رواية أساور الفضة ج2 الجزء الثامن
للكاتبة نهى
.....
ﺍﻟﺒﻌﺾ ﺩﻳﺸﺘﻜﻲ ﻣﻦ ﺑﻄﻲﺀ ﺍﻻﺣﺪﺍﺙ
ﻭﻳﻜﻮﻟﻮﻥ ﺍﻛﻮ ﺑﻌﺾ ﺍﻟﺘﻔﺎﺻﻴﻞ ﻣﻮ ﻣﻬﻤﺔ ﺑﺎﻟﺴﺮﺩ
ﺑﺲ ﺍﺣﺐ ﺍﻧﻮﻩ ﻋﻠﻰ ﺷﻐﻠﺔ
ﺍﻧﻲ ﻣﺴﺘﺤﻴﻞ ﺍﻛﺘﺐ ﺍﻱ ﺗﻔﺎﺻﻴﻞ ﻣﺎﻟﻬﺔ ﻟﺰﻣﺔ
ﺣﺘﻰ ﻟﻮ ﺟﺎﻧﺖ ﺑﺴﻴﻄﺔ
ﻛﻞ ﻛﻠﻤﺔ ﺍﻛﺘﺒﻬﺎ ﺑﺎﻟﺒﺎﺭﺕ ﺍﻟﻬﺔ ﺩﻭﺭ ﺑﺤﻴﺎﺓ ﺍﻻﺑﻄﺎﻝ
ﻭﺍﻟﻘﺎﺭﻱﺀ ﺍﻟﺤﺎﺫﻕ ﺭﺍﺡ ﻳﻼﺣﻆ ﺗﺮﺍﺑﻂ ﺍﺣﺪﺍﺙ ﻭﻣﻮﺍﻗﻒ
ﺍﻟﻘﺼﺔ ﺑﺎﻟﺘﺴﻠﺴﻞ
ﺍﺣﺐ ﺍﻭﺟﻪ ﻛﻼﻣﻲ ﺍﻟﻰ ﻣﻦ ﻳﺸﺘﻜﻲ ﻣﻦ ﺑﻄﻲﺀ ﺳﻴﺮ . ﺍﺣﺪﺍﺙ ﺍﻟﻘﺼﺔ
ﻭﺍﻛﻮﻝ ﻻ ﺗﺘﻮﻗﻌﻮﻥ ﻣﻨﻲ ﺍﻥ ﺍﺑﺨﺲ ﺑﺤﻖ ﻗﺼﺘﻲ
ﻭﺍﺳﺮﻉ ﺑﺎﻻﺣﺪﺍﺙ
ﻭﺍﺧﺘﺼﺮ ﻗﺼﺘﻲ ﺑﺜﻼﺙ ﺑﺎﺭﺗﺎﺕ
ﻣﺴﺘﺤﻴﻞ ﺍﺿﻴﻊ ﺗﻌﺒﻲ ﻭﺍﻫﻤﺶ ﺍﻟﻘﺼﺔ ﺷﻠﻮﻥ ﻣﺠﺎﻥ
ﻭﺍﻏﻴﺮ ﺧﻂ ﺳﻴﺮ ﺳﺮﺩ ﺍﻟﻘﺼﺔ ﻋﻠﻤﻮﺩﻛﻢ
ﺍﻧﻲ ﻋﻨﺪﻱ ﻣﺘﺎﺑﻌﻴﻦ ﺟﺪﺍ ﻣﻤﻨﻮﻧﺔ ﺍﻟﻬﻢ ﻣﺴﺘﺤﻴﻞ ﺍﺧﺬﻟﻬﻢ
ﻭﻫﺬﺍ ﺣﻘﻬﻢ ﻋﻠﻴﺔ ﻟﺬﻟﻚ ﺍﺣﺐ ﺍﻛﻮﻝ
ﺍﻫﻼ ﺑﻜﻢ ﺑﻘﺮﺍﺀﺓ ﻗﺼﺘﻲ ﺍﻥ ﻛﻨﺖ ﺗﻤﻠﻚ ﻛﻠﻤﺔ ﺟﻤﻴﻠﺔ ﻓﻘﻠﻬﺎ
ﻓﺎﻥ ﻟﻢ ﻳﻜﻦ ﻟﺪﻳﻚ ﻛﻼﻡ ﻓﺎﺻﻤﺖ ﻭﺩﻉ ﻏﻴﺮﻙ ﻳﻘﺮﺀ
....
ﻫﺪﻯ
ﻳﻤﺔ ﺍﻧﻲ ﻗﺮﻳﺖ ﺭﺳﺎﻟﺔ ﻫﺎﻟﺔ ﻭﺍﻧﻲ ﻛﻠﺒﻲ ﺍﺟﺔ ﻳﻮﻛﻒ
ﻣﻦ ﺍﻟﻐﻴﺾ ﻣﺎ ﺍﻋﺮﻑ ﺷﺼﺎﺭ ﺑﻴﺔ
ﺟﻨﺖ ﺍﺳﻤﻊ ﻣﻦ ﻳﺮﺩﻭﻥ ﻳﺸﺒﻬﻮﻥ ﻭﺍﺣﺪ
ﺑﻘﻤﺔ ﻏﻀﺒﻪ ﻳﻜﻮﻟﻮﻥ ﻋﻠﻴﻪ ﺻﺎﺭ ﻧﺎﺭ
ﺍﻧﻲ ﻫﺴﺔ ﺟﺮﺑﺖ ﻫﺬﺍ ﺍﻟﺸﻌﻮﺭ ﺍﺣﺲ ﺍﻟﺤﺮﺍﺭﺓ ﻛﺎﻣﺖ ﺗﻄﻠﻊ ﻣﻦ ﺭﺍﺳﻲ
ﻭﺍﻟﻠﻪ ﺍﻳﺪﻳﺔ ﻛﺎﻣﺖ ﺗﺮﺟﻒ ﻭﺍﻧﺨﺒﺼﺖ ﺍﺭﻳﺪ ﺑﺲ ﺍﻟﺤﻚ
ﻋﺪﻟﺖ ﺷﻠﻮﻥ ﻣﺎ ﺟﺎﻥ
ﺣﺘﻰ ﻣﺎ ﺍﻋﺮﻑ ﺷﻠﻮﻥ ﻛﻤﻠﺖ ﻧﻔﺴﻲ
ﻭﻧﺰﻟﺖ ﻃﻠﻘﺔ ﺍﺭﻳﺪ ﺍﺩﺧﻞ ﻋﻠﻴﻬﻢ ﻣﺴﺘﺤﻴﻞ ﺍﺳﻤﺤﻠﻬﻢ
ﻳﺴﺘﻐﻔﻠﻮﻧﻲ ﺣﺘﻰ ﻟﻮ ﺍﻧﻲ ﺍﻛﻠﺖ ﺗﺒﻦ
ﻭﻭﺍﻓﻘﺖ ﺑﺎﻟﺒﺪﺍﻳﺔ ﺑﺎﻟﻮﺿﻊ ﺑﺲ ﻣﻮ ﻣﻌﻨﺎﻫﺎ
ﻛﻠﺶ ﻳﺴﻮﻭﻫﺎ ﺑﻼ ﻣﻠﺢ
ﻋﻠﻰ ﺍﻻﻗﻞ ﺟﺎﻥ ﻓﻜﺮ ﺑﺨﺎﻟﺔ ﻭﺳﻮﺓ ﺣﺴﺎﺏ ﺍﻟﺨﻄﺎﺭ ﻭﺧﻮﺍﺗﻪ
ﻣﺸﻴﺖ ﺑﺴﺮﻋﺔ ﻟﻼﺳﺘﻘﺒﺎﻝ
ﻣﻦ ﻭﺭﺓ ﺍﻟﻘﻬﺮ ﺻﺮﺕ ﻛﻠﺸﻲ ﻣﺎ ﺍﺷﻮﻑ
ﻟﻜﻴﺖ ﺍﻟﺒﺎﺏ ﺷﻮﻳﺔ ﻣﺮﺩﻭﺩ
ﻟﻜﻴﺖ ﺭﻫﻒ ﻭﺍﻛﻔﺔ ﻭﻗﺎﺳﻢ ﻛﺪﺍﻣﻬﺎ
ﻭﺟﺎﻥ ﺍﺳﻤﻊ ﺻﻮﺕ ﺯﻣﺨﺔ ﻗﺎﺳﻢ ﺑﺮﻫﻒ ﺑﺼﻮﺕ ﺭﺝ ﺍﻻﺳﺘﻘﺒﺎﻝ
.. ﺍﺍﺍﺍﺍﺍﺍﻧﺎ ﺷﻨﻮ ﻛﻠﺖ ﺷﻨﻮ ﺣﻀﺮﺗﺞ ﺗﺴﺘﻐﻔﻠﻴﻨﻲ ﻟﻮ ﺷﻨﻮﻭﻭ
ﺟﻨﺖ ﻫﺎﺩﺓ ﺑﻜﻞ ﺳﺮﻋﺘﻲ ﻭﺑﻜﻞ ﻗﻮﺓ
ﻋﺰﺯﺯﺓ ﻫﻮ ﺍﻧﻲ ﺳﻤﻌﺖ ﺻﻮﺕ ﻗﺎﺳﻢ ﺍﻟﻴﺮﻋﺪ
ﻭﺟﺎﻥ ﻛﺒﻞ ﺍﻟﺰﻡ ﺍﺑﺮﻳﻚ ﻭﺷﻄﺤﺖ ﻳﻢ ﺍﻟﺒﺎﺏ
ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﻛﺘﻤﺖ ﺻﻮﺗﻲ ﻭﺻﺮﺕ ﺍﺑﺎﻭﻉ ﻟﺮﻫﻒ ﺍﻟﻲ ﺗﺘﻮﺳﻞ ﺑﻘﺎﺳﻢ
ﺍﻟﻲ ﺟﻨﺖ ﺍﻧﻲ ﻣﺘﺨﻴﻠﺘﻪ ﻣﻮ ﻣﺜﻞ ﺍﻟﻲ ﻫﺴﺔ ﻛﺎﻋﺪ ﺍﺷﻮﻓﻪ
ﻛﻤﺖ ﻣﻦ ﻋﻠﻰ ﺍﻟﻜﺎﻉ ﺣﺎﻭﻟﺖ ﻣﺎ ﺍﻟﻔﺖ ﺍﻧﺘﺒﺎﻫﻢ
ﻛﻌﺪ ﻋﻘﻠﻲ ﻳﻌﻴﺪ ﺑﺮﻣﺠﺔ ﺣﺴﺎﺑﺎﺗﻪ ﻭﻳﻘﺮﺭ ﺭﺩﺓ ﺍﻟﻔﻌﻞ ﺍﻟﻤﻨﺎﺳﺒﺔ ﻟﻬﻴﺞ ﻣﻮﻗﻒ
ﻣﺎ ﺍﺧﺬ ﻣﻨﻲ ﺍﻟﻘﺮﺍﺭ ﻏﻴﺮ ﺑﺲ ﺟﺰﺀ ﻣﻦ ﺍﻟﺜﺎﻧﻴﺔ
ﻭﻟﻜﻴﺖ ﺭﻭﺣﻲ ﻣﺎﺧﺬﺓ ﻭﺿﻌﻴﺔ ﺍﻻﺻﻐﺎﺀ
ﻻﺯﻡ ﺍﻋﺮﻑ ﺑﺎﻻﻭﻝ ﺷﻨﻮ ﺳﺒﺐ ﻏﻀﺐ ﻗﺎﺳﻢ ﻭﺑﺠﻲ ﺭﻫﻒ
ﺭﻫﻒ ﺗﺘﻮﺳﻞ .. ﻗﺎﺳﻢ ﻋﻔﻴﺔ ﻳﻌﻨﻲ ﻭﺍﻟﻠﻪ ﻣﺤﺘﺎﺟﺔ ﻫﺎﻱ ﺍﻟﺴﻔﺮﺓ
ﻭﻫﻮ ﺍﻧﻲ ﻗﺎﺑﻞ ﻭﻳﺎﻣﻦ ﺭﺍﺡ ﺍﺳﺎﻓﺮ
ﻭﻳﺔ ﺍﺑﻦ ﺧﺎﻟﺘﻲ ﻭﺧﻮﺍﺗﻪ ﻭﻳﺎﻧﺎ
ﺍﻧﺖ ﻟﻴﺶ ﺗﺼﻌﺐ ﻋﻠﻴﺔ ﺍﻻﻣﻮﺭ
.....
ﻗﺎﺳﻢ .. ﺭﻫﻒ ﺍﻟﺒﺎﺭﺣﺔ ﺍﻧﺘﻲ ﺳﺄﻟﺘﻴﻨﻲ ﻭﺍﻧﻲ ﺟﺎﻭﺑﺘﺞ
ﻭﻛﻠﺖ ﻻ ﻳﻌﻨﻲ ﻻ ﺍﻧﺴﻲ ﺍﺧﻠﻴﺞ ﺗﺴﺎﻓﺮﻳﻦ ﺗﺘﻮﻧﺴﻴﻦ ﺑﺘﺮﻛﻴﺎ ﻭﻳﺔ ﻫﺬﺍ ﺍﺑﻦ ﺧﺎﻟﺘﺞ ﺍﻟﺨﻴﺨﺔ ﻭﺧﻮﺍﺗﻪ ﺍﻟﻤﺎﻳﺼﺎﺕ
ﻻ ﻭﻧﻮﺏ ﻟﻮﺣﺪﻛﻢ
ﻳﻌﻨﻲ ﺍﻫﻠﺞ ﺑﻜﻞ ﻋﻘﻠﻬﻢ ﻣﺼﺪﻛﻴﻦ ﻫﺬﺍ ﺭﺟﺎﻝ
ﻭﻣﺴﻠﻤﻴﻪ ﻣﺴﺆﻟﻴﺔ ﺍﺭﺑﻊ ﺑﻨﺎﺕ ﻳﺴﻔﺮﻭﻫﻢ ﻭﻳﺎﻩ
ﺍﻧﻌﻞ ﺍﺑﻮ ﻫﻴﺞ ﻭﻧﺴﺔ ﺍﻟﻲ ﻣﺴﺆﻭﻝ ﻋﻨﻬﺎ ﺣﻠﻞ
.. ﻗﺎﺳﻢ ﺍﻧﻲ ﻣﻮ ﻓﻬﻤﺘﻚ ﻭﻛﻠﺘﻠﻚ ﺑﺎﺑﺎ ﺑﺲ ﻳﺨﻠﺺ ﺷﻐﻠﻪ
ﺭﺍﺡ ﻳﺴﺎﻓﺮ ﻫﻮ ﻭﻣﺎﻣﺎ ﻭﺭﺍﻧﺎ
.. ﺍﻱ ﻭﺍﻧﻲ ﺟﺎﻭﺑﺘﺞ ﻭﻛﻠﺘﻠﺞ ﺍﻧﺘﻈﺮﻱ ﺍﻣﺞ ﻭﺍﺑﻮﺝ
ﻭﺳﺎﻓﺮﻱ ﻭﻳﺎﻫﻢ ﺷﻤﻌﻨﺎ ﺍﻻ ﻭﻳﺔ ﻫﺬﻭﻟﻲ
ﻟﻮ ﻫﻲ ﺣﺒﻜﺖ ﺗﻤﻮﺗﻴﻦ ﻋﺎﻟﺪﺑﻚ ﻻﺯﻡ ﻳﻌﻨﻲ ﺗﺴﻤﻤﻴﻨﻲ
ﻣﺎ ﻳﻮﻡ ﻛﻠﺘﻠﺞ ﺷﻲ ﻭﺑﺮﺩﺗﻲ ﻛﻠﺒﻲ ﻭﻛﻠﺘﻲ ﺻﺎﺭ
ﺍﺫﺍ ﻣﺎ ﺗﺤﻄﻴﻦ ﻛﻠﺒﻲ ﺑﻴﺪﻱ ﻭﺗﺨﻠﻴﻨﻲ ﺍﻋﺼﺐ ﻣﺎ ﺗﺮﺗﺎﺣﻴﻦ
.. ﺍﻱ ﺑﺲ ﻣﻨﺎ ﻋﻠﻤﺎ ﺑﺎﺑﺎ ﻭﻣﺎﻣﺎ ﻳﺴﺎﻓﺮﻭﻥ ﻳﻜﻮﻧﻮﻥ
ﺑﻴﺖ ﺧﺎﻟﺘﻲ ﻓﺎﺭﻳﻦ ﻧﺺ ﺗﺮﻛﻴﺎ
ﻭﻻﺗﻨﺴﻰ ﺗﺮﺓ ﺑﺎﺑﺎ ﻭﻣﺎﻣﺎ ﻣﺴﺎﻓﺮﻳﻦ ﻋﻠﻤﻮﺩ ﺍﻟﻌﻼﺝ
ﻳﻌﻨﻲ ﻣﺎ ﺭﺍﺡ ﺍﻟﺤﻚ ﺍﺷﻢ ﻫﻮﻯ ﻭﺍﺗﻮﻧﺲ
ﻭﻫﻲ ﺣﻼﺗﻬﺎ ﺍﻟﺴﻔﺮﺓ ﺗﻜﻮﻥ ﺷﺒﺎﺑﻴﺔً
.. ﺭﻫﻒ ﺍﻧﺎ ﻫﺬﺍ ﺍﻟﻌﻨﺪﻱ ﻭﺍﻧﺘﻲ ﺍﺧﺘﺎﺭﻱ ﻟﻮ ﺍﻧﺎ ﻟﻮ ﺍﻟﺴﻔﺮﺓ
ﺑﺎﻭﻋﺖ ﻋﻠﻴﻪ ﻭﻛﺎﻣﺖ ﺗﺒﺠﻲ
ﻭﺣﺠﺖ ﺑﺼﻮﺕ ﻣﺒﺤﻮﺡ ﻣﻦ ﺍﺛﺮ ﺍﻟﺒﺠﻲ
.. ﻗﺎﺳﻢ ﻳﻌﻨﻲ ﺗﻌﺮﻑ ﻛﻠﺶ ﺯﻳﻦ
ﺍﻧﻲ ﺩﺍﺧﻠﺔ ﻛﻠﻴﺔ ﻃﺐ ﻭﻃﻮﻝ ﺍﻟﺴﻨﺔ ﺍﻧﻲ ﺩﻙ ﺩﺭﺍﺳﺔ
ﻭﺣﺘﻰ ﻣﺎ ﺍﻟﺤﻚ ﺍﺭﻓﻊ ﺭﺍﺳﻲ ﻣﻦ ﺍﻟﻜﺘﺎﺏ
ﻭﺍﻟﻤﻮﺍﺩ ﻛﻠﻬﺎ ﻳﺤﺘﺎﺟﻠﻬﺎ ﺗﺮﻛﻴﺰ ﻭﺗﻌﺐ ﻭﺣﺎﻟﺔ ﻧﻔﺴﻴﺔ
ﻣﻨﺎ ﻋﻠﻰ ﻣﺎ ﺧﻠﺼﺖ ﻫﺎﻱ ﺍﻟﺴﻨﺔ ﻭﺍﺟﺘﻲ ﺍﻟﻌﻄﻠﺔ
ﺍﺣﺲ ﺑﺮﻭﺣﻲ ﺣﻴﻞ ﺍﺧﺘﻨﻜﺖ
ﻭﻫﺎﻱ ﺍﻟﺴﻔﺮﺓ ﺍﺟﺘﻲ ﺑﻮﻗﺘﻬﺎ ﺍﻟﻤﻨﺎﺳﺐ
.. ﺍﻧﺎ ﻣﻤﻌﺘﺮﺽ ﻋﻠﻰ ﻓﻜﺮﺓ ﺍﻟﺴﻔﺮ
ﺍﻧﺎ ﻣﻌﺘﺮﺽ ﻋﻠﻰ ﺍﻟﻨﺎﺱ ﺍﻟﻲ ﺭﺍﺡ ﺗﺴﺎﻓﺮﻳﻦ ﻭﻳﺎﻫﻢ
.. ﻗﺎﺳﻢ ﺍﻧﺖ ﻟﻴﺶ ﺍﻧﺎﻧﻲ ﻭﻛﻠﺸﻲ ﺗﺮﻳﺪﻩ ﻻﺯﻡ ﺍﺳﻮﻳﻪ
ﻟﻴﺶ ﻣﺘﺮﺍﻋﻲ ﻇﺮﻭﻓﻲ ﻭﺗﺘﻨﺎﺯﻝ ﺷﻮﻳﺔ
ﻳﻌﻨﻲ ﺩﺍ ﺍﺷﻮﻑ ﺩﺍﺋﻤﺎ ﺍﻧﻲ ﺍﻟﻄﺮﻑ ﺍﻟﻤﺘﻨﺎﺯﻝ ﺑﻬﺬﺍ ﺍﻟﺤﺐ
.. ﺑﺎﻟﻠﻪ ﺑﺸﻨﻮ ﺣﻀﺮﺗﺞ ﺿﺤﻴﺘﻲ
ﻓﻬﻤﻴﻨﻲ ﺍﺗﺤﺪﻳﺘﻲ ﺍﻣﺞ ﻭﺯﻋﻠﺘﻴﻬﺎ
ﻟﻮ ﻭﻛﻔﺘﻲ ﺑﻮﺟﻪ ﺍﺑﻮﺝ ﻭﺣﺎﺭﺑﺘﻲ ﺍﻟﻜﻞ ﻋﻠﻤﻮﺩﻱ
ﻭﺑﻘﻴﺘﻲ ﺗﻨﺘﻈﺮﻳﻦ ﻣﺘﺤﻤﻠﺔ ﺍﺭﺑﻊ ﺳﻨﻴﻦ ﻭﻻ ﻭﺑﻌﺪ ﻭﺭﺍﻳﺔ
ﻓﻮﻛﺎﻫﻢ ﺛﻼﺙ ﺳﻨﻴﻦ ﻟﺤﺪ ﻣﺎ ﺗﺨﻠﺼﻴﻦ ﺩﺭﺍﺳﺘﺞ
ﻭﺗﺎﺧﺬﻳﻦ ﺷﻬﺎﺩﺗﺞ ﻭﺑﻌﺪﻳﻦ ﻭﺭﺓ ﻛﻞ ﻫﺬﺍ ﻳﻠﺔ ﺍﻛﺪﺭ ﺍﺗﺰﻭﺟﺞ
ﺑﺎﻟﻠﻪ ﻣﺘﻜﻠﻴﻠﻲ ﺷﻨﻮ ﺍﻟﺴﻮﻳﺘﻲ ﺍﻧﺘﻲ ﻋﻠﻤﻮﺩﻱ
ﺟﺎﻥ ﻗﺎﺳﻢ ﺩﻳﺤﺠﻲ ﻣﻌﺎﻧﺎﺗﻪ ﺑﺲ ﻋﻜﺲ ﺍﻻﺩﻭﺍﺭ
ﻭﺧﻠﺔ ﺭﻫﻒ ﺑﻤﻜﺎﻧﻪ ﺣﺘﻰ ﺗﺤﺲ ﺑﻲ
ﺟﺎﻭﺑﺘﻪ ﺭﻫﻒ ﺑﻌﺒﻴﺔ
.. ﺗﺮﺓ ﻣﻮ ﺑﺲ ﺍﻧﺖ ﻭﺍﻧﻲ ﻫﻢ ﻣﺜﻠﻚ ﺩﺍ ﺍﻋﺎﻧﻲ ﻭﻣﻘﺪﺭﺓ
ﺗﻀﺤﻴﺘﻚ ﻭﺻﺒﺮﻙ ﻋﻠﻴﺔ
ﺑﺲ ﺍﻧﻲ ﺑﺎﻟﻤﻘﺎﺑﻞ ﻫﻢ ﺿﺤﻴﺖ
ﻳﻜﻔﻲ ﺍﻧﺖ ﺍﺗﺰﻭﺟﺖ ﻭﺣﺪﺓ ﺛﺎﻧﻴﺔ ﻭﺍﻧﻲ ﺑﻘﻴﺖ ﻭﻳﺎﻙ
ﻳﻜﻔﻲ ﺍﻋﺮﻑ ﺍﻣﻚ ﻭﺧﻮﺍﺗﻚ ﻣﺎ ﻳﻄﻴﻘﻮﻧﻲ ﻭﻣﺘﺤﻤﻠﺔ ﻭﺳﺎﻛﺘﺔ ﻋﻠﻴﻬﻢ
ﻫﻮ ﻣﺠﺮﺩ ﻣﻮﺍﻓﻘﺘﻲ ﺑﺎﻟﺰﻭﺍﺝ ﻣﻨﻚ ﺗﻌﺘﺒﺮ ﺍﻛﺒﺮ ﺗﻨﺎﺯﻝ ﻭﺗﻀﺤﻴﺔ ﺍﻗﺪﻣﻬﺎ ﻻﺟﻞ ﺣﺒﻨﺎ
.....
ﺍﻧﺘﺒﻬﺖ ﻟﻘﺎﺳﻢ ﻋﻘﺪ ﺣﻮﺍﺟﺒﻪ ﻭﺿﻴﻚ ﻋﻴﻮﻧﻪ
ﻭﺳﺄﻟﻬﺎ ﺑﺼﻮﺕ ﻫﺎﻣﺲ ﻫﺎﺩﻱﺀ ﻫﺎﻱ ﺍﻟﺤﺮﻛﺔ ﺻﺮﺕ ﺍﻋﺮﻓﻬﺎ
.. ﺷﻠﻮﻥ ﻳﻌﻨﻲ ﻣﻮﺍﻓﻘﺘﺞ ﻋﺎﻟﺰﻭﺍﺝ ﻣﻨﻲ ﺗﻌﺘﺒﺮ ﺍﻛﺒﺮ ﺗﻨﺎﺯﻝ
ﻋﺰﺓ ﺑﻌﻴﻨﻲ ﻣﺎ ﺩﺍﻡ ﺻﺎﺭ ﺍﻟﺼﻮﺕ ﻫﺎﺩﻱﺀ
ﻣﻌﻨﺎﻫﺎ ﻗﺎﺳﻢ ﻭﺻﻞ ﻟﻠﺤﺎﻓﺔ ﺑﺼﺒﺮﻩ ﻋﻠﻴﻬﺎ ﻭﺭﺍﺡ ﻳﻨﻔﺠﺮ
ﻛﻮﻥ ﻫﻲ ﺫﻛﻴﺔ ﻭﺗﻌﺮﻑ ﻻﻃﺒﺎﻋﻪ ﻭﺗﺘﻼﺣﻚ ﻟﺮﻭﺣﻬﺎ ﻭﺗﻨﻔﺬ ﺑﺠﻠﺪﻫﺎ
ﺟﺎﻭﺑﺘﻪ ﻭﻫﻲ ﻣﻌﺼﺒﺔ ﻭﻛﺎﻟﺖ
.. ﻳﻌﻨﻲ ﻛﻠﺶ ﻛﺎﻓﻲ ﺍﻧﻲ ﺩﻛﺘﻮﺭﺓ ﻭﻣﺪﺭﺕ ﺑﺎﻝ ﻟﻬﺬﺍ ﺍﻟﺸﻲ ﻭﻭﺍﻓﻘﺖ ﺍﺗﺰﻭﺟﻚ ﺍﻟﻚ
ﻫﺬﺍ ﻳﺜﺒﺖ ﺍﻧﻲ ﺷﻜﺪ ﺍﺣﺐ .........
ﺭﻓﻊ ﺭﺍﺳﻪ ﻭﻋﻴﻮﻧﻪ ﻣﻔﺘﻮﺣﺎﺕ ﻋﻠﻰ ﻭﺳﻌﻬﻦ ﻭﺧﺰﺭﻫﺎ
ﻭﻗﺎﻃﻌﻬﺎ ﺑﺼﻮﺕ ﻳﻠﺴﻊ ﻣﻦ ﺍﻟﻐﻀﺐ
.. ﺍﺍﺍﺍﺍﺍﺍﺍﺍﺍﺍﺵ ﻭﻻ ﻛﻠﻤﺔ ﺍﺳﻤﻊ ﻣﻨﺞ
ﺍﻻﻧﺴﺎﻥ ﻳﺒﻴﻦ ﻣﻌﺪﻧﻪ ﺑﺴﺎﻋﺔ ﺍﻟﻐﻀﺐ
ﻳﻜﻮﻡ ﻳﺘﺼﺮﻑ ﻋﻠﻰ ﺣﻘﻴﻘﺘﻪ ﺑﺪﻭﻥ ﺗﺼﻨﻊ ﻭﻻ ﺗﺰﻟﻒ
ﻭﺍﻧﺘﻲ ﻃﻠﻌﺘﻲ ﻋﻠﻰ ﺣﻘﻴﻘﺘﺞ
ﻳﻌﻨﻲ ﺣﻀﺮﺗﺞ ﺗﺘﺼﻮﺭﻳﻦ ﺍﻥ ﺍﻧﺘﻲ ﺻﺎﺣﺒﺔ ﻓﻀﻞ
ﻭﺗﻨﺎﺯﻟﺘﻲ ﻣﻦ ﻣﻘﺎﻣﺞ ﺍﻟﻌﺎﻟﻲ ﻭﻭﺍﻓﻘﺘﻲ ﻋﻠﻰ
ﻗﺎﺳﻢ ﺍﻟﻤﺘﺨﻠﻒ ﺍﻟﻲ ﻣﻮ ﻣﻦ ﻣﺴﺘﻮﺍﺝ
ﻛﻠﺞ ﺧﻴﺮ ﻭﺑﺮﻛﺔ ﻭﺍﻟﻠﻪ ﻭﻃﻠﻌﺘﻲ ﺍﺻﻴﻠﺔ ﺑﻨﺖ ﺍﺻﻮﻝ
ﻣﻦ ﻭﺍﻓﻘﺘﻲ ﻋﻠﻴﺔ ﻻﺯﻡ ﻫﺴﺔ ﺍﻧﺎ ﺍﻛﻮﻥ ﻣﻤﻨﻮﻥ ﻟﺤﻀﺮﺗﺞ
ﺣﺠﺎﻫﺎ ﺑﻐﻴﺾ
.. ﻟﺤﻈﺔ ﻗﺎﺳﻢ ﺍﻧﻲ ﻣﺠﻨﺖ ﺍﻗﺼﺪ ﻫﻴﺞ .....
.. ﻭﻋﻨﺞ ﻻ ﻗﺼﺪﺗﻲ ﺍﻟﺤﻠﻴﻢ ﺗﻜﻔﻴﻪ ﺍﻻﺷﺎﺭﺓ
ﻭﻣﻊ ﺍﻻﺳﻒ ﺍﻧﺎ ﻭﻳﺎﺝ ﺍﻧﺘﻲ ﺑﺎﻟﺬﺍﺕ ﺟﻨﺖ ﺍﻋﻤﻰ ﻭﺍﺗﻐﺎﻓﻠﺖ ﻋﻦ ﺍﻻﺷﺎﺭﺕ
ﻭﺍﻟﺘﻠﻤﻴﺤﺎﺕ ﺍﻟﻲ ﺟﺎﻧﺖ ﺗﻮﺻﻞ ﻻﺫﻧﻲ ﻭﺍﺳﻤﻌﻬﺎ ﻭﺍﺟﺬﺏ ﺭﻭﺣﻲ
ﺗﺪﺭﻳﻦ ﻟﻴﺶ ﺍﺟﺬﺏ ﺭﻭﺣﻲ ﻭﻣﺎ ﺍﺻﺪﻙ ﺍﺫﻧﻲ
ﻻﻥ ﺟﻨﺖ ﻣﺘﺼﻮﺭ ﺍﻧﺘﻲ ﺗﺨﺘﻠﻔﻴﻦ ﻋﻨﻬﻢ
ﺍﻧﺘﻲ ﺷﻲ ﻧﺎﺩﺭ ﻃﻴﺮ ﺧﺎﺭﺝ ﺍﻟﺴﺮﺏ
ﺍﻧﻲ ﻣﻦ ﺍﻻﻭﻝ ﺍﻋﺮﻑ ﺑﻌﻤﺎﻣﻲ ﻭﻭﺍﺣﺪ ﻣﻨﻬﻢ ﺍﺑﻮﺝ
ﻛﻠﻬﻢ ﻳﺒﺎﻭﻋﻮﻟﻲ ﺍﻧﻲ ﻭﺧﻮﺍﺗﻲ ﻭﺍﻣﻲ ﺑﺎﻟﻌﻴﻦ ﺍﻟﺼﻐﻴﺮﺓ
ﻭﺟﻨﺖ ﻣﺎﺧﺬ ﻋﻬﺪ ﻋﻠﻰ ﻧﻔﺴﻲ ﺍﻟﻤﺎ ﻳﺮﻳﺪﻧﻲ ﻣﺎ ﺍﺷﺘﺮﻳﻪ ﺑﻨﻌﺎﻝ .
ﺍﻻ ﺍﻧﺘﻲ ﺍﻭﻝ ﻣﺎ ﺭﺟﻌﺖ ﻣﻦ ﺍﻟﺨﺎﺭﺝ ﻭﻭﻛﻌﺖ ﻋﻴﻨﻲ ﻋﻠﻴﺞ
ﻭﻛﻠﺒﻲ ﺍﺗﻌﻠﻚ ﺑﻴﺞ ﻭﺑﺒﺮﺍﺋﺔ ﻭﺟﻬﺞ ﻛﻠﺖ ﻫﺎﻱ ﻣﺴﺘﺤﻴﻞ ﺗﻜﻮﻥ ﻣﺜﻠﻬﻢ
ﺍﺻﻼ ﺻﺮﺕ ﺍﺗﺼﺎﺭﻉ ﻭﻳﺔ ﻛﺒﺮﻳﺎﺋﻲ
ﻭﺍﻛﻮﻝ ﻣﺴﺘﺤﻴﻞ ﺍﺗﻨﺎﺯﻝ ﻭﺍﺣﻂ ﺍﻳﺪﻱ ﺑﺄﻳﺪ ﺍﻟﺮﺟﺎﻝ
ﺍﻟﻲ ﺍﺧﺬ ﻭﺳﻠﺐ ﻛﻞ ﺣﻘﻮﻗﻨﺎ ﻭﺿﻠﻤﻨﺎ ﺍﻧﻲ ﻭﺧﻮﺍﺗﻲ ﻭﺍﻣﻲ
ﺑﺲ ﺣﺒﺞ ﻋﻤﺎﻧﻲ ﻭﺧﻼﻧﻲ ﺍﺗﻐﺎﺿﻰ ﻋﻦ ﻫﻮﺍﻳﺔ ﺍﻣﻮﺭ
ﻭﻧﺴﻴﺖ ﺍﻧﺘﻲ ﺯﺭﻋﻬﻢ ﻭﻣﻦ ﻃﻴﻨﺘﻬﻢ ﻭﺍﻛﻴﺪ ﺗﻜﻮﻧﻴﻦ
ﻧﻔﺲ ﺣﻘﺎﺭﺗﻬﻢ ﻭﻟﺆﻣﻬﻢ
ﺑﺲ ﺗﺪﺭﻳﻦ ﺷﻨﻮ ﻫﻔﻮﺓ ﺍﻟﺴﺎﻧﺞ ﺻﺤﺘﻨﻲ ﻋﻠﻰ ﺷﻲ ﺟﻨﺖ ﺍﻧﻲ ﻫﻢ ﻣﻤﻨﺘﺒﻪ ﻋﻠﻴﻪ
ﺧﻠﻲ ﺍﻛﻠﺞ ﺍﻳﺎﻫﺎ ﺧﺎﻑ ﻳﺎﺧﺬﺝ ﺍﻟﻐﺮﻭﺭ ﻻﺑﻌﺪ ﺍﻟﺤﺪﻭﺩ
ﺍﻧﺎ ﺍﺗﻮﻗﻊ ﺛﻠﺜﻴﻦ ﺗﻤﺴﻜﻲ ﺑﺎﻟﺰﻭﺍﺝ ﻣﻨﺞ
ﺟﺎﻧﺖ ﻣﺴﺄﻟﺔ ﻋﻨﺎﺩ ﻭﺗﺤﺪﻱ ﻭﺍﺻﺮﺍﺭ
ﻣﻦ ﺍﻟﻠﻪ ﺭﺩﺕ ﺍﻛﺴﺮ ﺧﺸﻢ ﺍﺑﻮﺝ ﺑﻴﺞ
ﻣﺎ ﺍﻧﻜﺮ ﺍﻟﺜﻠﺚ ﺍﻟﺒﺎﻗﻲ ﻛﺎﻥ ﺣﺐ ﻏﺒﻲ
......
ﺭﻫﻒ ﻛﺎﻧﺖ ﺗﺒﺠﻲ ﻣﻨﻬﺎﺭﺓ
ﺭﻓﻌﺖ ﺭﺍﺳﻬﺎ ﻭﻣﺪﺕ ﺍﻳﺪﻫﺎ ﺗﺮﻳﺪ ﺗﻠﺰﻣﻪ ﻭ ﺗﺘﻮﺳﻞ ﻟﻘﺎﺳﻢ ﻳﺴﻤﻌﻬﺎ
.. ﻋﻔﻴﺔ ﻗﺎﺳﻢ ﻟﺘﺤﺠﻲ ﻫﻴﺞ ﺍﻧﻲ ﺍﺣﺒﻚ ﻭﺍﻣﻮﺕ ﺑﺪﻭﻧﻚ ﻭﺍﻟﻠﻪ
ﻧﺘﺮ ﺍﻳﺪﻫﺎ ﺑﻌﻴﺪ ﻋﻨﻪ ﻣﺜﻞ ﺍﻻﻟﺘﻤﺎﺱ ﺍﻟﻜﻬﺮﺑﺎﺋﻲ
.. ﻫﺬﺍ ﺣﺠﻲ ﻣﺎﻛﻮﻝ ﺧﻴﺮﻩ
ﺷﻮﻓﻲ ﺭﻫﻒ ﻣﻦ ﻫﺎﻱ ﺍﻟﻠﺤﻈﺔ ﺍﻧﺴﻲ ﺷﻲ ﺍﺳﻤﻪ ﻗﺎﺳﻢ ﺑﺤﻴﺎﺗﺞ
ﺭﻭﺣﻲ ﺟﺮﺑﻲ ﺣﻈﺞ ﻭﻳﺔ ﻭﺍﺣﺪ ﻣﻦ ﻣﺴﺘﻮﺍﺝ
ﻣﻦ ﻧﻔﺲ ﺍﻟﻤﺴﺘﻨﻘﻊ ﺍﻟﺒﺎﺭﺩ ﺍﻟﻤﺮﻳﺾ ﺍﻟﻲ ﺍﺟﻴﺘﻲ ﻣﻨﻪ
ﺍﺗﻮﺟﻪ ﻟﻠﺒﺎﺏ ﻳﺮﻳﺪ ﻳﻄﻠﻊ ﻭﺍﻧﻲ ﻛﺒﻞ ﺭﺣﺖ ﺭﻛﻀﺖ ﺍﺭﻳﺪ ﺍﺧﺘﻞ ﻗﺒﻞ ﻻ ﻳﺸﻮﻓﻨﻲ ﻭﻳﻌﺮﻑ ﺑﻴﺔ ﺟﻨﺖ ﺍﺗﺴﻤﻊ
ﺭﺣﺖ ﺍﺭﻛﺾ ﻣﺜﻞ ﺍﻟﺪﺟﺎﺟﺔ ﺍﻟﺘﺎﻳﻬﺔ
ﺍﺭﻳﺪ ﺍﺧﺘﻔﻲ ﻣﻦ ﻛﺪﺍﻣﻪ ﻣﺎ ﺍﺭﻳﺪﻩ ﻳﺸﻮﻓﻨﻲ ﺍﺣﻮﻡ ﺑﻬﺬﺍ ﺍﻟﻤﻜﺎﻥ
ﻛﺒﻞ ﺗﺜﺒﺖ ﻋﻠﻴﺔ ﺍﻟﺘﻬﻤﺔ . ﺿﺎﻛﺖ ﺑﻴﺔ ﺍﻟﻮﺍﺳﻌﺔ ﻭﻫﺬﺍ ﺍﻟﺒﻴﺖ ﺍﻟﻌﻈﻴﻢ ﺻﺎﺭ ﺻﻐﻴﺮ ﺑﻌﻴﻨﻲ
ﻭﻣﺎ ﺍﺷﻮﻑ ﺭﻭﺣﻲ ﺍﻻ ﻭﺍﻧﻲ ﺧﺎﺗﻠﺔ ﺟﻮﺓ ﺍﻟﺪﺭﺝ
ﻛﺮﻓﺼﺖ ﺭﻭﺣﻲ ﺷﻠﻮﻥ ﻣﺎ ﺟﺎﻥ
ﻃﻠﻊ ﻣﻦ ﺑﺎﺏ ﺍﻻﺳﺘﻘﺒﺎﻝ ﻭﺳﺪﻩ ﻭﺭﺍﻩ
ﻭﺳﻤﻌﺖ ﻧﻘﺎﻟﻪ ﺩﻙ . ﻭﺭﺩ ﻋﺎﻟﻤﺘﺼﻞ
ﻭﻇﻞ ﻳﻔﺘﺮ ﺑﺎﻟﺼﺎﻟﺔ ﻭﻳﺤﺠﻲ ﻭﻳﺔ ﺍﻟﻄﺮﻑ ﺍﻻﺧﺮ
ﺟﺎﻥ ﻳﺤﺠﻲ ﺑﻐﻀﺐ ﻋﺮﻓﺖ ﻫﺬﺍ ﺍﻟﻤﻜﺮﻭﺩ ﺍﻟﻤﺘﺼﻞ ﻋﻠﻴﻪ ﻫﺴﺔ ﺑﻬﺎﻱ ﺍﻟﻠﺤﻈﺔ ﺍﻣﻪ ﺩﺍﻋﻴﺔ ﻋﻠﻴﻪ
ﺻﺮﺕ ﺍﺳﻤﻊ ﺍﺻﻮﺍﺕ ﺍﻟﺠﻬﺎﻝ ﻳﺮﻛﻀﻮﻥ ﺑﺎﻟﺒﻴﺖ
ﻋﺒﺎﻟﻚ ﻋﻨﺪﻫﻢ ﻣﺎﺭﺛﻮﻥ ﺳﺒﺎﻕ ﺍﻟﺜﻴﺮﺍﻥ
ﻣﺎ ﺷﺎﺀ ﺍﻟﻠﻪ ﻫﻨﺔ ﺍﺧﻮﺍﺗﻪ ﺍﺭﺑﻌﺔ
ﻭﻛﻞ ﻭﺣﺪﺓ ﻋﻨﺪﻫﺎ ﺟﻬﺎﻝ ﻋﻘﺎﻝ ﻣﻼﺋﻜﺔ
ﻓﻜﺎﻟﺒﻴﻦ ﺍﻟﺒﻴﺖ ﻭﻣﺴﻮﻳﻦ ﻫﻮﺳﺔ ﻣﺎﻛﻮ ﻣﺜﻠﻬﺎ
ﺧﺮﺏ ﺣﻈﻲ ﻣﻦ ﻭﺻﻠﻮ ﻟﺤﺪ ﻫﺴﺔ ﻣﺎ ﻛﻌﺪﻭﻟﻬﻢ ﺩﻗﻴﻘﺔ
ﻳﻤﺔ ﺷﻜﺪ ﻭﻛﺤﻴﻦ
ﺍﻧﺘﺒﻬﺖ ﻟﻘﺎﺳﻢ ﺑﻌﺪﻩ ﻳﺤﻮﻡ ﺑﺎﻟﺼﺎﻟﺔ ﻭﻳﺴﻮﻟﻒ
ﻳﻠﻌﻦ ﺍﺑﻮ ﺍﻟﻤﻜﺎﻟﻤﺔ ﺍﺩﺭﻱ ﺷﻨﻮ ﻟﻄﺸﺖ ﺑﻬﺬﺍ ﺍﻟﻤﻜﺎﻥ
ﻳﻌﻨﻲ ﺍﻟﺸﺒﻜﺔ ﻣﺘﺘﺤﺼﻞ ﺍﻻ ﺑﻬﺬﺍ ﺍﻟﻤﻜﺎﻥ ﻫﺴﺔ ﻏﻴﺮ ﻳﺮﻭﺡ
ﺣﺘﻰ ﺍﻃﻠﻊ
ﺳﺪ ﺍﻟﻨﻘﺎﻝ ﻭﺟﺎﻥ ﺗﺠﻴﻪ ﺍﺧﺘﻪ ﻓﺎﻃﻤﺔ ﻭﻭﻛﻔﺘﻪ ﺗﺤﺠﻲ ﻭﻳﺎﻩ
ﺑﻤﻮﺿﻮﻉ ﻣﻬﻢ
ﻳﺎﻟﻠﻪ ﻫﺎﻙ ﺍﺳﺘﻠﻢ ﺍﺷﺘﻐﻠﺖ ﺭﺣﻤﺔ ﺍﻟﻠﻪ
ﺑﺎﻟﻠﻪ ﺍﻧﻲ ﻫﺴﺔ ﺷﻠﻮﻥ ﺍﻃﻠﻊ ﻣﻦ ﻛﺪﺍﻣﻬﻢ ﻭﺍﻟﻠﻪ ﺍﺻﻴﺮ ﻓﻠﻢ
ﺟﻨﺖ ﻣﺸﻐﻮﻟﺔ ﺍﺭﻳﺪ ﺍﻃﻠﻊ ﻧﻔﺴﻲ ﻣﻦ ﻫﺬﺍ ﺍﻟﻤﺄﺯﻕ
ﻭﻣﺎ ﺣﺴﻴﺖ ﺍﻻ ﻋﻠﻰ ﺯﻳﻦ ﺍﺟﺔ ﻳﺮﻛﺾ ﻋﺎﻟﺴﺮﻳﻊ
ﻭﺧﺘﻞ ﺟﻮﺓ ﺍﻟﺪﺭﺝ ﻣﻨﻄﻴﻨﻲ ﻇﻬﺮﻩ ﻳﺮﺍﻗﺐ ﺍﻟﻄﺮﻳﻖ
ﻭﺻﺎﺡ
ﻳﺎﻟﻠﻪ ﺣﻼﺍﺍﺍﺍﺍﺍﺍﺍﺍﺍﺍﻝ
ﺟﺎﻥ ﻣﻤﻨﺘﺒﻪ ﻋﻠﻴﺔ ﻻﻥ ﺣﻀﺮﺗﻪ ﻣﻦ ﺯﻭﺩ ﺍﻟﻮﻛﺎﺣﺔ
ﻣﻠﺘﻬﻲ ﺍﺑﺎﻭﻉ ﻋﻠﻴﻪ ﻛﻞ ﺷﻮﻳﺔ ﻳﻤﺪ ﺭﺍﺳﻪ ﻳﺒﺎﻭﻉ ﻭﻳﺮﺟﻊ ﻳﺨﺘﻞ .
ﺩﺍﺭ ﻭﺟﻬﻪ ﻭﺟﺎﻥ ﻳﺸﻮﻓﻨﻲ ﻭﺭﺍﻩ ﻛﻤﺰ ﻣﻦ ﻣﻜﺎﻧﻪ ﻣﺨﺘﺮﻉ
ﺯﻳﻦ .. ﻳﻤﺔ ﻋﺒﺎﻟﻲ ﺟﻨﻲ
ﻋﻤﺔ ﺣﺘﻰ ﻋﻤﺔ ﻫﺬﺍ ﺷﻌﺮﻓﻪ ﺑﻠﻘﺒﻲ ﻻ ﻳﻜﻮﻥ ﺧﺎﻟﻪ
ﻛﺎﻳﻠﻪ ﻋﻠﻴﺔ ﻋﻮﺟﺖ ﺣﻠﻜﻲ ﺑﻐﻴﺾ
.. ﺟﻨﻲ ﺑﻌﻴﻨﻚ ﻳﺎ ﻭﻛﺢ
ﺯﻳﻦ ﺟﺎﻥ ﻳﺒﺎﻭﻉ ﻋﻠﻴﺔ ﺑﺘﻌﺠﺐ ﻭﻛﺄﻥ ﺷﺎﻳﻔﻠﻪ ﺷﻲ ﻏﺮﻳﺐ
.. ﺍﻛﻮﻝ ﺧﺎﻟﺔ ﺍﻧﺘﻲ ﺷﻨﻮ ﺗﺴﻮﻳﻦ ﻫﻨﺎ ﺧﺎﺗﻠﺔ
ﺻﻔﻨﺖ ﺑﻮﺟﻬﻪ ﻭﺿﺤﻜﺖ
.. ﺧﺎﻟﺔ ﺣﺒﻴﺖ ﺍﻟﻌﺐ ﻭﻳﺎﻛﻢ ﻟﻌﺒﺔ ﻏﻤﻴﻀﺔ
.....
ﻭﺟﺎﻥ ﺍﺳﻤﻊ ﺍﺻﻮﺍﺕ ﺍﻟﺠﻬﺎﻝ ﺗﺼﻴﺢ ﺍﺣﺘﺮﻙ
ﺍﺣﺘﺮﻙ
ﻫﺎﻱ ﺟﺎﻧﺖ ﻛﻠﻤﺔ ﺍﻟﺴﺮ ﺍﻟﻲ ﻳﻄﻠﻘﻮﻧﻬﺎ ﺍﺫﺍ ﻟﻜﻮ ﻭﺍﺣﺪ ﻣﻦ
ﺍﻟﻤﺠﻤﻮﻋﺔ
ﻭﺑﻌﺪﻫﺎ ﺳﻤﻌﺖ ﺻﺎﺣﻮﺍ ﺣﻴﺎﺍﺍﺍﺍﺍﺍ ﻋﻠﻰ ﺍﻟﺠﻤﻴﻊ ﺣﻲ ﻋﻠﻰ ﺍﻟﺠﻤﻴﻊ
ﻋﺒﺎﻟﻚ ﻛﺎﻣﻮ ﻳﺄﺫﻧﻮﻥ ﻣﻦ ﻛﺪ ﺍﻟﺼﻴﺎﺡ ﺍﻟﻠﻪ ﻳﻠﻌﻦ ﺑﻠﻴﺴﻬﻢ
ﺑﺲ ﺳﻤﻌﺖ ﻭﺍﺣﺪ ﻻﺥ ﻛﻠﻠﻬﻢ ﻻ ﺍﻭﻛﻔﻮ ﺑﻌﺪ ﺯﻳﻦ
ﺍﺟﻮﻱ ﻟﻠﺼﺎﻟﺔ ﺟﺎﻥ ﻭﺍﻛﻒ ﺑﻴﻬﺎ ﻗﺎﺳﻢ ﻭﻓﺎﻃﻤﺔ
ﻭﺳﺄﻟﻮﻩ
ﺧﺎﻟﻮ ﻣﺎ ﺷﻔﺖ ﺯﻳﻦ
ﺳﻤﻌﺖ ﻗﺎﺳﻢ ﺍﻟﻲ ﺟﺎﻥ ﻣﻨﺪﻣﺞ ﻳﺤﺠﻲ ﻭﻳﺔ ﺍﺧﺘﻪ
ﻗﻄﻊ ﻛﻼﻣﻪ ﻭﺟﺎﻭﺑﻬﻢ
.. ﻳﻤﻜﻦ ﺷﻔﺘﻪ ﺭﺍﺡ ﻫﻨﺎﻙ ﻟﺼﻔﺤﺔ ﺍﻟﺪﺭﺝ
ﺍﻟﺘﻔﺖ ﻋﻠﻴﺔ ﺯﻳﻦ ﻭﻛﺎﻝ ﻳﺎﻟﻠﻪ ﺧﺎﻟﺔ ﻛﻮﻣﻲ
ﺧﻠﻲ ﻧﻄﻠﻊ ﻭﻧﺼﻴﺢ ﺣﻲ ﻋﻠﻰ ﺍﻟﺠﻤﻴﻊ ﻗﺒﻞ ﻻ ﻳﺼﻴﺪﻭﻧﺎ
ﺑﺲ ﻣﻊ ﺍﻻﺳﻒ ﻣﺎ ﻟﺤﻚ ﻳﻜﻤﻞ ﻛﻼﻣﻪ ﻣﺎ ﻧﺤﺲ ﺍﻻ ﺍﻟﺠﻬﺎﻝ
ﻛﻠﻬﻢ ﺍﻟﺘﻤﻮ ﻋﻠﻰ ﺣﻈﻲ ﺍﻟﺒﺎﺯﺓ
ﻭﻧﻮﺏ ﺯﺍﺩ ﺻﻴﺎﺣﻬﻢ ﻣﻦ ﺷﺎﻓﻮﻧﻲ ﺍﻧﻲ ﺷﺨﺼﻴﺎً ﺧﺎﺗﻠﺔ ﺟﻮﺓ ﺍﻟﺪﺭﺝ
ﻣﺎ ﻧﺤﺲ ﺍﻻ ﺍﺟﺎﻫﻢ ﺻﻮﺕ ﻋﺎﻁ ﺑﻴﻬﻢ
ﻗﺎﺳﻢ .. ﺑﺴﺴﺴﺴﺲ ﺍﻧﺘﻮﺍ ﺷﻨﻮ ﺳﺎﻟﻔﺘﻜﻢ ﻣﺎ ﺗﺮﻛﺪﻭﻥ ﺷﻮﻳﺔ
ﺟﺎﻥ ﻳﺤﺠﻲ ﻭﻳﻘﺘﺮﺏ ﻣﻨﻬﻢ
ﻫﺎﻱ ﺑﻨﺖ ﻣﻨﻰ ﻛﺎﻟﺖ
.. ﺧﺎﻟﻮ ﻣﻮ ﺑﺲ ﺍﺣﻨﺎ ﻧﻠﻌﺐ ﺣﺘﻰ ﺧﺎﻟﺔ ﻫﺪﻯ
ﻋﺎﺍﺍﺍﺍﺍ ﺍﻋﻤﻞ ﻧﻔﺴﻚ ﻣﻴﺖ
ﺟﻤﺪﺕ ﻣﻦ ﺍﻟﻤﻮﻗﻒ ﻭﻣﺎ ﺍﺗﺤﺮﻛﺖ
ﺍﻧﺘﺒﻬﺖ ﻋﻠﻴﻪ ﺣﻨﻰ ﻇﻬﺮﻩ ﺑﻮﺿﻌﻴﺔ ﺍﻟﺮﻛﻮﻉ
ﻭﺩﻧﻚ ﻭﺑﺎﻭﻉ ﻣﺼﺪﺭ ﺍﻟﻬﻮﺳﺔ ﻣﻨﻮ
ﻭﺟﺎﻥ ﺗﻮﻛﻊ ﻋﻴﻮﻧﻪ ﻋﻠﻴﺔ ﻭﺍﻧﻲ ﺑﺲ ﺷﻔﺘﻪ
ﺻﺤﺖ ﺑﺼﻮﺕ ﺍﺿﻴﻊ ﺍﻟﻔﺸﻠﺔ
.. ﺩﻳﻴﻴﻴﻴﻴﻴﻴﻴﻴﻴﻴﻲ
ﺍﺑﺎﻭﻉ ﻋﻠﻴﻪ ﺿﺤﻚ ﻋﻠﻰ ﺷﻜﻠﻲ ﻣﺎﻣﺼﺪﻙ
.. ﻫﺎﺩﻱ ﻻﺗﻜﻮﻝ ﺟﻨﺖ ﺗﻠﻌﺐ ﻭﻳﺎﻫﻢ ﻟﻌﺒﺔ ﻏﻤﻴﻀﺔ
ﺻﻔﻨﺖ ﺑﻮﺟﻬﻪ ﺷﻮﻑ ﻫﻲ ﻭﺣﺪﺓ ﻣﻦ ﺍﻟﺜﻨﻴﻦ ﻟﻮ ﺍﺗﻨﺎﺯﻝ
ﻋﻦ ﺳﻤﻌﺘﻲ ﺍﻟﻬﺪﺍﻭﻳﺔ ﻟﻮ ﻳﻜﺘﺸﻒ ﺍﻧﻲ ﺳﻤﻌﺖ ﻛﻠﺸﻲ
ﻭﻣﺎ ﻋﻨﺪﻱ ﻏﻴﺮ ﺍﺗﻨﺎﺯﻝ ﻋﻦ ﺍﻟﺴﻤﻌﺔ
ﺟﻠﻴﺖ ﺻﻮﺗﻲ . ﻭﻛﻠﺖ
.. ﺍﻱ ﺷﻜﻮ ﺑﻴﻬﺎ ﺷﻔﺖ ﻏﻮﺣﻲ ( ﺭﻭﺣﻲ ) ﺿﺎﻳﺠﺔ ﻛﻠﺖ . ﺍﻟﻌﺐ ﻭﻳﺎﻫﻢ
ﺷﻮﻳﺔ . ﺍﻏﻴﻎ ( ﺍﻏﻴﺮ ) ﺟﻮ
ﻣﺪ ﺍﻳﺪﻩ ﺍﻟﻲ ﺣﺘﻰ ﺍﻃﻠﻊ ﻣﻦ ﺟﻮﺓ ﺍﻟﺪﺭﺝ
ﻟﺰﻣﺖ ﺍﻳﺪﻩ ﻭﻃﻠﻌﺖ ﻭﺍﻧﻲ ﺍﻧﻔﺾ ﺑﻤﻼﺑﺴﻲ ﻭﺍﻋﺪﻝ ﺑﺸﻌﺮﻱ
ﺍﻗﺘﺮﺏ ﻣﻨﻲ ﻭﻫﻤﺲ
ﻛﺎﻝ ﺳﺒﺤﺎﻥ ﺍﻟﺨﻠﻘﺞ
ﺭﻓﻌﺖ ﻋﻴﻮﻧﻲ ﻭﻛﻠﺒﻲ ﻛﺎﻡ ﻳﺮﻛﺺ ﻋﻠﻰ ﻫﺎﻱ ﺍﻟﻜﻠﻤﺘﻴﻦ
ﻋﺎﺍﺍﺍﺍ
ﻭﻛﻤﻞ ﻛﻼﻣﻪ .. ﺳﺒﺤﺎﻥ ﺍﻟﺨﻠﻘﺞ ﺍﺷﻮﻑ ﻛﻞ ﻣﻮﺍﺻﻔﺎﺕ
ﺍﻟﻔﺎﺭﺓ ﺗﻨﻄﺒﻖ ﻋﻠﻴﺞ
ﺷﻬﻜﺖ ﻣﻦ ﺍﻟﻢ ﺍﻟﻘﺼﻒ ﺑﺤﻴﺚ ﺻﺮﺕ ﺍﻣﺴﺢ ﺑﻜﺼﺘﻲ
ﺑﺮﻃﻤﺖ ﻭﺍﻧﻲ ﺣﺎﺻﺮﺗﻨﻲ ﺍﻟﺒﺠﻴﺔ
.. ﺗﻐﺔ ﻣﻴﺼﻴﻎ ( ﺗﺮﺓ ﻣﻴﺼﻴﺮ ) ﻛﻞ ﺷﻮﻳﺔ ﻣﻄﻠﻌﻠﻲ ﻟﻘﺐ
ﺳﺎﻋﺔ ﺟﻨﻲ ﺳﺎﻋﺔ ﻓﺎﻏﺔ ( ﻓﺎﺭﺓ ) ﺳﺎﻋﺔ ﺫﺑﺎﻧﺔ
ﺗﺮﺓ ﺣﺲ ﺑﻴﺔ ﺍﻧﺖ ﺩﺗﺠﻐﺢ ( ﺩﺗﺠﺮﺡ ) ﺍﻻﻧﺜﻰ ﺍﻟﻲ ﺑﺪﺍﺧﻠﻲ
ﺍﺑﺘﺴﻢ ﺣﺎﺻﺮﺗﻪ ﺍﻟﻀﺤﻜﺔ
.. ﻻ ﻭﺑﻌﺪ ﻧﺴﻴﺘﻲ ﺗﺸﺒﻴﻪ ﺍﻟﺒﺰﻭﻧﺔ
ﺧﺼﻮﺻﺎً ﻣﻦ ﺗﻜﻌﺪﻳﻦ ﺗﻐﻮﻏﻮﻳﻦ
.....
ﺭﻓﻌﺖ ﺭﺍﺳﻲ .. ﻋﻠﻰ ﻓﻜﻐﺔ ( ﻓﻜﺮﺓ ) ﻛﻞ ﻟﻘﺐ ﺗﻄﻠﻘﻪ ﻋﻠﻴﺔ
ﺍﻧﺖ ﺍﻟﻚ ﻧﺼﻪ
.. ﺷﻠﻮﻥ ﻳﻌﻨﻲ
.. ﻳﻌﻨﻲ ﺍﺫﺍ ﺍﻧﻲ ﺑﺰﻭﻧﺔ ﻓﺎﻧﺖ ﻋﺘﻮﻱ
ﻭﺍﺫﺍ ﺍﻧﻲ ﺟﻨﻴﺔ ﻓﺎﻧﺖ ﺟﻨﻲ
.. ﻭﺍﺫﺍ ﺍﻧﻲ ﻓﺎﻏﺔ ( ﻓﺎﺭﺓ ) ...
ﻭﻛﻤﻞ ﻛﻼﻣﻪ .. ﻭﺍﺫﺍ ﺍﻧﺘﻲ ﻓﺘﺤﺘﻲ ﺣﻠﻜﺞ ﺑﻌﺪ
ﺭﺍﺡ ﺗﻨﺴﺤﻠﻴﻦ
ﺣﺠﺎﻫﺎ ﻋﻠﻰ ﻧﻔﺲ ﺍﻟﻮﺯﻥ ﻭﺍﻟﻠﺤﻦ
ﺟﻨﺎ ﻧﺤﺠﻲ ﺍﻧﻲ ﻭﻗﺎﺳﻢ ﺑﻜﻼﻡ ﻋﺎﺩﻱ ﺑﺲ ﺑﻨﻔﺲ ﺍﻟﻮﻛﺖ ﺟﻨﺎ
ﻓﺎﺻﻠﻴﻦ ﻋﻦ ﺍﻟﻲ ﺣﻮﻟﻨﺎ
ﺍﻧﺘﺒﻬﻨﺎ ﻋﺎﻟﺠﻬﺎﻝ ﻳﻜﻮﻟﻮﻥ ﻟﺰﻳﻦ
ﻳﺎﻟﻠﻪ ﺯﻳﻦ ﺍﻣﺸﻲ ﺧﻠﻲ ﻧﻠﻌﺐ
ﻭﺯﻳﻦ ﻭﺍﻛﻒ ﺑﻤﻜﺎﻧﻪ ﻳﺒﺎﻭﻉ ﻋﻠﻴﻨﺎ . ﻣﺎ ﻳﻘﺒﻞ ﻳﺘﺰﺣﺰﺡ
ﻣﻦ ﻣﻜﺎﻧﻪ
ﺍﺳﻤﻌﻪ ﻳﻜﻮﻝ .. ﺍﻭﻛﻔﻮﺍ ﺍﻧﺘﻈﺮﻭﺍ ﺑﺲ ﺧﻠﻲ ﺍﺷﻮﻑ
ﺧﺎﻟﻮﺍ ﺷﻠﻮﻥ ﺭﺍﺡ ﻳﺴﺤﻞ ﻫﺪﻯ
ﺍﻧﻲ ﺷﻬﻜﺖ ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ
.. ﺧﺎﺏ ﺷﻮﻑ ﻫﺬﺍ ﺍﻟﻔﺼﻤﺔ ﻋﺎﺵ ﺍﻟﻠﺤﻈﺔ
ﺭﻓﻌﺖ ﺭﺍﺳﻲ ﻭﻫﻤﺴﺘﻠﻪ ﺣﺘﻰ ﻟﻴﺴﻤﻊ ﺍﻟﻔﺼﻌﻮﻥ ﺍﻟﻲ ﻳﻤﻨﺎ
.. ﺷﻮﻑ ﻛﻼﻣﻚ ﻏﺎﺡ ( ﺭﺍﺡ ) ﻳﻨﻌﻜﺲ
ﻋﻠﻰ ﺗﺼﻐﻔﺎﺕ ( ﺗﺼﺮﻓﺎﺕ ) ﺟﻬﺎﻝ ﺍﺧﺘﻚ ﺑﺎﻟﻤﺴﺘﻘﺒﻞ ﻻﻥ ﺍﻧﺖ ﻣﺎ ﺷﺎﺀ ﺍﻟﻠﻪ ﻗﺪﻭﺗﻬﻢ
ﺑﺎﻭﻉ ﻋﻠﻴﺔ ﺑﻨﻈﺮﺓ ﻏﺮﻳﺒﺔ ﻭﻛﺄﻧﻤﺎ ﻛﻼﻣﻲ ﺟﺪﻳﺪ ﻋﻠﻰ
ﺳﻤﻌﻪ
.. ﻭﻟﻚ ﺯﻳﻦ ﺍﻣﺸﻲ ﻣﻨﺎ ﻻ ﺍﺟﻲ ﺍﺳﺤﻠﻚ
ﺭﺍﺡ ﺯﻳﻦ ﻳﺮﻛﺾ ﻭﺍﻧﺘﺒﻬﺖ ﻟﺒﺎﺏ ﺍﻻﺳﺘﻘﺒﺎﻝ ﺍﻧﻔﺘﺢ
ﻭﻃﻠﻌﺖ ﺭﻫﻒ . ﻭﺍﻟﻌﻴﻮﻥ ﻣﻮﺭﻣﺔ ﻭﺍﻧﻲ ﺳﻮﻳﺖ ﻧﻔﺴﻲ ﻣﻤﻨﺘﺒﻬﺔ ﻋﻠﻴﻬﺎ
ﺑﺲ ﺟﺎﻥ ﺗﺮﻛﻴﺰﻱ ﻛﻠﻪ ﻣﻨﺼﺐ ﻋﻠﻰ
ﻗﺎﺳﻢ ﺍﻟﻲ ﻣﻌﺎﻧﻲ ﻭﺟﻬﻪ ﺍﺗﻐﻴﺮﺕ ﻣﻦ ﺍﻻﺳﺘﺮﺧﺎﺀ
ﺍﻟﻰ ﺍﻟﻐﻀﺐ ﺍﻟﻤﺠﺮﻭﺡ
ﻋﺮﻓﺖ ﻗﺎﺳﻢ ﺩﻳﻌﺎﻧﻲ ﺑﺲ ﻣﺎ ﻳﺮﻳﺪ ﻳﻌﺘﺮﻑ
ﻭﺑﻌﺪﻫﺎ ﺍﺟﺘﻲ ﻫﺎﻟﺔ ﺗﺼﻴﺢ ﺗﺪﻭﺭ ﻋﻠﻴﺔ
ﺑﺲ ﺷﺎﻓﺘﻨﻲ ﻣﻦ ﺑﻌﻴﺪ ﻧﺴﺖ ﻗﺎﺳﻢ ﻭﺍﺟﺘﻲ ﺗﺮﻛﺾ
.. ﻟﺞ ﻋﻮﺑﺔ ﻭﻳﻦ ﺧﺘﻠﺘﻲ ﺻﺎﺭﻟﻲ . ﺳﺎﻋﺔ ﺍﺩﻭﺭ ﻋﻠﻴﺞ
ﻗﺎﺳﻢ .. ﺍﻟﻠﻪ ﻳﺎﺧﺬﺝ ﻳﺎ ﻫﺎﻟﺔ
ﻻ ﺗﻜﻮﻟﻴﻦ ﺍﻧﺘﻲ ﺍﻟﺜﺎﻧﻴﺔ ﻫﻢ ﺟﻨﺘﻲ ﺗﻠﻌﺒﻴﻦ ﺍﻟﻐﻤﻴﻀﺔ
ﻫﺎﻟﺔ ﺑﻐﺒﺎﺀ ﻣﻤﻔﺘﻬﻤﺔ ﺍﻱ ﺷﻲ
.. ﻫﻬﻬﻬﻬﻪ ﻟﻴﺶ ﻫﻮ ﺍﻧﻲ ﺷﻮﻛﺖ ﺑﻄﻠﺖ ﻏﻤﻴﻀﺔ
ﺣﺘﻰ ﺍﺑﺪﻱ ﺍﻟﻌﺒﻬﺎ
ﺍﺷﻮ ﺍﻧﻲ ﻛﻀﻴﺖ ﻋﻤﺮﻱ ﻛﻠﻪ ﺍﺧﺘﻞ ﻣﻦ ﻭﺭﺓ ﻧﺒﻊ ﺍﻟﺤﻨﺎﻥ
ﻭﺗﻬﺪﻳﺪﻫﺎ
ﺩﺧﻞ ﻫﺸﺎﻡ ﻭﺻﺎﺡ ﻟﻘﺎﺳﻢ .. ﺍﻟﻮﻟﺪ ﻳﺮﺩﻭﻧﻚ ﺑﺎﻟﺒﺎﺏ
ﻭﻛﺎﻝ .. ﻳﺎﻟﻠﻪ ﺟﺎﻱ .. ﺟﺎﻱ
ﺑﺎﻭﻉ ﻋﻠﻴﺔ ﻭﺑﻌﺪﻫﺎ ﺩﺍﺭ ﻭﺟﻬﻪ ﻭﺭﺍﺡ
ﺟﻨﺎ ﺍﻧﻲ ﻭﻫﺎﻟﺔ ﺩﻧﺮﺍﻗﺐ ﻣﺸﻴﺔ ﻗﺎﺳﻢ ﻭﻫﺸﺎﻡ
ﻭﺍﻭﻝ ﻣﻄﻠﻌﻮﺍ
ﺍﻟﺘﻔﺘﺖ ﻋﻠﻴﺔ ﻫﺎﻟﺔ ﻭﻛﺎﻟﺖ
.. ﻟﺞ ﻋﻮﺑﺔ ﻭﻳﻦ ﺟﻨﺘﻲ ﺧﺎﺗﻠﺔ ﺻﺎﺭﻟﻲ ﺳﺎﻋﺔ ﺍﺩﻭﺭ ﻋﻠﻴﺞ
ﺍﺭﻳﺪ ﺍﻋﺮﻑ ﺷﺼﺎﺭ ﻣﺎﻛﻮ ﺍﻧﺘﻲ ﻓﺺ ﻣﻠﺢ . ﻭﺍﺧﺘﻔﻰ
.. ﺍﻭﻻ ﺟﻨﺖ ﺧﺎﺗﻠﺔ ﺟﻮﺓ ﺍﻟﺪﻏﺞ ( ﺍﻟﺪﺭﺝ )
ﻭﺛﺎﻧﻴﺎً ﻋﻨﺪﻱ ﺍﻟﺞ ﺧﺒﻎ ( ﺧﺒﺮ ) ﺍﺫﺍ ﺳﻤﻌﺘﻴﻪ ﻏﺎﺡ ( ﺭﺍﺡ ) ﺗﻨﺠﻠﻄﻴﻦ
.. ﻛﻮﻟﻲ ﺍﻟﻠﻪ ﻋﻠﻴﺞ ﺷﻨﻮ ﻫﺬﺍ ﺍﻟﺨﺒﺮ
ﺑﺨﺼﻮﺹ ﻣﻨﻮ
.. ﺑﺨﺼﻮﺹ ﻛﻬﻒ
ﻫﺎﻟﺔ ﺑﺄﻟﺤﺎﺡ
.. ﺷﻨﻮ .. ﺷﻨﻮ ﻛﻮﻟﻲ
ﻓﺘﺤﺖ ﺣﻠﻜﻲ ﺣﺘﻰ ﺍﺣﺠﻲ ﻭﺟﺎﻥ
ﺗﺠﻴﻨﺎ ﺍﻡ ﻗﺎﺳﻢ
.. ﻳﺎﺻﻠﻮﺍﺕ ﻋﻠﻰ ﺍﻟﻨﺒﻲ ﺍﻟﺤﺒﺎﺑﺎﺕ ﻫﻨﺎ ﻭﺍﻛﻔﺎﺕ ﻭﺍﻧﻲ
ﺍﺩﻭﺭ ﻋﻠﻴﻬﻢ
.....
ﻫﺎﻟﺔ ﺑﺘﺼﻨﻴﻒ .. ﻳﻤﺔ ﻻﺗﻜﻮﻟﻴﻦ ﺍﻧﺘﻲ ﻫﻤﻴﻦ ﺩﺗﻠﻌﺒﻴﻦ ﺍﻟﻐﻤﻴﻀﺔ ﻭﺗﺪﻭﺭﻳﻦ ﻋﻠﻴﻨﺎ
ﺍﻡ ﻗﺎﺳﻢ .. ﺍﻛﻠﺞ ﺗﺠﻴﻦ ﺗﺴﺎﻋﺪﻳﻨﻲ ﺑﺎﻟﻤﻄﺒﺦ
ﻻ ﺍﺳﻮﻳﺞ ﻏﻤﻴﻀﺔ ﻳﺎﻟﻠﻪ ﺗﺤﺮﻛﻲ ﺗﺮﺓ ﺑﻴﺖ ﻋﻤﺞ ﻛﺎﻣﻞ ﺭﺍﺡ ﻳﻮﺻﻠﻮﻥ
ﺑﻴﺖ ﻋﻤﻬﻢ ﻛﺎﻣﻞ ﻳﺼﻴﺮﻭﻥ ﻧﻔﺴﻬﻢ ﻋﻴﺎﻝ ﻣﻨﻰ
ﻫﺎﻟﺔ .. ﺷﻤﻌﻨﺎ ﺍﻧﻲ ﺗﺤﺠﻴﻦ ﻋﻠﻴﺔ ﻫﺴﺔ ﻫﺎﻱ ﻣﻮ ﻫﺪﻯ
ﺍﺷﻮ ﻣﺎ ﺣﺠﻴﺘﻲ ﻭﻳﺎﻫﺎ
ﺍﻡ ﻗﺎﺳﻢ ﺑﺒﺘﺴﺎﻣﺔ .. ﺍﺣﺎﺟﻴﺞ ﻳﺎ ﺑﻨﺘﻲ ﺍﺳﻤﻌﺞ ﻳﺎ ﺟﻨﺘﻲ
ﻳﻌﻨﻲ ﺍﻟﻜﻞ ﻣﺸﻤﻮﻝ ﻳﺎﻟﻠﻪ ﺍﺗﺤﺮﻛﻮﺍ
ﺩﺍﺭﺕ ﻭﺣﺠﻬﺔ ﻭﺩﺧﻠﺖ ﻟﻠﻤﻄﺒﺦ
ﻭﺍﻧﻲ ﻭﻫﺎﻟﺔ ﻭﺣﺪﺓ ﺗﺒﺎﻭﻉ ﻟﻠﺜﺎﻧﻴﺔ
.. ﻫﺎ ﻋﻮﺑﺔ ﺣﻐﻜﺘﻲ ( ﺣﺮﻛﺘﻲ ) ﻓﻠﻤﻲ ﻳﻢ ﺧﺎﻟﺔ ﻳﺎﻟﻠﻪ ﺍﻏﺘﺎﺣﻴﺘﻲ ( ﺍﺭﺗﺎﺣﻴﺘﻲ
ﻣﺸﻴﺖ ﻣﻦ ﻛﺪﺍﻣﻬﺎ ﻭﺟﺎﻥ ﺍﺳﻤﻊ ﺻﻮﺕ
ﺷﻬﻜﺔ ﻫﺎﻟﺔ
.. ﻟﺞ ﻋﺰﺓ ﺑﻌﻴﻨﺞ ﻳﺎ ﻫﺪﻯ
ﺍﻟﺘﻔﺘﺖ ﻋﻠﻴﻬﺎ .. ﻫﺎ ﻫﺎﻟﺔ ﺑﻄﻠﻲ ﺳﻮﺍﻟﻔﺞ ﺍﺩﻏﻲ ( ﺍﺩﺭﻱ ) ﺑﻴﺞ
ﺗﺼﻨﻔﻴﻦ ﻋﻠﻴﺔ
.. ﻟﺞ ﻋﻮﺑﺔ ﺑﺎﻻﻭﻝ ﺩﻧﻜﻲ ﺑﺎﻭﻋﻲ ﺷﻨﻮ ﻻ ﺑﺴﺔ ﺑﺮﺟﻠﻴﺞ
ﻭﺑﻌﺪﻳﻦ ﻛﻌﺪﻱ ﺍﺣﺠﻲ
ﺩﻧﻜﺖ ﺍﺑﺎﻭﻉ ﻭﺟﺎﻥ ﺍﺷﻮﻑ ﺭﻭﺣﻲ ﻻﺑﺴﺔ ﺣﺬﺍﺋﻲ ﺗﻚ ﻭﺗﻚ
ﻭﻛﻞ ﻭﺍﺣﺪ ﻟﻮﻥ ﺷﻜﻞ
ﻫﺎﻟﺔ .. ﻳﺎ ﻫﺪﻯ ﺑﺲ ﻻ ﺻﺎﺭ ﻋﻨﺪﺝ ﻋﻤﺔ ﺍﻟﻮﺍﻥ
ﺟﺎﻭﺑﺘﻬﺎ ﻭﺍﻧﻲ ﺍﺗﺬﻛﺮ ﺣﺮﻛﺔ ﻛﻠﺒﻲ ﻣﻦ ﻗﺮﻳﺖ ﺍﻟﺮﺳﺎﻟﺔ
.. ﻟﺞ ﻋﻮﺑﺔ ﻫﺎﻱ ﻣﻦ ﻛﺪ ﺍﻟﻘﻬﻎ ( ﺍﻟﻘﻬﺮ ) ﻭﺍﻟﻐﻴﺾ ﺍﻧﻌﻤﻴﺖ
ﻭﻣﺎ ﻛﻤﺖ ﺍﺷﻮﻑ ﺍﻱ ﺷﻲ ﻛﺪﺍﻣﻲ
ﻣﻮ ﺯﻳﻦ ﻭﻣﻨﻲ ﻃﻠﻌﺖ ﻋﺎﻟﺤﺬﺍﺀ ﻓﺴﻬﻠﺔ
ﺑﻌﺪﻫﺎ ﺑﺪﻟﺖ ﺍﻟﺤﺬﺍﺀ
ﻭﺭﺣﺖ ﺍﻋﺎﻭﻥ ﺧﺎﻟﺔ ﺍﻡ ﻗﺎﺳﻢ ﺑﺎﻟﻤﻄﺒﺦ
ﺷﻜﻞ ﺍﻟﺠﻤﺎﻋﺔ ﻭﺻﻠﻮﺍ ﻭﺧﺎﻟﺔ ﻟﺰﻣﺘﻬﻢ ﻋﺎﻟﻌﺸﺎ
ﺍﻟﻲ ﻋﺮﻓﺘﻪ ﻋﻤﺎﻣﻬﻢ ﺟﺎﻳﻴﻦ ﻋﻠﻤﻮﺩ ﺳﺎﻟﻔﺔ ﺍﻟﻌﺮﻛﺔ ﺍﻟﻲ ﺻﺎﺭﺕ ﺑﻴﻦ ﻗﺎﺳﻢ ﻭﻋﻤﻪ ﻛﺎﻇﻢ
ﺑﻠﺸﺖ ﺍﺣﻀﺮ ﺍﻟﺴﻔﺮﺓ ﻭﻳﺔ ﺍﻟﺒﻨﺎﺕ
ﺍﺑﺎﻭﻉ ﻟﺒﻨﺎﺕ ﻋﻤﻬﻢ ﻛﺎﻣﻞ ﻋﻴﻨﺎً ﻧﻔﺲ ﻃﻴﻨﺔ ﺭﻫﻒ ﻫﺎﺩﺋﺎﺕ
ﻭﺛﻘﻴﻼﺕ ﺣﺘﻰ ﻣﺠﺎﻣﻠﺔ ﻣﻴﻌﺮﻓﻦ
ﺍﻟﺠﻤﻮﺩ ﺍﻟﻲ ﻋﻨﺪﻫﻦ
ﻳﺮﻓﻊ ﺣﻤﻮﺿﺔ ﺍﻟﻤﻌﺪﺓ ﺍﺑﺪ ﻣﻴﻨﻬﻀﻤﻮﻥ
ﻭﻃﻮﻝ ﻣﺎ ﺍﻧﻲ ﺍﺗﺤﺮﻙ ﻭﻫﻨﺔ ﻋﻴﻮﻧﻬﻢ ﻋﻠﻴﺔ
ﺯﻭﺟﺔ ﻋﻤﻬﻢ ﻣﺤﻤﺪ ﺍﻡ ﺭﻫﻒ ﺑﺤﺠﺔ ﺍﻟﺸﻘﺔ ﺿﺤﻜﺖ ﻛﺎﻟﺖ
.. ﺣﺒﻴﺒﺘﻲ ﻫﺎﻱ ﺷﻨﻮ ﺍﻧﺘﻲ ﺷﻜﺪ ﻗﺼﻴﺮﺓ
ﺧﻄﻴﺔ ﻗﺎﺳﻢ ﺷﻠﻮﻥ ﻣﺪﺑﺮﻫﺎ ﻭﻳﺎﺝ
ﺷﻬﻜﺖ ﻣﻦ ﺳﺆﺍﻟﻬﺎ ﺍﻟﻮﻗﺢ ﺩﺭﺕ ﻭﺟﻬﻲ ﻋﻠﻴﻬﺎ ﻭﺿﺤﻜﺖ
.. ﻫﻬﻬﻬﻬﻬﻪ ﻭﺍﻟﻠﻪ ﻳﺎ ﺧﺎﻟﺔ ﺫﻛﻐﻨﻲ ( ﺫﻛﺮﻧﻲ ) ﻛﻼﻣﺞ ﺑﺤﺒﻴﺒﻲ ﻗﺴﻮﻣﻲ
ﻳﻜﻮﻝ ﻣﻦ ﻛﺪ ﻣﺎ ﺍﺩﻧﻚ ﻏﺎﺳﻲ ﺭﺍﺳﻲ ) ﺣﺘﻰ ﺍﻭﺻﻠﺞ ﻭﺍﺣﺼﻞ ﺑﻮﺳﺔ ﻣﻨﺞ
ﺍﺣﺘﻤﺎﻝ ﻳﺼﻴﻎ ( ﻳﺼﻲ ) ﻋﻨﺪﻱ ﺍﻧﺰﻻﻕ ﺑﺎﻟﻔﻘﻐﺎﺕ ( ﺑﺎﻟﻔﻘﺮﺍﺕ ) ﺍﻟﻌﻨﻘﻴﺔ
ﺍﻡ ﻗﺎﺳﻢ ﺑﻘﺼﺪ .. ﺍﻱ ﺧﺎﻟﺔ ﺣﻘﻪ ﺍﻟﻲ ﻳﺮﻳﺪ ﺍﻟﺤﻠﻮ ﻳﺼﺒﺮ ﻋﻠﻰ ﻣﺮﻩ
ﻭﺍﻧﺘﻲ ﻣﺎ ﺷﺎﺀ ﺍﻟﻠﻪ ﺣﻠﻮﺓ ﻭﺭﺑﻲ ﺍﺑﻨﻲ ﻋﻠﻴﺞ
ﻫﺎﻟﺔ ﻭﺍﻛﻔﺔ ﻳﻤﻲ .. ﺷﻜﻞ ﺍﻣﻲ ﺭﺍﺡ ﺗﻜﻌﺪ ﺗﺸﻌﺮ
ﻟﻜﺰﺗﻬﺎ ﺑﻜﻮﻋﻲ .. ﺍﺷﺸﺶ ﺧﻠﻴﻬﺎ ﺍﺣﺴﻦ ﺩﺷﻮﻓﻴﻬﻢ ﺷﻠﻮﻥ ﻋﻴﻮﻧﻬﻦ ﻧﻄﺖ ﻣﻦ ﻣﻜﺎﻧﻬﺎ
ﻏﺎﺡ ( ﺭﺍﺡ ) ﻳﻤﻮﺗﻦ ﻣﻦ ﺍﻟﻐﻴﺾ
......
ﺯﻭﺟﺔ ﻋﻤﻬﻢ ﻛﺎﻣﻞ ﻛﺎﻟﺖ .. ﺍﻟﻠﻪ ﻳﻬﺪﻱ ﺳﺮﻫﻢ ﻭﻳﻔﺮﺣﺞ ﺑﺄﻃﻔﺎﻟﻬﻢ .
ﺍﻡ ﻗﺎﺳﻢ .. ﺍﻟﻠﻠﻬﻢ ﺍﻣﻴﻦ ﺭﺑﻲ ﻳﺴﻤﻊ ﻣﻨﺞ
ﻛﺎﻟﺘﻬﺎ ﺑﻘﻮﺓ
ﺍﻟﺒﻨﺎﺕ ﻛﻠﻬﻢ ﺍﺗﺠﻤﻌﻮﺍ ﻭﻛﻌﺪﻭﺍ ﺑﺎﻟﻬﻮﻝ
ﺍﺑﺎﻭﻉ ﻟﺮﻫﻒ ﺻﺎﻓﻨﺔ ﺑﻐﻴﺮ ﻋﺎﻟﻢ ﺿﺎﻳﻌﺔ
ﻭﺍﻟﻠﻪ ﺣﻘﻬﺎ ﺍﻟﻲ ﺻﺎﺭ ﻣﻮ ﺷﻮﻳﺔ ﻭﺍﺣﻴﻴﻬﺎ ﺍﻥ ﻫﻲ ﺑﻘﺖ ﺻﺎﻣﺪﺓ ﻟﺤﺪ ﻫﺴﺔ ﻭﺿﻠﺖ ﻣﺘﻤﺎﺳﻜﺔ
ﺩﺧﻠﺖ ﻟﻠﻤﻄﺒﺦ ﻭﺳﺄﻟﺖ
.. ﺍﻛﻮﻝ ﺧﺎﻟﺔ ﻭﻳﻦ ﻧﻔﺮﺵ ﺍﻟﺴﻔﺮﺓ
ﺳﺮﻭﺭ ﺟﺎﻧﺖ ﺑﺎﻟﻤﻄﺒﺦ ﺍﻟﺤﺎﺭ ﺩﺗﻜﻠﻲ ﺍﻟﻜﺒﺐ
ﻭﺍﻡ ﻗﺎﺳﻢ ﻭﻫﺎﻟﺔ ﻭﻣﻨﻰ ﺑﺎﻟﻤﻄﺒﺦ ﺍﻟﺤﺎﺭ ﻭﺍﻧﻲ ﺍﻳﺪ ﻟﻠﺒﻴﺖ
ﻭﺍﻳﺪ ﻭﻳﺎﻫﻢ ﻻﻥ ﺍﻟﺠﻬﺎﻝ ﺍﻟﻠﻪ ﻳﺤﻔﻈﻢ ﻣﺒﻘﻰ ﻣﻜﺎﻥ ﻣﺎ ﻫﻮﺳﻮﻩ
ﻭﻓﺎﻃﻤﺔ ﻭﻛﻮﺛﺮ ﻭﻫﺪﻳﻞ ﻳﻢ ﺍﻟﺒﻨﺎﺕ ﺑﺎﻟﻬﻮﻝ
ﺍﻡ ﻗﺎﺳﻢ .. ﺣﺒﻴﺒﺘﻲ ﻓﺮﺷﻲ ﺑﺎﻟﻬﻮﻝ ﻻﻥ ﻣﻴﺰ ﺍﻟﻄﻌﺎﻡ ﻣﻴﻜﻔﻲ
.. ﺻﺎﻍ ﺧﺎﻟﺔ ( ﺻﺎﺭ )
ﺍﺧﺬﺕ ﺍﻟﻨﺎﻳﻠﻮﻥ ﺍﻟﺴﻔﺮﻱ
ﻭﺭﺣﺖ ﻟﻠﻬﻮﻝ ﺍﻓﺮﺵ ﻛﻮﺛﺮ ﺑﺲ ﺷﺎﻓﺘﻨﻲ ﺣﻄﺖ ﺍﺑﻨﻬﺎ ﻋﺎﻟﻘﻨﻔﺔ ﻭﺍﺟﺘﻲ ﺗﺴﺎﻋﺪﻧﻲ
ﻭﻓﺎﻃﻤﺔ ﻣﺎﺧﺬﺓ ﺩﻭﺭ ﺧﺎﻟﺔ ﻭﻛﺎﻋﺪﺓ ﻭﻳﺔ ﻧﺴﻮﺍﻥ ﻋﻤﺎﻣﻬﺎ
ﺍﻣﺎ ﺍﻟﺒﻘﻴﺔ ﺣﺘﻰ ﻣﺎ ﺍﺗﺤﺮﻛﻮﺍ ﻭﻻ ﻛﺎﻟﻮ ﺧﻠﻲ ﻧﻜﻮﻡ ﻧﺪﺧﻞ ﻟﻠﻤﻄﺒﺦ ﻧﻨﻘﻞ ﺍﻟﺼﺤﻮﻥ
ﺍﻣﺎ ﺳﺖ ﻫﺪﻳﻞ ﺩﺧﻴﻞ ﺍﻟﻠﻪ ﺷﻜﺪ ﻟﻮﻛﻴﺔ ﻻﺯﻛﺔ ﺑﺒﻨﺎﺕ ﻋﻤﻬﺎ
ﺍﺣﺲ ﺑﻴﻬﺎ ﺗﺮﻳﺪ ﺗﻨﻀﻢ ﻟﺴﺮﺑﻬﻢ ﻭﻫﻤﺔ ﺣﺎﻃﻴﻬﺎ ﺑﻨﺼﻬﻢ
ﻳﻀﺤﻜﻮﻥ ﻋﻠﻴﻬﺎ ﻭﺍﻟﻐﺒﻴﺔ ﻣﻜﻴﻔﺔ ﻋﻠﻰ ﺫﻟﻚ
ﺩﻧﻜﺖ ﺍﻓﺮﺵ ﺍﻟﺴﻔﺮﺓ ﻭﺟﺎﻥ ﺷﻌﺮﻱ ﻳﻨﺰﻝ ﺻﻔﺢ ﺷﻬﻜﺖ ﻭﺣﺪﺓ ﻣﻦ ﺑﻨﺎﺕ ﻋﻤﻬﻢ ﻭﻛﺎﻟﺖ
.. ﻫﺬﺍ ﺷﻌﺮﺝ ﺷﻨﻮ ﺣﻘﻴﻘﻲ ﻟﻮ ﺗﺮﻛﻴﺐ
ﺟﺎﻭﺑﺘﻬﺎ .. ﻻ ﺣﺒﻴﺒﺘﻲ ﻫﺬﺍ ﺷﻌﻐﻲ . ﻣﻮ ﺗﻐﻜﻴﺐ ( ﺷﻌﺮﻱ ﻣﻮ ﺗﺮﻛﻴﺐ )
ﺧﻠﻴﺖ ﺍﻟﺘﻐﻜﻴﺐ ( ﺍﻟﺘﺮﻛﻴﺐ ) ﻻﻫﻠﻪ ﺍﻧﻲ ﻣﺎﺍﺣﺘﺎﺝ
ﻓﺎﻃﻤﺔ ﺣﺠﺖ ﻭﻳﺔ ﺑﻨﺖ ﻋﻤﻬﺎ
.. ﻛﻮﻟﻲ ﻣﺎﺷﺎﺀ ﺍﻟﻠﻪ ﻭﺻﻠﻲ ﻋﺎﻟﻨﺒﻲ
ﺭﺟﻌﺖ ﺑﺎﻭﻋﺘﻠﻲ ﻭﻛﺎﻟﺖ
ﻓﺎﻃﻤﺔ .. ﻫﺪﻯ ﻳﻤﻜﻦ ﺳﻤﻌﺖ ﺻﻮﺕ ﺍﻣﻲ ﺗﺼﻴﺤﺞ
ﺭﺣﺖ ﺑﺎﻟﻤﻄﺒﺦ ﻭﺍﺟﺘﻲ ﻭﺭﺍﻳﺔ ﻓﺎﻃﻤﺔ ﻭﻛﺎﻟﺖ ﺑﻐﻴﺾ
.. ﺭﻭﺣﻲ ﻟﻤﻲ ﺷﻌﺮﺝ ﻭﻟﺒﺴﻲ ﺷﺎﻝ ﺑﺴﺮﻋﺔ
ﺭﺣﺖ ﺣﺴﻮﻳﺖ ﻣﺜﻞ ﻣﻜﺎﻟﺖ ﺑﺪﻭﻥ ﻧﻘﺎﺵ ﻭﺭﺟﻌﺖ
ﻭﺑﻠﺸﻨﺎ ﻧﺼﺐ ﺍﻟﻌﺸﺎ
ﻭﺍﻧﻲ ﻭﻫﺎﻟﺔ ﻭﻣﻨﻰ ﺍﺗﻌﺎﻭﻧﺔ ﻧﻨﻘﻞ ﺍﻟﺼﺤﻮﻥ
ﺣﻄﻴﻨﺎ ﺍﻟﺼﺤﻮﻥ ﻋﺎﻟﺴﻔﺮﺓ
ﻭﺟﺎﻥ ﻭﺣﺪﺓ ﻣﻦ ﺑﻨﺎﺗﻬﻢ ﻛﺎﻟﺖ
.. ﻫﺎﻱ ﺷﻨﻮ ﻛﺒﺔ ﻭﻛﺒﺎﺏ ﺍﻧﻲ ﻣﺎ ﺍﺣﺐ ﻫﺬﺍ ﺍﻻﻛﻞ
ﻣﻨﻰ ﻧﺰﻟﺖ ﺍﻟﺼﺤﻮﻥ ﻭﻛﺎﻟﺖ
.. ﺣﺒﻴﺒﺘﻲ ﻫﺬﺍ ﺍﻟﻤﻮﺟﻮﺩ
ﻭﺭﺍﺣﺖ ﻭﻋﺎﻓﺘﻬﺎ ﻭﺍﻧﻲ ﺑﻘﻴﺖ ﺍﻭﺯﻉ ﺍﻟﺼﺤﻮﻥ ﻋﺎﻟﺴﻔﺮﺓ
ﺩﺧﻠﺖ ﺧﺎﻟﺔ ﺍﻡ ﻗﺎﺳﻢ ﻭﺑﻴﺪﻫﺎ ﺍﻟﺨﺒﺰ
ﻭﺍﻟﺒﻨﺎﺕ ﺣﺠﻮﺍ ﻭﻳﺔ ﺍﻡ ﻗﺎﺳﻢ
.. ﺧﺎﻟﺔ ﺍﺣﻨﺔ ﻣﻨﺤﺐ ﻧﺎﻛﻞ ﻛﺒﺔ ﻭﻛﺒﺎﺏ ﻭﺻﻲ ﻋﻠﻰ ﺩﻟﻴﻔﺮﻱ ﺟﺎﻧﻮﺍ ﻳﺤﺠﻮﻥ ﺑﺪﻟﻊ
ﻭﺍﻻﻣﻬﺎﺕ ﻋﺒﺎﻟﻚ ﺍﻟﻤﻮﺿﻮﻉ ﻣﻮ ﻳﻤﻬﻢ ﻭﻻ ﻭﺣﺪﺓ ﺑﻴﻬﻢ ﺧﺰﺭﺕ ﺑﻨﺘﻬﺎ ﻭﻛﻠﺘﻠﻬﺎ ﻋﻴﺐ ﺍﺣﻨﺔ ﺧﻄﺎﺭ
ﺍﻡ ﻗﺎﺳﻢ ﻛﺎﻟﺖ .. ﻟﻴﺶ ﺧﺎﻟﺔ ﻫﺎﻱ ﻧﻌﻤﺔ ﺍﻟﻠﻪ ﻭﺍﻛﻞ ﻧﻈﻴﻒ
ﺍﺣﺴﻦ ﻣﻦ ﺍﻻﻛﻞ ﺍﻟﺠﺎﻫﺰ ﺍﻟﻤﺎﻧﻌﺮﻑ ﻣﺼﺪﺭﻩ ﻣﻨﻴﻦ
ﻣﺴﻮﻳﻨﻪ ﻣﻦ ﻟﺤﻢ ﻛﻼﺏ ﻣﺪﺭﻱ ﻟﺤﻢ ﺣﻤﻴﺮ
ﻭﺍﻟﻠﻪ ﻋﺬﺭﻭﻧﻲ ﺧﺎﻟﺔ ﻣﺎﻛﺪﺭ ﺍﻭﺻﻴﻠﻜﻢ ﻻﻥ ﻣﺎ ﻋﺪﻧﺎ ﻭﺍﺣﺪ ﻳﺮﻭﺡ ﻳﺠﻴﺒﻠﻜﻢ ﺍﻛﻞ ﺟﻬﺎﺯ
.....
ﻫﺪﻳﻞ ﻛﺎﻋﺪﺓ ﺑﻴﻦ ﺑﻨﺎﺕ ﻋﻤﻬﺎ ﻭﻛﺎﻟﺖ
.. ﻻ ﻣﺎﻣﺎ ﺧﻠﻲ ﺍﻟﻌﻢ ﺣﺴﻨﻴﻦ ﻫﻮ ﻳﺮﻭﺡ ﻳﺸﺘﺮﻱ
ﺍﻡ ﻗﺎﺳﻢ ﺧﺰﺭﺕ ﻫﺪﻳﻞ ﻭﺣﺠﺖ ﻣﻦ ﺑﻴﻦ ﺍﺳﻨﺎﻧﻬﺎ
.. ﺍﻟﻌﻢ ﺣﺴﻨﻴﻦ ﻣﻮ ﻫﻨﺎ ﻃﺎﻟﻊ
ﻭﺟﺎﻥ ﺗﺠﻲ ﻫﺎﻟﺔ ﻭﺷﺎﻳﻠﺔ ﺑﺪﻫﺎ ﺍﻟﺼﺤﻮﻥ
ﻭﻟﺤﻜﺖ ﻋﻠﻰ ﺍﻟﺠﻤﻠﺔ ﺍﻻﺧﻴﺮﺓ ﻭﺩﺧﻠﺖ ﺑﺎﻟﻤﻮﺿﻮﻉ ﺑﺪﻭﻥ ﻣﺘﻔﺘﻬﻢ ﺍﻱ ﺷﻲ
.. ﻻ ﻳﻤﺔ ﺍﻟﻌﻢ ﺣﺴﻨﻴﻦ ﻣﻮﺟﻮﺩ ﻫﺴﻪ ﺷﻒ .....
ﻣﺎ ﻟﺤﻜﺖ ﺗﻜﻤﻞ ﻛﻼﻣﻬﺎ
ﻛﺒﻞ ﻗﻄﻌﺖ ﻛﻼﻣﻬﺎ ﻭﻛﻤﺰﺕ ﻣﻦ ﻣﻜﺎﻧﻬﺎ
ﻭﻋﻔﺴﺖ ﻭﺟﻬﺎ ﺗﺒﺎﻭﻉ ﻻﻣﻬﺎ ﻭﻫﻲ ﺗﺤﻚ ﺑﺰﻧﺪﻫﺎ
ﻭﺑﺪﻟﺖ ﺍﻗﻮﺍﻟﻬﺎ
.. ﻫﺎﺍﺍﺍﺍﺍ ﺍﻱ ﺻﺪﻙ ﺍﺗﺬﻛﺮﺕ ﺧﻄﻴﺔ ﺍﻟﻌﻢ ﺣﺴﻨﻴﻦ
ﺑﺎﺟﺮ ﻣﺎﺕ ﺍﻟﻠﻪ ﻳﺮﺣﻤﻪ ﺟﺎﻥ ﺧﻮﺵ ﺭﺟﺎﻝ
ﻫﻬﻬﻬﻪ ﺍﻟﻠﻪ ﻳﻠﻌﻦ ﺑﻠﻴﺴﺞ ﻫﺎﻟﺔ ﺷﻠﻮﻥ ﺩﺍﺭﺗﻬﺎ
ﻭﻫﺪﻳﻞ ﺍﻧﺨﻄﻒ ﻟﻮﻧﻬﺎ ﻭﺿﺮﺑﺘﻪ ﻋﺎﻟﺼﺎﻣﺖ
ﻭﺑﻨﺎﺕ ﻋﻤﻬﻢ ﻫﻢ ﻭﻳﺎﻫﺎ ﺿﺎﺭﺑﻴﻨﻪ ﻋﺎﻟﺼﺎﻣﺖ
ﺩﺧﻠﺖ ﻟﻠﻤﻄﺒﺦ ﻭﻟﻜﻴﺖ ﺍﻟﻮﻟﺪ ﻧﺎﻗﻠﻴﻦ ﺍﻻﻛﻞ ﻛﻠﻪ ﻟﻼﺳﺘﻘﺒﺎﻝ
ﻭﻣﺨﻠﺼﻴﻦ ﻛﻠﺸﻲ ﻭﺩﻳﺘﻌﺸﻮﻥ
ﺧﺎﻟﺔ ﺻﺎﺣﺖ ﻟﺴﺮﻭﺭ
ﺍﻡ ﻗﺎﺳﻢ .. ﻳﻮﻡ ﺳﺮﻭﺭ ﻳﺎﻟﻠﻪ ﺗﻌﺎﻱ ﺍﺗﻌﺸﻲ ﻭﺳﻮﻱ ﻟﻔﺎﺕ ﻟﺠﻬﺎﻟﺞ
ﻛﺎﻓﻲ ﺍﻧﻜﺴﺮ ﻇﻬﺮﺝ ﻋﺎﻟﻄﺒﺦ
ﺩﺧﻠﻨﺎ ﻛﻠﻨﺎ ﻭﻟﻜﻴﺖ ﺍﻟﻜﻞ ﻛﺎﻋﺪﻳﻦ ﻋﺎﻟﺴﻔﺮﺓ
ﺑﺲ ﻛﻢ ﻭﺣﺪﺓ ﻣﻦ ﺑﻨﺎﺕ ﻋﻤﻬﻢ ﻣﻜﺎﻋﺪﺓ ﻣﻴﺤﺒﻮﻥ ﻫﺬﺍ ﺍﻻﻛﻞ
ﻋﺸﺘﻮﺍ
ﺍﺟﻴﺖ ﺍﻛﻌﺪ ﻭﺟﺎﻥ ﺍﻡ ﻗﺎﺳﻢ ﻛﺎﻟﺖ
.. ﺑﻨﺎﺕ ﻣﻨﻮ ﺑﻴﻜﻢ ﺣﻄﺖ ﻗﻮﺭﻱ ﺍﻟﺠﺎﻱ ﻋﺎﻟﻄﺒﺎﺥ
ﺣﺘﻰ ﻣﻦ ﻳﺨﻠﺼﻮﻥ ﺍﻟﺮﻳﺎﺟﻴﻞ ﺍﻟﻌﺸﺎ ﻳﻜﻮﻥ ﺟﺎﻫﺰ؟؟؟
ﺍﻧﻲ ﻭﺍﻟﺒﻨﺎﺕ ﺻﺮﻧﺎ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ ﺑﺘﺴﺎﺋﻞ
ﺍﺟﺘﻲ ﻣﻨﻰ ﺗﻜﻮﻡ ﻣﻦ ﺍﻟﺴﻔﺮﺓ ﻭﻛﺎﻟﺖ
.. ﻧﺴﻴﻨﺎ ﻫﺴﺔ ﺍﻧﻲ ﺍﻛﻮﻡ ﺍﺳﻮﻱ
ﻛﻤﺖ ﻗﺒﻠﻬﺎ ﻭﻛﻠﺘﻠﻬﺎ
.. ﻻ ﺗﻜﻮﻣﻴﻦ ﺍﺑﻘﻲ ﻛﺎﻋﺪﺓ ﺑﻤﻜﺎﻧﺞ ﺍﻧﻲ ﻏﺎﻳﺤﺔ ( ﺭﺍﻳﺤﺔ )
ﺍﻧﺘﺒﻬﺖ ﻟﻨﻈﺮﺍﺕ ﺍﻡ ﻗﺎﺳﻢ ﺟﺎﻧﺖ ﻛﻠﻬﺎ ﻓﺨﺮ ﺍﺑﺘﺴﻤﺖ
.. ﻋﻔﻴﺔ ﺑﺒﻨﻴﺘﻲ
ﺭﺣﺖ ﻟﻠﻤﻄﺒﺦ ﻭﻟﻜﻴﺖ ﺍﻟﺠﻬﺎﻝ ﻣﻨﺘﺸﺮﻭﻥ ﺑﻜﻞ ﻣﻜﺎﻥ
ﺍﺣﺲ ﺑﻴﻬﻢ ﻣﺜﻞ ﺍﻟﻘﺮﻭﺩ ﺷﻲ ﺻﺎﻋﺪ ﻋﺎﻟﻤﺠﻤﺪﺓ
ﻭﺷﻲ ﻣﺘﻌﻠﻚ ﻋﺎﻟﻜﺎﻭﻧﺘﺮ ﻭﺷﻲ ﻓﺎﺗﺢ ﺍﻟﺜﻼﺟﺔ ﻭﺷﻲ ﻛﺎﻋﺪ
ﻓﻮﻙ ﻣﻴﺰ ﺍﻟﻄﻌﺎﻡ ﻭﺑﺲ ﻳﺪﺭﺩﻣﻮﻥ
ﻭﺷﻲ ﺷﺎﻳﻞ ﻟﻔﺘﻪ ﻭﻳﻔﺘﺮ ﻭﻳﺎﻛﻞ
ﺑﺲ ﺩﺧﻠﺖ ﻛﻤﺰﻭ ﺑﺲ ﻣﻦ ﺷﺎﻓﻮﻧﻲ
ﺭﺟﻌﻮﺍ ﻛﻤﻠﻮﺍ ﺗﺴﻤﻊ ﺑﻨﺖ ﻣﻨﻰ ﺗﻜﻮﻝ ﻳﻤﺔ ﻛﻤﺰﺕ ﻋﺒﺎﻟﻲ
ﺧﺎﻟﺔ ﻫﺎﻟﺔ ﺟﺎﻥ ﺷﻠﻌﺖ ﺍﺫﺍﻧﺎﺗﻨﺎ
ﺍﺑﺘﺴﻤﺖ ﻋﻠﻰ ﻛﻼﻣﻬﺎ ﻭﻛﻤﻠﺖ ﻃﺮﻳﻘﻲ ﻭﺩﺧﻠﺖ ﻟﻠﻤﻄﺒﺦ ﺍﻟﺤﺎﺭ
ﻭﻟﻜﻴﺖ ﺯﻳﻦ ﻻﺯﻡ ﺟﺪﺍﺣﺔ ﺑﻴﺪﻩ ﻳﺮﻳﺪ
ﻳﺸﻐﻞ ﺍﻟﻄﺒﺎﺥ ﻭﻻﺯﻡ ﺑﻴﺪﻩ ﺍﻟﺜﺎﻧﻴﺔ
ﻟﻌﺒﺔ ﺑﺎﺭﻭﺩ ﺍﻟﻌﺎﺏ ﻧﺎﺭﻳﺔ
ﻛﻤﺖ ﻋﻄﺖ ﺑﻲ ﻭﺍﺧﺬﺕ ﺍﻟﺠﺪﺍﺣﺔ ﻭﺍﻟﻠﻌﺒﺔ ﺍﺧﺬﺗﻬﺎ ﻣﻦ ﻋﻨﺪﻩ ﻭﻃﻠﻌﺘﻪ ﻣﻦ ﺍﻟﻤﻄﺒﺦ
ﻭﻫﻮ ﺑﺮﻃﻢ ﺷﻔﺎﻳﻔﻪ ﻭﻃﻠﻊ ﻣﻦ ﺍﻟﻤﻄﺒﺦ ﻭﻫﻮ ﻳﻜﻮﻝ
.. ﻋﺎﺍﺍﺍﺍﺩﻱ ﺍﺧﺬﻳﻬﺎ ﻋﻨﺪﻱ ﺑﻌﺪ ﻭﺣﺪﺓ ﺛﺎﻧﻴﺔ
.. ﺍﻟﻠﻪ ﻳﻠﻌﻦ ﺑﻠﻴﺴﻪ ﻫﺬﺍ ﺍﻟﻮﻟﺪ ﻟﻮ ﺍﺑﻨﻲ ﺟﺎﻥ ﻋﻠﻜﺘﻪ ﺑﺎﻟﺒﻨﻜﺔ
ﻏﺴﻠﺖ ﺍﻟﻘﻮﺭﻱ ﻭﺗﺮﺳﺘﻪ ﻣﺎﻱ ﻭﺍﻧﻲ ﺍﺩﺭﺩﻡ
ﻭﺣﻄﻴﺘﻪ ﻋﺎﻟﻄﺒﺎﺥ ﻭﺑﺪﻳﺖ ﺍﺷﻐﻞ ﺑﺎﻟﺠﺪﺍﺣﺔ
.. ﺷﻨﻮ ﻫﺎﻟﻮﻛﺎﺣﺔ ﺍﻟﻌﻨﺪﻫﻢ ﺍﻟﻠﻪ ﻳﺴﺎﻋﺪ ﻛﻮﺙ .......
.....
ﻭﺟﺎﻥ ﺗﻜﺐ ﺍﻟﻨﺎﺭ ﺑﻮﺟﻬﻲ ﻭﺑﺎﻟﻤﻄﺒﺦ ﻭﺣﻮﻃﺘﻨﻲ
ﻭﺍﺧﺘﻔﺖ ﻭﺍﻧﻲ ﻣﻦ ﺍﻟﺨﺮﻋﺔ ﺻﺮﺧﺖ ﺑﺼﻮﺕ ﻋﺎﻟﻲ
ﺭﺟﻠﻴﺔ ﺻﺎﺭﻭﺍ ﺧﻴﻮﻁ ﻣﻦ ﺍﻟﻬﺒﻄﺔ ﻭﻛﻌﺪﺕ ﺑﺎﻟﻜﺎﻉ
ﻭﺍﺫﺍﻧﻲ ﺍﻧﺼﻤﺖ ﺍﺳﻤﻊ ﺑﻴﻬﺎ ﺻﻮﺕ ﻃﻮﻭﻭﻭﻭﻭﻁ
ﻭﻣﺎ ﺍﺣﺲ ﺍﻻ ﻭﻗﺎﺳﻢ ﻭﺍﻟﻮﻟﺪ ﻓﻮﻙ ﺭﺍﺳﻲ ﻭﺍﻡ ﻗﺎﺳﻢ ﻭﺍﻟﺒﻨﺎﺕ
ﻛﻠﻬﻢ ﺟﺎﻧﻮﺍ ﻣﺼﺪﻭﻣﻴﻦ
ﺍﺑﺎﻭﻉ ﻟﻘﺎﺳﻢ ﺍﻟﺨﻮﻑ ﺑﻌﻴﻮﻧﻪ ﺭﻛﻊ ﻳﻤﻲ ﺑﺎﻟﻜﺎﻉ
ﻭﺭﻓﻊ ﺭﺍﺳﻲ ﻭﻛﻌﺪ ﻳﺤﺮﻙ ﺑﺸﻔﺎﻳﻔﻪ
ﺑﺲ ﺑﺪﻭﻥ ﺻﻮﺕ
ﻟﻮ ﻳﻤﻜﻦ ﺍﻧﻲ ﻣﻦ ﺯﻭﺩ ﺍﻟﻬﺒﻄﺔ ﺻﺮﺕ ﻣﺎ ﺍﺳﻤﻊ
ﺣﺴﻴﺖ ﻋﻠﻰ ﺭﺷﺔ ﻣﺎﻱ ﺍﺟﺘﻲ ﻋﻠﻰ ﻭﺟﻬﻲ
ﻭﺍﻳﺪ ﻧﺎﻋﻤﺔ ﺗﻤﺴﺢ ﻋﻠﻰ ﻭﺟﻬﻲ
ﺑﺎﻭﻋﺖ ﺷﻔﺘﻬﺎ ﺍﻡ ﻗﺎﺳﻢ
ﻫﺬﺍ ﺍﻟﺤﺠﻲ ﻛﻠﻪ ﺻﺎﺭ ﻭﺍﻧﻲ ﺍﺷﻢ ﺭﻳﺤﺔ ﺷﻴﺎﻁ
ﺷﻌﻮﺍﻁ
ﻳﻌﻨﻲ ﺣﺎﻟﺔ ﻛﻠﺶ ﻏﺮﻳﺒﺔ ﺍﺷﺘﻌﻞ ﺍﻟﻤﻄﺒﺦ ﻭﻛﺐ ﺑﺎﻟﻨﺎﺭ ﻭﺍﻧﻄﻔﻰ ﺑﻠﺤﻈﺎﺕ ﺷﻠﻮﻥ ﻭﻟﻴﺶ ﺻﺎﺭ ﻫﻴﺞ ﻣﺎ ﺍﻋﺮﻑ
ﺣﺴﻴﺖ ﺑﻘﺎﺳﻢ ﻛﻮﻣﻨﻲ ﻣﻦ ﻣﻜﺎﻧﻲ
ﻭﻛﺎﻝ ﺧﻠﻲ ﺍﻭﺩﻳﻬﺎ ﻟﻠﻤﺴﺘﺸﻔﻰ
ﺍﺳﻤﻊ ﺍﻡ ﻗﺎﺳﻢ .. ﻗﻞ ﺍﻋﻮﺫ ﺑﺮﺏ ﺍﻟﻔﻠﻖ
ﻭﺗﺼﻠﻲ ﻋﺎﻟﻨﺒﻲ
ﻭﻛﺎﻟﺖ ﻟﻘﺎﺳﻢ ﺧﻠﻲ ﻧﺼﻌﺪﻫﺎ ﻓﻮﻙ ﺑﺎﻻﻭﻝ ﺧﻠﻲ ﺗﺒﺪﻝ ﻣﻼﺑﺴﻬﺎ
ﻟﻤﻨﻲ ﻗﺎﺳﻢ ﻟﺼﺪﺭﻩ ﺑﺬﺭﺍﻋﻪ ﻭﺳﻨﺪﻧﻲ ﻋﻠﻴﻪ ﻭﺍﻟﺒﻨﺎﺕ ﻫﺎﻟﺔ ﻭﻣﻨﻰ ﻭﻛﻮﺛﺮ ﺻﺎﺭﻭﺍ ﻳﺒﻌﺪﻭﻥ ﺑﺎﻟﺠﻬﺎﻝ ﻭﺑﻨﺎﺕ ﻋﻤﻬﻢ ﺍﻟﻲ ﺳﺎﺩﻳﻦ ﺍﻟﺒﺎﺏ
ﺩﺧﻠﻮﻧﻲ ﻟﻠﻐﺮﻓﺔ
ﻓﺎﻃﻤﺔ ﻛﺎﻟﺖ ﻻﻣﻬﺎ
.. ﻳﻤﺔ ﻫﺎﻱ ﻋﻴﻦ ﺍﻟﻤﺎﺳﻤﺖ ﺑﺄﺳﻢ ﺍﻟﻠﻪ
ﻫﺎﻱ ﺑﻨﺖ ﻋﻤﻲ ﻣﺤﻤﺪ ﺍﻟﺼﻐﻴﺮﺓ ﻛﺎﺑﻠﺖ ﺷﻌﺮﻫﺎ ﻭﻛﻌﺪﺕ
ﻗﺎﺳﻢ .. ﺑﺎﻟﻌﺠﻞ ﺑﺪﻟﻮﻟﻬﺎ ﻣﻼﺑﺴﻬﺎ ﺧﻠﻲ ﺍﺧﺬﻫﺎ ﻟﻠﻤﺴﺘﺸﻔﻰ
ﺣﺠﻴﺖ ﻭﻫﺎﻱ ﺍﻭﻝ ﻣﺮﺓ ﻳﻄﻠﻊ ﺻﻮﺗﻲ
ﺑﻬﻤﺲ .. ﻻ ﻣﺎ ﻳﺤﺘﺎﺝ ﺍﻧﻲ ﻣﺎ ﻣﺘﺄﺫﻳﺔ
ﻛﻮﺛﺮ ﺩﺧﻠﺖ ﻟﻠﻐﺮﻓﺔ ﻭﻛﺎﻟﺖ
.. ﻫﺬﻭﻟﻲ ﺍﻟﺠﻬﺎﻝ ﺟﺎﻧﻮﺍ ﻳﻠﻌﺒﻮﻥ ﺑﻐﺎﺯﺍﻟﻄﺒﺎﺥ
ﻫﻲ ﺣﺠﺖ ﻭﺍﻧﻲ ﺍﺗﺬﻛﺮﺕ
ﺯﻳﻮﻧﻲ ﺍﺑﻨﻬﺎ ﻣﻦ ﺟﺎﻥ ﻳﻠﻌﺐ ﺑﺎﻟﻄﺒﺎﺥ ﻭﻓﺎﺗﺢ ﺍﻟﻐﺎﺯ ﻭﻛﻌﺪ ﻳﺤﺠﻲ ﻭﻳﺎﻱ
ﻭﺑﻴﻦ ﻣﺎ ﺧﺬﺕ ﺍﻟﺠﺪﺍﺣﺔ ﻣﻦ ﻋﻨﺪﻩ ﻭﺍﻻﻟﻌﺎﺏ
ﻭﻃﻠﻊ ﻭﺑﻌﺪﻫﺎ ﻏﺴﻠﺖ ﺍﻟﻘﻮﺭﻱ ﻭﻧﺘﺒﻬﺖ ﻟﻠﻐﺎﺯ ﺟﺎﻥ ﻣﻔﺘﻮﺡ ﻃﻔﻴﺘﻪ
ﻭﺭﺟﻌﺖ ﺍﺗﺮﺱ ﺍﻟﻘﻮﺭﻱ ﻣﺎﻱ
ﻭﺑﻌﺪﻫﺎ ﻣﻦ ﺷﻐﻠﺖ ﺍﻟﺠﺪﺍﺣﺔ ﺍﺷﺘﻌﻞ ﺟﻮ ﺍﻟﻤﻄﺒﺦ ﺑﺎﻟﻨﺎﺭ
ﻛﻠﻤﺎ ﺍﺗﺬﻛﺮ ﺍﻟﻤﻮﻗﻒ ﻳﻮﻛﻒ ﺷﻌﺮ ﺭﺍﺳﻲ ﻭﺭﻳﺤﺔ ﺍﻟﺸﻴﺎﻁ
ﻣﺎ ﻓﺎﺭﻗﺘﻨﻲ
ﻣﺎ ﺣﺴﻴﺖ ﺍﻻ ﻭﺍﻡ ﻗﺎﺳﻢ ﻭﻓﺎﻃﻤﺔ
ﺍﺷﻮ ﺭﻓﻌﻮﺍ ﺛﻮﺑﻲ ﻭﻧﺰﻋﻮﻧﻲ ﻣﻼﺑﺴﻲ ﻭﺧﻠﻮﻧﻲ ﺑﻄﺮﻙ ﺍﻟﺜﻮﺏ ﺍﻟﺘﺤﺘﻲ ﺍﻟﻘﺼﻴﺮ ﻭﺍﺻﻞ ﻟﺤﺪ ﺍﻟﻔﺨﺬ ﻳﺎﺩﻭﺏ ﻣﻐﻄﻲ ﺳﻴﻘﺎﻧﻲ
ﻧﺴﻴﺖ ﺍﻟﻬﺒﻄﺔ ﻭﺍﻟﺘﻬﻴﺖ ﺑﺎﻟﻤﻮﻗﻒ ﺍﻟﻲ ﺍﻧﻲ ﺑﻴﻪ
ﺻﺪﺭﻱ ﻭﺟﺴﻤﻲ ﻛﻠﻪ ﻛﺪﺍﻡ ﻋﻴﻮﻥ ﻗﺎﺳﻢ
ﻭﺍﻡ ﻗﺎﺳﻢ ﻭﻓﺎﻃﻤﺔ ﺧﻄﻴﺔ ﻣﻠﺘﻬﻴﺎﺕ
ﻳﺘﻔﺤﺼﻮﻥ ﺑﺼﺪﺭﻱ ﻭﺯﻧﻮﺩﻱ
ﻓﺎﻃﻤﺔ .. ﺍﻛﻮﻝ ﻳﻤﺔ ﺻﺪﺭﻫﺎ ﻛﻠﺶ ﺍﺣﻤﺮ
ﺍﻡ ﻗﺎﺳﻢ .. ﻻ ﻣﺎﻣﺎ ﻫﺎﻱ
ﻫﻲ ﻣﻦ ﺍﻟﻠﻪ ﻫﻴﺞ ﻣﻮ ﻣﻦ ﻭﺭﺓ ﺍﻟﺤﺮﻙ
ﻫﻲ ﻛﻠﻬﺎ ﺑﺼﻮﺏ ﻭﻗﺎﺳﻢ ﺍﻟﻲ ﻛﺎﻋﺪ ﻳﺘﻔﺤﺺ ﺑﻌﻴﻮﻧﻪ
......
ﻭﺍﻟﺒﻨﺎﺕ ﻛﻞ ﺷﻮﻳﺔ ﻭﺣﺪﺓ ﺗﺪﺧﻞ ﺗﺘﻄﻤﻦ ﻋﻠﻴﺔ ﻭﺗﻄﻠﻊ ﺍﺑﺎﻭﻉ ﻟﻘﺎﺳﻢ ﻋﻴﻮﻧﻪ ﺻﺎﺭﺕ ﺣﻤﺮ
ﻓﺎﻃﻤﺔ ﻟﺰﻣﺖ ﺯﻧﺪﻱ ﻭﺳﺄﻟﺘﻨﻲ ﻣﺎﺧﺬﺓ ﺩﻭﺭ ﺍﻟﺪﻛﺘﻮﺭﺓ
.. ﺯﻳﻦ ﻫﻨﺎ ﻳﺄﺫﻳﺞ ﻟﻮ ﻫﻢ ﺣﻤﺮﺓ ﻣﻦ ﺍﻟﻠﻪ
ﻓﺎﺟﺌﻨﺎ ﻗﺎﺳﻢ ﻣﻦ ﺣﺠﺔ ﻭﻳﺎﻫﺎ ﻭﻛﺎﻝ
.. ﺍﻱ ﺩﻛﺎﺍﺍﺍﺍﻓﻲ ﻣﻮ ﺣﺮﻛﺘﻲ ﻋﺸﻴﺮﺗﻨﺎ
ﻛﻞ ﺷﻮﻳﺔ ﻣﺘﻠﻤﺴﺘﻬﺎ ﺑﻤﻜﺎﻥ ﻭﺗﺴﺄﻟﻴﻬﺎ ﻋﺒﺎﻟﻚ ﻟﻌﺎﺑﺔ ﻋﻨﺪﺝ
ﻭﺍﻧﺘﻲ ﻛﻮﻣﻲ ﻟﺒﺴﻴﻠﺞ ﺷﻲ ﻋﻠﻰ ﺟﺴﻤﺞ
ﻣﺎﺑﻘﻰ ﻭﺍﺣﺪ ﻣﺎ ﺷﺎﻑ ﺟﺴﻤﺞ
ﺟﺎﻥ ﻳﺤﺠﻲ ﻭﻫﻮ ﺭﺍﺹ ﻋﻠﻰ ﺍﺳﻨﺎﻧﻪ
ﻓﺎﻃﻤﺔ ﺣﺠﺖ ﻭﻳﺎﻩ .. ﻳﺎﺑﺔ ﻋﻠﻰ ﻛﻴﻔﻚ ﻣﺎ ﺍﻛﻠﻨﺎﻫﺎ
ﻟﻠﺒﻨﻴﺔ ﻫﺴﺔ ﺍﻧﺖ ﻟﻴﺶ ﻣﻌﺼﺐ ﻏﻴﺮ ﺍﻧﺠﻴﻜﻬﺎ ﺧﺎﻑ ﺑﻴﻬﺎ ﺷﻲ
ﺳﺄﻟﺘﻨﻲ ﺍﻛﻠﺞ ﺧﺎﻟﺔ ﺧﻮ ﻣﺎ ﻳﺄﺫﻳﺞ
ﺣﺠﻴﺖ ﺑﺼﻮﺕ ﺗﻌﺒﺎﻥ
.. ﺍﻧﻲ ﻛﻠﺸﻲ ﻣﺎﻳﺄﺫﻳﻨﻲ ﻫﻲ ﻛﺒﺖ ﺍﻟﻨﺎﺭ ﻟﺤﻈﺔ ﻭﺍﻧﻄﻔﺖ ﻳﻌﻨﻲ ﻣﺎ ﻟﺤﻜﺖ ﺍﻓﺘﻬﻢ ﺷﻨﻮ ﺍﻟﺴﺎﻟﻔﺔ
ﻓﺎﻃﻤﺔ ﺭﺍﺣﺖ ﻟﻠﻜﻨﺘﻮﺭ ﻭﺳﺄﻟﺘﻨﻲ ﻭﻳﻦ ﻣﻼﺑﺴﺞ ﺑﺄﻱ ﺧﺎﻧﺔ
ﺍﻧﻲ ﻛﻤﺖ ﻣﻦ ﻣﻜﺎﻧﻲ ﻭﺭﺣﺖ ﻭﺭﺍﻫﺎ ﻭﺟﻠﻴﺔ
ﻭﺣﺪﺓ . ﺗﺪﺣﻚ ﺑﺎﻟﺜﺎﻧﻴﺔ
ﻭﻣﺎ ﺍﻋﺮﻑ ﺍﻟﺤﺮﺍﺭ ﺍﻟﻲ ﺑﻮﺟﻬﻲ ﻭﺟﺴﻤﻲ ﻣﻦ ﻭﺭﺓ ﻧﻈﺮﺍﺕ
ﻗﺎﺳﻢ ﻟﻮ ﻣﻦ ﻭﺭﺓ ﺍﻟﺤﺮﻙ ﺿﺎﻋﺖ ﻋﻠﻴﺔ ﺍﻟﺴﺎﻟﻔﺔ
ﺷﻠﺖ ﺍﻟﺸﺎﻝ ﻣﻦ ﺭﺍﺳﻲ
ﻓﺠﺎﺀﺓ ﻭﺟﺎﻥ ﺍﺳﻤﻊ ﺻﻮﺕ ﻗﺎﺳﻢ ﺍﻟﻤﺼﺪﻭﻡ
ﺑﺎﻭﻋﺖ ﻋﻠﻴﻪ ﺟﺎﻧﺖ ﻋﻴﻮﻧﻪ ﻣﺘﺴﻌﺔ ﻭﻛﺎﻝ ﺑﺼﻮﺕ ﻣﺒﻬﻮﺕ
.. ﺣﺠﻴﺔ ﻫﺎﻱ ﺷﻨﻮ ﺷﺒﻲ ﺷﻌﺮﻫﺎ
ﺟﺎﻥ ﻳﺤﺠﻲ ﻭﻳﻘﺘﺮﺏ ﻋﻠﻴﺔ
ﻋﺰﺓ ﺑﻌﻴﻨﻲ ﺷﻨﻮ ﺷﺒﻲ ﺷﻌﺮﻱ
ﻟﻤﻴﺖ ﺷﻌﺮﻱ ﻛﻠﻪ ﻭﺣﻄﻴﺘﻪ ﺻﻔﺢ ﻭﺻﺮﺕ ﺍﻛﻠﺐ ﺑﻲ ﻣﺜﻞ ﺍﻟﻤﺠﻨﻮﻧﺔ
ﺍﺑﺎﻭﻉ ﻟﺸﻌﺮﻱ ﻣﺎﺑﻲ ﺷﻲ
ﻭﻗﺎﺳﻢ ﻋﻴﻮﻧﻪ ﻋﻠﻰ ﻣﻘﺪﻣﺔ ﺷﻌﺮﻱ
ﻣﺪﻳﺖ ﺍﻳﺪﻱ ﺍﺗﺤﺴﺲ ﻣﻘﺪﻣﺔ ﺷﻌﺮﻱ ﺣﺴﻴﺘﻪ ﺧﺸﻨﻪ
ﺑﺮﻃﻤﺖ ﺷﻔﺎﻳﻔﻲ ﻭﻋﻴﻮﻧﻲ ﻏﺮﻛﺖ ﺑﺎﻟﺪﻣﻮﻉ
ﺍﻧﻘﻬﺮﺕ ﻋﻠﻰ ﺷﻌﺮﻱ
ﺍﻗﺘﺮﺏ ﻣﻨﻲ ﻭﻟﺰﻡ ﺧﺼﻞ ﺷﻌﺮﻱ ﻭﻛﺎﻝ
.. ﻟﺘﺒﺠﻴﻦ ﻓﺪﻭﺓ ﺍﻟﺞ ﻣﺎﺑﻲ ﺷﻲ ﺷﻮﻳﺔ ﻣﺤﺮﻭﻙ ﻣﻦ ﻛﺪﺍﻡ
ﺭﻓﻌﺖ ﺭﺍﺳﻲ ﺍﺑﺎﻭﻉ ﻋﻠﻴﻪ ﻭﺍﺗﻠﻤﺴﺖ ﺷﻌﺮﻱ
ﻭﻫﻤﺴﺖ ﺑﺤﺰﻥ .. ﻣﻮﺑﻴﺪﻱ ﺍﺣﺒﻪ
ﺩﻧﻚ ﺭﺍﺳﻪ ﻭﻫﻤﺲ .. ﻣﻨﻮ
ﺍﻟﺪﻣﻮﻉ ﺑﻌﺪﻫﺎ ﻣﻌﻠﻜﺔ ﻭﺗﻠﻤﻊ ﺑﻌﻴﻮﻧﻲ
.. ﺷﻌﻐﻲ ( ﺷﻌﺮﻱ ) ﻣﺎ ﻳﻬﻮﻥ ﻋﻠﻴﺔ ﻳﺼﻴﻎ ( ﻳﺼﻴﺮ ) ﺑﻲ ﺷﻲ
.. ﺍﻟﺤﻤﺪﻟﻠﻪ ﺑﻤﻘﺪﻣﺔ ﺷﻌﺮﺝ ﺷﻮﻳﺔ ﻭﻻ ﻛﻞ ﺷﻌﺮﺝ
ﻭﻧﺰﻝ ﻋﻴﻮﻧﻪ ﻟﺼﺪﺭﻱ ﻭﺯﻧﻮﺩﻱ
ﻛﺪﺭ ﺑﻜﻠﻤﺎﺕ ﻗﻠﻴﻠﺔ ﻳﻠﻬﻴﻨﻲ ﻋﻦ ﺷﻌﺮﻱ
ﻭﻳﻨﺴﻴﻨﻲ ﻭﺿﻌﻲ
ﺍﻧﺘﺒﻬﺖ ﻟﺤﺎﻟﻨﺎ ﻛﻠﻤﺎ ﻧﺤﺠﻲ ﺍﻧﻲ ﻭﻗﺎﺳﻢ ﺳﻮﻳﺔ
ﻧﻨﺴﻰ ﻧﻔﺴﻨﺎ ﻭﻧﻔﺼﻞ ﻋﻦ ﺍﻟﻨﺎﺱ ﺍﻟﺤﻮﻟﻨﺎ
ﻓﺎﻃﻤﺔ .. ﻫﺴﺔ ﻳﺎﻋﻴﻨﻲ ﻓﻀﻮﻫﺎ
ﺭﺍﺡ ﺗﺒﻘﻮﻥ ﻭﺍﻛﻔﻴﻦ ﻟﺸﻮﻛﺖ
ﻗﺎﺑﻞ ﻣﺮﺗﻚ ﺭﺍﺡ ﺗﻄﻴﺮ
ﻋﻨﺪﻙ ﺍﻟﻠﻴﻞ ﺑﻄﻮﻟﻪ ﻋﻮﺩ ﺍﻛﻌﺪ ﺍﺗﻤﻌﻦ ﺑﻤﺮﺗﻚ
ﻟﻠﺼﺒﺢ ﺧﺎﻑ ﺑﻴﻬﺎ ﺣﺮﻙ
ﺭﻓﻊ ﺭﺍﺳﻪ ﻣﺜﻞ ﺍﻟﻲ ﺟﺎﻥ ﺑﺤﻠﻢ ﻭﻓﺰ ﻣﻦ ﺍﻟﻨﻮﻡ
ﻭﺍﻧﺘﺒﻪ ﻟﻮﺿﻌﻪ ﻭﻳﺎﻱ ﻭﺍﺑﺘﻌﺪ ﺣﺘﻰ ﻳﺴﻮﻳﻠﻲ ﻣﺠﺎﻝ ﺍﻋﺒﺮ
ﻭﺍﺭﻭﺡ ﺍﻟﺒﺲ ﻣﻼﺑﺴﻲ
......
ﻟﺒﺴﺖ ﻭﺍﻗﺘﺮﺑﺖ ﻣﻦ ﺍﻟﻤﺮﺍﻳﺎ ﺣﺘﻰ ﺍﺑﺎﻭﻉ ﻟﺸﻌﺮﻱ
ﻋﺰﺯﺓ ﻫﺎﻱ ﺷﻨﻮ ﺭﻣﻮﺷﻲ ﻣﺸﻌﻮﻃﺎﺕ ﻭﺣﻮﺍﺟﺒﻲ
ﻣﻨﻰ ﺩﺧﻠﺖ ﻋﻠﻴﺔ ﻭﻛﺎﻟﺖ ﺗﻌﺎﻟﻲ ﻧﺰﻟﻲ ﺯﻭﺟﻲ
ﺩﻛﺘﻮﺭ ﺍﺧﺘﺼﺎﺹ ﺟﻠﺪﻳﺔ ﻛﺎﻝ ﺧﻠﻲ ﺗﻨﺰﻝ ﺍﺷﻮﻑ
ﻭﺿﻌﻬﺎ ﺷﻨﻮ ﺗﺤﺘﺎﺝ
ﺍﺑﺎﻭﻉ ﻟﻘﺎﺳﻢ ﻋﻴﻮﻧﻪ ﻧﻄﺖ ﻭﺭﺹ ﺍﺳﻨﺎﻧﻪ
ﺍﻡ ﻗﺎﺳﻢ .. ﺍﻱ ﻭﺍﻟﻠﻪ ﻳﺎﺭﻳﺖ ﻫﺎﻱ ﺷﻠﻮﻥ ﻓﺎﺗﺘﻨﻲ
ﻧﺰﻟﺖ ﻭﻗﺎﺳﻢ ﻛﻞ ﺷﻮﻳﺔ ﻳﺪﺭﺩﻡ ﻋﺪﻟﻲ ﺷﺎﻟﺞ
ﺷﻌﺮﺝ ﻧﺼﻪ ﻃﺎﻟﻊ
ﺑﺎﻭﻋﺖ ﻋﻠﻴﻪ .. ﺑﻌﺪ ﻳﺎﺷﻌﻎ ( ﻳﺎﺷﻌﺮ ) ﺍﺷﻮ ﻋﻄﺐ ﻣﻨﻮ ﻳﺒﺎﻭﻉ ﻋﻠﻴﻪ
ﺧﺰﺭﻧﻲ ﻭﺑﻠﻌﺖ ﺍﻟﺴﺎﻧﻲ ﻭﻋﺪﻟﺖ ﺍﻟﺤﺠﺎﺏ ﻭﺍﻧﻲ ﺳﺎﻛﺘﺔ
ﺍﺑﺎﻭﻉ ﺑﻴﺖ ﻋﻤﺎﻣﻬﻢ ﻃﺎﻟﻌﻴﻦ ﻭﺑﺎﻗﻴﻦ ﺑﺲ ﺍﻟﺒﻨﺎﺕ ﻭﺟﻬﺎﻟﻬﻢ
ﻛﻌﺪﺕ ﻋﺎﻟﻘﻨﻔﺔ ﻳﻢ ﻗﺎﺳﻢ ﻭﻫﺸﺎﻡ ﻃﻠﻊ ﻭﺑﻌﺪﻳﻦ
ﺩﺧﻞ ﺭﺟﺎﻝ ﻏﺮﻳﺐ ﻭﺳﻠﻢ ﻭﻣﻨﻰ ﺣﺠﺖ ﻭﻳﺎﻩ
ﺷﻔﺘﻪ ﻭﺍﺗﺬﻛﺮﺗﻪ ﻫﺬﺍ ﻧﻔﺴﻪ ﺍﻟﺪﻛﺘﻮﺭ
ﺍﻟﻲ ﻋﺎﻟﺞ ﺣﺮﻙ ﻣﺮﻳﻢ ﺍﺧﺘﻲ
ﺍﻟﻲ ﺟﺎﺑﺘﻪ ﻣﺮﻭﺓ ﺍﻱ ﺻﺪﻙ ﻫﻲ ﻛﺎﻟﺖ ﻣﺮﺓ ﻣﻦ ﺍﻟﻤﺮﺍﺕ ﺍﻧﻲ ﺍﻋﺮﻑ ﺯﻭﺝ ﻣﻨﻰ
ﺳﻠﻢ ﻋﻠﻰ ﺧﺎﻟﺘﻲ ﻭﻋﻠﻰ ﻗﺎﺳﻢ ﻭﺍﻟﺒﻨﺎﺕ ﻭﺳﻠﻢ ﻋﻠﻴﺔ
ﺷﻜﻠﻪ . ﻣﺎ ﻋﺮﻓﻨﻲ ﻣﻴﺘﺬﻛﺮ
ﻣﻨﻰ ﺟﺎﺑﺖ ﻛﺮﺳﻲ ﻭﺧﻠﺘﻪ . ﻛﺪﺍﻣﻲ ﻛﻌﺪ ﻛﺪﺍﻣﻲ ﻭﻛﺎﻝ ﺍﻗﺘﺮﺑﻲ ﺧﻠﻲ ﺍﺷﻮﻑ
ﺑﺎﻭﻉ ﺑﺘﺮﻛﻴﺰ ﻋﻠﻰ ﺑﺸﺮﺓ ﺟﻠﺪﻱ ﺍﻟﺨﺎﺻﺔ ﺑﻮﺟﻬﻲ
ﻭﺭﻛﺒﺘﻲ
ﻭﺭﺟﻊ ﻟﻠﺨﻠﻒ ﺍﺗﻜﺎ ﻋﻠﻰ ﻇﻬﺮ ﺍﻟﻜﺮﺳﻲ ﻭﻛﺎﻝ
.. ﻟﺘﺨﺎﻓﻴﻦ ﺣﺮﻕ ﻃﻔﻴﻒ ﺭﺍﺡ ﻳﻜﺴﺐ ﺍﻟﻮﺟﻪ ﺑﺲ ﻟﺘﺨﺎﻓﻴﻦ ﻣﺮﺍﺡ ﻳﺘﺮﻙ ﺍﺛﺮ
ﻃﻠﻊ ﻗﻠﻢ ﻣﻦ ﺟﻴﺐ ﻗﻤﻴﺼﻪ ﻭﺻﺎﺡ ﻟﻤﻨﻰ ﻛﻠﻠﻬﺎ ﻭﺭﻗﺔ
ﺟﺎﺑﺖ ﻭﺭﻗﺔ ﻭﺩﻓﺘﺮ ﻭﻛﻌﺪ ﻳﻜﺘﺐ
ﺣﺠﺔ ﻭﻳﺔ ﻗﺎﺳﻢ ﻭﻛﻠﻪ .. ﺭﺍﺡ ﺍﻛﺘﺒﻠﻬﺎ ﻣﺮﻫﻢ ﺗﻜﺪﺭ ﺗﺴﺘﺨﺪﻣﻪ ﻋﻠﻰ ﻭﺟﻬﺎ ﺍﻣﺎ ﺍﺫﺍ ﺗﺤﺲ ﺑﺎﻟﻢ ﺑﻐﻴﺮﻣﻨﺎﻃﻖ ﻣﻦ ﺟﺴﻤﻬﺎ ﻓﺮﺍﺡ ﺍﻛﺘﺒﻠﻬﺎ ﻣﺮﻫﻢ ﺛﺎﻧﻲ ﺧﺎﺹ ﻟﻠﺠﺴﻢ
ﻭﺳﻠﻢ ﺍﻟﻮﺻﻔﺔ ﻟﻘﺎﺳﻢ
ﺑﻌﺪﻫﺎ ﺧﺎﻟﺘﻲ ﻛﺎﻟﺖ
.. ﺧﺎﻟﺔ ﻫﺪﻯ ﺭﻭﺣﻲ ﺻﻌﺪﻱ ﺍﺭﺗﺎﺣﻲ ﺑﻐﺮﻓﺘﺞ
ﻭﺟﻬﺞ ﺻﺎﺭ ﺍﺻﻔﺮ
ﺻﻌﺪﺕ ﻓﻮﻙ ﺑﻐﺮﻓﺘﻲ .
ﻃﻠﻌﺘﻠﻲ ﺩﺷﺪﺍﺷﺔ ﻣﻴﺪﻱ ﺻﻴﻔﻴﺔ
ﻭﺩﺧﻠﺖ ﻟﻠﺤﻤﺎﻡ ﻟﺒﺴﺘﻬﺎ ﻭﻏﺴﻠﺖ ﻭﺟﻬﻲ
ﻃﻠﻌﺖ ﻣﻦ ﺍﻟﺤﻤﺎﻡ ﻭﺳﻤﻌﺖ ﺻﻮﺕ ﻧﻘﺎﻟﻲ
ﺍﺧﺬﺗﻪ ﻣﻦ ﺍﻟﻤﻴﺰ ﻟﻜﻴﺖ ﺍﻟﻤﺘﺼﻞ ﺷﻴﻤﺎﺀ
.. ﺍﻟﻮ ﻫﻼ ﺷﻮﻣﺔ ﺣﺒﻴﺒﺘﻲ
ﺟﻨﺖ ﺍﺣﺠﻲ ﺑﺼﻮﺕ ﻳﺮﺟﻒ ﺑﻲ ﺑﺠﻲ
.. ﻫﻼ ﻫﺪﻭﺷﺘﻲ ﺷﻠﻮﻧﺞ ﻭﺭﺑﻲ ﻣﺸﺘﺎﻗﺘﻠﺞ
ﺷﻨﻮ ﺷﺒﻲ ﺻﻮﺗﺞ
.. ﻣﺒﻲ ﺷﻲ ﺑﺲ ﻫﺴﻪ ﻃﻠﻌﺖ ﻣﻦ ﺍﻟﺤﻤﺎﻡ
.. ﺍﻛﻮﻝ ﻫﺪﻫﺪ ﺑﺎﺟﺮ ﻣﻮ ﺗﻨﺴﻴﻦ ﻣﺮﻭﺓ ﻋﺎﺯﻣﺘﻨﺎ ﺍﻧﻲ ﻭﻳﺎﺝ ﻭﺍﻟﺒﻨﺎﺕ ﻋﻔﻴﺔ ﺗﻌﺎﻟﻮﺍ ﻣﻦ ﻭﻛﺖ
.. ﺍﻥ ﺷﺎﺀ ﺍﻟﻠﻪ ﺑﺲ ﺍﺳﺄﻝ ﻗﺎﺳﻢ ﺍﺫﺍ ﻭﺍﻓﻖ ﺍﺟﻲ
.. ﺍﻥ ﺷﺎﺀ ﺍﻟﻠﻪ ﻳﺎﻟﻠﻪ ﺣﺒﻴﺒﺘﻲ ﻣﺎ ﺍﻋﻄﻠﺞ ﺧﺎﻑ ﺗﺮﺩﻳﻦ ﺗﻨﺎﻣﻴﻦ
ﻫﺪﻫﺪ ﺍﺣﺒﺞ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ
ﻫﺎﻱ ﺍﻟﻜﻠﻤﺔ ﺍﺗﻌﻠﻤﺖ ﻋﻠﻴﻬﺎ ﺩﺍﺋﻤﺎ ﺗﻜﻮﻟﻬﺎ ﺷﻴﻤﺎﺀ ﻗﺒﻞ ﻻ ﺗﻨﻬﻲ ﺍﺗﺼﺎﻟﻬﺎ ﻭﻳﺔ ﺍﻱ ﻭﺣﺪﺓ ﺑﻴﻨﺎ
.. ﺍﻥ ﺷﺎﺀ ﺍﻟﻠﻪ ﻭﺍﻧﺘﻲ ﻫﻢ ﺩﻳﻐﻲ ( ﺩﻳﺮﻱ ) ﺑﺎﻟﺞ ﻋﻠﻰ ﻧﻔﺴﺞ
.....
ﻧﻬﻴﺖ ﺍﻻﺗﺼﺎﻝ
ﻭﺭﺣﺖ ﻭﻛﻔﺖ ﻛﺪﺍﻡ ﺍﻟﻤﺮﺍﻳﺎ
ﻭﺧﻨﻜﺘﻨﻲ ﺩﻣﻮﻋﻲ ﻟﻤﻴﺖ ﺷﻌﺮﻱ ﻋﻠﻰ ﺟﻨﺐ ﺍﺑﺎﻭﻉ ﻋﻠﻴﻪ
ﺍﻟﺤﻤﺪﻟﻠﻪ ﻭﺍﻟﺸﻜﺮ ﻣﺎﺍﺣﺘﺮﻙ ﻛﻠﻪ ﺑﺲ ﻣﺤﺮﻭﻙ ﻣﻦ ﻛﺪﺍﻡ
ﻭﺍﻧﻲ ﺍﺑﺪ ﻣﺤﺎﻃﻪ ﻳﻮﻡ ﺑﻲ ﻣﻜﺺ ﺣﺘﻰ ﻛﺬﻟﻪ ﻣﻤﺴﻮﻳﺔ
ﺍﺑﺎﻭﻉ ﻋﻠﻴﻪ ﻭﻧﺰﻟﺖ ﺩﻣﻮﻋﻲ
ﻭﺩﺧﻞ ﻗﺎﺳﻢ ﻭﺑﻴﺪﻩ ﻋﻼﻛﺔ ﺍﻟﺪﻭﺓ
ﺑﺎﻭﻉ ﻋﻠﻴﺔ ﻭﺳﺪ ﺍﻟﺒﺎﺏ ﻭﺭﺍﻩ
ﻣﺴﺤﺖ ﺩﻣﻮﻋﻲ ﻭﺭﺟﻌﺖ ﻟﺰﻣﺖ ﺍﻟﻤﺸﻂ ﺣﺘﻰ ﺍﻣﺸﻄﻪ
ﺍﻗﺘﺮﺏ ﻋﻠﻴﺔ ﻭﻟﺰﻣﻨﻲ ﻣﻦ ﻃﺮﻑ ﻭﺟﻬﻲ ﻭﺭﻓﻌﻪ
ﻭﻛﺎﻝ .. ﺍﻟﻤﻦ ﻫﺎﻱ ﺍﻟﺪﻣﻮﻉ ﺗﻨﺰﻝ ﻫﺎﺩﻱ ﻣﺎ ﻋﺮﻓﺘﻚ
ﺿﻌﻴﻒ ﻭﺗﻬﺰﻙ ﻫﻴﺞ ﺍﻣﻮﺭ
ﺳﺤﺒﺖ ﻧﻔﺲ ﻭﺍﻧﻲ ﺑﻌﺪﻧﻲ ﺍﻧﺎﺷﻎ
.. ﻻ ﺍﻧﻲ ﻣﻮ ﻋﻠﻤﻮﺩ ﺷﻌﻐﻲ ( ﺷﻌﺮﻱ ) ﺑﺠﻴﺖ
ﺑﺲ ﺩﻣﻮﻋﻲ ﻧﺰﻟﺖ ﻣﻦ ﺍﺗﺬﻛﻐﺖ ( ﺗﺬﻛﺮﺕ ) ﺣﺐ ﺍﻣﻲ ﻟﺸﻌﻐﻲ ( ﻟﺸﻌﺮﻱ )
ﺍﺣﺲ ﺑﻲ ﺫﻛﻐﻰ ( ﺫﻛﺮﻯ ) ﻣﻦ ﺍﻣﻲ
ﺍﻟﻜﻠﻤﺔ ﺍﻻﺧﻴﺮﺓ ﺍﻧﻬﺎﺭﺕ ﺩﻣﻮﻋﻲ ﻭﺻﺮﺕ ﺍﺑﺠﻲ ﺑﻼ ﻭﻋﻲ
ﻣﺎ ﺍﻋﺮﻑ ﺭﻫﺒﺔ ﺍﻟﻤﻮﻗﻒ ﺍﻟﺼﺎﺭ ﻣﺪﺭﻱ ﺻﻮﺕ ﺷﻴﻤﺎﺀ ﺍﻟﺤﻨﻴﻦ
ﻣﺪﺭﻱ ﺷﻌﺮﻱ ﻛﻠﻬﺎ ﺍﺗﺠﻤﻌﺖ ﻋﻠﻴﺔ
ﺣﺴﻴﺖ ﻋﻠﻰ ﻗﺎﺳﻢ ﻟﻤﻨﻲ ﺑﻴﻦ ﺍﻳﺪﻳﻪ
ﻭﺣﻮﻃﻨﻲ ﻣﺜﻞ ﻃﻮﻕ ﺍﻟﻨﺠﺎﺓ
ﻭﺣﻂ ﺭﺍﺳﻲ ﻋﻠﻰ ﺻﺪﺭ ﻭﻫﻤﺲ ﺑﺼﻮﺕ ﺣﻨﻴﻦ
ﻭﻛﺎﻝ .. ﺍﺷﺸﺸﺸﺸﺸﺶ ﻛﺎﻓﻲ ﻟﺘﺒﺠﻴﻦ
ﺳﺤﺐ ﻧﻔﺲ ﻋﻤﻴﻖ ﻭﺻﺎﺭ ﻳﻤﺴﺢ ﺑﻜﻒ ﺍﻳﺪﻳﻪ
ﻋﻠﻰ ﻇﻬﺮﻱ ﻳﻮﺍﺳﻴﻨﻲ
ﺍﻣﺎ ﺍﻧﻲ ﻓﺄﻭﻝ ﻣﺎ ﺣﻄﻴﺖ ﺭﺍﺳﻲ ﻭﺍﺳﺘﺮﺍﺡ ﻋﻠﻰ ﺻﺪﺭﻩ
ﻣﺪﻳﺖ ﺍﻳﺪﻱ ﺣﻄﻴﺘﻬﺎ ﻋﻠﻰ ﺧﺼﺮﻩ
ﺭﺣﺖ ﺑﻐﻴﺮ ﻋﺎﻟﻢ ﻭﺳﻨﺤﺖ
ﻋﻘﻠﻲ ﻧﺴﻰ ﻛﻠﺸﻲ ﻭﺍﻟﺘﻬﺔ ﻳﺤﻠﻞ ﺑﺮﻳﺤﺔ ﻋﻄﺮﻩ
ﻭﺻﻮﺕ ﺩﻛﺎﺕ ﻛﻠﺒﻪ ﺟﻮﺓ ﺍﺫﻧﻲ ﻟﻬﻢ ﺍﻳﻘﺎﻉ
ﻫﺎﺩﻱﺀ ﻭﺳﻤﻌﻲ ﻃﺮﺏ ﻋﺎﻟﻠﺤﻦ ﻋﺒﺎﻟﻚ ﺻﻮﺕ
ﺍﻡ ﺩﺗﻠﻮﻟﻲ ﻻﺑﻨﻬﺎ ﻫﻴﺞ ﺣﺎﻟﻲ ﺻﺎﺭ ﻣﻦ ﺍﻟﺮﺍﺣﺔ
ﻭﻏﻤﻀﺖ ﻋﻴﻮﻧﻲ ﻭﺳﻨﺤﺖ
ﺳﻤﻌﺖ ﺻﻮﺗﻪ ﻳﺤﻤﺤﻢ ﻭﻛﺎﻝ
.. ﺍﻟﻮ ﻫﺎﺩﻱ ﺷﻨﻮ ﻧﻤﺖ
ﻓﺰﻳﺖ ﻋﻠﻰ ﺻﻮﺗﻪ ﺍﻟﺨﺸﻦ
ﻭﺭﻓﻌﺖ ﺭﺍﺳﻲ ﻭﺍﻧﺨﺒﺼﺖ .
.. ﺍﺣﻢ ﻫﺎ ﻻ
ﺷﻔﺖ ﺑﻌﻴﻮﻧﻪ ﺩﻓﻮ ﻭﻟﻤﺤﺔ ﺣﺰﻥ ﻏﻴﺮ ﻣﻌﻠﻦ ﻋﻨﻪ
ﻟﻠﺤﻈﺔ ﻛﺪﺭﺕ ﺍﻟﻤﺲ ﺣﺰﻧﻪ ﻋﻠﻰ ﺍﻟﺼﺎﺭ ﺑﻲ
ﺍﻟﻴﻮﻡ ﺧﺬﻻﻧﻪ ﻭﺟﺮﺣﻪ
ﻋﻠﻰ ﺍﻳﺪ ﺍﻻﻧﺴﺎﻧﺔ ﺍﻟﻲ ﺣﺒﻬﺎ ﻛﻠﺒﻪ
ﺟﻠﻰ ﺻﻮﺗﻪ ﻭﻛﺎﻝ .. ﺗﺪﺭﻱ ﻫﺎﺩﻱ ﺍﻟﻴﻮﻡ ﺍﻟﺼﺎﺭ ﺑﻴﻚ
ﺧﻼﻧﻲ ﺍﻋﺮﻑ ﺑﻤﻌﺰﺗﻚ ﺑﻜﻠﺒﻲ . ﺍﺛﺎﺭﻱ ﺍﻧﺖ ﺷﻜﺪ ﻋﺰﻳﺰ
ﺍﺣﺲ ﺑﻜﻠﺒﻲ ﺍﺗﺸﻌﻮﻁ ﻭﺻﺎﺭ ﺣﺎﻟﻪ ﻣﺜﻞ ﺣﺎﻝ ﻃﺮﻑ ﻛﺬﻟﺘﻲ
ﺭﻓﻊ ﻋﻼﻛﺔ ﺍﻻﺩﻭﻳﺔ ﻭﺣﻄﻬﺎ ﺑﻴﻨﺎ ﻭﻛﺎﻝ
.. ﻫﺎﻙ ﺍﻟﺰﻡ ﺍﺧﺬ ﺣﻂ ﺍﻟﻤﺮﻫﻢ ﻭﺍﺫﺍ ﺗﺤﺘﺎﺝ ﺍﻱ ﻣﺴﺎﻋﺪﺓ
ﺗﺮﺓ ﺍﻧﺎ ﻣﻮﺟﻮﺩ ﺑﺮﺳﻢ ﺍﻟﺨﺪﻣﺔ
ﻳﺎﻟﻠﻪ ﺍﻧﺎ ﻃﺎﻟﻊ ﻭﺍﺣﺘﻤﺎﻝ ﺍﺗﺄﺧﺮ ﻋﻨﺪﻱ ﺷﻐﻞ
ﺩﺍﺭ ﻭﺟﻬﻪ ﺍﺟﺔ ﻳﻄﻠﻊ ﻣﻦ ﺍﻟﻐﺮﻓﺔ
ﺻﺤﺖ ﻭﺭﺍﻩ
.. ﻟﺤﻈﺔ ﻗﺎﺳﻢ ﺑﺎﺟﺮ ﺍﺧﺘﻲ ﻣﻐﻮﺓ ( ﻣﺮﻭﺓ ) ﻋﺎﺯﻣﺘﻨﻲ ﻋﻠﻰ ﺍﻟﻐﺪﺓ
ﺍﻧﻲ ﻭﺍﺧﻮﺍﺗﻲ ﻋﻔﻴﺔ ﺧﻠﻴﻨﻲ ﺍﻏﻮﺡ
ﺑﺎﻭﻉ ﻋﻠﻴﺔ ﻭﺍﺑﺘﺴﻢ
.. ﻫﺪﻯ ﻣﻴﺤﺘﺎﺝ ﺗﺘﻮﺳﻠﻴﻦ ﺣﺘﻰ ﺍﺳﻤﺤﻠﺞ ﺗﺸﻮﻓﻴﻦ ﺍﺧﻮﺍﺗﺞ
ﻫﺬﺍ ﺣﻘﺞ ﻋﻠﻴﺔ
ﻻﺗﺘﻮﻗﻌﻴﻦ ﻣﻨﻲ ﺍﻣﻨﻌﺞ ﺑﻔﺪ ﻳﻮﻡ ﻋﻦ ﺍﺧﻮﺍﺗﺞ
ﺑﺲ ﻛﻞ ﻣﺎ ﻓﻲ ﺍﻟﻤﻮﺿﻮﻉ ﺍﻧﺎ ﻣﺎ ﺍﺭﻳﺪﺝ ﺗﻄﻠﻌﻴﻦ ﺑﺪﻭﻥ ﻋﻠﻤﻲ ﻭﻣﻮﺍﻓﻘﺘﻲ ﻻﻱ ﻣﻜﺎﻥ ﻣﻮ ﺑﺲ ﻟﺨﻮﺍﺗﺞ
ﻫﺴﺔ ﺍﻓﺘﻬﻤﺘﻲ ﻟﻮ ﺍﻋﻴﺪ
ﻫﺰﻳﺖ ﺑﻤﻮﺍﻓﻘﺔ .. ﺍﻣﻤﻤﻢ
......
ﺧﻼﺹ ﻟﻌﺪ ﺑﺎﺟﺮ ﻣﻦ ﺍﻟﺼﺒﺢ ﻣﻦ ﺍﻃﻠﻊ ﻋﻨﺪﻱ ﺷﻐﻠﺔ ﻋﺎﻟﺴﺎﻋﺔ ﺗﺴﻌﺔ
ﺍﻭﺻﻠﺞ ﺑﻄﺮﻳﻘﻲ ﻟﺒﻴﺖ ﺍﺧﺘﺞ
ﺍﺑﺘﺴﻤﺖ .. ﺗﺴﻠﻤﻠﻲ ﺍﻟﻠﻪ ﻳﺨﻠﻴﻚ ﺍﻟﻲ ﻭﻣﺎ ﻳﺤﻐﻤﻨﻲ ( ﻳﺤﺮﻣﻨﻲ ) ﻣﻦ ﺣﻨﺎﻧﻚ ﻋﻠﻴﺔ
ﺍﺑﺎﻭﻉ ﻋﻠﻴﻪ ﺑﻘﺔ ﻭﺍﻛﻒ ﻳﺒﺎﻭﻉ ﻋﻠﻴﺔ
ﻭﻓﺎﺗﺢ ﺣﻠﻜﻪ ﻳﺮﻳﺪ ﻳﺤﺠﻲ ﻭﻳﺮﺟﻊ ﻳﺴﺪﻩ
ﻋﺰﺓ ﺍﻧﻲ ﻳﻤﻜﻦ ﺧﺒﺼﺖ
.. ﺍﺣﻢ ﻗﺎﺳﻢ ﺍﻧﺖ ﻣﻮ ﻛﻠﺖ ﻏﺎﺡ ( ﺭﺍﺡ ) ﺍﻃﻠﻊ
ﻟﻮ ﻏﻴﻐﺖ ﻏﺄﻳﻚ ﻏﺎﺡ ﺗﺒﻘﻰ ( ﻟﻮﻏﻴﺮﺕ ﺭﺍﻳﻚ ﺭﺍﺡ ﺗﺒﻘﻰ )
ﻫﺰ ﺭﺍﺳﻪ ﻣﺜﻞ ﺍﻟﻲ ﺍﻧﺘﺒﻪ ﻟﻨﻔﺴﻪ ﻭﻭﻛﻔﺘﻪ
ﺩﺍﺭ ﻭﺟﻬﻪ ﻭﺍﺗﻮﺟﻪ ﻟﻠﺒﺎﺏ ﻭﻫﻮ ﻳﺤﺠﻲ
.. ﻻﺍﺍ ﺍﺻﻼ ﺍﻧﻲ ﻃﺎﻟﻊ ﻳﻠﻪ ﺑﺎﻱ
..........
ﻫﺪﻯ .. ﻟﺞ ﻣﻐﻮﺓ ( ﻣﺮﻭﺓ ) ﻟﻴﺶ ﻣﺸﻤﺶ ﻣﻤﻮﺟﺪﺓ ﺑﺎﻟﺒﻴﺖ
ﺍﻧﻲ ﻣﻮ ﻛﻠﺖ ﺣﻀﻐﻴﻬﺎ ( ﺣﻀﺮﻳﻬﺎ ) ﺍﻟﻲ ﻣﻦ ﺍﺟﻲ ﻋﻠﻤﻮﺩ ﺍﻛﻠﻬﺎ
ﻣﺮﻭﺓ ﺑﺒﺘﺴﺎﻣﺔ .. ﻳﻌﻨﻲ ﺣﻀﺮﺗﺞ ﺟﺎﻳﺔ ﻋﻠﻤﻮﺩ ﻣﺸﻤﺶ ﻣﻮ ﻋﻠﻤﻮﺩ ﺍﺧﺘﺞ
ﺷﻴﻤﺎﺀ .. ﺗﺮﺩﻳﻦ ﺍﻟﺼﺪﻙ ﻣﺸﻤﺶ ﻫﻲ ﺷﻤﻌﺔ ﺍﻟﺒﻴﺖ
ﻳﻌﻨﻲ ﻣﺴﻮﻳﺘﻠﻬﺎ ﺟﻮ ﺧﺎﺹ ﺑﻴﻬﺎ
ﺿﺤﻰ ﺗﺤﻂ ﺍﻟﺰﻻﻃﺔ ﻋﻠﻰ ﻣﻴﺰ ﺍﻟﻄﻌﺎﻡ ﻭﺗﺤﺠﻲ
.. ﻳﻌﻨﻲ ﻫﻮ ﻣﻠﻜﺎﻫﺎ ﺍﻟﻨﺎ ﻭﻓﺮﺣﺘﻬﺎ ﺑﻴﻨﺎ ﻛﻠﺶ ﻛﺎﻓﻴﺔ
ﻣﺮﻭﺓ .. ﺍﻛﻮﻝ ﺷﻜﻠﻲ ﻛﻤﺖ ﺍﻏﺎﺭ ﻣﻦ ﻣﺸﻤﺶ
ﻫﺪﻯ .. ﻫﺴﺔ ﻣﻜﻠﺘﻲ ﺷﻮﻛﺖ ﺗﻐﺠﻊ ﻣﻦ ﺍﻟﻐﻮﺿﺔ ( ﺗﺮﺟﻊ ﻣﻦ ﺍﻟﺮﻭﺿﺔ )
ﻣﺮﻭﺓ .. ﻫﺴﺔ ﻫﻲ ﻋﻠﻰ ﻭﺻﻮﻝ ﺍﺑﻮﻫﺎ ﺭﺍﺡ ﻳﺠﻴﺒﻬﺎ ﻣﺘﺸﻮﻓﻴﻦ ﺻﺒﻴﺖ ﺍﻟﻐﺪﺓ
ﻻﻥ ﺍﻟﺴﺖ ﺍﻭﻝ ﻣﺘﺪﺧﻞ ﻟﻠﺒﻴﺖ ﺗﺮﻳﺪ ﺍﻛﻞ
ﺿﺤﻰ .. ﺍﻱ ﺻﺪﻙ ﻣﺮﻭﺓ ﺍﺗﺬﻛﺮﺕ ﺟﺒﻴﺖ ﺍﻭﺭﺍﻕ ﺍﻟﺴﻮﻧﺎﺭ ﻭﺍﻟﺘﺤﺎﻟﻴﻞ ﺣﺘﻰ ﺗﺸﻮﻓﻴﻬﻢ
ﺑﺎﻭﻋﺖ ﻟﻀﺤﻰ ﻭﺳﺄﻟﺘﻬﺎ
.. ﺍﻱ ﺻﺪﻙ ﺷﻨﻮ ﺷﺒﻴﺞ
ﺿﺤﻰ .. ﻣﻮ ﺫﺍﻙ ﺍﻟﻴﻮﻡ ﺷﺮﺣﺖ ﺣﺎﻟﺘﻲ ﻟﻤﺮﻭﺓ ﻋﻠﻤﻮﺩ
ﺳﺎﻟﻔﺔ ﺍﻟﺤﻤﻞ ﺩﺍﺭﺍﺟﻊ ﻋﻨﺪ ﺩﻛﺘﻮﺭﺓ ﺧﺎﻟﺔ ﺍﻡ ﺳﻴﻒ ﺩﺍﺋﻤﺎً ﺗﺮﺍﺟﻊ ﻋﻨﺪﻫﺎ
ﻛﻠﺘﻠﻲ ﻋﻨﺪﺝ ﺿﻌﻒ ﺑﺎﻟﻤﻴﺎﻳﺾ ﻭﻣﻴﺼﻴﺮ ﻋﻨﺪﺝ ﺣﻤﻞ
ﻭﻣﻦ ﻋﻨﺪﻫﺎ ﺳﻴﻒ ﻭﻋﻴﺎﻟﻲ ﻧﺎﺷﺒﻴﻦ ﻭﻳﺎﻱ
ﻭﻛﻞ ﻳﻮﻡ ﻭﺍﻟﺜﺎﻧﻲ ﻳﻌﻴﺮﻭﻧﻲ
ﻭﻳﻜﻮﻟﻮﻥ ﺭﺍﺡ ﻧﺰﻭﺝ ﺳﻴﻒ
ﻳﻌﻨﻲ ﺍﻧﻲ ﻣﻦ ﻏﻴﺮ ﻛﻠﺸﻲ ﻣﺎﻛﻠﺔ ﺗﺒﻦ ﺑﺤﻴﺎﺗﻲ ﻭﻧﻮﺏ ﺗﺼﻴﺮ ﻋﻨﺪﻱ ﺿﺮﺓ ﻏﻴﺮ ﺍﻣﻮﺕ
ﻣﺮﻭﺓ .. ﺷﻨﻮ ﻣﻌﻘﻮﻟﺔ ﻛﻤﺘﻲ ﺗﺤﺒﻴﻦ ﺳﻴﻒ
.. ﻻ ﻣﻮ ﻗﺼﺔ ﺍﺣﺒﻪ ﺍﻭﻻ ﺑﺲ ﻳﺒﻘﻰ ﻣﺤﺴﻮﺏ ﻋﻠﻴﺔ ﺭﺟﺎﻝ
ﻳﻌﻨﻲ ﺍﻱ ﻣﺮﺓ ﺗﻨﻜﺴﺮ ﻣﻦ ﻳﺘﺰﻭﺝ ﻋﻠﻴﻬﺎ ﺭﺟﻠﻬﺎ
ﺩﻙ ﺍﻟﺠﺮﺱ ﻭﺍﺟﺘﻲ ﻣﺸﻤﺶ ﻭﺍﺑﻮﻫﺎ
ﺩﺧﻞ ﺭﺍﻓﺪ
ﺳﻠﻢ ﻋﻠﻴﻨﺎ ﻛﻠﻨﺎ
ﻭﺍﻟﺘﻔﺖ ﻋﻠﻰ ﻣﺮﻭﺓ
ﻭﻛﺎﻝ ﻣﺴﺘﻌﺠﻞ
.. ﻣﺮﻭﺓ ﺍﻧﻲ ﻻﺯﻡ ﺍﻃﻠﻊ ﺍﻣﻲ ﺍﺗﺼﻠﺖ ﻋﻠﻴﺔ ﻭﻛﺎﻟﺖ
ﺯﻭﺝ ﺍﺧﺘﻲ ﻣﺘﻌﺎﺭﻙ ﻭﻳﺔ ﺍﺧﺘﻲ ﺍﺭﻳﺪ ﺍﺭﻭﺡ ﺍﻓﺘﻬﻢ ﺷﻨﻮ ﺍﻟﺴﺎﻟﻔﺔ
ﻣﺮﻭﺓ .. ﺍﻭﻙ ﺑﺲ ﺟﻨﺖ ﺍﺗﻤﻨﻰ ﺗﺒﻘﻰ ﺗﺘﻐﺪﺓ
ﺍﻧﻲ ﺍﻟﻴﻮﻡ ﻃﺎﺑﺨﺔ ﺍﻟﻐﺪﺓ ﺑﻴﺪﻱ
ﺭﺍﻓﺪ ﻟﺰﻡ ﺧﺪﻫﺎ ﻭﺍﺑﺘﺴﻢ .. ﻏﻴﺮ ﻣﺮﺓ ﺣﺒﻴﺒﻲ
ﻃﻠﻊ ﻣﻦ ﺍﻟﺒﻴﺖ
ﻣﺮﻳﻢ ﺣﺠﺖ ﺑﺄﻫﺘﻤﺎﻡ
.. ﺷﻨﻮ ﻣﺮﻭﺓ ﺍﺗﺼﺎﻟﺤﺘﻲ ﺍﻧﺘﻲ ﻭﺭﺍﻓﺪ ؟؟؟
ﻣﺮﻭﺓ .. ﺍﻱ ﻫﻮ ﺍﺟﺔ ﻭﺻﺎﻟﺤﻨﻲ
ﺗﺮﺓ ﺍﻧﻲ ﺳﺎﻟﻔﺔ ﺍﻫﻠﻪ ﻣﺘﻌﻮﺩﺓ ﻋﻠﻴﻬﺎ ﻳﻌﻨﻲ ﺍﻧﻲ ﻣﻮ ﻋﻠﻤﻮﺩﻛﻢ ﺍﺗﻌﺎﺭﻛﺖ ﻛﻞ ﻣﺮﺓ ﺍﺣﻨﺎ ﻫﻴﺞ
ﺍﺗﻐﺪﻳﻨﺎ ﻭﺧﻠﺼﻨﺎ
ﻭﻛﻌﺪﻧﺎ ﻧﺸﺮﺏ ﺟﺎﻱ
ﻭﻣﺮﻭﺓ ﻃﻠﺒﺖ ﻣﻦ ﺿﺤﻰ ﺗﺠﻴﺐ ﺍﻭﺭﺍﻗﻬﺎ ﺣﺘﻰ ﺗﺸﻮﻓﻬﻢ
ﻭﺿﺤﻰ ﻃﻠﻌﺖ ﻣﻦ ﺟﻨﺘﻄﻬﺎ ﻇﺮﻑ ﺑﻲ ﻫﻮﺍﻱ ﺍﻭﺭﺍﻕ
ﺍﺧﺬﺗﻪ ﻣﻨﻬﺎ ﻭﺣﻄﺖ ﻛﻮﺏ ﺍﻟﺠﺎﻱ ﻋﺎﻟﻄﺒﻠﺔ
ﻭﻟﺒﺴﺖ ﻧﻈﺎﺭﺓ ﺍﻟﻘﺮﺍﺀﺓ
ﻭﺑﺪﺕ ﺗﻔﺘﺢ ﺑﺎﻻﻭﺭﺍﻕ ﻭﺗﻘﺮﺓ ﺑﺎﻟﺘﺤﺎﻟﻴﻞ ﻭﺍﻟﺴﻮﻧﺎﺭﺍﺕ
ﺩﻗﺎﻳﻖ ﻭﺟﺎﻥ ﺍﺷﻮﻑ ﻣﺮﻭﺓ ﺗﻌﻘﺪ ﺣﻮﺍﺟﺒﻬﺎ
ﻭﺗﺴﺄﻝ ﺿﺤﻰ .. ﺍﻛﻮﻝ ﺿﺤﻰ ﺍﻧﺘﻲ ﻋﻨﺪ ﻣﻨﻮ ﺩﺗﺴﻮﻳﻦ ﻫﺎﻱ ﺍﻟﺘﺤﺎﻟﻴﻞ ﻭﺍﻟﺴﻮﻧﺎﺭﺍﺕ
ﺿﺤﻰ .. ﻋﻨﺪ ﺩﻛﺘﻮﺭ .......... ﻟﻴﺶ
ﻣﺮﻭﺓ .. ﺿﺤﻰ ﺍﻧﺘﻲ ﻣﺘﺄﻛﺪﺓ ﺍﻟﺪﻛﺘﻮﺭﺓ ﻛﻠﺘﻠﺞ
ﺍﻧﺘﻲ ﻋﻨﺪﺝ ﺿﻌﻒ ﺑﺎﻟﻤﺒﺎﻳﺾ
ﺿﺤﻰ .. ﺍﻱ ﺣﺘﻰ ﺍﻡ ﺳﻴﻒ ﻭﻳﺎﻱ ﻭﻫﻲ ﺍﻟﺸﺎﻫﺪﺓ
ﻣﺮﻭﺓ .. ﺣﺒﻴﺒﺘﻲ ﺿﺤﻰ ﺍﻟﺘﺤﺎﻟﻴﻞ ﻭﺍﻟﺴﻮﻧﺎﺭﺍﺕ ﺍﻟﻲ ﻛﺪﺍﻣﻲ ﻛﻠﻬﺎ ﺗﻜﻮﻝ ﺭﺣﻤﺞ ﻧﻈﻴﻒ ﻭﺍﻟﻤﺒﺎﻳﺾ ﺳﻠﻴﻤﺔ ﻭﻧﺴﺒﺔ
ﺍﻟﺒﻴﻀﺔ ﻋﻨﺪﺓ ﺑﺎﻟﺘﺎﺭﻳﺦ ﺍﻟﻲ ﺍﻧﺘﻲ ﻣﺴﻮﻳﺔ ﺑﻲ ﺍﻟﺴﻮﻧﺎﺭ
ﻧﺴﺒﺘﻬﺎ 20
ﻳﻌﻨﻲ ﺍﻧﺘﻲ ﻣﺎﻋﻨﺪﺝ ﺍﻱ ﺷﻲ ﻳﻤﻨﻌﺞ ﻋﻦ ﺍﻟﺤﻤﻞ ﺑﺼﻮﺭﺓ ﻃﺒﻴﻌﻴﺔ
ﻛﻞ ﺷﻲ ﺳﻠﻴﻢ
......
.....
ﻫﺪﻯ
ﺟﻨﺎ ﻛﺎﻋﺪﻳﻦ ﺍﻧﻲ ﻭﺍﻟﺒﻨﺎﺕ ﺩﻧﺸﺮﺏ ﺟﺎﻱ ﻣﻦ ﺑﻌﺪﻣﺎ
ﺧﻠﺼﻨﺎ ﺍﻟﻐﺪﺓ ﻭﺿﺤﻰ ﺍﻧﻄﺖ ﺍﻭﺭﺍﻗﻬﺎ ﻟﻤﺮﻭﺓ ﺣﺘﻰ ﺗﻘﺮﺍﻫﻢ ﻻﻥ ﻣﺮﻭﺓ ﻣﻦ ﻃﻠﺒﺖ ﻣﻦ ﻋﻨﺪ ﺿﺤﻰ ﺗﺠﻲ ﺗﺮﺍﺟﻊ ﻋﻨﺪﻫﺎ ﻛﻠﺘﻠﻬﺎ ﺿﺤﻰ ﻋﻤﺘﻲ ﺍﻡ ﺳﻴﻒ ﻭﺳﻴﻒ ﺩﺍﺋﻤﺎ ﻳﺎﺧﺬﻭﻧﻲ ﻟﺪﻛﺘﻮﺭﺓ ﺍﺧﺘﺼﺎﺹ ﻧﺴﺎﺋﻴﺔ ﻭﻫﻲ ﺗﺼﻴﺮ ﺩﻛﺘﻮﺭﺓ
ﺧﻮﺍﺗﻪ ﻭﺍﻣﻪ ﻭﻧﺴﻮﺍﻥ ﺧﻮﺍﻧﻪ ﻛﻠﻬﻢ ﻳﺮﺍﺟﻌﻮﻥ ﻋﻨﺪﻫﺎ
ﻟﺬﻟﻚ ﻣﺮﻭﺓ ﻃﻠﺒﺖ ﻣﻨﻬﺎ ﺗﺠﻴﺐ ﺍﻭﺭﺍﻕ ﺍﻟﺘﺤﺎﻟﻴﻞ
ﻭﺍﺧﺬﺗﻬﻢ ﻣﻦ ﺿﺤﻰ ﻭﺑﺪﺕ ﺗﺴﺄﻟﻬﺎ ﻛﻢ ﺳﺆﺍﻝ ﻭﻛﺎﻟﺖ
ﻭﻫﻲ ﻣﺴﺘﻐﺮﺑﺔ
.. ﺣﺒﻴﺒﺘﻲ ﺿﺤﻰ ﺍﻟﺘﺤﺎﻟﻴﻞ ﻭﺍﻟﺴﻮﻧﺎﺭﺍﺕ ﺍﻟﻲ ﻛﺪﺍﻣﻲ ﻛﻠﻬﺎ ﺗﻜﻮﻝ ﺭﺣﻤﺞ ﻧﻈﻴﻒ ﻭﺍﻟﻤﺒﺎﻳﺾ ﺳﻠﻴﻤﺔ
ﻭﺍﻟﺒﻴﻀﺔ ﻋﻨﺪﺝ ﺑﺎﻟﺘﺎﺭﻳﺦ ﺍﻟﻲ ﺍﻧﺘﻲ ﻣﺴﻮﻳﺔ ﺑﻲ ﺍﻟﺴﻮﻧﺎﺭ
ﻧﺴﺒﺘﻬﺎ 20
ﻳﻌﻨﻲ ﺍﻧﺘﻲ ﻣﺎﻋﻨﺪﺝ ﺍﻱ ﺷﻲ ﻳﻤﻨﻌﺞ ﻋﻦ ﺍﻟﺤﻤﻞ ﺑﺼﻮﺭﺓ ﻃﺒﻴﻌﻴﺔ . ﻛﻞ ﺷﻲ ﺳﻠﻴﻢ
ﺍﻧﺘﺒﻬﺖ ﻟﻀﺤﻰ ﺿﻠﺖ ﻣﺼﻔﺼﻔﺔ
ﺗﺒﺎﻭﻉ ﺑﺎﻟﻮﺟﻮﻩ ﻣﺜﻞ ﺍﻟﻀﺎﻳﻌﺔ ﻭﺍﻟﺪﻣﻮﻉ ﻟﻤﻌﺖ ﺑﻌﻴﻮﻧﻬﺎ
ﻭﻓﺠﺎﺀﺓ ﺍﻧﻔﺠﺮﺕ ﺗﺒﺠﻲ ﺑﺤﺮﻛﺔ ﻭﺑﻐﺼﺔ ﻣﻬﻀﻮﻣﺔ ﺣﺎﻟﻬﺎ ﺟﺎﻥ
ﻣﺜﻞ ﻭﺍﺣﺪ ﻣﻴﺖ ﻭﻳﻜﻠﻮﻟﻪ ﺍﻥ ﻫﻮ ﺑﻌﺪﻩ ﻋﻠﻰ ﻗﻴﺪ ﺍﻟﺤﻴﺎﺓ
ﻭﻛﺎﻟﺖ .. ﻣﺮﻭﺓ ﻳﻌﻨﻲ ﺷﻨﻮ ﺍﻧﻲ ﻛﻠﺸﻲ ﻣﺒﻴﺔ ﻳﻌﻨﻲ ﺍﻧﻲ ﻣﻮ ﻋﻘﻴﻤﺔ
ﺗﺒﺎﻭﻉ ﻟﻤﺮﻭﺓ ﺑﺄﻣﻞ ﻭﺍﻟﻌﻴﻮﻥ ﻏﺮﻛﺎﻧﺔ ﺑﺎﻟﺪﻣﻮﻉ
.. ﻣﺮﻭﺓ ﺻﺪﻙ ﺩﺗﺤﺠﻴﻦ ﻳﻌﻨﻲ ﺍﻧﻲ ﻋﻨﺪﻱ ﺍﻣﻞ ﺍﺻﻴﺮ ﺍﻡ
ﻭﻳﺼﻴﺮ ﻋﻨﺪﻱ ﺍﻃﻔﺎﻝ ﻭﻳﺼﻴﺤﻮﻧﻲ ﻣﺎﻣﺎ
ﻣﻌﻘﻮﻟﺔ ﺍﻧﻲ ﺍﻧﻲ ﻃﻮﻝ ﻫﺎﻱ ﺍﻟﻤﺪﺓ ﺟﻨﺖ ﻣﺨﺪﻭﻋﺔ
ﻭﺟﻨﺖ ﺍﻋﺎﻧﻲ ﻟﻮﺣﺪﻱ
ﻭﺑﻌﺪﻫﺎ ﻣﻜﺪﺭﺕ ﺗﻜﻤﻞ ﻛﻼﻣﻬﺎ ﺩﻧﻜﺖ ﻭﺿﻤﺖ ﻭﺟﻬﺔ ﺑﻜﻔﻮﻑ ﺍﻳﺪﻳﻬﺎ ﻭﺻﺎﺭﺕ ﺗﺒﺠﻲ ﻓﺎﻗﺪﺓ
ﻛﺎﻣﺖ ﺷﻴﻤﺎﺀ ﻣﻦ ﻣﻜﺎﻧﻬﺎ ﻭﺣﻀﻨﺘﻬﺎ
ﻭﺗﻄﺒﻄﺐ ﻋﻠﻰ ﻇﻬﺮﻫﺎ
.. ﻟﺞ ﻛﺎﺍﺍﻓﻲ ﻣﻮ ﻣﺮﺩﺗﻲ ﻛﻠﺒﻲ
ﻣﻦ ﺍﻟﻠﻪ ﻻ ﻳﺮﺿﻰ ﻋﻠﻴﻬﻢ
ﺣﺠﻴﺖ ﻭﻳﺎﻫﺎ ﻣﻜﺴﻮﺭ ﻛﻠﺒﻲ ﻋﻠﻴﻬﺎ
.. ﻳﻌﻨﻲ ﺟﻨﺘﻲ ﺿﺎﻣﻪ ﻭﻛﺎﺗﻤﺔ ﻛﻞ ﻫﺬﺍ ﺍﻻﻟﻢ ﺑﻜﻠﺒﺞ
ﻭﻣﺘﺤﻤﻠﺔ ﻭﺻﺎﺑﺮﺓ
ﺿﺤﻰ ﺗﺤﺠﻲ ﻭﺗﺒﺠﻲ
.. ﺍﻧﺘﻮﺍ ﻣﺘﻌﺮﻓﻮﻥ ﺍﻧﻲ ﺷﻨﻮ ﻛﺎﻋﺪ ﺍﺣﺲ ﺑﻬﺎﻟﻠﺤﻈﺔ
ﺗﻌﺮﻓﻮﻥ ﻭﺍﺣﺪ ﻓﺎﻗﺪ ﺍﻻﻣﻞ ﺑﺎﻟﺤﻴﺎﺓ ﻭﺩﻳﺼﺎﺭﻉ ﻋﻠﻤﻮﺩ
ﻳﻜﻤﻞ ﻃﺮﻳﻘﻪ ﺍﻻﻇﻠﻢ
ﺣﻴﺎﺗﻲ ﻛﻠﻬﺎ ﻭﻳﺔ ﺳﻴﻒ ﻋﺒﺎﺭﺓ ﺣﻔﺮﺓ ﻭﺍﻧﻲ ﻣﻄﻤﻮﺭﺓ ﺑﻴﻬﺎ
ﻣﺎﻟﻲ ﺣﻖ ﺍﻃﻠﻊ ﻭﻻ ﺍﻟﻲ ﺣﻖ ﺍﺷﻮﻑ ﺍﻟﻌﺎﻟﻢ
ﻭﻻ ﺍﻟﻲ ﺣﻖ ﺍﻟﺘﻘﻰ ﺑﺎﺣﺪ ﻭﻣﺎﻟﻲ ﺣﻖ ﺍﺗﺼﺮﻑ ﺑﺄﻱ ﺷﻲ ﺑﺎﻟﺒﻴﺖ ﻧﻬﺎﺋﻴﺎً ﻭ
ﺣﺘﻰ ﻟﻮ ﻛﺎﻥ ﻫﺬﺍ ﺍﻟﺸﻲ ﻳﺨﺼﻨﻲ ﺍﻟﻲ ﻫﻢ ﻣﺎﻟﻲ ﺣﻖ ﺍﺗﺼﺮﻑ ﺑﻲ
ﺑﺲ ﺭﻏﻢ ﻫﺬﺍ ﻛﻠﻪ ﺟﺎﻥ ﻋﻨﺪﻱ ﻭﻣﻀﺔ ﺍﻣﻞ
ﺍﺿﻮﻱ ﺑﻴﻬﺎ ﻇﻼﻡ ﺍﻟﺤﻔﺮﺓ ﺍﻟﻲ ﺍﻧﻲ ﻋﺎﻳﺸﺔ ﺩﺍﺧﻠﻪ ﺍﻛﻮﻝ ﻋﺴﻰ ﻟﻌﻞ ﻣﻦ ﺍﻟﻠﻪ ﻳﺮﺯﻗﻨﻲ ﺑﺄﻃﻔﺎﻝ ﻳﻨﺼﻠﺢ ﺣﺎﻟﻪ ﻭﺣﻴﺎﺗﻲ
ﺗﺘﻐﻴﺮ ﻭﻳﺎﻩ
.....
ﻳﺎﻣﺎ ﺳﻤﻌﺖ ﺑﺄﺯﻭﺍﺝ ﺑﺒﺪﺍﻳﺔ ﺣﻴﺎﺗﻬﻢ ﻳﺸﻠﻌﻮﻥ ﻛﻠﺐ ﺯﻭﺟﺎﺗﻬﻢ
ﻭﺗﺎﻟﻲ ﻣﻦ ﻳﺼﻴﺮ ﻋﻨﺪﻫﻢ ﺍﻃﻔﺎﻝ ﻭﻣﺴﺆﻟﻴﺔ ﻭﻋﺎﺋﻠﺔ ﻳﺒﺪﻭﻥ ﻳﺘﻐﻴﺮﻭﻥ ﺑﺘﻌﺎﻣﻠﻬﻢ ﻭﻳﺔ ﺯﻭﺟﺎﺗﻬﻢ ﻭﻳﺼﻴﺮﻭﻥ ﺍﻛﺜﺮ ﺍﻫﺘﻤﺎﻡ ﻭﺣﺮﺹ ﻋﻠﻴﻬﻢ
ﺑﺲ ﻣﻊ ﺍﻻﺳﻒ ﺑﻴﺖ ﺳﻴﻒ ﺳﻠﺒﻮ ﻣﻨﻲ ﺷﻤﻌﺔ ﺍﻻﻣﻞ ﺍﻟﻲ ﺟﻨﺖ ﺍﺗﻌﺸﻢ ﺑﻴﻬﺎ
ﻭﻛﻠﻮﻟﻲ ﺍﻧﺖ ﻋﻘﻴﻢ ﻣﻴﺼﻴﺮ ﻋﻨﺪﺝ ﺍﻃﻔﺎﻝ
ﺷﻨﻮ ﺗﺘﻮﻗﻌﻮﻥ ﻳﻜﻮﻥ ﺍﺣﺴﺎﺳﻲ ﻭﺍﻧﻲ ﻋﺎﻳﺸﺔ ﻃﻮﻝ ﻫﺎﻱ ﺍﻟﺴﻨﻴﻦ
ﺍﻋﺮﻑ ﺑﻨﻔﺴﻲ ﻣﻴﺼﻴﺮ ﻋﻨﺪﻱ ﺍﻃﻔﺎﻝ ﻭﻛﻠﺔ ﻣﻨﻲ ﺍﻟﺴﺒﺐ
ﻭﺍﻟﺨﻠﻞ ﺑﻴﺔ
ﺟﻨﺖ ﺍﻣﻮﺕ ﺑﺎﻟﻴﻮﻡ ﺍﻟﻒ ﻣﺮﺓ
ﻣﻦ ﻳﻜﻌﺪﻭﻥ ﻋﻤﻲ ﻭﻋﻤﺘﻲ ﻳﻌﻴﺮﻭﻧﻲ
ﺷﻨﻮ ﺗﺘﻮﻗﻌﻮﻥ ﻣﻦ ﺍﺷﻮﻑ ﻧﻔﺴﻲ ﻋﺎﻳﺸﺔ ﺑﺒﻴﺘﻬﻢ
ﻭﺍﺣﺲ ﺑﺄﻻﻣﺘﻨﺎﻥ
ﻻﻥ ﺍﻧﻲ ﻋﺎﻗﺮ ﻭﺯﻳﻦ ﻭﻣﻨﻬﻢ ﻟﺤﺪ ﻫﺴﺔ ﺳﺎﻛﺘﻴﻦ ﻋﻠﻴﺔ
ﺷﻜﺪ ﻣﺎ ﺍﺣﺠﻴﻠﻜﻢ ﻋﻦ ﺍﻟﻲ ﺑﻜﻠﺒﻲ ﻣﺮﺍﺡ ﻳﺸﻔﻲ ﺍﻭ
ﻳﻌﺒﺮ ﻋﻦ ﻛﻤﻴﺔ ﺍﻟﻤﻌﺎﻧﺎﺓ ﺍﻟﻲ ﺟﻨﺖ ﺍﺗﺠﺮﻋﻬﺎ
ﻣﺮﻭﺓ .. ﻳﻌﻨﻲ ﻫﻤﺔ ﺻﺎﺭﻟﻬﻢ ﻛﻢ ﺳﻨﺔ ﻭﺍﻫﻤﻴﻨﺞ ؟
.. ﺻﺎﺭﻟﻲ ٣ ﺳﻨﻮﺍﺕ ﻣﻦ ﻋﺮﻓﺖ ﺍﻟﺴﺒﺐ ﻣﻨﻲ
ﻻﻥ ﺍﻭﻝ ﺳﻨﺔ ﻣﻦ ﺯﻭﺍﺟﻲ ﺟﻨﺎ ﻧﻜﻮﻝ ﺑﻌﺪ ﻭﻛﺖ ﺑﺲ
ﻣﻦ ﻃﺎﻟﺖ ﺍﻟﻤﺪﺓ ﻭﺑﺪﻳﺖ ﺍﻟﻤﺢ ﻟﻌﻤﺘﻲ ﺍﻥ ﻻﺯﻡ ﻧﺮﺍﺟﻊ ﺍﻧﻲ ﻭﺳﻴﻒ ﻋﻠﻤﻮﺩ ﺍﻟﺤﻤﻞ
ﺣﺘﻰ ﺗﺸﻮﻑ ﺷﻨﻮ ﺍﻟﻤﺎﻧﻊ ﺍﻟﻲ ﻟﺤﺪ ﻫﺴﺔ ﻣﺎﻋﺪﻧﺎ ﺟﻬﺎﻝ
ﺑﻌﺪﻫﺎ ﻋﻤﺘﻲ ﻭﺳﻴﻒ ﺍﺧﺬﻭﻧﻲ ﻟﻠﺪﻛﺘﻮﺭﺓ ﻭﻃﻠﺒﺖ ﻋﺪﺓ ﺗﺤﺎﻟﻴﻞ ﻣﻨﻲ ﻭﻣﻦ ﺳﻴﻒ ﻭﺍﺗﺬﻛﺮ ﺳﻮﻳﻨﺎ ﻛﻞ ﺍﻟﺘﺤﺎﻟﻴﻞ ﺍﻟﻲ ﻃﻠﺒﺘﻬﻢ ﻣﻦ ﻋﻨﺪﻧﺎ
ﻭﺍﺧﺬﻧﺎﻫﺎ ﺍﻟﻬﺔ ﻭﺑﻮﻛﺘﻬﺎ ﻣﻦ ﺑﺪﺕ ﺗﻘﺮﺓ ﺍﻭﺭﺍﻕ ﺍﻟﺘﺤﺎﻟﻴﻞ
ﻛﺎﻟﺖ ﺗﺤﺎﻟﻴﻞ ﺳﻴﻒ ﻛﻠﻬﺎ ﺳﻠﻴﻤﺔ ﻭﻧﺴﺒﺘﻪ ﻋﺎﻝ ﺍﻟﻌﺎﻝ
ﻭﻣﺎ ﻋﻨﺪﻩ ﺍﻱ ﺧﻠﻞ
ﻭﺑﻌﺪﻫﺎ ﺑﺪﺕ ﺗﻘﺮﺓ ﺑﺄﻭﺭﺍﻕ ﺍﻟﺘﺤﺎﻟﻴﻞ ﻣﺎﻟﺘﻲ ﻭﺳﻮﻧﺎﺭﻱ
ﻋﻘﺪﺕ ﻭﺟﻬﺔ ﻭﻛﺎﻟﺖ ﻋﻨﺪﺝ ﺿﻌﻒ ﺑﺎﻟﻤﺒﺎﻳﺾ
ﻭﺣﺠﻢ ﺍﻟﺒﻴﻀﺔ ﺟﺪﺍ ﺻﻐﻴﺮ
ﻭﻣﻦ ﻋﻨﺪﻫﺎ ﺍﺗﺬﻛﺮ ﻛﺘﺒﺘﻠﻲ ﻣﺠﻤﻮﻋﺔ ﺍﺩﻭﻳﺔ ﻭﻋﻼﺟﺎﺕ
ﻭﻣﻨﺸﻄﺎﺕ ﺣﺘﻰ ﺗﻜﺒﺮ ﺣﺠﻢ ﺍﻟﺒﻴﻀﺔ ﻭﻛﺎﻣﺖ ﺗﻌﻠﻤﻨﻲ ﺷﻠﻮﻥ ﺍﺧﺬ ﺍﻟﻌﻼﺝ ﻭﺍﻟﺨﻄﻮﺍﺕ
ﻭﺍﻟﺘﺰﻣﺖ ﺑﺎﻟﻌﻼﺝ ﺑﺤﺬﺍﻓﻴﺮﻩ
ﻭﺗﻜﺮﺭﺕ ﺯﻳﺎﺭﺗﻲ ﻟﻠﺪﻛﺘﻮﺭﺓ ﺳﻨﺔ ﻭﺭﺓ ﺳﻨﺔ
ﻣﺘﻌﺮﻓﻮﻥ ﺷﻜﺪ ﺟﻨﺖ ﺍﺗﺄﺫﺓ ﻣﻦ ﺍﺧﺬ ﺍﻟﻌﻼﺝ
ﻭﺍﺻﻴﺮ ﺍﺗﻜﻄﻊ ﻣﻦ ﺍﻻﻟﻢ ﺍﺣﺲ ﺭﺣﻤﻲ ﻳﺮﻳﺪ ﻳﻨﻔﺠﺮ ﻣﻦ ﻛﺪ ﺍﻟﻮﺟﻊ
ﺍﺳﺄﻝ ﺍﻟﺪﻛﺘﻮﺭﺓ ﺗﻜﻮﻝ ﻫﺬﺍ ﻣﻮﻋﺪ ﺍﻟﺘﻔﻘﻴﺲ ﻭﻋﺎﺩﻱ
ﻭﺭﻏﻢ ﻫﺬﺍ ﺍﺗﺤﻤﻠﺖ ﻫﺎﻱ ﻣﻦ ﻏﻴﺮ ﺍﻟﺤﺎﻟﺔ ﺍﻟﻨﻔﺴﻴﺔ ﺻﺎﺭﺕ ﺍﻟﺼﻔﺮ
ﻣﻦ ﻭﺭﺓ ﺳﻴﻒ ﻭﻋﻴﺎﻟﻲ
ﺍﺗﺬﻛﺮ ﺟﻨﺖ ﺍﺗﻮﺳﻞ ﻟﺴﻴﻒ ﻳﻌﺰﻟﻲ ﺑﻤﺸﺘﻤﻞ ﺣﺎﻟﻲ ﺣﺎﻝ ﺍﻟﺠﻨﺎﻧﻴﻦ ﺍﻟﺒﻘﻴﺔ
ﻭﻫﻮ ﺑﺎﻟﺒﺪﺍﻳﺔ ﺟﺎﻥ ﻳﻜﻠﻲ ﻣﻴﺨﺎﻟﻒ ﺍﻋﺰﻝ ﺑﻴﺞ
ﺑﺲ ﺻﺒﺮﻱ ﻋﻠﻴﺔ
ﺑﻴﺖ ﻋﻴﺎﻟﻲ ﻛﻠﺶ ﺟﺒﻴﺮ
ﻭﻣﺴﻮﻳﻦ ﺑﺼﻒ ﺍﻟﺒﻴﺖ ﺷﻘﻖ ﻻﻭﻻﺩﻫﻢ ﻭﻛﻞ ﻭﺍﺣﺪ ﻋﺎﺯﻝ ﺑﻤﺮﺗﻪ ﺑﺸﻘﺔ ﻭﺟﻬﺎﻟﻬﻢ ﻫﻤﺔ ﻭﻫﻮﺳﺘﻬﻢ ﻛﻞ ﻳﻮﻡ ﺑﺒﻴﺖ ﺟﺪﻫﻢ ﻭﺍﻣﻬﺎﺗﻬﻢ ﻣﻌﻠﻜﺎﺕ ﺑﺸﻘﻘﻬﻢ
ﻭﻫﺎﻱ ﻣﻦ ﻏﻴﺮ ﺧﻮﺍﺗﻪ ﻫﻤﺔ ﻭﺟﻬﺎﻟﻬﻢ ﻳﺠﻮﻥ ﻟﺒﻴﺖ ﺍﻫﻠﻬﻦ ﺑﺎﻻﻳﺎﻡ
.......
ﻭﺍﻧﻲ ﺍﺣﺲ ﺍﻧﻜﺴﺮ ﻇﻬﺮﻱ ﻭﻣﻮ ﺑﺲ ﻫﺸﻜﻞ
ﻓﻮﻛﺎﻫﺎ ﺳﻴﻒ ﻣﺤﺘﻢ ﻋﻠﻴﺔ ﺍﻟﺒﺲ ﺍﻟﺤﺠﺎﺏ ﺑﺎﻟﺒﻴﺖ ﺍﺭﺑﻌﺔ ﻭﻋﺸﺮﻳﻦ ﺳﺎﻋﺔ ﻟﻄﺎﻟﻤﺎ ﺍﻧﻲ ﺟﻮﺓ ﺑﺎﻟﺒﻴﺖ ﻭﺣﻤﻮﻳﻨﻲ ﺍﻟﻠﻪ ﻳﺤﻔﻈﻬﻢ ﻫﻤﺔ ﻭﺟﻬﺎﻟﻬﻢ
ﻛﺎﻇﻴﻬﺎ ﻛﻠﺔ ﻋﻨﺪﻧﺎ ﻏﺪﺍ ﻋﺸﺎ ﺭﻳﻮﻙ ﻳﻌﻨﻲ ﻣﺎ ﺍﻋﺮﻑ ﺍﻟﻤﻦ ﻋﺎﺯﻟﻴﻦ ﺑﺎﻟﺸﻘﻖ ﻋﺒﺎﻟﻚ ﺑﺲ ﻳﻨﺎﻣﻮﻥ ﺑﻴﻬﺎ
ﻭﺍﻧﻲ ﻻﺯﻡ ﺍﻛﻮﻥ ﻋﻠﻰ ﺍﻫﺒﺔ ﺍﻻﺳﺘﻌﺪﺍﺩ ﻛﻮﻥ ﺣﺠﺎﺑﻲ ﻋﻠﻰ ﺭﺍﺳﻲ ﻭﺟﻮﺍﺭﻳﺒﻲ ﺑﺮﺟﻠﻴﺔ ﻭﻣﻌﺎﺻﻤﻲ ﺑﺄﻳﺪﻳﺔ ﻭﺍﻟﺪﺷﺪﺍﺷﺔ
ﺍﺭﺑﻌﺔ ﻭﻋﺸﺮﻳﻦ ﺳﺎﻋﺔ ﺗﺴﺤﻞ ﻭﺭﺍﻱ ﻭﻋﺮﻳﻀﺔ
ﺍﻟﻲ ﻳﺸﻮﻓﻬﺎ ﻳﻜﻮﻝ ﻣﺤﺮﻡ ﻣﺎﻝ ﺻﻼﺓ
ﺟﻨﺖ ﻛﻠﻤﺎ ﺍﺻﻌﺪ ﻟﻐﺮﻓﺘﻲ ﺍﻛﻮﻥ ﻫﻠﻜﺎﻧﺔ ﻣﻦ ﺍﻟﺘﻌﺐ
ﺑﺤﻴﺚ ﻣﻦ ﻳﺠﻲ ﻳﻄﺎﻟﺒﻨﻲ ﺑﺤﻘﻮﻗﻪ . ﻭﻻﺯﻡ ﺍﻛﻮﻥ ﻣﺮﺗﺒﺔ ﻧﻔﺴﻲ ﻭﻣﺴﺘﻌﺪﺓ ﺍﻟﺔ ﻭﺍﺳﻮﻳﻠﻪ ﺍﺟﻮﺍﺀ
ﻣﺮﺍﺕ ﺍﻟﺤﻚ ﺍﺳﻮﻳﻠﻪ ﺍﻟﻲ ﻳﺮﻳﺪﻩ ﻭﻣﺮﺍﺕ ﺍﻟﻜﺔ ﺭﻭﺣﻲ
ﻧﺎﻳﻤﺔ ﻋﻠﻰ ﻭﺟﻬﻲ ﻣﻦ ﺍﻟﺘﻌﺐ
ﻭﻫﻮ ﻳﻈﻞ ﻳﺘﺸﻜﻰ ﻭﻳﺤﺠﻲ ﻋﻠﻴﺔ ﻭﻳﺘﻬﻤﻨﻲ ﺑﺎﻟﺘﻘﺼﻴﺮ
ﻭﻳﺎﻩ ﺑﺎﻟﻔﺮﺍﺵ .
ﻭﺍﻧﻲ ﺍﻛﻌﺪ ﺍﺗﻮﺳﻠﻪ ﺣﺘﻰ ﻳﻌﺰﻝ ﺑﻴﺔ ﺣﺘﻰ ﺍﻛﺪﺭ ﺍﺗﻔﺮﻏﻠﻪ
ﻭﺍﻋﺘﻨﻲ ﺑﻲ ﻭﺍﺧﺬ ﺭﺍﺣﺘﻲ ﺑﺎﻟﻠﺒﺲ ﻭﺍﻫﺘﻢ ﺑﻨﻔﺴﻲ
ﻭﺍﻟﻠﻪ ﺣﺘﻰ ﻣﺮﺍﺕ ﺍﻛﻌﺪ ﺍﺳﻮﻳﻠﻪ ﺍﻏﺮﺍﺀﺍﺕ ﻭﺍﻛﻠﻪ ﺷﻜﺪ ﺣﻠﻮ ﻟﻮ ﺑﻴﺘﻨﺎ ﻟﻮﺣﺪﻧﺎ ﺟﺎﻥ ﺍﺳﻮﻳﻠﻚ ﻫﺸﻜﻞ ﺷﻌﺮﻱ
ﻭﺍﻟﺒﺲ ﻟﻚ ﻫﻴﺞ ﻓﺴﺘﺎﻥ ﻭﺍﻃﺒﺨﻠﻚ ﺍﻟﻲ ﻳﺤﺒﻪ ﻛﻠﺒﻚ
ﻭﻫﻮ ﻳﻜﻠﻲ ﺻﺒﺮﻱ ﻋﻠﻴﺔ ﻭﺍﻟﻠﻪ ﻫﺎﻧﺖ ﻣﻀﻞ ﺷﻲ ﺑﺲ ﺍﻛﻤﻞ ﻫﺎﻱ ﺍﻟﺸﻐﻠﺔ ﺍﻟﻲ ﺑﻴﺪﻱ ﺣﺘﻰ ﺍﺗﻔﺮﻍ ﻟﻠﺸﻘﺔ ﻭﺍﺛﺜﻬﺎ ﻋﻠﻰ ﺫﻭﻗﺞ
ﻭﺍﻧﻲ ﺍﺻﺒﺮ ﻧﻔﺴﻲ ﺑﻜﻼﻣﻪ ﻭﺻﺎﺭﺕ ﺷﻐﻠﺔ ﺗﺠﺮ ﺷﻐﻠﺔ
ﻭﻫﻮ ﻛﻞ ﻳﻮﻡ ﻳﻜﻠﻲ ﻣﺒﻘﻰ ﺷﻲ ﻭﺍﻋﺰﻝ ﺑﻴﺞ ﻟﺸﻘﺔ ﻟﻮﺣﺪﻧﺎ
ﻟﺤﺪ ﻣﺎ ﺑﺪﻳﺖ ﺍﺭﺍﺟﻊ ﺍﻟﺪﻛﺘﻮﺭﺓ ﻭﻛﺎﻟﺖ
ﺍﻟﺨﻠﻞ ﺑﻴﺔ ﻭﺍﻟﺴﺒﺐ ﻣﻨﻲ ﺍﻧﻲ ﺍﻟﻲ ﻣﻴﺼﻴﺮ ﻋﻨﺪﻱ ﺣﻤﻞ
ﻭﻫﻮ ﻣﻦ ﻋﻨﺪﻫﺎ ﺻﺎﺭ ﻛﻠﻤﺎ ﺍﻃﻠﺐ ﻣﻨﻪ ﺍﻥ ﻳﻌﺰﻝ ﺑﻴﺔ
ﻳﻜﻮﻡ ﻳﻌﻴﺮﻧﻲ ﺑﺎﻟﺤﻤﻞ ﻭﻳﻜﻠﻲ ﻣﻮ ﺯﻳﻦ ﻭﻣﻨﻲ ﺭﺍﺿﻲ
ﺑﻴﺞ ﻭﻣﻤﺘﺰﻭﺝ ﻋﻠﻴﺞ ﻟﺤﺪ ﻫﺴﺔ ﻻ ﻭﻧﻮﺏ ﺑﻌﺪ ﻛﺎﻋﺪﺓ ﺗﺘﺸﺮﻃﻴﻦ ﻭﺗﺮﺩﻳﻦ ﺍﻋﺰﻝ ﺑﻴﺞ
ﺑﺎﻟﻠﻪ ﻋﻠﻰ ﺷﻨﻮ ﺍﺣﻄﻠﺞ ﺑﻴﺖ ﻟﻮﺣﺪﺝ ﺍﺷﻮ ﺧﻠﻔﺔ ﻭﻣﺎﻛﻮ
ﻭﻣﻦ ﻋﻨﺪﻫﺎ ﺣﺮﻣﺖ ﺍﻓﺘﺢ ﺣﻠﻜﻲ ﻭﺍﻃﻠﺐ ﻣﻨﻪ ﻳﻌﺰﻟﻲ ﺑﺒﻴﺖ ﻓﻌﻼ ﻛﻤﺖ ﺍﺣﺲ ﺑﺎﻟﻨﻘﺺ . ﻣﺎﻟﻲ ﺣﻖ ﺍﻃﺎﻟﺐ
ﺑﺄﻱ ﺷﻲ . ﺍﻛﻮﻝ ﻣﻮ ﺯﻳﻦ ﻭﻣﻨﻪ ﺻﺎﺑﺮ ﻭﻣﻤﺘﺰﻭﺝ
ﺣﺘﻰ ﻣﺮﺍﺕ ﺗﻮﺻﻞ ﻣﻦ ﻧﺘﻌﺎﺭﻙ ﻭﻳﻀﺮﺑﻨﻲ
ﻭﻳﻬﺪﺩﻧﻲ ﻳﺘﺰﻭﺝ ﻋﻠﻴﺔ .
ﺍﺿﻞ ﺍﺑﺠﻲ ﻭﺍﺻﻴﺢ ﺑﻮﺟﻬﻪ ﺍﻛﻠﻪ ﺷﻨﻮ ﺗﻨﺘﻈﺮ ﻣﺘﺮﻭﺡ ﺗﺘﺰﻭﺝ ﻭﺗﺮﺣﻤﻨﻲ ﺑﺪﺍﻝ ﻫﺎﻱ ﺍﻟﻤﻨﻴﺔ
ﻣﺤﺴﺴﻨﻲ ﻣﺴﻮﻱ ﺑﺮﺍﺳﻲ ﻓﻀﻞ ﻻﻥ ﻣﺘﺤﻤﻞ ﻣﺎﻋﻨﺪﻙ ﺍﻃﻔﺎﻝ ﻭﺻﺎﺑﺮ ﻋﻠﻴﺔ
ﺟﻨﺖ ﻣﻦ ﺍﺣﺠﻲ ﻭﻳﺎﻩ ﻫﺸﻜﻞ ﻳﻜﻮﻡ ﻳﺰﻳﺪ ﺑﻀﺮﺑﻲ
ﻭﻳﻬﻴﻨﻲ ﻟﺤﺪ ﻣﺎ ﺍﻭﻛﻊ ﻣﻦ ﺍﻻﻟﻢ
ﻭﺑﻌﺪﻫﺎ ﻣﻦ ﻳﺠﻲ ﺍﻟﻠﻴﻞ ﻭﻳﺒﺪﻱ ﻳﺮﺍﺿﻴﻨﻲ
ﻳﻜﻮﻥ ﻛﻼﻣﻪ ﻛﻠﻪ ﻣﺨﺘﻠﻒ
ﻳﻜﻠﻲ ﻣﺎ ﻳﻬﻮﻥ ﻋﻠﻴﺔ ﺍﺗﺰﻭﺝ ﻋﻠﻴﺞ
ﺷﺴﻮﻱ ﺑﺎﻟﺠﻬﺎﻝ ﺍﺫﺍ ﻣﻮ ﺍﻧﺘﻲ ﺍﻣﻬﻢ
ﺍﺭﻳﺪﺝ ﺍﻧﺘﻲ ﺍﻡ ﺟﻬﺎﻟﻲ
ﻳﻜﻠﻲ ﺍﺣﺒﺞ ﻭﺍﻣﻮﺕ ﻋﻠﻴﺞ ﻣﺘﺸﻮﻓﻴﻨﻲ ﺻﺎﺑﺮ ﻭﻣﺘﺤﻤﻞ
ﻭﻛﻞ ﻓﺘﺮﺓ ﺍﺧﺬﺝ ﻟﻠﺪﻛﺘﻮﺭﺓ ﺗﺮﺍﺟﻌﻴﻦ ﺣﺘﻰ ﺑﻠﻜﻲ ﺗﺘﻌﺎﻟﺠﻴﻦ
ﻭﺍﺗﺄﻣﻞ ﻛﻞ ﺷﻬﺮ ﺍﻛﻮﻝ ﻛﻮﻥ ﻫﺎﻟﻤﺮﺓ ﺗﺼﻴﺐ
ﻭﻳﻨﺠﺢ ﻭﻳﺎﻫﺎ ﺍﻟﻌﻼﺝ . ﺑﺲ ﻣﺎﻛﻮ
.....
ﻭﺍﻧﻲ ﺍﺻﺪﻛﻪ ﺑﻜﻞ ﻏﺒﺎﺀ ﻭﺍﻛﻮﻝ ﻣﻮﻣﻬﻢ ﺧﻠﻲ ﻧﻜﻠﺐ ﺻﻔﺤﺔ ﺟﺪﻳﺪﺓ ﻭﺍﺑﺪﻱ ﻭﻳﺎﻩ ﻣﻦ ﺟﺪﻳﺪ
ﺑﺲ ﻣﻊ ﺍﻻﺳﻒ ﺍﻟﻜﺔ ﺭﻭﺣﻲ ﺭﺍﺟﻌﺔ ﻭﻳﺎﻩ ﻟﻨﻘﻄﺔ ﺍﻟﺒﺪﺍﻳﺔ
ﻣﻦ ﺟﺪﺓ ﻭﺟﺪﻳﺪ ﻟﺤﺪﻣﺎ ﺧﻠﺺ ﺩﻓﺘﺮﻱ
ﻭﺻﺎﺭ ﻳﺘﻜﺮﺭ ﻧﻔﺲ ﺍﻟﻀﺮﺏ ﻭﻧﻔﺲ ﺍﻻﻫﺎﻧﺎﺕ ﺑﺲ ﺍﻻﺳﺒﺎﺏ ﺗﺨﺘﻠﻒ ﺍﻣﺎ ﻳﻀﺮﺑﻨﻲ ﻋﻠﻤﻮﺩ
ﻋﺮﻛﺔ ﻭﻳﺔ ﺍﺑﻮﻩ ﻭﻳﻄﻠﻊ ﺣﺮﻛﺘﻪ ﺑﻴﺔ
ﻟﻮ ﻣﻦ ﻳﺸﻮﻓﻨﻲ ﻣﺎ ﻋﻠﻰ ﺭﺍﺳﻲ ﺣﺠﺎﺏ ﻭﻳﻌﺒﺮ ﺍﺧﻮﻩ ﺑﺎﻟﺼﺪﻓﺔ
ﻟﻮ ﻣﺮﺍﺕ ﻣﻦ ﻳﻄﻔﺢ ﺑﻴﺔ ﺍﻟﻜﻴﻞ ﻭﺍﺗﻌﺎﺭﻙ ﻭﻳﺔ ﺍﻣﻪ ﺍﻭ ﻭﺣﺪﺓ ﻣﻦ ﺧﻮﺍﺗﻪ ﻳﻌﻨﻲ ﺍﺑﻘﻰ ﺍﻧﺴﺎﻥ ﺍﻧﻲ ﻣﻮ ﻣﻼﻙ ﻭﺗﺼﻴﺮ ﻫﻴﺞ
ﺍﻣﻮﺭ ﻭﻣﺸﺎﻛﻞ ﻳﻌﻨﻲ ﺳﻮﺍﻟﻒ ﺍﻟﻌﻤﺔ ﻭﺍﻟﺤﻤﻮﺍﺕ
ﻭﻫﻮ ﻣﺜﻞ ﻛﻞ ﻣﺮﺓ ﻳﺠﻲ ﻣﺤﻤﻞ ﻋﻠﻴﺔ ﻭﻳﺒﺪﻱ ﻳﺠﻨﺰﻧﻲ ﻣﻦ ﺍﻟﻀﺮﺏ
ﻭﻟﺤﺪ ﺍﺧﺮ ﺷﻲ ﻫﺴﺔ ﻣﺼﺎﺭﻟﻪ ﻛﻢ ﻳﻮﻡ ﻣﻦ ﺍﺗﻌﺎﺭﻙ
ﻭﻳﺔ ﺍﺧﻮﻩ ﻭﻣﺮﺕ ﺍﺧﻮﻩ ﻭﺻﺎﺭ ﻫﻮ ﻭﺍﺧﻮﻩ ﻣﻜﺎﺗﻞ . ﻭﺻﻠﺖ ﺑﻲ ﺣﺘﻰ ﻣﺪ ﺍﻳﺪﻩ ﻋﻠﻰ ﻣﺮﺕ ﺍﺧﻮﻩ ﻭﺿﺮﺑﻬﺎ
ﻋﻠﻤﻮﺩ ﺩﺧﻠﺖ ﻧﻔﺴﻬﺎ ﺑﺎﻟﻌﺮﻛﺔ ﻭﻛﺎﻣﺖ ﺗﻼﺳﻨﻪ
ﺯﻳﻦ ﺍﻧﻲ ﺷﻠﻲ ﺩﺧﻞ ﻳﺠﻲ ﻳﻄﻠﻊ ﺣﺮﻛﺔ ﺍﻟﻌﺮﻛﺔ ﻛﻠﻬﺎ ﺑﻴﺔ
ﻭﺍﻧﻀﺮﺏ ﺑﺪﻭﻥ ﺍﻱ ﺳﺒﺐ
ﻫﻴﺞ ﻻﻥ ﺣﻀﺮﺗﻪ ﻣﻌﺼﺐ ﻭﺍﺫﺍ ﻋﺼﺐ ﻳﻜﻮﻡ ﻳﺪﻭﺭ ﻭﻳﺎﻱ ﺍﻟﺰﻻﺕ ﻳﻌﻨﻲ ﺍﺫﺍ ﻃﻠﺐ ﻣﻨﻲ ﻛﻼﺹ ﻣﺎﻱ
ﻭﺍﺗﺄﺧﺮﺕ ﻋﻠﻴﻪ
ﻳﻜﻮﻡ ﻳﻀﺮﻧﻲ ﻭﺑﻌﺪﻫﺎ ﻣﻦ ﻳﻀﺮﺑﻨﻲ ﻳﺠﻲ ﻳﺼﺎﻟﺤﻨﻲ
ﻭﻫﺴﺔ ﻫﺎﻱ ﺟﻴﺘﻲ ﺍﻟﺞ ﺗﻌﺘﺒﺮ ﻋﺮﺑﻮﻥ ﺻﻠﺢ
ﻣﺮﻭﺓ .. ﻭﻟﻴﺶ ﻋﻴﻨﻲ ﻣﻴﻘﺒﻞ ﺗﺠﻴﻦ ﻟﺒﻴﺘﻲ ﻋﺎﻳﺰ ﻓﻮﻙ ﻫﺬﺍ ﺍﻟﻀﻴﻢ ﻭﻳﻌﺘﺮﺽ .
.. ﻣﻮ ﻛﻠﺘﻠﺞ ﻣﺼﺎﺭﻟﻪ ﻛﻢ ﻳﻮﻡ ﻣﻦ ﺍﺗﻌﺎﺭﻙ ﻭﻳﺔ ﺍﺧﻮﻩ ﻭﻣﺮﺕ ﺍﺧﻮﻩ ﻭﺍﺟﻮﺍﺀ ﺍﻟﺒﻴﺖ ﻣﺸﺤﻮﻧﺔ . ﻣﻴﺘﺤﺎﺟﻮﻥ
ﻓﺒﻌﺪﻣﺎ ﺿﺮﺑﻨﻲ ﻛﻠﻲ ﺍﻣﺸﻲ ﺍﺧﺬﺝ ﻟﺒﻴﺖ ﺍﺧﺘﺞ
ﻳﻌﻨﻲ ﻋﻮﺩ ﻫﻴﺞ ﺩﻳﺮﺍﺿﻴﻨﻲ
ﺗﺪﺭﻭﻥ ﺑﻨﺎﺕ ﻣﺮﺍﺕ ﺍﻓﻜﺮ ﺍﻧﺘﺤﺮ ﻭﺑﻌﺪﻳﻦ ﺍﺭﺗﺪ ﻭﺍﻛﻌﺪ ﺍﺫﻛﺮ ﻧﻔﺴﻲ ﻭﺍﺻﺒﺮﻫﺎ ﻭﺍﻛﻮﻝ
ﻻ ﺿﺤﻰ ﺣﺮﻣﺎﺕ ﺍﻧﺘﻲ ﺧﺴﺮﺗﻲ ﺍﻟﺪﻧﻴﺎ ﻭﻣﺸﻔﺘﻲ ﺑﻴﻬﺎ ﻳﻮﻡ ﺭﺍﺣﺔ . ﻛﺎﻓﻲ ﺳﻴﻒ ﻣﻌﻴﺸﺞ ﺑﺠﺤﻴﻢ
ﻓﻼ ﺗﻔﻠﺴﻴﻦ ﻣﻦ ﺍﻟﺪﻧﻴﺎ ﻭﺍﻻﺧﺮﺓ ﺑﺴﺒﺒﻪ
ﺷﻴﻤﺎﺀ ﺑﺤﺰﻥ ﻭﻫﻲ ﺗﺸﻮﻑ ﻭﺣﺪﺓ ﻣﻦ ﻭﺭﺩﺍﺕ ﺍﻣﻬﺎ
ﺩﺗﻌﺎﻧﻲ ﻭﺩﺗﺬﺑﻞ ﻛﺪﺍﻡ ﻋﻴﻮﻧﻬﺎ
ﺟﺮﺕ ﺣﺴﺮﺓ ﻭ ﺣﺠﺖ ﺑﺼﻮﺕ ﻭﺍﻫﻦ
.. ﻣﺎ ﺍﻋﺮﻑ ﻳﺎ ﺿﺤﻰ ﺑﻌﺪ ﺍﻟﻜﻼﻡ ﺍﻟﻲ ﺳﻤﻌﺘﻪ ﻣﻦ ﻋﻨﺪﺝ
ﺧﻠﻴﺘﻴﻨﻲ ﺍﻛﺮﻩ ﺭﻭﺣﻲ ﺍﻟﻒ ﻣﺮﺓ ﺣﺴﻴﺖ ﺑﺮﻭﺣﻲ ﺷﻜﺪ ﺿﻌﻴﻔﺔ ﻻﻥ ﻣﻜﺪﺭﺕ ﺍﺟﻨﺒﺞ ﻫﺬﺍ ﺍﻟﻀﻴﻢ
ﺿﺤﻰ .. ﻻ ﺷﻴﻤﺎﺀ ﺍﻧﺘﻲ ﻣﺎﻟﺞ ﺩﺧﻞ ﺑﺎﻟﻌﻜﺲ ﺍﻧﺘﻲ ﻳﺎﻣﺎ ﺣﺎﻭﻟﺘﻲ ﺗﻨﺼﺤﻴﻨﻲ ﻭﺗﺒﻌﺪﻳﻨﻲ ﻋﻦ ﻫﺬﺍ ﺍﻟﺰﻭﺍﺝ
ﻓﻬﺴﺔ ﺍﻟﻜﺎﻋﺪ ﻳﺼﻴﺮ ﺑﻴﺔ . ﻛﻠﺔ ﻣﻦ ﺍﻳﺪﻱ
ﺍﻟﺼﺎﺭ ﻭﻋﺪ ﻣﻜﺘﻮﺏ ﻋﻠﻴﺔ ﻭﻻﺯﻡ ﺍﺗﻘﺒﻠﻪ ﻭﺍﺗﺤﻤﻠﻪ
ﺧﻼﺹ ﺍﻧﻲ ﺍﻧﺘﻬﻴﺖ
ﻣﺮﻭﺓ .. ﻭﻟﻴﺶ ﺍﻧﺘﻬﻴﺘﻲ
ﺣﺒﻴﺒﺘﻲ ﺗﺮﺓ ﺍﻭﻝ ﺷﻲ ﺍﻧﺘﻲ ﺑﻌﺪﺝ ﺻﻐﻴﺮﺓ ﻭﺍﻟﺤﻴﺎﺓ ﺑﻌﺪﻫﺎ ﻛﺪﺍﻣﺞ ﻭﺍﻧﻲ ﻭﺭﺍﺝ
ﺭﺍﺡ ﺍﺩﻋﻤﺞ ﻭﺍﺳﺎﻧﺪﺝ
ﺍﺫﺍ ﻛﻨﺘﻲ ﻗﺒﻞ ﻣﺎ ﺗﻤﻠﻜﻴﻦ ﺣﻖ ﺍﻻﺧﺘﻴﺎﺭ ﺑﺎﻻﺑﺘﻌﺎﺩ ﻋﻦ ﺳﻴﻒ
ﺑﺲ ﻫﺴﺔ ﺍﻧﺖ ﺍﻧﺘﻲ ﺣﺮﺓ ﻭﺍﻟﻘﺮﺍﺭ ﺭﺍﺟﻌﻠﺞ
ﺍﻧﺘﻲ ﺑﻨﻔﺴﺞ ﺗﻘﺮﺭﻳﻦ
ﺗﺮﺩﻳﻦ ﺗﻜﻤﻠﻴﻦ ﺣﻴﺎﺗﺞ ﻭﻳﺔ ﺳﻴﻒ ﻟﻮ ﺗﻨﻬﻴﻦ ﺍﺭﺗﺒﺎﻃﺞ ﺑﻲ
ﻭﺗﺒﺪﻳﻦ ﺣﻴﺎﺗﺞ ﻣﻦ ﺟﺪﻳﺪ ؟؟؟
ﺿﺤﻰ .. ﻣﺎ ﺍﻋﺮﻑ ﺷﻨﻮ ﺍﻛﻮﻝ ﺻﻌﺒﺔ
ﻣﺎ ﺍﻛﺪﺭ ﺍﺭﺟﻊ ﻟﺒﻴﺖ ﺳﻠﻴﻤﺔ
ﻣﺮﻭﺓ .. ﻭﻣﻨﻮ ﻛﻠﺞ ﺗﺮﺟﻌﻴﻦ ﻟﺒﻴﺖ ﺳﻠﻴﻤﺔ
ﻭﺍﻧﻲ ﺑﻴﺘﻲ ﻭﻳﻦ ﺭﺍﺡ
......
ﺿﺤﻰ .. ﻣﺮﻭﺓ ﺧﻠﻴﻨﺎ ﻧﻜﻮﻥ ﺻﺮﻳﺤﻴﻦ
ﺗﺮﺓ ﺍﻧﺘﻲ ﺫﺍﻙ ﺍﻟﻴﻮﻡ ﺍﺗﻌﺎﺭﻛﺘﻲ ﻭﻳﺔ ﺯﻭﺟﺞ ﻋﻠﻤﻮﺩ ﺍﻫﻠﻪ ﻳﻌﻴﺮﻭﻥ ﺑﺨﻮﺍﺗﺞ ﻻﻥ ﻛﺎﻋﺪﻳﻦ ﻋﻨﺪﺝ ﺑﺎﻟﺒﻴﺖ
ﻓﻼ ﺗﺘﻮﻗﻌﻴﻦ ﻣﻨﻲ ﺍﻋﻴﺶ ﻋﻠﻰ ﺣﺴﺎﺏ ﺳﻌﺎﺩﺗﺞ ﺍﻧﺘﻲ ﻭﻋﺎﺋﻠﺞ
ﻭﺧﻠﻲ ﺑﺒﺎﻟﺞ ﺍﺫﺍ ﻭﺍﻓﻘﺖ ﺍﺗﻄﻠﻚ ﻣﻦ ﺳﻴﻒ ﻣﻌﻨﺎﻫﺎ ﺭﺍﺡ ﺍﺳﻠﻢ ﺣﺒﻞ ﺍﻟﻤﺸﻨﻘﺔ ﺑﻴﺪ ﺍﺛﻴﺮ ﺍﺑﻘﻰ ﺗﺤﺖ ﺭﺣﻤﺘﻪ ﻭﺍﻛﻌﺪ ﺍﻧﺘﻈﺮﻩ ﺷﻮﻛﺖ ﻳﻨﻔﺬ ﺑﻴﺔ ﻗﺮﺍﺭ ﺍﻻﻋﺪﺍﻡ
.. ﺍﻧﺘﻲ ﻟﻴﺶ ﻫﺸﻜﻞ ﺗﺼﻌﺒﻴﻦ ﺍﻻﻣﻮﺭ
ﺍﻭﻋﺪﺝ ﺍﺫﺍ ﺍﺗﻄﻠﻜﺘﻲ ﺍﺛﻴﺮ ﻣﺎ ﻳﺘﺪﺧﻞ ﺑﺤﻴﺎﺗﺞ
.. ﺍﻛﻠﺞ ﻣﺮﻭﺓ ﺷﻠﻮﻥ ﻣﺎﻟﻪ ﺩﺧﻞ ﻭﺍﻧﻲ ﺩﺍﺷﻮﻑ ﺳﻮﺍﻟﻒ ﺍﺛﻴﺮ ﺑﻌﻴﻨﻲ
ﻳﺮﻳﺪ ﻳﺰﻭﺝ ﺷﻴﻤﺎﺀ ﺍﻟﻤﻤﺘﺰﻭﺟﺔ . ﻟﺸﺎﻛﺮ ﺍﻟﻤﺠﺮﻡ ﺑﻜﻞ ﻛﻠﺐ ﺑﺎﺭﺩ
ﻋﻮﺩ ﻫﺎﻱ
ﻭﻫﻲ ﺩﺗﺼﺮﻑ ﻋﺎﻟﺒﻴﺖ ﻭﺍﻟﻤﺴﺆﻟﺔ ﻋﻦ ﻛﻠﺸﻲ
ﻭﻣﺴﺘﻔﺎﺩ ﻣﻨﻬﺎ ﻭﻫﻴﺞ ﻳﻔﻜﺮ ﻳﺴﻮﻱ ﺑﻴﻬﺎ
ﻭﺷﻮﻓﺖ ﻋﻴﻨﺞ ﻫﺬﺍﻙ ﻫﻮ ﺷﺎﻛﺮ ﻛﻞ ﻳﻮﻡ ﻭﺍﻟﺜﺎﻧﻲ
ﺩﻳﻬﺪﺩ ﺑﺸﻴﻤﺎﺀ . ﻣﺤﺪ ﺩﻳﻜﺪﺭ ﻳﺤﻤﻴﻬﺎ ﻭﺑﻌﺪﻩ ﻋﻨﻬﺎ
ﻳﻌﻨﻲ ﺍﺫﺍ ﺷﻴﻤﺎﺀ ﻫﻴﺞ ﺩﻳﺴﻮﻱ ﺑﻴﻬﺎ
ﻟﻌﺪ ﺍﻧﻲ ﺍﻟﻤﻄﻠﻘﺔ ﻭﺍﻟﻤﺎ ﻣﻨﻲ ﻓﺎﻳﺪﺓ ﺷﺮﺍﺡ ﻳﺴﻮﻳﻠﻲ ﻣﻦ ﺍﻛﻌﺪ ﺟﻮﺓ ﺍﻳﺪﻩ
ﺍﺧﺎﻑ ﺷﻴﻤﺎﺀ ﺭﺍﺩ ﻳﺰﻭﺟﻬﺎ ﻟﻤﺠﺮﻡ ﻣﺜﻞ ﺷﺎﻛﺮ
ﻓﺎﻧﻲ ﻣﺎ ﺍﺳﺘﻐﺮﺏ ﺍﺫﺍ ﻳﺰﻭﺟﻨﻲ ﻟﺮﺋﻴﺲ ﻋﺼﺎﺑﺔ ﻣﺪﻛﺪﻙ
ﻣﺮﻭﺓ .. ﻭﻣﻨﻮ ﻛﻠﺞ ﺭﺍﺡ ﺍﺧﻠﻲ ﺍﺛﻴﺮ ﻳﺘﺪﺧﻞ ﺑﺤﻴﺎﺗﺞ ﻭﻟﺘﺘﺼﻮﺭﻳﻦ ﺍﻧﺘﻲ ﺗﺄﺛﺮﻳﻦ ﻋﻠﻰ ﺣﻴﺎﺗﻲ
ﺗﺮﺓ ﺍﻧﻲ ﺩﺍﺋﻤﺎ ﺍﺗﻌﺎﺭﻙ ﻭﻳﺔ ﻋﻴﺎﻟﻲ ﺑﻴﻜﻢ ﻣﻦ ﻏﻴﺮﻛﻢ
ﺍﻟﻤﺸﺎﻛﻞ ﻣﺘﻮﺍﺟﺪﺓ ﻋﻠﻰ ﻃﻮﻝ
ﺭﻓﻌﺖ ﺭﺍﺳﻬﺎ ﻭﺑﺎﻭﻋﺖ ﻟﻤﺮﻭﺓ
.. ﻻ ﻣﺮﻭﺓ ﺍﻧﻲ ﻣﺮﺓ ﻣﻦ ﻗﺒﻞ ﺍﺗﺼﺮﻓﺖ ﺑﺎﻧﺎﻧﻴﺔ ﻭﺍﺗﻨﺪﻣﺖ ﻭﺧﺴﺮﺕ ﻛﻠﺸﻲ ﻓﻤﺎ ﻣﺴﺘﻌﺪﺓ ﺍﺭﺟﻊ ﻣﺮﺓ ﺍﻟﻠﺦ
ﺍﺻﻴﺮ ﺍﻧﺎﻧﻴﺔ ﻭﺍﺧﻠﻲ ﻏﻴﺮﻱ ﻳﻌﺎﻧﻲ ﻋﻠﻤﻮﺩﻱ
ﺣﺘﻰ ﺍﻧﻘﺬ ﻧﻔﺴﻲ
ﺑﺎﻭﻋﺖ ﻟﺸﻴﻤﺎﺀ ﻭﻛﺎﻟﺖ
ﻭﺟﺮﺑﺖ ﻣﺮﺓ ﺍﺧﻠﺺ ﻧﻔﺴﻲ ﻣﻦ ﺣﻔﺮﺓ ﺍﺛﻴﺮ ﻭﺳﻠﻴﻤﺔ ﻭﺍﺗﺴﻠﻘﺘﻬﺎ ﻋﻠﻰ ﺍﻛﺘﺎﻑ ﺷﻴﻤﺎﺀ ﻭﻧﻔﺬﺕ ﺑﺠﻠﺪﻱ
ﻭﺭﺑﺞ ﻭﻭﻛﻌﻨﻲ ﺑﺤﻔﺮﺓ ﺳﻴﻒ ﻭﺟﺎﻧﺖ ﻫﺎﻟﻤﺮﺓ ﺍﻋﻤﻖ ﻭﺍﻛﺜﺮ
ﻇﻼﻡ ﻣﻦ ﺍﻟﻘﺒﻠﻬﺎ
ﻓﻤﺴﺘﺤﻴﻞ ﻫﺎﻟﻤﺮﺓ ﺍﺭﺟﻊ ﺍﺗﺴﻠﻖ ﻋﻠﻰ ﺍﻛﺘﺎﻑ ﻭﺣﺪﺓ
ﻣﻨﻜﻢ
ﻫﺬﺍ ﺯﺭﻋﻲ ﺍﻟﺰﺭﻋﺘﻪ ﻭﻻﺯﻡ ﺍﺗﺤﻤﻞ ﺍﺟﻨﻴﻪ
ﺻﺎﺭ ﻻﺯﻡ ﺍﻧﻬﺾ ﺑﺮﻭﺣﻲ ﻭﺍﻭﻛﻒ ﺑﻮﺟﻪ ﺳﻴﻒ ﻭﺍﻃﺎﻟﺒﻪ ﺑﺤﻘﻮﻗﻲ
ﺳﺄﻟﺘﻬﺎ ﻭﺍﻧﻲ ﻛﻠﺒﻲ ﻣﻤﺮﻭﺩ ﻋﻠﻴﻬﺎ
.. ﻳﻌﻨﻲ ﺑﺮﺃﻳﺞ ﺷﻠﻮﻥ ﺭﺍﺡ ﺗﻮﺍﺟﻬﻴﻨﻪ ﻭﺷﻨﻮ ﺭﺍﺡ ﺗﺴﻮﻳﻦ
ﻋﻠﻤﻮﺩ ﺗﻜﻤﻠﻴﻦ ﺣﻴﺎﺗﺞ ﻭﻳﺎﻩ
.. ﺍﻭﻝ ﺷﻲ ﺍﺳﻮﻳﻪ ﺍﻭﺍﺟﻬﻪ ﻫﻮ ﻭﺍﻣﻪ ﺑﺎﻟﺤﻘﻴﻘﺔ ﺍﻟﻲ ﺍﻛﺘﺸﻔﺘﻬﺎ
ﻭﺑﻌﺪﻫﺎ ﺍﻃﻠﺐ ﻣﻨﻪ ﺍﻥ ﻳﻌﺰﻟﻲ ﺑﺸﻘﺔ ﻟﻮﺣﺪﻧﺎ ﻋﻠﻰ ﺍﻻﻗﻞ
ﺍﺑﻘﻰ ﺍﺗﺤﻤﻞ ﺑﺲ ﺿﻴﻢ ﺳﻴﻒ ﻭﻇﻠﻤﻪ
ﺍﺣﺴﻦ ﻣﺎ ﺍﺑﻘﻰ ﻭﺍﺗﺤﻤﻞ ﺿﻴﻢ ﻋﻴﺎﻟﻲ ﻭﻇﻠﻤﻬﻢ ﻭﻛﺮﺍﺑﻬﻢ
ﻣﺒﻘﻴﻨﻲ ﻋﻨﺪﻫﻢ ﻣﺜﻞ ﺍﻟﺨﺪﺍﻣﺔ ﺑﺲ ﺍﻛﺮﺏ
ﺍﺑﺎﻭﻉ ﻟﻀﺤﻰ ﻭﻣﺤﺎﻭﻟﺘﻬﺎ ﺑﺎﻟﺘﺤﻠﻲ ﺑﺎﻟﻘﻮﺓ ﻭﺍﻟﺸﺠﺎﻋﺔ
ﺗﺮﻳﺪ ﺗﻨﻘﺬ ﻣﺎ ﺗﺒﻘﻰ ﻣﻦ ﺣﻴﺎﺗﻬﺎ ﺍﻟﺰﻭﺟﻴﺔ
ﻃﺒﻌﺎ ﻛﺎﻥ ﻛﻼﻡ ﺿﺤﻰ ﻛﻠﻪ ﺻﺤﻴﺢ ﻓﻌﻼ ﺍﻟﻄﻼﻕ ﻣﻮ ﺳﻬﻞ
ﻭﺧﺼﻮﺻﺎ ﻟﻠﻤﺜﻞ ﻭﺿﻊ ﺿﺤﻰ
......
ﺍﺗﺨﺎﺫ ﺍﻟﻘﺮﺍﺭﺍﺕ ﺟﺪﺍً ﺳﻬﻞ ﻟﻜﻦ ﺗﻨﻔﻴﺬﻫﺎ ﻋﻠﻰ ﺍﺭﺽ ﺍﻟﻮﺍﻗﻊ ﺭﺍﺡ ﻳﻜﻮﻥ ﻣﻬﻤﺔ ﺻﻌﺒﺔ ﺑﺤﺪ ﺫﺍﺗﻬﺎ
ﺿﺤﻰ ﻣﺴﺤﺖ ﺩﻣﻮﻋﻬﺎ
.. ﻭﺑﺎﻭﻋﺖ ﻋﻠﻴﻨﺎ ﻭﺣﺪﺓ ﻭﺣﺪﺓ .
ﻭﺟﺎﻥ ﺗﺸﻮﻑ ﻭﺟﻬﻲ ﻭﺗﺸﻬﻚ ﻋﻠﻰ ﻣﻨﻈﺮ ﺣﻮﺍﺟﺒﻲ
ﺍﻱ ﻻﻥ ﺍﻧﻲ ﻣﻦ ﻃﻠﻌﺖ ﺍﻟﻴﻮﻡ ﺧﻄﻄﺘﻬﻢ ﺑﻘﻠﻢ ﻭﻣﻜﻴﺎﺝ ﻓﻤﺎ ﻣﺒﻴﻨﺎﺕ ﺑﺲ ﻫﺴﺔ ﻣﻦ ﺻﻠﻴﺖ ﺍﻟﻈﻬﺮ ﻭﻏﺴﻠﺖ ﻭﺟﻬﻲ
ﺑﻴﻨﻮﺍ ﺷﻜﻠﻬﻢ ﻏﺮﻳﺐ
ﺿﺤﻰ .. ﻟﺞ ﻫﺪﻯ ﻫﺎﻱ ﺷﻨﻮ ﺷﺒﻴﻬﻢ ﺭﻣﻮﺷﺞ ﻭﺣﺎﻭﺍﺟﺒﺞ ﺷﻨﻮ ﺻﺎﺑﻐﺘﻬﻢ ﺍﺷﻘﺮ ﻟﻮ ﻣﺤﺘﺮﻛﺎﺕ
ﻫﻲ ﺣﺠﺖ ﻫﻲ ﻭﺍﻻﻧﻈﺎﺭ ﻛﻠﻬﺎ ﺍﻟﺘﻔﺘﺖ ﻋﻠﻴﺔ
ﻭﻧﺰﻟﺖ ﻋﻠﻴﺔ ﺍﺳﺄﻟﺘﻬﻢ ﻣﻦ ﻛﻞ ﺻﻮﺏ
ﻭﺻﺮﺕ ﺍﺣﺠﻴﻠﻬﻢ ﻋﻦ ﺍﻟﺤﺎﺩﺙ ﻭﺍﻟﺼﺎﺭ ﺳﺎﻋﺔ ﻳﻨﻬﺒﻄﻮﻥ ﻭﺳﺎﻋﺔ ﻳﻀﺤﻜﻮﻥ ﻋﻠﻴﺔ
ﺟﻨﺎ ﻣﻨﺪﻣﺠﺎﺕ ﻧﺴﻮﻟﻒ ﻭﺟﺎﻥ ﻧﺴﻤﻊ ﺻﻮﺕ ﻃﻘﻄﻘﺔ
ﻛﻌﺐ ﺍﻟﺘﻔﺘﻨﺎ
ﻭﺟﺎﻥ ﻧﺸﻮﻑ ﻣﺸﻤﺶ ﻻﺑﺴﺔ ﺧﺬﺍﺋﻲ ﺍﻟﻜﻌﺐ ﺍﻟﻌﺎﻟﻲ
ﻭﺗﻤﺸﻲ ﺑﻲ ﻭﺣﺎﻃﺔ ﺷﺎﻟﻲ ﻋﻠﻰ ﺭﺍﺳﻬﺎ ﻭﺗﻔﺘﺮ ﻛﺪﺍﻣﻨﺎ ﺑﺎﻟﺼﺎﻟﺔ
ﺷﻴﻤﺎﺀ ﺿﺤﻜﺖ ﻋﻠﻰ ﺷﻜﻠﻬﺎ ﻭﻛﺎﻟﺖ
.. ﻋﺰﺓ ﻫﺬﺍ ﺍﻟﺤﺬﺍﺀ ﺍﺑﻮ ﺍﻟﻄﺎﺑﻘﻴﻦ ﻟﻤﻨﻮ
ﺑﺎﻭﻋﺖ ﺍﻟﻬﺔ ﻭﺍﻧﻲ ﺍﺿﺤﻚ
.. ﻗﺼﺪﺝ ﺍﻟﺘﺨﺘﺔ ﺍﻟﻌﺎﻟﻴﺔ ﻫﺬﺍ ﺍﻟﻲ
ﻣﺮﻳﻢ ﺗﺼﻨﻒ .. ﻫﻬﻬﻬﻬﻪ ﻋﺒﺎﻟﻚ ﻋﻤﺎﺭﺓ ﺍﻡ ﻃﺎﺑﻘﻴﻦ
ﻫﺎﻱ ﺷﻠﻮﻥ ﻟﺒﺴﺘﻲ
ﻣﺮﻭﺓ .. ﻫﺪﻯ ﺑﻼ ﺷﻘﻰ ﻫﺎﻱ ﺍﻻﺣﺬﻳﺔ ﻣﻮ ﻃﺒﻴﺔ
ﻣﺎ ﺍﻧﺼﺤﺞ ﺑﻴﻬﺎ ﺗﺄﺫﻱ ﺍﻟﻌﻤﻮﺩ ﺍﻟﻔﻘﺮﻱ ﻭﺿﻴﻔﻲ ﻓﻮﻛﺎﻫﺎ ﺍﻟﺨﻄﻮﺭﺓ ﺍﺫﺍ ﺍﻟﺘﻮﺕ ﺭﺟﻠﺞ ﻭﻋﺜﺮﺗﻲ ﺷﺮﺍﺡ ﻳﺼﻴﺮ ﺑﻴﺞ
ﺑﺮﻃﻤﺖ ﺣﻠﻜﻲ ﻭﺍﻧﻲ ﺍﺗﺬﻛﺮ ﻣﺤﺎﻭﻻﺗﻲ ﺍﻟﻌﻘﻴﻤﺔ
ﺑﻠﻔﺖ ﺍﻧﺘﺒﺎﻩ ﻗﺎﺳﻢ
ﻃﺒﻌﺎً ﺍﻟﻴﻮﻡ ﻧﻔﺬﺕ ﺍﺣﺪ ﻧﺼﺎﺋﺢ ﺍﺑﻮ ﺍﻟﻌﺮﻳﻒ ﻫﺎﻟﺔ ﺷﻮﺯ
ﻧﺼﺤﺘﻨﻲ ﺍﺟﺮﺏ ﺍﻟﺒﺲ ﺣﺬﺍﺀ ﻛﻌﺐ ﻋﺎﻟﻲ
ﻛﺎﻟﺖ ﺳﻤﻌﺖ ﺑﺎﻟﺼﺪﻓﺔ ﻣﻨﻰ ﺍﺧﺘﻲ ﻭﻛﻮﺛﺮ ﺩﻳﺤﺠﻮﻥ ﻋﻦ ﺍﻻﺣﺬﻳﺔ ﻭﺍﻧﻮﺍﻋﻬﺎ ﻭﺍﻟﻤﻮﺩﻳﻼﺕ . ﻓﺘﻌﺮﻓﻴﻦ ﺍﻧﻲ ﺍﺗﺨﺒﻞ ﻋﺎﻻﺣﺬﻳﺔ
ﻭﺍﺳﻤﻌﻬﻦ ﻳﻜﻮﻟﻦ ﺍﻏﻠﺐ ﺍﻟﺮﻳﺎﺟﻴﻞ ﻳﺪﻭﺧﻮﻥ ﺍﺫﺍ ﺷﺎﻓﻮﺍ ﻭﺣﺪﺓ ﻻﺑﺴﺔ ﺣﺬﺍﺀ ﻛﻌﺐ ﻋﺎﻟﻲ
ﺷﻠﻮﻥ ﻭﻟﻴﺶ ﻣﺎ ﺍﻋﺮﻑ ﻭﻻ ﺍﻓﺘﻬﻤﺖ
ﺑﺲ ﻟﻜﻔﺖ ﻫﺎﻱ ﺍﻟﻜﻠﻤﺘﻴﻦ ﻭﻛﻠﺖ ﺧﻠﻲ ﺍﺭﻭﺡ ﺍﻓﻴﺪ ﻫﺪﻯ ﺑﻴﻬﻢ ﺑﺎﻟﻠﻪ ﺟﺮﺑﻲ
ﺑﻠﻜﻲ ﻗﺎﺳﻢ ﺍﺧﻮﻱ ﻳﻄﻠﻊ ﻧﻘﻄﺔ ﺿﻌﻔﻪ ﺍﻟﺤﺬﺍﺀ ﺍﻟﻌﺎﻟﻲ
ﻭﻳﻐﻤﻰ ﻋﻠﻴﻪ ﺍﻭﻝ ﻣﻴﺸﻮﻓﺞ ﻻﺑﺴﺘﻪ
ﻭﺗﻄﻜﻄﻴﻦ ﺑﻲ ﻛﺪﺍﻣﻪ
ﺷﻴﻤﺎﺀ ﺗﻀﺤﻚ .. ﺯﻳﻦ ﺍﻧﺘﻲ ﻣﻮ ﻣﻦ ﻋﻮﺍﻳﺪﺝ ﺗﻠﺒﺴﻴﻦ
ﺣﺬﺍ ﻛﻌﺐ ﻋﺎﻟﻲ ﺷﻨﻮ ﻏﻴﺮ ﺭﺃﻳﺞ
ﺟﺎﻭﺑﺘﻬﺎ ﻻ ﺍﺭﺩﺍﻳﺎ
.. ﻳﺎﻋﻨﻲ ﻟﺒﺴﺘﻪ ﺣﺘﻰ ﺍﺣﺎﻭﻝ ﺍﻟﻔﺖ ﺍﻧﺘﺒﺎﻩ
ﺯﻭﺟﻲ ﺍﻟﻌﺰﻳﺰ ﻳﻌﻨﻲ ﺍﻏﺮﻳﻪ ﺣﺘﻰ ﻳﻨﻌﺠﺐ ﺑﻴﺔ
ﺷﻴﻤﺎﺀ ﻋﻘﺪﺕ ﺣﻮﺍﺟﺒﻬﺎ ﻭﺣﺠﺖ ﺑﺠﺪﻳﺔ
.. ﻫﺎﻱ ﺷﻨﻮ ﻫﺪﻯ ﻣﻦ ﺷﻮﻛﺖ ﻫﺬﺍ ﺍﻟﺤﺠﻲ
ﺷﻨﻮ ﺍﻓﻬﻢ ﻣﻦ ﻛﻼﻣﺞ ﺍﻥ ﺍﻧﺘﻲ ﻏﻴﺮﺗﻲ ﺭﺃﻳﺞ
ﻭﻧﻮﻳﺘﻲ ﺗﺴﺘﻤﺮﻳﻦ ﺑﺰﻭﺍﺟﺞ ﻭﻳﺔ ﻗﺎﺳﻢ ﻟﻮ ﻫﻲ ﻣﺤﺎﻭﻟﺔ ﺍﺭﺿﺎﺀ ﻏﺮﻭﺭ
ﺟﻨﺎ ﺍﻧﻲ ﻭﺷﻴﻤﺎﺀ ﻧﺤﺠﻲ ﻭﻧﺎﺳﻴﻦ ﺍﻛﻮ ﺍﺫﺍﻥ ﺗﺴﻤﻌﻨﺎ ﻭﺗﺤﻠﻞ ﺑﻜﻼﻣﻨﺎ
ﻣﺮﻭﺓ ﻋﺎﻗﺪﺓ ﺣﻮﺍﺟﺒﻬﺎ ﺑﺴﺘﻐﺮﺍﺏ ﻭﻛﺎﻟﺖ
......
ﺍﻭﻛﻔﻮﺍ .. ﺍﻧﺘﻈﺮﻭﺍ ﻟﺤﻈﺔ ﺍﻧﻲ ﻛﻠﺸﻲ ﻣﺎ ﺍﻓﺘﻬﻤﺖ
ﺷﻴﻤﺎﺀ ﺷﻨﻮ ﺗﻘﺼﺪﻳﻦ
ﻫﺪﻯ ﻧﻮﺕ ﺗﺴﺘﻤﺮ ﺑﺤﻴﺎﺗﻬﺎ ﻭﻳﺔ ﻗﺎﺳﻢ
ﻟﻴﺶ ﻫﻲ ﺷﻨﻮ ﺟﺎﻧﺖ ﺗﺴﻮﻱ ﻛﻞ ﻫﺎﻱ ﺍﻟﻔﺘﺮﺓ
ﺑﺎﻭﻋﺖ ﻟﺸﻴﻤﺎﺀ ﻭﺍﻧﺘﺒﻬﺖ ﻟﻬﻔﻮﺓ ﺍﻟﺴﺎﻧﻲ ﻭﺩﻧﻜﺖ ﻣﺮﺗﺒﻜﺔ
ﺷﻴﻤﺎﺀ ﺣﺠﺖ ﺗﺮﻳﺪ ﺗﻐﻴﺮ ﺍﻟﻤﻮﺿﻮﻉ
ﺑﺲ ﺍﻧﻲ ﻗﺎﻃﻌﺘﻬﺎ ﻭﻛﻠﺘﻠﻬﺎ
.. ﻟﺤﻈﺔ ﺷﻴﻤﺎﺀ ﻣﻴﺤﺘﺎﺝ ﺍﺿﻢ ﻋﻠﻰ ﺧﻮﺍﺗﻲ
ﺑﺎﻭﻋﺖ ﻟﻤﺮﻭﺓ
.. ﻣﺮﻭﺓ ﺍﻛﻴﺪ ﺍﻧﺘﻲ ﻋﺮﻓﺘﻲ ﺷﻨﻮ ﺳﺒﺐ ﺯﻭﺍﺟﻲ
ﻭﺍﻟﻈﺮﻭﻑ ﺍﻟﻲ ﺻﺎﺭﺕ ﺑﻴﻬﺎ
ﻣﺮﻭﺓ .. ﺍﻱ ﺍﻋﺮﻑ ﺑﺲ ﺭﻏﻢ ﺍﻟﻲ ﺻﺎﺭ ﺍﻟﻲ ﺍﻓﺘﻬﻤﺘﻪ
ﺍﻭ ﺍﻟﺼﻮﺭﺓ ﺍﻟﻌﺎﻣﺔ ﻋﺒﺎﻟﻲ ﺍﺗﻘﺒﻠﺘﻲ ﺍﻟﻮﺿﻊ ﻭﺍﺧﺬﺗﻲ ﺍﻻﻣﻮﺭ ﻋﻠﻰ ﻣﺎ ﻫﻲ ﻋﻠﻴﻪ
.. ﺑﺎﻟﺤﻘﻴﻘﺔ ﺍﻧﻲ ﺻﺤﻴﺢ ﺍﺗﻘﺒﻠﺖ ﺍﻟﻮﺿﻊ
ﻟﻜﻦ ﻣﻜﺪﺭﺕ ﺍﺗﻌﺎﻣﻞ ﻭﻳﺔ ﺍﻻﻣﻮﺭ ﻋﻠﻰ ﻣﺎ ﻫﻲ ﻋﻠﻴﻪ
ﻭﻭﺑﻌﺪﻫﺎ ﺑﺪﻳﺖ ﺍﺣﺠﻲ ﻟﻤﺮﻭﺓ ﻋﻦ ﻛﻠﺸﻲ ﻳﺨﺺ ﺯﻭﺍﺟﻲ
ﺑﻘﺎﺳﻢ ﻭﺷﻠﻮﻥ ﻋﺸﺖ ﻭﻳﺎﻩ
ﻣﺮﻭﺓ ﺑﻐﻀﺐ .. ﻳﻌﻨﻲ ﻫﺴﺔ ﺍﻓﺘﻬﻢ ﻣﻦ ﻫﺬﺍ ﻛﻼﻣﺞ ﺍﻥ
ﺣﻀﺮﺗﺞ ﻫﺴﺔ ﻋﺎﻳﺸﺔ ﻭﻳﺔ ﻗﺎﺳﻢ
ﺑﺲ ﻣﺠﺮﺩ ﺻﻮﺭﺓ
ﻫﺰﻳﺖ ﺭﺍﺳﻲ ﺑﻤﻮﺍﻓﻘﺔ
.. ﺯﻳﻦ ﺍﻧﺘﻲ ﻣﻦ ﺷﻔﺘﻲ ﺭﻭﺣﺞ ﺗﺨﺎﻓﻴﻦ ﻣﻨﻪ ﻭﻣﻦ ﻏﻀﺒﻪ ﻭﻋﺮﻓﺘﻲ ﺑﻲ ﻳﺤﺐ ﺑﻨﺖ ﻋﻤﻪ ﻭﻳﺮﻳﺪ ﻳﺘﺰﻭﺟﻬﺎ ﻭﻋﺮﻓﺘﻲ ﺑﺮﻭﺣﺞ ﺍﻥ ﺍﻧﺘﻲ ﻣﺘﻜﺪﺭﻳﻦ ﺗﺴﺘﻤﺮﻳﻦ ﻭﻳﺎﻩ ﻭﺗﺪﺭﻳﻦ ﺑﺮﻭﺣﺞ ﺍﻥ ﻣﻮ ﻫﻲ ﻫﺎﻱ ﺍﻟﺤﻴﺎﺓ ﺍﻟﺘﺮﺩﻳﻬﺎ ﻟﻨﻔﺴﺞ
ﻟﻴﺶ ﻣﻄﻠﺒﺘﻲ ﻣﻨﻪ ﺍﻟﻄﻼﻕ ﻣﻦ ﺍﻟﺒﺪﺍﻳﺔ ﻭﺧﺼﻤﺘﻲ
ﺍﻻﻣﻮﺭ
ﺩﻧﻜﺖ ﺭﺍﺳﻲ ﻭﺣﺠﻴﺖ
.. ﻣﻜﺪﺭﺕ ﺍﻃﻠﺐ ﺍﻟﻄﻼﻕ ﻻﻥ ﺟﻨﺖ ﺑﻮﻛﺘﻬﺎ ﺧﺎﻳﻔﺔ ﻣﻦ ﺍﺛﻴﺮ ﻳﺒﻄﺶ ﺑﻴﺔ ﻭﺍﻟﻨﺎﺱ ﻣﺮﺍﺡ ﻳﺮﺣﻤﻤﻮﻧﻲ
ﻭﻟﺘﻨﺴﻴﻦ ﺍﻧﺘﻲ ﺟﻨﺘﻲ ﺳﺘﻮﺝ ﺭﺍﺟﻌﺔ ﻟﺤﻴﺎﺗﻨﺎ
ﻳﻌﻨﻲ ﻣﺠﻨﺖ ﻣﺨﻠﻴﺔ ﺑﺒﺎﻟﻲ ﺍﻃﻠﺐ ﻣﻨﺞ ﺍﻟﻤﺴﺎﻋﺪﺓ
.. ﺯﻳﻦ ﺍﻧﺘﻲ ﺷﻠﻮﻥ ﺗﺮﺿﻴﻬﺎ ﻋﻠﻰ ﻧﻔﺴﺞ ﺗﻌﻴﺸﻴﻦ ﻭﻳﺔ ﺭﺟﺎﻝ
ﻣﺎ ﺗﻤﻠﻜﻴﻦ ﻋﻠﻴﻪ ﺍﻱ ﺣﻘﻮﻕ
ﻭﺗﺨﻠﻴﻪ ﻳﺼﺮﻑ ﻋﻠﻴﺞ ﻭﻳﻮﻓﺮﻟﺞ ﺍﻟﺤﻤﺎﻳﺔ
ﻭﺗﻌﻴﺸﻴﻦ ﺗﺤﺖ ﺳﻘﻔﻪ . ﻟﺤﺪ ﻣﻴﺘﺰﻭﺝ ﺑﻨﺖ ﻋﻤﻪ
ﻭﺗﻄﻠﻌﻴﻦ ﻣﻦ ﺣﻴﺎﺗﻪ ﻳﻌﻨﻲ ﺣﻀﺮﺗﺞ ﺩﺗﺴﺘﻐﻠﻴﻦ ﻛﺮﻣﻪ
ﻭﻋﻄﻔﻪ ﻋﻠﻴﺞ
ﺣﺠﻴﺖ ﺑﻘﻬﺮ .. ﻣﺮﻭﺓ ﺣﻘﻲ ﺍﺳﻮﻱ ﻫﺸﻜﻞ
ﺗﺮﺓ ﺍﻟﻐﺮﻛﺎﻥ ﻳﺘﻌﻠﻖ ﺑﻘﺸﺔ ﻏﺼﺐ ﻋﻨﻲ
ﻣﻦ ﺷﻔﺖ ﺣﻤﺎﻳﺘﻪ ﻭﺣﺮﺻﻪ ﻋﻠﻰ ﺍﻣﻪ ﻭﺧﻮﺍﺗﻪ
ﻃﻤﻌﺖ ﻭﺍﺗﻤﻨﻴﺖ ﺍﻋﻴﺶ ﺑﻈﻠﻪ
ﺍﻧﺘﻲ ﻣﺸﻔﺘﻲ ﺍﺛﻴﺮ ﺷﻠﻮﻥ
ﺫﻟﻨﻲ ﻭﻋﺬﺑﻨﻲ ﻭﺳﻮﺩ ﻋﻴﺸﺘﻲ
ﺑﻌﺪ ﻛﻞ ﻫﺬﺍ ﺍﻟﻀﻴﻢ ﺍﻟﻲ ﺷﻔﺘﻪ ﻋﻠﻰ ﺍﻳﺪ ﺍﺛﻴﺮ
ﻭﻓﺠﺎﺀﺓ ﻟﻜﻴﺖ ﻧﻔﺴﻲ ﺍﺗﻨﻌﻢ ﺑﺪﻓﻮﺍ ﻭﺣﻨﺎﻥ
ﺍﻫﻞ ﻗﺎﺳﻢ
ﺟﻨﺖ ﻣﻤﺴﺘﻌﺪﺓ ﺍﺗﺮﻙ ﺣﻤﺎﻳﺔ ﻗﺎﺳﻢ
ﻭﺍﺭﺟﻊ ﻟﻈﻠﻢ ﺍﺛﻴﺮ
ﻓﻜﺮﺕ ﻭﻛﻠﺖ ﺍﻃﻠﻊ ﻣﻦ ﺣﻴﺎﺗﻪ ﻋﻠﻰ ﺍﻻﻗﻞ ﻟﺤﺪﻣﺎ ﺍﻛﺪﺭ
ﺍﻭﻛﻒ ﻋﻠﻰ ﺭﺟﻠﻲ ﻭﺍﻋﺘﻤﺪ ﻋﻠﻰ ﻧﻔﺴﻲ
ﻳﻌﻨﻲ ﻣﻨﺎ ﻋﻠﻤﺎ ﻳﺘﺰﻭﺝ ﺑﻨﺖ ﻋﻤﻪ ﺍﻛﻮﻥ ﺍﻧﻲ
ﻗﻮﻳﺔ ﻭﻣﺴﺘﻌﺪﺓ ﻟﺤﺘﻰ ﺍﺑﺪﻱ ﺣﻴﺎﺗﻲ ﺍﻟﺠﺪﻳﺪﺓ
ﻭﺣﺘﻰ ﻳﻜﻮﻥ ﻋﻨﺪﻱ ﻋﺬﺭﻱ ﻛﺪﺍﻡ ﺍﻟﻨﺎﺱ ﺍﻥ
ﺍﻧﻲ ﺍﺗﻄﻠﻘﺖ ﻣﻦ ﻗﺎﺳﻢ ﻻﻥ ﺍﺗﺰﻭﺝ ﻋﻠﻴﺔ
ﻭﺧﻼﺹ ﺑﻌﺪ ﻣﺤﺪ ﻳﻜﺪﺭ ﻳﻤﺴﻨﻲ ﺑﺤﺠﺎﻳﺔ
......
ﻣﺮﻭﺓ .. ﺣﺘﻰ ﻟﻮ ﻛﺎﻧﺖ ﻋﻨﺪﺝ ﺍﺳﺒﺎﺑﺞ ﺑﺲ ﻫﺬﺍ ﺍﻟﺸﻲ
ﻣﻴﺴﻤﺤﻠﺞ ﺗﺴﻮﻳﻦ ﻫﺸﻜﻞ
.. ﻣﺮﻭﺓ . ﻻﺗﻔﻜﺮﻳﻦ ﺍﻥ ﺗﻄﻠﺒﻴﻦ ﻣﻦ ﻭﺣﺪﺓ ﺷﺎﻓﺖ ﺍﻟﻠﻮﻋﺔ ﻭﺍﻟﺤﺮﻣﺎﻥ ﻭﺍﻟﻈﻠﻢ ﺑﻜﻞ ﺍﻧﻮﺍﻋﻪ
ﺍﻥ ﺗﺘﻨﺎﺯﻝ ﻋﻦ ﻣﺄﻭﺍﻫﺎ ﺑﻜﻞ ﺳﻬﻮﻟﺔ
ﺍﻧﺎ ﻫﺬﺍ ﺣﺎﻟﻲ ﺟﺎﻥ ﻣﻦ ﻟﻜﻴﺖ ﺍﻻﻣﺎﻥ ﺑﺒﻴﺖ
ﻗﺎﺳﻢ ﻛﺎﻥ ﻣﺜﻞ ﺍﻟﻤﻼﺫ ﺑﺬﻳﺞ ﺍﻟﻔﺘﺮﺓ
ﻭﺍﻧﻲ ﺑﺸﺮ ﻣﻮ ﻣﻼﻙ
ﻣﺮﻭﺓ .. ﻋﻠﻰ ﺍﻟﻌﻤﻮﻡ . ﺍﻟﻲ ﺻﺎﺭ ﺻﺎﺭ
ﻭﻫﺴﺔ ﺑﻤﺎ ﺍﻥ ﺍﻟﻮﺿﻊ ﺍﺗﻐﻴﺮ
ﻭﺍﻧﻲ ﻣﻮﺟﻮﺩﺓ ﺑﻌﺪ ﻣﺎ ﻋﻨﺪﺝ ﻋﺬﺭ ﺗﺒﻘﻴﻦ
ﻋﺎﻳﺸﺔ ﻋﺎﻟﺔ ﻋﻠﻴﻪ
ﻭﺑﻤﺎ ﺍﻥ ﻣﻜﺎﻧﺞ ﻭﻳﺎﻩ ﻏﻠﻂ ﻓﺄﺣﺴﻦ ﻟﺞ
ﺗﻄﻠﺒﻴﻦ ﻣﻨﻪ ﺍﻟﻄﻼﻕ
ﻭﺗﺘﻨﺎﺯﻟﻴﻦ ﻋﻦ ﺍﻟﻤﺆﺧﺮ ﺍﻟﻲ ﺣﺎﻃﻪ ﺍﺑﻮﺝ ﺣﺘﻰ ﻳﻜﺴﺮ ﻇﻬﺮ ﺍﻟﻮﻟﺪ ﺑﻲ
ﺍﻧﻲ ﺍﺷﻮﻑ ﻫﺬﺍ ﺍﻟﺘﻨﺎﺯﻝ ﺭﺍﺡ ﻳﻜﻮﻥ ﺍﺑﺴﻂ ﺷﻲ ﺗﻘﺪﻣﻴﻨﻪ
ﻟﻜﺮﻡ ﻗﺎﺳﻢ ﻭﺍﻫﻠﻪ ﻭﻳﺎﺝ
ﻣﺎ ﺍﻋﺮﻑ ﺷﺼﺎﺭ ﺑﻴﺔ ﻣﻦ ﺟﺎﺑﺖ ﺳﻴﺮﺓ ﺍﻟﻄﻼﻕ
ﺍﺣﺲ ﻛﻠﺒﻲ ﺍﺟﺔ ﻳﻄﻠﻊ ﻣﻦ ﺻﺪﺭﻱ
ﺭﻓﻌﺖ ﺭﺍﺳﻲ ﻭﻏﺼﺐ ﻋﻨﻲ ﺩﻣﻮﻋﻲ ﻧﺰﻟﺖ
ﻭﺣﺠﻴﺖ
.. ﺗﺪﺭﻳﻦ ﻣﺮﻭﺓ ﻟﻮ ﺟﺎﻳﺘﻨﻲ ﺑﺒﺪﺍﻳﺔ ﺯﻭﺍﺟﻲ ﻣﻦ ﻗﺎﺳﻢ ﻭﻃﺎﻟﺒﺔ ﻣﻨﻲ ﻫﺬﺍ ﺍﻟﻄﻠﺐ ﺟﺎﻥ ﻭﺍﻓﻘﺖ ﺍﺗﻄﻠﻖ ﺑﻠﺤﻈﺘﻬﺎ ﺑﺪﻭﻥ ﻣﺎ ﻳﺮﻓﻠﻲ ﺍﻱ ﺟﻔﻦ
ﺑﺲ ﻫﺴﺔ ﺑﻌﺪﻣﺎ ﻋﺸﺖ ﻭﻳﺎﻩ ﻭﺟﺮﺑﺖ ﺣﻨﺎﻧﻪ ﻭﺣﺮﺻﻪ ﻋﻠﻴﺔ
ﻟﻜﻴﺖ ﺭﻭﺣﻲ ﻏﺼﺐ ﻋﻨﻲ ﺍﺣﺒﻪ
ﺻﺮﺕ ﺍﻋﺸﻖ ﻛﻞ ﺻﻔﺎﺗﻪ ﺍﻟﺤﻠﻮﺓ ﻭﺍﻟﻤﺮﺓ
ﺍﺣﺒﻪ ﺑﻜﻞ ﺣﺎﻻﺗﻪ ﻭﻫﻮ ﻣﻌﺼﺐ ﻭﻫﻮ ﺯﻋﻼﻥ ﻭﻫﻮ ﺭﺍﺿﻲ
ﻭﻣﻘﻬﻮﺭ ﻭﻫﻮ ﻣﺮﻳﺾ ﻭﻓﺮﺣﺎﻥ ﺑﻜﻠﺸﻲ
ﺍﺻﻼ ﻣﺪﺍ ﺍﺗﺨﻴﻞ ﺣﻴﺎﺗﻲ ﺑﺪﻭﻧﻪ ﺭﺍﺡ ﺗﺼﻴﺮ ﻣﺎﻟﻬﺔ ﻃﻌﻢ
ﺷﻴﻤﺎﺀ ﺗﺒﺎﻭﻉ ﻋﻠﻴﺔ ﻭﻛﺎﻟﺖ .. ﻳﻌﻨﻲ ﺍﻧﺘﻲ ﻭﻛﻌﺘﻲ ﺑﺤﺐ ﻗﺎﺳﻢ
ﺑﺎﻟﺮﻏﻢ ﺗﻌﺮﻓﻴﻦ ﺑﻲ ﻛﻠﺒﻪ ﻳﺤﺐ ﻭﺣﺪﺓ ﻏﻴﺮﺝ
.. ﺍﻧﻲ ﻣﺎﻟﻲ ﺳﻠﻄﺔ ﻋﻠﻰ ﻛﻠﺒﻲ ﻣﺎ ﺍﻛﺪﺭ ﺍﺗﺤﻜﻢ ﺑﻲ
ﻭﺍﻟﺤﺐ ﻣﺜﻞ ﺍﻟﺤﺮﺍﻣﻲ ﻣﻦ ﻳﺮﻳﺪ ﻳﺒﻮﻙ ﺑﻴﺖ
ﻣﺎ ﻳﺴﺘﺄﺫﻥ ﻳﺴﺘﻐﻞ ﺳﻬﻮﺓ ﻭﺍﻧﺸﻐﺎﻝ ﺍﻫﻞ ﺍﻟﺒﻴﺖ
ﻭﻳﺪﺧﻞ ﻋﻠﻰ ﻏﻔﻠﺔ ﻳﺴﺮﻗﻬﻢ
ﻫﺬﺍ ﺣﺎﻝ ﺍﻟﺤﺐ ﻣﻴﺤﺘﺎﺝ ﺍﺫﻥ
ﺣﺘﻰ ﻳﺪﺧﻞ ﻛﺒﻞ ﻳﺘﻮﻏﻞ ﻟﻠﻜﻠﺐ ﻭﻳﺘﺮﺑﻊ ﺑﻲ
ﻭﺍﻧﻲ ﻫﺬﺍ ﺣﺎﻟﻲ ﻭﻳﺔ ﻗﺎﺳﻢ ﻣﺎ ﻭﻋﻴﺖ ﻋﻠﻰ ﺭﻭﺣﻲ ﺍﻻ ﻭﺍﻧﻲ ﻏﺮﻛﺎﻧﺔ ﺑﺤﺐ ﻗﺎﺳﻢ ﺑﺪﻭﻥ ﻣﺎ ﺍﺣﺲ
ﻟﺬﻟﻚ ﺍﻧﻲ ﻗﺮﺭﺕ ﺍﺗﻤﺴﻚ ﺑﺰﻭﺍﺟﻲ ﻭﻣﺴﺘﺤﻴﻞ ﺍﺗﻨﺎﺯﻝ ﻋﻨﻪ
ﻣﺮﻭﺓ .. ﻣﺎ ﺍﻋﺮﻑ ﺷﻨﻮ ﺍﻛﻠﺞ ﻳﺎ ﻫﺪﻯ ﻋﻠﻰ ﺍﻟﻌﻤﻮﻡ
ﻫﺎﺫﻱ ﺣﻴﺎﺗﺞ ﻭﺍﻧﺘﻲ ﻛﺒﻴﺮﺓ ﻭﺗﻌﺮﻓﻴﻦ ﻣﺼﻠﺤﺘﺞ ﻭﻳﻦ
ﺍﺗﻤﻨﻰ ﺗﻜﻮﻧﻴﻦ ﻣﺘﺄﻛﺪﺓ ﻣﻦ ﻗﺮﺍﺭﺝ
ﺣﺘﻰ ﻣﺘﺘﺄﺫﻳﻦ
ﺍﺑﺘﺴﻤﺖ .. ﻣﺮﻭﺓ ﻟﺘﺨﺎﻓﻴﻦ ﻋﻠﻴﺔ ﺍﻧﻲ ﻛﻠﻲ ﺍﻣﻞ
ﺍﻥ ﻗﺎﺳﻢ ﻳﻜﻮﻥ ﺍﻟﻲ
ﺟﻨﺖ ﺍﺣﺠﻲ ﻭﺍﻧﻲ ﺍﺗﺬﻛﺮ ﺍﻧﻔﺼﺎﻟﻪ ﻋﻦ ﺑﻨﺖ ﻋﻤﻪ ﻫﺬﺍ
ﺍﻛﺒﺮ ﺍﻣﻞ ﺍﻟﻲ ﻳﺨﻠﻴﻨﻲ ﺍﺟﺎﺯﻑ ﻭﺍﺗﻘﺪﻡ ﺑﺤﻴﺎﺗﻲ ﻭﻳﺔ ﻗﺎﺳﻢ
ﺷﻴﻤﺎﺀ .. ﺍﻟﻠﻪ ﻳﻮﻓﻘﺞ ﺣﺒﻴﺒﺘﻲ
ﺍﺟﺘﻲ ﻣﺮﻳﻢ ﻭﺷﺎﻳﻠﺔ ﺑﻴﺪﻫﺎ ﺻﻴﻨﻴﺔ ﻛﻴﻚ ﻭﻋﺼﻴﺮ
ﻭﺭﺍﻫﺎ ﻣﺸﻤﺶ ﺗﻄﻔﺮ ﻣﻨﺎ ﻭﻣﻨﺎ
ﻟﺰﻣﺘﻬﺎ ﻭﺣﻄﻴﺘﻬﺎ ﺑﺤﻀﻨﻲ
.. ﻟﺞ ﺗﻌﺎﻱ ﻟﺰﻣﺘﺞ ﻭﻳﻦ ﺗﺮﺣﻴﻦ ﻣﻨﻲ ﺍﻟﻴﻮﻡ ﺍﻻ ﺍﻛﻞ ﺧﺪﻭﺩﺝ
ﻭﺻﺮﺕ ﺍﺩﻏﺪﻏﻬﺎ ﻭﻫﻲ ﺗﻀﺤﻚ
.....
ﻣﺮﻳﻢ .. ﻫﺪﻯ ﻫﺎﺝ ﺍﺧﺬﻱ ﺍﻟﻌﺼﻴﺮ ﻣﺎﻟﺘﺞ ﻭﻣﺎﻟﺖ ﻣﺸﻤﺶ ﻭﺍﻧﺘﺒﻬﻲ ﻻﻳﻮﻣﻊ
ﻛﻌﺪﺕ ﻣﺸﻤﺶ ﺑﺼﻔﻲ . ﻭﺍﻧﻄﻴﺘﻬﺎ ﻋﺼﻴﺮﻫﺎ ﻭﻛﻴﻜﺔ
ﻭﺍﻧﻲ ﺍﺧﺬﺕ ﺣﺼﺘﻲ ﻭﺻﺮﺕ ﺍﺷﺮﺑﻬﺎ ﻭﻫﻲ ﺗﺎﻛﻞ
ﻣﺸﻤﺶ .. ﻻ ﻫﺪﻯ ﺍﻧﻲ ﺍﺷﻐﺐ ﻋﺼﻴﻎ ﻭﺣﺪﻱ
ﻣﺮﻭﺓ .. ﺍﻧﺘﺒﻬﻲ ﻻ ﺗﻠﻔﻴﻦ ﻣﻼﺑﺴﺞ ﺑﺎﻟﻌﺼﻴﺮ
ﺑﺎﻭﻋﺖ ﻋﻠﻴﻬﺎ ﻻﺑﺴﺔ ﻧﻔﻨﻮﻑ ﺍﺑﻴﺾ ﺣﻔﺮ ﻣﻦ ﻣﻨﻄﻘﺔ ﺍﻻﻳﺪﻳﻦ ﻭﺑﻲ ﺷﺮﻳﻂ ﺍﺣﻤﺮ ﻋﻠﻰ ﺍﻟﺨﺼﺮ ﻭﻓﻴﻮﻧﻜﺔ ﺣﻤﺮﺓ ﻗﺮﻳﺒﺔ ﻋﻠﻰ ﺍﻟﻜﺘﻒ
.. ﻣﺸﻤﺶ ﺧﻠﻴﻨﻲ ﺍﻧﻲ ﺍﺷﺮﺑﺞ ﻋﺼﻴﺮ
ﺣﺮﺍﻣﺎﺕ ﺑﺪﻟﺘﺞ ﻛﻠﺶ ﺣﻠﻮﺓ ﻻ ﺗﺘﻮﺳﺦ
ﻣﺸﻤﺶ .. ﺣﺘﻰ ﺧﺎﻟﺔ ﻓﺎﺗﻦ ﺍﻟﻴﻮﻡ ﻣﻦ ﺷﺎﻓﺘﻨﻲ ﻛﺎﻟﺖ ﺑﺪﻟﺘﺞ ﻛﻠﺶ ﺣﻠﻮﺓ
ﺍﻧﺘﺒﻬﺖ ﻟﻤﺮﻭﺓ ﻋﻘﺪﺕ ﺣﻮﺍﺟﺒﻬﺎ ﻣﺴﺘﻐﺮﺑﺔ
ﺳﺄﻟﺘﻬﺎ ﺣﺘﻰ ﺗﺘﺄﻛﺪ
.. ﻣﺎﻣﺎ ﻣﺸﻤﺶ ﺣﺒﻴﺒﺘﻲ ﻗﺼﺪﺝ ﺑﺬﺍﻙ ﺍﻟﻴﻮﻡ ﺧﺎﻟﺔ ﻓﺎﺗﻦ ﻛﺎﻟﺖ ﻋﻠﻰ ﻓﺴﺘﺎﻧﺢ ﺣﻠﻮ ﻣﻮ ﺍﻟﻴﻮﻡ
ﻣﺸﻤﺶ .. ﻻ ﻣﺎﻣﺎ ﺧﺎﻟﺔ ﻓﺎﺗﻦ ﺍﻟﻴﻮﻡ ﻛﻠﺘﻠﻲ ﻓﺴﺘﺎﻧﺞ ﺣﻠﻮ
ﺍﺑﺎﻭﻉ ﻟﻤﺮﻭﺓ ﺗﺤﺠﻲ ﻭﻳﺔ ﻧﻔﺴﻬﺎ ﺑﺼﻮﺕ ﻋﺎﻟﻲ ﻭﻛﺎﻟﺖ
ﻭﻫﻲ ﻋﺎﻗﺪﺓ ﺣﻮﺍﺟﺒﻬﺎ ﻣﺴﺘﻐﺮﺑﺔ
.. ﻋﺠﻴﺐ ﻟﻌﺪ ﻟﻴﺶ ﺍﻟﻴﻮﻡ ﻣﻦ ﺍﺗﺼﻠﺖ ﻋﻠﻴﻬﺎ ﺣﺘﻰ ﺍﺟﻴﻬﺎ
ﻛﺎﻟﺖ ﻟﺘﺠﻴﻦ ﺍﻧﻲ ﻣﺴﺎﻓﺮﺓ
ﺍﻧﺘﺒﻬﺖ ﻋﻠﻴﻬﺎ ﻧﻔﻀﺖ ﺭﺍﺳﻬﺎ ﻣﻦ ﺍﻻﻓﻜﺎﺭ
ﻭﺭﺟﻌﺖ ﺗﺤﺠﻲ ﻭﻳﺎﻧﺎ
ﺷﻴﻤﺎﺀ .. ﺍﻱ ﺻﺪﻙ ﻣﺮﻭﺓ ﺍﺗﺬﻛﺮﺕ ﻗﺒﻞ ﻻ ﺍﺭﻭﺡ
ﻣﻦ ﺍﺗﺼﻠﺘﻲ ﻋﻠﻴﻪ ﺍﻟﺒﺎﺭﺣﺔ ﻛﻠﺘﻲ ﻋﻨﺪﻱ ﻣﻮﺿﻮﻉ ﻣﻬﻢ
ﺍﺭﻳﺪﺝ ﺑﻲ ﺷﻨﻮ ﻫﻮ ﺍﻟﻤﻮﺿﻮﻉ
ﻣﺮﻭﺓ .. ﻋﻔﻴﺔ ﻋﻠﻴﺞ ﺫﻛﺮﺗﻴﻨﻲ
ﺑﺎﻟﺤﻘﻴﻘﺔ ﺍﻟﻤﻮﺿﻮﻉ ﺍﻟﺮﺩﺗﺞ ﺑﻲ ﻳﺨﺺ ﻋﻴﺎﺩﺗﻲ
.. ﺷﻨﻮ ﺷﺒﻴﻬﺎ ﻋﻴﺎﺩﺗﺞ
.. ﻃﺒﻌﺎ ﺑﺎﻟﺼﺪﻓﺔ ﺟﻨﺖ ﻛﺎﻋﺪﺓ ﻭﻳﺔ ﺻﺪﻳﻘﺘﻲ ﺍﻟﺪﻛﺘﻮﺭﺓ
ﺳﻮﻻﻑ ﺷﻲ ﺍﻛﻴﺪ ﺗﻌﺮﻓﻴﻬﺎ ﻻﻥ ﻫﻲ ﺗﺪﺍﻭﻡ ﺑﻨﻔﺲ ﺍﻟﻤﺴﺘﺸﻔﻰ ﺍﻟﻲ ﺍﻧﺘﻲ ﺗﺪﺍﻭﻣﻴﻦ ﺑﻴﻬﺎ
.. ﺍﻱ ﺷﻠﻮﻥ ﻣﺎ ﺍﻋﺮﻓﻬﺎ ﺍﻟﺪﻛﺘﻮﺭﺓ ﺳﻮﻻﻑ ﻭﺭﺩﺓ ﻣﺎﻝ ﺍﻟﻠﻪ
ﺟﺎﻧﺖ ﻫﻲ ﺍﻟﻲ ﺗﻮﺻﻠﻲ ﺍﺧﺒﺎﺭﺝ ﻭﺗﻄﻤﻨﻲ ﻋﻠﻴﺞ
.. ﻫﻮ ﺍﺣﻨﺎ ﺑﺬﺍﻙ ﺍﻟﻴﻮﻡ ﺣﺠﻴﻨﺎ ﺑﻴﺞ
ﺻﺪﻓﺔ ﺷﺎﻓﺘﻨﻲ ﺍﺗﻌﺎﺭﻛﺖ ﻭﻳﺔ ﻣﺪﻳﺮﺓ ﺍﻟﻤﺮﻛﺰ
ﻭﺻﺎﺭ ﺍﺷﻜﺎﻝ ﺍﺩﺭﺍﻱ ﺑﻴﻨﻲ ﻭﺑﻴﻨﻬﺎ
ﻛﺎﻧﺖ ﻏﻴﺮ ﻣﻨﻈﻤﺔ ﺑﺄﺧﺬ ﺍﻟﻤﻮﺍﻋﻴﺪ
ﻭﺍﻧﺘﺒﻬﺖ ﻋﻠﻴﻬﺎ ﻣﻦ ﺗﺘﻌﺎﻣﻞ ﻭﻳﺔ ﺍﻟﻤﺮﺍﺟﻌﻴﻦ
ﻣﺎ ﻋﻨﺪﻫﺎ ﺍﺳﻠﻮﺏ ﺑﺎﻟﻜﻼﻡ ﻭﻳﺎﻫﻢ
ﻭﻫﺬﺍ ﺍﻟﺸﻲ ﺩﺍﺋﻤﺎ ﻳﺨﻠﻴﻨﻲ ﺑﻤﻮﺍﻗﻒ ﻣﺤﺮﺟﺔ ﻭﻳﺔ ﻣﺮﺍﺟﻌﺎﺗﻲ
ﻓﺴﻮﻻﻑ ﺍﻗﺘﺮﺣﺖ ﻋﻠﻴﺔ ﻭﻛﺎﻟﺖ
ﺍﻧﺘﻲ ﻟﻴﺶ ﻣﺘﻄﻠﺒﻴﻦ ﻣﻦ ﺷﻴﻤﺎﺀ ﺗﺠﻲ ﺗﺴﺘﻠﻢ ﻣﻜﺎﻧﻬﺎ ﻭﺗﺪﻳﺮ
ﻋﻴﺎﺩﺗﺞ
ﻃﺒﻌﺎ ﺍﻧﻲ ﺍﺣﺠﻲ ﻋﻦ ﺗﺠﺮﺑﺔ ﻣﻮ ﻻﻥ ﺍﺧﺘﺞ ﺍﻗﺘﺮﺣﺘﻬﺎ
ﻋﻠﻴﺞ . ﺑﺲ ﺑﺎﻟﺤﻘﻴﻘﺔ ﻓﻌﻼ ﺷﻴﻤﺎﺀ
ﺷﺨﺼﻴﺘﻬﺎ ﻗﻮﻳﺔ ﻭﺗﻔﻴﺪﺝ ﺑﻬﻴﺞ ﺍﻣﻮﺭ ﻭﺣﺘﻰ ﻣﻨﻈﻤﺔ ﻭﻋﻨﺪﻫﺎ ﺧﺒﺮﺓ ﺑﺎﻟﻌﻴﺎﺩﺍﺕ ﺍﻟﻨﺴﺎﺋﻴﺔ ﻭﺣﺘﻰ ﺗﻜﺪﺭ ﺗﺴﺎﻋﺪﺝ
ﺷﻴﻤﺎﺀﺍﺑﺘﺴﻤﺖ ﻭﻛﺎﻟﺖ
.. ﺍﻱ ﺧﻄﻴﺔ ﺟﺎﻧﺖ ﺩﺍﺋﻤﺎ ﺗﻜﻮﻟﻲ ﺍﻧﺘﻲ ﺍﻟﻤﻤﺮﺿﺔ ﺍﻟﻤﻔﻀﻠﺔ ﻋﻨﺪﻱ ﻣﺴﺄﻟﺔ ﺍﻧﺴﺠﺎﻡ ﺑﺎﻟﻌﻤﻞ ﺍﻟﺜﻨﺎﺋﻲ
.....
ﻃﺒﻌﺎ ﺍﻧﺎ ﺍﺷﻜﺮﻫﺎ ﻻﻥ ﻟﻔﺘﺖ ﺍﻧﺘﺒﺎﻫﻲ ﻋﻠﻰ ﻫﺎﻱ ﺍﻟﻔﻘﺮﺓ
ﺻﺪﻙ ﺷﻴﻤﺎﺀ ﺍﻧﺘﻲ ﻟﻴﺶ ﻣﺎ ﺗﺒﻄﻠﻴﻦ ﻣﻦ ﺷﻐﻠﺞ ﺑﺎﻟﻤﺴﺘﺸﻔﻰ
ﻭﺗﺠﻴﻦ ﻭﻳﺎﻱ ﺑﺎﻟﻤﺮﻛﺰ
ﺗﺴﺎﻋﺪﻳﻨﻲ ﺑﻌﻴﺎﺩﺗﻲ ﻫﻢ ﺗﺴﻮﻳﻠﻲ ﻓﻀﻞ ﻭﻫﻢ ﺍﻧﺘﻲ ﺗﺮﺗﺎﺣﻴﻦ ﻣﻦ ﺷﻠﻌﺎﻥ ﺍﻟﻜﻠﺐ ﻣﻦ ﺩﻭﺍﻡ ﺍﻟﻤﺴﺘﺸﻔﻴﺎﺕ ﻭﻣﺸﺎﻛﻠﻬﺎ
ﺷﻴﻤﺎﺀ
ﺻﺎﺭ ﻛﻠﺒﻲ ﻳﻨﺘﻔﺾ ﻣﻌﺘﺮﺽ
ﻳﻌﻨﻲ ﺍﺫﺍ ﺑﻄﻠﺖ ﻣﻦ ﺍﻟﻤﺴﺘﺸﻔﻰ ﻣﻌﻨﺎﻫﺎ ﺣﻴﺪﺭ ﻳﻄﻠﻊ ﻣﻦ ﺣﻴﺎﺗﻲ ﻭﺑﻌﺪ ﻣﺎ ﺍﻛﺪﺭ ﺍﺷﻮﻓﻪ
ﻣﺠﺮﺩ ﺍﻟﺘﻔﻜﻴﺮ ﺑﻬﺬﺍ ﺍﻟﺸﻲ
ﺍﺣﺲ ﺑﺮﻭﺣﻲ ﺗﺎﻫﺖ ﺻﺤﻴﺢ ﻣﺎ ﺑﻴﻨﺎ ﺷﻲ
ﻭﺻﺤﻴﺢ ﺣﺒﻲ ﺍﻟﻪ ﻣﻦ ﻃﺮﻑ ﻭﺍﺣﺪ
ﺑﺲ ﻳﻜﻔﻴﻨﻲ ﺍﺷﻮﻓﻪ ﻭﺍﻛﺤﻞ ﻋﻴﻮﻧﻲ ﺑﺸﻮﻓﺘﻪ
ﻳﻤﻜﻦ ﻟﻮ ﺍﻛﻮﻝ ﻟﺨﻮﺍﺗﻲ ﻋﻦ ﺳﺒﺐ ﺭﻓﻀﻲ ﻟﻤﻘﺘﺮﺡ ﻣﺮﻭﺓ
ﺭﺍﺡ ﻳﺘﻬﻤﻮﻧﻲ ﺑﺎﻟﺠﻨﻮﻥ
ﻻﻥ ﻣﺎﻛﻮ ﻭﺣﺪﺓ ﻋﺎﻗﻠﺔ ﺗﺮﻓﺾ ﻫﻴﺞ ﻓﺮﺻﺔ ﺫﻫﺒﻴﺔ
ﻋﻠﻤﻮﺩ ﺳﺒﺐ ﻭﺍﻫﻦ ﻭﺿﻌﻴﻒ ﻣﺜﻞ ﺣﺒﻲ ﻟﺤﻴﺪﺭ
ﺑﺲ ﻣﻮ ﺑﻴﺪﻱ ﺍﻧﻲ ﺑﻜﻞ ﻣﻮﺍﻗﻒ ﺣﻴﺎﺗﻲ ﻛﻨﺖ ﻗﻮﻳﺔ
ﺍﻻ ﻫﺎﻱ ﺍﻟﻤﺮﺓ ﻣﻦ ﺻﺎﺭ ﺑﻴﻬﺎ ﻛﻠﺒﻲ ﺍﻟﺤﺎﻛﻢ ﺻﺮﺕ ﺍﺿﻌﻒ ﻣﻨﻲ ﻣﺎﻛﻮ ﻭﺻﺮﺕ ﺍﺗﺼﺮﻑ ﺑﻐﺒﺎﺀ
ﺟﻠﻴﺖ ﺻﻮﺗﻲ ﻭﺑﺎﻭﻋﺖ ﻟﻤﺮﻭﺓ
.. ﻃﺒﻌﺎً ﺑﺎﻟﺤﻘﻴﻘﺔ ﺍﻗﺘﺮﺍﺣﺞ ﻓﺎﺟﺌﻨﻲ ﻭﺍﻧﻲ ﺟﺪﺍً ﻣﻤﻨﻮﻧﺔ ﺍﻟﺞ
ﺑﺲ ﺍﻧﻄﻴﻨﻲ ﻓﺮﺻﺔ ﺍﻓﻜﺮ ﻓﺪ ﻛﻢ ﻳﻮﻡ ﻭﺍﻧﻄﻴﺞ ﺭﺃﺋﻲ
ﻣﺎ ﺭﺩﺕ ﺍﺟﺮﺣﻬﺎ ﻭﺍﺭﺩﻫﺎ ﺑﺴﺮﻋﺔ ﺧﻠﻲ
ﺑﻠﻜﻲ ﺗﺸﻮﻓﻠﻬﺎ ﻭﺣﺪﺓ ﺟﺪﻳﺪﺓ ﺑﺪﻳﻞ ﻋﻦ ﺫﻳﺞ ﻭﻣﺎ ﺗﺤﺘﺎﺟﻨﻲ
ﺷﻴﻤﺎﺀ .. ﺍﻱ ﺑﻨﺎﺕ ﺻﺪﻙ ﺍﺗﺬﻛﺮﺕ ﺧﺎﻟﺔ ﺍﻡ ﻓﺮﺯﺩﻕ ﺍﻟﺒﺎﺭﺣﺔ ﺍﺗﺼﻠﺖ ﻋﻠﻴﺔ ﻭﻛﺎﻟﺖ ﺗﻌﺎﻱ ﺍﻧﺘﻲ ﻭﺍﻟﺒﻨﺎﺕ
ﺑﺎﺟﺮ ﺳﻨﻮﻳﺔ ﺍﻟﻤﺮﺣﻮﻡ ﺍﺑﻮ ﻓﺮﺯﺩﻕ
ﻭﻣﺴﻮﻳﻦ ﺛﻮﺍﺏ
ﻳﺎﺭﺑﻲ ﻭﺍﻟﻠﻪ ﻣﺴﺘﺤﻴﺔ ﻣﻦ ﺧﺎﻟﺔ ﺍﻡ ﻓﺮﺯﺩﻕ
ﺍﺣﺲ ﺑﺮﻭﺣﻲ ﻫﻮﺍﻱ ﻣﻘﺼﺮﺓ ﻭﻳﺎﻫﺎ
ﻋﻔﻴﺔ ﺑﻨﺎﺕ ﺣﺎﻟﻮ ﺑﺎﺟﺮ ﺗﺠﻮﻥ ﺧﻄﻴﺔ ﻫﻮﺍﻱ ﻋﺘﺒﺖ ﻋﻠﻴﻨﺎ
.. ﺍﻱ ﻭﺍﻟﻠﻪ ﺣﺘﻰ ﺧﺎﻟﺔ ﺍﻡ ﻗﺎﺳﻢ ﻛﺎﻟﺖ ﻧﺮﻭﺡ ﻟﻠﺴﻨﻮﻳﺔ ﺍﻧﻲ
ﻋﻨﻲ ﺍﺭﻭﺡ ﻭﻳﺔ ﺍﻡ ﻗﺎﺳﻢ ﻭﺍﻟﺒﻨﺎﺕ
ﻣﺮﻭﺓ .. ﻭﺍﻟﻠﻪ ﻳﺎ ﺷﻮﻣﺔ ﺍﻧﻲ ﻋﻨﻲ ﺗﻌﺬﺭﻳﻨﻲ ﻣﺎ ﺍﻛﺪﺭ ﺍﺭﻭﺡ
ﻻﻥ ﻣﺜﻠﻤﺎ ﺗﻌﺮﻓﻴﻦ ﻣﺎ ﻋﻨﺪﻱ ﻣﺪﻳﺮﺓ ﻟﻠﻤﺮﻛﺰ ﻭﺍﻟﺸﻐﻞ
ﺻﺎﻳﺮ ﻫﻮﺳﺔ ﻭﻛﻠﻪ ﻋﻠﻴﺔ ﺣﺘﻰ ﻣﺎ ﺍﻟﺤﻚ ﺍﺣﻚ ﺭﺍﺳﻲ
ﺿﺤﻰ .. ﻭﺍﻧﻲ ﻋﻨﻲ ﻣﺴﺘﺤﻴﻞ ﻳﺨﻠﻴﻨﻲ ﺍﺳﺘﺎﺫ ﺳﻴﻒ ﺍﺭﻭﺡ ﻭﻳﺎﻛﻢ . ﻫﻮ ﺍﻟﻜﻢ ﻭﺑﺎﻟﺸﺎﻓﻌﺎﺕ ﻳﺎﻟﻠﻪ ﺧﻼﻧﻲ ﺍﺟﻲ ﺍﻟﻠﻪ ﻳﻨﻄﻲ
ﺍﻟﻜﺘﻠﺔ ﺍﻟﻲ ﺍﻛﻠﺘﻬﺎ ﺟﺎﺑﺘﻨﻲ ﺍﻟﻜﻢ
ﺟﺎﻧﺖ ﺗﺤﺠﻲ ﻭﺍﻟﻌﻴﻮﻥ ﺫﺑﻼﻧﺔ ﻭﺳﺎﺭﺣﺔ ﺑﻐﻴﺮ ﻋﺎﻟﻢ
ﺍﺻﻼ ﻃﻮﻝ ﻣﺎ ﺍﺣﻨﺎ ﻛﺎﻋﺪﻳﻦ ﻧﺤﺠﻲ ﻫﻲ ﺿﺤﻰ ﻓﺎﺻﻠﺔ ﻋﻨﺎ ﺑﻌﺎﻟﻢ ﻟﻮﺣﺪﻫﺎ ﻭﺧﻠﺼﺘﻬﺎ ﻛﻠﺔ ﺻﻔﻨﺎﺕ
ﻭﻛﺄﻧﻤﺎ ﺩﺗﻔﻜﺮ
ﺩﻙ ﻧﻘﺎﻝ ﺿﺤﻰ ﻭﺟﺎﻥ ﺍﻟﻤﺘﺼﻞ ﺳﻴﻒ ﻣﻨﺘﻈﺮﻫﺎ ﺑﺎﻟﺒﺎﺏ
ﺳﻠﻤﺖ ﻋﻠﻴﻨﺎ ﻭﺑﻌﻴﻮﻧﻬﺎ ﺩﻣﻌﺔ ﻣﻌﻠﻜﺔ
ﺷﻴﻤﺎﺀ .. ﺿﺤﻰ ﻣﻮ ﺗﻨﺴﻴﻦ ﺍﻧﺘﻈﺮ ﻣﻨﺞ ﺍﺗﺼﺎﻝ
ﻣﺮﻭﺓ .. ﺍﻱ ﻋﻔﻴﺔ ﺣﺎﻭﻟﻲ ﺗﺘﺼﻠﻴﻦ ﻋﻠﻴﺔ ﻭﺗﻜﻠﻴﻠﻲ ﺷﻨﻮ ﺳﻮﻳﺘﻲ ﺑﻤﻮﺿﻮﻋﺞ
ﻟﺒﺴﺖ ﻋﺒﺎﻳﺘﻬﺎ ﻭﻧﺰﻟﺖ ﻋﻠﻰ ﻭﺟﻬﺎ ﺍﻟﻨﻘﺎﺏ
ﻭﻃﻠﻌﺖ
ﻭﺭﺍﻫﺎ ﺻﺮﻧﺎ ﻭﺣﺪﺓ ﺗﻄﻠﻊ ﻭﺭﺓ ﺍﻟﻠﺦ
ﻭﺍﻧﻲ ﻫﺎﻣﺘﻴﻦ ﻗﺎﺳﻢ ﺍﺗﺼﻞ ﻋﻠﻴﺔ
ﻳﻤﺔ ﻣﺠﺮﺩ ﺍﺷﻮﻑ ﺍﺳﻤﻪ ﻋﻠﻰ ﺷﺎﺷﺔ ﻧﻘﺎﻟﻲ ﻛﻠﺒﻲ ﻳﻄﺮﺏ
ﻛﻠﻲ ﺟﻬﺰﻱ ﺭﻭﺣﺞ ﺍﻧﺎ ﻗﺮﻳﺐ ﻋﻠﻴﺞ ﺑﺲ ﺍﺩﻛﻠﺞ ﻫﻮﺭﻥ
ﺍﻧﺘﻲ ﺗﻄﻠﻌﻴﻦ
.. ﺻﺎﻍ ﺍﻧﺘﻈﺮﻙ
ﺑﺲ ﺳﺪﻳﺖ ﺍﻟﻨﻘﺎﻝ ﻛﺒﻞ
ﺭﺣﺖ ﻃﻜﻴﺘﻬﺎ ﺭﻛﻀﺔ ﻟﻐﺮﻓﺔ ﻣﺸﻤﺶ ﺣﺘﻰ ﺍﻟﺤﻚ ﺍﻋﺪﻝ ﺭﻭﺣﻲ ﻭﺍﺣﻂ ﻣﻴﻚ ﺍﺏ ﻟﻮﺟﻬﻲ
ﻭﺍﻟﺒﻨﺎﺕ ﻳﺒﺎﻭﻋﻮﻥ ﻋﻠﻴﺔ ﻣﺴﺘﻐﺮﺑﺎﺕ
......
ﺍﺳﻤﻊ ﺷﻴﻤﺎﺀ .. ﻋﻤﺔ ﻭﺍﻟﻠﻪ ﻭﻛﻌﺘﻲ ﻛﻠﺒﻲ ﻋﺒﺎﻟﻲ ﺑﻴﺞ ﺷﻲ
ﻭﻟﺞ ﻭﺗﺎﻟﻴﺘﻬﺎ ﻭﻳﺎﺝ ﺷﻮﻛﺖ ﺗﻜﺒﺮﻳﻦ ﺑﺲ ﺗﻄﻔﺮﻳﻦ
ﺍﺟﻮﻱ ﻣﺮﻳﻢ ﻭﻣﺸﻤﺶ ﻭﺭﺍﻱ
ﻭﺍﻧﻲ ﻃﻠﻌﺖ ﺟﻨﻄﺔ ﺻﻐﻴﺮﺓ ﺧﺎﺻﺔ ﻟﻠﻤﻴﻚ ﺍﺏ ﺍﻛﺪﺭ ﺍﺧﺪﻫﺎ ﻭﻳﺎﻱ ﻭﻳﻦ ﻣﺎ ﺍﺭﻭﺡ ﺍﺳﻤﻴﻬﺎ ﺟﻨﻄﺔ ﺍﻟﺤﺎﻻﺕ ﺍﻟﻄﺎﺭﺋﺔ
ﺻﺮﺕ ﺍﺣﻂ ﻭﻣﺮﻳﻢ ﻭﺍﻛﻔﺔ ﺗﺒﺎﻭﻉ ﻋﻠﻴﺔ ﻓﺎﺗﺤﺔ ﺣﻠﻜﻪ
ﻣﺮﻳﻢ .. ﻫﺪﻯ ﻣﻦ ﺗﺼﻴﺮﻟﺞ ﻓﺮﺻﺔ ﺛﺎﻧﻴﺔ ﻋﻠﻤﻴﻨﻲ ﺷﻠﻮﻥ ﺍﺧﻂ ﺍﻟﻌﻴﻦ ﻣﺜﻠﺞ
.. ﺻﺎﻍ ﺗﺪﻟﻠﻴﻦ
ﻣﺸﻤﺶ .. ﺣﺘﻰ ﺍﻧﻲ ﺍﻏﻴﺪ ﺍﺣﻂ ﺣﻤﻐﺔ ﻣﺜﻠﺞ
ﻣﻮ ﺑﺲ ﺍﻧﺘﻮﺍ ﺗﺤﻄﻮﻥ ﻣﺘﻴﺎﺝ
.. ﻋﻤﻲ ﺗﻌﺎﻱ ﺍﺣﻄﻠﺞ ﺣﻤﺮﺓ ﺑﺪﺍﻝ ﻣﺎ ﺟﻨﺞ ﻋﺠﻮﺯ ﺗﺪﺭﺩﻣﻴﻦ ﻓﻮﻙ ﺭﺍﺳﻲ
ﺑﻌﺪﻣﺎ ﻋﺪﻟﺖ ﻧﻔﺴﻲ ﻭﻛﻌﺪﺕ ﺍﺗﺼﺎﺭﻉ ﻭﻳﺔ ﺍﻟﺤﺬﺍﺀ ﺣﺘﻰ ﺍﻟﺒﺲ ﻭﺑﻌﺪﻣﺎ ﺧﻠﺼﺖ
ﻛﻤﺖ ﻣﻦ ﻣﻜﺎﻧﻲ ﻭﻭﻛﻔﺖ ﺣﺘﻰ ﺍﺟﺮﺑﻪ
ﻻﻥ ﺍﺗﺬﻛﺮ ﻣﻦ ﻟﺒﺴﺘﻪ ﺍﻟﺼﺒﺢ ﺟﻨﺖ ﻛﻮﺓ ﻋﻠﻰ ﺍﻋﺼﺎﺑﻲ
ﻛﺪﺭﺕ ﺍﻣﺸﻲ ﺑﻲ ﻋﺪﻝ ﺑﺪﻭﻥ ﻣﺎ ﺍﻭﻛﻊ
ﺩﺧﻠﺖ ﺷﻴﻤﺎﺀ ﻭﺷﺎﻓﺘﻨﻲ ﻭﺍﺑﺘﺴﻤﺖ ﻭﻛﺎﻟﺖ
.. ﻳﺎﺑﺔ ﻭﺍﻟﻠﻪ ﻣﻴﺤﺘﺎﺝ ﺗﻠﺒﺴﻴﻦ ﻛﻌﺐ ﻋﺎﻟﻲ
ﺍﻧﺘﻲ ﺑﺲ ﺟﻤﺎﻟﺞ ﻛﻠﺶ ﻛﺎﻓﻲ
ﻭﻧﻮﺏ ﺣﻄﻴﺘﻲ ﻣﻴﻚ ﺍﺏ ﻛﻤﻠﺖ ﺍﻟﺴﺒﺤﺔ
.. ﻫﻬﻬﻬﻬﻬﻬﻪ ﻻ ﻣﻮ ﺍﻟﻤﺸﻜﻠﺔ ﻗﺎﺳﻢ ﻃﻮﻳﻞ
ﻭﺍﻧﻲ ﻗﺼﻴﺮ ﻓﺤﺘﻰ ﻟﻮ ﺣﻠﻮﺓ ﻣﺎﺭﺍﺡ ﻳﻨﺘﺒﻪ ﻋﻠﻴﺔ
ﻻﻥ ﺍﺧﺘﺞ ﺩﺗﻤﺸﻲ ﺑﻴﻦ ﺭﺟﻠﻴﻪ
ﻣﺮﻳﻢ .. ﻻ ﻋﺎﺩ ﻣﻮ ﻟﻬﺎﻱ ﺍﻟﺪﺭﺟﺔ ﺍﻧﺘﻲ ﻗﺼﻴﺮﺓ
.. ﻫﻬﻬﻬﻪ ﻭﺩﺍﻋﺘﺞ ﺍﻧﻲ ﻭﺍﻛﻔﺔ ﻛﺪﺍﻣﻪ ﻭﺍﻧﺘﺒﻬﺖ ﺍﻭﺻﻞ
ﻟﺘﺤﺖ ﻛﺘﻔﻪ ﺑﺸﺒﺮ
ﺑﺄﺧﺘﺼﺎﺭ ﺍﻭﺻﻞ ﻟﺼﺮﺗﻪ ﻫﻬﻬﻬﻬﻬﻬﻬﻬﻪ
ﺩﺧﻠﺖ ﻣﺮﻭﺓ ﻭﺑﻴﺪﻫﺎ ﻣﻼﺑﺲ ﻟﻤﺸﻤﺶ ﺗﺮﻳﺪ ﺗﺒﺪﻟﻠﻬﺎ
ﻣﺮﻭﺓ .. ﻋﺰﺓ ﻟﺞ ﻣﺸﻤﺶ ﻫﺎﻱ ﺷﻨﻮ ﺣﺎﻃﺔ ﺣﻤﺮﺓ
ﺑﺎﻭﻋﻨﺎ ﻋﻠﻰ ﻣﺸﻤﺶ
ﺟﺎﻧﺖ ﻻﻣﺔ ﺷﻔﺎﻳﻔﻬﺎ ﺑﻮﺿﻊ ﺍﻟﺒﻮﺳﺔ ﻭﻣﺎ ﺟﺎﻭﺑﺖ ﺍﻣﻬﺎ
ﻋﺒﺎﻟﻬﺎ ﺍﺫﺍ ﺗﺤﺠﻲ ﺗﺮﻭﺡ ﺍﻟﺤﻤﺮﺓ
ﻭﻣﺮﻳﻢ ﻧﺼﺒﺖ ﻋﻠﻴﻬﺎ ﻛﻞ ﺷﻮﻳﺔ
ﺗﻜﻠﻠﻬﺎ ﺑﻮﺳﻴﻨﻲ ﻭﻫﺎﻱ ﻣﺸﻤﺶ ﺗﻌﺼﺐ ﻣﺘﻘﺒﻞ ﺗﺒﻮﺱ ﺍﺣﺪ
ﺧﺎﻳﻔﺔ ﻋﺎﻟﺤﻤﺮﺓ
ﻣﺮﻭﺓ .. ﻟﺞ ﺷﺤﺮﻭﺭﺓ ﺍﻟﻠﻪ ﻳﺴﺘﺮ ﻣﻨﺞ ﻣﻦ ﻫﺴﺔ ﺗﺪﻭﺭﻳﻦ ﺣﻤﺮﺓ
ﻣﺮﻳﻢ .. ﻫﻬﻬﻪ ﻟﺞ ﻣﺮﻭﺓ ﻟﻮ ﺳﺎﻣﻌﺘﻬﺎ ﺷﻨﻮ ﺗﻜﻮﻝ ﻗﺒﻞ ﺷﻮﻳﺔ ﺗﻜﻮﻝ ﺣﻄﻮﻟﻲ ﻣﺘﻴﺎﺝ ﻣﻮ ﺑﺲ ﺍﻧﺘﻮﺍ
ﻣﺮﻭﺓ .. ﺍﻧﺎ ﺍﻟﺞ ﺑﺴﻴﻄﺔ ﻣﺸﻤﺶ ﺣﺴﺎﺑﻲ ﻭﻳﺎﺝ ﺑﻌﺪﻳﻦ
ﻣﺸﻤﺶ ﺩﺍﺭﺕ ﻭﺟﻬﺎ ﻭﺑﺎﻗﻴﺔ ﻣﺜﻞ ﺍﻟﺘﻤﺜﺎﻝ ﻻﻣﺔ ﺍﻟﺤﻠﻚ
ﺍﻟﻠﻪ ﻳﻠﻌﻦ ﺑﻠﻴﺴﻬﺎ ﺧﺮﺑﺘﻨﺎ ﺿﺤﻚ
ﺷﻴﻤﺎﺀ ﺍﺧﺬﺗﻬﺎ ﻟﺤﻀﻨﻬﺎ
.. ﻣﺮﻭﺓ ﺷﺤﺪﺝ ﺗﺤﺠﻴﻦ ﻭﻳﺔ ﺣﺒﻴﺒﺖ ﺧﺎﻟﺘﻬﺎ
ﺍﻣﻮﺗﺞ
ﻣﺸﻤﺶ ﺗﺒﺎﻭﻉ ﻋﻠﻴﻨﺎ ﺑﻐﺮﻭﺭ ﺑﻨﺖ ﺍﻟﻠﺬﻳﻦ
ﻟﺤﻈﺎﺕ ﻭﺟﺎﻥ ﻳﻮﺻﻞ ﻗﺎﺳﻢ ﻭﻃﻠﻌﺘﻠﻪ ﺑﺴﺮﻋﺔ ﺑﻌﺪﻣﺎ ﺳﻠﻤﺖ ﻋﻠﻰ ﺍﻟﺒﻨﺎﺕ
ﻃﻠﻌﺖ ﺑﺴﺮﻋﺔ ﻟﻘﺎﺳﻢ ﺣﺘﻰ ﻣﻴﻨﺘﻈﺮﻧﻲ ﻫﻮﺍﻱ
ﺍﺑﺎﻭﻉ ﻋﻠﻴﻪ ﺟﺎﻥ ﻛﺎﻋﺪ ﺑﺎﻟﺴﻴﺎﺭﺓ
ﻭﻻﺑﺲ ﻧﻀﺎﺭﺍﺕ ﺷﻤﺴﻴﺔ
ﻭﻻﺑﺲ ﺗﻴﺸﺮﺕ ﺍﺑﻴﺾ ﻧﺺ ﺭﺩﻥ ﺣﺎﺿﻦ ﺯﻧﺪﻩ
ﻋﺒﺎﻟﻚ ﺩﻳﻜﻮﻝ ﺑﺎﻭﻋﻮﺍ ﻋﻨﺪﻱ ﻋﻀﻠﺔ ﺑﻬﺬﺍ ﺍﻟﻤﻜﺎﻥ
.......
ﺟﺎﻥ ﻳﺒﺎﻭﻉ ﻛﺪﺍﻡ ﻭﻣﺘﺠﻲ ﻛﻮﻉ ﺍﻳﺪﻩ ﻋﻠﻰ ﺷﺒﺎﻙ ﺍﻟﺴﻴﺎﺭﺓ ﺍﻟﻨﺎﺯﻝ
ﻭﺍﻧﺘﺒﻬﺖ ﻋﻠﻰ ﻟﺤﻴﺘﻪ ﻭﺑﺸﺮﺗﻪ ﺻﺎﻳﺮ ﺗﻨﺎﻗﺾ ﻭﻳﺔ ﺍﻟﺘﻴﺸﺮﺕ ﻻﻥ ﻫﻮ ﺍﺳﻤﺮﺍﻧﻲ
ﻣﺎ ﺍﻋﺮﻑ ﺍﺷﻮ ﻛﻠﻤﺎ ﺍﺷﻮﻓﻪ ﺩﻳﺤﻠﺔ ﺑﻌﻴﻨﻲ
ﻣﺪﺭﻱ ﻫﻮ ﺣﻠﻮ ﻭﺍﻧﻲ ﻣﻤﻨﺘﺒﻬﺔ ﻋﻠﻴﻪ
ﻣﺪﺭﻱ ﻫﻮ ﺍﻟﺤﺐ ﺍﻋﻤﻰ ﻭﻳﺨﻠﻴﻨﻲ ﺍﺷﻮﻓﻪ ﺑﻌﻴﻨﻲ
ﻫﺸﻜﻞ ﺣﻠﻮ
ﺍﻟﻬﻢ ﻛﻞ ﺍﻟﻄﺮﻕ ﺗﺆﺩﻱ ﺍﻟﻰ ﺭﻭﻣﺎ
ﺟﺎﻧﻮﺍ ﺧﻮﺍﺗﻲ ﻭﺍﻛﻔﺎﺕ ﻳﻢ ﺍﻟﺒﺎﺏ ﻳﺴﻠﻤﻮﻥ ﻋﻠﻴﺔ
ﻭﺍﻧﻲ ﻣﺸﻴﺖ ﻟﻠﺴﻴﺎﺭﺓ ﻭﻫﻮ ﺍﻧﺘﺒﻪ ﻋﻠﻴﺔ
ﻧﺰﻝ ﻣﻦ ﺍﻟﺴﻴﺎﺭﺓ
ﻭﺭﺍﺡ ﺳﻠﻢ ﻋﻠﻰ ﻣﺮﻭﺓ ﻭﺷﻴﻤﺎﺀ ﻭﻣﺮﻳﻢ ﺟﺎﻧﺖ ﻭﺍﻛﻔﺔ ﻭﺭﺓ ﺍﻟﺒﺎﺏ
ﺍﻧﺘﺒﻬﺖ ﻟﻘﺎﺳﻢ ﺑﺸﻐﻠﺔ
ﻫﻮﺍﻱ ﻳﺤﺘﺮﻡ ﺷﻴﻤﺎﺀ ﻭﻣﺮﻭﺓ
ﻣﺮﻭﺓ .. ﺗﻌﺎﻝ ﺧﻮﻳﺔ ﺍﺗﻔﻀﻞ ﺧﻠﻴﻨﺎ ﻧﻀﻴﻔﻚ
ﻗﺎﺳﻢ .. ﻻ ﺧﻮﻳﺔ ﺗﺴﻠﻤﻴﻦ ﺧﻠﻴﻬﺎ ﻏﻴﺮ ﻣﺮﺓ
ﻭﺍﻟﻠﻪ ﺟﺎﻱ ﻣﺴﺘﻌﺠﻞ ﻭﻋﻨﺪﻱ ﻛﻮﻣﺔ ﺷﻐﻞ
ﻫﻮ ﻳﺤﺠﻲ ﻭﺍﻧﻲ ﺭﺍﻓﻌﺔ ﺭﺍﺳﻲ ﺍﺑﺎﻭﻉ ﻋﻠﻴﻪ ﻭﻋﻴﻮﻧﻲ
ﻣﻔﻀﻮﺣﺔ ﺑﺎﻟﺤﺐ
.. ﻳﺎﻟﻠﻪ ﺧﻮﻳﺔ ﺍﺧﺬﻭﺍ ﺭﺍﺣﺘﻜﻢ ﺍﻧﺎ ﺍﺗﺮﺧﺺ
ﺑﺎﻭﻉ ﻋﻠﻴﺔ ﻭﻳﺎﻟﻠﻪ ﻫﺎﺍﺍﺍ
ﻭﺑﺪﻝ ﻫﺪﻯ
ﺩﺍﺭ ﻭﺟﻬﻪ ﻭﻣﺸﺔ ﻟﻠﺴﻴﺎﺭﺓ ﻭﺍﻧﻲ
ﺍﺗﺒﻌﺘﻪ ﻭﺻﻌﺪﺕ ﺑﺎﻟﺴﻴﺎﺭﺓ
ﺍﺑﺎﻭﻉ ﻋﻠﻴﻪ ﻳﻀﺤﻚ
ﺣﺠﺔ .. ﺧﺮﺏ ﻳﻮﻣﻚ ﻫﺎﺩﻱ
ﺯﻳﻦ ﻣﺎ ﻓﻠﺘﺘﻬﺎ ﻛﺪﺍﻡ ﺍﻟﺒﻨﺎﺕ ﻫﻬﻬﻬﻬﻬﻬﻬﻬﻪ ﺍﻟﻠﻪ ﻳﻠﻌﻦ ﺑﻠﻴﺴﺞ
ﺷﺤﻄﻴﺘﻲ ﺑﺤﻠﻜﻲ ﺻﺮﺕ ﺣﺘﻰ ﺑﺎﻟﺸﻐﻞ ﺍﺻﻴﺢ ﺧﻮﻳﺔ
ﻫﺎﺩﻱ
ﺑﺮﻃﻤﺖ ﺷﻔﺎﻳﻔﻲ ﻭﺣﺠﻴﺖ ﻭﺑﺎﻭﻋﺖ ﻋﻠﻴﻪ
.. ﺗﺮﺓ ﻣﻴﺼﻴﺮ ﻫﻴﺞ ﻳﻌﻨﻲ ﻳﺎﺧﻲ ﺣﺲ ﻋﻠﻰ ﺩﻣﻚ
ﻭﻋﺎﻣﻠﻨﻲ ﻟﻮ ﻣﺮﺓ ﺑﺤﻴﺎﺗﻚ ﻛﺄﻧﺜﻰ ﻳﻌﻨﻲ ﻣﻌﻘﻮﻟﺔ ﺍﻧﻲ
ﺷﻜﻠﻲ ﻟﻬﺎﻱ ﺍﻟﺪﺭﺟﺔ . ﻳﻮﺣﻲ ﺑﺎﻟﺮﺟﻮﻟﺔ
ﺩﺍﺭ ﻭﺟﻬﻪ ﻭﺑﺎﻭﻉ ﻋﻠﻴﺔ ﻭﻛﺄﻧﻤﺎ ﺍﺧﺬ ﻛﻼﻣﻲ ﻋﻠﻰ ﻣﺤﻤﻞ ﺍﻟﺠﺪ ﻧﺰﻉ ﻧﻀﺎﺭﺗﻪ ﻭﺿﻴﻚ ﻋﻴﻮﻧﻪ ﺑﺸﻚ
.. ﻫﺎﻱ ﺷﻨﻮ ﺷﻤﺴﻮﻳﺔ ﺑﺮﻭﺣﺞ
ﺷﻨﻮ ﺣﻀﺮﺗﺞ ﺟﻨﺘﻲ ﻃﺎﻟﻌﺔ ﺑﻌﺮﺱ ﻟﻮ ﺑﺒﻴﺖ ﺍﺧﺘﺞ
.. ﺗﺮﺓ ﻋﺎﺩﻱ ﺍﻧﻲ ﻛﻞ ﻣﺮﺓ ﺍﺣﻂ ﻫﻴﺞ ﻣﻴﻚ ﺍﺏ ﻟﻮﺟﻬﻲ
ﻣﻮ ﺟﺪﻳﺪﺓ ﺷﻨﻮ ﻣﻌﻘﻮﻟﺔ ﻫﺎﻱ ﺍﻭﻝ ﻣﺮﺓ ﺗﻨﺘﺒﻪ
ﻋﻠﻴﺔ
ﻋﻘﺪ ﺣﻮﺍﺟﺒﻪ ﻭﺭﺹ ﺍﺳﻨﺎﻧﻪ
ﻳﻤﺔ ﺩﺧﻠﻴﻚ ﻛﺎﻡ ﻋﻠﻴﻨﺎ ﺍﻟﺜﻮﺭ ﺍﻟﻬﺎﺋﺞ
.. ﺷﻮﻓﻲ ﻭﻟﺞ ﺧﻠﻴﻨﻲ ﻣﺮﺓ ﺍﻟﻠﺦ ﺍﺷﻮﻓﺞ ﺣﺎﻃﺔ ﻫﻴﺞ ﻣﻜﻴﺎﺝ
ﻟﻮﺟﻬﺞ ﺻﺪﻛﻨﻲ
ﻛﺒﻞ ﺍﻏﻄﺞ ﺑﺎﻟﻤﺎﻱ ﻭﺍﺧﺮﺑﻂ ﺧﻠﻘﺘﺞ
ﺍﺑﺘﺴﻤﺖ .. ﻋﺎﺍﺍﺩﻱ ﻏﻄﻨﻲ ﺑﺎﻟﻤﺎﻱ ﺍﺻﻼ ﺍﻟﻤﻴﻚ ﺍﺏ
ﻣﺎﻟﺘﻲ ﺿﺪ ﺍﻟﻤﺎﺀ
.. ﻣﻦ ﺍﺣﺘﺮﻛﺖ ﻋﺸﻴﺮﺗﺞ
ﻟﻌﺪ ﺍﻗﺮﻱ ﻋﻠﻰ ﻣﻜﻴﺎﺟﺞ ﺳﻮﺭﺓ ﺍﻟﻔﺎﺗﺤﺔ ﻻﻥ ﻛﻠﻪ ﺭﺍﺡ ﻳﺘﻜﺴﺮ
ﺷﻬﻜﺖ ﻭﺳﺤﺒﺖ ﻛﻼﻣﻲ ﻋﺰﺓ ﻫﺬﺍ ﺍﺑﺪ ﻣﺎ ﻳﺘﺸﺎﻗﺔ
ﻭﻛﺒﻞ ﺑﺪﻟﺖ ﺍﻗﻮﺍﻟﻲ ﻭﺻﺮﺕ ﺍﻗﻠﺪ ﺻﻮﺕ ﺍﻣﻪ
.. ﺍﻛﻮﻭﻭﻭﻭﻝ ﻳﻤﺔ ﻗﺴﺎﺍﺍﺍﺍﺍﺍﻡ ﺷﺒﻴﻚ ﻋﺼﺒﺖ ﺗﺮﺓ ﺍﻧﻲ ﺩﺍﺷﺎﻗﺔ ﻭﻳﺎﻙ ﻳﺮﻭﺣﻠﻚ ﻓﺪﺓ ﺍﻟﻤﻜﻴﺎﺝ ﻭﺍﺑﻮ ﺍﻟﻤﻜﻴﺎﺝ ﺍﻫﻢ ﺷﻲ ﺍﻧﺖ ﻻ ﺗﻌﺼﺐ
ﺑﺎﻭﻉ ﻛﺎﺗﻢ ﺿﺤﻜﺘﻪ
.. ﻗﺴﻤﺎً ﺑﺎﻟﻠﻪ ﺍﻧﺘﻲ ﻣﻮ ﻃﺒﻴﻌﻴﺔ
ﻳﻌﻨﻲ ﻣﺠﺮﺩ ﺩﻗﺎﻳﻖ ﻛﻠﺒﺘﻲ ﻣﺰﺍﺟﻲ ﻣﻦ ﺍﻻﻋﺼﺎﺏ ﻟﻠﻀﺤﻜﺔ
ﻭﻣﻦ ﺍﻟﻀﺤﻚ ﻟﻠﺘﻌﺠﺐ
ﺑﺲ ﻛﻠﻴﻠﻲ ﺷﻨﻮ ﻓﻠﻤﺞ ﻫﺬﺍ ﺍﻟﺴﺎﻧﺞ ﻣﻨﻴﻦ ﻣﺴﺘﻮﺭﺩﺗﻪ
......
ﺭﻣﺸﺖ ﺑﻌﻴﻮﻧﻲ ﻣﺜﻞ ﻣﺸﻤﺶ
.. ﺍﻧﻲ ﺍﻟﺴﺎﻧﻲ ﻣﻦ ﺍﻟﻠﻪ ﻫﺴﺞ
ﺣﺘﻰ ﺍﺳﺄﻝ ﺑﻴﺒﻲ ﺳﻠﻴﻤﺔ ﺟﺎﻧﺖ ﺩﺍﺋﻤﺎ ﺗﻤﺪﺡ ﻟﺴﺎﻧﻲ
ﻭﺗﻜﻠﻲ ﻟﺴﺎﻧﺞ ﻳﻨﻜﻂ ﻋﺴﻞ
.. ﻗﺼﺪﺝ ﻛﻠﺒﻴﻬﺎ ﺑﻜﺮﻙ ﻳﻨﻜﻂ ﺗﻴﺰﺍﺏ
ﻻﻥ ﻟﺴﺎﻧﺞ ﺑﺎﻟﺬﺍﺕ ﺣﺎﺭﻙ ﻋﺸﻴﺮﺗﻲ
ﺍﻱ ﺻﺪﻙ ﻣﺎ ﻛﻠﺘﻴﻠﻲ ﺧﻮﺍﺗﺞ ﺷﻠﻮﻧﻬﻢ
.. ﺍﻟﺤﻤﺪﻟﻠﻪ ﺑﺨﻴﺮ ﻭﻧﻌﻤﺔ
.. ﻳﺎﺭﺏ ﺩﻭﻡ
ﺟﻨﺎ ﻣﻨﺪﻣﺠﻴﻦ ﺩﻧﺤﺠﻲ ﻭﻫﻮ ﻳﺴﻮﻟﻔﻠﻲ ﻋﻦ ﻳﻮﻣﻪ ﺑﺎﻟﺸﻐﻞ
ﻭﺟﺎﻥ ﻳﻘﻄﻊ ﻋﻠﻴﻨﺎ ﺟﻮ ﺍﻻﻟﻔﺔ ﺻﻮﺕ ﺍﻟﻨﻘﺎﻝ
ﻭﻛﺎﻥ ﺍﻟﻤﺘﺼﻞ ﻫﺸﺎﻡ
ﻭﺑﻌﺪﻫﺎ ﺍﻟﺘﻬﺔ ﻳﺤﺠﻲ ﻭﻳﺔ ﻫﺸﺎﻡ ﺑﺎﻣﻮﺭ ﺍﻟﺸﻐﻞ ﻭﻧﺴﺎﻧﻲ
ﻭﺍﻧﻲ ﺻﺮﺕ ﺍﻧﺎﻓﺦ ﻣﺜﻞ ﺍﻟﻄﻔﻠﺔ ﺍﻟﻤﺎﻋﻨﺪﻫﺎ ﺻﺒﺮ
ﺍﺭﻳﺪﻩ ﻣﻦ ﻳﻜﻮﻥ ﻭﻳﺎﻱ ﺑﻬﺎﻱ ﺍﻟﻠﺤﻈﺎﺕ ﺍﻟﻘﻠﻴﻠﺔ
ﻳﺴﺘﻤﻊ ﺑﺲ ﺍﻟﻲ ﻭﻣﻴﺤﺠﻲ ﻭﻳﺔ ﻏﻴﺮﻱ
ﻣﺜﻞ ﺍﻟﺠﻮﻋﺎﻥ ﻣﻦ ﻳﺘﻌﺪﻭﻥ ﻋﻠﻰ ﻣﺎﻋﻮﻧﻪ
ﻫﻴﺞ ﺣﺎﻟﻲ ﻳﺼﻴﺮ ﺑﻲ
ﻣﻦ ﺍﺣﺪ ﻏﻴﺮﻱ ﻳﻠﻔﺖ ﺍﻧﺘﺒﺎﻫﻬﻪ ﻭﺍﻧﻲ ﻳﻤﻪ
ﺍﺣﺲ ﺍﺗﻌﺪﻭﺍ ﻋﻠﻰ ﺣﻘﻮﻗﻲ
ﺩﺭﺕ ﻭﺟﻬﻲ ﻋﺎﻟﺸﺒﺎﻙ ﺍﺑﺎﻭﻉ ﻋﺎﻟﺴﻴﺎﺭﺍﺕ
ﺟﻨﺖ ﻣﻨﺪﻣﺠﺔ ﺑﺄﻓﻜﺎﺭﻱ
ﺍﻧﺘﺒﻬﺖ ﻟﻠﺴﻴﺎﺭﺓ ﺧﻔﻔﺖ ﺳﺮﻋﺘﻬﺎ
ﻳﻢ ﺍﻟﺘﻘﺎﻃﻊ ﻭﻭﻛﻔﺖ ﺍﺷﺎﺭﺓ ﺍﻟﻤﺮﻭﺭ
ﻭﺻﺎﺩﻑ ﻣﻮﻛﺐ ﻋﺮﺱ ﻭﻛﻒ ﻭﻳﺎﻧﺎ ﺑﺎﻟﺘﻘﺎﻃﻊ
ﺍﻧﺘﺒﻬﺖ ﻋﻠﻰ ﺳﻴﺎﺭﺓ ﺻﻔﺖ ﻳﻢ ﺳﻴﺎﺭﺗﻨﺎ ﻣﻦ ﺟﻬﺘﻲ
ﺟﺎﻥ ﻛﺎﻋﺪ ﺑﻴﻬﺎ ﺛﻼﺙ
ﺷﺒﺎﺏ ﻭﻣﺸﻐﻠﻴﻦ ﻣﺴﺠﻞ ﺍﻟﺴﻴﺎﺭﺓ ﻭﺻﻮﺗﻪ ﻋﺎﻟﻲ
ﻭﺍﺑﺎﻭﻉ ﻋﻠﻰ ﺣﺮﻛﺎﺗﻬﻢ ﺷﻠﻮﻥ ﻳﺮﻛﺼﻮﻥ
ﻭﺍﺣﺪ ﻣﻨﻬﻢ ﻧﺰﻝ ﻣﻦ ﺍﻟﺴﻴﺎﺭﺓ ﻭﻛﻌﺪ ﻳﺮﻛﺺ ﺑﺎﻟﺸﺎﺭﻉ ﻭﺍﺧﺬﻟﻪ ﻫﺰﺓ ﻛﺘﻒ ﻭﺍﺻﻮﺍﺕ ﺍﻟﺸﺒﺎﺏ ﺟﺎﻧﺖ ﺍﻻﺟﻮﺍﺀ ﻛﻠﻬﺎ
ﻣﺸﺤﻮﻧﺔ ﺑﺎﻟﻔﺮﺡ
ﺍﻟﻈﺎﻫﺮ ﺍﻟﺠﻤﺎﻋﺔ ﻣﻦ ﺍﻫﻞ ﺍﻟﻌﺮﻳﺲ
ﺍﺑﺘﺴﻤﺖ ﻣﻦ ﺍﺗﺬﻛﺮﺕ ﻧﻔﺴﻲ ﻣﻦ ﺟﻨﺖ ﺍﺭﻛﺺ ﺑﺄﻱ ﻋﺮﺱ
ﺍﻧﻌﺰﻡ ﺑﻲ ﻭﺷﻴﻤﺎﺀ ﺗﺤﺠﻲ ﻋﻠﻴﺔ
ﻫﻬﻬﻬﻬﻪ
ﻓﺠﺎﺀﺓ ﺍﻧﺘﺒﻬﺖ ﻟﻮﺍﺣﺪ ﻣﻦ ﻫﺬﻭﻟﻲ ﺍﻟﻮﻟﺪ ﺣﺠﺔ ﻭﻳﺔ ﺍﻟﺒﺼﻔﻪ
ﻭﺑﺎﻭﻋﻮﺍ ﻋﻠﻴﺔ ﻭﻛﺎﻣﻮﺍ ﻳﺴﻮﻥ ﺣﺮﻛﺎﺕ
ﻭﻳﻀﺤﻜﻮﻥ
ﺑﺴﺮﻋﺔ ﺩﺭﺕ ﻭﺟﻬﻲ ﻋﻦ ﺍﻟﺸﺒﺎﻙ
ﻋﻤﺔ ﺣﺘﻰ ﻋﻤﺔ . ﺷﻜﺪ ﺣﻴﻮﺍﻧﺎﺕ
ﻭﺟﺎﻥ ﺍﺳﻤﻊ ﻭﺍﺣﺪ ﻣﻨﻬﻢ ﺻﺎﺡ ﺑﺼﻮﺕ ﻋﺎﻟﻲ
.. ﻟﻚ ﻋﻼﻭﻱ ﺍﻟﻠﻪ ﻳﻨﻄﻲ ﺳﻴﺎﺭﺓ ﺟﺎﺭﺟﺮ ﻟﻠﻤﺎﻋﻨﺪﻩ
ﻋﻴﻮﻥ ﻳﺴﻮﻗﻮﻫﺎ
ﻭﺍﻟﻼﺥ ﺟﺎﻭﺑﻪ .. ﻟﻚ ﺍﻛﻮ ﻭﺍﺣﺪ ﻳﻤﻪ ﻧﻌﻤﺔ ﺍﻟﻠﻪ ﻭﻳﻜﻌﺪ
ﻳﺘﺼﻞ
.. ﺛﻮﺭﺭﺭ ﻭﺍﻟﻠﻪ ﺛﻮﺭﺭﺭ
ﺟﺎﻧﻮﺍ ﻫﻤﺔ ﻳﺤﺠﻮﻥ ﻭﺍﻧﻲ ﻛﻠﺒﻲ ﻛﺎﻡ ﻳﺮﺟﻒ ﻣﻦ ﺍﻟﺨﻮﻑ
ﺻﺮﺕ ﺍﺑﺎﻭﻉ ﻟﻠﺘﻘﺎﻃﻊ ﺷﻮﻛﺖ ﻳﺘﺤﺮﻙ
ﻣﺪﺭﻱ ﻫﻮ ﻃﺎﻝ ﺍﻟﻮﻗﻮﻑ ﻣﺪﺭﻱ ﺍﻧﻲ ﻣﻦ ﺍﻟﺨﻮﻑ
ﺷﻔﺖ ﺍﻟﻮﻗﺖ ﻃﺎﻝ
ﻫﻤﺔ ﺣﺠﻮ ﻫﻴﺞ
ﻭﻣﺎ ﺍﺷﻮﻑ ﺍﻻ ﻭ ﻗﺎﺳﻢ ﻫﺪﺭ ﺑﻴﻬﻢ ﺑﺼﻮﺕ ﻋﺎﻟﻲ
.. ﻟﻚ ﺍﺑﻦ ﺍﻟﻌﺎﺍﺍﺍﺭ ﻫﺎﻱ ﻭﻳﺎﻣﻦ
ﻟﻮ ﺍﻧﺖ ﺯﻟﻤﺔ ﺍﻧﺰﻝ
ﺣﺠﺎﻫﺎ ﻭﻫﻮ ﻳﻨﺰﻝ ﻣﻦ ﺍﻟﺴﻴﺎﺭﺓ ﺑﻜﻞ ﺳﺮﻋﺘﻪ
ﺍﻧﺘﺒﻬﺖ ﻋﻠﻰ ﻧﻘﺎﻟﻪ ﻭﻛﻊ ﻣﻨﻪ ﻋﺎﻟﻜﺸﻦ
ﺍﻟﺨﻂ ﺑﻌﺪﻩ ﻣﻔﺘﻮﺡ
ﺍﺳﻤﻊ ﺻﻮﺕ ﻫﺸﺎﻡ ﻳﺼﻴﺢ ﺍﻟﻮ ﺍﻟﻮ
ﺍﻟﻮ ﻛﺒﻞ ﺍﺧﺬﺕ ﺍﻟﻨﻘﺎﻝ ﻭﺟﺎﻭﺑﺖ
......
ﻫﺸﺎﻡ ﻭﺍﻧﻲ ﺍﺭﺟﻒ
.. ﺍﻟﻮ ﻋﻔﻴﺔ ﻫﺸﺎﻡ ﺍﻟﺤﻚ ﻻﺧﻮﻙ ﻫﺮﻗﻞ
ﺭﺍﺡ ﻳﺘﻌﺎﺭﻙ
ﻫﺸﺎﻡ .. ﺑﺲ ﻛﻠﻴﻠﻲ ﺍﻧﺘﻮﺍ ﻭﻳﻦ ﻫﺴﺔ ﺑﻴﺎ ﻣﻜﺎﻥ
ﻭﺻﻔﺘﻠﻪ ﺍﻟﻤﻜﺎﻥ ﻭﺳﺪ ﺍﻟﻨﻘﺎﻝ ﺑﻮﺟﻬﻲ
ﺟﻨﺖ ﺍﺣﺠﻲ ﻭﻳﺎﻩ ﻭﻋﻴﻮﻧﻲ ﻋﻠﻰ ﻗﺎﺳﻢ
ﺍﺑﺎﻭﻉ ﻋﻠﻴﻪ
ﺷﻠﻮﻥ ﺍﺳﺘﺪﺍﺭ ﺣﻮﻝ ﺍﻟﺴﻴﺎﺭﺓ ﻭﻫﺪ ﻋﻠﻴﻬﻢ
ﺻﺮﺕ ﺍﻟﻄﻢ ﻋﻠﻰ ﺧﺪﻭﺩﻱ ﻭﻣﻦ ﺍﻟﺨﻮﻑ
.. ﻳﻤﺔ .. ﻳﻤﺔ ﻋﺰﺓ ﺑﻌﻴﻨﻲ ﺭﺍﺡ ﻳﺘﻌﺎﺭﻙ
ﺍﻧﺘﺒﻬﺖ ﻋﻠﻴﻪ ﺩﻧﻚ ﻓﺘﺤﺖ ﺑﺎﺏ ﺳﻴﺎﺭﺍﺗﻬﻢ ﻋﺒﺎﻟﻚ ﺭﺍﺡ ﻳﺨﻠﻌﻪ
ﻭﺳﺤﻞ ﺍﻟﻮﻟﺪ ﻭﻃﻠﻌﻪ ﻣﻦ ﺍﻟﺴﻴﺎﺭﺓ
ﺻﺎﺭ ﺍﻟﻮﻟﺪ ﻳﻢ ﻗﺎﺳﻢ ﻋﺒﺎﻟﻚ ﻣﻴﺪﺍﻟﻴﺔ ﺳﻴﺎﺭﺓ
ﺧﻄﻴﺔ ﺍﻟﻮﻟﺪ ﺻﺎﺭ ﻳﺸﺒﻪ
ﻣﺎﺟﺪ ﻟﻌﺒﺔ ﺧﺸﺒﻴﺔ
ﺷﻬﻜﺖ ﺑﺼﻮﺕ ﻋﺎﻟﻲ ﻣﻦ ﺷﻔﺖ ﺟﻤﺎﻋﺔ ﺍﻟﻮﻟﺪ ﻫﺪﻭﺍ ﻋﻠﻴﻪ ﻭﺩﺍﺭﻭﺍ ﻛﻠﻬﻢ ﻋﻠﻰ ﻗﺎﺳﻢ
ﻭﻫﻮ ﻣﻨﺎ ﻋﺮﺱ ﻻ ﻭﺍﺣﺪ ﻭﻻ ﺍﺛﻨﻴﻦ
ﻳﻤﺔ ﺍﺟﺔ ﻛﻠﺒﻲ ﻳﻮﻛﻒ ﻣﻦ ﺷﻔﺖ ﻭﺍﺣﺪ ﻣﻨﻬﻢ ﺍﺗﻌﻠﻚ ﻋﻠﻰ ﻇﻬﺮ ﻗﺎﺳﻢ ﺟﻨﻪ ﺑﺮﺹ ﻣﻌﻠﻚ ﻋﻠﻰ ﺣﺎﻳﻂ
ﻭﻃﻮﻕ ﺭﻛﺒﺔ ﻗﺎﺳﻢ ﺑﺬﺭﺍﻋﻪ
ﺍﺣﺲ ﺑﻴﻬﻢ ﺍﺗﻮﻟﻮﺍ ﻋﻠﻰ ﻗﺎﺳﻢ
ﻭﺻﺎﺭ ﺍﻟﻀﺮﺏ ﻳﻨﺰﻝ ﻋﻠﻴﻪ ﻣﻦ ﺻﻮﺏ
ﻭﺑﻨﻔﺲ ﺍﻟﻮﻗﺖ ﺟﺎﻥ ﻗﺎﺳﻢ ﺍﻟﻲ ﻳﺼﻴﺮ ﻛﺪﺍﻣﻪ ﻳﺨﺒﺰﻩ ﺧﺒﺰ
ﺍﻟﻌﺒﺎﺱ ﺑﺲ ﻫﻤﺔ ﻫﻮﺍﻱ
ﺟﻨﺖ ﺍﻓﺮﻙ ﺑﻴﺪﻳﺔ ﺑﺨﻮﻑ ﺑﻌﺪ ﻭﺍﻟﻠﻪ ﻣﺎ ﻋﻨﺪﻱ ﺻﺒﺮ ﺭﺟﻠﻲ ﺭﺍﺡ ﻳﺮﻭﺡ ﻣﻨﻲ
ﻋﺰﺯﺯﺯﺯﺯﺯﺓ ﻫﺬﺍ ﺷﻨﻮ
ﺍﻧﺘﺒﻬﺖ ﻋﻠﻰ ﻭﺍﺣﺪ ﻣﻨﻬﻢ ﺭﻛﺾ ﻋﻠﻰ ﻻﻓﺘﺔ ﻻﻧﺘﺨﺎﺑﺎﺕ ﺍﻟﻤﻮﺟﻮﺩﺓ ﺑﺎﻟﺘﻘﺎﻃﻌﺎﺕ
ﻭﺷﻠﻊ ﻣﻨﻬﺎ ﺣﺪﻳﺪﺓ ﺗﺼﻴﺮ ﻣﺜﻞ ﺍﻟﻤﺴﻄﺮﺓ ﺍﻟﻄﻮﻳﻠﺔ
ﻭﻫﺪ ﺑﻴﻬﺎ ﻋﻠﻰ ﻗﺎﺳﻢ
ﻳﻤﺔ ﻫﻮ ﺍﻧﻲ ﺷﻔﺘﻪ ﻫﺪ ﺑﻴﻬﺎ ﻋﻠﻰ ﻗﺎﺳﻢ
ﻭﺍﻧﻲ ﻋﻘﻠﻲ ﻓﺼﻞ ﻋﻦ ﺍﻟﻤﻌﻘﻮﻝ
ﻭﻣﺎ ﺍﺣﺲ ﺍﻻ ﻭﺍﻟﺠﻨﻲ ﺍﻟﻬﺪﺍﻭﻱ ﺍﺗﺮﺑﻊ ﺑﺮﺍﺳﻲ
ﻧﺰﻟﺖ ﻣﻦ ﺍﻟﺴﻴﺎﺭﺓ ﻣﺜﻞ ﺍﻟﻤﺨﺒﻠﺔ
ﺑﺪﻭﻥ ﺷﻌﻮﺭ
ﺻﺮﺕ ﺍﺩﻭﺭ ﺑﻌﻴﻮﻧﻲ ﻋﻠﻰ ﺷﻲ ﺍﺷﻔﻲ ﺑﻲ ﻏﻠﻴﻠﻲ
ﻭﺍﺿﺮﺑﻬﻢ ﺑﻲ ﻭﺟﺎﻥ ﺍﻟﺠﺢ ﻛﻢ ﺣﺠﺎﺭﺓ ﺑﺼﻒ ﺍﻟﺮﺻﻴﻒ
ﻣﺎ ﺍﺷﻮﻑ ﺭﻭﺣﻲ ﺍﻻ ﻭﺍﻧﻲ ﺍﺷﻤﺮ ﺑﺎﻟﺤﺠﺎﺭ
ﻋﻠﻴﻬﻢ ﺟﻨﻲ ﻣﺸﺎﻋﻞ ﺍﻟﻤﺨﺒﻞ
ﻫﺴﺔ ﻋﺮﻓﺖ ﺷﻌﻮﺭ ﻣﺸﺎﻋﺮ ﻣﻦ ﻳﻀﺮﺏ ﺑﺎﻟﺤﺠﺎﺭ
ﺍﻟﻤﺼﻴﺒﺔ ﻣﻮ ﻫﻨﺎ
ﺍﻟﻤﺼﻴﺒﺔ ﺍﻟﺤﺠﺎﺭ ﺻﺎﺭ ﻏﺎﻟﻲ
ﻏﺎﻟﻴﺔ ﻣﺎ ﻳﺘﺤﺼﻞ ﺑﻌﺪ ﻣﺎ ﻧﻔﺬ ﻋﻨﺪﻱ ﺍﻟﻌﺘﺎﺩ
ﺭﻓﻌﺖ ﺭﺍﺳﻲ ﻭﺟﺎﻥ
ﺍﺷﻮﻑ ﻭﺟﻪ ﻗﺎﺳﻢ ﻳﻨﺰﻝ ﺩﻡ ﻣﻦ ﻳﻢ ﺣﺎﺟﺒﻪ
ﻳﻤﺔ ﺳﻮﺩﺓ ﻋﻠﻴﺔ . ﻭﺍﻟﻠﻪ ﻛﻠﺒﻲ ﺍﺟﺔ ﻳﻮﻛﻒ
ﺩﻭﺭﺕ ﻣﺎ ﻟﻜﻴﺖ ﺷﻲ ﺍﺷﻤﺮﻩ ﻋﻠﻴﻬﻢ
ﻭﻣﻦ ﺣﺮﻛﺔ ﻛﻠﺒﻲ ﻧﺰﻋﺖ ﻓﺮﺩﺓ ﺣﺬﺍﺋﻲ
ﻭﺷﻤﺮﺗﻪ ﻋﻠﻰ ﺭﺍﺱ ﻭﺍﺣﺪ ﻣﻦ ﺍﻟﺸﺒﺎﺏ ﺍﻟﻤﻠﺘﻤﻴﻦ
ﻋﻠﻴﻪ
ﺍﻟﻤﺸﻜﻠﺔ ﺍﻧﻲ ﺿﺎﻋﺖ ﻋﻠﻴﺔ
ﻣﻨﻮ ﺍﻟﻮﻳﺎﻧﺔ ﻭﻣﻨﻮ ﺍﻟﻌﻠﻴﻨﺔ
ﺍﺩﺭﻱ ﻭﻳﻦ ﺻﺎﺭ ﻫﺸﺎﻡ ﺍﺷﻮ ﻣﺎ ﺑﻴﻦ
ﺻﺮﺕ ﺍﺣﻮﻡ ﻣﺜﻞ ﺍﻟﻄﻴﺮ ﺍﻟﻤﺬﺑﻮﺡ ﻋﻠﻰ ﻗﺎﺳﻢ
ﻫﻲ ﺍﻟﻤﺸﻜﻠﺔ ﺣﺘﻰ ﻟﻮ ﻭﺻﻞ ﻫﺸﺎﻡ ﺍﻧﻲ ﻭﻳﻦ ﺍﺷﻮﻓﻪ
ﻣﻦ ﻭﺭﺓ ﻫﺎﻱ ﺍﻟﻬﻮﺳﺔ
ﺟﻨﺖ ﺍﺭﻭﺡ ﻭﺍﺭﺟﻊ ﻋﺎﻟﺮﺻﻴﻒ ﺍﻟﻤﻘﺎﺑﻞ ﺍﻟﻬﻢ
ﻫﺬﺍ ﺍﻟﺤﺠﻲ ﺷﺮﻃﻲ ﺍﻟﻤﺮﻭﺭ ﺍﺗﺪﺧﻞ
ﻭﺑﻌﺪﻫﺎ ﻛﻢ ﻭﺍﺣﺪ ﻣﻦ ﺍﻟﺨﻴﺮﻳﻦ
ﺻﺎﺭﻭﺍ ﻳﻬﺪﻭﻥ ﺍﻟﻌﺮﻛﺔ
......
ﻭﺷﻮﻳﺔ ﺷﻮﻳﺔ ﺑﺪﺕ ﺍﻟﻬﻮﺳﺔ ﺗﺨﻒ ﻭﻛﻢ ﻭﺍﺣﺪ ﻣﻦ ﺍﻫﻞ ﺍﻟﻌﺮﺱ ﺻﺎﺭ ﻳﺼﻌﺪ ﺑﻮﻟﺪﻫﻢ
ﺑﺎﻟﺴﻴﺎﺭﺍﺕ ﻭﻳﺤﺮﻛﻢ ﺷﻜﻠﻪ ﺟﺒﻴﺮﻫﻢ ﻭﺍﺣﺪ ﻣﺘﻬﺪﻱ
ﻣﻴﺤﺐ ﺍﻟﻤﺸﺎﻛﻞ
ﺑﺪﺕ ﺍﺗﺮﺍﺑﺔ ﺍﻟﻌﺮﻛﺔ ﺗﻨﺠﻠﻲ ﻭﺑﺪﺕ ﺍﻟﺮﺅﻳﺔ ﺗﻮﺿﺢ
ﻋﻨﺪﻱ
ﻭﺟﺎﻥ ﺍﺷﻮﻑ ﻗﺎﺳﻢ ﺩﻳﻌﺒﺮ ﺍﻟﺸﺎﺭﻉ ﺑﺘﺠﺎﻫﻲ ﻭﺑﺼﻔﻪ
ﻫﺸﺎﻡ . ﻭﺑﺼﻒ ﻫﺸﺎﻡ ﻭﻟﺪ ﺛﺎﻟﺚ ﻣﺎ ﺍﻋﺮﻓﻪ
ﺟﺎﻧﻮﺍ ﺛﻼﺛﺘﻬﻢ . ﺷﻜﻠﻬﻢ ﻣﻌﻠﻮﺏ ﺑﻲ ﻃﻮﺑﺔ
ﺍﻟﻮﺟﻮﻩ ﺻﺎﻳﺮﺓ ﺧﺮﻳﻄﺔ . ﻭﺍﻟﻤﻼﺑﺲ ﻣﻜﻄﻌﺔ
ﻭﻗﺴﻮﻣﻲ ﺣﺒﻴﺒﻲ ﺍﻟﺘﺸﻴﺮﺕ ﻣﻔﺘﻮﻙ
ﻭﺣﺎﻟﺘﻪ ﺣﺎﻟﺔ ﺭﻓﻊ ﺍﻳﺪﻩ . ﻳﺘﻠﻤﺲ ﺣﺎﺟﺒﻪ ﺍﻟﻤﺼﺮﻭﺏ
ﺭﻓﻊ ﺭﺍﺳﻲ ﻭﺟﺎﻥ ﻳﻌﻘﺪ ﺣﻮﺍﺟﺒﻪ
ﻣﺜﻞ ﺍﻟﻲ ﻣﻤﺼﺪﻙ ﻋﻴﻮﻧﻪ
ﺭﺹ ﺍﺳﻨﺎﻧﻪ ﻭﻣﺸﺔ ﺑﺘﺠﺎﻫﻲ ﻋﺎﻟﺴﺮﻳﻊ ﻭﺍﻗﺘﺮﺏ ﻣﻨﻲ ﻭﻛﺎﻝ
.. ﻣﻦ ﺍﺣﺘﺮﻛﺖ ﻋﺸﻴﺮﺗﺞ ﻭﻟﺞ ﻏﻀﺐ ﺍﻧﺘﻲ ﺷﻨﺰﻟﺞ
ﻣﻦ ﺍﻟﺴﻴﺎﺭﺓ
ﺟﻨﺖ ﻭﺍﻛﻔﺔ ﻗﺮﻳﺐ ﻋﺎﻟﺴﻴﺎﺭﺓ ﺑﻴﻨﻲ ﻭﺑﻴﻨﻬﺎ ﻣﺴﺎﻓﺔ ﺛﻼﺙ ﻣﺘﺮﺍﺕ
ﻟﺰﻣﻨﻲ ﻣﻦ ﻛﻮﻋﻲ ﺑﻜﻞ ﻏﻴﺾ ﻭﺳﺤﺒﻨﻲ ﻭﺭﺍﻩ
ﻭﺍﻧﻲ ﺍﻣﺸﻲ ﻭﺭﺍﻩ ﻭﺍﺗﻌﺜﺮ
ﺑﺲ ﻻﺣﻈﺖ ﻧﻔﺴﻲ
ﺑﺎﺛﻨﺎﺀ ﺍﻟﻤﺸﻲ ﺍﺻﻌﺪ ﻭﺍﻧﺰﻝ ﻣﺜﻞ ﺍﻻﻋﺮﺝ
ﺩﻧﻜﺖ ﻭﺷﻬﻜﺖ ﻣﺘﻔﺎﺟﺌﺔ ﻋﺰﺓ ﺍﻧﻲ ﺑﺎﻗﻴﺔ ﺑﺲ ﺑﻔﺮ
ﻭﺣﺪﺓ
ﺩﺍﺭ ﻋﻠﻴﺔ ﺑﻜﻞ ﻏﻀﺐ ﻭﻋﺎﻁ . ﺑﻴﺔ
.. ﻟﻴﺶ ﻣﺘﻤﺸﻴﻦ ﻋﺪﻝ ﻟﻮ ﻋﺎﺟﺒﺞ ﺗﻨﺴﺤﻠﻴﻦ ﺑﺎﻟﺸﺎﺭﻉ
ﺣﺠﻴﺖ ﺑﺼﻮﺕ ﻧﺎﺻﻲ .. ﺍﺍﺍﺍﺍﺍ ﻗﺎﺳﻢ ﺣﺬﺍﺋﻲ
ﻧﺰﻝ ﻋﻴﻮﻧﻪ ﻭﺑﺎﻭﻉ ﻋﻠﻰ ﺭﺟﻠﻴﺔ
ﻭﺟﺎﻥ ﻋﻴﻮﻧﻪ ﺗﻨﻂ ﻣﻦ ﻣﻜﺎﻧﻬﺎ
ﻳﻤﺔ ﺻﺎﺭ ﻭﺟﻬﻪ ﺍﺣﻤﺮ ﻣﻦ ﺍﻟﻐﻀﺐ
ﻭﺍﻟﻠﻪ ﺭﺍﺡ ﻳﻨﻔﺠﺮ ﺑﻴﺔ
ﻓﺘﺤﻠﻲ ﺑﺎﺏ ﻭﻫﻮ ﻳﺴﺐ ﻭﻳﻠﻌﻦ
ﻣﺸﻴﺖ ﻣﻦ ﻛﺪﺍﻣﻪ ﺍﺻﻌﺪ ﻭﺍﻧﺰﻝ .. ﺍﺻﻌﺪ .. ﻭﺍﻧﺰﻝ
ﺍﺳﻤﻌﻪ ﻳﻜﻮﻝ ﺑﺼﻮﺕ ﻧﺎﺻﻲ
ﻳﺎﺭﺑﻲ ﺍﻟﻬﻤﻨﻲ ﺍﻟﺼﺒﺮ
ﺻﻌﺪﺕ ﺑﺎﻟﺴﻴﺎﺭﺓ ﻭﺳﺪ ﺍﻟﺒﺎﺏ ﻭﺭﺍﻱ
ﺧﺮﺏ ﺣﻈﻲ ﻳﻠﻌﻦ ﺍﻟﻴﻮﻡ ﺍﻟﻲ ﻓﻜﺮﺕ ﺑﻲ ﺍﻟﺒﺲ ﻛﻌﺐ ﻋﺎﻟﻲ
ﻫﺴﺔ ﻭﻛﺘﻪ
ﻭﻫﻮ ﺩﺍﺭ ﺣﻮﻝ ﺍﻟﺴﻴﺎﺭﺓ ﻭﺻﻌﺪ ﺑﺎﻟﺴﻴﺎﺭﺓ
ﺑﺎﻭﻋﺖ ﻟﻬﺸﺎﻡ ﻭﺻﺪﻳﻘﻪ ﺍﺟﻮﻱ ﻭﻭﻛﻔﻮﺍ ﻳﻢ ﺍﻟﺴﻴﺎﺭﺓ
ﻭﻗﺎﺳﻢ ﻧﺰﻝ ﺍﻟﺠﺎﻣﺔ ﻭﻫﺸﺎﻡ ﺟﺎﻥ ﻫﻮ ﻫﻤﺎﺗﻴﻦ ﻭﺟﻬﻪ ﺻﺎﻳﺮ ﻓﻠﻢ
ﺿﺤﻚ ﻭﻫﻮ ﻳﺒﺎﻭﻉ ﻋﻠﻴﺔ ﻭﺍﻟﻮﻟﺪ ﺍﻟﻲ ﻭﺍﻛﻒ ﻳﻤﻪ ﻫﻢ ﺟﺎﻥ ﻳﻀﺤﻚ
ﻫﺸﺎﻡ ﺍﻟﺘﻔﺖ ﻋﻠﻰ ﺍﻟﻮﻟﺪ ﻭﺳﺄﻟﻪ
.. ﻫﺎ ﻋﺰﺍﻡ ﻫﻲ ﻟﻮ ﻣﻮ ﻫﻲ
ﻋﺰﺍﻡ ﺟﺎﻭﺑﻪ ﻭﻫﻮ ﺧﺮﺑﺎﻥ ﺿﺤﻚ ﻛﻠﻪ ﺍﻱ ﻫﻲ
.. ﺍﻱ ﻭﺍﻟﻠﻪ ﻫﻲ ﺷﺒﻴﻚ ﻣﺘﺼﺪﻛﻨﻲ
ﻗﺎﺳﻢ ﻋﻘﺪ ﺣﻮﺍﺟﺒﻪ ﻭﺳﺄﻟﻬﻢ .. ﻫﺸﺎﻡ ﺷﻜﻮ ﺷﻨﻮ
ﻫﻲ ﻟﻮ ﻣﻮ ﻫﻲ
ﻫﺸﺎﻡ ﺭﻓﻊ ﻓﺮﺩﺓ ﺍﻟﺤﺬﺍﺀ ﻣﺎﻟﺘﻲ ﻭﺍﻧﻄﺎﻫﺎ ﻟﻘﺎﺳﻢ ﻭﻫﻮ ﺧﺮﺑﺎﻥ ﻣﻦ ﺍﻟﻀﺤﻚ
.. ﻫﺎﻙ ﺧﻮﻳﺔ ﻫﺎﻱ ﻓﺮﺩﺓ ﺣﺬﺍﺀ ﻣﺮﻳﺘﻚ
ﺍﺟﺘﻲ ﺑﺎﻟﻐﻠﻂ ﺑﺮﺍﺱ ﻋﺰﺍﻡ
ﻳﺒﻮﻭﻭﻭﻭﻭﻭﻭﻭﻭﻭﻭ ﻋﺰﺓ ﻭﻳﻦ ﺍﻭﺩﻱ ﻭﺟﻬﻲ
ﻗﺎﺳﻢ .. ﺍﻟﺘﻔﺖ ﻋﻠﻴﺔ . ﻭﻋﻴﻮﻧﻪ ﺗﺮﻳﺪ ﺗﻄﻠﻊ ﻣﻦ ﻣﻜﺎﻧﻬﺎ
ﻋﺒﺎﻟﻚ ﺩﺑﺎﻭﻉ ﻟﻜﺎﺋﻦ ﻓﻀﺎﺋﻲ ﻏﺮﻳﺐ ﻋﻠﻴﻪ
.......
ﻋﺰﺍﻡ ﺣﺠﺔ ﻭﻳﺎﻱ
.. ﺧﻮﻳﺔ ﻣﻨﺎ ﻭﺭﺍﻳﺢ ﻣﻦ ﺗﺮﺩﻳﻦ ﺗﺸﻤﺮﻳﻦ ﺣﺠﺎﺭ ﺍﻭ ﺣﺬﺍﺀ
ﺭﺟﺎﺀﺍً . ﻧﻴﺸﻨﻲ ﻭﺻﻮﺑﻲ ﻋﺎﻟﻌﺪﻭﺍ
ﻣﺒﻴﻦ ﺍﻟﻮﻟﺪ ﺻﺪﻳﻖ ﻫﺸﺎﻡ ﻭﻗﺎﺳﻢ ﻭﺍﻟﻈﺎﻫﺮ ﻋﻼﻗﺘﻬﻢ ﻗﻮﻳﺔ ﻭﺑﻴﻨﻬﻢ ﻣﻴﺎﻧﺔ
ﻗﺎﺳﻢ .. ﻻ ﺗﻜﻮﻟﻴﻦ ﺍﻧﺘﻲ ﺟﻨﺘﻲ ﻧﺎﺯﻟﺔ ﺗﻔﺰﻋﻴﻠﻲ
ﺑﺎﻟﺤﺠﺎﺭ
ﺩﻧﻜﺖ ﺭﺍﺳﻲ ﻣﺎ ﺍﻋﺮﻑ ﻭﻳﻦ ﺍﺿﻤﻪ
ﻭﺟﺎﻭﺑﺖ
.. ﻣﻮ ﺷﻔﺘﻬﻢ ﺩﺍﺭﻭﺍ ﻋﻠﻴﻚ . ﻭﻣﻜﺪﺭﺕ . ﺍﺗﺤﻤﻞ
ﺍﺑﺎﻭﻉ ﻋﻠﻴﻬﻢ ﻳﺄﺫﻭﻧﻚ ﻭﺍﺑﻘﻰ ﻛﺎﻋﺪﺓ ﻣﻜﺎﻧﻲ ﻭﻣﺎ ﺍﺳﻮﻱ
ﺷﻲ
ﻏﻤﺾ ﻋﻴﻮﻧﻪ ﻭﻣﺴﺢ ﻭﺟﻬﻪ ﺑﻜﻒ ﺍﻳﺪﻩ
ﻭﺑﺎﻭﻉ ﻋﻠﻴﺔ ﻭﻫﻮ ﻣﺒﺘﺴﻢ ﻟﻠﺤﻈﺔ ﺷﻔﺖ ﺑﻌﻴﻮﻧﻪ
ﻧﻈﺮﺓ ﻓﺨﺮ ﻭﻫﻤﺲ ﻭﻛﺎﻝ
.. ﻣﺮﺓ ﺍﻟﺜﺎﻧﻴﺔ ﻣﻦ ﺍﻛﻮﻝ ﻫﺎﺩﻱ ﻻ ﺗﻜﻌﺪ
ﺗﺘﻤﺰﻋﻞ ﻭﺗﻜﻠﻲ ﺟﺮﺣﺖ ﺍﻻﻧﺜﻰ ﺍﻟﺒﺪﺍﺧﻠﻲ
ﻋﺰﺍﻡ ﺑﻀﺤﻜﺔ .. ﺑﺲ ﺗﺮﻳﺪ ﺍﻟﺼﺪﻙ
ﻋﻤﻲ ﻭﺍﻟﻠﻪ ﺍﺧﺖ ﺭﺟﺎﻝ
ﺍﺑﺎﻭﻉ ﻋﻠﻴﻬﺎ ﺗﺮﻭﺡ ﻭﺗﺮﺟﻊ ﻋﻠﻰ ﺍﻟﻌﺮﻛﺔ
ﻋﺒﺎﻟﻚ ﺍﻡ ﻭﻣﻀﻴﻌﺔ ﺍﺑﻨﻬﺎ
ﻛﻤﻞ ﻛﻼﻣﻪ ﻭﻳﺔ ﻗﺎﺳﻢ ﻳﺤﺠﻲ ﺑﺼﻮﺕ ﻧﺎﺻﻲ
.. ﺍﻛﻮﻝ ﺍﺑﻮ ﺍﻟﺸﺒﺎﺏ ﺍﻣﻲ ﺗﺪﻭﺭﻟﻲ ﻋﻠﻰ . ﻣﺮﺓ
ﺑﺎﻟﻠﻪ ﻣﺎ ﺗﺸﻮﻓﻠﻨﺎ ﺍﺧﺘﻬﺎ ﻟﻤﺮﺗﻚ
ﺍﻧﺘﺒﻬﺖ ﻋﻠﻰ ﻫﺸﺎﻡ ﺿﺮﺑﻬﺎ ﻋﻠﻰ ﺭﺍﺳﻪ ﻣﻦ ﻭﺭﺓ
ﻭﻛﺎﻝ .. ﺍﻛﻠﻚ ﻣﺎ ﺗﺎﻛﻞ ﺗﺒﻦ ﻭﺍﺛﻖ ﻣﻦ ﻧﻔﺴﻪ
ﻳﺸﻮﻓﻠﻪ ﺍﺧﺖ ﺍﻟﻤﺮﺓ
ﻣﻮ ﻋﻠﻰ ﺍﻻﺳﺎﺱ ﻫﻲ ﻛﺎﻋﺪﺗﻠﻚ
ﺑﺎﻟﻠﻪ ﺷﻮ ﺍﺗﺤﺮﻙ ﺍﻣﺸﻲ ﻛﺪﺍﻣﻲ
ﺍﻧﺖ ﻣﺎ ﺗﻨﻄﻲ ﻭﺟﻪ .
ﻛﺒﻞ ﺗﻜﻮﻡ ﺗﺨﺒﺺ
ﺍﺑﺎﻭﻉ ﻋﻠﻴﻪ ﺍﻛﻞ ﺍﻟﻮﻟﺪ . ﺑﻜﺸﻮﺭﻩ
ﺷﻴﻤﺎﺀ
ﺑﺎﻟﻤﺴﺘﺸﻔﻰ
ﻛﺎﻟﻌﺎﺩﺓ ﻣﻠﺘﻬﻴﺔ ﺍﻛﻤﻞ ﻭﺍﺟﺒﺎﺗﻲ ﻭﻣﺴﺘﻌﺠﻠﺔ
ﺍﺭﻳﺪ ﺍﺧﻠﺺ ﺑﺴﺮﻋﺔ ﻻﻥ ﻭﺭﺍﻱ ﻃﻠﻌﺔ ﻣﻦ ﻭﻛﺖ
ﻋﻠﻤﻮﺩ ﺍﻟﻴﻮﻡ ﻧﺮﻭﺡ ﻟﺒﻴﺖ ﺍﻡ ﻓﺮﺯﺩﻕ
ﺑﺎﻭﻋﺖ ﻟﻠﺴﺎﻋﺔ ﻭﺭﺣﺖ ﺍﺗﺼﻠﺖ ﻋﻠﻰ ﻣﺮﻳﻢ ﻭﺍﻛﺪﺕ ﻋﻠﻴﻬﺎ ﺣﺘﻰ ﺗﺤﻀﺮ ﻧﻔﺴﻬﺎ ﺑﻴﻦ ﻣﺎ ﺍﺧﻠﺺ ﺷﻐﻠﻲ
ﻭﺍﻣﺮ ﻋﻠﻴﻬﺎ ﻭﻧﺮﻭﺡ ﻟﺒﻴﺖ ﺧﺎﻟﺔ ﺍﻡ ﻓﺮﺯﺩﻕ
ﺭﺟﻌﺖ ﺍﻟﻨﻘﺎﻝ ﺑﺎﻟﺠﻨﻄﺔ
ﺍﺟﻴﺖ ﺍﻃﻠﻊ ﻭﺟﺎﻥ ﻳﺮﺟﻊ ﻳﺪﻙ ﻧﻘﺎﻟﻲ ﻃﻠﻌﺘﻪ ﻣﻦ ﺍﻟﺠﻨﻄﺔ
ﻭﺭﺣﻌﺘﻬﺎ ﻟﻤﻜﺎﻧﻬﺎ . ﻭﻃﻠﻌﺖ ﺑﺮﺓ ﻭﺍﻧﻲ ﺍﺣﺠﻲ ﺑﺎﻟﻨﻘﺎﻝ
ﻭﺟﺎﻥ ﺍﻟﻤﺘﺼﻞ ﻣﺮﻭﺓ
ﺗﺴﺄﻟﻨﻲ ﻋﻦ ﺿﺤﻰ
ﻣﺮﻭﺓ .. ﻫﻠﻮ ﺷﻮﻣﺔ ﺍﻛﻮﻝ ﺍﻟﺒﺎﺭﺣﺔ ﺍﺗﺼﻠﺘﻲ ﻋﻠﻰ ﺿﺤﻰ؟؟
.. ﺍﻱ ﺍﺗﺼﻠﺖ ﻋﻠﻴﻬﺎ ﺍﻟﺒﺎﺭﺣﺔ ﺑﺎﻟﻠﻴﻞ ﻛﻠﺶ
ﻭﺣﺠﺖ ﻭﻳﺎﻱ
.. ﺍﻱ ﻭﺷﻨﻮ ﺷﺴﻮﺕ ﻭﻳﺔ ﻋﻴﺎﻟﻬﺎ ﻭﺳﻴﻒ ﻛﻠﺘﻠﻬﻢ ﻟﻮ ﺑﻌﺪﻫﺎ؟؟
.. ﺗﻜﻮﻝ ﺍﻭﻝ ﻣﺎ ﻓﺎﺗﺤﺖ ﻋﻤﺘﻲ ﺑﺎﻟﻤﻮﺿﻮﻉ ﻭﻛﻠﺘﻠﻬﺎ
ﺍﺧﺬﺕ ﺳﻮﻧﺎﺭﺍﺗﻜﻢ ﻭﺍﻟﺘﺤﺎﻟﻴﻞ ﺍﻟﺴﻮﻳﺘﻮﻫﺎ ﺍﻟﻲ
ﻭﺍﻧﻄﻴﺘﻬﺎ ﻟﻤﺮﻭﺓ ﺣﺘﻰ ﺗﻘﺮﺍﻫﻢ ﺍﻟﻲ
ﻭﻣﺮﻭﺓ ﺷﺎﻓﺘﻬﻢ ﻭﻛﺎﻟﺖ ﺍﻧﺘﻲ ﻣﺎ ﺑﻴﺞ ﺍﻱ ﺧﻠﻞ
ﻭﻣﺎﻋﻨﺪﺝ ﺍﻱ ﺷﻲ ﻳﻤﻨﻌﺞ ﻋﻦ ﺍﻟﺤﻤﻞ
ﺗﻜﻮﻝ ﻟﻮ ﺗﺸﻮﻓﻴﻦ ﻭﺟﻪ ﻋﻤﺘﻲ ﺷﻠﻮﻥ ﺍﻧﺨﻄﻒ ﻟﻮﻧﻪ
ﻭﺑﻌﺪﻫﺎ .. ﻳﺎ ﺻﻠﻮﺍﺕ ﻋﻠﻰ ﺍﻟﻨﺒﻲ ﺭﺍﻳﺔ ﺍﻟﻠﻪ ﺑﻴﻀﺔ
ﻟﻌﺪ ﺍﺫﺍ ﺍﻧﺘﻲ ﻣﺒﻴﺞ ﺷﻲ ﻭﺳﻴﻒ ﻫﻢ ﻣﺎﺑﻲ ﺷﻲ
ﻟﻌﺪ ﻟﻴﺶ ﻟﺤﺪ ﺍﻻﻥ ﻣﻴﺼﻴﺮ ﺣﻤﻞ
.......
ﻳﺎ ﻋﺰﺓ ﺑﺲ ﻻ ﻣﺴﻮﻳﻠﻜﻢ ﻋﻤﻞ
ﻟﻮ ﻣﻠﺰﻭﻣﻴﻦ
ﻭﺿﺤﻰ ﻛﻠﺘﻠﻬﺎ .. ﺧﺎﻟﺔ ﺍﺭﻳﺪﺝ ﺗﺎﺧﺬﻳﻨﻲ ﻟﻬﺎﻱ ﺍﻟﺪﻛﺘﻮﺭﺓ
ﺍﺭﻳﺪ ﺍﻋﺮﻑ ﻟﻴﺶ ﺟﺬﺑﺖ ﻋﻠﻴﺔ ﻭﻛﻠﺘﻠﻲ ﺍﻧﺖ ﻋﻨﺪﺝ ﺿﻌﻒ ﻭﻣﻴﺼﻴﺮ ﻋﻨﺪﺝ ﺣﻤﻞ ﺍﺭﻳﺪ ﻛﻮﻥ ﺍﺿﺮﺑﻬﺎ ﻋﻠﻰ ﺣﻠﻜﻬﺎ
ﻋﻠﻰ ﻫﺎﻱ ﺍﻟﺪﻛﺔ
ﺍﻡ ﺳﻴﻒ ﻛﺎﻣﺖ ﺗﺒﻠﻌﻢ
.. ﻳﺎ ﺧﺎﻟﺔ ﺿﺤﻰ ﻣﺘﺴﻮﻯ ﺗﺮﻭﺣﻴﻠﻬﺎ
ﻭﺍﻟﻠﻪ ﻃﺒﻌﺎ ﺻﺪﻳﻘﺎﺗﻲ ﻛﺎﻟﻮ ﻋﻠﻴﻬﺎ ﻫﺎﻱ ﺍﻟﺪﻛﺘﻮﺭﺓ ﻓﺎﺷﻠﺔ
ﻭﻏﺒﻴﺔ ﺑﺲ ﺍﻧﻲ ﻣﺎ ﺻﺪﻛﺘﻬﻢ ﻭﻃﺒﻌﺎ ﻫﺴﺔ ﺍﻧﺘﻲ ﻣﻦ
ﻛﻠﺘﻴﻠﻲ ﺛﺒﺖ ﻛﻼﻣﻬﻢ ﻋﻨﻬﺎ ﺻﺤﻴﺢ ﻭﻫﻲ ﻛﻠﺸﻲ ﻣﺘﻔﺘﻬﻢ
ﺑﻌﺪ ﻫﺎﻱ ﺧﻼﺹ ﻣﻨﺮﻭﺡ ﺍﻟﻬﺔ ﺧﻠﻲ ﺗﻮﻟﻲ
ﻣﺮﻭﺓ .. ﺷﻜﺪ ﺣﻴﺔ ﻭﻗﺬﺭﺓ ﺑﻨﺖ ﺑﻠﻴﺲ
ﺷﻠﻮﻥ ﺣﺎﻛﺘﻬﺎ ﻟﻠﺴﺎﻟﻔﺔ ﻋﺒﺎﻟﻬﺎ . ﺗﻌﺒﺮ ﻋﻠﻰ ﺿﺤﻰ
ﻳﺎﺑﺔ ﻛﻮﻥ ﻛﺪﺍﻣﻲ ﻭﺍﻟﻠﻪ ﻣﺎ ﺍﺭﺣﻤﻬﺎ ﻛﻮﻥ ﺍﻣﺴﺢ ﺑﻴﻬﺎ ﺍﻟﻜﺎﻉ
ﻭﺯﻳﻦ ﻭﺳﻴﻒ ﻣﻜﻠﺘﻠﺞ ﺷﻨﻮ ﻛﺎﻝ
.. ﺍﻣﺎ ﺳﻴﻒ ﺗﻜﻮﻝ ﺳﻜﺖ ﻭﻣﻦ ﺳﻤﻊ ﻛﻼﻡ ﺍﻣﻪ ﺍﺷﻮ ﻫﺬﺍ
ﻛﺎﻝ ﺧﻠﻲ ﺗﺼﺒﺮﻟﻲ ﻫﺎﻱ ﺍﻟﺤﻴﻮﺍﻧﻪ
ﺟﺎﻥ ﻳﻘﺼﺪ ﺍﻟﺪﻛﺘﻮﺭﺓ . ﺍﺫﺍ ﻣﺎ ﺑﺎﺟﺮ ﺍﺭﻭﺣﻠﻬﺎ
ﻭﺍﺣﺮﻙ ﻋﻴﺎﺩﺗﻬﺎ ﻋﻠﻴﻬﺎ ﺷﻠﻮﻥ ﻫﻴﺞ ﺗﻐﻠﻂ ﻏﻠﻄﺔ
ﻭﺗﻮﻫﻤﻨﺎ
ﻭﺗﻜﻮﻝ ﻋﺎﻑ ﺍﻟﺒﻴﺖ ﻭﻃﻠﻊ
.. ﻭﺍﻟﻠﻪ ﺍﻛﺺ ﺍﻳﺪﻱ ﺍﺫﺍ ﻣﻄﻠﻌﻮﺍ ﺍﻟﺜﻨﻴﻦ ﺣﺎﻳﻜﻴﻦ ﺍﻟﺴﺎﻟﻔﺔ ﺳﻮﻳﺔ ﻭﻫﺬﺍ ﻓﻠﻢ ﻣﻦ ﻳﻤﻬﻢ ﻣﺎ ﺍﻃﻠﻊ ﺍﺳﻤﻲ ﻣﺮﻭﺓ
ﻋﻠﻰ ﺍﻟﻌﻤﻮﻡ ﺧﻠﻴﻨﺎ ﻧﺒﻘﻰ ﻭﻳﺎﻫﺎ ﻋﻠﻰ ﺗﻮﺍﺻﻞ
ﺣﺘﻰ ﻧﻌﺮﻑ ﻟﻮﻳﻦ ﺗﺼﻔﻰ ﺗﺎﻟﻴﻬﺎ ﻫﺬﻭﻟﻲ ﻣﺎ ﻳﻨﺤﺰﺭﻭﻥ
ﻳﺎﻟﻠﻪ ﺍﻧﻲ ﻻﺯﻡ ﺍﻧﻬﻲ ﺍﻟﻤﻜﺎﻟﻤﺔ ﻋﻨﺪﻱ ﻣﺮﺍﺟﻌﻴﻦ
ﻳﺎﻟﻠﻪ ﻣﻊ ﺍﻟﺴﻼﻣﺔ
.. ﺍﻟﻠﻪ ﻭﻳﺎﺝ ﺣﺒﻴﺒﺘﻲ
ﺳﺪﻳﺖ ﺍﻟﻨﻘﺎﻝ ﻣﻦ ﻋﻨﺪﻫﺎ ﻭﺣﻄﻴﺘﻪ ﺑﺠﻴﺐ ﺍﻟﺼﺪﺭﻳﺔ
ﻭﺭﺣﺖ ﻋﻠﻰ ﺷﻐﻠﻲ ﻭﺑﻴﻦ ﻣﺎ ﺟﻨﺖ ﺍﺷﺘﻐﻞ ﻭﺍﺧﺬﺗﻠﻲ
ﻣﺎ ﻳﻘﺎﺭﺏ ﺍﻟﺴﺎﻋﺘﻴﻦ ﺷﻐﻞ ﻣﺘﻮﺍﺻﻞ ﺍﺭﻳﺪ ﺑﺲ ﺍﻛﻤﻞ
ﺧﻠﺼﺖ ﺷﻐﻠﻲ ﺑﺄﻃﻼﻉ ﺍﻟﺮﻭﺡ
ﺍﻟﺤﻤﺪﻟﻠﻪ ﺑﺎﺟﺮ ﻋﻨﺪﻱ ﻋﻄﻠﺔ ﻋﻠﻰ ﺍﻻﻗﻞ ﺷﻮﻳﺔ ﺍﺭﺗﺎﺡ
ﺭﺣﺖ ﻟﻐﺮﻓﺔ ﺍﺳﺘﺮﺍﺣﺔ ﺍﻟﻤﻤﺮﺿﺎﺕ ﻃﻠﻌﺖ ﻧﻘﺎﻟﻲ ﻣﻦ ﺟﻴﺐ ﺍﻟﺼﺪﺭﻳﺔ
ﻭﻧﺰﻋﺖ ﺻﺪﺭﻳﺘﻲ ﻭﺍﺧﺬﺕ ﺟﻨﻄﺘﻲ ﻭﻃﻠﻌﺖ
ﺟﺎﻥ ﺗﺠﻴﻨﻲ ﺭﺑﺎﺏ ﺗﺮﻛﺾ ﻣﺒﻴﻦ ﻣﻦ ﻭﺟﻬﺎ ﻋﻨﺪﻫﺎ ﺧﺒﺮ
ﺭﺑﺎﺏ ﺑﺄﻧﻔﺎﺱ ﻣﺘﻘﻄﻌﺔ .. ﻟﺞ ﺷﻴﻤﺎﺀ ﺳﺘﻮﻧﻲ ﺷﻔﺖ ﺷﺎﻛﺮ
ﺩﻳﺘﻌﺎﺭﻙ ﻭﻳﺔ ﺍﻟﺤﺮﺱ ﻳﻢ ﺍﻟﺒﻮﺍﺑﺔ ﻣﺎﻟﺖ ﺍﻟﻤﺴﺘﺸﻔﻰ
ﺷﻬﻜﺖ ﺑﺨﻮﻑ ﻣﻮ ﻣﻨﻪ
ﺧﻔﺖ ﻻ ﻳﺠﻴﺒﻠﻲ ﺣﺎﺟﻴﺔ
ﺗﺎﻳﻬﺔ ﻭﺍﻧﻲ ﻣﻨﺎﻗﺼﺔ
.. ﻋﺰﺯﺓ ﻭﻟﻴﺶ ﺩﻳﺘﻌﺎﺭﻙ ﻭﻳﺎﻫﻢ
.. ﺳﻤﻌﺖ ﺍﻥ ﺍﻟﺤﺮﺱ ﺟﺎﻳﺘﻬﻢ ﺍﻭﺍﻣﺮ ﺗﻘﺘﻀﻲ
ﺑﻌﺪﻡ ﺩﺧﻮﻝ ﺷﺎﻛﺮ ﻟﻠﻤﺴﺘﺸﻔﻰ
ﺷﻠﻮﻥ ﻭﻟﻴﺶ ﻫﺎﻱ ﺍﻟﻲ ﻣﺎ ﺍﻋﺮﻓﻬﺎ
ﺳﺄﻟﺘﻬﺎ ﻣﺘﻌﺠﺒﺔ .. ﺍﺧﺎﻑ ﻣﺴﻮﻳﻦ ﺣﻤﻠﺔ ﻳﻤﻨﻌﻮﻥ ﺑﻴﻬﺎ ﺩﺧﻮﻝ ﺍﻟﻤﺸﺒﻮﻫﻴﻦ
.. ﻻ ﺣﺒﻴﺒﻲ ﺍﻟﻤﺼﺪﺭ ﻳﻜﻮﻝ ﻣﻨﻌﻮﺍ
ﺷﺎﻛﺮ ﺑﺎﻻﺳﻢ . ﻳﻌﻨﻲ ﻣﻮ ﺻﺪﻓﺔ
ﻣﺎ ﺍﻋﺮﻑ ﺍﻓﺮﺡ ﻣﺪﺭﻱ ﺍﺧﺎﻑ
ﺑﺲ ﺍﻟﺤﻤﺪﻟﻠﻪ ﺭﺑﻲ ﻳﺪﻓﻊ ﻋﻨﻲ ﻛﻴﺪ ﺷﺎﻛﺮ
ﻭﻳﺨﻠﺼﻨﻲ ﻣﻨﻪ
ﺑﺎﻭﻋﺖ ﻟﻠﺴﺎﻋﺔ
ﻭﺣﺠﻴﺖ .. ﺍﻫﻮﻭﻭ ﺍﺷﻜﺪ ﻋﻴﺐ ﺭﺍﺡ ﺍﺗﺄﺧﺮ ﻋﻠﻰ ﺑﻴﺖ
ﺍﻡ ﻓﺮﺯﺩﻕ ﻫﻢ ﻳﺎﻟﻠﻪ ﺍﺭﻭﺡ
ﺭﺑﺎﺏ .. ﻟﻌﺪ ﻳﺎﻟﻠﻪ ﺭﻭﺣﻲ ﺷﻨﻮ ﺗﻨﺘﻈﺮﻳﻦ
.. ﻳﺎﻟﻠﻪ ﺣﺒﻴﺒﺘﻲ ﺑﺎﻱ
ﺭﺣﺖ ﻭﻋﻔﺘﻬﺎ ﻭﺭﺍﻱ
ﻭﺑﺴﺮﻋﺔ ﺭﺣﺖ ﻋﺎﻟﺸﺎﺭﻉ ﺍﻟﻌﻠﻢ ﻭﺍﺟﺮﺕ ﻫﺎﻟﻤﺮﺓ ﺗﻜﺴﻲ ﻋﻠﻤﻮﺩ ﺍﺳﺮﻉ ﻣﻦ ﺍﻟﺒﺎﺻﺎﺕ
ﺻﻌﺪﺕ ﺑﺎﻟﺴﻴﺎﺭﺓ
ﻭﻣﻦ ﻭﺻﻠﺖ ﻟﺮﺍﺱ ﺍﻟﻔﺮﻉ
ﻭﺍﺗﺼﻠﺖ ﻋﻠﻰ ﻣﺮﻳﻢ ﺣﺘﻰ ﺗﻄﻠﻊ ﻟﻲ ﻟﺮﺍﺱ ﺍﻟﻔﺮﻉ ﻋﻠﻤﻮﺩ ﻧﻔﺴﻪ ﺍﻟﺘﻜﺴﻲ ﻳﻮﺩﻳﻨﺎ ﻟﺒﻴﺖ ﺧﺎﻟﺔ ﺍﻡ ﻓﺮﺯﺩﻕ
ﺍﺟﺘﻲ ﺟﺎﻧﺖ ﻻﺑﺴﺔ ﻣﻼﺑﺲ ﻏﺎﻣﻘﺔ
ﻛﻠﺶ ﺣﻠﻮﺓ ﻋﻠﻴﻬﺎ ﻭﺍﻟﻠﻪ ﻣﻮ ﻻﻥ ﺍﺧﺘﻲ
ﺑﺲ ﺍﻟﻐﺎﻣﻖ ﺑﺎﺭﺯ ﺑﻴﺎﺽ ﺑﺸﺮﺗﻬﺎ
ﺑﺤﻴﺚ ﺗﻠﻔﺖ ﺍﻻﻧﺘﺒﺎﻩ
ﺧﻄﻴﺔ ﺻﻌﺪﺕ ﻳﻤﻲ
ﻭﺳﻠﻤﺖ ﻋﻠﻴﺔ
ﻭﺳﺄﻟﺘﻬﺎ .. ﺍﻛﻮﻝ ﻣﺮﻳﻮﻣﺔ ﻏﺪﻳﺘﻲ ﺳﻠﻴﻤﺔ
.. ﺍﻱ ﻏﺪﻳﺘﻬﺎ ﻭﺍﻧﻄﻴﺘﻬﺎ ﺩﻭﺍﻫﺎ
ﺩﻙ ﻧﻘﺎﻟﻲ ﻭﺟﺎﻥ ﺍﻟﻤﺘﺼﻞ ﻫﺪﻯ ﻭﺍﻭﻝ ﻣﺎ ﺭﺩﻳﺖ ﻛﺎﻟﺖ
.. ﺷﻮﻣﺔ ﺷﻨﻮ ﻭﻳﻨﻜﻢ ﺗﺮﺓ ﻋﻴﺐ ﻣﻦ ﺧﺎﻟﺔ ﺍﻡ ﻓﺮﺯﺩﻕ ﻛﻞ ﺷﻮﻳﺔ ﺗﺴﺄﻟﻨﻲ ﻋﻨﻜﻢ
ﺷﻴﻤﺎﺀ .. ﻳﺎﻟﻠﻪ ﻫﻴﺎﺗﻨﻲ ﺑﺎﻟﻄﺮﻳﻖ ﻣﺎﺑﻘﺔ ﺷﻲ ﻭﺍﻭﺻﻠﻠﻜﻢ
ﺳﺪﻳﺘﻪ ﻣﻦ ﻋﻨﺪﻫﺎ
ﻭﺣﺠﻴﺖ ﻭﻳﺔ ﻣﺮﻳﻢ
.. ﺧﻄﻴﺔ ﻫﺎﻱ ﻫﺪ ......
ﻭﻫﻢ ﺭﺟﻊ ﻧﻘﺎﻟﻲ ﻳﺪﻙ ﻣﺮﺓ ﺍﻟﻠﺦ
ﻭﻫﺎﻟﻤﺮﺓ ﺟﺎﻥ ﺭﻗﻢ ﻏﺮﻳﺐ .
ﻛﺒﻞ ﺭﺩﻳﺖ ﻋﺎﻟﻤﺘﺼﻞ
ﻭﺟﺎﻥ ﺍﺳﻤﻊ ﺻﻮﺕ ﻭﺣﺪﺓ ﺗﺤﺠﻲ ﺑﻜﻞ ﻏﻀﺐ ﻭﺑﺼﻮﺕ ﻋﺎﻟﻲ ﻣﺴﺘﻌﺠﻞ
.. ﺷﻴﻤﺎﺀ ﺍﻧﻲ ﻣﺮﺕ ﺣﻤﻰ ﺿﺤﻰ ﺍﺧﺘﺞ
ﻋﻔﻴﺔ ﺗﻌﺎﻟﻲ ﻟﺤﻜﻲ ﻋﻠﻴﻬﺎ ﺑﺎﻟﻌﺠﻞ ﺳﻴﻒ ﺭﺍﺡ ﻳﻤﻮﺗﻬﺎ
ﺍﻟﻤﺨﺒﻞ ﻻﺯﻡ ﺑﻴﺪﻩ ﻣﺴﺪﺱ ﻭﻳﻬﺪﺩ ﺑﻴﻬﺎ
........
........
يتبع
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء