رواية حب اجباري الجزء الأول
للكاتبة رفل الكناني
.....
ﻫﻠﻮ ﺣﺒﺎﻳﺒﻲ ﺍﻧﻲ ﻗﻤﺮ ﺍﺳﻢ ﻋﻠﻰ ﻣﺴﻤﻰ ﻣﺎﺣﺠﻴﻠﻜﻢ ﻋﻠﻰ ﺍﻟﺠﻤﺎﻝ ﺍﺧﺎﻑ ﺩﻛﻮﻟﻮﻥ ﺗﺤﻤﻪ ﻣﻦ ﺍﺳﻤﻲ ﻭﺍﻧﺘﻮ ﻗﻴﺴﻮ . ﻃﺎﻟﺒﻪ ﺳﺎﺩﺱ ﺍﻋﺪﺍﺩﻱ ﺍﻋﻴﺶ ﻣﻊ ﻭﺍﻟﺪﺗﻲ ﻭﺍﺧﺘﻲ ﺳﻤﺮ ﺍﺑﻮﻳﻪ ﻣﺘﻮﻓﻴﻪ ﻭﺍﺣﻨﺎ ﻋﺎﻳﺸﻴﻦ ﻋﻠﻰ ﺭﺍﺗﺒﻪ ﺍﻟﺘﻘﺎﻋﺪﻱ ﻭﺍﻟﺤﻤﺪﺍﻟﻠﻪ ﺩﺍﺑﺮﻩ ﻣﺎﻋﻨﺪﻱ ﺍﺧﻮﻩ ﻟﻦ ﺍﻣﻲ ﺟﺎﻧﺖ ﺩﺍﻡ ﺗﺴﻘﻂ ﻛﻞ ﻣﺎﺗﺤﻤﻞ ﻭﺍﺑﻮﻳﻪ ﺍﻛﺘﻔﺎ ﺑﻴﻨﻪ ﺟﺎﻥ ﻳﻜﻮﻝ ﺍﻧﺘﻮ ﺑﻤﻴﻪ ﺭﺟﺎﻝ ﺍﻧﻲ ﻃﺒﻌﻲ ﻫﺎﺩﺉ ﻭﻗﻠﻴﻠﻪ ﺍﻻﺧﺘﻼﻁ ﻭﺍﻟﻜﻼﻡ ﻭﺍﻫﺴﻲ ﺑﺪﺭﺍﺳﻪ ﻛﻮﻟﺶ ﺍﺣﻠﻢ ﺍﺻﻴﺮ ﻓﺪﺷﻲ ﻋﻜﺲ ﺍﺧﺘﻲ ﺳﻤﺮ ﻣﺘﺤﺐ ﺍﻟﺪﺭﺍﺳﻪ ﻭﺻﻠﺖ 3 ﻣﺘﻮﺳﻂ ﻭﺑﻄﻠﺖ ﻭﺍﻫﺴﻪ ﻟﺒﺲ ﻭﻛﺸﺨﻪ ﻭﺍﻛﺴﺴﻮﺍﺭﺕ ﻭﻣﻜﻴﺎﺝ ﺍﺣﻨﺎ ﻛﺎﻋﺪﻳﻦ ﻗﺮﻳﺐ ﻋﻠﻰ ﺑﻴﺖ ﻋﻤﻲ ﺣﺎﻣﺪ ﺑﺎﺑﺎ ﻋﻨﺪﻩ ﺑﺲ ﻫﻞ ﺃﺧﻮﻩ ﻭﻧﻌﻢ ﺍﻻﺥ ﻣﺎﻋﺎﻓﻨﻪ ﻭﺟﺎﻥ ﺣﺎﺳﺒﻨﻪ ﻣﺜﻞ ﺑﻨﺎﺗﻪ ﻭﻣﻴﻔﺮﻕ ﺑﻴﻨﻪ ﻋﻨﺪﻩ ﺍﺣﻤﺪ ﻭﻓﻬﺪ ﻭﺳﺎﺭﻩ ﻭﺭﺳﻞ ﻣﺮﺗﻪ ﺣﺒﺎﺑﻪ ﻭﺑﻨﺎﺗﻪ ﻳﻤﻮﺗﻮﻥ ﻋﻠﻴﻨﻪ ﻭﺍﺣﻤﺪ ﺳﺒﻮﺭﺕ ﻭﺣﺸﺎﺵ ﻭﺩﻭﻡ ﻳﺼﻴﺤﻠﻲ ﺍﻟﻤﻌﻘﺪﻩ ﺑﺲ ﻓﻬﺪ ﺍﻭﻭﻭﻑ ﻫﺬﺍ ﻓﺪ ﻭﺍﺣﺪ ﻣﺘﻌﺠﺮﻑ ﻭﺷﺎﻳﻒ ﻧﻔﺴﻪ ﻭﻣﻦ ﻳﻮﻡ ﻳﻮﻣﻪ ﻳﻤﻮﺕ ﻣﻨﻲ ﻭﺍﻧﻲ ﺍﺷﻮﻑ ﺩﻡ ﺳﻨﻮﻧﻲ ﻭﻻ ﺍﺷﻮﻓﻪ ﻋﻠﻰ ﺷﻨﻮ ﺷﺎﻳﻒ ﻧﻔﺴﻪ ﻣﺎﻋﺮﻑ ﺻﺤﻴﺢ ﻫﻮﻩ ﺿﺎﺑﻂ ﺑﺲ ﻣﻮﻫﻴﺞ ﻣﺮﺍﺕ ﺍﺷﻮﻑ ﺗﺼﺮﻓﺎﺗﻪ ﻭﻳﻪ ﺍﺧﺘﻲ ﺳﻤﺮ ﻏﻴﺮ ﻋﻦ ﻭﻳﺎﻱ ﻫﺴﻪ ﻟﻴﺶ ﻳﻜﺮﻫﻨﻲ ﻣﺎﻋﺮﻑ ﺍﻧﻲ ﻣﺠﻨﺖ ﺍﻫﺘﻢ ﺑﺲ ﺗﺼﺮﻓﺎﺗﻪ ﺧﻠﺘﻨﻲ ﺍﻧﻲ ﻫﻢ ﺍﻛﺮﻩ ﻫﺴﻪ ﻧﺮﺟﻊ ﻟﺒﺪﻟﻴﻪ ﺍﻟﻘﺼﻪ
ﻫﻠﻮﻭﻭﻭ ﻣﺎﻣﺎ ﺷﻠﻮﻧﺞ ..
ﻫﻠﻮ ﺑﻴﺞ ﺑﻨﺘﻲ ﺷﻠﻮﻧﺞ ﺑﻠﺪﻭﺍﻡ
ﺍﻟﺤﻤﺪ ﺍﻟﻠﻪ ﻣﺎﻣﺎ ﺑﺲ ﻣﻴﺘﻪ ﺟﻮﻉ ﺷﻤﺴﻮﻳﻪ ﺍﻟﺮﻳﺤﻪ ﺗﺸﻬﻲ
ﺑﺪﻟﻲ ﻭﺍﻧﺰﻟﻲ ﻣﺴﻮﻳﻪ ﺩﻭﻟﻤﻪ
ﺍﻭﻳﻠﻲ ﺩﻭﻟﻤﻪ ﻳﻌﻨﻲ ﺍﻟﻌﺸﻖ ﺍﺑﺪﻝ ﻭﺍﺟﻲ ﺻﻌﺪﺕ ﺑﺪﻟﺖ ﻭﻏﺴﻠﺖ ﻭﻧﺰﻟﺖ ﺗﻐﺪﻳﺖ ﻭﻟﻤﻴﺖ ﺍﻟﺒﻴﺖ ﻭﻧﻤﺖ ﻛﻌﺪﺕ ﺍﻟﻌﺼﺮ
ﺍﻛﻮﻟﺞ ﻣﺎﻣﺎ ﻭﻳﻦ ﺳﻤﺮ
ﺑﻴﺖ ﻋﻤﺞ ﻏﻴﺮ ﻭﻳﻦ ﺗﺮﻭﺡ ﻳﻌﻨﻲ
ﺍﺩﺭﻱ ﺑﺲ ﺍﺭﻳﺪ ﺍﻋﺮﻑ ﺷﻼﻛﻴﻪ ﻫﻨﺎﻙ
ﺍﻱ ﻏﻴﺮ ﻋﻠﻰ ﻭﺍﻫﺲ ﺳﺎﺭﻩ ﻭﺭﺳﻞ ﺩﻧﺴﻮﻟﻒ ﺩﺧﻠﺖ ﺳﻤﺮ ﻫﻴﻪ ﻭﻣﺮﺕ ﻋﻤﻲ ﻭﺍﻟﺒﻨﺎﺕ
ﻫﻠﻮﻭﻭﻭ ﻗﻤﻮﺭ ﻫﻤﺰﻳﻦ ﺷﻔﻨﺎﺝ
ﻣﻜﺎﻳﻠﻪ ﺷﻲ ﺟﻤﺎﻟﻪ ﺍﻟﻬﺪﺩﺍﻳﻪ ﻋﻠﻴﻨﺎ ﻳﻠﻪ ﺷﻨﺴﻮﻱ ﻋﻮﺩ ﻧﺎﻛﻞ ﻛﻴﻚ ﻭﺷﺮﺑﺖ ﺑﺮﺍﺳﺞ ﻭﺍﻟﻬﺪﺍﻳﻪ ﻋﻠﻰ ﺍﻟﻮﺍﻟﺪﻩ ﻫﻬﻬﻪ
ﺭﺍﺣﻮ ﻭﺍﺣﻨﺎ ﺣﻀﺮﻧﺎ ﻧﻔﺴﻨﻪ ﻭﺭﺣﻨﺎ ﻃﻠﻌﺖ ﺍﻟﻮﺍﻃﻴﻪ ﺻﺪﻙ ﻣﺴﻮﻳﻪ ﻋﻴﺪ ﻣﻴﻼﺩ ﺿﺤﻜﻨﻪ ﻭﺗﻮﻧﺴﻪ ﻭﻳﻦ ﻭﻃﺐ ﻋﻤﻲ ﺍﻟﺴﻼﻡ ﻋﻠﻴﻜﻢ
ﻭﻋﻠﻴﻜﻢ ﺍﻟﺴﻼﻡ ﻫﻠﻮ ﻋﻤﻮﺷﻠﻮﻧﻚ
ﺃﺧﺬﻧﻲ ﺑﺤﻀﻨﻪ ﻭﺑﺎﺱ ﺭﺍﺳﻲ ﻭﻛﺎﻝ
ﺷﻠﻮﻧﺞ ﺑﻌﺪ ﻋﻤﺞ ﺷﻮ ﻣﺎﻧﺸﻮﻓﺢ ﻭﺍﻟﻠﻪ ﻣﺸﺘﺎﻛﻠﺞ
ﻓﺪﻭﻩ ﻟﻜﻠﺒﻚ ﻋﻤﻮ ﻭﺍﻟﻠﻪ ﻣﻠﺘﻬﻴﻪ ﺑﺪﺭﺍﺳﻪ ﺍﻧﺖ ﺷﻠﻮﻧﻚ
ﺑﺨﻴﺮ ﺩﺍﻣﻜﻢ ﺑﺨﻴﺮ ﻛﻌﺪﻧﻪ ﺳﻮﻩ ﻭﺍﺟﻪ ﺍﺣﻤﺪ ﻳﺤﺸﺶ ﻭﻛﻞ ﺳﺎﻉ ﻳﻜﻔﺦ ﺳﺎﺭﻩ ﻭﻳﻜﻠﻪ ﻳﻮﻣﻴﻪ ﺳﻮﻱ ﻋﻴﺪ ﻣﻴﻼﺩ ﺧﻞ ﻧﺎﻛﻞ ﺑﺮﺍﺳﺞ ﻭﻫﻴﻪ ﺗﺘﺨﺒﻞ ﺩﻛﻮﻟﻪ ﺍﻧﺖ ﺣﺘﻰ ﻣﻌﺎﻳﺪﺗﻨﻲ ﺣﺎﻳﺮ ﺑﻄﻨﻚ ﻭﺍﺣﻨﺎ ﻧﻀﺤﻚ ﻋﻠﻴﻬﻢ ﻟﺤﺪ ﻣﺎﺍﺟﺎﻧﻪ ﺻﻮﺕ ﺍﻟﻤﻜﺮﻭﻩ ﻓﻬﺪ ﻭﻫﻮﻩ ﻳﺪﺧﻞ ﺑﺪﻟﺘﻪ ﺍﻟﻌﺴﻜﺮﻳﻪ ﻭﻳﻜﻮﻝ
ﺍﻟﺴﻼﻡ ﻋﻠﻴﻜﻢ
ﻛﻠﻨﺎ ﺟﺎﻭﺑﺘﻪ ﻭﻋﻠﻴﻜﻢ ﺍﻟﺴﻼﻡ
ﻛﻌﺪﻋﻠﻰ ﺍﻟﺘﺨﻢ ﻭﺧﻠﻪ ﺳﻼﺣﻪ ﻭﺍﻟﺴﻮﻳﺞ ﻭﺍﻟﺠﻜﺎﻳﺮ ﻛﺪﺍﻣﻪ ﻭﺣﺠﻪ ﻫﺎﻱ ﺷﻜﻮﺷﻨﻮ ﻫﻞ ﻫﻮﺳﻪ ﺟﺎﻭﺑﺘﻪ ﺍﻣﻪ ﻋﻴﺪ ﻣﻴﻼﺩ ﺳﺎﺭﻩ
ﺷﻨﻮ ﻭﻟﺞ ﺍﻧﺘﻲ ﺯﻋﻄﻮﻃﻪ
ﺷﺒﻴﻚ ﻓﻬﺪ ﻭﺍﻟﻠﻪ ﻋﺎﺩﻱ ﺍﻛﺒﺮ ﻣﻨﻲ ﻭﻳﺴﻮﻭﻥ
ﻃﺎﺡ ﺣﻀﺞ ﺻﺒﻲ ﺻﺒﻲ ﺧﻞ ﺍﺷﺮﺏ ﺷﺮﺑﺖ
ﺻﺒﺖ ﻭﻧﻄﺘﻪ ﺍﺑﺎﻭﻉ ﻋﻠﻴﻪ ﺍﻟﻮﺟﻪ ﻣﻌﻘﻮﺝ ﺑﻠﻪ ﻫﺬﺍ ﺷﺎﻳﻒ ﻧﻔﺴﻪ
ﻧﺪﺳﺖ ﺭﺳﻞ ﻛﻮﻣﻲ ﻧﺼﻌﺪ ﺑﻐﺮﻓﺘﻜﻢ ﻣﺪﺍﻡ ﺍﺟﻪ ﺍﺧﻮﺝ ﺍﻟﺤﻘﻨﻪ ﺑﻌﺪ ﺧﺮﺏ ﺍﻟﻌﻴﺪ ﻣﻴﻼﺩ
ﺍﻱ ﻭﺍﻟﻠﻪ ﻳﻠﻪ ﻛﻮﻣﻲ
ﺻﻌﺪﻧﻪ ﻓﻮﻙ ﺍﻧﻲ ﻭﺭﺳﻞ ﻭﻟﺤﻜﺘﻨﻪ ﺳﻤﺮ ﺑﻘﻴﻨﻪ ﻧﺪﺭﺩﺵ ﻭﻧﻜﻠﺐ ﺑﺼﻮﺭ ﺍﻻﺧﺬﻧﺎﻫﻦ ﺑﻌﺪﻳﻦ ﻛﺘﻠﻬﻦ ﺭﺍﺡ ﺍﻧﺰﻝ ﺍﺷﻮﻑ ﺍﻣﻲ ﺣﺘﻰ ﻧﺮﻭﺡ ﻟﻦ ﺑﺎﺟﺮ ﻭﺭﺍﻳﻪ ﺩﻭﺍﻡ ﻓﺘﺤﺖ ﺍﻟﺒﺎﺏ ﻭﺻﺎﺭ ﺑﻮﺟﻲ ﻓﻬﺪ ﺩﻳﺼﻌﺪ ﺍﻟﺪﺭﺝ ﺻﺮﺕ ﻋﻠﻰ ﺻﻔﺤﻪ ﺣﺘﻰ ﻳﻔﻮﻑ ﺑﺎﻭﻉ ﻋﻠﻴﻪ ﻣﻦ ﻓﻮﻙ ﻟﻴﺠﻮﻩ ﻭﻣﺸﻰ
ﻛﺒﺮ ﺣﺘﻰ ﻛﺒﺮ ﺷﻜﺪ ﻣﻜﺮﻭﻩ ﺭﺟﻌﻨﻪ ﻟﻠﺒﻴﺖ ﺣﻀﺮﺕ ﻣﻼﺑﺴﻲ ﻭﻧﻤﺖ ﻛﻌﺪﺕ ﺍﻟﺼﺒﺢ ﺭﺣﺖ ﺍﻟﺪﻭﺍﻡ ﻣﺜﻞ ﺍﻟﻌﺎﺩﻩ ﻭﺍﻟﺮﻭﺗﻴﻦ ﺍﻟﻴﻮﻣﻲ ﻣﻦ ﺭﺟﻌﺖ ﺷﻔﺖ ﺍﻣﻲ ﻭﻣﺮﺕ ﻋﻤﻲ ﺑﻠﻤﻄﺒﺦ ﻳﺴﻮﻟﻔﻮﻥ ﻭﻳﻀﺤﻜﻮﻥ ﺳﻠﻤﺖ ﻭﺻﻌﺪﺕ ﻟﻐﺮﻓﺘﻲ ﺑﺪﻟﺖ ﻭﻧﺰﻟﺖ ﻟﻜﻴﺖ ﻣﺮﺕ ﻋﻤﻲ ﺭﺍﻳﺤﻪ ﺗﻐﺪﻳﺖ ﻭﺩﺍﺷﻴﻞ ﺍﻟﺼﻴﻨﻪ ﻛﺎﻟﺖ ﺍﻣﻲ ﻋﻮﻓﻴﻪ ﺳﻤﺮ ﺗﺸﻴﻠﻪ ﺗﻌﺎﻟﻲ ﻋﻨﺪﻱ ﺣﺠﻲ ﻭﻳﺎﺝ ﻃﺒﻴﻨﻪ ﺑﻐﺮﻓﺘﻪ ﻛﺎﻟﺖ ﺍﻟﻴﻮﻡ ﻣﺮﺕ ﻋﻤﺞ ﺟﺘﻲ ﺗﺨﻄﺒﺞ ﻟﻔﻬﺪ
ﺷﺸﺸﺸﻨﻮ ﻳﻤﻪ ﺍﻧﺘﻲ ﺷﺘﺤﺠﻴﻦ ﺍﻧﻲ ﻭﻳﻨﻲ ﻭﻳﻦ ﺍﻟﺰﻭﺍﺝ
ﺍﻧﻲ ﻛﻠﺖ ﺯﻭﺍﺝ ﻛﻠﺖ ﺗﺨﻄﺒﺞ
ﻭﺍﻧﻲ ﻣﻤﻮﺍﻓﻘﻪ ﻟﻮﻳﻀﻞ ﺁﺧﺮ ﺭﺟﺎﻝ ﺑﻠﻌﺎﻟﻢ ﻣﺎﻗﺒﻞ ﺑﻲ
ﻟﻴﺶ ﺑﻨﺘﻲ ﻭﻳﻦ ﺗﻠﻜﻴﻦ ﺍﺣﺴﻦ ﻣﻦ ﻓﻬﺪ ﻫﻢ ﺍﺑﻦ ﻋﻤﺞ ﻭﻣﺎﻝ ﻭﺟﻤﺎﻝ ﻭﺃﺧﻼﻕ ﺷﺘﺮﺩﻳﻦ ﺍﻛﺜﺮ
ﻳﻤﻪ ﺷﺘﺤﺠﻴﻦ ﻭﺍﻧﻲ ﺍﺗﺨﺒﻞ ﻣﻨﻪ ﺳﺪﻱ ﺍﻟﻤﻮﺿﻮﻉ ﻭﻻﺗﻔﺘﺤﻲ ﻭﻳﺎﻱ ﺑﻌﺪ ﻋﻔﺘﻪ ﻭﺭﺣﺖ ﺍﻟﻐﺮﻓﺘﻲ ﺍﻏﻠﻲ ﻫﺬﺍ ﺷﻨﻮ ﻣﻦ ﻛﻞ ﻋﻘﻠﻪ ﻳﺪﺭﻱ ﺍﻣﻪ ﺟﺘﻲ ﺗﺨﻄﺒﻨﻲ ﻣﺠﺮﺩ ﺗﺨﻴﻠﺖ ﻧﻔﺴﻲ ﺍﻛﻮﻥ ﺑﻴﻮﻡ ﻋﺎﻳﺸﻪ ﻳﻤﻪ ﺷﺘﻌﻠﺖ ﺷﻌﻞ ﻣﺮ ﻳﻮﻣﻴﻦ ﻭﺭﺟﻌﺖ ﺍﻣﻲ ﻛﺎﻟﺖ ﻫﺴﻪ ﺷﻜﻮﻝ ﻟﺒﻴﺖ ﻋﻤﺞ ﻭﺍﻟﻠﻪ ﻓﺸﻠﻪ ﺷﻨﻮ ﻋﺬﺭﺝ ﻭﺭﺍﻓﻀﺘﻪ ﻛﺘﻠﻪ ﻣﺎﻋﻨﺪﻱ ﻋﺬﺭ ﻛﻮﻟﻲ ﺗﺮﻳﺪﺗﻜﻤﻞ ﺩﺭﺍﺳﻪ ﻭﻣﻤﻔﻜﺮﻩ ﺑﺰﻭﺍﺝ ﻋﻔﺘﻪ ﻭﺭﺣﺖ ﻟﻠﺪﻭﺍﻡ ﻣﻦ ﺭﺟﻌﺖ ﻃﺒﻴﺖ ﻟﻠﺒﻴﺖ ﺻﻨﺘﻪ ﻭﻳﻦ ﺭﺍﺣﻮ ﺍﻣﻲ ﻭﺳﻤﺮ ﺍﻛﻴﺪ ﺑﻴﺖ ﻋﻤﻲ ﺩﺍﺻﻌﺪ ﺍﻟﺪﺭﺝ ﺣﺴﻴﺖ ﺑﺨﻄﻮﺍﺕ ﻭﺭﺍﻳﻪ ﺍﻟﺘﻔﺘﺖ ﺷﻔﺖ ﻓﻬﺪ ﻟﺰﻣﻨﻲ ﻣﻦ ﺯﻧﺪﻱ ﻭﺣﺼﺮﻧﻲ ﻋﻞ ﺣﺎﻳﻂ ﻭﺟﺴﻤﻲ ﻋﻠﻰ ﺟﺴﻤﻪ ﺻﻚ ﺳﻨﻮﻧﻪ ﻭﻳﺤﺠﻲ ﺑﻐﻀﺐ ﻣﻨﻮ ﺍﻧﺘﻲ ﻭﺗﺮﻓﻀﻴﻨﻲ ﺍﺩﻭﺱ ﺭﺍﺳﺞ ﺑﻠﻘﻨﺪﺭﻩ ﻭﻣﻴﺮﻓﻠﻲ ﺟﻔﻦ
.......
ﻣﻨﻮ ﺍﻧﺘﻲ ﻭﺗﺮﻓﻀﻴﻨﻲ ﺍﺩﻭﺱ ﺭﺍﺳﺞ ﺑﻠﻘﻨﺪﺭﻩ ﻭﻣﻴﺮﻓﻠﻲ ﺟﻔﻦ ﺣﻘﻴﺮﺭﺭﺭﺭﺭﻩ ....
ﻭﺧﺮﺭﺭﺭﺭﺭ ﺷﻨﻮ ﻫﻞ ﺍﻻﻟﻔﺎﺽ ﻫﺎﻱ ﺍﻧﺖ ﻣﻨﻮ ﻭﺗﺤﺠﻲ ﻭﻳﺎﻱ ﻫﻴﺞ ﺍﺣﺘﺮﻡ ﻧﻔﺴﻚ
ﻟﺞ ﻫﺎﻱ ﻋﻠﻴﻤﻦ ﺍﻧﺘﻲ ﺷﻜﺪ ﺻﻠﻔﻪ ﻻ ﻋﺒﺎﻟﺞ ﺍﻧﻲ ﻣﻴﺖ ﻋﻠﻴﺞ ﻟﻮﺗﻀﻠﻴﻦ ﺁﺧﺮ ﻭﺣﺪﻩ ﺑﻠﺪﻧﻴﻪ ﻣﺎﺍﺧﺬﺝ
ﻳﺤﺠﻲ ﻭﻋﻴﻮﻧﻪ ﻛﻠﻪ ﻏﻀﺐ ﻭﻻﺯﻡ ﻓﻜﻲ ﺑﻴﺪﻩ ﺣﺴﻴﺘﻪ ﺭﺍﺡ ﻳﻨﻜﺴﺮ ﺍﻟﺪﻣﻌﻪ ﻣﺴﺘﻘﺮﻩ ﺑﻌﻴﻨﻲ ﺑﺲ ﻣﺎﺭﻳﺪ ﺗﻨﺰﻝ ﻛﺪﺍﻣﻪ ﻗﻮﻳﺖ ﻧﻔﺴﻲ ﻭﺣﺠﻴﺖ
ﻟﻌﺪ ﺷﻜﻮ ﺩﺍﺯ ﺍﻣﻚ ﺍﻧﻲ ﻣﺴﻮﻳﺖ ﺷﻲ ﺳﻠﻮﻧﻲ ﻭﺟﺎﻭﺑﻲ ﺍﻟﺮﻓﺾ
ﻣﻨﻮ ﺩﺍﺯ ﺍﻣﻪ ﻟﺞ ﺣﺠﺎﻳﻪ ﻧﺤﺠﺖ ﺑﻴﻦ ﺍﻣﻲ ﻭﺍﺑﻮﻳﻪ ﻭﺍﻧﻲ ﻛﺎﻋﺪ ﻣﺎﺣﺠﻴﺖ ﻓﻌﺒﺎﻟﻬﻢ ﻣﻮﺍﻓﻖ ﻭﺳﻮﻩ ﺻﺪﻙ ﻭﺧﻄﺒﻮﺝ
ﺧﻠﺺ ﺷﻜﻮ ﺟﺎﻳﻨﻲ ﺗﺮﻋﺪ ﺍﺭﻓﺾ ﻣﺜﻞ ﻣﺎﺍﻧﻲ ﺭﻓﻀﺖ ﻭﺳﺪ ﺍﻟﻤﻮﺿﻮﻉ
ﻭﺍﺫﺍ ﺍﺑﻮﻳﻪ ﺍﺻﺮ ....
ﺿﺤﻜﺖ ﺑﺴﺘﻬﺰﺍﺀ
ﺷﻨﻮ ﻗﺼﺪﻙ ﺍﺻﺮ ﻳﻌﻨﻲ ﻗﺎﺑﻞ ﻳﺠﺒﺮﻙ ﺍﻧﺖ ﻣﺮﻩ ﺣﺘﻰ ﺗﻨﺠﺒﺮ ؟
ﺣﺠﻴﺖ ﻫﻴﺞ ﺭﺍﺳﻦ ﺧﻨﻜﻨﻲ ﻣﻦ ﺭﻛﺒﺘﻲ ﻛﻤﺖ ﺍﺭﻓﺲ ﺑﺮﺟﻠﻴﻪ
ﻟﺞ ﺑﻨﺖ ﺍﻟﻜﻠﺐ ﻣﻨﻮ ﺍﻟﻤﺮﺓ ﻭﺍﻟﻠﻪ ﺟﻨﺖ ﺣﺎﻟﻒ ﺍﺳﻮﻱ ﻣﺼﻴﺒﻪ ﻭﻣﺎﺧﺬﺝ ﺑﺲ ﻋﻞ ﻫﺎﻱ ﻛﻠﻤﺘﺞ ﺍﻝ ﺍﻛﺴﺮ ﺧﺸﻤﺞ ﻭﺍﺷﻮﻓﺞ ﻫﺬﺍ ﻟﺪﻛﻮﻟﻴﻦ ﻋﻠﻴﻪ ﻣﺮﻩ ﺷﺮﺍﺡ ﻳﺴﻮﻱ
ﺩﻓﻌﻨﻲ ﺣﻴﻞ ﻭﻃﻠﻊ ﻭﻛﻌﺖ ﺑﻤﻜﺎﻧﻲ ﺍﻟﻠﻪ ﻳﺄﺧﺬﻙ ﻳﺎﺣﻘﻴﺮ ﻛﺒﺮ ﺣﺘﻰ ﻛﺒﺮ ﻣﻮ ﺍﻳﺪ ﻋﺒﺎﻟﻚ ﺣﺪﻳﺪ ﺍﻟﺮﺟﻔﻪ ﺑﺠﺴﻤﻲ ﺳﺮﺕ ﻣﻦ ﻫﺬﺍ ﺍﻟﻤﻮﻗﻒ ﺍﻧﻮﺏ ﺍﻟﺤﻘﻴﺮ ﻳﺴﺒﻨﻲ ﻭﻳﺴﺐ ﺍﺑﻮﻳﻪ ﺑﻜﺒﺮﻩ ﺍﻟﻠﻪ ﻻﻳﻮﻓﻘﻚ ﻛﻤﺖ ﻟﻠﻤﻐﺴﻠﻪ ﺍﻏﺴﻞ ﻭﺍﺣﺲ ﻧﺎﺭ ﻳﻄﻠﻊ ﻣﻦ ﻭﺟﻬﻲ ﺻﻌﺪﺕ ﺍﻟﻐﺮﻓﺘﻲ ﺑﺪﻟﺖ ﻣﻼﺑﺴﻲ ﻭﻧﺰﻟﺖ ﺩﺧﻠﺖ ﺍﻣﻲ
ﻫﺎﺀ ﻳﻤﻪ ﺟﻴﺘﻲ
ﺍﻱ ﻳﻤﻪ ﻣﻦ ﺷﻮﻛﺖ ﻭﻳﻦ ﺟﻨﺘﻲ ﻣﺪﻛﻠﻴﻠﻲ
ﻫﺎﻱ ﺷﺒﻴﺞ ﺑﻴﺖ ﻋﻤﺞ ﺷﻜﻮ ﺍﺷﻮ ﻣﻮﻋﻞ ﺑﻌﻀﺞ
ﻳﻤﻪ ﻓﻬﺪ ﻣﺎﺭﻳﺪﻩ ﻫﺬﺍ ﺍﻟﺤﺠﻲ ﺩﻛﻮﻟﻲ ﻟﺒﻴﺖ ﻋﻤﻲ ﺳﻤﻌﺘﻲ ﻣﺎﺭﺭﺭﺭﺭﻳﺪﻩ
ﻭﻟﺞ ﺍﺷﺒﻴﺞ ﺍﺷﻮ ﻣﺪﺧﻨﻪ ﻣﻮﺣﺠﻴﻨﻪ ﺑﻬﻞ ﻣﻮﺿﻮﻉ ﻭﺭﺩﻳﺖ ﺧﺒﺮ ﻟﻌﻤﺖ ﻭﺍﻟﻤﺮﻩ ﻣﺎﺣﺠﺖ ﻛﺎﻟﺖ ﻛﻠﺸﻲ ﻗﺴﻤﻪ ﺑﻌﺪ ﺷﻜﻮ
ﻣﺎﻛﻮ ﺷﻲ ﺑﺲ ﺭﺩﺕ ﺍﻛﺪﺩ ﻋﻠﻴﺞ ﻭﺑﺲ
ﺩﺗﻌﺎﻱ ﻧﺘﻐﺪﻩ ﻭﻋﻮﻓﻲ ﻫﺎﻱ ﺍﻟﺴﺎﻟﻔﻪ
ﻟﻌﺪ ﺳﻤﺮ ﻭﻳﻦ
ﺿﻠﺖ ﻫﻨﺎﻙ ﺳﺎﺭﻩ ﺟﻠﺒﺖ ﺑﻴﻪ
ﻫﺎﻱ ﺑﻨﺖ ﻣﺘﻌﺮﻑ ﺗﻜﻌﺪ ﺑﻠﺒﻴﺖ ﺧﻞ ﺗﻌﻴﺶ ﻳﻤﻬﻢ ﻭﺗﻔﻀﻪ ﺍﺣﺠﻲ ﻭﺍﺻﺐ ﺑﻠﻐﺪﺍ
ﻳﻤﻪ ﺷﺘﺮﺩﻳﻦ ﻣﻨﻪ ﻫﻴﻪ ﻣﺘﻌﻠﻤﻪ ﻣﻦ ﻫﻴﻪ ﺻﻐﻴﺮﻩ ﻋﻠﻴﻬﻢ
ﺗﻐﺪﻳﻨﻪ ﻭﻛﻤﻠﻨﻪ ﻏﺴﻠﺖ ﺍﻟﻤﻮﺍﻋﻴﻦ ﻭﺻﻌﺪﺕ ﻟﻐﺮﻓﺘﻲ ﻟﻔﻴﺖ ﺭﺍﺳﻲ ﻭﻧﻤﺖ
ﻣﺮﺕ ﻳﻮﻣﻴﻦ ﻭﺍﻟﻌﺼﺮ ﺟﻨﺖ ﺩﺍﺭﺵ ﺑﻠﺤﺪﻳﻘﻪ ﻭﻧﺪﻛﺖ ﺍﻟﺒﺎﺏ ﺫﺑﻴﺖ ﺍﻟﺼﻮﻧﺪﻩ ﻭﺭﺣﺖ ﻓﺘﺤﺖ ﺍﻟﺒﺎﺏ ﺩﺧﻞ ﻋﻤﻲ
ﻫﺎﺀ ﻋﻤﻲ ﺷﻠﻮﻧﺞ
ﻫﻠﻮﻭﻭ ﻋﻤﻲ ﺣﺒﻴﺒﻲ ﺷﻠﻮﻧﻚ ﺑﻮﺳﺘﻪ
ﺑﺨﻴﺮ ﺩﺍﻣﺞ ﺑﺨﻴﺮ
ﺭﺩﺕ ﺍﻓﻮﺕ ﺍﻓﺘﺢ ﺍﻻﺳﺘﻘﺒﺎﻝ ﻣﺎﻗﺒﻞ ﻛﻠﻲ ﺗﻌﺎﻟﻲ ﻧﻜﻌﺪ ﻫﻨﺎﺀ ﺍﻧﻲ ﺟﺎﻱ ﻋﻠﻴﺞ ﻭﺃﺭﻳﺪ ﺍﻛﻌﺪ ﻭﻳﺎﺝ ﻭﺣﺪﻧﺎ
ﻛﻌﺪﻧﻪ ﻋﻞ ﻛﺮﺍﺳﻲ ﺑﻠﺤﺪﻳﻘﻪ ﺻﺮﺕ ﻣﻘﺎﺑﻴﻠﻪ
ﻛﻮﻝ ﻋﻤﻲ ﺃﻣﺮﻧﻲ
ﻣﺎﻳﻤﺮ ﻋﻠﻴﺞ ﺿﺎﻟﻢ ﺍﻧﻲ ﺩﺯﻳﺖ ﻋﻤﺘﺞ ﺗﺨﻄﺒﺞ ﺍﻟﻔﻬﺪ ﻭﺍﺟﺎﻧﻲ ﺍﻟﺮﺩ ﻣﻤﻮﺍﻓﻘﻪ ﻓﺠﻴﺖ ﺍﺣﺎﺟﻴﺞ ﺑﻨﻔﺴﻲ
......
ﺭﺩﺕ ﺍﺣﺠﻲ ﺍﺷﺮﻟﻲ ﺑﻴﺪﻩ ﺑﻌﻼﻣﻪ ﺗﻮﻗﻒ
ﺳﻤﻌﻴﻨﻲ ﺑﻨﺘﻲ ﻟﻼﺧﻴﺮ ﻭﻻﺗﺮﺩﻳﻠﻲ ﺟﻮﺍﺏ ﺇﻟﻰ ﺗﻔﻜﺮﻳﻦ ﻋﻞ ﻣﻬﻞ . ﺍﻧﻲ ﻣﻦ ﻣﺎﺕ ﺍﻟﻤﺮﺣﻮﻡ ﺍﺧﻮﻳﻪ ﻭﺍﻧﻲ ﺣﺎﺳﺒﺠﻦ ﻣﺜﻞ ﺑﻨﺎﻧﻲ ﺍﻟﻠﻪ ﺷﺎﻫﺪ ﻋﻠﻴﻪ ﻭﻣﺎﻓﺮﻗﺠﻦ ﻣﻦ ﺳﺎﺭﻩ ﻭﺭﺳﻞ ﻭﺭﺩﺗﺞ ﺍﻟﻔﻬﺪ ﺍﻧﺘﻲ ﺑﻠﺬﺍﺕ ﻟﻨﺞ ﻋﺰﻳﺰﺗﻲ ﻭﻣﺎﻟﻜﻪ ﺍﺣﺴﻦ ﻣﻨﺞ ﺻﺤﻴﺢ ﻓﻬﺪ ﻋﺼﺒﻲ ﻭﻣﻴﻨﺤﻤﻞ ﺑﺲ ﺍﻟﻤﺮﻩ ﺍﻟﺰﻳﻨﻪ ﺑﻴﺪﻩ ﺗﺨﻠﻲ ﺍﻟﺮﺟﺎﻝ ﻛﺘﻠﻪ ﻣﻦ ﻧﺎﺭ ﻭﺑﻴﺪﻩ ﺗﺨﻠﻲ ﻛﺘﻠﻪ ﻣﻦ ﺛﻠﺞ ﻭﺍﻧﺘﻲ ﺑﻨﺖ ﺍﺧﻮﻱ ﻭﺗﺮﺑﺎﺕ ﺍﻳﺪﻱ ﺍﺭﻳﺪﺝ ﻟﺒﻨﻲ ﻭﺑﻴﺘﻲ ﻭﻛﺪﺍﻡ ﻋﻴﻨﻲ ﺣﺘﻰ ﻟﻮ ﻭﺍﺟﻬﺖ ﺍﺧﻮﻱ ﺑﻴﻮﻡ ﺍﻟﺤﺴﺎﺏ ﺍﻛﻠﻪ ﻛﻤﻠﺖ ﺭﺳﺎﻟﺘﻲ ﻟﻼﺧﻴﺮ ﻭﺑﻨﺘﻚ ﺑﺮﻛﺒﺖ ﺍﺑﻨﻲ
ﺍﻟﺞ ﻛﻞ ﺍﻟﻮﻗﺖ ﻻﺗﺠﺎﻭﺑﻴﻦ ﻫﺴﻪ
ﻫﻮﻩ ﻳﺤﺠﻲ ﻭﺍﻧﻲ ﺍﻓﺮﻙ ﺑﻴﺪﻱ ﻭﻣﺪﻧﻜﻪ ﺭﺍﺳﻲ ﻳﻤﻜﻦ ﺣﺘﻰ ﺃﺻﺎﺑﻌﻲ ﺗﻜﺴﺮﻥ ﻣﻦ ﺍﻟﺘﻮﺗﺮ ﺍﺟﺘﺘﻲ ﺍﻣﻲ ﻭﺳﻤﺮ ﺭﺍﺳﻦ ﻋﻔﺘﻬﻢ ﻭﺭﺣﺖ ﺍﻟﻐﺮﻓﺘﻲ
ﻳﺎﺭﺑﻲ ﺷﺴﻮﻱ ﺍﺷﻠﻮﻥ ﺍﻭﻛﻒ ﺑﻮﺟﻪ ﻋﻤﻲ ﻭﺍﻛﻮﻟﻪ ﻣﻤﻮﺍﻓﻘﻪ ﻭﺍﻟﻠﻪ ﻣﺎﻟﻲ ﺟﺮﻯ ﺍﺷﻠﻮﻥ ﺷﺴﻮﻱ ﺍﻓﺘﺮ ﺑﻠﻐﺮﻓﻪ ﻭﺍﻟﻨﺎﺭ ﺗﺴﻌﺮ ﺑﻜﻠﺒﻲ ﺭﺑﻲ ﻛﻮﻟﺸﻲ ﻭﻻ ﻋﻤﻲ ﺍﺷﻠﻮﻥ ﺍﺷﻠﻮﻥ ﻃﺨﺖ ﺍﺑﺎﻟﻲ ﺍﺧﺎﺑﺮﻩ ﻭﺍﻛﻮﻟﻪ ﻟﺰﻣﺖ ﻣﻮﺑﺎﻳﻠﻲ ﺍﺩﻭﺭ ﺭﻗﻤﻪ ﻣﺎﻛﻮ ﻋﻨﺪﻱ ﻣﻠﻜﻴﺘﻪ ﻃﺒﻌﻦ ﻣﺎﻟﻜﺎﻩ ﺍﻧﻲ ﺍﻣﻮﺕ ﻣﻨﻪ ﺷﻠﻮﻥ ﺍﻟﻜﻪ ﺭﻗﻤﻪ ﻣﻮﺑﺎﻳﻠﻲ ﺩﺧﻠﺖ ﻋﻞ ﻓﻴﺲ ﻭﻛﺘﺒﺖ ﻓﻬﺪ ﺁﻝ ............. ﺭﺍﺳﻦ ﻃﻠﻊ ﺩﺧﻠﺖ ﻋﻞ ﺻﻔﺤﺘﻪ ﻃﻠﻌﺖ ﺻﻮﺭﺗﻪ ﺍﻟﺸﺨﺼﻴﻪ ﻋﻞ ﺻﻔﺤﻪ ﻻﺑﺲ ﻋﺴﻜﺮﻱ ﻭﺍﻟﺠﻜﺎﺭﻩ ﺑﻴﺪﻩ ﻭﺍﻛﻒ ﻳﻢ ﺳﻴﺎﺭﺗﻪ ﻭﻧﻔﺲ ﻭﺟﻪ ﺍﻟﻤﻌﻘﻮﺝ ﻛﺒﺮ ﺣﺘﻰ ﺑﻠﺼﻮﺭﻩ ﻋﺎﻗﺞ ﻭﺟﻬﻚ ﺩﺯﻳﺘﻠﻪ ﻃﻠﺐ ﺻﺪﺍﻗﻪ ﺣﺘﻰ ﺃﻛﺪ ﺍﺧﺎﺑﺮﻩ ﻋﻞ ﻣﺎﺯﻧﺠﺮ ﺍﻧﺘﻀﺮ ﺍﻧﺘﻀﺮ ﻣﺎﻛﻮ ﺑﻘﻴﺖ ﺍﻟﻮﺏ ﺇﻟﻰ ﺍﻥ ﻭﺍﻓﻖ ﺭﺍﺳﻦ ﻛﺘﺒﺖ
ﻫﻠﻮﻭﻭ
ﻣﺠﺎﻭﺏ
ﻳﻄﻠﻊ ﻣﺮﺋﻲ
ﺍﻭﻭﻭﻭﻭﻑ ﺍﻭﻭﻭﻭﻭﻑ ﻃﺒﻌﻦ ﻋﺮﻓﻨﻲ ﻣﻦ ﺍﻻﺳﻢ ﺩﻛﻴﺖ
ﺩﻙ ﺩﻙ ﺩﻙ ﻗﺒﻞ ﻣﻴﻨﻔﺼﻞ ﺟﺎﻭﺏ
ﺍﻟﻮﻭﻭﻭﻭﻭ
ﻫﺎﺀ ﻓﻬﺪ ﺷﻠﻮﻧﻚ ﺍﻧﻲ ﻗﻤﺮ
ﻫﻠﻮﻭﻭﻭﻭ ﺧﻴﺮ
ﻓﻬﺪ ﻋﻤﻲ ﺍﺟﻪ ﻭﺣﺠﻪ ﻭﻳﺎﻱ ﺍﺗﺼﺮﻑ ﺍﺭﻓﺾ ﺍﻧﺖ ﺗﺮﻩ ﺻﺎﺭﺕ ﺻﺪﻙ
ﻭﺍﻧﻲ ﺷﻌﻠﻴﻪ
ﺷﻨﻮ ﺷﻌﻠﻴﻚ ﻓﻬﺪ ﻋﻮﻑ ﺍﻟﺒﻴﻨﻪ ﻣﻦ ﺣﻘﺪ ﺩﺍﻛﻠﻚ ﺻﺎﺭﺕ ﺻﺪﻙ
ﻭﺍﻧﻲ ﺷﻜﻮ ﻋﻤﺞ ﺟﺎﻥ ﻳﻤﺞ ﻣﺎﻛﺘﻠﻴﻪ ﻣﻤﻮﺍﻓﻘﻪ ﻭﻳﻦ ﺭﺍﺡ ﻟﺴﺎﻧﺞ
ﻣﺎﻛﺪ ﻣﺎﻛﺪ ﺍﻭﻛﻒ ﺑﻮﺟﻪ ﻋﻤﻲ ﻭﺍﻧﺖ ﺗﺪﺭﻱ
ﻭﺍﻧﻲ ﻫﻢ ﻣﺎﻛﺪ ﺗﻌﺮﻓﻴﻦ ﻟﻴﺶ
ﻟﻴﺶ؟
ﻟﻦ ﺍﻧﻲ ﻣﺮﻩ ﻣﻮﻫﺎﻱ ﺣﺠﺎﻳﺘﺞ ﺍﻟﻲ ﻟﻮﻧﺴﻴﻨﻲ
ﻓﻬﻬﻬﻬﻬﻬﻬﻬﻬﻬﻬﻬﺪ
ﻭﺳﻢ ﺷﻜﻮ ﺗﺼﻴﺤﻦ ﺍﺟﻲ ﺍﻓﺮﻙ ﺣﻠﻜﺞ
ﻳﻌﻨﻲ ﺣﺠﺎﻳﻪ ﻧﺤﺠﺖ ﺑﻮﻛﺖ ﻋﺼﺒﻴﻪ ﻟﻴﺶ ﺗﺠﻠﺐ ﺑﻴﻪ ﻭﺗﺨﺮﺏ ﺣﻴﺎﺗﻲ ﺗﺮﻩ ﺣﺮﺍﻡ ﻋﻠﻴﻚ
ﻭﻫﺎﻱ ﺍﻟﺤﺠﺎﻳﻪ ﺭﺍﺡ ﺍﺧﻠﻴﺞ ﺗﺪﻓﻌﻴﻦ ﺛﻤﻨﻪ ﻏﺎﻟﻲ
ﺣﻘﻴﺮﺭﺭﺭﺭﺭﺭﺭ ﻣﺴﺘﻔﺰﺯﺯﺯﺯﺯ ﺍﻟﻠﻪ ﻳﺎﺧﺬ ...... ﺑﻌﺪﻧﻲ ﻣﻤﻜﻤﻠﻪ ﺳﺪﻩ ﺑﻮﺟﻬﻲ ﻛﻤﺖ ﺍﻓﻮﺭ ﺍﻓﻮﺭ ﺩﻛﻴﺖ ﺍﻟﻨﻮﺏ ﺣﺘﻰ ﺍﺑﺮﺩ ﻛﻠﺒﻲ ﻭﺍﻏﻠﻂ ﻋﻠﻴﻪ ﻟﻜﻴﺘﻪ ﺣﺎﺿﺮﻧﻲ ﺍﻟﻠﻪ ﻳﻨﺘﻘﻢ ﻣﻨﻚ ﻧﺰﻟﺖ ﺍﺭﻛﺾ ﻋﻞ ﺍﻣﻲ ﺣﺠﻴﺖ ﺣﺠﻴﺖ ﺍﻟﺤﺎﻳﻂ ﺭﺩ ﻭﺍﻣﻲ ﻣﺎﺭﺩﺕ ﻏﻴﺮ ﺍﻧﺘﻲ ﻭﻋﻤﺞ ﻣﺎﻟﻲ ﺷﻐﻠﻪ ﻻﺗﺨﺎﺭﺑﻴﻨﻲ ﻭﻳﻪ ﺑﻴﺖ ﻋﻤﺞ ﺗﺮﺩﻳﻦ ﺗﺮﻓﻀﻴﻦ ﻛﻌﺪﻱ ﻭﻳﺎﻩ ﻋﻤﺞ ﻭﺭﺍﻓﻀﻲ
ﻓﻘﺪﺕ ﻛﻤﺖ ﺍﻟﻄﻢ ﻭﺍﺑﺠﻲ ﺻﻌﺪﺕ ﻟﻐﺮﻓﺘﻲ ﺩﻓﻨﺖ ﺭﺍﺳﻲ ﺑﻠﻤﺨﺪﻩ ﻭﺃﺻﺮﺥ ﺭﺑﻲ ﺳﺎﻋﺪﻧﻲ ﻭﺍﻟﻠﻪ ﻣﺎﺗﺤﻤﻞ ﺷﻮﻓﺖ ﻭﺟﻪ ﻣﻮﻧﻮﺏ ﺍﺗﺰﻭﺟﻪ ﺭﺭﺭﺭﺭﺭﺭﺑﻲ
ﻳﻮﻣﻴﻦ ﻣﺎﺣﺠﻲ ﻭﻳﺎﻩ ﺍﻣﻲ ﻭﺣﺘﻰ ﺍﻻﻛﻞ ﻛﻄﻌﺘﻪ ﺍﺭﻭﺡ ﻟﻠﺪﻭﺍﻡ ﻭﺍﺭﺟﻊ ﻛﺒﻞ ﺍﻟﻐﺮﻓﺘﻲ ﺑﺲ ﻣﺘﺬﻳﻪ ﻛﻮﻟﺶ ﺍﻧﻲ ﺍﻣﻲ ﻫﻴﻪ ﻭﺭﻭﺣﻲ ﺍﺷﻠﻮﻥ ﻣﺎﺣﺠﻲ ﻭﻳﺎﻩ ﻫﻴﻪ ﻣﺎﺑﻴﺪﻩ ﺷﻲ ﻭﺭﺍﺣﺖ ﻛﺎﻟﺘﻬﻠﻢ ﺟﻮﺍﺑﻲ ﺑﻠﺒﺪﺍﻳﻪ ﺑﺲ ﻋﻤﻲ ﺍﺟﻪ ﺑﻨﻔﺴﻪ ﺑﻌﺪ ﻣﺘﻜﺪ ﺗﺮﺩﻩ ﻟﻬﻮﺍﻱ ﺍﺳﺒﺎﺏ ﺍﻣﻲ ﺣﻴﻞ ﺗﺤﺘﺮﻣﻪ ﻭﺩﻭﻡ ﺩﻛﻮﻝ ﺍﺫﺍ ﺳﻮﻩ ﺍﻟﻲ ﺍﺧﻮﺗﻲ ﻣﺴﻮﻩ ﻣﻦ ﻣﺎﺕ ﺍﺑﻮﺟﻦ ﻭﻋﺎﻓﺠﻦ ﻟﺤﻤﻪ ﺣﻤﺮﻩ ﻛﻠﻤﻦ ﺩﺍﺭ ﻭﺟﻪ ﻭﺷﺎﻑ ﺣﺎﻟﻪ ﺇﻟﻰ ﻋﻤﺞ ﺷﺎﻝ ﻫﻤﺠﻦ ﻭﻣﺎﻓﺮﻗﺠﻦ ﻣﻦ ﺑﻨﺎﺗﻪ
ﺑﻠﻴﻞ ﻧﺰﻟﺖ ﺟﺎﻧﺖ ﺩﺗﺼﻠﻲ ﻧﻤﺖ ﺑﺤﻀﻨﻪ ﻭﺍﺑﺠﻲ
.......
ﻳﻤﻪ ﺳﺎﻣﺤﻴﻨﻲ ﻋﻞ ﺗﺼﺮﻓﺎﺗﻲ ﻳﻤﻪ ﻭﺍﻟﻠﻪ ﻣﻮﺑﻴﺪﻱ ﻭﺍﻟﻠﻪ ﻣﺎﺣﺒﻪ ﻭﻣﻄﺎﻳﻘﺘﻪ ﻭﻻ ﻫﻮﻩ ﻃﺎﻳﻘﻨﻲ ﻟﻴﺶ ﺗﻀﻠﻤﻮﻧﻪ ﻭﺍﻟﻠﻪ ﻣﺎﺭﻳﺪ ﺍﺧﺴﺮ ﻋﻤﻲ ﺑﺲ ﺑﻨﻔﺲ ﺍﻟﻮﻗﺖ ﻣﺎﻛﺪ ﺍﺿﻐﻂ ﻋﻞ ﻧﻔﺴﻲ ﻭﺍﺗﻘﺒﻠﻪ ﻳﻤﻪ ﻋﻤﻲ ﻳﻜﻮﻟﻲ ﻳﻮﻣﻴﻦ ﻓﻜﺮﻱ ﻭﺍﻟﻠﻪ ﻳﻤﻪ ﻣﺎﻛﺪ ﺣﺘﻰ ﺃﻓﻜﺮ ﻣﺠﺮﺩ ﺗﻔﻜﻴﺮ ﺍﻋﺼﺎﺑﻲ ﺗﺘﺸﻨﺞ ﻳﻤﻪ ﺩﺗﻔﻬﻤﻴﻨﻲ
ﻟﻴﺶ ﺑﻨﺘﻲ ﻭﺍﻟﻠﻪ ﻓﻬﺪ ﻣﺎﻛﻮ ﻣﻨﻪ ﻋﻮﻓﺞ ﻣﻦ ﺍﻷﻋﺼﺎﺏ ﻛﻞ ﺭﺟﺎﻝ ﻋﺼﺒﻲ ﻭﺷﻨﻮ ﻫﻮﻩ ﻫﻢ ﻣﻄﺎﻳﻘﻨﻲ ﻟﻮ ﻣﻤﻮﺍﻓﻖ ﻣﺠﺎﻥ ﻋﻤﺞ ﺣﺠﻪ ﻗﺎﺑﻞ ﺟﺎﻱ ﻣﻦ ﻛﻴﻔﻪ ﺍﻛﻴﺪ ﻛﻌﺪ ﻭﻳﺎﻩ ﻣﺜﻞ ﻣﻜﻌﺪ ﻭﻳﺎﺝ ﺑﻌﺪ ﺷﺘﺮﺩﻳﻦ ﻳﺠﻴﺞ ﻭﺍﺣﺪ ﻣﻦ ﺷﺒﺎﺏ ﻫﻞ ﻭﻛﺖ ﺍﻟﻤﺎﻳﻌﻴﻦ ﻓﻬﺪ ﺟﺒﻴﺮ ﻭﺍﻋﻲ ﻭﺛﻜﻴﻞ ﻭﺭﺯﻥ ﻭﻣﺎﺷﺎﻟﻠﻪ ﺷﺨﺼﻴﻪ ﻭﺿﻴﻔﻪ ﻻﻣﻮﺿﻴﻔﻪ ﺿﺎﺑﻂ ﻫﻴﺒﻪ ﺷﺘﺮﺩﻳﻦ ﺍﺣﺴﻦ ﻣﻦ ﻫﻴﺞ ﻭﺍﻟﻤﺜﻞ ﻳﻜﻮﻝ ﺍﻟﺰﻳﻦ ﺍﻟﺘﻌﺮﻓﻪ ﺍﺣﺴﻦ ﻣﻦ ﺍﻟﺸﻴﻦ ﺍﻟﻤﺎﺗﻌﺮﻓﻪ ﻭﺇﺫﺍ ﻋﻞ ﺣﺐ ﻳﻤﻪ ﻣﻨﻮ ﻣﻨﻪ ﺣﺒﺖ ﻭﺗﺰﻭﺟﺖ ﺍﻟﺤﺐ ﻳﻤﻪ ﻳﺠﻲ ﻭﺭﻩ ﺍﻟﺰﻭﺍﺝ ﻓﻄﺮﻩ ﻣﻦ ﺭﺏ ﺍﻟﻌﺎﻟﻤﻴﻦ ﺍﻟﻠﻪ ﺑﻠﻘﺮﺍﻥ ﻳﻜﻮﻝ ( ﻭﺟﻌﻠﻨﺎ ﺑﻴﻨﻜﻢ ﻣﻮﺩﻩ ﻭﺭﺣﻤﻪ ) ﻭﺍﻧﻲ ﺍﺫﺍ ﺻﺮﺗﻲ ﻟﻔﻬﺪ ﺻﺪﻙ ﺍﻣﻮﺕ ﻭﺍﻧﻲ ﻣﺮﺗﺎﺣﻪ
ﺗﺤﺠﻲ ﻭﺗﻤﺴﺢ ﻋﻞ ﺭﺍﺳﻲ ﻭﺍﻧﻲ ﺍﺑﺠﻲ ﻣﺮﺍﺡ ﻳﻔﻬﻤﻮﻧﻲ ﻟﻮﺍﺣﺠﻲ ﻟﻠﺼﺒﺢ ﻋﻔﺘﻪ ﻭﻛﻤﺖ ﺗﻌﺒﺖ ﻣﻦ ﺍﻟﺒﺠﻲ ﻧﻤﺖ ﻭﺍﻟﺼﺒﺢ ﺭﺣﺖ ﻟﻠﺪﻭﺍﻡ ﻋﻨﺪﻱ ﺻﺪﻳﻘﻪ ﺍﺳﻤﻪ ﺳﺮﻯ ﻫﻢ ﻭﻳﺎﻱ ﺳﺎﺩﺱ ﺳﻮﻟﻔﺘﻠﻪ
ﻗﻤﺮ ﺻﺪﻙ ﻫﻮﻩ ﺷﻜﻠﻪ ﻣﺘﻌﺠﺮﻑ ﻭﻣﺘﻜﺒﺮ ﺑﺲ ﺷﺨﺼﻴﻪ ﻭﺷﻜﻠﻪ ﺑﺸﺪﻩ
ﺳﺮﻯ ﺍﻧﻲ ﻭﻳﻦ ﺍﺣﺠﻲ ﻭﺍﻧﺘﻲ ﻭﻳﻦ ﺗﺤﺠﻴﻦ ﺍﻛﻮﻟﺞ ﺃﺗﺨﻴﻞ ﻣﻨﻪ ﻭﺷﻮﻓﻴﻠﻲ ﺣﻞ ﺍﺧﻠﺺ ﻣﻨﻪ ﺩﻛﻮﻟﻠﻲ ﺷﻜﻠﻪ ﺑﺸﺪﻩ ﺷﺴﻮﻱ ﺑﺸﻜﻠﻪ ﻟﺨﺎﻃﺮ ﺍﻟﻠﻪ
ﺍﻱ ﺍﻧﻲ ﻣﺎﻋﺮﻑ ﻟﻴﺶ ﺗﻜﺮﻫﻲ ﻏﻴﺮ ﺍﻛﻮ ﺳﺒﺐ
ﺑﺪﻭﻥ ﺳﺒﺐ ﺑﺲ ﻣﻦ ﺯﻣﺎﻥ ﺍﻧﻲ ﻣﺎﻃﻴﻘﻪ
ﻭﺍﻟﻠﻪ ﻋﻴﻨﻲ ﻣﺎﺩﺭﻱ ﺑﺲ ﺍﻧﻲ ﺍﺷﻮﻑ ﻟﻮ ﺗﻔﻜﺮﻳﻦ ﻗﺒﻞ ﻣﺘﻘﺮﺭﻳﻦ ﺍﻗﻠﻪ ﺣﺘﻰ ﻣﺘﺨﺴﺮﻳﻦ ﻋﻤﺞ
ﻭﺍﻭﻭﻭﻭﻑ ﻫﻮﻩ ﺷﺮﺍﺑﻂ ﻟﺴﺎﻧﻲ ﻏﻴﺮ ﻋﻤﻲ
ﺷﻮﻓﻲ ﺣﺒﻲ ﺻﻠﻲ ﺳﺘﺨﺎﺭﻩ ﻭﺍﻛﻴﺪ ﺍﻟﺒﻲ ﺧﻴﺮ ﻳﻘﺪﻣﻪ ﺭﺑﺞ
ﻭﻧﻌﻢ ﺑﺎﻟﻠﻪ ﻳﻠﻪ ﺍﺟﻪ ﺍﻟﺨﻂ ﻛﻮﻣﻲ ﺩﻧﺮﻭﺡ ﺭﺣﻌﺖ ﻟﻠﺒﻴﺖ ﺩﻳﺨﻪ ﻭﻣﺴﻄﻮﺭﻩ ﺻﻠﻴﺖ ﺍﻟﻀﻬﺮ ﻭﺻﻠﻴﺖ ﺍﺳﺘﺨﺎﺭﻩ ﻭﻃﻠﺒﺖ ﺭﺑﻲ ﻳﺪﻟﻴﻨﻲ ﻋﻞ ﻃﺮﻳﻖ ﺍﻟﺼﺤﻴﺢ ﻭﻓﻮﺿﺖ ﺍﻣﺮﻱ ﻟﻠﻪ ﻛﻤﻠﺖ ﻭﻧﻤﺖ ﻟﻠﻌﺼﺮ ﺣﺘﻰ ﻣﺘﻐﺪﻳﺖ ﻛﻌﺪﺗﻨﻲ ﺳﻤﺮ
ﻛﻮﻣﻲ ﻛﻮﻣﻲ ﻋﻤﻲ ﺟﻮﻩ ﻳﺮﻳﺪﺝ
ﻋﺮﻓﺖ ﻋﻞ ﺷﻨﻮ ﺟﺎﻱ ﻏﺴﻠﺖ ﻭﻧﺰﻟﺖ ﺟﺎﻥ ﺟﺎﻱ ﻫﻮﻩ ﻭﻋﻤﺘﻲ ﻭﺳﺎﺭﻩ ﻭﺭﺳﻞ ﺳﻠﻤﺖ ﻭﻛﻌﺪﺕ ﻫﻤﻪ ﻳﺴﻮﻟﻔﻮﻥ ﻭﺍﻧﻲ ﺑﺎﻟﻲ ﺑﻐﻴﺮ ﻋﺎﻟﻢ ﺣﺎﻳﺮﻩ ﺷﻠﻮﻥ ﺍﺫﺍ ﺳﻠﻨﻲ ﺍﻛﻮﻟﻪ ﻣﻤﻮﺍﻓﻘﻪ ﻭﻋﺎﻧﻲ ﺻﻮﺗﻪ
ﻫﺎﺍﺍﺍﺍﺀ ﺑﻌﺪ ﻋﻤﺞ ﻭﻳﻦ ﺻﺎﻓﻨﻪ ﻓﻜﺮﺗﻲ ﺑﻠﻮﺿﻮﻉ ﻟﻜﺘﻠﺞ ﻋﻠﻴﻪ
ﺻﺎﺭ ﻫﺪﻭﻯ ﻭﺍﻻﻧﻀﺎﺭ ﻛﻠﻪ ﻋﻠﻴﻪ ﻣﻨﺘﻀﺮﻳﻦ ﻣﻨﻲ ﻛﻠﻤﻪ ﻭﺍﻧﻲ ﺍﻟﻜﻠﻤﻪ ﻭﺍﻛﻔﻪ ﺑﻠﻌﻮﻣﻲ ﻣﺜﻞ ﺍﻟﻤﻮﺱ ﺍﺫﺍ ﻃﻠﻌﺖ ﺗﺠﺮﺣﻨﻲ ﻭﺇﺫﺍ ﺑﻘﺖ ﺗﺠﺮﺣﻨﻲ ﻛﺴﺮﺕ ﻫﺬﺍ ﺍﻟﻌﺪﻭﻯ ﺍﻣﻲ ﻭﻫﻴﻪ ﺩﻛﻮﻝ
ﺍﺑﻮ ﻓﻬﺪ ﺍﻟﺴﻜﻮﺕ ﻋﻼﻣﻪ ﺍﻟﺮﺿﻰ ﻫﺎﻱ ﻣﻌﺮﻭﻓﻪ ﺗﺪﺭﻱ ﺑﻘﻤﻮﺭﻩ ﺗﺴﺘﺤﻲ
ﺍﻟﻌﺒﺮﻩ ﺧﻨﻜﺘﻨﻲ ﺍﺧﺎﻑ ﺍﺑﺠﻲ ﻭﺍﻓﻀﺢ ﻧﻔﺴﻲ ﻭﺍﻧﻲ ﺍﺷﻮﻑ ﺍﻻﺑﺘﺴﺎﻣﻪ ﺑﻮﺟﻪ ﻋﻤﻲ ﻭﺍﻟﻔﺮﺣﻪ ﺑﻌﻴﻮﻥ ﻋﻤﺘﻲ ﻭﺍﻟﺒﻨﺎﺕ ﻛﻤﺖ ﻭﺣﺠﻪ ﻋﻤﻲ
ﺧﻠﺺ ﻟﻌﺪ ﺍﻡ ﻓﻬﺪ ﺍﻧﺘﻲ ﻭﺍﻡ ﻗﻤﺮ ﺣﻀﺮﻭ ﺳﻮﺍﻟﻒ ﺍﻟﺨﻄﺒﻪ ﻭﺍﺣﻨﺎ ﺍﻫﻞ ﻣﺎﺑﻴﻨﻪ ﺭﺳﻤﻴﺎﺕ
ﺻﻌﺪﺕ ﺭﻛﺾ ﻟﻠﻐﺮﻓﻪ ﻛﻤﺖ ﺍﻓﺘﺮ ﻣﺜﻞ ﺍﻟﻤﺨﺒﻠﻪ ﺍﻣﻮﺕ ﺍﻣﻮﺕ ﻭﺍﻟﻠﻪ ﺍﺫﺍ ﺻﺎﺭﺕ ﻛﻤﺖ ﺍﺿﺮﺏ ﺑﺮﺍﺳﻲ ﻟﻴﺶ ﻟﻴﺶ ﻣﺎﺣﺠﻴﺘﻲ ﻋﻤﺞ ﻳﺤﺒﺞ ﻭﻣﻴﺠﺒﺮﺝ ﻟﻴﺶ ﻫﻴﺞ ﺗﺨﺸﺒﺘﻲ ﻛﺪﺍﻣﻬﻢ ﺷﺴﻮﻱ ﺷﺴﻮﻱ ﻟﺰﻣﺖ ﺍﻟﻤﻮﺑﺎﻳﻞ ﺍﺭﻳﺪ ﺍﺩﻙ ﻋﻠﻴﻪ ﻟﻜﻴﺘﻪ ﺣﺎﺿﺮﻧﻲ ﺍﻟﺤﻘﻴﺮﺭ ﻧﺰﻟﺖ ﺭﻛﺾ ﻟﻐﺮﻓﺖ ﺍﻣﻲ ﻣﻮﺑﺎﻳﻠﻪ ﻋﻞ ﻣﻴﺰ ﺷﻠﺘﻪ ﺻﺎﺭﺕ ﻋﻼﻛﺖ ﺍﻟﺪﻭﻩ ﻛﺪﺍﻣﻲ
ﺍﻱ ﺍﻱ ﺍﻣﻮﺗﻪ ﺍﻟﻨﻔﺴﻲ ﻭﺍﺧﻠﺺ ﻣﻦ ﻓﻬﺪ ﻭﻣﻦ ﻫﺎﻱ ﺍﻟﺴﺎﻟﻔﻪ ﻛﻮﻟﻪ ﻛﻤﺖ ﺍﻃﻠﻊ ﺣﺒﻮﺏ ﻭﺍﺻﻔﻂ ﻣﺎﻋﺮﻑ ﻣﺎﻟﻴﺶ ﺍﻣﻲ ﺑﻴﻪ ﺍﺷﻜﺎﻝ ﺍﻷﻣﺮﺍﺽ ﺳﻜﺮ ﻭﺿﻐﻂ ﻭﻗﺎﻟﻮﻥ ﻭﻭﻭﻭﻭﻭ ﻛﻮﻣﻪ ﺃﻣﺮﺍﺽ ﺍﺧﺬﺗﻬﻦ ﻭﺻﻌﺪﺕ ﺷﺮﺑﺘﻬﻦ ﺳﻮﻩ ﺑﺪﻭﻥ ﺗﺮﺩﺩ ﻭﻃﻠﻌﺖ ﺭﻗﻤﻪ ﺑﻤﻮﺑﺎﻳﻞ ﺍﻣﻲ ﻭﺩﻛﻴﺖ
ﺩﻙ ﺩﻙ ﺟﺎﻭﺏ
ﺍﻣﺮﻳﻨﻲ ﻣﺮﺕ ﻋﻤﻲ
ﻓﻬﻬﻬﻬﻬﺪ ﺍﻟﻠﻪ ﻻﻳﻮﻓﻘﻚ ﺣﺮﻛﺖ ﻛﻠﺒﻲ ﻣﻦ ﻭﺭﺍﻙ ﺭﺍﺡ ﺍﺧﺴﺮ ﺩﻧﻴﺘﻲ ﻭﺍﺧﺮﺗﻲ
ﺗﺤﺠﻲ ﻭﺍﺑﺠﻲ ﻭﺍﺻﻴﺢ
ﻃﺒﺞ ﻣﺮﺽ ﺍﻧﻲ ﺷﻜﻮ
ﺍﻧﺖ ﺷﻜﻮ ﻣﻮ ﻭﺍﻟﻠﻪ ﺍﺫﺍ ﻣﺘﺖ ﺧﻄﻴﺘﻲ ﺑﺮﻛﺒﺘﻚ ﻳﺎﺣﻴﻮﻭﻭﻭﻭﻭﺍﻥ ﺳﺪﻳﺘﻪ ﺑﻮﺟﻪ ﻭﻛﻔﺖ ﻛﺪﺍﻡ ﺍﻟﻤﺮﺍﻳﻪ
ﻫﺎﻱ ﺷﺴﻮﻳﺘﻲ ﻗﻤﺮ ﻳﻌﻨﻲ ﺗﻤﻮﺗﻴﻦ ﻧﻔﺴﺞ ﻭﺩﺧﻠﻴﻦ ﺍﻟﻨﺎﺭ ﻭﻻﺗﺰﻭﺟﻴﻦ ﻓﻬﺪ ﺍﻟﻠﻪ ﻭﺍﻛﺒﺮ ﻳﻌﻨﻲ ﻋﻨﺪﺝ ﻧﺎﺭ ﺟﻬﻨﻢ ﻭﻻ ﺍﻟﻌﻴﺸﻪ ﻭﻳﻪ ﻓﻬﺪ ﺯﻳﻦ ﻭﺭﺑﺞ ﻣﻔﻜﺮﺗﻲ ﺑﻲ ﻭﺍﻣﺞ ﺍﻟﻤﺮﻳﻀﻪ ﺑﻠﺤﻈﻪ ﺣﺴﻴﺖ ﻧﻔﺴﻲ ﺭﺍﺡ ﺍﻣﻮﺕ ﻣﻦ ﺻﺪﻙ ﻣﻌﺪﺗﻲ ﻛﺎﻣﺖ ﺗﻐﻠﻲ ﺗﻐﻠﻲ ﻭﻋﻴﻮﻧﻲ ﺑﺪﺕ ﺗﻐﻮﺵ ﻧﺰﻟﺖ ﻋﻞ ﺩﺭﺝ ﻣﺎﺩﺭﻱ ﻟﻴﺶ ﻧﺰﻟﺖ ﻛﻞ ﺍﻟﻲ ﺍﻋﺮﻓﻪ ﻣﺎﺭﻳﺪ ﺍﻣﻮﺕ ﺍﺧﺮ ﺑﺎﻳﺘﻴﻦ ﺑﻌﺪ ﻣﺎﻗﻮﻣﺖ ﺭﺍﺳﻦ ﻭﻛﻌﺪﺕ
.......
ﺍﺧﺮ ﺑﺎﻳﺘﻴﻦ ﺑﻌﺪ ﻣﺎﻛﺪﺭﺕ ﺭﺟﻠﻴﻪ ﺻﺎﺭﻥ ﺧﻴﻮﻁ ﻭﻋﻴﻮﻧﻲ ﺍﺭﻳﺪ ﺍﻓﺘﺤﻦ ﻣﺎﻛﺪﺭ ﺭﺍﺳﻦ ﻭﻛﻌﺪﺕ ﻭﺑﻌﺪ ﻣﺎﺣﺴﻴﺖ ﺍﻝ ﻭﺍﻧﻲ ﺑﻠﻤﺴﺘﺸﻔﻰ ﺍﺣﺴﻦ ﺣﺮﺍﺭﻩ ﺑﻤﻌﺪﺗﻲ ﻛﻤﺖ ﺍﻫﺰ ﺑﺮﺃﺳﻲ ﻳﻤﻨﻪ ﻳﺴﺮﻯ ﺣﻴﻞ ﺍﺭﻳﺪ ﺍﺳﻴﻄﺮ ﻭﺍﻓﺘﺢ ﻭﺍﺳﻤﻊ ﺍﻣﻲ
ﻳﻤﻪ ﺑﻨﺘﻲ ﻗﻤﺮ ﺷﺒﻴﺞ ﻳﻌﻤﺮﻱ ﺷﺠﺎﺝ ﻳﻤﻪ ﺗﺴﻤﻌﻴﻨﻲ
ﺷﻮﻳﻪ ﺷﻮﻳﻪ ﻓﺘﺤﺖ ﺷﻔﺖ ﻋﻤﻲ ﻭﻣﺮﺗﻪ ﻭﺍﻛﻔﻴﻦ ﻓﻮﻙ ﺭﺍﺳﻲ ﻛﻤﺖ ﺃﺷﺮ ﻋﻞ ﺣﺎﻭﻳﻪ ﺍﺭﻳﺪ ﺍﺗﻘﻴﻰ ﺳﻨﺪﻭﻧﻲ ﻭﻛﻌﺪﻧﻲ ﻛﻤﺖ ﺍﺗﻘﻴﻰ ﺑﺲ ﺍﺣﺲ ﻣﻌﺪﺗﻲ ﺗﺮﻳﺪ ﺗﻨﺸﻠﻊ ﻭﺭﻭﺣﻲ ﺗﺮﻳﺪ ﺗﻄﻠﻊ ﻣﺪﻧﻜﻪ ﻭﺍﻣﻲ ﺗﻐﺴﻞ ﺑﻮﺟﻬﻲ ﺍﺟﺘﻲ ﻋﻴﻨﻲ ﻋﻞ ﺑﻮﺗﻪ ﺍﻟﻌﺴﻜﺮﻱ ﻭﺳﻤﻌﺖ ﺷﺨﻄﺖ ﺳﺤﺎﺏ ﻭﻛﺎﻝ ﻟﺒﺴﻮﻩ ﻫﺎﻱ ﺍﺭﺭﺟﻒ ﺍﺭﺭﺟﻒ ﻭﺷﻲ ﺗﺨﻠﻪ ﻋﻞ ﺟﺘﻔﻲ ﺭﺟﻌﻮ ﻧﻮﻣﻮﻧﻲ ﺍﺟﺘﻲ ﻋﻴﻨﻲ ﺑﻌﻴﻨﻪ ﺍﻣﻲ ﻛﺎﻣﺖ ﺗﻠﺒﺲ ﺑﻴﻪ ﺍﺑﺎﻭﻉ ﻫﺎﻱ ﺑﺪﻟﺘﻪ ﺍﻟﻌﺴﻜﺮﻳﻪ ﻭﻫﻮﻩ ﺑﻘﻰ ﺑﻔﺎﻧﻴﻠﻪ ﻧﺺ ﺭﺩﺍﻥ ﻫﺎﻱ ﺗﺼﻴﺮ ﺟﻮﻩ ﺍﻟﺒﺪﻟﻪ ﺯﻳﺘﻮﻧﻴﻪ ﻭﺍﺑﺎﻭﻉ ﻟﻨﻔﺴﻲ ﺟﺎﻳﺒﻴﻨﻲ ﺑﺘﺮﺍﻙ ﺍﻟﺒﻴﺖ ﻭﺑﺲ ﺍﻟﺸﺎﻝ ﻋﻞ ﺭﺍﺳﻲ ﺟﺎﻥ ﺍﻷﺗﺮﺍﻙ ﻭﺭﺩﻱ ﻭﻧﺺ ﺭﺩﻥ ﻭﺻﺪﺭﻩ ﻣﺴﺒﻊ ﻫﺬﻭﻟﻪ ﺷﻠﻮﻥ ﻫﻴﺞ ﻃﻠﻌﻮﻧﻲ ﺍﻛﻴﺪ ﺟﻨﺖ ﻛﺪﺍﻣﻬﻢ ﻣﻴﺘﻪ ﺍﻟﻠﻪ ﻳﺴﺎﻣﺤﻨﻲ ﻋﻞ ﻫﻞ ﺳﻮﺍﻳﻪ ﻭﻋﺎﻧﻲ ﺻﻮﺕ ﻋﻤﻲ
ﻫﺎﺀ ﺑﻌﺪ ﻋﻤﺞ ﺷﺠﺎﺝ ﻣﺘﻜﻮﻟﻴﻠﻲ ﻭﺍﻟﻠﻪ ﻫﺒﻄﻲ ﻛﻠﻮﺑﻨﻪ
ﻣﺎﻛﺪ ﺍﺣﺠﻲ ﺑﺲ ﺍﺑﺎﻭﻉ ﺑﻠﻮﺟﻮﻩ ﺩﺧﻞ ﺍﻟﺪﻛﺘﻮﺭ ﻭﻛﻜﻒ ﻫﻮﻩ ﻭﻓﻬﺪ ﻟﻴﻐﺎﺩ ﻣﻨﻪ ﻛﻢ ﺩﻗﻴﻘﻪ ﻭﺑﻌﺪﻳﻦ ﺗﻮﺟﻪ ﻋﻠﻴﻪ
ﺷﻠﻮﻥ ﺻﺮﺗﻲ ﺗﺴﻤﻌﻴﻨﻲ
ﺑﺲ ﺍﻫﺰ ﺑﺮﺃﺳﻲ
ﻓﺘﺢ ﻋﻴﻮﻧﻲ ﻭﺳﺪﻫﻦ ﻭﻗﺎﺱ ﺍﻟﻀﻐﻂ ﻭﺍﻟﻨﺒﻂ ﻭﻛﺎﻝ
ﻛﻮﻟﺸﻲ ﻫﺴﻪ ﻃﺒﻴﻌﻲ ﻫﻴﻪ ﻣﺘﻌﺮﺿﻪ ﻟﺤﺎﻟﻪ ﺗﺴﻤﻢ ﻭﺍﻥ ﺷﺎﻟﻠﻪ ﻋﺪﺕ ﻋﻞ ﺧﻴﺮ ﻳﺨﻠﺺ ﺍﻟﻤﻐﺬﻱ ﻭﺗﻜﺪﺅﻭﻥ ﺍﻃﻠﻌﻮﻩ
ﻋﺠﻴﺐ ﻣﻜﺎﻝ ﺍﻧﺘﺤﺎﺭ ﻣﻌﻘﻮﻟﻪ ﻣﻌﺮﻓﻮ؟
ﻋﻴﻮﻧﻲ ﻛﻞ ﻣﺎﻓﺘﺤﻦ ﺍﺭﺟﻊ ﺃﻏﻤﺾ ﺍﺣﺴﻦ ﺛﻜﺎﻝ ﺇﻟﻰ ﺍﻥ ﻃﻠﻌﻮﻧﻲ ﻣﻦ ﺍﻟﻤﺴﺘﺸﻔﻰ ﻟﻠﺒﻴﺖ ﺍﻣﺸﻲ ﺑﺲ ﻣﻤﺘﻮﺍﺯﻧﻪ ﺍﻣﻲ ﻻﺯﻣﺘﻨﻲ ﻣﻨﺎ ﻭﻋﻤﺘﻲ ﻣﻨﺎ ﺻﻌﺪﻧﻪ ﺳﻴﺎﺭﻩ ﻓﻬﺪ ﻋﻤﻲ ﻟﻴﻜﺪﺍﻡ ﻭﺍﺣﻨﺎ ﻭﺭﺍﻩ ﺻﺎﺭ ﻣﻜﺎﻧﻲ ﺑﻨﺺ ﻳﺒﺎﻭﻋﻠﻲ ﺑﻠﻤﺮﺍﻳﻪ ﻭﻋﻴﻮﻧﻪ ﻛﻠﻪ ﻏﻀﺐ ﻣﻬﺘﻤﻴﺖ ﺍﻧﻲ ﻛﻮﻩ ﻣﻔﺘﺤﻪ ﻭﺻﻠﻨﻪ ﻭﺻﻌﺪﻭﻧﻲ ﺑﻐﺮﻓﺘﻲ ﻛﺒﻞ ﻧﻤﺖ ﺑﻌﺪﻫﻢ ﺩﺍﻳﺮ ﻣﺪﺍﺭﻳﺮﻱ ﻭﻛﻤﺖ ﻣﺎﺣﺲ ﺑﻮﺟﻮﺩﻫﻢ ﻃﺒﻌﻦ ﻓﻬﺪ ﻣﺎﻃﺐ ﺫﺑﻨﻪ ﻭﺳﻤﻌﺖ ﺑﺲ ﺷﺨﻄﺖ ﺍﻟﺴﻴﺎﺭﻩ
ﻧﻤﺖ ﻭﺍﻟﻨﻮﻣﻪ ﻧﻮﻣﻪ 12 ﺑﻠﻴﻞ ﻛﻌﺪﺕ ﺍﻟﻤﻮﺑﺎﻳﻞ ﻳﺪﻙ ﻛﻤﺖ ﺃﺗﻠﻤﺲ ﺍﻟﻤﻴﺰ ﺑﺼﻔﻲ ﻟﻜﻴﺘﻪ ﺑﺎﻭﻋﺖ ﺍﻟﻤﺘﺼﻞ ﻓﻬﺪ ﺟﺎﻭﺑﺖ ﺑﺼﻮﺕ ﺗﻌﺒﺎﻥ
ﺍﻟﻮﻭﻭﻭﻭﻭﻭ
ﻫﺎﺀ ﺍﻟﺤﻤﺪﺍﻟﻠﻪ ﻋﻞ ﺳﻼﻣﻪ ﻫﺎﻱ ﻫﻴﺞ ﺗﻜﺮﻫﻴﻨﻲ ﺑﺤﻴﺚ ﺗﻤﻮﺗﻴﻦ ﻧﻔﺴﺞ ﻭﻻ ﺗﺰﻭﺣﻴﻨﻲ
ﻣﺠﺎﻭﺑﺖ
ﺗﺮﻩ ﻻﻋﺒﺎﻟﺞ ﻣﺎﺩﺭﻱ ﺍﻧﺘﺤﺎﺭ ﺑﺲ ﺍﻧﻲ ﻛﺘﻠﻪ ﻟﻠﺪﻛﺘﻮﺭ ﻛﻮﻝ ﺗﺴﻤﻢ ﻭﻫﺎﻱ ﺳﻮﺍﻟﻒ ﺍﻟﺰﻋﺎﻃﻴﻂ ﺍﻧﻲ ﺃﻋﻠﻤﻚ ﻋﻠﻴﻬﻦ
ﻣﺠﺎﻭﺑﺖ ﺑﺲ ﺍﺳﻤﻊ
ﺍﻟﻤﻬﻢ ﻫﺴﻪ ﻛﻮﻣﻲ ﻧﺰﻋﻲ ﺑﺪﻟﺘﻲ ﺍﻭﻟﻲ ﺑﻴﻪ ﺍﻟﺼﺒﺢ ﻟﻠﺪﻭﺍﻡ ﺭﺍﺡ ﺍﺩﺯ ﺍﺣﻤﺪ ﻳﺄﺧﺬﻩ
ﻃﻮﻁ ﻃﻮﻁ ﻃﻮﻁ ﺳﺪﻩ
ﺍﺑﺎﻭﻉ ﻋﻞ ﻧﻔﺴﻲ ﻫﺎﻱ ﺻﺪﻙ ﻻﺑﺴﻪ ﺑﺪﻟﺘﻪ ﻛﻤﺖ ﺷﻮﻳﻪ ﺷﻮﻳﻪ ﺃﻭ ﺗﻮﺟﻪ ﻋﻞ ﺣﺎﻳﻂ ﻧﺰﻋﺘﻪ ﻭﻧﺰﻟﺖ ﺟﻮﻩ ﻻﺯﻣﻪ ﻟﻤﺤﺠﺮ ﻭﺍﻣﺸﻲ ﺧﻄﻮﻩ ﺧﻄﻮﻩ ﺍﻟﺒﻴﺖ ﻫﺪﻭﻩ ﺍﻣﻲ ﻧﺎﻳﻤﻪ ﻭﺻﻠﺖ ﺍﻟﻤﻄﺒﺦ ﺍﺣﻤﺪ ﻭﺳﻤﺮ ﻭﺍﻛﻔﻴﻦ ﻋﺮﻓﺘﻪ ﻳﻌﻨﻲ ﻫﻮﻩ ﺩﺯﻩ ﺣﺠﻪ ﺍﺣﻤﺪ
ﻫﻠﻮﻭﻭﻭ ﺍﻟﺤﻤﺪﺍﻟﻠﻪ ﻋﻞ ﺳﻼﻣﻪ ﻫﺎﻱ ﺑﻌﺪﺝ ﻋﺎﻳﺸﻪ ﻋﺒﺎﻟﻲ ﻣﻴﺘﻪ
ﺑﺘﺴﻤﺖ ﺑﺘﻌﺐ
....
ﺣﺮﺍﻣﺎﺕ ﻟﻮ ﻣﻴﺘﻰ ﻭﺍﻟﻠﻪ ﻋﻤﺞ ﻳﺤﺒﺞ ﺍﻛﻴﺪ ﻳﺴﻮﻳﻠﺞ ﺧﻮﺵ ﻓﺎﺗﺤﻪ ﺍﻗﻠﻪ ﻧﺎﻛﻞ ﻟﺤﻢ ﺷﺒﻴﻪ ﺍﻟﻮﺍﺣﺪ ﻳﺨﻠﺼﻪ 3 ﺍﻳﺎﻡ ﺑﺲ ﻟﺤﻢ
ﻛﺎﻟﺖ ﺳﻤﺮ
ﺍﺳﻢ ﺍﻟﻠﻪ ﺑﻴﺶ ﻃﺎﻟﺐ ﺍﺧﺘﻲ ﺍﺑﻮ ﻧﻔﺲ ﺍﻟﺪﻧﻴﻪ ﺗﻤﻮﺕ ﺍﺧﺘﻲ ﻋﻠﻤﻮﺩ ﺍﻟﻠﺤﻢ ﺍﺑﻮ ﺑﻄﻦ
ﻫﻬﻬﻬﻬﻪ ﻳﻤﻌﻮﺩﻩ ﺟﻨﺖ ﺍﺗﻤﻞ ﺑﺲ ﻫﺴﻪ ﺿﺎﻉ ﺍﻻﻣﻞ ﻭﻫﺎﻱ ﻛﺪﺍﻣﺞ ﺟﻨﻪ ﺣﺼﺎﻥ ﻛﻮﻟﺸﻲ ﻣﺒﻴﻪ ﺟﻴﺒﻲ ﺟﻴﺒﻲ ﺍﻟﺒﺪﻟﻪ ﺧﻞ ﺍﺭﻭﺡ ﺍﺣﺴﻠﻲ
ﺍﺧﺬﻩ ﻭﻃﻠﻊ ﻧﺪﺍﺭﺕ ﻋﻠﻴﻪ ﺳﻤﺮ
ﻭﻟﺞ ﺷﺠﺎﺝ ﺷﻠﻮﻥ ﻫﻴﺞ ﺻﺎﺭ ﻭﺍﻟﻠﻪ ﻫﺒﻄﻨﻪ ﻫﺒﻄﻪ ﻃﻴﺮﺕ ﻓﺮﺣﻪ ﺍﻟﺨﻄﺒﺔ ﻛﻮﻟﻪ
ﺳﻤﺮ ﻣﺎﻛﺪ ﺍﺣﺠﻲ ﺻﻌﺪﻳﻨﻲ ﻟﻐﺮﻓﺘﻲ ﺍﺭﻳﺪ ﺍﺭﺗﺎﺡ
ﺩﻛﻠﻲ ﻟﻜﻤﻪ ﺍﻧﺘﻲ ﻛﻮﻟﺸﻲ ﻣﺎﻛﻠﺘﻲ
ﻣﺎﺭﻳﺪ ﻛﻮﻟﺸﻲ ﻣﺎﺷﺘﻬﻲ ﺍﻟﻌﺴﻞ ﻭﺍﻟﻠﻪ
ﺑﺮﺍﺣﺘﺞ ﻳﻠﻪ ﻛﻮﻣﻲ ﺻﻌﺪﺗﺘﻲ ﻭﻧﻤﺖ ﻋﺒﺎﻟﻚ ﻣﻨﺎﻳﻤﻪ ﻫﺬﺍ ﺍﻟﻮﻛﺖ ﻛﻠﻪ ﻛﻌﺪﺕ ﻭﻳﻪ ﺻﻼﺓ ﺍﻟﻔﺠﺮ ﻛﻤﺖ ﺗﻮﺿﻴﺖ ﻭﺻﻠﻴﺖ ﻛﺎﻋﺪﻩ ﻋﻞ ﺳﺠﺎﺩﻩ ﻭﺍﻓﻜﺮ ﺑﻠﺒﺎﺭﺣﻪ ﻭﺑﻠﺼﺎﺭ ﻭﺑﻔﻬﺪ ﻭﻗﺮﺭﺕ ﺍﺳﺘﺴﻠﻢ ﻭﺃﻗﺒﻞ ﺑﻼﻣﺮ ﺍﻟﻮﺍﻗﻊ ﻭﺃﻭﺍﻓﻖ ﻛﻤﺖ ﻧﺰﻟﺖ ﺟﻮﻩ ﺩﺧﻠﺖ ﻏﺮﻓﺖ ﺍﻣﻲ ﺣﺸﻜﺖ ﺭﻭﺣﻲ ﺑﻔﺮﺍﺷﻪ ﻭﺍﺷﻢ ﺑﻴﻪ ﺳﻮﺩﻩ ﻋﻠﻴﻪ ﺍﻟﺒﺎﺭﺣﻪ ﻓﺮﻓﺤﺘﻪ ﺣﺴﺖ ﻋﻠﻴﻪ ﺣﻀﻨﺘﻲ ﻭﺑﺎﺳﺖ ﺭﺍﺳﻲ
ﺷﻠﻮﻥ ﺻﺮﺗﻲ ﺣﺒﻴﺒﺘﻲ
ﺍﻟﺤﻤﺪﺍﻟﻠﻪ ﻳﻤﻪ ﺯﻳﻨﻪ
ﺷﻤﺎﻛﻠﻪ ﻭﻫﻴﺞ ﺻﺎﺭ ﻳﻤﻪ
ﻣﺎﺩﺭﻱ ﻳﻮﻡ ﻣﺎﺩﻱ
ﻳﻠﻪ ﺍﻟﺤﻤﺪ ﺍﻟﻠﻪ ﻋﺪﺕ ﻋﻠﻰ ﺧﻴﺮ ﺭﺑﺞ ﻗﺪﺭ ﻭﻟﻄﻒ
ﻳﻤﻪ
ﻋﻴﻮﻥ ﺍﻣﺞ
ﺍﻧﻲ ﻣﻮﺍﻓﻘﻪ ﻋﻞ ﻓﻬﺪ
ﻋﻴﻦ ﺍﻟﻌﻘﻞ ﺑﻨﺘﻲ ﺍﻟﻠﻪ ﻳﺴﻌﺪﺝ ﺍﻥ ﺷﺎﻟﻠﻪ
ﺩﻓﻨﺖ ﺭﺍﺳﻲ ﺑﺼﺪﺭﻩ ﻭﺍﺑﺠﻲ ﺑﺨﻨﻴﻚ ﻭﻫﻴﻪ ﺗﻤﺴﺢ ﻋﻞ ﺭﺍﺳﻲ ﻟﺤﺪ ﻣﻐﻔﻴﺖ
ﺑﻴﻮﻣﻪ ﺍﻟﻌﺼﺮ ﺍﺟﻮﻱ ﻋﻤﻲ ﻭﻋﻤﺘﻲ ﻭﺍﻟﺒﻨﺎﺕ ﺷﺎﻓﻮﻧﻲ ﻭﺍﻧﻲ ﻫﻢ ﺻﺮﺕ ﺍﺣﺴﻦ ﺑﺲ ﺭﻭﺣﻲ ﻣﺴﺤﻮﻧﻪ ﻭﻣﻤﺘﺨﻴﻴﻠﻪ ﺍﻧﻲ ﺑﻨﻔﺴﻲ ﻭﺍﻓﻘﺖ ﻋﻠﻴﻪ ﻗﺮﺭﺕ ﺍﻧﻲ ﺍﻃﻔﺸﻪ ﻭﺍﺧﻠﻲ ﻳﻜﺮﻩ ﺍﻟﺴﺎﻋﻪ ﺍﻟﻲ ﺟﺒﺮﻧﻲ ﺑﻴﻪ ﺍﻣﻲ ﻭﻋﻤﺘﻲ ﺗﻔﻘﻮ ﻋﻞ ﻛﻮﻟﺸﻲ ﺍﻟﻴﻮﻡ ﺛﻼﺛﺎﺀ ﻭﺍﻟﺨﻤﻴﺲ ﺍﻟﺨﻄﺒﻪ ﺭﺍﺣﻮ ﺧﺘﺎﺭﻭ ﺍﻟﺬﻫﺐ ﺭﺍﺩﻭ ﻣﻨﻲ ﺍﺭﻭﺡ ﺭﻓﻀﺖ ﺍﻟﺠﻬﺎﺯ ﻛﺎﻟﻮ ﻗﺒﻞ ﺍﻟﺰﻭﺍﺝ ﻟﻦ ﻣﻨﻌﺮﻑ ﺷﻮﻛﺖ ﻳﻘﺮﺭ ﺍﻷﺳﺘﺎﺫ ﻫﺴﻪ ﺑﺲ ﺧﻄﺒﻪ ﻋﻤﺘﻲ ﺍﺻﺮﺕ ﺍﺭﻭﺡ ﺍﺧﺘﺎﺭ ﺍﻟﺒﺪﻟﻪ ﻭﺍﻟﺼﺎﻟﻮﻥ ﻛﺎﻟﺖ ﻣﻴﺼﻴﺮ ﻻﺯﻡ ﺍﻧﺘﻲ ﻭﺭﺣﺖ ﺍﺧﺘﺎﺭﻳﺖ ﺑﺪﻟﻪ ﺗﺮﻛﻮﺍﺯﻱ ﺍﺭﺩﺍﻧﻪ ﻭﺍﻟﺼﺪﺭ ﺗﻮﻝ ﺫﻫﺒﻲ ﺷﻜﺪ ﻣﺎﺣﻠﻮﻩ ﻭﺭﺍﻗﻴﻪ ﺑﺲ ﺍﺑﺪ ﻣﻮﺑﻌﻴﻨﻲ ﻳﻮﻣﻴﻦ ﻣﺮﺕ ﻭﺍﻧﻲ ﻣﺘﺰﻭﻫﺮﻩ ﺧﻠﺼﺘﻪ ﺑﺲ ﻧﻮﻡ ﺍﻱ ﻧﻮﻡ ﺍﺭﻳﺪ ﺍﺧﻠﺺ ﻣﻦ ﻛﻠﺸﻲ ﻣﺮﺍﺕ ﺍﻟﻨﻮﻡ ﺍﺣﺴﻦ ﻭﺳﻴﻠﻪ ﺍﻟﻮﺍﺣﺪ ﻳﻠﻬﺰﻡ ﺑﻴﻪ ﻣﻦ ﺍﻟﻨﺎﺱ ﺍﻟﺤﻮﺍﻟﻴﻪ ﺍﻧﺎﻡ ﻭﺍﻛﻌﺪ ﺍﻛﻮﻝ ﺑﻠﻜﺖ ﻳﻄﻠﻊ ﺣﻠﻢ ﻭﺍﻛﻌﺪ ﻣﻨﻪ ﻭﺍﻟﻜﻪ ﻛﻞ ﻫﺬﺍ ﻣﺼﺎﻳﺮ ﻭﺍﺭﺟﻊ ﻗﻤﺮ ﺍﻟﻘﺪﻳﻤﻪ ﺇﻟﻰ ﻫﻤﻪ ﺍﻟﺪﺭﺍﺳﻪ ﻭﺑﺲ ﻭﺣﻠﻤﻪ ﺑﺤﺴﻦ ﺍﺧﺘﺼﺎﺹ ﺑﺲ ﻟﻼﺳﻒ ﺍﻛﻌﺪ ﺍﻟﻜﻪ ﺍﻟﻬﻮﺳﻪ ﺑﻠﺒﻴﺖ ﻭﻧﺎﺱ ﺗﻌﺰﻡ ﻭﻧﺎﺱ ﺗﺤﻀﺮ ﻭﺍﻧﻲ ﺑﻐﻴﺮ ﻋﺎﻟﻢ ﺻﺤﻴﺢ ﺍﻧﻲ ﺷﺮﻃﺖ ﻋﻠﻴﻬﻢ ﺩﺭﺍﺳﺘﻲ ﺧﻂ ﺍﺣﻤﺮ ﺑﺲ ﺭﺍﺡ ﺍﺑﻘﻰ ﻣﻘﻴﺪﻩ ﻭﻳﻪ ﻓﻬﺪ ﺍﻟﻤﺘﻌﺠﺮﻑ
ﻣﺮﻥ ﺍﻟﻴﻮﻣﻴﻦ ﻣﺜﻞ ﺍﻟﺒﺮﻕ ﻭﺍﻟﻴﻮﻡ ﺍﻟﺨﻄﺒﻪ ﻭﺍﻣﻲ ﻣﻤﻘﺼﺮﻩ ﻋﺎﺯﻣﻪ ﻛﻮﻣﻪ ﺧﺎﻻﺗﻲ ﻭﺑﻨﺎﺗﻬﻢ ﻭﺟﻨﺎﻳﻨﻬﻢ ﻭﻭﻭﻭﻭﻭﻭﻭﻭ ﻛﻮﻣﻪ ﺍﺟﺘﻨﻲ ﺳﺎﺭﻩ ﺃﺻﺒﺢ ﺣﺘﻰ ﺍﺭﻭﺡ ﺻﺎﻟﻮﻥ ﺭﺍﺣﺖ ﻭﻳﺎﻱ ﺧﺎﻟﺘﻲ ﻭﺍﺣﻤﺪ ﻭﺻﻠﻨﻪ ﻟﺒﺴﺖ ﺍﻟﺒﺪﻟﻪ ﺍﻱ ﻓﺮﺣﻪ ﻣﺎﻋﻨﺪﻱ ﺑﻠﺸﺖ ﺍﻡ ﺍﻟﺼﺎﻟﻮﻥ ﻛﺘﻠﻪ ﺍﺭﻳﺪ ﻣﻜﻴﺎﺝ ﻫﺪﻯ ﻭﺷﻌﺮﻱ ﺳﻮﻱ ﺑﺲ ﺑﺮﻡ ﻛﺎﻟﺖ ﻣﻴﺼﻴﺮ ﺑﺲ ﺑﺮﻡ ﺷﻌﺮﺝ ﻃﻮﻳﻞ ﺭﺍﺡ ﺍﺳﻮﻱ ﺷﻮﻳﻪ ﺑﺎﻑ ﻣﻦ ﻛﺪﺍﻡ ﻭﺍﻟﺒﺎﻗﻲ ﺑﺮﻡ ﻛﺘﻠﻪ ﺍﻭﻛﻲ
......
ﺍﺳﺘﻠﻤﺘﻨﻲ ﻭﺍﻧﻲ ﻏﻤﻀﺖ ﻟﺤﺪ ﻣﻜﻤﻠﺖ ﺭﺍﺩﺕ ﺗﺨﻠﻲ ﺳﺒﺮﻱ ﻫﺬﺍ ﺍﻟﺒﻲ ﻟﻮﻥ ﻣﻮﻗﺖ ﻣﻘﺒﻠﺖ ﻟﻦ ﺷﻌﺮﻱ ﺍﺳﻮﺩ ﻳﻌﻨﻲ ﻟﻮﻧﻪ ﺣﻠﻮﻭ ﻛﻤﻠﻨﺎ ﻭﺍﺟﻪ ﺍﺣﻤﺪ ﺍﺧﺬﻧﻪ ﺍﻟﻄﺮﻳﻖ ﻛﻮﻟﻪ ﻳﺤﺸﺶ ﺍﻛﻮﻟﺞ
ﺍﻧﺘﻲ ﻣﻌﻘﺪﻩ ﻭﻫﻮﻩ ﻣﻌﻘﺪ ﺷﺮﺍﺡ ﺗﺨﻠﻔﻮﻥ ﻣﺘﻜﻮﻟﻴﻠﻲ
ﻭﺍﻧﻲ ﺍﺑﺘﺴﻤﻠﻪ ﻣﺠﺎﻣﻠﻪ
ﻳﻮﻟﻲ ﻣﻨﺎ ﻭﻗﻴﺴﻲ ﺷﻜﺪ ﻣﻌﻘﺪ ﺍﻟﻴﻮﻡ ﺧﻄﺒﺘﻪ ﻭﻫﻮﻩ ﺑﺪﻭﺍﻡ ﺣﺠﺖ ﺧﺎﻟﺘﻲ
ﻏﻴﺮ ﻋﻨﺪﻩ ﺩﻭﺍﻡ ﺷﻴﺴﻮﻱ ﺍﻟﻮﻟﺪ
ﻭﺻﻠﻨﻪ ﻟﻠﺒﻴﺖ ﻭﺍﻟﺒﻨﺎﺕ ﺭﺍﺩﻭﻩ ﻣﻦ ﺍﻟﻠﻪ ﻋﺎﻟﻜﻠﺘﻪ ﺩﻳﺠﻲ ﻭﺭﻛﺺ ﻭﻫﻮﺳﻪ ﻭﺍﻧﻲ ﻛﺎﻋﺪﻩ ﻋﺒﺎﻟﻚ ﺩﻣﻴﻪ ﺑﺎﻟﻲ ﺍﺑﺪ ﻣﻮﻳﻤﻲ ﻭﺍﻣﻲ ﺧﻄﻴﻪ ﻣﻦ ﺷﺎﻓﺘﻨﻲ ﺑﻠﺒﺪﻟﻪ ﻛﺎﻣﺖ ﺗﺒﺠﻲ ﻭﺗﺼﻠﻲ ﻋﻞ ﻧﺒﻲ
ﻳﻤﻪ ﺑﻨﺘﻲ ﻫﺎﻱ ﺷﻄﺎﻟﻌﻪ ﺍﻟﻠﻬﻢ ﺻﻞ ﻋﻞ ﻣﺤﻤﺪ ﻭﺍﻝ ﻣﺤﻤﺪ
ﻳﻤﻪ ﻓﺪﻭﻩ ﻟﻴﺶ ﺩﺗﺒﺠﻴﻦ ﺍﻧﻲ ﻛﻮﻩ ﻻﺯﻣﻪ ﻧﻔﺴﻲ
ﻻ ﻻ ﻳﻤﻪ ﻣﺎﻋﻠﻴﺞ ﺑﻴﻪ ﻫﺎﻱ ﺩﻣﻮﻉ ﺍﻟﻔﺮﺡ ﺍﻟﺤﻤﺪ ﺍﻟﻠﻪ ﻣﻦ ﺷﻔﺖ ﺑﻬﻞ ﻣﻨﻀﺮ ﻗﺒﻞ ﻣﺎﺍﻣﻮﺕ
ﻳﻤﻤﻤﻤﻤﻤﻪ ﺍﺻﻤﻠﻪ ﻋﻠﻴﺞ ﺍﻥ ﺷﺎﻟﻠﻪ ﻳﻮﻣﻲ ﻛﺒﻞ ﻳﻮﻣﺞ
ﺧﺎﻟﺘﻲ
ﻫﺎﻱ ﺷﺒﻴﺠﻦ ﻳﻤﻌﻮﺩﺍﺕ ﻛﻠﺒﺘﻨﻪ ﻣﻨﺎﺣﻪ ﻳﻤﻌﻮﻩ ﺍﻡ ﻗﻤﺮ ﺗﺮﻩ ﻫﺎﻱ ﻭﻳﻨﻪ ﺑﺮﺍﺱ ﺍﻟﻔﺮﺡ ﻗﺎﺑﻞ ﺭﺍﻳﺤﻪ ﺑﻐﻴﺮ ﻣﺤﺎﻓﻀﻪ ﻛﺎﻓﻲ ﻛﺎﻓﻲ ﻣﻮﺯﻳﻦ ﺍﻟﺒﺠﻲ ﻣﻮﺧﻮﺵ ﻓﺎﻝ ﻭﻟﺞ ﺳﻤﻤﻤﻤﻤﺮ ﺷﻐﻠﻴﻠﻲ ﺭﺩﺡ ﺧﻞ ﺍﺿﺤﻚ ﺍﻣﺞ ﻭﺳﻤﺮ ﻣﺎﻗﺼﺮﺕ ﺷﻐﻠﺘﻠﻪ ﻭﺩﻛﺎﺑﻠﺖ ﻭﻳﺎﻩ ﺻﺪﻙ ﺿﺤﻜﺘﻨﻪ ﺍﻟﻮﻗﺖ ﻳﻤﺸﻲ ﻭﺍﻟﺠﻮﺍﺭﻳﻦ ﺑﺪﻭ ﻳﺠﻮﻥ ﺍﻟﺤﻔﻠﻪ ﺑﺪﺕ ﻣﻦ ﺍﻟﺴﺎﻋﻪ 4 ﻭﺻﺎﺭﺕ ﺍﻟﺴﺎﻋﻪ 7 ﻭﻫﻤﻪ ﻣﺎﻛﻮ ﻭﺍﻣﻲ ﺧﻄﻴﻪ ﻋﻴﻨﻪ ﻋﻠﺒﺎﺏ ﻭﺍﻟﻨﺎﺱ ﻛﺎﻣﺖ ﺗﺴﻮﻱ ﻭﻳﻨﻬﻢ ﺷﻨﻮ ﺍﻟﺴﺎﻟﻔﻪ ﻟﻮ ﻣﺎ ﺑﻨﻔﺲ ﺍﻟﻔﺮﻉ ﻭﺍﻣﻲ ﺗﺮﻗﻊ ﻭﻫﺴﻪ ﻭﻫﺴﻪ ﺟﺎﻥ ﺗﻔﻮﺕ ﺑﺲ ﻋﻤﺘﻲ ﺍﻟﺒﻨﺎﺕ ﻭﻛﻢ ﻭﺣﺪﻩ ﻣﻦ ﺃﻗﺎﺭﺑﻬﻢ ﺧﻮﺍﺕ ﻋﻤﺘﻲ ﻭﺑﻨﺎﺗﻬﻢ ﻭﻓﻬﺪ ﻣﺎﻛﻮ ﻃﻴﻦ ﻫﻮﺳﻦ ﻭﺭﻛﺼﻦ ﺑﺲ ﻋﻤﺘﻲ ﻭﺍﻛﻔﻪ ﻭﻳﻪ ﺍﻣﻲ ﻭﺍﻣﻲ ﻗﻠﻘﻪ ﻋﺎﺩ ﻭﺍﻟﻨﺴﻮﺍﻥ ﺍﻟﺪﺍﻳﺮ ﻣﺪﺍﻳﺮ ﺍﺳﻤﻌﻦ
ﻭﻳﻨﻪ ﺍﺷﻮ ﻣﺎﺍﺟﻪ ﺍﺷﻮ ﺑﺲ ﺍﻫﻠﻪ ﻏﻴﺮ ﻳﺠﻲ ﻭﻳﺎﻫﻢ
ﻣﺘﺤﻤﻠﺖ ﻋﺒﺎﻟﻚ ﺻﺮﺕ ﻣﺜﻞ ﺍﻷﻃﺮﺵ ﺑﺰﻓﻪ ﻛﻮﻟﺸﻲ ﻣﺪﺍﻓﻬﻢ ﺻﺤﺖ ﺳﻤﺮ
ﺷﻜﻮ ﺷﺒﻴﻪ ﻋﻤﺘﻲ ﻭﺍﻣﻲ
ﻳﻤﻌﻮﺩﻩ ﻓﻬﺪ ﻟﻴﻬﺴﻪ ﻣﺠﺎﻱ ﻣﻦ ﺍﻟﺪﻭﺍﻡ ﻭﻳﺘﺼﻠﻮﻥ ﻋﻠﻴﻪ ﻣﻐﻠﻖ
ﻛﻠﺖ ﺑﻜﻠﺒﻲ ﺑﻌﺪ ﺍﺣﺴﻦ ﺑﺲ ﻫﺎﻱ ﺍﻟﻨﺎﺱ ﺷﻴﺨﻠﺼﻨﻪ ﻣﻦ ﻟﺴﺎﻧﻬﻢ
ﻋﻤﺘﻲ ﺍﻟﻤﻮﺑﺎﻳﻞ ﺑﻴﺪﻩ ﺳﺎﻋﻪ ﺗﺨﺎﺑﺮ ﻭﺳﺎﻋﻪ ﺗﺴﻮﻱ ﻧﻔﺴﻪ ﺗﻬﻮﺱ
ﺇﻟﻰ ﺍﻥ ﻃﺐ ﻋﻤﺎﺗﻪ ﻛﺎﻣﻦ ﻳﺴﻠﻤﻦ ﻋﻠﻴﻪ ﻭﻫﻮﻩ ﻳﺴﻠﻢ ﺑﺜﻜﻞ ﻭﻋﻤﺘﻲ ﺍﺣﺴﻪ ﻫﺴﻪ ﺟﺮﺕ ﺍﻟﻨﻔﺲ ﻛﺎﻣﺖ ﺍﺧﻮﻱ ﻣﻦ ﻛﻞ ﻛﻠﺒﻪ ﻛﻌﺪ ﺑﺼﻔﻲ ﺟﺎﻥ ﻻﺑﺲ ﺑﻨﻄﻠﻮﻥ ﺍﺳﻮﺩ ﻭﻗﻤﻴﺺ ﺍﺑﻴﺾ ﻭﺳﺘﺮﻩ ﺳﻮﻩ ﺑﺲ ﻃﺎﻟﻊ ﺍﺷﺮﺩﺩﺩﺩ ﻫﻤﺲ ﺑﺬﻧﻲ
ﺍﻋﺘﻘﺪ ﺳﺎﻋﺘﻴﻦ ﺗﻼﺛﻪ ﺍﻧﺘﻀﺎﺭ ﻛﺎﻓﻴﻪ ﺑﻦ ﺗﺤﺮﻙ ﺍﻋﺼﺎﺑﺞ ﻣﻮﻭﻭ
ﺧﺰﺭﺗﻪ
ﺍﺑﺘﺴﻢ ﺑﻤﻜﺮ
ﺍﻟﺤﻘﻴﺮ ﻳﻌﻨﻲ ﻣﺘﻌﻤﺪ ﻳﺘﺄﺧﺮ ﺣﺘﻰ ﻳﺤﺮﻙ ﺃﻋﺼﺎﺑﻲ ﻣﻴﺪﺭﻱ ﺩﻋﻴﺖ ﺍﻥ ﺷﺎﻟﻠﻪ ﻣﻴﺠﻲ ﺑﺲ ﺍﻟﻲ ﺣﺘﺮﻙ ﺃﻋﺼﺎﺑﻪ ﺍﻣﻲ ﺧﻄﻴﻪ ﺧﺎﻓﺖ ﺗﺘﻔﺸﻞ ﻭﻳﺎﻩ ﺍﻟﻌﺎﻟﻢ
ﺟﺎﺑﺖ ﻋﻤﺘﻲ ﺍﻟﺬﻫﺐ ﺟﺎﻥ ﺗﺨﻢ ﻛﺎﻣﻞ ﻟﺒﺴﻨﻲ ﺍﻟﺤﻠﻘﻪ ﻭﺍﻟﻤﺤﺒﺲ ﻭﻧﻄﺘﻨﻲ ﻋﻤﺘﻲ ﺣﻠﻘﺘﻪ ﻛﺎﻟﺖ ﻟﺒﺴﻲ ﻣﺠﺮﺩ ﺧﻠﻴﺘﻪ ﺑﺪﺍﻳﻪ ﺇﺻﺒﻌﻪ ﻭﻫﻮﻩ ﻛﻤﻞ ﻟﺒﺴﻪ ﻟﺒﺴﻨﻲ ﺍﻟﻜﻼﺩﻩ ﺻﺎﺭﺕ ﻋﻴﻨﻪ ﻋﻠﻰ ﻓﺘﺤﺖ ﺻﺪﺭﻱ ﺭﺍﺳﻦ ﺍﺑﺘﻌﺪ ﻭﻛﺎﻝ ﺳﺎﺭﻩ ﻟﺒﺴﻴﻪ ﻣﺪﺍﻋﺮﻑ ﻟﺒﺴﺘﻨﻲ ﻭﻗﻄﻌﻨﻪ ﺍﻟﻜﻴﻜﻪ ﺑﺲ ﻋﻞ ﺃﻋﺼﺎﺑﻲ ﺭﺍﺩﺕ ﺑﻨﺖ ﺧﺎﻟﺘﻪ ﻃﻚ ﻟﻨﺎ ﺻﻮﺭﻩ ﻣﺎﻗﺒﻞ ﻛﻞ ﺍﻟﺴﺎﺭﻩ ﻣﺎﺭﻳﺪ ﺃﺣﺪ ﻳﺼﻮﺭ ﺣﺘﻰ ﺳﻤﺮ ﻣﺨﻼﻩ ﺑﺲ ﻫﻮﻩ ﻃﻠﻊ ﻣﻮﺑﺎﻳﻠﻪ ﻭﺍﻧﻄﺎﻩ ﺳﺎﺭﻩ ﻃﻜﺘﻠﻨﻪ ﻣﻴﺪﺭﻱ ﺷﺒﻌﻨﻪ ﺻﻮﺭ ﻗﺒﻞ ﻣﻴﺠﻲ ﻛﻤﻠﺖ ﻫﺎﻱ ﺍﻟﺮﺳﻤﻴﺎﺕ ﺳﻠﻢ ﻋﻞ ﺍﻣﻲ ﺑﺎﺳﻪ ﻣﻦ ﺭﺃﺳﻪ ﻭﻃﻠﻌﻮﻭ ﻭﺍﺷﺘﻐﻞ ﺍﻟﻜﺺ ﺑﻨﺎﺕ ﺧﺎﻟﺘﻲ ﻣﺎﺗﻦ ﻋﻠﻴﻪ
ﺷﻨﻮ ﻫﻞ ﺟﻤﺎﻝ ﺍﻭﻳﻠﻲ ﻟﻮ ﺍﻟﻜﺸﺨﻪ ﻭﻟﺞ ﻗﻤﺮ ﻫﺬﺍ ﺷﻠﻮﻥ ﺻﻴﺪﻩ ﺍﻧﻮﺏ ﺭﺗﺒﻪ
ﺭﻭﺡ ﻓﻬﺪ ﺍﻥ ﺷﺎﻟﻠﻪ ﻳﺼﻤﻄﻨﻚ ﺑﻌﻴﻦ ﻭﺍﺧﻠﺺ ﻣﻨﻚ
ﻋﻔﺖ ﻛﻠﺸﻲ ﻭﺻﻌﺪﺕ ﻟﻐﺮﻓﺘﻲ ﻧﺰﻋﺖ ﺍﻟﺒﺪﻟﻪ ﻭﺭﺣﺖ ﺳﺒﺤﺖ ﻭﻋﻔﺖ ﻛﻞ ﺍﻟﻬﻮﺳﻪ ﺍﻟﺠﻮﻩ ﻭﻟﻔﻴﺖ ﺭﺍﺳﻲ ﻭﻧﻤﺖ ﻟﺜﺎﻧﻲ ﻳﻮﻡ ﻛﻌﺪﺕ ﻣﻠﻜﻴﺖ ﺃﺣﺪ ﺍﻟﺤﻤﺪﺍﻟﻠﻪ ﻛﻠﻪ ﺭﺍﻳﺤﻪ ﺟﺎﻥ ﻳﻮﻡ ﺟﻤﻌﻪ ﻭﺳﺒﺖ ﺑﻠﻴﻞ ﺩﺯﻟﻲ ﺭﺳﺎﻟﻪ
( ﻣﻤﻨﻮﻉ ﺩﺍﻭﻣﻴﻦ ﻣﻦ ﺑﺎﺟﺮ ﻣﺎﻛﻮ ﻣﺪﺭﺳﻪ )
ﺭﺩﺕ ﺍﺩﻙ ﻋﻠﻴﻪ ﺍﻟﺤﻘﻴﺮ ﺣﺎﺿﺮﻧﻲ ﺑﺲ ﻣﻦ ﻳﺮﻳﺪ ﺷﻲ ﻳﻔﻚ ﺍﻟﺤﻀﺮ
ﻣﺎﻫﺘﻤﻴﺘﻠﻪ ﻭﻛﻼﻣﻪ ﺁﺧﺮ ﻫﻤﻲ ﺍﻟﺼﺒﺢ ﺩﺍﻭﻣﺖ ﻭﻣﻦ ﺭﺟﻌﺖ ﻣﻦ ﺍﻟﺪﻭﺍﻡ ﺗﻤﺸﻴﺖ ﺩﺍﺻﻌﺪ ﺑﻠﺨﻂ ﻭﻛﻔﺖ ﻳﻤﻲ ﺳﻴﺎﺭﺗﻪ ﺍﻟﻤﻀﻠﻠﻪ ﻧﺰﻝ ﺍﻟﺠﺎﻣﻪ ﻭﻛﺎﻝ
ﺍﺻﻌﺪﻱ
ﻣﺎﺻﻌﺪ ﺫﺍﻙ ﺍﻟﺨﻂ ﻣﺎﻟﺘﻲ
ﺍﻧﻲ ﺷﻜﻠﺖ ﺍﺻﻌﺪﻱ ﺭﺍﺡ ﺍﻧﺰﻝ ﺍﺳﺤﻠﺞ
ﻫﻴﻪ ﻛﻮﻩ ﻣﺎﺭﻳﺪ
ﻭﻛﻒ ﺍﻟﺴﻴﺎﺭﻩ ﻭﻧﺰﻝ ﺟﺮﻧﻲ ﻣﻦ ﺍﻳﺪﻱ ﻭﺻﻌﺪﻧﻲ ﻭﻗﻔﻞ ﺍﻟﺒﺎﺏ ﻣﻦ ﺍﻟﺴﻮﻳﺞ ﺍﻟﺒﻴﺪﻩ ﺍﻟﻨﺎﺱ ﻛﻠﻪ ﺗﺒﺎﻭﻉ ﺣﻠﻪ ﻣﺎﻝ ﻃﻼﺏ ﻭﻫﻮﺳﻪ ﺑﺲ ﻣﺤﺪ ﻛﺪ ﻳﺤﺠﻲ ﻟﻦ ﻻﺑﺲ ﻋﺴﻜﺮﻱ ﻭﺍﺳﻴﺎﺭﻩ ﻣﻀﻠﻠﻪ ﺍﻟﻨﺎﺱ ﺗﺨﺎﻑ ﺣﺮﻙ ﺍﻟﺴﻴﺎﺭﻩ ﻭﻣﺸﻰ
ﻟﻴﺸﺸﺸﺶ ﺗﻌﺎﻧﺪﺩﺩﺩﺩﺩﺩﺩﻳﻦ
ﻟﻴﺶ ﺩﺗﺼﻴﺢ ؟ﻭﻭﻭﻭﺑﻲ ﺍﻧﻲ ﺳﻜﺘﻠﺞ ﻣﻮﻛﻠﺖ ﻣﺎﻛﻮﻭﻭﻭﻭ ﺩﻭﻭﻭﻭﻭﻭﺍﻡ ﺑﻨﺖ ﺍﻟﻜﻠﺐ
ﻻ ﺗﻐﻠﻂ ﻟﻴﺶ ﺗﺴﺐ ﺍﺑﻮﻳﻪ
ﻳﺼﻴﺢ ﻭﺩﻣﺎﺭﺍﺕ ﺭﻛﺒﺘﻪ ﺗﺮﻳﺪ ﺗﻄﻚ ﻭﻳﺴﻮﻕ ﺳﺮﻳﻊ ﺩﻣﻲ ﻧﺸﻒ
ﺷﻜﻮﻭﻭﻭ ﺧﺮﺳﻴﺘﻲ ﻟﻴﺶ ﺗﻜﺴﺮﻳﻦ ﻛﻠﻤﺘﻲ ﻟﻴﺸﺸﺸﺶ
ﺧﻠﻴﺖ ﺍﻳﺪﻱ ﻋﻞ ﺭﺍﺳﻲ ﻭﻛﻤﺖ ﺍﺻﻴﺢ
ﻛﺎﻓﻲ ﻛﺎﻓﻲ ﺷﻌﻠﻴﻚ ﺍﻧﺖ ﺑﻴﻪ ﺑﺼﻔﺘﻚ ﺷﻨﻮﻭﻭﻭﻭ ﻭﺗﺤﺎﺳﺒﻨﻲ
ﻧﺪﺍﺭ ﻋﻠﻴﻪ ﻭﻋﻴﻮﻧﻪ ﺗﻄﻠﻊ ﺷﺮﺍﺭ
ﺑﺼﻔﺘﻲ ﺷﻨﻮ ﻣﻮ ﺍﻧﻲ ﺍﻋﻠﻤﺞ ﻭﺍﻟﻠﻪ ﺍﻟﻴﻮﻡ ﻟﺨﻠﻴﺞ ﺗﻌﺮﻓﻴﻦ ﺑﺼﻔﺘﻲ ﺷﻨﻮﻭﻭﻭﻭﻭﻭﻭ
ﻭﺻﻠﻨﺎ ﻟﺒﻴﺘﻬﻢ ﻭﻧﺰﻟﻨﻲ ﺳﺤﻞ ﻛﻤﺖ ﺍﺑﺠﻲ ﻋﻤﺘﻲ ﺷﺎﻓﺘﻨﻪ ﺗﻔﺎﺟﺖ ﻣﺎﻧﻄﺎﻩ ﻣﺠﺎﻝ ﺗﺤﺠﻲ ﻳﺴﺤﻞ ﺑﻴﻪ ﺻﻌﺪﻧﻲ ﺍﻟﺪﺭﺝ ﻭﻃﺒﺒﻨﻲ ﺑﻐﺮﻓﺘﻪ ﻭﻗﻔﻞ ﺍﻟﺒﺎﺏ ﺭﻭﺣﻲ ﻓﺮﻓﺤﺖ ﺍﻭﺻﻞ ﻟﻠﺒﺎﺏ ﻭﻳﺪﻓﻌﻨﻲ ﻟﻠﺠﺮﺑﺎﻳﻪ ﻋﻤﺘﻲ ﺗﺪﻙ ﺑﻠﺒﺎﺏ ﻭﺗﺼﻴﺢ
ﻭﻟﻚ ﻳﻤﻪ ﺍﻓﺘﺢ ﺍﻟﺒﺎﺏ ﺷﺠﺎﻙ ﺗﺨﺒﻠﺖ ﺍﻟﺒﻨﻴﻪ ﺷﺒﻴﻪ ﻓﻬﺪ ﺍﻓﺘﺢ ﺍﻟﺒﺎﺏ
ﻭﺍﻧﻲ ﺍﺻﻴﺢ ﻋﻤﻤﻤﻤﻤﻤﻪ ﻟﺤﻜﻴﻠﻲ ﺩﻓﻌﻨﻲ ﻟﻠﺠﺮﺑﺎﻳﻪ ﻭﻃﻚ ﺣﺰﺍﻡ ﺍﻟﺒﻨﻄﺮﻭﻥ ﺍﻧﺎﻡ ﻓﻮﻛﺎﻳﻪ
ﺍﻧﻲ ﺑﺼﻔﺘﻲ ﺷﻨﻮ ﻣﻮﻭﻭﻭ ﻭﺍﻟﻠﻪ ﻟﺨﻠﻴﺞ ﺗﺒﻮﺳﻴﻦ ﺣﺘﻰ ﺭﺟﻠﻴﻪ
ﻭﺧﺮﺭﺭﺭﺭﺭﺭ ﻋﻤﻤﻤﻤﻤﻤﻤﻪ ﻟﺤﻜﻴﻠﻲ ﻋﻤﻤﻤﻤﻤﻤﻤﻪ
.......
ﻭﻟﻚ ﻓﻬﻬﻬﻬﻬﻬﺪ ﻳﻤﻪ ﺍﻓﺘﺢ ﺍﻟﺒﺎﺏ ﻋﻠﻴﻚ ﺍﻟﻠﻪ ﻭﻟﻴﺪﻱ ﺍﻟﺒﻨﻴﻪ ﺭﺍﺡ ﺗﺘﺨﺒﻞ
ﺍﺻﻴﺢ ﻭﺍﺑﺠﻲ ﻭﺭﻭﺣﻲ ﻓﺮﻓﺤﺖ ﻭﻫﻮﻩ ﻓﻮﻛﺎﻳﻪ ﻋﺮﻓﺘﻪ ﺷﻴﺮﻳﺪ ﻳﺴﻮﻱ ﻛﻤﺖ ﺍﺧﺮﻣﺶ ﺑﻴﺪﻩ ﻻﺯﻣﻪ ﺍﻳﺪﻩ ﻭﺍﺭﻓﺲ ﻣﺜﻞ ﺍﻟﻄﻴﺮ ﺍﻟﻤﺬﺑﻮﺡ ﻭﻫﻮﻩ ﻧﻜﻠﺐ ﻭﺣﺶ ﻳﺮﻳﺪ ﺑﺲ ﻳﻮﺻﻠﻲ ﺇﻟﻰ ﺍﻥ ﺍﺣﻤﺪ ﻛﺎﻡ ﻳﺪﻓﺮ ﺑﻠﺒﺎﺏ
ﻓﻬﻬﻬﻬﻬﻬﻬﺪ ﺍﻓﺘﺢ ﺍﻟﺒﺎﺏ ﺑﺎﻟﻠﻪ ﺍﻟﻌﻀﻴﻢ ﺭﺍﺡ ﺍﻛﺴﺮﻩ ﻓﻬﻬﻬﻬﻬﻬﻬﻬﻬﻬﻬﻬﻬﺪ ﻛﺘﻠﻚ ﺍﻣﻜﺴﺴﺴﺴﺮﻩ ﺑﻠﻘﺮﺍﻥ
ﻭﻳﺪﻓﺮ ﺑﻠﺒﺎﺏ ﺭﺍﺩﺕ ﺗﺘﺸﻠﻊ ﻫﻴﻪ ﻟﺤﻀﺎﺕ ﺍﻧﻲ ﺻﺎﻳﺮﻩ ﺟﻮﺍﻩ ﺑﺲ ﻋﺒﺎﻟﻚ ﺳﻨﻪ ﻓﺠﺎﻩ ﺍﺑﺘﻌﺪ ﻭﺟﺮﻧﻲ ﻣﻦ ﻳﻢ ﺷﺎﻟﻲ ﺍﻟﻲ ﻧﻔﺘﺢ ﻭﺻﺎﺭ ﺧﺮﻳﻄﻪ ﻭﻛﺎﻝ
ﻭﺧﺮﻭﻭﻭ ﻣﻦ ﺍﻟﺒﺎﺏ ﻣﺎﻋﻨﺪﻱ ﺷﻲ ﻭﻳﺎﻩ ﺷﻐﻠﻪ ﺑﻴﻨﻪ
ﺍﺣﻤﺪ
ﻭﺍﻟﻠﻪ ﻣﺎﺗﺤﺮﻙ ﻣﻨﺎ ﺍﺫﺍ ﻣﺘﻔﺘﺢ ﺍﻟﺒﺎﺏ
ﺍﺣﻤﻤﻤﻤﻤﺪ ﻛﺘﻠﻚ ﻣﺎﻛﻮ ﺷﻲ ﺭﻭﺣﻮﻭﻭﻭﻭ
ﻣﺎﻛﻮ ﺍﺣﻤﺪ ﻣﺴﺘﻤﺮ ﻳﺪﻙ ﺑﻠﺒﺎﺏ ﻭﻋﻤﺘﻲ ﺗﺘﻮﺳﻞ ﺑﻲ
ﻛﻮﻣﻨﻲ ﻟﻴﻢ ﺍﻟﺒﺎﺏ ﻭﺍﻧﻲ ﺍﺭﺟﻒ ﻭﺃﻣﺴﺢ ﺍﻟﺪﻣﻌﻪ ﺗﻨﺰﻝ ﻋﺸﺮﻩ ﻭﻛﻒ ﺳﺪ ﺣﺰﺍﻣﻪ ﻭﺑﺎﻭﻉ ﻋﻠﻴﻪ ﻛﺎﻝ ﺑﻨﺘﺮ
ﻋﺪﻟﻲ ﻧﻔﺴﺞ
ﻛﻤﺖ ﺍﺣﻂ ﺑﺸﺎﻝ ﻭﻳﻮﻛﻊ ﻭﺃﻣﺴﺢ ﺑﻮﺟﻬﻲ
ﺣﻀﺞ ﺑﺎﺍﺣﻤﺪ ﻭﺍﻣﻲ ﻭﺍﻟﻠﻪ ﺟﺎﻥ ﺧﻠﻴﺘﺞ ﺍﻟﻴﻮﻡ ﺗﺒﻮﺳﻴﻦ ﺣﺘﻰ ﺭﺟﻠﻴﻪ
ﺣﺠﺎﻩ ﻭﻓﺘﺢ ﺍﻟﺒﺎﺏ ﻃﺒﺖ ﻋﻤﺘﻲ ﺟﻴﺘﺖ ﺑﺤﻀﻨﻪ ﻭﺍﺣﻤﺪ ﻳﺼﻴﺢ ﻭﺭﺍﻩ
ﻭﻭﻭﻭﻳﻦ ﺗﻌﺎﻝ ﺷﻜﻮ ﺷﺼﺎﻳﺮ ﻓﻬﻬﻬﻬﻬﺪ
ﻋﺎﻓﻬﻢ ﻭﻧﺰﻝ ﻣﺠﺎﻭﺏ ﻧﺰﻟﺘﻨﻲ ﻋﻤﺘﻲ ﻭﺍﻧﻲ ﻣﺴﺘﻤﺮﻩ ﺍﺑﺠﻲ ﻛﻤﺖ ﺍﻧﺎﺷﻎ ﻣﺜﻞ ﺍﻟﻄﻔﻠﻪ ﻛﻌﺪﺗﻨﻲ ﺑﻠﻤﻄﺒﺦ ﻭﺍﺣﻤﺪ ﻓﻮﻙ ﺭﺍﺳﻲ
ﺷﺒﻴﺞ ﻗﻤﻤﺮ ﺍﺣﺠﻲ ﻣﺪﻛﻠﻴﻠﻲ ﺷﺠﺎﻩ ﺍﺷﻮ ﻧﺰﻝ ﻧﺎﺭ ﻛﺒﺮﻩ ﺷﻜﻮ
ﻳﻤﻪ ﻋﻮﻓﻪ ﻣﺘﺸﻮﻑ ﺷﺼﺎﻳﺮ ﺑﺤﺎﻟﻪ ﻫﺴﻪ ﺗﻬﺪﻯ ﻭﺗﺤﺠﻲ ﺭﻭﺡ ﻟﻤﺤﻠﻚ ﺍﺑﻨﻲ
ﺍﺣﻤﺪ ﻓﺎﺗﺢ ﺃﺳﻮﺍﻕ ﺑﺼﻒ ﺍﻟﺒﻴﺖ ﻫﻮﻩ ﺧﺮﻳﺞ ﺧﻄﻴﻪ ﺑﺲ ﺍﻛﻴﺪ ﻣﺎﻛﻮ ﺗﻌﻴﻦ ﻋﺎﺩ ﻋﺎﻓﻨﻪ ﻭﻃﻠﻊ
ﻋﻤﻪ ﻋﻔﻴﻪ ﺍﺭﻳﺪ ﺍﺭﻭﺡ ﻟﻠﺒﻴﺖ
ﻳﺎﺑﻴﺖ ﻓﺪﻭﻩ ﻟﻌﻴﻨﺞ ﺷﻮﻓﻲ ﺣﺎﻟﺞ ﺑﺲ ﺗﺸﻮﻓﺞ ﺍﻣﺞ ﻣﺮﻩ ﻣﺮﻳﻀﻪ ﺑﺲ ﺗﺸﻮﻓﺞ ﻫﻴﺞ ﺗﺤﻂ ﺭﺍﺳﻪ ﻭﺗﻤﻮﺕ ﻛﻮﻣﻲ ﻛﻮﻣﻲ ﻏﺴﻠﻲ
ﺟﺮﺗﻨﻲ ﻟﺴﻨﻚ ﻓﺘﺤﺖ ﺍﻟﻤﻲ ﻭﺗﻐﺴﻞ ﺑﻮﺟﻬﻲ ﻭﺭﺟﻌﺖ ﻛﻌﺪﺗﻨﻲ ﻋﻞ ﻛﺮﺳﻲ ﺟﺎﺑﺘﻠﻲ ﻛﻼﺹ ﻣﻲ ﻭﻛﻌﺪﺕ ﻛﺒﺎﻟﻲ
ﺍﺷﺮﺑﻲ ﺑﻨﻴﺘﻲ
ﺍﺭﻳﺪ ﺍﻟﺰﻡ ﺍﻟﻜﻼﺹ ﺍﻳﺪﻱ ﺗﺮﺟﻒ
ﺷﺒﻴﻜﻢ ﺍﺩﺭﻱ ﺷﺠﺎﻛﻢ ﺍﻧﻀﺮﺑﺘﻮ ﻋﻴﻦ ﻣﺼﺎﺭ ﺣﺘﻰ ﺳﺒﻮﻉ ﻣﻦ ﻧﺨﻄﺒﺘﻮ ﺷﺒﻲ ﻭﻳﺎﺝ
ﺍﺑﺠﻲ ﻭﺍﺣﺠﻲ ﻋﻤﻤﻤﻪ ﺍﺑﻨﺞ ﻣﻮﺻﺎﺣﻲ ﻟﻮﺗﺪﺭﻳﻦ ﺷﺮﺍﺩ ﻳﺴﻮﻱ
ﻭﻟﺞ ﻋﻮﻓﻲ ﺍﻟﺒﺠﻲ ﺭﺍﺡ ﻳﻮﻛﻒ ﻛﻠﺒﺞ ﻣﻦ ﺍﻟﺮﺟﻴﻒ ﻛﻠﻴﻠﻲ ﺷﺮﺍﺩ ﻳﺴﻮﻱ ﻟﻤﻌﺰﻩ
ﻋﻤﻤﻪ ﺍﺑﻨﺞ ﺭﺍﺩ ﻳﻐﺘﺼﺒﺘﻲ ﺩﺗﻔﻬﻤﻴﻦ ﻋﻠﻴﻪ ﻣﺘﺖ ﻭﺍﻧﻲ ﺍﺭﻓﺲ ﺟﻮﺍﻩ
ﻋﺰﻩ ﺑﻌﻴﻨﺞ ﻓﻬﺪ ﻭﻟﺞ ﺧﻮﻩ ﻣﺴﻮﺍﻟﺞ ﺷﻲ
ﻫﺰﻳﺖ ﺭﺍﺳﻲ ﺑﻠﺮﻓﺾ
ﺍﺩﺭﻱ ﻟﻴﺶ ﻏﻴﺮ ﺍﻓﺘﻬﻢ
......
ﻋﻠﻤﻮﺩ ﺍﻟﻤﺪﺭﺳﻪ ﺍﻟﺒﺎﺭﺣﻪ ﺩﺯﻟﻲ ﺭﺳﺎﻟﻪ ﻛﻠﻲ ﺑﻌﺪ ﻣﺎﻛﻮ ﺩﻭﺍﻡ ﻭﺍﻟﻴﻮﻡ ﺍﺟﺎﻧﻲ ﻟﻠﻤﺪﺭﺳﻪ ﺟﺮﻧﻲ ﻛﺪﺍﻡ ﺍﻟﻄﻼﺏ ﻭﺟﺎﺑﻨﻲ ﻟﻬﻨﺎﺀ
ﻳﻌﻨﻲ ﺑﺲ ﻫﻴﺞ
ﺍﺗﺬﻛﺮﺕ ﺍﻧﻲ ﻛﺘﻠﻪ ﺑﺼﻔﺘﻚ ﺷﻨﻮ ﺗﺤﺎﺳﺒﻨﻲ ﻭﻫﻮﻩ ﺗﺨﺒﻞ ﻋﻤﻪ ﻭﺍﻟﻠﻪ ﺟﺎﺑﻨﻲ ﺳﺤﻞ ﺣﺘﻰ ﺍﻟﻄﻼﺏ ﺗﺒﺎﻭﻉ ﻭﺍﻟﻄﺮﻳﻖ ﻛﻮﻟﻪ ﻳﺼﻴﺢ ﻭﻳﺴﺐ ﻭﻳﻐﻠﻂ
ﺟﺮﺕ ﻧﻔﺲ ﻭﻛﺎﻟﺖ
ﺷﻮﻓﻲ ﺑﻨﺘﻲ ﺍﻧﻲ ﻣﻮ ﺃﺩﺍﻓﻊ ﻟﺒﻨﻲ ﺻﺤﻴﺢ ﻫﻮﻩ ﻋﺼﺒﻲ ﻭﻣﻴﻨﺠﺮﻉ ﺑﺲ ﺻﺪﻛﻲ ﺑﺎﻟﻠﻪ ﻣﺮﺍﺩ ﻳﺴﻮﻱ ﻭﻳﺎﺝ ﻟﺒﺎﻟﺞ ﺑﺲ ﺩﻳﺨﻮﻓﺞ ﻟﻦ ﻛﺘﻴﻠﻪ ﻫﻴﺞ ﻭﻻﺗﻨﺴﻴﻦ ﺗﺮﻩ ﺍﻧﺘﻮ ﻣﻌﺎﻗﺪﻳﻦ ﻳﻌﻨﻲ ﺍﺫﺍ ﻣﻴﺨﺎﻑ ﻣﻨﻌﺪﻧﻪ ﻣﻦ ﺍﻟﻠﻪ ﻫﻢ ﻣﻴﺨﺎﻑ ﺑﺲ ﻫﻮﻩ ﺍﻋﺼﺎﺏ ﻭﺍﻧﺘﻲ ﺍﻟﻠﻪ ﻳﺴﻠﻤﺞ ﻫﻢ ﻣﻴﺼﻴﺮ ﻫﻴﺞ ﺩﻛﻮﻟﻴﺎ ﻳﻌﻨﻲ ﻫﻮﻩ ﻗﺒﻞ ﻣﻴﺼﻴﺮ ﺧﻄﻴﺒﺞ ﻫﻮﻩ ﺍﺑﻦ ﻋﻤﺞ ﻳﺠﻮﺯ ﻫﺎﻱ ﺟﺎﻧﺖ ﺣﺠﻪ ﺣﺘﻰ ﻳﺘﺤﺮﺵ ﺑﻴﺞ ﻭﻳﺪﺍﻫﺮﺝ ﻭﻳﺠﺞ ﻟﻠﻤﺪﺭﺳﻪ ﻭﻛﻼﻣﺞ ﺳﺘﻔﺰﻩ ﻭﺍﻟﺸﻴﻄﺎﻥ ﺩﺧﻞ ﻭﺻﺎﺭ ﺍﻟﻲ ﺻﺎﺭ ﻫﺴﻪ ﺍﻫﺪﻱ ﻭﻣﺴﺤﻲ ﺩﻣﻮﻋﺞ ﻭﻛﻮﻣﻲ ﻏﺴﻠﻲ ﺍﺗﺨﺮﺗﻲ ﻫﺴﻪ ﺍﻣﺞ ﺿﻞ ﺑﺎﻟﻪ ﻭﺃﺭﻳﺪ ﻣﻨﺞ ﺷﻐﻠﻪ ﻫﺬﺍ ﺍﻟﻲ ﺻﺎﺭ ﻣﺎﺭﻳﺪ ﺃﺣﺪ ﻳﺪﺭﻱ ﺑﻲ ﻭﺍﻧﻲ ﻣﻦ ﻳﺠﻲ ﺍﻋﺮﻑ ﺷﻠﻮﻥ ﺍﺗﺼﺮﻑ ﻭﻳﺎﻩ ﻛﻮﻣﻲ ﺑﻨﺘﻲ
ﻣﺠﺎﻭﺑﺖ ﻭﻻﺑﻴﻪ ﺣﻴﻞ ﺍﺟﺎﻭﺏ ﺍﻟﺸﻬﻜﻪ ﻣﻔﺎﺭﻛﺘﻨﻲ ﻛﻤﺖ ﻏﺴﻠﺖ ﻭﻟﻔﻴﺖ ﺷﺎﻟﻲ ﺯﻳﻦ ﺍﺑﺎﻭﻉ ﻟﺮﻭﺣﻲ ﺑﻠﻤﺮﺍﻳﻪ ﻋﻴﻮﻧﻲ ﻭﺍﺭﻣﻪ ﻣﻦ ﺍﻟﺒﺠﻲ ﻭﺧﺸﻤﻲ ﺍﺣﻤﺮ ﻭﺣﺎﻟﺘﻲ ﺣﺎﻟﻪ ﻋﻤﺘﻲ ﻟﺒﺴﺖ ﻋﺒﺎﺗﻪ ﻛﺎﻟﺖ ﺍﻧﻲ ﺍﻭﺻﻠﺞ ﻃﻠﻌﻨﻪ ﻭﺩﺧﻠﻦ ﺳﺎﺭﻩ ﻭﺭﺳﻞ ﻫﺴﻪ ﺣﻠﻦ ﺑﺎﻭﻋﻦ ﻋﻠﻴﻪ ﺑﻠﺒﺪﺍﻳﻪ ﺑﺘﺴﻤﻦ ﻣﻦ ﺗﻘﺮﺑﻦ ﻣﻨﻲ ﻏﺎﺑﺖ ﺍﻻﺑﺘﺴﺎﻣﻪ ﺭﺍﺩ ﻳﺤﺠﻦ ﻋﻤﺘﻲ ﺧﺰﺭﺗﻬﻦ ﺧﻄﻴﻪ ﺿﻠﻦ ﺻﺎﻓﻨﺎﺕ ﻭﺣﻨﻪ ﻃﻠﻌﻨﺎ ﻭﺻﻠﺖ ﺑﻴﺘﻨﻪ ﻭﺩﺧﻠﻨﺎ ﺍﻣﻲ ﺑﻠﻤﻄﺒﺦ ﺳﺘﻐﺮﺏ ﻃﺒﺖ ﻋﻤﺘﻲ ﻭﻳﺎﻱ ﺑﺎﻭﻋﺘﻠﻲ
ﺷﺒﻴﺞ ﺑﻨﺘﻲ ﺷﻨﻮ ﺑﺎﺟﻴﻪ ﻋﻔﺘﻪ ﻭﺻﻌﺪﺕ ﻟﻐﺮﻓﺘﻲ ﻭﺍﺳﻤﻊ ﻋﻤﺘﻲ ﺩﻛﻮﻟﻪ ﺯﻋﻞ ﺣﺒﺎﻳﺐ ﻫﻴﻪ ﻭﻓﻬﺪ ﻣﺎﺑﻴﻪ ﺷﻲ ﻻﺗﺨﺎﻓﻴﻦ ﺩﺧﻠﺖ ﻟﻠﻐﺮﻓﻪ ﺣﻄﻴﺖ ﻭﺟﻬﻲ ﺑﻴﺪﻱ ﻭﺍﺑﺠﻲ ﺍﺑﺠﻲ ﻭﺃﺗﺬﻛﺮ ﺍﻟﻤﻮﻗﻒ ﺧﺼﻮﺻﻦ ﻣﻦ ﺍﻧﻲ ﺟﻮﺍﻩ ﻟﺤﻀﻪ ﻣﺮﻋﺒﻪ ﺭﻭﺣﺖ ﻧﺺ ﻋﻤﺮﻱ ﺟﻮﻩ ﺍﻟﻜﺎﻉ ﻃﺒﺖ ﺍﻣﻲ
ﻳﻤﻪ ﺷﻨﻮ ﻫﻞ ﺑﺠﻲ ﻟﻴﺶ ﻣﻮﺗﻪ ﻧﻔﺴﺞ ﻋﻠﻤﻮﺩ ﺍﻟﻤﺪﺭﺳﻪ ﻫﺴﻪ ﺍﻧﻲ ﺣﺎﺟﻴﺖ ﻋﻤﺘﺞ ﻛﺘﻠﻪ ﺍﻟﺪﺭﺍﺳﻪ ﺧﻂ ﺍﺣﻤﺮ ﻭﺍﺗﻔﺎﻗﻨﻪ ﻣﻦ ﺍﻟﺒﺪﺍﻳﻪ ﻗﻤﺮ ﺗﻜﻤﻞ ﺩﺭﺍﺳﺘﻪ ﻏﻴﺮ ﻫﺬﺍ ﺍﻟﺸﻲ ﻧﻔﺴﺦ ﻭﻛﻠﺸﻲ ﻳﺮﺟﻊ ﺑﻤﻜﺎﻧﻪ ﺷﻬﻞ ﺯﻭﺍﺟﻪ ﻫﺎﻱ ﺍﻟﻲ ﻣﻦ ﺍﻭﻟﻪ ﺑﻨﺘﻲ ﺟﺘﻲ ﻣﻔﺮﻓﺤﻪ
ﻣﺠﺎﻭﺑﺖ ﺑﺲ ﺍﻫﺰ ﺑﺮﺃﺳﻲ ﺑﺲ ﻋﺮﻓﺖ ﻣﻦ ﻫﺪﻭ ﺍﻣﻲ ﻣﻜﺎﻳﻠﺘﻪ ﻋﻞ ﺳﻮﺍﻩ ﺑﻠﻐﺮﻓﻪ ﺑﺲ ﻛﺎﻳﻠﺘﻠﻪ ﻣﺘﻌﺎﺭﻛﻴﻦ ﻋﻠﻤﻮﺩ ﺍﻟﻤﺪﺭﺳﻪ ﺭﺍﺩﺕ ﺍﻧﺰﻝ ﺍﺗﻐﺪﻩ ﻛﺘﻠﻪ ﻣﺎﺭﻳﺪ ﺍﺭﻳﺪ ﺍﻧﺎﻡ ﻭﺑﺲ ﻃﻠﻌﺖ ﻭﺩﻓﻨﺖ ﺭﺍﺳﻲ ﺑﻠﻤﺨﺪﻩ ﻭﻧﻤﺖ ﺣﺘﻰ ﻣﺎﺑﺪﻟﺖ ﻟﻠﻌﺼﺮ ﻛﻌﺪﺗﻨﻲ ﺳﻤﺮ
ﻛﻮﻣﻲ ﻛﻮﻣﻲ ﺍﻛﻌﺪﻱ ﻳﻠﻪ ﺳﻮﻟﻔﻴﻠﻲ
ﻭﺧﺮﻱ ﻣﻨﻲ ﺳﻤﺮ ﻣﺎﺑﻴﻪ ﺣﻴﻠﺞ
ﻭﺍﻟﻠﻪ ﻣﺎﻋﻮﻓﺞ ﺍﻟﻰ ﺗﺤﺠﻴﻠﻲ ﻳﻜﻮﻟﻮﻥ ﺍﻟﻴﻮﻡ ﺭﻭﻣﻴﻮ ﺟﺎﻱ ﻟﻠﻤﺪﺭﺳﻪ ﻋﻞ ﺟﻮﻟﻴﺖ ﻭﻣﺘﻌﺎﺭﻙ ﻭﻳﺎﻩ ﻛﻌﺪﻱ ﺣﺠﻴﻠﻲ ﺑﺘﻔﺼﻴﻞ
ﻛﻌﺪﺕ ﻟﺤﻴﻠﻲ ﻳﺎﺭﻣﻴﻮ ﻛﻮﻟﻲ ﺍﺑﻦ ﻋﻤﺞ ﻟﻤﺨﺒﻞ ﺍﻟﻠﻪ ﻳﺄﺧﺬﻩ ﻭﺍﺧﻠﺺ ﻣﻨﻪ
😲😲😲😲😲 ﻋﺰﺯﺯﺯﻩ ﺑﻌﻴﻨﺞ ﻗﻤﺮ ﺗﺪﻋﻴﻦ ﻋﻞ ﻓﻬﺪ
ﺍﻱ ﺍﻧﺘﻲ ﺑﺲ ﻛﻮﻟﻲ ﺍﻣﻴﻦ ﻭﺧﻠﺺ . ﻛﻤﺖ ﻟﻠﻜﻨﺘﻮﺭ ﺍﻃﻠﻊ ﻣﻼﺑﺲ ﻭﻫﻴﻪ ﻣﺴﺘﻤﺮﻩ ﺗﺤﺠﻲ
ﺑﺮﻭﺡ ﺍﺑﻮﻳﻪ ﺗﺴﻮﻟﻔﻴﻠﻲ ﻭﺍﻟﻠﻪ ﻣﺎﺗﺤﻤﻞ ﺍﻟﻔﻀﻮﻝ ﻛﺘﻠﻨﻲ
ﺷﺴﻮﻟﻔﻠﺞ ﻣﺨﺒﻞ ﻣﺎﺭﻳﺪ ﺍﺟﻴﺐ ﺣﺘﻰ ﻃﺎﺭﻳﻪ ﻋﻔﺘﻪ ﻭﺭﺣﺖ ﻟﻠﺤﻤﺎﻡ ﺳﺒﺤﺖ ﻭﻧﺰﻟﺖ ﺍﻛﻠﺖ ﻟﻜﻤﻪ ﻭﻣﺮ ﺍﻟﻴﻮﻡ ﻋﺎﻱ ﺛﺎﻧﻲ ﻳﻮﻡ ﺍﻟﺼﺒﺢ ﻛﻌﺪﺕ ﺍﺭﻳﺪ ﺍﺭﻭﺡ ﻟﻠﺪﻭﺍﻡ ﺑﺲ ﺍﺭﻳﺪ ﺍﺷﻴﻞ ﺟﺴﻤﻲ ﻣﺎﻛﺪ ﻣﺘﻜﺴﺮ ﻭﻣﺼﺨﻨﻪ ﻧﺎﺭ ﻧﺰﻟﺖ ﻛﻮﻩ
......
ﺻﺒﺎﺡ ﺍﻟﺨﻴﺮ ﻳﻮﻡ
ﺻﺒﺎﺡ ﺍﻟﻨﻮﺭ ﺍﺷﻮ ﻣﻤﺪﺍﻭﻣﻪ
ﻳﻤﻪ ﺗﻌﺒﺎﻧﻪ
ﺍﺧﺎﻑ ﻋﻠﻤﻮﺩ ﻓﻬﺪ ﻳﻤﻪ ﻛﻮﻟﺸﻲ ﻭﻻ ﺩﺭﺍﺳﺘﺞ
ﻻﻳﻤﻪ ﻭﺍﻟﻠﻪ ﺑﺲ ﻣﺼﺨﻨﻪ ﻭﺟﺴﻤﻲ ﻣﻜﺴﺮ
ﻟﻌﺪ ﻛﻮﻣﻲ ﺍﺧﺬﺝ ﻟﻠﻤﺴﺘﻮﺻﻒ ﻗﺒﻞ ﻣﺘﺰﻳﺪﻳﻦ
ﺷﻔﺖ ﻧﻔﺴﻲ ﻓﺪﻧﻮﺏ ﻛﻤﺖ ﺑﺪﻟﺖ ﻭﺭﺣﻨﻪ ﻫﻮﺳﻪ ﻭﺩﻭﺧﻪ ﺍﺯﺩﺣﺎﻡ ﻟﻌﺒﺖ ﻧﻔﺴﻲ ﺍﻝ ﺩﺧﻠﻨﻪ ﻟﻠﺪﻛﺘﻮﺭ ﺳﺠﻠﻲ ﻋﻼﺝ ﻭﺭﺟﻌﻨﻪ ﺑﺲ ﺍﺷﻮ ﺻﺎﺭ ﺍﻟﻌﻜﺲ ﺍﻧﻮﺏ ﺯﺩﺕ ﻳﻮﻣﻴﻦ ﺩﻛﻨﻲ ﺍﻟﻤﺮﺽ ﺩﻙ ﺍﺟﻪ ﻋﻤﻲ ﻭﻣﺮﺗﻪ ﺗﻮﺳﻞ ﺑﻴﻪ ﻳﺎﺧﺪﻧﻲ ﺩﻛﺘﻮﺭ ﻛﺘﻠﻪ ﻋﻤﻮ ﻭﺍﻟﻠﻪ ﺭﺣﺖ ﻭﻫﺬﺍ ﺍﻟﻌﻼﺝ ﺷﻮﻓﻪ ﺑﺲ ﻫﻴﻪ ﻓﻼﻭﻧﺰﻩ ﺗﺎﺧﺬﻟﻪ ﺷﻜﻢ ﻳﻮﻡ ﻭﺗﺮﻭﺡ ﻋﻤﺘﻲ ﻛﺎﻋﺪﻩ ﺑﺼﻔﻲ ﻭﺗﺤﺠﻲ ﻫﻤﺲ
ﻋﻤﻪ ﺧﻮﻣﺎ ﻣﻦ ﻭﺭﻩ ﻓﻬﺪ ﻣﺪﺍﺩﺍﻭﻣﻴﻦ ﺗﺮﻩ ﺍﻧﻲ ﺑﻴﻮﻩ ﺣﺎﺟﻴﺘﻪ ﻭﻟﻌﺒﺖ ﺑﻲ ﻟﻌﺐ ﻭﺍﻟﻠﻪ ﻭﺣﺘﻰ ﺭﺩﺕ ﺍﺳﻮﻟﻒ ﻟﻌﻤﺞ ﺑﺲ ﺧﻔﺖ ﻟﺘﻜﺒﺮ ﻳﻤﻪ ﺩﺍﻭﻣﻲ ﻣﻌﻠﻴﺞ ﺑﻲ
ﻋﻤﻪ ﻭﺍﻟﻠﻪ ﻣﻮﻋﻠﻤﻮﺩﻩ ﺑﺲ ﺍﻧﻲ ﻣﺮﻳﻀﻪ ﻭﻣﺪﺍﻭﻣﺖ ﺍﻥ ﺷﺎﻟﻠﻪ ﺑﺲ ﺍﺻﻴﺮ ﺯﻳﻨﻪ ﺍﻛﻴﺪ ﺍﺩﺍﻭﻡ
ﺧﻮﺵ ﻟﻌﺪ ﻋﺒﺎﻟﻲ ﻣﻦ ﻭﺭﻩ
ﻟﻠﻤﻐﺮﺏ ﺭﺍﺣﻮ ﻭﺍﻧﻲ ﻛﻤﺖ ﺳﺒﺤﺖ ﺑﻠﻜﺖ ﺍﺗﻨﺸﻂ ﻭﻗﺮﻳﺖ ﺷﻮﻳﻪ ﻟﻴﻠﻴﻞ ﺩﻙ ﻣﻮﺑﺎﻳﻠﻲ ﻓﻬﺪ ﻣﺠﺎﻭﺑﺖ ﺩﻙ ﺩﻙ ﻣﺮﺗﻴﻦ ﻣﺮﺩﻳﺖ ﺩﺯﻟﻲ ﺭﺳﺎﻟﻪ
ﺟﺎﻭﺑﻲ ﺗﺮﻩ ﺍﺟﻴﺞ ﺗﺪﺭﻳﻦ ﺑﻴﻪ ﺍﺳﻮﻳﻪ
ﺩﻙ
ﺟﺎﻭﺑﺖ
ﺍﻟﻮﻭﻭﻭﻭ
ﻭﻭﺟﻊ ﻟﻴﺶ ﻣﺠﺎﻭﺑﻴﻦ
ﺑﻜﻴﻔﻲ
ﺍﻧﺘﻲ ﻣﺠﻮﺯﻳﻦ
ﺳﻜﺘﺖ
ﻣﻮﻳﺎﺝ
ﺷﻜﻮ
ﻭﺷﻚ ﺷﺎﻛﻪ ﺗﺮﻩ ﻣﻤﻴﺖ ﻋﻠﻴﻚ ﺑﺲ ﺳﻤﻌﺖ ﺗﺮﺩﻳﻦ ﺗﻤﻮﺗﻴﻦ ﻋﻞ ﻣﺪﺭﺳﻪ ﻛﻠﺖ ﺧﻞ ﺗﺮﺟﻊ ﺧﺎﺍﻑ ﺗﻤﻮﺕ ﻭﺗﻀﻞ ﺑﻨﻔﺴﻪ
ﻻ ﻭﺍﻟﻠﻪ ﻣﻨﻮ ﻛﻠﻚ ﺍﻧﻲ ﻣﺮﻳﻀﻪ ﻋﻠﻤﻮﺩ ﺍﻟﻤﺪﺭﺳﻪ ﺗﺮﻩ ﻛﻼﻣﻚ ﺍﺧﺮ ﻫﻤﻲ
ﻫﺎﺍﺍﺍ ﻣﺘﺄﻛﺪﻩ
ﺍﻭﻭﻭ ﻫﺴﻪ ﺷﺘﺮﻳﺪ ﻣﺨﺎﺑﺮ ﺍﻧﺖ ﻣﻮﺣﺎﺿﺮﻧﻲ ﺷﻜﻮ ﺩﺍﻙ ﻋﻠﻴﻪ
ﻫﺎﺍﺍﺍ ﻻﺯﻡ ﺩﺍﻛﻪ ﻋﻠﻴﻪ ﻭﻻﻛﻴﻪ ﻧﻔﺴﺞ ﻣﺤﻀﻮﺭﻩ
ﻻﻻ
ﺩﻳﻠﻪ ﻳﻠﻪ ﺭﻭﺣﻲ
ﺳﺪﻩ ﺑﻮﺟﻬﻲ ﺷﻜﺪ ﻣﺴﺘﻔﺰ ﻫﺬﺍ ﺑﺲ ﻻﻋﺒﺎﻟﻪ ﻣﺪﺍﻭﻣﺖ ﺧﺎﻳﻔﻪ ﻣﻨﻪ ﺍﻣﺪﺍﻧﻲ ﺍﻧﻲ ﺍﻟﻤﻔﺮﻭﺽ ﺍﺩﺍﻭﻡ ﻟﻮﻛﻞ ﺍﻟﻤﺮﺽ ﻫﺴﻪ ﻋﺒﺎﻟﻪ ﺳﻤﻌﺖ ﻛﻼﻣﻪ ﺍﻭﻭﻭﻭﻭﻭﻭﻑ ﻫﺬﺍ ﺷﻠﻮﻥ ﺍﺧﻠﺺ ﻣﻨﻪ
ﻭﻣﺮﺕ ﺍﻻﻳﺎﻡ ﻭﻣﺎﺷﻔﺘﻪ ﺑﻌﺪ ﻣﻦ ﻳﻮﻣﻪ ﻭﻣﺴﺘﻤﺮﻩ ﺍﺩﺍﻭﻡ ﻫﺎﻱ ﺍﻟﻔﺘﺮﻩ ﻣﺘﺤﺎﻧﺎﺕ ﺫﺑﻴﺖ ﻛﻞ ﺟﻬﺪﻱ ﻋﻞ ﺩﺭﺍﺳﻪ ﺑﺲ ﺑﻬﻞ ﻓﺘﺮﻩ ﺍﻧﺘﺒﻬﺖ ﺍﻛﻮ ﻧﻀﺮﺍﺕ ﺑﻴﻦ ﺳﻤﺮ ﻭﺍﺣﻤﺪ ﻭﻣﻦ ﺳﻠﺖ ﺳﻤﺮ ﺍﻛﻮ ﺷﻲ ﺑﻴﻨﻜﻢ ﻛﺎﻟﺖ ﻻ ﺑﺲ ﻣﺼﺪﻛﺘﻪ ﺍﻟﺤﺐ ﻣﺒﻴﻦ ﻣﻦ ﻟﻐﺖ ﻟﻌﻴﻮﻥ ﻣﻴﺤﺘﺎﺝ ﻭﺍﺣﺪ ﻳﺤﺠﻲ ﺑﻲ ﻫﺬﺍ ﺍﻟﺸﻲ ﺷﻔﺘﻪ ﺑﻴﻨﻬﻢ ﻭﺻﺪﻙ ﻭﺭﻩ ﺷﻬﺮ ﻣﻦ ﺧﻄﺒﺘﻲ ﺍﺟﻪ ﻋﻤﻲ ﺧﻄﺒﻪ ﺍﻣﻲ ﻃﺎﺭﺕ ﻛﻠﺘﻠﻪ ﻭﻳﻦ ﺍﻟﻜﻪ ﻣﺜﻞ ﻧﺴﺒﻜﻢ ﻭﺳﻤﺮ ﺭﺍﺣﺖ ﺭﻛﺾ ﻟﻠﻐﺮﻓﻪ ﻟﺤﻜﺘﻪ
ﺍﻛﻮﻝ ﺳﻤﺴﻢ ﺳﻠﺘﺞ ﺍﻛﻮ ﺷﻲ ﺑﺒﻨﺞ ﻭﺑﻴﻦ ﺍﺣﻤﺪ ﻛﺘﻠﻲ ﻣﺘﻮﻫﻤﻪ ﺑﺲ ﻃﻠﻌﺖ ﻣﻤﺘﻮﻫﻤﻪ ﻭﻫﻞ ﻋﻤﺞ ﺟﺎﻱ ﻳﺨﻄﺒﺞ
ﻗﻤﻤﻤﺮ ﻻﺗﺨﺠﻠﻴﻨﻲ
ﻭﻟﻴﺶ ﺍﺧﺠﻠﺞ ﺍﺣﻤﺪ ﻭﺭﺩﻩ ﻭﻳﺴﺘﺎﻫﻠﺞ ﻭﺑﺲ ﺍﺭﻳﺪ ﺍﻛﻮﻟﺞ ﺷﻲ ﺧﻠﻲ ﺑﺎﻟﺞ ﺍﺣﻨﺎ ﺧﻮﺍﺕ ﻭﺭﺍﺡ ﻧﺎﺧﺬ ﺍﻹﺧﻮﺍﻥ ﺍﻻﺭﻳﺪﻩ ﻣﻨﺞ ﺧﻠﻴﺞ ﺑﺤﻴﺎﺗﺞ ﻭﻳﺎﻩ ﺍﺣﻤﺪ ﺻﺤﻴﺢ ﻫﻤﻪ ﺍﺧﻮﻩ ﺑﺲ ﺍﺣﻤﺪ ﻳﺨﺘﻠﻒ ﺍﺧﺘﻼﻑ ﺟﺬﺭﻱ ﻋﻦ ﻓﻬﺪ ﻳﻌﻨﻲ ﺷﻴﺼﻴﺮ ﺑﻴﻨﻲ ﻭﺑﻴﻦ ﻓﻬﺪ ﻣﺎﺭﻳﺘﻜﻢ ﺗﺘﺜﺮﻭﻥ ﺍﻥ ﺍﻧﺘﻲ ﻭﺍﺣﻤﺪ ﺗﺤﺒﻮﻥ ﺑﻌﺾ ﻭﻫﺬﺍ ﺍﻟﺸﻲ ﻭﺍﺿﺢ ﻋﻠﻴﻜﻢ ﻓﻤﺎﺭﻳﺪ ﻋﻼﻗﺘﻲ ﺑﻔﻬﺪ ﺗﺨﻠﺨﻞ ﺣﺒﻜﻢ
ﺳﻤﺮ ﺗﺮﻩ ﺧﻮﻓﺘﻴﻨﻲ
.......
ﻻﺣﺒﻴﺘﻲ ﻟﻴﺶ ﺑﺲ ﺩﺍﻛﻮﻟﺞ ﺣﺘﻰ ﻣﺘﻀﻠﻴﻦ ﺗﺸﻠﻴﻦ ﻫﻤﻲ ﺍﺫﺍ ﺷﻔﺘﻲ ﺗﺼﺮﻑ ﻣﻦ ﻓﻬﺪ ﻣﻌﺠﺒﺞ ﻭﺑﻌﺪ ﺍﻧﺘﻲ ﺗﻌﺮﻓﻲ ﻣﻴﺤﺘﺎﺝ ﺍﻛﻮﻟﺞ ﻋﻠﻴﻪ ﻭﻫﺴﻪ ﺗﻌﺎﻟﻲ ﺍﺑﺎﺭﻛﻠﺞ ﻣﻘﺪﻣﻦ ﺣﻀﻨﺘﻪ ﻭﺑﻮﺳﺘﻪ ﻭﺑﻌﺪ ﻃﻠﻌﺖ ﻣﻨﻪ ﺣﺴﻴﺖ ﻧﻔﺴﻲ ﺭﺗﺤﺖ ﻣﻦ ﺣﺎﺟﻴﺘﻪ ﺍﺧﺘﻲ ﻭﺍﻋﺮﻓﻪ ﻟﺴﺎﻥ ﺍﺫﺍ ﺷﺎﻓﺖ ﺗﺠﺎﻭﺯ ﺑﻠﻤﺴﺘﻘﺒﻞ ﻣﻦ ﻓﻬﺪ ﺗﺠﺎﻫﻲ ﺗﻜﻠﺒﻪ ﻋﻞ ﺍﺣﻤﺪ ﻭﺍﺣﻤﺪ ﻣﻴﺴﺎﻫﻞ ﺣﺒﺎﺏ ﻭﻣﺮﺡ ﻳﻀﺤﻚ ﻟﻠﻬﻮﻩ ﻓﺨﻠﻴﺖ ﻫﻞ ﺷﻲ ﺑﺎﻟﻪ ﻭﺭﻩ ﻛﻢ ﻳﻮﻡ ﺍﻣﻲ ﺭﺟﻌﺖ ﺍﻟﻬﻢ ﺧﺒﺮ ﺑﻠﻤﻮﺍﻓﻘﻪ ﻭﻣﻘﺼﺮﻭ ﺻﺎﺭﺕ ﺧﻄﺒﻪ ﻭﺳﻮﻭﻟﻪ ﻣﺜﻞ ﻣﺴﻮﻟﻲ ﻫﻢ ﺣﻔﻠﻪ ﻭﺻﺎﻟﻮﻥ ﻭﺫﻫﺐ ﺑﺲ ﺍﻻﺧﺘﻼﻑ ﺍﺣﻤﺪ ﺟﺎﺏ ﺳﻴﺪ ﻋﻘﺪﻟﻬﻢ ﺟﺎﻧﻮ ﻃﺎﻳﺮﻳﻦ ﺳﻤﺮ ﻭﺍﺣﻤﺪ ﻭﺍﻟﻔﺮﺣﻪ ﺑﻌﻴﻮﻧﻬﻢ ﻭﺍﻟﺤﺐ ﻭﺭﻩ ﺍﻟﺨﻄﺒﻪ ﺻﺎﺭ ﺟﻨﻬﻢ ﻛﻨﺎﺭﻱ ﺳﺎﻋﻪ ﻳﺘﻨﺎﻛﺮﻭﻥ ﺳﺎﻋﻪ ﻳﺘﺼﺎﻟﺤﻮﻥ ﻭﺍﺣﻤﺪ ﻳﻮﻣﻴﻪ ﻳﻤﻨﻪ ﻳﻄﻠﻌﻪ ﻳﺘﻮﻧﺴﻮﻥ ﻭﻛﻞ ﺳﺎﻉ ﻣﺸﺘﺮﻱ ﺣﺎﺟﻪ ﻭﺟﺎﻳﺒﻪ ﺣﻠﻮﻳﺎﺕ ﻭﺍﻟﻜﺮﺯﺍﺕ ﻭﺍﻟﻬﺪﺍﻳﻪ ﺣﻴﻞ ﻓﺮﺣﺖ ﻣﻦ ﺷﻔﺖ ﺍﺧﺘﻲ ﻣﺮﺗﺎﺣﻪ ﺑﺲ ﺍﻣﻲ ﻛﺎﻣﺖ ﺗﺘﻮﺿﺢ ﻋﺪﻩ
ﻳﻮﻣﻴﻪ ﺗﺴﻠﻨﻲ ﻳﻮﻣﻪ ﻓﻬﺪ ﻳﺎﺧﺎﺑﺮﺝ ﻳﺴﻞ ﻋﻠﻴﺞ ﺍﺟﺎﻭﺑﻪ ﻻ ﻭﻓﻌﻼ ﻣﺎﺑﻴﻨﻪ ﺍﻱ ﺗﻮﺍﺻﻞ ﺍﻧﻲ ﻣﺮﺗﺎﺣﻪ ﻟﻬﻞ ﻭﺿﻊ ﺑﺲ ﻫﻴﻪ ﻋﺒﺎﻟﻪ ﺃﺗﺤﺴﺲ ﻣﻦ ﺍﺣﻤﺪ ﻭﺳﻤﺮ ﺑﻀﺮﻑ ﺷﻬﺮﻳﻦ ﺍﺣﻤﺪ ﻛﻤﻞ ﻛﻮﻟﺸﻲ ﺍﺷﺘﺮﻩ ﻏﺮﻓﻪ ﻭﺟﻬﺰ ﺳﻤﺮ ﺟﻬﺎﺯ ﻛﺎﻣﻞ ﻳﻌﻨﻲ ﺧﻄﺒﺘﻬﻢ ﻛﻮﻟﻪ ﻣﻄﻮﻟﺖ 3 ﺍﺷﻬﺮ ﻭﺑﻴﻮﻡ ﺑﻠﻴﻞ ﺩﺍﻗﺮﺍ ﺍﺟﺘﻨﻲ ﺳﻤﺮ
ﻛﻮﻣﻲ ﺑﻴﺖ ﻋﻤﻲ ﻛﻠﻬﻢ ﻳﻤﻨﻪ ﺗﺤﺠﻲ ﻭﻣﺨﺒﻮﺻﻪ ﺗﺒﺪﻝ ﻭﺗﻤﻜﻴﺞ
ﻭﻟﺞ ﺷﺒﻴﺞ ﻣﻠﻜﻮﻓﻪ ﺍﻛﻴﺪ ﺣﻤﻴﺪ ﻭﻳﺎﻫﻢ
ﻭﻟﺞ ﺍﻱ ﻛﻠﻬﻢ ﺍﺟﻮﻱ ﻛﻮﻣﻲ ﺣﺘﻰ ﻓﻬﺪ ﻭﻋﻤﻲ ﺳﻠﻨﻲ ﻋﻠﻴﺞ
ﻛﻤﺖ ﺧﻠﻴﺖ ﺍﻟﺸﺎﻝ ﻋﻞ ﺭﺍﺳﻲ ﺩﺍﻃﻠﻊ ﺟﺮﺗﻨﻲ ﻭﻳﻦ ﻭﻳﻦ ﻫﺎﻱ ﻫﻴﺞ ﺗﻄﻠﻌﻴﻦ
ﺍﻱ ﻭﺷﻜﻮ
ﺷﻨﻮ ﺷﻜﻮ ﺍﻛﻠﺞ ﻓﻬﺪ ﻫﻨﺎ ﺗﻄﻠﻌﻴﻦ ﻫﻴﺞ
ﻭﺷﺴﻮﻳﻠﻪ ﻳﻌﻨﻲ
ﺷﻨﻮ ﺷﺴﻮﻳﻠﻪ ﺑﺪﻟﻲ ﺧﻠﻲ ﻟﻮﺟﻬﺞ ﺷﻲ
ﺑﻄﺮﺍﻧﻪ ﺍﻧﺘﻲ ﻭﺧﺮﻱ ﻣﻨﻲ ﻋﻔﺘﻪ ﻭﻃﻠﻌﺖ ﺭﺣﺖ ﻟﻠﺼﺎﻟﻪ ﺩﺧﻠﺖ ﺳﻠﻤﺖ
ﺍﻟﺴﻼﻡ ﻋﻠﻴﻜﻢ ﺑﻮﺳﺖ ﺍﻭﻝ ﺷﻲ ﻋﻤﻲ ﻭﺑﻌﺪﻳﻦ ﻋﻤﺘﻲ ﻭﺍﻟﺒﻨﺎﺕ ﻭﻫﻮﻩ ﻣﻨﺪﻙ ﻋﻞ ﻣﻮﺑﺎﻳﻞ ﻭﻻﻛﻨﻮﻩ ﻃﺒﻴﺖ ﺳﻠﻤﺖ ﻋﻞ ﺍﺣﻤﺪ ﻭﻣﺜﻞ ﻣﺎﻟﺒﺴﻨﻲ ﻟﺒﺴﺘﻪ ﻛﻌﺪﺕ ﺑﺼﻒ ﺍﻟﺒﻨﺎﺕ ﻭﺩﺧﻠﺖ ﺳﻤﺮ ﺍﻟﻀﺤﻜﻪ ﺷﺎﻛﻪ ﺍﻟﺤﻠﻚ ﺳﻠﻤﺖ ﻭﻧﺪﺣﺴﺖ ﺑﺼﻒ ﺍﺣﻤﺪ ﻭﻫﻮﻩ ﻣﻘﺼﺮ ﺣﻀﻨﻪ ﻭﻳﺪﻩ ﻋﻞ ﺟﺘﻔﻪ ﻭﻳﺘﺒﺸﺒﺸﻮﻥ ﻋﺎﺩ ﻋﻤﻲ ﺣﺠﻪ
ﺍﻡ ﻗﻤﺮ ﺍﺣﻤﺪ ﻣﻜﻤﻞ ﻛﻮﻟﺸﻲ ﻭﻛﺮﻉ ﺭﺍﺳﻲ ﻳﺮﻳﺪ ﻳﺘﺰﻭﺝ ﺍﻧﻲ ﺭﺩﺗﻬﻢ ﺳﻮﻩ ﻫﻮﻩ ﻓﻬﺪ ﺑﺲ ﺍﻟﻌﻴﻨﺘﻴﻦ ﻣﺼﻔﻂ ﻭﻛﺎﻋﺪ ﻓﻬﺪ ﺟﺎﻥ ﻋﻴﻨﻪ ﺑﻤﻮﺑﻠﻴﻠﻪ ﻣﻦ ﺣﺠﻪ ﻋﻤﻲ ﻫﻴﺞ ﺭﻓﻊ ﺭﺃﺳﻪ
ﻳﺎﺑﻪ ﺍﻧﻲ ﻣﺜﻞ ﺍﺣﻤﺪ ﻣﻮﺗﺪﺭﻱ ﻋﻨﺪﻱ ﺩﻭﺍﻡ
ﺍﺩﺭﻱ ﺍﺑﻨﻲ ﻭﺇﺫﺍ ﺩﻭﺍﻡ ﻳﻌﻨﻲ ﻣﺘﻜﺪﺭ ﺗﻔﺮﻍ ﻧﻔﺴﻚ ﻳﻮﻡ ﻭﺗﻌﻘﺪ
ﺍﻟﻠﻪ ﻛﺮﻳﻢ ﺍﻟﻠﻪ ﻛﺮﻳﻢ ﺍﻧﺘﻮ ﻻﺗﺘﻘﻴﺪﻭﻥ ﺑﻴﻪ ﺧﻞ ﻳﺘﺰﻭﺝ ﺍﺣﻤﺪ ﻣﻮ ﺍﻝ ﺳﻮﻩ
ﻛﺎﻝ ﻋﻤﻲ ﻣﺪﺍﻡ ﻫﻴﺞ ﺍﺣﻤﺪ ﺑﺎﺟﺮ ﺗﻌﻘﺪ ﻣﺤﻜﻤﻪ ﺍﻷﺳﺒﻮﻉ ﺍﻟﺠﺎﻱ ﺍﻟﻌﺮﺱ ﻛﻠﻪ ﻓﺮﺣﺖ ﻭﺍﻧﻲ ﻛﻢ ﻗﺪﻣﺘﻠﻬﻢ ﺿﻴﺎﻓﻪ ﺷﻮﻳﻪ ﻭﺭﺍﺣﻮ ﻫﺎﻱ ﺍﻟﻜﻌﺪﻩ ﻛﻮﻟﻪ ﻧﻀﺮﻩ ﻭﺣﺪﻩ ﻓﻬﺪ ﻣﺒﺎﻭﻋﻠﻲ ﻭﻳﻄﺒﻚ ﻣﺮﺽ ﺑﻌﺪ ﺍﺣﺴﻦ
ﺛﺎﻧﻲ ﻳﻮﻡ ﻋﻘﺪﻭ ﻣﺤﻜﻤﻪ ﺭﺍﺣﺖ ﺳﻤﺮ ﻭﺍﻣﻲ ﺑﻴﻮﻣﻪ ﺳﻮﻩ ﻏﺪﻩ ﺑﻴﺖ ﻋﻤﻲ ﻭﺧﺎﺑﺮﻧﻲ ﻋﻤﻲ ﺗﻮﺳﻞ ﺑﻴﻪ ﺍﺟﻲ ﻣﺎﻗﺒﻠﺖ ﻣﺎﺭﻳﺪ ﺍﺷﻮﻑ ﺍﺷﻜﻮﻝ ﻓﻬﺪ
ﻣﺮ ﺍﻻﺳﺒﻮﻉ ﺭﻛﺾ ﺭﻛﺾ ﺑﻴﻦ ﺗﻨﻀﻴﻒ ﻭﺗﺠﻬﻴﺰ ﻭﺍﻟﻴﻮﻡ ﺍﻟﺤﻨﻪ ﺃﺻﺒﺢ ﺭﺍﺣﺖ ﺳﻤﺮ ﻟﺼﺎﻟﻮﻥ ﻭﻳﻪ ﺳﺎﺭﻩ ﻣﻜﺪﺭﺕ ﺍﺭﻭﺡ ﻟﻦ ﺍﻣﻲ ﺧﻄﻴﻪ ﻭﺣﻴﺪﻩ ﻭﺍﻟﺒﻴﺖ ﻣﻜﻠﻮﺏ ﺑﻘﺎﺭﺑﻨﻪ ﺑﻘﻴﺖ ﺍﺷﺘﻐﻞ ﻭﺳﻮﻳﻨﻪ ﺍﻟﻐﺪﺍﺀ ﻭﻛﻤﻠﻨﻪ ﻭﻧﻀﻔﺖ ﺍﻟﺒﻴﺖ ﻣﺮﻩ ﺛﺎﻧﻴﻪ ﻭﺷﻔﺖ ﻣﺎﻋﻨﺪﻱ ﺷﻲ ﻛﻠﺖ ﺍﺭﻭﺡ ﻟﻠﺼﺎﻟﻮﻥ ﺑﺲ ﻣﻨﻮ ﻳﻮﺩﻳﻨﻲ ﻣﺎﻛﻮ ﻏﻴﺮ ﺍﺣﻤﺪ ﺧﻞ ﺍﺧﺎﺑﺮﻩ
......
ﺍﻟﻮﻭﻭﻭﻭ ﻫﺎﺀ ﺍﺣﻤﺪ ﺷﻠﻮﻧﻚ
ﻫﻠﻮﻭﻭ ﻗﻤﺮ ﺷﺨﺒﺎﺭﺝ
ﺗﻤﺎﻡ ﺍﻛﻮﻟﻚ ﺍﺩﺭﻱ ﺍﻟﻴﻮﻡ ﺣﻨﺘﻚ ﺑﺲ ﻣﺎﻋﻨﺪﻱ ﻏﻴﺮ ﺍﻟﻠﻪ ﻋﻠﻴﻚ ﺗﻮﺻﻠﻨﻲ ﻟﻠﺼﺎﻟﻮﻥ
ﻭﻟﺞ ﺍﻧﻲ ﺣﺘﻰ ﺑﻌﺮﺳﻲ ﻣﺎﺍﺧﻠﺺ
ﺣﺒﺎﺏ ﺃﺣﻤﺪ ﺍﻟﻠﻪ ﻋﻠﻴﻚ
ﻧﻔﺲ ﺻﺎﻟﻮﻥ ﺳﻤﺮ
ﺍﻱ ﺍﻱ
ﺩﻳﻠﻪ ﻃﻠﻌﻲ ﺑﺴﺎﻉ ﺟﺎﻳﺞ
ﻓﺪﻭﻩ ﻟﻌﻴﻨﻚ ﻋﺮﻳﺴﻨﻪ
ﺭﺣﺖ ﻟﻤﻲ ﻳﻤﻪ ﺭﺍﺡ ﺍﺭﻭﺡ ﻟﻠﺼﺎﻟﻮﻥ
ﻣﻨﻮ ﻳﻮﺩﻳﺞ
ﺍﺣﻤﺪ ﻳﻤﻪ ﺧﺎﺑﺮﺗﻪ ﻭﻛﻠﻲ ﺗﺤﻀﺮﻱ
ﺩﺭﻭﺣﻲ ﻟﻌﺪ
ﺻﻌﺪﺕ ﻋﻞ ﺳﺮﻳﻊ ﻟﺒﺴﺖ ﻓﺴﺘﺎﻧﻲ ﻭﺍﻟﺠﺒﻪ ﻓﻮﺍﻛﻪ ﻭﻟﻔﻴﺖ ﺍﻟﺸﺎﻝ ﻭﻧﺰﻟﺖ ﺧﻄﻴﻪ ﻟﻜﻴﺘﻪ ﻣﻨﺘﻀﺮﻧﻲ ﺑﻠﺒﺎﺏ ﺃﺧﺬﻧﻲ ﻭﺭﺣﻨﻪ ﻭﺻﻠﻨﻲ ﻭﺭﺟﻊ ﻟﻜﻴﺖ ﺳﻤﺮ ﻣﻜﻤﻠﻪ ﻭﺳﺎﺭﻩ ﺧﺎﻟﺘﻲ ﺟﺎﻧﺖ ﻭﻳﺎﻫﻦ ﺭﺍﺳﻦ ﺍﻡ ﺍﻟﺼﺎﻟﻮﻥ ﺑﺎﻟﺸﺖ ﺑﻴﻪ ﻓﺴﺘﺎﻧﻲ ﻣﺎﺭﻭﻧﻲ ﻟﺤﺪ ﺍﻟﺮﻛﺒﻪ ﻭﺍﻟﺼﺪﺭ ﻭﺍﻟﺮﺩﺍﻥ ﺗﻮﻝ ﺳﻮﺗﻠﻲ ﻣﻜﻴﺎﺝ ﺧﻨﻔﺸﺎﺭﻱ ﻭﺷﻌﺮﻱ ﺑﺮﻣﺘﻪ ﻛﻮﻟﻪ ﻛﻤﻠﻨﻪ ﻭﺳﻤﺮ ﺧﺎﺑﺮﺕ ﺍﺣﻤﺪ ﻛﻠﻪ ﻣﺎﻛﺪ ﺍﺟﻲ ﻳﻢ ﺍﻟﺤﻼﻕ ﺭﺍﺡ ﺍﺩﺯ ﻓﻬﺪ ﻳﺠﻴﺒﻜﻢ ﺑﺲ ﺳﻤﻌﺖ ﺍﺳﻤﻪ ﺟﻤﺪﺕ ﻻﻻ ﻣﺎﺭﻳﺪ ﺍﺷﻮﻓﻪ ﻣﺎﻛﺪﺭﺕ ﺍﺣﺠﻲ ﺧﺎﻟﺘﻲ ﻭﻳﺎﻧﻪ ﺷﻮﻳﻪ ﺍﺧﺎﺑﺮﻩ ﺍﺣﻤﺪ ﻛﻠﻪ ﺍﻃﻠﻮ ﻓﻬﺪ ﺑﻠﺒﺎﺏ ﺍﻧﻲ ﺍﻟﺒﺲ ﺑﺠﺒﺘﻲ ﻭﺍﻟﻢ ﺑﻠﻐﺮﺍﺽ ﻭﺳﺎﺭﻩ ﻭﺧﺎﻟﺘﻲ ﻃﻠﻌﻮ ﺳﻤﺮ ﺩﺍﻃﻠﻊ ﺭﺟﻌﺘﻠﻲ ﺳﺎﺭﻩ
ﻗﻤﺮ ﺍﺑﻘﻲ ﻳﺮﺟﻌﻠﺞ ﻓﻬﺪ ﺍﻟﺴﻴﺎﺭﻩ ﻣﺘﻜﻔﻲ
ﺷﻨﻮ ﻣﺘﻜﻔﻲ ﺍﻧﺘﻮ 3 ﺷﻨﻮ ﺍﻟﺴﺎﻟﻔﻪ
ﻭﻟﺞ ﻣﻨﺪﻛﺮ ﻧﻜﻌﺪ 3 ﻟﻴﻮﺭﻩ ﺍﻟﻘﺎﻁ ﻣﺎﻝ ﻓﻬﺪ ﺟﺎﻳﺒﻪ ﻣﻦ ﺍﻟﻜﻮﻱ ﻭﻣﻌﻠﻚ ﺭﺍﺡ ﻳﻮﺩﻳﻨﻴﻪ ﻭﻳﺮﺟﻌﻠﺞ
ﺷﻨﻨﻮ ﺷﻨﻮ ﺗﻌﺎﻱ ﺍﻧﻲ ﺍﺭﻭﺡ ﻭﻳﻪ ﺍﺧﺘﻲ ﻭﺧﻞ ﻳﺮﺟﻌﻠﺞ
ﺩﻧﺤﺠﻲ ﻭﻫﻮﻩ ﺧﺒﺺ ﺍﻟﺪﻧﻴﻪ ﺑﻠﻬﻮﺭﻥ
ﻳﻮﻟﻲ ﺭﺍﺡ ﻳﺮﺯﻟﻨﻲ ﻛﺘﻠﺞ ﻳﺮﺟﻌﻠﺞ ﺭﺍﻳﺤﻪ ﺍﻧﻲ ﻋﺎﻓﺘﻨﻲ ﻭﺭﺍﺣﺖ
ﺳﺘﻐﻔﺮ ﺍﻟﻠﻪ ﺷﻠﻮﻥ ﺍﺭﺟﻊ ﻭﻳﺎﻩ ﻭﺣﺪﻧﻪ ﻛﺒﺮ ﺣﺘﻰ ﻛﺒﺮ ﻣﻌﻠﻚ ﻗﺎﻃﻪ ﺷﻜﻮ ﻻﺑﺲ ﻗﺎﻁ ﺍﺣﻤﺪ ﻋﺮﻳﺲ ﺍﻧﺖ ﺷﻌﺪﻧﻚ ﺑﻘﻴﺖ ﺍﻧﺘﻀﺮ ﺷﻮﻳﻪ ﻭﺩﻙ ﺍﻟﺒﺎﺏ ﺑﺎﻭﻋﺖ ﺍﻡ ﺍﻟﺼﺎﻟﻮﻥ ﻛﺎﻟﺖ ﻫﺬﺍ ﺍﻟﻮﻟﺪ ﻋﻠﻴﺞ ﺗﻌﺎﻟﻲ ﺷﻮﻓﻲ ﺑﺎﻭﻋﺖ ﻣﻦ ﺍﻟﺠﺎﻡ ﻫﻮﻩ ﻓﺘﺤﺖ ﺍﻟﺒﺎﺏ ﺍﻭﻝ ﺷﻲ ﻃﻠﻌﺖ ﺍﻟﻐﺮﺍﺽ ﻧﺎﺩﺭ ﻋﻠﻴﻪ ﺷﺎﻓﻨﻲ ﺭﺍﺳﻦ ﺧﺰﺭﻧﻲ
ﻫﺬﺍ ﺷﺒﻲ
ﻛﺎﻝ
ﺷﻤﺴﻮﻱ ﺑﻨﻔﺴﺞ ﺩﻧﻜﻲ ﻭﻟﻔﻲ ﻧﻔﺴﺞ ﻭﻳﻦ ﻭﻛﺒﻞ ﻟﻠﺴﻴﺎﺭﻩ
ﻣﺸﻴﺖ ﻭﻫﻮﻩ ﻭﺭﺍﻳﻪ ﺻﻌﺪﺕ ﻟﻴﻮﺭﻩ ﻭﻫﻮﻩ ﺩﻳﺨﻠﻲ ﺍﻟﻐﺮﺍﺽ ﺑﻠﺠﻨﻄﻪ ﻛﺎﻋﺪﻩ ﺑﺎﺳﻴﺎﺭﻩ ﻭﺍﻟﺴﻴﺎﺭﻩ ﺗﻨﻜﺮﻁ ﻣﻦ ﺍﻟﻨﻀﺎﻓﻪ ﻭﺍﻟﻌﻄﺮ ﻳﺼﻄﺮ ﻭﺍﻟﻘﺎﻁ ﻣﻌﻠﻚ ﻟﻮﻧﻪ ﻧﻴﻠﻲ ﻫﺬﺍ ﺷﺮﺍﺡ ﻳﻄﻠﻊ ﻋﻠﻴﻚ ﻧﺪﺍﺭ ﻭﺻﻌﺪ ﺑﺎﻭﻋﻠﻲ ﺑﻠﻤﺮﺍﻳﻪ
ﺷﻜﻮ ﻛﻌﺪﺗﻲ ﻟﻴﻮﺭﻩ ﺍﻟﺴﺎﻳﻖ ﻣﺎﻝ ﺍﻟﺨﻠﻔﺞ ﺍﻧﻲ
ﻋﺎﺩﻱ ﺷﻨﻮ ﻳﻌﻨﻲ
ﻛﻮﻣﻲ ﻛﻌﺪﻱ ﻟﻴﻜﺪﺍﻡ
ﺍﻧﺖ ﺷﻌﻠﻴﻚ ﺍﻧﻲ ﻫﻨﺎ ﻣﺮﺗﺎﺣﻪ
ﺗﻜﻮﻣﻴﻦ ﻟﻮ ﺷﻠﻮﻥ
ﺷﻔﺖ ﻣﻼﻣﻪ ﺣﺎﺩﻩ ﻭﻳﺤﺠﻲ ﺑﻨﺘﺮ ﻛﻠﺖ ﺧﻞ ﺍﻛﻌﺪ ﻟﻜﺪﺍﻡ ﻭﺍﺧﻠﺺ ﺑﺲ ﺧﻞ ﻳﻮﺻﻠﻨﻲ ﻭﺍﺧﻠﺺ ﻣﻦ ﺟﻬﺮﺗﻪ ﻧﺰﻟﺖ ﻛﻌﺪﺕ ﻟﻴﻜﺪﺍﻡ ﺑﺎﻭﻋﻠﻲ ﺻﻔﺢ
ﺷﺪﻋﻮﻩ ﻫﻴﺞ ﻣﺴﻮﻳﻪ ﺑﻨﻔﺴﺞ
ﺷﻤﺴﻮﻳﻪ ﻏﻴﺮ ﻋﺮﺱ
ﺍﺩﺭﻱ ﻋﺮﺱ ﺷﺪﻋﻮﻩ ﻫﻠﻜﺪ ﻣﺨﻠﻴﻪ
ﺑﺎﻟﻌﻜﺲ ﻫﺎﺩﻯ
ﺳﺘﻐﻔﺮ ﺍﻟﻠﻪ ﻫﺴﻪ ﻣﺎﻝ ﺍﻫﻔﺞ ﻋﻞ ﻭﺟﻬﺞ ﺍﻛﻠﺐ ﺟﻬﺮﺗﺞ
😏 ﺑﺎﻭﻋﺘﻠﻪ ﺻﻔﺢ
ﻟﻴﺶ ﺗﺒﺎﻭﻋﻴﻦ ﻫﻴﺞ ﺷﻨﻮ ﻋﺒﺎﻟﺞ ﻣﺎﺳﻮﻳﻪ
ﻓﻬﻬﻬﻬﻬﻬﻬﺪ ﺷﺒﺒﺒﺒﺒﻚ
ﻟﻴﺶ ﺗﺼﻴﺤﻦ ﺑﻨﺖ ﺍﻟﻜﻠﺐ
ﺍﺳﺘﻐﻔﺮ ﺍﻟﻠﻪ ﺧﺘﻨﻜﺖ ﺣﻴﻞ ﻭﺍﻟﺪﻣﻌﻪ ﺍﺑﻌﻴﻨﻲ ﺍﺗﺨﺒﻞ ﻣﻦ ﻳﺴﺐ ﺍﺑﻮﻳﻪ ﻭﻫﺎﻱ ﻛﻢ ﻣﺮﻩ ﻋﺎﺩﻩ
ﺍﻧﺖ ﻟﻴﺶ ﺍﺑﻮﻳﻪ ﻣﻴﻨﺰﻝ ﻣﻦ ﺣﻠﻜﻚ ﺗﺮﻩ ﺣﺮﺍﻡ ﻋﻠﻴﻚ ﻭﻫﻮﻩ ﻣﻴﺖ
ﻭﺍﻧﺘﻲ ﺷﻌﻠﻴﺞ ﻫﻮﻩ ﻋﻤﻲ
ﻭﺍﺫﺍ ﻋﻤﻚ ﻏﻴﺮ ﺍﺑﻮﻳﻪ ﻟﻴﺶ ﺗﺴﺒﻪ
ﺍﻧﺠﻲ
ﻻ ﺗﻐﻠﻂ
ﺑﻬﻞ ﺃﺛﻨﺎﺀ ﻭﺻﻠﻨﻪ ﻟﻴﻴﺘﻨﻪ ﺩﺍﻓﺘﺢ ﺑﺎﺏ ﺍﻟﺴﻴﺎﺭﻩ ﻗﻔﻠﻪ ﺑﺪﻛﻤﻪ ﻣﻦ ﻳﻤﻪ ﻭﻫﻴﻪ ﺍﺻﻠﻦ ﻣﻀﻠﻠﻪ ﻛﻠﺸﻲ ﻣﻴﺒﻴﻦ ﻣﻨﻪ ﻣﻦ ﺑﺮﻩ ﻋﻠﺒﻪ ﺍﻟﻜﻠﻴﻨﺲ ﻛﺪﺍﻣﻪ ﻛﺎﻡ ﻳﺴﺤﺐ ﺑﻴﺪﻩ ﻋﻞ ﺳﺮﻳﻊ ﻟﺰﻣﻨﻲ ﻣﻦ ﺣﺠﺎﺑﻲ ﻣﻦ ﻭﺭﻩ ﻭﻗﺮﺑﻨﻲ ﻋﻠﻴﻪ ﻭﺧﻠﻠﻪ ﻟﻜﻠﻴﻨﺲ ﻋﻠﻰ ﺣﻠﻜﻲ ﺑﺤﺮﻛﻪ ﻭﺣﺪﻩ ﻣﺴﺢ ﺣﻠﻜﻲ ﻣﻦ ﺍﻟﺤﻤﺮﻩ ﺣﻴﻞ ﺑﺤﻴﺚ ﺷﻔﺘﻲ ﻧﺸﻠﻌﺖ ﺍﺭﻳﺪ ﺃﻭﺍﺧﺮ ﺃﺭﻳﺪﻩ ﻣﺎﻛﻮ ...........
...
يتبع
.
ﺍﺣﺒﻜﻢ يا اجمل متابعين الاجمل تطبيق ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء