رواية أساور الفضة ج2 الجزء العاشر
للكاتبة نهى
......
ﻫﺪﻯ
ﺗﻤﺮ ﺑﻴﻨﺎ ﺍﻟﺴﻨﻴﻦ ﻭﺗﺎﺧﺬﻧﺎ ﺍﻻﻳﺎﻡ ﻭﺍﻻﻣﻨﻴﺎﺕ
ﺍﻟﺤﻴﺎﺓ ﺍﻣﺮﻫﺎ ﻋﺠﻴﺐ . ﻭﻣﻮﺍﻗﻴﺘﻬﺎ ﻏﺮﻳﺒﺔ
ﻓﻲ ﻳﻮﻡ ﻣﻦ ﺍﻻﻳﺎﻡ ﻛﻨﺖ ﻧﻔﺴﻲ ﺍﻧﻲ ﻫﺪﻯ
ﺍﻛﺮﻩ ﻧﻔﺲ ﺍﻟﺸﺨﺺ ﺍﻟﻲ ﻫﻲ ﺳﻠﻴﻤﺔ
ﻭﺟﻨﺖ ﺩﺍﺋﻤﺎ ﺍﺫﻣﻬﺎ
ﺑﺴﺒﺐ ﺍﻟﻈﻠﻢ ﺍﻟﻲ ﺷﻔﻨﺎﻩ ﻋﻠﻰ ﺍﻳﺪﻫﺎ
ﺑﻄﺮﻳﻘﺔ ﺍﻭ ﺑﺄﺧﺮﻯ ﻛﺎﻥ ﺍﻟﻬﺔ ﺍﻟﻴﺪ
ﺑﻌﺜﺮﺍﺕ ﺣﻴﺎﺗﻨﺎ . ﻭﺗﻐﻴﻴﺮ ﻣﺼﻴﺮﻧﺎ
ﻭﻣﺠﻨﺖ ﻣﺘﻮﻗﻌﺔ ﻳﺠﻲ ﺍﻟﻴﻮﻡ ﺍﻟﻲ ﺭﺍﺡ ﺍﺑﺠﻲ
ﻋﻠﻴﻬﺎ ﻣﻦ ﺗﻤﻮﺕ
ﺟﻨﺖ ﺍﺗﺨﻴﻞ ﺭﺍﺡ ﺍﻛﻮﻥ ﺍﺳﻌﺪ ﻭﺣﺪﺓ ﻭﻳﻮﻡ ﺍﻟﻤﻨﻰ
ﻣﻦ ﺗﻤﻮﺕ
ﻟﻜﻦ ﺗﺒﻘﻰ ﺍﻻﻧﺴﺎﻧﻴﺔ ﻋﻨﺪ ﺍﻟﺒﺸﺮ ﺗﺤﻜﻢ ﺍﻟﻤﺸﺎﻋﺮ
ﻭﻓﻮﻕ ﻛﻠﺸﻲ
ﺟﻨﺖ ﺍﺑﺠﻲ ﻋﻠﻰ ﺳﻠﻴﻤﺔ ﻣﻮ ﻋﻠﻤﻮﺩ ﺭﺍﺡ ﺍﻓﺘﻘﺪﻫﺎ ﺑﺤﻴﺎﺗﻲ
ﻭﺍﻧﻤﺎ ﺟﻨﺖ ﺍﺑﺠﻲ ﺑﺴﺒﺐ ﺍﻟﻄﺮﻳﻘﺔ ﺍﻟﻲ ﻣﺎﺗﺖ ﺑﻴﻬﺎ
ﻫﺎﻱ ﺍﻟﻲ ﻫﺰﺕ ﺍﺭﻛﺎﻥ ﻛﻠﺒﻲ ﻭﺧﻠﺘﻨﻲ ﺍﻧﻬﺎﺭ
ﻛﺎﻥ ﺳﺒﺐ ﻭﻓﺎﺓ ﺳﻠﻴﻤﺔ ﺍﻫﻤﺎﻝ ﺍﻭﻻﺩﻫﺎ
ﻛﺎﻧﺖ ﻣﺮﻳﺔ ﻛﺒﻴﺮﺓ ﺑﺎﻟﻌﻤﺮ ﻣﺮﻳﻀﺔ ﻣﻘﻌﺪﺓ ﺑﺎﻟﻔﺮﺍﺵ
ﺗﺤﺘﺎﺝ ﻣﻦ ﻳﻜﻮﻡ ﺑﻮﺍﺟﺒﻬﺎ
ﺷﻴﻤﺎﺀ ﺍﺧﺘﻲ ﺍﺗﻜﻔﻠﺖ ﺑﻴﻬﺎ . ﻭﻗﺮﺭﺕ ﺗﺒﻘﻰ ﻳﻤﻬﺎ
ﻭﺭﻓﻀﺖ ﺗﺮﻭﺡ ﻟﺒﻴﺖ ﻣﺮﻭﺓ
ﺑﺲ ﺑﻌﺪ ﺍﻟﻲ ﺻﺎﺭ ﺑﺸﻴﻤﺎﺀ . ﻋﻠﻰ ﺍﻳﺪ ﺍﺛﻴﺮ ﻭﺷﺎﻛﺮ
ﻃﻠﻌﺖ ﻣﻦ ﺍﻟﺒﻴﺖ ﻭﺍﺗﺼﻠﺖ ﻋﻠﻰ ﺍﻣﺠﺪ ﻭﺑﻠﻐﺘﻪ ﻳﺮﻭﺡ ﻳﺎﺧﺬ
ﺳﻠﻴﻤﺔ ﻟﻮﺣﺪﻫﺎ ﺑﺎﻟﺒﻴﺖ ﻭﺩﻟﺘﻪ ﻣﻜﺎﻥ ﺍﻻﺩﻭﻳﺔ . ﻭﻋﻠﻤﺘﻪ
ﺍﻭﻗﺎﺕ ﺍﺧﺬ ﺍﻟﻌﻼﺝ
ﻭﺍﻣﺠﺪ ﻛﻠﻠﻬﺎ ﺍﻧﻲ ﻫﺴﺔ ﺑﺲ ﺍﻛﻤﻞ ﺍﻟﺸﻐﻞ ﺍﻟﻲ ﺑﻴﺪﻱ
ﺍﺭﻭﺣﻠﻬﺎ
ﺷﻴﻤﺎﺀ ﻟﻬﻨﺎ ﺧﻠﺼﺖ ﻣﻬﻤﺘﻬﺎ
ﺑﺎﻟﺮﻏﻢ ﺣﺎﻟﺘﻬﺎ ﺍﻟﻨﻔﺴﻴﺔ ﺍﻟﻤﺘﺤﻄﻤﺔ ﺍﻟﻲ ﻣﺮﺕ ﺑﻴﻬﺎ
ﻭﺿﺮﺏ ﺷﺎﻛﺮ ﻭﺍﻋﺘﺪﺍﺀﻩ ﺗﺮﻙ ﺍﺛﺎﺭ ﺟﺴﺪﻳﺔ ﻭﻧﻔﺴﻴﺔ
ﻋﻠﻴﻬﺎ ﻭﺍﺧﺬﺕ ﻣﻨﻬﺎ ﻓﺘﺮﺓ ﺣﺘﻰ ﺗﺘﺸﺎﻓﻰ
ﺑﺲ ﻣﺎ ﻧﺴﺖ ﺳﻠﻴﻤﺔ ﺍﺗﺼﻠﺖ ﻋﻠﻰ ﺍﻣﺠﺪ ﻭﻭﺻﺘﻪ ﻋﻠﻴﻬﺎ
ﺑﺲ ﺍﻟﻲ ﻣﺎ ﺟﺎﻧﺖ ﻣﺴﻮﻳﺔ ﺣﺴﺎﺑﻪ ﺷﻴﻤﺎﺀ
ﺍﻥ ﺍﻣﺠﺪ ﻳﻌﺘﻤﺪ ﻋﻠﻰ ﺍﺛﻴﺮ ﻭﻳﻜﻠﻪ ﻣﺎ ﺭﺍﺡ ﺍﻛﺪﺭ ﺍﺟﻲ ﻋﻠﻴﻬﺎ ﻭﺍﺧﺬﻫﺎ ﻋﻨﺪﻱ
ﻻﻥ ﻋﻨﺪﻱ ﺷﻐﻞ ﻛﻮﻣﺔ
ﺍﻧﺖ ﺩﻳﺮ ﺑﺎﻟﻚ ﻋﻠﻴﻬﺎ
ﻭﺻﺎﺩﻑ ﺍﺛﻴﺮ ﺍﻟﻌﺎﺭ ﺑﺴﺒﺐ ﻣﺼﺎﻳﺒﻪ ﻭﺑﻼﻭﻳﻪ
ﻻﺯﻣﻴﻨﻪ ﺟﻤﺎﻋﺔ ﻣﻬﺮﺓ ﻭﻣﺠﻨﺰﻳﻨﻪ ﺗﺠﻨﺰ ﻭﻣﺒﻘﻴﻨﻪ ﻋﻨﺪﻫﻢ
ﻳﻮﻣﻴﻦ ﻳﺮﺩﻭﻥ ﻳﻌﺮﻓﻮﻥ ﻣﻜﺎﻥ ﺷﺎﻛﺮ ﻭﻳﻦ
ﻻﻥ ﻫﻮ . ﺍﺧﺮ ﻭﺍﺣﺪ ﻛﺎﻥ ﻭﻳﺎﻩ ﻭﺍﻟﻜﻞ ﻳﺸﻬﺪ ﺿﺪ ﺍﺛﻴﺮ
ﺍﻥ ﺷﺎﻛﺮ ﺍﺧﺮ ﻣﺮﺓ ﺷﺎﻓﻮﻩ ﺑﻴﻬﺎ ﺟﺎﻥ ﻭﻳﺔ ﺍﺛﻴﺮ
ﻭﻣﻦ ﻋﻬﺪﻫﺎ ﺷﺎﻛﺮ ﺍﺧﺘﻔﻰ ﻓﺺ ﻣﻠﺢ ﻭﺫﺍﺏ
ﺑﺴﺒﺐ ﻣﺼﻴﺒﺔً ﺍﺛﻴﺮ ﺳﻠﻴﻤﺔ ﺻﺎﺭﺕ ﺿﺤﻴﺔ
ﻭﺑﻘﺖ ﻳﻮﻣﻴﻦ ﻟﻮﺣﺪﻫﺎ
ﺑﺪﻭﻥ ﻻ ﺍﻛﻞ ﻻ ﺷﺮﺏ ﻻ ﻋﻼﺝ ﺑﻌﺪﻫﺎ ﺳﻠﻴﻤﺔ ﺍﺗﻮﻓﺖ ﺑﺒﻴﺘﻬﺎ
ﺑﺪﻭﻥ ﻻﺣﻮﻝ ﻭﻻﻗﻮﺓ .
ﻭﺍﻣﺠﺪ ﺍﻟﻌﺎﺭ ﺟﺎﻥ ﻣﻠﺘﻬﻲ ﺑﺒﻴﺘﻪ ﺍﻟﻤﺮﻫﻮﻥ . ﻭﻣﻌﺘﻤﺪ ﺑﻜﻞ ﻋﻘﻠﻪ ﻋﻠﻰ ﺍﺛﻴﺮ ﻳﺪﺍﺭﻱ ﺍﻣﻪ
ﺑﺎﻟﺮﻏﻢ ﺷﻴﻤﺎﺀ ﻓﻬﻤﺖ ﺍﻣﺠﺪ ﻋﻦ ﻣﻮﺿﻮﻉ ﺷﺎﻛﺮ
ﺟﺎﻧﺖ ﺧﺎﻳﻔﺔ ﺗﺮﻭﺡ ﻫﻨﺎﻙ ﻟﺒﻴﺖ ﺳﻠﻴﻤﺔ
ﻣﻦ ﻭﺭﺓ ﺍﻟﻲ ﺻﺎﺭ ﺑﻴﻬﺎ ﺣﺮﻣﺖ ﺗﻌﺘﺐ ﺫﺍﻙ ﺍﻟﺒﻴﺖ
ﻭﻃﻠﺒﺖ ﻣﻦ ﺍﻣﺠﺪ ﻳﺎﺧﺬ ﺳﻠﻴﻤﺔ ﻋﻨﺪﻩ
.......
ﺧﺒﺮ ﻭﻓﺎﺓ ﺳﻠﻴﻤﺔ ﺑﻬﺎﻱ ﺍﻟﻄﺮﻳﻘﺔ
ﻣﺮﺩ ﻛﻠﺒﻲ ﻭﺧﻼﻧﻲ ﺍﻛﺮﻩ ﺷﻲ ﺍﺳﻤﻪ ﺍﺏ
ﺍﻧﻔﺠﻌﺖ ﻣﻦ ﺍﻟﻤﻮﻗﻒ ﻭﺻﺮﺕ ﺍﺑﺠﻲ ﻋﻠﻰ ﺣﺎﻟﻬﺎ
ﻣﻦ ﻛﺎﻧﺖ ﺗﺼﺎﺭﻉ ﻟﻮﺣﺪﻫﺎ ﻭﺗﺘﺄﻣﻞ ﻣﻦ ﻳﺠﻲ
ﻳﻠﺤﻚ ﻋﻠﻴﻬﺎ ﻭﻳﺪﺍﺭﻱ ﻛﺒﺮﺗﻬﺎ
ﺣﺴﻴﺖ ﻋﻠﻰ ﺍﻳﺪﻳﻦ ﺧﺸﻨﺔ ﺣﺎﻭﻃﺘﻨﻲ ﻭﻟﻤﺘﻨﻲ ﺭﻓﻌﺖ ﺭﺍﺳﻲ
ﻭﻛﻠﺒﻲ ﺍﻧﺘﻔﺾ ﻣﻦ ﻣﻜﺎﻧﻪ ﻣﻦ ﺷﻔﺖ ﺭﻭﺣﻲ
ﺑﺤﻀﻦ ﻗﺎﺳﻢ ﺑﺎﻭﻉ ﻋﻠﻴﻪ ﻭﻛﻌﺪ ﻳﻮﺍﺳﻴﻨﻲ
ﺩﻓﻨﺖ ﺭﺍﺳﻲ ﺑﺼﺪﺭﻩ ﻭﺻﺮﺕ ﺍﺷﻬﻚ ﻣﻦ ﺍﻟﺒﺠﻲ
ﻭﺍﻧﻲ ﺍﺗﺬﻛﺮ ﺍﻳﺎﻣﻲ ﻭﺷﻘﺎﻭﺗﻲ ﻭﺣﺰﻧﻨﺎ ﻭﺿﺤﻜﻨﺎ
ﻛﻼﻣﻬﺎ ﻋﻨﺎﺩﻫﺎ . ﺳﻌﻴﻬﺎ ﻟﺤﺘﻰ ﺗﺰﻭﺟﻨﺎ
ﻭﺗﺮﺗﺎﺡ ﻣﻨﺎ ﻫﻮﺍﻳﺔ ﻣﻮﺍﻗﻒ ﺟﻤﻌﺘﻨﺎ ﻭﻳﺔ ﺳﻠﻴﻤﺔ
ﺍﻟﺤﻠﻮﺓ ﻭﺍﻟﻤﺮﺓ
ﺟﻨﺎ ﺣﺘﻰ ﻣﻦ ﻧﺠﻮﻉ
ﻧﺠﻮﻉ ﻛﻠﻨﺎ ﺳﻮﻳﺔ ﻭﻣﻦ ﻧﺸﺒﻊ
ﻧﺸﺒﻊ ﻛﻠﻨﺎ ﺳﻮﺓ
ﺻﺮﺕ ﺍﺑﺠﻲ ﺣﺎﻟﻬﺎ ﻭﺍﺗﺮﺣﻤﻠﻬﺎ .
ﻭﺍﺩﻋﻴﻠﻬﺎ . ﺭﺑﻲ ﻳﻐﻔﺮﻟﻬﺎ
ﺑﻌﺪﻫﺎ ﺍﺧﺬﻧﻲ ﻗﺎﺳﻢ ﻭﺧﺎﻟﺘﻲ ﺭﺍﺣﺖ ﻭﻳﺎﻳﺔ
ﻟﻠﺒﻴﺖ ﻫﻨﺎﻙ
ﻟﻜﻴﺖ ﺧﻮﺍﺗﻲ ﻣﻮﺟﻮﺩﺍﺕ
ﻭﺍﻟﺠﻮﺍﺭﻳﻦ ﻛﻠﻬﻢ ﺟﺎﻳﻴﻦ ﻭﺟﻨﺎﻥ ﻣﺮﺕ ﺍﻣﺠﺪ
ﺍﻟﻐﺮﻳﺐ ﻓﻲ ﺍﻻﻣﺮ ﺳﻠﻴﻤﺔ ﻣﺎﺗﺖ ﺑﺒﻴﺘﻬﺎ ﻟﻮﺣﺪﻫﺎ
ﻭﻫﻲ ﺑﻌﺎﺯﺓ ﺷﺨﺺ ﻳﻮﻛﻠﻬﺎ ﻭﻳﺴﺎﻋﺪﻫﺎ
ﻭﻫﺴﺔ ﺑﻨﻔﺲ ﺍﻟﺒﻴﺖ ﺍﻟﻲ ﻛﺎﻧﺖ ﺗﺼﺎﺭﻉ ﺑﻴﻪ ﺍﻻﻟﻢ
ﻛﺎﻥ ﻣﺘﺮﻭﺱ ﺑﺎﻟﺠﻴﺮﺍﻥ ﺍﻟﻤﻌﺰﻳﺔ
)) ﺍﻟﻨﺎﺱ ﻣﺘﻨﺎﻗﻀﻴﻦ . ﻓﻲ ﺍﻓﻌﺎﻟﻬﻢ
ﺍﻟﻤﻴﺖ ﻳﺼﺒﺢ ﻋﺰﻳﺰ ﺗﺤﺖ ﺍﻟﺘﺮﺍﺏ
ﻭﻋﻨﺪﻣﺎ ﻳﻜﻮﻥ ﺣﻴﺎً ﻻ ﺍﺣﺪ ﻳﻬﺘﻢ ﻷﻣﺮﻩ ((
ﺍﻟﻴﻮﻡ ﺛﺎﻟﺚ ﻣﻦ ﺍﻟﻔﺎﺗﺤﺔ ﺻﺤﻴﺢ ﻣﺎ ﻋﻨﺪﻫﻢ ﻧﺎﺱ ﻫﻮﺍﻱ
ﺑﺲ ﺗﺒﻘﻰ ﺍﺳﻤﻬﺎ ﻓﺎﺗﺤﺔ ﻭﻋﺰﺍﺀ
ﺍﻣﺠﺪ ﻭﺍﺛﻴﺮ ﻳﺒﺠﻮﻥ ﻋﻠﻰ ﺍﻣﻬﻢ ﻣﺜﻞ ﺍﻟﻨﺴﻮﺍﻥ
ﻫﺬﻭﻟﻲ ﺣﺮﺍﻡ ﺑﻴﻬﻢ ﺍﻟﺤﻴﺎﺓ
ﺑﺲ ﺍﻛﻮ ﺟﻤﻠﺔ ﺩﺍﺋﻤﺎ . ﺍﺭﺩﺩﻫﺎ
ﺍﻟﻠﻪ ﻳﻤﻬﻞ ﻭﻻ ﻳﻬﻤﻞ
ﺍﺑﺎﻭﻉ ﻟﺸﻴﻤﺎﺀ ﻣﺘﺒﺠﻲ ﺑﺲ ﺗﺒﺎﻭﻉ ﻋﻠﻰ ﺍﺭﻛﺎﻥ ﺍﻟﺒﻴﺖ
ﻭﻣﺮﻭﺓ ﺍﺻﻼ ﻣﻜﺪﺭﺕ ﺗﺤﻀﺮ ﻋﻨﺪﻫﺎ ﺍﻟﺘﺰﺍﻡ ﺑﺎﻟﻌﻤﻞ
ﻭﺿﺤﻰ ﻭﻣﺮﻳﻢ ﺍﺟﻮﻱ
ﺍﺛﻨﻴﻬﻢ ﻳﺒﺠﻮﻥ ﻭﺿﺎﻋﺖ ﺍﺳﺒﺎﺏ ﺍﻟﺒﺠﻲ
ﻋﻠﻰ ﺳﻠﻴﻤﺔ ﻟﻮ ﻋﻠﻰ ﺍﻻﻳﺎﻡ ﺍﻟﻲ ﻛﻀﻴﻨﺎﻫﺎ ﻭﻳﺔ ﺳﻠﻴﻤﺔ
ﻭﻫﺬﺍ ﺑﻴﺖ ﺛﺎﻧﻲ ﺭﺍﺡ ﻧﻮﺩﻉ ﺍﺭﻛﺎﻧﻪ ﻭﺫﻛﺮﻳﺎﺗﻪ
ﻭﺻﺎﺭ ﻣﺎﻟﻨﺔ ﺣﻖ ﺑﻲ ﻛﻤﺖ ﺍﻗﺪﻡ ﺍﻟﺠﺎﻱ
ﻣﺎ ﺍﻋﺮﻑ ﺷﺒﻴﺔ ﺍﻳﺪﻱ ﺩﺗﺮﺟﻒ ﻭﺟﺴﻤﻲ ﻳﺮﺟﻒ
ﻳﻤﻜﻦ ﺭﺍﺡ ﺍﻭﻛﻊ ﻣﺮﻳﻀﺔ
ﻻﻥ ﺍﻧﻲ ﺻﺎﺭﻟﻲ ﺛﺎﻟﺚ ﻳﻮﻡ ﺑﺎﻳﺘﺔ ﻭﻳﺔ ﺧﻮﺍﺗﻲ ﺑﺎﻟﻔﺎﺗﺤﺔ
ﻭﺍﻧﻲ ﻃﻮﻝ ﻫﺎﻱ ﺍﻻﻳﺎﻡ ﺍﻛﺮﻩ ﺍﺣﻂ ﺷﻲ ﺑﻤﻌﺪﺗﻲ
ﺗﻠﻌﺐ ﻧﻔﺴﻲ ﻭﺣﺘﻰ ﺣﺮﺍﺭﺗﻲ ﺻﺎﺭﺕ ﺗﺮﺗﻔﻊ
ﺍﻧﻲ ﻣﻦ ﻳﻮﻡ ﺍﻟﻲ ﺻﺎﺭ ﺑﻴﻨﻲ ﻭﺑﻴﻦ ﻗﺎﺳﻢ
ﺍﻧﻲ ﻭﺍﻻﻛﻞ ﺻﺮﻧﺎ ﺍﻋﺪﺍﺀ
ﺍﺟﻮﻱ ﺧﺎﻟﺔ ﻭﻫﺎﻟﺔ
ﺭﺣﺖ ﺳﻠﻤﺖ ﻋﻠﻴﻬﻢ ﻭﺩﺧﻠﻮﺍ ﺟﻮﺓ ﻛﻌﺪﻭﺍ ﻳﻢ ﺍﻟﺒﻨﺎﺕ
ﺧﻄﻴﺔ ﺍﻡ ﻗﺎﺳﻢ ﺟﺎﻧﺖ ﻛﻞ ﻳﻮﻡ ﺗﺤﻲ ﻭﺗﺠﻴﺐ ﻭﺣﺪﺓ ﺍﻭ ﺍﺛﻨﻴﻦ ﻣﻦ ﺑﻨﺎﺗﻬﺎ
ﻭﻓﺎﻃﻤﺔ ﻭﺳﺮﻭﺭ ﺍﺗﺼﻠﻮﺍ ﻋﻠﻴﺔ ﻳﺎﺧﺬﻭﻥ ﻣﻦ ﺧﺎﻃﺮﻱ
ﺍﻧﺘﺒﻬﺖ ﻟﺨﺎﻟﺔ ﺗﺴﺄﻟﻨﻲ
ﺍﻡ ﻗﺎﺳﻢ .. ﺧﺎﻟﺔ ﻫﺪﻯ ﻧﻘﺎﻟﺞ ﻟﻴﺶ ﻣﻐﻠﻖ
ﻗﺎﺳﻢ ﺣﺮﻙ ﺍﻟﻨﻘﺎﻝ ﻋﻠﻴﺔ ﻳﻜﻠﻲ ﺷﺒﻲ ﻧﻘﺎﻟﻬﺎ ﻣﻐﻠﻖ
.. ﺧﺎﻟﺔ . ﺍﻟﺒﺎﻏﺤﺔ ( ﺍﻟﺒﺎﺭﺣﺔ ) ﺑﺎﻟﻠﻴﻞ ﺑﻄﺎﻏﻴﺘﻪ ( ﺑﻄﺎﺭﻳﺘﻪ ) ﻛﻠﺶ ﺗﻌﺒﺖ
ﺍﺷﺤﻨﻬﺎ ﻭﺑﺴﻐﻌﺔ ( ﺑﺴﺮﻋﺔ ) ﺗﻔﻘﺪ ﺷﺤﻨﻬﺎ ﻭﻳﻨﻄﻔﻲ ﺍﻟﻨﻘﺎﻝ ﻣﻦ ﻭﺣﺪﻩ
ﺍﺑﺎﻭﻉ ﻋﻠﻴﻬﺎ ﺷﺎﻟﺖ ﻧﻘﺎﻟﻬﺎ ﻭﺣﺠﺖ ﻭﻳﺔ ﻗﺎﺳﻢ ﻭﻛﻠﺘﻠﻪ
ﻭﺳﺪﺗﻪ
ﻫﺎﻟﺔ .. ﺍﻛﻮﻝ ﻳﺎ ﺣﻠﻮﺓ ﺷﻨﻮ ﺳﺎﻟﻔﺔ ﻗﺎﺳﻤﻮﻑ
ﻛﻞ ﺷﻮﻳﺔ ﺩﺍﺯ ﺍﻣﻲ ﻟﻮ ﻭﺣﺪﺓ ﻣﻦ ﺧﻮﺍﺗﻲ ﻟﻠﻔﺎﺗﺤﺔ ﻋﺒﺎﻟﻚ ﻋﻨﺪﻩ ﺟﻨﻮﺩ
.. ﻳﻌﻨﻲ ﻳﻘﻮﻡ ﺑﺎﻟﻮﺍﺟﺐ ﺗﻌﻐﻔﻴﻦ ( ﺗﻌﺮﻓﻴﻦ ) ﺍﺧﻮﺝ ﺑﺎﻻﺻﻮﻝ ﻣﺤﺪ ﻳﻠﺤﻜﻪ
.....
ﺳﺪﺕ ﺍﻟﻨﻘﺎﻝ ﻣﻦ ﻗﺎﺳﻢ ﻭﻛﺎﻣﺖ ﺗﺤﺠﻲ
ﺍﻡ ﻗﺎﺳﻢ .. ﻫﺬﺍ ﺍﻟﻮﻟﺪ . ﺭﺍﺡ ﻳﺨﺒﻠﻨﻲ
ﻣﻦ ﻭﺭﺓ ﺍﻋﺼﺎﺑﻪ ﻋﻠﻰ ﺍﺑﺴﻂ ﺷﻲ
ﻛﺐ ﺑﻮﺟﻬﻨﺎ ﻣﺜﻞ ﺍﻟﻨﺎﺭ
ﻫﺎﻟﺔ ﻫﻤﺴﺖ .. ﻣﻌﺼﺐ ﻻﻥ ﺍﻛﻮ ﻧﺎﺱ ﺿﺎﺭﺑﻴﻨﻪ ﺑﻠﻮﻙ
ﻭﻣﺎ ﻳﻘﻠﺪﻭﻧﻪ
ﻟﻮ ﺗﺸﻮﻓﻴﻨﻪ ﻋﺒﺎﻟﻚ ﺛﻮﺭ ﻫﺎﺋﺞ ﻣﻀﻴﻊ ﺑﻘﺮﺗﻪ
ﺣﺠﻴﺖ ﺑﻐﻴﺾ
.. ﻋﻠﻰ ﺷﻨﻮ ﻣﻌﺼﺐ ﻻ ﻳﻜﻮﻥ ﺍﻟﺴﺖ ﻓﻬﺎﻭﺓ ﺿﺎﻏﺒﺘﻪ ﺑﻮﻏﻲ ( ﺿﺎﺭﺑﺘﻪ ﺑﻮﺭﻱ . )
.. ﻟﺞ ﻋﻮﺑﺔ ﻣﻨﻮ ﺟﺎﺏ ﻃﺎﺭﻱ ﺍﻟﺼﺨﻠﺔ ﺍﻟﺘﺎﻳﻬﺔ
ﺍﻧﻲ ﻗﺼﺪﻱ ﻋﻠﻴﺞ ﺍﻧﺘﻲ
ﺍﻟﻈﺎﻫﺮ ﺍﺧﻮﻱ ﺩﻳﻤﺮ ﺑﻤﺮﺣﻠﺔ ﺍﻛﺘﺸﺎﻑ ﺍﻟﺬﺍﺕ
ﺍﻟﻤﻔﺎﺟﻲﺀ .
ﺍﻧﺘﺒﻬﺖ ﻋﻠﻴﻪ ﺍﻭﻝ ﻣﻴﺪﺧﻞ ﻟﻠﺒﻴﺖ ﻋﻴﻮﻧﻪ ﺗﻈﻞ ﺗﺪﻭﺭ ﺑﺎﻟﻮﺟﻮﻩ
ﺑﻌﺪﻳﻦ ﻛﺒﻞ ﻳﺴﺄﻝ ﺍﻛﻮﻝ ﺣﺠﻴﺔ
ﻫﺪﻯ ﻣﻜﺎﻟﺖ ﺷﻮﻛﺖ ﻧﺎﻭﻳﺔ ﺗﺮﺟﻊ
ﺍﺣﻠﻰ ﺷﻲ ﻧﺒﻊ ﺍﻟﺤﻨﺎﻥ . ﻣﺴﻮﻳﺔ ﺭﻭﺣﻬﺎ ﻣﻦ ﺍﻫﻞ ﺍﻟﻠﻪ
ﻭﻛﻠﺸﻲ ﻣﻔﺎﻫﻤﺔ ﻋﻠﻴﻪ
ﺗﺠﺎﻭﺑﻪ .. ﻭﺍﻟﻠﻪ ﻳﺎﻳﻤﺔ ﺷﻠﻮﻥ ﺗﺮﺟﻊ ﻭﺗﻌﻮﻑ ﺧﻮﺍﺗﻬﺎ
ﺑﺤﺎﺟﺘﻬﺎ ﻫﺴﺔ ﻣﺘﻜﻠﻲ ﺍﻧﺖ ﺷﺒﻴﻚ ﺣﺎﺭﻙ ﺍﻟﺪﻧﻴﺎ
ﺧﻠﻴﻬﺎ ﺑﺮﺍﺣﺘﻬﺎ ﻫﻲ ﺷﻮﻛﺖ ﻣﺎ ﻳﻌﺠﺒﻬﺎ ﺗﺮﺟﻊ ﻟﻠﺒﻴﺖ ﺗﺮﺟﻊ
ﺍﺑﺎﻭﻉ ﻋﻠﻴﻪ ﻇﻞ ﻳﺤﻮﻡ ﻭﺍﺧﻴﺮ ﺷﻲ ﻛﺎﻝ
.. ﺷﻮﻓﻲ ﺣﺠﻴﺔ ﺍﻟﻴﻮﻡ ﻣﻦ ﺗﺮﺣﻴﻦ ﻟﻠﻔﺎﺗﺤﺔ
ﺗﻜﻠﻴﻠﻬﺎ ﺗﺤﻀﺮ ﻧﻔﺴﻬﺎ ﺣﺘﻰ ﺗﺮﺟﻊ ﻭﻳﺎﻛﻢ
ﺍﺷﻮ ﺍﻟﻔﺎﺗﺤﺔ ﻭﺧﻠﺼﺖ ﺍﻟﻴﻮﻡ ﺛﺎﻟﺚ
ﺑﻌﺪ ﺷﻌﻨﺪﻫﺎ ﺑﺎﻗﻴﺔ
ﻫﺎﻟﺔ ﺗﺤﺠﻲ ﻋﻦ ﻗﺎﺳﻢ ﻭﺍﻧﻲ ﻛﻠﺒﻲ ﺿﻴﻊ ﻧﺒﻀﺎﺗﻪ
ﺟﺬﺍﺑﺔ ﺍﺫﺍ ﻛﻠﺖ ﻣﺎ ﻣﺸﺘﺎﻗﺘﻠﻪ
ﺍﺻﻼ ﻛﻠﺒﻲ ﻃﺎﻙ ﻣﻦ ﺍﻟﻠﻬﻔﺔ ﻋﻠﻰ ﺷﻮﻓﺘﻪ
ﺍﺧﺮ ﻣﺮﺓ ﻛﻨﺖ ﻭﻳﺎﻩ ﺑﻐﺮﻓﺘﻨﺎ ﻣﻦ ﺷﺎﻓﻨﻲ ﺍﺑﺠﻲ ﻋﻠﻰ ﺧﺒﺮ ﻭﻓﺎﺓ ﺳﻠﻴﻤﺔ ﺍﻟﻠﻪ ﻳﺮﺣﻤﻬﺎ
ﺑﻌﺪﻫﺎ ﻟﻤﻨﻲ ﺑﺤﻀﻨﻪ ﻭﺑﺎﺳﻨﻲ ﻣﻦ ﺭﺍﺳﻲ ﺣﺘﻰ ﻳﻄﻴﺐ ﺧﺎﻃﺮﻱ ﻭﻳﻮﺍﺳﻴﻨﻲ .
ﺳﺎﻋﺎﺕ ﺍﻟﺤﺰﻥ ﻭﺍﻟﻔﺮﺡ ﺗﻘﺮﺑﻨﺎ ﻣﻦ ﺍﺣﺒﺎﺑﻨﺎ
ﻭﺗﺠﻤﻌﻨﺎ ﺑﻴﻬﻢ ﺣﺘﻰ ﻧﺘﻘﺎﺳﻢ ﻟﺤﻈﺎﺕ ﺍﻟﺤﺰﻥ
ﺑﺎﻭﻋﺖ ﺍﺟﻮﻱ ﺟﺎﺭﺍﺗﻨﺎ ﺳﻠﻤﻮﺍ ﻭﺩﺧﻠﻮﺍ ﻛﻌﺪﻭﺍ
ﻛﻤﺖ ﻣﻦ ﻣﻜﺎﻧﻲ ﺣﺘﻰ ﺍﺭﻭﺡ ﺍﻧﻄﻲ ﺧﺒﺮ ﻟﻤﺮﻳﻢ
ﺗﺼﺒﻠﻬﻢ ﺟﺎﻱ ﺑﺲ ﻛﻤﺖ ﺍﺣﺲ ﺍﻟﺪﻧﻴﺎ ﺍﻓﺘﺮﺕ ﺑﻴﺔ
ﻭﺍﺫﻧﻲ ﺻﺎﺭﺕ ﺑﻴﻬﺎ ﺻﻮﺕ ﻭﺷﺔ
ﺍﻡ ﻗﺎﺳﻢ .. ﺧﺎﻟﺔ ﺷﺒﻲ ﻭﺟﻬﺞ ﺍﺷﻮ ﺻﺎﻳﺮ ﺍﺻﻔﺮ ﻣﺒﻬﻮﺕ
ﺷﻴﻤﺎﺀ ﺟﺎﻭﺑﺘﻬﺎ .. ﻭﺍﻟﻠﻪ ﻳﺎ ﺧﺎﻟﺔ ﻛﻮﻟﺸﻲ ﻣﺪﺍﺗﺎﻛﻞ
ﺗﻌﺒﺘﻨﻲ ﺷﻜﻠﻬﺎ ﺭﺍﺡ ﺗﻮﻛﻊ ﻣﺮﻳﻀﺔ
ﺍﻡ ﻗﺎﺳﻢ .. ﻭﺍﻟﻠﻪ ﻳﺎﺧﺎﻟﺔ ﻫﻲ ﺣﺘﻰ ﺑﺒﻴﺘﻨﺎ ﺍﻧﺘﺒﻬﺖ ﻋﻠﻴﻬﺎ ﻣﺘﺎﻛﻞ . ﻭﺩﺍﻳﺨﺔ
ﻭﺟﻬﺔ ﺻﺎﻳﺮ ﺍﺻﻔﺮ
ﺻﻔﻨﺖ ﺍﻡ ﻗﺎﺳﻢ ﻭﺑﻌﺪﻫﺎ ﺣﺠﺖ ﺑﻤﻔﺎﺟﺌﺔ
.. ﻳﺎﺍﺍﺍﺍﺍﺍﺍ ﻋﻴﻨﻲ
ﻫﺎﻱ ﺷﻠﻮﻥ ﻓﺎﺗﺘﻨﻲ ﺑﺲ ﻻ ﺍﻟﺒﻨﻴﺔ ﺧﻄﻴﺔ ﺣﺎﻣﻞ ﻭﻣﺘﺪﺭﻱ
ﺑﺮﻭﺣﻬﺎ ﺍﻱ ﻫﻲ ﻣﺒﻴﻦ ﻋﻠﻴﻬﺎ ﻋﻼﻣﺎﺕ ﺍﻟﺤﻤﻞ
ﻭﺗﻀﻮﺝ ﻣﻦ ﺍﻻﻛﻞ ﻭﻭﺟﻬﺎ ﺻﺎﻳﺮ ﺍﺻﻔﺮ ﻭﻣﺎﻟﻬﺎ ﺧﻠﻚ ﻭﺻﺎﻳﺮﺓ ﺗﻀﻮﺝ ﻣﻦ ﻗﺎﺳﻢ
ﺣﺘﻰ ﻣﺎ ﺗﻘﺘﺮﺏ ﻋﻠﻴﻪ ﻣﻮ ﻣﺜﻞ ﻗﺒﻞ
ﺟﺎﻧﺖ ﺍﺑﺪ ﻣﺎ ﺗﺒﺘﻌﺪ ﻋﻨﻪ ﺑﺲ
ﺷﻜﻠﻬﺎ ﻛﺎﻣﺖ ﺗﻠﻌﺐ ﻧﻔﺴﻬﺎ ﻣﻦ ﺯﻭﺟﻬﺎ
ﺷﻮﻑ ﺷﻠﻮﻥ ﻫﺎﻱ ﻛﻠﻬﺎ ﻭﺍﻧﻲ ﺍﺑﺪ ﻣﺎ ﺭﺑﻄﺖ ﺑﺮﺍﺳﻲ
ﺳﻮﺩﺓ ﻋﻠﻴﺔ ﺧﺎﻟﺔ ﺷﻠﻮﻥ ﺫﺑﻼﻧﺔ . ﻣﻦ ﺍﻟﺤﻤﻞ
ﻋﺰﺓ ﺧﺎﻟﺔ ﺍﻡ ﻗﺎﺳﻢ ﺗﺤﺠﻲ ﻭﺗﺤﻠﻞ ﻭﺗﻔﺴﺮ ﺑﻜﻴﻔﻬﺎ
ﻭﺍﻧﻲ ﻭﻫﺎﻟﺔ ﻧﺒﺎﻭﻉ ﻋﻠﻴﻬﺎ ﻣﺼﺪﻭﻣﺎﺕ ﻣﻦ ﻛﻼﻣﻬﺎ
ﻫﺎﻟﺔ .. ﺍﻛﻮﻭﻝ ﻫﺪﻯ ﻛﻮﻣﻲ ﻓﻠﺘﻲ ﺑﺮﻭﺣﺞ ﺍﻟﻌﺰﻳﺰﺓ
ﻻﻥ ﺍﺣﺘﻤﺎﻝ ﺍﺫﺍ ﻃﻮﻟﺘﻲ ﻳﻢ ﺍﻣﻲ ﺷﻮﻳﺔ
ﺭﺍﺡ ﺗﻜﻌﺪ ﺗﺤﺴﺒﻠﺞ ﺣﺘﻰ ﺗﻌﺮﻑ ﺟﻨﺲ ﺍﻟﺠﻨﻴﻦ ﻭﻟﺪ ﻟﻮ ﺑﻨﻴﺔ
......
ﺧﻐﺐ ( ﺧﺮﺏ ) ﻫﺎﻱ ﺷﻨﻮ ﺍﻣﺞ ﻭﺍﻟﻠﻪ ﺧﻄﻴﻐﺔ ﺳﻐﻴﻌﺔ ( ﺧﻄﻴﺮﺓ ﺳﺮﻳﻌﺔ ) ﺍﻻﺷﺘﻌﺎﻝ
ﻭﺑﺴﻐﻌﺔ ( ﺑﺴﺮﻋﺔ ) ﺗﺘﻔﺎﻋﻞ
.. ﻫﺎ ﻟﻌﺪ ﺷﺤﺴﺒﺎﻟﺞ ﻫﺎﻱ ﺍﻡ ﻗﺎﺳﻢ
ﻣﺎ ﻳﻔﻮﺗﻬﺎ ﺷﻲ ﺍﺑﺪ ﻣﺎ ﺗﻀﻴﻊ ﻭﻗﺖ
ﻛﻤﺖ ﻣﻦ ﻳﻤﻬﻢ ﻭﺭﺣﺖ
ﺩﺧﻠﺖ ﻟﻠﻤﻄﺒﺦ ﻟﻜﻴﺖ ﺿﺤﻰ ﺩﺗﺼﺐ ﺟﺎﻱ ﺑﺎﻟﺼﻴﻨﻴﺔ
.. ﺿﺤﻰ ﺍﺟﻮﻱ ﺟﺎﻏﺎﺗﻨﺎ . ( ﺟﺎﺭﺍﺗﻨﺎ )
.. ﻫﺎﺝ ﺧﻠﺼﺖ ﺻﺐ ﺍﻟﺠﺎﻱ ﺗﻌﺎﻱ ﺍﺧﺬﻱ ﺍﻟﺼﻴﻨﻴﺔ
ﻭﻗﺪﻣﻴﻠﻬﻢ
ﺧﻠﻲ ﺍﺭﻭﺡ ﺍﻛﻤﻞ ﻟﻒ ﺍﻟﺘﻤﺮ ﻭﺍﻟﻠﺒﻦ ﺣﺘﻰ ﻧﻠﺤﻚ ﻧﻮﺯﻋﻪ
ﺍﻗﺘﺮﺑﺖ ﻋﻠﻴﻬﺎ . ﺍﺧﺬﺕ ﺍﻟﺼﻴﻨﻴﺔ ﺑﺲ ﺷﻠﺘﻬﺎ ﺑﻴﻦ ﺍﻳﺪﻳﺔ
ﺍﻫﺘﺰﺕ ﺍﻻﺳﺘﻜﺎﻳﻦ
ﺍﺣﺲ ﻣﺎﻋﻨﺪﻱ ﻗﻮﺓ
ﺿﺤﻰ .. ﺑﺎﻟﻠﻪ ﺷﻮ ﻋﻮﻓﻲ ﺍﻟﺼﻴﻨﻴﺔ ﻻﻧﻮﺏ ﺗﻜﻠﺒﻴﻬﺎ
ﻋﻠﻰ ﺭﺍﺱ ﺍﻟﻨﺴﻮﺍﻥ
ﻭﻳﻦ ﻣﺮﻳﻢ ﺧﻠﻲ ﺗﺠﻲ ﺗﻘﺪﻣﻠﻬﻢ
ﺑﺎﻭﻋﺖ ﻣﻨﺎ ﻣﻨﺎ ﻫﺴﺔ ﺍﺷﻮﻓﻬﺎ ﻭﻳﻦ ﻃﻠﻌﺖ ﻣﻦ ﺍﻟﻤﻄﺒﺦ ﺟﺎﻧﻮﺍ ﺍﻟﻨﺴﻮﺍﻥ ﻛﺎﻋﺪﺍﺕ ﺑﺎﻟﺤﻮﺵ
ﺍﺩﻭﺭ ﻋﻠﻰ ﻣﺮﻳﻢ ﻣﺎﻛﻮ ﻣﺨﺘﻔﻴﺔ ﺷﻨﻮ ﺍﻟﺴﺎﻟﻔﺔ ﻭﻳﻦ ﺭﺍﺣﺖ
ﺍﺷﺮﺕ ﻟﻬﺎﻟﺔ ﺍﺟﺘﻲ ﻳﻤﻲ ﻭﻛﻠﺘﻠﻬﺎ ﺗﺮﻭﺡ ﺗﺎﺧﺬ ﺍﻟﺼﻴﻨﻴﺔ ﻭﺗﻘﺪﻡ ﻟﻠﻨﺴﻮﺍﻥ ﻫﻲ ﺩﺧﻠﺖ ﻟﻠﻤﻄﺒﺦ
ﻭﺍﻧﻲ ﺭﺣﺖ ﺍﺩﻭﺭ ﻋﻠﻰ ﻣﺮﻳﻢ ﺩﺧﻠﺖ ﻟﻠﻐﺮﻓﺔ ﺭﺣﺖ ﺑﺎﻟﺤﻤﺎﻡ ﻣﺎﻛﻮ ﺍﺑﺎﻭﻉ ﻋﺎﻟﻨﺴﻮﺍﻥ ﻣﺎﺑﻴﻨﻬﻢ ﻣﺮﻳﻢ
ﺣﺘﻰ ﺍﻟﺒﻴﺖ ﻣﻮ ﺟﺒﻴﺮ ﻭﺗﻀﻴﻊ ﺑﻲ
ﺟﺎﻧﻮﺍ ﻛﻢ ﻃﻔﻠﺔ ﻣﻦ ﺑﻨﺎﺕ ﺟﻮﺍﺭﻳﻨﺎ ﺍﻟﻤﻨﺘﺸﺮﺍﺕ ﺑﺎﻟﺒﻴﺖ ﻣﺎﺧﺬﺍﺕ ﺭﺍﺣﺘﻬﻢ ﺳﺎﻟﺘﻬﻢ ﻋﻦ ﻣﻜﺎﻥ ﻣﺮﻳﻢ
ﻭﺣﺪﺓ ﻛﺎﻟﺖ ﺧﺎﻟﺔ ﺷﻔﺘﻬﺎ ﻗﺒﻞ ﺷﻮﻳﺔ . ﺩﺗﺼﻌﺪ ﺍﻟﻔﺮﺍﺷﺎﺕ
ﻓﻮﻙ ﺑﺎﻟﺴﻄﺢ
ﺭﺣﺖ ﺻﻌﺪﺕ ﻓﻮﻙ ﻟﻜﻴﺖ ﺑﺎﺏ ﺍﻟﺴﻄﺢ ﻣﻔﺘﻮﺡ
ﻃﻠﻌﺖ ﺍﺑﺎﻭﻉ ﻟﻜﻴﺖ ﻣﺮﻳﻢ ﻭﺍﻛﻔﺔ ﺑﺰﻭﺍﻳﺔ ﻭﻭﺟﻬﺔ ﻣﺨﻄﻮﻑ ﻣﻦ ﺍﻟﺨﻮﻑ ﻭﺟﻨﺎﻥ . ﻻﺯﻣﺘﻬﺎ ﻣﻦ ﺷﻌﺮﻫﺎ
ﺍﺣﺲ ﺍﻟﺪﻧﻴﺎ ﻏﻴﻤﺖ ﺑﻌﻴﻮﻧﻲ ﻭﺭﺣﺖ ﻫﺪﻳﺖ ﻋﻠﻴﻬﺎ
ﻭﺻﻠﺖ ﻻﺫﻧﻲ ﻛﻠﻤﺘﻴﻦ .
ﻣﺼﻴﺮﺝ ﺗﺮﺟﻌﻴﻠﻲ ﻣﺜﻞ ﺍﻟﻜﻠﺒﺔ
ﻣﺎ ﺍﻧﻄﻴﺖ ﻣﺠﺎﻝ ﻛﺒﻞ ﺳﺤﺒﺘﻬﺎ ﻣﻦ ﺩﺷﺪﺍﺷﺘﻬﺎ ﻭﺑﻜﻞ ﻗﻮﺗﻲ ﺍﻟﻤﺘﺒﻘﻴﺔ ﻭﺩﻓﻌﺘﻬﺎ ﺑﺎﻟﻜﺎﻉ
ﺳﺒﺤﺎﻥ ﺍﻟﻠﻪ ﺍﻟﻐﻀﺐ ﻳﻮﻟﺪ ﻃﺎﻗﺔ
ﻳﺴﺘﻤﺪﻫﺎ ﺣﺘﻰ ﻟﻮ ﻛﻨﺖ ﺑﻘﺎﻳﺎ ﺭﻣﺎﺩ
ﻋﻄﺖ ﺑﻴﻬﺎ ﺑﺼﻮﺕ
.. ﻟﺞ ﺍﻧﺘﻲ ﺷﺘﺴﻮﻳﻦ ﺟﺎﻳﺔ ﻫﻨﺎ
ﺍﻟﻤﻔﺮﺽ ﻫﺴﺔ ﺍﻧﺘﻲ ﻣﻜﺎﻧﺞ
ﺑﻤﺴﺘﺸﻔﻰ ﺍﻟﻤﺠﺎﻧﻴﻦ . ﻭﻳﺤﺠﺰﻭﻥ ﻋﻠﻴﺞ .
ﻻﻥ ﺍﻧﺘﻲ ﺧﻄﻎ ( ﺧﻄﺮ ) ﻋﻠﻰ ﺣﻴﺎﺓ ﺍﻟﻨﺎﺱ
ﺟﻨﺎﻥ .. ﺷﻨﻮ ﻗﺼﺪﺝ ﺍﻧﻲ ﻣﺨﺒﻠﺔ ﺑﺴﻴﻄﺔ ﻳﺎ ﻛﻠﺒﺔ
ﺍﺫﺍ ﻣﺎ ﺧﻠﻴﺖ ﻋﻤﺞ ﺍﻣﺠﺪ ﻳﺸﻮﻑ ﺷﻐﻠﻪ ﻭﻳﺎﺝ ﻣﺎ ﺍﻛﻮﻥ ﺟﻨﺎﻥ ﺍﻛﻴﺪ ﺍﻧﺘﻲ ﺍﻟﻲ ﺷﺠﻌﺘﻴﻬﺎ . ﻭﻏﻴﺮﺗﻴﻬﺎ ﻋﻠﻴﻨﺎ
ﺳﻤﻌﺖ ﺻﻮﺕ ﺷﻴﻤﺎﺀ ﻭﺳﺄﻟﺘﻨﺎ ﺷﻜﻮ ﺍﻟﻤﻦ ﻫﺬﺍ ﺍﻟﺼﻴﺎﺡ
ﻭﻣﻨﺎ ﺍﻟﻨﺴﻮﺍﻥ ﺟﻮﺓ ﺗﺴﻤﻌﻜﻢ .
ﺟﺎﻧﺖ ﺗﺤﺠﻲ ﻭﺑﺎﻭﻋﺖ ﻟﻤﺮﻳﻢ ﻗﻄﻌﺔ ﻛﻼﻣﻬﺎ ﻭﺷﻬﻜﺖ
ﻭﺭﻛﻀﺖ ﻋﻠﻴﻬﺎ
ﺍﺑﺎﻭﻉ ﻋﻠﻰ ﺳﺒﺐ ﺷﻬﻜﺘﻬﺎ
ﺟﺎﻧﺖ ﻣﺮﻳﻢ ﻛﺎﻋﺪﺓ ﻣﻜﺮﻓﺼﺔ ﻋﻠﻰ ﻧﻔﺴﻬﺎ ﺑﺰﻭﺍﻳﺔ ﺍﻟﺴﻄﺢ
ﺍﻧﺘﺒﻬﺖ ﻋﻠﻴﻬﺎ ﺻﺎﻛﺔ ﻋﻠﻰ ﺍﺳﻨﺎﻧﻬﺎ ﻭﺩﺗﺮﺟﻒ
ﻭﻫﺪﻭﻣﻬﺎ ﻛﻠﻬﻢ ﻣﺒﻠﻮﻟﺔ ﻣﻦ ﺟﻮﺓ
ﻭﻛﻊ ﻛﻠﺒﻲ ﻣﻦ ﺍﻟﺨﻮﻑ ﻋﻠﻴﻬﺎ
ﻳﻌﻨﻲ ﻣﻌﻘﻮﻟﺔ ﻣﺮﻳﻢ ﻭﺍﺻﻠﺔ ﻟﻬﺎﻱ ﺍﻟﺪﺭﺟﺔ ﻣﻦ ﺍﻟﺨﻮﻑ
ﻭﺍﻻﺭﻫﺎﺏ ﻣﻦ ﺟﻨﺎﻥ
ﺷﻴﻤﺎﺀ ﻛﻮﻣﺘﻬﺎ ﻣﻦ ﻣﻜﺎﻧﻬﺎ ﻭﻋﺎﻃﺖ ﺑﺠﻨﺎﻥ
.. ﺍﺣﺠﻲ ﺷﺴﻮﻳﺘﻲ ﺑﺄﺧﺘﻲ
ﺍﻟﻠﻪ ﻻ ﻳﻮﻓﻘﺞ
ﺟﻨﺎﻥ .. ﻻﺗﺨﺎﻓﻴﻦ ﻋﻠﻰ ﺍﺧﺘﺞ ﻣﺠﺮﻣﺔ
ﻭﻣﻜﺎﻧﻬﺎ ﻻﺯﻡ ﺑﺴﺠﻦ ﺍﻻﺻﻼﺣﻴﺔ .
ﻭﺧﺎﻑ ﻛﺪﺭﺗﻮﺍ ﺗﺴﻜﺘﻮﻥ ﺍﻣﺠﺪ ﻭﺗﺨﻠﻮﻧﻪ ﻳﺘﻨﺎﺯﻝ ﻋﻦ ﺣﻘﻲ ﻓﺎﻧﻲ ﻣﺴﺘﺤﻴﻞ ﺍﺳﻜﺖ ﻣﺜﻠﻪ
ﺭﺍﺡ ﺍﺧﻠﻲ ﺍﺧﻮﻳﺔ ﻳﺮﻭﺡ ﻭﻳﺎﻱ ﻟﻠﺸﺮﻃﺔ
ﻭﺍﻗﺪﻡ ﻋﻠﻴﻬﺎ ﺩﻋﻮﺓ . ﻋﻨﺪﻱ ﺗﻘﺎﺭﻳﺮ ﻭﺷﻬﻮﺩ ﺗﺜﺐ
ﺍﺧﺘﺞ ﺍﺗﻬﺠﻤﺖ ﻋﻠﻴﺔ ﻭﻃﻌﻨﺘﻨﻲ
......
ﻣﺮﻳﻢ ﺻﺮﺧﺖ ﻭﺩﻓﻨﺖ ﺭﺍﺳﻬﺎ ﺑﺤﻀﻦ ﺟﻨﺎﻥ
.. ﻻﻻﺍﺍﺍﺍﻻ ﻋﻔﻴﺔ ﺷﻴﻤﺎﺀ ﻣﺎ ﺍﺭﻳﺪ ﺍﺩﺧﻞ ﻟﻠﺴﺠﻦ
ﺷﻴﻤﺎﺀ ﻟﻤﺘﻬﺎ ﻟﺤﻀﻨﻬﺎ ﻭﺣﺠﺖ ﻭﻳﺔ ﺟﻨﺎﻥ
.. ﺍﻧﺘﻲ ﺭﻭﺣﻲ ﻗﺪﻣﻲ ﺑﻼﻏﺞ ﻟﻠﺸﺮﻃﺔ
ﻭﺍﺣﻨﺎ ﻧﻘﺪﻡ ﺑﻼﻏﻨﺎ ﻟﻠﺸﺮﻃﺔ . ﻭﻧﺸﻮﻑ ﻣﻨﻮ ﺑﻴﻨﺎ ﺍﻟﻲ
ﺭﺍﺡ ﻳﻨﺴﺠﻦ
ﻣﺜﻞ ﻣﺎ ﺍﻧﺘﻲ ﻋﻨﺪﺝ ﺗﻘﺮﻳﺮ ﻭﺷﻬﻮﺩ
ﻳﺪﺧﻞ ﺍﺧﺘﻲ ﻟﻠﺴﺠﻦ
ﺍﺣﻨﺎ ﻫﻤﺎﺗﻴﻦ ﻋﻨﺪﻧﺎ ﻣﻮ ﺗﻘﺮﻳﺮ ﻭﺍﺣﺪ ﻻ ﺗﻘﺎﺭﻳﺮ
ﺑﺲ ﻧﺴﻠﻤﻬﺎ ﻟﻠﺸﺮﻃﺔ ﻛﺒﻞ
ﻳﺪﺧﻠﻮﻧﺞ ﻟﻤﺴﺘﺸﻔﻰ ﺍﻟﻤﺠﺎﻧﻴﻦ
ﺍﺑﺎﻭﻉ ﻟﺠﻨﺎﻥ ﺍﺭﺗﺪﺕ ﻟﻠﺨﻠﻒ
ﻣﻔﺰﻭﻋﺔ
.. ﻣﺤﺪ ﺭﺍﺡ ﻳﺼﺪﻛﺞ ﺍﻧﻲ ﻣﺎ ﺑﻴﺔ ﺷﻲ
.. ﺍﻟﻠﻪ ﻳﺮﺣﻢ ﺣﺒﻮﺏ ﺍﻟﻤﻬﺪﺋﺎﺕ ﺍﻟﻲ ﻣﺎ ﺗﻮﻛﻊ ﻣﻨﺞ
ﺍﺑﺴﻂ ﺗﺤﻠﻴﻞ ﻟﻠﺪﻡ ﺭﺍﺡ ﻳﺜﺒﺖ ﺻﺤﺔ ﻛﻼﻣﻲ
ﺍﻧﺼﺤﺞ ﻻ ﺗﺠﺮﺑﻴﻦ ﺣﻈﺞ
ﺍﻧﺘﻲ ﺍﻟﻲ ﺭﺍﺡ ﺗﺘﺄﺫﻳﻦ
ﺍﺧﺬﺕ ﻣﺮﻳﻢ ﻭﻧﺰﻟﺘﻬﺎ ﺟﻮﺓ ﻟﻠﺤﻤﺎﻡ
ﺑﺎﻭﻋﺖ ﻟﺠﻨﺎﻥ ﻭﺍﻧﻄﻴﺘﻬﺎ ﻧﻈﺮﺓ ﺣﻘﺪ ﺍﺗﻤﻨﻴﺖ
ﻛﻮﻥ ﻣﺎﻋﺪﻧﺎ ﻧﺎﺱ ﺟﺎﻥ ﺍﻛﻠﺘﻬﺎ ﺑﺴﻨﻮﻧﻲ
ﺻﺎﺭ ﺍﻟﻠﻴﻞ ﻭﺍﻟﻔﺎﺗﺤﺔ ﻋﺰﻟﺖ ﻭﺧﺎﻟﺔ ﺍﻡ ﻗﺎﺳﻢ ﻭﻫﺎﻟﺔ ﺭﺍﺣﻮﺍ
ﻭﺍﻣﺠﺪ ﻭﺍﺛﻴﺮ ﺍﺟﻮﻱ ﺩﺧﻠﻮﺍ ﻟﻠﺒﻴﺖ
ﻭﺍﻣﺠﺪ ﺟﺎﻥ ﻛﺎﻟﺐ ﺍﻟﺨﻠﻘﺔ
ﺑﺎﻭﻉ ﻟﺠﻨﺎﻥ ﻭﻛﻠﻠﻬﺎ
.. ﻳﺎﻟﻠﻪ ﻛﻮﻣﻲ ﺗﺤﺮﻛﻲ ﺧﻠﻲ ﻧﻄﻠﻊ ﻻﻥ ﻟﻮ ﺍﺑﻘﻰ ﺩﻗﻴﻘﺔ
ﻭﺣﺪﺓ ﺍﺳﻮﻱ ﻣﺼﻴﺒﺔ
ﺍﺛﻴﺮ .. ﺷﻜﻮ ﺷﺒﻴﻚ ﺷﺼﺎﻳﺮ ﻟﻴﺶ ﺗﺤﺠﻲ ﻫﺸﻜﻞ
ﺍﻣﺠﺪ .. ﺍﺳﺄﻝ ﺑﻨﺎﺗﻚ ﺻﺮﺕ ﻣﺎ ﺍﺍﻣﻦ ﻋﻠﻰ ﻧﻔﺴﻲ
ﻳﻤﻬﻦ ﻭﺣﺪﺓ . ﺗﺬﺑﺢ ﻭﺍﻟﺜﺎﻧﻴﺔ ﻋﻨﺪﻫﺎ ﻋﺼﺎﺑﺔ
ﻭﻛﻞ ﺷﻮﻳﺔ ﻣﻬﺪﺩﺗﻨﺎ ﺑﻴﻬﻢ
ﻭﻫﺎﻱ
ﺟﺎﻥ ﻳﺄﺷﺮ ﻋﻠﻰ ﺷﻴﻤﺎﺀ
.. ﻛﻠﺔ ﻣﻦ ﺟﻮﺓ ﻟﺠﻮﺓ ﺗﺸﺘﻐﻞ
ﻭﺍﻟﻠﻪ ﺍﻟﻴﻌﻠﻢ ﺷﻨﻮ ﺍﻟﻲ ﻣﺴﻮﻳﺘﻪ ﻭﺧﺎﻟﺔ ﺍﻟﺮﻳﺎﺟﻴﻞ
ﺗﻔﺰﻋﻠﻬﺎ ﺑﺄﺷﺎﺭﺓ ﻣﻨﻬﺎ
ﻇﻠﻴﻨﺎ ﻣﺼﺪﻭﻣﺎﺕ ﻋﻠﻰ ﻛﻼﻡ ﺍﻣﺠﺪ
ﺍﺛﻴﺮ .. ﺍﻣﺠﺪ ﺷﻨﻮ ﺷﺒﻴﻚ ﺍﺗﺨﺒﻠﺖ ﺷﻨﻮ ﻣﻨﺎﺳﺒﺔ ﻫﺬﺍ ﺍﻟﺤﺠﻲ
ﺍﻟﺒﻨﺎﺕ ﺷﻨﻮ ﺳﻮﻭﻟﻚ ﺣﺘﻰ ﺗﺤﺠﻲ ﻫﺸﻜﻞ ﻋﻠﻴﻬﻢ
ﺧﺎﺏ ﺍﻣﺪﺍ ﺣﻈﻲ ﺍﻏﻢ ﺭﻭﺣﻲ ﺍﺣﺴﻦ ﻫﻲ ﻫﺎﻱ ﺍﻟﻲ ﺍﻟﻠﻪ ﻗﺪﺭﻙ ﻋﻠﻴﻬﺎ .
ﻋﺎﻳﺰ ﺑﺲ ﻳﺎﺧﺬ ﺍﻣﺠﺪ ﺑﺎﻻﺣﻀﺎﻥ
ﺍﺍﺍﺥ ﻳﻤﺔ ﺭﺍﺳﻲ ﻭﺍﻟﻠﻪ ﻣﻮﺗﻨﻲ
ﺷﻴﻤﺎﺀ ﺩﺍﺭﺕ ﻋﻠﻴﻨﺎ ﻭﻛﺎﻟﺖ
.. ﺍﻟﻜﻼﻡ ﺿﺎﻳﻊ ﻭﻳﺎﻫﻢ ﻳﺎﻟﻠﻪ ﺑﻨﺎﺕ ﺍﻣﺸﻮﺍ ﺧﻠﻲ ﻧﻄﻠﻊ ﻭﺻﻞ ﺍﻟﺴﺎﻳﻖ ﺑﺎﻟﺒﺎﺏ
ﻣﺠﺎﻭﺑﺘﻬﻢ ﻭﻻ ﺣﺘﻰ ﻭﺟﻬﺘﻠﻬﻢ ﻛﻼﻡ ﻋﺒﺎﻟﻚ ﻫﻤﺔ ﻣﺎ ﺍﻟﻬﻢ ﻭﺟﻮﺩ
ﺍﺑﺎﻭﻉ ﻟﻤﺮﻳﻢ ﻻﺯﻣﺔ . ﺍﻳﺪ ﺷﻴﻤﺎﺀ ﻭﺗﺒﺎﻭﻉ ﺑﺨﻮﻑ ﻋﻠﻰ ﺍﻣﺠﺪ ﻭﺟﻨﺎﻥ
ﺑﺤﻴﺚ ﺷﻴﻤﺎﺀ ﻣﻦ ﻛﺎﻟﺖ ﺍﻣﺸﻮﺍ ﺧﻠﻲ ﻧﻄﻠﻊ ﺭﻛﻀﺖ ﻛﺪﺍﻣﻨﺎ ﻟﻠﺒﺎﺏ
ﻳﺎ ﺍﻟﻠﻪ ﺧﻮﻓﻬﺎ ﻳﻜﺴﺮ ﺍﻟﻜﻠﺐ
ﻃﻠﻌﻨﺎ ﻟﻠﺒﺎﺏ
ﻭﺩﻙ ﻧﻘﺎﻝ ﺷﻴﻤﺎﺀ
ﺭﺩﺕ ﻋﺎﻟﻤﺘﺼﻞ ﺷﻮﻳﺔ ﻭﺑﺎﻭﻋﺖ ﻋﻠﻴﺔ ﻭﻛﺎﻟﺖ
.. ﻫﺬﺍ ﻗﺎﺳﻢ ﻳﻜﻮﻝ ﺍﻧﺎ ﺑﺎﻟﺒﺎﺏ ﻣﻨﺘﻈﺮ
ﺑﻼ ﺯﺣﻤﺔ ﻛﻮﻟﻲ ﻟﻬﺪﻯ ﺧﻠﻲ ﺗﻄﻠﻌﻠﻲ
ﺍﺣﺲ ﺑﻜﻠﺒﻲ ﻛﺎﻡ ﻳﺨﻔﻖ ﻭﺿﺎﻋﺖ ﻋﻠﻴﺔ ﺍﻟﺴﺎﻟﻔﺔ
ﻳﺨﻔﻖ ﻣﻦ ﺍﻟﺸﻮﻙ ﻣﺪﺭﻱ ﻳﺨﻔﻖ ﻣﻦ ﺍﻟﻀﻌﻒ ﻭﺍﻟﺘﻌﺐ
ﺑﺎﻭﻋﺖ ﻟﻠﺒﻨﺎﺕ ﻭﺳﻠﻤﺖ ﻋﻠﻴﻬﻢ
ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﻭﻟﻜﻴﺘﻪ ﻭﺍﻛﻒ ﻳﻢ ﺍﻟﺒﺎﺏ ﻣﺪﻧﻚ ﺭﺍﺳﻪ
ﺑﺲ ﻃﻠﻌﺖ ﺭﻓﻊ ﺭﺍﺳﻪ ﻭﺍﻗﺘﺮﺏ ﻣﻨﻲ ﻭﻋﻴﻮﻧﻪ
ﻧﺎﺭ
ﺳﻠﻢ ﻋﺎﻟﺒﻨﺎﺕ ﻭﺭﺣﻨﺎ
ﺑﺎﻟﺴﻴﺎﺭﺓ ﺑﺎﻭﻉ ﻋﻠﻴﺔ ﺑﻐﻀﺐ
.. ﺍﻧﺘﻲ ﺷﻨﻮ ﺳﺎﻟﻔﺘﺞ
ﻳﻌﻨﻲ ﺍﻟﻲ ﻳﺮﻳﺪ . ﻳﺤﺠﻲ ﻭﻳﺎﺝ . ﻣﻴﻜﺪﺭ ﻳﻮﺻﻠﺞ ﺍﻻ ﺑﺎﻟﺸﺎﻓﻌﺎﺕ
.......
ﺑﺎﻭﻋﺖ ﻋﻠﻴﻪ ﺍﺣﺲ ﺭﺍﺳﻲ ﻳﺮﻳﺪ ﻳﻨﻔﺠﺮ ﻭﺍﻻﻟﻢ ﻧﺰﻝ ﻋﻠﻰ ﻋﻴﻮﻧﻲ
ﻳﻌﻨﻲ ﻛﻠﺶ ﻣﻮ ﻭﻛﺘﻪ ﺍﻧﻲ ﻫﺴﺔ ﺑﺤﺎﺟﺔ
ﻭﺍﺣﺪ ﻳﻨﻄﻴﻨﻲ ﻋﻼﺝ ﻣﺴﻜﻦ ﻟﻠﺼﺪﺍﻉ
ﻭﺍﺷﺮﺏ ﺷﻲ ﻳﺴﻜﻦ ﻣﻌﺪﺗﻲ ﻭﻫﺎﻱ ﻫﻲ ﻛﻠﺸﻲ ﻣﺎ ﺍﺭﻳﺪ ﺑﻌﺪﻫﺎ
ﺣﺠﺔ ﺑﻐﻀﺐ
.. ﺍﻧﺎ ﻭﻳﺎﻣﻦ ﺍﺣﺠﻲ ﻟﻴﺶ ﻣﺘﺮﺩﻳﻦ
.. ﻗﺎﺳﻢ ﻧﻘﺎﻟﻲ ﻋﻄﻼﻥ ﻭﺧﺎﻟﺔ ﻛﻠﺘﻠﻚ .
ﻋﻔﻴﺔ ﻛﺎﻓﻲ ﻻ ﺗﺼﻴﺢ ﻏﺎﺳﻲ ﻏﺎﺡ ﻳﻨﻔﺠﻎ ( ﺭﺍﺳﻲ ﺭﺍﺡ ﻳﻨﻔﺠﺮ )
ﺭﺟﻌﺖ ﺭﺍﺳﻲ ﻟﻴﻮﺭﺓ ﻭﻫﻮ
ﻛﻤﻞ ﻛﻼﻣﻪ
.. ﻫﺬﺍ ﺍﻟﺼﺪﺍﻉ ﺣﺠﺔ ﺟﺪﻳﺪﺓ ﺣﺘﻰ ﺗﺘﺠﻨﺒﻴﻦ ﺗﺤﺠﻴﻦ ﻭﻳﺎﻳﺔ
ﻣﺜﻞ ﻛﻞ ﻣﺮﺓ ﺗﺤﺎﻭﻟﻴﻦ ﺗﺘﻬﺮﺑﻴﻦ ﻣﻦ ﻗﺎﺳﻢ
ﻫﻮ ﻳﺤﺠﻲ ﻭﺍﻧﻲ ﺭﺍﺳﻲ ﻛﺎﻡ ﻳﻨﺒﺾ ﻣﻦ ﺍﻻﻟﻢ ﻭﺍﻟﺴﻴﺎﻗﺔ ﻛﺎﻧﺖ ﺳﺮﻳﻌﺔ
ﺣﺴﻴﺖ ﻣﻌﺪﺗﻲ ﻛﺎﻣﺖ ﺗﻜﻠﺐ
.. ﺍﻧﺎ ﻣﻮ ﻛﻠﺖ ﺗﺮﺟﻌﻴﻦ ﻭﻳﺔ ﺍﻣﻲ ﻭﻫﺎﻟﺔ ﻟﻴﺶ ﻣﺎ
ﺭﺟﻌﺘﻲ ﻟﻠﺒﻴﺖ ﻭﻳﺎﻫﻢ . ﻟﻮ ﻫﻲ ﻣﺴﺄﻟﺔ ﻋﻨﺎﺩ
ﺣﻀﻨﺖ ﻧﻔﺴﻲ ﻭﻫﻤﺴﺖ ﺑﺎﻟﻜﻮﺓ
.. ﻣﻮﻗﺼﺔ ﻋﻨﺎﺩ ﺑﺲ ﺻﺎﻍ ﻇﻐﻒ ( ﺻﺎﺭ ﻇﺮﻑ ) ﺍﻗﻮﻯ ﻣﻨﻲ ﺧﻼﻧﻲ
ﺍﺑﻘﻰ ﻳﻢ ﺧﻮﺍﺗﻲ
ﻋﺮﻛﺖ ﻛﺼﺘﻲ ﻭﺛﻘﻞ ﺍﻟﻨﻔﺲ ﻋﻠﻰ ﺻﺪﺭﻱ
ﺣﺴﻴﺖ ﻋﺎﻟﺴﻴﺎﺭﺓ ﺍﺗﻮﻗﻔﺖ ﺑﺎﻭﻋﺖ ﻭﺻﻠﻨﺎ ﻟﻠﺒﻴﺖ
ﻧﺰﻝ ﻗﺎﺳﻢ ﻭﺩﺍﺭ ﺣﻮﻝ ﺍﻟﺴﻴﺎﺭﺓ
ﻓﺘﺤﺖ ﺍﻟﺒﺎﺏ ﻭﻧﺰﻟﺖ ﻣﻨﻬﺎ ﻋﺎﻟﺴﺮﻳﻊ
ﺭﺟﻠﻴﺔ ﺟﺎﻧﺖ ﺧﻴﻮﻁ ﻭﻣﻌﺪﺗﻲ ﻛﻠﺒﺖ
ﻭﺻﻠﺖ ﻟﻨﻘﻄﺔ ﺍﻟﺼﻔﺮ
ﻛﻌﺪﺕ ﻋﺎﻟﺮﺻﻴﻒ ﻭﺻﺮﺕ ﺍﺗﻘﻲﺀ
ﻭﻗﺎﺳﻢ ﺍﻧﺨﺒﺺ ﻭﺍﺗﺼﻞ ﻋﻠﻰ ﺧﺎﻟﺘﻲ
ﻛﻠﺸﻲ ﻣﺎ ﺍﻓﺘﻬﻤﺖ ﻣﻨﻪ ﺑﺲ ﻳﺼﻴﺢ
ﺟﻨﺖ ﻣﻠﺘﻬﻴﺔ ﺑﺎﻟﻔﺸﻠﺔ ﻣﺎﻟﺘﻲ
ﻋﻠﻰ ﺍﻻﺳﺎﺱ ﺍﻧﻲ ﻋﺎﻳﺰﺓ ﺍﺣﺮﺍﺟﺎﺕ ﻭﻳﺔ ﻗﺎﺳﻢ
ﻭﻛﻤﻠﺘﻬﺎ
ﺍﺑﺎﻭﻉ ﻋﻠﻴﻪ ﻛﻌﺪ ﻳﻤﻲ ﻋﺎﻟﺮﺻﻴﻒ ﻓﺘﺢ ﺍﻟﺸﺎﻝ
ﺑﺲ ﺑﻘﻰ ﻋﻠﻰ ﺭﺍﺳﻲ
ﻭﺻﺎﺭ ﻳﻤﺴﺢ ﻋﻠﻰ ﻇﻬﺮﻱ ﺑﻜﻒ ﺍﻳﺪﻩ ﻭﻫﻮ ﻳﺤﺠﻲ
.. ﻛﻮﻣﻲ ﺧﻠﻲ ﺍﺧﺬﺝ ﻟﻠﻤﺴﺘﺸﻔﻰ ﻭﺟﻬﺞ . ﺻﺎﺭ ﺍﺻﻔﺮ
ﻣﺎﻋﺖ ﺭﻭﺣﺞ
ﻃﻠﻌﺖ ﺧﺎﻟﺘﻲ ﻭﻫﻲ ﻭﻫﺎﻟﺔ
ﻭﺍﻟﺘﻬﻮﺍ ﺑﻴﺔ
ﺍﻡ ﻗﺎﺳﻢ .. ﻳﺎ ﻋﻴﻨﻲ ﻭﺍﻟﻠﻪ ﺍﻟﻴﻮﻡ ﺍﻭﻝ ﻣﺸﻔﺘﺞ ﺷﻜﻠﺞ ﻣﺎﻋﺠﺒﻨﻲ
.. ﺣﺠﻴﺔ ﺧﻠﻲ ﻧﺎﺧﺬﻫﺎ ﻟﻠﻤﺴﺘﺸﻔﻰ
ﺍﻡ ﻗﺎﺳﻢ .. ﻟﺘﺨﺎﻑ ﻳﻤﺔ ﻗﺎﺳﻢ ﻫﺎﻱ ﻣﺮﺗﻚ ﺣﺎﻣﻞ
ﻭﺩﺗﺘﻮﺣﻢ
ﺑﺲ ﺧﻠﻲ ﻧﺎﺧﺬﻫﺎ ﻟﻠﻤﺴﺘﺸﻔﻰ ﺣﺘﻰ ﻧﺘﻄﻤﻦ ﻋﻠﻴﻬﺎ
ﺍﺑﺎﻭﻉ ﻟﻘﺎﺳﻢ ﻫﻤﺲ ﻣﻦ ﺑﻴﻦ ﺍﺳﻨﺎﻧﻪ ﻭﻛﻮﻣﻨﻲ ﻣﻦ ﻋﻠﻰ ﺍﻟﺮﺻﻴﻒ ﻭﻛﺎﻝ
.. ﻣﺎ ﺍﻋﺮﻑ ﺍﻟﺤﺠﻴﺔ ﺷﺘﺤﺲ
ﻛﻞ ﺷﻮﻳﺔ ﻣﻄﻠﻌﺘﻠﻲ ﺍﺷﺎﻋﺔ ﻣﺜﻞ ﺍﻟﻔﻨﺎﻧﻴﻦ
ﻓﺘﺢ ﺑﺎﺏ ﺍﻟﺴﻴﺎﺭﺓ . ﻭﺻﻌﺪﺕ
ﺍﻡ ﻗﺎﺳﻢ .. ﺑﺲ ﺍﻧﺘﻈﺮﻭﻧﻲ
ﺍﻟﺒﺲ ﻋﺒﺎﺗﻲ
.. ﻻﺣﺠﻴﺔ ﺍﺑﻘﻲ ﻣﻴﺤﺘﺎﺝ ﻫﺎﻱ ﻫﻨﺎ ﺍﻟﻤﺴﺘﺸﻔﻰ
ﺷﻐﻞ ﺍﻟﺴﻴﺎﺭﺓ
ﻭﺍﺧﺬﻧﻲ ﻟﻠﻤﺴﺘﺸﻔﻰ ﺗﺼﻴﺮ
ﻗﺮﻳﺒﺔ ﻋﻠﻰ ﺑﻴﺘﻬﻢ
ﺟﺎﻥ ﺍﻛﻮ ﺩﻛﺘﻮﺭ ﻣﻘﻴﻢ ﻣﻮﺟﻮﺩ ﻭﺻﺎﺭ ﻳﺴﺄﻟﻨﻲ ﻭﺟﻴﻚ ﺍﻟﻀﻐﻂ
ﺟﺎﻥ ﺿﻐﻄﻲ ﻫﺎﺑﻂ ﻭﻛﺎﻝ ﻟﻘﺎﺳﻢ
.. ﺧﻠﻴﻬﺎ ﺗﺎﻛﻞ ﻣﻮﺍﻟﺢ ﺣﺘﻰ ﺗﻌﺎﺩﻝ ﺍﻟﻀﻐﻂ
ﻭﻗﺎﺱ ﺍﻟﺤﺮﺍﺭﺓ ﺟﺎﻧﺖ ﻣﺮﺗﻔﻌﺔ
ﺑﻌﺪﻫﺎ ﻃﻠﺐ ﻣﻨﻲ ﺍﺳﻮﻱ ﻣﺠﻤﻮﻋﺔ ﺗﺤﺎﻟﻴﻞ
ﻭﺟﺎﻥ ﺍﻟﻮﻗﺖ ﻟﻴﻞ ﻭﺍﻟﻤﺨﺘﺒﺮ ﻣﺎﻛﻮ ﻣﻌﺰﻝ
ﻗﺎﺳﻢ ﻫﻤﺲ ﻳﻤﻲ ﻭﻛﺎﻝ
.. ﺍﻛﻮﻝ ﻫﺎﺩﻱ ﺷﻨﻮ ﺭﺃﻳﻚ ﺍﻛﻠﻪ ﻳﻜﺘﺒﻠﻚ
ﺗﺤﻠﻴﻞ ﺣﻤﻞ ﻓﺪ ﻣﺮﺓ ﺑﻄﺮﻳﻘﻪ
......
ﺷﻬﻜﺖ ﻭﺧﺰﺭﺗﻪ ﻭﺩﺭﺕ ﻭﺟﻬﻲ ﻋﻨﻪ
ﺗﺼﺮﻓﺎﺕ ﻗﺎﺳﻢ ﻏﺮﻳﺒﺔ ﺣﻴﺮﺗﻨﻲ
ﺑﻌﺪﻫﺎ ﺍﻟﺪﻛﺘﻮﺭ ﻛﺘﺒﻠﻲ ﻭﺻﻔﺔ
ﺍﺧﺬﻫﺎ ﻗﺎﺳﻢ . ﻭﺳﺎﻋﺪﻧﻲ ﺣﺘﻰ ﺍﻛﻮﻡ
ﻭﺭﺟﻌﻨﺎ ﻟﻠﺒﻴﺖ
ﻟﻜﻴﻨﺎ ﺍﻡ ﻗﺎﺳﻢ
ﻣﻨﺘﻈﺮﺗﻨﺎ ﺑﺎﻟﺒﺎﺏ
.. ﻫﺎ ﺑﺸﺮﻭﺍ ﺷﻠﻮﻧﻬﺎ
.. ﻃﻠﻊ ﻋﻨﺪﻫﺎ ﻫﺒﻮﻁ ﺑﺎﻟﻀﻐﻂ ﻭﺣﺮﺍﺭﺗﻬﺎ ﻣﺮﺗﻔﻌﻬﺎ ﺷﻜﻠﻬﺎ
ﺑﺪﺍﻳﺔ ﻓﻼﻭﻧﺰﺓ
ﺍﻡ ﻗﺎﺳﻢ ﺣﺠﺖ ﺑﺼﻮﺕ ﺧﺬﻻﻥ
.. ﺻﺪﻙ ﻳﻌﻨﻲ ﺑﺲ ﻫﻴﺞ ﻛﻠﻠﻜﻢ ﺍﻟﺪﻛﺘﻮﺭ
ﺭﻓﻊ ﺣﺎﺟﺒﻪ ﻭﻛﺎﻝ .. ﻳﻌﻨﻲ ﺷﻨﻮ ﺗﺮﺩﻳﻦ ﻳﺼﻴﺮ ﺑﻴﻬﺎ ﺟﻠﻄﺔ
ﺍﺑﺘﺴﻤﺖ ﻋﻠﻰ ﺧﺒﺎﺛﺔ ﻗﺎﺳﻢ ﻭﻳﺔ ﺍﻣﻪ
ﺟﺎﻥ ﻳﻌﺮﻑ ﺑﻘﺼﺪ ﺍﻣﻪ ﺑﺲ ﻏﻠﺲ ﻋﻠﻴﻬﺎ
ﺻﻌﺪﻧﻲ ﻓﻮﻙ ﻟﻠﻐﺮﻓﺔ
ﻭﺍﻭﻝ ﻣﺎ ﺩﺧﻠﺖ ﻛﺎﻝ
.. ﺍﺍﺍﺍﺍﺥ ﻳﺎﻫﺎﺩﻱ ﻃﻠﻌﺖ ﻣﺎ ﺑﻴﻚ ﺧﻴﺮ ﺯﺍﻳﻊ ﺭﻭﺡ ﺑﺲ ﺍﻟﺴﺎﻥ ﻭﺭﺍﺱ ﻳﺎﺑﺲ
ﻃﻠﻌﺖ ﺭﻭﺣﻚ ﺗﺮﻓﺔ ﻭﺑﺴﺮﻋﺔ ﺗﺴﻨﺢ
ﺍﺣﺲ ﺣﺮﺍﺭﺗﻲ ﺍﺭﺗﻔﻌﺖ ﻟﺨﺪﻭﺩﻱ ﻣﻦ ﻭﺭﺓ ﻛﻼﻣﻪ
ﻣﺪﺭﻱ ﺻﺨﻨﺖ
ﺭﺣﺖ ﺍﻃﻠﻊ ﺍﻟﻲ ﻣﻼﺑﺲ
ﺳﻤﻌﺘﻪ .. ﻭﺍﻟﻠﻪ ﻳﺎﻫﺎﺩﻱ ﻣﻜﺎﻧﻚ ﻓﺎﺭﻍ
ﺍﻟﻚ ﻭﺣﺸﺔ
ﺍﺳﺘﻐﻔﺮ ﺍﻟﻠﻪ ﻫﻮ ﺍﻧﻲ ﺍﻟﻤﺼﺨﻨﺔ ﻟﻮ ﻫﻮ
ﺍﺷﻮ ﺩﻳﺤﺠﻲ ﻛﻼﻡ ﻏﺮﻳﺐ
ﻃﻠﻌﺖ ﺛﻮﺏ ﻗﺼﻴﺮ ﻭﺳﺪﻳﺖ ﺍﻟﻜﻨﺘﻮﺭ ﻭﺩﺭﺕ ﻭﺟﻬﻲ
ﻭﺍﺟﻴﺖ ﺍﻧﺪﻋﻢ ﺑﺼﺪﺭﻩ
ﻋﺰﺓ ﻫﺬﺍ ﺷﻮﻛﺖ ﻭﻛﻒ ﻭﺭﺍﻱ
ﺭﻓﻌﺖ ﺭﺍﺳﻲ ﻭﻋﻴﻮﻧﻲ ﺍﺟﺘﻲ ﺑﻌﻴﻮﻧﻪ ﺟﺎﻧﺖ ﻋﻴﻮﻧﻪ ﺑﻴﻬﻢ ﺷﻲ ﻏﺮﻳﺐ
ﺭﻓﻊ ﺍﻳﺪﻩ ﻭﺍﺗﻠﻤﺲ ﺧﺪﻱ ﺑﻈﻬﺮ ﻛﻔﻪ
.. ﺧﺪﻭﺩﺝ ﺣﻤﺎﺭﻫﻢ ﻳﺠﻴﺐ ﺍﻟﺘﺎﻳﻪ
ﻻﻻ ﻻ ﻛﻠﺶ ﻫﻮﺍﻱ ﻋﻠﻴﺔ
ﻭﺍﻟﻠﻪ ﻗﻠﺒﻲ ﺍﻟﺼﻐﻴﺮ ﻻ ﻳﺘﺤﻤﻞ
ﻏﻤﻀﺖ ﻋﻴﻮﻧﻲ ﻭﻣﻴﻠﺖ ﺭﺍﺳﻲ ﻋﻠﻰ ﻛﻒ ﺍﻳﺪﻩ
ﻳﺎﻟﻠﻪ ﻋﻠﻰ ﺍﻻﻗﻞ ﺍﻧﻲ ﻣﺮﻳﻀﺔ ﻭﻋﺬﺭﻱ ﻭﻳﺎﻱ
ﺍﻻ ﻫﻮ ﺷﻨﻮ ﻋﺬﺭﻩ ﻣﻦ ﻳﺴﻮﻱ ﻭﻳﺎﻱ ﻫﺎﻟﺤﺮﻛﺎﺕ
.. ﻣﺸﺘﺎﺍﺍﺍﺍﺍﺍﻙ ﻟﻠﻐﻮﻏﺔ
ﻫﺎﺩﻱ ﺍﻣﺎﻧﺔ ﺳﻤﻌﻨﻲ ﺻﻮﺗﻚ ﺧﻠﻴﻨﻲ ﺍﻧﻄﺮﺏ
.. ﻻ ﻣﺎ ﺍﻏﻴﺪ . ( ﺍﺭﻳﺪ ) ﺷﻨﻮ ﺍﻃﻐﺒﻚ ( ﺍﻃﺮﺑﻚ )
ﻛﺎﻡ ﻳﻀﺤﻚ ﻣﻦ ﻛﻞ ﻛﻠﺒﻪ ﻋﻠﻰ ﻛﻼﻣﻲ ..
.. ﻭﺍﺧﻴﺮﺍ .. ﺩﻳﺮﻱ ﺑﺎﻟﺞ ﺗﻔﻜﺮﻳﻦ
ﺗﺒﺎﺗﻴﻦ ﻳﻢ ﺧﻮﺍﺗﺞ
ﺍﻧﺪﻙ ﺍﻟﺒﺎﺏ ﺍﺑﺘﻌﺪ ﻭﺭﺍﺡ ﻳﻔﺘﺢ ﺍﻟﺒﺎﺏ ﺟﺎﻧﺖ ﻫﺎﻟﺔ
ﺷﺎﻳﻠﺔ ﺑﻴﺪﻫﺎ ﺻﻴﻨﻴﺔ ﺍﻟﻌﺸﺎ
ﺩﺍﺭ ﻭﺟﻬﻪ ﻋﻠﻴﺔ ﻭﻛﺎﻝ ﺍﻧﺎ ﻧﺎﺯﻝ
ﻃﻠﻊ ﻭﻫﺎﻟﺔ ﺗﺒﺎﻭﻉ ﻋﻠﻴﺔ ﻭﻋﻠﻰ ﻗﺎﺳﻢ
ﻭﺳﺄﻟﺘﻨﻲ ﺑﻔﻀﻮﻝ ﺍﻟﻌﺠﺎﻳﺰ
.. ﺷﻨﻮﻭﻭﻭﻭﻭﻭ ﺟﻨﺘﻮ ﺗﺴﻮﻭﻭﻭﻥ
.. ﻋﻮﺑﺔ ﻫﻮ ﻣﻦ ﻭﻏﺎﺝ ( ﻭﺭﺍﺝ )
ﻛﻠﺸﻲ ﻣﺎ ﻟﺤﻜﻨﺎ ﻧﺴﻮﻱ
ﻫﺴﺔ ﺍﻧﺘﻲ ﻭﻛﺘﺞ ﺍﺟﻴﺘﻲ ﻗﻄﻌﺘﻲ ﻋﻠﻴﻨﺎ ﺍﻟﻠﺤﻈﺔ
ﻋﻮﺑﺔ . ﻗﻄﻊ ﺍﻻﻋﻨﺎﻕ ﻭﻻ ﻗﻄﻊ ﺍﻻﻏﺰﺍﻕ ( ﺍﻻﺭﺯﺍﻕ )
ﻫﺎﻟﺔ .. ﺧﺎﺏ ﺷﻮﻑ ﻫﺎﻱ ﻣﺼﺪﻛﺔ ﺭﻭﺣﻬﺎ
ﻫﻮ ﻟﻮﻣﺎ ﺍﻡ ﻗﺎﺳﻢ ﺳﺎﺣﻠﺘﻨﻲ ﺑﺎﻟﺮﺯﺍﻳﻞ
ﻋﻠﻤﻮﺩ ﺍﺻﻌﺪﻟﺞ ﺻﻴﻨﻴﺔ ﺍﻟﻌﺸﺎ ﺟﺎﻥ ﻣﺎ ﺍﺟﻴﺖ
ﺍﺗﻠﻤﺴﺖ ﺭﺍﺳﻲ
.. ﺍﺍﺍﺍﺍﺥ ﻳﺎﻳﻤﺔ ﺭﺍﺳﻲ
ﺑﺪﻟﺖ ﻣﻼﺑﺴﻲ ﻭﻛﻌﺖ ﻳﻢ ﻫﺎﻟﺔ
ﺑﺎﻭﻋﺖ ﻟﻠﺼﻴﻨﻴﺔ ﺍﻻﻛﻞ ﺟﺎﻥ ﺑﻴﻬﺎ
ﻟﺤﻢ ﺷﻮﻱ ﻭﺷﻮﺭﺑﺔ ﻋﺪﺱ ﻭﺯﻻﻃﺔ
ﻓﺘﻮﺵ .
.......
ﺣﺴﻴﺖ ﺑﺎﻟﺠﻮﻉ ﺑﺲ ﺷﻔﺖ ﺍﻻﻛﻞ ﻭﺍﻧﻔﺘﺤﺖ ﺷﻬﻴﺘﻲ
ﻧﺰﻟﺖ ﻋﻠﻰ ﺍﻻﻛﻞ ﻓﺮﺩ ﻧﺰﻟﺔ
ﻫﻮ ﺍﻧﻲ ﻟﻮ ﺟﻮﻋﺎﻧﺔ ﻟﻮ ﺷﻮﻓﺔ ﻗﺎﺳﻢ ﺳﻮﺗﻠﻲ ﻭﺍﻫﺲ ﻟﻼﻛﻞ
ﺟﻨﺖ ﺍﻛﻞ ﻭﻫﺎﻟﺔ
ﺗﺴﺄﻟﻨﻲ ﻋﻦ ﺍﻟﺼﺎﺭ ﻓﻮﻙ ﺍﻟﺴﻄﺢ
ﺟﺎﻥ ﺍﻟﻔﻀﻮﻝ ﻳﻘﺮﺓ ﻋﻨﺪﻫﺎ ﺍﻟﻒ
ﺳﻮﻟﻔﺘﻠﻬﺎ ﻋﻠﻰ ﻣﺮﻳﻢ ﻭﺍﻟﺼﺎﺭ ﺑﻴﻬﺎ
ﻭﺷﻨﻮ ﺳﻮﺗﻠﻬﺎ ﺟﻨﺎﻥ
ﻫﺎﻟﺔ .. ﻳﺎﻋﻴﻨﻲ ﻭﺍﻟﻠﻪ ﻛﺴﺮﺕ ﻛﻠﺒﻲ
ﺧﻄﻴﺔ ﺧﻠﻲ ﺳﺖ ﻫﺪﻳﻞ ﺗﺠﻲ ﺗﺴﻤﻊ
ﺍﻟﻈﻠﻢ ﻭﺍﻟﻘﻬﺮ
ﺣﺘﻰ ﺗﺒﻄﻞ ﺗﻜﻮﻝ . ﺍﻧﻲ ﻣﻈﻠﻮﻣﺔ
ﻗﺎﺳﻢ ﺍﺧﻮﻱ ﺧﺎﻧﻜﻨﻲ ﻫﻮ ﻭﺍﻣﻲ ﻣﻴﻘﺒﻠﻮﻥ
ﺍﻃﻠﻊ ﻭﻳﺔ . ﺻﺪﻳﻘﺎﺗﻲ ﻟﻠﻤﻮﻝ
ﺧﻠﻲ ﺗﺸﻮﻑ ﺣﻴﺎﺓ . ﻣﺮﻳﻢ ﺍﻟﻲ ﺑﻨﻔﺲ ﻋﻤﺮﻫﺎ
ﺣﺘﻰ ﺗﻌﺮﻑ ﺷﻨﻮ ﻣﻌﻨﺎ ﻛﻠﻤﺔ ﺣﻴﺎﺗﻲ ﺻﻌﺒﺔ
.. ﺧﻠﻲ ﺗﺤﻤﺪ ﻏﺒﻬﺎ ﻭﺗﺸﻜﻐﻪ . ( ﺭﺑﻬﺎ ﻭﺗﺸﻜﺮﻩ ) ﻋﻨﺪﻫﺎ ﻭﺍﺣﺪ ﻣﺜﻞ ﻗﺎﺳﻢ ﻣﺴﺆﻭﻝ ﻋﻨﻪ
ﻭﻳﺤﻤﻴﻬﺎ . ﻭﻣﻮﻓﻎ ( ﻣﻮﻓﺮ ) ﺍﻟﻬﺎ ﺍﻻﻣﺎﻥ . ﺑﻌﺪ ﺷﺘﻐﻴﺪ ( ﺷﺘﺮﻳﺪ )
.. ﺍﻱ ﻭﺍﻟﻠﻪ ﺻﺪﻙ ﺧﻄﻴﺔ ﻗﺴﻮﻣﻲ ﺍﺧﻮﻳﺔ ﻫﻮ ﺑﺎﻟﺬﺍﺕ
ﻫﻮﺍﻱ ﻳﺨﺎﻑ ﻭﺣﺮﻳﺺ ﻋﻠﻴﻨﺎ ﻟﺬﻟﻚ ﺗﺸﻮﻓﻴﻨﻪ ﺻﻌﺐ
ﻭﻣﺘﺸﺪﺩ ﻣﺮﺍﺕ ﻭﻳﺎﻧﺎ ﻋﻠﻤﻮﺩ . ﻣﺼﻠﺤﺘﻨﺎ
ﺑﺲ ﻫﺪﻳﻞ ﺑﻌﺪﻫﺎ ﺻﻐﻴﺮﺓ ﻣﺘﻘﺪﺭ ﻫﺎﻱ ﺍﻟﻨﻌﻤﺔ
ﻏﻤﻀﺖ ﻋﻴﻮﻧﻲ
.. ﺍﻱ ﺻﺪﻙ ﻫﺎﻟﺔ
ﺍﺷﻮ ﺍﺧﻮﺝ ﺷﻮﻛﺖ ﻣﺎ ﺍﺟﻴﻪ ﻳﺼﻴﺢ ﺍﻧﺎ ﺍﻛﻐﻪ ( ﺍﻛﺮﻩ ) ﺷﻲ ﺍﺳﻤﻪ
ﺍﻟﻤﺴﺆﻭﻟﻴﺔ ﻭﺍﻻﻟﺘﺰﺍﻡ
ﺯﻳﻦ ﺍﻧﻲ ﺍﺷﻮﻓﻪ ﻣﺴﺆﻭﻝ ﻋﻦ ﺍﻣﻪ ﻭﻋﻨﻜﻢ ﻭﺣﺘﻰ ﻣﻐﺎﺕ ( ﻣﺮﺍﺕ )
ﻳﻮﻛﻒ ﻟﺨﻮﺍﺗﻲ
ﺑﺎﻟﻌﻜﺲ ﺍﺷﻮﻑ ﺍﻟﻤﺴﺆﻭﻟﻴﺔ ﻻﻳﻜﺔ ﻋﻠﻴﻪ ﻋﺒﺎﻟﻚ ﺛﻮﺏ ﻭﻣﻔﺼﻞ ﻋﻠﻴﻪ ﻣﺎ ﺷﻔﺘﻪ ﻳﻮﻡ ﺧﺬﻝ ﻭﺣﺪﺓ ﺑﻴﻜﻢ .
ﻫﺎﻟﺔ .. ﺍﺧﻮﻱ ﻛﺎﻝ ﺍﻧﺎ ﺍﻛﺮﻩ ﺍﻟﻤﺴﺆﻟﻴﺔ ﻭﺍﻻﻟﺘﺰﺍﻡ
ﺑﺲ ﻣﻮ ﻣﻌﻨﺎﻫﺎ ﻫﻮ ﻣﻴﻜﺪﺭ ﻳﺸﻴﻞ ﺣﻤﻞ ﻣﺴﺆﻟﻴﺔ ﻭﺍﻟﺘﺰﺍﻡ
ﺑﺎﻟﻌﻜﺲ ﻫﻮ ﻛﻠﺶ ﺣﺮﻳﺺ ﺑﻬﻴﺞ ﺍﻣﻮﺭ .
ﻳﻌﻨﻲ ﺑﺄﺧﺘﺼﺎﺭ ﺳﺎﻟﻔﺔ ﻗﺎﺳﻢ
ﻣﺜﻞ ﺍﻟﻮﺍﺣﺪ ﻳﻜﺮﻩ ﺩﺭﺱ ﺍﻟﺮﻳﺎﺿﻴﺎﺕ
ﺑﺲ ﻫﻮ ﺩﺍﺋﻤﺎً ﻳﺎﺧﺬ ﺑﻴﻬﺎ ﺩﺭﺟﺎﺕ ﻋﺎﻟﻴﺔ
ﺍﺫﺍ ﻛﺮﻩ ﺍﻟﺪﺭﺱ ﻣﻮ ﻣﻌﻨﺎﻫﺎ ﻫﻮ ﺿﻌﻴﻒ ﺑﻲ
ﻟﺰﻣﺖ ﺭﺍﺳﻲ ﻭﺻﺮﺕ ﺍﻣﺴﺪ ﻋﻠﻴﻪ
.. ﺍﻣﻤﻤﻤﻢ ﻋﺠﻴﺐ ﺍﻣﺮﻍ ( ﺍﻣﺮ ) ﺍﺧﻮﺝ
ﻳﻌﻨﻲ ﺍﺷﻮﻑ ﺍﻟﺮﺟﺎﻝ ﻳﺘﻔﺎﺧﻎ ( ﻳﺘﻔﺎﺧﺮ ) ﻣﻦ ﻳﺘﻮﻟﻰ ﺍﻟﻤﺴﺆﻟﻴﺔ
ﻫﻮ ﺑﺎﻟﻌﻜﺲ
ﻫﺎﻟﺔ .. ﺗﻜﺪﺭﻳﻦ ﺗﻜﻮﻟﻴﻦ ﻫﺎﻱ ﻋﻘﺪﺓ ﻧﻔﺴﻴﺔ ﺻﺎﺭﺕ ﺑﻘﺎﺳﻢ ﻣﻦ ﻭﺭﺓ ﺑﺎﺑﺎ ﺍﻟﻪ ﻳﺮﺣﻤﻪً . ﻭﺷﺤﻦ ﻋﻤﺎﻣﻲ ﻭﻛﻼﻣﻬﻢ
ﺑﺮﺍﺱ ﺑﺎﺑﺎ ﺟﺎﻧﻮﺍ ﺩﺍﺋﻤﺎ ﻳﺘﻬﻤﻮﻥ ﻗﺎﺳﻢ ﺑﺎﻻﻫﻤﺎﻝ
ﻭﻓﺎﺷﻞ ﻭﻣﺎ ﻳﻨﻔﻊ ﻻﻱ ﺷﻲ
ﻭﺩﺍﺋﻤﺎ ﺍﺳﻤﻊ ﻋﻤﻮ ﻣﺤﻤﺪ ﻳﻜﻮﻝ ﻟﺒﺎﺑﺎ . ﺍﺗﺰﻭﺝ ﻭﺧﻠﻔﻠﻚ
ﻭﻟﺪ ﺛﺎﻧﻲ ﺗﺮﺓ ﻫﺬﺍ ﺍﺑﻨﻚ ﻣﺎ ﺑﺮﺍﺳﻪ ﺧﻴﺮ
ﻣﻮ ﺣﻤﻞ ﻣﺴﺆﻟﻴﺔ ﻭﺭﺍﺡ ﻳﻔﺸﻠﻚ ﻛﺪﺍﻡ ﺍﻟﻌﺎﻟﻢ
ﻫﺬﺍ ﺍﻟﺤﺠﻲ ﻣﺠﺮﺩ ﻗﺎﺳﻢ ﻃﻠﺐ ﻣﻦ ﺑﺎﺑﺎ . ﺍﻧﻲ ﻳﻨﻀﻢ ﻟﻔﺮﻳﻖ
ﻛﺮﺓ ﻗﺪﻡ ﻟﻠﻨﺎﺷﺌﻴﻦ . ﺟﺎﻥ ﺣﻠﻤﻪ ﻫﻮ ﺟﺎﻥ ﺑﻤﺮﺣﻠﻪ
ﺍﻟﻤﺮﺍﻫﻘﺔ ﻭﺑﻌﺪﻫﺎ . ﺑﺪﺓ ﺑﺎﺑﺎ ﻳﺰﻳﺪ ﺑﺎﻟﻀﻐﻂ ﻋﻠﻰ ﻗﺎﺳﻢ
ﻭﺻﺎﺭ ﻳﺤﺎﺳﺒﻪ ﻋﻠﻰ ﻛﻞ ﺟﺒﻴﺮﺓ ﻭﺻﻐﻴﺮﺓ .
ﻣﻦ ﻭﺭﺓ ﻛﻼﻡ ﻋﻤﺎﻣﻲ ﺑﺎﺑﺎ ﺻﺎﺭ ﻳﺘﺼﺮﻑ
ﺑﺨﻮﻑ ﺍﻥ ﺍﺑﻨﻪ ﻣﺎ ﺭﺍﺡ ﻳﻔﻠﺢ ﺑﺈﻱ ﺷﻲ ﺑﺤﻴﺎﺗﻪ
ﻣﺮﺓ ﻣﻦ ﺍﻟﻤﺮﺍﺕ ﺍﺗﻌﺎﺭﻙ ﻭﻳﺔ ﻗﺎﺳﻢ ﻭﻛﻠﻪ
ﺍﻧﺎ ﺷﺎﻳﻞ ﻫﻢ ﻻﻣﻚ ﻭﺧﻮﺍﺗﻚ ﻣﻨﻮ ﺍﻟﻬﻢ ﻣﻦ ﺍﻏﻤﺾ ﻋﻴﻨﻲ ﻭﺍﻣﻮﺕ ﻣﻨﻮ ﻳﺸﻴﻞ ﻣﺴﺆﻟﻴﺘﻬﻢ ﻣﻦ ﺑﻌﺪﻱ
ﺟﺎﻥ ﻗﺎﺳﻢ ﻣﻦ ﻳﺴﻤﻊ ﻫﺬﺍ ﺍﻟﺤﺠﻲ ﻳﺘﻌﺎﺭﻙ ﻭﻳﺔ ﺑﺎﺑﺎ
ﻭﻳﻄﻠﻊ ﻣﻦ ﺍﻟﺒﻴﺖ ﻭﺻﺎﺭﺕ ﻫﺬﺍ ﺍﻟﻜﻼﻡ ﻳﺘﻜﺮﺭ
ﻛﻠﻤﺎ ﺑﺎﺑﺎ ﻳﺘﻌﺎﺭﻙ ﻭﻳﺔ ﻗﺎﺳﻢ
......
ﻟﺤﺪﻣﺎ ﻗﺎﺳﻢ ﺻﺎﺭ ﻳﻜﺮﻩ ﺷﻲ ﺍﺳﻤﻪ ﻣﺴﺆﻟﻴﺔ
ﻭﺍﻟﺘﺰﺍﻡ ﻭﻣﻦ ﺍﺗﻮﻓﻰ ﺑﺎﺑﺎ ﻭﻗﺎﺳﻢ ﺟﺎﻥ . ﻣﺴﺎﻓﺮ
ﻣﻦ ﺭﺟﻊ ﻭﻋﺮﻑ ﺑﺎﻟﻲ ﺻﺎﺭ ﺑﺒﺎﺑﺎ ﻭﺷﻠﻮﻥ ﻫﺪ ﻋﻠﻰ
ﻋﻤﺎﻣﻲ ﻭﻫﻮ ﻟﻮﺣﺪﻩ .
ﻭﺻﺎﺭ ﻳﻠﻮﻡ ﺑﻨﻔﺴﻪ ﺍﺗﺬﻛﺮ ﺑﻴﻮﻣﻬﺎ ﺻﺎﺭ ﻳﻌﻴﺪ ﻛﻼﻡ
ﺑﺎﺑﺎ ﺍﻛﺜﺮ ﻣﻦ ﻣﺮﺓ
ﺍﻥ ﻫﻮ ﺧﺬﻝ ﺑﺎﺑﺎ ﻭﻣﺎﻛﺪﺭ ﻳﻮﻛﻒ ﻭﻳﺎﻩ ﻣﻦ ﺟﺎﻥ ﺑﺤﺎﺟﺘﻪ
ﻭﻳﻜﻮﻝ ﺍﻟﻤﻔﺮﻭﺽ ﺟﺎﻥ ﻻﺯﻡ ﺍﺑﻘﻰ ﺍﺩﺍﻓﻊ ﻋﻦ ﻧﻔﺴﻲ ﻭﺍﺛﺒﺖ ﻻﺑﻮﻱ ﺍﻥ ﺍﺗﻬﺎﻣﻪ ﺑﺤﻘﻲ ﺑﺎﻃﻞ .
ﻭﺍﻃﻠﻊ ﺣﻘﻪ ﻣﻦ ﻋﻴﻮﻧﻬﻢ ﻻﻥ ﺟﻨﺖ ﺍﻋﺮﻑ ﻫﻤﺔ
ﻭﺭﺓ ﻛﺴﺮ ﺍﻟﺸﺮﻛﺔ
ﺑﺲ ﻣﻊ ﺍﻻﺳﻒ ﻗﺎﺳﻢ ﺟﺎﻥ ﺍﻋﻤﻰ ﻣﻦ ﺍﻟﻐﻀﺐ
ﻭﻋﺎﻧﺪ ﻧﻔﺴﻪ ﻭﺍﻫﻠﻲ ﻭﺗﺮﻛﻬﻢ ﻭﺳﺎﻓﺮ
ﺣﺘﻰ . ﻳﺸﺘﻐﻞ ﻭﻳﺜﺒﺖ ﻟﻨﻔﺴﻪ ﻭﻟﺒﺎﺑﺎ ﺍﻥ ﻫﻮ
ﻣﺴﺆﻝ ﻋﻦ ﻧﻔﺴﻪ
ﻭﻓﻌﻼ ﻗﺎﺳﻢ ﺑﺪﺓ ﻳﺸﺘﻐﻞ ﻋﻠﻰ ﻣﺸﺮﻭﻉ ﺻﻐﻴﺮ
ﻭﻳﺔ ﺻﺪﻳﻘﻪ
ﺑﻌﺪﻫﺎ ﺻﺎﺭ ﺍﻟﻲ ﺻﺎﺭ
ﻟﺤﺪ ﻫﺬﺍ ﻳﻮﻣﺞ ﻏﺼﺔ ﻓﻘﺪ ﺑﺎﺑﺎ .
ﻣﻮﺟﻮﺩﺓ ﺑﻜﻠﺐ ﻗﺎﺳﻢ ﻣﺜﻞ ﺍﻟﺠﻤﺮﺓ
ﻣﺘﺸﻮﻓﻴﻦ ﻗﺎﺳﻢ . ﺣﺎﺩ ﺍﺳﻨﻮﻧﻪ ﻋﻠﻴﻬﻢ
ﻭﺍﻟﻠﻪ ﺍﻟﻌﺎﻟﻢ ﺷﻨﻮ ﺿﺎﻣﻠﻬﻢ ﻟﺒﻴﺖ ﻋﻤﻲ ﻣﻨﻴﺮ
ﻭﺧﻄﻴﺔ ﺍﻣﻲ ﺍﻟﻲ ﻭﺍﻛﻌﺔ ﺑﻴﻬﺎ
ﻣﺘﺮﻳﺪ ﺍﻟﻤﺸﺎﻛﻞ
ﺧﻠﺼﺖ ﺍﻟﻌﺸﺎ ﻭﻫﺎﻟﺔ ﻧﺰﻟﺖ ﺍﻟﺼﻴﻨﻴﺔ
ﻭﺍﻧﻲ ﺭﺣﺖ ﻓﺮﺷﺘﻠﻲ
ﺑﺎﻟﻜﺎﻉ ﻭﺣﻄﻴﺖ ﺭﺍﺳﻲ ﻋﺎﻟﻤﺨﺪﺓ ﻭﻧﻤﺖ
ﺣﺘﻰ ﻣﺎ ﻛﺪﺭﺕ ﺍﻧﺘﻈﺮﺕ ﻗﺎﺳﻢ
ﻻﻥ ﺟﻨﺖ ﻛﻠﺶ ﺗﻌﺒﺎﻧﺔ ﻭﻣﺮﻳﻀﺔ
ﺍﺣﺲ ﺟﺴﻤﻲ ﻣﻦ ﺍﻟﺼﺨﻮﻧﺔ
ﺻﺎﺭ ﻳﻄﻔﻮﺍ ﻋﺒﺎﻟﻚ ﺭﺍﻛﺒﺔ ﺑﺴﻔﻴﻨﺔ .
ﺟﺎﻧﺖ ﻧﻮﻣﺘﻲ ﻛﻠﺶ ﻗﻠﻘﺔ
ﺑﻌﺪﻫﺎ ﺣﺴﻴﺖ ﺍﻟﺴﻔﻴﻨﺔ ﺍﺳﺘﻘﺮﺕ ﻭﺟﺴﻤﻲ ﺳﻜﻦ
ﻭﻏﻄﻴﺖ ﺑﺴﺎﺑﻊ ﻧﻮﻣﺔ
ﻳﻮﻡ ﺛﺎﻧﻲ
ﺑﺪﻳﺖ ﺷﻮﻳﺔ ﺍﺻﺤﺼﺢ
ﻓﺘﺢ ﻋﻴﻮﻧﻲ ﻭﺟﺎﻥ ﻳﺼﻴﺮ ﻛﺪﺍﻡ ﻭﺟﻬﻲ
ﺻﻘﺮ ﻗﺎﺳﻢ
ﺷﻤﺮﺕ ﺍﻟﻐﻄﺎ ﻭﻛﻌﺪﺕ ﻣﻔﺰﻭﻋﺔ
ﺻﻘﺮ ﻗﺎﺳﻢ ﺷﻴﺴﻮﻱ ﻳﻤﻲ ﺍﻭ . ﺑﺎﻻﺣﺮﻯ
ﺍﻟﺼﻘﺮ ﻭﺻﺎﺣﺐ ﺍﻟﺼﻘﺮ ﺷﻴﺴﻮﻥ ﻳﻤﻲ
ﺍﻭﻛﻔﻮ ﻟﺤﻈﺔ ﺑﺎﻭﻋﺖ ﻋﻠﻰ ﻣﻜﺎﻧﻲ ﺍﻟﺘﻔﺘﺖ ﻣﻨﺎ ﻭﻣﻨﺎ
ﻋﺰﺯﺓ ﺑﻌﻴﻨﻲ ﺍﻧﺎ ﻧﺎﻳﻤﺔ ﻋﺎﻟﺴﺮﻳﺮ
ﻣﻌﻘﻮﻟﺔ ﺍﻧﻲ ﻟﻬﺎﻱ ﺍﻟﺪﺭﺟﺔ ﺍﻧﻀﺮﺏ ﻋﻘﻠﻲ
ﻭﻛﻤﺖ ﻣﻦ ﻓﺮﺍﺷﻲ ﻭﺻﻌﺪﺕ ﻧﻤﺖ ﻳﻢ ﻗﺎﺳﻢ
ﻻﻻﻻ ﺣﺎﻟﺘﻲ ﺻﺎﺭﺕ ﺧﻄﺮﺓ
ﻣﺎ ﻳﻨﺴﻜﺖ ﻋﻠﻴﻬﺎ . ﻳﻤﺔ ﻫﺬﺍ ﻋﻘﻠﻲ ﺍﻟﺒﺎﻃﻨﻲ
ﺻﺎﻳﺮ ﻳﻨﻄﻲ ﺍﻳﻌﺎﺯﺍﺕ ﺑﻜﻴﻔﻪ
ﻳﻤﺔ ﻭﺍﻟﻠﻪ ﺑﻌﺪ ﻣﻨﺎ ﻭﺭﺍﻳﺢ ﺍﺫﺍ ﺍﻧﺎﻡ . ﺍﺭﺑﻂ ﺭﻭﺣﻲ ﺑﺮﺟﻞ
ﺍﻟﺴﺮﻳﺮ ﺧﺎﻑ ﺍﺭﻭﺡ ﻣﺮﺓ ﺍﻟﻠﺦ . ﺍﺷﻤﺮ ﺭﻭﺣﻲ ﻋﺎﻟﻮﻟﺪ
ﺍﻓﺘﺮﺳﻪ ﻭﺍﻟﻠﻪ ﻛﻠﺸﻲ ﻳﺼﻴﺮ ﺍﻟﺪﻧﻴﺎ ﻣﺎ ﺗﺘﺄﻣﻦ ﻭﺧﺼﻮﺻﺎً
ﺍﻓﻜﺎﺭ ﻋﻘﻠﻲ ﺍﻟﺒﺎﻃﻨﻲ ﺟﺪﺍً ﻣﻨﺤﺮﻓﺔ ﺑﺨﺼﻮﺻﻪ
ﻳﺒﻮﻭﻭﻭﻭﻭﻭ ﺍﻟﻠﻪ ﻳﻠﻌﻨﻚ ﻳﺎﻟﺸﻴﻄﺎﻥ
ﺍ
ﺍﺗﺤﺮﻛﺖ ﻋﻠﻰ ﻛﻴﻒ ﺍﺭﻳﺪ ﺍﻛﻮﻡ ﻣﻦ ﺍﻟﺴﺮﻳﺮ
ﻭﻫﻮ ﺣﺲ ﻋﻠﻴﺔ ﻭﺑﺴﺮﻋﺔ ﺩﺍﺭ ﻋﻠﻴﺔ ﻭﻋﻴﻮﻧﻪ ﻛﻮﺓ ﻳﻔﺘﺤﻬﻢ
ﻣﻦ ﺍﻟﻨﻌﺎﺱ
.. ﻫﺎ ﺷﻠﻮﻥ ﺻﺮﺗﻲ
ﺑﻠﻌﺖ ﺭﻳﻜﻲ ﺍﺣﺲ ﺑﺮﻭﺣﻲ ﻣﺰﻧﻮﻛﺔ ﻳﺎﺭﺑﻲ
ﺷﺤﺠﻲ ﻭﺷﻨﻮ ﺍﻛﻮﻝ ﺷﻠﻮﻥ ﺻﻌﺪﺕ ﻳﻤﻪ
ﺗﺮﺓ ﻭﺍﻟﻠﻪ ﺯﺣﻤﺔ ﻛﻞ ﻣﺮﺓ
ﻳﻜﻌﺪ ﺍﻟﺼﺒﺢ ﻳﻠﻜﺎﻧﻲ ﺑﻔﺮﺍﺷﻪ ﻫﺴﺔ ﺷﻴﻜﻮﻝ ﻋﻠﻴﺔ ﻣﺎﻋﻨﺪﻫﺎ
ﻛﺮﺍﻣﺔ ﻭﺫﺍﺑﺔ . ﺭﻭﺣﻬﺎ ﻋﻠﻴﺔ
ﺍﺑﺘﺴﻤﺖ .. ﻻ ﺻﺮﺕ ﺯﻳﻨﺔ ﺍﻟﺤﻤﺪﻟﻠﻪ . ﺑﺲ ﺍﻟﺒﺎﺭﺣﺔ
ﺍﻟﻠﻪ ﻻ ﻳﺮﺍﻭﻳﻚ ﺷﺼﺎﺭ ﺑﻴﺔ . ﺣﺴﻴﺖ ﺑﻌﻈﺎﻣﻲ ﻣﺘﻜﺴﺮﺓ ﺗﻜﺴﺮ ﻭﺭﺣﺖ ﻟﻠﺤﻤﺎﻡ ﻭﻛﻤﺖ ﻛﻠﻲ ﺍﺭﺟﻒ
ﺑﺤﻴﺚ ﺍﺭﻳﺪ ﺍﻭﺻﻞ ﻟﻔﺮﺍﺷﻲ ﺍﻧﺎﻡ ﺑﻲ ﻣﺎ ﻛﺪﺭﺕ ﺻﺎﺭ ﻋﻠﻴﺔ
ﺍﻟﻤﺴﺎﻓﺔ ﻛﻠﺶ ﺑﻌﻴﺪﺓ . ﻓﺼﺎﺭ ﺍﻟﺴﺮﻳﺮ ﺍﻗﺮﺏ ﺷﻲ
ﻋﻠﻴﺔ . ﻛﺒﻞ ﺷﻤﺮﺕ ﺭﻭﺣﻲ ﻋﻠﻴﻪ ﻭﻧﻤﺖ
.......
ﺟﻨﺖ ﺍﺣﺠﻲ ﻭﺍﻧﻲ ﺍﻫﻨﻲ ﻧﻔﺴﻲ ﻋﻠﻰ ﺍﻟﺤﺠﺔ ﺍﻟﻤﻌﻘﻮﻟﺔ
ﻋﻠﻰ ﺍﻻﻗﻞ ﺍﻧﻘﺬ ﻣﺎ ﺗﺒﻘﻰ ﻣﻦ ﻣﺎﺀ ﻭﺟﻬﻲ
ﺍﺑﺎﻭﻉ ﻟﻘﺎﺳﻢ
ﻣﺪ ﺍﻳﺪﻩ ﻋﻠﻰ ﻛﺼﺘﻲ ﻳﺘﺤﺴﺴﻬﺎ ﺣﺮﺍﺭﺗﻲ
ﻭﻛﺎﻝ .. ﺧﺎﺏ ﻫﺎﺍﺍﺍﺩﻱ ﺷﺒﻴﻚ
ﺗﺮﺓ ﺍﻟﺒﺎﺭﺣﺔ ﺍﻧﺎ ﺍﻟﺸﻠﺘﻚ ﻭﺣﻄﻴﺘﻚ ﻋﺎﻟﺴﺮﻳﺮ
ﺍﻧﺖ ﺟﻨﺖ ﺑﺲ ﺗﻬﻠﻮﺱ ﻣﻦ ﺍﻟﺼﺨﻮﻧﺔ ﻣﺎ ﺗﺪﺭﻱ ﺑﺎﻟﺪﻧﻴﺎ
ﻃﺸﺖ ﻟﻮ ﺭﺷﺖ ﻭﺍﻧﺎ ﺻﺮﺕ ﻣﺎﻣﺎ ﺍﻟﺤﻨﻮﻧﺔ . ﻭﻛﻌﺪﺕ ﺍﺳﻮﻱ ﻛﻤﺎﺩﺍﺕ ﺧﻔﺖ ﻻﺗﺮﺟﻊ ﺗﺼﺨﻦ . ﺣﻄﻴﺘﻚ ﻳﻤﻲ
ﻋﺎﻟﺴﺮﻳﺮ
ﻳﺒﻮﻭﻭﻭﻭﻭﻭﻭﻭﻭﻭ ﺗﻌﺎﻟﻮ ﺩﻭﺭﻭﺍ ﻭﻳﺎﻱ ﻭﺟﻬﻲ
ﺍﻟﻲ ﺿﺎﺍﺍﺍﺍﺍﻉ ﻭﺍﺻﺒﺢ ﺍﺷﺘﺎﺗﺎ ﻣﻦ ﻭﺭﺓ ﺍﻟﻔﺸﻠﺔ
ﺧﺮﺏ ﺣﻈﻲ
ﺩﺭﺕ ﻭﺟﻬﻲ ﻭﻧﺰﻟﺖ ﻣﻦ ﺍﻟﺴﺮﻳﺮ ﻭﺩﺧﻠﺖ ﻟﻠﺤﻤﺎﻡ
ﺑﺴﺮﻋﺔ ﻣﺜﻞ ﺍﻟﻤﻜﺮﻭﺻﺔ
ﻣﺎ ﺍﺭﻳﺪ ﺍﺭﺍﻭﻳﻪ ﻭﺟﻬﻲ . ﻋﻤﺔ ﺣﺘﻰ ﻋﻤﺔ
ﻃﺒﻌﺎً ﻫﻤﺔ ﻛﺎﻟﻮﺍ ﺣﺒﻞ ﺍﻟﺠﺬﺏ ﻗﺼﻴﺮ
ﺑﺲ ﻣﺎ ﺍﺗﻮﻗﻌﺘﻪ ﻟﻬﺎﻱ ﺍﻟﺪﺭﺟﺔ ﻗﺼﻴﺮ
ﻳﻌﻨﻲ ﺷﺪﻋﻮﺓ ﻋﻠﻴﻪ ﻫﺸﻜﻞ ﻗﺼﻴﺮ
ﻧﺰﻟﺖ ﻳﻢ ﺧﺎﻟﺘﻲ ﻭﻟﻜﻴﺖ ﻗﺎﺳﻢ ﻣﺎﺧﺬ ﻣﻼﺑﺴﻪ ﻭﺳﺎﺑﺢ ﺑﺎﻟﺤﻤﺎﻡ ﺍﻟﺠﻮﺓ ﻭﻃﺎﻟﻊ ﻟﻠﺸﻐﻞ
ﺷﺎﻓﺘﻨﻲ ﺍﻡ ﻗﺎﺳﻢ ﻭﻛﺎﻣﺖ ﺗﺴﺄﻟﻨﻲ ﻋﻦ ﺻﺤﺘﻲ
ﻟﻜﻴﺖ ﻫﺎﻟﺔ ﻛﺎﻋﺪﺓ ﺗﺪﺭﺩﻡ ﻻﻥ ﻣﻜﻌﺪﻳﻨﺎ ﻣﻦ ﻭﻛﺖ ﺍﺑﺎﻭﻉ ﻟﻠﺴﺎﻋﺔ ﺟﺎﻧﺖ ﺑﺎﻝ١٠ﻭﻧﺺ .
ﺍﻡ ﻗﺎﺳﻢ .. ﺍﺗﺮﻳﻜﻲ ﻻ ﺗﻌﻮﻓﻴﻦ ﻧﻔﺴﺞ ﺑﺎﻻﻛﻞ
ﺍﻛﻠﺖ ﻭﻫﺎﻟﺔ ﺗﺒﺎﻭﻉ ﻋﻠﻴﺔ ﻭﺗﺤﺠﻲ
.. ﺑﺲ ﺍﺭﻳﺪ ﺍﻋﺮﻑ ﺣﻨﺎﻧﺞ ﻫﺬﺍ ﻭﻳﻦ
ﻳﻜﻮﻥ ﻣﻦ ﺗﺠﻴﻦ ﺗﻜﻌﺪﻳﻨﻲ ﻣﻦ ﺍﻟﻨﻮﻡ
ﺗﺤﺴﺴﻨﻲ ﻋﺒﺎﻟﻚ ﺍﻧﻲ ﻣﻮ ﺑﺘﻜﻢ
ﻛﺎﻣﺖ ﺍﻡ ﻗﺎﺳﻢ ﻣﻦ ﺍﻟﻤﻴﺰ ﻭﻛﺎﻟﺖ
.. ﺍﺗﺮﻛﻲ ﺑﻼ ﺣﺠﻲ ﻣﺤﺪ ﻛﻠﺞ ﺭﻭﺣﻲ ﻧﺎﻣﻲ ﻭﻋﻮﻓﻲ
ﺍﻟﺴﻨﻚ ﻣﻤﻠﻲ ﺻﺤﻮﻥ ﻣﻤﻐﺴﻮﻟﺔ
.. ﺍﻧﻲ ﺷﻠﻲ ﻏﺮﺽ ﻫﻮ ﺍﺳﺘﺎﺫ ﻫﺸﺎﻡ ﺍﻟﻄﺤﺶ
ﻣﺴﻮﻱ ﻟﺮﻭﺣﻪ ﺍﻛﻞ ﺑﻨﺺ ﺍﻟﻠﻴﻞ .
.. ﻫﻮ ﺍﻧﺘﻲ ﻟﻮ ﻣﺜﻞ ﺍﻟﺒﻨﺎﺕ ﻭﻣﺴﻮﻳﺔ ﻻﺧﻮﺝ ﻋﺸﺎ
ﺟﺎﻥ ﻣﺎ ﻫﻮﺱ ﺍﻟﻤﻄﺒﺦ ﺣﺘﻰ ﻳﺴﻮﻳﻠﻪ ﻟﻜﻤﺔ
ﺧﻠﻲ ﻣﺮﺓ ﺛﺎﻧﻴﺔ ﺍﺳﻤﻊ
ﺍﻡ ﻗﺎﺳﻢ ﺭﺍﺣﺖ ﻭﻋﺎﻓﺖ ﻭﺭﺍﻫﺎ ﻫﺎﻟﺔ ﺗﺪﺭﺩﻡ
.. ﺑﺴﻴﻄﺔ ﺍﻧﺎ ﺍﻟﻚ ﻳﺎ ﻫﺸﺎﻡ ﺷﻮﻑ ﺑﻌﺪ ﻣﻨﻮ ﻳﺠﻴﺒﻠﻚ ﻣﻌﻠﻮﻣﺎﺕ ﻋﻦ ﺣﺒﻴﺒﺖ ﺍﻟﻜﻠﺐ
ﻻ ﻭﺍﻧﻲ ﺍﻟﻔﻄﻴﺮﺓ ﺍﻟﺒﺎﺭﺣﺔ ﻛﻠﻪ ﻛﺎﻋﺪﺓ ﻣﺘﺤﻤﻠﺔ
ﺍﻟﺒﻘﺮﺓ . ﻫﺪﻯ ﺗﻐﻮﻏﻲ ﻋﻠﻴﺔ . ﻋﻠﻤﻮﺩ ﺍﺳﺤﺐ ﻣﻨﻬﺎ ﺍﻟﻜﻼﻡ
ﻭﺍﻻﺧﺒﺎﺭ ﻋﻦ ﺍﻟﻴﺢ .....
ﻗﻄﻌﺖ ﻛﻼﻣﻬﺎ ﻭﻛﺎﻟﺖ
.. ﺍﺳﺘﻐﻔﺮﺍﻟﻠﻪ ﻳﺎﺭﺑﻲ ﺧﻠﻴﻨﻲ ﺳﺎﻛﺘﺔ ﺍﺣﺴﻨﻠﻲ ﻣﺎ ﺍﺭﻳﺪ ﺍﺣﺠﻲ
.. ﻋﻤﺔ ﺣﺘﻰ ﻋﻤﺔ ﻫﺴﺔ ﺍﻧﻲ ﺷﻨﻮ ﺍﻓﺘﻬﻤﺖ ﻣﻨﺞ
ﻋﻠﻲ ﺻﻮﺗﺞ ﺷﻮﻳﺔ
ﺑﺎﻭﻋﺖ ﻋﻠﻴﺔ ﻭﺷﻜﻠﻬﺎ ﺳﺘﻮﻫﺎ ﺍﻧﺘﺒﻬﺖ ﻋﻠﻰ ﺯﻟﺔ ﺍﻟﺴﺎﻧﻬﺎ
.. ﺣﺒﻴﺒﺘﻲ ﺭﺟﻌﻲ ﻧﺎﻣﻲ ﻣﻮ ﻳﻤﺞ ﺍﻧﻲ ﺩﺍﺣﺠﻲ ﻭﻳﺔ ﺣﻈﻲ
ﺍﻛﻠﻪ ﺷﺒﻴﻚ ﺗﻤﺸﻲ ﺍﻋﻮﺝ
ﻛﻤﺖ ﻣﻦ ﻳﻤﻬﺎ ﻭﺍﻧﻲ ﺍﺑﻮﺱ ﺍﻳﺪﻱ ﻭﺍﺣﻄﻬﺎ ﻋﻠﻰ ﻛﺼﺘﻲ
.. ﺧﻠﻲ ﺍﻛﻮﻡ ﻣﻦ ﻳﻤﺞ ﺍﺣﺴﻨﻠﻲ . ﺍﺧﺎﻑ ﺗﻌﺪﻳﻨﻲ
ﺧﺒﺎﻻﺗﺞ ﺍﻟﻠﻪ ﻻ ﻳﺒﻠﻴﻨﺔ
ﺍﻟﺴﺎﻋﺔ ﺑﺎﻟﺜﻤﺎﻧﻴﺔ . ﺑﺎﻟﻠﻴﻞ
ﺍﺗﺼﻠﺖ ﻋﻠﻴﺔ ﻣﺮﻭﺓ ﺣﺘﻰ ﺗﺄﻛﺪ ﻭﻳﺎﻱ ﻣﻮﻋﺪ
ﺟﻠﺴﺔ ﺍﻟﻠﻴﺰﺭ ﺍﻟﺜﺎﻧﻴﺔ ﻟﻠﻮﺣﻤﺔ .
ﺟﻨﺖ ﻓﻮﻙ ﺑﻐﺮﻓﺘﻲ ﻛﺎﻋﺪﺓ ﺍﺣﻂ ﻣﻜﻴﻚ ﺍﺏ
ﻋﻠﻤﻮﺩ ﻧﻔﺴﻴﺘﻲ ﺯﻓﺖ ﻣﻦ ﺍﻟﻔﻼﻭﻧﺰﺓ
ﺍﻟﻴﻮﻡ ﻣﺎ ﺷﻔﺖ ﻗﺎﺳﻢ ﻣﺎﻛﻮ
ﺣﺘﻰ ﻋﺎﻟﻐﺪﺓ ﻣﺎ ﺍﺟﺔ
ﺳﻤﻌﺖ ﺻﻮﺕ ﺍﻟﺠﺮﺱ ﺍﻧﺪﻙ ﻳﻤﻜﻦ ﻗﺎﺳﻢ ﻭﺻﻞ ﺭﺣﺖ ﺑﺴﺮﻋﺔ
ﻟﺒﺴﺖ ﺩﺷﺪﺍﺩﺓ ﺳﺒﻮﺭﺕ ﻛﻴﻮﺕ ﺑﻴﻬﺎ ﺍﺭﻧﻮﺏ ﺑﺎﻟﻨﺺ
ﻭﺟﻴﻮﺏ ﺟﺎﻥ ﻟﻮﻧﻬﺎ ﺭﺻﺎﺻﻲ ﻭﻭﺭﺩﻱ ﻓﺎﺗﺢ
ﺣﻈﺮﺕ ﺷﺎﻟﻲ
.......
ﻭﻧﺰﻟﺖ ﻭﺩﺧﻠﺖ ﺑﺎﻟﻬﻮﻝ ﻭﺟﺎﻥ ﺍﺷﻮﻑ ﻋﻤﻬﻢ ﻛﺎﻇﻢ ﻭﺯﻭﺟﺘﻪ ﺳﻌﺎﺩ
ﻭﺻﻔﺎﺀ ﺍﺑﻨﻪ ﺳﻠﻤﺖ ﻋﻠﻴﻬﻢ
ﻭﺭﺩﻭﺍ ﻋﻠﻴﺔ ﻣﻦ ﻭﺭﺓ ﺧﺸﻤﻬﻢ
ﺭﺣﺖ ﻛﻌﺪﺕ ﻳﻢ ﺧﺎﻟﺘﻲ . ﻭﺩﺧﻠﺖ ﻫﺎﻟﺔ ﺑﻴﺪﻫﺎ ﺻﻴﻨﻴﺔ ﺍﻟﺘﻘﺪﻳﻢ
ﻗﺪﻣﺘﻠﻬﻢ ﻭﺍﺟﺘﻲ ﻛﻌﺪﺕ ﺑﺼﻔﻲ
ﺍﺑﺎﻭﻉ ﻋﻠﻰ ﻭﺟﻮﻫﻢ . ﺟﺎﻧﺖ ﻣﺪﺧﻨﺔ ﻣﻦ ﺍﻟﻐﻀﺐ ﻭﺷﻜﻠﻬﻢ
ﻳﻜﻮﻝ ﻳﺎ ﺷﺮ ﺍﺷﺘﺮ
ﺍﻧﺘﺒﻬﺖ ﻟﻨﻈﺮﺍﺕ ﺻﻔﺎﺀ ﻣﻦ ﺩﺧﻠﺖ ﻟﺤﺪ ﻣﺎ ﻛﻌﺪﺕ
ﻳﺒﺎﻭﻉ ﻋﻠﻴﺔ ﻧﻈﺮﺍﺗﻪ ﻣﻮ ﻣﺮﻳﺤﺔ
ﺣﺠﻴﺖ ﻭﻳﺔ ﻫﺎﻟﺔ
.. ﻋﻤﺔ ﺣﺘﻰ ﻋﻤﺔ ﻫﺬﺍ ﺷﺒﻲ ﻳﺒﺎﻭﻉ ﻋﻠﻴﺔ
.. ﻋﻮﻓﺞ ﻣﻨﻪ ﻫﺬﺍ ﺍﺳﺘﺎﺫ . ﺻﺮﺻﺎﺭ ﺩﻭﻣﻪ ﻫﻴﺞ ﻣﺎﻋﻨﺪﻩ
ﻛﻮﻧﺘﺮﻭﻝ ﻋﻠﻰ ﻋﻴﻮﻧﻪ .
ﺍﻥ ﻏﺎﺏ ﺍﻟﻘﻂ ﺍﻟﻌﺐ ﻳﺎﻓﺎﺭ ﻭﺍﻟﻠﻪ ﻟﻮ ﻗﺎﺳﻢ ﻫﻨﺎ ﻳﺤﻠﻢ ﻳﺮﻓﻊ ﻋﻴﻮﻧﻪ
ﺟﺎﻥ ﺍﻟﺠﻮ ﻣﺸﺤﻮﻥ ﺍﻟﻲ ﺍﻓﺘﻬﻤﺘﻪ ﺟﺎﻳﻴﻦ ﻋﻠﻰ ﻧﻔﺲ ﺍﻟﻤﻮﺿﻮﻉ
ﻭﻋﻤﻬﻢ ﻛﺎﻇﻢ ﻣﺴﺘﻐﻞ ﻏﻴﺎﺏ ﻗﺎﺳﻢ ﻭﻫﺸﺎﻡ ﻭﺟﺎﻱ
ﻳﺮﻳﺪ ﻳﺤﺠﻲ ﻭﻳﺔ ﺧﺎﻟﺔ
ﻋﻠﻤﻮﺩ ﻣﻮﺿﻮﻉ ﻫﺸﺎﻡ ﺧﺎﻃﺒﻠﻪ ﺑﻨﺖ ﻣﻨﻴﺮﺓ
ﻭﻳﺮﻳﺪﻩ ﻳﻮﺍﻓﻖ ﻭﻳﺮﺟﻊ ﻟﻠﺒﻴﺖ
ﻭﻳﺮﻭﺡ ﻭﻳﺎﻫﻢ . ﻳﺘﻤﻤﻮﻥ ﺍﻟﺨﻄﻮﺑﺔ
ﻭﻛﻤﺰﻧﺎ ﻣﻦ ﺍﻧﻲ ﻭﻫﺎﻟﺔ
ﻋﻠﻰ ﺻﻮﺕ ﻧﺘﺮﺓ ﻋﻤﻬﻢ ﻛﺎﻇﻢ ﺑﺨﺎﻟﺔ
ﺍﻡ ﻗﺎﺳﻢ
ﻭﻛﺎﻝ .. ﺍﻧﺘﻲ ﻛﻠﺔ ﻣﻨﺞ ﺧﺮﺑﺘﻲ ﺍﻟﻮﻟﺪ ﻋﻠﻴﺔ
ﺷﻮﻓﻲ ﻭﺳﻤﻌﻴﻨﻲ ﺯﻳﻦ ﺗﺤﺠﻴﻦ ﻭﻳﺔ ﻫﺸﺎﻡ
ﻭﺗﻘﻨﻌﻴﻨﻪ ﻳﺮﺟﻊ ﻟﺒﻴﺘﻲ
ﺍﻡ ﻗﺎﺳﻢ . ﺣﺠﺔ ﻭﻳﺎﻩ ﺑﻜﻞ ﻭﻗﺎﺭ
.. ﺯﻳﻦ ﺑﺲ ﺍﺭﻳﺪ ﺍﻓﺘﻬﻢ ﺍﻧﺖ ﻟﻴﺶ ﻫﻴﺞ ﺭﺍﻛﺐ ﺭﺍﺳﻚ
ﻭﺭﺍﻓﺾ ﻫﺸﺎﻡ ﻳﻌﻴﺶ ﻫﻨﺎ . ﻳﻤﻨﺎ
ﺗﺮﺓ ﻫﺬﺍ ﻫﻢ ﺑﻴﺖ ﻋﻤﻪ ﻳﻌﻨﻲ ﻣﺜﻞ ﺑﻴﺘﻪ ﺍﻟﺜﺎﻧﻲ
ﻛﺎﻇﻢ .. ﻣﺎ ﺍﺭﻳﺪ ﺍﺑﻨﻲ ﻳﻌﻴﺶ ﻳﻤﺞ ﻭﺍﻧﺖ ﻭﻗﺎﺳﻢ ﺍﺑﻨﺞ
ﺍﺑﻮ ﺍﻟﻤﻼﻫﻲ ﻣﺎ ﻳﺸﺮﻓﻨﻲ ﺍﺳﻤﻊ ﺑﺄﺑﻨﻲ ﺻﺎﻳﺮ ﺧﺪﺍﻡ ﺻﻐﻴﺮ
ﺟﻮﺓ ﺍﻳﺪ ﻗﺎﺳﻢ
ﻣﻮ ﻋﺒﺎﻟﺞ ﺍﻧﺎ ﻣﺎ ﻳﻮﺻﻠﻨﻲ ﺍﻟﺤﺠﻲ
ﺗﺮﺓ ﺧﻴﺮﺓ ﻗﺎﺳﻢ ﻭﺷﻐﻠﻪ ﻣﺎ ﻳﻨﺠﺢ ﻟﻮﻣﺎ . ﻭﻛﻔﺔ ﻫﺸﺎﻡ ﻭﻳﺎﻩ
ﻭﺻﻠﻨﻲ ﺍﻟﺤﺠﻲ ﻛﻠﻪ ﺍﻥ ﻫﺸﺎﻡ ﺍﺑﻨﻲ ﺩﺍﺧﻞ ﺷﺮﺍﻛﺔ
ﻭﻳﺔ ﻗﺎﺳﻢ
ﺑﺲ ﺍﻧﺘﻲ ﻭﺍﺑﻨﺞ ﻣﻠﺘﻔﻴﻦ ﻋﻠﻴﻪ ﻭﻻﻏﻔﻴﻦ ﻓﻠﻮﺳﻪ
ﺑﺤﺠﺔ ﺍﻧﺖ ﺍﺑﻨﺎ
ﺍﺑﺎﻭﻉ ﻻﻡ ﻗﺎﺳﻢ ﻏﻤﻀﺖ ﻋﻴﻮﻧﻬﺎ ﺑﺼﺒﺮ
.. ﺯﻳﻦ ﺍﺣﻠﻔﻚ ﺑﺎﻟﻠﻪ ﻣﺎﺳﺄﻟﺖ ﻧﻔﺴﻚ ﻫﺸﺎﻡ ﻣﻨﻴﻦ ﺟﺎﺏ ﻓﻠﻮﺱ
ﻭﺩﺧﻞ ﺑﻴﻬﻢ ﺷﺮﺍﻛﺔ ﻭﻳﺔ ﻗﺎﺳﻢ
.. ﻫﺸﺎﻡ ﺍﺑﻨﻲ ﻣﻬﻨﺪﺱ ﻭﺷﺎﻏﻮﻝ ﺍﻛﻴﺪ ﺟﺎﻥ ﻣﺠﻤﻌﻠﻪ ﻛﻢ ﻓﻠﺲ ﺟﻮﺓ ﺍﻳﺪﻩ ﻣﻮ ﻣﺜﻞ ﺍﺑﻨﺞ ﻣﺎ ﺍﻋﺮﻑ ﻣﻨﻴﻦ ﻣﺼﺪﺭ ﻓﻠﻮﺳﻪ . ﻣﻮ ﺑﻌﻴﺪ ﺗﻜﻮﻥ ﻓﻠﻮﺱ ﺣﺮﺍﻡ
ﺍﺑﺎﻭﻉ ﻻﻡ ﻗﺎﺳﻢ ﻛﺎﻣﺖ ﻋﻠﻰ ﺣﻴﻠﻬﺎ ﺑﻐﻀﺐ
.. ﻛﺎﻇﻢ ﻟﻬﻨﺎ ﻭﺣﺪﻙ ﺑﻴﺘﻲ ﻳﺘﻌﺬﺭﻙ
ﻫﻮ ﻛﺎﻡ ﻣﻦ ﻣﻜﺎﻧﻪ ﻭﻛﺎﻣﺖ ﺳﻌﺎﺩ ﺗﻠﻌﻠﻊ
ﻛﺎﻇﻢ ﺑﻐﻀﺐ ﺑﺼﻮﺕ ﻋﺎﻟﻲ
.. ﻟﺞ ﺍﻧﺘﻲ ﺗﻄﺮﺩﻳﻨﻲ ﻣﻦ ﺑﻴﺖ ﺍﺧﻮﻭﻱ
ﺍﻟﻈﺎﻫﺮ ﻧﺴﻴﺘﻲ ﺍﻧﺎ ﻣﻨﻮ ﻭﺷﻨﻮ ﺍﻛﺪﺭ ﺍﺳﻮﻱ
.. ﻻ ﻣﺎ ﻧﺎﺳﻴﺔ ﺑﺲ ﺷﻜﻠﻚ ﺍﻧﺖ ﻧﺴﻴﺖ ﻧﻔﺴﻚ
ﻭﻧﺴﻴﺖ ﺍﻧﺎ ﻣﻨﻮ . ﻭﺍﺧﻮﺍﻧﻲ ﻣﻨﻮ ﻭﺷﻨﻮ ﻳﻜﺪﺭﻭﻥ ﻳﺴﻮﻭﻥ
ﻟﻠﻲ ﻳﺪﻭﺳﻠﻲ ﻋﻠﻰ ﻃﺮﻑ
ﻳﺤﺮﻛﻮﻥ ﺑﻴﺘﻪ ﻋﻠﻰ ﺭﺍﺳﻪ
ﻣﺎ ﺍﻫﺪﺩﻙ ﺑﺄﺑﻨﻲ ﻗﺎﺳﻢ ﻻﻥ ﻣﻨﻚ ﻭﺑﻴﻚ ﺻﻌﺒﺔ ﺍﺧﻠﻴﻪ
ﻳﻬﺪ ﻋﻠﻴﻚ ﻭﺍﻻ ﻫﻮ ﻣﺎ ﻗﺎﺻﺮ ﻳﺘﻤﻨﻰ ﺑﺲ ﺍﺷﺎﺭﺓ ﻣﻨﻲ
ﻭﺩﺍﻋﺘﻚ ﻛﻮﺓ ﻻﺯﻣﺘﻪ ﻋﻨﻜﻢ
ﻛﺎﻡ ﻣﻦ ﻣﻜﺎﻧﻪ ﺭﻫﺪ ﻭﻛﻒ ﺑﻮﺟﻪ ﺍﻡ ﻗﺎﺳﻢ
ﻭﻇﻞ ﻳﺴﺮﺑﺖ ﺑﻜﻼﻡ ﻳﻔﻮﺭ ﺍﻟﺪﻡ ﺍﺗﻤﻨﻴﺖ ﺍﻧﻲ ﻭﻟﺪ
ﻭﺍﻟﻠﻪ ﺟﺎﻥ ﻧﻌﻞ ﺍﺑﻮ ﻃﺎﻫﺮﻩ
ﻭﺻﺎﺭ ﺍﻟﺼﻴﺎﺡ ﻭﻛﺒﺖ ﺍﻟﻌﻴﻄﺔ ﺣﺠﺎﻳﺔ ﻣﻦ ﻫﺬﺍ ﻭﺣﺠﺎﻳﺔ ﻣﻦ ﺫﺍﻙ
.......
ﺍﺑﺎﻭﻉ ﻟﻬﺎﻟﺔ ﻭﺍﻛﻔﺔ ﻋﻠﻰ ﺻﻔﺤﺔ ﺗﻔﺮﻙ ﺑﻴﺪﻫﺎ
ﻭﻫﺪﻳﻞ ﺗﺒﺎﻭﻉ ﻻﻣﻬﺎ ﺧﺎﻳﻔﺔ ﺑﺲ ﺑﻘﺖ ﻭﺍﻛﻔﺔ ﺑﻌﻴﺪ ﻋﻨﻬﻢ
ﻭﺍﻧﻲ ﺳﺤﺒﺖ ﻧﻔﺴﻲ ﻭﺭﺣﺖ ﻋﻠﻰ ﻧﻘﺎﻝ ﺧﺎﻟﺔ ﺍﻡ ﻗﺎﺳﻢ
ﺟﺎﻥ ﻋﺎﻟﺸﺤﻦ ﺑﺎﻟﻤﻄﺒﺦ
ﻭﺍﺗﺼﻠﺖ ﻋﻠﻰ ﻗﺎﺳﻢ
ﻭﺍﻧﻲ ﺍﺗﻠﻔﺖ ﻣﻨﺎ ﻭﻣﻨﺎ
ﺟﺎﻭﺑﻨﻲ .. ﺣﺠﻴﺖ ﻭﻳﺎﻩ ﺑﺼﻮﺕ ﻧﺎﺻﻲ ﺧﺎﻑ ﺍﺣﺪ ﻳﺴﻤﻌﻨﻲ
.. ﻗﺎﺳﻢ ﻋﻔﻴﺔ ﺗﻌﺎﻝ ﻟﻠﺒﻴﺖ ﺑﺴﺮﻋﺔ ﺍﻧﺖ ﻭﻫﺸﺎﻡ ﻫﺬﺍ ﻋﻤﻚ ﻛﺎﻇﻢ ﻫﻨﺎ
ﻣﺎ ﺍﻧﻄﺎﻧﻲ ﻣﺠﺎﻝ ﺍﻛﻤﻞ ﻣﺠﺮﺩ ﻣﺎ ﺳﻤﻊ
ﺑﻌﻤﻪ ﻛﺎﻇﻢ ﻋﻨﺪﻧﺎ ﺑﺎﻟﺒﻴﺖ ﻛﺒﻞ
ﻛﻠﻲ ﺍﻧﺎ ﺍﺻﻼ ﺟﺎﻱ ﺑﺎﻟﻄﺮﻳﻖ
ﺳﺪﻳﺖ ﺍﻟﻨﻘﺎﻝ ﻭﻋﻠﺔ ﺍﻟﺼﻴﺎﺡ ﺭﺣﺖ ﺭﻛﺾ ﻭﺩﺧﻠﺖ
ﻋﻠﻴﻬﻢ . ﺭﺣﺖ ﻭﻛﻔﺖ ﻳﻢ ﻫﺎﻟﺔ
ﺍﻧﺘﺒﻬﺖ ﻋﻠﻰ ﺳﻌﺎﺩ ﻛﺬﻟﺘﻬﺎ ﻧﺼﻬﺎ ﻃﺎﻟﻌﺔ ﻣﻦ ﺍﻟﺸﺎﻝ
ﻭﺍﻻﺻﺎﺑﻊ ﻣﺘﻌﻮﺏ ﻋﻠﻴﻬﺎ ﺑﺲ ﻣﺒﻴﻨﺎﺕ ﺗﺮﻛﻴﺐ
ﺍﻟﻲ ﻳﺸﻮﻓﻬﺎ ﻳﻜﻮﻝ ﻋﺒﺎﻟﻚ ﻟﻌﺎﺑﺔ ﺑﺎﺭﺑﻲ
ﺑﺲ ﻫﻲ ﻋﺒﺎﺭﺓ ﻋﻦ ﻣﺴﺘﻨﻘﻊ ﻟﻌﻤﻠﻴﺎﺕ ﺗﺠﻤﻴﻞ
ﻋﺒﺎﻟﻚ ﻓﺄﺭ ﺗﺠﺎﺭﺏ ﻣﺎ ﻣﺒﻘﻴﺔ ﺷﻲ ﻣﻤﺴﻮﻳﺘﻪ
ﺑﻮﺟﻬﺔ . ﻭﻧﻮﺏ ﻫﻲ ﻣﻨﺎ ﻃﺮﻳﻠﺔ ﻭﻻﺑﺴﺔ ﺍﻟﻜﻌﺐ ﺍﻟﻌﺎﻟﻲ ﺻﺎﻳﺮﺓ ﺟﻨﻬﺎ ﺳﺎﺭﻳﺔ ﻋﻠﻢ
ﻭﺍﻟﺬﻫﺐ ﻳﻼﻟﻲ ﺑﻴﺪﻫﺎ ﻳﻌﻨﻲ ﺗﻌﺎﻟﻮﺍ ﺷﻮﻓﻮﺍ ﺍﻧﻲ ﻃﺎﻛﺔ
ﺍﺑﺎﻭﻉ ﻟﻜﺎﻇﻢ ﻳﺒﺎﻭﻉ ﻋﻠﻴﻬﺎ ﻣﺜﻞ ﺍﻟﻤﺴﻄﻮﻝ
ﺻﻔﺎﺀ ﻋﺾ ﺍﻳﺪﻩ ﻭﻛﺎﻝ
.. ﺍﺍﺍﺍﺥ ﺍﺗﻤﻨﻴﺘﺞ ﺯﻟﻤﺔ . ﺟﺎﻥ ﻭﺍﻟﻠﻪ ﺧﻠﻴﺘﺞ ﺗﺒﻠﻌﻴﻦ
ﻛﻼﻣﺞ ﻭﻳﺔ ﺍﺑﻮﻱ
ﺑﻠﻌﺖ ﺭﻳﻜﻲ ﻭﻫﺎﻟﺔ ﺗﻔﺮﻙ ﺑﻴﺪﻫﺎ
ﺍﻧﺘﺒﻬﺖ ﻟﺴﻌﻮﺩﺓ
ﺍﺷﻮ ﻫﺎﻱ ﺭﺍﺣﺖ ﺳﺤﺒﺖ ﺻﻔﺎﺀ ﺑﻌﺪﺗﻪ ﻣﻦ ﻛﺪﺍﻡ
ﺍﻡ ﻗﺎﺳﻢ ﻭﻛﺎﻟﺖ
.. ﺑﺎﻟﻠﻪ ﺷﻮ ﻭﺧﺮ ﻣﻨﺎ
ﺻﺎﺭﻟﻚ ﺳﺎﻋﺔ ﻭﺍﻛﻒ ﺑﺲ ﺗﻜﻤﺰ
ﻭﻫﺎﻱ ﺍﻟﻌﺠﻮﺯ ﺍﻡ ﺍﻟﺴﺤﻮﺭﺓ ﻣﺴﺘﻐﻠﺔ ﺍﻟﻮﺿﻊ
ﻭﺗﺴﺮﺑﺖ ﻭﺗﺤﺠﻲ ﺑﻜﻴﻔﻬﺎ
ﻫﺎﻱ ﻋﻮﻓﻮﻫﺎ ﻋﻠﻴﺔ . ﺍﻧﻲ ﻣﺮﻳﺔ ﻭﻫﻲ ﻣﺮﻳﺔ
ﺍﻗﺘﺮﺑﺖ ﻋﻠﻰ ﺍﻡ ﻗﺎﺳﻢ
ﻭﻛﺎﻟﺖ .. ﻟﺞ ﺷﻠﻮﻥ ﺗﺘﺠﺮﺋﻴﻦ ﻭﺗﺤﺠﻴﻦ ﻭﻳﺎﻧﺎ ﻫﺸﻜﻞ ﻭﺗﻄﺮﺩﻧﺎ
ﺍﻡ ﻗﺎﺳﻢ .. ﺍﻧﺎ ﻣﺎ ﺍﺣﺠﻲ ﻭﺣﺪﺓ ﻣﻨﺤﻄﺔ ﻣﺜﻠﺞ
ﻛﻼﻣﻲ ﻣﻮ ﻭﻳﺎﺝ ﻻ ﺗﺪﺧﻠﻴﻦ ﻧﻔﺴﺞ ﺑﺸﻲ ﻣﺎ ﻳﺨﺼﺞ
ﺍﻧﻲ ﺍﺳﻤﻊ ﻛﻼﻡ ﺳﻌﺎﺩ ﻭﺍﻧﻲ ﻣﻦ ﻳﻤﻲ ﺍﻓﻮﺭ
ﺍﺗﻤﻨﻰ ﺗﺤﺠﻲ ﻛﻮﻥ ﺍﻟﻠﻪ ﻳﻮﻟﻴﻨﻲ ﻋﻠﻴﻬﺎ ﻳﻤﺔ ﻳﻤﺔ
ﺑﺎﻭﻋﺖ ﻟﻬﺎﻟﺔ ﻭﺣﺠﻴﺖ
.. ﻟﺞ ﻋﻮﺑﺔ ﺷﻮﻓﻴﻬﺎ ﺩﺗﺘﺠﺎﻭﺯ ﻋﻠﻰ ﺍﻣﺞ
ﺍﺣﺠﻴﻠﺞ ﺷﻲ ﻳﻤﺔ ﻛﻮﻥ ﻫﺎﻱ ﺍﻣﻲ ﻭﻭﺣﺪﺓ
ﻣﺜﻞ ﺳﻌﻴﺪﺓ ﺗﺤﺠﻲ ﻭﻳﺎﻫﺎ ﻫﺸﻜﻞ ﻏﻴﺮ ﺍﻣﺴﺢ ﺑﻴﻬﺎ ﺍﻟﻜﺎﻉ ﺫﻫﺎﺑﺎً ﻭﺍﻳﺎﺑﺎً
ﻫﺎﻟﺔ .. ﺍﻛﻮﻝ ﻫﺪﻯ ﻣﻮ ﺟﻨﻲ ﺳﻤﻌﺖ ﺳﻌﺎﺩ
ﺗﻜﻮﻝ ﻋﻠﻰ ﺍﻣﻲ ﻋﺠﻮﺯ ﺍﻡ ﺍﻟﺴﺤﻮﺭﺓ
ﻫﺰﻳﺖ ﺍﻳﺪﻱ ﻭﺑﺎﻭﻋﺖ ﻋﻠﻴﻬﺎ
.. ﺍﻱ ﻛﺎﻟﺖ ﻋﻠﻰ ﺍﻣﺞ ﻋﺠﻮﺯ ﺍﻡ ﺍﻟﺴﺤﻮﺭﺓ
ﻭﺑﻨﺘﺞ ﻫﺎﻟﺔ ﻣﺜﻞ ﻧﻌﺎﻣﺔ . ﺩﺍﻓﻨﺔ ﺭﺍﺳﻬﺎ ﺟﻮﺓ ﺑﺎﻟﺘﺮﺍﺏ
ﻫﺎﻟﺔ ﺟﻮﺍﺑﺘﻨﻲ ﻭﻫﻲ ﺗﻔﺮﻙ ﺑﻴﺪﻫﺎ ﻭﺗﺒﺎﻭﻉ ﻟﺴﻌﺎﺩ
.. ﺍﺷﻜﺪ ﻣﺎ ﺗﺴﺘﺤﻲ ﻣﻮ ﻣﺆﺩﺑﺔ . ﻫﺴﺔ ﺍﻟﻠﻪ ﻳﺬﺑﻬﺎ ﺑﺎﻟﻨﺎﺭ
.. ﺧﺎﺍﺍﺍﺏ ﻣﻦ ﺍﻣﺪﺍﺍﺍﺍﺍﺍﻧﻲ
ﻣﺎﻝ ﻫﺴﺔ ﻛﻮﻥ ﻧﻌﺎﻝ ﺍﻛﻄﻌﻪ ﻋﻠﻴﺞ ﺍﻧﺘﻲ ﻭﺳﻌﺎﺩ ﺳﻮﻳﺔ
ﺍﻧﺘﺒﻬﺖ ﻻﻡ ﻗﺎﺳﻢ ﻛﺎﻣﺖ ﺗﺤﺠﻲ ﻭﻳﺎﻫﻢ ﻭﻫﻲ ﻣﻌﺼﺒﺔ
.. ﻛﺎﻇﻢ ﺍﺧﺬ ﻣﺮﺗﻚ ﻭﻃﻠﻌﻬﺎ ﻣﻨﺎ ﻻﻥ ﻛﺎﻣﺖ ﺗﺘﺠﺎﻭﺯ
ﻻﺗﺨﻠﻴﻨﻲ ﺍﺻﻴﺢ ﻟﺤﺴﻨﻴﻦ ﻳﺠﻲ ﻳﻄﻠﻌﻬﺎ ﻣﻨﺎ
......
ﻟﺞ ﻋﺠﻴﺰ ﺗﻄﺮﺩﻳﻨﻲ ﺍﻡ ﺍﻟﺴﺤﻮﺭﺓ ﻟﻔﻴﺘﻲ ﻋﻘﻞ ﺍﻟﻮﻟﺪ
ﺑﺴﺤﻮﺭﺗﺞ ﺭﻭﺣﻲ ﺭﺑﻲ ﺍﺑﻨﺞ ﺍﺑﻮ ﺍﻟﻤﻼﻫﻲ ﻭﺑﻌﺪﻳﻦ
ﺭﻭﺣﻲ ﻃﺎﻟﺒﻲ ﺑﻬﺸﺎﻡ
ﻟﻮ ﺍﻧﺘﻲ ﺻﺪﻙ ﻣﺮﺓ ﺗﻌﺎﻱ ﺍﻧﺘﻲ ﻃﻠﻌﻴﻨﻲ
ﺟﺎﻧﺖ ﺗﺤﺠﻲ ﻫﻴﺞ ﺗﺮﻳﺪ ﺗﺴﺘﻔﺰ ﺧﺎﻟﺘﻲ ﺑﻜﻼﻣﻬﺎ
ﻭﻣﺎ ﺍﺷﻮﻑ ﺍﻻ
ﺍﻡ ﻗﺎﺳﻢ ﺿﺮﺑﺘﻬﺎ ﺭﺍﺷﺪﻱ . ﻛﻴﻮﺕ . ﻣﺎﻝ ﻭﺣﺪﺓ . ﻧﺎﺯﻛﺔ
.. ﺍﻧﺘﻲ ﻫﻮﺍﻱ ﺗﺠﺎﻭﺯﺗﻲ ﺣﺪﻭﺩﺝ
ﻫﺎﻟﺔ ﺑﺼﻮﺕ ﻧﺎﺻﻲ .. ﻻ ﻋﻠﻰ ﺑﺨﺘﺞ ﺣﺠﻴﺔ ﻟﻴﺶ ﺿﺮﺑﺘﻴﻬﺎ ﻫﺴﺔ ﻳﻜﻮﻡ ﻋﻠﻴﻨﺎ ﺍﻟﺘﻨﻴﻦ ﺍﻟﻤﺠﻨﺢ
ﻭﺍﻟﻠﻪ ﺍﻣﻲ ﺟﺎﻧﺖ ﺧﻮﺵ ﻣﺮﻳﺔ . ﺍﻟﻠﻪ ﻳﺮﺣﻤﻬﺎ
ﺳﻌﺎﺩ ﺍﻧﻀﺮﺑﺖ ﺭﺍﺷﺪﻱ
ﻭﻫﻲ ﺻﺎﺭﺕ ﺟﻨﻬﺎ ﺷﻴﻄﺎﻥ
ﻫﺪﺕ ﻋﻠﻰ ﺧﺎﻟﺘﻲ ﺗﺮﻳﺪ ﺗﻤﺪ ﺍﻳﺪﻫﺎ ﻋﻠﻴﻬﺎ
ﻋﺰﺯﺯﺯﺯﺓ ﺍﻧﻲ ﺷﻔﺘﻬﺎ ﻫﺪﺕ ﻋﻠﻰ ﺧﺎﻟﺘﻲ ﺗﺮﻳﺪ ﺗﻀﺮﺑﻬﺎ
ﻭﺍﻧﻲ ﻋﻴﺪ ﻭﺟﺎﺑﻪ ﺍﻟﻌﺒﺎﺱ ﺍﻟﻨﺔ
ﺷﻨﻔﺖ ﺍﺭﺩﺍﻧﺎﺗﻲ ﻭﻟﻔﻴﺖ ﺷﺎﻟﻲ ﻋﺪﻝ
ﺍﺳﺘﻌﺪﺍﺩﺍً ﻟﻠﻌﺮﻛﺔ .
ﻭﻫﺪﻳﺖ ﻋﻠﻴﻬﺎ
ﻫﺎﻟﺔ ﺣﺠﺖ ﻣﻦ ﻭﺭﺍﻱ .. ﻋﺰﺯﺓﺓﺓ ﻛﺎﻡ ﻋﻠﻴﻨﺎ ﺳﺎﺳﻮﻛﻲ
ﺍﻟﻄﺎﺋﺮ ﺍﻟﻨﺎﺭﻱ
ﺍﻛﻮﻝ ﻫﺪﻯ ﻭﻳﺎﺝ ﺳﻠﻴﻤﻨﺎ ﻋﻠﻰ ﺍﻣﻲ ﻣﻦ ﺗﺸﻮﻓﻴﻬﺎ ﺑﺎﻟﺠﻨﺔ
ﺳﻌﺎﺩ ﻣﺪﺕ ﺍﻳﺪﻫﺎ ﻭﺧﻤﻄﺖ ﺧﺎﻟﺘﻲ ﻣﻦ ﺛﻮﺑﻬﺎ
ﻭﺟﺎﻥ ﺍﻧﻲ ﺍﺗﻌﻠﻚ ﺑﻴﻬﺎ ﻣﻦ ﻭﺭﺓ ﻣﻦ ﺍﻟﻤﺪﺍﻟﻴﺔ
ﻭﺍﻟﺰﻣﻬﺎ ﻣﻦ ﺷﺎﻟﻬﺎ
ﺩﺍﺭﺕ ﻋﻠﻴﺔ ﻣﺘﻔﺎﺟﺌﺔ ﺑﺤﺮﻛﺘﻲ ﻭﻳﺎﻫﺎ
.. ﻟﺞ ﺳﻌﺎﺩ ﺷﻠﻮﻥ ﺗﺘﺠﺮﺋﻴﻦ ﻭﺗﻤﺪﻳﻦ ﺍﻳﺪﺝ ﻋﻠﻰ ﺧﺎﻟﺘﻲ
ﺍﻟﻴﻮﻡ ﺍﻻ ﺍﻣﺴﺢ ﺑﻴﺞ ﺍﻟﻜﺎﻉ ﻭﺍﺭﺍﻭﻳﺞ ﺍﻻﻣﻬﺎﺕ ﺷﺘﺠﻴﺐ
ﺍﻡ ﻗﺎﺳﻢ ﻭﺍﻛﻔﺔ ﺑﻤﻜﺎﻧﻬﺎ ﻭﺟﻬﻬﺎ ﺻﺎﺭ ﺍﺻﻔﺮ
ﻭﻫﺎﻟﺔ ﻭﻫﺪﻳﻞ ﺍﺟﻮﻱ ﻭﻛﻔﻮ ﻳﻤﻬﺎ ﻳﺒﺎﻭﻋﻮﻥ ﻋﻠﻴﻨﺎ
ﺍﻡ ﻗﺎﺳﻢ .. ﻟﺞ ﺧﺎﻟﺔ ﻫﺪﻯ ﻋﻮﻓﻴﻬﺎ ﻫﺎﻱ ﻭﺣﺪﺓ ﺍﺩﺑﺴﺰﺯ
ﻫﺎﻟﺔ .. ﻻ ﻳﻤﺔ ﺧﻠﻴﻬﺎ ﻫﺪﻯ ﺭﺍﺡ ﺗﻌﻠﻤﻬﺎ ﺷﻠﻮﻥ ﺗﺤﺘﺮﻡ
ﻫﻨﺔ ﻳﺴﻮﻟﻔﻦ ﻭﺍﻧﻲ ﻣﻠﺘﻬﻴﺔ ﺩﺍﺧﻠﺔ ﺑﻤﻌﺮﻛﺔ ﻃﺎﺣﻨﺔ
ﻫﻲ ﻣﻨﺎ ﻃﻮﻳﻠﺔ ﻭﻻﺑﺴﺔ ﻛﻌﺐ ﻋﺎﻟﻲ
ﻭﺍﻧﻲ ﻗﺼﻴﺮﺓ . ﻣﺎ ﺍﻛﺪﺭ ﺍﻟﻮﺣﻬﺎ ﻫﻲ ﻏﺴﻠﺘﻨﻲ ﻏﺴﻞ
ﺑﺎﻟﻜﻔﺨﺎﺕ
ﺍﺳﻤﻊ ﻫﺎﻟﺔ ﺗﻜﻠﻲ
.. ﻫﺪﻯ .. ﻫﺪﻯ ﺻﻌﺪﻱ ﻋﺎﻟﻘﻨﻔﺔ ﺣﺘﻰ ﺗﻠﻮﺣﻴﻬﺎ ﺯﻳﻦ
ﻳﻠﻌﻦ ﺍﺑﻮ ﺷﻜﻠﺞ ﻳﺎﻫﺎﻟﺔ ﻋﻠﻰ ﻫﺎﻟﺪﻛﺔ
ﻃﻔﺮﺕ ﻋﺎﻟﻘﻨﻔﺔ ﻭﺍﺳﺘﻠﻤﺘﻬﺎ ﺍﻛﺲ ﻭﻣﺮﺑﻊ
ﻭﻫﺎﻱ ﺳﻌﺎﺩ ﺑﻨﺖ ﺑﻠﻴﺲ ﻋﺒﺎﻟﻚ ﻣﺎﺧﺬﺓ ﺍﻟﺤﺰﺍﻡ ﺍﻻﺳﻮﺩ ﺑﺎﻟﻜﺎﺭﺍﺗﻴﻪ .
ﺷﺒﻌﺘﻨﻲ ﻃﻦ ﺭﻓﺲ
ﻭﺍﻟﻠﻪ ﺭﺍﺣﺖ ﺳﻤﻌﺘﻲ ﺍﻟﻬﺪﺍﻭﻳﺔ
ﺍﺳﻤﻊ ﺍﻟﻌﻮﺑﺔ ﻫﺎﻟﺔ ﺗﺤﺠﻲ ﻭﻳﺔ ﺧﺎﻟﺔ
.. ﻳﻤﺔ .. ﻳﻤﺔ .. ﻳﺒﺪﻭﺍ ﺍﻧﻬﺎ ﻣﻠﻴﻮﺻﺔ
ﺧﻠﻲ ﺍﺗﺼﻞ ﻋﻠﻰ ﻗﺎﺳﻢ ﻳﺠﻲ ﻳﻠﺤﻚ ﻋﻠﻰ
ﺍﻟﻌﻜﻴﺪ ﻣﻌﺘﺰ ﺑﺎﺏ ﺍﻟﺤﺎﺭﺓ ﻗﺒﻞ ﻻ ﻳﻔﻄﺴﻮﻧﻪ ﺑﺎﻟﺤﻠﻘﺔ ﺍﻻﺧﻴﺮﺓ
ﺍﻡ ﻗﺎﺳﻢ .. ﺻﻔﺎﺀ ﻭﺧﺮ ﻣﺮﺕ ﺍﺑﻮﻙ ﻋﻦ ﺟﻨﺘﻲ
ﻭﺍﻟﻠﻪ ﺍﺫﺍ ﺻﺎﺭ ﻋﻠﻰ ﻣﺮﺕ ﻗﺎﺳﻢ ﺷﻲ
ﺍﺧﻠﻲ ﻗﺎﺳﻢ ﻳﺤﺮﻙ ﺑﻴﺘﻜﻢ ﻋﻠﻰ ﺭﻭﺳﻜﻢ
ﻛﺎﻇﻢ ﺍﺗﻮﺟﻪ ﻋﻠﻰ ﻣﺮﺗﻪ ﻳﺮﻳﺪ ﻳﺒﻌﺪﻫﺎ ﻋﻨﻲ
.. ﺳﻌﻮﺩﺓ . ﻋﻔﻴﻬﺎ ﺧﻠﻴﻬﺎ ﺗﻮﻟﻲ
ﺑﺲ ﺳﻌﻮﺩﺓ ﻭﻳﻦ ﻣﺎ ﺗﺴﻤﻊ ﻷﺣﺪ ﻛﺎﻣﺖ ﺗﺰﺍﻛﻂ ﺟﻨﻬﺎ ﺣﺼﺎﻥ
ﻭﺍﻧﻲ ﻻﺯﻟﺖ ﺍﺟﺎﻫﺪ ﺿﺮﺑﺔ ﺗﺼﻴﺐ ﻭﺿﺮﺑﺔ ﺗﺨﻴﺐ
ﺑﺲ ﻏﻴﺮ ﺍﻟﺼﺪﻙ ﻛﻠﻤﺔ ﺣﻖ ﻻﺯﻡ ﺗﻨﻜﺎﻝ
ﺑﺤﻖ ﺳﻌﺎﺩ ﻃﻠﻌﺖ ﺧﻮﺵ ﺗﻤﺴﺢ ﺍﻟﻜﺎﻉ
ﻭﺍﻧﻲ ﺍﺷﻬﺪ ﻋﻠﻰ ﺫﻟﻚ ﺍﺳﺄﻝ ﻣﺠﺮﺏ
ﺑﺼﻔﺘﻲ ﺻﺮﺕ ﻭﺻﻠﺖ ﺍﻟﻤﺴﺢ ﺍﻟﻲ ﻣﺴﺤﺖ ﺑﻴﻬﺎ ﺍﻟﻜﺎﻉ ﻳﻠﻌﻦ ﺍﺑﻮ ﺷﻜﻠﻬﺎ
ﺍﺳﻤﻊ ﻫﺎﻟﺔ ﺍﻟﻌﻮﺑﺔ ﺗﻬﺘﻒ
.. ﻫﻴﻬﺎﺕ ﻣﻨﺎ ﺍﻟﺬﻟﺔ . . ﻫﻴﻬﺎﺕ ﻣﻨﺎ ﺍﻟﺬﻟﺔ
ﺍﻟﻤﻮﺕ ﻭﻻ ﺍﻟﻌﺎﺭ
ﺍﺑﺎﻭﻉ ﻋﻠﻴﻬﺎ ﻭﺍﻧﺎ ﺟﻮﺓ ﺍﻳﺪ ﺳﻌﺎﺩ ﺗﺪﻣﻎ ﻋﻠﻴﺔ
.. ﻟﺞ ﻳﺎﻋﺎﺭ . ﺗﻌﺎﻟﻲ ﻟﺤﻜﻴﻨﻲ ﺍﻧﺴﺤﻠﺖ
ﻳﻌﻨﻲ ﺻﺪﻙ ﺍﻛﻠﺖ ﺗﺒﻦ
ﻭﺍﺗﻮﺭﻃﺖ ﻭﻓﺰﻋﺖ ﻟﺨﺎﻟﺘﻲ
.. ﻳﺎﺑﺔ ﺳﻌﻮﺩﺓ ﻳﻤﻌﻮﺩﺓ ﻳﺎﻡ ﺍﻟﻐﻴﺮﺓ ﺍﺗﺸﺎﻗﺔ ﻭﻳﺎﺝ
ﻣﻮﺻﺪﻙ . ﺍﺣﺠﻲ
ﺑﺲ ﻭﻳﻦ ﺳﻌﺎﺩ ﻭﻣﺎ ﺍﺩﺭﺍﻙ ﻣﺎ ﺳﻌﺎﺩ
ﺍﻟﻤﺮﺍﺀﺓ ﺍﻟﺤﺪﻳﺪﻳﺔ ﻣﺘﻠﺤﻜﻬﺎ
ﻛﺎﻇﻢ .. ﺳﻌﺎﺩ ﻛﺎﻓﻲ ﺧﻠﻲ ﻧﻄﻠﻊ ﻣﻮ ﻫﻴﺞ ﺗﻨﺤﻞ ﺍﻟﺴﺎﻟﻔﺔ
ﻫﺎﻱ ﺑﺪﺍﻝ ﻣﺎ ﺗﻜﺤﻠﻴﻬﺎ ﻛﻤﺘﻲ ﻭﻋﻤﻴﺘﻴﻬﺎ ﻭﺧﻠﻴﺘﻲ ﺍﻟﺤﻖ ﻋﻠﻴﻨﺎ
ﺍﺗﻮﻗﺖ ﺳﻌﺎﺩ ﻓﺤﻄﺎﻧﺔ ﻭﺍﻧﻔﺎﺳﻬﺎ ﺗﺘﺴﺎﺭﻉ ﻣﻦ ﺍﻟﻌﺮﻙ
ﻭﺍﻧﻲ ﺟﻨﺖ ﺍﻣﺴﺢ ﻋﻠﻰ ﺧﺎﺻﺮﺗﻲ ﻣﺘﺄﺫﻳﺔ ﺷﺒﻌﺘﻨﻲ ﻃﻦ
ﺑﺴﻂ ﺣﺸﺔ ﻣﻮ ﺍﻳﺪ ﺗﻜﻮﻝ ﻋﺒﺎﻟﻚ ﻃﺎﻭﺓ
ﻭﻫﺎﻟﺔ ﺍﺳﺘﻐﻠﺖ ﺳﻬﻮﺓ ﺳﻌﺎﺩ ﻭﻳﺔ ﻛﺎﻇﻢ
ﺍﺑﺎﻭﻉ ﻋﻠﻴﻬﺎ
ﺭﺍﺣﺖ ﺭﻛﺾ ﻭﺷﺎﻟﺖ ﻣﻦ ﺍﻟﻜﺎﻉ ﻧﻌﺎﻝ ﺗﻤﻴﻤﻲ ﻣﺎﻝ ﺭﻳﺎﺟﻴﻞ ﺟﺎﻥ ﺑﺎﻟﺒﺎﺏ
.. ﺍﻱ ﻳﺎﻟﻠﻪ ﻭﺍﺧﻴﺮﻫﺎ ﺍﺗﺤﺮﻛﺖ ﺍﻟﻌﻮﺑﺔ ﻭﺍﺧﺬﺗﻬﺎ ﺍﻟﺤﻤﻴﺔ ﻋﻠﻰ ﺍﻣﻬﺎ
ﺍﺷﻮ ﻫﺎﻱ ﺍﺟﺘﻲ ﺑﺴﺮﻋﺔ ﻳﻤﻲ ﻭﺍﻧﻄﺘﻨﻲ ﺍﻟﻨﻌﺎﻝ ﺑﻴﺪﻱ
ﻭﻛﺎﻟﺖ
.. ﻫﺎﺝ ﺑﺴﺮﻋﺔ ﺍﺧﺬﻱ ﻟﺰﻣﻲ ﻫﺬﺍ ﺍﻟﻨﻌﺎﻝ ﻭﻛﻄﻌﻲ ﻋﻠﻰ ﺭﺍﺳﻬﺎ
ﻭﺍﺫﺍ ﺗﺤﺘﺎﺟﻴﻦ ﺑﻌﺪ . ﺍﻣﺪﺝ ﺑﺎﻟﺴﻼﺡ ﺑﺲ ﻛﻮﻟﻲ ﺗﻠﻜﻴﻨﻲ
ﻋﻨﺪ ﻳﻤﻨﺎﺝ
ﺍﺑﺎﻭﻉ ﻋﻠﻴﻬﺎ ﻋﺒﺎﻟﻚ ﻣﺴﻮﻳﺔ ﺍﻧﺠﺎﺯ
.. ﻫﺴﺔ ﻣﻦ ﺍﻛﻄﻊ ﺍﻟﻨﻌﺎﻝ ﻋﻠﻰ ﺭﺍﺳﺞ ﺍﻛﻮ ﻭﺍﺣﺪ ﻳﻜﻠﻲ
ﻟﻴﺶ
ﻫﺎﻟﺔ .. ﻟﻴﺶ
.. ﻻ ﻫﻴﺞ ﺑﺲ ﺍﻛﻮﻝ ﺍﻧﺘﻲ ﻣﺘﺄﻛﺪﺓ ﺍﺧﺖ ﻗﺎﺳﻢ ﺍﻟﻬﺮﻗﻞ
.. ﻻ ﺍﻧﻲ ﺑﻨﺖ ﻋﻢ ﺭﻫﻒ ﺍﻟﻤﺎﻳﻌﺔ
ﻛﺎﻇﻢ ﻻﺯﻡ ﺳﻌﺎﺩ ﻣﻦ ﻛﻮﻋﻬﺎ
.. ﺍﺗﺤﺮﻛﻲ ﻛﺪﺍﻣﻲ ﻣﻦ ﺍﻟﻠﻪ ﻳﻠﻌﻦ ﺑﻠﻴﺴﺞ
ﺧﺮﺑﺘﻲ ﺍﻟﺴﺎﻟﻔﺔ ﻛﻠﻬﺎ
ﺳﺤﺒﻬﺎ
ﺻﻔﺎﺀ .. ﺧﻠﻴﻬﺎ ﺯﻳﻦ ﺗﺴﻮﻱ ﺑﻴﻬﻢ
ﺟﺎﻧﻮﺍ ﻳﺤﺠﻮﻥ ﻭﻳﻤﺸﻮﻥ ﻣﺘﻮﺟﻬﻴﻦ ﻋﻠﻰ ﺍﻟﺒﺎﺏ ﻳﺮﺩﻭﻥ ﻳﻄﻠﻌﻮﻥ
ﺍﻡ ﻗﺎﺳﻢ ﺑﻐﻀﺐ .. ﺷﻮﻑ ﻛﺎﻇﻢ ﻗﺒﻞ ﻻ ﺗﻄﻠﻊ
ﻭﺗﺎﺧﺬ ﻣﺮﺗﻚ . ﻻﺧﺮ ﻣﺮﺓ ﺍﺣﺬﺭﻙ
ﺩﻳﺮﻱ ﺑﺎﻟﻚ ﺗﻨﺪﻙ ﺑﺎﻭﻻﺩﻱ . ﺻﺪﻛﻨﻲ
ﻭﺭﻭﺡ ﺍﺑﻮﻗﺎﺳﻢ . ﻻﺧﻠﻴﻚ ﺑﺤﻠﻚ ﺍﺧﻮﺗﻲ
ﻭﻫﻤﺔ ﻳﺸﻮﻓﻮﻥ ﺷﻐﻠﻬﻢ ﻭﻳﺎﻙ ﻭﺍﻧﺖ ﺗﻌﺮﻓﻬﻢ ﻛﻠﺶ ﺯﻳﻦ
ﻣﻴﺤﺘﺎﺝ ﺍﻛﻠﻚ ﺷﺮﺍﺡ ﻳﺴﻮﻥ
ﻛﺎﻇﻢ ﺍﻭﻝ ﻣﺮﺓ ﺑﺤﻴﺎﺗﻪ ﻳﺒﻠﻊ ﻟﺴﺎﻧﻪ ﻭﻣﻴﺠﺎﻭﺑﻬﺎ
ﺭﺍﺣﻮﺍ ﻃﻌﻠﻮﺍ ﻟﻠﺒﺎﺏ ﺍﻟﺸﺎﺭﻉ
ﻭﺍﻧﻲ ﻭﻫﺎﻟﺔ ﻭﻫﺪﻳﻞ ﻭﺧﺎﻟﺔ ﺭﺣﻨﺎ ﻭﺭﺍﻫﻢ ﺣﺘﻰ ﻧﺴﺪ
ﺍﻟﺒﺎﺏ
ﻫﻤﺔ ﻃﻠﻌﻮﺍ ﻭﺟﺎﻥ ﻧﺴﻤﻊ ﺻﻮﺕ ﻗﺎﺳﻢ ﻭﻫﺸﺎﻡ ﻳﺤﺠﻮﻥ ﻭﻳﺎﻫﻢ
ﺍﻡ ﻗﺎﺳﻢ ﺿﺮﺑﺖ ﻋﻠﻰ ﺧﺪﻭﺩﻫﺎ
.. ﻳﺒﻮﻭﻭﻭ ﺍﺟﻮﻱ ﺍﻟﻮﻟﺪ
......
ﻫﺪﻯ
ﺟﺴﻤﻲ ﻳﻮﺟﻌﻨﻲ ﻭﺍﻳﺪﻱ ﻣﻔﺼﻮﺧﺔ
ﺍﺣﺲ ﻭﺧﺪﻱ ﻧﺎﺭ ﻭﻓﻜﻲ ﺍﺣﺲ ﺑﻲ ﺩﺍﻳﺮ ﻋﺒﺎﻟﻚ ﺩﺍﻋﻤﺘﻨﻲ ﺳﻴﺎﺭﺓ
ﻳﻨﻌﻞ ﺍﺑﻮ ﺷﻜﻠﺞ ﻳﺎ ﺳﻌﻮﺩﺓ
ﻣﺴﻮﻳﺘﻨﻲ ﺗﻔﺼﻴﺦ
ﻃﻠﻌﻨﺎ ﺍﻧﻲ ﻭﺍﻟﺒﻨﺎﺕ ﻭﻳﺔ ﺧﺎﻟﺔ ﻭﺭﺍﻫﻢ ﺣﺘﻰ ﻧﺴﺪ ﺍﻟﺒﺎﺏ
ﺍﺑﺎﻭﻉ ﻟﺴﻌﺎﺩ ﺳﺒﺤﺎﻥ ﻣﻐﻴﺮ ﺍﻻﺣﻮﺍﻝ ﺩﺧﻠﺘﻠﻨﺎ ﺟﻨﻬﺎ
ﺯﺭﺍﻓﺔ
ﻭ ﻃﻠﻌﺖ ﻣﻦ ﻋﺪﻧﺎ ﺟﻨﻬﺎ ﺩﻳﺞ ﻣﻨﺘﻮﻑ ﺭﻳﺸﻪ
ﻭﻧﻮﺏ ﺷﻮﻑ ﺍﻟﻜﺬﻟﺔ . ﺍﻭ ﺑﺎﻻﺣﺮﻯ ﺑﻘﺎﻳﺎ ﺍﻟﻜﺬﻟﺔ
ﺷﻠﻮﻥ ﻣﻬﻠﻮﺳﺔ ﺻﻔﺔ ﻣﻨﻬﺎ ﺑﺲ ﺷﻌﺮﺍﻳﺘﻴﻦ
ﻋﺒﺎﻟﻚ ﺯﻭﺝ ﻟﻮﺍﻣﺲ ﺍﻟﺼﺮﺻﺮ ﺍﻟﻲ ﺗﺼﻴﺮ ﺑﻤﻘﺪﻣﺔ ﺍﻟﺮﺍﺱ
ﻭﺍﻟﻠﻪ ﻋﺒﺎﻟﻲ ﺑﺲ ﻫﻲ ﻓﻠﺸﺘﻨﻲ ﻃﻠﻌﺖ ﺍﻧﻲ ﻫﻢ ﻣﻤﻘﺼﺮﺓ ﻭﻳﺎﻫﺎ ﻓﺪﻳﺘﻨﻲ
ﻫﻤﺔ ﻃﻠﻌﻮﺍ ﻭﺳﺪﻳﻨﺎ ﺍﻟﺒﺎﺏ
ﻭﺟﺎﻥ ﻧﺴﻤﻊ ﺻﻮﺕ ﻗﺎﺳﻢ ﻭﻫﺸﺎﻡ ﻭﺻﻠﻮﺍ ﻭﺩﻳﺤﺠﻮﻥ
ﻭﻳﺎﻫﻢ
ﺍﻡ ﻗﺎﺳﻢ ﻟﻄﻤﺖ ﻋﻠﻰ ﺧﺪﻭﺩﻫﺎ
.. ﻳﺒﻮﻭﻭﻭ ﺍﺟﻮﻱ ﻗﺎﺳﻢ ﻭﻫﺸﺎﻡ
ﺑﺎﻭﻋﺘﻠﻨﺎ ﻭﻛﺎﻟﺖ ﺑﺼﻮﺕ ﻧﺎﺻﻲ
.. ﺷﻮﻓﻮﺍ . ﺳﻤﻌﻮﻧﻲ ﺯﻳﻦ ﻣﺘﺤﺠﻮﻥ ﻭﻻ ﻛﻠﻤﺔ
ﻋﻦ ﺍﻟﺼﺎﺭ ﺗﺮﺓ ﻛﻠﺒﻲ ﺧﻠﺺ ﻣﻦ ﺍﻟﻤﺸﺎﻛﻞ
ﻭﺍﻟﻠﻪ ﻛﻞ ﻫﺒﻄﺔ ﺗﺎﺧﺬ ﻧﺺ ﺣﻴﻠﻲ
ﻫﺎﻟﺔ .. ﺍﻛﻮﻭﻭﻭﻝ ﻳﻤﺔ . ﺯﻳﻦ ﻭﺿﺮﺑﺔ ﻫﺪﻯ
ﻫﻢ ﻧﺴﻜﺖ ﻋﻨﻬﺎ . ؟؟
ﺍﻡ ﻗﺎﺳﻢ ﺑﺎﻭﻋﺖ ﻟﻬﺎﻟﺔ ﻭﺭﺻﺖ ﻋﻠﻰ ﺍﺳﻨﻮﻧﻬﺎ
.. ﻭﻟﻜﻢ ﺍﺧﺬﻭﻫﺎ ﻣﻦ ﻳﻤﻲ ﻻ ﻭﺍﻟﻠﻪ ﺍﺑﺘﻠﻲ ﺑﻴﻬﺎ
ﺳﻤﻌﻨﺎ ﺻﻮﺕ ﻗﺎﺳﻢ ﺩﻳﺤﺠﻲ ﻭﻳﺎﻫﻢ ﺑﻬﺪﻭﺀ
ﺍﺑﺎﻭﻉ ﻻﻡ ﻗﺎﺳﻢ ﻗﺮﺑﺖ ﺭﺍﺳﻬﺎ ﻋﺎﻟﺒﺎﺏ ﺗﺮﻳﺪ ﺗﺴﻤﻊ ﺷﻨﻮ ﻳﺤﺠﻮﻥ
ﻭﺍﺣﻨﺎ ﻭﻳﺎﻫﺎ ﺍﻧﻲ ﻭﻫﺎﻟﺔ ﺳﻮﻳﻨﺎ ﻣﺜﻞ ﺣﺮﻛﺘﻬﺎ
ﻧﺮﻳﺪ ﻧﺴﻤﻊ
ﻫﺎﻟﺔ .. ﺧﺮﺏ ﺑﺎﻟﺤﻆ ﺧﻄﻴﺔ ﻗﺎﺳﻢ ﻭﺍﻛﻒ ﻳﺤﺠﻲ ﻭﻳﺎﻫﻢ
ﺑﻜﻞ ﺑﺮﻭﺩ ﻣﻴﺪﺭﻱ ﺑﺎﻟﻤﺠﺰﺭﺓ ﺍﻟﺼﺎﺭﺕ ﻗﺒﻞ ﺷﻮﻳﺔ
ﻭﺍﻟﻠﻪ ﻟﻮ ﻳﺪﺭﻱ ﺑﺴﻌﺎﺩ ﻭﻛﺎﻇﻢ ﻭﺻﻔﺎﺀ ﻭﺍﻟﺤﻔﻠﻪ ﺍﻟﻲ ﺳﻮﻭﻫﺎ
ﺟﺎﻥ ﺧﻼﻫﻢ ﻳﻄﻠﻌﻮﻥ ﻣﻨﺎ ﻛﺒﻞ ﻋﺎﻟﻤﺴﺘﺸﻔﻰ ﻟﻘﺴﻢ ﺍﻟﻜﺴﻮﺭ
ﺍﺳﻤﻊ ﻗﺎﺳﻢ ﻭﻫﺸﺎﻡ ﺩﻳﺤﺠﻮﻥ ﻭﻳﺔ ﻛﺎﻇﻢ
ﺑﻐﻴﺾ
ﻗﺎﺳﻢ .. ﺷﺘﺴﻮﻱ ﺟﺎﻱ ﻟﻠﺒﻴﺖ ﻭﺍﻧﺎ ﻣﻮ ﻣﻤﻮﺟﻮﺩ
ﻛﺎﻇﻢ .. ﺍﻧﺎ ﻣﺎ ﺟﺎﻱ ﻋﻠﻤﻮﺩﻙ ﺍﺟﻴﺖ
ﺣﺘﻰ ﺍﺷﻮﻑ ﺍﺑﻨﻲ ﻭﺍﺣﺠﻲ ﻭﻳﺎﻩ .
ﻫﺸﺎﻡ .. ﺣﺠﻲ ﺍﻧﻲ ﻋﻨﺪﻱ ﻧﻘﺎﻝ ﻭﺗﻜﺪﺭ ﺗﺘﺼﻞ ﻋﻠﻴﺔ ﻣﺎﻟﻬﺎ
ﺩﺍﻋﻲ ﺗﺠﻲ ﻟﻬﻨﺎ ﻟﺒﻴﺘﻨﺎ ﻭﺗﺴﻮﻱ ﻣﺸﺎﻛﻞ
ﻛﺎﻇﻢ .. ﻻﺗﻜﻮﻝ ﺑﻴﺘﻨﺎ . ﻫﺬﺍ ﻣﻮ ﺑﻴﺘﻚ
ﻣﻦ ﻳﺼﻴﺮ ﺍﻟﻚ ﺣﺼﺔ ﺑﻲ ﻋﻮﺩ ﺗﻌﺎﻝ ﻛﻮﻝ ﺑﻴﺘﻲ
ﻫﺸﺎﻡ .. ﺍﻧﺎ ﻣﺎ ﺍﺣﺘﺎﺝ ﻳﻜﻮﻥ ﺍﻟﻲ ﺣﺼﺔ ﺑﻲ . ﺣﺘﻰ ﻳﻜﻮﻥ ﺑﻴﺘﻲ
ﻭﺟﻮﺩ ﺍﻣﻲ ﺑﻬﺬﺍ ﺍﻟﺒﻴﺖ ﻫﻮ ﺣﺼﺘﻲ
ﻗﺎﺳﻢ .. ﻭﻫﺴﺔ ﺍﻧﺖ ﺷﻨﻮ ﺟﺎﻱ ﻋﻠﻤﻮﺩ ﺗﺜﺒﺖ ﻣﻠﻜﻴﺘﻪ ﻟﻠﺒﻴﺖ
ﻟﻮ ﺷﻨﻮ ﻓﻠﻤﻚ ﻫﺎﻟﻤﺮﺓ
.. ﻻ ﺍﺟﻴﺖ ﺣﺘﻰ ﺍﻗﻨﻊ ﺍﺑﻨﻲ ﻳﺮﺟﻊ ﻭﻳﺎﻱ ﻟﻠﺒﻴﺖ
ﺧﻄﺒﺘﻠﻪ ﺑﻨﺖ ﻋﻤﻪ ﺍﺭﻳﺪﻩ ﻳﺘﺰﻭﺝ ﻭﻳﺴﺘﻘﺮ
ﻫﺸﺎﻡ .. ﺷﻨﻮ ﺭﺣﻤﺔ ﺍﻟﻠﻪ ﻣﻦ ﻋﺎﺩﻫﺎ
ﺷﻠﻮﻥ ﺑﺎﻟﻠﻪ ﻧﻈﻞ ﺍﺣﻨﺎ ﻛﻞ ﻳﻮﻡ ﻧﻌﻴﺪﻫﺎ ﻟﻠﺴﺎﻟﻔﺔ
ﻣﻮ ﺫﺍﻙ ﺍﻟﻴﻮﻡ ﻧﻬﻴﺖ ﺍﻟﻤﻮﺿﻮﻉ ﻭﺭﻓﻀﺖ ﻃﻠﺒﻚ
ﻭﻛﻠﺘﻠﻚ ﺍﻧﺴﻰ ﺍﺗﺰﻭﺝ ﺑﻨﺖ ﻋﻤﻲ . ﺍﻭ ﺍﻱ ﺑﻨﻴﺔ ﺗﺨﻄﺒﻬﺎ
ﺍﻧﺖ ﺍﻟﻲ
ﺍﻧﺎ ﻣﻦ ﺍﻓﻜﺮ ﺍﺗﺰﻭﺝ ﺍﺧﻠﻲ ﺍﻣﻲ ﺗﺨﻄﺒﻠﻲ ﻫﻲ ﺗﻌﺮﻓﻨﻲ ﺷﻨﻮ ﺍﺭﻳﺪ
......
ﻣﻮ ﺑﻜﻴﻔﻚ ﻣﺴﺘﺤﻴﻞ ﺍﺧﻠﻲ ﻗﺎﺳﻢ ﻭﺍﻣﻪ ﻳﺨﻄﺒﻮﻟﻚ ﻋﻠﻰ ﻣﺰﺍﺟﻬﻢ ﻭﺍﻧﺎ ﻣﻮﺟﻮﺩ ﺍﺷﻢ ﺍﻟﻬﻮﻯ
ﻟﻮ ﺍﻋﺮﻑ ﺍﻛﺴﺮﻙ ﻭﺍﺣﺒﺴﻚ ﺑﻐﺮﻓﺔ
ﻭﻣﺎ ﺍﺧﻠﻴﻚ ﺗﺴﻮﻱ ﺍﻟﻲ ﺑﺮﺍﺳﻚ
ﻫﺸﺎﻡ ﺑﻐﻀﺐ .. ﺍﺭﻳﺪ ﺍﻋﺮﻑ ﻟﺨﺎﻃﺮ ﺍﻟﻠﻪ ﺍﻧﺖ ﺷﺘﺮﻳﺪ ﻣﻨﻲ ﺑﺎﻟﻀﺒﻂ
ﻳﻌﻨﻲ ﻭﺍﻟﻠﻪ ﺯﻫﻜﺘﻨﻲ ﺑﻌﻴﺸﺘﻲ
ﻻ ﻣﻦ ﺟﻨﺖ ﺻﻐﻴﺮ ﺭﺣﻤﺘﻨﻲ ﻭﻻﻣﻦ ﻛﺒﺮﺕ ﺗﺮﺿﻰ ﺗﻌﺘﻘﻨﻲ
ﺍﺭﻳﺪ ﺍﻓﺘﻬﻢ ﺷﺮﺍﻳﺪ ﻣﻨﻲ ﺑﺎﻟﻀﺒﻂ ﻭﺩﻭﺭ ﺍﻻﺏ ﺍﻟﺤﻨﻴﻦ ﻣﻼﻳﻜﻠﻚ
ﻫﺬﺍ ﺣﻨﺎﻧﻚ ﻭﺣﺮﺻﻚ ﻭﻳﻦ ﺟﺎﻥ ﻋﻨﻲ ﻗﺒﻞ
ﻫﺸﺎﻡ ﻳﺮﻳﺪ ﻳﻜﻤﻞ ﺍﺷﺮﻟﻪ ﻗﺎﺳﻢ ﻭﺑﺎﻭﻉ ﻋﻠﻰ ﻋﻤﻪ
ﻗﺎﺳﻢ .. ﺍﻛﻠﻚ ﻛﺎﻇﻢ ﺑﺪﻭﻥ ﻟﻒ ﻭﺩﻭﺭﺍﻥ ﺍﻧﻲ ﺗﻌﺮﻓﻨﻲ ﻣﺎﺍﺣﺐ ﺍﻟﺘﻄﻮﺍﻟﺔ
ﻣﻦ ﺍﻻﺧﻴﺮ ﺍﻧﺖ ﺷﻨﻮ ﺗﺮﻳﺪ ﺑﺎﻟﻀﺒﻂ ﻣﻦ ﻫﺸﺎﻡ
ﻛﺎﻇﻢ .. ﻗﺎﺳﻢ ﻻ ﺗﻜﻌﺪ ﺗﻮﺯ ﺍﺑﻨﻲ ﻋﻠﻴﺔ ﻭﺗﺸﺤﻨﻪ
ﺍﻧﺖ ﺍﻃﻠﻊ ﻣﻦ ﺍﻟﻤﻮﺿﻮﻉ ﻫﺬﺍ ﺍﻟﺸﻲ ﺑﻴﻨﻲ ﻭﺑﻴﻦ ﺍﺑﻨﻲ
ﻭﺍﻧﺎ ﺍﻟﻴﻮﻡ ﺍﺟﻴﺖ ﻣﻮ ﺑﺲ ﻋﻠﻤﻮﺩ ﺍﻟﺨﻄﻮﺑﺔ
ﻻ ﺍﻧﺎ ﺍﺟﻴﺖ ﻋﻠﻤﻮﺩ ﺍﺭﻳﺪﻩ ﻳﺴﺘﻠﻢ ﺍﻟﺸﻐﻞ ﺑﺪﻝ
ﻋﻨﻲ . ﻭﻳﺸﺎﺭﻙ ﺍﺧﻮﺍﻧﻪ ﺑﺤﻼﻟﻪ
ﺑﺪﺍﻝ ﻣﺎ ﻇﺎﻝ ﺧﺎﺩﻡ ﺟﻮﺓ ﺍﻳﺪﻙ ﻭﻣﺸﺎﺭﻛﻚ ﺑﺘﻌﺒﻪ
ﻗﺎﺳﻢ ﺯﻣﺦ ﺑﻲ ﻭﻫﺸﺎﻡ ﻛﺎﻣﻮ ﻳﺤﺠﻲ ﻋﻠﻰ ﻛﺎﻇﻢ
ﺟﺎﻥ ﻛﻼﻣﻪ ﻳﺪﻭﺱ ﺑﺎﻟﻤﺼﺎﺭﻳﻦ
ﺍﺑﺎﻭﻉ ﻻﻡ ﻗﺎﺳﻢ
ﺍﺑﺎﻭﻉ ﻋﻠﻴﻬﺎ ﻛﺎﻣﺖ ﺗﺮﺟﻒ ﻭﺍﻟﺸﻔﺔ ﺻﺎﺭﺕ ﺑﻴﻀﺔ
ﻣﺪﻳﺖ ﺍﻳﺪﻱ ﻋﺎﻟﺒﺎﺏ ﺍﺭﻳﺪ ﺍﻓﺘﺤﻪ ﻭﺍﺷﻮﻑ
ﻛﻠﺒﻲ ﻋﻠﻰ ﻗﺎﺳﻢ ﺧﺎﻑ ﻳﺘﻀﺎﺭﺏ ﻫﻮ ﻭﺻﻔﺎﺀ ﻭﺍﻟﺜﻨﻴﻦ ﺣﺎﺩﻳﻦ ﺍﺳﻨﺎﻧﻬﻢ
ﻟﺰﻣﺖ ﺍﻳﺪﻱ ﺑﻀﻌﻒ ﻭﻛﺎﻟﺖ
.. ﻻ ﻻ ﺩﻳﺮﻱ ﺑﺎﻟﺞ ﺗﻄﻠﻌﻴﻦ ﻭﺍﻟﻠﻪ ﻗﺎﺳﻢ ﻳﺤﺮﻙ ﺍﻟﺪﻧﻴﺎ ﻋﻠﻰ
ﺭﺍﺳﻨﺎ
ﺟﺎﻧﺖ ﺗﺤﺠﻲ ﻭﺗﺘﻠﻤﺲ ﺑﺮﺍﺳﻬﺎ
ﺧﻄﻴﺔ ﺧﺎﻟﺘﻲ ﺍﻡ ﻗﺎﺳﻢ ﺷﻜﺪ ﺷﺨﺼﻴﺘﻬﺎ ﻗﻮﻳﺔ ﻭﺻﺎﺭﻣﺔ
ﺑﺲ ﺑﺎﻟﻤﻘﺎﺑﻞ ﻫﻲ ﻣﺮﻳﺔ ﻣﺴﺎﻟﻤﺔ
ﻭﺗﺨﺎﻑ ﻋﻠﻰ ﺍﻭﻻﺩﻫﺎ ﻣﻦ ﺍﻟﻤﺸﺎﻛﻞ .
ﻫﺎﻟﺔ . ﻟﺰﻣﺖ ﺍﻳﺪ ﺍﻣﻬﺎ .. ﻣﺎﻣﺎ ﺗﻌﺎﻟﻲ ﻓﻮﺗﻲ ﺟﻮﺓ ﻻ ﺗﻮﻛﻌﻴﻦ
ﻭﺍﻟﻠﻪ ﻗﺎﺳﻢ ﺍﺫﺍ ﻳﺸﻮﻓﺞ ﻫﺸﻜﻞ ﺭﺍﺡ ﻳﻌﺮﻑ ﺑﺎﻟﺼﺎﺭ ﻭﻳﺰﻳﺪ ﺍﻟﻄﻴﻦ ﺑﻠﺔ
ﺍﻡ ﻗﺎﺳﻢ .. ﻻ ﺍﻧﺘﻮﺍ ﻓﻮﺗﻮﺍ ﺩﺧﻠﻮﺍ ﺟﻮﺓ ﻟﻠﺒﻴﺖ
ﻭﺍﻧﻲ ﺧﻠﻴﻨﻲ ﺍﻃﻠﻊ ﺍﺷﻮﻓﻬﻢ
ﻛﻠﺒﻲ ﻣﺎ ﻳﻨﻄﻴﻨﻲ ﺧﺎﻑ ﻳﺘﻌﺎﺭﻛﻮﻥ
ﺭﺟﻌﺖ ﺩﺍﺭﺕ ﻋﻠﻴﻨﺎ ﻭﻛﺎﻟﺖ
.. ﺩﻳﺮﺑﺎﻟﻜﻢ ﺗﻄﻠﻌﻮﻥ . ﻭﺭﺍﻱ .
ﺗﺮﺓ ﻗﺎﺳﻢ ﻭﺍﺻﻠﺔ ﻭﻳﺎﻩ ﺣﺪﻫﺎ
ﻋﺪﻟﺖ ﺭﺑﻄﺘﻬﺎ ﻋﻠﻰ ﺭﺍﺳﻬﺎ ﻭﻃﻠﻌﺖ ﺑﺮﺓ ﻳﻤﻬﻢ ﻭﺳﺪﺕ ﺍﻟﺒﺎﺏ
.. ﺧﺮﺏ ﺑﺎﻟﺤﻆ ﻫﺎﻱ ﺷﺒﻴﻬﺎ ﺧﺎﻟﺘﻲ ﻟﻴﺶ ﺳﺪﺕ ﺍﻟﺒﺎﺏ
ﻏﻴﺮ ﻧﺸﻮﻑ
ﺍﺳﻤﻊ ﺻﻮﺕ ﺧﺎﻟﺘﻲ ﺗﺤﺠﻲ ﻭﻳﺔ ﻗﺎﺳﻢ ﺗﻬﺪﻳﻪ ﻭﺗﻜﻠﻪ
. . ﻳﻤﺔ ﻗﺎﺳﻢ ﺍﺗﻌﻮﺫ ﻣﻦ ﺍﻟﺸﻴﻄﺎﻥ
ﻭﻗﺎﺳﻢ ﻳﺠﺎﻭﺑﻬﺎ .. ﺷﻠﻮﻥ ﺍﺗﻌﻮﺫ ﻣﻨﻪ ﻭﻫﻮ ﻣﺘﺮﺑﻊ ﺑﺮﺍﺳﻲ
ﺣﺠﻴﺔ ﺑﺮﻭﺡ ﺍﺑﻮﻱ ﻭﺧﺮﻱ ﺧﻠﻲ ﺍﺷﻮﻑ ﻫﺬﺍ ﺷﻜﺎﻋﺪ ﻳﺴﺮﺑﺖ
ﻫﺪﻳﻞ ﺣﺠﺖ ﺑﺴﺮﻋﺔ .. ﺍﻧﻲ ﺭﺍﻳﺤﺔ ﺍﺷﻮﻓﻬﻢ ﻣﻦ ﺍﻟﻜﺎﻣﺮﺍﺕ ﺷﻨﻮ ﺩﻳﺴﻮﻥ
ﻫﺎﻟﺔ .. ﺍﻱ ﻋﻔﻴﺔ ﺷﻠﻮﻥ ﻓﺎﺗﺘﻨﻲ ﺍﺧﺬﻳﻨﻲ ﻭﻳﺎﺝ
ﻫﻨﺔ ﺭﺍﺣﻦ ﻳﺮﻛﻀﻦ ﻭﺍﻧﻲ ﺭﺣﺖ ﻭﺭﺍﻫﻢ
ﺩﺧﻠﻨﺎ . ﻟﻠﻤﻄﺒﺦ ﺟﺎﻥ ﺍﻛﻮ ﺷﺎﺷﺔ ﺑﻼﺯﻣﺎ ﻣﻌﻠﻜﺔ ﻋﺎﻟﺤﺎﻳﻂ
ﺧﺎﺻﺔ ﻟﻜﺎﻣﺮﺍﺕ ﺍﻟﻤﺮﺍﻗﺒﺔ
ﺟﺎﻧﺖ ﺍﻟﺸﺎﺷﺔ . ﻣﻘﺴﻤﺔ ﺍﺭﺑﻌﺔ ﻣﺮﺑﻌﺎﺕ
ﻛﻞ ﻛﺎﻣﺮﺓ ﺗﺼﻮﺭ ﺯﻭﺍﻳﺔ ﻣﻦ ﺍﻟﺒﻴﺖ ﻭﺍﻟﺸﺎﺭﻉ ﻭﺍﻟﺒﺎﺏ ﺍﻟﺨﺎﺭﺟﻲ
........
ﺟﻨﺖ ﺍﺑﺎﻭﻉ ﺍﻡ ﻗﺎﺳﻢ ﻭﺍﻛﻔﺔ ﻭﺭﺓ ﻗﺎﺳﻢ ﻭﻻﺯﻣﺔ ﺯﻧﺪﻩ
ﺗﺴﺤﺐ ﺑﻲ ﺗﺮﻳﺪ ﺗﺪﺧﻠﻪ
ﻭﺻﻔﺎﺀ ﻭﺍﻛﻒ ﻣﺨﻮﺻﺮ ﻭ ﻣﺘﺄﻫﺐ ﻟﻠﻌﺮﻛﺔ
ﻭﻫﺸﺎﻡ ﻭﺍﻛﻒ ﻛﺪﺍﻡ ﺍﺑﻮﻩ ﺩﻳﺤﺠﻲ ﻭﻳﺤﺮﻙ ﺑﻴﺪﻩ
ﻭﺳﻌﺎﺩ ﻭﺍﻛﻔﺔ ﻭﻣﺘﺨﺼﺮﺓ ﻭﺗﻨﺎﻓﺦ . ﻭﻫﻲ ﻣﺴﺘﻨﺪﺓ
ﻋﻠﻰ ﺳﻴﺎﺭﺓ ﻛﺎﻇﻢ
ﺑﺲ ﺍﻟﻤﺸﻜﻠﺔ ﺍﻟﻜﺎﻣﺮﺓ ﻣﺎﻛﻮ ﺻﻮﺕ
ﻣﺎ ﺍﻛﺪﺭ ﺍﺳﻤﻊ ﺷﻨﻮ ﻳﺤﺠﻮﻥ
ﺟﻨﺖ ﻣﺘﻮﺗﺮﺓ ﻭﺍﺑﺎﻭﻉ ﻋﺎﻟﺸﺎﺷﺔ ﺑﺘﺮﻗﺐ
ﻋﺰﺓ ﻫﺸﺎﻡ ﺩﻳﺤﺠﻲ ﻭﻳﺔ ﺍﺑﻮﻩ ﻭﺻﻔﺎﺀ ﺍﻧﻄﺎﻩ ﺩﻓﺮﺓ
ﺷﻜﺪ ﺧﺒﻴﺚ ﻭﺟﺒﺎﻥ ﻭﻛﻌﻪ ﺑﺎﻟﻜﺎﻉ ﻭﺧﺎﻟﺘﻲ ﺩﻧﻜﺖ ﻋﻠﻰ ﻫﺸﺎﻡ
ﺍﺣﺲ ﻋﻘﻞ ﻣﺎ ﺑﻘﻰ ﺑﺮﺍﺳﻲ
ﺍﻛﻴﺪ ﻗﺎﺳﻢ ﺭﺍﺡ ﻳﺘﻌﺎﺭﻙ ﻣﺎ ﺿﻞ ﻋﻨﺪﻱ ﺻﺒﺮ
ﻣﺎ ﺍﻋﺮﻑ ﺷﻠﻮﻥ ﺭﺟﻠﻴﺔ ﺍﺧﺬﺗﻨﻲ ﺍﻟﻬﻢ
ﻭﻓﺘﺤﺖ ﺑﺎﺏ ﺍﻟﺸﺎﺭﻉ ﻭﺻﺤﺖ ﻋﻠﻰ ﻗﺎﺳﻢ ﺧﺎﻳﻔﺔ ﻋﻠﻴﻪ
.. ﻗﺎﺍﺍﺍﺍﺍﺳﻢ
ﻟﻜﻴﺖ ﻛﺎﻇﻢ ﻭﺍﻛﻒ ﻳﺒﺎﻋﺪ ﻗﺎﺳﻢ ﻋﻦ ﺻﻔﺎﺀ
ﻭﺍﻟﺰﺭﺍﻓﺔ ﺳﻌﺎﺩ ﻣﺮﺑﻌﺔ ﺍﻳﺪﻳﻬﺔ ﻋﻠﻰ ﺻﺪﺭﻫﺎ
ﻭﻭﺍﻛﻔﺔ ﺗﺪﺭﺩﻡ
ﺑﺲ ﻃﻠﻌﺖ ﻭﺻﺤﺖ ﻗﺎﺳﻢ
ﻫﻮ ﻛﺒﻞ ﻋﺎﻁ ﺑﻴﺔ ﻭﻛﺎﻝ ﻓﻮﺗﻲ ﺩﺧﻠﻲ ﺟﻮﺓ ﻟﻠﺒﻴﺖ
ﻭﺭﺟﻊ ﻳﺤﺠﻲ ﻋﻠﻴﻬﻢ ﻭﻛﺎﻇﻢ ﻭﺍﻛﻒ ﺣﺎﺟﻮﺯ ﺑﻴﻦ ﻗﺎﺳﻢ ﻭﺍﺑﻨﻪ
ﻋﺰﺓ ﺓﺓﺓﺓﺓ ﺍﻧﻲ ﺑﺲ ﺳﻤﻌﺖ ﺻﻮﺗﻪ ﺍﻟﻴﺮﻋﺪ
ﻛﺒﻞ ﺭﺟﻌﺖ ﺭﻭﻥ ﺳﺎﻳﺪ
ﻭﺳﺪﻳﺖ ﺍﻟﺒﺎﺏ
ﻗﺎﺳﻢ .. ﺷﻮﻑ ﻛﺎﻇﻢ ﻫﺴﺔ ﺗﺎﺧﺬ ﺍﺑﻨﻚ ﻭﻣﺮﺗﻚ
ﻭﺗﺮﻭﺣﻮﻥ ﻣﻨﺎ
ﺧﻠﻴﻨﻲ ﻣﺤﺘﺮﻣﻜﻢ ﻣﺎ ﺍﺭﻳﺪ ﺍﻃﻠﻊ ﺻﻮﺗﻲ ﺑﺎﻟﻤﻨﻄﻘﺔ .
ﺳﻜﺘﻠﻜﻢ ﺑﻤﺎ ﻓﻴﻪ ﺍﻟﻜﻔﺎﻳﺔ ﻭﺻﺒﺮﻱ ﻋﻠﻴﻜﻢ ﻧﻔﺬ
ﻭﻟﺨﺎﻃﺮ ﻫﺸﺎﻡ ﺍﻧﻲ ﻣﺘﺤﻤﻠﻜﻢ
ﺧﻄﻴﺔ ﻗﺎﺳﻢ ﻳﺘﺨﺒﻞ ﻭﻻ ﺻﻮﺗﻨﺎ ﻳﻄﻠﻊ ﺑﺎﻟﻤﻨﻄﻘﺔ ﻻﻥ ﺯﺣﻤﺔ
ﻭﺧﺼﻮﺻﺎً ﻣﻨﻄﻘﺘﻬﻢ ﻫﺎﺩﺋﺔ ﻭﻧﺎﺳﻬﺎ ﻣﺤﺘﺮﻣﻴﻦ
ﻛﺎﻇﻢ .. ﻭﻟﻚ ﺍﻧﺖ ﺻﺪﻙ ﻣﺎ ﺗﺴﺘﺤﻲ ﻭﻣﺎﻋﻨﺪﻙ ﺍﺧﻼﻕ
ﺍﻟﻈﺎﻫﺮ ﺟﻮ ﺍﻟﻤﻼﻫﻲ ﻫﻮﺍﻱ ﻣﺄﺛﺮ ﻋﻠﻴﻚ ﻭﺻﺮﺕ ﻣﺜﻞ ﺍﺧﻼﻗﻬﻢ
ﻻ ﺗﺤﺘﺮﻡ ﻋﻤﺎﻡ ﻭﻻﺗﻌﺮﻑ ﺗﻘﺪﺭ ﺍﻟﺠﺒﻴﺮ
ﻗﺎﺳﻢ .. ﺣﺮﺍﻣﺎﺕ ﻭﺍﻟﻠﻪ ﺍﻟﻜﺎﻉ ﻣﺤﻈﻮﺭﺓ . ﻣﺎ ﺍﻛﺪﺭ ﺍﺣﺠﻲ
ﺑﺨﺘﻚ ﺑﺎﻟﺤﺠﻴﺔ ﻫﻨﺎ ﻭﺍﻛﻔﺔ
ﻭﺍﻻﻛﺎﻥ ﺳﻤﻌﺘﻚ ﺣﺠﻲ ﻳﻨﺨﺮ ﺑﺎﻟﻌﻈﻢ
ﻭﻟﻮ ﻣﺎ ﻳﺤﺘﺎﺝ ﺍﺣﺠﻲ
ﻛﻠﺶ ﻛﺎﻓﻲ ﺗﻨﺪﺍﺭ ﻭﺗﻨﻄﻲ ﻧﻈﺮﺓ ﺑﺴﻴﻄﻪ ﻟﻤﺮﺗﻚ
ﻭﺑﻌﺪﻳﻦ ﺗﻌﺎﻝ ﻛﻠﻲ ﻣﻨﻮ ﺑﻴﻨﺎ ﺍﻟﻤﺄﺛﺮﺓ ﻋﻠﻴﻪ ﺍﻟﻤﻼﻫﻲ
ﻋﺰﺓ ﻫﻮ ﺣﺠﺔ ﻫﺸﻜﻞ ﻭﺻﺎﺭ ﺻﻴﺎﺡ ﺑﻴﻨﻪ ﻭﺑﻴﻦ ﻋﻤﻪ
ﻭﺻﻔﺎﺀ
ﻳﻤﺔ . ﺷﻠﻮﻥ ﺑﻴﺔ . ﻭﺍﻟﻠﻪ ﺭﺍﺡ ﻳﺘﻌﺎﺭﻛﻮﻥ ﻛﻠﺒﻲ ﺻﺎﺭ ﻋﻠﻴﻪ ﻣﺜﻞ ﺍﻟﺠﻤﺮ
ﻓﺘﺤﺖ ﺍﻟﺒﺎﺏ ﻣﺪﻳﺖ ﺭﺍﺳﻲ ﺍﺟﺎﻧﻲ ﺻﻮﺕ ﻋﻤﺘﻲ
ﻋﺎﻃﺖ ﺑﻴﺔ ﺣﺘﻰ ﺍﺩﺧﻞ
ﺩﺧﻠﺖ ﺷﻠﻮﻥ ﻣﺎ ﻳﻨﻄﻴﻨﻲ ﻛﻠﺒﻲ ﺍﻋﻮﻓﻪ ﻭﺍﺭﻭﺡ
ﻭﻻ ﻳﻨﻄﻴﻨﻲ ﻛﻠﺒﻲ ﺍﺑﻘﻰ ﻭﺍﻛﻔﺔ ﻫﻨﺎ ﺑﺲ ﺍﺳﻤﻊ ﺻﻴﺎﺣﻬﻢ
ﺟﻨﺖ ﺍﺣﻮﻡ ﻳﻢ ﺑﺎﺏ ﺍﻟﺸﺎﺭﻉ ﺍﺭﻭﺡ ﻭﺍﺭﺟﻊ ﺍﻓﺮﻙ ﺑﻴﺪﻱ
ﻳﺎ ﺍﻟﻠﻪ ﺷﻠﻮﻥ ﺍﺭﻳﺪ ﺍﺷﻮﻑ ﺷﻨﻮ ﺩﻳﺴﻮﻥ
ﻭﺑﻴﻦ ﺍﻟﺨﻮﻑ ﻭﺑﻴﻦ ﺍﻟﻘﻠﻖ ﻭﺍﻟﺘﺮﻗﺐ
ﻭﺟﺎﻥ
ﻋﻴﻨﻲ ﺗﻮﻛﻊ ﻋﻠﻰ ﺑﺮﻣﻴﻞ ﺍﻟﻨﻔﻂ ﺍﻟﺒﺼﻒ ﺍﻟﺴﻴﺎﺝ
ﺑﺲ ﻳﺼﻴﺮ ﺑﻌﻴﺪ ﻋﻦ ﺍﻟﺒﺎﺏ ﺑﺎﻟﺰﻭﻳﺔ
ﻣﺎ ﺣﺴﻴﺖ ﺍﻻ ﻭﺭﺟﻠﻴﺔ ﻣﺎﺧﺬﺗﻨﻲ ﻳﻢ ﺍﻟﺴﻴﺎﺝ
ﻭﺑﺪﻳﺖ ﺍﺣﺎﻭﻝ ﺍﺻﻌﺪ ﻓﻮﻙ ﺍﻟﺒﺮﻣﻴﻞ
ﺣﻄﻴﺖ ﺭﺟﻠﻲ ﺍﻻﻭﻟﻰ ﻭﻟﺤﻜﺘﻬﺎ ﺭﺟﻠﻲ ﺍﻟﺜﺎﻧﻴﺔ ﻭﺷﻮﻳﺔ
ﺷﻮﻳﺔ ﻛﺪﺭﺕ ﺍﻭﺻﻞ ﻟﻠﺤﺎﻓﺔ ﻭﺻﺮﺕ ﺍﻛﺪﺭ ﺍﺑﺎﻭﻉ ﺷﻨﻮ ﺩﻳﺴﻮﻥ
ﺟﻨﺖ ﻣﺘﻌﻠﻜﺔ ﻋﺎﻟﺴﻴﺎﺝ ﻭﻣﻄﻠﻌﺔ ﺑﺲ ﺭﺍﺳﻲ ﻭﻛﻞ ﺷﻮﻳﺔ
ﺍﺩﻧﻚ ﺭﺍﺳﻲ ﺧﺎﻑ ﻗﺎﺳﻢ ﻳﺸﻮﻓﻨﻲ ﻭﻳﺮﺯﻟﻨﻲ
ﻫﻤﺰﻳﻦ ﺟﺎﻧﺖ ﺍﻧﺎﺭﺓ ﺍﻟﺤﺪﻳﻘﺔ ﻣﺨﻨﻔﺴﺔ ﻣﺤﺪ ﻳﻜﺪﺭ ﻳﺸﻮﻓﻨﻲ
...
ﺍﺑﺎﻭﻉ ﻻﻡ ﻗﺎﺳﻢ
ﻛﻮﻣﺖ ﻫﺸﺎﻡ ﻣﻦ ﺍﻟﻜﺎﻉ ﺟﺎﻥ ﺩﺍﻳﺦ
ﺍﻟﻈﺎﻫﺮ ﺻﻔﺎﺀ ﺍﻟﻌﺎﺭ ﻣﺄﺫﻳﻪ
ﺳﻤﻌﺖ ﻛﺎﻇﻢ ﻳﺤﺠﻲ ﻭﻳﺔ ﻗﺎﺳﻢ ﺑﻐﻴﺾ
.. ﻟﻚ ﻗﺎﺳﻢ
ﺍﻟﻤﺜﻠﻚ ﻣﻴﻔﺘﺢ ﺣﻠﻜﻪ ﻭﻳﺤﺠﻲ ﺑﺎﻟﻨﺴﺐ
ﻭﺭﻭﺡ ﺑﺎﻻﻭﻝ ﺷﻮﻑ ﺍﺑﻮ ﻣﺮﺗﻚ ﻣﻨﻮ
ﻭﺳﻤﻌﺘﻪ ﺷﻠﻮﻧﻬﺎ ﻭﺑﻌﺪﻳﻦ ﺗﻌﺎﻝ ﻋﻴﺮﻧﻲ ﺑﺰﻭﺟﺘﻲ
ﺭﻭﺡ ﺷﻮﻑ ﺟﺪ ﺟﻬﺎﻟﻚ ﺍﻟﻤﺴﺘﻘﺒﻠﻲ
ﻛﻞ ﻳﻮﻡ ﻳﻄﻠﻌﻮﻧﻪ ﻣﻦ ﺍﻟﻤﻨﺰﻭﻝ .
ﻭﻏﺮﻛﺎﻥ ﺑﺎﻟﺸﺮﺏ ﻭﺍﻟﻌﺮﺑﺪﺓ
ﺷﻬﻜﺖ ﻣﺼﺪﻭﻣﺔ ﻣﻦ ﺍﻟﺤﺠﻲ ﺍﻟﺴﻤﻌﺘﻪ
ﻻ ﻳﺎﺭﺑﻲ ﺩﺧﻴﻠﻚ ﻫﺬﺍ ﺍﻟﻤﺎﺟﻨﺖ ﺣﺎﺳﺒﺔ ﺣﺴﺎﺑﻪ
ﺳﻤﻌﺔ ﺍﺑﻮﻱ ﺗﻠﺤﻜﻨﻲ ﻟﺒﻴﺖ ﺯﻭﺟﻲ . ﻭﻳﺘﺒﻬﺬﻝ ﻣﻦ ﻭﺭﺍﻩ ﻭﻫﻮ ﻣﺎﻟﻪ ﺩﺧﻞ
ﻭﺑﻠﺴﺎﻥ ﺍﻟﻲ ﻣﺎ ﻳﺮﺣﻢ ﻭﻛﻊ ﻗﺎﺳﻢ ﻻ ﺻﻮﺝ ﻭﻻﺫﻧﺐ
ﺍﺗﻤﻨﻴﺖ ﻛﻮﻥ ﻣﻴﺘﺔ ﻭﻻ ﺳﺎﻣﻌﺔ ﻫﺬﺍ ﺍﻟﺤﺠﻲ
ﺳﻤﻌﺖ ﻫﺸﺎﻡ ﻳﺤﺠﻲ ﻭﻳﺔ ﺍﺑﻮﻩ ﺑﻐﻴﺾ
.. ﺗﺮﺓ ﺍﻟﻤﺮﻳﺔ ﻣﺎ ﺗﺘﻘﻴﻢ ﺑﺎﻓﻌﺎﻝ ﺍﺑﻮﻫﺎ
ﺍﻟﻤﺮﺓ ﻗﻴﻤﺘﻬﺎ . ﺑﺸﺮﻓﻬﺎ ﻭﻋﻔﺘﻬﺎ
ﻗﺎﺳﻢ .. ﻫﺸﺎﻡ ﻋﻮﻓﻪ ﻣﻴﺤﺘﺎﺝ ﺗﺒﺮﺭﻟﻪ ﻳﻜﻔﻴﻨﻲ ﻓﺨﺮ
ﺍﻋﺮﻑ ﺑﻤﺮﺗﻲ ﺑﻨﺖ ﺣﻼﻝ
ﻭﺻﺎﻳﻨﺔ ﻋﺮﺿﻲ ﻭﺍﻛﺪﺭ ﺃﺃﻣﻨﻬﺎ ﻋﻠﻰ ﺑﻴﺘﻲ
ﻭﻣﻴﻨﺨﺎﻑ ﻋﻠﻴﻬﺎ
ﻻﻥ ﺍﺧﺖ ﺭﺟﺎﻝ ﻭﻳﻨﺸﺪ ﺑﻴﻬﺎ ﺍﻟﻈﻬﺮ
ﺣﺠﺎﻫﺎ ﻭﺑﺎﻭﻉ ﻟﺴﻌﺎﺩ ﻭﻫﻲ ﻛﺎﻣﺖ ﺗﻜﻤﺰ ﻣﻦ ﺳﻤﻌﺖ ﻛﻼﻣﻪ ﻭﺻﺎﺭﺕ ﺗﺼﻴﺢ
ﺳﻌﺎﺩ .. ﻛﺎﻇﻢ ﺍﺷﻮ ﺳﺎﻛﺖ ﺍﺣﺠﻴﻠﻚ ﻛﻠﻤﺔ
ﻟﻚ ﺷﻮﻓﻪ ﻳﺤﻈﻲ ﺷﻠﻮﻥ ﻛﺎﻡ ﻳﺮﻋﺪ ﻋﻠﻤﻮﺩ
ﺟﺒﺖ ﺳﻴﺮﺓ ﻣﺮﺗﻪ ﻋﻠﻰ ﻟﺴﺎﻧﻚ ﻋﺎﻳﺰ ﺑﺲ ﻳﻬﺪ ﻋﻠﻴﻚ
ﻭﻫﻲ ﻣﺮﺗﻪ ﻛﻠﻬﺎ ﻋﻠﻰ ﺑﻌﻀﻬﺎ ﺟﻨﻬﺎ ﻓﺼﻤﺔ
ﺻﺪﻙ ﻟﻮ ﻛﺎﻟﻮﺍ ﺍﻟﻨﺎﺱ ﺣﻈﻮﻅ
ﻣﻮ ﻣﺜﻞ ﺣﻈﻲ ﺍﻧﻬﺎﻥ ﺑﻮﺟﻮﺩ ﺭﺟﻠﻲ .
ﺷﻬﻜﺖ ﻳﻨﻌﻞ ﺍﺑﻮ ﺷﻜﻠﺞ
ﻫﻮ ﻭﻳﻨﻪ ﻫﺬﺍ ﺍﻟﺤﻆ ﺑﺎﻟﻠﻪ ﻣﺘﺮﺍﻭﻳﻨﻲ ﺷﻜﻠﻪ ﺷﻠﻮﻥ ﺻﺎﻳﺮ
ﻗﺎﺳﻢ ﺧﺰﺭﻫﺎ
ﻭﺣﺠﺔ ﻭﻫﻮ ﺭﺍﺹ ﻋﻠﻰ ﺍﺳﻨﻮﻧﻪ
.. ﺷﻮﻑ ﻛﺎﻇﻢ ﻗﺴﻤﺎً ﺑﺬﺍﺕ ﺍﻟﻠﻪ . ﺍﺫﺍ ﻣﺎ ﺍﺗﺤﺮﻛﺖ ﻫﺴﺔ ﻣﻨﺎ ﺍﻧﺖ
ﻭﺍﻟﻲ ﻭﻳﺎﻙ ﻟﻜﻮﻥ ﺣﺎﺭﻙ ﺍﻻﺧﻀﺮ ﻭﺍﻟﻴﺎﺑﺲ
ﻭﺑﻮﻛﺘﻬﺎ ﺭﺍﺡ ﺗﻌﺮﻑ ﺷﻨﻮ ﺍﻗﺼﺪ
ﻛﺎﻇﻢ .. ﺑﺴﻴﻄﺔ ﻳﺎ ﻗﺎﺳﻢ ﺍﻧﺎ ﺍﻋﻠﻤﻚ
ﻟﻚ ﺍﻧﺎ ﻣﻦ ﺑﻌﺪ ﻫﺬﺍ ﻋﻤﺮﻱ ﻫﻴﺞ ﺍﻧﻬﺎﻥ
ﻭﺍﻧﺖ ﻳﺎ ﻫﺸﺎﻡ ﻣﺼﻴﺮﻙ ﺗﺮﺟﻌﻠﻲ ﻣﺜﻞ ﺍﻟﻜﻠﺐ
ﻭﺭﺍﺡ ﺗﺸﻮﻑ ﺍﻻﻳﺎﻡ ﺗﺜﺒﺘﻠﻚ
ﺩﺍﺭ ﻭﺟﻬﻪ ﻭﺷﻤﺮ ﺍﻟﺴﻮﻳﺞ ﻋﻠﻰ ﺻﻔﺎﺀ ﻭﻛﻠﻪ ﺍﻧﺖ ﺳﻮﻕ
ﺍﻟﺴﻴﺎﺭﺓ . ﺟﺎﻥ ﻳﺤﺠﻲ ﻭﻳﺮﺟﻒ ﻣﻦ ﺍﻟﻐﻀﺐ
ﻣﻦ ﺍﻟﻠﻪ ﻻ ﻳﻮﻓﻘﻚ ﻳﺎﻛﺎﻇﻢ ﻣﺎ ﺗﻜﻠﻲ ﻣﻨﻴﻦ ﻃﻠﻌﺘﻠﻲ
ﻣﻜﺮﻭﺩ ﻳﺎﻟﻤﺎﻋﻨﺪﻙ ﺣﻆ ﻭﺑﺨﺖ
ﺍﻧﺎ ﻣﺎ ﺻﺪﻛﺖ ﺍﻟﺪﻧﻴﺎ ﺑﺪﺕ ﺳﺘﻮﻫﺎ ﺗﺒﺘﺴﻤﻠﻲ
ﻭﻗﺎﺳﻢ ﺑﺪﺓ ﻳﻘﺘﺮﺑﻠﻲ . ﻳﺠﻲ ﻛﺎﻇﻢ
ﻭﻳﺨﺮﺏ ﺍﻻﻭﻝ ﻭﺍﻟﺘﺎﻟﻲ
ﻭﻳﺰﻳﺪ ﻣﻦ ﻣﺨﺎﻭﻓﻲ .
ﺑﺲ ﺍﺭﻳﺪ ﺍﻋﺮﻑ ﺍﻟﻤﺸﻜﻠﺔ ﺑﻴﻦ ﻛﺎﻇﻢ ﻭﻫﺸﺎﻡ ﺍﺑﻨﻪ
ﺍﺳﻤﻲ ﺍﻟﻤﺼﺨﻢ ﺷﻴﺴﻮﻱ ﻳﻜﻤﺰ ﺑﻨﺼﻬﻢ .
ﺧﺮﺏ ﺣﻈﻲ
ﺟﻨﺖ ﻣﺸﻐﻮﻟﺔ . ﺍﺩﻭﺭ ﻋﻠﻰ ﺣﻈﻲ ﺍﻟﺘﺎﻳﻪ
ﻭﻧﺎﺳﻴﺔ ﻧﻔﺴﻲ ﻣﻌﻠﻜﺔ ﻋﺎﻟﺴﻴﺎﺝ
ﻣﺎﺧﺬﺓ ﻭﺿﻌﻴﺔ ﺳﺒﺎﻳﺪﺭ ﻣﺎﻥ
ﻣﺎﺣﺴﻴﺖ ﺍﻻ ﻭﺻﻮﺕ ﺍﻟﺒﺎﺏ ﺍﻟﺨﺎﺭﺟﻲ ﺍﻧﻔﺘﺢ ﻭﺟﺎﻥ ﻳﺪﺧﻠﻮﻥ ﻫﺸﺎﻡ ﻭﺧﺎﻟﺘﻲ ﻭﻗﺎﺳﻢ
ﻋﺰﺓ ﺧﻠﻲ ﺍﻧﺰﻝ ﻗﺒﻞ ﻻ ﻳﺸﻮﻓﻨﻲ ﻗﺎﺳﻢ ﻣﻌﻠﻜﺔ ﻋﺎﻟﺴﻴﺎﺝ ﻭﻳﺴﺤﻠﻨﻲ
ﻭﺑﻴﻦ ﻣﺎ ﺍﻟﺘﻔﺘﺖ ﻭﺩﻧﻜﺖ ﺣﺘﻰ ﺍﻧﺰﻝ
ﻭﺟﺎﻥ ﺍﺳﻤﻊ ﺻﻮﺕ ﻗﺎﺳﻢ ﺍﻟﻤﺘﻔﺎﺟﻲﺀ ﻣﻦ ﻭﺭﺍﻱ
ﻗﺎﺳﻢ ﺑﻐﻀﺐ .. ﻟﺞ ﻫﺎﺍﺍﺍﺍﻱ ﺷﻨﻮ ﻏﻀﺐ ﺷﺘﺼﺨﻤﻴﻦ ﻓﻮﻙ ﺍﻟﺒﺮﻣﻴﻞ
......
ﺣﺠﺎﻫﺎ ﻭﻫﻮ ﻣﺘﻮﺟﻪ ﻋﻠﻴﺔ ﻣﻦ ﺍﻟﺨﺮﻋﺔ ﺟﻤﺪﺕ ﺑﻤﻜﺎﻧﻲ
ﻣﺤﺘﺎﺭﺓ ﺍﻧﺰﻝ ﻟﻮ ﺍﺑﻘﻰ ﻣﻌﻠﻜﺔ .
ﺧﻠﻲ ﺍﻧﺰﻝ ﻭﺍﻟﺤﻚ ﻋﻠﻰ ﺭﻭﺣﻲ
ﺍﻧﺘﺒﻬﺖ ﻟﻬﺸﺎﻡ ﻛﻤﻞ ﻃﺮﻳﻘﻪ ﻭﺩﺧﻞ ﺟﻮﺓ ﻟﻠﺒﻴﺖ ﺟﺎﻥ ﺣﻴﻞ ﺿﺎﻳﺞ
ﺧﻄﻴﺔ ﻛﻠﻤﻦ ﻫﻤﻪ ﺷﻜﻞ
ﺍﻡ ﻗﺎﺳﻢ .. ﻟﺞ ﺧﺎﻟﺔ ﻫﺪﻯ ﺷﺼﻌﺪﺝ ﻟﺘﻮﻛﻌﻴﻦ
ﺩﻳﺮﻱ ﺑﺎﻟﺞ ﻟﺘﻄﻠﻌﻴﻦ ﺣﺎﻣﻞ ﻭﻳﺼﻴﺮ ﻋﺎﻟﺤﻤﻞ ﺷﻲ
ﻳﺎﻟﻠﻪ ﻫﺎﻙ ﺍﺳﺘﻠﻢ ﺑﺎﻟﻠﻪ ﻫﺎﻱ ﺧﺎﻟﺘﻲ ﺷﺤﺠﻲ ﻭﻳﺎﻫﺎ ﺍﻟﻨﺎﺱ ﺑﺎﻟﻨﺎﺱ ﻭﺍﻟﻜﺮﻋﺔ ﺗﻤﺸﻂ ﺑﺎﻟﺮﺍﺱ
ﺍﺗﺤﺮﻛﺖ ﺣﺘﻰ ﺍﻧﺰﻝ
ﻭﺟﺎﻥ ﻳﻬﺘﺰ ﺍﻟﺒﺮﻣﻴﻞ ﺑﻴﺔ . ﻛﻤﺰﺕ ﻣﻦ ﺍﻟﺨﻮﻑ ﻭﻟﺰﻣﺖ ﺍﻟﺴﻴﺎﺝ ﺣﺘﻰ ﺍﺳﺘﻨﺪ ﻋﻠﻴﻪ
ﻭﺣﺠﻴﺖ ﺑﻬﺒﻄﺔ
.. ﻳﻤﺔﺓﺓﺓﺓ ﺯﻳﻦ ﻣﺎ ﻭﻛﻌﺖ
ﻭﻗﺎﺳﻢ ﺍﻗﺘﺮﺏ ﻣﻨﻲ ﻭﺻﺎﺡ ﺑﻴﺔ
.. ﻭﻟﺞ ﺟﻨﻴﺔ ﻟﻮ ﺗﻮﻛﻌﻴﻦ ﻭﺗﺘﻜﺴﺮﻳﻦ ﺟﺎﻥ ﺍﻧﻲ ﺑﺨﻴﺮ
ﻣﺘﻜﻠﻴﻠﻲ ﺍﻧﺘﻲ . ﺷﺼﻌﺪﺝ ﻓﻮﻙ ﺍﻟﺒﺮﻣﻴﻞ
ﺟﺎﻥ ﻳﺤﺠﻲ
ﻭﻣﺪ ﺍﻳﺪﻳﻪ ﻭﺣﻮﻃﻨﻲ ﻣﻦ ﺧﺼﺮﻱ ﻭﺳﺎﻋﺪﻧﻲ ﺣﺘﻰ ﺍﻧﺰﻝ
ﻧﺰﻟﺖ
ﻭﺑﺎﻭﻋﺖ ﻋﻠﻴﻪ ﻭﻟﻤﻴﺖ ﺷﻔﺎﻳﻔﻲ ﺑﺬﻧﺐ
ﻭﺣﺠﻴﺖ ﺑﺼﻮﺕ ﻧﺎﺻﻲ ﺍﺗﻤﺴﻜﻦ
.. ﺍﺍﺍﺍﺍ ﺟﻨﺖ ﺍﺑﺎﻭﻉ ﻋﻠﻴﻜﻢ ﺧﻔﺖ ﻻ ﺗﺘﻌﺎﻏﻜﻮﻥ ( ﺗﺘﻌﺎﺭﻛﻮﻥ )
.. ﻫﺴﺔ ﺍﺫﺍ ﺍﻟﺰﻣﺞ ﻭﺍﻣﺴﺢ ﺑﻴﺞ ﺍﻟﻜﺎﻉ . ﺍﻛﻮ ﻭﺍﺣﺪ . ﻳﻠﻮﻣﻨﻲ
.. ﻻ ﻣﺎ ﻳﺤﺘﺎﺝ ﺍﻟﻜﺎﻉ ﻧﻈﻴﻔﺔ ﺗﻠﻤﻊ ﺳﺘﻮﻧﻲ ﻣﺴﺤﺘﻬﺎ
ﺟﻨﺖ ﺍﺣﺠﻲ ﻭﺍﺗﺬﻛﺮ ﻋﺮﻛﺔ ﺳﻌﺎﺩ ﻫﺴﻪ ﻣﺴﺤﺖ ﺍﻟﻜﺎﻉ ﺑﻴﺔ
.. ﺷﻠﻮﻥ ﺑﻴﺞ ﺷﻨﻮ ﺣﻠﻬﺎ ﻭﻳﺎﺝ
ﺣﺠﺎﻫﺎ ﺑﻘﻠﺔ ﺻﺒﺮ
ﺟﺎﻭﺑﺘﻪ .. ﺷﺴﻮﻱ ﻭﺍﻟﻠﻪ ﻣﻮ ﺑﻴﺪﻱ ﻛﻠﺒﻲ ﻣﻴﻨﻄﻴﻨﻲ
ﺧﻔﺖ ﻻ ﺗﺘﻌﺎﻏﻜﻮﻥ ( ﺗﺘﻌﺎﺭﻛﻮﻥ )
ﺻﻌﺪﺕ ﺣﺘﻰ ﺍﺗﻄﻤﻦ ﻋﻠﻴﻜﻢ
ﺟﺎﻧﺖ ﺍﻳﺪﻳﻪ ﺑﻌﺪﻫﺎ ﻻﺯﻣﺔ ﺧﺼﺮﻱ ﻧﺰﻟﻬﺎ
ﻭﺟﻤﺪ ﺑﻤﻜﺎﻧﻪ ﻭﺑﺎﻭﻉ ﻋﻠﻴﻪ ﺟﺎﻥ ﺿﻮﺓ ﺍﻟﺤﺪﻳﻘﺔ ﻣﺨﻨﻔﺲ ﻭﺻﺎﻳﺮ ﺑﻈﻬﺮﻩ .
ﻭﺟﻬﻪ ﻣﻤﺒﻴﻦ ﻣﻜﺪﺭﺕ
ﺍﺣﺰﺭ ﺭﺩﺓ ﻓﻌﻠﻪ ﻣﻦ ﻛﻼﻣﻲ
ﺍﻡ ﻗﺎﺳﻢ .. ﻳﻤﺔ ﻗﺎﺳﻢ ﻋﻮﻓﻬﺎ ﻛﺎﻓﻲ ﻣﺸﺎﻛﻞ
ﺗﺮﺓ ﻭﺍﻟﻠﻪ ﺭﺍﺳﻲ ﺭﺍﺡ ﻳﻄﻚ ﻣﻦ ﻭﺭﺍﻛﻢ ﺍﻧﺖ ﻭﺍﺧﻮﻙ
ﻳﺎﻟﻠﻪ ﺍﻣﺸﻮ ﻓﻮﺗﻮﺍ ﺟﻮﺓ
ﻭﺧﻠﻴﻨﻲ ﺍﺭﻭﺡ ﺍﺷﻮﻑ ﺍﺧﻮﻙ ﻫﺴﺔ ﺍﻟﻜﺎﻩ ﻳﺤﺮﻙ ﺑﺪﻣﻪ
ﻣﻦ ﻭﺭﺓ ﺍﺑﻮﻩ ﺍﻟﻨﺎﻗﺺ ﻭﻫﺬﺍﻙ ﺍﻟﺤﻘﻴﺮ ﺍﺧﻮﻩ ﺍﻟﻲ ﺍﺧﺬﻟﻪ ﻏﻔﻠﻪ ﻭﻣﻤﻨﺘﺒﻪ ﻋﻠﻴﻪ
ﻭﺍﻧﻄﺎﻩ ﺩﻓﺮﺓ ﻋﻠﻰ ﺭﺟﻠﻪ ﻭﻭﻛﻌﻪ
ﺩﺧﻠﺖ ﻭﻋﺎﻓﺘﻨﺎ ﻭﻗﺎﺳﻢ ﺑﺎﻭﻉ ﻋﻠﻴﺔ ﺧﺰﺭﻧﻲ ﻭﺩﺧﻞ ﻟﻠﺒﻴﺖ
ﺑﺲ ﻗﺒﻞ ﻻ ﻳﺪﺧﻞ
ﻛﺎﻝ .. ﻋﻴﺪﻳﻬﺎ ﻣﺮﺓ ﺛﺎﻧﻴﺔ . ﻭﺷﻮﻓﻲ ﺷﺮﺍﺡ ﺍﺳﻮﻱ ﺑﻴﺞ
ﻭﺍﻟﻠﻪ ﺭﺟﻠﻴﺞ ﺍﻛﺴﺮﻫﻢ
ﺩﻧﻜﺖ ﺭﺍﺳﻲ ﻭﻣﺸﻴﺖ ﺩﺧﻠﺖ ﻭﺭﺍﻫﻢ
ﺍﺳﺘﻐﻔﺮ ﺍﻟﻠﻪ ﻫﺴﺔ ﻫﺬﺍ ﺷﻨﻮ ﺳﺎﻟﻔﺘﻪ ﻭﻳﺔ ﺭﺟﻠﻴﺔ
ﻛﻞ ﺣﺠﺎﻳﺔ ﻭﺍﻟﺜﺎﻧﻴﺔ ﻭﻛﺎﻝ ﺍﻛﺴﺮ ﺭﺟﻠﻴﺞ
ﺍﻟﻴﺴﻤﻌﻪ ﻳﻜﻮﻝ ﻛﺮﺍﻋﻴﻦ ﺑﺎﺟﺔ . ﻭﻳﻜﻌﺪ ﻛﻞ ﺷﻮﻳﺔ ﻣﻜﺴﺮﻫﻢ
ﺩﺧﻠﺖ ﻟﻜﻴﺘﻬﻢ ﻛﻠﻬﻢ ﻛﺎﻋﺪﻳﻦ ﺑﺎﻟﻬﻮﻝ
ﺍﻡ ﻗﺎﺳﻢ ﻛﺎﻋﺪﺓ ﻋﺎﻟﻘﻨﻔﺔ . ﻭﻫﺸﺎﻡ ﻣﺘﻤﺪﺩ ﻋﻠﻰ ﻧﻔﺲ ﺍﻟﻘﻨﻔﺔ ﻭﺣﺎﻁ ﺭﺍﺳﻪ ﺑﺤﻀﻨﻬﺎ
ﻭﻗﺎﺳﻢ ﻭﺍﻛﻒ ﻓﻮﻙ ﺭﺍﺳﻬﻢ
ﻗﺎﺳﻢ .. ﺍﻱ ﺣﺠﻴﺔ . ﻛﻤﻠﻲ ﺑﻌﺪ ﺷﻨﻮ ﺳﺮﺑﺖ ﻛﺎﻇﻢ
ﻣﻦ ﺟﻨﺖ ﻣﻤﻮﺟﻮﺩ
ﺍﻡ ﻗﺎﺳﻢ ﺟﺎﻭﺑﺘﻪ ﺗﺮﻳﺪ ﺑﺲ ﺗﺴﺪ ﺍﻟﻤﻮﺿﻮﻉ
.. ﻣﻜﺎﻝ ﺷﻲ ﺯﺍﻳﺪ ﻋﻦ ﺍﻟﻲ ﺣﺠﺎﻩ ﺍﻟﻜﻢ
.. ﻳﻌﻨﻲ ﺗﺮﺩﻳﻦ ﺗﻘﻨﻌﻴﻨﻲ
ﺍﻥ ﻛﺎﻇﻢ ﻭﻣﺮﺗﻪ ﻭﺻﻔﺎﺀ
ﺍﺟﻮﻱ ﻟﻬﻨﺎ ﻣﻦ ﻭﺭﺍﻳﺔ ﻭﻳﺮﻳﺪﻭﻥ ﻳﺴﺘﻐﻠﻮﻥ ﻓﺘﺮﺓ ﻏﻴﺎﺑﻲ
ﺑﺲ ﻋﻠﻤﻮﺩ ﻫﺎﻱ ﺍﻟﺤﺠﺎﻳﺘﻴﻦ
......
ﺟﺎﻥ ﻳﺮﻳﺪ ﻳﺠﺮﺟﺮ ﺧﺎﻟﺔ ﺑﺎﻟﺤﺠﻲ
ﻭﺧﺎﻟﺔ ﺗﺘﻬﺮﺏ ﻣﻦ ﺍﺳﺄﻟﺘﻪ ﻭﻣﺤﻀﺮ ﺍﻟﺘﺤﻘﻴﻖ
ﻳﻤﺔ ﻫﻤﺰﻳﻦ ﻣﺠﺎﻥ ﻣﻮﺟﻮﺩ ﻭﺷﺎﻑ ﺳﻌﺎﺩ ﺷﻠﻮﻥ ﺗﺼﻮﻝ ﻭﺗﺠﻮﻝ ﺑﻴﻨﺎ ﺟﺎﻥ ﺣﺮﻙ ﺍﻟﺪﻧﻴﺎ
ﺍﻡ ﻗﺎﺳﻢ .. ﺍﻫﻮﻭﻭﻭ ﻗﺎﺳﻢ ﺷﻠﻮﻥ ﺑﻴﻚ ﻛﻠﺘﻠﻚ ﻣﺎﻛﻮ ﻣﺴﻮﻭﻟﻨﺎ ﺷﻲ ﻭﻻ ﻛﺎﻟﻮﻟﻨﺎ ﺷﻲ
ﺣﺘﻰ ﺍﺳﺄﻝ ﺍﻟﺒﻨﺎﺕ .
ﻭﺩﺍﺭﺕ ﻭﺟﻬﻬﺎ ﻋﻠﻴﻨﺎ ﺍﻧﻲ ﻭﻫﺎﻟﺔ ﻭﻫﺪﻳﻞ
ﺍﻧﺘﺒﻬﺖ ﻟﺨﺎﻟﺘﻲ ﺑﺎﻭﻋﺘﻠﻲ ﻭﺷﻬﻜﺖ ﻭﺣﻄﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﻭﻛﺎﻟﺖ
.. ﻳﺎﺍﺍﺍ ﻫﺎﻱ ﺷﻨﻮﻭ !!!!!
ﺷﻬﻜﺖ ﺧﺎﻟﺔ ﻟﻔﺘﺖ ﺍﻻﻧﻈﺎﺭ ﻋﻠﻴﺔ
ﺷﻨﻮ ﺷﻜﻮ ﻟﻴﺶ ﻳﺒﺎﻭﻋﻮﻟﻲ ﻫﺸﻜﻞ
ﺍﺑﺎﻭﻉ ﻟﻘﺎﺳﻢ ﺍﺗﺴﻌﺖ ﻋﻴﻮﻧﻪ ﻭﺍﺟﺔ ﺍﻗﺘﺮﺏ ﻳﻤﻲ ﻭﺍﻟﻨﺎﺭ ﺗﺠﺪﺡ ﺑﻌﻴﻮﻧﻪ
ﻟﺰﻣﻨﻲ ﻣﻦ ﺯﻧﺪﻱ ﻭﻗﺮﺑﻨﻲ ﻋﻠﻴﻪ
ﻭﺭﻓﻊ ﻭﺟﻬﻲ ﻳﺘﻔﺤﺼﻪ
ﻭﺩﺍﺭ ﻭﺟﻬﻪ ﻋﻠﻰ ﺧﺎﻟﺔ ﻭﺳﺄﻟﻬﺎ ﺑﻜﻞ ﻫﺪﻭﺀ ﺑﺎﺭﺩ
.. ﺷﻮﻓﻲ ﺣﺠﻴﺔ ﻫﺴﺔ ﺍﺫﺍ ﻣﺎ ﺗﺤﺠﻴﻠﻲ ﺷﻨﻮ ﺍﻟﻲ ﺻﺎﺭ
ﻭﺍﻟﻠﻪ ﺍﻟﻌﻈﻴﻢ ﻫﺴﺔ ﺍﺭﻭﺡ ﺍﺣﺮﻙ ﺑﻴﺖ ﻛﺎﻇﻢ ﻋﻠﻰ ﺭﻭﺳﻬﻢ ﻭﺍﻧﺘﻲ ﺍﻟﺴﻴﺒﺐ
ﺍﻡ ﻗﺎﺳﻢ .. ﺷﻮﻑ ﺍﺣﺠﻴﻠﻚ ﺑﺲ ﺍﺭﻳﺪﻙ ﺗﺤﻠﻔﻠﻲ ﺑﺮﻭﺡ ﺍﺑﻮﻙ
ﻣﺘﻌﺼﺐ ﻭﺗﺤﻠﻬﺎ ﺑﺎﻟﺘﻲ ﻫﻲ ﺍﺣﺴﻦ ﻣﻦ ﺗﻬﺪﺀ
.. ﻫﺴﺔ ﻏﻴﺮ ﺍﻓﺘﻬﻢ ﺷﻨﻮﺍﻟﺴﺎﻟﻔﺔ ﺷﻠﻮﻥ ﺻﺎﺭ ﺑﻮﺟﻪ ﻣﺮﺗﻲ ﻫﻴﺞ
.. ﺍﻭﻋﺪﻧﻲ ﺑﺎﻻﻭﻝ ﻣﺘﻌﺼﺐ ﻭﺗﺮﻭﺡ ﺗﻬﺪ ﻋﻠﻴﻬﻢ
ﺭﺹ ﺍﺳﻨﺎﻧﻪ ﺑﻐﻴﺾ ﺣﺠﺔ ﺑﻘﻠﺔ ﺻﺒﺮ
.. ﻫﺎﻱ ﻫﻲ ﺍﻭﻋﺪﺝ ﺍﻟﻴﻮﻡ ﻣﺮﺍﺡ ﺍﺳﻮﻳﻠﻬﻢ ﺷﻲ
ﺍﻡ ﻗﺎﺳﻢ ﺑﺪﺕ ﺗﺤﺠﻲ ﻟﻘﺎﺳﻢ ﻋﻦ ﺍﻟﻲ ﺻﺎﺭ ﻭﻳﺔ ﻋﻤﻪ
ﻭﺳﻌﺎﺩ ﺷﻠﻮﻥ ﻫﺪﺕ ﻋﻠﻴﻬﺎ
ﺧﺎﻟﺔ ﺗﺤﺠﻲ ﻭﻗﺎﺳﻢ ﻳﺴﻤﻌﻬﺎ ﻭﻋﻴﻮﻧﻪ ﻋﻠﻴﺔ
ﻭﻛﻮﺓ ﻻﺯﻡ ﻧﻔﺴﻪ . ﻣﺎ ﻳﻬﺪ ﻋﻠﻴﺔ
ﺣﺠﺔ ﺑﺼﻮﺕ ﺧﺸﻦ ﻭﻫﻮ ﻳﺒﺎﻭﻉ ﻻﻣﻪ
.. ﻫﺬﺍ ﻛﻠﻪ ﺻﺎﻳﺮ ﻭﻣﺎ ﺟﻨﺘﻲ ﻧﺎﻭﻳﺔ ﺗﺤﺠﻴﻠﻲ
ﻣﻊ ﺍﻻﺳﻒ ﻋﻠﻴﺞ ﺣﺠﻴﺔ ﺍﻟﻈﺎﻫﺮ ﻣﺎ ﻣﺎﻟﻲ ﻋﻴﻨﺞ
ﻭﻣﺎﻟﻲ ﺩﻭﺭ ﺑﻬﺬﺍ ﺍﻟﺒﻴﺖ
ﺷﻮﻓﻲ ﺳﻜﻮﺗﺞ ﻋﻨﻬﻢ ﻭﺗﺴﺘﺮﺝ ﻋﻠﻴﻬﻢ
ﻟﻮﻳﻦ ﻭﺻﻠﻨﺎ
ﺧﻼﻫﻢ ﻳﻄﻐﻮﻥ ﻭﻳﺘﻌﺪﻭﻥ ﺣﺪﻭﺩﻫﻢ
ﻭﺻﻠﺖ ﺑﻴﻬﻢ ﺍﻟﺠﺮﺋﺔ . ﻳﺪﺧﻠﻮﻥ ﺑﺒﻴﺘﻲ ﻭﺍﻧﻲ ﻣﻤﻮﺟﻮﺩ ﻭﻳﻤﺪﻭﻥ ﺍﻳﺪﻫﻢ ﻋﻠﻰ ﻣﺮﺗﻲ
ﻛﻠﻪ ﻣﻦ ﻭﺭﺓ ﺗﺴﺘﺮﺝ ﻋﺎﻟﻤﻮﺿﻮﻉ ﺧﻼﻫﻢ ﻳﺴﺘﻬﺎﻧﻮﻥ ﺑﻮﺟﻮﺩﻱ
ﺍﺑﺎﻭﻉ ﻻﻡ ﻗﺎﺳﻢ ﺷﻠﻮﻥ ﻭﺟﻬﺔ ﺻﺎﺭ ﺍﺻﻔﺮ
ﺣﺠﻴﺖ ﻭﻳﺎﻩ
.. ﻗﺎﺳﻢ ﻟﺤﻈﺔ ﻋﻠﻰ ﻛﻴﻔﻚ ﻭﻳﺔ ﺧﺎﻟﺔ .
ﻗﺎﻃﻊ ﻛﻼﻣﻲ ﻭﺣﺠﺔ ﺑﺼﻮﺕ ﺍﻣﺮ ﻭﺟﺎﻥ ﻣﻨﻄﻴﻨﻲ ﻇﻬﺮﻩ ﻭﻳﺒﺎﻭﻉ ﻋﻠﻰ ﺍﻣﻪ
.. ﻫﺪﻯ ﺍﻧﺘﻲ ﻻ ﺗﺪﺧﻠﻴﻦ ﺭﻭﺣﻲ ﺻﻌﺪﻱ ﻓﻮﻙ ﻛﺪﺍﻣﻲ ﻭﺣﺴﺎﺑﻲ ﻭﻳﺎﺝ ﺑﻌﺪﻳﻦ
.. ﻟﻴﺶ ﻣﻌﺼﺐ ﻋﻠﻴﺔ ﺗﻐﺔ ( ﺗﺮﺓ ) ﺍﻧﻲ ﻣﺴﻮﻳﺖ ﺷﻲ
ﺩﺍﺭ ﻋﻠﻴﺔ . ﻭﻋﻴﻮﻧﻪ ﺗﺠﺪﺡ ﻧﺎﺭ
.. ﺍﺷﺸﺸﺸﺶ ﻭﻻ ﻛﻠﻤﺔ ﺷﻤﻌﻨﺎ ﺍﻧﺘﻲ ﺍﺗﻌﺮﺿﺘﻲ ﻟﻠﻀﺮﺏ
ﻣﻮ ﻫﺎﻱ ﺍﻣﻲ ﻭﺧﻮﺍﺗﻲ . ﻭﻳﺎﺝ ﺍﺷﻮ ﻣﻤﻀﺮﻭﺑﻴﻦ
ﺍﻡ ﻗﺎﺳﻢ .. ﻻ ﻗﺎﺳﻢ ﻟﺘﺤﺠﻲ ﻋﻠﻴﻬﺎ ﻟﻮ ﻻ ﻫﻲ .......
ﻗﺎﻃﻊ ﻛﻼﻡ ﺍﻣﻪ
ﻭﻛﺎﻝ .. ﻫﺪﻯ ﺍﺗﺤﺮﻛﻲ ﺻﻌﺪﻱ ﻟﻐﺮﻓﺘﺞ
ﻋﺰﺓ ﺍﺷﻮ ﻫﺬﺍ ﺩﺍﺭ ﻋﻠﻴﺔ ﺍﻧﻲ ﺷﻠﻲ ﻏﺮﺽ
ﺩﺭﺕ ﻭﺟﻬﻲ ﻭﺭﺣﺖ ﺻﻌﺪﺕ ﻓﻮﻙ ﻭﻫﺎﻟﺔ ﻭﻫﺪﻳﻞ
ﺍﻧﺴﺤﺒﻮﺍ ﻣﻦ ﺍﻟﻬﻮﻝ ﺷﻜﻠﻬﻢ ﻳﻌﺮﻓﻮﻥ ﻃﺒﻊ ﺍﺧﻮﻫﻢ
......
ﺟﻨﺖ ﺩﺍﺻﻌﺪ ﺍﻟﺪﺭﺝ ﻭﺳﻤﻌﺖ ﻗﺎﺳﻢ
ﺳﺤﺐ ﻧﻔﺲ ﻋﻤﻴﻖ ﻭﺭﺟﻊ ﻳﺤﺠﻲ ﻭﻳﺔ ﺧﺎﻟﺔ
ﻗﺎﺳﻢ .. ﺣﺠﻴﺔ ﻭﺗﺎﻟﻴﻬﺎ ﻭﻳﺎﺝ . ﺗﺮﺩﻳﻨﻲ ﺍﻋﻮﻓﻠﺞ ﺍﻟﺒﻴﺖ ﻭﺍﻃﻠﻊ .
ﻻﻥ ﺟﺎﻱ ﺍﺷﻮﻑ ﻣﺎﻟﻲ ﺍﻱ ﻛﻠﻤﺔ ﺑﻬﺬﺍ ﺍﻟﺒﻴﺖ
ﺍﻡ ﻗﺎﺳﻢ ﺣﺠﺖ ﺑﺘﻌﺐ .. ﻭﺍﻟﻠﻪ ﻳﺎﻳﻤﺔ ﻏﺼﺐ ﻋﻨﻲ ﺍﺑﻠﻊ ﻭﺍﺗﺤﻤﻠﻬﻢ
ﻻﻥ ﻛﻠﺒﻲ ﻣﺎ ﻳﺘﺤﻤﻞ ﻳﺨﺴﺮ ﻭﺍﺣﺪ ﺛﺎﻧﻲ
ﻣﻦ ﻭﺭﺓ ﻋﻤﺎﻣﻚ ﻭﻣﺸﺎﻛﻠﻬﻢ ﺧﺴﺮﺕ ﺍﺑﻮﻙ .
ﻓﻤﺎ ﻣﺴﺘﻌﺪﺓ ﺍﺧﺴﺮﻙ ﺍﻧﺖ ﺍﻭ ﺍﺧﻮﻙ
ﺑﺲ ﺧﻠﻴﻨﻲ ﺍﻓﻬﻤﻚ ﺷﺼﺎﺭ ﻻﻥ ﺍﻧﺖ ﺻﺎﻳﺮ ﺗﺴﺘﻨﺞ ﻭﺗﺤﻠﻞ
ﺑﻜﻴﻔﻚ
ﺧﻄﻴﺔ ﺧﺎﻟﺔ ﻫﻮﺍﻱ ﺗﻜﺘﻢ ﻭﺗﺘﺤﻤﻞ ﺑﻜﻠﺒﻬﺎ
ﻛﻤﻠﺖ ﺻﻌﺪﺕ ﻓﻮﻙ ﻭﺧﻠﻴﺘﻬﻢ ﻳﻜﻤﻠﻮﻥ ﻛﻼﻣﻬﻢ .
ﻭﺩﺧﻠﺖ ﻟﻐﺮﻓﺘﻲ .
ﻭﺭﺣﺖ ﻭﻛﻔﺖ ﻛﺪﺍﻡ ﺍﻟﻤﺮﺍﻳﺎ ﺣﺘﻰ ﺍﺷﻮﻑ ﻭﺟﻬﻲ ﺍﺣﺲ ﺑﺨﺪﻭﺩﻱ ﺻﺎﺭﻭﺍ ﻧﺎﺭ
ﺷﻬﻜﺖ ﻣﺘﻔﺎﺟﺌﺔ . ﺧﺪﻭﺩﻱ ﺣﻤﺮ ﻭﻋﻠﻴﻬﻢ ﻃﺒﻊ ﺍﺻﺎﺑﻊ ﺍﻳﺪ
ﺍﻟﻘﻨﺪﺭﺓ . ﺳﻌﺎﺩ ﺍﻟﻠﻪ ﻳﺎﺧﺬﻫﺎ .
ﺭﺣﺖ ﻃﻠﻌﺘﻠﻲ ﺛﻮﺏ ﻓﺎﻧﻴﻼ ﻗﺼﻴﺮ ﺧﻠﻲ ﺍﺭﻭﺡ ﺍﻧﺎﻡ
ﻗﺒﻞ ﻻ ﻳﺼﻌﺪ ﻭﻳﺰﻓﻨﻲ ﺍﺷﻮ ﻫﻮ ﺍﻣﻪ . ﻣﺎ ﺍﻧﻄﺎﻫﺎ ﻣﺠﺎﻝ ﺗﺤﺠﻲ .
ﻭﻟﻮ ﻫﻮ ﺣﻘﻪ ﻫﻲ ﻣﻴﺼﻴﺮ ﺗﻀﻢ ﻋﻠﻴﻪ
ﺑﺲ ﺧﺮﺏ ﻳﻮﻣﻪ ﺷﻜﺪ ﻋﺼﺒﻲ
ﺭﺣﺖ ﺭﻛﺾ ﺑﺪﻟﺖ ﻭﻓﺮﺷﺖ ﻓﺮﺍﺷﻲ ﻭﺣﻄﻴﺖ ﺭﺍﺳﻲ ﻋﻠﻰ ﺍﻟﻤﺨﺪﺓ
ﻭﻟﺒﺪﺕ ﺟﻮﺓ ﺍﻟﻐﻄﺎ .
ﺳﺮﺕ ﺭﻋﺸﺔ ﺧﻮﻑ ﺑﺠﺴﻤﻲ ﻭﺍﻧﻲ ﺍﺗﺬﻛﺮ ﺗﺤﺬﻳﺮﻩ
ﻫﻮ ﻣﻨﺒﻪ ﻋﻠﻴﺔ ﻣﺎ ﺍﺩﺧﻞ ﻧﻔﺴﻲ ﺑﺄﻱ ﻋﺮﻛﺔ .
ﺣﺘﻰ ﻟﻮ ﺟﺎﻥ ﻫﻮ ﺑﺬﺍﺕ ﻧﻔﺴﻪ ﺍﻟﻲ ﺩﻳﺘﻌﺎﺭﻙ .
ﻭﺻﺪﻙ ﺗﺪﺧﻠﻲ ﺑﺎﻟﻤﺸﻜﻠﺔ ﺯﺍﺩ ﺍﻟﻄﻴﻦ ﺑﻠﺔ . ﻭﺳﻌﺎﺩ ﺯﺍﺩﺕ ﻣﺎ ﻧﻘﺼﺖ
ﻳﻤﻜﻦ ﺳﻌﺎﺩ ﻟﻮ ﻣﺘﺠﺎﻭﺯﺓ ﺷﻮﻳﺔ ﻋﻠﻰ ﺧﺎﻟﺔ ﺍﺣﺘﻤﺎﻝ ﻛﺎﻇﻢ ﺍﻭ ﺻﻔﺎﺀ ﻳﺮﺩﻭﻧﻬﺎ .
ﻻﻥ ﻳﺒﻘﻮﻥ ﻳﺨﺎﻓﻮﻥ ﻣﻦ ﻗﺎﺳﻢ ﺍﺫﺍ ﻋﺮﻑ
ﻣﺘﺠﺎﻭﺯﺓ ﻋﻠﻰ ﺍﻣﻪ ﻭﻓﻌﻼ ﻛﺎﻇﻢ ﺑﻮﻛﺘﻬﺎ ﻋﺼﺐ ﻭﻛﺎﻝ ﻟﺴﻌﺎﺩ ﺑﻮﻛﺘﻬﺎ
ﺧﺮﺑﺘﻲ ﻋﻠﻴﻨﺎ ﺍﻻﻭﻝ ﻭﺍﻻﺧﻴﺮ
ﻳﻌﻨﻲ ﻣﻴﺮﻳﺪ ﺗﻮﺻﻞ ﻟﻠﻀﺮﺏ ﻻﻥ ﻳﻌﺮﻑ ﺑﺨﺒﺎﻻﺕ ﻗﺎﺳﻢ
ﻭﺧﻴﺮ ﺩﻟﻴﻞ ﻫﺎﻟﺔ ﻭﻫﺪﻳﻞ ﻣﺪﺧﻠﻮﺍ ﻧﻔﺴﻬﻢ ﻭﺍﺗﻌﺎﺭﻛﻮﺍ
ﺍﻟﻈﺎﻫﺮ ﻭﺍﺛﻘﻴﻦ ﻣﻦ ﺍﺧﻮﻫﻢ
ﺍﻭﻭﻭﻭﻭﻭﻑ ﻭﺍﻧﻲ ﺍﺟﻴﺖ ﻣﺜﻞ ﺍﻟﻐﺒﻴﺔ ﻭﺍﺗﺼﺪﻳﺖ ﻭﺍﻛﻠﺖ ﺗﺒﻦ
ﻭﺍﻟﻠﻪ ﻳﺎﺭﺑﻲ ﻣﺎ ﺍﻋﺮﻑ ﺣﻴﺎﺗﻲ ﻣﻨﻴﻦ ﻣﺎ ﺍﺟﻴﺒﻬﺎ
ﻋﻮﺟﺔ ﻣﺘﻨﻌﺪﻝ . ﻻ ﻭﻧﻮﺏ ﻓﻮﻙ ﻫﺬﺍ ﺍﻟﻀﻴﻢ ﻛﻠﻪ
ﻋﺎﺍﺍﺍﺭ ﺍﺛﻴﺮ ﺍﻟﻲ ﻣﺎ ﺍﻋﺮﻑ ﻣﻨﻴﻦ ﺟﺘﻨﻲ ﻫﺎﻱ ﺍﻟﺴﺎﻟﻔﺔ
ﻋﻠﻰ ﺍﻻﺳﺎﺱ ﺍﻧﻲ ﻧﺎﻗﺼﺔ ﺫﻝ ﻭﻗﻬﺮ
ﻣﺎ ﺍﻋﺮﻑ ﺍﺩﻋﻲ ﻋﻠﻰ ﻛﺎﻇﻢ ﻟﻮ ﺍﺩﻋﻲ ﻋﻠﻰ ﺍﺛﻴﺮ
ﺍﻟﻲ ﺧﻠﺔ ﺍﻟﻴﺴﻮﻯ ﻭﺍﻟﻤﺎﻳﺴﻮﻯ . ﻳﻨﻬﺸﻮﻥ ﺑﻠﺤﻤﻨﺎ
ﺍﻧﻲ ﻭﺧﻮﺍﺗﻲ . ﺍﺍﺍﺍﺍﺥ ﺟﺮﻳﺖ ﺣﺴﺮﺓ ﻭﻋﺪﻟﺖ ﻣﺨﺪﺗﻲ
ﻭﺟﺎﻥ ﻳﻨﻔﺘﺢ ﺑﺎﺏ ﺍﻟﻐﺮﻓﺔ . ﻭﺍﺳﻤﻊ ﺻﻮﺕ ﻗﺎﺳﻢ
ﺳﺪ ﺍﻟﺒﺎﺏ ﻭﺍﺗﻘﺪﻡ ﻟﺪﺍﺧﻞ ﺍﻟﻐﺮﻓﺔ ﻭﺣﺴﻴﺖ ﻋﻠﻴﻪ
ﻭﻛﻒ ﻳﻢ ﺭﺍﺳﻲ ﻭﺣﺠﺔ ﻳﺼﻮﺕ ﺍﻣﺮ
.. ﻫﺪﻯ ﻛﻌﺪﻱ ﺍﺭﻳﺪ ﺍﺣﺠﻲ ﻭﻳﺎﺝ
ﺳﻤﻌﺖ ﺻﻮﺗﻪ ﺍﻟﺨﺸﻦ ﻭﻛﻤﺰ ﻛﻠﺒﻲ ﻣﻦ ﻣﻜﺎﻧﻪ
ﻭﺑﻠﻌﺖ ﺭﻳﻜﻲ . ﺍﺑﺎﻭﻉ ﻋﻠﻴﻪ ﺭﺍﺡ ﻛﻌﺪ ﻋﺎﻟﺴﺮﻳﺮ
ﻭﻧﺰﻟﺖ ﺍﻟﻐﻄﺎ ﻋﻠﻰ ﻛﻴﻒ ﻭﻛﻤﺖ ﻣﻦ ﻓﺮﺍﺷﻲ
ﻭﻛﻔﺖ ﻋﻠﻰ ﺻﻔﺤﺔ ﻭﺑﺎﻭﻋﺖ ﻋﻠﻴﻪ ﺑﺘﺮﻗﺐ
.. ﺗﻌﺎﻱ ﺍﻭﻛﻔﻲ ﻛﺪﺍﻣﻲ
ﺭﺣﺖ ﻭﻛﻔﺖ ﻛﺪﺍﻣﻪ ﻭﺍﻧﻲ ﺭﺟﻞ ﺗﻄﻚ ﺑﺮﺟﻞ
ﺭﻓﻊ ﺭﺍﺱ ﻭﺑﺎﻭﻉ ﻋﻠﻴﺔ ﻭﻛﺎﻝ
ﺑﺎﻭﻉ ﻋﻠﻴﺔ ﻭﻛﺎﻝ
.. ﻟﻴﺶ ﺍﺗﻌﺎﺭﻛﺘﻲ ﻭﻳﺔ ﺳﻌﺎﺩ
ﻫﺎﻱ ﺛﺎﻧﻲ ﻣﺮﺓ ﺗﻌﺮﺿﻴﻦ ﻧﻔﺴﺞ ﻟﻼﺫﻳﺔ
.....
ﺭﻓﻌﺖ ﺭﺍﺳﻲ ﻭﺣﺠﻴﺖ
.. ﺍﻧﻲ ﺍﺩﻏﻲ ﺑﻐﻮﺣﻲ ﻣﻴﺼﻴﻎ ﺍﺗﻌﺎﻏﻚ ( ﺍﺩﺭﻱ ﺑﺮﻭﺣﻲ ﻣﻴﺼﻴﺮ ﺍﺗﻌﺎﺭﻙ )
ﺑﺲ ﻭﺍﻟﻠﻪ ﻣﻜﺪﻏﺖ ( ﻣﻜﺪﺭﺕ ) ﺍﺷﻮﻓﻬﺎ ﺗﺘﺠﺎﻭﺯ ﻋﻠﻰ ﺧﺎﻟﺔ ﻭﺍﺑﻘﻰ ﺳﺎﻛﺘﺔ .
ﻫﻮﺍﻱ ﻋﻠﻴﺔ ﻫﻴﺞ ﻣﺎﺍﻛﺪﻍ ( ﻣﺎﺍﻛﺪﺭ )
ﺍﺑﺎﻭﻉ ﻋﻠﻴﻪ ﻛﺎﻡ ﻣﻦ ﻋﺎﻟﺴﺮﻳﺮ ﻭﺍﻗﺘﺮﺏ ﻋﻠﻴﺔ
ﻭﻋﻴﻮﻧﻪ ﺗﻠﻤﻊ ﺑﻨﻈﺮﺍﺕ ﻏﺮﻳﺒﺔ ﻋﻜﺲ ﻣﻦ ﺟﺎﻥ ﺟﻮﺓ .
ﺟﺎﻧﺖ ﻛﻠﻬﺎ ﺷﺮﺭ
ﺟﺎﻧﺖ ﻧﻈﺮﺍﺕ ﻋﻴﻮﻧﻪ ﻫﺎﻟﻤﺮﺓ ﻛﻠﻬﺎ ﻓﺨﺮ ﻧﻔﺲ ﺍﻟﻨﻈﺮﺓ ﺑﻴﻮﻡ
ﺍﺗﻌﺎﺭﻙ
. ﺷﻮﻓﻲ ﻫﺪﻯ ﻣﻨﺎ ﻭﺭﺍﻳﺢ . ﻣﺎ ﺍﺭﻳﺪﺝ ﺗﺨﺘﻠﻄﻴﻦ
ﺑﻌﻤﺎﻣﻲ ﻭﻣﻦ ﻳﺠﻮﻥ ﻟﺘﺪﺧﻠﻴﻦ ﺗﺴﻠﻤﻴﻦ ﻋﻠﻴﻬﻢ
ﻻﻥ ﺑﻌﺪ . ﻗﺮﺍﺭ ﻫﺸﺎﻡ ﺑﺨﺼﻮﺹ ﺍﻟﺰﻭﺍﺝ
ﻋﺮﻓﺖ ﺑﻴﻬﻢ ﻣﺎ ﺭﺍﺡ ﻳﻮﺍﻓﻘﻮﻥ ﺑﺴﻬﻮﻟﺔ ﻋﻠﻰ ﺍﺧﺘﻴﺎﺭﻩ
ﻭﺭﺍﺡ ﻳﺤﺎﻭﻟﻮﻥ ﺑﻜﻞ ﻃﺮﻳﻘﺔ ﻳﻮﺻﻠﻮﻧﺞ ﺍﻧﺘﻲ ﺑﺎﻟﺬﺍﺕ
ﺣﺘﻰ ﻳﻠﻮﻥ ﺍﻳﺪﻱ ﺑﻴﺞ ﻭﻳﺨﻠﻮﻥ ﻫﺸﺎﻡ ﻳﺘﺮﺍﺟﻊ ﻋﻦ ﻗﺮﺍﺭﻩ
ﺩﻧﻜﺖ ﺭﺍﺳﻲ ﺑﺤﺰﻥ ﻭﻋﺮﻓﺖ ﺷﻨﻮ ﻗﺼﺪﻩ
.. ﺍﻓﺘﻬﻤﻚ ﻭﺣﻘﻚ ﺗﻜﻮﻥ ﻣﺘﺸﺪﺩ ﻣﻦ ﻫﺎﻱ ﺍﻟﻨﺎﺣﻴﺔ
ﻻﻥ ﺍﻟﻮﺍﺣﺪ ﻛﻠﺸﻲ ﻭﻻ ﺳﻤﻌﺘﻪ ﺗﻨﻬﺎﻥ ﺍﻭ ﺗﻨﺪﺍﺱ
ﺍﻭﻋﺪﻙ ﻣﻨﺎ ﻭﻏﺎﻳﺢ ﻣﺎ ﺍﺣﻐﺠﻚ ( ﻣﻨﺎ ﻭﺭﺍﻳﺢ ﻣﺎﺍﺣﺮﺟﻚ ) ﻛﺪﺍﻡ ﺍﻟﻨﺎﺱ
ﺍﻭ ﺑﺎﻻﺣﻐﻰ ( ﺑﺎﻻﺣﺮﻯ ) ﻣﺎ ﺍﺧﺘﻠﻂ ﺑﻴﻬﻢ . ﻣﻨﺎ ﻋﻠﻤﺎ . ﺗﻄﻠﻜﻨﻲ .
ﻋﻘﺪ ﺣﻮﺍﺟﺒﻪ ﻭﻛﺎﻝ
.. ﻭﺷﻨﻮ ﺟﺎﺏ ﻃﺎﺭﻱ ﺍﻟﻄﻼﻕ ﺑﻤﻮﺿﻮﻋﻨﺎ
.. ﻗﺎﺳﻢ ﻣﻮ ﺍﻧﻲ ﺳﻤﻌﺖ ﻛﻼﻡ ﻋﻤﻚ . ﻭﻳﺎﻙ
ﺑﺨﺼﻮﺹ ﺍﺑﻮﻳﺔ ﻭﺷﻠﻮﻥ ﻛﻌﺪ ﻳﻌﻴﻐﻚ ( ﻳﻌﻴﺮﻙ ) ﺑﻲ ﻭﺑﺴﻮﺍﻟﻔﻪ
ﺍﻟﻤﻮﺯﻳﻨﺔ .
.. ﻻ ﻏﻠﻄﺎﻧﺔ ﺍﺫﺍ ﺟﻨﺘﻲ ﺗﺘﻮﻗﻌﻴﻦ ﺍﻥ ﻛﺎﻇﻢ ﻛﺪﺭ ﻳﻬﺰ ﺷﻌﺮﺓ ﻣﻨﻲ ﻣﻦ ﺟﺎﺏ ﻃﺎﺭﻱ ﺍﺑﻮﺝ
ﻭﺍﻧﺎ ﺍﻗﻮﻯ ﻣﻦ ﻫﻴﺞ
ﻣﺴﺘﺤﻴﻞ ﻛﻼﻡ ﻣﺜﻞ ﻫﺬﺍ ﻳﺨﻠﻴﻨﻲ ﺍﺗﺄﺛﺮ
ﺻﺪﻛﻲ ﺗﺮﺓ ﻛﻼﻣﻪ ﻻ ﻳﻘﺪﻡ ﻭﻳﺄﺧﺮ
.. ﺑﺲ ﺍﻧﺖ ﻣﻤﺠﺒﻮﻍ ( ﻣﻤﺠﺒﻮﺭ ) ﺗﺘﺤﻤﻞ ﻫﺬﺍ ﺍﻟﺤﺠﻲ
ﻟﻴﺶ ﻣﺘﻄﻠﻜﻨﻲ ﻭﺗﺸﺘﻐﻲ ﻏﺎﺣﺔ ( ﺗﺸﺘﺮﻱ ﺭﺍﺣﺔ ) ﺑﺎﻟﻚ
ﻭﻣﺘﺨﻠﻲ ﻭﺍﺣﺪ ﻳﺘﺸﻤﺖ ﺑﻴﻚ . ﺍﺷﻮ ﺍﺣﻨﺎ ﺍﻭﻝ ﻭﺗﺎﻟﻲ ﻣﺘﻄﻠﻜﻴﻦ
ﺍﻧﻲ ﺍﺷﻮﻑ ﻫﺴﺔ ﺍﺣﺴﻦ ﻣﻦ ﺑﻌﺪﻳﻦ
ﻋﺰﺓ ﻫﻮ ﺳﻤﻌﻨﻲ ﺣﺠﻴﺖ ﻫﻴﺞ ﻭﻫﻮ ﻋﻴﻮﻧﻪ ﺻﺎﺭﺕ ﻧﺎﺭ
ﻭﺣﺠﺔ ﺑﻐﻀﺐ
.. ﺗﻌﺎﻟﻲ ﺍﻛﻠﺞ ﺍﻧﺘﻲ ﺷﻨﻮ ﺳﺎﻟﻔﺘﺞ ﻛﻞ ﺣﺠﺎﻳﺔ ﻭﺍﻟﺜﺎﻧﻴﺔ
ﻭﻛﻠﺘﻲ ﻃﻠﻜﻨﻲ
ﺳﻤﻌﻴﻨﻲ ﺯﻳﻦ ﻭﺧﻠﻲ . ﺑﺒﺎﻟﺞ ﺍﻧﺎ ﻃﻼﻕ
ﻣﺎ ﺍﻃﻠﻚ . ﻭﺍﻳﺎﻧﻲ ﻭﻳﺎﺝ ﺗﺠﻴﺒﻴﻦ ﺳﻴﺮﺗﻪ ﻋﻠﻰ ﺍﻟﺴﺎﻧﺞ ﻣﺮﺓ ﺛﺎﻧﻴﺔ
ﻭﺣﺘﻰ ﺍﺗﻮﺑﻴﻦ ﻭﺗﺒﻄﻠﻴﻦ ﺗﺤﺠﻴﻦ ﺑﺎﻟﻄﻼﻙ
ﺍﻟﻴﻮﻡ ﺭﺍﺡ ﺍﺭﺑﻄﺞ ﻭﻳﺎﻱ ﻣﻮ ﺑﺲ ﺑﺎﻻﺳﻢ . ﻻ ﺍﻟﻴﻮﻡ ﺭﺍﺡ ﺍﺧﻠﻲ ﺯﻭﺍﺟﻲ ﻣﻨﺞ ﻛﻮﻝ ﻭﻓﻌﻞ
.. ﻗﺎﺳﻢ ﻟﺘﻜﻮﻝ ﻫﻴﺞ ﺍﺧﺎﻑ ﺑﻌﺪﻳﻦ ﺗﺘﻨﺪﻡ
.. ﺍﺻﻼ ﻋﻤﺮﻱ ﻣﺎ ﺍﺗﻤﺴﻜﺖ ﺑﻘﺮﺍﺭ ﺻﺎﺋﺐ ﻣﺜﻞ ﺍﻟﻴﻮﻡ
.. ﻟﻴﺶ ﺷﻨﻮ ﻏﻴﻎ ﺭﺃﻳﻚ ﺑﻴﺔ ( ﻏﻴﺮ ﺭﺍﻳﻚ ﺑﻴﺔ )
ﻧﺴﻴﺖ ﻗﺒﻞ ﺷﻨﻮ ﺟﺎﻥ ﻏﺄﻳﻚ ( ﺭﺍﻳﻚ )
ﻣﻮ ﺍﻧﺖ ﺍﻟﻜﻠﺖ ﻟﺨﺎﻟﺔ . ﻣﺎ ﺍﺗﺸﻐﻒ ﺍﻏﺒﻂ ( ﻣﺎﺍﺗﺸﺮﻑ ﺍﺭﺑﻂ ) ﺍﺳﻤﻲ
ﺑﻮﺣﺪﺓ ﺍﺑﻮﻫﺎ ﻣﺸﺒﻮﻩ ﺧﻐﻴﺞ ( ﺧﺮﻳﺞ ) ﺳﺠﻮﻥ
ﻣﻮ ﺍﻧﺖ ﺍﻟﻜﻠﺖ ﻋﻠﻴﺔ ﺍﺫﺍ ﺍﺑﻮﻫﺎ ﺍﺛﻴﻎ ( ﺍﺛﻴﺮ ) ﻫﻲ ﺷﻨﻮ ﻏﺎﺡ ( ﺭﺍﺡ ) ﺗﻄﻠﻊ
ﺍﺧﻼﻗﻬﺎ
ﻋﻠﻰ ﻓﻜﻐﺔ ( ﻓﻜﺮﺓ ) ﺍﻧﻲ ﻣﺪﺍﺣﺎﺳﺒﻚ ﺍﻭ ﺍﻟﻮﻣﻚ ﻋﻠﻰ ﻛﻼﻣﻚ . ﻭﻳﺔ ﺧﺎﻟﺘﻲ
ﻻﻥ ﺍﻋﻐﻒ ( ﺍﻋﺮﻑ ) ﻛﻠﺶ ﺯﻳﻦ ﻫﺬﺍ ﻣﻦ ﺣﻘﻚ
ﺻﺤﻴﺢ ﺍﻧﻘﻬﻐﺖ ( ﺍﻧﻘﻬﺮﺕ ) ﺑﻮﻛﺘﻬﺎ ﻣﻦ ﺣﺠﻴﺖ ﻫﻴﺞ ﻋﻠﻴﺔ
ﺑﺲ ﺍﻟﻴﻮﻡ ﺑﻌﺪﻣﺎ ﺳﻤﻌﺖ ﻛﻼﻡ ﻛﺎﻇﻢ . ﻭﻳﺎﻙ
ﻋﺬﻏﺘﻚ ﻭﻋﻐﻔﺖ ( ﻋﺬﺭﺗﻚ ﻭﻋﺮﻓﺖ ) ﺳﺒﺐ ﻏﻀﺒﻚ ﻭﺍﻋﺘﻐﺎﺿﻚ ( ﻭﺍﻋﺘﺮﺍﺿﻚ )
ﺣﻘﻚ ﻣﺘﻐﻴﺪ ( ﻣﺘﺮﻳﺪ ) ﺍﻃﻔﺎﻟﻚ ﻳﺘﻌﻴﻐﻮﻥ ( ﻳﺘﻌﻴﺮﻭﻥ ) ﺑﺠﺪﻫﻢ .
ﺑﺎﻟﺤﻘﻴﻘﺔ ﻣﻮ ﺑﺲ ﺍﻧﺖ ﺗﺴﺘﻌﻎ ﺗﻐﺒﻂ ( ﺗﺴﺘﻌﺮ ﺗﺮﺑﻂ ) ﺍﺳﻤﻚ ﺑﺒﻨﺖ ﺍﺛﻴﻎ ( ﺍﺛﻴﺮ )
ﺍﻱ ﻏﺠﺎﻝ ( ﺭﺟﺎﻝ ) ﺑﻤﻜﺎﻧﻚ ﻏﺎﺡ ( ﺭﺍﺡ ) ﻳﺴﻮﻱ ﻫﻴﺞ
ﻓﺎﻧﻲ ﺍﺷﻮﻑ ﻣﺼﻠﺤﺘﻚ ﺑﻬﺬﺍ ﺍﻟﻄﻼﻕ ﺍﻛﺜﻎ ( ﺍﻛﺜﺮ ) ﻣﻦ ﻣﺼﻠﺤﺘﻲ
.....
ﺟﻨﺖ ﺍﺣﺠﻲ ﻭﻛﻠﺒﻲ ﻳﻨﺰﻑ ﺩﻡ
ﺟﺎﻥ ﻻﺯﻡ ﺍﻗﺴﻰ ﻭﺍﺻﻴﺮ ﻗﻮﻳﺔ ﺣﺘﻰ ﻟﻮﺟﻨﺖ ﺍﺭﺵ ﺍﻟﻤﻠﺢ ﻋﻠﻰ ﺟﺮﻭﺣﻲ ﺑﻬﺬﺍ ﻛﻼﻣﻲ . ﺑﺲ ﻫﺬﺍ ﻭﺍﻗﻊ . ﺣﺎﻝ
ﻻﺯﻡ ﺍﻭﺍﺟﻪ ﺍﻟﺤﻘﻴﻘﺔ . ﻭﻣﺎ ﺍﻭﻫﻢ ﻧﻔﺴﻲ
ﻭﻭﺍﺫﻛﺮﻩ ﺑﻜﻼﻣﻪ
ﺩﻧﻜﺖ ﺭﺍﺳﻲ ﺑﺤﺰﻥ
ﻣﺪ ﺍﻳﺪﻩ ﻭﺭﻓﻊ ﻭﺟﻬﻲ ﻭﻛﺎﻝ
.. ﺭﻓﻌﻲ ﺭﺍﺳﺞ ﻣﻦ ﺗﺤﺠﻴﻦ .
ﻣﺮﺗﻲ ﻣﺘﻨﺪﻙ ﺭﺍﺳﻬﺎ ﻣﻬﻀﻮﻣﺔ
ﺻﺤﻴﺢ ﻣﺎ ﺍﻧﻜﺮ ﻏﺮﺗﻨﻲ ﺍﻟﻤﻈﺎﻫﺮ ﻭﺣﻜﻤﺖ ﻋﻠﻴﺞ
ﻻﻥ ﺍﺑﻮﺝ ﺍﺛﻴﺮ ﻻﻥ ﺟﻨﺖ ﻣﺘﺨﻮﻑ ﻣﻨﺞ
ﺑﺲ ﺍﻻﻳﺎﻡ ﺍﺗﻌﺎﻭﻧﺖ ﻭﺍﻟﺰﻣﻦ ﺟﺎﻥ ﻛﻔﻴﻞ
ﻳﺜﺒﺘﻠﻲ ﺧﻄﺎﺀ ﺣﻜﻤﻲ . ﻭﺧﻼﻧﻲ ﺍﻓﺘﺢ ﻋﻴﻮﻧﻲ
ﻋﻠﻰ ﻫﻮﺍﻱ ﺍﺷﻴﺎﺀ ﺟﻨﺖ ﻏﺎﻓﻞ ﻋﻨﻬﺎ
ﻭﺍﻟﺒﻨﻴﺔ ﺍﻟﻲ ﺗﺠﺎﺯﻑ ﺑﺮﻭﺣﻬﺎ ﻭﺗﺪﺍﻓﻊ ﻋﻦ ﺍﻫﻞ ﺑﻴﺘﻬﺎ
ﺣﺘﻰ ﺗﺤﻤﻴﻬﻢ ﻣﻦ ﻏﻴﺮ ﻣﺘﺨﺎﻑ ﻋﻠﻰ ﻧﻔﺴﻬﺎ
ﺍﺗﺸﺮﻑ ﺑﻴﻬﺎ ﺗﺼﻴﺮ ﺍﻡ ﺑﻴﺘﻲ
ﺭﻣﺸﺖ ﺑﻌﻴﻮﻧﻲ ﻣﺘﻌﺠﺒﺔ ﻳﻤﻜﻦ ﺍﻧﻲ ﺩﺍﺣﻠﻢ
ﺑﺎﻭﻋﺖ ﻋﻠﻴﻪ ﺳﺤﺐ ﻧﻔﺲ ﻋﻤﻴﻖ ﻭﻣﺪ ﺍﻳﺪﻳﻪ
ﻭﻟﻤﻨﻲ ﺑﺤﻀﻨﻪ ﻭﻋﺼﺮﻧﻲ ﺣﻴﻞ
ﻭﺑﺎﺱ ﻛﺼﺘﻲ ﺣﺠﺔ ﺑﺼﻮﺕ ﻫﺎﻣﺲ
.. ﻫﺎﺍﺍﺍﺍﺩﻱ ﺷﻠﻮﻥ ﺑﻴﻚ ﻭﻳﻦ ﺍﺿﻤﻚ ﻭﻭﻳﻦ ﺍﺧﻠﻴﻚ
ﺻﺮﺕ ﺍﺧﺎﻑ ﻋﻠﻴﻚ ﻻ ﺍﺟﻲ ﻳﻮﻡ ﻭﺍﻟﻜﺎﻫﻢ ﻛﺎﺻﻴﻦ ﺍﻟﺴﺎﻧﻚ
ﻳﻤﺔ ﻫﻮﺣﻀﻨﻲ ﻭﺍﻧﻲ ﺍﺗﺨﺮﺩﻟﺖ ﻭﺍﺭﺗﺒﻜﺖ
ﺻﺎﺭ ﻋﻨﺪﻱ ﺗﻀﺎﺭﺏ ﺑﺎﻟﻤﺸﺎﻋﺮ ﻭﻋﻘﻠﻲ ﻭﻛﻠﺒﻲ ﺍﻧﺨﺒﺼﻮﺍ
ﻭﺻﺎﺭ ﻭﺍﺣﺪ ﻳﺮﺩﻡ ﺑﺎﻟﻼﺥ
ﻋﺒﺎﻟﻚ ﻧﺎﺱ ﺍﺟﻮﻫﻢ ﺧﻄﺎﺭ . ﻓﺠﺎﺀﺓ ﻭﺑﻴﺘﻬﻢ ﻫﻮﺳﺔ
ﻫﻴﺞ ﺟﺎﻥ ﺣﺎﻟﻲ ﻣﻦ ﺍﻟﻤﻔﺎﺟﺌﺔ
ﻧﺴﻴﺖ ﻧﻔﺴﻲ ﻭﺭﻳﺤﺖ ﺭﺍﺳﻲ ﻋﻠﻰ ﺻﺪﺭﻩ
ﻣﺴﺘﻐﻠﺔ ﺍﻟﻮﺿﻊ . ﺗﺮﺓ ﺍﻟﻮﺍﺣﺪ ﻣﻮ ﻛﻞ ﻳﻮﻡ ﻳﺤﺼﻠﻪ ﻫﻴﺞ
ﺣﻀﻦ . ﺧﻠﻴﻨﻲ ﺍﺗﻨﻌﻢ ﺑﺎﻟﺠﻨﺔ . ﺳﺤﺒﺖ ﻧﻔﺲ ﻋﻤﻴﻖ
ﻭﻋﻄﺮﻩ ﺍﺗﻮﻏﻞ ﺑﻴﻦ ﻇﻠﻮﻋﻲ ﻓﺮﺻﺔ ﻻ ﺗﻌﻮﺽ
ﺟﻨﺖ ﺣﺎﻃﻪ ﺭﺍﺳﻲ ﺑﺮﺍﺣﺔ ﻣﻔﺘﺮﺷﺔ ﺯﻭﻟﻴﺔ ﺻﺪﺭ ﻗﺎﺳﻢ
ﺍﻭﻭﻭﻑ ﻳﻤﺔ ﻣﻮ ﺑﻴﺪﻱ ﻭﺍﻟﻠﻪ ﺍﺣﺒﻪ .
ﻭﺭﺑﻲ ﻫﺎﻟﺮﺟﺎﻝ ﻋﻨﺪﻩ ﺑﺨﺖ ﺑﻜﻠﺒﻲ ﻳﺸﻔﻌﻠﻪ ﻭﻳﺨﻠﻴﻨﻲ ﺍﺗﻐﺎﺿﺔ ﻋﻦ ﻛﻞ
ﻗﺴﺎﻭﺗﻪ ﻭﻳﺎﻱ ﻭﺑﻜﻠﻤﻪ ﻣﻨﻪ . ﺍﺣﺲ ﻳﺬﻭﺏ
ﻛﻠﺒﻲ ﻭﺍﻧﺴﻰ ﺯﻋﻠﻲ ﻣﻨﻪ .
ﻫﻤﺲ ﺑﺼﻮﺕ ﻫﺎﺩﻱﺀ
.. ﻫﺎﺩﻱ ﺍﻳﺎﻧﻲ ﻭﻳﺎﻙ ﺍﺳﻤﻊ ﺑﻴﻚ ﻓﺎﻳﺖ ﺑﻌﺮﻛﺔ
ﻳﻤﺎﺍﺍﺍﺍﺍﺍﻱ ﺷﺤﻼﺗﻬﺎ ﻛﻠﻤﺔ ﻫﺎﺩﻱ ﺑﺤﻠﻜﻪ
ﺻﺮﺕ ﺍﺣﺐ ﺍﺳﻢ ﻫﺎﺩﻱ
ﺭﻓﻌﺖ ﺭﺍﺳﻲ ﻭﺍﻧﻲ ﺑﻌﺪﻧﻲ ﺑﺤﻀﻨﻪ ﻭﺟﺎﻭﺑﺘﻪ
.. ﺻﺎﻍ . ( ﺻﺎﺭ ) ﺑﻌﺪ ﻣﺎ ﺍﺗﻌﺎﻏﻚ . ( ﺍﺗﻌﺎﺭﻙ )
.. ﻫﺴﺔ ﺍﻟﻴﺴﻤﻌﻚ ﻳﻜﻮﻝ ﻛﻔﻮ ﻋﺮﺍﻳﻚ
ﻫﻢ ﻳﺎﺭﻳﺖ ﺑﻴﻚ ﺧﻴﺮ ﻭﺗﻌﺎﺭﻙ
ﺍﺷﻮ ﺳﺤﻠﻮﻙ ﻣﻦ ﺍﻭﻝ ﺿﺮﺑﺔ
.. ﺷﺴﻮﻳﻠﻬﺎ ﻫﻲ ﺟﺎﻧﺖ ﻃﻮﻳﻠﺔ ﺟﻨﻬﺎ ﺯﻏﺎﻓﺔ . ( ﺯﺭﺍﻓﺔ )
ﻭﻛﻤﺖ ﺍﺭﻣﺶ ﺑﻌﻴﻮﻧﻲ ﺍﺭﻳﺪ ﺍﺿﺤﻜﻪ
ﻭﺍﻧﻲ ﺷﻮﻓﺔ ﻋﻴﻨﻚ ﻧﺎﻋﻤﺔ ﻭﻛﻴﻮﺕ . ﻭﻏﻘﻴﻘﺔ . ( ﺭﻗﻴﻘﺔ )
ﺑﺲ ﺑﻨﻔﺲ ﺍﻟﻮﻛﺖ ﺩﻣﻲ ﺣﺎﻣﻲ ﺍﻟﺒﻴﺔ ﻣﺎ ﻳﺨﻠﻴﻨﻲ
ﺷﺴﻮﻱ ﻟﺮﻭﺣﻲ
ﺍﺑﺘﺴﻢ ﺑﺤﻨﺎﻥ ﻭﺭﻓﻊ ﻛﻒ ﺍﻳﺪﻩ ﻭﻣﺴﺢ ﻋﻠﻰ ﺧﺪﻱ ﻭﺳﺄﻟﻨﻲ
.. ﺧﺪﻭﺩﺝ ﻳﺄﺫﻭﻧﺞ ؟؟؟
ﻫﺰﻳﺖ ﺭﺍﺳﻲ ﺑﻤﻮﺍﻓﻘﺔ ﻣﺎ ﺍﺭﻳﺪ ﺍﺣﺠﻲ ﻭﺍﺧﺮﺏ ﺍﻟﻠﺤﻈﺔ
ﺍﺧﺎﻑ ﻳﻨﺘﺒﻪ ﻋﻠﻰ ﻧﻔﺴﻪ ﻭﻳﻨﺴﺤﺐ ﻣﻨﻲ ﻭﻳﺤﺮﻣﻨﻲ ﻣﻦ
ﺣﻀﻨﻪ
ﺩﻧﻚ ﻭﺑﺎﺱ ﻛﺼﺘﻲ ﻭﻧﺰﻝ ﺷﻔﺎﻳﻔﻪ ﻭﺑﺎﺱ ﺧﺪﻱ
ﻭﻟﺤﻜﺘﻬﺎ ﺷﻔﺎﻳﻔﻲ
ﻋﺰﺓﺓﺓﺓ . ﻭﺍﻧﻲ ﻛﻠﺒﻲ ﺻﺎﺭ ( ﺩﻣﺒﻖ ﺩﻣﺒﻖ ) ﻳﺮﻗﺺ ﻃﺮﺑﺎً
ﻭﻋﺰﻡ ﺑﻘﻴﺔ ﺣﻮﺍﺳﻲ ﺣﺘﻰ ﻳﺤﺘﻔﻠﻮﻥ ﻭﻳﺎﻩ ﺑﺎﻟﺤﻔﻠﺔ ﺍﻟﺮﺍﻗﺼﺔ
ﺍﺣﺲ ﻛﻞ ﻣﻜﺎﻥ ﺑﺠﺴﻤﻲ ﻳﻨﺒﺾ
......
ﺍﻣﺎ ﻋﻘﻠﻲ ﺍﺗﻮﻗﻒ ﻋﻦ ﺍﻟﻌﻤﻞ ﻭﺍﺧﺬ ﻋﻄﻠﺔ ﻣﻦ ﻳﻤﻪ
ﻭﻧﺰﻝ ﻣﺠﺎﺯ ﻳﺤﺘﻔﻞ ﻭﻳﺔ ﻓﺮﺣﺔ ﻛﻠﺒﻲ
ﻏﻤﻀﺖ ﻋﻴﻮﻧﻲ ﻭﻫﻤﺴﺖ
.. ﻗﺎﺳﻢ ﺍﻏﻴﺪﻙ ( ﺍﺭﻳﺪﻙ ) ﺗﻮﻋﺪﻧﻲ ﻣﺘﻌﻮﻓﻨﻲ ﻭﺗﺒﻘﻰ ﺗﺤﻤﻴﻨﻲ
ﻭﺗﺤﺎﻭﻝ ﺗﺤﺒﻨﻲ .
.. ﻣﺎ ﻳﺤﺘﺎﺝ ﺍﻟﻮﻋﺪ ﻻﻥ ﻣﻦ ﻳﻮﻡ ﺍﻳﺪﻱ ﻟﺰﻣﺖ ﻇﻔﺎﻳﺮﺝ
ﻭﻣﻦ ﻳﻮﻣﻬﺎ ﺻﺎﺭﺕ ﻣﻬﻤﺘﻲ ﺣﻤﺎﻳﺘﻴﺞ
ﺍﻧﺘﻲ ﻣﻌﺰﺗﺞ ﻫﻴﺞ ﻣﻦ ﺍﻟﻠﻪ
ﻏﺼﺐ ﻋﻨﻲ ﺍﺗﻮﻏﻠﺘﻲ ﺑﺤﻴﺎﺗﻲ
ﻓﺮﺣﺖ ﺑﻜﻼﻣﻪ ﻫﻮ ﻛﺎﻝ ﻛﻠﺸﻲ ﺍﻻ ﻛﻠﻤﺔ ﺍﺣﺒﺞ ﻣﺎ ﻛﺎﻟﻬﺎ
ﺑﺲ ﻳﺎﻟﻠﻪ ﻣﺎ ﻋﻠﻴﻨﺎ ﻧﺼﺒﺮ ﻋﻠﻴﻪ . ﻳﻜﻔﻴﻨﻲ ﺍﻧﻲ ﺍﺣﺒﻪ
ﻫﻤﺲ ﻳﻢ ﺍﺧﺪﻭﺩﻱ
.. ﻟﺞ ﺍﺍﺍﺍﺍﺍﺥ ﻛﻮﻥ ﺳﻌﺎﺩ ﻳﻤﻲ ﺟﺎﻥ ﺍﻻ ﺍﺧﻠﻴﻬﺎ ﺗﻌﺾ ﺍﻻﻳﺪ
ﺍﻟﻤﺪﺗﻬﺎ ﻋﻠﻴﺞ
ﻭﻧﻮﺏ ﺿﺎﺭﺑﺘﺞ ﻋﻠﻰ ﺍﻟﺨﺪﻭﺩ
ﻭﺍﻧﺎ ﺍﻟﺒﺎﺭﺣﺔ ﻣﺸﺘﻌﻞ ﺟﺪ ﺟﺪﻱ ﻣﻦ ﻭﺭﺍﻫﻢ
ﺟﻨﺖ ﺍﺗﺤﻜﺮﺹ ﻋﻠﻴﻬﻢ ﻭﺍﺗﻤﻨﻰ ﺍﻋﻀﻬﻢ
ﻟﺰﻣﺖ ﺧﺪﻭﺩﻱ ﻭﻟﻤﻴﺖ ﺷﻔﺎﻳﻔﻲ ﻭﺣﺠﻴﺖ
.. ﺑﺎﻟﻠﻪ ﻫﺴﺔ ﺍﻧﻲ ﺷﻨﻮ ﺍﻓﺘﻬﻤﺖ ﺍﺷﻮ ﺑﺎﻟﺤﺎﻟﺘﻴﻦ
ﺧﺪﻭﺩﻱ ﻫﻨﺔ ﺍﻟﻀﺤﻴﺔ ﺍﻧﺖ ﺗﻌﺾ ﻭﻫﻲ ﺗﻀﻐﺐ ( ﺗﻀﺮﺏ )
ﺟﺎﻧﺖ ﻋﻴﻮﻧﻪ ﺗﻠﻬﺐ
.. ﻟﺞ ﺟﻨﻴﺔ ﻋﻀﺔ ﻋﻦ ﻋﻀﺔ ﺗﺨﺘﻠﻒ
ﺗﻌﺎﻱ ﺧﻠﻲ ﺍﺭﺍﻭﻳﺞ
ﻫﻮ ﺣﺠﺔ ﻫﻴﺞ ﻭﺑﻌﺪﻫﺎ ﺍﺣﺲ ﺑﺮﻭﺣﻲ ﺍﺗﺴﻠﺒﺖ
ﺑﻴﻦ ﺍﻳﺪﻳﻪ ﻣﺎ ﺍﻧﻄﻨﺎﻧﻲ ﻣﺠﺎﻝ ﺍﻓﻜﺮ
ﺍﻭ ﺣﺘﻰ ﺍﻟﺤﻚ . ﺍﺧﺎﻑ
ﻟﻜﻴﺖ ﺭﻭﺣﻲ ﺑﻴﻦ ﺍﻳﺪﻳﻪ . ﻋﺎﻟﺴﺮﻳﺮ
ﻭﺍﻟﻤﺸﺎﻋﺮ ﺑﺪﺕ ﺗﺘﺮﺍﻛﻢ ﻋﻠﻰ ﻋﻘﻠﻲ
ﺍﻟﺨﻮﻑ ﻭﺍﻟﻠﻬﻔﺔ ﻭﺍﻻﻣﻞ ﻭﺍﻟﺤﺐ ﻛﻠﻬﻢ ﻣﺠﺘﻤﻌﻴﻦ ﺑﻜﻠﺒﻲ
ﺍﻧﻔﺎﺳﻪ ﺍﻟﺤﺎﺭﺓ ﻟﻔﺤﺖ ﺭﻛﺒﺘﻲ ﻭﺑﺪﺕ ﻣﺮﺣﻠﺔ ﺍﻟﺠﺪ
ﻭﺩﺧﻠﺖ ﻟﻤﻨﻄﻘﺔ ﺍﻟﺨﻄﺮ
ﻭﻓﺠﺎﺀﺓ ﺧﻔﺖ ﻭ ﺍﺗﺬﻛﺮﺕ ﺍﻟﻮﺣﻤﺔ
ﻫﻤﺴﺖ ﺑﺨﻮﻑ ﻣﺮﺗﺒﻜﺔ ﻋﻠﻰ ﻣﺴﺘﺤﻴﺔ
ﻭﻋﺪﻟﺖ ﺛﻮﺑﻲ
.. ﻟﺤﻈﺔ ﻗﺎﺳﻢ . ﺍﻭﻛﻒ
ﺑﻌﺪﺕ ﺍﻳﺪﻩ ﺟﺎﻧﺖ ﻣﺤﻮﻃﺘﻨﻲ
ﺩﻧﻚ ﺭﺍﺳﻪ ﻭﻫﻮ ﻣﺘﺠﻲ ﻋﻠﻰ ﻛﻮﻋﻪ ﻭﺑﺎﻭﻉ ﻋﻠﻴﻪ . ﻣﺘﻔﺎﺟﻲﺀ
ﻣﻦ ﺻﺪﻱ ﺍﻟﻪ
.. ﻭﻫﻤﺲ ﻭﺍﻧﻔﺎﺳﻪ ﺣﺎﺭﺓ
.. ﺷﻨﻮ ﺷﺒﻴﺞ ﺍﺗﺸﻨﺠﺘﻲ ﻋﻠﻰ ﻏﻔﻠﺔ
ﺟﻠﻴﺖ ﺻﻮﺗﻲ ﻭﻋﺪﻟﺖ ﺷﻌﺮﻱ ﺍﻟﻲ ﻣﺎ ﺍﻋﺮﻑ ﺷﻮﻛﺖ ﺍﻧﻔﺘﺢ ﻭﺣﺠﻴﺖ
.. ﺍﺣﻢ ﻗﺎﺳﻢ ﺍﻏﻴﺪ ( ﺍﺭﻳﺪ ) ﺍﻃﻠﺐ ﻣﻨﻚ ﻃﻠﺐ . ﺍﺗﻤﻨﻰ ﺗﻮﺍﻓﻖ ﻋﻠﻴﻪ
.. ﺷﻨﻮ ﻛﻮﻟﻲ
ﺟﺎﻥ ﻳﺤﺠﻲ ﻭﻋﻴﻮﻧﻪ ﻋﻠﻰ ﺷﻔﺎﻳﻔﻲ
ﻭﺭﺟﻠﻴﺔ
.. ﺍﻏﻴﺪﻙ ﺗﺼﺒﻎ ( ﺍﺭﻳﺪﻙ ﺗﺼﺒﺮ ) ﻋﻠﻴﺔ . ﺑﺲ ﻫﺎﻱ ﺍﻟﺸﻬﻐﻴﻦ ( ﺍﻟﺸﻬﺮﻳﻦ )
ﻭﺑﻌﺪﻫﺎ ﺍﺳﻠﻤﻚ ﻧﻔﺴﻲ
ﻋﻘﺪ ﺣﻮﺍﺟﺒﻪ ﻣﺴﺘﻐﺮﺏ
.. ﺍﻛﺪﺭ ﺍﻋﺮﻑ ﺷﻨﻮ ﺳﺒﺐ ﻃﻠﺒﺞ ﺍﻟﻐﺮﻳﺐ
ﺍﺣﺲ ﺑﺨﺪﻭﺩﻱ ﺻﺎﺭﻭﺍ ﻧﺎﺭ ﻣﻦ ﺍﻟﻔﺸﻠﺔ
.. ﻣﻮ ﺍﻧﻲ ﻣﺜﻠﻤﺎ ﺗﻌﻐﻒ ( ﺗﻌﺮﻑ ) ﺩﺍ ﺳﻮﻱ ﺟﻠﺴﺎﺕ ﻟﻴﺰﻏﻴﺔ ( ﻟﻴﺰﺭﻳﺔ ) ﻟﻠﻮﺣﻤﺔ
ﻣﺎﻟﺘﻲ .
.. ﺍﻱ ﺍﻋﺮﻑ ﻭﺍﻧﺎ ﺫﺍﻙ ﺍﻟﻴﻮﻡ ﺍﺧﺬﺗﺞ ﺑﻴﺪﻱ ﻻﺧﺘﺞ
ﺑﺲ ﺷﻨﻮ ﺭﺑﻂ ﺍﻟﻮﺣﻤﺔ ﺑﻤﻮﺿﻮﻋﻨﺎ
ﻣﺼﺪﺭ ﻣﺨﺎﻭﻓﻲ ﺑﺮﺯ ﻭﻏﺼﺐ ﻋﻨﻲ ﻧﺰﻟﺖ ﺩﻣﻮﻋﻲ
ﻭﺍﻟﻠﺤﻈﺔ ﺍﻟﻲ ﺟﻨﺖ ﺷﺎﻳﻠﺔ ﻫﻤﻬﺎ ﻣﻦ ﻗﺒﻞ ﺣﺎﻧﺖ
.. ﻗﺎﺳﻢ ﺍﻟﻮﺣﻤﺔ ﺳﻮﺩﺓ . ﻣﺎﺧﺬﺓ ﻣﻜﺎﻥ ﺑﺠﺴﻤﻲ
ﻭﺍﺳﺘﺤﻲ ﺍﺧﻠﻴﻚ ﺗﻘﺘﻐﺒﻠﻲ ( ﺗﺘﻘﺮﺑﻠﻲ ) ﻭﺗﺸﻮﻓﻬﺎ ﺍﺧﺎﻑ ﻳﺰﻋﺠﻚ ﻣﻨﻈﻐﻬﺎ ( ﻣﻨﻈﺮﻫﺎ )
........
ﺻﺮﺕ ﺍﺣﺠﻴﻠﻪ ﺍﻟﻲ ﺑﻜﻠﺒﻲ ﺑﺪﻭﻥ ﻟﻒ ﻭﺩﻭﺭﺍﻥ
ﺑﺎﻭﻉ ﻋﻠﻴﺔ ﻭﺣﺠﺔ ﺑﺄﻣﺮ
.. ﺍﺷﻮ ﻣﻦ ﻳﻤﺞ ﺗﻘﺮﺭﻳﻦ ﻋﻨﻲ
ﺑﺎﻟﻠﻪ ﺷﻮ ﺧﻠﻴﻨﻲ ﺍﺷﻮﻓﻬﺎ
ﺟﻨﺖ ﻣﺘﺮﺩﺩﺓ ﻭﻣﺴﺘﺤﻴﺔ ﺍﻭﻝ ﻣﺮﺓ ﺑﺤﻴﺎﺗﻲ ﺭﺍﺡ ﺍﺧﻠﻲ ﺭﺟﺎﻝ ﻳﺸﻮﻑ ﺟﺴﻤﻲ
ﻫﻤﺲ ﺑﻬﺪﻭﺀ ﺣﺘﻰ ﻳﻄﻤﻨﻲ
.. ﻫﺪﻯ ﺗﺮﺓ ﺍﻧﺘﻲ ﺣﻼﻟﻲ . ﻟﺘﺴﺘﺤﻴﻦ ﻣﻨﻲ
ﻭﻣﺪ ﺍﻳﺪﻩ ﻟﺜﻮﺑﻲ ﻭﺭﻓﻌﻪ
ﻭﺻﺎﺭﺕ ﺍﻟﻮﺣﻤﺔ ﻛﺪﺍﻡ ﻋﻴﻮﻧﻪ
ﻏﻤﻀﺖ ﻋﻴﻮﻧﻲ ﻭﺣﺒﺴﺖ ﺍﻧﻔﺎﺳﻲ ﻭﺍﻧﻲ ﻣﻬﻴﺌﺔ ﻧﻔﺴﻲ ﻟﻠﺮﻓﺾ
ﺟﻨﺖ ﺍﺳﻤﻊ ﺑﻀﺮﺑﺎﺕ ﻛﻠﺒﻲ ﻳﻨﺒﺾ ﺑﺄﺫﺍﻧﺎﺗﻲ
ﻟﺤﻈﺎﺕ ﻓﺎﺗﺖ ﻣﻦ ﺍﻟﺘﺮﻗﺐ
ﻭﻣﺎ ﺣﺴﻴﺖ ﺍﻻ ﻭﻗﺎﺳﻢ ﻣﺪ ﺍﻳﺪﻩ ﻭﺍﺗﻠﻤﺲ ﻣﻜﺎﻥ
ﺍﻟﻮﺣﻤﺔ
ﻭﻫﻤﺲ
.. ﻫﻲ ﻫﺎﻱ ﺍﻟﻮﺣﻤﺔ ﺍﻟﺨﺒﺼﺘﻴﻨﻲ ﺑﻴﻬﺎ ﻭﺻﺎﺭﻟﺞ ﺳﺎﻋﺔ ﺗﺤﺠﻴﻦ ﻭﻣﻀﻴﻌﺔ ﻋﻠﻴﻨﺎ ﺍﻟﻮﻗﺖ
ﻓﺘﺤﺖ ﻋﻴﻮﻧﻲ ﺑﺘﺮﺩﺩ ﻭﻫﺰﻳﺖ ﺭﺍﺳﻲ ﺑﻤﻮﺍﻓﻘﺔ
ﻗﺮﺏ ﺭﺍﺳﻪ ﻭﻣﺴﺢ ﺩﻣﻮﻋﻲ
ﻭﻛﺎﻝ .. ﺗﺼﺪﻛﻴﻦ ﺍﺫﺍ ﻛﻠﺖ ﺍﻟﻮﺣﻤﺔ ﻣﺎ ﻣﺄﺛﺮﺓ ﻋﻠﻰ
ﺟﻤﺎﻝ ﻭﻧﻌﻮﻣﺔ ﺑﺸﺮﺗﺞ ﺑﺸﻌﺮﺓ ﻭﺣﺪﺓ
ﻣﺎ ﺍﺷﻮﻑ ﺑﻴﻬﺎ ﺍﻱ ﺷﻲ ﻳﺨﻠﻴﺞ ﺗﺨﺠﻠﻴﻦ ﻣﻨﻬﺎ
ﻭﻃﻮﻝ ﻣﺎ ﻫﻮ ﻳﺤﺠﻲ ﻭﻳﺎﻱ ﺍﻳﺪﻳﻪ ﺗﺘﺤﺮﻙ ﻋﻠﻰ ﻃﻮﻝ ﺍﻟﻮﺣﻤﺔ ﺍﻟﻤﻮﺟﻮﺩﺓ ﻋﻠﻰ ﻃﻮﻝ ﺻﻔﺤﺔ ﺧﺎﺻﺮﺗﻲ
.. ﺑﺲ ﺍﺭﻳﺪ ﺍﻋﺮﻑ ﺷﻨﻮ ﻫﺬﺍ ﺍﻻﺛﺮ ﺍﻻﺣﻤﺮ ﺍﻟﻲ ﻣﺤﻮﻃﻬﺎ
.. ﻫﺬﺍ ﻣﻦ ﻭﻏﺔ ( ﻭﺭﺓ ) ﺟﻠﺴﺔ ﺍﻟﻠﻴﺰﻍ ( ﺍﻟﻴﺰﺭ )
ﺭﺟﻊ ﻣﺪﺩﻧﻲ ﺑﺤﻀﻨﻪ
ﻭﻗﺮﺏ ﺭﺍﺳﻪ ﻋﻠﻰ ﺭﻛﺒﺘﻲ ﻭﻃﺒﻊ ﺷﻔﺎﻳﻔﻪ ﻋﻠﻴﻬﺎ ﻭﻫﻤﺲ
.. ﺍﺫﺍ ﺟﻨﺘﻲ ﺩﺗﺴﻮﻳﻦ ﻟﻴﺰﺭ ﻋﻠﻤﻮﺩﻱ ﻓﺄﻧﻲ ﺍﻛﻠﺞ
ﻣﻴﺤﺘﺎﺝ ﺗﺴﻮﻳﻬﺎ ﻋﺎﺟﺒﺘﻨﻲ ﺻﺪﻛﻲ
ﻛﻠﻚ ﻋﻠﻰ ﺑﻌﻀﻚ ﺣﻠﻮ
ﻧﺰﻝ ﻋﻴﻮﻧﻪ ﻋﻠﻰ ﺭﺟﻠﻴﺔ
ﻭﻛﺎﻝ .. ﻭﺧﺼﻮﺻﺎً
ﻫﺬﻧﻲ ﺧﺒﻠﺘﻨﻲ ﺍﻟﺠﻨﻴﺔ ﺑﺮﺟﻠﻴﻬﺎ
ﻋﻮﺩ ﺫﺍﻙ ﺍﻟﻴﻮﻡ ﻣﺴﻮﻳﺔ ﺭﻭﺣﺞ ﺯﻋﻼﻥ . ﺑﺎﻟﻚ ﻋﻨﻲ
ﻭﺿﻤﻴﺘﻲ ﺷﻌﺮﺝ ﻋﻨﻲ ﻭﻗﺮﺭﺗﻲ ﺗﺤﺮﻣﻴﻨﻲ ﻣﻦ ﺷﻮﻓﺘﻪ
ﻭﺗﺎﻟﻲ ﺍﻟﻠﻴﻞ
ﻣﻦ ﺍﺩﺧﻞ ﻟﻠﻐﺮﻓﺔ ﺍﻟﻜﺔ ﺍﻟﺠﻨﻴﺔ ﻧﺎﻳﻤﺔ ﻭﻣﺴﻮﻳﺘﻠﻲ ﻋﺮﺽ
ﺳﻴﻘﺎﻥ ﻭﻧﺎﻳﻤﺔ ﺑﺎﻟﻜﺎﻉ
ﺧﺮﺏ ﺑﺎﻟﺤﻆ ﻭﺍﻧﺎ ﻛﻠﺒﻲ ﻳﻮﺯﻧﻲ ﻋﻠﻴﺞ
ﻭﻳﻜﻮﻝ ﺣﺮﺍﻣﺎﺕ ﻫﺎﻱ ﻧﻌﻤﺔ ﺍﻟﻠﻪ ﻫﻴﺞ
ﻧﺎﻳﻤﺔ ﺑﺎﻟﻜﺎﻉ .
ﺟﻨﺖ ﻣﺘﻤﺪﺩﺓ . ﺑﻴﻦ ﺍﻳﺪﻳﻪ ﻭﻧﺴﻮﻟﻒ ﺳﻮﻳﺔ ﺣﺴﻴﺖ ﺑﻲ ﻳﺤﺠﻲ ﻭﻳﺎﻱ ﺣﺘﻰ ﻳﺨﻔﻒ ﻣﻦ ﺧﻮﻓﻲ ﻭﺍﺑﺪﻱ ﺍﺳﺘﺮﺧﻲ ﻭﻳﺎﻩ
ﺑﺲ ﻛﻼﻣﻪ ﺫﻛﺮﻧﻲ .
ﺑﺎﻟﺒﻮﺭﻱ . ﺍﻟﻲ ﺍﻛﻠﺘﻪ ﺑﺬﺍﻙ ﺍﻟﻴﻮﻡ
ﺭﺟﻌﺖ ﻟﻮﺿﻌﻴﺔ ﺍﻟﺠﻠﻮﺱ ﻭﺍﻧﻲ ﻣﺒﺮﻃﻤﺔ ﺷﻔﺎﻳﻔﻲ
ﻭﺣﻄﻴﺖ ﺷﻌﺮﻱ ﻭﺭﺓ ﺍﺫﻧﻲ ﻭﻟﻜﻤﺘﻪ ﺑﻘﺒﻀﺔ ﻋﻠﻰ ﻛﻴﻒ ﺯﻋﻼﻧﺔ
.. ﺍﻱ ﺻﺪﻙ ﺍﺗﺬﻛﻐﺖ ( ﺍﺗﺬﻛﺮﺕ )
ﺗﻐﺔ ( ﺗﺮﺓ ) ﺍﻧﻲ ﺑﻌﺪﻧﻲ ﺯﻋﻼﻧﺔ ﻭﻣﺎ ﻧﺴﻴﺖ .
ﻣﻮﻗﻔﻚ ﺑﺬﺍﻙ ﺍﻟﻴﻮﻡ
ﻋﺎﺑﺘﻠﻚ ﺟﻐﺤﺖ ( ﺟﺮﺣﺖ ) ﺍﻧﻮﺛﺘﻲ
ﻟﺰﻡ ﺍﻳﺪﻱ ﻭﺳﺤﺒﻨﻲ ﻋﻠﻴﻪ ﺣﻴﻞ ﻭﻛﻌﺖ ﻋﻠﻰ ﺻﺪﺭﻩ
ﻭﻫﻮ . ﻳﻀﺤﻚ
.. ﻳﺎﺍﺍﺑﺔ . ﺣﻘﻚ ﻋﻠﻴﻨﺎ ﻫﺎﺩﻱ ﺗﻌﺎﻝ ﺧﻠﻴﻨﻲ ﺍﺭﺍﺿﻴﻚ
ﻭﺍﺳﺘﺴﻤﺢ ﻣﻨﻚ
ﺍﺗﺒﺪﻟﺖ ﺍﻟﻤﻮﺍﻗﻊ
ﻭﺩﻧﻚ ﻭﻗﺮﺏ ﺭﺍﺳﻪ ﻋﻠﻰ ﻭﺟﻬﻲ ﻭﻋﻴﻮﻧﻪ ﺗﻨﻄﻖ ﺑﺎﻟﻮﻋﺪ
ﺑﻌﺪﻫﺎ
ﻭﺷﻤﻨﻲ ﺑﻤﻠﻜﻴﺘﻪ ﻭﺻﺮﺕ ﻣﺮﺗﻪ ﻗﻠﺒﺎً ﻭﻗﺎﻟﺒﺎً
ﺷﻴﻤﺎﺀ
ﻣﻦ ﻋﻬﺪ ﻭﻓﺎﺓ ﺳﻠﻴﻤﺔ ﺍﻟﻠﻪ ﻳﺮﺣﻤﻬﺎ
ﻭﺍﻧﻲ ﻭﺍﻟﺒﻨﺎﺕ ﺑﺪﻳﻨﺎ ﻧﺸﻖ ﺣﻴﺎﺗﻨﺎ ﺍﻟﺠﺪﻳﺪﺓ
ﺟﻨﺎ ﻛﻠﻨﺎ ﻧﻤﺮ ﺑﻔﺘﺮﺓ ﺟﺪﻳﺪﺓ . ﻣﻦ ﺣﻴﺎﺗﻨﺎ
ﺿﺤﻰ ﻭﻃﻼﻗﻬﺎ ﻣﻦ ﺳﻴﻒ ﺗﻢ ﻭﺑﺪﺕ ﺗﺴﺘﺮﺩ ﺍﻧﻔﺎﺳﻬﺎ
ﺻﺎﺭﺕ ﺗﻔﺘﺢ ﻣﺜﻞ ﺍﻟﻮﺭﺩﺓ
ﻭﻣﺮﻳﻢ ﻣﺎ ﺑﻘﻰ ﺷﻲ ﻋﻠﻰ ﻋﻄﻠﺘﻬﺎ ﻭﺗﺒﻠﺶ ﺗﺪﺍﻭﻡ
ﺧﺎﻣﺲ ﺧﻠﺼﺖ ﺩﻭﺭﺍﺗﻬﺎ ﺑﺎﻟﻤﻌﻬﺪ
ﻭﺍﻣﺎ ﻣﺮﻭﺓ .
ﺍﺍﺍﺍﺥ ﻳﺎﻣﺮﻭﺓ ﻫﺎﻱ ﺍﻟﻲ ﻛﺎﺳﺮﺓ ﺧﺎﻃﺮﻱ
ﻣﻦ ﻳﻮﻡ ﺍﻟﻲ ﺍﻛﺘﺸﻔﺖ ﺧﻴﺎﻧﺔ ﺭﺍﻓﺪ ﻭﻫﻲ ﻣﻨﻄﻮﻳﺔ ﻋﻠﻰ ﻧﻔﺴﻬﺎ ﻣﺘﺤﺠﻲ ﻭﻳﺔ ﺍﻱ ﻭﺍﺣﺪ
ﺷﻐﻠﺖ ﻧﻔﺴﻬﺎ ﺑﻌﻴﺎﺩﺗﻬﺎ ﻭﻣﺮﻛﺰﻫﺎ . ﻭﺣﺘﻰ ﻣﺸﻤﺶ ﻫﻤﻠﺘﻬﺎ
ﻭﺍﻟﺸﻜﻠﺔ ﺣﺘﻰ ﺭﺍﻓﺪ ﺍﺟﺔ ﻟﻠﺒﻴﺖ ﺍﺧﺬ ﻣﻼﺑﺴﻪ ﻭﻃﻠﻊ
ﻭﺑﻴﻮﻣﻬﺎ ﺍﺗﻌﺎﺭﻙ ﻫﻮ ﻭﻣﺮﻭﺓ ﺟﻨﺖ ﺍﺳﻤﻊ ﻣﺮﻭﺓ ﺗﻜﻠﻪ
.. ﻟﻚ ﺭﺍﻓﺪ ﻟﻴﺶ ﺗﺨﻮﻧﻲ ﺑﺸﻨﻮ ﻗﺼﺮﺕ ﻭﻳﺎﻙ
ﺭﺍﻓﺪ .. ﻣﺎﻟﺞ ﺣﻖ ﺗﻠﻮﻣﻴﻨﻲ ﻋﻠﻰ ﺧﻴﺎﻧﺘﻲ ﺍﻟﺞ
ﻛﻀﻴﺘﻲ ﻋﻤﺮﺝ ﻛﻠﻪ . ﻣﺸﻐﻮﻟﺔ . ﻭﻣﻠﺘﻬﻴﺔ ﺑﺸﻐﻠﺞ
ﻟﻴﻞ ﻧﻬﺎﺭ . ﻭﻛﻠﻤﺎ ﺍﺣﺘﺎﺟﺞ ﻣﺎ ﺍﻟﻜﺎﺝ ﻳﻤﻲ
ﺍﻧﺘﻲ ﻫﻮﺍﻱ ﻣﻘﺼﺮﺓ ﻭﻳﺎﻱ
ﻭﺑﻴﻮﻣﻬﺎ ﻣﺮﻭﺓ ﺍﻧﻬﺎﺭﺕ ﻣﻦ ﺍﻻﻋﺼﺎﺏ ﻭﻛﺎﻣﺖ ﺗﻜﺴﺮ
ﺑﻐﺮﺍﺽ ﺍﻟﺒﻴﺖ ﻭﺗﺸﻤﺮﻫﻢ ﻋﻠﻴﻪ
ﻭﻣﻦ ﻳﻮﻣﻬﺎ . ﻃﻠﻌﺖ ﺭﺍﻓﺪ ﻭﻣﺎ ﺭﺟﻊ . ﻭﻣﺮﻭﺓ ﺍﺗﻘﻮﻗﻌﺖ ﻋﻠﻰ ﻧﻔﺴﻬﺎ
ﺑﺲ ﺍﻟﻀﺤﻴﺔ ﻣﻦ ﻫﺬﺍ ﻛﻠﻪ ﺑﻨﺘﻬﻢ
ﺧﻄﻴﺔ ﻣﺸﻤﺶ ﻛﺎﻣﺖ ﺗﻨﺎﻡ ﻛﻠﻪ ﺑﺤﻀﻨﻲ
ﺗﻜﻮﻝ ﻣﺎﻣﺎ ﻫﻮﺍﻱ ﺗﺒﺠﻲ ﺑﺎﻟﻠﻴﻞ ﺗﺨﺎﻑ ﻣﻦ ﺍﻟﻮﺣﺶ
ﺣﺘﻰ ﺍﻧﻲ ﺍﺧﺎﻑ ﻣﻦ ﺍﻟﻮﺣﺶ
ﻭﺻﺎﺭﺕ ﻛﻞ ﻳﻮﻡ ﺑﺎﻟﻠﻴﻞ ﺗﺠﻴﻨﻲ ﻭﺑﻴﺪﻫﺎ ﻭﺩﺑﺪﻭﺑﻬﺎ
ﻭﺳﺎﺣﻠﺔ ﺑﻄﺎﻧﻴﺘﻬﺎ ﻭﺭﺍﻫﺎ
ﻻﻣﺔ ﺷﻔﺎﻳﻔﻬﺎ . ﻭﺗﺮﻣﺶ ﺑﻌﻴﻮﻧﻬﺎ ﺣﺘﻰ ﺍﺧﻠﻴﻬﺎ ﺗﻨﺎﻡ ﻳﻤﻲ
ﻻ ﻭﺍﻟﺠﻨﻴﺔ . ﺗﻜﻠﻲ . ﺗﻐﺪﻳﻦ ( ﺗﺮﺩﻳﻦ ) ﺍﺣﺠﻴﻠﺞ ﻗﺼﺔ
ﻳﻌﻨﻲ ﻣﺴﻮﻳﺔ ﺑﺮﺍﺳﻲ ﻓﻀﻞ
ﺻﺤﻴﺖ ﻣﻦ ﺍﻓﻜﺎﺭﻱ ﻋﻠﻰ ﺩﻭﺧﻮﻝ ﻣﺮﻭﺓ ﺍﻟﻴﻮﻡ ﻗﺮﺭﺕ ﻣﺎ ﺍﻧﺎﻡ ﺍﻻ ﺍﺣﺠﻲ ﻭﻳﺎﻫﺎ
ﺍﺭﻳﺪ ﺍﻓﺘﻬﻢ ﺍﻟﻰ ﻣﺘﻰ ﺗﻈﻞ ﺩﺍﻓﻨﺔ ﻧﻔﺴﻬﺎ ﻭﺗﺘﻬﺮﺏ
ﻣﻦ ﺣﻴﺎﺗﻬﺎ
.........
ﺗﺒﺤﺮ ﺍﻟﺴﻔﻴﻨﺔ ﻭﺍﻟﺮﺑﺎﻥ ﻭﺍﻗﻒُ ﺑﺸﻤﻮﺥ ﻋﻠﻰ ﻣﺘﻨﻬﺎ
ﺭﺍﺻﺪﺍً ﺑﻤﻨﻈﺎﺭﻩ ﻣﺘﺮﻗﺒﺎً . ﻟﻐﺪﺭ ﺍﻣﻮﺍﺝ ﺍﻟﺒﺤﺮ
ﻣﺴﺘﻌﺪﺍ . ﻟﻠﻘﺎﺩﻡ . ﺍﻻﺗﻲ
ﻣﺘﺄﻣﻼً ﺍﻥ ﻳﺼﻞ ﺑﺴﻔﻴﻨﺘﻪ ﺍﻟﻰ ﻣﺮﺳﻰ ﺍﻻﻣﺎﻥ
ﺷﻴﻤﺎﺀ
ﺟﻨﺖ ﻛﺎﻋﺪﺓ ﻣﻨﺘﻈﺮﺓ ﻣﺮﻭﺓ ﺗﺮﺟﻊ ﻟﻠﺒﻴﺖ
ﺍﻟﻲ ﻫﺠﺮﺗﻪ ﺻﺎﺭ ﺑﺎﻟﻨﺴﺒﺔ ﺍﻟﻬﺎ ﻣﺠﺮﺩ ﻣﺤﻄﺔ ﺍﺳﺘﺮﺍﺣﺔ
ﻣﺜﻞ ﺍﻟﻔﻨﺪﻕ ﺗﺎﻛﻞ ﻭﺗﺸﺮﺏ ﻭﺗﺮﻭﺡ ﺗﻨﺎﻡ ﻭﺑﻌﺪﻫﺎ ﺗﻜﻌﺪ ﻣﻦ ﺍﻟﺼﺒﺢ ﺗﺒﻠﺶ ﺑﺪﻭﺍﻣﻬﺎ ﻭﺷﻐﻠﻬﺎ
ﻭﻛﺄﻧﻤﺎ ﻋﺎﺯﻣﺔ ﻋﻠﻰ ﺍﺑﺄﺩﺓ ﻭﻣﻌﺎﻗﺒﺔ . ﺭﻭﺣﻬﺎ
ﻣﺮﺕ ﻣﻦ ﻳﻤﻲ ﺿﺤﻰ ﺟﺎﻧﺖ ﺷﺎﻳﻠﺔ ﺳﻠﺔ ﺍﻟﻤﻼﺑﺲ
ﺍﻟﻤﻐﺴﻮﻟﺔ
ﺍﺑﺎﻭﻉ ﻟﻀﺤﻰ ﻣﻦ ﺩﺧﻠﺖ ﻟﺒﻴﺖ ﻣﺮﻭﺓ
ﺍﺧﺬﺕ ﺩﻭﺭ ﺭﺑﺔ ﺍﻟﺒﻴﺖ ﻭﺻﺎﺭﺕ ﺗﺪﻳﺮ ﺍﻣﻮﺭ ﺍﻟﺒﻴﺖ
ﺑﺎﻟﺮﻏﻢ ﻣﺮﻭﺓ ﻋﻨﺪﻫﺎ ﺧﺪﺍﻣﺔ ﺑﺲ ﺿﺤﻰ ﺩﺍﺧﻠﺔ ﻭﻳﺎﻫﺎ ﻣﻨﺎﻓﺴﺔ ﻭﻛﻞ ﺷﻮﻳﺔ ﻣﺘﻌﺎﺭﻛﺔ ﻭﻳﺎﻫﺔ .
ﺍﺳﺘﻠﻤﺖ ﺍﻟﻤﻄﺒﺦ ﻭﺍﻟﻄﺒﺦ ﻭﺻﺎﺭﺕ ﻣﺴﺆﻭﻟﺔ ﻋﻦ ﻛﻞ ﺷﻲ ﻳﺨﺺ ﻣﺸﻤﺶ ﻣﻦ ﻣﻼﺑﺲ ﻣﻦ ﺗﻤﺸﻴﻂ ﻣﻦ ﺗﺪﺭﻳﺲ
ﻭﻣﺮﺍﺕ ﺗﺴﺎﻋﺪ ﻣﺮﻳﻢ ﺑﺎﻟﺘﺪﺭﻳﺲ
ﻭﺻﺎﺭﺕ ﻫﻲ ﺍﻟﻤﺴﺆﻭﻟﺔ ﻋﻦ ﺍﻟﻤﺴﻮﺍﻙ ﻟﻠﺒﻴﺖ
ﻛﺎﻣﺖ ﺗﺎﺧﺬ ﺍﻟﺴﺎﻳﻖ ﻭﺗﺮﻭﺡ ﺗﺘﺴﻮﻙ
ﻻﺣﻈﺘﻬﺎ ﻣﻦ ﺗﺮﺟﻊ ﻣﻦ ﺍﻟﺴﻮﻙ . ﺗﻜﻮﻥ ﻛﻠﺶ ﻓﺮﺣﺎﻧﺔ
ﺧﺼﻮﺻﺎً ﻣﻦ ﺗﻜﻌﺪ ﺗﻌﺰﻝ ﻭﺗﺮﺗﺐ ﺍﻟﻐﺮﺍﺽ
ﺍﻟﻲ ﺍﺷﺘﺮﺗﻬﻢ ﻟﻠﺒﻴﺖ ﻭﺍﻭﻝ ﻣﺘﺮﺟﻊ ﻟﻠﺒﻴﺖ
ﺗﻜﻌﺪ ﺗﺤﺠﻴﻠﻨﺎ ﺷﻨﻮ ﺳﻮﺕ ﻭﻣﻨﻮ ﺷﺎﻓﺖ ﻭﺷﻠﻮﻥ ﺣﺠﺖ
ﻭﺷﻠﻮﻥ ﻋﺎﻣﻠﺖ ﻋﻠﻰ ﺍﻻﻏﺮﺍﺽ ﻭﺷﻠﻮﻥ ﺳﻮﻭﻟﻬﺎ ﺗﺨﻔﻴﻀﺎﺕ ﻋﻠﻴﻬﻦ
ﺟﺎﻧﺖ ﺗﺤﺠﻲ ﻭﺍﻟﻌﻴﻮﻥ ﺗﻠﻤﻊ ﺑﺎﻟﺤﻴﺎﺓ ﺍﻟﻲ ﺟﺎﻧﺖ ﻣﺪﻓﻮﻧﺔ ﻳﻢ ﺳﻴﻒ
ﺍﺑﺎﻭﻉ ﻋﻠﻴﻬﺎ ﻋﺒﺎﻟﻚ ﻃﻔﻞ ﻫﺴﺘﻮﺓ ﺑﺪﺓ ﻳﻤﺸﻲ
ﻭﻣﻤﺼﺪﻙ ﻳﻜﺘﺸﻒ ﺍﻟﻌﺎﻟﻢ ﻣﻦ ﺣﻮﻟﻪ
ﻳﺤﺎﻭﻝ ﻳﺮﻛﺾ ﻭﻳﺴﺎﺑﻖ ﺧﻄﻮﺍﺗﻪ ﺣﺘﻰ ﻟﻮ ﻣﻴﻌﺮﻑ ﺷﻠﻮﻥ ﻳﻤﺸﻲ ﺑﺸﻜﻞ ﺻﺤﻴﺢ
ﺟﺎﻧﺖ ﻛﻠﺶ ﻣﺘﺤﻤﺴﺔ ﻭﻣﺘﻔﺎﺋﻠﺔ
ﻭﺑﻤﺮﻭﺭ ﺍﻻﻳﺎﻡ ﻛﺪﺭﺕ ﺗﺘﻌﺮﻑ ﻋﻠﻰ ﻛﻢ ﻭﺣﺪﺓ ﻣﻦ ﺟﺎﺭﺍﺕ ﻣﺮﻭﺓ
ﻛﺎﻧﺖ ﻣﻔﺎﺟﺎﺀﺓ ﺑﺎﻟﻨﺴﺒﺔ ﺍﻟﻲ
ﺍﻛﺘﺸﻔﺖ ﺧﺼﻠﺔ ﺑﻀﺤﻰ ﻣﺎ ﺟﻨﺖ ﺍﻋﺮﻓﻬﺎ ﻗﺒﻞ
ﺍﻥ ﻃﺒﻴﻌﺘﻬﺎ ﺍﺟﺘﻤﺎﻋﻴﺔ . ﻣﺜﻞ ﺍﻣﻲ ﻭﻫﺪﻯ
ﻭﺗﻜﺪﺭ ﺗﺘﻮﺍﺻﻞ ﻭﻳﺔ ﺍﻟﻨﺎﺱ ﺑﺴﻬﻮﻟﺔ
ﺑﺲ ﺣﺮﺍﻣﺎﺕ ﻗﻤﻊ ﺳﻴﻒ ﻋﺪﻡ ﺷﺨﺼﻴﺘﻬﺎ ﻭﺩﻓﻨﻬﺎ
ﺑﺤﻴﺚ ﺟﺎﻧﺖ ﻋﺎﻳﺸﺔ ﺣﻴﺎﺗﻬﺎ ﻋﻠﻰ ﺍﻟﻬﺎﻣﺶ
ﻭﺣﺘﻰ ﻣﺮﻭﺓ ﺗﻌﺠﺒﺖ ﻣﻨﻬﺎ ﻭﻛﺎﻟﺘﻠﻬﺎ
.. ﻭﻟﺞ ﺍﻧﻲ ﺻﺎﺭﻟﻲ ﺷﻜﺪ ﻫﻨﺎ . ﻭﻣﻤﺨﺘﻠﻄﺔ ﺑﺠﻴﺮﺍﻧﻲ
ﺣﺘﻰ ﻣﺎ ﺍﻋﺮﻑ ﺷﻨﻮ ﺍﺳﻤﻬﻢ
ﻭﺍﻧﺘﻲ ﻣﺼﺎﺭﻟﺞ ﻫﻮﺍﻱ ﻣﻦ ﺍﺟﻴﺘﻲ
ﻋﺮﻓﺘﻲ ﺑﻬﺎﻱ ﺍﻟﻔﺘﺮﺓ ﺍﻟﺒﺴﻴﻄﻪ ﻛﻞ ﺷﻲ ﻋﻨﻬﻢ ﻭﺣﺘﻰ
ﺟﻨﺘﻬﻢ ﻋﺮﻓﺘﻴﻬﺎ ﺣﺎﻣﻞ ﻗﺒﻞ ﻻ ﻳﻌﺮﻑ ﺑﻴﻬﺎ ﺯﻭﺟﻬﺎ
ﺧﺮﺏ ﻳﻮﻣﺞ ﺿﺤﻰ
ﺗﺬﻛﺮﻳﻨﻲ ﺑﻔﻀﻮﻝ ﺳﻠﻴﻤﺔ ﺍﻟﻠﻪ ﻳﺮﺣﻤﻬﺎ ((
ﺍﻧﺘﺒﻬﺖ ﻋﻠﻰ ﺿﺤﻰ ﺗﺤﺠﻲ ﻭﻳﺎﻳﺔ
ﺿﺤﻰ .. ﺍﻛﻮﻝ ﺷﻮﻣﺔ ﺍﻟﻤﺼﺮﻑ ﺍﻟﻲ ﺑﺎﻟﺠﺰﺩﺍﻥ
ﻣﺎﻝ ﻫﺬﺍ ﺍﻟﺸﻬﺮ . ﺯﺍﺩ ﻣﻨﻪ . ١٠٠ﺍﻟﻒ
ﺷﻨﻮ ﺭﺃﻳﺞ ﺍﺩﺧﻞ ﺑﻴﻬﺎ ﺳﻠﻔﺔ ﻭﻳﺔ . ﺍﻡ ﺭﻓﺎﻩ
......
ﻋﻘﺪﺕ ﺣﻮﺍﺟﺒﻲ ﻭﺍﻧﻲ ﻣﺴﺘﻐﺮﺑﺔ
.. ﻣﻨﻮ ﻫﺎﻱ ﺍﻡ ﺭﻓﺎﻩ
ﺿﺤﻰ .. ﺷﻨﻮ ﺍﻟﺴﺎﻟﻔﺔ ﻫﺎﻱ ﺍﻟﻤﺮﻳﺔ ﺍﻟﻲ ﻋﻨﺪﻫﺎ
ﺳﻮﺑﺮ ﻣﺎﺭﻛﺖ ﺑﺮﺍﺱ ﺍﻟﺸﺎﺭﻉ
ﺑﺎﻟﺼﺪﻓﺔ ﻣﻦ ﺟﻨﺖ ﺍﺗﺴﻮﻙ . ﺳﻤﻌﺘﻬﺎ ﺗﺤﺠﻲ ﻭﻳﺔ ﺟﺎﺭﺗﻨﺎ ﺍﻡ ﺳﺎﺭﺓ ﻋﻦ ﺍﻟﺴﻠﻔﺔ ﻭﻫﻴﺞ ﺷﻲ
ﻭﺍﻧﻲ ﺍﻧﺘﺒﻬﺖ ﻋﻠﻰ ﺷﻐﻠﺔ ﺍﻥ ﺍﻟﻤﺼﺮﻑ ﺍﻟﻲ ﺩﺗﺨﻠﻮﺍ
ﺍﻧﺘﻲ ﻭﻣﺮﻭﺓ ﻟﻠﺒﻴﺖ ﺩﻳﺰﻳﺪ ﻣﻨﻪ . ﻣﻴﺔ
ﻛﻠﺖ ﺍﺣﻄﻪ ﺑﺴﻠﻔﺔ ﻭﻳﻔﻴﺪﻧﺎ ﺍﻟﻤﺒﻠﻎ
ﻃﺒﻌﺎ ﺍﻧﻲ ﻭﻣﺮﻭﺓ ﻣﻦ ﺍﻭﻝ ﻳﻮﻡ ﻭﺍﻓﻘﺖ ﺑﻲ ﺍﻋﻴﺶ ﻋﻨﺪﻫﺎ
ﺑﺎﻟﺒﻴﺖ ﺍﺗﻔﻘﺖ ﻭﻳﺎﻫﺔ ﺍﻥ ﻳﻜﻮﻥ ﻣﺼﺮﻑ ﺍﻟﺒﻴﺖ ﻋﻠﻴﻨﺎ ﺑﺎﻟﻨﺺ ﺍﻧﻲ ﻭﻳﺎﻫﺎ
ﺑﺎﻟﺮﻏﻢ ﻫﻲ ﻣﺎﻧﻌﺖ ﺑﺲ ﺍﻧﻲ ﺍﺻﺮﻳﺖ ﻋﻠﻰ ﻫﺬﺍ ﺍﻟﺸﻲ
ﺭﻓﻌﺖ ﺭﺍﺳﻲ ﻭﺍﻧﺘﺒﻬﺖ ﻟﻀﺤﻰ ﺩﺗﺨﻴﻂ ﺑﺘﻨﻮﺭﺓ ﻣﺸﻤﺶ ﺍﻟﻤﻔﺘﻮﻛﺔ .
ﺧﻄﻴﺔ ﺿﺤﻰ ﻣﺘﻜﻌﺪ ﻭﺍﻳﺪﻳﻬﺔ ﻓﺎﺭﻏﺔ
ﺍﺣﺲ ﻫﻲ ﺩﺗﺴﻮﻱ ﻫﻴﺞ ﻭﻛﺄﻧﻤﺎ ﺗﺮﻳﺪ ﺗﺴﺎﻫﻢ ﻭﻳﺎﻧﺔ
ﺑﺤﻤﻞ ﺍﻟﻤﺴﺆﻭﻟﻴﺔ ﺑﺲ ﺑﻄﺮﻳﻘﺘﻬﺎ ﺍﻟﺨﺎﺻﺔ
ﺿﺤﻰ .. ﻫﺎ ﺷﻨﻮ ﻛﻠﺘﻲ ﺍﺷﺘﺮﻙ ﻟﻮ ﻻ
.. ﺑﺮﺍﺣﺘﺞ ﺍﻟﻲ ﺗﺸﻮﻓﻲ ﺻﺢ ﺳﻮﻱ
ﻻﻥ ﺍﻧﺘﻲ ﺍﻟﻤﺴﺆﻭﻟﺔ ﻋﻦ ﺗﻘﺴﻴﻢ ﻣﺼﺮﻑ ﺍﻟﺒﻴﺖ
ﺿﺤﻜﺖ ﻣﺘﺮﺩﺩﺓ .. ﻫﺬﺍ ﻫﻮ ﻣﻦ ﺑﺎﺟﺮ ﺍﺭﻭﺡ ﻭﺍﻧﻄﻲ ﺧﺒﺮ ﻻﻡ ﺭﻓﺎﻩ ﺍﻡ ﺍﻻﺳﻮﺍﻕ
ﻭﺍﻛﻠﻠﻬﺎ ﺗﺴﺠﻞ ﺍﺳﻤﻨﺎ ﺑﺎﻟﺴﻠﻔﺔ
ﺭﺟﻌﺖ ﺗﺨﻴﻂ ﻭﻫﻲ ﺗﺤﺴﺐ ﻋﻠﻰ ﺭﺍﺱ ﺍﻟﺸﻬﺮ
ﺩﻙ ﻧﻘﺎﻟﻲ ﺟﺎﻥ ﺍﻟﻤﺘﺼﻞ ﺧﺎﻟﺔ ﺍﻡ ﻓﺮﺯﺩﻕ
ﺳﻠﻤﺖ ﻋﻠﻴﻬﺎ
.. ﻫﻼ ﺑﻴﺞ ﺧﺎﻟﺔ
.. ﺑﺸﺮﻳﻨﻲ ﺧﻮﺍﺗﺞ ﺷﻠﻮﻧﻬﻢ ﻭﺿﺤﺎﻭﻱ ﺷﻠﻮﻥ ﺻﺎﺭﺕ ﺻﺤﺘﻬﺎ
.. ﺍﻟﺤﻤﺪﻟﻠﻪ ﺍﻟﺒﻨﺎﺕ ﻭﺿﺤﺎﻭﻱ ﺑﺨﻴﺮ ﻭﺍﻟﺤﻤﺪ ﻟﻠﻪ
.. ﻳﺎﺭﺏ ﺩﻭﻡ ﺑﺨﻴﺮ
ﺧﺎﻟﺔ ﺷﻮﻣﺔ ﻫﺬﺍ ﺍﻻﺭﺑﻌﺎﺀ . ﺯﻭﺍﺝ ﺻﻬﻴﺐ
ﻭﺍﻧﺘﻲ ﻭﺍﻟﺒﻨﺎﺕ ﻛﻠﻜﻢ ﻣﻌﺰﻭﻣﺎﺕ ﺑﺎﻟﻌﺮﺱ ﺭﺍﺡ ﻧﺴﻮﻱ
ﺑﻘﺎﻋﺔ ﺍﻋﺮﺍﺱ ﺍﻝ ........
ﺍﻣﺎﻧﺔ ﺗﺠﻮﻥ
.. ﺑﺎﻟﺮﻓﺎﻩ ﻭﺍﻟﺒﻨﻴﻦ ﺭﺑﻲ ﻳﺘﻤﻢ ﻋﻠﻴﻜﻢ
ﺍﻥ ﺷﺎﺀ ﺍﻟﻠﻪ ﻧﺠﻲ
ﺳﻠﻤﻴﻨﺎ ﻋﻠﻰ ﺧﺎﻟﺔ ﺍﻡ ﺻﻬﻴﺐ ﻭﺍﻟﺒﻨﺎﺕ
ﺳﺪﻳﺖ ﺍﻟﻨﻘﺎﻝ
ﺿﺤﻰ . ﺑﻨﻈﺮﺍﺕ ﻛﻠﻬﺎ ﻟﻬﻔﺔ ﺗﺒﺎﻭﻉ ﻟﺸﻴﻤﺎﺀ ﺳﺄﻟﺘﻬﺎ
.. ﻫﺎﻱ ﺧﺎﻟﺔ ﺍﻡ ﻓﺮﺯﺩﻕ
.. ﺍﻱ ﻫﺎﻱ ﺧﺎﻟﺔ ﺍﺗﺼﻠﺖ ﻋﻠﻴﺔ ﺣﺘﻰ ﺗﻌﺰﻣﻨﺎ
ﻋﻠﻰ ﻋﺮﺱ ﺻﻬﻴﺐ ﻳﻮﻡ ﺍﻟﺜﻼﺛﺎﺀ
ﺍﺑﺎﻭﻉ ﻟﻀﺤﻰ ﺍﺗﻮﻗﻔﺖ ﺍﻳﺪﻫﺎ ﻣﻦ ﺍﻟﺨﻴﺎﻁ
ﻭﺑﻠﻌﺖ ﻏﺼﺘﻬﺎ . ﻭﻋﻴﻮﻧﻬﺎ ﻏﺮﻛﺖ ﺑﺎﻟﺪﻣﻊ
ﺩﻧﻜﺖ ﺭﺍﺳﻬﺎ . ﻭﺭﺟﻌﺖ ﺗﻜﻤﻞ ﺧﻴﺎﻁ
ﺍﺑﺎﻭﻉ ﻟﻠﺪﻣﻮﻉ ﺷﻠﻮﻥ ﻛﺎﻣﺖ ﺗﻨﺰﻝ . ﻛﻞ ﺩﻣﻌﺔ ﺟﺎﻧﺖ
ﺗﺤﺠﻲ ﺍﻟﻒ ﻏﺼﺔ
.. ﺿﺤﻰ ﺣﺒﻴﺒﺘﻲ ﻟﺘﺐ .......
ﻭﻗﻄﻊ ﺣﺪﻳﺜﻲ ﻭﻳﺔ ﺿﺤﻰ
ﺩﺧﻮﻝ ﻣﺮﻭﺓ ﻟﻠﺒﻴﺖ ﺳﻠﻤﺖ ﻋﻠﻴﻨﺎ
ﻣﺜﻞ ﻛﻞ ﻣﺮﺓ ﻭﺩﺧﻠﺖ ﻟﻐﺮﻓﺘﻬﺎ ﻭﺳﺪﺕ ﺍﻟﺒﺎﺏ
ﺿﺤﻰ ﻛﺎﻣﺖ ﻣﻦ ﻣﻜﺎﻧﻬﺎ ﻭﺭﺍﺣﺖ ﺩﺧﻠﺖ ﻟﻠﻤﻄﺒﺦ
ﺗﺤﻀﺮﻟﻬﺎ ﺍﻟﻌﺸﺎ ﻟﻤﺮﻭﺓ ﻛﻠﻨﺎ ﻧﻌﺮﻑ ﻣﺮﻭﺓ ﻣﻦ ﺍﻟﻨﻮﻉ
ﺗﻬﻤﻞ ﻧﻔﺴﻬﺎ ﺑﺎﻻﻛﻞ
ﺭﺣﺖ ﻭﺭﺍﻫﺔ ﻟﻠﻐﺮﻓﺔ ﻭﺩﻛﻴﺖ ﺍﻟﺒﺎﺏ
ﺳﻤﻌﺖ ﺻﻮﺗﻬﺎ
.. ﺍﺩﺧﻞ
ﻓﺘﺤﺖ ﺍﻟﺒﺎﺏ ﻭﻟﻜﻴﺘﻬﺎ ﻣﺒﺪﻟﺔ ﻣﻼﺑﺴﻬﺎ
ﻭ ﻻﺑﺴﺔ ﺑﺠﺎﻣﺘﻬﺎ . ﻭﻻﺑﺴﺔ ﻧﻀﺎﺭﺗﻬﺎ ﺍﻟﻄﺒﻴﺔ
ﻭﻛﺎﻋﺪﺓ ﺗﻜﻠﺐ ﺑﻔﺎﻳﻞ .
.......
ﻧﺰﻟﺖ ﻧﻀﺎﺭﺍﺗﻬﺎ ﺷﻮﻳﺔ ﻋﻠﻰ ﺧﺸﻤﻬﺎ ﻭﻛﺎﻟﺖ
.. ﻧﻌﻢ ﺷﻴﻤﺎﺀ ﺭﺍﻳﺪﺓ ﺷﻲ
ﻋﺮﻓﺖ ﻫﺬﺍ ﺑﺮﻭﺩﻫﺎ ﺟﺪﺍﺭ ﺗﺒﻨﻲ ﺣﻮﻝ ﻧﻔﺴﻬﺎ ﺣﺘﻰ ﻣﺘﺒﻴﻦ ﺿﻌﻔﻬﺎ ﻛﺪﺍﻣﻨﺎ
ﺳﺪﻳﺖ ﺍﻟﺒﺎﺏ ﻭﺭﺣﺖ ﻛﻌﺪﺕ ﻳﻤﻬﺎ ﻋﺎﻟﺴﺮﻳﺮ
ﻭﺣﺠﻴﺖ ﺑﻜﻞ ﻫﺪﻭﺀ
.. ﻣﺮﻭﺓ ﺳﺆﺍﻝ ﻣﻤﻜﻦ ﺍﻋﺮﻑ ﺍﻧﻲ ﺷﻨﻮ ﺑﺎﻟﻨﺴﺒﺔ ﺍﻟﺞ
ﻣﺮﻭﺓ ﺟﺎﻭﺑﺘﻨﻲ ﺑﺴﺘﻐﺮﺍﺏ .. ﺍﺧﺘﻲ ﺍﻟﺠﺒﻴﺮﺓ ﻭﺍﻗﺮﺏ ﻭﺣﺪﺓ ﺍﻟﻲ ﺑﺎﻟﺪﻧﻴﺎ
ﺷﻨﻮ ﺩﺍﻋﻲ ﻟﻬﺬﺍ ﺍﻟﺴﺆﺍﻝ
.. ﻫﺴﻪ ﺍﻛﻮﻟﺞ ﺷﻨﻮ ﺍﻟﺪﺍﻋﻲ ﻟﻪ
ﺯﻳﻦ ﻣﺎ ﺩﺍﻡ ﺍﻧﻲ ﺍﺧﺘﺞ ﺍﻟﺠﺒﻴﺮﺓ ﻭﺍﻗﺮﺏ ﻭﺣﺪﺓ ﺍﻟﺞ ﻟﻴﺶ ﻣﺘﺸﺎﺭﻛﻴﻨﻲ . ﻫﻤﻮﻣﺞ
ﻟﻴﺶ ﺧﺎﻟﺔ ﻛﻠﺒﻲ ﻋﻠﻴﺞ ﻣﺜﻞ ﺍﻟﻨﺎﺭ
ﻭﺍﻧﻲ ﺍﺷﻮﻓﺞ ﺷﻠﻮﻥ ﺗﺘﻠﻮﻋﻴﻦ ﻭﺗﺘﺎﻟﻤﻴﻦ ﻭﺣﺪﺝ ﻛﺪﺍﻡ ﻋﻴﻮﻧﻲ
ﻭﻣﺎ ﺑﻴﺪﻱ ﺷﻲ ﺍﺳﻮﻱ ﺣﺘﻰ ﺍﺟﻨﺒﺞ ﺍﻻﻟﻢ
ﺍﺣﺠﻲ ﻭﻃﻠﻌﻲ ﺍﻟﻲ ﺑﻜﻠﺒﺞ ﻻﺗﺒﻘﻴﻦ ﻛﺎﺗﻤﺔ ﺑﻜﻠﺒﺞ
ﻋﺎﺟﺒﺘﺞ ﺣﻴﺎﺓ ﺑﻨﺘﺞ ﻣﺸﻤﺶ . ﻟﻮ ﻋﺎﺟﺒﺞ ﺷﻜﻠﺞ
ﺍﻻﺻﻔﺮ ﺍﻟﻲ ﺑﺪﺓ ﻳﻮﻡ ﻋﻦ ﻳﻮﻡ ﻳﺬﺑﻞ
ﺟﻨﺖ ﺍﺣﺠﻲ ﻭﻣﺮﻭﺓ ﺻﺎﻓﻨﺔ ﺑﻐﻴﺮ ﻋﺎﻟﻢ . ﻭﻣﺎﻛﻮ ﺷﻲ
ﻳﺪﻝ ﻋﻠﻰ ﺳﻤﺎﻋﻬﺎ ﻟﻜﻼﻣﻲ ﻏﻴﺮ ﺑﺲ
ﻋﻴﻮﻧﻬﺎ ﺍﻟﻲ ﻟﻤﻌﺖ ﺑﺎﻟﺪﻣﻮﻉ
ﺩﻧﻜﺖ ﺭﺍﺳﻬﺎ ﻭﺑﺎﻭﻋﺖ ﻷﻳﺪﻳﻬﺎ
ﻭﺣﺠﺖ ﺑﺼﻮﺕ ﻧﺎﺻﻲ
.. ﺷﻴﻤﺎﺀ ﺷﻨﻮ ﺗﺮﺩﻳﻨﻲ ﺍﺣﺠﻴﻠﺞ ﻭﻫﻮ ﻣﺎﻛﻮ ﺷﻲ
ﻳﺴﺘﺎﻫﻞ ﺍﺣﺠﻲ .
.. ﺣﺘﻰ ﻟﻮ ﻣﻴﺴﺘﺎﻫﻞ ﻣﻴﺨﺎﻟﻒ ﺍﺣﺠﻴﻠﻲ ﺍﺳﻤﻌﺞ
.. ﺷﻴﻤﺎﺀ ﺍﻧﻲ ﻣﻦ ﻭﻋﻴﺖ ﻋﺎﻟﺪﻳﻨﺎ ﻭﺷﻔﺖ ﺍﻣﻲ
ﺗﺠﺎﻫﺪ ﻋﻠﻰ ﺍﻟﻌﻴﺸﺔ ﺍﻟﺼﻌﺒﺔ . ﻭﺍﺑﻮﻱ ﻧﺎﻳﻢ ﺑﺮﺍﺳﻬﺎ
ﺍﺧﺬﺕ ﻋﻬﺪ ﻋﻠﻰ ﻧﻔﺴﻲ ﻭﻛﻠﺖ
ﻣﺴﺘﺤﻴﻞ ﺍﺻﻴﺮ ﻣﺜﻞ ﺍﻣﻲ . ﻭﺍﺧﻠﻲ ﻭﺍﺣﺪ ﻣﺜﻞ ﺍﺛﻴﺮ
ﻳﻌﻴﺶ ﻋﻠﻰ ﺣﺴﺎﺏ ﺗﻌﺒﻲ
ﻭﺻﺮﺕ ﺍﺷﻖ ﻃﺮﻳﻘﻲ ﺑﺎﻟﺤﻴﺎﺓ ﻭﺍﺟﺎﻫﺪ . ﻭﺍﺻﺎﺭﻉ
ﺍﻟﺰﻣﻦ ﻭﺍﺗﺤﺪﻯ ﺍﻟﻐﺮﺑﺔ ﻭﺍﺗﻼﻭﺓ . ﻭﻳﺔ ﺍﻟﺤﻴﺎﺓ
ﺣﺘﻰ ﺍﻋﺘﻤﺪ ﻋﻠﻰ ﻧﻔﺴﻲ ﻭﺍﻭﻛﻒ ﻋﻠﻰ ﺭﺟﻠﻲ
ﺍﺗﺰﻭﺟﺖ ﺭﺍﻓﺪ ﻭﺍﻧﻲ ﻛﻠﻲ ﺍﻣﻞ ﺍﻧﻪ ﺍﻧﻲ ﻭﻳﺎﻩ
ﺭﺍﺡ ﻧﺤﻂ ﺍﻳﺪ ﺑﺄﻳﺪ . ﻭﻧﺒﻨﻲ ﺣﻴﺎﺗﻨﺎ ﺳﻮﻳﺔ
ﺍﻧﻲ ﺍﺳﺘﻠﻤﺖ ﺩﻓﺔ ﺍﻟﻌﻤﻞ ﻭﺑﺪﻳﺖ ﺍﺑﻨﻲ ﺣﻴﺎﺗﻨﺎ
ﺍﻟﺘﻬﻴﺖ ﺍﺗﻘﺪﻡ ﺑﺸﻬﺎﺩﺗﻲ
ﻭﻫﻮ ﻳﻬﺘﻢ ﺑﻤﺸﻤﺶ ﻻﻥ ﻋﻨﺪﻩ ﻭﻗﺖ ﻓﺮﺍﻍ ﺍﻛﺜﺮ ﻣﻨﻲ
ﻭﺷﺎﻝ ﺍﻏﻠﺐ ﻣﺴﺆﻟﻴﺘﻬﺎ ﻋﻨﻲ
ﻳﺎﺧﺬﻫﺎ ﻟﻠﻤﺪﺭﺳﺔ ﻳﺤﻀﺮ ﺍﺟﺘﻤﺎﻉ ﺍﻭﻟﻴﺎﺀ ﺍﻻﻣﻮﺭ
ﻳﻄﻠﻊ ﻳﺸﺘﺮﻳﻠﻬﺎ ﻣﻼﺑﺲ
ﻳﺎﺧﺬﻫﺎ ﻭﻳﺠﻴﺒﻬﺎ ﻣﻦ ﺩﻭﺍﻡ ﺍﻟﺤﻀﺎﻧﻪ
ﺟﺎﻧﺖ ﻧﻴﺘﻲ ﻛﻠﺶ ﺻﺎﻓﻴﺔ ﻭﻳﺎﻩ
ﺻﺤﻴﺢ ﺟﻨﺖ ﺑﺨﻴﻠﺔ ﻋﻠﻰ ﻧﻔﺴﻲ ﻭﺻﺤﺘﻲ
ﻟﻜﻦ ﺍﺑﺪ . ﻣﺎ ﻳﻮﻡ ﺑﺨﻠﺖ ﻋﻠﻴﻬﻢ . ﻫﻮ ﻭﻣﺸﻤﺶ ﻭﺍﻟﺒﻴﺖ
ﺍﻛﻮﻝ ﻫﻤﺔ ﻋﺎﺋﻠﺘﻲ ﺍﻧﻲ ﺍﻟﻤﻦ ﺍﺗﻌﺐ
ﺍﻧﻲ ﻭﺭﺍﻓﺪ ﻭﺍﺣﺪ . ﻣﺎﻛﻮ ﻓﺮﻕ ﺑﻴﻨﺎﺗﻨﺎ
ﻣﺠﻨﺖ ﻣﺘﻮﻗﻌﺔ ﺑﻌﺪ ﻛﻞ ﻫﺬﺍ ﺗﻌﺒﻲ ﻭﺍﻟﻲ ﺳﻮﻳﺘﻪ ﻋﻠﻤﻮﺩﻩ
ﻳﺠﻲ ﺍﻟﻴﻮﻡ ﻭﺭﺍﻓﺪ ﻳﺨﻮﻧﻲ ﻭﻳﺔ ﻭﺣﺪﺓ ﺛﺎﻧﻴﺔ
ﻭﻻ ﻣﻮ ﺑﺲ ﻫﻴﺞ ﻳﻌﺘﺒﺮ
ﺍﻧﺸﻐﺎﻟﻲ ﺑﻌﻴﺎﺩﺗﻲ ﻭﺍﻟﻤﺮﻛﺰ ﻭﺑﻨﺎﺀ ﺣﻴﺎﺗﻨﺎ
ﺍﻫﻤﺎﻝ ﻣﻨﻲ ﻭﺗﻘﺼﻴﺮ ﺑﺤﻘﻪ
ﻳﻌﻨﻲ ﻃﻠﻌﺖ ﺍﻧﻲ ﺍﻟﺴﺒﺐ
ﺍﻟﻲ ﺩﻓﻌﻪ ﻳﺮﻭﺡ ﻟﺤﻀﻦ ﻭﺣﺪﺓ ﻏﻴﺮﻱ
......
ﺍﻋﺮﻑ ﺭﺍﺡ ﺗﻜﻮﻟﻴﻦ ﻟﻴﺶ ﻣﻜﺒﺮﺓ ﺍﻟﻤﻮﺿﻮﻉ
ﻫﻮ ﻣﻮ ﺍﻭﻝ ﺭﺟﺎﻝ ﻭﻻ ﺍﺧﺮ ﺭﺟﺎﻝ ﻳﺨﻮﻥ ﻣﺮﺗﻪ
ﺑﺲ ﺧﻴﺎﻧﺔ ﻋﻦ ﺧﻴﺎﻧﺔ ﺗﺨﺘﻠﻒ
ﺷﻴﻤﺎﺀ ﺭﺍﻓﺪ ﺧﺎﻧﻲ ﻭﻳﺔ ﺍﻋﺰ ﻭﺍﻗﺮﺏ ﺻﺪﻳﻘﺔ ﻋﻨﺪﻱ
ﻓﺎﺗﻦ ﺟﺎﻧﺖ ﺍﻟﻲ ﺍﻻﺧﺖ ﺍﻟﺨﺎﻣﺴﻪ ﺍﻟﻲ ﻣﺎﺟﺎﺑﺘﻬﺎ ﺍﻣﻲ
ﻳﺎﻣﺎ ﻣﺮﻳﻨﺎ ﺑﻈﺮﻑ ﺑﺎﻟﻐﺮﺑﺔ
ﻭﻋﺪﻳﻨﺎ ﺑﺄﺯﻣﺎﺕ ﺟﻨﺎ ﻭﺣﺪﺓ ﺗﺴﻨﺪ ﺍﻟﺜﺎﻧﻴﺔ ﻭﺗﻜﻤﻞ
ﺍﻟﺜﺎﻧﻴﺔ ﻣﻦ ﺟﺎﻧﺖ ﻣﺘﺰﻭﺟﺔ ﻟﺤﺪ ﻣﺎ ﺍﺗﻄﻠﻜﺖ ﻛﻠﻪ
ﺳﻮﻳﺔ
ﺗﻌﺮﻓﻴﻦ ﺷﻨﻮ ﻛﺎﻋﺪ ﺍﺣﺲ ﻫﺴﺔ
ﺍﺣﺲ ﺍﻟﻨﺎﺭ ﺗﺎﻛﻞ ﺑﺮﻭﺣﻲ
ﺍﻧﻲ ﺍﺗﻌﺮﺿﺖ ﻻﻗﺴﻰ ﺍﻧﻮﺍﻉ ﺍﻟﺨﻴﺎﻧﺔ
ﻟﺞ ﺍﻛﺘﺸﻔﺖ ﺭﺍﻓﺪ ﻣﺘﺰﻭﺝ ﻓﺎﺗﻦ . ﺑﺎﻟﺴﺮ
ﻻ ﻭﺍﻻﺩﻫﻰ ﻭﺍﻻﻣﺮ ﻣﻦ ﻫﺬﺍ ﻛﻠﻪ
ﻋﺮﻓﺖ ﺑﺎﻟﺼﺪﻓﺔ ﻓﺎﺗﻦ ﺣﺎﻣﻞ ﻣﻦ ﺭﺍﻓﺪ . ﻭﺻﺎﺭ ﻋﻨﺪﻫﺎ ﺍﺳﻘﺎﻁ .
ﻃﺒﻌﺎ ﻋﺮﻓﺖ ﻣﻦ ﺩﻛﺘﻮﺭﺓ ﺻﺪﻳﻘﺘﻲ
ﺑﺎﻟﺼﺪﻓﺔ ﺷﺎﻓﺘﻨﻲ ﻭﺳﺎﻟﺘﻨﻲ ﻟﻴﺶ ﻣﻌﺎﻟﺠﺖ ﻓﺎﺗﻦ ﻭﻫﻲ ﺻﺪﻳﻘﺘﻲ
ﻻﻥ ﻟﻮ ﻣﻦ ﺍﻻﻭﻝ ﻣﻠﺤﻜﺘﻠﻬﺎ ﻣﺼﺎﺭ ﻋﺪﻫﺎ ﺍﺳﻘﺎﻁ
ﻫﺬﺍ ﻛﻠﻪ ﺻﺎﻳﺮ ﻣﻦ ﻭﺭﺍﻳﺔ ﻭﺍﻧﻲ ﺍﻟﻐﺒﻴﺔ
ﻣﺎ ﺧﻄﺮ ﻋﻠﻰ ﺑﺎﻟﻲ ﻭﺍﺣﺪ ﺑﺎﻟﻤﻴﺔ ﻳﻄﻌﻨﻮﻧﻲ ﺑﻈﻬﺮﻱ
ﺟﺎﻧﺖ ﻣﺮﻭﺓ ﺗﺤﺠﻲ ﻭﺗﺮﺟﻒ ﻣﻦ ﺍﻻﻟﻢ
ﺳﻮﺩﺓ ﻋﻠﻴﺔ ﺷﻜﺪ ﻛﺎﺗﻤﺔ ﺑﻜﻠﺒﻬﺎ ﻭﺳﺎﻛﺘﺔ
ﺍﻟﻠﻪ ﻳﺴﺎﻋﺪ ﻛﻠﺒﻬﺎ
ﺍﻧﻲ ﻣﺠﺮﺩ . ﺣﺐ ﻣﻦ ﻃﺮﻑ ﻭﺍﺣﺪ ﻭﻧﻈﺮﺍﺕ ﻭﻫﻤﻴﺔ
ﻟﺤﻴﺪﺭ
ﻭﻫﻢ ﻣﻦ ﻋﺮﻓﺖ ﺑﻲ ﺧﻄﺐ ﺍﻟﺪﻛﺘﻮﺭﺓ ﺭﻓﻞ
ﺍﺣﺲ ﺑﻜﻠﺒﻲ ﺍﺗﻜﻄﻊ ﻭﻣﺘﺖ ﻗﻬﺮ .
ﻟﻌﺪ ﺷﺤﺎﻝ ﻫﻲ ﻫﺬﺍ ﺯﻭﺟﻬﺎ ﺍﺑﻮ ﺑﻨﺘﻬﺎ
ﺻﺪﻙ ﺻﻌﺒﺔ
ﻣﺮﻭﺓ ﻣﺴﺤﺖ ﺩﻣﻌﺔ ﺧﺎﻳﻨﺔ ﻧﺰﻟﺖ ﻋﻠﻰ ﺧﺪﻫﺎ
ﺗﺎﻟﻲ ﺑﻌﺪ ﻛﻞ ﻫﺬﺍ ﺍﻟﺘﻌﺐ ﻭﺍﻟﻌﻨﺎﺀ
ﻭﺟﺎﻥ ﺍﻭﻛﻊ ﻋﻠﻰ ﻏﻔﻠﺔ ﺑﺪﻭﻥ
ﻣﺎ ﺍﺣﺲ ﺑﻨﻔﺲ ﻏﻠﻄﺔ ﺍﻣﻲ
ﺍﻟﻲ ﺟﻨﺖ ﺍﺣﺎﻭﻝ ﺍﺗﺠﻨﺒﻬﺎ ﻭﺍﺑﺘﻌﺪ ﻋﻨﻬﺎ
.. ﺷﻠﻮﻥ ﻳﻌﻨﻲ ﻣﺎ ﺍﻓﺘﻬﻤﺖ
.. ﺣﻴﺎﺗﻲ ﺗﺸﺒﻪ ﺣﻴﺎﺓ ﺍﻣﻲ
ﺑﺲ ﺍﻟﻔﺮﻕ ﺑﺎﻟﻤﺮﺍﻛﺰ
ﺍﻧﻲ ﻣﺜﻠﻬﺎ ﻛﻀﻴﺖ ﻛﻞ ﻋﻤﺮﻱ ﺍﺷﻘﻰ ﻭﺍﺗﻌﺐ
ﻭﺯﻭﺟﻲ ﻣﺎ ﻳﺪﺭﻱ ﻻ ﺑﺤﺮﻫﺎ ﻭﻻ ﺑﺒﺮﺩﻫﺎ
ﻋﻠﻴﻪ ﺑﺎﻟﺠﺎﻫﺰ .. ﻛﻞ ﺷﻲ ﺣﺎﺿﺮ ﻣﻦ ﻳﺮﻳﺪ
ﻳﻌﻨﻲ ﺍﻧﻲ ﺍﺗﻌﺐ ﻭﺯﻭﺟﻲ ﻳﻌﻴﺶ ﻋﻠﻰ ﺣﺴﺎﺑﻲ
ﻭﻻ ﻓﻮﻛﺎﻫﺎ ﺟﺎﺯﺍﻧﻲ ﺑﺎﻟﺨﻴﺎﻧﺔ
ﺟﻨﺖ ﻛﺎﻋﺪﺓ ﻳﻤﻬﺎ ﻋﺎﻟﺴﺮﻳﺮ
ﺑﺎﻭﻋﺖ ﻋﻠﻴﺔ ﺑﻀﻌﻒ
ﻭﺳﺤﺒﺖ ﻧﻔﺲ ﻋﻤﻴﻖ ﺑﺘﻌﺐ ﻭﺍﺗﻤﺪﺩﺕ ﻭﺣﻄﺖ ﺭﺍﺳﻬﺎ ﺑﺤﻈﻨﻲ ﻭﻛﺎﻟﺖ
.. ﺗﺪﺭﻳﻦ ﺷﻴﻤﺎﺀ ﺷﻨﻮ ﺍﺗﻤﻨﻰ
.. ﺷﻨﻮ ؟؟
.. ﺍﺗﻤﻨﻰ ﻳﺮﺟﻊ ﺑﻴﺔ ﺍﻟﺰﻣﻦ . ﻭﺍﻋﻴﺶ ﺣﻴﺎﺗﻲ
ﺣﺎﻟﻲ ﺣﺎﻝ ﺍﻱ ﺑﻨﻴﺔ . ﺍﻋﻴﺶ ﺣﻴﺎﺗﻲ ﻭﺍﺣﺐ
ﻭﺍﻧﺤﺐ ﻭﻣﺎ ﺍﻓﻜﺮ ﺑﻤﺴﺘﻘﺒﻠﻲ .
ﺍﺭﻳﺪ ﺍﺗﺰﻭﺝ ﺭﺟﺎﻝ ﻳﺤﻦ ﻋﻠﻴﺔ ﻭﻳﺤﺒﻨﻲ ﻟﻨﻔﺴﻲ
ﻭﻫﻮ ﺍﻟﻲ ﻳﺼﺮﻑ ﻋﻠﻴﺔ
ﺍﺭﻳﺪﻩ ﻛﻮﻥ ﺣﺮﻳﺺ ﻭﻳﻐﺎﺭ ﻋﻠﻴﺔ
ﺍﺭﻳﺪ ﻛﻮﻥ ﺍﺣﺲ ﺑﻀﻌﻔﻲ ﻣﻦ ﻳﺤﻀﻨﻲ ﺑﻴﻦ ﺍﻳﺪﻳﻪ
ﻫﺬﺍ ﻛﻠﻪ ﻣﺎ ﺣﺴﻴﺖ ﺑﻲ ﻭﻳﺔ ﺭﺍﻓﺪ
ﻛﺎﻥ ﺯﻭﺍﺟﻨﺎ . ﺍﻧﻲ ﻭﺭﺍﻓﺪ ﺯﻭﺍﺝ ﻋﻤﻠﻲ ﺑﺎﺭﺩ
ﻭﺍﻟﻠﻪ ﺍﺫﺍ ﺍﻛﻠﺞ ﻣﺮﺍﺕ ﺍﺣﺲ ﺑﺮﻭﺣﻲ ﺍﻧﻲ ﺍﻟﺮﺟﺎﻝ ﺑﻬﺬﺍ ﺍﻟﺒﻴﺖ
ﺗﻜﻮﻟﻴﻦ ﻫﺎﻱ ﺗﺒﺎﻟﻎ
ﻭﺍﻟﻠﻪ ﺷﻌﻮﺭ ﺟﺪﺍ ﺻﻌﺐ ﻣﻦ
ﺗﻮﺻﻞ ﺍﻟﻤﺮﺍﺀﺓ ﻟﻬﺎﻱ ﺍﻟﻤﺮﺣﻠﺔ
......
ﻻ ﻣﺮﻭﺓ ﺍﻧﺘﻲ ﻗﻮﻳﺔ
ﺍﻧﺘﻲ ﺑﻨﻴﺘﻲ ﻧﻔﺴﺞ ﻣﻦ ﻻﺷﻲﺀ
ﻟﺘﺨﻠﻴﻦ ﺧﻴﺎﻧﺔ ﺭﺍﻓﺪ ﺗﻜﺴﺮﺝ ﻭﺗﺤﻄﻢ ﻛﻞ ﺍﻟﻲ ﺑﻨﻴﺘﻴﻪ
ﻫﺪﻯ
ﺑﺪﻳﺖ ﺍﺗﺤﺮﻙ ﺑﻔﺮﺍﺷﻲ ﻭﺍﺗﻐﻤﻂ ﺑﺮﺍﺣﺘﻲ ﻭﺭﻣﺸﺖ ﻋﻴﻮﻧﻲ
ﻭﺑﺪﻳﺖ ﺍﺳﺘﻜﺸﻒ ﻣﻜﺎﻧﻲ
ﺷﻬﻜﺖ
ﻭﻛﻌﺪﺕ ﻣﺨﺘﺮﻋﺔ ﻫﺎﻱ ﺷﻨﻮ ﻟﻠﺤﻈﺎﺕ ﺟﻨﺖ ﻣﺴﺘﻐﺮﺑﺔ ﻣﻜﺎﻧﻲ ﻋﺎﻟﺴﺮﻳﺮ
ﺑﺲ ﺫﺍﻛﺮﺗﻲ ﺑﺴﺮﻋﺔ ﺑﺪﺕ ﺗﺴﺘﺮﺟﻊ ﺍﺣﺪﺍﺙ ﺍﻟﺒﺎﺭﺣﺔ
ﺍﺑﺘﺴﻤﺖ ﺑﺨﺠﻞ ﻭﺭﺟﻌﺖ ﺭﺍﺳﻲ ﻋﺎﻟﻤﺨﺪﺓ ﻭﺍﻟﻀﺤﻜﺔ ﺷﺎﻛﺔ ﺣﻠﻜﻲ
ﺍﺗﺤﺮﻛﺖ ﺣﺘﻰ ﺍﻋﺪﻝ ﺛﻮﺑﻲ ﺍﻭ ﺑﻘﺎﻳﺎ ﺍﻟﺜﻮﺏ
ﻋﺰﺯﺓ ﻫﺎﻱ ﺷﻨﻮ ﺻﺎﻳﺮﺓ ﻓﻠﻢ
ﻋﺒﺎﻟﻚ ﺳﻌﺎﺩ ﺭﺟﻌﺖ ﻣﺮﺓ ﺛﺎﻧﻴﺔ ﻣﺴﺤﺖ ﺑﻴﺔ ﺍﻟﻜﺎﻉ
ﺍﺑﺎﻭﻉ ﻋﻠﻴﻪ ﺷﻠﻮﻥ ﻧﺎﻳﻢ ﻣﺜﻞ ﺍﻟﺤﻤﺎﻣﺔ ﺍﻟﻮﺩﻳﻌﺔ
ﺍﻟﻲ ﻳﺸﻮﻑ ﺷﻜﻠﻪ ﻭﺑﺮﺍﺋﺘﻪ ﻭﻫﻮ ﻧﺎﻳﻢ ﻣﻴﻜﻮﻝ
ﻫﻮ ﻧﻔﺴﻪ ﻗﺎﺳﻢ ﺍﻟﻤﻐﻮﺍﺭ ﺍﻟﺒﺎﺭﺣﺔ ﺑﺎﻟﻠﻴﻞ
ﺍﺑﺘﺴﻤﺖ ﺑﺤﻨﺎﻥ
ﻳﻤﺎﺍﺍﺍﺍﻱ ﻗﺴﻮﻣﻲ ﺻﺎﺭ ﺣﻼﻟﻲ
ﺍﺗﺤﺮﻛﺖ ﻭﺍﻧﻴﺖ ﺑﺄﻟﻢ
ﺣﺴﻴﺖ ﺑﺄﻳﺪ ﻗﺎﺳﻢ ﺍﻟﺨﺸﻨﺔ ﺣﻮﻃﺘﻨﻲ
ﻭﺭﺟﻌﺘﻨﻲ ﻟﻤﻜﺎﻧﻲ ﻭﺻﺎﺭ ﻇﻬﺮﻱ ﻣﻼﺻﻖ ﻟﺼﺪﺭﻩ
ﻫﻤﺲ ﺑﺼﻮﺕ ﻧﻌﺴﺎﻥ
.. ﺷﻨﻮ ﻣﻮﺟﻮﻋﺔ
ﺟﺎﻭﺑﺘﻪ ﺧﺠﻼﻧﺔ ... ﺍﻣﻤﻤﻤﻢ
.. ﺍﻟﻴﻮﻡ ﺫﻛﺮﻳﻨﻲ ﺍﺧﺬﺝ ﻷﺧﺘﺞ ﻣﺮﻭﺓ ﻟﻠﻌﻴﺎﺩﺓ
ﺗﺠﻴﻜﺞ
ﻳﺒﻮﻭﻭﻭﻭﻭ ﺗﻌﺎﻟﻮﺍ ﺩﻭﺭﻭﻧﻲ ﻫﺬﺍ ﻣﺎ ﻋﻨﺪﻩ . ﺍﺑﺮﻳﻚ
ﻛﺒﻞ ﻳﺤﺠﻲ ﺑﺪﻭﻥ ﻣﻘﺪﻣﺎﺕ
ﻫﻤﺴﺖ ﺑﺼﻮﺕ ﻧﺎﺻﻲ ﻛﻮﺓ ﻳﻨﺴﻤﻊ
.. ﺍﻱ ﺍﻥ ﺷﺎﺀ ﺍﻟﻠﻪ . ﻫﺴﺔ ﻳﺎﻟﻠﻪ ﻛﻮﻡ
ﻫﻢ ﻳﺎﻟﻠﻪ ﺗﻐﻮﺡ ( ﺗﺮﻭﺡ ) ﻟﻠﺸﻐﻞ
ﺩﺍﺭﻧﻲ ﻋﻠﻴﻪ ﻭﺑﺎﻭﻉ ﺑﻌﻴﻮﻧﻲ ﻭﺿﺤﻚ ﺑﺸﻴﻄﻨﺔ
.. ﺷﻨﻮ ﺷﺒﻴﻚ ﻫﺎﺩﻱ ﺷﻨﻮ ﻧﺴﻴﺖ ﺍﻧﺎ ﺍﻟﺒﺎﺭﺣﺔ ﻋﺮﻳﺲ
ﻭﺍﻟﻴﻮﻡ ﺻﺒﺎﺣﻴﺔ ﻋﺮﺳﻲ
ﺩﻓﻌﺘﻪ ﻣﻦ ﺻﺪﺭﻩ
.. ﻫﺬﺍ ﺍﻟﺤﺠﻲ ﻛﻮﻟﻪ ﻟﺨﺎﻟﺔ ﻣﻦ ﺗﺠﻲ ﺗﻔﻠﺶ ﻋﻠﻴﻚ ﺍﻟﺒﺎﺏ ﺣﺘﻰ ﺗﻜﻌﺪﻙ
ﺍﺗﺤﺮﻛﺖ ﺣﺘﻰ ﺍﺑﺘﻌﺪ
ﺭﺟﻊ ﻟﻤﻨﻲ ﻟﺤﻀﻨﻪ ﻣﺮﺓ ﺛﺎﻧﻴﺔ ﺑﻜﻞ ﺳﻬﻮﻟﺔ
.. ﺗﻌﺎﻟﻲ ﺑﻌﺪ ﻭﻛﺖ ﻭﻳﻦ ﺭﺍﻳﺤﺔ
ﺧﻠﻲ ﺍﺣﺠﻲ ﻭﻳﺎﺝ
ﻟﺰﻣﻨﻲ ﻣﻦ ﺯﻧﺪﻱ ﻭﻋﻄﺖ ﺑﺼﻮﺕ ﻣﻮﺟﻮﻋﺔ
ﻧﺰﻝ ﺍﻟﻐﻄﺎ ﻭﺑﺎﻭﻉ ﻟﺰﻧﺪﻱ ﻭﺷﺎﻑ ﺍﺛﺮ ﺍﺯﺭﻙ
ﺣﺠﺔ ﻣﺘﻔﺎﺟﻲﺀ .. ﻫﺎﻱ ﺷﻨﻮ ﻣﻨﻮ ﻣﺴﻮﻱ ﺑﻴﺞ ﻫﻴﺞ
ﻻ ﺗﻜﻮﻟﻴﻦ ﺍﻧﺎ .
ﻋﺒﺴﺖ ﻭﺟﻬﻲ
.. ﺍﺍﺍﺥ ﻳﻤﺔ ﺟﺴﻤﻲ ﻛﻠﻪ ﻣﻜﺴﻎ ( ﻣﻜﺴﺮ ) ﻭﺍﻟﻠﻪ ﺿﺎﻋﺖ ﻋﻠﻴﺔ ﺍﻟﺴﺎﻟﻔﺔ
ﻭﻣﺎ ﺍﻋﻐﻒ ( ﻣﺎﺍﻋﺮﻑ ) ﻣﻨﻮ ﺍﻟﺴﻮﺓ ﺑﻴﺔ ﻫﻴﺞ ﺍﻧﺖ ﻣﺎ ﺍﺩﻏﻲ ( ﺍﺩﺭﻱ ) ﺳﻌﺎﺩ
ﺍﺷﻮ ﺍﻧﺘﻮﺍ ﺍﺛﻨﻴﻨﻜﻢ ﺍﻟﺒﺎﻏﺤﺔ ( ﺍﻟﺒﺎﺭﺣﺔ ) ﺟﺎﻥ ﻋﺪﻛﻢ ﻭﺍﺟﺐ ﺗﻔﺼﻴﺦ
ﻭﺍﻧﻲ ﺍﻟﻀﺤﻴﺔ ﺍﻟﻲ ﻭﻛﻌﺖ ﺑﻴﺪﻛﻢ ﻓﺼﺨﺘﻮﻧﻲ
ﺍﺑﺎﻭﻉ ﻋﻠﻴﻪ ﻳﻀﺤﻚ
.. ﺷﻜﻮ ﻟﻴﺶ ﺗﻀﺤﻚ
.. ﺗﺮﺩﻳﻦ ﺍﻟﺼﺪﻙ ﻭﺍﻟﻠﻪ ﺍﻟﺒﺎﺭﺣﺔ ﻛﺴﺮﺗﻲ ﺧﺎﻃﺮﻱ
ﺟﻨﺞ ﻛﺘﻜﻮﺕ ﻳﺮﺟﻒ ﺟﻮﺓ ﺍﻳﺪﻱ ﻣﻦ ﺍﻟﺨﻮﻑ
ﻭﺍﻟﻠﻪ ﻋﺒﺎﻟﻚ ﻋﺘﻮﻱ ﻻﺯﻣﺞ ﻭﺭﺍﺡ ﻳﻔﺘﺮﺳﺞ
ﺩﻧﻜﺖ ﺧﺠﻼﻧﺔ ﻭﻛﻮﺓ ﻻﺯﻣﺔ ﺣﻠﻜﻲ ﻣﻦ ﺍﻟﻤﺴﺘﺤﺔ
.. ﻛﺎﺍﺍﺍﺍﻓﻲ ﻋﺎﺩ ﻭﺍﻟﻠﻪ ﺍﺳﺘﺤﻲ
.. ﺧﺎﺍﺍﺍﺍﺍﺏ ﺷﻮﻑ ﻣﻨﻮ ﻳﺤﺠﻲ ﻋﻠﻰ ﺍﻟﻤﺴﺘﺤﺔ
ﺑﺎﺑﺎ ﻳﻌﺪ ﺍﻧﺘﻲ ﺻﺮﺗﻲ ﻣﺮﺗﻲ
ﻭﺍﺗﻌﺪﻳﺘﻲ ﻫﺎﻱ ﺍﻟﻤﺮﺣﻠﺔ
ﺍﻧﺎ ﺻﺮﺕ ﺳﺘﺮﺝ ﻭﻏﻄﺎﺝ
......
ﻭﻋﻠﻰ ﻃﺎﺭﻱ ﺍﻟﺴﺘﺮ
ﻫﺬﺍ ﺍﻟﺜﻮﺏ ﺍﻟﺒﺎﺭﺣﺔ ﻫﻮﺍﻱ ﺿﺎﻳﻘﻨﻲ
.. ﺷﻨﻮ ﻟﻴﺶ ﺷﺒﻲ
ﺟﻨﺖ ﺍﺣﺠﻲ ﻭﺍﺑﺎﻭﻉ ﻋﻠﻰ ﺛﻮﺑﻲ ﺍﻟﻔﺎﻧﻴﻼ
.. ﻳﻌﻨﻲ ﻛﺎﺗﻢ ﻋﻠﻴﻨﺎ ﻭﺣﺮﻣﻨﺎ ﻣﻦ ﺷﻢ ﺍﻟﻬﻮﻯ
ﻣﺎ ﺍﻭﺻﻴﺞ ﺍﻟﻴﻮﻡ ﻟﺒﺴﻴﻠﻲ ﺷﻲ
ﻳﺨﻠﻴﻨﺎ ﻧﺸﻮﻑ ﺭﺣﻤﺔ ﺍﻟﻠﻪ
ﻳﺒﻮﻭﻭﻭ ﻫﺬﺍ ﻫﻮﺍﻱ ﻋﻠﻴﺔ ﻭﺍﻟﻠﻪ
.. ﻻ ﻋﻔﻴﺔ ﻗﺎﺳﻢ ﻋﻠﻰ ﻛﻴﻔﻚ ﻭﻳﺎﻱ ﻭﺣﺪﺓ ﻭﺣﺪﺓ
ﺗﻐﺔ ( ﺗﺮﺓ ) ﺍﻧﻲ ﺑﻌﺪﻧﻲ ﻛﺘﻜﻮﺕ ﺻﻐﻴﻎ ( ﺻﻐﻴﺮ )
ﻭﻫﺬﺍ ﻛﻼﻣﻚ ﻳﺨﻐﺐ ﺑﻐﺎﺋﺘﻲ ( ﻳﺨﺮﺏ ﺑﺮﺍﺋﺘﻲ )
ﺳﺤﺒﺖ ﻧﻔﺴﻲ ﺑﺎﻟﻜﻮﺓ ﻣﻦ ﺑﻴﻦ ﺍﻳﺪﻳﻪ
ﻭﺭﺣﺖ ﺩﺧﻠﺖ ﻟﻠﺤﻤﺎﻡ .
ﺍﺳﻤﻌﻪ ﻳﻜﻮﻝ
.. ﻭﺍﻟﻠﻪ ﺍﻃﻠﻊ ﻋﻴﻨﺞ ﺑﺲ ﺍﺻﺒﺮﻳﻠﻲ
ﺩﺧﻠﺖ ﺳﺒﺤﺖ ﻭﺑﻌﺪ ﻓﺘﺮﺓ
ﻃﻠﻌﺖ ﻣﻦ ﺍﻟﺤﻤﺎﻡ ﻟﻜﻴﺘﻪ . ﺭﺍﺟﻊ ﻧﺎﻳﻢ
ﻳﺒﻮﻭﻭ ﻫﺬﺍ ﺷﻠﻮﻥ ﺑﻲ
.. ﻟﻚ ﻗﺎﺳﻢ ﺍﻛﻌﺪ
ﺣﺠﺔ ﻭﺭﺍﺳﻪ ﺟﻮﺓ ﺍﻟﻤﺨﺪﺓ
.. ﺟﻨﻴﺔ . ﻋﻮﻓﻴﻨﻲ ﺷﻮﻳﺔ ﺍﻧﺎﻡ ﻭﺍﻟﻠﻪ ﺗﻌﺒﺎﻥ
.. ﺷﺒﻴﻚ ﺗﻌﺒﺎﻥ .
.. ﺟﻨﺖ ﺍﻗﻮﻡ ﺑﻮﺍﺟﺒﻲ ﺍﻟﻤﻘﺪﺱ ﻭﺣﺮﺭﺕ ﺑﻼﺩ ﺍﻻﻧﺪﻟﺲ
.. ﺷﻌﻨﺪﻩ ﻗﺎﺳﻢ ﺑﻦ ﺯﻳﺎﺩ
ﻓﺰ ﻣﻦ ﻣﻜﺎﻧﻪ ﻭﺯﻣﺦ ﺑﻴﺔ
.. ﻭﻟﺞ ﻫﺎﻱ ﻋﻠﻴﻤﻦ ﺗﺼﻨﻔﻴﻦ
.
ﺧﺰﺭﻧﻲ ﻭﻛﺎﻡ ﻣﻦ ﺍﻟﺴﺮﻳﺮ
ﻋﺰﺯﺯﺓ ﻛﺎﻡ ﻋﻠﻴﻨﺎ ﻫﺮﻗﻞ
ﻭﺍﻧﻲ ﻛﺒﻞ ﻃﻜﻴﺘﻬﺎ ﺭﻛﻀﺔ ﻭﻃﻠﻌﺖ ﻣﻦ ﺍﻟﻐﺮﻓﺔ
ﺍﻧﻬﺰﻣﺖ ﺑﺮﻭﺣﻲ ﺍﻟﻌﺰﻳﺰﺓ
ﻧﺰﻟﺖ ﺟﻮﺓ ﻭﻟﻜﻴﺖ ﺧﺎﻟﺘﻲ ﻛﺎﻋﺪ ﻭﺣﺎﻃﺔ ﺍﻟﻘﻮﺭﻱ ﻋﻠﻰ ﺍﻟﻨﺎﺭ
ﺻﺒﺤﺖ ﻋﻠﻴﻬﺎ
.. ﻫﻠﺔ . ﺻﺒﺎﺡ ﺍﻟﻨﻮﺭ ﻫﺎ ﺭﺟﻠﺞ ﻛﻌﺪ ﻟﻮ ﺑﻌﺪﻩ
.. ﺍﻱ ﺧﺎﻟﺔ ﻛﻌﺪ ﻫﺴﺔ ﻳﻨﺰﻝ
ﺩﺧﻠﺖ ﻫﺪﻳﻞ ﻭﻋﺎﻗﺠﺔ ﺍﻟﻮﺟﻪ ﻭﺑﻴﺪﻫﺎ ﺍﻟﺒﺮﺩﺍﺕ
ﻭﺗﻨﺎﻓﺦ ﻭﺭﺍﺣﺖ ﻟﻐﺮﻓﺔ ﺍﻟﻠﻮﻧﺪﺭﻱ ﻓﺘﺤﺖ ﺍﻟﻐﺴﺎﻟﺔ
ﻭﺗﻨﺎﻓﺦ ﻭﺗﺪﺭﺩﻡ
ﻭﺭﺍﻫﺎ ﺩﺧﻠﺖ ﻫﺎﻟﺔ ﻭﺍﻟﻮﺟﻪ ﻳﺨﺘﻠﻒ ﺗﻤﺎﻣﺎً ﻋﻦ ﺍﺧﺘﻬﺎ
ﺻﺒﺤﺖ ﻋﻠﻴﺔ ﺭﻓﻌﺖ ﺣﺎﺟﺒﻲ ﻭﺳﻠﻤﺖ ﻋﻠﻴﻬﺎ ﺑﺼﻮﺕ
ﺛﻘﻴﻞ
ﻋﻘﺪﺕ ﺣﻮﺍﺟﺒﻬﺎ
ﺟﺎﻧﺖ ﺣﻮﺍﺟﺒﻨﺎ ﺟﻬﺎﺯ ﺍﻻﺭﺳﺎﻝ ﺑﻴﻨﻲ ﻭﺑﻴﻨﻬﺎ ﻧﺘﻔﺎﻫﻢ ﺑﻴﻬﺎ
ﻭﻛﻌﺪﺕ ﻳﻤﻲ ﻋﻠﻰ ﻣﻴﺰ ﺍﻟﻄﻌﺎﻡ ﻭﻣﺎﻟﺖ
.. ﺷﻨﻮ . ﺷﺒﻴﺞ ﻟﻴﺶ ﻋﺎﻓﺴﺔ ﺍﻟﻮﺟﻪ .
ﺭﻓﻌﺖ ﺭﺍﺳﻲ ﻟﻜﻴﺖ ﺧﺎﻟﺔ ﻭﺍﻛﻔﺔ ﻋﺎﻟﻄﺒﺎﺥ ﺩﺗﻜﻠﻲ ﺑﻴﺾ ﻭﺑﺼﻞ .
ﺭﺟﻌﺖ ﺑﺎﻭﻋﺖ ﻟﻬﺎﻟﺔ ﻭﺿﺮﺑﺘﻬﺎ ﻋﻠﻰ ﻛﺘﻔﻬﺎ
.. ﺍﻣﺸﻲ ﻭﻟﻲ ﺑﻮﺧﺔ . ﺍﻧﻲ ﻣﺎ ﺍﺣﺠﻲ ﻭﻳﺎﺝ
ﺯﻋﻼﻧﺔ
ﻫﺎﻟﺔ .. ﻟﻴﺶ ﺯﻋﻼﻧﺔ ﺍﻧﻲ ﺷﻨﻮ ﻣﺴﻮﻳﺘﻠﺞ
.. ﻟﺞ ﻋﻮﺑﺔ ﺍﻟﺒﻐﺤﺔ ( ﺍﻟﺒﺎﺭﺣﺔ ) ﻛﺪﺍﻣﺞ ﺍﻧﻜﺘﻞ ﻭﺍﻧﺘﻲ
ﺍﺑﺪ ﻭﻻ ﺍﺗﺤﻐﻜﺘﻲ ( ﺍﺗﺤﺮﻛﺘﻲ ) ﻭﻓﺰﻋﺘﻴﻠﻲ
ﺑﺎﻟﻠﻪ ﻫﺪﻳﻞ ﻣﻌﺬﻭﻏﺔ ( ﻣﻌﺬﻭﺭﺓ ) ﺗﻀﻮﺝ ﻣﻨﻲ
ﺑﺲ ﺍﻧﺘﻲ ﺻﺪﻳﻘﺘﻲ ﻣﺎﺷﺎﺀﺍﻟﻠﻪ ﺑﻠﻴﺔ ﺣﺴﺪ ﺷﻨﻮ ﻋﺬﻏﺞ ( ﻋﺬﺭﺝ )
ﻫﺎﻟﺔ .. ﻳﻮﻡ ﻻ ﻳﻨﻔﻊ ﻻ ﻣﺎﻻً ﻭﻻ ﺑﻨﻮﻥ
ﻳﺎﺑﺔ ﻭﺍﻟﻠﻪ ﺍﺧﺎﻑ ﻣﻦ ﺍﻟﻌﻨﻒ
ﺷﺒﻴﺞ ﻫﺪﻯ ﻧﺴﻴﺘﻲ ﻣﻦ ﺟﻨﺎ ﺻﻐﺎﺭ ﻭﺗﻀﺮﺑﻴﻨﻲ ﻭﻣﺘﻠﻌﺒﻴﻨﻲ
ﺍﺭﻭﺡ ﺍﺟﻴﺐ ﻗﺎﺳﻢ ﻋﻠﻴﺞ ﻭﻳﺠﺮﺝ ﻣﻦ ﻇﻔﺎﻳﺮﺝ
.....
ﺍﺑﺎﻭﻉ ﻟﺨﺎﻟﺔ . ﻓﺘﺤﺖ ﺑﺎﺏ ﺍﻟﻤﻄﺒﺦ ﻭﻃﻠﻌﺖ ﻟﻠﻜﺮﺍﺝ
ﻭﺍﻧﻲ ﺍﺳﺘﻐﻠﻴﺖ ﺍﻟﻔﺮﺻﺔ
ﻭﻟﺰﻣﺖ ﻫﺎﻟﻪ ﻣﻦ ﺷﻌﺮﻫﺎ ﻭﻧﺰﻟﺖ ﻋﻠﻴﻬﺎ ﺑﺎﻟﻌﺾ ﻣﻦ ﺯﻧﺪﻫﺎ
ﻫﻲ ﺟﺎﻧﺖ ﻛﺎﻋﺪﺓ ﻋﺎﻟﻜﺮﺳﻲ ﻭﺍﻧﻲ ﻓﻮﻛﻬﺎ
ﻫﺎﻟﺔ ﺗﺮﻳﺪ ﺗﺼﺪ ﺍﻟﻬﺠﻤﺔ ﺍﻟﻤﻔﺎﺟﺌﺔ
.. ﺍﺥ .. ﺍﺍﺍﺥ .. ﺍﺥ ﺷﻌﺮﻱ ﻋﻮﺑﺔ ﺍﺍﺍﺥ ﺍﻳﺪﻱ .. ﺍﻳﺪﻱ
ﻳﻤﺎﺍﺍﺍﺍﺍﺍﺍﺍ ﻟﺤﻜﻲ ﻋﻠﻲ
.. ﻟﺞ ﺻﺪﻙ ﺷﻠﻮﻥ ﺟﻨﺘﻲ ﺗﺠﻴﺒﻴﻦ ﺍﺧﻮﺝ ﻋﻠﻴﺔ ﻭﻳﺠﻐﻨﻲ ( ﻳﺠﺮﻧﻲ ) ﻣﻦ ﻛﺼﻴﺒﺘﻲ
ﻭﻳﺨﻠﻴﻨﻲ ﻏﺼﺐ ﻋﻨﻲ ﺍﻟﻌﺒﺞ
ﻣﻨﺪﻣﺠﺔ ﺍﺗﻌﺎﺭﻙ ﻭﻳﺔ ﻫﺎﻟﺔ
ﻭﺟﺎﻥ ﻳﺪﺧﻞ ﻗﺎﺳﻢ ﻟﻠﻤﻄﺒﺦ ﻭﻳﻔﺎﺟﺌﻨﺎ
ﻣﺠﺮﺩ ﻣﺴﻤﻌﺖ ﺻﻮﺗﻪ ﻛﺒﻞ ﺑﺪﻟﺖ
ﺍﻟﻮﺿﻮﻋﻴﺔ ﻭﻫﺪﻳﺖ ﺷﻌﺮ ﻫﺎﻟﺔ
ﻭﻋﺪﻟﺖ ﻛﻮﺷﺘﻬﺎ ﺑﻠﻄﻒ ﻭﺣﻨﺎﻥ . ﻭﺗﺤﻮﻟﺖ ﺍﻟﻌﻀﺎﺕ
ﺑﻘﺪﺭﺕ ﻗﺎﺩﺭ ﺍﻟﻰ ﺑﻮﺳﺎﺕ
ﺳﺤﺐ ﺍﻟﻜﺮﺳﻲ ﻭﻛﻌﺪ ﻋﺎﻟﻤﻴﺰ
ﻭﻫﻮ ﻣﻀﻴﻚ ﻋﻴﻮﻧﻪ ﻭﻳﺒﺎﻭﻉ ﻋﻠﻴﻨﺎ ﺑﺸﻚ
ﻫﺎﻟﺔ ﺗﻔﺮﻙ ﺑﺰﻧﺪﻫﺎ ﻭﻫﻤﺴﺖ
.. ﻋﻮﺑﺔ ﻭﺍﻟﻠﻪ ﻋﻮﺑﺔ ﺷﺎﻓﺖ ﻗﺎﺳﻢ ﻭﺑﺪﻟﺖ ﺍﻟﻤﻮﺟﺔ
ﺍﻧﺎ ﺍﻟﺞ ﺑﺴﻴﻄﺔ ﺍﺍﺍﺥ ﻳﻤﺔ ﺯﻧﺪﻱ
ﺭﻓﻊ ﺭﺍﺳﻪ ﻣﻦ ﻧﻘﺎﻟﻪ ﻭﺳﺄﻝ .. ﻻﺗﻜﻮﻟﻴﻦ ﺍﻧﺘﻲ ﻫﻤﻴﻦ
ﺳﻌﺎﺩ ﺳﺎﺣﻠﺘﺞ ﻭﺍﻧﺎ ﻣﺎ ﺍﺩﺭﻱ
ﻛﻤﺖ ﻣﻦ ﻣﻜﺎﻧﻲ ﻭﺣﻀﺮﺕ ﺍﻻﺳﺘﻜﺎﻳﻦ ﺣﺘﻰ ﺍﺻﺐ ﺍﻟﺠﺎﻱ
ﻫﺎﻟﺔ .. ﻻﻻ ﻣﻮ ﺳﻌﺎﺩ ﻫﺎﻱ ﺷﺴﻤﻬﺎ
ﻭﺗﺒﺎﻭﻉ ﻋﻠﻴﺔ
ﺟﻨﺖ ﻭﺍﻛﻔﺔ ﻭﺭﺓ ﻛﺮﺳﻲ ﻗﺎﺳﻢ ﺍﺷﺮﺗﻠﻬﺎ ﻋﻠﻰ ﺭﻛﺒﺘﻲ
ﺑﺤﺮﻛﺔ ﺍﻟﺬﺑﺢ ( ﺍﺫﺑﺤﺞ ﺍﺫﺍ ﺣﺠﻴﺘﻲ )
.. ﻻ ﻫﻴﺞ ﺍﻧﻀﺮﺑﺖ ﺑﺎﻟﺒﺎﺏ ﻣﻦ ﺩﺍ ﺍﻧﺰﻝ ﺟﻮﺓ
ﺩﺧﻠﺖ ﺍﻡ ﻗﺎﺳﻢ ﻭﺑﻴﺪﻫﺎ . ﻋﻼﻛﺔ ﺍﻟﺼﻤﻮﻥ ﺍﻟﺤﺎﺭ
ﺍﺣﻨﺎ ﻣﺘﻌﻮﺩﻳﻦ ﻛﻞ ﻳﻮﻡ ﺍﻟﻌﻢ ﺣﺴﻨﻴﻦ ﻳﺸﺘﺮﻱ ﺍﻟﺼﻤﻮﻥ ﻣﻦ ﺍﻟﺼﺒﺢ ﻭﺍﻡ ﻗﺎﺳﻢ ﺗﻄﻠﻊ ﺗﺎﺧﺬﻩ ﻣﻨﻪ
ﺣﻄﻴﺖ ﺍﺳﺘﻜﺎﻥ ﺍﻟﺠﺎﻱ ﻛﺪﺍﻡ ﻗﺎﺳﻢ ﻭﺭﺣﺖ
ﺍﻛﻤﻞ ﺍﺣﻂ ﺍﻟﺮﻳﻮﻙ ﻋﻠﻰ ﺍﻟﻤﻴﺰ
ﻭﺧﺎﻟﺔ ﻛﻌﺪﺕ ﻛﺪﺍﻡ ﻗﺎﺳﻢ ﻭﺍﺧﺬﺕ ﺍﺳﺘﻜﺎﻥ ﺍﻟﺠﺎﻱ
ﻭﺑﺪﺕ ﺗﺸﺮﺏ
ﻗﺎﺳﻢ .. ﺻﺒﺎﺡ ﺍﻟﺨﻴﺮ ﻳﻤﺔ
ﺍﻧﺘﺒﻬﺖ ﻟﺨﺎﻟﺔ ﺟﻤﺪﺕ ﺍﻳﺪﻫﺎ
ﻭﺑﻘﺖ ﺭﺍﻓﻌﺔ ﺍﺳﺘﻜﺎﻥ ﺍﻟﺠﺎﻱ ﻋﺎﻟﻨﺺ
ﺟﺎﻧﺖ ﺗﺒﺎﻭﻉ ﻟﻘﺎﺳﻢ ﻣﺘﻔﺎﺟﺌﺔ
ﺭﺣﺖ ﻛﻌﺪﺕ ﺑﻴﻨﻪ ﻭﺑﻴﻦ ﻫﺎﻟﺔ
ﻫﺎﻟﺔ .. ﻟﺞ ﻫﺪﻭﺓ ﺳﻤﻌﺘﻲ ﺍﻟﻲ ﺍﻧﻲ ﺳﻤﻌﺘﻪ
.. ﺷﻨﻮ ﺍﻟﻲ ﺳﻤﻌﺘﻴﻪ
.. ﻟﺞ ﻗﺎﺳﻢ ﻛﺎﻝ ﻻﻣﻲ ﺻﺒﺎﺡ ﺍﻟﺨﻴﺮ ﻳﻤﺔ
ﺍﻟﺘﻔﺘﺖ ﻋﻠﻴﺔ ﻟﻜﻴﺘﻪ ﻣﺪﻧﻚ ﻋﺎﻟﺮﻳﻮﻙ ﻭﺩﻳﺎﻛﻞ
ﺭﺟﻌﺖ ﺍﺑﺎﻭﻉ ﻟﺨﺎﻟﺔ
ﻟﻜﻴﺘﻬﺎ ﺍﻟﻌﻴﻮﻥ ﺑﻴﻬﺎ ﻧﻈﺮﺓ ﻏﺮﻳﺒﺔ ﻭﻛﺎﻟﺖ
.. ﺻﺒﺎﺡ ﺍﻟﻨﻮﺭ ﻳﻤﺔ ﻗﺎﺳﻢ
ﺣﺠﻴﺖ ﺑﺼﻮﺕ ﻧﺎﺻﻲ
.. ﻟﻴﺶ ﻫﻤﺔ ﺷﺒﻴﻬﻢ ﺍﺧﻮﺝ ﻭﺍﻣﺞ
.. ﻟﺞ ﻏﻴﺮ ﻗﺎﺳﻢ ﻣﻦ ﻳﻮﻡ ﺍﻟﺼﺎﺭ ﻭﺍﻣﻲ
ﺍﺗﻌﺎﺭﻛﺖ ﻭﻳﺎﻩ ﻋﻠﻤﻮﺩ ﺍﻟﺰﻭﺍﺝ ﻭﻫﻮ ﺯﻋﻞ
ﻭﻣﻦ ﺫﺍﻙ ﺍﻟﻴﻮﻡ ﺑﻄﻞ ﻛﻠﻤﺔ ﻳﻤﺔ . ﻭﺻﺎﺭ ﻣﻴﻜﻌﺪ ﻭﻳﺎﻫﺎ ﻣﺜﻞ ﻗﺒﻞ
ﻋﻠﻴﺞ ﺍﻟﻠﻪ ﻛﻮﻟﻲ ﺷﻨﻮ ﺍﻟﺼﺎﺭ ﺍﺧﻮﻱ ﺷﺒﻲ ﺷﺴﻮﻳﺘﻴﻠﻪ
......
ﺟﺎﻧﺖ ﺗﺤﺠﻲ ﻭﺍﻧﻲ ﺍﺗﺮﻳﻚ
ﺑﺎﻭﻋﺖ ﻋﻠﻴﻪ ﻭﺭﻓﻊ ﺭﺍﺳﻪ ﻭﺍﺟﺘﻲ ﻋﻴﻨﻲ ﺑﻌﻴﻨﻪ
ﻭﺍﻧﻲ ﻓﺼﻠﺖ ﻭﺻﺮﺕ ﺍﻭﺯﻉ ﺍﺑﺘﺴﺎﻣﺎﺕ .
ﻭﻫﺎﻟﺔ ﻣﺴﺘﻤﺮﺓ ﺗﺤﺠﻲ ﻭﺍﻧﻲ ﺑﺎﻟﻲ ﻣﻮ ﻳﻤﻬﺎ
ﺩﻧﻚ ﺭﺍﺳﻪ ﻭﻛﺎﻝ .. ﻋﻴﻮﻧﺞ ﻓﻀﺤﺘﻨﺎ .
ﺟﺎﻥ ﻳﺤﺠﻲ
ﻭﺣﺴﻴﺖ ﻋﻠﻰ ﺣﺮﻛﺔ ﺟﻮﺓ ﺍﻟﻤﻴﺰ
ﻭﻣﺎ ﺍﺣﺲ ﺍﻻ ﺭﺟﻠﻪ ﺩﺧﻠﺖ ﺑﻴﻦ ﺭﺟﻠﻴﺔ
ﻭﻫﻮ ﻳﺒﺎﻭﻉ ﻋﻠﻴﺔ ﺑﻨﻈﺮﺍﺕ ﻭﻛﺤﺔ
ﻏﺼﻴﺖ ﺑﺎﻻﻛﻞ
ﻫﺎﻟﺔ ﺗﺤﺠﻲ .. ﺳﻢ ﺣﺘﻰ ﺳﻢ .
ﺿﺮﺑﺖ ﻋﻠﻰ ﺻﺪﺭﻱ ﺑﻴﺪﻱ . ﻭﻫﺎﻟﺔ ﻭﺍﻧﻄﺘﻨﻲ ﻛﻼﺹ ﺍﻟﻤﺎﻱ
ﺍﺧﺬﺗﻪ ﻭﺷﺮﺑﺘﻪ ﻭﺍﻧﻲ ﺍﻫﻔﻲ ﺑﻜﻒ ﺍﻳﺪﻱ ﻋﻠﻰ ﻭﺟﻬﻲ
ﺍﻟﻨﺎﺭ ﻣﺎ ﺍﻋﺮﻑ ﻫﻲ ﺻﺎﺭﺕ ﺣﺎﺭﺓ
ﻟﻮ ﺍﻟﻤﺼﻴﺒﺔ ﺍﻟﻴﻤﻲ ﺳﻮﺍﻫﺎ ﻧﺎﺭ
ﻛﺎﻡ ﻣﻦ ﻣﻜﺎﻧﻪ ﻭﻛﺎﻝ ﺍﻟﺤﻤﺪﻟﻠﻪ
ﻭﺑﺎﻭﻉ ﻻﻣﻪ
.. ﺍﻛﻮﻝ ﻳﻤﺔ ﻣﻮ ﺗﻨﺴﻴﻦ ﺗﻜﻌﺪﻳﻦ ﻫﺸﺎﻡ
ﺍﻟﺴﺎﻋﺔ ﺏ١١ﻳﺠﻴﻨﻲ ﺍﺣﺘﺎﺟﻪ
.. ﺍﻥ ﺷﺎﺀ ﺍﻟﻠﻪ ﺍﻛﻮﻝ ﻳﻤﺔ ﻗﺎﺳﻢ ﻗﺒﻞ ﻻ ﺗﺮﻭﺡ
ﻛﻠﺖ ﻟﻤﺮﺗﻚ ﻋﺎﻟﻤﻮﺿﻮﻉ ﻟﻮ ﺍﻧﻲ ﺍﻛﻠﻠﻬﺎ
.. ﺍﻫﻮﻭﻭ ﻭﺍﻟﻠﻪ ﺍﻟﺒﺎﺭﺣﺔ ﻧﺴﻴﺖ
ﺍﻛﻠﻠﻬﺎ .
.. ﺷﺒﻴﻚ ﻳﺎﺣﻈﻲ ﺑﻴﻤﻦ ﺩﺍﻳﺦ . ﺷﺤﺎﻝ ﻟﻮﻣﺎ ﺍﺧﻮﻙ ﺍﻟﺒﺎﺭﺣﺔ
ﺍﻧﻀﺮﺏ ﻛﺪﺍﻣﻚ ﻭﺻﺎﺭﺕ ﻋﺮﻛﺔ
ﺍﻟﻠﻪ ﻋﻠﻴﻚ ﻫﺬﺍ ﻛﻠﻪ ﻭﺗﻜﻮﻝ ﻧﺴﻴﺖ
ﺍﺑﺘﺴﻢ . .. ﻳﺎﻟﻠﻪ ﻣﺼﺎﺭ ﺷﻲ ﺍﻧﺘﻲ ﻛﻠﻴﻠﻬﺎ
ﻫﻤﺔ ﻳﺤﺠﻮﻥ ﻭﺍﻧﻲ ﺩﺍﻳﺨﺔ ﺑﺸﻨﻮ ﺩﻳﺤﺠﻮﻥ ﻭﺷﻨﻮ ﻳﻜﻠﻮﻟﻲ
ﻃﻠﻊ ﻗﺎﺳﻢ
ﻭﺻﺎﺣﺘﻨﻲ ﺧﺎﻟﺔ ﻭﻛﺎﻟﺖ
.. ﻫﺪﻯ ﺧﺎﻟﺔ ﺗﻌﺎﻱ ﺍﺭﻳﺪ ﺍﺣﺠﻲ ﻭﻳﺎﺝ ﺑﻤﻮﺿﻮﻉ
ﺭﺣﺖ ﻛﻤﺖ ﻭﺭﺍﻫﺎ
ﻭﺍﻧﻲ ﺍﺑﺎﻭﻉ ﻟﻬﺎﻟﺔ .
ﻛﻌﺪﺕ ﺑﺎﻟﻬﻮﻝ ﻭﺭﺣﺖ ﻛﻌﺪﺕ ﻳﻤﻬﺎ
ﻭﻛﺎﻟﺖ
.. ﺷﻮﻓﻲ ﺧﺎﻟﺔ ﻫﺪﻯ
ﺍﻟﺒﺎﺭﺣﺔ ﻫﺸﺎﻡ ﻓﺎﺗﺤﻨﻲ ﺑﻤﻮﺿﻮﻉ ﺧﻄﻮﺑﺘﻪ
ﻭﻛﺎﻝ ﻳﻤﺔ ﺍﺭﻳﺪﺝ ﺗﺨﻄﺒﻴﻠﻲ ﺍﺧﺖ ﻫﺪﻯ ﺍﻟﺼﻐﻴﺮﺓ
ﺑﺎﻟﺤﻘﻴﻘﺔ ﺍﻧﻲ ﻣﺎ ﺍﺗﻔﺎﺟﺌﺖ ﺑﻄﻠﺒﻪ
ﻻﻥ ﺍﺑﻨﻲ ﻣﻦ ﻳﻮﻡ ﻋﺮﺱ ﺍﺧﻮﻩ ﻭﻫﻮ ﻳﺤﻮﻡ ﻓﻮﻙ ﺭﺍﺱ ﺍﺧﺘﻪ ﻳﺴﺄﻝ ﻋﻨﻬﺎ .
ﻭﻛﻠﻲ ﻳﻤﺔ ﻛﻮﻟﻲ ﻟﻬﺪﻯ ﺗﺴﺎﻟﻬﺎ ﺍﺫﺍ ﺗﻘﺒﻞ ﺑﻴﺔ
ﻓﺨﺎﻟﺔ ﺍﺭﻳﺪ ﻣﻨﺞ ﺗﻜﻌﺪﻳﻦ ﻭﻳﺔ ﺧﻮﺍﺗﺞ ﺍﻟﻜﺒﺎﺭ
ﻭﺗﻜﻌﺪﻳﻦ ﻭﻳﺎﻫﺎ ﻭﺗﺴﺄﻟﻴﻬﺎ . ﻭﺍﺫﺍ ﺻﺎﺭﺕ ﺍﻟﻤﻮﺍﻓﻘﺔ ﻗﺎﺳﻢ
ﻳﺤﺠﻲ ﻭﻳﺔ ﺍﺑﻮﻛﻢ . ﻭﻧﺘﻔﻖ ﻋﺎﻟﺨﻄﻮﺑﺔ
ﻭﺍﻧﺎ ﺑﻌﺪ ﻣﺎ ﻳﺤﺘﺎﺝ ﺍﻛﻠﺞ ﻣﻨﻮ ﻫﻮ ﻫﺸﺎﻡ ﻭﺷﻨﻮ ﺍﺧﻼﻗﻪ
ﺑﻌﺪ ﺍﻧﺘﻲ ﻋﺸﺘﻲ ﻭﻳﺎﻩ ﻭﻋﺮﻓﺘﻲ ﻃﺒﻌﻪ ﻭﺍﺧﻼﻗﻪ
ﺧﺎﻟﺔ ﺗﺤﺠﻲ ﻭﺍﻧﻲ ﺍﺑﺎﻭﻉ ﻋﻠﻴﻬﺎ ﻣﺼﻔﺼﻔﺔ ﻣﻤﺼﺪﻛﺔ
ﻣﻌﻘﻮﻟﺔ ﺩﻳﺤﺠﻮﻥ ﻋﻠﻰ ﺍﺧﺘﻲ ﻣﺮﻳﻢ ﺍﻟﺼﻐﻴﺮﺓ
ﻋﻴﻮﻧﻲ ﻟﻤﻌﺖ ﺑﻔﺮﺣﺔ ﺍﻛﻮﻝ ﻳﺎﺭﺑﻲ ﻣﺮﻳﻢ ﻛﺒﺮﺕ ﻭﺻﺎﺭﺕ
ﻳﺠﻮﻧﻬﺎ ﺧﻄﺎﺑﺔ
ﺟﻠﻴﺖ ﺻﻮﺗﻲ
.. ﺑﺎﻟﺤﻘﻴﻘﺔ ﺧﺎﻟﺔ ﻣﻦ ﻏﻴﺮ ﻣﺘﻜﻮﻟﻴﻦ
ﻫﺸﺎﻡ ﻣﺜﻞ ﺍﺧﻮﻱ ﻭﻳﻮﻡ ﺍﻟﻬﻨﺎ
ﻣﻐﻴﻢ ﺗﺼﻴﻎ ( ﻣﺮﻳﻢ ﺗﺼﻴﺮ ) ﻣﻦ ﻧﺼﻴﺒﻪ ﻣﺎ ﻧﻠﻜﺔ ﺍﺣﺴﻦ ﻣﻦ ﻫﺸﺎﻡ
ﺑﺲ ﺍﺳﺄﻝ ﺧﻮﺍﺗﻲ ﻭﺍﻏﺪﻟﻜﻢ ﺍﻟﺨﺒﻎ ( ﻭﺍﺭﺩﻟﻜﻢ ﺍﻟﺨﺒﺮ )
ﺟﻨﺖ ﺍﺣﺠﻲ ﻭﺍﻧﻲ ﻛﻠﺒﻲ ﻣﻦ ﻳﻤﻪ ﻳﺪﻙ ﺣﻴﻞ
ﺷﻴﻤﺎﺀ
ﺑﺎﻟﻤﺮﻛﺰ ﻣﺜﻞ ﻣﺎ ﺍﺗﻌﻮﺩﺕ ﻛﻞ ﻳﻮﻡ ﺍﺩﺍﻭﻡ
ﺍﺑﺎﻭﻉ ﻟﻤﺮﻭﺓ ﺍﻟﻴﻮﻡ ﻛﻌﺪﺕ ﺍﺗﺮﻳﻜﺖ ﻭﻳﺎﻧﺎ ﻭﺍﻧﺘﻈﺮﺗﻨﻲ
ﻭﺍﺧﺬﺗﻨﻲ ﻭﻳﺎﻫﺎ ﻟﻠﻤﺮﻛﺰ ﻣﻮ ﻣﺜﻞ ﻛﻞ ﻳﻮﻡ ﻛﻞ ﻭﺣﺪﺓ ﺗﺠﻲ
......
ﻟﻮﺣﺪﻫﺎ ﺟﺎﻧﺖ ﺗﺴﻮﻕ ﺑﺴﻴﺎﺭﺗﻬﺎ ﻭﻻﺑﺴﺔ ﻧﻀﺎﺭﺍﺕ ﺷﻤﺴﻴﺔ
ﻛﺎﻟﺖ
.. ﺍﻧﻲ ﺭﻓﻌﺖ ﻗﻀﻴﺔ ﻃﻼﻕ ﻋﻠﻰ ﺭﺍﻓﺪ
ﺍﻟﺒﺎﺭﺣﺔ
ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ
ﺑﻘﺮﺍﺭﻫﺎ ﺍﺷﻮ ﻣﺎ ﻛﺎﻟﺖ
.. ﻣﺮﻭﺓ ﻭﻣﺸﻤﺶ ﺧﻄﻴﺔ ﻣﻔﻜﺮﺗﻲ ﺑﻴﻬﺎ .
ﻫﻲ ﻛﻮﻟﺶ ﻣﺘﻌﻠﻘﺔ ﺑﺄﺑﻮﻫﺎ ﺍﺗﻤﻨﻰ ﺗﺮﺍﺟﻌﻴﻦ ﻗﺮﺍﺭﺝ
.. ﺷﻴﻤﺎﺀ ﺑﻌﺪ ﺍﻟﻲ ﺻﺎﺭ ﻣﺴﺘﺤﻴﻞ ﺍﺑﻘﻰ ﻋﻠﻰ ﺫﻣﺘﻪ ﻟﻮ ﻛﺎﻧﺖ
ﺣﻴﺎﺗﻲ ﻛﻠﻬﺎ ﻣﻌﺘﻤﺪﺓ ﻋﻠﻰ ﻫﺬﺍ ﺍﻟﺰﻭﺍﺝ
ﻣﺎ ﺍﻫﺘﻢ .
ﻭﺻﻠﻨﺎ ﻟﻠﻤﺮﻛﺰ
ﻭﻛﻞ ﻭﺣﺪﺓ ﺑﻴﻨﺎ ﺍﺳﺘﻤﻠﺖ ﺷﻐﻠﻬﺎ ﻭﻗﺒﻞ ﻻ ﺗﺮﻭﺡ ﻛﺎﻟﺖ
.. ﺷﻴﻤﺎﺀ ﻣﻮ ﺗﻨﺴﻴﻦ ﺿﺮﻭﺭﻱ ﺗﺨﻠﺼﻴﻦ ﺍﻟﻲ ﺑﻴﺪﺝ
ﻭﺗﺠﻴﻦ ﻭﻳﺎﻱ ﻋﻨﺪﻱ ﻫﻮﺍﻱ ﻣﺮﺍﺟﻌﺎﺕ ﻳﺤﺘﺎﺟﻮﻥ ﺷﻐﻞ
.. ﺍﻭﻙ ﺑﺲ ﺍﺧﻠﺺ ﺍﻟﻌﻨﺪﻱ ﺍﺟﻲ
ﺭﺍﺣﺖ ﻭﺍﻧﻲ . ﻓﺘﺖ ﻋﻠﻰ ﻏﺮﻓﺔ ﺍﻻﺳﺘﻌﻼﻣﺎﺕ ﺟﺎﻧﺖ
ﻋﺒﺎﺭﺓ ﻋﻦ ﻏﺮﻓﺔ ﺯﺟﺎﺟﻴﺔ ﺻﻐﻴﺮﺓ . ﺷﻔﺎﻓﺔ
ﺑﻴﻬﺎ ﻣﻜﺘﺐ ﻭﻋﻠﻴﻪ ﻻﺑﺘﻮﺏ ﻭﺍﻛﻮ ﻣﻮﺿﻔﺔ ﻻﺑﺴﺔ ﺯﻱ ﺍﻟﻤﺮﻛﺰ ﺍﻟﻤﻮﺣﺪ
ﺑﺎﻟﺤﻘﻴﻘﺔ ﺍﻧﻲ ﻭﻣﺮﻭﺓ ﺍﻟﻮﺣﻴﺪﺍﺕ ﻣﻤﺘﻘﻴﺪﺍﺕ ﺑﺎﻟﺰﻱ
ﻧﻠﺒﺲ ﺑﻜﻴﻔﻨﺎ ﺑﺲ ﻛﺎﺩﺭ ﺍﻟﻌﻤﻞ ﺯﻱ ﻣﻮﺣﺪ
ﺑﻠﺸﺖ ﻭﻳﺎﻫﺎ ﻧﺠﺮﺩ ﺍﻟﻘﻮﺍﺋﻢ ﻭﻧﻜﺘﺐ ﺍﻟﻤﻮﺍﻋﻴﺪ
ﺟﺎﻥ ﺍﻟﻤﺮﻛﺰ ﻋﺒﺎﺭﺓ ﻋﻦ ﺑﻨﺎﻳﺔ
ﺑﻴﻬﺎ ﺛﻼﺙ ﻃﻮﺍﺑﻖ ﻣﺮﻭﺓ ﻣﺎﺧﺬﺓ ﺍﻟﻄﺎﺑﻖ ﺍﻻﺭﺿﻲ ﻛﻠﻪ
ﺣﺎﻃﺔ ﺍﻟﻬﺎ ﻋﻴﺎﺩﺓ ﻭﻣﺨﺘﺒﺮ ﻭﺳﻮﻧﺎﺭ .
ﺍﻣﺎ ﺍﻟﻄﺎﺑﻖ ﺍﻟﺜﺎﻧﻲ ﻓﻠﺼﺪﻳﻘﺘﻬﺎ ﺩﻛﺘﻮﺭﺓ ﺍﻟﺘﺠﻤﻴﻞ ﻛﻠﻪ ﺍﻟﻬﺎ
ﺍﻣﺎ ﺍﻟﺜﺎﻟﺚ ﻓﻜﺎﻥ ﻣﺸﺘﺮﻙ ﺩﻛﺘﻮﺭ ﺍﺳﻨﺎﻥ . ﻭﺩﻛﺘﻮﺭ ﺑﺎﻃﻨﻴﺔ
ﺩﻛﺘﻮﺭ ﺍﻻﺳﻨﺎﻥ ﻣﻮﺟﻮﺩ ﻣﻦ ﻗﺒﻞ ﺍﻣﺎ ﺍﻟﺒﺎﻃﻨﻴﺔ ﺟﺪﻳﺪ
ﺩﻳﺠﻬﺰ ﺑﺎﻟﻌﻴﺎﺩﺓ
ﺟﻨﺖ ﻛﺎﻋﺪﺓ ﺍﺣﺠﻲ ﻭﻳﺔ ﺍﻟﻤﻮﻇﻔﺔ ﻣﻨﺪﻣﺠﺔ ﻭﺟﺎﻥ ﻳﻠﻔﺖ ﺍﻧﺘﺒﺎﻫﻲ . ﺍﺑﻮﺍﺏ ﺍﻟﺒﻨﺎﻳﺔ ﺳﻼﻳﺪ ﺍﻭﺗﻤﺎﺗﻴﻜﻲ
ﻳﻨﻔﺘﺢ ﺗﻠﻘﺎﺋﻴﺎً
ﺑﺎﻭﻋﺖ ﺍﺗﻔﺘﺢ ﺍﻟﺒﺎﺏ . ﺩﺧﻞ ﺣﻴﺪﺭ ﻭﻧﺰﻟﻮﺍ ﻭﻳﺎﻩ ﻋﻤﺎﻝ
ﺟﺎﻥ ﻻﺯﻡ ﺑﻴﺪﻩ ﻓﻴﺘﺔ ﻗﻴﺎﺱ
ﺑﺲ ﺷﻔﺘﻪ ﻛﺒﻞ ﻛﻠﺒﻲ ﻟﺰﻡ ﺍﺳﺘﻌﺪﺍﺩ ﻣﺜﻞ ﺍﻟﺠﻨﺪﻱ
ﻭﺻﺎﺭ ﻳﻄﺎﻟﺒﻨﻲ ﺑﺎﻟﺤﺮﻳﺔ
ﻣﻨﺘﺒﻬﺖ ﻋﻠﻰ ﻧﻔﺴﻲ ﻣﻦ ﻛﻤﺖ ﻣﻦ ﻣﻜﺎﻧﻲ
ﻣﺠﺮﺩ ﺷﻮﻓﺘﻪ ﻧﺴﺘﻨﻲ ﻛﻠﺸﻲ
ﺍﻗﺘﺮﺏ ﻣﻦ ﻏﺮﻓﺔ ﺍﻻﺳﺘﻌﻼﻣﺎﺕ ﻭﺍﻟﺘﻔﺖ ﺣﺘﻰ ﻳﺤﺠﻲ
ﺑﺲ ﺷﺎﻓﻨﻲ
ﻛﺎﻝ .. ﺷﻤﺎﺀ !!!!
.. ﻫﻠﻮ ﺍﺳﺘﺎﺫ ﺣﻴﺪﺭ ﺷﺨﺒﺎﺭﻙ
ﺍﻟﺘﻔﺖ ﻳﺒﺎﻭﻉ ﻋﻠﻰ ﺍﻟﻌﻤﺎﻝ ﻭﻛﺎﻝ ﺍﻧﺘﻮﺍ ﺻﻌﺪﻭﺍ ﻛﺪﺍﻣﻲ
ﻭﺍﻧﻄﻰ ﺍﻟﻤﻔﺘﺎﺡ ﻟﻮﺍﺣﺪ ﻣﻨﻬﻢ
ﻛﻠﻪ .. ﻫﺎﻙ ﺍﻟﻤﻔﺘﺎﺡ ﻭﺩﺧﻞ ﺍﻻﺟﻬﺰﺓ ﻟﻠﻌﻴﺎﺩﺓ
ﻭﺍﻧﻲ ﺑﻌﺪﻳﻦ ﺟﺎﻱ ﻭﺭﺍﻛﻢ
ﺣﺠﺎﻫﺎ ﻭﺭﺟﻊ ﻳﺤﺠﻲ ﻭﻳﺎﻱ
.. ﻛﻠﻴﻠﻲ ﺍﻧﺘﻲ ﺷﺨﺒﺎﺭﺝ
.. ﺍﻧﻲ ﺍﻟﺤﻤﺪﻟﻠﻪ ﺑﺨﻴﺮ
.. ﺳﻤﻌﺖ ﻣﻦ ﺍﻟﺪﻛﺘﻮﺭﺓ ﺳﻮﻻﻑ ﺑﻴﺒﺘﺞ ﺍﺗﻮﻓﺖ
ﺍﻟﺒﻘﻴﺔ ﺑﺤﻴﺎﺗﺞ ﺍﻥ ﺷﺎﺀ ﺍﻟﻠﻪ ﺍﺧﺮ ﺍﻻﺣﺰﺍﻥ
.....
ﺣﻴﺎﺗﻚ ﺍﻟﺒﺎﻗﻴﺔ
.. ﻃﺒﻌﺎ ﺻﺎﺭﻟﻲ ٣ﺍﻳﺎﻡ ﺩﺍﺟﻬﺰ ﻋﻴﺎﺩﺓ ﺍﻟﺪﻛﺘﻮﺭﺓ
ﻭﻛﻞ ﻳﻮﻡ ﺍﺩﺧﻞ ﻫﻨﺎ ﺍﺗﺄﻣﻞ ﺍﺷﻮﻓﺞ
ﺟﻨﺖ ﺍﻋﺮﻑ ﺍﻧﺘﻲ ﻫﻨﺎ ﺗﺸﺘﻐﻠﻴﻦ ﻭﻳﺔ ﺍﺧﺘﺞ
ﺑﺲ ﺣﺴﺐ ﻛﻼﻡ ﺍﻟﺪﻛﺘﻮﺭﺓ ﺳﻮﻻﻑ
ﺍﻧﺘﻲ ﺩﺍﺋﻤﺎ ﻣﺘﻮﺍﺟﺪﺓ ﺑﺪﺍﺧﻞ ﺍﻟﻌﻴﺎﺩﺓ
ﺟﺎﻥ ﻳﺤﺠﻲ ﺑﺮﺳﻤﻴﺔ .
ﺑﺲ ﻧﻈﺮﺍﺕ ﻋﻴﻮﻧﻪ ﺑﻌﻴﺪﺓ ﻋﻦ ﺍﻟﺮﺳﻤﻴﺔ
ﻳﻌﻨﻲ ﺣﺘﻰ ﻟﻮ ﺍﺭﻳﺪ ﺍﺗﻐﺎﺿﻰ ﻭﺍﻗﻨﻊ ﻧﻔﺴﻲ ﺑﺎﻻﻭﻫﺎﻡ
ﺍﻟﻜﺔ ﺭﻭﺣﻲ ﻛﺪﺍﻡ ﻧﻈﺮﺍﺗﻪ ﺑﻼﺣﻮﻝ ﻭﻻ ﻗﻮﺓ
ﻣﺎ ﺍﻛﺪﺭ ﺍﺳﻮﻱ ﺷﻲ ﻏﻴﺮ ﺑﺲ ﺍﺳﺘﺴﻠﻢ
ﺍﻧﺘﺒﻬﺖ ﻟﺼﻔﻨﺘﻲ ﻭﺍﺗﻼﺣﻜﺖ ﻟﺮﻭﺣﻲ
.. ﺍﻱ ﺻﺤﻴﺢ ﻣﺜﻠﻤﺎ ﺗﻌﺮﻑ ﺍﺧﺘﻲ ﺩﻛﺘﻮﺭﺓ ﻧﺴﺎﺋﻴﺔ
ﻭﺍﻧﻲ ﺻﺮﺕ ﻣﺴﺎﻋﺪﺓ ﺑﺎﻻﺿﺎﻓﺔ
ﺍﻟﻰ ﺷﻐﻞ ﺍﻻﺳﺘﻌﻼﻣﺎﺕ
ﺟﻨﺖ ﺍﺣﺠﻲ ﻭﻳﺎﻩ ﻭﺍﺟﺔ ﻣﺮﺍﺟﻊ ﺭﺟﺎﻝ ﺑﻌﻤﺮ ﺍﻻﺭﺑﻌﻴﻦ
ﻫﺬﺍ ﻣﺮﺍﺟﻊ ﻋﻨﺪ ﺩﻛﺘﻮﺭ ﺍﻻﺳﻨﺎﻥ ﺩﻳﺰﺭﻉ ﺳﻦ
ﻭﺍﻟﻴﻮﻡ ﻋﻨﺪﻩ ﺟﻠﺴﺔ ﺛﺎﻧﻴﺔ ﺍﺣﻨﺎ ﻫﻨﺎ ﺑﺎﻻﺳﺘﻌﻼﻣﺎﺕ ﻧﺜﺒﺖ ﺍﻟﺤﺠﺰ .
ﺑﺲ ﻋﻴﺒﻪ ﻫﺬﺍ ﺍﻟﺮﺟﺎﻝ ﻭﻛﺢ ﺣﺘﻰ ﺑﺘﻌﺎﻣﻠﻪ
ﻋﺎﺩﻱ ﺍﻧﻲ ﺷﺎﻳﻔﺔ ﻫﻴﺞ ﻧﻤﺎﺫﺝ ﻭﻋﺮﻓﺖ ﺷﻠﻮﻥ ﺍﺗﻌﺎﻣﻞ
ﺍﻧﺘﺒﻬﺖ ﻋﻠﻴﻪ ﺭﺍﺡ ﻟﻠﻤﻮﻇﻔﺔ ﺣﺘﻰ ﻳﺤﺠﺰ
ﺭﺟﻌﺖ ﺍﺣﺠﻲ ﻭﻳﺔ ﺣﻴﺪﺭ
ﺣﺘﻰ ﺍﺗﺮﺧﺺ ﻣﻨﻪ . ﻣﺎ ﺍﺭﻳﺪ ﺍﺭﺟﻊ ﺍﻋﺸﻢ ﺍﻟﻘﻠﺐ
ﺑﺤﺐ ﻣﺎﻟﻪ ﺍﺳﺎﺱ
ﻫﻮ ﺭﺟﺎﻝ ﻣﺘﺰﻭﺝ ﺍﺗﻌﻤﺪﺕ ﺍﺳﺄﻟﻪ ﻋﻦ ﻋﺎﺋﻠﺘﻪ
.. ﺷﻠﻮﻧﻬﻢ ﺍﻻﻫﻞ
ﺟﺎﻭﺑﻨﻲ .. ﺑﺨﻴﺮ ﻭﺍﻟﺤﻤﺪﻟﻠﻪ
.. ﻳﺎﺭﺏ ﺩﻭﻡ
ﻳﺎﻟﻠﻪ ﺍﻧﺖ ﺍﺧﺬ ﺭﺍﺣﺘﻚ ﺍﻧﻲ ﺍﺗﺮﺧﺺ
ﺟﻨﺖ ﺍﺣﺠﻲ ﻭﺍﻧﻲ ﻛﻠﺒﻲ ﻳﺮﻳﺪ ﻳﻨﺨﻠﻊ ﻣﻦ ﻣﻜﺎﻧﻪ ﻣﻦ ﺍﻻﻟﻢ
.. ﺍﺣﻢ ﺍﺧﺬﻱ ﺭﺍﺣﺘﺞ
ﺍﺣﺲ ﺑﻲ ﻣﺘﺮﺩﺩ ﻳﺮﻭﺡ
ﺑﺪﻳﺖ ﺍﻧﺴﺤﺐ ﺩﺭﺕ
ﻭﻫﻮ ﺑﻘﻰ ﻭﺍﻛﻒ ﺑﻤﻜﺎﻧﻪ
ﻭﺍﻳﺪﻩ ﺑﺠﻴﻮﺑﻪ
ﻗﻄﻊ ﻋﻠﻴﺔ ﺍﻟﻄﺮﻳﻖ ﻧﻔﺴﻪ ﺍﻟﻤﺮﺍﺟﻊ ﺍﻟﺜﻘﻴﻞ
.. ﻫﺎﻱ ﺷﻨﻮ ﺳﺖ ﺷﻴﻤﺎﺀ ﺍﺷﻮ ﻣﻨﺸﻮﻓﺞ ﺍﺳﺄﻝ ﻋﻨﺞ
.. ﺍﺗﻔﻀﻞ ﺍﺳﺘﺎﺫ ﻣﺤﺘﺎﺝ ﺷﻲ
.. ﺍﺫﺍ ﻣﻤﻜﻦ ﺍﺭﻳﺪ ﺭﻗﻢ ﻧﻘﺎﻟﺞ
ﻋﻘﺪﺕ ﺣﻮﺍﺟﺒﻲ
.. ﻭﺷﻨﻮ ﺍﻟﻤﻨﺎﺳﺒﺔ ﺗﻄﻠﺐ ﻣﻨﻲ ﺭﻗﻢ ﻧﻘﺎﻟﻲ
ﺩﺧﻴﻞ ﺍﻟﻠﻪ ﺷﻜﺪ ﻭﻛﺢ ﻭﺻﻠﻒ
.. ﺍﺣﺘﺎﺟﻪ ﺣﺘﻰ ﻣﻦ ﺍﺭﻳﺪ ﺍﺣﺠﺰ ﺍﺗﺼﻞ ﻋﻠﻴﺞ ﺗﺄﻛﺪﻳﻠﻲ
ﺍﻟﻤﻮﻋﺪ .
ﺟﺎﻥ ﻳﺤﺠﻲ ﻭﻋﻴﻮﻧﻪ ﻛﺼﺘﻨﻲ ﻛﺺ
ﺟﺎﻭﺑﺘﻪ .. ﻫﺎ ﺍﻱ ﻫﻢ ﺣﻘﻚ
ﺻﺤﺖ ﻟﻠﻤﻮﻇﻔﺔ
ﻭﻛﻠﺘﻠﻬﺎ ﺗﺠﻴﺐ ﻟﻲ ﻛﺎﺭﺕ ﺍﻟﻤﺮﻛﺰ
ﺍﻧﻄﺘﻨﻲ ﺍﻟﻜﺎﺭﺕ
ﺑﺎﻭﻋﺖ ﻋﻠﻴﻪ ﻭﺳﻠﻤﺘﻪ ﺍﻟﻜﺎﺭﺕ
.. ﺷﻮﻑ ﺍﺳﺘﺎﺫ ﻫﺬﺍ ﺍﻟﻜﺎﺭﺕ ﺑﻲ ﺛﻼﺙ ﺍﺭﻗﺎﻡ
ﺑﺄﻱ ﻭﻗﺖ ﻳﻌﺠﺒﻚ ﺗﺮﻳﺪ ﺗﺤﺠﺰ ﺍﺗﺼﻞ ﻋﻠﻰ ﻭﺍﺣﺪ ﻣﻦ ﻫﺎﻱ ﺍﻻﺭﻗﺎﻡ
ﻭﺍﺣﻨﺎ ﺭﺍﺡ ﻧﺄﻛﺪﻟﻚ ﺍﻟﺤﺠﺰ
ﺍﺑﺎﻭﻉ ﻋﻠﻴﻪ ﻓﻠﺖ ﻭﺟﻬﻪ
ﻭﺍﺧﺬ ﻣﻨﻲ ﺍﻟﻜﺎﺭﺕ ﻭﺳﺄﻟﻨﻲ
.. ﺳﺖ ﺷﻴﻤﺎﺀ ﺍﻧﺘﻲ ﻣﺮﺗﺒﻄﺔ
ﻓﺘﺤﺖ ﺣﻠﻜﻲ ﺣﺘﻰ ﺍﺟﺎﻭﺑﻪ
ﺑﺲ ﺍﺗﻔﺎﺟﺌﺖ ﺑﺮﺩ ﺣﻴﺪﺭ ﻣﻦ ﻛﺎﻝ
.. ﻣﺘﺸﻮﻑ ﻧﻔﺴﻚ ﺯﻭﺩﺗﻬﺎ ﺍﻧﺖ ﺷﻜﻮ ﻭﺗﺴﺄﻟﻬﺎ ﻫﻴﺞ ﺍﺳﺌﻠﺔ
......
ﻓﺘﺤﺖ ﺣﻠﻜﻲ ﻣﺘﻔﺎﺟﺌﺔ ﻣﻦ ﻭﺟﻮﺩﻩ ﺟﺎﻥ ﻭﺍﻛﻒ ﺑﻴﻨﻲ ﻭﺑﻴﻦ ﺍﻟﺮﺟﺎﻝ ﻭﻋﻴﻮﻧﻪ ﻧﺎﺭ
.. ﺍﻟﻌﻔﻮ ﻣﻨﻮ ﺣﻀﺮﺗﻚ
.. ﻣﻮ ﻣﻬﻢ ﺗﻌﺮﻑ ﻣﻨﻮ ﺣﻀﺮﺗﻲ
ﺍﺗﺪﺧﻠﺖ ﻭﺣﺠﻴﺖ ﻭﻳﺔ ﺍﻟﻤﺮﺍﺟﻊ
.. ﺍﻟﻌﻔﻮﺍ ﺍﺳﺘﺎﺫ ﺗﻜﺪﺭ ﺗﺘﻔﻀﻞ
ﻣﻮﻋﺪﻙ ﺭﺍﺡ ﻳﻔﻮﺕ
ﺭﺹ ﻋﻠﻰ ﺍﺳﻨﺎﻧﻪ ﻭﻭﺟﻪ ﻧﻈﺮﺓ ﻟﺤﻴﺪﺭ ﺑﺎﻭﻉ ﻟﻠﻜﺎﺭﺕ ﺍﻟﻲ ﺑﻴﺪﻩ ﻭﺭﺍﺡ ﻣﺸﻰ ﻟﻠﻤﺼﻌﺪ
ﺭﺟﻌﺖ ﺍﺑﺎﻭﻉ ﻟﺤﻴﺪﺭ . ﻭﻫﻮ ﺑﻌﺪﻩ ﻳﺒﺎﻭﻉ
ﻟﻠﺮﺟﺎﻝ
ﺑﺎﻭﻋﻠﻲ ﻭﻛﺎﻝ .. ﻣﺎ ﺍﻋﺮﻑ ﻟﻴﺶ ﻭﻳﻦ ﻣﺎ ﺗﺮﺣﻴﻦ ﺍﻧﺘﻲ ﺑﺨﻄﺮ
ﺩﺍﺭ ﻭﺟﻬﻪ ﻭﺭﺍﺡ ﺣﺘﻰ ﻣﺎ ﺍﻧﻄﺎﻧﻲ ﻣﺠﺎﻝ
ﺍﺣﺠﻲ ﻭﻳﺎﻩ
ﺍﻭ ﺍﻓﺘﻬﻢ ﺷﻨﻮ ﺟﺎﻥ ﻳﻘﺼﺪ ﺑﻬﺬﺍ ﻛﻼﻣﻪ
ﺭﺟﻌﺖ ﻟﺸﻐﻠﻲ ﻭﻳﻮﻡ ﻣﺜﻞ ﻛﻞ ﺍﻻﻳﺎﻡ ﺍﻟﻄﻮﻳﻠﺔ
ﺑﺲ ﺟﺎﻥ ﺍﻟﺸﻲ ﺍﻟﻮﺣﻴﺪ ﺍﻟﺠﺪﻳﺪ ﺑﻲ . ﺷﻮﻓﺖ
ﺣﻴﺪﺭ ﻭﻟﻬﻔﺔ ﻛﻠﺒﻲ
ﻳﺎﺭﺑﻲ ﻃﻠﻊ ﺣﺒﻪ ﻣﻦ ﻛﻠﺒﻲ ﻣﺎ ﻳﺼﻴﺮ ﺍﻓﻜﺮ ﺑﻲ
ﻭﻫﻮ ﻣﺘﺰﻭﺝ ﻭﺻﺎﺣﺐ ﻋﺎﺋﻠﺔ
ﻳﻌﻨﻲ ﻧﻈﺮﺍﺗﻪ ﺗﺄﻛﺪ ﺍﻋﺠﺎﺑﻪ ﺑﻴﺔ
ﺑﺲ ﺍﻟﻤﻔﺮﻭﺽ ﺍﻧﺴﺤﺐ ﻭﻣﺎ ﺍﺣﺠﻲ ﻭﻳﺎﻩ ﻏﻴﺮ ﺑﺲ ﺍﻟﺴﻼﻡ
ﻣﺎ ﺍﻧﻄﻲ ﻣﺠﺎﻝ
ﻋﺪﺕ ﺳﺎﻋﺎﺕ ﺍﻟﺪﻭﺍﻡ
ﻭﺭﺟﻌﻨﺎ ﻟﻠﺒﻴﺖ ﻟﻜﻴﻨﺎ ﻣﺸﻤﺶ ﺗﺒﺠﻲ ﻭﺿﺤﻰ ﻭﻣﺮﻳﻢ
ﻣﺤﺘﺎﺭﻳﻦ ﺷﻠﻮﻥ ﻳﺴﻜﺘﻮﻧﻬﺎ
ﻣﺮﻭﺓ ﻏﻤﻀﺖ ﻋﻴﻮﻧﻬﺎ ﻭﺳﺤﺒﺖ ﻧﻔﺲ ﻋﻤﻴﻖ ﺑﺼﺒﺮ
ﺿﺤﻰ .. ﺍﻱ ﻋﻔﻴﺔ ﻫﻤﺰﻳﻦ ﺍﺟﻴﺘﻮﺍ ﻫﺎﻱ ﻣﺸﻤﺶ
ﺧﺒﺼﺖ ﺍﻟﺪﻧﻴﺎ ﺑﺲ ﺗﺒﺠﻲ ﻭﻛﻞ ﺷﻮﻳﺔ ﺗﺴﺄﻟﻨﻲ
ﺑﺎﺑﺎ ﻭﻳﻦ
ﺍﺭﻳﺪ ﺑﺎﺑﺎ
ﺍﺗﺼﻠﻲ ﻋﻠﻰ ﺑﺎﺑﺎ ﺍﺭﻳﺪ ﺍﺣﺠﻲ ﻭﻳﺎﻩ
ﺑﺎﻭﻋﺖ ﻟﻤﺮﻭﺓ ﻭﺣﺠﻴﺖ
.. ﻫﺬﺍ ﺍﻟﺠﻨﺖ ﺧﺎﻳﻔﺔ . ﻣﻨﻪ
ﻣﺮﻭﺓ ﺭﺍﺣﺖ ﻟﺒﻨﺘﻬﺎ ﻭﺍﺧﺬﺗﻬﺎ ﻟﺤﻈﻨﻬﺎ
.. ﻣﺸﻤﺶ ﺑﺎﺑﺎ ﻣﺴﺎﻓﺮ ﺻﻴﺮﻱ ﻋﺎﻗﻠﺔ ﻭﻟﺘﺒﺠﻴﻦ
ﺍﺟﺘﻲ ﻣﺮﻳﻢ ﻭﺍﺧﺬﺗﻬﺎ ﻣﻦ ﻣﺮﻭﺓ ﻭﻛﺎﻟﺖ
.. ﺗﻌﺎﻟﻲ ﻣﺸﻤﺶ ﺧﻠﻲ ﻧﺮﺳﻢ ﺍﻧﻲ ﻭﻳﺎﺝ
ﻭﺭﺓ ﺳﺎﻋﺘﻴﻦ ﺟﺎﻧﺖ ﺿﺤﻰ ﺗﺼﺐ ﺍﻟﻌﺸﺎ
ﻭﺗﺤﺠﻴﻠﻲ ﻋﻦ ﻳﻮﻣﻬﺎ
ﺿﺤﻰ .. ﺍﻱ ﻣﺮﻭﺓ ﺻﺪﻙ ﺍﺗﺬﻛﺮﺕ
ﺍﻟﻴﻮﻡ ﻭﺍﺣﺪ ﻣﺎ ﻳﺴﺘﺤﻲ ﺍﺟﺔ ﺳﺄﻝ ﻋﻠﻴﺞ
.. ﻣﺎ ﺍﻓﺘﻬﻤﺖ ﺷﻨﻮ ﻣﺎ ﻳﺴﺘﺤﻲ ﺷﻨﻮ ﻳﺴﺄﻝ ﻋﻨﻲ
.. ﻣﻮ ﺍﻧﻲ ﺟﻨﺖ ﺍﻏﺴﻞ ﺑﺎﻟﻜﺮﺍﺝ . ﻣﻨﺪﻣﺠﺔ
ﻭﺟﺎﻥ ﻳﻨﺪﻙ ﺍﻟﺒﺎﺏ ﺷﻤﺮﺕ ﺍﻟﺼﻮﻧﺪﺓ ﺑﺎﻟﺤﺪﻳﻘﺔ
ﺟﻨﺖ ﻻﺑﺴﺔ ﺭﺑﻄﺘﻲ ﺑﻮﺿﻌﻴﺔ ﺍﻟﺸﻐﻞ
ﻭﺑﻴﺪﻱ ﺍﻟﻤﺎﺳﺤﺔ ﻭﺭﺣﺖ ﻓﺘﺤﺖ ﺍﻟﺒﺎﺏ
ﻟﻜﻴﺖ ﺭﺟﺎﻝ ﻭﺍﻛﻒ ﺑﺎﻟﺒﺎﺏ
ﺑﺲ ﺟﺎﻥ ﻳﺤﺠﻲ ﺑﺎﻟﻨﻘﺎﻝ ﻭﻳﺔ ﻭﺍﺣﺪ ﺷﺎﻓﻨﻲ ﻓﺘﺤﺖ ﺍﻟﺒﺎﺏ
ﻭﺍﺷﺮﻟﻲ ﺑﺄﻳﺪﻩ ﺍﻧﺘﻈﺮ
ﺍﺷﻮ ﻫﺬﺍ ﻣﺎ ﺧﺬ ﺭﺍﺣﺘﻪ ﻭﻳﺤﺠﻲ ﻭﻳﺔ ﺻﺎﺣﺒﻪ ﻣﺪﺭﻱ ﺷﻴﺼﻴﺮ ﻣﻨﻪ
ﻳﻜﻠﻪ
.. ﻫﺎﻱ ﺷﻨﻮ ﻣﺮﻭﺓ ﺑﺪﻟﺖ ﺧﺪﺍﻣﺘﻬﺎ
ﺳﻜﺖ ﻭﺑﻌﺪﻫﺎ ﺿﺤﻚ ﻭﻫﻮ ﻋﻴﻮﻧﻪ ﻋﻠﻴﺔ
ﻭﺍﻧﻲ ﻭﺍﻛﻔﺔ ﻣﻨﺘﻈﺮﺗﻪ . ﻭﺭﺍﺻﺔ ﻋﻠﻰ ﺍﺳﻨﺎﻧﻲ ﻭﻛﻮﺓ ﻻﺯﻣﺔ ﻧﻔﺴﻲ
ﻻ ﺍﺣﻂ ﺍﻟﻤﺎﺳﺤﺔ ﺑﺮﺍﺳﻪ ﺧﺪﺍﻣﺔ ﺑﻌﻴﻨﻚ ﻋﻤﺔ ﺣﺘﻰ ﻋﻤﺔ
ﻛﻤﻞ ﻛﻼﻣﻪ ﺑﻜﻞ ﺻﻼﻓﺔ ﻭﻛﺎﻝ
.. ﻟﻚ ﺗﻌﺎﻝ ﺷﻮﻓﻬﺎ ﺷﻠﻮﻥ ﻭﺣﺪﺓ
ﻭﺍﻟﻠﻪ ﺣﺮﺍﻣﺎﺕ ﻫﻴﺞ ﺟﻤﺎﻝ ﺗﺸﺘﻐﻞ ﺧﺪﺍﻣﻪ
ﺧﺮﺏ ﻭﻧﻮﺏ ﺷﻮﻑ ﺷﻠﻮﻥ ﺷﺎﻣﺔ ﺑﺨﺪﻫﺎ ﻏﻴﺮ ﺗﺴﻄﺮ
ﺳﻄﺮ ﻫﺎﻱ ﻣﻦ ﺍﻱ ﻣﻜﺘﺐ ﺟﺎﻳﺒﺘﻬﺎ ﻣﺮﻭﺓ
ﺷﻬﻜﺖ ﻭﻟﻄﻤﺖ ﻋﻠﻰ ﺻﺪﺭﻱ
ﺷﻜﺪ ﻣﺎ ﻳﺴﺘﺤﻲ
.. ﻳﺎﻟﻠﻪ .. ﻳﺎﻟﻠﻪ ﻣﻮﺗﻨﺴﻰ ﻣﺜﻠﻤﺎ ﻭﺻﻴﺘﻚ ﺗﺴﻠﻢ ﻛﻠﺸﻲ ﻭﺗﻮﻗﻌﻬﻢ ﻋﻠﻰ ﺍﻻﻭﺭﺍﻕ ﻳﺎﻟﻠﻪ ﺗﺒﻴﻊ
ﻳﺎﻟﻠﻪ ﺗﻤﺎﻡ ﻣﻊ ﺍﻟﺴﻼﻣﺔ
ﻏﻠﻖ ﺍﻟﻨﻘﺎﻝ . ﻭﺑﺎﻭﻉ ﻋﻠﻴﺔ ﻭﺍﻧﻄﺎﻧﻲ ﺍﻟﻈﺮﻑ ﻭﺣﺠﺔ ﻭﻳﺎﻱ
.. ( Hi, give this to Marwa )
( ﻫﺎﻱ ﺍﻧﻄﻲ ﻫﺬﺍ ﻟﻤﺮﻭﺓ )
ﺍﺷﻮ ﻫﺬﺍ ﺭﻃﻦ ﻋﻠﻴﺔ ﺑﺎﻻﻧﻜﻠﻴﺰﻱ
ﻋﻤﺔ ﻫﺬﺍ ﻋﺒﺎﻟﻪ ﺍﻧﻲ ﺧﺪﺍﻣﺔ ﻣﺮﻭﺓ
ﻭﺍﺣﺘﺎﺭﻳﺖ ﺷﻨﻮ ﺍﺟﺎﻭﺑﻪ ﺗﺎﻟﻲ ﺣﺘﻰ ﺍﺣﻔﻆ ﻣﺎﻱ ﻭﺟﻬﻲ
ﺣﺠﻴﺖ ﻣﻦ ﺑﻴﻦ ﺍﺳﻨﺎﻧﻲ
.. ok
ﺿﺤﻰ ﺗﺤﺠﻲ
ﻭﻣﺮﻭﺓ ﺍﺑﺘﺴﻤﺖ ﻭﻛﺎﻟﺖ
.. ﻟﺞ ﺿﺤﻰ ﻫﺬﺍ ﺍﺑﻮ ﻳﺎﺳﺮ
ﻳﺘﺒﻊ
ﺣﺒﻜﻢ ﻛﻮﻣﺔ ﺍﺣﺒﻜﻢ ﻫﻮﺍﻱ
ﺍﺧﺘﻜﻢ ﻧﻬﻰ ﺍﻟﺤﺴﻮﻥ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
مقالات مقترحة لك ❤
رواية أساور الفضة ج2 الجزء التاسع رواية أساور الفضة ج2 الجزء التاسعللكاتبة نهى.....ﺣﺎﻟﺔ ﺣﺐ .........................ﺍﻳﺎ ﺭﺟﻼﻓﻴﻚ ﺗﺘﺠﺴﺪ 
رواية أساور الفضة ج2 الجزء السادس عشر | نهاية الجزء الثاني رواية أساور الفضة ج2 الجزء السادس عشر | نهاية الجزء الثانيللكاتبة نهى .....ﻫﺪﻯﺑﻌﺪﻣﺎ ﻛﺎﻥ ﺍﻟﺒﻴﺖ ﻣﻨﻮﺭ 
رواية أساور الفضة ج2 الجزء الخامس عشر رواية أساور الفضة ج2 الجزء الخامس عشرللكاتبة نهى........ﺷﻴﻤﺎﺀﺩﺍ ﺍﺳﻮﻱ ﺍﻟﻜﻴﻚ ﻭﺳﺘﻮﻧﻲ ﻃﻠﻌﺘﻪ ﻣﻦ ﺍﻟﻔﺮﻥﻭﺑﺎ
رواية أساور الفضة ج2 الجزء الرابع عشر رواية أساور الفضة ج2 الجزء الرابع عشرللكاتبة نهى.......ﻫﺪﻯﻛﻌﺪﺕ ﻣﻦ ﺍﻟﻨﻮﻡ ﻟﻜﻴﺖ ﻗﺎﺳﻢ ﺭﺍﻳﺢ ﻣﻤﻮﺟﻮﺩ .ﺑﺲ ﻣ
رواية أساور الفضة ج2 الجزء الثالث عشر رواية أساور الفضة ج2 الجزء الثالث عشرللكاتبة نهى.......ﺷﻴﻤﺎﺀﺍﻟﺤﻘﻴﻘﺔ ﻛﺎﻧﺖ ﻣﻔﺠﺄﻩ ﻟﻤﺎ ﻣﺮﻭﺓ ﻛﺎﻟﺖ.. ﺍﻟﻴﻮ
رواية أساور الفضة ج2 الجزء الثاني عشر رواية أساور الفضة ج2 الجزء الثاني عشرللكاتبة نهى......ﺿﺤﻰﺟﻨﺖ ﻭﺍﻛﻔﺔ ﺍﺑﺎﻭﻉ ﻟﻤﻬﻨﺪ ﻭﺍﻧﻲ ﻛﻞ ﺍﻻﻓﻜﺎﺭ ﺍﻟﺴﻮﺩ
تحويل كودإخفاء محول الأكواد الإبتساماتإخفاء