻞ
ﺭﻭﺣﻲ ﺍﻟﻐﺮﻓﺘﻪ ﺑﻴﻦ ﺃﺷﻴﺎﺋﻪ ﻭﻓﻜﺮﻱ ﺑﻴﻪ
ﺛﻘﻲ ﺭﺍﺡ ﺗﺤﺴﻴﻦ ﺑﻴﻪ ﻭﻳﺤﺲ ﺑﻴﺞ
ﻫﺴﻪ ﺍﻧﻲ ﻛﺎﻋﺪﻩ ﺑﻤﻜﺎﻧﻪ ﻭﻫﺎﻱ ﺃﺷﻴﺎﺋﻪ
ﺗﻤﺪﺩﺕ ﻭﺣﻈﻨﺖ ﻣﺨﺪﺗﻪ ﺑﻴﻦ ﺍﺩﻳﻪ
ﻭﻓﻜﺮﺕ ﺑﻴﻪ
ﺑﻌﻴﻮﻧﻪ ﻭﺳﺤﺮﻫﻦ
ﻃﻮﻟﻪ
ﻛﻠﺸﻲ ﺑﻴﻪ
ﺗﺼﻮﺭﺗﻪ ﻛﺎﻋﺪ ﻳﻤﻲ ﻭﻳﺒﺘﺴﻢ
ﺣﺴﻴﺖ ﺍﻟﻬﻮﻯ ﻳﺪﺍﻋﺐ ﻭﺟﻨﺎﺗﻲ ﺑﻬﻮﻯ ﺑﺎﺭﺩ ﻣﻨﻌﺶ
ﻫﺒﺖ ﻋﻠﻴﻪ ﻧﺴﻤﻪ ﺍﻗﺴﻢ ﺳﻤﻌﺖ ﺻﻮﺕ ﻣﻮﺳﻴﻘﻰ
ﺍﻏﻨﻴﻪ
ﺟﺎﻥ ﺑﺎﺑﺎ ﻳﺮﺩﺩﻩ ﺍﻟﻤﺎﻣﺎ ﻣﻦ ﺗﺘﻌﺎﺭﻙ ﻣﺮﺍﺕ ﻭﻳﺎ ﻭﺗﻌﻠﻲ ﺻﻮﺗﻪ ﻳﻜﻠﻪ
ﺣﺠﻴﻚ ﻣﻄﺮ ﺻﻴﻒ ﻣﺎ ﺑﻠﻞ ﺍﻟﻴﻤﺸﻮﻥ ﺣﺠﻴﻚ ﻣﻄﺮ ﺻﻴﻒ
ﻣﻦ ﺟﻨﺖ ﺃﺳﺄﻝ ﻋﻠﻰ ﻣﻌﻨﺎﺗﻪ
ﺟﺎﻥ ﻳﻜﻠﻲ
ﻣﻌﻨﺎﺗﻪ ﺍﻥ ﻣﺎﻣﺎ ﺣﺠﻴﻬﻪ ﻭﻳﺎﻱ ﻣﺜﻞ ﻣﻄﺮ ﺻﻴﻒ ﻣﻦ ﻳﻨﺰﻝ ﻣﺎ ﻳﺄﺛﺮ ﺑﺲ ﻳﺘﺮﻙ ﺟﻮ ﺣﻠﻮ ﺭﻃﺐ
ﻳﻨﻌﺶ ﺍﻟﺠﻮ
ﺑﻘﻴﺖ ﺃﺭﺩﺩ ﺑﻸﻏﻨﻴﻪ ﻟﺤﺪ ﻣﺎ ﻏﻔﻴﺖ
ﺷﻔﺖ ﺑﺎﺑﺎ ﻭﺯﻳﺪ ﻳﻤﺸﻮﻥ ﻳﻢ ﺟﺴﺮ ﻣﺨﻠﻲ ﺍﻳﺪﻩ ﻋﻠﻰ ﺟﺘﻒ ﺯﻳﺪ ﻭﻳﻤﺸﻮﻥ
ﺭﻛﻈﺖ ﻭﺭﺍﻫﻢ ﻭﺍﺻﻴﺢ ﺃﺧﺬﻭﻧﻲ ﻭﻳﺎﻛﻢ
ﺍﻟﺘﻔﺘﺖ ﻋﻠﻴﻪ ﺑﺎﺑﺎ ﻭﻛﻠﻲ
ﻻ ﺍﺭﺟﻌﻲ ﻭﺭﺍﺝ ﻃﺮﻳﻖ ﻃﻮﻳﻞ ﻻﺯﻡ ﺗﻤﺸﻴﻨﻪ
ﻓﺰﻳﺖ ﻭﺍﻧﻲ ﺗﻌﺒﺎﻧﻪ ﻣﻦ ﺍﻟﺮﻛﻆ ﺑﻠﺤﻠﻢ ﻋﺒﺎﻟﻚ ﺻﺪﻙ ﺟﻨﺖ ﺍﺭﻛﻆ
ﻧﺰﻟﺖ ﺟﻮﻩ ﺷﻔﺖ ﻋﺰﻳﺰ ﻭ ﺃﺯﺍﺩ ﻛﺎﻋﺪﻳﻦ ﻣﺘﻜﺎﺑﻠﻴﻦ
ﺍﻧﻘﻬﺮﺕ ﻋﻠﻴﻬﻢ ﻻﺯﻡ ﺍﺭﻓﻊ ﻣﻦ ﻣﻌﻨﻮﻳﺎﺗﻬﻢ
ﺩﺧﻠﺖ ﻟﻠﻤﻄﺒﺦ ﺳﻮﻳﺖ ﻣﺤﻠﺒﻲ ﺑﺴﺮﻋﻪ ﺻﺒﻴﺘﻪ ﺑﻠﻤﻮﺍﻋﻴﻦ ﻭﻃﻠﻌﺖ
ﻛﺘﻠﻬﻢ
ﺳﻮﻳﺖ ﻣﺤﻠﺒﻲ ﻳﻤﻮﺕ ﻭﻣﺤﺪ ﻳﺎﻛﻞ ﻣﻨﻪ ﺍﺫﺍ ﻣﺎ ﺗﻐﻠﺒﻮﻧﻲ ﺑﻠﺪﻭﻣﻠﻪ
ﻋﺰﻳﺰ .... ﻫﻬﻬﻪ ﺷﻨﻮ ﺩﻭﻣﻠﻪ ﺗﻌﺮﻓﻴﻦ ﺗﻠﻌﺒﻴﻦ
ﻟﻴﻠﻰ .... ﻃﺒﻌﺎ ﻭﺭﺍﺡ ﺍﺳﺤﻠﻚ ﺳﺤﻞ
ﺃﺯﺍﺩ .... ﻳﻤﻌﻮﺩﻩ ﺍﺳﺤﻠﻲ ﻣﻮﺗﻲ ﺑﺲ ﺧﻠﻲ ﻧﺎﻛﻞ ﺍﻟﻤﺤﻠﺒﻲ
ﺟﺒﺖ ﺍﻟﺪﻭﻣﻠﻪ ﻭﻛﻌﺪﺕ ﻛﺒﺎﻟﻪ ﻛﺘﻠﻪ ﺍﻟﻌﺒﺒﺒﺒﺒﺒﺒﺐ
ﺍﻟﻌﻤﺎﺭﻩ
ﺯﻳﻨﺐ
ﻳﻤﻤﻤﻤﻤﻤﻤﻤﻤﻤﻤﻤﻬﻬﻬﻬﻬﻬﻬﻪ ﻻ ﻻ ﻻ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء