رواية إيام لا تحتسب الجزء الرابع
للكاتبة
طائر بلا تغريد
......
ﺍﻧﺘﺒﻬﺖ ﻭﺍﻧﺎ ﺿﺎﻳﻊ ﺑﻴﻪ ﺩﺧﻴﻠﻚ ﻳﺎﺭﺑﻲ ﺑﺲ ﻻ ﺍﻟﺨﺎﻳﻒ ﻣﻨﻪ ﻃﺤﺖ ﺑﻴﻪ
ﻛﻤﻠﺖ ﺃﻡ ﺯﻳﺪ ﻛﺎﻟﺖ
ﺑﻴﻮﻡ ﺑﻠﻴﻞ ﺩﺧﻠﻮ ﻋﻠﻴﻨﻪ ﻣﺠﻤﻮﻋﻪ ﻣﻦ ﺩﻭﺍﻋﺶ ﺟﺘﻔﻮ ﺍﺑﻮ ﺯﻳﺪ ﻃﻠﻌﻮ ﺑﺮﻩ ﻭﻫﻮ ﻳﺼﻴﺢ ﺩﺧﻴﻠﻜﻢ ﺍﻟﻨﺴﻮﺍﻥ
ﺍﺳﻜﺖ ﻧﺠﺲ ﺍﻧﺖ
ﻋﻤﻲ ﺃﻧﻲ ﺭﺟﺎﻝ ﻓﻘﻴﺮ ﻭﻛﻠﻨﻪ ﻋﺮﺍﻗﻴﻴﻦ
ﻻ ﺍﻧﺖ ﻳﺰﻳﺪﻱ ﻧﺠﺲ ﺍﺧﺬﻭﻩ
ﻃﻠﻌﻮﺍ ﺑﺮﻩ ﺳﺤﻞ ﻭﺻﻮﺗﻪ ﻳﺪﻙ ﺑﺮﺍﺳﻲ ﺃﻡ ﺯﻳﺪ ﻟﻮﻟﻪ ﺃﻣﺎﻧﻪ ﻋﻨﺪﺝ
ﺣﻀﻨﺖ ﺑﺘﻪ ﻛﺄﻧﻤﺎ ﺗﺴﺘﻤﺪ ﻣﻨﻪ ﺍﻟﻘﻮﻩ ﻭﻛﻤﻠﺖ
ﺍﺧﺬﻭﻧﻪ ﺃﻧﻲ ﻭﺑﻨﺘﻲ ﺩﺧﻠﻮﻧﻪ ﺑﻘﺎﻋﻪ ﺑﻴﻪ ﻳﻤﻜﻦ 300 ﻣﺮﻩ ﺑﻴﻦ ﺻﻐﺎﺭ ﻭﺑﻴﻦ ﻛﺒﺎﺭ
ﺳﺪﻭ ﺍﻟﺒﺎﺏ
ﺍﺑﺎﻭﻉ ﺑﻠﻮﺟﻮﻩ ﻛﻠﻪ ﺗﻌﺒﺎﻧﻪ ﻭﻣﺘﺮﺑﻪ ﺍﻟﻨﺴﺎﺀ ﺍﺯﻳﺪﻳﺎﺕ ﻭﻣﺴﻴﺤﻴﺎﺕ ﻭﺣﺘﻰ ﺷﻴﻌﻴﺎﺕ ﻣﺒﻴﻦ ﻣﻦ ﺩﻋﺎﺋﻬﻦ
ﻛﻼﻡ ﻗﻠﻴﻞ ﺑﺲ ﻧﻠﻬﺞ ﺑﻠﺪﻋﺎﺀ ﻟﺮﺏ ﺍﻟﻜﻮﻥ ﻳﺴﺎﻋﺪﻧﻪ
ﺧﺎﻳﻔﻪ ﺍﺳﺄﻝ ﻭﻳﻄﻠﻊ ﺍﻟﻲ ﺧﺎﻳﻔﻪ ﻣﻨﻪ
ﻟﻮﻟﻪ ﻋﺎﺷﺖ ﺑﺼﺪﻣﻪ ﻗﺘﻞ ﺍﺑﻮﻫﻪ ﻭﺍﻟﺴﺒﻲ
ﺑﻠﻴﻞ ﺍﻧﻔﺘﺢ ﺍﻟﺒﺎﺏ ﻭﺩﺧﻠﻮ ﺍﻛﺜﺮ ﻣﻦ ﺳﺖ ﻭﺣﻮﺵ ﻧﻌﻢ ﺍﺳﻤﻴﻬﻢ ﻭﺣﻮﺵ ﻣﺴﺘﺤﻴﻞ ﻳﻜﻮﻧﻮﻥ ﺑﺸﺮ
ﻋﺰﻟﻮﺍ ﺍﻟﻤﺴﻴﺢ ﻭﺍﻟﺸﻴﻌﻪ ﻭﺧﻠﻮﻧﻪ ﺍﺣﻨﻪ ﺍﻷﺯﻳﺪﻳﺎﺕ
ﻃﻠﻌﻮﻫﻦ ﻣﺎﻋﺮﻑ ﻭﻳﻦ ﺍﺧﺬﻭﻫﻦ
ﺑﻌﺪ ﺳﺎﻋﻪ ﺩﺧﻠﻮ ﺍﺭﺑﻌﻪ
ﺻﻔﻮﻧﻪ ﻭﺑﻘﻮ ﻳﺒﺎﻭﻋﻮﻥ ﺑﻠﻮﺟﻮﻩ ﺍﺧﺘﺎﺭﻭ ﺍﺭﺑﻊ ﺑﻨﺎﺕ ﺍﺧﺬﻭﻫﻢ
ﻭﺳﻂ ﺻﻴﺎﺡ ﻭﺗﻮﺳﻼﺕ ﺍﻣﻬﺎﺗﻬﻢ ﺍﻥ ﻳﺘﺮﻛﻮﻫﻢ
ﺑﺲ ﻣﺎﻓﺎﺩﺕ ﺳﺤﻠﻮﺍ ﺍﻟﺒﻨﺎﺕ ﻣﻦ ﺣﻀﻦ ﺍﻣﻬﺎﺗﻬﻢ
ﻋﻠﻲ ... ﺃﻡ ﺯﻳﺪ ﺗﺴﻮﻟﻒ ﻭﺍﺑﺎﻭﻉ ﻋﻠﻰ ﻟﻮﻟﻮﻩ ﺍﻟﺘﺴﻘﺖ ﺑﺄﻣﻪ ﻟﻮ ﺑﻴﺪﻩ ﺟﺎﻥ ﺭﺟﻌﺖ ﺍﻟﺒﻄﻨﻪ ﺣﺘﻰ ﺗﺤﺘﻤﻲ ﻣﻦ ﻗﻬﺮ ﺍﻟﺪﻧﻴﻪ
ﺍﺣﺴﻪ ﻛﺴﺮﺕ ﻛﻠﺒﻲ ﻟﻮ ﺍﻛﺪﺭ ﺍﺣﻤﻴﻪ ﻭﺍﻧﺴﻴﻪ ﺍﻟﻲ ﺻﺎﺭ ﺑﻌﻤﺮﻱ ﺟﺎﻥ ﻣﺎ ﺗﺄﺧﺮﺕ
ﺃﻭﻭﻭﻑ ﻳﺎﺧﺎﻟﻪ ﺷﻨﻮ ﺍﺳﻮﻟﻒ ﺍﻟﻜﻢ ﺟﺎﻧﺖ ﺍﺻﻌﺐ ﻟﻴﻠﻪ ﺗﻤﺮ ﻋﻠﻴﻨﻪ
ﺍﺧﺬﻭ ﺍﻟﺒﻨﺎﺕ ﻭﺑﻘﺖ ﺍﻷﻣﻬﺎﺕ ﺗﻮﻟﻮﻝ ﻭﺗﻠﻄﻢ
ﻭﺍﻟﻲ ﺑﻘﺖ ﺣﻀﻨﺖ ﺑﻨﺎﺗﻪ ﻭﺿﻠﺖ ﺧﺎﻳﻔﻪ ﺷﻮﻛﺖ ﻳﺠﻴﻬﻪ ﺍﻟﺴﺮﻩ
ﻭﻓﻌﻼ ﺛﺎﻧﻲ ﻳﻮﻡ ﺑﻠﻴﻞ ﻫﻢ ﺍﻧﻔﺘﺢ ﺍﻟﺒﺎﺏ ﻭﻫﻢ ﺩﺧﻠﻮﺍ ﻧﻔﺲ ﺍﻷﺷﺨﺎﺹ
ﺑﺲ ﻣﺎﺍﺻﻄﻔﻴﻨﻪ ﻛﻠﻤﻦ ﺧﻠﺖ ﺑﻨﺘﻪ ﻭﺭﻩ ﺿﻬﺮﻫﻪ ﺗﺮﻳﺪ ﺗﺨﻔﻴﻪ
ﺑﺲ ﻣﻴﻔﻴﺪ ﻭﻳﻪ ﺍﻟﻮﺣﻮﺵ ﺳﺤﺒﻮﺍ ﺑﻨﺎﺕ ﻭﻃﻠﻌﻮﺍ
ﺍﻟﺒﻨﺎﺕ ﺍﻟﻲ ﻳﺎﺧﺬﻭﻫﻢ ﻣﻨﻌﺮﻑ ﻣﺼﻴﺮﻫﻢ ﺷﻨﻮ ﺑﻌﺪ ﻣﻴﺮﺟﻌﻦ
ﺟﺎﻥ ﺍﻛﻠﻬﻢ ﻣﻘﺮﻑ ﻣﺜﻠﻬﻢ ﻣﺘﻌﺮﻑ ﺷﻠﻮﻥ ﻳﺎﻛﻠﻮﻧﻪ
ﺍﻟﻤﻬﻢ ﺩﺧﻠﻮﺍ ﻋﻠﻴﻨﻪ ﺃﺷﺮﻭﺍ ﻋﻠﻰ ﺍﻟﺒﻨﺎﺕ
ﺍﻧﺘﻲ ﻭﺍﻧﺘﻲ ﻭﺍﻧﺘﻲ ﻭﺍﻧﺘﻲ
ﻭﺣﺪﻩ ﻣﻦ ﺍﻟﺒﻨﺎﺕ ﺍﻣﻬﻪ ﻣﻘﺒﻠﺖ ﺗﻨﻄﻴﻬﻪ ﺣﻀﻨﺘﻪ ﻭﻛﺎﻟﺖ
ﺍﻛﺘﻠﻮﻧﻲ ﻳﺎﻟﻠﻪ ﺍﻧﻄﻴﻜﻢ ﺑﻨﺘﻲ
ﺣﺎﻭﻟﻮﺍ ﻳﺎﺧﺬﻭﻩ ﻣﺎﻛﺪﺭﻭ
ﻟﺰﻣﻮﻩ ﺛﻨﻴﻦ ﻭﺛﻨﻴﻦ ﺣﺎﻭﻟﻮ ﻳﺴﺤﺒﻮﻥ ﺍﻟﺒﻨﻴﻪ ﺑﺲ ﻫﻢ ﻣﺎﻛﺪﺭﻭ ﺟﺎﻧﺖ ﺣﺎﺿﻨﺘﻪ ﺑﺸﻜﻞ ﻣﺜﻞ ﺍﻝ ﻫﺎﻱ ﺍﻟﺒﻼﻳﺲ ﺷﻠﻮﻥ ﺗﺠﻠﺐ ﺑﻠﺸﻲ ﻫﻠﺸﻜﻞ
ﺁﺧﺮ ﺷﻲ ﻭﺍﺣﺪ ﻣﻦ ﺍﻟﺤﻘﺮﺍﺀ ﻃﺒﻌﺎ ﺣﺮﺍﻡ ﺍﻧﺴﻤﻴﻬﻢ ﺑﺸﺮ ﺍﻟﺒﺸﺮﻳﻪ ﺑﺮﻳﺌﻪ ﻣﻨﻬﻢ
ﻭﺍﺣﺪ ﻣﻨﻬﻢ ﺳﺤﺐ ﺳﺠﻴﻨﻪ ﺟﺎﻧﺖ ﺑﺨﺎﺻﺮﺗﻪ ﻭﺿﺮﺏ ﺍﻷﻡ ﺑﻄﻨﻬﻪ
ﺑﻘﺖ ﺍﻷﻡ ﻣﺠﻠﺒﻪ ﺍﺑﺘﻬﻪ ﻟﺤﺪ ﻣﺎ ﺭﺧﺖ ﺍﻋﺼﺎﺑﻪ ﻭﺗﺮﻛﺖ ﺍﻟﺒﻨﻴﻪ
ﺳﺤﺒﻮﻫﻪ ﻣﻨﻬﻪ ﻭﻃﻠﻌﻮﺍ
.....
ﺑﻌﻴﻨﻲ ﻫﺎﻱ ﺷﻔﺖ ﺍﻟﻤﺮﻳﻪ ﺭﻏﻢ ﻣﻘﻄﻮﻉ ﻋﻨﻪ ﺍﻟﻨﻔﺲ ﺑﺲ ﺩﺍﺭﺕ ﻋﻴﻨﻪ ﻋﻠﻰ ﺑﻨﺘﻪ
ﺑﻘﺖ ﺗﻨﺰﻑ ﻟﺤﺪ ﻣﺎ ﺧﻠﺺ ﺩﻣﻬﻪ ﻭﻳﺒﺲ ﺑﻠﻜﺎﻉ
ﻭﺍﺣﻨﻪ ﻛﻠﻤﻦ ﺣﺎﺿﻨﻪ ﺑﻨﺘﻪ ﻭﻋﻴﻮﻧﻪ ﻧﺸﻔﺖ ﻣﻦ ﺍﻟﺪﻣﻊ
ﻻ ﺣﻮﻝ ﺍﻟﻠﻪ ﺷﻨﻮ ﻣﻦ ﺑﺸﺮ ﺫﻭﻟﻪ ﺻﺎﺡ ﻋﺰﻳﺰ
ﺍﺑﺎﻭﻉ ﻋﻠﻰ ﻋﻤﺮ ﻭ ﺃﺯﺍﺩ ﻋﻴﻮﻧﻬﻢ ﺗﺠﺮﻱ ﺑﺴﻜﻮﺕ
ﺍﻧﺎ ﺑﻌﺪ ﻣﺎ ﺗﺤﻤﻠﺖ ﺑﺠﻴﺖ ﻗﻬﺮ ﻭﺣﻘﺪ ﺣﺴﻴﺖ ﻧﻔﺴﻲ ﺭﺍﺡ ﺍﻧﻔﺠﺮ ﺻﺤﺖ
ﻛﺎﻓﻲ ﺧﺎﻟﻪ ﺭﺣﻤﻪ ﻟﻬﻠﺞ ﻛﺎﻓﻲ ﻣﻮ ﻣﺘﻨﻪ
ﺍﺳﻔﻪ ﺧﺎﻟﻪ ﺑﺲ ﺍﺭﻳﺪ ﺍﺳﻮﻟﻒ ﺍﺭﻳﺪ ﺍﻃﻠﻊ ﺍﻟﻘﻬﺮ ﺍﻟﻲ ﺑﻜﻠﺒﻲ
ﻋﻼﻭﻱ ﺧﻠﻴﻪ ﺗﺴﻮﻟﻒ ﺍﺭﻳﺪ ﺍﺳﻤﻊ ﻛﻠﺸﻲ ﻧﺘﺮ ﺑﻴﻪ ﻋﺰﻳﺰ
ﺃﻡ ﺯﻳﺪ .... ﺃﻧﻲ ﻫﻨﺎ ﺧﻠﺺ ﺻﺒﺮﻱ ﻭﻣﺴﺘﺤﻴﻞ ﺍﻋﻮﻑ ﺑﻨﺘﻲ ﺗﺮﻭﺡ ﻣﻨﻲ ﻗﺮﺭﺕ ﺍﺷﺮﺩ
ﻫﻤﻪ ﻳﻮﻣﻴﻪ ﺍﻟﻌﺼﺮ ﻳﺠﻴﺒﻮﻥ ﺍﻟﻨﻪ ﻋﺸﻪ
ﻳﺪﺧﻠﻮﻥ ﺛﻨﻴﻦ ﻭﺍﺣﺪ ﻳﻔﺘﺢ ﺍﻟﺒﺎﺏ ﻭﺍﺣﺪ ﺷﺎﻳﻞ ﺍﻟﺼﻴﻨﻴﻪ
ﺃﻧﻲ ﻗﺮﺭﺕ ﺍﺿﺮﺑﻬﻢ ﻭﺍﺷﺮﺩ
ﻓﻌﻼ ﻭﻛﻔﺖ ﻭﺭﻯ ﺍﻟﺒﺎﺏ ﻭﺑﻴﺪﻱ ﺧﺸﺒﻪ ﻛﺴﺮﺗﻪ ﻣﻦ ﺍﻟﻜﺮﺳﻲ
ﻣﻦ ﺩﺧﻠﻮ ﺭﻛﻌﺖ ﻭﺍﺣﺪ ﻋﻠﻰ ﺭﺍﺳﻪ ﺿﺮﺑﻪ ﻗﻮﻳﻪ ﻭﻛﻊ ﻭﺩﻣﻪ ﻧﻔﻂ
ﻭﺍﻟﺜﺎﻧﻲ ﺭﺟﻊ ﻋﻠﻴﻪ ﻳﺮﻳﺪ ﻳﻜﺘﻠﻨﻲ ﺿﺮﺑﺘﻪ ﻋﻠﻰ ﺑﻄﻨﻪ ﺑﻌﺪﻳﻦ ﻋﻠﻰ ﻣﺘﻮﻧﻪ ﻭﺭﺍﺳﻪ ﻟﺤﺪ ﻣﺎ ﻭﻛﻊ ﺑﻠﻜﺎﻉ
ﺑﺎﻭﻋﺖ ﻟﻠﻨﺴﻮﺍﻥ ﺻﺤﺖ ﺑﻴﻬﻦ
ﺷﻮ ﺻﺎﻓﻨﺎﺕ ﻳﻠﻠﻪ ﻛﻮﻣﻦ ﺍﺷﺮﺩﻥ ﺑﺴﺮﻋﻪ
ﺃﻧﻲ ﺍﺧﺬﺕ ﺑﻨﺘﻲ ﻭﺷﺮﺩﺕ
ﻭﻣﺎﻋﺮﻑ ﺷﻨﻮ ﺻﺎﺭ ﻭﻳﻪ ﺍﻟﺒﺎﻗﻴﺎﺕ
ﺑﺲ ﻫﻤﻪ ﺣﺴﻮ ﺑﻴﻨﻪ ﻭﺭﻛﻀﻮ ﻭﺭﺍﻧﻪ ﺑﻘﻴﻨﻪ ﻧﺮﻛﺾ ﻟﺤﺪ ﻣﺎ ﺗﻘﺎﺑﻠﻨﻪ ﻭﺍﻟﺒﺎﻗﻲ ﺗﻌﺮﻓﻮﻧﻪ
ﻭﺍﻟﻠﻪ ﺧﺎﻟﻪ ﺍﺣﻨﻪ ﻭﻳﻼﺩﺝ ﻭﻻ ﺗﻨﻘﻬﺮﻳﻦ ﺭﺑﻲ ﺟﺎﺑﻨﻪ ﻣﻦ ﺍﻟﻌﻤﺎﺭﻩ ﻟﻬﻨﺎ ﺣﺘﻰ ﻧﺴﺎﻋﺪﺝ
ﺍﻟﻠﻪ ﻳﺴﺎﻋﺪﺟﻦ ﻭﺍﻟﻠﻪ ﻋﻤﻲ ﻟﺒﻮﻩ ﺑﻨﺔ ﺍﻟﻌﺮﺍﻕ ﻛﺎﻝ ﻋﺰﻳﺰ
ﻛﺎﻛﺎ ﻋﻠﻲ ﺍﺭﻳﺪ ﺍﻛﺘﻞ ﺩﺍﻋﺶ ﺍﺭﻳﺪ ﺍﺑﺮﺩ ﻛﻠﺒﻲ
ﺑﺎﻭﻋﺘﻠﻪ ﻛﺘﻠﻪ ﺗﺪﻟﻞ ﻛﺎﻛﺎ ﺃﺯﺍﺩ ﻭﺍﻟﻠﻪ ﻷﺧﻠﻴﻬﻢ ﻳﻤﺸﻮﻥ ﻭﻳﺘﻠﻔﺘﻮﻥ
ﻋﻤﺮ .... ﻻ ﻭﺍﻟﻠﻪ ﺍﻟﻜﺘﻞ ﺍﻟﻪ ﺭﺍﺣﻪ ﺍﺭﻳﺪ ﺍﻧﻌﺬﺑﻬﻢ ﻫﻴﺞ ﻧﺨﻠﻴﻬﻢ ﻳﺘﻌﺬﺑﻮﻥ ﻳﺘﻤﻨﻮﻥ ﺍﻟﻤﻮﺕ
ﺻﺢ ﺧﻠﻮﻧﻪ ﻧﻔﻜﺮ ﺍﻟﻬﻢ ﺑﺘﻔﻜﻴﺮﻩ ﻣﺎﺩﺍﻡ ﺍﺣﻨﻪ ﺑﻨﺼﻬﻢ ﻫﺴﻪ
ﺷﻔﺖ ﻟﻮﻟﻴﺘﻪ ﺗﺤﺠﻲ ﻭﻳﻪ ﺍﻣﻪ ﻭﻫﺎﻱ ﺗﻀﺤﻚ ﻛﺘﻠﻪ
ﻫﺎ ﺧﺎﻟﻪ ﺍﻟﺒﻨﻴﻪ ﻋﺪﻩ ﺷﻲ
ﻫﻬﻬﻪ ﻫﺎﻱ ﻓﻄﻴﺮﻩ ﺧﺎﻟﻪ ﺗﻜﻮﻝ ﺗﺮﻳﺪ ﺗﻄﺒﺦ ﻫﻴﻪ ﺍﻷﻛﻞ ﺍﻟﺼﺒﺢ ﻳﻌﻨﻲ ﻣﻮ ﻛﻠﺶ ﻃﻴﺐ
ﺃﻧﺎ ﺍﺧﻮﻙ ﻫﻬﻬﻬﻪ ﺭﺣﺖ ﻳﻌﺰﻳﺰ
ﻋﺰﻳﺰ ... ﻟﻴﺶ ﺧﻴﺘﻲ ﻟﻴﺶ ﺗﻜﺴﺮﻳﻦ ﺑﺨﺎﻃﺮﻱ
ﻟﻴﺶ ﻣﻮﻃﻴﺐ ﺍﻛﻞ ﻛﺎﻛﺎ ﻋﺰﻳﺰ ﺍﺻﻼ ﺍﺣﻨﻪ ﻭﻻ ﻧﺤﺲ ﺑﻄﻌﻢ ﺍﻷﻛﻞ ﺍﻫﻢ ﺷﻲ ﻫﻮ ﺣﺸﻮﺓ ﺍﻟﻜﺮﺵ ﻭﻳﺄﺷﺮ ﻋﻠﻰ ﻛﺮﺷﻪ ﻫﻬﻬﻬﻬﻪ
ﻋﻤﺮ ..... ﻋﻠﻰ ﺍﺳﺎﺱ ﺍﻧﺘﻲ ﻃﺒﺨﺞ ﻃﻴﺐ
ﺍﺻﻼ ﺍﻧﻲ ﺍﻛﻠﻲ ﻛﻠﺶ ﻃﻴﺐ ﺣﺠﺖ ﺑﺘﺤﺪﻱ
ﺑﻠﺤﻘﻴﻘﻪ ﺗﻔﺎﺟﺌﺔ ﺑﺠﺮﺋﺘﻪ ﻛﺘﻠﻪ
ﻳﻠﻠﻪ ﻟﻌﺪ ﺭﺍﻭﻳﻨﻪ ﻃﺒﺨﺞ ﺍﻟﻤﻄﺒﺦ ﻛﺪﺍﻣﺞ ﺃﺷﺮﺕ
ﻫﻬﻬﻬﻪ ﺍﻭﻛﻲ ﺭﺍﺡ ﺍﺳﻮﻳﻠﻜﻢ ﺍﺣﺴﻦ ﺍﻛﻞ ﺑﻠﻌﺎﻟﻢ ﻛﺎﻣﺖ ﻭﻫﻲ ﻣﺴﺘﻤﺮﻩ ﺑﻠﺤﺠﻲ ﻭﺗﺄﺷﺮ ﺑﺄﻳﺪﻩ
ﺳﻠﺒﺖ ﻋﻘﻠﻲ ﺑﻤﺸﻴﺘﻪ
......
ﺑﻌﺪ ﺷﻮﻳﻪ ﻃﻠﻌﺖ ﺭﺍﺳﻪ ﻣﻦ ﺑﺎﺏ ﺍﻟﻤﻄﺒﺦ ﺻﺎﺣﺖ
ﻣﺎﻣﺘﻮ ﻣﺎﻣﺘﻮ
ﻧﻌﻢ ﺣﺒﻴﺒﺘﻲ
ﺗﻌﺎﻟﻲ ﺷﻮﻳﻪ
ﻫﻬﻬﻬﻪ ﻫﺎ ﻟﻮﻟﺘﻪ ﺷﻮ ﻃﻠﺒﺘﻲ ﺍﻟﻤﺴﺎﻋﺪﻩ ﻛﺎﻝ ﻋﺰﻳﺰ
ﻭﻛﻔﺖ ﺑﻠﺒﺎﺏ ﻣﺘﺨﻮﺻﺮﻩ ﻛﺎﻟﺖ ﻻ ﻋﻴﻨﻲ ﻣﻮ ﻣﺴﺎﻋﺪﻩ ﺑﺲ ﻫﻴﻪ ﻣﺸﺮﻓﻪ ﻻﺯﻡ ﺗﻜﻮﻥ ﺣﺎﺿﺮﻩ ﻭﻳﺎﻱ
ﺃﻫﺎﺍﺍﺍﺍ ﻣﺸﺮﻓﻪ ﻳﻠﻠﻪ ﻋﻤﻲ ﺷﻨﺴﻮﻱ ﻗﺎﺑﻠﻴﻦ ﺑﺲ ﻛﻮﻥ ﺗﻄﺒﺨﻴﻦ ﺍﻛﻞ ﻳﻨﻮﻛﻞ ﻣﻮ ﻳﻨﺬﺏ
ﺣﺘﻰ ﻟﻮ ﻣﻮ ﻃﻴﺐ ﺍﻧﺎ ﺃﻛﻠﻪ ﻛﻠﺘﻪ ﻭﺗﻨﺪﻣﺖ
ﺍﻟﻜﻞ ﻋﻴﻮﻧﻬﻢ ﻋﻠﻴﻪ ﺻﺎﺭﺕ
ﺭﺩﻳﺖ ﻛﻠﺖ
ﺍﻗﺼﺪ ﺍﻧﺸﺠﻌﻪ ﻏﻴﺮ
ﻫﻬﻬﻬﻬﻪ ﺍﻱ ﺻﺢ ﻛﺎﻛﺎ ﻭﺧﻠﻪ ﺍﻳﺪﻩ ﻋﻠﻰ ﺟﺘﻔﻲ
ﺭﺋﺴﻦ ﻛﻤﺖ ﻳﻠﻠﻪ ﺍﻧﺎ ﺭﺍﻳﺢ ﺍﺧﺬﻟﻲ ﻓﺮﻩ ﺑﻠﺒﻴﺖ ﺍﺷﻮﻑ ﺷﻜﻮ ﻣﺎﻛﻮ
ﻫﺎ ﻭﻣﻤﻨﻮﻉ ﺻﻮﺕ ﻋﺎﻟﻲ ﻭﻣﻤﻨﻮﻉ ﻃﻠﻌﻪ ﺑﺮﻩ ﻭﻻ ﺻﻌﻮﺩ ﻟﻠﺴﻄﺢ
ﺭﺣﺖ ﺍﻓﺘﺮ ﻭﺍﻧﺎ ﺑﺎﻟﻲ ﻣﻮ ﻳﻢ ﺍﻟﺒﻴﺖ ﻳﻢ ﺍﻟﺨﺬﺕ ﺑﺎﻟﻲ
ﺑﻌﺪ ﺳﺎﻋﻪ ﺻﺎﺣﻮﻟﻲ ﻟﻠﻌﺸﻪ
ﺩﺧﻠﺖ ﻟﻠﻤﻄﺒﺦ ﺍﺑﺎﻭﻉ ﺍﻟﺴﻔﺮﻩ ﻓﻌﻼ ﻭﺟﻮﺩ ﺍﻟﻤﺮﺃﻩ ﺑﻠﺤﻴﺎﺓ ﺍﻟﻬﻪ ﺩﻭﺭ ﻛﻠﺶ ﺟﺒﻴﺮ
ﻳﻌﻨﻲ ﺍﻟﻤﺴﻮﺍﻙ ﻣﻮﺟﻮﺩ ﺑﺲ ﻣﻨﻮ ﻳﻌﺮﻑ ﻳﺮﺗﺐ ﻫﻠﺘﺮﺗﻴﺐ
ﻣﺴﻮﻳﻪ ﻛﺒﺎﺏ ﻭﺑﺘﻴﺘﻪ ﻭﻃﻤﺎﻃﻪ ﻣﻜﻠﻴﻪ ﻭﺯﻻﻃﻪ ﻧﺎﻋﻤﻪ ﺗﺨﺒﻞ
ﻭﻣﺮﺗﺒﻪ ﺍﻟﺴﻔﺮﻩ ﻛﻠﻤﻦ ﻣﺎﻋﻮﻧﻪ ﻣﺨﻠﻴﻪ ﺑﻴﻪ ﻛﺒﺎﺏ ﻭﺑﺘﻴﺘﻪ ﻭﻃﻤﺎﻃﻪ ﻭﻛﺪﺍﻣﻪ ﻃﺎﺳﺔ ﺯﻻﻃﻪ ﻣﻌﻜﺮﻭﻧﻪ ﺣﻤﺮﻩ ﺗﻜﻮﻝ ﺣﺘﻰ ﻛﻠﻤﻦ ﻳﻌﺮﻑ ﺍﻛﻠﻪ
ﻛﺘﻠﻪ ﻋﺎﺷﺖ ﺍﻳﺪﺝ ﻟﻴﻠﻰ
ﺷﻨﻮ ﻟﻴﻠﻰ ﺃﻧﻲ ﻟﻮﻟﻴﺘﻪ
ﺑﺲ ﻟﻴﻠﻰ ﺍﺣﻠﻰ
ﻋﻨﺪﻙ ﺍﺣﻠﻰ ﺍﻧﻲ ﻻ ﻛﺎﻛﺎ
ﻫﻬﻬﻪ ﺍﻧﺘﻲ ﻫﻢ ﺗﻜﻮﻟﻴﻦ ﻛﺎﻛﺎ ﻣﺜﻞ ﺃﺯﺍﺩ
ﺃﻱ ﻣﻮ ﺃﻧﻲ ﻋﺎﻳﺸﻪ ﻭﻳﻪ ﺍﻟﻜﺮﺍﺩ ﻓﺘﺮﻩ ﻓﻤﺎﺧﺬ ﻟﺴﺎﻧﻲ ﻋﻠﻰ ﺍﻟﻜﺎﻛﺎ ﺷﻨﻮ ﻣﻮ ﺣﻠﻮﻩ ﺗﺤﺠﻲ ﻭ ﺗﺨﺰﺭ ﺑﻴﻪ
ﻻ ﻛﻠﺸﻲ ﻣﻦ ﻋﻨﺪﺝ ﺣﻠﻮ ﻟﻴﻠﻰ
ﺃﻫﻮ ﻫﻢ ﻛﺎﻝ ﻟﻴﻠﻰ ﺷﻨﻮ ﺍﻧﺖ ﻣﺘﻔﻬﻢ ﺃﻧﻲ ﻟﻮﻟﻴﺘﺎ
ﺗﻘﺮﺑﺖ ﻋﻠﻴﻪ ﺑﺴﺮﻋﻪ ﺧﺎﻓﺖ ﻣﻨﻲ ﺭﺟﻌﺖ ﻟﻴﻮﺭﻩ ﻭﻃﺨﺖ ﺑﻠﻜﺎﻭﻧﺘﺮ ﻛﺘﻠﻪ
ﺍﻭﻝ ﺷﻲ ﻋﻴﺐ ﺗﻜﻮﻟﻴﻦ ﻋﻠﻴﻪ ﻣﺘﻔﻬﻢ ﻭﺛﺎﻧﻲ ﺷﻲ ﻟﻴﻠﻰ ﺍﺣﻠﻰ ﻭﻳﻠﻮﻛﻠﺞ ﻏﻤﺰﺗﻠﻪ ﻭﻣﺪﻳﺖ ﺍﻳﺪﻱ ﺍﺧﺬﺕ ﻗﻄﻌﺖ ﺭﻛﻲ ﻣﻦ ﻣﺎﻋﻮﻥ ﻋﻠﻰ ﺍﻟﻜﺎﻭﻧﺘﺮ
ﺧﻠﻴﺘﻪ ﺑﺤﻠﻜﻲ ﻭﺭﺟﻌﺖ ﺍﻟﻤﻜﺎﻧﻲ ﻭﺍﻧﻲ ﺍﺿﺤﻚ ﻣﺎﻋﺮﻑ ﻋﻠﻰ ﺭﻭﺣﻲ ﺍﺗﺼﺮﻑ ﻣﺜﻞ ﺍﻟﻤﺮﺍﻫﻖ ﻣﺪﺭﻱ ﻋﻠﻰ ﺍﻟﻄﻔﻠﻪ ﺍﻟﻲ ﻛﺪﺍﻣﻲ ﻭﺍﻧﺎ ﺫﺍﻳﺐ ﺑﻴﻬﻪ
ﻫﻼ ﻫﻼ ﺷﻨﻮ ﻫﻠﺘﺮﺗﻴﺐ ﺷﻨﻮ ﻫﻸﺑﺪﺍﻉ ﻋﺎﺷﺖ ﺍﻳﺪﺝ ﻟﻮﻟﻴﺘﺎ ﻛﺎﻝ ﻋﻤﺮ ﻭﻟﻚ ﻋﺰﻳﺰ ﺭﺍﺡ ﻧﻄﻠﻌﻚ ﺗﻘﺎﻋﺪ ﺑﻌﺪ ﺍﻛﺴﺮ ﺭﺟﻠﻚ ﺍﺫﺍ ﺩﺧﻠﺖ ﻟﻠﻤﻄﺒﺦ
ﻋﺰﻳﺰ .... ﺷﻨﻲ ﻳﻌﻨﻲ ﺷﻤﺴﻮﻳﻪ ﻫﻴﻪ ﻛﺒﺎﺏ ﻭﺑﺘﻴﺘﻪ ﻗﺎﺑﻞ ﻣﺴﻮﻳﻪ ﻓﺪ ﺇﻧﺠﺎﺯ
ﺗﺘﺬﻛﺮﻭﻥ ﺑﻴﺖ ﻓﺮﺍﺕ ﺷﻠﻮﻥ ﺟﻨﺘﻮ ﺗﺘﻮﺳﻠﻮﻥ ﺣﺘﻰ ﺑﺲ ﺍﺳﻮﻳﻠﻜﻢ ﺍﻛﻞ ﻫﺎ ﺗﺘﺬﻛﺮﻭﻥ
ﺧﻠﻴﺖ ﺍﻳﺪﻱ ﻋﻠﻰ ﺟﺘﻔﻪ ﻭﻛﺘﻠﻪ ﺍﻟﻲ ﻓﺎﺕ ﻣﺎﺕ ﻭﺣﻨﻪ ﺑﺘﻮﻉ ﺍﻟﻨﻬﺮﺩﻩ ﻳﻮﺣﺶ ﻫﻬﻬﻬﻬﻪ
ﺍﻟﻠﻪ ﻻ ﻳﺮﺩﻧﻪ ﻟﺬﻳﺞ ﺍﻷﻳﺎﻡ ﻧﺘﺮ ﺃﺯﺍﺩ
......
ﻫﻬﻬﻪ ﺻﺪﻗﺖ ﻳﺎ ﺃﺥ ﺍﻟﻌﺮﺏ ﻛﺘﻠﻪ
ﺍﺑﺎﻭﻉ ﻟﻴﻠﻰ ﺻﺎﻓﻨﻪ ﻋﻠﻴﻨﻪ ﻭﺧﺮﺑﺎﻧﻪ ﺿﺤﻚ ﻣﻦ ﻓﺪﻭﻩ ﻟﻬﻞ ﺿﺤﻜﻪ ﺍﻟﺤﻠﻮﻩ ﻛﻠﺖ ﺑﻨﻔﺴﻲ
ﻫﺎ ﻳﻤﻪ ﻟﻴﺶ ﻣﺠﺎﻱ ﺗﺎﻛﻠﻮﻥ ﻟﻮ ﻣﺎ ﻋﺠﺒﻜﻢ ﺍﻷﻛﻞ ﺣﺠﺖ ﺃﻡ ﺯﻳﺪ
ﻻ ﺧﺎﻟﻪ ﺑﻠﻌﻜﺲ ﺍﻻﻛﻞ ﻳﺸﻬﻲ ﻭﺍﻟﻠﻪ ﺑﺲ ﻣﻨﺘﻀﺮﻳﻨﺞ ﺗﺠﻴﻦ ﺣﺘﻰ ﻧﺎﻛﻞ ﺳﻮﻳﻪ
ﻳﻠﻠﻪ ﺍﻛﻌﺪﻱ ﻳﻤﻪ
ﻛﻌﺪﺕ ﺃﻡ ﺯﻳﺪ ﻭﻟﻴﻠﻰ ﻛﺒﺎﻟﻲ
ﺍﺷﻮﻓﻪ ﺗﺎﻛﻞ ﺑﺸﺮﺍﻫﻪ ﻣﺜﻞ ﺍﻟﻄﻔﻠﻪ ﻭﺗﻀﺤﻚ ﻭﻳﻪ ﺍﻟﻮﻟﺪ
ﺑﻌﺪ ﺍﻟﻐﺪﻩ ﺳﻮﺕ ﺟﺎﻱ ﻭﺟﺎﺑﺘﻪ ﺃﻡ ﺯﻳﺪ ﻟﻠﺼﺎﻟﻪ
ﻟﻴﻠﻰ ﺑﻘﺖ ﺗﻐﺴﻞ ﻣﺎﻋﻴﻦ
ﺷﺮﺑﺖ ﺟﺎﻱ ﻭﻛﻤﺖ ﻟﻠﻤﻄﺒﺦ ﺑﺤﺠﺔ ﺍﺷﺮﺏ ﻣﻲ
ﺩﻛﻴﺖ ﺑﺎﺏ ﺍﻟﻤﻄﺒﺦ ﻭﺩﺧﻠﺖ
ﻫﻴﻪ ﻣﺠﺎﻧﺖ ﻣﻨﺘﺒﻬﻪ ﻋﻠﻴﻪ ﺗﻐﺴﻞ ﻭﺗﻐﻨﻲ ﺍﻏﻨﻴﻪ ﻛﺮﺩﻳﻪ ﻛﻠﺸﻲ ﻣﻔﻬﻤﺖ ﻣﻨﻬﻪ ﺑﺲ ﺻﻮﺗﻪ ﻛﻠﺶ ﺣﻠﻮ
ﺣﺒﻚ ﻧﺎﺑﻊ ﻣﻦ ﺍﻟﻘﻠﺐ ﻳﺎﻣﻦ ﺷﻐﻠﺖ ﺑﺎﻟﻲ
ﺷﻨﻮ ﺷﺘﻜﻮﻝ
ﺃﺯﺍﺩ .... ﻣﻌﻨﻰ ﺍﻻﻏﻨﻴﻪ ﺍﻟﻲ ﺗﻐﻨﻴﻪ ﻟﻮﻟﻴﺘﻪ ﺗﻜﻮﻝ ﻛﻠﻤﺎﺗﻪ
ﺣﺒﻚ ﻧﺎﺑﻊ ﻣﻦ ﺍﻟﻘﻠﺐ ﻳﺎﻣﻦ ﺷﻐﻠﺖ ﺑﺎﻟﻲ
ﻫﻬﻬﻪ ﺻﺪﻙ ﺣﻠﻮﻩ ﺍﻷﻏﻨﻴﺔ ﺟﺎﻭﺑﺘﻪ
ﺃﺯﺍﺩ ..... ﺍﻷﻏﻨﻴﺔ ﺣﻠﻮﻩ ﺑﺲ ﺍﻷﺣﻠﻰ ﺍﻟﻲ ﺗﻐﻨﻴﻪ
ﺧﺰﺭﺗﻪ ﻛﺘﻠﻪ ﺃﺯﺍﺩ ﻋﻴﺐ ﻫﻠﺤﺠﻲ ﺟﺮﻳﺘﻪ ﻭﻃﻠﻌﻨﻪ ﻟﻠﺼﺎﻟﻪ
ﻛﺎﻝ ﻳﺎ ﺣﺠﻲ ﻳﻤﻌﻮﺩﻩ ﺗﺮﻩ ﻛﻠﺶ ﻣﻔﻀﻮﺣﻪ ﺍﻧﺘﻲ
ﺷﻨﻮ ﻣﻔﻀﻮﺡ ﺷﻤﺴﻮﻱ ﺍﻧﺎ
ﻻ ﻛﻠﺸﻲ ﻣﺎﻣﺴﻮﻳﻪ ﺍﻧﺘﻲ ﺑﺲ ﻋﻴﻮﻧﺞ ﺗﺮﺍﻗﺐ ﺑﻠﺒﻨﻴﻪ ﺍﻟﻨﻬﺎﺭ ﻛﻠﻪ ﻭﻳﻦ ﺗﺮﻭﺡ ﻭﻳﻦ ﺗﺠﻲ
ﻻ ﺍﻧﺖ ﻏﻠﻄﺎﻥ ﻧﺘﺮﺕ ﺑﻴﻪ
ﻫﻬﻬﻬﻪ ﺑﺮﺍﺣﺘﻚ ﻋﺎﻓﻨﻲ ﻭﺭﺍﺡ ﻛﻌﺪ ﻭﻳﻪ ﺍﻟﻮﻟﺪ
ﺭﺩﻳﺖ ﺍﻧﺎ ﻛﻌﺪﺕ ﻳﻤﻬﻢ
ﻣﺮﺕ ﺍﻷﻳﺎﻡ ﻋﻠﻴﻨﻪ ﻭﺍﺣﻨﻪ ﻧﺮﻳﺪ ﻓﺮﺻﻪ ﻧﻄﻠﻊ ﻣﻨﺎ
ﻣﺎﻛﻮﺍ
ﺃﻡ ﺯﻳﺪ ﻭﻟﻴﻠﻰ ﻣﺜﻞ ﻣﺎ ﺍﺣﺐ ﺍﺻﻴﺤﻬﻪ ﻣﻌﺘﻨﻴﻪ ﺑﻴﻨﻪ ﻣﻦ ﺃﻛﻞ ﻭﻟﺒﺲ ﻭﺗﻨﻀﻴﻒ
ﻋﻼﻗﺘﻪ ﻭﻳﻪ ﺍﻟﻮﻟﺪ ﺣﻠﻮﻩ ﻣﺎ ﺗﺤﺐ ﺍﻟﺘﻜﻠﻒ ﺗﺴﻮﻟﻒ ﺗﻀﺤﻚ ﺑﺲ ﺑﺤﺪﻭﺩ
ﺭﻏﻢ ﻣﺮﺍﺕ ﺍﺷﻮﻑ ﺑﻌﻴﻮﻧﻪ ﺣﺰﻥ ﻛﻠﺶ ﺟﺒﻴﺮ ﺑﺲ ﺗﺤﺎﻭﻝ ﺗﻨﺴﻰ ﺍﻟﻲ ﺻﺎﺭ
ﺑﻴﻮﻡ ﺗﻌﺸﻴﻨﻪ ﻭﻛﻌﺪﻧﻪ ﺷﻮﻳﻪ ﺑﻠﺼﺎﻟﻪ ﺍﺣﻨﻪ ﻣﻨﺨﻠﻲ ﺿﻮﻩ ﺑﻠﺒﻴﺖ ﺑﺲ ﺿﻮﺀ ﺧﻔﻴﻒ ﺑﻠﻤﻄﺒﺦ ﺑﻠﺼﺎﻟﻪ ﻧﺴﺪ ﺍﻟﺒﺮﺩﺍﺕ ﻭﻧﺸﻐﻞ ﺿﻮﻩ ﺧﻔﻴﻒ
ﺭﺣﻨﻪ ﻧﻤﻨﻪ ﻛﻠﻤﻦ ﺑﻤﻜﺎﻧﻪ ﺍﺣﻨﻪ ﻣﺘﻮﺯﻋﻴﻦ ﺑﻠﺒﻴﺖ
ﺍﻧﺎ ﺑﻠﺼﺎﻟﻪ
ﻭﻋﺰﻳﺰ ﺑﻠﻤﻄﺒﺦ
ﻭﻋﻤﺮ ﻳﻨﺎﻡ ﺟﻮ ﺍﻟﺪﺭﺝ
ﻭ ﺃﺯﺍﺩ ﺑﻠﻐﺮﻓﻪ
ﺣﺘﻰ ﻧﺤﺲ ﺑﻠﺒﻴﺖ ﻛﻠﻪ
ﺍﻧﺎ ﺟﻨﺖ ﺗﻮﻧﻲ ﻏﺎﻓﻲ ﺳﻤﻌﺖ ﺑﺎﺏ ﺍﻟﺒﻴﺖ ﺍﻧﻔﺘﺢ
ﺭﻛﻀﺖ ﺑﺎﻭﻋﺖ ﻣﻦ ﺍﻟﺒﺮﺩﻩ ﺷﻔﺖ ﻭﻟﺪ ﻓﺘﺢ ﺑﺎﺏ ﺍﻟﺒﻴﺖ ﻭﺩﺧﻠﺖ ﺳﻴﺎﺭﻩ ﺳﻮﺩﻩ
ﻧﺰﻟﻮﺍ ﻣﻨﻬﻪ ﺧﻤﺲ ﺩﻭﺍﻋﺶ ﻭﺷﺎﻳﻠﻴﻦ ﻭﻳﺎﻫﻢ ﻋﻼﻟﻴﻚ
ﺭﻛﻈﺖ ﻋﻠﻰ ﺍﻟﻮﻟﺪ ﻛﻌﺪﺗﻬﻢ
ﺩﺧﻠﻨﻪ ﻟﻠﻐﺮﻓﻪ
ﺳﻤﻌﻨﻪ ﻃﻜﺖ ﻗﻔﻞ ﺑﺎﺏ ﺍﻟﺼﺎﻟﻪ ﺍﻧﻔﺘﺢ
ﻳﺤﺠﻮﻥ ﺑﻠﻬﺠﻪ ﻏﺮﻳﺒﻪ ﻣﻐﺮﺑﻴﻪ ﻋﻠﻰ ﻳﻤﻨﻴﻪ ﻋﻠﻰ ﺑﺎﻛﺴﺘﺎﻧﻴﻪ ﻣﺎﻋﺮﻑ ﺷﻨﻮ
.....
ﺑﺲ ﺍﻟﻲ ﻓﻬﻤﻨﺎ ﻣﺘﺄﻛﺪﻳﻦ ﻫﺬﺍ ﺍﻟﺒﻴﺖ ﻓﺎﺭﻍ ﻭﺟﺎﻳﻴﻦ ﻳﺘﻮﻧﺴﻮﻥ ﺑﻴﻪ
ﺃﺷﺮﺕ ﻟﻠﻮﻟﺪ ﻣﺤﺪ ﻳﺤﺠﻲ ﻭﻧﺒﺎﻭﻉ ﻋﻠﻴﻬﻢ ﻣﻦ ﺛﻘﺐ ﺍﻟﺒﺎﺏ
ﻓﺮﺷﻮ ﺍﻟﺴﻔﺮﻩ ﻭﺧﻠﻮﺍ ﺍﻟﻤﺰﻩ ﻭﺍﻟﺒﻄﺎﻟﻪ
ﻭﺍﻟﺠﺎﺟﻴﻚ ﺟﺎﻳﺒﻴﻨﻪ ﻭﻳﺎﻫﻢ
ﻭﺑﺪﻭﺍ ﻳﺸﺮﺑﻮﻥ
ﺧﻠﻴﻨﺎﻫﻢ ﻟﻤﻦ ﺍﺗﻄﻤﻨﻮﺍ ﺃﺷﺮﺕ ﺍﻟﻬﻢ ﻧﺪﺧﻞ ﺩﺧﻠﻪ ﻭﺣﺪﻩ
ﺭﻓﻌﻨﻪ ﺳﻼﺣﻨﻪ ﻭﺩﺧﻠﻨﻪ ﻋﻠﻴﻬﻢ ﺳﻮﻳﻪ
ﻭﻻ ﻭﺍﺣﺪ ﻳﺘﺤﺮﻙ ﻭﺟﻬﻨﻪ ﺳﻼﺣﻨﻪ ﻋﻠﻴﻬﻢ
ﺍﻧﺘﻮ ﻣﻨﻮ ﺑﺲ ﺍﻟﻲ ﻓﻬﻤﻨﺎ ﻣﻦ ﺣﺠﻴﻬﻢ
ﻭﻻ ﻛﻠﻤﻪ ﺩﻭﺍﻋﺶ ﺍﻧﺠﺎﺱ ﺻﺎﺡ ﻋﺰﻳﺰ
ﻭﺍﺣﺪ . ﻣﻨﻬﻢ ﻃﻠﻊ ﺳﻼﺣﻪ ﺍﻧﺘﺒﻬﺖ ﻋﻠﻴﻪ ﻇﺮﺑﺘﻪ ﻋﻠﻰ ﺭﺍﺳﻪ ﺑﻠﻤﺴﺪﺱ ﻭﻛﻊ ﺑﻠﻜﺎﻉ
ﻋﺰﻳﺰ ﻇﺮﺏ ﺍﻟﺜﺎﻧﻲ
ﻭﻋﻤﺮ ﺍﻟﺜﺎﻟﺚ ﻭﺍﺯﺍﺩ ﻇﺮﺏ ﺍﻟﺨﺎﻣﺲ
ﺑﻘﻪ ﻭﺍﺣﺪ ﻣﺎﺣﺴﻴﻨﻪ ﻏﻴﺮ ﻭﻛﻊ ﺑﻠﻜﺎﻉ ﺷﻠﻨﻪ ﺭﻭﺳﻨﻪ ﺷﻔﻨﻪ ﻟﻴﻠﻰ ﺷﺎﻳﻠﻪ ﺑﺄﻳﺪﻩ ﺣﺪﻳﺪﻩ
ﺑﻌﺪ ﻣﺎﺿﺮﺑﺖ ﺍﻟﺪﺍﻋﺸﻲ ﻭﻛﻌﺖ ﺍﻟﺤﺪﻳﺪﻩ ﻣﻦ ﺍﻳﺪﻩ ﻭﺭﺍﺩﺕ ﺗﻮﻛﻊ
ﺭﻛﻈﺖ ﻟﺰﻣﺘﻬﻪ ﻻ ﺗﻮﻛﻊ ﺑﺎﻭﻋﺘﻠﻲ ﻭﺧﺮﺑﺖ ﺑﺄﻳﺪﻱ
ﺗﺨﺒﻠﺖ ﺍﺻﻔﻚ ﺑﻴﻬﻪ ﺭﺍﺷﺪﻳﺎﺕ ﻣﺎﻛﻮ
ﻭﻟﻚ ﻣﺎﻱ ﺟﻴﺐ ﻋﺰﻳﺰ ﺻﺤﺖ
ﺭﻛﻆ ﺟﺎﺏ ﻣﻲ ﺭﺷﻴﺘﻪ ﻋﻠﻰ ﻭﺟﻬﻪ ﻣﺎﻛﻮ
ﺍﺟﺖ ﺍﻣﻬﻪ ﺿﻠﺖ ﺗﺨﺮﻁ ﺑﺨﺪﻭﺩﻩ
ﻋﺰﻩ ﺍﻟﻌﺰﺍﺝ ﻟﻮﻟﻲ ﻭﻟﺞ ﺷﺴﻮﻳﺘﻲ
ﻭﺫﻭﻟﻪ ﺷﻨﻮ ﻭﻟﻜﻢ
ﺧﺎﻟﻪ ﺫﻭﻟﻪ ﺩﻭﺍﻋﺶ ﺩﺧﻠﻮ ﻟﻠﺒﻴﺖ ﻋﺒﺎﻟﻬﻢ ﻓﺎﺭﻍ ﻭﺍﺣﻨﻪ ﻛﺘﻠﻨﺎﻫﻢ ﺍﺣﺠﻲ ﻭﻋﻴﻨﻲ ﻋﻠﻰ ﻟﻴﻠﻰ ﺍﻟﻤﺎﺗﺤﺮﻙ ﻻ ﺍﻳﺪ ﻭﻻ ﺭﺟﻞ
ﻋﺰﻩ ﺍﻟﻌﺰﺍﻧﻲ ﻭﻟﺞ ﻳﻤﻪ ﻛﻌﺪﻱ ﺷﻄﻠﻌﺞ
ﺧﺎﻟﻪ ﺧﻠﻴﻨﻪ ﻧﺪﺧﻠﻪ ﺑﻠﻐﺮﻓﻪ ﺍﺣﺴﻦ
ﺃﻱ ﺃﻱ ﻳﻠﻠﻪ
ﺣﺎﻭﻟﺖ ﺗﺸﻴﻠﻪ ﻣﺎﻛﺪﺭﺕ ﺗﻘﺮﺑﺖ ﻋﻠﻴﻪ ﺣﻀﻨﺘﻪ ﻭﺷﻠﺘﻪ ﺑﻴﻦ ﺍﺩﻳﻪ ﺩﺧﻠﺘﻪ ﻟﻠﻐﺮﻓﻪ
ﺧﺎﻟﻪ ﺿﻠﻲ ﻳﻤﻬﻪ ﻻ ﺗﻄﻠﻌﻴﻦ
ﺃﻱ ﺃﻱ ﻣﺎ ﺍﻃﻠﻊ ﺑﻌﺪ ﺑﺲ ﺧﺎﻟﻪ ﺧﺎﻑ ﻳﻠﻜﻮﻧﻪ ﺍﻟﺪﻭﺍﻋﺶ ﺷﻠﻮﻥ
ﺍﻟﻠﻪ ﻛﺮﻳﻢ ﺧﺎﻟﻪ ﺍﻟﻠﻪ ﻛﺮﻳﻢ ﻛﺘﻠﻪ ﻭﻃﻠﻌﺖ
ﻫﺎ ﻭﻟﻜﻢ ﻫﺴﻪ ﺷﻠﻮﻥ
ﺍﺳﻤﻌﻮﺍ ﻧﻜﺘﻠﻬﻢ ﻫﻨﺎ ﻭﻧﺎﺧﺬﻫﻢ ﻧﺬﺑﻬﻢ ﺑﻠﺰﺑﺎﻟﻪ ﻧﺘﺮ ﻋﻤﺮ
ﺃﻱ ﺻﺢ ﻣﺎﻧﺨﻠﻴﻬﻢ ﻋﺪﻟﻴﻦ ﺭﺩ ﻋﺰﻳﺰ
ﺃﺯﺍﺩ ..... ﺑﺴﺮﻋﻪ ﻻ ﻳﻨﺘﺒﻬﻮﻥ ﻭﻳﻄﻠﻊ ﺻﻮﺗﻨﻪ
ﻳﻠﻠﻪ ﺑﺴﺮﻋﻪ
ﺭﺑﻄﻨﺎﻫﻢ ﻭﺧﻠﻴﻨﺎﻫﻢ ﺑﻠﺴﻴﺎﺭﻩ
ﻃﻠﻊ ﻛﺪﺍﻣﻨﻪ ﻋﺰﻳﺰ ﺷﺎﻑ ﺍﻟﻄﺮﻳﻖ ﺟﺎﻥ ﻧﺺ ﺍﻟﻠﻴﻞ
ﻣﺸﻴﻨﻪ ﻣﺴﺎﻓﻪ ﺍﻛﻮ ﻣﺜﻞ ﺍﻟﺠﻮﻟﻪ ( ﺑﺮ ﻣﺎﺑﻴﻪ ﺯﺭﻉ )
ﻭﻛﻔﻨﻪ ﺑﻴﻬﻪ ﺷﻤﺮﻧﺎﻫﻢ ﺑﻴﻪ ﻃﻠﻌﺖ ﻣﺴﺪﺳﻲ ﺑﻴﻪ ﻛﺎﺗﻢ ﻛﻞ ﻭﺍﺣﺪ ﻧﻄﻴﺘﻪ ﺭﺻﺎﺻﻪ ﺑﺮﺍﺳﻪ
ﺭﺟﻌﻨﻪ ﺑﻌﺪ ﻣﺎ ﺗﺄﻛﺪﻧﻪ ﻣﻦ ﻣﻮﺗﺘﻬﻢ
ﻋﻔﻨﻪ ﺍﻟﺴﻴﺎﺭﻩ ﻭﺭﺟﻌﻨﻪ ﻧﺘﺨﺘﻞ ﺑﻴﻦ ﺍﻟﺒﻴﻮﺕ
ﻣﺎﺟﺎﻥ ﺍﻛﻮ ﻭﺍﺣﺪ ﺑﻠﺸﻮﺍﺭﻉ ﺍﻟﻜﻞ ﻧﺎﻳﻤﻪ
ﻛﺪﺭﻧﻪ ﻧﻮﺻﻞ ﻟﻠﺒﻴﺖ
ﺳﺪﻳﻨﻪ ﺍﻟﺒﺎﺏ ﻭﺭﺣﻨﻪ ﻋﻠﻰ ﻏﺮﻓﺔ ﺃﻡ ﺯﻳﺪ
ﻫﺎ ﺧﺎﻟﻪ ﺷﻠﻮﻧﻪ ﺍﻟﺒﻨﻴﻪ
ﻻ ﺯﻳﻨﻪ ﺗﻮﻩ ﺻﺤﺖ ﻭﻙ ﺧﺎﻟﻪ ﻣﻨﻴﻦ ﻃﺒﻮ ﺫﻭﻟﻪ
ﻣﺎﻋﺮﻑ ﻳﻤﻜﻦ ﻋﺒﺎﻟﻬﻢ ﺍﻟﺒﻴﺖ ﻓﺎﺭﻍ
ﻻ ﺫﻭﻟﻪ ﻣﺘﺄﻛﺪﻳﻦ ﺍﻟﺒﻴﺖ ﻓﺎﺭﻍ ﻷﻥ ﺩﺧﻠﻮﺍ ﻭ ﺳﺪﻭ ﺍﻟﺒﺎﺏ ﻭﺭﺍﻫﻢ ﻛﺎﻝ ﻋﺰﻳﺰ
ﻭﻫﺴﻪ ﻭﻳﻦ ﻭﺩﻳﺘﻮﻫﻢ
ﺫﺑﻴﻨﺎﻫﻢ ﺑﻠﺰﺑﻞ ﻛﺘﻠﻪ
ﻳﺎ ﺧﺎﻑ ﻳﺼﺤﻮﻥ ﻭﻳﺮﺩﻭﻥ ﻋﻠﻴﻨﻪ
ﻻ ﻟﺘﺨﺎﻓﻴﻦ ﻣﺎﺗﻮﺍ ﺗﺄﻛﺪﻧﻪ ﻣﻨﻬﻢ
ﻟﻌﻨﺔ ﺍﻟﻠﻪ ﻋﻠﻴﻬﻢ ﻭﺭﺟﻌﺖ ﺗﺼﺤﻲ ﺑﻠﻴﻠﻰ
ﻃﻠﻌﻨﻪ ﻟﻠﺼﺎﻟﻪ ﻣﺎﻋﺮﻑ ﺷﻨﻮ ﺍﻟﺸﻌﻮﺭ ﺍﻟﻲ ﺻﺎﺭ ﻋﺪﻧﻪ
ﺭﻏﻢ ﺍﺣﻨﻪ ﻗﺎﺗﻠﻴﻦ ﻫﻮﺍﻱ ﺩﻭﺍﻋﺶ ﺑﺲ ﺫﻭﻟﻪ ﻣﺎﻋﺮﻑ ﻟﻴﺶ ﻓﺮﺣﺖ ﺍﻟﻘﺘﻠﻬﻢ
ﻛﺘﻠﻬﻢ ﺻﺪﻛﻮﻧﻲ ﺣﺴﻴﺖ ﺑﺄﻧﺠﺎﺯ ﻣﻦ ﻗﺘﻠﺘﻬﻢ ﻓﺮﺣﺎﻥ ﺣﻴﻞ ﻫﻬﻬﻬﻪ
ﺃﻧﻲ ﻫﻢ ﻛﻠﺶ ﻓﺮﺣﺎﻥ ﻭﻧﻔﺴﻴﺘﻲ ﻣﺮﺗﺎﺣﻪ ﻳﺎﺭﻳﺖ ﻳﻮﻣﻴﻪ ﻧﻘﺘﻞ ﻫﻠﻜﺪ ﻛﺎﻝ ﻋﺰﻳﺰ
ﻋﻤﺮ ﻛﺎﻡ ﻳﺘﻤﻐﻂ ﻭﻳﺤﺠﻲ ﺍﻟﻠﻪ ﺷﻜﺪ ﻓﺮﺣﺎﻥ ﻳﺨﺒﻞ ﺍﻟﺸﻌﻮﺭ ﻫﻬﻬﻬﻬﻪ
ﺃﺯﺍﺩ .... ﻛﺎﻛﺎ ﺧﻠﻲ ﻧﺸﻮﻓﻠﻨﻪ ﻛﻢ ﺩﺍﻋﺸﻲ ﻧﻘﺘﻠﻪ ﺑﻌﺪ ﻋﺠﺒﺘﻨﻲ ﺍﻟﺸﻐﻠﻪ
ﺍﻛﻴﺪ ﻣﺎﺭﺍﺡ ﻧﺘﺮﻙ ﻫﺬﺍ ﺍﻟﻌﻤﻞ ﺭﺍﺡ ﻧﺒﻘﻪ ﻧﻘﺘﻞ ﻟﺤﺪ ﻣﺎ ﻧﻄﻠﻊ ﻣﻨﺎ ﺍﻭ ﺗﺘﺤﺮﺭ ﺍﻟﻤﻮﺻﻞ
......
ﻭﺩﺍﻋﺘﻜﻢ ﻫﺎﻱ ﺍﻟﺒﺪﺍﻳﻪ ﺭﺍﺡ ﻧﺨﻠﻴﻬﻢ ﻳﻔﺘﺮﻭﻥ ﻭﻳﺴﺌﻠﻮﻥ ﻋﻠﻴﻨﻪ ﺑﻜﻞ ﻣﻜﺎﻥ
ﺃﻱ ﻋﻼﻭﻱ ﺍﺭﻳﺪ ﺍﺑﺮﺩ ﻧﺎﺭﻱ ﺑﻴﻬﻢ ﻭﻃﻠﻊ ﺣﺮﻛﺖ ﻓﺮﺍﻛﻲ ﻛﻠﻪ ﻋﻤﺮ ﻳﺤﺠﻲ ﺑﻘﻬﺮ ﻭﻗﺎﺑﻆ ﻋﻠﻰ ﺃﻳﺪﻩ ﺑﺤﺮﻛﻪ
ﻣﺤﺪ ﻧﺎﻛﻢ ﺑﺬﻳﺞ ﺍﻟﻠﻴﻠﻴﻪ
ﺍﻟﻔﺠﺮ ﺃﺫﻥ ﺍﻷﺫﺍﻥ
ﻛﻤﻨﻪ ﺗﻮﺿﻴﻨﻪ ﻭﺑﺪﻳﻨﻪ ﻧﺼﻠﻲ ﺃﻧﻲ ﻭﻋﻤﺮ ﻭﻋﺰﻳﺰ
ﻭ ﺃﺯﺍﺩ ﻛﻌﺪ ﻳﺮﺗﻞ
ﺑﻌﺪ ﻣﺎﺻﻠﻴﻨﻪ ﻟﺰﻣﺖ ﺍﻟﺴﺒﺤﻪ ﻭﺑﺪﻳﺖ ﺍﺳﺒﺢ ﺗﺴﺒﻴﺤﺔ ﺍﻟﺰﻫﺮﺍﺀ ( ﻋﻠﻴﻬﺎ ﺍﻟﺴﻼﻡ ) ﻭﻋﻤﺮ ﺑﺪﺀ ﻳﻘﺮﺀ ﻗﺮﺃﻥ ﺟﺎﻥ ﺻﻮﺗﻪ ﻛﻠﺶ ﺣﻠﻮ
ﺍﺟﺖ ﺑﺎﻟﻲ ﻓﻜﺮﻩ ﺣﻴﻞ ﺧﻔﺖ ﻣﻨﻬﻪ
ﺩﻣﻌﺖ ﻋﻴﻨﻲ ﻭﺍﻧﻲ ﺍﺳﺘﻐﻔﺮ ﺭﺑﻲ
ﺍﻧﺘﺒﻪ ﻋﻠﻴﻪ ﺃﺯﺍﺩ ﻛﻠﻲ
ﻫﺎ ﻛﺎﻛﺎ ﻋﻠﻲ ﺧﻴﺮﺝ ﻟﻴﺶ ﺗﺒﺠﻴﻦ
ﻋﻤﺮ ﺻﺪﻕ ﺭﺋﺴﻦ ﻭﺑﺎﻭﻋﻠﻲ
ﻋﺰﻳﺰ ﻛﻠﻲ ﺍﺑﻮ ﺣﺴﻴﻦ ﺷﻨﻮ ﺍﻟﻤﻀﻮﺟﻚ ﻭﻣﺨﻠﻴﻚ ﺗﺒﺠﻲ ﻭﺗﺴﺘﻐﻔﺮ
ﺍﻟﺘﻔﺖ ﻋﻠﻴﻬﻢ ﻛﺘﻠﻬﻢ ﻋﻨﺪﻱ ﺳﺆﺍﻝ ﻣﺤﻴﺮﻧﻲ ﻭﺧﺎﻳﻒ ﻣﻦ ﺇﺟﺎﺑﺘﻪ
ﻋﻤﺮ .... ﺃﺳﺄﻝ ﻳﺨﻮﻱ ﺑﻠﻜﺖ ﻧﻜﺪﺭ ﻧﺠﺎﻭﺑﻚ
ﻗﺘﻠﻨﻪ ﺍﻟﺪﻭﺍﻋﺶ ﺑﻬﺎﻱ ﺍﻟﻄﺮﻳﻘﻪ ﺣﻼﻝ ﻟﻮ ﺣﺮﺍﻡ
ﻋﺰﻳﺰ .... ﺗﺤﺠﻲ ﺻﺪﻙ ﻳﺨﻮﻱ ﻃﺒﻌﺎ ﺣﻼﻝ
ﻋﻠﻲ ﺑﺲ ﺍﺣﻨﻪ ﻣﺎ ﻭﺍﺟﻬﻨﺎﻫﻢ ﺑﻤﻌﺮﻛﻪ ﺍﺧﺬﻧﺎﻫﻢ ﻏﺪﺭ
ﻋﻤﺮ ... ﻻ ﻣﻮ ﻏﺪﺭ ﻫﻤﻪ ﺍﺟﻮ ﻋﻠﻴﻨﻪ ﺑﻴﺘﻨﻪ ﻭﺍﺣﻨﻪ ﺩﺍﻓﻌﻨﻪ ﻋﻦ ﻧﻔﺴﻨﻪ
ﺃﺯﺍﺩ .... ﺷﻮﻓﻲ ﻛﺎﻛﺎ ﻋﻠﻲ ﺻﺢ ﺃﻧﻲ ﻣﺴﻴﺤﻲ ﺑﺲ ﺗﺮﻩ ﺩﻳﻨﻪ ﻣﺎ ﻳﺨﺘﻠﻒ ﻋﻦ ﺩﻳﻨﻜﻢ ﺑﺸﻲ
ﻋﺪﻧﻪ ﺍﻟﺤﻼﻝ ﺣﻼﻝ ﻭﺍﻟﺤﺮﺍﻡ ﺣﺮﺍﻡ
ﻳﻌﻨﻲ ﺑﻠﺤﺮﺏ ﻛﻠﺸﻲ ﺟﺎﺋﺰ
ﻭﻫﻤﻪ ﺍﻟﻲ ﺍﺟﻮﺍ ﺍﻷﺭﻇﻨﻪ ﻭﺍﺣﻨﻪ ﺑﻘﺘﻠﻬﻢ ﺟﺎﻱ ﻧﺪﺍﻓﻊ ﻋﻦ ﺍﺭﻇﻨﻪ
ﻋﺰﻳﺰ .... ﻳﻘﻮﻝ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ( ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ )
ﻭﺃﻋﺪﻭﺍ ﻟﻬﻢ ﻣﺎ ﺍﺳﺘﻄﻌﺘﻢ ﻣﻦ ﻗﻮﻩ
( ﺻﺪﻕ ﺍﻟﻠﻪ ﺍﻟﻌﻠﻲ ﺍﻟﻌﻈﻴﻢ )
ﻳﻌﻨﻲ ﻛﻞ ﻗﻮﻩ ﻋﺪﻛﻢ ﺗﺴﺘﻌﻤﻠﻮﻧﻪ ﺑﻠﺤﺮﺏ ﻣﻮ ﻣﻬﻢ ﺍﻟﻄﺮﻳﻘﻪ ﺑﺲ ﺍﻫﻢ ﺷﻲ ﺗﺪﺍﻓﻌﻮﻥ ﻋﻦ ﺍﺭﻇﻜﻢ ﻭﻋﺮﻇﻜﻢ
ﻻ ﺗﺨﺎﻑ ﻳﺨﻮﻱ ﺍﺣﻨﻪ ﻣﺎ ﻣﺴﻮﻳﻦ ﺷﻲ ﺣﺮﺍﻡ ﺍﻃﻤﺌﻦ
ﻭﻻﺯﻡ ﻧﺴﺘﻤﺮ ﺑﻠﻘﺘﻞ ﻭﺍﻟﻲ ﻳﺮﻳﺪﻩ ﺭﺑﻚ ﻳﺼﻴﺮ
ﺻﻔﻨﺖ ﻋﻠﻰ ﺣﺠﻴﻬﻢ ﺷﻮﻳﻪ ﻭﺗﻄﻤﺌﻦ ﻛﻠﺒﻲ
ﺧﻠﺺ ﺫﺍﻙ ﺍﻟﻨﻬﺎﺭ ﻭﺍﺣﻨﻪ ﻣﺘﺮﻗﺒﻴﻦ
ﻭﻟﻴﻠﻰ ﺍﺑﺪ ﻣﻄﻠﻌﺖ ﺑﺲ ﺃﻡ ﺯﻳﺪ ﻃﻠﻌﺖ ﺳﻮﺕ ﺍﻛﻞ
ﺭﺣﺖ ﻋﻠﻴﻪ ﺑﻠﻤﻄﺒﺦ
ﻫﺎ ﺧﺎﻟﻪ ﺷﻠﻮﻧﻪ ﺍﻟﺒﻨﻴﻪ
ﻭﺍﻟﻠﻪ ﺷﻜﻠﻚ ﻛﻠﺶ ﻣﻨﻬﺎﺭﻩ ﺗﻨﺎﻡ ﻭﺗﻜﻌﺪ ﺑﺲ ﺗﺮﺟﻒ
ﻣﻴﺨﺎﻟﻒ ﻳﺮﺍﺩﻟﻪ ﻭﻗﺖ ﺷﻮﻳﻪ ﺣﺘﻰ ﺗﻌﺘﺎﺩ ﻋﻠﻰ ﺍﻟﺸﻐﻠﻪ
ﺧﺎﻟﻪ ﻣﻤﻜﻦ ﺍﺩﺧﻞ ﺍﺷﻮﻓﻪ
ﺃﻱ ﻭﺍﻟﻠﻪ ﺑﻠﻜﺖ ﺍﺫﺍ ﺣﺠﻴﺖ ﻭﻳﺎﻫﻪ ﺗﺮﺗﺎﺡ
ﺯﻳﻦ ﺍﻧﺎ ﺭﺍﻳﺢ ﻋﻠﻴﻪ
ﻣﺸﻴﺖ ﺩﻛﻴﺖ ﺍﻟﺒﺎﺏ ﺍﺟﺎﻧﻲ ﺻﻮﺗﻪ ﻧﺎﻋﻢ ﻭﺗﻌﺒﺎﻥ
ﺗﻔﻈﻞ
ﻓﺘﺤﺖ ﺍﻟﺒﺎﺏ ﺻﺎﺭﺕ ﺑﻮﺟﻬﻲ ﻣﻨﺘﺠﻴﻪ ﻋﻠﻰ ﺗﺎﺝ ﺍﻟﺴﺮﻳﺮ ﻻﺑﺴﻪ ﺛﻮﺏ ﺍﺑﻴﺾ ﺻﺪﺭﻩ ﻣﺮﺑﻊ ﻭﺑﻴﻪ ﻛﺸﺎﻛﺶ
ﺷﻌﺮﻩ ﻓﺎﺗﺤﺘﻪ ﻭﺑﻴﺪﻩ ﺍﻟﻤﺸﻂ ﺗﺤﺎﻭﻝ ﺗﻤﺸﻂ
.....
ﻋﻠﻲ .... ﻫﺎ ﻋﻴﻨﻲ ﺷﻠﻮﻧﻪ ﺍﻟﺒﻄﻠﻪ
ﺍﺑﺘﺴﻤﺖ ﺑﺘﻌﺐ ﻭﻛﺎﻟﺖ
ﻫﻪ ﺯﻳﻨﻪ ﺍﻟﺒﻄﻠﻪ
ﻭﻟﻴﺶ ﺗﻈﺤﻜﻴﻦ ﺍﻧﺘﻲ ﺑﻄﻠﻪ
ﻳﺎ ﺑﻄﻠﻪ ﻳﻤﻌﻮﺩ ﻣﺘﺸﻮﻑ ﺷﺼﺎﺭ ﺑﻴﻪ
ﻫﺬﺍ ﻛﻠﻪ ﻃﺒﻴﻌﻲ ﻣﻦ ﺑﻨﻴﻪ ﺑﺮﻗﺘﺞ ﺑﺲ ﺍﻟﺒﻄﻮﻟﻪ ﺗﺒﻴﻦ ﺑﻠﻤﻮﺍﻗﻒ ﻣﻮ ﺑﻠﻜﻼﻡ
ﻳﻌﻨﻲ ﺷﻠﻮﻥ
ﻳﻌﻨﻲ ﺍﻷﻧﺴﺎﻥ ﻣﻴﻨﻌﺮﻑ ﺇﻟﻰ ﻣﻦ ﻳﺼﻴﺮ ﺑﻤﻮﻗﻒ ﺻﻌﺐ
ﻣﺜﻼ ﺍﻧﺘﻲ ﺑﻨﻴﻪ ﺭﻗﻴﻘﻪ ﻭﺑﺴﻴﻄﻪ ﻫﻢ ﺟﻨﺘﻲ ﺗﺘﻮﻗﻌﻴﻦ ﻳﻄﻠﻊ ﻣﻨﺞ ﻫﺬﺍ ﺍﻟﻤﻮﻗﻒ ﻭﺗﺘﺼﺮﻓﻴﻦ ﻫﺬﺍ ﺍﻟﺘﺼﺮﻑ
ﻫﺰﺕ ﺍﻛﺘﺎﻓﻪ ﻭﻛﺎﻟﺖ ﻣﺎﻋﺮﻑ
ﻻ ﺗﻌﺮﻓﻴﻦ ﺑﻨﻔﺴﺞ ﺟﺒﺎﻧﻪ ﺑﺲ ﻣﻦ ﺻﺎﺭ ﻭﻗﺖ ﺍﻟﺘﺼﺮﻑ ﻃﻠﻌﺖ ﻏﺮﻳﺰﺓ ﺍﻟﻘﻮﻩ ﻭﺍﻟﺸﺮﺍﺳﻪ ﺍﻟﻲ ﻋﻨﺪﺝ
ﻫﻴﻪ ﻫﺎﻱ ﺍﻟﺒﻄﻮﻟﻪ
ﺷﻮﻓﻲ ﺍﺳﻮﻟﻔﻠﺞ ﻗﺼﻪ
ﻛﺎﻥ ﺑﺰﻣﻦ ﺍﺣﺪ ﻣﻠﻮﻙ ﺍﻟﻌﺮﺏ ﺷﺨﺺ ﻛﻠﺶ ﻗﻮﻱ
ﻛﺎﻥ ﻋﻨﺪﻩ ﺳﻴﻒ ﻫﺬﺍ ﺍﻟﺴﻴﻒ ﺍﺫﺍ ﺭﻓﻌﻪ ﻣﺤﺪ ﻳﻜﺪﺭ ﻳﻮﻛﻒ ﺑﻮﺟﻬﻪ
ﺷﻔﺘﻪ ﻋﺪﻟﺖ ﺑﻜﻌﺪﺗﻪ ﻭﻧﺘﺒﻬﺔ ﻋﻠﻴﻪ ﺑﻠﻬﻔﻪ
ﻛﻤﻠﺖ ﻛﺘﻠﻪ
ﺟﺎﻧﻮ ﺍﻟﻨﺎﺱ ﻳﺤﺠﻮﻥ ﺑﺴﻴﻒ ﻫﺬﺍ ﺍﻟﺒﻄﻞ
ﺑﻴﻮﻡ ﺟﺎﻥ ﻣﻌﺰﻭﻡ ﻋﺪ ﺍﻟﻤﻠﻚ
ﻓﻠﻤﻠﻚ ﻛﺎﻝ ﻟﻠﺒﻄﻞ
ﺍﻟﻨﺎﺱ ﺗﺤﺠﻲ ﺑﺴﻴﻔﻚ ﻭﺗﻜﻮﻝ ﻣﺎﻛﻮﺍ ﻣﺜﻠﻪ
ﻣﻤﻜﻦ ﺗﻌﻄﻲ ﺍﻟﻲ ﺍﺷﻮﻓﻪ
ﻛﺎﻡ ﺍﻟﺒﻄﻞ ﻭﺳﻠﻢ ﺍﻟﺴﻴﻒ ﺇﻟﻰ ﺍﻟﻤﻠﻚ
ﺍﻟﻤﻠﻚ ﻛﻠﺐ ﺍﻟﺴﻴﻒ
ﻃﻠﻌﻪ ﻣﻦ ﺟﺮﺍﺑﻪ
ﺷﻨﻮ ﺟﺮﺍﺑﻪ ﺳﺄﻟﺖ ﺑﺴﺮﻋﻪ
ﺍﻟﺠﺮﺍﺏ ﻳﻌﻨﻲ ﺑﻴﺖ ﺍﻟﺴﻴﻒ ﺷﺎﻳﻔﻪ ﻫﺬﺍ ﺍﻟﻲ ﻳﺨﻠﻮﻥ ﺍﻟﺴﻴﻒ ﺑﻴﻪ ﻭﻳﺨﻠﻮﻧﻪ ﺑﺨﺎﺻﺮﺗﻬﻢ
ﻫﺎ ﺃﻱ ﻋﺮﻓﺘﻪ
ﻟﻤﺖ ﺭﺟﻠﻴﻪ ﻭﺣﺎﻭﻃﺘﻬﻦ ﺑﺌﺪﻳﻪ ﻭﻫﻲ ﺗﺴﺘﻤﻊ ﺍﻟﻲ
ﺃﻱ ﻓﻠﻤﻠﻚ ﺑﻘﻪ ﻳﻜﻠﺐ ﺑﻠﺴﻴﻒ ﺷﺎﻓﻪ ﺳﻴﻒ ﻋﺎﺩﻱ ﻣﺎﺑﻴﻪ ﺷﻲ ﻣﻤﻴﺰ
ﻓﻜﻞ ﻟﻠﺒﻄﻞ
ﻫﺎﻱ ﺷﻨﻮ ﻫﺬﺍ ﺍﻟﺴﻴﻒ ﻛﻠﺶ ﻋﺎﺩﻱ ﻣﺎﺑﻴﻪ ﺷﻲ ﻣﻤﻴﺰ ﺣﺘﻰ ﻳﻜﻮﻥ ﺑﻬﺎﻱ ﺍﻟﻘﻴﻤﻪ
ﺍﺑﺘﺴﻢ ﺍﻟﺒﻄﻞ ﻭﻛﻠﻪ
ﺳﻴﺪﻱ ﺍﻟﻤﻠﻚ ﺃﻧﻲ ﺍﻋﺮﺗﻚ ﺍﻟﺴﻴﻒ ﺑﺲ ﻣﺎ ﺍﻋﺮﺗﻚ ﺍﻟﻴﺪ ﺍﻟﻲ ﺗﻘﺎﺗﻞ ﺑﻠﺴﻴﻒ
ﻫﺬﺍ ﺍﻟﺴﻴﻒ ﻋﺎﺩﻱ ﻋﺪ ﺍﻟﻨﺎﺱ ﺍﻟﻌﺎﺩﻳﻴﻦ ﺑﺲ ﻋﻨﺪﻱ ﻻ
ﺍﻟﻘﻮﻩ ﺑﻸﻳﺪ ﺍﻟﻲ ﺗﺤﻤﻞ ﺍﻟﺴﻴﻒ ﻣﻮ ﺑﻠﺴﻴﻒ ﻧﻔﺴﻪ
ﺍﺑﺘﺴﻤﺖ ﻭﻛﺎﻟﺖ ﻫﺴﻪ ﻳﻌﻨﻲ ﺷﻨﻮ ﻗﺼﺪﻙ
ﻗﺼﺪﻱ ﺍﻟﺤﺪﻳﺪﻩ ﺍﻟﻲ ﺷﻠﺘﻴﻪ ﻭﻇﺮﺑﺘﻲ ﺑﻴﻪ ﺍﻟﺪﺍﻋﺸﻲ
ﻟﻮ ﺟﺎﻧﺖ ﺑﺌﻴﺪ ﺃﻱ ﻭﺍﺣﺪ ﺛﺎﻧﻲ ﺟﺎﻥ ﻣﺎﻛﺪﺭ ﻳﻀﺮﺏ ﺑﻴﻪ ﻫﻴﺞ ﺿﺮﺑﻪ
ﺍﻧﺘﻲ ﺑﺪﺍﺧﻠﺞ ﻣﺤﺎﺭﺑﻪ ﺑﺲ ﺑﻌﺪﺝ ﻣﻤﻜﺘﺸﻔﻪ ﻫﺬﺍ ﺍﻟﺸﻲ ﻳﺮﺍﺩﻟﺞ ﺻﻘﻞ ﻭﺭﺍﺡ ﺗﻜﻮﻧﻴﻦ ﻣﺜﻞ ﺃﻣﻴﻪ ﺟﺒﺎﺭﻩ
ﻣﻨﻮ ﺃﻣﻴﻪ ﺟﺒﺎﺭﻩ
ﺃﻣﻴﻪ ﺟﺒﺎﺭﻩ ﻫﺎﺫﻱ ﻣﺮﻩ ﻋﻤﺮﻩ 45 ﺳﻨﻪ
ﻗﺎﺗﻠﺖ ﺩﺍﻋﺶ ﻭﻗﺘﻠﺖ ﻣﻨﻪ ﻫﻮﺍﻱ
ﺍﻣﺮﺃﻩ ﺑﻄﻠﻪ ﺍﻟﻨﺎﺱ ﺗﺤﺠﻲ ﺑﻴﻪ ﻭﺑﻄﻮﻻﺗﻪ
ﺍﻟﻠﻪ ﻳﻌﻨﻲ ﺍﻧﻲ ﻫﺴﻪ ﺑﻄﻠﻪ
......
ﺗﻘﺮﺑﺖ ﻣﻨﻪ ﻭﻛﺘﻠﻪ
ﻭﺃﺣﻠﻰ ﺑﻄﻠﻪ
ﺩﻧﻜﺖ ﺧﺠﻞ ﻭﻫﻴﻪ ﺗﺒﺘﺴﻢ
ﺑﺎﻭﻋﺖ ﻟﻠﻤﺸﻂ ﺑﺌﻴﺪﻩ ﻟﻴﺶ ﻣﺘﻤﺸﻄﻴﻦ
ﻫﺴﻪ ﺗﺠﻲ ﻣﺎﻣﺎ ﺗﻤﺸﻄﻠﻲ ﺷﻌﺮﻱ ﻃﻮﻳﻞ ﻳﻈﻮﺝ
ﺗﻤﻨﻴﺖ ﺍﺧﺬ ﺍﻟﻤﺸﻂ ﻣﻨﻬﻪ ﻭﺍﻣﺸﻂ ﺍﻟﻪ ﺑﺲ ﺍﺳﺘﺤﻴﺖ
ﻳﻠﻠﻪ ﻫﺴﻪ ﻛﻮﻣﻲ ﺑﺪﻟﻲ ﻭﺭﻭﺣﻲ ﺳﻮﻳﻠﻨﻪ ﺍﻛﻞ ﻣﻦ ﺍﻳﺪﺝ ﺍﻟﺤﻠﻮﻩ ﻷﻥ ﻣﻴﺘﻴﻦ ﺟﻮﻉ
ﻫﻬﻪ ﺗﺪﻟﻞ ﻫﺴﻪ ﺃﻛﻮﻡ
ﺷﺎﻟﺖ ﺷﻌﺮﻩ ﻟﻔﺘﻪ ﻛﺒﺎﻳﻪ ﻭﺷﺪﺗﻪ ﺑﻘﺮﺍﺻﻪ ﻭﻛﺎﻟﺖ ﻫﺴﻪ ﺍﺟﻲ ﻭﺭﺍﻙ
ﻋﺮﻓﺘﻪ ﺗﺮﻳﺪ ﺗﺒﺪﻝ
ﻃﻠﻌﺖ ﻭﺳﺪﻳﺖ ﺍﻟﺒﺎﺏ ﻣﺪﻧﻚ ﻭﺍﻧﻲ ﻣﺒﺘﺴﻢ ﺷﻠﺖ ﺭﺍﺳﻲ ﻭﺍﺷﻮﻑ ﺍﻟﻮﻟﺪ ﻣﻜﺎﺑﻠﻴﻨﻲ ﻭﻳﻀﺤﻜﻮﻥ ﻭﻳﺘﻐﺎﻣﺰﻭﻥ
ﺷﻠﺖ ﺣﺎﺟﺒﻲ ﺍﻟﻬﻢ ﺑﻤﻌﻨﻲ ﺷﻜﻮ ﻭﺃﺷﺮﺕ ﺑﺌﻴﺪﻱ
ﻋﻤﺮ .... ﻣﺎﻛﻮ ﺷﻲ ﺳﻼﻣﺘﻚ ﻭﻳﺒﺘﺴﻢ
ﻋﻤﺮ .... ﻫﻴﺞ ﺟﺎﻱ ﻧﺘﻔﺎﻋﻞ ﻭﻳﺎﻙ ﻏﻴﺮ
ﺃﺯﺍﺩ .... ﻛﺎﻛﺎ ﻋﻠﻲ ﻭﺟﻬﻚ ﻣﻮﺭﺩ ﺷﻨﻮ ﻣﺨﻠﻲ ﺣﻤﺮﻩ
ﻫﻬﻬﻬﻬﻬﻬﻬﻬﻪ ﺻﺪﻙ ﺣﻠﻮﻩ ﻫﺎﻱ ﻣﺎﻝ ﺍﻟﺤﻤﺮﻩ ﻛﻠﻪ ﻋﻤﺮ
ﻋﺰﻳﺰ ..... ﻻ ﻭﻟﻜﻢ ﺧﺠﻼﻥ ﻋﻮﺩ ﻫﻬﻬﻬﻬﻬﻪ
ﻭﻟﻜﻢ ﻟﻴﺶ ﻣﺎﺗﻨﺠﺒﻮﻥ
ﻭﻧﺰﻋﺖ ﺗﻜﺮﻣﻮﻥ ﺣﺬﺍﺋﻲ ﻭﺷﻤﺮﺗﻪ ﻋﻠﻴﻬﻢ
ﻫﻴﻪ ﻇﺤﻜﻪ ﻭﻫﻴﻪ ﺷﺮﺩﻩ ﻫﻬﻬﻪ
ﺷﻮﻳﻪ ﻃﻠﻌﺖ ﻟﻴﻠﻰ ﻻﺑﺴﻪ ﺟﺒﻪ ﻃﻮﻳﻠﻪ ﻭﻋﻠﻰ ﺭﺍﺳﻪ ﺷﺎﻝ
ﺳﻠﻤﺖ ﻋﻠﻰ ﺍﻟﻮﻟﺪ
ﻫﻠﻮ ﺷﻠﻮﻧﻜﻢ
ﻫﻠﻮﺍﺕ ﺍﻧﺘﻲ ﺷﻠﻮﻧﺞ ﺭﺩ ﻋﻤﺮ
ﺷﻠﻮﻥ ﺻﺮﺗﻲ ﺳﺄﻝ ﻋﺰﻳﺰ
ﺷﻠﻮﻧﺞ ﻟﻮﻟﻴﺘﻪ ﺃﺯﺍﺩ ﻛﺎﻝ
ﺯﻳﻨﻪ ﺟﻨﺖ ﻛﻠﺶ ﺗﻌﺒﺎﻧﻪ ﺑﺲ ﻫﺴﻪ ﺻﺮﺕ ﺯﻳﻨﻪ ﺗﺤﺠﻲ ﻭﺗﺒﺎﻭﻋﻠﻲ
ﻣﺸﻴﺖ ﺍﺩﻳﻪ ﻋﻠﻰ ﺷﻌﺮﻱ ﻭﺳﺤﺒﺘﻪ ﻟﻴﻮﺭﻩ ﻭﺍﺑﺘﺴﻤﺖ
ﻭﺍﻟﻮﻟﺪ ﻳﺒﺎﻭﻋﻮﻥ ﻋﻠﻴﻨﻪ ﻭﺷﺎﺭﻛﻴﻦ ﺣﻠﻮﻛﻬﻢ ﻫﻬﻬﻬﻪ
ﻛﺎﻛﺎ ﻋﻠﻲ ﺍﻣﻲ ﻭﻳﻦ
ﻫﺎ ﺑﻠﻤﻄﺒﺦ
ﺗﻤﺎﻡ ﺍﺭﻭﺡ ﺃﺳﺎﻋﺪﻩ ﻣﻦ ﺭﺧﺼﺘﻜﻢ
ﺗﻔﻈﻠﻲ ﻛﺘﻠﻪ
ﺭﺍﺣﺖ ﻟﻴﻠﻰ ﺍﻟﺘﻔﺘﺖ ﻋﻠﻰ ﺍﻟﻮﻟﺪ ﺷﻔﺘﻬﻢ ﻣﺎﻳﻌﻴﻦ ﻭﺍﺣﺪ ﻭﺍﻛﻊ ﻋﻠﻰ ﺍﻟﺜﺎﻧﻲ ﻭﻳﻀﺤﻜﻮﻥ
ﻛﺎﻝ ﻋﺰﻳﺰ ﺑﺸﺮﻓﻜﻢ ﺍﻝ ﻛﺎﻛﺎ ﻣﻦ ﺗﻜﻮﻟﻪ ﻟﻮﻟﻴﺘﻪ ﻣﺜﻞ ﺍﻟﻜﺎﻛﺎ ﺍﻟﻲ ﻳﻜﻮﻟﻪ ﺃﺯﺍﺩ
ﻫﻬﻬﻪ ﻋﻤﺮ .... ﻻ ﻃﺒﻌﺎ ﻫﺎﻱ ﻣﻦ ﺗﻜﻮﻟﻪ ﻋﺒﺎﻟﻚ ﺑﻠﺒﻞ ﻳﻐﺮﺩ
ﻋﺰﻳﺰ ﻭ ﺃﺯﺍﺩ ﻣﻦ ﻳﻜﻮﻟﻪ
ﻋﻤﺮ .... ﻋﺒﺎﻟﻚ ﺣﻤﺎﺭ ﻳﻨﺎﻫﻚ ﻫﻬﻬﻬﻬﻪ
ﺃﺯﺍﺩ ..... ﻛﺎﻛﺎ ﻋﺰﻳﺰ ﻋﻤﺮ ﺍﻧﺎ ﻣﻮ ﻣﺜﻞ ﺍﻟﺤﻤﺎﺭ
ﺍﻧﺎ ﺍﺻﻼ ﺣﻤﺎﺭ ﺑﺼﻔﻪ ﻫﻬﻬﻬﻬﻬﻪ
ﻋﻤﺮ ..... ﻻ ﻋﺎﺏ ﺣﻠﻜﻚ ﺃﺯﺍﺩ
ﻫﺰﻳﺖ ﺍﻳﺪﻱ ﻭﻣﺸﻴﺖ ﻋﻨﻬﻢ ﻭﺍﻧﻲ ﺍﻇﺤﻚ
......
ﺑﻠﻴﻞ ﺻﻌﺪﺕ ﻟﻠﺴﻄﺢ ﺳﻮﻳﺖ ﻣﺜﻞ ﺍﻟﺴﺎﺗﺮ ﺣﺘﻰ ﻧﻜﻌﺪ ﻧﺒﺎﻭﻉ ﻣﻨﻪ ﻋﻠﺸﺎﺭﻉ ﻷﻥ ﻗﺮﺭﻧﻪ ﻧﺒﺪﻱ ﺑﻌﻤﻠﻴﺎﺕ ﺍﺧﺘﻄﺎﻑ ﻭﻗﺘﻞ
ﻧﻜﻌﺪ ﻧﺒﺎﻭﻉ ﻣﻨﻪ ﻋﻠﺸﺎﺭﻉ ﻷﻥ ﻗﺮﺭﻧﻪ ﻧﺒﺪﻱ ﺑﻌﻤﻠﻴﺎﺕ ﺍﺧﺘﻄﺎﻑ ﻭﻗﺘﻞ ﺍﻟﺪﻭﺍﻋﺶ
ﻓﻌﻼ ﺃﻧﺎ ﺍﺳﺘﻠﻤﺖ ﺍﻟﺤﺮﺍﺳﻪ ﻣﻦ ﺍﻟﺴﺎﻋﻪ ﻋﺸﺮﻩ ﺑﻠﻴﻞ ﻟﺤﺪ ﺍﻟﺴﺎﻋﻪ ﺛﻨﺘﻴﻦ ﻣﺎﺷﻔﺖ ﻭﺍﺣﺪ ﻃﺎﻟﻊ ﺑﺮﻩ
ﺍﺳﺘﻠﻢ ﻣﻨﻲ ﻋﻤﺮ ﻭﺍﻧﺎ ﻧﺰﻟﺖ ﺍﻧﺎﻡ
ﺑﻌﺪ ﻋﻤﺮ ﺍﺳﺘﻠﻢ ﻋﺰﻳﺰ
ﺑﻌﺪﻩ ﺃﺯﺍﺩ
ﻟﺤﺪ ﺍﻟﺼﺒﺢ
ﻣﺎﻣﺮ ﺃﻱ ﺩﺍﻋﺸﻲ ﻣﻦ ﻳﻤﻨﻪ
ﺑﻌﺪ ﻛﻢ ﻳﻮﻡ ﺟﻨﺖ ﻻﺯﻡ ﺣﺮﺍﺳﻪ ﻭﺍﺑﺎﻭﻉ ﻟﻠﺸﺎﺭﻉ ﺟﺎﻥ ﺷﻔﺖ ﺳﻴﺎﺭﻩ ﻣﺎﻝ ﺩﻭﺍﻋﺶ ﺩﺧﻠﺖ ﻟﻠﺸﺎﺭﻉ ﻣﺎﻟﺘﻨﻪ
ﺭﻛﻈﺖ ﻧﺰﻟﺖ ﻛﻌﺪﺕ ﺍﻟﻮﻟﺪ ﻛﺘﻠﻬﻢ
ﻭﻟﻜﻢ ﺧﻮﺵ ﺻﻴﺪﻩ ﺍﻛﻌﺪﻭﺍ
ﻃﻠﻌﺖ ﺑﺎﻭﻋﺖ ﻣﻦ ﺍﻟﺤﺎﻳﻂ ﺷﻔﺖ ﺍﻟﺴﻴﺎﺭﻩ ﻭﺻﻠﺖ ﻳﻤﻨﻪ
ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﺭﺍﺳﻲ ﻭﺩﺧﻠﺘﻪ ﺍﺗﻌﻤﺪﺕ ﻳﺸﻮﻓﻮﻧﻲ
ﺻﺪﻙ ﻭﻛﻔﻮﺍ ﺍﻟﺴﻴﺎﺭﻩ ﻭﻧﺰﻟﻮﺍ
ﺩﻛﻮﺍ ﺍﻟﺒﺎﺏ
ﻃﻠﻌﺖ ﺛﻨﻴﻦ ﺩﻭﺍﻋﺶ ﻭﺍﺣﺪ ﺑﻠﺴﻴﺎﺭﻩ
ﻛﺎﻝ ﺷﻌﻨﺪﻙ ﻃﻠﻌﺖ ﺭﺍﺳﻚ ﻭﺭﺟﻌﺘﻪ ﻫﺎ
ﻣﺎﻛﻮ ﺷﻲ ﻫﻴﺞ ﺳﻤﻌﺖ ﺻﻮﺕ ﺳﻴﺎﺭﻩ ﻭﺭﺩﺕ ﺍﺷﻮﻑ ﻣﻨﻮ
ﺑﺲ ﻫﻴﺞ
ﺃﻱ ﺑﺲ ﻫﻴﺞ
ﺯﻳﻦ ﺑﺎﻭﻉ ﺟﻮﻩ ﺍﻟﺒﻴﺖ ﻭﻛﺎﻝ
ﻣﻨﻮ ﻭﻳﺎﻙ ﺑﻠﺒﻴﺖ
ﻟﺰﻣﺖ ﺍﻟﺒﺎﺏ ﻭﻛﺘﻠﻪ ﻣﺎﻛﻮ ﺍﺣﺪ ﺑﺲ ﺍﻫﻠﻲ
ﺣﻚ ﻟﺤﻴﺘﻪ ﻭﺑﺎﻭﻉ ﺍﻟﺼﺎﺣﺒﻪ ﻭﻇﺤﻚ ﻭﻛﻠﻲ
ﻳﻌﻨﻲ ﺯﻭﺟﺘﻚ
ﻻ ﺍﺧﻮﺍﺗﻲ ﺛﻨﻴﻦ ﻟﻴﺶ ﺭﺍﻳﺪ ﺷﻲ
ﻻ ﻣﺎﺭﺍﻳﺪ ﺷﻲ ﺑﺲ ﺍﻧﺖ ﻭﺣﺪﻙ ﻭﻳﺎﻫﻦ ﻟﻮ ﺍﻛﻮ ﺭﺟﺎﻝ ﻏﻴﺮﻙ
ﻻ ﻣﺎﻛﻮﺍ ﺑﺲ ﺃﻧﻲ ﻭﺧﻮﺍﺗﻲ ﺛﻨﻴﻦ
ﺯﻳﻦ ﻻﺯﻡ ﻧﺪﺧﻞ ﻧﻔﺘﺶ ﺍﻟﺒﻴﺖ ﺧﺎﻑ ﻋﺪﻛﻢ ﺍﺳﻠﺤﻪ ﺷﻲ
ﻻ ﻣﺎﻋﻨﺪﻱ ﺷﻲ ﺑﻠﺒﻴﺖ
ﻣﻴﺨﺎﻟﻒ ﻻﺯﻡ ﻧﺸﻮﻑ ﺑﻌﻴﻮﻧﻪ
ﺩﻓﻌﻨﻲ ﻭﺩﺧﻞ ﻟﻠﺒﻴﺖ ﻭﺩﺧﻞ ﻭﺭﻯ ﺍﻟﺜﺎﻧﻲ ﺑﻌﺪ ﻣﺎ ﺃﺷﺮ ﻟﻠﺴﺎﻳﻖ ﻛﻠﻪ ﺗﻌﺎﻝ
ﺩﺧﻞ ﺍﻟﺴﺎﻳﻖ ﻫﻢ ﻭﺭﺍﻫﻢ
ﺟﺎﻥ ﻭﺍﺣﺪ ﻋﺮﺍﻗﻲ ﻭﺛﻨﻴﻦ ﻻ ﻋﺮﺏ
ﺩﺧﻠﻮ ﻟﻠﺼﺎﻟﻪ ﻳﺒﺎﻭﻋﻮﻥ ﻣﻨﺎ ﻭﻣﻨﺎ ﻭﺩﻳﻬﻢ ﻋﻠﻰ ﺳﻼﺣﻬﻢ
ﻛﺎﻟﻮﺍ ﻭﻳﻦ ﺍﻟﻨﺴﻮﺍﻥ ﻧﺎﻳﻤﻪ
ﺃﺷﺮﺕ ﻋﻠﻰ ﻏﺮﻓﺔ ﺍﻟﻮﻟﺪ ﻛﺘﻠﻪ ﻫﻨﺎ
ﺭﺍﺡ ﻳﺮﻳﺪ ﻳﺪﺧﻞ ﺭﻛﻈﺖ ﻭﺭﻯ ﻛﺘﻠﻪ ﻭﻳﻦ ﺭﺍﻳﺢ ﺑﻨﺎﺕ ﻧﺎﻳﻤﺎﺕ ﺷﺘﺮﻳﺪ
ﺑﺴﺮﻋﻪ ﺍﺟﻮ ﺍﻟﺜﻨﻴﻦ ﺟﺘﻔﻮﻧﻲ ﻭﻛﻌﺪﻭﻧﻲ ﻋﻠﻰ ﺍﻟﻜﺮﺳﻲ
ﺩﺧﻞ ﻟﻠﻐﺮﻓﻪ ﻓﺘﺢ ﺍﻟﺒﺎﺏ
ﻭﺟﺎﻥ ﻳﺘﻠﻜﻮﻧﻪ ﺍﻟﻮﻟﺪ
ﺳﺪﻭﺍ ﺣﻠﻜﻪ ﻭﻇﺮﺑﻮﺍ ﻋﻠﻰ ﺭﺍﺳﻪ
ﻭ ﺷﻤﺮﻭﺍ ﺑﻠﻐﺮﻓﻪ
ﺃﻧﻲ ﺳﻮﻳﺖ ﺭﻭﺣﻲ ﺍﺗﻌﺎﺭﻙ ﻭﻳﺎﻫﻢ ﻭﻫﻤﻪ ﻻﺯﻣﻴﻨﻲ ﺣﻴﻞ
ﻛﻤﺖ ﻭﻛﻔﺖ ﻭﺩﺭﺕ ﻭﻇﻬﺮﻱ ﻋﻠﻰ ﺍﻟﻐﺮﻓﻪ
ﻫﻤﻪ ﻫﻢ ﺻﺎﺭ ﻇﻬﻮﺭﻫﻢ ﻋﻠﻰ ﺍﻟﻐﺮﻓﻪ
ﺍﺟﻮﺍ ﺍﻟﻮﻟﺪ ﻣﻦ ﻭﺭﻯ ﻇﺮﺑﻮﻫﻢ
ﻭﻛﻌﻮﺍ ﺑﻠﻜﺎﻉ
......
ﺳﺤﺒﻨﺎﻫﻢ ﻟﻠﻐﺮﻓﻪ ﻓﺮﺷﻨﻪ ﻣﺸﻤﻊ ﺣﺘﻰ ﻣﺘﺘﻮﺳﺦ ﺍﻟﻜﺎﻉ
ﻛﻞ ﻭﺍﺣﺪ ﻃﻠﻘﻪ ﺑﺮﺍﺳﻪ
ﻟﻔﻴﻨﺎﻫﻢ ﺑﺠﺮﺟﻒ ﻭﺷﻠﻨﺎﻫﻢ ﺑﺴﻴﺎﺭﺗﻬﻢ
ﻭﺷﻤﺮﻧﺎﻫﻢ ﺑﻠﺰﺑﺎﻟﻪ
ﺭﺟﻌﻨﻪ ﺑﺴﺮﻋﻪ ﺑﻘﻴﻨﻪ ﻧﺘﻠﻔﺖ ﺗﺄﻛﺪﻧﻪ ﻣﺤﺪ ﺷﺎﻓﻨﻪ
ﺩﺧﻠﻨﻪ ﻟﻠﺒﻴﺖ
ﺣﻞ ﺍﻟﺴﻜﻮﺕ ﻟﺤﺪ ﻣﺎ ﺍﺭﺗﺎﺣﻴﻨﻪ
ﺻﺮﻧﻪ ﻧﻌﻴﺪ ﺑﻠﻲ ﺻﺎﺭ ﻭﻧﻈﺤﻚ
ﺷﻠﻮﻥ ﺩﺧﻠﺘﻬﻢ ﺷﻠﻮﻥ ﺳﻮﻳﺖ ﺭﻭﺣﻲ ﻋﺼﺒﻲ
ﻭﺷﻠﻮﻥ ﻇﺮﺑﻬﻢ ﺍﻟﻮﻟﺪ
ﻋﺒﺎﻟﻚ ﺟﺎﻱ ﻧﺴﻮﻟﻒ ﻓﻠﻢ ﺍﻛﺸﻦ
ﻟﻠﺼﺒﺢ ﻛﻌﺪﻧﻪ ﻧﺘﺼﻨﺖ ﻋﻠﻰ ﺍﻟﺸﺎﺭﻉ ﺍﻟﺤﺮﻛﻪ ﻃﺒﻴﻌﻴﻪ ﻣﺎﻛﻮﺍ ﺷﻲ
ﺍﻟﻀﺎﻫﺮ ﺑﻌﺪﻫﻢ ﻣﺎ ﻟﻜﻮﻫﻢ
ﺑﻠﻴﻞ ﺑﻌﺪ ﺍﻟﻌﺸﻪ ﻛﺘﻠﻬﻢ
ﻳﻠﻠﻪ ﺍﺧﻮﺗﻲ ﻣﺎﻭﺻﻴﻜﻢ ﻣﺎﺭﻳﺪ ﺟﺮﻳﺪﻱ ﻳﻤﺮ ﻣﻨﺎ
ﺗﺪﻟﻞ ﻋﻼﻭﻱ
ﺍﺧﻮﺗﻲ ﺍﻟﻨﺎﺱ ﻓﺎﺗﺤﻴﻠﻨﻪ ﺑﻴﺘﻬﻢ ﻭﻣﺄﻣﻨﻴﻦ ﺑﻴﻨﻪ ﻻﺯﻡ ﻧﺤﺎﻣﻴﻬﻢ
ﺗﺪﻟﻞ ﺧﻴﻲ
ﻋﻔﻴﻪ ﺑﻴﻜﻢ ﺃﻧﻲ ﺭﺍﺡ ﺍﺻﻌﺪ ﻟﻠﺴﻄﺢ ﻭﺍﻧﺘﻮ ﻓﺘﺤﻮ ﻋﻴﻮﻧﻜﻢ ﻋﺪﻝ
ﺩﺧﻠﺖ ﻟﻠﺒﻴﺖ ﺻﻌﺪﺕ ﻟﻠﺴﻄﺢ ﺟﺎﻥ ﺍﻟﺠﻮ ﺣﻠﻮ ﺍﻟﺴﻤﺎ ﺻﺎﻓﻴﻪ ﻭﺍﻟﻨﺠﻮﻡ ﻣﻄﺸﺮﻩ ﻣﺜﻞ ﺣﺒﺎﺕ ﺳﺒﺤﻪ
ﻟﺰﻣﺖ ﺳﻼﺣﻲ ﻭﻛﻌﺪﺕ ﺑﻠﺴﺎﺗﺮ ﺍﻟﻲ ﺳﻮﻳﻨﺎ ﺣﺘﻪ ﻧﺮﺍﻗﺐ ﺍﻟﻄﺮﻳﻖ
ﻋﻴﻨﻲ ﻋﻞ ﺍﻟﺸﺎﺭﻉ ﺍﻟﺒﻴﺖ ﺻﺎﻳﺮ ﺭﺃﺱ ﻓﺮﻉ ﺭﻛﻦ ﻻﺯﻡ ﺍﺑﺎﻭﻉ ﺍﻟﻬﻦ
ﺳﻤﻌﺖ ﻭﺭﺍﻱ ﺣﺮﻛﻪ ﺍﻟﺘﻔﺘﺖ ﺑﺴﺮﻋﻪ
ﺷﻔﺖ ﺍﻟﺴﻬﻢ ﺍﻟﺼﻮﺏ ﻛﻠﺒﻲ
ﺑﻄﻮﻟﻪ ﺍﻟﻔﺎﺭﻉ ﻭﺭﺷﺎﻗﺘﻬﻪ ﻭﺑﻴﺎﺿﻪ ﺍﻟﻲ ﻣﺜﻞ ﺑﻴﺎﺽ ﺍﻟﻌﻴﻦ ﺻﺎﻓﻲ ﻭﺷﻌﺮﻩ ﺍﻷﺳﻮﺩ ﺍﻟﻮﺍﺻﻞ ﻟﺤﺪ ﺭﻛﺒﻪ ﻻﺑﺴﻪ ﺛﻮﺏ ﺍﺣﻤﺮ ﻋﻠﻴﻪ ﻣﺜﻞ ﺍﻟﻴﻠﻚ ﻭﻻﻓﻪ ﻋﻞ ﺭﺍﺳﻪ ﺷﺎﻝ ﺍﻟﻄﺎﻟﻊ ﻣﻦ ﺷﻌﺮﻫﻪ ﺍﻛﺜﺮ ﻣﻦ ﺍﻟﻤﻈﻤﻮﻡ ﺭﻳﺤﺘﻪ ﺍﻟﻲ ﺩﺧﻠﺖ ﺍﻟﺨﺸﻤﻲ ﺃﻋﻠﻨﺖ ﻋﻦ ﺣﻈﻮﺭﻫﻪ ﻗﺒﻞ ﻻ ﺍﺳﻤﻊ ﺻﻮﺗﻪ
ﺍﻭﻭﻭﻭﻭﻭﻑ ﻟﻴﻠﻰ ﻣﻮﺗﻨﻲ ﻋﻄﺮﺝ ﻣﺎﻋﺮﻑ ﻛﻞ ﺍﻟﻨﺎﺱ ﺗﺸﺘﻢ ﻋﻄﺮﻫﻪ ﻟﻮ ﺑﺲ ﺍﻧﻲ ﻣﺪﻭﺧﻨﻲ
ﻛﺎﻛﺎ ﺃﺧﺬ ﻫﺬﺍ ﺷﺮﺍﺏ ﺍﻟﺴﻮﺱ ﺍﻣﻲ ﺩﺯﻩ ﺍﻟﻚ
ﻫﻬﻬﻪ ﻛﺎﻛﺎ ﺣﻠﻮﻩ ﻣﻨﺞ ﻟﻴﻠﻰ ﺗﺤﺠﻲ ﻋﺮﺑﻲ ﻣﻜﺴﺮ
ﺍﻑ ﻣﻴﺖ ﻣﺮﻩ ﻛﻠﺖ ﺍﻟﻚ ﺍﺳﻤﻲ ﻟﻮﻟﻴﺘﺎ ﻣﺶ ﻟﻴﻠﻰ
ﻭﺍﻧﺎ ﻣﻴﺖ ﻣﺮﻩ ﻛﺘﻠﺞ ﻣﺎﺣﺐ ﺍﺳﻢ ﻟﻮﻟﻴﺘﺎ ﻟﻴﻠﻰ ﺍﺣﻠﻰ
ﺍﻧﺘﻲ ﻛﺎﻛﺎ ﻣﺰﻋﺞ
ﻫﻬﻬﻬﻪ ﻓﺪﻳﺘﻪ ﺍﻟﻤﺰﻋﻮﺝ ﻣﻨﻲ
ﺍﻛﻠﺞ ﻫﺬﺍ ﺍﻟﺸﺮﺍﺏ ﺧﻮ ﻣﺎ ﻳﺴﻜﺮ ﺍﺣﺠﻲ ﻭﺍﻧﻲ ﺍﺷﺮﺏ ﺑﻠﺸﺮﺍﺏ
ﺷﻨﻮ ﻣﺴﻜﺮ ﺷﻨﻮ
ﻳﻌﻨﻲ ﺧﻤﺮ
ﻫﺎ ﻻ ﻻ ﻣﺎ ﺑﻴﻪ ﺧﻤﺮ
ﻣﺸﺖ ﺧﻄﻮﺍﺕ ﺻﺤﺖ ﻭﺭﺍﻫﻪ
ﻟﻴﻠﻰ
ﺍﻑ ﻧﻌﻢ
ﺩﺯﻳﺘﻲ ﺷﺮﺍﺏ ﻟﻠﻮﻟﺪ ﺍﻟﺠﻮﻩ
ﻻ ﻫﺴﻪ ﺍﻭﺩﻱ
ﻻ ﺍﻭﻛﻔﻲ ﺃﻧﻲ ﺍﺧﺬﻩ ﻣﻤﻨﻮﻉ ﺍﻧﺘﻲ ﺗﻄﻠﻌﻴﻦ
ﺗﺨﺼﺮﺕ ﻭﻫﻴﻪ ﻣﺰﻋﻮﺟﻪ ﻭﺗﻘﺮﺑﺖ ﻣﻨﻲ ﺻﺎﺭ ﺍﻟﻔﺎﺭﻕ ﺑﻴﻨﻪ ﻗﺪ ﻳﻜﻮﻥ ﻣﻌﺪﻭﻡ
ﻭﻋﻴﻮﻧﻪ ﺗﺠﺪﺡ ﻧﺎﺭ ﻭﻋﻴﻮﻧﻪ ﺍﻟﺨﻈﺮ ﺗﺠﺪﺡ ﺷﺮﺍﺭ
ﻟﻴﺶ ﻣﺎ ﺍﺭﻭﺡ ﺃﻧﻲ ﺷﻨﻮ ﺍﻧﺘﺎ ﺷﻌﻠﻴﻚ ﻛﺎﻛﺎ
ﻣﻤﻨﻮﻉ ﺗﻄﻠﻌﻴﻦ ﻭﻳﺸﻮﻓﻮﺝ ﺍﺣﺠﻲ ﻛﻮﻩ ﺍﺭﺗﺒﻜﺖ ﻣﻦ ﻗﺮﺑﻪ ﻋﻠﻴﻪ ﺃﻧﻲ ﻣﻦ ﺑﻌﻴﺪ ﻭﺿﺎﻳﻊ ﺑﻴﻬﻪ ﻣﻮ ﺑﻬﻠﻘﺮﺏ
ﺭﺍﺩﺕ ﺗﻤﺸﻲ ﺻﺎﺭ ﺭﻣﻲ ﻗﻮﻱ
ﻓﺰﺕ ﻭﺍﺭﺗﻤﺖ ﻋﻞ ﺻﺪﺭﻱ
ﺣﻈﻨﺘﻬﻪ ﺑﻴﻦ ﻇﻠﻮﻋﻲ ﻣﺎﺭﺩﺕ ﻫﻞ ﻟﺤﻈﻪ ﺗﺮﻭﺡ ﻣﺤﺎﻭﻃﺘﻨﻲ ﺑﺄﺩﻳﻬﻪ ﻭﺗﺮﺟﻒ
ﻭﺍﻧﺎ ﺍﻟﻔﺮﺣﻪ ﻣﺎﺳﺎﻳﻌﺘﻨﻲ ﺗﻤﻨﻴﺖ ﺍﻟﺮﻣﻲ ﻣﺎﻳﻮﻛﻒ ﺍﺑﺪ
ﻟﺤﻈﺎﺕ ﻫﻴﻪ ﺑﺲ ﺣﺴﻴﺖ ﺗﻮﻗﻒ ﻋﺪﻩ ﺍﻟﺰﻣﺎﻥ ﻭﺻﺎﺭﺕ
ﺍﻳﺎﻡ ﻻ ﺗﺤﺘﺴﺐ
ﺃﻳﺎﻡ ﻣﺘﻨﺤﺴﺐ ﻣﻦ ﻋﻤﺮﻱ ﺣﺴﻴﺖ ﻣﻠﻜﺖ ﺍﻟﺪﻧﻴﻪ ﺑﻴﻦ ﺍﺩﻳﻪ
ﺫﺑﺖ ﺑﻴﻪ ﻭﺫﺍﺑﺖ ﺑﻴﻪ
ﺣﺴﻴﺘﻪ ﻫﻴﻪ ﻫﻢ ﻧﺴﺖ ﺍﻟﺪﻧﻴﻪ ﻭﺑﻘﺖ ﻣﺎﺳﻜﻪ ﺑﻴﻪ
ﻣﻮ ﺧﻮﻑ ﻣﻦ ﺍﻟﺮﻣﻲ ﻻ ﺣﺴﻴﺘﻪ ﺣﺒﺔ ﻗﺮﺑﻲ
ﺩﻗﺎﻳﻖ ﻣﻮ ﻫﻮﺍﻱ ﻭﺗﻮﻗﻒ ﺍﻟﺮﻣﻲ
ﺑﺲ ﺍﻟﻐﺮﻳﺐ ﻣﺎﺑﻌﺪﺕ ﻋﻨﻲ ﺭﻏﻢ ﺍﻟﺮﻣﻲ ﺗﻮﻗﻒ
ﺷﺪﺩﺕ ﻗﺒﻈﺘﻲ ﻋﻠﻰ ﺧﺼﺮﻩ
ﻭﺑﻘﻴﺖ ﺍﺗﻨﻔﺲ ﻋﻄﺮﻫﻪ
ﻟﻮﻟﻴﺘﻪ ...... ﺃﻧﻲ ﺑﻨﻴﻪ ﺍﺯﻳﺪﻳﻪ ﻋﺸﺖ ﺣﻴﺎﺗﻲ ﺑﺮﺍﺣﻪ ﻭﻧﻌﻴﻢ ﻭﻳﻪ ﺑﺎﺑﺎ ﻭﻣﺎﻣﺎ
ﺍﻟﻲ ﻧﻐﺺ ﺣﻴﺎﺗﻲ ﺑﺲ ﻣﻮﺗﺖ ﺍﺧﻮﻳﻪ ﺯﻳﺪ
ﺭﻏﻢ ﻛﺪﺭﻧﻪ ﻧﺘﺠﺎﻭﺯ ﺣﺰﻧﻪ ﺑﺲ ﻳﺒﻘﻰ ﺍﻟﻢ ﻓﺮﺍﻗﻪ ﻣﺮﺍﺡ
ﻋﺸﺖ ﺣﻴﺎﺗﻲ ﺃﺣﻠﻢ ﺑﺰﻭﺟﻲ ﺍﻟﻤﺴﺘﻘﺒﻠﻲ ﺍﻟﻲ ﺭﺍﺡ ﻳﻜﻮﻥ ﺃﻛﻴﺪ ﻳﺸﺒﻪ ﺑﺎﺑﺎ
ﺣﻨﻮﻥ ﻭﻣﺤﺒﻮﺏ
ﺑﻴﻮﻡ ﺍﻟﻲ ﺩﺧﻠﻮﺍ ﺩﺍﻋﺶ ﻋﻠﻴﻨﻪ ﺑﺎﺑﺎ ﻛﺎﻥ ﺧﺎﻳﻒ ﺑﺲ ﻣﺎ ﻓﻬﻤﺖ ﺧﻮﻓﻪ ﻋﻠﻰ ﺷﻨﻮ ﺇﻟﻰ ﺃﻥ ﺩﺧﻠﻮ ﻋﻠﻴﻨﻪ ﻟﻠﺒﻴﺖ
ﻗﺘﻠﻮﺍ ﺑﺎﺑﺎ ﻛﺪﺍﻣﻲ
ﻭﺍﺧﺬﻧﻪ ﺳﺒﺎﻳﻪ
ﺑﻘﻴﻨﻪ ﻋﺪﻫﻢ ﻛﻢ ﻳﻮﻡ ﺷﻔﻨﻪ ﺍﻟﻤﻮﺕ
ﺷﻔﺖ ﻧﺴﺎﺀ ﺗﻨﻘﺘﻞ ﺑﺪﻡ ﺑﺎﺭﺩ
ﻭﺷﻔﺖ ﺷﺎﺑﺎﺕ ﻳﺴﺤﺒﻮﻫﻦ ﻣﻦ ﺑﻴﻦ ﺍﺩﻳﻦ ﺍﻣﻬﻦ ﻭﻣﺎﻋﺮﻑ ﺷﻨﻮ ﻣﺼﻴﺮﻫﻦ
ﺇﻟﻰ ﺃﻥ ﺍﻣﻲ ﻛﺪﺭﺕ ﺗﻬﺰﻣﻨﻪ ﻣﻦ ﺍﺩﻳﻬﻢ
ﻭﺗﻼﻛﻴﻨﻪ ﻭﻳﻪ ﺷﺒﺎﺏ ﺍﻗﻞ ﻣﺎ ﻳﻨﻜﺎﻝ ﻋﻠﻴﻬﻢ ﺍﻫﻞ ﻏﻴﺮﻩ ﻭﻋﺰﻳﻤﻪ
ﺳﺎﻋﺪﻭﻧﻪ ﻭﻛﺘﻠﻮﺍ ﺍﻟﻲ ﺟﺎﻧﻮ ﻳﺮﻛﻈﻮﻥ ﻭﺭﺍﻧﻪ
ﻭﺭﺣﻨﻪ ﻭﻳﺎﻫﻢ
ﺑﻘﻴﻨﻪ ﻋﺎﻳﺸﻴﻦ ﺑﻴﺖ ﻭﺍﺣﺪ ﺣﺴﺴﻮﻧﻪ ﺍﺣﻨﻪ ﺍﺧﻮﻩ
ﺍﺑﺪ ﻣﺎﻛﻮ ﺗﻔﺮﻗﻪ ﺑﻴﻦ ﺍﺯﻳﺪﻱ ﻭﻣﺴﻴﺤﻲ ﻭﺳﻨﻲ ﻭﺷﻴﻌﻲ
ﺷﻔﺘﻬﻢ ﺷﻠﻮﻥ ﻳﺘﻌﺎﻣﻠﻮﻥ ﻣﻊ ﺑﻌﻆ
ﻓﻌﻼ ﺍﻟﻲ ﻳﺸﻮﻓﻬﻢ ﻳﻌﺮﻑ ﺍﻟﻌﺮﺍﻕ ﺑﻌﺪﻩ ﺑﺨﻴﺮ
ﺑﺲ ﺟﺎﻥ ﺍﻛﻮ ﻭﺍﺣﺪ ﺑﻴﻬﻢ ﻣﺎﻋﺮﻑ ﻟﻴﺶ ﺣﺴﻴﺘﻪ ﻣﻤﻴﺰ
ﺣﺘﻰ ﺑﻨﻀﺮﺗﻪ ﺍﻟﻲ
ﻛﺎﻥ ﻳﺒﺎﻭﻋﻠﻲ ﺑﺤﻨﻴﺔ ﺑﺎﺑﺎ
ﻭﻳﻌﺎﻣﻠﻨﻲ ﺑﺤﺐ ﺑﺎﺑﺎ ﺍﻟﻲ ﺍﻓﺘﻘﺪﺗﻪ
ﺻﺢ ﻣﺮﺍﺕ ﻳﻐﺜﺚ ﻋﻠﻴﻪ ﺑﺲ ﺑﻌﺪﻳﻦ ﻳﻐﻤﺮﻧﻲ ﺑﺤﺒﻪ
ﻣﺎﻋﺮﻑ ﻫﻮ ﻫﺬﺍ ﺍﻟﺤﺐ ﻟﻮ ﺃﻧﻲ ﻣﺘﻮﻫﻤﻪ
ﻣﺎﻣﺎ ﺍﻧﺘﺒﺔ ﻋﻠﻴﻪ ﻭﺣﺬﺭﺗﻨﻲ ﺍﻥ ﺍﺣﺒﻪ ﻷﻥ ﻫﻮ ﺭﻏﻢ ﻛﻠﺸﻲ ﻣﺴﻠﻢ
ﻭﺍﻟﻤﺴﻠﻢ ﻋﺪﻫﻢ ﺣﺮﺍﻡ ﻳﺘﺰﻭﺝ ﻣﻦ ﻏﻴﺮ ﻃﺎﺋﻔﻪ
ﻋﻘﻠﻲ ﺍﻗﺘﻨﻊ ﺑﺤﺠﻲ ﻣﺎﻣﺎ ﺑﺲ ﻛﻠﺒﻲ ﺷﻠﻮﻥ ﺍﻟﻲ ﺻﺎﺭ ﻣﺘﻌﻠﻖ ﺑﻴﻪ ﻭﺑﻨﻈﺮﺍﺗﻪ
ﺑﻴﻮﻡ ﺻﻌﺪﺕ ﻭﺩﻳﺖ ﺍﻟﻪ ﺷﺮﺍﺏ ﺍﻟﺴﻮﺱ ﺍﻟﻲ ﺳﻮﺗﻪ ﻣﺎﻣﺎ
ﺍﺗﻌﻤﺪﺕ ﺍﺑﻘﻪ ﺍﺳﻮﻟﻒ ﻭﻳﺎ
ﻟﺤﺪ ﻣﺎ ﺻﺎﺭ ﻇﺮﺏ ﺑﺪﻭﻥ ﺗﻔﻜﻴﺮ ﺭﻛﻈﺖ ﻋﻠﻰ ﺣﻈﻨﻪ
ﺣﺎﻭﻃﻨﻲ ﺑﻴﻦ ﺍﺩﻳﻪ
ﺣﺴﻴﺖ ﺑﺄﻣﺎﻥ
ﺑﻌﺪ ﺣﺘﻰ ﺍﻟﻈﺮﺏ ﻣﺎ ﺍﺳﻤﻌﻪ
ﺻﺮﺕ ﺍﺳﻤﻊ ﻧﺒﻀﺎﺕ ﻗﻠﺒﻪ ﻣﺜﻞ ﺳﻤﻌﺖ ﺍﻏﻨﻴﺔ ﻛﺎﻇﻢ ﺍﻟﺴﺎﻫﺮ
ﺯﻳﺪﻳﻨﻲ ﻋﺸﻘﺎ ﺯﻳﺪﻳﻨﻲ
ﻳﺎ ﺍﻏﻠﻰ ﻧﻮﺑﺎﺕ ﺟﻨﻮﻧﻲ ﺯﻳﺪﻳﻨﻲ
ﻳﺎ ﺍﻏﻠﻰ ﺍﻣﺮﺃﺓ ﺑﻴﻦ ﻧﺴﺎﺀ ﺍﻟﻜﻮﻥ ﺍﺣﺒﻴﻨﻲ
ﻳﺎﻣﻦ ﺃﺣﺒﺒﺘﻚ ﺣﺘﻰ ﺍﺣﺘﺮﻕ ﺍﻟﺤﺐ ﺍﺣﺒﻴﻨﻲ
ﺍﻥ ﻛﻨﺖ ﺗﺮﻳﺪﻳﻦ ﺍﻟﺴﻜﻨﻰ
ﺍﺳﻜﻨﺘﻚ ﻓﻲ ﺿﻮﺀ ﻋﻴﻮﻧﻲ
ﻓﺠﺌﻪ ﺳﻤﻌﻨﻪ ﺻﻮﺕ ﻭﺭﺍﻧﻪ
ﻓﺰﻳﻨﻪ ﺛﻨﻴﻨﻪ ﻭﻧﺸﻮﻑ ﻛﺪﺍﻣﻨﻪ ؟؟؟؟؟؟
.......
ﻣﺴﺎﺀ ﺍﻟﻔﻞ
ﺍﻟﺘﻔﺘﺖ ﺷﻔﺖ ﻋﺰﻳﺰ ﻣﺒﺘﺴﻢ ﻭﻣﺪﻧﻚ
ﺑﺲ ﻟﻮﻟﻴﺘﺎ ﺭﺍﻳﺪﺗﺞ ﺍﻣﺞ ﻳﺤﺠﻲ ﻭﻣﻴﺒﺎﻭﻉ ﻋﻠﻴﻨﻪ
ﺩﻧﻜﺖ ﻭﺭﺍﺣﺖ ﻟﻴﻠﻰ ﺑﺪﻭﻥ ﻣﺘﺤﺠﻲ
ﺍﻟﺘﻔﺖ ﻋﻠﻴﻪ ﻭﻫﻮ ﻣﺒﺘﺴﻢ ﻛﻠﻲ
ﻫﺎ ﺧﻮﻳﻪ ﺷﻨﻲ ﺍﻟﺴﺎﻟﻔﻪ ﻟﻮ ﻣﺎ ﺍﻋﺮﻓﻚ ﻭﺍﻋﺮﻑ ﺍﺧﻼﻗﻚ ﺟﺎﻥ ﺷﻜﻴﺖ ﺑﻴﻚ
ﺣﻘﻚ ﻭﺍﻟﻠﻪ ﺑﺲ ﺻﺪﻛﻨﻲ ﻣﻮ ﻣﺜﻞ ﻣﺎ ﺍﻓﺘﻬﻤﺖ
ﻣﻮ ﻣﻬﻢ ﺍﻓﺘﻬﻢ ﺃﻧﻲ ﺑﺲ ﺍﻟﻤﻬﻢ ﺍﻧﺖ ﺗﻔﺘﻬﻢ
ﻳﺨﻮﻱ ﺍﺣﻨﻪ ﻧﺎﺱ ﻋﻤﺮﻧﻪ ﻣﺎﻧﻌﺮﻑ ﻋﻠﻰ ﺳﺎﻋﻪ ﻭﻳﺨﻠﺺ
ﻭﺣﺘﻰ ﻫﻴﻪ ﻣﺎﻧﻌﺮﻑ ﺭﺍﺡ ﺗﻮﺻﻞ ﺍﻟﺒﺮ ﺍﻷﻣﺎﻥ ﻟﻮ ﻻ
ﻭﻟﻬﻞ ﺳﺒﺐ ﻻﺯﻡ ﺗﺎﺧﺪ ﺣﺬﺭﻙ ﻭﻻ ﺗﺄﻣﻞ ﺍﻟﺒﻨﻴﻪ
ﺟﺮﻳﺖ ﺣﺴﺮﻩ ﻭﻛﺘﻠﻪ
ﺃﻭﻭﻭﻭﻭﻑ ﺻﺢ ﻛﻼﻣﻚ ﻭﺣﺘﻰ ﻟﻮ ﺍﻛﻮ ﺃﻣﻞ ﻣﺴﺘﺤﻴﻞ ﺗﻜﻮﻥ ﺍﻟﻲ ﺑﺲ ﻭﺍﻟﻠﻪ ﻣﺎﺟﺎﻱ ﺍﺗﻌﻤﺪ
ﺍﻗﺘﺮﺏ ﻣﻨﻪ ﻫﻴﻪ ﺍﻟﺼﺪﻓﻪ ﺗﺼﻴﺮ
ﺷﻮﻑ ﺧﻮﻳﻪ ﺗﺮﻩ ﻣﻮ ﺍﻟﺪﻳﺎﻧﻪ ﺍﻟﻲ ﺗﻌﻴﻖ ﻓﺮﺣﺘﻚ ﻷﻥ ﺍﻛﻮ ﻫﻮﺍﻱ ﺍﺯﻳﺪﻳﺎﺕ ﺍﺳﻠﻤﻦ ﻭﺗﺰﻭﺟﻦ ﻣﺴﻠﻤﻴﻦ
ﺑﺲ ﺍﻟﻤﺸﻜﻠﻪ ﺍﺣﻨﻪ ﺑﻈﺮﻑ ﺻﻌﺐ ﻛﻠﺶ
ﻭﻋﻴﻨﻚ ﺗﺸﻮﻑ ﻳﺎﺳﺎﻋﻪ ﻭﻳﻠﻜﻔﻮﻧﻪ ﺍﻟﺪﻭﺍﻋﺶ
ﻭﺍﺫﺍ ﺍﻟﻠﻪ ﻛﺘﺐ ﻟﻠﺒﻨﻴﻪ ﺍﻟﻨﺠﺎﺕ ﻣﺎﺗﻌﺮﻑ ﺷﻨﻮ ﺍﻟﻲ ﺭﺍﺡ ﻳﺼﻴﺮ ﻭﻳﺎﻫﻪ
ﻫﺰﻳﺖ ﺭﺍﺳﻲ ﻣﺄﻛﺪ ﺣﺠﻴﻪ
ﺻﺢ ﻛﻼﻣﻚ ﺃﻧﻲ ﺍﺳﻒ ﺍﺣﺎﻭﻝ ﺍﺑﺘﻌﺪ ﻋﻨﻪ
ﻻ ﻻ ﻟﻴﺶ ﻋﻼﻭﻱ ﺍﻧﺖ ﺗﺤﺒﻪ ﺃﻧﻲ ﻣﺘﺄﻛﺪ ﺍﻟﻲ ﺃﻃﻠﺒﻪ ﻣﻨﻚ ﻻ ﺗﺒﺘﻌﺪ ﺑﺲ ﺣﺎﻭﻝ ﻣﺎﺗﺨﻠﻴﻪ ﺗﺘﻌﻠﻖ ﺑﻴﻚ ﺍﻛﺜﺮ
ﺍﺷﻜﺮﻙ ﻋﺰﻳﺰ
ﺗﺪﻟﻞ ﺧﻴﻲ ﻳﻠﻠﻪ ﻫﺴﻪ ﺍﻧﺎ ﺭﺍﺡ ﺍﻧﺰﻝ ﺑﻌﺪ ﻓﺪ ﺳﺎﻋﻪ ﻭﺍﺻﻌﺪ ﺍﺑﻤﻜﺎﻧﻚ
ﺗﻤﺎﻡ
ﻧﺰﻝ ﻋﺰﻳﺰ ﻭﺍﻧﺎ ﺑﻘﻴﺖ ﺍﻓﻜﺮ ﺑﺤﺠﻲ ﻋﺰﻳﺰ
ﺻﺢ ﻻﺯﻡ ﻣﺎ ﺍﺧﻠﻴﻪ ﺗﺘﻌﻠﻖ ﺑﻴﻪ ﻟﻮ ﻣﺘﺖ ﺷﻠﻮﻥ ﺑﻴﻬﻪ
ﺧﻄﻴﻪ ﺍﺣﺎﻭﻝ ﺍﺑﺘﻌﺪ ﻋﻨﻪ
ﺛﺎﻧﻲ ﻳﻮﻡ ﺟﺎﻥ ﻳﻮﻡ ﻛﻠﺶ ﻣﺘﻌﺐ
ﻣﺎﻋﺮﻑ ﺍﻟﺠﻮ ﻛﺌﻴﺐ ﺑﺮﻩ ﺍﻟﺸﺎﺭﻉ ﻧﺤﺴﻪ ﻣﺤﺘﺮﻙ ﺳﻴﺎﺭﺍﺕ ﺍﻟﺪﻭﺍﻋﺶ ﺗﻔﺘﺮ
ﻭﺳﻤﺎﻋﺎﺕ ﻳﺼﻴﺤﻮﻥ ﺑﻴﻬﻦ
ﻟﻮ ﻻﺯﻣﻴﻦ ﺷﺒﺎﺏ ﻣﻦ ﺍﻟﺠﻴﺶ ﻭﻟﺤﺸﺪ
ﻟﻮ ﻭﺍﺣﺪ ﻣﺨﺎﻟﻒ ﻭﻳﺮﺩﻭﻥ ﻳﻄﺒﻘﻮﻥ ﻋﻠﻴﻪ ﺍﻟﺤﺪ
ﻧﺎﺱ ﺷﺎﻳﻠﻪ ﻣﺨﺎﻓﺔ ﺍﻟﻠﻪ ﻣﻦ ﺑﻴﻦ ﻋﻴﻮﻧﻬﻪ
ﺍﺣﻨﻪ ﺑﻠﺒﻴﺖ ﻛﺎﻋﺪﻳﻦ ﻛﺘﻠﻬﻢ
ﻳﻮﻟﺪ ﺍﺭﻳﺪ ﺍﻃﻠﻊ ﻣﻨﺎ ﺷﻠﻮﻥ
ﻭﻳﻦ ﺗﺮﻭﺡ ﻛﺎﻝ ﺃﺯﺍﺩ
ﻋﺰﻳﺰ ﻛﺎﻝ ﻟﻠﺠﺎﻧﺐ ﺍﻷﻳﻤﻦ
ﺃﻱ ﻻﺯﻡ ﺍﺭﻭﺡ ﺍﺭﻳﺪ ﺍﺳﺌﻞ ﻋﻠﻰ ﺍﺧﻮﻱ
ﺃﻧﻲ ﺍﺭﻭﺡ ﻭﻳﺎﻙ ﻛﺎﻝ ﻋﻤﺮ
ﻭﺍﻧﻲ ﻫﻢ ﻛﺎﻛﺎ
ﻻ ﺃﺯﺍﺩ ﻻﺯﻡ ﺗﺒﻘﻮﻥ ﻫﻨﺎ ﺍﻧﺖ ﻭﻋﺰﻳﺰ ﺃﻡ ﺯﻳﺪ ﻣﻨﻮ ﺃﻟﻬﻪ
ﺑﺲ ﺍﻧﺖ ﺷﻠﻮﻥ ﺗﺮﻭﺡ ﻭﺣﺪﻙ
ﺃﻧﺎ ﻭﻋﻤﺮ ﻧﺮﻭﺡ ﻭﻫﻮ ﻳﻨﺪﻝ ﺑﻠﻤﻮﺻﻞ ﻭﺍﻧﺘﻮ ﺍﻧﺘﻈﺮﻭﻧﻪ ﻧﺮﺟﻊ ﺍﻟﻜﻢ
ﺷﻮﻛﺖ ﺗﻄﻠﻌﻮﻥ ﺳﺄﻝ ﻋﺰﻳﺰ
ﻣﺎﻋﺮﻑ ﺧﻠﻮﻧﻪ ﻛﻢ ﻳﻮﻡ ﻭﻧﻄﻠﻊ ﻛﻌﺪﺗﻨﻪ ﻫﻨﺎ ﺻﺎﺭﺕ ﻃﻮﻳﻠﻪ ﻟﺸﻮﻛﺖ ﻧﺒﻘﻰ ﻫﻨﺎ
ﺻﺢ ﻛﻼﻣﻚ ﺃﻧﻲ ﻟﻮ ﻣﻮ ﺍﻧﺘﻮ ﻣﻦ ﺯﻣﺎﻥ ﻃﻠﻌﺖ ﺭﺣﺖ ﻟﻬﻠﻲ ﺑﺲ ﻋﻠﻰ ﻣﻮﺩﻛﻢ ﺑﺎﻗﻲ ﻧﺘﺮ ﻋﻤﺮ
.....
ﻟﻠﻌﺼﺮ ﺍﻟﺪﻧﻴﻪ ﻇﻮﺟﻪ ﻛﻠﺶ ﻣﺤﺼﻮﺭﻳﻦ ﺑﻠﺒﻴﺖ
ﻻ ﻧﻜﺪﺭ ﻧﻄﻠﻊ ﻟﻠﺤﺪﻳﻘﻪ
ﻻ ﻧﻜﺪﺭ ﻧﺴﻮﻟﻒ ﺑﺼﻮﺕ
ﺣﺘﻰ ﺍﻟﻤﺸﻲ ﻣﺎﻧﻤﺸﻲ ﻋﻠﻰ ﻃﻮﻟﻨﻪ ﻛﻠﺶ ﺍﺣﺘﺼﺮﺕ ﻛﻠﺶ
ﺭﺟﻌﺖ ﻟﻠﻮﻟﺪ ﻛﺘﻠﻬﻢ
ﺍﻟﻴﻮﻡ ﺍﻃﻠﻊ ﻣﻨﺎ
ﺷﻠﻮﻥ ﻣﻮ ﻛﻠﺖ ﺑﻌﺪ ﻛﻢ ﻳﻮﻡ ﻧﺘﺮ ﻋﺰﻳﺰ
ﻻ ﻳﺨﻮﻱ ﻛﻠﺒﻲ ﻣﻘﺒﻮﻅ ﻻﺯﻡ ﺍﺭﻭﺡ
ﻋﻤﺮ ..... ﻫﺎ ﻧﺪﻫﺘﻚ ﺍﻟﻨﺪﺍﻫﻪ ﻫﻬﻬﻪ
ﻭﺍﻟﻠﻪ ﺍﻧﺘﻮ ﺗﺪﺭﻭﻥ ﺑﻴﻪ ﻟﻮ ﺻﻤﻤﺖ ﻋﻠﻰ ﺷﻲ ﻻﺯﻡ ﺍﺳﻮﻱ
ﻭﻻﺯﻡ ﺍﻃﻠﻊ ﺑﻠﻴﻞ
ﻻ ﺧﻠﻴﻪ ﺍﻟﺒﺎﺟﺮ ﺑﻠﻴﻞ ﻧﻄﻠﻊ ﺍﻧﺎ ﻭﻳﺎﻙ
ﻟﻴﺶ ﺑﺎﺟﺮ
ﺍﺣﺴﻦ ﺑﺎﺟﺮ ﻧﺘﻮﻛﻞ
ﺧﻮﺵ ﺑﺲ ﻣﺎ ﺍﺑﻘﻪ ﺍﻛﺜﺮ
ﻻ ﺃﻧﻲ ﻫﻢ ﻛﻠﺒﻲ ﻃﻚ ﻋﻠﻰ ﻫﻠﻲ
ﺗﻌﺸﻴﻨﻪ ﻭﺻﻌﺪﺕ ﻟﻠﺴﻄﺢ ﻻﺯﻡ ﺳﻼﺣﻲ ﻭﻋﻴﻨﻲ ﻋﻠﻰ ﺍﻟﺸﺎﺭﻉ
ﺳﻤﻌﺖ ﺧﻄﻮﺍﺕ ﻋﻠﻰ ﺍﻟﺪﺭﺝ
ﻛﻠﺒﻲ ﺩﻙ ﻋﺮﻓﺘﻪ ﻟﻴﻠﻰ
ﻣﺎ ﺍﻟﺘﻔﺖ ﻋﻠﻴﻪ ﻛﻠﺖ ﺑﻠﺠﻦ ﺗﻨﺰﻝ ﻣﺎﺭﻳﺪ ﺍﺷﻮﻑ ﺑﻌﻴﻨﻪ ﺍﻟﻌﺘﺐ ﺍﻋﺮﻑ ﺳﻤﻌﺖ ﺭﺍﺡ ﺍﻃﻠﻊ ﻭﺍﺟﺖ ﺗﻌﺎﺗﺒﻨﻲ ﺑﺲ ﺍﻧﺎ ﺍﻣﺮﻱ ﻣﻮﺵ ﺑﻴﺪﻱ
ﻛﻠﺖ ﺑﻠﻜﺖ ﺗﺄﻳﺲ ﻭﺗﻨﺰﻝ ﺑﺲ ﺑﻘﺖ ﻭﺍﻛﻔﻪ
ﻭﺑﺼﺮﺍﺣﻪ ﺍﻧﺎ ﻛﻠﺶ ﺟﻨﺖ ﻣﺤﺘﺎﺝ ﺍﺣﺠﻲ ﻭﻳﺎﻫﻪ
ﻫﺎ ﻟﻴﻠﻰ ﻋﻨﺪﺝ ﺷﻲ ﺣﺠﻴﺖ ﺑﺪﻭﻥ ﻣﺎ ﺍﻧﺪﺍﺭ ﻋﻠﻴﻪ
ﻋﻠﻲ ..... ﻫﻤﺴﺖ
ﺍﻟﺘﻔﺘﺖ ﻋﻠﻴﻪ ﻛﺘﻠﻪ
ﻋﻴﻮﻥ ﻋﻠﻲ
ﻋﻴﻮﻧﻪ ﻣﺪﻣﻌﻪ ﺧﺸﻤﻪ ﺍﺣﻤﺮ ﻳﻤﻜﻦ ﺑﺎﺟﻴﻪ ﻛﺎﻟﺖ
ﺭﺍﺡ ﺗﻌﻮﻓﻨﻲ ﻟﻮﺣﺪﻱ
ﻣﺪﻳﺖ ﺍﻳﺪﻱ ﺳﺤﺒﺘﻪ ﻣﻦ ﺍﻳﺪﻩ ﻛﻌﺪﺗﻪ ﺑﺼﻔﻲ ﻋﻠﻰ ﺍﻟﻤﻨﺪﺭ ﺍﻟﻤﻔﺮﻭﺵ ﺑﺼﻒ ﺍﻟﺤﺎﻳﻂ
ﺍﺩﻳﻪ ﺍﻟﺘﻔﺮﻙ ﺑﻴﻬﻦ
ﻭﻋﻴﻮﻧﻪ ﺍﻟﻤﻠﻴﺎﻧﻪ ﻋﺘﺐ
ﺷﻔﺎﻳﻔﻪ ﺍﻟﻲ ﺗﻌﻆ ﺑﻴﻬﻦ ﺧﺠﻞ
ﺧﻠﻨﻲ ﺍﻫﻴﻢ ﻭﻳﺎﻫﻪ ﺑﻌﺸﻖ ﻣﺎﻋﺮﻑ ﺷﻨﻮ ﺗﺎﻟﻴﺘﻪ
ﺑﻘﻴﺖ ﺍﺗﺄﻣﻠﻬﺎ ﺑﺪﻭﻥ ﻛﻼﻡ
ﻳﻤﻜﻦ ﻣﺎﻋﻨﺪﻱ ﺟﻮﺍﺏ ﺍﻟﻪ
ﻭﻳﻤﻜﻦ ﺍﺧﺎﻑ ﻣﻦ ﺟﻮﺍﺑﻲ ﺍﺫﺍ ﺳﺌﻠﺖ
ﺭﺍﺡ ﺗﻌﻮﻓﻨﻲ ﻣﺜﻞ ﺑﺎﺑﺎ ﻭﺯﻳﺪ ﺗﺤﺠﻲ ﻭﺻﻮﺗﻪ ﻣﺨﻨﻮﻙ ﻭﻣﺪﻧﻜﻪ ﺑﻠﻜﺎﻉ
ﻣﺪﻳﺖ ﺍﻳﺪﻱ ﺭﻓﻌﺖ ﻭﺟﻬﻪ ﻋﻠﻴﻪ ﺃﺗﺄﻣﻞ ﺍﻟﻠﻪ ﺷﻨﻮ ﺧﺎﻟﻖ
ﺳﺒﺤﺎﻥ ﺍﻟﻠﻪ ﻛﺘﻠﻪ
ﺷﻨﻮ
ﺳﺒﺤﺎﻥ ﺍﻟﻠﻪ ﺍﻟﺨﺎﻟﻘﺞ ﻭﻣﺼﻮﺭﺝ ﺑﺄﺣﺴﻦ ﺻﻮﺭﻩ
ﺷﻮﻓﻲ ﻟﻴﻠﻰ ﺍﻧﺎ ﺍﻛﺜﺮ ﺷﻲ ﺍﺑﺮﻉ ﺑﻴﻪ ﻫﻮ ﺍﻟﻜﻼﻡ
ﻣﺎﻛﻮﺍ ﺷﺨﺺ ﻋﻨﺪﻩ ﺃﺳﻠﻮﺏ ﺇﻗﻨﺎﻉ ﻣﺜﻞ ﺍﺳﻠﻮﺑﻲ
ﻳﻌﻨﻲ ﻟﻮ ﺍﺭﻳﺪ ﺍﻗﻨﻌﺞ ﺑﺸﻲ ﻻﺯﻡ ﺍﻗﻨﻌﺞ ﺟﻨﺖ ﺑﺪﻳﺮﺗﻲ ﺷﻜﻮ ﻃﻼﺑﻪ ﺩﺍﺯﻳﻦ ﻋﻠﻴﻪ ﺑﻴﻪ
ﺷﻜﻮ ﻋﺮﻛﻪ ﺃﻧﻲ ﺣﻼﻟﻬﻪ
ﺑﺲ ﻳﻤﺞ ﻛﻞ ﻫﺬﺍ ﻳﺮﻭﺡ ﺍﻧﺴﻰ ﺍﻟﻜﻼﻡ
ﻫﻬﻪ ﻳﺼﻴﺮ ﻋﻨﺪﻱ ﺯﻫﺎﻳﻤﺮ
ﻟﻴﻠﻰ .... ﻣﺎﺭﻳﺪ ﺍﺑﺮﺭﻟﺞ ﻭﺍﻛﻠﺞ ﺍﻧﺎ ﻣﺎﺭﺍﺡ ﺍﻋﻮﻓﺞ ﺍﻭ ﺭﺍﺡ ﺍﺭﺟﻌﻠﺞ
ﺑﺲ ﺍﻧﺘﻲ ﻋﺎﻳﺸﻪ ﻭﻳﺎﻱ ﺑﻨﻔﺲ ﺍﻟﻈﺮﻭﻑ ﻭﺗﻌﺮﻓﻴﻦ ﺷﻨﻮ ﺣﻴﺎﺗﻨﻪ
ﻋﻠﻰ ﺳﺎﻋﻪ ﻭﻳﺤﺴﻮﻥ ﺑﻴﻨﻪ ﺍﻟﺪﻭﺍﻋﺶ ﻭﻧﺮﻭﺡ ﻛﻠﻨﻪ ﺑﺸﺮﺑﺔ ﻣﻴﻪ ... ﻛﻮﻟﺖ ﺍﺧﻮﺍﻧﻪ ﺍﻟﻤﺼﺮﻳﻴﻦ
ﺃﻧﻲ ﻣﻦ ﻃﻠﻌﺖ ﻣﻦ ﺑﻴﺖ ﺍﻫﻠﻲ ﻭﺑﺎﻟﻲ ﺷﻐﻠﻪ ﻭﺣﺪﻩ
ﺍﺭﺟﻊ ﺍﺧﻮﻱ
ﺑﺲ ﻣﻦ ﺍﻟﺘﺤﻘﺖ ﺑﻠﺤﺸﺪ ﻭﺷﻔﺖ ﺍﻷﻧﺬﺍﻝ ﺍﻟﺪﻭﺍﻋﺶ ﺷﻨﻮ ﻣﺴﻮﻳﻦ ﺑﻨﺎﺳﻨﻪ ﻭﺃﺭﻇﻨﻪ ﺻﺎﺭ ﻋﻨﺪﻱ ﺃﻣﺮ ﺛﺎﻧﻲ ﻻﺯﻡ ﺍﺳﻮﻱ
ﺍﻟﻲ ﻫﻮ ﺗﺤﺮﻳﺮ ﺍﻟﻌﺮﺍﻕ
ﻟﻴﻠﻰ ﺍﻧﺎ ﺣﻴﺎﺗﻲ ﻣﻮ ﺍﻟﻲ ﻟﻠﻌﺮﺍﻕ ﻳﺠﻮﺯ ﺍﻃﻠﻊ ﺑﻌﺪ ﻣﺎ ﺍﺭﺟﻊ
ﻭﻳﺠﻮﺯ ﺍﺭﺟﻊ ﻣﺎﻋﺮﻑ
ﺑﺲ ﺍﻟﻲ ﺍﺭﻳﺪﺝ ﺗﻌﺮﻓﻴﻨﻪ ﺷﻲ ﻭﺍﺣﺪ
ﺭﻓﻌﺖ ﺍﻳﺪﻩ ﺑﻴﻦ ﺍﺩﻳﻪ ﻭﻛﻤﺖ ﺍﺑﺎﻭﻉ ﻷﺻﺎﺑﻌﻪ ﺧﻠﻴﺖ ﺍﻳﺪﻩ ﻋﻠﻰ ﻛﻠﺒﻲ ﻭﺣﻈﻨﺘﻬﻪ ﺑﺌﺪﻳﻪ
.......
ﺍﻧﺘﻲ ﻋﺎﻳﺸﻪ ﻫﻨﺎ ﺻﺪﻛﻴﻨﻲ ﺍﻭﻝ ﻣﺮﻩ ﺍﺣﺐ ﻭﺍﺣﺲ ﺑﻜﻠﺒﻲ ﻳﺪﻙ ﻣﻦ ﺍﺷﻮﻑ ﻭﺣﺪﻩ
ﺍﻧﺘﻲ ﺻﻐﻴﺮﻩ ﺑﻌﺪﺝ ﻳﻤﻜﻦ ﻣﺎ ﺗﻌﺮﻓﻴﻦ ﺍﻟﺤﺐ ﺷﻨﻮ
ﺑﺲ ﺍﻧﺎ ﻻ ﺟﺒﻴﺮ ﻭﺷﻔﺖ ﺃﺷﻜﺎﻝ ﻭﺍﻋﺮﻑ ﺍﻟﺤﺐ ﻣﻦ ﺍﻷﻋﺠﺎﺏ
ﺃﻭﻝ ﻣﺮﻩ ﺗﺤﺐ ﻳﺌﻠﺒﻲ
ﻭﺃﻭﻝ ﻳﻮﻡ ﺍﺗﻬﻨﻰ
ﻳﻤﻪ ﻋﻠﻰ ﻧﺎﺭ ﺍﻟﺤﺐ ﺋﻠﻮﻟﻲ ﻭﻟﺌﺘﻪ ﻣﻦ ﺍﻟﺠﻨﻪ
ﺍﻭﻝ ﻣﺮﻩ ﺍﻭﻝ ﻣﺮﻩ
( ﻋﺒﺪ ﺍﻟﺤﻠﻴﻢ )
ﻟﻴﻠﻰ ﺍﺭﻳﺪ ﺍﻛﻠﺞ ﺷﻲ ﻭﺍﺣﺪ
ﺃﺫﺍ ﺍﻟﻠﻪ ﻛﺎﺗﺒﻠﻲ ﺍﻟﻌﻤﺮ ﻭﺍﺑﻘﻰ ﻋﺎﻳﺶ
ﺭﺍﺡ ﺍﺩﻭﺭ ﻋﻠﻴﺞ ﻃﻮﻝ ﻋﻤﺮﻱ ﻟﺤﺪ ﻣﺎ ﺍﻭﺻﻠﺞ
ﻭﺍﺭﺟﻌﺞ ﺍﻟﻲ ﺑﺲ ﺣﺘﻰ ﺍﺑﻘﻪ ﺍﺑﺎﻭﻉ ﻋﻠﻴﺞ ﻫﻠﺸﻜﻞ ﻣﺎﺭﺍﻳﺪ ﺷﻲ ﻣﻨﺞ ﻏﻴﺮ ﺗﺨﻠﻴﻨﻲ ﺍﺑﺎﻭﻉ ﻟﻌﻴﻮﻧﺞ
ﺳﻜﺘﺖ ﻭﺍﻧﺎ ﻏﺎﺭﻙ ﺑﺠﻤﺎﻝ ﻋﻴﻮﻧﻪ
ﻟﻴﻠﻰ
ﻧﻌﻢ
ﺍﻭﻋﺪﻳﻨﻲ ﺑﺸﻲ
ﺷﻨﻮ
ﻣﺎﺗﻨﺴﻴﻨﻲ
ﻫﻪ ﺍﻧﺴﺎﻙ ﻣﺴﺘﺤﻴﻞ ﻋﻠﻲ ﺍﻧﺴﺎﻙ
ﻟﻮ ﻧﺴﻴﺖ ﺑﺎﺑﺎ ﺍﻧﺴﺎﻙ
ﺍﻧﺖ ﺍﻟﻲ ﻣﻬﻮﻥ ﻋﻠﻴﻪ ﻛﻌﺪﺗﻲ ﻫﻨﺎ
ﻣﻦ ﺗﻌﺮﻓﺖ ﻋﻠﻴﻚ ﺣﻴﺎﺗﻲ ﺻﺎﺭ ﺍﻟﻪ ﻣﻌﻨﻰ ﺛﺎﻧﻲ
ﺟﻨﺖ ﺍﻓﻜﺮ ﺑﻴﻚ ﻭﺑﻴﻪ
ﻭﺃﻛﻮﻝ ﻫﻢ ﻳﺠﻲ ﻳﻮﻡ ﻭﺍﻛﻌﺪ ﻭﻳﺎﻙ ﻭﺃﺷﺒﻊ ﻣﻨﻚ ﺷﻮﻑ
ﺗﺪﺭﻱ ﻛﻞ ﺷﻮﻳﻪ ﺍﺟﻲ ﺍﺩﻭﺭ ﻋﻠﻴﻚ ﺍﺑﺎﻭﻋﻠﻚ ﻣﻦ ﺑﻌﺪ ﻭﺍﺭﻭﺡ
ﻫﻬﻪ ﻣﺎﻣﺎ ﻋﺮﻓﺖ ﺑﻴﻪ ﻭﺭﺯﻟﺘﻨﻲ
ﺑﺲ ﺍﻧﻲ ﺗﻌﻮﺩﺕ ﺍﻟﺼﺒﺢ ﺍﺷﻮﻓﻚ ﺍﻭﻝ ﻭﺍﺣﺪ
ﻋﻠﻲ ﻋﻔﻴﻪ ﻻ ﺗﻌﻮﻓﻨﻲ
ﻟﻴﻠﻰ .... ﻛﺘﻠﺞ ﺍﻟﻲ ﻋﻨﺪﻱ ﻭﻻﺯﻡ ﺍﺭﻭﺡ ﺑﺲ ﺻﺪﻛﻴﻨﻲ ﻭﺩﺍﻋﺖ ﺍﻏﻠﻰ ﺍﻧﺴﺎﻧﻪ ﻋﻨﺪﻱ ﺍﻟﻲ ﻋﻔﺘﻪ ﺻﺎﺭﻟﻲ ﺍﻛﺜﺮ ﻣﻦ ﺳﻨﻪ ﻭﻧﺺ ﺑﺲ ﺣﺘﻰ ﻣﺎ ﺷﻮﻑ ﺩﻣﻌﺘﻪ ﻋﻠﻰ ﺍﺧﻮﻱ
ﺭﺍﺡ ﺍﺭﺟﻌﻠﺞ ﺍﺫﺍ ﺍﻟﻠﻪ ﻛﺎﺗﺐ ﺍﻟﻴﻪ ﺍﻟﺤﻴﺎﺓ ﻭﻫﺬﺍ ﻭﻋﺪ
ﻳﻌﻨﻲ ﻻﺯﻡ ﺗﺮﻭﺡ ﺍﺑﻘﻰ ﻫﻨﺎ ﺑﻠﻜﺖ ﻳﺪﺧﻠﻮﻥ ﺍﻟﺠﻴﺶ
ﻟﻴﻠﻰ ..... ﻣﺎ ﺍﻛﺪﺭ ﻻﺯﻡ ﺍﺭﻭﺡ ﺍﺩﻭﺭ ﻋﻠﻰ ﺍﺧﻮﻱ
ﻛﻌﺪﺗﻲ ﻫﻨﺎ ﺷﻨﻮ ﻟﻮ ﺑﺎﻗﻲ ﺑﻴﺘﻨﻪ ﺍﺣﺴﻦ
ﻻ ﺃﻧﻲ ﺍﻟﻲ ﺍﻗﺎﺗﻞ ﻭﻳﻪ ﺭﺑﻌﻲ
ﻭﻻ ﺃﻧﻲ ﺍﻟﺒﺎﻗﻲ ﺑﻴﺘﻲ ﻭﻳﻪ ﺃﻣﻲ
ﻳﻌﻨﻲ ﺧﻼﺹ ﺭﺍﺡ ﺗﺮﻭﺡ ﺻﺎﺣﺖ
ﻟﻴﻠﻰ ﻋﻠﻰ ﻛﻴﻔﺞ ﻟﺘﺼﻴﺤﻴﻦ
ﻃﺒﻌﺎ ﺣﺒﻚ ﻛﻠﻪ ﺟﺬﺏ ﺍﻟﻲ ﻳﺤﺐ ﻣﺎﻳﺘﺮﻙ ﺣﺒﻴﺒﻪ ﻳﻌﻨﻲ ﻣﺮﺍﺡ ﺗﺨﺎﻑ ﻋﻠﻴﻪ ﻣﺎﻓﻜﺮﺕ ﺍﻳﺼﻴﺮ ﺑﻴﻪ ﺷﻲ
ﺑﺲ ﺍﻧﺎ ﻋﺎﻳﻒ ﻭﻳﺎﺝ ﺍﻟﻮﻟﺪ
ﻣﺎﺭﻳﺪ ﻭﺍﺣﺪ ﻏﻴﺮﻙ ﻳﺪﺍﻓﻊ ﻋﻨﻲ
ﻣﺎﺭﻳﺪ ﺍﺑﺎﻭﻉ ﺍﻟﻐﻴﺮﻙ ﻣﻦ ﺍﺣﺘﺎﺝ ﺍﻓﻬﻤﻨﻲ
ﻭﻛﻔﺖ ﻋﻠﻰ ﺣﻴﻠﻪ ﻭﻫﻴﻪ ﺗﺮﺟﻒ ﻭﺗﺤﺠﻲ
ﺑﺎﻭﻉ ﻋﻠﻲ ﺍﺫﺍ ﻃﻠﻌﺖ ﻣﻨﺎ ﺗﻨﺴﻰ ﺍﺳﻤﻲ ﻣﺎﺭﻳﺪ ﺑﻌﺪ ﺗﺠﻴﻨﻲ ﺳﻤﻌﺖ
ﻋﺎﻓﺘﻨﻲ ﻭﻧﺰﻟﺖ
ﺗﻤﺪﺩﺕ ﻋﻠﻰ ﺍﻟﻜﺎﻉ ﻭﻋﻴﻮﻧﻲ ﻋﻠﻰ ﺍﻟﺴﻤﺎ
ﺍﺑﺎﻭﻉ ﻟﻠﻐﻴﻮﻡ ﻭﺃﺣﺴﺐ ﻧﺠﻮﻡ
ﻛﻠﺒﻲ ﺍﻧﻘﺒﻆ ﻭﺧﺎﻳﻒ ﻋﻠﻴﻪ ﺷﺮﺍﺡ ﻳﺼﻴﺮ
ﺃﻭﻝ ﻣﺮﻩ ﺍﺧﻄﻲ ﺧﻄﻮﻩ ﻭﺧﺎﻳﻒ ﻣﻨﻬﻪ
ﻳﺎﺭﺏ ﺍﺳﺘﺮ ﻋﻠﻴﻬﻪ ﻣﺎﺭﻳﺪ ﺗﺘﺄﺫﻩ
ﺛﺎﻧﻲ ﻳﻮﻡ ﻣﺎ ﺷﻔﺘﻪ ﺑﻌﺪ ﺳﺎﺩﻩ ﻏﺮﻓﺘﻪ ﻋﻠﻴﻪ ﺣﺘﻰ ﺍﻛﻞ ﺍﻣﻬﻪ ﺗﺪﺧﻠﻪ ﺍﻟﻪ
ﻣﻦ ﺭﺩﻧﻪ ﻧﻄﻠﻊ ﺍﻟﺘﻤﻮﺍ ﻋﻠﻴﻨﻪ ﻳﺴﻠﻤﻮﻥ ﻋﻴﻨﻲ ﻋﻠﻰ ﻏﺮﻓﺘﻪ ﺑﻠﻜﺖ ﺗﻄﻠﻊ ﺍﻭﺩﻋﻬﻪ
ﺃﻡ ﺯﻳﺪ ﺍﻧﺘﺒﻬﺖ ﻛﺎﻟﺖ ﺧﻠﻴﻪ ﺑﺮﺍﺣﺘﻪ
ﺗﻨﻬﺪﺕ ﻭﻛﺘﻠﻪ
ﺧﺎﻟﻪ ﺩﻳﺮﻱ ﺑﺎﻟﺞ ﻋﻠﻴﻪ
ﻻ ﺗﺨﺎﻑ ﺩﻳﺮ ﺑﺎﻟﻚ ﻋﻠﻰ ﺭﻭﺣﻚ ﺍﻧﺖ ﻭﺍﺭﺟﻊ ﺳﺎﻟﻢ
ﺍﻥ ﺷﺎﺀ ﺍﻟﻠﻪ
ﺃﺯﺍﺩ ﻋﺰﻳﺰ ﻣﺎ ﺍﻭﺻﻴﻜﻢ ﻻ ﺗﻄﻠﻌﻮﻥ ﺍﺑﺪ ﺣﺘﻰ ﻟﻠﺴﻄﺢ ﻟﺤﺪ ﻣﺎ ﻧﺮﺟﻊ ﺍﻟﻜﻢ ﺍﻭ ﻳﺪﺧﻠﻮﻥ ﺍﻟﺠﻴﺶ
.......
ﺍﻥ ﺷﺎﺀ ﺍﻟﻠﻪ ﺑﺲ ﻻ ﺗﺘﺄﺧﺮ ﻋﻠﻴﻨﻪ ﺣﺎﻭﻟﻮ ﺗﺮﺟﻌﻮﻥ
ﺍﻥ ﺷﺎﺀ ﺍﻟﻠﻪ
ﻳﻠﻠﻪ ﻓﻲ ﺍﻣﺎﻥ ﺍﻟﻠﻪ
ﺣﻴﺪﺭ ........
ﺃﻧﺎ ﺣﻴﺪﺭ ﺍﺧﻮ ﻋﻠﻲ
ﺗﻮﻧﻲ ﺧﻠﺼﺖ ﻛﻠﻴﻪ ﻋﻠﻮﻡ ﻭﻓﺮﺣﺎﻥ ﺍﺧﻴﺮﺍ ﺭﺍﺡ ﺗﺘﺤﻘﻖ ﺍﺣﻼﻣﻲ
ﻭﺍﺗﻮﻇﻒ ﻭﺍﺗﺰﻭﺝ ﺑﺖ ﺧﺎﻟﻲ ﺍﻟﻲ ﻳﺤﺒﻪ ﻛﻠﺒﻲ
( ﺿﻔﺎﻑ )
ﻋﺸﻖ ﺍﻟﺼﻐﺮ ﻭﺍﻟﻜﺒﺮ
ﺣﺒﻴﺘﻪ ﻣﻦ ﺻﻐﺮ ﻭﻛﺒﺮ ﺣﺒﻲ ﻭﻳﺎﻱ ﺑﻌﺪ ﻣﺎ ﺗﺨﺮﺟﺖ ﺭﺣﺖ ﻋﻠﻰ ﺃﻣﻲ ﻓﺮﺣﺎﻥ ﻭﻛﺘﻠﻪ ﺍﺧﻄﺐ ( ﺿﻔﺎﻑ )
ﻳﻤﻪ ﺣﺒﻴﺒﻪ
ﻫﻼ ﺑﻌﻮﻳﻨﺎﺗﻲ
ﻟﺰﻣﺖ ﺍﻳﺪﻩ ﻭﺑﻮﺳﺘﻪ ﻛﺘﻠﻪ
ﻳﻤﻪ ﺍﺭﻳﺪﺝ ﺗﺨﻄﺒﻴﻠﻲ ﺿﻔﺎﻑ ﺑﺖ ﺧﺎﻟﻲ
ﻳﺎ ﻳﻤﻪ ﻣﻮ ﺗﺪﻟﻞ ﻳﻮﻡ ﺍﻟﻤﻨﻪ ﻭﺍﻟﻔﺮﺡ ﻣﻦ ﺍﺷﻮﻓﻨﻚ ﻋﺮﻳﺲ
ﺍﻟﻠﻪ ﻳﺨﻠﻴﺞ ﺍﻟﻲ
ﺗﺪﻟﻞ ﻳﻤﻪ ﺑﺲ ﺧﻞ ﻳﺠﻲ ﺍﺧﻮﻙ ﻭﺍﻛﻠﻪ ﻭﻣﺎ ﻳﺼﻴﺮ ﺧﺎﻃﺮﻙ ﺇﻟﻰ ﻃﻴﺐ
ﺗﺴﻠﻤﻴﻦ ﻳﺎ ﺍﻏﻠﻰ ﺃﻡ ﺑﻠﺪﻧﻴﻪ
ﺑﻌﺪ ﺍﻟﻀﻬﺮ ﺭﺟﻊ ﻋﻠﻲ ﺍﺧﻮﻱ ﺍﻟﺠﺒﻴﺮ
ﻫﻮ ﺍﺧﻮﻧﻪ ﻭﺃﺑﻮﻧﻪ ﻭﻫﻮ ﺍﻟﺸﺎﻝ ﻫﻤﻨﻪ
ﻋﻠﻲ .... ﺍﻟﺴﻼﻡ ﻋﻠﻴﻜﻢ
ﻫﻼ ﺑﻨﻀﺮ ﻋﻴﻨﻲ
ﺷﻠﻮﻧﺞ ﺑﻠﻐﺎﻟﻴﻪ
ﺯﻳﻨﻪ ﻣﻦ ﻛﻮﻧﻚ ﺯﻳﻦ
ﻫﺎ ﺣﻴﺪﺭ ﺷﻠﻮﻧﻚ
ﺍﻟﺤﻤﺪ ﻟﻠﻪ ﺯﻳﻦ
ﺑﺎﻭﻋﺖ ﻟﻤﻲ ﻭﺃﺷﺮ ﺍﻟﻪ
ﻋﻠﻲ ..... ﻫﺎ ﻳﻤﻪ ﺧﻴﺮ ﺍﻛﻮ ﺷﻲ
ﻻ ﻳﻤﻪ ﻣﺎﻣﺶ ﺷﻲ
ﻻ ﺍﻛﻮ ﺍﺣﺠﻲ ﺍﺣﺠﻲ ﺃﻧﻲ ﻓﺎﻫﻤﺞ
ﻫﻬﻪ ﺑﺰﺭ ﺑﻄﻨﻲ ﻳﻌﺮﻑ ﺭﻃﻨﻲ
ﻳﻤﻪ ﺷﻮﻛﺖ ﺗﺘﺰﻭﺝ ﻭﻓﺮﺡ ﺑﻴﻚ
ﻳﻤﻪ ﺭﺣﻤﻪ ﻟﻬﻠﺞ ﺍﺟﻠﻲ ﻫﺎﻱ ﺍﻟﺸﻐﻠﻪ ﻫﺴﻪ
ﻟﺸﻮﻛﺖ ﻣﺎﺗﻜﻠﻲ
ﻳﻤﻪ ﺑﻌﺪ ﻭﻛﺖ ﻣﻦ ﺍﺯﻭﺝ ﺣﻴﺪﺭ ﻭﺯﻳﻨﺐ ﺍﺗﺰﻭﺝ ﺍﻧﺎ
ﺧﻮﺵ ﺟﺎ ﺣﻮﻳﺪﺭ ﻳﺮﻳﺪ ﻳﺘﺰﻭﺝ
ﺃﻱ ﺑﻴﻪ ﺍﻟﺨﻴﺮ ﺑﺎﻭﻋﺘﻠﻪ ﻛﺘﻠﻪ
ﺿﻔﺎﻑ ﻣﻮ
ﻫﻬﻪ ﻟﻴﺶ ﺍﻛﻮ ﻏﻴﺮﻩ
ﺧﻮﺵ ﺑﺎﺟﺮ ﻧﺮﻭﺡ ﻧﺨﻄﺒﻪ ﺍﻟﻚ ﺗﺪﻟﻞ ﺣﺪﻭﺭﻱ ﺷﺠﻢ ﺣﺪﻭﺭﻱ ﻋﻨﺪﻱ ﻫﻬﻬﻪ
ﺗﺴﻠﻢ ﺧﻴﻲ ﻭﺍﻧﺎ ﺷﻌﻨﺪﻱ ﻏﻴﺮﻙ
ﺛﺎﻧﻲ ﻳﻮﻡ ﺭﺣﻨﻪ ﻋﻠﻰ ﻋﻤﻲ ﺍﻟﺠﺒﻴﺮ ﻭﻟﺪ ﻋﻤﻲ ﺧﺬﻧﺎﻫﻢ ﻭﻳﺎﻧﻪ ﻭﺭﺣﻨﻪ ﻋﻠﻰ ﺑﻴﺖ ﺧﺎﻟﻲ
ﺑﻌﺪ ﻣﺎ ﺳﻠﻤﻨﻪ ﺣﺠﻪ ﻭﻳﺎﻩ ﻋﻤﻲ ﻭﻃﻠﺐ ﺍﻳﺪ ﺿﻔﺎﻑ ﺑﺲ ﺧﺎﻟﻲ ﻓﺎﺟﺌﻨﻪ ﺑﻄﻠﺒﻪ
ﻻﺯﻡ ﺍﺗﻌﻴﻦ
ﺣﺎﻭﻝ ﻭﻳﺎ ﻋﻠﻲ ﻭﻋﻤﺎﻣﻴﺮ
ﻣﺎﻛﻮ ﺭﺍﻓﻆ ﺯﻭﺍﺟﻲ ﺍﺫﺍ ﻣﺎ ﺍﺗﻌﻴﻦ ﻭﻳﻜﻮﻥ ﺍﻟﻲ ﻣﺪﺧﻮﻟﻲ ﺍﻟﺨﺎﺹ
ﺑﻘﻴﺖ ﻓﺘﺮﻩ ﺍﺩﻭﺭ ﻋﻠﻰ ﻭﻇﻴﻔﻪ ﻣﺎﻛﻮ
ﻗﺪﻣﺖ ﺑﺸﺮﻛﺎﺕ ﺃ
ﺃﻫﻠﻴﻪ ﻫﻢ ﻣﺎﻛﻮﺍ
ﺑﻘﻴﺖ ﺳﻨﻪ ﻭﻧﺺ ﻭﺍﻧﺎ ﻣﻌﻠﻚ
ﻻ ﺃﻧﻲ ﺍﻟﻲ ﻣﻨﻄﻴﻨﻲ ﻭﻻ ﺍﻟﺮﺍﻓﻀﻴﻨﻲ
ﺑﻴﻮﻡ ﺟﻨﺖ ﻃﺎﻟﻊ ﻭﻳﻪ ﺟﻤﺎﻋﻪ ﺍﻟﻲ ﺑﻠﻜﻮﻓﻲ ﻭﺍﺝ ﻋﻠﻴﻨﻪ ﻭﻟﺪ ﺻﺪﻳﻘﻲ ﻣﻦ ﺯﻣﺎﻥ ﻣﺎﺷﺎﻳﻔﻴﻨﻪ ﺍﺳﻤﻪ ﺍﺣﻤﺪ ﺑﺲ ﺷﻨﻲ ﺻﺎﻳﺮ ﺃﺣﻮﺍﻝ
ﺃﺣﻤﺪ ..... ﺍﻟﺴﻼﻡ ﻋﻠﻴﻜﻢ
ﺣﻴﺪﺭ .... ﻭﻋﻠﻴﻜﻢ ﺍﻟﺴﻼﻡ ﻫﻼ ﻭﺍﻟﻠﻪ ﺷﻠﻮﻧﻚ ﺍﺧﺒﺎﺭﻙ
.....
ﺍﺣﻤﺪ ..... ﺍﻟﺤﻤﺪ ﻟﻠﻪ ﺯﻳﻦ
ﺣﻴﺪﺭ .... ﻫﺎﻱ ﺷﻨﻮ ﻣﺰﻳﻦ ﺻﻔﺮ ﻻﺯﻡ ﺭﺣﺖ ﻟﻠﺠﻴﺶ
ﺃﺣﻤﺪ ..... ﻻ ﻭﺍﻟﻠﻪ ﻣﻮ ﺟﻴﺶ ﻗﻮﻩ ﺟﻮﻳﻪ
ﺷﻨﻮ ﻻ ﺑﺮﺑﻚ ﻛﺘﻠﻪ
ﺃﺣﻤﺪ .... ﺃﻱ ﻭﺩﺍﻋﺘﻚ ﺃﻧﻲ ﺍﻭﻝ ﻣﺎ ﺧﻠﺼﺖ ﻛﻠﻴﻪ ﺭﺣﺖ ﻗﺪﻣﺖ ﻋﻠﻰ ﻛﻠﻴﺔ ﻃﻴﺮﺍﻥ ﺍﺳﻤﻪ ﺳﺒﺎﻳﻜﺮ ﻭﻗﺒﻠﻮﻧﻲ ﻭﻫﺴﻪ ﺍﺩﺭﺱ ﻭﺭﺍﺡ ﺍﺗﺨﺮﺝ ﻃﻴﺎﺭ
ﺍﻟﻠﻪ ﻋﻠﻴﻚ ﺯﻳﻦ ﺷﻠﻮﻥ ﻣﺼﺮﻓﻚ ﺷﻠﻮﻥ
ﻫﻬﻪ ﻭﻟﻜﻢ ﻫﻤﻪ ﻳﻨﻄﻮﻧﻪ ﺭﺍﺗﺐ ﻃﻮﻝ ﺍﻟﺪﺭﺍﺳﻪ ﻭﻛﺎﻋﺪﻳﻦ ﺑﻠﻘﺎﻋﺪﻩ ﺍﻟﻨﻪ ﻏﺮﻑ ﻭﻣﻦ ﻧﺘﺨﺮﺝ
ﻳﻜﺜﺮ ﺍﻟﺮﺍﺗﺐ
ﻓﻜﺮﺕ ﺑﻴﻪ ﻛﻠﺒﺘﻪ ﺑﺮﺍﺳﻲ ﺧﻮﺵ ﺷﻐﻠﻪ ﻫﻢ ﺭﺍﺗﺐ ﻭﻫﻢ ﻃﻴﺎﺭ ﻛﺘﻠﻪ
ﺃﺣﻤﺪ ﻳﻘﺒﻠﻮﻥ ﺍﺫﺍ ﺗﻘﺪﻣﺖ
ﻫﻬﻪ ﻭﻟﻚ ﻳﻜﻴﻔﻮﻥ ﺧﺎﺻﻪ ﺍﻟﺨﺮﻳﺞ ﻳﻠﻜﻔﻮﻧﻪ
ﺟﺎ ﺧﻮﺵ ﺍﺭﻭﺡ ﺍﻗﺪﻡ ﻭﻳﺎﻙ
ﻫﻼ ﺑﻴﻚ ﺃﻧﻲ ﺑﻌﺪ ﻳﻮﻣﻴﻦ ﺍﻟﺘﺤﻖ ﻭﺭﻭﺡ ﻭﻳﺎﻱ
ﺭﺟﻌﺖ ﻟﻠﺒﻴﺖ ﻭﺍﻧﻲ ﻃﺎﻳﺮ ﻣﻦ ﺍﻟﻔﺮﺡ ﺭﺍﺡ ﺍﺣﻘﻖ ﻛﻞ ﺍﺣﻼﻣﻲ
ﻭﻇﻴﻔﻪ ﻭﺭﺍﺗﺐ ﻭﺯﻭﺍﺝ
ﺳﻮﻟﻔﺖ ﻷﻣﻲ ﻓﺮﺣﺖ ﻛﻠﺶ
ﺑﺲ ﻛﺎﻟﺖ ﻻﺯﻡ ﻋﻠﻲ ﻳﻘﺒﻞ
ﻣﻦ ﺍﺝ ﻋﻠﻲ ﺳﻮﻟﻔﺘﻠﻪ
ﻣﺎﻗﺒﻞ ﺍﺑﺪ ﺍﻋﺘﺮﻅ ﺣﻴﻞ ﻣﺎﻋﺮﻑ ﻟﻴﺶ ﺑﺲ ﺍﻧﺎ ﺟﻨﺖ ﻣﺼﻤﻢ ﻋﻠﻰ ﺍﻟﺸﻐﻠﻪ
ﺭﺣﺖ ﻋﻠﻰ ﺑﻴﺖ ﺧﺎﻟﻲ ﻭﻧﻄﻴﺘﻬﻢ ﺧﺒﺮ ﺍﻥ ﺣﺼﻠﺖ ﻭﻇﻴﻔﻪ
ﺿﻔﺎﻑ ﻛﻠﺶ ﻓﺮﺣﺖ ﻭﺩﻋﺘﻠﻲ ﻫﻮﺍﻱ
ﺛﺎﻧﻲ ﻳﻮﻡ ﺭﻏﻢ ﺃﻭﻝ ﻣﺮﻩ ﺃﺳﻮﻱ ﺷﻲ ﻋﻠﻲ ﻣﺎ ﻗﺎﺑﻞ ﺑﻴﻪ ﺑﺲ ﺟﺎﻥ ﺍﺣﺴﻦ ﺣﻞ ﻛﺪﺍﻣﻲ
ﺳﻠﻤﺖ ﻋﻠﻰ ﺃﻣﻲ ﻭﺯﻳﻨﺐ ﺍﺧﺘﻲ ﻭﺭﺣﺖ ﻟﻠﻜﺮﺍﺝ
ﻻﻛﻴﺖ ﺃﺣﻤﺪ ﻭﻳﺎ ﺑﻌﺪ ﺛﻨﻴﻦ ﻣﻦ ﺭﺑﻌﻪ ﻗﺎﺳﻢ ﻭﺟﺒﺎﺭ
ﺭﻛﺒﻨﻪ ﺑﺴﻴﺎﺭﻩ ﺍﻟﺒﻐﺪﺍﺩ ﻭﻣﻨﺎﻙ ﺭﺣﻨﻪ ﺑﺴﻴﺎﺭﻩ ﺍﻟﺘﻜﺮﻳﺖ
ﻭﻫﻨﺎﻙ ﺻﻌﺪﻧﻪ ﻭﻳﻪ ﺳﻴﺎﺭﺍﺕ ﺍﻟﺠﻴﺶ ﻟﻠﻘﺎﻋﺪﻩ
ﺍﻭﻝ ﻣﺎ ﺩﺧﻠﺖ ﺃﺧﺬﻧﻲ ﺃﺣﻤﺪ ﻟﻠﻀﺎﺑﻂ ﺍﻟﻤﺴﺆﻝ ﻭﻛﻠﻪ ﺍﺭﻳﺪ ﺍﻗﺪﻡ
ﻓﻌﻼ ﺭﺣﺐ ﺍﻟﺮﺟﺎﻝ ﺑﺲ ﻛﻠﻲ ﺑﺎﺟﺮ ﻳﻠﺘﻘﻲ ﺑﻴﻚ ﺍﻟﻤﺴﺆﻝ ﻭﻫﻮ ﺍﻟﻲ ﻳﻘﺮﺭ ﺗﺘﻘﺒﻞ ﺍﻭ ﻻ
ﺭﺣﺖ ﻭﻳﻪ ﺃﺣﻤﺪ ﻟﻠﻤﻘﺮ ﻣﺎﻟﺘﻬﻢ
ﻗﺎﻋﺎﺕ ﺟﺒﻴﺮﻩ ﺑﻴﻪ ﺍﺳﺮﻩ ﻭﺷﺒﺎﺏ ﻣﻦ ﻛﻞ ﺍﻟﻤﺤﺎﻓﻈﺎﺕ
ﺟﻮ ﺟﺪﻳﺪ ﻋﻠﻴﻪ ﺑﺲ ﺣﺒﻴﺖ ﻟﻤﺘﻬﻢ
ﺑﻌﺪ ﺍﻟﺴﺎﻋﻪ ﻋﺸﺮﻩ ﺍﻧﺪﻛﺔ ﺻﺎﻓﺮﻩ ﺗﻬﻴﺌﻮ ﻟﻠﻨﻮﻡ
ﺍﻧﻄﻮﻧﻲ ﻓﺮﺍﺵ ﻭﺑﻄﺎﻧﻴﻪ ﻭﻧﻤﺖ ﺑﻠﻜﺎﻉ
ﺗﻘﺮﻳﺒﺎ ﺍﻟﺴﺎﻋﻪ ﺑﻠﻮﺣﺪﻩ ﺑﻠﻴﻞ ﺳﻤﻌﻨﻪ ﺃﺻﻮﺍﺕ ﻭﻃﻠﻖ
ﺻﺎﺭﺕ ﻫﻮﺳﻪ
ﻃﻠﻌﻨﻪ ﻣﻦ ﺍﻟﻘﺎﻋﻪ ﺗﻔﺎﺟﺌﻨﻪ ﺑﻨﺎﺱ ﺃﺷﻜﺎﻟﻬﻢ ﻏﺮﻳﺒﻪ ﻭﺳﻴﺎﺭﺍﺕ ﻋﺴﻜﺮﻳﻪ
ﺑﺪﻭﻥ ﻣﻘﺪﻣﺎﺕ ﺟﺮﻭ ﺃﺳﻠﺤﺘﻬﻢ ﻋﻠﻴﻨﻪ
ﻭﺻﻔﻮﻧﻪ ﺻﻔﻮﻑ
ﺍﻷﺳﻠﺤﺔ ﻋﺪﻫﻢ
ﺃﺣﻤﺪ ... ﻭﻟﻚ ﺷﻨﻮ ﺫﻭﻟﻪ
ﻋﻠﻤﻲ ﻋﻠﻤﻚ ﻛﺘﻠﻪ
ﺑﺎﻭﻋﻨﻪ ﻣﺎ ﺑﺎﻗﻲ ﻻ ﻗﺎﺋﺪ ﻭﻻ ﺿﺎﺑﻂ
ﻭﻻ ﻣﺴﺆﻝ ﺑﺲ ﺍﻟﻄﻼﺏ
ﺻﻔﻮﻧﻪ ﻭﺭﺑﻄﻮ ﺍﺩﻳﻨﻪ ﻭﻣﺸﻮﻧﻪ ﻟﻜﻴﻨﻪ ﺳﻴﺎﺭﺍﺕ ﻭﺍﻛﻔﻪ
ﺍﺻﻌﺪﻭ ﺻﻌﺪﻧﻪ ﻣﺜﻞ ﺍﻟﺨﺮﻓﺎﻥ ﻣﺎﻧﻌﺮﻑ ﺷﻨﻮ ﻣﺼﻴﺮﻧﻪ
ﻣﺸﺖ ﺍﻟﺴﻴﺎﺭﺕ ﻣﺴﺎﻓﻪ ﺑﻌﺪﻩ ﻛﺎﻟﻮ ﺍﻧﺰﻟﻮ
ﻧﺰﻟﻨﻪ ﻳﻢ ﺍﻟﻘﺼﻮﺭ ﻣﺎﻟﺖ ﺻﺪﺍﻡ
ﻧﺰﻟﻮﻧﻪ ﻭﺍﻟﻤﺼﻮﺭ ﻭﻳﺎﻫﻢ ﻳﺼﻮﺭ ﺑﻴﻨﻪ
ﻋﺮﻓﻨﻪ ﺍﺳﻤﻬﻢ
ﺩﻭﻟﺔ ﺍﻷﺳﻼﻣﻴﻪ ﺑﺲ ﺃﻓﻌﺎﻟﻬﻢ ﻣﺎ ﺷﻔﻨﻪ ﺍﻟﻪ ﺃﻱ ﺻﻠﻪ ﺑﻸﺳﻼﻡ
ﻟﺒﺴﻬﻢ ﻏﺮﻳﺐ
ﻟﻬﺠﺘﻬﻢ ﻏﺮﻳﺒﻪ
ﺍﻟﻤﻬﻢ ﺩﺧﻠﻮﻧﻪ ﺑﻠﻘﺼﻮﺭ ﻣﺎﻟﺖ ﺻﺪﺍﻡ
ﺑﻘﻴﻨﻪ ﻳﻮﻣﻴﻦ ﻫﻨﺎﻙ
ﻻ ﺍﻛﻞ
ﻻ ﺷﺮﺏ
ﺑﻌﺪﻩ ﻛﺎﻟﻮ ﻛﻮﻣﻮ
ﻛﻤﻨﻪ ﻭﻳﺎﻫﻢ
ﻣﺸﻮﻧﻪ ﺑﻄﺎﺑﻮﺭ ﻃﻮﻳﻞ
ﻭﻛﻔﻮﻧﻪ ﺳﺮﻩ ﻛﻞ ﺷﻮﻳﻪ ﻧﺴﻤﻊ ﺻﻮﺕ ﻃﻠﻘﻪ ﻃﻠﻌﺖ ﻭﻳﻤﺸﻲ ﺍﻟﺴﺮﻩ
ﻟﺤﺪ ﻣﺎ ﻋﺮﻓﻨﻪ ﺍﻥ ﺟﺎﻱ ﻳﺼﻔﻮﻥ ﺑﻴﻨﻪ
ﺍﻟﻐﺮﻳﺐ ﺃﻥ ﺍﺣﻨﻪ ﻭﺍﻛﻔﻴﻦ ﻭﺍﺣﻨﻪ ﻧﻌﺮﻑ ﻣﺼﻴﺮﻧﻪ ﺷﻨﻮﺍ
ﻧﺘﺤﺮﻙ ﺑﻠﻄﺎﺑﻮﺭ ﻭﻧﺸﻮﻑ ﺷﻜﺪ ﺑﻌﺪ ﻳﻮﺻﻞ ﺍﻟﻨﻪ ﺍﻟﺴﺮﻩ
ﻋﺒﺎﻟﻚ ﻭﺍﻛﻔﻴﻦ ﻋﻠﻰ ﻓﺮﻥ ﺻﻤﻮﻥ ﻭﻣﻨﺘﻈﺮﻳﻦ ﺍﻟﺴﺮﻩ
ﻓﻘﺪﻧﻪ ﺍﻷﺣﺴﺎﺱ ﺑﺤﻮﺍﺳﻨﻪ
ﺑﻌﺪ ﻻ ﺟﻮﻉ ﻭﻻ ﻋﻄﺶ ﻭﻻ ﺣﺮ ﻭﻻ ﺑﺮﺩ ﻭﻻ ﺧﻮﻑ ﺍﻧﺤﺲ ﺑﻴﻪ
ﺻﺪﻛﻮﻧﻲ ﻋﺒﺎﻟﻚ ﺷﻐﻠﻪ ﻃﺒﻴﻌﻴﻪ ﻣﻮ ﺭﺍﻳﺤﻴﻦ ﻟﻠﻤﻮﺕ ﻻ
ﻣﺸﻪ ﺍﻟﺴﺮﻩ ﻭﺑﺪﻳﺖ ﺍﺷﻮﻑ ﺍﻟﻤﻜﺎﻥ ﺍﻟﻲ ﻭﺍﻛﻔﻴﻦ ﺑﻴﻪ
ﺟﺮﻑ ﻣﺎﻝ ﻧﻬﺮ ﻭﺍﻛﻒ ﺑﻴﻪ ﺛﻨﻴﻦ ﻭﺍﺣﺪ ﺑﻴﺪﻩ ﺳﻼﺡ ﻭﺍﺣﺪ ﻭﺍﻛﻒ ﻳﻤﻪ
ﻳﻮﺻﻞ ﻭﺍﺣﺪ ﻳﻀﺮﺑﻪ ﻃﻠﻘﻪ ﺑﺮﺍﺳﻪ ﻭﺍﻟﺜﺎﻧﻲ ﻳﺸﻤﺮﻩ ﻣﻦ ﺍﻟﺠﺮﻑ
ﻭﺻﻞ ﺍﻟﻲ ﺍﻟﺴﺮﻩ
ﺗﻘﺮﻳﺒﺎ ﺍﻟﺴﺎﻋﻪ ﺑﻠﺜﻨﻌﺶ ﺍﻟﻀﻬﺮ
ﺟﺮﻧﻲ ﺍﻷﻭﻝ ﺻﺮﺕ ﻣﻘﺎﺑﻴﻞ ﺍﻟﺜﺎﻧﻲ
ﺳﺤﺐ ﻗﺴﺎﻡ ﻭﺟﻪ ﺍﺳﻼﺣﻪ ﻋﻠﻴﻪ ﺑﻬﺎﻱ ﺍﻟﻠﺤﻈﻪ ﺻﺎﺭﺕ ﺩﺑﻪ ﻗﻮﻳﻪ
ﻃﻠﻌﺖ ﺍﻟﻄﻠﻘﻪ
ﺍﻧﺸﻤﺮﺕ ﻣﻦ ﻓﻮﻙ ﺍﻟﺠﺮﻑ
.......
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء