رواية أساور الفضة ج2 الجزء السادس عشر |
نهاية الجزء الثاني
للكاتبة نهى
.....
ﻫﺪﻯ
ﺑﻌﺪﻣﺎ ﻛﺎﻥ ﺍﻟﺒﻴﺖ ﻣﻨﻮﺭ ﺑﺄﺟﻮﺍﺀ ﺍﻟﻔﺮﺡ
ﻓﺠﺎﺀﺓ ﻭ ﺑﻠﺤﻈﺔ ﻭﺣﺪﺓ ﺍﻧﻘﻠﺒﺖ ﺍﻻﻣﻮﺭ
ﻭﺩﺧﻞ ﺍﻟﻔﺰﻉ ﻭﺍﻟﺨﻮﻑ ﺑﻜﻠﻮﺑﻨﺎ
ﺷﻠﻮﻥ ﻭﺷﻮﻛﺖ ﻭﻟﻴﺶ ﺍﻧﺨﻄﻒ ﻫﺸﺎﻡ
ﻫﺎﻱ ﺍﻟﻤﺎ ﻋﺮﻓﻨﺎﻫﺎ ﻟﺤﺪ ﻫﺴﺔ
ﻻﻥ ﺧﺎﻟﺔ ﻛﺎﻋﺪﺓ ﺑﺲ ﺗﺒﺠﻲ . ﻭﺗﺪﻋﻲ
ﻛﻮﻟﺸﻲ ﻣﻔﺘﻬﻤﺖ ﻣﻦ ﻋﻨﺪﻫﺎ ﻏﻴﺮ ﺑﺲ ﻫﺸﺎﻡ ﺍﻧﺨﻄﻒ
ﻭﺍﻟﻠﻪ ﻭﻛﻊ ﮔﻠﺒﻲ ﺑﻴﻦ ﺭﺟﻠﻴﺔ
ﺍﻡ ﻗﺎﺳﻢ ﻭﻫﻲ ﺗﺒﺠﻲ
.. ﻳﻤﺔ ﻫﺎﻱ ﻭﻳﻦ ﺟﺎﻧﺘﻠﻲ ﺍﺑﻨﻲ ﻳﻨﺨﻄﻒ ﻗﺒﻞ ﻋﺮﺳﻪ ﺑﺄﺳﺒﻮﻉ
ﻭﻗﺎﺳﻢ ﺭﺍﺡ ﻳﻨﺠﻦ ﻣﻦ ﺍﻟﺨﻮﻑ ﻋﻠﻰ ﺍﺧﻮﻩ
ﻳﻜﻮﻝ ﻟﻜﻮ ﺳﻴﺎﺭﺗﻪ ﻣﻔﺘﺤﺔ ﺑﺎﻟﺸﺎﺭﻉ ﻗﺮﻳﺐ ﻋﻠﻰ ﻣﻨﻄﻘﺘﻨﺎ
ﻭﻭﺍﺣﺪ
ﺧﻄﻴﺔ ﻛﺴﺮﺕ ﺧﺎﻃﺮﻱ ﻭﺍﻟﻠﻪ ﺣﺎﻟﻬﺎ ﻳﻤﺮﺩ ﺍﻟﮕﻠﺐ
ﺭﺣﺖ ﺍﻧﻄﻴﺘﻬﺎ ﻛﻼﺹ ﻣﺎﻱ
.. ﻫﺎﺝ ﺧﺎﻟﺔ ﺍﺧﺬﻱ ﺷﻐﺒﻲ ( ﺷﺮﺑﻲ ) ﺷﻮﻳﺔ ﻣﺎﻱ
ﻻ ﻳﺼﻴﻎ ( ﻳﺼﻴﺮ ) ﺑﻴﺞ ﺷﻲ ﻭﺗﺘﺨﻐﺒﻄﻴﻦ ( ﺗﺘﺨﺮﺑﻄﻴﻦ )
ﺍﺧﺬﺗﻪ ﻭﺷﺮﺑﺖ ﺷﻮﻳﺔ ﻭﻛﺎﻟﺖ
.. ﺭﺣﻤﺔ ﺍﻟﻠﻪ ﻭﺍﻟﺪﻳﺞ
ﻋﻔﻴﺔ ﺧﺎﻟﺔ ﻫﺪﻯ ﺍﺗﺼﻠﻲ ﻋﺎﻟﺒﻨﺎﺕ ﺧﻠﻲ ﻳﺮﺟﻌﻦ ﻟﻠﺒﻴﺖ
ﺑﻌﺪ ﻣﺎﻛﻮ ﺧﻄﻮﺑﺔ ﻭﻻ ﺍﻛﻮ ﻓﺮﺡ ﻣﻨﺎ ﻟﺤﺪ ﻣﺎ ﺑﺮﺟﻊ ﺍﺑﻨﻲ ﻟﺤﻀﻨﻲ
ﻭﻟﻴﺪﻱ ﺭﺍﺡ ﻭﻣﺎ ﺍﻋﺮﻑ ﻋﻨﻪ ﺍﻱ ﺧﺒﺮ
ﺑﺲ ﺍﻟﻠﻪ ﺍﻟﻲ ﻳﺴﺘﺮﻧﺎ
.. ﺍﻥ ﺷﺎﺀﺍﻟﻠﻪ ﺧﺎﻟﺔ ﻫﺴﺔ ﺍﺗﺼﻞ ﻋﻠﻴﻬﻢ
ﺑﺲ ﺍﻧﺘﻲ ﺍﻫﺪﻱ ﺷﻮﻳﺔ ﻣﻮﺯﻳﻦ ﻋﻠﻰ ﺻﺤﺘﺞ
ﺭﺣﺖ
ﺍﺗﺼﻠﺖ ﻣﻦ ﻧﻘﺎﻝ ﺧﺎﻟﺔ ﻻﻥ ﻧﻘﺎﻟﻲ ﻓﻮﻙ ﻭﻣﺎ ﺑﻴﺔ ﺣﻴﻞ ﺍﺻﻌﺪ ﺍﺟﻴﺒﻪ
ﺩﻛﻴﺖ ﻋﻠﻰ ﻣﻨﻰ ﻭﻓﻬﻤﺘﻬﺎ ﺍﻟﻤﻮﺿﻮﻉ ﻭﻫﻲ ﺍﻧﺨﺒﺼﺖ
ﻭﺩﺭﻭﺍ ﺍﻟﺒﻨﺎﺕ ﺳﻤﻌﺖ ﺻﻮﺕ ﻫﺎﻟﺔ ﻭﺳﺤﺒﺖ ﺍﻟﻨﻘﺎﻝ ﻣﻦ ﻣﻨﻰ ﻭﺳﺄﻟﺘﻨﻲ
.. ﻭﻟﺞ ﻫﺪﻯ ﺻﺪﻙ ﺗﺤﺠﻴﻦ ﻫﺸﺎﻡ ﺷﻠﻮﻥ ﺍﻧﺨﻄﻒ ﻭﻣﻨﻮ ﺧﻄﻔﻪ
ﺧﻄﻴﺔ ﻧﻬﺖ ﻛﻼﻣﻬﺎ ﺑﺎﻟﺒﺠﻲ
ﻣﻨﻰ ﺍﺧﺬﺗﻪ ﻣﻨﻬﺎ ﻭﻛﺎﻟﺖ
.. ﻫﺪﻯ ﺩﺯﻳﻠﻨﺎ ﺍﻟﻌﻢ ﺣﺴﻨﻴﻦ ﺧﻠﻲ ﻳﺠﻲ ﻋﻠﻴﻨﺎ ﻟﻠﺼﺎﻟﻮﻥ ﻳﺮﺟﻌﻨﺎ ﻟﻠﺒﻴﺖ
.. ﺍﻱ ﻫﺴﺔ . ﺍﻛﻠﻪ
ﻃﻠﻌﺖ ﻟﻠﺒﺎﺏ ﻭﻛﻠﺖ ﻟﻌﻤﻮ ﺣﺴﻨﻴﻦ
ﻭﺭﺟﻌﺖ ﻟﻜﻴﺖ ﺧﺎﻟﺔ ﺗﺘﺼﻞ ﻋﻠﻰ ﻋﺰﺍﻡ
ﻭﻋﺰﺍﻡ
ﻣﺎ ﺍﻧﻄﺎﻫﺎ ﺍﻱ ﺧﺒﺮ . ﻛﻠﻠﻬﺎ
.. ﺍﻧﻲ ﻳﻢ ﻗﺎﺳﻢ ﻭﺑﻌﺪﻧﺎ ﻟﺤﺪ ﻫﺴﺔ ﻣﺎ
ﻭﺻﻠﻨﺎ ﻻﻱ ﺷﻲ ﻳﺪﻟﻴﻨﺎ ﻋﻠﻰ ﻣﻜﺎﻧﻪ
ﻭﻣﻨﺘﻈﺮﻳﻦ ﺍﻟﺨﺎﻃﻔﻴﻦ ﻳﺘﺼﻠﻮﻥ ﻋﻠﻰ ﺍﻱ ﻟﺤﻈﺔ ﻳﻄﻠﺒﻮﻥ ﻓﺪﻳﺔ
ﺧﺎﻟﺔ ﻧﻬﺖ ﺍﻻﺗﺼﺎﻝ ﻭﻇﻠﺖ ﺗﺤﻮﻡ ﺑﺎﻟﺒﻴﺖ
ﻋﺒﺎﻟﻚ ﻭﺣﺪﺓ ﻋﻨﺪﻫﺎ ﺣﺎﻟﺔ ﻣﺨﺎﺽ
ﻭﻛﻞ ﺷﻮﻳﺔ ﺗﺪﻋﻲ ﻭﺗﻨﺬﺭ ﻛﻮﻥ ﺭﺑﻲ ﻳﺮﺟﻊ ﻭﻟﺪﻫﺎ ﺳﺎﻟﻤﻴﻦ ﻭﻳﺒﻌﺪ ﺍﻟﺒﻼﺀ ﻋﻨﻬﻢ
ﻭﺍﻧﻲ ﺍﻓﺘﺮ ﻭﺭﺍﻫﺎ ﺍﺍﻣﻦ ﻋﻠﻰ ﺩﻋﺎﺀﻫﺎ ﻭﺷﺎﻳﻠﺔ ﺍﺳﻮﺍ ﺍﻟﻲ ﻛﺎﻧﺖ ﺗﺒﺠﻲ .
ﻋﺒﺎﻟﻚ ﺗﺤﺲ ﺑﻴﻨﺎ ﺍﺗﺄﺛﺮﺕ ﺑﺎﺟﻮﺍﺀ ﺍﻟﺒﻴﺖ ﺍﻟﻤﺸﺤﻮﻧﺔ
ﻭﺭﺓ ﻓﺘﺮﺓ ﺍﺟﻮﻱ ﻗﺎﺳﻢ ﻭﻋﺰﺍﻡ ﻭﻋﻤﻮ ﻓﺮﺯﺩﻕ ﻭﺻﻬﻴﺐ .
ﻭﻛﻢ ﻭﺍﺣﺪ ﻣﻦ ﺟﻤﺎﻋﺘﻪ . ﻟﻘﺎﺳﻢ ﺩﺧﻠﻮﺍ ﻟﻼﺳﺘﻘﺒﺎﻝ
ﻗﺎﺳﻢ ﺩﺧﻠﻬﻢ ﻭﺍﺟﺔ ﺩﺧﻞ ﻟﻠﻤﻄﺒﺦ
ﺍﺑﺎﻭﻉ ﻋﻠﻴﻪ ﺷﻠﻮﻥ ﻭﺟﻬﻪ ﻣﺨﻄﻮﻑ
ﺟﺎﻧﺖ ﺧﺎﻟﺔ ﻛﺎﻋﺪﺓ ﻋﻠﻰ ﺍﻟﻘﻨﻔﺔ
ﺩﺗﺒﺠﻲ ﺑﺲ ﺷﺎﻓﺖ ﻗﺎﺳﻢ ﻛﺎﻣﺖ ﻋﻠﻰ ﺣﻴﻠﻬﺎ ﻭﻛﺎﻟﺖ
.. ﻫﺎ ﻳﻤﺔ ﻗﺎﺳﻢ ﺑﺸﺮﻧﻲ ﻭﻛﻠﻲ ﻟﻜﻴﺖ ﺍﺧﻮﻙ
ﻗﺎﺳﻢ ﺑﺎﺳﻬﺎ ﻣﻦ ﺭﺍﺳﻬﺎ ﻭﻛﻠﻠﻬﺎ
.. ﻳﻤﺔ ﺍﻧﺘﻲ ﺑﺲ ﺍﺩﻋﻴﻠﻪ ﻭﺍﻥ ﺷﺎﺀ ﺍﻟﻠﻪ ﺍﻟﻜﺎﻩ
ﺍﻧﺎ ﺷﺎﻙ ﺑﻬﻮﺍﻱ ﺍﻃﺮﺍﻑ . ﺍﻟﻬﻢ ﻳﺪ ﺑﺨﻄﻔﻪ
ﺑﺲ ﻣﺎ ﻋﻨﺪﻱ ﺍﻱ ﺩﻟﻴﻞ ﺣﺘﻰ ﺍﻭﺟﻪ ﺍﻻﺗﻬﺎﻡ . ﻭﺍﺗﺤﺮﻙ ﻋﻠﻰ ﺿﻮﺀﻩ
.....
ﺍﻡ ﻗﺎﺳﻢ .. ﻣﻨﻮ ﻫﺬﻭﻟﻲ ﺍﻟﻲ ﻳﺨﻄﻔﻮﺍ ﻭﺷﻨﻮ ﻣﺼﻠﺤﺘﻬﻢ
ﺍﺷﻮ ﻫﺸﺎﻡ ﺳﻮﺩﺓ ﻋﻠﻴﺔ ﻛﺎﻓﻲ ﺧﻴﺮﻩ ﺷﺮﻩ
ﻻ ﻣﺘﻌﺎﺭﻙ ﻭﻳﺔ ﺍﺣﺪ ﻭﻻ ﻣﺄﺫﻳﻠﻪ ﻭﺍﺣﺪ
.. ﻳﻤﺔ ﻳﻜﻔﻲ ﺍﻧﺎ ﺍﺧﻮﻩ ﻫﺬﺍ ﺍﻛﺒﺮ ﺳﺒﺐ ﻳﺨﻠﻴﻬﻢ ﻳﻄﻤﻌﻮﻥ
ﻭﻳﺨﻄﻔﻮﺍ ﻫﺎﻱ ﻭﺣﺪﺓ ﻣﻦ ﺍﻻﺳﺒﺎﺏ
ﺍﺑﺎﻭﻉ ﻋﻠﻴﻪ ﻫﺪﻱﺀ ﺍﻣﻪ ﻭﻛﻠﻠﻬﺎ
.. ﻳﻤﺔ ﺍﺑﻮﺱ ﺍﻳﺪﺝ ﻻ ﺗﺄﺫﻳﻦ ﻧﻔﺴﺞ ﻻﺗﺨﻠﻴﻦ ﺑﺎﻟﻲ ﻳﻤﺞ
ﻭﻣﺎ ﺍﻋﺮﻑ ﺍﺣﺘﺎﺭ ﺑﻤﻨﻮ ﺑﻴﻜﻢ ﺍﺧﻮﻳﺔ ﻟﻮ ﺍﻣﻲ
ﻛﻌﺪﺕ ﺍﻡ ﻗﺎﺳﻢ ﺑﻤﻜﺎﻧﻬﺎ ﻭﻛﺎﻟﺖ ﺗﻄﻤﻦ ﺍﺑﻨﻬﺎ
.. ﺭﻭﺡ ﻳﻤﺔ ﻟﺘﺨﺎﻑ ﻋﻠﻴﺔ ﺍﻧﺎ ﻛﻠﺸﻲ ﻣﺎ ﺍﺭﻳﺪ ﻣﻨﻚ
ﺑﺲ ﺍﺭﻳﺪﻙ ﺗﺒﺮﺩ ﮔﻠﺒﻲ ﺑﺄﺧﻮﻙ
ﺟﺮ ﺣﺴﺮﺓ ﻭﻛﺎﻝ .. ﺍﻥ ﺷﺎﺀ ﺍﻟﻠﻪ
ﺗﺮﻛﻬﺎ
ﻭﻃﻠﻊ ﻣﻦ ﺍﻟﻤﻄﺒﺦ ﻭﺭﺍﺡ ﺻﻌﺪ ﻓﻮﻙ
ﻭﺻﺎﺣﻨﻲ .
ﻳﻤﺔ ﺍﻧﻲ ﺳﻤﻌﺘﻪ ﻛﺎﻝ ﻫﺪﻯ ﺗﻌﺎﻟﻲ
ﻭﺍﻧﻲ ﻭﻛﻠﺒﻲ ﻓﺰ ﻣﻦ ﻣﻜﺎﻧﻪ
ﻳﻤﺔ ﻓﺪﻭﺓ ﻟﻬﺎﻟﺼﻮﺕ ﺻﺎﺭﻟﻲ ﺷﻜﺪ ﻣﺎ ﺳﺎﻣﻌﺔ ﺍﺳﻤﻲ ﻋﻠﻰ ﺍﻟﺴﺎﻧﻪ
ﺍﺛﺎﺭﻱ ﺷﻜﺪ ﺣﻠﻮ ﺍﺳﻤﻲ ﺑﺼﻮﺗﻪ
ﺭﺣﺖ ﺭﻛﺾ ﻋﻠﻴﻪ
ﻭﺻﻌﺪﺕ ﻭﺭﺍﻩ ﻭﺩﺧﻠﺖ ﻟﻠﻐﺮﻓﺔ . ﺍﺑﺎﻭﻉ ﻋﻠﻴﻪ ﻃﻠﻊ ﻣﺴﺪﺱ
ﻣﻦ ﺍﻟﻜﻨﺘﻮﺭ ﻭﺣﻄﻪ ﺑﺤﺰﺍﻣﻪ ﻭﻛﺎﻝ
ﻋﺰﺓ ﻫﺬﺍ ﻃﻠﻊ ﻣﺴﺪﺱ ﻟﻴﺶ
ﻭﻫﻤﺴﺖ ﺑﺨﻮﻑ
.. ﻫﺎﻱ ﻟﻴﺶ ﺍﻟﻤﺴﺪﺱ ﺷﺘﺴﻮﻱ ﺑﻲ
ﺣﺠﺔ ﻭﻋﻘﻠﻪ ﻣﺸﺪﻭﻩ .. ﻛﻠﺸﻲ ﻣﺎ ﺍﺳﻮﻱ ﺍﺧﺬﻩ ﻟﻼﺣﺘﻴﺎﻁ
ﺑﺎﻭﻋﻲ ﻭﺳﻤﻌﻴﻨﻲ ﺯﻳﻦ ﺍﺭﻳﺪﺝ ﺩﻳﺮﻳﻦ
ﺑﺎﻟﺞ . ﻋﻠﻰ ﺍﻣﻲ
ﻭﺳﺤﺒﻲ ﺍﻟﻨﻘﺎﻝ ﻣﻦ ﻳﻤﻬﺎ . ﻻﻥ ﺭﺍﺡ ﺗﻈﻞ ﻛﻞ ﺷﻮﻳﺔ ﺗﺘﺼﻞ ﻋﻠﻴﺔ
ﺍﻗﺘﺮﺑﺖ ﻣﻨﻪ ﺧﺎﻳﻔﺔ ﻋﻠﻴﻪ
.. ﻗﺎﺳﻢ ﻋﻔﻴﺔ ﻃﻤﻨﻲ ﻋﻠﻴﻜﻢ ﻭﺍﻟﻠﻪ ﺧﺎﻳﻔﺔ
.. ﻟﺘﺨﺎﻓﻴﻦ ﺍﻟﻠﻪ ﻣﻮﺟﻮﺩ . ﻫﺪﻯ ﺍﺭﻳﺪ ﺍﻋﺘﻤﺪ ﻋﻠﻴﺞ
ﺑﺸﻐﻠﺔ
ﻃﻠﻊ ﺟﻨﻄﺔ ﻣﺎﻝ ﺍﻭﺭﺍﻕ ﻣﻦ ﺍﻟﻜﻨﺘﻮﺭ
ﺍﻧﻄﺎﻧﻴﺎﻫﺎ ﻭﻛﺎﻝ
.. ﺷﻮﻓﻲ ﺍﻧﺎ ﻃﺎﻟﻊ ﺍﺫﺍ ﺍﺟﺔ ﻭﻟﺪ ﺍﺳﻤﻪ ﻋﺪﻧﺎﻥ ﺍﻧﻄﻲ ﻫﺎﻱ ﺍﻟﺠﻨﻄﺔ .
ﺑﺎﻟﺤﻘﻴﻘﺔ ﻣﺎ ﺍﻋﺮﻑ ﻣﻨﻮ ﻭﺭﺓ ﺧﻄﻒ ﻫﺸﺎﻡ
ﻭﺍﻧﺎ ﻻﺯﻡ ﺍﺧﺬ ﺍﺣﺘﻴﺎﻃﺎﺗﻲ ﻭﻣﺎ ﻋﻨﺪﻱ ﻭﻗﺖ
ﻭﻛﻊ ﮔﻠﺒﻲ ﺑﻴﻦ ﺭﺟﻠﻴﺔ
ﻣﻦ ﺧﻮﻓﻲ ﻋﻠﻴﻪ ﺍﺗﻤﻨﻴﺖ ﺍﺗﻌﻠﻚ ﺑﺮﻛﺒﺘﻪ ﻭﻣﺎ ﺍﺧﻠﻴﻪ ﻳﻄﻠﻊ
ﺑﺒﺎﺏ ﺍﻟﺒﻴﺖ ﺑﺲ ﺍﻟﻤﺸﻜﻠﺔ ﻗﺎﺳﻢ ﺷﻮﺭﻩ ﻣﻦ ﺭﺍﺳﻪ
ﺍﺧﺬﺕ ﺍﻟﺠﻨﻄﺔ ﻣﻦ ﻋﻨﺪﻩ ﻭﻃﻤﻨﺘﻪ ﻭﻛﻠﺘﻠﻪ
.. ﻟﺘﺨﺎﻑ ﺍﻧﻲ ﺑﻈﻬﻐﻚ ( ﺑﻈﻬﺮﻙ )
ﺣﺠﻴﺘﻬﺎ ﻭﺍﻧﻲ ﺍﺑﺠﻲ ﻓﺎﻗﺪﺓ ﻭﺧﺎﻳﻔﺔ ﺍﻃﻤﻨﻪ ﻭﺍﻧﻲ ﺍﺣﺘﺎﺝ ﺍﻟﻲ ﻳﻄﻤﻨﻲ ﻋﻠﻴﻪ
ﻣﺎ ﺍﺗﺤﻤﻠﺖ ﺭﻛﻀﺖ ﻋﻠﻴﻪ ﻭ ﺷﻤﺮﺕ ﻧﻔﺴﻲ ﺑﺤﻀﻨﻪ
ﻭﺍﺗﻮﺳﺪﺕ ﺻﺪﺭﻩ
ﻓﺘﺢ ﺫﺭﺍﻋﻪ ﻭﻟﻤﻨﻲ ﻟﺤﻀﻨﻪ ﻭﺑﺎﺳﻨﻲ ﻣﻦ ﺭﺍﺳﻲ ﻭﻛﺎﻝ
.. ﻻ ﺗﺨﺎﻓﻴﻦ ﺍﻥ ﺷﺎﺀ ﺍﻟﻠﻪ ﻣﺎﻛﻮ ﺷﻲ . ﺍﺭﻳﺪﺝ ﺗﺼﻴﺮﻳﻦ ﻓﻄﻨﺔ
ﻭﻋﻴﻨﺞ ﻋﻠﻰ ﺍﻟﺒﻴﺖ ﺍﻧﺎ ﻃﺎﻟﻊ ﻭﻣﺎ ﺍﻋﺮﻑ ﺷﻮﻛﺖ ﺍﺭﺟﻊ
ﺟﻨﺎ ﻧﺤﺠﻲ
ﻭﺳﻤﻌﺖ ﺻﻮﺕ ﻧﻘﺎﻟﻲ ﻳﺪﻙ ﺑﻐﺮﻓﺔ ﻫﺎﻟﺔ ﺭﺣﺖ ﻭﻋﻔﺖ ﻗﺎﺳﻢ ﺑﺎﻟﻐﺮﻓﺔ
ﺟﺎﻥ ﻧﻘﺎﻟﻲ ﻳﺪﻙ
ﻭﺍﻟﻤﺘﺼﻞ ﻣﺮﻳﻢ ﺑﺲ ﺷﻔﺖ ﺍﺳﻤﻬﺎ ﻳﺒﻮﻭﻭ ﻫﺎﻱ ﺍﻛﻴﺪ
ﻛﻠﺒﻬﺎ ﻳﻌﻠﻤﻬﺎ
ﻳﻤﺔ ﺳﻮﺩﺓ ﻋﻠﻴﺔ ﻣﺮﻳﻮﻣﺔ
ﻣﺘﺄﻛﺪﺓ ﺑﺲ ﺗﻌﺮﻑ ﺑﻬﺸﺎﻡ ﺍﻧﺨﻄﻒ ﺭﺍﺡ ﺗﺘﺨﺒﻞ
ﺭﺩﻳﺖ .. ﺍﻟﻮ ﻫﻼ ﻣﺮﻳﻢ
ﻓﺎﺟﺌﻨﻲ ﺻﻮﺗﻬﺎ ﻭﻫﻲ ﺗﺒﺠﻲ ﺧﺎﻳﻔﺔ
.. ﻟﺞ ﻫﺪﻯ . ﺻﺎﺭﻟﻲ ﺳﺎﻋﺔ ﺍﺗﺼﻞ ﻋﻠﻴﺞ ﻭﻳﻦ ﺟﻨﺘﻲ ﻟﻴﺶ ﻣﺘﺮﺩﻳﻦ
.....
ﺳﺄﻟﺘﻬﺎ ﻭﻋﻘﻠﻲ ﻳﺤﻠﻞ ﻣﻌﻘﻮﻟﺔ ﻋﺮﻓﺖ ﺑﺎﻟﺨﺒﺮ ﺯﻳﻦ ﻣﻨﻮ ﻛﻠﻠﻬﺎ
.. ﻣﺎ ﺍﺩﻏﻲ ( ﻣﺎﺍﺩﺭﻱ ) ﺣﺒﻴﺒﺘﻲ ﺟﺎﻥ ﻓﻮﻙ ﻣﺎ ﺳﻤﻌﺘﻪ
ﺷﻨﻮ ﺷﺒﻴﺞ ﺩﺗﺒﺠﻴﻦ
ﻣﺮﻳﻢ .. ﻟﺞ ﻫﺪﻯ ﺟﻨﺖ ﺩﺍﺣﺠﻲ ﻭﻳﺔ ﻫﺸﺎﻡ ﺑﺎﻟﻨﻘﺎﻝ
ﻭﻣﺎ ﺍﻋﺮﻑ ﺷﺼﺎﺭ ﺑﻲ ﻓﺠﺎﺀﺓ ﺳﻤﻌﺖ ﺻﻮﺗﻪ ﻳﺼﻴﺢ
ﻭﺍﺻﻮﺍﺕ ﺭﻳﺎﺟﻴﻞ ﻳﻤﻪ
ﻭﺳﻤﻌﺖ ﻫﺸﺎﻡ ﻳﻜﻠﻠﻬﻢ
.. ﻋﻮﻓﻮﻧﻲ ﻻ ﺍﻧﻌﻞ ﻭﺍﻟﺪﻳﻜﻢ ﻭﻟﻚ ﺿﻴﺎﺀ ﺍﻟﻌﺎﺭ ﺍﻧﺎ ﺍﻟﻚ ﺑﺴﻴﻄﺔ
ﻛﻮﻝ ﻟﻠﻜﻼﺏ ﻣﺎﻟﺘﻚ ﺧﻠﻲ ﻳﻌﻮﻓﻮﻧﻲ .
ﻭﺑﻌﺪﻫﺎ ﺍﻧﻘﻄﻊ ﺍﻟﺨﻂ ﻭﻣﺎ ﺍﻋﺮﻑ ﺷﺼﺎﺭ ﺑﻲ ﻋﺪﺕ ﺍﻻﺗﺼﺎﻝ ﻳﻄﻠﻌﻠﻲ ﺍﻟﺠﻬﺎﺯ ﻣﻐﻠﻖ
ﻋﻔﻴﺔ ﻫﺪﻯ ﺭﺍﺡ ﺍﺗﺨﺒﻞ
ﻓﻬﻤﻴﻨﻲ ﺷﻨﻮ ﺍﻟﻤﻮﺿﻮﻉ ﻭﻫﺸﺎﻡ ﺧﻮ ﻣﺎ ﻋﻠﻴﻪ ﺷﻲ ﻃﻤﻨﻴﻨﻲ
ﻣﺮﻳﻢ ﺗﺤﺠﻲ ﻭﺍﻧﻲ ﻛﺒﻞ ﺭﻛﻀﺖ ﻟﻐﺮﻓﺘﻨﺎ ﻭﻟﻜﻴﺖ ﻗﺎﺳﻢ ﻳﺮﻳﺪ ﻳﻄﻠﻊ ﻭﻛﻠﺘﻠﻪ
ﺑﺴﺮﻋﺔ
.. ﻗﺎﺳﻢ ﺍﻧﺘﻈﺮ ﻟﺤﻈﺔ .
ﻗﺎﺳﻢ .. ﺷﻜﻮ ﺷﺒﻴﺞ
.. ﺍﺗﻮﻗﻊ ﺍﻟﺨﻄﻔﻮﺍ ﺍﺧﻮﻙ ﻫﺸﺎﻡ ﻫﻤﺔ ﺍﻫﻠﻪ ﺍﺑﻮﻩ ﻭﺍﺧﻮﻩ ﺿﻴﺎﺀ
ﺳﻤﻌﺖ ﺷﻬﻜﺖ ﻣﺮﻳﻢ .. ﻳﻤﺔ ﺻﺨﺎﻡ ﻳﻌﻨﻲ ﻫﺸﺎﻡ ﻣﺨﻄﻮﻑ
ﻗﺎﺳﻢ ﺍﻗﺘﺮﺏ ﻣﻨﻲ ﻭﺳﺄﻟﻨﻲ
.. ﻣﻨﻮ ﻛﻠﺞ ﻭﺷﻠﻮﻥ ﻋﺮﻓﺘﻲ
.. ﻫﻴﺎﺗﻪ ﻣﻐﻴﻢ ( ﻣﺮﻳﻢ ) ﻛﺎﻟﺖ ﺟﺎﻥ ﻳﺤﺠﻲ ﻭﻳﺎﻫﺎ ﺑﺎﻟﻨﻘﺎﻝ ﻣﻦ ﺻﺎﻍ ( ﺻﺎﺭ ) ﺍﻟﺤﺎﺩﺙ .
ﻭﺣﺠﻴﺖ ﻟﻘﺎﺳﻢ ﻛﻞ ﻛﻼﻡ ﻣﺮﻳﻢ
ﻗﺎﺳﻢ ﺯﺍﺩ ﻏﻀﺒﻪ .. ﻭﺍﻟﻠﻪ ﺍﻟﻌﻈﻴﻢ ﺟﻨﺖ ﺷﺎﻙ ﺑﻴﻬﻢ
ﺑﺲ ﺟﻨﺖ ﻣﻤﺘﺄﻛﺪ ﻣﻨﻬﻢ ﺑﻴﺖ ﻛﻠﻈﻢ ﺟﺎﻧﻮﺍ ﺍﺣﺪ ﺍﻻﻃﺮﺍﻑ ﺍﻟﻲ ﺟﻨﺖ ﺷﺎﻙ ﺑﻴﻬﻢ
ﺍﺑﺎﻭﻉ ﻋﻠﻴﻪ ﺗﺮﻛﻨﻲ ﻭﻧﺰﻝ ﺑﻬﺮﻭﻟﺔ
ﻭﻛﺎﻝ ﻭﻫﻮ ﻳﻨﺰﻝ ﻭﺍﻧﻲ ﻭﺭﺍﻩ
.. ﻣﻮ ﺗﺘﺴﻴﻦ ﺍﻟﺠﻨﻄﺔ
.. ﻟﺘﺨﺎﻑ ﻣﺎ ﺍﻧﺴﻰ
ﺟﺎﻥ ﻧﻘﺎﻟﻲ ﺑﻴﺪﻱ ﻭﻣﺮﻳﻢ ﺑﻌﺪﻫﺎ ﻋﺎﻟﺨﻂ
ﺍﺳﻤﻊ ﺑﺲ ﺻﻮﺕ ﺑﺠﻴﻬﺎ
ﺣﺠﻴﺖ ﻭﻳﺎﻫﺎ ﺍﻃﻤﻨﻬﺎ ﻭﻛﻠﺘﻠﻬﺎ
.. ﺣﺒﺘﺒﺘﻲ ﻣﻐﻴﻮﻣﺔ ( ﻣﺮﻳﻮﻣﺔ ) ﻻ ﺗﺨﺎﻓﻴﻦ ﻫﺸﺎﻡ ﺍﻥ ﺷﺎﺀ ﺍﻟﻠﻪ ﻣﺎ ﺑﻲ ﺷﻲ
ﻣﺮﻳﻢ . ﺑﺲ ﺗﺒﺠﻲ ﻛﻮﻟﺸﻲ ﻣﻔﺘﻬﻤﺖ ﻣﻨﻬﺎ
ﻧﻬﻴﺖ ﺍﻻﺗﺼﺎﻝ ﻭﺍﻧﻲ ﺑﺎﻟﻲ . ﻣﺸﺪﻭﻩ
ﻧﺰﻟﺖ ﺍﻟﺠﻨﻄﺔ ﻭﻳﺎﻳﺔ
ﻟﻜﻴﺖ ﻫﺎﻟﺔ ﻭﺍﻟﺒﻨﺎﺕ ﺭﺟﻌﻮﺍ
ﻭﻫﺎﻟﺔ ﻋﻴﻮﻧﻬﺎ ﺣﻤﺮ
ﻭﻣﻨﻰ ﻭﻛﻮﺛﺮ ﺍﻟﻮﺟﻮﻩ ﻣﺼﻔﺼﻔﺔ
ﻫﺎﻟﺔ ﺳﺎﻟﺘﻨﻲ
.. ﻫﺪﻯ ﻗﺎﺳﻢ ﻭﻳﻦ ﺭﺍﺡ ﻭﺷﻨﻮ ﺻﺎﻳﺮ ﻓﻬﻤﻴﻨﺎ
.. ﻗﺎﺳﻢ ﻏﺎﺡ ( ﺭﺍﺡ ) ﻭﻳﺔ ﻋﻤﻮ ﻓﻐﺰﺩﻕ ( ﻓﺮﻭﺩﻕ ) ﻭﻋﺰﺍﻡ ﻭﺍﻟﻮﻟﺪ
ﻟﺒﻴﺖ ﻋﻤﻜﻢ ﻛﺎﻇﻢ ﻻﻥ ﻣﻐﻴﻢ ( ﻣﺮﻳﻢ ) ﺍﺧﺘﻲ ﺟﺎﻧﺖ ﺍﺧﻎ ( ﺍﺧﺮ ) ﻭﺣﺪﺓ
ﺟﺎﻥ ﻳﺤﺠﻲ ﻭﻳﺎﻫﺎ ﻣﻦ ﺻﺎﻍ ( ﺻﺎﺭ ) ﺍﻟﺤﺎﺩﺙ ﻭﺳﻤﻌﺖ
ﺑﺎﻟﺼﺪﻓﺔ ﻫﺸﺎﻡ ﺫﻛﻎ ( ﺫﻛﺮ ) ﺍﺳﻢ ﺿﻴﺎﺀ ﺍﺧﻮﻩ
ﺍﻥ ﻗﺎﺳﻢ .. ﻳﻤﺔ ﺻﺨﺎﻡ ﺳﻮﺍﻫﺎ ﻛﺎﻇﻢ ﺍﻟﻨﺬﻝ ﻭﻧﻔﺬ ﺗﻬﺪﻳﺪﻩ
ﻣﻦ ﺍﻟﻠﻪ ﻻ ﻳﺮﺿﻰ ﻋﻠﻴﻪ ﻭﻻ ﻳﻮﻓﻘﻪ
ﻣﻨﻰ ﻛﺎﻋﺪﺓ ﺍﻡ ﺧﺎﻟﺔ ﺗﻮﺍﺳﻴﻬﺎ
.. ﻳﻮﻡ ﻛﺎﻓﻲ ﻻ ﺗﻌﺼﺒﻴﻦ ﻋﻔﻴﺔ ﻻ ﻳﻐﺘﻔﻊ ﺍﻟﺴﻜﻎ ( ﻻ ﻳﺮﺗﻔﻊ ﺍﻟﺴﻜﺮ )
ﺍﻧﺘﺒﻬﺖ ﻻﺳﻮ ﺩﺍ ﺗﺒﺠﻲ ﺍﺟﺘﻲ ﻫﺪﻳﻞ ﻭﺷﺎﻟﺘﻬﺎ ﺗﻬﺰ ﺑﻴﻬﺎ
ﺗﺮﻳﺪ ﺗﺴﻜﺘﻬﺎ ﻭﻋﻴﻨﻬﺎ ﻋﻠﻰ ﺧﺎﻟﺔ .
ﻭﻛﻮﺛﺮ ﻛﺎﻋﺪﺓ ﺗﺘﺼﻞ ﻋﻠﻰ ﺭﺟﻠﻬﺎ
ﻭﻫﺎﻟﺔ ﻃﻠﻌﺖ ﻧﻘﺎﻟﻬﺎ ﻭﻃﻠﻌﺖ ﺑﺮﺓ
ﻋﺮﻓﺖ ﺑﻴﻬﺎ ﺭﺍﺡ ﺗﺘﺼﻞ ﻋﻠﻰ ﻋﺰﺍﻡ
ﺟﻨﺎ ﻛﻠﻨﺎ ﻛﺎﻋﺪﻳﻦ ﻣﻨﺘﻈﺮﻳﻦ ﺑﻴﻦ ﺍﻟﺘﺮﻗﺐ ﻭﺍﻟﺨﻮﻑ
ﻣﻨﻰ ﺗﺘﺼﻞ ﻋﻠﻰ ﺯﻭﺟﻬﺎ ﻛﻠﻠﻬﺎ ﺍﻧﺎ ﻛﺎﻋﺪ ﻳﻤﻬﻢ
ﺍﻧﻄﻴﻨﻲ ﻣﺠﺎﻝ ﺧﻠﻲ ﺍﻓﺘﻬﻢ ﻣﻨﻬﻢ ﺷﻨﻮ ﺍﻟﺴﺎﻟﻔﺔ
......
ﺍﺷﻮ ﺍﺧﻮﺝ ﻗﺎﺳﻢ ﻳﺼﻴﺢ ﻭﺿﻴﺎﺀ ﻳﺼﻴﺢ
ﻣﻨﻰ ﻛﻠﺘﻠﻪ
.. ﻋﻔﻴﺔ ﺍﻟﻠﻪ ﻳﺨﻠﻴﻚ ﻃﻤﻨﻨﺎ ﻋﻠﻴﻬﻢ ﻭﻫﺪﺉ ﺍﻟﻨﻔﻮﺱ
.. ﻻﺗﺨﺎﻓﻴﻦ ﻋﻤﻲ ﻣﺤﻤﺪ ﻭﺍﺑﻮﻱ ﻭﻋﻤﻲ ﻓﺮﺯﺩﻕ ﺍﺟﻮﻱ
ﻫﺴﺔ ﺳﺪﻱ ﺍﻟﻨﻘﺎﻝ ﺧﻠﻲ ﺍﺭﻭﺡ ﺍﻓﺘﻬﻢ ﺷﻨﻮ ﺍﻟﻤﻮﺿﻮﻉ ﻭﺑﻌﺪﻳﻦ ﺍﻛﻠﺞ
ﺷﻮﻳﺔ ﻭﺳﻤﻌﻨﺎ ﺻﻮﺕ ﺍﻟﺠﺮﺱ ﺍﻧﺪﻙ
ﺑﺎﻭﻋﻨﺎ ﻣﻦ ﺍﻟﻜﺎﻣﻴﺮﺍ ﻭﺍﺗﻔﺎﺟﺌﺖ ﺑﻤﺮﻳﻢ ﻭﺷﻴﻤﺎﺀ ﻭﺣﻴﺪﺭ ﺑﺎﻟﺒﺎﺏ
ﺭﺣﺖ ﻓﺘﺤﺘﻠﻬﻢ ﺍﻟﺒﺎﺏ .
ﻭﺳﻠﻤﺖ ﻋﻠﻰ ﺣﻴﺪﺭ ﻭﺳﺄﻟﻨﻲ ﻋﻠﻰ ﻗﺎﺳﻢ ﻭﺍﻟﻮﺿﻮﻉ
ﻭﺍﻧﻲ ﻛﻠﺘﻠﻪ ﻫﻮ ﻫﺴﺔ ﺑﺒﻴﺖ ﻋﻤﻬﻢ
ﺣﻴﺪﺭ .. ﻫﺪﻯ ﺍﻧﻲ ﺍﺧﻮﺝ ﻛﻮﻟﻲ ﻣﻤﺤﺘﺎﺟﻴﻦ ﺷﻲ ﺗﺮﺓ ﺍﻧﺎ ﻣﻮﺟﻮﺩ
.. ﻣﺸﻜﻮﺭ ﺍﺑﻮ ﺣﺴﺎﻡ ﻣﺘﻘﺼﺮ ﻛﻠﻚ ﺧﻴﻎ ﻭﺑﻐﻜﺔ ( ﺧﻴﺮ ﻭﺑﺮﻛﺔ )
ﺭﺍﺡ ﺣﻴﺪﺭ ﻭﻛﺎﻝ ﻟﺸﻴﻤﺎﺀ ﺧﻠﻴﻨﺎ ﻋﻠﻰ ﺍﺗﺼﺎﻝ
ﻭﺩﺧﻠﻮﺍ ﺍﻟﺒﻨﺎﺕ ﻣﺮﻳﻢ ﺟﺎﻧﺖ ﻣﻨﻬﺎﺭﺓ ﻣﻦ ﺍﻟﺒﺠﻲ
ﺍﻡ ﻗﺎﺳﻢ ﺷﺎﻓﺘﻬﺎ ﻭﻛﺎﻣﺖ ﺗﺴﻠﻢ ﻋﻠﻴﻬﺎ
ﻭﺗﻮﺍﺳﻴﻬﺎ ﻭﻣﺮﻳﻢ ﺷﻤﺮﺕ ﻧﻔﺴﻬﺎ ﺑﺤﻀﻬﺎ ﻭﺿﻠﺖ ﺗﺒﺠﻲ
ﺑﻌﺪﻫﺎ ﺍﺟﻮﻱ ﻣﺮﺕ ﻋﻤﻬﻢ ﻣﺤﻤﺪ ﻭﺭﻫﻒ ﻭﺍﺧﺘﻬﺎ
ﻭﺍﺧﻮﻫﺎ ﻭﺯﻭﺟﺔ ﻋﻤﻬﻢ ﺣﺴﻦ ﻭﺑﻨﺎﺗﻬﺎ
ﻭﺧﺎﻟﺔ ﺍﻡ ﺻﻬﻴﺐ ﺍﺟﺘﻲ
ﻻﻥ ﻫﺬﻭﻟﻲ ﺑﻴﻮﺗﻬﻢ ﻛﻠﻬﻢ ﻗﺮﻳﺒﺔ ﻋﻠﻴﻨﺎ
ﻭﺍﻧﻲ ﺑﺲ ﺷﻔﺖ ﺭﻫﻒ
ﺍﺣﺲ ﺻﺎﺭ ﻣﻐﺺ ﺑﺒﻄﻨﻲ ﻭﺍﺗﺰﻟﺰﻟﺖ ﻛﻠﻲ
ﻣﺎ ﺍﻋﺮﻑ ﺷﺼﺎﺭ ﺑﻴﺔ ﻣﻦ ﺷﻔﺘﻬﺎ
ﺣﺴﻴﺖ ﺑﺎﻟﺘﻬﺪﻳﺪ
ﻭﺍﻟﺼﺪﻙ ﻫﻲ ﺍﻟﻠﻪ ﻳﺤﻔﻈﻬﺎ ﺣﻠﻴﺎﻧﺔ ﻣﺪﺭﻱ ﻣﻦ ﻛﺪ ﺍﻟﻐﻴﺮﺓ
ﺻﺎﺭﺕ ﺣﻠﻮﺓ ﺑﻌﻴﻮﻧﻲ .
ﻃﺒﻌﺎ ﻫﻤﺔ ﻣﺼﺎﺭﻟﻬﻢ ﻫﻮﺍﻱ ﻣﻦ ﺍﺗﺼﺎﻟﺤﻮﺍ ﻭﻳﺔ ﻗﺎﺳﻢ ﻭﺧﺎﻟﺔ .
ﻭﻫﺴﺔ ﻫﻤﺔ ﺟﺎﻳﻴﻦ ﻳﻘﻮﻣﻮﻥ ﺑﺎﻟﻮﺍﺟﺐ
ﺷﻮﻓﺖ ﺭﻫﻒ ﻧﺴﺘﻨﻲ ﻣﺼﻴﺒﺔ ﻫﺸﺎﻡ
ﺷﻴﻤﺎﺀ ﻛﺎﻋﺪﺓ ﻳﻢ ﻣﺮﻳﻢ ﺍﻟﻲ ﺟﺎﻧﺖ ﺑﺲ ﺗﺒﺠﻲ
ﻭﻣﻨﻰ ﺗﺴﻜﺘﻬﺎ
ﺍﻡ ﻗﺎﺳﻢ . ﺣﻀﻨﺖ ﻣﺮﻳﻢ ﻭﺗﺪﻋﻲ
.. ﺭﺑﻲ ﻟﺨﺎﻃﺮ ﺩﻣﻮﻉ ﻫﺎﻱ ﺍﻟﻴﺘﻴﻤﺔ ﻛﻮﻥ ﺗﺮﺩﻟﻬﺎ ﻫﺸﺎﻡ . ﻭﺗﻘﺮ ﻋﻴﻨﻬﺎ ﺑﺸﻮﻓﺘﻪ
ﺻﺎﺭﺕ ﺍﻟﺴﺎﻋﺔ ﺏ٦ ﺍﻟﻌﺼﺮ
ﻭﺩﻙ ﺍﻟﺠﺮﺱ ﻭﺷﻔﺖ ﺑﺎﻟﻜﺎﻣﻴﺮﺍﺕ ﺭﺟﺎﻝ ﻏﺮﻳﺐ ﻭﺍﻛﻒ ﺑﺎﻟﺒﺎﺏ
ﻟﺒﺴﺖ ﺣﺠﺎﺑﻲ ﻭﺷﻠﺖ ﺍﻟﺠﻨﻄﺔ
ﻭﺍﺧﺬﺗﻬﺎ ﻃﻠﻌﺖ ﺳﻠﻤﺖ ﻋﻠﻴﻪ ﻭﻛﺎﻝ
.. ﺍﺧﺘﻲ ﺍﻧﺎ ﻋﺪﻧﺎﻥ ﻗﺎﺳﻢ ﺩﺯﻧﻲ ﻋﻠﻰ ﺍﻟﺠﻨﻄﺔ
ﻛﺎﻝ ﺗﻠﻜﺎﻫﺎ ﺑﺎﻟﺒﻴﺖ ﺍﻻﻫﻞ ﻳﻨﻄﻮﻙ ﺍﻳﺎﻫﺎ
ﺍﻧﻄﻴﺘﻪ ﺍﻟﺠﻨﻄﺔ ﻭﺍﺗﺼﻞ ﻋﻠﻰ ﻗﺎﺳﻢ ﻭﻛﻠﻪ ﺍﺧﺬﺕ ﺍﻟﺠﻨﻄﺔ
ﺍﻧﺘﻮﺍ ﻭﻳﻦ ؟؟
.. ﻳﺎﻟﻠﻪ ﻟﻌﺪ ﺍﻧﺎ ﺟﺎﻳﻜﻢ ؟؟
ﺩﺧﻠﺖ ﺟﻮﺓ ﻭﻟﻜﻴﺖ ﻣﻨﻰ ﻛﺎﻋﺪﺓ ﺗﺤﺠﻲ ﺑﺎﻟﻨﻘﺎﻝ
ﻭﺍﻟﻮﺟﻪ ﻣﺮﺗﺎﺡ
ﺳﺪﺕ ﺍﻟﻨﻘﺎﻝ ﻭﺩﺍﺭﺕ ﻋﻠﻰ ﺍﻣﻬﺎ ﻭﻛﺎﻟﺖ
.. ﻳﻤﺔ ﺍﺑﺸﺮﻱ ﺍﻧﺤﻠﺖ ﺍﻟﺴﺎﻟﻔﺔ
ﺍﻡ ﻗﺎﺳﻢ ﻭﺍﻟﻨﺴﻮﺍﻥ ﻳﻤﻬﺎ ﺿﻠﻮﺍ ﻳﺼﻠﻮﻥ ﻋﺎﻟﻨﺒﻲ
ﻭﻳﺤﻤﺪﻭﻥ ﺍﻟﻠﻪ ﻭﻳﺸﻜﺮﻭﻧﻪ ﻋﻠﻰ ﺳﻼﻣﺔ ﻫﺸﺎﻡ
ﺍﻡ ﻗﺎﺳﻢ .. ﻣﺎﻛﻠﺘﻴﻠﻲ ﺷﻠﻮﻥ ﺍﻧﺤﻠﺖ ﻭﺷﻨﻮ ﺻﺎﺭ
ﻣﻨﻰ ﻛﻠﺘﻠﻬﺎ .. ﻳﺠﻲ ﻗﺎﺳﻢ ﻭﻫﻮ ﻳﻔﻬﻤﺞ
ﻋﺮﻓﺖ ﻣﻨﻰ ﻣﻘﺒﻠﺖ ﺗﺤﺠﻲ ﻻﻥ ﺍﻟﻨﺴﻮﺍﻥ ﻛﻠﻬﻢ ﻣﻮﺟﻮﺩﻳﻦ
ﻣﺮﻳﻢ ﺍﻟﻲ ﻭﺟﻬﺔ ﻧﺼﻪ ﺩﻣﻮﻉ ﻭﻧﺼﻪ ﻓﺮﺣﺔ
ﺍﻡ ﻗﺎﺳﻢ ﺑﺎﻭﻋﺖ ﻋﻠﻴﻬﺎ ﻭﻛﺎﻟﺖ
.. ﺧﺎﻟﺔ ﻣﺮﻳﻮﻣﺔ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺔ ﺭﺟﻠﺞ
ﻣﺮﻳﻢ ﻭﺟﻬﺔ ﺍﺣﻤﺮ ﺩﻧﻜﺖ ﻭﻛﺎﻟﺖ .
.. ﺍﻟﻠﻪ ﻳﺴﻠﻤﺞ ﺧﺎﻟﺔ . ﺭﺑﻲ ﻳﻔﺮﺣﺞ ﺑﻲ
ﺍﻧﺎ ﺍﻟﻨﺎﺱ ﺑﺎﻟﻨﺎﺱ
ﻭﺍﻧﺎ ﻋﻴﻨﻲ ﻋﻠﻰ ﺭﻫﻒ
ﻣﺎ ﺍﻋﺮﻑ ﺍﺣﺘﺎﺭ ﺑﻴﻤﻦ ﺑﺮﻫﻒ ﻟﻮ ﺑﺎﻟﻔﻀﻮﻝ ﺍﻟﻲ ﻛﺘﻠﻨﻲ
ﺍﺭﻳﺪ ﺍﻋﺮﻑ ﺷﻨﻮ ﺻﺎﺭ ﺑﻴﻦ ﻗﺎﺳﻢ ﻭﺑﻴﺖ ﻋﻤﻪ
.....
ﺩﺧﻠﺖ ﻫﺎﻟﺔ ﻟﻠﻤﻄﺒﺦ ﻭﺍﻟﺤﻠﻚ ﻣﺸﻜﻮﻙ ﻣﻦ ﺍﻟﻔﺮﺣﺔ
ﻋﺮﻓﺖ ﺑﻴﻬﺎ ﺟﺎﻧﺖ ﺗﺤﺠﻲ ﻭﻳﺔ ﻋﺰﺍﻡ
ﻭﺍﻛﻴﺪ ﻣﻔﻬﻤﻬﺎ ﺍﻟﺴﺎﻟﻔﺔ
ﻭﺍﻧﺎ ﺍﻟﻔﻀﻮﻝ ﻣﺎﻛﻠﻨﻲ ﺍﻛﻞ
ﻣﺎ ﻛﺪﺭﺕ ﺍﺻﺒﺮ ﺍﻛﺜﺮ ﺭﺣﺖ ﺩﺧﻠﺖ ﻟﻠﻤﻄﺒﺦ ﺍﻟﺤﺎﺭ ﻭﺻﺤﺖ ﻫﺎﻟﺔ
.. ﻫﺎﻟﺔ ﺗﻌﺎﻱ ﺷﻮﻳﺔ ﺳﺎﻋﺪﻳﻨﻲ ﺧﻠﻲ ﻧﺴﻮﻱ ﺍﻟﻌﺸﺎ
ﺍﺟﺘﻲ ﻫﺎﻟﺔ ﺗﺘﻤﺎﻳﻞ ﺑﻤﺸﻴﺘﻬﺎ ﻭﺍﻟﻌﻴﻮﻥ ﺗﻠﻤﻊ
ﻭﺭﺍﻳﺤﺔ ﺑﻐﻴﺮ ﻋﺎﻟﻢ
ﻫﻲ ﺩﺧﻠﺖ ﻟﻠﻤﻄﺒﺦ ﻭﺍﻧﻲ ﺳﺤﺒﺘﻬﺎ ﻣﻦ ﺯﻧﺪﻫﺎ ﻋﺎﻟﺴﺮﻳﻊ
ﻭﺍﺧﺬﺗﻬﺎ ﻋﻠﻰ ﺻﻔﺤﺔ
.. ﻫﺎﻟﺔ ﺍﻟﻌﻮﺑﺔ ﻫﺴﺔ ﺗﺤﺠﻴﻠﻲ ﻛﻮﻟﺸﻲ ﺷﻨﻮ ﻛﻠﺞ ﻋﺰﺍﻡ ﺑﺎﻟﺤﻐﻒ ( ﺑﺎﻟﺤﺮﻑ ) ﺍﻟﻮﺍﺣﺪ
ﻫﺎﻟﺔ .. ﻭﺍﻧﺘﻲ ﺷﻜﻮ ﺗﺮﺩﻳﻦ ﺗﻌﺮﻓﻴﻦ ﺷﻨﻮ ﻫﺎﻟﻔﻀﻮﻝ ﺍﻟﻌﻨﺪﺝ
ﻋﻴﺐ ﻋﻠﻴﺞ
ﻫﺎﻱ ﺍﺳﺮﺍﺭ ﺧﺎﺻﺔ ﺑﻴﻦ ﺍﻟﻤﺨﻄﻮﺑﻴﻦ
ﺩﻣﻐﺖ ﻛﺼﺘﻲ ﻭﻛﻠﺘﻠﻬﺎ .. ﺧﺎﺏ ﺷﻮﻑ ﻫﺎﻱ ﻭﻳﻦ ﻋﺎﻳﺸﺔ
ﻭﺍﻟﻨﺎﺱ ﻭﻳﻦ ﻟﺞ ﺛﻮﻟﺔ ﺍﻧﻲ ﺷﻌﻠﻴﺔ ﺑﺨﺼﻮﺻﻴﺎﺗﻜﻢ
ﺍﻟﺞ ﺍﻧﻲ ﺍﻏﻴﺪﺝ ( ﺍﺭﻳﺪﺝ ) ﺗﻔﻬﻤﻴﻨﻲ ﺷﻨﻮ ﻛﻠﺞ
ﻋﺰﺍﻡ ﺷﺼﺎﻍ ( ﺷﺼﺎﺭ ) ﻋﻠﻰ ﻣﻮﺿﻮﻉ ﻫﺸﺎﻡ ﻭﻗﺎﺳﻢ ﺷﻠﻮﻥ ﺣﻠﻮﻫﺎ ﻟﻠﺴﺎﻟﻔﺔ
ﺗﺤﺠﻴﻦ ﻟﻮ ﺍﻏﻮﺡ ( ﺍﺭﻭﺡ ) ﺍﻛﻮﻝ ﻟﺨﺎﻟﺔ ﺑﻨﺘﺞ ﻛﺎﻋﺪ ﺗﻠﻌﺐ ﺑﺬﻳﻠﻬﺎ ﻣﻦ ﻭﺭﺍﺝ .
ﻭﻳﻮﻣﻴﺔ ﺗﺘﺼﻞ ﺑﻌﺰﻭﻣﻲ ﻗﺒﻞ ﻻ ﺗﻨﺨﻄﺐ ﻭﻋﺎﻳﺸﻴﻦ ﺍﻟﻠﺤﻈﺔ ﻣﻦ ﻭﻏﺎﻛﻢ ( ﻭﺭﺍﻛﻢ )
ﺍﻗﺘﺮﺑﺖ ﻣﻦ ﺑﺴﺮﻋﺔ ﻭﺳﺪﺕ ﺣﻠﻜﻲ ﻭﻛﺎﻟﺖ
ﻫﺎﻟﺔ .. ﻋﻤﺔ ﺣﺘﻰ ﻋﻤﺔ ﻳﺎ ﻣﻔﻀﻮﺣﺔ
ﻫﺴﺔ ﺍﺣﺠﻴﻠﺞ ﻛﻮﻟﺸﻲ
ﺣﺸﻰ ﻣﻮ ﺍﻟﺴﺎﻥ ﺭﺷﺎﺷﺔ
ﺍﻟﻲ ﻳﺸﻮﻓﺞ ﻓﺼﻤﺔ ﻣﻴﻌﺮﻑ ﻛﻞ ﺍﻟﺒﻠﺔ ﺑﻴﺞ ﻫﻤﺰﻳﻦ ﺍﻧﺘﻲ ﻣﻮ ﺍﻃﻮﻝ ﺑﺸﺒﺮ
ﺟﺎﻥ ﺍﻛﻠﺘﻴﺘﻲ ﺍﻛﻞ
.. ﻫﺴﺔ ﺷﻨﻮ ﺗﺤﺠﻴﻦ ﻟﻮ ﺍﻏﻮﺡ ( ﺭﻭﺡ )
.. ﺍﻭﻛﻔﻲ ﻟﺤﻈﺔ ﻫﺴﺔ ﺍﻛﻮﻟﺞ
ﺷﻮﻓﻲ ﻳﺎ ﻋﻮﺑﺔ . ﺍﻧﺘﻲ ﺍﺗﺼﻠﺖ ﻋﻠﻰ ﻋﺰﺍﻡ ﻭﻛﺎﻝ
ﻗﺎﺳﻢ ﻛﻌﺪ ﻭﻳﺔ ﻋﻤﺎﻣﻪ ﺑﺎﻻﺳﺘﻘﺒﺎﻝ ﺑﺒﻴﺖ ﻛﺎﻇﻢ
ﻭﺟﺎﻥ ﻛﺎﻇﻢ ﻭﺍﻭﻻﺩﻩ ﻭﺍﺑﻨﻪ ﺿﻴﺎﺀ ﻣﻮﺟﻮﺩﻳﻦ
ﻭﻗﺎﺳﻢ ﻛﺒﻞ ﺩﺧﻞ ﺑﺎﻟﻤﻮﺿﻮﻉ ﻭﻛﻠﻠﻬﻢ
.. ﺍﺩﺭﻱ ﺑﻴﻜﻢ ﺍﻧﺘﻮﺍ ﺍﻟﻲ ﺧﻄﻔﺘﻮﺍ ﻫﺸﺎﻡ ﺣﺘﻰ ﺗﺨﺮﺑﻮﻥ ﻋﺮﺳﻪ ﻻﻥ ﻃﻠﻊ ﻋﻦ ﺷﻮﺭﻛﻢ
ﺿﻴﺎﺀ .. ﺍﻱ ﺍﺣﻨﺎ ﺍﺧﺬﻧﺎﻩ . ﻧﺰﻳﺪ ﻧﺮﺑﻲ ﻣﻦ ﺟﺪﻳﺪ
ﻣﺎﻛﻮﺍ ﻭﺍﺣﺪ ﻳﻜﺴﺮ ﻛﻠﻤﺔ ﺍﺑﻮﻳﺔ . ﻭﻫﺸﺎﻡ ﻭﻟﺪ ﻋﺎﻕ
ﺗﻌﺪﻯ ﺣﺪﻭﺩﻩ ﻭﺗﺠﺎﻭﺯ ﻫﻮﺍﻳﺔ
ﻋﻠﻴﻨﺎ ﺍﻧﻲ ﻭﺍﺑﻮﻳﺔ
ﻭﺍﻟﺒﺮﻛﺔ ﺑﻴﻚ ﺍﻧﺖ ﺍﻟﻲ ﻋﻠﻤﺘﻪ ﻋﻠﻰ ﺍﻟﻄﻐﻴﺎﻥ
ﺭﺍﺡ ﺍﺧﺬ ﻋﻤﺎﻣﻪ ﻭﺷﻴﻮﺧﻨﺎ ﻭ ﺧﻄﺐ
ﻭﺍﻟﻜﻞ ﺍﻛﻠﻮﺍ ﻭﺟﻪ ﺍﺑﻮﻳﺔ ﻣﻦ ﺍﻟﻔﺸﻠﺔ ﻳﺴﺄﻟﻮﻥ ﻭﻳﻦ ﺍﻳﻮﻙ ﻳﻜﻠﻠﻬﻢ ﻣﺎﻋﻨﺪﻱ ﺍﺏ
ﻭﺍﻧﺎ ﻗﺮﺭﺕ ﺍﺳﻮﻳﻠﻪ ﻛﺮﺻﺔ ﺍﺫﻥ ﻭﺍﺭﺑﻲ ﻭﺍﺣﻄﻠﻪ ﺣﺪ
ﺧﺎﻑ ﻋﺒﺎﻟﻪ ﻣﺎﻋﻨﺪﻩ ﺭﺩﺍﺩ ﻳﺤﻄﻪ ﻋﻦ ﺣﺪﻩ
ﻻﺯﻡ ﻳﻌﺮﻑ ﺍﻧﻲ ﻣﻮﺟﻮﺩ
ﻗﺎﺳﻢ ﺑﻐﻀﺐ .. ﺷﻮﻓﻮﺍ . ﻫﺬﺍ ﺍﺑﻨﻜﻢ ﻭﺍﻧﺘﻮﺍ ﺍﺣﺮﺍﺭ ﺑﻲ
ﺗﺨﻄﻔﻮﺍ ﺗﺤﺒﺴﻮﺍ ﺷﻨﻮ ﺗﺴﻮﻭﻥ ﺑﻲ ﺳﻮﻭ
ﺑﺲ ﺍﺣﺐ ﺍﻛﻠﻠﻜﻢ ﺷﻐﻠﺔ ﻫﻮ ﺭﺟﺎﻝ ﻭﺣﺮ ﻧﻔﺴﻪ
ﺷﻜﺪ ﺗﺮﺩﻭﻥ ﺗﻄﻮﻟﻮﻥ ﻭﺗﺒﻘﻮﻥ ﺣﺎﺑﺴﻴﻪ ﻳﻌﻨﻲ ﻟﺸﻮﻛﺖ
ﻻ ﺑﺪ ﻭﺍﻥ ﻳﺠﻲ ﺍﻟﻴﻮﻡ ﺍﻟﻲ ﻳﻄﻠﻊ ﺑﻲ
ﻭﺳﺎﻋﺘﻬﺎ ﺗﻌﺎﻟﻲ ﺍﻟﻲ ﻳﺨﻠﺼﻜﻢ ﻣﻦ ﻏﻀﺒﻪ
ﻣﻮ ﺑﻌﻴﺪ ﻳﺮﻭﺡ ﻳﻘﺪﻡ ﻋﻠﻴﻜﻢ ﺑﻼﻍ ﺑﺎﻟﻤﺮﻛﺰ
ﻭﺿﻴﻔﻮﺍ ﻓﻮﻙ ﻫﺬﺍ ﻛﻠﻪ
ﺍﻭﻝ ﻭﺗﺎﻟﻲ ﺭﺍﺡ ﻳﺴﻮﻱ ﺍﻟﻲ ﺑﺮﺍﺳﻪ . ﻏﺼﺒﺎً ﻋﻦ ﺍﻟﻜﻞ
ﻓﺎﻧﺼﺤﻜﻢ ﺗﻄﻠﻌﻮﺍ ﻭﺗﻄﻠﻘﻮﻥ ﺳﺮﺍﺣﻪ
ﻻﻥ ﻣﺎ ﺑﺎﻗﻲ ﻋﻠﻰ ﻋﺮﺳﻪ ﺍﺳﺒﻮﻉ ﻭﺍﺣﺪ
ﻻﺗﻜﺴﺮﻭﻥ ﻓﺮﺣﺘﻪ . ﻭﺗﺒﻬﺬﻭﻟﻮﺍ
ﺗﺮﺓ ﻣﺘﺤﺼﻠﻮﻥ ﺷﻲ ﻏﻴﺮ ﺑﺲ ﺗﺨﻠﻮﺍ ﻳﻨﻔﺮ ﻣﻨﻜﻢ ﺍﻛﺜﺮ ﻭﺗﺰﻳﺪﻭﻥ ﺍﻟﻄﻴﻦ ﺑﻠﺔ
.....
ﺿﻴﺎﺀ .. ﺷﻮﻑ ﻗﺎﺳﻢ ﺍﻧﺖ ﻻ ﺗﺘﺪﺧﻞ . ﻫﺬﺍ ﺍﻟﻤﻮﺿﻮﻉ ﺧﺎﺹ ﺑﻴﻨﺎ ﻭﺑﻴﻦ ﺍﺑﻨﻨﺎ
ﺷﻨﻮ ﻧﺮﻳﺪ ﻧﺴﻮﻱ ﺑﻲ ﻧﺴﻮﻱ
ﻧﺤﺮﻛﻪ ﻧﺤﺒﺴﻪ . ﺑﻜﻴﻔﻨﺎ . ﺍﻧﺖ ﺍﻃﻠﻊ ﻣﻨﻬﺎ .
ﻻ ﺣﺸﺮ ﻧﻔﺴﻚ ﺑﻴﻨﺎﺗﻨﺎ
ﻋﻤﻬﻢ ﻣﺤﻤﺪ .. ﺿﻴﺎﺀ ﺷﻨﻮ ﻫﺬﺍ ﺍﻟﺤﺠﻲ ﻭﻳﻦ ﻛﺎﻋﺪﻳﻦ
ﺭﺟﺎﻝ ﺷﻜﺪﻩ ﻭﺷﻜﺒﺮﻩ . ﺗﺘﺤﻜﻤﻮﻥ ﺑﻴﻦ ﻭﺗﺨﻄﻔﻮﺍ
ﺷﻨﻮ ﻏﺎﺑﺔ ﺍﻧﺘﻮﺍ ﻭﺍﻧﺎ ﻣﺎ ﺍﺩﺭﻱ
ﺍﻟﺘﻔﺘﺖ ﻋﻠﻰ ﻛﺎﻇﻢ ﻭﻛﻠﻪ
.. ﻛﺎﻇﻢ ﺍﺣﺠﻴﻠﻚ ﻛﻠﻤﺔ ﺷﻨﻮ ﻋﺎﺟﺒﻚ ﻫﺬﺍ ﺍﻟﺤﺠﻲ
ﻛﺎﻇﻢ .. ﻭﺍﻟﻠﻪ ﺍﻧﻲ ﻣﻦ ﺭﺃﻱ ﺍﺑﻨﻲ ﺿﻴﺎﺀ
ﺣﻘﻚ ﻣﺤﻤﺪ ﺍﻧﺖ ﺗﺤﺠﻲ ﻫﻴﺞ ﻣﺴﻴﻄﺮ ﻭﺗﺤﺠﻲ ﻫﻴﺞ ﺑﺮﺍﺣﺘﻚ
ﻻﻥ ﻣﻮ ﺍﺑﻨﻚ ﺍﻟﻲ ﻃﻠﻊ ﻋﻦ ﺷﻮﺭﻙ ﻭﺳﻮﺩ ﻭﺟﻬﻚ ﻛﺪﺍﻡ ﺍﻟﻨﺎﺱ
ﻭﻫﻤﺸﻚ . ﻭﺧﻼﻙ ﺑﻼ ﻗﻴﻤﺔ ﻭﺭﺍﻩ
ﻓﺮﺯﺩﻕ ﻭﻋﻤﻬﻢ ﺣﺴﻦ ﺣﺎﻭﻟﻮﺍ ﻳﻘﻨﻌﻮﻥ ﻛﺎﻇﻢ ﻭﺍﺑﻨﻪ ﺿﻴﺎﺀ
ﺣﺘﻰ ﻳﻌﻮﻓﻮﻥ ﻫﺸﺎﻡ ﻭﻳﻄﻠﻌﻮﺍ
ﺑﺲ ﻣﺎﻛﻮ ﺍﻟﺜﻨﻴﻦ ﻣﻌﻨﺪﻳﻦ ﻭﺭﺍﺳﻬﻢ ﻳﺎﺑﺲ
ﺗﺎﻟﻲ ﻗﺎﺳﻢ ﻃﻔﺢ ﺑﻲ ﺍﻟﻜﻴﻞ ﻭﺭﺍﻭﺍﻫﻢ ﻭﺟﻬﻪ ﺍﻟﺜﺎﻧﻲ
ﻭﺧﻼﻫﻢ ﻭﺍﺣﺪﻫﻢ ﻳﺪﻋﻢ ﺑﺎﻟﺜﺎﻧﻲ
ﻭﺳﺤﺐ ﻣﻦ ﺗﺤﺘﻬﻢ ﺍﻟﺒﺴﺎﻁ
ﻧﻬﺾ ﻣﻦ ﻣﻜﺎﻧﻪ ﻭﻛﺎﻝ
.. ﺧﻼﺹ ﻫﺎﻱ ﻫﻲ ﺍﻧﺘﻮﺍ ﺟﺒﺘﻮﻫﺎ ﻟﻨﻔﺴﻜﻢ
ﺍﻧﺎ ﻋﻨﻲ ﺭﺩﺕ ﺍﺣﻠﻬﺎ ﺑﺎﻟﺘﻲ ﻫﻲ ﺍﺣﺴﻦ
ﻭﻛﻠﺖ ﺍﺟﻴﻜﻢ ﺑﺎﻟﻌﻴﻨﻲ ﻭﺍﻻﻏﺎﺗﻲ ﻭﺍﻧﺘﻮﺍ ﻣﻌﺎﻧﺪﻳﻦ ﻭﺭﺍﻛﺒﻴﻦ ﺭﺍﺳﻜﻢ
ﻣﺎ ﺍﺟﻴﺘﻮﺍ ﻭﻳﺎﻳﺔ ﻟﻠﻄﺮﻳﻖ .
ﺑﺲ ﺍﻟﻈﺎﻫﺮ ﺍﻧﺘﻮﺍ ﻣﻮ ﻣﺎﻝ ﺍﺣﺘﺮﺍﻡ ﺗﺮﺩﻭﻥ ﺍﺭﺍﻭﻳﻜﻢ ﻭﺟﻬﻲ ﺍﻟﺜﺎﻧﻲ
ﻫﺸﺎﻡ ﺻﺤﻴﺢ ﺍﺑﻨﻜﻢ ﺑﺎﻻﺳﻢ
ﺑﺲ ﻫﻮ ﺍﺧﻮﻳﺔ ﻛﻮﻝ ﻭﻓﻌﻞ ﻏﺼﺒﺎً ﻋﻦ ﺍﻟﻴﺮﺿﻰ ﻭﺍﻟﻤﺎ ﻳﺮﺿﻰ
ﻭﺣﻠﻴﺐ ﺍﻣﻲ ﺍﻟﺸﺎﻫﺪ ﻋﻠﻴﻨﺎ
ﺑﻤﺎ ﺍﻥ ﺍﻧﺘﻢ ﺑﻘﻴﺘﻮﺍ ﻣﺼﺮﻳﻦ
ﺧﻼﺹ ﺍﻧﻲ ﻣﺎ ﻋﻨﺪﻱ ﻏﻴﺮ ﺣﻞ ﺭﺍﺡ ﺍﺿﻄﺮ
ﺍﻋﺮﻗﻞ ﻣﺼﺎﻟﺤﻜﻢ . ﺑﺎﻟﻤﺸﺮﻭﻉ ﻭﺍﻃﺮﺩﻛﻢ ﻣﻨﻪ ﻣﺜﻞ ﺍﻟﻮﺭﺩ
ﻭﺳﺎﻋﺘﻬﺎ ﻛﻞ ﻓﻠﻮﺳﻜﻢ ﺗﺮﻭﺡ ﺑﺎﻟﺸﻂ ﻭﺍﻛﻌﺪﻛﻢ ﻋﻠﻰ ﺍﻟﺤﺪﻳﺪﺓ
ﻋﻮﺩ ﺭﺍﻭﻳﻨﻲ ﺷﻨﻮ ﺗﻜﺪﺭﻭﻥ ﺗﺴﻮﻭﻥ
ﻛﺎﻇﻢ ﻭﺿﻴﺎﺀ ﻛﺎﻣﻮ ﻣﻦ ﻣﻜﺎﻧﻬﻢ ﻭﻛﺎﻟﻮﺍ
.. ﻭﺍﻧﺖ ﺷﻨﻮ ﺩﺧﻠﻚ ﺑﺎﻟﻤﺸﺮﻭﻉ ﻻ ﺗﻈﻞ ﺗﺘﻔﻠﺴﻒ
ﻣﻦ ﻳﻤﻚ ﻫﺬﺍ ﺍﻟﻤﺸﺮﻭﻉ ﺧﺎﺹ ﺑﻴﻨﺎ ﺍﺣﻨﺎ ﻭﻋﻤﻲ ﻣﻨﻴﺮ ﻭﻣﻨﺘﺼﺮ
ﻣﺘﻜﻠﻲ ﺍﻧﺖ ﺷﻠﻮﻥ ﻋﺮﻓﺖ ﺑﺎﻟﻤﺸﺮﻭﻉ
ﻗﺎﺳﻢ ﺿﺤﻚ ﺑﺴﺘﻬﺰﺍﺀ ﻭﻛﻠﻠﻬﻢ
.. ﻟﻴﺶ ﻫﻮ ﻣﻦ ﺻﺎﺣﺐ ﺍﻟﻤﺸﺮﻭﻉ ﺍﻟﺮﺋﻴﺴﻲ ﻭﺑﺄﺳﻢ ﻣﻨﻮﺍ
ﺿﻴﺎﺀ ﺿﺤﻚ ﺑﻨﺘﺼﺎﺭ ﻭﻛﺎﻝ
.. ﻗﺎﺳﻢ ﻫﺎﻟﻤﺮﺓ ﻣﺜﻞ ﻛﻞ ﻣﺮﺓ ﻣﺎ ﺭﺍﺡ ﺗﻜﺪﺭ ﻋﻠﻴﻨﺎ
ﻛﻀﻴﺖ ﻃﻮﻝ ﻋﻤﺮﻙ ﺗﻬﺪﺩ ﻭﺗﻬﺪ ﻭﺗﻨﺜﻨﻲ ﻭﺗﻜﻮﻝ ﺣﻘﻲ ﺍﻃﻠﻌﻪ
ﻭﺑﺲ ﺗﻨﺒﺢ ﻣﺎ ﺗﻌﺾ
ﻭﻫﺎﻟﻤﺮﺓ ﻣﺜﻞ ﻛﻞ ﻣﺮﺓ ﺗﺘﻮﻋﺪ ﻭﻛﻠﺸﻲ ﻣﺎﻛﻮ
ﺍﺣﺐ ﺍﻛﻠﻚ ﺍﻟﻤﺸﺮﻭﻉ ﺑﺄﺳﻢ ﻋﺪﻧﺎﻥ . ﺍﻝ ......
ﻭﺍﺣﻨﺎ ﺍﺗﻜﺎﺗﺒﻨﺎ ﻭﻳﺎﻩ ﻭﻓﻠﻮﺳﻨﺎ ﺣﻄﻴﻨﺎﻫﺎ ﺑﺎﻟﻤﺸﺮﻭﻉ
ﻭﺍﻧﺖ ﻳﺎ ﺣﻠﻮ ﺭﺍﺣﺖ ﻋﻠﻴﻚ . ﻭﻟﻮ ﻣﻮ ﺍﻧﺖ ﻟﻮ ﺍﻻﻛﺒﺮ ﻣﻨﻚ
ﻣﺎ ﺭﺍﺡ ﻳﻜﺪﺭ ﻳﺎﺧﺬ ﺍﻟﻤﺸﺮﻭﻉ ﻣﻦ ﻋﺪﻧﺎﻥ
ﻻﻥ ﻋﺪﻧﺎﻥ ﻣﻌﺮﻭﻑ ﻭﻣﻴﺤﺘﺎﺝ ﺍﻋﻠﻤﻚ ﺑﻲ ﻫﻮ ﻣﻨﻮ
ﻛﺎﻇﻢ ﻳﺄﻛﺪ ﻋﻠﻰ ﻛﻼﻣﻪ ﻭﻳﻜﻮﻝ
.. ﺍﻱ ﺻﺤﻴﺢ ﻛﻼﻡ ﺿﻴﺎﺀ ﺭﻭﺡ ﺩﻭﺭﻟﻚ ﻋﻠﻰ ﻏﻴﺮ ﺣﺠﺔ
ﻏﻴﺮ ﻫﺎﻱ
ﻗﺎﺳﻢ ﺭﻓﻊ ﻧﻘﺎﻟﻪ ﻭﺍﺗﺼﻞ ﻋﻠﻰ ﺻﺎﺣﺒﻪ
.. ﺷﻮﻑ ﻳﺎﻟﺤﺒﻴﺐ ﺍﺭﻳﺪﻙ ﻫﺴﺔ ﺗﺠﻴﻨﻲ ﻭﺟﻴﺐ ﻭﻳﺎﻙ ﺟﻨﻄﺔ ﺍﻻﻭﺭﺍﻕ
ﺿﻴﺎﺀ ﻭﻛﺎﻇﻢ ﻳﺒﺎﻭﻋﻮﻥ ﻋﻠﻰ ﻗﺎﺳﻢ ﻭﻫﻤﺔ ﻣﺴﻴﻄﺮﺑﻦ ﻣﺎ
ﻋﺮﻓﻮﺍ ﻋﻠﻴﻤﻦ ﺍﺗﺼﻞ
ﺳﺪ ﺍﻟﻨﻘﺎﻝ ﻭﺑﺎﻭﻉ ﻋﻠﻴﻬﻢ ﻗﺎﺳﻢ ﻭﻛﺎﻝ
.. ﻻ ﺗﺴﺘﻌﺠﻠﻮﻥ ﻋﻠﻰ ﺭﺯﻗﻜﻢ ﻛﻠﺸﻲ ﺑﻮﻛﺘﻪ ﺣﻠﻮ
ﺍﻧﺎ ﻟﻮ ﻣﻨﻜﻢ ﺍﻛﻌﺪ ﺍﺭﺍﺟﻊ ﺣﺴﺎﺑﺎﺗﻲ
ﻻﻥ ﻣﻮ ﺍﻧﺎ ﺍﻟﻲ ﺍﺧﻠﻒ ﺑﻮﻋﺪﻱ .
ﺻﺤﻴﺢ ﺻﺎﺭﻟﻲ ﺳﻨﻴﻦ ﺍﻫﺪﺩ ﻭﺍﺗﻮﻋﺪﻟﻜﻢ
.......
ﻭﻛﻞ ﻫﺎﻱ ﺍﻟﺴﻨﻴﻦ ﺍﻧﺘﻮﺍ ﻣﺄﻣﻨﻴﻦ ﺑﺲ ﻭﺭﻭﺡ ﺍﺑﻮﻱ
ﻣﺎ ﻋﺪﺓ ﻋﻠﻴﺔ ﻳﻮﻡ ﺍﺫﺍ ﻣﺎ ﺍﻧﺎﻡ ﻋﺎﻟﻤﺨﺪﺓ . ﻭﻋﻘﻠﻲ
ﻳﺨﻄﻂ ﺷﻠﻮﻥ ﺍﺟﺮﻛﻢ ﻣﺜﻞ ﺍﻟﺨﺮﻓﺎﻥ
ﻟﻠﻤﺬﺑﺢ ﻭﺍﻛﻌﺪ ﺍﺑﺎﻭﻉ ﻋﻠﻴﻜﻢ ﺷﻠﻮﻥ ﻳﺼﻠﺨﻮﻥ ﺑﺠﻠﺪﻛﻢ
ﺿﻴﺎﺀ ﻛﺎﻡ ﻳﺮﻳﺪ ﻳﻬﺪ
ﻭﻋﻤﻪ ﺣﺴﻦ ﻟﺰﻣﻪ
ﻭﺍﻧﺎ ﺟﻨﺖ ﺍﺑﺎﻭﻉ ﻟﻘﺎﺳﻢ ﻭﺍﻋﺮﻑ ﻋﻦ ﺷﻨﻮ ﺟﺎﻥ ﻳﺤﺠﻲ
ﻻﻥ ﺍﻧﺎ ﻣﺸﻴﺖ ﺑﺄﻏﻠﺐ ﺍﻟﻤﻌﺎﻣﻼﺕ ﺍﻟﻲ ﺻﺎﺭﺕ ﺑﻴﻨﻬﻢ
ﻟﺤﻈﺎﺕ ﻭﺩﺧﻞ ﻋﺪﻧﺎﻥ ﻋﻠﻴﻨﺎ ﻭﺟﺎﻳﺐ ﺍﻟﺠﻨﻄﺔ ﻭﻳﺎﻩ
ﻋﺪﻧﺎﻥ ﺑﺲ ﺷﺎﻑ ﻗﺎﺳﻢ ﺭﺍﺡ ﻛﻌﺪ ﻳﻤﻪ ﻭﻛﻠﻪ
.. ﺷﻨﻮ ﻗﺎﺳﻢ ﻃﻠﺒﺘﻨﻲ ﺍﺟﻲ ﺷﻜﻮ ﺻﺎﻳﺮ ﺷﻲ
ﻗﺎﺳﻢ ﻳﺒﺎﻭﻉ ﻋﻠﻰ ﺿﻴﺎﺀ ﻭﻛﺎﻇﻢ ﻭﻛﺎﻝ
.. ﻻ ﻣﺎ ﺭﺩﺕ ﺷﻲ
ﺑﺲ ﺭﺩﺗﻚ ﺍﺗﻮﺿﺢ ﻟﻠﺠﻤﺎﻋﺔ ﺍﻟﻤﻮﺿﻮﻉ
ﻭﺗﻔﻬﻤﻬﻢ ﻣﻨﻮ ﺻﺎﺣﺐ ﺍﻟﻤﺸﺮﻭﻉ
ﻋﺪﻧﺎﻥ .. ﺗﺪﻟﻞ ﻣﻦ ﻋﻴﻮﻧﻲ ﻫﺴﺔ ﺍﻓﻬﻤﻬﻢ
ﻭﻟﻮ ﻫﻮ ﻣﻴﺤﺘﺎﺝ ﻟﻠﺸﺮﺡ
ﻛﻠﺸﻲ ﻣﻮﺟﻮﺩ ﺑﺎﻻﻭﺭﺍﻕ ﺍﻟﻲ ﻭﻗﻌﻮﻫﺎ
ﺿﻴﺎﺀ .. ﻋﺪﻧﺎﻥ ﻓﻬﻤﻨﺎ ﺷﻨﻮ ﺍﻟﻤﻮﺿﻮﻉ ﻭﻫﺬﺍ ﻗﺎﺳﻢ ﺷﻜﺎﻋﺪ ﻳﻬﻠﻮﺱ
ﻋﺪﻧﺎﻥ .. ﺑﺎﻟﺤﻘﻴﻘﺔ ﺍﻟﻤﺸﺮﻭﻉ ﺑﺄﺳﻢ ﻗﺎﺳﻢ ﻭﺍﻧﺎ ﻓﻘﻂ
ﺍﻟﻮﺳﻴﻂ ﺍﻟﺒﻴﻨﻜﻢ . ﺍﻟﻲ ﺟﻨﺖ ﺍﻛﻤﻞ ﻛﻞ ﺍﻟﻤﻌﺎﻣﻼﺕ ﻭﺍﺟﻴﺒﻠﻜﻢ ﺍﻟﻤﺸﺎﺭﻳﻊ ﻃﻮﻝ ﻫﺎﻱ ﺍﻟﺴﻨﻴﻦ
ﺿﻴﺎﺀ ﻭﻛﺎﻇﻢ ﻧﻄﺖ ﻋﻴﻮﻧﻬﻢ ﻭﻓﻠﺖ ﻭﺟﻬﻢ
ﻭﻋﻤﻬﻢ ﻣﺤﻤﺪ ﺍﻟﺘﻔﺖ ﻋﻠﻰ ﻗﺎﺳﻢ ﻭﻛﻠﻪ
.. ﻗﺎﺳﻢ ﺷﻨﻮ ﻗﺼﺪﻙ ﻣﻦ ﻫﺬﺍ ﻛﻠﻪ ﻣﻌﻘﻮﻟﺔ ﻭﺻﻞ ﺑﻴﻚ ﺍﻟﺤﻘﺪ
ﺗﺨﻄﻂ ﺗﻬﺠﻢ ﺑﻴﻮﺕ ﻋﻤﺎﻣﻚ ﻭﺗﻨﺘﻘﻢ ﻣﻨﻬﻢ
ﺻﺪﻙ ﻓﺎﺟﺌﺘﻨﻲ
ﻗﺎﺳﻢ .. ﺍﻱ ﻣﻌﻘﻮﻟﺔ ﻭﻛﻠﺸﻲ ﺍﺗﻮﻗﻊ
ﻭﺷﺒﻴﻚ ﻣﺘﻌﺠﺐ ﻟﻴﺶ ﻣﻮ ﻫﻤﺔ ﻧﻔﺴﻬﻢ .
ﺍﻟﻲ ﻧﻬﺒﻮﺍ ﻓﻠﻮﺱ ﺍﺑﻮﻳﺔ ﻭﺣﻼﻟﻨﺎ ﻛﻠﻪ ﺭﺍﺡ ﺑﻠﻴﻠﺔ ﻭﺿﺤﺎﻫﺎ
ﻭﺑﺴﺒﺒﻬﻢ ﺧﺴﺮﺕ ﺍﻟﻮﺍﻟﺪ
ﻭﻳﻦ ﺟﺎﻧﺤﺮﺻﻚ ﻫﺬﺍ ﺑﻴﻮﻡ ﺍﻟﺴﻮﻭ ﺑﻴﻨﺎ ﻭﺑﺎﻛﻮﻧﺎ ﻭﺍﺑﻮﻳﺔ ﻣﺎﺕ ﺑﺴﺒﺒﻬﻢ
ﺍﺷﻮ ﻣﺎ ﺳﻤﻌﺘﻚ ﺍﻋﺘﺮﺿﺖ ﺍﻭ ﻟﺰﻣﺘﻠﻚ ﻭﺍﺣﺪ ﻭﻋﺘﺒﺖ ﻋﻠﻴﻪ
ﺷﻠﻮﻥ ﻳﺴﻮﻭﻥ ﺑﺎﺧﻮﻫﻢ ﻫﻴﺞ
ﻋﻤﻪ ﻣﺤﻤﺪ ﺑﻬﺖ ﻟﻮﻧﻪ ﻭﻣﺎﻋﺮﻑ ﺷﻴﺤﺠﻲ
ﻭﺳﺄﻟﻪ .. ﻫﺴﺔ ﺷﻨﻮ ﺍﻟﻤﻄﻠﻮﺏ
ﺑﺎﻭﻉ ﻟﻜﺎﻇﻢ ﻭﻟﻀﻴﺎﺀ ﻭﻛﺎﻝ
.. ﺍﻟﻤﻄﻠﻮﺏ ﺗﻠﺰﻡ ﺍﺧﻮﻙ ﻭﺍﺑﻨﻪ ﻭﺗﻔﻬﻤﻬﻢ ﺑﻘﺎﺋﻬﻢ ﺑﺎﻟﻤﺸﺮﻭﻉ
ﻣﻘﺎﺑﻞ ﻳﺘﺮﻛﻮﻥ ﻫﺸﺎﻡ ﻭﺍﻱ ﺣﺮﻛﺔ ﺯﺍﻳﺪﺓ ﻣﻨﺎ ﻣﻨﺎ
ﺭﺍﺡ ﻳﻠﻜﻮﻥ ﻧﻔﺴﻬﻢ ﺑﺎﻟﺸﺎﺭﻉ
ﻛﺎﻇﻢ ﺣﺠﺔ ﺑﺄﺳﺘﺴﻼﻡ ﻭﺍﻟﻐﻴﺾ ﻳﻨﺒﻊ ﻣﻦ ﻋﻴﻮﻧﻪ ﻭﻛﺎﻝ
.. ﻫﺬﺍ ﻫﻮ ﻫﺸﺎﻡ ﻳﻄﻠﻊ ﺑﺲ ﺷﻨﻮ ﺍﻟﻲ ﻳﻀﻤﻦ ﺍﻧﺖ ﺭﺍﺡ ﺗﺒﻘﻰ ﺗﺤﺎﻓﻆ ﻋﻠﻰ ﻛﻠﻤﺘﻚ ﻭﻳﺎﻧﺎ
ﻗﺎﺳﻢ .. ﻣﺎﻋﻨﺪﻛﻢ ﻏﻴﺮ ﺣﻞ ﻭﺍﺣﺪ ﻫﻮ ﺑﺲ ﻛﻠﻤﺘﻲ
ﻭﺍﻧﻲ ﻋﻦ ﻛﻼﻣﻲ ﻣﺴﺆﻭﻝ ﻭﺍﻟﺸﺎﻫﺪﻳﻦ ﻋﻤﻲ ﻓﺮﺯﺩﻕ ﻭﻋﻤﻲ ﻣﺤﻤﺪ
ﻫﻤﺔ ﺑﺎﻟﻮﺟﻮﺩ ﻭﻟﻬﻨﺎ ﻭﻛﺎﻓﻲ
ﺿﻴﺎﺀ ﺑﺘﺸﻔﻲ .. ﻳﺎﻟﻠﻪ ﻋﺎﺩﻱ ﺍﺧﺬ ﻫﺸﺎﻡ ﺑﺲ ﺍﻫﻢ ﺷﻲ
ﺧﺮﺑﻨﺎ ﻋﻠﻴﻚ . ﺗﻌﺐ ﺍﻟﺴﻨﻴﻦ ﻭﻣﺎ ﻛﺪﺭﺕ ﺗﻜﺴﺮﻧﺎ
ﻭﺭﺍﺡ ﻧﺒﻘﻰ ﻣﺸﺎﺭﻛﻴﻦ ﺑﺎﻟﻤﺸﺮﻭﻉ ﻏﺼﺒﺎً ﻋﻨﻚ
ﻗﺎﺳﻢ ﺍﺑﺘﺴﻢ ﻭﻛﺎﻝ
.. ﺍﻧﺎ ﺻﺤﻴﺢ ﻣﺎ ﺭﺍﺡ ﺍﻃﺮﺩﻛﻢ ﻣﻦ ﺍﻟﻤﺸﺮﻭﻉ
ﺑﺲ ﺍﻟﻲ ﻳﺠﺒﺮ ﺑﺨﺎﻃﺮﻱ ﺍﻥ ﺍﻧﺘﻢ ﺭﺍﺡ ﺗﺒﻘﻮﻥ ﺗﺤﺖ ﺭﺣﻤﺘﻲ
ﺍﻱ ﺣﺠﺎﻳﺔ ﻣﻨﻲ ﻳﻨﺴﺤﺐ ﻣﻨﻜﻢ ﻛﻠﺸﻲ
ﻭﻫﺬﺍ ﺍﻟﺸﻲ ﺑﺤﺪ ﺫﺍﺗﻪ ﻳﺸﻔﻲ ﻏﻠﻴﻠﻲ
ﺍﻥ ﺗﺒﻘﻰ ﺣﺎﺟﺘﻜﻢ ﻋﻨﺪﻱ ﻭﺭﺍﺡ ﺗﻨﺠﺒﺮﻭﻥ ﻏﺼﺒﺎً ﻋﻨﻜﻢ
ﺗﻄﻴﻌﻮﻥ ﺍﻭﺍﻣﺮﻱ
ﻋﺰﺍﻡ .. ﻟﺞ ﻫﺎﻟﺔ ﻟﻮ ﺗﺸﻮﻓﻴﻦ ﻋﻤﺞ ﻛﺎﻇﻢ ﻭﺿﻴﺎﺀ
ﻛﺎﻣﻮﺍ ﻳﻜﻤﺰﻭﻥ ﻣﻦ ﺍﻟﻘﻬﺮ ﻭﻣﺎ ﻛﺪﺭﻭﺍ ﻳﻔﺘﺤﻮﻥ ﺣﻠﻜﻬﻢ ﺑﺄﻱ ﻛﻠﻤﺔ
ﻭﻋﻤﺞ ﻣﺤﻤﺪ ﻛﺎﻝ ﻟﻘﺎﺳﻢ .. ﻳﻌﻨﻲ ﺍﻓﻬﻢ ﻣﻦ ﻛﻼﻣﻚ
ﻋﻤﻚ ﻣﻨﻴﺮ ﻭﺍﺑﻨﻪ ﻣﻨﺘﺼﺮ ﺭﺍﺡ ﻳﻨﻄﺮﺩﻭﻥ
......
ﻗﺎﺳﻢ ﻛﺎﻡ ﻣﻦ ﻣﻜﺎﻧﻪ ﻭﻛﺎﻝ
.. ﺍﻧﺎ ﻟﻬﻨﺎ ﻭﻳﺨﻠﺺ ﻛﻼﻣﻲ ﻭﻳﺎﻛﻢ ﺍﻣﺎ ﻣﻨﻴﺮ ﻭﺍﺑﻨﻪ ﻣﻨﺘﺼﺮ
ﻓﻬﺬﻭﻟﻲ ﺣﺴﺎﺑﻬﻢ ﻳﻤﻲ ﻭﻣﺤﺪ ﻟﻪ ﺩﺧﻞ ﺑﺎﻟﻤﻮﺿﻮﻉ
ﻣﺜﻠﻤﺎ ﺷﻠﺘﻮﺍ ﺍﻳﺪﻛﻢ ﺑﻴﻮﻡ ﺳﻠﺒﻮﺍ ﺣﻼﻝ ﺍﺑﻮﻳﺔ ﻭﻣﻮﺗﻮﺍ ﺑﺤﺴﺮﺗﻪ ﻭﻣﺤﺪ ﺍﺗﺬﺧﻞ ﻣﻨﻜﻢ
ﻫﺴﺔ ﻫﻢ ﺍﺭﻳﺪ ﻣﻨﻜﻢ ﺗﻄﻠﻌﻮﻥ ﻣﻦ ﺍﻟﺴﺎﻟﻔﺔ ﻭﻣﺤﺪ ﻳﺘﺪﺧﻞ ﻭﺗﺨﻠﻮﻧﻲ ﺍﻧﻲ ﻭﻳﺎﻫﻢ ﻧﺘﻔﺎﺻﻞ
ﺍﺗﺠﻪ ﻳﻄﻠﻊ ﻣﻦ ﺍﻟﺒﺎﺏ ﻭﻗﺒﻞ ﻻ ﻳﺮﻭﺡ ﻛﺎﻝ
.. ﺍﻧﺎ ﻃﺎﻟﻊ . ﺭﺍﻳﺢ ﻟﻠﺒﻴﺖ ﺍﺭﻳﺪ ﻛﻮﻥ ﻗﺒﻞ ﻻ ﺍﻭﺻﻞ ﺍﻟﻜﺔ ﺍﺧﻮﻱ ﻫﺸﺎﻡ ﻣﻮﺟﻮﺩ ﻗﺒﻠﻲ
ﻫﺎﻟﺔ .. ﻭﻫﺴﺔ ﻫﻤﺔ ﻳﺎﻣﺤﻔﻮﻇﺔ ﺍﻟﺴﻼﻣﺔ ﺟﺎﻳﻴﻦ ﺑﺎﻟﻄﺮﻳﻖ
ﻭﺧﻠﻴﻨﺎ ﻧﻄﻠﻊ ﺍﻟﻌﺸﺎﺀ ﻭﻧﻠﺤﻚ ﻧﻌﺸﻴﻬﻢ
ﻻﻥ ﺍﺫﺍ ﺍﺟﻮﻱ ﺍﺧﻮﺍﻧﻲ ﺭﺍﺡ ﺗﺼﻴﺮ ﻫﻮﺳﺔ ﻭﻛﻮﻟﺸﻲ ﻣﺎ ﻧﻠﺤﻚ ﻧﺴﻮﻱ
ﻫﺎﻟﺔ ﺟﺎﻧﺖ ﺗﺤﺠﻲ ﻭﺍﻧﻲ ﻣﺴﻄﻮﺭﺓ ﺳﻮﺩﺓ ﻋﻠﻴﺔ ﻗﺎﺳﻢ
ﻛﻞ ﻫﺎﻱ ﺷﺎﻳﻠﻬﺔ ﺑﮕﻠﺒﻪ ﻭﻣﺘﺤﻤﻠﻬﻢ ﻟﻮﺣﺪﻩ
ﻫﺎﻟﺔ ﺳﺎﻟﺘﻨﻲ
.. ﺍﻛﻠﺞ ﻫﺎﻱ ﺳﺖ ﺭﻫﻒ ﺷﺠﺎﺑﻬﺎ ﻫﻨﺎ ﻋﺪﻧﺎ
.. ﺣﻈﻲ ﺍﻻﻋﻮﺝ ﺟﺎﺑﻬﺎ ﻣﻮ ﻋﺎﻻﺳﺎﺱ ﺍﻧﻲ ﻧﺎﻗﺼﺔ
ﻫﻢ ﻭﺗﺠﻲ ﻛﻬﻒ ﺗﻜﻤﻠﻨﻲ
ﺍﺟﺘﻲ ﻣﺮﻳﻢ ﻳﻤﻨﺎ ﺑﺎﻟﻤﻄﺒﺦ ﻭﻛﻌﺪﺕ ﺗﺴﺎﻋﺪﻧﺎ ﺑﺎﻟﻌﺸﺎﺀ
ﺷﻮﻳﺔ ﻭﺟﺎﻥ ﻳﻨﺪﻙ ﻭﺍﻟﺒﺎﺏ ﻭﺳﻤﻌﻨﺎ ﺻﻮﺕ ﻫﻠﻬﻮﻟﺔ ﻓﺮﺡ
ﻣﻦ ﺍﻡ ﻗﺎﺳﻢ
ﻭﺭﻛﻀﻨﺎ ﻛﻠﻨﺎ ﻧﺒﺎﻭﻉ ﻣﻨﻮ ﺍﻟﻘﺎﺩﻡ
ﻭﺟﺎﻥ ﻧﺸﻮﻑ ﻫﺸﺎﻡ ﺣﺎﺿﻦ ﺧﺎﻟﺔ ﺍﻡ ﻗﺎﺳﻢ
ﻭﻫﻲ ﺗﺒﺠﻲ ﻋﻠﻰ ﺻﺪﺭﻩ
ﻭﺻﺎﺭ ﻫﺸﺎﻡ ﻳﺘﻨﻘﻞ ﻣﻦ ﺣﻀﻦ ﻟﺤﻀﻦ ﺑﻴﻦ ﺍﺧﻮﺍﺗﻪ ﻭﺍﻣﻪ
ﺍﺑﺎﻭﻉ ﻟﻤﺮﻳﻢ ﻭﺍﻛﻔﺔ ﻭﺭﺍﻳﺔ ﻣﺴﺘﺤﻴﺔ ﻭﺗﻤﺴﺢ ﺑﺪﻣﻮﻋﻬﺎ
ﺑﺎﻭﻋﺖ ﻋﻠﻴﻬﺎ ﻭﻛﻠﺘﻠﻬﺎ .. ﺍﻧﺘﻲ ﺷﻨﻮ ﺳﺎﻟﻔﺘﺞ ﻓﺮﺡ ﺣﺰﻥ
ﻛﻠﻮ ﺩﻣﻮﺀ ﻣﺎﻓﻲ ﺿﺤﻚ ﺍﻧﺘﺔ ﻭﺍﻫﺪ ﻣﺠﻨﻮﻥ
ﺍﺑﺘﺴﻤﺖ ﺭﺣﺖ ﻳﻢ ﻫﺸﺎﻡ ﺍﺗﺤﻤﺪﻟﻪ ﻋﺎﻟﺴﻼﻣﺔ ﻭﻛﻠﺘﻠﻪ
.. ﻋﻴﻨﻲ ﻫﺸﻮﻣﻲ ﺍﻛﻮ ﻧﺎﺱ ﺯﻏﻌﻮﺍ ( ﺯﺭﻋﻮﺍ ) ﻧﻔﺴﻬﻢ ﻫﻨﺎ ﺑﺒﻴﺘﻨﺎ
ﻣﻦ ﺍﻟﻈﻬﻎ ( ﺍﻟﻈﻬﺮ ) ﻇﺎﻟﻴﻦ ﻣﺜﻞ ﺍﻟﻄﻔﻞ ﺍﻟﻀﺎﻳﻊ
ﻫﺸﺎﻡ ﻳﺒﺎﻭﻉ ﻋﻠﻴﺔ ﻭﺳﺄﻟﻨﻲ
.. ﻣﻨﻮ ﻫﺬﻭﻝ
ﺍﻟﺘﻔﺘﺖ ﻭﺍﻧﻲ ﺍﺑﺎﻭﻉ ﻋﻠﻰ ﺑﺎﺏ ﺍﻟﻤﻄﺒﺦ ﺍﻟﻮﺭﺍﻳﺔ
ﺑﺎﻭﻉ ﻋﻠﻰ ﺍﺗﺠﺎﻩ ﻣﻜﺎﻥ ﻧﻈﺮﺍﺗﻲ
ﻭﺍﺗﺴﻌﺖ ﻋﻴﻮﻧﻪ ﻣﺜﻞ ﺍﻟﻲ ﻟﻜﺔ ﻫﺪﻳﺔ ﺍﻟﻌﻴﺪ
ﻭﺍﺑﺘﺴﻢ .. ﻣﻦ ﺍﺭﻭﺡ ﻗﺮﺑﺎﻥ ﻟﺪﻣﻮﻋﻬﺎ
ﻣﺮﻳﻢ
ﻛﻠﺒﻲ ﻧﻬﺾ ﻣﻦ ﻣﻜﺎﻧﻪ ﻣﻦ ﺷﻔﺘﻪ ﺩﺧﻞ ﻭﺳﻠﻢ ﻋﻠﻰ ﺧﺎﻟﺔ ﻭﺧﻮﺍﺗﻪ .
ﺻﺮﺕ ﺍﺗﺮﻗﺐ ﻭﺍﻧﺘﻈﺮ ﺩﻭﺭﻱ ﺷﻮﻛﺖ ﻳﺤﻦ
ﻭﻳﻮﺻﻠﻨﻲ ﺍﻟﺴﺮﺓ ﻭﺍﺳﻠﻢ ﻋﻠﻴﻪ
ﻭﺍﺧﺬﻩ ﺑﺄﺣﻀﺎﻧﻲ ﻣﺜﻞ ﺧﻮﺍﺗﻪ ﻭﺧﺎﻟﺔ
ﺍﺭﻳﺪ ﺍﺻﻴﺢ ﺑﻌﺎﻟﻲ ﺻﻮﺗﻲ ﻭﺍﻛﻮﻝ ﺍﻧﻲ ﻫﻢ ﺍﻟﻲ ﺣﻖ ﺑﻲ
ﺷﺎﻓﻨﻲ ﻭﺍﺑﺘﻬﺠﺖ ﻋﻴﻮﻧﻪ ﻭﻛﺎﻝ
.. ﺟﻌﻠﻨﻲ ﻗﺮﺑﺎﻥ ﻟﺪﻣﻮﻋﻬﺎ
ﺩﺧﻞ ﻟﻠﺒﻴﺖ ﻭﻛﻤﻞ ﺳﻼﻣﻪ ﻋﻠﻰ ﺑﺎﻗﻲ ﺍﻗﺎﺭﺑﻪ
ﻭﺳﻠﻢ ﻋﻠﻰ ﺷﻮﻣﺔ ﺍﺧﺘﻲ ﻭﺍﺗﺸﻜﺮ ﻣﻨﻬﺎ
ﻫﺬﺍ ﻛﻠﻪ ﻭﺍﻧﻲ ﺍﺳﺘﺤﻴﺖ ﺍﺭﻭﺡ ﺍﺳﻠﻢ ﻋﻠﻴﻪ ﻛﺪﺍﻡ ﺍﻟﻜﻞ ﻛﻠﺖ ﺧﻠﻲ
ﻣﻦ ﻳﻜﻮﻥ ﻟﻮﺣﺪﻩ ﺍﺳﻠﻢ ﻋﻠﻴﻪ
ﺭﺑﻊ ﺳﺎﻋﺔ ﻭﺩﺧﻞ ﻗﺎﺳﻢ ﻭﺍﻟﻮﻟﺪ
ﻭﺻﺪﻙ ﺻﺎﺭ ﺍﻟﺒﻴﺖ ﺧﺒﺼﺔ ﻣﺜﻠﻤﺎ ﻛﺎﻟﺖ ﻫﺎﻟﺔ
ﻭﺍﻟﺘﻬﻴﻨﺎ ﻧﺴﻮﻱ ﻋﺸﺎ ﻭﺷﻴﻤﺎﺀ ﺍﺟﺔ ﻋﻠﻴﻬﺎ ﺣﻴﺪﺭ ﻭﻛﻠﺘﻠﻲ
.. ﻳﺎﻟﻠﻪ ﻣﺮﻳﻮﻣﺔ ﻛﻮﻣﻲ ﺣﻴﺪﺭ ﻳﻨﺘﻈﺮﻧﺎ ﺑﺎﻟﺒﺎﺏ
ﻫﻢ ﻳﺎﻟﻠﻪ ﻧﺮﻭﺡ
ﺑﺎﻭﻋﺖ ﻟﻬﺸﺎﻡ ﺟﺎﻥ ﻣﻠﺘﻬﻲ ﻳﺴﻮﻟﻒ ﻭﻳﺤﺠﻲ ﻭﻣﺎﻣﻨﺘﺒﻪ ﻋﻠﻴﺔ
ﺣﺴﻴﺖ ﺑﺎﻟﺨﺬﻻﻥ ﻳﻌﻨﻲ ﺷﻨﻮ ﺭﺍﺡ ﺍﺭﻭﺡ ﻭﺍﻧﻲ ﺣﺘﻰ ﺑﻌﺪﻧﻲ ﻣﺎ ﺳﻠﻤﺖ ﻋﻠﻴﻪ
.....
ﺑﺎﻭﻋﺖ ﻟﺸﻴﻤﺎﺀ ﻭﻛﻤﺖ ﻣﻦ ﻣﻜﺎﻧﻲ
.. ﻳﺎﻟﻠﻪ ﺑﺲ ﺍﺭﻭﺡ ﺍﺟﻴﺐ ﺟﻨﻄﺘﻲ ﻣﻦ ﺍﻟﻤﻄﺒﺦ
ﺭﺣﻨﺎ ﺍﻧﻲ ﻭﺷﻴﻤﺎﺀ ﻋﻠﻰ ﺧﺎﻟﺔ ﺍﻡ ﻗﺎﺳﻢ
ﺣﺘﻰ ﻧﺴﻠﻢ ﻋﻠﻴﻬﺎ . ﻟﻜﻴﻨﺎ ﻫﺸﺎﻡ ﻓﻮﻙ ﺭﺍﺳﻨﺎ
ﻫﺸﺎﻡ .. ﻫﺎﻱ ﺷﻨﻮ ﻭﻳﻦ ﻃﺎﻟﻌﻴﻦ ﺑﻌﺪ ﻭﻛﺖ ﺍﺑﻘﻮﺍ ﺍﺗﻌﺸﻮﺍ ﻭﺑﻌﺪﻳﻦ ﺍﻧﺎ ﺍﻭﺻﻠﻜﻢ
ﺷﻴﻤﺎﺀ .. ﺗﺴﻠﻤﻠﻨﺎ ﺑﺲ ﺣﻴﺪﺭ ﺑﺎﻟﺒﺎﺏ ﻳﻨﺘﻈﺮﻧﺎ ﻭﻫﻢ ﻳﺎﻟﻠﻪ ﻧﺮﺟﻊ ﻟﻠﺒﻴﺖ
ﺍﻡ ﻗﺎﺳﻢ .. ﺯﻳﻦ ﺧﺎﻟﺔ ﺷﻮﻣﺔ ﺧﻠﻲ ﻣﺮﻳﻮﻣﺔ ﻳﻤﻨﺎ
ﻣﺤﺘﺎﺟﻴﻬﺎ ﺗﺒﻘﻰ ﻭﻳﺔ ﺍﻟﺒﻨﺎﺕ ﺗﺴﺎﻋﺪﻫﻢ
ﻫﻲ ﺣﺘﻰ ﻣﺎ ﻟﺤﻜﺖ ﺗﺸﻮﻑ ﺭﺟﻠﻬﺎ ﻭﺗﺘﺤﻤﺪﻟﻪ ﻋﺎﻟﺴﻼﻣﺔ
ﺍﺟﺘﻲ ﻫﺪﻯ ﻭﻛﺎﻟﺖ
.. ﺍﻱ ﺷﻴﻤﺎﺀ ﺑﻘﻴﻬﺎ ﻳﻤﻨﺎ ﻭﺍﻧﻲ ﻭﻫﺸﺎﻡ ﻧﻮﺻﻠﻬﺎ ﻟﻠﺒﻴﺖ
ﻋﻠﻰ ﺍﻻﻗﻞ ﺗﺴﺎﻋﺪﻧﻲ ﺗﻠﺰﻡ ﺍﺳﻮ ﻭﺍﻧﻲ ﺍﻟﺘﻬﻲ ﺑﺎﻟﺨﻄﺎﻍ ( ﺑﺎﻟﺨﻄﺎﺭ )
ﺷﻴﻤﺎﺀ ﺍﺑﺘﺴﻤﺖ ﻭﻛﺎﻟﺖ ﺑﺘﻔﻬﻢ
.. ﻳﺎﻟﻠﻪ ﻟﻌﺪ ﺍﻧﻲ ﻃﺎﻟﻌﺔ
ﺑﺲ ﻫﺪﻯ ﻣﻮ ﺗﺘﺄﺧﺮ ﻻﻥ ﻣﺮﻭﺓ ﺗﺒﻘﻰ ﺗﻨﺘﻈﺮﻫﺎ
ﺑﻌﺪﻫﺎ ﻃﻠﻌﺖ ﺷﻴﻤﺎﺀ ﻭﺭﺍﺣﺖ ﻭﻳﺔ ﺣﻴﺪﺭ ﻭﺍﻧﻲ ﻃﺮﺕ ﻣﻦ ﺍﻟﻔﺮﺡ
ﺑﻠﺸﻮﺍ ﺍﻟﺒﻨﺎﺕ ﻳﺼﺒﻮﻥ ﺍﻟﻌﺸﺎ
ﻭﺍﻧﻲ ﺷﺎﻳﻠﺔ ﺍﺳﻮﺍ ﻭﻫﺸﺎﻡ
ﺍﻗﺘﺮﺏ ﻣﻨﻲ ﻭﻋﻴﻮﻧﻪ ﺗﻠﻤﻊ ﺑﻠﻬﻔﺔ ﻭﺷﺎﻭﺭﻧﻲ ﻭﻛﺎﻝ
.. ﺻﻌﺪﻱ ﻓﻮﻙ ﻭﻳﺔ ﻫﺎﻟﺔ ﺍﺭﻳﺪ ﺍﺣﺠﻲ ﻭﻳﺎﺝ
ﻛﻠﺒﻲ ﺻﺎﺭ ﻳﺪﻙ ﻋﺎﻟﺴﺮﻳﻊ
ﺍﺑﺘﺴﻤﺖ ﻭﺟﺎﻭﺑﺘﻪ .. ﺍﻣﻤﻢ
ﻋﺾ ﺷﻔﺘﻪ ﻭﻛﺎﻝ ﺍﻧﺎ ﺻﺎﻋﺪ ﻗﺒﻠﺞ
ﺭﺍﺡ ﺻﺎﺡ ﻟﻬﺎﻟﺔ . ﺣﺠﺔ ﻭﻳﺎﻫﺎ
ﺑﺎﻟﺤﻘﻴﻘﺔ ﻣﺎ ﺍﻋﺘﺮﺿﺖ ﻭﻻ ﻋﺎﺭﺿﺖ ﺟﻨﺖ ﻣﺘﻠﻔﻬﺔ
ﺍﺑﻘﻰ ﻭﻳﺎﻩ ﻭﺍﻟﻤﻪ ﺑﺄﺣﻀﺎﻧﻲ ﻭﺍﺗﺤﻤﺪﻟﻪ ﻋﺎﻟﺴﻼﻣﺔ
ﺍﺟﺘﻲ ﻫﺎﻟﺔ ﻭﻛﺎﻟﺖ .. ﺗﻌﺎﻟﻲ ﻳﺎﺣﻠﻮﺓ ﺧﻠﻲ ﺍﺧﺬﺝ
ﻻﺧﻮﻧﺎ ﺍﻟﻌﺰﻳﺰ ﻭﺍﻧﻲ ﻣﻦ ﺗﺎﻟﻲ ﻋﻤﺮﻱ ﺍﺻﻴﺮ ﻣﺮﺳﺎﻝ ﻏﺮﺍﻡ ﻭﺍﻟﻠﻪ ﻳﺎﺭﺑﻲ
ﻣﺸﻴﺖ ﻭﻳﺎﻫﺎ ﻭﺍﻧﻲ ﺑﻌﺪﻧﻲ ﺷﺎﻳﻠﺔ ﺍﺳﻮ
ﺻﻌﺪﺕ ﻭﻳﺔ ﻫﺎﻟﺔ ﻓﻮﻙ ﻭﺩﺧﻠﻨﺎ ﻟﻐﺮﻓﺔ ﻟﻜﻴﻨﺎ ﻫﺸﺎﻡ ﺑﻴﻬﺎ
ﺍﻟﻈﺎﻫﺮ ﻫﺎﻱ ﻏﺮﻓﺘﻪ
ﻫﺎﻟﺔ .. ﺍﺗﻔﻀﻞ ﻫﺎﻱ ﺍﻧﻲ ﻭﺻﻠﺖ ﺍﻻﻣﺎﻧﺔ
ﻳﺎﻟﻠﻪ ﻋﻦ ﺍﺫﻧﻜﻢ ﺍﻧﺎ ﻃﺎﻟﻌﺔ
ﻫﺸﺎﻡ .. ﺍﻭﻛﻔﻲ ﻫﺎﻟﺔ ﻟﺤﻈﺔ ﻭﻳﻦ . ﺭﺍﻳﺤﺔ
ﻫﺎﻟﺔ .. ﻫﺎ ﺷﻜﻮ ﻣﺮﺗﻚ ﻭﺟﺒﺘﻬﺎ ﺍﻟﻚ ﺑﻌﺪ ﺷﻜﻮ ﺷﺘﺮﻳﺪ
.. ﺗﻌﺎﻱ ﺍﺧﺬﻱ ﻭﻳﺎﺝ ﻫﺎﻱ ﺍﻟﺸﺤﺮﻭﺭﺓ . ﺷﻌﻨﺪﻫﺎ
ﻳﻤﻨﺎ
ﻫﺎﻟﺔ .. ﻻ ﺣﺒﻴﺒﻲ ﻟﻬﻨﺎ ﺣﺪﻙ . ﺑﻨﺖ ﻗﺎﺳﻢ ﺗﺒﻘﻰ ﻭﻳﺔ ﺧﺎﻟﺘﻬﺎ
ﻫﻨﺎ ﻟﻠﺤﻤﺎﻳﺔ . ﺍﺻﻼ ﻫﻲ ﻣﺮﻳﻢ ﺑﻜﺒﺮﻫﺎ ﻣﺎ ﺑﻘﺖ ﻫﻨﺎ
ﺍﻻ ﻋﻠﻤﻮﺩ ﺗﻠﺰﻡ ﺍﺳﻮ
ﺍﺗﺠﻬﺖ ﻟﻠﺒﺎﺏ ﻭﻃﻠﻌﺖ ﻭﻛﺎﻟﺖ
.. ﻳﺎﻟﻠﻪ ﭼﺎﻭ
ﻫﻤﺔ ﻳﺤﺠﻮﻥ ﻭﺍﻧﻲ ﻭﺟﻬﻲ ﻳﻨﻄﻲ ﺍﻟﻮﺍﻥ
ﺳﺪﺕ ﺍﻟﺒﺎﺏ ﻭﺭﺍﻫﺎ
ﻭﻫﺸﺎﻡ ﺑﺎﻭﻉ ﻋﻠﻴﺔ ﻭﺍﻗﺘﺮﺏ ﻣﻨﻲ ﻭﻟﻤﻨﻲ ﺍﻧﻲ ﻭﺍﺳﻮ ﻟﺤﻀﻨﻪ
ﻳﺒﻮﻭﻭﻭﻭ ﻳﺎﺟﻤﺎﻝ ﺣﻀﻨﻪ
ﺍﺗﻤﻨﻰ ﺍﻋﻴﺶ ﺍﻟﻌﻤﺮ ﻛﻠﻪ ﻭﻳﺎﻩ
ﻫﻤﺴﺖ .. ﺍﻟﻒ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ ﻭﺍﻟﻠﻪ ﺍﺟﻴﺖ ﺍﻣﻮﺕ
ﻣﻦ ﺳﻤﻌﺖ ﺍﻟﺼﺎﺭ ﺑﻴﻚ
ﻫﺸﺎﻡ ﺳﺤﺐ ﻧﻔﺲ ﻋﻤﻴﻖ ﺑﻘﻬﺮ ﻭﻛﺎﻝ
.. ﻫﺬﺍ ﺍﻧﺎ ﻣﻦ ﻳﻮﻣﻲ . ﺳﺒﺐ ﻛﻞ ﻣﺸﺎﻛﻠﻲ ﺍﺑﻮﻳﺔ ﻭﺍﺧﻮﺍﻧﻲ
.. ﻟﺘﻀﻮﺝ ﺍﻟﺤﻤﺪﻟﻠﻪ ﺭﺑﻲ ﻋﻮﺿﻚ ﺏ ﻗﺎﺳﻢ .
.......
ﺍﻟﻒ ﺍﻟﺤﻤﺪﻟﻠﻪ
ﺍﻛﻠﺞ ﺷﻜﻠﻨﺎ ﺭﺍﺡ ﻧﻜﻠﺐ ﺍﻟﺨﻠﻮﺓ ﻣﺎﻟﺘﻨﺔ . ﻧﻔﺤﺎﺕ ﺭﺣﻤﺎﻧﻴﺔ
ﻭﻧﻄﺮﺩ ﺍﻟﺸﻴﻄﺎﻥ
ﻭﺍﻥ ﺍﺣﺮ ﻣﺎ ﻋﻨﺪﻱ ﻫﺴﺔ ﺍﻛﻌﺪ ﻭﻳﺎﺝ ﻭﻧﺘﺴﺎﻣﺮ
ﻭﺍﺧﺬﺝ ﻟﺤﻀﻨﻲ ﻭﻋﻨﺪﻱ ﻫﻮﺍﻱ ﺳﻮﺍﻟﻒ ﻣﺎ ﺗﻨﻔﻊ ﺗﻨﺤﺠﻲ
ﺍﺳﻮ ﺍﺗﺤﺮﻛﺖ ﻣﺘﻀﺎﻳﻘﺔ ﺑﻴﻦ ﺍﻳﺪﻳﺔ
ﻫﺸﺎﻡ ﺑﺎﻭﻉ ﻋﻠﻴﻬﺎ .. ﻭﺍﻟﻠﻪ ﺍﺣﻨﺎ ﻣﻜﺘﻮﺏ ﻋﻠﻴﻨﺎ
ﺍﻟﺮﻗﺎﺑﺔ ﺳﻮﺍﺀ ﻣﻦ ﺍﺧﺘﺞ ﻟﻮ ﻣﻦ ﺑﺘﻬﺎ
ﺍﺑﺘﺴﻤﺖ ﻭﻫﻮ ﺿﺤﻚ ﻭﺳﺎﻋﺘﻬﺎ ﻗﻀﻴﺖ ﻭﻳﺔ ﻫﺸﺎﻡ ﺍﺟﻤﻞ ﻭﺍﺣﻠﻰ ﻟﺤﻈﺎﺕ
ﻫﺪﻯ
ﺭﻏﻢ ﺍﻟﺨﺒﺼﺔ ﻭﺭﻏﻢ ﺍﻟﻬﻮﺳﺔ ﻭﺭﻏﻢ ﺍﻧﺸﻐﺎﻟﻲ
ﻋﻴﻮﻧﻲ ﺍﺑﺪ ﻣﺎ ﻭﻛﻌﺖ ﻣﻦ ﻋﻠﻰ ﺭﻫﻒ
ﺍﺑﺎﻭﻉ ﻋﻠﻴﻬﺎ ﻣﻦ ﺩﺧﻞ ﻗﺎﺳﻢ ﻋﻴﻮﻧﻬﺎ ﻟﻤﻌﺖ
ﻳﺎﺭﺑﻲ ﻫﺎﻱ ﺍﻟﺒﻨﻴﺔ ﻧﻈﺮﺍﺗﻬﺎ ﻣﻔﻀﻮﺣﺔ
ﺍﺭﺗﺎﺡ ﮔﻠﺒﻲ ﻣﻦ ﺷﻔﺖ ﻗﺎﺳﻢ ﺳﻠﻢ ﻋﻠﻰ ﺍﻟﻜﻞ
ﻭﻫﻲ ﻣﻦ ﺿﻤﻨﻬﻢ ﺑﺼﻮﺭﺓ ﻋﺎﻣﺔ ﻣﺎ ﺧﺼﻬﺎ ﺑﺎﻟﺴﻼﻣﺔ
ﺭﺣﺖ ﻳﻤﻪ ﺍﺭﻳﺪ ﺍﺣﺮﻙ ﮔﻠﺒﻬﺎ
ﻭﻛﻠﺘﻠﻪ .. ﺍﻟﺤﻤﺪﻟﻠﻪ ﻋﻠﻰ ﺳﻼﻣﺔ ﻫﺸﻮﻣﺔ
.. ﺍﻟﻠﻪ ﻳﺴﻠﻤﺞ ﻭﻳﻦ ﺍﺳﻮ ﺍﻟﻴﻮﻡ ﻣﺎ ﺷﻔﺘﻬﺎ
ﺣﺒﻴﺒﺔ ﺍﺑﻮﻫﺎ
ﮔﻠﺒﻲ ﻧﻬﺾ ﺣﺴﻴﺖ ﺑﻲ ﺭﺟﻊ ﻗﺎﺳﻢ ﺣﺒﻴﺒﻲ
ﺟﺎﻥ ﻳﺤﺠﻲ ﻭﺭﺍﺡ ﻟﻠﻤﻐﺎﺳﻞ ﻳﺮﻳﺪ ﻳﻐﺴﻞ
ﺍﻳﺪﻳﻪ ﻫﺴﺘﻮﻫﻢ ﺧﻠﺼﻮﺍ ﻣﻦ ﺍﻻﻛﻞ
ﺭﺣﺖ ﻭﺭﺍﻩ ﺟﻨﺎ ﺑﺲ ﺍﻧﻲ ﻭﻫﻮ ﻳﻢ ﺍﻟﻤﻐﺴﻠﺔ
ﺷﻠﺘﻠﻪ ﺍﻟﻤﻨﺸﻔﺔ ﻭﺑﻘﻴﺖ ﻭﺍﻛﻔﺔ ﻣﻨﺘﻈﺮﺗﻪ
ﺑﻠﻬﻔﺔ
ﻗﺎﺳﻢ ﺧﻠﺺ ﻭﺍﺧﺬ ﺍﻟﻤﻨﺸﻔﺔ ﻣﻨﻲ ﻭﻛﺎﻝ
ﺑﺼﻮﺕ ﻧﺎﺻﻲ
.. ﺍﺗﻤﻨﻰ ﻣﺎ ﺗﺴﺘﻐﻠﻴﻦ ﺍﻟﻮﺿﻊ ﻭﺗﻨﺴﻴﻦ ﻧﻔﺴﺞ
ﺗﺮﺓ ﻻ ﻋﺒﺎﻟﺞ ﻧﺴﻴﺖ ﻭﺩﺍﻋﺘﺞ ﺿﺮﺑﺘﺞ ﻟﺤﺪ ﻫﺴﺔ ﺗﺎﻛﻞ ﻭﺗﺸﺮﺏ ﻭﻳﺎﻳﺔ
ﻭﻣﺎ ﺍﻋﺮﻑ ﺷﻨﻮ ﺍﻟﻲ ﺍﺳﻮﻳﻪ ﺑﻴﺞ
ﺣﺘﻰ ﻳﺸﻔﻲ ﻏﻠﻴﻠﻲ
ﻛﻼﻣﻪ ﺭﺣﻌﻨﻲ ﻟﻨﻘﻄﺔ ﺍﻟﺼﻔﺮ ﻭﺣﻄﻢ ﺟﻤﻴﻊ ﺍﻣﺎﻟﻲ
ﻫﻤﺴﺖ ﺑﻘﻬﺮ ﻭﻛﻠﺘﻠﻪ
.. ﺍﻥ ﺷﺎﺀ ﺍﻟﻠﻪ ﻏﺐ ﺍﻟﻌﺎﻟﻤﻴﻦ ( ﺭﺏ ﺍﻟﻌﺎﻟﻤﻴﻦ ) ﻳﺎﺧﺬ ﻋﻤﻐﻲ ﻭﺗﻐﺘﺎﺡ ( ﻋﻤﺮﻱ ﻭﺗﺮﺗﺎﺡ )
ﻣﻨﻲ ﻭﺗﺸﻔﻲ ﻏﻠﻴﻠﻚ ﺑﻴﺔ
ﺍﺑﺎﻭﻉ ﻋﻠﻴﻪ ﻋﻴﻮﻧﻪ ﺍﺗﺴﻌﺖ ﻭﻧﺘﺮ ﺑﻴﺔ ﺑﻐﻀﺐ
.. ﻫﺪﻯ ﻭﺧﺮﻱ ﻋﻦ ﻭﺟﻬﻲ ﻻﻥ ﺍﻟﻈﺎﻫﺮ ﻛﻤﺘﻲ ﺗﺴﺮﺑﺘﻴﻦ
ﺣﺠﻴﺖ ﺑﺄﻣﻞ
.. ﺷﻨﻮ ﻟﻴﺶ ﺿﺠﺖ ﺍﻟﻤﻔﻐﻮﺽ ﺗﻔﻐﺢ ( ﺍﻟﻤﻔﺮﻭﺽ ﺗﻔﺮﺡ ) ﻭﺗﺄﻣﻦ ﻋﻠﻰ ﺩﻋﺎﺋﻲ
ﺟﺎﻭﺑﻨﻲ ﻭﻛﺎﻝ
.. ﻻﺗﻔﺮﺣﻴﻦ ﺗﺮﺓ ﺍﻧﺘﻲ ﻣﺘﻬﻤﻴﻨﻲ ﺑﻌﺪ
ﺑﺲ ﻣﺎ ﺍﺭﻳﺪ ﺑﻨﺘﻲ ﺗﻌﻴﺶ ﻳﺘﻴﻤﺔ ﺑﺪﻭﻥ ﺍﻡ
ﻳﺎﻟﻠﻪ ﻭﺧﺮﻱ ﻋﻦ ﻃﺮﻳﻘﻲ .
ﻭﺑﻠﺤﻈﺘﻬﺎ ﺣﺴﻴﺖ ﻣﺜﻞ ﺍﻟﺨﻨﺠﺮ ﻃﻌﻨﻪ ﺑﺼﺪﺭﻱ
ﺑﻴﻮﻣﻬﺎ ﺑﺎﻟﻠﻴﻞ ﺍﺗﻔﺎﺟﺌﻨﺎ ﺑﻌﺰﺍﻡ ﻭﺍﻫﻠﻪ ﺩﺧﻠﻮﺍ ﻋﻠﻴﻨﺎ
ﻭﻭﻳﺎﻫﻢ ﺍﻟﺸﻴﺦ
ﻫﺸﺎﻡ ﺷﺎﻓﻪ ﻭﻛﻠﻪ .. ﺍﻫﻮﻭﻭ ﻫﻢ ﺍﻧﺖ ﻻﺗﻜﻮﻝ ﺟﺎﻱ ﺗﺮﻳﺪ ﺗﺨﻄﺐ ﺑﻬﺬﺍ ﺍﻟﻠﻴﻞ
ﻋﺰﺍﻡ .. ﺍﻱ ﺍﺟﻴﺖ ﺍﺧﻄﺐ ﺷﻨﻮ ﻋﻨﺪﻙ ﻣﺎﻧﻊ
ﻫﺸﺎﻡ .. ﻻ ﻣﺎ ﻋﻨﺪﻱ ﻣﺎﻧﻊ ﺑﺲ ﺍﺧﺎﻑ ﻫﺎﻟﻤﺮﺓ ﻳﻮﻛﻊ ﻋﻠﻴﻨﺎ ﺍﻟﺴﮕﻒ . ﻣﻦ ﻭﺭﺓ ﺍﻟﻨﺤﺲ ﻣﺎﻟﺘﻚ
ﺍﺷﻮ ﻛﻠﻤﺎ ﺩﺗﻜﻮﻝ ﻧﺨﻄﺐ ﻳﺼﻴﺮ ﺑﻴﻨﺎ ﺷﻲ
ﻭﺍﻟﻠﻪ ﺻﺮﺕ ﺍﺫﺍ ﺍﺭﻳﺪ ﺍﻫﺠﻢ ﺑﻴﺖ ﻭﺍﺣﺪ ﺍﻛﺮﻫﻪ
ﺍﻛﻠﻪ ﺍﺻﺒﺮﻟﻲ ﺍﻻ ﺍﺟﻴﺒﻠﻚ ﻋﺰﺍﻡ ﺻﺎﺣﺒﻲ ﻳﻤﺤﻴﻜﻢ ﻋﻦ ﺑﻜﺮﺓ ﺍﺑﻴﻜﻢ
ﻗﺎﺳﻢ ﻳﺒﺘﺴﻢ
.. ﺷﺒﻴﻚ ﻋﻠﻰ ﺍﻟﻮﻟﺪ ﻋﻮﻓﻪ
ﺍﻡ ﻋﺰﺍﻡ ﻭﻛﻮﺛﺮ ﻛﺎﻟﻮﺍ ﻻﻣﻲ ﻭﻟﻬﺎﻟﺔ ﺣﺘﻰ ﺗﺠﻬﺰ
ﺭﻭﺣﻬﺎ ﻟﻠﻌﻘﺪ
ﻫﺎﻟﺔ ﻃﻔﺮﺕ ﻣﻦ ﻣﻜﺎﻧﻬﺎ ﻭﺍﻟﺤﻠﻚ ﻣﺸﻜﻮﻙ
ﻭﺭﺍﺣﺖ ﺩﺧﻠﺖ ﻟﻠﻤﻄﺒﺦ ﻭﺍﻧﻲ ﺭﺣﺖ ﻭﺭﺍﻫﺎ
ﺷﻮﻳﺔ ﺍﻡ ﻗﺎﺳﻢ ﺩﺧﻠﺖ ﻫﻲ ﻭﻛﺮﺛﺮ ﻭﻣﻨﻰ ﻭﻫﻲ ﺗﺤﺠﻲ ﻭﻳﺔ ﻛﻮﺛﺮ
.. ﺍﻛﻠﺞ ﻭﺍﻟﻠﻪ ﻋﻴﺐ ﻳﻌﻨﻲ ﻫﻲ ﺣﺒﻜﺖ ﺍﻻ ﺑﻬﺬﺍ ﺍﻟﻠﻴﻞ ﻳﺨﻄﺒﻮﻥ ﻭﻳﻌﻘﺪﻭﻥ
ﻭﺍﻟﻠﻪ ﺣﺘﻰ ﻛﻠﺸﻲ ﻣﺎ ﻣﺴﻮﻳﻦ
ﻭﻻ ﻣﺤﻈﺮﻳﻦ ﻧﻔﺴﻨﺎ
ﺍﺑﺎﻭﻉ ﻟﻬﺎﻟﺔ ﻛﻤﺰﺕ ﻣﻦ ﻳﻤﻬﺎ ﻭﻛﺎﻟﺖ
.. ﺍﻫﻮﻭﻭﻭﻭ ﻳﻤﺔ ﻫﻮ ﺷﻨﻮ ﻳﻨﺮﺍﺩﻟﻬﺎ ﻫﻮ ﻋﻘﺪ ﻻ ﺗﺴﻮﻳﻬﺎ
ﻗﺼﺔ ﻋﻨﺘﺮ
ﻟﻜﺰﺗﻬﺎ .. ﻋﺰﺓ ﺑﻌﻴﻨﺞ ﻋﻮﺑﺔ
ﺍﻡ ﻗﺎﺳﻢ .. ﻳﺎﻟﻠﻪ ﻫﺎﺝ ﺍﺳﺘﻠﻤﻲ ﺷﻮﻓﻲ ﺍﺧﺘﺞ ﺍﻟﺨﺒﻠﺔ ﺭﺍﺡ ﺗﺠﻠﻄﻨﻲ ﺑﻬﺎﻱ ﺳﻮﺍﻟﻔﻬﺎ
ﻣﻨﻰ .. ﺍﻱ ﻳﻤﺔ ﺻﺪﻙ ﺗﺮﺓ ﺍﻟﻤﻮﺿﻮﻉ ﻣﺎ ﻳﺴﺘﺎﻫﻞ ﻭﺍﺣﻨﺎ ﺍﻫﻞ ﻋﻠﻰ ﺷﻨﻮ ﺍﻟﺘﺄﺟﻴﻞ
ﺍﻡ ﻗﺎﺳﻢ .. ﺍﻱ ﺍﻋﺮﻑ ﺍﺣﻨﺎ ﺍﻫﻞ ﺑﺲ ﺍﻧﺎ ﺧﺎﻳﻔﺔ ﻣﻦ ﺍﺧﺘﺞ ﻻ ﺗﻔﻀﺤﻨﺎ ﺑﺴﻮﺍﻟﻔﻬﺎ
ﻭﻳﺮﺟﻌﻮﻫﺎ ﻋﻠﻴﻨﺎ ﻳﻮﻡ ﺛﺎﻧﻲ
ﻭﻳﺘﻨﺪﻣﻮﻥ ﻋﻠﻰ ﻫﺎﻱ ﺍﻟﻘﺴﻤﺔ ﺍﻟﻜﺸﺮﺓ ﺍﻟﻲ ﺍﺑﺘﻠﻮﺍ ﺑﻴﻬﺎ
ﻫﺎﻟﺔ .. ﻭﺍﻟﻠﻪ ﻳﻮﻡ ﺍﻟﻤﻨﻰ ﺍﻟﻲ ﺍﻛﻮﻥ ﺍﻡ ﺑﻴﺘﻪ ﻭﺍﺻﻴﺮ ﻣﻦ ﻗﺴﻤﺘﻪ
ﺍﻡ ﻗﺎﺳﻢ ﺧﺰﺭﺗﻬﺎ .. ﻋﻠﻴﻜﻢ ﺍﻟﻠﻪ ﺍﺧﺬﻭﻫﺎ ﻣﻦ ﻭﺟﻬﻲ
ﻻ ﻭﺍﻟﻠﻪ ﺍﻃﻠﻊ ﻟﻠﻨﺎﺱ ﻭﺍﻛﻮﻟﻠﻬﻢ ﻣﺎﻋﻨﺪﻧﺎ ﺑﻨﻴﺔ ﻟﻠﺰﻭﺍﺝ
ﻫﺎﻟﺔ ﺣﻄﺖ ﺍﻳﺪﻫﺎ ﻋﻠﻰ ﺣﻠﻜﻬﺎ
ﻭﺑﻴﻮﻣﻬﺎ ﺗﻤﺖ ﺧﻄﻮﺑﺔ ﻫﺎﻟﺔ ﻭﻋﺰﺍﻡ ﻭﺻﺎﺭﺕ ﺍﻟﻔﺮﺣﺔ ﻓﺮﺣﺘﻴﻦ
ﻭﻛﻞ ﻣﺮﺓ ﺍﺑﺎﻭﻉ ﻟﺮﻫﻒ ﺗﺒﺎﻭﻉ ﻟﻘﺎﺳﻢ
ﺑﺲ ﻫﺴﺔ ﻣﻦ ﺑﺎﻭﻋﺖ ﻣﺎ ﻟﻜﻴﺘﻬﺎ
ﻭﺍﻧﻲ ﻛﻤﺰﺕ ﻣﻦ ﻣﻜﺎﻧﻲ ﻭﻋﻔﺖ ﻣﺮﻳﻢ ﺍﺧﺘﻲ ﺍﻟﻲ ﺟﺎﻧﺖ
ﻣﺤﻀﺮﺓ ﻧﻔﺴﻬﺎ ﻭﺗﺮﻳﺪ ﺗﺮﺟﻊ ﻟﻠﺒﻴﺖ
ﻭﻫﺸﺎﻡ ﻣﻨﺘﻈﺮﻧﺎ ﺑﺎﻟﺒﺎﺏ ﺑﺲ ﺍﻧﻲ ﻭﻳﻦ ﻋﻘﻞ ﻣﺎ ﺑﻘﻰ ﻋﻨﺪﻱ
ﺭﺣﺖ ﺍﺩﻭﺭ ﻋﻠﻴﻬﺎ ﺍﺑﺎﻭﻉ ﻟﻠﺒﻨﺎﺕ ﻛﻠﻬﻢ ﻣﻮﺟﻮﺩﻳﻦ ﺍﻻ ﻫﻲ
ﻣﺮﻳﻢ ﺍﻧﺘﺒﻬﺖ ﻋﻠﻴﺔ ﺍﻧﺨﺒﺼﺖ
ﻭﺳﺄﻟﺘﻨﻲ .. ﺷﻨﻮ ﻫﺪﻯ ﻭﻳﻦ ﺭﺍﻳﺤﺔ ﻟﺞ ﻫﺸﺎﻡ ﻳﻨﺘﻈﺮﻧﺎ ﺑﺎﻟﺒﺎﺏ
ﻋﻔﺘﻬﺎ ﻭﺻﺮﺕ ﺍﺩﻭﺭ ﻋﻠﻰ ﺭﻫﻒ ﺳﺄﻟﺖ ﺍﺧﺘﻬﺎ ﻛﺎﻟﺖ . ﻣﺎ ﺍﻧﺪﻟﻬﺎ
ﺳﺄﻟﺖ ﻫﺪﻳﻞ ﻋﻜﺪﺕ ﺣﻮﺍﺟﺒﻬﺎ ﻣﺴﺘﻐﺮﺑﺔ
ﻭﻛﺎﻟﺖ .. ﻭﺍﻧﻲ ﺷﻜﻮ ﺗﺴﺄﻟﻴﻨﻲ ﻋﻦ ﺭﻫﻒ ﺣﺒﻴﺒﺘﻲ
ﺗﺮﺓ ﺍﻧﻲ ﺑﻌﺪﻧﻲ ﺯﻋﻼﻧﺔ ﻋﻠﻴﻬﻢ ﻻ ﻋﺒﺎﻟﺞ ﺍﻣﻲ ﻭﺍﺧﻮﺍﻧﻲ ﺍﺗﺼﺎﻟﺤﻮﺍ ﻭﻳﺎﻫﻢ
ﺍﻧﻲ ﺭﺍﺡ . ﻫﻢ ﻻﺯﻡ ﺍﺻﻴﺮ ﻣﺜﻠﻬﻢ ﻭﺍﺻﺎﻟﺤﻬﻢ
ﻻ ﻋﻴﻨﻲ
ﺍﻟﺼﺎﺭ ﺑﻴﺔ ﺍﺑﺪ ﻣﺎ ﺍﻧﺴﺎﻩ
.......
ﻫﺪﻯ
ﺟﺎﻥ ﺍﻟﺒﻴﺖ ﻣﺨﺒﻮﺹ ﻭﻫﺸﺎﻡ ﻣﻨﺘﻈﺮﻧﺎ ﺑﺎﻟﺒﺎﺏ
ﺣﺘﻰ ﻧﻮﺻﻞ ﻣﺮﻳﻢ
ﻭﺍﻧﻲ ﺩﺍﻳﺨﺔ ﺑﻀﻴﻤﻲ ﺍﻟﻌﻠﺔ ﺭﻫﻒ ﻭﻳﻦ ﺍﺧﺘﻔﺖ ﻋﺒﺎﻟﻚ
ﻛﺎﻋﺪﺓ ﺍﺩﻭﺭ ﻋﻠﻰ ﻓﺎﺭﺓ ﻣﻮ ﺑﻨﻴﺔ ﻛﺒﻴﺮﺓ
ﻋﻘﻠﻲ ﺻﺎﺭ ﻳﻀﺮﺏ ﺍﺧﻤﺎﺱ ﺑﺄﺳﺪﺍﺱ
ﻋﺒﺮﻭﺍ ﻣﻦ ﻳﻤﻲ ﺟﻬﺎﻝ ﻛﻮﺛﺮ ﺯﻳﻮﻧﻲ ﻭﺟﻮﺍﺩ
ﺳﺄﻟﺘﻬﻢ .. ﺣﺒﻴﺒﻲ ﺯﻳﻮﻧﻲ ﺧﺎﻟﻚ ﻗﺎﺳﻢ ﻭﻳﻦ
ﺯﻳﻦ .. ﻫﺴﺘﻮﻧﻲ ﺷﻔﺖ ﺧﺎﻟﻮ ﻗﺎﺳﻢ ﺻﻌﺪ ﻓﻮﻙ
ﻫﻮ ﺍﻧﻲ ﺳﻤﻌﺖ ﺑﻘﺎﺳﻢ ﻓﻮﻙ ﻭﺍﻧﻲ ﻛﻤﺖ ﺍﻛﻤﺰ
ﺻﺮﺕ ﻣﺎ . ﺍﺷﻮﻑ ﻛﺪﺍﻣﻲ
ﺭﺣﺖ ﺻﻌﺪﺕ ﻓﻮﻙ ﻭﻣﺮﻳﻢ ﺗﺼﻴﺢ ﻭﺭﺍﻱ
.. ﻟﺞ ﻫﺪﻯ ﻭﻳﻦ ﺻﺎﻋﺪﺓ ﻫﺸﺎﻡ ﺩﻳﻨﺘﻈﺮﻧﺎ ﺑﺎﻟﺒﺎﺏ
ﺍﺷﺮﺗﻠﻬﺎ ﻫﺴﺔ ﺍﺟﻲ ﺑﺤﺮﻛﺔ ﺍﻟﺼﺒﺮ
ﻭﻛﻤﻠﺖ ﺍﻟﺪﺭﺝ ﻟﻜﻴﺖ ﺍﻟﻄﺎﺑﻖ ﺍﻟﻔﻮﻙ ﻓﺎﺭﻍ
ﻻﻥ ﻫﺎﻟﺔ ﻭﻫﺪﻳﻞ ﻣﻴﺨﻠﻮﻥ ﺍﻟﺠﻬﺎﻝ ﻳﺼﻌﺪﻭﻥ
ﺑﺲ ﻳﺼﻴﺮ ﻣﺎﺭﺛﻮﻥ
ﺭﺣﺖ ﻛﺒﻞ ﻟﻐﺮﻓﺘﻨﺎ ﺑﺲ ﻗﺒﻞ ﻻ ﺍﺩﺧﻞ
ﺣﻄﻴﺖ ﺍﺫﻧﻲ ﻋﺎﻟﺒﺎﺏ ﺍﺭﻳﺪ ﺍﺳﻤﻊ ﺣﺘﻰ ﺍﺧﺬ ﺍﺣﺘﻴﺎﻃﺎﺗﻲ
ﻭﺟﺎﻥ ﺍﺳﻤﻊ ﻗﺎﺳﻢ ﻳﺤﺠﻲ ﻭﻳﻀﺤﻚ ﻭﻳﻜﻮﻝ
.. ﻟﺞ ﻣﻦ ﻓﺪﻭﺓ ﺭﺣﺖ ﻟﻀﺤﻜﺘﺞ ﺍﻧﺎ ﻭﻋﺸﻴﺮﺗﻲ ﻭﺍﺣﺪ ﻭﺍﺣﺪ
ﺳﻜﺖ ﺑﻌﺪﻫﺎ ﺳﻤﻌﺖ ﻃﻜﻄﻜﺔ ﻭﺷﻮﻳﺔ
ﻭﺑﻌﺪﻫﺎ ﺳﻤﻌﺘﻪ ﻃﻜﻬﺎ ﺿﺤﻜﺔ ﻣﺮﺓ ﺛﺎﻧﻴﺔ
ﻭﻛﺎﻝ
.. ﻟﺞ ﺩﺗﻌﺎﻱ ﻭﻳﻦ ﺭﺍﻳﺤﺔ ﺧﻠﻴﻨﻲ ﺍﺷﺒﻊ ﻣﻨﺞ ﺻﺎﺭﻟﻲ ﻛﻮﻣﺔ
ﻣﺤﺮﻭﻡ ﻣﺎ ﻣﺎﺧﺬ ﻣﻨﺞ ﺣﻀﻦ
ﺑﻌﺪﻫﺎ ﺍﻧﻜﺘﻢ ﺻﻮﺗﻪ
ﻭﺻﺎﺭ ﻳﺤﺠﻲ ﺑﺼﻮﺕ ﻧﺎﺻﻲ ﺍﻋﺮﻑ ﻫﺎﻱ ﺍﻟﺤﺮﻛﺔ ﺗﺼﻴﺮ ﻣﻦ ﻳﺪﻓﻦ ﺭﺍﺳﻪ ﺑﺮﻛﺒﺘﻲ
ﻳﻤﺔ ﻭﺍﻧﺎ ﺍﻟﺸﻴﻄﺎﻥ ﺍﺗﺮﺑﻊ ﺑﺮﺍﺳﻲ ﻭﺟﺎﻥ ﺍﻓﺘﺢ ﺍﻟﺒﺎﺏ ﺑﻜﻞ ﻗﻮﺗﻲ
ﺳﻮﻳﺖ ﻣﺪﺍﻫﻤﺔ ﻭﺻﺮﺕ ﺑﻨﺺ ﺍﻟﻐﺮﻓﺔ
ﻭﺟﺎﻥ ﺍﻟﻜﺔ ﻗﺎﺳﻢ ﻫﻮ ﻭﺍﺳﻮ ﻛﺎﻋﺪﻳﻦ ﻋﻠﻰ ﺍﻟﺴﺮﻳﺮ
ﻭﻫﻲ ﺗﻠﻌﺐ ﺑﻨﻘﺎﻟﻪ ﻭﻫﻮ ﻳﺤﺠﻲ ﻭﻳﺎﻫﺎ ﻭﺍﻧﻲ . ﻭﺟﻬﻲ ﻛﺎﻡ ﻳﻨﻄﻲ ﺍﻟﻮﺍﻥ
ﻭﺻﺮﺕ ﺍﺑﺎﻭﻉ ﻣﻨﺎ ﻭﻣﻨﺎ .
ﺳﺄﻟﻨﻲ ﻣﺴﺘﻐﺮﺏ .. ﺧﻴﺮ ﺷﻜﻮ ﺷﺒﻴﺞ
ﺍﻛﻮ ﻭﺍﺣﺪ ﻳﻔﺘﺢ ﺍﻟﺒﺎﺏ ﻫﻴﺞ
ﺑﻠﻌﺖ ﺭﻳﻜﻲ ﺍﺭﻳﺪ ﺍﺿﻴﻊ ﻓﺸﻠﺘﻲ ﻭﻛﻠﺘﻠﻪ
.. ﺍﺍﺍﺍﺍ ﺟﻨﺖ ﺍﺩﻭﻍ ( ﺍﺩﻭﺭ ) ﻋﻠﻰ ﺑﻨﺘﻲ ﺍﺳﻮ
ﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻱ
.. ﻳﻤﺔ ﻏﺎﺡ ( ﺭﺍﺡ ) ﻛﻠﺒﻲ ﺧﻔﺖ ﻻﻥ ﻣﺎ ﻟﻜﻴﺘﻬﺎ ﺟﻮﺓ
ﻓﺼﻌﺪﺕ ﻓﻮﻙ ﺍﺩﻭﻍ ( ﺍﺩﻭﺭ ) ﻋﻠﻴﻬﺎ ﺍﻟﺤﻤﺪﻟﻠﻪ ﻃﻠﻌﺖ ﻳﻤﻚ
ﺑﺎﻭﻉ ﻋﻠﻰ ﺍﻳﺪﻱ ﻭﻛﺎﻝ
.. ﺩﻳﺮﻱ ﺑﺎﻟﺞ ﻻ ﻳﻮﻛﻒ ﻛﺒﻠﺞ
ﺍﺳﻮ ﺑﺲ ﺷﺎﻓﺘﻨﻲ ﺍﺟﺘﻲ ﺗﻨﺰﻝ ﻣﻦ ﺍﻟﺴﺮﻳﺮ
ﺗﺮﻳﺪﻧﻲ ﺍﺧﺬﻫﺎ ﻭﻳﺎﻳﺔ
ﺳﺤﺒﻬﺎ ﻋﻠﻴﻪ ﻭﺭﺟﻊ ﺍﻧﻄﺎﻫﺎ ﺑﻮﺳﺔ ﺑﺮﻛﺒﺘﻬﺎ ﻭﻫﻲ ﺗﺪﻓﻊ ﺑﻲ
ﻣﻨﺰﻋﺠﺔ ﻣﻦ ﻟﺤﻴﺘﻪ
ﻭﺍﻛﻔﺔ ﺍﺑﺎﻭﻉ ﻋﻠﻴﻪ ﺷﻠﻮﻥ ﻳﺒﻮﺱ ﺑﻨﺘﻪ
ﺟﺮﻳﺖ ﺣﺴﺮﺓ ﺍﺭﻳﺪ ﺍﺑﺠﻲ
ﻭﺍﻧﻲ ﻛﻠﺒﻲ ﻣﻌﻄﺐ ﻣﻦ ﻧﺎﺭ ﺍﻟﻔﺮﺍﻕ
ﻳﺎﺭﺑﻲ ﻭﺍﻟﻠﻪ ﺍﺷﺘﺎﻗﻴﺖ ﻟﺤﻀﻨﻪ
......
ﺭﻓﻊ ﺭﺍﺳﻪ ﻭﺑﺎﻭﻉ ﻋﻠﻴﺔ ﻭﺻﺎﺭﺕ ﻋﻴﻮﻧﻲ ﺑﻌﻴﻮﻧﻪ
ﺍﻧﺘﺒﻬﺖ ﻟﻮﻛﻔﺘﻲ ﻭﻧﻈﺮﺍﺗﻲ ﻛﺎﻧﺖ ﻣﻔﻮﺿﺤﺔ
ﻫﺰﻳﺖ ﺭﺍﺳﻲ . ﻭﺩﺭﺕ ﻭﺟﻬﻲ ﻭﺭﺣﺖ ﻟﻠﺒﺎﺏ ﺍﺭﻳﺪ ﺍﻃﻠﻊ
ﺳﻤﻌﺖ ﺻﻮﺕ ﺍﺳﻮ ﻛﺎﻣﺖ ﺗﺒﺠﻲ ﻻﻥ ﺭﺩﺕ ﺍﻃﻠﻊ
ﺳﻤﻌﺘﻪ ﻛﺎﻝ
.. ﺗﻌﺎﻱ ﺍﺧﺬﻳﻬﺎ ﻭﻳﺎﺝ
ﺍﻟﺘﻔﺘﺖ .. ﻻ ﻻ ﺑﻘﻴﻬﺎ ﻳﻤﻚ ﺍﻧﻲ ﻏﺎﻳﺤﺔ ( ﺭﺍﻳﺤﺔ ) ﺍﻭﺻﻞ ﻣﻐﻴﻢ ( ﻣﺮﻳﻢ ) ﺍﺧﺘﻲ
ﻭﻳﺔ ﻫﺸﺎﻡ .
.. ﺩﺗﻌﺎﻱ ﺍﺧﺬﻳﻬﺎ ﻭﻳﺎﺝ ﻫﻲ ﺑﺲ ﺗﻜﻌﺪ ﺑﺎﻟﺴﻴﺎﺭﺓ ﻛﻮﻟﺸﻲ ﻣﺘﺴﻮﻱ
.. ﻋﻤﻲ ﺍﻧﻄﻴﻨﻲ ﺍﻳﺎﻫﺎ ﺍﻣﻐﻲ ( ﺍﻣﺮﻱ ) ﻟﻠﻪ ﺑﻌﺪﻳﻦ ﺗﺴﻮﻳﻬﺎ ﻋﻠﻴﺔ
ﻣﻼﻙ ﻭﻣﺎﻛﻮ ﺍﻓﻘﻎ ( ﺍﻓﻘﺮ ) ﻣﻨﻬﺎ .
ﻭﻫﻲ ﺍﻭﻛﺢ ﻣﻨﻬﺎ ﻣﺎﻛﻮ
ﺟﻨﺖ ﺍﺣﺠﻲ ﻭﺍﻧﻲ ﺍﻗﺘﺮﺏ ﻋﻠﻴﻬﻢ ﻣﺪﻳﺖ ﺍﻳﺪﻱ ﻭﺍﺧﺬﺗﻬﺎ ﻣﻨﻪ
ﻣﺎ ﺍﻋﺮﻑ ﺷﻠﻮﻥ ﺍﻳﺪﻱ ﻟﻤﺴﺖ ﻛﻒ ﺍﻳﺪﻩ
ﺭﺟﻒ ﻛﻞ ﺟﺴﻤﻲ ﻋﻠﻰ ﻟﻤﺴﺘﻪ
ﻫﻲ ﺟﺎﻧﺖ ﻣﺠﺮﺩ ﻟﻤﺴﺔ ﻳﻌﻨﻲ ﻳﻤﻜﻦ ﻟﻮ ﺑﺎﻻﻳﺎﻡ ﺍﻟﻌﺎﺩﻳﺔ ﻫﺎﻱ ﺍﻟﻠﻤﺴﺔ ﻣﺎ ﺭﺍﺡ ﺍﺗﺄﺛﺮ ﺑﻴﻬﺎ
. ﻣﺜﻞ ﻫﺴﺔ ﻳﻤﻜﻦ ﻻﻥ ﻣﺘﻔﺎﺭﻛﻴﻦ ﺻﺎﺭﻟﻨﺎ ﻫﻮﺍﻱ
ﺍﺧﺬﺕ ﺍﺳﻮ ﻭﻧﺰﻟﺖ ﺟﻮﺓ
ﻭﺟﺎﻥ ﺍﺷﻮﻑ ﺍﻟﻜﺎﺑﻮﺱ ﺍﻻﺳﻮﺩ ﺳﺖ ﻛﻬﻒ ﻛﺎﻋﺪﺓ ﺟﻮﺓ ﻳﻢ ﺍﻟﺒﻨﺎﺕ
ﻋﻤﺔ ﺣﺘﻰ ﻋﻤﺔ ﻫﺎﻱ ﻭﻳﻦ ﺟﺎﻧﺖ
ﺍﻟﻠﻪ ﻳﻠﻌﻨﺞ ﻳﺎ ﺭﻫﻒ ﺷﻮﻛﺖ ﺍﺭﺗﺎﺡ ﻣﻨﺞ
ﻟﻜﻴﺖ ﻣﺮﻳﻢ ﻣﻨﺘﻈﺮﺗﻨﻲ ﻳﻢ ﺍﻟﺪﺭﺝ ﻭﻛﺎﻟﺖ
.. ﻳﺎﻟﻠﻪ ﻳﺎﻋﻴﻨﻲ
.. ﺍﻱ ﻫﻴﺎﺗﻨﻲ ﺍﺟﻴﺖ ﺑﺲ ﻏﺪﺕ ( ﺭﺩﺕ ) ﺍﺟﻴﺐ ﺍﺳﻮ ﺧﺎﻑ ﺗﺒﺠﻲ ﻋﻠﻴﺔ
.. ﺍﻱ ﻣﻮ ﻫﺸﺎﻡ ﺻﺎﺭﻟﻪ ﺳﺎﻋﺔ ﻣﻠﻄﻮﻉ ﺑﺎﻟﺒﺎﺏ ﻣﻨﺘﻈﺮ
ﺑﺎﻭﻋﺖ ﻋﻠﻴﻬﺎ ﻭﺍﺣﻨﺎ ﺩﻧﻄﻠﻊ ﻟﻠﺒﺎﺏ
.. ﻭﺍﻧﺘﻲ ﺷﺒﻴﺞ ﺣﺒﻴﺒﺘﻲ ﻫﻴﺞ ﺧﺎﺑﺼﺔ ﺍﻟﺪﻧﻴﺎ ﻭﺷﻨﻮ ﺧﻠﻴﻪ ﻣﻨﺘﻈﻎ ( ﻣﻨﺘﻈﺮ )
ﺷﻜﻮ ﻋﻠﻴﻪ
.. ﺍﻱ ﻳﻌﻨﻲ ﺍﻻ ﻳﻨﺨﻄﻒ ﻣﺮﺓ ﺛﺎﻧﻴﺔ ﻳﺎﻟﻠﻪ ﺗﺮﺗﺎﺣﻴﻦ
ﺿﺤﻜﺖ ﻋﻠﻰ ﻣﺨﺎﻭﻓﻬﺎ
.. ﺧﻐﺐ ﻳﻮﻣﺞ ﻣﻐﻴﻢ ﺻﺎﻏﺖ ( ﺧﺮﺏ ﻳﻮﻣﺞ ﻣﺮﻳﻢ ﺻﺎﺭﺕ )
ﺑﻴﺞ ﺧﻮﻓﺔ
ﻭﺻﻠﻨﺎ ﻣﺮﻳﻢ ﻭﻫﺸﺎﻡ ﻛﻞ ﺷﻮﻳﺔ ﻳﺤﺠﻲ ﻋﻠﻰ ﺍﺳﻮ
.. ﻋﻠﻰ ﻛﻴﻔﻚ ﻋﻴﻨﻲ ﻭﻳﺔ ﺑﻨﺘﻲ ﻫﺴﺔ ﺍﻟﻲ ﻳﺴﻤﻌﻚ .
ﻳﻜﻮﻝ ﻛﺎﻃﻌﺔ ﻋﻠﻴﻚ ﻟﻴﻠﺔ ﻋﻐﺴﻚ ( ﻋﺮﺳﻚ )
ﻫﺸﺎﻡ ﺟﺎﻭﺑﻨﻲ ﺑﻀﺤﻚ
.. ﻫﻲ ﻫﺎﻱ ﺍﻟﻌﺎﻳﺰﺓ ﺣﺘﻰ ﺍﺷﻮﺗﻬﺎ ﻫﻲ ﻭﺍﺑﻮﻫﺎ ﻣﻦ ﺍﻟﺴﻄﺢ
ﻭﺭﺓ ﻳﻮﻣﻴﻦ ﺍﺟﻮﻱ ﺧﻮﺍﺕ ﻗﺎﺳﻢ ﻫﻤﺔ ﻭﺟﻬﺎﻟﻬﻢ ﻣﻦ ﺍﻟﺴﻔﺮ
ﻭﺍﻟﺒﻴﺖ ﻣﺎ ﺷﺎﺀ ﺍﻟﻠﻪ ﺍﻧﻤﻠﻰ
ﺍﺑﺎﻭﻉ ﻟﺨﺎﻟﺔ ﺍﻡ ﻗﺎﺳﻢ ﻛﻞ ﻳﻮﻡ ﺗﻄﻜﻄﻚ ﺣﺮﻣﻞ ﻭﻣﻠﺢ ﻭﺗﻘﺮﺓ ﺍﻟﻤﻌﻮﺫﺍﺕ
ﺗﺤﺼﻦ ﺑﻴﺘﻬﺎ ﻭﺗﻨﺸﺮ ﺑﺄﻳﺔ ﺍﻟﻜﺮﺳﻲ ﻋﻠﻰ ﺍﺭﻛﺎﻥ ﺍﻟﺒﻴﺖ
ﻓﺮﺣﺎﻧﺔ ﺩﺗﺠﻬﺰ ﻋﻠﻰ ﻋﺮﺱ ﻫﺸﺎﻡ
ﻭﻣﺎ ﺑﻘﻰ ﺷﻲ ﻋﻠﻴﻪ
ﻭﺑﻴﻮﻡ ﻭﺻﻮﻝ ﺍﻟﺒﻨﺎﺕ ﻫﺎﻟﺔ ﺍﺟﺘﻲ ﻭﺳﺄﻟﺘﻨﻲ
.. ﺣﺒﻴﺒﺘﻲ ﻫﺪﻭﺵ ﺑﻤﺎ ﺍﻥ ﺧﻮﺍﺗﻲ ﻓﺎﻃﻤﺔ ﻭﺳﺮﻭﺭ ﺷﺮﻓﻮﺍ
ﻫﻤﺔ ﻭﺟﻬﺎﻟﻬﻢ ﻓﺎﻟﻴﻮﻡ ﺗﻠﻤﻴﻦ ﻏﺮﺍﺿﺞ ﺍﻧﺘﻲ ﻭﺑﻨﺘﺞ
ﻭﺗﻨﻘﻠﻌﻮﻥ ﻣﻦ ﻏﺮﻓﺘﻲ ﻭﺗﺮﺟﻌﻴﻦ ﻟﻌﺮﻓﺘﺞ
ﻻﻥ ﺳﺮﻭﺭ ﻭﻓﺎﻃﻤﺔ ﻣﺘﻌﻮﺩﻳﻦ ﻛﻠﻤﺎ ﻳﺠﻮﻥ ﻟﺒﻴﺘﻨﺎ ﻳﻌﺴﻜﺮﻭﻥ ﺑﻐﺮﻓﺘﻲ
.....
ﺍﻭﻑ ﻫﺎﻱ ﺷﻠﻮﻥ ﺭﺍﺡ ﺍﺩﺑﺮﻫﺎ
ﺷﻨﻮ ﺍﻛﻮﻝ ﻻﺳﺘﺎﺫ ﻗﺎﺳﻤﻮﻑ
ﻫﺴﺔ ﻋﺒﺎﻟﻪ ﺍﺩﻭﺭ ﺣﺠﺞ ﺣﺘﻰ ﺍﺩﺧﻞ ﻟﻠﻐﺮﻓﺔ ﻳﻤﻪ ﺧﺮﺏ ﺑﺎﻟﺤﻆ
ﻭﺻﺪﻙ ﺧﻠﺺ ﺍﻟﻴﻮﻡ ﻭﺻﺎﺭ ﺍﻟﻠﻴﻞ ﻛﻠﺸﻲ ﻣﺎ ﻓﺘﻬﻤﺖ ﻣﻨﻪ ﺑﺲ ﺧﺒﺼﺔ
ﺻﻌﺪﺕ ﻓﻮﻙ ﻗﺒﻞ ﻻ ﻳﺼﻌﺪ ﻗﺎﺳﻢ
ﻭﺍﺧﺬﺗﻠﻲ ﻓﺮﺍﺵ ﻭﻓﺮﺷﺘﻪ ﺑﺎﻟﻜﺎﻉ
ﺟﺎﻧﺖ ﺍﺳﻮ ﻧﺎﻳﻤﺔ ﻭﺍﻧﻲ ﻫﺴﺔ ﺑﺪﺕ ﻋﻴﻮﻧﻲ ﺗﻐﻔﻞ ﻭﺍﻧﺎﻡ
ﺩﺧﻞ ﻗﺎﺳﻢ ﻓﺘﺢ ﺍﻟﻀﻮﺓ
ﺟﻤﺪ ﺑﻤﻜﺎﻧﻪ ﻭﻋﻜﺪ ﺣﻮﺍﺟﺒﻪ ﺑﺎﻭﻋﺖ ﻋﻠﻴﻪ ﺑﻜﻞ ﻟﻬﻔﺔ
ﻋﻴﻮﻧﻲ ﻓﻀﺤﺘﻨﻲ
ﻛﺎﻝ
.. ﻫﺎﻱ ﺷﻨﻮ ﺷﺘﺴﻮﻳﻦ ﻫﻨﺎ
ﺟﺎﻭﺑﺘﻪ ﺑﺤﻴﺮﺓ
.. ﺍﺟﻴﺖ ﻫﻨﺎ ﻻﻥ ﺧﻮﺍﺗﻚ ﻓﺎﻃﻤﺔ ﻭﺳﺮﻭﺭ ﻫﻤﺔ ﻭﺟﻬﺎﻟﻬﻢ
ﻧﺎﻣﻮﺍ ﺑﻐﺮﻓﺔ ﻫﺎﻟﺔ ﻭﻣﺎﻛﻮﺍ ﻣﻜﺎﻥ
ﻛﻠﺖ ﺍﺭﺟﻊ ﻟﻐﺮﻓﺘﻲ ﻣﺆﻗﺘﺎ
ﺍﻓﺮﺵ ﻭﺍﻧﺎﻡ ﺑﺎﻟﻜﺎﻉ ﻟﺘﺨﺎﻑ ﻣﺎ ﺭﺍﺡ ﺍﺧﻠﻴﻚ ﺗﺤﺲ ﻋﻠﻴﺔ
.. ﻳﻌﻨﻲ ﻫﺴﺔ ﺗﺮﺩﻳﻦ ﺗﻘﻨﻌﻴﻨﻲ ﺑﻴﺖ ﺷﻜﺪﻩ ﻭﺷﻜﺒﺮﻩ
ﻣﺎ ﺑﻲ ﻣﻜﺎﻥ ﺗﻨﺎﻣﻴﻦ ﺑﻲ ﺍﻻ ﻫﻨﺎ
ﺑﺎﻭﻉ ﻋﻠﻴﺔ ﻭﻛﺎﻝ
ﻣﻌﻘﻮﻟﺔ ﺍﺷﺘﻴﺎﻗﺞ ﻟﻘﺎﺳﻢ ﻫﻮ ﺍﻟﻲ ﺟﺎﺑﺞ ﻟﻬﻨﺎ
ﺍﻟﻈﺎﻫﺮ ﺣﻨﻴﺘﻲ ﻟﺤﻀﻨﻲ ﻭﻣﺎ ﻛﺪﺭﺗﻲ ﺗﺼﺒﺮﻳﻦ ﻋﻠﻰ ﻓﺮﺍﻛﻲ
ﻏﻤﻀﺖ ﻋﻴﻮﻧﻲ ﺑﺄﻟﻢ
ﻳﻌﺮﻑ ﺑﻴﺔ ﻫﻮ ﻧﻘﻄﺔ ﺿﻌﻔﻲ ﻭﺻﺪﻙ ﻧﻈﺮﺍﺗﻲ ﻟﻪ ﺟﺎﻧﺖ ﻛﻠﻬﺎ ﻣﻔﻀﻮﺣﺔ ﺟﺎﻭﺑﺘﻪ ﺑﻐﻴﺾ
.. ﻣﺎ ﺍﻧﻜﻎ ( ﻣﺎﺍﻧﻜﺮ ) ﻭﺍﻛﻮﻝ ﻣﺎ ﻣﺸﺘﺎﻗﺔ ﻟﺤﻀﻨﻚ
ﺻﺪﻛﻨﻲ ﻛﻞ ﺟﺰﺀ ﺑﺠﺴﻤﻲ ﻭﺑﮕﻠﺒﻲ ﻳﺤﻦ ﺍﻟﻚ .
ﺍﻋﺘﻐﻒ ( ﺍﻋﺘﺮﻑ ) ﺍﻱ ﺍﻧﻲ ﺍﺣﺐ ﺍﺑﻮ ﺑﻴﺘﻲ
ﻭﺍﻏﻴﺪ ( ﻭﺍﺭﻳﺪ ) ﺣﻀﻨﻪ ﻫﻮ ﺑﻴﺘﻲ ﻭﻫﻮ ﺍﻣﺎﻧﻲ
ﻻ ﻋﺒﺎﻟﻚ . ﺍﻧﺬﻟﻴﺖ ﻣﻦ ﺍﻋﺘﻐﻔﺖ ( ﺍﻋﺘﺮﻓﺖ ) ﺑﺄﺷﺘﻴﺎﻗﻲ ﻭﺑﻤﻌﺰﺗﻚ ﺑﮕﻠﺒﻲ
ﺧﻠﻲ ﺑﺒﺎﻟﻚ ﺑﻴﻦ ﺍﻟﻤﻐﺔ ( ﺍﻟﻤﺮﺓ ) ﻭﺯﻭﺟﻬﺎ ﺍﺑﺪ ﻣﺎ ﺑﻴﻨﻬﻢ ﻛﺮﺍﻣﺔ
ﺑﺎﻟﻌﻜﺲ ﺍﻋﺘﻐﺎﻓﻲ ( ﺍﻋﺘﺮﺍﻓﻲ ) ﺑﻠﻬﻔﺘﻲ ﺍﻟﻚ
ﻳﺜﺒﺖ ﺍﻧﻲ ﺍﻗﻮﻯ ﻣﻨﻚ ﻋﻠﻰ ﺍﻻﻗﻞ ﺍﻛﻮﻝ ﺍﻟﻲ ﺑﺪﺍﺧﻠﻲ
ﺑﻠﻬﻔﺘﻲ ﻭﺷﻮﮔﻲ ﺍﻟﻚ
ﻭﻣﺎ ﺍﺗﺼﻨﻊ ﺍﻟﻼﻣﺒﺎﻻﺓ ﻭﺍﻋﺎﻧﺪ ﻧﻔﺴﻲ ﻭﺍﺍﺫﻱ ﻛﻞ ﺍﻻﺣﺒﻬﻢ
ﻋﻠﻤﻮﺩ ﺍﻧﺘﻘﻢ ﻣﻨﻬﻢ ﻻﻥ ﻏﻠﻄﻮﺍ ﺑﺤﻘﻲ
ﻏﻤﺾ ﻋﻴﻮﻧﻪ ﻭﺍﺧﺬ ﻧﻔﺲ ﻋﻤﻴﻖ
ﻭﻛﺎﻝ ﺑﻨﻔﺎﺫ ﺻﺒﺮ
.. ﻫﺪﻯ ﺍﻟﻈﺎﻫﺮ ﻟﺤﺪ ﺍﻻﻥ ﻣﺎ ﺗﻌﺮﻓﻴﻦ
ﻋﻈﻢ ﻭﻛﺒﺮ ﺣﺠﻢ ﻏﻠﻄﺘﺞ ﻭﻳﺎﻳﺔ
ﺳﻜﻮﺗﺞ ﻋﻦ ﺧﺒﺮ ﺧﻄﻮﺑﺘﺞ ﻣﻦ ﺭﺍﺋﺪ ﺟﺎﻥ ﻛﻔﻴﻞ
ﺑﺄﻧﻜﻤﺎﺵ ﻛﻠﺒﻲ ﻭﻏﻠﻖ ﺑﺎﺑﻪ ﺑﻮﺟﻪ ﺣﺒﺞ ﻭﻳﺼﺪ ﻋﻨﺞ
ﺑﻌﺪﻣﺎ ﺍﻧﺨﺬﻝ
ﻭﺛﻘﻲ ﺑﺎﻟﻠﻪ ﺍﻟﺴﺎﻟﻔﺔ ﻣﻮ ﻗﺼﺔ ﺍﺭﻳﺪ ﺍﻧﺘﻘﻢ ﻣﻨﺞ
ﺑﺲ ﻋﺰﺕ ﻧﻔﺴﻲ ﻣﻘﻴﺪﺗﻨﻲ ﺑﺴﻼﺳﻠﻬﺎ
ﻣﺎ ﺗﺴﻤﺤﻠﻲ ﺍﺭﺟﻊ ﻣﺜﻞ ﻗﺒﻞ ﻭﺍﻋﻴﺶ ﻭﻳﺎﺝ ﻭﻛﺄﻥ ﺷﻴﺌﺎً ﻟﻢ ﻳﻜﻦ
ﺻﺪﻛﻴﻨﻲ ﻣﺎ ﺍﻛﺪﺭ ﺍﺗﻐﺎﺿﻰ ﻋﻦ ﺍﻟﺼﺎﺭ
ﻛﻠﻤﺎ ﺍﺗﺬﻛﺮ ﻛﻼﻣﻲ ﻭﻳﺎﺝ ﻋﻦ ﺣﺐ ﺣﻴﺎﺓ ﺭﺍﺋﺪ .
ﻭﺍﻧﺘﻲ ﺗﺴﻤﻌﻴﻨﻲ ﺑﻜﻞ ﺻﻼﻓﺔ
ﺍﺣﺲ ﺑﺎﻻﻫﺎﻧﺔ ﻻﻥ ﺍﺳﺘﻬﺎﻧﻴﺘﻲ ﺑﻴﺔ
ﺍﻧﺎ ﻣﻮ ﻋﺘﺒﻲ ﻋﻠﻰ ﺧﻄﻮﺑﺘﺞ ﻣﻦ ﺭﺍﺋﺪ
ﻗﺒﻞ ﺯﻭﺍﺟﻨﺎ
ﻫﺬﺍ ﺍﻟﺸﻲ ﻣﻮ ﻫﻮ ﺳﺒﺐ ﻣﺸﻜﺘﻠﻲ ﻭﻳﺎﺝ
ﺍﻧﻲ ﺳﺒﺐ ﻏﻀﺒﻲ ﻫﻮ ﻛﺘﻤﺎﻧﺞ ﻟﻠﻤﻮﺿﻮﻉ
ﻛﺎﻥ ﻣﺜﻞ ﺍﻟﻐﺪﺭ ﺑﺤﻘﻲ
ﻟﺞ ﻫﺪﻯ ﺍﻧﺘﻲ ﻣﺘﻌﺮﻓﻴﻦ ﺷﻨﻮ ﻳﺼﻴﺮ ﺑﻴﺔ ﻣﻦ
ﺍﺗﺬﻛﺮ ﻛﻼﻣﻲ ﻭﻳﺔ ﺭﺍﺋﺪ ﺑﺨﺼﻮﺹ
ﺣﻴﺎﺗﻲ ﻭﻳﺎﺝ ﺍﻓﻮﺭ ﻣﻦ ﺍﻟﻘﻬﺮ
......
ﺍﺗﻌﻮﺩﻧﺎ ﺍﻧﺎ ﻭﺭﺍﺋﺪ ﻭﺍﺣﺪﻧﺎ ﻳﺤﺠﻲ ﻟﻠﺜﺎﻧﻲ ﻋﻦ ﺣﻴﺎﺗﻪ
ﻫﻮ ﻣﺘﻌﻮﺩ ﻳﺤﺠﻴﻠﻲ ﻋﻦ ﺣﻴﺎﺗﻪ ﺍﻟﺰﻭﺟﻴﺔ
ﻭﺍﻧﺎ ﺑﺎﻟﻤﻘﺎﺑﻞ ﺟﻨﺖ ﺍﺳﻮﻟﻔﻠﻪ
ﻋﻦ ﺣﻴﺎﺗﻲ ﻭﻳﺎﺝ ﻣﺜﻞ ﺍﻟﻤﻐﻔﻞ
ﺍﻟﻘﺎﻫﺮﻧﻲ ﺑﻬﺬﺍ ﻛﻠﻪ ﺍﻧﺘﻮﺍ ﺍﺛﻨﻴﻨﻜﻢ ﺟﻨﺘﻮﺍ ﺗﺘﺼﺮﻓﻮﻥ ﻛﺪﺍﻣﻲ ﻋﺒﺎﻟﻚ ﻣﺤﺪ ﻳﻌﺮﻑ ﺍﻟﺜﺎﻧﻲ
ﺻﺮﺕ ﻛﻠﻤﺎ ﺍﻛﻌﺪ ﻭﻳﺔ ﻧﻔﺴﻲ ﻭﺍﺭﺍﺟﻊ ﻣﻮﺍﻗﻔﻲ ﻭﻳﺔ ﺭﺍﺋﺪ
ﻭﺍﺗﺬﻛﺮ ﻛﻼﻣﻲ ﻭﻳﺎﻩ ﻳﺰﻳﺪ ﻛﺮﻫﻲ ﺍﻟﺞ
ﺗﺪﺭﻳﻦ ﻟﻴﺶ
ﻻﻥ ﺟﺎﻥ ﺑﺄﻣﻜﺎﻧﺞ ﺗﺠﻨﺒﻴﻨﻲ ﻛﻞ ﻫﺎﻱ ﺍﻻﺣﺮﺍﺟﺎﺕ
ﻭﺍﻻﺣﺴﺎﺱ ﺍﻟﺤﻘﻴﺮ ﺍﻟﻲ ﻛﺎﻋﺪ ﺍﺣﺴﻪ ﻭﺍﻋﻴﺸﻪ
ﺍﺍﺍﺍﺍﺍﺍﺥ ﻛﻤﺖ ﺍﺷﻮﻑ ﺑﻜﻞ ﻣﻮﻗﻒ ﺍﻟﻲ ﻭﻳﺔ ﺭﺍﺋﺪ ﺧﻴﺎﻧﺔ ﺑﺤﻘﻲ
ﻟﺞ ﺍﻧﺎ ﻟﺤﺪ ﺫﺍﻙ ﺍﻟﻴﻮﻡ ﺍﻧﺎ ﻭﻳﺎﻩ ﺍﺧﺘﺎﺭﻳﻨﺎ ﻫﺪﻳﺔ ﻭﻻﺩﺗﺞ
ﻳﻌﻨﻲ ﺣﺘﻰ ﻟﻮ ﺟﺎﻧﺖ ﻧﻴﺔ ﺭﺍﺋﺪ . ﺻﺎﻓﻴﺔ ﺑﻮﻛﺘﻬﺎ
ﺍﻟﻤﺸﻜﻠﺔ ﺑﻌﻘﻠﻲ ﻣﺎ ﻳﻜﺪﺭ ﻳﺘﻘﺒﻞ ﺍﻟﻤﻮﺿﻮﻉ ﺑﺮﺍﺣﺒﺔ . ﺻﺪﺭ
ﻗﺎﺳﻢ ﺟﺎﻥ ﻳﺤﺠﻲ ﻭﺍﻧﻲ ﻓﺎﺗﺤﺔ ﻋﻴﻮﻧﻲ ﺍﺗﺎﺑﻊ ﺍﻟﻜﻠﻤﺎﺕ ﺍﻟﻲ ﺗﻨﻄﻘﻬﺎ ﺷﻔﺎﻳﻔﻪ
ﻭﺍﺣﺲ ﻭﻳﺔ ﻛﻞ ﻛﻠﻤﺔ ﻳﻨﻄﻘﻬﺎ ﺍﻓﻘﺪ ﺍﻻﻣﻞ
ﻭﺍﺑﺎﻭﻉ ﻟﺤﻴﺎﺗﻲ ﺷﻠﻮﻥ ﺩﺗﺘﻬﺪﻡ ﻛﺪﺍﻡ ﻋﻴﻮﻧﻲ
ﻫﻤﺴﺖ ﺑﺨﻮﻑ
.. ﻳﻌﻨﻲ ﺍﻓﺘﻬﻢ ﻣﻦ ﻛﻼﻣﻚ ﺍﻧﻲ ﺑﻌﺪ ﻣﺎﻟﻲ ﻣﻜﺎﻥ ﺑﺤﻴﺎﺗﻚ
ﻳﻌﻨﻲ ﻫﺎﻱ ﻫﻲ ﺧﻼﺹ ﺍﻓﻘﺪ ﺍﻻﻣﻞ ﺑﺎﻟﻐﺠﻮﻉ ( ﺑﺎﻟﺮﺟﻮﻉ ) ﻟﺤﻴﺎﺗﻚ
ﺍﻭ ﻧﻐﺠﻊ ( ﻧﺮﺟﻊ ) ﻣﺜﻞ ﻗﺒﻞ ﻟﺤﻴﺎﺗﻨﺎ ﺍﻻﻭﻟﻴﺔ
ﻫﻤﺲ ﻭﻫﻮ ﻳﻔﺮﻙ ﻭﺟﻬﻪ ﻭﻳﻄﻠﻊ ﺑﺮﺓ ﺍﻟﻐﺮﻓﺔ ﻭﻛﺎﻝ
.. ﻣﺎ ﺍﻋﺮﻑ ﺍﻧﺘﻲ ﻭﺣﻈﺞ
ﻭﻣﺎ ﺍﻭﻋﺪﺝ ﺑﺄﻱ ﺷﻲ
ﻻﻥ ﺍﻟﻤﺸﺎﻋﺮ ﻣﻮ ﺩﻛﻤﺔ ﻭﺗﻨﺪﺍﺱ ﻭﻳﻨﺴﻲ ﻛﻠﺸﻲ
ﺍﻧﺎ ﻫﺬﺍ ﻋﻴﺐ ﮔﻠﺒﻲ ﺍﺫﺍ ﺻﺪ
ﻳﺼﺪ ﺻﻌﺐ ﻳﺮﺟﻊ ﻭﺍﻋﺘﺮﻑ ﺍﻧﺎ ﻗﺎﺳﻲ
ﺻﺪﻛﻴﻨﻲ ﻟﻮ ﺟﻨﺖ ﺍﻣﻠﻚ ﺍﻟﺴﻴﻄﺮﺓ ﻋﻠﻰ ﻣﺸﺎﻋﺮ ﮔﻠﺒﻲ
ﺟﺎﻥ ﻛﺪﺭﺕ ﺍﻏﻴﺮ
ﻫﻮﺍﻱ ﺍﻣﻮﺭ . ﺑﺤﻴﺎﺗﻲ ﻭﺍﺗﺠﺎﻭﺯﺕ ﻫﻮﺍﻱ ﻫﻔﻮﺍﺕ ﺑﺎﻟﻤﺎﺿﻲ
ﻭﺟﺎﻥ ﺻﺎﺭﺕ ﺣﻴﺎﺗﻲ ﺍﻛﺜﺮ ﺳﻬﻮﻟﺔ ﻭﺟﺎﻥ ﮔﻠﺒﻲ ﻋﺎﺵ ﺑﺴﻼﻡ
ﺩﺍﺭ ﻭﺟﻬﻪ ﻭﺍﺗﺠﻪ ﻟﻠﺒﺎﺏ ﺑﻌﺪﻣﺎ ﺍﺧﺬﻟﻪ ﻣﺨﺪﺓ ﻭﺑﻄﺎﻧﻴﺔ ﻭﻛﺎﻝ
.. ﺍﻧﺎ ﻧﺎﺯﻝ ﺍﻧﺎﻡ ﺟﻮﺓ ﺑﺎﻻﺳﺘﻘﺒﺎﻝ
ﺧﺎﻑ ﺗﺴﺄﻟﺞ ﺍﻣﻲ ﻋﻨﻲ ﻟﻴﺶ ﻧﺎﻳﻢ ﺟﻮﺓ
ﻛﻠﻴﻠﻴﻬﺎ ﺍﺳﻮ ﺍﻟﺒﺎﺭﺣﺔ ﻛﻠﻪ ﻣﺎ ﻧﺎﻣﺖ ﻭﻗﺎﺳﻢ ﺟﺎﻥ ﺗﻌﺒﺎﻥ
ﻭﻣﺤﺘﺎﺝ ﻳﻨﺎﻡ ﻟﺬﻟﻚ ﻧﺰﻝ ﺟﻮﺓ ﻧﺎﻡ ﺑﺎﻻﺳﺘﻘﺒﺎﻝ
ﻃﻠﻊ ﻗﺎﺳﻢ ﻭﻋﺎﻓﻠﻲ ﺍﻟﻐﺮﻓﺔ ﺑﻜﺒﺮﻫﺎ ﻭﺍﻧﻲ
ﺍﻧﻬﺎﺭﻳﺖ ﺑﺎﻟﺒﺠﻲ ﻭﺑﻌﺪﻣﺎ ﻋﺮﻓﺖ
ﺷﻨﻮ ﺷﻌﻮﺭ ﻗﺎﺳﻢ ﺍﺗﺠﺎﻩ ﺭﺍﺋﺪ
ﺑﻠﺤﻀﺘﻬﺎ ﻋﺮﻓﺖ ﺍﻥ ﻗﺴﺎﻭﺓ ﻗﺎﺳﻢ .. ﻋﺰﺕ ﻧﻔﺴﻪ ﻭﻋﻨﺎﺩﻩ
ﺍﻟﻬﻢ ﺩﻭﺭ ﻛﺒﻴﺮ ﻓﻲ ﺍﻧﻬﺎﺀ ﻫﻮﺍﻳﺔ ﻋﻼﻗﺎﺕ ﺑﺤﻴﺎﺗﻪ
ﻫﻲ ﻧﻔﺴﻬﺎ ﻗﺴﺎﻭﺗﻪ ﺍﻟﻲ ﻧﻬﺖ ﻋﻼﻗﺘﻪ ﻭﻳﺔ ﺭﻫﻒ ﺑﻨﺖ ﻋﻤﻪ
ﻭﺣﺐ ﺳﻨﻴﻦ ﻭﻭﻋﻮﺩ ﺑﺎﻟﺰﻭﺍﺝ
ﺑﻬﻔﻮﺓ ﻭﺣﺪﺓ ﻣﻨﻬﺎ ﻛﺎﻧﺖ ﻛﻔﻴﻠﺔ ﺑﻨﻔﻴﻬﺎ ﻣﻦ ﻛﻠﺒﻪ ﻭﻃﺮﺩﻫﺎ
ﻣﻦ ﺣﻴﺎﺗﻪ ﺑﺪﻭﻥ ﻣﺎ ﻳﺮﻓﻠﻪ ﺍﻱ ﺟﻔﻦ
ﻭﻫﻲ ﻧﻔﺴﻬﺎ ﻋﺰﺕ ﻧﻔﺴﻪ ﺍﻟﻲ ﻛﺎﻧﺖ ﻟﻬﺎ ﺍﻟﻴﺪ
ﺑﺄﺑﺘﻌﺎﺩ . ﻗﺎﺳﻢ ﻭﺧﺮﻭﺟﻪ ﻣﻦ ﺣﻴﺎﺓ ﺍﻫﻠﻪ ﻻﻥ
ﺍﺑﻮﻩ ﺍﺳﺘﻬﺎﻥ ﺑﻲ ﻭﺟﺮﺡ ﻛﺮﺍﻣﺘﻪ
......
ﻭﺑﺴﺒﺐ ﻋﻨﺎﺩﻩ . ﺗﺮﻛﻬﻢ ﻭﻃﻠﻊ ﻣﻦ ﺣﻴﺎﺗﻬﻢ ﺣﺘﻰ ﻳﺒﻨﻲ ﻟﻪ
ﺣﻴﺎﺓ ﺧﺎﺻﺔ ﻟﻮﺣﺪﻩ ﻭﻳﺜﺒﺖ ﻧﻔﺴﻪ ﻷﺑﻮﻩ
ﻧﻬﺾ ﻛﻠﺒﻲ ﻣﻦ ﺍﻟﺨﻮﻑ
ﻣﻦ ﺍﺗﺬﻛﺮﺕ ﻛﻼﻡ ﻫﺎﻟﺔ ﺑﺒﻜﺎﺀ ﻭﺗﻮﺳﻞ ﺍﻣﻪ ﺣﺘﻰ ﻳﺮﺟﻊ
ﻭﺍﺗﺼﺎﻻﺕ ﺍﺑﻮﻩ ﺍﻟﻤﺘﻜﺮﺭﺓ ﺍﻟﻲ ﺗﻄﻠﺐ ﻣﻨﻪ
ﻳﻨﺴﻰ ﻛﻠﺸﻲ ﻭﻳﺮﺟﻊ ﻭﻳﺎﻩ
ﺍﻟﻤﺼﻴﺒﺔ ﺭﻏﻢ ﻫﺬﺍ ﻛﻠﻪ . ﻗﺎﺳﻢ ﻣﺎ ﺍﺗﻨﺎﺯﻝ ﻭﺑﻘﻰ ﻣﻌﻨﺪ
ﻭﺍﺧﺮ ﺷﻲ ﻣﻮﻗﻔﻪ ﻭﻳﺔ ﺑﻴﺖ ﻋﻤﺎﻣﻪ
ﻳﺜﺒﺘﻠﻲ ﺍﻥ ﻗﺎﺳﻢ ﺻﻌﺐ ﺍﻟﻨﺴﻴﺎﻥ ﻭﺍﻟﺘﺴﺎﻣﺢ
ﺑﺲ ﺭﻏﻢ ﻫﺬﺍ ﻛﻠﻪ
ﻛﺎﻧﻮﺍ ﻛﻠﻬﻢ ﺍﻫﻮﻥ ﻣﻦ ﻣﺼﻴﺒﺘﻲ
ﻻﻥ ﻛﻞ ﻭﺍﺣﺪ ﺑﻴﻬﻢ ﺻﺤﻴﺢ ﻗﺎﺳﻢ ﻃﻠﻌﻬﻢ ﻣﻦ ﺣﻴﺎﺗﻪ
ﺑﺲ ﻋﻠﻰ ﺍﻻﻗﻞ ﺟﺎﻥ ﻟﻜﻞ ﻭﺍﺣﺪ ﻣﻨﻬﻢ ﺣﻀﻦ ﻳﻠﺠﺄ ﻟﻪ
ﻭﻳﻨﺴﻴﻪ ﻓﺮﺍﻕ ﻗﺎﺳﻢ
ﺍﻻ ﺍﻧﻲ ﻣﺎﻟﻲ ﺍﺣﺪ ﻣﻦ ﺑﻌﺪﻩ
ﻻﻥ ﻫﻮ ﺣﺒﻴﺒﻲ ﻭﺍﺑﻮ ﺑﻴﺒﺘﻲ ﻭﻫﻮ ﺍﻣﻲ ﻭﺍﺑﻮﻳﺔ ﻭﺍﺧﻮﻳﺔ ﻭﻛﻠﺸﻲ ﺣﻠﻮ ﺑﺪﻳﻨﻴﺘﻲ
ﻣﺎ ﺍﺗﺨﻴﻞ ﺍﻋﻴﺶ ﻣﻦ ﺩﻭﻧﻪ
ﺗﺎﻟﻲ ﻧﻤﺖ ﻭﺍﻧﻲ ﺍﺑﺠﻲ ﻭﺍﻧﺪﺏ ﺣﻈﻲ ﺍﻟﻌﺎﺛﺮ
ﻭﺧﻠﺺ ﺍﻻﺳﺒﻮﻉ ﻭﺍﻟﻴﻮﻡ ﻋﺮﺱ ﻫﺸﺎﻡ ﻭﻣﺮﻳﻢ
ﻭﺟﺎﻥ ﻋﺮﺳﻬﻢ ﻳﺠﻨﻦ ﻛﻠﺶ ﺣﻠﻮ ﻭﻛﻠﻨﺎ ﺍﻧﺠﻤﻌﻨﺎ ﺑﻲ ﺍﻧﻲ ﻭﺧﻮﺍﺗﻲ
ﻣﺎ ﻗﺼﺮﻧﺎ ﻭﻳﺔ ﻣﺮﻳﻢ
ﻭﺑﻴﻮﻣﻬﺎ ﻃﻠﻌﺖ ﻣﺮﻳﻢ ﺑﺒﺪﻟﺔ ﺍﻟﻌﺮﺱ ﺍﻟﺒﻴﻀﺔ
ﺟﻨﻬﺎ ﺍﻣﻴﺮﺓ
ﺣﺒﻴﺒﻲ ﺟﺎﻧﺖ ﻛﻮﻟﺶ ﻓﺮﺣﺎﻧﺔ ﺷﻴﻤﺎﺀ ﺑﺎﺭﻛﺖ ﻟﻤﺮﻳﻢ ﻭﺣﺠﺖ
ﺑﺼﻮﺕ ﺛﺎﺑﺖ ﻭﻛﺎﻟﺖ
ﻳﻤﺔ ﺍﻥ ﺷﺎﺀ ﺍﻟﻠﻪ ﺑﻠﻐﺖ ﻭﻭﻓﻴﺖ ﺍﻻﻣﺎﻧﺔ ﻭﺻﻨﺘﻬﺎ
ﺍﻟﻴﻮﻡ ﻋﺮﺱ ﺍﺻﻐﺮ ﺛﻤﺮﺓ ﻣﻦ ﺛﻤﺎﺭﺝ
ﺍﻟﻴﻮﻡ ﺗﺮﻭﺡ ﻟﺒﻴﺖ ﺭﺟﻠﻬﺎ
ﺍﺩﻋﻴﻠﻬﺎ ﻳﺎﻳﻤﺔ ﻋﻨﺪ ﺭﺑﻲ ﻳﻮﻓﻘﻬﺎ ﻭﻳﺴﺘﺮ ﻋﻠﻴﻬﺎ
ﻛﻠﻤﺎﺕ ﺷﻴﻤﺎﺀ ﻻﻣﺴﺖ ﻗﻠﻮﺑﻨﺎ ﺧﻄﻴﺔ ﺷﻮﻣﺔ ﺟﺎﻧﺖ
ﺷﺎﻳﻠﺔ ﻫﻤﻨﺎ ﻣﻦ ﺍﻟﺼﻐﺮ ﻭﺗﻌﺘﺒﺮﻧﺎ ﺍﻣﺎﻧﺔ ﺑﺮﻛﺒﺘﻬﺎ
ﺭﺑﻲ ﻓﺮﺣﻬﺎ ﻭﺳﻬﻞ ﺣﻴﺎﺗﻬﺎ ﻣﺜﻠﻤﺎ ﺳﻬﻠﺖ ﻋﻠﻴﻨﺎ ﺣﻴﺎﺗﻨﺎ
ﻭﻗﺎﺳﻢ ﻫﻮ ﺍﻟﻲ ﺯﻑ ﻫﺸﺎﻡ ﻭﺧﺎﻟﺔ ﺍﻡ ﻗﺎﺳﻢ
ﺳﻮﺕ ﺍﺣﻠﻰ ﻋﺮﺱ ﺧﻠﺖ ﺍﻟﻨﺎﺱ ﻛﻠﻬﺎ ﺗﺴﻮﻟﻒ
ﺗﻜﻮﻝ ﻣﺎ ﺍﺭﻳﺪ ﺍﻗﺼﺮ ﻭﻳﺔ ﺍﺑﻨﻲ .
ﻭﺍﻧﻲ ﻟﺒﺴﺖ ﻓﺴﺘﺎﻥ ﺍﺳﻮﺩ ﻗﺼﻴﺮ ﺑﻲ ﺣﺰﺍﻡ ﺫﻫﺒﻲ
ﻋﺮﻳﺾ ﻋﺎﻟﺨﺼﺮ . ﻭﺣﺬﺍﺀ ﻛﻌﺐ ﻋﺎﻟﻲ ﻟﻮﻧﻪ ﺫﻫﺒﻲ
ﺟﻨﺎ ﻛﻠﻨﺎ ﻣﺠﺘﻤﻌﻴﻦ ﺑﺎﻟﻘﺎﻋﺔ .
ﻭﺍﻏﺎﻧﻲ ﺍﻟﺪﻳﺠﻲ ﻋﺎﻟﻜﺔ ﺍﻟﺠﻮ ﻋﻠﻚ
ﻭﺍﺳﻮ ﺗﺒﺠﻲ ﻻﻥ ﺧﺎﻳﻔﺔ ﻣﻦ ﺍﻻﺻﻮﺍﺕ ﺍﻟﻌﺎﻟﻴﺔ
ﻭﺑﻘﻴﺖ ﻣﺘﻮﺭﻃﺔ ﻣﺎ ﺍﻛﺪﺭ ﺍﺳﻮﻱ ﺍﻱ ﺷﻲ ﺣﺘﻰ ﻣﺎ ﻛﺪﺭﺕ ﺍﺭﻛﺺ
ﺑﺲ ﺍﻟﺤﻤﺪﻟﻠﻪ ﻣﺸﻤﺶ ﺑﻨﺖ ﻣﺮﻭﺓ ﺍﺧﺬﺕ ﻣﻜﺎﻧﻲ
ﺑﺴﺎﺣﺔ ﺍﻟﺮﻗﺺ
ﻭﻣﺮﻳﻮﻣﺔ ﻛﺎﻣﺖ ﺭﻛﺼﺖ ﻭﻳﺔ ﺻﺪﻳﻘﺎﺗﻬﺎ ﻭﺟﺎﻧﺖ
ﻛﻮﻟﺶ ﻣﻨﻄﻠﻘﺔ
ﺟﻨﺖ ﻭﺍﻛﻔﺔ ﻳﻢ ﻣﺮﻭﺓ ﻭﺷﻴﻤﺎﺀ ﻭﺿﺤﻰ
ﺷﻴﻤﺎﺀ .. ﺭﺑﻲ ﻳﺴﻌﺪﻫﺎ
ﻣﺮﻭﺓ .. ﺍﻟﻠﻬﻢ ﺍﻣﻴﻦ
ﺿﺤﻰ .. ﻣﺮﻳﻮﻣﺔ ﺟﻨﻬﺎ ﻓﺮﺍﺷﺔ
ﺣﺠﻴﺖ .. ﺗﺘﺬﻛﺮﻭﻥ ﻣﻦ ﺍﺧﺬﺗﻬﺎ ﻣﺮﻭﺓ ﻣﻦ ﺑﻴﺖ ﻋﻤﻮ
ﺍﻣﺠﺪ ﻭﺟﻨﺎﻥ ﺷﻠﻮﻥ ﺟﺎﻧﺖ ﺧﺎﻳﻔﺔ ﻭﻣﺘﻘﻮﻗﻌﺔ ﻋﻠﻰ ﻧﻔﺴﻬﺎ
ﻣﺮﻭﺓ .. ﺑﺲ ﻣﺮﻳﻢ ﺍﻟﺠﺪﻳﺪﺓ ﺍﺗﻐﻴﺮﺕ ﻫﻮﺍﻱ
ﻭﻧﺠﺤﺖ ﺑﺤﻴﺎﺗﻬﺎ ﻭﺑﻤﺪﺭﺳﺘﻬﺎ ﻭﻛﺪﺭﺕ ﺗﺠﺘﺎﺯ ﺧﻮﻓﻬﺎ
ﻭﺗﻨﺘﺼﺮ ﻋﻠﻴﻪ
ﺑﺎﻭﻋﺖ ﻟﻤﺮﻭﺓ ﻭﻟﺸﻴﻤﺎﺀ ﻭﻛﻠﺘﻠﻬﻢ .. ﻃﺒﻌﺎً ﺗﻨﺠﺢ ﻭﺗﺼﻴﺮ ﻗﻮﻳﺔ
ﻻﻥ ﻋﻨﺪﻫﺎ ﺧﻮﺍﺕ ﺟﻮﺍﻫﺮ ﻣﺜﻠﻜﻢ ﻭﻛﻔﻮﺍ ﻭﻳﺎﻫﺎ ﻭﺳﻨﺪﻭﻫﺎ
.....
ﺟﻨﺎ ﻧﺤﺠﻲ ﻭﻓﺠﺎﺀﺓ ﺳﻤﻌﻨﺎ ﺻﻮﺕ ﻣﻨﻈﻤﺔ ﺍﻟﺪﻳﺠﻲ
ﺗﻌﻠﻦ ﻋﻦ ﺩﺧﻮﻝ ﺍﻟﻌﺮﻳﺲ
ﺍﻧﺘﺒﻬﺖ ﻟﻤﻨﻰ ﻭﻫﺎﻟﺔ ﺍﺧﺬﻭﺍ ﺍﻡ ﻗﺎﺳﻢ ﻟﻠﻜﻮﺷﺔ ﻣﺎﻟﺖ ﺍﻟﻌﺮﻭﺱ
ﻭﻫﻲ ﺗﺒﺎﻭﻉ ﻋﻠﻴﻬﻦ ﻣﺴﺘﻐﺮﺑﺔ
ﺍﻡ ﻗﺎﺳﻢ .. ﺷﻜﻮ ﺷﺒﻴﻜﻢ
ﻭﻳﻦ ﺗﺮﺩﻭﻥ ﺗﺎﺧﺬﻭﻧﻲ
ﻣﻨﻰ .. ﺍﻧﺘﻲ ﺗﻌﺎﻱ ﻭﻳﺎﻧﺔ ﻭﺑﻌﺪﻳﻦ ﻧﻜﻠﺞ ﺷﻨﻮ ﺍﻟﻤﻮﺿﻮﻉ
ﺍﻧﻲ ﻟﺒﺴﺖ ﺍﻟﺠﺒﺔ ﺍﻻﺳﻼﻣﻴﺔ ﻭﺍﻟﺸﺎﻝ
ﻟﺤﻈﺎﺕ ﻭﺧﻔﺘﺖ ﺍﺿﻮﺍﺀ ﺍﻟﻘﺎﻋﺔ
ﻭﺍﻧﻔﺘﺢ ﺑﺎﺏ ﺍﻟﻘﺎﻋﺔ ﻭﺟﺎﻥ ﻳﺪﺧﻞ ﻫﺸﺎﻡ ﻭﻗﺎﺳﻢ
ﻣﻦ ﺍﻟﺒﺎﺏ ﻋﻠﻰ ﺍﻏﻨﻴﺔ ( ﺳﺖ ﺍﻟﺤﺒﺎﻳﺐ )
ﺟﺎﻥ ﻫﺸﺎﻡ ﻭﻗﺎﺳﻢ ﻻﺑﺴﻴﻦ ﻧﻔﺲ ﻟﻮﻥ ﺍﻟﻘﻮﻁ ﻟﻮﻥ ﻛﺤﻠﻲ
ﻫﺸﺎﻡ ﺷﺎﻳﻞ ﺑﻴﺪﻩ ﺑﺎﻗﺔ ﻭﺭﺩ
ﻭﻗﺎﺳﻢ ﺷﺎﻳﻞ ﺑﻴﺪﻩ ﻋﻠﺒﺔ ﺣﻤﺮﺓ
ﻛﻤﺖ ﻣﻦ ﻣﻜﺎﻧﻲ ﺍﺑﺎﻭﻉ ﻋﻠﻴﻬﻢ ﻣﺘﻔﺎﺟﺌﺔ
ﺟﺎﻥ ﻣﻨﻈﺮﻫﻢ ﻳﺠﻨﻦ
ﺍﻧﺘﺒﻬﺖ ﻟﺨﺎﻟﺔ ﺍﻡ ﻗﺎﺳﻢ ﺑﻘﺖ ﻭﺍﻛﻔﺔ ﺑﻤﻜﺎﻧﻬﺎ . ﺗﺒﺎﻭﻉ ﻋﻠﻴﻬﻢ ﻭﻫﻲ ﺗﺒﺠﻲ
ﻭﻓﺎﻃﻤﺔ ﻭﺳﺮﻭﺭ ﻭﻛﻮﺛﺮ ﻭﻫﺪﻳﻞ ﻭﻫﺎﻟﺔ ﻭﻣﻨﻰ
ﺻﻌﺪﻭﺍ ﻋﺎﻟﺴﺘﻴﺞ ﻭﻭﻛﻔﻮﺍ ﻳﻢ ﺍﻣﻬﻢ
ﻭﺍﻟﻤﺼﻮﺭﺓ ﺟﺎﻧﺖ ﺗﺼﻮﺭ ﺩﺧﻮﻝ ﻗﺎﺳﻢ ﻭﻫﺸﺎﻡ
ﻟﺤﺪ ﻣﺎ ﻭﺻﻠﻮﺍ ﻭﺻﻌﺪﻭﺍ ﻋﺎﻟﺴﺘﻴﺞ ﻫﺸﺎﻡ ﻗﺪﻣﻠﻬﺎ ﺑﺎﻗﺔ ﺍﻟﻮﺭﺩ ﻭﺣﻀﻦ ﺧﺎﻟﺔ
ﻭﻗﺎﺳﻢ ﻓﺘﺢ ﺍﻟﻌﻠﺒﺔ . ﻭﻟﺒﺴﻬﺎ ﻛﻼﺩﺓ ﺫﻫﺐ
ﻭﻟﻤﻬﺎ ﻟﺤﻀﻨﻪ ﻭﺑﺎﺱ ﺭﺍﺳﻬﺎ
ﺑﻌﺪﻫﺎ ﻫﺸﺎﻡ ﺑﺎﻭﻉ ﻟﻘﺎﺳﻢ ﻭﺍﺛﻨﻴﻨﻬﻢ ﺭﻛﻌﻮﺍ ﻭﻧﺰﻟﻮ ﺑﺎﺳﻮﺍ
ﺭﺟﻠﻴﻦ ﺧﺎﻟﺔ
ﺳﻤﻌﺖ ﺍﺻﻮﺍﺕ ﺻﻔﻴﺮ ﻭﺗﺼﻔﻴﻖ ﺑﻨﺎﺕ ﺧﺎﻻﺗﻬﻢ ﻭﺧﻮﺍﻟﻬﻢ
ﻃﺒﻌﺎً ﻫﺬﻭﻟﻲ ﺍﻟﺤﺰﺏ ﺍﻟﻤﻨﺎﺻﺮ
ﺍﻟﺘﻔﺘﺖ ﻣﻦ ﺣﻮﻟﻲ ﻭﺑﺎﻭﻋﺖ ﻟﺨﻮﺍﺗﻲ
ﻟﻜﻴﺘﻬﻢ ﻳﺒﺎﻭﻋﻮﻥ ﻭ ﺩﻳﺒﺠﻮﻥ ﻋﺒﺎﻟﻲ ﺑﺲ ﺍﻧﻲ ﺩﺍﺑﺠﻲ
ﺍﺛﺎﺭﻱ ﺍﻟﻜﻞ ﻣﺘﺄﺛﺮﻳﻦ ﻭﺩﻳﺒﺠﻮﻥ
ﻟﻜﻦ ﻣﻔﺎﺟﺌﺘﻲ ﻛﺎﻧﺖ ﺑﻤﺮﻭﺓ
ﻻﻭﻝ ﻣﺮﺓ ﺍﺷﻮﻑ ﺩﻣﻮﻋﻬﺎ
ﺟﺎﻧﺖ ﺗﺒﺎﻭﻉ ﻋﻠﻴﻬﻢ ﻭﺗﺒﺠﻲ
ﺭﺟﻌﺖ ﺍﺑﺎﻭﻉ ﻟﺨﺎﻟﺔ ﺩﻧﻜﺖ ﻋﻠﻰ ﻭﻟﺪﻫﺎ ﻭﻛﻮﻣﺘﻬﻢ ﻣﻦ ﺍﻟﻜﺎﻉ
ﻭﺣﻀﻨﺘﻬﻢ ﻭﻫﻲ ﺗﺪﻋﻴﻠﻬﻢ ﻭﺗﻨﺸﺮ ﻋﻠﻴﻬﻢ ﻣﻦ ﺍﻟﻌﻴﻦ
ﻭﺑﻌﺪﻫﺎ ﺍﺟﺘﻤﻌﻮﺍ ﻛﻞ ﺧﻮﺍﺕ ﻗﺎﺳﻢ ﻋﺎﻟﺴﺘﻴﺞ
ﺣﻮﻝ ﺍﻡ ﻗﺎﺳﻢ ﻭﺍﻟﻤﺼﻮﺭﺓ ﻛﻌﺪﺕ ﺗﺮﺗﺐ ﻭﻛﻔﺘﻬﻢ
ﺣﺘﻰ ﺗﺼﻮﺭﻫﻢ
ﻛﻤﺖ ﺍﻟﺘﻔﺖ ﻣﻨﺎ ﻭﻣﻨﺎ
ﺍﺑﺎﻭﻉ ﻟﻌﻴﻮﻥ ﺍﻟﺒﻨﺎﺕ ﺍﻛﻠﻮ ﻗﺎﺳﻢ ﺑﻨﻈﺮﺍﺗﻬﻦ
ﻭﺍﻧﻲ ﻣﻦ ﺣﺮﻛﺔ ﮔﻠﺒﻲ
ﺭﺣﺖ ﺻﺤﺖ ﻟﺰﻳﻮﻧﻲ ﺍﻧﻄﻴﺘﻪ ﺍﺳﻮ ﺣﺘﻰ ﻳﺎﺧﺬﻫﺎ ﻻﺑﻮﻫﺎ
ﺣﺘﻰ ﻳﺸﻴﻠﻬﺎ ﻭﻳﺼﻮﺭ ﻭﻳﺎﻫﺎ
ﺷﻨﻮ ﺍﻻﺳﺘﺎﺫ ﺍﺷﻮ ﻣﺎﺧﺬ ﺭﺍﺣﺘﻪ ﻛﻠﺶ ﻋﺒﺎﻟﻚ ﻋﺰﺍﺑﻲ
ﻣﺎ ﻣﺘﺰﻭﺝ
ﺍﺑﺎﻭﻉ ﻋﻠﻴﻪ ﺟﺎﻥ ﻳﻀﺤﻚ ﻣﺘﻮﻧﺲ ﻭﺍﻧﻲ ﺍﻓﻮﺭ ﻣﻦ ﺍﻟﻐﻴﺾ ﻭﺍﻟﻐﻴﺮﺓ
ﺟﺎﻥ ﺣﺎﺿﻦ ﺧﻮﺍﺗﻪ ﺑﺬﺭﺍﻋﻪ ﻭﻳﺎﺧﺬ ﺻﻮﺭ ﻭﻳﺎﻫﻦ
ﺯﻳﻮﻧﻲ ﺟﺎﻥ ﺷﺎﻳﻞ ﺍﺳﻮ ﺑﺎﻟﻜﻮﺓ ﻻﻥ ﺍﺳﻮﺓ ﺩﺑﺪﻭﺑﺔ
ﻭﻗﺎﺳﻢ ﺑﺲ ﺷﺎﻑ ﺍﺳﻮ ﺍﺑﺘﺴﻢ ﻭﺍﺧﺬﻫﺎ ﻣﻦ ﺯﻳﻮﻧﻲ ﻭﺭﻓﻌﻬﺎ ﻟﻴﻔﻮﻙ ﻭﺑﺎﺳﻬﺎ
.....
ﺟﺎﻧﻮﺍ ﺍﻟﻜﻞ ﻣﺠﺘﻤﻌﻴﻦ ﻋﺎﻟﻜﻮﺷﺔ ﻣﺮﻳﻢ ﻭﻫﺸﺎﻡ ﻛﺎﻋﺪﻳﻦ
ﻭﺧﺎﻟﺔ ﻛﺎﻋﺪﺓ ﺑﻴﻨﻬﻢ ﻭﻫﺎﻟﺔ ﻭﻫﺪﻳﻞ ﻭﻣﻨﻰ ﻭﻛﻮﺛﺮ
ﻭﺳﺮﻭﺭ ﻭﻓﺎﻃﻤﺔ ﻭﺍﻛﻔﺎﺕ ﻭﻗﺎﺳﻢ ﺷﺎﻳﻞ ﺑﻨﺘﻪ ﻭﻭﺍﻛﻒ ﺑﻨﺼﻬﻦ
ﺟﺎﻧﻮﺍ ﻛﻠﻬﻢ ﻣﻮﺟﻮﺩﻳﻦ ﺧﻨﻜﺘﻨﻲ ﺍﻟﻌﺒﺮﺓ ﻻﻥ ﺍﻧﻲ ﻣﻮ . ﻭﻳﺎﻫﻢ ﺩﻧﻜﺖ ﻣﻘﻬﻮﺭﺓ
ﻭﻋﻴﻮﻧﻲ ﻏﺮﻛﺖ ﺑﺎﻟﺪﻣﻮﻉ ﺣﺴﻴﺖ ﺑﺮﻭﺣﻲ ﻣﻨﺒﻮﺫﺓ ﻭﻣﺎﻟﻲ ﻣﻜﺎﻥ ﺑﻴﻨﻬﻢ
ﺍﻟﺘﻔﺘﺖ ﺍﺭﻳﺪ ﺍﺑﻌﺪ ﻧﻈﺮﺍﺗﻲ ﻋﻨﻬﻢ ﻣﺎ ﺍﺭﻳﺪ ﺍﺣﺪ ﻳﺤﺲ ﻋﻠﻴﺔ
ﺑﺲ ﺣﻈﻲ ﺍﻻﻏﺒﺮ ﺧﻠﺔ ﻋﻴﻮﻧﻲ ﺗﻮﻛﻊ ﺑﻌﻴﻮﻥ . ﺷﻤﺎﺗﻲ
ﺭﻫﻒ ﺑﺎﻭﻋﺖ ﻋﻠﻴﺔ ﻭﺭﻓﻌﺖ ﺣﺎﺟﺒﻬﺎ ﻭﺿﺤﻜﺖ ﺑﺘﺸﻔﻲ
ﻭﻛﺄﻧﻤﺎ ﺩﺗﻜﻮﻟﻲ ﻣﺎﻟﺞ . ﻣﻜﺎﻥ ﺑﻴﻨﻬﻢ
ﺍﺟﻴﺖ ﺍﺻﺮﺥ ﻣﻦ ﺍﻟﻘﻬﺮ
ﻏﻤﻀﺖ ﻋﻴﻮﻧﻲ ﻭﺭﺟﻌﺖ ﺑﺎﻭﻋﺖ ﻋﻠﻰ ﻗﺎﺳﻢ
ﺍﻧﺘﺒﻬﺖ ﻋﻠﻴﻪ ﺍﺷﺮ ﻟﻠﻤﺼﻮﺭﺓ ﺗﺘﻮﻗﻒ ﻋﻦ ﺍﻟﺘﺼﻮﻳﺮ ﻣﺆﻗﺘﺎً
ﻭﺟﺎﻥ ﺍﺷﻮﻑ ﻧﻈﺮﺍﺕ ﻋﻴﻮﻧﻪ ﺗﺪﻭﺭ ﺑﺎﻟﻘﺎﻋﺔ
ﻣﻨﺎ ﻭﻣﻨﺎ .
ﺳﻠﻂ ﻧﻈﺮﺗﻪ ﻋﻠﻴﺔ ﻭﺍﺑﺘﺴﻢ
ﺍﺗﺴﻌﺖ ﻋﻴﻮﻧﻲ ﻣﻦ ﺍﺟﺘﻲ ﻋﻴﻨﻪ ﺑﻌﻴﻮﻧﻲ ﻭﺍﺷﺮﻟﻲ
ﺑﺤﺮﻛﺔ ﺗﻌﺎﻟﻲ
ﺍﺷﺮﺕ ﻋﻠﻰ ﻧﻔﺴﻲ ﻣﻤﺼﺪﻛﺔ
.. ﺷﻨﻮ ﺍﻧﻲ
ﻫﺰ ﺭﺍﺳﻪ ﺑﺎﻟﻤﻮﺍﻓﻘﺔ
ﺿﺤﻰ ﺿﺮﺑﺘﻨﻲ ﺑﺮﺟﻠﻬﺎ ﻣﻦ ﺟﻮﺓ ﺍﻟﻤﻴﺰ
.. ﻟﺞ ﺛﻮﻟﺔ ﺩﻳﻜﻮﻟﺞ ﺗﻌﺎﻟﻲ . ﻗﺎﺑﻞ ﺩﻳﺼﻴﺤﻨﻲ ﺍﻟﻲ
ﻛﻤﺖ ﻣﻦ ﻣﻜﺎﻧﻲ ﻭﻛﻠﺒﻲ ﻳﺮﻳﺪ ﻳﻮﻛﻒ ﻣﻦ ﺍﻟﻔﺮﺣﺔ
ﻋﺪﻟﺖ ﻟﺒﺲ ﺷﺎﻟﻲ
ﻭﺭﺣﺖ ﻣﺸﻴﺖ ﺍﺗﺠﺎﻩ ﺍﻟﻜﻮﺷﺔ
ﻭﻋﻴﻮﻧﻲ ﺑﻌﻴﻮﻧﻪ . ﺍﺑﺎﻭﻉ ﻋﻠﻴﻪ ﻛﺼﻨﻲ ﻣﻦ ﻓﻮﻙ ﻟﻴﺠﻮﺓ
ﻧﺰﻟﺖ ﻧﻈﺮﺍﺕ ﻋﻴﻮﻧﻪ ﻭ ﺍﺗﺴﻌﺖ ﻭﺧﺰﺭﻧﻲ
ﺩﻧﻜﺖ ﻭﺑﺎﻭﻋﺖ ﻋﻠﻰ ﺳﺒﺐ ﺗﻌﺠﺐ ﻧﻈﺮﺍﺕ ﻗﺎﺳﻢ ﻭﺟﺎﻥ ﺍﺷﻮﻑ ﺍﻟﺠﺒﺔ ﻣﻤﺪﻛﻤﺘﻬﺎ ﻛﻮﻟﻬﺎ
ﻭﺍﻟﺴﻴﻘﺎﻥ ﻃﺎﻟﻌﺔ ﻟﻔﻴﺖ ﺍﻟﺠﺒﺔ ﻋﻠﻰ ﺭﺟﻠﻴﺔ ﻭﻏﻄﻴﺖ ﺍﻟﺴﻴﻘﺎﻥ
ﻫﻤﺰﻳﻦ ﺍﻟﺤﻤﺪﻟﻠﻪ ﻫﺸﺎﻡ ﺟﺎﻥ ﻣﻠﺘﻬﻲ ﻭﻳﺔ ﻣﺮﻳﻮﻣﺔ
ﻭﺻﻌﺪﺕ ﻭﺍﻟﺒﻨﺎﺕ ﺳﻮﻟﻲ
ﻣﺠﺎﻝ ﺑﺼﻒ ﻗﺎﺳﻢ ﺭﻓﻊ ﺫﺭﺍﻋﻪ
ﻭﺣﻮﻁ ﻛﺘﻔﻲ ﻭﻫﻮ ﺷﺎﻳﻞ ﺍﺳﻮ
ﻭﻛﻌﺪﺕ ﺍﻟﻤﺼﻮﺭﺓ ﺗﺎﺧﺬ ﻫﻮﺍﻱ ﻟﻘﻄﺎﺕ
ﻭﻫﺎﻟﺔ ﻛﺎﻟﺖ ﻟﻘﺎﺳﻢ ﺍﺧﺬﻭﻟﻜﻢ ﺻﻮﺭﺓ ﻟﻮﺣﺪﻛﻢ
ﺍﻧﺖ ﻭﻫﺪﻯ ﻭﺍﺳﻮ
ﺭﻓﻊ ﺭﺍﺳﻪ ﻭﺍﺷﺮ ﻟﻠﻤﺼﻮﺭﺓ ﺗﺠﻲ ﺗﺎﺧﺬﻟﻨﺎ ﺻﻮﺭ ﻟﻮﺣﺪﻧﺎ
ﺍﻟﺒﻨﺎﺕ ﻧﺰﻟﻮﺍ ﻣﻦ ﺍﻟﻜﻮﺷﺔ ﻭﺑﻘﻴﺖ ﺍﻧﻲ ﻭﻗﺎﺳﻢ ﻭﺍﺳﻮ
ﻋﻠﻰ ﺻﻔﺤﺔ ﺍﺧﺬﺗﻠﻨﺎ ﻟﻘﻄﺎﺕ ﻛﻮﻣﺔ
ﻭﺑﺎﻭﻋﺖ ﺑﻄﺮﻑ ﻋﻴﻨﻲ ﻋﻠﻰ ﻣﻜﺎﻥ ﺭﻫﻒ
ﻟﻜﻴﺘﻬﺎ ﺗﺒﺎﻭﻉ ﺑﻐﻴﺮﺓ ﻭﻋﻴﻮﻧﻬﺎ ﺗﺮﻳﺪ ﺗﻄﻠﻊ ﻣﻦ ﻣﻜﺎﻧﻬﺎ
ﺑﺎﻟﻌﻨﺎﺩ ﻣﻴﻠﺖ ﻧﻔﺴﻲ ﻋﻠﻰ ﻗﺎﺳﻢ ﻭﺣﻄﻴﺖ ﻛﻒ ﺍﻳﺪﻱ ﻋﻠﻰ ﺻﺪﺭﻩ
ﻭﻫﻮ ﺩﻧﻚ ﺭﺍﺳﻪ ﻭﺷﺎﻭﺭﻧﻲ ﻭﻛﺎﻝ
.. ﻫﺴﺔ ﺗﺮﺣﻴﻦ ﺗﺪﻛﻤﻴﻦ ﺍﻟﺠﺒﺔ ﻻ ﻭﺍﻟﻠﻪ ﺍﻛﺴﺮﻟﺞ ﺭﺟﻠﻴﺞ
ﺍﺑﺘﺴﻤﺖ ﻋﺒﺎﻟﻚ ﺟﺎﻥ ﻳﻐﺎﺯﻟﻨﻲ
ﻫﻤﺴﺖ ﻭﺍﻧﻲ ﺭﺍﻓﻌﺔ ﺭﺍﺳﻲ ﺍﺑﺎﻭﻉ ﻋﻠﻴﻪ ﺑﻮﻟﻊ
.. ﺻﺎﻍ ( ﺻﺎﺭ ) ﻣﻦ ﻋﻴﻮﻧﻲ
ﺍﻟﻲ ﻳﺸﻮﻑ ﺷﻜﻠﻨﺎ ﻳﻜﻮﻝ ﻫﻨﻴﺎ ﻟﻬﺎ ﺷﻮﻑ ﺷﻠﻮﻥ ﻫﺬﺍ ﺩﻳﻐﺎﺯﻟﻬﺎ
ﺑﺲ ﻫﻤﺔ ﻣﺎ ﻳﺪﺭﻭﻥ .
ﺍﻥ ﺍﺧﺮ ﻣﺎ ﻳﺨﻄﺮ ﻋﻠﻰ ﺑﺎﻝ ﻗﺎﺳﻢ ﻳﻘﺘﺮﺏ ﻣﻨﻲ
.....
ﺭﻏﻢ ﺩﻭﺭﻩ ﻛﺪﺍﻡ ﺍﻟﻨﺎﺱ ﺑﺲ ﻟﻤﺤﺖ ﺑﻨﻈﺮﺍﺗﻪ ﺍﻟﺒﺮﻭﺩ
ﺍﻟﻲ ﻣﺤﺪ ﻳﻜﺪﺭ ﻳﺸﻮﻓﻪ ﻏﻴﺮﻱ ﺑﺲ ﺍﻧﻲ
ﻭﺑﻴﻮﻣﻬﺎ ﺧﻠﺺ ﻋﺮﺱ ﻫﺸﺎﻡ ﻭﻣﺮﻳﻢ ﻭﺯﻓﻴﻨﺎﻫﻢ ﻟﻠﻔﻨﺪﻕ
ﻭﺑﻌﺪﻫﺎ ﻛﻠﻤﻦ ﺭﺟﻊ ﻟﺒﻴﺘﻪ ﻭﺍﻧﻲ ﺑﻴﻮﻣﻬﺎ
ﺟﻨﺖ ﺍﺗﻜﻠﺐ ﺍﺭﻳﺪ ﺯﻭﺟﻲ ﻳﺮﺟﻌﻠﻲ
ﺑﺎﻟﺤﻘﻴﻘﺔ ﻃﻮﻝ ﺍﻻﺳﺒﻮﻉ ﺍﻟﻔﺎﺕ ﺍﻧﻲ ﺍﻧﺸﻐﻠﺖ ﻋﻨﻪ
ﺑﺘﺠﻬﺰ ﻋﺮﺱ ﻫﺸﺎﻡ ﻭﻣﺮﻳﻢ
ﺑﺤﻴﺚ ﻣﺎﻟﺤﻜﺖ ﺍﻓﺘﻘﺪ ﻭﺟﻮﺩ ﻗﺎﺳﻢ
ﻻﻥ ﻣﻦ ﺍﻟﺘﻌﺐ ﺍﻭﻝ ﻣﺎ ﺍﺣﻂ ﺭﺍﺳﻲ ﻋﻠﻰ ﺍﻟﻤﺨﺪﺓ ﻛﺒﻞ ﺍﻧﺎﻡ
ﻭﻭﺭﺓ ﺯﻭﺍﺝ ﻫﺸﺎﻡ ﻭﻣﺮﻳﻢ
ﺑﺪﻳﻨﺎ ﻧﺮﺟﻊ ﻧﺮﺗﺐ ﺍﻟﺒﻴﺖ ﺑﻌﺪﻣﺎ ﺍﻧﺨﺒﺺ ﻭﺍﺗﻬﻮﺱ
ﻣﻨﺎ ﺧﻮﺍﺕ ﻗﺎﺳﻢ ﻛﻠﻬﻢ ﻣﻮﺟﻮﺩﺍﺕ ﻭﻣﻨﺎ ﺟﻬﺎﻟﻬﻢ ﻣﺎﺷﺎﺀ ﺍﻟﻠﻪ
ﺣﺒﺎﺑﻴﻦ ﻣﺎ ﻳﺤﺒﻮﻥ ﻳﻬﻮﺳﻮﻥ
ﻟﻜﻴﺖ ﻫﺎﻟﺔ ﻣﻌﺼﺒﺔ ﺩﺧﻠﺖ ﻟﻠﻤﻄﺒﺦ ﻭﺍﻧﻲ ﺩﺍ ﺍﻧﻈﻒ ﻭﻳﺎﻫﺎ
ﺳﺄﻟﺘﻬﺎ
.. ﻫﺎ ﺧﻴﻎ ( ﺧﻴﺮ ) ﺷﺒﻴﺞ ﻣﻌﺼﺒﺔ
.. ﺑﻌﺪ ﺷﺒﻴﺔ ﺍﻛﻮ ﻏﻴﺮ ﺷﻴﺎﻃﻴﻦ ﺧﻮﺍﺗﻲ
ﻫﺴﺔ ﻛﻮﻥ ﻳﻜﻮﻣﻮﻥ ﻳﺼﻴﺤﻮﻥ ﻋﻠﻰ ﺟﻬﺎﻟﻬﻢ ﻣﺎﻛﻮ
ﺑﺲ ﻣﻦ ﻳﻨﻀﺮﺏ ﻭﺍﺣﺪ ﻣﻨﻬﻢ ﻳﺠﻮﻧﻲ ﻳﺮﻛﻀﻮﻥ
ﻭﻳﺼﻴﺮ ﻫﻮ ﻭﺑﺲ
ﻭﻳﻄﻠﻊ ﻫﻮ ﺍﻟﻜﺎﺩﻭﺩ ﻣﺎﻝ ﺍﻟﻌﺎﺋﻠﺔ
.. ﺧﻄﻴﺔ ﺍﺗﺤﻤﻠﻲ ﻟﺨﺎﻃﻎ ( ﻟﺨﺎﻃﺮ ) ﺧﻮﺍﺗﺞ ﻣﻮ ﻛﻞ ﻳﻮﻡ ﻫﻤﺔ ﻋﺪﻧﺎ
.. ﺍﻱ ﻣﻮ ﺣﻘﺞ ﻣﺘﻌﺮﻓﻴﻦ ﺷﺴﻮﻭ ﺑﻴﺔ
.. ﺷﻨﻮ ﺷﺴﻮﻭ ﺑﻴﺞ
.. ﻏﻴﺮ ﺣﻈﻲ ﺍﻟﺤﻠﻮ ﻃﻠﻌﺖ ﻭﺭﺍﻫﻢ ﻟﻠﻜﺮﺍﺝ ﺑﺎﻟﻤﺎﺳﺤﺔ
ﻭﺣﺎﻟﺘﻲ ﺣﺎﻟﺔ ﺍﺗﻮﻋﺪﻟﻬﻢ ﻭﺍﺗﺤﻠﻒ ﺑﻴﻬﻢ
ﻭﺟﺎﻥ ﺍﺷﻮﻑ ﻛﺪﺍﻣﻲ ﻋﺰﺍﻡ ﻓﺎﺗﺢ ﺣﻠﻜﻪ ﻣﺼﺪﻭﻡ
ﺑﻴﺔ . ﺍﻭ ﺑﺎﻻﺣﺮﻯ ﺍﺗﺤﻘﻘﺖ ﻣﺨﺎﻭﻓﻪ .
ﻋﺰﺍﻡ .. ﻫﺎﻱ ﺷﻨﻮ ﻻﺗﻜﻮﻟﻴﻦ ﻧﺎﻭﻳﺔ ﺗﻀﺮﺑﻴﻦ ﺍﻟﺠﻬﺎﻝ
ﺑﺎﻟﻤﺎﺳﺤﺔ
ﺍﺑﺘﺴﻤﺖ ﺑﻮﺟﻬﻪ ﻣﻦ ﺍﻟﻔﺸﻠﺔ ﻭﻛﻠﺘﻠﻪ
.. ﻫﺎ ﻻ ﺟﻨﺖ ﺍﺭﻳﺪ ﺍﻏﺴﻞ ﺍﻟﻜﺮﺍﺝ ﻭﻫﺎﻱ ﺍﻟﻤﺎﺳﺤﺔ ﻣﻮ ﻋﻠﻤﻮﺩ ﺍﻟﺠﻬﺎﻝ
ﻫﺎﻱ ﻋﻠﻤﻮﺩ ﺍﺭﻳﺪ ﺍﻣﺴﺢ ﺍﻟﻜﺮﺍﺝ
ﺍﺭﻳﺪﻫﻢ ﻳﺪﺧﻠﻮﻥ ﺟﻮﺓ ﻟﻠﺒﻴﺖ ﺣﺘﻰ ﻣﺎ ﻳﺪﻭﺳﻮﻥ ﺍﻟﻜﺎﻉ
ﻭﻫﻮ ﺑﺎﻭﻋﻠﻲ ﺑﺸﻚ ﺷﻜﻠﻪ ﻣﺎ ﻣﻘﺘﻨﻊ
ﻋﺰﺍﻡ .. ﻫﺎﻟﺔ ﺍﻳﺎﻧﻲ ﻭﻳﺎﺝ ﺍﺷﻮﻓﺞ ﺗﻀﺮﺑﻴﻦ ﻃﻔﻞ
ﺻﺪﻳﻜﻴﻨﻲ ﺍﺯﻋﻞ
ﻫﺎﻟﺔ ﻋﺰﺓ ﻛﻠﺸﻲ ﻭﻻ ﺯﻋﻞ ﺍﻟﻌﺰﻳﺰ
.. ﻻ ﻳﺎﻋﻴﻨﻲ ﺟﻌﻞ ﺍﻳﺪﻱ ﺍﻟﻜﺴﺮ ﺍﻥ ﺷﺎﺀ ﺍﻟﻠﻪ ﺍﺫﺍ ﻣﺪﻳﺘﻬﺎ ﻋﻠﻰ ﺟﺎﻫﻞ
.. ﺍﺳﻢ ﺍﻟﻠﻪ ﻋﻠﻰ ﺍﻳﺪﺝ ﺍﻥ ﺷﺎﺀ ﺍﻟﻠﻪ ﺍﻟﻲ ﻳﻜﺮﻫﺞ
ﻛﻤﻞ ﻛﻼﻣﻪ ﻭﻫﻮ ﻳﺒﺎﻭﻉ ﻣﻨﺎ ﻣﻨﺎ
ﻭﺍﻗﺘﺮﺏ ﻋﻠﻴﺔ
.. ﻋﻠﻰ ﻓﻜﺮﺓ ﻧﺴﻴﺖ ﺍﻛﻠﺞ ﺍﻟﺒﺎﺭﺣﺔ ﻃﺎﻟﻌﺔ ﺗﺠﻨﻨﻴﻦ
ﺧﺮﺏ ﺧﻮ ﺍﻟﺤﺬﺍﺀ ﺍﻟﻜﻌﺐ ﻳﺎﻛﻞ ﻭﻳﺸﺮﺏ ﻋﻠﻰ ﺭﺟﻠﺞ
ﻃﻴﺮ ﻋﻘﻠﻲ ﺍﺟﻴﺖ ﺍﻧﺠﻠﻂ ﻣﻦ ﺷﻔﺘﺞ ﻻﺑﺴﺘﻪ
ﻭﺍﺗﺬﻛﺮﺕ ﺣﺬﺍﺋﻲ ﺍﻟﻲ ﺍﻧﻄﻴﺘﺞ ﺍﻳﺎﻫﺎ ﻣﺮﺓ ﻭﺿﺮﺑﺘﻲ ﺑﻲ ﻋﺰﺍﻡ ﺑﻴﻮﻡ ﺍﻟﻌﺮﻛﺔ
ﻭﺿﺤﻜﺖ ﻭﻛﻠﺘﻠﻪ
.. ﻋﺰﺍﻡ ﻋﻠﻰ ﻓﻜﺮﺓ ﺗﺮﺓ ﻫﺬﺍ ﺍﻟﺤﺬﺍﺀ ﺍﻟﻲ ﺍﻧﻀﺮﺑﺖ ﺑﻲ ﺑﻴﻮﻡ ﺍﻟﻌﺮﻛﺔ .
ﻫﺎﻱ ﺍﻟﻤﺨﺒﻠﺔ ﻫﺪﻯ ﻟﺒﺴﺘﻪ ﻣﻨﻲ ﺑﻴﻮﻣﻬﺎ
ﻋﺰﺍﻡ ﺣﻚ ﺭﺍﺳﻪ ﻭﻫﻮ ﻳﺘﺬﻛﺮ ﻭﻳﻀﺤﻚ ﻭﻛﺎﻝ
.. ﺍﻟﻠﻪ ﻳﻠﻌﻦ ﺑﻴﻠﺴﺞ ﻭﺍﺷﻮﻑ ﺭﻭﺣﻲ ﺣﺒﻴﺖ ﺍﻟﺤﺬﺍﺀ
ﺍﺛﺎﺭﻱ ﻃﻠﻊ ﺣﺬﺍﺋﺞ
.......
ﺍﺩﺭﻱ ﺷﻨﻮ ﺍﻟﺴﺎﻟﻔﺔ ﻣﺎﻛﻮ ﻏﻴﺮﺝ ﻳﻨﻈﻒ ﺑﻬﺬﺍ ﺍﻟﺒﻴﺖ
ﺍﺷﻮ ﻣﻦ ﺷﻔﺘﺞ ﻭﺷﻔﺘﻴﻨﻲ ﻛﻠﻪ ﺍﻧﺘﻲ ﺗﻨﻈﻔﻴﻦ
ﺭﻣﺸﺖ ﺑﻌﻴﻮﻧﻲ
ﺟﻨﺖ ﻻﺯﻡ ﺍﻟﻤﺎﺳﺤﺔ ﻭﺷﻜﻠﻲ ﺟﺎﻥ ﺗﺤﻔﺔ
ﻭﻫﻤﺴﺖ ﻭﺍﻧﻲ ﺍﺿﺤﻚ
.. ﺷﺴﻮﻱ ﻫﺬﺍ ﺣﻈﻲ ﻭﺍﻟﻠﻪ ﻣﺮﺍﺕ ﺍﺷﻚ ﺍﻧﻲ ﻣﻮ ﺑﻨﺘﻬﻢ
ﻭﻛﻌﺪﺕ ﺍﺩﻙ ﺍﻟﻴﺘﻴﻤﺔ ﻳﻤﻪ ﻭﺍﺗﺸﻜﻰ ﻣﻦ ﺍﻟﺸﻐﻞ
ﻋﺰﺍﻡ ﻭﺍﻛﻒ ﻳﻤﻲ ﻭﻛﺎﻝ
.. ﺗﺮﺩﻳﻦ ﺍﺳﺎﻋﺪﺝ ﺍﻧﺘﻲ ﺗﻐﺴﻠﻴﻦ ﺍﻟﻄﺎﺭﻣﺔ ﻭﺍﻧﺎ ﻭﻣﺴﺢ ﻭﺭﺍﺝ ﺑﺎﻟﻤﺎﺳﺤﺔ
ﺟﺎﻥ ﻳﺤﺠﻲ ﻭﻋﻴﻮﻧﻪ ﺗﻠﻤﻊ ﺑﺠﺮﺋﺔ
ﺍﺑﺘﺴﻤﺖ ﻭﻫﻤﺴﺖ
.. ﺍﻱ ﻋﻴﻨﻲ ﺣﺘﻰ ﺍﻧﺖ ﺗﺎﺧﺬ ﺭﺍﺣﺘﻚ
ﺑﺎﻟﻤﻨﻈﺮ ﻭﺗﻜﻌﺪ ﺗﺒﺼﺒﺺ ﺑﻌﻴﻮﻧﻚ ﺍﻟﺰﺍﻳﻐﺔ
ﺟﻨﺎ ﻣﻨﺪﻣﺠﻴﻦ ﻭﺟﺎﻥ ﻧﺴﻤﻊ ﺻﻮﺕ ﺍﻡ ﻗﺎﺳﻢ ﺻﺎﺣﺖ ﻋﻠﻴﺔ ﺑﻐﻀﺐ
.. ﻟﺞ ﻫﺎﺍﺍﺍﺍﺍﺍﺍﺍﺍﺍﺍﺍﺍﻟﺔ ﻋﻠﻠﻠﻠﻠﻠﻠﻠﻠﻠﻠﻠﻠﺔ ﻭﻳﻦ ﺻﺮﺗﻲ
ﻭﺍﻟﻠﻪ ﻫﺎﻱ ﺍﻟﺒﻨﻴﺔ ﺭﺍﺡ ﺗﻤﻮﺗﻨﻲ ﻧﺎﻗﺼﺔ ﻋﻤﺮ
ﻛﻤﺰﻧﺎ ﺍﻧﻲ ﻭﻋﺰﺍﻡ ﻋﻠﻰ ﺻﻮﺗﻬﺎ
ﺟﻨﺖ ﻻﺯﻣﺔ ﺍﻟﻤﺎﺳﺤﺔ ﺑﻴﺪﻱ
ﻭ ﺍﺑﺎﻭﻉ ﻟﻌﺰﺍﻡ . ﺑﻠﻬﻔﺔ ﺟﺎﻭﺑﺘﻬﺎ ﻭﻋﻴﻮﻧﻲ ﺑﻌﻴﻮﻧﻪ
.. ﺣﺎﺍﺍﺍﺍﺍﺍﺍﺍﺍﻇﺮ ﻳﺎ ﻣﺮﺍﺕ ﺍﺑﻮﻳﺔ . ﺍﻧﺎ ﮔﺎﻳﺔ ﺍﻫﻮﻭﻭ
ﻣﺘﻌﺼﺒﻴﺶ
ﻋﺰﺍﻡ ﻃﻜﻬﺎ ﺿﺤﻜﺔ ﻭﻛﺎﻝ
.. ﻭﺍﻟﻠﻪ ﺍﻧﺘﻲ ﻛﺎﺭﺛﺔ
ﻫﺎﻟﺔ ﺗﺤﺠﻲ ﻭﺍﻧﻲ ﺍﺿﺤﻚ
ﻭﻛﻠﺘﻠﻬﺎ .. ﻭﺍﻟﻠﻪ ﺻﺎﺭﺕ ﺑﻴﻬﺎ ﺣﺬﺍﺀ ﻭﺧﺪﺍﻣﺔ ﻭﺗﻨﻈﻴﻒ ﻭﻣﻈﻠﻮﻣﺔ ﻭﻣﺮﺕ ﺍﺑﻮ
ﻻﻳﻜﻮﻥ ﺣﺎﺳﺒﺔ ﻧﻔﺴﺞ ﺳﻨﺪﺭﻳﻼ ﻭﻫﻮ ﺍﻻﻣﻴﺮ
.. ﺍﻱ ﻋﻴﻨﻲ ﻭﺳﻨﺪﺭﻳﻼ ﺑﺸﻨﻮ ﺍﺣﺴﻦ ﻣﻨﻲ
ﺍﺷﻮ ﻛﻞ ﺍﻟﻤﻮﺍﺻﻔﺎﺕ ﺗﻨﻄﺒﻖ ﻋﻠﻴﺔ
.. ﺍﻟﻠﻪ ﻳﻠﻌﻦ ﺍﺑﻮ ﺷﻜﻠﺞ
ﻣﺎ ﺍﺷﻮﻑ ﻣﻦ ﻫﺎﻱ ﺍﻟﻤﻮﺍﺻﻔﺎﺕ ﻛﻠﻬﺎ ﻏﻴﺮ ﺑﺲ ﺍﻟﺤﺬﺍﺀ
ﺍﻣﺎ ﺍﻟﺒﺎﻗﻲ ﻣﺎﻛﻮ ﻫﻲ ﺷﻤﺎﻝ ﻭﺍﻧﺘﻲ ﺟﻨﻮﺏ
ﺍﺷﻮ ﺍﻧﺘﻲ ﻣﺎﻛﻠﺔ ﺍﻟﻨﺎﺱ ﺑﻠﺴﺎﻧﺞ ﺣﺎﺻﻞ ﻓﺎﺻﻞ
ﻭﺳﻨﺪﺭﻳﻼ ﺟﺎﻧﺖ ﻣﻜﺮﻭﺩﺓ ﺍﺭﺑﻌﺔ ﻭﻋﺸﺮﻳﻦ ﺳﺎﻋﺔ ﻣﺮﺕ ﺍﺑﻮﻫﺎ ﺗﺪﻣﻎ ﻋﻠﻰ ﺭﺍﺳﻬﺎ
ﺑﻌﺪ ﻣﻨﻴﻦ ﺍﺟﺘﺞ ﺗﺸﺒﻬﻴﻨﻬﺎ
ﻫﺎﻟﺔ .. ﺷﺒﻴﺞ ﻋﻮﺑﺔ ﻫﺎﻱ ﺳﻨﺪﺭﻳﻼ ﻣﺎﻝ ﺍﻟﻔﻴﻦ ﻭﺧﺸﺒﺔ
ﻫﺴﺔ ﻣﺴﻮﻳﻠﻬﺎ ﺗﺤﺪﻳﺜﺎﺕ
ﻭﻃﻠﻌﺖ ﺑﺼﻮﺭﺗﻲ
ﻳﺎﻟﻠﻪ ﺣﺒﻴﺒﺘﻲ ﻫﺪﻭ ﺧﻠﻲ ﻧﻜﻤﻞ ﺷﻐﻠﻨﺎ ﺣﺘﻰ ﺗﺤﻔﻴﻠﻲ
.. ﻳﺒﻮﻭﻭ ﻫﻤﺰﻳﻦ ﺫﻛﻐﺘﻴﻨﻲ ( ﺫﻛﺮﺗﻴﻨﻲ ) ﺑﺎﻟﺸﻐﻞ
ﻣﻐﻴﻢ ( ﻣﺮﻳﻢ ) ﻃﻠﺒﺖ ﻣﻨﻲ ﺍﺣﻈﻎ ( ﺍﺣﻈﺮ ) ﺟﻨﻄﺘﻬﺎ
ﻫﺎﻟﺔ ﺗﻬﺰ ﺑﻴﺪﻫﺎ .. ﺗﻬﻲ ﺑﻬﻲ ﻭﺍﻟﻠﻪ ﻋﻤﻲ ﺧﻮﺵ
ﺍﺣﻨﺎ ﻧﻠﻬﻂ ﻭﻧﺘﻌﺐ ﻧﻨﻈﻒ ﺍﺛﺎﺭ ﻫﻮﺳﺔ ﻭﺧﺒﺼﺔ ﻋﺮﺳﻬﻢ
ﻭﻫﻤﺔ ﻳﺴﺎﻓﺮﻭﻥ ﺷﻬﺮ ﺍﻟﻌﺴﻞ ﻟﻠﺸﻤﺎﻝ
ﺩﺧﻠﺖ ﻓﺎﻃﻤﺔ ﻋﻠﻴﻨﺎ ﻟﻠﻤﻄﺒﺦ ﻭﻛﺎﻟﺖ
.. ﺻﺪﻙ ﺟﺬﺏ ﺑﻨﺎﺕ ﻫﺸﺎﻡ ﻭﻣﺮﻳﻢ ﺭﺍﺡ ﻳﻮﺻﻠﻮﻥ ﻋﺎﻟﻐﺪﺓ ﻭﻭﺭﺍﻫﻢ ﺳﻔﺮ ﻭﺍﻧﺘﻮﺍ
ﻛﺎﻋﺪﺍﺕ ﺗﺪﻛﻮﻥ ﺳﻮﺍﻟﻒ ﻛﻮﻟﺸﻲ ﻣﻤﺴﻮﻳﺎﺕ
ﻋﺰﺯﺓ ﺍﺟﺘﻨﺎ ﻓﺎﻃﻤﺔ ﺟﻨﻬﺎ ﻋﺘﺮﻳﺲ ﺧﻠﺘﻨﺎ ﺍﻧﻲ ﻭﻫﺎﻟﺔ ﻭﺣﺪﺓ ﺗﺪﻋﻢ ﺑﺎﻟﺜﺎﻧﻴﺔ
ﻭﺻﻠﻮﺍ ﻫﺸﺎﻡ ﻭﻣﺮﻳﻢ
ﻭﺧﺎﻟﺔ ﻭﺍﻟﺒﻨﺎﺕ ﺍﺳﺘﻘﺒﻠﻮﻫﻢ ﺑﺎﻟﻬﻼﻫﻞ
ﻭﺍﻟﻔﺮﺡ
ﺍﺑﺎﻭﻉ ﻟﻤﺮﻳﻢ ﺟﺎﻥ ﻭﺟﻬﺔ ﺍﺣﻤﺮ
ﺟﺎﻧﻮﺍ ﻛﺎﻋﺪﻳﻦ ﺑﺎﻟﻬﻮﻝ ﻫﻲ ﻭﻫﺸﺎﻡ ﻭﺍﻟﻜﻞ ﻣﺠﺘﻤﻌﻴﻦ
.....
ﺍﺟﺔ ﺯﻳﻮﻧﻲ ﻟﻜﻮﺛﺮ ﻭﻛﻠﻠﻬﺎ
.. ﻣﺎﻣﺎ ﺍﺭﻳﺪ ﺍﺗﺰﻭﺝ . ﻣﺜﻞ ﺧﺎﻟﻮ ﻫﺸﺎﻡ
ﻛﻮﺛﺮ ﺟﺎﻭﺑﺘﻪ ﻭﻫﻲ ﺗﻀﺤﻚ
.. ﻟﻚ ﻣﻠﻌﻮﻥ ﺑﻌﺪﻙ ﺑﻜﺪ ﺍﻟﻔﺼﻤﺔ ﻭﺗﺮﻳﺪ ﺗﺘﺰﻭﺝ
ﺟﻮﺍﺩ .. ﺍﻱ ﻣﺎﻣﺎ ﺻﺪﻙ ﺯﻭﺟﻴﻪ
ﻛﻠﻬﺎ ﺍﺗﺰﻭﺟﺖ ﺧﺎﻟﻮ ﻫﺸﺎﻡ ﺍﺗﺰﻭﺝ ﻭﻋﻤﻮ ﻋﺰﺍﻡ ﺭﺍﺡ ﻳﺘﺰﻭﺝ ﺧﻄﻴﺔ ﺑﻘﻰ ﺑﺲ ﺯﻳﻮﻧﻲ
ﻫﺎﻟﺔ .. ﻳﺎﻟﻠﻪ ﻫﺎﺝ ﺍﺳﺘﻠﻤﻲ ﻭﻳﻜﻠﻲ ﺍﺳﺘﺎﺫ ﻋﺰﺍﻡ ﻻ ﺗﻌﺎﻗﺒﻴﻨﻬﻢ ﺧﻄﻴﺔ ﻫﺬﻭﻟﻲ ﻣﻼﺋﻜﺔ ﺍﻃﻔﺎﻝ ﺻﻐﺎﺭ
ﺍﻡ ﻗﺎﺳﻢ .. ﻭﻟﻚ ﺯﻭﻳﻦ ﻛﻮﻥ ﺍﻟﻠﻪ ﻳﻜﺘﺒﻠﻲ ﻋﻤﺮ ﻭﺍﺣﻀﺮ ﻋﺮﺳﻚ
ﺍﻻ ﺍﻃﺶ ﺟﻜﻠﻴﺖ ﺑﻴﻮﻡ ﻋﺮﺳﻚ ﺑﺎﻟﺸﺎﺭﻉ
ﻫﻤﺔ ﺟﺎﻧﻮﺍ ﻳﻀﺤﻮﻥ ﻭﺍﻧﺘﺒﻬﺖ ﻟﻨﻈﺮﺍﺕ ﻣﺮﻳﻢ ﺍﻟﻤﺤﺮﺟﺔ ﻣﻦ ﺍﺳﺌﻠﺔ ﺍﻟﺒﻨﺎﺕ
ﺍﻗﺘﺮﺑﺖ ﻋﻠﻴﻬﺎ ﻭﻛﻠﺖ
.. ﻣﻐﻴﻮﻣﺔ ﺑﺎﻟﻠﻪ ﺗﻌﺎﻱ ﺻﻌﺪﻱ ﻭﻳﺎﻱ ﻓﻮﻙ
ﺣﺘﻰ ﺗﺠﻴﻜﻴﻦ ﺟﻨﻄﻜﻢ ﻣﺎﻟﺖ ﺍﻟﺴﻔﻎ ( ﺍﻟﺴﻔﺮ )
ﺍﺳﺘﺄﺫﻧﺖ ﻣﻨﻬﻢ ﻭ
ﻭﺻﻌﺪﻧﺎ ﺍﻧﻲ ﻭﻳﺎﻫﺎ ﻓﻮﻙ
ﻟﻐﺮﻓﺘﻬﻢ ﺍﻟﺠﺪﻳﺪﺓ ﺍﻟﻲ ﺧﺎﻟﺔ . ﺟﻬﺰﺗﻬﺎ ﻭﺭﺗﺒﺘﻬﺎ
ﻭﺍﻭﻝ ﻣﺎ ﺩﺧﻠﻨﺎ ﻟﻠﻐﺮﻓﺔ ﻭﺳﺪﻳﺖ ﺍﻟﺒﺎﺏ
ﻛﺒﻞ ﺳﺄﻟﺘﻬﺎ .. ﻣﻐﻴﻮﻣﺔ ﻃﻤﻨﻴﻨﻲ ﺷﻨﻮ ﻛﻤﻠﺘﻮﺍ
ﺍﻟﺒﺎﻏﺤﺔ ( ﺍﻟﺒﺎﺭﺣﺔ )
ﻛﻌﺪﺕ ﻋﺎﻟﺴﺮﻳﺮ ﻭﻭﺟﻬﺔ ﻛﺎﻡ ﻳﻨﻄﻲ ﺍﻟﻮﺍﻥ ﻭﻛﺎﻟﺖ
.. ﻫﺪﻯ ﻋﻴﺐ ﺷﻨﻮ ﻫﺎﻱ ﺍﻻﺳﺌﻠﺔ .
.. ﻟﺞ ﺛﻮﻟﺔ ﺍﻏﻴﺪ ( ﺍﺭﻳﺪ ) ﺍﺗﻄﻤﻦ ﻋﻠﻴﺞ ﺍﻏﻴﺪ ﺍﻋﻐﻒ ( ﺍﺭﻳﺪ ﺍﻋﺮﻑ
ﺧﻮ ﻣﺎ ﻣﺘﺄﺫﻳﺔ ﺣﺘﻰ ﺍﻋﻠﻤﺞ ﺗﻬﺘﻤﻴﻦ ﺑﻨﻔﺴﺞ
ﻫﺎﻱ ﺍﻻﺷﻴﺎﺀ ﻣﺎ ﺑﻴﻬﺎ ﻋﻴﺐ ﺑﻴﻦ ﺍﻟﺨﻮﺍﺕ
ﺍﺑﺘﺴﻤﺖ ﻭﻛﺎﻟﺖ .. ﺍﻱ ﺍﻟﺒﺎﺭﺣﺔ ﺗﻢ ﻛﻮﻟﺸﻲ
ﻻﻥ ﻫﺸﺎﻡ ﺟﺎﻥ ﻛﻮﻟﺶ ﻣﺴﺘﻌﺠﻞ ﺑﺲ ﺍﻟﺤﻤﺪﻟﻠﻪ
ﻣﺎ ﺍﺫﺍﻧﻲ ﻣﻦ ﺍﻗﺘﺮﺏ ﻣﻨﻲ ﻭﻃﻮﻝ ﺧﻠﻜﻪ ﻭﻳﺎﻱ
ﻭﺧﻼﻧﻲ ﻋﻠﻰ ﺭﺍﺣﺘﻲ . ﻟﺤﺪﻣﺎ ﺍﻧﻲ ﺑﺪﻳﺖ ﺍﺗﻘﺒﻠﻪ
.. ﺍﻟﺤﻤﺪﻟﻠﻪ
ﻭﺑﻌﺪﻫﺎ ﻛﻌﺪﺕ ﺍﻋﻠﻢ ﻣﺮﻳﻢ ﺷﻠﻮﻥ ﺗﻬﺘﻬﻢ ﺑﺼﺤﺘﻬﺎ
ﺟﻨﺎ ﻧﺤﺠﻲ ﻭﻃﻠﻌﻨﺎ ﺍﻟﺠﻨﻂ ﻫﻲ ﺟﺎﻧﺖ ﻣﺤﻈﺮﺓ ﺟﻨﻄﺔ ﺍﻟﺴﻔﺮ ﺍﻧﻲ ﺑﺲ ﺍﺗﺄﻛﺪﺕ ﻣﻨﻬﺎ ﺧﺎﻑ ﻧﺎﻗﺼﻬﺎ ﺷﻲ
ﺩﺧﻞ ﻋﻠﻴﻨﺎ ﻫﺸﺎﻡ ﻭﻛﺎﻝ
.. ﻭﻳﻦ ﺧﻄﻔﺘﻲ ﻣﺮﻳﺘﻲ
.. ﻋﻴﻨﻲ ﻟﺘﺨﺎﻑ ﻣﺎ ﻏﺎﺡ ( ﺭﺍﺡ ) ﻧﺎﻛﻠﻬﺎ ﺑﺲ ﻏﺪﺕ ( ﺭﺩﺕ ) ﺍﺗﺄﻛﺪ ﻣﻦ ﺗﺠﻬﻴﺰ
ﺟﻨﻄﺘﻬﺎ
ﻫﺸﺎﻡ .. ﻳﺎﻟﻠﻪ ﺭﺣﻤﺔ ﺍﻟﻠﻪ ﻣﻦ ﺯﺍﺭ ﻭﺧﻔﻒ
ﻣﺮﻳﻢ ﺷﻬﻜﺖ ﻭﻛﺎﻟﺖ .. ﻫﺸﺎﻡ ﻋﻴﺐ ﺗﺤﺠﻲ ﻭﻳﺔ ﺍﺧﺘﻲ ﻫﺸﻜﻞ
ﺑﺮﻃﻤﺖ ﺷﻔﺎﻳﻔﻲ ﻭﻛﻠﺖ
.. ﻻ ﻋﻴﻨﻲ ﻋﻮﻓﻲ ﺍﻧﻲ ﺍﺗﻌﻮﺩﺕ
ﻋﻠﻰ ﺍﺳﺘﺎﺫ ﻫﺸﺎﻡ ﺻﺤﺒﺘﻪ ﻟﺮﻛﺒﺘﻪ
ﺍﻟﻠﻪ ﻳﺮﺣﻢ ﺍﻳﺎﻡ ﺯﻣﺎﻥ ﺷﻜﺪ ﺟﻨﺖ ﻋﺰﻳﺰﺓ ﻭﺍﻟﻤﻔﻀﻠﺔ ﻋﻨﺪﻩ
ﺑﺲ ﺍﺛﺎﺭﻱ ﺍﻟﻨﺎﺱ ﻛﻠﻬﺎ ﻣﺼﺎﻟﺢ
ﻫﺸﺎﻡ .. ﺍﻫﻮﻭﻭﻭ ﺻﺎﺭﺗﻠﻲ ﻫﺎﻟﺔ ﺍﻟﺜﺎﻧﻴﺔ
ﺗﺮﻛﺘﻬﻢ ﻭﻃﻠﻌﺖ ﻭﺳﺪﻳﺖ ﺍﻟﺒﺎﺏ ﻭﺭﺍﻱ
ﺳﻤﻌﺘﻪ ﻳﻜﻠﻠﻬﺎ
.. ﺧﻠﻲ ﻧﺎﺧﺬﻟﻨﺎ ﺷﻮﻁ ﺛﺎﻧﻲ ﻗﺒﻞ ﺍﻟﻐﺪﺓ
ﺍﺑﺘﺴﻤﺖ ﻭﺍﻧﻲ ﺍﻧﺰﻝ ﻭﺍﺩﻋﻴﻠﻬﻢ ﺭﺑﻲ ﻳﺘﻤﻢ ﻋﻠﻴﻬﻢ
ﻟﻠﻈﻬﺮ
ﺳﺎﻓﺮﻭﺍ ﻫﺸﺎﻡ ﻭﻣﺮﻳﻢ
ﻭﺧﺎﻟﺔ ﺍﺧﺬﺕ ﻓﺎﻃﻤﺔ ﻭﺳﺮﻭﺭ ﻭﺟﻬﺎﻟﻬﻢ
ﻟﺒﻴﺖ ﺧﻮﺍﻟﻬﻢ ﻋﺎﺯﻣﻴﻦ ﺍﻟﺒﻨﺎﺕ ﻋﻠﻰ ﺍﻟﻌﺸﺎ
ﺍﻧﻲ ﻭﻫﺎﻟﺔ ﺑﻘﻴﻨﺎ ﺑﺎﻟﺒﻴﺖ
ﻭﺍﻧﻲ ﻭﻫﺎﻟﺔ ﺍﺳﺘﻐﻠﻴﻨﺎ ﺍﻟﻔﺮﺻﺔ
ﻭﺳﻮﻳﻨﺎ ﺣﻤﻠﺔ ﻋﺎﻟﺒﻴﺖ ﻻﻥ ﺑﻘﻰ ﻋﺎﻟﻨﺺ
ﺍﺟﺔ ﻗﺎﺳﻢ ﻭﺑﻘﻴﺖ ﺍﺳﻮ ﻋﻨﺪﻩ
ﺑﺎﻭﻉ ﻋﻠﻴﺔ ﺟﻨﺖ ﻻﺑﺴﺔ ﺍﺗﺮﺍﻙ ﺑﺮﻣﻮﺩﺓ ﻟﻮﻧﻪ ﺑﻨﻔﺴﺠﻲ
ﺟﺎﻧﺖ ﺑﺲ ﻧﻈﺮﺍﺕ ﻋﻴﻮﻧﻪ ﺗﺤﺠﻲ ﺍﻣﺎ ﺗﺼﺮﻓﺎﺗﻪ ﻭﻳﺎﻱ ﻓﻜﺎﻧﺖ ﺗﺨﺘﻠﻒ ﺟﺬﺭﻳﺎ
ﻭﺑﺪﻳﻨﺎ ﻧﻨﻈﻒ ﺍﻧﻲ ﺑﻠﺸﺖ ﺑﺎﻟﺤﻤﺎﻡ ﺍﻟﺠﻮﺓ ﻭﺑﺪﻳﺖ ﺍﻏﺴﻞ
ﺍﻟﺴﻴﺮﺍﻣﻴﻚ ﺑﻜﻠﻮﺭ ﻭﺯﺍﻫﻲ ﺻﺎﺩﻑ
ﺟﺎﻥ ﺍﻟﺠﻮ ﺣﺎﺭ ﻭﺻﺎﺭ ﺟﻮ ﺍﻟﺤﻤﺎﻡ ﻳﺨﻨﻚ
ﺟﻨﺖ ﺍﺟﻠﻲ ﺑﺎﻟﺴﻴﺮﺍﻣﻴﻚ
ﻭﺣﺎﺭﺓ ﺣﺴﺖ ﺿﺎﻕ ﺍﻟﻨﻔﺲ ﺑﺼﺪﺭﻱ ﻭﺍﺧﺘﻨﻜﺖ ﻣﻦ ﺭﻳﺤﺔ ﺍﻟﻜﻠﻮﺭ ﺍﻟﻘﺎﺻﺮ ﺟﺎﻧﺖ ﺭﻳﺤﺘﻪ ﻛﻠﺶ ﻗﻮﻳﺔ ﻭﻛﻊ ﺍﻟﺴﻄﻞ ﻣﻦ ﺍﻳﺪﻳﺔ ﻭﺻﺪﺭ ﻣﻨﻪ ﺻﻮﺕ ﻋﺎﻟﻲ
ﻣﺎ ﺣﺴﻴﺖ ﺍﻻ ﻭﺍﻧﻲ ﻣﻐﻤﻲ ﻋﻠﻴﺔ ﺑﺎﻟﺤﻤﺎﻡ
ﺑﻌﺪ ﻓﺘﺮﺓ ﺣﺴﻴﺖ ﻋﻠﻰ ﺍﻳﺪﻳﻦ ﺍﺛﻨﻴﻦ ﺗﺪﻟﻚ ﺑﺼﺪﺭﻱ
ﻓﺘﺤﺖ ﻋﻴﻮﻧﻲ
ﻟﻜﻴﺖ ﻫﺎﻟﺔ ﻛﺎﻋﺪﺓ ﻳﻤﻲ ﻋﺎﻟﻘﻨﻔﺔ ﻣﺎﻟﺖ ﺍﻟﻬﻮﻝ
ﻭﻗﺎﺳﻢ ﺷﺎﻳﻞ ﺍﺳﻮ ﻭﻳﺤﻮﻡ ﻓﻮﻙ ﺭﺍﺳﻨﺎ
ﺍﻭﻝ ﻣﻔﺘﺤﺖ ﻋﻴﻮﻧﻲ ﻗﺎﺳﻢ ﺳﺄﻟﻨﻲ
.. ﻫﺎ ﺷﻠﻮﻥ ﺻﺮﺗﻲ
ﺟﺎﻧﺖ ﺑﻌﻴﻮﻧﻪ ﻧﻈﺮﺍﺕ ﻗﻠﻖ
ﻫﻤﺴﺖ ﺣﺘﻰ ﺍﻃﻤﻨﻪ ﻣﺎ ﻳﻬﻠﻲ ﺍﺷﻮﻓﻪ ﺧﺎﻳﻒ
.. ﻻ ﺍﻧﻲ ﺯﻳﻨﺔ ﺍﻟﺤﻤﺪﻟﻠﻪ
ﺑﺲ ﻳﻤﻜﻦ ﺍﺧﺘﻨﻜﺖ ﻣﻦ ﺭﻳﺤﺔ ﺍﻟﻜﻠﻮﺭ
ﻗﺎﺳﻢ ﺑﻐﻀﺐ
.. ﻋﻮﻓﻲ ﺍﻟﺰﻓﺖ ﺍﺩﺭﻱ ﻋﻔﻴﺔ ﺗﻨﻈﻴﻒ ﻣﺎ ﻳﺨﻠﺺ
ﺍﻧﻄﺔ ﺍﺳﻮ ﻟﻬﺎﻟﺔ ﻭﻃﻠﻊ ﻣﻦ ﺍﻟﺒﻴﺖ
ﺟﺎﻥ ﻛﻠﺶ ﻣﻌﺼﺐ
ﻟﻠﻴﻞ ﺭﺟﻌﺖ ﺧﺎﻟﺔ ﻭﺍﻟﺒﻨﺎﺕ
ﻭﺍﺟﻮﻱ ﻋﻤﺎﻡ ﻗﺎﺳﻢ ﻣﺤﻤﺪ ﻭﺣﺴﻦ
ﺍﻟﻈﺎﻫﺮ
ﻭﺻﻞ ﺧﺒﺮ ﺧﺴﺎﺭﺓ ﺍﻟﻤﺸﺮﻭﻉ ﻟﻌﻤﻪ ﻣﻨﻴﺮ ﻭﻃﻜﺘﻪ ﺟﻠﻄﺔ ﻭﻫﺎﻱ ﺛﺎﻧﻲ ﺟﻠﻄﺔ ﻭﻛﻮﻟﺶ ﺧﺎﻳﻔﻴﻦ
ﻭﻋﻤﻪ ﺣﺴﻦ ﻭﻣﺤﻤﺪ ﺍﺟﻮﻱ ﻟﻠﺒﻴﺖ ﻳﻌﺘﺒﻮﻥ ﻋﻠﻰ ﻗﺎﺳﻢ ﻭﻛﻠﻮﻟﻪ ﻣﺎ ﺍﺗﻮﻗﻌﻨﺎﻙ ﻫﻴﺞ ﻛﻠﺒﻚ ﻗﺎﺳﻲ
ﻳﻌﻨﻲ ﻣﺎ ﻛﺴﺮ ﺧﺎﻃﺮﻙ ﺍﻟﺮﺟﺎﻝ
ﻭﺍﺻﻞ ﻟﻠﻤﻮﺕ
ﻭﻗﺎﺳﻢ ﻛﻠﻠﻬﻢ
.. ﺷﺒﻴﺪﻱ ﻋﻠﻴﻪ ﺍﻟﻠﻪ ﻳﺸﺎﻓﻴﻪ ﺧﻄﻴﺔ
ﻋﺒﺎﻟﻚ ﺩﻳﺤﺠﻲ ﻋﻦ ﻭﺍﺣﺪ ﻏﺮﻳﺐ
ﻭﺑﻘﻮﺍ ﻋﻤﺎﻣﻪ ﻣﺤﻤﺪ ﻭﺣﺴﻦ
ﻳﺤﺠﻮﻥ ﻭﻳﺎﻩ
ﻳﺮﺩﻭﻥ ﻳﻘﻨﻌﻮﻧﻪ ﺣﺘﻰ ﻳﺤﻦ ﺷﻮﻳﺔ ﻋﻠﻰ ﻋﻤﻪ ﻣﻨﻴﺮ
ﺑﺲ ﺧﺎﻟﺔ ﺍﻡ ﻗﺎﺳﻢ ﺩﺧﻠﺖ ﻋﻠﻴﻬﻢ ﻟﻼﺳﺘﻘﺒﺎﻝ
ﻭﺣﺠﺖ ﻭﻳﺔ ﻗﺎﺳﻢ ﻭﻛﻠﺘﻠﻪ
.. ﻳﻤﺔ ﻗﺎﺳﻢ ﻟﺨﺎﻃﺮﻱ ﻻﺗﻜﺴﺮ ﺑﻌﻤﻚ ﻻﻥ ﻳﺒﻘﻰ ﻣﻨﻚ ﻭﺑﻴﻚ
ﺑﻌﺪﻣﺎ ﺧﺎﻟﺔ ﺣﺎﻭﻟﺖ ﻭﻳﺎﻩ ﺣﺘﻰ ﻳﺘﺮﺍﺟﻊ ﻭﻳﺤﻦ ﻋﻠﻰ ﻋﻤﻪ
ﻗﺎﺳﻢ ﻛﺎﻡ ﻋﻠﻰ ﺣﻴﻠﻪ ﻭﺟﺎﻭﺑﻬﺎ
ﻭﻛﺎﻝ .. ﻫﺎﻱ ﻫﻲ ﻟﺨﺎﻃﺮ ﺍﻟﻮﺍﻟﺪﺓ . ﺭﺍﺡ ﺍﺗﻨﺎﺯﻝ ﻋﻦ ﺑﻴﺘﻬﻢ ﻭﺍﺧﻠﻲ ﺍﻟﻬﻢ ﺍﻣﺎ ﺍﻟﺒﺎﻗﻲ ﻓﺄﻧﺎ ﺍﻋﺘﺬﺭ
ﻋﻤﻪ ﻣﺤﻤﺪ .. ﻗﺎﺳﻢ ﻋﻠﻰ ﺍﻻﻗﻞ ﺷﻮﻳﺔ ﺣﻦ ﻋﻠﻴﻬﻢ ﺣﺘﻰ ﻟﻮ ﺗﺮﺟﻌﻠﻬﻢ
ﻧﺺ ﺣﻼﻟﻬﻢ ﻳﺪﺑﺮﻭﻥ ﺍﻣﻮﺭﻫﻢ ﺑﻲ ﻭﻳﻨﻬﻀﻮﻥ
ﺑﺸﻐﻠﻬﻢ ﻣﻦ ﺟﺪﻳﺪ
.. ﻭﺍﻟﻠﻪ ﺍﻧﺎ ﻟﻬﻨﺎ ﻭﻳﺨﻠﺺ ﻛﺮﻣﻲ ﻭﻳﺎﻫﻢ
ﺍﺻﻼً . ﻓﻀﻞ ﻣﻨﻲ ﺍﺗﻨﺎﺯﻟﺖ ﻋﻦ ﺑﻴﺘﻬﻢ
ﻭﺩﺍﻋﺘﻚ ﺑﺨﺘﻬﻢ ﺑﺎﻟﻮﺍﻟﺪﺓ ﺍﻟﻲ ﺍﺗﺪﺧﻠﺖ
ﻭﺍﻻ ﺍﻧﺎ ﻣﺎ ﻳﺤﻦ ﻛﻠﺒﻲ ﻋﻠﻴﻬﻢ ﻟﻮ ﺍﺷﻮﻓﻬﻢ ﻳﺠﺪﻭﻥ ﺑﺎﻟﺸﻮﺍﺭﻉ
ﺑﻴﻮﻣﻬﺎ ﻃﻠﻌﻮﺍ ﻋﻤﺎﻣﻪ ﺿﺎﻳﺠﻴﻦ
ﻭﺭﺓ ﺛﻼﺛﺔ ﺍﻟﺒﻨﺎﺕ ﻓﺎﻃﻤﺔ ﻭﺳﺮﻭﺭ ﺳﺎﻓﺮﻭﺍ ﺭﺟﻌﻮﺍ ﻟﺒﻴﻮﺗﻬﻢ
ﻭﺑﺪﺓ ﺍﻟﺒﻴﺖ ﻳﻔﺮﻍ ﻋﻠﻴﻨﺎ
ﺟﻨﺖ ﻛﺎﻋﺪﺓ ﻭﺩﻙ ﻧﻘﺎﻟﻲ ﻛﺎﻥ ﺍﻟﻤﺘﺼﻞ ﺧﺎﻟﺔ ﺍﻡ ﻓﺮﺯﺩﻕ
ﺍﺗﻔﺎﺟﺌﺖ ﺑﻴﻬﺎ ﺑﻴﻮﻡ ﺣﺠﺖ ﻭﻳﺎﻱ ﺑﻤﻮﺿﻮﻉ ﺯﻋﻞ ﻗﺎﺳﻢ
ﻭﺭﺍﺋﺪ
.......
.......
ﻫﺪﻯ
ﺍﺗﺼﻠﺖ ﻋﻠﻴﺔ ﺍﻡ ﻓﺮﺯﺩﻕ
ﻭﺍﺗﻔﺎﺟﺌﺖ ﺑﻴﻬﺎ ﻣﻦ ﺣﺠﺖ ﻭﻳﺎﻱ ﺑﻤﻮﺿﻮﻉ ﻗﺎﺳﻢ ﻭﺭﺍﺋﺪ
ﺷﻠﻮﻥ ﻭﺷﻮﻛﺖ ﻭﻣﻨﻮ ﺍﻟﻲ ﻛﻠﻠﻬﺎ
ﺭﺩﻳﺖ ﻋﻠﻰ ﺍﺗﺼﺎﻟﻬﺎ ﻭﺑﻌﺪ ﺗﺒﺎﺩﻝ ﺍﻟﺴﻼﻡ ﻭﻣﻌﺮﻓﺔ ﺍﻻﺣﻮﺍﻝ ﺧﺎﻟﺔ ﺍﻡ ﻓﺮﺯﺩﻕ ﻛﺒﻞ ﺩﺧﻠﺖ ﺑﺎﻟﻤﻮﺿﻮﻉ
ﺍﻡ ﻓﺮﺯﺩﻕ .. ﺧﺎﻟﺔ ﻫﺪﺍﻭﻱ ﺍﺗﺼﻠﺖ ﻋﻠﻴﺞ ﻋﻨﺪﻱ ﺣﺠﻲ ﻭﻳﺎﺝ
ﻭﺍﺭﻳﺪﺝ ﺗﺴﻤﻌﻴﻪ ﺑﺨﺼﻮﺹ ﺳﺎﻟﻔﺔ ﻗﺎﺳﻢ ﻭﺭﺍﺋﺪ ﻭﺍﻟﻲ ﺻﺎﺭ ﺑﻴﻨﻬﻢ
ﺑﺲ ﺟﺎﺑﺖ ﻃﺎﺭﻱ ﺭﺍﺋﺪ ﻭﻗﺎﺳﻢ ﺑﻄﻨﻲ ﺍﻧﻤﻐﺼﺖ ﺳﺄﻟﺘﻬﺎ
.. ﺧﺎﻟﺔ ﺷﻨﻮ ﺻﺎﻳﻎ ( ﺻﺎﻳﺮ )
.. ﻻ ﻣﺼﺎﻳﺮ ﺷﻲ ﺑﺲ ﺍﻧﻲ ﻣﻦ ﻳﻤﻲ ﺧﻤﻨﺖ ﺑﻌﺪ ﺍﻟﻲ ﺳﻤﻌﺘﻪ ﻣﻦ ﺭﺍﺋﺪ ﻭﻗﺎﺳﻢ
ﻋﺮﻓﺖ ﺍﻧﺘﻲ ﻭﻗﺎﺳﻢ ﻣﻮ ﻋﻠﻰ ﻭﻓﺎﻕ
ﻭﻏﻀﺐ ﻗﺎﺳﻢ ﻋﻠﻰ ﺻﺎﺣﺒﻪ ﺧﻴﺮ ﺩﻟﻴﻞ
ﻋﻜﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ ﺭﺍﺋﺪ ﻭﻳﻦ ﺷﺎﻑ ﻗﺎﺳﻢ
.. ﺧﺎﻟﺔ ﻋﻔﻴﺔ ﻓﻬﻤﻴﻨﻲ ﺷﻨﻮ ﺍﻟﻤﻮﺿﻮﻉ
.. ﺍﻧﺎ ﺍﻛﻠﺞ
ﺍﻟﻴﻮﻡ ﺭﺍﺋﺪ ﺍﺟﺔ ﻟﻌﻤﺞ ﻓﺮﺯﺩﻕ ﻭﻃﻠﺐ ﻣﻨﻪ ﻳﺘﺪﺧﻞ ﻭﻳﺼﻴﺮ ﻣﺤﻀﺮ ﺧﻴﺮ
ﻭﻳﺼﻠﺢ ﺑﻴﻨﻪ ﻭﺑﻴﻦ ﻗﺎﺳﻢ
ﻻﻥ ﻳﻌﺮﻑ ﺑﻘﺎﺳﻢ ﻳﺴﻮﻱ ﺣﺴﺎﺏ ﻟﻌﻤﻪ ﻓﺮﺯﺩﻕ ﻭﻳﺤﺘﺮﻣﻪ
ﻭﻣﻦ ﺍﺟﺔ ﻭﺣﺠﺎﻟﻨﺎ ﺍﻟﺼﺎﺭ ﺑﻴﻨﻪ ﻭﺑﻴﻦ ﺻﺎﺣﺒﻪ
ﻭﺣﻠﻔﻨﺎ ﺍﻥ ﻣﺎ ﻧﺠﻴﺐ ﺳﻴﺮﺓ ﻷﺣﺪ ﺣﺘﻰ ﻻ ﻳﺰﻳﺪ ﻏﻀﺐ ﻗﺎﺳﻢ
ﻟﺬﻟﻚ ﻋﻤﺞ ﻓﺮﺯﺩﻕ ﺍﺗﺼﻞ ﻋﻠﻰ ﻗﺎﺳﻢ ﻭﻛﻠﻪ ﺗﻌﺎﻝ ﺍﺭﻳﺪﻙ ﺑﺎﻟﺒﻴﺖ
ﻭﺻﺪﻙ ﻗﺎﺳﻢ ﻣﺎ ﻃﻮﻝ ﺑﺴﺮﻋﺔ ﺍﺟﺎﻧﺎ ﻟﻠﺒﻴﺖ
ﻭﺍﺗﻔﺎﺟﻲﺀ ﺑﻮﺟﻮﺩ ﺭﺍﺋﺪ ﺑﺎﻻﺳﺘﻘﺒﺎﻝ
ﻗﺎﺳﻢ ﺑﺲ ﺷﺎﻓﻪ ﺭﺍﺩ ﻳﻄﻠﻊ ﺑﺲ ﺍﻧﺎ ﻭﻋﻤﺞ ﻟﺰﻣﻨﺎﻩ ﻭﻛﻠﻨﺎﻟﻪ
ﻟﺨﺎﻃﺮﻧﺎ ﺍﻛﻌﺪ ﻭﺍﺳﻤﻊ ﺻﺎﺣﺒﻚ ﺷﻴﻜﻮﻝ ﻟﺨﺎﻃﺮ ﻋﺸﺮﺗﻜﻢ ﻭﺍﺧﻮﺗﻜﻢ
ﺍﻧﻄﻴﻪ ﻓﺮﺻﺔ ﺧﻠﻲ ﻳﺤﺠﻴﻠﻚ ﻭﻳﺒﺮﺭﻟﻚ
ﻭﻓﻌﻼ ﻗﺎﺳﻢ ﻛﻮﺓ ﻋﻠﻰ ﺍﻋﺼﺎﺑﻪ ﻛﻌﺪ ﻛﺪﺍﻡ ﺭﺍﺋﺪ
ﻭﺭﺍﺋﺪ ﺍﺳﺘﻐﻞ ﺍﻟﻮﺿﻊ ﻭﺑﺪﺍ ﻳﺤﺠﻲ ﻟﻘﺎﺳﻢ
ﺭﺍﺋﺪ .. ﻭﺩﺍﻋﺖ ﺍﺑﻨﻲ ﻋﻤﺎﺭ ﺍﻟﻲ ﻣﺎﻋﻨﺪﻱ ﺍﻋﺰ ﻣﻨﻪ ﺑﺎﻟﺪﻧﻴﺎ
ﻳﺎ ﻫﺪﻯ ﻳﺎ ﺑﻨﺖ ﺍﺛﻴﺮ ﻣﺎ ﻋﻨﺪﻱ ﺍﻱ ﺷﻲ ﻳﺠﻤﻌﻨﻲ ﻭﻳﺎﻫﺎ
ﻏﻴﺮ ﻭﻋﺪ ﺍﻟﻄﻔﻮﻟﺔ ﻭﺍﻟﻤﺮﺍﻫﻘﺔ ﺑﺲ ﺍﻟﻠﻪ ﻣﺎ ﻛﺎﺗﺒﻬﺎ ﻣﻦ ﻗﺴﻤﺘﻲ
ﻭﻫﺎﻱ ﻫﻲ ﻭﻛﻠﻤﻦ ﺭﺍﺡ ﺑﻄﺮﻳﻘﻪ
ﻭﻫﻲ ﻗﺒﻞ ﻻ ﺗﺼﻴﺮ ﻋﺮﺿﻚ ﺍﻧﺎ ﻃﻠﻌﺘﻬﺎ ﻣﻦ ﺣﻴﺎﺗﻲ
ﺗﺘﺬﻛﺮ ﻣﻦ ﺳﺄﻟﺘﻨﻲ ﻗﺒﻞ ﻋﻦ ﺍﻟﺒﻨﻴﺔ ﺍﻟﻲ ﻭﺍﻋﺪﺗﻬﺎ ﺑﺎﻟﺰﻭﺍﺝ
ﻭﺑﻴﻮﻣﻬﺎ ﻛﻠﺘﻠﻚ ﻣﺎﺻﺎﺭﺕ ﻗﺴﻤﺔ ﻭﺳﺄﻟﺘﻨﻲ ﺑﻮﻛﺘﻬﺎ ﻋﻦ ﺍﺳﻤﻬﺎ
ﺍﻟﻠﻪ ﻋﻠﻴﻚ ﺷﻨﻮ ﻛﻠﺘﻠﻚ ﺑﻮﻛﺘﻬﺎ
ﻗﺎﺳﻢ ﺑﺲ ﻣﺪﻧﻚ ﻭﻳﻬﺰ ﺑﺮﺍﺳﻪ
.. ﺍﻱ ﻛﻠﺘﻠﻲ ﻫﺬﺍ ﺳﺘﺮ ﺑﻨﻴﺔ ﻣﺎﺩﺍﻡ ﻣﺎ ﺻﺎﺭﺕ ﻣﻦ ﻗﺴﻤﺘﻲ
ﺑﻌﺪ ﻣﺎ ﻳﺼﻴﺮ ﺍﺟﻴﺐ ﻃﺎﺭﻳﻬﺎ ﻭﺍﺣﺠﻲ ﺑﺄﺳﻤﻬﺎ
ﻛﻠﻤﻦ ﺭﺍﺡ ﺑﻄﺮﻳﻘﻪ
ﻫﻨﺎ ﺭﺍﺋﺪ ﻣﻦ ﺷﺎﻑ ﻗﺎﺳﻢ ﺑﺪﺍ ﺷﻮﻳﺔ ﻳﺘﺠﺎﻭﺏ ﻭﻳﺔ ﻛﻼﻣﻪ
.. ﺯﻳﻦ ﺍﺣﻠﻔﻚ ﺑﺎﻟﻠﻪ ﺍﺫﺍ ﻫﻲ ﺟﺎﻧﺖ ﻣﻮ ﻋﺮﺿﻚ ﻭﺍﻧﺎ
ﺟﻨﺖ ﺻﺎﻳﻨﻬﺎ ﻭﻣﺤﺎﻓﻆ ﻋﻠﻰ ﺍﺳﻤﻬﺎ
ﺯﻳﻦ ﺷﻠﻮﻥ ﺗﺮﻳﺪﻧﻲ ﻣﻦ ﺗﺼﻴﺮ ﺣﻼﻟﻚ ﻭﻋﺮﺿﻚ
ﺍﺟﻴﻚ ﻭﺍﻛﻠﻚ ﺍﻧﺖ ﺍﺗﺰﻭﺟﺖ ﺍﻟﺒﻨﻴﺔ ﺍﻟﻲ ﺟﻨﺖ ﺧﺎﻃﺒﻬﺎ ﺍﻧﺎ ﻗﺒﻠﻚ
....
ﻋﻠﻰ ﻓﻜﺮﺓ ﺍﻧﺎ ﺣﺘﻰ ﻣﺎ ﻟﺤﻜﺖ ﺍﻟﺒﺴﻬﺎ ﺍﻟﺤﻠﻘﺔ
ﻳﻌﻨﻲ ﻳﺎﺩﻭﺏ ﺗﻨﺤﺴﺐ ﺧﻄﻮﺑﺔ . ﻭﻣﻮ ﺑﺲ ﺍﻧﺖ ﻣﺘﺪﺭﻱ
ﺍﻟﻜﻞ ﻣﻴﻌﺮﻑ ﺑﺨﺒﺮ ﺧﻄﻮﺑﺘﻨﺎ ﻭﻫﺬﺍ ﻋﻤﻲ ﻓﺮﺯﺩﻕ ﻭﺍﺣﺪ ﻣﻦ ﺍﻟﻨﺎﺱ ﻣﻴﻌﺮﻑ ﺑﺎﻟﻤﻮﺿﻮﻉ
ﻫﻤﺴﺖ ﺑﺄﻣﻞ .. ﺧﺎﻟﺔ ﻭﻗﺎﺳﻢ ﺷﻨﻮ ﻛﺎﻥ ﺭﺩﺓ ﻓﻌﻠﻪ ﺍﺗﺠﺎﻩ ﻛﻼﻡ ﺭﺍﺋﺪ
.. ﺍﻧﺎ ﻭﻋﻤﺞ ﻣﺎ ﻗﺼﺮﻧﺎ ﺻﺮﻧﺎ ﻧﺒﺮﺩ ﺍﻟﺤﻄﺐ
ﻭﻧﻬﺪﻱ ﺍﻟﻨﻔﻮﺱ ﻭﻗﺎﺳﻢ ﺑﺪﺓ ﻳﺴﺘﻤﻊ ﻟﻜﻼﻡ ﻓﺮﺯﺩﻕ
ﻗﺎﺳﻢ ﻛﻠﺔ .. ﻋﻤﻲ ﺍﻧﺖ ﺭﺟﺎﻝ ﻭﺗﻌﺮﻑ ﺷﻜﺒﺮﻫﺎ ﻋﺎﻟﺮﺟﺎﻝ
ﻣﻦ ﺍﺣﺪ ﻳﺴﺘﻐﻔﻠﻪ
ﺩﺍﺭ ﻋﻠﻰ ﺭﺍﺋﺪ ﻭﻛﻠﻪ
.. ﺍﻧﺖ ﺗﺸﻮﻑ ﺑﺴﻜﻮﺗﻚ ﺣﻔﻆ ﻋﺮﺿﻲ ﻭﺍﻧﺎ ﺍﺷﻮﻑ ﺑﺴﻜﻮﺗﻚ ﺍﻫﺎﻧﺔ ﻭﺍﺳﺘﻬﺎﻧﺔ ﻭﻏﺪﺭ
ﻓﺮﺯﺩﻕ ﺟﺎﻭﺑﻪ
.. ﺷﻮﻑ ﻗﺎﺳﻢ ﻟﻮ ﻧﺠﻲ ﻟﻠﻤﻮﺿﻮﻉ ﻣﻦ ﻭﺟﻬﺔ ﻧﻈﺮﻙ ﻓﺄﻧﺎ ﺍﺷﻮﻑ ﺍﻟﺤﻖ ﻭﻳﺎﻙ
ﻭﺑﻨﻔﺲ ﺍﻟﻮﻛﺖ ﻟﻮ ﺍﺟﻴﺖ ﺍﺑﺎﻭﻉ ﻟﻠﺴﺎﻟﻔﺔ ﺑﻌﻴﻮﻥ ﺭﺍﺋﺪ
ﻫﻢ ﺭﺍﺡ ﻳﻜﻮﻥ ﺍﻟﺤﻖ ﻭﻳﺎﻩ
ﺣﻘﻪ ﻣﻴﺮﻳﺪ ﻳﺨﺴﺮﻙ
ﻭﺍﻟﺪﻟﻴﻞ ﻫﺴﺔ ﻫﻮ ﺍﺳﺘﻌﺎﻥ ﺑﻴﺔ ﺣﺘﻰ ﺍﺻﻠﺢ ﻣﺎ ﺑﻴﻨﻜﻢ
ﺭﺍﺋﺪ ﺑﺎﻭﻉ ﻟﻘﺎﺳﻢ ﻭﻛﻠﻪ
.. ﺷﻮﻑ ﻗﺎﺳﻢ ﻭﺭﻭﺡ ﺍﻟﻌﺰﻳﺰ ﺍﺑﻮﻱ
ﺍﻟﻲ ﺑﻮﻓﺎﺗﻪ ﺍﻧﻜﺴﺮ ﻇﻬﺮﻱ
ﺯﻋﻠﻚ ﺟﺒﻴﺮ ﻋﻠﻴﺔ . ﻭﺧﺴﺎﺭﺗﻚ
ﻛﺴﺮﺕ ﻇﻬﺮﻱ ﻣﺜﻞ ﻳﻮﻡ ﻓﺮﺍﻙ ﺍﺑﻮﻳﺔ
ﺍﻧﺖ ﺻﺪﻳﻘﻲ ﻭﺍﺧﻮﻱ ﻭﺣﺰﺍﻡ ﻇﻬﺮﻱ ﻛﺒﺮﻧﺎ ﻭﺭﺑﻴﻨﺎ ﺳﻮﻯ
ﻣﺎ ﺟﺎﻱ ﺍﺗﺨﻴﻞ ﻳﺠﻲ ﺍﻟﻴﻮﻡ ﺍﻟﻲ ﺗﻔﻮﺕ ﻣﻦ ﻳﻤﻲ ﺗﺸﻮﻓﻨﻲ
ﻭﻣﺎ ﺗﺴﻠﻢ ﻋﻠﻴﺔ
ﻭﺩﺍﻋﺘﻚ ﻣﺎ ﺣﻠﺘﻠﻲ ﺍﻱ ﺻﺤﺒﺔ ﻣﻦ ﺑﻌﺪﻙ ﻳﺎ ﻋﻀﻴﺪﻱ
ﻛﺎﻧﺖ ﻛﻠﻤﺎﺕ ﺭﺍﺋﺪ ﻛﻔﻴﻠﺔ ﺑﺘﻨﺎﺯﻝ ﻗﺎﺳﻢ ﻭﻣﺼﺎﻟﺤﺘﻬﻢ
ﺍﻡ ﻓﺮﺯﺩﻕ .. ﻭﺑﻌﺪﻣﺎ ﺍﺗﺼﺎﻟﺤﻮﺍ ﻗﺎﺳﻢ ﻭﺭﺍﺋﺪ ﻃﻠﺒﺖ ﻣﻦ ﻗﺎﺳﻢ ﻳﺒﻘﻰ
ﺣﺘﻰ ﺍﺣﺠﻲ ﻭﻳﺎﻩ ﻭﻃﻠﻌﺖ ﻋﻤﺞ ﻓﺮﺯﺩﻕ ﻣﻦ ﺍﻻﺳﺘﻘﺒﺎﻝ
ﻭﺑﻘﻴﺖ ﺍﻧﻲ ﻭﻳﺎﻩ ﻟﻮﺣﺪﻧﺎ ﺣﺘﻰ ﺍﺧﺬ ﺭﺍﺣﺘﻲ ﺑﺎﻟﺤﺠﻲ
ﺍﺩﺭﻱ ﺑﻲ ﻳﻀﻮﺝ ﻭﻳﻨﺤﺮﺝ ﻣﻦ ﺍﺣﺪ ﻳﺤﺠﻲ ﺑﺨﺼﻮﺻﻴﺎﺗﻪ
ﻛﻌﺪﺗﻪ ﻭﺳﺄﻟﺘﻪ ﻋﻨﺞ ﻭﻛﻠﺘﻠﻪ
.. ﺷﻮﻑ ﺧﺎﻟﺔ ﻗﺎﺳﻢ ﻣﺎ ﺩﺍﻡ ﺍﻧﺖ ﻫﻴﺞ ﺯﻋﻼﻥ ﺯﻋﻞ ﺛﮕﻴﻞ ﻋﻠﻰً ﺻﺎﺣﺒﻚ
ﻣﻌﻨﺎﻫﺎ . ﺍﻛﻴﺪ ﺍﻟﻤﻜﺮﻭﺩﺓ ﻣﺮﻳﺘﻚ
ﺭﺍﺣﺖ ﺑﺎﻟﺮﺟﻠﻴﻦ ﻻﻥ ﺿﻤﺖ ﻋﻠﻴﻚ
ﻗﺎﺳﻢ ﺩﻧﻚ ﻭﻛﻠﻠﻬﺎ .. ﻣﺎ ﺍﺟﺬﺏ ﻋﻠﻴﺞ ﻛﻠﺒﻲ ﺯﻋﻞ ﺍﺿﻌﺎﻑ
ﻋﻠﻰ ﻣﺮﺗﻲ ﺍﻛﺜﺮ ﻣﻦ ﻋﻠﻰ ﺻﺎﺣﺒﻲ
.. ﺍﺩﺭﻱ ﺑﻴﻚ ﻣﻘﻬﻮﺭ ﻭﺣﻘﻚ ﺑﺲ ﺍﻧﻄﻴﻬﺎ ﻓﺮﺻﺔ
ﻫﻲ ﺑﻨﻴﺔ ﻳﺘﻴﻤﺔ ﻭﻣﺎ ﻃﻠﻌﺖ ﻣﻨﻬﺎ ﺍﻟﻌﻴﺒﺔ
ﺻﺎﻧﺖ ﻭﺣﺎﻓﻈﺖ ﻋﻠﻰ ﺑﻴﺘﻚ ﻭﺑﻨﺘﻚ ﻭﺍﻣﻚ ﻭﺧﻮﺍﺗﻚ
ﻭﻛﺎﻳﻤﺔ ﺑﻮﺍﺟﺐ ﺻﻐﻴﺮﻛﻢ ﻭﺟﺒﻴﺮﻛﻢ
ﻛﻞ ﻫﺬﺍ ﻣﺎ ﻳﺸﻔﻌﻠﻬﺎ
ﻗﺎﺳﻢ ﻛﺎﻝ ﺑﻘﻬﺮ
.. ﺣﺠﻴﺔ ﻫﻮ ﺍﻧﺎ ﻟﻴﺶ ﺟﺮﺣﻲ ﻛﺒﺮ ﻻﻥ ﻫﻲ
ﻣﻮ ﺍﻱ ﻭﺍﺣﺪ ﻫﻲ ﻇﻬﺮﻱ ﻫﻲ ﺍﻳﺪﻱ ﺍﻟﻴﻤﻨﻰ
ﺻﻌﺐ ﺍﺗﻘﺒﻞ ﺧﺬﻻﻥ ﺍﻗﺮﺏ ﺍﻟﻨﺎﺱ ﺍﻟﻲ
ﻭﺍﻧﺘﻲ ﺗﻌﺮﻓﻴﻨﻲ ﺯﻳﻦ ﻣﺎ ﻳﺤﺘﺎﺝ ﺍﻛﻠﺞ
.. ﻭﻟﻴﺪﻧﺎ ﻭﻧﻌﺮﻓﻚ ﺯﻳﻦ ﻣﺎ ﻳﺤﺘﺎﺝ ﺗﻌﻠﻤﻨﺎ ﺑﻴﻚ
ﺯﻳﻦ ﺍﻧﺖ ﺷﻨﻮ ﻓﻜﺮﻙ
ﺍﻟﺒﻨﻴﺔ . ﺷﻨﻮ ﺍﻟﺒﻴﺪﻫﺎ ﺗﺴﻮﻳﻪ ﺣﺘﻰ ﺍﻧﺖ ﺗﺮﺿﻰ
ﻛﻠﻲ ﺷﺘﺤﻄﻠﻚ ﻭﺗﻄﻴﺐ ﺟﺮﺣﻚ
......
ﺧﺎﻟﺔ ﻣﺮﻳﺘﻲ ﻋﻮﻓﻴﻬﺎ ﻋﻠﻴﺔ
ﻫﺎﻱ ﺣﻠﻬﺎ ﻳﻤﻲ ﺍﺭﻳﺪ ﺍﺳﻮﻳﻠﻬﺎ ﻛﺮﺻﺔ ﺍﺫﻥ
ﺍﺧﻠﻴﻬﺎ ﺍﺗﻮﺏ ﻃﻮﻝ ﻋﻤﺮﻫﺎ ﺗﺤﺮﻡ ﺗﺴﺘﻬﻴﻦ ﺑﻴﺔ ﻭﺗﻀﻢ ﻋﻠﻴﺔ ﺷﻲ
.. ﻫﺪﺍﻭﻱ ﺧﺎﻟﺔ ﺍﻧﻲ ﺍﺗﺼﻠﺖ ﻋﻠﻴﺞ ﺣﺘﻰ ﺍﻛﻠﺞ ﺍﺭﻳﺪﺝ
ﺗﺼﺒﺮﻳﻦ ﻋﻠﻰ ﺭﺟﻠﺞ ﻭﺗﺤﺘﻮﻳﻨﻪ
ﺻﺪﻛﻲ ﻫﻮ ﻳﺤﺒﺞ ﻭﻳﻤﻮﺕ ﻋﻠﻴﺞ
ﻫﺬﻭﻟﻲ ﻫﻤﺔ ﺍﻟﺮﻳﺎﺟﻴﻞ ﻭﻋﻨﺎﺩﻫﻢ ﻭﻛﺒﺮﻳﺎﺋﻬﻢ ﻭﺭﺍﺳﻬﻢ ﺍﻟﻴﺎﺑﺲ
ﺑﺲ ﻭﺩﺍﻋﺘﺞ ﻣﻦ ﺗﺘﺼﺎﻟﺤﻮﻥ ﻳﻨﺴﻰ ﻛﻠﺸﻲ .
ﻭﻣﻦ ﺗﻜﻌﺪﻳﻦ ﺗﻌﺘﺒﻴﻦ ﻋﻠﻴﻪ . ﻭﺗﺬﻛﺮﻳﻨﻪ ﺑﻜﻼﻣﻪ ﻭﻳﺎﺝ
ﻳﺴﺄﻟﺞ ﻣﺘﻔﺎﺟﻲﺀ ﻭﻧﺎﺳﻲ ﻛﻞ ﺍﻟﻜﻼﻡ ﺍﻟﻲ ﻛﺎﻟﻪ ﺑﺤﻘﺞ
ﻛﺄﻧﻤﺎ ﻭﺍﺣﺪ ﻏﻴﺮﻩ ﺟﺎﻥ ﻳﺤﺠﻲ ﻣﻮ ﻫﻮ
ﻭﺑﻌﺪﻫﺎ ﺧﺘﻤﻨﺎ ﺍﺗﺼﺎﻟﻨﺎ ﺑﺘﺒﺎﺩﻝ ﺍﻻﺧﺒﺎﺭ ﻭﺧﺎﻟﺔ ﺩﻋﺘﻠﻨﺎ ﺭﺑﻲ ﻳﻬﺪﻱ ﺳﺮﻧﺎ ﺍﻧﻲ ﻭﻗﺎﺳﻢ
ﻧﻬﻴﺖ ﺍﻻﺗﺼﺎﻝ ﻭﻳﺔ ﺧﺎﻟﺔ ﺍﻡ ﻓﺮﺯﺩﻕ ﻭﮔﻠﺒﻲ
ﺭﺟﻌﻠﻪ ﺍﻻﻣﻞ
ﺟﻨﺖ ﻛﺎﻋﺪﺓ ﺑﻐﺮﻓﺘﻲ ﺑﺎﻭﻋﺖ ﻋﻠﻴﻬﺎ
ﻭﺍﺟﺘﻨﻲ ﻓﻜﺮﺓ ﻭﻋﻴﻮﻧﻲ ﻟﻤﻌﺖ
ﻛﻤﺖ ﺍﻧﻔﺬ ﺧﻄﺘﻲ
ﺳﻤﻌﺖ ﺻﻮﺕ ﻗﺎﺳﻢ ﺟﻮﺓ ﺍﺧﺬﺕ ﺍﺳﻮ ﻭﻧﺰﻟﺖ
ﺟﻮﺓ ﺑﺎﻭﻋﺖ ﻋﻠﻴﻪ ﻛﺎﻥ ﻛﻠﺶ ﻫﺎﺩﻱﺀ
ﻭﻛﺄﻧﻪ ﺷﻴﺌﺎً ﻟﻢ ﻳﻜﻦ
ﻭﻻ ﻋﺒﺎﻟﻚ ﺟﺎﻥ ﻳﻢ ﺑﻴﺖ ﻋﻤﻮ ﻓﺮﺯﺩﻕ
ﻭﻣﺘﺼﺎﻟﺢ ﻭﻳﺔ ﺭﺍﺋﺪ
ﺟﺎﻥ ﻭﻗﺖ ﻋﺸﺎ ﻭﻗﺎﺳﻢ ﻛﺎﻝ
.. ﺻﺒﻮﻟﻨﺎ ﻋﺸﺎ ﺍﻧﺎ ﻭﻋﺰﺍﻡ
ﺍﻡ ﻗﺎﺳﻢ .. ﻳﺎ ﻋﺰﺍﻡ ﻫﻨﺎ ﺍﺷﻮ ﻣﺎﺍﺩﺭﻱ
ﻗﺎﺳﻢ .. ﺣﻘﺞ ﻣﺘﺪﺭﻳﻦ ﺿﺎﻋﺖ ﻋﻠﻴﺞ ﻣﻦ ﻛﺜﺮ ﺟﻴﺎﺗﻪ ﻟﺒﻴﺘﻨﺎ
ﺍﻛﻮﻝ ﻫﺬﺍ ﺣﺘﻰ ﺻﺎﺭ ﻳﺒﺎﺕ ﺑﺒﻴﺘﻨﺎ
ﺷﻨﻮ ﺳﺎﻟﻔﺘﻪ
ﻛﻞ ﻳﻮﻡ ﺑﺎﻟﻠﻴﻞ ﻣﻦ ﺍﺑﺪﻱ ﺍﻗﻔﻞ ﺍﻟﺒﻴﺒﺎﻥ
ﺍﻟﻜﺔ ﻭﺍﺣﺪ ﻧﺎﻳﻢ ﻋﺎﻟﻘﻨﻔﺎﺕ ﻣﺎﻟﺖ ﺍﻻﺳﺘﻘﺒﺎﻝ
ﺷﻨﻮﺳﺎﻟﻔﺘﻪ ﻫﺬﺍ ﻣﺎ ﻋﻨﺪﻩ ﺍﻫﻞ ﻳﺴﺄﻟﻮﻥ ﻋﻠﻴﻪ
ﻟﻮ ﺷﻨﻮ
ﺍﻡ ﻗﺎﺳﻢ ﺗﻀﺤﻚ
.. ﻳﻤﺔ ﻋﻮﻑ ﺍﻟﻮﻟﺪ ﺑﺤﺎﻟﻪ ﺷﺘﺮﻳﺪ ﻣﻨﻪ
ﻫﺬﺍ ﻫﻢ ﺑﻴﺖ ﺍﻫﻠﻪ ﻫﺴﺔ ﻗﺎﺑﻞ ﺍﺣﻨﺎ ﻏﺮﺑﺔ
ﺑﺲ ﺭﻭﺡ ﺻﻴﺤﻠﻪ ﺧﻠﻲ ﺍﺳﺄﻟﻪ ﻋﻦ ﺍﺑﻮﻩ ﺷﻠﻮﻥ ﺻﺎﺭ
ﺍﻟﻴﻮﻡ ﻛﻮﺛﺮ ﺍﺗﺼﻠﺖ ﻋﻠﻴﺔ ﻭﻛﺎﻟﺖ ﻋﻤﻬﺎ ﻣﺮﻳﺾ ﻣﺎﻟﻪ ﺧﻠﻚ
ﻗﺎﺳﻢ .. ﻫﺴﺔ ﺍﺻﻴﺤﻪ ﺍﻟﺞ ﻣﻨﻮ ﻳﻜﻮﻝ ﻳﻌﺮﻑ ﺑﺄﺑﻮﻩ ﻣﺮﻳﺾ ﻟﻮ ﻻ
ﻟﻮ ﺷﻠﻮﻥ ﺻﺎﺭ ﺍﺫﺍ ﻛﺎﺿﻴﻬﺎ ﻫﻨﺎ
ﺟﺎﻧﻮﺍ ﺧﺎﻟﺔ ﻭﻗﺎﺳﻢ ﻳﺤﺠﻮﻥ ﻭﻫﺎﻟﺔ ﻭﺍﻛﻔﺔ ﻳﻤﻲ ﺑﺎﻟﻤﻄﺒﺦ ﺍﻟﺤﺎﺭ ﻭﺗﺪﺭﺩﻡ
.. ﻣﻜﺮﻭﺩ ﻳﻠﻲ ﻣﺎﻋﻨﺪﻙ ﺣﻆ ﻭﺑﺨﺖ
ﺳﻮﺩﺓ ﻋﻠﻴﺔ ﻋﺰﻭﻣﻲ ﻣﺎﻛﻮﻝ ﻣﺬﻣﻮﻡ
ﻣﺜﻞ ﻣﺮﺗﻪ ﻣﺎﻋﻨﺪﻩ ﺣﻆ ﺑﺲ ﻳﺤﺠﻮﻥ ﻋﻠﻴﻪ
ﻫﺴﺔ ﻫﻤﺔ ﺷﺒﻴﻬﻢ ﺿﺎﻳﺠﻴﻦ ﻣﻨﻪ . ﻻﻥ ﺣﻠﻴﻮ ﻭﺣﺒﻮﺏ
ﻣﻦ ﻓﺪﻭﺓ ﺭﺣﺘﻠﻪ ﻭﻻ ﻳﺰﻋﻞ
ﻛﺘﻴﺮ ﻣﻬﻀﻮﻡ ﻳﺆﺑﺮﻧﻲ ﻣﺎ ﺍﺟﻤﻠﻮ
ﺍﺑﺎﻭﻉ ﻋﻠﻴﻬﺎ ﻭﺍﻫﺰ ﺑﻴﺪﻱ ﻭﺍﻟﻠﻪ ﻣﺨﺒﻠﺔ ﻫﺎﻱ ﺍﻟﺒﻨﻴﺔ ﻣﻮ ﻋﺎﻗﻠﺔ
ﺿﺤﻰ
ﻣﺮﺕ ﺍﻟﺸﻬﻮﺭ ﻭﺍﻧﻲ ﺣﻴﺎﺗﻲ ﻭﻳﺔ ﻇﺎﻓﺮ
ﻭﺟﻬﺎﻟﻪ ﺍﻟﺤﻤﺪﻟﻠﻪ ﺯﻳﻨﺔ ﺍﻻ ﺷﻲ ﻭﺍﺣﺪ ﻗﺎﺿﻲ ﻋﻠﻰ
ﺭﺍﺣﺘﻲ ﻭﺍﻟﻲ ﻫﻮ ﺳﺎﻟﻔﺔ ﺍﻟﺤﻤﻞ
ﺻﺤﻴﺢ ﺍﻧﻲ ﻣﺼﺎﺭﻟﻲ ﻫﻮﺍﻱ ﻣﻦ ﺍﺗﺰﻭﺟﺖ
ﻇﺎﻓﺮ ﺑﺲ ﺟﻨﺖ ﻣﺘﺰﻭﺟﺔ ﻗﺒﻠﻪ ﻭﻫﻢ ﻣﺎﻛﻮ ﺣﻤﻞ
ﻭﺍﻧﻲ ﺍﺻﻼ ﺳﺎﻟﻔﺔ ﺍﻟﺤﻤﻞ ﻧﻘﻄﺔ ﺿﻌﻔﻲ ﻭﻛﺎﺑﻮﺳﻲ
......
ﻭﺍﻟﻴﻮﻡ ﻧﻔﺲ ﻛﻞ ﻣﺮﺓ ﻧﺰﻟﺖ ﺍﻟﺪﻭﺭﺓ
ﻳﻌﻨﻲ ﻣﺎﻛﻮ ﺣﻤﻞ ﺧﻴﺒﺔ ﺍﻣﻞ ﺟﺪﻳﺪﺓ
ﺟﻨﺖ ﺻﺎﻓﻨﺔ ﻭﺳﻤﻌﺖ ﺻﻴﺎﺡ ﻳﺎﺳﺮ
ﺭﺣﺖ ﺩﺧﻠﺖ ﻋﻠﻴﻪ ﻟﻜﻴﺘﻪ ﻳﺘﻌﺎﺭﻙ ﻭﻳﺔ ﺍﺧﺘﻪ
ﻋﻠﻰ ﻳﺪﺓ ﺑﻠﻴﺴﺘﻴﺸﻦ
ﺑﺎﻟﺤﻘﻴﻘﺔ ﺍﺗﻔﻘﻨﺎ ﺍﻧﻲ ﻭﺍﺑﻮﻫﻢ ﺍﻥ ﻧﺴﻤﺤﻠﻬﻢ ﻳﺴﺘﺨﺪﻣﻮﻥ
ﺍﻻﻟﻌﺎﺏ ﺍﻻﻟﻜﺘﺮﻭﻧﻴﺔ ﻣﺮﺗﻴﻦ ﺑﺎﻻﺳﺒﻮﻉ
.. ﻳﺎﺳﺮ ﻟﻴﺶ ﺗﺘﻌﺎﺭﻙ ﻭﻳﺔ ﺍﺧﺘﻚ ﺍﻟﺼﻐﻴﺮﺓ
.. ﻣﺎﻣﺎ ﺍﺧﺬﺕ ﺍﻟﻴﺪﺓ ﻣﺎﻟﺘﻲ ﻫﺬﺍ ﺩﻭﺭﻱ
ﻣﺘﻘﺒﻞ ﺗﻨﻄﻨﻴﺎﻫﺎ
ﺍﻗﺘﺮﺑﺖ ﻋﻠﻴﻬﻢ .. ﻣﺎﻣﺎ ﺟﻮﺩ ﺍﻧﻄﻲ ﺍﻟﻴﺪﺓ ﻷﺧﻮﺝ
ﺟﻮﺩ ﺑﻌﻨﺎﺩ .. ﻣﺎ .. ﻣﺎ ﺍﻧﻄﻲ ﺍﺭﻳﺪ ﺍﻟﻌﺐ
ﺑﺎﻭﻋﺖ ﻋﻠﻴﻬﺎ ﺑﺰﻋﻞ ﻭﻛﻠﺘﻠﻬﺎ
.. ﻟﻌﺪ ﺧﻼﺹ ﺍﻧﻲ ﺭﺍﺡ ﺍﺯﺍﻋﻠﺞ
ﻭﻫﺴﺔ ﺭﺍﺡ ﺍﺳﻮﻱ ﻛﻴﻜﺔ ﻭﻣﺎ ﺍﺧﻠﻴﺞ ﺗﺴﺎﻋﺪﻳﻨﻲ
ﺑﺎﻭﻋﺖ ﻋﻠﻴﺔ
ﻭﻛﺎﻟﺖ .. ﻳﺎﻟﻠﻪ ﺧﻼﺹ ﻫﺎﻙ ﺍﺧﺬ ﺍﻟﻴﺪﺓ
ﺍﺟﺘﻲ ﺍﻗﺘﺮﺑﺖ ﻋﻠﻴﺔ ﻭﻛﺎﻟﺖ
.. ﻣﺎﻣﺎ ﺍﻧﺎ ﺍﺳﻮﻱ ﺍﻟﻜﻴﻜﺔ ﻭﺍﻧﺘﻲ ﺗﺴﺎﻋﺪﻳﻨﻲ
ﺑﺎﻭﻋﺖ ﻋﻠﻴﻬﺎ ﻭﺿﺤﻜﺖ ﺷﻠﻮﻥ ﻛﻠﺒﺖ ﺍﻻﺩﻭﺍﺭ ﻭﺍﺳﺘﻠﻤﺖ ﺩﻭﺭ ﺍﻟﻘﻴﺎﺩﺓ
ﺻﺪﻙ ﺍﺑﻦ ﺍﻟﻮﺯ ﻋﻮﺍﻡ
ﻭﻋﻠﻰ ﻃﺎﺭﻱ ﺍﻟﻮﺯ ﺩﺧﻞ ﻇﺎﻓﺮ ﻭﺷﺎﻓﻨﻲ ﺍﺣﺠﻲ ﻭﻳﺔ ﺍﻟﺠﻬﺎﻝ
ﺑﺎﻭﻉ ﻟﻮﺟﻬﻲ ﻭﻛﺎﻝ
.. ﺷﻨﻮ ﺟﻨﺘﻲ ﺗﺒﺠﻴﻦ
ﺍﺭﺗﺒﻜﺖ .. ﻻ ﻣﺠﻨﺖ ﺍﺑﺠﻲ
ﺭﺩﺕ ﺍﺑﺪﻝ ﺍﻟﻤﻮﺿﻮﻉ
.. ﻣﺘﻐﺪﻱ ﻟﻮ ﺍﺻﺒﻠﻚ ﻏﺪﻯ
.. ﻣﺘﻐﺪﻱ ﺑﺲ ﻣﻜﻠﺘﻲ ﻟﻴﺶ ﻫﻴﺞ ﻋﻴﻮﻧﺞ ﺣﻤﺮ
ﺟﻮﺩ .. ﻋﻴﻮﻧﻬﺎ ﺣﻤﺮ ﻻﻥ ﻗﺒﻞ ﺷﻮﻳﺔ ﮔﺎﻋﺪﺓ
ﺑﺎﻟﻤﻄﺒﺦ ﻟﻮﺣﺪﻫﺎ ﻭﺩﺗﺒﺠﻲ
ﻇﺎﻓﺮ ﺿﻴﻖ ﻋﻴﻮﻧﻪ ﻭﻛﺎﻝ
.. ﺿﺤﻰ ﺍﻧﺎ ﺭﺍﻳﺢ ﻟﻠﻐﺮﻓﺔ
ﺗﻌﺎﻱ ﺷﻮﻳﺔ ﺍﺭﻳﺪ ﺍﺣﺠﻲ ﻭﻳﺎﺝ
ﺭﺍﺡ ﻟﻠﻐﺮﻓﺔ ﻭﺍﻧﻲ ﺑﺎﻭﻋﺖ ﻟﻠﺠﻬﺎﻝ ﻭﻛﻠﺘﻠﻬﻢ
.. ﺻﻴﺮﻭﺍ ﻋﻘﺎﻝ ﺑﺎﺑﺎ ﻫﺴﺘﻮﺓ ﺭﺍﺟﻊ ﻣﻦ ﺍﻟﺸﻐﻞ ﺗﻌﺒﺎﻥ
ﻣﻮ ﺗﺘﻮﻛﺤﻮﻥ
ﻳﺎﺳﺮ ﻣﺮﻛﺰ ﻳﻠﻌﺐ ﺑﻼﻱ
ﻫﺰ ﺭﺍﺳﻪ ﺑﺎﻟﻤﻮﺍﻓﻘﺔ
ﻭﺟﻮﺩ ﺟﺎﻭﺑﺘﻨﻲ .. ﺍﻱ ﺍﺳﻴﺮ ﻋﺎﻗﻠﺔ
ﺗﺮﻛﺘﻬﻢ ﻭﺭﺣﺖ ﻭﺭﺓ ﻇﺎﻓﺮ ﻟﻠﻐﺮﻓﺔ ﻟﻜﻴﺘﻪ ﺩﻳﺒﺪﻝ ﻣﻼﺑﺴﻪ
ﺑﺎﻭﻉ ﻋﻠﻴﺔ ﻭﺍﻗﺘﺮﺏ ﻣﻨﻲ ﻭﻛﺎﻝ
.. ﺷﻨﻮ ﺷﺒﻴﺞ ﻟﻴﺶ ﺟﻨﺘﻲ ﺗﺒﺠﻴﻦ
.. ﺷﺒﻴﻚ ﻭﺍﻟﻠﻪ ﻣﺎ ﺑﻴﺔ ﺷﻲ
ﺩﺍﻫﻤﻨﻲ ﺑﺴﺆﺍﻟﻪ ﻭﻛﺎﻝ
.. ﺍﻟﻴﻮﻡ ﺍﺟﺘﺞ ﺍﻟﺪﻭﺭﺓ ؟؟
ﻫﺰﻳﺖ ﺭﺍﺳﻲ ﺑﺨﻴﺒﺔ ﺍﻣﻞ ﻭﺩﻧﻜﺖ
ﺭﻓﻊ ﺭﺍﺳﻲ ﺑﻴﺪﻩ ﻭﻛﺎﻝ
.. ﻭﺍﻟﻠﻪ ﻋﺮﻓﺖ . ﺍﻧﺘﻲ ﺩﺍﺋﻤﺎ ﻣﺰﺍﺟﺞ ﻳﻨﮕﻠﺐ ﺑﻬﻴﺞ ﺍﻳﺎﻡ
ﺑﺎﺑﺎﺗﻲ ﺍﻧﺘﻲ ﻟﻴﺶ ﻣﺎ ﻋﻨﺪﺝ ﺻﺒﺮ
ﻟﻴﺶ ﺗﺴﻤﺤﻴﻦ ﻟﻬﻮﺱ ﺍﻟﺤﻤﻞ ﻳﻘﻀﻲ ﻋﻠﻰ ﺗﻔﻜﻴﺮﺝ
ﻭﻳﺴﻮﺩ ﺣﻴﺎﺗﺞ
ﻭﻳﺘﻤﻜﻦ ﻣﻨﺞ . ﺍﻧﺘﻲ ﻣﻮ ﺭﺣﺘﻲ ﺭﺍﺟﻌﺘﻲ ﻋﻨﺪ ﻣﺮﻭﺓ
ﻭﻫﻲ ﻓﻬﻤﺘﺞ ﺍﻥ ﺍﻟﻤﻨﺸﻄﺎﺕ ﺍﻟﻲ ﺟﻨﺘﻲ ﺗﺎﺧﺬﻳﻬﻢ ﺳﺎﺑﻘﺎً
ﺭﺟﻌﺖ ﺑﺄﺛﺎﺭ ﺳﻠﺒﻴﺔ ﻋﻠﻰ ﺿﻌﻒ ﻋﻤﻞ ﺍﻟﻤﺒﺎﻳﺾ
ﻭﺍﻧﻄﺘﺞ ﻋﻼﺝ ﻳﺒﺪﻱ ﻳﻘﻮﻱ ﺍﻟﻤﺒﺎﻳﺾ ﺑﺎﻟﺘﺪﺭﻳﺞ
......
ﺍﻱ ﺍﻧﻄﺘﻨﻲ ﻭﺩﺍﺧﺬ ﻣﻨﻪ . ﻭﻫﺬﺍ ﺛﺎﻟﺚ ﺷﻬﺮ ﺩﺍ ﺍﻣﺸﻲ ﻋﻠﻴﻪ
ﺑﺲ ﻣﺎﻛﻮ ﺍﻱ ﻧﺘﻴﺠﺔ
.. ﺍﺳﺘﻐﻔﺮﻱ ﺭﺑﺞ ﻫﺴﺔ ﺍﻟﻲ ﻳﺴﻤﻌﺞ ﻳﻜﻮﻝ ﺻﺎﺭﻟﺞ ﺛﻼﺙ ﺳﻨﻴﻦ ﻣﻮ ﺑﺎﻻﺷﻬﺮ
ﻋﻤﻲ ﺍﻟﻠﻪ ﻳﺴﺎﻋﺪ ﺍﻟﻨﺎﺱ ﺍﻟﻲ ﺻﺎﺭﻟﻬﻢ ﺳﻨﻴﻦ ﻳﻨﺘﻈﺮﻭﻥ ﺍﻟﺨﻠﻔﺔ ﻭﺻﺎﺑﺮﻳﻦ
ﺛﻢ ﺗﻌﺎﻱ ﺍﻧﺎ ﺷﺎﻛﻴﻠﺞ ﻳﻮﻡ ﻛﺎﻳﻠﺞ ﺍﺭﻳﺪ ﻃﻔﻞ
ﺍﺷﻮ ﺍﻧﺘﻲ ﻣﻦ ﻳﻤﺞ ﺗﻜﻤﺰﻳﻦ ﻋﺎﻟﺨﻠﻔﺔ
.. ﻛﻼﻣﻚ ﺻﺤﻴﺢ ﻭﺍﻟﻠﻪ ﺍﻧﻲ ﺩﺍﺋﻤﺎً ﺍﺣﻤﺪ ﺍﻟﻠﻪ ﻭﺍﺷﻜﺮﻩ
ﻋﻠﻰ ﺣﻴﺎﺗﻲ
ﺑﺲ ﺍﻧﻲ ﺍﺭﻳﺪ ﻣﺜﻞ ﺍﺧﻮﺍﺗﻲ
ﺣﺘﻰ ﺷﻴﻤﺎﺀ ﻭﺭﺍﻳﺔ ﺍﺗﺰﻭﺟﺖ ﻭﻫﺎﻱ ﺍﻟﻤﺮﺓ ﺍﻟﺜﺎﻧﻴﺔ
ﺗﺤﺒﻞ ﻣﺎﺷﺎﺀ ﺍﻟﻠﻪ ﺭﺑﻲ ﻳﺴﻬﻞ ﻋﻠﻴﻬﺎ
ﺍﻧﻲ ﻣﻦ ﺷﻔﺖ ﻫﻴﺞ ﻛﻠﺖ ﻣﻌﻨﺎﻫﺎ ﺍﻧﻲ ﺑﻴﺔ ﺍﻟﺨﻠﻞ
ﻭﺍﻟﺰﺍﺩ ﺧﻮﻓﻲ ﺑﺎﻟﺰﺍﻳﺪ . ﺍﺧﺎﻑ ﺍﺗﻀﺮﺭ ﺍﻟﺮﺣﻢ
ﻻﻥ ﻫﻮﺍﻳﺔ ﺟﻨﺖ ﺍﺧﺬ ﺍﺩﻭﻳﺔ ﻭﻋﻼﺟﺎﺕ ﻟﻠﺤﻤﻞ ﻗﺒﻞ
ﺍﻗﺘﺮﺏ ﻋﻠﻴﺔ ﺍﻛﺜﺮ ﻭﻟﻤﻨﻲ ﺑﺤﻀﻨﻪ
.. ﻭﺩﺍﻋﺘﺞ ﺍﻧﺘﻲ ﻛﻠﺶ ﻛﺎﻓﻲ ﻋﻠﻴﺔ ﺻﺪﻛﻴﻨﻲ
ﺗﺮﺓ ﺍﻟﺨﻠﻔﺔ ﻣﻮ ﺍﻟﺴﺒﺐ ﺍﻟﻮﺣﻴﺪ ﻟﺴﻌﺎﺩﺓ ﺍﻟﺒﺸﺮ
ﻭﺍﻟﻠﻪ ﺍﻧﺎ ﺍﻋﺮﻑ ﺍﺯﻭﺍﺝ ﻛﻮﻣﺔ ﻣﻴﺼﻴﺮ ﻋﻨﺪﻫﻢ ﺍﻃﻔﺎﻝ
ﻋﺎﺷﻮ ﻭﻳﺔ ﺑﻌﻀﻬﻢ ﻃﻮﻝ ﻋﻤﺮﻫﻢ ﺑﺎﻟﺤﻠﻮﺓ ﻭﺍﻟﻤﺮﺓ
ﻭﻋﺎﻳﺸﻴﻦ ﺍﺣﻠﻰ ﺣﻴﺎﺓ
ﻫﺴﺔ ﻋﻮﻓﺞ ﻣﻦ ﻫﺬﺍ ﻛﻠﻪ ﺷﺘﺴﻮﻳﻦ ﺑﺎﻟﺨﻠﻔﺔ ﻭﺍﻧﺘﻲ ﻋﻨﺪﺝ
ﻛﻮﻣﺔ ﺍﺷﻴﺎﺀ ﺗﺸﻐﻞ ﻛﻞ ﻭﻗﺘﺞ
ﻻﺗﻨﺴﻴﻦ ﻋﻨﺪﺝ ﺍﻧﺎ ﻭﺍﻃﻔﺎﻟﻲ ﻭﺑﻴﺘﺞ
ﻭﻓﻮﻛﺎﻫﻢ ﻛﻠﻬﻢ ﻛﻠﻴﺘﺞ
ﻭﻣﺎ ﺑﻘﻰ ﺷﻲ ﻋﺎﻟﻌﻄﻠﺔ ﻭﺗﺨﻠﺺ ﻭﺗﺒﺪﻳﻦ ﺳﻨﺔ ﺛﺎﻧﻴﺔ ﻛﻠﻴﺔ
. ﺍﻟﻲ ﺍﺭﻳﺪﺝ ﺗﺘﺨﺮﺟﻴﻦ ﻣﻨﻬﺎ ﺑﺘﻘﺪﻳﺮ ﻋﺎﻟﻲ ﺣﺘﻰ ﺗﻜﻤﻠﻴﻦ ﺩﺭﺍﺳﺎﺕ
ﻫﺎﻱ ﻛﻠﻬﺎ ﻭﺗﻔﻜﺮﻳﻦ ﺑﺤﻤﻞ ﻋﻤﻲ ﻫﻮ ﺑﺲ ﺍﻧﺎ
ﺑﻌﺪﺍﻝ ﻋﺸﺮ ﺍﻃﻔﺎﻝ ﻏﻤﺰﻟﻲ ﻭﻫﻮ ﻳﺤﺠﻲ
ﺭﻓﻌﺖ ﺭﺍﺳﻲ ﻭﺍﺑﺘﺴﻤﺖ
ﻇﺎﻓﺮ ﻛﺎﻥ ﺩﺍﺋﻤﺎً ﻳﻌﺮﻑ ﺷﻠﻮﻥ ﻳﺴﺤﺐ ﻣﻨﻲ ﻧﻈﺮﺍﺕ ﺍﻟﺨﻮﻑ ﻭﻳﺒﺪﻟﻬﺎ ﺑﻨﻈﺮﺓ ﺍﻣﻞ
ﺑﺴﺘﻪ ﻣﻦ ﺣﻨﻜﻪ ﻭﻛﻠﺘﻠﻪ
.. ﺣﺒﻴﺒﻲ ﺍﻟﻴﻮﻡ ﺍﺭﻳﺪﻙ ﺗﺎﺧﺬﻧﻲ ﺍﻧﻲ ﻭﺍﻟﺠﻬﺎﻝ ﻧﺸﺘﺮﻱ ﺑﻘﻼﻭﺓ ﻟﺸﻮﻣﺔ ﺍﺧﺘﻲ
ﻭﻧﺮﻭﺡ ﻧﺒﺎﺭﻛﻠﻬﺎ ﻋﺎﻟﺤﻤﻞ
.. ﺻﺎﺭ ﺗﺪﻟﻠﻴﻦ ﺑﺲ ﺷﻤﻌﻨﺎ ﺑﻘﻼﻭﺓً
.. ﺳﻮﺩﺓ ﻋﻠﻴﺔ ﻣﺸﺘﻬﻴﺔ ﺑﻘﻼﻭﺓ ﻭﺣﻴﺪﺭ ﻣﺴﺎﻓﺮ ﻋﻨﺪﻩ ﺷﻐﻞ
ﻭﻫﻲ ﺗﺴﺘﺤﻲ ﺗﻜﻮﻝ ﻟﺤﻤﺎﻫﺎ ﻻﻥ ﻫﻮ ﺍﻟﻲ ﻳﺘﺴﻮﻛﻠﻬﺎ
ﻭﻳﺸﻮﻑ ﺍﺣﺘﻴﺎﺟﺎﺕ ﺍﻟﺒﻴﺖ
ﻇﺎﻓﺮ .. ﺻﺎﺭ ﻣﻦ ﻋﻴﻮﻧﻲ ﺍﺻﻴﺮﻟﺞ ﺑﻘﻼﻭﺓ
ﺍﺑﺘﺴﻤﺖ ﻭﻛﻠﺘﻠﻪ
.. ﻭﺍﻟﻠﻪ ﺍﺣﻠﻰ ﺑﻘﻼﻭﺓ
ﺩﻧﻚ ﻋﻠﻴﺔ ﻭﺍﺑﺘﺴﻢ ﻭﻛﺎﻝ ﺍﻱ ﻫﻴﺞ ﺧﻠﻴﻨﻲ ﺍﺷﻮﻑ ﺿﺤﻜﺘﺞ
ﻭﻏﻠﻒ ﺿﺤﻜﺘﻲ ﺑﺜﻐﺮﻩ ﺍﻟﺒﺎﺳﻢ ﻭﺳﺤﺐ ﻣﻨﻲ ﻛﻞ ﻣﺨﺎﻭﻓﻲ
ﻫﺪﻯ
ﺑﻌﺪ ﺍﺗﺼﺎﻝ ﺧﺎﻟﺔ ﺍﻡ ﻓﺮﺯﺩﻕ
ﻧﺰﻟﺖ ﺟﻮﺓ ﻭﻟﻜﻴﺖ ﻗﺎﺳﻢ ﺟﻮﺓ ﺍﺳﺘﻐﻠﻴﺖ ﺍﻧﺸﻐﺎﻟﻪ ﻭﻳﺔ
ﻋﺰﺍﻡ ﻭﺧﺎﻟﺔ
ﺧﻠﺼﺖ ﺍﻟﻌﺸﺎ ﻭﺧﻠﻴﺖ ﻫﺎﻟﺔ ﺗﻜﻤﻞ ﺍﻟﺒﺎﻗﻲ
ﺑﻌﺪﻫﺎ ﺍﺧﺬﺕ ﺍﺳﻮ ﻭﺻﻌﺪﺕ ﻓﻮﻙ ﻟﻐﺮﻓﺘﻨﺎ ﻻﻥ ﻣﻦ . ﺳﺎﻓﺮﻭﺍ ﺧﻮﺍﺕ ﻗﺎﺳﻢ
ﺍﻧﻲ ﺭﺟﻌﺖ ﺍﻧﺎﻡ ﻳﻢ ﻫﺎﻟﺔ
ﻭﺍﻟﻴﻮﻡ ﻫﺎﻱ ﻫﻲ
ﻭﻋﻘﺪﺕ ﺍﻟﻨﻴﺔ
ﺭﺍﺡ ﺍﺳﻌﻰ ﻟﺤﺘﻰ ﺍﺳﻮﻳﻠﻪ ﺍﺟﻮﺍﺀ ﻭﺍﻛﻌﺪ ﺍﺻﺎﻟﺤﻪ
ﻭﺍﺣﺎﻭﻝ ﻭﻳﺎﻩ ﻭﺍﻥ ﺷﺎﺀ ﺍﻟﻠﻪ ﻳﺤﻦ ﻛﻠﺒﻪ ﻣﺎ ﺩﺍﻣﻪ ﻳﺤﺒﻨﻲ
ﺍﻛﻴﺪ ﻳﻠﻴﻦ ﻭﻳﺴﺎﻣﺤﻨﻲ
....
ﻋﺪﻟﺖ ﺍﻟﻐﺮﻓﺔ ﻭﺯﻳﻨﺘﻬﺎ ﺑﺄﺿﻮﻳﺔ ﻧﺎﻋﻤﺔ
ﺑﻌﺪﻫﺎ ﺍﻧﺘﻘﻠﺖ ﺍﻋﺪﻝ ﺑﺮﻭﺣﻲ
ﺣﻄﻴﺘﻠﻲ ﻣﻴﻚ ﺍﺏ ﻓﻮﻝ ﻣﻮﺍﺻﻔﺎﺕ
ﻋﺒﺎﻟﻚ ﻃﺎﻟﻌﺔ ﻟﻠﻌﺮﺱ
ﻭﻟﺒﺴﺖ ﻓﺴﺘﺎﻥ ﻛﻮﻛﺘﻴﻞ ﻟﻮﻧﻪ ﺍﺣﻤﺮ ﺑﺴﻴﻂ ﻓﺘﺤﺖ ﺷﻌﺮﻱ ﻭﻟﺒﺴﺖ
ﻃﻮﻕ ﺑﻲ ﻓﻴﻮﻧﻜﺔ ﺻﻔﺢ ﺣﻤﺮﺓ
ﻭﺍﻟﺤﻤﺮﺓ ﺣﻤﺮﺓ
ﻭﺍﺳﻮ ﺑﻨﺘﻲ ﻃﻮﻝ ﻣﺎ ﺍﻧﻲ ﺍﻋﺪﻝ ﺑﺎﻟﻐﺮﻓﺔ ﻫﻲ ﺗﻬﻮﺱ
ﻭﻛﻞ ﺷﻮﻳﺔ ﻣﺴﻮﻳﺘﻠﻲ ﻣﻜﺴﻮﺭﺓ ﺗﺨﻠﻴﻨﻲ ﺍﻋﻴﻂ
ﻣﻨﺎ ﻟﺤﺪ ﻣﺎ ﺍﻧﺘﻬﻴﺖ ﻣﻦ ﺗﺠﻬﻴﺰ ﺍﻟﻐﺮﻓﺔ ﻭﻧﻔﺴﻲ
ﺍﺣﺲ ﻇﻬﺮﻱ ﺍﻧﻜﺴﺮ
ﻭﺳﺖ ﺍﺳﻮ ﺻﺎﻳﺮﺓ ﺗﻮﻫﺎ ﺗﺨﻄﻲ ﻓﻤﺎ ﻣﺼﺪﮔﺔ ﺑﺮﻭﺣﻬﺎ
ﻓﻜﻞ ﺷﻮﻳﺔ ﺗﺤﺎﻭﻝ ﺗﺨﻄﻲ ﻛﻢ ﺧﻄﻮﺓ ﻭﺗﻮﻛﻊ
ﻭﻫﺴﺔ ﻫﻲ ﺩ ﺗﻤﺸﻲ ﻭﻭﻛﻌﺖ ﻋﻠﻰ ﻭﺟﻬﺎ
ﻭﻛﺎﻣﺖ ﺗﺒﺠﻲ ﺑﺄﺧﺮ ﺍﻟﻤﻄﺎﻑ
ﺭﺣﺖ ﻋﻠﻴﻬﺎ ﻭﺷﻠﺘﻬﺎ ﺟﻨﺖ ﻫﺴﺘﻮﻧﻲ ﻣﺴﺒﺤﺘﻬﺎ
ﻭﻣﻠﺒﺴﺘﻬﺎ ﺗﺮﺍﻙ ﺍﺣﻤﺮ ﻣﻴﻜﻲ ﻣﺎﻭﺱ
.. ﻳﺎﻟﻠﻪ ﺣﺒﻴﺒﺘﻲ ﻛﺎﻓﻲ ﻻ ﺗﺒﺠﻴﻦ ﺗﻌﺎﻱ ﺍﺣﻄﻠﺞ ﺣﻤﻐﺔ ( ﺣﻤﺮﺓ )
ﺭﺣﺖ ﻟﻠﻤﻴﺰ ﻣﺎﻟﺖ ﺍﻟﻤﺮﻳﺎ ﻭﻃﻠﻌﺖ ﺣﻤﺮﺓ ﻭﻗﺮﺑﺘﻬﺎ ﻋﻠﻰ
ﺣﻠﻜﻬﺎ ﺍﺷﻮ ﻫﺎﻱ ﺳﻜﺘﺖ
.. ﻋﺰﺓﺓﺓ ﻫﺎﻱ ﻣﻦ ﻫﺴﺔ ﺳﺖ ﺍﺳﻮ ﺩﺭﺏ ﺍﻟﻤﻜﻴﺎﺝ
ﺑﺪﻳﺖ ﺍﺣﻄﻠﻬﺎ ﻭﻫﻲ ﺳﺎﻛﺘﺔ
ﺍﻧﻲ ﺍﺿﺤﻚ ﻋﻠﻰ ﺷﻜﻠﻬﺎ
ﺩﺧﻠﺖ ﻋﻠﻴﺔ ﻫﺎﻟﺔ ﺗﺼﻴﺤﻨﻲ ﻭﺍﺗﻔﺎﺟﺌﺖ ﻣﻦ
ﺷﺎﻓﺖ ﺍﻻﺟﻮﺍﺀ
ﻫﺎﻟﺔ .. ﻫﺎﻱ ﺷﻨﻮ ﺣﺮﻛﺎﺕ ﻭﺷﻴﺴﻤﻮﻧﺔ
ﺍﻟﻴﻮﻡ ﺍﻛﻴﺪ ﻧﺎﻭﻳﺔ ﺗﺠﻠﻄﻴﻦ ﺍﺧﻮﻳﺔ ﺍﻟﻌﺰﻳﺰ
.. ﻟﺘﺨﺎﻓﻴﻦ ﻋﻠﻰ ﺍﺧﻮﺝ ﻛﻠﺒﻪ ﻣﻦ ﺣﺠﻎ ( ﺣﺠﺮ )
ﻣﺎ ﻳﻬﺰﻩ ﻫﻴﺞ ﺷﻲ
.. ﺍﻛﻮﻝ ﻫﺪﻳﻮﺓ ﻋﻔﻴﺔ ﺍﺭﻳﺪﺝ ﺗﻌﻠﻴﻤﻨﻲ ﻋﻠﻰ ﻫﺎﻱ ﺍﻟﺤﺮﻛﺎﺕ ﻭﺍﻟﺴﻮﺍﻟﻒ ﺍﻟﺘﻌﺒﺎﻧﺔ .
ﺣﺘﻰ ﺍﻃﺒﻘﻬﺎ ﻋﺎﻟﻤﻜﺮﻭﺩ ﻋﺰﺍﻣﻮ
ﺿﺤﻜﺖ ﻭﻛﻠﺘﻠﻬﺎ .. ﺍﻥ ﺷﺎﺀ ﺍﻟﻠﻪ
ﺍﻧﺘﻲ ﺍﺗﺰﻭﺟﻲ ﺑﺎﻻﻭﻝ ﻭﺑﻌﺪﻳﻦ ﻧﻌﻠﻤﺞ
ﺍﻱ ﺻﺪﻙ ﻫﺴﺔ ﻫﻮ ﻭﻳﻨﻪ . ﺍﺳﺘﺎﺫ ﻋﺰﺍﻣﻮ
.. ﺭﺍﺡ ﺍﺧﺬ ﺍﻣﻲ ﻟﺒﻴﺘﻬﻢ ﺗﺮﻳﺪ ﺗﺘﻄﻤﻦ ﻋﻠﻰ ﺻﺤﺔ ﺍﺑﻮﻩ
ﺟﻨﺎ ﻧﺤﺠﻲ ﻭﺍﺳﻮ ﺗﻀﺤﻚ
ﻫﺎﻟﺔ ﺑﺎﻭﻋﺘﻠﻬﺎ ﻣﺘﻔﺎﺟﺌﺔ
.. ﻫﺎﻱ ﺷﻨﻮ ﺣﺎﻃﺔ ﺣﻤﺮﺓ
ﻻ ﻣﻮ ﺑﺲ ﻫﻴﺞ ﻭﻧﻮﺏ ﻟﻮﻧﻬﺎ ﺍﺣﻤﺮ ﺟﺮﻱﺀ
ﻭﺍﻟﻠﻪ ﻫﺎﻱ ﺑﻨﺘﺞ ﺍﻟﻠﻪ ﻳﺴﺘﺮ ﻣﻨﻬﺎ ﺗﻄﻠﻊ ﻣﻮ ﻫﻴﻨﺔ
ﺍﻟﻤﻠﻌﻮﻧﺔ ﺍﻧﺪﻟﺖ ﺩﺭﺏ ﺍﻟﻤﻜﻴﺎﺝ ﻣﻨﺬ
ﻧﻌﻮﻣﺔ ﺍﻇﺎﻓﺮﻫﺎ
ﺍﻛﻮﻝ ﻫﺪﻯ ﻋﻠﻴﺞ ﺍﻟﻠﻪ ﺷﻮﻓﻴﻬﺎ ﻣﻮ ﺻﺎﻳﺮﺓ ﺗﻨﻄﻴﻨﻲ ﺷﺒﻪ
ﺑﺎﻭﻋﺖ ﻋﻠﻰ ﺍﺳﻮ ﺻﺪﻙ ﺟﺎﻧﺖ ﺗﻨﻄﻲ ﺷﺒﻪ
ﻟﻌﻤﺘﻬﺎ ﻫﺎﻟﺔ ﻫﻢ ﻫﻴﺞ ﻋﻴﻮﻧﻬﺎ ﺷﻬﻞ ﻋﺴﻠﻴﺎﺕ
ﻭﺑﻴﻀﺔ ﻭﺷﻔﺎﻳﻔﻬﺎ ﻣﻠﻴﺎﻧﺔ ﻭﺧﺸﻤﻬﺎ ﻫﻤﺎﺗﻴﻦ
ﻛﻠﺶ ﻧﻔﺲ ﺍﻟﺘﻘﺎﺳﻴﻢ
ﺑﺎﻭﻋﺖ ﻟﻬﺎﻟﺔ
.. ﺍﻟﻠﻪ ﻳﻠﻌﻨﺞ ﻳﺎ ﻫﺎﻟﺔ ﻣﻦ ﻛﺪ ﻣﺎ ﻣﻜﺎﺑﻠﺘﻨﻲ ﻭﻛﺎﻋﺪﺓ ﺑﻨﺘﻲ
ﻃﻠﻌﺖ ﺗﺸﺒﻬﺞ
ﺍﺩﺭﻱ ﺍﻧﺘﻲ ﺷﻮﻛﺖ ﺗﺘﺰﻭﺟﻴﻦ ﻭﻧﺮﺗﺎﺡ ﻣﻨﺞ
ﺧﺎﻑ ﺍﺣﺒﻞ ﻣﺮﺓ ﺍﻟﺜﺎﻧﻴﺔ ﻭﻳﻄﻠﻊ ﺍﻟﻤﻮﻟﻮﺩ ﺍﻟﺜﺎﻧﻲ ﻫﻢ ﻳﺸﺒﻬﺞ
ﻫﺎﻟﺔ .. ﺷﻔﺎﻳﺘﻠﺞ ﻟﻮ ﺟﻬﺎﻟﺞ ﻳﻄﻠﻌﻮﻥ ﻫﻴﺞ ﺣﻠﻮﻳﻦ ﻣﺜﻠﻲ ﺍﺣﻤﺪﻱ ﺭﺑﺞ ﻭﺷﻜﺮﻳﻪ ﻋﻠﻴﺔ
ﻟﺞ ﺧﺎﻑ ﺍﺗﺰﻭﺝ . ﻭﺗﺒﻘﻴﻦ ﻣﻜﺎﺑﻠﺔ ﺍﻟﻌﻢ ﺣﺴﻨﻴﻦ ﻭﻛﺎﻋﺪﺓ
ﺗﺎﻟﻲ ﺟﻬﺎﻟﺞ ﻳﻄﻠﻌﻮﻥ ﻳﺸﺒﻬﻮﻧﻪ
ﺑﻌﺪﻳﻦ ﻭﻳﻦ ﺗﻨﻄﻴﻦ ﻭﺟﻬﺞ
.....
ﺿﺤﻜﺖ ﻋﻠﻴﻬﺎ
.. ﺣﺘﻰ ﻣﺎ ﺍﺧﻮﺝ ﻳﻄﻠﻌﻨﻲ ﺟﻼﻟﻴﻖ ﻣﻦ ﺍﻟﺒﻴﺖ
ﻭﻋﻠﻰ ﻃﺎﺭﻱ ﺍﺧﻮﻫﺎ ﺩﺧﻞ ﻗﺎﺳﻢ ﻟﻠﻐﺮﻑ ﻭﺗﻔﺎﺟﻲﺀ
ﺑﻮﺟﺪﻧﺎ ﻭﺍﺟﻮﺍﺀ ﺍﻟﻐﺮﻓﺔ ﻫﺎﻟﺔ ﮔﺒﻞ ﻛﺎﻟﺖ ﺍﻧﻄﻴﻨﻲ ﺍﺳﻮ
ﺍﺧﺬﺗﻬﺎ ﻣﻨﻲ ﺍﺗﺠﻬﺖ ﻟﻠﺒﺎﺏ
ﻭﻃﻠﻌﺖ ﻋﺮﻓﺘﻬﺎ ﺍﺭﺗﺒﻜﺖ ﻣﻦ ﺍﺧﻮﻫﺎ
ﻭﺑﻨﻔﺲ ﺍﻟﻮﻗﺖ ﺍﺧﺬﺕ ﻣﻨﻲ ﺍﺳﻮ ﺣﺘﻰ ﻧﺎﺧﺬ ﺭﺍﺣﺘﻨﺎ
ﺟﺎﻥ ﻳﺒﺎﻭﻉ ﻋﻠﻴﺔ
ﻭﻛﺼﻨﻲ ﻛﺺ ﺑﻌﻴﻮﻧﻪ
ﺟﺎﻥ ﻭﺍﻛﻒ ﻳﻢ ﺍﻟﺒﺎﺏ ﺍﻟﻤﺴﺪﻭﺩ
ﻋﺒﺎﻟﻚ ﺧﺎﻳﻒ ﺧﺎﻑ ﻳﺨﻄﻲ ﺧﻄﻮﺓ ﻭﻳﺘﻢ ﺍﻓﺘﺮﺍﺳﻪ
ﻣﺎ ﻳﻠﻮﻛﻠﻪ ﺩﻭﺭ ﺍﻟﻔﺮﻳﺴﺔ
ﻻﻥ ﺷﻜﻠﻪ ﻭﻃﻮﻟﻪ ﻳﺪﻝ ﻫﻮ ﺍﻟﻮﺣﺶ ﺑﺬﺍﺕ ﻧﻔﺴﻪ
ﻭﺍﻟﻠﻪ ﻳﻌﻴﻨﻲ
ﺳﺤﺒﺖ ﻧﻔﺲ ﻋﻤﻴﻖ
ﻭﺍﻗﺘﺮﺑﺖ ﻋﻠﻴﻪ ﻭﺭﻓﻌﺖ ﺭﺍﺳﻲ ﺍﺑﺎﻭﻉ ﻋﻠﻴﻪ
ﻭﺍﺟﺘﻲ ﻋﻴﻮﻧﻲ ﺑﻌﻴﻮﻧﻪ
ﺟﺎﻧﺖ ﻧﻈﺮﺍﺗﻪ ﺑﻴﻬﻢ ﻟﻬﻔﺔ ﻭﺍﻋﺠﺎﺏ ﻭﺍﻧﻲ
ﺍﻋﺮﻑ ﻗﺎﺳﻢ ﻳﻜﻮﻥ ﺑﻬﻴﺞ ﻣﻮﺍﻗﻒ ﻳﻀﻌﻒ ﺍﺗﺠﺎﻫﻲ
ﻗﺎﺳﻢ .. ﺷﻨﻮ ﻫﺎﻱ ﺷﻤﺴﻮﻳﺔ ﺑﻨﻔﺴﺞ
ﻭﺍﻟﻤﻦ ﻫﺎﻱ ﺍﻟﻬﻮﺳﺔ ﻛﻠﻬﺎ ﺷﻨﻮﺍﻟﻤﻨﺎﺳﺒﺔ
ﻟﺰﻣﺖ ﻛﻒ ﺍﻳﺪﻩ ﺑﺤﻨﺎﻥ ﻭﻫﻤﺴﺖ
.. ﺍﻧﻲ ﻣﺎ ﺍﺣﺘﺎﺝ ﻣﻨﺎﺳﺒﺔ ﺣﺘﻰ ﺍﻗﺘﻐﺐ ( ﺍﻗﺘﺮﺏ ) ﻟﺰﻭﺟﻲ .
ﺑﺲ ﺍﺣﺘﺎﺝ ﺍﺣﺎﻭﻝ ﺍﺻﺎﻟﺤﻚ ﻭﺍﻏﻴﺪﻙ ( ﺍﺭﻳﺪ )
ﺗﺘﻘﺒﻞ ﻭﺟﻮﺩﻱ ﻳﻤﻚ ﻭﺍﻋﺘﺬﺍﻏﻲ ( ﺍﻋﺘﺬﺍﺭﻱ )
ﻗﺎﺳﻢ ﺻﺪﻛﻨﻲ ﻛﻞ ﻣﻐﺔ ﺍﻏﻴﺪ ( ﻣﺮﺓ ﺍﺭﻳﺪ ) ﺍﺣﺠﻲ
ﺑﺴﺨﺎﻳﻔﺔ ﻣﻨﻚ ﻻﻥ ﺍﻧﺖ ﻣﺘﻨﻄﻴﻨﻲ ﻓﻐﺼﺔ ( ﻓﺮﺻﺔ ) ﺣﺘﻰ ﺍﺣﺠﻴﻠﻚ
ﺩﺍﺋﻤﺎً ﺗﺼﺪﻧﻲ ﺣﻘﻚ ﺗﺰﻋﻞ ﻋﻠﻴﺔ ﻋﻠﻰ ﺍﻟﺼﺎﻍ ( ﺍﻟﺼﺎﺭ ) ﺑﻴﻚ
ﻣﺎ ﺍﻟﻮﻣﻚ ﻟﻮ ﺷﻤﺎ ﺗﺴﻮﻱ
ﺑﺲ ﻛﻠﻲ ﺷﻨﻮ ﺍﺳﻮﻱ ﺣﺘﻰ ﺗﻐﻀﻰ ﻋﻨﻲ ﻭﺗﻐﺠﻌﻠﻲ ( ﺗﺮﺿﻰ ﻋﻨﻲ ﻭﺗﺮﺟﻌﻠﻲ )
ﻗﺎﺳﻢ ﺳﺤﺐ ﺍﻳﺪﻩ ﻣﻦ ﺑﻴﻦ ﺍﻳﺪﻳﺔ ﻭﻛﺎﻝ
.. ﺍﻟﻴﻮﻡ ﺍﻡ ﻓﺮﺯﺩﻕ ﺍﺗﺼﻠﺖ ﻋﻠﻴﺞ
ﺑﻠﻌﺖ ﺭﻳﻜﻲ ﻭﺟﺎﻭﺑﺘﻪ .. ﺍﻱ ﺍﺗﺼﻠﺖ ﻋﻠﻴﺔ
.. ﻣﻌﻨﺎﻫﺎ ﻛﻠﺘﻠﺞ ﺷﻨﻮ ﺻﺎﺭ ﺑﻴﻨﻲ ﻭﺑﻴﻦ ﺭﺍﺋﺪ
.. ﺍﻱ ﻋﻐﻔﺖ ( ﻋﺮﻓﺖ ) ﺍﻧﺖ ﻭﻳﺎﻩ ﺍﺗﺼﺎﻟﺤﺘﻮﺍ
ﻭﺍﻧﻲ ﻃﻤﻌﺖ ﺍﻥ ﻣﺎ ﺩﺍﻡ ﻛﻠﺒﻚ ﺣﻦ ﻋﻠﻰ ﺻﺎﺣﺒﻚ
ﻳﺎﻏﻴﺘﻪ ( ﻳﺎ ﺭﻳﺘﻪ ) ﻳﺤﻦ ﻋﻠﻴﺔ
ﺟﻨﺖ ﺍﺣﺠﻲ ﻭﻧﻈﺮﺍﺗﻪ ﻋﻠﻰ ﺷﻔﺎﻳﻔﻲ ﻣﻦ ﺍﺣﺠﻲ
ﺍﺑﺘﻌﺪ ﻋﻨﻲ ﻭﻛﺎﻝ
.. ﻣﺘﻮﻫﻤﺔ ﻣﻨﻮ ﻛﻠﺞ ﻣﻜﺎﻧﺘﺞ ﺑﮕﻠﺒﻲ ﻣﺜﻞ ﻣﺎ ﻛﺎﻧﺖ ﻭﻳﺮﺟﻊ ﻳﺤﻦ ﻋﻠﻴﺞ
ﺻﺎﺣﺒﻲ ﺗﺮﺓ ﺷﺘﺎﻥ ﺑﻴﻨﺞ ﻭﺑﻴﻨﻪ
ﻫﺬﺍ ﺻﺎﺣﺒﻲ ﻭﺍﻧﺘﻲ ﻣﺮﺗﻲ ﻣﺎﻛﻮ ﺍﻱ ﻭﺟﻪ ﻟﻠﻤﻘﺎﺭﻧﺔ
ﺣﺘﻰ ﺗﺠﺮﺑﻴﻦ ﺣﻈﺞ ﻭﻳﺎﻱ
ﺻﺪﻛﻴﻨﻲ . ﺗﻌﺒﻴﻦ ﻟﺤﺪ ﻣﺎ ﻳﻄﻴﺐ ﺟﺮﺣﻲ
ﺍﺑﺘﻌﺪ ﻋﻨﻲ ﺍﻟﺘﻔﺖ ﻳﺮﻳﺪ ﻳﻄﻠﻊ ﻣﻦ ﺍﻟﻐﺮﻓﺔ
ﺷﻬﻜﺖ ﻣﺼﺪﻭﻣﺔ ﻣﻦ ﺭﺩﻩ ﻭﺻﺪﻩ ﺍﻟﺒﺎﺭﺩ ﺍﻟﻲ
ﻻ ﻣﺴﺘﺤﻴﻞ ﻳﺴﻮﻱ ﻭﻳﺎﻱ ﻫﺸﻜﻞ
ﺣﺠﻴﺖ ﺑﻜﻞ ﻗﻬﺮ
.. ﻗﺎﺳﻢ ﺍﺫﺍ ﻃﻠﻌﺖ ﻣﻦ ﺍﻟﻐﺮﻓﺔ ﺍﻋﺘﺒﻎ ( ﺍﻋﺘﺒﺮ ) ﻛﻠﺸﻲ ﺍﻟﻲ ﺑﻴﻨﺎ ﺍﻧﺘﻬﻰ
ﻻﻥ ﺍﻧﻲ ﺑﻌﺪ ﻣﺎﻋﻨﺪﻱ ﺷﻲ ﺍﻛﺜﺮ ﺍﺳﻮﻱ
ﺟﺎﻭﺑﻨﻲ ﻭﻫﻮ ﻣﻨﻄﻴﻨﻲ ﻇﻬﺮﻩ ﻭﻛﺎﻝ
.. ﺍﻧﻲ ﻋﻨﻲ ﻣﻨﺘﻬﻲ ﻣﻦ ﺯﻣﺎﻥ ﻫﺎﻱ ﺑﻘﺖ ﻳﻤﺞ
ﺍﺫﺍ ﻛﻨﺘﻲ ﻻﺯﺍﻟﺘﻲ ﺗﻌﺘﻘﺪﻳﻦ ﺍﻛﻮﻝ ﺷﻲ ﺑﻴﻨﺎ
.....
ﺭﺍﺡ ﻃﻠﻊ ﻭﺗﺮﻛﻨﻲ
ﺑﺴﺎﻋﺘﻬﺎ ﺍﺗﺠﻤﻊ ﻛﻞ ﻏﻀﺐ ﺍﻟﻌﺎﻟﻢ ﺑﺼﺪﺭﻱ
ﻭﺻﺮﺕ ﻣﺜﻞ ﺍﻟﻤﺨﺒﻠﻪ ﺍﺗﺤﺮﻙ ﺑﺎﻟﻐﺮﻓﺔ
ﺧﺮﺑﺖ ﻛﻞ ﻓﻴﻜﺔ ﻭﺗﺮﺗﻴﺐ ﺳﻮﻳﺘﻪ ﺑﺎﻟﻐﺮﻓﺔ
ﺻﺮﺕ ﺍﺧﺮﺏ ﻭﺍﻏﻠﻂ ﻭﺍﺑﺠﻲ
.. ﺍﺳﺘﺎﻫﻞ ﻛﻞ ﺍﻟﻲ ﻳﺼﻴﺮ ﺑﻴﺔ ﺍﻧﻲ ﻣﻦ ﺍﻟﺒﺪﺍﻳﺔ
ﺍﺳﺘﻬﺎﻧﻴﺖ ﺑﻨﻔﺴﻲ ﻗﺒﻞ ﻻ ﺍﺳﺘﻬﻴﻦ ﺑﻲ
ﻻﻥ ﻫﻮﺍﻱ ﺍﺗﻨﺎﺯﻟﺖ ﻟﻬﻨﺎ ﻭﻳﻮﺻﻞ ﺣﺪﻱ
ﺩﺧﻠﺖ ﻟﻠﺤﻤﺎﻡ ﻭﻏﺴﻠﺖ ﻭﺟﻬﻲ ﻭﻣﺴﺤﺖ ﺩﻣﻮﻋﻲ
ﺑﻌﺪ ﻣﺎﻛﻮ ﺷﻲ ﺍﺳﻤﻪ ﺩﻣﻮﻉ ﻻﻥ ﻣﺎﻛﻮ ﺷﻲ ﻳﺴﺘﺎﻫﻞ
ﺍﺑﺠﻲ ﻋﻠﻴﻪ
ﺳﺤﺒﺖ ﻧﻘﺎﻟﻲ ﻭﺍﺗﺼﻠﺖ ﻋﻠﻰ ﻣﺮﻭﺓ ﻭﻃﻠﺒﺖ ﻣﻨﻬﺎ ﺗﺠﻲ ﻋﻠﻴﺔ ﺗﺎﺧﺬﻧﻲ .
ﻭﻫﻲ ﺟﺎﻭﺑﺘﻨﻲ ﺑﺪﻭﻥ ﻣﺘﺴﺄﻟﻨﻲ ﻟﻴﺶ ﻭﻛﺄﻧﻤﺎ ﺟﺎﻧﺖ ﻣﻨﺘﻈﺮﺗﻨﻲ ﺍﺗﺼﻞ
.. ﺧﻼﺹ ﺍﻧﻲ ﺩﻗﺎﻳﻖ ﻭﻳﻤﺞ ﺟﻬﺰﻱ ﻧﻔﺴﺞ
ﺑﻴﺖ ﻣﺮﻭﺓ ﻗﺮﻳﺐ ﻋﻠﻰ ﺑﻴﺖ ﻋﻴﺎﻟﻲ ﺍﻗﻞ ﻣﻦ ﻋﺸﺮ ﺩﻗﺎﻳﻖ ﺑﺎﻟﺴﻴﺎﺭﺓ
ﻃﻠﻌﺖ ﺟﻨﻄﺔ ﻭﻓﺘﺤﺖ ﻛﻨﺘﻮﺭ ﺍﺳﻮ ﻭﺍﺧﺬﺗﻠﻬﺎ
ﻣﻼﺑﺴﻬﺎ ﻭﺍﻏﺮﺍﺿﻬﺎ ﻭﺳﺪﻳﺖ ﺍﻟﺠﻨﻄﺔ
ﻭﺭﺣﺖ ﻟﻐﺮﻓﺔ ﻫﺎﻟﺔ
ﺩﺧﻠﺖ ﻟﻠﻐﺮﻓﺔ ﻣﺎ ﻟﻜﻴﺖ ﻫﺎﻟﺔ
ﻓﺘﺤﺖ ﺍﻟﻜﻨﺘﻮﺭ ﻣﺎﻟﺘﻬﺎ ﺍﻟﻲ ﺟﺎﻧﺖ ﺑﻲ ﻣﻼﺑﺴﻲ
ﻭﺑﺪﻳﺖ ﺍﻃﻠﻌﻬﻢ ﻭﺍﺣﻄﻬﻢ ﺑﺠﻨﻄﺘﻲ ﺑﺼﻮﺭﺓ ﻋﺸﻮﺍﺋﻴﺔ
ﻏﻠﻘﺘﻬﺎ ﺷﻠﻮﻥ ﻣﺎ ﺟﺎﻥ
ﻭﺑﺪﻟﺖ ﻣﻼﺑﺴﻲ . ﻭﻟﻤﻴﺖ ﺷﻌﺮﻱ ﺍﻟﻲ ﺟﺎﻥ ﻳﺴﺘﻬﺰﺀ ﻣﻨﻲ
ﻻﻥ ﺍﻧﺨﺬﻟﺖ ﻻﻛﺜﺮ ﻣﻦ ﻣﺮﺓ ﻋﻠﻰ ﺍﻳﺪ ﺍﻗﺮﺏ ﺷﺨﺺ ﺍﻟﻲ
ﺧﻼﺹ ﻳﻠﻌﻦ ﺍﺑﻮ ﺍﻟﺤﺐ ﺍﻟﻲ ﻳﺨﻠﻴﻨﻲ ﺍﻧﺘﻈﺮ
ﺍﻟﻈﺎﻫﺮ ﺍﻧﻲ ﻫﻮﺍﻱ ﺭﺧﺼﺖ ﻣﻦ ﻧﻔﺴﻲ ﻟﻪ
ﺟﻨﺖ ﺍﻟﺒﺲ ﺑﺎﻟﺠﺒﺔ ﺩﺧﻠﺖ ﻫﺎﻟﺔ ﻟﻠﻐﺮﻓﺔ ﻭﺑﻴﺪﻫﺎ ﺍﺳﻮ
ﺷﺎﻓﺘﻨﻲ ﻭﻋﻜﺪﺕ ﺣﻮﺍﺟﺒﻬﺎ ﻭﻛﺎﻟﺖ
.. ﺍﺳﻢ ﺍﻟﻠﻪ ﺷﺒﻴﻜﻢ ﺷﻨﻮ ﺻﺎﺭ ﺫﺍﻙ ﺭﺟﻠﺞ ﻃﻠﻊ ﻣﻦ ﺍﻟﺒﻴﺖ ﻣﻌﺼﺐ
ﻭﺍﻧﺘﻲ ﺣﺎﻟﺘﺞ ﺣﺎﻟﺔ .
ﻧﺰﻟﺖ ﻧﻈﺮﺍﺗﻬﺎ ﻋﺎﻟﺠﻨﻄﺔ
.. ﺗﻌﺎﻱ ﻟﺞ ﺷﻨﻮ ﻫﺎﻱ ﺍﻟﺠﻨﻄﺔ ﻻﻳﻜﻮﻥ ﺗﻔﻜﺮﻳﻦ
ﺗﻄﻠﻌﻴﻦ ﺯﻋﻼﻧﺔ
.. ﺍﻱ ﺷﻜﻮ ﺑﻴﻬﺎ ﻟﻴﺶ ﻣﺴﺘﻐﻐﺒﺔ ( ﻣﺴﺘﻐﺮﺑﺔ ) ﺍﻃﻠﻊ ﺯﻋﻼﻧﺔ ﻣﻦ ﻇﻠﻢ ﺍﺧﻮﺝ
ﺍﻟﻔﻐﻮﺽ ( ﺍﻟﻤﻔﺮﻭﺽ ) ﺍﺻﻼ ﺍﻧﺖ ﺗﺴﺘﻐﻐﺒﻴﻦ ( ﺗﺴﺘﻐﺮﺑﻴﻦ ) ﺑﻘﺎﺋﻲ
ﺍﻧﻲ ﺷﻌﻨﺪﻱ ﻟﺤﺪ ﺍﻻﻥ ﻣﺴﺘﺤﻤﻠﺔ . ﻗﺴﺎﻭﺗﻪ ﻭﺑﻐﻮﺩﻩ ( ﺑﺮﻭﺩﻩ )
ﻫﺎﻱ ﻣﻦ ﻏﻴﻎ ﺍﻣﻮﻍ ( ﻏﻴﺮ ﺍﻣﻮﺭ ) ﺛﺎﻧﻴﺔ ﺗﺪﻓﻌﻨﻲ ﺍﺑﺘﻌﺪ ﻋﻨﻪ .
ﺑﺲ ﻻﻥ ﺍﻧﻲ ﺑﻨﺖ ﺍﺻﻮﻝ ﻭﺍﺣﺒﻪ ﻣﺎ ﻏﺪﺕ ( ﻣﺎﺭﺩﺕ ) ﺍﻫﺠﻢ ﺑﻴﺘﻲ .
ﺑﺲ ﻟﻬﻨﺎ ﻭﻛﺎﻓﻲ ﺍﻧﻲ ﺑﻌﺪ ﻣﺎﺍﻛﺪﻍ ( ﻣﺎﺍﻛﺪﺭ ) ﺍﻛﻤﻞ ﻭﻳﺎﻩ
ﻫﺎﻟﺔ ﺟﺎﻭﺑﺘﻨﻲ ﺑﺨﻮﻑ
.. ﻻ ﻋﻔﻴﺔ ﻫﺪﻯ ﻛﺒﺮﻱ ﻋﻘﻠﺞ ﻭﻻﺗﺘﺨﺒﻠﻴﻦ
ﻋﻠﻰ ﺍﻻﻗﻞ ﻭﺍﺣﺪ ﺑﻴﻜﻢ ﻳﻜﻮﻥ ﺻﺒﻮﺭ ﻣﻮ ﺍﺛﻨﻴﻨﻜﻢ
ﺗﻜﻮﻧﻮﻥ ﻫﻴﺞ ﻭﺗﻌﻤﻮﻥ ﻋﻠﻰ ﺑﻨﺘﻜﻢ
.. ﺣﺒﻴﺒﺘﻲ ﻭﺩﺍﻋﺘﺞ ﺣﺎﻭﻟﺖ ﻭﻳﺔ ﺍﺧﻮﺝ ﻭﺧﻠﺺ ﻛﻞ ﺻﺒﻐﻲ ( ﺻﺒﺮﻱ ) ﻭﻳﺎﻩ .
ﻟﺰﻣﺖ ﺍﻟﺠﻨﻄﺔ ﺣﺘﻰ ﺍﻧﺰﻝ
ﻟﺰﻣﺘﻨﻲ ﻣﻦ ﺍﻳﺪﻱ ﻭﻛﺎﻟﺖ
.. ﻫﺴﺔ ﺑﺲ ﻓﻬﻤﻴﻨﻲ ﺷﻨﻮ ﺭﺍﺡ ﺗﺴﻮﻳﻦ ﻭﻳﻦ ﺗﻄﻠﻌﻴﻦ ﺑﺎﻟﻠﻴﻞ ﺣﺘﻰ ﺍﻟﺴﺎﻋﺔ ﺑﺎﻟﻌﺸﺮﺓ
.. ﻟﺘﺨﺎﻓﻴﻦ ﻋﻠﻴﺔ ﺍﺗﺼﻠﺖ ﻋﻠﻰ ﺍﺧﺘﻲ ﻣﻐﻮﺓ ﻭﻏﺎﺡ ( ﻣﺮﻭﺓ ﻭﺭﺍﺡ )
ﺗﺠﻲ ﻋﻠﻴﺔ ﺗﺎﺧﺬﻧﻲ
.. ﻳﺒﻮﻭﻭ ﻳﺎ ﻫﺪﻯ ﺷﻠﻮﻥ ﺗﺮﺩﻳﻦ ﺗﻄﻠﻌﻴﻦ ﻣﻦ ﺍﻟﺒﻴﺖ
ﻭﻗﺎﺳﻢ ﻭﺍﻣﻲ ﻣﻮ ﺑﺎﻟﺒﻴﺖ
ﻳﻌﻨﻲ ﻭﺍﻟﻠﻪ ﺗﻜﺒﺮ ﺍﻟﺴﺎﻟﻔﺔ ﻭﺗﺼﻴﺮ ﻫﻮﺳﺔ ﺍﺫﺍ ﻗﺎﺳﻢ ﻳﺪﺭﻱ ﺑﻴﺞ ﻃﻠﻌﺘﻲ ﻣﻦ ﺍﻟﺒﻴﺖ ﺑﺪﻭﻥ ﻋﻠﻤﻪ
.....
ﻋﺎﺩﻱ ﺷﻴﻐﻴﺪ ( ﺷﻴﺮﻳﺪ ) ﻳﺴﻮﻱ ﺧﻠﻲ ﻳﺴﻮﻱ ﺑﻌﺪ ﻣﺎ ﻳﻬﻤﻨﻲ
ﺍﺻﻼ ﺍﻧﻲ ﺑﻜﻞ ﺍﻻﺣﻮﺍﻝ ﻣﻨﺒﻮﺫﺓ . ﻭﻣﻐﻀﻮﺏ ﻋﻠﻴﺔ
ﺑﻌﺪ ﻋﻠﻰ ﺷﻨﻮ ﺍﺳﻮﻳﻠﻪ ﺣﺴﺎﺏ
ﺟﻨﺎ ﻧﺤﺠﻲ ﻭﺩﻙ ﻧﻘﺎﻟﻲ ﻭﻛﺎﻥ ﺍﻟﻤﺘﺼﻞ
ﻣﺮﻭﺓ
ﺭﺩﻳﺖ ﻋﻠﻴﻬﺎ ﻛﺎﻟﺖ ﻭﻳﻨﺞ ﺍﻧﻲ ﺑﺎﻟﺒﺎﺏ ﻧﺰﻟﻲ
ﺣﺘﻰ ﺍﺣﺠﻲ ﻭﻳﺔ ﺭﺟﻠﺞ
ﻛﻠﺘﻠﻬﺎ ﻣﺎ ﻳﺤﺘﺎﺝ ﻣﺤﺪ ﺑﺎﻟﺒﻴﺖ .
ﺳﻜﺘﺖ ﻣﺎﺟﺎﻭﺑﺘﻨﻲ ﻭﻛﺎﻟﺖ
.. ﻳﺎﻟﻠﻪ ﻟﻌﺪ ﻃﻠﻌﻴﻠﻲ ﺍﻧﺎ ﻭﺍﻛﻔﺔ ﺑﺎﻟﺒﺎﺏ
ﺳﺪﻳﺖ ﺍﻟﻨﻘﺎﻝ ﻭ ﺑﺎﻭﻋﺖ ﻟﻬﺎﻟﺔ
ﻭﻛﻠﺘﻠﻬﺎ
.. ﺍﻧﻲ ﻃﺎﻟﻌﺔ ﺍﺗﻐﺠﺎﺝ ( ﺍﺗﺮﺟﺎﺝ ) ﻻ ﺗﻠﺰﻣﻴﻨﻲ
ﻭﻻ ﺗﺰﻳﺪﻳﻦ ﻫﻤﻲ ﺑﻜﻼﻣﺞ
ﻫﺎﻟﺔ .. ﻟﺞ ﻫﺪﻯ ﺻﻠﻲ ﺍﻟﻨﺒﻲ ﻭﺍﺗﻌﻮﺫﻱ ﻣﻦ ﺑﻠﻴﺲ
ﻟﺘﻬﺠﻤﻴﻦ ﺑﻴﺘﺞ
ﺍﺧﺬﺕ ﺍﻟﺠﻨﻄﺔ ﻭﻧﺰﻟﺖ ﺑﻴﻬﺎ ﻭﻫﺎﻟﺔ ﺷﺎﻳﻠﺔ ﺍﺳﻮ ﻭﺗﻤﺸﻲ ﻭﺭﺍﻳﺔ ﻭﻛﻠﺘﻠﻬﺎ
.. ﻫﻮ ﺑﻴﺘﻲ ﻣﻬﺠﻮﻡ ﻣﻦ ﺯﻣﺎﻥ
ﺑﺲ ﺍﻧﻲ ﺟﻨﺖ ﺍﺿﺤﻚ ﻋﻠﻰ ﻏﻮﺣﻲ ( ﺭﻭﺣﻲ )
ﻭﺍﻛﻮﻝ ﻋﺴﻰ ﻭﻟﻌﻞ ﻳﺘﺼﻠﺢ ﺍﻟﻮﺿﻊ ﻭﻧﻐﺤﻊ ( ﻧﺮﺟﻊ ) ﻣﺜﻞ ﺍﻻﻭﻝ
ﻃﻠﻌﺖ ﻟﻠﺒﺎﺏ ﻭﻣﺮﻭﺓ ﻧﺰﻟﺖ ﺳﻠﻤﺖ ﻋﻠﻰ ﻫﺎﻟﺔ ﻭﺍﺧﺬﺕ ﻣﻨﻬﺎ ﺍﺳﻮ
ﻭﺍﻧﻲ ﺣﻄﻴﺖ ﺍﻟﺠﻨﻄﺔ ﺑﺎﻟﺴﻴﺎﺭﺓ ﻭﺻﻌﺪﺕ
ﻭﻣﺮﻭﺓ ﺍﻧﻄﺘﻨﻲ ﺍﺳﻮ ﺣﻄﻴﺘﻬﺎ ﺑﺤﻈﻨﻲ ﻭﻫﺎﻟﺔ ﺗﺒﺎﻭﻉ ﻋﻠﻴﻨﺎ ﻣﺼﻔﺼﻔﺔ
ﻣﺘﺄﻛﺪﺓ ﺍﻭﻝ ﻣﺎ ﺗﺴﺪ ﺍﻟﺒﺎﺏ ﺭﺍﺡ ﺗﺘﺼﻞ ﻋﻠﻴﻬﻢ
ﺑﺲ ﺍﻧﻲ ﺑﻌﺪ ﻣﺎ ﻳﻬﻤﻨﻲ ﺧﻼﺹ ﺍﺗﺨﺬﺕ ﻗﺮﺍﺭﻱ
ﻣﺮﻭﺓ ﺻﻌﺪﺕ ﺑﺎﻟﺴﻴﺎﺭﺓ ﻭﺷﻐﻠﺘﻬﺎ ﻭﻣﺸﺖ
ﻭﺩﺍﺭﺕ ﻭﺟﻬﺎ ﻋﻠﻴﺔ ﻭﻛﺎﻟﺖ
.. ﻓﻬﻤﻴﻨﻲ ﺷﻨﻮ ﺍﻟﺼﺎﺭ
ﺑﻌﺪﻫﺎ ﻣﺸﻜﻠﺘﺞ ﻧﻔﺴﻬﺎ ﺍﻧﺘﻲ ﻭﻗﺎﺳﻢ
ﺷﻨﻮ ﻣﺎ ﺍﻧﺘﻬﺖ
.. ﺍﻱ ﻧﻔﺴﻬﺎ ﺍﻟﻤﺸﻜﻠﺔ ﻣﺎ ﺍﻧﺘﻬﺖ ﻭﻻ ﻫﻮ ﻛﺎﺩﻍ ( ﻛﺎﺩﺭ ) ﻳﻨﺴﺎﻫﺎ
ﻣﺮﻭﺓ ﻏﻤﻀﺖ ﻋﻴﻮﻧﻬﺎ ﺑﺼﺒﺮ ﻭﻭﺻﻠﻨﺎ ﻟﺒﻴﺘﻬﻢ
ﺍﻟﻲ ﻛﺎﻥ ﻗﺮﻳﺐ
ﻭﺩﺧﻠﺖ ﺳﻴﺎﺭﺗﻬﺎ ﻟﻠﻜﺮﺍﺝ
ﻭﺳﺪﺕ ﺍﻟﺒﺎﺏ ﺩﺧﻠﻨﺎ ﻟﻠﺒﻴﺖ ﻭﻛﺎﻧﺖ ﻣﺸﻤﺶ ﻧﺎﻳﻤﺔ ﻭﺍﻟﺨﺪﺍﻣﺔ
ﻭﺷﻜﻠﻬﺎ ﺣﺘﻰ ﻣﺮﻭﺓ ﻫﻢ ﺟﺎﻧﺖ ﻧﺎﻳﻤﺔ
ﻻﻥ ﻣﻦ ﻧﺰﻋﺖ ﺍﻟﻘﻤﻴﺺ ﺍﻟﻄﻮﻳﻞ ﺍﺗﻔﺎﺟﺌﺖ ﺟﺎﻧﺖ ﻻﺑﺴﺔ ﺟﻮﺍﻩ
ﺑﺠﺎﻣﺔ ﻣﻨﺰﻟﻴﺔ
ﺍﺑﺘﺴﻤﺖ ﻋﻠﻰ ﻣﻨﻈﺮﻫﺎ ﺧﻄﻴﺔ ﺣﺘﻰ ﻋﻴﻮﻧﻬﺎ ﺟﺎﻧﺖ ﻣﺒﻴﻨﻪ ﻣﺎﻝ ﻧﻌﺴﺎﻧﻪ
ﻛﺎﻟﺖ ﺗﻌﺎﻱ ﻧﺎﻣﻲ ﺍﻧﺘﻲ ﻭﺑﻨﺘﺞ ﺑﻐﺮﻓﺔ ﺷﻴﻤﺎﺀ ﻭﺑﺎﺟﺮ ﻧﺘﻔﺎﻫﻢ .
ﻛﻠﺘﻠﻬﺎ ﻣﺎﻛﻮ ﺷﻲ ﻧﺘﻔﺎﻫﻢ ﻋﻠﻴﺔ ﻗﺎﺳﻢ ﻃﻠﻌﻨﻲ ﻣﻦ ﺣﻴﺎﺗﻪ
ﻣﺎ ﻳﺮﻳﺪﻧﻲ ﺧﻼﺹ ﻭﺍﻧﻲ ﻫﻢ ﻭﺻﻠﺖ ﺣﺪﻱ
ﻟﺰﻣﺘﻨﻲ ﻣﻦ ﺍﻳﺪﻱ ﻭﺍﺧﺬﺗﻨﻲ ﻟﻠﻤﻄﺒﺦ ﻭﻛﺎﻟﺖ
.. ﺳﻮﻳﻠﻲ ﻛﻮﺏ ﻛﻬﻮﺓ ﺣﺘﻰ ﺍﺻﺤﺼﺢ ﻻﻥ ﺍﻟﻈﺎﻫﺮ ﺳﺎﻟﻔﺘﺞ ﻣﻮ ﻣﺎﻝ ﺗﺄﺟﻴﻞ
ﻭﻓﻬﻤﻴﻨﻲ ﺷﺒﻴﻜﻢ ﺷﻨﻮ ﺍﻟﻲ ﻃﺮﺃ ﻋﻠﻴﻜﻢ ﻭﺧﻼﺝ ﺗﻨﺘﻔﻀﻴﻦ ﻋﻠﻰ ﺯﻭﺟﺞ
ﻧﺰﻋﺖ ﺍﻟﺠﺒﺔ ﻭﺍﻧﻄﻴﺖ ﺍﺳﻮ ﻟﻤﺮﻭﺓ ﻛﻌﺪﺗﻬﺎ ﻋﺎﻟﻤﻴﺰ
ﺟﺎﻧﺖ ﺍﺳﻮ ﺗﺒﺎﻭﻉ ﻣﺴﺘﻐﺮﺑﺔ ﻭﺟﻮﺩﻫﺎ ﻫﻨﺎ ﺗﺒﺎﻭﻉ ﻣﻨﺎ ﻭﻣﻨﺎ
ﻛﻌﺪﺕ ﺍﺣﺠﻲ ﻟﻤﺮﻭﺓ ﻋﻦ ﻛﻮﻟﺸﻲ ﺻﺎﺭ ﺑﻴﻨﻲ ﻭﺑﻴﻦ ﻗﺎﺳﻢ
ﺣﻄﻴﺖ ﻛﻮﺏ ﺍﻟﻜﻬﻮﺓ ﻛﺪﺍﻣﻬﺎ
ﻭﺍﺧﺬﺕ ﺍﺳﻮ ﻭﻣﺮﻭﺓ ﺑﺪﺕ ﺗﺸﺮﺏ ﺍﻟﻜﻬﻮﺓ ﻭﺗﺒﺎﻭﻉ ﻋﻠﻴﺔ ﺑﺘﻔﻜﻴﺮ
.. ﺷﻮﻓﻲ ﻫﺪﻯ ﻗﺮﺍﺭﺝ ﺑﺎﻟﺨﺮﻭﺝ ﻣﻦ ﺑﻴﺘﺞ ﻳﺤﺘﺎﺟﻠﻪ
ﺟﺮﺋﺔ ﻭﻗﻮﺓ ﺇﺭﺍﺩﺓ
ﻭﺍﺫﺍ ﻛﻨﺘﻲ ﻧﻮﻳﺘﻲ ﻭﻗﺮﺭﺗﻲ ﻓﺎﺗﻤﻨﻰ ﺗﻜﻮﻧﻴﻦ ﺑﻜﺪ ﻛﻼﻣﺞ
ﻭﺗﺒﻘﻴﻦ ﻗﻮﻳﺔ ﻟﻼﺧﻴﺮ ﻣﻮ ﻣﻦ ﺍﻭﻝ ﻣﻮﺍﺟﻬﺔ ﺗﻨﺴﺤﺒﻴﻦ
.....
ﻣﺎ ﺍﻓﺘﻬﻤﺖ ﻣﺮﻭﺓ ﺷﻨﻮ ﺟﺎﻧﺖ ﺗﻘﺼﺪ
ﺟﻨﺎ ﻧﺤﺠﻲ ﺍﻧﻲ ﻭﻣﺮﻭﺓ ﻭﺟﺎﻥ ﻳﻨﺪﻙ ﺍﻟﺠﺮﺱ
ﻛﻤﺰﺕ ﻣﻦ ﻣﻜﺎﻧﻲ ﻭﻛﻠﺒﻲ ﻧﻬﺾ ﻭﻳﺎﻱ ﻣﻦ ﺍﻟﺨﻮﻑ
ﺑﺎﻭﻋﺖ ﻟﺸﺎﺷﺔ ﺍﻟﻜﺎﻣﻴﺮﺓ ﻋﺰﺓ ﻫﺎﻱ ﺳﻴﺎﺭﺓ ﻗﺎﺳﻢ ﻭﻫﺬﺍ ﻗﺎﺳﻢ
ﻳﺪﻙ ﺑﺎﻟﺒﺎﺏ
ﻣﺮﻭﺓ ﻛﺎﻣﺖ ﻣﻦ ﻣﻜﺎﻧﻬﺎ ﻭﺑﺎﻭﻋﺘﻠﻲ ﻭﻛﺎﻟﺖ
.. ﺍﺗﻤﻨﻰ ﺗﻜﻮﻧﻴﻦ ﻗﻮﻳﺔ ﺑﻜﺪ ﻛﻠﻤﺘﺞ
ﻻ ﺗﻄﻠﻌﻴﻦ
ﺍﻧﺎ ﺭﺍﺡ ﺍﻃﻠﻊ ﺍﺣﺠﻲ ﻭﻳﺎﻩ ﻭﺍﻓﻬﻤﻪ
ﺩﺧﻞ ﺑﺎﻟﻜﺮﺍﺝ ﺍﺳﻤﻌﻪ ﻳﻜﻠﻠﻬﺎ
.. ﻣﺮﻭﺓ ﺭﻭﺣﻲ ﺻﻴﺤﻲ ﻫﺪﻯ ﺍﺭﻳﺪ ﺍﺣﺠﻲ ﻭﻳﺎﻫﺎ
.. ﺍﺫﺍ ﻋﻨﺪﻙ ﻛﻼﻡ ﺍﺣﺠﻲ ﻭﻳﺎﻱ
.. ﺷﻠﻮﻥ ﺗﻄﻠﻊ ﻣﻦ ﺍﻟﺒﻴﺖ ﻭﺍﻧﺎ ﻣﺎﻣﻮﺟﻮﺩ
.. ﻫﺪﻯ ﻣﺎ ﻃﻠﻌﺖ ﻣﻦ ﺍﻟﺒﻴﺖ ﺑﺪﻭﻥ ﻋﻠﻤﻚ
ﻻﻥ ﺍﻧﺖ ﺑﻨﻔﺴﻚ ﻭﺑﺘﺼﺮﻓﺎﺗﻚ ﻃﺮﺩﺗﻬﺎ ﻣﻦ ﺣﻴﺎﺗﻚ ﻛﻠﻬﺎ
ﺷﻨﻮ ﺗﻨﺘﻈﺮ ﻣﻨﻬﺎ ﻳﻌﻨﻲ ﺣﻀﺮﺗﻚ ﺗﺒﻘﻰ ﺧﺪﺍﻣﺔ ﺑﺒﻴﺘﻜﻢ ﻟﻮ ﺷﻨﻮ
ﺍﻧﺖ ﻓﻬﻤﺘﻬﺎ ﺑﺄﻛﺜﺮ ﻣﻦ ﻃﺮﻳﻘﺔ
ﻣﺎ ﺗﺮﻳﺪﻫﺎ ﺑﻌﺪ ﺷﻜﻮ ﺟﺎﻱ ﺿﺎﻳﺞ ﻭﺗﺤﺠﻲ
ﻣﻦ ﻃﻠﻌﺖ ﻣﻦ ﺑﻴﺘﻚ ﻟﻴﺶ ﺷﻨﻮ ﺍﻟﺠﺪﻳﺪ
ﺍﻧﺖ ﻣﻦ ﺍﻻﻭﻝ ﻃﺎﺭﺩﻫﺎ ﻣﻦ ﻏﺮﻓﺘﻬﺎ
ﻭﻛﻠﺘﻠﻬﺎ ﻫﺪﻯ ﻣﻴﺨﺎﻟﻒ ﺻﺒﺮﻱ ﻋﻠﻴﻪ ﻻ ﺑﺪ ﻭﺍﻥ ﻳﺠﻲ ﻳﻮﻡ
ﻭﻳﻨﺴﻰ
ﺑﺲ ﺍﻧﺖ ﻣﺎ ﻧﺴﻴﺖ ﻭﺍﺧﺘﻲ ﺻﺤﻴﺢ ﻏﻠﻄﺖ ﺑﺲ ﻣﺎ ﻛﻔﺮﺕ
ﻗﺎﺳﻢ ﺑﻐﻀﺐ
.. ﻣﺮﻭﺓ ﺭﺟﺎﺀﺍً ﻻ ﺗﺘﺪﺧﻠﻴﻦ ﺑﻴﻨﻲ ﻭﺑﻴﻦ ﻣﺮﺗﻲ
ﺍﺭﺟﻮﺝ ﺭﻭﺣﻲ ﺻﻴﺤﻴﻠﻬﺎ ﺧﻠﻲ ﺗﺮﺟﻊ ﻭﻳﺎﻳﺔ ﻟﻠﺒﻴﺖ
ﺟﺎﻥ ﻗﺎﺳﻢ ﻛﻮﻟﺶ ﻣﻌﺼﺐ ﻭﻛﻮﺓ ﻻﺯﻡ ﻧﻔﺴﻪ ﻣﺎ ﻳﺪﺧﻞ ﻟﻠﺒﻴﺖ ﻭﻳﻄﻠﻌﻨﻲ ﺳﺤﻞ ﻭﻳﺎﺧﺬﻧﻲ ﻭﻳﺎﻩ
ﻫﺴﺔ ﻣﺎ ﺍﻓﺘﻬﻤﺖ ﺍﻱ ﻫﻮ ﻏﻴﺮﻣﺎ ﻳﺮﻳﺪﻧﻲ ﺑﻌﺪ ﺷﻜﻮ ﺟﺎﻱ ﻭﺭﺍﻳﺔ
ﻣﺮﻭﺓ ﺟﺎﻭﺑﺘﻪ ﺑﻌﻨﺎﺩ .. ﺷﻮﻑ ﻗﺎﺳﻢ ﻭﺍﺳﻤﻌﻨﻲ ﺯﻳﻦ
ﻫﺪﻯ ﻃﻠﻌﺖ ﻣﻦ ﺑﻴﺘﻚ ﺯﻋﻼﻧﺔ
ﻳﻌﻨﻲ ﻣﺜﻠﻚ ﺣﺎﻟﻬﺎ ﻣﻦ ﺣﺎﻟﻚ
ﻣﺜﻞ ﻣﺎ ﺍﻧﺖ ﺗﺸﻮﻑ ﺭﻭﺣﻚ ﺍﻧﻈﻠﻤﺖ ﻭﺍﻧﺠﺮﺣﺖ ﺑﻤﻮﻗﻔﻬﺎ ﻭﻳﺎﻙ
ﻫﻲ ﻫﻢ ﺗﺸﻮﻑ ﻧﻔﺴﻬﺎ ﺍﻧﺖ ﻇﻠﻤﺘﻬﺎ ﻭﺟﺮﺣﺘﻬﺎ
ﺍﺿﻌﺎﻑ ﺟﺮﺣﻬﺎ ﺍﻟﻚ ﻋﻠﻰ ﺍﻻﻗﻞ ﻫﻲ ﻣﺠﺎﻧﺖ ﺗﻘﺼﺪ ﺗﺄﺫﻳﻚ
ﻛﻠﺸﻲ ﺻﺎﺭ ﺧﺎﺭﺝ ﻋﻦ ﺇﺭﺍﺩﺗﻬﺎ
ﺑﺲ ﺍﻧﺖ ﺟﺮﺣﺘﻬﺎ ﻣﺘﻌﻤﺪ ﺗﻘﻬﺮﻫﺎ . ﺧﻼﺹ ﻋﻠﻰ ﺷﻨﻮ ﻫﺎﻱ
ﺍﻟﻤﻠﺤﻤﺔ . ﺍﻟﻲ ﻣﺴﻮﻳﻬﺎ ﻫﺴﻪ
ﻫﺎﻱ ﺣﻴﺎﺓ ﺯﻭﺟﻴﺔ ﻣﻮ ﺳﺎﺣﺔ ﻣﻌﺮﻛﺔ . ﻭﺧﺼﻢ ﻭﺗﺼﻔﻴﺔ ﺣﺴﺎﺏ ﻭﺍﻧﺘﻘﺎﻡ
ﻳﻌﻨﻲ ﺍﻟﻠﻪ ﻳﺤﻔﻈﻚ ﺍﺫﺍ ﺍﻧﺖ ﻣﺎ ﻧﺎﻭﻱ ﺗﻨﺴﻰ ﺧﻼﺹ ﻛﻞ ﻭﺍﺣﺪ
ﻳﺮﻭﺡ ﺑﻄﺮﻳﻘﻪ
ﻗﺎﺳﻢ ﺟﺎﻭﺑﻬﺎ ﺑﻨﻔﺎﺫ ﺻﺒﺮ
.. ﻣﺮﻭﺓ ﺍﻧﺘﻲ ﻟﻴﺶ ﺩﺗﺤﺠﻴﻦ ﻋﻨﻬﺎ ﻫﻲ ﻭﻳﻨﻬﺎ
ﺧﻠﻴﻬﺎ ﺗﻄﻠﻌﻠﻲ
ﺻﺎﺡ ﺑﺼﻮﺕ ﻋﺎﻟﻲ
.. ﻫﺪﻯ ﻃﻠﻌﻲ ﺟﻴﺒﻲ ﺍﺳﻮ ﺧﻠﻲ ﻧﺮﺟﻊ ﻟﻠﺒﻴﺖ ﻭﻫﻨﺎﻙ ﻧﺤﺠﻲ
ﺍﻟﺘﻤﺴﺖ ﺑﺼﻮﺗﻪ ﻧﺒﺮﺕ ﺗﻤﻠﻚ ﻣﺜﻞ ﺍﻟﻲ ﻳﺨﺎﻑ ﻳﺨﺴﺮ
ﺷﻲ ﺟﺎﻥ ﻣﺎ ﺣﺎﺱ ﺑﻘﻴﻤﺘﻪ
ﺍﻟﻤﺸﻜﻠﺔ ﺻﺮﺕ ﺍﻋﺮﻑ ﻗﺎﺳﻢ ﺍﻛﺜﺮ ﻣﻦ ﻧﻔﺴﻲ ﻟﻠﺤﻈﺔ
ﻛﻠﺒﻲ ﺭﻑ ﻋﻠﻴﻪ ﻭﻫﻤﻴﺖ ﺍﻃﻠﻊ ﻭﺍﻃﻤﻨﻪ
ﺑﺲ ﺍﺭﺗﺪﻳﺖ ﻭﺍﺗﻤﺎﺳﻜﺖ ﺍﺫﺍ ﺍﺗﻨﺎﺯﻟﺖ ﻫﺴﺔ ﻭﺭﺟﻌﺖ ﻭﻳﺎﻩ
ﻣﻌﻨﺎﻫﺎ ﺭﺍﺡ ﺍﺧﺴﺮ ﺣﻘﻲ ﺑﺎﻟﻜﻼﻡ ﻭﺍﻻﻋﺘﺮﺍﺽ ﻋﻠﻰ ﺗﺼﺮﻓﺎﺗﻪ ﻭﻗﺴﻮﺗﻪ ﻭﻳﺎﻳﺔ
.....
ﻣﺮﻭﺓ ﻛﻠﺘﻠﻪ ﺑﻐﻀﺐ
.. ﻧﺼﻲ ﺻﻮﺗﻚ ﻗﺎﺳﻢ ﺷﻨﻮ ﺍﻟﺪﺍﻋﻲ ﺻﻮﺗﻚ ﻛﻮﻟﺶ ﻋﺎﻟﻲ ﻭﻣﻨﺎ ﺍﻟﺠﻮﺍﺭﻳﻦ
ﺍﺭﺟﻊ ﻟﺒﻴﺘﻜﻢ ﺧﻠﻲ ﺍﺧﺘﻲ ﺷﻮﻳﺔ ﺗﻬﺪﻱﺀ . ﻭﺗﺮﺗﺎﺡ ﻣﻦ ﺍﻟﻀﻐﻂ .
ﻭﺍﻧﺖ ﻫﻢ ﻛﻮﻟﺶ ﻣﻌﺼﺐ ﻣﺎ ﺭﺍﺡ ﺗﻜﺪﺭ ﺗﺤﻞ
ﺍﻣﻮﺭﻛﻢ ﺑﻬﺎﻱ ﻋﺼﺒﻴﺘﻚ
ﻗﺎﺳﻢ .. ﻳﻌﻨﻲ ﺍﻓﻬﻢ ﻣﻦ ﻛﻼﻣﺞ ﺍﻥ ﻫﺬﺍ ﻗﺮﺍﺭ ﻫﺪﻯ
ﻣﺘﺮﻳﺪ ﺗﺮﺟﻊ ﻭﻳﺎﻳﺔ
.. ﺍﻱ ﻗﺮﺍﺭﻫﺎ ﺑﺬﺍﺕ ﻧﻔﺴﻬﺎ
ﻗﺎﺳﻢ .. ﺷﻮﻓﻲ ﻣﺮﻭﺓ ﺗﺮﺣﻴﻦ ﺗﻜﻮﻟﻴﻠﻬﺎ ﺍﺫﺍ ﻣﺎ ﺗﺮﺟﻊ ﻭﻳﺎﻳﺔ
ﻟﻠﺒﻴﺖ ﺧﻠﻲ ﺗﺪﺯ ﺑﻨﺘﻲ ﺍﺳﺎﻭﺭ
ﻭﻫﻲ ﺧﻠﻴﻬﺎ ﺑﺮﺍﺣﺘﻬﺎ
ﺷﻬﻜﺖ ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﺍﺣﺲ ﺑﻜﻠﺒﻲ
ﺍﻧﻌﺼﺮ ﻣﻦ ﻛﺎﻝ ﻳﺎﺧﺬ ﺍﺳﻮ
ﺟﻨﺖ ﺷﺎﻳﻠﺘﻬﺎ ﻋﻠﻰ ﺻﺪﺭﻱ
ﻏﻤﻀﺖ ﻋﻴﻮﻧﻲ ﻭﻟﻤﻴﺖ ﺍﺳﻮ ﻟﺤﻀﻨﻲ .
ﻳﻤﺔ ﻛﻮﻟﺸﻲ ﻭﻻ ﺑﻨﺘﻲ ﺷﻠﻮﻥ ﻳﺎﺭﺑﻲ ﻭﺍﻟﻠﻪ ﺍﻟﻘﺮﺍﺭ ﺻﻌﺐ
ﻟﻴﺶ ﻫﻴﺞ ﻳﻠﺰﻣﻨﻲ ﻣﻦ ﺍﻳﺪﻱ ﺍﻟﺘﻮﺟﻌﻨﻲ
ﻣﺮﻭﺓ ﻛﻠﺘﻠﻪ .. ﻟﺤﻈﺔ ﺍﻧﺘﻈﺮ ﺧﻠﻲ ﺍﺩﺧﻞ ﺍﺷﻮﻓﻬﺎ ﺷﻨﻮ ﺗﻜﻮﻝ
ﺩﺧﻠﺖ ﻣﺮﻭﺓ ﻟﻠﻤﻄﺒﺦ ﻭﺷﺎﻓﺘﻨﻲ ﻭﺍﻛﻔﺔ ﻭﺭﺓ ﺍﻟﺒﺎﺏ
ﻭﻛﺎﻟﺖ ﺳﻤﻌﺘﻲ ﺍﻟﺤﺠﻲ ﻛﻠﻪ
ﻫﺰﻳﺖ ﺭﺍﺳﻲ ﺑﺎﻟﻤﻮﺍﻓﻘﺔ
ﻛﺎﻟﺖ .. ﺷﻮﻓﻲ ﻫﺪﻯ ﺍﻳﺎﻧﻲ ﻭﻳﺎﺝ ﺗﺴﺘﻠﻤﻴﻦ ﺣﺘﻰ ﻟﻮ ﻛﺎﻥ ﺍﻟﺜﻤﻦ ﻳﺎﺧﺬ ﺑﻨﺘﺞ
ﻣﺎﺭﺍﺡ ﻳﺼﻴﺮ ﻋﻠﻴﻬﺎ ﺷﻲ ﻻ ﺗﻨﺠﺤﻴﻦ ﺣﻴﺎﺓ ﺑﻨﺘﺞ ﻋﻠﻰ ﺣﺴﺎﺏ ﺣﻴﺎﺗﺞ
ﺷﻮﻓﻲ ﺍﺫﺍ ﻣﺎ ﺗﺴﻮﻳﻦ ﺣﻞ ﻭﺩﺭﺱ ﻟﺮﺟﻠﺞ ﻣﻦ ﻫﺴﺔ ﺍﻛﻮﻟﺞ
ﺻﺪﻛﻴﻨﻲ ﻣﺎ ﺭﺍﺡ ﺗﺮﺗﺎﺣﻴﻦ ﻃﻮﻝ ﻋﻤﺮﺝ ﺭﺍﺡ ﻳﺒﻘﻰ ﻳﺴﺘﻘﻮﻯ ﻋﻠﻴﺞ
.. ﺍﻱ ﺑﺲ ﻣﻐﻮﺓ ﻳﻐﻴﺪ ( ﻣﺮﻭﺓ ﻳﺮﻳﺪ ) ﻳﺎﺧﺬ ﺑﻨﺘﻲ ﺍﺳﻮ ﻣﻨﻲ
.. ﺍﻱ ﻭﺷﻨﻮ ﻳﻌﻨﻲ ﻫﻲ ﻫﻢ ﺑﻨﺘﻪ ﻟﺘﺨﺎﻓﻴﻦ ﻋﻠﻴﻬﺎ
ﻗﺎﺑﻞ ﺷﺮﺍﺡ ﻳﺼﻴﺮ ﺑﻴﻬﺎ ﺷﻲ
ﻭﺩﺍﻋﺘﺞ ﺗﻌﻴﺶ ﻋﻨﺪﻩ ﻣﺪﻟﻠﺔ ﺍﻛﺜﺮ ﻣﺎ ﺟﻨﺘﻲ ﻭﻳﺎﻫﺎ
ﻣﺤﺪ ﻳﺒﻘﻲ ﻋﺠﻴﻨﻪ ﺑﺎﻟﺸﻤﺲ
ﻏﻤﻀﺖ . ﻋﻴﻮﻧﻲ ﻭﻣﺪﻳﺖ ﺍﻳﺪﻳﻪ ﻭﺍﻧﻲ ﺷﺎﻳﻠﺔ ﺍﺳﻮ ﺣﺘﻰ ﺗﺎﺧﺬﻫﺎ ﻣﻨﻲ ﻭﺗﻨﻄﻴﻬﺎ ﻷﺑﻮﻫﺎ
ﻣﺮﻭﺓ ﺩﻓﻌﺖ ﺍﻳﺪﻱ ﻭﺭﺟﻌﺖ ﺑﻨﺘﻲ ﻋﻠﻴﺔ
.. ﻻ ﺣﺒﻴﺒﺘﻲ ﻣﻮ ﺍﻧﻲ ﺍﻟﻲ ﺍﻧﻄﻲ ﺑﻨﺘﻪ
ﺍﺭﻳﺪﺝ ﺍﻧﺘﻲ ﺗﻄﻠﻌﻴﻦ . ﻭﺗﺤﻄﻴﻦ ﻋﻴﻨﺞ . ﺑﻌﻴﻨﻪ ﻭﺗﻨﻄﻴﻨﻪ ﺑﻨﺘﻪ
ﺍﺭﻳﺪﻩ ﻳﺸﻮﻑ ﺍﻥ ﻫﻮ . ﻣﺎﻛﺪﺭ ﻳﻜﺴﺮﺝ ﻭﺍﻥ ﺍﻧﺘﻲ ﺑﻌﺪﺝ
ﻣﺼﺮﺓ ﺧﻠﻲ ﻳﺸﻮﻑ ﻫﺪﻯ ﺍﻟﻘﻮﻳﺔ
ﺻﺪﻛﻴﻨﻲ ﺍﻟﺮﺟﺎﻝ ﻳﺤﺘﺮﻡ ﺍﻟﻤﺮﺃﺀﺓ ﺍﻟﻘﻮﻳﺔ .
ﻭﻗﺎﺳﻢ ﻣﻦ ﻫﺬﺍ ﺍﻟﻨﻮﻉ ﻣﺎ ﻳﺴﺘﻬﻮﻱ ﺍﻟﻤﺮﺓ ﺍﻟﻀﻌﻴﻔﺔ
ﻭﺍﻧﺘﻲ ﻋﻮﺩﺗﻴﻪ ﺩﺍﺋﻤﺎ ﺍﻧﺘﻲ ﻗﻮﻳﺔ
ﺑﻬﻮﺍﻱ ﻣﻮﺍﻗﻒ
ﺑﺲ ﻣﻊ ﺍﻻﺳﻒ ﻣﻦ ﻭﺻﻞ ﺍﻟﻤﻮﺿﻮﻉ ﻟﻠﺤﺐ
ﻃﻠﻌﺘﻲ ﺍﺿﻌﻒ ﻣﻨﺞ ﻣﺎﻛﻮ
ﻫﻮﺍﻳﺔ ﺑﻴﻨﺘﻲ ﺿﻌﻔﺞ ﻛﺪﺍﻣﻪ ﻭﻫﺬﺍ ﺍﻟﺸﻲ ﺧﻼﻩ ﻳﺴﺘﻬﺎﻥ
ﻛﻼﻡ ﻣﺮﻭﺓ ﻭﻳﺎﻱ ﻛﺎﻥ ﻟﻪ ﺗﺄﺛﻴﺮ ﻛﺒﻴﺮ ﻋﻠﻰ ﻣﺸﺎﻋﺮﻱ
ﺳﺤﺒﺖ ﻧﻔﺲ ﻋﻤﻴﻖ ﻭﺟﺎﻭﺑﺘﻬﺎ
.. ﻫﺎﻱ ﻫﻲ ﺧﻼﺹ ﺍﻧﻲ ﻃﺎﻟﻌﺘﻠﻪ ﻭﻏﺎﺡ ( ﻭﺭﺍﺡ ) ﺍﺳﻠﻤﻪ ﺑﻨﺘﻪ ﺑﻴﺪﻩ
ﻭﺍﻧﻄﻲ ﺍﻟﻤﻘﺴﻮﻡ
......
ﻓﺘﺤﺖ ﺍﻟﺒﺎﺏ
ﻭﻃﻠﻌﺖ ﻟﻠﻜﺮﺍﺝ ﻭﺍﻧﻲ ﺷﺎﻳﻠﺔ ﺑﻴﺪﻱ ﺍﺳﻮ
ﻫﻮﺷﺎﻓﻨﻲ ﻭﺍﻧﻄﺎﻧﻲ ﻧﻈﺮﺓ ﺗﺠﺪﺡ ﻧﺎﺭ
ﺍﻱ ﺑﺲ ﻣﻮ ﺍﻗﻮﻯ ﻣﻦ ﻧﺎﺭ ﻛﻠﺒﻲ
ﻭﻛﻔﺖ ﻛﺪﺍﻣﻪ ﻭﺳﻠﻤﺘﻪ ﺍﺳﻮ ﻫﻲ ﺷﻤﺮﺕ ﺭﻭﺣﻬﺎ ﻋﻠﻰ ﺍﺑﻮﻫﺎ
ﻋﺒﺎﻟﻬﺎ ﻟﻌﺒﺔ . ﺍﺧﺬﻫﺎ ﻣﻨﻲ ﻭﻛﺎﻝ
.. ﺟﻴﺒﻲ ﺟﻨﻄﺘﺞ ﻭﺗﻌﺎﻱ ﻫﺎﻱ ﺍﺧﺮ ﻣﺮﺓ ﺍﻋﻴﺪ ﻭﺍﻛﻮﻟﻬﺎ ﺍﻟﺞ
ﻣﺎﻛﻮ ﺑﻌﺪ ﺍﺫﺍ ﻃﻠﻌﺖ ﻣﻦ ﺍﻟﺒﺎﺏ ﺍﻧﺎ ﻭﺍﺳﻮ
ﺻﺪﻛﻴﻨﻲ ﺍﺧﻠﻴﺞ ﺗﺤﻠﻤﻴﻦ ﺗﺸﻮﻓﻴﻨﺎ
ﻏﻤﻀﺖ ﻋﻴﻮﻧﻲ ﻭﻛﻠﺘﻠﻪ
.. ﻋﺎﺩﻱ ﺍﺻﻼ ﻣﺎ ﺍﺳﺘﻐﻐﺐ ﺗﺼﻐﻔﻚ ( ﻣﺎﺍﺳﺘﻐﺮﺏ ﺗﺼﺮﻓﻚ )
ﻗﺴﺎﻭﺗﻚ ﻣﻮ ﺟﺪﻳﺪﺓ ﻋﻠﻴﺔ
ﻋﺎﺩﻱ ﻋﻨﺪﻙ ﺗﺸﻮﻓﻨﻲ ﺍﺗﻠﻮﻉ ﻋﻠﻤﻮﺩ ﻓﻐﺎﻙ ( ﻓﺮﺍﻙ ) ﺑﻨﺘﻲ
.. ﻣﺎ ﺩﺍﻣﺞ ﺭﻓﻀﺘﻲ ﺗﺮﺟﻌﻴﻦ ﻭﻳﺎﻳﺔ ﻣﺴﺘﺤﻴﻞ ﺍﺧﻠﻲ ﺑﻨﺘﻲ ﻋﻨﺪﺝ
ﻛﻞ ﻛﻠﻤﺔ ﻣﻨﻪ ﺍﺣﺲ ﺑﻴﻬﺎ ﻣﺜﻞ ﺍﻟﺴﻬﻢ ﻳﻨﺒﺖ ﺑﮕﻠﺒﻲ
ﺍﺗﻨﻬﺪﺕ ﺑﺄﻟﻢ ﻭﻫﻤﺴﺖ ﺑﺘﻌﺐ
.. ﺧﻼﺹ ﻫﺎﻱ ﻫﻲ ﺍﺧﺬ ﺑﻨﺘﻚ ﻳﻤﻚ
ﻭﻏﺒﻴﻬﺎ ﺗﻐﺒﻴﺔ ( ﻭﺭﺑﻴﻬﺎ ﺗﺮﺑﻴﺔ ) ﺻﺎﻟﺤﺔ ﺍﺣﺴﻦ ﻣﻨﻲ
ﻻﻥ ﺍﻧﻲ ﺗﻐﺒﻴﺔ ﺍﺛﻴﻎ ﺗﻌﻐﻒ ( ﺗﺮﺑﻴﺔ ﺍﺛﻴﺮ ﺗﻌﺮﻑ ) ﻭﺑﻨﺘﻪ .
ﺧﺎﻑ ﺗﻐﺒﻴﺘﻲ ( ﺗﺮﺑﻴﺘﻲ ) ﻟﺒﻨﺘﻲ ﺗﺠﻴﺒﻠﻚ ﺍﻟﻌﺎﻍ ( ﺍﻟﻌﺎﺭ )
ﺍﺧﺬﻫﺎ ﻭﻏﻮﺡ ( ﻭﺭﻭﺡ ) ﻣﻨﺎ
ﻭﺷﻮﻑ ﺣﻴﺎﺗﻚ ﺍﻧﺖ ﺗﺴﺘﺤﻖ ﻭﺣﺪﺓ ﻏﻴﻐﻲ ( ﻏﻴﺮﻱ )
ﺗﺼﻮﻥ ﺑﻴﺘﻚ ﻭﺗﻠﺰﻡ ﻇﻬﻐﻚ ( ﻇﻬﺮﻙ ) ﺑﻐﻴﺎﺑﻚ ﻭﺑﻮﺟﻮﺩﻙ
ﻭ ﺗﺒﻎ ( ﻭﺗﺒﺮ ) ﺑﺄﻣﻚ ﻭﺗﺤﺐ ﺧﻮﺍﺗﻚ
ﻭﺍﻧﻲ ﺑﺎﻟﺤﻘﻴﻘﺔ ﺍﻋﺘﻐﻒ ( ﺍﻋﺘﺮﻑ ) ﻓﺸﻠﺖ ﺑﺤﻴﺎﺗﻲ ﻭﻳﺎﻙ
ﻻﻥ ﻏﻠﻄﺖ ﺑﺤﻘﻚ ﻭﺍﻧﺖ ﻣﺘﻌﻐﻒ ( ﻣﺘﻌﺮﻑ ) ﺗﺴﺎﻣﺢ ﻻﻥ ﺍﺻﻼ ﺍﻧﻲ
ﻣﻮ ﻣﻬﻤﺔ ﻋﻨﺪﻙ
ﺍﻟﻠﻪ ﻳﻌﻮﺿﻚ ﺑﺎﻻﺣﺴﻦ ﻣﻨﻲ
ﺍﻧﻲ ﻣﺎ ﺍﻓﻴﺪﻙ
ﺻﺪﻛﻨﻲ ﻟﻮ ﺷﻤﺎ ﻏﺎﺡ ( ﺭﺍﺡ ) ﺍﺳﻮﻱ ﻭﺍﻗﺪﻡ ﺍﺑﻘﻰ ﺑﻨﺖ ﺍﺛﻴﻎ ( ﺍﺛﻴﺮ )
ﻭﺗﺒﻘﻰ ﺍﻧﺖ ﻣﻌﻠﻚ ﻫﺬﺍ ﺍﻟﺸﻲ ﺑﻐﻜﺒﺘﻲ ( ﺑﺮﻛﺒﺘﻲ )
ﺍﻧﺘﺒﻬﺖ ﻟﻘﺎﺳﻢ ﺑﻬﺖ ﻟﻮﻥ ﻭﺟﻬﻪ
ﻭﻻﻭﻝ ﻣﺮﺓ ﺍﺷﻮﻑ ﻗﺎﺳﻢ ﻳﻔﻘﺪ ﺍﻟﻜﻼﻡ ﻋﺒﺎﻟﻚ ﻭﺍﺣﺪ ﻣﻀﺮﻭﺏ ﻋﻠﻰ ﻭﺟﻬﻪ
ﺍﺟﺘﻲ ﻣﺮﻭﺓ
ﻭﺻﺎﺣﺘﻨﻲ .. ﻫﺪﻯ ﻓﻮﺗﻲ ﺩﺧﻠﻲ ﺟﻮﺓ ﺍﺭﻳﺪ ﺍﺣﺠﻲ ﻭﻳﺔ ﻗﺎﺳﻢ ﻛﻢ ﻛﻠﻤﺔ
ﺩﺭﺕ ﻭﺟﻬﻲ ﺍﺭﻳﺪ ﺍﺭﺟﻊ
ﺳﻤﻌﺖ ﻗﺎﺳﻢ ﻛﺎﻝ ﻟﻤﺮﻭﺓ
.. ﺷﺘﺮﻳﺪﻳﻦ ﻣﺮﻭﺓ ﺍﻛﻮ ﺷﻲ ﺑﻌﺪ
ﺗﺮﻛﺘﻬﻢ ﻳﺤﺠﻮﻥ ﻭﺩﺧﻠﺖ ﻟﻠﺒﻴﺖ
ﺷﻴﻤﺎﺀ
ﻣﺮﻳﻢ ﺍﺗﺰﻭﺟﺖ ﻭﺳﺎﻓﺮﺕ ﻭﻳﺔ ﺯﻭﺟﻬﺎ ﻟﺸﻬﺮ ﻋﺴﻞ ﺑﺎﻟﺸﻤﺎﻝ ﻭﻫﺴﺔ ﻫﻤﺔ ﻫﻨﺎﻙ
ﺩﻳﺘﻮﻧﺴﻮﻥ ﺟﻨﺖ ﺑﻴﻦ ﻳﻮﻡ ﻭﻳﻮﻡ ﺍﺗﺼﻞ ﺍﺗﻄﻤﻦ ﻋﻠﻴﻬﺎ
ﺍﻣﺎ ﻣﺮﻭﺓ
ﺷﺎﻏﻠﺔ ﺑﺎﻟﻲ ﻛﻮﻟﺶ ﻫﻮﺍﻱ ﺧﺼﻮﺻﺎً ﺍﺗﻘﺪﻣﻠﻬﺎ
ﺻﺪﻳﻖ ﻇﺎﻓﺮ ﻳﺮﻳﺪ ﻳﺘﺰﻭﺟﻬﺎ
ﻛﺎﻥ ﻣﺘﺰﻭﺝ ﻭﻋﻨﺪﻩ ﺟﻬﺎﻝ
ﻭﻳﺮﻳﺪ ﻳﺘﺰﻭﺝ ﻣﺮﺓ ﺛﺎﻧﻴﺔ ﻻﻥ ﻣﺮﺗﻪ ﺣﺴﺐ ﻛﻼﻣﻪ ﻣﺮﻳﻀﺔ
ﻭﻣﺮﺓ ﺷﺎﻑ ﻣﺮﻭﺓ ﻭﻳﺔ ﺍﺑﻮ ﻳﺎﺳﺮ
ﻭﻋﺎﺟﺒﺘﻪ
ﺑﺲ ﻣﺮﻭﺓ ﺭﻓﻀﺘﻪ ﺑﺪﻭﻥ ﺣﺘﻰ ﻣﺎ ﺗﺴﻤﻊ ﻋﻨﻪ ﺍﻱ ﺷﻲ
ﻣﺠﺮﺩ ﻋﺮﻓﺘﻪ ﻳﺮﻳﺪ ﻳﺘﺰﻭﺝ ﻋﻠﻰ ﻣﺮﺗﻪ
ﻛﺒﻞ ﺍﻧﻄﺘﻪ ﺍﻟﻜﺎﺭﺕ ﺍﻻﺣﻤﺮ
.....
ﺑﺎﻟﺤﻘﻴﻘﺔ ﻫﻲ ﺑﻌﺪﻫﺎ ﻋﻤﺮﻫﺎ ﺑﺎﻟﺜﻼﺛﻴﻦ ﻭﺩﻛﺘﻮﺭﺓ ﻧﺎﺟﺤﺔ
ﻳﻌﻨﻲ ﺍﻟﺤﻴﺎﺓ ﺑﻌﺪﻫﺎ ﻛﺪﺍﻣﻬﺎ ﻭﺗﺴﺘﺤﻖ ﺷﺨﺺ ﻳﻜﻮﻥ ﻛﻔﻮ ﻟﻬﺎ
ﺑﺲ ﻫﻲ ﻋﻴﺒﻬﺎ ﺩﺍﺋﻤﺎ ﺗﺼﺪ ﺍﻟﻲ ﻳﻘﺘﺮﺏ ﻣﻨﻬﺎ
ﻭﻛﻠﻤﺎ ﺍﺳﺄﻟﻬﺎ ﻋﻦ ﺍﻟﺴﺒﺐ ﺗﻜﻠﻲ
ﺍﻧﻲ ﻣﺎ ﺗﻌﺒﺖ ﻛﻞ ﻫﺬﺍ ﺍﻟﺘﻌﺐ ﻭﻭﺻﻠﺖ ﻟﻬﺎﻱ ﺍﻟﻤﺮﺣﻠﺔ
ﻋﻠﻤﻮﺩ ﺍﻧﺰﻝ ﻗﻴﻤﺘﻲ ﻭﺍﺗﺰﻭﺝ ﺑﻬﻴﺞ ﻃﺮﻳﻘﺔ
ﺷﻴﻤﺎﺀ ﺍﻧﺘﻲ ﻏﻠﻄﺎﻧﺔ ﻟﻮ ﻛﻨﺘﻲ ﺗﻌﺘﻘﺪﻳﻦ ﺍﻥ ﺳﻌﺎﺩﺓ ﺍﻟﻤﺮﺃﺓ ﺗﻜﺘﻤﻞ ﺑﻮﺟﻮﺩ ﺍﻟﺮﺟﻞ
ﻟﻴﺶ ﻣﺘﻜﻮﻟﻴﻦ ﺷﻬﺎﺩﺗﻲ ﻭﻃﻤﻮﺣﻲ ﻭﺣﺮﻳﺘﻲ . ﻋﻤﻠﻲ ﻭﺑﻨﺘﻲ ﻭﺍﻧﺘﻮﺍ ﻫﻤﺔ ﺳﺒﺐ ﺍﻟﺴﻌﺎﺩﺓ
ﺗﺼﺪﻛﻴﻦ ﺍﺫﺍ ﻛﻠﺘﻠﺞ ﺍﻧﻲ ﻋﻨﺪﻱ ﻫﺬﻧﻲ ﺍﻻﺷﻴﺎﺀ ﺍﻟﻲ ﻋﺪﺩﺗﻬﻢ
ﺍﻫﻢ ﻋﻨﺪﻱ ﻣﻦ ﻭﺟﻮﺩ ﺭﺟﻞ ﺑﺠﺎﻧﺒﻲ ﺛﻘﻲ ﺑﺎﻟﻠﻪ
ﺍﻟﺰﻭﺝ ﻣﺎ ﻳﻘﺪﻡ ﻭﻻ ﻳﺄﺧﺮ ﻋﻨﺪﻱ ﺷﻲ
ﻭﻋﻠﻰ ﻃﺎﺭﻱ ﺍﻟﺤﺮﻳﺔ . ﺍﻧﻲ ﻭﻣﺸﻤﺶ ﺭﺍﺡ ﻧﺴﺎﻓﺮ ﺍﻟﺸﻬﺮ ﺍﻟﺠﺎﻱ ﻻﻳﻄﺎﻟﻴﺎ
ﺍﻳﻔﺎﺩ ﻭﻳﺔ ﺍﻟﻠﺠﻨﺔ ﺍﻟﻄﺒﻴﺔ ﻣﺠﻤﻮﻋﺔ ﺍﻃﺒﺎﺀ ﻭﻃﺒﻴﺒﺎﺕ
ﻭﺣﺪﺓ ﻣﻨﻬﻢ ﺍﻟﺪﻛﺘﻮﺭﺓ . ﺳﻮﻻﻑ ﺭﺍﺡ ﺗﻜﻮﻥ ﻣﻦ ﺿﻤﻦ ﺍﻟﻤﺠﻤﻮﻋﺔ .
ﻭﺍﻧﻲ ﻫﺴﺔ ﺩﺍ ﺍﺟﻬﺰ ﻧﻔﺴﻲ ﻋﻠﻤﻮﺩ ﺍﻟﺴﻔﺮ
ﻓﺄﺭﻳﺪ ﻣﻨﺞ ﺗﺘﺄﻛﺪﻳﻦ ﻣﻦ ﺍﻟﺪﻛﺘﻮﺭﺓ ﺍﻟﺒﺪﻳﻠﺔ . ﺍﻟﻲ ﺭﺍﺡ ﺗﺤﻞ ﻣﻜﺎﻧﻲ
ﻭﺗﺮﺗﺒﻴﻦ ﻭﻳﺎﻫﺎ ﻣﻮﺍﻋﻴﺪ ﺍﻟﻤﺮﺍﺟﻌﻴﻦ
ﻣﻮ ﺗﻨﺴﻴﻦ ﺗﺨﻠﻴﻬﺎ ﺗﺘﻄﻠﻊ ﻋﻠﻰ ﻛﻞ ﻓﺎﻳﻞ ﻳﺨﺺ ﺍﻟﻤﺮﺍﺟﻌﺎﺕ ﺍﻟﺤﻮﺍﻣﻞ ﺣﺘﻰ ﺗﻜﻮﻥ ﻋﻠﻰ ﺑﻴﻨﺔ
ﺟﻨﺖ ﺻﺎﻓﻨﺔ ﻭﻧﻘﺎﻟﻲ ﺑﻴﺪﻱ
ﺍﺭﻳﺪ ﺍﺗﺼﻞ ﻋﻠﻰ ﻫﺪﻯ ﻭﺍﺷﻮﻓﻬﺎ ﺷﻨﻮ ﺳﻮﺕ
ﺧﻄﻴﺔ ﻛﺎﺳﺮﺓ ﺧﺎﻃﺮﻱ ﻫﺎﻱ ﺍﻟﺒﻨﻴﺔ
ﻣﺮﻭﺓ ﺗﻜﻮﻝ ﻫﺪﻯ ﺍﻟﺒﺎﺭﺣﺔ ﺟﺎﻳﺔ ﺯﻋﻼﻧﺔ ﻳﻤﻬﺎ
ﻭﺍﻧﻲ ﺍﻟﻴﻮﻡ ﻣﻨﺘﻈﺮﺓ ﺣﻴﺪﺭ ﺍﺭﻳﺪﻩ ﻳﺎﺧﺬﻧﻲ ﻟﻬﺎ
ﺍﺷﻮﻓﻬﺎ
ﺩﺧﻠﺖ ﺳﺮﻯ ﺑﺎﻭﻋﺖ ﻋﻠﻴﺔ ﻭﻛﺎﻟﺖ
.. ﻣﺎﻣﺎ ﺣﺒﻴﺒﺘﻲ ﻫﺎﻱ ﺍﻧﺘﻲ ﺍﻟﻲ ﺷﺎﺭﺓ ﺳﻠﺔ ﺍﻟﻤﻼﺑﺲ
.. ﺍﻱ ﺍﻧﻲ ﻟﻴﺶ
.. ﻣﺎﻣﺎ ﺍﻧﻲ ﻣﻮ ﻛﻠﺘﻠﺞ ﻣﺘﺸﻴﻠﻴﻦ ﺷﻲ ﺛﻘﻴﻞ . ﻳﻌﻨﻲ ﺍﻧﺘﻲ ﻟﻴﺶ ﻣﺎ ﺗﺴﻤﻌﻴﻦ ﺍﻟﻜﻼﻡ
ﺍﺑﺘﺴﻤﺖ ﻋﻠﻰ ﺷﻜﻠﻬﺎ
ﻭﺟﺎﻭﺑﺘﻬﺎ .. ﻳﺎ ﻋﻤﺮﻱ ﻳﺎ ﺣﺒﻴﺒﺘﻲ ﻣﻦ ﻏﻴﺮ ﻣﺎ ﺗﻜﻮﻟﻴﻦ
ﺍﻧﻲ ﺣﺬﺭﺓ ﻭﺩﺍﻳﺮﺓ ﺑﺎﻟﻲ ﻋﻠﻰ ﻧﻔﺴﻲ
ﻭﺍﺻﻼ ﻟﻮﻣﺎ ﺷﻔﺖ ﺳﻠﺔ ﺍﻟﻐﺴﻴﻞ ﺧﻔﻴﻔﺔ ﺟﺎﻥ ﻣﺎ ﺷﻠﺘﻬﺎ
ﻭﺍﻧﺘﻈﺮﺝ ﻣﻨﺎ ﻟﺤﺪﻣﺎ ﺗﺠﻴﻦ ﺗﺸﺮﻳﻬﺎ
.. ﻣﻴﺨﺎﻟﻒ ﻣﺎﻣﺎ ﺣﺘﻰ ﻟﻮ ﺟﻨﺘﻲ ﺗﺸﻮﻓﻴﻬﺎ ﺧﻔﻴﻔﺔ
ﺗﺮﻛﻴﻬﺎ ﻋﻠﻴﺔ
ﺣﻀﻨﺘﻬﺎ .. ﺗﺪﺭﻳﻦ ﺍﺗﻤﻨﻰ ﺗﺠﻴﻨﻲ ﺑﻨﻴﺔ
ﻣﺜﻠﺞ ﺣﺘﻰ ﻳﺼﻴﺮ ﻋﻨﺪﻱ ﺍﺛﻨﻴﻦ ﺑﻨﺎﺕ ﺣﻨﻴﻨﺎﺕ
ﺍﺑﺘﺴﻤﺖ ﻭﻋﻴﻮﻧﻬﺎ ﻟﻤﻌﺖ
ﺳﺮﻯ
ﺑﻨﻴﺔ ﺿﺤﻴﺔ ﺑﻼﺀ ﻣﺠﺘﻤﻊ
ﺍﻟﻤﺸﻜﻠﺔ ﺣﻴﺪﺭ ﺍﻧﺘﺒﻬﺖ ﻋﻠﻴﻪ ﺩﺍﺋﻤﺎ ﻳﺤﺎﻭﻝ ﻳﺘﺠﻨﺐ
ﻫﺬﺍ ﺍﻟﻤﻮﺿﻮﻉ . ﻭﻛﻠﻤﺎ ﺍﺳﺄﻟﻪ ﻳﻜﻠﻲ
ﺑﻌﺪﻫﺎ ﺍﻟﺒﻨﻴﺔ ﺻﻐﻴﺮﺓ ﺧﻠﻴﻨﺎ ﻧﺄﺟﻞ ﺍﻟﻜﻼﻡ ﻋﻦ ﻣﻮﺿﻮﻋﻬﺎ ﺑﻮﻛﺘﻪ
ﺑﺄﺧﺘﺼﺎﺭ ﺣﻴﺪﺭ ﻛﺎﻥ ﻳﺘﻬﺮﺏ ﻣﻦ ﺍﻟﻤﻮﺍﺟﻬﺔ
ﻫﺪﻯ
ﻣﻦ ﻧﻤﺖ ﺑﺎﻟﻠﻴﻞ ﻛﻠﺒﻲ ﺍﻧﻌﺼﺮ ﺍﻭﻝ ﻣﺮﺓ ﺍﻃﻠﻊ ﺯﻋﻼﻧﻪ ﻣﻦ ﺑﻴﺘﻲ ﻓﻮﻛﺎﻫﺎ ﺑﺪﻭﻥ ﺑﻨﺘﻲ
ﻳﺎﺭﺑﻲ ﺍﻣﺘﺤﺎﻧﻚ ﺻﻌﺐ ﺍﻟﻠﻴﻞ ﺍﻟﻲ ﻳﻤﺮ ﻋﻠﻰ ﺍﻟﻨﺎﺱ
ﺍﻧﻲ ﺑﺎﻗﻴﺔ ﺳﻬﺮﺍﻧﺔ ﺑﻲ ﺑﺲ ﺍﺗﮕﻠﺐ ﺍﻓﻜﺮ ﺑﺒﻨﺘﻲ ﻭﺍﺭﻳﺪ ﺑﻴﺘﻲ ﻋﺒﺎﻟﻚ ﻃﻔﻠﺔ
......
ﻛﻌﺪﺕ ﻳﻮﻡ ﺛﺎﻧﻲ ﺍﻟﺼﺒﺢ ﻣﺘﻌﻮﺩﺓ
ﺍﻛﻌﺪ ﻟﻘﺎﺳﻢ ﻭﺍﺭﻳﻜﻪ ﺍﻟﻴﻮﻡ ﻣﻨﻮ ﻳﻜﻌﺪﻩ
ﻟﻠﺸﻐﻞ ﺍﻛﻴﺪ ﺧﺎﻟﺔ ﻭﻫﺎﻟﺔ ﻳﻘﻮﻣﻮﻥ ﺑﻮﺍﺟﺒﻪ ﻣﺎ ﺭﺍﺡ ﻳﺤﺲ ﺑﺎﻟﻔﺮﻕ
ﻟﻠﻌﺼﺮ ﻭﺟﺎﻥ ﻳﺪﻙ ﻧﻘﺎﻟﻲ
ﻗﺮﻳﺖ ﺍﺳﻢ ﺧﺎﻟﺔ ﺍﻡ ﻗﺎﺳﻢ ﻭﺭﻑ ﻛﻠﺒﻲ ﻋﻠﻴﻬﺎ
ﺭﺩﻳﺖ ﺑﻜﻞ ﻟﻬﻔﺔ
ﻭﺳﻠﻤﺖ ﻋﻠﻴﻬﺎ
ﺳﻤﻌﺖ ﺻﻮﺕ ﺧﺎﻟﺔ ﺍﻡ ﻗﺎﺳﻢ . ﺍﺣﺲ ﺭﺩﺗﻠﻲ ﺭﻭﺣﻲ
. ﻭﻟﻮ ﺍﻧﺎ ﺧﺎﻟﺔ ﺯﻋﻼﻧﺔ ﻋﻠﻴﺞ ﺑﺲ
ﻣﺎ ﻳﻨﻄﻴﻨﻲ ﻛﻠﺒﻲ ﻣﺎ ﺍﺗﺼﻞ ﻭﺍﺗﻄﻤﻦ ﻋﻠﻴﺞ
.. ﺣﻘﺞ ﻋﻠﻴﺔ ﺧﺎﻟﺔ ﺑﺲ ﺻﺪﻛﻴﻨﻲ ﻗﺎﺳﻢ ﺻﻌﺐ ﻭﺣﻴﻐﻨﻲ ( ﺣﻴﺮﻧﻲ ) ﺑﺰﻣﺎﻧﻲ
.. ﻟﻴﺶ ﺍﻧﻲ ﺍﺧﺮ ﻣﻦ ﻳﻌﻠﻢ ﻋﻦ ﻣﺸﻜﻠﺘﻜﻢ
ﻳﻌﻨﻲ ﻟﻮ ﺑﺲ ﺟﺎﻳﺘﻨﻲ ﻭﻛﺎﻳﻠﺘﻠﻲ ﻋﻦ ﺍﻟﺼﺎﺭ ﺟﺎﻥ ﻛﻌﺪﺕ
ﺍﺣﺠﻲ ﻭﻳﺎﻩ
.. ﺧﺎﻟﺔ ﺍﻧﺘﻲ ﺗﻌﻐﻔﻴﻦ ( ﺗﻌﺮﻓﻴﻦ ) ﺍﺑﻨﺞ ﻛﻠﺶ ﺯﻳﻦ ﺷﻠﻮﻥ ﺻﻌﺐ
ﻻ ﻳﺨﻠﻴﻨﻲ ﺍﺣﺠﻲ ﻷﺣﺪ ﻋﻦ ﻣﺸﻜﻠﺘﻨﺎ
ﻭﻻ ﻫﻮ ﻗﺒﻞ ﻳﻐﺤﻤﻨﻲ ( ﻳﺮﺣﻤﻨﻲ )
ﺳﺪ ﻛﻞ ﺍﻻﺑﻮﺍﺏ ﺑﻮﺟﻬﻲ ﻭﺿﻴﻖ ﻋﻠﻴﺔ ﺍﻟﺨﻨﺎﻕ
ﻟﺤﺪ ﻣﺎ ﺷﻔﺖ ﻧﻔﺴﻲ ﺑﻌﺪ ﻣﺎ ﺍﺗﺤﻤﻞ ﺍﺻﺒﻎ ﺍﻛﺜﻎ ( ﺍﺻﺒﺮ ﺍﻛﺜﺮ )
ﺗﻐﻜﺖ ( ﺗﺮﻛﺖ ) ﺍﻟﺒﻴﺖ ﻭﻃﻠﻌﺖ ﺧﻠﻴﻪ ﻳﻐﺘﺎﺡ ( ﻳﺮﺗﺎﺡ )
.. ﺷﻮﻓﻲ ﺧﺎﻟﺔ ﺍﺭﻳﺪﺝ ﺗﺴﻤﻌﻴﻨﻲ ﺯﻳﻦ
ﺍﻧﺎ ﺍﺗﺼﻠﺖ ﻋﻠﻴﺞ ﻋﻠﻤﻮﺩ ﺍﺑﻨﻲ ﻭﺭﺍﺳﻪ ﺍﻟﻴﺎﺑﺲ
ﺷﻮﻓﻲ ﺧﺎﻟﺔ ﺍﻧﺎ ﺍﻋﺘﺮﻑ ﺍﺑﻨﻲ ﻋﻨﻮﺩﻱ
ﻭﺭﺍﺳﻪ ﻳﺎﺑﺲ ﻭﻫﺬﺍ ﻋﻨﺎﺩﻩ ﻳﺎﻣﺎ ﻭﻛﻌﻨﺎ ﺑﻤﺸﺎﻛﻞ ﻭﺷﻠﻊ ﻛﻠﺒﻲ
ﺑﻲ . ﻭﺍﺭﻳﺪ ﺍﺳﻮﻳﻠﻪ ﻛﺮﺻﺔ ﺍﺫﻥ ﻭﺍﺗﻮﺑﻪ ﻟﻠﻪ
ﻛﻮﻥ ﺍﺧﻠﻴﻪ ﻳﺒﻄﻞ ﻳﻌﺎﻗﺐ ﺍﻗﺮﺏ ﻧﺎﺳﻪ
ﺑﺘﻌﺎﻣﻠﻪ
ﻭﺍﻧﻲ ﺍﻭﻝ ﺍﻟﻤﺘﻀﺮﺭﻳﻦ ﻣﻦ ﺗﺼﺮﻓﺎﺗﻪ
.. ﻛﻮﻟﻲ ﺧﺎﻟﺔ ﺷﻠﻮﻥ ﺍﺳﺎﻋﺪﺝ
ﻭﻟﻮ ﺍﻧﻲ ﻻﺯﻡ ﺍﺧﻎ ( ﺍﺧﺮ ) ﻭﺣﺪﺓ ﺗﻔﻜﻐﻴﻦ ( ﺗﻔﻜﺮﻳﻦ )
ﺗﺴﻮﻱ ﻟﻘﺎﺳﻢ ﻛﻐﺼﺔ ( ﻛﺮﺻﺔ ) ﺍﺫﻥ ﺑﻴﻬﺎ
ﺍﻡ ﻗﺎﺳﻢ ﺟﺎﻭﺑﺖ ﺑﺎﺻﺮﺍﺭ
.. ﻻ ﻫﻮ ﺍﻧﺘﻲ ﺑﺎﻟﺬﺍﺕ ﺍﻟﻲ ﺭﺍﺡ ﺗﺄﺛﺮﻳﻦ ﻋﻠﻴﻪ
ﺗﻌﺮﻓﻴﻦ ﻟﻴﺶ
.. ﻟﻴﺶ
.. ﻻﻥ ﺍﺑﻨﻲ ﺍﻭﻝ ﻣﺮﺓ ﺑﺤﻴﺎﺗﻪ ﻳﺘﻨﺎﺯﻝ ﻭﻳﻄﻠﺐ ﻣﻦ ﺍﺣﺪ ﻳﺘﻮﺳﻄﻠﻪ
.. ﺷﻠﻮﻥ ﻳﻌﻨﻲ ﻣﺎ ﺍﻓﺘﻬﻤﺖ ﺍﻟﻤﻦ ﻳﺘﻮﺳﻂ
.. ﺍﻟﻴﻮﻡ ﺍﻟﺼﺒﺢ ﻋﻠﻰ ﺍﻟﺮﻳﻮﻙ ﻛﻠﻲ ﻳﻤﺔ ﺍﻟﻴﻮﻡ ﺣﻀﺮﻱ ﺭﻭﺣﺞ
ﻧﺮﻭﺡ ﺍﻧﺎ ﻭﻳﺎﺝ ﻟﺒﻴﺖ ﻣﺮﻭﺓ ﺍﺭﻳﺪ ﺍﺭﺟﻊ ﻫﺪﻯ ﻟﻠﺒﻴﺖ
ﻛﻤﺖ ﻣﻦ ﻣﻜﺎﻧﻲ ﻣﻤﺼﺪﻛﺔ ﻛﻤﺖ ﺍﻃﻔﺮ ﻣﺜﻞ ﺍﻟﻘﺮﺩ
.. ﺷﻮﻛﺖ ﺍﻟﻴﻮﻡ ﺑﻴﺶ ﺍﻟﺴﺎﻋﺔ ﻳﻌﻨﻲ ﻫﺴﺔ ﺷﻨﻮ ﺍﻟﺤﻚ ﺍﻋﺪﻝ
ﻧﻔﺴﻲ
ﺍﻡ ﻗﺎﺳﻢ .. ﻟﺞ ﻫﺪﻯ ﺷﺒﻴﺞ ﺍﻧﺨﺒﺼﺘﻲ ﺍﻟﻠﻪ ﻳﻠﻌﻦ ﺑﻠﻴﺴﺞ
ﻃﻠﻌﺘﻲ ﻣﻠﻜﻮﻓﺔ ﻭﺍﺿﺮﺏ ﻣﻦ ﻫﺎﻟﺔ
ﻭﺍﻧﻲ ﻋﻠﻰ ﺑﺎﻟﻲ ﻛﻠﺖ ﻫﺎﻱ ﺍﻟﺒﻨﻴﺔ ﻛﻔﻮ ﻭﺭﺍﺡ ﺗﺠﻴﺐ
ﺍﺑﻨﻲ ﻟﻠﺪﺭﺏ ﻭﺗﺨﻠﻲ ﻳﺘﻮﺏ ﻳﻌﻨﺪ .
ﺍﺷﻮ ﻃﻠﻌﺘﻲ ﻣﻨﺘﻈﺮﺗﻪ ﺑﻔﺎﺭﻍ ﺍﻟﺼﺒﺮ ﺣﺘﻰ ﻳﺠﻲ ﻭﻳﺮﺟﻌﺞ
ﻟﻠﺒﻴﺖ
ﺷﻮﻓﻲ ﺧﺎﻟﺔ ﺻﺤﻴﺢ ﺍﻧﺎ ﺍﺗﻤﻨﻰ ﺗﺮﺟﻌﻴﻦ ﻷﺑﻨﻲ
ﻭﻟﺒﻴﺘﺞ . ﺑﺲ ﺑﺎﻻﻭﻝ ﺍﺭﻳﺪ ﺍﺳﻮﻳﻠﻪ ﺩﺭﺱ ﻭﻳﻌﺎﻧﻲ
ﻭﻳﻨﺸﻠﻊ ﻛﻠﺒﻪ ﺣﺘﻰ ﺗﺮﺟﻌﻴﻠﻪ
ﺗﻌﺮﻓﻴﻦ ﻟﻴﺶ ﻫﻴﺞ ﺍﺭﻳﺪﺝ ﺗﺴﻮﻳﻦ
ﺣﺘﻰ ﻳﻌﺮﻑ ﺷﻠﻮﻥ ﻳﻜﻮﻥ ﺍﺣﺴﺎﺱ ﺍﻟﺮﻓﺾ ﻭﺍﻟﻌﻨﺎﺩ
ﺷﻴﺴﻮﻱ ﺑﺎﻟﻄﺮﻑ ﺍﻟﻤﻘﺎﺑﻞ
ﺍﻧﺎ ﺑﻜﻼﻣﻲ ﻭﻳﺎﺝ ﺍﻗﺪﻡ ﺧﺪﻣﺔ ﻟﺤﻴﺎﺓ ﺍﺑﻨﻲ
ﺍﺭﻳﺪﻩ ﻳﻌﺮﻑ ﺷﻠﻮﻥ ﻳﺤﺐ ﻭﻳﺴﺎﻣﺢ ﻭﻳﻐﻔﺮ
ﻳﻌﻴﺶ ﺑﺪﻭﻥ ﻗﻴﻮﺩ
ﻭﻳﺒﻄﻞ ﻳﺴﺘﺨﺪﻡ ﻗﺴﺎﻭﺗﻪ ﻭﻳﺔ ﻋﺎﺋﻠﺘﻪ ﺍﻟﻲ ﻫﻤﺔ ﺍﻗﺮﺏ ﻧﺎﺳﻪ
.....
ﻫﻤﺴﺖ .. ﻳﻌﻨﻲ ﻫﺴﺔ ﺷﻨﻮ ﺍﻟﻤﻄﻠﻮﺏ ﻣﻨﻲ ﺧﺎﻟﺔ
.. ﺍﻟﻤﻄﻠﻮﺏ ﻣﻨﺞ ﻣﺎ ﺗﺮﺟﻌﻴﻦ ﻭﻳﺎﻧﺎ ﺍﻧﻲ ﻭﻗﺎﺳﻢ ﺍﺫﺍ ﺍﺟﻴﻨﺎﻛﻢ
ﺍﻟﻴﻮﻡ ﺑﻴﻨﻲ ﺯﻋﻠﺞ ﻭﺻﻴﺮﻱ ﻗﺎﺳﻴﺔ ﻭﻋﻨﻮﺩﻳﺔ ﻣﺜﻠﻪ
.. ﺑﺲ ﺧﺎﻟﺔ ﻭﺍﻟﻠﻪ ﻛﻠﺒﻲ ﻣﺎ ﻳﻨﻄﻴﻨﻲ ﺍﺻﺪﻩ
.. ﻟﺞ ﺛﻮﻟﺔ ﻗﺎﺑﻞ ﺍﻧﺎ ﺍﻟﻲ ﻳﻨﻄﻴﻨﻲ ﻛﻠﺒﻲ ﺍﺷﻮﻑ ﺍﺑﻨﻲ ﻣﺘﻠﻮﻉ
ﺑﺲ ﻏﻴﺮ ﻋﻠﻤﻮﺩﻩ
ﺍﻗﺴﻲ ﻋﻠﻴﻪ ﺣﺘﻰ ﺗﺼﻴﺮﻟﻪ ﺩﺭﺱ ﻭﻋﺒﺮﺓ ﻭﻳﺤﺎﻭﻝ ﻳﺘﺤﻜﻢ ﺑﺄﻋﺼﺎﺑﻪ
.. ﺧﻼﺹ ﻫﺬﺍ ﻫﻮ ﺧﺎﻟﺔ ﻏﺎﺡ ( ﺭﺍﺡ ) ﺍﺳﻮﻱ ﻛﻞ ﺍﻟﻲ ﺗﻜﻮﻟﻴﻦ ﻋﻠﻴﺔ
ﻭﻛﻠﺖ ﺍﻣﻐﻲ ( ﺍﻣﺮﻱ ) ﻟﻠﻪ ﻫﻮ ﻳﻨﻄﻴﻨﻲ ﺍﻟﺼﺒﻎ ( ﺍﻟﺼﺒﺮ ) ﻣﻦ ﻋﻨﺪﻩ
ﺍﻛﻮﻝ ﺧﺎﻟﺔ ﻋﻔﻴﺔ ﺑﺲ ﻛﻠﻴﻠﻲ ﺍﺳﻮ ﺷﻠﻮﻧﻬﺎ ﻭﻳﻦ ﻧﺎﻣﺖ ﺍﻟﺒﺎﻏﺤﺔ ( ﺍﻟﺒﺎﺭﺣﺔ )
ﻭﻧﺰﻟﺖ ﻋﻠﻰ ﺧﺎﻟﺔ ﺑﺎﻻﺳﺌﻠﺔ ﻋﻦ ﺍﺳﻮ
ﺍﺧﻴﺮ ﺷﻲ ﻃﻜﺖ ﺭﻭﺣﻬﺎ ﻣﻦ ﻋﻨﺪﻱ ﻭﻛﺎﻟﺖ ﺭﺍﺡ ﺍﺻﻴﺤﻠﺞ
ﻫﺎﻟﺔ ﺣﺘﻰ ﺗﻄﻤﻨﺞ ﻋﻠﻴﻬﺎ
ﺷﻮﻓﻲ ﻗﺒﻞ ﻻ ﺍﺭﻭﺡ ﻣﻮ ﺗﺠﻴﺒﻴﻦ ﺳﻴﺮﺓ ﻋﻦ ﺍﺗﺼﺎﻟﻲ ﻭﻳﺎﺝ
ﺗﻤﺎﻡ ﺧﺎﻟﺔ ﻣﺎ ﺍﻛﻮﻝ ﻷﺣﺪ
. ﻭﻓﻌﻼ ﺍﺟﻮﻱ ﺧﺎﻟﺔ ﻭﻗﺎﺳﻢ ﺑﺎﻟﻠﻴﻞ ﺣﺘﻰ ﻳﺮﺟﻌﻮﻧﻲ
ﻭﻗﺎﺳﻢ
ﻭﺍﺧﻮﺍﺗﻲ ﻣﺮﻭﺓ ﻭﺷﻴﻤﺎﺀ ﻭﺿﺤﻰ ﺍﻟﻲ ﺻﺎﺩﻑ ﺟﺎﻧﻮﺍ ﻣﻮﺟﻮﺩﻳﻦ
ﻛﻠﻬﻢ ﺍﻧﺼﺪﻣﻮﺍ ﻣﻦ ﺳﻤﻌﻮﺍ ﺭﺩﻱ ﺑﺎﻟﺮﻓﺾ ﺑﺎﻟﺮﺟﻮﻉ
ﻭﺑﻮﻛﺘﻬﺎ ﻗﺎﺳﻢ ﺍﺷﺘﻌﻞ ﻭﺍﻧﻄﻔﻰ ﺑﻨﺎﺭﻩ
ﻳﺘﻤﻨﻰ ﻳﺴﺤﻠﻨﻲ ﻭﺑﻨﻔﺲ ﺍﻟﻮﻗﺖ ﻣﺎ ﻳﻜﺪﺭ
ﻗﺎﺳﻢ .. ﻟﺞ ﻫﺪﻯ ﺍﺟﻴﺘﺞ ﺑﻨﻔﺴﻲ ﻭﺩﺍ ﺍﻛﻠﺞ ﺍﻧﺴﻲ ﺍﻟﻔﺎﺕ
ﻭﺗﻌﺎﻱ ﺭﺟﻌﻲ ﻭﻳﺎﻱ ﻟﺒﻴﺘﻨﺎ
ﺗﻜﻠﻴﻠﻲ ﻣﺎ ﺍﺭﺟﻊ ﺷﻠﻮﻥ ﻳﻌﻨﻲ ﻭﻳﻦ ﺗﺮﺩﻳﻦ ﺗﻮﺻﻠﻴﻦ
.. ﻣﺎ ﺍﻏﻴﺪ ( ﺍﺭﻳﺪ ) ﺍﻭﺻﻞ ﻻﻱ ﺷﻲ ﺑﺲ ﺍﻧﺖ ﻣﺎ ﺟﺎﻱ ﺗﺪﻏﻚ ( ﺗﺪﺭﻙ )
ﻋﻈﻢ ﻏﻠﻄﺘﻚ ﻭﻳﺎﻳﺔ ﺍﻧﺖ ﺍﺳﺘﻬﺎﻧﻴﺖ ﺑﻴﺔ ﻭﻃﻌﻨﺘﻨﻲ
ﻭﻋﻴﻐﺘﻨﻲ ( ﻭﻋﻴﺮﺗﻨﻲ ) ﺑﺄﺑﻮﻳﺔ ﻭﺍﺧﺬﺕ ﺑﻨﺘﻲ ﻣﻨﻲ ﻛﻞ ﻫﺬﺍ ﻭﺟﺎﻱ
ﺍﻟﻴﻮﻡ ﺑﻜﻞ ﺛﻘﺔ ﺗﻜﻠﻲ ﺍﻧﺴﻲ ﺍﻟﻔﺎﺕ ﻭﺗﻌﺎﻱ ﻏﺠﻌﻲ ( ﺭﺟﻌﻲ ) ﻟﺒﻴﺘﺞ
ﻋﺒﺎﻟﻚ ﻣﺴﻮﻳﻠﻲ ﻓﻀﻞ
ﺍﻡ ﻗﺎﺳﻢ ﺍﻟﺘﻔﺘﺖ ﻋﻠﻰ ﺍﺑﻨﻬﺎ ﻭﻛﺎﻟﺖ
.. ﻻ ﻳﻤﺔ ﻗﺎﺳﻢ ﻣﻮ ﻫﻴﺞ ﺍﻟﻌﺸﻢ ﺑﻴﻚ ﻋﻔﻮ ﻋﻠﻴﻚ
ﺷﻠﻮﻥ ﺍﻧﻄﺎﻙ ﻛﻠﺒﻚ ﻫﻴﺞ ﺗﺴﻮﻱ ﺑﺄﻡ ﺑﻴﺘﻚ
ﻣﺮﻭﺓ .. ﺗﺼﺪﻛﻴﻦ ﺧﺎﻟﺔ ﻫﺪﻯ ﻓﺎﺟﺌﺘﻨﺎ ﺑﻬﺬﺍ ﻛﻼﻣﻬﺎ
ﺍﺣﻨﺎ ﺧﻮﺍﺗﻬﺎ ﺍﻗﺮﺏ ﺍﻟﻨﺎﺱ ﻟﻬﺎ ﻣﺎ ﻛﺎﻟﺘﻠﻨﺎ ﻫﺬﺍ ﺍﻟﺤﺠﻲ
ﻭﻟﻮ ﺍﺩﺭﻱ ﺍﻟﻮﺿﻊ ﺑﻴﻨﻬﻢ ﻭﺍﺻﻞ ﻟﻤﺮﺣﻠﺔ ﻳﻌﻴﺮﻫﺎ ﺑﺄﺑﻮﻧﺎ
ﺟﺎﻥ ﻣﺎ ﺑﻘﻴﺘﻬﺎ ﻟﺤﻈﺔ ﻭﺣﺪﺓ ﻭﻳﺎﻩ ﺑﺎﻟﺒﻴﺖ
ﻗﺎﺳﻢ .. ﻣﺮﻭﺓ ﻟﺤﻈﺔ ﺳﺄﻟﻴﻬﺎ ﻭﻛﻠﻴﻠﻬﺎ ﺷﻮﻛﺖ ﺣﺠﻴﺖ ﻫﺎﻱ ﺍﻟﻜﻠﻤﺔ
ﺟﺎﻭﺑﺘﻪ .. ﺍﺩﻏﻲ ( ﺍﺩﺭﻱ ) ﺣﺠﻴﺘﻬﺎ ﺑﺴﺎﻋﺔ ﻏﻀﺐ
ﺑﺲ ﻫﺬﺍ ﻣﺎ ﻳﻨﻄﻴﻚ ﺍﻟﺤﻖ ﺗﻌﻴﻐﻨﻲ ( ﺗﻌﻴﺮﻧﻲ ) ﺑﺄﺑﻮﻳﺔ
ﻗﺎﺳﻢ .. ﺍﻧﺎ ﻫﺬﺍ ﻋﻴﺒﻲ ﺑﺴﺎﻋﺔ ﺍﻟﻐﻀﺐ ﺍﺣﺮﻙ ﺍﻻﺧﻀﺮ ﻭﺍﻟﻴﺎﺑﺲ
ﺑﺎﻟﺤﻘﻴﻘﺔ ﺍﻧﺎ ﻣﺎ ﺟﺎﻱ ﺍﺣﺠﻴﻠﺞ ﻫﺬﺍﺍﻟﻜﻼﻡ ﺣﺘﻰ ﺗﻌﺬﺭﻳﻨﻲ
ﻻ ﺍﻧﺎ ﺟﺎﻱ ﺍﻛﻠﺞ ﺍﻥ ﻫﺬﺍ ﺍﻧﺎ ﻭﻫﺎﻱ ﻗﺴﻤﺘﺞ ﺍﻟﻠﻪ ﻭﻛﻌﺞ
ﺑﻴﺪ ﺭﺟﺎﻝ ﻏﻀﺐ
ﻛﺎﻡ ﻣﻦ ﻣﻜﺎﻧﻪ ﻭﻛﺎﻝ
.. ﻳﺎﻟﻠﻪ ﻳﻤﺔ ﻛﻮﻣﻲ ﺑﻌﺪ ﻣﺎﻛﻮ ﻛﻼﻡ ﻳﻨﺤﺠﻲ ﺍﻟﻈﺎﻫﺮ
ﺍﻟﻲ ﺟﻨﺖ ﺍﺗﻮﻗﻌﻬﺎ ﻣﻨﻲ ﺑﻴﺔ ﻭﺍﺷﺪ ﺑﻴﻬﺎ ﺍﻟﻈﻬﺮ
ﺍﻟﻴﻮﻡ ﺻﺎﺭﺕ ﻣﻦ ﺷﻤﺎﺗﻲ
ﺑﺲ ﺧﻠﻲ ﺑﺒﺎﻟﺞ ﻟﻮ ﺗﻤﻮﺗﻴﻦ ﻣﺎ ﺍﻃﻠﻜﺞ
ﺍﻻ ﺍﺧﻠﻴﻬﺎ ﺣﺴﺮﺓ ﺑﻜﻠﺒﺞ
......
ﺷﻔﺖ ﻧﻈﺮﺓ ﺧﺬﻻﻥ ﻭﻏﻀﺐ ﺑﻌﻴﻮﻥ ﻗﺎﺳﻢ
ﺗﺮﻛﻨﺎ ﻭﻃﻠﻊ ﻭﻛﺎﻝ ﻟﺨﺎﻟﺔ
.. ﻳﻤﺔ ﺍﻧﺘﻈﺮﺝ . ﺑﺎﻟﺒﺎﺏ
ﻭﺧﺎﻟﺔ ﻛﺎﻣﺖ ﻣﻦ ﻣﻜﺎﻧﻬﺎ ﻭﺳﻠﻤﺖ ﻋﻠﻴﻨﺎ
ﻭﻃﻠﻌﺖ ﻭﺭﺍﻩ
ﻭﺍﻧﻲ ﺑﻘﻴﺖ ﻛﺎﻋﺪﺓ ﺑﻤﻜﺎﻧﻲ ﺟﺴﻤﻲ ﻛﻠﻪ ﻳﺮﺟﻒ
ﻣﻦ ﻗﻬﺮﻱ ﻣﻦ ﻗﺎﺳﻢ ﻭﻋﻠﻴﻪ
ﺧﻮﺍﺗﻲ ﻳﺒﺎﻭﻋﻮﻥ ﻋﻠﻴﺔ
ﺿﺤﻰ ﺳﺎﻟﺘﻨﻲ ﻣﺘﻌﺠﺒﺔ
.. ﻫﺪﻯ ﻟﻴﺶ ﻣﺎ ﺭﺟﻌﺘﻲ ﻭﻳﺔ ﺯﻭﺟﺞ
ﺷﻴﻤﺎﺀ ﻛﺎﻟﺘﻠﻲ ﺑﻬﺪﻭﺀ
.. ﺷﻮﻓﻲ ﻫﺪﻯ ﺻﺤﻴﺢ ﻫﻮ ﻏﻠﻄﺎﻥ ﺑﺤﻘﺞ
ﺑﺲ ﻳﻜﻔﻲ ﺍﺟﺔ . ﻭﺟﺎﺏ ﺍﻣﻪ ﻳﺮﻳﺪ ﻳﺼﺎﻟﺤﺞ
ﻣﺮﻭﺓ ﻛﺎﻟﺖ ﺑﺘﺤﺪﻱ
.. ﺑﺎﻟﺤﻘﻴﻘﺔ ﺍﻧﻲ ﺍﺣﻴﻴﻬﺎ ﻋﻠﻰ ﻫﺬﺍ ﺍﻟﻘﺮﺍﺭ
ﻻﻥ ﺍﻻﺥ ﺑﻌﺪﻩ ﻣﺎ ﻣﻌﺘﺮﻑ ﺑﻐﻠﻄﺘﻪ
ﻏﻄﻴﺖ ﻭﺟﻬﻲ ﺑﻴﺪﻳﺔ ﻭﺑﺠﻴﺖ ﺑﻘﻬﺮ
ﻣﺎ ﻛﺪﺭﺕ ﺍﺗﺤﻤﻞ ﺍﻛﺜﺮ
ﺣﻀﻨﺘﻨﻲ ﺷﻴﻤﺎﺀ
ﻭﺻﺎﺭﺕ ﺗﻮﺍﺳﻨﻲ
ﺿﺤﻰ ﺷﺎﻓﺘﻨﻲ ﻭﻛﺎﻣﺖ ﺗﺒﺠﻲ ﻭﻳﺎﻳﺔ
ﻣﺮﻭﺓ ﻛﺎﻟﺖ
.. ﺷﻨﻮ ﺭﺍﺡ ﺗﻜﻠﺒﻮﻫﺎ ﻋﻠﻴﻨﺎ ﻓﺎﺗﺤﺔ
ﺑﺎﻟﻠﻪ ﺷﻮ ﻛﻮﻣﻲ ﺍﻧﺘﻲ ﻭﻳﺎﻫﺎ
ﺟﻬﺰﻭﺍ ﺭﻭﺣﻜﻢ ﻧﻄﻠﻊ ﺑﺎﻟﺴﻴﺎﺭﺓ ﺍﻓﺮﻛﻢ
ﻧﻐﻴﺮ ﺟﻮ
ﺑﺎﻭﻋﺖ ﻋﻠﻰ ﻧﻈﺮﺍﺕ ﺍﻟﻘﻠﻖ ﺑﻌﻴﻮﻥ ﺧﻮﺍﺗﻲ
ﻣﺴﺤﺖ ﺩﻣﻮﻋﻲ ﻭﻛﻠﺘﻠﻬﺎ ﻭﺍﻧﻲ ﺍﻧﺎﺷﻎ
.. ﺍﺍﺍﻭﻙ . ﺍﻃﻠﻊ . ﻭﻳﺎﺝ .. ﺑﺲ ﺗﺸﺘﻐﻴﻠﻲ ( ﺗﺸﺘﺮﻳﻠﻲ ) ﺍﻳﺲ ﻛﺮﻳﻢ
ﻗﻮﻗﻌﺔ ﺩﺑﻞ ﺍﻏﻴﺪ ﺍﺑﻐﺪ ( ﺍﺭﻳﺪ ﺍﺑﺮﺩ ) ﮔﻠﺒﻲ ﺑﻴﻬﺎ
ﺿﺤﻰ ﻣﺴﺤﺖ ﺩﻣﻮﻋﻬﺎ ﻭﻛﺎﻟﺖ
.. ﻭﺍﻧﻲ ﻫﻢ ﺍﺭﻳﺪ ﻗﻮﻗﻌﺔ ﺍﺑﺮﺩ ﻛﻠﺒﻲ
ﺑﺎﻭﻋﻨﺎ ﻋﻠﻴﻬﺎ .. ﻭﺍﻧﺘﻲ ﺷﻜﻮ ﺑﻌﺪ ﺷﺒﻴﺞ ﺗﺮﻳﺪﻳﻦ ﺗﺒﺮﺩﻳﻦ ﻛﻠﺒﺞ
ﻗﺎﺑﻞ ﺍﻧﺘﻲ ﻫﻢ ﺯﻋﻼﻧﺔ
.. ﻻ ﺑﺲ ﺍﻟﻨﻔﺴﻴﺔ ﺯﻓﺖ
ﻣﺮﻭﺓ .. ﺍﻫﻮﻭﻭﻭ ﺧﺒﺎﻝ ﻫﺎﻱ ﻛﻠﻤﺎ ﺗﻨﺰﻝ ﻋﻠﻴﻬﺎ ﺍﻟﺪﻭﺭﺓ
ﻣﺘﺨﺒﻠﺔ ﻋﻠﻴﻨﺎ .
ﺷﻴﻤﺎﺀ .. ﻣﺎ ﺍﻛﻮﻝ ﻏﻴﺮ ﺍﻟﻠﻪ ﻳﺴﺎﻋﺪ ﺍﺑﻮ ﻳﺎﺳﺮ ﻋﻠﻴﺞ
ﻭﺑﻴﻮﻣﻬﺎ ﻃﻠﻌﻨﺎ ﻭﺍﻧﻲ ﻭﺧﻮﺍﺗﻲ ﺑﺴﻴﺎﺭﺓ ﻣﺮﻭﺓ
ﺷﻐﻠﺖ ﻣﺴﺠﻠﺔ ﺍﻟﺴﻴﺎﺭﺓ ﻋﻠﻰ ﺍﻏﻨﻴﺔ
ﺑﺴﺒﺲ ﻣﻴﻮ
ﺟﻨﺎ ﻧﺴﻤﻌﻬﺎ ﻭﻧﻀﺤﻚ .
ﻛﺎﻟﺖ ﻣﺮﻭﺓ .. ﻫﺎﻱ ﺍﻻﻏﻨﻴﺔ ﺍﻫﺪﺍﺀ ﻟﻬﺪﻯ
ﻣﻦ ﺗﺸﻮﻑ ﻗﺎﺳﻢ ﺗﺼﻴﺮ ﺑﺰﻭﻧﺔ ﺍﻟﻴﻔﺔ
ﺑﺲ ﻋﺎﻳﺰﻫﺎ ﻳﻜﻮﻟﻠﻬﺎ ﺑﺴﺒﺲ ﻣﻴﻮ
ﻗﻀﻴﻨﺎ ﺍﺣﻠﻰ ﻟﺤﻈﺎﺕ ﺍﻟﻲ ﻳﺸﻮﻑ ﺿﺤﻜﺘﻨﺎ
ﻳﻜﻮﻝ ﻣﺎ ﻋﻨﺪﻫﻢ ﻣﺸﺎﻛﻞ ﻭﻻ ﻫﻤﻮﻡ .
ﻭﺭﺓ ﻳﻮﻣﻴﻦ
ﺍﻟﻴﻮﻡ ﺍﻟﺼﺒﺢ ﺧﺎﻟﺔ ﺍﺗﺼﻠﺖ ﻋﻠﻴﺔ
ﻭﺣﺴﺐ ﻛﻼﻣﻬﺎ ﺗﻜﻮﻝ
.. ﻗﺎﺳﻢ ﺻﺎﺭﻟﻪ ﻳﻮﻣﻴﻦ ﻣﺎ ﻳﻠﻔﻲ ﻟﻠﺒﻴﺖ ﻛﺎﻡ ﺣﺘﻰ ﺍﻛﻞ ﻣﺎ ﻳﺎﻛﻞ ﺑﺎﻟﺒﻴﺖ
.. ﻳﻤﺔ ﺳﻮﺩﺓ ﻋﻠﻴﺔ ﻳﻌﻨﻲ ﺷﻠﻮﻥ ﺣﺘﻰ ﺍﻛﻞ ﻣﻜﺎﻡ ﻳﺎﻛﻞ ﺑﺎﻟﺒﻴﺖ
ﻭﻫﻮ ﻳﺘﺨﺒﻞ ﻣﻦ ﺍﻛﻞ ﺍﻟﺒﺮﺓ ﺷﻠﻮﻥ ﺑﻲ
ﺍﻡ ﻗﺎﺳﻢ .. ﻣﺎ ﺍﻋﺮﻑ ﺣﺘﻰ ﻣﺎ ﺍﻋﺮﻑ ﺍﺳﺄﻝ ﻣﻨﻮ ﻋﻠﻴﻪ ﻭﻳﻄﻤﻨﻲ
ﻫﺴﺔ ﻟﻮ ﻫﺸﺎﻡ ﻫﻨﺎ ﺟﺎﻥ ﻋﻠﻰ ﺍﻻﻗﻞ ﺍﻋﺮﻑ
ﻭﻳﻦ ﻳﺮﻭﺡ ﻭﻳﺎﻣﻦ ﻳﻜﻌﺪ
.....
ﺧﺎﻟﺔ ﺗﺪﻋﻴﻦ ( ﺗﺪﺭﻳﻦ ) ﺍﺣﺲ ﺑﻨﻔﺴﻲ ﻣﺘﻨﺪﻣﺔ ﻟﻴﺶ ﻣﺎ ﻏﺠﻌﺖ ( ﺭﺟﻌﺖ ) ﻭﻳﺎﻩ
.. ﻛﻠﺘﻠﺞ ﺻﺒﺮﻱ ﻫﻮ ﺻﺤﻴﺢ ﻣﺎ ﻳﺘﻮﺍﺟﺪ ﺑﺎﻟﺒﻴﺖ ﺑﺲ
ﻣﻦ ﻳﺮﺣﻊ ﻟﻠﺒﻴﺖ ﻳﻈﻞ ﻳﺤﻮﻡ ﺑﺲ ﻣﺎ ﻳﻌﺘﺮﻑ
ﻭﻣﺜﻞ ﻛﻞ ﻳﻮﻡ ﺍﺗﻌﻠﻤﺖ ﺍﺗﺼﻞ ﻋﻠﻰ ﻫﺎﻟﺔ
ﺣﺘﻰ ﺍﺗﻄﻤﻦ ﻋﻠﻰ ﺍﺧﺒﺎﺭ ﺍﺳﻮ ﻭﺗﺪﺯﻟﻲ ﺻﻮﺭﻫﺎ
ﻻﻥ ﻛﻠﺒﻲ ﻣﻔﺮﻓﺢ ﻋﻠﻴﻬﺎ
ﺑﺲ ﺍﺷﻮ ﺍﻟﻴﻮﻡ ﺍﺗﺼﻠﺖ ﻋﻠﻰ ﻫﺎﻟﺔ
ﻣﺎ ﺭﺩﺕ ﻋﻠﻴﺔ ﻣﺮﺓ ﻣﺮﺗﻴﻦ ﺛﻼﺛﺔ ﻣﺎﻛﻮ
ﻇﻞ ﺑﺎﻟﻲ ﻋﻠﻴﻬﻢ
ﺑﺎﻻﺧﻴﺮ ﺭﺟﻌﺖ ﺍﺗﺼﻠﺖ ﻋﻠﻴﺔ
.. ﻟﺞ ﻋﻮﺑﺔ ﻟﻴﺶ ﻣﺎ ﺗﻐﺪﻳﻦ ( ﺗﺮﺩﻳﻦ ) ﻋﻠﻰ ﺍﺗﺼﺎﻻﺗﻲ
ﻫﺎﻟﺔ ﺑﻘﻬﺮ .. ﺳﻜﺘﻲ ﻫﺬﺍ ﺍﺑﻦ ﻋﻤﻲ ﻣﻨﻴﺮ ﻣﻨﺘﺼﺮ
ﺍﻟﻴﻮﻡ ﺭﺍﺟﻊ ﻣﻦ ﺍﻟﺴﻔﺮ ﻭﻋﺮﻑ ﺑﺎﻟﺼﺎﺭ ﺑﺄﺑﻮﻩ ﻭﺑﻤﻮﺿﻮﻉ
ﺍﻟﻤﺸﺮﻭﻉ
ﻭﺭﺟﻞ ﻣﻨﻰ ﺍﺗﺼﻞ ﻋﻠﻰ ﺍﻣﻲ ﻛﻠﻠﻬﺎ ﺍﺫﺍ ﺍﺟﺔ ﻗﺎﺳﻢ
ﺧﻠﻲ ﺗﻠﺰﻣﻪ ﺑﺎﻟﺒﻴﺖ ﻭﺗﺘﺼﻞ ﻋﻠﻰ ﻋﻤﺎﻣﻪ
ﻻﻥ ﻣﻨﺘﺼﺮ ﻧﺎﻭﻱ ﻋﻠﻴﻪ ﺍﻟﺸﺮ
ﻟﻄﻤﺖ ﻋﻠﻰ ﺻﺪﺭﻱ ﺑﺨﻮﻑ
.. ﻳﻤﺔ ﺻﺨﺎﻡ ﺍﻟﺼﺨﻤﻨﻲ
ﻣﻨﻴﻦ ﻃﻠﻌﻠﻨﺎ ﻫﺬﺍ ﻣﻨﺘﺼﻎ ( ﻣﻨﺘﺼﺮ )
.. ﻫﻮ ﻫﺬﺍ ﺍﻟﻮﻟﺪ ﻛﻀﺔ ﻃﻮﻝ ﻋﻤﺮﻩ ﺳﻜﻂ
ﻣﺎ ﻳﺠﻲ ﻣﻦ ﻭﺭﺍﻩ ﻏﻴﺮ ﺍﻟﻤﺸﺎﻛﻞ
.. ﻫﺴﺔ ﺷﻠﻮﻥ ﻗﺎﺳﻢ ﻭﻳﻦ
.. ﻗﺎﺳﻢ ﻫﻨﺎ ﻭﺍﻣﻲ ﻛﻮﺓ ﻻﺯﻣﺘﻪ ﻭﻫﻮ ﻣﻌﺼﺐ
ﻳﺮﻳﺪ ﻳﻔﺘﻬﻢ ﺷﻨﻮ ﺍﻟﻤﻮﺿﻮﻉ ﻻﻥ ﺍﻣﻲ ﻣﺎ ﻛﻠﺘﻠﻪ ﻋﻠﻰ ﺟﻴﺔ ﻣﻨﺘﺼﺮ ﻭﺗﻬﺪﻳﺪﻩ
ﺟﻨﺎ ﻧﺤﺠﻲ ﺍﻧﻲ ﻭﻫﺎﻟﺔ ﺷﻮﻳﺔ ﻭﺟﺎﻥ ﺍﺳﻤﻊ
ﺻﻮﺕ ﺷﻬﻜﺔ ﻫﺎﻟﺔ
.. ﻋﺰﺓ ﺑﻌﻴﻨﻲ ﻟﺞ ﻫﺪﻯ ﻫﺬﺍ ﻣﻨﺘﺼﺮ ﻭﺍﺧﻮﺍﻧﻪ
ﻭﺍﻛﻔﻴﻦ ﺑﺎﻟﺒﺎﺏ .
ﻟﺞ ﺳﺪﻱ ﺍﻟﻨﻘﺎﻝ ﺧﻠﻲ ﺍﺭﻭﺡ ﺍﺷﻮﻑ ﺷﻨﻮ ﺍﻟﺴﺎﻟﻔﺔ
ﻫﻲ ﺩﺗﺤﺠﻲ ﻭﺟﺎﻥ ﺍﺳﻤﻊ ﺻﻮﺕ ﺭﻣﻲ
ﻫﻮ ﺍﻧﻲ ﺳﻤﻌﺖ ﺻﻮﺕ ﺍﻟﺮﻣﻲ ﻭﺍﻧﻲ ﺍﺗﺨﺒﻠﺖ ﺩﻳﻦ ﻣﺎ ﺑﻘﻰ ﺑﺮﺍﺳﻲ
ﻛﻤﺰﺕ ﻣﻦ ﻣﻜﺎﻧﻲ ﻣﺜﻞ ﺍﻟﻤﺨﺒﻠﺔ
ﻭﺭﺣﺖ ﺍﺭﻛﺾ ﻣﻔﺰﻭﻋﺔ ﻣﺎ ﺍﻋﺮﻑ ﺷﻨﻮ ﺳﻮﻳﺖ
ﺑﺲ ﻛﻞ ﺍﻟﻲ ﺍﻋﺮﻓﻪ ﻗﺎﺳﻢ ﺑﺨﻄﺮ . ﺭﺍﺡ ﻳﺼﻴﺮ ﺑﻲ ﺷﻲ
ﻃﻠﻌﺖ ﺍﺭﻛﺾ ﻣﻦ ﺍﻟﺒﻴﺖ ﺧﺪﺍﻣﺔ ﻣﺮﻭﺓ ﻫﻲ ﻭﻣﺸﻤﺶ ﻳﺒﺎﻭﻋﻮﻥ ﻋﻠﻴﺔ
ﺷﻠﻮﻥ ﻭﺷﻮﻛﺖ ﻭﺻﻠﺖ ﻟﻤﻨﻄﻘﺔ ﻋﻴﺎﻟﻲ ﻋﻘﻠﻲ ﻓﺎﺻﻞ
ﻣﻜﻨﻚ ﻓﻘﻂ ﻋﻠﻰ ﻫﺪﻑ ﻭﺍﺣﺪ ﺍﺭﻳﺪ ﺍﻭﺻﻞ ﻟﺒﻴﺖ ﻋﻴﺎﻟﻲ
ﻭﻛﻒ ﺍﻟﺘﻜﺴﻲ ﻳﻢ ﺑﺎﺑﻬﻢ
ﻭﻛﻊ ﻛﻠﺒﻲ ﺑﻴﻦ ﺭﺟﻠﻴﺔ ﻟﻜﻴﺖ ﻟﻤﺔ ﺭﻳﺎﺟﻴﻞ
ﻭﺻﻴﺎﺡ ﻭﺟﺎﻥ ﺍﻟﻤﺢ ﻗﺎﺳﻢ ﺩﻳﺘﻌﺎﺭﻙ
ﻭﻳﺔ ﻭﺍﺣﺪ ﻭﻻﺯﻣﺔ ﻣﻦ ﻗﻤﻴﺼﻪ
ﻭﺭﺍﺳﻪ ﻳﻨﺰﻝ ﻣﻨﻪ ﺩﻡ
ﻳﻤﺔ ﻫﺬﻭﻟﻲ ﻣﻨﻮ ﺍﻟﻨﺎ ﻣﻨﻮ ﻋﻠﻴﻨﺎ
ﻋﻘﻠﻲ ﻛﻌﺪ ﻳﺤﻠﻞ ﻋﻠﻰ ﺍﻟﺴﺮﻳﻊ ﻭﺍﻓﺘﻬﻤﺖ ﻣﻦ ﺍﻟﻮﺟﻮﻩ ﺍﻟﻐﺮﻳﺒﺔ
ﺍﻥ ﻫﺬﻭﻟﻲ ﻛﻠﻬﻢ ﻫﺎﺩﻳﻦ ﻋﻠﻰ ﻗﺎﺳﻢ
ﺭﺣﺖ ﺭﻛﺾ ﻋﻠﻴﻬﻢ ﻓﺎﻗﺪﺓ ﻣﺜﻞ ﺍﻟﻤﺨﺒﻠﺔ
ﺟﺎﻥ ﻗﺎﺳﻢ ﻳﺘﻼﻭﺓ ﺑﻴﻨﻬﻢ ﻣﺒﻴﻦ ﻭﻟﻴﺔ ﻣﺎﻝ ﺟﺒﻨﺎﺀ ﺩﺍﺭﻭﺍ ﻋﻠﻴﻪ
ﺳﻤﻌﺖ ﻭﺍﺣﺪ ﻣﻨﻬﻢ ﻛﺎﻡ ﻳﻐﻠﻂ ﻋﻠﻰ ﻗﺎﺳﻢ ﻭﻳﺴﺐ ﺑﻲ
ﻛﺒﻞ ﻋﺮﻓﺘﻪ ﻣﻦ ﺍﻻﻋﺪﺍﺀ
ﻣﻦ ﺣﺮﻛﺔ ﻛﻠﺒﻲ ﻣﻜﺪﺭﺕ ﺍﺷﻮﻑ ﻗﺎﺳﻢ ﻟﻮﺣﺪﻩ
ﺗﻠﻘﺎﺋﻴﺎً ﻟﻜﻴﺖ ﺭﻭﺣﻲ ﺍﺩﻭﺭ ﻋﻠﻰ ﺣﺠﺎﺭ
.....
ﻭﻫﻨﺎﻙ ﻭﺟﺎﻥ ﺗﻮﻛﻊ ﻋﻴﻨﻲ ﻋﻠﻰ ﺑﺎﺏ ﺑﻴﺖ ﺟﻮﺍﺭﻳﻨﺎ
ﺟﺎﻥ ﻋﻨﺪﻫﻢ ﺑﻨﺎﺀ . ﻭﺗﻞ ﻣﺎﻝ ﺣﺼﻮ
ﻭﺍﻧﺎ ﻣﻬﺮﻭﺵ ﻃﺎﺡ ﺑﻜﺮﻭﺵ
ﻋﻴﺪ ﻭﺟﺎﺏ ﺍﻟﻌﺒﺎﺱ ﺍﻟﻨﺎ .
ﺻﺮﺕ ﺍﺷﻤﺮ ﺑﺎﻟﺤﺠﺎﺭ ﻣﻦ ﻛﻞ ﺣﺪﺏ ﻭﺻﻮﺏ
ﻣﺎﻝ ﻭﺍﺣﺪ ﻣﺤﺮﻭﻙ ﮔﻠﺒﻪ
ﺍﻧﺘﺒﻬﺖ ﻋﻠﻰ ﺳﻴﺎﺭﺍﺕ ﻋﺎﻟﻴﺎﺕ ﻃﺒﻜﻮﺍ ﻳﻢ ﺑﺎﺏ ﺑﻴﺖ ﻗﺎﺳﻢ
ﻭﻧﺰﻭﻟﻮﺍ ﺧﻮﺍﻟﻪ ﻭﺍﻭﻻﺩ ﺧﻮﺍﻟﻪ
ﻫﺬﻭﻟﺔ ﺷﻨﻮ ﺍﻫﻞ ﺧﺎﻟﺔ ﻗﺎﺳﻢ
ﻋﺰﺯﺯﺯﺯﺓﺓﺓ ﻣﻦ ﻫﺆﻻﺀ ﺍﻟﻘﻮﻡ
ﻭﺍﺣﺪﻫﻢ ﺗﻜﻮﻝ ﻋﺒﺎﻟﻚ ﻋﻤﻠﻴﻖ
ﺳﺘﺮ ﺍﻟﻠﻪ ﻋﻠﻰ ﻗﺎﺳﻢ ﻭﺍﻧﺎ ﺍﻛﻮﻝ ﻗﺎﺳﻢ ﻋﻠﻴﻤﻦ ﻃﺎﻟﻊ ﺍﺛﺎﺭﻱ ﺍﻟﺠﻤﺎﻋﺔ ﻋﻨﺪﻫﻢ ﻭﺭﺍﺛﺔ
ﺧﺮﺏ ﺍﺷﻮﻑ ﻭﺍﺣﺪ ﻣﻦ ﻭﻟﺪ ﺧﺎﻟﻪ ﻛﺎﻡ ﻳﻠﺰﻡ ﻛﻞ
ﺍﺛﻨﻴﻦ ﻭﻳﻄﺒﻜﻬﻢ ﺭﺍﺱ ﺑﺮﺍﺱ
ﻭﻗﺎﺳﻢ ﺳﻮﺩﺓ ﻋﻠﻴﺔ . ﺍﺧﺬﻫﻢ ﻓﻼﺣﺔ ﻣﻼﺟﺔ . ﺳﺎﻛﻮﺍ ﻋﻠﻴﻬﻢ
ﻭﺍﻧﻲ ﺍﻟﻤﺮﺍﺀﺓ ﺍﻟﻌﺮﺍﻗﻴﺔ ﺍﻟﺼﺎﻣﺪﺓ
ﻻ ﺯﻟﺖ ﻣﺸﺎﺭﻛﺔ ﺑﺎﻟﻤﻌﺮﻛﺔ ﺑﻜﻞ ﻣﺎ ﺍﻭﺗﻴﺖ ﻣﻦ ﻗﻮﺓ
ﻫﻮ ﺷﻜﻮ ﺍﺷﻮ ﺗﻞ ﺍﻟﺤﺼﻮ ﻣﻮﺟﻮﺩ ﻭﺍﻧﻲ ﻣﺎ ﺧﺴﺮﺍﻧﺔ ﺷﻲ
ﺍﻫﻢ . ﺷﻲ ﺍﺑﺮﺩ ﮔﻠﺒﻲ ﺑﻴﻬﻢ
ﻭﺑﻌﺪ ﺍﻟﻌﺮﻛﺔ ﻭﺑﻌﺪ ﺍﻟﻬﻮﺳﺔ ﻭﺻﻠﻮﺍ ﻋﻤﺎﻡ ﻗﺎﺳﻢ
ﻳﺎ ﺻﻠﻮﺍﺕ ﻋﻠﻰ ﺍﻟﻨﺒﻲ ﻫﺬﻭﻟﻲ ﻭﻳﻦ ﺟﺎﻧﻮﺍ ﻧﺎﻳﻤﻴﻦ
ﺍﺷﻮ ﺍﻟﻌﺮﻛﺔ ﺧﻠﺼﺖ ﻭﻫﺬﻭﻟﻲ ﻫﺴﺘﻮﻫﻢ ﻳﺘﺤﺰﻣﻮﻥ
ﺍﻧﺘﺒﻬﺖ ﻟﻮﺍﺣﺪ ﻣﻦ ﻫﺬﻭﻟﻲ ﺍﻟﻤﺨﺎﻧﻴﺚ
ﺑﻌﺪﻩ ﻳﻬﺪ ﻋﻠﻰ ﻗﺎﺳﻢ ﻭﻳﻐﻠﻂ
ﺷﻠﺖ ﺣﺠﺎﺭﺓ ﻣﺮﺗﺒﺔ
ﻭﺣﺠﻴﺖ ﺑﺘﻬﺪﻳﺪ .. ﺧﺎﺍﺍﺏ ﺩﺗﻌﺎﻝ ﺍﻧﺖ ﻣﻮ ﻣﺎﻝ ﺍﺣﺘﺮﺍﻡ
ﻭﺷﻤﺮﺗﻬﺎ ﻋﻠﻴﻪ .
ﺍﺣﺘﻲ ﺑﻜﺼﺘﻪ ﻭﺍﻧﻲ ﺍﻏﻠﻂ
.. ﻭﻟﻚ ﺍﻧﺖ ﺍﻛﺒﻎ ﻋﺎﻍ ( ﺍﻛﺒﺮ ﻋﺎﺭ )
ﻟﻮ ﻣﺎ ﻋﺎﻍ ( ﻋﺎﺭ ) ﺟﺎﻥ ﻣﺎ ﺗﻬﺪ ﻣﺜﻞ ﺍﻟﻨﺴﻮﺍﻥ
ﺣﺴﻴﺖ ﺑﻮﺍﺣﺪ ﻟﺰﻣﻨﻲ ﺣﻴﻞ ﻣﻦ ﻛﺘﻔﻲ
ﻣﻦ ﺯﻭﺩ ﺍﻟﺤﻤﺎﻭﺓ ﺍﻟﺘﻔﺘﺖ ﺣﻴﻞ ﻋﺒﺎﻟﻲ ﺭﺍﺡ ﺍﻧﺴﺤﻞ
ﻭﺟﺎﻥ ﺍﺷﻮﻑ ﻗﺎﺳﻢ ﺍﻟﻲ ﺟﺎﻥ ﻳﺒﺎﻭﻉ ﻋﻠﻴﺔ .
ﻣﺴﺘﻐﺮﺏ
ﻗﺎﺳﻢ ﺑﻐﻀﺐ .. ﻟﺞ ﻏﻀﺐ ﺍﻟﻠﻪ ﻋﻠﻴﺞ ﻫﺎﻱ ﺍﻧﺘﻲ ﻣﻦ ﺷﻮﻛﺖ ﻫﻨﺎ
ﻭﺷﻜﺎﻋﺪ ﺗﺴﻮﻳﻦ ﺑﻨﺺ ﻋﺮﻛﺔ ﺍﻟﺰﻟﻢ
ﻫﻤﺴﺖ ﻭﻋﻴﻮﻧﻲ ﺗﺒﺎﻭﻉ ﻣﻨﺎ ﻭﻣﻨﺎ . ﺍﻧﺘﺒﻬﺖ ﻋﻠﻰ ﻣﻜﺎﻧﻲ ﺧﻮﺍﻟﻪ ﻭﺍﻭﻻﺩﻫﻢ ﺩﺧﻠﻮ ﺟﻮﺓ ﻭﻋﻤﺎﻣﻬﻢ ﻫﻤﺎﺗﻴﻦ
ﺑﻌﺪ ﻣﺎ ﺷﺤﺘﻮﺍ ﻣﻨﺘﺼﺮ ﻭﺍﻟﻜﻼﺏ ﺍﻟﻲ ﻣﺄﺟﺮﻫﻢ ﻭﻳﺎﻩ
ﺣﺠﻴﺖ ﺑﺼﻮﺕ ﻧﺎﺻﻲ
.. ﻭﺩﺍﻋﺘﻚ ﻣﻦ ﺍﻭﻝ ﺣﺠﺎﻏﺔ ﺍﻧﺸﻤﻐﺖ ( ﺣﺠﺎﺭﺓ ﺍﻧﺸﻤﺮﺕ )
ﺟﺎﻧﺖ ﻣﻨﻲ ﺳﺠﻠﺖ ﺑﻴﻬﺎ ﺣﻀﻮﻍ ( ﺣﻀﻮﺭ )
ﺍﻧﻲ ﻣﻮﺟﻮﺩﺓ ﻫﻨﺎ ﻣﻦ ﺷﻔﺘﻬﻢ ﻣﻠﺘﻤﻴﻦ ﻋﻠﻴﻚ ﻭﺍﻧﺖ ﻟﻮﺣﺪﻙ
ﻏﻤﺾ ﻋﻴﻮﻧﻪ ﻭﻋﺾ ﺍﻳﺪﻩ ﻭﻛﺎﻝ
.. ﻭﻟﺞ ﺟﻨﻴﺔ ﺗﻔﻮﺗﻴﻦ ﺟﻮﺓ ﻻ ﺍﺟﺮﻡ ﺑﻴﺞ
ﻭﺍﻟﻠﻪ ﺍﻟﻌﻈﻴﻢ ﺍﻟﻌﺮﻛﺔ ﻛﻠﻬﺎ ﺑﻜﻔﺔ ﻭﺍﻧﺘﻲ ﺍﺷﻮﻓﺞ ﺑﻴﻨﻬﻢ ﺗﻜﻤﺰﻳﻦ ﺟﻨﺞ ﻗﺮﺩ ﻭﻛﻠﺒﻲ ﻭﺑﺎﻟﻲ ﻳﻤﺞ
ﻻ ﻭﺍﺣﺪ ﻣﻨﻬﻢ ﻳﺴﻮﻳﻠﺞ ﺷﻲ ﻳﻀﺮﺑﺞ
ﻳﻌﻨﻲ ﺯﺍﺩ ﺧﻮﻓﻲ ﻭﻓﺰﻋﻲ ﻋﻠﻴﺞ ﺍﻛﺜﺮ ﻣﻦ ﺧﻮﻓﻲ ﻋﻠﻰ ﺭﻭﺣﻲ .
ﺟﺎﻥ ﻳﺤﺠﻲ ﻭﻻﺯﻣﻨﻲ ﻣﻦ ﺍﻳﺪﻱ ﻭﺩﺧﻠﻨﻲ ﺟﻮﺓ ﻟﻠﺒﻴﺖ
ﻭﺍﻧﻲ ﻣﻦ ﺍﻭﻝ ﻛﻠﻤﺘﻴﻦ ﺣﻠﻮﺍﺕ ﻣﻦ ﻗﺎﺳﻢ
......
ﻭﺍﻧﻲ ﻋﻘﻠﻲ ﻗﻔﻞ ﻭﻓﺼﻞ ﻋﻦ ﺍﻟﻤﻌﻘﻮﻝ
ﺩﺧﻠﺖ ﻋﻠﻰ ﺧﺎﻟﺔ ﻭﺍﻟﺒﻨﺎﺕ ﻭﺍﺳﺘﻐﺮﺑﻮﺍ ﻭﺟﻮﺩﻱ
ﻭﻻﻭﻝ ﻣﺮﺓ ﺣﺴﻴﺖ ﻋﻠﻰ ﻣﻜﺎﻧﻲ ﻭﻭﺟﻮﺩﻱ ﺍﻟﻐﻠﻂ
ﺧﻮﻓﻲ ﻋﻠﻰ ﻗﺎﺳﻢ ﻧﺴﺎﻧﻲ ﺯﻋﻠﻲ
ﺍﻭﻝ ﻣﺎ ﺩﺧﻠﺖ ﻭﻗﺎﺳﻢ ﻭﺭﺍﻱ
ﻭﺳﻠﻤﺖ ﻋﻠﻴﻬﻢ ﻛﻠﺖ ﻟﻬﺎﻟﺔ ﺑﺼﻮﺕ ﺧﺠﻼﻥ
.. ﺍﺍﺍﺍﺍ ﻫﺎﻟﺔ ﺍﺗﺼﻠﻲ ﻋﻠﻰ ﻣﻐﻮﺓ ( ﻣﺮﻭﺓ ) ﺧﻠﻲ ﺗﺪﺯﻟﻲ ﺍﻟﺴﺎﻳﻖ ﻳﻐﺠﻌﻨﻲ ( ﻳﺮﺟﻌﻨﻲ ) ﻟﻠﺒﻴﺖ
ﻗﺎﺳﻢ ﺍﺗﺠﻪ ﻟﺒﺎﺏ ﺍﻻﺳﺘﻘﺒﺎﻝ ﻳﺮﻳﺪ ﻳﺪﺧﻞ ﻟﻌﻤﺎﻣﻪ ﻭﻟﺨﻮﺍﻟﻪ
ﻭﻛﺎﻝ
.. ﺍﺭﻳﺪ ﻣﺮﺓ ﺗﻌﺘﺐ ﺍﻟﺒﺎﺏ ﻭﺍﻟﻠﻪ ﺍﻛﺴﺮ ﺭﺟﻠﻴﺞ
ﺑﺲ ﺻﺒﺮﻳﻠﻲ ﺣﺴﺎﺑﻲ ﻭﻳﺎﺝ ﺑﻌﺪﻳﻦ ﺧﺎﻱ ﻳﻄﻠﻌﻮﻥ ﻭﺍﻧﻲ ﺍﻋﻠﻤﺞ
ﺑﺎﻭﻋﺖ ﻟﻠﺒﻨﺎﺕ ﻫﺎﻟﺔ ﻭﻫﺪﻳﻞ
.. ﺷﻔﺘﻮﺍ ﺍﺧﻮﻛﻢ ﻭﻳﻜﻠﻮﻟﻲ ﻟﻴﺶ ﺗﻄﻠﻌﻴﻦ ﺯﻋﻼﻧﺔ
ﺑﻌﺰ ﻫﻲ ﺍﻟﻬﻮﺳﺔ ﻭﺍﻟﺨﺒﺼﺔ ﻭﻫﻮ ﻳﺤﺠﻲ ﻋﻠﻴﺔ
ﺑﻌﺪﻫﺎ ﺍﺳﺘﻐﻠﻴﺖ ﺍﻟﻔﺮﺻﺔ ﺍﺧﺬﺕ ﺑﻨﺘﻲ ﺍﺳﻮ
ﻳﻤﺔ ﻛﻌﺪﺕ ﺍﺷﻤﺸﻢ ﺑﺮﻛﺒﺘﻬﺎ
ﻳﻤﺔ ﺭﺑﻲ ﻣﺎ ﻳﺤﺮﻣﻨﻲ ﻣﻦ ﻋﻄﺮﺝ
ﻭﺭﺓ ﺳﺎﻋﺔ ﺍﺗﺼﻠﺖ ﻣﺮﻭﺓ ﻋﻠﻰ ﺧﺎﻟﺔ
ﺗﺘﻄﻤﻦ ﻋﻠﻴﺔ . ﺍﻭﻫﻮ ﻧﻘﺎﻟﻲ ﺗﺮﻛﺘﻪ ﻋﺎﻟﻜﺎﻭﻧﺘﺮ ﺑﺎﻟﻤﻄﺒﺦ
ﻫﺴﺔ ﺍﻛﻴﺪ ﻣﺘﺼﻠﺔ ﻋﻠﻴﺔ
ﻭﺭﺓ ﺍﺭﺑﻊ ﺳﺎﻋﺎﺕ ﻳﺎﻟﻠﻪ ﺍﻧﺤﻠﺖ ﺍﻟﻤﺸﻜﻠﺔ
ﺧﻮﺍﻝ ﻗﺎﺳﻢ ﺍﺗﺤﻠﻔﻮﺍ ﺑﻤﻨﺘﺼﺮ ﻛﻮﻥ ﻳﻜﺴﺮﻭﻧﻪ ﻭﻳﺨﻠﻮﻧﻪ ﻳﻤﺸﻲ ﻋﻠﻰ ﻋﻜﺎﺯﺍﺕ
ﻣﺎﺷﺎﺀ ﺍﻟﻠﻪ ﻋﻠﻴﻬﻢ ﺻﺪﻙ ﻣﻦ ﻛﺎﻝ
ﺧﻮﺍﻟﻪ ﻫﻮﺍﻱ ﻭﺍﻟﺸﺎﺭﻉ ﻳﺴﺪﻭﻧﻪ
ﻭﺍﻟﻠﻪ ﺍﻭﻝ ﻣﺎ ﺷﻔﺘﻬﻢ ﺍﺗﺬﻛﺮﺕ ﺍﻏﻨﻴﺔ
ﺧﺎﻟﻲ ﺍﺑﻦ ﺍﺧﺘﻚ ﻫﺎﻟﻤﻌﺮﺽ
ﻟﻠﻴﻞ ﻭﺟﺎﻥ ﻳﺠﻲ ﻗﺎﺳﻢ ﻳﻜﻌﺪ ﻳﻢ ﺍﻣﻪ ﻭﺻﺎﺭ ﻳﺤﺠﻴﻠﻬﺎ ﻋﻦ ﺍﻟﺼﺎﺭ ﺣﺘﻰ ﻳﻄﻤﻨﻬﺎ
ﺍﻟﻠﻪ ﻳﺴﺎﻋﺪ ﮔﻠﺒﻬﺎ ﺍﻟﻴﻮﻡ ﺧﺎﻟﺔ ﺷﻜﺪ ﺍﺗﻠﻮﻋﺖ
ﻣﻦ ﺍﻟﺨﻮﻑ ﻋﻠﻰ ﺍﺑﻨﻬﺎ ﺑﺲ ﻫﺬﺍ ﺣﺎﻝ ﺍﻟﺪﻧﻴﺎ
ﻭﻟﻄﺎﻟﻤﺎ ﻫﻮ ﻳﺤﺠﻲ ﻭﻳﺎﻫﺎ ﻋﻴﻨﻪ ﺗﺼﺪ ﻋﻠﻴﺔ
ﻭﺑﻌﺪﻣﺎ ﻃﻤﻦ ﺍﻣﻪ ﻭﺣﺠﺎﻟﻬﺎ ﻛﻠﺸﻲ
ﺧﺰﺭﻧﻲ
ﻭﻛﺎﻡ ﻣﻦ ﻣﻜﺎﻧﻪ ﻭﺻﻌﺪ ﻓﻮﻙ
ﺧﺎﻟﺔ ﺍﺷﺮﺗﻠﻲ ﺍﺭﻭﺡ ﻭﺭﺍﻩ ﺟﻨﺖ ﺷﺎﻳﻠﺔ ﺑﻨﺘﻲ ﺍﺳﻮ
ﺍﺧﺬﺗﻬﺎ ﻭﻳﺎﻱ ﻭﺻﻌﺪﺕ ﻭﺭﺍﻩ
ﺩﺧﻠﺖ ﻟﻠﻐﺮﻓﺔ ﻟﻜﻴﺘﻪ ﻧﺎﺯﻉ ﻗﻤﻴﺼﻪ ﻭﻣﻨﻄﻴﻨﻲ ﻇﻬﺮﻩ
ﻳﻤﺔ ﻓﺪﻳﺖ ﺍﻟﺼﻘﺮ ﻭﺭﺍﻋﻴﻪ
ﻳﺎﺭﺑﻲ ﺷﻜﺪ ﻣﺸﺘﺎﻗﺘﻠﻪ
ﺍﻟﺘﻔﺖ ﻭﺑﺎﻭﻉ ﻋﻠﻴﺔ ﻃﻠﻌﻠﻪ
ﺍﺗﺮﺍﻙ ﻟﺒﺴﻪ ﻭﻋﻴﻮﻧﻪ ﺑﻌﻴﻮﻧﻲ ﻋﺒﺎﻟﻚ ﺩﻳﺴﻮﻳﻠﻲ ﺍﻏﺮﺍﺀﺍﺕ
ﺍﻧﺘﺒﻬﺖ ﻋﻠﻰ ﺭﻭﺣﻲ
ﺑﻌﺪﻧﻲ ﻭﺍﻛﻔﺔ ﺑﺎﻟﺒﺎﺏ ﻣﺜﻞ ﺍﻟﺨﺒﻠﺔ
ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻭﺣﻄﻴﺖ ﺍﺳﻮ ﻋﺎﻟﺴﺮﻳﺮ
ﻭﻧﺰﻋﺖ ﺍﻟﺠﺒﺔ ﺣﺘﻰ ﻣﺎ ﺍﻧﺬﻛﺮ ﺷﻨﻮ ﻻﺑﺴﺔ ﺟﻮﺍﻫﺎ
ﻻﻥ ﺑﺎﻟﺤﻘﻴﻘﺔ ﻣﻦ ﺟﻨﺖ ﺑﺒﻴﺖ ﻣﺮﻭﺓ ﺟﻨﺖ
ﻣﺘﻜﺄﺑﺔ ﻭﻧﻔﺴﻴﺘﻲ ﺯﻓﺖ ﻣﺎ ﺍﻫﺘﻢ ﺑﻠﺒﺴﻲ
ﻋﻴﻮﻧﻪ ﻧﺎﺭ ﻭﻋﻴﻮﻧﻲ ﺛﻠﺞ
ﺍﻓﺘﺮﺑﺖ ﻣﻨﻪ ﻭﺭﻓﻌﺖ ﻧﻔﺴﻲ ﻋﻠﻰ ﺍﻃﺮﺍﻑ ﺭﺟﻠﻴﺔ
ﺑﺪﻭﻥ ﻣﻘﺪﻣﺎﺕ ﻟﺰﻣﺘﻪ ﻣﻦ ﺻﺪﺭ ﺍﻟﺘﻴﺸﺮﺕ ﺣﺘﻰ ﻳﻘﺘﺮﺏ ﻋﻠﻴﺔ ﻋﻠﻤﻮﺩ ﺍﻭﺻﻠﻪ ﻭﺑﺴﺘﻪ ﻣﻦ ﺣﻨﻜﻪ
ﻫﻤﺲ .. ﺷﻨﻮ ﻛﺎﻋﺪ ﺗﺴﻮﻳﻦ
.. ﺍﺭﻳﺪ ﺍﺿﻤﺪ ﺟﺮﻭﺣﻚ ﻭﺍﻧﺘﺒﻬﺖ ﻫﻨﺎ ﺍﻛﻮﻝ ﻛﺪﻣﺔ
ﺟﻨﺖ ﺍﺍﺷﺮ ﺑﺼﺒﻌﻲ ﻋﻠﻰ ﺣﻨﻜﻪ
......
ﻗﺮﺏ ﺭﺍﺳﻪ ﺍﻛﺜﺮ ﻋﻠﻴﺔ ﻭﺍﺷﺮ ﻋﻠﻰ ﺷﻔﺎﻳﻔﻪ ﻭﻛﺎﻝ
ﻭﻫﻮ ﺑﻴﻦ ﺍﻟﺰﻋﻼﻥ ﻭﺍﻟﻤﺸﺘﺎﻕ
.. ﺧﻮﻳﺔ ﻫﺎﺩﻱ ﺑﻮﺳﻨﻲ ﻫﻨﺎ ﻭﻳﺎﻙ ﻻﻥ ﻫﻢ ﺣﺼﻠﺖ ﺑﻮﻛﺴﻲ
ﻋﻠﻰ ﺷﻔﺘﻲ
ﺭﻓﻌﺖ ﺍﻳﺪﻳﺔ ﻭﺣﻮﻃﺖ ﺭﻛﺒﺘﻪ
ﻭﻏﻠﻔﺖ ﺷﻔﺘﻪ ﺑﻠﻬﻔﺔ ﻭﺷﻮﻙ
ﻭﻫﻮ ﻣﺎ ﺻﺪﻙ ﻋﺒﺎﻟﻚ ﻣﺘﺤﻠﻒ ﺑﻴﺔ
ﻟﺰﻣﻨﻲ ﻭﻣﺎ ﺗﺮﻛﻨﻲ
ﺑﻌﺪﻫﺎ
ﺍﻧﺘﺒﻬﻨﺎ ﻟﻮﺿﻌﻨﺎ ﻭﻛﺎﻝ .. ﺑﺨﺘﺞ ﺑﺒﻨﺘﺞ ﺟﺎﻥ ﺳﻮﻳﺘﺞ ﺗﻔﺼﻴﺦ
ﻣﻦ ﻛﺪ ﻣﺎ ﻣﺘﺤﻠﻒ ﺑﻴﺞ
ﻭﺍﻟﻠﻪ ﺷﻠﻌﺘﻲ ﻛﻠﺒﻲ
ﺗﺼﺪﻛﻴﻦ ﺍﻧﺎ ﺍﻟﻴﻮﻡ ﺣﺠﻴﺖ ﻭﻳﺔ ﻋﻤﻮ ﻓﺮﺯﺩﻕ ﺣﺘﻰ ﻳﺠﻲ ﻭﻳﺎﻱ ﻟﺒﻴﺖ ﺍﺧﺘﺞ ﻋﻠﻤﻮﺩ ﻳﻠﻴﻦ ﺭﺍﺳﺞ ﺍﻟﻴﺎﺑﺲ
ﻋﻠﻤﻮﺩ ﺗﺮﺟﻌﻴﻦ
ﻛﻠﺖ ﻫﺎﻱ ﺍﺧﺮ ﻣﺤﺎﻭﻟﺔ ﺻﻠﺢ ﺑﺎﻟﻌﻴﻨﻲ ﻭﺍﻻﻏﺎﺗﻲ
ﻣﺎﻛﻮ ﺍﺫﺍ ﻣﺎ ﺭﺣﻌﺘﻲ ﻭﻳﺎﻧﺎ
ﻛﻠﺖ ﺍﺧﻄﻔﻬﺎ ﻭﺍﺭﺟﻌﻬﺎ ﺳﺤﻞ ﻟﻠﺒﻴﺖ ﻭﺍﺷﻮﻑ ﻣﺮﺓ ﺍﻟﻲ ﺗﺘﺠﺮﺃ ﺗﻄﻠﻊ ﻣﻦ ﺑﻴﺘﻬﺎ
ﻋﻴﻮﻧﻲ ﺗﻠﻤﻊ ﺑﻔﺮﺡ
ﺭﻏﻢ ﺟﺎﻧﺖ ﻛﻠﻤﺎﺗﻪ ﻛﻠﻬﺎ ﺗﻬﺪﻳﺪ ﻭﺗﻮﻋﺪ
ﺑﺲ ﻋﺒﺎﻟﻚ ﺩﻳﻐﺎﺯﻟﻨﻲ ﺧﺮﺏ ﺑﺎﻟﺤﻆ
ﻗﺎﺳﻢ ﮔﻠﺐ ﻛﻞ ﻣﻮﺍﺯﻳﻦ ﺍﻟﻐﺰﻝ ﻭﺻﺎﺭ
ﻛﻠﺸﻲ ﻭﻳﺎﻩ ﺑﺎﻟﻤﻘﻠﻮﺏ
ﻭﺑﻴﻮﻣﻬﺎ ﻧﻤﺖ ﺑﺤﻀﻨﻪ ﻭﺍﺳﻮ ﺑﻴﻨﺎﺗﻨﺎ
ﺟﺎﻧﺖ ﻋﻴﻮﻥ ﻗﺎﺳﻢ ﺗﺤﺠﻲ ﻗﺒﻞ ﻟﺴﺎﻧﻪ ﻭﻳﺎﻱ
ﻗﺎﺳﻢ .. ﻫﺪﻯ ﻛﻼﻣﺞ ﻭﻳﺎﻱ ﺑﺬﺍﻙ ﺍﻟﻴﻮﻡ ﺫﺑﺤﻨﻲ
ﻣﺎ ﺟﻨﺖ ﻣﺘﺨﻴﻞ ﻫﻠﻜﺪ ﺍﻧﺘﻲ ﺷﺎﻳﻠﺔ ﺑﮕﻠﺒﺞ ﻋﻠﻴﺔ
ﻭﺳﺎﻛﺘﺔ
.. ﺑﺎﻟﻌﻜﺲ ﺍﻧﻲ ﻣﺎ ﺍﺷﻴﻞ ﻋﻠﻴﻚ ﺍﻧﻲ ﺍﺑﻠﻊ ﺟﺮﺣﻚ ﺍﻟﻲ ﻭﺍﺗﺤﻤﻞ ﺍﻛﻮﻝ ﻣﻴﺨﺎﻟﻒ ﻫﻮ ﺣﺒﻴﺒﻲ
ﻭﺑﺴﺎﻋﺔ ﺍﻟﻐﻀﺐ ﺍﻟﺒﺸﺮ ﻛﻮﻟﺸﻲ ﻳﺤﺠﻲ
.. ﻫﻮ ﺑﻴﻮﻣﻬﺎ ﻛﺮﻫﺖ ﻧﻔﺴﻲ . ﻻﻥ ﻣﺎ ﺍﻫﺘﻤﻴﺖ ﻟﻀﻌﻔﺞ ﻭﻟﺤﺎﺟﺘﺞ ﺍﻟﻲ
ﺟﻨﺖ ﺑﻮﻛﺘﻬﺎ ﺍﻋﻤﻰ ﻣﻦ ﺍﻟﻐﻀﺐ ﻣﺎ ﻫﻤﻨﻲ ﻏﻴﺮ ﺷﻠﻮﻥ
ﺍﺭﺩﻟﺞ ﺍﻟﺼﺎﻉ ﺻﺎﻋﻴﻦ
ﺑﺲ ﻣﻊ ﺍﻻﺳﻒ ﺣﺴﻴﺖ ﻋﻠﻰ ﻧﻔﺴﻲ ﻣﺘﺄﺧﺮ
ﻣﻦ ﺗﺮﻛﺘﻴﻨﻲ ﻭﺭﺣﺘﻰ ﺻﺤﻴﺖ ﻋﻠﻰ ﺭﻭﺣﻲ ﻭﻋﺮﻓﺖ
ﺍﻥ ﺍﻧﺎ ﻫﻮﺍﻱ ﻏﻠﻄﺖ ﺑﺤﻘﺞ
ﺣﻄﻴﺖ ﺍﻳﺪﻱ ﻋﻠﻰ ﺷﻔﺘﻪ
.. ﺍﺷﺸﺸﺶ ﻛﺎﻓﻲ ﺧﻠﻴﻨﺎ ﺑﺎﻟﻤﻬﻢ ﻭﻛﻠﻲ ﺣﻀﺮﺗﻚ ﻭﻳﻦ ﺟﻨﺖ
ﺗﺎﻛﻞ ﺑﻬﺎﻱ ﺍﻻﻳﺎﻡ
ﻭﺑﺪﺓ ﺍﻟﺘﺤﻘﻴﻖ ﺍﻻﺳﺘﺨﺒﺎﺭﺍﺗﻲ
ﻭﻫﻮ ﻃﻜﻬﺎ ﺿﺤﻜﺔ . ﻭﻛﺎﻝ
.. ﻭﺍﻟﻠﻪ ﻳﺎ ﺍﻡ ﺍﺳﺎﻭﺭ ﺍﺑﺪ ﻣﺎ ﺗﻀﻴﻌﻴﻦ ﻭﻛﺖ
ﻛﻠﻪ ﺣﺎﺭ ﺑﺤﺎﺭ
ﻳﻮﻡ ﺛﺎﻧﻲ ﺟﺎﻥ ﺧﻤﻴﺲ ﻭ ﻗﺮﺭﺕ
ﺍﺭﺟﻊ ﺫﻛﺮﻳﺎﺕ ﻟﻴﺎﻟﻲ ﺯﻣﺎﻥ ﻭﻳﺔ ﻗﺎﺳﻢ
ﻭﺍﻟﻴﻮﻡ ﺳﻠﻤﺖ ﺍﺳﻮ ﻟﻌﻤﺘﻬﺎ ﻫﺎﻟﺔ
ﻭﻛﻠﺒﺖ ﺍﻟﻐﺮﻓﺔ ﻋﺎﻟﺒﻄﺎﻧﺔ
ﺻﺎﺭﺕ ﻋﺒﺎﻟﻚ ﻏﺮﻓﺔ ﻋﺮﻭﺱ
ﻧﺸﺮﺓ ﺿﻮﺋﻴﺔ . ﻭﻓﻴﻜﺎﺕ ﻭﺻﻴﻨﻴﺔ ﺍﻟﺴﻬﺮﺓ
ﻛﺮﺯﺍﺕ ﻭﺣﻠﻮﻳﺎﺕ ﻭﻓﻮﺍﻛﻪ ﻭﺑﺎﻟﻚ ﻋﻨﻲ
ﻭﺍﻫﻢ ﺷﻲ ﺑﺪﻟﺔ ﺍﻟﺮﻗﺺ ﺍﻡ ﺍﻟﻠﻴﺮﺍﺕ
ﺩﺯﻳﺖ ﺭﺳﺎﻟﺔ ﻟﻘﺎﺳﻢ ﻭﻛﺘﺒﺖ ﺑﻴﻬﺎ
.. ﻫﻼﺍﺍﺍﺍﺍﺍﺍﺍﺍﺍﺍﺍ ﺑﺎﻟﺨﻤﻴﺲ
ﻫﺎﻱ ﻛﺎﻧﺖ ﻛﻠﻤﺔ ﺍﻟﺴﺮ ﺑﻴﻨﻲ ﻭﺑﻴﻦ ﻗﺎﺳﻢ
ﻣﺠﺮﺩ ﺩﻗﺎﻳﻖ ﻭﺟﺎﻥ ﺍﻟﻜﺔ ﺍﺳﺘﺎﺫ ﻗﺎﺳﻤﻮﻑ
ﻛﺪﺍﻣﻲ ﻣﺤﻤﻞ ﻋﻼﻟﻴﻚ ﻟﻠﺜﻼﺟﺔ ﺍﻟﻔﺎﺭﻏﺔ
.......
ﺣﻄﻬﻢ ﺑﺎﻟﻜﺎﻉ ﻭﺳﺪ ﺍﻟﺒﺎﺏ ﻭﻋﻴﻮﻧﻪ ﺍﻛﻠﺘﻨﻲ ﺍﻛﻞ
ﺍﺟﻴﺖ ﺷﻠﺖ ﻋﻼﻛﺔ
ﻟﺰﻡ ﺍﻳﺪﻱ ﻭﻛﺎﻝ ﺑﺼﻮﺕ ﻧﺎﺻﻲ
.. ﻋﻮﻓﻴﻬﺎ
ﺣﺠﻴﺖ ﺑﺪﻟﻊ .. ﺣﺒﻴﺒﻲ ﻏﻴﺮ ﺍﺭﺗﺐ ﺍﻟﻤﺴﻮﺍﻙ
ﺍﻗﺘﺮﺏ ﻋﻠﻴﺔ ﺑﻨﻔﺎﺫ ﺻﺒﺮ ﻭﻛﺎﻝ
.. ﺩﻋﻮﻓﻲ . ﺍﻟﻤﺴﻮﺍﻙ ﻣﻮ ﺣﻤﺴﺘﻲ ﺍﺑﻮ ﺍﺻﻠﻲ
ﺗﻌﺎﻱ ﺧﻠﻲ ﺍﺷﻮﻑ ﺷﻨﻮ ﺷﺒﻲ ﺍﻟﻴﻮﻡ ﺍﻟﺨﻤﻴﺲ
ﻏﻤﺰﺗﻠﻪ ﻭﺍﻧﻲ ﺍﺗﻤﺎﻳﻞ ﻛﺪﺍﻣﻪ ﺑﺎﻟﻜﻼﺑﻴﺔ ﺍﻟﻤﺼﺮﻳﺔ
ﻟﺰﻣﺖ ﺍﻳﺪﻩ ﻭﺳﺤﺒﺘﻪ ﻭﺭﺍﻱ
ﻭﻛﻌﺪﺗﻪ ﻋﻠﻰ ﻗﻨﻔﺔ ﺍﻟﺸﺎﺯﻭﻥ
ﻭﺷﻐﻠﺖ ﺍﻟﺪﻳﺠﻲ ﺑﺼﻮﺕ ﻧﺎﺻﻲ ﻋﻠﻰ
ﺍﻏﻨﻴﺔ ﻣﺼﺮﻳﺔ ﺭﻗﺼﻨﻲ ﻳﺎﮔﺪﻉ
ﻭﺍﻟﺤﻤﺪﻟﻠﻪ ﺑﻌﺪﻧﻲ ﺟﺎﻱ ﺍﺭﻛﺺ ﻣﺜﻞ ﻓﻴﻔﻲ ﻋﺒﺪﻭ
ﻣﺎ ﻟﺤﻜﺖ ﺍﺻﻴﺮ ﻣﺜﻞ ﻓﻴﻔﻲ
ﻻﻥ ﺑﻌﺪﻧﻲ ﺑﺄﻭﻝ ﺍﻟﻌﺮﺽ ﻭﻣﺎ ﺣﺴﻴﺖ
ﺍﻻ ﻭﻫﻮﻻﻛﻮ ﻫﺠﻢ ﻋﻠﻴﺔ . ﻭﺻﺮﺕ ﺍﺳﻴﺮﺓ ﺑﻴﻦ ﺍﻳﺪﻳﻪ
ﻗﺎﺳﻢ .. ﺩﺧﻴﻞ ﺍﻟﻠﻪ ﺷﻜﺪ ﺗﺮﻓﺔ ﻣﻨﻴﻦ ﺍﺑﺪﻱ ﺑﻴﺞ
ﻭﻛﻠﺸﻲ ﺑﻴﺞ ﻳﺼﻴﺤﻨﻲ ﻭﻳﻜﻠﻲ ﺍﻧﺎ ﺍﻻﻭﻝ
ﺍﺑﺘﺴﻤﺖ ﻭﻛﻠﺘﻠﻪ ﺍﻧﻲ ﺍﻻﻭﻝ ﻭﺍﻻﺧﻴﺮ
ﻭﺑﻴﻮﻣﻬﺎ ﻋﺒﺎﻟﻚ ﺍﺗﺒﺎﺩﻟﻨﺎ ﻋﻬﻮﺩ ﺍﻟﺰﻭﺍﺝ ﻣﻦ ﺟﺪﻳﺪ
ﻭﺻﺎﺭ ﻳﺮﺍﻭﻳﻨﻲ ﻟﻬﻔﺘﻪ ﻋﻠﻴﺔ ﺑﺄﻛﺜﺮ ﻣﻦ ﻃﺮﻳﻘﺔ
ﻭﻋﻠﻰ ﻃﺎﺭﻱ ﺍﻟﻠﻬﻔﺔ ﻭﺍﻟﺤﻤﺎﺱ
ﻳﻮﻡ ﺛﺎﻧﻲ ﺻﺒﺤﺖ ﺑﺎﻟﻤﺴﺘﺸﻔﻰ ﺍﺗﻔﺎﺟﺌﺖ ﺑﺮﻭﺣﻲ ﺣﺎﻣﻞ
ﻭﺍﺣﻨﺎ ﺟﻨﺎ ﻣﺎﺧﺬﻳﻦ ﺭﺍﺣﺘﻨﺎ ﻋﺎﻻﺧﺮ
ﺍﻟﺤﻤﺪﻟﻠﻪ ﻃﻠﻌﺖ ﺣﺎﻣﻞ ﻭﻣﺮﻭﺓ ﺗﺤﺠﻲ ﻭﺗﺨﺰﺭ ﺑﻴﺔ
ﻋﺒﺎﻟﻚ ﻃﺎﻟﺒﺔ ﻣﺪﺭﺳﺔ ﺷﺎﺭﺩﺓ ﻣﻦ ﺳﻴﺎﺝ ﺍﻟﻤﺪﺭﺳﺔ
ﻭﻗﺎﺳﻢ ﺻﺎﺣﺒﻲ ﻫﻮ ﻫﻢ ﻭﺟﻬﻪ ﺍﺣﻤﺮ .
ﻭﻧﻮﺏ ﻓﻮﻙ ﻫﺬﺍ ﻛﻠﻪ ﺍﺗﺨﻠﺼﻨﺎ ﻣﻦ ﻧﻈﺮﺍﺕ ﻣﺮﻭﺓ ﺍﺳﺘﻠﻤﻨﺎ ﺧﺎﻟﺔ ﺍﻛﺲ ﻭﻣﺮﺑﻊ
ﺧﺎﻑ ﻣﺮﻭﺓ ﺟﺎﻧﺖ ﻣﺴﺘﺤﻴﺔ ﻣﻦ ﻗﺎﺳﻢ . ﻭﻣﺎ ﺣﺠﺖ ﺷﻲ ﺍﻻ ﺧﺎﻟﺔ ﻻ ﻣﺎﻛﻮ ﺷﻲ ﺍﺳﻤﻪ ﺯﺣﻤﺔ ﻭﺍﺭﺍﻋﻲ ﻣﺸﺎﻋﺮﻫﻢ
ﺍﻡ ﻗﺎﺳﻢ .. ﺍﻱ ﺍﺩﺭﻱ ﻳﺎﻋﻴﻨﻲ ﺍﺫﺍ ﺍﻧﺘﻮﺍ ﺣﻀﺮﺗﻜﻢ ﻣﺴﻮﻳﻦ ﺍﻟﺒﺎﺭﺣﺔ ﻋﺮﺱ ﻭﺍﻧﺎ ﺍﻟﻔﻘﻴﺮﺓ
ﺍﺳﺄﻝ ﺍﺧﺘﻚ ﺍﻟﺜﻮﻟﺔ ﻫﺎﻟﺔ
ﺍﻛﻠﻠﻬﺎ ﻳﻤﺔ ﺷﻨﻮ ﺑﻴﺖ ﺟﻮﺍﺭﻳﻨﺎ ﻋﻨﺪﻫﻢ ﻋﺮﺱ
ﺍﺷﻮ ﻣﺤﺪ ﻋﺰﻣﻨﺎ ﻭﻻ ﺍﺣﺪ ﻛﺎﻝ
ﺟﻨﺖ ﻣﺎﺧﺬﺓ ﺫﻧﺐ ﺍﻟﺠﻮﺍﺭﻳﻦ ﺍﺛﺎﺭﻱ ﺍﺑﻨﻲ ﻭﻣﺮﺗﻪ
ﻣﻌﺮﺳﻴﻦ
ﻣﻦ ﺻﻌﺪﻧﺎ ﻓﻮﻙ ﻗﺎﺳﻢ ﺿﺤﻚ ﻭﻛﺎﻝ
.. ﻛﻠﺔ ﻣﻨﺞ ﻓﻀﺤﺘﻴﻨﺎ ﺍﻧﺘﻲ ﻭﻛﻼﺑﻴﺘﺞ ﺗﻔﺘﺮﻳﻦ ﻋﻠﻴﻨﺎ
ﻭﺍﻧﺎ ﻣﻜﺮﺩ ﻻ ﺣﻮﻝ ﻭﻻ ﻗﻮﺓ ﻣﺎ ﺑﻴﺪﻱ ﺷﻲ ﺍﺳﻮﻱ
.. ﻫﺴﺔ ﻧﻮﺏ ﻃﻠﻊ ﺍﻟﺼﻮﺝ ﻛﻠﻪ ﺑﻴﺔ
ﻭﺍﻧﺖ ﺍﻟﻔﻘﻴﺮ ﻭﺍﻧﻲ ﺍﻟﻌﺎﻳﻠﺔ ﺑﻴﻚ
ﻟﻌﺪ ﺗﻤﺎﻡ ﻣﻦ ﺍﺭﻛﺺ ﻣﺎ ﺍﺩﺯ ﻋﻠﻴﻚ ﺍﺑﻘﻰ ﻟﻮﺣﺪﻱ
ﺍﺭﻛﺺ
.. ﺍﻧﺘﻲ ﺟﺮﺑﻲ ﺭﻛﺼﻲ ﻣﻦ ﻭﺭﺍﻱ ﻭﺷﻮﻓﻲ ﺷﻠﻮﻥ ﺍﺣﺶ ﺭﺟﻠﻴﺞ
ﺑﻌﺪ ﻣﺮﻭﺭ ﺳﻨﺘﻴﻦ
ﺍﻟﻤﻜﺎﻥ ﻓﻲ ﺍﻻﻣﺎﻡ ﺍﻟﻜﺎﻇﻢ ﻋﻠﻴﻪ ﺍﻟﺴﻼﻡ
ﺷﻴﻤﺎﺀ
ﻣﺮﻭﺓ
ﺿﺤﻰ
ﻫﺪﻯ
ﻣﺮﻳﻢ
ﺟﻨﺎ ﻛﺎﻋﺪﺍﺕ ﻣﻠﺘﻤﺎﺕ ﺣﻮﻝ ﺷﻴﻤﺎﺀ
ﺍﻟﻴﻮﻡ ﺿﺤﻰ ﺑﻌﺪ ﺻﺒﺮ ﺳﻨﺘﻴﻦ ﺣﻠﻠﺖ ﻭﻃﻠﻌﺖ ﺣﺎﻣﻞ
ﻭﻣﺮﻭﺓ ﻋﺰﻣﺘﻨﺎ ﻋﺎﻟﻐﺪﺓ ﺍﺣﻨﺎ ﺍﺯﻭﺍﺟﻨﺎ ﻭﺍﻃﻔﺎﻟﻨﺎ
ﺛﻮﺍﺏ ﻋﻠﻰ ﺭﻭﺡ ﺍﻣﻲ ﻭﻛﺎﻟﺖ ﺑﻌﺪ ﺍﻟﺜﻮﺍﺏ ﻧﺮﻭﺡ ﻧﺰﻭﺭ ﺍﻻﻣﺎﻡ ﺍﻟﻜﺎﻇﻢ ﻋﻠﻴﻪ ﺍﻟﺴﻼﻡ
.......
ﺑﻌﺪﻣﺎ ﺻﻠﻴﻨﺎ ﻭﺯﺭﻧﺎ
ﻣﺮﻗﺪ ﺍﻻﻣﺎﻡ ﻋﻠﻴﻪ ﺍﻟﺴﻼﻡ
ﻭﻟﻜﻞ ﻭﺣﺪﺓ ﻣﻦ ﻋﻨﺪﻧﺎ ﻓﻲ ﮔﻠﺒﻬﺎ ﺭﺟﺎﺀ ﻭﺍﻣﻞ ﻭﺩﻋﺎﺀ
ﺍﻟﺘﻮﺳﻞ
ﻟﻜﻦ ﺍﻟﻬﺪﻑ ﻭﺍﺣﺪ ﻫﻮ ﺷﺮﺡ ﺍﻟﺼﺪﻭﺭ ﻣﻦ ﻣﻨﺒﻊ ﻧﻔﺤﺎﺕ
ﺍﻟﺮﺣﻤﺎﻥ ﻟﺒﻠﻮﻍ ﺍﻟﻬﺪﻭﺀ ﻭﺍﻟﺴﻜﻴﻨﺔ
ﻣﻬﻤﺎ ﺗﻤﺮ ﺍﻟﺴﻨﻴﻦ ﻓﻠﻠﻤﻜﺎﻥ ﺣﻜﺎﻳﺔ .
ﺑﻨﻔﺲ ﻫﺬﺍ ﺍﻟﻤﻜﺎﻥ ﺍﻟﺒﻲ ﺍﻣﻨﺎ ﺟﺎﻧﺖ ﺗﺰﻭﺭ
ﻭﺗﻜﻌﺪ ﺗﻨﺪﻋﻲ ﻟﻜﻞ ﻭﺣﺪﺓ ﺑﻴﻨﺎ ﺍﻥ ﻳﺴﻬﻞ ﺍﻣﺮﻧﺎ ﻭﻳﻴﺴﺮ ﺣﻴﺎﺗﻨﺎ
ﺷﻴﻤﺎﺀ
ﺟﺎﺑﺖ ﻭﻟﺪ ﻭﺳﻤﺘﻪ ﻋﺒﺎﺱ
ﻣﺮﻭﺓ ﺑﻘﺖ ﻧﻔﺲ ﻣﺎ ﻫﻲ ﺑﺲ ﺑﺮﺯ ﺑﺤﻴﺎﺗﻪ ﻭﺍﺣﺪ ﻣﻦ ﺍﻟﻮﻓﺪ ﺍﻟﻄﺒﻲ . ﻭﻟﺤﺪ ﺍﻻﻥ ﻣﺎ ﻧﻌﺮﻑ ﺷﻨﻮ ﻣﻮﻗﻊ ﺑﺤﻴﺎﺗﻪ
ﺿﺤﻰ ﺍﻟﻴﻮﻡ ﻋﺮﻓﺖ ﺑﺨﺒﺮ ﺣﻤﻠﻬﺎ
ﺍﻣﺎ ﻣﺮﻳﻮﻣﺔ
ﻓﻬﺴﺔ ﻫﻲ ﺑﺪﺍﻳﺔ ﻣﺮﺣﻠﺔ ﺛﺎﻟﺜﺔ ﻛﻠﻴﺔ ﺻﻴﺪﻟﺔ
ﻭﺍﻟﻰ ﺍﻻﻥ ﻣﺎﻛﻮ ﺣﻤﻞ ﻛﺎﻥ ﺑﺄﺗﻔﺎﻕ ﺑﻴﻨﻬﺎ ﻭﺑﻴﻦ ﻫﺸﺎﻡ
ﻳﻨﺘﻀﺮﻫﺎ ﺗﺼﻴﺮ ﻣﺮﺣﻠﺔ ﺭﺍﺑﻌﺔ ﻭﻳﺴﻮﻥ ﻃﻔﻞ
ﻭﻫﺸﺎﻡ ﺣﺎﻟﻴﺎ ﺩﻳﺒﻨﻲ ﺑﻴﺖ ﺍﻟﻬﻢ
ﺍﻡ ﺍﻧﻲ ﻓﺼﺎﺭ ﻋﻨﺪﻱ ﻭﻟﺪ ﻭﺳﻤﻴﺘﻪ ﻋﻠﻲ
ﻗﺎﺳﻢ ﻛﻞ ﻣﺮﺓ ﻳﺬﻛﺮﻧﻲ ﻭﻳﻜﻮﻝ ﻫﺎﻱ ﺧﻴﺎﻧﺔ
ﺯﻭﺟﻴﺔ ﺷﻤﻌﻨﺎ ﺗﺴﻤﻴﻨﻪ ﻋﻠﻲ
ﺧﺎﻑ ﺍﺗﺬﻛﺮﺗﻲ ﺧﻄﻴﺒﺞ ﻋﻼﻭﻱ . ﻭﺣﻨﻴﺘﻴﻠﻪ
ﻭﻫﺎﻟﺔ ﺍﺗﺰﻭﺟﺖ ﻭﺟﺎﺑﺖ ﺑﻨﻴﺔ
ﻭﺍﻟﺤﻤﺪﻟﻠﻪ
ﺍﻣﺎ ﺍﺑﻮﻧﺎ ﺍﻟﻌﺰﻳﺰ
ﻓﻬﺴﺔ ﻫﻮ ﺣﺎﻟﻴﺎ ﺳﺎﻓﺮ ﻟﺘﺮﻛﻴﺎ ﻣﻨﻬﺰﻡ ﻣﻦ ﺟﻤﺎﻋﺔ ﻣﻬﺮﺓ
ﻻﻥ ﺍﺗﻬﻤﻮﻩ ﺑﻘﺘﻞ ﺷﺎﻛﺮ
ﻓﺠﺎﻧﻮﺍ ﻳﻄﺎﺭﺩﻭﻧﻪ ﺑﻜﻞ ﻣﻜﺎﻥ
ﻭﺑﻴﻮﻣﻬﺎ ﻟﺠﺄ ﻟﻤﺮﻭﺓ ﻭﻛﻠﻠﻬﺎ ﻃﻠﻌﻴﻨﻲ ﻣﻦ ﺍﻟﻌﺮﺍﻕ
ﻭﻣﺮﻭﺓ ﺳﺎﻋﺪﺗﻪ ﻭﻛﻠﺘﻠﻪ ﺭﺍﺗﺒﻚ ﻳﻮﺻﻠﻚ ﻫﻨﺎﻙ ﻟﺘﺮﻛﻴﺎ
ﻭﻣﻦ ﻋﻬﺪﻫﺎ
ﺍﻱ ﺗﻮﺍﺻﻞ ﻣﺎ ﺑﻴﻨﺎ ﻭﺍﻟﺸﻲ ﺍﻟﻮﺣﻴﺪ ﺍﻟﻲ ﻳﺪﻝ ﺍﻧﻪ ﻋﻠﻰ ﻗﻴﺪ ﺍﻟﺤﻴﺎﺓ ﻫﻲ ﺍﻟﺤﻮﻻﺕ ﺍﻟﻲ ﻳﺴﺘﻠﻤﻬﺎ ﻣﻦ ﻣﺮﻭﺓ ﻛﻞ ﺷﻬﺮ
ﻛﺎﻋﺪﺍﺕ ﺑﺤﻀﺮﺓ ﺍﻻﻣﺎﻡ
ﻭﺣﺪﺓ ﺗﺒﺎﻭﻉ ﻟﻠﺜﺎﻧﻴﺔ
ﺍﻧﻲ ﻭﻣﺮﻭﺓ ﻛﻠﻤﻦ ﺍﺷﺘﺮﺕ ﺳﻮﺍﺭ ﻓﻀﺔ
ﻟﺒﻨﺎﺗﻨﺎ ﺍﺳﻮ ﻭﻣﺸﻤﺶ ﻣﻦ ﻧﻔﺲ ﻣﺤﻞ ﺍﻟﺼﺎﻳﻎ
ﺍﻟﻲ ﺟﺎﻧﺖ ﺍﻣﻲ ﺗﺸﺘﺮﻱ ﻣﻨﻪ ﺻﺤﻴﺢ ﺍﻟﺮﺟﺎﻝ
ﻣﺎﺕ ﺑﺲ ﺍﺑﻨﻪ ﻛﺎﻋﺪ ﺑﻤﺤﻠﻪ
ﻫﻮ ﺍﻱ ﺛﺎﻍ ﻟﺒﻨﺎﺗﻨﺎ
ﺷﻴﻤﺎﺀ ﺍﺑﺘﺴﻤﺖ ﻭﻫﻲ ﺗﺒﺎﻭﻉ ﻋﻠﻴﻨﺎ ﻭﺗﻜﻮﻝ
ﺧﻮﺍﺗﻲ ﺭﺑﻲ ﻳﺤﻔﻈﻜﻢ ﺍﻟﻲ .
ﻭﻳﺪﻳﻢ ﻟﻤﺘﻨﺎ
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 🌹
ﺷﻌﺮ ﺍﻟﺨﺘﺎﻡ ﻫﺪﻳﺔ ﻟﻘﺼﺔ ﺻﺪﻳﻘﺘﻲ ﺍﻟﻜﺎﺗﺒﺔ ﻧﻬﻰ .
....
ﺷﻴﻤﺎﺀ
ﺗﻤﻨﻴﺘﺞ ﻛﻮﻥ ﺍﻧﺘﻲ ﻳﺎﻳﻤﺔ ﺍﻟﻴﻮﻡ ﻭﻳﺎﻧﺎ
ﺗﺸﻮﻓﻴﻦ ﻟﻤﺘﻨﺎ ﺗﻔﺮﺣﻴﻦ
ﺗﻠﻤﻴﻦ ﺻﻐﺎﺭﻧﺎ ﺑﺤﻀﻨﺞ ﺗﺸﻤﻴﻦ
ﺗﻤﺴﺤﻴﻦ ﻋﻠﻰ ﺭﻭﺳﻬﻢ ﻭﺗﺒﺴﺒﺴﻴﻦ
ﻣﺜﻞ ﻣﺎﺟﻨﺘﻲ ﺩﻭﻡ ﻭﻳﺎﻧﺎ ﻳﺤﺒﻴﺒﺔ ﺗﺴﻮﻳﻦ
ﻣﻦ ﺟﻨﺖ ﺍﺟﻴﻠﺞ ﻳﺎﻳﻤﺔ
ﻭﺍﻧﺔ ﺷﺎﻳﻠﺔ ﺑﻜﻠﺒﻲ ﻫﻤﻮﻡ
ﺗﻤﺴﺤﻴﻦ ﻋﻠﻰ ﺭﺍﺳﻲ
ﻳﻄﻴﺒﻠﻲ ﻳﻞ ﻏﺎﻟﻴﺔ ﺑﺤﻀﻨﺞ ﺍﻟﻨﻮﻡ
ﻭﺍﻧﺘﻲ ﺗﺒﺴﺒﺴﻴﻦ
ﻭﻋﻠﻰ ﺭﺍﺳﻲ ﺗﻨﻔﺨﻴﻦ
ﻭﺍﻧﺎ ﻣﺎﺧﺬﻧﻲ ﺍﻟﻀﺤﻚ
ﺑﺲ ﻓﻬﻤﻴﻨﻲ ﻳﺤﺒﻴﺒﺔ ﻭﺍﺷﺘﻜﻮﻟﻴﻴﻦ
ﻣﺎﺩﺭﻳﺖ ﻟﻤﺴﺎﺗﺞ ﻭﻱ ﺑﺴﺒﺴﺘﺞ ﺩﻭﺓ
ﺗﺸﻴﻞ ﻣﻦ ﺭﻭﺣﻲ ﻭﮔﻠﺒﻲ ﻛﻞ ﺍﻟﻬﻤﻮﻡ
ﻣﺸﺘﺎﮔﺔ ﺭﻭﻳﺤﺘﻲ ﻟﺬﻳﺞ ﺍﻟﺒﺴﺒﺴﻪ ﻳﺎ ﻳﻮﻡ
ﻳﻞ ﺟﻨﺘﻲ ﻟﺪﻧﻴﺘﻲ ﻭﺑﻮﺳﻂ ﮔﻠﺒﻲ ﻓﺮﺣﺔ
ﻣﺎﻳﻬﻤﻨﻲ ﺍﺫﺍ ﺟﺎﺭ ﺍﻟﺪﻫﺮ ﻭﻻﻳﻬﻤﻨﻲ ﺟﺮﺣﻪ
ﺩﺍﻣﻨﻲ ﻳﺎ ﻳﻤﺔ ﺑﺤﻀﻨﺞ ﺍﻟﺪﺍﻓﻲ ﺍﻧﺎﻡ ﻭﺍﺻﺤﺔ
ﺟﻨﺖ ﺍﻇﻨﻬﺎ ﻳﻞ ﺣﻨﻴﻨﺔ ﺩﺍﻳﻢ ﺗﺪﻭﻡ
ﻣﺸﺘﺎﮔﺔ ﺭﻭﻳﺤﺘﻲ ﻟﺬﻳﺞ ﺍﻟﺒﺴﺒﺴﺔ ﻳﺎﻳﻮﻡ
ﻣﺸﺘﺎﻛﺔ ﻧﺎﻛﻞ ﺳﻮﺓ ﻣﻦ ﺯﺍﺩﺝ ﻳﻴﻤﺔ
ﺗﻠﻤﻴﻨﺎ ﺣﻮﻟﺞ ﻭﺍﻧﺘﻲ ﺍﻟﻀﻮﺓ ﻟﻠﻤﺔ
ﺍﻟﺰﺍﺩ ﻣﻦ ﺍﻳﺪﺝ ﻳﺎﻳﻤﺔ ﺷﻬﺪ ( ﻋﺴﻞ )
ﻛﻠﻤﻦ ﺍﻛﻞ ﻣﻨﻪ ﻳﺤﺒﻴﺒﺔ ﺷﻬﺪ ( ﺷﺎﻫﺪ )
ﻧﺎﺭ ﻓﺮﺍﻛﺞ ﺗﺴﻌﺮ ﺷﻠﺰﻡ ﺷﻬﺪ ( ﺍﺗﺮﻙ )
ﺍﺧﺬﺗﺞ ﻳﺎ ﻳﻤﺔ ﺑﻌﻴﺪ ﻣﻦ ﻋﺪﻧﺎ ﺍﻟﻤﻨﻴﻪ ..
ﺟﻴﻨﺎ ﺍﻟﻴﻮﻡ ﻻﺑﻮ ﺍﻟﺠﻮﺍﺩﻳﻦ ﻳﺎﻳﻤﺔ ﻭﺗﻌﻨﻴﻨﺎ
ﻫﺰﻳﻨﺎ ﺷﺒﺎﺟﻪ
ﻭﻋﻠﻰ ﺫﻛﺮ ﺍﺳﻤﺞ ﻛﻌﺪﻧﺎ ﻭ ﺍﻟﺘﻤﻴﻨﺎ
ﺳﻮﺍﺭﺗﺞ ﺗﺮﺍﻫﻦ ﺩﻭﻡ ﻳﺎ ﻳﻤﺔ ﺑﻞ ﻳﻤﻴﻦ ( ﺍﻟﻴﺪ ﺍﻟﻴﻤﻨﻰ )
ﻣﺎ ﺍﺧﻠﻴﻬﻦ ﻳﺮﻭﺣﻦ ﻳﺴﺎﺭ ﻭﻻ ﻳﻤﻴﻦ ( ﺟﻬﺔ ﺍﻟﻴﻤﻴﻦ )
ﻭﻻ ﺍﻓﺮﻁ ﺑﻴﻬﻦ ﻳﻮﻡ ﻭﺍﻗﺴﻤﻠﺞ ﻳﻤﻴﻦ ( ﻗﺴﻢ )
ﻭﺭﺑﻲ ﻋﻠﻰ ﺍﻟﻲ ﻛﻠﺘﻪ ﺷﺎﻫﺪ ﻋﻠﻴﺔ
🌹🌹🌹🌹🌹🌹🌹🌹🌹
ﺗﻢ ﺑﻌﻮﻥ ﺍﻟﻠﻪ
ﺍﺭﺟﻮ ﻗﺪ ﺗﻤﻜﻨﺖ ﻣﻦ ﺍﻳﺼﺎﻝ ﺍﻟﻘﺼﺔ ﺑﻤﺎ ﺗﺤﺘﻮﻳﻪ ﻣﻦ ﻣﻌﺎﻧﻲ ﺑﻴﻦ ﻃﻴﺎﺗﻬﺎ
ﺍﺷﻜﺮ ﻟﻜﻢ ﻣﺘﺎﺑﻌﺘﻲ ﺑﻘﺼﺘﻲ
ﻭﺍﺷﻜﺮ ﺍﻻﺧﻮﺍﺕ
ﻫﺪﻯ ﻭﻣﺮﻭﺓ ﻭﺷﻴﻤﺎﺀ ﻭﺿﺤﻰ ﻭﻣﺮﻳﻢ
ﻋﻠﻰ ﺳﻌﺔ ﺻﺪﻭﺭﻫﻢ ﻟﻤﺸﺎﺭﻛﺘﻨﺎ ﺑﻘﺼﺘﻬﻢ
ﺧﺘﺎﻣﻲ ﻟﻜﻢ ﻳﺎ ﺍﺣﺒﺘﻲ
ﺍﺣﺒﻜﻢ ﻛﻮﻣﺔ ﺍﺣﺒﻜﻢ ﻫﻮﺍﺍﺍﺍﺍﺍﺍﺍﺍﻱ
ﺍﺧﺘﻜﻢ ﻧﻬﻰ ﺍﻟﺤﺴﻮﻥ
.....
اذا كنتم لم تقيموا تطبيقنا بـ 5 نجوم على متجر بلي نتمنى منكم الذهاب الان للتقييم
علمود يطلع التطبيق الاكبر عدد ممكن
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
3 التعليقات
إضغط هنا لـ التعليقاتالتطبيق كلش حلو بس حبيت اگول شي الصغير ممکن تنزلون روايات عن الفصليات وبس احبك فريق قصص عراقية
ردفريق قصص عراقية✔️ : مرحبا شكراً جزيلاً لكي لستخدام التطبيق + الموقع نقدم تحديثات مستمرة ان شاء الله مع إمكانية نشر روايات كثيرة متنوعة من فصيلة / حب / حزين / مغامرة / دراما / رومانسية /
رد.
شكراً جزيلاً للزيارة
حبيت قصة اساور فضه
ردتحويل كودإخفاء محول الأكواد الإبتساماتإخفاء