رواية أيام لا تحتسب الجزء الثاني
للكاتبة
طائر بلا تغريد
🌿
ﺻﻌﺪﻧﻪ ﺑﻠﺴﻴﺎﺭﺍﺕ ﻭﺍﻟﺸﺒﺎﺏ ﺗﺮﻛﺺ ﻛﻌﺪﺕ ﺑﻠﺴﻴﺎﺭﻩ
ﺍﻛﻌﺪ ﻋﻤﻲ ﻫﻨﺎ ﻳﻤﻲ
ﺃﻟﻒ ﺭﺣﻤﻪ ﻋﻠﻰ ﻫﻠﻚ
ﺗﺴﻠﻢ ﻋﻤﻲ ﺍﺑﻮ
ﺍﺑﻮ ﻓﻼﺡ
ﻛﻞ ﺍﻟﻬﻼ ﺑﻴﻚ ﻋﻤﻲ ﺍﻧﺎ ﻋﻠﻲ
ﻫﻼ ﺑﻌﻼﻭﻱ
ﺷﻮﻑ ﻫﺎﻱ ﺍﻟﺸﺒﺎﺏ ﺗﻜﻮﻝ ﺭﺍﻳﺤﻪ ﺍﻟﻌﺮﺱ
ﻋﻤﻲ ﺍﺑﻮ ﻓﻼﺡ ﺍﻟﻌﺮﺍﻕ ﻛﻠﻪ ﺧﻴﺮ ﻭﻣﻠﺤﻪ ﻳﻐﺰﺭ
ﺃﻱ ﻭﻋﻠﻲ ﺍﻟﻔﺤﻞ ﺍﻧﺎ ﻟﻮ ﻣﺴﻮﻟﻔﻴﻠﻲ ﻋﻠﻰ ﻫﺎﻱ ﺍﻟﺸﺒﺎﺏ ﻓﻼ ﺻﺪﻛﺖ ﺑﺲ ﺷﻔﺘﻬﻢ ﺑﻌﻴﻨﻲ ﻭﻳﻜﻠﻮﻟﻚ ﻻ ﺗﺘﻄﻮﻉ
ﺑﺲ ﺫﻭﻟﻪ ﺷﺒﺎﺏ ﻳﻌﻤﻲ ﺷﺠﺎﺑﻚ ﻋﻠﻴﻬﻢ ﺣﺠﻴﺖ ﺑﻈﺤﻚ ﻫﻬﻬﻬﻪ
ﻫﻬﻬﻪ ﺻﺢ ﻭﺍﻧﺎ ﻋﻤﻚ ﺑﺲ ﺍﻟﺤﺮﺏ ﻣﺎ ﺗﺮﻳﺪ ﺑﺲ ﺍﻟﻴﻀﺮﺏ ﺑﻠﺮﺷﺎﺷﻪ
ﺗﺮﻳﺪ ﺍﻟﻴﻮﻛﻠﻬﻢ ﺧﺒﺰﻩ ﻭﺍﻟﻲ ﻳﻨﻈﻒ ﺍﻟﻬﻢ
ﺻﺢ ﺍﻧﺎ ﻣﺎﺑﻴﺎﺵ ﺍﺷﻴﻞ ﺗﻔﻜﻪ ﺑﺲ ﺍﻛﺪﺭ ﺍﺧﺒﺰ ﻭﺍﻃﺒﺦ ﻭﻛﻠﻪ ﺧﺪﻣﻪ ﻟﻠﻮﻃﻦ
ﻭﺍﻟﻠﻪ ﺣﺠﻴﻚ ﺫﻫﺐ ﺍﻟﻌﺮﺍﻕ ﻫﺴﻪ ﻣﺤﺘﺎﺝ ﻛﻞ ﻭﺍﺣﺪ ﺣﺘﻰ ﺍﻷﻃﻔﺎﻝ ﻣﺤﺘﺎﺟﻴﻬﻢ
ﺩﻧﻜﺖ ﻃﻠﻌﺖ ﻛﺎﻟﺪﺗﻲ ﺍﻟﺘﻌﺮﻳﻔﻴﻪ ﻟﺰﻣﻪ ﻭﻛﺎﻝ
ﻫﺎ ﻳﻌﻤﻲ ﺟﻨﺖ ﺑﺠﻴﺶ ﺻﺪﺍﻡ ﺍﻧﺖ ﺑﺲ ﻣﻮﺵ ﺟﺒﻴﺮ ﺍﻧﺖ
ﻟﺰﻣﺖ ﺍﻟﻜﻼﺩﻩ ﺑﻴﺪﻱ ﻭﻛﺘﻠﻪ ﻻ ﻋﻤﻲ ﻫﺎﻱ ﻣﻮﺵ ﺍﻟﻲ ﻫﺎﻱ ﺟﺎﻧﺖ ﻟﺒﻮﻱ ﺍﻟﻠﻪ ﻳﺮﺣﻤﻪ ﻣﻦ ﺟﺎﻥ ﺑﻠﺠﻴﺶ
ﻣﻦ ﻣﺎﺕ ﺧﺬﺗﻪ ﺍﻧﺎ ﻛﻠﺖ ﻻﺯﻡ ﻳﺠﻲ ﻳﻮﻣﻬﻪ ﻭﻫﻞ ﺍﺝ ﻳﻮﻣﻬﻪ
ﻋﻠﻴﻬﻪ ﺍﺳﻢ ﺍﺑﻮﻱ
ﺃﻱ ﺟﺎﻥ ﺍﻟﺠﻴﺶ ﻣﺮﺗﺐ ﻛﺒﻞ ﻛﻞ ﻋﺴﻜﺮﻱ ﻋﻨﺪﻩ ﻫﺎﻱ ﺍﻟﻜﻼﺩﻩ ﺧﺎﻃﺮ ﺍﻻ ﺍﺳﺘﺸﻬﺪ ﻳﻌﺮﻓﻮﻧﻪ ﻣﻨﻬﻪ
ﺳﻜﺘﻨﻪ ﺷﻮﻳﻪ ﻧﺒﺎﻭﻉ ﻟﻠﺸﺒﺎﺏ ﺗﻌﺒﺖ ﻭﻛﻌﺪﺕ
ﻭﺻﻠﻨﻪ ﻧﺺ ﺍﻟﺪﺭﺏ ﺻﺎﺭ ﻫﺪﻭﺀ ﺍﻟﻲ ﻧﺎﻡ ﻭﺍﻟﻲ ﻳﻠﻌﺐ ﺑﻠﻤﺒﺎﻳﻞ
ﻭﺍﻟﻲ ﻭﺍﻛﻒ ﻳﺒﺎﻭﻉ ﻣﻦ ﺳﻴﺎﺝ ﺍﻟﺴﻴﺎﺭﻩ
ﺍﻛﻮﻝ ﻋﻼﻭﻱ ﺻﺎﺡ ﺍﺑﻮ ﻓﻼﺡ
ﻫﺎ ﻋﻤﻲ ﻛﻮﻝ
ﺍﻧﺖ ﻣﺘﺰﻭﺝ
ﻻ ﻭﺍﻟﻠﻪ ﺑﻌﺪﻧﻲ
ﺷﻌﺠﺐ
ﻭﺍﻟﻠﻪ ﻳﻌﻤﻲ ﻣﻦ ﻣﺎﺕ ﺍﺑﻮﻱ ﻭﺍﻧﺎ ﻣﺘﺤﻤﻞ ﻣﺴﺆﻟﻴﺔ ﺍﻫﻠﻲ ﻭﺧﺎﻟﻒ ﻳﻤﻴﻦ ﻣﺎ ﺍﺗﺰﻭﺝ ﻏﻴﺮ ﻟﻤﻦ ﺍﺯﻭﺝ ﺍﺧﻮﻱ ﻭﺍﺧﺘﻲ
ﺍﻟﻠﻪ ﻳﺒﺎﺭﻙ ﺑﻴﻚ
ﻭﺧﻮﻙ ﻫﺴﻰ ﻭﻳﻦ
ﺍﻭﻭﻭﻭﻭﻑ ﻋﻤﻲ ﺍﺧﻮﻱ ﻛﺎﺳﺮ ﻇﻬﺮﻱ
ﻟﻴﺶ ﻳﺒﻌﺪ ﻋﻤﻚ ﺳﻮﻟﻔﻠﻲ
ﺳﻮﻟﻔﺘﻠﻪ ﻛﻠﺸﻲ ......... ﻭﺍﻧﺎ ﻫﺴﻪ ﻣﺎﺷﻲ ﺑﻠﺠﻦ ﺍﻟﻜﺎﻟﻲ ﺧﻴﻂ ﻳﻮﺻﻠﻨﻲ ﻟﺨﻮﻱ
ﺍﻟﻠﻪ ﻛﺮﻳﻢ ﻳﺒﻮﻳﻪ ﻟﻮ ﺟﺎﻥ ﻋﺪﻝ ﻻﺯﻡ ﺗﺘﻼﻛﻮﻥ
ﺍﻥ ﺷﺎﺀ ﺍﻟﻠﻪ
ﻣﺮﺕ ﺳﺎﻋﺎﺕ ﻭﺻﻠﻨﻪ ﺍﺑﻮ ﻏﺮﻳﺐ ﻫﻨﺎﻙ ﻟﻜﻴﻨﻪ ﺳﻴﺎﺭﺍﺕ ﻭﺍﻛﻔﻪ
ﻭﺟﻴﺶ ﻣﺴﺘﻌﺪ ﻳﺘﺤﺮﻙ
ﺍﻭﻝ ﻣﺎ ﻭﺻﻠﻨﻪ ﺳﻠﻤﻮﻧﻪ ﺳﻼﺡ ﻭﻫﺪﻭﻡ ﻭﺻﻌﺪﻭﻧﻪ ﺑﻠﺴﻴﺎﺭﺍﺕ
ﺍﺑﻮ ﻓﻼﺡ ﻣﺎﻗﺒﻠﻮﺍ ﻛﺎﻟﻮﻟﻪ ﺭﺟﺎﻝ ﺟﺒﻴﺮ ﻻﺯﻡ ﺗﺮﺩ ﻟﻬﻠﻚ
ﺳﻠﻤﺖ ﻋﻠﻴﻪ ﻭﺭﻛﺒﺖ ﺑﻠﺴﻴﺎﺭﻩ ﻭﻋﻴﻨﻲ ﻋﻠﻴﻪ ﺧﻄﻴﻪ ﺭﺍﺡ ﻳﺮﺩﻭﻧﻪ
.....
ﻭﻓﺠﺌﻪ ﺍﻟﻴﻮﻡ ﺷﻔﺘﻪ ﻛﺒﺎﻟﻲ
ﺷﻔﺘﻪ ﻣﻦ ﺑﻌﻴﺪ ﻋﺮﻓﺘﻪ
ﺭﻛﻈﺖ ﻋﻠﻴﻪ
ﻣﺒﻴﻦ ﻋﻠﻴﻪ ﺗﻌﺒﺎﻥ ﻭﺟﻪ ﺍﺻﻔﺮ
ﻛﺘﻠﻪ ﻫﺎ ﻋﻤﻲ ﺍﺑﻮ ﻓﻼﺡ ﺷﻠﻮﻧﻚ
ﺧﻠﻪ ﺍﻳﺪﻩ ﻋﻠﻰ ﻋﻴﻮﻧﻪ ﻳﺮﻛﺰ ﻛﻠﻲ
ﻫﻼ ﺑﻌﺪ ﻋﻤﻚ ﺍﻧﺖ ﻣﻨﻬﻮ
ﻛﻌﺪﺕ ﻛﺒﺎﻟﻪ ﻛﺘﻠﻪ ﺍﻧﺎ ﻋﻠﻲ ﺍﺟﻴﻨﻪ ﺍﻧﺎ ﻭﻳﺎﻙ ﻣﻦ ﺍﻟﻌﻤﺎﺭﻩ
ﻟﺰﻡ ﺍﻳﺪﻱ ﻭﻫﻮ ﻳﻜﻮﻝ
ﻫﻼ ﻳﺒﻌﺪ ﻋﻤﺮﻱ ﻫﻼ ﺑﻠﻌﺰﻳﺰ ﺷﻠﻮﻧﻚ ﺍﺧﺒﺎﺭﻙ
ﺍﻟﺤﻤﺪ ﻟﻠﻪ ﺍﻧﺖ ﺷﻠﻮﻧﻚ ﺷﺠﺎﺑﻚ ﻫﻨﺎ ﻣﻮﺵ ﺭﺩﻭﻙ
ﻻ ﻳﻌﻤﻲ ﺍﻧﺎ ﺟﺎﻱ ﻭﺑﺎﻟﻲ ﺍﻟﺸﻬﺎﺩﻩ ﻣﻨﻬﻮ ﻳﺮﺩﻧﻲ
ﺑﻌﺪ ﻣﺎ ﺧﺬﻭﻛﻢ ﻛﺎﻟﻮ ﺍﻧﺘﻮ ﺭﺩﻭ ﺍﻧﺎ ﻭﻳﺎﻱ ﺷﻮﻳﺐ
ﺍﻧﺎ ﻛﻌﺪﺕ ﺍﻟﻬﻢ ﻛﻌﺪﻩ ﻛﺘﻠﻬﻢ ﻳﺎ ﺗﺎﺧﺬﻭﻧﻲ ﻳﺎ ﺍﻣﺸﻲ ﻭﺣﺪﻱ ﻫﻬﻬﻪ ﻋﺎﺩ ﻫﻤﻪ ﺧﺬﻭﻧﻲ ﻭﻳﺎﻫﻢ
ﺻﺮﺕ ﺍﻭﺯﻉ ﺍﺭﺯﺍﻕ ﻟﻠﺠﻴﺶ
ﻭﻫﺬﻱ ﻭﺣﺪﺗﻲ ﺟﻨﻪ ﺟﺎﻳﺒﻴﻦ ﺍﺭﺯﺍﻕ ﺍﻟﻔﻴﻠﻖ ﺍﻝ .....
ﻭﺳﻮﻭﻟﻨﻪ ﻛﻤﻴﻦ ﺍﻟﺠﻼﺏ ﻭﻫﻤﺰﻳﻦ ﺍﻟﻠﻪ ﻭﺍﻧﺘﻮ ﺟﻴﺘﻮﻧﻪ
ﺍﻟﻠﻪ ﻳﺤﻔﻈﻚ ﻋﻤﻲ ﻭﻳﻄﻴﻚ ﺍﻟﺼﺤﻪ
ﺍﻟﻠﻪ ﻳﺴﻠﻤﻚ ﺑﺸﺮ ﺍﺧﻮﻙ ﻣﺎﻟﻜﻴﺘﻪ
ﻻ ﻭﺍﻟﻠﻪ ﻋﻤﻲ ﻣﺎﻣﺶ ﺧﺒﺮ ﻋﻨﻪ
ﺍﻛﻠﻚ ﻛﺒﻞ ﻣﺪﻩ ﺟﻨﻪ ﺑﻘﺮﻳﻪ ﺻﻮﺏ ﺍﻟﻨﻬﺮ ﻭﺳﻤﻌﺖ ﻣﻦ ﻭﻟﺪﻫﻢ ﺟﺎﻳﻴﻦ ﻋﻠﻴﻬﻢ ﺟﻢ ﻭﺍﺣﺪ ﻣﻦ ﺍﻟﺤﺸﺪ
ﺻﺪﻙ ﻭﻳﻦ ﻫﺴﻪ ﻫﻤﻪ
ﻣﺎﻋﺮﻑ ﺑﺲ ﺍﻟﻲ ﺍﻋﺮﻓﻪ ﺷﺎﺭﺩﻳﻦ ﻣﻦ ﺩﺍﻋﺶ ﺟﻢ ﻃﺎﻟﺐ ﻭﺟﺎﻳﻴﻦ ﻋﻠﻰ ﻣﻨﻄﻘﻪ ﻳﻤﻜﻦ ﺍﺳﻤﻬﻪ ﺍﻟﻌﻠﻢ
ﻧﺎﺣﻴﺔ ﺍﻟﻌﻠﻢ
ﺃﻱ ﺃﻱ ﻫﻴﻪ
ﺯﻳﻦ ﻣﻌﺮﻓﺖ ﺑﻌﺪﻫﻢ ﻫﻨﺎﻙ ﻃﻠﻌﻮﺍ
ﻻ ﻭﺍﻟﻠﻪ ﻣﺎ ﻋﺮﻓﺖ
ﺯﻳﻦ ﻋﻤﻲ ﺃﻟﻒ ﺷﻜﺮ
ﻳﺎﺭﺏ ﺗﻜﺪﺭ ﺗﻠﻜﻪ ﺍﺧﻮﻙ
ﻳﺎﺭﺏ
ﺭﺟﻌﻨﻪ ﺑﻌﺪﻩ ﻟﻠﻤﻘﺮ
ﺣﺠﻴﺖ ﻟﻠﻮﻟﺪ ﻛﺘﻠﻬﻢ
ﻳﻮﻟﺪ ﺍﻧﺎ ﺳﻤﻌﺖ ﺧﺒﺮ ﻳﻜﻮﻟﻮﻥ ﺍﻛﻮ ﺷﺒﺎﺏ ﻣﻦ ﺳﺒﺎﻳﻜﺮ ﺭﺍﻳﺤﻴﻦ ﻋﻠﻰ ﻧﺎﺣﻴﺔ ﺍﻟﻌﻠﻢ
ﺃﻱ ﺑﻠﻜﺖ ﺍﺧﻮﻙ ﻭﻳﺎﻫﻢ ﻛﺎﻝ ﻋﻤﺮ
ﺍﻥ ﺷﺎﺀ ﺍﻟﻠﻪ ﻭﻫﺴﻪ ﺭﺍﺡ ﺍﺷﻮﻑ ﺍﻟﻘﺎﺋﺪ ﺣﺘﻪ ﺍﺭﻭﺡ
ﻭﻳﻦ ﺗﺮﻭﺡ ﺍﻟﻨﺎﺣﻴﺔ ﺍﻟﻌﻠﻢ
ﺃﻱ
ﺑﺲ ﻫﺎﻱ ﺍﻟﻤﻨﺎﻃﻖ ﺑﻌﺪﻩ ﺧﻄﺮﻩ
ﻻﺯﻡ ﺍﺭﻭﺡ ﻣﺎ ﺍﻛﺪﺭ ﺍﺑﻘﻪ ﺑﻌﺪ
ﻟﻌﺪ ﻧﺮﻭﺡ ﻭﻳﺎﻙ ﻛﺎﻝ ﻛﻤﺎﻝ
ﺃﻱ ﻧﺮﻭﺡ ﻭﻳﺎﻙ ﺭﺩ ﻋﻤﺮ
ﻭﺍﻧﺎ ﻫﻢ ﻧﺮﻭﺡ ﻭﻳﺎﻙ ﻛﺎﻛﺎ ﻋﻠﻲ ﻣﺎ ﻧﺨﻠﻴﻚ ﻭﺣﺪﻙ
ﻻ ﻳﺨﻮﺗﻲ ﻫﻠﺸﻐﻠﻪ ﺧﻄﺮﻩ
ﻭﺍﺫﺍ ﺧﻄﺮﻩ ﻗﺎﺑﻞ ﻧﺨﻠﻴﻚ ﻭﺣﺪﻙ ﻭﺩﺍﻋﺘﻚ ﻟﻠﻤﻮﺕ ﻭﻳﺎﻙ ﺻﺎﺡ ﻛﻤﺎﻝ
ﻃﺒﻌﺎ ﺣﻴﻞ ﺇﺛﺮ ﺑﻴﻪ ﻫﻠﻤﻮﻗﻒ ﺷﻠﻮﻥ ﻭﻛﻔﻮ ﻭﻳﺎﻱ
ﺍﻟﻠﻪ ﻻ ﻳﺤﺮﻣﻨﻲ ﻣﻨﻜﻢ ﻳﺎﺭﺏ
....
ﺩﺧﻠﻨﻪ ﻋﻠﻰ ﺍﻟﻘﺎﺋﺪ ﻛﺘﻠﻪ
ﺳﻴﺪﻱ ﺍﻧﺎ ﺳﻤﻌﺖ ﺧﺒﺮ ﻋﻦ ﺍﺧﻮﻱ ﻟﻨﺎﺣﻴﺔ ﺍﻟﻌﻠﻢ ﻭﻻﺯﻡ ﺍﺭﻭﺡ ﺍﺗﺄﻛﺪ
ﺑﺲ ﻫﻠﻤﻨﺎﻃﻖ ﺑﻌﺪﻩ ﻣﺎ ﻣﺤﺮﺭﻳﻪ
ﻣﻮ ﻣﻬﻢ ﻻﺯﻡ ﺍﺭﻭﺡ ﺍﺗﺄﻛﺪ
ﺳﻴﺪﻱ ﻭﺍﺣﻨﻪ ﻧﺮﻭﺡ ﻭﻳﺎ ﻛﺎﻝ ﻛﻤﺎﻝ
ﺍﻧﺘﻮ ﻫﻢ ﺗﺮﺣﻮﻥ
ﺃﻱ ﺳﻴﺪﻱ ﻻﺯﻡ ﻧﺮﻭﺡ ﻭﻳﺎ ﺍﺭﺟﻮﻙ ﺳﻴﺪﻱ ﻫﺬﺍ ﺧﻮﻳﻨﻪ ﺷﻠﻮﻥ ﻧﺨﻠﻴﻪ ﻭﺣﺪﻩ ﻧﺘﺮ ﻋﻤﺮ
ﻭﺍﻧﺎ ﻫﻢ ﺍﺭﻭﺡ ﺳﻴﺪﻱ ﻛﺎﻛﺎ ﻋﻠﻲ ﻋﺰﻳﺰ ﻋﻠﻴﻨﻪ
ﻫﺰ ﺭﺍﺳﻪ ﺍﻟﻘﺎﺋﺪ ﻭﻛﺎﻝ
ﻭﺍﻟﻠﻪ ﻭﺍﻟﻨﻌﻢ ﻣﻨﻜﻢ ﻣﻦ ﺍﺧﻮﺍﻥ ﺻﺪﻙ ﺍﻟﻌﺮﺍﻕ ﺑﻌﺪ ﺑﻴﻪ ﻛﻞ ﺍﻟﺨﻴﺮ
ﺷﻮﻛﺖ ﻗﺮﺭﺗﻮ ﺗﺘﻮﻛﻠﻮﻥ
ﺑﺎﺟﺮ ﺍﻟﺼﺒﺢ ﺍﻥ ﺷﺎﺀ ﺍﻟﻠﻪ
ﺗﻤﺎﻡ ﻗﺒﻞ ﻻ ﺗﻄﻠﻌﻮﻥ ﻣﺮﻭ ﻋﻠﻴﻪ
ﺃﻥ ﺷﺎﺀ ﺍﻟﻠﻪ ﺳﻴﺪﻱ
ﺛﺎﻧﻲ ﻳﻮﻡ ﺍﻟﺼﺒﺢ ﺭﺣﻨﻪ ﻋﻠﻰ ﺍﻟﻘﺎﺋﺪ ﺩﻛﻴﻨﻪ ﺍﻟﺒﺎﺏ
ﺗﻔﻈﻠﻮ
ﺍﻟﺴﻼﻡ ﻋﻠﻴﻜﻢ ﺳﻴﺪﻱ
ﻭﻋﻠﻴﻜﻢ ﺍﻟﺴﻼﻡ ﻳﺸﺒﺎﺏ ﺍﻟﻠﻪ ﺷﺎﻫﺪ ﺍﻧﺘﻮ ﻧﻌﻢ ﺍﻟﺮﺟﺎﻝ ﻋﺎﺷﺮﺗﻜﻢ ﻭﺷﻔﺖ ﺷﻨﻮ ﻣﻌﺪﻧﻜﻢ
ﺍﺗﻤﻨﻰ ﺗﺮﺟﻌﻮﻥ ﺑﻠﺴﻼﻣﻪ ﻭﻧﻜﻤﻞ ﺗﺤﺮﻳﺮ ﺍﻟﻌﺮﺍﻕ ﺳﻮﻳﻪ
ﺍﻥ ﺷﺎﺀ ﺍﻟﻠﻪ ﺳﻴﺪﻱ ﺍﺫﺍ ﺍﻟﻠﻪ ﻛﺎﺗﺒﻠﻨﻪ ﺍﻟﺤﻴﺎﺓ ﺭﺍﺡ ﻧﺮﺟﻊ ﻭﻧﻜﻤﻞ ﺳﻮﻩ ﺟﺎﻭﺑﺖ ﺍﻧﺎ
ﺍﻥ ﺷﺎﺀ ﺍﻟﻠﻪ ﻫﺎﻙ ﻋﻠﻲ ﻫﺬﺍ ﻻﺳﻠﻜﻲ ﺍﺧﺬﻩ ﻭﻳﺎﻙ ﺍﺫﺍ ﺍﺣﺘﺎﺟﻴﺘﻮ ﺷﻲ ﺑﺲ ﺍﺗﺼﻞ ﻋﻠﻴﻨﻪ
ﻭﻫﺎﻱ ﻭﺭﻗﻪ ﻻ ﺳﺎﻣﺢ ﺍﻟﻠﻪ ﺍﺫﺍ ﺍﺳﺘﺸﻬﺪ ﻭﺍﺣﺪ ﻣﻨﻜﻢ ﺭﺍﺡ ﺗﺜﺒﺖ ﺍﻧﺘﻮ ﻃﻠﻌﺘﻮﺍ ﺑﻌﻤﻠﻴﻪ ﺗﺎﺑﻌﻪ ﺍﻟﻨﻪ ﻟﻴﺶ ﻳﺮﻭﺡ ﺗﻌﺒﻜﻢ ﺑﻼﺵ
ﺣﻘﻴﻘﻪ ﺗﻔﺎﺟﺌﻨﻪ ﺑﻜﻼﻡ ﺍﻟﻘﺎﺋﺪ ﺿﻞ ﻭﺍﺣﺪ ﻳﺒﺎﻭﻉ ﻋﻠﻰ ﺍﻟﺜﺎﻧﻲ
ﺗﺸﻜﺮﻧﻪ ﻣﻨﻪ ﻭﻃﻠﻌﻨﻪ
ﺑﻘﻴﻨﻪ ﻧﻤﺸﻲ ﻣﺴﺎﻓﻪ ﻟﺤﺪ ﻣﺎ ﻭﺻﻠﻨﻪ ﺍﻟﺸﺎﺭﻉ
ﺍﺟﺖ ﺳﻴﺎﺭﻩ ﻣﺎﻝ ﺟﻴﺶ ﺍﺷﺮﻧﻪ ﺍﻟﻪ ﻭﻛﻒ
ﺍﻟﺴﻼﻡ ﻋﻠﻴﻜﻢ ﺧﻴﻲ
ﻭﻋﻠﻴﻜﻢ ﺍﻟﺴﻼﻡ ﻫﺎ ﺷﺒﺎﺏ ﻭﻳﻦ ﺭﺍﻳﺤﻴﻦ
ﻛﺘﻠﻪ ﺍﻧﺮﻳﺪ ﺍﻟﻨﺎﺣﻴﺔ ﺍﻟﻌﻠﻢ
ﺻﻔﻦ ﺷﻮﻳﻪ ﻭﻛﻠﻲ ﺍﺻﻌﺪﻭ ﺑﺲ ﺗﺮﻩ ﻣﺎ ﺍﻛﺪﺭ ﺍﻭﺻﻠﻜﻢ ﻟﻠﻨﺎﺣﻴﻪ ﺑﺲ ﺍﻛﺪﺭ ﺍﻭﺻﻠﻜﻢ ﺍﻟﻤﻜﺎﻥ ﻗﺮﻳﺐ ﻋﻠﻴﻬﻪ
ﻭﻳﻦ ﻣﺎ ﺗﺬﺑﻨﻪ ﺍﻧﻌﻤﻠﻪ ﻛﻠﻪ ﻋﻤﺮ
ﺻﻌﺪﻧﻪ ﻭﻳﻪ ﺍﻟﻮﻟﺪ ﻃﻠﻊ ﻣﻦ ﺍﻫﻞ ﺍﻟﺮﻣﺎﺩﻱ ﻣﻠﺘﺤﻖ ﺑﻠﺠﻴﺶ ﻭﺻﻠﻨﻪ ﺍﻟﻤﻨﻄﻘﻪ ﻗﺮﻳﺒﻪ ﻋﻠﻰ ﻧﺎﺣﻴﺔ ﺍﻟﻌﻠﻢ ﻛﺎﻝ ﻟﻬﻨﺎ ﺑﻌﺪ ﻣﺎ ﺍﻛﺪﺭ ﺍﺩﺧﻞ ﺍﻣﺸﻮ ﺑﻬﺬﺍ ﺍﻟﻄﺮﻳﻖ ﻭﻳﻮﺻﻠﻜﻢ
ﺗﺸﻜﺮﻧﻪ ﻣﻨﻪ ﻭﻣﺸﻴﻨﻪ ﺑﻘﻴﻨﻪ ﻧﻤﺸﻲ ﻓﺘﺮﻩ ﻃﻮﻳﻠﻪ ﻛﺎﻝ ﻋﻤﺮ
ﺍﻛﻠﻜﻢ ﻳﻤﻜﻦ ﺗﻬﻨﻪ ﻳﻮﻟﺪ
ﻭﺍﻟﻠﻪ ﺷﻜﻠﻚ ﻳﻤﻜﻦ ﺟﺎﻭﺑﺖ
ﻛﺎﻛﺎ ﺍﻣﺸﻮ ﺑﻠﻜﺖ ﻧﻼﻛﻲ ﻧﺎﺱ
ﻫﻬﻬﻪ ﻛﺎﻛﺎ ﺍﺯﺍﺩ ﻭﻳﻦ ﺗﻠﻜﻪ ﻧﺎﺱ ﺑﻬﻞ ﺯﻟﻚ ﻛﻠﻪ ﻛﻤﺎﻝ
ﺍﺯﺍﺩ .... ﺷﻨﻮ ﺯﻟﻚ ﻣﺎﻛﻮ ﻣﻄﺮ ﺣﺘﻪ ﺗﺼﻴﺮ ﺯﻟﻚ ﺍﻟﻜﺎﻉ
ﻫﻬﻬﻬﻬﻪ ﺿﺤﻜﺘﻪ ﻋﻠﻰ ﺣﺠﻲ ﻛﺎﻛﺎ ﺍﺯﺍﺩ ﻛﺘﻠﻪ
....
ﻣﻌﻠﻴﻚ ﻛﺎﻛﺎ ﻫﺬﺍ ﻳﺨﺒﺺ ﺑﻠﺤﺠﻲ
ﺻﺎﺡ ﻋﻤﺮ .... ﻳﻮﻟﺪ ﻳﻤﻜﻦ ﺫﻳﺞ ﺧﻴﻤﻪ
ﺑﺎﻭﻋﻨﻪ ﺃﻱ ﻭﺍﻟﻠﻪ ﺻﻬﻮﻩ ﻛﺘﻠﻬﻢ
ﺷﻨﻮ ﺻﻬﻮﻩ .... ﺳﺄﻟﻮ ﺗﻼﺛﺘﻬﻢ
ﻫﻬﻬﻪ ﺧﻴﻤﻪ ﺧﻴﻤﻪ ﻳﻠﻠﻪ ﻣﺸﻮﻧﻪ
ﺍﻱ ﻣﻮ ﻛﻠﺖ ﺧﻴﻤﻪ ﺑﻌﺪ ﺷﻨﻲ ﺻﻬﻮﻩ ﻧﺘﺮ ﻋﻤﺮ
ﻇﺤﻜﺖ ﻭﻣﺸﻴﻨﻪ ﻟﺤﺪ ﻣﺎ ﻭﺻﻠﻨﻪ ﺍﻟﺨﻴﻤﻪ
ﻭﻛﻔﻨﻪ ﺧﻴﻤﻪ ﻧﻈﻴﻔﻪ ﻭﺩﻻﻝ ﻣﺼﻄﺮﺍﺕ ﻭﺟﻬﺎﻝ ﻳﻠﻌﺒﻮﻥ ﻳﻤﻪ
ﺗﻘﺮﺑﺖ ﻋﻠﻴﻬﻢ ﻛﺘﻠﻬﻢ
ﺍﻟﺴﻼﻡ ﻋﻠﻴﻜﻢ
ﺭﺩ ﻭﺍﺣﺪ ﻣﻨﻬﻢ ﻭﺍﻟﺒﻨﻴﻪ ﺭﻛﻈﺖ ﻃﺒﺖ ﻟﻠﺠﺎﻧﺐ ﺍﻟﺜﺎﻧﻲ
ﻭﻋﻠﻴﻜﻢ ﺍﻟﺴﻼﻡ
ﺍﺑﻮﻙ ﻭﻳﻦ
ﺍﺑﻮﻱ ﻣﺎﻫﻮ ﻫﻴﻦ ﺑﺲ ﻋﺒﺪﺍﻟﻠﻪ ﻫﻴﻦ
ﻋﺒﺪﺍﻟﻠﻪ ﻣﻨﻮ
ﺍﺧﻮﻱ
ﺯﻳﻦ ﺭﻭﺡ ﺻﻴﺤﻪ
ﺭﻛﻆ ﺍﻟﻮﻟﺪ ﻭﺭﻩ ﺷﻮﻳﻪ ﺭﺟﻊ ﻭﻳﺎ ﻭﻟﺪ ﺷﻮﻳﻪ ﺍﻛﺒﺮ ﻣﻨﻪ ﻻﺑﺲ ﺷﻤﺎﻍ ﻭﻋﻜﺎﻝ ﻭﻣﺤﺰﻡ ﺑﻴﻪ ﻣﺴﺪﺱ ﻛﺎﻝ ﻣﻨﻬﻮ ﺍﻧﺘﻮ ﻭﺷﺮﺍﻳﺪﻳﻦ
ﺍﺣﻨﻪ ﻇﻴﻮﻑ
ﻫﻼ ﺑﻠﻈﻴﻮﻑ ﻻﺟﻦ ﺍﻧﺘﻮ ﻇﻴﻮﻑ ﺍﻟﺮﺣﻤﻦ ﻭﻻ ﻇﻴﻮﻑ ﺍﻟﺸﻴﻄﺎﻥ
ﻣﻦ ﻛﻮﻧﻜﻢ ﻇﻴﻮﻑ ﺍﻟﺮﺣﻤﻦ ﻫﻼ ﻭﺭﺣﺐ ﺑﻴﻜﻢ ﻭﺟﺜﻴﺮ ﺍﻟﻬﻼ ﻋﻴﻦ ﻏﻄﻰ ﻭﻋﻴﻦ ﻓﺮﺍﺵ ﻟﻜﻢ
ﻻﺟﻦ ﺍﻥ ﺟﻨﺘﻮ ﻇﻴﻮﻑ ﺍﻟﺸﻴﻄﺎﻥ ﻻ ﻭﺍﻟﻠﻪ ﻣﺎﻟﻜﻢ ﻋﺪﻧﻪ ﻏﻴﺮ ﻫﺬﺍ
ﻃﻠﻊ ﺳﻼﺣﻪ ﻭﺟﻬﻪ ﻋﻠﻴﻨﻪ
ﺍﻟﻮﻟﺪ ﻣﺎ ﻓﻬﻤﻮ ﺷﻲ ﻣﻦ ﺣﺠﻴﻪ ﺍﺷﺮﺕ ﺍﻟﻬﻢ ﺍﺗﻬﺪﻭ ﺧﻠﻮﻧﻲ ﺍﻧﺎ ﺍﺣﺠﻲ ﺍﻧﺎ ﻓﻬﻤﺖ ﺣﺠﻴﻪ ﻻﻥ ﻗﺮﻳﺐ ﻋﻠﻰ ﺣﺠﻴﻨﻪ
ﻛﺘﻠﻪ ﻻ ﻭﺍﻟﻠﻪ ﻇﻴﻮﻑ ﺭﺣﻤﻦ ﻭﺩﺍﺧﻠﻴﻦ ﻋﻠﻰ ﺍﻟﻠﻪ ﻭﺛﻢ ﻋﻠﻴﻜﻢ
ﺍﺑﺘﺴﻢ ﻋﺒﺪﺍﻟﻠﻪ ﻭﻧﺰﻝ ﺳﻼﺣﻪ ﻭﻛﺎﻝ
ﻳﺎ ﻫﻼ ﻭﺟﺜﻴﺮ ﺍﻟﻬﻼ ﻭﺩﺧﻠﺘﻜﻢ ﻋﻠﻰ ﺍﻟﻠﻪ ﺛﻢ ﻋﻠﻴﻨﻪ ﺗﻔﻈﻠﻮ ﺍﺭﺗﺎﺣﻮ ﻭﺗﺰﻭﺩﻭ ﻭﻫﺴﻰ ﻳﺠﻲ ﺍﺑﻮﻱ ﻭﻳﺮﺣﺐ ﺑﻴﻜﻢ
ﺩﺧﻠﻨﻪ
ﺗﻤﺪﺩﻧﻪ ﻭﺍﺣﻨﻪ ﺗﻌﺒﺎﻧﻴﻦ ﻣﻦ ﺍﻟﻤﺸﻲ
ﻭﺍﻟﻮﻟﺪ ﻭﺍﺣﺪ ﺻﺎﻓﻦ ﻋﻠﻰ ﺍﻟﺜﺎﻧﻲ ﻛﻠﺸﻲ ﻣﺎ ﻓﻬﻤﻮ
ﻣﻦ ﻛﻌﺪﻧﻪ ﻛﺎﻝ ﻋﻤﺮ
ﺑﺮﻭﺡ ﺍﺑﻮﻙ ﺷﻨﻮ ﺭﻃﻨﺘﻮ ﺍﻧﺖ ﻭﻳﺎ
ﺃﻱ ﻋﻼﻭﻱ ﻓﻬﻤﻨﻪ ﺣﺠﻪ ﻛﻤﺎﻝ
ﻛﺎﻛﺎ ﻋﻠﻲ ﻓﻬﻤﻨﻪ ﺣﺒﺎﺏ
ﻫﻬﻬﻬﻪ ﻭﻟﻜﻢ ﺷﺒﻴﻜﻢ ﺍﻟﻮﻟﺪ ﻛﺎﻝ .........
ﺳﻮﻟﻔﺖ ﺍﻟﻬﻢ ﺍﻟﻲ ﺣﺠﻴﻨﺎ
ﻛﻤﺎﻝ ...... ﻫﻬﻬﻪ ﺧﺮﺏ ﻳﻮﻣﻚ ﻋﻠﻲ ﻛﻠﺶ ﺯﻳﻦ ﻣﻦ ﻓﻬﻤﺖ ﻋﻠﻴﻪ
ﻋﻤﺮ ... ﻭﻟﻚ ﺍﻧﺎ ﻧﺸﻒ ﺍﻟﺪﻡ ﺑﻴﻪ ﻣﻦ ﺷﻔﺘﻪ ﺟﺮ ﺳﻼﺣﻪ
ﻛﺎﻛﺎ ﺍﺯﺍﺩ ..... ﺍﺣﻨﺎ ﻭﻛﻔﻨﻪ ﻣﺜﻞ ﺍﻷﻃﺮﺵ ﺑﻠﻌﺮﺱ
ﺑﻠﺰﻓﻪ ﻭﻟﻚ ﺍﺯﺍﺩ ﺑﻠﺰﻓﻪ ﻣﻮ ﺑﻠﻌﺮﺱ ﻓﻬﻤﻪ ﻛﻤﺎﻝ
ﻫﺴﻪ ﺑﻠﺰﻓﻪ ﺑﻠﻌﺮﺱ ﺍﻫﻢ ﺷﻲ ﻃﺮﺑﻜﻪ .. ﺟﺎﻭﺑﻪ ﺍﺯﺍﺩ
ﻫﻬﻬﻬﻪ ﺻﺪﻙ ﻋﻮﺩ ﺍﻫﻢ ﺷﻲ ﻃﺮﺑﻜﻪ .. ﻛﺘﻠﻪ
ﺷﻮﻳﻪ ﺭﺟﻊ ﻋﺒﺪﺍﻟﻠﻪ ﻭﻳﺎ ﺭﺟﺎﻝ ﻣﺘﻮﺳﻂ ﺑﻠﻌﻤﺮ ﻳﺸﺒﻪ ﻋﺒﺪﺍﻟﻠﻪ ﻋﺮﻓﺘﻪ ﺍﺑﻮ
ﺻﺎﺡ
....
ﻳﺎﻫﻼ ﺑﻈﻴﻮﻑ ﺍﻟﺮﺣﻤﻦ ﺍﻋﺬﺭﻭ ﻭﻟﻴﺪﻱ ﺗﺮﺍﻫﻮ ﻣﻦ ﺍﻟﺸﺎﻓﻪ ﺧﺎﻑ ﻣﻦ ﻛﻞ ﻭﺍﺣﺪ ﻳﺘﻜﺮﺏ ﻳﻢ ﻫﻼ
ﻻ ﺧﻴﻲ ﺣﻘﻜﻢ ﻛﺎﻋﺪﻳﻦ ﺑﻬﺎﻱ ﺍﻟﻬﻴﻤﻪ ﻭﺍﻟﺪﻧﻴﻪ ﻣﻮﺵ ﺍﻣﺎﻥ ﻭﻫﺎﻱ ﺍﻟﺤﺮﺏ ﻛﺮﻳﺒﻪ ﻋﻠﻴﻜﻢ
ﻭﺍﻟﻠﻪ ﻳﺎﺧﻮﻱ ﻧﺤﻨﻪ ﻣﺎﻟﻨﻪ ﺑﻠﺤﺮﺏ ﻻ ﻧﺎﻛﻪ ﻭﻻ ﺟﻤﻞ
ﻋﺎﻳﺸﻴﻦ ﻋﻠﻰ ﺗﺮﺑﻴﺔ ﻫﻞ ﺣﻴﻮﺍﻧﺎﺕ ﻫﺎﺫ ﻭﻻ ﻧﻜﺮﺏ ﻟﻠﻤﺪﻳﻨﻪ ﻭﻻ ﻧﻮﺻﻞ
ﺑﺲ ﻧﺴﻤﻊ ﺍﻟﻬﺮﺝ ﻣﻦ ﻧﺸﻐﻞ ﺍﻟﺮﺍﺩﻳﻮﻥ ﻭﺻﺎﺭﻭ ﻳﻤﺮﻭﻥ ﻣﻦ ﺻﻮﺑﻨﻪ ﻧﺎﺱ ﻣﺎﻋﺮﻑ ﺷﻨﻬﻲ ﺧﻠﻜﻬﻢ
ﺟﻨﻬﻢ ﻭﺣﻮﺵ ﺃﻱ ﻭﺍﻟﻠﻪ ﺟﻨﻬﻢ ﻭﺣﻮﺵ ﻋﺰ ﺍﻟﻠﻪ ﻣﺎﻫﻢ ﺑﺸﺮ ﺍﺑﺪ
ﺃﻱ ﻭﺍﻟﻠﻪ ﺻﺢ ﻭﺣﻮﺵ ﻣﺎﻋﺮﻑ ﻣﻨﻴﻦ ﻟﻔﻮﻟﻨﻪ
ﺭﺟﻊ ﻋﺒﺪ ﺍﻟﻠﻪ ﺻﺐ ﺍﻟﻨﻪ ﻛﻬﻮﻩ ﻭﻃﻠﻊ ﻫﻮ ﻭﺃﺑﻮﻩ
ﺑﻘﻴﻨﻪ ﻧﺴﻮﻟﻒ ﺍﻧﺎ ﻭﻟﻮﻟﺪ ﻟﺤﺪ ﺍﻟﻌﺼﺮ
ﺟﺎﺑﻮ ﺍﻟﻨﻪ ﺍﻻﻛﻞ ﻣﺎﺷﺎﺀ ﺍﻟﻠﻪ ﺗﻤﻦ ﻭﻋﻠﻴﻪ ﺫﺑﻴﺤﻪ ﻛﺎﻣﻠﻪ
ﺑﻘﻴﻨﻪ ﺻﺎﻓﻨﻴﻦ
ﺗﻔﻈﻠﻮﺍ ﻳﺨﻮﺗﻲ ﺍﻛﻠﻮ ﻭﺑﻌﺪﻩ ﻧﻜﻌﺪ ﻧﺴﻮﻟﻒ
ﻛﻌﺪﻧﻪ ﻋﻞ ﺻﻴﻨﻴﻪ ﺍﻛﻠﻨﻪ ﻟﻤﻦ ﺷﺒﻌﻨﻪ ﻓﻌﻼ ﺟﺎﻥ ﺍﻷﻛﻞ ﻛﻠﺶ ﻃﻴﺐ
ﻟﺤﺪ ﻫﺴﻪ ﻃﻌﻢ ﺍﻷﻛﻞ ﺑﺤﻠﻜﻲ ﺟﺬﺏ ﺍﻛﻞ ﻣﺜﻞ ﻣﺎ ﺍﻛﻠﺖ ﺑﻴﻮﻣﻬﻪ
ﻭﺍﻟﺮﺑﻊ ﻫﻢ ﻣﺎ ﺻﺪﻛﻮ ﻭﻛﻊ ﻋﻠﻰ ﺍﻻﻛﻞ ﻫﻬﻬﻬﻪ
ﺑﻌﺪ ﺍﻻﻛﻞ
ﻛﻮﻥ ﻫﺴﻪ ﺑﻄﻞ ﺑﻄﻞ ﺑﺒﺴﻲ ﻛﺎﻝ ﻛﻤﺎﻝ
ﻫﻬﻬﻪ ﻻ ﻭﻟﻚ ﻛﻮﻥ ﺳﻮﺩﻩ ﺭﺩ ﻋﻤﺮ
ﻧﺐ ﺍﺯﺍﺩ ﻻ ﻛﺎﻛﺎ ﻛﻮﻥ ﻣﻮﻃﻪ ﻫﺴﻪ
ﻫﻬﻬﻬﻬﻬﻪ ﻻ ﺧﻮﺏ ﺗﺮﺩﻭﻥ ﺑﻠﻨﻜﻮ ﻫﻬﻬﻬﻬﻪ
ﺧﺮﺏ ﻳﻮﻣﻜﻢ ﻋﻠﻰ ﻫﺎﻱ ﺍﻟﻄﻠﺒﺎﺕ
ﺷﻮﻳﻪ ﺟﺎﺑﻮ ﺟﺎﻱ ﻭﻛﻬﻮﻩ
ﻧﻤﻨﻪ ﺷﻮﻳﻪ ﺻﺎﺭ ﺍﻟﻤﻐﺮﺏ
ﺻﻠﻴﻨﻪ ﻭﺻﺒﻮ ﺍﻟﻌﺸﻪ
ﻫﻢ ﻣﺜﻞ ﺍﻟﻐﺪﻩ
ﻳﺎﺑﻪ ﻭﻟﻜﻢ ﺍﻧﺎ ﺑﻌﺪﻩ ﺍﻛﻞ ﺍﻟﻐﺪﻩ ﻣﺎ ﻫﻈﻤﺘﻪ ﺣﺠﻴﺖ ﺍﻧﺎ
ﻛﻤﺎﻝ .... ﻭﺍﻧﺎ ﻫﻢ ﻣﺎ ﺗﺸﺘﻬﻲ
ﻋﻤﺮ ... ﻭﻟﻜﻢ ﺍﻛﻠﻮ ﻣﻨﻮ ﻳﻜﻮﻝ ﺑﻌﺪ ﻧﺸﻮﻑ ﻫﻴﺞ ﺍﻛﻞ
ﺍﺯﺍﺩ ..... ﻻ ﺍﻧﺎ ﺍﻛﺘﻔﻴﺖ ﻣﻦ ﺍﻷﻛﻞ
ﺍﺑﻮ ﻋﺒﺪﺍﻟﻠﻪ ﻳﺼﻴﺢ ﻳﻠﻠﻪ ﺗﻔﻀﻠﻮﺍ
ﻭﻋﺒﺪﺍﻟﻠﻪ ﻳﻨﻜﻞ ﺍﻟﺨﺒﺰ ﻭﺍﻟﺮﻭﺑﻪ ﻭﺍﻟﻠﺒﻦ
ﻛﺘﻠﻬﻢ
ﻋﻴﺐ ﻳﺎﺑﻪ ﻻﺯﻡ ﺗﺎﻛﻠﻮﻥ ﻻﻥ ﻳﻌﺘﺒﺮﻭﻧﻪ ﺍﻧﺘﻘﺎﺹ ﻣﻦ ﺍﻟﻀﻴﺎﻓﻪ
ﺗﻘﺮﺑﻨﻪ ﻋﻠﻰ ﺍﻻﻛﻞ ﺍﻛﻠﻨﻪ ﺍﻟﻲ ﻛﺪﺭﻧﻪ ﻋﻠﻴﻪ
ﺑﻌﺪ ﻣﺎ ﺷﺮﺑﻨﻪ ﺍﻟﺠﺎﻱ
ﻭﺑﻌﺪﻩ ﺍﻟﻜﻬﻮﻩ
ﻛﺎﻝ ﺍﺑﻮ ﻋﺒﺪﺍﻟﻠﻪ
ﺃﻱ ﻳﻠﺨﻮ ﺳﻮﻟﻔﻠﻲ ﺳﺎﻟﻔﺘﻜﻢ
ﻛﺘﻠﻪ ﻭﺍﻟﻠﻪ ﻳﺒﻮ ﻋﺒﺪﺍﻟﻠﻪ ﺍﺣﻨﻪ ﺳﺎﻟﻔﺘﻨﻪ ........
ﺑﻌﺪ ﻣﺎ ﻛﻤﻠﺖ ﺻﻔﻦ ﻭﺑﺎﻭﻉ ﻋﻠﻴﻪ ﻭﻛﺎﻝ
ﻭﺍﻟﻠﻪ ﻳﺨﻮﻱ ﺳﺎﻟﻔﺘﻜﻢ ﺳﺎﻟﻔﻪ ﺗﺮﻩ ﺍﻧﺘﻮ ﻣﻈﻴﻌﻴﻦ ﺍﻟﻄﺮﻳﺞ ﻧﺎﺣﻴﺔ ﺍﻟﻌﻠﻢ ﻣﻮﺵ ﻣﻨﺎ ﻛﻠﺶ ﺷﺎﻣﺮﻳﻦ ﺍﻧﺘﻮ
ﻭﺍﻟﻠﻪ ﻋﺮﻓﺖ ﻛﺎﻝ ﻋﻤﺮ
ﻭﻫﺴﻪ ﺷﻠﻮﻥ ﺍﺑﻮ ﻋﺒﺪﺍﻟﻠﻪ
ﻻ ﺗﺨﺎﻓﻮﻥ ﻧﺎﻣﻮﺍ ﺍﻟﻴﻮﻡ ﻫﻨﺎ ﻭﻣﻦ ﺍﻟﺼﺒﺢ ﺍﺧﺬﻛﻢ ﺑﻠﺴﻴﺎﺭﻩ ﺍﻭﺩﻳﻜﻢ ﺍﻟﻨﺎﺣﻴﺔ ﺍﻟﻌﻠﻢ
ﺗﺴﻠﻢ ﻭﺍﻟﻠﻪ ﺧﻴﻲ ﻋﺸﺖ ﻛﺘﻠﻪ
ﺧﻠﻮﻟﻨﻪ ﻓﺮﺍﺵ ﻧﻤﻨﻪ ﻣﻦ ﺍﻟﺘﻌﺐ
ﻣﺎﻋﺮﻑ ﺑﻴﺶ ﺍﻟﺴﺎﻋﻪ ﺻﺎﺭﺕ ﺑﻠﻮﺣﺪﻩ ﺑﻠﺜﻨﺘﻴﻦ ﺣﺴﻴﺖ ﻭﺍﺣﺪ ﻳﺼﻴﺢ ﻋﻠﻴﻪ
.....
ﻋﻤﻲ ﻋﻠﻲ ﻋﻤﻲ ﺍﻛﻌﺪ ﻭﻛﻌﺪ ﺭﺑﻌﻚ
ﺷﻠﺖ ﺭﺍﺳﻲ ﻋﺒﺪﺍﻟﻠﻪ ﻭﺍﻛﻒ ﻋﻠﻰ ﺭﺍﺳﻲ ﻭﻻ ﺑﺲ ﺳﻼﺣﻪ
ﻟﺤﻈﺎﺕ ﺧﻔﺖ ﻣﻨﻪ ﺑﻌﺪﻳﻦ ﻛﻠﻲ
ﻻ ﺗﺨﺎﻑ ﻋﻤﻲ ﻛﻌﺪ ﺭﺑﻌﻚ ﻻﺯﻡ ﻧﻄﻠﻊ ﻫﺴﻰ ﻣﻨﺎ ﺩﺍﻋﺶ ﺭﺍﺡ ﻳﻮﺻﻞ ﻟﻴﻨﻪ ﻭﻻﺯﻡ ﺍﻃﻠﻌﻜﻢ ﻣﻨﺎ ﻫﺴﻪ
ﻓﺰﻳﺖ ﻛﻌﺪﺕ ﺍﻟﻮﻟﺪ ﻭﺍﻧﺎ ﺍﺳﻮﻟﻒ ﻭﻳﻪ ﻋﺒﺪﺍﻟﻠﻪ
ﻭﻟﻜﻢ ﺍﻛﻌﺪﻭ ﻋﻤﺮ ﻛﻤﺎﻝ ﺍﺯﺍﺩ ﺑﺴﺮﻋﻪ
ﺟﺎ ﻭﻳﻦ ﺍﺑﻮﻙ
ﻋﻤﻲ ﺍﺑﻮﻱ ﺍﺧﺬ ﺍﻫﻠﻲ ﻭﺭﺍﺡ ﻭﻛﻠﻔﻨﻲ ﺑﻴﻜﻢ
ﻭﻟﻜﻢ ﺍﻛﻌﺪﻭ ﺧﺮﺏ ﻏﻴﺮﺗﻜﻢ
ﺧﻴﺮ ﻋﻠﻲ ﺷﻜﻮ
ﻭﻟﻜﻢ ﻛﻮﻣﻮ ﻻﺯﻡ ﻫﺴﻰ ﻧﻄﻠﻊ ﻣﻨﺎ ﺩﺍﻋﺶ ﺟﺎﻱ ﻋﻠﻴﻨﻪ
ﻓﺰﻭ ﻟﺒﺴﻮ ﻫﻤﻮﻣﻬﻢ ﻭﻃﻠﻌﻨﻪ
ﺳﻴﺎﺭﺓ ﺍﻟﺤﻼﻝ ﺻﻌﺪﻧﻪ ﺑﻴﻬﻪ ﺑﻴﻦ ﺍﻟﺤﻼﻝ
ﻏﻄﻮﻧﻪ ﺑﻄﺎﻧﻴﻪ ﻣﻠﺤﻪ ﻛﺎﻝ ﻣﻦ ﺍﺩﻙ ﺍﻟﺠﺎﻡ ﻣﺎﻝ ﺍﻟﺴﻴﺎﺭﻩ ﺗﻨﺰﻟﻮﻥ ﺟﻮﻩ ﺍﻟﺒﻄﺎﻧﻴﺔ
ﻣﺸﺖ ﺍﻟﺴﻴﺎﺭﻩ ﺳﺎﻋﻪ ﺍﻛﺜﺮ
ﺍﻟﻠﻴﻞ ﺑﺪﺀ ﻳﺨﻠﺺ
ﺷﻮﻳﻪ ﺍﻧﺪﻛﺖ ﺟﺎﻣﺔ ﺍﻟﺴﻴﺎﺭﻩ
ﺭﻛﻈﻨﻪ ﺟﻮ ﺍﻟﺒﻄﺎﻧﻴﺔ ﺑﻨﺺ ﺍﻟﻄﻠﻴﺎﻥ
ﻭﻛﻔﺖ ﺍﻟﺴﻴﺎﺭﻩ ﺳﻤﻌﺖ ﺣﺠﻲ ﺑﻴﻬﻢ ﻋﺮﺏ ﻭﺑﻴﻬﻢ ﻋﺮﺍﻗﻴﻴﻦ
ﺷﻮﻳﻪ ﺍﺟﻮ ﻳﻢ ﺍﻟﺒﺪﻱ ﻣﺎﻝ ﺍﻟﺴﻴﺎﺭﻩ
ﻭﺍﺣﺪ ﻛﺎﻝ
ﺟﻴﺐ ﻫﺬﺍ ﺍﻟﺨﺮﻭﻑ
ﻭﺫﺍﻙ ﻫﻢ ﻫﺎﻱ ﻇﺮﻳﺒﻪ ﻟﺠﻨﻮﺩ ﺩﺍﻋﺶ
ﻛﺪﺍﻣﻜﻢ ﻛﺎﻝ ﻋﺒﺪﺍﻟﻠﻪ
ﻧﺰﻟﻮﺍ ﻃﻠﻴﺎﻥ ﻭﺍﺣﻨﻪ ﺗﺤﺮﻛﻨﻪ
ﺍﻟﺤﻤﺪ ﻟﻠﻪ ﻣﺎ ﺍﻧﺘﺒﻬﻮﺍ ﻋﻠﻴﻨﻪ ﻻﻥ ﺩﻧﻴﻪ ﻟﻴﻞ ﻭﻣﺘﻐﻄﻴﻦ ﻣﺎ ﺷﺎﻓﻮﻧﻪ
ﻣﺸﺖ ﺍﻟﺴﻴﺎﺭﻩ ﻳﻤﻜﻦ ﺳﺎﻋﺘﻴﻦ
ﺑﺪﺕ ﺍﻟﺸﻤﺲ ﺗﻄﻠﻊ ﻭﺍﺣﻨﻪ ﻣﺎﻛﻮ ﺩﻋﺎﺀ ﻣﺎ ﺩﻋﻴﻨﺎ ﻣﺎﻛﻮ ﺍﻳﻪ ﺣﺎﻓﻈﻴﻪ ﻣﺎ ﻗﺮﻳﻨﺎﻫﻪ
ﻭﻛﻔﺖ ﺍﻟﺴﻴﺎﺭﻩ ﻧﺰﻝ ﻋﺒﺪﺍﻟﻠﻪ ﻛﺎﻝ
ﻳﻠﻠﻪ ﻋﻤﻲ ﺍﻧﺰﻟﻮﺍ ﺻﺮﺗﻮ ﺑﺄﻣﺎﻥ
ﺃﻟﻒ ﺭﺣﻤﻪ ﻋﻠﻰ ﺍﻟﺒﻄﻦ ﺍﻟﻨﻜﻠﺘﻚ ﺣﺠﻴﺖ
ﺗﺪﻟﻠﻮﻥ ﻋﻤﻲ ﻫﺬﺍ ﺍﻟﻄﺮﻳﻖ ﺇﻟﻰ ﻟﺰﻣﺘﻮﺍ ﺭﺍﺡ ﻳﻮﺻﻠﻜﻢ ﺍﻟﻨﺎﺣﻴﺔ ﺍﻟﻌﻠﻢ
ﺍﺑﻮﻱ ﻳﺴﻠﻢ ﻋﻠﻴﻜﻢ ﻭﻳﻜﻠﻜﻢ ﺍﻥ ﺷﺎﺀ ﺍﻟﻠﻪ ﻣﺎ ﻗﺼﺮﻧﻪ ﻭﻳﺎﻛﻢ
ﺗﻘﺮﺑﺖ ﻳﻤﻪ ﺣﻈﻨﺘﻪ ﻭﻛﺘﻠﻪ
ﺣﺸﺎﻛﻢ ﻣﻦ ﺍﻟﺘﻘﺼﻴﺮ ﻋﻤﻲ ﻭﺍﻟﻠﻪ ﻛﻔﻴﺘﻮ ﻭﻓﻴﺘﻮ
ﻋﻤﺮ .... ﺳﻠﻢ ﺍﻟﻨﻪ ﻋﻠﻰ ﺍﺑﻮﻙ ﻭﻛﻠﻪ ﻟﻠﻤﻮﺕ ﻣﺎ ﻧﻨﺴﻪ ﻭﻛﻔﺘﻜﻢ ﻭﻳﺎﻧﻪ
ﻛﻤﺎﻝ .... ﻭﺍﻟﻠﻪ ﻋﻤﻲ ﺭﺟﺎﻝ ﻭﺍﺑﺪ ﻣﺎ ﻗﺼﺮﺗﻮﺍ
ﺍﺯﺍﺩ ..... ﻛﺎﻛﺎ ﻋﺒﺪﺍﻟﻠﻪ ﺍﺑﺪ ﻣﺎ ﺍﻧﺴﻰ ﺍﻛﻠﻜﻢ
ﻫﻬﻬﻬﻪ ﻃﻜﻴﻨﺎﻫﻪ ﻇﺤﻜﻪ
ﻛﺎﻝ ﺍﺯﺍﺩ ﻭﺍﻟﻠﻪ ﻣﺎﻗﺼﺮﺗﻮﺍ ﺃﻟﻒ ﺷﻜﺮ ﺍﻟﻜﻢ
ﺭﻛﺐ ﺳﻴﺎﺭﺗﻪ ﻭﻣﺸﻰ
ﺑﺎﻭﻋﺖ ﻋﻠﻰ ﺍﻟﻮﻟﺪ ﻭﻛﺘﻠﻬﻢ
ﻳﻠﻠﻪ ﻳﺨﻮﺗﻲ ﺷﺪﻭ ﺍﻟﻌﺰﻡ
ﻣﺸﻴﻨﻪ ﺑﻠﻄﺮﻳﻖ ﺍﻻﻛﻞ ﻋﻠﻴﻪ ﻋﺒﺪﺍﻟﻠﻪ
ﺑﺪﻳﻨﻪ ﻧﻘﺘﺮﺏ ﻣﻦ ﺑﺴﺎﺗﻴﻦ ﻭﻧﺨﻞ
ﺑﻌﺪﻳﻦ ﺷﻔﻨﻪ ﺑﻴﻮﺕ
ﺍﺟﻮ ﻋﻠﻴﻨﻪ ﺷﺒﺎﺏ ﻣﺴﻠﺤﻴﻦ ﻛﺎﻟﻮ
ﺍﻟﻠﻪ ﻳﺴﺎﻋﺪﻛﻢ
....
ﺍﻟﻠﻪ ﻳﺴﻠﻤﻜﻢ ﺟﺎﻭﺑﺖ
ﻣﻨﻬﻮ ﺍﻧﺘﻮ ﻭﻳﻦ ﺭﺍﻳﺤﻴﻦ
ﻛﺘﻠﻪ ﺍﺣﻨﻪ ﺧﻄﺎﺭ ﻋﻠﻴﻜﻢ ﻭﻋﺪﻧﻪ ﻃﻠﺐ ﻳﻢ ﺷﻴﺨﻜﻢ
ﺍﻭﻝ ﺷﻲ ﻻﺯﻡ ﻧﻔﺘﺸﻜﻢ ﺣﺘﻰ ﻧﺪﺧﻠﻜﻢ
ﺑﺎﻭﻋﺖ ﻟﻠﻮﻟﺪ ﻛﺘﻠﻬﻢ ﻋﺎﺩﻱ ﻓﺘﺸﻮ ﺑﺲ ﺗﺮﻩ ﻋﺪﻧﻪ ﺳﻼﺡ
ﺑﻌﺪﻧﻲ ﻣﺎ ﻛﻤﻠﺖ ﺍﻧﺮﻓﻊ ﻋﻠﻴﻨﻪ ﺍﻛﺜﺮ ﻣﻦ ﻋﺸﺮ ﺍﺳﻠﺤﻪ
ﺭﻓﻌﺖ ﺍﻳﺪﻱ ﺍﻫﺪﻳﻬﻢ ﻛﺘﻠﻬﻢ ﻻ ﺗﺨﺎﻓﻮﻥ ﺭﺍﺡ ﺍﻧﺴﻠﻤﻪ ﺍﻟﻜﻢ ﻣﺎﻋﺪﻧﻪ ﺷﻲ ﻭﻳﺎﻛﻢ
ﺗﻌﺎﻟﻮ ﻓﺘﺸﻮﻧﻪ ﻭﺍﺧﺬﻭ ﺍﻟﺴﻼﺡ
ﺍﺝ ﻭﻟﺪ ﺑﺪﺀ ﻳﻔﺘﺶ ﻭﺍﺣﺪ ﻭﺍﺣﺪ
ﻃﻠﻊ ﺍﺳﻠﺤﺘﻨﻪ ﻋﺪﻧﻪ ﻛﻞ ﻭﺍﺣﺪ ﻣﺴﺪﺱ ﻭﺍﺧﺬﻭ ﺟﻬﺎﺯ ﺍﻷﺭﺳﺎﻝ
ﻭﻛﺎﻝ ﻳﻠﻠﻪ ﺍﻣﺸﻮﺍ ﻭﺭﺍﻳﻪ
ﻣﺸﻴﻨﻪ ﻭﺭﻯ ﻣﺴﺎﻓﻪ ﻭﺻﻠﻨﻪ ﺍﻟﻤﻈﻴﻒ ﺟﺒﻴﺮ
ﺩﺧﻠﻨﻪ ﻟﻜﻴﻨﻪ ﺯﻟﻢ ﻛﺎﻋﺪﻩ
ﺍﻟﺴﻼﻡ ﻋﻠﻴﻜﻢ ﻛﻠﻨﻪ
ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ
ﻳﺎﻫﻼ ﺑﻠﻈﻴﻮﻑ ﺗﻔﻀﻠﻮﺍ ﺣﺪﺭﻭ ﻫﻴﻦ
ﻛﻌﺪﺕ ﻭﺑﺼﻔﻲ ﺍﻟﻮﻟﺪ ﻛﻌﺪﻭﺍ
ﺟﺎﺑﻮﺍ ﻛﻬﻮﻩ ﺷﺮﺑﻨﻪ
ﻛﺎﻝ ﻭﺍﺣﺪ ﻣﻨﻬﻢ ﻋﺮﻓﺘﻪ ﺷﻴﺨﻬﻢ
ﺍﻋﺬﺭﻭﻧﻪ ﻋﻠﻰ ﺍﺳﺘﻘﺒﺎﻟﻚ ﺑﺲ ﺍﻧﺘﻮ ﺷﺎﻳﻔﻴﻦ ﺍﻟﺪﻧﻴﻪ ﺷﻠﻮﻥ ﺻﺎﻳﺮﻩ ﻻﺯﻡ ﻧﺎﺧﺬ ﺣﺬﺭﻧﻪ
ﺣﻘﻜﻢ ﻋﻤﻲ ﺟﺎﻭﺑﺖ
ﺍﻱ ﺳﻮﻟﻒ ﻳﺨﻮﻱ ﻛﺎﻝ ﺍﻟﺸﻴﺦ
ﻭﺍﻟﻠﻪ ﻳﺸﻴﺦ ﻫﺎﻱ ﺳﺎﻟﻔﺘﻲ ......
ﺻﺢ ﻳﺨﻮﻱ ﺟﺎﻥ ﻋﺪﻧﻪ ﺟﻢ ﻃﺎﻟﺐ ﻣﻦ ﺍﻟﻘﺎﻋﺪﻩ
ﺍﺟﻮ ﻛﻠﻤﻦ ﻭﺣﺪﻩ
ﻟﻮ ﻳﺸﺮﺩ ﻣﻦ ﺍﻟﺴﻴﺎﺭﻩ
ﻟﻮ ﻳﺸﺮﺩ ﻣﻦ ﺍﻟﻘﺼﻮﺭ
ﻭﺣﺘﻰ ﺍﺟﺎﻧﺎ ﻭﺍﺣﺪ ﻃﺎﻛﻴﻨﻪ ﺟﻴﻠﻪ ﻭﺧﺎﻃﻴﺘﻪ ﻭﻫﻢ ﺣﺴﺒﺎﻟﻬﻢ ﻣﻴﺖ
ﺑﺲ ﻳﺨﻮﻱ ﻣﺎﻋﺮﻑ ﺍﺧﻮﻙ ﻣﻨﻬﻢ ﻻ
ﺯﻳﻦ ﻋﻤﻲ ﻭﻳﻦ ﺭﺍﺣﻮ
ﻭﺍﻟﻠﻪ ﻳﺨﻮﻱ ﺍﺣﻨﻪ ﻣﺎﻧﻜﺪﺭ ﻧﺨﻠﻴﻬﻢ ﻋﺪﻧﻪ ﻫﻮﺍﻱ ﻣﻦ ﺣﻴﺖ ﻧﺎﺣﻴﺘﻨﻪ ﻛﺮﻳﺒﻪ ﻣﻦ ﺗﻜﺮﻳﺖ ﻭﻛﻞ ﺷﻮﻳﻪ ﺩﺍﺧﻠﻴﻦ ﻋﻠﻴﻨﻪ ﺩﺍﻋﺶ
ﻳﺒﻘﻮﻥ ﻋﺪﻧﻪ ﺟﻢ ﻳﻮﻡ ﻭﻳﺮﺣﻮﻥ
ﻭﻳﻦ ﻳﺮﺣﻮﻥ
ﺍﺣﻨﻪ ﻧﻄﻴﻬﻢ ﺯﻭﺍﺩ ﻭﻓﻠﻮﺱ ﻭﻧﺨﻠﻴﻬﻢ ﻋﻠﻰ ﻃﺮﻳﻖ ﺣﻤﺮﻳﻦ ﻭﻫﻤﻪ ﺑﻌﺪ ﻭﺭﺑﻬﻢ
ﺃﻫﺎ ﺯﻳﻦ ﻭﺭﻩ ﺗﻼﻝ ﺣﻤﺮﻳﻦ ﺷﻨﻮ
ﺗﻼﻝ ﺣﻤﺮﻳﻦ ﺗﻮﺻﻠﻚ ﻟﺼﻼﺡ ﺍﻟﺪﻳﻦ
ﻛﺘﻠﻪ ﺧﻮﺵ
ﻭﺍﻇﻨﻬﻢ ﻳﺮﺣﻮﻥ ﺍﻟﺼﻼﺡ ﺍﻟﺪﻳﻦ ﻟﻮ ﻳﺮﺩﻭﻥ ﺍﻟﺒﻐﺪﺍﺩ
ﻣﺎﻋﺘﻘﺪ ﻳﺮﺣﻮﻥ ﺍﻟﺼﻼﺡ ﺍﻟﺪﻳﻦ ﺍﻛﻴﺪ ﻳﺮﺩﻭﻥ ﺍﻟﺒﻐﺪﺍﺩ ﻛﺎﻝ ﻛﻤﺎﻝ
ﺍﻛﻴﺪ ﻫﻤﻪ ﻃﺮﻳﻘﻬﻢ ﺍﻟﺒﻐﺪﺍﺩ ﺑﺲ ﻣﺎﻧﻌﺮﻑ ﺷﻨﻬﻮ ﺍﻟﻲ ﻳﻨﺘﻈﺮﻫﻢ ﺑﻠﻄﺮﻳﻖ ﻷﻥ ﻫﺬﺍ ﺍﻟﻄﺮﻳﻖ ﺻﺎﻳﺮ ﻣﻌﺒﺮ ﻟﻠﺪﻭﺍﻋﺶ
ﺗﻤﺎﻡ ﺍﻟﺘﻔﺘﺖ ﻋﻠﻰ ﺍﻟﻮﻟﺪ ﻭﻛﺘﻠﻬﻢ ﻫﺴﻪ ﺷﻨﻮ ﺭﺋﻴﻜﻢ
ﻛﻤﺎﻝ ﻛﺎﻝ ﺧﻮﻳﻪ ﻧﻤﺸﻲ ﺑﻠﻄﺮﻳﻖ ﺍﻟﻲ ﻣﺸﻮ ﺑﻴﻪ ﺍﻟﻮﻟﺪ ﻭﻧﺸﻮﻑ ﻭﻳﻦ ﻳﻮﺩﻳﻨﻪ
ﺍﻟﺘﻔﺘﺖ ﺍﻟﻌﻤﺮ ﺍﻭ ﺍﺯﺍﺩ ﻫﺎ ﻭﺍﻧﺘﻮ ﺷﺘﻜﻮﻟﻮﻥ
ﻣﺜﻞ ﺭﺍﻱ ﻛﻤﺎﻝ
ﺟﺎ ﺧﻮﺵ ﺗﻮﻛﻠﻮ ﻋﻠﻰ ﺍﻟﻠﻪ ﻭﻣﺸﻮﻧﻪ
ﻻ ﻳﻌﻤﻲ ﺷﻠﻮﻥ ﺗﻄﻠﻌﻮﻥ ﻣﻦ ﻏﻴﺮ ﺁﺟﻞ ﻭﺯﻭﺍﺩﻩ ﺍﻧﺘﻈﺮﻭ ﺩﻗﺎﻳﻖ ﻭﺭﺍﺩ ﻟﻴﻜﻢ
ﺑﻌﺪ ﻣﺎ ﺍﻛﻠﻨﻪ ﻭﺣﻤﻠﻮﻧﻪ ﺍﻛﻞ ﻭﻣﺎﻱ ﻭﺻﻠﻮﻧﻪ ﻟﻠﻄﺮﻳﻖ
ﺑﻘﻴﻨﻪ ﻧﻤﺸﻲ ﺍﻛﺜﺮ ﻣﻦ ﺳﺎﻋﺘﻴﻦ ﺍﻟﻄﺮﻳﻖ ﺗﺮﺍﺑﻲ ﻭﻛﻠﻪ ﺣﻔﺮ ﺗﻘﺮﻳﺒﺎ ﺻﺎﺭﺕ ﺍﻟﺪﻧﻴﻪ ﺍﻟﻈﻬﺮ
ﺳﻤﻌﻨﻪ ﺻﻮﺕ ﺳﻴﺎﺭﻩ ﻭﺭﺍﻧﻪ ﺍﻟﺘﻔﺘﻨﻪ ﻟﻦ ﺳﻴﺎﺭﻩ ﺑﻴﻜﺐ ﺑﻴﻪ ﺍﺭﺑﻊ ﺩﻭﺍﻋﺶ
ﺍﺳﻤﻌﻮﺍ ﻳﻮﻟﺪ ﻟﺤﺪ ﻳﺘﺤﺮﻙ ﺧﻠﻮﻧﻲ ﺃﻧﻲ ﺍﺗﻔﺎﻫﻢ ﻭﻳﺎﻫﻢ
ﻭﺻﻠﻮ ﻳﻤﻨﻪ ﻧﺰﻟﻮ ﻟﺒﺴﻬﻢ ﻭﺷﻜﻮﻟﻬﻢ ﺗﻠﻌﺐ ﺍﻟﻨﻔﺲ
ﺣﺠﻪ ﻭﺍﺣﺪ ﻣﻨﻬﻢ ﺑﻠﻬﺠﺔ ﺷﺎﻣﻴﻪ ﻛﺎﻝ
ﻣﻨﻮ ﺍﻧﺘﻮ ﻭﺷﻌﺪﻛﻢ ﻫﻨﺎ
ﺍﺣﻨﻪ ﺟﺎﻳﻴﻦ ﻣﻦ ﻧﺎﺣﻴﺔ ﺍﻟﻌﻠﻢ ﻭﺭﺍﻳﺤﻴﻦ ﻟﺼﻼﺡ ﺍﻟﺪﻳﻦ
ﻭﺷﻌﺪﻛﻢ ﺑﺼﻼﺡ ﺍﻟﺪﻳﻦ
ﺍﻫﻠﻨﻪ ﻫﻨﺎﻙ ﻭﻋﻮﺍﺋﻠﻨﻪ
ﺗﻘﺮﺑﻮﺍ ﻋﻠﻴﻨﻪ ﺻﺎﺭﻭ ﻳﻔﺘﺮﻭﻥ ﺩﺍﻳﺮ ﻣﺪﺍﻳﺮﻧﻪ
ﺗﻘﺮﺏ ﻭﺍﺣﺪ ﻣﻨﻬﻢ ﻋﻠﻰ ﻛﻤﺎﻝ
ﻟﺰﻡ ﻛﻤﺎﻝ ﻣﻦ ﻭﺟﻬﻪ ﻭﺑﻘﻪ ﻳﺒﺎﻭﻉ ﻋﻠﻴﻪ ﻛﻠﻪ
ﻭﺍﻧﺖ ﻳﺎ ﺣﻠﻮ ﻣﻦ ﻭﻳﻦ
ﺑﺎﻭﻋﺖ ﺍﻟﻜﻤﺎﻝ ﺻﺎﺭ ﻗﻄﻌﻪ ﺣﻤﺮﻩ ﻣﻦ ﺍﻟﻐﻈﺐ
ﻣﺎﺣﺴﻴﺖ ﻏﻴﺮ ﻛﻤﺎﻝ ﺳﺎﺣﺐ ﺳﻼﺡ ﺍﻟﺪﺍﻋﺸﻲ ﻭﺑﻈﺮﺑﻪ ﻛﻮﻣﻪ ﺑﻠﻜﺎﻉ
ﺑﻌﺪ ﻣﺎ ﻣﻨﻪ ﺗﻔﻜﻴﺮ ﻟﻮ ﻧﻜﺘﻠﻬﻢ ﻟﻮ ﻳﻜﺘﻠﻮﻧﻪ
ﺟﺮﻳﻨﻪ ﺳﻼﺣﻨﻪ ﻭﺻﻮﺑﻨﺎ ﻋﻠﻴﻬﻢ
ﻛﻤﺎﻝ ﺭﺋﺴﻦ ﺭﻣﻪ ﻋﻠﻰ ﺍﻟﺪﻭﺍﻋﺶ،
ﻭﺍﺣﺪ ﻭﻛﻊ ﻣﻦ ﻭﻛﻊ ﻃﻠﻌﺖ ﻣﻦ ﺳﻼﺣﻪ ﺭﺻﺎﺻﻪ
ﺍﺣﻨﻪ ﺭﻣﻴﻨﻪ ﻋﻠﻴﻬﻢ ﻛﻮﻣﻨﺎﻫﻢ ﺑﻠﻜﺎﻉ
ﺍﻟﺘﻔﺘﻨﻪ ﻭﻧﺸﻮﻑ ﻛﻤﺎﻝ ﻭﺍﻛﻊ ﺑﻠﻜﺎﻉ ﻭﺳﺎﺑﺢ ﺑﺪﻣﻪ
......
ﺍﻟﺘﻔﺘﺖ ﻟﻜﻴﺖ ﻛﻤﺎﻝ ﻃﺎﻳﺢ ﺑﻠﻜﺎﻉ ﻭﻏﺮﻛﺎﻥ ﺑﺪﻣﻪ
ﺗﺨﺒﻠﺖ
ﺭﻛﻈﺖ ﻋﻠﻴﻪ ﺧﻠﻴﺖ ﺭﺍﺳﻪ ﺑﺤﻈﻨﻲ
ﺍﺻﻔﻚ ﺑﻮﺟﻬﻪ ﺍﺭﻳﺪﻩ ﻳﺤﺲ ﻋﻠﻴﻪ ﻣﺎﻛﻮ
ﺍﻓﺘﺮﻳﻨﻪ ﻋﻠﻴﻪ ﻛﻠﻨﻪ
ﺭﻛﻆ ﻋﻤﺮ ﺷﻐﻞ ﺍﻟﺴﻴﺎﺭﻩ ﻭﻛﺎﻝ ﻳﻠﻠﻪ ﺍﺻﻌﺪﻭ ﺑﺴﺮﻋﻪ
ﺷﻠﻨﻪ ﻛﻤﺎﻝ ﺃﻧﻲ ﻭﺍﺯﺍﺩ ﻭﺍﺣﺲ ﺍﺩﻳﻪ ﻣﻴﺘﺎﺕ
ﻣﺎﺑﻴﻪ ﺍﺷﻴﻠﻪ
ﺻﻌﺪﻧﺎ ﺑﻠﺴﻴﺎﺭﻩ
ﺟﺎﻧﺖ ﺍﻟﺴﻴﺎﺭﻩ ﺩﺑﻞ ﻗﻤﺎﺭﻩ ﺻﻌﺪﺕ ﻳﻤﻪ ﺧﻠﻴﺖ ﺭﺍﺳﻪ ﺑﺤﻈﻨﻲ
ﻭﻋﻤﺮ ﻳﺴﻮﻕ
ﻭﺍﺯﺍﺩ ﻛﺎﻋﺪ ﻳﻤﻪ
ﺑﺴﺮﻋﻪ ﻋﻤﺮ ﺑﺴﺮﻋﻪ ﺻﺤﺖ
ﻛﻤﺎﻝ ﻛﻤﺎﻝ ﺧﻮﻳﻪ ﺍﻛﻌﺪ ﻻ ﺗﺴﻮﻳﻪ ﻳﺨﻮﻱ
ﺍﻣﺸﻲ ﻋﻠﻴﻚ ﻋﺰﺍﺯ ﻛﻠﺒﻚ ﺍﻛﻌﺪ
ﻭﻟﻚ ﻟﻴﺶ ﻋﻠﻘﺘﻨﻲ ﺑﻴﻚ ﻟﻴﺶ
ﺍﺑﺠﻲ ﻭﺍﺣﺠﻲ ﻭﻳﺎ
ﺣﺴﻴﺘﻪ ﺣﺮﻙ ﻋﻴﻮﻧﻪ ﻳﻔﺘﺢ ﻭﻳﻐﻤﻆ
ﺃﻱ ﺧﻮﻳﻪ ﻛﻤﺎﻝ ﺍﻧﺖ ﺳﺒﻊ ﺍﻛﻌﺪ ﻣﻮ ﺟﻴﻠﻪ ﺍﻟﺘﻮﻛﻌﻚ ﻳﺨﻮﻱ
ﺣﺴﻴﺘﻪ ﻳﺮﻳﺪ ﻳﺤﺠﻲ ﺗﻘﺮﺑﺖ ﻣﻨﻪ ﺧﻠﻴﺖ ﺃﺫﻧﻲ ﻳﻢ ﺣﻠﻜﻪ ﺳﻤﻌﺘﻪ ﻛﺎﻝ
ﻋﻼﻭﻱ ﻻ ﺗﺒﺠﻲ ﻫﻮ ﻫﺬﺍ ﺍﻟﺮﺩﺗﻪ ﺃﻧﻲ ﻳﺤﺠﻲ ﺑﺘﻘﻄﻊ
ﻻ ﻳﺨﻮﻱ ﻻ ﻣﻮ ﻭﻛﺘﻪ ﻫﺴﻪ ﺍﻧﺖ ﻣﻮ ﻛﻠﺖ ﺍﻟﻪ ﻧﻠﻜﻪ ﺍﺧﻮﻙ ﻫﺎ ﺟﺎ ﻟﻴﺶ ﺗﺮﻳﺪ ﺗﺨﻠﻒ ﺑﻠﻮﻋﺪ
ﻋﻴﻮﻧﻲ ﻣﺎﻳﻘﺒﻠﻦ ﻳﺴﻜﺖ ﺩﻣﻌﻬﻦ ﻭﻟﺴﺎﻥ ﺣﺎﻟﻲ ﻳﻜﻮﻝ
ﻃﻠﻌﺖ ﻗﻤﻴﺺ ﺧﻠﻴﺘﻪ ﻋﻠﻰ ﺍﻟﺠﺮﺡ ﻭﺑﻘﻴﺖ ﺍﺿﻐﻂ ﻋﻠﻴﻪ ﺍﺭﻳﺪ ﺑﺲ ﺍﻭﻛﻒ ﺍﻟﻨﺰﻳﻒ
ﻫﺎﻳﺨﻮﻳﻪ ﻟﻴﺶ ﺳﺎﻛﺖ
ﻋﻴﻮﻧﻚ ﺍﻟﺤﻠﻮﻩ ﻏﻔﻦ
ﺧﻮﻳﻪ ﺍﺟﻴﺘﻚ ﻣﻦ ﺑﻌﻴﺪ
ﺑﻠﻮﻋﺖ ﺍﻟﻤﻠﻔﻮﻑ ﺍﺧﻴﻪ ﺑﻨﺺ ﺟﻔﻦ
ﺷﻠﺖ ﺭﺍﺳﻲ ﻋﻠﻰ ﺍﺯﺍﺩ ﻛﺘﻠﻪ ﺍﺯﺍﺩ ﻃﻠﻊ ﺍﻻ ﺳﻠﻜﻲ ﻭﺍﺗﺼﻞ ﻋﻠﻰ ﺍﻟﻘﺎﻋﺪﻩ ﺧﺒﺮﻫﻢ ﺑﻠﻜﺖ ﻳﺠﻮﻥ ﻳﺪﻟﻮﻧﻪ ﺍﺣﻨﻪ ﻭﻳﻦ
ﺃﻱ ﺃﻱ ﻫﺴﻪ ﻛﺎﻝ ﺃﺯﺍﺩ
ﺷﻔﺖ ﺷﻔﺎﻳﻔﻪ ﻳﺘﺤﺮﻛﻦ
ﺩﻧﻜﺖ ﻋﻠﻴﻪ ﺍﺳﻤﻊ ﺷﻴﻜﻮﻝ
ﻋﻠﻲ ﻋﻠﻲ
ﻫﺎ ﻳﺒﻌﺪ ﻋﻠﻲ ﻻ ﺍﺗﻌﺐ ﺭﻭﺣﻚ
ﺍﺳﻤﻌﻨﻲ ﺑﺲ
ﺍﺳﻤﻌﻚ ﺍﺣﺠﻲ
ﺑﻤﺤﻔﻈﺘﻲ ﺍﻛﻮ ﻭﺭﻗﻪ ﻣﻜﺘﻮﺏ ﺑﻴﻪ ﻝ ﻝ ﻟﺤﺎﻣﻞ ﻧﻌﺸﻲ
ﺍﻗﺮﺍﻫﻪ ﻭﺳﻮﻱ ﺍﻟﻲ ﻣﻜﺘﻮﺏ ﺑﻴﻪ ﻳﺤﺠﻲ ﻭﻳﺴﻜﺖ
ﺷﻠﺖ ﺭﺍﺳﻲ ﺻﺤﺖ ﺍﺯﺍﺩ ﻭﻳﻦ ﺻﺮﺭﺭﺭﺭﺕ
ﻫﺴﻪ ﻫﺴﻪ ﺟﺎﻱ ﺍﺗﺼﻞ
ﺍﺗﺼﻠﻨﻪ ﻛﺎﻟﻮ ﻧﺮﻳﺪ ﺃﻱ ﺷﻲ ﺗﺸﻮﻓﻮﺍ ﻛﻮﻟﻮ ﺣﺘﻪ ﻧﻌﺮﻑ ﻣﻜﺎﻧﻜﻢ
ﻟﺸﻮﻳﻪ ﺍﻧﻄﻴﻨﺎﻫﻢ ﻭﺻﻒ ﻳﻢ ﺗﻨﺎﻛﺮ ﺑﺎﻧﺰﻳﻦ ﻣﻔﺠﺮﻩ
ﺍﻧﺪﻟﻮ ﺍﻧﺪﻟﻮ ﻫﺴﻪ ﺭﺍﺡ ﻳﺠﻮﻥ ﻃﻠﻌﻨﻪ ﻣﻦ ﻣﻨﻄﻘﺔ ﺩﺍﻋﺶ
ﺍﻧﺘﻈﺮﻧﻪ ﻳﻢ ﺍﻟﺘﻨﺎﻛﺮ ﺍﻗﻞ ﺍﻟﺴﺎﻋﻪ ﺍﺟﻮ ﻋﻠﻴﻨﻪ
ﻭﻳﺎﻫﻢ ﺳﻴﺎﺭﻩ ﺇﺳﻌﺎﻑ
ﺻﻌﺪﻧﻪ ﻛﻤﺎﻝ ﺑﻠﺴﻴﺎﺭﻩ
ﺃﻧﺎ ﺻﻌﺪﺕ ﻭﻳﺎﻩ
ﻭﻟﻮﻟﺪ ﺑﻘﻮ ﺑﺴﻴﺎﺭﺕ ﺩﺍﻋﺶ
ﺑﻌﺪ ﺳﺎﻋﻪ ﺗﻘﺮﻳﺒﺎ ﻭﺻﻠﻨﻪ ﺍﻟﻤﺴﺘﺸﻔﻰ
ﻟﻜﻴﻨﻪ ﺍﻟﻤﻤﺮﺿﻴﻦ ﻣﻨﺘﻈﺮﻳﻨﻪ ﺑﻠﺒﺎﺏ
ﺍﺧﺬﻭ ﻣﻦ ﻋﺪﻧﻪ ﻭﺭﻛﻈﻮ ﺑﻴﻪ ﺍﻟﻐﺮﻓﺔ ﺍﻟﻌﻤﻠﻴﺎﺕ
ﺃﻧﻲ ﺑﻌﺪ ﺧﺎﺭﺕ ﻗﻮﺍﻱ ﻻ ﺑﻴﻪ ﺍﻣﺸﻲ ﻭﻻ ﺑﻴﻪ ﺍﺣﺠﻲ
.....
ﻭﺻﻠﻮﺍ ﺍﻟﻮﻟﺪ ﻭﺍﻟﻀﺎﺑﻂ ﻭﻳﺎﻫﻢ
ﺩﺧﻠﻨﻪ ﻳﻢ ﻏﺮﻓﺖ ﺍﻟﻌﻤﻠﻴﺎﺕ ﻛﻌﺪﻧﻪ
ﺳﺎﻋﻪ ﺳﺎﻋﺘﻴﻦ ﻣﺎﻛﻮ ﺧﺒﺮ ﻋﻨﻪ
ﺍﻟﻘﻠﻖ ﻭﺍﻟﺨﻮﻑ ﻣﺎﺧﺬ ﻣﻦ ﻋﺪﻧﻪ ﻣﺄﺧﺬ
ﻛﺎﻋﺪ ﻣﻨﺘﺠﻲ ﻋﻠﻰ ﺍﻟﺤﺎﻳﻂ ﻭﺑﺼﻔﻲ ﻋﻤﺮ ﻭﺍﺯﺍﺩ
ﻭﻋﻴﻮﻧﻪ ﻋﻠﻰ ﺑﺎﺏ ﺍﻟﻌﻤﻠﻴﺎﺕ
ﺷﻮﻳﻪ ﺍﻧﻔﺘﺢ ﺍﻟﺒﺎﺏ ﻭﻃﻠﻊ ﺍﻟﺪﻛﺘﻮﺭ
ﺑﻘﻴﺖ ﺍﺑﺎﻭﻉ ﺑﻌﻴﻮﻧﻪ ﻣﺎﺭﻳﺪﻩ ﻳﺤﺠﻲ ﺍﺧﺎﻑ ﻳﻜﻮﻝ ﺷﻲ ﻣﺎ ﺍﺭﻳﺪﻩ
ﻛﺎﻡ ﻋﻤﺮ ﻭﺍﺯﺍﺩ ﻭﺍﻧﺎ ﺑﻘﻴﺖ ﻛﺎﻋﺪ ﻣﺎﺑﻴﻪ ﺍﻛﻮﻡ
ﻫﺎ ﺩﻛﺘﻮﺭ ﺑﺸﺮ ﺳﺄﻟﻪ ﻋﻤﺮ
ﺩﻧﻚ ﺍﻟﺪﻛﺘﻮﺭ ﺑﻠﻜﺎﻉ ﻭﻛﺎﻝ
ﺍﺳﻒ ﺍﻟﺮﺻﺎﺻﻪ ﺩﺍﺧﻠﻪ ﻋﻠﻰ ﺍﻟﻘﻔﺺ ﺍﻟﺼﺪﺭﻱ ﻣﺴﺒﺒﺘﻠﻪ ﻛﺴﺮ ﺑﺜﻨﻴﻦ ﻇﻠﻮﻉ
ﻭﺍﺣﺪ ﻣﻦ ﺍﻟﻈﻠﻮﻉ ﺩﺍﺧﻞ ﺑﻜﻠﺒﻪ
ﻣﺴﺒﺒﻠﻪ ﺗﻮﻗﻒ ﻛﺎﻣﻞ ﺑﻠﻘﻠﺐ ﺍﺳﻒ ﻣﺎﻛﺪﺭﻧﻪ ﻧﻨﻘﺬ ﺍﻟﻤﺮﻳﺾ
ﻋﻤﺮ ﻳﺼﻴﺢ ﻭﻳﺪﻙ ﻋﻠﻰ ﺭﺍﺳﻪ
ﺍﺯﺍﺩ ﻳﺒﺠﻲ ﻣﺜﻞ ﺍﻟﻨﺴﻮﺍﻥ ﻭﻳﻠﻄﻢ
ﻭﺍﻧﺎ ﺍﻧﺎ ﺗﺒﺴﻤﺮﺕ ﺑﻤﻜﺎﻧﻲ
ﺍﺣﺲ ﺍﻧﺸﻠﻴﺖ
ﺍﺟﻮ ﻳﻤﻲ ﺍﻟﻮﻟﺪ ﺣﻈﻨﻮﻧﻲ ﻭﺑﻘﻮﺍ ﻳﺒﺠﻮﻥ
ﺟﺎﻧﺖ ﺳﺎﻋﺎﺕ ﺻﻌﺒﻪ ﻛﻠﺶ
ﺑﻌﺪﻩ ﺍﻧﻄﻮﻧﻪ ﺟﺜﺖ ﻛﺎﻣﻞ ﻭﻋﻨﻮﺍﻥ ﺍﻫﻠﻪ ﻭﻃﻠﺒﻮﺍ ﺍﺣﻨﻪ ﻧﻮﺻﻞ ﺍﻟﺠﺜﻪ
ﺟﻬﺰﻭﻟﻨﻪ ﺳﻴﺎﺭﻩ ﺧﻠﻴﻨﻪ ﺍﻟﺘﺎﺑﻮﺕ ﻋﻠﻴﻪ ﻭﺗﻮﺟﻬﻨﻪ ﺍﻟﺒﻴﺖ ﺍﻫﻠﻪ
ﺧﺎﺑﺮ ﻋﻤﺮ ﺍﺑﻮ ﻛﻤﺎﻝ ﻭﺧﺒﺮﻩ ﻭﺻﻔﻠﻪ ﺑﻴﺘﻬﻢ
ﻭﺻﻠﻨﻪ ﺍﻟﺒﻴﺘﻬﻢ ﻟﻜﻴﻨﻪ ﺍﻟﺪﻧﻴﻪ ﻣﻜﻠﻮﺑﻪ ﻋﻠﻴﻬﻢ
ﺍﻭﻝ ﻣﺎ ﻭﺻﻠﻨﻪ ﺗﻠﻜﻮﻧﻪ ﺷﺒﺎﺏ ﻭﻳﺎﻫﻢ ﻓﺮﻗﻪ
ﺳﻮﻭﻟﻪ ﺯﻓﻪ ﻭﺍﻟﺠﻜﻠﻴﺖ
ﺭﻏﻢ ﺍﻟﺤﺰﻥ ﺑﺲ ﺫﺍﻙ ﺍﻟﻤﻨﻈﺮ ﺍﺑﺪ ﻣﺮﺍﺡ ﻋﻦ ﺑﺎﻟﻲ
ﻳﻮﻡ ﺍﻟﻄﻠﻌﺖ ﺍﻣﻪ ﺷﺎﻳﻠﻪ ﺟﻴﺲ ﺍﻟﺠﻜﻠﻴﺖ
ﻭﺷﺎﻳﻠﻪ ﺑﻴﺪﻩ ﺻﻮﺭﺗﻪ
ﺣﻈﻨﺖ ﺍﻟﺘﺎﺑﻮﺕ ﻭﻛﺎﻟﺖ
ﻭﺩﺍﻋﺖ ﺍﻟﻠﻪ ﻳﻤﻪ ﻛﻤﺎﻝ
ﻳﺒﻮ ﻭﺟﻪ ﺍﻟﺤﻠﻮ
ﻋﺮﻓﺘﻚ ﻣﻦ ﻳﻮﻡ ﺍﻟﺼﺮﺕ ﻣﻦ ﻛﺪ ﺟﻤﺎﻟﻚ ﻛﻠﺖ ﻫﺬﺍ ﻣﻮ ﻣﻦ ﺍﻷﻧﺲ ﻻ ﻫﺬﺍ ﻣﻦ ﺍﻟﻤﻼﺋﻜﺔ
ﺷﻴﻌﻨﺎ ﻟﻠﻨﺠﻒ
ﺑﻌﺪ ﺍﻟﺪﻓﻦ ﺭﺟﻌﻨﻪ ﻟﻠﺒﻴﺖ ﺳﻮﻳﻨﻪ ﻋﺰﻯ
ﻳﻮﻡ ﺍﻟﺜﺎﻟﺚ ﺟﻨﺖ ﻧﺎﻳﻢ ﺑﻠﻔﻨﺪﻕ ﺍﻟﻲ ﻧﺰﻟﻨﻪ ﺑﻴﻪ ﺍﻧﻲ ﻭﻟﻮﻟﺪ ﺷﻔﺖ ﻛﻤﺎﻝ ﺑﻠﺤﻠﻢ
ﺟﻨﻪ ﻛﺎﻋﺪ ﺑﺤﺪﻳﻘﻪ ﻛﻠﻪ ﻭﺭﺩ ﻭﺃﺷﺠﺎﺭ
ﻛﺎﻋﺪ ﻋﻠﻰ ﻧﻬﺮ ﻭﻣﺨﻠﻲ ﺭﺟﻠﻴﻪ ﺑﻠﻤﺎﻱ
ﻣﻦ ﺷﺎﻓﻨﻲ ﺍﺑﺘﺴﻢ ﻭﻛﻠﻲ
ﻫﺎ ﻋﻼﻭﻱ ﺷﻠﻮﻧﻚ
ﺷﻠﻮﻧﻲ ﺑﻔﺮﺍﻛﻚ ﻛﻤﺎﻝ ﺃﻧﻲ ﺗﻌﺒﺎﻥ ﺍﺭﻳﺪ ﺍﺟﻲ ﻭﻳﺎﻙ
ﻻ ﻋﻼﻭﻱ ﻻ ﺍﻧﺖ ﻣﻴﺼﻴﺮ ﺗﺠﻲ ﻟﻬﻨﺎ ﻻﺯﻡ ﺗﺮﻭﺡ ﺗﺪﻭﺭ ﻋﻠﻰ ﺍﺧﻮﻙ
ﺑﺲ ﺧﻮ ﻣﺎﻧﺴﻴﺖ ﻭﺻﻴﺘﻲ
ﻓﺰﻳﺖ ﻣﻦ ﺍﻟﻨﻮﻡ ﻭﺍﻧﺎ ﻣﺘﻌﺠﺐ ﻋﻠﻰ ﺍﻟﺤﻠﻢ ﺗﺬﻛﺮﺕ ﺍﻟﻤﺤﻔﻈﻪ ﻣﺎﻟﺘﻪ ﻣﺎﻫﻴﻪ
ﺳﻮﻟﻔﺖ ﻟﻠﻮﻟﺪ ﻛﺎﻟﻮ ﻳﺎﻭﺻﻴﻪ
ﻛﻤﺎﻝ ﻗﺒﻞ ﻻ ﻳﻤﻮﺕ ﻭﺻﺎﻧﻲ ﺍﺧﺬ ﻣﺤﻔﻈﺘﻪ ﻣﺨﻠﻲ ﻭﺭﻗﻪ ﺑﻴﻪ ﻛﻠﻲ ﺍﻗﺮﺍﻫﻪ ﻭﺳﻮﻱ ﺍﻟﺒﻴﻬﻪ
ﺑﺲ ﺍﻟﻤﺤﻔﻈﻪ ﻋﺪ ﺍﺑﻮﻩ ﻛﺎﻝ ﻋﻤﺮ
ﺑﺎﺟﺮ ﻧﺮﻭﺡ ﻋﻠﻴﻪ ﻭﻧﺎﺧﺬﻩ ﻣﻨﻪ
ﺛﺎﻧﻲ ﻳﻮﻡ ﺭﺣﻨﻪ ﻋﻠﻰ ﺍﻫﻠﻪ ﻛﺎﻝ ﺍﺑﻮ
....
ﺍﻟﻴﻮﻡ ﺭﺩﺕ ﺍﺧﺎﺑﺮﻛﻢ
ﺧﻴﺮﻙ ﻋﻤﻲ
ﺧﻴﺮ ﺑﺲ ﺃﻡ ﻛﻤﺎﻝ ﺗﺮﻳﺪ ﺗﺸﻮﻓﻜﻢ
ﺩﻧﻜﻨﻪ ﻣﺎﻋﺮﻑ ﻟﻴﺶ ﺧﺎﻳﻒ ﻣﻦ ﻟﻘﺎﺋﻪ
ﺩﺧﻞ ﺷﻮﻳﻪ ﻭﺭﺟﻊ ﺻﺎﺡ
ﻳﻠﻠﻪ ﺣﺠﻴﻪ ﺗﻌﺎﻟﻲ ﻓﻮﺗﻲ
ﻃﺒﺖ ﺃﻡ ﻛﻤﺎﻝ ﻛﺎﻟﺖ ﺍﻟﺴﻼﻡ ﻋﻠﻴﻜﻢ
ﻛﻤﻨﻪ ﺑﻮﺟﻬﻪ ﺳﻠﻤﻨﻪ ﻋﻠﻴﻪ ﻛﺎﻟﺖ
ﺍﻟﻠﻪ ﻳﺎﺭﻳﺤﺔ ﻛﻤﺎﻝ ﺷﻠﻮﻧﻜﻢ ﻳﻤﻪ
ﺳﻮﻟﻔﻮﻟﻲ ﺷﻠﻮﻥ ﺍﺳﺘﺸﻬﺪ ﻛﻤﺎﻝ
ﺧﺎﻟﻪ ﺍﺑﻨﺞ ﺑﻄﻞ ﺃﻟﻒ ﺭﺣﻤﻪ ﻋﻞ ﺍﻟﺒﻄﻦ ﺍﻟﺸﺎﻟﺘﻪ ﺻﺪﻛﻴﻨﻲ ﻣﺜﻞ ﻛﻤﺎﻝ ﻛﻠﺶ ﻗﻠﻴﻠﻴﻦ
ﺧﺎﻟﻪ ﻛﻤﺎﻝ ﻛﻞ ﺍﻟﻜﺘﻴﺒﻪ ﺗﻌﺮﻓﻪ ﻣﺎ ﻳﺨﺎﻑ ﺍﺑﺪ
ﺳﻮﻟﻔﺖ ﺍﻟﻪ ﻣﻦ ﻃﻠﻌﻨﻪ ﻧﺪﻭﺭ ﻋﻠﻰ ﺣﻴﺪﺭ ﻟﺤﺪ ﻣﺎ ﺍﺳﺘﺸﻬﺪ
ﺟﻨﺖ ﺍﺳﻮﻟﻒ ﻭﻫﻴﻪ ﺩﻣﻮﻋﻪ ﺗﺠﺮﻱ
ﺍﺑﻮ ﻣﻐﻄﻲ ﻋﻴﻮﻧﻪ ﺑﻠﺸﻤﺎﻍ ﻭﻳﻨﺤﺐ
ﻛﺎﻟﺖ ﺳﺒﺎﻉ ﻭﺍﻟﻠﻪ
ﻳﺎﺭﺏ ﺗﻠﻜﻪ ﺍﺧﻮﻙ ﻭﺗﺮﺩ ﻟﻬﻠﻚ ﺳﺎﻟﻢ ﻏﺎﻧﻢ ﺑﺠﺎﻩ ﻣﺤﻤﺪ ﻭﺁﻝ ﻣﺤﻤﺪ
ﺍﻟﻠﻪ ﻳﺴﻠﻤﺞ ﺧﺎﻟﻪ
ﻋﺎﻓﺘﻨﻪ ﺃﻡ ﻛﻤﺎﻝ ﻭﻃﻠﻌﺖ ﺑﻌﺪ ﻣﺎ ﺑﻮﺳﺘﻨﻪ
ﺍﻟﻮﻟﺪ ﻳﺄﺷﺮﻭﻟﻲ ﺍﺣﺠﻲ ﻭﻳﺎ
ﻛﺘﻠﻪ
ﻋﻤﻲ ﺍﺑﻮ ﻛﻤﺎﻝ
ﻧﻌﻢ ﻋﻤﻲ
ﻣﺤﻔﻈﺔ ﻛﻤﺎﻝ ﻭﻳﻦ
ﻟﻴﺶ ﻋﻤﻲ
ﻭﺍﻟﻠﻪ ﻋﻤﻲ ﻗﺒﻞ ﻻ ﻳﻤﻮﺕ ﻛﻤﺎﻝ ﻭﺻﺎﻧﻲ ﻭﺻﻴﻪ
ﻭﺍﻟﻮﺻﻴﻪ ﻣﻮﺟﻮﺩﻩ ﺑﻠﻤﺤﻔﻈﻪ ﻭﺍﻧﺎ ﺟﻨﺖ ﻣﺸﺪﻭﻩ ﺍﻟﺒﺎﺏ ﻧﺴﻴﺘﻪ
ﺍﻣﺲ ﺑﻠﻴﻞ ﺷﻔﺖ ﻛﻤﺎﻝ ﺑﻠﺤﻠﻢ ﻭﺫﻛﺮﻧﻲ ﺑﻠﻮﺻﻴﻪ
ﺑﺎﻭﻋﻠﻲ ﺑﻘﻬﺮ ﻛﻠﻲ ﺍﻟﻠﻪ ﻋﻠﻴﻚ ﺷﻔﺘﻪ ﺑﻠﺤﻠﻢ
ﺃﻱ ﻭﺍﻟﻠﻪ ﻋﻤﻲ
ﺷﻠﻮﻧﻪ ﺷﻜﺎﻟﻚ
ﺳﻮﻟﻔﺖ ﺍﻟﻪ ﺍﻟﺤﻠﻢ
ﺑﺪﻭﻥ ﻣﺎ ﻳﺤﺠﻲ ﻃﻠﻊ ﻣﻦ ﺍﻟﺒﺮﺍﻧﻲ ﺷﻮﻳﻪ ﻭﺭﺟﻊ ﺷﺎﻳﻞ ﺍﻟﻤﺤﻔﻈﻪ ﺍﻧﻄﺎﻧﻴﻬﺎ ﻭﻛﻠﻲ
ﻫﺎﻙ ﻋﻤﻲ ﻫﺎﻱ ﺍﻟﻤﺤﻔﻈﻪ ﻋﻠﻰ ﺣﻄﺘﻪ ﻣﺤﺪ ﻓﺘﺤﻪ
ﺧﺬﺕ ﺍﻟﻤﺤﻔﻈﻪ ﻭﺗﺴﺎﻟﻤﻨﻪ ﻭﻳﻪ ﺍﺑﻮ ﻛﻤﺎﻝ ﻭﻃﻠﻌﻨﻪ
ﺭﺣﻨﻪ ﻋﻠﻰ ﺍﻟﻔﻨﺪﻕ
ﺧﻠﻴﺖ ﺍﻟﻤﺤﻔﻈﻪ ﻋﻠﻰ ﺍﻟﻄﺒﻠﻪ ﻭﻛﺎﺑﻠﻨﺎﻩ ﻭﻛﻌﺪﻧﻪ
ﻋﻴﻮﻧﻪ ﻋﻠﻴﻪ ﻭﺩﻣﻮﻋﻨﻪ ﺗﺠﺮﻱ
ﻳﻌﻨﻲ ﻣﻌﻘﻮﻟﻪ ﺑﻬﺎﻱ ﺍﻟﺴﻬﻮﻟﻪ ﻳﺮﻭﺡ ﻛﻤﺎﻝ ﺻﺎﺡ ﻋﻤﺮ ﻭﺩﻣﻮﻋﻪ ﺗﺠﺮﻱ
ﺿﺮﺏ ﺃﺯﺍﺩ ﺭﺍﺳﻪ ﺑﻌﻤﻮﺩ ﺍﻟﺴﺮﻳﺮ ﻭﻫﻮ ﻳﻜﻮﻝ
ﻻ ﻛﺎﻛﺎ ﻋﻠﻲ ﺃﻧﻲ ﻣﺎ ﺍﺗﺤﻤﻞ ﺍﻟﻔﺮﺍﻙ
ﺍﺣﻨﻪ ﻋﺎﺷﺮﻧﺎ ﻛﻢ ﻳﻮﻡ ﻭﻫﻴﺞ ﺍﺛﺮ ﻋﻠﻴﻨﻪ ﺍﻟﻠﻪ ﻳﺴﺎﻋﺪ ﺍﻫﻠﻪ ﻧﺘﺮﺕ
ﻣﺪﻳﺖ ﺍﻳﺪﻱ ﻋﻠﻰ ﺍﻟﻤﺤﻔﻈﻪ ﺍﻓﺘﺢ ﺑﻴﻬﻪ ﻭﺃﻳﺪﻱ ﺗﺮﺟﻒ
ﺩﻭﺭﺕ ﺑﻴﻪ ﻃﻠﻌﺖ ﻭﺭﻗﺘﻴﻦ ﻭﺟﻴﺲ ﺻﻐﻴﺮ
ﻭﺣﺪﻩ ﻣﻜﺘﻮﺏ ﻋﻠﻴﻪ ﻟﺤﺎﻣﻞ ﻧﻌﺸﻲ
ﻓﺘﺤﺘﻪ ﻟﻜﻴﺖ ﻣﻜﺘﻮﺏ
ﺍﻟﺴﻼﻡ ﻋﻠﻴﻜﻢ ﻟﺤﺎﻣﻞ ﻧﻌﺸﻲ
ﺍﻭﺩ ﺍﻥ ﺍﺷﻜﺮﻙ ﺷﻜﺮﺍ ﺟﺰﻳﻼ ﻟﺤﻤﻠﻚ ﻧﻌﺸﻲ
ﻭﺍﻳﻀﺎ ﻟﺘﺤﻤﻞ ﺍﻷﻣﺎﻧﻪ
ﻓﻲ ﻫﺎﺫﻩ ﺍﻟﻮﺭﻗﻪ ﻋﻨﻮﺍﻥ ﺍﺭﺟﻮ ﺍﻥ ﺗﺄﺧﺬ ﺍﻟﺮﺳﺎﻟﻪ ﺍﻟﺜﺎﻧﻴﻪ ﺇﻟﻰ ﺻﺎﺣﺒﺔ ﺍﻟﻌﻨﻮﺍﻥ
ﺭﺑﺎﺏ ❤❤❤❤❤
.....
ﻛﺎﻛﺎ ﻋﻠﻲ ﻣﻨﻮ ﺭﺑﺎﺏ
ﺩﻧﻜﺖ ﺑﻠﻜﺎﻉ ﻭﺍﻧﻲ ﺍﺗﻨﻬﺪ
ﺁﻭﻭﻭﻭﻑ ﺭﻓﻌﺖ ﺭﺍﺳﻲ ﻭﺃﺩﻳﻪ ﻋﻠﻰ ﺷﻌﺮﻱ ﻭﺟﺎﻭﺑﺖ
ﺭﺑﺎﺏ ﺣﺒﻴﺒﺘﻪ
ﻋﻤﺮ ... ﺷﻨﻮ ﺣﺒﻴﺒﺘﻪ
ﺃﻱ ﺣﺒﻴﺒﺘﻪ
ﻋﻤﺮ ...... ﺯﻳﻦ ﻳﻠﻠﻪ ﻧﺮﻭﺡ ﻧﻮﺩﻱ ﺍﻟﺮﺳﺎﻟﻪ
ﻻ ﺑﺎﺟﺮ ﺍﻟﺼﺒﺢ ﻧﺮﻭﺡ
ﻟﻴﺶ ﺳﺄﻝ ﺍﺯﺍﺩ
ﻣﻮ ﺍﺣﺘﻤﺎﻝ ﺯﻭﺟﻪ ﺍﻟﻌﺼﺮ ﻣﻮﺟﻮﺩ ﺍﻟﺼﺒﺢ ﻳﻜﻮﻥ ﺑﻠﺸﻐﻞ
ﺷﻨﻮﻭﻭﻭﻭﻭ ﺯﻭﺟﻪ ﺣﺠﻮ ﺳﻮﻳﻪ ﻋﻤﺮ ﻭ ﺃﺯﺍﺩ
ﺃﻱ ﺯﻭﺟﻪ
ﺍﻛﻠﻚ ﻋﻠﻲ ﺭﺣﻤﻪ ﻟﺒﻴﻚ ﻓﻬﻤﻨﻪ ﺍﻟﻔﻠﻢ ﺷﻨﻮ ﻳﺤﺠﻲ ﺑﻨﺘﺮ ﻋﻤﺮ
ﺷﻮﻓﻮ ﻛﻤﺎﻝ ﺟﺎﻥ ﻳﺤﺐ ﻭﺣﺪﻩ ﻭﺑﻌﺪﻳﻦ ﺍﺗﺰﻭﺟﺖ
ﻻ ﺷﻜﺪ ﻫﺎ ﻳﻤﻪ ﺻﺎﺡ ﺃﺯﺍﺩ
ﻣﺎ ﺗﺴﺘﺎﻫﻞ ﺣﺐ ﻛﻤﺎﻝ ﺣﺠﻪ ﻋﻤﺮ
ﻻ ﻃﺒﻌﺎ ﺑﻠﻌﻜﺲ ﺍﻧﺎ ﺍﻋﺘﺒﺮﻫﻪ ﺍﻧﺴﺎﻧﻪ ﻓﺎﻫﻤﻪ ﻭﺍﻋﻴﻪ ﻛﺘﻠﻬﻢ ﺍﻧﺘﻮ ﻟﻮ ﺗﻌﺮﻓﻮﻥ ﺍﻟﻤﻮﻇﻮﻉ ﺟﺎﻥ ﻧﻄﻴﺘﻮﻫﻪ ﺣﻚ
ﻓﻬﻤﻨﻪ ﺍﻧﺖ ﺑﻠﻠﻪ ﻛﺎﻟﻲ ﻋﻤﺮ
ﺳﻮﻟﻔﺖ ﺍﻟﻬﻢ ﻛﻠﺸﻲ ﺳﻮﻟﻔﻪ ﺍﻟﻲ ﻛﻤﺎﻝ
ﺑﻌﺪ ﻣﺎ ﺧﻠﺼﺖ ﺣﺴﻴﺘﻬﻢ ﻛﻠﺶ ﻇﺎﺟﻮﺍ ﻭﻧﻘﻬﺮﻭﺍ ﻋﻠﻰ ﻛﻤﺎﻝ ﻭﺭﺑﺎﺏ ﻛﺎﻝ ﺃﺯﺍﺩ ﻭﻫﻮ ﻳﻤﺴﺢ ﻋﻴﻮﻧﻪ ﺍﻟﻐﻮﺭﻛﺔ ﻣﻦ ﺍﻟﺪﻣﻊ
ﺣﺮﺍﻣﺎﺕ ﻫﻴﺞ ﺣﺐ ﻳﻤﻮﺕ
ﺧﻄﻴﻪ ﻛﻤﺎﻝ ﺷﻜﺪ ﺣﻤﻞ ﺑﻜﻠﺒﻪ ﺃﻧﻲ ﺑﺖ ﻋﻤﻲ ﻣﻨﺘﻈﺮﺗﻨﻲ ﻋﺪ ﺍﻫﻠﻲ ﻭﻛﻠﺒﻲ ﻧﺎﺭ ﺻﺎﻳﺮ ﺑﻴﻪ ﺷﻠﻮﻥ ﻛﻤﺎﻝ ﻋﺎﻓﺘﻪ ﻭﺷﺎﻓﻬﻪ ﺗﺘﺰﻭﺝ ﻛﺪﺍﻡ ﻋﻴﻨﻪ
ﻟﻠﻌﺼﺮ ﻃﻠﻌﻨﻪ ﺭﺣﻨﻪ ﻋﻠﻰ ﺍﻟﻌﻨﻮﺍﻥ ﺑﻘﻴﻨﻪ ﻧﻔﺘﺮ ﺟﻴﻜﻨﻪ ﺍﻟﺒﻴﺖ ﻭﺳﺄﻟﻨﻪ ﺍﻃﻔﺎﻝ ﻋﺮﻓﻨﻪ ﺯﻭﺟﻬﻪ ﻣﻮﻇﻒ ﻳﻄﻠﻊ ﺍﻟﺼﺒﺢ ﻳﺮﺟﻊ ﺍﻟﺴﺎﻋﻪ 3 ﺍﻟﻌﺼﺮ
ﺛﺎﻧﻲ ﻳﻮﻡ ﺭﺣﻨﻪ ﺍﻟﺒﻴﺖ ﺭﺑﺎﺏ
ﻭﻛﻔﻨﻪ ﺑﻠﺒﺎﺏ ﻭﺍﺣﻨﻪ ﻣﺘﺮﺩﺩﻳﻦ ﺷﻠﻮﻥ ﻧﻔﺎﺗﺤﻬﻪ ﺑﻠﻤﻮﻇﻮﻉ
ﺍﺗﺠﺮﺋﺖ ﺃﻧﺎ ﻭﺩﻛﻴﺖ ﺍﻟﺒﺎﺏ
ﻃﻠﻌﺖ ﺑﻨﻴﻪ ﻧﺎﻋﻤﻪ ﺑﺎﻭﻋﺖ ﺑﻌﻴﻮﻧﻪ ﻋﺮﻓﺘﻪ ﻣﻦ ﻭﺻﻒ ﻛﻤﺎﻝ ﻋﻴﻮﻧﻪ ﺻﺎﻓﻴﻪ
ﺷﺎﻳﻠﻪ ﻃﻔﻞ ﻋﻠﻰ ﺍﻳﺪﻩ
ﻧﻌﻢ ﺍﺧﻲ
ﺃﺣﻢ ﺃﺣﻢ ﺣﻀﺮﺗﺞ ﺭﺑﺎﺏ
ﻧﻌﻢ ﻣﻨﻮ ﺣﻀﺮﺍﺗﻜﻢ
ﺍﻧﺎ ﻋﻠﻲ ﻭﻫﺬﺍ ﻋﻤﺮ ﻭﻫﺬﺍ ﺃﺯﺍﺩ ﺩﻧﻜﺖ ﺃﺻﺪﻗﺎﺀ ﻛﻤﺎﻝ
ﺷﻔﺘﻪ ﺗﻮﺳﻌﺖ ﻋﻴﻮﻧﻪ ﺍﻟﺘﻔﺘﺖ ﻟﻴﻮﺭﻩ ﻭﺭﺟﻌﺖ ﺑﺎﻭﻋﺖ ﻋﻠﻴﻨﻪ ﻛﺎﻟﺖ
ﻛﻤﺎﻝ
ﺑﻠﻲ ﻛﻤﺎﻝ ﻭﺩﺯ ﻭﻳﺎﻧﻪ ﺃﻣﺎﻧﻪ ﺍﻟﺞ
ﺍﻣﺎﻧﻪ ﻟﻴﺶ ﻫﻮ ﻭﻳﻦ
ﺍﺳﻒ ﺩﻧﻜﺖ ﻭﻛﺘﻠﻪ
ﺍﺳﺘﺸﻬﺪ
ﺣﺴﻴﺖ ﺍﻳﺪﻩ ﺭﺧﺖ ﻭﻛﻊ ﺍﻟﻄﻔﻞ ﻣﻦ ﺍﻳﺪﻩ
ﺭﻛﻆ ﺃﺯﺍﺩ ﺷﺎﻝ ﺍﻟﻄﻔﻞ ﻳﺴﻜﺖ ﺑﻴﻪ
ﻭﻫﻴﻪ ﺑﻐﻴﺮ ﻋﺎﻟﻢ
ﺭﺍﺩﺕ ﺗﻮﻛﻊ ﺍﻧﺴﻨﺪﺕ ﻋﻠﻰ ﺍﻟﺒﺎﺏ
ﺍﺧﺘﻲ ﺷﺒﻴﺞ ﺍﺳﻒ ﻻﻥ ﻛﺘﻠﺞ ﻫﻠﺸﻜﻞ
ﺭﻓﻌﺖ ﺍﻳﺪﻩ ﺗﺴﺘﻮﻗﻔﻨﻲ ﺍﺧﺬﺕ ﺍﺑﻨﻬﻪ ﻣﻦ ﺃﺯﺍﺩ ﻭﺩﺧﻠﺖ ﻟﻠﺒﻴﺖ
ﺑﻘﻴﻨﻪ ﻭﺍﻛﻔﻴﻦ ﺷﻠﻮﻥ ﻧﺪﺧﻞ ﻭﺭﺍﻫﻪ ﻟﻮ ﻧﺒﻘﻪ ﻻﺯﻡ ﻧﻨﻄﻴﻬﻪ ﺍﻟﺮﺳﺎﻟﻪ
.....
ﺳﻤﻌﻨﻪ ﺻﻮﺕ ﻣﻦ ﺟﻮ ﺍﻟﺒﻴﺖ ﺗﻔﻈﻠﻮﺍ ﺩﺧﻠﻮﺍ
ﺑﺎﻭﻋﺖ ﻟﻠﻮﻟﺪ ﻋﻴﻮﻧﻬﻢ ﺣﻴﺮﺍﻧﻪ
ﺩﺧﻠﻨﻪ ﻟﻠﺒﻴﺖ ﻭﻋﻤﺮ ﻳﺘﻠﻔﺖ ﺧﺎﻑ ﻭﺍﺣﺪ ﻳﺸﻮﻓﻨﻪ ﻭﻳﺴﻮﻳﻠﻪ ﻣﺸﻜﻠﻪ
ﺩﺧﻠﻨﻪ ﺍﻟﺒﻴﺖ ﺟﺒﻴﺮ ﻭﺑﻴﻪ ﺣﺪﻳﻘﻪ ﺣﻠﻮﻩ
ﺷﻔﻨﺎﻫﻪ ﺗﻮﺟﻬﺖ ﻟﻠﺤﺪﻳﻘﻪ ﺑﻴﻪ ﻃﺒﻠﻪ ﻭﺍﺭﺑﻊ ﻛﺮﺍﺳﻲ
ﺍﺷﺮﺕ ﺍﺳﺘﺮﻳﺤﻮﺍ ﻫﻨﺎ
ﻛﻌﺪﻧﻪ ﻭﻫﻴﻪ ﻛﻌﺪﺕ ﻭﺍﺑﻨﻬﻪ ﺑﺤﻈﻨﻪ ﺗﻬﺰ ﺑﻴﻪ
ﺑﻘﺖ ﺳﺎﻛﺘﻪ ﺷﻮﻳﻪ ﻛﺎﻟﺖ
ﻭﻳﻦ ﺍﺳﺘﺸﻬﺪ ﺗﺤﺠﻲ ﻭﻫﻴﻪ ﻣﺪﻧﻜﻪ
ﺑﻠﻘﺮﺏ ﻣﻦ ﺍﻷﻧﺒﺎﺭ
ﺭﻓﻌﺖ ﺭﺍﺳﻪ ﻭﻫﻴﻪ ﻣﺘﻌﺠﺒﻪ
ﺷﻮﺩﺍ ﻟﻸﻧﺒﺎﺭ
ﻣﻮ ﺍﻟﺘﺤﻖ ﺑﻠﺤﺸﺪ
ﻇﺮﺑﻪ ﻋﻠﻰ ﺧﺪﻩ ﻭﻛﺎﻟﺖ ﻋﺰﻩ ﻣﻮ ﻛﺎﻟﻮ ﺳﺎﻓﺮ ﻟﻠﺨﺎﺭﺝ
ﻣﻨﻮ ﻛﺎﻝ ﻧﺘﺮﺕ
ﺍﻣﻲ ﻛﺎﻟﺖ ﻭﺩﻧﻜﺖ
ﻻ ﺧﻴﺘﻲ ﺟﺬﺏ ﺑﻌﺪ ﻣﺎ ﻛﻌﺪ ﻣﻦ ﺍﻟﻐﻴﺒﻮﺑﻪ ﺭﺍﺡ ﻟﻠﺤﺸﺪ ﻭﻗﺒﻞ ﺍﺭﺑﻊ ﺍﻳﺎﻡ ﺍﺳﺘﺸﻬﺪ
ﻋﻴﻮﻧﻪ ﻳﺠﺮﻥ ﻭﻫﻴﻪ ﺗﺤﺠﻲ ﻭﺗﻬﺰ ﺑﺄﺑﻨﻪ ﺍﺣﺠﻴﻠﻲ ﻛﻠﺸﻲ ﺷﻠﻮﻥ ﺍﺳﺘﺸﻬﺪ ﺍﻧﺘﻮ ﺟﻨﺘﻮ ﻭﻳﺎ ﻣﻮ
ﻫﺰﻳﻨﻪ ﺭﻭﺳﻨﻪ ﺃﻧﻲ ﻭﻟﻮﻟﺪ
ﺑﺪﻳﺖ ﺍﺳﻮﻟﻒ ﺍﻟﻪ ﻛﻠﺸﻲ ﺻﺎﺭ
ﻭﻫﻴﻪ ﺑﺲ ﺗﺒﺠﻲ ﻭﺗﻬﺰ ﺑﺮﺍﺳﻬﻪ
ﺁﺧﺮ ﺷﻲ ﺑﺠﻪ ﺍﺑﻨﻬﻪ ﻛﺎﻟﺖ
ﺍﺳﻜﺖ ﻛﻤﺎﻝ
ﺳﻜﺘﺖ ﻭﺍﻧﻲ ﺍﺑﺎﻭﻉ ﻟﻠﻄﻔﻞ ﻭﺍﺑﺎﻭﻉ ﺍﻟﻪ ﻣﻌﻘﻮﻟﻪ ﻣﺴﻤﻴﻪ ﺍﺑﻨﻪ ﻛﻤﺎﻝ
ﺣﺴﺖ ﻋﻠﻴﻨﻪ ﻛﺎﻟﺖ
ﺃﻱ ﺍﺳﻤﻪ ﻛﻤﺎﻝ ﻣﺎ ﻟﻜﻴﺖ ﺍﺣﺴﻦ ﻣﻦ ﺍﺳﻤﻪ ﺃﺳﻤﻴﻪ
ﻭﻟﻮ ﺍﺭﺩﻟﻪ ﺟﺰﺀ ﺑﺴﻴﻂ ﻣﻦ ﺍﻟﻌﺬﺍﺏ ﺍﻟﻲ ﺗﺴﺴﺒﺒﺖ ﺍﻟﻪ ﺑﻴﻪ
ﻭﺍﻟﻠﻪ ﻳﺎﺧﻮﻳﻪ ﺍﻧﺎ ﺳﻤﻌﺖ ﺍﻟﺴﺎﻟﻔﻪ ﻣﻦ ﻛﻤﺎﻝ ﻭﺍﻟﻠﻪ ﺷﺎﻫﺪ ﺩﺍﻓﻌﺖ ﺍﻟﺞ ﻭﻛﺘﻠﻪ ﺣﻘﻪ ﺍﻟﻲ ﺳﻮﺗﻪ ﻋﻴﻦ ﺍﻟﻌﻘﻞ
ﻭﺧﺎﺻﻪ ﺑﻌﺪ ﻣﺎ ﺷﻔﺘﻪ ﻭﺷﻠﻮﻥ ﺍﻟﻠﻪ ﻳﺮﺣﻤﻪ ﺣﻠﻮ ﻭﻳﺘﺠﺪﺩ
ﺻﺪﻛﻲ ﺑﻨﺺ ﺍﻟﺤﺮﺏ ﻭﻋﺠﺎﺟﺖ ﺍﻟﺒﺮ ﻭﺍﻟﺘﺮﺍﺏ ﻭﺭﻳﺤﺔ ﺍﻟﺒﺎﺭﻭﺩ ﺑﺲ ﻫﻮ ﺟﺎﻥ ﻳﻀﻮﻱ
ﻳﻌﻨﻲ ﺍﻧﻲ ﻣﻮ ﻏﻠﻄﺎﻧﻪ ﺑﻠﻲ ﺳﻮﻳﺘﻪ ﺗﺴﺄﻝ ﻭﻋﻴﻮﻧﻬﻪ ﺗﺘﺮﺟﻰ ﺟﻮﺍﺏ ﻳﺮﻳﺢ ﺿﻤﻴﺮﻫﻪ ﻭﻛﻠﺒﻪ
ﺍﻛﻴﺪ ﻣﻮ ﻏﻠﻄﺎﻧﻪ ﺑﻠﻌﺲ ﺍﻧﺘﻲ ﻏﻠﻄﺎﻧﻪ ﻟﻮ ﻣﻜﻤﻠﻪ ﻭﻳﺎ
ﺑﺪﻳﺖ ﺍﺳﻮﻟﻒ ﺍﻟﻪ ﺷﻠﻮﻥ ﺍﺳﺘﺸﻬﺪ
ﺍﺧﺮ ﺷﻲ ﻃﻠﻌﺖ ﺍﻟﺮﺳﺎﻟﻪ ﻭﺍﻟﻌﻼﻛﻪ ﺧﻠﻴﺘﻬﻦ ﻛﺒﺎﻟﻪ ﻛﺘﻠﻪ
ﻫﺎﻱ ﺍﻷﻣﺎﻧﻪ ﻭﺍﺑﺮﻱ ﻛﻤﺎﻝ ﺍﻟﺬﻣﻪ ﺣﺘﻰ ﻳﺮﺗﺎﺡ ﺑﻜﺒﺮﻩ
ﻳﺎﺭﻳﺖ ﻫﻮ ﻳﺒﺮﻳﻨﻲ ﺍﻟﺬﻣﻪ
ﻃﻠﻌﻨﻪ ﻣﻦ ﺍﻟﺒﻴﺖ ﻭﺣﻨﻪ ﻣﻨﻬﺎﺭﻳﻦ
ﻳﻮﻟﺪ ﻧﺮﻭﺡ ﺍﻟﻜﻤﺎﻝ ﻧﺴﻠﻢ ﻋﻠﻴﻪ ﻭﻣﻨﺎﻙ ﻧﻠﺘﺤﻖ
ﻃﻠﻌﻨﻪ ﻟﻠﻨﺠﻒ ﻭﺻﻠﻨﻪ ﺍﻟﻌﺼﺮ ﺯﺭﻧﻪ ﺍﻣﻴﺮ ﺍﻟﻤﺆﻣﻨﻴﻦ ﻭﻃﻠﻌﻨﻪ ﻟﻠﻤﻘﺒﺮﻩ
ﺳﻠﻤﻨﻪ ﻋﻠﻴﻪ ﺟﺎﻥ ﺗﻮﻩ ﺑﺎﻧﻴﻨﻪ ﺣﻘﻴﻘﻪ ﻛﻠﺒﻲ ﻭﺟﻌﻨﻲ ﻋﻠﻴﻪ ﻭﺗﻤﻨﻴﺖ ﻣﺎ ﺷﻔﺘﻪ ﺍﺑﺪ
ﻛﺘﻠﻪ ﻭﺻﻠﺖ ﺍﻷﻣﺎﻧﻪ ﺧﻴﻲ ﺍﺑﺮﻳﻪ ﺍﻟﺬﻣﻪ
ﻗﺮﻳﻨﻪ ﻗﺮﺃﻥ ﻭﻃﻠﻌﻨﻪ ﻟﻠﻜﺮﺍﺝ
ﺭﻛﺒﻨﻪ ﺑﺴﻴﺎﺭﺍﺕ ﺑﻐﺪﺍﺩ ﺑﻌﺪﻳﻦ ﺭﺣﻨﻪ ﻟﻠﻤﻘﺮ ﺍﻟﻲ ﺍﺑﻐﺪﺍﺩ ﺣﺘﻰ ﻧﺮﻭﺡ ﻭﻳﺎﻫﻢ ﻷﻥ ﻣﺎﻛﻮ ﺳﻴﺎﺭﺍﺕ ﺗﻮﺻﻞ ﻟﻬﻨﺎﻙ
.....
ﻭﺻﻠﻨﻪ ﻟﻠﻤﻘﺮ ﺑﻠﻴﻞ ﻛﻠﺶ ﺗﻘﺮﻳﺐ ﺍﻟﺜﻨﺘﻴﻦ ﺑﻠﻴﻞ
ﺳﻠﻤﻨﻪ ﻋﻠﻰ ﺍﻟﺨﻔﺮ ﺍﻟﻤﺘﻮﺍﺟﺪﻳﻦ ﻭﻃﺒﻴﻨﻪ ﻧﻤﻨﻪ
ﺍﺳﺘﻤﺮﺕ ﻋﻤﻠﻴﺎﺕ ﺍﻟﻤﺴﺎﻧﺪﻩ ﻟﻠﺠﻴﺶ ﻣﺮﺕ ﻋﻠﻰ ﻭﺟﻮﺩﻧﻪ ﺍﻛﺜﺮ ﻣﻦ ﺳﻨﻪ
ﺍﻟﺴﺎﻋﻪ ﺑﻠﺨﻤﺴﻪ ﺍﻟﺼﺒﺢ ﻛﻌﺪﻭﻧﻪ ﺍﻗﺘﺤﺎﻡ ﻟﻠﻔﻠﻮﺟﻪ
ﺭﻛﻆ ﺭﻛﻆ ﺑﺪﻟﻨﻪ ﻣﻼﺑﺴﻨﻪ ﻭﻃﻠﻌﻨﻪ
ﻟﻜﻴﻨﻪ ﺍﻟﻘﺎﺋﺪ ﺳﻠﻤﻨﻪ ﻋﻠﻴﻪ ﻭﺭﻛﺒﻨﻪ ﺑﻠﺴﻴﺎﺭﺍﺕ ﻭﺗﻮﺟﻬﻨﻪ ﻟﻠﻔﻠﻮﺟﻪ
ﺍﺳﺘﺸﻬﺎﺩ ﻛﻤﺎﻝ ﺧﻼﻧﻲ ﺍﻋﻴﺪ ﺣﺴﺎﺑﺎﺗﻲ ﻣﺎ ﻻﺯﻡ ﺍﻧﺪﻓﻊ ﺑﻘﺮﺍﺭﺍﺗﻲ ﻟﻮ ﻣﺎ ﺭﺍﻳﺢ ﺍﺩﻭﺭ ﻋﻠﻰ ﺍﺧﻮﻱ
ﻣﺠﺎﻥ ﺍﺳﺘﺸﻬﺪ ﻛﻤﺎﻝ
ﻭﺻﻠﻨﻪ ﺍﻟﻔﻠﻮﺟﻪ ﺟﺎﻧﺖ ﺍﻟﻤﻌﺮﻛﻪ ﺣﺎﻣﻴﻪ
ﻋﺼﺎﺋﺐ ﺍﻟﺤﻖ ﻭﺍﻟﺠﻴﺶ ﻭﺍﻟﺤﺸﺪ ﺗﻜﺎﺗﻔﻮﺍ ﺣﺘﻪ ﻳﺪﺧﻠﻮﻥ
ﻣﻌﺮﻛﻪ ﺍﻗﻞ ﻣﺎ ﺍﻧﻜﻮﻝ ﻋﻨﻪ ﺩﻣﻮﻳﻪ
ﺍﻛﺜﺮ ﻣﻦ ﻋﺸﺮ ﺍﻳﺎﻡ ﺍﺣﻨﻪ ﻧﻘﺎﺗﻞ ﻭﻣﺎ ﻛﺪﺭﻧﻪ ﻧﺪﺧﻞ
ﺍﻟﻘﻴﺎﺩﻩ ﺑﻘﺖ ﻣﺘﻌﺠﺒﻪ
ﺟﻨﻪ ﺳﺎﺩﻳﻦ ﻛﻞ ﺍﻟﻄﺮﻕ ﺍﻟﻲ ﺗﻮﺩﻱ ﻟﻠﻔﻠﻮﺟﻪ ﻣﻌﻘﻮﻟﻪ ﻣﺎ ﺧﻠﺺ ﻋﺘﺎﺩﻫﻢ
ﺇﻟﻰ ﺃﻥ ﺍﻛﺘﺸﻔﻨﻪ ﻣﺼﻨﻊ ﻟﺼﻨﺎﻋﺔ ﺍﻷﺳﻠﺤﺔ ﻓﻲ ﺣﻲ ﺍﻟﺠﻬﺎﺩ
ﺍﻟﻲ ﺟﺎﻥ ﻣﺘﻤﺮﻛﺰﻳﻦ ﺑﻴﻪ ﺍﻟﺪﻭﺍﻋﺶ
ﺍﻟﺤﻤﺪ ﻟﻠﻪ ﻛﺪﺭﻧﻪ ﻧﺤﺮﺭ ﺍﻟﻔﻠﻮﺟﻪ
ﺩﺧﻠﻨﻪ ﺍﻟﻨﺎﺱ ﺑﻴﻦ ﺍﻟﺨﺎﻳﻔﻪ ﻭﺑﻴﻦ ﺍﻟﻔﺮﺣﺎﻧﻪ
ﻧﺎﺱ ﺗﺼﻔﻚ ﺍﻟﻨﻪ ﻭﺗﻬﺰﺝ ﺑﺄﻧﻮﺍﻉ ﺍﻷﻫﺎﺯﻳﺞ
ﻭﺑﻴﻦ ﺍﻟﻤﺘﺮﺩﺩ ﻣﻦ ﻋﺪﻧﻪ
ﺍﻟﻰ ﺍﻥ ﺷﺎﻓﻮ ﺗﻌﺎﻣﻠﻨﻪ ﻭﻳﺎﻫﻢ ﺷﻠﻮﻥ
ﻛﺪﺭﻧﻪ ﻧﻨﻄﻴﻬﻢ ﺍﻷﻣﺎﻥ
ﺑﻘﻴﻨﻪ ﺑﻠﻔﻠﻮﺟﻪ ﺍﻛﺜﺮ ﻣﻦ ﺍﺳﺒﻮﻉ
ﺑﻌﺪﻩ ﺭﺟﻌﻨﻪ ﻟﻠﻤﻮﻗﻊ
ﺑﻬﺎﻱ ﺍﻷﻳﺎﻡ ﻛﺪﺭﺕ ﺍﻋﺮﻑ ﻣﻌﻠﻮﻣﻪ ﻋﻦ ﺷﺒﺎﺏ ﺍﻧﻬﺰﻣﻮﺍ ﻣﻦ ﺳﻴﻄﺮﺕ ﺩﺍﻋﺶ
ﺑﺲ ﻣﺎ ﺍﻛﺪﺭ ﺍﺧﺎﻃﺮ ﻭﺍﺭﻭﺡ ﻻﻥ ﻋﻤﺮ ﻭ ﺃﺯﺍﺩ ﻣﺴﺘﺤﻴﻞ ﻳﻌﻮﻓﻮﻧﻲ ﺍﺭﻭﺡ ﻭﺣﺪﻱ
ﻭﺃﻧﺎ ﻣﺎ ﺃﻛﺪﺭ ﺍﺧﺬﻫﻢ ﺃﺧﺎﻑ ﻣﻦ ﻓﻘﺪ ﻭﺍﺣﺪ ﻣﻨﻬﻢ
ﺭﺍﺡ ﺗﻜﻮﻥ ﺍﻟﻘﺎﻇﻴﻪ ﺍﻟﻲ
ﺑﻴﻮﻡ ﺑﻠﻴﻞ ﺩﺯ ﻋﻠﻴﻨﻪ ﺍﻟﻀﺎﺑﻂ ﺭﺣﻨﻪ ﻋﻠﻴﻪ ﺍﻟﻐﺮﻓﺘﻪ ﺩﻛﻴﻨﻪ ﺍﻟﺒﺎﺏ ﻭﺩﺧﻠﻨﻪ
ﺍﻟﺴﻼﻡ ﻋﻠﻴﻜﻢ ﺳﻴﺪﻱ ﺍﺩﻳﻨﻪ ﺍﻟﺘﺤﻴﻪ ﻣﻊ ﺍﻟﺴﻼﻡ
ﻭﻋﻠﻴﻜﻢ ﺍﻟﺴﻼﻡ ﺗﻌﺎﻟﻮ ﺍﺩﺧﻠﻮﺍ ﻭﺳﺪﻭ ﺍﻟﺒﺎﺏ
ﻟﻜﻴﻨﻪ ﻳﻤﻪ ﻭﻟﺪ ﺍﺳﻤﻪ ﻋﺰﻳﺰ ﻫﺬﺍ ﺍﻟﻮﻟﺪ ﺣﺒﺎﺏ ﻭﻓﻘﻴﺮ ﺑﺲ ﻫﻮ ﺷﺠﺎﻉ ﻣﻦ ﺃﻫﺎﻟﻲ ﻛﺮﺑﻼﺀ
ﺍﻟﻀﺎﺑﻂ ..... ﺷﻮﻓﻮ ﺍﻟﻘﻴﺎﺩﻩ ﻃﻠﺒﺖ ﻣﻨﻲ ﺍﺭﺑﻊ ﺷﺒﺎﺏ ﻳﻘﻮﻣﻮﻥ ﺑﻤﻬﻤﻪ ﺻﻌﺒﻪ ﺑﻸﻧﺒﺎﺭ
ﻭﺍﻧﻲ ﺭﺷﺤﺘﻜﻢ ﻻﻥ ﺍﻧﺘﻮ ﺍﺑﻄﺎﻝ
ﺷﻜﺮﺍ ﺳﻴﺪﻱ ﺟﺎﻭﺑﻨﻪ
ﺍﻟﻀﺎﺑﻂ .... ﺍﻛﻮ ﺍﻣﻴﺮ ﺩﺍﻋﺶ ﺍﺳﻤﻪ ﺍﺑﻮ ﺟﻌﻔﺮ ﻫﺬﺍ ﺍﻧﺮﻳﺪ ﺍﻧﺨﻄﻔﻪ ﻭﻋﺪﻧﻪ ﻣﻌﻠﻮﻣﺎﺕ ﻫﺴﻪ ﻫﻮ ﻣﻮﺟﻮﺩ ﺑﻸﻧﺒﺎﺭ
ﻫﺬﺍ ﺍﻟﻘﻴﺎﺩﻱ ﺑﻴﺪﻩ ﻣﻔﺘﺎﺡ ﺍﻷﻧﺒﺎﺭ ﻭﺍﻟﻤﻮﺻﻞ ﻫﻮ ﻣﻊ ﺍﻟﻤﺨﻄﻄﻴﻦ
ﺑﺲ ﺻﻌﺐ ﻧﺠﻴﺒﻪ
ﺍﻟﻲ ﺍﺭﻳﺪﻩ ﻣﻨﻜﻢ ﺗﺘﺴﻠﻠﻮﻥ ﺑﻠﻴﻞ ﻭﺗﺤﺎﻭﻟﻮﻥ ﺗﻮﺻﻠﻮﻥ ﺍﻟﻪ
ﺑﺲ ﺷﻠﻮﻥ ﺳﻴﺪﻱ ﻧﻮﺻﻞ ﺍﻟﻪ ﺳﺄﻟﺖ
ﺍﻟﻀﺎﺑﻂ ..... ﻋﺪﻧﻪ ﻭﺍﺣﺪ ﻭﻳﻪ ﺣﻤﺎﻳﺘﻪ ﻫﻮ ﺍﻟﻲ ﺭﺍﺡ ﻳﺴﻬﻞ ﺍﻟﻌﻤﻠﻴﻪ ﻭﺭﺍﺡ ﻧﻨﻄﻴﻜﻢ ﻣﻜﺎﻧﻪ ﺑﻠﻤﻈﺒﻮﻁ ﻭﺍﻟﺴﺎﻋﻪ ﺍﻟﻲ ﻫﻮ ﻣﺘﻮﺍﺟﺪ ﺑﻴﻬﻪ
ﻭﺭﺍﺡ ﻧﺴﻬﻞ ﻋﻠﻴﻜﻢ ﺍﻟﺪﺧﻮﻝ ﻟﻸﻧﺒﺎﺭ
ﻭﺍﻟﺒﺎﻗﻲ ﻋﻠﻴﻜﻢ
ﺑﺎﻭﻋﺖ ﻟﻠﻮﻟﺪ ﺷﻔﺘﻬﻢ ﻣﺘﺤﻤﺴﻴﻦ ﻟﻠﻌﻤﻠﻴﻪ
ﻫﺎ ﻳﻮﻟﺪ ﻧﻜﺪﺭ ﻧﻌﺘﻤﺪ ﻋﻠﻴﻜﻢ ﺳﺄﻝ ﺍﻟﻀﺎﺑﻂ
ﻃﺒﻌﺎ ﺳﻴﺪﻱ ﻛﺎﻝ ﻋﻤﺮ
ﺃﺯﺍﺩ ..... ﺗﻤﺎﻡ ﺳﻴﺪﻱ
ﻋﺰﻳﺰ .... ﺍﻋﺘﻤﺪ ﺳﻴﺪﻱ
ﻛﺎﻝ ﻫﺎ ﻋﻼﻭﻱ ﺷﺘﻜﻮﻝ
ﺳﻴﺪﻱ ﺍﻧﺎ ﻭﻳﺎﻛﻢ ﻟﻠﻤﻮﺕ ﻭﻻ ﺗﺨﺎﻑ
ﺍﻟﻀﺎﺑﻂ ..... ﺗﻤﺎﻡ ﻟﻌﺪ ﻫﺴﻪ ﺗﺮﺣﻮﻥ ﻟﻠﻌﺮﻳﻒ ﺣﺴﻴﻦ ﻫﻮ ﺭﺍﺡ ﻳﻔﻬﻤﻜﻢ ﻋﻠﻰ ﺁﻟﻴﺔ ﺍﻟﻌﻤﻠﻴﻪ
ﺣﺘﻪ ﺑﺎﺟﺮ ﺑﻠﻴﻞ ﺗﺘﻮﻛﻠﻮﻥ
ﺣﺎﻇﺮ ﺳﻴﺪﻱ .... ﺩﻛﻴﻨﻪ ﺍﻟﺘﺤﻴﻪ ﻭﻃﻠﻌﻨﻪ
ﺭﺣﻨﻪ ﻟﻌﺮﻳﻒ ﺣﺴﻴﻦ ﺳﻠﻤﻨﻪ ﻋﻠﻴﻪ ﻭﻛﻌﺪﻧﻪ ﺷﺮﺡ ﺍﻟﻨﻪ ﺍﻟﻌﻤﻠﻴﻪ
ﻭﺍﻧﻄﺎﻧﻪ ﺃﺣﺪﺍﺙ ﺗﻮﺍﺟﺪ ﺍﻷﻣﻴﺮ ﺑﺎﺟﺮ ﺍﻟﺴﺎﻋﻪ ﺑﻠﻌﺸﺮﻩ ﺑﻴﺖ ﺑﻨﺺ ﺍﻷﻧﺒﺎﺭ ﺑﻴﺖ ﺩﻋﺎﺭﻩ
ﺍﻧﻄﺎﻧﻪ ﺻﻮﺭﻩ ﺍﻟﻪ ﺑﺎﻭﻋﺖ ﻟﻠﺼﻮﺭﻩ ﻗﺒﻴﺢ ﺑﺸﻜﻞ ﻭﻟﻮ ﻫﻤﻪ ﻛﻠﻬﻢ ﻣﻦ ﺷﻜﻞ ﺍﻟﺸﻴﻄﺎﻥ
ﺭﺟﻌﻨﻪ ﻟﻠﻐﺮﻓﻪ ﻣﺎﻟﺘﻨﻪ ﻭﺑﻘﻴﻨﻪ ﻧﻔﻜﺮ ﺑﻠﻌﻤﻠﻴﻪ ﻟﺤﺪ ﺍﻟﺼﺒﺢ ﺃﺫﻥ ﺍﻷﺫﺍﻥ ﻛﻤﻨﻪ ﺻﻠﻴﻨﻪ ﻭﺗﺮﻳﻜﻨﻪ
ﻃﻠﻌﺖ ﺩﻭﺭﻳﻪ ﺭﺩﻧﻪ ﻧﻄﻠﻊ ﻭﻳﺎﻫﻢ ﻣﻘﺒﻞ ﺍﻟﻘﺎﺋﺪ ﻛﺎﻝ ﺍﻟﻴﻮﻡ ﺍﻟﻜﻢ ﺭﺍﺣﻪ ﺣﺘﻪ ﺗﺤﻈﺮﻭﻥ ﺍﻧﻔﺴﻜﻢ ﻟﻠﻌﻤﻠﻴﻪ
ﺍﺝ ﻋﻠﻴﻨﻪ ﻋﺰﻳﺰ ﻭﺑﻘﻴﻨﻪ ﻧﺘﺼﻮﺭ ﺍﻷﺣﺪﺍﺙ ﻭﻧﻌﻴﺪ ﻭﻧﺰﻳﺪ ﺑﻠﻌﻤﻠﻴﻪ
ﻛﻤﻞ ﺍﻟﻨﻬﺎﺭ ﺻﻠﻴﻨﻪ ﻭﺗﻌﺸﻴﻨﻪ ﻭﻃﻠﻌﻨﻪ ﺭﺣﻨﻪ ﻳﻢ ﺍﻟﻌﺮﻳﻒ ﺣﺴﻴﻦ
ﻛﺎﻝ .. ﻫﺎﻱ ﺍﻟﺨﺮﻳﻄﻪ ﻭﺣﺪﺩﺕ ﺍﻟﻜﻢ ﺍﻟﻤﻜﺎﻥ ﻭﺭﺍﺡ ﺗﻨﻘﻠﻜﻢ ﺳﻴﺎﺭﻩ ﻟﺤﺪﻭﺩ ﺍﻷﻧﺒﺎﺭ ﻭﻫﻨﺎﻙ ﺭﺍﺡ ﺗﻠﻜﻮﻥ ﺳﻴﺎﺭﻩ ﻣﻨﺘﻈﺮﺗﻜﻢ ﺗﺎﺧﺬﻛﻢ ﻟﻮﺳﻂ ﺍﻷﻧﺒﺎﺭ
ﻭﺍﻟﺒﺎﻗﻲ ﻋﻠﻴﻜﻢ
ﺯﻳﻦ ﻛﺎﻛﺎ ﺧﺎﻑ ﻳﻜﺸﻔﻮﻧﻪ ﻻﻥ ﻣﺎﻋﺪﻧﻪ ﻟﺤﺎﻳﻪ ﻣﺜﻠﻬﻢ
ﺻﺢ ﻛﻼﻣﻚ ﻛﺎﻛﺎ ﻭﻟﻬﺬﺍ ﺍﻟﺴﺒﺐ ﺭﺍﺡ ﻧﻨﻄﻴﻜﻢ ﻟﺤﻴﻪ ﻭﺷﻮﺍﺭﺏ ﻣﺰﻳﻔﺎﺕ
ﻃﻠﻊ ﺟﻨﻄﻪ ﻓﺘﺤﻬﻪ ﻭﻃﻠﻊ ﻣﻨﻬﻪ ﻟﺤﺎﻳﻪ ﻭﺷﻮﺍﺭﺏ ﻣﺜﻞ ﺍﻟﺪﻭﺍﻋﺶ
ﻟﺒﺴﻨﻪ ﻭﻛﻞ ﻭﺍﺣﺪ ﻳﻈﺤﻚ ﻋﻠﻰ ﺍﻟﺜﺎﻧﻲ
ﺷﻜﻠﻨﻪ ﻳﺨﻮﻑ ﺻﺎﺭ ﺧﺎﺻﻪ ﺃﺯﺍﺩ ﻻﻥ ﻛﺼﻴﺮ ﻭﻋﻨﺪﻩ ﻛﺮﺵ ﻭﻟﺒﺲ ﺍﻟﺪﺷﺪﺍﺷﻪ ﺍﻟﻘﺼﺮﻩ ﺻﺎﺭ ﻳﺨﺮﺏ ﻇﺤﻚ
ﺍﺧﺬﻧﻪ ﺳﻼﺣﻨﻪ ﻋﺒﺎﺭﻩ ﻋﻦ ﻣﺴﺪﺳﺎﺕ ﻛﺎﺗﻤﻪ ﻟﻠﺼﻮﺕ ﻭﺍﻟﺨﺮﻳﻄﻪ
ﻭﺟﻬﺎﺯ ﺇﺭﺳﺎﻝ ﺻﻐﻴﺮ ﻫﻮ ﺟﻬﺎﺯ ﺇﺭﺳﺎﻝ ﻭﻫﻢ ﻛﺎﻣﺮﻩ ﺗﺴﺠﻴﻞ
ﺭﻛﺒﻨﻪ ﺑﻠﺴﻴﺎﺭﻩ ﻭﺗﻮﺟﻬﻨﻪ ﺇﻟﻰ ﻣﻬﻤﺘﻨﻪ ﺍﻟﺠﺪﻳﺪﻩ
ﻃﻠﻌﻨﻪ ﻭﻟﺴﺎﻥ ﺣﺎﻟﻨﻪ ﻳﻜﻮﻝ
ﺭﺍﺡ ﻧﺮﺟﻊ ﻛﻠﻨﻪ ﻟﻮ ﺭﺍﺡ ﻧﺮﺟﻊ ﻧﺎﻗﺼﻴﻦ
.....
ﻛﻌﺪﻧﻪ ﺍﻟﻨﻬﺎﺭ ﻛﻠﻪ ﺍﻧﺨﻄﻂ
ﻃﻠﻌﻨﻪ ﺍﻟﻤﻐﺮﺏ ﺑﻌﺪ ﺍﻟﺼﻼﺓ
ﻭﺻﻠﻨﻪ ﻟﺤﺪﻭﺩ ﺍﻷﻧﺒﺎﺭ ﺷﻔﻨﻪ ﺳﻴﺎﺭﻩ ﻣﻨﺘﻈﺮﺗﻨﻪ
ﻧﺰﻟﻨﻪ ﺻﻌﺪﻧﻪ ﺑﻠﺴﻴﺎﺭﻩ ﺍﻟﺜﺎﻧﻴﻪ
ﺍﻟﺴﻼﻡ ﻋﻠﻴﻜﻢ
ﻭﻋﻠﻴﻜﻢ ﺍﻟﺴﻼﻡ
ﻭﻳﺎﻛﻢ ﺍﻟﻀﺎﺑﻂ ﻣﺮﺗﻀﻰ ﻣﺤﻤﺪ
ﺍﻫﻼ ﻭﺳﻬﻼ ﺳﻴﺪﻱ
ﺷﻮﻓﻮﺍ ﺭﺍﺡ ﻧﺘﻮﻛﻞ ﻫﻨﺎﻙ ﻛﻞ ﺳﻴﻄﺮﻩ ﺗﻌﺮﻓﻨﻲ ﻣﻦ ﻧﻮﺻﻞ ﺍﻟﺴﻴﻄﺮﻩ ﻟﺤﺪ ﻳﺤﺠﻲ ﺍﺫﺍ ﻃﻠﺒﻮﺍ ﻫﻮﻳﺎﺗﻜﻢ
ﻛﻠﻮﻟﻬﻢ ﺫﺑﻴﻨﺎﻫﻢ ﻣﺎ ﺍﻟﻨﻪ ﻫﻮﻳﻪ ﻏﻴﺮ ﺩﺍﻋﺶ
ﻫﻬﻬﻬﻪ ﻻ ﺻﺪﻙ
ﻃﺒﻌﺎ ﻫﻨﺎ ﻣﺎﻛﻮ ﻫﻮﻳﺎﺕ ﻏﻴﺮ ﺑﺲ ﻫﻮﻳﺎﺕ ﺩﺍﻋﺶ
ﻣﺸﻴﻨﻪ ﺑﻌﺪ ﻧﺺ ﺳﺎﻋﻪ ﻭﺻﻠﻨﻪ ﺳﻴﻄﺮﺓ ﺩﺍﻋﺶ
ﻛﻞ ﻭﺍﺣﺪ ﻟﺤﻴﺘﻪ ﻭﻛﻔﺸﺘﻪ
ﻭﻛﻔﻮﻧﻪ ﺑﺎﻭﻉ ﻭﺍﺣﺪ ﻣﻨﻬﻢ ﺑﻠﺴﻴﺎﺭﻩ ﻛﺎﻝ
ﻣﻦ ﺃﻧﺘﻢ
ﺟﺎﻭﺑﻪ ﻣﺮﺗﻀﻰ ﺫﻭﻟﻪ ﺃﻧﺼﺎﺭ ﺍﻟﺪﻭﻟﻪ ﺍﻻﺳﻼﻣﻴﻪ ﻫﺮﺑﻮﺍ ﻣﻦ ﺳﻴﻄﺮﺓ ﺍﻟﺤﻜﻮﻣﻪ ﺍﻟﻌﺮﺍﻗﻴﻪ ﻣﺎﺧﺬﻫﻢ ﻳﻘﺎﺑﻠﻮﻥ ﺍﻷﻣﻴﺮ
ﺑﺎﻭﻉ ﻋﻠﻴﻨﻪ ﺃﺷﺮ ﻋﻠﻰ ﻋﻤﺮ ﻛﻠﻪ ﻫﺎﺕ ﻫﻮﻳﺘﻚ
ﺳﻴﺪﻱ ﺷﻤﺮﺕ ﺍﻟﻬﻮﻳﻪ ﻣﺎﻟﺘﻲ ﻣﺎﺭﻳﺪ ﺃﻱ ﺻﻠﻪ ﺑﻠﺤﻜﻮﻣﻪ ﺍﻟﻌﺮﺍﻗﻴﻪ
ﺍﺣﺴﻨﺖ ﺑﺎﺭﻙ ﺍﻟﻠﻪ ﺑﻚ ﺟﺎﻭﺑﻪ
ﻣﺮﻳﻨﻪ ﻣﻦ ﺍﻭﻝ ﺳﻴﻄﺮﻩ
ﺍﻟﺜﺎﻧﻴﻪ ﺍﻟﺜﺎﻟﺜﻪ ﺍﻛﺜﺮ ﻣﻦ ﺧﻤﺲ ﺳﻴﻄﺮﺍﺕ
ﻟﺤﺪ ﻣﺎ ﻭﺻﻠﻨﻪ ﻟﻠﺤﻲ ﺍﻟﻲ ﺑﻴﻪ ﺍﻟﺒﻴﺖ
ﻭﻛﻒ ﺍﻟﻀﺎﺑﻂ ﺑﺮﺍﺱ ﺍﻟﺸﺎﺭﻉ ﻭﻛﺎﻝ
ﻳﻠﻠﻪ ﺧﻮﺗﻲ ﺷﺪﻭ ﺣﻴﻠﻜﻢ ﻛﺪﺍﻣﻜﻢ ﺳﺎﻋﻪ ﻻﺯﻡ ﺗﻄﻠﻌﻮﻥ ﻻﻥ ﺍﺫﺍ ﺑﻘﻴﺘﻮﺍ ﺍﻛﺜﺮ ﺭﺍﺡ ﻳﻼﺣﻈﻮﻥ
ﺍﻥ ﺷﺎﺀ ﺍﻟﻠﻪ ﺍﺩﻋﻴﻠﻨﻪ
ﻳﻠﻠﻪ ﺷﺒﺎﺏ ﻛﺘﻠﻬﻢ ﻭﻧﺰﻟﺖ
ﻧﺰﻟﻨﻪ ﺑﺪﺷﺎﺩﻳﺸﻨﻪ ﺍﻟﻜﺼﻴﺮﻩ ﻫﻬﻬﻪ
ﻣﺮﻳﻨﻪ ﻣﻦ ﻳﻢ ﺍﻟﺒﻴﺖ ﺷﻔﻨﺎ ﻣﺘﻠﻐﻢ ﺩﻭﺍﻋﺶ
ﺷﻠﻮﻥ ﺭﺍﺡ ﻧﺪﺧﻞ ﻛﺎﻝ ﻋﻤﺮ
ﺑﺎﻭﻋﺖ ﺍﻟﺸﺎﺭﻉ ﻛﻠﻪ ﺩﻭﺍﻋﺶ ﺷﻠﻮﻥ ﺭﺍﺡ ﻧﺪﺧﻞ
ﺍﺟﺘﻨﻲ ﻓﻜﺮﻩ ﻛﺘﻠﻬﻢ ﺗﻌﺎﻟﻮ ﻭﺭﺍﻱ
ﻃﻠﻌﻨﻪ ﻣﻦ ﺍﻟﺸﺎﺭﻉ ﺍﻓﺘﺮﻳﻨﻪ ﻋﻠﻰ ﺍﻟﺸﺎﺭﻉ ﺍﻟﻮﺭﻩ ﺍﻟﺒﻴﺖ
ﻭﻳﻦ ﺭﺍﻳﺢ ﻣﺘﻜﻠﻲ ﻧﺘﺮ ﺍﺯﺍﺩ
ﻳﻮﻳﻞ ﻫﻨﺎ ﺃﻏﻠﺐ ﺍﻟﺒﻴﻮﺕ ﻣﻬﺠﻮﺭﻩ ﻧﻌﺒﺮ ﻣﻦ ﺍﻟﺴﻄﺢ
ﻓﻌﻼ
ﻟﻜﻴﻨﺎ ﺑﻴﺖ ﻣﻬﺠﻮﺭ
ﻃﺒﻴﻨﻪ ﺑﻴﻪ ﺻﻌﺪﻧﻪ ﻋﻠﻰ ﺍﻟﺴﻄﺢ
ﻋﺒﺮﻧﻪ ﻋﻠﻰ ﺑﻴﺖ ﺍﻟﺪﻭﺍﻋﺶ
ﺯﺣﻔﻨﻪ ﻋﻠﻰ ﻛﻴﻔﻨﻪ ﻭﺻﻠﻨﻪ ﻟﺒﺎﺏ ﺍﻟﺒﻴﺘﻮﻧﻪ
ﻃﻜﻴﺖ ﻗﻔﻠﻪ ﺑﺴﺮﻋﻪ ﺍﻧﻔﺘﺢ
ﻧﺰﻟﻨﻪ ﻭﺍﺣﺪ ﻭﺍﺣﺪ ﻋﻠﻰ ﻛﻴﻒ ﻭﻧﺒﺎﻭﻉ ﻣﻨﺎ ﻭﻣﻨﺎ
ﻣﺎﻛﻮ ﺍﺣﺪ ﻧﺰﻝ ﻋﻤﺮ ﺑﻌﺪﻳﻦ ﺍﺯﺍﺩ ﻭﺭﻯ ﻋﺰﻳﺰ ﻭﺍﻧﻲ ﺁﺧﺮ ﺷﻲ
ﺍﻭﻝ ﻣﺎ ﻭﺻﻠﺖ ﻷﺧﺮ ﺩﺭﺟﻪ ﻃﻠﻊ ﻭﺍﺣﺪ ﺷﺎﻓﻨﻲ ﺻﺎﺡ
ﻭﻳﻦ ﺟﻨﺖ
ﺑﻘﻴﺖ ﻣﺘﺼﻨﻢ ﺷﻜﻮﻝ
ﻳﻠﻠﻪ ﺑﺴﺮﻋﻪ ﻋﻠﻤﻄﺒﺦ ﺍﻷﻣﻴﺮ ﺭﺍﺡ ﻳﻮﺻﻞ
ﻫﺰﻳﺖ ﺭﺍﺳﻲ ﻭﻣﺸﻴﺖ
ﻟﻜﻴﺖ ﺟﻤﺎﻋﺘﻲ ﻛﺪﺍﻣﻲ
.....
ﻳﺤﻈﺮﻭﻥ ﺑﻠﻤﺰﻩ ﻭﺍﻷﻛﻞ ﻭﻳﺎﻫﻢ ﺛﻨﻴﻦ ﺩﻭﺍﻋﺶ
ﻫﻬﻪ ﺧﻮﺵ ﻣﻴﺰ ﻫﺬﺍ ﻛﺘﻠﻬﻢ ﻫﻤﺲ
ﻫﻬﻬﻪ ﻭﻟﻚ ﻫﺬﺍ ﺍﻷﻣﻴﺮ ﻋﺎﻳﺶ ﺍﻟﺪﻭﺭ
ﻧﺴﻤﻊ ﻫﻮﺳﻪ ﺻﺎﺭﺕ ﻭﺍﻷﺻﻮﺍﺕ
ﺍﺝ ﺍﻷﻣﻴﺮ ﺍﺝ ﺍﻷﻣﻴﺮ
ﺑﺎﻭﻋﻨﻪ ﻣﻦ ﺍﻟﺸﺒﺎﻙ ﺩﺧﻞ ﺍﻭ ﻭﻳﺎ ﺍﺭﺑﻊ ﺑﻨﺎﺕ ﻣﻨﻘﺒﺎﺕ
ﺿﻠﺖ ﻋﻴﻨﻲ ﻋﻠﻴﻪ ﻻﺯﻣﻬﻦ ﻭﻳﻤﺸﻲ
ﻃﺐ ﻟﻠﺼﺎﻟﻪ ﻭﺍﺷﺘﻐﻞ ﺍﻟﻀﺤﻚ
ﻃﺐ ﺍﻟﻤﺴﺆﻝ ﻛﺎﻝ
ﻫﺎ ﻛﻤﻠﺘﻮ ﻟﻮ ﺑﻌﺪﻛﻢ
ﺑﻠﻲ ﺳﻴﺪﻱ ﻛﻤﻠﻨﻪ
ﺃﺷﺮ ﺍﻟﻲ ﻋﻤﺮ ﺑﺤﻮﺍﺟﺒﻪ ﻛﺎﻝ ﺍﻟﺤﻜﻨﻲ
ﻃﻠﻊ
ﻃﻠﻌﺖ ﻭﺭﻯ
ﻃﻠﻊ ﺷﺮﻳﻂ ﺣﺐ ﻣﻦ ﺟﻴﺒﻪ ﺍﺷﺮﻟﻲ ﻋﻠﻴﻪ
ﻭﻙ ﻫﺬﺍ ﺷﻨﻮ
ﻫﻬﻪ ﻓﺎﻟﻴﻮﻡ ﻳﻬﻤﺲ
ﻣﻨﻴﻠﻚ
ﺟﺒﺘﻪ ﻭﻳﺎﻱ ﺧﻠﻲ ﻧﺤﻂ ﺍﻟﻬﻢ ﺑﻠﺸﺮﺏ ﺣﺘﻪ ﻳﻨﺎﻣﻮﻥ
ﻫﻬﻬﻪ ﻻ ﺑﺮﺑﻚ
ﻭﺍﻟﻠﻪ ﺑﺲ ﺍﺭﻳﺪﻙ ﺗﻠﻬﻴﻠﻲ ﺫﻭﻟﻪ ﺍﻟﻮﻳﺎﻧﻪ
ﺑﺲ ﺫﻭﻟﻪ ﺷﻠﻮﻥ ﻣﺎ ﺍﻧﺘﺒﻬﻮﺍ ﻋﻠﻴﻨﻪ
ﻻ ﺍﻧﺘﺒﻬﻮ ﻭﻛﺘﻠﻬﻢ ﺍﺣﻨﻪ ﺩﺯﻧﻪ ﺍﺑﻮ ﺩﻭﻣﻪ ﻧﺨﺪﻡ ﺍﻻﻣﻴﺮ
ﻳﺎ ﺍﺑﻮ ﺩﻭﻣﻪ
ﻫﻬﻪ ﺷﻤﺪﺭﻳﻨﻲ ﻫﻮ ﻫﻢ ﺳﺄﻝ ﺑﻌﺪ ﺍﺝ ﺍﻷﺳﻢ ﻋﻠﻰ ﺑﺎﻟﻲ ﻛﺘﻠﻪ
ﻭﺷﻜﺘﻠﻪ
ﻛﺘﻠﻪ ﺍﺑﻮ ﺩﻭﻣﻪ ﺍﻟﻘﺎﺋﺪ ﻣﺎ ﺗﻌﺮﻓﻪ ﻟﻌﺪ ﺍﻧﺖ ﻏﻴﺮ ﺩﺍﻋﺸﻲ
ﺷﻔﺘﻪ ﺧﺎﻑ ﻭﻧﺨﻄﻒ ﻟﻮﻧﻪ ﻭﻛﺎﻝ ﻫﺎ ﻻ ﺷﻠﻮﻥ ﻣﺎﻋﺮﻓﻪ ﺍﻋﺮﻓﻪ ﻃﺒﻌﺎ ﻫﻬﻪ
ﺩﻳﻠﻠﻪ ﻫﺴﻪ ﺍﻧﻲ ﺍﻟﻲ ﺣﺘﻪ ﺍﺧﻠﻲ ﺍﻟﺤﺐ ﺑﻠﺸﺮﺏ
ﻓﻌﻼ ﺭﺟﻌﻨﻪ ﺻﺮﺕ ﺑﻮﺟﻪ ﺍﻟﻮﻟﺪ ﺑﻘﻴﺖ ﺍﺳﺎﻟﻪ ﻟﺤﺘﻰ ﻋﻤﺮ ﺧﻠﻪ ﺍﻟﺤﺐ
ﺷﺎﻟﻮ ﺍﻟﺸﺮﺏ ﻭﺍﻟﻤﺰﻩ ﻭﺑﺪﺀ ﺍﻟﺮﻛﺺ
ﺑﻘﻴﻨﻪ ﻧﺴﺘﻤﻊ ﻟﻸﺻﻮﺍﺕ ﺷﻮﻳﻪ ﻫﺪﺋﺔ ﺍﻷﺻﻮﺍﺕ
ﺑﺎﻭﻋﺖ ﻟﻠﻄﺒﺎﺥ ﺍﻟﻲ ﻭﻳﺎﻧﻪ ﻭﺍﺷﺮﺕ ﺍﻟﻌﺰﻳﺰ
ﺧﻠﻪ ﺍﻳﺪﻩ ﻋﻠﻰ ﺣﻠﻚ ﺍﻟﻄﺒﺎﺥ ﻭﺳﺤﺒﻪ ﻟﻠﺤﻤﺎﻡ
ﺷﺪ ﺣﻠﻜﻪ ﻫﻮ ﻭ ﻋﻤﺮ ﻭﺭﺑﻄﻮﻩ ﻭﻃﻠﻌﻮﺍ
ﺩﺧﻠﻨﻪ ﻟﻠﺼﺎﻟﻪ ﺟﺎﻧﻮ ﻛﻠﻬﻢ ﻧﺎﻳﻤﻴﻦ
ﺍﻟﻲ ﺑﻠﻜﺎﻉ
ﻭﺍﻟﻲ ﻋﻠﻰ ﺍﻟﻜﺮﺳﻲ
ﻭﺍﻟﻲ ﻋﻠﻰ ﺍﻟﻄﺒﻠﻪ
ﺑﺎﻭﻋﺖ ﻋﻠﻰ ﺍﻟﻲ ﺑﻠﺸﺎﺭﻉ ﻭﺍﻛﻔﻴﻦ
ﺻﺤﺖ
ﻋﻤﺮﺭﺭﺭﺭﺭ
ﻧﻌﻢ ﺻﺎﺡ ﻋﻤﺮ
ﺍﺷﺮﺗﻠﻪ ﻋﻠﻰ ﺍﻟﻲ ﺑﻠﺒﺎﺏ
ﻛﺎﻝ ﺗﻤﺎﻡ
ﺩﺧﻞ ﺗﺮﺱ ﻛﻼﺻﺎﺕ ﻋﺼﻴﺮ ﻭﺧﻠﻪ ﺑﻴﻬﻦ ﺣﺐ ﻭﻃﻠﻊ ﺍﻟﻬﻢ
ﻛﻠﻬﻢ ﻫﺬﺍ ﺍﻟﻌﺼﻴﺮ ﺩﺯﻩ ﺍﻷﻣﻴﺮ ﻛﺎﻝ ﺣﺘﻰ ﺗﺼﺤﺼﺤﻮﻥ
ﺗﺸﻜﺮﻭ ﻣﻦ ﺍﻷﻣﻴﺮ ﻭﺷﺮﺑﻮﺍ ﺍﻟﻌﺼﻴﺮ
ﺑﺎﻭﻋﺖ ﻭﺍﺷﻮﻑ ﺍﺯﺍﺩ ﻣﻄﻠﻊ ﻣﻜﻴﻨﻪ ﻣﺎﻝ ﺣﻼﻗﻪ ﻭﻣﺎﺳﻚ ﻭﺍﺣﺪ ﻭﻳﻀﺤﻚ
ﻭﻟﻚ ﺷﺘﺴﻮﻱ
ﺍﻟﻪ ﺍﺯﻳﻨﻬﻢ ﺻﻔﺮ ﻫﻬﻬﻪ
ﺧﺮﺏ ﻏﻴﺮﺗﻚ ﻭﻟﻚ ﻣﻨﻴﻠﻚ ﻫﺎﻱ ﺍﻟﻤﻜﻴﻨﻪ
ﻫﻬﻬﻪ ﺟﺒﺘﻪ ﻭﻳﺎﻱ
ﻭﻟﻚ ﺍﺯﺍﺩ ﻭﻛﺖ ﺣﻼﻗﻪ ﻫﺴﻪ ﻧﺘﺮ ﻋﻤﺮ
ﻫﻬﻬﻪ ﺍﺑﺪ ﻭﺍﻟﻠﻪ ﺣﺎﻟﻒ ﻳﻤﻴﻦ ﺍﻟﻪ ﺍﺯﻳﻨﻬﻢ ﻛﺮﻋﻪ
ﺍﻑ ﻳﻠﻠﻪ ﺑﺴﺮﻋﻪ ﺧﻠﺼﻨﻪ ﺻﺤﺖ ﺑﻴﻪ
ﻟﺰﻡ ﻋﺰﻳﺰ ﻭﺍﺣﺪ ﻭﺑﺪﺀ ﺃﺯﺍﺩ ﻳﺰﻳﻦ ﺑﻴﻪ
ﻭﺍﻟﻀﺤﻚ ﺑﻔﻠﺲ
.....
ﺧﻠﺺ ﻭﺍﺣﺪ ﻭﺩﺍﺭ ﻋﻠﻰ ﺍﻟﺜﺎﻧﻲ ﺻﺤﺖ ﺑﻴﻪ ﻋﻮﻓﻪ ﻭﺷﻴﻞ ﺍﻷﻣﻴﺮ
ﻣﻴﺨﺎﻟﻒ ﺍﺯﻳﻦ ﺍﻷﻣﻴﺮ ﻭﻳﻐﺎﻣﺰ
ﻫﻬﻪ ﻣﻴﺨﺎﻟﻒ ﺑﺲ ﺑﻠﺴﻴﺎﺭﻩ
ﺧﻮﺵ ﺟﺎﻭﺏ ﺑﻔﺮﺡ
ﺷﺎﻝ ﺃﺯﺍﺩ ﻭﻋﺰﻳﺰ ﺍﻷﻣﻴﺮ ﻭﺍﻧﺎ ﻭﻋﻤﺮ ﻃﻠﻌﻨﻪ ﻧﺄﻣﻦ ﺍﻟﻄﺮﻳﻖ
ﺍﺷﺮﻧﻪ ﻟﻠﻀﺎﺑﻂ ﻭﻃﻠﻌﻨﻪ
ﺭﻛﻆ ﻓﺘﺤﻨﻪ ﺑﺎﺏ ﺍﻟﺴﻴﺎﺭﻩ ﻭﺩﺧﻠﻨﻪ
ﻛﻌﺪ ﺍﺯﺍﺩ ﻭﻋﺰﻳﺰ ﻭﺑﻠﻨﺺ ﺣﻄﻮ ﺍﻷﻣﻴﺮ
ﺣﺮﻛﺖ ﺍﻟﺴﻴﺎﺭﻩ ﻭﺑﺪﺀ ﺃﺯﺍﺩ ﻳﺰﻳﻦ ﻟﻸﻣﻴﺮ ﻭﻋﺰﻳﺰ ﻻﺯﻣﻪ
ﻫﺎﻱ ﺷﻨﻮ ﻫﻬﻬﻬﻬﻪ ﺳﺄﻝ ﺍﻟﻀﺎﺑﻂ
ﻛﻠﻪ ﺃﺯﺍﺩ ﺳﻴﺪﻱ ﺃﻧﻲ ﺣﺎﻟﻒ ﺑﺲ ﺃﻋﺜﺮ ﻋﻠﻰ ﺩﺍﻋﺸﻲ ﺇﻟﻰ ﺍﺯﻳﻨﻪ
ﻫﻬﻬﻪ ﻭﺍﻟﻠﻪ ﻋﻔﻴﻪ ﻋﻠﻴﻚ ﺣﺘﻰ ﺍﺫﺍ ﺳﺄﻟﻮ ﻋﻠﻴﻪ ﻧﻜﻠﻬﻢ ﻫﺬﺍ ﻣﺮﺗﺪ ﻣﺎﺧﺬﻳﻨﻪ ﻧﻘﻴﻢ ﻋﻠﻴﻪ ﺍﻟﺤﺪ
ﻭﺻﻠﻨﻪ ﺍﻭﻝ ﺳﻴﻄﺮﻩ ﻛﻠﻬﻢ ﺍﻟﻀﺎﺑﻂ ﻫﺬﺍ ﻣﺮﺗﺪ ﻭﻣﺎﺧﺬﻳﻨﻪ ﻧﻘﻴﻢ ﻋﻠﻴﻪ ﺍﻟﺤﺪ
ﻓﻌﻼ ﻣﺸﺖ ﻋﻠﻴﻬﻢ ﺍﻟﺤﻴﻠﻪ ﻷﻥ ﺑﻌﺪ ﻣﺎﺯﻳﻨﻪ ﺃﺯﺍﺩ ﻃﻠﻊ ﺷﺨﺺ ﺛﺎﻧﻲ
ﻣﺮﻳﻨﻪ ﻋﻠﻰ ﺍﺭﺑﻊ ﺳﻴﻄﺮﺍﺕ
ﺁﺧﺮ ﺳﻴﻄﺮﻩ ﻣﻨﻬﻪ ﺍﻟﺼﺤﺮﺍﺀ
ﺷﻔﻨﻪ ﺍﻟﻮﻇﻊ ﻣﻮ ﻃﺒﻴﻌﻲ
ﺍﻟﻀﺎﺑﻂ .... ﻃﺒﻌﺎ ﻋﺪﻫﻢ ﺧﺒﺮ ﺍﻧﺘﺒﻬﻮﺍ ﺯﻳﻦ
ﺍﻛﻠﻚ ﺫﻭﻟﻪ ﻧﻔﺴﻬﻢ ﺍﻟﻲ ﻣﻦ ﺩﺧﻠﻨﻪ ﺷﻔﻨﺎﻫﻢ
ﻻ ﻳﺘﻐﻴﺮﻭﻥ ﻛﻞ ﻛﻢ ﺳﺎﻋﻪ
ﻭﻛﻔﻨﻪ ﻳﻤﻬﻢ ﺩﻙ ﻋﻠﻰ ﺍﻟﺴﻴﺎﺭﻩ ﻧﺰﻝ ﺍﻟﺠﺎﻡ
ﺣﺠﻪ ﻭﻳﺎ ﺍﻟﻀﺎﺑﻂ ﻛﻠﻪ
ﻣﻨﻮ ﺍﻧﺘﻮ ﻭﻳﻦ ﻃﺎﻟﻌﻴﻦ ﺑﻬﻞ ﻟﻴﻞ ﻣﻦ ﺍﻷﻧﺒﺎﺭ
ﺃﻧﻲ ..... ﻭﻃﺎﻟﻊ ﻋﺪﻱ ﻣﻬﻤﻪ ﺍﺭﻳﺪ ﺍﻗﻮﻡ ﺑﻴﻪ
ﺑﺎﻭﻉ ﻟﻸﻣﻴﺮ ﻭﻛﺎﻝ
ﻫﺬﺍ ﺷﺒﻴﻪ ﻧﺎﻳﻢ
ﻣﺎﺑﻴﻪ ﺧﻄﻴﻪ ﻋﻨﺪﻩ ﻣﻐﺺ
ﺩﻙ ﻋﻠﺒﺎﺏ ﻭﻛﺎﻝ ﺍﻧﺰﻟﻮﺍ
ﺃﻧﻲ ﻛﺎﻋﺪ ﻳﻢ ﺍﻟﻀﺎﺑﻂ ﺑﺎﻭﻋﺖ ﻋﻠﻴﻪ ﺃﺷﺮﺗﻠﻪ ﺣﺮﻙ ﺍﻟﺴﻴﺎﺭﻩ
ﺩﺭﺕ ﻭﺟﻬﻲ ﻟﻠﻮﻟﺪ ﻭﻃﻠﻌﺖ ﺍﻟﻤﺴﺪﺱ
ﻛﻠﻨﻪ ﺑﻮﻗﺖ ﻭﺍﺣﺪ ﻃﻠﻌﻨﻪ ﺳﻼﺣﻨﻪ ﻭﺭﻣﻴﻨﻪ ﻋﻠﻴﻬﻢ
ﻫﻤﻪ ﻣﺎﺟﺎﻥ ﻣﺘﺤﻈﺮﻳﻦ ﻛﺘﻠﻨﻪ ﺛﻨﻴﻦ ﻣﻨﻬﻢ
ﻭﺷﺨﻂ ﺍﻟﺴﻴﺎﺭﻩ
ﺍﻟﺮﻣﻲ ﺻﺎﺭ ﻭﺭﺍﻧﻪ
ﻭﺍﺣﻨﻪ ﻧﻤﺸﻲ ﺑﻜﻞ ﺳﺮﻋﺘﻨﻪ
ﺑﻘﻴﻨﻪ ﻳﻤﻜﻦ ﻧﺺ ﺳﺎﻋﻪ ﻋﻠﻰ ﻓﺪ ﺳﺮﻋﻪ ﺑﻌﺪﻩ ﺧﻔﻒ ﻷﻥ ﺍﺑﺘﻌﺪﻧﻪ ﻋﻨﻬﻢ
ﺑﻌﺪ ﻣﺎﻟﻲ ﺭﺟﻌﻪ ﺍﻛﻴﺪ ﺍﻧﻌﺮﻓﺖ ﻛﺎﻝ ﺍﻟﻀﺎﺑﻂ
ﻭﺭﻯ ﺳﺎﻋﻪ ﻭﺻﻠﻨﻪ ﻟﻠﻤﻘﺮ
ﺗﻠﻜﺎﻧﻪ ﺍﺧﺬﻭ ﺍﻷﻣﻴﺮ ﻣﻦ ﻋﺪﻧﻪ
ﻭﺍﺣﻨﻪ ﺩﺧﻠﻨﻪ ﻋﻠﻰ ﺍﻟﻘﺎﺋﺪ
ﻗﺪﻣﺘﻪ ﺍﻟﺘﻘﺮﻳﺮ ﻭﺟﺎﻥ ﺍﻟﻘﺎﺋﺪ ﻛﻠﺶ ﻓﺮﺣﺎﻥ ﺑﻨﺠﺎﺡ ﺍﻟﻤﻬﻤﻪ
ﺑﻌﺪﻩ ﺃﺫﻥ ﺍﻷﺫﺍﻥ ﺻﻠﻴﻨﻪ ﻭﻧﻤﻨﻪ
ﻛﺎﻧﺖ ﻟﻴﻠﻪ ﻛﻠﺶ ﻣﺘﻌﺒﻪ ﺭﻏﻢ ﺫﺍﻟﻚ ﻇﺤﻜﻨﻪ ﻭﺗﻮﻧﺴﻨﻪ ﺑﻴﻬﻪ
ﺑﻌﺪ ﻫﺎﻱ ﺍﻟﻌﻤﻠﻴﻪ ﻣﺎﻃﻠﻌﻨﻪ ﻻﻥ ﺍﻧﻄﻮﻧﻪ ﺭﺍﺣﻪ ﻳﻮﻣﻴﻦ
ﺑﻴﻮﻡ ﻛﺎﻋﺪﻳﻦ ﺑﺎﺏ ﺍﻟﻤﻘﺮ ﻻﺯﻣﻴﻦ ﻭﺍﺟﺐ ﺃﻧﻲ ﻭﻋﺰﻳﺰ
ﻃﺒﻌﺎ ﻋﺰﻳﺰ ﺻﺎﺭ ﻣﻦ ﺍﻟﻤﻘﺮﺑﻴﻦ ﺍﻟﻨﻪ ﻭﺻﺎﺭ ﻳﻨﺎﻡ ﻭﻳﻜﻌﺪ ﻭﻳﺎﻧﻪ
.....
ﺍﻟﺴﺎﻋﻪ ﺗﻘﺮﻳﺒﺎ ﺛﻨﺘﻴﻦ ﺑﻠﻴﻞ
ﻣﺨﺪﺭﻳﻦ ﻗﻮﺭﻱ ﺟﺎﻱ ﻭﺍﻟﺠﻜﺎﻳﺮ ﻳﻤﻨﻪ ﻭﻛﺎﻋﺪﻳﻦ
ﻧﺴﻮﻟﻒ
ﻛﺘﻠﻪ
ﻋﺰﻭﺯ ﺍﻧﺖ ﻣﺘﺰﻭﺝ
ﻻ
ﻟﻴﺶ ﺷﻌﺠﺐ ﺍﻧﺖ ﻣﻮ ﺻﻐﻴﺮ
ﻫﻬﻬﻪ ﺍﻧﺖ ﻫﻢ ﻣﻮ ﺻﻐﻴﺮ ﻟﻴﺶ ﻣﺎﺗﺘﺰﻭﺝ
ﻭﺍﻟﻠﻪ ﺃﻧﻲ ﻻﻥ ﺍﻛﺒﺮ ﺍﺧﻮﺗﻲ ﻓﻘﺮﺭﺕ ﻣﺎ ﺍﺗﺰﻭﺝ ﺍﺫﺍ ﻣﺎ ﺯﻭﺟﺖ ﺍﺧﻮﺗﻲ ﻭﺍﻧﺖ
ﻳﻤﻌﻮﺩ ﻣﻨﻮ ﻳﻨﻄﻲ ﺍﻟﻮﺍﺣﺪ ﻋﻠﻰ ﺳﺎﻋﻪ ﻭﺍﺳﺘﺸﻬﺪ
ﻻ ﻳﺨﻮﻱ ﻗﻞ ﻳﺪﺭﻛﻢ ﺍﻟﻤﻮﺕ ﺣﺘﻰ ﻟﻮ ﻛﻨﺘﻢ ﻓﻲ ﺑﺮﻭﺝ ﻣﺸﻴﺪﻩ
ﺻﺪﻕ ﺍﻟﻠﻪ ﺍﻟﻌﻈﻴﻢ
ﺻﺪﻕ ﺍﻟﻠﻪ ﺍﻟﻌﻈﻴﻢ
ﺑﺲ ﻣﻨﻮ ﻳﻔﻬﻢ ﻫﻠﺤﺠﻲ ﻣﺎﺩﺍﻡ ﺍﻧﺖ ﺟﻨﺪﻱ ﻻﺯﻡ ﻣﺎ ﺗﺄﺫﻳﺖ ﺑﻨﺎﺕ ﺍﻟﻌﺎﻟﻢ ﻭﻳﺎﻙ
ﻻ ﻣﻮ ﺻﺢ ﻷﻥ ﻳﺠﻮﺯ ﺃﻧﻲ ﻣﺎ ﺍﻣﻮﺕ ﻫﻨﺎ ﻣﻦ ﺍﺭﺟﻊ ﻟﻠﺒﻴﺖ ﺍﻣﻮﺕ ﺑﺤﺎﺩﺙ ﻳﻌﻨﻲ ﻣﻮ ﺷﺮﻁ ﻣﺪﺍﻡ ﺟﻨﺪﻱ ﺍﺳﺘﺸﻬﺪ ﻣﻮ ﻗﻴﺎﺱ ﻫﺬﺍ
ﺃﻧﻲ ﻭﺍﻧﺖ ﻧﻜﻮﻝ ﻫﻠﺸﻲ ﺑﺲ ﺍﻛﻮ ﻧﺎﺱ ﻣﺘﻔﻜﺮ ﻫﻴﺞ
ﻣﻮ ﻛﻠﻪ ﻳﺨﻮﻱ
ﻭﺍﻟﻠﻪ ﺍﻟﻲ ﺍﻋﺮﻓﻬﻢ ﻣﻨﻲ ﻭﺑﻴﻪ ﻫﻴﺞ ﺗﻔﻜﻴﺮﻫﻢ
ﺷﻠﻮﻥ ﺑﻠﻠﻪ ﺳﻮﻟﻔﻠﻲ
ﺍﺧﺨﺨﺨﺦ ﻳﺨﻮﻱ ﺷﺴﻮﻟﻔﻠﻚ
ﺃﻧﻲ ﻋﻨﺪﻱ ﺑﺖ ﻋﻤﻲ ﻣﻦ ﺃﻧﻲ ﺻﻐﻴﺮ ﻭﻫﻴﻪ ﻣﻜﺘﻮﺑﻪ ﺑﺄﺳﻤﻲ
ﻛﻞ ﺍﻟﻲ ﻳﻜﻮﻡ ﻳﻜﻮﻝ
ﺯﻳﻨﻪ ﺍﻟﻌﺰﻳﺰ ﻭﻋﺰﻳﺰ ﺍﻟﺰﻳﻨﻪ
ﺟﻨﺖ ﻣﺴﺆﻝ ﻋﻨﻪ ﺑﻠﻤﺪﺭﺳﻪ ﺑﻠﺒﻴﺖ ﺑﻠﺸﺎﺭﻉ
ﺍﻣﺸﻲ ﺣﻤﺎﻳﻪ ﺍﻟﻪ
ﻳﻨﻄﻮﻧﻲ ﻳﻮﻣﻴﺘﻲ ﺍﺭﻭﺡ ﺍﻛﺴﻤﻪ ﺑﻠﻨﺺ ﺃﻧﻲ ﻭﻫﻴﻪ
ﺍﺫﺍ ﺍﻣﻲ ﺳﻮﺕ ﻛﻴﻜﻪ ﻻﺯﻡ ﺣﺼﺖ ﺯﻳﻨﻪ ﺗﻌﺰﻟﻪ
ﺑﻠﻤﺪﺭﺳﻪ ﺍﻟﻲ ﻳﻨﺪﻙ ﺑﺰﻳﻨﻪ ﻳﺤﺴﺐ ﺍﻟﻠﻪ ﻣﺎﺧﻠﻘﻪ ﺍﻃﻴﺢ ﻋﻠﻴﻪ ﻏﻀﺐ
ﺣﺘﻰ ﻫﻴﻪ ﺟﺎﻧﺖ ﻣﻦ ﺗﺮﻳﺪ ﺷﻲ ﺗﺠﻴﻨﻲ ﺭﻏﻢ ﺑﻴﺘﻨﻪ ﺑﻌﻴﺪ ﻋﻦ ﺑﻴﺘﻬﻢ ﺑﺸﺎﺭﻋﻴﻦ ﺑﺲ ﺗﺠﻴﻨﻲ
ﻣﻦ ﻳﺴﺌﻠﻮﻫﻪ ﺷﻮﻛﺖ ﺗﺘﺰﻭﺟﻴﻦ
ﺗﻜﻮﻝ ﻣﻦ ﻧﻜﺒﺮ ﺃﻧﻲ ﻭﻋﺰﻳﺰ
ﻣﻦ ﻛﺒﺮﺕ ﺍﺷﺘﻐﻠﺖ ﻭﻳﻪ ﺍﺑﻮﻱ ﺑﻤﺤﻞ ﻣﺎﻝ ﺣﺪﺍﺩﻩ
ﻧﻠﺤﻢ ﺑﻴﺒﺎﻥ ﺷﺒﺎﺑﻴﻚ ﻭﻧﺴﻮﻱ ﻣﺤﺠﺮﺍﺕ ﻫﻴﺞ ﺷﻲ
ﺃﻧﻲ ﺍﻟﻮﺳﻄﺎﻧﻲ ﻟﻬﻠﻲ
ﻭﻋﻨﺪﻱ ﺍﺧﻮﻱ ﺍﻷﻛﺒﺮ ﻣﻨﻲ ﻃﺎﻟﺐ ﻣﻘﺮﻳﻴﻦ ﺑﺲ ﻳﺘﺨﺮﺝ ﻧﺘﺰﻭﺝ ﺃﻧﻲ ﻭﻳﺎ
ﻟﺤﺪ ﻣﺎ ﺩﺧﻞ ﺩﺍﻋﺶ
ﺷﻔﺖ ﺍﻟﺸﺒﺎﺏ ﻛﻠﻪ ﺗﻄﻮﻋﺔ ﺗﺨﺒﻠﺖ ﺑﺼﺮﺍﺣﻪ ﻏﺮﺕ ﻋﻠﻰ ﻛﺎﻋﻲ ﻭﺷﺮﻓﻲ
ﺭﺣﺖ ﺍﺗﻄﻮﻋﺖ
ﺍﻧﻄﻮﻧﻲ ﺗﺠﻬﻴﺰﺍﺕ ﻭﺑﺎﺟﺮ ﻻﺯﻡ ﺍﻟﺘﺤﻖ
ﺭﺣﺖ ﺧﺒﺮﺕ ﺍﻣﻲ ﻭﺍﺑﻮﻱ
ﻃﺒﻌﺎ ﺍﻧﻘﻬﺮﻭ ﻭﺧﺎﻓﻮﺍ ﻋﻠﻴﻪ ﺑﺲ ﺍﻧﻲ ﻃﻤﻨﺘﻬﻢ ﻭﻛﺘﻠﻬﻢ ﻣﺤﺪ ﻳﻤﻮﺕ ﺑﻐﻴﺮ ﻳﻮﻣﻪ
ﺑﻌﺪﻩ ﺭﺣﺖ ﻋﻠﻰ ﺑﻴﺖ ﻋﻤﻲ ﺳﻠﻤﺖ ﻋﻠﻴﻬﻢ ﻭﻛﻌﺪﺕ
ﺍﺟﺖ ﺯﻳﻨﻪ ﻳﻤﻲ ﻷﻥ ﺑﺎﻋﺘﺒﺎﺭ ﻣﺨﻄﻮﺑﻴﻦ
ﻛﻌﺪ ﻋﻤﻲ ﻭﻣﺮﺕ ﻋﻤﻲ
ﻛﺘﻠﻬﻢ
ﻋﻤﻲ ﺃﻧﻲ ﺗﻄﻮﻋﺔ ﺑﻠﺤﺸﺪ
ﺷﻨﻮ ﺗﻄﻮﻋﺔ ﺻﺎﺡ ﻋﻤﻲ
ﺯﻳﻨﻪ ﻟﻄﻤﺖ ﻋﻠﻰ ﺻﺪﺭﻩ ﻭﻛﺎﻟﺖ ﻋﺰﻩ ﺍﻟﻌﺰﺍﻧﻲ
ﻋﻤﺘﻲ ﺻﺎﺣﺖ ﻳﺒﻮﻭﻭﻭ ﻟﻴﺶ ﻭﻟﻚ
ﺃﻧﻲ ﺑﻘﻴﺖ ﺻﺎﻓﻦ ﺷﺒﻴﻬﻢ ﺫﻭﻟﻪ ﺣﺘﻰ ﺍﻫﻠﻲ ﻣﺎ ﺳﻮﻭ ﻫﻴﺞ ﻛﺘﻠﻬﻢ
ﺷﺒﻴﻜﻢ ﻳﻤﻌﻮﺩﻳﻦ ﻛﻮﻟﻮ ﻳﺎﻟﻠﻪ
ﻳﺎ ﺍﻟﻠﻪ ﻛﺎﻝ ﻋﻤﻲ ﺑﺲ ﺍﻟﻠﻪ ﻳﻌﺮﻓﻮﻧﻪ ﺑﻠﻌﻘﻞ ﺍﻟﺤﺸﺪ ﺑﻨﺺ ﺍﻟﺤﺮﺏ ﻣﻨﻮ ﻳﻜﻮﻝ ﺭﺍﺡ ﺗﺮﺟﻊ ﺳﺎﻟﻢ
......
ﻛﻮﻝ ﻳﺎﻟﻠﻪ ﻋﻤﻲ ﺷﻨﻲ ﺍﻟﻘﻈﻴﻪ ﻭﻳﻌﻨﻲ ﺃﻧﻲ ﻟﻮ ﺍﺝ ﺍﺟﻠﻲ ﻣﺎ ﺭﺍﺡ ﺍﻣﻮﺕ ﻟﻮ ﻣﺎ ﺟﻨﺖ ﺑﻠﺤﺸﺪ
ﻣﻮ ﻣﺎﻧﻌﺮﻑ ﺑﺲ ﻣﺎﺩﺍﻡ ﺍﻧﺖ ﺑﻠﺤﺸﺪ ﺍﻛﻴﺪ ﻳﺠﻲ ﻳﻮﻡ ﻭﺗﺴﺘﺸﻬﺪ
ﻭﺍﻟﻠﻪ ﻋﻤﻲ ﻟﻮ ﺟﺎﻥ ﻗﺪﺭﻱ ﺍﻣﻮﺕ ﺷﻬﻴﺪ ﻓﻴﺎ ﻣﺤﻼ ﺍﻟﻤﻮﺕ ﺷﻬﻴﺪ
ﻭﺯﻳﻨﻪ ﺷﻠﻮﻥ
ﺯﻳﻨﻪ ﺷﺒﻴﻬﻪ
ﻳﻌﻨﻲ ﻟﻮ ﺍﺳﺘﺸﻬﺪﺕ
ﻫﻬﻪ ﻋﻮﺩ ﺗﺘﺰﻭﺝ ﻇﺤﻜﺖ ﺑﻘﻬﺮ
ﻭﺍﻟﻠﻪ ﻋﻤﻲ ﺃﻧﻲ ﻣﺎ ﺍﻧﻄﻲ ﺑﺘﻲ ﺍﻟﻮﺍﺣﺪ ﻣﺎﻧﻌﺮﻑ ﺭﺍﺡ ﻳﻄﻠﻊ ﻋﻠﻴﻪ ﺍﻟﺼﺒﺢ ﻋﺪﻝ
ﺻﻔﻨﺖ ﻛﺘﻠﻪ ﻳﻌﻨﻲ ﺷﻨﻮ ﻗﺼﺪﻙ
ﻗﺼﺪﻱ ﻣﺎ ﺍﻧﻄﻲ ﺑﺘﻲ ﺍﻟﻮﺍﺣﺪ ﺑﻠﺤﺸﺪ ﺑﻄﻞ ﻭﺗﺰﻭﺟﻮﺍ
ﻭﺍﺫﺍ ﻣﺎ ﺑﻄﻠﺖ
ﻣﺎﻟﻚ ﻣﺮﻩ ﻋﻨﺪﻱ
ﺣﻘﻴﻘﻪ ﺍﻧﺼﺪﻣﺖ ﺑﺎﻭﻋﺖ ﺍﻟﺰﻳﻨﻪ ﺑﻠﻜﺖ ﺍﻟﻜﻪ ﻋﺪﻩ ﺃﻣﻞ ﺗﻜﻠﻲ ﺃﻧﻲ ﻭﻳﺎﻙ ﺑﺲ ﻟﻜﻴﺘﻪ ﻣﻘﺘﻨﻌﻪ ﺑﺤﺠﻲ ﺍﺑﻮﻫﻪ
ﺩﻧﻜﺖ ﻭﻛﺘﻠﻪ ﻳﻌﻨﻲ ﺍﺧﺮ ﺣﺠﻲ ﺷﻨﻮﺍ
ﺁﺧﺮ ﺣﺠﻲ ﺗﺨﺘﺎﺭ ﻟﻮ ﺑﺘﻲ ﻟﻮ ﺍﻟﺤﺸﺪ
ﻛﻤﺖ ﻭﺍﻧﻲ ﺯﻋﻼﻥ ﻭﻛﺘﻠﻬﻢ ﺍﻟﻠﻪ ﻛﺮﻳﻢ ﺑﺎﺟﺮ ﺍﺭﺩﻟﻜﻢ ﺧﺒﺮ
ﺃﻧﻲ ﻣﺘﻌﻮﺩ ﻣﻦ ﺍﺣﻴﺮ ﺍﺳﺘﺨﻴﺮ ﻋﻨﺪﻱ ﺭﺍﻳﻪ ﺍﺑﻮ ﻓﺎﺿﻞ ﺃﺷﺪﻩ ﻭﺍﺣﺠﻲ ﺍﻟﻲ ﺑﻜﻠﺒﻲ ﻭﺍﻧﺎﻡ
ﻳﺠﻴﻨﻲ ﺣﻠﻢ ﻳﻨﻄﻴﻨﻲ ﺟﻮﺍﺏ
ﺑﻴﻮﻣﻪ ﺭﺟﻌﺖ ﻟﻠﺒﻴﺖ ﺷﺪﻳﺖ ﺍﻟﺮﺍﻳﻪ ﻭﻧﺨﻴﺖ ﺍﺑﻮ ﻓﺎﺿﻞ ﻳﺮﺍﻭﻳﻨﻲ ﺣﻞ ﺍﻟﻤﺸﻜﻠﺘﻲ
ﻧﻤﺖ ﻭﺷﻔﺖ ﺑﻠﺤﻠﻢ
ﺟﻦ ﺍﻧﺎ ﻭﺍﻛﻒ ﺑﺠﺰﻳﺮﻩ ﺑﻠﺸﻂ ﻣﺮﺕ ﻋﻠﻴﻪ ﺳﻔﻴﻨﻪ ﻣﺘﺮﻭﺳﻪ ﺷﺒﺎﺏ
ﻭﺍﻟﺮﺑﺎﻥ ﺷﺨﺺ ﻭﺟﻬﻪ ﻣﺜﻞ ﺍﻟﻜﻤﺮ
ﻭﺻﻠﺖ ﻳﻤﻲ ﺍﻟﺴﻔﻴﻨﻪ ﻭﻛﻔﺖ
ﻧﺰﻝ ﺍﻟﺮﺑﺎﻥ ﻛﻠﻲ
ﺍﻟﺴﻼﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ
ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ
ﻫﺎ ﻋﻤﻲ ﺷﻮ ﻭﺍﻛﻒ ﺑﻠﻨﺺ
ﻭﺍﻟﻠﻪ ﻋﻤﻲ ﻣﺤﺘﺎﺭ ﻣﺎﻋﺮﻑ ﻭﻳﻦ ﺍﺭﻭﺡ
ﻋﻤﻲ ﻻ ﺗﺤﺘﺎﺭ ﺑﺎﻭﻉ ﺑﻌﻴﻨﻚ ﻭﺍﻧﺖ ﺗﻌﺮﻑ ﻃﺮﻳﻘﻚ
ﺷﻮﻑ ﻫﻨﺎ ﺍﻟﺤﻴﺎﺓ ﻭﺃﺷﺮ ﻋﻠﻰ ﺟﻬﺔ ﻣﻦ ﺍﻟﺸﻂ ﺑﺎﻭﻋﺖ ﺟﻨﻪ ﻣﻮ ﺑﺴﺘﺎﻥ ﺃﺷﻜﺎﻝ ﺍﻷﺷﺠﺎﺭ ﺑﻴﻪ ﻭﺳﻤﺎﻫﻪ ﺻﺎﻓﻴﻪ ﻟﻮﻧﻪ ﺍﺯﺭﻕ ﺻﺎﻓﻲ
ﻛﻤﻞ ﺣﺠﻲ ﻭﻛﺎﻝ
ﻭﻫﺎﻱ ﺣﻴﺎﺓ ﻭﺃﺷﺮ ﻋﻠﻰ ﺍﻟﺠﻬﻪ ﺍﻟﺜﺎﻧﻴﻪ
ﺑﺎﻭﻋﺖ ﻟﻨﻬﻪ ﻛﺎﻉ ﺻﺒﺨﻪ ﻣﺎﺑﻴﻪ ﺣﻴﺎﺓ ﺑﺲ ﺍﻟﻤﻠﺢ ﺗﺎﺭﺳﻬﻪ
ﻭﻫﺴﻪ ﺷﻨﻮ ﺗﺨﺘﺎﺭ
ﻛﺘﻠﻪ ﺍﻧﺘﻢ ﻭﻳﻦ ﺭﺍﻳﺤﻴﻦ
ﻛﺎﻝ ﺭﺍﻳﺤﻴﻦ ﻟﻠﺒﺴﺘﺎﻥ ﻣﺎﺧﺬ ﻫﺎﻱ ﺍﻟﺸﺒﺎﺏ ﻟﺒﻴﻮﺗﻬﻢ ﻭﺃﺷﺮ ﻋﻠﻰ ﺟﻬﺔ ﺍﻟﺒﺴﺘﺎﻥ
ﻛﺘﻠﻪ ﺟﺎ ﺍﺭﻭﺡ ﻭﻳﺎﻙ
ﺟﻨﻲ ﺻﻌﺪﺕ ﻭﻳﺎﻫﻢ ﻭﺻﻠﻨﻪ ﻟﻠﺒﺴﺘﺎﻥ
ﻧﺰﻟﻨﻪ ﺗﻠﻜﻨﻪ ﻛﻞ ﺑﻨﻴﻪ ﻭﺍﻟﻠﻪ ﻋﻤﺮﻱ ﻣﺎﺷﺎﻳﻒ ﻫﻴﺞ ﺟﻤﺎﻝ
ﺑﻴﺪ ﻛﻞ ﻭﺣﺪﻩ ﻛﻼﺹ ﺗﻠﻜﺘﻨﻲ ﻭﺣﺪﻩ ﻛﺎﻟﺖ
ﺗﻔﻈﻞ ﻫﺬﺍ ﺷﺮﺍﺑﻚ
ﺍﺧﺬﺕ ﻣﻨﻬﻪ ﺍﻟﻜﻼﺹ ﺷﺮﺑﺘﻪ ﻭﻓﺰﻳﺖ
ﻛﻌﺪﺕ ﺳﻠﻤﺖ ﻋﻠﻰ ﺍﺑﻮ ﻓﺎﺿﻞ ﺍﻟﻌﺒﺎﺱ ﺳﻼﻡ ﺍﻟﻠﻪ ﻋﻠﻴﻪ
ﻭﻟﻤﻴﺖ ﻏﺮﺍﻇﻲ ﻭﺍﻟﺘﺤﻘﺖ ﻟﻠﺤﺸﺪ
ﻳﻌﻨﻲ ﺍﺧﺘﺎﺭﻳﺖ ﺍﻟﺤﻮﺭ ﺍﻟﻌﻴﻦ
ﻃﺒﻌﺎ ﻟﻌﺪ ﺍﺧﺘﺎﺭ ﺍﻟﺪﻧﻴﻪ ﻋﻤﻲ ﻭﺍﻟﻠﻪ ﻟﻮ ﺷﺎﻳﻔﻬﻦ ﺑﻮﻳﻪ ﺟﺎﻥ ﻗﺎﺗﻠﺖ ﻟﻠﺸﻬﺎﺩﻩ
ﻭﻫﺴﻪ ﺑﺖ ﻋﻤﻚ ﻭﻳﻦ ﺻﺎﺭﺕ
ﻫﻬﻬﻬﻬﻪ ﺗﺪﺭﻱ ﺫﺍﻙ ﺍﻟﻴﻮﻡ ﺳﻤﻌﺖ ﺑﻴﻪ ﻣﺘﺰﻭﺟﻪ ﻫﻬﻬﻬﻬﻪ ﻭﺭﺟﻠﻪ ﻣﺴﻮﻱ ﺣﺎﺩﺙ ﻭﻣﻴﺖ
ﻻ ﺑﺮﺑﻚ ﺳﺒﺤﺎﻥ ﺍﻟﻠﻪ
ﺷﻔﺖ ﺷﺎﺭﺩﻳﻦ ﻣﻦ ﺍﻟﻘﺪﺭ ﻟﺤﻜﻬﻢ
ﻣﺮﺕ ﺍﻷﻳﺎﻡ ﺑﻴﻦ ﺍﻷﺳﻨﺎﺩ ﻭﺍﻟﺪﻭﺭﻳﺎﺕ
ﻟﺤﺪ ﻣﺎ ﺗﺤﺮﺭﺕ ﺍﻷﻧﺒﺎﺭ
ﻣﻦ ﺩﺧﻠﻨﻪ ﻟﻸﻧﺒﺎﺭ ﻭﺍﺟﻬﻨﻪ ﺻﻌﻮﺑﺎﺕ ﻫﻮﺍﻱ
ﻓﻮﺟﻨﻪ ﻃﺐ ﺑﻠﻴﻞ ﻇﻠﻤﻪ ﻭﺍﻟﻤﺪﺍﻓﻊ ﻭﺍﻟﺪﺑﺎﺑﺎﺕ
ﺍﻟﺪﺧﺎﻥ ﺻﺎﻋﺪ ﻣﻦ ﻛﻞ ﻣﻜﺎﻥ
ﺩﺧﻠﻨﻪ ﺇﻟﻰ ﻗﻀﺎﺀ ﺍﻟﻘﺎﺋﻢ ﺑﺤﺪﻭﺩ ﺍﻟﻌﺮﺍﻕ ﺟﺎﻧﺖ ﻣﻨﻄﻘﻪ ﺣﺪﻭﺩﻳﺔ ﺩﺧﻠﻨﻪ ﻳﻮﻡ ﺍﻟﺠﻤﻌﻪ
ﻛﺪﺭﻧﻪ ﻧﺴﻴﻄﺮ ﻋﻠﻰ ﺍﻟﻤﻨﻄﻘﻪ
ﺑﻌﺪﻩ ﻧﻘﻠﻮﻧﻪ ﻋﻠﻰ ﺍﻟﺤﺪﻭﺩ ﺍﻟﻌﺮﺍﻗﻴﻪ
ﻭﺑﻴﻮﻡ ﻗﺒﻞ ﺗﺤﺮﻳﺮ ﺍﻷﻧﺒﺎﺭ ﻃﻠﻊ ﺍﻟﻘﺎﺋﺪ ﻛﺎﻝ
ﺍﻛﻮ ﻣﺠﻤﻮﻋﻪ ﻣﻦ ﺍﻟﺠﻴﺶ ﺍﻟﻌﺮﺍﻗﻲ ﻣﺤﺎﺻﺮﻳﻦ ﺑﺤﺪﻭﺩ ﺍﻷﻧﺒﺎﺭ
ﺑﻴﻦ ﺍﻷﻧﺒﺎﺭ ﻭﻧﻴﻨﻮﻯ
ﻭﻻﺯﻡ ﻧﺴﻮﻱ ﻋﻠﻴﻬﻢ ﺇﻧﺰﺍﻝ ﺑﻠﻄﺎﺋﺮﺍﺕ ﻷﻥ ﺩﺍﻋﺶ ﻣﺴﻴﻄﺮ ﻋﻠﻰ ﻧﻴﻨﻮﻯ ( ﺍﻟﻤﻮﺻﻞ )
ﻓﺨﺘﺎﺭ ﻣﻦ ﻋﺪﻧﻪ ﻋﺸﺮ ﺃﺷﺨﺎﺹ
ﻃﺒﻌﺎ ﺍﻧﺎ ﻭﻋﺰﻳﺰ ﻭ ﺃﺯﺍﺩ ﻭﻋﻤﺮ ﻭﻣﻌﺎﻧﺎ ﺳﺘﻪ
ﺭﺣﻨﻪ ﺍﺳﺘﻌﺪﻳﻨﻪ ﻭﺍﺟﺖ ﻋﻠﻴﻨﻪ ﺍﻟﻄﻴﺎﺭﻩ ﻭﻧﻘﻠﺘﻨﻪ ﻟﻠﻤﻮﺻﻞ
ﻃﺒﻌﺎ ﺍﺣﻨﻪ ﻣﺎﺟﻨﻪ ﻣﺪﺭﺑﻴﻦ ﻋﻠﻰ ﺍﻟﻬﺒﻮﻁ ﻣﻦ ﺍﻟﻄﻴﺎﺭﻩ
ﺑﺲ ﻣﺎ ﺍﻋﺘﺮﻇﻨﻪ
ﺻﻌﺪﻧﻪ ﺑﻠﻄﻴﺎﺭﻩ ﺍﻛﺜﺮ ﻣﻦ ﻧﺺ ﺳﺎﻋﻪ
ﻭﺻﻠﻨﻪ ﺟﺎﻥ ﻭﻳﺎﻧﻪ ﺿﺒﺎﻁ ﺛﻨﻴﻦ ﻣﺴﺆﻟﻴﻦ ﻋﻦ ﺍﻧﺰﺍﻟﻨﻪ
ﻟﺒﺴﻮﻧﻪ ﻣﻼﺑﺲ ﺍﻟﻬﺒﻮﻁ
ﺟﺎﻥ ﺃﺯﺍﺩ ﺍﻛﺜﺮ ﻭﺍﺣﺪ ﺧﺎﻳﻒ ﺑﺲ ﺣﺎﻭﻟﻨﻪ ﻧﺨﻔﻒ ﻋﻨﻪ ﺑﻠﺸﻘﻰ
ﺍﻧﺨﻔﻀﺖ ﺍﻟﻄﻴﺎﺭﻩ ﻟﻤﺴﺎﻓﺔ ﻋﺸﺮ ﺃﻣﺘﺎﺭ ﻋﻦ ﺍﻷﺭﺽ ﺑﻤﻜﺎﻥ ﺑﻌﻴﺪ ﻋﻦ ﺍﻟﺪﻭﺍﻋﺶ
ﻛﺪﺭﻧﻪ ﻧﺘﻤﺎﺳﻚ ﻭﻧﺰﻟﻨﻪ
ﺻﺎﺭﺕ ﻧﺰﻟﺘﻨﻪ ﺑﺼﺤﺮﺍﺀ
ﺑﻌﺪ ﻣﺎ ﺍﺟﺘﻤﻌﻨﻪ ﺗﻘﺪﻣﻨﻪ ﻟﻠﻤﻜﺎﻥ ﺍﻟﻲ ﻣﺤﺠﻮﺯﻳﻦ ﺑﻴﻪ ﺍﻟﺸﺒﺎﺏ
ﺩﺧﻠﻨﻪ ﻣﻦ ﻣﻨﻄﻘﻪ ﺑﻴﻪ ﺗﻼﻝ
ﺍﻟﺪﻭﺍﻋﺶ ﻣﺴﻴﻄﺮﻳﻦ ﻋﻠﻴﻪ
ﺍﻧﺘﻈﺮﻧﻪ ﺗﺤﺖ ﺗﻠﻪ ﻟﺤﺪ ﻣﺎ ﺻﺎﺭ ﺍﻟﻠﻴﻞ ﺣﺘﻪ ﻳﻜﻮﻥ ﻏﻄﺎﺀ ﺍﻟﻨﻪ
ﻓﻌﻼ ﺑﻌﺪ ﻣﺎ ﺿﻠﻤﺖ ﺍﻟﺪﻧﻴﻪ ﺗﺴﻠﻠﻨﻪ ﺍﻟﺪﺍﺧﻞ ﺍﻟﻤﻨﻄﻘﻪ
ﺻﺎﺭﺕ ﻣﻮﺍﺟﻬﺎﺕ ﺑﻴﻨﺎﺗﻨﻪ
ﻭﻛﻊ ﺑﻴﻬﻪ ﺛﻨﻴﻦ ﻣﻦ ﺭﺑﻌﻨﻪ
ﻭﻛﺪﺭﻧﻪ ﻧﺤﺮﺭ ﺍﻟﺒﺎﻗﻴﻦ
ﻣﻦ ﻃﻠﻌﻨﻪ ﺟﺎﻥ ﻣﻮﻋﺪ ﺍﻟﺘﻼﻗﻲ ﻭﻳﻪ ﺍﻟﻤﺮﻭﺣﻴﻪ ﺑﻌﺪ ﺧﻤﺲ ﺳﺎﻋﺎﺕ
ﻣﺘﺄﺧﺮﻳﻦ ﺳﺎﻋﻪ
ﺍﻟﺪﻭﺍﻋﺶ ﻻﺣﻜﻴﻨﻪ
ﻟﻜﻴﻨﻪ ﺳﻴﺎﺭﻩ ﺻﻐﻴﺮﻩ ﻣﺘﺮﻭﻛﻪ
ﺻﻌﺪﻧﻪ ﺑﻴﻪ ﺑﺲ ﺟﻨﻪ ﻫﻮﺍﻳﻪ
ﻓﻘﺮﺭﻧﻪ ﻧﺼﻌﺪ ﺍﻟﺸﺒﺎﺏ ﺍﻟﻲ ﺟﺎﻧﻮ ﻣﺤﺠﻮﺯﻳﻦ
ﺍﺣﻨﻪ ﻧﻤﺸﻲ
ﻓﻌﻼ ﺻﻌﺪﻧﺎﻫﻢ ﻭﺑﻘﻴﻨﻪ ﺍﺣﻨﻪ ﺍﻷﺭﺑﻌﺔ ﻭﻳﺎﻧﻪ ﺛﻨﻴﻦ ﻣﻦ ﺍﻟﺸﺒﺎﺏ
ﺟﺎﻥ ﺍﻟﻬﺠﻮﻡ ﻋﻠﻴﻨﻪ ﻛﻠﺶ ﺷﺮﺱ ﺧﻠﺺ ﻋﺘﺎﺩﻧﻪ ﻭﻗﻄﻌﻮﺍ ﻋﻠﻴﻨﻪ ﻃﺮﻳﻖ ﺍﻟﺮﺟﻮﻉ ﻟﻤﻜﺎﻥ ﺍﻟﻤﻠﺘﻘﻰ
ﻓﻀﻄﺮﻳﻨﻪ ﻧﻌﺒﺮ ﻋﻠﻰ ﺣﺪﻭﺩ ﺍﻟﻤﻮﺻﻞ
ﻃﺒﻌﺎ ﺟﻨﻪ ﻣﺘﻨﻜﺮﻳﻦ ﺑﺰﻱ ﻋﺮﺑﻲ
ﺩﺧﻠﻨﻪ ﻗﺮﻳﻪ ﺻﻐﻴﺮﻩ ﺑﻴﻦ ﺍﻟﻤﻮﺻﻞ ﺍﻷﻧﺒﺎﺭ ﻛﺎﻧﺖ ﺷﺒﻪ ﻣﻬﺠﻮﺭﻩ
ﺑﻘﻴﻨﻪ ﺑﻴﻬﻪ ﻳﻮﻣﻴﻦ ﻛﻌﺪﻧﻪ ﺑﻴﺖ ﻣﻬﺠﻮﺭ
ﺑﻌﺪﻩ ﻋﺒﺮﻧﻪ ﻋﻠﻰ ﺳﻮﺭﻳﺎ
ﻭﻫﻨﺎﻙ ﺻﺎﺩﻓﻨﻪ ﺷﺒﺎﺏ ﻣﻮﺻﻠﻴﻴﻦ ﻛﺎﻧﻮﺍ ﺩﺍﺧﻠﻴﻦ ﺍﻟﻤﻮﺻﻞ ﻣﻌﺒﺮﻳﻦ ﺃﻫﻠﻬﻢ ﺍﻟﺴﻮﺭﻳﺎ ﻭﺑﻌﺪﻳﻦ ﻟﺒﻨﺎﻥ ﻭﺭﺍﺟﻌﻴﻦ ﺗﻌﺠﺒﻨﻪ ﻟﻴﺶ ﺭﺟﻌﺘﻮﺍ ﻛﺎﻟﻮﺍ ﺑﻴﻮﺗﻨﻪ ﻓﻠﻮﺳﻨﻪ ﻣﺤﻼﺗﻨﻪ ﻛﻠﻪ ﻫﻨﺎﻙ ﺍﻫﻢ ﺷﻲ ﺍﻣﻨﻪ ﻋﻠﻰ ﻧﺴﻮﺍﻧﻪ ﻭﺭﺟﻌﻨﻪ
ﻋﺪﻫﻢ ﺳﻴﺎﺭﻩ ﺣﻤﻞ
ﻃﺒﻜﻨﻪ ﻭﻳﺎﻫﻢ ﻭﺭﺟﻌﻨﻪ ﻟﻠﻤﻮﺻﻞ
ﻭﺗﺴﺘﻤﺮ ﺍﻟﻤﻐﺎﻣﺮﻩ
..
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء