رواية أساور الفضة ج2 الجزء التاسع
للكاتبة نهى
.....
ﺣﺎﻟﺔ ﺣﺐ .........................
ﺍﻳﺎ ﺭﺟﻼ
ﻓﻴﻚ ﺗﺘﺠﺴﺪ ﺍﺣﻼﻣﻲ
ﺗﻤﺎﻣﺎ ﺑﻘﺪﺭ ﺣﺠﻢ ﺍﻣﻨﻴﺎﺗﻲ
ﻭﺳﻊ ﻣﺪﻯ ﺍﻟﺤﻠﻢ
ﻭﺳﻊ ﻣﺴﺎﺣﺔ ﻛﻠﻤﺎﺗﻲ
ﻛﺄﻧﻚ ﺍﻟﻌﻴﺪ ﺍﻟﻤﻮﻋﻮﺩ
ﻧﺴﺎﺋﻢ ﻧﻴﺴﺎﻥ
ﺗﺰﻫﺮ ﻓﻲ ﺍﻟﻘﻠﺐ ﻭﺭﻭﺩ
ﺣﻴﻦ ﺍﺭﺍﻙ ..
ﺍﺷﻌﺮ ﺑﻜﺮﻭﻳﺔ ﺍﻻﺭﺽ
ﺗﺪﻭﺭ ﺣﻮﻟﻲ
ﻭﺍﻧﺎ ﺣﻮﻟﻬﺎ ﺍﺩﻭﺭ
ﻭﺑﺄﻥ ﺍﻻﻳﺎﻡ ﺣﺒﻠﻰ
ﺑﺎﻟﺰﻫﺮ ﻭﺍﻟﻌﻄﻮﺭ
ﻗﻠﺒﻲ ﻓﺮﺡ ﻳﺮﻗﺺ
ﻋﻠﻰ ﺍﻳﻘﺎﻉ ﺍﻟﻜﻠﻤﺎﺕ
ﺑﺠﺬﻝ ﻭﺣﺒﻮﺭ
ﻣﻦ ﻣﺪﻥ ﺍﺣﻼﻣﻲ ﻗﺪ ﺟﺌﺘﻨﻲ
ﻭﻣﻦ ﻋﺎﻟﻢ ﻣﺤﺪﻭﺩ ﺟﻠﻒ
ﺍﻧﺘﺸﻠﺘﻨﻲ
ﻓﻮﻕ ﻓﻲ ﺍﻟﺴﻤﺎﺀ
ﺑﻴﻦ ﻏﻴﻤﺎﺕ ﺍﻻﻓﻖ ﺍﺧﺬﺗﻨﻲ
ﻟﺘﺜﺒﺖ ﺍﻥ ﺍﻻﺣﻼﻡ ﻗﺪ ﺗﺘﺤﻘﻖ
ﻭﺍﻧﻲ ﻭﺍﻫﻤﺔ
ﺍﺫ ﺣﺴﺒﺖ ﺍﻟﺤﺐ ﺍﺣﻤﻖ
ﻭﺍﻧﺖ ﺗﻘﻒ ﺍﻣﺎﻣﻲ
ﻻ ﺗﺪﺭﻱ ﻋﻦ ﺍﻧﻔﻌﺎﻻﺗﻲ
ﻭﻻ ﺑﺄﻧﻚ ﺍﺻﺒﺤﺖ ﻟﻲ
ﺍﻣﻨﻴﺔ ﻣﻦ ﺍﻏﻠﻰ ﺍﻻﻣﻨﻴﺎﺗﻲ
ﺍﻗﻒ ﻛﺎﻟﻄﻔﻠﺔ ﺍﻣﺎﻣﻚ
ﺍﺭﻳﺪ ﺍﻥ ﺍﻋﺒﺮ ﻋﻦ ﺫﺍﺗﻲ
ﻣﺸﺎﻏﺒﺔ ﺗﻠﻚ ﺍﻟﻄﻔﻠﺔ
ﺗﻮﺩ ﺍﻥ ﺗﻘﻔﺰ ﻓﺮﺣﺎ ﻣﻦ ﺩﺍﺧﻠﻲ
ﺗﻌﺎﻧﻖ ﺍﻟﻘﺎﺩﻡ ﺍﻻﺗﻲ
........................ ﺑﻘﻠﻢ ﻫﺪﻯ ﺳﻌﺪ ................
🌹🌹🌹🌹🌹🌹🌹🌹🌹🌹🌹🌹🌹
ﻫﺪﻯ
ﺳﻤﻌﺖ ﺻﻮﺕ ﺑﺎﺏ ﻏﺮﻓﺘﻲ ﻳﻨﺪﻙ ﺭﺣﺖ ﻋﻠﻴﻪ ﺣﺘﻰ
ﺍﻓﺘﺤﻪ ﺑﺲ ﺍﺳﺘﻐﺮﺑﺖ
ﻫﺎﻱ ﺷﻨﻮ ﻣﻨﻮ ﺭﺍﺳﻢ ﻋﺎﻟﺒﺎﺏ ﺻﻘﺮ
ﻣﺪﻳﺖ ﺍﻳﺪﻱ ﻋﺎﻟﻴﺪﺓ ﺣﺘﻰ ﺍﻓﺘﺤﻪ ﺑﺲ ﺍﺷﻮ ﻣﺪﺍ ﻳﻨﻔﺘﺢ
ﺣﺎﻭﻟﺖ ﺍﻛﺜﺮ ﻣﻦ ﻣﺮﺓ ﺍﻓﺘﺤﻪ ﺑﺲ ﻣﺎﻛﻮ ﻣﺪﺍ ﻳﻨﻔﺘﺢ
ﺑﺎﻻﺧﻴﺮ ﺗﻌﺒﺖ ﻣﻦ ﺍﻟﻤﺤﺎﻭﻟﺔ ﺳﻨﺪﺕ ﻣﻘﺪﻣﺔ ﺭﺍﺳﻲ ﻋﺎﻟﺒﺎﺏ
ﺍﻫﻮﻭﻭ ﻫﻢ ﺭﺟﻌﻮﺍ ﻳﺪﻛﻮﻥ ﻋﺎﻟﺒﺎﺏ
( ﺩﻭﻙ .. ﺩﻭﻙ .. ﺩﻭﻙ ) ﻭﺍﻧﻲ ﻣﺎﻋﺮﻑ ﻫﺬﺍ ﺷﻠﻮﻥ ﻳﻨﻔﺘﺢ
ﺳﻤﻌﺖ ﺻﻮﺕ ﺧﺎﻟﺔ ﺍﻡ ﻗﺎﺳﻢ ﻣﻦ ﻭﺭﺓ ﺍﻟﺒﺎﺏ
ﺟﺎﻭﺑﺘﻬﺎ
.. ﺧﺎﻟﺔ ﻋﻔﻴﺔ ﺍﻟﺒﺎﺏ ﻣﻘﻔﻮﻝ ﻣﺪﺍ ﻳﻨﻔﺘﺢ
ﺑﺲ ﺍﺷﻮ ﺍﺣﺠﻲ ﻭﻳﺎﻫﺎ ﻭﻫﻲ ﻣﺘﺠﺎﻭﺑﻨﻲ ﺑﻘﺖ ﻣﺴﺘﻤﺮﺓ
ﺗﺤﺠﻲ ﺧﺮﺏ ﻫﺎﻱ ﺷﺒﻴﻬﺎ ﺧﺎﻟﺘﻲ ﻣﺪﺍﺗﺴﻤﻌﻨﻲ
ﻏﻤﻀﺖ ﻋﻴﻮﻧﻲ ﻓﺘﺤﺘﻬﺎ ﻭﺟﺎﻥ ﺍﺷﻮﻑ ﻛﺪﺍﻣﻲ ﺻﻘﺮ
ﺑﺲ ﻣﻮ ﺍﻟﺼﻘﺮ ﺍﻟﻤﻮﺟﻮﺩ ﻋﻠﻰ ﺑﺎﺏ ﺍﻟﻐﺮﻓﺔ
ﻻ ﻫﺬﺍ ﺍﻟﺼﻘﺮ ﺍﻟﻲ ﺩﺍﺷﻮﻓﻪ ﻫﺴﺔ ﻛﺪﺍﻣﻲ
ﻓﺎﺭﺩ ﺟﻨﺎﺣﺎﺗﻪ ﻣﻮﺷﻮﻡ ﻋﻠﻰ ﻇﻬﺮ ﻗﺎﺳﻢ
ﺍﻭﻛﻔﻮﺍ ﻟﺤﻈﺔ ﺷﻨﻮ ﺍﻟﺴﺎﻟﻔﺔً
ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ
ﺩﺍﻡ ﺍﻻﺳﺘﻐﺮﺍﺏ ﻣﺠﺮﺩ ﻟﺤﻈﺎﺕ ﻭﺑﻌﺪﻫﺎ ﻭﻋﻴﺖ ﻋﻠﻰ ﻧﻔﺴﻲ ﻭﻋﺮﻓﺖ ﻣﻜﺎﻧﻲ ﻭﻳﻦ ﺑﺎﻟﻀﺒﻂ
ﺟﻨﺖ ﻧﺎﻳﻤﺔ ﻋﺎﻟﺴﺮﻳﺮ ﺑﻐﺮﻓﺘﻨﺎ ﺍﻧﻲ ﻭﻗﺎﺳﻢ
ﻭﻻ ﻣﻮﺑﺲ ﻫﻴﺞ ﺩﺍﻓﻨﺔ ﺭﺍﺳﻲ ﺑﻈﻬﺮ ﻗﺎﺳﻢ ﻭﻻﻃﺸﺔ ﺭﻭﺣﻲ ﺑﻲ ﻣﺜﻞ ﺍﻟﻜﺘﻜﻮﺕ
ﺳﻤﻌﺖ ﺻﻮﺕ ﺍﻟﺒﺎﺏ ﻳﻨﺪﻙ
ﺍﻡ ﻗﺎﺳﻢ .. ﻳﻤﺔ ﻗﺎﺳﻢ ﺍﻛﻌﺪ ﺭﺍﺡ ﺗﺘﺄﺧﺮ ﻋﺎﻟﺸﻐﻞ ﺻﺎﺭﺕ ﺑﺎﻟﺘﺴﻌﺔ ﻭﺍﻧﺖ ﻣﻜﺎﻋﺪ ﻟﺤﺪ ﻫﺴﺔ
ﻫﻢ ﻳﺎﻟﻠﻪ ﺗﺮﻭﺡ ﻻﻥ ﺍﻟﻴﻮﻡ ﺍﻟﺴﻨﻮﻳﺔ
ﻣﺎﻝ ﺑﻴﺖ ﻋﻤﻜﻢ ﺍﺑﻮ ﻓﺮﺯﺩﻕ ﺍﻟﻠﻪ ﻳﺮﺣﻤﻪ
ﺣﺴﻴﺖ ﻋﻠﻴﻪ ﺑﺪﺓ ﻳﺘﺤﺮﻙ ﻋﻠﻰ ﻛﻴﻒ ﺑﻤﻜﺎﻧﻪ ﻭﺻﺎﺡ ﺑﺼﻮﺕ ﺛﻜﻴﻞ ﻣﻦ ﺍﺛﺮ ﺍﻟﻨﻮﻡ ﻭﻛﺎﻝ .. ﺍﻱ ﺣﺠﻴﺔ ﻫﺴﺔ ﺍﻛﻮﻡ
ﻳﺒﻮﻭﻭﻭﻭ ﺭﺟﻌﺖ ﺑﺴﺮﻋﺔ ﻏﻤﻀﺖ ﻋﻴﻮﻧﻲ ﻭﺳﻮﻳﺖ ﺭﻭﺣﻲ
ﻧﺎﻳﻤﺔ ﻭﺑﻘﻴﺖ ﻋﻠﻰ ﻭﺿﻌﻲ ﻣﺘﺤﺮﻛﺖ ﻻﻥ ﺑﺲ ﺍﺗﺤﺮﻙ
ﺭﺍﺡ ﻳﻌﺮﻑ ﺑﻴﺔ ﻛﺎﻋﺪﺓ
ﺍﻋﻤﻞ ﻧﻔﺴﻚ ﻧﺎﻳﻢ
ﺍﺗﺬﻛﺮﺕ
ﺍﻟﺒﺎﺭﺣﺔ ﺑﻌﺪ ﺍﻟﻌﺮﻛﺔ ﻭﺻﻠﻨﻲ ﻗﺎﺳﻢ ﻟﻠﺒﻴﺖ ﻭﻗﺒﻞ ﻣﺎ ﻳﺪﺧﻞ ﻭﻳﺎﻳﺔ ﻟﻠﺒﻴﺖ ﺑﻘﻰ ﺑﺎﻟﻜﺮﺍﺝ ﻛﺎﻝ
ﻣﺎ ﺍﺭﻳﺪ ﺍﻣﻲ ﺗﻨﻬﺒﻂ ﻋﻠﻴﺔ ﺑﺲ ﺭﻭﺣﻲ ﺑﺴﺮﻋﺔ ﺟﻴﺒﻴﻠﻲ ﺗﻴﺸﻴﺮﺕ ﺧﻠﻲ ﺍﺑﺪﻝ ﻫﺬﺍ ﻗﺒﻞ ﻻ ﺍﺭﻭﺡ
.....
ﺑﻌﺪﻫﺎ ﺩﺧﻠﺖ ﺳﻠﻤﺖ ﻋﻠﻰ ﺧﺎﻟﺘﻲ ﻭﺍﻟﺒﻨﺎﺕ ﻭﺭﺣﺖ ﻛﺒﻞ ﺻﻌﺪﺕ ﻓﻮﻙ ﻃﻠﻌﺘﻠﻪ ﺗﻴﺸﻴﺮﺕ
ﻭﻧﺰﻟﺖ ﺑﺴﺮﻋﺔ
ﻟﻜﻴﺘﻪ ﻭﺍﻛﻒ ﻣﻨﺘﻈﺮﻧﻲ ﺍﺧﺬ ﺍﻟﺘﻴﺸﺮﺕ ﻣﻨﻲ
ﻭﻧﺰﻉ ﺑﺴﺮﻋﺔ ﺗﺸﻴﺮﺗﻪ ﺍﻻﺑﻴﺾ ﻭﺍﻟﻤﻔﺘﻮﻙ ﻭﻧﻄﺎﻧﻴﺎﻩ
ﻭﻟﺒﺲ ﺍﻟﺠﺪﻳﺪ ﻭﺍﻧﻲ ﻭﺍﻛﻔﺔ ﺍﺑﺎﻭﻉ ﻋﻠﻴﻪ
ﺟﺎﻥ ﻳﻠﺒﺲ ﻭﻳﺤﺠﻲ ﻭﻳﺎﻱ
ﻗﺎﺳﻢ .. ﺳﻤﻌﻴﻨﻲ ﺯﻳﻦ ﺩﻳﺮﻱ ﺑﺎﻟﺞ ﺗﺠﻴﺒﻴﻦ ﺳﻴﺮﺓ ﺑﺎﻟﺼﺎﺭ ﻷﻣﻲ
.. ﺻﺎﻍ ﻣﻦ ﻏﻴﻎ ( ﺻﺎﺭ ﻣﻦ ﻏﻴﺮ ) ﻣﺘﻮﺻﻲ ﻣﺴﺘﺤﻴﻞ ﺍﻛﻮﻝ
ﺑﺎﻭﻉ ﻋﻠﻴﺔ ﻭﻛﺎﻝ
.. ﻭﺍﻟﻠﻪ ﻳﺎﻫﺎﺩﻱ ﺍﺛﺎﺭﻱ ﻃﻠﻌﺖ ﻛﻔﻮ
ﻭﻳﻨﺸﺪ ﺑﻴﻚ ﺍﻟﻈﻬﺮ
ﺑﺮﻃﻤﺖ ﺷﻔﺎﻳﻔﻲ ﻭﻟﻤﻴﺖ ﺍﻟﺘﻴﺸﺮﺕ
ﺑﺜﻨﻴﻦ ﺍﻳﺪﻳﺔ
.. ﺗﻐﺔ ( ﺗﺮﺓ ) ﺍﻧﻲ ﺍﻋﺠﺒﻚ ﺑﺎﻟﻔﺰﻋﺔ
ﺑﺎﻭﻉ ﻋﻠﻰ ﺑﺎﺏ ﺍﻟﻤﻄﺒﺦ ﺣﺘﻰ ﻳﺘﺄﻛﺪ ﻻ ﺍﻣﻪ ﺗﺠﻲ ﻭﺗﺸﻮﻓﻪ
ﻭﺣﺠﺔ ﺑﺴﺮﻋﺔ .. ﻭﻋﻠﻰ ﻃﺎﺭﻱ ﺍﻟﻔﺰﻋﺔ
ﺩﻳﺮﻱ ﺑﺎﻟﺞ ﺗﻌﻴﺪﻳﻬﺎ ﻣﺮﺓ ﺛﺎﻧﻴﺔ ﻭﺗﺪﺧﻠﻴﻦ ﻧﻔﺴﺞ ﺑﻌﺮﺍﻳﻚ ﺍﻟﺮﻳﺎﺟﻴﻞ
ﻭﺍﻟﻠﻪ ﺍﻟﻌﻈﻴﻢ ﻣﺮﺓ ﺛﺎﻧﻴﺔ ﺍﻋﻮﻑ ﺍﻟﻌﺮﻛﺔ ﻭﺍﺟﻲ ﺍﺳﺤﻠﺞ
ﺑﺮﻃﻤﺖ ﺷﻔﺎﻳﻔﻲ
.. ﺻﺎﻍ ﺍﻟﻤﻐﺔ ( ﺻﺎﺭ ﺍﻟﻤﺮﺓ ) ﺍﻟﺠﺎﻳﺔ ﻏﺎﺡ ( ﺭﺍﺡ ) ﺍﻛﻌﺪ ﺍﺗﻔﻐﺞ ( ﺍﺗﻔﺮﺝ ) ﻋﻠﻴﻚ
ﺷﻠﻮﻥ ﺗﺘﻌﺎﺇﻙ ( ﺗﺘﻌﺎﺭﻙ ) ﻭﺍﻛﺘﻔﻲ ﺑﺎﻟﺘﺸﺠﻴﻊ ﻭﺍﻫﺘﻒ
ﻗﺎﺳﻢ .. ﻗﺎﺳﻢ .. ﻗﺎﺳﻢ
ﺍﺑﺎﻭﻉ ﻋﻠﻴﻪ ﻋﺾ ﻛﻒ ﺍﻳﺪﻩ ﻣﺜﻞ ﺍﻟﻲ ﻛﻮﺓ ﻻﺯﻡ ﻧﻔﺴﻪ
ﻣﺎ ﻳﻬﺪ ﺑﻴﺔً
.. ﺍﺍﺍﺍﺥ ﻫﺬﺍ ﻟﺴﺎﻧﺞ ﻳﺠﻲ ﻳﻮﻡ ﻛﺎﺻﻪ ﺍﻟﺞ ﺑﻤﻨﺸﺎﺭ
.. ﻳﻌﻨﻲ ﻫﺎﻱ ﺑﺪﻝ ﻣﺘﺸﻜﻐﻨﻲ ( ﻣﺘﺸﻜﺮﻧﻲ )
.. ﻟﺞ ﺟﻨﻴﺔ ﻋﻠﻰ ﺷﻨﻮ ﺗﺮﺩﻳﻨﻲ ﺍﺷﻜﺮﺝ ﻋﺎﻟﺤﺬﺍﺀ . ﺍﻟﻲ ﺯﺭﻋﺘﻴﻪ ﺑﺮﺍﺱ ﺍﻟﻮﻟﺪ
ﺍﻱ ﺻﺪﻙ ﻭﻋﻠﻰ ﻃﺎﺭﻱ ﺍﻟﺤﺬﺍﺀ
ﺍﻳﺎﻧﻲ ﻭﻳﺎﺝ ﺍﺷﻮﻓﺞ ﺑﻌﺪ ﻻﺑﺴﺔ ﻫﺬﺍ ﺍﻟﺤﺬﺍﺀ
ﺛﻘﻲ ﺑﺎﻟﻠﻪ ﺍﺯﺭﻋﻪ ﺑﺮﺍﺳﺞ ﻣﺜﻠﻤﺎ ﺣﻄﻴﺘﻲ ﺑﺮﺍﺱ ﻋﺰﺍﻡ
ﻣﻮ ﺗﻜﻮﻟﻴﻦ ﻗﺎﺳﻢ ﻣﺎ ﻛﺎﻝ
ﺑﺎﻭﻋﺖ ﻋﻠﻴﻪ ﺑﻐﻴﺾ
.. ﻟﻴﺶ ﻫﻮ ﺣﺬﺍﺀ
ﻧﺰﻝ ﻋﻴﻮﻧﻪ ﻳﺒﺎﻭﻉ ﻋﻠﻰ ﺭﺟﻠﻴﺔ ﻭﻛﺎﻝ
.. ﺍﻧﺎ ﻣﻜﻠﺖ ﺍﻣﺸﻲ ﺣﺎﻓﻴﺔ
ﺍﻧﺎ ﻛﻠﺖ ﻫﺬﺍ ﺍﻟﺤﺬﺍﺀ ﺑﺎﻟﺬﺍﺕ ﻣﺘﻠﺒﺴﻴﻨﻪ
ﺟﺎﻭﺑﺘﻪ ﺑﺰﻋﻞ .. ﺻﺎﻍ ( ﺻﺎﺭ ) ﻫﺬﺍ ﻫﻮ
ﺍﺻﻼ ﺑﻌﺪ ﻣﺎ ﺍﻟﺒﺲ ﺍﻱ ﺣﺬﺍﺀ ﺍﺣﺴﻦ ﺣﺘﻰ ﺗﻐﺘﺎﺡ ( ﺗﺮﺗﺎﺡ )
ﺍﻃﻠﻊ ﺑﺎﻟﻨﻌﺎﻝ
.. ﺑﺮﺍﺣﺘﺞ ﺑﺲ ﺍﻫﻢ ﺷﻲ ﻫﺬﺍ ﺍﻟﺤﺬﺍﺀ ﻣﺎ ﻳﻨﻠﺒﺲ
ﻳﺎﻟﻠﻪ ﻓﻮﺗﻲ ﺟﻮﺓ ﺍﻧﺎ ﺭﺍﻳﺢ
ﻭﺍﺣﺘﻤﺎﻝ ﺍﺗﺄﺧﺮ ﻋﻨﺪﻱ ﺷﻐﻞ
ﻭﺻﺪﻙ ﺭﺍﺡ ﻭ ﺻﺎﺭ ﺍﻟﻠﻴﻞ ﻭﺗﺄﺧﺮ ﺍﻟﻮﻗﺖ ﻭﻫﻮ ﺑﻌﺪﻩ ﻣﺎ ﺭﺍﺟﻊ ﻟﻠﺒﻴﺖ
ﻭﺍﻧﻲ ﺑﻌﺪﻣﺎ ﺑﻘﻴﺖ ﺷﻮﻳﺔ ﺟﻮﺓ ﻳﻢ ﺧﺎﻟﺘﻲ ﻭﺍﻟﺒﻨﺎﺕ
ﺗﺎﻟﻲ ﺑﺎﻟﻠﻴﻞ ﺻﻌﺪﺕ ﻟﻐﺮﻓﺘﻲ
ﻭﻣﻜﺪﺭﺕ ﺍﻧﺎﻡ ﺑﻘﻴﺖ ﺍﻧﺘﻈﺮﻩ ﻳﺮﺟﻊ ﻟﻠﺒﻴﺖ ﻳﺎﻟﻠﻪ ﺍﻧﺎﻡ
ﺑﺎﻟﺮﻏﻢ ﻛﻠﺶ ﻧﻌﺴﺎﻧﺔ
ﻭﺻﺮﺕ ﺍﺣﻮﻡ ﺑﺎﻟﻐﺮﻓﺔ
ﺍﺭﻳﺪ ﺷﻲ ﻳﻠﻬﻴﻨﻲ ﺑﺪﻳﺖ ﺍﻛﻤﻞ ﻛﻢ ﺷﻐﻠﺔ ﻋﻨﺪﻱ ﺑﺎﻟﻐﺮﻓﺔ
ﻭﻏﺼﺐ ﻋﻨﻲ ﻟﻜﻴﺖ ﺭﻭﺣﻲ ﺍﻓﻜﺮ ﺑﻘﺎﺳﻢ
ﻻﺣﻈﺖ ﻋﻠﻴﻪ ﺻﺎﻳﺮ ﻛﻠﺶ ﻋﺼﺒﻲ ﻭﻣﻴﺘﺤﺎﺟﺔ
ﻣﻦ ﻋﻬﺪ ﻋﺮﻛﺘﻪ ﻭﻳﺔ ﺭﻫﻒ
ﻭﺍﻧﻲ ﺍﻣﺮﺕ ﺍﻟﻒ ﻣﺮﺓ ﻣﻦ ﺍﺷﻮﻓﻪ ﻛﺪﺍﻡ ﻋﻴﻮﻧﻲ ﺷﻠﻮﻥ
ﻣﺘﻠﻮﻉ ﻋﻠﻴﻬﺎ ﻛﻠﺒﻲ ﻳﻜﻮﻡ ﻳﺘﻜﻄﻊ
ﻣﻦ ﺍﻟﻐﻴﺮﺓ ﺍﺭﻳﺪ ﺍﺻﺮﺥ ﺍﺭﻳﺪ ﺍﻋﺎﺗﺐ ﺍﺭﻳﺪ ﺍﻋﺘﺮﺽ
ﺑﺲ ﺍﺭﺟﻊ ﻭﺍﺫﻛﺮ ﻧﻔﺴﻲ
ﻭﺍﻛﻮﻝ ﺑﻌﺪﺝ ﺑﺎﻭﻝ ﺍﻟﻄﺮﻳﻖ
ﻻ ﺗﻨﺴﻴﻦ ﺗﺮﺓ ﻫﻮ ﻣﺼﺎﺭﻟﻪ ﻫﻮﺍﻱ ﻣﻦ ﺍﺗﻌﺎﺭﻙ ﻭﻳﺔ ﺭﻫﻒ
ﻭﺍﻧﻔﺼﻞ ﻋﻨﻬﺎ ﻳﻌﻨﻲ ﺣﺘﻰ ﺑﻌﺪﻩ ﻛﻠﺒﻪ ﻣﻠﺤﻚ ﻳﻨﺴﻰ ﺣﺒﻬﺎ
ﺻﺒﺮﺝ ﻋﻠﻴﻪ
......
ﻻﺯﻡ ﺍﻧﻄﻴﻪ ﻣﺠﺎﻝ ﻳﺴﺘﻮﻋﺐ ﻓﻜﺮﺓ ﺧﺮﻭﺝ ﺭﻫﻒ ﻣﻦ ﺣﻴﺎﺗﻪ
ﺻﺤﻴﺢ ﻫﻮ ﻣﻤﺒﻴﻦ ﻋﻠﻴﻪ ﻣﺘﺄﺛﺮ ﺑﺎﻟﺼﺎﺭ
ﻻﺑﺲ ﻗﻨﺎﻉ ﺍﻟﻤﻜﺎﺑﺮﺓ ﻭﺭﺍﻫﻢ ﻋﻠﻴﻪ ﻟﺪﺭﺟﺔ ﻋﺒﺎﻟﻚ
ﻭﺟﻬﻪ ﺍﻟﺤﻘﻴﻘﻲ
ﺭﺣﺖ ﻟﻠﻜﻨﺘﻮﺭ ﺣﺘﻰ ﺍﻃﻠﻌﻠﻲ ﺷﻲ ﺍﻟﺒﺴﻪ ﺣﺘﻰ ﺍﻧﺎﻡ
ﻧﺰﻋﺖ ﺍﻟﺪﺷﺪﺍﺷﺔ . ﻭﺑﺎﻭﻋﺖ ﻟﺮﻭﺣﻲ ﺑﺎﻟﻤﺮﺍﻳﺎ
ﻭﻛﻌﺖ ﻋﻴﻨﻲ ﻋﻠﻰ ﺍﻟﻮﺣﻤﺔ
ﺍﺷﻮ ﺍﻧﻲ ﻭﺍﻟﻠﻪ ﻭﺍﺛﻘﺔ ﻣﻦ ﻧﻔﺴﻲ ﻭﻛﺎﻟﺒﺔ ﺩﻗﻠﺔ
ﻭﺩﺍﻳﺨﺔ ﺍﻓﻜﺮ ﺑﻘﺎﺳﻢ ﺷﻠﻮﻥ ﺍﺧﻠﻴﻪ ﻳﺘﻘﺮﺏ ﻣﻨﻲ
ﻭﺍﻧﻲ ﻧﺎﺳﻴﺔ ﻋﻨﺪﻱ ﺍﻛﺒﺮ ﺳﺒﺐ ﻳﺨﻠﻲ ﻗﺎﺳﻢ ﻳﻨﻬﺰﻡ ﻣﻨﻲ ﺍﺫﺍ ﺷﺎﻓﻬﺎ
ﺍﺗﺬﻛﺮﺕ ﻛﻼﻡ ﻣﺮﻭﺓ ﻣﻦ
ﻛﺎﻟﺖ .. ﺳﺎﻟﻔﺔ ﺍﻟﻮﺣﻤﺔ ﺳﻬﻠﺔ ﺑﺲ
ﻣﺮﻱ ﻋﻠﻴﺔ ﻟﻠﻌﻴﺎﺩﺓ ﺣﺘﻰ ﺍﺩﺧﻠﺞ ﻋﻠﻰ ﺩﻛﺘﻮﺭﺓ ﺍﻟﺘﺠﻤﻴﻞ
ﺯﻣﻴﻠﺘﻲ ﻣﺮﻛﺰ ﺍﻟﺘﺠﻤﻴﻞ ﻣﺎﻟﺘﻬﺎ ﻣﻮﺟﻮﺩ ﺑﻨﻔﺲ ﺍﻟﺒﻨﺎﻳﺔ ﻣﺎﻟﺘﻲ
ﺍﻧﻲ ﻭﺍﺑﻮ ﻳﺎﺳﺮ
ﻭﺑﻌﺪﻫﺎ ﻣﺎ ﺭﺣﺖ ﻻﻥ ﺍﻟﺘﻬﻴﺖ ﺑﺎﻻﻣﺘﺤﺎﻧﺎﺕ ﻭﻗﺒﻠﻬﺎ ﺳﺎﻟﻔﺔ ﻣﺮﻳﻢ ﻭﺍﻟﺼﺎﺭ ﺑﻴﻬﺎ
ﺑﺲ ﻫﺴﺔ ﻣﺎ ﺩﺍﻡ ﻋﻨﺪﻱ ﻋﻄﻠﺔ ﺧﻠﻲ ﺍﺳﺘﻐﻞ ﺍﻟﻔﺮﺻﺔ ﻭﺍﺭﻭﺡ ﻟﻤﺮﻭﺓ
ﺣﺘﻰ ﺗﺎﺧﺬﻧﻲ ﻟﻠﺪﻛﺘﻮﺭﺓ ﺍﺭﺍﺟﻊ ﻋﻨﺪﻫﺎ ﻭﺍﺷﻮﻓﻬﺎ ﺷﻨﻮ ﺗﻜﻮﻝ ﻋﻨﻬﺎ
ﺳﺤﺒﺖ ﻧﻔﺲ ﻋﻤﻴﻖ
ﻭﺭﺣﺖ ﻟﻠﻜﻨﺘﻮﺭ ﻭﻃﻠﻌﺘﻠﻲ
ﻫﺎﻟﻤﺮﺓ ﺛﻮﺏ ﻓﺎﻧﻴﻼ ﺗﻌﻼﻛﺔ ﻋﺎﻟﻜﺘﻒ
ﺻﻴﻔﻲ ﻳﺼﻴﺮ ﻗﺼﻴﺮ ﻟﺘﺤﺖ ﺍﻟﺮﻛﺒﻪ ﺑﺎﺭﺑﻊ ﺍﺻﺎﺑﻊ
ﻗﺮﺭﺕ ﻣﻨﺎ ﻭﺭﺍﻳﺢ ﻣﺎ ﺍﺗﻘﻴﺪ ﺑﻠﺒﺴﻲ ﺩﺍﺧﻞ ﻏﺮﻓﺘﻲ
ﻓﺘﺤﺖ ﺷﻌﺮﻱ ﻭﺍﺑﺎﻭﻉ ﻟﻤﻘﺪﻣﺔ ﺷﻌﺮﻱ
ﺍﻟﺒﺎﺭﺣﺔ ﺧﻠﺖ ﻫﺎﻟﺔ ﺗﻜﺼﻠﻲ ﻛﺬﻟﺔ ﻭﺗﺎﺧﺬ ﻭﻳﺎﻫﺎ
ﺍﻟﺸﻌﺮ ﺍﻟﻤﺸﻌﻮﻁ . ﺍﻟﺤﻤﺪﻟﻠﻪ ﻛﺪﺭﺕ ﺍﺭﺗﺒﻪ ﺣﺘﻰ ﻟﻮ ﺑﺎﻗﻲ ﺑﺲ ﺍﻟﺰﻟﻮﻑ ﻋﻠﻰ ﺟﻮﺍﻧﺐ ﺍﻟﻮﺟﻪ . ﻛﺮﻃﻔﺘﻪ ﺑﺎﻟﻤﻜﺺ ﻭﺍﻟﺤﻘﻴﻘﻪ ﻛﺎﻥ ﺗﻐﻴﻴﺮ ﻛﻮﻟﺶ ﺣﻠﻮ ﻻﻛﻠﻲ ﻫﻮﺍﻭﻳﺔ
ﺻﺎﺭ ﻛﻠﺶ ﻣﺮﺗﺐ ﺑﺲ ﺍﻟﻌﻮﺑﺔ ﻫﺎﻟﺔ ﺗﻜﻠﻲ ﺣﺮﺍﻣﺎﺕ ﻛﺼﻴﺘﻲ
ﻭﺍﻟﻠﻪ ﻟﻮﻥ ﺍﻟﺤﺮﻙ ﻋﻠﻰ ﺷﻌﺮﺝ ﺣﻠﻮ ﻭﺍﻟﻠﻪ ﻫﺎﻱ ﺍﻟﺒﻨﻴﺔ ﻣﺨﺒﻠﺔ
ﺍﺧﺬﺕ ﻧﻘﺎﻟﻲ ﻭﺍﺗﺼﻠﺖ ﻋﻠﻰ ﺷﻴﻤﺎﺀ ﺑﺎﻻﻭﻝ ﻭﺳﺄﻟﺘﻬﺎ ﻋﻦ ﺿﺤﻰ ﻻﻥ ﻫﻲ ﻛﺎﻟﺖ ﺍﻧﻲ ﺭﺍﺡ ﺍﺗﺼﻞ ﻋﻠﻴﻬﺎ ﻣﺮﺩﺕ
ﺍﺗﺼﻞ ﻋﻠﻰ ﺿﺤﻰ ﻭﺍﺳﺘﻔﺴﺮ ﻣﻨﻬﺎ
ﻻﻥ ﻫﺬﺍ ﺯﻭﺟﻬﺎ ﺳﻴﻒ ﺍﻛﻴﺪ ﺭﺍﺡ ﻳﻮﻛﻒ ﻓﻮﻙ ﺭﺍﺳﻬﺎ ﻭﻣﺘﻜﺪﺭ ﺗﺤﺠﻲ ﺑﺮﺍﺣﺘﻬﺎ ﻭﻳﺎﻱ
ﻭﺑﻌﺪﻣﺎ ﺍﺗﺼﻠﺖ ﻋﻠﻰ ﺷﻴﻤﺎﺀ ﻭﻃﻤﻨﺘﻨﻲ ﻋﻠﻰ ﺿﺤﻰ ﻭﺍﻟﻮﺿﻊ ﻳﻤﻬﺎ ﻫﺪﻭﺀ ﻭﺍﺗﻔﻘﻨﺎ ﻧﺘﺸﺎﻭﻑ ﺑﺎﺟﺮ ﺑﺒﻴﺖ ﺧﺎﻟﺔ ﺍﻡ ﻓﺮﺯﺩﻕ ﻋﻠﻰ ﺳﻨﻮﻳﺔ ﺍﺑﻮﻫﻢ
ﺑﺎﻭﻋﺖ ﻟﻠﺴﺎﻋﺔ ﺻﺎﺭﺕ ﺑﺎﻟﻮﺣﺪﺓ ﺑﺎﻟﻠﻴﻞ
ﻭﻗﺎﺳﻢ ﺑﻌﺪﻩ ﻣﻤﺒﻴﻦ ﻭﺍﻧﻲ ﻧﻌﺴﺖ
ﻃﻠﻌﺖ ﺍﻟﻔﺮﺍﺵ ﻭﻓﺮﺷﺘﻪ ﺑﺎﻟﻜﺎﻉ
ﻭﺑﻘﻴﺖ ﺍﺷﻐﻞ ﺭﻭﺣﻲ ﺑﺎﻱ ﺷﻲ ﺣﺘﻰ ﻣﺎ ﺍﻧﺎﻡ
ﻭﺑﻌﺪﻫﺎ ﺭﺣﺖ ﻛﻌﺪﺕ ﻋﺎﻟﺴﺮﻳﺮ ﺷﻐﻠﺖ ﺍﻟﺘﻔﻠﺰﻳﻮﻥ
ﻭﺩﺭﺗﻪ ﻋﻠﻰ ﻗﻨﺎﺓ ( mbc2 ) ﻛﺎﻥ ﺑﺎﺩﻱ ﻓﻠﻢ ﺍﻓﺘﺎﺭ
ﺷﺪ ﺍﻧﺘﺒﺎﻫﻲ ﻭﻛﻌﺪﺕ ﺍﺗﺎﺑﻌﻪ ﻭﻫﺬﺍ ﺍﺧﺮ ﺷﻲ ﺍﺗﺬﻛﺮ ﺳﻮﻳﺘﻪ
ﺑﻌﺪﻫﺎ ﻣﺎ ﺍﺩﺭﻱ ﺷﻠﻮﻥ ﻧﻤﺖ ﻋﺎﻟﺴﺮﻳﺮ ﻭﺷﻮﻛﺖ ﻭﺻﻞ ﻗﺎﺳﻢ
ﻭﺷﻠﻮﻥ ﻧﺎﻡ ﻳﻤﻲ ﻋﺎﻟﺴﺮﻳﺮ ﻫﺎﻱ ﺍﻟﻲ ﻣﺎ ﺍﻋﺮﻓﻬﺎ
ﻣﻌﻘﻮﻟﺔ ﺍﻧﻲ ﻧﺴﻴﺖ ﻧﻔﺴﻲ ﻭﻧﻤﺖ ﺑﺎﺛﻨﺎﺀ ﻣﺠﻨﺖ ﺍﺑﺎﻭﻉ ﺍﻟﻔﻠﻢ
ﺑﻴﻦ ﻣﺠﻨﺖ ﺍﺗﺬﻛﺮ ﺷﺠﺎﺑﻨﻲ ﻫﻨﺎ ﺣﺴﻴﺖ ﻋﻠﻰ ﺣﺮﻛﺔ
ﺭﺟﻠﻴﻦ ﻗﺎﺳﻢ ﺗﺤﺖ ﺍﻟﻐﻄﺎ
ﻳﻤﺔ ﻛﻠﺒﻲ ﺍﺟﺔ ﻳﻮﻛﻒ ﻋﺰﺓ ﺑﻌﻴﻨﻲ ﻫﺎﻱ ﺷﻤﺼﺨﻤﺔ ﺍﻧﻲ
ﻭﺭﺟﻠﻴﺔ ﺷﻴﺴﻮﻥ ﻣﺤﺸﻮﺭﺍﺕ ﺑﻴﻦ ﺭﺟﻠﻴﻪ
ﺍﻧﺘﺒﻬﺖ ﻋﻠﻴﻪ ﺍﺳﺘﺪﺍﺭ ﻋﻠﻰ ﺟﻬﺘﻲ ﺑﻜﻞ ﺛﻘﻞ
ﺟﺎﻥ ﻳﺘﻤﻐﻂ ﻣﺜﻞ ﺍﻟﻌﺘﻮﻱ ﺍﻟﻤﺘﺨﻮﻡ
ﻭﺣﻂ ﺍﻳﺪﻩ ﻋﻠﻰ ﺧﺼﺮﻱ ﺑﻜﻞ ﻫﺪﻭﺀ
......
ﻳﺎﺭﺑﻲ ﺷﻜﺎﻋﺪ ﻳﺼﻴﺮ
ﺟﻨﺖ ﻣﻐﻤﻀﺔ ﻋﻴﻮﻧﻲ ﻭﻣﺎ ﺍﻛﺪﺭ ﺍﻓﺘﺤﻬﻢ ﺣﺘﻰ ﺍﻋﺮﻑ
ﻫﻮ ﺑﻌﺪﻩ ﻧﺎﻳﻢ ﻟﻮ ﺻﺎﺣﻲ
ﺑﻘﻴﺖ ﺛﺎﺑﺘﺔ ﺑﻤﻜﺎﻧﻲ ﻭﻣﺎ ﺍﺗﺤﺮﻛﺖ
ﺣﺎﺑﺴﺔ ﺍﻧﻔﺎﺳﻲ ﻭﻛﻠﺒﻲ ﻛﺎﻡ ﻳﺪﻙ ﺣﻴﻞ ﻭﺍﺣﺲ ﺍﻟﻨﺒﺾ
ﻭﺻﻞ ﻟﺒﻠﻌﻮﻣﻲ ﺣﺴﻴﺖ ﻋﻠﻰ ﻛﻒ ﺍﻳﺪﻩ ﺑﺪﺓ ﻳﻨﺰﻝ ﻣﻦ ﻋﻠﻰ ﺧﺼﺮﻱ ﺑﺎﻟﺘﺪﺭﻳﺞ
ﺍﻟﻲ ﻳﺸﻮﻓﻨﻲ ﻳﻜﻮﻝ ﻫﺎﻱ ﻏﺎﻃﺔ ﺑﺴﺎﺑﻊ ﻧﻮﻣﺔ ﻣﺜﻞ ﺍﻟﻄﻔﻞ
ﻭﻣﻴﺪﺭﻱ . ﺑﺒﺨﺒﺼﺔ ﺍﻟﻤﺸﺎﻋﺮ ﺍﻟﻤﺨﺘﻠﻄﺔ ﺍﻟﺼﺎﻳﺮﺓ ﺑﺪﺍﺧﻞ ﻛﻠﺒﻲ
ﺍﻧﺘﺒﻬﺖ ﻟﻜﻒ ﺍﻳﺪﻩ ﺍﺳﺘﻘﺮ ﻋﻠﻰ ﺭﺟﻠﻲ ﺍﺣﺲ
ﺑﻲ ﻋﺒﺎﻟﻚ ﻣﺘﻌﻮﺩ ﻭﺑﺪﺓ ﻳﻘﺮﺑﻨﻲ ﻋﻠﻴﻪ
ﺷﻬﻜﺖ ﺑﺼﻮﺕ ﻣﻜﺘﻮﻡ ﻋﺰﺓ
ﻫﺴﺔ ﺍﻧﻲ ﺷﺴﻮﻱ ﺑﻬﺎﻱ ﺍﻟﺤﺎﻟﺔ
ﺍﺑﻘﻰ ﻧﺎﻳﻤﺔ ﻟﻮ ﺍﺻﺤﻰ ﻟﻮ ﺍﺑﻘﻰ ﺍﻧﺘﻈﺮ ﺭﺣﻤﺔ ﺍﻟﻠﻪ
ﻟﻮ ﺍﻛﻌﺪ ﺍﺑﺠﻲ ﺍﺣﺴﻦ ﻭﺍﻟﻠﻪ ﻛﻠﺒﻲ ﺭﺍﺡ ﻳﻮﻛﻒ
ﻭﺑﻴﻦ ﻣﺠﻨﺖ ﺍﻓﻜﺮ
ﻫﻮ ﺍﻳﺪﻩ ﻻﺯﺍﻟﺖ ﺗﺘﻠﻤﺲ ﺟﺎﻧﺐ ﺟﺴﻤﻲ
ﺑﺲ ﻓﺠﺎﺀﺓ ﺣﺴﻴﺖ ﺑﺎﻳﺪﻳﻪ ﺟﻤﺪﺕ ﺑﻤﻜﺎﻧﻬﺎ
ﻭﺑﺴﺮﻋﺔ ﻓﺰ ﻭﺷﻤﺮ ﺍﻟﻐﻄﺎ ﻭﻛﻤﺰ ﻣﻦ ﻣﻜﺎﻧﻪ ﻣﺜﻞ ﺍﻟﻤﺼﺪﻭﻡ
.. ﺍﺣﺘﺮﻛﺖ ﻋﺸﻴﺮﺗﺞ ﻫﺎﻱ ﺷﻨﻮ
ﻭ ﺿﻞ ﻳﺪﺭﺩﻡ ﻭﻳﻠﻌﻦ ﻭﻳﺴﺐ
ﻋﺰﺯﺯﺓ ﻫﺬﺍ ﺷﻜﻠﻪ ﺟﺎﻥ ﻧﺎﻳﻢ ﻭﻣﻴﺪﺭﻱ ﺑﺮﻭﺣﻪ ﺷﺪﻳﺴﻮﻱ
ﻭﺍﻧﻲ ﺑﻘﻴﺖ ﻣﺤﺎﻓﻈﺔ ﻋﻠﻰ ﺳﻜﻮﻧﻲ ﺑﺎﻟﻜﻮﺓ
ﻳﻌﻨﻲ ﻣﺎ ﺍﻋﺮﻑ ﺷﻠﻮﻥ ﺑﻘﻴﺖ ﻣﺘﻤﺎﺳﻜﺔ ﻻﺧﺮ ﻟﺤﻈﺔ
ﻭﻣﺎ ﻋﻄﺖ
ﺍﺳﻤﻌﻪ ﻳﺪﺭﺩﻡ
ﻧﻬﺾ ﻣﻦ ﺍﻟﺴﺮﻳﺮ ﻭﺑﺄﺛﻨﺎﺀ ﺣﺮﻛﺘﻪ ﺳﺤﺐ ﺍﻟﻐﻄﺎ ﻣﻨﻲ
ﺭﺟﻊ ﻏﻄﺎﻧﻲ
ﻭﻫﻮ ﻳﻨﺎﻓﺦ
ﻭﻣﺸﻰ ﻟﻠﻜﻨﺘﻮﺭ ﻭ ﺑﻘﺔ ﻣﻌﺼﺐ
ﺍﺳﻤﻌﻪ ﻳﺤﺠﻲ ﺑﺼﻮﺕ ﻧﺎﺻﻲ
.. ﺍﻟﻠﻪ ﻳﻠﻌﻨﻚ ﻳﺎﻟﺸﻴﻄﺎﻥ
ﺍﻧﺎ ﺷﻨﻮ ﺟﻨﺖ ﺍﺣﺲ ﺍﻣﻨﺖ ﺑﺮﻭﺣﻲ ﻭﻧﻤﺖ
ﻳﻤﻬﺎ
ﺭﻛﻊ ﺑﺎﺏ ﺍﻟﻜﻨﺘﻮﺭ ﺑﻜﻞ ﻗﻮﺗﻪ
ﺍﺧﺬ ﻣﻼﺑﺴﻪ ﻭﺭﺍﺡ ﻃﻠﻊ ﺑﺮﺓ ﺍﻟﻐﺮﻓﺔ ﺑﻜﺒﺮﻫﺎ
ﻳﺒﻮﻭﻭﻭﻭ ﻋﻠﻴﺔ ﺍﻟﺮﺟﺎﻝ ﻳﻤﻜﻦ ﺍﺗﺨﺒﻞ ﻭﻫﺞ . ﻣﻦ ﺍﻟﻐﺮﻓﺔ
ﺍﻧﺪﻙ ﺍﻟﺒﺎﺏ ﻭﻫﺎﻟﻤﺮﺓ ﺍﺟﺎﻧﻲ ﺻﻮﺕ ﻫﺎﻟﺔ
ﺗﺴﺘﻌﺠﻠﻨﻲ ﺍﻛﻌﺪ ﻻﻥ ﻭﺭﺍﻧﺎ ﻧﺮﻭﺡ ﻟﺒﻴﺖ ﺍﻡ ﻓﺮﺯﺩﻕ
ﻳﺒﻮ ﻭﺍﻟﻠﻪ ﻧﺴﻴﺖ ﻛﻤﺖ ﻣﻦ ﻣﻜﺎﻧﻲ ﻭﺭﺣﺖ ﻃﻠﻌﺘﻠﻲ ﻣﻼﺑﺲ ﺑﺴﺮﻋﺔ ﻭﺩﺧﻠﺖ ﻟﻠﺤﻤﺎﻡ
ﻭﺭﺓ ﺭﺑﻊ ﺳﺎﻋﺔ ﻃﻠﻌﺖ ﻣﻦ ﺍﻟﺤﻤﺎﻡ ﻭﻭﻛﻔﺖ ﻛﺪﺍﻡ
ﺍﻟﻤﺮﺍﻳﺎ ﻟﻤﻴﺖ ﺷﻌﺮﻱ ﻭﺭﻓﻌﺘﻪ ﺑﻘﺮﺍﺻﺔ
ﺩﻧﻜﺖ ﻟﻠﻤﺠﺮ ﻃﻠﻌﺘﻠﻲ ﺷﺎﻝ ﺣﺘﻰ ﺍﻟﺒﺴﻪ ﺍﻛﻴﺪ ﻫﺸﺎﻡ ﺟﻮﺓ
ﺣﻄﻴﺖ ﺍﻟﺸﺎﻝ ﻋﻠﻰ ﻛﺘﻔﻲ
ﺍﻧﻔﺘﺢ ﺍﻟﺒﺎﺏ
ﻭﺩﺧﻞ ﻗﺎﺳﻢ ﺟﺎﻥ ﻻﺑﺲ ﻣﻼﺑﺲ ﺍﻟﺸﻐﻞ
ﺑﺎﻭﻉ ﻋﻠﻴﺔ ﺑﻨﻈﺮﺍﺕ ﻧﺎﺭ ﺍﺣﺲ
ﺟﺴﻤﻲ ﻛﺎﻡ ﻳﻜﺮﺻﻨﻲ ﻣﻦ ﻭﺭﺍﻩ
ﻭﺑﺴﺮﻋﺔ ﺍﺟﺘﻨﻲ ﺍﻟﻔﻜﺮﺓ ﻭﺩﺍﻫﻤﺘﻪ ﺑﺎﻟﺴﺆﺍﻝ
.. ﺻﺒﺎﺡ ﺍﻟﺨﻴﻎ ( ﺍﻟﺨﻴﺮ )
ﺷﻨﻮ ﺷﻮﻛﺖ ﻏﺠﻌﺖ ﺍﻟﺒﺎﻏﺤﺔ ( ﺭﺟﻌﺖ ﺍﻟﺒﺎﺭﺣﺔ ) ﺑﺎﻟﻠﻴﻞ ﺍﺷﻮ ﻣﺤﺴﻴﺖ ﻋﻠﻴﻚ
ﺟﻠﻰ ﺻﻮﺗﻪ .. ﺍﺣﻢ ﺭﺟﻌﺖ ﺑﺎﻟﻮﺣﺪﺓ ﻭﻧﺺ ﺑﺎﻟﻠﻴﻞ
ﻭﻟﻜﻴﺘﺞ ﻧﺎﻳﻤﺔ ﻋﺎﻟﺴﺮﻳﺮ
ﺍﺭﺗﺒﻜﺖ .. ﺍﻱ ﻣﻮﺟﻨﺖ ﺍﻧﺘﻈﻐﻚ ﺗﻐﺠﻊ ( ﺍﻧﺘﻈﺮﻙ ﺗﺮﺟﻊ ) ﻇﻞ ﺑﺎﻟﻲ ﻋﻠﻴﻚ
ﺑﺎﻭﻉ ﻋﻠﻴﺔ .. ﻭﻟﻴﺶ ﻳﻈﻞ ﺑﺎﻟﺞ ﻋﻠﻴﺔ ﻗﺎﺑﻞ ﺍﻧﺎ ﺻﻐﻴﺮ
ﻭﺗﺨﺎﻓﻴﻦ ﻋﻠﻴﺔ ﺍﺿﻴﻊ
.. ﻻ ﺑﺲ ﺧﻔﺖ ﺍﻧﺎﻡ ﻟﻮﺣﺪﻱ ﺑﺎﻟﻐﻐﻔﺔ ( ﺑﺎﻟﻐﺮﻓﺔ )
ﺣﺠﺔ ﻣﻦ ﺑﻴﻦ ﺍﺳﻨﺎﻧﻪ .. ﺍﻟﻠﻪ ﻳﻠﻌﻨﺞ ﻳﺎﺟﻨﻴﺔ
ﻭﺍﻟﻠﻪ ﺑﻌﺪ ﺍﻟﻲ ﺷﻔﺘﻪ ﺍﻟﻤﻔﺮﻭﺽ ﺍﻧﺎ ﺍﻟﻲ ﻻﺯﻡ ﺍﺧﺎﻑ
ﺍﻧﺎﻡ ﻳﻤﺞ
......
ﺷﻬﻜﺖ ﻭﺭﺟﻌﺖ ﺳﺄﻟﺘﻪ
.. ﺷﻨﻮ ﻛﻠﺖ
.. ﻫﻴﺞ ﻣﻮ ﻳﻤﺞ ﺟﻨﺖ ﺍﻛﻮﻝ ﺷﺘﺴﻮﻳﻦ ﻧﺎﻳﻤﺔ ﻋﻠﻰ ﺍﻟﺴﺮﻳﺮ
ﻭﻣﻼﺑﺴﺞ ﺗﺠﻴﺐ ﺍﻟﺘﺎﻳﻪ ﻟﻴﺶ ﻣﻨﺎﻳﻤﺔ ﺑﻔﺮﺍﺷﺞ
ﻳﺤﺠﻲ ﻭﻳﺘﺤﺮﻙ ﺑﺎﻟﻐﺮﻓﺔ ﻳﻄﻠﻊ ﺍﻭﺭﺍﻕ ﻣﻦ ﺍﻟﻜﻨﺘﻮﺭ
ﻭﺟﻨﻄﺔ ﻭﺷﻐﻼﺕ ﺗﺨﺺ ﺍﻟﻌﻤﻞ ﻣﺎﻟﺘﻪ
ﺟﺎﻥ ﻣﻨﻄﻴﻨﻲ ﻇﻬﺮﻩ ﻭﻳﻜﻠﺐ ﺑﺎﻟﻔﺎﻳﻞ
.. ﻭﺍﻟﻠﻪ ﻣﺎ ﺍﻋﻐﻒ ﺑﻐﻮﺣﻲ ﻧﻤﺖ ﻋﺎﻟﺴﻐﻴﻎ ( ﻣﺎﺍﻋﺮﻑ ﺑﺮﻭﺣﻲ ﻧﻤﺖ ﻋﻠﻰ ﺍﻟﺴﺮﻳﺮ )
ﺍﻻ ﻫﺴﺔ ﻣﻦ ﻛﻌﺪﺗﻨﻲ ﻫﺎﻟﺔ ﺍﻟﺼﺒﺢ
ﺣﻂ ﺍﻟﻔﺎﻳﻞ ﺑﺎﻟﺠﻨﻄﺔ ﻭﺳﺪﻫﺎ ﻭﻫﻮ
.. ﺍﻟﺤﻤﺪﻟﻠﻪ ﺍﻟﻠﻪ ﺳﺘﺮ ﺟﺎﻧﺖ ﻧﺎﻳﻤﺔ
ﺳﺄﻟﺘﻪ ﺍﺳﺘﻐﺒﻲ ﻧﻔﺴﻲ
.. ﻫﺎﺍﺍﺍ ﺷﻨﻮ ﻛﻠﺖ ؟؟؟
ﺷﺎﻝ ﺍﻟﺠﻨﻄﺔ ﻭﺍﺗﻮﺟﻪ ﻟﻠﺒﺎﺏ ﻳﺮﻳﺪ ﻳﻄﻠﻊ
.. ﻻ ﻫﻴﺞ ﺳﻼﻣﺘﺞ ﻣﻜﻠﺖ ﺷﻲ
ﻃﻠﻊ ﻣﻦ ﺍﻟﻐﺮﻓﺔ ﻭﺍﻧﻲ ﺧﺮﺑﺎﻧﺔ ﺿﺤﻚ ﻋﻠﻴﻪ
ﺑﻌﺪﻙ ﻣﺎ ﺷﻔﺖ ﺷﻲ ﻣﻨﻲ ﺍﺳﺘﺎﺫ ﻗﺎﺳﻤﻮﻑ
ﻭﺭﺍﻙ ﻭﻳﻦ ﻣﺘﺮﻭﺡ
ﻧﺰﻟﺖ ﺟﻮﺓ ﻭﻟﻜﻴﺖ ﺍﻟﻜﻞ ﻛﺎﻋﺪﻳﻦ ﺣﺘﻰ ﺍﻟﺠﻬﺎﻝ ﻛﺎﻋﺪﻳﻦ
ﺩﺧﻠﺖ ﻟﻠﻤﻄﺒﺦ ﻭﺳﻠﻤﺖ ﻋﺎﻟﻜﻞ
ﻟﻜﻴﺖ ﺍﻟﺒﻨﺎﺕ ﻭﻗﺎﺳﻢ ﻭﻫﺸﺎﻡ ﻛﺎﻋﺪﻳﻦ ﻳﺘﺮﻳﻜﻮﻥ
ﺍﺑﺎﻭﻉ ﻟﻘﺎﺳﻢ ﺟﺎﻥ ﻣﺪﻧﻚ ﺭﺍﺳﻪ ﻣﻨﺪﻣﺞ ﻳﺎﻛﻞ
ﺍﻡ ﻗﺎﺳﻢ .. ﻫﻼ ﺧﺎﻟﺔ ﺷﻌﺠﺐ ﺍﻟﻴﻮﻡ ﻣﻤﻜﻌﺪﺓ ﺯﻭﺟﺞ
ﻟﻠﺸﻐﻞ ﻣﻮ ﻣﻦ ﻋﻮﺍﻳﺪﺝ
ﺍﺑﺘﺴﻤﺖ ﺑﻔﺸﻠﺔ .. ﻭﺍﻟﻠﻪ ﻣﺎ ﺍﻋﻐﻒ ( ﻣﺎﺍﻋﺮﻑ ) ﺷﺒﻴﺔ . ﺍﺧﺬﺗﻨﻲ ﺍﻟﻨﻮﻣﺔ
ﻭﺍﻟﻠﻪ ﺍﻭﻝ ﻣﻐﺔ ( ﻣﺮﺓ ) ﻫﻴﺞ ﺍﻧﺎﻡ ﻣﻐﺘﺎﺣﺔ ( ﻣﺮﺗﺎﺣﺔ ) ﻭﺍﻧﺴﻰ ﻧﻔﺴﻲ
ﺍﻧﺘﺒﻬﺖ ﻋﻠﻰ ﻗﺎﺳﻢ ﺑﺴﺮﻋﺔ ﺭﻓﻊ ﺭﺍﺳﻪ ﻣﻦ ﺍﻻﻛﻞ ﻭﺑﺎﻭﻉ
ﻋﻠﻴﺔ ﻭﻛﺎﻝ ﺑﺼﻮﺕ ﺧﺸﻦ
.. ﻫﺪﻯ ﻛﻼﺹ ﻣﺎﺍﺍﺍﺍﻱ
ﻛﺎﻟﻬﺎ ﺑﻐﻴﺾ ﺍﺣﺲ ﺑﻲ ﺩﻳﺮﺯﻟﻨﻲ
ﺍﻣﺎ ﺍﺳﺘﺎﺫ ﻫﺸﺎﻡ ﻣﻦ ﺍﻭﻝ ﻣﺎ ﺩﺧﻠﺖ ﻟﻠﻤﻄﺒﺦ ﻫﻮ ﺑﺲ ﻳﻀﺤﻚ ﻋﺎﺑﺘﻠﻪ
ﻳﻤﻜﻦ ﺍﺗﺬﻛﺮ ﺑﻄﻮﻻﺗﻲ ﻣﺎﻟﺖ ﺍﻟﺒﺎﺭﺣﺔ
ﺍﺣﻤﺪ ﺍﻟﻠﻪ ﻣﻜﺎﻟﻮﺍ . ﻟﺨﺎﻟﺔ ﻭﺍﻟﺒﻨﺎﺕ
ﺟﺎﻥ ﺻﺮﺕ ﻋﻠﺞ ﺑﺤﻠﻚ ﻫﺎﻟﺔ ﻭﺷﻴﻔﻜﻨﻲ ﻣﻨﻬﺎ
ﺍﻧﻄﻴﺖ ﺍﻛﻼﺹ ﺍﻟﻤﺎﻱ ﻟﻘﺎﺳﻢ ﻭﻛﻌﺪﺕ ﻳﻤﻪ
ﺍﺧﺬﻩ ﻣﻨﻲ ﻭﺧﺰﺭﻧﻲ
ﺍﻫﻮ ﻫﺴﺔ ﻫﺬﺍ ﺷﺒﻲ ﻣﻨﻮ ﻳﻤﻪ
ﺻﺒﻴﺖ ﻛﻮﺏ ﺟﺎﻱ ﻭﺑﺪﻳﺖ ﺍﺗﺮﻳﻚ
ﻭﺍﺑﺎﻭﻉ ﻋﻠﻰ ﻫﻮﺳﺔ ﺍﻟﺒﻨﺎﺕ ﻭﺟﻬﺎﻟﻬﻢ ﻫﺎﻱ ﺍﻟﻲ ﺗﺴﻮﻱ ﻟﻔﺎﺕ ﻟﺠﻬﺎﻟﻬﺎ
ﻭﻫﺎﻱ ﺍﻟﻲ ﻣﻜﻌﺪﺓ ﺍﺑﻨﻬﺎ ﺑﺤﻀﻨﻬﺎ ﻭﺗﺮﻳﻜﻪ
ﺍﻡ ﻗﺎﺳﻢ .. ﻋﻔﻴﺔ ﻳﻤﺔ ﻗﺎﺳﻢ ﻣﺎ ﺍﻭﺻﻴﻚ ﺍﻟﻴﻮﻡ ﻣﻮ ﺗﺘﺄﺧﺮﻭﻥ
ﺍﻧﺖ ﻭﺍﺧﻮﻙ ﻫﺸﺎﻡ ﺣﺘﻰ ﻧﺮﻭﺡ ﺳﻮﻳﺔ ﻟﺒﻴﺖ ﻋﻤﻜﻢ
ﻗﺎﺳﻢ .. ﺍﻥ ﺷﺎﺀ ﺍﻟﻠﻪ ﺍﻟﻴﻮﻡ ﺍﺭﺟﻊ ﻣﻦ ﻭﻛﺖ
ﺍﻱ ﺻﺪﻙ ﺍﺗﺬﻛﺮﺕ
ﺣﺠﻴﺔ ﺑﺎﺟﺮ ﺍﻧﺘﻲ ﻭﻫﺪﻯ ﺣﻀﺮﻭﺍ ﻧﻔﺴﻜﻢ
ﺍﺧﺬﻛﻢ ﻟﺒﻴﺖ ﺍﻫﻞ ﺭﺍﺋﺪ ﻧﺘﺤﻤﺪﻟﻬﻢ ﻋﺎﻟﺴﻼﻣﺔ
ﺧﻄﻴﺔ ﺍﻟﺒﺎﺭﺣﺔ . ﺍﺑﻮﻩ ﺿﺮﺑﺘﻪ ﺟﻠﻄﺔ
ﺍﻡ ﻗﺎﺳﻢ .. ﻳﺎﺍﺍ ﺧﻄﻴﺔ . ﻣﻴﺴﺘﺎﻫﻞ
ﻭﻫﺴﺔ ﺷﻠﻮﻧﻪ
ﻗﺎﺳﻢ .. ﻻ ﺍﻟﺤﻤﺪﻟﻠﻪ ﻋﺪﺕ ﺳﻼﻣﺎﺕ
ﻻﺅﻝ ﻣﺮﺓ ﺑﺤﻴﺎﺗﻲ ﻳﻨﺬﻛﺮ ﺍﺳﻢ ﺭﺍﺋﺪ ﻭﻛﻠﺒﻲ ﻳﺒﻘﻰ
ﻣﻨﺘﻈﻢ ﺑﺪﻛﺎﺗﻪ ﻋﺒﺎﻟﻚ ﺩﻳﺤﺠﻮﻥ ﺑﻮﺍﺣﺪ ﻣﺎ ﺍﻋﺮﻓﻪ
ﺍﺣﻤﺪ ﺍﻟﻠﻪ ﺍﻟﻒ ﻣﺮﺓ ﻭﺍﺷﻜﺮﻩ ﺑﻴﻮﻡ ﺭﺣﻤﻨﻲ ﻭﻃﻠﻌﻪ ﻣﻦ ﻛﻠﺒﻲ
ﻫﺸﺎﻡ .. ﺍﻛﻮﻝ ﻗﺎﺳﻢ
ﺭﺍﺋﺪ ﻋﺮﻑ ﺑﺄﺑﻮﻩ ﻟﻮ ﺑﻌﺪﻩ ؟؟
.. ﺍﻱ ﺍﺗﺼﻠﻮﺍ ﻋﻠﻴﻪ ﺍﻫﻠﺔ ﻭﺍﻟﻴﻮﻡ ﻭﺻﻞ
ﺍﻡ ﻗﺎﺳﻢ .. ﺍﻛﻠﻚ ﻗﺎﺳﻢ ﻫﺬﺍ ﺷﻨﻮ ﺳﺎﻟﻔﺘﻪ ﺻﺎﺣﺒﻚ
ﻟﻴﺶ ﻧﻘﻞ ﺩﻭﺍﻣﻪ ﻟﻠﻨﺎﺻﺮﻳﺔ
......
ﻭﺍﻟﻠﻪ ﻳﺎ ﺣﺠﻴﺔ ﺧﻠﻴﻬﺎ ﺳﻜﺘﻪ ﻫﺬﺍ ﺍﻟﻮﻟﺪ ﺭﺍﺡ ﻳﺨﺒﻠﻨﻲ
ﻣﺎ ﺍﻋﺮﻑ ﺷﺒﻲ
ﻫﻮ ﻣﻮ ﺑﺲ ﻧﻘﻞ ﺩﻭﺍﻣﻪ ﺣﺘﻰ ﻋﺎﺋﻠﺘﻪ ﻫﺎﻣﻠﻬﻢ
ﺫﺍﻙ ﺍﻟﻴﻮﻡ ﻣﺮﻳﺖ ﻋﻠﻴﻪ ﻟﻠﺒﻴﺖ ﻃﻠﻌﺘﻠﻲ ﺍﻣﻪ
ﺗﺸﺘﻜﻴﻠﻲ ﻋﻠﻴﻪ ﺗﻜﻮﻝ ﺧﺎﻟﺔ ﻗﻨﻌﻪ
ﻳﺮﺟﻊ ﻳﻨﻘﻞ ﺩﻭﺍﻣﻪ ﻟﺒﻐﺪﺍﺩ
ﺍﺳﺄﻟﻪ ﻳﻜﻠﻲ ﻫﻨﺎﻙ ﺑﺎﻟﻨﺎﺻﺮﻳﺔ ﻧﻄﻠﻊ ﻣﻮﺍﻗﻊ
ﻣﺜﻠﻤﺎ ﺗﻌﺮﻓﻴﻦ ﻫﻮ ﻣﻬﻨﺪﺱ ﻧﻔﻂ ﻭﻫﻨﺎﻙ ﺷﻐﻠﻪ ﺍﺣﺴﻦ ﻣﻦ ﻫﻨﺎ
ﺍﺣﺘﺎﺭﻳﺖ ﺍﻗﻨﻊ ﺍﻣﻪ ﻟﻮ ﺍﻗﻨﻊ ﻫﺬﺍ ﺍﺑﻮ ﺭﺍﺱ ﺍﻟﻴﺎﺑﺲ
ﻭﻻ ﻓﻮﻙ ﻫﺬﺍ ﻛﻠﻪ ﻟﺤﺪ ﺫﺍﻙ ﺍﻻﺳﺒﻮﻉ ﺍﺧﺬﻧﻲ ﻭﺭﺣﻨﺎ ﻟﺒﻴﺖ ﻋﻤﻪ ﺍﺑﻮ ﺯﻭﺟﺘﻪ ﻳﺮﺟﻊ ﻣﺮﺗﻪ
ﺍﻡ ﻗﺎﺳﻢ .. ﻳﺎﺍﺍﺍﺍﺍ ﻭﻟﻴﺶ ﺣﺘﻰ ﻭﻳﺔ ﻣﺮﺗﻪ . ﻫﺬﺍ ﺷﺒﻲ ﺍﻟﻮﻟﺪ
ﺷﻌﺠﺐ ﻫﻮ ﻣﺠﺎﻥ ﻫﻴﺞ ﻭﺍﻟﻠﻪ ﺟﺎﻥ ﺧﻮﺵ ﻭﻟﺪ
ﻭﺳﺒﻊ ﺟﻨﺖ ﻗﺒﻞ ﺍﻛﻮﻝ ﺑﻠﻜﻲ ﻗﺎﺳﻢ ﻳﻨﻌﺪﻱ ﻣﻨﻪ
ﻭﻳﺼﻴﺮ ﺷﺎﻃﺮ ﻣﺜﻠﻪ
ﻫﺎﻟﺔ .. ﻫﻬﻬﻬﻬﻪ ﻭﺍﻟﻠﻪ ﻛﻔﻮ ﻣﻨﺞ ﻳﻤﺔ ﻫﺴﺔ ﺑﺮﺑﺞ ﻭﻛﺖ ﻗﺼﻒ
ﺍﺑﺎﻭﻉ ﻻﻡ ﻗﺎﺳﻢ ﺧﺰﺭﺗﻬﺎ
ﻭﺍﻻﺧﺖ ﺑﻠﻌﺖ ﻛﻼﻣﻬﺎ ﻭﺳﻮﺕ ﻧﻔﺴﻬﺎ . ﺩﺗﺎﻛﻞ
ﻗﺎﺳﻢ .. ﻫﻮ ﻫﺬﺍ ﺻﺎﺣﺒﻲ ﺍﻟﺸﺎﻃﺮ ﺑﺎﻟﻤﺪﺭﺳﺔ . ﻃﻠﻊ ﻣﺎ ﺑﻲ ﺧﻴﺮ ﺑﺎﻟﺤﻴﺎﺓ
ﺣﺠﺎﻫﺎ ﺑﻐﻴﺾ ﻭﻳﺔ ﺍﻣﻪ ﻭﻛﺎﻡ ﻣﻦ ﺍﻻﻛﻞ ﻭﺣﺠﺔ
.. ﻳﺎﻟﻠﻪ ﻫﺸﺎﻡ ﺍﺗﺤﺮﻙ ﺗﺮﺓ ﻫﻮ ﺭﻳﻮﻙ ﻣﻮ ﻏﺪﺓ
ﻭﺍﻧﺖ ﻧﺎﻳﻢ
ﻃﻔﺮ ﻫﺸﺎﻡ ﻣﻦ ﻣﻜﺎﻧﻪ
ﻭﺍﻡ ﻗﺎﺳﻢ ﻇﻠﺖ ﺗﺤﺠﻲ ﻋﻠﻴﻪ
.. ﺩﻧﻄﻴﻪ ﻣﺠﺎﻝ ﺧﻠﻲ ﻳﻜﻤﻞ ﺍﻛﻠﻪ . ﺷﺪﻋﻮﺓ ﻋﻠﻴﻚ
.. ﻫﻢ ﻳﺎﻟﻠﻪ ﻧﺮﻭﺡ ﻣﻦ ﻭﻛﺖ ﺣﺘﻰ ﻧﻜﻤﻞ ﻭﻧﺮﺟﻊ . ﻋﻠﻴﻜﻢ
ﻧﺎﺧﺬﻛﻢ ﻟﺒﻴﺖ ﻋﻤﻲ ﻓﺮﺯﺩﻕ
ﻃﻠﻌﻮﺍ ﺍﻟﻮﻟﺪ ﻭﺍﻧﻲ ﻭﺍﻟﺒﻨﺎﺕ ﻭﺧﺎﻟﺔ ﺍﻟﺘﻬﻴﻨﺎ ﺷﻲ ﻳﻨﻈﻒ ﺍﻟﺒﻴﺖ
ﻭﺷﻲ ﻳﻠﻒ ﺍﻟﺪﻭﻟﻤﺔ ﻭﺷﻲ ﻳﺴﺒﺢ ﺑﺠﻬﺎﻟﻪ ﻣﺜﻞ ﻓﺎﻃﻤﺔ
ﻋﺰﺓ ﺑﺎﻟﺼﺪﻓﺔ ﻣﺮﻳﺖ ﻣﻦ ﻳﻢ ﺑﺎﺏ ﺍﻟﺤﻤﺎﻡ ﻭﺷﻔﺘﻬﺎ ﺷﻠﻮﻥ ﺗﺴﺒﺢ ﺟﻬﺎﻟﻬﺎ
ﻳﻜﻮﻝ ﻋﺒﺎﻟﻚ ﺩﺗﺘﺼﺎﺭﻉ ﻭﻳﺎﻫﻢ ﻳﻤﺔﺓﺓﺓ ﻫﺎﻱ ﺩﺗﺴﻠﺦ ﺟﻠﺪﻫﻢ
ﻭﺭﺍﺡ ﺗﻄﻠﻌﻠﻬﻢ ﺟﻠﺪ ﺟﺪﻳﺪ
ﺭﺣﺖ ﺍﻛﻤﻞ ﺷﻐﻞ ﺑﺎﻟﻌﺠﻞ ﻻﻥ ﻗﺎﺳﻢ ﻃﻠﺐ ﻣﻨﻲ
ﺍﺣﻀﺮ ﻟﻪ ﺩﺷﺪﺍﺷﺔ ﺍﻟﻨﻴﻠﻴﺔ
ﺩﺧﻠﺖ ﻟﻠﻤﻄﺒﺦ ﻭﺷﻔﺖ ﻫﺎﻟﺔ ﻭﺍﻛﻔﺔ ﻳﻢ ﺧﺎﻟﺔ ﻣﺨﺼﺮﺓ
ﻫﺎﻟﺔ .. ﺍﻛﻮﻝ ﻳﻤﺔ ﻋﻮﺩ ﻟﻴﺶ ﺑﺲ ﺍﻧﻲ ﻭﻫﺪﻯ ﻋﻠﻴﻨﺎ ﺍﻟﻜﺮﺍﺏ ﻭﺍﻟﺘﻨﻈﻴﻒ
ﻭﺫﻳﺞ ﺍﻟﺴﺖ ﻫﺪﻳﻞ ﻣﺘﺸﺘﻐﻞ
ﺗﺮﺓ ﻣﻴﺼﻴﺮ ﻫﻴﺞ ﺍﻛﻮ ﻃﺎﺋﻔﻴﺔ ﺑﻬﺬﺍ ﺍﻟﺒﻴﺖ ﻭ ﺍﻧﻲ ﺍﻋﺘﺮﺽ
ﺍﻡ ﻗﺎﺳﻢ ﻣﻨﺪﻣﺠﺔ ﺗﻠﻒ ﺑﺎﻟﺪﻭﻟﻤﺔ ﻫﻲ ﻭﺳﺮﻭﺭ ﻭﺗﺤﺠﻲ
.. ﻣﺎ ﻋﻠﻴﺞ ﺑﻴﻬﺎ ﻻ ﻋﺒﺎﻟﺞ ﺍﻧﻲ ﻣﺎ ﻣﻨﺘﺒﻬﺔ ﻋﻠﻴﻬﺎ ﺷﻠﻮﻥ ﺗﺨﺘﻞ ﺑﻮﻛﺖ ﺍﻟﺸﻐﻞ
ﻫﺎﻱ ﺣﺴﺎﺑﻬﺎ ﻳﻤﻲ ﺑﻌﺪﻳﻦ ﺍﻧﺎ ﺍﻋﻠﻤﻬﺎ
ﻳﺎﻟﻠﻪ ﻫﺴﺔ ﺍﻧﺘﻲ ﺭﻭﺣﻲ ﺍﺗﺤﺮﻛﻲ ﻛﻤﻠﻲ ﺷﻐﻠﺞ
ﻣﺮﺕ ﺍﻟﺴﺎﻋﺎﺕ ﻭﻟﻠﻈﻬﺮ ﻭﺻﺎﺭ ﺍﻟﻜﻞ ﺟﺎﻫﺰ
ﻭﻗﺎﺳﻢ ﻭﻫﺸﺎﻡ ﺍﺟﻮﻱ
ﻟﻠﺒﻴﺖ ﻭﺑﻌﺪﻣﺎ ﺑﺪﻟﻮﺍ
ﻗﺎﺳﻢ ﺍﺧﺬﻧﻲ ﺍﻧﻲ ﻭﺍﻣﻪ ﻭﻫﺎﻟﺔ ﻭﻓﺎﻃﻤﺔ ﻭﻛﻢ ﻭﺍﺣﺪ ﻣﻦ ﺟﻬﺎﻝ ﻓﺎﻃﻤﺔ
ﻭﻫﺸﺎﻡ ﺍﺧﺬ ﺳﺮﻭﺭ ﻭﻫﺪﻳﻞ ﻭﺍﻟﺒﻘﻴﺔ ﻣﻦ ﺍﻟﺠﻬﺎﻝ ﺍ
ﻣﺎ ﻣﻨﻰ ﻭﻛﻮﺛﺮ ﻛﺎﻟﻮﺍ ﺍﺯﻭﺍﺟﻬﻢ ﻳﻮﺻﻠﻮﻧﻬﻢ ﻣﻨﺎﻙ
ﻭﺍﺣﻨﺎ ﺑﺎﻟﺴﻴﺎﺭﺓ ﺩﻙ ﻧﻘﺎﻝ ﻗﺎﺳﻢ ﻭﺣﺠﺔ
ﺍﺳﻤﻌﺔ ﻳﻜﻮﻝ .. ﻻ ﺍﻟﻴﻮﻡ ﻣﺎ ﺍﻛﺪﺭ ﺍﺟﻲ ﻭﻳﺎﻛﻢ ﻋﺬﺭﻭﻧﻲ
ﻏﻴﺮ ﻣﺮﺓ ﺑﻌﺪ ﻋﻨﺪﻧﺎ ﺳﻨﻮﻳﺔ ﺟﺪﻱ
ﺍﻡ ﻗﺎﺳﻢ .. ﻫﺎ ﻳﻤﺔ ﻗﺎﺳﻢ ﺍﺷﺘﻐﻠﺖ ﺭﺣﻤﺔ ﺍﻟﻠﻪ
.. ﻫﺎ ﺣﺠﻴﺔ ﺧﻴﺮ ﺷﻜﻮ ﻫﺴﺔ ﺍﻧﺎ ﻣﻮ ﻫﺎﻟﻜﺎﻋﺪ ﻳﻤﺞ
.. ﻭﺍﻟﻠﻪ ﻟﻮ ﺍﻋﺮﻑ ﺷﻮﻛﺖ ﺍﻟﻠﻪ ﻳﻬﺪﻳﻚ ﺟﺎﻥ ﺍﻧﺎ ﺍﺭﺗﺎﺡ ﻛﻠﺒﻲ
ﻫﻤﺔ ﻳﺤﺠﻮﻥ ﻭﺍﻧﻲ ﻃﺎﻟﺖ ﺍﺫﺍﻧﺎﺗﻲ ﻣﺜﻞ ﺍﻟﺤﻤﺎﺭ ﺍﺭﻳﺪ ﺍﻓﺘﻬﻢ ﺷﻨﻮ ﺟﺎﻧﺖ ﺗﻘﺼﺪ ﺧﺎﻟﺔ ﻋﻠﻰ ﺷﻨﻮ ﺟﺎﻧﺖ ﺩﺗﺤﺠﻲ
.....
ﻭﺻﻠﻨﺎ ﻟﺒﻴﺖ ﺧﺎﻟﺔ ﺍﻡ ﻓﺮﺯﺩﻕ ﺟﺎﻥ ﺑﻨﻔﺲ ﻣﻨﻄﻘﺔ ﺑﻴﺖ ﻗﺎﺳﻢ
ﻧﺰﻟﻨﺎ ﻭﻟﻜﻴﻨﺎ ﻫﻮﺍﻱ ﻧﺎﺱ ﺟﺎﻳﻴﻦ
ﺩﺧﻠﻨﺎ ﻣﻦ ﺍﻟﻤﻄﺒﺦ ﻭﺑﺪﻳﻨﺎ ﺍﻟﺴﻼﻡ
ﻫﺎﻟﺔ .. ﺍﻫﻮﻭﻭ ﺷﻜﺪ ﺍﻛﺮﻩ ﺳﺎﻟﻔﺔ ﺍﻟﺴﻼﻡ ﺧﺼﻮﺻﺎ
ﺑﺎﻟﻌﺰﺍﻳﻢ ﺍﺣﺲ ﺑﻴﻬﺎ ﻧﻘﻄﺔ ﺑﺪﺍﻳﺔ ﺑﺲ ﻣﺎﻟﻬﺎ ﻧﻘﻄﺔ ﻧﻬﺎﻳﺔ
.. ﻻ ﺯﻳﻦ ﺍﻧﻲ ﻣﺎ ﺍﺿﻮﺝ ﻣﻦ ﺍﻟﺴﻼﻡ
ﺑﺲ ﺍﺗﺨﺒﻞ ﻣﻦ ﺍﺳﻠﻢ ﻋﻠﻰ ﻭﺣﺪﺓ ﻭﺗﻀﺮﺑﻨﻲ ﺑﻮﻏﻲ ( ﺑﻮﺭﻱ )
ﻳﻌﻨﻲ ﺍﺑﺪﻱ ﺍﻟﺴﻼﻡ ﺑﻮﺳﺔ ﺑﻮﺳﺘﻴﻦ
ﻭﺑﺎﻟﺜﺎﻟﺜﺔ ﺗﺒﺘﻌﺪ ﻋﻨﻲ
ﻭﺗﺨﻠﻴﻨﻲ ﺍﺑﻮﺱ ﺍﻟﻬﻮﻯ ﻋﺒﺎﻟﻚ ﻣﻠﻄﻠﻄﺔ
ﺷﻜﺪ ﺍﻟﻔﺸﻠﺔ
ﺍﻡ ﻗﺎﺳﻢ .. ﻳﻮﻡ ﻫﺸﺎﻡ ﻋﻔﻴﺔ ﺭﻭﺡ ﻧﺰﻝ ﺟﺪﺭ ﺍﻟﺪﻭﻟﻤﺔ ﺍﺗﻌﺎﻭﻥ ﺍﻧﺖ ﻭﻭﺍﺣﺪ ﻣﻦ ﺍﻟﻮﻟﺪ ﻭﻳﺎﻙ
ﻛﻤﻠﻨﺎ ﺍﻟﺴﻼﻡ ﻭﺍﻧﻲ ﺑﻘﻴﺖ ﻳﻢ ﺧﺎﻟﺔ ﺍﺑﺎﻭﻉ
ﺻﻠﻮﺍﺕ ﺍﻟﻜﻞ ﺟﺎﻳﻴﻦ ﺳﻠﻤﺖ ﻋﻠﻰ ﺍﻡ ﻣﺼﻌﺐ ﻭﺍﺧﺘﻪ ﻏﻔﺮﺍﻥ
ﺍﻣﺎ ﻋﻤﺎﻡ ﻗﺎﺳﻢ ﻛﻞ ﻋﻮﺍﺋﻠﻬﻢ ﺟﺎﻳﺔ
ﺣﺘﻰ ﺳﻌﻮﺩﺓ ﻣﺮﺕ ﻋﻤﻬﻢ ﻛﺎﻇﻢ ﺟﺎﻳﺔ
ﺩﺧﻞ ﻫﺸﺎﻡ ﻫﻮ ﻭﻣﺼﻌﺐ ﺷﺎﻳﻠﻴﻦ ﺍﻟﺠﺪﺭ
ﺟﺎﻥ ﻛﻠﺶ ﺟﺒﻴﺮ ﻣﺎ ﺷﺎﺀ ﺍﻟﻠﻪ
ﺧﻄﻴﺔ ﺧﺎﻟﺔ ﻭﺳﺮﻭﺭ ﺍﻧﻜﺴﺮ ﻇﻬﺮﻫﻢ ﻋﻠﻴﻪ
ﺣﻄﻮﻩ ﻋﺎﻟﻜﺎﻭﻧﺘﺮ ﻭﺍﺟﺔ ﻣﺼﻌﺐ ﻭﺳﻠﻢ ﻋﻠﻰ ﺧﺎﻟﺔ ﺍﻡ ﻗﺎﺳﻢ ﻭﺑﺎﺳﻬﺎ ﻣﻦ ﺭﺍﺳﻬﺎ
ﻭﺻﺎﺭ ﻳﺴﺄﻟﻬﺎ ﻋﻠﻰ ﺻﺤﺘﻬﺎ ﻭﺳﻠﻢ ﻋﻠﻰ ﻓﺎﻃﻤﺔ ﻭﺳﺮﻭﺭ
ﻭﺑﻌﺪﻫﺎ ﺳﻠﻢ ﻋﺎﻟﺒﻨﺎﺕ ﺍﻧﻲ ﺟﻨﺖ ﻭﺍﻛﻔﺔ ﻣﻌﺰﻭﻟﺔ ﻳﻢ ﺍﻟﺒﺎﺏ
ﻻﻥ ﺑﻌﺪﻧﻲ ﻣﻤﺎﺧﺬﺓ ﻋﻠﻴﻬﻢ ﻭﺳﺖ ﻫﺎﻟﺔ ﺍﻟﻌﻮﺑﺔ ﺩﺧﻠﺖ ﺟﻮﺓ ﻭﻳﺔ ﺍﻟﺒﻨﺎﺕ ﻭﻋﺎﻓﺘﻨﻲ
ﺍﺑﺎﻭﻉ ﻋﻠﻴﻪ ﺻﻬﻴﺐ ﻫﻮﺍﻱ ﻣﺘﻐﻴﻴﺮ ﺑﺲ ﻧﺤﻮ ﺍﻻﺣﺴﻦ
ﺍﺗﺬﻛﺮ ﻋﻠﻴﻪ ﺑﺄﻳﺎﻡ ﺿﺤﻰ ﺟﺎﻥ ﺿﻌﻴﻒ
ﻫﺴﺔ ﻭﻳﻦ ﺟﺴﻤﻪ ﺗﺎﺭﺱ ﻭﻻﻳﻚ ﻋﻠﻴﻪ
ﺍﺑﺎﻭﻉ ﻋﻠﻴﻪ ﺷﺎﻓﻨﻲ ﻗﻄﻊ ﻛﻼﻣﻪ ﻭﺍﺟﺔ ﻳﻄﻠﻊ
ﻭﻗﺒﻞ ﻻ ﻳﻄﻠﻊ ﺳﻠﻢ ﻋﻠﻴﺔ ﺑﻜﻞ ﻟﻬﻔﺔ ﺍﺣﺲ ﺑﻲ ﻋﺒﺎﻟﻚ ﻳﺸﻮﻑ ﺑﻴﺔ ﺿﺤﻰ
ﺻﻬﻴﺐ .. ﻟﺞ ﻫﺎﻱ ﺷﻨﻮ ﻫﺪﻯ ﻭﺍﻟﻠﻪ ﻛﺒﺮﺍﻧﺔ
ﻃﺒﻌﺎ ﺟﻨﺖ ﺍﻛﻮﻝ ﻛﻠﻬﺎ ﺗﻜﺒﺮ ﺍﻻ ﺍﻧﺘﻲ ﻣﺘﻜﺒﺮﻳﻦ ﺑﺲ ﻃﻠﻌﺖ ﻏﻠﻄﺎﻥ
ﻫﻮ ﻳﺤﺠﻲ ﻭﺍﻧﻲ ﺧﺠﻼﻧﺔ ﻣﻦ ﺍﻟﻔﺸﻠﺔ
.. ﻣﺎﻛﻮ ﻭﺍﺣﺪ ﻳﺒﻘﻰ ﻋﻠﻰ ﺣﻄﺘﻪ ﻣﺼﻴﻐﻨﺎ ( ﻣﺼﻴﺮﻧﺎ ) ﻛﻠﻨﺎ ﻧﻜﺒﺮ
ﺑﺸﻐﻨﻲ ( ﺑﺸﺮﻧﻲ ) ﺍﻧﺖ ﺷﻠﻮﻧﻚ ﻭﺷﻮﻛﺖ ﻧﺎﻭﻱ ﺗﺘﺰﻭﺝ
.. ﻋﻮﻓﺞ ﻣﻨﻲ . ﻭﻻ ﺗﺴﺄﻟﻴﻨﻲ ﻋﻦ ﺍﺣﻮﺍﻟﻲ
ﺧﻠﻴﻨﻲ ﺍﻧﺎ ﺍﺳﺄﻟﺞ ﻋﻠﻰ ﺍﺣﻮﺍﻝ ﺍﻟﻲ ﺑﻜﻠﺒﻲ
ﻭﻳﻦ ﺻﻔﺔ ﺑﻴﻪ ﺍﻟﺤﺎﻝ
ﻋﺎﻳﺶ ﻣﺘﻬﻨﻲ ﻟﻮ ﺑﻌﺪﻩ ﻣﺜﻞ ﺣﺎﻟﻲ ﻳﺸﻮﻑ ﺍﻟﻬﻨﺎ ﺑﺲ ﺑﻌﻴﻮﻧﻪ ﻟﻜﻦ ﻣﺎ ﻳﻄﻮﻟﻪ
ﻳﺎﺭﺑﻲ ﻭﺍﻟﻠﻪ ﻣﺮﺩ ﻛﻠﺒﻲ ﺑﺴﺆﺍﻟﻪ ﻋﻠﻰ ﺿﺤﻰ
ﺟﺎﻭﺑﺘﻪ .. ﺣﺎﻝ ﺍﻟﻲ ﺗﺴﺎﻝ ﻋﻠﻴﻪ . ﺻﺎﻳﻎ ( ﺻﺎﻳﺮ ) ﻣﺜﻞ ﺣﺎﻝ ﺍﻟﺴﻔﻴﻨﺔ
ﺍﻟﻀﺎﻳﻌﻮ ﻭﻣﺎ ﻻﻛﻴﺔ ﻣﻐﺴﻰ ( ﻣﺮﺳﻰ ) ﻟﺤﺪ ﺍﻻﻥ ﺿﺎﻳﻊ ﺑﻴﻦ ﺍﻻﻣﻮﺍﺝ
ﺍﺑﺎﻭﻉ ﻋﻠﻴﻪ ﺟﺮ ﺣﺴﺮﺓ ﻭﻃﻴﻒ ﻧﻈﺮﺍﺕ ﺍﻟﺤﺰﻥ ﻣﺮﺕ ﻋﻠﻰ
ﻋﻴﻮﻧﻪ ﺳﻠﻢ ﻋﻠﻴﺔ . ﻭﺭﺍﺡ ﻣﻦ ﺩﻭﻥ ﻣﺎ ﻳﻠﺘﻔﺖ
ﺿﺤﻰ ﺑﻘﺖ ﻏﺼﺔ ﺑﻜﻠﺐ ﺻﻬﻴﺐ
ﺍﺟﺘﻲ ﻫﺎﻟﺔ ﻳﻤﻲ
.. ﻟﺞ ﻋﻮﺑﺔ ﻟﻴﺶ ﻣﺎ ﺩﺧﻠﺘﻲ ﺳﻠﻤﺘﻲ ﻋﻠﻰ ﺧﺎﻟﺔ ﺍﻡ ﻓﺮﺯﺩﻕ
ﺍﻭﻝ ﻣﺎ ﺩﺧﻠﻨﺎ ﺑﺲ ﺗﺴﺄﻝ ﻋﻠﻴﺞ
.. ﻟﺞ ﻏﻴﻎ ( ﻏﻴﺮ ) ﺍﻧﺘﻲ ﺩﺧﻠﺘﻲ ﺟﻨﺞ ﺻﺨﻠﺔ ﺗﻐﻴﺪ ( ﺗﺮﻳﺪ ) ﺗﻠﺤﻚ ﻋﻠﻰ ﻋﺸﺎﻫﺎ ﻻ ﻳﺎﻛﻠﻮﻧﻪ
ﻭﻣﺎ ﺍﻧﺘﻈﻐﺘﻴﻨﻲ ( ﻣﺎ ﺍﻧﺘﻈﺮﺗﻴﻨﻲ ) ﺍﺟﻲ ﻭﻳﺎﺝ
.. ﺩﻳﺎﻟﻠﻪ ﻛﻮﻣﻲ ﺭﻭﺣﻲ ﺳﻠﻤﻲ ﻋﻠﻴﻬﺎ
ﺩﺧﻠﺖ ﻭﻟﻜﻴﺖ ﺧﺎﻟﺔ ﺍﻡ ﻓﺮﺯﺩﻕ ﻛﺎﻋﺪ ﻋﻠﻰ ﻛﺮﺳﻲ ﻣﺘﺤﺮﻙ
ﺍﻧﻜﺴﺮ ﻛﻠﺒﻲ ﻋﻠﻴﻬﺎ ﺭﺣﺖ ﺩﻧﻜﺖ ﻭﺑﺴﺘﻬﺎ ﻭﻫﻲ ﻟﻤﺘﻨﻲ ﻟﺤﻈﻨﻬﺎ
ﺍﻡ ﻓﺮﺯﺩﻕ .. ﻟﺞ ﻟﻴﺶ ﺧﺎﻟﺔ ﻣﺤﺪ ﺗﺴﺄﻝ ﻋﻠﻴﺔ
ﻳﻌﻨﻲ ﻟﻮ ﺍﻧﻲ ﺍﺳﺄﻝ ﻋﻨﻜﻢ ﻟﻮ ﻣﺤﺪ ﺗﻜﻮﻝ ﻫﺎﻱ ﺧﺎﻟﺘﻲ
ﺧﻄﻴﺔ ﻭﺍﺟﻲ ﺍﺷﻮﻓﻬﺎ ﻭﺍﺳﺄﻝ ﻋﻨﻬﺎ
ﺑﺲ ﺷﻮﻣﺔ ﺧﻄﻴﺔ ﺍﻟﻮﺣﻴﺪﺓ ﺑﻴﻜﻢ ﺗﺴﺄﻝ ﻋﻨﻲ
.. ﻭﺍﻟﻠﻪ ﺣﻘﺞ ﻋﻠﻴﺔ ﺧﺎﻟﺔ ﺍﺩﻏﻲ ﺑﻐﻮﺣﻲ ﻣﻘﺼﻐﺔ ( ﺍﺩﺭﻱ ﺑﺮﻭﺣﻲ ﻣﻘﺼﺮﺓ ) ﻫﻮﺍﻳﺔ ﻭﻳﺎﺝ
.....
ﻳﺎﻟﻠﻪ ﺍﻫﻢ ﺷﻲ ﺍﻧﺘﻲ ﺳﺎﻟﻤﺔ ﺍﻧﺎ ﺍﺭﻳﺪ ﺑﺲ ﺍﺗﻄﻤﻦ ﻋﻠﻴﻜﻢ
ﺍﻛﻠﺞ ﺷﻨﻮ ﺧﻮﺍﺗﺞ ﻳﺠﻦ ﻟﻮ ﻻ
.. ﺍﻱ ﺧﺎﻟﺔ ﺷﻴﻤﺎﺀ ﻭﻣﻐﻴﻢ ( ﻣﺮﻳﻚ ) ﻳﺠﻮﻥ
ﺑﺲ ﺿﺤﻰ ﻭﻣﻐﻮﺓ ﻣﻴﻜﺪﻏﻮﻥ ( ﺿﺤﻰ ﻭﻣﺮﻭﺓ ﻣﻴﻜﺪﺭﻭﻥ ) ﻋﻨﺪﻫﻢ ﻣﺴﺆﻟﻴﺎﺕ
.. ﺍﻟﻠﻪ ﻳﻮﻓﻘﻬﻦ ﺑﺤﻴﺎﺗﻬﻦ
ﺑﺲ ﺍﺷﻮ ﺷﻴﻤﺎﺀ ﻣﺎ ﺍﺟﺘﻲ
ﺑﺎﻭﻋﺖ ﻟﻠﺴﺎﻋﺔ ﺍﻱ ﺻﺪﻙ ﺷﻜﺪ ﺯﺣﻤﺔ
ﺭﺍﺡ ﻳﺼﺒﻮﻥ ﻏﺪﺓ ﻭﻫﻲ ﺑﻌﺪﻫﺎ ﻣﺎ ﺍﺟﺘﻲ
.. ﻫﺴﺔ ﺧﺎﻟﺔ ﺍﺗﺼﻞ ﻋﻠﻴﻬﺎ ﻭﺍﺷﻮﻓﻬﺎ ﻭﻳﻦ ﺻﺎﻏﺖ ( ﺻﺎﺭﺕ )
ﻃﻠﻌﺖ ﻧﻘﺎﻟﻲ ﻣﻦ ﺍﻟﺠﻨﻄﺔ ﻭﺍﺗﺼﻠﺖ ﻋﻠﻴﻬﺎ
ﺟﺎﻭﺑﺘﻨﻲ
.. ﺍﻟﻮ ﻫﻼ ﺷﻮﻣﺔ ﺷﻨﻮ ﻣﺘﻜﻠﻴﻠﻲ ﻭﻳﻦ ﺻﻐﺘﻲ ( ﺻﺮﺗﻲ )
ﺗﻐﺔ ﺍﺗﺎﺧﻐﺘﻲ ( ﺗﺮﺓ ﺍﺗﺄﺧﺮﺗﻲ )
.. ﻫﺴﺔ ﺣﺒﻴﺒﺘﻲ ﻫﺎﻱ ﺟﻴﺘﻲ ﻣﻦ ﺍﻟﻤﺴﺘﺸﻔﻰ ﺍﺧﺬﺕ ﻣﺮﻳﻢ ﻭﺟﺎﻳﺘﻜﻢ ﺑﺎﻟﻄﺮﻳﻖ
ﺳﻠﻤﺖ ﻋﻠﻴﻬﺎ ﻭﺭﺟﻌﺖ ﻧﻘﺎﻟﻲ ﺑﺎﻟﺠﻨﻄﺔ ﺍﺑﺎﻭﻉ
ﻟﺒﻨﺎﺕ ﻋﻢ ﻗﺎﻡ ﻛﻠﻬﻢ ﺟﺎﻳﻦ ﺍﻻ ﺭﻫﻒ ﻣﺎ ﺟﺎﻳﺔ
ﺑﺲ ﺍﻧﺘﺒﻬﺖ ﻟﻤﺮﺕ ﻋﻤﻪ ﻣﺤﻤﺪ ﺍﻡ ﺭﻫﻒ ﻛﻞ ﺷﻮﻳﺔ ﺗﺨﺰﺭﻧﻲ ﻋﺒﺎﻟﻚ ﻣﺸﺎﺭﻛﺘﻬﺎ ﺑﻮﺭﺙ ﺍﺑﻮﻫﺎ
ﺗﺮﻳﺪ ﺗﺎﻛﻠﻨﻲ ﻋﻤﺔ ﺣﺘﻰ ﻋﻤﺔ
ﻋﻔﺘﻬﺎ ﻭﻛﻤﺖ ﺭﺣﺖ ﻳﻢ ﺧﺎﻟﺔ ﺍﻡ ﻗﺎﺳﻢ ﻭﻓﺎﻃﻤﺔ ﺍﻟﻲ ﺑﻘﻮ
ﻳﻢ ﺍﻡ ﺻﻬﻴﺐ ﻳﺴﺎﻋﺪﻭﻧﻬﺎ
ﻭﻛﻢ ﻭﺣﺪﺓ ﻣﻦ ﺟﻨﺎﻥ ﺍﻡ ﻓﺮﺯﺩﻕ ﻫﻢ ﺩﻳﺴﺎﻋﺪﻭﻥ
ﺍﻻ ﺍﻟﻤﺼﻴﺒﺔ ﻧﺴﻮﺍﻥ ﻋﻢ ﻗﺎﺳﻢ ﻭﺑﻨﺎﺕ ﻋﻤﻪ
ﻫﺬﻭﻟﻲ ﻣﺎ ﺍﻋﺮﻑ ﺍﻟﻠﻪ ﺧﺎﻟﻘﻬﻢ ﻣﻦ ﻳﺎ ﻃﻴﻨﺔ
ﻛﻠﺶ ﺑﺎﻳﻌﺎﺕ ﺍﻟﻤﺴﺘﺤﺔ ﻛﺎﻋﺪﺍﺕ
ﺍﺑﺎﻭﻉ ﻟﻬﺎﻟﺔ ﺩﺧﻠﺖ ﻟﻠﻤﻄﺒﺦ ﻭﻛﻌﺪﺕ ﻳﻤﻲ ﻭﺍﻟﻮﺟﻪ ﺍﺻﻔﺮ
.. ﻫﺎ ﺧﻴﻐﺞ ( ﺧﻴﺮﺝ ) ﺷﻜﻠﺞ ﻣﺎﻝ ﻭﺣﺪﺓ ﻣﺴﻮﻳﺔ ﻣﺼﻴﺒﺔ
.. ﺳﻜﺘﻲ ﺑﻌﺪﻳﻦ ﺍﻛﻠﺞ ﻣﻮ ﻫﺴﺔ ﻣﻦ ﻧﺮﺟﻊ ﻟﻠﺒﻴﺖ
.. ﺍﻟﻠﻪ ﻳﺴﺘﻎ ( ﻳﺴﺘﺮ ) ﻣﻦ ﺷﻜﻠﺞ ﺍﻛﻴﺪ ﻣﺴﻮﻳﺔ ﺷﻲ
ﺍﻡ ﺻﻬﻴﺐ .. ﺣﺒﻴﺒﺘﻲ ﺍﻡ ﻗﺎﺳﻢ ﺍﺑﻮ ﻣﺼﻌﺐ ﻳﻜﻮﻝ ﻫﺴﺔ ﺑﻠﺸﻮ ﺻﺒﻮ ﻏﺪﺍ ﻣﻨﺎ ﻋﻠﻤﺎ ﻧﻔﺮﺵ ﺍﻟﺴﻔﺮﺓ ﻭﻧﺮﺗﺐ ﺍﻟﻜﻌﺪﺓ
ﺍﻡ ﻗﺎﺳﻢ .. ﻟﻌﺪ ﻳﺎﻟﻠﻪ ﻫﻢ ﻳﺎﻟﻠﻪ ﺑﻴﻦ ﻣﺎ ﻧﺼﺐ ﻭﻧﺨﻠﺺ ﻫﻤﺔ ﻳﻜﻮﻧﻮﻥ ﻣﺨﻠﺼﻴﻦ
ﺑﺎﻭﻋﺖ ﻟﻠﺴﺎﻋﺔ ﻫﺎﻱ ﺷﻨﻮ ﻭﻳﻦ ﺻﺎﺭﺕ ﺷﻴﻤﺎﺀ
ﻣﻌﻘﻮﻟﺔ ﻛﻞ ﻫﺬﺍ ﻃﺮﻳﻖ ﺳﺎﻋﺔ ﻛﺎﻣﻠﺔ ﻣﺮﺕ ﻣﻦ ﻛﺎﻟﺖ ﺍﻧﻲ ﺑﺎﻟﻄﺮﻳﻖ
ﻫﺎﻟﺔ .. ﻛﻮﻣﻲ ﺍﺗﺼﻠﻲ ﻋﻠﻴﻬﺎ ﺷﻮﻓﻴﻬﺎ ﻭﻳﻦ ﺧﺎﻑ ﻟﺰﻣﻬﺎ ﺍﻻﺯﺩﺣﺎﻡ
ﺭﺣﺖ ﺍﺧﺬﺕ ﺍﻟﻨﻘﺎﻝ ﻭﺑﺪﻳﺖ ﺍﺗﺼﻞ ﻋﻠﻴﻬﺎ
ﻣﺮﺓ ﻣﺮﺗﻴﻦ ﺛﻼﺛﺔ ﻣﺘﺮﺩ
ﻫﺎﻱ ﺷﻨﻮ ﺷﺒﻴﻬﺎ ﻟﻴﺶ ﻣﺘﺮﺩ
ﺑﻌﺪﻫﺎ ﺭﺟﻌﺖ ﺍﺗﺼﻠﺖ ﻫﻢ ﻣﺮﺓ ﻣﺮﺗﻴﻦ ﺛﻼﺙ ﻭﻫﻢ ﻣﺎﻛﻮ
ﺻﺮﺕ ﺍﻛﺮﺭ ﻣﺤﺎﻭﻟﺔ ﺍﻻﺗﺼﺎﻝ .
ﺍﺗﺼﻠﺖ ﻭﺍﻧﻲ ﺍﺣﺲ ﺍﻋﺼﺎﺑﻲ ﺗﻠﻔﺖ
ﺭﺩﺕ ﻋﻠﻴﺔ ﺑﺲ ﻫﻮ ﻫﻲ ﻫﺬﺍ ﻣﻮ ﺻﻮﺗﻬﺎ
ﺟﺎﻥ ﺻﻮﺕ ﻣﺮﻳﻢ
ﺍﻧﺮﻋﺒﺖ ﻭﻛﻠﺒﻲ ﻭﻛﻊ ﺑﻴﻦ ﺭﺟﻠﻴﺔ ﻣﻦ ﺳﻤﻌﺖ ﻋﻴﺎﻁ ﻣﺮﻳﻢ
.. ﻟﺞ ﻫﺪﻯ ﻟﺤﻜﻲ ﻋﻠﻴﻨﺎ ﺳﻴﻒ ﺍﻟﻨﺎﻗﺺ ﺭﻣﻰ ﺿﺤﻰ ﺑﺎﻟﻤﺴﺪﺱ
ﻳﻤﺔ ﺍﻧﻲ ﻫﻲ ﻛﺎﻟﺖ ﻫﺎﻱ ﺍﻟﻜﻠﻤﺘﻴﻦ
ﻭﺍﻧﻲ ﻣﺎ ﺷﺼﺎﺭ ﺑﻴﺔ ﺷﻬﻜﺖ ﺑﺼﻮﺕ ﻣﻔﺰﻭﻋﺔ ﻋﻠﻰ ﺍﺧﺘﻲ
ﺍﺣﺲ ﺻﺮﺕ ﻣﺜﻞ ﺍﻟﻲ ﻳﻤﺮ ﺑﺤﺎﻟﺔ ﻫﻠﻮﺳﺔ ﺻﺮﺕ ﺍﺣﺠﻲ ﻭﺍﺟﺎﻭﺑﻬﻢ ﻭﺍﻧﻲ ﻣﺎ ﺍﻋﺮﻑ ﺷﻨﻮﺟﻨﺖ ﺍﻛﻮﻝ
ﻭﺑﻌﺪﻫﺎ ﻣﺎ ﺍﻋﺮﻑ ﺷﻠﻮﻥ ﺍﺟﻮﻱ ﺍﻟﺒﻨﺎﺕ ﻭﺍﻡ ﻗﺎﺳﻢ
ﻳﻬﺪﺅﻥ ﺑﻴﺔ
ﺳﻤﻌﺖ ﺻﻮﺕ ﻗﺎﺳﻢ ﺟﺎﻥ ﻭﺍﻛﻒ ﺑﺎﻟﺒﺎﺏ ﻳﺴﺄﻝ ﻋﻨﻲ
ﻳﻤﺔ ﺍﻧﻲ ﺳﻤﻌﺖ ﺻﻮﺗﻪ ﻭﺍﻧﻲ ﺭﻛﻀﺖ ﻋﻠﻴﻪ ﻣﺜﻞ ﺍﻟﻄﻔﻠﺔ
ﺍﺳﺘﻨﺠﺪ ﺑﻲ ﻣﻦ ﺷﻨﻮ ﻭﻟﻴﺶ ﻣﺎ ﺍﻋﺮﻑ ﺑﺲ ﻛﻞ ﺍﻟﻲ ﺍﻋﺮﻓﻪ ﺍﻧﻲ ﻣﺤﺘﺎﺟﺔ ﻭﺟﻮﺩﻩ
ﻭﻛﻒ ﻛﺪﺍﻣﺔ ﻭﻟﺰﻣﺘﻪ ﻣﻦ ﺛﻮﺑﻪ ﻭﺣﺠﻴﺖ ﺑﺨﻮﻑ
.. ﻗﺎﺳﻢ ﺍﻟﺤﻜﻨﻲ ﺿﺤﻰ
ﺑﻌﺪﻧﻲ ﻣﻤﻜﻤﻠﺔ ﻛﻼﻣﻲ ﺣﺠﺔ ﺑﺎﺳﺘﻌﺠﺎﻝ ﺷﻜﻠﻪ
ﺟﺎﻥ ﻳﻌﺮﻑ ﺑﺎﻟﺼﺎﺭ ﺍﻭ ﻫﺴﺘﻮﺓ ﻋﺮﻑ
......
ﺍﺑﺎﻭﻉ ﻋﻠﻰ ﺍﻣﻪ ﻭﺣﺠﺔ
.. ﺣﺠﻴﺔ ﻳﺎﻟﻠﻪ ﺑﺎﻟﻌﺠﻞ ﺍﻧﺎ ﺭﺍﺡ ﺍﺷﻐﻞ ﺍﻟﺴﻴﺎﺭﺓ
ﺭﺍﺡ ﺍﺧﺬ ﻫﺪﻯ ﻭﺍﺭﻭﺡ ﻭﺍﻧﺘﻲ ﺗﻌﺎﻟﻲ ﻭﻳﺔ ﻫﺸﺎﻡ
ﺟﺎﻥ ﻳﺤﺠﻲ ﻭﻳﻤﺸﻲ ﻣﺘﻮﺟﻪ ﻟﻠﺒﺎﺏ
ﺟﺎﻥ ﻛﻒ ﺍﻳﺪﻩ ﻋﻠﻰ ﻇﻬﺮﻱ ﻳﺤﺜﻨﻲ ﺍﺗﻘﺪﻡ
ﺍﻟﻌﺠﻴﺐ ﺑﺎﻻﻣﺮ ﻟﻜﻴﺖ ﻛﻢ ﻭﺍﺣﺪ . ﻣﻦ ﺍﻭﻻﺩ ﺍﺑﻮ ﻓﺮﺯﺩﻕ
ﻭﺍﻛﻔﻴﻦ ﺑﺎﻟﺒﺎﺏ
ﻭﺍﻧﺘﺒﻬﺖ ﻟﺼﻬﻴﺐ ﺧﻄﻒ ﻣﻦ ﻳﻤﻲ ﻭﺭﻛﺾ ﻋﻠﻰ ﺳﻴﺎﺭﺗﻪ
ﺍﺳﻤﻌﻬﻢ ﻳﺼﺤﻮﻥ ﻭﺭﺍﻩ
.. ﻟﻚ ﺻﻬﻴﺐ ﻓﻬﻤﻨﺎ ﺷﻜﻮﻭﻭ ﺷﺼﺎﻳﺮ
ﺳﻤﻌﺖ ﻋﻢ ﻓﺮﺯﺩﻕ ﻛﺎﻝ ﻟﻮﻟﺪﻩ
.. ﻋﻮﻓﻮﺍ ﺍﺧﻮﻛﻢ ﺍﻧﺎ ﺍﻋﺮﻓﻪ ﻭﻳﻦ ﺭﺍﻳﺢ
ﻭﺻﻠﻨﻲ ﻗﺎﺳﻢ ﻟﻠﺴﻴﺎﺭﺓ ﻭﺭﻛﺒﻨﺎ ﻭﺑﻌﺪﻫﺎ ﺍﺷﺘﻐﻠﺖ ﺍﻻﺗﺼﺎﻻﺕ
ﺑﻴﻦ ﺍﻟﻮﻟﺪ ﻭﻗﺎﺳﻢ ﻭﻛﻢ ﻭﺍﺣﺪ ﻣﺎ ﺍﻋﺮﻓﻪ ﺍﻧﻲ ﺟﺎﻥ ﺑﺎﻟﻲ ﻛﻠﻪ
ﻳﻢ ﺿﺤﻰ
ﺷﻴﻤﺎﺀ
ﻭﺻﻠﺖ ﻟﺒﻴﺖ ﻋﻴﺎﻝ ﺿﺤﻰ ﻭﺍﻧﻲ ﻛﻠﺒﻲ ﻣﺎ ﺍﻋﺮﻑ ﺷﻠﻮﻥ
ﺍﻃﻤﻨﻪ . ﺑﺲ ﺳﺪﻳﺖ ﺍﻟﻨﻘﺎﻝ ﻛﺒﻞ ﺍﺗﺼﻠﺖ ﻋﻠﻰ ﻣﺮﻭﺓ
ﺣﺘﻰ ﺗﺠﻲ ﺗﻠﺤﻜﻨﻲ
ﻟﻜﻴﺖ ﺑﺎﺏ ﻋﻴﺎﻝ ﺿﺤﻰ ﻣﻔﺘﻮﺡ ﻭﺍﻟﺼﻴﺎﺡ ﺍﺟﻴﺖ ﺍﻣﻮﺕ
ﻣﻦ ﺍﻟﺨﻮﻑ ﺩﺧﻠﺖ ﻋﻠﻴﻬﻢ ﻣﻔﺰﻭﻋﺔ
ﺑﺲ ﺍﺻﻴﺢ ﺍﺧﺘﻲ ﻭﻳﻦ ﻭﻟﻜﻢ ﺍﺧﺘﻲ ﺿﺤﻰ ﻭﻳﻨﻬﺎ
ﺍﺟﺘﻲ ﻣﺮﺕ ﺣﻤﺎﻫﺎ ﺍﻟﻲ ﺍﺗﺼﻠﺖ ﻋﻠﻴﺔ ﺍﻋﺮﻓﻬﺎ ﻓﺮﺡ
ﻛﺎﻟﺖ
.. ﺷﻴﻤﺎﺀ ﻟﺤﻜﻲ ﺳﻴﻒ ﺭﻣﻰ ﺍﺧﺘﺞ
ﺭﺣﺖ ﺭﻛﺾ ﺩﺧﻠﺖ ﻟﻠﺒﻴﺖ ﻟﻜﻴﺖ ﺍﻟﺒﻴﺖ ﻫﻮﺳﺔ ﻭﺧﺒﺼﺔ ﻭﺍﺧﻮﺍﻥ ﺳﻴﻒ ﻭﺍﺑﻮﻫﻢ ﻭﺍﺣﺪ ﻳﺪﻋﻢ ﺑﺎﻟﺜﺎﻧﻲ
ﺍﻧﻲ ﻛﻠﻬﺎ ﺑﺼﻮﺏ ﻭﺧﻮﻓﻲ ﻋﻠﻰ ﺍﺧﺘﻲ ﺻﺎﺭ ﻣﺤﺘﻞ ﻛﻞ ﻋﻘﻠﻲ ﺭﻛﻀﺖ ﻟﻐﺮﻓﺘﻬﺎ ﻟﻜﻴﺖ ﺳﻴﻒ ﻭﻭﺍﺣﺪ ﻣﻦ ﺍﺧﻮﺍﻧﻬﺎ
ﻳﺮﺩﻭﻥ ﻳﺸﻴﻠﻮﻧﻬﺎ
ﺭﻛﻀﺖ ﺑﺪﻭﻥ ﺷﻌﻮﺭ ﻋﻠﻰ ﺍﺧﺘﻲ ﻣﻦ ﺍﻟﺼﺪﻣﺔ ﺻﺎﺭ ﻫﻤﻲ
ﺍﺭﻳﺪ ﺍﻋﺮﻑ ﺍﺧﺘﻲ ﺑﻴﻬﺎ ﺭﻭﺡ ﻟﻮ ﻫﺎﻱ ﻫﻲ
ﻟﺰﻣﺘﻬﺎ ﺟﺴﻴﺖ ﺍﻟﻨﺒﺾ ﺟﻨﺖ ﺍﺗﺤﺮﻙ ﻭﺍﻧﻲ ﻓﺎﺻﻠﺔ
ﻓﺎﺻﻠﺔ ﻋﻦ ﺍﻟﻌﺎﻟﻢ ﺟﺎﻥ ﺑﻴﻬﺎ ﻧﺒﺾ ﺑﺲ ﺿﻌﻴﻒ
ﺑﻌﺪﻫﺎ ﺻﺮﺕ ﺍﺩﻭﺭ ﻋﻠﻰ ﻣﻜﺎﻥ ﺿﺮﺑﺘﻬﺎ ﻟﻜﻴﺖ ﻣﻨﻄﻘﺔ ﺻﺪﺭﻫﺎ ﻛﻠﻬﺎ ﺩﻡ ﻭﺍﻟﺸﻔﺎﻳﻒ ﺑﻴﺾ
ﻓﺰﻋﻨﻲ ﻣﻨﻈﺮﻫﺎ
ﺳﻤﻌﺖ ﺻﻴﺎﺡ ﺳﻴﻒ
ﻋﻠﻰ ﺍﺧﻮﺍﻧﻪ ﻳﻜﻠﻠﻬﻢ ﺷﻐﻠﻮﺍ ﺍﻟﺴﻴﺎﺭﺓ
ﻭﺑﻌﺪﻫﺎﺣﺘﻰ ﻣﺎ ﺍﻋﺮﻑ ﺷﻠﻮﻥ ﻭﺻﻠﻨﺎ ﻟﻠﻤﺴﺘﺸﻔﻰ
ﺍﺧﺬﻭﻧﺎ ﻟﻤﺴﺘﺸﻔﻰ ﺍﻫﻠﻴﺔ ﻭﺍﺳﻤﻊ ﺍﺑﻮ ﺳﻴﻒ ﻛﻞ ﺷﻮﻳﺔ ﻳﺘﺼﻞ ﻋﻠﻰ ﺩﻛﺘﻮﺭ ﻭﻳﻄﻠﺐ ﻣﻨﻪ ﻳﺮﻭﺡ ﻳﻨﺘﻈﺮﻫﻢ
ﺑﺎﻟﻤﺴﺘﺸﻔﻰ ﻋﺮﻓﺖ ﺷﻨﻮ ﺧﻄﺘﻬﻢ ﺍﺗﺼﻠﺖ ﻋﻠﻰ ﻣﺮﻭﺓ
ﺍﻧﻄﻴﺘﻬﺎ ﻋﻨﻮﺍﻥ ﺍﻟﻤﺴﺘﺸﻔﻰ
ﻭﺻﻠﻨﺎ ﻟﻠﻤﺴﺘﺸﻔﻰ ﻟﻜﻴﻨﺎ ﻣﻨﺘﻈﺮﻳﻨﺎ ﺑﺎﻟﺴﺪﻳﺔ
ﻭﺍﻟﻜﻞ ﻣﺨﺒﻮﺹ
ﺷﻜﻞ ﺍﻫﻞ ﺳﻴﻒ ﻋﻨﺪﻫﻢ ﻭﺍﺳﻄﺎﺗﻬﻢ
ﺍﺧﺬﻭﺍ ﺿﺤﻰ ﺣﻄﻮﻫﺎ ﻋﻠﻰ ﺍﻟﺴﺪﻳﺔ ﻭﺻﺎﺭﻭﺍ ﻳﺮﻛﻀﻮﻥ
ﺭﺣﺖ ﻭﻳﺎﻫﻢ ﺍﺭﻛﺾ ﺍﺟﻴﺖ ﺍﺩﺧﻞ ﻭﻳﺎﻫﻢ ﻣﻨﻌﻮﻧﻲ
ﻣﻦ ﺍﻟﺪﺧﻮﻝ
ﻭﺍﺣﺪ ﻣﻦ ﺍﻟﻤﻤﺮﺿﻴﻦ ﻛﺎﻝ ﻣﻤﻨﻮﻉ ﺍﻟﺪﺧﻮﻝ ﻧﺴﻴﺖ ﻧﻔﺴﻲ
ﺍﻧﻲ ﻫﻨﺎ ﻣﻮ ﺑﺎﻟﻤﺴﺘﺸﻔﻰ ﺍﻟﻲ ﺍﺩﺍﻭﻡ ﺑﻴﻬﺎ ﻣﻴﺼﻴﺮ ﺍﺩﺧﻞ
ﺑﻘﻴﺖ ﺍﺣﻮﻡ ﻳﻢ ﺍﻟﺒﺎﺏ ﺍﻧﺘﻈﺮ ﺭﺣﻤﺔ ﺍﻟﻠﻪ ﺍﺭﻳﺪ ﻭﺍﺣﺪ ﻳﻄﻠﻊ ﻭﻳﻄﻤﻨﻲ ﻋﻠﻰ ﺍﺧﺘﻲ ﻣﺎ ﺍﻋﺮﻑ ﺍﻟﻮﻗﺖ ﻃﺎﻝ ﻣﺪﺭﻱ
ﻛﻠﺒﻲ ﺧﻠﺺ ﺻﺒﺮﻩ
ﻟﻔﺖ ﺍﻧﺘﺒﺎﻫﻲ ﺍﺧﺘﻲ ﻣﺮﻳﻢ ﻛﺎﻋﺪﺓ ﻋﺎﻟﻜﺮﺳﻲ ﺍﻟﻤﻘﺎﺑﻞ ﻟﻠﺒﺎﺏ
ﻭﺣﺎﺿﻨﺔ ﺟﻨﻄﺘﻲ ﻭﺗﺒﺠﻲ ﻣﻔﺰﻭﻋﺔ
ﺭﺣﺖ ﻋﻠﻴﻬﺎ ﻭﻛﻌﺪﺕ ﻳﻤﻬﺎ
ﻭﻟﻤﻴﺘﻬﺎ ﻟﺼﺪﺭﻱ ﻭﺍﻧﻲ ﺍﺗﻨﻔﺲ ﺳﺮﻳﻊ
ﺍﺭﻳﺪ ﻭﺍﺣﺪ ﻳﻄﻤﻨﻲ ﻭﻳﻜﻠﻲ ﻣﺎﻛﻮ ﺷﻲ ﻻﺗﺨﺎﻭﻓﻮﻥ
ﺍﺧﺘﻜﻢ ﻣﺎ ﺑﻴﻬﺎ ﺷﻲ
......
ﻏﻤﻀﺖ ﻋﻴﻮﻧﻲ ﻭﺻﺮﺕ ﺍﻧﺎﺟﻲ ﺭﺑﻲ
ﻳﺤﻔﻈﻠﻲ ﺍﺧﺘﻲ
ﻳﻤﺔ ﻭﻳﻨﺞ ﺍﻧﻲ ﺑﻌﺎﺯﺗﺞ ﺑﻨﺘﺞ ﺿﺤﻰ ﺑﺤﺎﺟﺔ ﺩﻋﺎﺋﺞ
ﺍﺣﺲ ﺑﺎﻟﺪﻣﻌﺔ
ﻋﺎﻧﺪﺕ ﻭﻳﺎﻱ ﻣﺘﺮﻳﺪ ﺗﺮﻳﺤﻨﻲ ﻣﺪﺭﻱ ﻛﻠﺒﻲ ﺍﺍﺗﺤﺠﺮ ﻣﻦ ﻛﺜﺮ ﺍﻻﻟﻢ
ﺷﻔﺖ ﺳﻴﻒ ﻣﻼﺑﺴﻪ ﻛﻠﻬﺎ ﺩﻡ
ﻭﺷﻜﻠﻪ ﻳﺨﻮﻑ ﻭﻳﺤﺠﻲ ﻭﻳﺔ ﻧﻔﺴﻪ ﻣﺎ ﺍﻋﺮﻑ ﺷﻨﻮ
ﻳﻜﻮﻝ
ﺭﺻﻴﺖ ﻋﻠﻰ ﺍﺳﻨﺎﻧﻲ ﻭﻛﻤﺖ ﻣﻦ ﻣﻜﺎﻧﻲ ﻭﻫﺪﻳﺖ ﻋﻠﻴﻪ
ﺟﻨﺖ ﻓﺎﺻﻠﺔ ﻋﻦ ﺍﻟﻤﻌﻘﻮﻝ ﻭﻛﻔﺖ ﻛﺪﺍﻣﻪ ﻭﻛﻞ ﻗﻬﺮ ﻭﺣﻘﺪ ﺍﻟﻌﺎﻟﻢ ﺍﺗﺠﻤﻊ ﺑﻜﻠﺒﻲ
ﻟﺰﻣﺘﻪ ﻣﻦ ﻣﻘﺪﻣﺔ ﻗﻤﻴﺼﻪ ﻭﺻﺮﺕ ﺍﺗﻼﻭﺓ ﻭﻳﺎﻩ
ﻣﻦ ﺍﻟﻐﻴﺾ
.. ﻟﻚ ﺣﻴﻮﺍﻥ ﺳﺎﻗﻂ ﻭﺍﻟﻠﻪ ﺍﻻ ﺍﻓﻀﺤﻚ
ﻣﻦ ﺍﻟﻠﻪ ﻳﺤﺮﻙ ﻛﻠﺒﻚ ﻛﻠﻲ ﺷﺴﻮﻳﺖ ﺑﺄﺧﺘﻲ
. ﻭﻟﻚ ﺷﻠﻮﻥ ﺍﻧﻄﺎﻙ ﻛﻠﺒﻚ ﺗﺮﻣﻴﻬﺎ
ﻟﻚ ﻣﺎ ﻛﺴﺮﺕ ﺧﺎﻃﺮﻙ
ﻭﻫﻮ ﻧﺘﺮ ﺍﻳﺪﻱ ﻭﻋﺎﻁ ﺑﻴﺔ
.. ﻫﻴﻴﻲ ﺍﻧﺘﻲ ﻻﺗﻀﻠﻴﻦ ﺗﻤﺴﻠﺘﻴﻦ ﺗﺮﺓ ﻭﺭﺏ ﺍﻟﻜﻌﺒﺔ
ﻻ ﺍﺧﻠﻴﺞ ﺗﻠﺤﻜﻴﻦ ﺍﺧﺘﺞ ﺍﻧﺘﻲ ﺍﻟﻼﺥ
ﺳﻤﻌﺖ ﺻﻮﺕ ﻣﺮﻭﺓ ﺍﺟﺔ ﻣﻦ ﻭﺭﺍﻱ ﻭﻫﻲ ﺗﺼﺮﺥ
ﺑﺼﻮﺕ ﺣﺎﺩ
.. ﻟﻚ ﺳﻴﻒ ﻭﺍﻟﻠﻪ ﺛﻢ ﻭﺍﻟﻠﻪ ﺍﺫﺍ ﻣﺎ ﺧﻠﻴﺘﻚ ﺗﺨﻴﺲ ﺑﺎﻟﺴﺠﻦ ﻣﺎ ﺍﻛﻮﻥ ﻣﺮﻭﺓ
ﺍﺑﺎﻭﻉ ﻻﺑﻮﻩ ﺟﺮ ﺳﻴﻒ ﻭﺑﻌﺪﻩ ﻋﻨﺎ
ﺍﺳﻤﻊ ﺍﺑﻮﻩ ﻳﻜﻠﻪ
ﺍﻧﺖ ﺭﻭﺡ ﺷﺘﺴﻮﻱ ﺑﺎﻗﻲ ﻫﻨﺎ
ﻭﺍﺷﺮ ﻻﺧﻮﺍﻧﻪ ﻭﻛﻠﻠﻬﻢ ﺍﺧﺬﻭﺍ ﺍﺧﻮﻛﻢ ﻭﻃﻠﻌﻮﻩ ﻣﻨﺎ ﺑﺴﺮﻋﺔ
ﻋﺒﺎﻟﻪ ﻣﺎ ﺳﻤﻌﺘﻪ
ﻣﺮﻭﺓ .. ﻻ ﻭﺍﻟﻠﻪ ﻣﻴﻄﻠﻊ ﻣﻨﺎ ﺍﻻ ﻋﻠﻰ ﺍﻟﺴﺠﻦ
ﺳﻴﻒ ﻫﺪ ﻋﻠﻴﻬﺎ .. ﻟﺞ ﺳﻜﺘﻲ ﻋﺎﺭ ﺑﻨﺖ ﺍﻟﻌﺎﺭ
ﺍﻧﺘﻲ ﻣﻨﻮ ﺣﺘﻰ ﺗﺘﺠﺮﺋﻴﻦ ﻭﺗﻬﺪﺩﻳﻨﻲ
ﺑﻴﻤﻦ ﺟﺎﻳﺔ ﺗﺰﺍﻣﻄﻴﻦ ﺑﺎﺑﻮﺝ ﺍﺛﻴﺮ ﺍﺑﻮ ﺍﻟﻌﺮﻙ ﺟﺎﻳﺔ ﻭﺗﻬﺪﺩﻳﻨﻲ
ﻭﻟﺞ ﻭﺍﻟﻠﻪ ﺍﺷﺎﺭﺓ ﻭﺣﺪﺓ ﻣﻨﻲ ﺍﻃﻴﺮﺝ ﺍﻧﺘﻲ ﻭﻋﺸﻴﺮﺗﺞ
ﻭﺍﺑﻮﺝ
ﺳﻴﻒ ﻭﺍﻫﻠﻪ ﺍﺳﺘﻬﺎﻧﻮﺍ ﺑﻴﺔ ﻭﺑﻤﺮﻭﺓ ﻭﺍﺳﺘﻀﻌﻔﻮﻧﺎ
ﻳﺮﺩﻭﻥ ﻳﻠﻤﻮﻥ ﺍﻟﺴﺎﻟﻔﺔ ﺑﻴﻨﻬﻢ ﻭﻳﺮﻭﺡ ﺣﻖ ﺿﺤﻰ ﻻﻥ ﻳﻌﺮﻓﻮﻥ ﺑﻴﻨﺎ ﻣﺎﻟﻨﺔ ﻇﻬﺮ
ﻭﺣﺘﻰ ﻟﻮ ﻣﺮﻭﺓ ﻋﻨﺪﻫﺎ ﺳﻨﺪ ﻫﻨﺎ ﺑﺎﻟﻤﺴﺘﺸﻔﻰ ﺍﻻﻫﻠﻲ ﻣﺎ ﻳﻨﻔﻊ ﻭﻣﻨﺎ ﻋﻠﻤﺎ ﺗﺠﻲ ﺍﻟﺸﺮﻃﺔ ﻳﻜﻮﻥ ﺳﻴﻒ ﺭﺍﻳﺢ
ﺍﺑﺎﻭﻉ ﻟﻤﺮﻭﺓ . ﺟﺎﻧﺖ ﺗﺒﺎﻭﻉ ﻋﻠﻴﻪ ﻭﺍﻟﺸﺮﺭ ﺗﻄﺎﻳﺮ ﻣﻦ ﻋﻴﻮﻧﻬﺎ ﺗﻔﻠﺖ ﻭﻫﺪﺕ ﻋﻠﻴﻪ ﻭﺧﻤﻄﺘﻪ ﻭﺧﺮﻣﺸﺘﻪ ﺑﻮﺟﻬﻪ ﻭﻫﻮ ﻫﺪ ﻋﻠﻴﻬﺎ
ﻳﺮﻳﺪ ﻳﻀﺮﺑﻬﺎ ﻭﻫﻲ ﺑﻘﺖ ﻭﺍﻛﻔﺔ ﻛﺪﺍﻣﻪ
ﺭﺍﻓﻌﺔ ﺭﺍﺳﻬﺎ ﺑﻜﻞ ﻗﻮﺓ
ﺭﺣﺖ ﻋﻠﻴﻬﺎ ﻭﺻﺤﺖ ﺑﺨﻮﻑ
.. ﻳﻤﺔ ﺍﺧﺘﻲ
ﺻﺎﺡ ﺻﻮﺕ ﺧﺸﻦ ﻣﻦ ﻭﺭﺍﻧﺎ ﻫﺰ ﺍﺭﻛﺎﻥ ﺍﻟﻤﺴﺘﺸﻔﻰ
.. ﻛﻮﻥ ﺍﻧﺖ ﺻﺪﻙ ﺭﺟﺎﻝ ﺟﺮﺏ ﻭﻣﺪ ﺍﻳﺪﻙ ﻋﻠﻴﻬﺎ
ﻳﻤﺔ ﻣﺎ ﺍﻋﺮﻑ ﺷﺼﺎﺭ ﺑﻴﺔ ﻣﻦ ﺷﻔﺖ ﻗﺎﺳﻢ
ﺭﺑﻲ ﺍﺳﺘﺠﺎﺏ ﻟﺪﻋﺎﺋﻲ
ﺍﺗﻮﻗﻒ ﺳﻴﻒ ﻭﻋﻘﺪ ﺣﻮﺍﺟﺒﻪ ﻣﻤﺘﻮﻗﻊ ﺟﻴﺔ ﻗﺎﺳﻢ
ﺳﻴﻒ ﺑﺼﻮﺕ ﻛﻠﻪ ﻏﻀﺐ
ﺍﻗﺘﺮﺏ ﻋﻠﻰ ﺳﻴﻒ ﻭﻛﺎﻝ
.. ﻫﺎ ﻳﺎ ﺳﻴﻒ ﻫﻲ ﻫﺎﻱ ﻛﺪﺭﺕ ﻋﺎﻟﻨﺴﻮﺍﻥ
ﺗﻄﻠﻊ ﻣﺮﺍﺟﻠﻚ
ﻓﺘﺢ ﺍﺫﺭﺍﻋﻪ ﻋﻠﻰ ﻭﺳﻌﻬﻦ
.. ﺑﻴﻚ ﺧﻴﺮ ﻭﺗﻌﺎﻝ . ﺍﻭﻛﻒ ﻛﺪﺍﻣﻲ ﻭﺍﺣﺠﻲ ﻭﻳﺎﻫﺎ ﻫﺬﺍ ﺍﻟﺤﺠﻲ
ﺳﻴﻒ .. ﻗﺎﺳﻢ ﺍﻧﺖ ﻣﺎ ﺷﻔﺘﻬﺎ ﺷﻠﻮﻥ ﺍﺗﺠﺎﻭﺯﺕ ﻋﻠﻴﺔ
ﻭﺻﺎﺭﺕ ﺗﺴﺮﺑﺖ ﺑﺎﻟﺤﺠﻲ
ﻗﺎﺳﻢ ﺑﻐﻀﺐ
.. ﻟﻚ ﺍﻧﺖ ﻫﻢ ﺍﻟﻚ ﻋﻴﻦ ﻭﺗﺤﺠﻲ ﻣﺼﻮﺏ ﺍﺧﺘﻬﺎ ﺑﺎﻟﻤﺴﺪﺱ
.. ﻗﺎﺳﻢ ﺭﺣﻤﺔ ﻋﻠﻰ ﻭﺍﻟﺪﻳﻚ ﺍﻧﺖ ﻻ ﺗﺘﺪﺧﻞ
ﻫﺬﺍ ﺍﻟﺸﻲ ﻣﺎ ﻳﺨﺼﻚ ﺍﻣﻮﺭ ﻋﺎﺋﻠﻴﺔ
.. ﻟﻚ ﺍﻧﺖ ﻭﻳﺎﻣﻦ ﺩﺗﺤﺠﻲ
ﻫﺪﻋﻠﻴﻪ
ﻣﺎ ﺣﺴﻴﺖ ﺍﻻ ﻭﻋﻠﻰ ﺿﺎﺑﻂ ﺷﺮﻃﺔ ﺩﺧﻞ ﺑﻴﻨﻬﻢ ﻭﻟﺰﻡ ﺳﻴﻒ
ﺍﺗﻔﺎﺟﺌﺖ ﻣﺮﻭﺓ ﺣﺠﺖ ﻭﻳﺎﻩ ﺑﺸﻤﺎﺗﺔ
.. ﻻ ﻋﺒﺎﻟﻚ ﺍﺧﺬﺗﻬﺎ ﻟﻤﺴﺘﺸﻔﻰ ﺍﻫﻠﻴﺔ ﺗﻌﻮﺩ ﻟﻤﻌﺎﺭﻓﻜﻢ
ﻋﺒﺎﻟﻚ ﺗﻜﺪﺭﺗﻄﻠﻊ ﻣﻨﻬﺎ
ﻭﺩﺍﻋﺘﻚ ﺍﻧﺖ ﻫﻮﺍﻱ ﻣﺴﺘﻬﺎﻥ
ﺍﺑﺎﻭﻉ ﻣﻔﺮﺯﺓ ﺷﺮﻃﺔ ﺩﺧﻠﺖ ﻟﻠﻤﺴﺘﺸﻔﻰ ﻭﺍﻧﺘﺒﻬﺖ
ﻟﻮﺍﺣﺪ ﻭﻳﺎﻫﻢ ﺍﺗﻮﻗﻊ ﻫﺬﺍ ﺍﺑﻮ ﻳﺎﺳﺮ ﺍﻟﻲ ﺗﻌﺮﻓﻪ
ﻣﺮﻭﺓ
ﺍﻟﻀﺎﺑﻂ .. ﻻﺯﻡ ﺗﺘﻔﻀﻞ ﻭﻳﺎﻧﺎ ﻋﻠﻴﻚ ﺑﻼﻍ ﻭﺗﻬﻤﺔ
ﺗﻌﺪﻱ ﻋﻠﻰ ﺩﻛﺘﻮﺭﺓ ﻭﻣﺤﺎﻭﻟﺔ ﻗﺘﻞ ﺯﻭﺟﺘﻚ
ﺍﺑﺎﻭﻉ ﻻﺧﻮﺍﻥ ﺳﻴﻒ ﻭﺍﺑﻮﻩ ﺻﺎﺭ ﻭﺍﺣﺪ ﻳﺪﻋﻢ ﺑﺎﻟﺜﺎﻧﻲ ﻭﺻﺎﺭﺕ ﺧﺒﺼﺔ
ﻭﺳﻴﻒ ﺍﻟﻲ ﺟﺘﻔﻮﻩ ﻭﺻﺎﺭ ﻣﺜﻞ ﺍﻟﺠﺮﻳﺬﻱ ﺟﻮﺓ ﺍﻳﺪﻫﻢ
ﻛﺎﻡ ﻳﺼﻴﺢ
.. ﺑﺎﺑﺎ ﺍﺣﺠﻲ ﻭﻳﺎﻫﻢ .
ﺍﺑﻮﻩ .. ﻟﺘﺨﺎﻑ ﺍﺑﻮﻳﺔ ﺍﻧﺖ ﺍﻧﺎ ﻭﻳﺎﻙ ﺟﺎﻱ
ﺑﻌﺪﻣﺎ ﺍﻟﺸﺮﻃﺔ ﺍﺧﺬﻭ ﺳﻴﻒ
ﻭﺍﺧﻮﺍﻧﻪ ﻭﺍﺑﻮﻩ ﺭﺍﺣﻮﺍ ﻭﺭﺍﻩ
ﺑﻌﺪ ﻓﺘﺮﺓ ﺑﺎﻭﻋﺖ ﻟﺨﻮﺍﺗﻲ ﻭﺣﺪﺓ ﻛﺎﻋﺪﺓ ﺑﺼﻒ ﺍﻟﺜﺎﻧﻴﺔ
ﻭﺍﻡ ﻗﺎﺳﻢ ﻭﻗﺎﺳﻢ ﻭﻓﺎﻃﻤﺔ . ﻭﺍﻡ ﺻﻬﻴﺐ ﻭﻋﻤﻮ ﺍﺑﻮ ﻓﺮﺯﺩﻕ
ﻛﻠﻬﻢ ﺍﺟﻮﻱ
ﺑﺲ ﺟﺎﻥ ﻫﻨﺎﻙ ﺍﻛﻮ ﺷﺨﺺ ﻓﺎﻗﺪ ﻣﺎﺧﺬﻟﻪ ﻣﻜﺎﻥ ﺑﻌﻴﺪ ﻋﻦ ﺍﻟﻜﻞ ﻭﻛﺎﻋﺪ ﻟﻮﺣﺪﻩ ﻭﺣﺎﻁ ﺍﻳﺪﻩ ﻋﻠﻰ ﺭﺍﺳﻪ
ﻋﺼﺮﻧﻲ ﻛﻠﺒﻲ ﻣﻌﻘﻮﻟﺔ ﻫﺬﺍ ﺻﻬﻴﺐ
ﻫﺪﻯ
ﺧﻮﻑ ﻭﺗﺮﻗﺐ ﻭﺍﻣﻞ
ﻛﻠﻨﺎ ﻛﺎﻋﺪﻳﻦ ﻣﻨﺘﻈﺮﻳﻦ ﺿﺤﻰ
ﺑﻌﺪ ﺍﻟﻲ ﺻﺎﺭ ﺣﺴﻴﺖ ﺑﺮﺣﻤﺔ ﺍﻟﻠﻪ ﺷﻜﺪ ﻭﺍﺳﻌﺔ
ﻭﺍﻟﻈﺎﻟﻢ ﻻﺑﺪ ﻭﺍﻥ ﻳﺠﻲ ﻳﻮﻡ ﺭﺑﻪ ﻳﻮﻛﻊ ﺑﻈﻠﻤﻪ
ﻣﺮ ﺍﻟﻮﻗﺖ ﻭﻃﻠﻊ ﺍﻟﺪﻛﺘﻮﺭ
ﻭﺭﻛﻀﻨﺎ ﻣﺮﻭﺓ ﻭﺷﻴﻤﺎﺀ ﺻﺎﺭﻭﺍ ﻳﺴﺄﻟﻮﻧﻪ
ﻭﻫﻮ ﻳﺤﺠﻲ ﻭﻳﺎﻫﻢ . ﻭﻳﺠﺎﻭﺑﻬﻢ ﺑﻌﺪ ﺩﻓﺎﻳﻖ
.. ﻫﺎ ﻣﺮﻭﺓ ﺑﺸﺮﻱ ﺷﻨﻮ
.. ﺍﻟﺪﻛﺘﻮﺭ ﻳﻜﻮﻝ ﺍﻟﻄﻠﻘﺔ ﺟﺎﻳﺔ ﺑﻈﻠﻌﻬﺎ ﻭﺑﻠﻮﺡ ﺍﻟﻜﺘﻒ
ﻣﻦ ﺍﻟﺠﻬﺔ ﺍﻟﻴﻤﻨﺔ ﻛﻮﺓ ﻛﺪﺭﻧﺎ ﻧﺴﻴﻄﺮ ﻋﺎﻻﺿﺮﺍﺭ
ﻻﻥ ﻫﻮﺍﻱ ﻧﺎﺯﻓﺔ ﺩﻡ ﻭﻫﻤﺔ ﺟﺎﻳﺒﻴﻬﺎ ﻣﺘﺄﺧﺮﻳﻦ
ﻭﺍﻧﻲ ﻃﻠﺒﺖ ﻣﻦ ﻋﻨﺪﻩ ﻳﺴﻮﻳﻠﻨﺎ ﺗﻘﺮﻳﺮ
ﺑﺎﻭﻋﺖ ﻟﺸﻴﻤﺎﺀ
.. ﺷﻴﻤﺎﺀ ﺿﺎﺑﻂ ﺍﻟﺘﺤﻘﻴﻖ ﻣﻨﺘﻈﺮ ﻳﺮﻳﺪ ﻳﺎﺧﺬ ﺍﻳﻔﺎﺩﺗﺞ
ﻻﻥ ﺍﻧﺘﻲ ﻭﺣﺪﺓ ﻣﻦ ﺍﻟﺸﻬﻮﺩ
ﺭﺍﺣﻮﺍ ﺍﻟﺒﻨﺎﺕ
ﻭﺑﻘﻴﺖ ﺍﻧﻲ ﻟﻮﺣﺪﻱ ﻛﺎﻋﺪﺓ ﺟﺎﻧﺖ ﺍﻡ ﻗﺎﺳﻢ ﻛﺎﻋﺪﺓ ﻳﻢ
ﺍﻡ ﺻﻬﻴﺐ ﻭﻓﺎﻃﻤﺔ
ﺍﻧﺘﺒﻬﺖ ﻟﻘﺎﺳﻢ ﺍﺟﺔ ﻭﻛﻌﺪ ﻳﻤﻲ ﺑﺲ ﺷﻔﺘﻪ
ﻧﺰﻟﺖ ﺩﻣﻮﻋﻲ ﻻ ﺍﺭﺍﺩﻳﺎ
ﺣﺴﻴﺖ ﻋﻠﻰ ﺍﻳﺪﻩ ﺣﻮﻃﺘﻨﻲ ﻣﻦ ﻛﺘﻔﻲ ﻭﻟﻤﻨﻲ ﻟﺼﺪﺭﻩ
.. ﺍﺍﺍﺍﺥ ﻟﻚ ﻫﺎﺩﻱ ﻭﺍﻟﻠﻪ ﻣﺎ ﻳﻠﻮﻛﻠﻚ ﺗﺒﺠﻲ
.. ﺗﺪﺭﻱ ﺻﺮﺕ ﺍﺣﺐ ﺍﺳﻢ ﻫﺎﺩﻱ ﻣﻦ ﺍﺳﻤﻌﻪ ﺑﺼﻮﺕ
ﺳﻜﺘﺖ ﺍﻟﺪﻣﻮﻉ ﺍﺗﺰﺍﺣﻤﺖ ﻭﻳﺔ ﺍﻟﻜﻼﻡ
ﺭﻓﻌﺖ ﺭﺍﺳﻲ ﺍﺩﻭﺭ ﻋﻠﻰ ﻣﺮﻳﻢ
ﻟﻜﻴﺘﻬﺎ ﻛﺎﻋﺪﺓ ﻋﻠﻰ ﻭﺣﺪﺓ ﻣﻦ ﺍﻟﻜﺮﺍﺳﻲ ﻗﺮﻳﺒﺔ ﻋﻠﻴﺔ
ﺟﺎﻧﺖ ﻣﺪﻧﻜﺔ ﺭﺍﺳﻬﺎ
ﻭﺣﺎﺿﻨﺔ ﻧﻔﺴﻬﺎ ﻓﺎﺻﻠﺔ ﻋﻦ ﺍﻟﻌﺎﻟﻢ
ﻭﺟﺎﻥ ﺍﺷﻮﻑ
ﻫﺸﺎﻡ ﺟﺎﻳﺐ ﺑﻄﻞ ﻣﺎﻱ ﻭﻣﺪ ﺍﻳﺪﻩ ﺑﺒﻄﻞ ﺍﻟﻤﻲ ﻟﻤﺮﻳﻢ ﻭﺣﺠﺔ ﺑﺼﻮﺕ ﻧﺎﺻﻲ ﻭﻛﺎﻝ
.. ﻫﺎﺝ ﺍﺧﺬﻱ ﺷﺮﺑﻴﻠﺞ ﺷﻮﻳﺔ ﻣﺎﻱ
ﻭﻣﺴﺤﻲ ﺩﻣﻮﻋﺞ ﻛﺎﻓﻲ ﺍﺧﺘﺞ ﻣﺒﻴﻬﺎ ﺷﻲ
ﻣﻦ ﻣﺴﺎﻋﺔ ﺍﻧﺘﻲ ﺑﺲ ﺗﺒﺠﻴﻦ ﺍﺩﺭﻱ ﺷﻨﻮ ﻫﺬﻧﻲ ﺩﻣﻮﻋﺞ ﻣﺘﺨﻠﺺ ﻟﻮ ﻋﻨﺪﺝ ﺗﺎﻧﻜﺮ ﺧﺎﺯﻧﺔ ﺍﻟﺪﻣﻮﻉ ﺑﻴﻪ
.......
ﻣﻔﺎﺭﻗﺎﺕ ﺍﻟﺰﻣﻦ ﻭﺳﺨﺮﻳﺔ ﺍﻟﻘﺪﺭ
ﻓﻲ ﺫﺍﺕ ﺍﻟﻤﺴﺘﺸﻔﻰ ﺍﻟﻲ ﺷﻬﺪﺕ ﻋﻠﻰ ﺍﻻﻡ ﻭﺍﻭﺟﺎﻉ ﺿﺤﻰ
ﻭﺧﻮﻓﻨﺎ ﻭﺗﺮﻗﺒﻨﺎ ﻋﻠﻴﻬﺎ
ﻛﺎﻧﺖ ﺍﻳﻀﺎً ﺷﺎﻫﺪﺓ ﻋﻠﻰ
ﻗﻠﻮﺏ ﻣﻌﻠﻘﺔ ﻣﻌﺬﺑﺔ ﺑﺎﻟﺤﺐ ﺍﻟﻤﻜﺘﻮﻡ ﻣﺜﻞ ﺻﻬﻴﺐ ﻭﺿﺤﻰ
ﻭﺍﻳﻀﺎ ﻓﻲ ﺫﺍﺕ ﺍﻟﻮﻗﺖ ﻫﻨﺎﻙ ﻗﻠﻮﺏ ﺍﻧﻮﻟﺪ ﺑﻴﻬﺎ ﺍﻟﺤﺐ
ﻣﺜﻞ ﻫﺸﺎﻡ ﻭﻣﺮﻳﻢ
ﻭﻫﻨﺎﻙ ﻗﻠﻮﺏ ﺗﻜﺎﺑﺮ ﺍﻻﻟﻢ ﻭﺗﻈﻬﺮ ﺍﻟﻘﻮﺓ ﻏﺎﻓﻠﺔ ﻋﻦ
ﺍﻟﻘﻠﻮﺏ ﺍﻟﻤﺤﻄﻤﺔ ﺑﺴﺒﺒﻬﺎ ﻣﺜﻞ ﻗﺎﺳﻢ ﻭﻫﺪﻯ
ﻫﺪﻯ
ﻋﺪﺓ ﺍﺳﺒﻮﻉ ﻋﻠﻰ ﺣﺎﺩﺙ ﺿﺤﻰ . ﺑﺎﻟﻤﺴﺘﺸﻔﻰ
ﻭﺑﻬﺬﺍ ﺍﻻﺳﺒﻮﻉ ﺑﺪﻳﻨﺎ ﺍﻧﻲ ﻭﺷﻴﻤﺎﺀ ﻧﺘﻨﺎﻭﺏ ﻋﻠﻰ ﺍﻟﻤﺒﻴﺖ
ﻳﻢ ﺿﺤﻰ ﺑﺎﻟﻤﺴﺘﺸﻔﻰ
ﺍﺗﺬﻛﺮ ﻣﻦ ﻃﻠﺒﺖ ﻣﻦ ﻗﺎﺳﻢ ﺍﺑﺎﺕ ﺑﺎﻟﻤﺴﺘﺸﻔﻰ ﻭﻳﺔ ﺿﺤﻰ
ﻛﺎﻝ ﻫﺬﺍ ﻣﻦ ﺣﻘﺞ ﻟﻌﺪ ﺍﻟﻤﻦ ﺍﻻﺧﻮﺓ ﺗﻨﺮﺍﺩ
ﻣﺎ ﺍﻧﺴﻰ ﻭﻛﻔﺘﻪ ﻭﻳﺎﻳﺔ ﻫﻮ ﻭﺧﺎﻟﺘﻲ ﻭﺍﻟﺒﻨﺎﺕ
ﺻﺪﻙ ﺭﻓﻌﻮﺍ ﺭﺍﺳﻲ ﺣﺴﻴﺖ ﺍﻛﻮ ﻣﻦ
ﻳﺤﺘﺮﻣﻨﺎ ﻭﻳﺤﺘﻮﻳﻨﺎ
ﺍﻡ ﻗﺎﺳﻢ ﺟﺎﻧﺖ ﺑﻴﻦ ﻳﻮﻡ ﻭﻳﻮﻡ ﺗﺠﻲ ﻭﺍﻟﻴﻮﻡ ﺍﻟﻤﺘﺠﻲ ﺑﻲ ﺗﺘﺼﻞ ﺗﻄﻤﻦ ﻋﻠﻰ ﺿﺤﻰ
ﻫﺎﻱ ﻣﻦ ﻏﻴﺮ ﺗﻄﺒﺦ ﻭﺗﺪﺯﻩ ﺑﻴﺪ ﺍﻟﻌﻢ ﺣﺴﻨﻴﻦ
ﺍﻣﺎ ﻫﺎﻟﺔ ﻛﻞ ﺷﻮﻳﺔ ﺗﺘﺼﻞ ﺗﺴﺄﻟﻨﻲ ﻋﻠﻰ ﺿﺤﻰ
ﻭﺗﻜﻠﻲ ﺷﻮﻛﺖ ﺗﺮﺟﻌﻴﻦ ﺍﻟﺒﻴﺖ ﺿﻮﺟﺔ ﺑﺪﻭﻧﺞ
ﺗﻌﺎﻱ ﺷﻨﻮ ﻋﺎﻳﻔﺘﻨﻲ ﻳﻢ ﻫﺪﻳﻞ ﺍﻟﻌﻮﺑﺔ
ﻻﺯﻡ ﺗﻀﺤﻜﻨﻲ ﻭﺗﻨﻬﻲ ﺍﻟﻤﻜﺎﻟﻤﺔ
ﺍﻣﺎ ﻗﺎﺳﻢ ﻓﻜﺎﻥ ﺑﺤﺜﺎً ﺍﺧﺮ
ﻣﺮﺍﺕ ﺍﺣﺲ ﺳﺆﺍﻟﻪ ﻋﻨﻲ ﺑﺪﺍﻳﺔ ﺍﻫﺘﻤﺎﻡ ﻣﻦ ﻧﻮﻉ ﺍﺧﺮ
ﻭﻣﺮﺍﺕ ﺍﺣﺲ ﺑﻲ ﻳﻌﻄﻒ ﻋﻠﻴﺔ ﺍﻧﻲ ﻭﺧﻮﺍﺗﻲ
ﻳﻌﻨﻲ ﻣﻮ ﺷﻲ ﺧﺎﺹ ﺑﻴﺔ ﺍﻟﻲ
ﺍﻣﺎ ﻋﻦ ﺗﺼﺮﻓﺎﺗﻪ ﻓﻜﺎﻥ ﺩﺍﺋﻤﺎ ﻣﺸﻐﻮﻝ
ﺣﺘﻰ ﻣﻦ ﻳﺠﻲ ﻟﻠﻤﺴﺘﺸﻔﻰ ﻭﻳﺸﻮﻓﻨﻲ ﺷﻨﻮ ﻣﺤﺘﺎﺟﺔ
ﻳﺮﻭﺡ ﺍﻟﻮﻗﺖ ﻛﻠﻪ ﺍﺗﺼﺎﻻﺕ ﻣﻨﺎ ﺍﻟﻰ ﺍﻥ ﻳﺨﻠﺺ
ﻳﺴﺤﺐ ﻧﻔﺲ ﻋﻤﻴﻖ ﻭﻳﺴﺄﻟﻨﻲ ﻋﻦ ﺿﺤﻰ ﻭﺻﺤﺘﻬﺎ
ﻭﺑﻌﺪﻫﺎ ﻳﻜﻠﻲ ﻣﺎ ﺍﻭﺻﻴﺞ ﺍﻱ ﺷﻲ ﻳﺤﺘﺎﺟﻮﻧﻪ ﺍﻟﺒﻨﺎﺕ
ﺧﻮﺍﺗﺞ ﻛﻮﻟﻲ ﺍﻧﺎ ﻣﻮﺟﻮﺩ
ﺟﻨﺖ ﺍﻧﺘﻈﺮﻩ ﻣﺜﻞ ﺍﻟﻄﻔﻠﺔ ﺷﻮﻛﺖ ﻳﺴﺄﻟﻨﻲ ﻋﻦ ﺣﺎﻟﻲ
ﺷﻜﺪ ﺍﺗﻤﻨﻴﺖ ﺍﺳﻤﻊ ﻣﻨﻪ ﻛﻠﻤﺔ ﻣﺸﺘﺎﻗﻠﺞ
ﺍﻭ ﺷﻮﻛﺖ ﺗﺮﺟﻌﻴﻦ ﻟﻠﺒﻴﺖ ﻃﻮﻟﺘﻲ
ﺑﺲ ﻣﻊ ﺍﻻﺳﻒ ﻣﺎ ﻧﻄﻖ ﻫﺎﻱ ﺍﻟﻜﻠﻤﺎﺕ
ﻻﻥ ﺍﻧﻲ ﺑﺎﻟﻨﺴﺒﺔ ﺍﻟﻪ ﻻ ﺷﻲ . ﻣﻮ ﻣﻬﻤﺔ ﺑﺤﻴﺎﺗﻪ
ﺍﻥ ﺣﻀﺮ ﻻ ﻳُﻌﺪ ﻭﺍﻥ ﻏﺎﺏ ﻻ ﻳﻔﺘﻘﺪ
ﻫﺬﺍ ﺣﺎﻟﻲ ﻭﻳﺔ ﻗﺎﺳﻢ
ﺑﺲ ﺍﻟﻤﺸﻜﻠﺔ ﻛﻠﺒﻲ ﻣﻮ ﺭﺍﺿﻲ ﻳﻔﻬﻢ ﺑﻌﺪﻩ
ﻳﻠﺤﻦ ﺑﻜﻴﻔﻪ ﻋﺒﺎﻟﻚ ﻋﺎﻳﺶ ﺑﻐﻴﺮ ﻋﺎﻟﻢ
ﻭﺻﺮﺕ ﺍﻋﺪ ﺍﻻﻳﺎﻡ ﺑﺼﺒﺮ ﺷﻮﻛﺖ ﺍﺭﺟﻊ
ﻟﻠﺒﻴﺖ ﻻﻥ ﻫﻨﺎﻙ ﺍﻟﻤﻜﺎﻥ ﺍﻟﻮﺣﻴﺪ ﺍﻟﻲ ﺍﻛﺪﺭ
ﺍﺣﻈﻲ ﺑﻘﺎﺳﻢ ﺍﻟﻲ ﻟﻮﺣﺪﻱ ﻳﺤﺠﻲ ﻭﻳﺎﻱ ﻭﺍﺣﺠﻲ ﻭﻳﺎﻩ
ﺍﺣﺲ ﺑﺤﻨﺎﻧﻪ ﺍﺷﺘﺎﻗﻴﺖ ﻟﻜﻠﺸﻲ ﺑﻲ
ﺭﻳﺤﺘﻪ ﺻﻮﺗﻪ ﺍﺑﺘﺴﺎﻣﺘﻪ ﺣﺘﻰ ﻏﻀﺒﻪ ﻭﺯﻋﻠﻪ
ﻣﺸﺘﺎﻗﺘﻠﻬﻢ
ﺍﻧﺘﺒﻬﺖ ﻣﻦ ﺍﻓﻜﺎﺭﻱ ﻋﻠﻰ ﻛﻼﻡ ﺷﻴﻤﺎﺀ ﻭﻳﺔ ﻣﺮﻭﺓ
ﺷﻴﻤﺎﺀ .. ﻣﺮﻭﺓ ﺍﻧﻲ ﺟﻬﺰﺕ ﻛﻞ ﻏﺮﺍﺽ ﺿﺤﻰ ﻭﺍﻟﺪﻛﺘﻮﺭ
ﻭﻗﻊ ﻋﻠﻰ ﻭﺭﻗﺔ ﺟﺮﻭﺟﻬﺎ ﻣﻦ ﺍﻟﻤﺴﺘﺸﻔﻰ
ﻣﺮﻭﺓ .. ﻫﺬﺍ ﻫﻮ ﺍﻧﻲ ﺍﺗﺼﻠﺖ ﻋﻠﻰ ﺍﻟﺴﺎﻳﻖ ﻳﺠﻲ
ﻳﺎﺧﺬﻧﺎ
ﻃﺒﻌﺎ ﻣﺮﻭﺓ ﺭﻏﻢ ﺍﻧﺸﻐﺎﻟﻬﺔ ﺑﻌﻴﺎﺩﺗﻬﺎ ﻭﺍﻟﻤﺮﻛﺰ ﻭﺑﻨﺘﻬﺎ
ﺑﺲ ﻣﻦ ﻳﻮﻡ ﺍﻟﺼﺎﺭ
ﺻﺎﺭ ﺷﻐﻠﻬﺎ ﺍﻟﺸﺎﻏﻞ ﻗﻀﻴﺔ ﺿﺤﻰ
ﻭﻛﻠﺖ ﻣﺤﺎﻣﻲ ﻳﺘﻮﻟﻰ ﺍﻣﻮﺭ ﺍﻟﻘﻀﻴﺔ ﺣﺘﻰ ﺗﺘﺄﻛﺪ ﺍﻥ ﺳﻴﻒ ﻳﺎﺧﺬ ﺍﻗﺼﻰ ﺍﻟﻌﻘﻮﺑﺎﺕ ﺍﺗﺬﻛﺮ ﺍﻟﻤﺤﺎﻣﻲ
ﻛﻌﺪ ﻳﺴﺄﻝ ﺿﺤﻰ ﻫﻮﺍﻱ ﺍﺳﺄﻟﺔ ﻛﻨﺎ ﻋﺎﻓﻠﻴﻦ ﻋﻨﻬﺎ
ﻭﺣﺪﺓ ﻣﻦ ﻫﺎﻱ ﺍﻻﺳﺌﻠﺔ
ﺳﺄﻟﻬﺎ
.. ﻗﺒﻞ ﺗﻬﺠﻢ ﺯﻭﺟﺞ ﻋﻠﻴﺞ ﺑﺎﻟﺴﻼﺡ
ﻫﻞ ﺗﻌﺮﺿﺘﻲ ﻟﻠﻌﻨﻒ ﻭﺍﻟﻀﺮﺏ ﻋﻠﻰ ﺍﻳﺪﻩ ؟؟
ﺿﺤﻰ ﻫﺰﺕ ﺭﺍﺳﻬﺎ ﺑﻌﻨﻰ ﻧﻌﻢ
......
ﺑﻌﺪﻫﺎ ﺍﻟﻤﺤﺎﻣﻲ ﻃﻠﺐ ﻣﻦ ﻣﺮﻭﺓ ﺍﻥ ﻳﺴﺘﻐﻠﻮﻥ ﺍﻟﻔﺮﺻﺔ ﻣﺎ ﺩﺍﻡ ﺿﺤﻰ ﺑﻌﺪﻫﺎ ﺍﺛﺎﺭ ﺍﻟﻀﺮﺏ ﻣﻮﺷﻮﻣﺔ ﻋﻠﻰ ﺟﺴﻤﻬﺎ
ﻛﺎﻝ ﻟﻤﺮﻭﺓ ﺍﻓﻀﻞ ﺗﺘﺼﻮﺭ ﻫﺎﻱ ﺍﻻﺛﺎﺭ ﻭﺍﻟﺪﻛﺘﻮﺭ ﻳﺸﺮﻑ ﻋﻠﻴﻬﺎ
ﻭﺍﺭﻳﺪ ﺗﻘﺮﻳﺮ ﻛﺎﻣﻞ ﺣﺘﻰ ﺍﺿﻴﻔﻪ ﻋﻠﻰ ﻣﺠﻤﻮﻋﺔ ﺍﻟﻘﻀﺎﻳﺎ
ﺍﻟﻤﺘﻬﻢ ﺑﻴﻬﻦ
ﻻﻥ ﺍﻟﻘﻀﺎﺀ ﺭﺍﺡ ﻳﺤﺎﻛﻢ ﺳﻴﻒ ﻋﻠﻰ ﺣﻴﺎﺯﺗﻪ ﻋﻠﻰ ﺳﻼﺡ ﻏﻴﺮ ﻣﺮﺧﺺ ﻗﺎﻧﻮﻧﻴﺎً .
ﻭﻣﺤﺎﻭﻟﺔ ﻗﺘﻞ . ﺯﻭﺟﺘﻪ
ﻭﺿﺮﺏ ﻭﺍﻟﺘﻌﻨﻴﻒ ﻭﺍﻟﺘﻬﺪﻳﺪ ﺍﻟﻲ ﺍﺗﻌﺮﺿﺘﻠﻪ ﺿﺤﻰ
ﺍﺿﺎﻓﺔ ﺍﻟﻰ ﺍﻟﺘﻌﺪﻱ ﻋﻠﻰ ﺩﻛﺘﻮﺭﺓ ﻫﺬﻧﻲ ﺍﻟﺘﻬﻢ
ﺭﺍﺡ ﺍﻛﺪﺭﺍﺛﺒﺘﻬﻢ ﻋﻠﻴﻪ ﻣﺜﻞ ﺍﻟﻮﺭﺩ ﻭﺭﺍﺡ ﺍﻛﻮﻥ
ﻣﺴﻴﻄﺮ ﺍﻛﺜﺮ ﻋﺎﻟﻘﻀﻴﺔ ﺍﺫﺍ ﺯﻭﺟﺔ ﺍﺧﻮﻩ ﺍﻟﻲ ﺍﺗﺼﻠﺖ ﻋﻠﻴﺞ
ﺗﻜﻮﻥ ﺷﺎﻫﺪ ﻋﻴﺎﻥ ﻋﻠﻰ ﻣﺪﺍﻭﻣﺔ ﺍﻟﻤﺘﻬﻢ ﻋﻠﻰ ﺗﺮﻫﻴﺐ ﻭﺗﻌﻨﻴﻒ ﺿﺤﻰ
ﺷﻴﻤﺎﺀ ﺟﺎﻭﺑﺘﻪ .. ﻭﺍﻟﻠﻪ ﺍﺳﺘﺎﺫ ﻣﺎ ﺍﻛﺪﺭ ﺍﺿﻤﻨﻠﻚ ﻫﺬﺍ ﺍﻟﺸﻲ
ﻳﻤﻜﻦ ﺍﻫﻞ ﺳﻴﻒ ﻳﻤﻨﻌﻮﻧﻬﺎ
.. ﻋﻠﻰ ﺍﻟﻌﻤﻮﻡ ﺍﻥ ﺷﺎﺀ ﺍﻟﻠﻪ ﻣﻨﺤﺘﺎﺝ ﺷﻬﺎﺩﺗﻬﺎ
ﻻﻥ ﺍﻻﺩﻟﺔ ﺍﻟﻲ ﻋﻨﺪﻧﺎ ﺗﻜﻔﻲ ﻭﺗﻮﻓﻲ
ﻣﺮﻭﺓ .. ﻭﻻ ﺗﻨﺴﻰ ﺍﺭﻳﺪ ﻧﺮﻓﻊ ﻋﻠﻴﻪ ﺩﻋﻮﺓ ﻃﻼﻕ
ﺍﻟﻤﺤﺎﻣﻲ .. ﻫﻮ ﺍﻧﻲ ﻟﻴﺶ ﺍﺻﺮﻳﺖ ﻋﻠﻰ ﺍﺧﺬ ﺻﻮﺭ ﻻﺛﺎﺭ ﺍﻟﻀﺮﺏ
ﻻﻥ ﻫﻲ ﻧﻔﺴﻬﺎ ﺭﺍﺡ ﺗﺴﺎﻋﺪﻧﻲ ﺑﻘﻀﻴﺔ ﺍﻟﻄﻼﻕ
ﻭﺍﻥ ﺷﺎﺀ ﺍﻟﻠﻪ ﺍﻟﻄﻼﻕ ﻣﻀﻤﻮﻥ
ﻭﺑﻬﺬﺍ ﺍﻻﺳﺒﻮﻉ ﺍﻟﻲ ﻣﺮ ﻋﻠﻴﻨﺎ
ﺟﻨﺖ ﺷﺎﻫﺪﺓ ﻋﻠﻰ ﻣﻌﺎﻧﺎﺓ ﺿﺤﻰ ﻭﺍﻻﻻﻣﻬﺎ ﻣﻦ ﻭﻋﺖ ﻋﻠﻰ ﻧﻔﺴﻬﺎ ﺑﺎﻟﻤﺴﺘﺸﻔﻰ
ﻭﺑﺪﺕ ﺗﺘﺬﻛﺮ ﺍﻟﺼﺎﺭ ﺑﻴﻬﺎ
ﺑﻮﻗﺘﻬﺎ ﺟﺎﻧﺖ ﺣﺎﻟﺘﻬﺎ ﺍﻟﻨﻔﺴﻴﺔ ﺻﻔﺮ ﻭﺍﻧﻬﺎﺭﺕ ﻣﺮﻋﻮﺑﺔ
ﻭﻋﻠﻰ ﺍﺩﻧﻰ ﺻﻮﺕ ﺗﻜﻤﺰ ﻣﻦ ﻣﻜﺎﻧﻬﺎ ﺧﺎﻳﻔﺔ
ﻛﺎﻧﺖ ﻣﻔﺰﻭﻋﺔ ﻟﺪﺭﺟﺔ ﻻ ﺗﺼﺪﻕ
ﺍﺗﺬﻛﺮ ﻣﺮﺓ ﻣﻦ ﺍﻟﻤﺮﺍﺕ
ﺍﻧﺴﺪ ﺑﺎﺏ ﺍﻟﻐﺮﻓﺔ ﺍﻟﻲ ﻫﻲ ﺑﻴﻬﺎ ﺑﻜﻞ ﻗﻮﺗﻪ ﻭﺻﺪﺭ ﻣﻨﻪ ﺻﻮﺕ ﻋﺎﻟﻲ ﻣﺜﻞ ﺩﻭﻱ ﺍﻟﻄﻠﻖ
ﺑﻮﻛﺘﻬﺎ ﺿﺤﻰ ﻛﺎﻣﺖ ﺗﺼﺮﺥ ﻣﺮﻋﻮﺑﺔ
ﻭﻣﺮﻭﺓ ﻛﺒﻞ ﻃﻠﺒﺖ
ﻣﻦ ﺍﻟﻤﻤﺮﺿﺔ ﺍﻥ ﺗﻠﺤﻠﻜﻬﺎ ﺑﺄﺑﺮﺓ ﻣﻬﺪﺋﺔ . ﻭﻛﺘﺒﺘﻠﻬﺎ ﺍﻟﻜﻤﻴﺔ ﺍﻟﻤﻄﻠﻮﺑﺔ
ﻣﺮﻭﺓ .. ﻃﺒﻌﺎً ﺍﻟﺼﺎﺭ ﺑﻀﺤﻰ ﺭﺍﺡ ﻳﺒﻘﻰ ﻳﻄﺎﺭﺩﻫﺎ ﺣﺘﻰ ﺑﺎﺣﻼﻣﻬﺎ
ﻻﻥ ﻟﺤﻈﺔ ﺍﻟﺮﻋﺐ ﺍﻟﻲ ﺍﺗﻌﺮﺿﺘﻠﻬﺎ ﺿﺤﻰ ﻣﻮ ﺷﻮﻳﺔ
ﻭﻓﻌﻼ ﺿﺤﻰ ﻣﻦ ﺑﺪﺕ ﺷﻮﻳﺔ ﺑﺎﻟﺘﺪﺭﻳﺞ ﺗﺴﺘﻌﻴﺪ ﺻﺤﺘﻬﺎ
ﺻﺤﻴﺢ ﻫﻲ ﻛﺎﻧﺖ ﺑﻄﻴﺌﺔ ﺑﺎﻟﺸﻔﺎﺀ ﻣﻦ ﻭﺭﺓ ﺍﻟﺤﺎﻟﺔ ﺍﻟﻨﻔﺴﻴﺔ
ﺑﺲ ﺍﺣﺴﻦ ﻣﻦ ﻣﺎﻛﻮ
ﺑﻌﺪﻣﺎ ﻃﻠﻌﻨﺎﻫﺎ ﻣﻦ ﺍﻟﻤﺴﺘﺸﻔﻰ
ﻣﺮﻭﺓ ﺍﺻﺮﺕ ﺍﻥ ﺗﺎﺧﺬﻫﺎ ﻭﻳﺎﻫﺎ ﺑﺒﻴﺘﻬﺎ
ﻋﻠﻰ ﺍﻻﻗﻞ ﻋﻠﻤﺎ ﺗﺒﺪﻱ ﺗﺘﺸﺎﻓﺔ ﻋﻨﺪﻫﺎ ﻭﻣﺮﻳﻢ ﺑﻘﺖ ﻳﻤﻬﺎ
ﺣﺘﻰ ﺗﺴﺎﻋﺪﻫﺎ ﻭﺗﺪﺍﺭﻱ ﻣﺮﻭﺓ
ﺣﺘﻰ ﺷﻴﻤﺎﺀ ﺑﺲ ﻛﺎﻥ ﻋﻨﺪﻫﺎ ﺩﻭﺍﻡ
ﺑﻌﺪﻳﻦ ﺷﻴﻤﺎﺀ ﻣﺎ ﺑﻘﺖ ﻳﻢ ﺍﻟﺒﻨﺎﺕ ﺑﺒﻴﺖ ﻣﺮﻭﺓ
ﻛﺎﻟﺖ ﺍﻧﻲ ﺍﺭﺟﻊ ﻟﻠﺒﻴﺖ ﻳﻢ ﺳﻠﻴﻤﺔ ﻣﺤﺪ ﻳﻤﻬﺎ
ﺧﻄﻴﺔ ﺿﺤﻰ ﺍﻭﻝ ﻣﺪﺧﻠﺖ ﻟﻠﺒﻴﺖ ﺑﺪﺍ ﻭﺟﻬﻬﺎ ﻳﺴﺘﺮﺩ ﻟﻮﻧﻪ
ﻭﺣﺘﻰ ﺍﻧﻄﻠﻘﺖ ﺑﺎﻟﻜﻼﻡ
ﺧﻄﻴﺔ ﻻﻥ ﻣﻦ ﺟﺎﻧﺖ ﺑﺎﻟﻤﺴﺘﺸﻔﻰ .
ﻣﺎﻛﻮ ﻣﺘﺤﺠﻲ ﺍﺑﺪ ﻣﺘﻔﺘﺢ ﺣﻠﻜﻬﺎ ﺍﻻ ﻋﻠﻰ ﺷﻲ ﺿﺮﻭﺭﻱ
ﻭﺍﺣﻨﺎ ﻃﻮﻝ ﻓﺘﺮﺓ ﺍﻻﺳﺒﻮﻉ ﻣﺠﺒﻨﺎ ﺳﻴﺮﺓ ﺳﻴﻒ ﻭﺍﻟﺼﺎﺭ .
ﻣﺮﻭﺓ ﻛﺎﻟﺖ ﻧﻌﻮﻓﻬﺎ ﺑﺮﺍﺣﺘﻬﺎ ﻫﻲ ﺗﺤﺠﻴﻠﻨﺎ
ﻻﻥ ﺍﺗﺬﻛﺮ ﻣﻦ ﺍﺟﺔ ﺿﺎﺑﻂ ﺍﻟﺘﺤﻘﻴﻖ ﻳﺎﺧﺬ ﺍﻗﻮﺍﻟﻬﺎ ﻫﻮ ﺍﻟﻤﺤﺎﻣﻲ ﻣﻦ ﺣﺠﺘﻠﻬﻢ ﺍﻟﺼﺎﺭ ﺑﻌﺪﻫﺎ ﺍﻧﻬﺎﺭﺕ ﻭﺍﺭﺗﻔﻌﺖ ﺣﺮﺍﺭﺗﻬﺎ ﺑﻴﻮﻣﻬﺎ ﻭﻣﻦ ﻋﻨﺪﻫﺎ ﺑﻄﻠﻨﺎ ﻧﺤﺠﻲ ﺑﺎﻟﻤﻮﺿﻮﻉ
ﺟﻨﺖ ﺩﺍ ﺍﻃﺒﺦ ﻭﺍﻓﻜﺮ ﺑﻀﺤﻰ ﻭﺍﻟﺼﺎﺭ ﺑﻴﻬﺎ
ﺍﺟﺎﻧﻲ ﺻﻮﺕ ﺷﻴﻤﺎﺀ ﺩﺧﻠﺖ ﻟﻠﻤﻄﺒﺦ ﻭﻛﺎﻟﺖ
.. ﻫﺎ ﺧﻠﺼﺘﻲ ﻏﺪﺍ ﻟﻮ ﺑﻌﺪﺝ
.....
ﻫﺬﺍ ﻫﻮ ﻫﻴﺎﺗﺔ ﺧﻠﺼﺖ ﻛﻠﺸﻲ ﺑﻘﺔ ﺑﺲ ﺍﺳﻮﻱ ﺍﻟﺰﻻﻃﻪ ﻭﻧﺼﺐ
ﺑﺲ ﺍﺗﺼﻠﻲ ﻋﻠﻰ ﻣﻐﻮﺓ ( ﻣﺮﻭﺓ ) ﺷﻮﻓﻴﻬﺎ ﻭﻳﻦ ﺻﺎﻏﺖ ( ﺻﺎﺭﺕ )
ﺣﺘﻰ ﻧﺘﻐﺪﺓ ﺳﻮﻳﺔ
ﺟﻨﺖ ﺍﺣﺠﻲ ﻭﻣﺸﻤﺶ ﺗﻔﺘﺮ ﺟﻮﺓ ﺭﺟﻠﻴﺔ
ﺷﺎﻳﻠﺔ ﻟﻌﺎﺑﺘﻬﺎ ﻭﻣﺸﻂ ﺗﻠﻌﺐ ﻳﻤﻲ ﺍﺑﺎﻭﻉ ﻋﻠﻴﻬﺎ
ﺷﻌﺮ ﺍﻟﻠﻌﺎﺑﺔ ﻭﺷﻌﺮﻫﺎ ﺍﺛﻨﻴﻨﻬﻢ ﻣﻔﺘﻮﺡ
ﺷﻴﻤﺎﺀ .. ﺍﺗﺼﻠﺖ ﻋﻠﻴﻬﺎ ﻭﻛﺎﻟﺖ ﺻﺒﻮﺍ ﻏﺪﺍ ﺍﻧﻲ ﻭﺍﺻﻠﺔ ﻗﺮﻳﺐ ﻋﺎﻟﺒﻴﺖ
.. ﻟﻌﺪ ﻳﺎﻟﻠﻪ ﺻﻴﺤﻴﻠﻲ ﻣﻐﻴﻢ ( ﻣﺮﻳﻢ ) ﺧﻠﻲ ﺗﺠﻲ ﺗﺴﺎﻋﺪﻧﻲ ﺍﺻﺐ ﺍﻟﻐﺪﺍ
ﻭﺍﻧﺘﻲ ﺍﺧﺬﻱ ﻣﺸﻤﺶ ﻣﺸﻄﻴﻠﻬﺎ ﻻﻥ ﺍﻟﺴﺖ
ﻣﺎﺧﺬﺓ ﻏﺎﺣﺘﻬﺎ ( ﺭﺍﺣﺘﻬﺎ ) ﻻﺗﺠﻲ ﻣﻐﻮﺓ ( ﻣﺮﻭﺓ ) ﻭﺗﺸﻮﻑ ﺍﻟﺸﻌﻎ ( ﺍﻟﺸﻌﺮ ) ﻣﻔﺘﻮﺡ
ﻭﺗﻈﻞ ﺗﺤﺠﻲ ﻋﻠﻴﻬﺎ
ﻣﺸﻤﺶ .. ﻻ ﻫﺪﻯ ﺍﻧﺎ ﺍﻏﻴﺪ ﺷﻌﻎ ( ﺍﺭﻳﺪ ﺷﻌﺮ ) ﻣﻔﺘﻮﺡ
ﻟﺰﻣﺘﻬﺎ ﺷﻴﻤﺎﺀ ﻭﺍﺧﺬﺕ ﺍﻟﻤﺸﻂ ﻣﻨﻬﺎ ﻭﻃﻠﻌﺖ ﻫﻲ ﻭﻳﺎﻫﺎ
ﻣﻦ ﺍﻟﻄﺒﺦ ﺣﺘﻰ ﻻ ﻳﻮﻛﻊ ﺷﻌﺮ ﺑﺎﻻﻛﻞ
ﺍﺑﺎﻭﻉ ﻟﻤﺸﻤﺶ ﺷﻠﻮﻥ ﺑﺮﻃﻤﺖ ﻣﺘﻘﺒﻞ ﺑﻨﺖ ﺍﻟﻠﺬﻳﻦ ﻣﺎﻝ ﻫﺴﺔ ﺍﻟﺰﻣﻬﺎ ﺍﺷﺒﻌﻬﺎ ﺑﻮﺳﺎﺕ
ﻭﺑﻴﻦ ﻣﺎ ﺧﻠﺼﻨﺎ ﺗﺠﻬﻴﺰ ﺍﻟﻐﺪﺍ ﻭﺻﻠﺖ ﻣﺮﻭﺓ
ﻭﺍﻭﻝ ﻣﺪﺧﻠﺖ ﻟﻠﺒﻴﺖ ﺳﻠﻤﺖ ﻋﻠﻴﻨﺎ ﻭﺩﺧﻠﺖ ﻟﻠﻐﺮﻓﺔ
ﻭﺻﺎﺣﺖ ﻟﺸﻴﻤﺎﺀ
ﺑﻌﺪﻫﺎ ﺍﺗﻐﺪﻳﻨﺎ ﻭﺧﻠﺼﻨﺎ
ﻭﻛﻌﺪﻧﺎ ﻳﻢ ﺿﺤﻰ ﺑﺎﻟﻐﺮﻓﺔ ﺍﺑﺎﻭﻉ ﻋﻠﻴﻬﺎ ﺑﺪﺕ ﺗﺘﺤﺴﻦ
ﺟﺎﻧﺖ ﻻﺑﺴﺔ ﺍﺗﺮﺍﻙ ﻭﺭﺩﻱ ﺫﺭﺍﻋﻬﺎ ﻭﻛﺘﻔﻬﺎ ﻣﺠﺒﺲ
ﻭﺭﺍﻓﻌﺔ ﺫﺭﺍﻋﻬﺎ ﺑﺤﺎﻣﻠﺔ ﻳﺪ
ﺟﺎﻧﺖ ﻣﺴﻮﻳﺔ ﺷﻌﺮﻫﺎ ﻇﻔﻴﺮﺓ ﻭﺣﺪﺓ ﺧﻄﻴﺔ ﺿﺤﻰ ﻭﺍﻟﻠﻪ ﺣﻠﻮﺓ
ﺑﺲ ﺳﻴﻒ ﺟﺎﻥ ﺩﺍﻓﻦ ﻛﻠﺸﻲ ﺣﻠﻮ ﺑﻴﻬﺎ
ﺭﺑﻲ ﻳﺨﻠﺼﻬﺎ ﻭﻳﺨﻠﺼﻨﺎ ﻣﻨﻪ
ﻣﺮﻭﺓ .. ﺗﺪﺭﻭﻥ ﺑﻨﺎﺕ ﺍﻟﻴﻮﻡ ﻭﺻﻠﻨﻲ ﺗﻬﺪﻳﺪ ﻣﻦ ﺍﺑﻮ ﺳﻴﻒ
ﻳﻬﺪﺩﻧﻲ ﺍﺗﻨﺎﺯﻝ ﻋﻦ ﻗﻀﻴﺔ ﺿﺤﻰ
ﺿﺤﻰ ﺷﻬﻜﺖ ﺑﺨﻮﻑ .. ﻣﺮﻭﺓ ﻋﻔﻴﺔ ﻋﻮﻓﻲ ﺍﻟﻘﻀﻴﺔ
ﺍﻧﻲ ﻛﻠﺸﻲ ﻣﺎ ﺍﺭﻳﺪ ﻻ ﻳﺄﺫﻱ ﻭﺣﺪﺓ ﻣﻨﻜﻢ
ﻫﺬﺍ ﻋﻤﻲ ﻧﺎﻗﺺ ﻭﻋﺎﺭ ﻭﻛﻠﺸﻲ ﺍﺗﻮﻗﻊ ﻣﻨﻪ
ﻣﺎﻋﻨﺪﻩ ﻣﺨﺎﻓﺔ ﺍﻟﻠﻪ ﻣﺘﺸﻮﻓﻮﻥ ﺳﻴﻒ ﺷﻠﻮﻥ
ﻣﺘﻔﺮﻋﻦ ﻻﻥ ﻳﻌﺮﻑ ﺑﺄﺑﻮﻩ ﻭﺭﺍﻩ
ﺟﺎﻧﺖ ﺗﺤﺠﻲ ﻭﺗﺮﺟﻒ
ﻣﺮﻭﺓ .. ﻣﺴﺘﺤﻴﻞ ﻧﺘﻨﺎﺯﻝ ﻋﻦ ﺍﻟﻘﻀﻴﺔ
ﻭﺧﻠﻲ ﻳﻬﺪﺩ ﻣﺎﺭﺍﺡ ﻳﻬﺰ ﺷﻌﺮﺓ ﻣﻨﻲ
ﺍﺻﻼ ﺍﻧﻲ ﻣﻦ ﺍﺗﺼﻠﺖ ﻋﻠﻰ ﺍﻟﻤﺤﺎﻣﻲ ﻭﻛﻠﺘﻠﻪ ﻋﻦ ﺍﻟﺼﺎﺭ
ﺍﻟﻤﺤﺎﻣﻲ ﻗﺪﻡ ﺑﻼﻍ ﺑﺨﺼﻮﺹ ﺍﻟﺘﻬﺪﻳﺪ
ﻭﺑﻌﺪﻫﺎ ﺍﻟﻀﺎﺑﻂ ﺍﻟﻤﺴﺆﻭﻝ ﻋﻦ ﺍﻟﺘﺤﻘﻴﻖ
ﺧﻠﺔ ﺍﺑﻮ ﺳﻴﻒ ﻳﻮﻗﻊ ﻋﻠﻰ ﻭﺭﻗﺔ ﺑﻌﺪﻡ ﺍﻟﺘﻌﺮﺽ ﺍﻟﻲ
ﻣﺘﺸﻮﻓﻴﻦ ﺍﻧﻲ ﺍﻟﻴﻮﻡ ﻣﺎ ﺭﺣﺖ ﻟﻠﻌﻴﺎﺩﺓ ﻛﻀﻴﺘﻬﺎ ﻛﻠﻬﺎ ﻭﻳﺔ ﺍﻟﻤﺤﺎﻣﻲ
ﺑﺎﻭﻋﺖ ﻟﺸﻴﻤﺎﺀ ﻭﻛﻤﻠﺖ ﻛﻼﻣﻬﺎ
.. ﺷﻮﻣﺔ ﻋﻔﻴﺔ ﺷﻮﻛﺖ ﺗﻘﺮﺭﻳﻦ ﺗﺸﺘﻐﻠﻴﻦ ﻭﻳﺎﻱ
ﺷﻴﻤﺎﺀ
ﺳﺆﺍﻝ ﻣﺮﻭﺓ ﺍﺟﺔ ﺑﺎﻟﺼﻤﻴﻢ ﺑﺎﻭﻋﺖ ﻟﻮﺟﻮﻩ ﺧﻮﺍﺗﻲ
ﻛﻞ ﻭﺣﺪﺓ ﻣﻦ ﺧﻮﺍﺗﻲ ﻣﺤﺘﺎﺟﺔ ﻟﻮﺟﻮﺩﻱ ﻭﺩﻋﻤﻲ
ﺑﺤﻴﺎﺗﻬﺎ ﻭﺍﻧﻲ ﺑﺎﻟﺤﻘﻴﻘﺔ ﻗﺮﺭﺕ ﻣﺜﻞ ﻛﻞ ﻣﺮﺓ
ﺍﺗﺮﻙ ﻋﻨﻲ ﻛﻠﺸﻲ ﻭﺍﺭﺟﻊ ﺍﻭﻛﻒ ﻭﻳﺔ ﺧﻮﺍﺗﻲ
ﻣﺮﻭﺓ ﺗﺤﺘﺎﺟﻨﻲ ﺍﺩﻳﺮ ﻣﺮﻛﺰﻫﺎ ﻻﻥ ﻣﺤﺘﺎﺟﺔ ﺷﺨﺾ ﺗﻮﺛﻖ ﺑﻲ
ﺣﺘﻰ ﺗﺘﻔﺮﻍ ﻟﺸﻐﻠﻬﺎ ﻭﻣﺘﻈﻞ ﺍﺗﺎﺑﻊ ﻛﻮﻟﺸﻲ ﺑﻨﻔﺴﻬﺎ
ﻭﻫﺴﻪ ﻃﻠﻌﺖ ﺷﻐﻠﺔ ﺿﺤﻰ ﻭﻗﻀﻴﺘﻬﺎ ﻭﻳﺔ ﺳﻴﻒ
ﺍﻟﻲ ﻣﺒﻴﻦ ﻋﻠﻴﻬﺎ ﺭﺍﺡ ﺗﻄﻮﻝ ﻭﺍﻧﻀﺎﻓﺖ ﻟﺒﻘﻴﺔ ﺷﻐﻼﺗﻬﺎ
ﻭﺑﺎﻟﺘﺎﻟﻲ ﻻﺯﻡ ﺍﻛﻮﻥ ﺍﻟﺴﻨﺪ ﺍﻟﻲ ﺗﻜﺪﺭ ﺗﻌﺘﻤﺪ ﻋﻠﻴﻪ
ﻣﺮﻳﻢ ﺗﺤﺘﺎﺟﻨﻲ ﺣﺘﻰ ﺍﺧﺬﻫﺎ ﻻﻗﺮﺏ ﻣﻜﺘﺒﺔ
ﺗﺮﻳﺪ ﺗﺸﺘﺮﻱ ﻣﻼﺯﻡ ﻭﺳﺄﻟﺘﻠﻬﺎ ﻋﻦ ﻣﻌﻬﺪ ﻭﻗﺮﺭﺕ ﺍﺩﺧﻠﻬﺎ ﺩﻭﺭﺍﺕ ﺗﻘﻮﻳﺔ
.....
ﺍﻣﺎ ﻫﺪﻯ ﺍﻧﺘﺒﻬﺖ ﻋﻠﻴﻬﺎ ﺑﻬﺬﺍ ﺍﻻﺳﺒﻮﻉ ﻫﻮﺍﻱ ﺍﻧﺸﻐﻠﺖ ﺑﻀﺤﻰ ﻭﺑﻴﻨﺎ
ﻭﻧﺴﺖ ﺯﻭﺣﻬﺎ ﻭﻋﻴﺎﻟﻬﺎ ﺻﺤﻴﺢ ﻫﻤﺔ ﻧﺎﺱ ﻃﻴﺒﻴﻦ
ﺑﺲ ﺍﺫﺍ ﺻﺎﺭ ﺣﺒﻴﺒﻚ ﺣﻠﻮ ﻻﺗﺎﻛﻠﻪ ﻛﻠﻪ
ﻭﺻﺎﺭ ﻻﺯﻡ ﺗﺮﺟﻊ ﻟﺒﻴﺘﻬﺎ ﻭﺣﻴﺎﺗﻬﺎ
ﺍﻣﺎ ﻋﻦ ﻛﻠﺒﻲ ﻭﻣﺸﺎﻋﺮﻱ ﻓﺮﺍﺡ ﺍﺩﻓﻦ
ﻫﺬﺍ ﺍﻟﺤﺐ ﺍﻟﻲ ﻣﺎﻟﻪ ﺭﺍﺱ ﻭﻻ ﺭﺟﻠﻴﻦ
ﺑﺎﻭﻋﺖ ﻟﻤﺮﻭﺓ ﻭﺍﺗﺨﺬﺕ ﻗﺮﺍﺭﻱ
.. ﻫﺬﺍ ﻫﻮ ﻣﺮﻭﺓ ﺧﻼﺹ ﺭﺍﺡ ﺍﺳﺎﻋﺪﺝ ﺑﺲ ﺍﻧﻄﻴﻨﻲ ﻣﻬﻠﺔ
ﻛﻢ ﻳﻮﻡ ﻋﻠﻰ ﻣﺎ ﺍﻗﺪﻡ ﺍﺳﺘﻘﺎﻟﺘﻲ ﻭﺍﻣﺸﻲ ﺑﺎﻻﺟﺮﺍﺀﺍﺕ
ﻣﺮﻭﺓ .. ﻳﺎﺑﻌﺪ ﻋﻤﺮﻱ ﺷﻮﻣﺔ ﻭﺍﻟﻠﻪ ﺍﻭﻋﺪﺝ ﻣﺎ ﺗﺘﻨﺪﻣﻴﻦ ﻋﻠﻰ ﺍﻟﺸﻐﻞ ﻭﻳﺎﻱ ﻭﺍﻥ ﺷﺎﺀ ﺍﻟﻠﻪ ﺍﻋﻮﺿﺞ
ﻭﺭﺍﺡ ﺗﻼﺣﻈﻴﻦ ﻫﻮﺍﻱ ﻓﺮﻕ ﺑﺎﻟﺸﻐﻞ ﺑﻴﻦ ﺍﻟﻌﻴﺎﺩﺓ ﻭﺍﻟﻤﺮﻛﺰ ﻭﺑﻴﻦ ﺍﻟﺸﻐﻞ ﺑﺎﻟﻤﺴﺘﺸﻔﻰ
ﺷﻴﻤﺎﺀ .. ﺣﺒﻴﺒﺘﻲ ﺍﻧﻲ ﺍﻫﻢ ﺷﻲ ﺍﻛﺪﺭ ﺍﻓﻴﺪﺝ ﻭﺍﺳﺎﻋﺪﺡ
ﺑﺲ ﺑﺎﻻﻭﻝ ﺍﺣﺘﺎﺝ ﺗﻜﻌﺪﻳﻦ ﻭﻳﺎﻱ ﺗﻔﻬﻤﻴﻨﻲ ﺷﻨﻮ ﺍﻟﻤﻄﻠﻮﺏ
ﻣﻨﻲ
ﻫﺪﻯ
ﺑﻌﺪﻫﺎ ﺑﻠﺸﻮﺍ ﺍﻟﺒﻨﺎﺕ ﺷﻴﻤﺎﺀ ﻭﻣﺮﻭﺓ ﻳﺤﺠﻮﻥ .
ﻭﺟﺎﻥ ﻳﺪﻙ ﻧﻘﺎﻟﻲ ﻭﺍﻟﻤﺘﺼﻞ ﺧﺎﻟﺔ ﺍﻡ ﻗﺎﺳﻢ
ﻭﺟﺎﻧﺖ ﺗﺴﺄﻝ ﻋﻦ ﺿﺤﻰ ﻭﺳﺄﻟﺘﻨﻲ ﺷﻮﻛﺖ ﺍﺭﺟﻊ ﻟﻠﺒﻴﺖ
ﺣﺴﻴﺖ ﻣﻦ ﺧﻼﻝ ﺳﺆﺍﻟﻬﺎ ﺗﺮﻳﺪﻧﻲ ﺍﺭﺣﻊ ﻟﻠﺒﻴﺖ
ﻭﺟﺎﻭﺑﺘﻬﺎ ﺍﻧﻲ ﺍﺗﻄﻤﻨﺖ ﻋﻠﻰ ﺿﺤﻰ ﻭﺍﻟﻴﻮﻡ ﺍﻛﺪﺭ ﺍﺭﺣﻊ ﻟﻠﺒﻴﺖ
ﺍﻟﻴﻮﻡ ﺟﺎﻥ ﻳﻮﻡ ﺧﻤﻴﺲ
ﻭﺑﻌﺪﻫﺎ ﻛﻠﺖ ﺍﺗﺼﻞ ﻋﻠﻰ ﻗﺎﺳﻢ ﻳﺠﻲ ﻳﺎﺧﺬﻧﻲ ﻳﺮﺟﻌﻨﻲ ﻟﻠﺒﻴﺖ
ﺳﺪﻳﺖ ﺍﻟﻨﻘﺎﻝ ﻭﺍﻧﺘﺒﻬﺖ ﻟﻀﺤﻰ ﺩﺗﺴﻮﻟﻒ ﻭﻳﺔ ﺍﻟﺒﻨﺎﺕ
ﺧﻄﻴﺔ ﺿﺤﻰ ﺑﻌﺪﻣﺎ ﺍﺗﻄﻤﻨﺖ ﻭﺍﻣﻨﺖ ﻭﺷﺎﻓﺖ ﻧﻔﺴﻬﺎ
ﺑﻴﻦ ﺧﻮﺍﺗﻬﺎ ﺑﺪﺕ ﺗﺤﺠﻲ ﻋﻦ ﺍﻟﺼﺎﺭ ﺑﻴﻬﺎ ﻭﻳﺔ ﺳﻴﻒ ﺑﺬﺍﻙ ﺍﻟﻴﻮﻡ
ﺿﺤﻰ .. ﺗﺪﺭﻭﻥ ﺑﻨﺎﺕ ﻃﻮﻝ ﻣﺎ ﺍﻧﻲ ﺑﺎﻟﻤﺴﺘﺸﻔﻰ
ﻭﺍﻧﻲ ﺍﻟﺨﻮﻑ ﻣﺎ ﻓﺎﺭﻗﻨﻲ ﻣﺠﻨﺖ ﺍﺣﺲ ﺑﺎﻻﻣﺎﻥ ﻫﻨﺎﻙ
ﺟﻨﺖ ﺍﺗﻮﻗﻊ ﺑﺎﻱ ﻟﺤﻈﺔ ﻳﺪﺧﻞ ﻋﻠﻴﺔ
ﺳﻴﻒ ﺍﻭ ﻭﺍﺣﺪ ﻣﻦ ﺍﻫﻠﻪ ﻭﻳﻤﻮﺗﻨﻲ
ﺷﻴﻤﺎﺀ .. ﻳﺎﻋﻤﺮﻱ ﻟﺘﺨﺎﻓﻴﻦ ﺑﻌﺪ ﺳﻴﻒ ﻭﺍﻫﻠﻪ ﻣﺎ ﻳﺘﺠﺮﺅﻥ
ﻳﻮﺻﻠﻮﻥ ﻳﻤﺞ
ﺿﺤﻰ .. ﻫﻮ ﻫﺬﺍ ﺍﻟﺸﻲ ﺍﻟﻲ ﻣﻄﻤﻨﻲ ﺍﻥ ﺑﻌﺪ ﻣﺎ ﻳﻜﺪﺭﻭﻥ
ﻳﻮﺻﻠﻮﻧﻲ
ﻣﺮﻭﺓ .. ﺍﺫﺍ ﺗﺮﺩﻳﻦ ﺗﻔﻀﻔﻀﻴﻦ ﺍﻟﻲ ﺑﻜﻠﺒﺞ ﺍﻟﻨﺔ ﺍﺣﺠﻲ
ﻟﺘﺒﻘﻴﻦ ﻛﺎﺗﻤﺔ ﺧﻮﻓﺞ ﺑﺼﺪﺭﺝ ﺍﺣﺠﻴﻠﻨﺎ ﻋﻦ ﺍﻟﺼﺎﺭ ﺑﻴﺞ ﺑﺬﺍﻙ ﺍﻟﻴﻮﻡ
ﻭﻃﻠﻌﻲ ﻣﻦ ﻛﻠﺒﺞ ﺣﺘﻰ ﺗﺮﺗﺎﺣﻴﻦ
ﺿﺤﻰ ﺻﻔﻨﺖ ﻭﺭﺍﺣﺖ ﺑﻐﻴﺮ ﻋﺎﻟﻢ
ﻟﻮﺣﺪﻫﺎ ﺳﺮﺕ ﺑﻴﻬﺎ ﺭﺟﻔﺔ ﺑﺆﺱ ﻭﺍﻟﻢ ﺟﺎﻧﺖ ﻣﻘﻬﻮﺭﺓ
ﺑﻌﺪﻣﺎ ﻓﺎﺗﺤﺖ ﻋﻤﺘﻲ ﺑﺤﻘﻴﻘﺔ ﺍﻟﻌﻘﻢ ﻭﺍﻥ ﺍﻧﻲ ﻣﺒﻴﺔ ﺷﻲ
ﻭﻫﻲ ﻇﻠﺖ ﺗﻠﻒ ﻭﺗﺪﻭﺭ ﻭﺗﺮﻳﺪ ﺗﻮﻫﻤﻨﻲ
ﺍﻥ ﻫﻲ ﻣﺎﻋﻨﺪﻫﺎ ﻋﻠﻢ ﻫﻢ ﻣﺜﻠﻲ ﺗﺠﻬﻞ ﻫﺬﺍ ﺍﻟﺸﻲ
ﻛﺎﻧﺖ ﺭﺩﺓ ﻓﻌﻠﻬﺎ ﻣﺸﺎﺑﻬﺎ ﺗﻤﺎﻣﺎً ﻟﺮﺩﺓ ﻓﻌﻞ ﺳﻴﻒ ﻣﻦ ﺳﻤﻊ ﺑﺎﻟﻤﻮﺿﻮﻉ .
ﻓﻀﻠﺖ ﺍﺗﻐﺎﺿﻰ ﻋﻦ ﺍﻟﺼﺎﺭ
ﻭﺑﻴﻮﻣﻬﺎ ﺣﺴﻴﺖ ﺑﺎﻟﻘﻮﺓ ﻭﺻﺮﺕ ﺍﻧﻲ ﺻﺎﺣﺒﺔ ﺍﻟﺤﻖ ﻣﻦ ﺑﻌﺪ ﻣﻜﻨﺖ ﺍﻟﻤﻜﺴﻮﺭﺓ ﻣﻦ ﻭﺭﺓ ﺍﻟﺬﻝ
ﺑﻌﺪﻫﺎ ﺑﻴﻮﻣﻬﺎ ﺑﺎﻟﻠﻴﻞ ﺭﺟﻌﺖ ﺍﻃﻠﺐ ﻣﻦ ﺳﻴﻒ ﻳﻌﺰﻟﻲ ﺑﺒﻴﺖ
ﺷﻔﺘﻪ ﺍﺗﺮﻓﺰ ﻭﺿﺎﺝ ﻭﺿﻞ ﻳﺼﻴﺢ ﻋﻠﻴﺔ
ﺳﻴﻒ .. ﺍﻛﻠﺞ ﺍﺷﻮ ﺍﻧﺘﻲ ﻃﻠﻌﻠﺞ ﺍﻟﺴﺎﻥ ﺑﻴﻮﻡ ﻋﺮﻓﺘﻲ
ﻣﺒﻴﺞ ﺷﻲ
.. ﻻ ﺳﻴﻒ ﻣﻮ ﻫﻴﺞ ﺍﻟﺤﺠﻲ ﺍﻧﻲ ﻣﻦ ﻗﺒﻞ
ﺍﻃﻠﺐ ﻣﻨﻚ ﺗﻌﺰﻟﻨﻲ ﺑﺸﻘﺔ ﻟﻮﺣﺪﻱ ﺣﺎﻟﻲ ﺣﺎﻝ ﻧﺴﻮﺍﻥ ﺍﺧﻮﺍﻧﻚ ﺑﺲ ﺍﻧﺖ ﺣﻀﺮﺗﻚ ﺟﻨﺖ ﺗﺘﻬﺮﺏ ﻭﺑﺄﺧﺮ ﻓﺘﺮﺓ ﺻﺮﺕ ﺗﻌﻴﺮﻧﻲ ﻭﺗﻜﻠﻲ ﺍﻟﻤﻦ ﺍﺣﻄﻠﺢ ﺷﻘﺔ ﺍﺫﺍ ﺧﻠﻔﺔ ﻭﻭﻣﺎﻛﻮ ﻫﺴﺔ ﺍﻧﻲ ﺍﻃﺎﻟﺐ ﺑﺸﻘﺔ
ﻻﻥ ﺛﺒﺖ ﺍﻥ ﺍﻟﺨﻠﻞ ﻣﻮ ﻣﻨﻲ
ﻳﻌﻨﻲ ﺷﻔﺖ ﻣﻦ ﺣﻘﻲ ﺍﻃﺎﻟﺐ ﺑﺒﻴﺖ ﺣﺘﻰ ﻟﻮ ﻣﻮ ﺑﺎﻟﻀﺮﻭﺭﺓ
ﺍﺧﻠﻒ ﺍﻭﻻﺩ ﻳﻜﻔﻲ ﺍﻥ ﺍﺭﻳﺪ ﺍﺧﺬ ﺭﺍﺣﺘﻲ
ﻭﺍﺗﻨﻔﺲ ﺷﻮﻳﺔ ﻣﻦ ﺍﻟﻜﺮﺍﺏ
......
ﺑﻴﻮﻣﻬﺎ ﻛﺎﻡ ﻳﺤﺠﻲ ﻋﻠﻴﺔ ﻭﻳﺼﻴﺢ ﻣﺜﻞ ﺍﻟﻲ
ﻳﺮﻳﺪ ﻳﺎﺧﺬﻧﻲ ﺑﺎﻟﺼﻴﺎﺡ
ﺑﺤﻴﺚ ﻣﻦ ﻳﺤﺠﻲ ﻭﻳﺘﻌﺎﺭﻙ ﻭﻳﺎﻳﺔ ﻣﻴﻀﻞ ﻭﺍﺣﺪ ﺑﺎﻟﺒﻴﺖ ﻣﻴﺴﻤﻊ ﺑﻬﻮﺳﺘﻪ
ﺑﺲ ﻫﺎﻟﻤﺮﺓ ﻣﺎ ﻣﺪ ﺍﻳﺪﻩ ﻋﻠﻴﺔ ﻻﻥ ﺻﺪﻙ ﺍﻧﻲ ﻣﻄﻠﺒﺖ ﻣﻨﻪ ﻏﻴﺮ ﺑﺲ ﺣﻘﻲ
ﻭﻫﻤﺔ ﻋﻨﺪﻫﻢ ﺷﻘﺔ ﻳﻌﻨﻲ ﻳﻜﺪﺭ ﻳﻌﺰﻟﻲ
ﺑﺲ ﻣﻊ ﺍﻻﺳﻒ ﺳﻴﻒ ﻣﺜﻞ ﻛﻞ ﻣﺮﺓ ﻳﺮﺟﻊ ﻳﺼﻴﺢ ﻭﻳﻐﻠﻂ
ﻃﻠﻊ ﻭﺗﺮﻛﻨﻲ ﺗﺤﺖ ﺭﺣﻤﺔ ﺍﻟﺴﺎﻥ ﻋﻤﻲ ﻭﻋﻤﺘﻲ
.. ﻫﺠﺠﺘﻲ ﺍﻟﻮﻟﺪ ﻣﻦ ﺍﻟﺒﻴﺖ
ﻣﻦ ﺍﻟﻠﻪ ﻻﻳﻮﻓﻘﺞ ﺳﻮﺩﺗﻲ ﻋﻴﺸﺘﻪ
ﻫﻤﺔ ﻳﺤﺠﻮﻥ ﻭﺍﻧﻲ ﻛﺎﺗﻤﺔ ﻣﺎ ﺍﻛﺪﺭ ﺍﺭﺩﻫﻢ ﻻﻥ ﻫﻤﺔ ﻧﺎﺱ ﻣﺎ ﻋﻨﺪﻫﻢ ﻣﺨﺎﻓﺔ ﺍﻟﻠﻪ
ﺑﻌﺪﻫﺎ ﺑﻘﻴﺖ ﺍﻟﻴﻮﻡ ﻛﻠﻪ ﻣﻨﺰﻟﺖ ﺟﻮﺓ
ﺍﻋﺘﻜﻔﺖ ﺣﺘﻰ ﺍﻛﻞ ﺭﻓﻀﺖ
ﻭﻋﻤﺘﻲ ﺍﺟﺘﻲ ﺗﺘﺨﺒﻞ ﻻﻥ ﻣﻨﻮ ﻳﻠﺰﻣﻠﻬﺎ ﺍﻟﺒﻴﺖ
ﻭﻳﻜﻌﺪ . ﻳﻜﺮﺏ ﻣﻦ ﺍﻟﺼﺒﺢ ﻟﻠﻴﻞ
ﻻﻥ ﻣﺎ ﺗﻘﺒﻞ ﺗﺠﻴﺐ ﻭﺣﺪﺓ ﺗﺴﺎﻋﺪﻧﻲ ﻭﻻ
ﺗﺨﻠﻴﻨﻲ ﺍﺭﺗﺎﺡ
ﻭﺑﻴﻮﻣﻬﺎ ﻣﺎ ﺍﻋﺮﻑ ﺷﻠﻮﻥ ﺩﻛﺖ ﻋﻠﻴﺔ ﻣﺮﺕ ﺣﻤﺎﻱ
ﻓﺮﺡ ﻭﻛﺎﻟﺖ
.. ﺳﻤﻌﺖ ﺑﻴﺞ ﻣﺘﻌﺎﺭﻛﺔ . ﺍﻧﺘﻲ ﻭﺳﻴﻒ
.. ﺍﻱ ﺍﺗﻌﺎﺭﻛﻨﺎ ﻣﻨﻮ ﻛﻠﺞ
.. ﻫﻴﺞ ﺳﻤﻌﺖ ﺗﺮﺓ ﻣﺎﻛﻮ ﺷﻲ ﻳﻨﻀﻢ ﺑﺒﻴﺖ ﻋﻴﺎﻟﻲ
ﻃﺒﻌﺎ ﺟﻨﺖ ﻣﺘﻔﺎﺟﺌﺔ ﺑﻤﻜﺎﻟﻤﺔ ﻓﺮﺡ ﻻﻥ ﻫﻲ ﻗﺒﻞ ﺍﻳﺎﻡ
ﺳﻴﻒ ﺿﺮﺑﻬﺎ ﻭﺍﺗﻌﺎﺭﻙ ﻭﻳﺎﻫﺔ ﻫﻲ ﻭﺭﺟﻠﻬﺎ
.. ﺍﻱ ﺍﺗﺬﻛﺮ ﺫﺍﻙ ﺍﻟﻴﻮﻡ ﻛﻠﺘﻴﻠﻨﺎ ﻋﻨﻬﻢ
.. ﻫﻮ ﺍﻧﻲ ﻣﻦ ﻫﺎﻱ ﺟﻨﺖ ﻣﺘﺮﺩﺩﺓ ﻣﻦ ﻋﻨﺪﻫﺎ
ﺑﺲ ﻫﻲ ﺑﻮﻛﺘﻬﺎ ﺟﺎﻧﺖ ﻣﺼﻤﻤﺔ ﺗﻮﺻﻠﻨﻲ ﻛﺎﻟﺖ
.. ﺷﻮﻓﻲ ﺿﺤﻰ ﻋﻨﺪﻱ ﻣﻮﺿﻮﻉ ﻛﻠﺶ ﻣﻬﻢ
ﺍﺭﻳﺪ ﺍﺣﺠﻲ ﻭﻳﺎﺝ ﻭﺍﺗﻤﻨﻰ ﺗﺴﻤﻌﻴﻨﻲ ﻟﻼﺧﻴﺮ
.. ﺍﺗﻔﻀﻠﻲ ﺍﺣﺠﻲ ﺍﺳﻤﻌﺞ
.. ﺍﺭﻳﺪﺝ ﺑﺎﻻﻭﻝ ﺍﺗﺤﻠﻔﻴﻦ ﻣﺘﺤﻴﺒﻴﻦ ﺳﻴﺮﺗﻲ ﺑﺎﻟﻲ ﺭﺍﺡ ﺍﻛﻮﻟﻪ ﺍﻟﺞ
.. ﺷﻨﻮ ﺷﺒﻴﺢ ﻓﺮﺡ ﺍﺣﺠﻲ . ﺷﻨﻮ ﺍﻟﻤﻮﺿﻮﻉ ﻗﻠﻘﺘﻴﻨﻲ
.. ﺑﺎﻻﻭﻝ ﺣﻠﻔﻲ ﺣﺘﻰ ﺍﺗﺄﻛﺪ ﺍﺳﻤﻲ ﻣﺎ ﻳﻨﺬﻛﺮ ﺑﺎﻟﻤﻮﺿﻮﻉ
ﺣﻠﻔﺘﻠﻬﺎ ﻭﻭﻋﺪﻫﺎ ﻣﺎ ﺍﺟﻴﺐ ﺍﺳﻤﻬﺎ ﺑﺎﻟﺴﺎﻟﻔﺔ
.. ﺷﻮﻓﻲ ﺿﺤﻰ ﻃﺒﻌﺎ ﺑﻴﺖ ﻋﻴﺎﻟﻲ ﻣﺴﺘﻐﻠﻴﻦ ﻃﻴﺒﺘﺞ ﻭﻓﻬﺎﻭﺗﺞ ﻭﻏﺒﺎﺋﺞ ﻭﻓﻘﺮﺝ
ﺷﻬﻜﺖ .. ﻟﺞ ﻓﺮﺡ ﻟﻴﺶ ﺗﻜﻮﻟﻴﻦ ﻫﻴﺞ ﺻﺪﻙ ﺯﻋﻠﺘﻴﻨﻲ ﻣﻨﺞ
.. ﻣﻮ ﻛﻠﺘﻠﺞ ﺍﺗﻤﻨﻰ ﻣﺎ ﺗﻘﺎﻃﻌﻴﻨﻲ ﻭﺗﺴﻤﻌﻴﻨﻲ ﻟﻼﺧﻴﺮ
ﻫﺎﻱ ﻣﻮ ﺍﻧﻲ ﺍﻟﻲ ﺍﻛﻮﻝ ﻫﻴﺞ ﻋﻨﺞ
ﺍﻧﺘﻲ ﺗﺼﺮﻓﺎﺗﺞ ﻫﻲ ﺍﻟﻲ ﺗﺜﺒﺖ ﺍﻥ ﻫﺎﻱ ﺍﻟﺼﻔﺎﺕ ﻛﻠﻬﺎ ﺑﻴﺞ
.. ﺷﻠﻮﻥ ﻳﻌﻨﻲ ﻣﺎ ﺍﻓﺘﻬﻤﺖ
.. ﻳﻌﻨﻲ ﺑﺮﺑﺞ ﺍﺭﻳﺪ ﺍﺣﻠﻔﺞ ﺑﺎﻟﻠﻪ ﺍﻛﻮ ﻭﺣﺪﺓ
ﻋﻴﺎﻟﻬﺎ ﻳﺴﺘﻐﻔﻠﻮﻧﻬﺎ ﻭﻳﻀﺤﻜﻮﻥ ﻋﻠﻴﻬﺎ
ﻃﻮﻝ ﻫﺎﻱ ﺍﻟﺴﻨﻮﺍﺕ ﻣﻔﻬﻤﻴﻨﻬﺎ ﺍﻧﻲ ﻫﻲ ﻋﺎﻗﺮ ﻭﻣﻨﻬﺎ
ﺍﻟﻌﻴﺐ ﻭﻃﻮﻝ ﻫﺎﻱ ﺍﻟﻤﺪﺓ ﺍﻧﺘﻲ ﺑﻘﻴﺘﻲ ﺟﻮﺓ ﺍﻳﺪﻫﻢ
ﻣﺤﺎﻭﻟﺘﻲ ﻭﻻ ﻣﺮﺓ ﺗﺮﺍﺟﻌﻴﻦ ﻏﻴﺮ ﺩﻛﺘﻮﺭﺓ
ﻻﻥ ﻓﻄﻴﺮﺓ ﻭﻋﻠﻰ ﻧﻴﺘﺞ . ﻳﻌﻨﻲ ﺑﺸﺮﻓﺞ ﺍﻛﺜﺮ ﻣﻦ ﻫﻴﺞ
ﻓﻬﺎﻭﺓ ﻭﻏﺒﺎﺀ ﻣﺸﻔﺖ
.. ﻓﺮﺡ ﺍﻧﺘﻲ ﺗﻌﺮﻓﻴﻨﻲ ﻛﻠﺶ ﺯﻳﻦ ﺳﻴﻒ ﻣﻘﻴﺪﻧﻲ
ﻭﺧﺎﻧﻜﻨﻲ ﻻ ﻃﻠﻌﺔ ﻭﻻ ﻣﺸﻴﺔ ﻭﺣﺘﻰ ﺧﻮﺍﺗﻲ ﺍﺭﻭﺣﻠﻬﻢ ﺑﺎﻟﻜﻮﺓ
ﺷﻮﻛﺖ ﺗﺮﺩﻳﻨﻲ ﺍﺳﻮﻱ ﺍﻟﻲ ﻛﻠﺘﻲ ﻋﻠﻴﻪ
.. ﻫﻮ ﺍﻧﻲ ﻟﻴﺶ ﻛﻠﺘﻠﺞ ﻫﻤﺔ ﻣﺴﺘﻐﻠﻴﻦ ﻓﻘﺮﺝ
ﻭﺳﻴﻒ ﺳﺎﺩﻱ ﻛﺪﺭ ﻳﺨﻨﻚ ﺍﻟﺤﺮﻳﺔ ﻋﻨﺪﺝ
ﻭﻣﺎ ﻳﻨﻄﻴﺞ ﺍﻱ ﻣﺠﺎﻝ ﺗﺘﻨﻔﺴﻴﻦ ﺑﺪﻭﻥ ﻋﻠﻤﻪ
......
ﻋﻠﻰ ﺍﻟﻌﻤﻮﻡ ﺍﻧﻲ ﻣﻦ ﺑﻌﺪﻣﺎ ﻋﺮﻓﺖ ﺍﻧﺘﻲ
ﺍﻛﺘﺸﻔﺘﻲ ﺑﺎﻟﺼﺪﻓﺔ ﺍﻧﺘﻲ ﻣﻮ ﻋﺎﻗﺮ ﻭﻣﺎ ﺑﻴﺞ ﺧﻠﻞ ﻳﻤﻨﻊ ﺍﻟﺤﻤﻞ
ﺍﻧﻘﻬﺮﺕ ﻋﻠﻴﺞ ﻣﻦ ﺣﺠﻴﺘﻲ ﻭﻳﺔ ﺳﻴﻒ
ﻭﻋﻤﺘﻲ ﺍﺑﺎﻭﻉ ﻋﻠﻴﻬﻢ ﻫﻢ ﺭﺟﻌﻮﺍ ﻳﺴﺘﻐﻠﻮﻧﺞ ﻣﻦ ﺟﺪﻳﺪ
ﻭﻛﻌﺪﻭﺍ ﻳﻤﺜﻠﻮﻥ ﺍﻥ ﻫﻤﺔ ﻫﻢ ﺿﺤﻴﺔ ﻣﺜﻠﺞ
ﺑﺲ ﺍﻟﻲ ﺍﺭﻳﺪﺝ ﺗﻌﺮﻓﻴﻨﻪ
ﺍﻥ ﻋﻤﺘﻲ ﻭﺳﻴﻒ ﺣﺎﻳﻜﻴﻦ ﻛﻠﺸﻲ ﻭﻣﺘﻌﻤﺪﻳﻦ ﻳﻮﻫﻤﻮﻧﺞ
ﺑﺎﻥ ﺍﻧﺘﻲ ﺍﻟﺴﺒﺐ ﺑﻌﺪﻡ ﺍﻟﺨﻠﻔﺔ
ﺑﺲ ﺍﻟﺤﻘﻴﻘﺔ ﺍﻟﻲ ﺍﻧﺘﻲ ﻣﺘﻌﺮﻓﻴﻨﻬﺎ
ﺍﻥ ﺳﻴﻒ ﻋﻘﻴﻢ ﻣﻴﺼﻴﺮ ﻋﻨﺪﻩ ﺍﻃﻔﺎﻝ ﻣﻦ ﻗﺒﻞ
ﻣﻦ ﺯﻭﺍﺟﻪ ﺍﻻﻭﻝ ﻭﺍﺣﻨﺎ ﺍﻟﻜﻞ ﻧﻌﺮﻑ ﻣﻴﺨﻠﻒ
ﺯﻭﺟﺘﻪ ﺍﻻﻭﻝ ﻃﻠﺒﺖ ﺍﻟﻄﻼﻙ ﻣﻦ ﻋﻨﺪﻩ ﻭﺭﺍﺣﺖ ﻋﻨﺪ ﺍﻫﻠﻬﺎ
ﺟﺎﻥ ﻫﻮ ﻳﻤﻮﺕ ﻋﻠﻴﻬﺎ ﻣﺠﻨﻮﻥ ﺑﻴﻬﺎ
ﻭﻭﺍﺑﻮﻫﺎ ﻟﺰﻭﺟﺘﻪ ﺟﺎﻥ ﺭﺟﺎﻝ ﺻﺎﺣﺐ ﻧﻔﻮﺫ
ﻛﺪﺭ ﺑﻜﻞ ﺳﻬﻮﻟﺔ ﻳﻄﻠﻜﻬﺎ ﻣﻦ ﻋﻨﺪﻩ ﻭﻫﻮ ﺍﻟﻤﻤﻨﻮﻥ
ﺣﺠﻴﺖ ﻭﺍﻧﻲ ﻣﺼﺪﻭﻣﺔ .. ﺍﻧﻲ ﺍﻋﺮﻑ ﺑﺴﺎﻟﻔﺔ
ﺯﻭﺟﺔ ﺳﻴﻒ ﺍﻻﻭﻟﻰ ﺑﺲ ﻫﻮ ﻛﻠﻲ
ﻃﻠﻘﺘﻬﺎ ﻻﻥ ﺟﺎﻧﺖ ﻭﺣﺪﺓ ﻣﻮ ﺯﻳﻨﺔ
ﻭﺍﻧﻲ ﻣﺜﻞ ﺍﻟﻐﺒﻴﺔ ﺻﺪﻛﺖ ﻭﺻﺮﺕ ﺍﺣﻠﻞ ﻣﻦ ﻳﻤﻲ ﻭﺍﻛﻮﻝ
ﺧﻄﻴﺔ ﺍﺷﻮﻓﻪ ﻣﺘﻌﻘﺪ ﻣﻦ ﺳﺎﻟﻔﺔ ﺍﻟﻠﺒﺲ ﻭﺍﻟﻤﻜﻴﺎﺝ ﻭﺍﻟﺸﻚ ﻭﺍﻟﻨﻘﺎﻝ
ﻭﺣﺎﺭﻣﻨﻲ ﻣﻦ ﻛﻠﺸﻲ ﻃﻠﻊ ﻛﻠﺔ ﻣﻦ ﻭﺭﺓ ﺯﻭﺟﺘﻪ
ﺧﺎﻳﻨﺘﻪ ﻭﻫﻮ ﻣﺘﻌﻘﺪ ﻣﻨﻬﺎ
.. ﻟﻌﺪ ﻣﺎ ﺳﺄﻟﺘﻲ ﻧﻔﺴﺞ ﻟﻴﺶ
ﺳﻴﻒ ﻣﻦ ﺷﺎﻓﺞ ﺑﻘﺔ ﻳﺤﻮﻡ ﻋﻠﻴﺞ ﻭﺍﺗﻘﺪﻣﻠﺞ ﻻﻣﺮﺓ ﻭﻻ ﻣﺮﺗﻴﻦ .
ﻭﻛﺎﻡ ﻳﺪﺯﻟﺞ ﺍﺧﺘﻪ ﺷﻬﺪ ﺣﺘﻰ ﺗﻘﻨﻌﺞ
ﻻﻥ ﻋﺮﻑ ﺑﻴﺞ ﺣﻠﻮﺓ ﻭﻓﻘﻴﺮﺓ ﻭﻣﺎ ﻋﻨﺪﺝ ﺳﻨﺪ ﻭﺍﺑﻮﻛﻢ ﻭﺿﻌﻪ ﺗﻌﺒﺎﻥ ﻻ ﻳﺤﻞ ﻭﻻ ﻳﺮﺑﻂ
ﻓﻜﺎﻝ ﻫﺎﻱ ﺍﻟﻲ ﺟﻨﺖ ﺍﺩﻭﺭ ﻋﻠﻴﻬﺎ
ﺳﻤﻌﻴﻨﻲ ﺯﻳﻦ ﺿﺤﻰ ﺍﺑﺎﻭﻉ ﻋﻠﻴﺞ ﺍﻟﻴﻮﻡ ﻛﺎﺗﻠﺔ ﺭﻭﺣﺞ ﺣﺘﻰ ﻳﻌﺰﻟﺞ ﺑﺸﻘﺔ
ﻛﻞ ﻫﻤﺞ ﺣﺘﻰ ﺗﺮﺗﺎﺣﻴﻦ ﻣﻦ ﺍﻟﻜﺮﺍﺏ ﻭﺍﻟﺨﺪﻣﺔ ﻭﻇﻠﻢ ﻋﻤﻲ ﻭﻋﻤﺘﻲ
ﺍﻟﻲ ﺍﻧﺘﻲ ﻣﺎ ﺗﻌﺮﻓﻴﻨﻪ ﻭﺍﻟﻲ ﺍﻧﻲ ﺍﺟﻴﺘﺞ ﻣﺨﺼﻮﺹ ﻋﻠﻴﻪ
ﺍﺭﻳﺪﺝ ﺗﻌﺮﻓﻴﻦ ﺍﻥ ﺳﻴﻒ ﻣﺘﺰﻭﺝ ﻋﻠﻴﺞ ﻭﺣﺪﺓ ﺛﺎﻧﻴﺔ
ﻭﻣﻜﻌﺪﻫﺎ ﺑﺒﻴﺖ ﻟﻮﺣﺪﻫﺎ ﻣﻮ ﺷﻘﺔ ﻻﻻ ..... ﺑﻴﺖ
ﻭﻣﻮ ﺑﺲ ﻫﻴﺞ ﻋﻤﺘﻲ ﺗﻌﺮﻑ ﺑﻴﻬﺎ ﻭﻫﻲ ﺧﺎﻃﺒﺘﻬﺎ ﺑﻴﺪﻫﺎ ﻟﻪ
ﺑﺲ ﺑﺪﻭﻥ ﻣﻴﻌﺮﻑ ﻋﻤﻲ ﺍﺑﻮ ﺳﻴﻒ ﺑﺎﻟﺒﻨﻴﺔ
ﻭﺣﺴﺐ ﺍﻟﻲ ﺍﻓﺘﻬﻤﺘﻪ ﺍﻥ ﻫﻮ ﻣﺒﻘﻲ ﺍﻟﺴﺎﻟﻔﺔ
ﺑﺎﻟﺴﺮ ﻻﻥ ﺍﻟﺒﻨﻴﺔ ﺍﻟﻤﺘﺰﻭﺟﻬﺎ ﻭﺣﺪﺓ ﻣﻮ ﺯﻳﻨﺔ
ﻭﻫﻮ ﺩﻳﺘﻮﻧﺲ ﻭﺍﻧﺘﻲ ﻛﺎﻋﺪﺓ ﺗﺎﻛﻠﻴﻦ ﺗﺒﻦ
ﻣﻦ ﻭﺭﺍﻩ ﻭﻣﻦ ﻭﺭﺓ ﺍﻫﻠﻪ ﻭﻛﺎﻋﺪﻳﻦ ﻳﻤﻨﻮﻥ ﻋﻠﻴﺞ ﺑﺎﻟﻔﺘﺎﻓﻴﺖ
ﺑﻨﺎﺕ ﻣﺘﺪﺭﻭﻥ ﺷﺼﺎﺭ ﺑﻴﺔ ﻣﻦ ﺳﻤﻌﺖ ﺍﺧﺮ ﻛﻼﻣﻬﺎ
ﺍﺣﺲ ﺍﺟﻴﺖ ﺍﻣﻮﺕ ﻣﻦ ﺍﻟﺸﻮﻃﺔ
ﻛﻠﺸﻲ ﺍﺗﺤﻤﻠﺖ ﻋﻠﻰ ﺍﻳﺪ ﺳﻴﻒ ﻭﺭﺿﻴﺖ ﺍﻛﻞ ﻭﺣﻞ
ﻭﺍﺳﻜﺖ ﻭﺍﺗﺤﻤﻞ
ﺑﺎﻻﻭﻝ ﻋﻘﻠﻲ ﻣﻜﺪﺭ ﻳﺘﻘﺒﻞ ﻛﻼﻣﻬﺎ ﻭﺍﺗﻬﻤﺘﻬﺎ
ﺍﻥ ﻫﻲ ﺗﺮﻳﺪ ﺗﻮﻛﻊ ﺑﻴﻨﻲ ﻭﺑﻴﻦ ﺳﻴﻒ ﻋﻠﻤﻮﺩ ﺿﺮﺑﻬﺎ ﻭﺍﺗﻌﺎﺭﻙ ﻭﻳﺔ ﺯﻭﺟﻬﺎ .
ﺍﻱ ﻭﻭﻳﻦ ﺟﺎﻧﺖ ﻋﻨﻲ ﺑﻜﻞ ﻫﺬﺍ ﺍﻟﻜﻼﻡ . ﺑﺲ ﻣﻊ ﺍﻻﺳﻒ ﻫﻲ ﻛﺎﻟﺖ
.. ﺻﺤﻴﺢ ﻛﻼﻣﺞ ﺍﻧﻲ ﺍﻛﺮﻩ ﺳﻴﻒ ﻻﻥ ﻫﻮ ﻣﻮ ﺑﺲ
ﺿﺮﺑﻨﻲ ﻭﺍﺗﻌﺎﺭﻙ ﻭﻳﺔ ﺭﺟﻠﻲ ﻻ ﻫﻮ ﺣﺘﻰ ﻃﺮﺣﻨﻲ
ﺟﻨﺖ ﺣﺎﻣﻞ ﺑﺒﺪﺍﻳﺔ ﺣﻤﻠﻲ ﻭﻫﻮ ﺍﻟﺤﻴﻮﺍﻥ ﺳﻘﻄﻨﻲ
ﻭﺍﻟﻲ ﻗﻬﺮﻧﻲ ﻋﻤﻲ ﺍﻟﺸﻔﻴﺔ ﻣﺎ ﺣﺠﺔ ﻭﻳﺎﻩ ﻭﻻ ﺣﺘﻰ ﻛﻠﻒ ﻧﻔﺴﻪ ﻳﻌﺎﺗﺒﻪ
ﺑﺲ ﺍﻟﻲ ﻛﺎﻋﺪ ﺍﺳﻮﻳﻪ ﺭﺍﺡ ﺍﻋﺘﺒﺮﻩ .
ﻋﻤﻞ ﺧﻴﺮ ﺍﺭﻳﺪ ﺍﻛﺴﺐ ﺑﻴﺞ ﺛﻮﺍﺏ
ﻭﺑﻨﻔﺲ ﺍﻟﻮﻗﺖ ﺍﻛﺴﺮ ﺧﺸﻢ ﺳﻴﻒ ﻭﺍﺧﺬ ﺣﻘﻲ ﻣﻨﻪ ﺍﻟﻨﺬﻝ
ﻭﺍﻓﻀﺤﻪ ﻛﺪﺍﻡ ﻋﻤﻲ
ﻭﻋﺮﻓﺖ ﺑﻴﺞ ﻣﺎ ﺭﺍﺡ ﺗﺼﺪﻛﻴﻨﻲ
.....
ﺭﺍﺡ ﺍﺭﺳﻠﺞ ﺻﻮﺭ ﻋﺮﺳﻪ ﻋﻠﻰ ﺍﻟﻮﺍﺗﺴﺎﺏ
ﺭﺳﻠﺘﻬﻢ ﺍﻟﻲ ﻭﺍﻧﻲ ﺍﺟﻴﺖ ﺍﺗﺨﺒﻞ ﻭﺻﺮﺕ ﺍﻛﻤﺰ ﻣﻮ ﻏﻴﺮﺍﻧﺔ ﻋﻠﻴﻪ
ﻻ ﺑﺲ ﻇﻠﻢ ﻭﻫﻀﻴﻤﺔ ﺳﻴﻒ ﻳﻜﺴﺮﻧﻲ ﻫﻴﺞ ﻛﺴﺮﺓ
ﺳﺄﻟﺘﻬﺎ .. ﺯﻳﻦ ﺍﻧﺘﻲ ﻟﻴﺶ ﺍﺟﻴﺘﻲ ﻭﻛﻠﺘﻴﻠﻲ ﺍﻟﻲ
ﻟﻴﺶ ﻣﺘﺮﻭﺣﻴﻦ ﺗﺎﺧﺬﻳﻦ ﺻﻮﺭ ﻋﺮﺱ ﺍﻟﺤﻴﻮﺍﻥ
ﻭﺗﻔﻀﺤﻴﻨﻪ ﻋﻨﺪ ﺍﺑﻮﻩ .
ﻓﺮﺡ .. ﻻﻥ ﺍﻋﺮﻑ ﻛﻠﺶ ﺯﻳﻦ ﺳﻴﻒ ﻭﻋﻤﺘﻲ ﺍ
ﺫﺍ ﻋﺮﻓﻮﺍ ﺑﻴﺔ ﺍﻧﻲ ﻭﺭﺓ ﺳﺎﻟﻔﺔ ﻓﻀﻴﺤﺘﻪ ﻋﻦ ﺍﺑﻮﻩ
ﺧﺎﻑ ﺫﻳﺞ ﺍﻟﻤﺮﺓ ﺑﺲ ﺿﺮﺑﻨﻲ ﻋﻠﻤﻮﺩ ﺍﺗﺪﺧﻠﺖ
ﺑﻌﺮﻛﺘﻬﻢ ﻫﻮ ﻭﺯﻭﺟﻲ
ﻫﺎﻟﻤﺮﺓ ﻣﺘﺄﻛﺪﺓ ﻣﺎ ﺭﺍﺡ ﻳﺴﻜﺖ ﺍﻻ ﻳﻄﻠﻘﻨﻲ ﻣﻦ ﺍﺧﻮﻩ
ﻭﻳﻬﺠﻢ ﺑﻴﺘﻲ ﻭﻫﻮ ﻭﻋﻤﺘﻲ
ﻭﺑﺎﻟﺤﻘﻴﻘﺔ ﺑﻌﺪ ﺍﻟﻲ ﺳﻮﻭﻩ ﻭﻳﺎﺝ ﻣﺎ ﺍﺳﺘﺒﻌﺪ ﻛﻠﺸﻲ ﻳﺴﻮﻭ ﻭﻳﺎﻱ
ﻣﻮ ﺑﻴﻌﺪ ﺣﺘﻰ ﻳﺘﻬﻤﻮﻧﻲ ﺑﺸﺮﻓﻲ ﺣﺘﻰ ﺯﻭﺟﻲ ﻳﻄﻠﻜﻨﻲ
ﺷﻴﻤﺎﺀ .. ﻟﺞ ﺿﺤﻰ ﻫﺬﻭﻟﻲ ﺷﻨﻮ ﻋﻴﺎﻟﺞ ﻳﺨﻮﻓﻮﻥ
ﺿﺤﻰ .. ﺍﻫﻮﻭﻭ ﺷﺤﺠﻴﻠﺞ ﻋﻨﻬﻢ ﻗﻠﻴﻞ
ﺍﻟﻤﻬﻢ ﺍﺧﺘﻜﻢ ﻇﻠﺖ ﺗﺤﻮﻡ ﻣﻨﺎ ﻟﺤﺪ ﻣﺎ ﺭﺟﻊ ﻋﻤﻮ ﺍﺑﻮ ﺳﻴﻒ
ﻭﻓﻀﺤﺘﻪ ﻫﻮ ﻭﺍﻣﻪ ﻋﻨﺪ ﺍﺑﻮﻩ
ﻭﺍﺑﻮﻩ ﺣﺮﻙ ﺍﻟﺒﻴﺖ ﻋﻠﻴﻬﻢ ﻭﺳﻴﻒ ﻣﻦ ﻋﺮﻑ ﺑﻴﺔ
ﺍﻧﻲ ﻭﺭﺓ ﺍﻟﺴﺎﻟﻔﺔ ﻫﺪ ﻋﻠﻴﺔ ﻣﺜﻞ ﺍﻟﻤﺨﺒﻞ ﻭﺻﺎﺭ ﻳﻀﺮﺑﻨﻲ
ﻋﺒﺎﻟﻚ ﺩﻳﻀﺮﺏ ﺑﺮﺟﺎﻝ ﻭﻟﺰﻡ ﻧﻘﺎﻟﻲ ﻛﻠﻲ ﻓﺘﺤﻲ
ﺧﻠﻲ ﺍﺷﻮﻑ ﺍﻟﺼﻮﺭ ﻣﻦ ﺭﺳﻠﻬﻢ ﺍﻟﺞ
ﺍﻧﻲ ﺭﻓﻀﺖ ﻛﻠﺖ ﻫﻲ ﻛﺘﻠﺔ ﻭﺍﻛﻠﺘﻬﺎ
ﻭﻫﻮ ﺍﻟﻤﺨﺒﻞ ﻛﺎﻡ ﻭﻛﺴﺮ ﺍﻟﻨﻘﺎﻝ ﺑﺮﺍﺳﻲ
ﻭﻣﺎ ﺍﻛﺘﻔﻰ ﻟﺰﻣﻪ ﺳﻮﺍﻩ ﻭﺻﻞ
ﻭﺍﻧﻲ ﻣﻦ ﺣﺮﻛﺔ ﻛﻠﺒﻲ ﻛﻤﺖ ﺍﺣﺠﻲ ﺑﻜﻞ ﻏﻀﺐ
.. ﻟﻚ ﺳﻴﻒ ﺗﺘﺰﻭﺝ ﻋﻠﻴﺔ ﻓﻮﻙ ﻣﺎ ﺍﻧﺖ ﻋﻘﻴﻢ
ﻭﻻ ﻭﻧﻮﺏ ﺍﻟﻲ ﻣﺘﺰﻭﺟﻬﺎ ﻭﺣﺪﺓ ﺳﺎﻗﻄﺔ ﻭﻣﻔﺮﻋﺔ
ﻭﺍﻧﻲ ﺩﺍﻓﻨﻲ ﺟﻨﺖ ﺍﺣﺠﻲ ﻭﻫﻮ ﻭﻳﺔ ﻛﻞ ﻛﻠﻤﺔ . ﺍﻛﻮﻟﻬﺎ
ﻫﻮ ﻳﺰﻳﺪ ﺑﺎﻟﻀﺮﺏ ﺍﻛﺜﺮ
ﺑﻌﺪﻫﺎ ﺗﺮﻛﻨﻲ ﺑﺎﻟﻐﺮﻓﺔ ﻣﺠﻨﺰﺓ ﻣﻦ ﺍﻻﻟﻢ
ﻛﻤﺖ ﺑﻴﺔ ﻣﺎ ﺑﻴﺔ ﻭﺭﺣﺖ ﻟﺒﺴﺖ ﻋﺒﺎﺗﻲ
ﻭﺭﺣﺖ ﻭﻛﻠﺖ ﻟﻌﻤﻲ ﺍﻧﻲ ﻃﺎﻟﻌﺔ ﻻﻫﻠﻲ
ﻭﻣﺴﺘﺤﻴﻞ ﺑﻌﺪ ﺍﺑﻘﻰ ﻋﻠﻰ ﺫﻣﺔ ﻭﺍﺣﺪ ﻣﺨﺒﻞ ﻭﻋﻘﻴﻢ
ﻛﻠﻪ ﺧﻠﻲ ﻳﻄﻠﻜﻨﻲ
ﺍﻧﻲ ﺟﻨﺖ ﺍﺣﺠﻲ ﻭﻳﺔ ﻋﻤﻲ ﻭﺍﺑﺠﻲ
ﻳﻤﺔ ﻭﻣﺎ ﺍﺣﺲ ﺍﻻ ﻛﺎﻡ ﺍﻟﻌﻴﺎﻁ ﺷﻨﻮ ﺍﻟﺴﺎﻟﻔﺔ ﻣﺎ ﺍﻋﺮﻑ
ﺍﻟﺘﻔﺘﺖ ﻟﻜﻴﺖ ﺳﻴﻒ ﺑﻴﺪﻩ ﻣﺴﺪﺱ ﻭﻳﺮﻳﺪ ﻳﻬﺪ ﻋﻠﻴﺔ
ﻭﺍﺧﻮﺍﻧﻪ ﺑﺎﻟﻜﻮﺓ ﻻ ﺯﻣﻴﻨﻪ
.. ﻭﻟﺞ ﺳﺎﻗﻄﺔ ﺑﻨﺖ ﺍﻟﻌﺎﺭ ﺍﻧﺎ ﻭﺣﺪﺓ ﻛﻠﺒﺔ ﺑﻨﺖ ﻛﻠﺐ
ﺗﻌﻴﺮﻳﻨﻲ ﻭﺗﻬﺪﺩﻧﻲ ﺑﺎﻟﻄﻼﻕ
ﻭﻟﺞ ﻭﺍﻟﻠﻪ ﺍﻟﻴﻮﻡ ﻣﻮﺗﺞ ﻋﻠﻰ ﺍﻳﺪﻱ
ﺟﺎﻥ ﻳﺤﺠﻲ
ﺍﻧﻲ ﺷﻔﺘﻪ ﻫﻴﺞ ﻭﺍﻧﻲ ﺭﺟﻠﻴﺔ ﺑﺎﺩﺕ ﻣﻦ ﺍﻟﺨﻮﻑ
ﻋﻤﺘﻲ ﻛﺎﻟﺖ ﺭﻭﺣﻲ ﺭﺟﻌﻲ ﻟﻐﺮﻓﺘﺞ ﻭﺍﺗﻜﻔﻲ ﺍﻟﺸﺮ
ﺍﻧﻲ ﺧﻔﺖ ﺭﻛﻀﺖ ﺍﺭﻳﺪ ﺍﺭﻭﺡ ﻟﻐﺮﻓﺘﻲ
ﻣﺎ ﺍﺣﺲ ﻭﺍﻻ ﺻﻮﺕ ﻃﻠﻘﺔ ﻭﺑﻌﺪﻫﺎ
ﺣﺴﻴﺖ ﺷﻲ ﺣﺎﺩ ﺣﺎﺭ ﻧﺎﺭ ﺍﺧﺘﺮﻕ ﻇﻬﺮﻱ ﺷﻠﻮﻥ ﻭﻟﻴﺶ
ﻭﺷﻮﻛﺖ ﺻﺮﺏ ﺑﺲ ﺍﺳﻤﻊ ﻋﻴﺎﻁ ﺧﺎﻟﺘﻲ ﻭﺻﻴﺎﺡ ﺍﺧﻮﺍﻧﻪ
ﺑﻌﺪﻫﺎ ﺻﺎﺭ ﻛﻠﺸﻲ ﻣﺸﻮﺵ ﺑﺬﺍﻛﺮﺗﻲ
ﻣﺎ ﻭﻋﻴﺖ ﺍﻻ ﻭﺍﻧﻲ ﺑﺎﻟﻤﺴﺘﺸﻔﻰ ﻭﺍﻧﺘﻮﺍ ﻳﻤﻲ
ﺣﻀﻨﺘﻬﺎ ﺷﻴﻤﺎﺀ ﻭﻛﻠﺘﻠﻬﺎ
.. ﺍﻟﺤﻤﺪﻟﻠﻪ ﺍﻟﻠﻪ ﻗﺪﺭ ﻭﻟﻄﻒ ﺑﺤﺎﻟﺞ ﻻﻥ ﻳﺘﻴﻤﺔ ﻭﻓﻘﻴﺮﺓ ﻭﻣﺎﻟﺞ
ﺍﺣﺪ ﺭﺑﻲ ﻓﻮﻕ ﺍﻟﻜﻞ
ﻭﺍﻥ ﺷﺎﺀ ﺍﻟﻠﻪ ﺗﺘﻄﻠﻘﻴﻦ ﻣﻨﻪ
.. ﺍﻟﻠﻪ ﻳﺴﻤﻊ ﻣﻨﺞ
ﻭﺑﻌﺪﻫﺎ ﺍﻧﻲ ﻭﺍﻟﺒﻨﺎﺕ ﺻﺮﻧﺎ ﻧﺴﻮﻟﻒ
ﻭﺗﺬﻛﺮﺕ ﻣﻮﺿﻮﻋﻲ ﻭﻳﺔ ﻣﺮﻭﺓ
.. ﺍﻛﻮﻝ ﻣﻐﻮﺓ ( ﻣﺮﻭﺓ ) ﻣﻜﻠﺘﻴﻠﻲ ﺷﻨﻮ ﻛﺎﻟﺖ ﻃﺒﻴﺒﺔ
ﺍﻟﺘﺠﻤﻴﻞ . ﻣﻦ ﺣﺠﻴﺘﻴﻠﻬﺎ ﻋﻦ ﺍﻟﻮﺣﻤﺔ
ﻣﺮﻭﺓ .. ﺍﻱ ﺻﺪﻙ ﺫﻛﺮﺗﻴﻨﻲ
......
ﻗﺒﻞ ﻳﻮﻣﻴﻦ ﺳﺎﻟﺘﻬﺎ ﻋﻦ ﺍﻟﻮﺣﻤﺔ ﻭﻭﺻﻔﺘﻬﺎ ﺍﻟﻬﺎ
ﻛﺎﻟﺖ ﺍﻓﻀﻞ ﺗﺠﻴﻨﻲ ﺣﺘﻰ ﺍﻓﺤﺼﻬﺎ ﻭﺍﻗﺮﺭ ﺷﻨﻮ ﺗﺤﺘﺎﺝ
ﺑﺲ ﻣﻦ ﺧﻼﻝ ﻭﺻﻔﺞ ﻟﻬﺎ ﻋﻠﻰ ﺍﻻﻛﻴﺪ
ﺭﺍﺡ ﺗﺨﻀﻊ ﻟﻌﺪﺓ ﺟﻠﺴﺎﺕ ﻷﺯﺍﻟﺔ ﺍﻟﻮﺣﻤﺔ ﺑﺎﻟﻠﻴﺰﺭ
ﺧﻠﻲ ﺗﺠﻲ ﺣﺘﻰ ﺍﻋﺮﻑ ﻛﻢ ﺟﻠﺴﺔ ﺗﺤﺘﺎﺝ ﺑﺎﻟﻀﺒﻂ
ﻭﻗﺮﺭﺕ ﺍﺳﺘﺄﺫﻥ ﻣﻦ ﻗﺎﺳﻢ
ﻭﺍﺭﻭﺡ ﺧﻼﻝ ﻫﺎﻱ ﺍﻻﻳﺎﻡ
ﺑﻌﺪﻫﺎ ﺍﻧﻲ ﺍﺗﺼﻠﺖ ﻋﻠﻰ ﻗﺎﺳﻢ ﺣﺘﻰ ﻳﺠﻲ ﻳﺮﺟﻌﻨﻲ ﻟﻠﺒﻴﺖ
ﺳﻠﻤﺖ ﻋﻠﻰ ﺧﻮﺍﺗﻲ
ﺣﻀﺮﺕ ﻧﻔﺴﻲ ﺑﺲ ﻫﺎﻟﻤﺮﺓ ﻻ ﻣﻜﻴﺎﺝ ﻭﻻ ﻛﻌﺐ ﻋﺎﻟﻲ
ﻭﻻ ﺗﺮﺗﻴﺐ
ﻭﺻﻞ ﻭﺍﺗﺼﻞ ﻋﻠﻴﺔ ﻭﻃﻠﻌﺘﻠﻪ ﻭﻫﻮ ﺳﻠﻢ ﻋﺎﻟﺒﻨﺎﺕ
ﺻﻌﺪ ﺑﺎﻟﺴﻴﺎﺭﺓ ﻭﺑﺎﻭﻉ ﻋﻠﻴﺔ
.. ﻫﺎﻱ ﺷﻨﻮ ﻫﺎﺩﻱ ﻭﺍﻟﻠﻪ ﻣﺒﻴﻦ ﻋﻠﻴﻚ ﺍﻟﺘﻌﺐ ﺻﺎﻳﺮ ﺟﻨﻚ ﻛﺘﻜﻮﺕ ﺍﺻﻐﻴﺮ
ﺟﺎﻥ ﻫﻮ ﻳﺤﺠﻲ ﻭﺍﻧﻲ ﻋﻴﻮﻧﻲ ﻣﺎ ﺑﻄﻠﺖ ﺗﺮﺳﻢ ﻣﻌﺎﻧﻴﻪ ﺑﻜﻞ
ﻟﻬﻔﺔ
ﺟﺎﻭﺑﺘﻪ .. ﺍﻟﻲ ﺻﺎﻍ ( ﺻﺎﺭ ) ﺑﻀﺤﻰ ﻣﻮ ﺷﻮﻳﺔ
ﺳﺄﻟﻨﻲ .. ﺍﻱ ﺻﺪﻙ ﻣﺮﻭﺓ ﺷﻠﻮﻧﻬﺎ ﺳﻤﻌﺖ ﺑﺎﻟﺼﺪﻓﺔ
ﺍﺑﻮ ﺳﻴﻒ ﻣﻬﺪﺩﻫﺎ ﻭﺍﺗﺼﻠﺖ ﻋﻠﻴﻬﺎ ﻭﻛﻠﺘﻠﻬﺎ ﺍﺫﺍ ﺗﺮﻳﺪ ﻣﻨﻲ
ﺍﺗﺪﺧﻞ ﻭﺍﺭﻭﺡ ﺍﺷﻮﻑ ﺷﻐﻠﻲ ﻭﻳﺎﻫﻢ
ﻛﺎﻟﺖ ﻻ ﺗﺮﻭﺡ ﺍﻟﻬﻢ ﺧﻠﻴﻬﻢ ﺑﺎﻟﻌﻜﺲ ﻫﺬﺍ ﻛﻠﻪ ﻟﻤﺼﻠﺤﺘﻨﺎ
ﺧﻠﻲ ﺍﻟﻘﺎﻧﻮﻥ ﻳﺎﺧﺬ ﻣﺠﺮﺍﻩ ﻭﻓﻬﻤﺘﻨﻲ ﺷﻨﻮ ﺳﻮﺕ ﺑﺎﻟﻀﺒﻂ
.. ﻗﺎﺳﻢ ﺍﻧﻲ ﻣﺎ ﺍﻋﻐﻒ ( ﻣﺎﺍﻋﺮﻑ ) ﺷﻠﻮﻥ ﺍﺷﻜﻐﻚ ( ﺍﺷﻜﺮﻙ ) ﻋﻠﻰ ﻭﻛﻔﺘﻚ ﺍﻧﺖ ﻭﺍﻫﻠﻚ
.. ﺍﻫﻮﻭ ﻫﻢ ﺭﺟﻌﻨﺎ ﻟﻬﺎﻱ ﺍﻟﺴﺎﻟﻔﺔ
ﻳﺎﺑﺔ ﻭﺩﺍﻋﺘﺞ . ﻫﻢ ﻟﻮ ﻭﺍﺣﺪ ﻏﻴﺮﻱ ﻫﻢ ﺭﺍﺡ ﻳﻮﻛﻒ ﻫﻴﺞ ﻭﻛﻔﺔ
ﺍﻧﺘﻲ ﻣﺎ ﺍﻧﺘﺒﻬﺘﻲ ﻟﻌﻤﻲ ﺍﺑﻮ ﻓﺮﺯﺩﻕ ﻭﺻﻬﻴﺐ
ﺷﻠﻮﻥ ﺳﻜﻨﻮﺍ ﺍﻟﻤﺴﺘﺸﻔﻰ
ﻳﻌﻨﻲ ﺍﺫﺍ ﺻﻬﻴﺐ ﺍﻟﻤﺎ ﻳﻌﻮﺩﻟﻜﻢ
ﺷﻔﺘﻴﻪ ﺷﻠﻮﻥ ﻛﻞ ﺷﻮﻳﺔ ﻳﺠﻲ ﻳﺴﺄﻟﻜﻢ ﺧﺎﻑ ﻣﺤﺘﺎﺟﻴﻦ ﺷﻲ
ﺑﺲ ﺣﻖ ﺍﻟﺠﻴﺮﺍﻥ ﻳﺤﺘﻢ ﻋﻠﻴﻪ ﻳﻮﻛﻒ ﻭﻳﺎﻛﻢ
ﻓﻼ ﺗﻜﻌﺪﻳﻦ ﻛﻞ ﺷﻮﻳﺔ ﻓﺎﺗﺤﺔ ﺍﻟﻤﻮﺿﻮﻉ ﻭﻳﺎﻱ ﻭﺗﺘﺸﻜﺮﻳﻦ
ﻭﺻﻠﻨﻲ ﻟﻠﺒﻴﺖ ﻭﺭﺍﺡ ﻣﺎ ﻧﺰﻝ ﻭﻳﺎﻱ
ﻭﺷﻔﺖ ﺍﻟﺒﻨﺎﺕ ﻛﻠﻬﻢ ﻣﺘﺠﻤﻌﺎﺕ
ﻣﻨﻰ .. ﻟﺞ ﻭﺍﻟﻠﻪ ﺍﻟﺒﻴﺖ ﺿﻮﺟﺔ . ﻫﻤﺰﻳﻦ ﺭﺟﻌﺘﻲ
ﻭﺑﻌﺪﻫﺎ ﺑﻘﻴﺖ ﻳﻤﻬﻢ ﺟﻮﺓ ﻭﺍﻟﺘﻬﻴﺖ ﻭﻳﺎﻫﻢ ﺑﺎﻟﺤﺠﻲ
ﻭﻛﻞ ﺷﻮﻳﺔ ﻭﺣﺪﺓ ﺗﺴﺄﻟﻨﻲ ﺳﺆﺍﻝ ﻋﻦ ﺿﺤﻰ ﻭﺳﻴﻒ
ﺑﺎﻭﻋﺖ ﻟﻠﺴﺎﻋﺔ ﺻﺎﺭﺕ ﺑﺎﻟﺘﺴﻌﺔ ﻭﺍﻧﻲ ﻛﻠﺶ ﺗﻌﺒﺖ
ﺍﺗﺮﺧﺼﺖ ﻣﻨﻬﻢ ﻭﺻﻌﺪﺕ ﻓﻮﻙ ﻟﻐﺮﻓﺘﻲ
ﻭﺳﺒﺤﺖ ﻭﺫﺑﻴﺖ ﻋﻨﻲ ﺗﻌﺐ ﺍﻻﺳﺒﻮﻉ ﻛﻠﻪ
ﺻﺤﻴﺢ ﺟﻨﺖ ﺍﺭﺟﻊ ﻟﺒﻴﺖ ﻣﺮﻭﺓ ﻻﻥ ﻗﺮﻳﺐ ﻋﺎﻟﻤﺴﺘﺸﻔﻰ ﻭﺍﺳﺒﺢ ﻭﺍﺑﺪﻝ ﻣﻼﺑﺲ ﻭﺍﺭﺟﻊ ﻟﻀﺤﻰ ﺑﺲ ﻣﻮ ﻣﺜﻞ ﻣﺎ ﺑﺒﻴﺘﻲ ﻭﺑﺤﻤﺎﻣﻲ
ﻭﺑﺪﻟﺖ ﻣﻼﺑﺴﻲ
ﻭﻟﺒﺴﺖ ﺷﻲ ﺧﻔﻴﻒ ﻣﺨﺼﺮ ﻋﻠﻰ ﺟﺴﻤﻲ ﺍﻟﺪﻟﻌﺔ ﺣﻔﺮ ﻭﺍﺳﻌﺔ
ﻭﻋﺪﻟﺖ ﻭﺟﻬﻲ ﺷﻮﻳﺔ ﻭﻓﺘﺤﺖ ﺷﻌﺮﻱ ﻭﺭﺗﺒﺘﻪ
ﻭﺑﻌﺪﻫﺎ ﺻﺮﺕ ﺍﺭﺗﺐ ﺑﺎﻟﻐﺮﻓﺔ ﻭﻋﻨﺪﻱ ﻛﻢ ﺷﻐﻠﺔ ﺍﺭﻳﺪ ﺍﻛﻤﻠﻬﺎ
ﻻﻥ ﻣﻦ ﺩﺧﻠﺖ ﻟﻠﻐﺮﻓﺔ ﻟﻜﻴﺘﻬﺎ ﻧﻈﻴﻔﺔ ﺍﻟﺒﻨﺎﺕ ﻣﺎ ﻣﻘﺼﺮﺍﺕ
ﺑﺲ ﺍﻧﻲ ﻃﻠﻌﺖ ﻣﻼﺑﺴﻲ ﻣﻦ ﺍﻟﺠﻨﻄﺔ ﻭﺻﺮﺕ ﺍﺭﺗﺒﻬﻦ
ﺩﺧﻞ ﻗﺎﺳﻢ ﻟﻠﻐﺮﻓﺔ
ﻭﺍﻧﻲ ﻛﺒﻞ ﻛﻤﺖ ﻣﻦ ﻣﻜﺎﻧﻲ ﻭﺭﺣﺖ ﻭﻛﻔﺖ ﻳﻤﻪ
ﺑﻜﻞ ﻟﻬﻔﺔ ﺍﺑﺎﻭﻉ ﻋﻠﻴﻪ ﺑﺎﻭﻉ ﻋﻠﻴﺔ ﻭﺿﻴﻚ ﻋﻴﻮﻧﻪ
ﻭﻛﺎﻝ .. ﻫﺎﺩﻱ ﻣﺎ ﺍﻋﺮﻑ ﻟﻴﺶ ﺍﺣﺲ ﺑﻴﻚ ﻫﻮﺍﻱ ﻣﺘﻐﻴﺮ
ﺍﻧﺖ ﻣﻮ ﻫﺎﺩﻱ ﺍﻻﻭﻟﻲ ﺷﻨﻮ . ﺷﺠﺎﻙ ﻭﺷﻐﻴﺮﻙ
ﺟﺎﻥ ﻳﺤﺠﻲ ﻭﻋﻴﻮﻧﻪ ﻣﺎ ﻓﺎﺭﻗﺘﻨﻲ
.......
ﻋﺎﺩ ﻛﻮﻟﻲ ﺍﻟﺘﻐﻴﻴﻎ ( ﺍﻟﺘﻐﻴﻴﺮ ) ﺍﻟﻲ ﺣﺴﻴﺘﻪ ﻧﺤﻮ ﺍﻻﺣﺴﻦ ﻟﻮ ﻧﺤﻮ ﺍﻻﺳﻮﺀ
.. ﺑﺎﻟﻨﺴﺒﺔ ﻟﻮﺿﻌﻨﺎ ﻫﺬﺍ ﺍﻟﺘﻐﻴﻴﺮ ﺭﺍﺡ ﻳﺸﻜﻞ ﺗﻬﺪﻳﺪ
ﻋﺮﻓﺖ ﺍﻥ ﻗﺎﺳﻢ ﺩﻳﻌﺎﻧﻲ ﻳﻌﻨﻲ ﻫﻮ ﻣﺘﺄﺛﺮ ﺑﻮﺟﻮﺩﻱ ﺑﻘﺮﺑﻪ
ﺍﻧﺘﺒﻬﺖ ﻋﻠﻴﻪ ﺍﻧﻄﺎﻧﻲ ﻇﻬﺮﻩ ﻭﻛﺎﻝ
ﺑﺴﺮﻋﺔ ﺣﻀﺮﻳﻠﻲ ﺍﻟﺤﻤﺎﻡ ﺍﺭﻳﺪ ﺍﻃﻠﻊ
ﺑﺎﻭﻋﺖ ﻟﻠﺴﺎﻋﺔ .. ﻟﺤﻈﺔ ﻭﻳﻦ ﻃﺎﻟﻊ ﻫﺴﻪ ﺍﻟﻮﻗﺖ ﻛﻠﺶ ﻣﺘﺄﺧﻎ ( ﻣﺘﺎﺧﺮ )
ﺍﺑﺎﻭﻉ ﻋﻠﻴﻪ ﺭﺍﺡ ﻓﺘﺢ ﺍﻟﻜﻨﺘﻮﺭ ﻭﻃﻠﻌﻠﻪ ﻃﻘﻢ ﻣﻼﺑﺲ ﻓﺨﻤﺔ
ﺣﻄﻬﻢ ﻋﺎﻟﺴﺮﻳﺮ . ﻭﺍﺧﺬﻟﻪ ﻣﻨﺸﻔﺔ ﻭﺑﺎﻭﻉ
ﻋﻠﻴﺔ .. ﻃﺎﻟﻊ ﻣﻌﺰﻭﻡ
ﻋﺎﻓﻨﻲ ﻭﺩﺧﻞ ﻟﻠﺤﻤﺎﻡ ﻳﺴﺒﺢ
ﺑﻌﺪﻣﺎ ﺧﻠﺺ ﻣﻦ ﺍﻟﺤﻤﺎﻡ ﺑﺪﻝ ﻣﻼﺑﺲ
ﻭﻛﺸﺦ ﻋﻠﻰ ﺍﺧﺮ ﺣﺒﺎﻳﺔ ﻭﺍﺗﺄﻧﻖ ﻭﺭﺵ ﺍﻟﻌﻄﺮ
ﻭﺳﻠﻢ ﻋﻠﻴﺔ ﻭﻃﻠﻊ
ﺻﺮﺕ ﺍﻏﻠﻲ ﻣﻦ ﺍﻟﻐﻴﺾ
ﺷﻮﻳﺔ ﻭﺟﺎﻥ ﺗﺪﺧﻞ ﻋﻠﻴﺔ ﻫﺎﻟﺔ ﻭﻫﻲ ﺗﺒﺎﻭﻉ ﻋﻠﻴﺔ
.. ﺍﻛﻠﺞ ﻫﺪﻫﺪ ﺍﻣﻲ ﺗﺮﻳﺪﺝ
.. ﻟﻴﺶ ﺗﻐﻴﺪﻧﻲ ﺻﺎﻳﻎ ( ﺗﺮﻳﺪﻧﻲ ﺻﺎﻳﺮ ) ﺷﻲ
.. ﻭﺍﻟﻠﻪ ﻣﺎ ﺍﻋﺮﻑ ﺑﺲ ﺍﺷﻮ ﻫﻲ ﺷﺎﻓﺖ ﻗﺎﺳﻢ ﻳﺮﻳﺪ ﻳﻄﻠﻊ
ﻭﺍﺗﻌﺎﺭﻛﺖ ﻭﻳﺎﻩ ﻗﺒﻞ ﻻ ﻳﻄﻠﻊ
ﻭﻛﻠﺸﻲ ﻣﺎ ﺍﻓﺘﻬﻤﺖ
.. ﻭﺍﻟﻠﻪ ﺣﺘﻰ ﺍﻧﻲ ﻣﺜﻠﺞ ﻛﻠﺸﻲ ﻣﻤﻔﺘﻬﻤﺔ
ﻧﺰﻟﺖ ﺟﻮﺓ ﻭﺭﺣﺖ ﻟﺨﺎﻟﺘﻲ ﺍﺑﺎﻭﻉ ﻋﺎﻟﺒﻨﺎﺕ ﻛﻠﻬﺎ
ﺗﺒﺎﻭﻉ ﻋﻠﻰ ﻭﺟﻬﻲ ﺟﻨﻬﻢ ﻳﺪﻭﺭﻭﻥ ﻋﻠﻰ ﻓﺪ ﺷﻲ ﺿﺎﻳﻊ ﻣﻨﻬﻢ
ﺻﺎﺣﺘﻨﻲ ﻟﻠﻐﺮﻓﺔ ﻣﺎﻟﺘﻬﺎ
ﺍﻟﻠﻪ ﻳﺴﺘﺮ ﺻﺎﺭ ﺑﻴﻬﺎ ﺍﺟﺘﻤﺎﻉ ﺳﺮﻱ
ﺩﺧﻠﺖ ﻭﺭﺍﻫﺎ ﻭﺳﺪﻳﺖ ﺍﻟﺒﺎﺏ
ﻭﺑﺎﻭﻋﺘﻠﻲ
ﺍﻡ ﻗﺎﺳﻢ .. ﺍﻛﻮﻝ ﺷﻨﻮ ﺻﺎﻳﺮ ﺑﻴﻨﺞ ﻭﺑﻴﻦ ﺯﻭﺟﺞ
ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ ﺳﺆﺍﻟﻬﺎ
.. ﻛﻠﺸﻲ ﻣﺼﺎﻳﻎ ( ﻣﺼﺎﻳﺮ )
ﻟﻴﺶ ﺧﺎﻟﺔ ﺗﺴﺄﻟﻴﻦ
.. ﻟﻌﺪ ﺍﺫﺍ ﻣﺎ ﻛﻮ ﺷﻲ ﺻﺎﻳﺮ ﺑﻴﻨﻜﻢ ﺯﻳﻦ ﻗﺎﺳﻢ ﻟﻴﺶ
ﻃﻠﻊ ﺑﻬﻴﺞ ﻭﻛﺖ
ﻓﺘﺤﺖ ﺣﻠﻜﻲ ﻭﺑﻘﻴﺖ ﻣﺼﻔﺼﻔﺔ ﻛﻠﺸﻲ ﻣﺎ ﺍﻓﺘﻬﺖ
ﺷﺒﻴﻬﺎ ﺧﺎﻟﺔ
.. ﺳﺄﻟﺘﻪ ﻛﺎﻝ ﻣﻌﺰﻭﻡ ﺑﻐﺔ ( ﺑﺮﺓ ) ﻭﻳﺔ ﺟﻤﺎﻋﺘﻪ
ﺍﺑﺎﻭﻉ ﻋﻠﻴﻬﺎ ﻣﺎ ﺗﻌﺮﻑ ﺷﻨﻮ ﺗﺤﺠﻲ ﺑﺎﻻﺧﻴﺮ ﻛﺎﻟﺖ
.. ﻣﺎ ﺍﻋﺮﻑ ﻟﻴﺶ ﺍﻛﻮ ﺷﻲ ﻏﻠﻂ ﺑﻌﻼﻗﺘﻜﻢ ﺍﻧﺘﻮﺍ ﺍﻟﺜﻨﻴﻦ
ﻫﺎﻱ ﺍﻟﻴﻮﻡ ﺷﺒﻴﻬﺎ ﺧﺎﻟﺘﻲ ﻫﻮ ﺍﺑﻨﻬﺎ ﺍﻟﻲ ﻃﻠﻊ ﺍﺷﻮ ﻓﺎﺗﺤﺔ ﺍﻟﻴﻮﻡ ﻭﻳﺎﻱ ﺗﺤﻘﻴﻖ
.. ﺧﺎﻟﺔ ﻟﻴﺶ ﺗﺤﺠﻴﻦ ﻫﺸﻜﻞ
.. ﻳﻌﻨﻲ ﺭﺟﺎﻝ ﻣﺮﺗﻪ ﺑﻌﻴﺪﺓ ﻋﻨﻪ ﺻﺎﺭﻟﻬﺎ ﺍﺳﺒﻮﻉ
ﻻ ﻛﻠﻒ ﺭﻭﺣﻪ ﻳﺘﺼﻞ ﻋﻠﻴﻬﺎ ﻭﻻ ﺣﺘﻰ ﺷﻔﺖ ﻣﻨﻪ ﻟﻬﻔﺔ
ﺍﻭ ﺍﻱ ﺗﻐﻴﻴﺮ ﻳﺪﻝ ﻋﻠﻰ ﻫﺬﺍ ﺍﻟﺮﺟﺎﻝ ﻳﻔﺘﻘﺪ ﺯﻭﺟﺘﻪ
ﻳﻌﻨﻲ ﻣﻮ ﻏﺮﻳﺒﺔ ﺷﻮﻳﺔ ﻫﺴﺔ ﺍﻧﻲ ﺩﺍ ﺍﺷﻮﻑ ﺑﻨﺎﺗﻲ
ﻣﻦ ﻳﺠﻮﻥ ﻋﻨﺪﻱ ﻻﺯﻡ ﺍﺯﻭﺍﺟﻬﻢ ﻳﺘﺼﻠﻮﻥ ﻋﻠﻴﻬﻢ
ﻫﺎﻱ ﻣﻦ ﻏﻴﺮ ﺍﺫﺍ ﻣﺎ ﻳﺠﻮﻥ ﺑﻨﻔﺴﻬﻢ
ﻳﻌﻨﻲ ﺍﻟﻴﻮﻡ ﻟﻮ ﻣﺎ ﺍﻧﺘﻲ ﻣﺘﺼﻠﺔ ﻋﻠﻴﻪ
ﺟﺎﻥ ﻫﻢ ﺑﻘﻰ ﻋﺎﺩﻱ ﻋﻨﺪﻩ ﺗﺒﺎﺗﻴﻦ ﺑﻌﻴﺪ ﻋﻨﻪ
ﻭﻫﺴﺔ ﻣﻦ ﺭﺟﻌﺘﻲ ﻛﻤﻠﺖ ﺍﻟﺴﺒﺤﺔ
ﻭﻋﺎﻓﺞ ﻭﺭﺍﺡ ﻃﻠﻊ
ﺯﻳﻦ ﺑﻌﺪ ﻫﺬﺍ ﻛﻠﻪ ﻭﺗﺴﺄﻟﻴﻨﻲ ﻟﻴﺶ
ﺍﺣﺠﻲ
ﺟﺎﻧﺖ ﺧﺎﻟﺘﻲ ﺗﺤﺠﻲ ﻭﺍﻧﻲ ﻛﻠﺒﻲ ﻭﻛﻊ ﺑﻴﻦ ﺭﺟﻠﻴﺔ
.. ﻻ ﺧﺎﻟﺔ ﺑﺎﻟﻌﻜﺲ ﻗﺎﺳﻢ ﺩﺍﺋﻤﺎ ﻳﺘﺼﻞ ﺑﻴﺔ ﻭﻣﺎ ﺗﺮﻏﻜﻨﻲ ( ﻣﺎ ﺗﺮﻛﻨﻲ )
ﻭﻃﻮﻝ ﻫﺎﻱ ﺍﻟﻔﺘﺮﺓ ﻳﺠﻴﻨﻲ ﻟﻠﻤﺴﺘﺸﻔﻰ ﻭﻳﻄﻤﻦ ﻋﻠﻴﺔ ﻭﻋﻠﻰ
ﺿﺤﻰ ﻭﻻﺗﻨﺴﻴﻦ ﻫﻮ ﻣﺠﺒﻮﻍ ( ﻣﺠﺒﻮﺭ ) ﻻﻥ ﺍﻧﻲ ﻃﻠﺒﺖ ﺍﺑﺎﺕ ﻳﻢ ﺿﺤﻰ
ﺍﻡ ﻗﺎﺳﻢ .. ﺧﺎﻟﺔ ﻫﺪﻯ ﺍﺧﺬﻳﻬﺎ ﻣﻨﻲ ﻧﺼﻴﺤﺔ ﻻﺗﻌﻮﺩﻳﻦ ﺯﻭﺟﺞ ﻋﻠﻰ ﺑﻌﺎﺩﺝ
ﺻﺤﻴﺢ ﺍﻧﺘﻲ ﺍﻟﺘﻬﻴﺘﻲ ﺑﺄﺧﺘﺞ
ﺑﺲ ﺭﺟﻠﺞ ﻫﻢ ﺍﻟﻪ ﺣﻖ ﻳﻤﺞ ﺗﻨﺘﺒﻬﻴﻦ ﻋﻠﻴﻪ
.......
ﻛﻮﻥ ﻫﺴﺔ ﺍﻟﻤﻔﺮﻭﺽ ﻣﻨﺞ ﻣﺘﺨﻠﻴﻨﻪ ﻳﻄﻠﻊ ﻭﺍﻧﺘﻲ ﺻﺎﺭﻟﺞ ﻫﻮﺍﻱ ﻣﺸﺎﻳﻔﺘﻪ
ﻳﻌﻨﻲ ﺗﻔﺮﻳﻦ ﻋﻘﻠﻪ ﺑﻜﻼﻣﺞ
ﻭﺻﻠﻮﺍﺕ ﺍﻧﺘﻲ ﺣﻠﻮﺓ ﻭﻣﺎ ﻧﺎﻗﺼﺞ ﺷﻲ
ﺩﻧﻜﺖ ﺭﺍﺳﻲ ﻭﺟﺎﻭﺑﺘﻬﺎ .. ﺻﺎﻍ ( ﺻﺎﺭ ) ﺧﺎﻟﺔ ﻣﻨﺎ ﻭﻏﺎﻳﺢ ( ﻭﺭﺍﻳﺢ )
ﻏﺎﺡ ( ﺭﺍﺡ ) ﺗﺸﻮﻓﻴﻦ ﺑﻌﻴﻨﺞ
ﺍﺑﺘﺴﻤﺖ ﻭﻛﺎﻟﺖ .. ﺍﻟﻠﻪ ﻳﺒﺎﺭﻙ ﺑﻴﺞ ﻭﻳﻮﻓﻘﺞ ﻭﻳﻬﺪﻳﻜﻢ ﺍﻧﺘﻲ ﻭﺭﺟﻠﺞ ﻟﺤﻴﺎﺗﻜﻢ
ﻃﻠﻌﺖ ﻣﻦ ﻳﻤﻬﺎ
ﻭﺭﺣﺖ ﻛﻌﺪﺕ ﻳﻢ ﺍﻟﺒﻨﺎﺕ ﻭﻫﺎﻟﺔ ﺍﺷﺘﻐﻠﺘﻨﻲ ﺗﺤﻘﻴﻖ
ﺣﺠﻴﺘﻠﻬﺎ ﺍﻟﺼﺎﺭ
ﻫﺎﻟﺔ .. ﻣﻮ ﻛﺘﻠﺞ ﺍﻡ ﻗﺎﺳﻢ ﻣﺎ ﺗﻔﻮﺗﻬﺎ ﻫﻴﺞ ﺳﻮﺍﻟﻒ
ﻻ ﺑﺪ ﻭﻳﺠﻴﻜﻢ ﻳﻮﻡ ﻭﺗﻮﻛﻌﻮﻥ ﺑﻠﺴﺎﻧﻬﺎ
.. ﺍﺷﺶ ﻛﺎﻓﻲ ﺳﻜﺘﻲ
ﻭﺻﻞ ﻫﺸﺎﻡ ﻭﺍﺗﻠﻜﻮﻩ ﺍﻟﺠﻬﺎﻝ ﻭﺧﻮﺍﺗﻪ
ﻭﻫﻮ ﺷﻜﻠﻪ ﻳﻌﺮﻓﻠﻬﻢ ﺟﺎﻥ ﻣﺤﻤﻞ ﻋﻼﻟﻴﻚ ﺣﻠﻮﻳﺎﺕ
ﺟﻨﺖ ﺍﺑﺎﻭﻉ ﻋﻠﻰ ﻫﺸﺎﻡ ﻭﺍﻟﺠﻬﺎﻝ ﺷﻠﻮﻥ ﻣﺘﺠﻤﻌﻴﻦ
ﻋﻠﻴﻪ ﺍﻟﺘﻔﺖ ﻣﺎ ﻟﻜﻴﺖ ﻫﺎﻟﺔ
ﺍﺑﺎﻭﻉ ﻫﺎﻱ ﻭﻳﻦ ﺭﺍﺣﺖ
ﺷﻮﻳﺔ ﻭﺟﺎﻥ ﺍﺷﻮﻓﻬﺎ ﻭﺍﻛﻔﺔ ﻳﻢ ﺍﻟﺠﻬﺎﻝ ﺗﺘﻌﺎﺭﻙ ﻋﺎﻟﺤﻠﻮﻳﺎﺕ
ﻫﻬﻬﻬﻬﻪ ﺻﺪﻙ ﻋﻮﺑﺔ
ﺻﻌﺪﺕ ﻓﻮﻙ ﻟﻐﺮﻓﺘﻲ
ﻣﺮ ﺍﻟﻮﻗﺖ ﻭﺍﻟﺒﻴﺖ ﺻﺎﺭ ﻫﺪﻭﺀ
ﻭﺍﻧﻲ ﺑﻘﻴﺖ ﺍﻧﺘﻈﺮ ﻗﺎﺳﻢ ﺍﺷﻮ ﻫﺬﺍ ﻛﻠﺶ ﺍﺗﺄﺧﺮ
ﺷﻨﻮ ﺍﻟﺴﺎﻟﻔﺔ
ﺍﺗﺼﻠﺖ ﻋﻠﻴﻪ ﻣﺎﻛﻮ ﻣﺎ ﻳﺮﺩ ﻋﻠﻴﺔ ﻣﺮﺓ ﻣﺮﺗﻴﻦ
ﺻﺪﻙ ﺿﺠﺖ
ﺍﻟﺘﻔﻜﻴﺮ ﺭﺍﺡ ﻳﺨﺒﻠﻨﻲ
ﺳﻤﻌﺖ ﺻﻮﺕ ﺍﻡ ﻗﺎﺳﻢ ﺩﺗﺼﻌﺪ ﺍﻟﺪﺭﺝ ﻭﺗﺤﺠﻲ ﺑﺎﻟﻨﻘﺎﻝ
ﻣﺎ ﺍﻋﺮﻑ ﻭﻳﺔ ﻣﻨﻮ
ﺍﻡ ﻗﺎﺳﻢ .. ﻭﺍﻟﻠﻪ ﻫﺬﺍ ﻗﺎﺳﻢ ﺭﺍﺡ ﻳﻤﻮﺗﻨﻲ ﻧﺎﻗﺼﺔ ﻋﻤﺮ
ﻫﺴﺔ ﺭﺍﺡ ﺍﺳﺄﻝ ﻫﺸﺎﻡ ﻭﺍﺷﻮﻑ
ﺭﺣﺖ ﺭﻛﺾ ﻟﺒﺴﺖ ﻣﺤﺮﻡ ﺍﻟﺼﻼﺓ ﻋﻠﻰ ﻣﻼﺑﺴﻲ
ﺍﻧﺘﻈﺮﺗﻬﺎ . ﺩﻛﺖ ﺑﺎﺏ ﻏﺮﻓﺔ ﻫﺸﺎﻡ ﻭﺩﺧﻠﺖ
ﻭﺍﻧﻲ ﻛﺒﻞ ﺭﺣﺖ ﺍﻣﺸﻲ ﻋﻠﻰ ﺍﻃﺮﻑ ﺍﺻﺎﺑﻴﻌﻲ
ﻭﺻﺮﺕ ﺍﺗﺴﻤﻊ ﻋﻠﻴﻬﻢ ﻃﺒﻌﺎ ﻫﺬﺍ ﻣﻮ ﻃﺒﻌﻲ
ﺑﺲ ﻛﻞ ﺷﻲ ﺟﺎﺋﺰ ﺑﺎﻟﺤﺐ
ﻭﺍﻟﻐﻴﺮﺓ ﻻ ﺗﺨﻀﻊ ﻟﻘﻮﺍﻋﺪ
ﺍﺳﻤﻌﻬﻢ ﻳﺤﺠﻮﻥ
ﻫﺸﺎﻡ .. ﻳﻤﺔ ﺍﻧﺘﻲ ﻟﻴﺶ ﻣﻌﻈﻤﺔ ﺍﻻﻣﻮﺭ ﺗﺮﺓ ﻗﺎﺳﻢ ﻣﻮ ﺟﺎﻫﻞ
ﻭﻳﻌﺮﻑ ﺷﻨﻮ ﺩﻳﺴﻮﻱ
ﺍﻡ ﻗﺎﺳﻢ .. ﻳﻌﻨﻲ ﺑﺸﺮﻓﻚ ﻣﺘﻜﻠﻲ ﺍﺧﻮﻙ . ﺷﻮﻛﺖ ﻧﺎﻭﻱ
ﻳﺒﻄﻞ ﻫﺎﻱ ﺳﻮﺍﻟﻔﻪ .
ﻛﻞ ﻓﺘﺮﺓ ﺭﺍﻳﺤﻠﻲ ﻳﺴﻬﺮ ﺑﺮﺓ ﻭﻣﺎ ﻳﺠﻲ ﺍﻻ ﻋﻠﻰ ﻭﺟﻪ ﺍﻟﻔﺠﺮ
ﻫﺸﺎﻡ .. ﺍﻛﻠﺞ ﻳﻤﺔ ﺗﺮﺓ ﻋﺎﺩﻱ ﻫﻲ ﻣﻮ ﻋﺠﺒﺔ
ﻛﻠﻨﺎ ﻧﺮﻭﺡ ﺣﻔﻼﺕ ﻭﻧﺴﻬﺮ ﻭﻳﺔ ﺍﺻﺪﻗﺎﺋﻨﺎ
ﺍﻡ ﻗﺎﺳﻢ .. ﻋﺰﺓ ﺑﻌﻴﻨﻲ ﻻ ﺗﻜﻠﻲ ﺍﻧﺖ ﻫﻤﺎﺗﻴﻦ
ﺗﺴﻬﺮﻟﻲ ﺑﺎﻟﻤﻼﻫﻲ ﻭﺍﻟﻠﻪ ﺍﻃﻴﻦ ﻋﻴﺸﺘﻚ
ﻫﺸﺎﻡ ﻳﻀﺤﻚ .. ﺣﺠﻴﺔ ﻋﻔﻴﺔ ﻻ ﺗﺪﻭﺭﻳﻦ ﻋﻠﻴﺔ
ﻫﻮ ﻛﻠﻤﺎ ﻓﻲ ﺍﻟﻤﻮﺿﻮﻉ ﺍﺣﻨﺎ ﻧﺮﻭﺡ ﻟﻠﻮﻧﺴﺔ
ﻭﻃﺮﺏ ﻭﻓﻨﺎﻧﻴﻦ ﻭﻏﻴﺮﻫﺎ ﻣﻦ ﻫﺎﻱ ﺍﻟﺴﻮﺍﻟﻒ
ﻭﺍﻧﺘﻲ ﺷﻮﻓﺖ ﻋﻴﻨﺞ
ﻗﺎﺳﻢ ﻛﺎﺿﻴﻬﺎ ﻛﻠﺔ ﺷﻐﻞ ﻭﺣﺘﻰ ﻣﺎ ﻓﺎﺭﻍ ﻳﺤﻚ ﺭﺍﺳﻪ
ﻳﻌﻨﻲ ﻻ ﺗﺒﺨﻠﻴﻦ ﻋﻠﻴﻪ ﺑﺸﻮﻳﺔ ﺳﻬﺮﺓ ﻟﻴﻠﻴﺔ ﺑﻴﻮﻡ ﻭﺍﺣﺪ ﺑﺎﻻﺳﺒﻮﻉ
ﻳﺮﻓﻪ ﺑﻴﻬﺎ ﻋﻦ ﻧﻔﺴﻪ ﻭﻳﺔ ﺟﻤﺎﻋﺘﻪ
ﻳﻤﺔ ﻫﻤﺔ ﻳﺤﺠﻮﻥ ﺑﺴﺎﻟﻔﺔ ﻗﺎﺳﻢ
ﻭﺍﻧﻲ ﻛﻠﺒﻲ ﺍﺟﺔ ﻳﻮﻛﻒ
ﻭﺟﺴﻤﻲ ﺻﺎﺭ ﻛﻠﻪ ﻳﺮﺟﻒ ﻣﻦ ﺍﻟﻐﻴﺮﺓ
ﻗﺎﺳﻢ ﻳﺴﻬﺮ ﺑﺮﺓ ﻭﻟﻠﺼﺒﺢ ﻭﺍﻧﻲ ﺍﻟﻐﺒﻴﺔ ﻋﺒﺎﻟﻲ ﻣﻌﺰﻭﻡ
ﻳﻌﻨﻲ ﻣﻼﻫﻲ ﻳﻌﻨﻲ ﻧﺴﻮﺍﻥ ﻭﺭﻗﺎﺻﺎﺕ
ﻭﺍﻟﻠﻪ ﻳﻌﻠﻢ ﺷﻨﻮ ﻭﺭﺍﻫﺎ . ﻣﻌﻘﻮﻟﺔ
ﺳﻤﻌﺖ ﺻﻮﺕ ﺍﻡ ﻗﺎﺳﻢ ﺗﺮﻳﺪ ﺗﻄﻠﻊ
ﺭﺣﺖ ﺭﻛﺾ ﺭﺟﻌﺖ ﻟﻐﺮﻓﺘﻲ
ﺳﺪﻳﺖ ﺍﻟﺒﺎﺏ ﻭﺍﻧﻲ ﺍﺭﺟﻒ ﻣﻦ ﺍﻟﺨﻮﻑ ﻭﺍﻟﻐﻀﺐ
.....
ﺣﻠﻔﺖ ﺍﻟﻴﻮﻡ ﻣﺎ ﺍﻧﺎﻡ ﺍﻻ ﻳﺮﺟﻊ ﺍﻧﺘﻈﺮﻩ
ﺻﺮﺕ ﺍﺗﺬﻛﺮ ﺍﺛﻴﺮ ﻣﻦ ﺟﺎﻥ ﻳﺴﻬﺮ ﺑﺎﻟﻠﻴﻞ ﻭﻳﺠﻴﻨﺎ ﺳﻜﺮﺍﻥ
ﺑﺘﺎﻟﻲ ﺍﻟﻠﻴﻞ ﻣﻌﻘﻮﻟﺔ ﻗﺎﺳﻢ ﻫﻴﺞ ﻣﻦ ﻫﺬﺍ ﺍﻟﻨﻮﻉ
ﻭﺍﻟﻠﻪ ﻭﺟﺎﻥ ﺗﺼﻴﺮ ﺍﻟﺴﺎﻋﺔ ﺑﺎﻝ٢ ﺑﺎﻟﻠﻴﻞ
ﺻﺮﺕ ﺍﻏﻤﺾ ﻋﻴﻦ ﻭﺍﻓﺘﺢ ﻋﻴﻦ ﺍﺣﺲ ﺑﻌﻴﻮﻧﻲ ﺩﺑﻜﺖ
ﻭﻫﻮ ﺍﻻﺥ ﺑﻌﺪﻩ ﻣﺎ ﺟﺎﻱ
ﻭﺑﻬﺎﻱ ﺍﻻﺛﻨﺎﺀ ﺩﺧﻞ ﻗﺎﺳﻢ
ﻛﻤﺰﺕ ﻣﻦ ﻣﻜﺎﻧﻲ ﻭﻃﺎﺭﺕ ﺍﻟﻨﻌﺴﺔ ﻣﻦ ﻋﻴﻮﻧﻲ
ﺑﺎﻭﻋﺖ ﻋﻠﻴﻪ ﺍﺗﻔﺤﺺ ﺷﻜﻠﻪ ﻭﻣﻼﺑﺴﻪ
ﻭﻋﻴﻮﻧﻪ . ﺍﺭﺍﻗﺒﻪ ﺷﻠﻮﻥ ﺩﺧﻞ ﻳﻤﺸﻲ ﺑﺼﻮﺭﺓ
ﻃﺒﻴﻌﻴﺔ ﺑﺎﻟﻐﺮﻓﺔ
ﻭﻫﻮ ﺑﺎﻟﻤﻘﺎﺑﻞ ﻫﻢ ﺭﻓﻊ ﺣﺎﺟﺒﻪ ﻳﺒﺎﻭﻉ ﻋﻠﻴﻪ
ﺳﺄﻟﺘﻪ ﻣﺘﺮﺩﺩﺓ .. ﻗﺎﺳﻢ ﻭﻳﻦ ﺟﻨﺖ ﻏﺎﺟﻊ ﻣﺘﺎﺧﻎ ( ﺭﺍﺟﻊ ﻣﺘﺄﺧﺮ )
ﺟﻨﺖ ﻣﻨﺘﻈﺮﺓ ﻣﻨﻪ ﻳﺤﺠﻲ ﻣﺜﻞ ﺍﺛﻴﺮ ﻣﻦ ﻳﺠﺮﺟﺮ ﺑﺎﻟﺤﺠﻲ
ﺑﺲ ﻣﺎﻛﻮ ﺟﺎﻥ ﺟﻮﺍﺑﻪ ﺑﻜﻼﻡ ﻋﺎﺩﻱ ﻭﻃﺒﻴﻌﻲ
.. ﺍﻧﻲ ﻣﻮ ﻛﻠﺘﻠﺞ ﻣﻌﺰﻭﻡ ﻭﻳﺔ ﺟﻤﺎﻋﺘﻲ
ﺍﻗﺘﺮﺑﺖ ﻋﻠﻴﻪ ﻭﺑﻌﻴﻮﻧﻲ ﺧﻮﻑ ﻋﻠﻰ ﺍﻣﻞ
.. ﺍﻱ ﺑﺲ ﻣﻜﻠﺘﻠﻲ ﻋﻦ ﻣﻜﺎﻥ ﺍﻟﻌﺰﻳﻤﺔ
ﺍﺑﺎﻭﻉ ﻋﻠﻴﻪ ﻋﻘﺪ ﺣﻮﺍﺟﺒﻪ
.. ﺍﻛﻮﻝ ﺍﺻﺤﻲ ﻋﻠﻰ ﻧﻔﺴﺞ ﺍﺷﻮ ﺍﻧﺘﻲ ﺩﺗﻨﺴﻴﻦ
ﻧﻔﺴﺞ ﻭﻛﺎﻋﺪ ﺗﺤﻘﻘﻴﻦ ﻭﻳﺎﻳﺔ . ﻣﺜﻞ ﺯﻭﺟﺔ ﻏﻴﺮﺍﻧﺔ
ﻋﻠﻰ ﺯﻭﺟﻬﺎ . ﺧﻠﻲ ﺍﺫﻛﺮﺝ ﺧﺎﻑ ﻧﺴﻴﺘﻲ ﺭﻭﺣﺞ
ﺣﺴﻴﺖ ﺑﺨﻮﻑ ﻣﻦ ﻏﻀﺒﻪ
ﻭﻫﻨﺎ ﺟﻨﺖ ﻣﺎﺍﻋﺮﻑ ﻳﺎ ﺗﺮﻯ ﻏﻀﺒﻪ ﻣﻦ ﻭﺭﺓ ﺳﺆﺍﻟﻲ
ﻟﻮ ﻫﻮ ﺧﺎﻑ ﻣﺜﻞ ﺍﺛﻴﺮ ﻣﻦ ﻳﺸﺮﺏ
ﺟﺎﻭﺑﺘﻪ ﻭﺍﻟﺪﻣﻌﺔ ﺑﻄﺮﻑ ﻋﻴﻨﻲ
.. ﻗﺎﺳﻢ ﺍﻧﻲ ﺍﻋﻐﻒ ( ﺍﻋﺮﻑ ) ﻣﻮ ﻣﻦ ﺣﻘﻲ ﺍﺣﺎﺳﺒﻚ
ﺑﺲ ﺻﺪﻛﻨﻲ ﺧﺎﻳﻔﺔ ﻋﻠﻰ ﻧﻔﺴﻲ
ﻻ ﻓﺪ ﻳﻮﻡ ﺗﺮﺟﻊ ﻟﻲ ﺑﺴﻬﻐﺔ ﻣﻦ ﺍﻟﺴﻬﻐﺎﺕ ( ﺑﺴﻬﺮﺓ ﻣﻦ ﺍﻟﺴﻬﺮﺍﺕ )
ﺗﺠﻴﻨﻲ ﻣﻮ ﺻﺎﺣﻲ ﻭﺗﺄﺫﻳﻨﻲ ﻭﺗﺪﻏﻲ ﺑﻐﺮﻭﺣﻚ ( ﻭﻣﺘﺪﺭﻱ ﺑﺮﻭﺣﻚ ) ﻣﺜﻞ ﺍﺑﻮﻳﺔ
ﺍﺗﺴﻌﺖ ﻋﻴﻮﻧﻪ ﻣﺘﻔﺎﺟﻲﺀ .. ﺍﻟﻠﻪ ﻳﻠﻌﻨﺞ ﺍﻧﺘﻲ ﻣﻨﻴﻦ ﺗﺠﻴﺒﻴﻦ ﻫﺎﻱ ﺍﻻﻓﻼﻡ
ﻃﻠﻌﺘﻲ ﺍﺿﺮﺏ ﻣﻦ ﺍﻣﻲ
ﺷﻮﻓﻲ ﺣﺒﺎﺑﺔ ﻭﻟﻮ ﺍﻧﺎ ﻣﺎ ﻣﺠﺒﻮﺭ ﺍﺑﺮﺭﻟﺞ
ﺑﺲ ﻋﻠﻤﻮﺩ ﺗﺘﻄﻤﻨﻴﻦ ﻋﻠﻰ ﺳﻼﻣﺘﺞ
ﺍﻧﺎ ﺍﺭﻭﺡ ﺍﺳﻬﺮ ﻭﻳﺔ ﺟﻤﺎﻋﺘﻲ ﺣﻔﻼﺕ ﻓﻨﺎﻧﻴﻦ ﻫﻴﺞ ﺗﻐﻴﻴﺮ ﺟﻮ ﻻ ﺍﻛﺜﺮ
ﻣﺎ ﺍﻧﻜﺮ ﻗﺒﻞ ﺟﻨﺖ ﺍﺷﺮﺏ ﺑﺲ ﻣﻦ ﻭﻓﺎﺓ
ﺍﻟﻮﺍﻟﺪ ﺍﻟﻠﻪ ﻳﺮﺣﻤﻪ ﺣﺮﻣﺖ ﺍﻟﻤﺴﻪ
ﺧﻼﺹ ﻫﺬﺍ ﻛﻞ ﻣﺎ ﻓﻲ ﺍﻟﻤﻮﺿﻮﻉ ﻫﺴﺔ ﺗﻜﺪﺭﻳﻦ ﺗﺘﻮﻛﻠﻴﻦ
ﻭﺗﻨﺎﻣﻴﻦ ﻭﺗﺘﻄﻤﻨﻴﻦ ﻋﻠﻰ ﻧﻔﺴﺞ ﻣﺎ ﺍﺳﻮﻱ ﺑﻴﺞ ﺷﻲ ﻳﺄﺫﻳﺞ
ﺩﺭﺕ ﻭﺟﻬﻲ ﻭﺭﺣﺖ ﺍﺭﻳﺪ ﺍﻓﺮﺵ ﺑﺲ ﻓﺠﺎﺀﺓ ﻃﺮﺓ ﻋﻠﻰ ﺑﺎﻟﻲ ﺳﺆﺍﻝ
.. ﻗﺎﺳﻢ ﻫﻨﺎﻙ ﻫﻢ ﺍﻛﻮ ﻏﺎﻗﺼﺎﺕ ( ﺭﺍﻗﺼﺎﺕ ) ﻳﻌﻨﻲ ﻭﻧﺴﻮﺍﻥ
ﺣﺠﺔ ﺑﻐﻴﺾ .. ﺭﻭﺣﻲ ﻧﺎﻣﻲ ﻫﺬﺍ ﺍﻟﺴﺆﺍﻝ ﻣﻮ ﻣﻦ ﺿﻤﻦ
ﺳﻼﻣﺘﺞ ﻓﻬﺬﺍ ﺍﻟﺸﻲ ﻣﻴﺨﺼﺞ
ﺩﻧﻜﺖ ﺭﺍﺳﻲ ﻭﺍﻧﺘﺒﻬﺖ ﻟﺮﻭﺣﻲ ﺑﻌﺪﻧﻲ ﺑﻤﻼﺑﺲ ﺍﺣﺮﺍﻡ ﺍﻟﺼﻼﺓ ﻓﺮﺷﺖ ﺑﺎﻟﻜﺎﻉ
ﻭﺭﻓﻌﺖ ﺍﺣﺮﺍﻡ ﺍﻟﺼﻼﺓ ﻭﻧﺰﻋﺘﻪ ﺟﻨﺖ ﻻﺑﺴﺔ ﺟﻮﺍﻩ
ﻧﻔﺲ ﻣﻼﺑﺴﻲ ﺍﻟﺨﻔﻴﻔﺔ ﺳﻤﻌﺖ ﺻﻮﺕ ﻏﻠﻂ ﻭﻟﻌﻨﺎﺕ
ﺍﻟﺘﻔﺘﺖ ﻟﻜﻴﺘﻪ ﻳﺒﺎﻭﻉ ﻋﻠﻴﺔ
ﻭﻛﺎﻝ .. ﺟﻨﻴﺔ ﻫﺴﺔ ﺍﺫﺍ ﺍﺟﻲ ﺍﺳﺤﻠﺞ ﻣﺤﺪ ﺭﺍﺡ ﻳﻠﻮﻣﻨﻲ
ﺣﺠﻴﺖ ﻭﺍﻧﻲ ﺍﺷﻬﻚ .. ﻫﺎ ﻗﺎﺳﻢ ﺍﻧﺖ ﻣﻮ ﻛﻠﺖ ﺍﻧﻲ ﻣﺎ ﺍﺷﻐﺐ ( ﻣﺎ ﺍﺷﺮﺏ )
.. ﻫﺎ ﺟﻨﻴﺔ ﺷﺪﺧﻞ ﻫﺎﻱ ﺑﻬﺎﻱ
.. ﻣﻮ ﺍﺷﻮﻓﻚ ﻛﻤﺖ ﺗﻐﻠﻂ ﻭﺗﻠﻌﻦ ﻭﻛﻠﺖ ﻏﺎﺡ ( ﺭﺍﺡ ) ﺍﺟﻲ ﺍﺳﺤﻠﺞ
ﻭﻫﺎﻱ ﻛﻠﻬﺎ ﻋﻼﻣﺎﺕ ﺍﻟﺸﻐﺐ ( ﺍﻟﺸﺮﺏ )
ﻋﺰﺓ ﺍﺟﺔ ﻫﺪ ﻋﻠﻴﺔ ﻭﻋﺾ ﻛﻒ ﺍﻳﺪﻩ ﺑﻐﻴﺾ
.. ﻣﻦ ﺍﺣﺘﺮﻛﺖ ﻋﺸﻴﺮﺗﺞ ﻧﺎﺭ ﻭﻧﻔﻂ .
ﻟﺞ ﺳﻤﻌﻴﻨﻲ ﺯﻳﻦ ﻗﺒﻞ ﻻ ﺍﺳﺤﻠﺞ
ﺗﺮﺓ ﻣﻮ ﺑﺲ ﺍﻟﺸﺎﺭﺏ ﻳﻔﻘﺪ ﻋﻘﻠﻪ ﻣﻦ ﻳﺴﻜﺮ
........
ﺍﻟﻠﻪ ﻭﻛﻴﻠﺞ ﺣﺘﻰ ﺍﻟﻲ ﻋﻨﺪﻩ ﺟﻨﻴﺔ ﻣﺜﻠﺞ ﻳﻔﻘﺪ ﻋﻘﻠﻪ ﻭﻳﺎﻛﻞ ﺗﺒﻦ ﺑﺜﻨﻴﻦ ﺍﻳﺪﻳﻪ
ﻛﻠﻬﺎ ﻧﻔﺲ ﺍﻟﻌﻼﻣﺎﺕ ﻓﺎﺣﺴﻨﻠﺞ ﺍﻧﺘﺒﻬﻲ ﻟﺮﻭﺣﺞ
ﻻﻥ ﺣﻴﻞ ﺯﻭﺩﺗﻴﻬﺎ ﻭﺩﺗﻨﺴﻴﻦ ﻧﻔﺴﺞ ﻭﺩﺗﻠﻌﺒﻴﻦ ﺑﺎﻟﻨﺎﺭ
ﺟﺎﻥ ﻳﺤﺠﻲ ﻭﻋﻴﻮﻧﻪ ﻋﻠﻴﺔ ﻳﻜﺼﻨﻲ ﻣﻦ ﻓﻮﻙ ﻟﻴﺠﻮﺓ
ﺑﻠﻌﺖ ﺭﻳﻜﻲ
ﻭﺭﺍﺡ ﺑﺪﻝ ﻣﻼﺑﺴﻪ ﻭﻧﺎﻡ ﻋﺎﻟﺴﺮﻳﺮ
ﺷﻴﻤﺎﺀ
ﺑﻌﺪﻣﺎ ﺍﺗﻄﻤﻨﺖ ﻋﻠﻰ ﺿﺤﻰ ﺑﻴﻴﺖ ﻣﺮﻭﺓ
ﻭﻣﺮﻳﻢ ﺗﺪﻳﺮ ﺑﺎﻟﻬﺎ ﻋﻠﻴﻬﺎ
ﻭﺍﻧﻲ ﻛﻠﺘﻠﻬﻢ ﺍﺭﺟﻊ ﻟﺒﻴﺖ ﺳﻠﻴﻤﺔ
ﺧﻄﻴﺔ ﻣﺮﻳﻀﺔ ﻣﺎ ﺍﻛﺪﺭ ﺍﺗﺮﻛﻬﺎ ﻟﻮﺣﺪﻫﺎ ﺗﺤﺘﺎﺝ ﻣﻦ
ﻳﺄﻛﻠﻬﺎ ﻭﻳﻐﺴﻠﻠﻬﺎ ﻭﻳﻨﻄﻴﻬﺎ ﻋﻼﺟﻬﺎ
ﻣﺮﻭﺓ ﻛﺎﻟﺖ
.. ﺍﻧﺘﻲ ﻟﻴﺶ ﻣﺒﺘﻠﻴﺔ
ﺍﺗﺼﻠﻲ ﻋﻠﻰ ﻭﻟﺪﻫﺎ ﺧﻠﻲ ﻳﺠﻮﻥ ﻳﺨﺪﻣﻮﻥ ﺍﻣﻬﻢ
.. ﻣﺎﻛﻮ ﺍﺗﺼﻠﺖ ﻋﻠﻰ ﺍﻣﺠﺪ ﺑﺎﻟﺒﺪﺍﻳﺔ ﻛﻠﻲ ﺍﻧﺎ ﻣﺸﻐﻮﻝ ﺑﻤﻌﺎﻣﻠﺔ ﺍﻟﺒﻴﺖ ﻭﻳﻔﺘﺮ ﺑﺎﻟﻤﺤﺎﻛﻢ
ﻭﻧﻮﺏ ﻭﺭﺓ ﻛﻢ ﻳﻮﻡ ﺭﺟﻌﺖ ﺍﺗﺼﻠﺖ ﻋﻠﻴﻪ ﺣﺘﻰ ﺍﺷﻮﻓﻪ
ﻣﺎﺧﻠﺼﺖ ﻫﺎﻱ ﺍﻟﻄﻼﺑﺔ
ﺍﺷﻮ ﻫﺬﺍ ﻛﺎﻡ ﺣﺘﻰ ﻣﻴﺮﺩ ﻋﻠﻰ ﺍﺗﺼﺎﻻﺗﻲ
ﻭﺍﺛﻴﺮ ﻣﻦ ﻳﻮﻡ ﺣﺎﺩﺙ ﺿﺤﻰ ﺍﺗﺼﻞ ﻋﻠﻴﻪ ﻣﻴﺠﺎﻭﺏ
ﻭﻫﺎﻱ ﺍﻟﺴﺎﻟﻔﺔ ﻋﺮﻓﻨﺎﻫﺎ ﻣﻦ ﻳﺼﻴﺮ ﻋﻨﺪﻩ ﺷﻮﻳﺔ ﻓﻠﻮﺱ
ﺟﻮﺓ ﺍﻳﺪﻩ ﻳﺘﺨﺒﻞ ﻭﻳﻈﻞ ﻳﻠﻌﺐ
ﻭﻋﻠﻰ ﻃﺎﺭﻱ ﺍﻟﻠﻌﺐ
ﺗﺼﺪﻛﻴﻦ ﺍﻟﺒﺎﺭﺣﺔ ﻣﻦ ﺭﺟﻌﺖ ﻟﻠﺒﻴﺖ ﻟﻜﻴﺖ
ﺑﻄﺎﻟﺔ ﺍﻟﺸﺮﺏ ﻣﺎﻟﻴﺔ ﺍﻟﺒﻴﺖ ﻭﺍﻟﺮﻳﺤﺔ ﺗﻜﺘﻞ
ﺍﺣﺲ ﻛﻠﺒﻲ ﺻﺎﺭ ﻧﺎﺭ ﻋﻠﻴﻪ ﺍﺩﻭﺭ ﻋﻠﻴﻪ ﺍﻟﻜﺎﻩ ﻏﺎﻁ ﺑﺴﺎﺑﻊ ﻧﻮﻣﺔ ﻣﺎ ﻳﺪﺭﻱ ﺑﺎﻟﺪﻧﻴﺎ ﻃﺸﺖ ﻟﻮ ﺭﺷﺖ
ﺑﺎﻟﻠﻪ ﻓﻬﻤﻴﻨﻲ ﺷﺘﺼﺮﻑ ﻣﺎ ﻳﻨﻄﻴﻨﻲ ﻛﻠﺒﻲ ﺍﻋﻮﻓﻬﺎ
ﺗﺒﻘﻰ ﺻﺎﺣﺒﺔ ﻓﻀﻞ
ﻣﺮﻭﺓ .. ﺍﺭﻳﺪ ﺍﻋﺮﻑ ﺑﺸﻨﻮ ﻓﻀﻠﺖ ﻋﻠﻴﻨﺎ
.. ﻋﻠﻰ ﺍﻻﻗﻞ ﺍﺣﺴﻦ ﻣﻦ ﺍﺑﻮﻧﺎ ﺧﻠﺘﻨﺎ ﻧﻌﻴﺶ ﺑﺒﻴﺘﻬﺎ
ﻭﻫﻲ ﻓﻲ ﻏﻨﺎ ﻋﻨﺎ ﺑﺲ ﺍﺣﻨﺎ ﺟﻨﺎ ﻧﺤﺘﺎﺟﻬﺎ
ﻫﺴﺔ ﺩﺍﺭ ﺍﻟﻮﻛﺖ ﻭﺻﺎﺭﺕ ﻫﻲ ﺑﺤﺎﺟﺘﻨﺎ
ﻫﺬﺍ ﺭﺩ ﺍﻟﺪﻳﻦ ﻳﺎﻣﺮﻭﺓ
ﺟﻨﺖ ﺑﺎﻟﻤﺴﺘﺸﻔﻰ
ﻗﺪﻣﺖ ﺍﺳﺘﻘﺎﻟﺘﻲ ﺑﺎﻟﻤﺴﺸﻔﻰ ﻭﻫﺎﻱ ﺍﻟﻴﻮﻣﻴﻦ ﻛﺎﻋﺪ ﺍﻛﻤﻞ ﺍﻻﻭﺭﺍﻕ ﻣﺎﻟﺘﻲ ﺣﺘﻰ ﺗﺼﻴﺮ ﺍﺳﺘﻘﺎﻟﺔ ﺭﺳﻤﻴﺔ
ﺟﻨﺖ ﺍﻭﺩﻉ ﺑﺎﻟﻤﻤﺮﺿﺎﺕ ﺯﻣﻴﻼﺗﻲ
ﻭﺍﻟﺪﻛﺘﻮﺭﺍﺕ .
ﺍﻧﺘﺒﻬﺖ ﻟﺤﻴﺪﺭ ﺩﻳﺸﺘﻐﻞ ﻭﻳﺔ ﻛﺎﺩﺭ ﺍﻻﺟﻬﺰﺓ
ﺑﺴﺮﻋﺔ ﺑﺪﻟﺖ ﺍﻟﻄﺮﻳﻖ
ﻛﻠﺒﻲ ﻧﻬﺾ ﺍﻭﻝ ﻣﺸﻔﺘﻪ
ﺍﺗﺬﻛﺮ ﺧﻼﻝ ﺫﺍﻙ ﺍﻻﺳﺒﻮﻉ ﻣﻦ ﺍﺟﺔ ﻳﺘﺤﻤﺪ ﺍﻟﺴﻼﻣﺔ ﻋﻠﻤﻮﺩ
ﺿﺤﻰ ﻭﺳﺄﻟﻨﻲ ﺑﺎﻟﺼﺪﻓﺔ ﻭﻛﺎﻝ
ﺷﻨﻮ ﺍﺧﺒﺎﺭ ﺷﺎﻛﺮ ﺧﻮ ﻣﺎ ﺑﻌﺪ ﺭﺟﻊ ﻳﻀﺎﻳﻘﺞ
ﺍﻧﻲ ﺑﻮﻛﺘﻬﺎ ﺍﺗﻔﺎﺟﺌﺖ ﺑﻤﻮﻗﻔﻪ
ﻭﺻﺮﺕ ﺍﺗﻜﻠﺐ ﺑﺄﻓﻜﺎﺭﻱ ﻳﻌﻨﻲ ﺷﻨﻮ ﻣﻌﻨﻰ ﻫﺬﺍ ﺍﻫﺘﻤﺎﻣﻪ
ﺣﻴﺪﺭ ﻳﺤﺒﻨﻲ ﻟﻮ ﻻ
ﻛﻞ ﺍﻣﻮﺭ ﺣﻴﺎﺗﻲ ﻣﺨﺒﻮﺻﺔ ﺑﻬﺎﻱ ﺍﻟﻔﺘﺮﺓ
ﻭﺣﻴﺪﺭ ﻭﻏﻤﻮﺿﻪ ﺣﻴﺮﻧﻲ ﻭﺯﺍﺩ
ﺑﻬﻮﺳﺔ ﺍﻓﻜﺎﺭﻱ ﻋﻠﻰ ﺍﺳﺎﺱ ﺍﻧﻲ ﻋﺎﻳﺰﺓ
ﻭﺟﻊ ﻛﻠﺐ
ﻭﺻﻠﺖ ﻟﻐﺮﻓﺔ ﺍﻟﺪﻛﺘﻮﺭﺓ ﺳﻮﻻﻑ ﺣﺘﻰ ﺍﺳﻠﻢ ﻋﻠﻴﻬﺎ ﻻﻥ ﺍﻟﻴﻮﻡ ﺍﺧﺮ ﻳﻮﻡ ﺍﻟﻲ ﺑﺎﻟﻤﺴﺘﺸﻔﻰ
ﻭﺳﻠﻤﺖ ﻋﻠﻴﻬﺎ ﻟﻜﻴﺘﻬﺎ ﺗﺤﺠﻲ ﻭﻳﺔ ﻭﻟﺪ ﺻﻐﻴﺮﻳﺠﻲ ﻋﻤﺮﻩ
ﺑﺤﺪﻭﺩ ﺍﻝ٨ ﺳﻨﻮﺍﺕ
ﺷﺎﻓﺘﻨﻲ ﻭﺍﺑﺘﺴﻤﺖ ﻭﻛﺎﻟﺖ
.. ﻛﻠﺔ ﻣﻨﻲ ﻓﺘﺤﺖ ﻋﻠﻰ ﺭﻭﺣﻲ ﺑﺎﺏ ﻭﺍﻗﺘﺮﺣﺖ ﻋﻠﻰ ﻣﺮﻭﺓ ﺗﻌﺮﺽ ﻋﻠﻴﺞ ﺍﻟﺸﻐﻞ
ﻭﺗﺎﻟﻲ ﺍﺧﺬﺗﺞ ﻣﻦ ﻋﻨﺪﻱ ﺗﺪﺭﻳﻦ ﺭﺍﺡ ﺍﺷﺘﺎﻗﻠﺞ
ﺍﻟﺪﻣﻌﺔ ﻟﻤﻌﺖ ﺑﻌﻴﻮﻧﻲ
.. ﻭﺍﻟﻠﻪ ﺣﺘﻰ ﺍﻧﻲ ﺭﺍﺡ ﺍﺷﺘﺎﻗﻠﻜﻢ
ﺟﻨﺖ ﺍﺣﺠﻲ ﻭﻳﺎﻫﺎ ﻭﺍﺑﺎﻭﻉ ﻋﺎﻟﻮﻟﺪ
ﻻﺑﺲ ﺟﻨﻄﺔ ﺍﻟﻤﺪﺭﺳﺔ
ﺩﺧﻞ ﻋﻠﻴﻨﺎ ﺣﻴﺪﺭ ﺍﺣﺲ ﻛﻠﺒﻲ ﺻﺎﺭ ﻳﺮﺟﻒ
.....
ﻓﺠﺎﺀ ﻭﺟﺎﻥ ﺍﺳﻤﻊ ﺍﻟﻮﻟﺪ ﺍﻟﺼﻐﻴﺮ ﺍﻭﻝ ﻣﺪﺧﻞ ﺣﻴﺪﺭ
ﻛﺎﻝ .. ﺑﺎﺑﺎ ﻳﺎﻟﻠﻪ ﻛﻠﺶ ﺗﻌﺒﺖ ﺍﺭﻳﺪ ﺍﺭﺟﻊ ﻟﻠﺒﻴﺖ
ﺣﻴﺪﺭ .. ﺍﺻﺒﺮ ﺑﺎﺑﺎ ﻫﺴﺔ ﺍﺧﻠﺺ ﺷﻐﻠﻲ ﻭﻧﺮﻭﺡ ﻟﻠﺒﻴﺖ
ﺟﺎﻥ ﻳﺤﺠﻲ ﻭﻳﺔ ﺍﺑﻨﻪ ﻭﻋﻴﻮﻧﻪ ﻋﻠﻴﺔ ﻭﺳﺄﻟﻨﻲ
.. ﺷﻴﻤﺎﺀ ﺳﻤﻌﺖ ﺑﻴﺞ ﻣﻘﺪﻣﺔ ﺍﺳﺘﻘﺎﻟﺔ . ﻭﺭﺍﺡ ﺗﻌﻮﻓﻴﻦ ﺍﻟﻤﺴﺘﺸﻔﻰ
ﺟﺎﻭﺑﺘﻪ ﺍﻟﺪﻛﺘﻮﺭﺓ ﺳﻮﻻﻑ
ﻭﻛﺎﻟﺖ .. ﺍﻱ ﻻﻥ ﺭﺍﺡ ﺗﺸﺘﻐﻞ ﻭﻳﺔ ﺍﺧﺘﻬﺎ ﻣﺮﻭﺓ
ﻭﻛﻌﺪﺕ ﺍﻟﺪﻛﺘﻮﺭﺓ ﺳﻮﻻﻑ ﺗﺸﺮﺡ ﻟﺤﻴﺪﺭ ﻧﻮﻉ ﻋﻤﻠﻲ ﻭﺍﺧﺘﺼﺎﺹ ﻣﺮﻭﺓ
ﻫﻤﺔ ﻳﺤﺠﻮﻥ
ﻭﺍﻧﻲ ﺟﻨﺖ ﺑﻌﺪﻧﻲ ﻣﻤﺴﺘﻮﻋﺒﺔ ﺍﻟﺼﺪﻣﺔ
ﻛﻤﺖ ﻣﻦ ﻣﻜﺎﻧﻲ ﻭ ﺍﺗﺮﺧﺼﺖ ﻣﻨﻬﻢ ﻭﺳﻠﻤﺖ ﺣﺘﻰ ﻣﺎ ﺍﻋﺮﻑ ﺷﻨﻮ ﺣﺠﻴﺖ ﻭﻳﺎﻫﻢ
ﻭﻃﻠﻌﺖ ﻣﻦ ﻳﻤﻬﻢ ﻭﺍﻧﻲ ﻛﺎﺭﻫﺔ ﺭﻭﺣﻲ
ﻭﻣﻘﻬﻮﺭﺓ ﺍﻛﺜﺮ ﻋﻠﻰ ﻏﺒﺎﺋﻲ ﺍﻟﻤﺎﻟﻪ ﺣﺪﻭﺩ
ﺣﻞ ﻳﺎﻛﻠﺒﻲ ﺗﺴﺘﺎﻫﻞ ﻫﺴﺔ ﺑﻌﺪ ﻫﻢ ﺗﺮﺟﻊ ﺗﻔﻜﺮ ﺑﻲ
ﻣﻮ ﻛﻠﺘﻠﻚ ﺟﻮﺯ ﻣﻨﻪ ﺣﺒﻪ ﺭﺍﺡ ﻳﺘﻌﺒﻚ
ﻃﻠﻊ ﻋﻨﺪﻩ ﻋﺎﺋﻠﺔ ﻣﺜﻞ ﻟﻴﺚ ﻭﺍﻟﻠﻪ ﻳﻌﻠﻢ ﺑﻌﺪ ﺷﻨﻮ ﻳﺨﻔﻲ ﺑﻐﻤﻮﺿﻪ
ﻫﺪﻯ
ﺟﻨﺖ ﻓﻮﻙ ﺑﻐﺮﻓﺘﻲ ﻣﻨﺘﻈﺮﺓ ﻗﺎﺳﻢ
ﺍﺗﺼﻠﺖ ﻋﻠﻰ ﻣﺮﻭﺓ ﺣﺘﻰ ﺍﺗﻄﻤﻦ ﻋﻠﻰ ﺿﺤﻰ
ﻭﺣﺠﺘﻠﻲ ﻋﻠﻰ ﻣﻮﻗﻒ ﻗﺎﺳﻢ ﻭﻳﺎﻫﺎ ﻭﻛﺎﻟﺖ ﺍﻣﺎﻧﺔ ﺗﺸﻜﺮﻳﻨﻪ
ﺗﻌﺒﻨﺎﻩ ﻭﻳﺎﻧﺔ
ﺟﺎﻧﺖ ﻣﺮﻭﺓ ﺗﺤﺠﻲ
ﻳﻮﻡ ﻋﻦ ﻳﻮﻡ ﺻﺎﺭ ﺣﺐ ﻗﺎﺳﻢ ﻳﻜﺒﺮ ﺑﻜﻠﺒﻲ
ﻭﺑﻴﻮﻣﻬﺎ ﺍﺗﺨﺬﺕ ﻗﺮﺍﺭﻱ ﻭﻛﺄﻥ ﺍﺗﺼﺎﻝ ﻣﺮﻭﺓ ﺍﻧﻄﺎﻧﻲ
ﺍﻟﺪﺍﻓﻊ ﺣﺘﻰ ﺍﻗﺪﻡ ﻋﻠﻰ ﻫﻴﺞ ﺧﻄﻮﺓ
ﻭﺻﺮﺕ ﺍﺟﻬﺰ ﻧﻔﺴﻲ ﻭﻫﺎﻟﻤﺮﺓ
ﺍﺧﺘﺎﺭﻳﺖ ﻏﻴﺮ ﻣﻼﺑﺲ ﻫﺎﻟﻤﺮﺓ ﻟﺒﺴﺖ ﺍﻟﺜﻮﺏ ﺍﻻﺑﻴﺾ
ﻻﻥ ﻗﺮﺭﺕ ﺍﻭﻫﺐ ﻧﻔﺴﻲ ﻟﺰﻭﺟﻲ
ﻭﺍﺭﻳﺪﻩ ﻳﻌﺮﻑ ﺑﺤﺒﻲ ﺍﻟﻪ
ﺍﺑﺎﻭﻉ ﻟﺮﻭﺣﻲ ﺑﺎﻟﻤﺮﺍﻳﺎ ﺟﻨﺖ ﻻﺑﺴﺔ ﻣﻼﺑﺲ ﻧﻮﻡ
ﺑﻴﺾ ﺟﺎﻥ ﺷﻜﻠﻲ ﻋﺒﺎﻟﻚ ﻋﺮﻭﺳﺔ ﺑﺎﻭﻝ ﻟﻴﻠﺔ ﻋﺮﺳﻬﺎ
ﺍﺗﺼﻠﺖ ﻋﻠﻴﻪ ﺍﺳﺄﻟﻪ ﻋﻦ ﻣﻜﺎﻧﻪ
ﻛﺎﻝ ﺍﻧﻲ ﻃﺎﻟﻊ ﺑﺸﻐﻠﺔ ﻣﻬﻤﺔ
ﺍﻧﻲ ﺑﺄﺧﺮ ﻓﺘﺮﺓ ﺻﺮﺕ
ﺍﻫﺘﻢ ﺑﻜﻞ ﺍﻣﻮﺭ ﻗﺎﺳﻢ ﻭﻭﻳﻦ ﻳﺮﻭﺡ ﺍﻧﻲ ﺍﻛﻮﻥ ﻣﺘﻮﺍﺟﺪﺓ ﻭﻳﺎﻩ ﻭﺣﺘﻰ ﻣﻦ ﻳﺪﺧﻞ ﺍﻟﺤﻤﺎﻡ ﺍﻭﻛﻒ ﻳﻢ ﺍﻟﺒﺎﺏ ﺍﺳﻮﻟﻒ ﻭﻳﺎﻩ ﻭﻫﻮ ﻳﺴﺒﺢ
ﻭﻣﻦ ﻳﺘﺮﻳﻚ ﺍﻭ ﻳﺘﻐﺪﺓ ﺍﻭ ﻳﺘﻌﺸﺎ ﻻﺯﻡ ﺍﻛﻌﺪ ﻳﻤﻪ ﺣﺘﻰ ﻟﻮ ﻣﺎ ﺍﻛﻞ ﺍﻫﻢ ﺷﻲ ﺍﺑﻘﻰ ﺍﺳﻮﻟﻒ ﻭﻳﺎﻩ
ﺍﺑﺘﺴﻤﺖ ﻭﺍﻧﻲ ﺍﺿﺤﻚ ﻋﻠﻰ ﺧﺒﺎﻻﺗﻲ ﻭﻳﺎﻩ ﺍﻟﻲ ﺗﺨﻠﻴﻪ
ﻳﺒﻘﻰ ﻭﺍﻛﻒ ﻋﺎﺟﺰ ﻋﻦ ﺍﻟﻜﻼﻡ
..
ﺷﻴﻤﺎﺀ
ﺭﺟﻌﺖ ﻟﻠﺒﻴﺖ ﻭﺍﻧﻲ ﺣﺎﻟﻲ ﺻﺎﺭ ﺍﻗﺮﺏ ﻟﻠﺠﻤﻮﺩ
ﺩﺧﻠﺖ ﺟﻮﺓ ﻟﻠﺒﻴﺖ ﻟﻜﻴﺘﻪ ﻣﺜﻞ ﻣﺎﻫﻮ ﺍﻇﻠﻢ
ﻣﺨﻨﻔﺲ ﺩﺧﻠﺖ ﻋﻠﻰ ﺳﻠﻴﻤﺔ ﺑﺲ ﺷﺎﻓﺘﻨﻲ
ﻓﺮﺣﺖ ﺟﺎﻧﺖ ﻣﺘﻤﺪﺩﺓ ﺑﻔﺮﺍﺷﻬﺎ ﺗﻜﺴﺮ ﺍﻟﻜﻠﺐ
ﻭﻛﺎﻟﺖ .. ﻫﺎ ﺷﻮﻣﺔ ﺍﺟﻴﺘﻲ ﺟﻨﺖ ﻣﻨﺘﻈﺮﺗﺞ
ﺟﺎﻭﺑﺘﻬﺎ ﻭﻛﻠﺒﻲ ﻣﻠﻴﺎﻥ ﺣﺰﻥ ﻭﻫﻤﻮﻡ
.. ﺍﻱ ﺭﺟﻌﺖ
ﻛﺎﻟﺖ .. ﺷﻮﻣﺔ ﺍﻧﺎ ﺟﻮﻋﺎﻧﺔ
ﺣﻄﻴﺖ ﺟﻨﻄﺘﻲ ﻋﺎﻟﻤﻴﺰ ﻭﻛﻠﺘﻠﻬﺎ
ﻫﺴﺔ ﺑﺲ ﺧﻠﻲ ﺍﺑﺪﻟﺞ ﻭﺍﻏﺴﻠﺞ
ﻻﻥ ﺟﺎﻧﺖ ﺭﻳﺤﺔ ﺍﻟﻐﺮﻓﺔ ﻧﺘﻨﺔ
ﺍﻧﻲ ﻣﺘﻌﻮﺩﺓ ﻋﻠﻰ ﺍﻟﻤﺮﺿﻰ ﻭﺷﻠﻮﻥ ﺍﺑﺪﻟﻬﻢ ﻭﺍﻏﺴﻠﻠﻬﻢ
ﻟﺬﻟﻚ ﺟﻨﺖ ﻣﺮﺗﺒﺔ ﻟﺴﻠﻴﻤﺔ ﻛﺮﺳﻲ ﺑﻼﺳﺘﻚ ﺑﺎﻟﺤﻤﺎﻡ ﺍﻛﻌﺪﻫﺎ ﻋﻠﻴﻪ ﻭﺍﻛﻌﺪ ﺍﺳﺒﺤﻬﺎ
ﻭﺑﻌﺪﻣﺎ ﺧﻠﺼﺘﻬﺎ ﻭﺑﺪﻟﺘﻬﺎ ﻭﻣﺸﻄﺘﻬﺎ ﺍﺧﺬﺗﻬﺎ ﻟﻠﻐﺮﻓﺔ
ﻫﻲ ﻣﺮﺍﺕ ﺗﺴﺎﻋﺪﻧﻲ ﻭﺗﺸﻴﻞ ﻧﻔﺴﻬﺎ ﻭﻣﺮﺍﺕ
ﺍﻧﻲ ﺍﺷﻴﻠﻬﺎ ﺑﻴﺔ ﻣﺎ ﺑﻴﺔ
ﺍﺧﺬﺗﻬﺎ ﻟﻠﻐﺮﻓﺔ ﻭﺭﺣﺖ ﺣﻤﻴﺖ ﺍﻻﻛﻞ ﻭﻏﺪﻳﺘﻬﺎ
ﻭﺻﺮﺕ ﺍﻫﻮﻱ ﺍﻟﺒﻴﺖ ﻣﻦ ﺭﻳﺤﺔ ﺍﻟﺸﺮﺏ ﻣﺎﻝ ﺍﺛﻴﺮ
ﺍﻟﻠﻪ ﻳﻠﻌﻨﻪ
ﺍﺗﺼﻠﺖ ﻋﻠﻴﻪ ﺍﺭﻳﺪ ﺍﻋﺮﻑ ﻭﻳﻦ ﺍﺭﺍﺿﻴﻪ
ﺍﺣﺲ ﺑﺮﻭﺣﻲ ﺻﺮﺕ ﺍﻡ ﺍﺛﻴﺮ ﻭﺳﻠﻴﻤﺔ ﻭﻻﺯﻡ
ﺍﻫﺘﻢ ﺑﺄﻣﻮﺭﻫﻢ
ﺟﻨﺖ ﺧﺎﻳﻔﺔ ﻋﻠﻴﻪ ﻻ ﻳﺴﻮﻳﻠﻪ ﻣﻜﺴﻮﺭﺓ ﺟﺪﻳﺪﺓ
ﻭﻳﺨﻠﻴﻨﺎ ﻭﺣﺪﺓ ﺗﺪﻋﻢ ﺑﺎﻟﻠﺦ
ﻣﺎﺟﺎﻭﺑﻨﻲ ﻭﻻ ﺭﺩ ﻋﻠﻰ ﻣﻜﺎﻟﻤﺘﻲ
ﺑﻴﻦ ﻣﺎ ﺧﻠﺼﺖ ﺷﻐﻞ ﺍﻟﺒﻴﺖ ﻭﺻﺎﺭ ﺍﻟﻠﻴﻞ ﻭﺍﻧﻄﻴﺖ ﺳﻠﻴﻤﺔ ﻋﻼﺟﻬﺎ
ﺭﺣﺖ ﺑﻐﺮﻓﺘﻲ ﻓﺮﺷﺖ ﻭﻧﻤﺖ
ﺟﻨﺖ ﻏﺎﻃﺔ ﺑﺎﻟﻨﻮﻡ
ﺑﺲ ﻓﺰﻳﺖ ﻋﻠﻰ ﺻﻮﺕ ﺍﺛﻴﺮ ﺍﻟﺴﻜﺮﺍﻥ
ﻓﺮﻛﺖ ﻋﻴﻮﻧﻲ ﻭﺷﻤﺮﺕ ﺍﻟﻐﻄﺎ
ﻭﺭﺣﺖ ﻋﻠﻴﻪ ﺍﺭﻳﺪ ﺍﺷﻮﻓﻪ ﻭﺗﺎﻟﻴﺘﻬﺎ ﻭﻳﺎﻩ ﻟﺸﻮﻛﺖ ﻳﺒﻘﻰ ﻫﺸﻜﻞ ﻳﺸﺮﺏ ﺯﻓﺖ
ﺟﻨﺖ ﺩﺍ ﺍﻟﺒﺲ ﻧﻌﺎﻟﻲ ﻭﺟﺎﻥ ﻳﻨﻔﺘﺢ ﺍﻟﺒﺎﺏ
ﻭﻳﺪﺧﻞ ﻋﻠﻴﺔ ﺷﺎﻛﺮ ﺑﺎﻟﻐﺮﻓﺔ
ﻭﻳﺴﺪ ﺍﻟﺒﺎﺏ ﻭﺭﺍﻩ ﻭﻋﻴﻮﻧﻪ ﻛﻠﻬﺎ ﺷﺮ
ﺷﻜﻬﺖ ﺑﺼﻮﺕ ﺧﺎﻳﻔﺔ
........
......
ﺷﻴﻤﺎﺀ
ﻟﺤﻈﺎﺕ ﻓﺰﻉ ﻭﺭﻋﺐ ﺍﺗﺮﺍﻛﻤﺖ ﺑﺪﺍﺧﻞ ﺻﺪﺭﻱ
ﺍﺳﻮﺀ ﻣﺨﺎﻭﻓﻲ ﻭﺍﻛﻒ ﻣﺘﺠﺴﺪ ﻛﺪﺍﻣﻲ
ﺍﺭﺗﺪﻳﺖ ﻟﻠﺨﻠﻒ ﻭﻋﻴﻮﻧﻲ ﺗﺒﺎﻭﻉ ﻋﺎﻟﺒﺎﺏ ﺍﻟﻮﺭﺍﻩ
ﺍﺗﻌﺸﻢ ﺑﺎﺑﻮﻱ ﻳﺠﻲ ﻳﻠﺤﻜﻨﻲ
ﺍﻱ ﺍﻧﻲ ﺑﺤﺎﺟﺔ ﺣﻤﺎﻳﺘﻪ ﺑﻬﺎﻱ ﺍﻟﻠﺤﻈﺔ
ﻻﻥ ﻧﻈﺮﺍﺕ ﺷﺎﻛﺮ ﺍﻟﻨﺠﺴﺔ ﻣﺎ ﺗﻄﻤﻦ
ﺷﺎﻛﺮ .. ﻫﺎ ﻳﺎ ﺷﻮﻣﺔ ﺷﻠﻮﻧﺞ
ﻛﻠﺒﻲ ﻣﻦ ﻛﺪ ﺍﻟﺮﻋﺐ ﻳﺮﻳﺪ ﻳﻨﻬﺰﻡ ﻣﻦ ﺑﻴﻦ ﻇﻠﻮﻋﻲ ﻭﻳﺘﺮﻛﻨﻲ ﻟﻮﺣﺪﻱ
ﻭﻋﻘﻠﻲ ﻳﺪﻭﺭ ﻋﻠﻰ ﻣﻬﺮﺏ ﻭﺷﻠﻮﻥ ﺍﺳﺘﺪﺭﺟﻪ
ﺭﺑﻲ ﻟﺠﺌﺖ ﻟﺒﺎﺑﻚ ﻻﺗﺮﺩﻧﻲ
ﺳﺄﻟﺘﻪ ﻭﺍﻧﻲ ﺍﺣﺎﻭﻝ ﺍﺗﺼﻨﻊ ﺍﻟﺸﺠﺎﻋﺔ
.. ﺍﺍﺍﺛﻴﺮ ﻭﻳﻦ؟؟
ﺿﺤﻚ .. ﺍﺑﻮﺝ ﺍﻟﺰﻳﻦ ﻏﺎﻁ ﺑﺴﺎﺑﻊ ﻧﻮﻣﺔ ﻛﻠﺖ ﺍﻣﺮ ﺍﺳﻠﻢ ﻋﻠﻴﺞ
ﻭﻧﻜﻌﺪ ﺷﻮﻳﺔ ﻧﺘﺴﺎﻣﺮ ﻻﻥ ﺍﻧﺘﻲ ﺍﻟﻠﻪ ﻳﺤﻔﻈﺞ ﺻﺮﺗﻲ
ﻣﺤﺪ ﻳﻜﺪﺭ ﻳﺸﻮﻓﺞ
ﺗﻠﻌﺒﻴﻦ ﻭﻳﺎﻱ ﺩﻭﺭ ﺻﻌﺒﺔ ﺍﻟﻤﻨﺎﻝ
ﻟﺰﻡ ﻓﻜﻪ ﻳﻤﺴﺢ ﻋﻠﻴﻪ ﻭﻳﺒﺎﻭﻉ ﻋﻠﻴﺔ ﺟﻨﺖ ﻻﺑﺴﺔ ﺩﺷﺪﺍﺷﺔ
ﻋﺎﺩﻳﺔ ﻧﺺ ﺭﺩﻥ
ﻛﺮﻫﺖ ﺭﻭﺣﻲ ﻣﻦ ﻭﺭﺓ ﻧﻈﺮﺍﺗﻪ ﺍﻟﻤﻘﺰﺯﺓ
ﻳﺎﺭﺑﻲ ﻧﺨﻴﺘﻚ ﻻ ﺗﺮﺩﻧﻲ ﺧﻠﺼﻨﻲ ﻣﻨﻪ
ﺑﻠﻌﺖ ﺭﻳﻜﻲ
.. ﺷﺎﻛﺮ ﺷﺘﺴﻮﻱ ﻫﻨﺎ
.. ﻫﻬﻬﻬﻬﻪ ﺍﺟﻴﺖ ﺍﺣﻂ ﺍﻟﻨﻘﻂ ﻋﻠﻰ ﺍﻟﺤﺮﻭﻑ
ﺗﺮﺓ ﻻ ﻋﺒﺎﻟﺞ ﺧﻔﺖ ﻣﻦ ﻛﻼﺑﻪ ﺍﻟﻲ ﻫﺪﻫﻢ ﻋﻠﻴﺔ
ﻭﺍﻧﻄﻮﻧﻲ ﻛﻢ ﺿﺮﺑﺔ ﻭﻛﺎﻟﻮﺍ ﺟﻮﺯ ﻣﻨﻬﺎ ﻭﻻ ﺗﺤﺎﻭﻝ ﺗﺘﻘﺮﺏ
ﻋﻠﻴﻬﺎ
ﻋﺒﺎﻟﺞ ﺍﻓﻮﺗﻬﺎ ﺍﻟﺞ ﻻ ﺍﻧﺘﻲ ﻏﻠﻄﺎﻧﺔ ﻫﻮﺍﻱ ﻣﺴﺘﻬﻴﻨﺔ ﺑﻴﺔ
ﺍﺑﺎﻭﻉ ﻋﻠﻴﻪ ﻣﺘﻔﺎﺟﺌﺔ ﻫﺬﺍ ﺷﻜﺎﻋﺪ ﻳﺨﺒﺺ
.. ﺑﻴﻤﻦ ﺍﺣﻠﻔﻠﻚ ﺍﻧﻲ ﻣﺎ ﻋﻨﺪﻱ ﺍﻱ ﻋﻠﻢ ﻋﻠﻰ ﺷﻨﻮ ﺍﻧﺖ ﺗﺤﺠﻲ
ﻭﻣﻨﻮ ﺗﻘﺼﺪ
.. ﺷﻴﻤﺎﺀ ﺍﻧﺎ ﻣﻮ ﻏﺒﻲ ﺍﻋﺮﻑ ﻣﻨﻮ ﺍﻟﻲ ﺩﺯﻫﻢ ﻋﻠﻴﺔ
ﻻﻥ ﻧﻈﺮﺍﺕ ﻋﻴﻮﻧﻪ ﺑﺬﺍﻙ ﺍﻟﻴﻮﻡ ﻓﻀﺤﺘﻪ
ﻻﻋﺒﺎﻟﺞ ﻋﺒﺮﺕ ﻋﻠﻴﺔ ﻫﻮ ﺩﺯ ﺟﻼﺑﻪ ﺣﺘﻰ ﻳﻮﺻﻞ ﺭﺳﺎﻟﺔ ﻣﺎ ﺍﻗﺘﺮﺏ ﻋﻠﻰ ﺷﻲ ﻳﻤﻠﻜﻪ
ﺑﺲ ﻫﻮ ﺷﻜﻠﻪ ﻣﻴﻌﺮﻑ . ﺩﻳﻠﻌﺐ ﻭﻳﺎﻣﻦ
ﺍﻧﺎ ﺷﺎﻛﺮ ﻣﺤﺪ ﻳﻨﺪﻙ ﺑﻴﺔ
ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻣﺼﺪﻭﻣﺔ ﻣﻌﻘﻮﻟﺔ ﺩﻳﻘﺼﺪ ﻋﻠﻰ ﺣﻴﺪﺭ ﺍﻱ ﻣﺎﻛﻮ ﻏﻴﺮ ﺣﻴﺪﺭ ﻫﻮ ﺍﻟﻮﺣﻴﺪ ﺍﻟﻲ ﻳﻌﺮﻑ ﺑﺴﺎﻟﻔﺔ ﺷﺎﻛﺮ
ﻻﻥ ﻣﺮﻭﺓ ﻣﺨﺒﻮﺻﺔ ﺑﺴﺎﻟﻔﺔ ﺿﺤﻰ ﻣﺎﺑﻴﻬﺎ ﻣﺠﺎﻝ ﺗﺪﺯ ﺍﺣﺪ ﻭﺍﻻ ﺟﺎﻥ ﻛﺎﻟﺖ ﺑﻠﻌﺖ ﺍﻟﺴﺆﺍﻝ ﺧﻠﻴﻨﻲ ﺳﺎﻛﺘﺔ ﺍﺣﺴﻦ
ﻭﺑﻘﻴﺖ ﻣﺼﺮﺓ ﺍﺟﻬﻞ ﺍﻟﻤﻮﺿﻮﻉ
.. ﺻﺪﻛﻨﻲ ﺷﺎﻛﺮ ﻣﺎ ﺍﻋﺮﻑ ﺷﻨﻮ ﺗﻘﺼﺪ
ﻫﺴﺔ ﻋﻠﻰ ﻛﻞً ﻫﺬﺍ ﻣﻮ ﻭﻛﺖ ﻭﺍﺣﺪ ﻳﺤﺠﻲ ﺑﻲ
ﺗﻜﺪﺭ ﺗﺘﻔﻀﻞ ﺗﻄﻠﻊ ﺑﺮﺓ ﻣﺜﻠﻤﺎ ﺩﺧﻠﺖ
ﺿﺤﻚ ﻭﻛﺸﺮ ﻋﻦ ﺍﺳﻨﺎﻧﻪ ﺍﻟﻘﺬﺭﺓ ﻭﻛﺎﻝ
.. ﻟﺞ ﺷﻴﻤﺎﺀ ﺍﻧﺎ ﺍﻟﻴﻮﻡ ﺟﺎﻱ ﻟﻬﻨﺎ ﻭﻣﺒﻴﺖ ﺍﻟﻨﻴﺔ
ﻳﻌﻨﻲ ﺍﺑﻮﺝ ﻣﻮ ﻣﻨﺎ ﻟﻠﺪﺭﺏ ﻣﻔﻮﻝ ﻭﺷﺎﺭﺏ
ﺍﻧﻲ ﺍﻟﻴﻮﻡ ﺍﺗﻜﻔﻠﺖ ﺑﺸﺮﺑﻪ ﻭﺑﻌﺪﻳﻦ ﻭﺻﻠﺘﻪ ﺑﻴﺪﻱ ﻫﻨﺎ
ﺣﺘﻰ ﺍﺿﻤﻦ ﺟﻴﺘﻲ ﻭﺩﺧﻠﺘﻲ ﻟﻠﺒﻴﺖ
ﻭﺍﺧﺬ ﺍﻟﻲ ﺍﺭﻳﺪﻩ ﻣﻨﺞ ﺑﺎﻟﻄﻴﺐ ﻟﻮ ﺑﺎﻟﻐﺼﺐ ﺍﻧﺘﻲ ﺑﻜﻴﻔﺞ
ﺍﺑﺎﻭﻉ ﻋﻠﻴﻪ ﺑﺪﺓ ﻳﺘﻘﺪﻡ ﻋﻠﻴﺔ ﻳﻌﻨﻲ ﺭﺍﺡ ﻳﻨﻔﺬ ﺗﻬﺪﻳﺪﻩ
ﺍﺣﺲ ﺍﻟﻨﻔﺲ ﺻﺎﺭ ﻛﻮﻟﺶ ﺻﻌﺐ ﻋﻠﻴﺔ ﻭﻻﺯﻡ ﺍﺷﻬﻚ ﻳﺎﻟﻠﻪ ﺍﺣﺼﻠﻪ
ﺷﺎﻛﺮ ﺭﺍﺡ ﻳﺪﻣﺮﻧﻲ ﺻﺮﺕ ﺍﺗﺨﺒﻂ ﺑﺨﻮﻑ
ﺑﺎﻭﻋﺖ ﻋﻠﻴﻪ ﺍﺭﻳﺪ ﺷﻲ ﻳﻄﻠﻌﻨﻲ ﻣﻦ ﻫﺎﻱ ﺍﻟﻤﺼﻴﺒﺔ
.....
ﻭﺑﺴﺮﻋﺔ ﺣﺠﻴﺖ
.. ﻫﻮﺏ ﺍﻭﻛﻒ ﻟﺤﻈﺔ ﺷﺎﻛﺮ ﺍﻧﺖ ﻣﻮ ﻋﺮﺿﺖ ﻋﻠﻴﺔ ﺍﻟﺰﻭﺍﺝ
.. ﺍﻱ ﻋﺮﺿﺘﻪ ﻋﻠﻴﺞ ﻭﺭﻓﻀﺘﻴﻨﻲ
.. ﺯﻳﻦ ﺍﺫﺍ ﺍﻛﻠﻚ ﺍﻧﻲ ﻣﻮﺍﻓﻘﺔ ﻋﺎﻟﺰﻭﺍﺝ ﻣﻨﻚ
ﺑﺲ ﻻ ﺗﺄﺫﻳﻨﻲ ﻭﺗﻜﺴﺮﻧﻲ
.. ﻫﻬﻬﻪ ﻟﺞ ﺑﻨﺖ ﺍﺛﻴﺮ ﻫﺎﻱ ﺍﻟﺴﻮﺍﻟﻒ ﻣﺎ ﺗﻌﺒﺮ ﻋﻠﻴﺔ
ﻭﺷﻨﻮ ﻳﻀﻤﻨﻠﻲ ﺍﻧﺘﻲ ﻣﺎ ﺭﺍﺡ ﺗﻜﻠﺒﻴﻦ ﻋﻠﻴﺔ
.. ﻣﺎﻋﻨﺪﻱ ﺿﻤﺎﻥ ﻏﻴﺮ ﺑﺲ ﻛﻠﻤﺘﻲ ﻭﺍﻧﺖ ﺑﻜﻴﻔﻚ
.. ﺷﻮﻓﻲ ﻳﺎﺣﻠﻮﺓ ﺍﻧﺎ ﻣﺎ ﻣﻨﺘﻈﺮ ﻣﻮﺍﻓﻘﺘﺞ
ﺍﻧﺎ ﺍﺧﺬﺝ . ﻭﻋﻮﺩ ﻣﻦ ﺗﻨﻜﺴﺮﻳﻦ
ﺗﺎﻟﻲ ﻏﺼﺒﺎً ﻋﻠﻴﺞ ﺭﺍﺡ ﺗﺠﻴﻨﻲ ﺑﺮﺟﻠﻴﺞ ﺗﺘﻮﺳﻠﻴﻦ ﺍﺗﺰﻭﺟﺞ
ﻻﻥ ﺑﺴﺎﻋﺘﻬﺎ . ﺍﻟﺸﺮﻑ ﻋﺰﻳﺰ ﻭﺗﺪﻭﺭﻳﻦ ﺍﻟﺴﺘﺮ
ﻫﻮ ﻳﺤﺠﻲ ﻭﻳﻘﺘﺮﺏ ﻣﻨﻲ ﻭﺍﻧﻲ ﺻﺮﺕ
ﺍﺗﺮﺍﺟﻊ ﻟﻠﺨﻠﻒ ﻭﻋﻴﻮﻧﻲ ﺗﺒﺎﻭﻉ ﻣﻨﺎ ﻭﻣﻨﺎ
ﺍﺩﻭﺭ ﻋﻠﻰ ﺷﻲ ﻳﻔﺰﻋﻠﻲ ﻓﺠﺎﺀﺓ ﺍﺗﺬﻛﺮﺕ ﻧﻘﺎﻟﻲ ﺣﺎﻃﺘﻪ ﻳﻢ ﻓﺮﺍﺷﻲ ﻳﺎﺭﺑﻲ ﺷﻠﻮﻥ ﺍﻭﺻﻠﻪ .
ﺻﺮﺕ ﺍﻣﺎﻃﻞ ﺑﺎﻟﻜﻼﻡ ﻭﻳﺎﻩ ﺣﺘﻰ ﻣﺎ ﺍﻋﺮﻑ ﺷﻨﻮ ﺩﺍ ﺍﺣﺠﻲ
ﺑﺲ ﺍﻫﻢ ﺷﻲ ﺍﺑﻘﻰ ﺷﺎﻏﻠﺘﻪ ﻋﻦ ﺗﻨﻔﻴﺬ ﺍﻟﻨﻴﺔ ﺍﻟﻲ ﻧﺎﻭﻱ ﺑﻴﻬﺎ ﻋﻠﻴﺔ
ﺑﻴﻦ ﻣﺎ ﺟﻨﺖ ﺍﺣﺠﻲ ﻭﻳﺎﻩ ﻭﺍﺭﺟﻊ ﻟﻠﺨﻠﻒ
ﺟﻨﺖ ﺍﺗﺠﻪ ﺑﺮﺟﻌﺘﻲ ﻭﻛﺎﻥ ﻫﺪﻓﻲ ﺍﻭﺻﻞ ﻟﻠﻨﻘﺎﻝ
ﻭﺻﺪﻙ ﺣﺴﻴﺖ ﺭﺟﻠﻲ ﺍﻧﻄﺨﺖ ﺑﺎﻟﻨﻘﺎﻝ
ﺍﺣﺲ ﻛﻠﺒﻲ ﻛﺎﻡ ﻳﺪﻙ ﺣﻴﻞ ﻋﺎﻟﺴﺮﻳﻊ ﻭﻛﺼﺘﻲ ﻋﺮﻛﺖ ﻣﻦ ﺍﻟﺨﻮﻑ
ﻭﺷﺎﻛﺮ ﺑﻌﺪﻩ ﻳﺤﺠﻲ ﺑﻜﻼﻡ ﻗﺬﺭ ﻣﺜﻞ ﻭﺟﻬﻪ
ﺷﺎﻛﺮ .. ﺷﻮﻣﺔ . ﺧﻠﻴﻨﻲ ﺍﻭﻧﺴﺞ ﻭﺗﻮﻧﺴﻴﻨﻲ ﺻﺪﻛﻨﻲ ﻣﺎ ﺭﺍﺡ ﺗﺘﻨﺪﻣﻴﻦ
ﺍﻧﺘﺒﻬﺖ ﻋﻠﻰ ﺷﺎﻛﺮ ﻳﺴﺄﻟﻨﻲ
ﺷﺎﻛﺮ .. ﻫﺎ ﺷﻨﻮ ﻛﻠﺘﻲ ﻟﺘﺨﺎﻓﻴﻦ ﺍﻭﻋﺪﺝ ﻣﺎ ﺭﺍﺡ ﺍﺍﺫﻳﺞ
ﺍﺩﺭﻱ ﺑﻴﺞ ﺑﻨﺖ ﺑﻴﻮﺕ ﺍﻭﻝ ﻣﺮﺓ ﺍﻟﺞ
ﻛﻞ ﺍﻟﻲ ﺍﺭﻳﺪﻩ ﻣﻨﺞ ﺗﻄﺎﻭﻋﻴﻨﻲ ﻭﺗﺼﻴﺮﻳﻦ ﺣﺒﺎﺑﺔ
ﺣﺘﻰ ﻣﺎ ﺗﺘﺄﺫﻳﻦ ﻭﺍﻧﺘﻲ ﺑﻜﻴﻔﺞ ﺗﻌﺎﻧﺪﻳﻦ ﺍﻧﺘﻲ ﺍﻟﺨﺴﺮﺍﻧﺔ
ﺑﻌﺪ ﻫﻲ ﻫﺎﻱ ﺷﻐﻠﺘﺞ ﻭﺗﻌﺮﻓﻴﻦ ﺑﻴﻬﺎ ﺍﻟﻲ ﺗﺮﺍﻓﺲ ﻭﺗﺘﺤﺮﻙ ﺷﻴﺼﻴﺮ ﺑﻴﻬﺎ
ﻛﺎﻥ ﻛﻠﻤﺎ ﻳﻨﻄﻖ ﺑﺤﺮﻑ ﻳﺰﻳﺪ ﺍﻟﻔﺰﻉ ﺑﻜﻠﺒﻲ
ﻭﻛﺄﻧﻪ ﺩﻳﺼﻮﺭﻟﻲ ﻣﺸﻬﺪ ﺭﻋﺐ
ﻭﻳﻜﻠﻲ ﺷﻮﻓﻲ ﻫﺬﺍ ﺍﻟﻤﺸﻬﺪ ﺍﻧﺘﻲ ﺭﺍﺡ ﻳﺼﻴﺮ ﺑﻴﺞ ﻫﺸﻜﻞ ﻣﺜﻠﻪ
ﺿﺎﻗﺖ ﺑﻴﺔ ﺍﻟﻮﺍﺳﻌﺔ ﻭﺻﺮﺕ ﺍﺟﻤﻊ ﻛﻞ ﻗﻄﺮﺓ ﺩﻫﺎﺀ
ﻣﺤﺘﺎﺟﺔ ﺍﻟﻲ ﻳﻄﻠﻌﻨﻲ ﻣﻦ ﻫﺎﻱ ﺍﻟﺸﺪﺓ
ﻻﺯﻡ ﺍﺳﺘﺪﺭﺝ ﺷﺎﻛﺮ ﻋﻠﻰ ﺍﻻﻗﻞ
ﺑﺲ ﺍﺿﻤﻦ ﺍﻭﺻﻞ ﻟﻠﻨﻘﺎﻝ ﻭﺑﻌﺪﻫﺎ ﻛﻠﺸﻲ ﻣﺎ ﺍﺭﻳﺪ
ﺑﺪﻟﺖ ﺻﻮﺗﻲ ﻭﺻﺮﺕ ﺍﺣﺠﻲ ﻭﻳﺎﻩ ﺑﺪﻟﻊ
.. ﻋﻔﻮﺍ ﻋﻠﻴﻚ ﺷﺎﻛﺮ ﻭﺍﻟﻠﻪ ﺯﻋﻠﺘﻨﻲ ﻣﻨﻚ ﻫﺎﻱ ﻫﻮﺳﺘﻚ
ﻛﻠﻬﺎ ﻭﺗﺤﺠﻲ ﻭﻳﺎﻱ ﻫﺸﻜﻞ ﻳﻌﻨﻲ ﻫﺎﻱ ﺑﺪﺍﻝ ﻣﺘﻄﻤﻨﻲ
ﺗﺪﺭﻱ ﺑﻴﺔ ﻫﺎﻱ ﺍﻭﻝ ﻟﻴﻠﺔ ﺍﻟﻲ
ﻭﺍﻧﻲ ﻛﻮﻭﻭﻭﻟﺶ ﺍﺧﺎﻑ
ﻛﻞ ﻛﻠﻤﺔ ﺍﺣﺠﻴﻬﺎ ﺍﺣﺲ ﺍﺭﻳﺪ ﺍﺗﻘﻲﺀ ﻣﻦ ﺍﻟﺘﻘﺰﺯ
ﺍﺑﺎﻭﻉ ﻟﺸﺎﻛﺮ ﺍﻟﺤﻴﻮﺍﻥ ﻋﻴﻮﻧﻪ ﺻﺎﺭﺕ ﺷﺮﻫﺔ ﺍﻛﺜﺮ ﻭﻛﺄﻧﻤﺎ
ﻛﻼﻣﻲ ﺯﺍﺩﻩ ﻣﺎ ﻧﻘﺼﻪ
.. ﺍﺭﻭﺡ ﻗﺮﺑﺎﻥ ﻟﻠﻲ ﻳﺨﺎﻑ
ﺍﺳﺘﻐﻠﻴﺖ ﺍﻟﻤﻮﻗﻒ ﻭﻛﻌﺪﺕ ﺑﺎﻟﻜﺎﻉ ﻣﺘﻌﻤﺪﺓ ﻭﺣﻄﻴﺖ ﺍﻳﺪﻱ ﻋﻠﻰ ﻭﺟﻬﻬﻲ
ﻭﺻﺮﺕ ﺍﺑﺠﻲ ﺑﺪﻟﻊ
ﺷﺎﻛﺮ .. ﻻﻻﻻ ﺗﺒﺠﻴﻦ ﺧﺎﺏ ﻣﻦ ﻳﺮﻭﺣﻠﺞ ﻓﺪﻭﺓ ﺷﺎﻛﺮ ﻭﺍﻟﺨﻠﻔﻮﻩ
ﺻﺪﻗﺔ ﻟﺮﺑﻬﺎ ﺷﻠﻮﻥ ﺗﺒﺠﻲ ﺗﻜﻮﻝ ﺩﺭﺭ
ﺗﻮﻛﻊ ﻣﻦ ﻋﻴﻮﻧﻬﺎ
ﻣﺪﻳﺖ ﺍﻳﺪﻱ ﺑﺨﻔﺔ ﻭﺭﺍﻳﺔ ﻭﻟﺰﻣﺖ ﻧﻘﺎﻟﻲ
ﻭﻫﻮ ﺍﻗﺘﺮﺏ ﻋﻠﻴﺔ ﻭﻣﺪ ﺍﻳﺪﻩ ﻳﺮﻳﺪ ﻳﻤﺴﺢ ﺩﻣﻮﻋﻲ
ﻣﻦ ﺧﺪﻱ
ﻣﺘﺤﻤﻠﺖ ﻭﺧﺎﻧﺘﻨﻲ ﺷﺠﺎﻋﺘﻲ
ﺍﺑﺘﻌﺪﺕ ﻋﻨﻪ ﺑﻐﻴﺮ ﺻﻔﺤﺔ
ﻭﻭﺟﻬﻲ ﺍﻧﺨﻄﻒ ﻟﻮﻧﻪ
.. ﻻ ﻻ ﺷﺎﻛﺮ ﺻﺒﺮﻙ ﻋﻠﻴﺔ ﺷﻮﻳﺔ ﺍﻧﺖ ﻟﻴﺶ ﻫﺸﻜﻞ ﻣﺲ ... ﻣﺴﺘﻌﺠﻞ
ﺻﺮﺕ ﺍﻣﺘﻤﺖ ﺑﺎﻟﻜﻼﻡ
.. ﺍﻫﻮﻭﻭﻭ ﺍﻧﺘﻲ ﺷﻜﻠﺞ ﺭﺍﺡ ﺗﻌﺒﻴﻨﻲ
....
ﺍﻟﺨﻮﻑ ﻭﺻﻞ ﺑﻴﺔ ﻟﺤﺪ ﺍﻟﺪﻣﺎﺭ
ﻳﻌﻨﻲ ﺑﺎﻟﻜﻮﺓ ﻣﺘﻤﺎﺳﻜﺔ ﻻ ﺍﻧﻬﺎﺭ ﻭﺍﺿﻌﻒ ﻭﺍﺑﻴﻦ ﺧﻮﻓﻲ ﻣﻨﻪ ﺍﺟﻴﺖ ﺍﻛﻮﻡ ﻣﻦ ﻣﻜﺎﻧﻲ
ﺍﺷﻮ ﻫﺬﺍ ﻟﺰﻣﻨﻲ ﻣﻦ ﺭﺟﻠﻲ
ﻳﻤﺔ ﻫﻮ ﻟﺰﻣﻨﻲ ﻣﻦ ﺭﺟﻠﻲ ﻭﺍﻧﻲ
ﺩﻳﻦ ﻣﺎ ﺑﻘﻰ ﺑﺮﺍﺳﻲ ﺭﻓﺴﺘﻪ ﺑﻜﻞ ﻗﻮﺗﻲ
ﺑﺲ ﻫﻮ ﺻﺎﺭ ﺍﺳﺮﻉ ﻣﻨﻲ ﻭﻟﺰﻡ ﺭﺟﻠﻲ ﺍﻟﺜﺎﻧﻴﺔ ﻭﺳﺤﺒﻨﻲ
ﺟﻮﺍﻩ
ﻭﺍﻧﻲ ﺻﺮﺕ ﺍﺭﺍﻓﺲ ﻭﺍﺿﺮﺏ ﻭﺍﺻﺮﺥ ﺑﻜﻞ ﻗﻮﺗﻲ
ﺍﺣﺲ ﺟﻨﺖ ﺑﺎﻗﻴﺔ ﻋﻠﻰ ﺷﻌﺮﺓ ﻭﺣﺮﻛﺘﻪ ﻫﺎﻱ
ﻗﻄﻌﺖ ﺍﻟﺸﻌﺮﺓ . ﻭﺍﻧﻬﺎﺭﺕ ﻛﻞ ﺍﻟﺤﺼﻮﻥ ﺍﻟﻲ ﺟﻨﺖ
ﺑﺎﻧﻴﺘﻬﺎ ﺣﻮﻟﻲ ﻣﺜﻞ ﺍﻟﺪﺭﻉ ﻭﺻﺮﺕ
ﺫﻳﺞ ﺷﻴﻤﺎﺀ ﺍﻟﺼﻐﻴﺮﺓ ﺍﻟﻲ ﺗﺘﻼﻭﺓ ﺣﺘﻰ ﺗﺨﻠﺺ ﻧﻔﺴﻬﺎ ﻣﻦ ﺍﻳﺪ ﺍﻟﻤﺨﺘﺎﺭ
ﻭﺑﺮﺯﺕ ﻣﺨﺎﻭﻓﻲ ﺍﻟﻘﺪﻳﻤﺔ ﺍﻟﻲ ﻫﺎﺟﺖ ﻋﻠﻴﺔ
ﻭﻳﺔ ﻟﻤﺴﺎﺗﻪ ﻭﺍﻧﻔﺎﺳﻪ ﺍﻟﻘﺬﺭﺓ ﻭﻭﺻﻠﺘﻨﻲ ﻟﻠﺤﺎﻓﺔ
ﻟﻼﻧﻬﻴﺎﺭ
ﻋﻄﺖ ﺑﺼﻮﺕ .. ﺷﻴﻞ ﺍﻳﺪﻙ ﻋﻨﻲ ﻳﺎﻧﺎﻗﺺ ﻳﺎﺣﻴﻮﺍﻥ
ﺷﺎﻛﺮ .. ﺍﺷﺸﺸﺸﺸﺶ ﺻﻮﺗﺞ
ﻣﺪ ﺍﻳﺪﻩ ﻳﺮﻳﺪ ﻳﺴﺪ ﺣﻠﻜﻲ ﻋﻀﻴﺘﻬﺎ ﻭﺗﻔﻠﺖ ﺑﻮﺟﻬﻪ
ﻋﺼﺐ ﻋﻠﻴﺔ ﻭﺿﺮﺑﻨﻲ ﺭﺍﺷﺪﻱ
ﻭﻭﺍﻧﻲ ﻻﺯﻟﺖ ﺍﺻﺎﺭﻉ ﻭﺍﺗﻼﻭﺓ ﺟﻮﺍﻩ ﺣﺘﻰ ﺍﺧﻠﺺ ﻧﻔﺴﻲ
ﺍﻧﻄﻴﺘﻪ ﺩﻓﺮﺓ ﺑﻴﻦ ﺭﺟﻠﻴﻪ ﺧﻠﻴﺘﻪ ﻳﺼﺮﺥ ﻣﺜﻞ ﺍﻟﻤﺮﺓ ﻭﺩﻓﻌﺘﻪ ﻋﻨﻲ
ﻭﺍﻧﻲ ﺍﺭﻳﺪ ﺍﺗﻘﻲﺀ ﻣﻦ ﺍﻟﺨﻮﻑ ﻣﻦ ﺣﻼﺕ ﺭﻭﺣﻲ
ﺍﺣﺲ ﺻﺎﺭﺕ ﻋﻨﺪﻱ ﻗﺪﺭﺓ ﻋﺠﻴﺒﺔ ﻏﺮﻳﺒﺔ ﻟﻠﻘﺘﺎﻝ
ﻃﻮﻝ ﻣﺎ ﺷﺎﻛﺮ ﻳﺤﺎﻭﻝ ﻳﻌﺘﺪﻱ ﻋﻠﻴﺔ
ﻭﺍﻧﻲ ﺍﺑﺪ ﻣﺘﻴﻬﺖ ﺍﻟﻨﻘﺎﻝ ﻣﻦ ﺍﻳﺪﻱ ﺻﺎﺭﺕ ﺭﻭﺣﻲ ﻣﻌﻠﻜﺔ ﺑﻲ
ﻛﻤﺖ ﻣﻦ ﻣﻜﺎﻧﻲ ﻭﺍﻧﻲ ﺍﺗﻌﺜﺮ ﻭﻭﺻﻠﺖ ﻟﻠﺒﺎﺏ ﻭﺷﺎﻛﺮ ﺑﻌﺪﻩ ﻣﺘﺄﺫﻱ ﻭﻳﺤﺎﻭﻝ ﻳﻜﻮﻡ ﻣﻦ ﻣﻜﺎﻧﻪ
ﻃﻠﻌﺖ ﻣﻦ ﺍﻟﻐﺮﻓﺔ . ﻭﻋﻴﻮﻧﻲ ﻭﻛﻌﺖ ﻋﻠﻰ ﺍﻟﻤﻜﺎﻥ
ﺍﻟﻲ ﻧﺎﻳﻤﺔ ﺑﻲ ﺳﻠﻴﻤﺔ ﻭﺟﺎﻥ ﺍﺛﻴﺮ ﻣﻤﺪﺩ ﻭﺑﻐﻴﺮ ﻋﺎﻟﻢ
ﺍﺑﺎﻭﻉ ﻟﺴﻠﻴﻤﺔ ﻣﺪﺩﺓ ﺑﻔﺮﺍﺷﻬﺎ ﻭﺗﺒﺠﻲ ﻭﺗﺼﻴﺢ
ﺑﻼ ﺣﻮﻝ ﻭﻻ ﻗﻮﺓ
ﻋﺒﺮﺕ ﻣﻦ ﻳﻤﻬﻢ ﻭﻓﺘﺖ ﻛﺒﻞ ﻋﺎﻟﻤﻄﺒﺦ ﻣﺎ ﻇﻞ ﻋﻨﺪﻱ ﻭﻗﺖ
ﺍﺭﻳﺪ ﻣﻜﺎﻥ ﺍﺍﻣﻦ ﻋﻠﻰ ﺭﻭﺣﻲ ﺑﻲ
ﺳﻤﻌﺖ ﺻﻮﺕ ﺷﺎﻛﺮ
ﻛﺒﻞ ﺩﺧﻠﺖ ﻟﻠﻤﻄﺒﺦ
ﻭﺳﺪﻳﺖ ﺍﻟﺒﺎﺏ ﺑﺲ ﺍﻟﻤﺼﻴﺒﺔ ﻣﺎ ﺑﻴﻬﺎ ﻗﻔﻞ ﺧﺮﺑﺎﻥ
ﺍﺗﺠﻴﺖ ﺑﻈﻬﺮﻱ ﻋﺎﻟﺒﺎﺏ ﻭﺷﺎﻛﺮ ﻳﺪﻓﻊ ﺑﻜﻞ ﻗﻮﺗﻪ
ﺩﻛﺎﺕ ﻛﻠﺒﻲ ﻣﻦ ﺍﻟﺨﻮﻑ ﺗﺼﻢ ﺍﺫﺍﻧﻲ ﺻﺮﺕ ﻣﺎ ﺍﺳﻤﻊ
ﺑﺲ ﻣﻮﺟﺎﺕ ﺻﻮﺕ ﻛﻠﺒﻲ ﺑﺪﺍﺧﻞ ﻇﻠﻮﻋﻲ
ﻧﻘﺎﻟﻲ ﺑﻴﺪﻱ ﻭﻓﺘﺤﺘﻪ ﺑﺄﻳﺪﻳﻦ ﺗﺮﺟﻒ
ﻭﺷﺎﻛﺮ ﻳﺪﻓﻊ ﺑﺎﻟﺒﺎﺏ ﻭﻳﺴﺐ ﻭﻳﻐﻠﻂ ﻭﺍﻧﻲ ﺑﺎﻗﻴﺔ ﺻﺎﻣﺪﺓ
ﻭﻣﻦ ﻏﻴﺮ ﺍﻱ ﺗﺮﺩﺩ ﺍﺗﺼﻠﺖ ﻋﻠﻰ ﺍﻟﺸﺨﺺ ﺍﻟﻮﺣﻴﺪ ﺍﻟﻲ ﺍﺍﻣﻦ ﺑﻲ ﻣﺎ ﺭﺍﺡ ﻳﺨﺬﻟﻨﻲ
ﺍﺗﺼﻠﺖ ﻭﺑﺴﺮﻋﺔ ﺭﺩ ﻭﻛﺄﻧﻤﺎ ﺍﻟﻠﻪ ﺍﺳﺘﺠﺎﺏ ﻟﺪﻋﺎﺋﻲ ﺍﻧﻲ ﺍﻗﺎﻭﻡ ﺩﻓﻌﺎﺕ ﺍﻟﺒﺎﺏ ﻭﺍﺻﺮﺥ ﺑﻜﻞ ﻗﻮﺗﻲ
.. ﻗﺎﺍﺍﺍﺍﺍﺍﺳﻢ ﺧﻮﻳﺔ ﺍﻟﺤﻜﻠﻲ
ﻭﺑﻌﺪﻫﺎ ﻣﺎ ﺍﻋﺮﻑ ﺷﻨﻮ ﺣﺠﻴﺖ ﻭﻳﺎﻩ ﻣﻦ ﻛﺪ ﺍﻟﻔﺰﻉ ﻭﺍﻟﺨﻮﻑ ﻭﺷﻨﻮ ﻛﺎﻝ
ﻛﻞ ﺍﻟﻲ ﺍﻋﺮﻓﻪ ﺍﻧﻪ ﻫﻮ ﻛﻠﻲ ﺍﻧﺎ ﺟﺎﻳﺞ ﻟﺘﺨﺎﻓﻴﻦ
ﺣﺎﻭﻟﻲ ﺗﺼﺪﻳﻨﻪ ﻋﻠﻤﺎ ﺍﻭﺻﻞ ﺷﻤﺎﺍﺍﺍﺀ ﻻ ﺗﺴﺘﺴﻠﻤﻴﻦ
ﺧﻠﻴﺞ ﻭﻳﺎﻱ ﻋﺎﻟﺨﻂ ﻻﺗﻐﻠﻘﻴﻨﻪ
ﺣﺠﺔ ﺍﺧﺮ ﻛﻠﻤﺔ ﺑﺨﻮﻑ
ﺍﺳﻤﻌﻪ ﺻﺎﺭ ﻳﺤﺠﻲ ﺑﻨﻘﺎﻟﻪ ﺍﻟﺜﺎﻧﻲ ﻭﻳﺔ ﻏﻴﺮ ﻭﺍﺣﺪ
ﻭﺑﻌﺪﻫﺎ ﺍﻧﻜﻄﻊ ﺍﻟﺨﻂ ﺍﺑﺎﻭﻉ ﻫﺴﺔ ﻭﻛﺘﻪ ﻳﺨﻠﺺ ﺭﺻﻴﺪﻱ
ﺣﺴﻴﺖ ﺑﻔﺰﻉ
ﺭﺟﻊ ﺍﺗﺼﻞ ﻋﻠﻴﺔ ﻭﻓﺘﺤﺖ ﺍﻟﺨﻂ ﺍﺳﻤﻌﻪ ﻛﺎﻡ ﻳﻨﻄﻲ ﺍﻻﻭﺍﻣﺮ ﻣﺴﺘﻌﺠﻞ ﺳﻤﺎﻉ ﺻﻮﺗﻪ ﺻﺎﺭ ﺑﺎﻟﻨﺴﺒﺔ ﺣﺒﻞ ﺍﻟﻨﺠﺎﺓ
ﻫﺬﺍ ﻛﻠﻪ ﻭﺍﻧﻲ ﻭﺍﻛﻔﺔ ﻭﺭﺓ ﺍﻟﺒﺎﺏ ﺍﻗﺎﻭﻡ ﺩﺧﻮﻝ ﺷﺎﻛﺮ
ﻫﻤﺴﺖ ﺑﻀﻌﻒ ﻭﺣﺠﻴﺖ
.. ﻗﺎﺳﻢ ﻋﻔﻴﺔ ﺍﺳﺘﻌﺠﻞ ﺍﻧﻲ ﺑﺮﻛﺒﺘﻚ ﻣﺎ ﺍﻛﺪﺭ ﺍﻗﺎﻭﻡ
.....
ﻭﺻﺮﺕ ﺍﻋﺪ ﺍﻟﻠﺤﻈﺎﺕ
ﺑﻌﺪﻫﺎ ﺧﺎﺭﺕ ﺍﻟﻘﻮﻯ ﻭﺿﻌﻔﺖ ﻣﻘﺎﻣﺘﻲ
ﺗﺮﻛﺖ ﺍﻟﺒﺎﺏ ﺑﺴﺮﻋﺔ ﻭﺍﺗﻮﺟﻬﺖ ﻋﺎﻟﻤﺠﺮ ﺣﺘﻰ ﺍﻃﻠﻊ ﺳﺠﻴﻦ
ﺍﻧﺘﺒﻬﺖ ﻟﺸﺎﻛﺮ ﺩﻓﻊ ﺍﻟﺒﺎﺏ ﺑﻜﻞ ﻗﻮﺗﻪ ﻣﺘﻮﻗﻊ ﺍﻧﻲ ﺑﻌﺪﻧﻲ ﺩﺍ ﺍﻗﺎﻭﻡ ﻭﺭﺓ ﺍﻟﺒﺎﺏ ﺑﺲ ﺍﺗﻔﺎﺟﻲﺀ ﻣﻦ ﺍﻧﻔﺘﺢ ﺍﻟﺒﺎﺏ ﺑﺴﺮﻋﺔ ﻭﺍﺗﻌﺜﺮ ﻭﻭﻛﻊ ﺑﺎﻟﻜﺎﻉ ﺻﺎﺭ ﻳﻢ ﺭﺟﻠﻲ ﺍﻧﻄﻴﺘﻪ ﺩﻓﺮﺓ ﺍﺭﻳﺪ ﺍﻃﻠﻊ ﺍﻟﺴﺠﻴﻨﺔ ﺍﺩﻭﺭ ﻋﻠﻴﻬﺎ
ﻃﺎﺭﺕ ﻋﻠﻰ ﺣﻈﻲ ﺍﻟﻔﻜﺮ ﻣﺪﺭﻱ ﻫﻲ ﻛﺪﺍﻣﻲ ﻋﻴﻨﻲ ﻭﺍﻧﻲ ﻣﻦ ﺍﻟﺨﻮﻑ ﻣﺎ ﺍﻛﺪﺭ ﺍﺷﻮﻑ
ﺍﻳﺪﻳﺔ ﻛﺎﻣﺖ ﺗﺮﺟﻒ ﻟﺰﻣﻨﻲ ﻣﻦ ﺭﺟﻠﻴﺔ
ﻭﺍﻟﻨﻘﺎﻝ ﻭﻛﻊ ﻣﻦ ﺍﻳﺪﻱ ﺍﺳﻤﻊ ﺻﻮﺕ ﻗﺎﺳﻢ ﺍﻟﻤﻔﺰﻭﻉ ﺍﻟﻐﺎﺿﺐ ﻳﻐﻠﻂ ﻭﻳﺴﺐ
ﺭﺟﻌﺖ ﺭﻓﺴﺘﻪ ﻭﺍﺑﺘﻌﺪﺕ ﻋﻨﻪ
ﺍﺑﺎﻭﻉ ﻟﺸﺎﻛﺮ ﻛﺎﻡ ﻋﻠﻰ ﺣﻴﻠﻪ ﻭﻫﺪ ﻋﻠﻴﺔ
ﻭﻟﺰﻣﻨﻲ ﻣﻦ ﺷﻌﺮﻱ ﻭﺳﺤﻠﻨﻲ ﺟﺎﻧﺖ ﺭﻳﺤﺔ ﺍﻧﻔﺎﺳﻪ ﻧﺘﻨﺔ ﻛﻠﻬﺎ ﺭﻳﺤﺔ ﺷﺮﺏ
.. ﻟﺞ ﺳﺎﻗﻄﺔ ﺍﻧﺎ ﺗﻠﻌﺒﻴﻦ ﻋﻠﻴﺔ
ﺍﻻ ﻋﻠﻤﺞ ﺍﻧﺎ ﺍﻟﺞ
ﺟﺎﻥ ﻻﺯﻣﻨﻲ ﻣﻦ ﺷﻌﺮﻱ ﻭﻳﻀﺮﺏ ﺑﻴﺔ ﻭﺍﻧﻲ ﺍﺗﻼﻭﺓ ﺟﻮﺓ ﺍﻳﺪﻩ ﻣﺜﻞ ﺍﻟﻄﻴﺮ ﺍﻟﻤﺬﺑﻮﺡ ﺍﺭﻳﺪ ﺍﺧﻠﺺ ﻧﻔﺴﻲ ﻣﻨﻪ
ﺍﺣﺲ ﺍﺗﻜﻄﻌﺖ ﺍﻧﻔﺎﺳﻲ ﻭﺧﺎﻧﺘﻨﻲ ﻗﻮﺗﻲ ﻭﺣﻴﻠﻲ ﺍﻧﻬﺪ
ﻭﺻﺎﺭ ﻳﺤﺎﻭﻝ ﻭﻳﺎﻱ ﺣﺘﻰ ﻳﺎﺧﺬﻧﻲ ﺳﻤﻌﺖ ﺻﻮﺕ ﺗﻤﺰﻕ
ﺛﻮﺑﻲ ﺟﺎﻥ ﻳﻀﺮﺑﻨﻲ ﻭﻳﺮﺟﻊ ﻳﻐﻠﻂ
ﺟﺎﻥ ﻣﻄﺒﺦ ﺳﻠﻴﻤﺔ ﻛﻠﺶ ﺻﻐﻴﺮ
ﻭﺑﻴﻦ ﺍﻟﺨﻮﻑ ﻭﺿﺮﺑﺎﺕ ﻛﻠﺒﻲ ﺍﻟﻤﺪﻭﻳﺔ
ﻭﺩﻓﻌﻨﻲ ﻭﺣﺸﺮﻧﻲ ﻳﻢ ﺍﻟﺴﻨﻚ ﻫﺠﻢ ﻋﻠﻴﻪ ﻭﺍﻧﻲ ﻭﺍﻛﻔﺔ ﺑﻤﻜﺎﻧﻲ ﻭﺻﺎﺭ ﺷﻚ ﺛﻮﺑﻲ
ﻋﻴﻮﻧﻲ ﺯﺍﻏﺖ ﻭﻋﻘﻠﻲ ﺑﻌﺪﻩ ﻋﻨﺪﻩ ﺍﻣﻞ ﻭﻳﺪﻭﺭ ﻋﻠﻰ ﺷﻲ ﻳﻨﻘﺬﻩ ﻭﺟﺎﻥ ﺗﻮﻛﻊ ﻋﻴﻨﻲ ﻋﻠﻰ ﺍﻟﻤﻮﺍﻋﻴﻦ ﺍﻟﻤﻐﺴﻮﻟﺔ ﺟﻨﺖ ﻋﺎﻳﻔﺘﻬﻢ ﻋﺎﻟﺴﻨﻚ ﺣﺘﻰ ﻳﻮﺷﻠﻮﻥ ﻣﻦ ﺍﻟﻤﺎﻱ ﻭﺟﺪﺭﻳﺔ ﻭ ﻃﺎﻭﺓ ﺗﻴﻔﺎﻝ ﺛﻘﻴﻠﺔ ﻣﺪﻳﺖ ﺍﻳﺪﻱ ﺍﺭﻳﺪ ﺍﻭﺻﻞ ﻷﻱ ﺷﻲ ﻳﺠﻲ ﺑﺄﻳﺪﻱ
ﺍﻧﺘﺒﻬﺖ ﻋﻠﻴﻪ ﺑﺪﺓ ﻳﺮﻓﻊ ﺛﻮﺑﻲ
ﻭﻫﺎﻱ ﺣﺮﻛﺘﻪ ﺧﻠﺘﻨﻲ ﺻﺮﺕ ﻣﺜﻞ ﺍﻟﻤﺨﺒﻠﺔ
ﻭﺻﻠﺖ ﻟﻠﻤﻮﺍﻋﻴﻦ ﻭﻇﻞ ﻣﺎﻋﻮﻥ ﻣﺎ ﻧﺒﺘﻪ ﺑﺮﺍﺱ ﺷﺎﻛﺮ
ﻭﻫﻮ ﻛﺎﻡ ﻳﺤﺎﻭﻝ ﻳﻠﺰﻡ ﺍﻳﺪﻳﺔ ﺣﺘﻰ ﻳﻤﻨﻌﻨﻲ
ﻟﺰﻡ ﺍﻳﺪ ﻭﺣﺪﺓ
ﻣﺪﻳﺖ ﺍﻳﺪﻱ ﺍﻟﺜﺎﻧﻴﺔ ﻭﺑﻜﻞ ﻳﺄﺱ ﺷﻠﺖ ﺍﻟﻄﺎﻭﺓ ﺍﻟﺘﻴﻔﺎﻝ
ﻭﺣﻄﻴﺘﻬﺎ ﺑﺮﺍﺱ ﺷﺎﻛﺮ
ﺍﻭﻝ ﺿﺮﺑﺔ ﺍﺟﺘﻲ ﺑﺮﺍﺳﻪ ﺗﺮﺱ ﺑﺲ ﺑﺎﻟﻀﺮﺑﺔ ﺍﻟﺜﺎﻧﻴﺔ ﻛﺪﺭ ﻳﺘﻼﻓﺎﻫﺎ ﻭﻋﺼﺐ ﻋﻠﻴﺔ ﻻﻥ ﻛﺼﺘﻪ ﻧﺰﻓﺖ ﺩﻡ
ﻭﺻﺎﺭ ﻳﻐﻠﻂ ﻭﻳﻀﺮﺑﻨﻲ ﻋﻠﻰ ﻭﺟﻬﻲ ﺑﻮﻛﺴﺎﺕ
ﻓﺠﺎﺀﺓ ﺑﻠﺤﻈﺔ ﻳﺄﺱ ﻭﺧﻮﻑ
ﺍﻧﺘﺒﻬﺖ ﻋﻠﻰ ﺍﻟﺒﺎﺏ ﺍﻧﺨﻠﻊ ﻭﺑﻌﺪﻫﺎ
ﻣﺎ ﺣﺴﻴﺖ ﺍﻻ ﻋﻠﻰ ﺷﺎﻛﺮ ﺍﻧﺸﺎﻝ ﻣﻦ ﻋﻠﻴﺔ
ﻣﺜﻞ ﺍﻟﻔﻠﻘﺔ ﻭﻧﻀﺮﺏ ﺑﺎﻟﻜﺎﻉ ﻭﺍﻧﻌﺎﺩﺕ ﻫﺎﻱ ﺍﻟﺤﺮﻛﺔ ﺍﻛﺜﺮ ﻣﻦ ﻣﺮﺓ
ﺍﺑﺎﻭﻉ ﻟﻘﺎﺳﻢ ﺟﺎﻥ ﺍﻟﻮﺟﻪ ﻣﺪﺧﻦ ﻣﻦ ﺍﻟﻐﻀﺐ
ﻭﺩﺧﻞ ﻭﺭﺓ ﻗﺎﺳﻢ ﻭﺍﺣﺪ ﺷﺎﻳﻞ ﺳﻼﺡ ﺑﻴﺪﻩ ﺍﻱ ﻫﺬﺍ ﺍﻋﺮﻓﻪ
ﺍﺧﻮﻩ ﻫﺸﺎﻡ
ﺻﺮﺕ ﺍﺣﺎﻭﻝ ﺍﺳﺘﺮ ﻧﻔﺴﻲ ﻭﻟﻤﻴﺖ ﺛﻮﺑﻲ ﻣﻦ ﻳﻢ ﺻﺪﺭﻱ
ﺍﻧﺘﺒﻬﺖ ﻟﻬﺸﺎﻡ ﺭﻛﺾ ﻓﺎﺕ ﻋﺎﻟﺒﻴﺖ ﻟﺤﻈﺎﺕ
ﻭﺭﺟﻊ ﻟﻠﻤﻄﺒﺦ ﻭﺑﻴﺪﻩ ﺷﺮﺷﻒ ﺷﻤﺮﻩ ﻋﻠﻴﺔ
ﺍﺧﺬﺗﻪ ﻣﻨﻪ ﻣﻤﻨﻮﻧﺔ ﻭﻟﻔﻴﺖ ﻧﻔﺴﻲ ﺑﻲ
ﻭﻋﻴﻮﻧﻲ ﺟﺎﻧﺖ ﺑﻨﻔﺲ ﺍﻟﻮﻗﺖ ﺗﺮﺍﻗﺐ ﺑﺨﻮﻑ ﻭﺗﺘﻨﻘﻞ ﻣﺎ ﺑﻴﻦ ﻗﺎﺳﻢ ﻭﺑﻴﻦ ﺷﺎﻛﺮ
ﺍﻟﻲ ﺻﺎﺭ ﻭﺻﻠﺔ ﻣﺴﺢ ﺟﻮﺓ ﺍﻳﺪ ﻗﺎﺳﻢ
ﺟﺎﻥ ﻳﻀﺮﺏ ﻳﺮﻳﺪ ﻳﺸﻔﻲ ﻏﻠﻴﻠﻪ
ﻳﻌﻨﻲ ﻛﻞ ﺿﺮﺑﺔ ﻣﻦ ﻗﺎﺳﻢ ﺍﺣﺲ ﺑﻤﺎﻱ ﺑﺎﺭﺩ ﻳﻨﺰﻝ ﻋﻠﻰ ﻛﻠﺒﻲ ﻭﺗﺠﺒﺮ ﺑﺨﺎﻃﺮﻱ
ﺑﻌﺪﻫﺎ ﺷﻤﺮﻩ ﻣﺜﻞ ﺍﻟﺠﺮﻭ ﻳﻢ ﺭﺟﻠﻴﻦ ﻫﺸﺎﻡ
ﻭﻛﺎﻝ ﻟﻬﺸﺎﻡ
.. ﺷﻮﻑ ﻫﺴﺔ ﺗﺎﺧﺬﻩ ﻭﺗﺮﺑﻄﻪ ﺯﻳﻦ ﻣﺜﻞ ﺍﻟﺨﺮﻭﻑ
ﻭﺗﺤﻄﺔ ﺑﺎﻟﺼﻨﺪﻭﻙ
ﻭﺑﻌﺪﻳﻦ ﻧﺸﻮﻑ ﺷﻐﻠﻨﺎ ﻭﻳﺎﻩ
ﺍﺑﺎﻭﻉ ﻟﺸﺎﻛﺮ ﻻﺯﻡ ﺑﻄﻨﻪ ﻭﻣﻤﺪﻭﺩ ﺑﺎﻟﻜﺎﻉ ﻳﺘﻠﻮﺓ ﻣﻦ ﺍﻻﻟﻢ
ﺩﻧﻜﺮﻋﻠﻴﻪ ﻫﺸﺎﻡ ﻭﺭﻓﻌﻪ ﻣﻦ ﻳﺎﺧﺘﻪ ﻭﺗﻔﻞ ﻋﻠﻴﻪ ﻭﻃﻠﻌﻪ ﻣﻦ ﺍﻟﻤﻄﺒﺦ ﺳﺤﻞ
.....
ﺍﻧﺘﺒﻬﺖ ﻟﻘﺎﺳﻢ ﺍﺟﺔ ﻭﻛﻒ ﻓﻮﻙ ﺭﺍﺳﻲ ﻭﺍﻟﻘﻬﺮ ﻣﺒﻴﻦ ﺑﻌﻴﻮﻧﻪ
ﻭﺳﺄﻟﻨﻲ ﻭﻫﻮ ﺣﺎﺑﺲ ﺍﻧﻔﺎﺳﻪ
.. ﺷﻴﻤﺎﺀ ﻃﻤﻨﻴﻨﻲ ﻭﻛﻠﻴﻠﻲ ﻟﺤﻜﺖ ﺍﺣﻤﻲ ﻋﺮﺿﻲ ؟؟؟
ﻭﻣﺎ ﺩﻧﺴﻪ ﺍﻝ ......
ﻣﻜﺪﺭ ﻳﻜﻤﻞ ﻛﻼﻣﻪ ﻣﻦ ﺍﻟﻐﻴﺾ
ﺟﻨﺖ ﺍﺭﺟﻒ ﻭﺻﺎﻛﺔ ﻋﻠﻰ ﺍﺳﻨﺎﻧﻲ ﻭﻧﺰﻟﺖ ﺩﻣﻮﻋﻲ ﻭﺟﺎﻭﺑﺘﻪ
.. ﺍﺗﻄﻤﻦ ﻣﻜﺪﺭ ﻳﺪﻧﺴﻨﻲ
ﺣﺠﻴﺖ ﻫﺎﻱ ﺍﻟﻜﻠﻤﺘﻴﻦ ﻭﺑﻌﺪﻫﺎ
ﺍﻧﻬﺎﺭﻳﺖ ﺑﺎﻟﺒﺠﻲ ﻭﺍﻟﺪﻣﻮﻉ ﺍﻟﻲ ﺟﺎﻧﺖ ﻫﺎﺟﺮﺗﻨﻲ ﻭ ﻭﻣﻌﺎﻧﺪﺓ . ﻭﻳﺎﻱ
ﺻﺎﺭﺕ ﺗﺠﺮﻱ ﻣﺜﻞ ﺍﻟﻨﻬﺮ ﻋﻠﻰ ﺧﺪﻭﺩﻱ
ﻗﺎﺳﻢ .. ﻣﺴﺤﻲ ﺩﻣﻮﻋﺞ ﻭﻛﻮﻣﻲ ﺍﻧﺘﻲ ﺗﺎﺝ ﻳﻨﺤﻂ ﻋﺎﻟﺮﺍﺱ ﺍﻟﻤﺜﻠﺞ ﻣﺘﺒﺠﻲ ﻣﻜﺴﻮﺭﺓ
ﻛﻼﻡ ﻗﺎﺳﻢ ﻫﺪﻱﺀ ﺧﻮﻓﻲ ﻭﻓﺰﻋﻲ ﺑﻌﺪﻫﺎ
ﺳﺄﻟﻨﻲ ﺍﺻﻌﺐ ﺳﺆﺍﻝ ﺣﺘﻰ ﺍﺻﻌﺐ ﻣﻦ ﺳﺆﺍﻟﻪ ﻋﻦ ﺷﺮﻓﻲ
ﻗﺎﺳﻢ .. ﺍﺑﻮﺝ ﻭﻳﻨﻪ
ﻏﻤﻀﺖ ﻋﻴﻮﻧﻲ ﺑﺬﻝ ﻭﻣﻬﺎﻧﺔ ﻭﺍﺷﺮﺕ ﻋﻠﻰ ﺑﺮﺓ
.. ﻫﻨﺎﻙ ﺟﻮﺓ ﻧﺎﻳﻢ
ﺍﻧﺘﺒﻬﺖ ﻋﻠﻴﻪ ﻭﻫﻮ ﺭﺍﺹ ﺍﺳﻨﺎﻧﻪ ﻣﺪ ﺍﻳﺪﻩ
ﻭﺳﺎﻋﺪﻧﻲ ﺣﺘﻰ ﺍﻛﻮﻡ ﻣﻦ ﻣﻜﺎﻧﻲ
ﻭﺑﻌﺪﻫﺎ ﺭﺍﺡ ﻳﺪﻭﺭ ﺑﺎﻟﺒﻴﺖ ﻋﻠﻴﻪ
ﺭﺣﺖ ﺍﻣﺸﻲ ﻭﺭﺍﻩ ﻭﺭﺟﻠﻴﺔ ﺻﺎﺭﻭﺍ ﺧﻴﻮﻁ
ﺟﺎﻥ ﻳﺘﺤﺮﻙ ﺑﺎﻟﻤﻜﺎﻥ ﻣﺜﻞ ﺍﻻﺳﺪ ﺍﻟﻤﺤﺒﻮﺱ ﺑﻘﻔﺺ
ﻭﻳﺪﻭﺭ ﻋﻠﻰ ﻓﺮﻳﺴﺔ ﺣﺘﻰ ﻳﻄﻠﻊ ﻛﻞ ﻏﻀﺒﻪ ﺑﻴﻬﺎ
ﻭﺍﺛﻴﺮ ﺟﺎﻧﺖ ﻏﺎﻳﺔ ﻗﺎﺳﻢ ﻣﻦ ﻫﺬﺍ ﺍﻟﻐﻀﺐ
ﺍﺑﺎﻭﻉ ﻋﻠﻴﻪ ﺍﺧﺬ ﺍﺛﻴﺮ ﺳﺤﻞ ﻭﺩﺧﻠﻪ ﻟﻠﺤﻤﺎﻡ
ﻭﻫﻮ ﺟﻮﺓ ﺍﻳﺪ ﻗﺎﺳﻢ ﺩﺍﻳﺦ ﻣﻴﺪﺭﻱ ﺑﺎﻟﺪﻧﻴﺎ ﻃﺸﺖ ﻟﻮ ﺭﺷﺖ
ﺻﺮﺕ ﺍﺳﻤﻊ ﺻﻮﺕ ﺍﻟﻤﺎﻱ ﻭﺷﻬﻜﺔ
ﺍﺛﻴﺮ ﺻﻮﺗﻪ ﻣﺜﻞ ﺍﻟﻐﺮﻛﺎﻥ
ﺍﺗﻘﺪﻣﺖ ﺍﺷﻮﻑ ﺷﻨﻮ ﺩﻳﺼﻴﺮ
ﻭﺟﺎﻥ ﺍﺷﻮﻑ ﻗﺎﺳﻢ ﻏﺎﻁ ﺭﺍﺱ ﺍﺛﻴﺮ ﺑﻄﺸﺖ ﺍﻟﻤﺎﻱ
ﺍﺑﺎﻭﻉ ﻋﻠﻴﻪ ﻳﺮﺍﻓﺲ ﺟﻮﺓ ﺍﻳﺪ ﻗﺎﺳﻢ
ﻭﻛﻞ ﺷﻮﻳﺔ ﻳﻜﺮﺭ ﺍﻟﻤﺤﺎﻭﻟﺔ ﻋﺎﺩﻫﺎ ﺍﻛﺜﺮ ﻣﻦ ﻣﺮﺓ
ﻭﺍﺛﻴﺮ ﺑﺪﺓ ﻳﻘﺎﻭﻡ ﻭﺣﺮﻛﺘﻪ ﺗﺪﻝ ﻋﻠﻰ ﺑﺪﺍﻳﺔ ﻭﻋﻲ ﺍﺛﻴﺮ ﻟﻨﻔﺴﻪ
ﻋﻠﻰ ﺍﻻﻗﻞ ﻋﻨﺪﻩ ﺭﺩﺓ ﻓﻌﻞ ﻻﺟﻞ ﺍﻟﺤﻴﺎﺓ
ﻭﻗﺎﺳﻢ ﺑﻌﺪﻣﺎ ﺍﺗﺄﻛﺪ ﻣﻨﻪ ﺑﺪﺓ ﻳﺼﺤﻰ
ﺷﻤﺮﻩ ﺑﺰﻭﺍﻳﺔ ﺍﻟﺤﻤﺎﻡ
ﻭﺍﺛﻴﺮ ﺑﺪﺓ ﻳﻔﺘﺢ ﻭﻳﺴﺪ ﺑﻌﻴﻮﻧﻪ
ﺑﺘﻌﺐ
ﺣﺠﺔ ﺑﺼﻮﺕ ﺛﻜﻴﻞ
.. ﻫﺬﺍ ﻋﺰﺭﺍﺋﻴﻞ ﺷﺠﺎﺑﻪ ﻫﻨﺎ
ﺟﺎﻥ ﻳﺠﺮ ﺑﺎﻟﺤﺠﻲ ﺟﺮ . ﻭﻳﻠﺤﻦ ﺑﺼﻮﺗﻪ ﺍﻟﺜﻜﻴﻞ
ﻗﺎﺳﻢ .. ﻟﻚ ﺍﻧﺖ ﺍﻛﺒﺮ ﻋﺎﺭ ﺷﻔﺘﻪ ﺑﺤﻴﺎﺗﻲ
ﺍﻧﺖ ﻛﻔﺮ ﺗﺸﻢ ﺍﻟﻬﻮﻯ ﺑﺲ ﺍﻧﺎ ﺍﻋﻠﻤﻚ
ﻭﺍﻟﻲ ﺣﺴﺎﺏ ﻭﻳﺎﻙ ﺑﻌﺪﻳﻦ
ﻛﻮﻡ ﺍﺗﺤﺮﻙ ﻟﻤﻠﻢ ﺯﺑﺎﻟﺘﻚ ﻭﺭﻭﺡ ﺷﻮﻑ ﻭﺭﺍﺟﻊ ﻧﻔﺴﻚ
ﺷﻮﻑ ﺭﻭﺣﻚ ﺷﻤﺼﺨﻢ
ﻭﺑﺎﺟﺮ ﻣﻦ ﺗﺼﺤﻰ ﺍﺗﺼﻞ ﻋﻠﻴﺔ
ﺑﻌﺪﻫﺎ ﻃﻠﻌﻨﻲ ﻣﻦ ﺍﻟﺒﻴﺖ ﻭﻛﺒﻞ ﺍﺧﺬﻧﻲ ﻟﻠﺴﻴﺎﺭﺓ
ﻭﻣﺎ ﺷﻔﺖ ﻫﺸﺎﻡ ﻭﺻﺮﺕ ﺍﺗﻠﻔﺖ ﻣﻨﺎ ﻭﻣﻨﺎ
ﺟﺎﻥ ﺍﻟﺪﻧﻴﺎ ﻟﻴﻞ ﻇﻠﻤﺔ ﺑﺲ ﻣﻮ ﺍﻇﻠﻢ ﻣﻦ ﺣﻴﺎﺗﻲ
ﺻﻌﺪﻧﻲ ﺑﺴﻴﺎﺭﺗﻪ ﻭﻃﻠﺒﺖ ﻣﻨﻪ ﻳﻮﺩﻳﻨﻲ ﻟﺒﻴﺖ ﻣﺮﻭﺓ
ﺷﻴﻤﺎﺀ ﺳﺮﺕ ﺑﺠﺴﻤﻲ ﺭﺟﻔﺔ ﻭﺣﺠﻴﺖ
.. ﻟﻮ ﻣﺎ ﺭﺍﺩ ﻋﻠﻰ ﻣﻜﺎﻟﻤﺘﻲ ﺟﺎﻥ ﻫﺴﺔ
ﺍﻟﻠﻪ ﺍﻟﻴﻌﻠﻢ ﺷﻨﻮ ﺻﺎﺭ ﺑﺤﺎﻟﻲ
ﻗﺎﺳﻢ .. ﺷﻴﻤﺎﺀ ﺍﺗﺼﺎﻟﺞ ﻋﻠﻴﺔ ﺑﻮﻗﺖ ﺷﺪﺗﺞ ﻫﺬﺍ ﻭﺳﺎﻡ ﺷﺮﻑ ﺍﻓﺘﺨﺮﺑﻲ
.. ﺗﺪﺭﻱ ﺟﻨﺖ ﻣﺎ ﺍﻋﺮﻑ ﺷﻨﻮ ﺷﻌﻮﺭ ﺍﻟﺒﻨﻴﺔ ﻣﻦ ﻳﻜﻮﻥ ﻋﻨﺪﻫﺎ
ﺍﺧﻮ ﺗﺤﺘﻤﻲ ﺑﻲ ﺑﺲ ﺍﻟﻴﻮﻡ ﺟﺮﺑﺖ ﻫﺬﺍ ﺍﻟﺸﻌﻮﺭ
ﻗﺎﺳﻢ ﺍﻧﻲ ﺟﺪﺍ ﻣﻤﻨﻮﻧﺘﻠﻚ ﻭﻣﺎ ﺍﻋﺮﻑ ﺷﻠﻮﻥ ﺍﺷﻜﺮﻙ
ﺭﺑﻲ ﻳﺴﺘﺮ ﻋﻠﻰ ﻋﺮﺿﻚ
ﻭﻳﺪﻓﻊ ﻋﻨﻜﻢ ﺍﻭﻻﺩ ﺍﻟﺤﺮﺍﻡ
.....
ﻋﻔﻮ ﻋﻠﻴﺞ ﺧﻮﻳﺔ ﺍﻧﺘﻲ ﻛﻠﺘﻴﻬﺎ ﺍﻧﺎ ﻣﺜﻞ ﺍﺧﻮﺝ
ﻭﻣﺎ ﺑﻴﻦ ﺍﻻﺧﺖ ﻭﺍﺧﻮﻫﺎ ﺷﻜﺮ ﻫﺬﺍ ﻭﺍﺟﺒﻲ ﻣﺎ ﺳﻮﻳﺖ ﺷﻲ
ﺍﺑﺘﺴﻢ ﻭﻛﺎﻝ .. ﺫﻛﺮﺗﻴﻨﻲ ﺑﻬﺪﻯ ﻛﻞ ﻣﺮﺓ ﻳﺼﻴﺮ ﻫﻴﺞ ﻣﻮﻗﻒ
ﺗﻜﻌﺪ ﺗﺸﻜﺮﻧﻲ . ﺍﻧﺘﻮﺍ ﺍﻟﻈﺎﻫﺮ ﻋﻨﺪﻛﻢ ﻭﺭﺍﺛﺔ
ﻗﺎﺳﻢ ﻣﻴﺪﺭﻱ ﺑﻴﻨﺎ ﺍﺣﻨﺎ ﻋﺸﻨﺎ ﻃﻮﻝ ﻋﻤﺮﻧﺎ ﻣﻈﻠﻮﻣﺎﺕ ﻣﻦ ﺍﻗﺮﺏ ﺍﻟﻨﺎﺱ ﺍﻟﻨﺎ
ﻭﻣﺎﻧﺘﻮﻗﻊ ﻣﻦ ﻭﺍﺣﺪ ﻏﺮﻳﺐ ﻳﺤﻤﻴﻨﺎ ﻭﻭﻳﻮﻛﻒ ﻭﻳﺎﻧﺎ
ﻟﺬﻟﻚ ﺍﻟﺸﻜﺮ ﻭﺍﻻﻣﺘﻨﺎﻥ ﻣﻮ ﺷﻲ ﻏﺮﻳﺐ ﻋﻠﻴﻨﺎ
ﺟﻨﺖ ﺍﺑﺠﻲ ﻭﺍﻧﻲ ﻣﺴﺘﻐﺮﺑﺔ ﻋﻠﻰ ﺭﻭﺣﻲ ﺷﻠﻮﻥ ﺩﻣﻮﻋﻲ
ﻛﺎﻣﺖ ﺗﻨﺰﻝ ﻫﻴﺞ ﺑﺴﻬﻮﻟﺔ
ﺍﺗﺼﻞ ﻋﻠﻰ ﻣﺮﻭﺓ ﻭﺑﻠﻐﻬﺎ ﺑﺠﻴﺘﻨﺎ
ﻣﻦ ﻭﺻﻠﺖ ﻟﻜﻴﺖ ﻣﺮﻭﺓ ﻭﻣﺮﻳﻢ ﻭﺣﺘﻰ ﺧﻄﻴﺔ ﺿﺤﻰ
ﻭﺍﻛﻔﺎﺕ ﺑﺎﻟﺒﺎﺏ ﻳﻨﺘﻈﺮﻭﻧﻲ ﺧﺎﻳﻔﺎﺕ ﻭﻣﻔﺰﻭﻋﺎﺕ
ﺑﻌﺪ ﻳﺎﺩﻧﻴﺎ ﺷﻨﻮ ﺿﺎﻣﺘﻠﻲ ﻣﻦ ﺿﻴﻢ ﻭﻗﻬﺮ
ﻫﺪﻯ
ﺍﺑﺎﻭﻉ ﻟﻠﺴﺎﻋﺔ ﻳﺎﺭﺑﻲ ﻫﺬﺍ ﻭﻳﻦ ﺻﺎﺭ ﺍﺷﻮ ﻛﻠﺶ ﺍﺗﺄﺧﺮ
ﺍﺗﺼﻞ ﻋﻠﻴﻪ ﻣﻴﺠﺎﻭﺏ
ﻣﻌﻘﻮﻟﺔ ﻫﻮ ﻋﻨﺪﻩ ﻭﺣﺪﺓ ﺛﺎﻧﻴﺔ ﻳﻘﻀﻲ ﻭﻳﺎﻫﺎ ﺣﺎﺟﺘﻪ ﻭﺗﻠﺒﻴﻠﻪ ﻃﻠﺒﺎﺗﻪ
ﻛﻤﺖ ﻣﻦ ﻣﻜﺎﻧﻲ ﻭﺑﺎﻭﻋﺖ ﻟﺮﻭﺣﻲ ﺑﺎﻟﻤﺮﺍﻳﺎ
ﻟﺸﻮﻛﺖ ﺍﺑﻘﻰ ﺍﻧﺘﻈﺮﻩ
ﻳﺎﺭﺑﻲ ﺳﺎﻋﺪﻧﻲ ﺍﺭﻳﺪ ﺯﻭﺟﻲ ﻳﺼﻴﺮ ﺣﻼﻟﻲ
ﻣﻌﻘﻮﻟﺔ ﻫﺎﻟﺸﻲ ﻫﻮﺍﻱ ﻋﻠﻴﺔ ﻟﻮ ﻣﺎ ﺍﺳﺘﺎﻫﻞ
ﺟﻨﺖ ﺻﺎﻓﻨﺔ ﻭﺟﺎﻥ ﻳﻨﻔﺘﺢ ﺍﻟﺒﺎﺏ ﻭﻳﺪﺧﻞ ﻗﺎﺳﻢ ﻭﺍﻟﻮﺟﻪ ﻣﺪﺧﻦ
ﺟﺎﻥ ﻣﺪﻧﻚ ﺭﺍﺳﻪ ﺳﺪ ﺍﻟﺒﺎﺏ ﻭﺭﺍﻩ
ﻭﻫﻮ ﻳﻨﺎﻓﺦ ﺑﻐﻀﺐ ﻫﺬﺍ ﺷﺒﻲ
ﺭﻓﻊ ﺭﺍﺳﻪ ﻭﺍﺟﺘﻲ ﻋﻴﻨﻪ ﺑﻌﻴﻨﻲ
ﻭﻭﻛﻒ ﺑﻤﻜﺎﻧﻪ
ﻭﻋﻘﺪ ﺣﻮﺍﺟﺒﻪ ﻭﺑﺎﻭﻉ ﻋﻠﻴﺔ ﻣﺴﺘﻐﺮﺏ
ﺍﺑﺘﺴﻤﺖ ﺑﻮﺟﻬﻪ
ﻭﺷﺠﻌﺖ ﻧﻔﺴﻲ ﻭﺭﺣﺖ ﺍﻗﺘﺮﺑﺖ ﻋﻠﻴﻪ
ﻭﻫﻤﺴﺖ .. ﻛﻠﺶ ﺍﺗﺄﺧﻐﺖ ( ﺍﺗﺎﺧﺮﺕ ) ﺟﻨﺖ ﺍﻧﺘﻈﻐﻚ ( ﺍﻧﺘﻈﺮﻙ )
ﺟﺎﻥ ﻳﺒﺎﻭﻉ ﻋﻠﻴﺔ ﻭﻋﻴﻮﻧﻪ ﺗﺪﺭﺱ ﻭﺟﻬﻲ ﻭﺗﺮﺟﻊ ﺗﻨﺰﻝ
ﺗﺰﻭﺭ ﻣﻌﺎﻟﻢ ﺟﺴﻤﻲ
.. ﺷﻜﻮ ﻟﻴﺶ ﻧﺘﻨﻈﺮﻳﻨﻲ ﻭﺷﻨﻮ ﻫﺬﺍ ﺍﻟﻲ ﻻﺑﺴﺘﻪ
ﺍﻧﺎ ﻛﻢ ﻣﺮﺓ ﺣﺬﺭﺗﺞ ﻟﺘﻠﻌﺒﻴﻦ ﺑﺎﻟﻨﺎﺭ
ﺍﺷﻮ ﺗﺴﻮﻳﻦ ﻫﻴﺞ ﺣﺮﻛﺎﺕ
ﻭ ﺗﺮﺩﻳﻦ ﻣﻨﻲ ﺍﺣﺎﻓﻆ ﻋﺎﻟﻮﻋﺪ
ﺗﺮﺓ ﻟﻠﺼﺒﺮ ﺣﺪﻭﺩ ﻭﺍﻧﺎ ﺭﺟﺎﻝ ﻣﻮ ﻣﻼﻙ
ﻻﺯﻡ ﺗﻌﺮﻓﻴﻦ ﺷﻨﻮ ﺭﺍﺡ ﺗﻜﻮﻥ ﻧﺘﻴﺠﺔ ﻫﺎﻱ ﺣﺮﻛﺎﺗﺞ
ﺍﺗﻤﻨﻰ ﺗﻜﻮﻧﻴﻦ ﺑﻜﺪﻫﺎ
ﻗﻮﻳﺖ ﻧﻔﺴﻲ ﻭﺍﻗﺘﺮﺑﺖ ﻣﻨﻪ ﻭﺣﺠﻴﺖ ﺑﺼﻮﺕ ﻧﺎﺻﻲ ﻣﻦ ﺍﻟﺨﺠﻞ
.. ﻗﺎﺳﻢ ﺍﻧﻲ ﺍﻋﻐﻒ ( ﺍﻋﺮﻑ ) ﺑﻨﺘﻴﺠﺔ ﺍﻓﻌﺎﻟﻲ ﻭﻟﻴﻮﻳﻦ ﻏﺎﺡ ( ﺭﺍﺡ ) ﺗﻮﺻﻠﻨﻲ
ﻻﻥ ﺍﻧﻲ ﻗﻐﻐﺖ ( ﻗﺮﺭﺕ ) ﺍﺣﺎﻭﻝ ﻭﻳﺎﻙ ﻭﺍﻧﻄﻲ ﻓﻐﺼﺔ ( ﻓﺮﺻﺔ ) ﻟﺤﻴﺎﺗﻨﺎ
ﻭﺍﻏﻴﺪ ( ﺍﺭﻳﺪ ) ﺍﺗﻤﻢ ﺯﻭﺍﺟﻨﺎ
ﺳﺄﻟﻨﻲ ﺑﺤﺬﺭ ﺯﺍﺋﺪ ﺷﻚ
.. ﺍﻛﺪﺭ ﺍﻋﺮﻑ ﺷﻨﻮ ﺍﻟﻐﻴﺮ ﺭﺃﻳﺞ
ﻭﺷﻨﻮ ﺍﻟﻲ ﺍﺗﻐﻴﺮ ﺑﺤﻴﺎﺗﻨﺎ ﻭﺧﻼﺝ
ﺗﻘﺪﻣﻴﻦ ﻋﻠﻰ ﻫﻴﺞ ﺧﻄﻮﺓ
.. ﺍﻟﻐﻴﻎ ﻏﺎﻳﻲ ( ﺍﻟﻐﻴﺮ ﺭﺃﻳﻲ ) ﺍﻧﺖ
ﺑﻌﺪﻣﺎ ﻋﺸﺖ ﻭﻳﺎﻙ ﺷﻔﺖ ﺑﻴﻚ ﺍﻟﻤﻼﺫ ﺍﻻﻣﻦ
ﻭﺣﻤﺎﻳﺘﻚ ﺍﻟﻲ ﻭﻟﺨﻮﺍﺗﻲ ﻭﺣﻨﺎﻧﻚ
ﺻﺎﻍ ( ﺻﺎﺭ ) ﻋﻨﺪﻱ ﺳﺒﺐ ﻗﻮﻱ ﻳﺪﻓﻌﻨﻲ ﺍﺑﺪﻱ ﺯﻭﺍﺟﻲ ﻭﻳﺎﻙ
ﻟﺰﻣﺖ ﺍﻳﺪﻩ ﺑﻴﻦ ﺍﻳﺪﻳﺔ ﻭﺭﻓﻌﺖ ﺭﺍﺳﻲ ﻭﻋﻴﻮﻧﻲ ﺑﻌﻴﻮﻧﻪ ﻭﻛﻤﻠﺖ ﻛﻼﻣﻲ
.. ﻭﻫﺴﺔ ﺍﺳﺄﻟﻚ ﻣﻦ ﺟﺪﻳﺪ
ﺍﺫﺍ ﺍﻛﻮ ﺑﺎﻗﻲ ﺍﻟﻲ ﻣﻜﺎﻥ ﺑﺤﻴﺎﺗﻚ ﺗﻀﻤﻨﻲ ﺍﻟﻚ ﻭﺍﻛﻮﻥ
ﻣﻦ ﺿﻤﻦ ﺍﻫﻞ ﺑﻴﺘﻚ ﻭﺍﺻﻴﻎ ( ﺍﺻﻴﺮ ) ﺣﻼﻟﻚ
ﺑﺎﻭﻉ ﻋﻠﻴﺔ ﻭﻋﻴﻮﻧﻪ ﺗﻨﻄﻖ ﺑﺎﻻﻋﺠﺎﺏ ﻭﺍﻟﻠﻬﻔﺔ ﺑﺲ ﻛﺎﻥ ﻋﻨﺪﻩ ﺗﺮﺩﺩ
ﻭﻛﺎﻝ
.. ﻫﺪﻯ ﻣﺎ ﻳﺤﺘﺎﺝ ﺗﻘﺪﻣﻴﻦ ﺍﻣﺘﻨﺎﻧﺞ ﻭﺗﺸﻜﺮﻳﻨﻲ ﺑﻬﺎﻱ ﺍﻟﻄﺮﻳﻘﺔ
ﺑﺲ ﻋﻠﻤﻮﺩ ﻓﺰﻋﺖ ﻻﺧﺘﺞ ﻭﺣﻤﺎﻳﺘﻲ ﺍﻟﻜﻢ
......
ﻟﺘﺨﺎﻓﻴﻦ ﺭﺍﺡ ﺍﺑﻘﻰ ﺍﺣﻤﻴﺞ ﻭﺑﻨﻔﺲ ﺍﻟﻮﻗﺖ ﺍﺣﺎﻓﻆ ﻋﻠﻰ ﻛﻠﻤﺘﻲ ﻭﻳﺎﺝ ﺍﻧﺘﻈﺮﺝ ﺗﻜﻤﻠﻴﻦ ﺩﺭﺍﺳﺘﺞ ﻭﺗﺘﻮﻛﻠﻴﻦ . ﻣﻴﺤﺘﺎﺝ ﺗﻨﻄﻴﻨﻲ ﻣﻘﺎﺑﻞ ﻋﻠﻰ ﺧﺪﻣﺎﺗﻲ
ﻣﺎ ﺍﺣﺐ ﺍﺳﺘﻐﻞ ﻭﺿﻌﺞ ﻭﺿﻌﻔﺞ ﻫﺎﻱ ﺗﻨﺘﻘﺺ ﻣﻦ ﺭﺟﻮﻟﺘﻲ
ﺟﺎﻧﺖ ﺍﻳﺪﻩ ﺑﻌﺪﻫﺎ ﺑﻴﻦ ﺍﻳﺪﻳﺔ
ﻟﺰﻣﺘﻬﺎ ﺣﻴﻞ ﻭﺣﺠﻴﺖ
.. ﻻ ﻗﺎﺳﻢ ﻻﺗﺘﺼﻮﻍ ( ﺗﺘﺼﻮﺭ ) ﺍﻧﻲ ﺩﺍ ﺍﺳﻮﻱ ﻫﺸﻜﻞ ﻋﻠﻤﻮﺩ
ﺍﺷﻜﻐﻚ ( ﺍﺷﻜﺮﻙ ) ﺑﺎﻟﻌﻜﺲ ﺍﻧﻲ ﺩﺍ ﺍﻓﻜﺮ ﺑﺤﻴﺎﺗﻲ ﻭﻣﺴﺘﻘﺒﻠﻲ ﻭﻳﺎﻙ
ﺑﻌﻴﺪ ﻋﻦ ﺍﻻﻣﺘﻨﺎﻥ ﻫﺬﺍ ﻣﺎﻟﻪ ﻋﻼﻗﺔ ﺑﻤﻮﺿﻮﻋﻨﺎ
ﺍﺗﻤﻨﻰ ﺗﻔﻬﻤﻨﻲ .
ﺳﺤﺐ ﻧﻔﺲ ﻋﻤﻴﻖ ﻣﺜﻞ ﺍﻟﻲ ﺩﻳﻘﺎﻭﻡ
.. ﻓﻬﻤﺘﺞ ﺗﺮﺩﻳﻨﻲ ﺍﺗﻤﻢ ﺯﻭﺍﺟﻨﺎ ﺣﺘﻰ ﺗﻀﻤﻨﻴﻦ ﺣﻤﺎﻳﺘﺞ
ﻭﺣﻘﻮﻗﺞ ﻛﺰﻭﺟﺔ
ﺧﻼﺹ ﻫﺬﺍ ﻫﻮ ﻣﺎ ﺭﺍﺡ ﺍﺧﺬﻟﺞ
ﺍﻧﺎ ﺑﺎﻻﻭﻝ ﻭﺍﻻﺧﻴﺮ ﺍﺑﻘﻰ ﺭﺟﺎﻝ
ﻭﻣﺎ ﻋﻨﺪﻱ ﻣﺎﻧﻊ ﺗﺼﻴﺮﻳﻦ ﺣﻼﻟﻲ
ﺍﻧﺘﻲ ﺣﻠﻮﺓ ﻭﻣﻨﺎﻗﺼﺞ ﺷﻲ
ﺟﺎﻥ ﻳﺤﺠﻲ ﻭﻋﻴﻮﻧﻪ ﺍﻛﻠﺘﻨﻲ
ﻛﻼﻣﻪ ﺯﺭﻉ ﺍﻻﻣﻞ ﺑﺪﺍﺧﻠﻲ
ﻛﻤﻞ ﻛﻼﻣﻪ
ﺑﺲ ﻗﺒﻞ ﻻ ﺍﺑﺪﻱ ﻭﻳﺎﺝ ﻻﺯﻡ ﺗﻌﺮﻓﻴﻦ
ﺻﺤﻴﺢ ﺍﻧﺘﻲ ﺍﺗﻐﻴﺮﺗﻲ ﻭﻗﺮﺭﺗﻲ ﺗﻜﻤﻠﻴﻦ ﻭﻳﺎﻱ
ﺑﺲ ﺧﻠﻲ ﺍﻛﻠﺞ ﺗﺮﺓ ﺍﻧﻲ ﻣﺎﻛﻮ ﺷﻲ ﺍﺗﻐﻴﺮ ﺑﺤﻴﺎﺗﻲ
ﺑﻌﺪﻧﻲ ﺍﻧﻲ ﻧﻔﺴﻲ ﻗﺎﺳﻢ ﻣﺎ ﺍﺗﻐﻴﺮﺕ
ﺑﻌﺪﻧﻲ ﺍﻛﺮﻩ ﺍﻻﻟﺘﺰﺍﻡ ﻭﺍﻟﻤﺴﺆﻭﻟﻴﺔ
ﻭﺣﺮﻳﺘﻲ ﻓﻮﻕ ﻛﻠﺸﻲ
ﻭﺗﺤﺘﻞ ﺍﻟﻤﺮﺗﺒﺔ ﺍﻻﻭﻟﻰ ﺑﺤﻴﺎﺗﻲ
ﻭﻛﻠﺒﻲ ﻫﻮ ﻧﻔﺴﻪ ﻣﺎ ﺍﺗﻐﻴﺮ ﺑﺎﻗﻲ ﻋﻠﻰ ﺣﺎﻟﻪ
ﺍﺣﺐ ﺍﺫﻛﺮﺝ ﻣﻦ ﻫﺴﺔ ﺣﺘﻰ ﻻ ﺑﻌﺪﻳﻦ ﺗﺠﻴﻦ ﺗﺸﺘﻜﻴﻦ ﺍﺳﺘﻐﻼﻟﻲ ﺍﻟﺞ
ﻭﺗﻜﻮﻟﻴﻦ ﻛﺴﺮﺗﻨﻲ ﻭﺣﻄﻤﺖ ﺣﻴﺎﺗﻲ ﻭﻳﺎﻙ
ﺟﺎﻥ ﻫﻮ ﻳﺤﺠﻲ ﻭﺟﻨﺖ ﺍﺣﻠﻞ ﺑﻌﻘﻠﻲ ﻛﻞ ﻛﻠﻤﺔ ﻛﺎﻥ
ﻳﻨﻄﻘﻬﺎ ﻻﻥ ﺍﻧﻲ ﺍﻋﺮﻑ ﻗﺎﺳﻢ ﻣﻴﺤﺠﻲ ﻛﻠﻤﺔ ﺑﺪﻭﻥ
ﻣﺎﻳﻘﺼﺪﻫﺎ ﺟﻨﺖ ﺍﺣﺎﻭﻝ ﺍﺑﺮﺭ ﻛﻼﻣﻪ ﻋﻠﻰ ﺍﻧﻪ ﺻﻌﻮﺑﺔ ﺗﻘﺒﻠﻪ ﺍﻟﻲ ﺑﺤﻴﺎﺗﻪ
ﺑﺲ ﻣﻊ ﺍﻻﺳﻒ ﻛﻼﻣﻪ ﺍﻻﺧﻴﺮﺓ ﻛﺴﺮ ﺍﺧﺮ ﺍﻣﻞ
ﺑﻜﻠﺒﻲ ﻭﺭﺟﻌﻨﻲ ﻟﻨﻘﻄﺔ ﺍﻟﺒﺪﺍﻳﺔ
ﺑﻌﺪ ﺍﻟﻲ ﺳﻤﻌﺘﻪ ﻣﺴﺘﺤﻴﻞ ﺍﺧﻠﻴﻪ ﻳﻤﺘﻠﻜﻨﻲ ﻭﻛﻠﺒﻪ ﺑﻌﺪﻩ . ﻭﻳﺔ ﻭﺣﺪﺓ ﺛﺎﻧﻴﺔ
ﻳﻌﻨﻲ ﺭﻏﻢ ﺍﻟﺼﺎﺭ ﺑﻴﻨﻪ ﻭﺑﻴﻦ ﺭﻫﻒ ﺷﻜﻠﻪ ﺣﺒﻬﺎ
ﺑﻌﺪﻩ ﻣﻮﺟﻮﺩ ﺑﻜﻠﺒﻪ ﺣﺘﻰ ﻟﻮ ﻛﺎﻧﻮﺍ ﻣﺘﺰﺍﻋﻠﻴﻦ
ﺍﻧﻲ ﺷﻜﺪ ﻏﺒﻴﺔ . ﺷﻠﻮﻥ ﺍﻧﺴﻰ ﻫﻴﺞ ﻓﻘﺮﺓ
ﻭﻫﻮ ﺍﺻﻼ ﺍﻟﺰﻋﻞ ﺍﻟﻤﻦ . ﺍﻧﺨﻠﻖ ﻏﻴﺮ ﺑﺲ ﻟﻠﻤﺤﺒﻴﻦ
ﺩﻧﻜﺖ ﻭﺻﺮﺕ ﺍﺻﺒﺮ ﺩﻣﻮﻋﻲ ﻭﺍﺗﺮﺟﺎﻫﺎ
ﻻﺗﻨﺰﻝ ﻭﺗﺬﻟﻨﻲ ﻛﺪﺍﻣﻪ
ﺗﺮﻛﺖ ﺍﻳﺪﻩ ﻭﺍﺑﺘﻌﺪﺕ ﻋﻨﻪ ﻭﺭﻓﻌﺖ ﺭﺍﺳﻲ ﻭﺑﺎﻭﻋﺖ ﺑﻌﻴﻮﻧﻪ
ﻭﺣﺠﻴﺖ ﺑﺼﻮﺕ ﻭﺍﻫﻦ ﺣﺎﻭﻟﺖ ﻣﺎ ﺍﺑﻴﻦ ﺑﻲ ﻧﺒﺮﺓ
ﺍﻧﻜﺴﺎﺭﻱ
.. ﺧﻼﺹ ﻗﺎﺳﻢ ﻏﺴﺎﻟﺘﻚ ( ﺭﺳﺎﻟﺘﻚ ) ﻭﺻﻠﺖ
ﻭﺍﻓﺘﻬﻤﺖ ﻣﻦ ﻛﻼﻣﻚ ﺍﻧﻲ ﻣﺎﻟﻲ ﻣﻜﺎﻥ ﺑﺤﻴﺎﺗﻚ
ﻭﺍﺷﻜﻐﻚ ( ﻭﺍﺷﻜﺮﻙ )
ﻻﻥ ﺣﺬﻏﺘﻨﻲ ( ﺣﺬﺭﺗﻨﻲ ) ﻭﻭﺻﺤﻴﺘﻨﻲ ﻣﻦ ﻏﺒﺎﺋﻲ ﺍﻟﻲ ﺟﻨﺖ ﻋﺎﻳﺸﺔ ﺑﻲ
ﻛﻼﻣﻚ ﺻﺤﻴﺢ ﺍﻧﻲ ﺍﺣﺘﺎﺝ ﻏﺠﻞ ( ﺭﺟﻞ ) ﻳﻜﻮﻥ ﺑﻜﺪ ﺣﻤﻞ ﺍﻟﻤﺴﺆﻟﻴﺔ
ﻭﻣﺎ ﻳﺘﻬﻐﺐ ( ﻳﺘﻬﺮﺏ ) ﻣﻨﻬﺎ . ﻭﺷﻜﻠﻲ ﺍﺟﻴﺖ ﻋﻠﻰ ﺍﻟﺸﺨﺺ ﺍﻟﻐﻠﻂ
ﺍﺑﺎﻭﻉ ﻋﻠﻴﻪ ﻣﺴﺢ ﻛﻒ ﺍﻳﺪﻩ ﻋﻠﻰ ﻭﺟﻬﻪ ﻭﻇﻞ ﻳﻠﻌﻦ ﻭﻳﻐﻠﻂ ﻣﻦ ﺑﻴﻦ ﺍﺳﻨﺎﻧﻪ
ﺩﺭﺕ ﻭﺟﻬﻲ ﻭﺍﻧﻄﻴﺘﻪ ﻇﻬﺮﻱ ﻭﻣﺸﺖ ﻣﺘﻮﺟﻪ ﻟﻠﻜﻨﺘﻮﺭ
ﻓﺘﺤﺘﻪ ﻭﻃﻠﻌﺘﻠﻲ ﻣﻼﺑﺲ ﺗﺤﻤﻲ ﺿﻌﻔﻲ ﻛﺪﺍﻣﻪ
ﺭﺣﺖ ﻟﻠﺤﻤﺎﻡ ﻭﺑﺪﻟﺖ ﻭﻏﺴﻠﺖ ﻭﺟﻬﻲ ﻭﺷﻤﺮﺕ ﺍﻟﺜﻮﺏ ﺍﻻﺑﻴﺾ ﺑﺎﻟﻜﺎﻉ ﺑﺰﻭﺍﻳﺔ ﺍﻟﺤﻤﺎﻡ ﺻﺮﺕ ﺍﺑﺎﻭﻉ ﻋﻠﻴﻪ
ﺑﺤﻘﺪ
......
ﻃﻠﻌﺖ ﻣﻦ ﺍﻟﺤﻤﺎﻡ ﻭﻟﻜﻴﺘﻪ ﻳﺤﻮﻡ ﺑﺎﻟﻐﺮﻓﺔ ﻣﺜﻞ ﺍﻻﻋﺼﺎﺭ
ﺟﺎﻥ ﻳﻨﺘﻈﺮﻧﻲ
ﺑﺲ ﺷﺎﻓﻨﻲ ﺍﺗﻮﻗﻒ ﻛﺪﺍﻣﻲ ﻭﻛﺎﻝ
.. ﻫﺪﻯ ﺻﺪﻛﻴﻨﻲ ﺍﻟﺼﺎﺭ ﺍﺣﺴﻦ ﺍﻟﻨﺔ ﺛﻨﻴﻨﺎ
ﺑﻌﺪ ﺍﻟﺸﻔﺘﻪ ﺍﻟﻴﻮﻡ ﻋﺮﻓﺖ ﻟﻴﺶ ﺟﻨﺘﻲ ﺧﺎﻳﻔﺔ ﻣﻨﻲ ﺍﻟﺒﺎﺭﺣﺔ ﻣﻦ ﺭﺟﻌﺖ ﻣﺘﺄﺧﺮ ﻣﻦ ﺍﻟﺴﻬﺮﺓ
ﻣﺘﺮﻳﺪﻳﻦ ﺗﺘﻜﺮﺭ ﺣﻴﺎﺓ ﺍﺑﻮﺝ ﻭﻳﺎﺝ
ﺑﺲ ﻣﻊ ﺍﻻﺳﻒ ﺍﻟﻲ ﺗﺮﺩﻳﻨﻪ ﻣﻨﻲ ﻣﺎﻣﻮﺟﻮﺩ ﻋﻨﺪﻱ
ﻻﻥ ﻟﻮ ﻛﺎﻥ ﻣﻮﺟﻮﺩ ﻋﻨﺪﻱ ﺟﺎﻥ ﺍﺑﻮﻱ ﺍﻭﻟﻰ ﻭﺍﺣﺪ
ﺑﺄﻫﺘﻤﺎﻣﻲ
ﻭﻟﻮ ﺟﻨﺖ ﻣﻮﺟﻮﺩ ﻳﻤﻪ ﻣﺴﺎﻧﺪﻩ ﺟﺎﻥ ﻣﺎ ﻓﻘﺪﺗﻪ
ﻫﻮ ﻳﺤﺠﻲ ﻭﺍﻧﻲ ﺟﻨﺖ ﻏﺮﻛﺎﻧﺔ ﺑﻜﺴﺮﺓ ﻛﻠﺒﻲ
ﺍﺩﺭﻱ ﻫﻮ ﺩﻳﺤﺲ ﺑﺎﻟﺬﻧﺐ ﺑﺘﺠﺎﻫﻲ ﻻﻥ ﺧﺬﻟﻨﻲ
ﺭﻓﻌﺖ ﺭﺍﺳﻲ .. ﺧﻼﺹ ﻗﺎﺳﻢ ﻣﻴﺤﺘﺎﺝ ﺗﻜﻌﺪ ﺗﺒﻐﻐﻠﻲ ( ﺗﺒﺮﺭﻟﻲ )
ﺳﺒﺐ ﻏﻔﻀﻚ ( ﺭﻓﻀﻚ ) ﺍﻟﻲ
ﻫﺎﻱ ﺣﻴﺎﺗﻚ ﺍﻧﺖ ﺣﻎ ( ﺣﺮ ) ﺑﻴﻬﺎ
ﻋﻠﻰ ﻛﻞٍ ﺧﻠﻴﻨﺎ ﺑﺎﻟﻤﻬﻢ
ﺑﻤﺎ ﺍﻥ ﺯﻭﺍﺟﻨﺎ ﻭﺍﻟﻈﻐﻮﻑ ( ﺍﻟﻈﺮﻭﻑ ) ﺍﻟﻲ ﺟﻤﻌﺘﻨﺎ . ﻛﺎﻧﺖ ﻛﻠﻬﺎ ﻏﻠﻂ ﺑﻐﻠﻂ
ﻟﺬﻟﻚ ﺍﻧﻲ ﺍﺷﻮﻑ ﻭﺟﻮﺩﻱ ﺑﺤﻴﺎﺗﻚ ﻣﺎﻟﻪ ﻟﺰﻣﺔ
ﻣﺎ ﺍﻏﻴﺪ ﺍﺻﻴﻎ ﺣﺠﻐﺔ ﻋﺜﻐﺔ ﺑﻄﻐﻴﻘﻚ
( ﻣﺎﺭﻳﺪ ﺍﺻﻴﺮ ﺣﺠﺮ ﻋﺜﺮﺓ ﺑﻄﺮﻳﻘﻚ )
ﻓﻜﻞ ﺍﻟﻲ ﺍﻏﻴﺪﻩ ( ﺍﺭﻳﺪﻩ ) ﻣﻨﻚ ﺗﻄﻠﻜﻨﻲ
ﻭﺗﺨﻠﺺ ﻧﻔﺴﻚ ﻣﻦ ﻣﺴﺆﻟﻴﺘﻲ ﻭﻛﻠﻤﻦ ﻳﻐﻮﺡ ( ﻳﺮﻭﺡ ) ﺑﺤﺎﻝ ﺳﺒﻴﻠﻪ
ﺍﺑﺎﻭﻉ ﻋﻠﻴﻪ ﺻﺎﺭ ﻧﺎﺭ ﻛﺒﺮﺓ
.. ﺍﻧﺴﻲ ﺷﻲ ﺍﺳﻤﻪ ﻃﻼﻕ
ﺍﻧﺎ ﻭﻋﺪﺗﺞ ﺗﻜﻤﻠﻴﻦ ﻛﻠﻴﺘﺞ ﻭﺗﻌﺘﻤﺪﻳﻦ ﻋﻠﻰ ﻧﻔﺴﺞ
ﻭﺗﺒﻘﻴﻦ ﻟﺤﺪ ﻣﺎ ﺗﻜﺪﺭﻳﻦ ﺗﻌﺘﻤﺪﻳﻦ ﻋﻠﻰ ﻧﻔﺴﺞ
.. ﻟﺘﺨﺎﻑ ﻋﻠﻴﺔ ﺻﻐﺖ ﺍﻛﺪﻍ ( ﺻﺮﺕ ﺍﻛﺪﺭ ) ﺍﺣﻤﻲ ﻧﻔﺴﻲ ﻣﻦ ﺍﺑﻮﻳﺔ
ﻣﻐﻮﺓ ( ﻣﺮﻭﺓ ) ﺍﺧﺘﻲ ﻭﺷﻴﻤﺎﺀ ﻣﻮﺟﻮﺩﺍﺕ ﻣﺎ ﻏﺎﺡ ﻳﺘﻐﻜﻮﻧﻲ ( ﻣﺎﺭﺍﺡ ﻳﺘﺮﻛﻮﻧﻲ )
ﻭﺍﺑﻮﻳﺔﻋﺼﺒﺎً ﻋﻠﻴﻪ ﻳﺘﻘﺒﻞ ﺍﻟﻤﻮﺿﻮﻉ
ﻃﻠﻜﻨﻲ ﻭﺍﻏﺘﺎﺡ ﻭﻏﻴﺢ ( ﺍﺭﺗﺎﺡ ﻭﺭﻳﺢ ) ﻛﻠﺒﻲ ﻭﻳﺎﻙ
ﺭﺹ ﻋﻠﻰ ﺍﺳﻨﺎﻧﻪ ﻭﺣﺠﺔ
.. ﺳﻤﻌﻴﻨﻲ ﺯﻳﻦ ﻃﻼﻙ ﻣﺎ ﺍﻃﻠﻚ ﺍﻧﺴﻲ
ﻣﺜﻠﻤﺎ ﺍﻧﺘﻲ ﻋﻨﺪﺝ ﺍﺳﺒﺎﺑﺞ
ﺍﻧﺎ ﻋﻨﺪﻱ ﺍﻣﻲ ﺍﻛﺒﺮ ﺳﺒﺐ ﻣﺴﺘﺤﻴﻞ ﺍﺧﺬﻟﻬﺎ ﻭﺍﻗﻬﺮﻫﺎ
ﺑﻄﻼﻛﻲ
ﺩﺭﺕ ﻭﺟﻬﻲ ﻭﺣﺠﻴﺖ
.. ﺧﺎﻟﺔ ﺍﻧﺴﺎﻧﺔ ﻣﺘﺴﺘﺎﻫﻞ ﺗﺘﺄﺫﺓ ﺑﺴﺒﺒﻨﺎ
ﻟﺬﻟﻚ ﻏﺎﺡ ﺍﻧﺘﻈﻐﻚ ( ﺭﺍﺡ ﺍﻧﺘﻄﺮﻙ ) ﻣﻦ ﺗﺸﻮﻑ ﺍﻟﻮﻗﺖ ﺍﻟﻤﻨﺎﺳﺐ ﻭﺗﻄﻠﻜﻨﻲ
ﺑﻌﺪﻫﺎ ﺍﺑﺘﻌﺪﺕ ﻋﻨﻪ
ﻭﻃﻠﻌﺖ ﻣﻦ ﺍﻟﻐﺮﻓﺔ ﺑﻜﺒﺮﻫﺎ
ﻭﺭﺣﺖ ﻟﻐﺮﻓﺔ ﻫﺎﻟﺔ ﺩﻛﻴﺖ ﺍﻟﺒﺎﺏ ﻭﺩﺧﻠﺖ
ﺟﺎﻧﺖ ﺳﺘﻮﻫﺎ ﺗﺮﻳﺪ ﺗﻨﺎﻡ ﻣﻘﻔﻠﺔ
ﻣﻦ ﺷﺎﻓﺘﻨﻲ ﻛﻌﺪﺕ ﻣﺼﺤﺼﺤﺔ
.. ﻳﺎﺳﺘﺎﺭ ﺷﻌﻨﺪﺝ ﺑﻐﺮﻓﺘﻲ ﺑﻬﺬﺍ ﺍﻟﻮﻗﺖ
ﺍﻧﻲ ﻫﻲ ﺣﺠﺖ ﻫﺎﻱ ﺍﻟﻜﻠﻤﺘﻴﻦ ﻭﺍﻧﻲ ﺷﻤﺮﺕ ﺭﻭﺣﻲ
ﺑﺤﻀﻨﻬﺎ ﻭﺍﻧﻔﺠﺮﺕ ﺑﺎﻟﺒﺠﻲ
ﻭﻫﻲ ﺻﺎﺭﺕ ﺗﻄﺒﻄﺐ ﻋﻠﻴﺔ ﺗﻮﺍﺳﻴﻨﻲ ﺑﺪﻭﻥ ﻣﺎ ﺗﻌﺮﻑ
ﺍﻱ ﺷﻲ
ﻫﺎﻟﺔ ﺗﻮﺍﺳﻴﻬﺎ
.. ﺍﻟﻠﻪ ﻳﻠﻌﻦ ﺍﻟﺤﺐ ﻭﺳﻨﻴﻨﻪ
ﻣﺎ ﻭﺭﺍﻩ ﺑﺲ ﺷﻞ ﺍﻟﺤﺎﻝ ﻭﻭﺟﻊ ﺍﻟﻜﻠﺐ
ﺟﻨﺖ ﺍﺑﺠﻲ ﻭﺍﺣﺠﻲ
.. ﺍﻟﺤﺐ ﺷﻌﻠﻴﻪ ﻫﻮ ﺍﺧﻮﺝ ﺛﻮﻍ ( ﺛﻮﺭ ) ﻣﺎﻋﻨﺪﻩ ﺍﺣﺴﺎﺱ
ﻫﺎﻟﺔ .. ﻫﻲ ﻫﻨﺎ ﺍﻟﻤﺸﻜﻠﺔ ﺍﺧﻮﻱ ﺛﻮﺭ
ﻭﺍﻧﺘﻲ ﻣﺜﻞ ﺍﻟﺒﻘﺮﺓ ﺍﻟﻐﺒﺮﺓ . ﺍﺟﻴﺘﻲ ﻭﺣﺒﻴﺘﻲ
ﺍﺣﺠﻲ ﻭﺍﻧﺎﺷﻎ ﻣﻦ ﺑﻴﻦ ﺍﺩﻣﻮﻋﻲ
.. ﻣﻮ ﻛﻠﺒﻲ ﺍﻟﻐﺒﻲ ﺣﺒﻪ ﻣﻮ ﻏﺎﺿﻲ ( ﺭﺍﺿﻲ ) ﻳﻔﻬﻢ ﻫﺬﺍ ﺍﻟﻐﺠﺎﻝ ( ﺍﻟﺮﺟﺎﻝ ) ﻣﺎ ﻳﻔﻴﺪﻩ
.. ﺍﺩﺭﻱ ﻫﺴﺔ ﺍﻧﺘﻲ ﺷﻨﻮ ﺍﻓﺘﻬﻤﺘﻲ ﻣﻨﻪ ﻭﺣﺒﻴﺘﻴﻪ
ﻏﻴﺮ ﺑﺎﻻﻭﻝ ﺗﺨﺘﺒﺮﻳﻨﻪ
ﻭﺗﺸﻮﻓﻴﻦ ﺗﺎﺭﻳﺦ ﺻﻼﺣﻴﺔ ﻛﻠﺒﻪ ﻣﻨﺘﻬﻴﺔ ﻟﻮ ﺑﻌﺪﻫﺎ
ﺻﺎﻟﺢ ﻟﻠﺤﺐ ﺍﻭ ﻻ
.....
ﻣﺴﺤﺖ ﺧﺸﻤﻲ ﻭﺑﺎﻭﻋﺖ ﻋﻠﻴﻬﺎ
.. ﻫﺎﻟﺔ ﺍﻧﺘﻲ ﺩﺗﺤﺠﻴﻦ ﻋﻦ ﺍﺧﻮﺝ ﻟﻮ ﻋﻦ ﻗﻮﻃﻴﺔ ﻟﺒﻠﺒﻲ
.. ﻟﺞ ﻋﻮﺑﺔ ﺩﺍ ﺍﺣﺠﻲ ﻋﻦ ﺍﺧﻮﻱ ﺍﻟﺜﻮﺭ ﻭﻣﺮﺗﻪ ﺍﻟﺒﻘﺮﺓ
ﻳﺎﻟﻠﻪ ﻫﺴﺔ ﺑﻤﺎ ﺍﻥ ﺍﻧﺘﻲ ﺑﺪﻳﺘﻲ ﺗﺘﺠﺎﻭﺑﻴﻦ ﻭﻳﺎﻱ ﺍﺣﺠﻴﻠﻲ ﺷﻨﻮ ﺍﻟﺼﺎﻳﺮ
ﺑﺪﻳﺖ ﺍﺣﺠﻲ ﻟﻬﺎﻟﺔ ﻋﻦ ﺍﻟﺼﺎﺭ ﺑﻴﻨﻲ ﻭﺑﻴﻦ
ﻗﺎﺳﻢ ﻭﻋﻦ ﺭﺩﺓ ﻓﻌﻠﻪ ﻭﻳﺎﻱ
ﻫﺎﻟﺔ .. ﻳﺒﻮﻭﻭﻭﻭ ﻋﻠﻰ ﺣﻈﺞ ﻳﺎﻫﺪﻯ ﻭﻳﻦ ﻧﺎﻳﻢ
ﻭﺍﻟﻠﻪ ﺗﺨﺘﺎﺭﻳﻦ ﺍﻭﻗﺎﺕ ﻛﻠﻬﺎ ﺣﺮﺟﺔ
.. ﻟﻴﺶ ﻳﻌﻨﻲ ﺗﻐﺪﻳﻨﻲ ( ﺗﺮﻳﺪﻳﻨﻲ ) ﺍﺧﺬ ﻣﻮﻋﺪ ﻭﻳﺎﻩ
ﻣﻦ ﺍﻏﻴﺪ ﺍﻗﺘﻐﺐ ( ﺍﺭﻳﺪ ﺍﻗﺘﺮﺏ ) ﻣﻨﻪ
ﺣﺘﻰ ﻳﻜﻮﻥ ﻣﺴﺘﻌﺪﻟﻲ
.. ﻭﻟﺞ ﻻ ﻳﺎﻟﻔﺎﻟﺤﺔ
ﺍﻧﻲ ﻗﺼﺪﻱ ﺍﻟﻮﻗﺖ ﺍﻟﻲ ﺍﺟﻴﺘﻲ ﺑﻲ
ﺍﻧﺘﻲ ﻣﺘﺪﺭﻳﻦ ﺷﻨﻮ ﺻﺎﺭ ﺑﺬﻳﺞ ﺍﻟﻔﺘﺮﺓ
ﻣﻦ ﺟﻨﺘﻲ ﻣﻠﺘﻬﻴﺔ ﻭﻳﺔ ﺍﺧﺘﺞ ﺿﺤﻰ
.. ﻟﻴﺶ ﺷﻨﻮ ﺻﺎﻍ ( ﺻﺎﺭ )
.. ﻟﺞ ﺭﻫﻒ ﺍﻟﻌﻮﺑﺔ ﺣﺎﻭﻟﺖ ﺍﻻﻧﺘﺤﺎﺭ
ﻭﺍﺑﻮﻫﺎ ﺣﺮﻙ ﺍﻟﺪﻧﻴﺎ ﻭﺑﻴﻮﻣﻬﺎ ﻗﺎﺳﻢ ﺭﺍﺡ ﻳﺮﻛﺾ
ﻋﻠﻴﻬﺎ ﺣﺘﻰ ﻣﺎ ﺍﻧﺘﻈﺮ ﺍﻣﻲ
ﻭﺑﻌﺪﻫﺎ ﺍﻣﻲ ﺍﺧﺬﺕ ﺍﻟﻌﻢ ﺣﺴﻨﻴﻦ ﻭﺭﺍﺣﺖ ﻭﺭﺍﻫﻢ ﻟﻠﻤﺴﺘﺸﻔﻰ . ﺣﺘﻰ ﺗﺸﻮﻑ ﺷﻨﻮ ﺍﻟﺴﺎﻟﻔﺔ
ﻫﺎﻟﺔ ﺗﺤﺠﻲ ﻭﺍﻧﻲ ﻛﻠﺒﻲ ﻛﺎﻡ ﻳﻜﻤﺰ ﻣﻦ ﺍﻟﻐﻴﺮﺓ
ﺧﺮﺏ ﺣﻈﻲ ﻭﻻ ﺍﺗﻮﺏ ﻣﻨﻪ ﺭﺟﻌﺖ ﺩﻣﻮﻋﻲ ﻧﺰﻟﺖ
ﻣﻦ ﺟﺪﻳﺪ
.. ﻫﺴﺔ ﺍﻓﺘﻬﻤﺖ ﺷﻨﻮ ﻛﺎﻥ ﻳﻘﺼﺪ ﻣﻦ ﻛﺎﻝ
ﺍﻧﻲ ﺑﻌﺪﻧﻲ ﻣﺎ ﺍﺗﻐﻴﻐﺖ ( ﻣﺎﺍﺗﻐﻴﺮﺕ ) ﻭﺑﺎﻗﻲ ﻣﺤﺎﻓﻆ ﻋﺎﻟﻮﻋﺪ
ﻫﺎﻟﺔ .. ﺷﻮﻓﻲ ﻫﺪﻯ ﺍﻧﻲ ﻣﺎ ﺍﻋﺮﻑ ﺷﻨﻮ ﻫﻮ ﺷﻌﻮﺭ ﻗﺎﺳﻢ ﺍﺧﻮﻱ ﺑﺄﺗﺠﺎﻫﺞ
ﺑﺲ ﺍﻟﻲ ﺍﻋﺮﻓﻪ ﻭﻣﺘﺄﻛﺪﺓ ﻣﻨﻪ
ﺍﻥ ﻗﺎﺳﻢ ﺍﺧﻮﻱ ﻣﺴﺘﺤﻴﻞ ﻳﺘﻨﺎﺯﻝ
ﺍﻭ ﻳﺴﺎﻣﺢ ﻭﺍﺣﺪ . ﻳﻜﺴﺮ ﻛﻠﺒﻪ ﻭﺍﺗﻌﺪﺓ ﻋﻠﻴﻪ
ﻟﻮ ﻋﻠﻰ ﻛﺺ ﺭﻛﺒﺘﻪ ﻣﻴﺴﻮﻳﻬﺎ ﻭﻳﺮﺟﻊ ﻟﺮﻫﻒ
.. ﻟﻴﺶ ﺷﻨﻮ ﺍﻟﻲ ﻳﺨﻠﻴﺞ ﻣﺘﺄﻛﺪﺓ
.. ﻻﻥ ﻗﺎﺳﻢ ﻗﺒﻞ ﻣﺮﺓ ﺻﺎﺭﺕ ﻭﻳﺎﻩ
ﻣﻦ ﺑﺎﺑﺎ ﻛﺴﺮﻛﻠﺒﻪ ﻭﺍﺗﻬﻤﻪ ﻭﻇﻠﻤﻪ
ﻭﺑﺎﺑﺎ ﻣﻦ ﻋﺮﻑ ﻏﻠﻄﻪ ﺣﺎﻭﻝ ﻳﺴﺘﺮﺟﻊ ﻗﺎﺳﻢ
ﺑﺲ ﻣﻊ ﺍﻻﺳﻒ ﻗﺎﺳﻢ ﻛﺎﻥ ﻣﺴﺎﻓﺮ ﻭﻣﻌﻨﺪ ﺭﺍﺳﻪ ﻳﺮﻓﺾ ﻳﺴﺎﻣﺢ
ﺷﻴﻤﺎﺀ
ﺑﻌﺪ ﺍﻟﺼﺎﺭ ﺑﻴﺔ ﺑﻔﺘﺮﺓ ﺣﺎﻭﻟﺖ ﺍﺗﺠﺎﻭﺯ ﺍﻟﺼﺎﺭ ﺑﻴﺔ
ﻭﺍﻧﻬﺾ ﻣﻦ ﺟﺪﻳﺪ ﻣﺜﻞ ﻛﻞ ﻣﺮﺓ . ﺍﺗﻌﺮﺽ ﻟﻌﺜﺮﺓ
ﻭﺍﺭﺟﻊ ﺍﺿﻤﺪ ﺟﺮﺍﺣﻲ ﻭﺍﻭﻛﻒ ﺑﻮﺟﻪ ﺍﻟﺰﻣﻦ
ﻛﺎﻥ ﺳﺒﺐ ﻗﻮﺗﻲ ﻭﺻﻼﺑﺘﻲ ﺧﻮﺍﺗﻲ
ﺧﻮﻓﻬﻦ ﻭﻗﻠﻘﻬﻦ ﻋﻠﻴﺔ ﺧﻼﻧﻲ
ﺍﻧﻬﺾ ﻭﺍﻃﻤﻨﻬﻦ ﻋﻠﻴﺔ ﺍﻧﻲ ﺑﻌﺪﻧﻲ ﺍﺧﺘﻬﻢ ﺍﻟﻜﺒﻴﺮﺓ ﺍﻟﻘﺮﻳﺔ
ﺍﻟﻲ ﻳﺴﺘﻨﺪﻭﻥ ﻋﻠﻴﻬﺎ
ﻭﺭﺓ ﻳﻮﻣﻴﻦ ﺑﺎﺷﺮﺕ ﺑﺪﻭﺍﻣﻲ ﻭﻳﺔ ﻣﺮﻭﺓ ﻭﺟﺎﻥ ﺍﻟﻪ ﺍﻟﺪﻭﺭ . ﺍﻟﻜﺒﻴﺮ ﺑﺎﻧﺸﻐﺎﻟﻲ ﻋﻦ ﺍﻟﺼﺎﺭ ﺑﻴﺔ
ﻣﺮﺍﺕ ﺍﻧﺎﻡ ﺑﺎﻟﻠﻴﻞ ﻭﺍﻓﺰ ﻣﺮﻋﻮﺑﺔ ﺧﺎﻳﻔﺔ
ﻳﺘﺨﻴﻠﻲ ﺷﺎﻛﺮ ﻭﺻﻮﺗﻪ ﻳﻌﺘﺪﻱ ﻋﻠﻴﺔ ﻭﺍﻧﻲ ﻧﺎﻳﻤﺔ
ﻭﻓﻌﻼ ﻛﺎﻥ ﺍﻟﺪﻭﺍﻡ ﻣﺜﻞ ﻛﺎﻟﺖ ﻣﺮﻭﺓ
ﻭﻣﺮﻳﺢ ﻭﻣﺘﺸﻌﺐ ﻭﺟﺎﻧﺖ ﺍﻛﻮ ﺑﻨﻴﺔ ﺑﺎﻻﺳﺘﻌﻼﻣﺎﺕ
ﻫﻲ ﺍﻟﻲ ﺍﺗﻜﻔﻠﺖ ﺗﻌﻠﻤﻨﻲ ﻭﺗﻌﺮﻓﻨﻲ ﻋﻠﻰ ﻣﺮﺍﺟﻌﺎﺕ ﻣﺮﻭﺓ
ﻭﺑﺎﻟﺘﺪﺭﻳﺞ ﺑﺪﻳﺖ ﺍﺗﻌﻠﻢ ﻟﺸﻐﻞ ﻣﺮﻭﺓ
ﻭﺍﻏﻠﺐ ﺍﻻﺣﻴﺎﻥ ﻣﺮﻭﺓ ﺗﻄﻠﺒﻨﻲ ﻭﻳﺎﻫﺎ ﺑﺪﺍﺧﻞ ﺍﻟﻌﻴﺎﺩﺓ
ﺧﺼﻮﺻﺎً ﻣﻦ ﺷﺎﻓﺖ ﺧﺒﺮﺗﻲ ﺑﻬﺬﺍ ﺍﻟﻤﺠﺎﻝ
ﺍﻣﺎ ﺍﺛﻴﺮ ﺑﻌﺪﻣﺎ ﺻﺤﺔ ﻋﻠﻰ ﺭﻭﺣﻪ
ﺍﺗﺼﻞ ﻋﻠﻴﺔ ﺑﺲ ﺍﻧﻲ ﺭﻓﻀﺘﻪ ﻛﻠﺒﻲ ﻫﻮﺍﻱ ﻣﺤﻤﻞ
ﻋﻠﻴﻪ ﻭﺑﻌﺪ ﻣﺎ ﻋﺎﺩ ﺑﺎﻟﻜﻠﺐ ﻣﺠﺎﻝ ﻳﺸﻔﻌﻠﻪ
ﻋﻨﺪﻱ ﺍﻓﻌﺎﻟﻪ ﺳﻠﺒﺖ ﻣﻨﻪ ﺣﻖ ﺍﻻﺑﻮﺓ
ﻋﻨﺪﻱ
ﺍﻣﺎ ﺿﺤﻰ ﺍﻟﻴﻮﻡ ﺍﻟﻤﺤﺎﻣﻲ ﻛﺎﻝ ﺭﺍﺡ ﺗﻜﻮﻥ ﺍﺧﺮ ﺟﻠﺴﺔ
ﺑﺎﻟﻤﺤﻜﻤﺔ ﺑﺨﺼﻮﺹ ﺍﻟﻄﻼﻕ
ﻭﻫﻲ ﺭﺍﺣﺖ ﻭﻳﺔ ﺍﺛﻴﺮ ﻭﺍﻟﻤﺤﺎﻣﻲ . ﺣﺘﻰ ﺗﻨﻬﻲ ﻛﻠﺸﻲ
ﻃﺒﻌﺎ ﻣﺮﻭﺓ ﻋﺮﻓﺖ ﺷﻠﻮﻥ ﺗﻠﺰﻡ ﺍﺛﻴﺮ ﻭﺗﺠﺒﺮﻩ ﻳﺮﻭﺡ ﻭﻳﺔ
ﺿﺤﻰ
......
ﺍﻣﺎ ﻣﺮﻳﻢ ﻓﺒﺪﺕ ﺗﺎﺧﺬ ﺩﻭﺭﺍﺕ ﺍﻟﺘﻘﻮﻳﺔ
ﻭﺍﻟﺤﻤﺪﻟﻠﻪ ﻣﺮﻳﻢ ﻛﻠﺶ ﺷﺎﻃﺮﺓ ﺍﻥ ﺷﺎﺀ ﺍﻟﻠﻪ ﺗﺒﻴﺾ ﻭﺟﻬﻨﺎ
ﻭﺗﺮﻓﻊ ﺭﺍﺳﻨﺎ
ﺍﻣﺎ ﻛﻠﺒﻲ ﻓﻜﺎﻥ ﺑﻮﺍﺩﻱ ﻟﺤﺎﻟﻪ ﻋﺒﺎﻟﻚ ﻣﻌﺎﻳﺶ
ﺑﺤﻴﺎﺓ ﺷﻴﻤﺎﺀ ﻳﻠﺤﻦ ﻟﻮﺣﺪﻩ
ﺟﻨﺖ ﻛﻠﻤﺎ ﺍﻛﻌﺪ ﻟﺤﺎﻟﻲ ﺍﺗﺬﻛﺮ ﻛﻼﻡ ﺷﺎﻛﺮ ﻋﻦ ﺣﻴﺪﺭ
ﻭﺗﻬﺪﻳﺪﻩ
ﻭﺍﺑﻘﻰ ﻣﻦ ﻳﻤﻲ ﺍﺧﻤﻦ ﻭﺍﺳﺘﻨﺘﺞ . ﻭﺍﺳﺄﻝ ﺭﻭﺣﻲ ﺍﻟﻒ ﻣﺮﺓ ﻟﻴﺶ ﻫﻮ ﺳﻮﺓ ﻫﻴﺞ
ﻣﻌﻘﻮﻟﺔ ﻫﻮ ﻣﺜﻞ ﻟﻴﺚ
ﻫﻮ ﻣﺘﺰﻭﺝ ﻭﻋﻨﺪﻩ ﻋﺎﺋﻠﺘﻪ
ﻭ ﻋﺎﺩﻱ ﻋﻨﺪﻩ ﻳﻬﺘﻢ ﺑﻮﺣﺪﺓ ﺛﺎﻧﻴﺔ ﻏﻴﺮ ﻣﺮﺗﻪ
ﻛﻤﺰﺕ ﻣﻦ ﻣﻜﺎﻧﻲ ﻋﻠﻰ ﺻﻮﺕ ﻋﻴﺎﻁ ﻣﺮﻭﺓ
ﺍﺟﺘﻲ ﻣﺮﻳﻢ ﻭﻻﺯﻣﺔ ﺑﺄﻳﺪﻫﺎ ﻣﺸﻤﺶ ﺍﻟﻲ ﺟﺎﻧﺖ ﺗﺒﺠﻲ
ﻣﺮﻳﻢ .. ﺷﻴﻤﺎﺀ ﻟﺤﻜﻲ ﻣﺮﻭﺓ ﻣﺎ ﺍﻋﺮﻑ ﺷﺒﻴﻬﺎ
ﺟﺎﻧﺖ ﻛﺎﻋﺪﺓ ﻳﻤﻨﺎ ﻛﻠﺸﻲ ﻣﺎﺑﻴﻬﺎ
ﻓﺠﺎﺀﺓ ﺍﺟﺎﻫﺎ . ﺍﺗﺼﺎﻝ ﻭﺭﺍﺣﺖ ﺩﺧﻠﺖ ﻟﻐﺮﻓﺘﻬﺎ
ﻭﺑﻌﺪﻫﺎ ﻛﺎﻣﺖ ﺗﻜﺴﺮ ﺑﺎﻟﻐﺮﻓﺔ ﻭﺗﺼﺮﺥ ﺑﻌﺼﺒﻴﺔ
ﺭﺣﺖ ﺍﺷﻮﻑ ﻣﺮﻭﺓ ﻭﻛﻠﺖ ﻟﻤﺮﻳﻢ ﺗﺒﻘﻰ ﻳﻢ ﻣﺸﻤﺶ
ﻧﺰﻟﺖ ﺟﻮﺓ ﻭﺩﺧﻠﺖ ﻋﻠﻰ ﻣﺮﻭﺓ ﻟﻜﻴﺘﻬﺎ ﺣﻤﺮﺓ ﻣﻦ ﺍﻟﻐﻀﺐ
ﻓﺎﺗﺤﺔ ﺍﻟﻜﻨﺘﻮﺭ ﻭﺗﺸﻤﺮ ﺑﻤﻼﺑﺲ ﺭﺍﻓﺪ
ﺍﻗﺘﺮﺑﺖ ﻣﻨﻬﺎ
.. ﺷﻨﻮ ﻣﺮﻭﺓ ﺷﺒﻴﺞ ﻟﻴﺶ ﺩﺗﺴﻮﻳﻦ ﻫﺸﻜﻞ
ﻫﺪﻯ
ﺑﻌﺪ ﺍﻟﺼﺎﺭ ﺑﻴﻨﻲ ﻭﺑﻴﻦ ﻗﺎﺳﻢ ﺍﺗﻐﻴﺮﺕ ﻫﻮﺍﻱ ﺍﺷﻴﺎﺀ
ﻭﺧﺼﻮﺻﺎً . ﺗﺼﺮﻓﺎﺗﻲ
ﺑﺲ ﻣﺎ ﻛﺪﺭﺕ ﺍﻛﺮﻩ ﻋﻠﻰ ﻣﻮﻗﻔﻪ ﻭﻳﺎﻱ
ﻭﺧﺼﻮﺻﺎ ﺑﻌﺪﻣﺎ ﻋﺮﻓﺖ ﻣﻦ ﺷﻴﻤﺎﺀ ﺍﻟﺼﺎﺭ ﺑﻴﻬﺎ
ﺑﻴﻮﻣﻬﺎ ﻃﻠﺒﺖ ﻣﻨﻪ ﻳﺎﺧﺬﻧﻲ ﻟﺒﻴﺖ ﻣﺮﻭﺓ
ﻭﻭﺍﻓﻖ . ﻭﻣﻦ ﺳﻮﻟﻔﺘﻠﻲ ﻋﺎﻟﺼﺎﺭ ﺑﻴﻬﺎ ﻭﻭﻛﻔﺖ ﻗﺎﺳﻢ
ﻏﺼﺐ ﻋﻨﻲ ﻟﻜﻴﺖ ﺣﺒﻪ ﻳﻜﺒﺮ ﺑﻜﻠﺒﻲ ﻭﻳﺘﺸﻌﺐ
ﺑﺲ ﺭﻏﻢ ﻫﺬﺍ ﺑﻘﻴﺖ ﻣﺘﻘﻮﻗﻌﺔ ﻋﻠﻰ ﻧﻔﺴﻲ ﻭﺻﺮﺕ ﺍﺗﺠﻨﺒﻪ
ﻭﺍﺑﺘﻌﺪ ﻋﻦ ﻃﺮﻳﻘﻪ
ﺑﻌﺪﻣﺎ ﺟﻨﺖ ﺍﻓﺘﺮ ﻭﺭﺍﻩ ﻭﻳﻦ ﻣﻴﺮﻭﺡ ﻣﺜﻞ ﻇﻠﻪ
ﻭﺍﺳﻮﻟﻒ ﻭﻳﺎﻩ
ﻭﺍﻭﻝ ﺷﻲ ﺳﻮﻳﺘﻪ ﻛﻤﺖ ﺍﻟﻢ ﺷﻌﺮﻱ ﻭﺍﻟﺒﺲ ﺣﺠﺎﺑﻲ ﻛﺪﺍﻣﻪ
ﻭﺍﺑﺪ ﻣﺎ ﺍﺣﺎﺟﻴﻪ ﺍﻻ ﻟﻠﻈﺮﻭﺭﺓ
ﺑﺎﻟﺤﻘﻴﻘﺔ ﺍﻧﻲ ﻣﺎ ﺩﺍ ﺍﻋﺎﻗﺒﺔ ﻋﺎﻟﺴﻮﺍﻩ ﺑﻴﺔ
ﻻﻥ ﻫﺬﺍ ﺍﻟﺸﻲ ﻣﻮ ﻣﻦ ﺣﻘﻲ ﻣﺤﺪ ﻛﻠﻲ ﺍﻭﻛﻊ ﺑﺤﺒﻪ
ﻣﻮ ﺫﻧﺒﻪ
ﺑﺲ ﺍﻧﻲ ﺍﺭﻳﺪ ﺍﻋﻮﺩ ﻧﻔﺴﻲ ﻋﻠﻰ ﻋﺪﻡ ﻭﺟﻮﺩﻩ
ﺑﺤﻴﺎﺗﻲ ﺣﺘﻰ ﺍﻛﺪﺭ ﺍﻋﻴﺶ
ﻭﺑﻬﺎﻱ ﺍﻟﻔﺘﺮﺓ
ﺑﺪﻳﺖ ﺍﺧﺬ ﺟﻠﺴﺎﺕ ﺍﻟﻠﻴﺰﺭ ﻋﻨﺪ ﺩﻛﺘﻮﺭ ﺍﻟﺘﺠﻤﻴﻞ ﺻﺪﻳﻘﺔ ﻣﺮﻭﺓ ﻭﺟﻨﺖ ﺍﺧﺬ . ﻫﺎﻟﺔ ﻭﻳﺎﻱ ﺧﻮﺍﺕ ﻗﺎﺳﻢ
ﺳﺎﻓﺮﻭﺍ
ﺑﺲ ﺍﻟﻐﺮﻳﺐ ﺑﺎﻻﻣﺮ ﻭﺍﻟﻲ ﺧﻼﻧﻲ ﺍﺳﺘﻐﺮﺏ
ﻏﻀﺐ ﻗﺎﺳﻢ ﻭﻋﺼﺒﻴﺘﻪ ﻣﻦ ﺑﺮﻭﺩﻱ ﻭﻳﺎﻩ
ﺍﻧﺘﺒﻬﺖ ﻣﻦ ﺍﻓﻜﺎﺭﻱ
ﻭﺍﻧﻲ ﺍﻧﻈﻒ ﺑﺎﻟﻄﺒﺦ ﻋﻠﻰ ﺻﻮﺕ ﺍﻋﺘﺮﺍﺽ ﻫﺪﻳﻞ
ﺟﺎﻧﺖ ﺍﻡ ﻗﺎﺳﻢ ﻛﺎﻋﺪﺓ ﻋﻠﻰ ﻣﻴﺰ ﺍﻟﻄﻌﺎﻡ
ﻭﺩﺗﺸﺮﺏ ﻛﻬﻮﺓ . ﺗﺮﻛﻴﺔ ﻭﻫﺎﻟﺔ ﻳﻤﻬﺎ ﻛﺎﻋﺪﺓ
ﺳﻤﻌﺖ ﺍﻡ ﻗﺎﺳﻢ ﺗﺤﺠﻲ ﻭﻳﺔ ﻫﺪﻳﻞ
.. ﺳﻤﻌﻴﻨﻲ ﺯﻳﻦ ﻻ ﻋﺒﺎﻟﺞ ﺍﻧﻲ ﻣﻤﻨﺘﺒﻬﺔ
ﻟﺘﻐﻠﻴﺴﺞ ﻋﻠﻰ ﺍﻟﺸﻐﻞ ﺑﺎﻟﺒﻴﺖ ﺑﺲ ﺍﻧﻲ ﺑﺰﺍﺟﻲ
ﺍﻋﺒﺮﻟﺞ ﻭﺍﻛﻮﻝ
ﺍﻧﻄﻴﻬﺎ ﻓﺮﺻﺔ ﺣﺘﻰ ﺗﻨﺘﺒﻪ ﻣﺎ ﺍﺭﻳﺪ ﺍﻋﺎﻗﺒﻬﺎ
ﻫﺪﻳﻞ .. ﻭﻟﻴﺶ ﺍﻧﻈﻒ . ﻫﺎﻟﺔ ﻭﻫﺪﻯ ﺩﻳﻨﻈﻔﻮﻥ ﻣﻤﺤﺘﺎﺟﻴﻨﻲ
ﻛﺎﻓﻲ ﻋﺎﻟﺒﻴﺖ
ﺍﻡ ﻗﺎﺳﻢ .. ﺍﻧﺘﻲ ﺟﺒﻴﺮﺓ . ﻣﻮ ﺻﻐﻴﺮﺓ ﺣﺎﻟﺞ ﻣﻦ ﺣﺎﻟﻬﻢ ﺗﻨﻈﻔﻴﻦ ﻭﻳﺎﻫﻢ
ﺷﻮﻓﻲ ﺑﺎﺟﺮ ﺍﻭﻝ ﻣﺎ ﺗﻜﻌﺪﻳﻦ ﺍﻟﺼﺒﺢ . ﺗﻨﻈﻔﻴﻦ ﺍﻟﺒﻨﻜﺎﺕ
ﻭﺍﺗﻨﺪﻟﻴﻦ ﺑﺮﺩﺍﺕ ﻏﺮﻓﺔ ﺍﻻﺳﺘﻘﺒﺎﻝ ﻭﺗﻐﺴﻠﻴﻨﻬﻢ
ﺍﺑﺎﻭﻉ ﻟﻬﺪﻳﻞ ﻛﺎﻣﺖ ﺗﺤﺠﻲ ﻭﺗﺒﺠﻲ
ﻭﺗﺘﻮﺳﻞ ﻻﻣﻬﺎ ﺗﺨﻔﻒ ﻋﻨﻬﺎ
ﺑﺲ ﺍﻡ ﻗﺎﺳﻢ ﻣﺎ ﺍﻫﺘﻤﺖ ﻟﺘﻮﺳﻠﻬﺎ ﻳﺎﺟﺒﻞ ﻣﺎ ﻳﻬﺰﻙ ﺭﻳﺢ
ﺩﺧﻠﻮﺍ ﻫﺸﺎﻡ ﻭﻗﺎﺳﻢ ﻭﺳﻠﻤﻮﺍ ﻋﺎﻟﻜﻞ ﻭﺭﺍﺣﻮﺍ ﻋﻠﻰ ﺍﻣﻬﻢ
ﻭﺍﻧﻲ ﺭﺩﻳﺖ ﻋﻠﻴﻬﻢ
ﺳﺄﻟﺖ ﻫﺸﺎﻡ .. ﻫﺸﻮﻣﺔ ﻣﺘﻌﺸﻲ ﻟﻮ ﺍﺳﻮﻳﻠﻚ ﻋﺸﺎ
.. ﻭﺍﻟﻠﻪ ﻳﺎﺭﻳﺖ ﻻﻥ ﻛﻠﺶ ﺟﻮﻋﺎﻥ ﺯﻭﺟﺞ ﺍﻟﻴﻮﻡ
ﻣﺪﺧﻞ ﺍﻟﻜﻞ ﺑﺎﻻﻧﺬﺍﺭ ﻭﻣﺎ ﺍﻧﻄﺎﻧﺔ ﻣﺠﺎﻝ ﻧﺤﻚ ﺭﺍﺳﻨﺎ
.. ﻳﺨﺴﺔ ﺍﻟﺠﻮﻉ ﻫﺴﺔ ﺍﺣﻠﻰ ﻋﺸﺎ ﻳﺠﻲ ﻟﻌﻨﺪﻙ
ﺍﻟﺘﻔﺘﺖ ﻋﻠﻰ ﻗﺎﺳﻢ
ﻭﺣﺠﻴﺖ .. ﺍﻫﻮﻭﻭ ﻭﺍﻟﻠﻪ ﻧﺴﻴﺖ
ﻗﺎﺳﻢ ﺗﻐﻴﺪ ( ﺗﺮﻳﺪ ) ﻋﺸﺎ ﻟﻮ ﻻ
ﺣﺠﺔ ﻣﻦ ﺑﻴﻦ ﺍﺳﻨﺎﻧﻪ ﻭﻛﺎﻝ ﺑﺼﻮﺕ
ﻗﺎﺳﻢ .. ﻫﻤﺰﻳﻦ ﻃﻠﻌﺘﻲ ﺗﺘﺬﻛﺮﻳﻦ . ﺍﺳﻤﻲ
ﻳﺤﺠﻲ ﻭﻳﺒﺎﻭﻉ ﻋﻠﻴﺔ ﺑﻐﻴﺾ
ﺳﻮﻳﺖ ﻧﻔﺴﻲ ﻣﺎ ﺳﻤﻌﺘﻪ
.. ﺷﻨﻮ ﻣﺘﻌﺸﻲ ﺍﻱ ﻟﻮ ﻻ
.. ﻣﺎ ﺍﺭﻳﺪ ﺯﻗﻨﺒﻮﺕ
ﺷﻮﻓﻲ ﺍﻧﺎ ﺻﺎﻋﺪ ﻓﻮﻙ
ﺗﻌﻮﻓﻴﻦ ﺍﻟﻲ ﺑﻴﺪﺝ ﺗﺼﻌﺪﻳﻦ ﻭﺭﺍﻱ ﻓﺎﻫﻤﺔ
ﻫﺎﻟﺔ ﺍﺟﺘﻲ ﻳﻤﻲ ﻭﻛﺎﻟﺖ
.. ﻫﺪﻯ ﻋﻮﻓﻲ ﺍﻟﻲ ﺑﻴﺪﺝ ﻭﺭﻭﺣﻲ ﻭﺭﺍﻩ . ﻣﺎ ﺍﻧﺼﺤﺞ
ﺗﻌﺎﻧﺪﻳﻨﻪ ﺷﻮﻓﻲ ﺷﻴﺮﻳﺪ ﻭﺍﻧﺎ ﺍﺳﻮﻱ ﻋﺸﺎ ﻟﻬﺸﺎﻡ
ﺍﻧﻄﻴﺘﻬﺎ ﺍﻟﻤﺎﻋﻮﻥ ﻭﺭﺣﺖ ﻭﺍﻧﻲ ﺍﻧﺎﻓﺦ
ﻣﻦ ﻭﺭﺓ ﺍﻻﺳﺘﺎﺫ ﻗﺎﺳﻢ
ﺩﺧﻠﺖ ﻟﻠﻐﺮﻓﺔ ﻟﻜﻴﺘﻪ . ﺩﻳﺒﺪﻝ ﻣﻼﺑﺲ
ﺟﻤﺪﺕ ﺑﻤﻜﺎﻧﻲ ﻭﻏﺼﺐ ﻋﻨﻲ ﻟﻜﻴﺖ ﺭﻭﺣﻲ ﻭﺍﻛﻔﺔ ﺍﺑﺎﻭﻉ
ﻣﺜﻞ ﺍﻟﺴﻠﻴﻤﺔ
ﺍﻟﺘﻔﺖ ﻳﺒﺎﻭﻉ ﻋﻠﻴﺔ ﺍﻭﻝ ﻣﺎ ﺩﺧﻠﺖ
ﻭﻛﺎﻝ .. ﺍﻧﺘﻲ ﻣﺎ ﺗﻜﻠﻴﻠﻲ ﺷﻨﻮ ﺳﺎﻟﻔﺘﺞ
ﺷﻨﻮ ﺷﺒﻴﺞ ﻟﻴﺶ ﻫﻴﺞ ﺍﺗﻐﻴﺮﺗﻲ
ﺟﺎﻥ ﻳﺤﺠﻲ ﺑﻐﻴﺾ
.. ﻗﺎﺳﻢ ﺍﻧﺖ ﺍﻟﻲ ﻛﻠﻲ ﺷﻨﻮ ﺗﻐﻴﺪﻩ ( ﺗﺮﻳﺪﻩ ) ﻣﻨﻲ
ﺗﻐﺔ ﻭﺍﻟﻠﻪ ﺗﻌﺒﺘﻨﻲ ﻭﻳﺎﻙ
ﻗﺎﺳﻢ .. ﺍﺭﻳﺪﺝ ﺗﺮﺟﻌﻴﻦ ﻣﺜﻞ ﻗﺒﻞ
ﻣﺎ ﻣﺘﻌﻮﺩ ﻋﻠﻰ ﺟﻔﺔ ﻫﺪﻯ ﺍﻟﺠﺪﻳﺪﺓ ﺍﻟﻲ ﺗﺤﺎﻭﻝ ﺗﺼﺪﻧﻲ ﻭﺗﺘﺠﻨﺒﻨﻲ
ﺍﻗﺘﺮﺏ ﻣﻨﻲ ﻭﺳﺤﺐ ﺷﺎﻟﻲ ﻣﻦ ﻋﻠﻰ ﺭﺍﺳﻲ ﻭﺍﻧﻲ
ﺟﺎﻣﺪ ﺑﻨﻔﺲ ﻣﻜﺎﻧﻲ ﻣﺼﺪﻭﻣﺔ ﻣﻦ ﻛﻼﻣﻪ
ﺣﺠﺔ ﺑﻬﻤﺲ
.. ﻟﻴﺶ ﺗﻌﺎﻗﺒﻴﻨﻲ ﻭﺗﻀﻤﻴﻦ ﺷﻌﺮﺝ ﻋﻨﻲ
ﺗﺪﺭﻳﻦ ﺑﻴﺔ ﺷﻠﻮﻥ ﺍﺗﻮﻧﺲ ﻣﻦ ﺍﺷﻮﻓﻪ
ﻳﺘﻤﺮﺟﺢ ﻋﻠﻰ ﺭﺍﺳﺞ ﻭﻳﺤﻀﻦ ﺟﺴﻤﺞ
ﻭﺍﻧﻲ ﺍﻫﺪﻱ ﺑﻜﻠﺒﻲ ﺣﺘﻰ ﻻ ﻳﻔﺮﺡ ﺑﻜﻼﻣﻪ
ﺑﺎﻭﻋﺖ ﻋﻠﻴﻪ ﻭﻛﻠﺖ
.. ﺻﺎﻍ ( ﺻﺎﺭ ) ﻗﺎﺳﻢ ﻫﺬﺍ ﻫﻮ ﻏﺎﺡ ﺍﻏﺠﻊ ( ﺭﺍﺡ ﺍﺭﺟﻊ ) ﻭﻳﺎﻙ ﻣﺜﻞ ﻗﺒﻞ
ﻫﺎﺩﻱ ﺍﺧﻮﻙ ﺍﻟﺼﻐﻴﻎ ( ﺍﻟﺼﻐﻴﺮ ) ﻋﻠﻤﻮﺩ ﺍﺳﻬﻞ ﻋﻠﻴﻨﺎ ﺍﻟﻮﺿﻊ
ﺣﺘﻰ ﺗﻤﺸﻲ ﺍﻟﺴﻔﻴﻨﺔ ﻣﻨﺎ ﻟﺤﺪ ﻣﺎ ﺗﻔﻐﺞ ( ﺗﻔﺮﺝ )
ﺑﺲ ﺍﻣﺎ ﻋﻦ ﺷﻌﻐﻲ ﻭﺍﻻﻣﻮﻍ ( ﺷﻌﺮﻱ ﻭﺍﻻﻣﻮﺭ ) ﺍﻟﺜﺎﻧﻴﺔ ﺍﻟﻲ ﺗﺨﺼﻨﻲ
ﻓﻠﻬﻨﺎ ﻭﺍﻛﻠﻚ ﺍﻋﺘﺬﻍ ( ﺍﻋﺘﺬﺭ ) ﻣﺎ ﺍﻛﺪﻍ ( ﻣﺎﺍﻛﺪﺭ ) ﺍﺳﻤﻊ ﻛﻼﻣﻚ
ﻭﺍﻛﻌﺪ ﺍﺳﺘﻌﻐﺾ ﺑﺸﻌﻐﻲ ( ﺍﺳﺘﻌﺮﺽ ﺑﺸﻌﺮﻱ ) ﻛﺪﺍﻣﻚ
ﺍﻧﻲ ﺍﺣﺐ ﺍﺣﺘﻔﻆ ﺑﺸﻌﻐﻲ ( ﺑﺸﻌﺮﻱ ) ﻭﺩﻻﻟﻪ ﻟﺰﻭﺟﻲ ﺍﻟﻤﺴﺘﻘﺒﻠﻲ
ﺍﺣﺐ ﺍﺷﺎﻏﻜﻪ ( ﺍﺷﺎﺭﻛﻪ ) ﺑﻲ ﻭﻫﻮ ﺍﻟﻮﺣﻴﺪ ﺍﻟﻲ ﻏﺎﺡ ( ﺭﺍﺡ ) ﻳﻤﻠﻚ
ﺍﻟﺤﻖ ﻳﺘﻐﺰﻝ ﺑﻲ ﻭﻳﺨﻠﻴﻪ ﻭﺳﺎﺩﺗﻪ
ﺑﻜﻴﻔﻪ ﻫﻮ ﺣﻎ ( ﺣﺮ ) ﺑﻲ
ﻳﻤﺔ ﺍﻧﻲ ﺑﻌﺪﻧﻲ ﻣﻜﻤﻠﺖ ﻛﻼﻣﻲ ﻣﺎ ﺍﺣﺲ ﺍﻻ ﻭﻗﺎﺳﻢ ﻫﺪ ﻋﻠﻴﺔ ﻣﺜﻞ ﺍﻟﻌﺎﺻﻔﺔ
ﻭﻟﺰﻣﻨﻲ ﻣﻦ ﺷﻌﺮﻱ
.. ﻟﺞ ﺟﻨﻴﺔ ﺍﺗﻘﻲ ﺷﺮﻱ ﻭﻻ ﺗﻜﻌﺪﻳﻦ ﺗﺠﺮﺑﻴﻦ ﺣﻈﺞ ﻭﻳﺎﻱ
ﻓﺮﺷﺖ ﻓﺮﺍﺷﻲ ﺑﺎﻟﻜﺎﻉ ﺩﺍﻡ ﺯﻋﻠﻲ ﻭﺟﻔﺎﻱ ﻋﻠﻰ ﻗﺎﺳﻢ
ﺑﺲ ﺍﺭﺑﻊ ﺍﻳﺎﻡ
ﻭﺑﻌﺪﻫﺎ ﻟﻜﻴﺖ ﻧﻔﺴﻲ ﻣﻦ ﺟﺪﺓ ﻭﺟﺪﻳﺪ ﺍﺣﺒﻪ
ﻭﺍﻧﺴﻰ ﻧﻔﺴﻲ ﻣﻦ ﺍﻛﻌﺪ ﻳﻤﻪ
ﻭﻫﻮ ﻫﻢ ﺻﺎﺭ ﺍﻛﺜﺮ ﻗﺮﺏ ﻣﻨﻲ ﻣﺎ ﺍﻋﺮﻑ ﺿﻤﻴﺮﻩ ﻳﺄﻧﺒﻪ
ﻭﻛﺜﺮﺓ ﻛﻌﺪﺍﺗﻪ ﻭﻳﺎﻱ ﻣﺪﺭﻱ
ﻫﻮ ﺑﺪﺓ ﻳﺘﻘﺒﻞ ﻭﺟﻮﺩﻱ ﻭﻳﺎﻩ
ﺟﻨﺖ ﺩﺍ ﺍﺣﻀﺮ ﺑﻤﻼﺑﺲ ﻗﺎﺳﻢ ﻋﻠﻤﻮﺩ ﺍﻟﺼﺒﺢ
ﺍﻧﺪﻙ ﻧﻘﺎﻟﻲ ﻭﺟﺎﻥ ﺍﻟﻤﺘﺼﻞ ﺷﻴﻤﺎﺀ
ﺟﺎﻭﺑﺘﻬﺎ .. ﺍﻟﻮ ﻫﻼ ﺷﻮﻣﺔ ﺷﻠﻮﻧﺞ
ﺍﺟﺎﻧﻲ ﺻﻮﺗﻬﺎ ﻭﻫﻲ ﺗﺒﺠﻲ ﻭﻛﺎﻟﺖ
.. ﻫﺪﻯ ﺑﻴﺒﻲ ﺳﻠﻴﻤﺔ ﻣﺎﺗﺖ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
مقالات مقترحة لك ❤
رواية أساور الفضة ج2 الجزء العاشر رواية أساور الفضة ج2 الجزء العاشرللكاتبة نهى......ﻫﺪﻯﺗﻤﺮ ﺑﻴﻨﺎ ﺍﻟﺴﻨﻴﻦ ﻭﺗﺎﺧﺬﻧﺎ ﺍﻻﻳﺎﻡ ﻭﺍﻻﻣﻨﻴﺎﺕﺍﻟﺤﻴﺎﺓ ﺍ
رواية أساور الفضة ج2 الجزء الرابع عشر رواية أساور الفضة ج2 الجزء الرابع عشرللكاتبة نهى.......ﻫﺪﻯﻛﻌﺪﺕ ﻣﻦ ﺍﻟﻨﻮﻡ ﻟﻜﻴﺖ ﻗﺎﺳﻢ ﺭﺍﻳﺢ ﻣﻤﻮﺟﻮﺩ .ﺑﺲ ﻣ
رواية أساور الفضة ج2 الجزء الثالث عشر رواية أساور الفضة ج2 الجزء الثالث عشرللكاتبة نهى.......ﺷﻴﻤﺎﺀﺍﻟﺤﻘﻴﻘﺔ ﻛﺎﻧﺖ ﻣﻔﺠﺄﻩ ﻟﻤﺎ ﻣﺮﻭﺓ ﻛﺎﻟﺖ.. ﺍﻟﻴﻮ
رواية أساور الفضة ج2 الجزء السادس عشر | نهاية الجزء الثاني رواية أساور الفضة ج2 الجزء السادس عشر | نهاية الجزء الثانيللكاتبة نهى .....ﻫﺪﻯﺑﻌﺪﻣﺎ ﻛﺎﻥ ﺍﻟﺒﻴﺖ ﻣﻨﻮﺭ 
رواية أساور الفضة ج2 الجزء الحادي عشر رواية أساور الفضة ج2 الجزء الحادي عشرللكاتبة نهى......ﻫﺪﻯﺑﺪﺕ ﺣﻴﺎﺗﻲ ﺗﺘﻐﻴﺮﻭﺻﺮﺕ ﺍﻛﺜﺮ ﺗﻌﻠﻖ ﺑﻘﺎﺳﻢﺟﺎﻥ ﻣﻦ 
رواية أساور الفضة ج2 الجزء الثاني عشر رواية أساور الفضة ج2 الجزء الثاني عشرللكاتبة نهى......ﺿﺤﻰﺟﻨﺖ ﻭﺍﻛﻔﺔ ﺍﺑﺎﻭﻉ ﻟﻤﻬﻨﺪ ﻭﺍﻧﻲ ﻛﻞ ﺍﻻﻓﻜﺎﺭ ﺍﻟﺴﻮﺩ
تحويل كودإخفاء محول الأكواد الإبتساماتإخفاء