رواية أيام لا تحتسب الجزء الأول
للكاتبة
طائر بلا تغريد
🌿
ﺍﻟﻠﻴﻞ ﻛﻠﻪ ﺟﺎﻋﺪﻩ ﺍﺳﺒﺢ ﻭﺍﺳﺘﻐﻔﺮ
ﺗﻮﻧﻲ ﻏﻔﻴﺖ ﻭﺣﺴﻴﺖ ﺷﻲ ﻛﺮﺻﻨﻲ ﺑﺮﺟﻠﻲ ﻓﺰﻳﺖ ﻭﺍﻧﻲ ﻣﺮﻋﻮﺑﻪ
ﻳﻤﻪ ﺩﺧﻴﻠﻚ ﻳﺒﻮ ﺍﻟﺤﺴﻦ
ﺩﺧﻴﻠﻚ ﻳﺒﻮ ﻓﺎﺿﻞ
ﻫﺎ ﻳﻤﻪ ﺧﻴﺮﺝ
ﻭﻟﺞ ﻳﻤﻪ ﻣﺪﺭﻱ ﺷﻨﻬﻲ ﻋﻈﻨﻲ ﺑﺮﺟﻠﻲ
ﺧﺎﻑ ﻓﺎﺭﻩ ﻫﻬﻬﻬﻬﻪ
ﻟﻊ ﻣﻮﺵ ﻋﻈﺔ ﻓﺎﺭﻩ
ﺷﻨﻬﻲ ﺗﻌﺮﻓﻴﻦ ﻋﻈﺔ ﺍﻟﻔﺎﺭﻩ ﻣﻦ ﻏﻴﺮﻩ
ﺟﺎ ﺷﻤﺎﻟﻨﻲ ﻭﻟﺞ ﻣﺎﻋﺮﻑ ﻫﺎﻱ ﺇﻟﻰ ﺍﻟﻠﻪ ﻣﺎ ﻣﺠﺬﺑﻨﻲ ﻋﻈﺔ ﺍﺑﻮ ﺑﺮﻳﺺ
ﻳﺎ ﻏﺪﻱ ﻏﺪﻱ ﺗﻠﻌﺐ ﺭﻭﺣﻲ ﻣﻨﻪ
ﺷﻮ ﺍﻓﺘﺤﻲ ﺍﻟﻀﻮﻩ ﺧﻠﻴﻨﻪ ﻧﺸﻮﻑ ﺷﻨﻬﻲ ﺍﻟﻌﻈﻨﻲ
ﻫﻬﻪ ﻭﻫﺴﻪ ﺍﺑﻮ ﺑﺮﻳﺺ ﻣﻨﺘﻈﺮﺝ ﻟﻤﻦ ﺗﺸﻮﻓﻴﻨﻪ
ﺩﻛﻮﻣﻲ ﻛﻮﻣﻲ ﺃﻡ ﻟﺴﺎﻥ
ﻛﻤﺖ ﻓﺘﺤﺖ ﺍﻟﻀﻮﻩ ﻭﺑﻘﻴﺖ ﺍﻛﻠﺐ ﺑﺮﺟﻞ ﺍﻣﻲ
ﻳﻤﻪ ﻣﺎﺑﻴﻪ ﺷﻲ
ﺟﺎ ﺷﻨﻬﻲ ﺍﻟﻌﻈﻨﻲ
ﻳﻤﻪ ﻫﺎﻱ ﻳﻤﻜﻦ ﻛﺮﺻﺔ
ﺩﻛﻮﻣﻲ ﺍﺷﻄﻔﻴﻪ ﻭﺭﺩﻱ ﻧﺎﻣﻲ
ﺃﻱ ﺍﻛﻮﻡ ﺍﺷﻄﻔﻬﻪ ﻭﺗﺠﺪﺩ ﺍﺭﻳﺪ ﺍﺻﻠﻲ ﻟﻢ ﺍﻟﺒﻨﻴﻦ ﺷﻮ ﻛﻠﺒﻲ ﻣﺎﺟﻠﻨﻲ ﻋﻞ ﺧﻴﻮﺗﺞ
ﺍﻥ ﺷﺎﺀ ﺍﻟﻠﻪ ﻳﺮﺩﻭﻥ ﺑﺨﻴﺮ ﻭﺳﻼﻣﻪ
ﺍﻥ ﺷﺎﺀ ﺍﻟﻠﻪ
ﻛﻤﺖ ﺗﺠﺪﺩﺕ ﻭﺻﻠﻴﺖ ﺭﻛﻌﺘﻴﻦ ﻟﻢ ﺍﻟﺒﻨﻴﻦ ﻭﻃﻠﺒﺖ ﻣﻨﻬﻪ ﺳﻼﻣﺖ ﻭﻳﻼﺩﻱ
ﺑﻌﺪﻩ ﻛﻌﺪﺕ ﺍﺳﺒﺢ ﻭﺍﺳﺘﻐﻔﺮ ﻟﺤﺪ ﻣﺎ ﺇﺫﻥ ﺍﻷﺫﺍﻥ
ﺻﻠﻴﺖ ﺍﻟﺼﺒﺢ ﻭﺳﻠﻤﺖ ﻋﻞ ﺍﻟﺤﺴﻴﻦ ﻋﻠﻴﻪ ﺍﻟﺴﻼﻡ ﻭﺳﻠﻤﺖ ﻋﻞ ﺍﺑﻮ ﺍﻟﺤﺴﻦ ﻋﻠﻲ ﻋﻠﻴﻪ ﺍﻟﺴﻼﻡ
ﻭﺳﺠﺪﺕ ﻭ ﺩﻋﻴﺖ ﺭﺑﻲ ﻳﺤﻔﻈﻠﻲ ﻭﻳﻼﺩﻱ
ﺑﺠﻴﺖ ﺑﺤﺮﻛﺔ ﻛﻠﺐ ﺃﻡ ﻓﺎﻛﺪﻩ
ﺭﻓﻌﺖ ﺭﺍﺳﻲ ﻟﻠﺴﻤﺎ ﻭ ﺩﻋﻴﺖ
ﺳﻴﺪﺗﻲ ﻓﺎﻃﻤﻪ ﺃﻡ ﺍﻟﺤﺴﻦ ﺑﺠﺎﻩ ﻇﻠﻌﺞ ﺍﻟﻤﻜﺴﻮﺭ ﻭﺑﺠﺎﻩ ﻛﺴﺮﺓ ﺯﻳﻨﺐ ﺍﻟﺤﻮﺭﺍﺀ ﻋﻨﺪﺝ ﺗﺮﺩﻳﻠﻲ ﻭﻳﻼﺩﻱ ﺳﺎﻟﻤﻴﻦ ﻏﺎﻧﻤﻴﻦ
ﻛﻤﻠﺖ ﺻﻼﺗﻲ ﻭﺭﺣﺖ ﺗﻤﺪﺩﺕ ﺑﻔﺮﺍﺷﻲ
ﺑﻴﻦ ﺍﻟﻨﺎﻳﻤﻪ ﻭﺍﻟﺼﺎﺣﻴﻪ ﻟﻨﻲ ﺟﺎﻋﺪﻩ ﺑﺬﻳﺞ ﺍﻟﻬﻴﻤﻪ ( ﺍﻟﺼﺤﺮﺍﺀ )
ﺟﺎﻋﺪﻩ ﻭﺑﻴﺪﻱ ﺳﺒﺤﻪ ﺯﺭﻛﻪ ﺍﺳﺒﺢ ﻭﻋﻴﻮﻧﻲ ﻳﺠﺮﻥ ﺩﻣﻊ
ﺍﻟﺪﻣﻌﻪ ﺗﻮﻛﻊ ﺑﻠﻜﺎﻉ
ﻭﺍﻧﻲ ﻋﻴﻨﻲ ﻣﻨﻪ
ﺟﻦ ﺫﺍﻙ ﺍﻟﺪﻣﻊ ﺧﻈﺮ ﻣﻨﻪ ﺯﺭﻉ
ﻃﻠﻌﺖ ﻭﺭﺩﺗﻴﻦ ﺣﻤﺮ ﻭﺣﺪﻩ ﺟﺒﻴﺮﻩ ﻭﺍﻟﺜﺎﻧﻴﻪ ﺻﻐﻴﺮﻩ ﺻﺎﻳﺮﻩ ﺟﻮﻩ ﺍﻟﻮﺭﺩﻩ ﺍﻟﺠﺒﻴﺮﻩ
ﺟﻨﻲ ﻓﺮﺣﺖ ﺑﻴﻬﻦ ﻭﺍﻧﻲ ﺍﺷﻮﻓﻬﻦ ﻳﻜﺒﺮﻥ ﺻﺤﺖ ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺁﻝ ﻣﺤﻤﺪ
ﻟﺸﻮﻱ ﻭﺍﺟﺖ ﻋﺠﻪ ﺻﻔﺮﻩ ﺗﺮﺍﺑﻪ ﻫﺒﺖ ﻋﻠﻲ
ﻛﺎﻣﺖ ﺍﻟﻮﺭﺩﺍﺕ ﻳﺨﺘﻈﻦ ﻭﻳﺮﺩﻥ ﻳﻨﺸﻠﻌﻦ ﻣﻦ ﺟﺎﻋﻬﻦ
ﺧﻴﻤﺖ ﻋﻠﻴﻬﻦ ﻭﺍﻧﻲ ﺍﻛﻮﻝ
ﺩﺧﻴﻠﻚ ﻳﺎﺑﻮ ﺍﻟﺤﺴﻦ ﻭﺭﺩﺍﺗﻲ
ﻣﺎﺣﺲ ﻏﻴﺮ ﻋﻠﻚ ﺻﺎﺭ ﺑﻴﺪﻱ ﻛﻴﻔﺖ ﺫﺑﻴﺖ ﺍﻟﻌﻠﻚ ﻋﻞ ﺍﻟﻮﺭﺩﺍﺕ
ﻭﺭﻩ ﺷﻮﻳﻪ ﻭﻛﻔﺖ ﺍﻟﻌﺠﻪ ﻭﻃﻠﻌﺖ ﺍﻟﺸﻤﺲ
ﺷﻠﺖ ﺍﻟﻌﻠﻚ ﻣﻦ ﻋﻠﻰ ﺍﻟﻮﺭﺩﺍﺕ ﺷﻔﺘﻬﻦ ﻛﺒﺮﺍﻧﺎﺕ ﻭﺻﺎﻳﺮﻩ ﺑﻴﻨﺎﺗﻬﻦ ﻭﺭﺩﻩ ﺑﻴﻈﻪ ﺗﺨﺒﻞ ﺟﻨﻪ ﺷﻤﺲ ﺿﺎﻭﻳﻪ
....
ﺍﻟﻠﻬﻢ ﺻﻞ ﻋﻠﻰ ﻣﺤﻤﺪ ﻭﺁﻝ ﻣﺤﻤﺪ ﺷﻨﻬﻲ ﻣﻦ ﻭﺭﺩﻩ ﻫﺎﻱ
ﻓﺰﻳﺖ ﻣﻦ ﻧﻮﻣﺘﻲ ﻭﺍﻧﻲ ﺍﻟﻬﺞ ﺑﺬﻛﺮ ﺍﻟﺼﻼﺓ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ
ﺑﺎﻭﻋﺖ ﺷﻔﺖ ﺍﻟﺸﻤﺲ ﺗﻮﻩ ﻃﺎﻟﻌﻪ ﺻﺤﺖ ﺍﻟﺒﺘﻲ ﺯﻳﻨﺐ
ﻭﻟﺞ ﺯﻳﻨﺐ
ﻫﺎ ﻳﻤﻪ ﺷﺘﺮﺩﻳﻦ
ﺧﺎﻳﺒﻪ ﺍﻛﻌﺪﻱ ﺑﺪﻟﻲ ﻭﻃﻴﻨﻲ ﺟﺮﺩﻏﻲ ﻭﺷﻴﻠﺘﻲ
ﻭﻳﻦ ﺗﺮﺩﻳﻦ ﻣﻦ ﺍﻟﺼﺒﺢ
ﺍﻟﻴﻮﻡ ﺍﺭﻳﺪ ﺍﺭﻭﺡ ﻟﺒﻮ ﺍﻟﺤﺴﻨﻴﻦ
ﺩﺧﻴﻞ ﺍﺳﻤﻪ ﺷﻌﺪﺝ
ﺷﻔﺖ ﺣﻠﻢ ﻭﺍﺭﻳﺪ ﺍﺭﻭﺡ ﺍﺗﺸﻜﺮ ﻣﻨﻪ
ﻳﻤﻪ ﻫﺴﻪ ﺧﻠﻲ ﻳﺘﺤﻘﻖ ﺍﻟﺤﻠﻢ ﻋﻮﺩ ﺭﻭﺣﻲ
ﻟﻊ ﻟﻊ ﺍﻟﻴﻮﻡ ﺍﺭﻭﺡ ﻛﻮﻣﻲ ﺻﻴﺤﻴﻠﻲ ﻟﺒﻮ ﻋﺒﺎﺱ ﻳﺎﺧﺬﻧﻪ ﺑﺴﻴﺎﺭﺗﻪ
ﺯﻳﻦ ﺯﻳﻦ ﻛﺎﻳﻤﻪ
ﻟﺒﺴﺖ ﺛﻮﺑﻲ ﺍﻟﺠﺪﻳﺪ ﻭﻟﻔﻴﺖ ﺷﻴﻠﺘﻲ ﻭﺟﺮﺩﻏﻲ ﻭﻋﺒﺎﻳﺘﻲ
ﻳﻤﻪ ﻫﺴﻪ ﺭﺍﺡ ﻳﺠﻲ ﺍﺑﻮ ﻋﺒﺎﺱ ﻛﻮﻣﻲ ﺍﻛﻠﻴﻠﺞ ﻟﻜﻤﻪ
ﻟﻊ ﺃﻧﺎ ﺍﺭﻭﺡ ﺻﺎﻳﻤﻪ ﻟﺒﻮ ﺣﺴﻴﻦ
ﻳﺎ ﺟﺎ ﻭﺩﻭﺍﺝ
ﻫﻮ ﺩﻭﺍﻱ ﺍﻣﺸﻲ ﺑﺪﻟﻲ ﺧﺎﻃﺮ ﻧﺘﻮﻛﻞ
ﻃﻠﻌﻨﻪ ﻭﺗﻮﺟﻬﻨﻪ ﻟﻠﻨﺠﻒ
ﻃﻮﻝ ﺍﻟﻄﺮﻳﻖ ﻋﻴﻨﻲ ﻣﺎﺑﻄﻠﺖ ﺩﻣﻊ
ﻭﺻﻠﻨﻪ ﺭﺣﺖ ﺗﺠﺪﺩﺕ ﻭﺩﺧﻠﺖ ﻟﻠﺤﻈﺮﻩ
ﺻﺮﺕ ﻛﺒﺎﻝ ﺍﻟﺒﺎﺏ ﻛﺘﻠﻪ
ﻳﺒﻮ ﺣﺴﻴﻦ ﺍﻧﺎ ﺑﺸﺎﺭﺑﻚ ﻟﺘﻜﻮﻝ ﻣﺪﺭﻱ
ﻭﻳﻼﺩﻱ ﺻﺎﺭﻭ ﻣﻦ ﺑﻌﺪ ﺍﻟﻠﻪ ﻭﺑﻌﺪﻙ ﺗﺬﻛﺮ ﻳﺒﻮ ﺣﺴﻴﻦ ﻳﻮﻡ ﺍﺟﻴﺘﻚ ﺩﻣﻮﻋﻲ ﻋﻞ ﺧﺪﻱ ﻛﺘﻠﻚ ﺍﻟﻨﺎﺱ ﺗﻌﻴﺮﻧﻲ ﻣﺎﺧﻠﻒ ﻭﺍﻟﺰﻟﻤﻪ ﺭﺍﺡ ﻳﻌﺮﺱ
ﻭﺍﻧﺎ ﻳﺘﻴﻤﻪ ﻭﻣﺎﻟﻲ ﻭﺍﺣﺪ ﻟﻮ ﺗﺰﻭﺝ ﺷﻠﻮﻥ ﺑﻴﻪ ﻭﻣﻨﻬﻮ ﺍﻟﻴﻠﻔﻴﻨﻲ
ﻻﺯﻣﻪ ﺍﻟﺒﺎﺏ ﻭﺍﺣﺠﻲ ﻭﻳﻪ ﺍﺑﻮ ﺍﻟﺤﺴﻨﻴﻦ
ﻭﻣﺎ ﻗﺼﺮﺕ ﻳﺒﻮ ﺣﺴﻴﻦ ﺣﻴﻦ ﺍﻟﺮﺩﻳﺖ ﺑﻌﺪ ﺷﻬﺮ ﺻﺎﺭ ﻋﻠﻲ
ﻭﺑﻌﺪﻩ ﺻﺎﺭ ﺣﻴﺪﺭ
ﻭﺑﻌﺪ ﺻﺎﺭﺕ ﺯﻳﻨﺐ
ﻭﺍﻧﺎ ﺍﺗﺸﻜﺮ ﻣﻨﻚ ﻟﺠﻦ ﻫﺴﻰ ﺭﺍﺣﻮ ﻭﻳﻼﺩﻱ
ﻭﺍﻧﺎ ﺧﺎﻳﻔﻪ ﻋﻠﻴﻬﻢ
ﻳﺎﻣﻦ ﺭﺍﺩ ﻳﻮﺳﻒ ﻣﻦ ﻣﻐﻴﺒﻪ
ﺍﺭﻳﺪﻙ ﻋﻠﻲ ﺳﺎﻟﻢ ﺗﺠﻴﺒﻪ
ﺯﺭﻧﻪ ﻭﺭﺣﻨﻪ ﺗﺮﻳﻜﻨﻪ ﻭﺭﺩﻳﻨﻪ ﻟﻬﻠﻨﻪ
ﺑﺲ ﺷﻨﻬﻲ ﺍﺣﺲ ﻛﻠﺒﻲ ﻓﺮﺣﺎﻥ ﺍﻛﻮ ﺑﺸﺎﺭﻩ ﻣﻨﺘﻈﺮﺗﻨﻲ
ﻭﺻﻠﻨﻪ ﺍﻟﺒﻴﺘﻨﻪ ﻭﺍﺷﻮﻑ ﺣﻤﻴﺪ ﻭﺍﺟﻒ ﺑﻠﺜﻨﻴﻪ
ﻭﻟﺞ ﺯﻳﻨﺐ ﻫﺬﺍ ﻣﻮﺵ ﺣﻤﻴﺪ
ﺃﻱ ﻳﻤﻪ ﺣﻤﻴﺪ
ﺍﻛﻴﺪ ﻋﻨﺪﻩ ﺧﺒﺮ ﻣﻦ ﺍﺧﻮﺗﺞ
ﺍﻥ ﺷﺎﺀ ﺍﻟﻠﻪ
ﻭﻛﻔﻨﻪ ﺑﺎﺏ ﺍﻟﺒﻴﺖ ﺍﺝ ﺣﻤﻴﺪ ﻳﺮﻛﻆ
ﻛﻈﻨﻲ ﻣﻦ ﺍﻳﺪﻱ ﻭﻧﺰﻟﻨﻲ ﻣﻦ ﺍﻟﺴﻴﺎﺭﻩ
ﻫﺎ ﻋﻤﻪ ﺍﻟﻠﻪ ﻳﺴﺎﻋﺪﺝ
ﻳﺴﺎﻋﺪ ﺑﺨﺘﻚ ﻳﻤﻪ
ﺯﻳﺎﺭﻩ ﻣﻘﺒﻮﻟﻪ
ﻗﺒﻞ ﺍﻟﻠﻪ ﻋﻤﺎﻟﻚ ﺯﺭﻧﻪ ﻭﻧﺪﻋﻴﻨﺎﻟﻚ
ﻫﺎ ﺯﻧﻮﺑﻪ ﺯﻳﺎﺭﻩ ﻣﻘﺒﻮﻟﻪ
ﺩﻧﻜﺖ ﻭﺍﻧﻲ ﺍﻫﻴﺲ ﻇﻠﻮﻋﻲ ﻳﻄﻜﻦ ﻛﺘﻠﻪ
ﻗﺒﻞ ﻋﻤﺎﻟﻚ
ﻏﻴﺮ ﺗﻜﻮﻟﻮﻥ ﺧﺎﻃﺮ ﺍﻣﺸﻲ ﻭﻳﺎﻛﻢ ﺷﻠﻮﻥ ﺗﺮﻭﺣﻮﻥ ﻭﺣﺪﻛﻢ
....
ﺯﻳﻨﺐ .... ﻫﻴﻪ ﺧﻠﺘﻨﻪ ﻧﺸﻮﻑ ﺩﺭﺑﻨﻪ ﻛﻌﺪﺕ ﻣﻦ ﺍﻟﻔﺠﺮ ﻭﻛﺎﻟﺖ ﻳﻠﻠﻪ ﺍﻣﺸﻴﻨﻪ
ﺧﺎﻳﺒﻪ ﻛﻈﻲ ﻛﺎﻋﺞ
ﻳﻤﻪ ﺣﻤﻴﺪ ﺳﻮﻟﻔﻠﻲ ﺷﻮﺭﺍﻙ
ﻫﻬﻬﻪ ﻋﻤﻪ ﺟﻨﻪ ﻛﻠﺒﺞ ﻋﻠﻤﺞ ﻋﻨﺪﻱ ﺧﺒﺮ ﻋﻦ ﺍﻟﻮﻳﻼﺩ
ﺃﻱ ﻭﺍﻟﻠﻪ ﻛﻠﻲ ﺷﻨﻬﻮ ﺍﻟﺨﺒﺮ ﺍﻟﻌﻨﺪﻙ
ﻭﺍﻟﻠﻪ ﻋﻤﻪ ﻫﻮ ﻣﻮﺵ ﺧﺒﺮ ﺍﻛﻴﺪ ﺑﺲ ﺑﻠﺠﻦ ﻳﺼﺪﻙ
ﺍﻛﻮ ﻭﺍﺣﺪ ﺭﺩ ﻣﻦ ﺍﻟﻤﻮﺻﻞ ﺟﺎﻥ ﻭﻳﻪ ﻋﻠﻲ ﻳﻜﻮﻝ ﺩﺍﻋﺶ ﻣﺎﺧﺬﻳﻦ ﺟﻨﻮﺩ ﺃﺳﺮﻯ ﺑﻠﺠﻦ ﻋﻠﻲ ﻭﺣﻴﺪﺭ ﻭﻳﺎﻫﻢ
ﺍﻥ ﺷﺎﺀ ﺍﻟﻠﻪ
ﺍﻭﻑ ﻋﻤﻪ ﺟﻨﻲ ﺍﺗﺬﻛﺮ ﺑﻴﻮﻡ ﺍﻟﻲ ﺍﻟﺘﺤﻖ ﺑﻴﻪ ﺣﻴﺪﺭ ﺍﻟﻬﺎﻱ ﺳﺒﻴﻜﺮ
ﻫﻬﻬﻪ ﺳﺒﺎﻳﻜﺮ ﻋﻤﻪ
ﺃﻱ ﻫﻲ ﻫﺎﻱ ﺳﺒﺎﻳﻜﺮ ﻋﺴﻨﻪ ﻧﻬﺠﻤﺖ ﻋﻞ ﺭﻭﺳﻬﻢ ﺍﻥ ﺷﺎﺀ ﺍﻟﻠﻪ
ﺑﻴﻮﻣﻪ ﺭﺩ ﻋﻼﻭﻱ ﺑﻄﻞ ﺣﻴﻠﻲ ﻋﻠﻴﻪ ﻣﻦ ﺍﻟﺴﻮﻙ ﻟﻬﻔﺎﻥ ﻳﺼﻴﺢ
ﻳﻤﻪ ﻳﻤﻪ
ﻫﺎ ﻫﻼ ﺑﻴﻚ
ﺍﻟﻠﻪ ﻳﺴﺎﻋﺪﺝ ﻳﻤﻪ
ﻳﺴﺎﻋﺪ ﺑﺨﺘﻚ
ﻫﺎﺝ ﻫﺬﺍ ﺍﻟﻤﺴﻮﺍﻙ ﺷﻠﻮﻥ ﺯﻭﺭﻱ ﺟﺒﺖ ﻳﺴﺘﺎﻫﻞ ﺛﻐﺮﺝ
ﻳﺎﺑﻌﺪ ﺍﻣﻚ ﻭﺍﻟﻠﻪ ﺟﻨﺖ ﻣﺸﺘﻬﻴﻪ ﺍﻟﺰﻭﺭﻱ ﺟﻨﻚ ﺟﺎﻋﺪ ﺑﻜﻠﺒﻲ
ﻫﻬﻬﻪ ﺟﺎ ﺷﻠﻮﻥ ﻳﻠﻐﺎﻟﻴﻪ ﻏﻴﺮ ﺍﻧﺘﻲ ﻛﻄﻌﻪ ﻣﻦ ﻛﻠﺒﻲ
ﻳﻮﻭﻭ ﻳﺴﻠﻢ ﻛﻠﺒﻚ ﻳﻤﻪ
ﺍﻛﻠﺞ ﻭﻳﻦ ﺣﻴﺪﺭ
ﻫﺎ ﺣﻴﺪﺭ ﻣﺸﻪ
ﻭﻳﻦ ﻣﺸﻪ ﺑﺲ ﻻ ﺭﺍﺡ ﻳﻘﺪﻡ ﻋﻠﻰ ﺳﺒﺎﻳﻜﺮ
ﻫﺎ ﺃﻱ ﻫﻮ ﻛﺎﻝ ﻣﺎﺷﻲ ﻟﺴﺒﻴﻜﺮ
ﺩﺧﻴﻞ ﺍﻟﻠﻪ ﺃﻧﻲ ﻣﻮﻛﺘﻠﻪ ﻻ ﻳﺮﻭﺡ ﻳﻘﺪﻡ ﺷﻨﻬﻲ ﺃﻧﻲ ﻫﻨﺎ
ﻃﺮﻃﻮﺭ ﺭﺟﻞ ﻛﺮﺳﻲ ﻣﺤﺪ ﻳﺴﻤﻊ ﺣﺠﺎﻳﺘﻲ
ﻻ ﻳﻤﻪ ﺣﺸﻪ ﻛﺪﺭﻙ
ﻳﻤﻪ ﻳﺎ ﻛﺪﺭ ﺍﻧﺘﻮ ﺧﻠﻴﺘﻮ ﻟﻲ ﻛﺪﺭ ﻋﺪﻛﻢ
ﻛﻠﻲ ﻭﻛﺘﻠﻪ ﻻ ﺗﺮﻭﺡ ﺗﺴﺠﻞ ﻫﺎﻱ ﺷﻐﻠﻪ ﺗﺨﻮﻑ ﻟﻴﺶ ﻳﻜﺴﺮ ﻛﻼﻣﻲ ﻫﺎ ﻟﻴﺶ
ﻳﻤﻪ ﺍﺧﻴﻚ ﻣﻦ ﻇﻴﻤﻪ ﺭﺍﺡ ﺳﺠﻞ ﺑﻬﺎﻱ ﻣﻦ ﺣﻴﺖ ﻣﺎﻣﺶ ﺷﻐﻞ ﺷﻮﻓﺖ ﻋﻴﻨﻚ ﺟﺎﻋﺪ ﻭﺳﺎﻛﺖ
ﺩﺧﻴﻞ ﺭﺑﺞ ﺟﺎ ﻣﻦ ﻛﻮﻥ ﻣﺎﻣﺶ ﺷﻐﻞ ﻳﺬﺏ ﺭﻭﺣﻪ ﺑﻠﻤﻮﺕ
ﺍﺳﻢ ﺍﻟﻠﻪ ﻋﻠﻴﻪ ﻳﻤﻪ ﻋﻠﻴﻮﻱ ﺍﻏﺪﻳﻠﻚ ﻓﺪﻭﻩ ﻻ ﺗﻘﻠﻖ ﻛﻠﺒﻲ ﻋﻠﻴﻪ
ﺍﻟﻠﻪ ﻛﺮﻳﻢ ﺍﻥ ﺷﺎﺀ ﺍﻟﻠﻪ ﻣﺎﻳﻘﺒﻠﻮﻧﻪ ﻭﻳﺮﺩ
ﻟﻴﺶ ﻳﻤﻪ ﺧﻠﻲ
ﻳﻤﻪ ﻣﺎ ﺗﺸﻮﻓﻴﻦ ﺍﻷﻧﺒﺎﺭ ﻣﺸﺘﻌﻠﻪ ﺑﻨﺎﺭ
ﻳﺎ ﻟﻴﺶ ﻋﻮﺩ
ﻭﺍﺩﻡ ﻣﺎﺗﺨﺎﻑ ﻣﻦ ﺍﻟﻠﻪ
ﻳﻤﻪ ﻣﺤﺪ ﻳﻤﻮﺕ ﻧﺎﻗﺺ ﻋﻤﺮ
ﺻﺢ ﻳﻤﻪ ﺑﺲ ﺍﻟﻠﻪ ﻧﻄﺎﻧﻪ ﻋﻜﻞ ﻧﻔﻜﺮ ﺑﻴﻪ ﻭﻧﻌﺮﻑ ﺍﻟﺰﻳﻦ ﻣﻦ ﺍﻟﻤﻮﺵ ﺯﻳﻦ
ﺃﻧﻲ ﻃﺎﻟﻊ
ﻭﻳﻦ ﻳﻤﻪ ﺗﻌﺎﻝ ﺗﻐﺪﻩ
ﻣﺎﺭﻳﺪ ﻳﻤﻪ
ﺟﺎ ﺍﻟﻤﻦ ﺟﺒﺖ ﺍﻟﺰﻭﺭﻱ
ﺃﻟﻒ ﻋﺎﻓﻴﻪ ﺣﺒﻴﺒﻪ ﺃﻧﻲ ﻃﺎﻟﻊ ﻟﻠﻌﺼﺮ ﻭﺍﺭﺩ
ﺍﻟﻠﻪ ﻭﻣﺤﻤﺪ ﻭﻋﻠﻲ ﻭﻳﺎﻙ
....
ﻳﻠﻠﻪ ﻓﻲ ﺍﻣﺎﻥ ﺍﻟﻠﻪ
ﻭﺍﻟﻠﻪ ﻋﻤﻪ ﺣﺠﻲ ﻋﻠﻲ ﺻﺢ ﻫﻮ ﻳﺸﻮﻑ ﺍﻟﺪﻧﻴﻪ ﻛﺎﺑﻪ ﻭﻳﺮﻭﺡ ﻳﻘﺪﻡ ﻋﻞ ﺟﻴﺶ
ﺍﻭﻑ ﺍﻟﻠﻪ ﻛﺮﻳﻢ
ﺗﻌﺎﻝ ﻓﻮﺕ ﺍﻛﻞ ﺻﻮﻏﺔ ﺍﻟﻨﺠﻒ ﺣﻼﻭﺓ ﺍﺑﻮ ﻋﻠﻲ
ﺃﻱ ﻭﺍﻟﻠﻪ ﻋﻤﻪ ﻋﺎﺷﺖ ﺍﻳﺪﺝ
ﺯﻳﻨﺐ ﺟﻴﺒﻲ ﻣﺎﻋﻮﻥ ﻭﺻﺒﻲ ﻟﺒﻦ ﻋﻤﺞ
ﻭﻓﻲ ﻣﻜﺎﻥ ﺁﺧﺮ
ﻛﺎﻥ ﺍﻟﻌﻘﻴﺪ ﻗﺼﻲ ﻭﺍﻛﻒ ﻭﻛﺪﺍﻣﻪ ﺍﻟﻔﻴﻠﻖ ﺍﻝ .....
ﻛﺎﻝ
ﺷﻮﻓﻮ ﻳﻮﻟﺪ ﺃﻧﺸﻮﻓﻮ ﻳﻮﻟﺪ ﺃﻧﻲ ﺯﺍﻣﻄﺖ ﺑﻴﻜﻢ ﻭﺍﺭﻳﺪﻛﻢ ﺗﺜﺒﺘﻮﻟﻲ ﺍﻥ ﺃﻧﻲ ﻋﻠﻰ ﺻﺢ
ﻛﻠﺖ ﺍﻟﻬﻢ ﻫﺎﻱ ﺍﻟﻤﻨﻄﻘﻪ ﻣﺎﻛﻮ ﻏﻴﺮﻛﻢ ﺯﻻﻡ ﺗﻮﺻﻠﻬﻪ ﺍﺭﻳﺪﻛﻢ ﺗﺸﺮﻓﻮﻧﻲ
ﺍﻟﻤﻨﻄﻘﻪ ﺍﻟﻲ ﺭﺍﺡ ﻧﻬﺠﻢ ﻋﻠﻴﻪ ﺻﻌﺒﻪ ﻭﺑﻴﻬﻪ ﻣﺨﺎﺭﺝ ﻫﻮﺍﻱ
ﻻﺯﻡ ﻧﺪﺧﻠﻬﻪ ﻭﻧﻄﻠﻊ ﺍﻟﺸﺒﺎﺏ ﺍﻟﻲ ﻣﺤﺠﻮﺯﻳﻦ ﻫﻨﺎﻙ
ﻭﻣﻦ ﻫﺴﻪ ﺍﻛﻠﻜﻢ ﺍﻟﻤﻮ ﻛﺪﻩ ﻳﻄﻠﻊ
ﻭﻫﺴﻪ ﺭﺍﺡ ﺍﺣﺠﻲ ﻭﻳﺎﻛﻢ ﻭﺍﻭﺯﻉ ﺍﺩﻭﺍﺭﻛﻢ
ﺍﺭﻳﺪ ﻛﻞ ﺍﺭﺑﻌﻪ ﻳﻤﺸﻮﻥ ﺳﻮﻯ ﻳﺼﻴﺮﻭﻥ ﻋﻴﻦ ﻭﺣﺪﻩ ﻭﺋﻴﺪ ﻭﺣﺪﻩ
ﺧﻄﻮﺗﻬﻢ ﻭﺣﺪﻩ
ﻛﻞ ﻭﺍﺣﺪ ﻣﺎﺧﺬ ﺻﻮﺏ
ﻭﺍﺣﺪ ﻳﺒﺎﻭﻉ ﻋﻠﻰ ﺍﻟﻴﻤﻴﻦ ﻭﺍﺣﺪ ﻋﻴﻨﻪ ﻋﻠﻰ ﺍﻟﻴﺴﺎﺭ ﻭﺍﻟﺜﺎﻟﺚ ﻋﻴﻨﻪ ﺍﻣﺎﻡ ﻭﺍﻟﺮﺍﺑﻊ ﻟﻠﺨﻠﻒ
ﻳﻌﻨﻲ ﺍﺭﺑﻌﻪ ﻭﻋﻴﻨﻬﻢ ﻭﺣﺪﻩ
ﻳﻤﺸﻮﻥ ﺳﻮﻩ ﻣﻴﺒﺘﻌﺪﻭﻥ ﺍﺑﺪ ﻟﺤﺪ ﻣﺎ ﻧﻜﻤﻞ ﺗﻤﺸﻴﻂ ﺍﻟﻤﻨﻄﻘﻪ ﻛﻠﻪ
ﻓﻬﻤﺘﻮﻧﻲ
ﺍﻟﻜﻞ ﺻﺎﺡ
ﻧﻌﻢ ﺳﻴﺪﻱ
ﻫﺴﻪ ﻳﻠﻠﻪ ﻛﻠﻤﻦ ﻳﺨﺘﺎﺭ ﻓﺮﻳﻘﻪ
ﺑﺪﺕ ﺍﻟﺠﻨﻮﺩ ﺗﺨﺘﺎﺭ
ﺃﻧﻲ ﻋﻨﺪﻱ ﺻﻮﻳﺤﺒﻲ ﻣﺮﺗﻀﻰ ﻭﺳﺎﻣﺎﻥ ﻭﻣﺤﻤﺪ ﺫﻭﻟﻪ ﻣﻦ ﻳﻮﻡ ﺗﻄﻮﻋﺔ ﺑﻠﺤﺸﺪ ﻭﺍﺣﻨﻪ ﺳﻮﻩ ﻧﺎﻛﻞ ﻧﺸﺮﺏ ﻧﺎﻡ ﺳﻮﻩ
ﺑﻌﺪ ﻣﺎ ﻛﻠﻤﻦ ﺍﻧﺠﻤﻊ ﻭﻳﻪ ﺭﺑﻌﻪ
ﻣﺸﻴﻨﻪ ﻋﻠﻰ ﺷﻜﻞ ﺟﻤﺎﻋﺎﺕ ﻓﻌﻼ ﺟﺎﻧﺖ ﺍﻟﺘﺸﻜﻴﻠﻪ ﻣﻔﻴﺪﻩ ﺍﻟﻨﻪ
ﺩﺧﻠﻨﻪ ﻟﻠﻤﻨﻄﻘﻪ ﻭﺍﻟﻜﻞ ﺟﺎﻥ ﻣﺘﺄﻫﺐ
ﻭﺍﺣﺪﻧﻪ ﻣﺘﻮﻗﻊ ﺑﻜﻞ ﺩﻗﻴﻘﻪ ﻳﻤﻮﺕ ﺍﻭ ﻳﺘﺼﻮﺏ
ﺑﺪﻳﻨﻪ ﻧﻤﺸﻲ ﻭﻧﻤﺸﻂ ﺑﻠﺸﻮﺍﺭﻉ
ﻭﺍﻟﺪﺑﺎﺑﺎﺕ ﻛﺪﺍﻣﻨﻪ
ﻭﺻﻠﻨﻪ ﺑﻨﺺ ﺍﻟﺤﻲ ﻭﺟﺎﻥ ﺗﻨﻔﺘﺢ ﻋﻠﻴﻨﻪ ﻧﻴﺮﺍﻥ ﻣﻦ ﻛﻞ ﺻﻮﺏ
ﻋﻠﻲ ..... ﺻﻴﺮﻭ ﺑﺼﻒ ﺍﻟﺪﺑﺎﺑﻪ
ﻟﻚ ﺳﺎﻣﺎﻥ ﻻ ﺗﺒﺘﻌﺪ ﻋﻦ ﺍﻟﺘﺸﻜﻴﻠﻪ
ﺳﺎﻣﺎﻥ .... ﻋﻼﻭﻱ ﺍﻟﺮﻣﻲ ﻣﻦ ﻛﻞ ﺻﻮﺏ
ﻣﺤﻤﺪ ..... ﺍﺭﻣﻮ ﻋﻞ ﺻﻮﺕ ﺍﻟﺮﻣﻲ
ﻣﺮﺗﻈﻰ ..... ﻟﻚ ﻋﻼﻭﻱ ﺻﺎﺭﺕ ﻫﻮﺳﻪ ﻋﻠﻴﻨﻪ
ﻋﻠﻲ .... ﺍﻣﺸﻮ ﻭﺭﺍﻱ ﺑﺴﺮﻋﻪ
ﺩﺧﻠﺖ ﺑﺪﺭﺑﻮﻧﻪ ﺯﻏﻴﺮﻩ ﺭﻛﻈﻨﻪ ﻭﺍﻟﺮﻣﻲ ﺻﺎﺭ ﻭﺭﺍﻧﻪ
ﻭﺻﻠﻨﻪ ﻷﺧﺮ ﺍﻟﺪﺭﺑﻮﻧﻪ
ﻭﻛﻔﻮ ﺍﻟﻮﻟﺪ ﻳﺄﺧﺬﻭﻥ ﻧﻔﺴﻬﻢ ﻭﺍﻧﺎ ﺗﻤﺸﻴﺖ ﻟﺒﺎﺏ ﺍﻟﺪﺭﺑﻮﻧﻪ
ﺑﺎﻭﻋﺖ ﺻﺎﺭﻭ ﺟﻤﺎﻋﺘﻨﻪ ﻭﺭﺍﻧﻪ
ﻣﺤﺎﺻﺮﻳﻨﻬﻢ ﺍﻟﺪﻭﺍﻋﺶ ﻳﺮﻣﻮﻥ ﻋﻠﻴﻬﻢ ﻣﻦ ﻓﻮﻙ ﺍﻟﺴﻄﻮﺡ
ﺭﺟﻌﺖ ﺻﺤﺖ
ﻳﻮﻟﺪ ﻛﻮﻣﻮ ﺷﺪﻭ ﺣﻴﻠﻜﻢ ﺧﻠﻴﻨﻪ ﻧﺴﺎﻋﺪ ﺭﺑﻌﻨﻪ ﺗﺮﻩ ﺗﻮﻟﻮﻫﻢ ﺍﻷﻧﺪﺍﺱ
ﻣﺤﻤﺪ ... ﻭﻟﻚ ﻋﻼﻭﻱ ﻭﻳﻦ ﻧﻠﻮﺣﻬﻢ ﺫﻭﻟﻪ ﺑﻌﻴﺪﻳﻦ ﻋﻦ ﻣﺮﻣﻰ ﺳﻼﺣﻨﻪ
ﺑﺎﻭﻋﺖ ﻟﻴﻔﻮﻙ ﺷﻔﺖ ﻣﺮﺯﺍﺏ ﻣﺎﻝ ﺳﻄﺢ
ﻛﻈﻴﺘﻪ ﺑﻴﺪﻱ ﻧﺘﻠﺘﻪ ﺣﻴﻞ ﺷﻔﺘﻪ ﺣﺪﻳﺪ ﻳﺴﺘﺤﻤﻞ
ﺧﻠﻴﺖ ﺳﻼﺣﻲ ﻋﻠﻰ ﺟﺘﺎﻓﻲ ﻭﻛﻠﺖ ﻳﺎ ﺭﺏ ﻋﻠﻴﻚ
ﻭﺭﺍﻱ ﻳﻮﻟﺪ
ﻛﻤﺖ ﺍﺗﺴﻠﻖ ﻋﻞ ﻣﺮﺯﺍﺏ ﻭﺍﺩﻓﻊ ﺑﺮﺟﻠﻴﻪ ﻟﺤﺪ ﻣﺎ ﻭﺻﻠﺖ ﺍﻟﻔﻮﻙ ﺍﻟﺒﻴﺖ
ﺩﻧﻜﺖ ﺷﻔﺖ ﻣﺤﻤﺪ ﻭﺭﺍﻱ ﺻﻌﺪ
ﺑﻌﺪﻩ ﻣﺮﺗﻈﻰ ﻭﺳﺎﻣﺎﻥ
ﻭﺻﻠﻮ ﺍﻟﻮﻟﺪ ﻟﻴﻪ ﺑﻘﻴﻨﻪ ﻣﺪﻧﺠﻴﻦ ﻛﻌﺪﻧﻪ ﺑﺠﻬﺔ ﺍﻟﺪﻭﺍﻋﺶ ﻳﻮﻟﺪ ﻫﺬﻭﻟﻪ ﺍﻟﺪﻭﺍﻋﺶ ﻛﺒﺎﻟﻨﻪ ﺍﺭﻳﺪﻛﻢ ﻛﻞ ﺟﻴﻠﻪ ﺑﻜﻠﺐ ﺩﺍﻋﺸﻲ
...
ﻛﻠﻤﻦ ﻟﺰﻣﻠﻪ ﺟﻬﻪ ﻭﺑﺪﻳﻨﻪ ﻧﺮﻣﻲ ﻋﻞ ﺍﻟﺪﻭﺍﻋﺶ
ﺍﻟﺪﻭﺍﻋﺶ ﺍﺭﺗﺒﻜﻮ ﻣﻦ ﺍﻟﺮﻣﻲ ﻫﻮﺩﻭ ﺷﻮﻳﻪ ﺭﺑﻌﻨﻪ ﻛﺪﺭﻭ ﻳﺄﺧﺬﻭﻥ ﻧﻔﺲ ﻭﻳﺼﻴﻄﺮﻭﻥ
ﺑﺪﻩ ﺍﻟﺮﻣﻲ ﻣﻦ ﻋﺪﻧﻪ ﻭﻣﻦ ﺭﺑﻌﻨﻪ
ﺍﻟﺪﻭﺍﻋﺶ ﺗﺮﺍﺟﻌﻮ ﺻﻔﻴﻨﻪ ﻣﻨﻬﻢ ﻫﻮﺍﻱ ﻭﺍﻟﺒﺎﻗﻲ ﺍﻧﻬﺰﻣﻮ
ﺑﻘﺔ ﺍﻟﻤﻌﺮﻛﻪ ﺍﻛﺜﺮ ﻣﻦ ﺳﺎﻋﺘﻴﻦ
ﺑﻌﺪﻩ ﺍﻧﻬﺰﻣﻮﺍ ﺍﻟﺪﻭﺍﻋﺶ
ﻧﺰﻟﻨﻪ ﻣﻦ ﺑﺎﺏ ﺍﻟﺴﻄﺢ ﺭﺣﻨﻪ ﻋﻠﻰ ﺭﺑﻌﻨﻪ
ﺟﺎﻥ ﻫﻮﺍﻱ ﻣﺴﺘﺸﻬﺪﻳﻦ ﺷﻠﻨﻪ ﺍﻟﺸﻬﺪﺍﺀ ﻭﺍﻟﺠﺮﺣﻰ ﺻﻌﺪﻧﺎﻫﻢ ﺑﺴﻴﺎﺭﺍﺕ
ﺍﺝ ﺍﻟﻘﺎﺋﺪ ﻭﺗﺸﻜﺮ ﻣﻦ ﻋﺪﻧﻪ ﻗﺴﻤﻨﻪ ﺃﻗﺴﺎﻡ
ﻗﺴﻢ ﺑﻘﻪ ﺑﻠﻤﻨﻄﻘﻪ ﻭﻗﺴﻢ ﺑﺎﺟﺮ ﻳﻄﻠﻊ ﻳﺮﻭﺡ ﺍﻟﻐﻴﺮ ﻣﻨﻄﻘﻪ
ﺃﻧﻲ ﻭﺭﺑﻌﻲ ﻣﻦ ﺍﻟﻲ ﺭﺍﺡ ﻳﻄﻠﻌﻮﻥ
ﺍﻛﻮ ﻭﻳﺎﻧﻪ ﺷﺒﺎﺏ ﺻﻐﺎﺭ ﺃﻋﻤﺎﺭﻫﻢ ﺑﻞ 16، 17 ﺳﻨﻪ
ﺫﻭﻟﻪ ﻣﻦ ﺗﺨﻠﺺ ﺍﻟﻤﻌﺮﻛﻪ ﻳﺸﻐﻠﻮﻥ ﺍﻟﺪﻱ ﺟﻲ ﻭﻳﻀﻠﻮﻥ ﻳﺮﺩﺣﻮﻥ ﻋﻠﻰ ﺍﻏﻨﻴﺔ
ﺍﻟﻄﻜﺖ ﻭﺍﻟﻤﺎﻃﻜﺖ ﺍﺣﻨﻪ ﺍﻟﻤﻨﺘﺼﺮﻳﻦ
ﺑﺲ ﺍﻟﺸﻬﺎﺩﻩ ﻟﻠﻪ ﻣﻦ ﻳﺼﻴﺮ ﺍﻟﻬﺠﻮﻡ ﺗﺸﻮﻑ ﻭﺍﺣﺪﻫﻢ ﺳﺒﻊ ﺻﺎﻳﺮ
ﻳﺘﻠﻜﻪ ﺍﻟﻔﺸﻚ ﺑﺼﺪﺭﻩ ﻭﻻ ﻳﻬﺎﺏ ﺍﻟﻤﻮﺕ
ﻭﺃﻟﻲ ﻣﺘﺰﻭﺝ ﻳﺘﻔﺪﻭﻧﻪ ﺗﻔﺪﻱ
ﺍﻭﻝ ﻣﺎ ﺗﻌﺮﻓﻨﻪ ﺳﺄﻟﻮ ﺍﻧﺖ ﻣﺘﺰﻭﺝ ﻟﻮ ﻻ
ﻛﺘﻠﻬﻢ ﻭ ﺷﻨﻮ ﺍﻟﻲ ﻳﻔﺮﻕ
ﻻ ﺍﻛﻮ ﻓﺮﻕ ﺍﻟﻤﺘﺰﻭﺝ ﻭﺭﻯ ﻣﺮﻩ ﻭﺟﻬﺎﻝ
ﻭﺍﻟﻲ ﻣﻤﺎﻣﺘﺰﻭﺝ ﻣﺎ ﻭﺭﻯ ﻏﻴﺮ ﺍﻣﻪ ﻭﺃﺑﻮﻩ ﻭﺫﻭﻟﻪ ﻫﻮﺍﻱ ﺍﻟﻲ ﻳﻮﻛﻔﻮﻟﻬﻢ
ﺑﺲ ﺍﻟﻤﺮﻩ ﻻ ﺍﺳﺘﺸﻬﺪ ﺭﺟﻠﻬﻪ ﺭﺍﺡ ﺗﺨﺮﺏ ﺣﻴﺎﺗﻪ ﺣﺘﻰ ﻟﻮ ﺗﺰﻭﺟﺖ ﻣﻦ ﺑﻌﺪﻩ ﺑﺲ ﺍﻃﻔﺎﻟﻪ ﻳﺘﻌﺬﺑﻮﻥ
ﻛﺘﻠﻬﻢ ﻭﺍﻟﻠﻪ ﺧﻮﺵ ﻭﺟﻬﺔ ﻧﻈﺮ ﻫﻬﻬﻪ
ﺍﻟﻤﻬﻢ ﺷﻐﻠﻮ ﺍﻟﻮﻟﺪ ﺍﻟﺪﻱ ﺟﻲ ﻭﻛﺎﻣﻮﺍ ﻳﺪﺑﺠﻮﻥ
ﺭﺍﺡ ﻛﻞ ﺍﻟﺘﻌﺐ ﺍﻟﺒﻴﻬﻢ ﻳﻜﻠﻚ ﻛﺎﻋﺪﻳﻦ ﺑﻌﺮﺱ ﻣﻮﺵ ﺑﻤﻌﺮﻛﻪ ﻭﻋﻠﻰ ﺳﺎﻋﻪ ﻧﻤﻮﺕ
ﺑﻌﺪ ﺍﻟﺮﻛﺺ ﻭﺍﻟﺪﺑﺞ ﺻﺎﺭ ﺍﻟﻤﻐﺮﺏ ﺳﺪﻭ ﺍﻟﺪﻱ ﺟﻲ ﻭﺗﻮﺟﻬﻨﻪ ﻟﻠﺼﻼﺓ
ﺻﻠﻴﻨﻪ ﻭﺗﻌﺸﻴﻨﻪ ﺑﻌﺪﻩ ﺭﺣﻨﻪ ﻛﻠﻤﻦ ﺷﺎﻓﻠﻪ ﻣﻜﺎﻥ ﻧﻤﻨﻪ ﺑﻴﻪ
ﺧﻠﻴﺖ ﺭﺍﺳﻲ ﻋﻠﻰ ﺍﻟﻤﺨﺪﻩ ﻭﺍﻟﺬﻛﺮﻳﺎﺕ ﻫﺠﻤﺖ ﻋﻠﻴﻪ
ﺍﻭﻝ ﻣﺎ ﺳﻤﻌﺖ ﻫﺎﺟﻤﻴﻦ ﻋﻠﻰ ﺳﺒﺎﻳﻜﺮ
ﺟﻨﺖ ﺑﻠﻜﻬﻮﻩ ﺍﺝ ﺳﻴﺪ ﻋﻠﻲ
ﺍﻟﺴﻼﻡ ﻋﻠﻴﻜﻢ
ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ ﺷﻠﻮﻧﻚ ﺳﻴﺪ
ﻫﻼ ﺑﻌﻼﻭﻱ ﺷﻠﻮﻧﻚ
ﺍﻟﺤﻤﺪ ﻟﻠﻪ
ﺍﺑﻮ ﺣﺴﻴﻦ ( ﺻﺎﺣﺐ ﺍﻟﻜﻬﻮﻩ ) ﺻﺎﺡ ﺍﻟﺴﻴﺪ
ﻳﻤﻌﻮﺩ ﺍﻛﻠﺐ ﺍﻟﺘﻠﻔﺰﻳﻮﻥ ﻋﻠﻰ ﺍﻟﻌﺮﺍﻗﻴﻪ ﺍﻟﻤﻮﺻﻞ ﺍﺣﺘﺮﻛﺖ
ﻓﺰﻳﺖ ﻣﻦ ﻛﺎﻝ ﻫﻴﺞ ﺍﻟﺴﻴﺪ ﻛﺘﻠﻪ
ﺷﻨﻮ ﺷﺒﻴﻪ ﺍﻟﻤﻮﺻﻞ
ﻏﻴﺮ ﺩﺍﺧﻠﻴﻦ ﺩﺍﻋﺶ ﻭﻣﺼﻘﻄﻴﻨﻬﻪ ﻭﺩﺍﺧﻠﻴﻦ ﻋﻠﻰ ﻫﺎﻱ ﻛﻠﻴﻪ ﻋﺴﻜﺮﻳﻪ ﻣﺪﺭﻱ ﻭﺍﻟﻠﻪ ﺷﺴﻤﻬﻪ ﻭﻛﺎﺗﻠﻴﻦ ﺍﻟﻄﻼﺏ
ﺣﺴﻴﺖ ﺳﺠﻴﻨﻪ ﻭﻧﺒﺘﺖ ﺑﺼﺪﺭﻱ ﻫﻤﺴﺖ
ﺳﺒﺎﻳﻜﺮ ﺣﺠﻴﺖ ﻭﻣﺎ ﺭﻳﺪ ﺍﺳﻤﻊ ﺍﻟﺠﻮﺍﺏ
ﺃﻱ ﺃﻟﻒ ﺭﺣﻤﻪ ﻋﻠﻰ ﺃﺑﻴﻚ ﻫﻴﻪ ﺳﺒﺎﻳﻜﺮ
ﻛﻤﺖ ﻭﻟﺰﻣﺖ ﻇﻬﺮﻱ ﺣﺴﻴﺘﻪ ﺍﻧﻜﺴﺮ ﻣﻦ ﺍﻟﺨﺒﺮ
ﻳﺎﺧﻮﻳﻪ ﻳﺎﻋﻈﻴﺪﻱ
ﺭﺟﻌﺖ ﻛﻌﺪﺕ ﻣﻦ ﺳﻤﻌﺖ ﺍﻟﺘﻠﻔﺰﻳﻮﻥ ﺍﺷﺘﻐﻞ ﻭﺍﻷﻏﺎﻧﻲ ﺗﺼﺪﺡ ﺑﻴﻪ
ﻗﺮﻳﺖ ﺍﻟﺸﺮﻳﻂ ﻭﺟﺎﻥ ﻳﻄﻠﻊ ﻋﺎﺟﻞ
ﻃﻠﻌﻮﺍ ﺻﻮﺭ ﺷﺒﺎﺏ ﺑﻌﻤﺮ ﺣﻴﺪﺭ ﻣﺮﺑﻄﻴﻦ ﻭﺳﺎﻳﻜﻴﻬﻢ ﻣﺜﻞ ﺍﻟﺤﻴﻮﺍﻧﺎﺕ
ﺗﺨﺒﻠﺖ
ﻛﻤﺖ ﺍﺩﻙ ﻋﻠﻰ ﺭﺍﺳﻲ ﻭﺻﻴﺢ
ﻳﺎﺧﻮﻳﻪ ﻳﺎﺣﻴﺪﺭ
ﻋﻤﺖ ﻋﻴﻨﻲ ﻋﻠﻴﻚ ﻟﻮ ﻣﻴﺖ ﻭﻻ ﺷﺎﻳﻒ ﻫﻠﻴﻮﻡ
ﺍﻟﺘﻤﻮ ﻋﻠﻴﻪ ﺍﻟﻨﺎﺱ ﻫﺬﺍ ﺍﻟﻲ ﻳﻄﻤﻨﻲ
ﻭﻫﺬﺍ ﺍﻟﻲ ﻳﻜﻠﻲ ﺍﻟﻠﻪ ﻳﺼﺒﺮﻙ
ﻭﺍﻧﻲ ﺍﺣﺲ ﺣﺘﻪ ﺍﻟﺪﻡ ﺑﻌﺪ ﻣﺎ ﻳﻤﺸﻲ ﺑﺠﺴﻤﻲ
ﺍﻣﻲ ﻻﺯﻡ ﺍﺭﻭﺡ ﻳﻤﻪ ﺧﺎﻑ ﺗﺴﻤﻊ ﻭﺗﺘﺨﺒﻞ
ﻧﻬﻈﺖ
ﺣﺴﻴﺖ ﺍﻟﺪﻧﻴﻪ ﺗﺪﻭﺭ ﺑﻴﻪ ﻭﻇﻬﺮﻱ ﻣﺘﻘﻮﺱ ﻣﺎ ﻳﻌﻴﻨﻲ ﻋﻠﻰ ﺍﻟﻮﻛﻔﻪ
ﺭﺩﻳﺖ ﻛﻌﺪﺕ
ﺍﺳﻤﻊ ﺍﻟﻨﺎﺱ ﺗﺼﻴﺢ ﺍﻟﻠﻪ ﺍﻟﻠﻪ ﻋﻠﻰ ﻛﻴﻔﻚ
ﺭﺩﻳﺖ ﺗﻮﺟﻴﺖ ﻋﻠﻰ ﺍﻟﻜﺎﻉ ﻭﻛﻤﺖ
ﻭﻫﻢ ﻭﻛﻌﺖ ﺑﺲ ﻣﺎﺣﺴﻴﺖ ﺑﻌﺪ ﻋﻠﻰ ﺭﻭﺣﻲ
ﺷﻔﺖ ﺭﻭﺣﻲ ﺑﻴﺘﻨﻪ ﺍﻟﻘﺪﻳﻢ
ﻭﺣﻴﺪﺭ ﻭﺯﻳﻨﺐ ﻳﻠﻌﺒﻮﻥ
ﻭﺍﻣﻲ ﺗﺨﺒﺰ ﺧﺒﺰ ﺗﻤﻦ ﻋﻠﻰ ﺍﻟﻄﺎﺑﻚ ( ﺻﺎﺟﻪ )
ﺍﺝ ﺍﺑﻮﻱ ﺷﺎﻳﻞ ﻋﻼﻟﻴﻚ ﺗﻠﻜﺘﻪ ﺍﻣﻲ
ﺍﻟﻠﻪ ﻳﺴﺎﻋﺪﻙ ﺍﺑﻮ ﻋﻠﻲ
ﻭﻳﺴﺎﻋﺪﻙ ﺃﻡ ﻋﻠﻲ
ﻫﺎﺝ ﺍﻟﻤﺴﻮﺍﻙ ﻛﻠﺶ ﺣﺎﺭﻩ ﺍﻟﺪﻧﻴﻪ
ﺃﻱ ﻭﺍﻟﻠﻪ ﺣﺎﺭﻩ ﻃﺐ ﺍﺳﺒﺢ ﻭﺍﺭﺗﺎﺡ ﻋﻠﻤﺎ ﺍﻛﻤﻞ ﺍﻟﻐﺪﻩ
ﺣﻴﺪﺭ ﻳﻠﻌﺐ ﻋﻠﻰ ﺍﻟﺪﺭﺝ ﻭﺟﺎﻥ ﻳﻄﻴﺢ ﻣﻦ ﺭﺍﺑﻊ ﺩﺭﺟﻪ
ﺳﻤﻌﺖ ﺣﻴﺪﺭ ﻳﺼﻴﺢ
ﻋﻼﻭﻱ
ﻋﻼﻭﻱ
ﺍﻟﺤﻜﻨﻲ ﻋﻼﻭﻱ
ﻓﺰﻳﺖ ﻭﺍﻧﻲ ﺍﺻﻴﺢ
ﺣﻴﺪﺭ ﺣﻴﺪﺭ
ﻫﺎ ﺧﻮﻳﻪ ﺷﻠﻮﻧﻚ ﻫﺴﻪ
ﺍﻧﻲ ﻭﻳﻦ
ﺑﻠﻤﺴﺘﺸﻔﻰ ﺧﻮﻓﺘﻨﻪ ﻋﻠﻴﻚ ﻳﻌﻤﻲ
ﺍﺳﻒ ﺳﻴﺪ
ﻛﻤﺖ ﺍﻟﻤﻐﺬﻱ ﻣﺠﻠﺐ ﺑﺄﻳﺪﻱ
ﺟﺮﻳﺘﻪ ﺣﻴﻞ ﻧﻔﻂ ﺍﻟﺪﻡ
ﺍﻟﻠﻪ ﺍﻟﻠﻪ ﻟﻴﺶ ﻋﻤﻲ ﻫﻴﺞ ﺍﻳﺪﻙ
ﻋﻤﻲ ﻣﺎﺑﻴﻪ ﺷﻲ ﺧﻠﻴﻨﻲ ﺍﺭﻭﺡ ﻳﻢ ﺍﻣﻲ
ﻃﻠﻌﺖ ﻭﺍﻧﻲ ﺧﺎﻳﻒ ﺷﻠﻮﻥ ﺭﺍﺡ ﺍﺧﺒﺮ ﺍﻣﻲ ﺑﺤﻴﺪﺭ
....
ﻭﺻﻠﺖ ﻟﻠﺒﻴﺖ ﻟﻜﻴﺖ ﺍﻟﻨﺎﺱ ﻣﺘﺠﻤﻬﺮﻩ ﺑﻠﺒﺎﺏ
ﻛﻮﻩ ﺩﺧﻠﺖ
ﺷﻔﺖ ﻣﻨﻈﺮ ﻃﻮﻝ ﻋﻤﺮﻱ ﻣﺎ ﺍﻧﺴﻰ
ﻟﻜﻴﺖ ﺍﻣﻲ ﻛﺎﻋﺪﻩ ﺑﻨﺺ ﺍﻟﺒﻴﺖ ﻭﻧﺎﺯﻋﻪ ﺷﻴﻠﺘﻪ
ﻭﻣﻄﻠﻌﻪ ﺿﻔﺎﻳﺮﻫﻪ ﺍﻟﻲ ﻣﻦ ﻣﺎﺕ ﺍﺑﻮﻳﻪ ﻟﺴﻪ ﻫﻴﻪ ﻣﺎ ﻣﺤﻨﻴﺘﻬﻢ ﻭﺻﺎﻳﺮﻳﻦ ﺑﻠﻮﻥ ﺍﻟﻔﻀﻪ
ﺯﻳﻨﺐ ﻧﺎﻳﻤﻪ ﻋﻠﻰ ﺭﺟﻠﻴﻬﻪ
ﻭﺍﻟﻨﺴﻮﺍﻥ ﺩﺍﻳﺮ ﻣﺪﺍﻳﺮﻫﻪ
ﺑﺲ ﻫﻴﻪ ﺍﺑﺪ ﻣﺠﺎﻧﺖ ﺗﺒﺠﻲ
ﻣﻦ ﺷﺎﻓﺘﻨﻲ ﺻﺎﺣﺖ
ﻫﻼ ﻫﻼ ﺑﻮﻟﻴﺪﻱ ﻭﺧﻴﻤﺘﻲ ﻭﻟﻚ ﺣﻴﺪﺭ ﻭﺍﻛﻊ ﺑﻈﻴﺞ ﻭﺍﻧﺖ ﺍﻟﻲ ﺗﻄﻠﻌﻪ ﻣﻨﻪ
ﺭﻛﻈﺖ ﺣﻈﻨﺘﻪ ﻭﻛﺘﻠﻪ ﻭﺩﺍﻋﺘﺞ ﻳﻤﻪ ﻭﺩﺍﻋﺖ ﻛﻞ ﺩﻣﻌﻪ ﻭﺣﺴﺮﻩ ﻭﺩﺍﻋﺖ ﻛﻞ ﻟﻴﻠﻪ ﻛﻈﻴﺘﻴﻪ ﺳﻬﺮﺍﻧﻪ ﻭﻳﺎﻧﻪ ﺑﺎﺟﺮ ﺭﺍﻳﺢ ﻭﻣﺎ ﺍﺭﺩ ﺍﻟﻪ ﺍﺭﺩﻩ ﻭﻳﺎﻱ ﻋﺪﻝ ﻣﻴﺖ ﺍﺭﺩﻩ ﻭﻳﺎﻱ
ﺩﻧﺠﺖ ﻋﻠﻰ ﺍﻳﺪﻳﻪ ﺑﺴﺘﻬﻦ ﻭﺩﺧﻠﺖ ﺍﻟﻐﺮﻓﺘﻲ
ﺟﺎﻧﺖ ﺍﺻﻌﺐ ﻟﻴﻠﻪ ﺗﻤﺮ ﻋﻠﻴﻪ
ﻛﺒﻞ ﺍﻷﺫﺍﻥ ﻃﻠﻌﺖ ﺍﺷﺮﺏ ﻣﺎﻱ ﺷﻔﺖ ﺍﻣﻲ ﻛﺎﻋﺪﻩ ﺑﻐﺮﻓﺖ ﺣﻴﺪﺭ ﻭﺗﻨﻌﻰ ﻭﺗﻜﻮﻝ
ﻳﻤﺔ ﺍﻟﺒﻴﺖ ﻭﺣﺸﺔ ﻭﻟﻴﺶ ﻣﺎﺟﻴﺖ
ﻳﺎﻳﻤﺔ ﺃﻋﻠﻪ ﺑﺨﺘﻚ ﺗﺮﺣﻞ ﺷﻠﻮﻥ
ﻭﻟﻴﺪﻱ ﺩﻣﻮﻉ ﺛﻜﻠﻰ ﺍﻟﺼﺒﺖ ﺃﻋﻠﻴﻚ
ﺗﻮﻥ ﻭﺗﻨﻮﺡ ﻣﻮ ﻣﺜﻞ ﺍﻟﻴﻨﻮﺣﻮﻥ
ﺍﺫﺍ ﺩﻣﻌﺎﺗﻲ ﻧﺸﻔﻦ ﻓﻮﻙ ﺍﻟﺨﺪﻭﺩ
ﺍﻇﻞ ﻋﻠﻴﻚ ﺍﺻﺒﻦ ﺣﺘﻰ ﺍﻟﺠﻔﻮﻥ
ﻭﻻ ﺭﻳﺪﻥ ﻋﻴﻮﻧﻲ ﻭﻧﻮﺭﻫﻦ ﺭﺍﺡ
ﻭﻫﻴﻪ ﺑﻼﻳﺔ ﻧﻮﺭ ﺷﺘﺴﻮﺓ ﺍﻟﻌﻴﻮﻥ
ﻛﻌﺪﺕ ﻛﺒﺎﻝ ﺍﻟﺒﺎﺏ ﻭﺧﻠﻴﺖ ﺭﺍﺳﻲ ﺑﻴﻦ ﺍﺩﻳﻪ ﻭﺍﻧﻲ ﺍﺳﻤﻌﻪ ﺗﻮﻥ ﻭﺗﻨﻮﺡ
ﺃﺫﻥ ﺍﻷﺫﺍﻥ ﻛﻤﺖ ﺗﻮﻇﻴﺖ ﻭﺻﻠﻴﺖ
ﺳﺠﺪﺕ ﻭ ﺩﻋﻴﺖ ﻣﻦ ﻛﻞ ﻛﻠﺒﻲ ﻟﻮ ﺍﻣﻮﺕ ﻟﻮ ﺍﺭﺟﻊ ﺍﺧﻮﻱ
ﺑﻌﺪﻩ ﻛﻤﺖ ﺣﻈﺮﺕ ﺟﻨﻄﺘﻲ ﻭﺑﺪﻟﺖ ﻣﻼﺑﺴﻲ ﻭﻃﻠﻌﺖ ﺃﻭﺩﻉ ﺍﻣﻲ
ﺩﻛﻴﺖ ﺍﻟﺒﺎﺏ
ﻳﻤﻪ ﻛﺎﻋﺪﻩ
ﺃﻱ ﻳﻤﻪ ﻛﺎﻋﺪﻩ ﺗﻌﺎﻝ ﻓﻮﺕ
ﺷﻠﻮﻧﺞ ﻳﺤﺒﻴﺒﻪ
ﺍﻟﺤﻤﺪ ﻟﻠﻪ ﻛﻠﺒﻲ ﻳﻮﺟﻌﻨﻲ ﻋﻠﻰ ﺍﺧﻮﻙ
ﺍﻟﻠﻪ ﻛﺮﻳﻢ ﻳﻤﻪ ﺍﻥ ﺷﺎﺀ ﺍﻟﻠﻪ ﻳﺮﺟﻊ ﻻ ﺗﺨﺎﻓﻴﻦ ﻋﻠﻴﻪ ﺣﻴﺪﺭ ﺳﺒﻊ ﻭﻣﺎﻳﺨﺎﻑ
ﻳﻤﻪ ﺍﻟﺤﺮﺏ ﻣﺎﺑﻴﻪ ﺳﺒﻊ
ﺍﻟﻠﻪ ﺍﺭﺣﻢ ﺍﻟﺮﺍﺣﻤﻴﻦ ﻳﻤﻪ ﺃﻧﺎ ﻫﺴﻪ ﺭﺍﻳﺢ ﻭﻣﺎ ﺍﺭﺩ ﺍﻟﻪ ﻭﻳﺎﻱ ﺣﻴﺪﺭ
ﻣﻮﺩﻉ ﺑﻠﻠﻪ ﻭﻣﺤﻤﺪ ﻭﻋﻠﻲ ﻭﻟﻴﺪﻱ ﺍﻟﻠﻪ ﻳﺴﻬﻞ ﻃﺮﻳﻘﻚ ﻭﻳﺮﺩﻙ ﺍﻟﻲ ﺑﺨﻴﺮ ﺍﻧﺖ ﻭﺍﺧﻮﻙ
ﺍﺧﺬﺕ ﺍﻳﺪﻩ ﺑﺴﺘﻬﻪ ﻭﻛﺘﻠﻪ
ﻳﻤﻪ ﻻ ﺗﻨﺴﻴﻨﻪ ﻣﻦ ﺩﻋﺎﺋﺞ
ﺑﻜﻞ ﻭﻛﺖ ﺍﺩﻋﻴﻠﻜﻢ ﺷﻌﻨﺪﻱ ﻏﻴﺮﻛﻢ ﺍﻧﺎ
ﻳﻠﻠﻪ ﺭﺍﻳﺢ ﺍﻧﺎ ﻭﻛﻔﺖ ﻭﺷﻠﺖ ﺟﻨﻄﺘﻲ
ﺍﻭﻛﻒ ﺍﺧﺬﻧﻲ ﻭﻳﺎﻙ
ﺭﺩﻳﺖ ﻛﻌﺪﺕ ﻭﻳﻦ ﻳﺤﺒﻴﺒﻪ
ﺍﺧﺬﻧﻲ ﻭﻳﺎﻙ ﺍﺭﻳﺪ ﺍﺭﻭﺡ ﻟﺒﻮ ﺣﺴﻴﻦ ﻋﻠﻲ ( ،ﻋﻠﻴﻪ ﺍﻟﺴﻼﻡ ) ﺍﺭﻳﺪ ﺍﺷﻜﻴﻠﻪ ﺣﺎﻟﻲ
ﺧﻮﺵ ﻣﻴﺨﺎﻟﻒ ﺍﺧﺬﺝ ﺍﺻﻌﺪﺝ ﺑﺴﻴﺎﺭﺓ ﺍﻟﻨﺠﻒ
ﺍﻃﻴﻨﻲ ﻫﺎﻱ ﻫﺪﻳﻤﺎﺗﻲ
ﺍﻟﺘﻔﺘﺖ ﺷﻔﺖ ﺍﻫﺪﻭﻣﻬﻪ ﻋﻠﻰ ﺍﻟﻤﺨﺪﻩ ﺷﻠﺘﻬﻦ ﺍﻧﻄﻴﺘﻪ ﺍﻟﻬﻦ ﻭﻛﺘﻠﻪ
ﺭﺍﺡ ﺍﻛﻌﺪ ﺯﻳﻨﺐ
ﺃﻱ ﻛﻌﺪﻫﻪ ﺧﺎﻃﺮ ﺗﺒﻘﻪ ﺑﻠﺒﻴﺖ ﺧﺎﻑ ﻭﺍﺣﺪ ﻳﺠﻲ
ﻃﻠﻌﺖ ﻛﻌﺪﺕ ﺯﻳﻨﺐ ﻭﻛﺘﻠﻪ ﺍﻧﺎ ﺭﺍﻳﺢ ﺳﻠﻤﺖ ﻋﻠﻴﻪ ﻭﺑﻮﺳﺘﻪ ﻭﺭﺩﻳﺖ ﻟﻤﻲ ﻟﻜﻴﺘﻪ ﻻﺑﺴﻪ ﺷﻴﻠﺘﻪ ﻭﻋﺒﺎﺗﻪ ﻣﻦ ﻏﻴﺮ ﻋﺼﺎﺑﻪ
ﺭﻛﻈﺖ ﺟﺮﻳﺖ ﺍﻟﻌﺼﺎﺑﻪ ﻭﻛﺘﻠﻪ ﻫﺎﺝ ﻳﻤﻪ ﻫﺎﻱ ﻋﺼﺎﺑﺘﺞ
...
ﻻ ﻳﻤﻪ ﻣﺎ ﺗﺼﻴﺮ ﻋﻠﻰ ﺭﺍﺳﻲ ﻋﺼﺎﺑﻪ ﺍﻻ ﻣﺎ ﺭﺩﻳﺘﻮ ﻭﻫﺎﻱ ﻋﺼﺎﺑﺘﻲ ﻣﺎﺷﻴﻪ ﺍﺫﺑﻪ ﺑﺸﺒﺎﺝ ﺍﺑﻮ ﺣﺴﻴﻦ
ﻃﻠﻌﻨﻪ ﺍﻧﺎ ﻭﺍﻣﻲ ﻟﻠﻜﺮﺍﺝ ﻫﻨﺎﻙ ﺻﻌﺪﺗﻬﻪ ﻟﻠﻨﺠﻒ ﻭﺍﻧﺎ ﺭﺩﻳﺖ ﺍﻟﻤﻮﻗﻊ ﺍﻟﺘﺴﺠﻴﻞ
ﻭﺻﻠﺖ ﺍﻟﺪﻧﻴﻪ ﻣﻜﻠﻮﺑﻪ ﺷﺒﺎﺏ ﻭﺷﻴﺎﺏ ﻭﺍﻛﻔﻴﻦ ﻳﺴﺠﻠﻮﻥ ﺃﺳﻤﺎﺋﻬﻢ
ﻭﺍﻟﻲ ﻳﺴﺠﻞ ﺍﺳﻤﻪ ﻳﻄﻮﻩ ﻭﺭﻗﻪ ﻳﺮﻭﺡ ﻳﺼﻌﺪ ﺑﻠﺴﻴﺎﺭﻩ ﻛﺒﻞ ﻟﻠﻤﻮﺻﻞ
ﺑﻘﻴﺖ ﻭﺍﻛﻒ ﻭﻳﻪ ﺍﻟﺴﺮﻩ ﻟﻤﻦ ﺍﺝ ﺩﻭﺭﻱ ﺳﺄﻟﻨﻲ ﺍﻟﻮﻟﺪ
ﺍﺳﻤﻚ
ﻋﻠﻲ ﺣﺴﻦ ﺇﺩﺭﻳﺲ
ﻋﻤﺮﻙ
30 ،،ﺳﻨﻪ
ﻣﺘﺄﻛﺪ ﺗﺮﻳﺪ ﺗﺘﻄﻮﻉ ﺑﻠﺤﺮﺏ ﻇﺪ ﺩﺍﻋﺶ
ﺃﻱ ﻣﺘﺄﻛﺪ
ﻫﺎﻙ ﻫﺎﻱ ﺍﻟﻮﺭﻗﻪ ﻭﺭﻭﺡ ﺍﺻﻌﺪ ﺑﻠﺴﻴﺎﺭﺍﺕ
ﺷﻠﺖ ﺟﻨﻄﺘﻲ ﻭﺗﻤﺸﻴﺖ ﻟﻠﺴﻴﺎﺭﺍﺕ
ﺟﺎﻧﺖ ﺍﻟﻨﺎﺱ ﻭﺍﻛﻔﻪ ﻛﻞ ﻣﺎ ﺗﺠﻲ ﺳﻴﺎﺭﻩ ﺗﺮﻛﻆ ﺍﻟﻮﺍﺩﻡ ﺗﺘﺸﻠﺒﻪ ﻣﺜﻞ ﺍﻟﻘﺮﻭﺩﻩ ﻣﻮﺵ ﺗﻜﻮﻝ ﻣﺎﺷﻴﻦ ﻟﻠﺤﺮﺏ ﺣﺴﺒﺎﻟﻚ ﻣﺎﺷﻴﻦ ﻟﻌﺮﺱ
ﺍﻟﺴﻴﺎﺭﻩ ﺗﻮﻛﻒ ﻣﻨﺎ ﺗﻨﺘﺮﺱ ﻣﻨﺎ ﻣﺎﻛﻮ ﺛﻮﺍﻧﻲ
ﺷﺎﻳﻔﻴﻦ ﺑﻴﻮﻡ ﺍﻷﺭﺑﻌﻴﻦ ﻣﺎﻝ ﺍﻟﺤﺴﻴﻦ ﺳﻼﻡ ﺍﻟﻠﻪ ﻋﻠﻲ
ﻣﻦ ﺗﺮﺩ ﺍﻟﻮﺍﺩﻡ ﻭﺗﺠﻲ ﺳﻴﺎﺭﻩ ﺍﻟﻮﺍﺩﻡ ﺗﺮﻛﻆ ﻋﻠﻴﻪ ﻫﻴﺞ ﺻﺎﺭﺕ ﺍﻟﻮﺍﺩﻡ
ﺳﻴﺎﺭﺍﺕ ﺟﻴﺶ ﺳﻜﺴﺎﺕ ﺗﻨﻜﻞ ﺷﺒﺎﺏ ﻭﺷﻴﺎﺏ
ﻛﻞ ﻣﺎ ﺗﻮﻛﻒ ﺳﻴﺎﺭﻩ ﺍﺭﻛﻆ ﺑﻌﺪﻧﻲ ﻣﺎ ﻭﺻﻠﺖ ﻗﺒﻄﺖ ﻭﻃﻠﻌﺖ
ﻟﻮ ﺍﻭﺻﻞ ﺑﺲ ﻣﺎ ﺍﻟﺤﻚ ﺍﺻﻌﺪ
ﺑﻘﻴﺖ ﻟﺤﺪ ﺍﻟﻈﻬﺮ ﺍﻟﻨﺎﺱ ﻓﺮﺣﺎﻧﻪ ﺗﺮﻳﺪ ﺗﺮﻭﺡ ﺗﺠﺎﻫﺪ
ﺁﺧﺮ ﺷﻲ ﺗﻌﺒﺖ ﻛﻌﺪﺕ ﻋﻠﻰ ﺍﻟﻤﺼﻄﺒﺎﺕ ﺣﺘﻪ ﺍﺭﺗﺎﺡ
ﺷﻔﺖ ﺷﺎﻳﺐ ﺷﺎﻳﻞ ﻋﻼﻛﻪ ﻣﺒﻴﻦ ﺑﻴﻪ ﻣﻼﺑﺲ ﻭﻳﺮﻛﻆ ﻭﺭﻩ ﺍﻟﺴﻴﺎﺭﻩ ﺍﻟﺘﻮﻛﻒ
ﺑﺲ ﺷﻨﻲ ﻣﺒﻴﻦ ﺗﻌﺒﺎﻥ ﻣﻦ ﻳﻮﺻﻞ ﻟﻠﺴﻴﺎﺭﻩ ﻭﺗﻘﺒﻂ ﻳﺒﻘﻪ ﻛﺎﻋﺪ ﺑﻠﻜﺎﻉ
ﺗﻤﺸﻴﺖ ﻋﻠﻴﻪ ﻛﺘﻠﻪ
ﺍﻟﺴﻼﻡ ﻋﻠﻴﻜﻢ ﻋﻤﻲ
ﺑﺎﻭﻋﻠﻲ ﻭﺧﻠﻪ ﺍﻳﺪﻩ ﻋﻠﻰ ﻋﻴﻮﻧﻪ ﻳﺮﻛﺰ ﻛﺎﻝ
ﻭﻋﻠﻴﻜﻢ ﺍﻟﺴﻼﻡ
ﻋﻤﻲ ﺧﻴﺮﻙ ﻣﻀﻴﻊ ﺍﺣﺪ ﺗﺮﻛﻆ ﻭﺭﻩ ﺍﻟﺴﻴﺎﺭﺍﺕ
ﺍﺑﺘﺴﻢ ﻭﻛﻠﻲ ﻻ ﻋﻤﻲ ﺍﻧﺎ ﻣﻮﺵ ﻣﻀﻴﻊ ﺑﺲ ﺍﻧﺎ ﺍﺭﻳﺪﻥ ﺍﻟﺘﺤﻖ ﻭﻳﺎ ﺍﻟﺸﺒﺎﺏ ﻟﻠﻤﻮﺻﻞ
ﺑﻘﻴﺖ ﺻﺎﻓﻦ ﻋﻠﻴﻪ ﺭﺟﺎﻝ ﺷﺎﻳﺐ ﺷﻌﺮﻩ ﺍﺑﻴﺾ ﺣﺘﻪ ﺭﻣﻮﺷﻪ ﺑﻴﺾ ﺟﺴﻤﻪ ﻣﺨﺸﺐ ﻣﻦ ﺍﻟﻀﻌﻒ
ﻛﺘﻠﻪ ﻋﻤﻲ ﺑﺲ ﺍﻧﺖ ﺗﻜﺪﺭ ﺗﺤﺎﺭﺏ ﺗﺮﻩ ﺫﻭﻟﻪ ﻣﺎﻳﺮﺣﻤﻮﻥ
ﺿﺤﻚ ﻭﻛﻠﻲ
ﻻ ﻳﻐﺮﻙ ﻋﻮﻳﺪﺍﺗﻲ ( ﻳﻘﺼﺪ ﻋﻠﻰ ﺟﺴﻤﻪ ﻣﺜﻞ ﺍﻟﻌﻮﺩﻩ، ) ﺗﺮﻩ ﺍﻧﺎ ﺑﻤﻴﺖ ﺯﻟﻤﻪ
ﻫﻬﻬﻬﻪ ﻭﺍﻟﻠﻪ ﻭﺍﻟﻨﻌﻢ ﻣﻨﻚ
ﺑﻮﻳﻪ ﺍﺣﻨﻪ ﻛﻈﻴﻨﺎﻩ ﺍﻟﻌﻤﺮ ﻛﻠﻪ ﻧﺮﻛﺾ ﻣﻦ ﺣﺮﺏ ﺍﻟﺤﺮﺏ ﻭﻣﻦ ﺿﻴﻢ ﺍﻟﻀﻴﻢ
ﻭﻛﻠﻪ ﻣﻮﺵ ﺑﺌﺮﺍﺩﺗﻨﻪ
ﻫﺎﻱ ﺍﻟﺤﺮﺏ ﺍﻟﻮﺣﻴﺪﻩ ﺍﻟﻲ ﺍﺣﻨﻪ ﺭﺍﻳﺪﻳﻨﻪ ﺧﻠﻨﻪ ﻳﻜﻮﻟﻮﻥ ﻭﺭﺍﻧﻪ ﺍﻟﻠﻪ ﻳﺮﺣﻤﻪ ﺭﺍﺡ ﺷﻬﻴﺪ
ﺣﻘﻚ ﻭﺍﻟﻠﻪ ﻋﻤﻲ ﺍﻛﻌﺪ ﻫﻨﺎ ﻭﺍﻧﺎ ﺍﻟﻴﻮﻡ ﻣﺎ ﺍﺭﻛﺐ ﺑﻠﺴﻴﺎﺭﻩ ﺍﻻ ﻣﺎ ﺍﺧﺬﻙ ﻭﻳﺎﻱ
ﺑﻌﺪ ﺳﺎﻋﻪ ﺍﺟﺖ ﺳﻴﺎﺭﺓ ﺟﻴﺶ ﺟﺒﻴﺮﻩ ﻭﻛﻔﺖ ﻏﺎﺩ ﻣﻨﻲ ﺭﻛﻈﺖ ﺻﻌﺪﺕ ﺑﻴﻪ
ﺷﺎﻓﻨﻲ ﺍﻟﺤﺠﻲ ﺍﺝ ﻳﺮﻛﻆ ﺍﻃﻴﺘﻪ ﺍﻳﺪﻱ ﻭﺻﻌﺪﺗﻪ ﻭﻳﺎﻱ
ﻛﻌﺪﻧﻪ ﺍﻧﺎ ﻭﻳﺎ ﺍﻧﺘﺮﺳﺖ ﺍﻟﺴﻴﺎﺭﻩ
ﺷﻮﻳﻪ ﺗﺤﺮﻛﺖ ﻭﺍﻟﺸﺒﺎﺏ ﻛﻠﻤﻦ ﻛﺎﻡ ﻳﻬﺰ ﻣﻦ ﻛﺘﺮ
ﺷﻠﻮﻥ ﺍﻟﺰﻓﻪ ﻣﻄﻠﻌﻴﻦ ﺃﺟﺴﺎﻣﻬﻢ ﻣﻦ ﺍﻟﺴﻴﺎﺭﻩ ﻭﻳﻬﺰﻭﻥ
ﺍﻟﻠﻪ ﻭﻛﻴﻠﻜﻢ ﺗﻮﻧﺴﻨﻪ ﻭﻳﺎﻫﻢ
......
ﻋﻠﻲ ﻋﻠﻲ
ﺑﺎﻭﻋﺖ ﺍﻟﻘﺎﺋﺪ ﺭﻳﺎﺽ
ﻛﻤﺖ ﻋﻠﻰ ﺣﻴﻠﻲ ﻧﻌﻢ ﺳﻴﺪﻱ
ﺷﻌﻨﺪﻙ ﻛﺎﻋﺪ ﻟﺴﻪ ﻻﺯﻡ ﺗﻨﺎﻡ ﺗﺮﺗﺎﺡ ﺑﺎﺟﺮ ﻭﺭﺍﻧﻪ ﻣﻜﺎﻥ ﻧﻄﻬﺮﻩ
ﻭﺍﻟﻠﻪ ﺳﻴﺪﻱ ﺑﺎﻟﻲ ﻳﻢ ﺍﺧﻮﻱ
ﻟﻴﺶ ﻫﻮ ﻭﻳﻦ ﺍﺧﻮﻙ
ﺃﻭﻭﻭﻑ ﺳﻴﺪﻱ ﺍﺧﻮﻱ ﺑﻘﺎﻋﺪﺓ ﺳﺒﺎﻳﻜﺮ
ﻻ ﺻﺪﻙ ﻭﺍﻟﻠﻪ
ﺃﻱ ﻭﺍﻟﻠﻪ
ﺯﻳﻦ ﻣﻌﺮﻓﺘﻮ ﺷﻲ ﻋﻨﻪ
ﻻ ﺍﺑﺪ ﺻﺎﺭﻟﻲ ﺗﻘﺮﻳﺐ ﺍﻟﺸﻬﺮ ﻫﻨﺎ ﻛﻞ ﻣﺎ ﻧﻮﺻﻞ ﺍﻟﻤﻜﺎﻥ ﺍﺳﺄﻝ
ﺷﻮﻑ ﻗﺒﻞ ﺃﺳﺒﻮﻉ ﺟﻨﺖ ﺑﻠﻘﺎﻋﺪﻩ ﻭﺳﻤﻌﺖ ﻛﺎﻟﻮﺍ ﻻﻛﻴﻦ ﻣﺠﻤﻮﻋﻪ ﻣﻦ ﺍﻟﺸﺒﺎﺏ ﺍﻟﻲ ﺟﺎﻧﻮﺍ ﺑﺴﺒﺎﻳﻜﺮ
ﺑﺲ ﻣﺠﻨﺖ ﻣﺮﻛﺰ ﻭﻳﺎﻫﻢ ﺑﺎﺟﺮ ﺍﺳﺄﻝ ﻭﺍﺭﺩﻟﻚ ﺧﺒﺮ ﺑﻠﻜﺖ ﻭﻧﻠﻜﻰ ﺍﺧﻮﻙ ﻭﻳﺎﻫﻢ
ﻳﺎﺭﺏ ﺳﻴﺪﻱ ﺍﻧﺎ ﺣﺎﻟﻒ ﻣﺎﺭﺩ ﻟﻬﻠﻲ ﺍﺫﺍ ﻣﺎ ﺍﺭﺩ ﺍﺧﻮﻱ ﻭﻳﺎﻱ ﻋﺪﻝ ﻣﻴﺖ
ﻻ ﺍﻥ ﺷﺎﺀ ﺍﻟﻠﻪ ﺗﺮﺟﻌﻮﻥ ﺳﻮﻳﻪ ﺍﻧﺘﻮﺍ ﺍﺑﻄﺎﻝ
ﻭﻫﺴﻪ ﻛﻮﻡ ﻧﺎﻡ ﺑﺎﺟﺮ ﻭﺭﺍﻧﻪ ﺗﻌﺐ
ﺣﺎﺿﺮ ﺳﻴﺪﻱ
ﺑﻌﺪ ﻣﺎ ﺭﺍﺡ ﺍﻟﻘﺎﺋﺪ ﺣﺴﻴﺖ ﺑﻸﻣﻞ ﺗﺴﺮﺏ ﺍﻟﻴﻪ ﻛﻠﺖ ﻳﺎﺭﺏ ﻭﺗﻐﻄﻴﺖ ﻭﻧﻤﺖ
ﺛﺎﻧﻲ ﻳﻮﻡ ﻛﻌﺪﻧﻪ ﻣﻦ ﺍﻟﺨﻤﺴﻪ ﺻﻠﻴﻨﻪ ﻭﺗﺤﻈﺮﻧﻪ ﻟﻠﻤﺴﻴﺮ
ﺭﻛﺒﻨﻪ ﺑﻠﺴﻴﺎﺭﺕ ﺭﺗﻞ ﻛﺎﻣﻞ
ﺍﻛﺜﺮ ﻣﻦ ﻧﺺ ﺳﺎﻋﻪ ﻭﻛﻔﺖ ﺍﻟﺴﻴﺎﺭﺍﺕ
ﺗﻐﻴﺮ ﺍﺗﺠﺎﻩ ﺍﻟﺮﺗﻞ
ﻋﺮﻓﻨﻪ ﺍﻥ ﺍﻛﻮ ﺟﻨﻮﺩ ﻣﺤﺎﺻﺮﻩ ﻭﺻﻠﻨﻪ ﻣﻨﻄﻘﻪ ﻗﺮﻳﺒﻪ ﻋﻠﻰ ﺍﻟﺮﻣﺎﺩﻱ
ﻧﺰﻝ ﺍﻟﻘﺎﺋﺪ ﻭﻳﺎ ﺍﻟﻀﺒﺎﻁ
ﺻﺎﺡ ﺗﺠﻤﻊ
ﺗﻘﺮﺑﻨﻪ ﻋﻠﻴﻪ ﻛﺎﻝ ﺍﻭﻻﺩﻱ ﺍﺧﻮﺍﻧﻜﻢ ﻋﺸﺮﻳﻦ ﻭﺍﺣﺪ ﻣﺤﺠﻮﺯﻳﻦ ﺑﻬﺎﻱ ﺍﻟﻤﻨﻄﻘﻪ ﻭﺍﻷﺳﻨﺎﺩ ﺑﻌﻴﺪ ﻋﻨﻬﻢ ﻭﻻﻥ ﺍﺣﻨﻪ ﻗﺮﻳﺒﻴﻦ ﻋﻠﻴﻬﻢ ﺭﺍﺡ ﻧﺘﻮﺟﻪ ﺣﺘﻪ ﻧﻄﻠﻌﻬﻢ
ﻫﺴﻪ ﺍﺭﻳﺪﻛﻢ ﺗﺸﺪﻭﻥ ﺣﻴﻠﻜﻢ ﻭﺗﺬﻛﺮﻭﺍ
ﺍﻟﻴﻮﻡ ﻫﻤﻪ ﻣﺤﺘﺎﺟﻴﻜﻢ ﻳﻤﻜﻦ ﺑﺎﺟﺮ ﺍﻧﺘﻮ ﻣﺤﺘﺎﺟﻴﻬﻢ
ﻛﻠﻤﻦ ﺷﺎﻝ ﺳﻼﺣﻪ ﻭﺻﺎﺡ
ﺍﺣﻨﻪ ﺍﻟﻪ
ﺳﻮﻩ ﺧﻄﻪ ﺍﻟﻘﺎﺋﺪ ﺑﻌﺪ ﻣﺎ ﺩﺭﺳﻮﺍ ﺍﻟﻤﻨﻄﻘﻪ ﻭﻋﺮﻓﻮﺍ ﺷﻠﻮﻥ ﻧﺪﺧﻠﻠﻬﻢ ﻋﺮﻓﻨﻪ ﺻﺎﺭﻟﻬﻢ 40 ﺳﺎﻋﻪ ﻫﻤﻪ ﻋﻠﻰ ﻓﺪ ﻣﻌﺮﻛﻪ ﻳﻌﻨﻲ ﺣﻴﻞ ﺗﻌﺒﺎﻧﻴﻦ ﻭﺃﻛﻴﺪ ﻋﺘﺎﺩﻫﻤﻮﺍﻛﻠﻬﻢ ﺧﻠﺼﺎﻥ
ﻏﻴﺮ ﻧﻔﺴﻴﺘﻬﻢ ﺍﻟﺘﻌﺒﺖ
ﺗﻘﺮﻳﺒﺎ ﺑﺪﺕ ﺍﻟﻤﻨﺎﻭﺷﺎﺕ ﺍﻟﺴﺎﻋﻪ ﻋﺸﺮﻩ ﺍﻟﺼﺒﺢ
ﺑﺪﻳﻨﻪ ﺑﻠﻬﺎﻭﻧﺎﺕ ﻭﺍﻟﺪﺑﺎﺑﺎﺕ ﻭﻫﻤﻪ ﻛﺎﻣﻮ ﻳﺮﺟﻌﻮﻥ ﺍﻟﻨﻪ ﺍﻟﻀﺮﺑﻪ ﺑﻌﺸﺮﻩ
ﺗﻘﺮﻳﺐ ﺍﻟﺴﺎﻋﺘﻴﻦ ﺑﻌﺪﻩ ﻛﺪﺭﻧﻪ ﻧﻔﺘﺢ ﻃﺮﻳﻖ ﻟﺠﻨﻮﺩﻧﻪ
ﻛﺎﻝ ﺍﻟﻤﻼﺯﻡ ﻧﺰﺍﺭ
ﺷﺒﺎﺏ ﻫﺬﺍ ﺍﻟﻄﺮﻳﻖ ﻓﺘﺤﻨﺎ ﺍﺭﻳﺪ ﻣﺘﻄﻮﻋﻴﻦ ﻳﺪﺧﻠﻮﻥ ﻳﺴﺎﻋﺪﻭﻧﻬﻢ ﻷﻥ ﻣﺎﻋﺪﻫﻢ ﻃﺎﻗﻪ
ﻃﻠﻌﺖ ﺍﻟﺸﺒﺎﺏ ﻛﻠﻤﻦ ﻳﻜﻮﻝ ﺍﻧﺎ
ﻭﺍﻧﺎ ﻣﻦ ﺿﻤﻨﻬﻢ
ﺍﺧﺘﺎﺭﻭ ﺑﻴﻨﺎﺗﻨﻪ ﺍﻷﻗﻮﻯ
ﺩﺧﻠﺖ ﺍﻧﺎ ﻭﻳﺎﻱ ﺗﺴﻌﻪ ﺭﺑﻌﻨﻪ ﻳﺤﻤﻮﻧﻪ ﺟﺎﻥ ﺍﻟﻤﻜﺎﻥ ﻣﻮﺣﺶ ﻣﻨﻄﻘﻪ ﺭﻳﻔﻴﻪ ﺑﺲ ﻣﺎﺑﻴﻪ ﺭﻭﺡ
ﺟﺜﺚ ﺍﻟﺪﻭﺍﻋﺶ ﺑﻜﻞ ﻣﻜﺎﻥ
ﺭﻳﺤﺔ ﺍﻟﻤﻮﺕ ﻭﺭﻳﺤﺔ ﺟﻴﻔﺘﻬﻢ ﺗﺨﻨﻚ
ﻭﺻﻠﻨﻪ ﻗﺮﻳﺐ ﻋﻠﻰ ﺍﻟﺒﻴﺖ ﺍﻟﻲ ﺑﻴﻪ ﺭﺑﻌﻨﻪ ﺻﺎﺭ ﺍﻟﺮﻣﻲ ﻋﻠﻴﻨﻪ ﻗﻨﺎﺹ ﻣﺎﻧﻌﺮﻑ ﻣﻨﻴﻦ ﺗﺠﻴﻨﻪ ﺍﻟﻄﻠﻘﻪ
ﺗﺮﺍﻛﻈﻨﻪ ﻛﻌﺪﻧﻪ ﺗﺤﺖ ﺗﻠﻪ
ﺑﺪﻳﻨﻪ ﻧﺘﻨﺎﻭﺵ ﻭﻳﺎﻫﻢ ﻛﺎﻝ ﺍﻟﻌﺮﻳﻒ
...
ﺍﺳﻤﻌﻮﻧﻲ ﺍﺧﻮﺗﻲ ﺍﺣﻨﻪ ﺍﺫﺍ ﺑﻘﻴﻨﻪ ﻛﻠﻨﻪ ﻫﻨﺎ ﺭﺍﺡ ﻧﻤﻮﺕ ﻛﻠﻨﻪ
ﻛﺘﻠﻪ ﻭﺍﻟﺤﻞ
ﻛﺎﻝ ﺍﻟﺤﻞ ﻧﻨﻘﺴﻢ ﻗﺴﻤﻴﻦ ﻗﺴﻢ ﺗﺒﻘﻪ ﻫﻨﺎ ﺗﻠﻬﻲ ﺍﻟﻘﻨﺎﺹ ﻭﻗﺴﻢ ﻳﺪﺧﻠﻮﻥ ﻟﻠﻮﻟﺪ
ﺍﻣﺮﻙ ﺳﻴﺪﻱ ﻳﻠﻠﻪ ﻳﻮﻟﺪ ﺻﺤﺖ ﺑﻴﻬﻢ
ﺭ
ﺩﺧﻠﻨﻪ ﺃﻧﻲ ﻭﻟﺪ ﺍﺳﻤﻪ ﻋﺰﻳﺰ ﻭﺍﺣﺪ ﻛﺮﺩﻱ ﺍﺳﻤﻪ ﺍﺯﺍﺩ
ﻭﺍﻟﺒﺎﻗﻴﻦ ﺑﻘﻮﺍ ﻳﺘﻀﺎﺭﺑﻮﻥ ﻭﻳﻪ ﺍﻟﺪﻭﺍﻋﺶ
ﻣﻦ ﺍﻟﺒﺎﺏ ﺻﺤﻨﻪ
ﻫﺎ ﺧﻮﺗﻲ ﺍﺣﻨﻪ ﻓﺮﻗﺖ ﺍﻷﺳﻨﺎﺩ
ﻓﺘﺤﻮ ﺍﻟﺒﺎﺏ ﺩﺧﻠﻨﻪ ﻟﻠﺒﻴﺖ
ﺗﻠﻜﻮﻧﻪ ﻣﺜﻞ ﺃﻡ ﺗﺘﻠﻜﻪ ﺍﺑﻨﻬﻪ ﻳﺤﻈﻨﻮﻥ ﻭﻳﺒﻮﺳﻮﻥ ﺑﻴﻨﻪ
ﻭﻻ ﺟﻨﻪ ﺍﻭﻝ ﺷﻮﻓﺘﻨﻪ ﺍﻟﻬﻢ
ﺍﻧﺘﻮ ﺷﻜﺪ
ﻋﺸﺮﻳﻦ ﻭﺍﺣﺪ ﺧﻤﺴﻪ ﺍﺳﺘﺸﻬﺪﻭﺍ ﻭﺛﻨﻴﻦ ﺟﺮﺣﻰ
ﺑﺎﻭﻋﺖ ﺍﻟﺠﺮﺣﻰ ﻣﻀﻤﺪﻳﻦ
ﺍﻟﺸﻬﺪﺍﺀ ﺑﻐﻴﺮ ﻏﺮﻓﻪ ﻣﺨﻠﻴﻨﻬﻢ
ﺗﻌﺮﻓﻮﻥ ﺍﺻﻌﺐ ﺷﻌﻮﺭ ﻟﻤﻦ ﺗﻜﻮﻥ ﻣﺘﺎﻧﻲ ﺍﻟﻤﻮﺕ
ﻛﺎﻋﺪ ﺑﻨﺺ ﺍﻟﺸﻬﺪﺍﺀ ﻭﻣﺎﺗﻌﺮﻑ ﻳﺎﺩﻗﻴﻘﻪ ﺗﻤﻮﺕ
ﻛﺘﻠﻬﻢ ﻳﻠﻠﻪ ﺧﻮﺗﻲ ﺗﻌﺎﻭﻧﻮ ﻋﻠﻰ ﺍﺧﻮﺗﻜﻢ ﺍﻟﺠﺮﺣﻰ ﻭﻟﺸﻬﺪﺍﺀ ﻭﺧﻠﻮﻧﻪ ﻧﻄﻠﻊ ﻣﻨﺎ
ﻛﻞ ﺛﻨﻴﻦ ﺷﺎﻟﻮ ﻭﺍﺣﺪ
ﻃﻠﻌﻨﻪ ﻛﺒﻠﻬﻢ ﺍﺷﺮﺕ ﻟﻠﻌﺮﻳﻒ ﻛﺎﻝ ﺍﻃﻠﻌﻮﺍ
ﻃﻠﻌﺘﻬﻢ ﻭﺍﺣﺪ ﻭﺍﺣﺪ ﻟﺤﺪ ﻣﺎ ﻛﻤﻠﻮﺍ
ﻃﻠﻌﺖ ﻭﺭﺍﻫﻢ
ﻭﺭﺑﻌﻨﻪ ﻣﻨﺎﻙ ﻳﺮﻣﻮﻥ
ﻟﺤﺪ ﻣﺎ ﻭﺻﻠﻨﻪ ﻟﻠﺨﻠﻔﻴﺎﺕ
ﺗﻠﻜﻮﻧﻪ ﺍﻟﻮﻟﺪ ﺧﺬﻭ ﺍﺍﻟﺠﺮﺣﻰ ﻣﻦ ﻋﺪﻧﻪ ﻭﺍﻟﺸﻬﺪﺍﺀ ﺧﻠﻮﻫﻢ ﺑﺴﻴﺎﺭﻩ ﻭﻧﻘﻠﻮﻫﻢ
ﻛﻌﺪﻧﻪ ﺟﻮﻩ ﺳﻴﺎﺭﺍﺗﻨﻪ
ﺍﺑﺎﻭﻉ ﻟﻠﻮﻟﺪ ﺍﻟﻄﻠﻌﻨﻬﺎﻡ ﻭﺟﻬﻬﻢ ﺭﺩ ﺑﻲ ﺍﻟﺪﻡ
ﻭﻋﻴﻮﻧﻬﻢ ﺑﺪﺕ ﺗﻈﺤﻚ
ﺃﻛﻠﻮﺍ ﻭﺷﺮﺑﻮﺍ ﻭ ﺑﺪﻭ ﻳﺴﻮﻟﻔﻮﻥ ﺷﻠﻮﻥ ﺩﺧﻠﻮﺍ ﻟﻠﻤﻨﻄﻘﻪ
ﻭﺷﻠﻮﻥ ﺣﺎﺻﺮﻭﻫﻢ ﻭﺷﻠﻮﻥ ﺑﻘﻮﺍ ﺻﺎﻣﺪﻳﻦ ﻷﺧﺮ ﺩﻗﻴﻘﻪ
ﺍﺑﺘﺴﻤﺖ ﺷﺎﻓﻨﻲ ﺃﺯﺍﺩ ﺍﺝ ﻳﻤﻲ ﻛﻌﺪ ﻛﺎﻝ
ﻫﺎ ﻛﺎﻛﺎ ﺷﻌﻨﺪﺝ ﺗﻈﺤﻜﻴﻦ
ﺍﺑﺘﺴﻤﺖ ﺍﻛﺜﺮ ﻋﻠﻰ ﺣﺠﺎﻳﺘﻪ ﺍﻧﺘﺠﻴﺖ ﻋﻠﻰ ﺍﻟﺴﻴﺎﺭﻩ ﻭﺭﻓﻌﺖ ﺗﻚ ﺭﺟﻞ ﻭﺳﻼﺣﻲ ﺑﺼﻔﻲ ﻛﺘﻠﻪ
ﻫﻬﻪ ﺍﺗﺬﻛﺮﺕ ﺣﺠﺎﻳﺖ ﺍﻣﻲ
ﺃﻱ ﻭ ﺷﻨﻮ ﺗﻜﻮﻝ ﺍﻣﻚ
ﺍﻣﻲ ﺣﺒﻮﺑﻪ ﻣﺎﻝ ﻧﺴﻮﺍﻥ
ﺍﺯﺍﺩ ﺟﺎﻥ ﺩﺍﻳﺮ ﻭﺟﻬﻪ ﻋﻨﻲ ﻣﻦ ﻛﻠﺖ ﺣﺒﻮﺑﻪ ﻣﺎﻝ ﻧﺴﻮﺍﻥ
ﺍﻧﺪﺍﺭ ﻋﻠﻴﻪ ﻭﺭﺑﻊ ﺭﺟﻠﻴﻪ ﻭﻛﻠﻲ
ﺷﻨﻮ ﺣﺒﻮﺑﻪ ﻣﺎﻝ ﻧﺴﻮﺍﻥ
ﻫﻬﻬﻪ ﻳﻌﻨﻲ ﺟﺪﻩ
ﻭ ﺷﻨﻮ ﺟﺪﻩ
ﻳﺒﻮﻭﻭﻭ ﻳﻌﻨﻲ ﺗﻮﻟﺪ ﺍﻟﻨﺴﻮﺍﻥ ﺍﻟﺤﺒﻞ
ﺃﻫﺎ ﺣﺒﻞ ﻳﻌﻨﻲ ﺷﻨﻮ
ﺍﺯﺍﺩ ﺗﺮﻭﺡ ﻣﻦ ﻳﻤﻲ ﻻ ﺍﻃﻴﻚ ﺩﻓﺮﻩ ﺍﺭﺟﻌﻚ ﻟﻬﻠﻚ
ﺷﺒﻴﺞ ﻛﺎﻛﺎ ﻋﻠﻲ ﻟﻴﺶ ﺍﻧﺰﻋﺠﺖ ﻏﻴﺮ ﺍﻓﻬﻢ ﺷﻨﻮ ﺗﺤﺠﻲ
ﻫﻬﻬﻪ ﻫﻢ ﺻﺢ ﺷﻮﻑ ﺧﻠﻲ ﺍﻓﻬﻤﻚ
ﻣﻦ ﺍﻟﻤﺮﻩ ﺗﺤﻤﻞ ﺗﺼﻴﺮ ﺣﺎﻣﻞ ﻭﺗﺮﻳﺪ ﺗﺠﻴﺐ ﻳﺠﻴﺒﻮﻧﻪ ﻳﻢ ﺍﻣﻲ ﻫﻴﻪ ﺗﻮﻟﺪﻫﻪ
ﻫﺎ ﻛﺎﻛﺎ ﻓﻬﻤﺖ ﻋﻠﻴﺞ ﻳﻌﻨﻲ ﺍﻣﻚ ﺍﻧﺖ ﺳﺴﺘﺮ
....
ﺃﻫﺎ ﺭﺣﻤﻠﻪ ﻋﻠﻰ ﻭﺍﻟﺪﻳﻚ
ﺃﻱ ﻛﻤﻞ ﻛﺎﻛﺎ ﻧﺘﺮ ﺍﺯﺍﺩ
ﺃﻱ ﻓﻤﻦ ﺟﺎﻧﺖ ﺗﺠﻲ ﻳﻤﻬﻪ ﺍﻟﻤﺮﻩ ﺍﻟﺤﺎﻣﻞ ﺟﻨﺖ ﺍﺗﺨﺒﻞ ﺃﻧﻲ ﻣﻦ ﺍﺷﻮﻓﻪ ﺗﺘﻮﺟﻊ ﻭﺗﺼﻴﺢ
ﺑﻌﺪﻳﻦ ﻭﺭﻩ ﺍﻟﻮﻻﺩﻩ ﺗﻜﻌﺪ ﻛﻠﺸﻲ ﻣﺎﺑﻴﻪ ﺗﺴﻮﻟﻒ ﻭﺗﻈﺤﻚ
ﻣﺮﻩ ﺳﺄﻟﺖ ﺍﻣﻲ ﻛﺘﻠﻬﻪ
ﻳﻤﻪ ﺍﺫﺍ ﺍﻟﻮﻻﺩﻩ ﻫﻠﻜﺪ ﺗﻮﺟﻊ ﻟﻴﺶ ﺍﻟﻨﺴﻮﺍﻥ ﺗﺤﺒﻞ
ﻇﺤﻜﺖ ﻭﻛﺎﻟﺖ
ﻫﻬﻬﻬﻪ ﻳﻤﻪ ﻫﺬﺍ ﻳﺴﻤﻮﻧﻪ ﺍﻟﻮﺟﻊ ﺍﻟﻤﻨﺴﻲ ﻳﻌﻨﻲ ﻣﻦ ﺗﻮﻟﺪ ﻭﺗﻜﻮﻡ ﺑﻠﺴﻼﻣﻪ ﺗﻨﺴﻰ ﻭﻻ ﺗﺬﻛﺮﻩ ﻟﺤﺪ ﻣﺎ ﺗﺤﺒﻞ ﻣﺮﻩ ﺛﺎﻧﻴﻪ
ﺍﺯﺍﺩ ...... ﻫﻬﻬﻬﻬﻬﻬﻬﻬﻪ
ﺑﺎﻭﻋﺘﻠﻪ ﻭﺍﻧﻲ ﻣﺘﺄﻛﺪ ﻣﻔﺎﻫﻢ ﺷﻲ ﻛﺘﻠﻪ
ﺍﺯﺍﺩ ﻓﻬﻤﺖ ﺷﻲ ﻣﻦ ﺍﻟﻲ ﻛﻠﺘﻪ
ﻫﻬﻬﻪ ﻻ ﻭﺍﻟﻠﻪ ﻛﺎﻛﺎ ﻛﻠﺸﻲ ﻣﺎ ﻓﻬﻤﺖ ﻣﻦ ﺣﺠﻴﺞ
ﻫﻬﻬﻬﻪ ﻋﺮﻓﺘﻚ ﻭﺍﻟﻠﻪ
ﻳﻌﻨﻲ ﺷﻮﻑ ﻫﻠﺸﺒﺎﺏ ﺻﺎﺭﻟﻬﻢ ﻳﻤﻜﻦ ﻳﻮﻣﻴﻦ ﻻ ﺍﻛﻞ ﻻ ﺷﺮﺏ ﻏﻴﺮ ﺍﻟﺨﻮﻑ ﻣﻦ ﺍﻟﺪﻭﺍﻋﺶ
ﻭﺑﺲ ﻃﻠﻌﻮﺍ ﻣﻦ ﺍﻟﺤﺼﺎﺭ ﺭﺟﻌﻮ ﻃﺒﻴﻌﻲ ﻭﺑﺎﺟﺮ ﻳﺮﺟﻌﻮﻥ ﻳﻘﺎﺗﻠﻮﻥ
ﻳﻌﻨﻲ ﻫﻢ ﻳﻨﺴﻮﻭﻥ ﺍﻟﻲ ﺻﺎﺭ ﻫﻨﺎ
ﺃﻱ ﻭﻫﺬﺍ ﻳﺴﻤﻮﻧﻪ ﺍﻟﻮﺟﻊ ﺍﻟﻤﻨﺴﻲ
ﺑﻠﻈﺒﻂ ﻫﻬﻬﻬﻬﻪ ﻓﺎﺟﺌﺘﻨﻲ ﻛﺎﻛﺎ ﺍﺯﺍﺩ
ﺍﻣﺮ ﺍﻟﻘﺎﺋﺪ ﺑﺌﻨﺴﺤﺎﺑﻨﻪ ﻛﺘﻠﻪ
ﺳﻴﺪﻱ ﻟﻴﺶ ﻣﺎ ﻧﻬﺠﻢ ﻋﻠﻴﻬﻢ ﻭﻧﺤﺮﺭ ﺍﻟﻤﻨﻄﻘﻪ ﻫﺎﻱ
ﻻ ﻋﻠﻲ ﻻ ﻫﺎﻱ ﺍﻟﻤﻨﻄﻘﻪ ﺑﻌﺪ ﻭﻛﺘﻬﻪ ﻻﺯﻡ ﻧﺮﺟﻊ ﻟﻠﺨﻠﻒ ﻧﺤﺮﺭ ﺍﻟﻤﻨﺎﻃﻖ ﺍﻟﻲ ﻗﺒﻠﻬﻪ ﻻﺯﻡ ﻧﺪﺧﻞ ﺑﻠﺴﺮﻩ
ﺍﺣﻨﻪ ﻟﻮ ﻣﺎ ﺯﻟﻤﻨﻪ ﻣﺤﺎﺻﺮﻳﻦ ﻣﻨﻄﺐ ﻫﺎﻱ ﺍﻟﻄﺒﻪ
ﺑﺲ ﻟﺘﺨﺎﻑ ﻧﺮﺟﻊ ﺍﻟﻪ ﻭﻋﻴﻮﻧﻚ
ﺗﻢ ﺍﻧﺴﺤﺎﺑﻨﻪ ﻣﻦ ﺍﻟﻤﻨﻄﻘﻪ ﺭﺟﻌﻨﻪ ﺍﻟﻤﻘﺮﻧﻪ ﻟﺤﺪ ﻣﺎ ﺗﺠﻴﻨﻪ ﺃﻭﺍﻣﺮ ﺛﺎﻧﻴﻪ
ﺑﻠﻴﻞ ﺟﻨﻪ ﻛﺎﻋﺪﻳﻦ ﻧﺘﻌﺸﻪ ﺍﻧﺎ ﻭﻳﺎﻱ ﺍﺯﺍﺩ ﻭﻣﺤﻤﺪ ﻭﺍﺣﻤﺪ
ﻛﻤﻠﻨﻪ ﻋﺸﻪ ﺳﻮﻳﺖ ﺟﺎﻱ ﺍﺝ ﺍﻟﻀﺎﺑﻂ ﺑﻼﻝ
ﺍﻟﺴﻼﻡ ﻋﻠﻴﻜﻢ
ﻭﻋﻠﻴﻜﻢ ﺍﻟﺴﻼﻡ ﺳﻴﺪﻱ
ﺍﺳﺘﺮﻳﺤﻮﺍ ﺍﺷﺘﻤﻴﺖ ﺭﻳﺤﺔ ﺍﻟﺠﺎﻱ ﻭﺍﺟﻴﺖ ﻫﻬﻪ
ﻫﻬﻪ ﻣﻮﺗﺪﻟﻞ ﺳﻴﺪﻱ ﻫﺴﻪ ﺍﺻﺒﻠﻚ ﺍﺣﺴﻦ ﺟﺎﻱ ﻛﻤﺖ ﻏﺴﻠﺖ ﺍﻟﻜﻼﺹ ﻭﺻﺒﻴﺘﻠﻪ ﺟﺎﻱ
ﻧﺸﺮﺏ ﻭﻧﺴﻮﻟﻒ ﺟﺎﻥ ﺗﻄﺒﻚ ﺳﻴﺎﺭﻩ ﺑﺎﺏ ﺍﻟﻤﻘﺮ
ﺑﺎﻭﻉ ﺿﺎﺑﻂ ﺑﻼﻝ ﻛﺎﻝ ﺍﻧﺎ ﺍﺧﻮﻙ
ﺑﺎﻭﻋﻨﻪ ﻧﺰﻟﻮ ﺩﻭﺍﻋﺶ ﺛﻨﻴﻦ ﻭﻳﺎﻫﻢ ﺿﺎﺑﻂ
ﻛﻤﻨﻪ ﻋﻠﻰ ﺣﻴﻠﻨﻪ ﻣﺴﺘﻐﺮﺑﻴﻦ
ﺩﺧﻠﻮ ﻋﻠﻰ ﺍﻟﻘﺎﺋﺪ
ﺿﻞ ﻭﺍﺣﺪ ﻳﺒﺎﻭﻉ ﻋﻠﻰ ﻭﺍﺣﺪ
ﻛﺎﻝ ﺿﺎﺑﻂ ﺑﻼﻝ
ﻟﺘﺨﺎﻓﻮﻥ ﺫﻭﻟﻪ ﺍﺳﺘﺨﺒﺎﺭﺍﺕ ﻣﺘﺨﻔﻴﻦ
ﻻ ﺑﺮﺑﻚ ﻳﻌﻨﻲ ﻣﻮ ﺩﺍﻋﺶ
ﻻ ﻻ ﺍﺣﻨﻪ ﻋﺪﻧﻪ ﻫﻮﺍﻱ ﻧﺎﺱ ﻋﺎﻳﺸﻴﻦ ﻭﻳﻪ ﺩﺍﻋﺶ ﻳﻨﻘﻠﻮﻟﻨﻪ ﺍﻷﺧﺒﺎﺭ
ﻭﻫﺴﻪ ﺑﻌﺪ ﻫﺬﺍ ﺍﻻﺟﺘﻤﺎﻉ ﺭﺍﺡ ﻧﻌﺮﻑ ﻭﻳﻦ ﻧﺘﻮﺟﻪ
ﻫﺎ ﻛﺎﻛﺎ ﺑﻼﻝ ﻳﻌﻨﻲ ﺫﻭﻟﻪ ﻣﻮ ﺩﻭﺍﻋﺶ
ﻃﺒﻌﺎ ﻭﺍﺣﺪ ﺑﻘﻪ ﻳﺒﺎﻭﻉ ﻟﻠﺜﺎﻧﻲ ﺁﺧﺮ ﺷﻲ ﻣﺘﺤﻤﻠﻨﻪ ﻃﻜﻴﻨﺎﻫﻪ ﻇﺤﻜﻪ ﻫﻬﻬﻬﻬﻪ
ﻭﻟﻚ ﺟﺎ ﺍﺣﻨﻪ ﺷﻨﺤﺠﻲ ﺻﺎﺭﻟﻨﻪ ﺳﺎﻋﻪ ﻛﺎﻝ ﺍﻟﻀﺎﺑﻂ ﺑﻼﻝ
....
ﺛﺎﻧﻲ ﻳﻮﻡ ﺍﻟﺴﺎﻋﻪ ﺑﻸﺭﺑﻌﻪ ﺍﻟﺼﺒﺢ ﻛﻌﺪﻧﻪ ﻋﻠﻰ ﺻﻮﺕ ﺍﻟﻌﺮﻳﻒ ﻳﺼﻴﺢ
ﺍﻧﺘﺒﺎﻩ ﺍﻧﺘﺒﺎﻩ
ﺭﻛﻈﻨﻪ ﻟﻜﻴﻨﻪ ﺍﻟﻘﺎﺋﺪ ﻭﺍﻛﻒ ﻣﻦ ﺍﻧﺠﻤﻌﻨﻪ ﻛﺎﻝ
ﻳﻠﻠﻪ ﺷﺠﻌﺎﻥ
ﺍﻟﻌﺮﺍﻕ ﻫﺴﻪ ﻣﺤﺘﺎﺟﻜﻢ ﺍﺟﺘﻨﻪ ﺃﻭﺍﻣﺮ ﻧﻄﻠﻊ ﻫﺴﻪ ﻧﺮﻭﺡ ﺍﻟﻤﻨﻄﻘﺔ ﺍﻝ ...... ﻧﺤﺮﺭﻩ
ﺍﻋﺘﻘﺪ ﺍﺧﺬﺗﻮ ﻛﻔﺎﻳﺘﻜﻢ ﻣﻦ ﺍﻟﻨﻮﻡ ﻭﺍﻟﺮﺍﺣﺔ
ﻫﺴﻪ ﺍﻟﻜﻞ ﻳﺒﺪﻝ ﻭﻳﺘﺮﻳﻚ ﺣﺘﻪ ﻧﺘﺤﺮﻙ
ﺣﺎﻇﺮ ﺳﻴﺪﻱ
ﻛﻤﻠﻨﻪ ﻟﻤﻠﻤﻨﻪ ﻏﺮﺍﻇﻨﻪ ﻭﺗﺮﻳﻜﻨﻪ ﻭﺻﻌﺪﻧﻪ ﺑﻠﺴﻴﺎﺭﺍﺕ
ﺑﻠﻄﺮﻳﻖ ﻛﺎﻝ ﺍﺯﺍﺩ
ﻛﺎﻛﺎ ﻋﻠﻲ ﺍﻧﺘﻲ ﻟﻴﺶ ﻣﺘﻨﺰﻟﻴﻦ ﻷﻫﻠﺞ ﺍﺻﺪﻗﺎﺋﺞ ﻛﻠﻬﻢ ﻧﺰﻟﻮ ﺑﺲ ﺍﻧﺘﻲ
ﺃﻩ ﺃﻩ ﻛﺎﻛﺎ ﺃﺯﺍﺩ ﻣﺎﻋﺮﻑ ﺷﻨﻮ ﺍﻛﻠﻚ
ﻛﻮﻟﻲ ﺍﻟﺼﺪﻕ ﻛﺎﻛﺎ ﻋﻠﻲ
ﻫﻬﻬﻬﻪ ﺍﻟﺼﺪﻕ ﻣﺎ ﺍﻛﺪﺭ ﺍﺭﺟﻊ ﻟﻠﺒﻴﺖ ﺍﺫﺍ ﻣﺎ ﺭﺟﻌﺖ ﺍﺧﻮﻱ ﻭﻳﺎﻱ
ﺍﺧﻮﺝ ﺍﻧﺘﻲ ﻫﻨﺎ
ﺃﻱ ﺍﺧﻮﻱ ﺳﻮﻟﻔﺖ ﺍﻟﻜﺎﻛﺎ ﺃﺯﺍﺩ ﻛﻠﺸﻲ
ﺍﻟﻠﻪ ﻳﺴﺎﻋﺪ ﻛﻠﺒﺞ ﻛﺎﻛﺎ ﻋﻠﻲ ﻭﺗﻠﻜﻴﻦ ﺍﺧﻮﺝ
ﺍﻣﻴﻦ ﺭﺏ ﺍﻟﻌﺎﻟﻤﻴﻦ
ﻭﺻﻠﻨﻪ ﻟﻠﻤﻨﻄﻘﻪ ﺍﻟﻤﻨﺸﻮﺩﻩ
ﺟﺎﻧﺖ ﻛﻠﺶ ﺻﻌﺒﻪ ﺍﻟﺪﻭﺍﻋﺶ ﻣﻌﺸﻌﺸﻴﻦ ﺑﻴﻬﻪ
ﺗﻘﺮﻳﺒﺎ ﻣﻨﻄﻘﻪ ﻣﻐﻠﻘﻪ ﻣﺎﻟﻴﻪ ﻣﻨﻔﺬ ﻏﻴﺮ ﻭﺍﺣﺪ ﻭﺑﻴﺪ ﺍﻟﺪﻭﺍﻋﺶ
ﻻﺯﻡ ﻧﺒﻴﺪ ﺍﻟﺪﻭﺍﻋﺶ ﺣﺘﻪ ﻧﺪﺧﻞ ﻋﻠﻰ ﺍﻟﻘﺮﻳﻪ
ﻓﻌﻼ ﺑﺪﻳﻨﻪ ﻧﺮﻣﻲ ﻋﻠﻴﻬﻢ
ﺍﺟﺘﻨﻪ ﺍﻟﺘﻌﺰﻳﺰﺍﺕ ﺟﻴﺶ ﻭﻋﺘﺎﺩ ﻭﺳﻼﺡ
ﺍﺝ ﻭﻟﺪ ﻣﺼﻼﻭﻱ ﺍﺳﻤﻪ ﻋﻤﺮ
ﺻﺎﺭﺕ ﻭﻛﻔﺘﻪ ﻳﻤﻲ ﻫﻮ ﻋﻨﺪﻩ ﻫﺎﻭﻥ
ﺍﺳﻤﻌﻪ ﻛﻞ ﻣﻴﺮﻣﻲ ﻳﺼﻴﺢ
ﻫﺎﻱ ﻫﺪﻳﺘﺞ ﻓﺮﻗﺪ
ﺭﻣﻪ ﻣﺮﻩ ﺛﺎﻧﻴﻪ ﻛﺎﻝ ﻫﺎﻱ ﻟﻌﻴﻮﻧﺞ ﻓﺮﻗﺪ
ﺍﺧﺬﻧﻲ ﺍﻟﻔﻀﻮﻝ ﺍﻋﺮﻑ ﻣﻨﻮ ﻓﺮﻗﺪ ﺍﻟﻲ ﺧﺎﺑﺼﻨﻪ ﺑﻴﻪ
ﻃﺒﻌﺎ ﻣﺎﻋﺪﻧﻪ ﻛﻌﺪﻩ ﺑﺲ ﻧﺴﻮﻟﻒ ﻭﺍﺣﻨﻪ ﻧﺮﻣﻲ
ﻛﺘﻠﻪ ﺍﻟﻠﻪ ﺑﻠﺨﻴﺮ ﺧﻮﻳﻪ
ﺑﺎﻭﻋﻠﻲ ﺑﻌﻴﻮﻧﻪ ﺍﻟﻌﺴﻠﻴﻪ ﻭﻛﻠﻲ
ﻛﻞ ﺍﻟﻬﻠﻪ ﺣﺒﻴﺒﻲ
ﺧﻮﻳﻪ ﻋﻠﻰ ﻛﻴﻔﻚ ﺧﻠﻴﻠﻨﻪ ﺩﺍﻋﺸﻲ ﻧﻜﺘﻠﻪ ﻭﻳﺎﻙ ﻛﻈﻴﺘﻬﻢ ﻛﻈﻴﺎﻥ ﻫﻬﻬﻪ ﻛﻠﻪ ﻟﻌﻴﻮﻥ ﻓﺮﻗﺪ ﻫﻬﻬﻬﻪ
ﻇﺤﻚ ﺣﺴﻴﺖ ﺍﻟﻈﺤﻜﻪ ﻃﻠﻌﺖ ﻣﻦ ﻛﻞ ﻛﻠﺒﻪ ﻛﻠﻲ
ﻫﻬﻬﻬﻬﻪ ﻭﺍﻟﻠﻪ ﻳﻠﺨﻮ ﺗﺴﺘﺎﻫﻞ ﻓﺮﻗﺪ ﺑﺲ ﻻ ﺗﺨﺎﻑ ﺍﻟﺠﺮﻳﺬﻳﻪ ﻫﻮﺍﻱ ﻃﺐ ﻭﺍﺳﺘﺨﻴﺮ ﻫﻬﻬﻬﻪ ﺍﺧﺬﻟﻪ ﻗﻨﺒﻠﻪ ﻭﺩﺧﻠﻪ ﺑﻠﻬﺎﻭﻥ ﻭﺭﻣﻰ ﻭﺻﺎﺡ
ﻟﻌﻴﻮﻧﺞ ﻓﺮﺍﻗﺪ
ﻫﺴﻪ ﻏﻴﺮ ﻟﻮ ﻧﻌﺮﻑ ﻓﺮﺍﻗﺪ ﻣﻨﻮ
ﻫﺎﻱ ﻗﻠﺒﻲ ﻭﻳﺄﺷﺮ ﻋﻠﻰ ﻗﻠﺒﻪ
ﻫﺎﻱ ﻋﻮﻳﻨﺎﺗﻲ ﺃﺷﺮ ﻋﻠﻰ ﻋﻴﻮﻧﻪ
ﻫﺎﻱ ﺧﻄﻴﺒﺘﻲ ﻭﺣﺒﻴﺒﺘﻲ ﻓﺮﻗﺪ ﻣﺘﻌﻮﺩ ﻳﻮﻣﻴﻪ ﺍﺟﻴﺐ ﺍﻟﻪ ﻫﺪﻳﻪ ﺣﺘﻰ ﻟﻮ ﻭﺭﺩﻩ
ﻫﺴﻪ ﻛﻤﺖ ﺍﺩﺯ ﺍﻟﻪ ﺩﻭﺍﻋﺶ ﺍﻗﺘﻠﻬﻢ
ﻋﺠﻴﺐ ﺃﻣﺮﻙ ﺍﺧﻲ
ﺍﺫﺍ ﺗﺤﺒﻪ ﻫﻠﻜﺪ ﻟﻴﺶ ﻋﻔﺘﻪ ﻭﺍﺟﻴﺖ ﻟﻠﺤﺮﺏ
ﻧﺰﻝ ﺍﻟﻬﺎﻭﻥ ﺑﻠﻜﺎﻉ ﻭﻛﺎﻝ
ﻟﺨﺎﻃﺮﻩ ﻭﻟﺨﺎﻃﺮ ﺍﻟﻌﺮﺍﻕ ﺍﺟﻴﺖ
ﺍﺳﻤﻊ ﻳﺨﻮﻱ
ﺃﻧﻲ ﻣﺼﻼﻭﻱ ﺑﺲ ﻋﺎﻳﺶ ﺑﻐﺪﺍﺩ
ﺷﻐﻠﻲ ﻭﺣﻴﺎﺗﻲ ﺑﻐﺪﺍﺩ
ﺑﺲ ﺩﺍﺋﻢ ﺍﺭﻭﺡ ﻟﻠﻤﻮﺻﻞ ﻷﻥ ﺍﻫﻠﻲ ﻫﻨﺎﻙ
ﺧﻄﺒﺖ ﺑﺖ ﻋﻤﻲ ﺣﺐ ﺣﻴﺎﺗﻲ ﻭﻗﺮﺭﺕ ﺯﻭﺍﺟﻨﻪ ﻗﺒﻞ ﺩﺧﻮﻝ ﺩﺍﻋﺶ ﺑﻜﻢ ﻳﻮﻡ ﺑﺲ ﺻﺎﺭ ﻋﻨﺪﻱ ﺷﻐﻞ ﺑﻐﺪﺍﺩ ﻓﺴﺎﻓﺮﺕ ﻣﻦ ﺍﺭﺟﻊ ﻧﺴﻮﻱ ﺍﻟﻌﺮﺱ
ﻗﺒﻞ ﻻ ﻳﺨﻠﺺ ﺷﻐﻠﻲ ﻛﻌﺪﺕ ﺍﻟﺼﺒﺢ ﻋﻠﻰ ﺳﻘﻮﻁ ﺍﻟﻤﻮﺻﻞ
ﺍﻧﺠﻨﻴﺖ ﺣﺎﻭﻟﺖ ﺍﺭﻭﺡ ﻟﻠﻤﻮﺻﻞ ﻣﺎﻛﺪﺭﺕ
ﺭﺣﺖ ﺑﻠﺴﻴﺎﺭﻩ ﺭﺟﻌﻮﻧﻲ ﺍﻟﺠﻴﺶ
ﻣﺎﻛﻮ ﻃﺮﻳﻘﻪ ﺍﺭﻭﺡ ﺑﻴﻬﻪ ﻟﻠﻤﻮﺻﻞ ﻏﻴﺮ ﺍﻟﺘﺤﺎﻗﻲ ﺑﻠﺤﺸﺪ ﻭﻫﺴﻪ ﺃﻧﻲ ﻛﻞ ﻳﻮﻡ ﺍﺩﺯ ﺍﻟﻪ ﻫﺪﻳﻪ ﺭﺃﺱ ﺩﺍﻋﺸﻲ
ﻭﻣﻨﺘﻈﺮ ﺷﻮﻛﺖ ﺍﻛﺪﺭ ﺍﻭﺻﻞ ﻟﻠﻤﻮﺻﻞ ﻭﺍﺷﻮﻓﻪ
ﺍﻭﻑ ﺍﻟﻠﻪ ﻳﻌﻴﻨﻚ ﻳﺨﻮﻱ ﻧﺘﺮﺕ ﺑﻌﺼﺒﻴﻪ
ﻭﻳﻌﻴﻨﻚ ﻛﺎﻝ
ﺍﻧﺖ ﺷﺴﻤﻚ ﺳﺄﻟﻨﻲ
ﺍﻧﺎ ﻋﻠﻲ
ﻋﻤﺮ .... ﺳﻼﻡ ﺍﻟﻠﻪ ﻋﻠﻴﻚ ﻳﺎ ﺃﺑﺎ ﺍﻟﺤﺴﻦ
ﺍﺑﺘﺴﻤﺖ ﻭﻛﺘﻠﻪ ﺗﻌﻴﺶ ﺷﻠﺖ ﺳﻼﺣﻲ ﻭﺗﻮﺟﻬﺖ ﻋﻠﻰ ﺍﻟﻤﻌﺮﻛﻪ
......
ﻣﺮﺕ ﺍﻷﻳﺎﻡ ﻋﻠﻴﻨﻪ ﻭﺍﺣﻨﻪ ﻧﻘﺎﺗﻞ ﺩﺍﻋﺶ
ﻳﻮﻣﻴﻪ ﺍﺧﺎﺑﺮ ﺍﻣﻲ ﺍﺳﻠﻢ ﻋﻠﻴﻪ ﻭﺍﻃﻤﻨﻪ
ﺑﻜﻞ ﻣﻜﺎﻥ ﺍﺭﻭﺡ ﻟﻴﻪ ﺃﻧﺸﺪ ﻋﻠﻰ ﺍﺧﻮﻱ
ﺃﻧﺸﺪ ﺍﻟﻨﺎﺯﺣﻴﻦ
ﺃﻧﺸﺪ ﺍﻟﺠﻴﺶ ﺍﻟﻘﺎﺋﺪ
ﺻﺎﺭ ﻛﻞ ﺍﻟﻮﻳﺎﻱ ﻳﻨﺸﺪﻭﻥ ﻋﻠﻴﻪ
ﺑﺲ ﻣﺎﻣﺶ ﺧﺒﺮ
ﻻ ﻋﺮﻓﺖ ﺑﻴﻪ ﻣﻴﺖ ﻭﻻ ﺣﻲ
ﺻﺎﺭﻟﻲ ﺳﺖ ﺍﺷﻬﺮ ﻫﻨﺎ ﺑﻬﺬﺍ ﺍﻟﻤﻘﺮ
ﻧﺎﺱ ﺗﺠﻲ ﻭﻧﺎﺱ ﺗﺮﻭﺡ
ﺍﻟﻴﻮﻡ ﺟﺎﺑﻮﺍ ﻛﺘﻴﺒﻪ ﺟﺪﻳﺪﻩ ﻣﻦ ﺷﺒﺎﺏ ﻣﺘﻄﻮﻋﻴﻦ ﺑﻠﺤﺸﺪ
ﺍﻧﺎ ﻻﻥ ﺻﺮﺕ ﻣﻌﺮﻭﻑ ﺻﺎﺭﻭ ﻳﻌﺘﻤﺪﻭﻥ ﻋﻠﻴﻪ ﺑﺘﺪﺭﻳﺐ ﺍﻟﺸﺒﺎﺏ ﺍﻟﺠﺪﻳﺪﻩ ﺍﻧﺎ ﻭﻳﺎﻱ ﻛﺎﻛﺎ ﺍﺯﺍﺩ ﻭﻋﻤﺮ
ﻳﻌﻨﻲ ﺍﻋﻠﻤﻬﻢ ﺍﺩﺭﺑﻬﻢ ﻋﻠﻰ ﺍﻟﺴﻼﺡ
ﺟﻨﺖ ﻣﻨﺘﻈﺮﻫﻢ ﺑﺎﺏ ﺍﻟﻤﻘﺮ ﻭﻛﻔﺖ ﺍﻟﺴﻴﺎﺭﻩ ﻧﺰﻟﻮﺍ
ﺷﺒﺎﺏ ﺍﺷﺮﺕ ﺍﻟﻬﻢ ﺍﺻﻄﻔﻮﺍ ﻫﻨﺎ
ﻭﻛﻔﻮﺍ
ﺍﺝ ﺍﻟﻀﺎﺑﻂ ﺣﺠﻪ ﻭﻳﺎﻫﻢ ﻭﺑﻌﺪﻳﻦ ﻛﻠﻲ ﺭﺗﺒﻬﻢ ﺍﻧﺖ ﺑﻤﻌﺮﻓﺘﻚ
ﺍﺧﺬﺗﻬﻢ ﺩﻟﻴﺘﻬﻢ ﻋﻠﻰ ﻣﻜﺎﻧﻬﻢ ﻭﻋﺮﻓﺘﻬﻢ ﻋﻠﻰ ﺍﻟﺸﺒﺎﺏ
ﻭﺑﻌﺪﻳﻦ ﺍﻧﻄﻴﺘﻬﻢ ﺩﺭﺱ ﺑﻠﻘﺘﺎﻝ
ﺟﺎﻥ ﻭﻳﺎﻫﻢ ﻭﻟﺪ ﻛﻠﺶ ﺣﻠﻮ
ﺍﻟﻌﻴﻮﻥ ﺧﻈﺮ ﺑﻠﻮﻥ ﺍﻟﻌﺸﺐ
ﻭﺍﻟﻮﺟﻪ ﺍﺑﻴﺾ ﻣﻨﻮﺭ ﻭﺍﻟﺨﺪﻭﺩ ﺣﻤﺮ
ﺍﻟﺸﺎﺭﺏ ﻭﻳﻪ ﺍﻟﻠﺤﻴﻪ ﺷﻜﺮﻩ
ﺍﻟﺮﻣﺶ ﻃﺎﺥ ﻭﻳﻪ ﺍﻟﺤﺎﺟﺐ
ﺭﻛﺰﺕ ﻋﻠﻰ ﺣﻮﺍﺟﺒﻪ ﻛﻠﺖ ﺧﺎﻑ ﺩﺍﻛﻬﻦ ﺗﺎﺗﻮ ﺗﻘﺮﺑﺖ ﻋﻠﻴﻪ
ﺍﺑﺘﺴﻢ ﺟﻨﻪ ﻋﺮﻓﻨﻲ
ﻛﻠﻲ
ﻫﺎ ﺧﻮﻳﻪ ﺗﺮﻩ ﻛﻠﻪ ﺑﻼﺩﻱ ﺍﻟﻠﻪ ﻭﻛﻴﻠﻚ ﺻﺒﺖ ﺭﺑﻚ
ﻫﻬﻬﻬﻪ ﺍﻋﺬﺭﻧﻲ ﻳﺨﻮﻱ ﺑﺲ ﺗﺮﻩ ﻛﻠﺶ ﺣﻠﻮ ﺍﻧﺖ ﺷﺠﺎﺑﻚ ﺍﻧﺖ ﻫﻨﺎ ﻣﺎﺗﻜﻠﻲ
ﺍﺑﺘﺴﻢ ﺩﻧﻚ ﺷﻮﻳﻪ ﻭﺭﺩ ﺭﻓﻊ ﺭﺍﺳﻪ ﻭﻛﻠﻲ
ﻻ ﺗﻬﺘﻢ ﻳﺨﻮﻱ ﺧﻠﻴﻪ ﻭﺭﻩ ﺍﻟﻠﻪ
ﺍﻧﺖ ﺷﺴﻤﻚ
ﺍﺳﻤﻲ ﻛﻤﺎﻝ
ﺍﻧﺎ ﻋﻠﻲ ﺷﺘﺤﺘﺎﺝ ﺑﺲ ﻛﻠﻲ
ﻭﻧﻌﻢ ﻣﻨﻚ ﺧﻴﻲ ﻣﺎ ﺗﻘﺼﺮ ﻋﻼﻭﻱ
ﺑﻌﺪ ﻳﻮﻣﻴﻦ ﺻﺎﺭ ﻋﺪﻧﻪ ﺇﺳﻨﺎﺩ ﻟﻠﻔﺮﻗﻪ ﺍﻟﺮﺍﺑﻌﻪ
ﻗﺪﻣﺖ ﺍﻟﺴﻴﺎﺭﺍﺕ ﺻﻌﺪﻧﻪ ﻛﻠﻨﻪ
ﺍﺝ ﻛﻤﺎﻝ ﺻﻌﺪ ﻛﻠﺖ ﺑﻜﻠﺒﻲ ﻫﺬﺍ ﺷﻠﻮﻥ ﺑﻴﻪ ﺑﻌﺪﻩ ﻣﺎﺷﺎﻳﻒ ﺍﻟﺤﺮﺏ ﺧﺎﻑ ﻫﻨﺎﻙ ﻭﻳﻜﻮﻡ ﻳﺒﺠﻲ ﻫﻬﻬﻬﻪ
ﻭﺻﻠﻨﻪ ﻟﻠﻤﻨﻄﻘﻪ ﺍﻟﺒﻴﻪ ﺍﻟﻤﻌﺮﻛﻪ ﺷﺎﺩﻩ
ﻧﺰﻟﻨﻪ ﺑﻴﻦ ﺍﻟﻬﺠﻮﻡ ﻭﺍﻟﺪﻓﺎﻉ ﺟﺎﻧﺖ ﻣﻌﺮﻛﻪ ﺣﺎﺳﻤﻪ ﻻﻥ ﻫﺎﻱ ﺍﻟﻘﺮﻳﻪ ﺑﺤﺪﻭﺩ ﺍﻟﺮﻣﺎﺩﻱ ﺍﺫﺍ ﻓﺘﺤﻨﺎﻫﻪ ﻣﻌﻨﺎﺗﻪ ﻧﺪﺧﻞ ﺍﻟﺮﻣﺎﺩﻱ .
ﺑﻘﻴﻨﻪ ﺍﺭﺑﻊ ﺍﻳﺎﻡ ﺑﻴﻬﻪ
ﺟﻨﺖ ﻣﺘﺎﺑﻊ ﻛﻤﺎﻝ ﺑﺼﺮﺍﺣﻪ ﺍﺩﻫﺸﻨﻲ ﻫﻠﻮﻟﺪ
ﻳﻘﺎﺗﻞ ﺑﺸﺮﺍﺳﻪ ﻭﻳﻦ ﺍﻛﻮ ﺍﺷﺘﺒﺎﻛﺎﺕ ﻳﺬﺏ ﺭﻭﺣﻪ
ﺣﺘﻪ ﻛﻤﺖ ﺍﺷﻚ ﺟﺎﻱ ﺣﺘﻪ ﻳﻨﺘﺤﺮ
ﺷﺎﻳﻞ ﺭﺷﺎﺷﺘﻪ ﻭﻳﻤﺸﻲ ﻋﻠﻰ ﻃﻮﻟﻪ
ﺑﺲ ﺑﻴﻦ ﻛﻞ ﺟﻢ ﺳﺎﻋﻪ ﺍﺷﻮﻓﻪ ﻳﻜﻌﺪ ﺑﻤﺠﺎﻥ ﻳﻄﻠﻊ ﻣﺤﻔﻈﺘﻪ ﻳﺒﻘﻪ ﻳﻌﺎﻳﻦ ﻋﻠﻴﻬﻪ ﺧﻤﺲ ﺩﻗﺎﻳﻖ ﺑﻌﺪﻩ ﻳﺮﺟﻊ ﻟﻠﻘﺘﺎﻝ
ﺍﺳﺒﻮﻉ ﻛﺎﻣﻞ ﺍﺣﻨﻪ ﻧﻘﺎﺗﻞ ﺍﺳﺘﺸﻬﺪﺕ ﻫﻮﺍﻱ ﺷﺒﺎﺏ
ﻭﺟﻮﻫﻨﻪ ﺍﻧﻄﻌﻨﺖ ﻣﻦ ﺍﻟﺘﺮﺍﺏ ﻭﺍﻟﻮﺳﺦ
ﺍﻻ ﻛﻤﺎﻝ ﻳﻀﻮﻱ ﺑﻴﻮﻡ ﻛﺎﻋﺪﻳﻦ ﺑﻠﻴﻞ ﺷﻮﻳﻪ ﻫﺪﺋﺖ ﺍﻟﻤﻌﺮﻛﻪ ﻛﻌﺪﻧﻪ ﻧﺮﺗﺎﺡ
ﻛﺎﻝ ﻛﺎﻛﺎ ﺍﺯﺍﺩ
ﺷﻮﻓﻮﻧﻲ ﺷﻠﻮﻥ ﺻﺮﺕ ﻣﺜﻞ ﻃﺎﺳﺔ ﺍﻟﺠﺺ ﻫﻬﻬﻪ
ﻣﺤﻤﺪ ﻛﺎﻝ ﻻ ﻛﺎﻛﺎ ﺻﺎﻳﺮ ﻣﺜﻞ ﻟﻮﻥ ﺍﻟﺒﻌﻴﺮ ﺗﺮﺍﺑﻲ ﻫﻬﻬﻬﻪ
ﺍﻟﺘﻔﺘﺖ ﻋﻠﻰ ﻛﻤﺎﻝ ﻛﺎﻋﺪ ﺑﺼﻔﻲ ﺷﻔﺘﻪ ﻳﻈﺤﻚ ﻛﺘﻠﻪ
ﺧﻮﺏ ﺍﻧﺖ ﻭﻻ ﻳﺒﻴﻦ ﺑﻴﻚ ﻻ ﺗﺮﺍﺏ ﻭﻻ ﻭﺳﺦ ﻫﻬﻬﻪ
.....
ﺩﻧﻚ ﻭﻛﻠﻲ
ﻫﺬﺍ ﺍﻟﺠﻤﺎﻝ ﻋﻠﻴﻪ ﻧﻘﻤﻪ ﻣﻮ ﻧﻌﻤﻪ
ﺍﺗﻤﻨﻴﺖ ﻟﻮ ﺟﻨﺖ ﺍﻣﻠﺢ ﺍﺻﻠﻊ ﻣﻜﺮﺵ ﺃﻱ ﻭﺍﻟﻠﻪ ﻳﺎﺭﻳﺖ ﻭﺟﺮ ﺣﺴﺮﻩ
ﻛﺘﻠﻪ ﻟﻴﺶ ﻳﺨﻮﻱ ﺗﺮﻩ ﺍﻟﻠﻪ ﺟﻤﻴﻞ ﻳﺤﺐ ﺍﻟﺠﻤﺎﻝ
ﺃﻱ ﺻﺢ ﻭﻫﻮ ﺭﺍﺳﻪ
ﺑﺲ ﺣﺴﻴﺘﻪ ﻣﻮ ﻋﻠﻰ ﺑﻌﻀﻪ ﻛﻠﺖ ﺧﻠﻲ ﻋﻠﻰ ﺭﺍﺣﺘﻪ ﻻﺯﻡ ﻳﺠﻲ ﻳﻮﻡ ﻭﻳﺴﻮﻟﻔﻠﻲ ﺳﺎﻟﻔﺘﻪ
ﻭﺭﻯ ﺍﻷﺳﺒﻮﻉ ﻛﺪﺭﻧﻪ ﻧﻔﺘﺢ ﺍﻟﻤﻨﻄﻘﻪ
ﺩﺧﻠﻨﻪ ﻋﻠﻴﻪ ﺗﻤﺸﻴﻂ ﻭﺩﻭﺭﻧﻪ ﻋﻠﻰ ﺍﻟﻘﻨﺎﺑﻞ ﻭﺍﻟﻤﻔﺨﺨﺎﺕ
ﺛﺎﻧﻲ ﻳﻮﻡ ﺳﻠﻤﻨﻪ ﺍﻟﻤﻨﻄﻘﻪ ﺑﻴﺪ ﺍﻟﺠﻴﺶ ﻭﺭﺟﻌﻨﻪ ﻟﻠﻤﻘﺮ ﻣﺎﻟﺘﻨﻪ
ﺑﻴﻮﻡ ﺍﻟﻨﺮﺟﻊ ﻟﻠﻤﻘﺮ ﻧﻜﻮﻥ ﺗﻌﺒﺎﻧﻴﻦ ﻫﻠﻜﺎﻧﻴﻴﻦ ﻧﺬﺏ ﺍﺭﻭﺍﺣﻨﻪ ﺑﺲ ﻧﺎﻡ
ﺛﺎﻧﻲ ﻳﻮﻡ ﻛﻌﺪﺕ ﺍﻟﺼﺒﺢ ﺟﺎﻥ ﻋﺪﻧﻪ ﻭﺍﺟﺐ ﻧﻤﺸﻂ ﺣﻲ ﻣﻦ ﺃﺣﻴﺎﺀ ﺍﻟﺮﻣﺎﺩﻱ ﺷﺎﻛﻴﻦ ﺑﻴﻪ ﻣﻔﺨﺦ
ﻟﺒﺴﺖ ﺍﻧﺎ ﻭﺍﺯﺍﺩ ﻭﻣﺤﻤﺪ ﻭﺍﺝ ﻭﻳﺎﻧﻪ ﻛﻤﺎﻝ
ﻃﻠﻌﻨﻪ ﻭﻳﻪ ﻓﺮﻗﺖ ﻛﺸﻒ ﺍﻷﻟﻐﺎﻡ
ﻭﺻﻠﻨﻪ ﻟﻠﺤﻲ ﻓﺘﺸﻨﻪ ﻟﻜﻴﻨﻪ ﺑﻴﻮﺕ ﻣﻠﻐﻤﻴﻪ
ﺩﺧﻠﺖ ﻓﺮﻗﺔ ﺍﻷﻟﻐﺎﻡ ﻓﻜﻜﻮﻩ ﻭﻃﻠﻌﻮﺍ
ﺑﻌﺪﻩ ﺩﺧﻠﻨﻪ ﺍﺣﻨﻪ
ﻓﺘﺸﻨﻪ ﻋﻠﻰ ﻧﺎﺱ ﺫﺧﻴﺮﻩ
ﻟﻜﻴﻨﻪ ﻣﺨﺰﻥ ﺟﻮﻩ ﺍﻟﻜﺎﻉ ﺑﻴﻪ ﺍﺳﻠﺤﻪ ﻭﺫﺧﻴﺮﺓ ﻭﻗﻨﺎﺑﻞ
ﺳﻠﻤﻨﺎ ﻟﻠﻘﺎﺩﻩ ﻭﺭﺟﻌﻨﻪ ﻟﻠﻤﻘﺮ
ﺍﺣﻨﺎ ﻓﺮﻗﺘﻨﻪ ﻋﺒﺎﺭﻩ ﻋﻦ ﻓﺮﻗﺖ ﺇﺳﻨﺎﺩ ﻳﻌﻨﻲ ﺟﻴﺶ ﻣﺤﺎﺻﺮ ﻧﻔﻚ ﺣﺼﺎﺭﻩ
ﺍﻭ ﻣﻨﻄﻘﻪ ﺻﻌﺒﻪ ﻧﺴﺎﻋﺪ ﺑﻔﺘﺤﻪ ﻫﻴﺞ ﺷﻲ
ﺑﻌﺪ ﻣﺎ ﺭﺟﻌﻨﻪ ﻟﻠﻘﺎﻋﺪﻩ ﺍﻟﻜﻞ ﻧﺎﻡ ﺍﻧﺎ ﻛﻠﺒﻲ ﻣﺎﻣﺮﺗﺎﺡ ﻋﻠﻰ ﺍﺧﻮﻱ
ﻭﺍﻣﻲ ﺻﺎﺭﻟﻲ ﺍﻛﺜﺮ ﻣﻦ ﺳﺖ ﺍﺷﻬﺮ ﻣﺎﺷﺎﻳﻔﻬﻪ ﺑﺲ ﺍﺧﺎﺑﺮ ﻛﻞ ﻳﻮﻡ
ﻭﻣﻦ ﺍﺳﺘﻠﻢ ﺭﺍﺗﺐ ﺍﺩﺯﻩ ﺑﻴﺪ ﻧﺎﺱ ﺗﻮﺻﻠﻪ ﺍﻟﻬﻢ
ﻃﻠﻌﺖ ﺍﺷﺮﺏ ﺟﻜﺎﺭﻩ ﺑﺮﻩ ﺍﻟﻤﻘﺮ ﺷﻔﺖ ﻭﺍﺣﺪ ﻛﺎﻋﺪ
ﻋﺮﻓﺘﻪ ﻛﻤﺎﻝ
ﺳﻤﻌﺘﻪ ﻳﺪﻧﺪﻥ ﻭﻳﻪ ﺭﻭﺣﻪ ﺻﻮﺗﻪ ﻛﻠﺶ ﺣﻠﻮ ﺳﻤﻌﺖ ﺍﻷﻏﻨﻴﺔ
ﻫﺎﻱ ﺍﻻﻏﻨﻴﻪ ﺍﻧﺎ ﻛﻠﺶ ﺍﺣﺒﻪ ﺍﻟﻬﻴﺜﻢ ﻳﻮﺳﻒ
ﺍﺣﺒﺎﺏ ﺍﻟﺮﻭﺡ
ﻛﻌﺪﺕ ﺑﻌﻴﺪ ﻋﻨﻪ ﻭﺍﺳﻤﻌﻪ ﻳﻜﻮﻝ
ﺍﺣﺒﺎﺏ ﺍﻟﺮﻭﺡ ﺟﺮﺣﻮﻧﻲ ﺭﺍﺣﻮ ﻟﺒﻌﻴﺪ ﻭﺧﻠﻮﻧﻲ
ﻇﻠﻤﻮﻧﻲ ﻟﻴﺶ ﻇﻠﻤﻮﻧﻲ
ﻣﻨﻬﻢ ﻳﺎ ﻟﻴﻞ ﺣﺮﻣﻮﻧﻲ
ﻳﺎ ﻟﻴﻠﻲ ﻳﺎ ﻟﻴﻠﻲ ﻳﺎ ﻟﻴﻠﻲ
ﻟﻮ ﻣﺮ ﺍﻟﻠﻴﻞ ﻳﻮﺍﺳﻴﻨﻲ ﻭﻳﺤﺎﻭﻝ ﺑﻠﻜﻲ ﻳﻨﺴﻴﻨﻲ
ﻋﺸﺖ ﻭﻳﺎﻫﻢ ﺍﺣﻠﻰ ﺳﻨﻴﻨﻲ ﺫﻛﺮﺍﻫﻢ ﻣﺎ ﺗﻔﺎﺭﻕ ﻋﻴﻨﻲ
ﻳﺎ ﻟﻴﻠﻲ ﻳﺎ ﻟﻴﻠﻲ ﻳﺎ ﻟﻴﻠﻲ
ﻛﻞ ﻟﺤﻈﺔ ﺗﻤﺮ ﻗﺎﺭﻳﻬﻢ ﻛﺬﺍﺏ ﺍﻝ ﻗﻠﻚ ﻧﺎﺳﻴﻬﻢ
ﺑﻌﻴﻮﻧﻲ ﻭﻗﻠﺒﻲ ﻣﺨﺎﻟﻴﻬﻢ
ﺩﻭﺭ ﺑﺎﻟﺮﻭﺡ ﺗﻠﻘﻴﻬﻢ
ﺑﻌﻴﻮﻧﻲ ﻭﻗﻠﺒﻲ ﻣﺨﺎﻟﻴﻬﻢ
ﺩﻭﺭ ﺑﺎﻟﺮﻭﺡ ﺗﻠﻘﻴﻬﻢ
ﻳﺎ ﻟﻴﻞ ﻳﺎ ﻟﻴﻠﻲ ﻳﺎ ﻟﻴﻠﻲ ﻳﺎ ﻟﻴﻠﻲ
ﺗﻘﺮﺑﺖ ﻣﻨﻪ
ﻛﻠﺖ ﺃﻱ ﻫﺎﻱ ﺧﻮﺵ ﻓﺮﺻﻪ ﺍﻟﻲ ﺍﻓﻬﻢ ﺳﺎﻟﻔﺘﻪ
ﺭﺣﺖ ﻋﻠﻴﻪ ﻛﺘﻠﻪ
ﻫﺎ ﺧﻮﻳﻪ ﺍﻟﻠﻪ ﻳﺴﺎﻋﺪﻙ
ﺍﻟﻠﻪ ﻳﺴﻠﻤﻚ ﺧﻴﻲ ﺭﺩ ﻛﻤﺎﻝ
ﻫﺎ ﺷﻮﺟﺎﻋﺪ ﻫﻨﺎ ﺷﻌﻨﺪﻙ
.....
ﻭﺍﻟﻠﻪ ﻳﺨﻮﻱ ﻣﺎ ﺍﻛﺪﺭ ﺍﻧﺎﻡ
ﺍﻟﻲ ﻣﺎﺧﺬ ﻋﻘﻠﻚ ﻧﺎﻳﻢ ﻣﺘﻬﻨﻲ ﻫﺴﻪ ﻭﺍﻧﺖ ﻣﺘﻤﺮﻣﺮ
ﺃﻭﻭﻭﻭﻭ ﻑ ﻳﺨﻮﻱ ﺍﻟﻤﺂﺧﺬ ﻋﻘﻠﻲ ﻇﻠﻤﻨﻲ ﺗﻨﻬﺪ
ﻫﺎﻱ ﺍﻟﺪﻧﻴﻪ ﻳﺨﻮﻱ ﻣﺎﻧﺼﻔﺖ ﺍﺣﺪ ﻭﺍﺣﻨﻪ ﻫﻨﺎ ﻛﻠﻤﻦ ﻋﻨﺪﻩ ﻗﻬﺮ ﺑﻜﻠﺒﻪ ﺑﺲ ﺍﻟﻠﻪ ﺟﻤﻌﻨﻪ ﻫﻨﺎ ﺣﺘﻪ ﻳﺸﻴﻞ ﻋﻨﻪ ﺫﻧﻮﺑﻨﻪ ﻭﻳﺨﻔﻒ ﻗﻬﺮﻧﻪ
ﻣﻦ ﻧﺸﻮﻑ ﺿﻴﻢ ﺍﻟﻨﺎﺱ ﻳﺨﻒ ﻋﻠﻴﻨﻪ ﻗﻬﺮﻧﻪ
ﺻﺢ ﻛﻼﻣﻚ ﻋﻼﻭﻱ
ﻭﺍﻧﻲ ﺣﻴﻞ ﺍﺭﺗﺎﺣﻴﺘﻠﻚ ﻭﺭﺍﺡ ﺍﺳﻮﻟﻔﻠﻚ ﺳﺎﻟﻔﺘﻲ
ﺍﻟﺘﻔﺘﺖ ﻋﻠﻴﻪ ﻭﻛﺘﻠﻪ ﺳﻮﻟﻒ ﻳﺨﻮﻱ ﻭﺩﺍﻋﺘﻚ ﺗﻨﺪﻓﻦ ﺑﺠﺎﻋﻪ
ﺟﺎﻥ ﻣﻨﺘﺠﻲ ﻋﻠﻰ ﺍﻳﺪﻩ ﻋﺪﻝ ﻛﻌﺪﺗﻪ ﻭﺛﻨﻪ ﺭﻛﺒﺘﻪ ﻭﻛﻠﻲ
ﺍﻧﺎ ﻣﻦ ﻳﻮﻡ ﻧﻮﻟﺪﺕ ﻛﻞ ﺍﻟﻲ ﻳﺸﻮﻓﻨﻲ ﻳﺤﺒﻨﻲ
ﺍﻥ ﺟﺎﻥ ﺑﻨﻴﻪ ﺍﻭ ﻭﻟﺪ
ﺑﺴﺒﺐ ﺷﻜﻠﻲ ﺣﻠﻮ
ﻭﻳﻦ ﻣﺎ ﺍﺭﻭﺡ ﺍﻟﻨﺎﺱ ﺗﻠﺘﻢ ﺣﻮﻟﻲ ﻭﻳﺤﺎﻭﻟﻮﻥ ﻳﺤﺠﻮﻥ ﻭﻳﺎﻱ
ﺩﺧﻠﺖ ﺍﻟﻤﺪﺭﺳﻪ ﻭﺻﺎﺭﺕ ﺍﻟﻤﻌﻠﻤﺎﺕ ﻭﺣﺪﻩ ﺗﺸﻴﻠﻨﻲ ﻭﺣﺪﻩ ﺗﺬﺑﻨﻲ
ﺍﻧﻮﻟﺪ ﻋﻨﺪﻱ ﻏﺮﻭﺭ ﻣﻮ ﻃﺒﻴﻌﻲ
ﺻﺮﺕ ﺍﺷﻮﻑ ﺍﻟﻨﺎﺱ ﻛﻠﻪ ﺍﺻﻐﺮ ﻣﻨﻲ
ﺣﺘﻪ ﺍﺧﻮﺗﻲ ﺻﺢ ﻫﻤﻪ ﻫﻢ ﺣﻠﻮﻳﻦ ﺑﺲ ﻣﻮ ﻣﺜﻠﻲ
ﺑﻴﺒﻴﺘﻲ ﺟﺎﻧﺖ ﺗﻔﻀﻠﻨﻲ ﻋﻠﻰ ﺍﺧﻮﺗﻲ
ﺟﺪﻱ ﻫﻢ ﻫﻴﺞ
ﺍﻟﻤﻬﻢ ﺍﻟﻨﺎﺱ ﻛﻠﻪ ﺗﺤﺒﻨﻲ
ﻛﺒﺮﺕ ﺻﺮﺕ ﺑﻠﻤﺘﻮﺳﻄﻪ
ﻫﻨﺎ ﺩﺧﻠﺖ ﺳﻦ ﺍﻟﻤﺮﺍﻫﻘﻪ ﻭﺍﺷﻮﻑ ﺍﻟﻮﻟﺪ ﻭﺍﻟﺒﻨﺎﺕ ﻳﺘﻘﺮﺑﻮﻟﻲ
ﻳﺤﺎﻭﻟﻮﻥ ﻳﺠﺬﺑﻮﻥ ﺍﻧﺘﺒﺎﻫﻲ
ﺻﺎﺭﻥ ﺍﻟﺒﻨﺎﺕ ﻳﺘﻘﺎﺗﻠﻦ ﻋﻠﻴﻪ
ﺃﻫﻤﻠﺖ ﺩﺭﻭﺳﻲ ﻭﺻﺮﺕ ﺍﺗﻨﻘﻞ ﻣﻦ ﺑﻨﻴﻪ ﻟﺒﻨﻴﻪ
ﺣﺘﻪ ﻓﻠﻮﺱ ﻳﻨﻄﻨﻲ ﺣﺘﻪ ﺑﺲ ﺍﺣﺠﻲ ﻭﻳﺎﻫﻦ ﻟﻮ ﺍﺭﻭﺡ ﻭﻳﺎﻫﻦ ﺍﻟﻔﺪ ﻣﻜﺎﻥ
ﺗﺮﻛﺖ ﺍﻟﻤﺪﺭﺳﻪ ﺑﺤﺠﺔ ﻣﺎﻋﻨﺪﻱ ﻭﺍﻫﺲ ﻟﻠﺪﺭﺍﺳﻪ
ﺍﺧﺬﻧﻲ ﺑﺎﺑﺎ ﺷﻐﻠﻨﻲ ﻋﺪ ﻭﺍﺣﺪ ﺻﺪﻳﻘﻪ ﺑﺴﻮﺑﺮ ﻣﺎﺭﻛﺖ
ﻗﺮﻳﺐ ﻋﻠﻰ ﺑﻴﺘﻨﻪ
ﻛﺎﻣﺖ ﺍﻟﺒﻨﺎﺕ ﺗﻄﻠﻊ ﻭﺗﻄﺐ ﻟﻠﺴﻮﺑﺮ ﻣﺎﺭﻛﺖ
ﺃﺷﻜﺎﻝ ﻭﺍﻟﻮﺍﻥ
ﻭﺍﻧﻲ ﺻﺮﺕ ﺧﺒﺮﻩ ﺍﺳﻮﻟﻒ ﻭﻳﻪ ﻫﺎﻱ ﻭﻇﺤﻚ ﺍﻟﻬﺎﻱ
ﻭﻏﺎﺯﻝ ﺫﻳﺞ
ﻣﺎﻛﻮ ﺑﻨﻴﻪ ﺑﻠﻤﻨﻄﻘﻪ ﻣﺎ ﻣﺮﺕ ﻋﻠﻴﻪ
ﺻﺮﺕ ﺍﻋﺮﻓﻬﻦ ﻛﻠﻬﻦ
ﺑﻴﻮﻡ ﺟﻨﺖ ﻛﺎﻋﺪ ﺑﻠﻤﺤﻞ ﻭﻃﺒﻌﺎ ﻳﻤﻲ ﺑﻨﺎﺕ ﻋﻮﺩ ﻳﺘﺴﻮﻛﻦ
ﻃﺒﺖ ﺑﻨﻴﻪ ﺳﻤﺮﻩ ﺷﻌﺮﻩ ﺍﺳﻮﺩ ﺗﻘﺮﻳﺒﺎ ﺍﻛﺒﺮ ﻣﻨﻲ ﺑﻌﺸﺮ ﺳﻨﻮﺍﺕ ﺑﺲ ﻛﻠﺶ ﺣﻠﻮﻩ ﻻﺑﺴﻪ ﻧﻈﺎﺭﺍﺕ ﻭﻓﺴﺘﺎﻥ ﺑﻴﺞ ﻣﺸﺠﺮ ﺑﺠﻮﺯﻱ ﻫﻬﻪ ﻟﺴﻪ ﺍﺫﻛﺮ
ﺍﻟﻤﻬﻢ ﻃﺒﺖ ﻟﻠﺴﻮﺑﺮ ﻣﺎﺭﻛﺖ ﺍﺧﺬﺕ ﺳﻠﻪ ﻭﺭﺍﺣﺖ ﺑﻌﺪ ﺷﻮﻳﻪ ﺭﺟﻌﺖ ﺗﺎﺭﺳﺘﻪ ﻏﺮﺍﺽ
ﺭﺍﺣﺖ ﻋﻠﻰ ﻭﻟﺪ ﺛﺎﻧﻲ ﻭﺍﻛﻒ ﻳﻤﻲ ﺣﺴﺐ ﺍﻟﻪ ﺍﻟﻐﺮﺍﺽ ﺍﺧﺬﺗﻬﻦ ﻭﺭﺍﺣﺖ
ﺛﺎﻧﻲ ﻳﻮﻡ ﻫﻢ ﺍﺟﺖ ﻭﻫﻢ ﺍﺗﺴﻮﻛﺖ ﻭﺭﺍﺣﺖ ﻋﻠﻰ ﺳﺎﻟﻢ ﻣﺎ ﺍﺟﺖ ﺍﻟﻲ ﺭﻏﻢ ﺃﻧﻲ ﺟﻨﺖ ﻭﺍﻛﻒ ﻣﺎﻳﻤﻲ ﻭﺍﺣﺪ
ﻣﻬﺘﻤﻴﺖ
ﺗﻜﺮﺭﺕ ﻫﺎﻱ ﺍﻟﺸﻐﻠﻪ ﻳﻤﻜﻦ ﺍﺳﺒﻮﻉ
ﺑﺼﺮﺍﺣﻪ ﺍﺷﺘﻐﻠﺖ ﻋﻨﺪﻱ ﺍﻟﻐﻴﺮﻩ ﺷﻨﻲ ﺗﺘﺠﺎﻫﻠﻨﻲ
ﻭﺍﻧﻲ ﻛﻤﺖ ﺍﺗﻌﻤﺪ ﻣﻦ ﺗﺠﻲ ﻣﺎ ﺍﺧﻠﻲ ﻭﺣﺪﻩ ﻳﻤﻲ
ﻫﻢ ﻣﺎ ﺍﺟﺖ ﻋﻠﻴﻪ
ﺑﻌﺪ ﻋﺸﺮ ﺍﻳﺎﻡ ﻓﺎﺽ ﺑﻴﻪ ﺑﻌﺪ ﻣﺎ ﺍﺗﺤﻤﻞ ﺍﻟﺘﺠﺎﻫﻞ
ﺃﻧﻲ ﻛﻤﺎﻝ ﻭﺣﺪﻩ ﻣﺜﻞ ﻫﺎﻱ ﺗﺘﺠﺎﻫﻠﻨﻲ
ﺗﺨﺒﻠﺖ
ﺍﻧﺘﻈﺮﺗﻪ ﻣﻦ ﻃﺒﺖ ﻟﻠﺴﻮﺑﺮ ﻣﺎﺭﻛﺖ ﺭﺣﺖ ﻋﻠﻰ ﺳﺎﻟﻢ ﻛﺘﻠﻪ
ﺳﻠﻮﻡ ﺣﺒﻴﺒﻲ ﺧﻠﻴﻨﻲ ﺍﻭﻛﻒ ﺑﻤﻜﺎﻧﻚ ﺍﻟﻴﻮﻡ ﻭﺍﻧﺖ ﺃﺧﺬ ﻣﻜﺎﻧﻲ
ﻫﺎ ﺷﻜﻮ ﻛﻤﺎﻝ ﻋﻨﺪﻙ ﺷﻲ ﻫﻤﺲ ﺳﺎﻟﻢ
ﺍﺷﺮﺗﻠﻪ ﻋﻠﻴﻪ ﻛﺘﻠﻪ ﺍﺭﻳﺪ ﺍﺣﺠﻲ ﻭﻳﺎﻫﻪ
ﻫﻬﻪ ﻛﻮﻝ ﻫﻴﺞ ﺗﺪﻟﻞ
ﺭﺍﺡ ﺳﺎﻟﻢ ﻭﺍﻧﻲ ﺍﺧﺬﺕ ﻣﻜﺎﻧﻪ
.....
ﺷﻮﻳﻪ ﺍﺟﺖ ﺗﻤﺸﻲ ﻭﺷﺎﻳﻠﻪ ﺍﻟﺴﻠﻪ
ﺧﻠﺖ ﺍﻟﻐﺮﺍﺽ ﻋﻠﻰ ﺍﻟﻤﻴﺰ ﻭﻛﺎﻟﺖ ﺍﺣﺴﺒﻠﻲ ﺫﻭﻟﻪ
ﺣﺎﻇﺮ ﺳﺖ ﺣﺠﻴﺖ ﺑﻈﺤﻚ
ﺭﻓﻌﺖ ﺭﺍﺳﻪ ﻣﺘﻌﺠﺒﻪ ﺍﻟﺘﻔﺘﺖ ﻋﻠﻰ ﻣﻜﺎﻧﻲ ﻭﺭﺩﺕ ﺑﺎﻭﻋﺘﻠﻲ
ﺍﻟﻴﻮﻡ ﻫﻨﺎ
ﻭﺍﻟﻠﻪ ﺑﻜﻴﻔﻲ ﻣﺤﻠﻲ ﻭﺑﻜﻴﻔﻲ ﻫﻬﻬﻬﻪ
ﺗﻤﺎﻡ ﻟﻌﺪ ﺍﺣﺴﺒﻠﻲ ﺍﻟﻐﺮﺍﻅ ﺍﺭﻳﺪ ﺍﺭﻭﺡ
ﻛﻠﺶ ﺍﻧﻘﻬﺮﺕ ﻣﻨﻪ ﺟﺮﻳﺖ ﺍﻟﻐﺮﺍﻅ ﻭﺑﺪﻳﺖ ﺍﺣﺴﺐ ﺑﻴﻬﻦ
ﻛﻤﻠﺖ ﺧﻠﻴﺘﻬﻦ ﺑﻌﻼﻛﻪ ﻭﺍﻧﻄﻴﺘﻬﻴﺎ
ﺷﺎﻟﺖ ﺍﻟﻐﺮﺍﻅ ﻭﻃﻠﻌﺖ
ﻛﻈﻴﺖ ﺍﻟﻴﻮﻡ ﻛﻠﻪ ﺃﻧﻲ ﻣﺰﻋﻮﺝ ﺑﺲ ﻋﺎﻧﺪﺕ ﻭﻳﺎﻫﻪ ﻛﻠﺶ
ﺛﺎﻧﻲ ﻳﻮﻡ ﻫﻢ ﺍﺟﺖ ﺟﺎﻧﺖ ﻣﻈﺒﻮﻃﻪ ﺑﻤﻮﺍﻋﻴﺪﻩ ﻳﻮﻣﻴﻪ ﺑﻠﻌﺸﺮﻩ ﺍﻟﺼﺒﺢ ﺗﺠﻲ
ﺃﻧﻲ ﺗﺤﻈﺮﺕ
ﺩﺧﻠﺖ ﻣﻦ ﺍﻟﺒﺎﺏ ﻻﺑﺴﻪ ﻧﻈﺎﺭﺍﺗﻪ
ﺍﺧﺬﺕ ﺳﻠﻪ ﻭﺭﺍﺣﺖ ﺗﺘﺴﻮﻙ
ﻛﻤﻠﺖ ﺍﺟﺖ ﺑﺪﻭﻥ ﻣﺘﺒﺎﻭﻋﻠﻲ ﺧﻠﺖ ﺍﻟﻐﺮﺍﻅ
ﺍﺷﻮ ﻳﻮﻣﻴﻪ ﺗﺘﺴﻮﻛﻴﻦ ﺷﻨﻮ ﻻﺯﻡ ﻋﺎﺋﻠﻪ ﺟﺒﻴﺮﻩ ﺍﻧﺘﻮ
ﺭﻓﻌﺖ ﻧﻈﺎﺭﺍﺗﻪ ﻭﻃﻠﻌﻦ ﻋﻴﻮﻧﻪ ﺍﻟﻌﺴﻠﻲ ﺻﺪﻛﻨﻲ ﺷﻔﺖ ﺻﻮﺭﺗﻲ ﺑﻴﻬﻦ ﻣﻦ ﻛﺪ ﻣﺎ ﺻﺎﻓﻴﺎﺕ
ﻛﺎﻟﺖ
ﻻ ﻣﻮ ﻋﺎﺋﻠﻪ ﺟﺒﻴﺮﻩ ﺑﺲ ﺃﻧﻲ ﺍﺷﺘﻐﻞ ﺑﻠﺒﻴﺖ ﺍﺳﻮﻱ ﻛﻴﻚ ﻭﺣﻠﻮﻳﺎﺕ
ﻓﺮﺣﺖ ﻻﻥ ﺑﺪﺕ ﺗﺤﺠﻲ ﻭﻳﺎﻱ
ﻛﺘﻠﻪ ﺃﻫﺎ ﻛﻠﺶ ﺯﻳﻦ ﻟﻌﺪ ﺍﻧﻮﺑﻪ ﻧﺸﺘﺮﻱ ﻣﻨﺞ ﻛﻴﻚ ﻭﻳﻦ ﺑﻴﺘﻜﻢ
ﺷﺎﻟﺖ ﺍﻟﻐﺮﺍﻅ ﻭﻃﻠﻌﺖ ﻓﻠﻮﺱ ﺧﻠﺘﻬﻦ ﻋﻠﻰ ﺍﻟﻤﻴﺰ ﻭﻛﺎﻟﺖ
ﺍﻟﻲ ﻳﺴﺄﻝ ﻣﺎ ﻳﺘﻮﻩ
ﻃﻠﻌﺖ ﻣﻦ ﺍﻟﻤﺤﻞ ﺑﺪﻭﻥ ﻣﺘﻨﺘﻈﺮ ﺟﻮﺍﺑﻲ
ﺣﻴﺮﺗﻨﻲ ﻫﻠﺒﻨﻴﻪ ﻫﺎﻱ
ﺑﻘﻴﺖ ﻣﺸﻐﻮﻝ ﺑﻴﻪ ﺑﺸﻜﻞ
ﻳﻮﻣﻴﻪ ﺍﻧﺘﻈﺮ ﺟﻴﺘﻪ
ﺑﻴﻮﻡ ﺍﺟﺖ ﻋﻠﻴﻪ ﻭﺣﺪﻩ ﻣﻦ ﺻﺪﻳﻘﺎﺗﻲ ﻋﺰﻣﺘﻨﻲ ﻋﻠﻰ ﻋﺸﻪ ﻃﻠﻌﺖ ﻭﻳﺎﻫﻪ
ﺑﻌﺪ ﻣﺎ ﺗﻌﺸﻴﻨﻪ ﺑﻠﻤﻄﻌﻢ ﺭﺣﻨﻪ ﺍﻟﺒﻴﺘﻬﻪ
ﻭﻛﻔﺖ ﺳﻴﺎﺭﺗﻪ ﻭﻧﺰﻟﺖ ﺣﺘﻪ ﺗﻔﺘﺢ ﺍﻟﺒﺎﺏ
ﻧﺰﻟﺖ ﻣﻦ ﺍﻟﺴﻴﺎﺭﻩ ﺻﺎﺭﺕ ﺑﻮﺟﻬﻲ ﺭﺑﺎﺏ
ﻣﻨﻮ ﺭﺑﺎﺏ
ﺍﻟﺒﻨﻴﻪ ﺍﻟﺤﺒﻴﺘﻪ
ﺃﻫﺎ ﻛﻤﻞ ﻛﻤﻞ ﺷﻠﻮﻥ ﺻﺪﻓﻪ ﻫﺎﻱ
ﻣﻦ ﺷﻔﺘﻪ ﺗﺨﺮﺑﻄﺖ ﺍﺣﻮﺍﻟﻲ ﺑﺎﻭﻋﺘﻠﻲ ﺑﻨﻈﺮﻩ ﻋﻤﺮﻱ ﻣﺮﺍﺡ ﺍﻧﺴﺎﻫﻪ
ﺑﺎﻭﻋﺘﻠﻲ ﻭﺩﺧﻠﺖ ﻟﻠﺒﻴﺖ
ﻋﺮﻓﺖ ﻫﺬﺍ ﺑﻴﺘﻬﻢ
ﺗﺨﺒﻠﺖ
ﻛﻠﺒﻲ ﻛﺎﻡ ﻳﻮﺟﻌﻨﻲ
ﻗﺒﻞ ﺳﺎﻣﻊ ﻣﻦ ﻭﺍﺣﺪ ﻳﻜﻮﻝ ﻳﺎﻛﺎﻉ ﺍﻧﺸﻜﻲ ﻭﺑﻠﻌﻴﻨﻲ
ﻓﻌﻼ ﺑﺬﻳﺞ ﺍﻟﺴﺎﻋﻪ ﺭﺩﺕ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ
ﻣﺎﻋﺮﻑ ﻟﻴﺶ ﺍﻫﺘﻢ ﺑﻴﻪ
ﺭﻏﻢ ﻫﻴﻪ ﺍﺑﺪ ﻣﻮ ﻣﻦ ﻣﺴﺘﻮﺍﻱ
ﻫﻬﻬﻪ ﺟﺎ ﻏﻴﺮ ﺍﻟﺤﺐ ﺃﻋﻤﻰ ﻧﺘﺮﺕ ﺑﻴﻪ ﻣﺎﻋﺮﻑ ﻟﻴﺶ ﺍﻧﻘﻬﺮﺕ ﻣﻦ ﻛﻤﺎﻝ ﺍﻟﻠﻪ ﻳﺴﺎﻋﺪ ﺭﺑﺎﺏ
ﻛﺎﻝ ﻭﻫﻮ ﻳﺒﺘﺴﻢ
ﻓﻌﻼ ﺍﻟﺤﺐ ﺃﻋﻤﻰ ﻭﺍﻃﺮﻡ ﻫﻢ ﻫﻬﻬﻬﻪ
ﺍﻟﻤﻬﻢ ﺩﺧﻠﺖ ﺍﻟﺒﻴﺖ ﺍﻟﺒﻨﻴﻪ ﻟﻜﻴﺘﻪ ﻣﺤﻈﺮﻩ ﻣﻴﺰ ﻭﺣﺒﺸﻜﻼﺕ
ﺩﺧﻠﺘﻨﻲ ﻭﺭﺍﺣﺖ ﺗﺤﻈﺮ ﻧﻔﺴﻪ ﺍﻟﻲ ﻫﻬﻪ
ﻳﺤﺠﻲ ﻭﻳﻈﺤﻚ ﻣﺴﺘﺤﻲ
ﻛﺘﻠﻪ ﺃﻱ ﻋﻤﻲ ﺷﻜﻮ ﻋﻠﻰ ﻛﻠﺒﻚ ﻫﻬﻬﻪ
ﺍﺑﺘﺴﻢ ﺍﺑﺘﺴﺎﻣﻪ ﺑﻘﻬﺮ ﻛﻤﻞ ﺑﺪﻭﻥ ﻣﺎ ﻳﻌﻠﻖ ﻋﻠﻰ ﻛﻼﻣﻲ ﻛﺎﻝ
ﻣﻦ ﺩﺧﻠﺖ ﺍﻟﺒﻨﻴﻪ
ﺣﺘﻪ ﺗﺘﺤﻈﺮ ﺍﻟﻚ ﻣﻮ ﻫﻬﻬﻬﻪ ﺣﺠﻴﺖ ﺑﺨﺒﺚ
ﻫﻬﻬﻪ ﺍﻱ ﺗﺘﺤﻈﺮ ﺍﻟﻲ ﺟﺎ ﻏﻴﺮ ﺍﻧﺎ ﺗﻮﻡ ﻛﺮﻭﺯ ﻫﻬﻬﻬﻪ
ﻣﻦ ﺩﺧﻠﺖ ﺍﻟﺒﻨﻴﻪ ﺣﺴﻴﺖ ﺍﻟﺒﻴﺖ ﺧﻨﻜﻨﻲ ﺿﺎﻙ ﺍﻟﻨﻔﺲ ﻋﻠﻴﻪ ﻛﻤﺖ ﺍﺷﻬﻚ ﻭﻋﻴﻮﻧﻲ ﻳﺠﺮﻥ ﻣﺎﻋﺮﻑ ﻣﻦ ﺍﻟﻘﻬﺮ ﻟﻮ ﻣﻦ ﻏﻴﺮ ﺷﻲ
ﻓﻌﻼ ﻣﺮﺕ ﻋﻠﻴﻪ ﺩﻗﺎﻳﻖ ﻛﺮﻫﺖ ﻧﻔﺴﻲ
ﺣﺴﻴﺖ ﺑﻌﺪ ﻣﺎ ﺍﺗﺤﻤﻞ ﺑﻌﺪ
ﻃﻠﻌﺖ ﻣﻦ ﺍﻟﺒﻴﺖ ﻣﻨﻬﺰﻡ ﻣﺎﻋﺮﻑ ﻣﻦ ﺍﻟﺒﻨﻴﻪ ﻟﻮ ﻣﻦ ﻧﻔﺴﻲ
ﻭﻛﻔﺖ ﺑﻠﺒﺎﺏ ﻭﻋﻴﻨﻲ ﻋﻠﻰ ﺑﺎﺏ ﺑﻴﺖ ﺭﺑﺎﺏ
ﻟﻜﻴﺖ ﻧﻔﺴﻲ ﺍﺭﻭﺡ ﻭﺍﺩﻙ ﺍﻟﺒﺎﺏ ﺑﻘﻮﻩ ﻛﺄﻧﻤﺎ ﻭﺍﺣﺪ ﻳﺮﻛﻆ ﻭﺭﺍﻱ
.....
ﺷﻮﻳﻪ ﺍﻧﻔﺘﺢ ﺍﻟﺒﺎﺏ ﻃﻠﻌﺖ ﺭﺑﺎﺏ
ﻻﺑﺴﻪ ﺗﺮﺍﻙ ﺍﺳﻮﺩ ﺑﻴﻪ ﻭﺭﺩﻩ ﺣﻤﺮﻩ ﺷﺎﻳﻠﻪ ﺷﻌﺮﻩ ﻟﻴﻔﻮﻙ
ﺑﺎﺭﺯﻩ ﺭﻛﺒﺘﻪ ﺍﻧﺘﺒﻬﺖ ﻋﻠﻴﻪ ﺑﻜﻞ ﺗﻔﺎﺻﻴﻠﻪ
ﻣﻦ ﻋﻴﻮﻧﻪ ﺍﻟﺤﻨﺠﻪ
ﺑﻌﺪﻳﻦ ﺭﻛﺰﺕ ﻋﻠﻰ ﺍﻟﺸﻔﺎﻳﻒ
ﻫﻬﻬﻪ ﺷﺎﻳﻒ ﻃﻔﻞ ﻭﻣﺴﻮﻱ ﺟﺮﻳﻤﻪ ﻭﺧﺎﻳﻒ ﻣﻦ ﺍﻣﻪ ﻻ ﺍﺗﻌﺎﻗﺒﻪ ﻫﻴﺞ ﺃﻧﻲ ﺣﺎﻟﺘﻲ ﺑﺬﻳﺞ ﺍﻟﺴﺎﻋﻪ
ﺍﺧﺮ ﺷﻲ ﻛﺘﻠﻪ
ﻭﺍﻟﻠﻪ ﻭﺍﻟﻠﻪ ﻣﺴﻮﻳﺖ ﺷﻲ
ﺍﺑﺘﺴﻤﺖ ﻭﻛﺎﻟﺖ
ﻭﺍﻧﻲ ﺷﻌﻠﻴﻪ ﺑﻴﻚ
ﺧﺒﻠﺘﻨﻲ ﻣﻦ ﻛﺎﻟﺖ ﻫﻴﺞ ﻣﻦ ﺻﺪﻙ ﻃﻠﻌﺖ ﺧﺒﺎﻻﺗﻲ ﻛﻤﺖ ﺍﺗﺼﻴﺢ
ﺍﻧﺘﻲ ﺷﻨﻮ ﻣﺘﺤﺴﻴﻦ ﻫﻨﺎ ﺷﻜﻮ ﻭﺃﺷﺮ ﻋﻠﻰ ﻛﻠﺒﻪ
ﻫﻨﺎ ﺷﻜﻮ ﺣﺠﺮ ﻟﻮ ﺷﻨﻮ
ﻣﻴﺪﻙ ﻣﺜﻞ ﺍﻟﻨﺎﺱ ﻓﻬﻤﻴﻨﻲ
ﺑﺎﻭﻋﺖ ﻟﻠﺒﻴﺖ ﻭﻫﻴﻪ ﻻﺯﻣﻪ ﺍﻟﺒﺎﺏ ﻭﻛﺎﻟﺖ
ﺃﺵ ﺃﺵ ﻓﻀﺤﺘﻨﻪ ﺷﺒﻴﻚ
ﺗﺮﻩ ﺍﻧﻲ ﻣﻮ ﻣﺜﻞ ﻏﻴﺮﻱ ﻭﺗﺒﺎﻭﻉ ﻋﻠﻰ ﺑﻴﺖ ﻋﻼ
ﻋﻼ ﻣﻨﻮ ﻧﺘﺮﺕ
ﻋﻼ ﺍﻟﺒﻨﻴﻪ ﺍﻟﻲ ﺭﺣﺖ ﻭﻳﺎﻫﻪ
ﺍﻧﻌﻞ ﺍﺑﻮ ﻋﻼ ﻻﺑﻮ ﻋﻤﻪ ﻣﻨﻮ ﻛﻠﺞ ﺍﻧﺘﻲ ﻣﺜﻠﻪ
ﻟﻌﺪ ﺷﺒﻴﻚ ﺟﺎﻱ ﺗﺼﻴﺢ ﻣﻨﺎ ﺍﻟﻌﺎﻟﻢ
ﺑﻌﺪﻧﻲ ﻣﺎﺣﺠﻴﺖ ﻃﻠﻌﺖ ﻋﻼ ﺻﺎﺣﺖ
ﻛﻤﺎﻝ
ﺩﺭﺕ ﻭﺟﻬﻲ ﺷﻔﺘﻪ ﻻﺑﺲ ﺭﻭﺏ ﻭﻻﻓﻪ ﻧﻔﺴﻪ ﺑﻴﻪ ﻣﺒﻴﻦ ﻻﺑﺲ ﻣﻼﺑﺲ ﺟﻮﻩ ﻣﻔﻀﻮﺣﻪ
ﻫﺎﻙ ﺍﺳﺘﻠﻢ ﻛﺎﻟﺖ ﺭﺑﺎﺏ
ﺍﻟﺘﻔﺘﺖ ﻋﻠﻰ ﻋﻼ ﻛﺘﻠﻪ ﻃﺒﻲ ﺟﻮﻩ ﻫﺴﻪ ﺍﺟﻲ
ﺍﻟﺘﻔﺘﺖ ﻋﻠﻰ ﺭﺑﺎﺏ ﻛﺘﻠﻪ ﺑﻌﻴﻨﻲ ﺭﺑﺎﺏ ﻋﺒﺎﻟﺞ ﻣﺎﻛﻮ ﻏﻴﺮﺝ ﺑﻠﺪﻧﻴﻪ
ﺭﺟﻌﺖ ﺍﻟﺒﻴﺖ ﻋﻼ ﻭﺍﻧﻲ ﺍﻛﻮﻝ
ﺃﻧﻲ ﺷﺠﺎﻱ ﺍﺳﻮﻱ
ﺟﺎﻱ ﺍﻋﺎﻗﺐ ﺭﺑﺎﺏ ﻟﻮ ﺍﻋﺎﻗﺐ ﻧﻔﺴﻲ
ﺭﺩﺕ ﺑﺲ ﻭﺍﺣﺪ ﻳﺠﺮﻧﻲ ﺑﻬﻞ ﻟﺤﻈﻪ ﻭﻳﻄﻠﻌﻨﻲ ﻣﻦ ﻫﺬﺍ ﺍﻟﻄﺮﻳﻖ
ﻭﺻﻠﺖ ﺍﻟﺒﻴﺖ ﻋﻼ ﺩﺭﺕ ﻭﺟﻬﻲ ﺷﻔﺖ ﺭﺑﺎﺏ ﻣﺜﻞ ﺍﻟﻮﺍﺣﺪ ﻣﺼﺪﻭﻡ ﺑﻘﺖ ﻭﺍﻛﻔﻪ ﻭﺗﺒﺎﻭﻉ ﻳﻤﻜﻦ ﻧﺸﻒ ﺍﻟﺪﻡ ﺑﻴﻪ
ﻃﺒﻴﺖ ﻭﺳﺪﻳﺖ ﺍﻟﺒﺎﺏ
ﻭﻛﻔﺖ ﻭﻇﻬﺮﻱ ﻋﻠﻰ ﺍﻟﺒﺎﺏ ﻟﺤﺪ ﻣﺎ ﺳﻤﻌﺖ ﺑﺎﺏ ﺑﻴﺖ ﺭﺑﺎﺏ ﺍﻧﺴﺪﺕ
ﺭﺟﻌﺖ ﻓﺘﺤﺖ ﺍﻟﺒﺎﺏ ﻭﻃﻠﻌﺖ
ﺷﺎﺭﺩ ﻣﻦ ﻛﻠﺸﻲ
ﺛﺎﻧﻲ ﻳﻮﻡ ﻣﺎﺭﺣﺖ ﻟﻠﺸﻐﻞ
ﺛﺎﻟﺚ ﻳﻮﻡ ﻫﻢ ﻣﺎﺭﺣﺖ
ﺑﻘﻴﺖ ﺍﺳﺒﻮﻉ ﻧﺎﻳﻢ ﻣﺼﺨﻦ ﻣﺎﻟﻲ ﺧﻠﻚ
ﺑﻌﺪ ﺍﻷﺳﺒﻮﻉ ﻃﻠﻌﺖ ﻟﻠﺸﻐﻞ
ﺩﺧﻠﺖ ﻟﻠﻤﺤﻞ ﺳﻮﺍﻟﻒ ﻭﻳﻪ ﺍﻟﻮﻟﺪ ﻭﺑﻨﺎﺕ ﻭﺷﻲ
ﻋﻴﻨﻲ ﻋﻠﻰ ﺍﻟﺴﺎﻋﻪ ﺷﻮﻛﺖ ﺗﺼﻴﺮ ﺍﻟﺴﺎﻋﻪ ﺑﻠﻌﺸﺮﻩ
ﻣﺸﺘﺎﻕ ﺍﺷﻮﻓﻪ ﺃﻱ ﻣﺸﺘﺎﻕ ﻛﻠﺶ
ﺻﺎﺭﺕ ﺍﻟﻌﺸﺮﻩ ﻭﺍﺣﺲ ﻛﻠﺒﻲ ﻳﺪﻙ ﻭﻳﻪ ﺩﻛﺖ ﺍﻟﺴﺎﻋﻪ
ﻋﻴﻨﻲ ﻋﻠﻰ ﺍﻟﺒﺎﺏ ﻭﺃﻳﺪﻱ ﻋﻠﻰ ﻛﻠﺒﻲ
ﺍﻧﻔﺘﺢ ﺍﻟﺒﺎﺏ ﺩﺧﻠﺖ
ﺑﺸﻜﻠﻪ ﺑﻄﻮﻟﻪ ﺍﻟﺤﻠﻮ
ﺑﺸﻌﺮﻩ ﺍﻷﺣﻤﺮ ﻣﺘﻤﻮﺝ
ﻻﺑﺴﻪ ﺍﺳﻮﺩ ﺍﻭﻑ ﺷﻜﺪ ﺣﻠﻮ ﻋﻠﻴﻪ ﺍﻷﺳﻮﺩ
ﻣﻦ ﺷﺎﻓﺘﻨﻲ ﺣﺴﻴﺘﻪ ﺗﻔﺎﺟﺌﺖ
ﺩﺧﻠﺖ ﺭﺋﺴﺂ ﺍﺟﺖ ﻋﻠﻴﻪ ﻛﺎﻟﺖ
ﻭﻳﻦ ﺟﻨﺖ ﺻﺎﺭ ﻟﻚ ﺍﺳﺒﻮﻉ ﻣﺎﻛﻮ
ﺩﻧﻜﺖ ﻭﺍﻧﻲ ﺍﺣﺠﻲ ﻛﺘﻠﻪ
ﺟﻨﺖ ﻣﺮﻳﻆ
ﻻ ﻣﻮ ﻣﺮﻳﻆ ﺑﺲ ﻣﻬﺰﻭﻡ
ﺑﺎﻭﻋﺖ ﻋﻠﻴﻪ ﺑﺘﺤﺪﻱ ﻛﺘﻠﻪ ﻻ ﻣﻮ ﻣﻬﺰﻭﻡ
ﻟﻌﺪ ﺷﻨﻮ ﻣﻌﻨﺎﺗﻪ ﺗﺼﺮﻓﻚ ﻫﺬﺍ
ﺷﻮﻑ ﺃﻧﻲ ﺍﻟﻲ ﻳﺮﻳﺪﻧﻲ ﻻﺯﻡ ﻳﻜﻮﻥ ﺷﺠﺎﻉ ﻗﻮﻱ ﻳﺴﻮﻱ ﺍﻟﻤﺴﺘﺤﻴﻞ ﻋﻠﻰ ﻣﻮﺩﻱ
ﻣﻮ ﻣﻦ ﺍﻭﻝ ﻣﻌﺮﻛﻪ ﻳﻨﻬﺰﻡ ﻭﻳﺼﺨﻦ
.....
ﺍﺑﺘﺴﻤﺖ ﻛﺘﻠﻪ ﻭﺍﻧﺘﻲ ﺷﻤﺪﺭﻳﺞ ﺟﻨﺖ ﻣﺼﺨﻦ
ﻫﻬﻬﻪ ﺍﻛﻴﺪ ﻣﺼﺨﻦ ﺧﺪﻳﺪﺍﺗﻚ ﺫﺑﻼﻧﺎﺕ
ﺗﻠﻤﺴﺖ ﺧﺪﻭﺩﻱ ﻭﻛﺘﻠﻪ
ﺗﺮﻭﺣﻠﺞ ﻓﺪﻭﻩ ﺧﺪﻳﺪﺍﺗﻲ ﻫﻬﻬﻬﻪ
ﺍﺳﺘﻤﺮﺕ ﻋﻼﻗﺘﻲ ﻭﻳﻪ ﺭﺑﺎﺏ
ﺗﺒﺎﺩﻟﻨﻪ ﺍﻻﺭﻗﺎﻡ
ﻧﺘﺮﺍﺳﻞ ﻋﻠﻰ ﻃﻮﻝ
ﻧﺴﻮﻟﻒ
ﻣﺮﺍﺕ ﻧﻄﻠﻊ ﺍﻟﻤﻄﻌﻢ
ﺟﺎﻧﺖ ﺍﻟﻲ ﺃﻡ ﻭﺻﺪﻳﻘﻪ ﻭﺣﺒﻴﺒﻪ
ﻭﻳﺎﻫﻪ ﺍﺑﺪ ﻣﺎﺣﺴﻴﺖ ﺃﻧﻲ ﺭﺟﺎﻝ
ﺟﻨﺖ ﺍﺣﺲ ﺍﺣﺒﻪ ﺣﺐ ﻣﺎﺑﻲ ﻣﺼﻠﺤﻪ
ﻭﻻ ﺣﺐ ﺟﺴﺪ
ﻻ ﺣﺐ ﻃﺎﻫﺮ ﻧﻈﻴﻒ
ﺑﺲ ﺟﺎﻧﺖ ﻫﻮﺍﻱ ﺗﻘﺎﺭﻥ ﺑﻴﻨﻲ ﻭﺑﻴﻨﻬﻪ
ﺃﻧﻲ ﺟﺒﻴﺮﻩ ﻭﺍﻧﺖ ﺻﻐﻴﺮ ﺑﻌﺪﻙ
ﺃﻧﻲ ﺳﻤﺮﻩ ﻭﺍﻧﺖ ﻗﺸﻄﻪ
ﻫﻬﻬﻬﻪ
ﺷﻔﺘﻪ ﺍﺑﺘﺴﻢ ﻛﺘﻠﻪ ﻫﺎ ﺷﺘﺬﻛﺮﺕ
ﻫﻬﻬﻪ ﻣﺮﻩ ﻛﺎﻋﺪﻳﻦ ﺃﻧﻲ ﻭﻳﺎﻫﻪ ﺑﻤﻂ
ﺟﺎﻧﺖ ﺍﻟﻜﺮﺍﺳﻲ ﻭﺣﺪﻩ ﺑﺼﻒ ﺍﻟﺜﺎﻧﻲ ﻳﻌﻨﻲ ﻛﻌﺪﻧﻪ ﺳﻮﻩ
ﺟﺎﻧﺖ ﻣﺨﻠﻴﻪ ﺍﻳﺪﻩ ﻋﻠﻰ ﺍﻟﻄﺒﻠﻪ
ﺃﻧﻲ ﻫﻢ ﺧﻠﻴﺖ ﺍﻳﺪﻱ
ﺑﺴﺮﻋﻪ ﺟﺮﺕ ﺍﻳﺪﻩ
ﻧﺰﻳﺖ ﻛﺘﻠﻪ
ﻟﻴﺶ ﺟﺮﻳﺘﻲ ﺍﻳﺪﺝ
ﻛﺎﻟﺖ
ﻫﻬﻪ ﻭﻙ ﺳﺘﺤﻴﺖ ﻣﻦ ﺍﻳﺪﻱ ﺳﻮﺩﻩ ﻳﻢ ﺍﻳﺪﻙ
ﺟﺮﻳﺖ ﺍﻳﺪﻩ ﺧﻠﻴﺘﻪ ﻋﻠﻰ ﺷﻔﺎﻳﻔﻲ ﺑﺴﺘﻬﻢ ﻭﻛﺘﻠﻪ
ﺍﺣﻠﻰ ﺍﺩﻳﻦ ﻭﺭﺑﻲ
ﻣﺮﺕ ﺍﻷﻳﺎﻡ ﻋﻠﻴﻨﻪ ﺻﺎﻓﻴﻪ ﻣﺜﻞ ﺍﻟﺸﻬﺪ
ﺻﺎﺭ ﻋﻤﺮﻱ ﻋﺸﺮﻳﻦ ﺳﻨﻪ
ﻭﻫﻴﻪ ﻋﻤﺮﻩ 30 ،ﺳﻨﻪ
ﺃﻧﻲ ﺍﺯﺩﺍﺩ ﺟﻤﺎﻝ
ﻭﻫﻴﻪ ﺗﻜﺒﺮ
ﺑﻴﻮﻡ ﻃﻠﻌﻨﻪ ﻧﺘﻤﺸﻰ ﺍﺟﺖ ﺑﻴﻨﻪ ﺗﺒﻴﻊ ﻛﻠﻨﺲ ﻛﺎﻟﺖ
ﻋﻔﻴﻪ ﻋﻤﻮ ﺍﺷﺘﺮﻱ ﻣﻨﻲ ﺑﺎﻛﻴﺖ ﺍﻟﻠﻪ ﻳﺨﻠﻴﻠﻚ ﺍﻣﻚ
ﻫﻬﻬﻬﻬﻬﻪ ﺃﻧﻲ ﻇﺤﻜﺖ ﺻﺪﻛﻨﻲ ﻣﺠﺎﻥ ﻗﺼﺪﻱ ﺍﻗﻬﺮﻫﻪ ﺍﻭ ﺍﻥ ﺍﻓﺮﺡ ﺑﻠﻲ ﻛﺎﻟﺘﻪ ﺍﻟﻄﻔﻠﻪ ﻻ ﺍﺑﺪ
ﻇﺤﻜﺖ ﻋﻠﻰ ﻓﻄﺎﺭﻳﺖ ﺍﻟﺒﻨﻴﻪ
ﻛﺘﻠﻪ ﻻﻥ ﺣﻠﻔﺘﻴﻨﻲ ﺑﻠﻐﺎﻟﻴﻪ ﺭﺍﺡ ﺍﺷﺘﺮﻱ ﻣﻨﺞ
ﺍﺷﺘﺮﻳﺖ ﻭﺩﺭﺕ ﻭﺟﻬﻲ ﻣﺎﻟﻜﻴﺖ ﺭﺑﺎﺏ
ﺭﺑﺎﺏ ﺭﺑﺎﺏ ﻣﺎﻛﻮ
ﺭﻛﻈﺖ ﺍﺩﻭﺭ ﻋﻠﻴﻪ ﻣﺎﻛﻮ
ﺧﺎﺑﺮﺕ ﺃﻧﻄﺘﻨﻲ ﺭﻓﻆ
ﺭﺟﻌﺖ ﻟﻠﺒﻴﺖ ﻭﺑﺎﻟﻲ ﻳﻤﻬﻪ
ﺍﺧﺎﺑﺮ ﻳﻄﻠﻊ ﻣﻐﻠﻖ
ﺍﻟﻠﻴﻞ ﻛﻠﻪ ﻳﻤﻜﻦ ﺃﻟﻒ ﻣﺮﻩ ﺧﺎﺑﺮﺕ
ﺛﺎﻧﻲ ﻳﻮﻡ ﻃﻠﻌﺖ ﻟﻠﺸﻐﻞ
ﻋﻴﻨﻲ ﻋﻠﻰ ﺍﻟﺴﺎﻋﻪ
ﺻﺎﺭﺕ ﺑﻠﻌﺸﺮﻩ ﺩﺧﻠﺖ ﺭﺑﺎﺏ
ﺍﺟﺖ ﻋﻠﻴﻪ ﻛﺎﻟﺖ
ﻛﻤﺎﻝ ﺗﻌﺎﻝ ﻭﺭﺍﻱ ﺍﺭﻳﺪﻙ ﻫﺴﻪ
ﻭﺧﻠﺖ ﻭﻃﻠﻌﺖ
ﺻﺤﺖ ﻭﺭﺍﻫﻪ ﻳﻤﻌﻮﺩﻩ ﺗﻌﺎﻟﻲ ﺷﺒﻴﺞ ﻣﺎﻛﻮ
ﻋﺮﻓﺖ ﺭﺍﻳﺤﻪ ﻟﻠﺤﺪﻳﻘﻪ ﺍﻟﻲ ﻧﻠﺘﻘﻲ ﺑﻴﻬﻪ
ﺭﺟﻌﺖ ﺍﺧﺬﺕ ﺍﺟﺎﺯﻩ ﻭﺭﺣﺖ ﻋﻠﻴﻬﻪ
ﻟﻜﻴﺘﻪ ﻛﺎﻋﺪﻩ ﺑﺎﺏ ﺍﻟﺤﺪﻳﻘﻪ ﺷﺎﻓﺘﻨﻲ ﺩﺧﻠﺖ ﺟﻮﻩ
ﻣﺸﻴﺖ ﻭﺭﺍﻫﻪ ﻭﺣﺎﺳﺲ ﺍﻛﻮ ﺷﻲ ﻣﻮ ﻃﺒﻴﻌﻲ
ﻛﻌﺪﺕ ﻋﻠﻰ ﺍﻟﻤﺼﻄﺒﻪ
ﻛﻌﺪﺕ ﻳﻤﻪ
ﺍﻟﺘﻔﺘﺖ ﻋﻠﻴﻪ ﻭﻋﻴﻮﻧﻪ ﻣﻮﺭﻣﻪ ﺑﺪﻭﻥ ﻣﻘﺪﻣﺎﺕ ﻛﺎﻟﺖ
ﻛﻤﺎﻝ ﺍﺣﻨﻪ ﻻﺯﻡ ﻧﻨﻔﺼﻞ
ﺑﻌﺪﻧﻲ ﻣﺎ ﻣﺴﺘﻮﻋﺐ ﺍﻟﻜﻼﻡ ﺭﺩﺕ ﻛﺎﻟﺖ
ﺃﻧﻲ ﻭﻳﺎﻙ ﻫﻮﺍﻱ ﻣﺨﺘﻠﻔﻴﻦ
ﺑﺎﻭﻉ ﻋﻠﻴﻪ ﻛﻤﺎﻝ ﺷﻨﻮ ﺍﺧﺮﺗﻨﻪ
ﻧﺘﺰﻭﺝ ﻧﺘﺮﺕ ﺑﻴﻪ
ﺃﻱ ﻭﺗﺰﻭﺟﻨﻪ ﺑﻌﺪ ﺍﻭﻝ ﻃﻔﻞ ﺃﻧﻲ ﺭﺍﺡ ﺍﻛﺒﺮ ﻭﺟﺴﻤﻲ ﻳﺘﺨﺮﺏ
ﻋﻴﻮﻧﻲ ﻳﻄﻔﻦ
ﺧﺪﻭﺩﻱ ﻳﺬﺑﻠﻦ
....
ﻭﺍﻧﺖ ﺍﻧﺖ ﺗﺠﺪﺩ ﺷﺒﺎﺏ ﻭﺟﻤﺎﻟﻚ ﻛﻞ ﻣﺘﻜﺒﺮ ﻳﻜﺒﺮ ﻭﻳﺎﻙ ﻋﺒﺎﻟﻚ ﻭﺭﺩﻩ ﻭﺗﻨﺴﻜﻲ
ﺑﻠﻤﻘﺎﺑﻞ ﺃﻧﻲ ﺭﺍﺡ ﺍﺷﻴﺦ
ﻭﺍﺻﻴﺮ ﻋﺠﻮﺯ
ﻭﺍﻧﺖ ﺗﺼﻴﺮ ﺗﺪﻭﺭ ﺑﻨﺎﺕ ﻭﺗﻘﺎﺭﻥ ﺑﻴﻨﺎﺗﻨﻪ
ﻭﺍﻷﻃﻔﺎﻝ ﺍﺫﺍ ﻃﻠﻌﻮ ﻋﻠﻴﻪ ﻛﻞ ﺍﻟﻲ ﻳﺸﻮﻓﻬﻢ ﻳﻜﻮﻝ
ﺣﺮﺍﻣﺎﺕ ﻟﻮ ﻃﺎﻟﻌﻴﻦ ﻋﻠﻰ ﺍﺑﻮﻫﻢ
ﻭﺍﺫﺍ ﻃﻠﻌﻮ ﻋﻠﻴﻚ ﻳﻜﻮﻟﻮﻥ ﻫﻤﺰﻳﻦ ﻃﻠﻌﻮ ﻋﻠﻰ ﺍﺑﻮﻫﻢ
ﻛﻤﺎﻝ ﻭﺍﻧﻲ ﺍﺑﻘﻰ ﺍﺗﺤﺴﺮ ﻭﺍﻟﻐﻴﺮﻩ ﺗﺎﻛﻠﻨﻲ ﻛﻤﺎﻝ ﺃﻧﻲ ﻣﺎ ﺍﺗﺤﻤﻞ ﺍﺷﻮﻓﻚ ﺗﺒﺎﻭﻉ ﺍﻟﻮﺣﺪﻩ ﻏﻴﺮﻱ
ﻭﺑﻨﻔﺲ ﺍﻟﻮﻗﺖ ﻣﺎ ﺍﻛﺪﺭ ﺍﻇﻠﻤﻚ
ﺍﻧﺖ ﺗﺴﺘﺤﻖ ﻭﺣﺪﻩ ﺣﻠﻮﻩ ﺻﻐﻴﺮﻩ
ﺗﻌﻴﺶ ﻭﻳﺎﻫﻪ ﻋﻤﺮﻙ ﺃﻧﻲ ﻣﺎ ﺍﻛﺪﺭ ﺍﻧﻄﻴﻚ ﺍﻟﻲ ﺗﺮﻳﺪﻩ
ﺑﻘﺖ ﺗﺴﻮﻟﻒ ﻭﺗﺸﺮﺡ ﻭﺍﻧﻲ ﺍﺳﺘﻤﻊ ﺍﻟﻪ ﻭﺍﻇﺤﻚ ﻋﻠﻰ ﻋﻘﻠﻪ ﺷﻠﻮﻥ ﺗﻔﻜﺮ ﺑﻬﻞ ﺷﻲ
ﻭﻫﻴﻪ ﺗﺪﺭﻱ ﺣﺒﻪ ﻣﺘﺮﺑﻊ ﺑﻜﻠﺒﻲ
ﺁﺧﺮ ﺷﻲ ﺟﺮﻳﺘﻪ ﺍﻟﺤﻈﻨﻲ ﻭﺳﻜﺘﺘﻪ
ﻛﺘﻠﻪ
ﻭﺝ ﺧﺒﻠﻪ ﺍﻧﺘﻲ ﺷﺘﺤﺠﻴﻦ ﺷﻨﻮ ﺍﻟﻨﺎﺱ ﺷﻨﻮ ﺍﻷﻃﻔﺎﻝ ﻟﺞ ﺑﺎﺑﺎ ﺍﻧﺘﻲ ﺭﻭﺣﻲ ﻣﻦ ﺍﻟﺪﻧﻴﻪ
ﺍﻧﻌﻞ ﺍﺑﻮ ﺍﻷﻃﻔﺎﻝ
ﻻﺑﻮ ﺍﻟﻨﺎﺱ ﻻﺑﻮ ﺍﻟﻴﺤﺠﻲ
ﺃﻧﻲ ﻟﻮ ﻣﺎ ﺍﻧﺘﻲ ﺗﺄﺟﻠﻴﻦ ﺟﺎﻥ ﻫﺴﻪ ﺍﺣﻨﻪ ﻣﺘﺰﻭﺟﻴﻦ ﻣﻦ ﺯﻣﺎﻥ
ﻫﺴﻪ ﺍﻧﺴﻲ ﻛﻠﺸﻲ ﺍﻻﺳﺒﻮﻉ ﺍﻟﺠﺎﻱ ﺍﺣﻨﻪ ﻣﺨﻄﻮﺑﻴﻦ ﺳﻤﻌﺘﻲ
ﺭﻓﻌﺖ ﺭﺍﺳﻪ ﺑﺄﻳﺪﻱ ﺍﺑﺎﻭﻉ ﻋﻠﻰ ﻋﻴﻮﻧﻬﻪ
ﺳﻤﻌﺘﻲ ﺣﺠﻴﺖ ﺑﻘﻬﺮ
ﻫﺰﺕ ﺭﺍﺳﻪ ﺑﺄﻱ
ﺭﺟﻌﻨﻪ ﻟﻠﺒﻴﺖ ﻭﺻﻠﺘﻪ ﻭﺭﺣﺖ ﺍﻟﺒﻴﺘﻨﻪ
ﻗﺮﺭﺕ ﺧﻼﺹ ﺍﺧﻄﺒﻪ ﻭﺍﺧﻠﺺ ﻏﺮﻓﻪ ﻋﻨﺪﻱ ﺍﺫﺍ ﻣﻘﺒﻠﺖ ﻧﻌﻴﺶ ﺑﻴﺘﻬﻢ
ﻭﺍﺫﺍ ﻣﺎﻛﻮ ﻧﺄﺟﺮ ﺑﻴﺖ
ﺷﻐﻠﻲ ﻭﺷﻐﻠﻪ ﻭﻧﻌﻴﺶ ﺍﺣﺴﻦ ﻋﻴﺸﻪ
ﻧﻤﺖ ﻭﺍﻧﻲ ﻣﻴﺖ ﻓﻜﺮﻩ ﺑﺮﺍﺳﻲ
ﺛﺎﻧﻲ ﻳﻮﻡ ﺍﻧﺘﻈﺮﺕ ﺻﺎﺭﺕ ﺑﻠﻌﺸﺮﻩ ﻣﺎﻛﻮ
ﺍﺷﺘﻐﻞ ﻭﻋﻴﻨﻲ ﻋﻠﻰ ﺍﻟﺒﺎﺏ
ﻟﻠﻈﻬﺮ ﻫﻢ ﻣﺎﻛﻮ
ﺗﺨﺒﻠﺖ
ﺧﺎﺑﺮﺕ ﻣﺎﻛﻮ ﺟﻬﺎﺯﻫﻪ ﻣﻐﻠﻖ
ﻣﺮ ﺍﻟﻴﻮﻡ ﺑﻠﻴﻞ ﺧﺎﺑﺮﺕ ﻫﻢ ﻣﻐﻠﻖ
ﺍﻧﺠﻨﻴﺖ
ﺃﻟﻒ ﻣﺮﻩ ﻳﻤﻜﻦ ﺧﺎﺑﺮﺕ
ﻫﻢ ﻣﺎﻛﻮ
ﺛﺎﻧﻲ ﻳﻮﻡ ﺭﺣﺖ ﺍﻟﺒﻴﺘﻬﻢ ﺩﻛﻴﺖ ﻣﺎﻛﻮ ﺑﺤﺠﺔ ﺍﺭﻳﺪ ﺍﺷﺘﺮﻱ ﻛﻴﻜﻪ
ﻣﺤﺪ ﻃﻠﻊ
ﻣﺮﺕ ﻳﻮﻣﻴﻦ ﺗﻼﺛﻪ ﺍﺳﺒﻮﻉ ﻫﻢ ﻣﺎﻛﻮ
ﺑﻌﺪ ﺍﻷﺳﺒﻮﻉ ﺭﺣﺖ ﻋﻠﻰ ﺑﻴﺘﻬﻢ
ﺷﻔﺘﻪ ﻣﻔﺘﻮﺡ
ﻧﺎﺱ ﻃﺎﺑﻪ ﻧﺎﺱ ﻃﺎﻟﻌﻪ
ﺍﻛﻮ ﺗﻴﻞ ﻛﺒﺎﻝ ﺑﻴﺘﻬﻢ ﻭﻛﻔﺖ ﻳﻤﻪ ﻛﻠﺖ ﺍﺗﺨﻒ ﺍﻟﻨﺎﺱ ﻭﺍﺭﻭﺡ ﻋﻠﻴﻬﻢ
ﺑﺲ ﺑﻠﻌﻜﺲ ﺍﻟﻨﺎﺱ ﺑﺪﺕ ﺗﺰﻳﺪ
ﺻﺎﺭﺕ ﺍﻟﺴﺎﻋﻪ ﺛﻨﺘﻴﻦ ﺍﻟﻈﻬﺮ
ﺍﺟﻮ ﺑﻨﺎﺕ ﻳﻤﻲ ﺳﺄﻟﺘﻬﻢ
ﺣﺒﻴﺒﺎﺗﻲ ﺍﻟﻴﻮﻡ ﺷﻌﺪﻫﻢ ﺑﻴﺖ ﺍﺑﻮ ﺭﺑﺎﺏ
ﻛﺎﻟﻮﺍ
ﻋﻤﻮ ﺍﻟﻴﻮﻡ ﻋﺮﺱ ﺭﺑﺎﺏ
ﻋﺒﺎﻟﻲ ﻣﺎﺳﻤﻌﺖ ﻛﻠﺖ ﺷﻨﻮ
ﺷﺒﻴﻚ ﻋﻤﻮ ﺭﺑﺎﺏ ﺃﻡ ﺍﻟﻜﻴﻚ ﺍﻟﻴﻮﻡ ﻋﺮﺳﻪ
ﻋﺎﻓﻨﻲ ﻭﺭﺍﺣﻦ ﺍﻟﺒﻨﺎﺕ
ﻭﺍﻧﻲ ﺑﻘﻴﺖ ﺟﺎﻣﺪ ﺑﻤﻜﺎﻧﻲ
ﺑﻌﺪ ﻣﺎ ﺍﺣﺲ ﺍﺑﺮﺩ ﺍﻭ ﺣﺮ
ﺻﺮﺕ ﻣﺜﻞ ﻫﺬﺍ ﺍﻟﺘﻴﻞ ﺍﻟﻮﺍﻛﻒ ﻫﻨﺎ
ﻣﺎﻋﺮﻑ ﺷﻜﺪ ﻣﺮ ﻋﻠﻴﻪ ﻣﻦ ﻭﻗﺖ ﺑﺲ ﺣﺴﻴﺖ ﺑﺴﻴﺎﺭﺍﺕ ﻭﻛﻔﺖ ﺑﺎﺑﻬﻢ
ﻫﻮﺭﻧﺎﺕ ﻭﺩﻙ ﻭﺭﻛﺺ
ﻭﺍﻧﻲ ﻋﻴﻨﻲ ﻋﻠﻰ ﺍﻟﺒﺎﺏ ﺑﺲ ﺍﺭﻳﺪ ﺍﺷﻮﻓﻬﻪ
ﺍﻛﻴﺪ ﻏﻠﻄﺎﻧﺎﺕ ﺍﻟﺒﻨﺎﺕ ﻣﻮ ﻋﺮﺱ ﺭﺑﺎﺏ ﻣﺴﺘﺤﻴﻞ
ﺗﻌﻮﻓﻨﻲ
ﺍﺟﺖ ﺳﻴﺎﺭﺓ ﺍﻟﻌﺮﺱ
ﺣﻤﺮﻩ ﻭﻣﺰﺭﻭﻗﻴﻨﻪ ﺑﺄﻟﻮﺍﻥ ﻭﻧﻔﺎﺧﺎﺕ
ﻭﻛﺎﺗﺒﻴﻦ ﺣﺮﻓﻴﻦ ﺑﻴﻪ
ﺣﺮﻑ H ﻭ R
ﺑﻘﻴﺖ ﻣﻨﺘﻈﺮ ﺍﺷﻮﻓﻪ ﺑﻌﻴﻨﻲ
ﺩﻗﺎﻳﻖ ﻃﻠﻊ ﺍﻟﻌﺮﻳﺲ
ﺑﻘﻴﺖ ﺃﻗﺎﺭﻥ ﺑﻴﻨﻲ ﻭﺑﻴﻨﻪ
ﺍﺳﻤﺮ ﺳﻤﻴﻦ ﺷﻌﺮﻩ ﺧﻔﻴﻒ
ﻭﻻ ﺍﻛﻮ ﻣﻘﺎﺭﻧﻪ ﺑﻴﻨﻲ ﻭﺑﻴﻨﻪ
ﻣﺎﺳﻚ ﺑﺄﻳﺪﻩ ﺭﺑﺎﺏ
ﺃﻱ ﻫﺎﻱ ﺭﺑﺎﺏ
ﺭﻏﻢ ﻣﻐﻄﻴﻦ ﻭﺟﻬﻪ ﺑﺲ ﻛﻠﺒﻲ ﺣﺲ ﻫﻴﻪ ﺭﺑﺎﺏ
ﺻﻌﺪﻩ ﺑﻠﺴﻴﺎﺭﻩ
ﻣﺮﻭ ﻣﻦ ﻳﻤﻲ
ﻭﺍﻧﻲ ﺑﺎﻗﻲ ﻣﺘﺴﻤﺮ
ﻻ ﺣﺮﻛﺖ ﺍﻳﺪ ﻭﻻ ﺭﺟﻞ
ﺑﻌﺪﻩ ﻣﺎﺣﺴﻴﺖ ﻋﻠﻰ ﺷﻲ
ﻓﺘﺤﺖ ﻋﻴﻮﻧﻲ ﻛﻠﺶ ﺛﻜﻴﻼﺕ ﺍﺳﻤﻊ ﺻﻮﺕ
ﺗﻚ ﺗﻜﻪ ﻳﻤﻲ
ﺍﺷﺘﻤﻴﺖ ﺭﻳﺤﺔ ﺩﻳﺘﻮﻝ
ﺷﻔﺖ ﺑﻴﺎﺽ ﻛﺪﺍﻣﻲ
ﺭﺩﺕ ﺍﺷﻴﻞ ﺍﻳﺪﻱ ﻣﺎﻛﺪﺭﺕ
ﺳﻤﻌﺖ ﺻﻮﺕ ﺍﺑﻮﻳﻪ ﻭﺍﻣﻲ ﻳﺤﺠﻮﻥ
ﻓﺘﺤﺖ ﻋﻴﻮﻧﻲ
ﺣﺴﻮ ﻋﻠﻴﻪ ﺻﺎﺣﺖ ﺍﻣﻲ
ﻛﻤﺎﻝ ﻳﻤﻪ ﻛﻌﺪﺕ
ﺭﻛﻆ ﺍﺑﻮﻳﻪ ﻳﺼﻴﺢ ﻟﻠﻄﺒﻴﺐ
ﺑﻌﺪ ﻓﺤﻮﺻﺎﺕ ﻋﺮﻓﺖ ﺻﺎﺭﻟﻲ ﺷﻬﺮ ﺑﻐﻴﺒﻮﺑﻪ ﻣﻦ ﺍﻟﺸﻤﺲ ﻭﺍﻟﺼﺪﻣﺔ
ﺑﻘﻴﺖ ﺍﺳﺒﻮﻉ ﺑﻠﻤﺴﺘﺸﻔﻰ ﺑﻌﺪﻩ ﻃﻠﻌﺖ
ﻛﺮﻫﺖ ﺍﻟﺸﻐﻞ
ﻭﻛﺮﻫﺖ ﺍﻟﺒﻴﺖ
ﻭﻛﺮﻫﺖ ﺣﺘﻪ ﺷﻜﻠﻲ
ﺗﻤﻨﻴﺖ ﻣﺎ ﺍﻛﻮﻥ ﺑﻬﺬﺍ ﺍﻟﺠﻤﺎﻝ
ﺑﻌﺪ ﺷﻬﺮ ﺍﺝ ﻋﻠﻴﻪ ﺻﺪﻳﻘﻲ ﺳﻠﻢ ﻋﻠﻴﻪ ﺃﻭ ﻭﺩﻋﻨﻲ
ﻛﻠﻲ ﺃﻧﻲ ﺭﺍﻳﺢ ﻟﻠﺤﺸﺪ
ﻛﺘﻠﻪ
ﺍﻟﻲ ﻳﺮﻭﺡ ﻟﻠﺤﺸﺪ ﻳﻤﻮﺕ
ﻭﺍﻟﻠﻪ ﻳﺨﻮﻱ ﺍﻻﻋﻤﺎﺭ ﺑﻴﺪ ﺍﻟﻠﻪ
ﺣﺒﻴﺖ ﺍﻟﻔﻜﺮﻩ
ﺛﺎﻧﻲ ﻳﻮﻡ ﺭﺣﺖ ﺍﺗﻄﻮﻋﺖ ﻭﺍﺟﻴﺖ ﻟﻬﻨﺎ
ﺍﻟﺘﻔﺖ ﻋﻠﻴﻪ ﻭﻛﻠﻲ
ﻋﻼﻭﻱ ﺷﻨﻮ ﺫﻧﺒﻲ ﺍﻧﻲ ﻫﺎ ﻟﻴﺶ ﺗﻌﺎﻗﺒﻨﻲ ﻋﻠﻰ ﺷﻲ ﻣﺎﻟﻲ ﺩﺧﻞ ﺑﻴﻪ
ﻟﻴﺶ ﻋﻼﻭﻱ
ﻟﻮ ﻣﻌﺎﻗﺒﺘﻨﻲ ﻋﻠﻰ ﻃﺒﻌﻲ
ﻋﻠﻰ ﺃﺧﻼﻗﻲ
ﻋﻠﻰ ﻭﻇﻌﻲ
ﻣﻮ ﻋﻠﻰ ﺷﻲ ﺃﻧﻲ ﻣﺎﻟﻲ ﺩﺧﻞ ﺑﻴﻪ
ﺍﻟﻠﻪ ﺍﻟﺨﺎﻟﻘﻨﻲ ﻋﻼﻭﻱ
ﺭﺍﺡ ﺍﺗﺨﺒﻞ ﻳﻌﻨﻲ ﻫﻴﺞ ﺍﻧﺴﺎﻧﻪ ﺗﺘﺮﻙ ﻛﻠﺸﻲ ﺑﺴﻬﻮﻟﻪ
ﻋﻼﻭﻱ ﻫﻴﻪ ﻋﻠﻤﺘﻨﻲ ﻋﻠﻰ ﻛﻠﺸﻲ
ﺣﺘﻰ ﺍﻣﻲ ﻣﻌﻠﻤﺘﻨﻲ ﺑﻜﺪﻩ
ﻓﻬﻤﺖ ﺍﻟﺪﻧﻴﻪ ﺻﺢ ﻭﻳﺎﻫﻪ
ﺻﻌﺐ ﺍﻧﺴﺎﻫﻪ
ﻻ ﻣﺴﺘﺤﻴﻴﻴﻴﻴﻴﻴﻴﻴﻞ ﺍﻧﺴﺎﻫﻪ
ﺷﻔﺘﻪ ﺍﺗﻬﺴﺘﺮ ﻋﻴﻮﻧﻪ ﺟﻀﺤﻦ ﻟﻴﻔﻮﻙ
ﺩﻣﻮﻋﻪ ﺗﺠﺮﻱ ﺟﺴﻤﻪ ﻛﺎﻡ ﻳﺮﺟﻒ ﻣﺜﻞ ﺍﻟﺴﻌﻔﻪ
ﻟﺰﻣﺘﻪ ﻣﻦ ﺧﺪﻭﺩﻩ ﻭﻛﻔﺖ ﺭﺍﺳﻪ ﻭﺧﻠﻴﺘﻪ ﻳﺒﺎﻭﻋﻠﻲ ﻭﻛﺘﻠﻪ
ﺍﻫﺪﺉ ﻛﻤﺎﻝ ﺍﻫﺪﺉ ﻛﺎﻓﻲ ﺑﺠﻲ ﺍﻧﺖ ﺯﻟﻤﻪ ﻭﺍﻟﺰﻟﻤﻪ ﻣﺎﺗﺒﺠﻴﻪ ﻣﺮﻩ
ﺍﺳﻤﻊ ﻳﺨﻮﻱ ﺍﺭﻳﺪ ﺍﺣﺠﻲ ﻭﻳﺎﻙ ﺣﺘﻰ ﻻ ﺗﺰﻋﻞ ﻣﻨﻲ
ﺑﺲ ﺗﺮﻩ ﺍﻟﺒﻨﻴﻪ ﺍﻟﻪ ﺣﻚ
ﺷﻠﻮﻥ ﻋﻼﻭﻱ ﺍﻟﻪ ﺣﻖ ﺗﻌﻮﻓﻨﻲ
ﻻ ﺑﺲ ﺗﺮﻩ ﺍﻟﺒﻨﻴﻪ ﻓﺎﻫﻤﻪ ﺍﻭ ﻭﺍﻋﻴﻪ ﺭﻏﻢ ﻫﻴﻪ ﺗﺤﺒﻚ ﻭﺍﻧﺎ ﻣﺘﺄﻛﺪ ﻣﻦ ﻫﺬﺍ ﺍﻟﺸﻲ
ﺑﺲ ﺗﺮﻩ ﺍﻟﻲ ﺳﻮﺗﻪ ﺻﺢ
ﻳﻌﻨﻲ ﺍﻟﻤﺮﻩ ﺗﻜﺒﺮ ﺑﺴﺮﻋﻪ ﻭﻳﺘﻐﻴﺮ ﺷﻜﻠﻪ
ﻭﺍﻧﺖ ﺍﻟﻠﻪ ﺫﺍﺏ ﻋﻠﻴﻚ ﺍﻟﺠﻤﺎﻝ
ﻭﻟﻮ ﺗﺰﻭﺟﺘﻮ ﻭﺻﺎﺭﺕ ﺍﻟﻚ
ﺭﺍﺡ ﻳﺘﻐﻴﺮ ﺷﻌﻮﺭﻙ ﻫﺬﺍ
ﻭﺧﺎﺻﻪ ﻣﻦ ﺗﺸﻮﻑ ﺍﻟﺒﻨﺎﺕ ﺍﻷﺻﻐﺮ ﻣﻨﻬﻪ
ﻭﻫﻴﻪ ﺗﻜﺒﺮ ﻭﺗﺘﻐﻴﺮ
ﻣﺮﺍﺡ ﺗﺮﺗﺎﺣﻮﻥ
ﺍﻛﻴﺪ ﻫﻴﻪ ﺗﺤﺒﻚ ﺑﺲ ﻫﻴﻪ ﻓﻜﺮﺕ ﻟﻠﻤﺴﺘﻘﺒﻞ
ﻭﻛﺎﻟﺖ ﺍﺧﺘﺼﺮ ﻋﺬﺍﺑﻲ
ﺩﻧﻚ ﻣﺴﺢ ﻋﻴﻮﻧﻪ ﻭﻣﺪﺩ ﻋﻠﻜﺎﻉ ﺧﻠﻪ ﺍﻳﺪﻩ ﻭﺳﺎﺩﻩ ﺍﻟﺮﺍﺳﻪ
ﻛﻮﻡ ﻳﺨﻮﻱ ﻧﺎﻡ ﺑﻔﺮﺍﺷﻚ
ﻻ ﻋﻼﻭﻱ ﺧﻠﻴﻨﻲ ﻫﻨﺎ ﻧﺎﻳﻢ
ﺩﺧﻠﺖ ﻟﻠﻐﺮﻓﻪ ﻭﺍﻧﺎ ﻛﺎﺭﻩ ﺭﻭﺣﻲ ﻟﻮﻧﻲ ﻣﺎ ﺳﺎﻣﻊ ﺳﺎﻟﻔﺘﻪ ﺍﺣﺴﻠﻲ
ﺭﺑﻲ ﺑﺠﺎﻩ ﺣﺒﻴﺒﻚ ﻣﺤﻤﺪ ﻻ ﺗﺮﺍﻭﻳﻨﻲ ﺍﻟﻌﺸﻚ ﺍﺑﺪ
ﺛﺎﻧﻲ ﻳﻮﻡ ﻛﻌﺪﻭﻧﻪ ﻣﻦ ﺍﻻﺭﺑﻌﻪ ﻋﻠﻰ ﺻﻮﺕ ﺍﻷﻧﺬﺍﺭ
ﻛﺎﻟﻮ ﺍﻛﻮ ﺭﺗﻞ ﻃﺎﻟﻊ ﻣﻦ ﺗﻜﺮﻳﺖ ﻭﻣﺴﻮﻳﻠﻪ ﻛﻤﻴﻦ ﺍﻟﺪﻭﺍﻋﺶ ﻭﻻﺯﻡ ﻧﺮﻭﺡ ﻧﺪﻋﻤﻬﻢ ﻭﻧﺴﺎﻋﺪﻫﻢ
ﻓﻌﻼ ﺭﻛﺒﻨﻪ ﻭﻃﻠﻌﻨﻪ
ﻭﺻﻠﻨﻪ ﻟﻠﺮﺗﻞ
ﻟﻜﻴﻨﺎﻫﻢ ﻣﺤﺎﺻﺮﻳﻨﻬﻢ ﺑﻴﻦ ﺍﺭﺑﻊ ﺟﻬﺎﺕ
ﺗﻮﻟﻴﻨﺎﻫﻢ ﻛﺘﻞ
ﺍﺷﺘﻐﻠﺖ ﺍﻟﻤﻌﺮﻛﻪ ﺍﻛﺜﺮ ﻣﻦ ﻳﻮﻣﻴﻦ
ﻛﺪﺭﻧﻪ ﻧﻄﻠﻌﻬﻢ
ﻣﻦ ﻭﺻﻠﻮﺍ ﻳﻤﻨﻪ ﺗﺤﻤﺪﻧﻪ ﺍﻟﻬﻢ ﺑﻠﺴﻼﻣﻪ
ﻭﻣﺎ ﺷﻮﻓﻪ ﻏﻴﺮ ﻛﺒﺎﻟﻲ ﻭﺍﻛﻒ ﻛﺘﻠﻪ ﻣﻌﻘﻮﻟﻪ
....
ﻳﺘﺒﻊ
ﺍﺗﻤﻨﻪ ﻣﻨﻜﻢ ﺍﻟﺘﺼﻮﻳﺖ ﻟﻠﻘﺼﻪ ﺣﺘﻪ ﺗﺎﺧﺬ ﺣﻘﻪ
ﻭخلوا اصدقائكم يحملون التطبيق ﺣﺘﻪ ﺗﻜﺒﺮ ﻟﻤﺘﻨﻪ
ﺍﺧﺘﻜﻢ
# ﻃﺎﺋﺮ _ ﺑﻼ _ ﺗﻐﺮﻳﺪ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء