رواية أساور الفضة ج2 الجزء الحادي عشر
للكاتبة نهى
......
ﻫﺪﻯ
ﺑﺪﺕ ﺣﻴﺎﺗﻲ ﺗﺘﻐﻴﺮ
ﻭﺻﺮﺕ ﺍﻛﺜﺮ ﺗﻌﻠﻖ ﺑﻘﺎﺳﻢ
ﺟﺎﻥ ﻣﻦ ﻳﻄﻠﻊ ﻟﻠﺸﻐﻞ . ﺍﺑﻘﻰ ﺍﻋﺪ ﺍﻟﺴﺎﻋﺎﺕ
ﺍﻟﻰ ﺍﻥ ﻳﺮﺟﻊ ﺍﺣﺲ ﺻﺎﺭ ﻛﻞ ﺣﻴﺎﺗﻲ
ﻭﻣﻦ ﻳﺮﺟﻊ ﺍﺑﻘﻰ ﺍﺗﺒﻌﻪ ﻭﻳﻦ ﻣﻴﺮﻭﺡ ﻣﺜﻞ ﺍﻟﻄﻔﻠﺔ
ﺍﻟﻲ ﺗﻔﺘﺮ ﻭﺭﺓ ﺍﺑﻮﻫﺎ ﻫﻴﺞ ﺣﺎﻟﻲ ﻳﻜﻮﻥ ﺑﻘﺮﺏ ﻗﺎﺳﻢ
ﺑﺲ ﻭﻛﺎﺣﺔ ﻗﺎﺳﻢ ﺑﻌﻴﺪﺓ ﺍﻟﻜﻞ ﺍﻟﺒﻌﺪ ﺑﺘﻌﺎﻣﻠﻪ ﻭﻳﺎﻳﺔ
ﻛﻄﻔﻠﺔ .
ﻭﻓﻌﻼ ﻣﺜﻞ ﻣﻜﺎﻝ ﻃﻠﻊ ﻋﻴﻨﻲ ﺑﻮﻛﺎﺣﺘﻪ
ﻭﺻﺮﺕ ﺍﺷﻄﺮ ﻣﻦ ﺍﺳﺘﺎﺫﻱ ﺑﺎﻟﻮﻛﺎﺣﺔ
ﺳﺤﺒﺖ ﻧﻘﺎﻟﻲ ﻣﻦ ﻋﺎﻟﻜﺎﻭﻧﺘﺮ . ﻭﺍﻧﻄﻴﺘﻪ
ﺿﺮﺑﺔ .. ﺿﺮﺑﺘﻴﻦ .. ﺣﺘﻰ ﻳﺼﺤﻰ ﻣﻦ ﺍﻟﻨﻮﻡ
ﺣﺘﻰ ﻳﺸﺘﻐﻞ ﺻﺎﻳﺮ ﻣﺮﺍﺕ ﻳﻐﻔﻲ .
ﺍﺗﺼﻠﺖ ﻋﻠﻴﻪ ﺣﺘﻰ ﺍﺷﻮﻓﻪ ﺷﻮﻛﺖ ﻳﻮﺻﻞ ﺣﺘﻰ ﺍﺣﻤﻴﻠﻪ ﺍﻟﻌﺸﺎ
ﻗﺎﺳﻢ ﺑﻲ ﻃﺒﻴﻌﺔ ﻫﻮﺍﻱ ﻳﺘﺄﺧﺮ ﺑﺎﻟﺸﻐﻞ
ﻛﻠﻲ ﺍﻧﺘﻈﺮﻳﻨﻲ ﻻ ﺗﺘﻌﺸﻴﻦ ﻣﺎ ﺭﺍﺡ ﺍﺗﺄﺧﺮ
ﻣﻦ ﺟﻨﺖ ﺯﻋﻼﻧﺔ ﻣﻨﻪ ﻭﻗﺮﺭﺕ ﺍﺳﺤﺐ ﻧﻔﺴﻲ ﻣﻨﻪ
ﻭﺣﺘﻰ ﺑﺎﻻﻛﻞ ﺻﺮﺕ ﺍﺑﺘﻌﺪ ﻋﻨﻪ ﺟﺎﻥ ﺣﻴﻞ ﻳﻀﻮﺝ
ﺑﺲ ﻫﺴﺔ ﺭﺟﻌﺖ ﻣﺎ ﺍﻛﻞ ﺍﻻ ﻭﻳﺎﻩ
ﺟﺎﻧﺖ ﻫﺎﻱ ﻭﺣﺪﺓ ﻣﻦ ﺍﻟﻠﺤﻈﺎﺕ ﺍﻟﻲ ﺍﺣﺐ ﺍﺳﺘﻐﻠﻬﺎ
ﻭﻳﺔ ﻗﺎﺳﻢ ﻻﻥ ﺍﻭﻗﺎﺕ ﺍﻟﺨﺼﻮﺻﻴﺔ . ﺑﻴﻨﻲ ﻭﺑﻴﻦ ﻗﺎﺳﻢ
ﻛﻠﺶ ﻗﻠﻴﻠﺔ ﻭﺗﻨﻌﺪ ﺑﺎﻻﺻﺎﺑﻊ
ﺷﻐﻠﻪ ﻭﺍﻫﻠﻪ ﻳﺎﺩﻭﺏ ﻳﻠﺤﻚ ﻳﺘﻮﺍﺻﻞ ﻭﻳﺎﻫﻢ
ﻟﺬﻟﻚ ﺍﻧﻲ ﺍﺳﺘﻐﻞ ﺍﻱ ﻓﺮﺻﺔ ﻳﻜﻮﻥ ﺑﻴﻬﺎ ﻣﺘﺎﺡ
ﺣﺴﺐ ﻛﻼﻡ ﻫﺸﺎﻡ ﻣﻦ ﺳﻤﻌﺘﻪ ﻳﺤﺠﻲ ﻭﻳﺔ ﺧﺎﻟﺔ
ﻳﻜﻠﻠﻬﺎ ﺍﺣﻨﺎ ﻣﺸﻐﻮﻟﻴﻦ ﻻﻥ ﻫﺴﺔ ﻣﻮﺳﻢ ﺍﻟﺸﻐﻞ ﻣﺎﻟﺘﻨﺔ
ﻭﻻﺯﻡ ﻧﺘﻮﺍﺟﺪ ﻋﻠﻰ ﻃﻮﻝ
.....
ﺟﻨﺖ ﺍﻧﻈﻒ ﺑﺎﻟﻤﻄﺒﺦ ﻭﺩﺧﻠﺖ ﻫﺎﻟﺔ ﻣﻌﺼﺒﺔ ﻭﺗﺤﺠﻲ ﻭﺗﺪﺭﺩﻡ ﺑﻴﻨﻬﺎ ﻭﺑﻴﻦ ﻧﻔﺴﻬﺎ
ﺑﺎﻭﻋﺖ ﻋﻠﻴﻬﺎ ﺟﺎﻧﺖ ﺗﺘﺤﺮﻙ ﺑﺎﻟﻤﻄﺒﺦ ﻭﺗﻄﻠﻊ ﺍﻟﺨﻼﻁ
ﻭﺭﺍﺣﺖ ﻋﺎﻟﻔﻮﺍﻛﻪ ﻭﺻﺎﺭﺕ ﺗﻘﻄﻊ ﻣﻨﻬﻢ ﻭﺗﺤﺠﻲ ﺑﻐﻴﺾ
.. ﻫﺎ ﺧﻴﺮ ﺳﺖ ﻫﺎﻟﺔ ﺷﺒﻴﺞ ﻣﻨﻮ ﻭﻳﺎﺝ
ﺟﻨﺖ ﻭﺍﻛﻔﺔ ﻋﺎﻟﺴﻨﻚ ﺍﻏﺴﻞ ﺻﺤﻮﻥ ﻭﻫﺎﻟﺔ ﺗﺤﻮﻡ ﻋﻠﻴﺔ
ﻫﺎﻟﺔ .. ﻫﺎﻱ ﺍﻟﻌﻮﺑﺔ ﻫﺪﻳﻞ
.. ﺷﺒﻴﻬﺎ
.. ﺟﻨﺖ ﻣﻨﺘﻈﺮﺓ ﺯﻳﻮﻧﻲ ﺍﺑﻦ ﻣﻨﻰ ﺑﺎﻟﻤﻄﺒﺦ ﺍﺑﺎﻭﻉ ﻟﻠﻜﺎﻣﺮﺓ ﺷﻮﻛﺖ ﻳﺠﻲ ﻭﺻﻴﺘﻪ ﻋﻠﻰ ﺣﻠﻮﻳﺎﺕ ﻭﺟﺒﺲ
ﻭﺑﺲ ﺷﻔﺘﻪ ﻭﺻﻞ ﺭﺣﺖ ﻓﺘﺤﺘﻠﻪ ﺍﻟﺒﺎﺏ
ﻭﺍﺧﺬﺕ ﺍﻟﻌﻼﻛﺔ ﻣﻦ ﺯﻳﻮﻧﻲ ﻭﻛﻠﺘﻠﻪ ﺍﻭﻛﻒ ﻻ ﺗﺮﻭﺡ ﺧﻠﻲ ﺍﺷﻮﻑ ﺧﺎﻑ ﺻﺎﺭ ﻏﺶ ﻭﺗﺨﻤﻄﻠﻚ ﻛﻢ ﻭﺣﺪﺓ
ﻭﻓﺘﺤﺘﻬﺎ ﻭﻛﻌﺪﺕ ﺍﻋﺪ ﺍﻟﻐﺮﺍﺽ
ﻭﺑﻬﺎﻱ ﺍﻻﺛﻨﺎﺀ ﻭﺻﻠﺖ ﺍﻟﺴﻌﻠﻮﺓ ﻫﺪﻳﻞ ﺟﺎﻧﺖ ﺟﺎﻳﺔ ﻣﻦ ﺑﻴﺖ ﻋﻤﻮ ﻣﺤﻤﺪ ﺍﻧﺘﺒﻬﺖ ﻟﻬﺸﺎﻡ ﺍﺟﺔ ﻣﻦ ﻭﺭﺍﻫﺎ
ﺍﻟﻈﺎﻫﺮ ﻫﻮ ﺟﺎﻳﺒﻬﺎ ﻣﻦ ﺑﻴﺖ ﻋﻤﻮ
ﻫﻲ ﺑﺲ ﺷﺎﻓﺖ ﺑﻴﺪﻱ ﻋﻼﻛﺔ ﺍﻟﺤﻠﻮﻳﺎﺕ ﻛﺎﻣﺖ ﺗﺤﺠﻲ ﻋﻠﻴﺔ
ﻫﺪﻳﻞ .. ﻫﺎﻱ ﺷﺒﻴﺞ ﻫﺎﻟﺔ ﻫﻴﺞ ﻣﻮﻛﻔﺔ ﺍﻟﻮﻟﺪ ﺍﻟﻤﺴﻜﻴﻦ ﻋﻠﻤﻮﺩ ﺑﻄﻨﺞ
ﻋﺒﺎﻟﻚ ﺭﺋﻴﺲ ﻋﺼﺎﺑﺔ ﺍﻻﻃﻔﺎﻝ
ﺧﺎﻑ ﻣﺎﺧﺬ ﺷﻮﻳﺔ ﻣﻦ ﺍﻟﺠﺒﺲ ﻭﺍﻟﺤﻠﻮﻳﺎﺕ
ﺟﺎﻧﺖ ﺗﺤﺠﻲ ﻭﻫﻲ ﺑﻌﺪﻫﺎ ﻭﺍﻛﻔﺔ ﺑﺎﻟﺒﺎﺏ
ﺧﺰﺭﺗﻬﺎ ﻭﻛﻠﺘﻠﻬﺎ .. ﻋﻮﺑﺔ ﻭﺍﻧﺘﻲ ﺷﻜﻮ
.. ﻳﺎ ﺍﺧﺘﻲ ﻛﺎﻓﻲ ﻣﻦ ﻭﺭﺓ ﺍﻟﺤﻠﻮﻳﺎﺕ ﺭﺍﺡ ﺗﺼﻴﺮﻳﻦ
ﺑﻜﺪ ﺍﻟﺒﻘﺮﺓ
ﺟﺎﻭﺑﺘﻬﺎ .. ﺍﻧﺘﻲ ﺍﻟﺒﻘﺮﺓ ﻳﺎﺣﻘﻲ ..........
ﻭﻗﻄﻌﺖ ﻛﻼﻣﻲ ﻭﺷﻬﻜﺖ ﻣﺘﻔﺎﺟﺌﺔ ﻭﻋﻴﻮﻧﻲ ﺗﺮﻳﺪ ﺗﻄﻠﻊ ﻣﻦ ﻣﻜﺎﻧﻬﺎ
.. ﻋﺰﺓ ﺑﻌﻴﻨﺞ ﻳﺎﻋﻮﺑﺔ ﻫﺬﻧﻲ ﻣﻼﺑﺴﻲ ﺍﻟﺠﺪﻳﺪﺍﺕ
ﺷﻠﻮﻥ ﺗﺘﺠﺮﺋﻴﻦ ﺗﻠﺒﺴﻴﻬﻢ
ﻟﺞ ﺍﺫﺍ ﻣﺎ ﺳﻮﻳﺖ ﺷﻌﺮﺝ ﻣﻜﻨﺎﺳﺔ ﻣﺎ ﺍﻛﻮﻥ ﻫﺎﻟﺔ
ﺭﻓﻌﺖ ﺣﺎﺟﺒﻬﺎ ﺑﺨﺒﺎﺛﺔ
ﻭﻓﺘﺤﺖ ﺍﻟﺒﺎﺏ ﻋﻠﻰ ﻭﺳﻌﻪ ﻭﻓﺎﺗﺖ ﻣﻦ ﻳﻤﻲ
ﻭﺩﺧﻞ ﻫﺸﺎﻡ ﻭﺟﺎﻥ ﻳﺪﺧﻞ ﻭﺭﺓ ﻫﺸﺎﻡ ﻋﺰﺍﻡ
ﺻﺎﺣﺒﻪ
ﻭﻛﻔﺖ ﻣﺘﺼﻨﻤﺔ
ﺑﻤﻜﺎﻧﻲ ﻭﻋﻼﻛﺘﻲ ﺑﻴﺪﻱ ﻭﻋﻴﻮﻧﻲ ﻣﺘﻌﺴﺔ
ﺍﺣﺲ ﻣﻦ ﻛﺪ ﺍﻟﺼﺪﻣﺔ ﺍﻧﺸﻠﻴﺖ ﻭﻓﻘﺪﺕ ﺍﻟﺴﻴﻄﺮﺓ
ﻋﻠﻰ ﺍﻟﺤﺮﻛﺔ ﻭﺍﺟﺘﻲ ﻋﻴﻮﻧﻲ ﺑﻌﻴﻮﻥ ﻋﺰﺍﻡ
ﺑﺎﻭﻉ ﻋﻠﻴﺔ ﻭﺧﺰﺭﻧﻲ
ﻭﻓﺎﺕ ﻫﻮ ﻭﻫﺸﺎﻡ ﻣﻦ ﻳﻤﻲ ﻭﺩﺧﻠﻮﺍ ﻟﻼﺳﺘﻘﺒﺎﻝ
ﻟﺞ ﻫﺪﻯ ﺑﻠﺤﻈﺘﻬﺎ ﺍﺗﻤﻨﻴﺖ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ
ﻣﻦ ﻭﺭﺓ ﺍﻟﻔﺸﻠﺔ
ﺑﺲ ﻭﺍﻟﻠﻪ ﻋﻠﻰ ﻫﺬﺍ ﺍﻟﻤﻮﻗﻒ ﺍﺫﺍ ﻣﺎ ﺷﻠﻌﺖ ﺍﺫﺍﻧﺎﺗﻬﺎ ﻭﻧﺘﻔﺖ ﺷﻌﺮﻫﺎ ﻣﺎ ﺍﻛﻮﻥ ﻫﺎﻟﺔ
ﺍﻟﺤﻴﻮﺍﻧﺔ ﺍﺗﻌﻤﺪﺕ ﺗﺤﺮﺟﻨﻲ
ﻭﻻ ﺗﺒﻄﻞ ﻫﺎﻱ ﺳﻮﺍﻟﻔﻬﺎ ﺩﺍﺋﻤﺎ ﺗﺤﺮﺟﻨﻲ
.. ﺧﺎﺍﺏ ﺍﺳﻤﻊ ﻣﻨﻮ ﻳﺤﺠﻲ ﺑﺎﻟﻌﻨﻒ
ﻋﻠﻰ ﻛﻴﻔﻚ ﻭﻳﺎﻧﺔ ﻫﻼﻝ ﻻ ﻳﻨﻜﺴﻎ ﻇﻔﻐﻚ ( ﻻ ﻳﻨﻜﺴﺮ ﻇﻔﺮﻙ )
.. ﺷﻨﻮ ﺣﻀﺮﺗﺞ ﺗﺼﻨﻔﻴﻦ ﻋﻠﻴﺔ
.. ﻻ ﺑﺲ ﺍﺩﻏﻲ ( ﺍﺩﺭﻱ ) ﺑﻴﺞ ﺑﻮﺧﺔ ﻣﻐﺎﺡ ﺗﺴﻮﻳﻦ ( ﻣﺎ ﺭﺍﺡ ) ﺷﻲ
ﻭﻻ ﻏﺎﺡ ( ﺭﺍﺡ ) ﺗﺤﻄﻴﻦ ﺣﺪ ﻟﺘﺠﺎﻭﺯﺍﺕ ﺍﺧﺘﺞ ﻭﻳﺎﺝ
ﻛﺎﻥ ﺍﻟﻤﻔﺮﻭﺽ ﻣﻦ ﺍﻻﻭﻝ ﺍﺧﺘﺞ ﺗﺤﺘﻐﻤﺞ ( ﺗﺤﺘﺮﻣﺞ )
ﻻﻥ ﺍﻧﺘﻲ ﺍﻛﺒﻎ ( ﺍﻛﺒﺮ ) ﻣﻨﻬﺎ
ﺑﺲ ﺣﻀﻐﺘﺞ ( ﺣﻀﺮﺗﺞ ) ﺛﻮﻟﺔ ﻭﻓﺎﻫﻴﺔ
ﻭﺻﺎﻳﻐﺔ ( ﻭﺻﺎﻳﺮﺓ ) ﻣﻠﻄﺸﺔ ﻣﺎ ﺑﻴﺞ ﺧﻴﻎ ( ﺧﻴﺮ )
ﺑﺲ ﺗﺼﻐﺤﻴﻦ ( ﺗﺼﺮﺣﻴﻦ ) ﺑﺪﻭﻥ ﺗﻨﻔﻴﺬ
.. ﺧﻠﻲ ﺗﺼﺒﺮﻟﻲ ﻣﻨﺎ ﻭﺭﺍﻳﺢ ﺍﻧﺎ ﺍﻟﻬﺎ
.. ﺍﻛﻮﻝ ﺳﺖ ﻫﺎﻟﺔ ﻋﻮﻓﺞ ﻣﻦ ﻫﺪﻳﻞ
ﻭﻛﻠﻴﻠﻲ ﺷﻨﻮ ﺳﺎﻟﻔﺔ . ﺍﻟﺼﺪﻣﺔ ﻭﺍﻻﺣﻐﺎﺝ ( ﺍﻻﺣﺮﺍﺝ )
ﺍﺣﺲ ﻏﻀﺒﺞ ﻣﻮ ﺑﺲ ﺑﺨﺼﻮﺹ ﻫﺪﻳﻞ
ﺍﻛﻮ ﺳﺒﺐ ﺛﺎﻧﻲ ﻭﻏﺔ ( ﻭﺭﺓ ) ﻫﺎﻟﻐﻀﺐ ﻭﺍﻟﻌﺼﺒﻴﺔ
......
ﺍﻭﻭﻭﻑ ﻳﺎﻫﺪﻯ ﺍﻧﻲ ﺳﺎﻟﻔﺘﻲ ﺳﺎﻟﻔﺔ
.. ﺷﻨﻮ ﻛﻮﻟﻲ .
.. ﻛﻠﺒﻲ ﻫﻮ ﺳﺒﺐ ﻏﻀﺒﻲ
ﻋﺰﺍﻡ ﺻﺪﻳﻖ ﺍﺧﻮﺗﻲ ﻭﺑﻨﻔﺲ ﺍﻟﻮﻗﺖ ﻳﺼﻴﺮ ﺣﻤﻰ ﻛﻮﺛﺮ
ﺍﺧﺘﻰ
ﺟﺎﻥ ﺩﺍﺋﻤﺎًﻋﺪﻧﺎ
ﻣﺘﻌﻮﺩﺓ ﻋﻠﻴﻪ ﻋﺎﺩﻱ ﺑﺲ ﻣﻦ ﺑﺪﻳﺖ ﺍﻛﺒﺮ
ﻭﺑﺪﺓ ﻛﻠﺒﻲ ﻳﺪﻙ ﺑﺎﺑﻪ ﻣﺸﺎﻋﺮ ﺍﻟﺤﺐ .
ﻟﻜﻴﺖ ﻧﻔﺴﻲ ﻭﺍﻛﻌﺔ ﺑﺤﺐ ﻋﺰﺍﻡ ﺑﺪﻭﻥ ﻣﺎ ﺍﻋﺮﻑ
ﺷﻠﻮﻥ ﻭﺷﻮﻛﺖ ﻣﺎ ﺍﺩﺭﻱ ﺑﺲ ﻛﻞ ﺍﻟﻲ ﺍﻋﺮﻓﻪ
ﺍﻧﻲ ﻣﻦ ﺍﺷﻮﻑ ﻫﺬﺍ ﺍﻟﺮﺟﺎﻝ
ﻛﻠﺒﻲ ﻳﻜﻮﻡ ﻳﺨﻔﻖ ﺑﻴﻦ ﻇﻠﻮﻋﻲ .
ﻭﺗﺪﺭﻳﻦ ﺑﻴﺔ ﺍﻧﻲ ﻣﻦ ﺍﻟﻨﻮﻉ ﺍﻟﺨﺠﻮﻝ
ﺍﺳﺘﺤﻲ ﺍﺑﺎﺩﺭ ﺍﻭ ﺍﻟﻤﺢ ﺍﺧﺎﻑ ﻫﻮ ﻳﻔﺸﻠﻨﻲ
ﻻﻥ ﺍﺧﺖ ﺻﺪﻳﻘﻪ
ﺑﺲ ﻣﻊ ﺍﻻﺳﻒ ﺑﺎﻟﻔﺘﺮﺓ ﺍﻻﺧﻴﺮ ﺻﺎﺭﺕ ﺑﻴﺔ ﻣﻮﺍﻗﻒ ﻫﻮ
ﺍﻟﻠﻪ ﺳﻠﻄﻪ ﻋﻠﻴﺔ ﺑﻴﻬﺎ ﻭﺍﺧﺬ ﻋﻨﻲ ﻓﻜﺮﺓ ﻣﻮ ﺣﻠﻮﺓ
ﺍﺑﺎﻭﻉ ﻟﻮﺟﻬﻬﺎ ﺗﺤﺠﻲ ﻭﻭﺟﻬﺎ ﺍﺣﻤﺮ
.. ﺍﻱ ﻭﺷﻨﻮ ﻫﺎﻱ ﺍﻟﻤﻮﺍﻗﻒ
.. ﺗﺘﺬﻛﺮﻳﻦ ﺑﻴﻮﻡ ﺭﺣﻨﺎ ﺑﺒﻴﺖ ﻋﻤﻮ ﻓﺮﺯﺩﻕ ﺍﺑﻮ ﺻﻬﻴﺐ
ﻟﺴﻨﻮﻳﺔ ﺍﺑﻮﻩ ﻣﻦ ﺍﺟﻴﺘﻠﺞ ﻭﺟﻬﻲ ﻣﺨﻄﻮﻑ ﻟﻮﻧﻪ ﻭﺳﺄﻟﺘﻴﻨﻲ
ﺷﺒﻴﺔ ﻛﻠﺘﻠﺞ ﺑﻌﺪﻳﻦ ﺍﻛﻠﺞ
.. ﺍﻱ ﺍﺗﺬﻛﻎ ( ﺍﺗﺬﻛﺮ ) ﺑﺲ ﻭﻏﺎﻫﺎ ( ﻭﺭﺍﻫﺎ ) ﺍﻟﺘﻬﻴﺖ ﺑﺴﺎﻟﻔﺔ ﺿﺤﻰ
ﺍﻱ ﺻﺪﻙ ﺷﺒﻴﺞ
ﺍﺣﻨﺎ ﻣﻮ ﺭﺣﻨﺎ ﻛﻠﻨﺎ ﻟﺒﻴﺖ ﻋﻤﻮ ﻓﺮﺯﺩﻕ
ﻭﺧﻮﺍﺗﻲ ﺍﻟﻠﻪ ﻳﺤﻔﻈﻬﻦ ﺑﻮﻛﺘﻬﺎ ﺟﻬﺎﻟﻬﻢ ﻛﻠﺶ ﻭﻛﺤﻴﻦ ﻭﺣﺮﻛﻮ ﺍﻟﺒﻴﺖ ﺣﺮﻙ
ﻭﺍﻣﻲ ﺷﺎﻭﺭﺗﻨﻲ . ﻭﻛﺎﻟﺖ ﺭﻭﺣﻲ ﺻﻴﺤﻲ ﺑﺠﻬﺎﻝ ﺧﻮﺍﺗﺞ ﺧﻠﻴﻬﻢ ﻳﻜﻌﺪﻭﻥ ﻋﻘﺎﻝ
ﻭﺍﻧﻲ ﺍﻟﻤﻌﺮﻭﻑ ﻋﻨﻲ ﻫﻤﺔ ﻳﺨﺎﻓﻮﻥ ﻣﻨﻲ ﻻﻥ
ﻣﺎ ﺍﻗﺒﻞ ﺍﻧﻈﻒ ﻭﻫﻤﺔ ﻳﻬﻮﺳﻮﻥ
.. ﺍﻱ ﺍﻧﺘﻲ ﺑﻬﺎﻱ ﻣﺸﻬﻮﺩﺗﻠﺞ
ﺍﺫﺍ ﺯﻳﻦ ﺑﻜﺒﻐﻪ ( ﺑﻜﺒﺮﻩ ) ﻳﺨﺎﻑ ﻣﻨﺞ .
.. ﻫﻮ ﺷﻨﻮ ﻋﻢ ﻋﻠﻴﺔ ﻏﻴﺮ ﺯﻳﻦ ﻭﺍﺧﻮﺍﻧﻪ
ﺭﺣﺖ ﺍﺩﻭﺭ ﻋﻠﻴﻬﻢ ﻟﻜﻴﺘﻬﻢ ﺑﺎﻟﺤﺪﻳﻘﺔ ﻛﺎﻟﺒﻴﻦ ﺍﻟﺪﻧﻴﺎ ﺑﺨﺒﺼﺘﻬﻢ
ﺍﻟﺼﻴﺎﺡ ﻭﺍﻟﻬﻮﺳﺔ ﻣﺎﺍﻛﻮﻟﺞ ﻋﻠﻴﻬﺎ ﺷﻨﻮ
ﻭﺑﺎﻗﻲ ﺍﻟﺠﻬﺎﻝ ﻛﺎﻋﺪﻳﻦ ﺻﺎﻓﻨﻴﻦ ﻋﻠﻴﻬﻢ ﻣﺴﺘﻐﺮﺑﻴﻦ ﻣﻦ ﻳﺎ ﻛﻮﻛﺐ ﻫﺬﻭﻟﺔ ﺟﺎﻳﻴﻦ
ﻳﻌﻨﻲ ﺍﻟﺤﻘﻴﻘﺔ ﺍﻭﻻﺩ ﺧﻮﺍﺗﻲ ﺍﻟﻮﺣﻴﺪﻳﻦ ﻳﻜﻤﺰﻭﻥ ﺑﺎﻟﻨﺺ
ﺭﺣﺖ ﻫﺪﻳﺖ ﻋﻠﻴﻬﻢ ﻟﻜﻴﺖ ﺍﻟﺰﻋﻴﻢ ﺯﻳﻦ ﻻﺯﻡ ﺣﺒﻞ ﻣﺎﻝ ﻫﺪﻭﻡ
ﻭﻣﺴﻮﻳﻠﻪ ﻣﺮﺟﻮﺣﺔ ﺑﺤﺪﻳﻘﺔ ﺍﻟﻌﺎﻟﻢ ﺑﻜﻞ ﺻﻼﻓﺔ
ﻭﺻﺎﻳﺮ ﻳﺮﻛﺐ ﺍﻟﺠﻬﺎﻝ ﻳﻠﻌﺒﻬﻢ ﻫﻲ ﻣﻮ ﻫﻨﺎ ﺍﻟﻤﺼﻴﺒﺔ
ﺍﻟﻜﺎﺭﺛﺔ ﻭﺍﻟﻔﺸﻠﺔ ﺍﻟﺠﺒﻴﺮﺓ
ﺍﺳﻤﻌﻪ ﻳﻜﻠﻠﻬﻢ ﺍﻟﺮﻛﺒﺔ . ﺑﺮﺑﻊ
ﻭﺍﺣﻔﺎﺩ ﻋﻤﻮ ﻓﺮﺯﺩﻕ ﻛﻠﻬﻢ ﻣﺘﺠﻤﻬﺮﻳﻦ ﻋﻠﻴﻪ ﻭﻳﻨﻄﻮﻧﻪ ﻓﻠﻮﺱ ﺣﺘﻰ ﻳﺮﻛﺒﻮﻥ
ﻳﻌﻨﻲ ﺍﻛﺜﺮ ﻣﻦ ﻫﻴﺞ ﻭﻛﺎﺣﺔ ﻭﺻﻼﻓﺔ ﻣﺸﺎﻳﻔﺔ
ﻛﺎﻋﺪ ﺑﺒﻴﺖ ﺍﻟﻌﺎﻟﻢ . ﻭﻳﺎﺧﺬ ﻣﻦ ﺟﻬﺎﻟﻬﻢ ﻓﻠﻮﺱ
ﺍﻟﻤﻬﻢ ﻻ ﺗﻜﻠﻴﻠﻲ ﻭﻻ ﺍﻛﻠﺞ
ﺍﻧﻲ ﺷﻔﺘﻪ ﻫﻴﺞ ﻳﺴﻮﻱ ﺭﺣﺖ ﻋﻠﻴﻪ ﺑﻜﻞ ﻏﻀﺐ
ﻭﻟﺰﻣﺘﻪ ﻣﻦ ﺍﺫﻧﻪ ﻭﻟﻮﻳﺘﻬﺎ ﻟﻪ ﺣﻴﻞ
ﻭﻛﻌﺪﺕ ﺍﺭﺯﻝ ﺑﻲ ﻃﻴﺤﺖ ﺣﻈﻪ
ﻫﻮ ﻭﺑﺎﻗﻲ ﺍﻟﺸﻠﺔ ﺍﻭﻻﺩ ﺧﻮﺍﺗﻲ ﺍﺗﺮﺯﻟﻮﺍ ﺭﺯﺍﻟﺔ ﻣﻌﺘﺒﺮﺓ
ﺑﺲ ﺯﻳﻮﻧﻲ ﻭﻛﺢ ﻣﺎ ﻳﺮﺗﺪ
ﻣﺸﻴﺖ ﻣﻦ ﻳﻤﻪ ﺍﺳﻤﻌﻪ ﻳﺤﺠﻲ ﻭﻳﺔ ﺍﻟﺒﻘﻴﺔ ﻛﻠﻠﻬﻢ ﺑﺼﻮﺕ ﻧﺎﺻﻲ
ﻋﺎﺩﻱ ﺑﺲ ﺗﺪﺧﻞ ﻟﻠﺒﻴﺖ ﺍﺭﺟﻊ ﺍﺳﻮﻳﻬﺎ ﻣﻦ ﺟﺪﻳﺪ
ﺑﺲ ﺳﻤﻌﺘﻪ ﻛﺎﻝ ﻫﻴﺞ ﺭﺟﻌﺖ ﻋﻠﻴﻪ
ﻭﻟﺰﻣﺖ ﺍﻟﺤﺒﻞ ﻭﺭﺑﻄﺘﻪ . ﻫﻮ ﻭﺍﻻﺩ ﺧﻮﺍﺗﻲ ﺍﻟﺒﻘﻴﺔ
ﻭﻟﻔﻴﺖ ﺍﻟﺤﺒﻞ ﺑﺎﻟﺸﺠﺮﺓ .
.. ﻳﺎﻟﻠﻪ ﺑﻌﺪ ﺍﺭﻳﺪ ﺍﺷﻮﻑ ﺷﻠﻮﻥ ﺭﺍﺡ ﺗﺴﻮﻳﻠﻚ ﻣﺮﺟﻮﺣﺔ
ﻭﻫﺎﻱ ﺍﻧﻲ ﺭﺑﻄﺘﻚ ﻣﺜﻞ ﺍﻟﺨﺮﻭﻑ . ﺭﺍﻭﻳﻨﻲ ﺷﺴﻮﻱ
ﻫﻮ ﻳﺒﺎﻭﻉ ﺑﻐﻀﺐ ﻭﻳﻜﻠﻲ ﻓﺘﺤﻲ ﺍﻟﺤﺒﻞ ﻻ ﺍﻛﻮﻝ ﻟﺒﺎﺑﺎ ﻋﻠﻴﺞ
ﻭﺟﻮﺍﺩ ﺍﺑﻦ ﻛﻮﺛﺮ ﻧﻔﺲ ﺍﻟﺸﻲ ﻫﻢ ﻣﻄﻨﻜﺮ ﻭﻋﺎﻛﺪ ﺣﻮﺍﺟﺒﻪ ﻭﻛﺎﻝ
.. ﻋﻔﻴﺔ ﺧﺎﻟﺔ ﻫﺎﻟﺔ ﻓﺘﺤﻲ ﺍﻟﺤﺒﻞ ﻣﺤﺼﻮﺭ ﺍﺭﻳﺪ ﺍﺭﻭﺡ ﻟﻠﺤﻤﺎﻡ
.......
ﺑﺎﻭﻋﺖ ﻋﻠﻴﻪ ﺍﺩﺭﻱ ﺑﻲ ﻫﺎﻱ ﺣﺠﺔ ﺣﺘﻰ ﺍﻓﻜﻪ ﻭﻳﻨﻬﺰﻡ
ﻛﻠﺘﻠﻪ .. ﺳﻮﻳﻬﺎ ﻋﻠﻰ ﺭﻭﺣﻚ
ﺟﻨﺖ ﺍﺗﺄﻛﺪ ﻣﻦ ﻋﻘﺪﺓ . ﺍﻟﺤﺒﻞ
ﻭﻣﺎ ﺣﺴﻴﺖ ﺍﻻ ﻋﻠﻰ ﺻﻮﺕ ﻏﺎﺿﺐ
ﺯﻣﺦ ﺑﻴﺔ ﺍﻟﺘﻔﺘﺖ ﻣﻦ ﻣﻜﺎﻧﻲ
ﻭﺟﺎﻥ ﺍﺷﻮﻑ ﻋﺰﺍﻡ ﻋﻢ ﺟﻮﺍﺩ ﻭﺍﻛﻒ ﻭﺭﺍﻱ
ﻭﻋﻴﻮﻧﻪ ﺷﺮﺍﺭﺓ ﻋﺒﺎﻟﻚ ﻳﺮﻳﺪ ﻳﺜﺮﻣﻨﻲ ﺑﺎﺳﻨﺎﻧﻪ
ﻛﺎﻝ ﺑﺼﻮﺕ ﻛﻠﻪ ﺗﻬﺪﻳﺪ
.. ﺍﻧﺘﻲ ﺑﺄﻱ ﺣﻖ ﺗﺮﺑﻄﻴﻦ ﺍﻟﺠﻬﺎﻝ ﺑﺎﻟﺤﺒﻞ
ﺷﻨﻮ ﻫﺬﺍ ﺍﻟﺘﻌﺎﻣﻞ ﺍﻟﺴﺎﺩﻱ ﻭﻳﺔ ﺍﻟﺠﻬﺎﻝ
ﺑﺎﻟﻠﻪ ﺷﻮ ﻓﺘﺤﻴﻬﻢ
ﺍﺣﺲ ﻭﺟﻬﻲ ﺻﺎﺭ ﻧﺎﺭ ﻣﻦ ﻭﺭﺓ ﺍﻟﻔﺸﻠﺔ
ﺟﺎﻭﺑﺘﻪ .. ﺍﻭﻻﺩ ﺧﻮﺍﺗﻲ ﻭﺍﻧﻲ ﺣﺮﺓ ﺑﻴﻬﻢ ﻫﻤﺔ
ﺍﺗﻮﻛﺤﻮﺍ ﺍﻧﻲ ﺑﻤﺜﺎﺑﺔ ﺍﻣﻬﻢ ﻭﻋﺎﻗﺒﺘﻬﻢ
ﺷﻜﻮ ﻫﺬﺍ ﺍﻟﺘﻬﺠﻢ
ﺍﻗﺘﺮﺏ ﻣﻨﻲ ﻭﺳﺤﺐ ﺍﻟﺤﺒﻞ ﻣﻦ ﺑﻴﻦ ﺍﻳﺪﻳﺔ ﻭﺑﺪﺓ ﻳﻔﺘﺤﻪ ﻭﻫﻮ ﻳﺤﺠﻲ ﺑﻐﻀﺐ
.. ﻳﻌﻨﻲ ﺍﻭﻻﺩﺝ ﺑﺎﻟﻤﺴﺘﻘﺒﻞ ﻧﺎﻭﻳﺔ ﺗﺘﻌﺎﻣﻠﻴﻦ ﻭﻳﺎﻫﻢ
ﻫﻴﺞ
.. ﺍﻛﻴﺪ ﺍﺫﺍ ﻛﺎﻧﻮﺍ ﻭﻛﺤﻴﻦ ﻭﻳﺴﺘﺤﻘﻮﻥ ﺍﻟﻌﻘﺎﺏ ﻟﻴﺶ ﻻ
ﻭﻟﻮ ﺍﻧﻲ ﺍﻃﻔﺎﻟﻲ ﻣﺴﺘﺤﻴﻞ ﻳﺼﻴﺮﻭﻥ ﻭﻛﺤﻴﻦ ﻻﻥ ﺍﻧﻲ ﺍﻣﻬﻢ
ﺑﺎﻭﻉ ﻋﻠﻴﺔ ﻭﻛﺎﻝ .. ﺍﻟﻠﻪ ﻳﺴﺎﻋﺪ ﺟﻬﺎﻟﺞ ﻭﺍﺑﻮﻫﻢ ﻋﻠﻴﺞ
ﻭﻟﻮ ﺍﻧﺎ ﻣﺘﺄﻛﺪ ﺍﺫﺍ ﺻﺎﺭﻭﺍ ﺟﻬﺎﻟﺞ ﻋﻘﺎﻝ
ﻓﺄﻛﻴﺪ ﻻﻥ ﺍﺑﻮﻫﻢ ﻣﻄﻔﻲ ﻭﻃﺎﺑﻚ ﻭﻣﺎﻋﻨﺪﻩ ﺷﺨﺼﻴﺔ
ﻳﻤﺔ ﻫﻮ ﺣﺠﺔ ﻫﻴﺞ ﻭﺍﻧﻲ ﺍﺗﺨﺒﻠﺖ
ﻟﻤﻴﺖ ﺍﻳﺪﻱ ﺑﻐﻀﺐ ﻭﺭﺻﻴﺖ ﻋﻠﻰ ﺍﺳﻨﺎﻧﻲ ﺑﻐﻴﺾ
.. ﺭﺟﺎﺀﺍً . ﻣﺎ ﺍﺳﻤﺤﻠﻚ ﺗﺘﺠﺎﻭﺯ ﻭﺗﺤﺠﻲ ﻋﻠﻰ ﺯﻭﺟﻲ ﻭﺟﻬﺎﻟﻲ ﺍﻧﺖ ﺍﺗﻌﺪﻳﺖ ﺣﺪﻭﺩﻙ .
ﺍﻧﺘﺒﻬﺖ ﻋﻠﻰ ﺯﻟﺔ ﺍﻟﺴﺎﻧﻲ ﻭﺑﺎﻭﻋﺖ ﻟﺮﻭﺣﻲ ﺍﻧﻲ ﺷﺴﻮﻳﺖ
ﻣﻌﻘﻮﻟﺔ ﺍﻧﻲ ﺣﺠﻴﺖ ﻫﻴﺞ
ﻓﺘﺢ ﺍﻻﻭﻻﺩ ﻭﺟﻮﺍﺩ ﺑﻘﺔ ﻭﺍﻛﻒ ﺑﻤﻜﺎﻧﻪ
ﻳﺒﺎﻭﻉ ﻋﻠﻴﺔ ﻣﻴﺘﺤﺮﻙ
ﻋﺰﺍﻡ .. ﺟﻮﺍﺩ ﺭﻭﺡ ﻟﻠﺤﻤﺎﻡ ﺑﺴﺮﻋﺔ
ﺟﻮﺍﺩ ﻣﺠﺎﻭﺑﻪ ﻭﺳﺄﻟﻨﻲ
.. ﺧﺎﻟﺔ ﻋﺎﺩﻱ ﺍﺭﻭﺡ ﻟﻠﺤﻤﺎﻡ ؟؟؟
ﺑﺎﻭﻋﺖ ﻋﻠﻴﻪ ﻭﺍﻧﻲ ﻛﻠﻲ ﻏﻴﺾ
ﻳﻠﻌﻦ ﺍﺑﻮ ﺷﻜﻠﻚ ﻳﺎ ﺟﻮﺍﺩ ﻫﺎﻱ ﻣﻦ ﺷﻮﻛﺖ ﻧﺰﻝ
ﻋﻠﻴﻚ ﺍﻻﺩﺏ ﻭﺻﺮﺕ ﺗﺴﺘﺄﺫﻥ ﻣﻨﻲ
ﺣﺠﻴﺖ ﻣﻦ ﺑﻴﻦ ﺍﺳﻨﺎﻧﻲ
.. ﺭﻭﺡ ﺣﺒﻴﺐ ﺧﺎﻟﺘﻚ ﺫﺍﻙ ﺍﻟﺤﻤﺎﻡ
ﻟﻮ ﺗﺮﻳﺪﻧﻲ ﺍﻧﻲ ﺍﻭﺩﻳﻚ
ﺟﻮﺍﺩ .. ﻻ ﺧﺎﻟﺘﻮ ﻣﻴﺤﺘﺎﺝ ﺍﻧﺎ ﺟﺒﺒﺮ
ﺭﺍﺡ ﺍﻟﻤﻠﻌﻮﻥ ﺑﻌﺪ ﻣﺎ ﻃﻴﺮ ﺟﺒﻬﺘﻲ
ﺑﺎﻭﻋﺖ ﻟﻌﺰﺍﻡ ﺍﻟﻲ ﻣﻜﺘﻒ ﺍﻳﺪﻳﻪ
ﻭﻛﺎﻝ .. ﻣﻌﻘﻮﻟﺔ ﻟﻬﺎﻱ ﺍﻟﺪﺭﺟﺔ ﻣﺨﻮﻓﺘﻬﻢ
.. ﻻ ﻫﻤﺔ ﻣﻴﺨﺎﻓﻮﻥ ﻣﻨﻲ ﻫﻤﺔ ﻳﺤﺘﺮﻣﻮﻧﻲ
ﺍﻛﻮ ﻓﺮﻕ ﺗﺮﺓ
.. ﺧﻼﺹ ﻣﻨﺎ ﻭﺭﺍﻳﺢ ﺍﺍﻛﺪ ﻋﻠﻰ ﻛﻮﺛﺮ
ﻣﺘﺎﺧﺬ ﺟﻬﺎﻟﻬﺎ ﻭﻳﺎﻫﺎ ﻟﺒﻴﺖ ﺍﻫﻠﻬﺎ
ﻻﻥ ﺍﻟﻈﺎﻫﺮ ﻋﻨﺪﻫﻢ ﺧﺎﻟﺔ ﻓﺎﺻﻠﺔ
ﻭﺍﻧﺎ ﻛﻠﺸﻲ ﻭﻻ ﺟﻮﺍﺩ ﺍﺑﻦ ﺍﺧﻮﻱ
ﻫﺬﺍ ﺭﻭﺣﻲ ﻣﻦ ﺍﻟﺪﻧﻴﺎ
ﻛﻤﻞ ﻛﻼﻣﻪ ﻭﺩﺍﺭ ﻭﺟﻬﻪ ﻭﺭﺍﺡ
ﻭﺍﻧﻲ ﺑﻘﻴﺖ ﻭﺍﻛﻔﺔ ﺍﻟﻌﻦ ﺑﺤﻈﻲ ﺍﻟﻤﺸﺨﺒﻂ
ﻋﻠﻰ ﻫﺎﻱ ﺍﻟﺼﺪﻓﺔ ﺍﻟﻤﻮ ﺳﻌﻴﺪﺓ
ﺍﺑﺎﻭﻉ ﻋﻠﻴﻬﺎ ﺗﺤﺠﻲ ﺑﻐﻀﺐ
.. ﻭﺍﻟﻴﻮﻡ ﻫﻤﺎﺗﻴﻦ ﻫﺎﻱ ﺍﻟﻌﻮﺑﺔ ﻫﺪﻳﻞ ﻛﻤﻠﺖ ﺍﻟﺴﺒﺤﺔ
ﻭﻛﻞ ﻣﺮﺓ ﻳﺸﻮﻓﻨﻲ ﺑﺼﻮﺭﺓ ﻣﻮ ﺣﻠﻮﺓ .
ﺟﺎﻭﺑﺘﻬﺎ ﻭﺍﻧﻲ ﺍﺿﺤﻚ
.. ﺑﺎﻟﺤﻘﻴﻘﺔ ﺣﻘﺞ ﺗﻨﻘﻬﻐﻴﻦ ( ﺗﻨﻘﻬﺮﻳﻦ )
ﺍﻧﻲ ﺍﻋﺘﺒﺮﻩ ﻫﺬﺍ ﺍﻛﺒﻎ ( ﺍﻛﺒﺮ ) ﻇﻠﻢ ﺑﺤﻘﺞ
ﻻﻥ ﺍﺗﻬﻤﺞ ﺑﺎﻟﺴﺎﺩﻳﺔ ﻭﺍﻟﻌﺪﻭﺍﻧﻴﺔ ﻭﺍﻟﺘﺴﻠﻂ
.......
ﻭﺍﻟﻤﺸﻜﻠﺔ ﻫﺎﻱ ﺍﻟﺼﻔﺎﺕ ﺑﻌﻴﺪﺍﺕ ﻛﻞ ﺍﻟﺒﻌﺪ ﻋﻨﺞ
ﺻﺤﻴﺢ ﺟﻬﺎﻝ ﺧﻮﺍﺗﺞ ﻳﺨﺎﻓﻮﻥ ﻣﻨﺞ
ﻻﻥ ﺗﺼﻴﺤﻴﻦ ﻫﻮﺍﻱ ﻋﻠﻴﻬﻢ ﻋﻠﻤﻮﺩ ﻳﻬﻮﺳﻮﻥ ﺍﻟﺒﻴﺖ
ﻟﻜﻦ ﻭﻻ ﻣﻐﺔ ( ﻣﺮﺓ ) ﺷﻔﺘﺞ ﻣﺪﻳﺘﻲ ﺍﻳﺪﺝ ﻋﻠﻰ ﻭﺍﺣﺪ ﻭﺍﺫﻳﺘﻴﻪ
.. ﺍﻱ ﻣﻨﻮ ﻳﺮﻭﺡ ﻳﻜﻮﻝ ﻫﺬﺍ ﺍﻟﻜﻼﻡ
ﻟﻠﻐﺒﻲ ﻋﺰﺍﻡ ﻭﻳﻨﻈﻒ ﺻﻮﺭﺗﻲ ﺍﻟﻤﺸﻮﻫﺔ ﻛﺪﺍﻣﻪ
ﻟﺞ ﻫﺪﻯ ﺍﺣﺒﻪ ﺗﻌﺮﻓﻴﻦ ﺷﻨﻮ ﺍﺣﺒﻪ
ﺩﺧﻠﺖ ﺧﺎﻟﺘﻲ . ﺍﻡ ﻗﺎﺳﻢ
ﺍﻡ ﻗﺎﺳﻢ .. ﻣﻨﻮ ﻫﺬﺍ ﺍﻟﻲ ﺗﺤﺒﻴﻨﻪ
ﺍﺑﺎﻭﻉ ﻟﻬﺎﻟﺔ ﻛﻤﺰﺕ ﻣﻦ ﻣﻜﺎﻧﻬﺎ
ﻭﺍﺗﺒﺪﻟﺖ ﻣﻌﺎﻟﻢ ﻭﺟﻬﺔ ﻣﻦ ﺍﻟﻮﻟﻬﺎﻧﺔ ﺍﻟﻰ ﺍﻟﻤﺘﻮﺗﺮﺓ ﻣﻦ ﺍﻟﺨﻮﻑ
.. ﺍﺣﺐ ﺟﺒﺲ ﻟﻴﺰ ﺍﺑﻮ ﺍﻟﻤﻠﺢ ﻭﻫﺬﺍ ﺯﻳﻮﻧﻲ ﺍﻟﺨﺒﻴﺚ
ﻣﺎ ﺍﺷﺘﺮﺍﻩ ﺍﻟﻲ
ﺍﻡ ﻗﺎﺳﻢ .. ﻟﺞ ﺍﻧﺘﻲ ﻣﺎ ﺗﺒﻄﻠﻴﻦ ﺗﺼﺮﻓﻴﻦ ﻣﺼﺮﻓﺞ ﻋﻠﻰ ﻫﺎﻱ ﺍﻟﺴﻮﺍﻟﻒ
ﻫﺎﻟﺔ ﻏﻤﺰﺗﻠﻲ ﻭﻛﺎﻟﺖ
.. ﻳﻤﺔ ﻏﺼﺐ ﻋﻨﻲ ﺍﺣﺒﻪ ﻣﻮ ﺑﻴﺪﻱ
.. ﺍﻟﺤﻤﺪﻟﻠﻪ ﻋﻠﻰ ﻧﻌﻤﺔ ﺍﻟﻌﻘﻞ ﺭﺑﻲ ﻳﻬﺪﻳﺞ
ﺑﻌﺪﻫﺎ ﻛﺎﻟﺖ
.. ﺍﻱ ﺻﺪﻙ ﺑﻨﺎﺕ ﺍﻧﻲ ﺑﺎﺟﺮ ﺍﺭﻭﺡ ﻗﺒﻠﻜﻢ ﻟﺒﻴﺖ
ﺍﻡ ﻓﺮﺯﺩﻕ ﻭﺍﻧﺘﻮﺍ ﺧﻠﻲ ﺍﻟﻮﻟﺪ ﻳﺎﺧﺬﻭﻛﻢ ﻟﻠﻘﺎﻋﺔ
ﻭﺍﻧﻲ ﻣﻨﺎﻙ ﺍﺭﻭﺡ ﻭﻳﺎﻫﻢ
ﻫﺎﻟﺔ .. ﻻ ﻋﻔﻴﺔ ﻳﻤﺔ ﻭﺍﻟﻠﻪ ﻧﺴﺘﺤﻲ ﻧﺪﺧﻞ ﻟﻠﻘﺎﻋﺔ
ﻭﺍﻧﺘﻲ ﻣﻮ ﻭﻳﺎﻧﺔ
ﻭﺍﻟﻠﻪ ﺍﺣﺲ ﺑﺮﻭﺣﻲ
ﻋﺒﺎﻟﻚ ﻃﻔﻞ ﻣﻀﻴﻊ ﺍﻣﻪ ﺑﺎﻟﺴﻮﻙ ﻣﻦ ﺍﺩﺧﻞ
ﺟﻨﺖ ﺍﺑﺎﻭﻉ ﻟﻠﺴﺎﻋﺔ ﻭﺧﺎﻟﺔ ﻭﻫﺎﻟﺔ ﻳﺤﺠﻮﻥ
ﻭﺑﺪﻳﺖ ﺍﺣﻀﺮ ﺑﺎﻟﻌﺸﺎ ﻫﺴﺔ ﻗﺎﺳﻢ ﻋﻠﻰ ﻭﺻﻮﻝ
ﺍﻡ ﻗﺎﺳﻢ .. ﻣﻨﻰ ﻭﻛﻮﺛﺮ ﻭﻳﺎﻛﻢ ﻻ ﺗﻜﻌﺪﻳﻦ ﺗﺒﺠﻴﻦ
ﻣﺎ ﺍﻭﺻﻴﻜﻢ ﺑﻨﺎﺕ ﺍﺭﻳﺪﻛﻢ ﻣﺮﺗﺒﺎﺕ
ﺟﻨﺎ ﻧﺤﺠﻲ
ﻭﺩﺧﻠﺖ ﻫﺪﻳﻞ ﺗﻀﺤﻚ ﻭﻣﺘﻮﻧﺴﺔ
ﺷﻜﻠﻬﺎ ﺳﺎﻣﻌﺔ ﺧﺒﺮ ﺣﻠﻮ
ﺗﺒﺎﻭﻉ ﻋﻠﻴﺔ ﻭﺗﻜﻠﺐ ﺑﻌﻴﻮﻧﻬﺎ
ﻭﺍﻟﻠﻪ ﻭﻻ ﺍﺭﺗﺎﺣﻠﻬﺎ ﻫﺎﻱ ﺍﻟﺒﻨﻴﺔ ﻛﻠﻬﺎ ﺳﻢ
ﺩﺧﻞ ﻫﺸﺎﻡ ﻟﻠﻤﻄﺒﺦ ﻭﺣﻂ ﻛﺪﺍﻣﻲ ﻋﻼﻛﺔ ﺑﻴﻬﺎ ﺣﻠﻮﻳﺎﺕ
.. ﻫﺪﻫﺪ ﺟﻨﺖ ﺑﺎﻟﺴﻮﺑﺮ ﻣﺎﺭﻛﺖ ﻭﺷﻔﺖ ﺍﻟﺤﻠﻮﻳﺎﺕ
ﻭﺍﺗﻨﻐﺼﺘﻠﺞ ﻛﻠﺖ ﺧﻄﻴﺔ ﻗﺎﺳﻢ ﻣﺎﻋﻨﺪﻩ ﻣﺠﺎﻝ
ﺧﻠﻲ ﺍﻛﺴﺐ ﺑﻴﻬﺎ ﺛﻮﺍﺏ ﻭﺍﺷﺘﺮﻳﻠﻬﺎ
ﻫﺎﻟﺔ .. ﺑﺪﺕ ﺭﺣﻤﺔ ﺍﻟﻠﻪ ﺍﺷﻢ ﺭﻳﺤﺔ ﻟﻮﺍﻛﺔ ﺑﺎﻟﻤﻮﺿﻮﻉ
ﻋﻴﻨﻲ ﺷﻤﻌﻨﺎ ﻫﺪﻯ ﺗﺸﺘﺮﻳﻠﻬﺎ ﺣﻠﻮﻳﺎﺕ
ﻭﺍﻧﻲ ﻟﻴﺶ ﻣﻐﻠﺲ ﻋﻠﻴﺔ ﻫﺎﻱ ﺍﻻﻳﺎﻡ
ﻟﻮ ﻫﺎﻱ ﻫﻲ ﺧﻠﺼﺖ ﻣﺼﻠﺤﺘﻚ ﻳﻤﻲ
ﻭﺑﻌﺪ ﻣﺘﺤﺘﺎﺟﻨﻲ
ﻫﺸﺎﻡ .. ﺑﺎﺑﺎ ﺍﻧﺘﻲ ﺧﻠﺺ ﺩﻭﺭﺝ ﺑﻌﺪ ﻣﺎ ﺗﻔﻴﺪﻳﻨﻲ
ﻻﺯﻡ ﺍﻧﺘﻘﻞ ﻟﻠﻤﺮﺣﻠﺔ ﺍﻟﺜﺎﻧﻴﺔ
ﻫﻤﺔ ﻳﺤﺠﻮﻥ ﻭﺍﻧﻲ ﻣﺎ ﺍﻋﺮﻑ ﻭﻳﻦ ﺍﻭﺩﻱ ﻭﺟﻬﻲ ﻣﻦ ﺍﻟﺨﺠﻞ
ﻋﺒﺎﻟﻚ ﺩﻳﺨﻄﺒﻮﻧﻲ ﻣﻮ ﻳﺨﻄﺒﻮﻥ ﺍﺧﺘﻲ
ﺧﻄﻴﺔ ﻫﺸﺎﻡ ﻣﻦ ﻳﻮﻡ ﺍﻟﻲ ﺣﺠﺖ ﻭﻳﺎﻳﺔ
ﺧﺎﻟﺔ ﺑﻤﻮﺿﻮﻉ ﻣﺮﻳﻢ ﻭﻫﻮﻛﻞ ﻳﻮﻡ ﻣﺸﺘﺮﻳﻠﻲ ﺷﻲ
ﻟﻮ ﺣﻠﻮﻳﺎﺕ ﻟﻮ ﺳﺎﻋﺔ ﻟﻮ ﻋﻄﺮ ﻣﺎﺭﻛﺔ
ﺧﺮﺏ
ﺍﺳﻤﻌﻪ ﻳﺤﺠﻲ ﻭﻳﺔ ﺧﺎﻟﺔ ﺑﺼﻮﺕ ﻧﺎﺻﻲ
.. ﺍﻛﻮﻝ ﻳﻤﺔ ﺷﻨﻮ ﻫﺪﻯ ﺷﻮﻛﺖ ﺗﺤﺠﻲ ﻭﻳﺔ ﺧﻮﺍﺗﻬﺎ
.. ﻣﻦ ﺗﺮﻭﺡ ﻟﺒﻴﺖ ﺍﺧﺘﻬﺎ ﻛﺎﻟﺖ ﺍﻓﺎﺗﺤﻬﻢ ﺑﺎﻟﻤﻮﺿﻮﻉ
.. ﺯﻳﻦ ﻟﻴﺶ ﻣﺘﺘﺼﻞ ﻋﻠﻴﻬﻢ ﻭﺗﺤﺠﻲ ﻭﻳﺎﻫﻢ
.. ﻻ ﻣﺎﻣﺎ ﻫﻴﺞ ﻣﻮﺍﺿﻴﻊ ﻣﺎ ﺗﻨﺤﺠﻲ ﺑﺎﻟﻨﻘﺎﻝ
ﻻﺯﻡ ﺗﻜﻌﺪ ﻭﻳﺔ ﺧﻮﺍﺗﻬﺎ ﺍﻟﻜﺒﺎﺭ ﻭﺗﻔﻬﻤﻬﻢ ﻭﺗﺎﺧﺬ ﺭﺃﻱ ﻣﺮﻳﻢ
ﻣﺴﺢ ﻋﻠﻰ ﻭﺟﻬﻪ ﺑﻜﻒ ﺍﻳﺪﻩ ﺣﺮﻛﺘﻪ ﻫﺎﻱ ﺗﺸﺒﻪ
ﺣﺮﻛﺔ ﻗﺎﺳﻢ
ﻭﻛﺎﻝ .. ﺍﻛﻮﻝ ﻫﺪﻫﺪ ﺍﻧﺘﻲ ﻣﺎ ﺍﺷﺘﺎﻗﻴﺘﻲ ﻻﺧﻮﺍﺗﺞ
ﺗﺮﺣﻴﻦ ﺗﺸﻮﻓﻴﻬﻢ . ﺍﻧﺘﺒﻬﺖ ﻋﻠﻴﺞ ﺻﺎﺭﻟﺞ ﺷﻜﺪ ﻣﺎ ﺭﺍﻳﺤﺔ
......
ﺍﺑﺘﺴﻤﺖ ﻭﺍﺣﺠﻲ ﺑﻜﻠﺒﻲ ﻫﻮ ﻏﻴﺮ ﺑﺎﻻﻭﻝ ﺍﺧﻮﻙ ﻫﺮﻗﻞ ﻳﻌﺘﻘﻨﻲ ﺣﺘﻰ ﺍﺭﻭﺡ ﻟﺨﻮﺍﺗﻲ .
ﺍﺷﻮ ﻛﻠﻤﺎ ﺍﻛﻠﻪ ﺍﺭﻳﺪ ﺍﺭﻭﺡ ﻟﺨﻮﺍﺗﻲ
ﻳﻜﻠﻲ ﻣﻴﺨﺎﻟﻒ ﻭﺍﻥ ﺷﺎﺀ ﺍﻟﻠﻪ ﻭﺑﻌﺪﻳﻦ ﺗﺼﻔﻰ
ﻭﺍﻟﺒﻌﺪﻳﻦ ﻫﻲ ﺍﻻﻛﻲ ﺭﻭﺣﻲ ﻧﺎﻳﻤﺔ ﺑﻴﻦ ﺍﺣﻀﺎﻧﻪ
ﻭﻧﺎﺳﻴﺔ ﺍﻟﻤﻮﺿﻮﻉ ﻛﻠﻪ ﻣﻦ ﺍﺳﺎﺳﻪ
.. ﺍﻥ ﺷﺎﺀ ﺍﻟﻠﻪ ﺑﺲ ﻳﺠﻲ ﻗﺎﺳﻢ ﺍﻛﻠﻪ
ﺣﺘﻰ ﻳﺎﺧﺬﻧﻲ ﺍﺭﻭﺡ ﺍﺷﻮﻑ ﺍﺧﻮﺍﺗﻲ
ﻫﺸﺎﻡ ﺑﻌﺠﻠﺔ .. ﺍﻧﺎ ﺍﻭﺩﻳﺞ ﺍﺫﺍ ﺗﺮﺩﻳﻦ ﻻﻥ ﻗﺎﺳﻢ ﻣﺸﻐﻮﻝ
ﻻﻥ ﺍﺫﺍ ﺑﻘﺖ ﺍﻟﺴﺎﻟﻔﺔ ﻋﻠﻰ ﻓﺮﻏﺔ ﻗﺎﺳﻢ
ﻭﺩﺍﻋﺘﺞ ﻫﺎﻱ ﻇﻠﺘﻲ ﺍﻋﻨﺲ ﻭﻣﺎ ﺍﺗﺰﻭﺝ
ﺍﺍﺍﺍﺍﺍﺍﻗﺼﺪ ﻫﺎﻱ ﻇﻠﺘﺞ ﻣﺎ ﺗﺸﻮﻓﻴﻦ ﺍﺧﻮﺍﺗﺞ
ﺿﺤﻜﺖ ﻳﺎﺭﺑﻲ ﻭﺍﻟﻠﻪ ﻣﻔﻀﻮﺡ ﻫﺸﺎﻡ
ﺩﺍﺭ ﻭﺟﻬﻪ ﻋﻠﻰ ﺍﻣﻪ
.. ﻳﻤﺔ ﺟﻮﻋﺎﻥ ﺍﻟﻌﺸﺎ ﻭﻳﻦ ﺻﺎﺭ
ﺍﻡ ﻗﺎﺳﻢ .. ﺷﻨﻮ ﻋﺰﺍﻡ ﺭﺍﺡ
.. ﺍﻱ ﺭﺍﺡ ﻟﺒﻴﺘﻬﻢ
.. ﻟﻴﺶ ﻣﺎ ﻟﺰﻣﺘﻪ ﻋﺎﻟﻌﺸﺎ ﻋﻴﺐ ﻳﻄﻠﻊ ﺑﻬﻴﺞ ﻭﻛﺖ
ﻫﺸﺎﻡ .. ﺍﻧﺎ ﺷﺤﺘﻪ ﻛﻠﺘﻠﻪ
ﺍﺩﺭﻱ ﺍﻧﺖ ﺷﻨﻮ ﻣﺎ ﻋﻨﺪﻛﻢ ﺑﻴﺖ . ﺍﻧﺎ ﺍﻣﻚ ﻭﻻﺯﻙ ﺑﻴﺔ
.. ﻳﺎﻋﻴﻨﻲ ﺷﻜﺪ ﻋﻴﺐ ﺷﻠﻮﻥ ﺗﺤﺠﻲ ﻭﻳﺎﻩ ﻫﺸﻜﻞ
.. ﻻﺗﺨﺎﻓﻴﻦ ﻋﻠﻴﻪ ﻫﺬﺍ ﺟﻠﺪﻩ ﺧﺸﻦ ﻳﺘﺤﻤﻞ ﺷﻘﺎﻧﺎ
ﻣﻮ ﺣﺴﺎﺱ ﻛﻴﻜﻲ
ﻭﺩﺍﻋﺘﺞ ﺑﺎﺟﺮ ﺗﻠﻜﻴﻨﻪ ﻣﺰﺭﻭﻉ ﺑﺒﻴﺘﻨﺎ
ﻭﻳﺴﺄﻟﻨﻲ ﺑﻜﻞ ﺻﻼﻓﺔ ﺷﻨﻮ ﻋﺸﺎﻛﻢ
.. ﺍﻱ ﻳﻤﺔ ﺑﺎﻟﻌﺎﻓﻴﺔ ﻋﻠﻴﻪ ﻏﻴﺮ ﺍﺑﻨﺎ
ﻭﻳﺘﺪﻟﻞ ﻋﻠﻴﻨﺎ
ﻫﺎﻟﺔ ﺗﺤﺠﻲ ﻳﻤﻲ ﻭﻟﻬﺎﻧﺔ ﻭﻋﻴﻮﻧﻬﺎ
.. ﻳﻤﺔ ﺍﻟﻠﻪ ﻳﺴﻤﻊ ﻣﻨﺞ ﻭﻳﺼﻴﺮ
ﻧﺴﻴﺒﻜﻢ ﻛﻮﻟﻲ ﺍﻣﻴﻦ
ﺿﺤﻜﺖ .. ﺍﻣﻴﻦ
ﺍﻛﻠﺞ ﻫﺬﺍ ﻋﺰﻭﻣﻲ ﺷﻨﻮ ﺳﺎﻟﻔﺘﻪ . ﺷﻜﺪ ﻣﺘﻨﺎﻗﺾ
ﻣﻦ ﺑﺎﺏ ﻳﻜﻮﻟﺞ
ﺑﻌﺪ ﻣﺎ ﺍﺧﻠﻲ ﻛﻮﺛﻎ ( ﻛﻮﺛﺮ ) ﺗﺎﺧﺬ ﺟﻮﺍﺩ ﻭﻳﺎﻫﺎ
ﻟﺒﻴﺘﻜﻢ
ﻭﻣﻦ ﺑﺎﺏ ﻫﻮ ﻛﻞ ﻳﻮﻡ ﻣﺰﻏﻮﻉ ( ﻣﺰﺭﻭﻉ ) ﻫﻨﺎ
ﺷﻨﻮ ﻣﺎ ﺧﺎﻳﻒ ﻋﻠﻰ ﻧﻔﺴﻪ
ﺗﻬﺪﻳﻦ ﻋﻠﻴﻪ ﻫﺎﻟﺔ ﺷﻘﺎﻭﺓ ﻭﺗﻌﻠﻤﻴﻦ ﻋﻠﻰ ﻭﺟﻬﻪ ﺑﺎﻟﺴﻜﻴﻦ
ﺣﻀﺮﻧﺎ ﺍﻟﻌﺸﺎﺀ ﻭﺑﺪﻳﻨﺎ ﻧﺼﺐ ﻭﺟﺎﻥ ﻳﻨﺪﻙ ﺍﻟﺤﺮﺱ
ﺭﻓﻌﺖ ﺭﺍﺳﻲ ﺍﺑﺎﻭﻉ ﻟﻠﺸﺎﺷﺔ
ﻭﺟﺎﻥ ﺍﺷﻮﻑ ﺑﻴﺖ ﻋﻤﻬﻢ ﻣﺤﻤﺪ ﺟﺎﻳﻴﻦ ﻭﺳﺖ ﺭﻫﻒ ﺑﺎﻟﻤﻘﺪﻣﺔ
ﻭﻫﺪﻳﻞ ﻃﻔﺮﺕ ﻣﻦ ﻣﻜﺎﻧﻬﺎ ﺭﺍﺣﺖ ﺗﻔﺘﺢ ﺍﻟﺒﺎﺏ
ﻳﻤﺔ ﻭﺍﻧﻲ ﺍﻟﻨﺎﺭ ﻛﺎﻣﺖ ﺗﻠﺴﻊ ﺑﻈﻠﻮﻋﻲ ﺍﺣﺲ ﺍﺗﻔﺮﻫﺪﺕ
ﻫﺎﻟﺔ .. ﺍﺩﺭﻱ ﻫﺎﻱ ﻣﻮ ﺫﺍﻙ ﺍﻟﻴﻮﻡ ﻛﺎﻟﻮ ﺷﺮﺑﺖ ﺳﻢ ﺍﻟﻔﺎﺭ ﻭﺣﺎﻭﻟﺖ ﺍﻻﻧﺘﺤﺎﺭ
ﺷﺘﺴﻮﻱ ﻫﻨﺎ ﺟﺎﻳﺔ ﺷﻜﻠﻪ ﻫﺬﺍ ﺍﻟﺴﻢ ﻣﻐﺸﻮﺵ
ﺟﺎﻭﺑﺘﻬﺎ ﻭﺍﻧﻲ ﺍﻓﻮﺭ .. ﻻ ﺍﺣﺘﻤﺎﻝ ﻣﺎﻛﻠﺔ ﺿﻐﻮﻙ ﺍﻟﻔﺎﻍ ( ﺿﺮﻭﻙ ﺍﻟﻔﺎﺭ )
ﻣﻮ ﺳﻢ ﺍﻟﻔﺎﻍ ( ﺍﻟﻔﺎﺭ )
ﺩﺧﻠﻮﺍ ﻋﻠﻴﻨﺎ . ﻭﺍﺣﻨﺎ ﺳﺘﻮﻧﺎ ﺻﺎﺑﻴﻦ ﻋﺸﺎ
ﺍﺑﺎﻭﻉ ﻻﻡ ﻗﺎﺳﻢ ﻛﺎﻣﺖ ﻣﻦ ﻣﻜﺎﻧﻬﺎ ﻭﺍﺗﻠﻜﺘﻬﻢ
ﺍﻡ ﻗﺎﺳﻢ .. ﻫﻼ ﺍﺑﻮ ﺍﻳﻤﻦ ﺗﻌﺎﻟﻮﺍ ﺗﻔﻀﻠﻮﺍ ﺍﺗﻌﺸﻮﺍ ﻭﻳﺎﻧﺔ
ﺑﻮﺟﻬﻜﻢ
ﻭﺭﺍﺣﺖ ﺳﻠﻤﺖ ﻋﻠﻰ ﺯﻭﺟﺔ ﻋﻤﻬﻢ ﻭﺭﻫﻒ ﻭﺍﺧﺖ ﺭﻫﻒ
ﻣﺤﻤﺪ .. ﻭﺍﻟﻠﻪ ﺣﺠﻴﺔ . ﻣﺎ ﺍﺭﺩﺝ ﺗﺪﺭﻳﻦ ﺑﻴﺔ ﻧﻘﻄﺔ ﺿﻌﻔﻲ
ﻃﺒﺨﺞ
ﻫﻤﺔ ﻳﺤﺠﻮﻥ ﻭﺍﻧﻲ ﻋﻴﻦ ﻋﺎﻟﺸﺎﺷﺔ ﻭﻋﻴﻦ ﻋﻠﻰ ﺭﻫﻒ
ﻛﻠﺒﻲ ﻛﺎﻡ ﻳﻮﺟﻌﻨﻲ ﺭﺍﺡ ﻳﻮﺻﻞ ﻗﺎﺳﻢ
ﻭﻳﺸﻮﻓﻬﺎ
ﺟﺎﻧﺖ ﻛﺎﺷﺨﺔ ﻋﻠﻰ ﺍﺧﺮ ﺣﺒﺎﻳﺔ ﻋﺒﺎﻟﻚ ﻣﻄﻠﻌﻴﻨﻬﺎ
ﻟﺤﻔﻠﺔ ﺻﺮﺕ ﺍﺣﻮﻡ ﻣﺜﻞ ﺍﻟﺒﺰﻭﻧﺔ ﺍﻟﻤﺤﺮﻭﻙ ﺫﻳﻠﻬﺎ
ﺍﺑﺎﻭﻉ ﻋﻠﻴﻬﻢ ﺷﻠﻮﻥ ﻛﻌﺪﻭﺍ ﻋﺎﻟﻤﻴﺰ
ﻭﺍﻧﻲ ﻭﻫﺎﻟﺔ ﻛﻤﻨﺎ ﻣﻦ ﻣﻴﺰ ﺍﻟﻄﻌﺎﻡ ﺣﺘﻰ ﻧﺴﻮﻱ ﻣﺠﺎﻝ
ﺍﻡ ﻗﺎﺳﻢ .. ﻫﺎ ﻟﻴﺶ ﻛﻤﺘﻮﺍ ﺭﻭﺣﻮﺍ ﺟﻴﺒﻮﺍ ﻛﺮﺍﺳﻲ ﻣﻦ ﻏﺮﻓﺔ ﺍﻟﻄﻌﺎﻡ
.. ﻻ ﺧﺎﻟﺔ ﺍﻧﻲ ﻣﺎ ﺍﺗﻌﺸﻰ ﻗﺴﻮﻣﻲ ﻛﻠﻲ ﺍﻧﺘﻈﺮﻳﻨﻲ
ﻧﺘﻌﺸﺎ ﺳﻮﻳﺔ
.......
ﻳﻤﺔ ﻫﻮ ﺍﻧﻲ ﺣﺠﻴﺖ ﻫﺸﻜﻞ ﻭﻫﻲ ﻋﻴﻮﻧﻬﺎ ﺟﺪﺣﺖ ﻧﺎﺭ
ﻭﺧﺰﺭﺗﻨﻲ
ﻫﺎﻟﺔ .. ﺍﻧﻨﻲ ﺍﺷﻢ ﺭﺍﺋﺤﺔ ﺷﻌﻮﺍﻁ ﻓﻲ ﺍﻟﺠﻮ
.. ﻭﺍﻥ ﺷﺎﺀ ﺍﻟﻠﻪ ﻧﺎﻏﻬﺎ ( ﻧﺎﺭﻫﺎ ) ﺗﺎﻛﻞ ﺣﻄﺒﻬﺎ
ﻭﺍﺗﺪﻓﻰ ﺑﻲ ﻋﻠﻰ ﻋﻨﺎﺩﻫﺎ ﺍﻟﻌﻮﺑﺔ ﺗﺨﺰﻏﻨﻲ ( ﺗﺨﺰﺭﻧﻲ )
ﻋﻮﺩ ﻫﻮ ﻣﻠﻜﻬﺎ ﻭﺍﻧﻲ ﻣﺎﻟﻲ ﺣﻖ ﺑﻲ
ﺳﻤﻌﺘﻬﺎ ﺣﺠﺖ ﺑﺼﻮﺕ ﺗﻨﻌﻮﺹ
.. ﻫﺪﻳﻴﻴﻴﻴﻞ ﻗﺴﻮﻣﻲ ﻭﻳﻦ
ﻳﻤﺔ ﻛﻠﺒﻲ ﺑﻠﻌﺖ ﺭﻳﻜﻲ ﻭﻏﺼﻴﺖ ﺑﻲ
.. ﻟﺞ ﻫﺎﻟﺔ ﻟﺰﻣﻴﻨﻲ . ﺑﻌﺪ ﻣﺎ ﺍﺗﺤﻤﻞ ﻏﺎﺡ ( ﺭﺍﺡ ) ﺍﻛﻮﻡ
ﺍﺳﺤﻠﻬﺎ ﺍﻟﺼﺨﻠﺔ ﻟﺞ ﻫﺎﻱ ﺻﻠﻔﺔ
ﺳﻤﻌﺖ ﺻﻮﺕ ﻧﻘﺎﻟﻲ ﺟﺎﻥ ﻋﺎﻟﻜﺎﻭﻧﺘﺮ ﺍﺧﺬﺗﻪ ﻭﺟﺎﻥ ﺍﻟﻤﺘﺼﻞ ﻗﺎﺳﻢ
ﺭﺩﻳﺖ ﻋﻠﻴﻪ ﻭﻋﻮﺟﺖ ﺣﻠﻜﻲ ﺍﻗﻠﺪ ﺻﻮﺗﻬﺎ ﺑﺪﻟﻊ ﻫﺪﺍﻭﻱ
.. ﺍﻟﻮﻭﻭﻭ ﻫﻠﻮﻭﻭﻭﻭ ﺣﺒﻴﺒﻲ ﻗﺴﻮﻣﻲ
ﻗﺎﺳﻢ .. ﺍﺣﺘﺮﻛﺖ ﻋﺸﻴﺮﺗﺞ ﻋﻠﻰ ﻫﺎﻟﺼﻮﺕ
ﻭﻟﺞ ﺍﻧﺘﻲ ﻭﻳﻦ ﺑﻐﺮﻓﺘﻨﺎ
.. ﻻ ﻟﻴﺶ ﺍﻧﻲ ﺑﺎﻟﻤﻄﺒﺦ ﺣﺒﻴﺒﻲ ﻳﻴﻴﻴﻴﻴﻴﻴﻲ
ﺻﺮﺕ ﺍﻟﺢ ﻋﺎﻟﻜﻠﻤﺔ
.. ﻻ ﺗﺨﻠﻴﻨﻲ ﺍﺳﺐ ﺣﺒﻴﺒﺞ ﻟﺞ ﻫﺬﺍ ﺍﻟﺼﻮﺕ
ﺍﺳﺘﺨﺪﻣﻲ ﺑﻐﺮﻓﺘﻨﺎ ﻛﻌﺪﻱ ﺍﺗﻨﻌﻮﺻﻲ ﻳﻤﻲ
ﻣﻮ ﺑﺎﻟﻤﻄﺒﺦ
ﺑﻠﻌﺖ ﺭﻳﻜﻲ ﻭﻋﺪﻟﺖ ﺻﻮﺗﻲ
.. ﺍﻣﻤﻢ
.. ﺳﻤﻌﻴﻨﻲ ﺯﻳﻦ ﺍﻧﺎ ﻭﺍﺻﻞ ﻟﻠﺒﻴﺖ ﺣﻀﺮﻳﻠﻲ ﺍﻟﻌﺸﺎ ﻻﻥ ﻣﻴﺖ ﻣﻦ ﺍﻟﺠﻮﻉ
.. ﺻﺎﻍ ( ﺻﺎﺭ ) ﻣﻦ ﻋﻴﻮﻧﻲ . ﻳﺨﺴﺔ ﺍﻟﺠﻮﻉ
.. ﺗﺴﻠﻢ ﻋﻴﻮﻧﺞ ﺟﻨﻴﺘﻲ ﺍﻱ ﻫﺬﺍ ﺍﻟﺼﻮﺕ ﺍﻟﺰﻳﻦ
ﺷﻠﺞ ﺑﺨﻄﻴﺘﻲ ﻭﺗﺤﺮﻛﻴﻦ ﺑﻜﻠﺒﻲ
.. ﻳﺎﻟﻠﻪ ﺣﺒﻴﺒﻲ ﺍﻧﺘﻈﺮﻙ . ﺟﻴﺐ ﻭﻳﺎﻙ ﻋﺼﻴﺮ ﺑﺮﺗﻘﺎﻝ
ﺍﻟﻲ ﺍﺣﺒﻪ
.. ﺍﻥ ﺷﺎﺀ ﺍﻟﻠﻪ
ﺭﺣﺖ ﺩﺧﻠﺖ ﻟﻠﻤﻄﺒﺦ ﺍﻟﺤﺎﺭ ﻭﺑﺪﻳﺖ ﺍﺣﻈﺮ ﺍﻟﻌﺸﺎ ﻟﻘﺎﺳﻢ
ﻭﻛﻠﺒﻲ ﺑﻴﻦ ﺍﻟﺨﺎﻳﻒ ﻭﺑﻴﻦ ﺍﻟﻤﺘﺮﺩﺩ
ﺷﻨﻮ ﺭﺍﺡ ﺗﻜﻮﻥ ﺭﺩﺓ ﻓﻌﻠﻪ ﺍﺫﺍ ﺷﺎﻑ ﺭﻫﻒ
ﺳﻤﻌﺖ ﺻﻮﺕ ﻫﻮﺭﻥ ﺳﻴﺎﺭﺓ ﻗﺎﺳﻢ
ﻭﺷﻔﺖ ﻫﺸﺎﺍﻡ ﻛﺎﻡ ﻣﻦ ﻣﻜﺎﻧﻪ
ﻭﺭﺍﺡ ﻳﻔﺘﺤﻠﻪ ﺑﺎﺏ ﺍﻟﻜﺮﺍﺝ ﺣﺘﻰ ﻳﺪﺧﻞ ﺍﻟﺴﻴﺎﺭﺓ
ﻛﺒﻞ ﺭﺣﺖ ﻭﻛﻔﺖ ﺑﺒﺎﺏ ﺍﻟﻤﻄﺒﺦ ﺍﻟﺤﺎﺭ
ﺍﺭﻳﺪ ﺍﻟﺤﻚ ﺍﺷﻮﻑ ﻭﺟﻪ ﻗﺎﺳﻢ ﺍﺫﺍ ﺩﺧﻞ ﻭﺷﺎﻑ ﺭﻫﻒ
ﺑﺎﻭﻋﺖ ﻋﻠﻴﻪ ﺩﺧﻞ ﻭﺍﻟﻘﻰ ﺍﻟﺴﻼﻡ ﻭﺑﻌﺪﻫﺎ ﺻﺎﻓﺢ
ﻋﻤﻪ ﻭﺍﺑﻦ ﻋﻤﻪ ﺍﻳﻤﻦ
ﺍﺑﺎﻭﻉ ﻟﻌﻴﻮﻧﻪ ﺻﺎﺭﺕ ﺗﺪﻭﺭﻋﻠﻰ ﺷﺨﺺ
ﻭﺑﻌﺪﻫﺎ ﺍﺳﺘﻘﺮﺕ ﻧﻈﺮﺍﺗﻪ ﻋﻠﻴﺔ
ﻭﺧﺰﺭﻧﻲ . ﻛﻠﺒﻲ ﻛﻤﺰ ﻣﻦ ﻣﻜﺎﻧﻪ
ﺳﺄﻝ ﻋﻤﻪ
.. ﺻﺎﺭﻟﻜﻢ ﻫﻮﺍﻱ ﻣﻦ ﺟﺎﻳﻴﻦ ؟؟؟
ﻛﻠﻪ .. ﻻ ﺻﺎﺭﻟﻨﺎ ﻧﺺ ﺳﺎﻋﺔ ﻣﻦ ﻭﺻﻠﻨﺎ ﺗﻘﺮﻳﺒﺎً
ﺭﺟﻊ ﺑﺎﻭﻉ ﻋﻠﻴﺔ ﻭﻛﺎﻝ
.. ﻟﻮ ﺍﺩﺭﻱ ﺟﺎﻥ ﺍﺟﻴﺖ ﻣﻦ ﻭﻛﺖ
ﻫﺴﺔ ﻣﺎ ﺍﻋﺮﻑ ﺍﻓﺮﺡ
ﻻﻥ ﻣﺎ ﻋﺒﺮ ﺭﻫﻒ ﻭﻻ ﻛﺄﻧﻬﺎ ﻣﻮﺟﻮﺩﺓ
ﻟﻮ ﺍﺧﺎﻑ ﻻﻥ ﻛﻞ ﺷﻮﻳﺔ ﻳﺨﺰﺭﻧﻲ
ﺍﺗﺮﺧﺺ ﻣﻨﻬﻢ ﻭﻛﺎﻝ ﺍﻧﺎ ﺻﺎﻋﺪ ﺍﺑﺪﻝ ﻣﻼﺑﺴﻲ
ﻃﻠﻊ ﻣﻦ ﺍﻟﻤﻄﺒﺦ ﻭﺻﺎﺣﻨﻲ
.. ﻫﺪﻯ ﺗﻌﺎﻟﻲ
ﻳﻤﺔﺓﺓﺓﺓﺓﺓ
ﺭﺣﺖ ﺻﻌﺪﺕ ﻭﺭﺍﻩ ﺑﺲ ﺩﺧﻠﺖ ﻟﻠﻐﺮﻓﺔ
ﻛﺒﻞ ﺍﻧﺮﻛﻊ ﺍﻟﺒﺎﺏ ﻭﺻﺎﺭ ﻭﺭﺍﻱ ﺍﻟﺘﻔﺘﺖ ﻭﺑﺎﻭﻋﺖ ﻋﻠﻴﻪ
ﻣﻜﺘﻒ ﺍﻳﺪﻳﻪ ﻭﻋﻴﻮﻧﻪ ﻧﺎﺭ
ﺳﺄﻟﻨﻲ ﺑﻬﺪﻭﺀ
.. ﻗﺒﻞ ﺷﻮﻳﺔ ﺑﺎﻟﻨﻘﺎﻝ ﺟﻨﺘﻲ ﺗﻨﻌﻮﺻﻴﻦ ﻛﺪﺍﻡ
ﺍﻳﻤﻦ ﻭﻋﻤﻲ ﻭﻫﺸﺎﻡ
ﺑﻠﻌﺖ ﺭﻳﻜﻲ ﻭﺟﺎﻭﺑﺘﻪ
.. ﻭﺍﻟﻠﻪ ﻣﺎ ﺍﻧﺘﺒﻬﺖ ﻋﻠﻴﻬﻢ ﻣﻦ ﺣﺠﻴﺖ ﻭﻳﺎﻙ ﻧﺴﻴﺖ ﻧﻔﺴﻲ
ﺗﺪﻏﻲ ( ﺗﺪﺭﻱ ) ﺑﻴﺔ ﻣﻦ ﺍﺳﻤﻊ ﺻﻮﺗﻚ ﺍﺿﻴﻊ ﻭﻣﺎﺍﻋﻐﻒ ( ﻣﺎﺍﻋﺮﻑ ) ﺍﻧﻲ ﻭﻳﻦ
.......
ﺍﺻﻼ ﺻﻮﺗﻲ ﻣﻦ ﺍﻟﻔﺮﺣﺔ ﻳﻜﻮﻡ ﻳﻨﻌﻮﺹ ﻭﺣﺪﻩ
ﺍﻧﺖ ﻛﻠﻪ ﻣﻨﻚ .. ﺻﻮﺟﻚ ﻋﻠﻤﺘﻨﻲ ﻋﻠﻰ ﺍﻟﻮﻛﺎﺣﺔ
ﻋﺾ ﺍﻳﺪﻩ ﻳﺘﻮﻋﺪ
.. ﻭﻟﺞ . ﺟﻨﻴﺔ ﺑﺨﺘﺞ ﺑﺎﻟﺨﻄﺎﺭ ﺟﺎﻥ ﺳﺤﻠﺘﺞ
ﻭﺍﻋﻠﻤﺞ ﺷﻠﻮﻥ ﺗﻨﺘﺒﻬﻴﻦ
ﺍﺑﺘﺴﻤﺖ ﺑﺪﻟﻊ ﻭﺍﻗﺘﺮﺑﺖ ﻣﻨﻪ ﻭﺭﻓﻌﺖ ﻧﻔﺴﻲ ﻋﻠﻰ ﺍﻃﺮﺍﻑ ﺍﺻﺎﺑﻴﻌﻲ
ﺍﺭﻳﺪ ﺍﻭﺻﻠﻪ ﺑﺲ ﻣﺎ ﻭﺻﻠﺖ ﻭﻫﻤﺴﺖ ﺑﺪﻟﻊ
.. ﺍﻣﻤﻤﻢ ﻋﺎﺍﺍﺍﺩﻱ ﺍﺳﺤﻠﻨﻴﻴﻴﻴﻴﻴﻴﻲ
ﺍﺻﻼ ﺳﺤﻞ ﺍﻟﺤﺒﻴﺐ ﺯﺑﻴﺐ
ﺟﺎﻥ ﻣﺪﻧﻚ ﺭﺍﺳﻪ ﻗﺮﻳﺐ ﻋﻠﻴﺔ ﻭﻳﻜﺎﺑﺮ
ﻣﺜﻞ ﺍﻟﻮﺣﺶ ﺍﻟﺰﻋﻼﻥ
ﻣﺎ ﺍﻧﻄﻴﺘﻪ ﻣﺠﺎﻝ ﺭﻓﻌﺖ ﺍﻳﺪﻳﻪ ﻭﺣﻮﻃﺖ ﺭﻛﺒﺘﻪ
ﻭﻗﺮﺑﺖ ﺭﺍﺳﻪ ﻋﻠﻴﺔ ﻭﺑﺴﺘﻪ ﺑﺸﻔﺎﻳﻔﻪ
ﻭﺻﺮﺕ ﺍﺗﻔﻨﻦ ﺑﺘﻌﺬﻳﺒﻪ
ﻭﺟﺎﻥ ﻳﺘﺒﺨﺮ ﺯﻋﻠﻪ ﺧﻼﻝ ﻟﺤﻈﺎﺕ
ﻭﻭﻟﻤﻨﻲ ﻟﺤﻀﻨﻪ ﻣﺮﺣﺐ
ﻭﻣﺎ ﻗﺼﺮ ﻛﺎﻥ ﺟﺪﺍ
ﻣﺘﻌﺎﻭﻥ ﻭﺍﻧﻔﺎﺳﻨﺎ ﺍﻟﺤﺎﺭﺓ ﺗﺸﻬﺪ ﻋﻠﻨﺎ ﺍﻧﻪ ﺫﺍﻳﺐ
ﺟﻨﺎ ﻏﺎﻳﺒﻴﻦ ﺑﻌﺎﻟﻤﻨﺎ ﺍﻟﺨﺎﺹ
ﻭﺍﻧﺪﻙ ﺍﻟﺒﺎﺏ ﻭﺳﻤﻌﻨﺎ ﺻﻮﺕ ﻫﺪﻳﻞ
ﻣﻦ ﻭﺭﺓ ﺍﻟﺒﺎﺏ
.. ﻗﺎﺳﻢ ﻣﺎﻣﺎ ﺗﻜﻮﻝ ﻭﻳﻦ ﺻﺎﺭ ﻗﺎﺳﻢ
ﺭﻓﻊ ﺭﺍﺳﻪ ﻭﺟﻠﻰ ﺻﻮﺗﻪ ﻭﺟﺎﻭﺑﻬﺎ
.. ﺍﺣﻢ ﻫﺴﺔ ﺍﻧﺰﻝ
ﺭﺟﻌﺖ ﻗﺮﺑﺖ ﺭﺍﺳﻪ ﻋﻠﻴﺔ
ﺑﻘﻴﺖ ﻣﺘﻌﻠﻘﺔ ﺑﺤﻀﻨﻪ ﻣﺎ ﺍﺭﻳﺪﻩ ﻳﺮﻭﺡ ﻳﻨﺰﻝ ﻳﻤﻬﻢ ﺍﺧﺎﻑ
ﺭﺟﻌﺖ ﺍﻧﻄﻴﺘﻪ ﺑﻮﺳﺔ ﻣﺮﺓ ﺛﺎﻧﻴﺔ
ﻭﺍﻳﺪﻩ ﻣﺤﻮﻃﺘﻨﻲ ﻭﺗﺘﻠﻤﺲ ﺑﺮﺍﺣﺘﻬﺎ
ﻭﻛﺎﻝ ﻭﺍﻧﻔﺎﺳﻪ ﻣﺘﺴﺎﺭﻋﺔ
.. ﺍﻧﺘﻲ ﺷﻨﻮ ﺳﺎﻟﻔﺘﺞ ﺍﻟﻴﻮﻡ ﻧﺎﻭﻳﺔ ﻋﻠﻴﺔ
.. ﻗﺴﻮﻣﻲ .. ﻗﺎﺳﻢ .. ﻗﺴﻤﺘﻲ
ﺣﺒﻴﺒﻲ ﻋﻔﻴﺎﺍﺍﺍﺍ ﺍﺑﻘﻰ ﻫﻨﺎ ﻭﺍﻟﻠﻪ ﻣﺸﺘﺎﻗﺘﻠﻚ
ﻧﺰﻝ ﺍﻳﺪﻳﺔ ﻣﻦ ﻋﻠﻰ ﺭﻛﺒﺘﻪ
ﻭﻣﺴﺢ ﺷﻔﺘﻲ ﺑﺄﺑﻬﺎﻣﻪ ﻭﻛﺎﻝ
.. ﻣﻴﺼﻴﺮ ﺯﺣﻤﺔ ﻋﻤﻲ ﺟﺎﻳﻨﻲ ﺧﻄﺎﺭ ﻟﺒﻴﺘﻲ
ﻭﺍﻧﺎ ﻧﺎﻳﻢ ﻣﻌﻠﻚ ﻓﻮﻙ ﺑﻐﺮﻓﺘﻲ ﻭﻳﻦ ﻛﺎﻋﺪﻳﻦ
ﻣﻮ ﻣﻦ ﺍﻻﺻﻮﻝ
ﻧﻔﺨﺖ ﻭﻟﻤﻴﺖ ﺷﻔﺎﻳﻔﻲ
ﺍﺗﻤﻨﻰ ﺍﺳﺄﻟﻪ ﻋﻦ ﺭﻫﻒ ﻭﺍﺧﺎﻑ ﻣﻦ ﺟﻮﺍﺑﻪ
ﺍﺑﺎﻭﻉ ﻋﻠﻴﻪ ﺑﺪﺓ ﻳﻨﺰﻉ ﻗﻤﻴﺼﻪ
ﻭﺭﺣﺖ ﻟﻠﻜﻨﺘﻮﺭ ﻭﻃﻠﻌﺘﻠﻪ ﺗﺮﺍﻙ ﻣﻨﺰﻟﻲ
ﺍﻟﺘﻔﺘﺖ ﻭﻟﻜﻴﺘﻪ ﻭﺭﺍﻱ ﺍﺧﺬ ﻣﻨﻲ ﺍﻟﺘﺮﺍﻙ
ﻭﻛﺎﻝ .. ﺧﻴﺮ ﺍﺷﻮ ﻛﻠﺒﺘﻴﻬﺎ ﻋﺎﻟﺼﺎﻣﺖ
ﻫﺎﺩﻱ ﻣﻮ ﻣﻦ ﻃﺒﻊ ﺍﻟﻬﺪﻭﺀ
ﺟﺎﻥ ﻳﺤﺠﻲ ﻭﻳﺒﺪﻝ
ﻣﺎ ﺍﺭﻳﺪ ﺍﻓﺘﺢ ﻣﻮﺿﻮﻉ ﺭﻫﻒ ﻫﺴﺔ ﻭﻫﻮ ﻳﺮﻳﺪ ﻳﻨﺰﻝ ﻳﻤﻬﻢ
ﺑﻌﺪﻳﻦ ﺍﺣﺠﻲ ﻭﻳﺎﻩ
.. ﺣﺒﻴﺒﻲ ﺍﻧﻲ ﻛﻠﻲ ﻫﺪﻭﺀ ﺑﺲ ﺍﻧﺖ ﻇﺎﻟﻤﻨﻲ
ﻃﻠﻌﻨﺎ ﻣﻦ ﺍﻟﻐﺮﻓﺔ ﻭﻭﻧﺰﻟﻨﺎ ﺟﻮﺓ
ﺩﺧﻠﻨﺎ ﻟﻠﻤﻄﺒﺦ
ﻟﻜﻴﻨﺎﻫﻢ ﻣﻨﺪﻣﺠﻴﻦ ﻳﺴﻮﻟﻔﻮﻥ ﻭﺟﺎﻥ ﻣﻮﺿﻮﻋﻬﻢ
ﻗﺼﺔ ﻛﺎﻇﻢ ﻭﺻﻔﺎﺀ
ﻭﻫﺸﺎﻡ ﻋﺎﻛﺪ ﺣﻮﺍﺟﺒﻪ ﻣﻌﺼﺐ ﻭﻳﺤﺠﻲ ﻭﻳﺔ ﻋﻤﻪ
ﻭﺍﻡ ﻗﺎﺳﻢ ﺗﺄﻛﺪ ﻋﻠﻰ ﻛﻼﻡ ﻫﺸﺎﻡ ﻭﺗﻜﻮﻝ ﻟﻤﺤﻤﺪ
.. ﻳﻌﻨﻲ ﺍﺣﻠﻔﻚ ﺑﺎﻟﻠﻪ ﺍﺑﻮ ﺍﻳﻤﻦ ﺗﻘﺒﻠﻬﺎ ﻳﺘﺠﺎﻭﺯﻥ ﻋﻠﻰ ﺍﻫﻞ ﺑﻴﺘﻚ ﻭﺍﻧﺖ ﻣﻤﻮﺟﻮﺩ
.. ﻻ ﻭﺍﻟﻠﻪ ﻣﺎ ﺍﺭﺿﺎﻫﺎ ﺑﺮﻭﺡ ﺍﻟﻤﺮﻭﺣﻮﻡ
ﻻﻋﺒﺎﻟﺞ ﺍﻧﺎ ﺭﺍﺿﻲ ﻋﻠﻴﻪ ﺑﻠﻴﻠﺘﻬﺎ ﺍﻧﺎ ﺭﺣﺘﻠﻬﻢ ﻟﻠﺒﻴﺖ
ﻭﻟﻌﺒﺖ ﺑﻴﻬﻢ ﻃﻮﺑﺔ ﻫﻮ ﻭﺍﺑﻨﻪ
ﺑﺲ ﻫﻢ ﻣﺎ ﻳﺼﻴﺮ ﻗﺎﺳﻢ ﻳﻄﺮﺩﻩ ﻭﻳﻜﻠﻪ ﺗﺎﺧﺬ ﻋﺎﺋﻠﺘﻚ
ﻭﺗﻄﻠﻊ ﻣﻦ ﺍﻟﺒﻴﺖ ﺯﺣﻤﺔ ﻭﻫﻮ ﻋﻤﻪ
ﺍﺑﺎﻭﻉ ﻟﻘﺎﺳﻢ ﺳﺤﺐ ﻛﺮﺳﻲ ﻣﻦ ﻣﻴﺰ ﺍﻟﻄﻌﺎﻡ ﻭﻛﻌﺪ . ﻭﻛﺎﻝ
ﺑﻜﻞ ﺛﻘﺔ
ﻗﺎﺳﻢ .. ﻭﺍﻟﻠﻪ ﻳﺎﻋﻤﻲ ﺍﺧﻮﻙ ﻫﻮ ﺑﻴﺪﻩ ﺧﺴﺮ ﺍﺣﺘﺮﺍﻣﻪ ﻟﻨﻔﺴﻪ
ﻭﺍﻧﺎ ﺗﻌﺮﻓﻨﻲ ﻛﻠﺶ ﺯﻳﻦ ﺍﻟﻴﺘﺠﺎﻭﺯ ﻋﻠﻰ ﺍﻫﻞ ﺑﻴﺘﻲ
ﻣﺎ ﺍﺭﺣﻤﻪ ﺣﺘﻰ ﻟﻮ ﻛﺎﻥ ﻋﻤﻲ
ﻫﺬﺍ ﻣﺎ ﻳﻨﻄﻴﻪ ﺍﻟﺤﻖ . ﻳﺘﻌﺪﺓ ﻋﻠﻰ ﺍﻣﻲ ﺑﺒﻴﺘﻬﺎ
......
ﻳﻌﻨﻲ ﻣﻮ ﺣﻠﻮﺓ ﻛﺪﺍﻡ ﺍﻟﻌﺎﻟﻢ
ﻋﻢ ﻭﺍﺑﻦ ﺍﺧﻮﻩ ﻳﺘﻌﺎﺭﻛﻮﻥ ﻭﻣﺸﺎﻛﻞ
ﻫﻤﺔ ﻳﺤﺠﻮﻥ ﻭﺍﻧﻲ ﻋﻴﻨﻲ ﻋﻠﻰ ﺭﻫﻒ
ﻣﻦ ﺍﻭﻝ ﻣﺎ ﺩﺧﻠﻨﺎ ﻟﻠﻤﻄﺒﺦ ﻟﺤﺪ ﻫﺴﺔ ﻋﻴﻮﻧﻬﺎ ﻣﺸﺎﻟﺘﻬﻢ ﻣﻦ ﻋﻠﻰ ﻗﺎﺳﻢ
ﻋﻤﺔ ﺑﻌﻴﻨﻬﺎ ﺍﻛﻠﺘﻪ ﺍﻛﻞ ﺑﺎﻟﻨﻈﺮﺍﺕ
ﻭﺍﻧﻲ ﻣﻦ ﺍﻟﻐﻴﺮﺓ ﺍﺣﺲ ﺑﺴﻨﻮﻧﻲ ﺭﺍﺡ ﺗﺘﻜﺴﺮ
ﻣﻦ ﻛﺪ ﻣﺎ ﺭﺻﻴﺖ ﻋﻠﻴﻬﻢ ﺣﻴﻞ
ﺍﻗﺘﺮﺑﺖ ﻋﻠﻴﻪ ﻭﺳﺄﻟﺘﻪ ﺑﺼﻮﺕ ﻧﺎﺻﻲ ﻋﻜﺲ ﺍﻟﻌﺎﺻﻔﺔ ﺍﻟﻲ ﺑﻜﻠﺒﻲ
.. ﻗﺎﺳﻢ ﺍﺻﺒﻠﻚ ﻋﺸﺎ
ﻛﻠﻲ ﺍﻱ ﻭﺭﺟﻊ ﻳﻜﻤﻞ ﻛﻼﻣﻪ ﻭﻳﺔ
ﻋﻤﻪ
ﺣﻀﺮﺕ ﺍﻟﻌﺸﺎ ﺑﺴﺮﻋﺔ ﻃﻠﻘﺔ ﻭﻫﺎﻟﺔ ﻭﻫﺪﻳﻞ ﺑﺪﻭﺍ
ﻳﺮﻓﻌﻮﻥ ﺍﻟﺼﺤﻮﻥ ﻣﻦ ﻋﺎﻟﻤﻴﺰ ﻻﻥ ﻫﻤﺔ ﻛﻤﻠﻮﺍ ﻋﺸﺎﻫﻢ
ﺣﻄﻴﺖ ﺍﻟﺠﺎﻱ ﻋﺎﻟﻨﺎﺭ ﻭﺍﺧﺬﺕ ﺻﻴﻨﻴﺔ ﺍﻟﻌﺸﺎ ﻟﻘﺎﺳﻢ
ﻭﻛﻔﺖ ﺑﺼﻔﻪ
ﻭﻛﻌﺪﺕ ﺍﺣﻄﻠﻪ ﺍﻻﻛﻞ ﻋﺎﻟﻤﻴﺰ
ﺟﻨﺖ ﺍﺗﻌﻤﺪ ﻣﻦ ﺍﺣﻂ ﺍﻟﺼﺤﻮﻥ ﻛﺪﺍﻣﻪ ﺍﻃﺨﻪ
ﺑﺄﻳﺪﻱ ﺍﻣﺎ ﺑﻜﺘﻔﻪ ﺍﻭ ﺑﺰﻧﺪﻩ . ﻫﻴﺞ ﻟﻤﺴﺎﺕ ﺧﺎﻃﻔﺔ
ﺍﺭﻳﺪﻩ ﻳﺤﺲ ﺑﻴﺔ ﺍﻧﻲ ﻣﻮﺟﻮﺩﺓ .
ﻭﻫﻮ ﺣﻀﺮﺗﻪ ﺟﺎﻥ ﻣﻨﺪﻣﺞ ﻳﺤﺠﻲ ﻭﻳﺔ ﻋﻤﻪ
ﺷﻠﺖ ﺍﻟﺨﺒﺰ ﻭﻋﺪﺕ ﻧﻔﺲ ﺍﻟﺤﺮﻛﺔ
ﻭﻣﺎ ﺍﺣﺲ ﺍﻻ ﻭﺍﺟﺘﻨﻲ ﻛﺮﺻﺔ ﺑﺰﺭﻱ
ﺷﻬﻜﺖ ﺑﺼﻮﺕ ﻣﻜﺘﻮﻡ ﻭﺩﻧﻜﺖ ﺍﺑﺎﻭﻉ
ﻭﺟﺎﻥ ﺍﺷﻮﻑ ﻗﺎﺳﻢ ﻣﺎﺩ ﺍﻳﺪﻩ ﻭﺩﻳﻜﺮﺻﻨﻲ
ﺑﻔﺨﺬﻱ ﺑﻐﻴﺾ
ﻭﺍﻻﻗﻮﻯ ﻣﻦ ﻫﺬﺍ ﻛﻠﻪ
ﺍﻥ ﻗﺎﺳﻢ ﻻﺯﺍﻝ ﻣﺴﺘﻤﺮ ﺑﺎﻟﺤﺠﻲ ﻭﻳﺔ ﻋﻤﻪ
ﻭﻻ ﻋﺒﺎﻟﻚ ﺩﻳﺴﻮﻱ ﺷﻲ
ﻻ ﻭﺍﻻﺣﻠﻰ ﻣﻦ ﻫﺬﺍ ﻛﻠﻪ
ﻳﻜﺮﺹ ﻭﻳﺮﺟﻊ ﻳﺘﺤﺴﺲ ﻣﻜﺎﻥ ﺍﻟﻜﺮﺻﺔ
ﻣﺜﻞ ﺍﻟﻲ ﻳﻀﺮﺏ ﺍﺑﺮﺓ ﻻﺯﻡ ﻳﻤﺴﺪ ﺍﻟﻤﻜﺎﻥ ﺍﻻﺑﺮﺓ
ﺣﺘﻰ ﻻ ﻳﺘﺮﻙ ﺍﺛﺮ
ﻫﺬﺍ ﻛﻠﻪ ﻭﺍﻧﻲ ﻭﺍﻛﻔﺔ ﻣﺘﺼﻨﻤﺔ ﺍﺣﺲ ﻭﺟﻬﻲ ﺻﺎﺭ ﻧﺎﺭ
ﻣﻦ ﺍﻟﺤﺮ ﺟﻠﻴﺖ ﺻﻮﺗﻲ ﻭﺳﺄﻟﺘﻪ
.. ﺍﺣﻢ ﻗﺎﺳﻢ ﺑﻌﺪ ﺗﻐﻴﺪ ( ﺗﺮﻳﺪ ) ﺷﻲ
ﺟﻨﺖ ﺷﺎﻳﻠﺔ ﺍﻟﺼﻴﻨﻴﺔ
ﻧﺰﻝ ﺍﻳﺪﻩ ﻭﻛﺎﻝ ﻭﻫﻮ ﺩﺍﻳﺮ ﻋﻠﻰ ﻋﻤﻪ
.. ﻻ ﻣﺎ ﺍﺭﻳﺪ ﺷﻲ ﻣﺎ ﻗﺼﺮﺗﻲ
ﺑﻌﺪﻫﺎ ﺍﺑﺘﻌﺪﺕ ﻣﻦ ﻳﻤﻪ ﻭﺭﺣﺖ ﻟﻠﻤﻄﺒﺦ ﺍﻟﺤﺎﺭ
ﻟﻜﻴﺖ ﻫﺎﻟﺔ ﺗﻐﺴﻞ ﺑﺎﻟﺼﺤﻮﻥ ﻭﺗﺮﺯﻝ ﺑﻬﺪﻳﻞ
ﻻﻥ ﻻﺑﺴﺔ ﻣﻼﺑﺴﻬﺎ ﺍﻟﺠﺪﻳﺪﺍﺕ
ﻫﺪﻳﻞ .. ﺍﻫﻮﻭﻭ ﺷﺨﺒﺼﺘﻴﻨﺎ ﺑﻤﻼﺑﺴﺞ
ﻫﺬﻧﻴﺞ ﻫﻤﺔ ﺣﻄﻴﺘﻬﻢ ﺍﻟﺞ ﺑﺎﻟﺴﻠﺔ ﻣﺎﻟﺖ ﺍﻟﻐﺴﻴﻞ
ﺣﺘﻰ ﺗﻐﺴﻠﻴﻬﻢ
ﻻﻥ ﻭﻛﻊ ﻋﻠﻴﻬﻢ ﻋﺼﻴﺮ ﺭﻣﺎﻥ ﺑﺎﻟﺨﻄﺎﺀ
ﻭﻫﺎ ﺍﻱ ﺻﺪﻙ ﺍﺗﺬﻛﺮﺕ ﻭﻛﻌﺖ ﺩﻛﻤﺔ ﻣﻦ ﺍﻟﻘﻤﻴﺺ
ﺟﺎﻧﺖ ﺗﺤﺠﻲ ﺑﺨﺒﺎﺛﺔ ﺻﺪﻙ ﺍﻧﻲ ﻣﻦ ﻳﻤﻲ ﺍﻧﻔﺘﻴﺖ
ﺍﺑﺎﻭﻉ ﻟﻬﺎﻟﺔ ﻛﺎﻣﺖ ﺗﻜﻤﺰ
ﺩﺍﺭﺕ ﻋﻠﻴﻬﺎ ﺗﺮﻳﺪ ﺗﻜﻤﻞ ﺗﺤﺠﻲ ﻭﺟﺎﻥ ﺗﺪﺧﻞ ﺍﻡ ﻗﺎﺳﻢ
ﻭﺗﺤﺠﻲ ﻭﻳﺎﻫﻦ ﺑﺼﻮﺕ ﻧﺎﺻﻲ
.. ﺷﻜﻮ ﺷﻨﻮ ﻫﺬﺍ ﺍﻟﺼﻮﺕ ﻣﻮ ﻋﻴﺐ ﻣﺘﺴﺘﺤﻮﻥ ﻣﻨﺎ ﺑﻴﺖ ﻋﻤﻜﻢ ﻭﺍﻧﺘﻮﺍ ﺍﺻﻮﺍﺗﻜﻢ ﺗﻠﻌﻠﻊ
ﻫﺎﻟﺔ ﺑﻐﻴﺾ .. ﻳﻤﺔ ﺷﻔﺘﻲ ﺑﻨﺘﺞ ﻫﺪﻳﻞ ﺍﻟﻴﻮﻡ ﻟﺒﺴﺖ ﻣﻼﺑﺴﻲ ﺍﻟﺠﺪﻳﺪﺍﺕ ﺣﺘﻰ ﺑﻌﺪﻧﻲ ﻣﻼﺑﺴﺘﻬﻢ
ﻭﻛﻠﺒﻲ ﻛﺎﻡ ﻳﺤﻮﻡ ﻋﻠﻰ ﻓﻬﺎﻭﺕ ﻫﺎﻟﺔ
ﻛﻤﻠﺖ ﺍﺫﻛﺮﻫﺎ ﺑﺨﺒﺎﺛﺔ
.. ﺍﻛﻮﻝ ﻫﺎﻟﺔ ﺻﻠﻲ ﻋﻠﻰ ﺍﻟﻨﺒﻲ ﺗﻐﺔ ( ﺗﺮﺓ ) ﻣﺎ ﺗﺴﻮﻯ ﺗﻌﺼﺒﻴﻦ
ﻳﻌﻨﻲ ﻭﺍﺫﺍ ﻭﻛﻌﺖ ﻋﻠﻴﻬﻢ ﻋﺼﻴﻎ ﻏﻤﺎﻥ ( ﻋﺼﻴﺮ ﺭﻣﺎﻥ )
ﻭﺷﻠﻌﺖ ﺩﻛﻤﺔ ﺍﻟﻘﻤﻴﺺ ﻓﺪﻭﺓ ﺍﻟﻬﺎ
ﺍﺑﺎﻭﻉ ﻟﻬﺪﻳﻞ ﺑﻠﻌﺖ ﺭﻳﻜﻬﺎ
ﺍﻡ ﻗﺎﺳﻢ ﺑﻐﻀﺐ .. ﻻﻣﻮ ﻓﺪﻭﺓ ﺍﻟﻬﺎ
ﻣﻼﺑﺲ ﺟﺪﺩ ﺍﺧﺬﺗﻬﻢ ﻣﻦ ﺍﺧﺘﻬﺎ ﻭﻟﺒﺴﺘﻬﻢ ﻭﺗﺎﻟﻲ ﻫﻴﺞ ﺗﻌﺎﻣﻠﻬﻢ ﺑﻜﻞ ﺍﻫﻤﺎﻝ
ﻟﻌﺪ ﻣﺎ ﺩﺍﻡ ﻫﺸﻜﻞ ﺳﻮﺕ
ﺑﺎﻭﻋﺖ ﻟﻬﺪﻳﻞ
ﻫﺬﺍ ﻫﻮ ﻣﺎﻣﺎ ﻫﺪﻳﻞ
ﻣﺎ ﺩﺍﻡ ﻋﺠﺒﻮﺝ ﻣﻼﺑﺲ ﻫﺎﻟﺔ . ﻭﻟﺒﺴﺘﻴﻬﻢ ﺧﻼﺹ
ﺍﻟﻤﻼﺑﺲ ﺻﺎﺭﻥ ﺣﺼﺘﺞ
ﻣﻌﻨﺎﻫﺎ ﺳﻘﻂ ﺣﻘﺞ ﺑﻌﺪ ﻣﺎ ﺍﺷﺘﺮﻳﻠﺞ
.......
ﻭﻫﺎﻟﺔ ﺗﺸﻮﻓﻠﻬﺎ ﺍﻱ ﻳﻮﻡ ﻳﻌﺠﺒﻬﺎ ﺍﺧﺬﻫﺎ ﻟﻠﻤﻮﻝ ﻭﺍﺷﺘﺮﻳﻠﻬﺎ ﻣﻼﺑﺲ ﺟﺪﻳﺪﺍﺕ
ﻫﺪﻳﻞ ﺳﻤﻌﺖ ﺍﻟﻘﺮﺍﺭ ﻭﻛﺎﻣﺖ ﺗﻜﻤﺰ ﻣﻦ ﺍﻟﻐﻴﺾ
.. ﻭﺍﻟﻠﻪ ﺣﺮﺍﻡ ﻋﻠﻴﻜﻢ ﻫﺬﺍ ﺍﻛﺒﺮ ﻇﻠﻢ
ﻣﺎﻣﺎ ﺍﻧﺘﻲ ﻫﻮﺍﻱ ﺗﻔﺮﻗﻴﻦ
ﺍﻡ ﻗﺎﺳﻢ .. ﻳﺎﻟﻠﻪ ﺍﻟﻤﻮﺿﻮﻉ ﺍﻧﺘﻬﻰ ﻭﻏﻴﺮ ﻗﺎﺑﻞ ﻟﻠﻨﻘﺎﺵ
ﻭﻣﺎ ﺍﺳﻤﻊ ﺑﻌﺪ ﺍﻱ ﻛﻠﻤﺔ
ﻃﻠﻌﺖ ﺍﻡ ﻗﺎﺳﻢ ﻣﻦ ﺍﻟﻤﻄﺒﺦ
ﻭﻫﺪﻳﻞ ﻛﺎﻣﺖ ﺗﻐﻠﻂ ﻋﻠﻰ ﻫﺎﻟﺔ ﺑﺼﻮﺕ ﻧﺎﺻﻲ
ﺣﺘﻰ ﻣﺘﺴﻤﻊ
ﺍﻧﻲ ﺻﺒﻴﺖ ﺍﻟﺠﺎﻱ ﻭﺍﺧﺬﺗﻪ ﺍﻟﻬﻢ ﻟﻠﻬﻮﻝ
ﻟﻜﻴﺖ ﺍﻟﻜﻞ ﻛﺎﻋﺪﻳﻦ ﻗﺎﺳﻢ ﺷﺎﻓﻨﻲ
ﻛﺎﻝ .. ﻫﺸﺎﻡ
ﻫﺸﺎﻡ ﺑﺲ ﺷﺎﻑ ﺍﺗﺠﺎﻩ ﻧﻈﺮﺓ ﻗﺎﺳﻢ ﻋﻠﻴﺔ
ﻛﺒﻞ ﻛﺎﻡ ﻭﺍﺧﺬ ﺍﻟﺼﻴﻨﻴﺔ
ﻣﻦ ﻋﻨﺪﻱ ﻭﻫﻮ ﻗﺪﻣﻠﻬﻢ
ﺭﺣﺖ ﻛﻌﺪﺕ ﻳﻢ ﺧﺎﻟﺔ ﻟﻜﻴﺘﻬﻢ ﻳﺴﻮﻟﻔﻮﻥ ﻋﻦ ﺍﻟﺴﻴﺎﺳﺔ
ﻭﺷﻜﺎﻟﺖ ﺍﻻﻭﺿﺎﻉ
ﺍﻣﺎ ﺧﺎﻟﺔ ﺍﻡ ﻗﺎﺳﻢ ﻭﺍﻡ ﺍﻳﻤﻦ ﻛﺎﻧﻮﺍ ﻳﺤﺠﻮﻥ
ﻋﻦ ﻋﺮﺱ ﺻﻬﻴﺐ ﺍﻣﺎ ﻫﺪﻳﻞ .
ﻓﻌﻴﻮﻧﻬﺎ ﻣﺎ ﻭﻛﻌﺖ ﻋﻦ ﺍﻳﻤﻦ
ﻭﺍﻳﻤﻦ ﺍﻟﻈﺎﻫﺮ ﻣﻮ ﺑﺤﺎﻟﻬﺎ . ﻫﻮ ﺩﻛﺘﻮﺭ ﺍﺗﺨﺮﺝ ﻗﺒﻞ ﺳﻨﺘﻴﻦ
ﻃﺒﻌﺎ ﻛﻠﻤﺎ ﻳﺠﻮﻥ ﺍﺑﺎﻭﻉ ﻟﻬﺪﻳﻞ ﺗﺴﺤﻞ ﺭﻭﺣﻬﺎ
ﻓﻲ ﺳﺒﻴﻞ ﺗﻠﻔﺖ ﺍﻧﺘﺒﺎﻫﻪ
ﺧﻄﻴﺔ ﺍﻣﺎ ﺭﻫﻒ ﻓﻬﺎﻱ ﻓﻲ ﻭﺍﺩﻱ ﺍﺧﺮ
ﺧﺎﻟﺔ ﺍﻡ ﻗﺎﺳﻢ ﺳﺄﻟﺘﻬﺎ
.. ﻭﺍﻧﺘﻲ ﺭﻫﻒ ﺧﺎﻟﺔ ﺷﻠﻮﻥ ﺻﺎﺭﺕ ﺻﺤﺘﺞ
ﺭﻫﻒ ﺑﺼﻮﺕ ﻋﺎﻟﻲ ﻣﻘﺼﻮﺩ ﺗﺮﻳﺪ ﺗﺴﻤﻊ ﻗﺎﺳﻢ
.. ﻭﺍﻟﻠﻪ ﺧﺎﻟﺔ ﺍﻧﻲ ﻣﻮﺯﻳﻨﺔ ﺻﺤﺘﻲ ﺍﺭﻳﺪ ﺍﻣﻮﺕ
ﺍﻧﺘﺒﻬﺖ ﻟﻘﺎﺳﻢ . ﻗﻄﻊ ﻛﻼﻣﻪ ﻭﺑﺎﻭﻉ ﻋﻠﻴﻬﺎ
ﻭﺍﻟﺘﻘﺖ ﻋﻴﻮﻧﻬﻢ ﻟﻠﺤﻈﺔ ﻭﺑﻌﺪﻫﺎ ﻗﺎﺳﻢ ﺩﺍﺭ ﻭﺟﻬﻪ
ﻭﻛﻤﻞ ﻛﻼﻣﻪ ﻭﻳﺔ ﻋﻤﻪ
ﻫﻲ ﺻﺤﻴﺢ ﺟﺎﻧﺖ ﻣﺠﺮﺩ ﻧﻈﺮﺍﺕ .
ﺑﺲ ﻣﺎ ﻓﺎﺗﺘﻨﻲ ﻟﻤﺤﺔ ﺍﻻﻫﺘﻤﺎﻡ ﺍﻟﻲ ﺷﻔﺘﻬﺎ ﺑﻨﻈﺮﺍﺕ ﻗﺎﺳﻢ
ﺻﺤﻴﺢ ﺑﻌﺪﻫﺎ ﺍﺗﺤﻮﻟﺖ ﻧﻈﺮﺗﻪ ﻟﺒﺮﻭﺩ . ﻗﺎﺳﻲ
ﻭﺩﺍﺭ ﻭﺟﻬﻪ ﻋﻨﻬﺎ ﻭﻛﺄﻧﻤﺎ ﻣﺎ ﻳﻌﺮﻓﻬﺎ
ﺣﺴﻴﺖ ﺑﻠﺤﻈﺘﻬﺎ ﻣﺜﻞ ﺍﻟﻨﺎﺭ ﺗﻠﻬﺐ ﺑﻴﻦ ﻇﻠﻮﻋﻲ
ﺻﺎﺭ ﻛﻠﺒﻲ ﺗﻨﻮﺭ ﻳﻔﻮﺭ ﻣﻦ ﺍﻟﻐﻴﺮﺓ ﻭﺍﻟﻐﻴﺾ
ﺍﺟﺘﻲ ﻫﺎﻟﺔ ﻭﻛﻌﺪﻧﺎ ﺍﻧﻲ ﻭﻳﺎﻫﺎ ﻧﺴﻮﻟﻒ
ﻭﻧﻀﺤﻚ
ﺑﺲ ﺟﻨﺖ ﺍﺿﺤﻚ ﻣﺘﻌﻤﺪﺓ ﺍﺧﺖ ﺭﻫﻒ ﺍﻟﺼﻐﻴﺮﺓ
ﺳﺄﻟﺘﻨﻲ
.. ﺍﻛﻮﻝ ﻫﺪﻯ ﺷﻨﻮ ﺗﺤﻄﻴﻦ ﻟﺸﻌﺮﺝ . ﻣﻦ ﺯﻳﻮﺕ
ﻭﻫﻴﺞ ﺻﺎﺭ ﻃﻮﻳﻞ ﻭﺣﻠﻮ ﺍﺭﻳﺪ ﺷﻌﺮﻱ ﻣﺜﻞ ﺷﻌﺮﻱ
ﺍﻡ ﻗﺎﺳﻢ .. ﺧﺎﻟﺔ ﻛﻮﻟﻲ ﻣﺎ ﺷﺎﺀ ﺍﻟﻠﻪ
ﺭﻧﺪ .. ﻣﺎ ﺷﺎﺀ ﺍﻟﻠﻪ .
ﺭﺩﺩﺕ ﻭﺭﺓ ﺧﺎﻟﺘﻲ ﻭﺭﺟﻌﺖ ﻋﺎﺩﺕ ﺳﺆﺍﻟﻬﺎ
ﺍﺑﺘﺴﻤﺖ ﻭﺟﺎﻭﺑﺘﻬﺎ
.. ﺣﺒﻴﺒﺘﻲ ﺍﻧﻲ ﺍﺳﺘﺨﺪﻡ ﺯﻳﺖ ﺍﻟﺰﻳﺘﻮﻥ ﺍﻻﺳﺒﺎﻧﻲ
ﻟﺸﻌﻐﻲ ( ﻟﺸﻌﺮﻱ )
ﺭﻧﺪ .. ﺍﻳﻤﻦ ﺍﺧﻮﻳﺔ ﻳﺤﺐ ﺍﻟﺸﻌﺮ ﺍﻟﻄﻮﻳﻞ
ﻭﺩﺍﺋﻤﺎ ﻳﻜﻮﻝ ﻟﻤﺎﻣﺎ ﺍﺫﺍ ﺍﺭﻳﺪ ﺍﺗﺰﻭﺝ ﻛﻮﻥ ﺍﺧﺬﻟﻲ ﻭﺣﺪﺓ
ﺷﻌﺮﻫﺎ ﻃﻮﻳﻞ ﺍﺗﺬﻛﺮﺕ ﺷﻌﺮﺝ ﻭﻛﻠﺘﻠﻪ
ﻫﺪﻯ ﺯﻭﺟﺔ ﻗﺎﺳﻢ ﺷﻌﺮﻫﺎ ﻛﻠﺶ ﻃﻮﻳﻞ ﺑﻄﻮﻟﻬﺎ ﻭﺳﺮﺡ
ﻋﺒﺎﻟﻚ ﺷﻌﺮ ﻫﻨﺪﻳﺔ
ﺍﻡ ﻗﺎﺳﻢ .. ﻳﺎﻋﻴﻨﻲ ﺧﻄﻴﺔ ﻏﻴﺮ ﺫﺍﻙ ﺍﻟﻴﻮﻡ ﺷﻌﺮﻫﺎ
ﺍﺗﺸﻌﻮﻁ ﻣﻦ ﻛﺪﺍﻡ ﻣﻦ ﺍﻧﺘﻮﺍ ﺟﻨﺘﻮﺍ ﻣﻮﺟﻮﺩﻳﻦ ﻋﺪﻧﺎ
ﻭﻛﻌﺪﺕ ﺧﺎﻟﺔ ﺗﻄﺮﺩ ﻋﻴﻮﻥ ﻭﺑﻌﺪﻫﺎ ﻏﻴﺮﺕ ﺍﻟﻤﻮﺿﻮﻉ
ﻭﻛﺎﻣﺖ ﺗﺴﺄﻝ ﺍﻡ ﺍﻳﻤﻦ ﺑﻐﻴﺮ ﺍﻣﻮﺭ
ﺟﺎﻥ ﻧﻘﺎﻟﻲ ﺑﺤﻀﻨﻲ ﻟﺤﻈﺎﺕ ﻭﺍﺟﺘﻨﻲ ﺭﺳﺎﻟﺔ
ﻗﺮﻳﺖ ﺍﺳﻢ ﺣﺒﻴﺒﻲ ﻫﻴﺞ ﻛﺎﺗﺒﺘﻪ ﻋﻠﻰ ﻧﻘﺎﻟﻲ
ﻭﺭﻓﻌﺖ ﺭﺍﺳﻲ ﻟﻜﻴﺖ ﻗﺎﺳﻢ ﻳﺴﻮﻟﻒ ﻭﻳﻜﻠﺐ ﺑﺎﻟﻨﻘﺎﻝ
ﻓﺘﺤﺖ ﺍﻟﻨﻘﺎﻝ ﻭﻟﻜﻴﺘﻪ ﻣﺮﺍﺳﻠﻨﻲ ﻋﺎﻟﻮﺍﺗﺴﺎﺏ
ﻛﺎﺗﺐ .. ﻛﻮﻣﻲ ﺻﻌﺪﻱ ﻓﻮﻙ ﻟﻠﻐﺮﻓﺔ ﻻ ﺍﻛﻮﻡ ﺍﺳﺤﻠﺞ
ﻛﺪﺍﻣﻬﻢ .
.....
ﺭﻓﻌﺖ ﺭﺍﺳﻲ ﻭﻋﻴﻮﻧﻲ ﺍﺟﺘﻲ ﺑﻌﻴﻮﻧﻪ ﺟﺎﻧﺖ ﻋﻴﻮﻧﻪ
ﻧﺎﺭ
ﺭﺻﻴﺖ ﻋﻠﻰ ﺍﺳﻨﺎﻧﻲ ﻭﻛﺘﺒﺘﻠﻪ
ﻭﻛﻤﺖ ﻣﻦ ﻣﻜﺎﻧﻲ ﻭﺍﻧﻲ ﺍﻓﻮﺭ ﺑﻐﻴﺾ ﻣﻌﻘﻮﻟﺔ ﺍﻛﻮﻡ ﻭﺍﺗﺮﻛﻪ ﻟﻮﺣﺪﻩ
ﺟﻨﺖ ﺑﻴﻦ ﺍﻟﺨﺎﻳﻔﺔ ﻣﻨﻪ ﻭﻻﺯﻡ ﺍﻧﻔﺬ ﻭﺑﻴﻦ ﻣﻌﺎﻧﺪﺓ ﻣﺎ ﺍﻗﺒﻞ
ﺑﻌﺪﻫﺎ ﻗﺮﺭﺕ ﺍﺑﻘﻰ ﻣﺴﺘﺤﻴﻞ ﺍﻋﻮﻓﻪ ﻭﺭﻫﻒ ﻫﻨﺎ
ﻣﻨﺘﻈﺮﺓ ﺗﺘﺮﺻﺪ ﺍﻟﻔﺮﺻﺔ ﺣﺘﻰ ﺗﺤﺠﻲ ﻭﻳﺎﻩ
ﻟﺤﺪ ﻫﺴﺔ ﻧﻈﺮﺓ ﻋﻴﻮﻧﻪ ﺣﺮﻛﺘﻬﺎ ﺩﺗﺤﺮﻙ ﺑﻜﻠﺒﻲ
ﺳﺪﻳﺖ ﺍﻟﻨﻘﺎﻝ ﻭﻻﻛﺄﻧﻲ ﻗﺮﻳﺖ ﻭﻻﻭﺟﻬﺘﻠﻪ ﻧﻈﺮﺓ
ﻻﻥ ﺍﺧﺎﻑ ﺍﺿﻌﻒ ﻛﺪﺍﻡ ﻏﻀﺒﻪ ﻭﺍﻧﺴﺤﺐ
ﻟﺬﻟﻚ ﺑﻘﻴﺖ ﻛﺎﻋﺪﺓ ﻭﺳﺎﻛﺘﺔ ﻣﺎ ﺍﺣﺠﻲ ﺍﻱ ﺷﻲ
ﺑﻌﺪﻫﺎ ﻭﺻﻠﺖ ﺭﺳﺎﻟﺔ ﺛﺎﻧﻴﺔ
ﻋﺮﻓﺘﻬﺎ ﻣﻦ ﻗﺎﺳﻢ ﻟﺬﻟﻚ ﻓﻀﻠﺖ ﺍﻏﻠﺲ ﻋﻠﻴﻬﺎ ﻭﺍﺳﻮﻱ ﻧﻔﺴﻲ
ﻣﻨﺪﻣﺠﺔ ﺑﺎﻟﺤﺠﻲ ﻭﻳﺔ ﺧﺎﻟﺔ ﻭﺍﻡ ﺍﻳﻤﻦ ﻭﻣﻤﻨﺘﺒﻬﺔ ﻋﺎﻟﻨﻘﺎﻝ
ﻭﻭﺭﺓ ﻧﺺ ﺳﺎﻋﺔ ﺍﺳﺘﺄﺫﻧﻮﺍ ﺑﻴﺖ ﻋﻤﻬﻢ ﻣﺤﻤﺪ
ﻭﻃﻠﻌﻮﺍ ﻭﻋﻤﻬﻢ ﻣﺤﻤﺪ ﻗﺒﻞ ﻻ ﻳﻄﻠﻊ
ﻛﺎﻝ ﻟﻘﺎﺳﻢ ﺭﺍﺡ ﺍﺳﻮﻱ ﻋﺰﻳﻤﺔ ﻭﺍﻋﺰﻡ ﺍﻟﻜﻞ
ﺣﺘﻰ ﺗﺘﺼﺎﻟﺢ ﺍﻧﺖ ﻭﻋﻤﻚ
ﻗﺎﺳﻢ .. ﻋﻤﻲ ﻭﺍﻟﻠﻪ ﻣﺎ ﺗﺴﻮﻯ ﺗﺘﻌﺐ ﺣﺎﻟﻚ
ﻋﻤﻲ ﻛﺎﻇﻢ . ﻫﻮ ﻧﻔﺴﻪ ﻣﺎ ﺭﺍﺡ ﻳﺘﻐﻴﺮ
ﻭﻳﺒﻘﻰ ﻳﺘﺠﺎﻭﺯ ﻭﻣﺎ ﻳﺘﻌﺾ
ﻓﺨﻠﻴﻨﻲ ﻫﺎﻟﻤﺮﺓ ﺍﻧﺎ ﺍﺭﻳﺪ ﺍﺣﻄﻠﻪ ﺣﺪ
ﻭ ﻻﺗﺤﺮﺟﻨﻲ . ﺑﺎﻟﻌﺰﻳﻤﺔ ﻛﺪﺍﻡ ﺍﻟﻨﺎﺱ
ﻣﺤﻤﺪ .. ﻣﻮ ﺣﻠﻮﺓ ﺑﺤﻘﻲ ﺍﺷﻮﻓﻜﻢ ﺗﺘﻌﺎﺭﻛﻮﻥ
ﻭﺍﺑﻘﻰ ﺍﺑﺎﻭﻉ ﻋﻠﻴﻜﻢ . ﻻﺯﻡ ﺍﺣﻠﻬﺎ ﺑﺎﻟﺘﻲ ﻫﻲ ﺍﺣﺴﻦ
.. ﺧﻼﺹ ﻣﻮﺳﻰ ﺑﺪﻳﻦ ﻭﻋﻴﺴﻰ ﺑﺪﻳﻦ
ﻛﻞ ﻭﺍﺣﺪ ﻋﻠﻴﻪ ﺑﻨﻔﺴﻪ ﻟﺘﺨﺎﻑ ﻋﻠﻴﻨﺎ
ﺑﻌﺪﻫﺎ ﺍﺳﺄﺫﻧﻮﺍ ﻭﻃﻠﻌﻮﺍ ﻭﺭﻫﻒ ﺍﻟﻲ ﺗﺮﻳﺪ ﺗﻤﻮﺕ
ﻻﻥ ﻣﺎ ﻛﺪﺭﺕ ﺗﻨﻔﺮﺩ ﺑﻘﺎﺳﻢ ﻣﺜﻞ ﻛﻞ ﻣﺮﺓ
ﺭﺣﺖ ﻭﻳﺔ ﻫﺎﻟﺔ ﻛﻌﺪﺕ ﺍﺭﺗﺐ ﺍﻟﻬﻮﻝ ﻭﺷﻠﺖ ﺍﻻﺳﺘﻜﺎﻳﻦ
ﻭﺍﻟﻨﻔﺎﺿﺎﺕ ﻭﺍﺧﺬﺗﻬﻢ ﻟﻠﻤﻄﺒﺦ ﺍﻟﺤﺎﺭ
ﺳﻤﻌﺖ ﺻﻮﺕ ﻗﺎﺳﻢ ﻳﺼﻴﺤﻨﻲ ﻛﺎﻝ ﺍﻧﺎ ﺻﺎﻋﺪ ﻓﻮﻙ ﺻﻌﺪﻳﻠﻲ ﺟﺎﻱ
.. ﺻﺎﻍ ( ﺻﺎﺭ )
ﻏﺴﻠﺖ ﺍﻻﺳﺘﻜﺎﻧﺎﺕ ﻭﺧﻠﺼﺖ ﺍﻟﻤﻄﺒﺦ
ﻭﺍﺧﺬﺗﻠﻪ ﺍﻟﺠﺎﻱ ﻓﻮﻙ
ﺩﺧﻠﺖ ﻭﺣﻄﻴﺖ ﺍﻟﺠﺎﻱ ﻋﺎﻟﻤﻴﺰ
ﺑﺎﻭﻉ ﻋﻠﻴﺔ
.. ﺍﻧﺎ ﺷﻨﻮ ﻛﻠﺖ
.. ﺍﻧﺖ ﻛﻠﺖ ﺻﻌﺪﻱ ﻓﻮﻙ ﺑﺪﻭﻥ ﻣﺎ ﺍﻋﻐﻒ ( ﻣﺎﺍﻋﺮﻑ ) ﻟﻴﺶ ﺍﺻﻌﺪ
.. ﻳﻌﻨﻲ ﺗﺮﺩﻳﻨﻲ ﺍﻛﻌﺪ ﺍﺳﻤﻌﻬﻢ ﻳﺘﻐﺰﻟﻮﻥ ﺑﻄﻮﻝ ﺷﻌﺮﺝ ﻭﺟﻤﺎﻟﻪ
ﻭ ﻳﻮﺻﻔﻮﻥ ﺑﻲ ﻛﺪﺍﻡ ﺍﻟﺮﻳﺎﺟﻴﻞ ﻭﺍﻧﺘﻲ ﺣﻀﺮﺗﺞ ﻛﺎﻋﺪﻩ ﻣﻮ ﻳﻤﺞ
ﺭﻣﺸﺖ ﺑﻌﻴﻮﻧﻲ ﺍﺳﺘﻐﺮﺑﺖ ﻳﻌﻨﻲ ﺟﺎﻥ ﺳﺒﺐ ﻏﻀﺒﻪ
ﻛﻼﻡ ﺭﻧﺪ ﻋﻦ ﺷﻌﺮﻱ
ﺳﺤﺒﺖ ﻧﻔﺲ ﻋﻤﻴﻖ .. ﺻﺤﻴﺢ ﻛﻼﻣﻚ ﻭﺣﻘﻚ ﻓﻌﻼ ﺑﻨﺖ ﻋﻤﻚ ﺩﺍﺳﺖ ﺑﺎﻟﻜﻼﻡ
ﺑﺲ ﺗﺼﺪﻙ ﺍﻧﻲ ﺑﺎﻟﻲ ﺟﺎﻥ ﻛﻠﻪ ﻣﻮ ﻳﻤﻬﺎ
.. ﻟﻌﺪ ﺑﺸﻨﻮ ﺣﻀﺮﺗﺞ ﺟﻨﺘﻲ ﻣﺸﻐﻮﻟﺔ
ﺳﺤﺒﺖ ﻧﻔﺲ ﻋﻤﻴﻖ ﻭﺳﺄﻟﺘﻪ ﺑﺘﺮﺩﺩ
.. ﻣﺸﻐﻮﻟﺔ ﺍﻓﻜﻎ ﺑﻐﻬﻒ ( ﺍﻓﻜﺮ ﺑﺮﻫﻒ ) ﺷﻨﻮ ﻣﻮﻗﻌﻬﺎ ﺑﺤﻴﺎﺗﻨﺎ
ﻃﺒﻌﺎ ﺍﻟﻤﻔﻐﻮﺽ ( ﺍﻟﻤﻔﺮﻭﺽ ) ﻛﺎﻥ ﻻﺯﻡ ﺍﺳﺄﻝ ﻫﺬﺍ ﺍﻟﺴﺆﺍﻝ ﻗﺒﻞ
ﻣﺎ ﺍﺑﺪﻱ ﻭﻳﺎﻙ ﻭﻧﺘﻤﻢ ﺯﻭﺍﺟﻨﺎ
ﺍﻧﻲ ﻣﺎ ﺍﻧﻜﻎ ( ﻣﺎﺍﻧﻜﺮ ) ﺍﻧﺖ ﻛﻠﺘﻠﻲ ﻋﻦ ﺗﻨﻔﻴﺬ ﻭﻋﺪﻙ ﺑﺎﻟﺰﻭﺍﺝ ﻣﻨﻬﺎ
ﻭﺍﻧﻲ ﺍﻧﻄﻴﺘﻚ ﺑﻮﻛﺘﻬﺎ ﻏﺪﻱ ﺑﺎﻟﻐﻔﺾ ( ﺭﺩﻱ ﺑﺎﻟﺮﻓﺾ )
ﻭﺍﻧﺴﺤﺒﺖ ﻣﻦ ﺣﻴﺎﺗﻚ ﻻﻥ ﺍﻏﻔﺾ ( ﺍﺭﻓﺾ ) ﻭﺣﺪﺓ ﺛﺎﻧﻴﺔ
ﺗﺸﺎﻏﻜﻨﻲ ( ﺗﺸﺎﺭﻛﻨﻲ ) ﺑﺰﻭﺟﻲ ﻭﺑﻮﻛﺘﻬﺎ ﺍﻧﺖ ﻋﻐﻔﺖ ﻏﺪﻱ ( ﻋﺮﻓﺖ ﺭﺩﻱ )
ﻭﺑﺪﻳﺖ ﺗﺘﻌﺼﺐ ﻣﻨﻲ ﻭﺿﺠﺖ ﻣﻦ ﺑﻐﻮﺩﻱ ( ﺑﺮﻭﺩﻱ )
ﻟﻜﻦ ﺍﻟﺼﺎﻍ ( ﺍﻟﺼﺎﺭ ) ﺑﻌﺪ ﻋﻐﻜﺔ ( ﻋﺮﻛﺔ ) ﻋﻤﻚ ﻛﺎﻇﻢ
ﺍﻧﻘﻠﺒﺖ ﺍﻟﻤﻮﺍﺯﻳﻦ
ﻭﺍﺗﺨﺬﺕ ﺍﻟﻘﻐﺎﻏﺎﺕ ( ﺍﻟﻘﺮﺍﺭﺍﺕ ) ﺑﻠﺤﻈﺔ . ﺿﻌﻒ . ﺍﺣﺘﻠﺘﻨﻲ ﺍﻟﻤﺸﺎﻋﻎ ( ﺍﻟﻤﺸﺎﻋﺮ )
ﻭﻛﻼﻣﻚ ﻛﺎﻥ ﻛﻠﻪ ﻭﻭﻋﻮﺩ ﺷﺠﻌﻨﻲ
ﻭﺣﺴﺴﺘﻨﻲ ﺍﻥ ﺍﻧﻲ ﺍﻟﻮﺣﻴﺪﺓ ﺍﻟﻲ ﻏﺎﺡ ( ﺭﺍﺡ ) ﺍﻛﻮﻥ ﺯﻭﺟﺘﻚ ﻭﺑﺤﻴﺎﺗﻚ
ﻭﺿﻌﻔﻲ ﺑﻴﻦ ﺍﻳﺪﻳﻚ ﺳﻠﺐ ﻋﻘﻠﻲ ﻭﻧﺴﺎﻧﻲ ﺍﻫﻢ ﻣﻮﺿﻮﻉ ﺑﺰﻭﺍﺟﻲ ﺍﻟﻲ ﻫﻮ ﻏﻬﻒ ( ﺭﻫﻒ )
ﻧﺴﻴﺖ ﻛﻠﺸﻲ ﻭﺍﻧﻲ ﺑﺤﻀﻨﻚ
ﺑﺲ ﻫﺴﺔ ﺑﻌﺪ ﻣﺎ ﺷﻔﺖ ﺭﻫﻒ
ﻭﺍﻧﺘﺒﻬﺖ ﻟﻨﻈﻐﺘﻚ ( ﻧﻈﺮﺗﻚ ) ﻟﻬﺎ ﺍﺗﺬﻛﻐﺖ ﺑﺸﻨﻮ ﻭﻋﺪﺗﻬﺎ
ﻗﺎﺳﻢ ﺍﻏﻴﺪ ﺍﻋﻐﻒ ( ﺍﺭﻳﺪ ﺍﻋﺮﻑ ) ﺍﻧﺖ ﺑﻌﺪﻙ ﻋﺎﻟﻮﻋﺪ ﻭﻳﺎﻫﺎ ؟؟؟
ﺳﺤﺐ ﻧﻔﺲ ﻋﻤﻴﻖ ﻭﻛﺎﻝ
.. ﺷﻮﻓﻲ ﻫﺪﻯ ﺍﻟﺸﻲ ﺍﻟﻤﺎ ﺗﻌﺮﻓﻴﻪ
ﺍﻧﺎ ﻛﺴﺮﺕ ﻭﻋﺪﻱ ﻭﻳﺔ ﺭﻫﻒ ﻗﺒﻞ ﻻ ﺍﺑﺪﻱ ﻭﻳﺎﺝ
ﻭﺍﺗﻤﻢ ﺯﻭﺍﺟﻨﺎ ﺑﺸﻜﻞ ﻓﻌﻠﻲ . ﻓﺎﺗﻄﻤﻨﻲ ﻣﺎ ﺭﺍﺡ ﺍﺗﺰﻭﺝ ﺭﻫﻒ
.. ﺍﻛﺪﺭ ﺍﻋﺮﻑ ﻟﻴﺶ ﻛﺴﻐﺖ ( ﻛﺴﺮﺕ ) ﺍﻟﻮﻋﺪ
ﺣﻨﺖ ﺍﺗﻤﻨﻰ ﻳﺤﺠﻴﻠﻲ ﻋﻦ ﺍﻟﺼﺎﺭ ﻭﻳﺎﻫﺎ
.. ﺻﺎﺭ ﺷﻲ ﺧﻼﻧﻲ ﺍﺣﻂ ﺣﺪ ﻟﻌﻼﻗﺘﻨﺎ ﻭﺍﻛﺴﺮ ﻭﻋﺪﻱ ﻭﻳﺎﻫﺎ
ﻭﻣﺎ ﺭﺍﺡ ﺍﺗﺰﻭﺟﻬﺎ ﻟﻮ ﺗﺒﻘﻰ ﺍﺧﺮ ﻣﺮﻳﺔ ﺑﺎﻟﻌﺎﻟﻢ
.. ﺻﺤﻴﺢ ﺍﻧﺖ ﻏﺎﻓﺾ ( ﺭﺍﻓﺾ ) ﺗﺘﺰﻭﺟﻬﺎ .
ﺑﺲ ﺍﻧﺖ ﺑﻌﺪﻙ ﺗﺤﺒﻬﺎ
.. ﻫﺴﺔ ﺍﺣﺒﻬﺎ ﺍﻭ ﻣﺎ ﺍﺣﺒﻬﺎ
ﺍﻧﺘﻲ ﻟﻴﺶ ﺿﺎﻳﺠﺔ ﺍﺷﻮ ﺍﻧﺘﻲ ﺍﻟﻜﻞ ﺑﺎﻟﻜﻞ
ﺍﺍﻟﺞ ﺍﻟﺼﺎﻓﻲ ﺍﻧﺘﻲ ﺯﻭﺟﺘﻲ ﻭ ﺍﻡ ﺑﻴﺘﻲ
ﻭﺍﺭﻳﺪﺝ ﺗﻜﻮﻧﻴﻦ ﺍﻧﺘﻲ ﺍﻡ ﺟﻬﺎﻟﻲ
ﻗﺮﺑﻨﻲ ﻣﻨﻪ ﻭﻛﻤﻞ
ﺑﺎﻟﻠﻪ ﺷﻮ ﺗﻌﺎﻟﻲ ﺷﻠﻮﻥ ﺗﺘﺤﺎﺭﺷﻴﻦ ﺑﻴﺔ . ﻋﺎﻟﻌﺸﺎ
.........
.........
ﻫﺪﻯ
ﺍﻟﻴﻮﻡ ﻋﺮﺱ ﺻﻬﻴﺐ
ﻭﺧﺎﻟﺔ ﺭﺍﺣﺖ ﻣﻦ ﻭﻛﺖ ﻟﺒﻴﺖ ﺍﻡ ﻓﺮﺯﺩﻕ
ﻭﺣﺘﻰ ﻗﺎﺳﻢ ﻭﻫﺸﺎﻡ ﻫﻢ ﺭﺟﻌﻮﺍ ﻣﻦ ﻭﻛﺖ ﻣﻦ ﺷﻐﻠﻬﻢ
ﺣﺘﻰ ﻳﺠﻬﺰﻭﻥ ﺭﻭﺣﻬﻢ
ﺟﻬﺰﻧﺎ ﻧﻔﺴﻨﺎ ﺍﻧﻲ ﻭﺍﻟﺒﻨﺎﺕ ﻟﺒﺴﺖ ﻓﺴﺘﺎﻥ ﺍﺣﻤﺮ ﻗﺼﻴﺮ
ﻛﺘﻒ ﻣﻜﺸﻮﻑ ﻭﺍﻟﻜﺘﻒ ﺍﻟﺜﺎﻧﻲ ﺭﺩﺍﻧﻪ ﻃﻮﻳﻠﺔ
ﻭﺣﺬﺍﺀ ﻛﻌﺪﺏ ﻋﺎﻟﻲ
ﻭﺷﻌﺮﻱ ﻓﺘﺤﺘﻪ ﻣﺴﻮﻳﺘﻠﻪ ﺷﻲ ﻻﻥ ﻫﻮ ﺟﻤﺎﻟﻪ ﺑﻄﻮﻟﻪ
ﺣﻄﻴﺖ ﻣﻴﻚ ﺍﺏ ﻇﻼﻝ ﺳﻤﻮﻛﻦ
ﺭﻛﺰﺕ ﺑﺮﺳﻤﺔ ﺍﻟﻌﻴﻦ .
ﺟﻨﺖ ﻣﻨﺪﻣﺠﺔ
ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﻗﺎﺳﻢ
ﺟﺎﻥ ﻻﺑﺲ ﺍﻟﻘﺎﻁ ﺑﺲ ﺑﺪﻭﻥ ﺍﻟﺴﺘﺮﺓ ﻭﻻ ﺭﺑﻄﺔ
ﻟﺒﺴﻬﻢ ﺑﻐﺮﻓﺔ ﻫﺸﺎﻡ ﻫﻨﺎﻙ
ﺍﺣﺲ ﺑﻌﻴﻮﻧﻲ ﻛﺎﻣﺖ ﺗﻠﻤﻊ ﻣﻦ ﺷﻔﺘﻪ
ﺑﺎﻭﻉ ﻋﻠﻴﺔ ﻭﻛﻌﺪ ﻳﺘﻔﺤﺼﻨﻲ ﺑﻨﻈﺮﺍﺗﻪ
ﻋﻀﻴﺖ ﺷﻔﺘﻲ ﻭﻏﻤﺰﺗﻠﻪ ﻭﺣﺠﻴﺖ
.. ﻳﺎﺧﺘﻲ ﺍﺳﻢ ﺍﻟﻠﻪ . ﺍﻧﺖ ﻳﻮﺍﺩ ﻳﺎ ﺗﺌﻴﻞ ﺍﻧﺖ ﻳﮕﻤﻴﻞ
ﺍﻳﻪ ﺍﻟﺤﻼﻭﺓ ﺩﻱ
.. ﺍﺗﻮﻗﻊ ﺍﻟﻤﻔﺮﻭﺽ ﺍﻧﺎ ﺍﺗﻐﺰﻝ
ﺍﺷﻮ ﺍﻧﺘﻲ ﺍﺗﻐﺪﻳﺘﻲ ﺑﻴﺔ ﻗﺒﻞ ﻻ ﺍﺗﻌﺸﺎ
ﺍﻗﺘﺮﺏ ﻋﻠﻴﺔ ﻭﻛﺎﻝ .. ﺍﻧﺎ ﻣﻮﻛﻠﺖ ﻣﺘﺤﻄﻴﻦ ﻫﻴﺞ ﻣﻜﻴﺎﺝ
ﻭﻧﻮﺏ ﺍﻟﻌﻴﻮﻥ ﻣﺴﻮﻳﺘﻬﻢ ﻟﻠﻔﺘﻨﺔ
.. ﺑﺲ ﺍﻟﻴﻮﻡ ﺣﺒﻴﺒﻲ ﻭﺍﻭﻋﺪﻙ ﺍﻧﺰﻝ ﺣﺠﺎﺑﻲ ﻋﻠﻰ ﻋﻴﻮﻧﻲ
ﻳﻌﻨﻲ ﻭﺍﻟﻠﻪ ﺍﺫﺍ ﺍﻏﻴﺪ ( ﺍﺭﻳﺪ ) ﺍﻣﺴﺤﻪ ﺍﺣﺘﺎﺝ ﺳﺎﻋﺔ ﺍﻗﻞ ﺷﻲ
ﻻﻥ ﺍﻟﻤﻴﻚ ﺍﺏ ﻣﻴﻐﻮﺡ ( ﻣﻴﺮﻭﺡ ) ﺑﺴﻬﻮﻟﺔ ﻭﻏﺎﺥ ﺗﺘﺄﺧﻐﻮﻥ ( ﻭﺭﺍﺡ ﺗﺘﺄﺧﺮﻭﻥ )
ﻋﺎﻟﻌﻐﺲ ( ﻋﺎﻟﻌﺮﺱ )
ﺣﺠﺔ ﻭﻋﻴﻮﻧﻪ ﻋﻠﻰ ﺷﻔﺎﻳﻔﻲ ﻭﺣﻮﻃﻨﻲ ﻣﻦ ﺧﺼﺮﻱ ﻭﻛﺎﻝ
.. ﺗﻠﻔﻴﻦ ﻧﻔﺴﺞ ﻟﻒ ﺑﺎﻟﺤﺠﺎﺏ .
ﺩﻧﻚ ﺭﺍﺳﻪ ﻭﻛﺎﻝ
.. ﺑﺎﻟﻠﻪ ﺧﻠﻲ ﺍﺟﺮﺏ ﺍﺷﻮﻑ ﺻﺪﻙ ﺍﻟﻤﻜﻴﺎﺝ ﻣﻴﺮﻭﺡ ﺑﺴﺮﻋﺔ
ﻭﻣﺎ ﺍﻧﻄﺎﻧﻲ ﻣﺠﺎﻝ ﺍﻓﺘﻬﻢ ﻛﺒﻞ ﺧﻤﻂ ﺷﻔﺎﻳﻔﻲ ﺑﺒﻮﺳﺔ
ﺑﻌﺪﻫﺎ ﺭﻓﻊ ﺭﺍﺳﻪ ﻭﻛﺎﻝ
.. ﺧﻠﻲ ﺍﺑﺘﻌﺪ ﻭﺍﺳﺘﺮ ﻋﻠﻰ ﺭﻭﺣﻲ ﻭﺭﺍﻧﺎ ﻋﺮﺱ
ﺍﺗﺼﻠﺖ ﻋﻠﻰ ﺷﻴﻤﺎﺀ ﺍﺳﺄﻟﻬﺎ ﻋﻦ ﺍﻟﺒﻨﺎﺕ ﻳﺠﻮﻥ ﻟﻠﻌﺮﺱ
ﻭﻛﺎﻟﺖ ﻛﻠﻨﺎ ﺭﺍﺡ ﻧﺤﻀﺮ ﻟﻠﻌﺮﺱ
ﺳﺄﻟﺘﻬﺎ ﺑﺼﻮﺕ ﻫﺎﻣﺲ
.. ﺣﺘﻰ ﺻﺤﻰ
.. ﺍﻱ ﺣﺘﻰ ﺿﺤﻰ ﻻﻥ ﺍﺻﺮﺕ ﺗﺤﻀﺮ ﺍﻟﻌﺮﺱ
.. ﺯﻳﻦ ﻣﻐﻮﺓ ﺷﺨﺒﺎﻏﻬﺎ ( ﻣﺮﻭﺓ ﺷﺨﺒﺎﺭﻫﺎ )
.. ﻭﻣﺮﻭﺓ ﺍﻟﻴﻮﻡ ﺍﻭﻝ ﺟﻠﺴﺔ ﺍﻟﻬﺔ ﺑﺎﻟﻤﺤﻜﻤﺔ ﺑﺨﺼﻮﺹ
ﺍﻟﻄﻼﻕ . ﻭﺍﻟﻤﺤﺎﻣﻲ ﺑﻠﺶ ﻳﻤﺸﻲ ﺑﺄﺟﺮﺍﺀﺍﺕ ﺍﻟﻄﻼﻕ ﻭﺭﺍﻓﺪ
ﺭﺍﻓﺾ ﻳﻄﻠﻖ
ﻭﻫﺴﺔ ﻫﻲ ﻣﻌﺼﺒﺔ ﻛﻠﺶ ﺑﺲ ﺍﻗﺘﺮﺣﺖ ﻋﻠﻴﻬﺎ ﺗﺠﻲ ﻭﻳﺎﻧﺎ ﺣﺘﻰ ﺗﻐﻴﺮ ﺟﻮ
.. ﻭﻣﻐﻴﻮﻣﺔ ( ﻣﺮﻳﻮﻣﺔ ) ﺷﻠﻮﻧﻬﺎ
ﺳﺄﻟﺘﻬﺎ ﻋﻦ ﻣﺮﻳﻢ ﻭﺍﻧﻲ ﺍﺗﺬﻛﺮ ﻫﺸﺎﻡ
.. ﻣﺮﻳﻢ ﺯﻳﻨﺔ ﺍﻟﻴﻮﻡ ﺍﺧﺬﺗﻬﺎ ﺍﺷﺘﺮﻳﺘﻠﻬﺎ ﻣﻼﺑﺲ
ﻟﻠﻤﺪﺭﺳﺔ ﺑﻌﺪ ﺗﻌﺮﻓﻴﻦ ﻣﺒﻘﻰ ﺷﻲ ﻋﺎﻟﺪﻭﺍﻡ
ﻭﻫﻲ ﻫﺎﻟﺴﻨﺔ ﺭﺍﺣﺖ ﻟﻠﺨﺎﻣﺲ ﻭﻻﺯﻡ ﺗﺸﺪ ﺣﻴﻠﻬﺎ
ﺣﺘﻰ ﺑﻌﺪ ﺗﺘﻔﺮﻍ ﻟﻠﺴﺎﺩﺱ
.. ﺍﻭﻭﻭﻑ ﺫﻛﻐﺘﻴﻨﻲ ( ﺫﻛﺮﺗﻴﻨﻲ ) ﺑﺎﻟﺪﻭﺍﻡ
ﺧﻐﺐ ﻭﻏﺎﻳﺔ ﺍﺷﺘﺮﻱ ( ﺧﺮﺏ ﻭﺭﺍﻱ ﺍﺷﺘﺮﻱ ) ﺯﻱ ﻟﻠﻜﻠﻴﺔ .
ﻫﺎﻟﺴﻨﺔ ﺍﺧﺮ ﺳﻨﺔ ﺍﻟﻲ ﻭﺍﺗﺨﻐﺞ ( ﻭﺍﺗﺨﺮﺝ )
ﺑﺲ ﺍﺩﻋﻴﻠﻲ ﺍﺩﺑﻐﻬﺎ ( ﺍﺩﺑﺮﻫﺎ . ) ﻣﻨﺎ ﺷﻐﻞ ﺑﻴﺖ ﻭﻣﻨﺎ ﻗﺎﺳﻢ
ﻭﺍﻧﻲ ﺻﺎﻳﻐﺔ ( ﺻﺎﻳﺮﺓ ) ﺍﻟﺤﻘﻴﻘﺔ ﻛﻮﻟﺶ ﺧﺎﻣﻠﺔ ﻭﻛﺴﻮﻟﺔ
ﻭﺍﻟﻠﻪ ﺍﺣﺘﻤﺎﻝ ﺍﻓﻜﻎ ( ﺍﻓﻜﺮ ) ﺍﺑﻄﻞ ﻭﺍﻛﻌﺪ ﺑﺎﻟﺒﻴﺖ
ﺷﻴﻤﺎﺀ ﺑﺘﺤﺬﻳﺮ .. ﺩﻳﺮﻱ ﺑﺎﻟﺞ ﺗﻔﻜﺮﻳﻦ ﺗﺒﻄﻠﻴﻦ
ﻣﺎ ﺑﻘﺔ ﺷﻲ ﻫﻲ ﺑﺲ ﻫﺎﻱ ﺍﻟﺴﻨﺔ
ﻻﺗﻀﻴﻌﻴﻦ ﺗﻌﺒﻲ ﻭﻳﺎﺝ ﺻﺪﻛﻴﻨﻲ ﺍﺯﻋﻞ ﻋﻠﻴﺞ .
ﺍﺧﺬﻱ ﺍﻟﺸﻬﺎﺩﺓ ﻭﻛﻌﺪﻱ ﺑﺎﻟﺒﻴﺖ ﻻﺣﻜﺔ ﻋﻠﻰ ﻛﻌﺪﺓ ﺍﻟﺒﻴﺖ
......
ﺍﻱ ﺻﺤﻴﺢ ﻛﻼﻣﺞ . ﺯﻳﻦ ﺍﻧﺘﻲ ﺷﻠﻮﻧﺞ
.. ﻣﺎ ﺩﺍﻡ ﺍﻧﺘﻮﺍ ﺑﺨﻴﺮ ﻓﺄﻧﻲ ﺑﺨﻴﺮ
ﺟﻮﺍﺏ ﺷﻴﻤﺎﺀ ﻛﺎﻥ ﻣﻨﺎﺳﺐ ﻟﺸﺨﺺ ﻋﺎﻳﺶ ﺣﻴﺎﺗﻪ ﻻﺟﻞ
ﺍﻻﺧﺮﻳﻦ
ﺍﻟﺴﺎﻋﺔ ٦ ﻣﺴﺎﺀﺍً
ﺍﻟﻤﻜﺎﻥ ﻗﺎﻋﺔ ﺍﻻﻋﺮﺍﺱ
ﺷﻴﻤﺎﺀ
ﻣﺮﻭﺓ
ﺿﺤﻰ
ﻫﺪﻯ
ﻣﺮﻳﻢ
ﺧﻤﺴﺔ ﻗﻠﻮﺏ ﻣﺤﻤﻠﺔ ﺑﺎﻟﻤﺨﺎﻭﻑ ﻭﺍﻟﻤﻌﺎﻧﺎﺓ ﻭﺍﻻﻣﻞ ﺑﺎﻟﻐﺪ
ﺷﻴﻤﺎﺀ
ﺍﻭﻝ ﻣﺎ ﺩﺧﻠﻨﺎ ﻟﻠﻘﺎﻋﺔ ﻭﺷﻔﺖ ﺍﺟﻮﺍﺀ ﺍﻟﻌﺮﺱ ﻭﺍﻟﻔﺮﺡ
ﺍﻧﺪﻋﻴﺘﻠﻬﻢ ﺑﻜﻠﺒﻲ ﺭﺑﻲ ﻳﺘﻤﻢ ﻋﻠﻴﻬﻢ
ﻭﺑﻨﻔﺲ ﺍﻟﻮﻗﺖ ﻋﻴﻮﻧﻲ ﻭﻛﻌﺖ ﻋﻠﻰ ﻣﻜﺎﻥ ﺍﻟﻜﻮﺷﺔ
ﻭﺍﻟﻌﺮﻭﺳﺔ ﺟﺎﻧﺖ ﻭﺍﺻﻠﺔ ﻻﻥ ﺍﺣﻨﺎ ﻭﺻﻠﻨﺎ ﻓﺎﻳﺖ ﻭﻛﺖ
ﺍﺑﺎﻭﻉ ﻟﻠﻌﺮﻭﺳﺔ ﻭﺑﺪﻟﺔ ﺍﻟﻌﺮﺱ ﻭﻋﻴﻮﻧﻲ ﺳﺮﺣﺖ ﺑﺎﻟﻔﺴﺘﺎﻥ
ﺷﻜﺪ ﻣﺮ ﻋﻠﻴﺔ ﻭﻗﺖ ﺑﺄﺧﺮ ﻣﺮﺓ ﺣﻠﻤﺖ ﺑﻴﻬﺎ ﺍﻟﺒﺲ ﺍﻻﺑﻴﺾ
ﻟﺸﺮﻳﻚ ﺣﻴﺎﺗﻲ ﻭﺍﻛﻮﻥ ﻋﺎﺋﻠﺔ ﺗﺨﺼﻨﻲ
ﺣﻴﻴﻴﻴﻞ ﺍﺗﺬﻛﺮ ﺍﺧﺮ ﻣﺮﺓ ﺣﻠﻤﺖ ﺑﻬﻴﺞ ﺍﺣﻼﻡ ﻭﺭﺩﻳﺔ
ﺟﺎﻥ ﻋﻠﻰ ﻋﻬﺪ ﻟﻴﺚ ﺍﻟﻠﻪ ﻳﺬﻛﺮﻩ ﺑﺎﻟﺨﻴﺮ
ﻭﺑﻌﺪﻫﺎ ﺑﻄﻠﺖ ﺍﺣﻠﻢ ﻭﺍﺗﻤﻨﻰ
ﻻﻥ ﺍﻟﻲ ﻣﺮ ﻋﻠﻴﺔ ﺑﺤﻴﺎﺗﻲ ﻧﺴﺎﻧﻲ ﺣﺘﻰ ﺍﺳﻤﻲ
ﻟﻤﻌﺖ ﻋﻴﻮﻧﻲ ﻣﻦ ﺷﻔﺖ ﻓﺮﺣﺔ ﺍﻟﻌﺮﻭﺳﺔ
ﻭﺍﻫﻠﻬﺎ ﻭﺧﻮﺍﺗﻬﺎ . ﺭﺑﻲ ﻳﺘﻤﻢ ﻋﻠﻴﻬﺎ
ﻭﻳﺴﻌﺪﻫﺎ ﻭﻳﺔ ﺻﻬﻴﺐ
ﺍﻟﺘﻔﺘﺖ ﻋﻠﻰ ﺿﺤﻰ ﺍﻟﻲ ﺟﺎﻧﺖ ﺗﺒﺎﻭﻉ ﻋﻠﻰ ﺍﻟﻌﺮﻭﺱ ﺑﻨﻈﺮﺍﺕ ﺿﺎﻳﻌﺔ ﻭﺣﺰﻳﻨﺔ
ﻫﻤﺴﺖ ﺑﺄﺫﻧﻬﺎ .. ﺍﻧﺪﻋﻴﻠﻬﻢ ﺭﺑﻲ ﻳﺴﻌﺪﻫﻢ ﺻﻬﻴﺐ ﻳﺴﺘﺤﻖ
ﻳﺘﻬﻨﺎ ﺑﺰﻭﺍﺟﻪ .
ﺑﺎﻭﻋﺖ ﻋﻠﻴﺔ ﻭﺍﻟﻌﻴﻮﻥ ﺗﻨﻄﻖ ﺑﺎﻟﻀﻴﺎﻉ
.. ﺭﺑﻲ ﻳﺒﺎﺭﻙ ﻟﻪ ﺑﺎﻟﺰﻭﺍﺝ ﻭﻳﺴﻌﺪﻩ ﻳﺴﺘﺎﻫﻞ ﺻﻬﻴﺐ ﻭﺯﻭﺟﺘﻪ ﻣﺒﻴﻨﻪ ﺣﺒﺎﺑﻪ
ﺿﺤﻰ
ﺩﻣﻌﺔ ﺍﻟﻢ ﻭﻏﺼﺔ ﺑﻜﻠﺒﻲ ﺗﻜﻤﻦ ﺑﺼﺪﺭﻱ
ﺍﺗﺨﺬﺕ ﺍﻟﻘﺮﺍﺭ ﺍﻟﻴﻮﻡ ﺍﺣﻀﺮ ﻋﺮﺱ ﺻﻬﻴﺐ
ﻣﺜﻞ ﺍﻟﻲ ﻳﻘﺮﺭ ﺍﻥ ﻳﺸﺮﺏ ﻛﺎﺱ ﺍﻟﺴﻢ
ﻭﻻﺯﻡ ﻳﺸﺮﺑﻪ ﻻﺧﺮ ﻗﻄﺮﺓ
ﺍﻋﺮﻑ ﺑﺮﻭﺣﻲ ﺧﺴﺮﺕ ﺻﻬﻴﺐ ﻣﻦ ﻳﻮﻡ ﺍﻟﻲ ﻭﺍﻓﻘﺖ ﻋﻠﻰ
ﺯﻭﺍﺟﻲ ﻣﻦ ﺳﻴﻒ
ﻇﺮﻭﻓﻲ ﻛﺎﻧﺖ ﻛﻠﻬﺎ ﺿﺪﻱ ﺣﺮﺏ ﺳﻠﻴﻤﺔ ﻭﺣﺮﺏ ﺍﺛﻴﺮ
ﺗﺄﺧﻴﺮ ﺻﻬﻴﺐ ﺩﺧﻮﻝ ﺳﻴﻒ
ﻛﻠﻬﺎ ﺍﺗﻌﺎﻭﻧﺖ ﺿﺪﻱ ﻭﺩﻓﻌﺘﻨﻲ ﺣﺘﻰ ﺍﻭﻗﻊ ﻭﺭﻗﺔ
ﻣﻮﺗﻲ .
ﺍﻧﻲ ﻣﺎﻟﻲ ﺣﻖ ﺣﺘﻰ ﺍﻋﺒﺮ ﻋﻦ ﺣﺰﻧﻲ ﻭﺍﻛﻮﻝ ﺣﺰﻧﺎﻧﺔ
ﺑﺲ ﻏﺼﺐ ﻋﻨﻲ ﺍﻟﻜﺔ ﺭﻭﺣﻲ ﺍﺣﻠﻢ ﺑﺤﺐ ﺻﻬﻴﺐ
ﻋﺴﻰ ﻭﻟﻌﻞ ﻳﺮﺟﻌﻠﻲ
ﻫﻲ ﻛﺎﻧﺖ ﻣﺠﺮﺩ ﺍﻣﺎﻧﻲ ﻭﺍﺣﻼﻡ ﻣﺴﺘﺤﻴﻠﺔ
ﺟﻨﺖ ﻣﺘﺄﻛﺪ ﺻﻬﻴﺐ ﺻﻌﺐ ﻳﺮﺟﻌﻠﻲ ﻭﻳﺼﻴﺮ ﻣﻦ ﻗﺴﻤﺘﻲ ﺑﻌﺪ ﻛﻞ ﺍﻟﻲ ﺻﺎﺭ
ﺍﺑﺎﻭﻉ ﻟﻌﺮﻭﺳﺘﻪ . ﻭﺍﻏﻤﺾ ﺑﻌﻴﻮﻧﻲ ﻭﺍﺗﺬﻛﺮ ﺍﺣﻼﻣﻲ ﺍﻧﻲ
ﻭﻳﺎﻩ . ﺷﻠﻮﻥ ﺟﻨﺎ ﻧﺘﻤﻨﻰ ﻫﺬﺍ ﺍﻟﻴﻮﻡ ﻭﺗﻨﻜﺘﺐ
ﺑﻄﺎﻗﺔ ﻋﺮﺱ ﺻﻬﻴﺐ
ﻭﻓﻌﻼ ﺍﺟﺔ ﻫﺬﺍ ﺍﻟﻴﻮﻡ ﻭﺍﺗﻮﺯﻋﺖ ﺩﻋﻮﺍﺕ ﻋﺮﺱ ﺻﻬﻴﺐ
ﻭﻋﺰﻣﻮﺍ ﺍﻟﻨﺎﺱ
ﻭﺻﺪﻙ ﺍﻟﻴﻮﻡ ﻋﺮﺱ ﺻﻬﻴﺐ ﻭﺍﻧﻲ ﻭﻳﺎﻩ ﺍﺛﻨﻴﻨﺎ
ﻣﻮﺟﻮﺩﻳﻦ ﺑﺎﻟﻌﺮﺱ ﻭﺍﺗﺤﻘﻖ ﺟﺰﺀ ﻣﻦ ﺣﻠﻤﻨﺎ
ﺍﻟﻴﻮﻡ ﺻﻬﻴﺐ ﺍﻟﻌﺮﻳﺲ ﺑﺲ ﻣﻮ ﺿﺤﻰ ﺍﻟﻌﺮﻭﺱ
ﻭﺻﺎﺭ ﺻﻬﻴﺐ ﻣﻦ ﻗﺴﻤﺔ ﻭﺣﺪﺓ ﻏﻴﺮﻱ
ﻭﺍﻧﻲ ﺻﺮﺕ ﻭﺣﺪﺓ ﻣﻦ ﺍﻟﻤﻌﺎﺯﻳﻢ
ﺣﺐ ﺻﻬﻴﺐ ﺑﻜﻠﺒﻲ ﺻﺎﺭ ﺣﻠﻢ ﻣﺬﺑﻮﺡ
ﺣﺎﻟﻪ ﺣﺎﻝ ﺍﺣﻼﻣﻲ ﺍﻟﺒﻘﻴﺔ
ﺍﺣﻼﻣﻲ ﺍﻟﻲ ﺗﺤﺘﺮﻙ ﻛﺪﺍﻣﻲ ﻋﻴﻨﻲ ﻭﺣﺪﺓ ﻭﺭﺓ ﺍﻟﺜﺎﻧﻴﺔ
.......
ﺟﻨﺖ ﻣﺜﻞ ﺷﺠﺮﺓ ﻣﻐﺮﻭﺭﺓ ﺑﺄﻟﻮﺍﻧﻬﺎ ﺑﻔﺼﻞ ﺍﻟﺮﺑﻴﻊ
ﻭﻣﺘﺤﺲ ﺍﻻ ﻭﺩﺍﻫﻤﻬﺎ ﺍﻟﺨﺮﻳﻒ ﻭﺳﻠﺐ ﻣﻨﻬﺎ ﺷﺒﺎﺑﻬﺎ
ﻭﺑﺪﺕ ﺍﻭﺭﺍﻗﻬﺎ ﺗﺼﻔﺮ ﻭﺗﺬﺑﻞ ﻭﺗﺘﺴﺎﻗﻂ ﻭﺣﺪﺓ ﻭﺭﺓ ﺍﻟﺜﺎﻧﻴﺔ
ﻭﺻﺎﺭﺕ ﻋﺎﺭﻳﺔ ﻣﺠﺮﺩ ﺍﻏﺼﺎﻥ ﻣﺜﻞ ﻋﻮﺩ ﻋﺠﻮﺯ ﻛﻬﻞ .
ﺳﻤﻌﺖ ﺻﻮﺕ ﻣﻨﻈﻤﺔ ﺍﻟﺪﻳﺠﻲ ﺗﻌﻠﻦ ﻋﻦ ﺩﺧﻮﻝ ﺻﻬﻴﺐ
ﻭﺟﺎﻥ ﻳﺪﺧﻞ ﺍﺣﻠﻰ ﺷﻲ ﺻﺎﺭ ﺑﺤﻴﺎﺗﻲ
ﺩﺧﻞ ﺣﻠﻤﻲ ﻳﻤﺸﻲ ﻋﻠﻰ ﺍﻟﺒﺴﺎﻁ ﺷﻔﺖ ﺑﻌﻴﻮﻧﻪ ﻓﺮﺣﺔ
ﻋﺮﻳﺲ ﺑﻴﻮﻡ ﻋﺮﺳﻪ
ﺑﺎﻭﻋﺖ ﻟﻌﺮﻭﺳﺘﻪ ﺷﻠﻮﻥ ﺗﺒﺎﻭﻉ ﻋﻠﻴﻪ ﻣﺘﻠﻬﻔﺔ
ﻏﺼﺐ ﻋﻨﻲ ﻧﺰﻟﺖ ﺩﻣﻮﻋﻲ ﺍﻟﺨﻔﻴﺔ
ﻭﺻﺮﺕ ﻋﺬﻭﻝ ﺑﻴﻦ ﺍﻻﺣﺒﺎﺏ ﺩﻧﻜﺖ ﺭﺍﺳﻲ
ﻭﻃﻠﻌﺖ ﻛﻠﻴﻨﻜﺲ ﻭﺑﺪﻳﺖ ﺍﻣﺴﺢ ﺩﻣﻮﻋﻲ
ﺣﺴﻴﺖ ﺑﺄﻳﺪ ﻣﺴﺤﺖ ﻋﻠﻰ ﻇﻬﺮﻱ ﺭﻓﻌﺖ ﺭﺍﺳﻲ
ﻭﺑﺎﻭﻋﺖ ﻟﻬﺪﻯ ﻛﺎﻋﺪﺓ ﻳﻤﻲ ﻭﺑﻌﻴﻮﻧﻬﺎ ﺑﺪﺕ ﺗﻮﺍﺳﻴﻨﻲ
ﻧﻄﻘﺖ ﻛﻠﻤﺔ ﻭﺣﺪﺓ .. ﺍﺳﺘﺎﻫﻞ
ﻭﻏﺼﻴﺖ ﺑﻴﻬﺎ
ﺳﻤﻌﺖ ﺻﻮﺕ ﻭﺣﺪﺓ ﺩﺗﺴﻠﻢ ﻋﻠﻴﻨﺎ ﺭﻓﻌﺖ ﺭﺍﺳﻲ
ﻭﺷﻔﺘﻬﺎ ﺍﻡ ﺳﻴﻒ
ﻭﺷﻬﺪ ﺩﻳﺤﺠﻮﻥ ﻭﻳﺔ ﻣﺮﻭﺓ ﻭﺷﻴﻤﺎﺀ
ﻳﻜﻮﻟﻮﻥ ﺍﺑﻮ ﺳﻴﻒ ﺭﺍﺡ ﻳﺠﻴﺐ ﺷﻴﻮﺥ ﻭﻳﺮﻳﺪ
ﻳﺼﻔﻲ ﺍﻟﻨﻔﻮﺱ ﻭﻧﺮﻳﺪ ﻧﺮﺟﻊ ﺿﺤﻰ ﻟﺴﻴﻒ
ﻭﺍﻥ ﺷﺎﺀ ﺍﻟﻠﻪ ﺍﻟﺼﺎﺭ ﻣﺎ ﻳﻨﻌﺎﺩ
ﻻﻥ ﺳﻴﻒ ﻳﺤﺒﻬﺎ ﻭﻳﻤﻮﺕ ﻋﻠﻴﻬﺎ
ﻭﺍﻧﺘﻮﺍ ﺗﻌﺮﻓﻮﻥ ﺍﻟﻤﺘﺰﻭﺟﻴﻦ ﺍﺷﻜﺎﻝ ﺍﻟﻤﺸﺎﻛﻞ ﺗﺼﻴﺮ ﺑﻴﻨﻬﻢ
ﻭﻳﺎﺧﺬﻭﻥ ﻋﺒﺮﺓ ﻣﻨﻬﺎ ﻭﻳﺒﺪﻭﻥ ﻣﻦ ﺟﺪﻳﺪ
ﻻﻥ ﺍﻟﻠﻪ ﺍﻟﺸﺎﻫﺪ ﺿﺤﻰ ﺑﺘﻨﺎ . ﻭﻧﻤﻮﺕ ﻋﻠﻴﻬﺎ
ﻭﺍﻟﻠﻪ ﺍﻭﻧﺘﻮﺍ ﻣﺎ ﻣﺤﻠﻔﻴﻨﻲ ﺿﺤﻰ ﺍﺣﺴﻦ ﺟﻨﺔ
ﻋﻨﺪﻱ ﻣﻦ ﺑﻴﻦ ﺍﻟﺠﻨﺎﻳﻦ
ﺷﻬﺪ ﺗﻀﻴﻒ ﻋﻠﻰ ﺍﻣﻬﺎ
.. ﺍﻱ ﻭﺍﻟﻠﻪ ﺣﺘﻰ ﺑﺎﺑﺎ ﻳﻜﻮﻝ ﺍﻟﺒﻴﺖ ﻓﺎﻫﻲ ﺑﺪﻭﻥ ﺿﺤﻰ
ﻗﺼﺪﻫﻢ ﺍﻟﺒﻴﺖ ﺻﺎﺭ ﻭﺻﺦ ﺧﻼﻑ ﺿﺤﻰ
ﺷﻠﻮﻥ ﻧﺎﺱ ﺣﻴﺎﻟﺔ
ﺍﺑﺎﻭﻉ ﻋﻠﻴﻬﻢ ﺷﻠﻮﻥ ﺍﻛﻠﻮ ﻣﺮﻭﺓ ﻭﺷﻴﻤﺎﺀ ﺑﺎﻟﺤﺠﻲ ﺍﻟﺤﻠﻮ
ﺍﻟﻲ ﻳﺴﻤﻌﻬﻢ ﻳﻜﻮﻝ ﺩﺧﻴﻞ ﺍﻟﻠﻪ ﻫﺬﻭﻟﻲ ﺷﻜﺪ ﻧﺎﺱ ﺧﻴﺮﻳﻴﻦ ﻣﺎﻛﻮ ﻣﺜﻠﻬﻢ
ﻣﻴﺪﺭﻭﻥ ﻫﺬﺍ ﻛﻠﻪ ﻣﺰﻳﻒ ﻭﺑﺲ ﻛﻼﻡ ﻭﺣﻘﻴﻘﺘﻬﻢ ﺳﻮﺩﺓ
ﻭﺩﺧﻠﻮ ﻟﺨﻮﺍﺗﻲ ﺑﻨﻔﺲ ﺍﻻﺳﻠﻮﺏ ﺍﻟﻤﻠﺘﻮﻱ ﺑﺎﻟﻜﻼﻡ ﺍﻟﻲ ﺩﺧﻠﻮﻟﻲ ﺑﻲ .
ﻭﻋﻤﻮﻧﻲ ﻭﺧﻠﻮﻧﻲ ﺍﺻﺪﻛﻬﻢ ﻭﺍﻏﺮﻙ ﺑﺎﺣﻼﻡ ﻣﺎﻟﻬﺎ ﺍﻱ ﻭﺟﻮﺩ
ﺧﻔﺖ ﻻ ﺍﺧﻮﺍﺗﻲ . ﻳﻨﺠﺮﻓﻮﻥ ﻭ ﺗﻐﺮﻫﻢ . ﺣﻼﻭﺓ ﺍﻟﺴﺎﻧﻬﻢ
ﻣﺜﻠﻤﺎ ﺻﺎﺭ ﺑﻴﺔ ﻣﻦ ﺍﻧﺠﺮﻓﺖ ﺑﻜﻼﻣﻬﻢ ﻭﺍﻧﻐﺮﻳﺖ ﺑﻴﻬﻢ
ﺟﻨﺖ ﺣﺎﺑﺴﺔ ﺍﻧﻔﺎﺳﻲ ﻭﻣﻨﺘﻈﺮﺓ ﺭﺩ ﺷﻴﻤﺎﺀ
ﺍﻭ ﻣﺮﻭﺓ
ﺷﻴﻤﺎﺀ ﻛﺎﻟﺖ ﺑﻜﻞ ﺍﺣﺘﺮﺍﻡ
.. ﺧﺎﻟﺔ . ﻛﻠﺸﻲ ﺑﺎﻟﻘﺴﻤﺔ ﻭﺍﻟﻨﺼﻴﺐ
ﻭﺿﺤﻰ ﻣﺎ ﻣﻜﺘﻮﺑﻠﻬﺎ ﺗﻜﻤﻞ ﺣﻴﺎﺗﻬﺎ ﻭﻳﺔ ﺳﻴﻒ .
ﻭﺍﻟﻲ ﺍﺗﻜﺴﺮ ﻣﺎ ﻳﺘﺼﻠﺢ ﻭﺍﺣﻨﺎ ﻣﺎ ﺻﺪﻛﻨﺎ ﻧﻄﻠﻜﻬﺎ ﻣﻨﻪ
ﻣﺮﻭﺓ ﺟﺎﻭﺑﺘﻬﻢ .. ﺍﻧﺴﻮﺍ ﺷﻲ ﺍﺳﻤﻪ ﺿﺤﻰ
ﻣﺴﺘﺤﻴﻞ ﺍﺧﻠﻴﻬﺎ ﺗﺮﺟﻊ ﻟﺴﻴﻒ ﺑﻌﺪ ﺍﻟﺼﺎﺭ ﺑﻴﻬﺎ
ﺍﺷﻮ ﺟﺎﻳﻴﻦ ﺑﻜﻞ ﻭﻗﺎﺣﺔ ﺗﻄﺎﻟﺒﻮﻥ ﺑﻀﺤﻰ ﺗﺮﺟﻊ ﻟﺴﻴﻒ
ﺷﻨﻮ ﺩﺗﻐﺸﻤﻮﻥ ﺭﻭﺣﻜﻢ
ﻭﺩﺗﺤﺠﻮﻥ ﺑﻜﻞ ﺛﻘﺔ ﻭﻧﺎﺳﻴﻦ ﺍﻧﺘﻮ ﺷﺴﻮﻳﺘﻮﺍ ﺑﻴﻬﺎ ﻭﺷﻠﻮﻥ ﺑﻬﺬﻟﺘﻮﻫﺎ
ﻭﺍﺑﻨﻜﻢ ﺍﻟﻤﺮﻳﺾ ﺷﻨﻮ ﺳﻮﺓ ﺑﺄﺧﺘﻲ
ﻭﺻﻠﻬﺎ ﻟﻠﻤﻮﺕ ﻭﺍﻧﺘﻮ ﺗﺘﻔﺮﺟﻮﻥ ﻋﻠﻴﻪ
ﻟﻮﻻ ﻟﻄﻒ ﺍﻟﻠﻪ ﺟﺎﻥ ﺍﺧﺘﻲ ﺑﻌﺪﺍﺩ ﺍﻻﻣﻮﺍﺕ ﻭﺍﻟﻔﻀﻞ ﻳﺮﺟﻊ ﻻﺑﻨﻜﻢ ﺍﻟﻄﺎﻳﺶ
ﻭﺑﻌﺪﻳﻦ ﻟﻴﺶ ﺗﺮﺟﻌﻠﻪ ﻭﻫﻲ ﺑﻌﺪﻫﺎ ﺷﺎﺑﺔ ﻭﻣﻦ ﺣﻘﻬﺎ ﺗﻜﻮﻥ ﺍﻡ
ﻭﻫﻮ ﻋﻨﺪﻩ ﻣﺸﻜﻠﺔ ﻭﻋﻘﻴﻢ ﻭﺍﻧﺘﻮ ﺑﻜﻞ ﺻﻼﻓﺔ ﺣﺎﻃﻴﻦ ﺍﻟﺼﻮﺝ ﺑﻴﻬﺎ
.......
ﺍﻧﺼﺤﻜﻢ ﺗﺮﺣﻮﻥ ﺗﺪﻭﺭﻭﻥ ﻭﺣﺪﺓ ﻓﻘﻴﺮﺓ ﺛﺎﻧﻴﺔ ﺗﻀﺤﻜﻮﻥ ﻋﻠﻴﻬﺎ ﻭﺗﺰﻭﺟﻮﻫﺎ ﻻﺑﻨﻜﻢ ﺍﻟﻤﺘﺨﻠﻒ
ﺍﺣﺲ ﺑﺠﻮﺍﺏ ﺧﻮﺍﺗﻲ ﻣﺎﻱ ﺑﺎﺭﺩ ﻭﻧﺰﻝ ﻋﻠﻰ ﻛﻠﺒﻲ ﻭﺟﺒﺮ ﺧﺎﻃﺮﻱ
ﺑﻬﺬﺍ ﺟﻮﺍﺑﻬﻢ ﺍﺣﺲ ﻋﺒﺎﻟﻚ ﻣﺮﺓ ﺛﺎﻧﻴﺔ ﺍﻧﻄﻮﻧﻲ ﺷﻤﻌﺔ ﺍﻣﻞ
ﺍﻧﻬﺾ ﺑﺤﻴﺎﺗﻲ ﻣﻦ ﺟﺪﻳﺪ
ﻭﺍﻟﻴﻮﻡ ﺭﺍﺡ ﺍﻃﻮﻱ ﺍﺧﺮ ﻭﺭﻗﺔ ﻣﻦ ﺣﻴﺎﺗﻲ ﺍﻟﻘﺪﻳﻤﺔ
ﺍﺑﺎﻭﻉ ﻻﻡ ﺳﻴﻒ ﻫﻲ ﻭﺷﻬﺪ ﺷﻠﻮﻥ ﻣﺘﻔﺎﺟﺌﻴﻦ ﺑﻤﺮﻭﺓ
ﺟﺎﻥ ﺭﺩﻫﺎ ﻗﻮﻱ ﻣﺎﻝ ﻭﺣﺪﻩ ﻭﺍﺛﻘﺔ ﻣﻦ ﻧﻔﺴﻬﺎ ﺍﻧﻬﺎ ﻗﺎﺩﺭﺓ ﻋﻠﻰ ﻣﻮﺍﺟﻬﺘﻬﻢ
ﻭﻫﺬﺍ ﺍﻟﻲ ﻣﻜﺎﻧﻮﺍ ﺣﺎﺳﺒﻴﻦ ﺣﺴﺎﺑﻪ ﺑﺒﻨﺎﺕ ﺍﺛﻴﺮ ﺍﻟﻲ ﺍﺳﺘﻀﻌﻔﻮﻫﻢ ﻣﻦ ﻭﺭﺓ ﺍﺑﻮﻫﻢ
ﻭﺩﺭﺕ ﻭﺟﻬﻲ ﻟﺼﻬﻴﺐ ﻭﻋﺮﻭﺳﺘﻪ
ﻭﻛﺄﻥ ﺍﻻﻣﺮ ﻣﻴﻌﻨﻴﻨﻲ ﺗﺮﻛﺘﻪ ﻻﺧﻮﺍﺗﻲ ﻣﺮﻭﺓ ﻭﺷﻴﻤﺎﺀ
ﻭﺣﺴﻴﺖ ﺑﺎﻟﺮﺍﺣﺔ ﻓﻌﻼ ﻟﻬﻨﺎ ﻭﺗﻨﺘﻬﻲ ﻗﺼﺘﻲ ﻭﻳﺎﻫﻢ
ﺻﺎﺭ ﻻﺯﻡ ﺍﻏﻠﻖ ﻛﺘﺎﺑﻲ ﻋﻠﻰ ﺣﻴﺎﺗﻲ ﺍﻟﻘﺪﻳﻤﺔ ﻭﺍﺗﻘﺪﻡ ﻟﻼﻣﺎﻡ
ﻭﺍﻟﻲ ﺭﺍﺡ ﻳﺨﻠﻴﻨﻲ ﺍﻧﻬﺾ ﻣﻦ ﺟﺪﻳﺪ ﺿﺤﻰ ﺍﻟﺠﺪﻳﺪﺓ ﺑﺤﻠﻢ ﺟﺪﻳﺪ
ﻛﻤﺖ ﻣﻦ ﻣﻜﺎﻧﻲ ﻭﺷﻴﻤﺎﺀ ﺑﺎﻭﻋﺘﻠﻲ
ﺷﻴﻤﺎﺀ .. ﻭﻳﻦ ﺭﺍﻳﺤﺔ
.. ﺍﺭﻭﺡ ﺍﺳﻠﻢ ﻋﻠﻰ ﺍﻟﻌﺮﻳﺲ ﻭﺍﺑﺎﺭﻛﻠﻪ
ﻋﻘﺪﺕ ﺣﻮﺍﺟﺒﻬﺎ ﻣﺴﺘﻐﺮﺑﺔ ﻫﺪﻯ ﻛﺎﻣﺖ ﻭﺟﺎﻧﺖ ﻻﺑﺴﺔ ﺟﺒﺘﻬﺎ ﻭﺣﺠﺎﺑﻬﺎ
ﻻﻥ ﺍﻟﻌﺮﻳﺲ ﻫﻨﺎ ﺑﺎﻟﻘﺎﻋﺔ ﻭﻛﺎﻟﺖ
.. ﺍﺧﺬﻳﻨﻲ ﻭﻳﺎﺝ ﺣﺘﻰ ﺍﻧﻲ ﺍﻏﻴﺪ ﺍﺑﺎﻏﻚ ( ﺍﺭﻳﺪ ﺍﺑﺎﺭﻙ ) ﻟﺼﻬﻴﺐ
ﺍﺩﺭﻱ ﺑﻴﻬﺎ ﺗﺮﻳﺪ ﺗﺒﻘﻰ ﻭﻳﺎﻱ ﺧﺎﻑ ﺍﻧﻬﺎﺭ
ﺑﺲ ﻫﻲ ﻣﺎ ﺗﺪﺭﻱ ﺿﺤﻰ ﺍﻟﻘﺪﻳﻤﺔ ﻣﺎﺗﺖ
ﻣﻦ ﺯﻣﺎﻥ ﺟﺎﻥ ﺑﺎﻗﻲ ﺧﻴﻂ ﺭﻓﻴﻊ ﻳﺮﺑﻄﻬﺎ ﺑﺎﻟﻤﺎﺿﻲ
ﺍﻧﻘﻄﻊ ﺍﻟﻴﻮﻡ ﺑﺰﻭﺍﺝ ﺻﻬﻴﺐ ﻭﻭﻛﻔﺔ ﺍﺧﻮﺍﺗﻲ ﺿﺪ ﺍﻫﻞ ﺳﻴﻒ
ﺍﺗﻘﺪﻣﺖ ﻋﻠﻰ ﻣﻜﺎﻥ ﺍﻟﻜﻮﺷﺔ ﺍﻟﻲ ﺟﺎﻥ ﻛﺎﻋﺪ ﺑﻴﻬﺎ ﺻﻬﻴﺐ ﻭﻋﺮﻭﺳﺘﻪ
ﺍﺑﺎﻭﻉ ﻋﻠﻴﻪ ﺟﺎﻥ ﻳﺒﺘﺴﻢ ﺑﻜﻞ ﻭﻗﺎﺭ
ﺻﻌﺪﺕ ﺍﻟﺪﺭﺟﺎﺕ ﺍﻟﻲ ﺗﻔﺼﻞ ﺑﻴﻨﻲ ﻭﺑﻴﻨﻬﻢ ﺣﺘﻰ ﺍﻗﺘﺮﺏ ﻣﻨﻬﻢ
ﻭﻛﻞ ﺩﺭﺟﺔ ﺍﺻﻌﺪﻫﺎ ﺟﺎﻧﺖ ﺍﻟﻌﺪ ﺍﻟﺘﻨﺎﺯﻟﻲ ﻟﻨﻬﺎﻳﺔ ﻭﻣﻮﺕ ﺿﺤﻰ ﺍﻟﻘﺪﻳﻤﺔ ﻭﺣﻴﺎﺗﻬﺎ ﺍﻟﻘﺪﻳﻤﺔ
ﺟﺎﻥ ﻳﺒﺘﺴﻢ ﻭﻳﺔ ﺯﻭﺟﺘﻪ
ﺭﻓﻊ ﺭﺍﺳﻪ ﻭﺻﺎﺭﺕ ﻋﻴﻮﻧﻪ ﺑﻌﻴﻮﻧﻲ ﻭﺍﺧﺘﻔﺖ ﺍﺑﺘﺴﺎﻣﺘﻪ
ﻭﻋﻴﻮﻧﻪ ﻧﺎﺭ ﺗﺠﺪﺡ ﻋﻠﻰ ﺍﻟﻢ ﻭﻭﺟﻊ
ﻧﻔﺲ ﺍﻟﻐﺼﺔ ﻭﻧﻔﺲ ﻧﻈﺮﺓ ﺍﻟﺤﻠﻢ ﺍﻟﻤﺬﺑﻮﺡ ﺍﻟﻲ ﺑﻌﻴﻮﻧﻲ
ﺍﺑﺘﺴﻤﺖ ﻭﻫﻤﺴﺖ ﺑﺼﻮﺕ ﻧﺎﺻﻲ ﺑﻴﻦ ﻣﺎ ﺟﺎﻧﺖ ﻫﺪﻯ ﺗﺴﻠﻢ ﻋﺎﻟﻌﺮﻭﺱ .
.. ﺍﻟﻴﻮﻡ ﺷﺮﺑﺘﻨﻲ ﻣﻦ ﻧﻔﺲ ﻛﺎﺱ ﺍﻟﻤﺮ ﺍﻟﻲ ﺍﻧﺖ ﺷﺮﻳﺖ ﻣﻨﻪ
ﺳﺤﺐ ﻧﻔﺲ ﻋﻤﻴﻖ ﻭﻛﺎﻝ
.. ﻟﻴﺶ ﺍﺟﻴﺘﻲ
.. ﺍﺟﻴﺖ ﺣﺘﻰ ﺍﻫﻨﻴﻚ ﺑﻴﻮﻡ ﻋﺮﺳﻚ ﻭﺍﺑﺎﺭﻛﻠﻚ
ﻭﺍﻛﻠﻚ ﺍﻧﺖ ﺍﺟﻤﻞ ﺷﻲ ﺣﺼﻞ ﺑﺤﻴﺎﺗﻲ
ﻭﺍﺗﻤﻨﻰ ﺍﻥ ﺗﺴﺎﻣﺤﻨﻲ ﻭﺗﻨﺴﻰ ﺍﻟﻲ ﺻﺎﺭ ﺑﻴﻨﻚ ﻭﺑﻴﻨﻲ
ﻭﺗﺒﻘﻰ ﺍﻟﻲ ﻃﻮﻝ ﺍﻟﻌﻤﺮ ﺍﺣﻠﻰ ﺫﻛﺮﻯ
ﺍﺫﻛﺮﻧﻲ ﺑﺨﻴﺮ ﻣﻦ ﺗﻔﻜﺮ ﺑﻴﺔ
ﺣﺘﻰ ﺍﻛﺪﺭ ﺍﺗﻘﺪﻡ ﻭﺍﺗﻮﻓﻖ ﺑﺤﻴﺎﺗﻲ .
ﻫﻤﺲ ﺑﺼﻮﺕ ﻭﺍﻫﻦ ﻭﻛﺎﻝ
.. ﻭﻟﻮ ﻣﺎ ﻣﻮ ﻭﻛﺘﻪ ﻫﺬﺍ ﺍﻟﻜﻼﻡ . ﻻﻥ ﻣﺎ ﺍﺭﻳﺪ ﺍﻗﻠﻞ
ﻣﻦ ﺍﺣﺘﺮﺍﻣﻲ ﻟﺰﻭﺟﺘﻲ ﺑﻬﻴﺞ . ﻳﻮﻡ
ﻭﻫﻲ ﻣﺎﻟﻬﺎ ﺫﻧﺐ ﺑﺸﻲ
. ﺑﺲ ﻻﺯﻡ ﺍﺣﺠﻲ ﻻﻥ ﻣﺘﺄﻛﺪ ﺑﻌﺪ
ﻣﺎ ﻋﻨﺪﻱ ﻓﺮﺻﺔ ﺛﺎﻧﻴﺔ ﻭﻳﺎﺝ ﺣﺘﻰ ﺍﺣﺠﻴﻪ
ﻳﻤﻜﻦ ﻳﺠﻲ ﺍﻟﻴﻮﻡ ﻭﺍﺷﻔﻰ ﻣﻦ ﺍﺛﺮ ﺣﺒﺞ
ﺑﺲ ﻫﻴﻬﺎﺕ ﺍﻧﺴﻰ
ﻻﻥ ﺍﻟﺠﺮﻭﺡ ﻣﻦ ﺗﺸﻔﻰ ﺗﺘﺰﻙ ﺍﺛﺮﻫﺎ
ﺍﺟﺘﻲ ﻫﺪﻯ ﻭﻛﺎﻟﺖ .. ﺍﻟﻒ ﻣﺒﻐﻮﻙ ( ﻣﺒﺮﻭﻙ ) ﺻﻬﻴﺐ
ﺗﺮﻛﺘﻬﻢ ﻭﺭﺣﺖ ﻟﻌﺮﻭﺳﺔ ﺻﻬﻴﺐ ﺑﺎﻭﻋﺘﻠﻲ ﻭﺍﺑﺘﺴﻤﺖ
ﺟﺎﻧﺖ ﺑﻨﻴﺔ ﻛﻠﺶ ﺣﺒﺎﺑﺔ ﻭﻧﺎﺯﻛﺔ
.......
ﻓﻌﻼ ﺻﻬﻴﺐ ﺍﻧﺴﺎﻥ ﺫﻫﺐ ﻣﺼﻔﻰ . ﻭﻳﺴﺘﺤﻖ ﻫﻴﺞ
ﺍﻧﺴﺎﻧﺔ ﻃﻴﺒﺔ ﺗﺴﺘﺤﻖ ﻛﻞ ﺍﺣﺘﺮﺍﻣﻪ ﻭﺍﺧﻼﺻﻪ
ﺑﺎﺭﻛﺘﻠﻬﺎ ﻭﻧﺰﻟﺖ ﺑﺪﻭﻥ ﻣﺎ ﺍﻟﺘﻔﺖ ﻭﻛﺎﻧﺖ ﻫﺎﻱ ﺍﺧﺮ ﻣﺮﺓ ﺍﺷﻮﻓﻬﻢ ﺑﻴﻬﺎ
ﻛﻌﺪﺕ ﻳﻢ ﺷﻴﻤﺎﺀ ﻭﺍﻟﺒﻨﺎﺕ ﻭﺟﺘﻲ ﻣﺮﻳﻢ
ﺟﺎﻧﺖ ﻻﺑﺴﺔ ﻓﺴﺘﻨﺎﻥ ﻗﺼﻴﺮ ﺭﺻﺎﺻﻲ ﻓﺎﺗﺢ ﻣﻨﻘﻂ ﺑﺄﺳﻮﺩ
ﻭﺷﺮﻳﻂ ﺍﺳﻮﺩ ﻋﺮﻳﺾ ﻋﺎﻟﺨﺼﺮ
ﺻﺎﻳﺮ ﻣﻮﺩﻳﻞ ﻛﻼﺳﻴﻚ ﺑﺴﻴﻂ
ﺑﺲ ﻫﻲ ﻣﺤﻠﻴﺘﻪ ﻭﺑﺎﺭﺯﺓ ﺍﻟﻤﻮﺩﻳﻞ ﺑﺘﻔﺎﺻﻴﻠﻬﺎ
ﺟﺎﻧﺖ ﻻﺑﺴﻪ ﻛﺎﻟﻮﻥ ﺍﺳﻮﺩ ﺷﻔﺎﻑ ﻭﺣﺬﺍﺀ ﻛﻌﺐ ﻋﺎﻟﻲ
ﺷﻌﺮﻫﺎ ﻃﻮﻳﻞ ﻣﺜﻞ ﻫﺪﻯ ﻭﻣﺴﻮﻳﺘﻠﻬﺎ ﻛﺬﻟﺔ ﻛﺜﻴﻔﺔ
ﻣﻮﻳﺪﻳﻞ ﻳﺎﺑﺎﻧﻲ .
ﻃﺎﻟﻌﺔ ﻓﻌﻼ ﺣﻠﻮﺓ ﻭﺗﺠﻨﻦ
ﻛﻌﺪﺕ ﻳﻤﻨﺎ ﻭﻛﺎﻟﺖ
.. ﺍﻛﻮﻝ ﺑﻨﺎﺕ ﺷﻨﻮ ﺍﻟﺴﺎﻟﻔﺔ ﻭﻳﻦ ﻣﺎ ﺍﺭﻭﺡ ﺍﻟﻌﻴﻮﻥ ﻛﻠﻬﺎ ﻋﻠﻴﺔ ﻭﻳﺴﺄﻟﻮﻧﻲ ﺍﻧﺘﻲ ﺍﺧﺖ ﻫﺪﻯ ﺍﻟﺼﻐﻴﺮﺓ
ﻫﺪﻯ ﺿﺤﻜﺖ ﻭﻛﺎﻟﺖ
.. ﺍﺷﺘﻐﻠﺖ ﻏﺤﻤﺔ ﺍﻟﻠﻪ . ﺑﻌﺪﻳﻦ ﺍﺣﺠﻴﻠﻜﻢ ﺷﻨﻮ ﺍﻟﺴﺎﻟﻔﺔ
ﻻﻥ ﻫﺴﺔ ﻣﻮ ﻭﻛﺘﻬﺎ ﺧﺎﻟﺘﻲ ﺍﺟﺘﻲ ﻭﻭﻳﺎﻫﺎ ﺣﻤﻮﺍﺗﻲ . ﻛﻮﻣﻮﺍ
ﺳﻠﻤﻮﺍ ﻋﻠﻴﻬﻢ ﻭﺑﻌﺪﻳﻦ ﺍﻧﻲ ﺍﺟﻴﻜﻢ ﻟﻠﺒﻴﺖ ﻭﺍﺣﺠﻲ ﻭﻳﺎﻛﻢ
ﺧﻠﺺ ﺍﻟﻌﺮﺱ ﻭﺻﺎﺭﺕ ﺍﻟﺰﻓﺔ ﻭﺍﻟﺘﻬﻴﻨﺎ
ﺍﻧﻲ ﻭﻫﺪﻯ ﻧﻠﻒ ﺣﺠﺎﺑﺎﺗﻨﺎ ﺯﻳﻦ
ﻭﻣﺮﻳﻢ ﻳﻤﻨﺎ ﺑﻘﺖ ﻧﻔﺲ ﻣﻼﺑﺴﻬﺎ ﺑﺲ ﻟﺒﺴﺖ
ﺟﺎﻛﻴﺖ ﻋﻠﻴﻬﺎ ﻫﻲ ﻣﻮ ﻣﺤﺠﻴﺔ
ﺍﻧﻲ ﻧﺰﻋﺖ ﺍﻟﻨﻘﺎﺏ ﻣﻦ ﺍﻭﻝ ﻳﻮﻡ ﺍﺗﺤﺮﺭﺕ ﺑﻲ ﻣﻦ ﺻﻬﻴﺐ
ﻭﺑﻘﻴﺖ ﺑﺎﻟﺤﺠﺎﺏ ﻻﻥ ﺍﺗﻌﻠﻤﺖ ﻋﻠﻴﻪ
ﺟﻨﺖ ﺍﻛﺪﺭ ﺍﻧﺰﻋﻪ ﺑﺲ ﺍﻧﻲ ﺣﺒﻴﺘﻪ ﻭﻋﺠﺒﻨﻲ ﺍﺑﻘﻰ ﻻﺑﺴﺘﻪ
ﻣﺮﻳﻢ
ﺍﻟﻴﻮﻡ ﺧﻮﺍﺕ ﻗﺎﺳﻢ ﻛﻞ ﺷﻮﻳﺔ ﻭﺣﺪﺓ ﺗﺠﻴﻨﻲ ﻭﺗﻜﻌﺪ ﺗﺤﻘﻖ ﻭﻳﺎﻱ ﺍﺧﻴﺮ ﺷﻲ
ﺍﺧﺘﻬﻢ ﻫﺎﻟﺔ . ﺍﺟﺘﻲ ﻋﻠﻴﺔ ﻭﻛﺮﺻﺘﻨﻲ ﻣﻦ ﺧﺪﻭﺩﻱ
ﻭﻛﺎﻟﺖ
.. ﻳﻤﺔ ﺻﺪﻗﺔ ﻟﻠﻪ . ﺷﻠﻮﻥ ﺧﺪﻭﺩ ﺣﻠﻮﺍﺕ
ﻳﻤﻜﻦ ﺍﻛﻠﻬﺎ ﻗﺒﻠﻪ ﺟﻨﻬﺎ ﺟﻜﻠﻴﺘﺔ
ﻗﺒﻠﻪ ﺷﻨﻮ .. ﻣﻨﻮﺗﻘﺼﺪ ﺷﺒﻴﻬﻢ ﻫﺬﻭﻟﻲ ﻣﺮﺗﻔﻌﻪ ﺣﺮﺍﺭﺗﻬﻢ
ﻣﺎ ﺍﻋﺮﻑ ﺷﻨﻮ ﺍﻟﺴﺎﻟﻔﺔ
ﺑﺪﻭﺍ ﺍﻟﻨﺎﺱ ﻳﻄﻠﻌﻮﻥ ﻭﺍﻧﻲ ﺭﺣﺖ ﻟﻠﺤﻤﺎﻣﺎﺕ
ﺣﺘﻰ ﺍﻋﺪﻝ ﻧﻔﺴﻲ ﻗﺒﻞ ﻻ ﻳﻄﻠﻌﻮﻥ ﺍﺧﻮﺍﺗﻲ . ﻭﺻﺮﺕ ﺍﻟﺒﺲ ﺑﺴﺮﻋﺔ ﺧﺎﻳﻔﺔً
ﻳﻄﻠﻌﻮﻥ ﺑﺪﻭﻧﻲ . ﻻﻥ ﻫﻮﺳﺔ ﻭﺍﻧﻲ ﺍﺧﺎﻑ ﺍﻛﻮﻥ ﻭﺣﺪﻱ
ﻣﻦ ﺑﻌﺪ ﺍﻟﺼﺎﺭ ﺑﺤﻴﺎﺗﻲ ﻭﻳﺔ ﻋﻤﻮ ﺍﻣﺠﺪ ﻭﺟﻨﺎﻥ
ﺻﺎﺭﺕ ﺑﻴﺔ ﺧﻮﻓﺔ ﻣﺴﺘﺤﻴﻞ ﺍﺑﺘﻌﺪ ﻋﻦ ﺧﻮﺍﺗﻲ
ﻭﻳﻦ ﻣﺎ ﻳﺮﺣﻮﻥ ﺍﻧﻲ ﻭﻳﺎﻫﻢ ﻭﺧﺼﻮﺻﺎً ﺷﻴﻤﺎﺀ ﺍﺧﺘﻲ
ﻫﻲ ﺩﺭﻉ ﺍﻟﺤﻤﺎﻳﺔ ﻭﺍﻻﻣﺎﻥ ﺑﺎﻟﻨﺴﺒﺔ ﺍﻟﻲ
ﻟﻜﻴﺘﻪ ﺑﺤﻀﻨﻬﺎ . ﺍﻟﻲ ﻟﻤﺘﻨﻲ ﺑﻲ
ﻋﺪﻟﺖ ﻧﻔﺴﻲ ﺑﺎﺳﺘﻌﺠﺎﻝ
ﺩﻭﺭﺕ ﻋﻠﻰ ﺟﻨﻄﺘﻲ ﻭﺍﺗﺬﻛﺮﺕ ﺣﻄﻴﺘﻬﺎ ﻋﻨﺪ ﺷﻴﻤﺎﺀ
ﻳﺎﻟﻠﻪ ﺧﻠﻲ ﺍﺭﻭﺡ ﺑﺴﺮﻋﺔ ﻋﻠﻴﻬﻢ
ﺟﺎﻧﻮﺍ ﻫﻮﺍﻱ ﺑﻨﺎﺕ ﺑﺎﻟﺤﻤﺎﻡ ﻫﻢ ﺩﻳﻠﺒﺴﻮﻥ ﻭﻳﻌﺪﻟﻮﻥ
ﺑﺲ ﻣﻦ ﻃﻠﻌﺖ ﺣﺴﻴﺖ ﻛﻠﺒﻲ ﺭﺍﺡ ﻳﻮﻛﻒ ﻣﻦ ﺍﻟﺨﻮﻑ
ﻟﻜﻴﺖ ﺍﻟﻘﺎﻋﺔ ﻓﺎﺭﻏﺔ ﻭﻣﺎ ﺑﺎﻗﻲ ﺑﻴﻬﺎ ﺍﻻ ﻛﻢ ﻋﺎﺋﻠﺔ ﻣﻦ ﺍﻗﺎﺭﺏ ﺍﻡ ﻓﺮﺯﺫﻕ
ﻭﺍﺧﻮﺍﺗﻲ ﻭﻻ ﻭﺣﺪﺓ ﻣﻮﺟﻮﺩﺓ
ﻇﻠﻴﺖ ﺍﺍﻓﺮ ﺑﺮﺍﺳﻲ ﻣﺜﻞ ﺍﻟﺘﺎﻳﻬﺔ ﺍﺩﻭﺭ ﻋﻠﻴﻬﻢ
ﻭﻟﻤﺤﺖ ﻫﺎﻟﺔ ﺍﺣﺲ ﺭﻭﺣﻲ ﺭﺩﺕ ﺍﻟﻲ
ﺭﻛﻀﺖ ﻋﻠﻴﻬﺎ ﺍﺳﺎﻟﻬﺎ
.. ﺧﻮﺍﺗﻲ ﻭﻳﻦ
ﻛﺎﻟﺖ .. ﻫﺪﻯ ﻃﻠﻌﺖ ﻭﻳﺔ ﻗﺎﺳﻢ ﻭﺍﺣﻨﺎ ﻫﺴﺔ ﺭﺍﺡ ﻧﻄﻠﻊ
ﻭﺍﺧﻮﺍﺗﺞ ﺍﻟﺒﺎﻗﻴﺎﺕ ﺷﻔﺘﻬﻢ ﻃﻠﻌﻮﺍ
ﻋﺰﺓ ﻫﻲ ﻛﺎﻟﺖ ﻫﻴﺞ ﻭﺍﻧﻲ ﻗﻄﺮﺓ ﺩﻡ ﻣﺎﺑﻘﺖ ﺑﻴﺔ
ﺭﺣﺖ ﺭﻛﺾ ﻟﺒﺎﺏ ﺍﻟﻘﺎﻋﺔ ﻣﺜﻞ ﺍﻟﻤﺨﺒﻠﺔ
.. ﺷﻠﻮﻥ ﻳﻄﻠﻌﻮﻥ ﻭﻳﻨﺴﻮﻧﻲ
ﺍﻧﺨﻄﻒ ﻟﻮﻧﻲ ﻭﺭﺟﻔﺖ ﺍﻃﺮﺍﻓﻲ ﻭﺭﺟﻔﺖ ﺷﻔﺘﻲ
ﺍﺭﻳﺪ ﺍﺑﺠﻲ ﻣﻦ ﺍﻟﺨﻮﻑ
ﻃﻠﻌﺖ ﺑﺒﺎﺏ ﺍﻟﻘﺎﻋﺔ ﺍﺑﺎﻭﻉ ﺍﻟﺸﺎﺭﻉ ﺧﺒﺼﺔ ﺑﺎﻟﺴﻴﺎﺭﺍﺕ
ﺷﻔﺖ ﺳﻴﺎﺭﺓ ﺍﻟﻌﺮﻳﺲ ﺍﺗﺤﺮﻛﺖ
.....
ﻭﺍﻟﺴﻴﺎﺭﺍﺕ ﺑﺪﺕ ﺗﺘﺤﺮﻙ ﻭﺭﺍﻫﺎ ﻭﺍﻧﻲ ﻛﻠﺒﻲ ﻳﺮﻳﺪ ﻳﻄﻔﺮ ﻣﻦ ﻣﻜﺎﻧﻪ
ﻭﺑﻌﺰ ﺍﻟﺨﻮﻑ ﻭﻋﻴﻮﻧﻲ ﺗﺪﻭﺭ ﻋﻠﻰ
ﺳﻴﺎﺭﺓ ﻣﺮﻭﺓ ﺑﻠﻜﻲ ﺍﻭﺍﺷﻮﻑ ﺍﻱ ﻭﺣﺪﺓ ﻣﻦ ﺧﻮﺍﺗﻲ
ﺣﺼﺮﺗﻨﻲ ﺍﻟﺒﺠﻴﺔ ﻭﺑﺎﻟﻀﻴﻢ ﻳﺎﺣﺎﻟﻲ
ﻭﺟﺎﻥ ﺍﺷﻮﻑ ﻫﺬﺍ ﺣﻤﻰ ﻫﺪﻯ ﺍﻻﻣﻴﺮ ﻭﻟﻴﺎﻡ
ﺍﻟﻤﻐﺮﻭﺭ ﺍﻝ ﺷﺎﻳﻒ ﻧﻔﺴﻪ ﻫﺸﺎﻡ
ﺟﺎﻥ ﺭﺍﻛﺐ ﺳﻴﺎﺭﺓ ﻋﺎﻟﻴﺔ ﺳﻮﺩﺓ .
ﻫﻲ ﺍﻟﺼﺮﺍﺣﺔ . ﻛﻠﻤﺔ ﺣﻖ ﺗﻨﺤﺠﻲ ﺑﺤﻘﻪ ﻫﻮ ﺻﺪﻙ ﻣﻤﻠﻮﺡ
ﺑﺲ ﺛﻘﻴﻞ ﻋﺎﻟﻤﻌﺪﺓ ﺷﺎﻳﻒ ﻧﻔﺴﻪ ﻭﺑﺲ ﻳﺘﺄﻣﺮ
ﻛﻞ ﻣﻮﺍﻗﻔﻲ ﻭﻳﺎﻩ ﻣﻮ ﺣﻠﻮﺓ ﺍﺧﺮ ﻣﻮﻗﻒ ﺍﻟﻲ ﻭﻳﺎﻩ
ﻣﻦ ﻃﻠﻌﻨﻲ ﻭﻳﺔ ﺷﻴﻤﺎﺀ ﻭﻣﺮﻭﺓ ﻣﻦ ﺑﻴﺖ ﺑﻴﺒﻲ ﺳﻠﻴﻤﺔ
ﺟﺎﻥ ﻃﻮﻝ ﻣﺎ ﺍﻧﻲ ﺍﻣﺸﻲ ﻋﻴﻮﻧﻪ ﺗﺘﻔﺤﺼﻨﻲ ﻭﺳﺄﻝ ﺷﻴﻤﺎﺀ ﺑﻮﻛﺘﻬﺎ ﻛﻠﻠﻬﺎ
ﺍﺧﺬﻛﻢ ﻟﻠﻤﺴﺘﺸﻔﻰ ﻫﺎﻱ ﺍﺧﺘﺞ ﻭﺟﻬﺔ ﺍﺻﻔﺮ
ﺷﻔﺘﻬﺎ ﺩﻳﻨﺰﻝ ﻣﻨﻬﺎ ﺩﻡ
ﺟﺎﻥ ﻳﺤﺠﻲ ﺑﻐﻀﺐ
ﺑﺲ ﻣﺮﻭﺓ ﺷﻜﺮﺗﻪ ﻭﻛﺎﻟﺖ ﻣﺎﻳﺤﺘﺎﺝ ﻣﺴﺘﺸﻔﻰ ﺍﻧﻲ ﺩﻛﺘﻮﺭﺓ
ﻭﺍﺧﺘﻬﺎ ﻣﻤﺮﺿﺔ ﺍﻟﻤﺴﺘﺸﻔﻰ ﺑﻜﺒﺮﻫﺎﻋﻨﺪﻫﺎ
ﺍﻫﻮﻭﻭﻭﺛﻮﻝ ﺣﺘﻰ ﺛﻮﻝ ﺍﻧﻲ ﻭﻳﻦ ﺿﺎﻳﻌﺔ ﺍﺩﻭﺭ ﻋﻠﻰ ﺧﻮﺍﺗﻲ
ﺍﻧﺘﺒﻬﺖ ﻟﺨﺎﻟﺔ ﺍﻡ ﻗﺎﺳﻢ ﻭﻫﺎﻟﺔ ﻭﻫﺪﻳﻞ ﻭﻣﻨﻰ ﻃﻠﻌﻮﺍ
ﻣﻦ ﺍﻟﻘﺎﻋﺔ ﻭﺷﺎﻓﻮﻧﻲ
ﻫﺎﻟﺔ .. ﻫﺎﻱ ﺷﻨﻮ ﺑﻌﺪﺝ ﻣﺎ ﻟﻜﻴﺘﻲ ﺧﻮﺍﺗﺞ ﻟﺤﺪ ﻫﺴﺔ
ﺍﻡ ﻗﺎﺳﻢ .. ﻳﺎﺍﺍ ﺧﻄﻴﺔ ﻣﺴﺘﺤﻴﻞ ﻣﻴﻄﻠﻌﻮﻥ
ﻭﻳﺘﺮﻛﻮﻫﺎ ﻫﻨﺎ ﺧﺼﻮﺻﺎً ﺷﻴﻤﺎﺀ
ﻫﻤﺔ ﻳﺤﺠﻮﻥ ﻭﺍﻧﻲ ﻋﻴﻮﻧﻲ ﺗﺒﺎﻭﻉ ﻣﻨﺎ ﻭﻣﻨﺎ ﺑﺎﻟﻤﻜﺎﻥ
ﻭﺍﻟﺪﻣﻌﺔ ﻟﻤﻌﺖ ﺑﻌﻴﻮﻧﻲ
ﻫﺎﻟﺔ ﺷﺎﻓﺘﻨﻲ ﺭﺍﺡ ﺍﺑﺠﻲ ﻭﻛﺎﻟﺖ
.. ﻳﻤﺔ ﻫﺴﺔ ﻳﺠﻴﺞ ﺍﻟﺒﻌﺒﻊ ﻳﺎﻛﻠﺞ
ﺍﻣﻬﺎ ﻇﻠﺖ ﺗﺤﺠﻲ ﻋﻠﻴﻬﺎ
.. ﻟﺞ ﻫﺎﻟﺔ ﺛﻮﻟﺔ ﻟﻴﺶ ﻫﻴﺞ ﺗﺨﻮﻓﻴﻦ ﺑﺎﻟﺒﻨﻴﺔ
ﻫﺎﻟﺔ .. ﻳﻤﺔ ﻭﺍﻟﻠﻪ ﺗﺸﻬﻲ ﻭﺍﺣﺪ ﻳﻜﻌﺪ ﻳﻨﺼﺐ ﻋﻠﻴﻬﺎ
ﺟﻨﻬﺎ ﻟﻮﻟﻮ ﻛﺎﺗﻲ
ﻭﺍﻟﻠﻪ ﻟﻮ ﻣﺎ ﻋﻴﺐ ﺍﻋﻀﻬﺎ ﻣﻦ ﺧﺪﻭﺩﻫﺎ
ﺟﺎﻭﺑﺘﻬﺎ ﺑﺼﻮﺕ ﻳﺮﺟﻒ
.. ﻫﺎﻟﺔ ﻣﻮ ﻭﻛﺘﺞ ﺍﺭﻳﺪ ﺷﻴﻤﺎﺀ ﻋﻔﻴﺔ ﺩﻭﺭﻱ ﻭﻳﺎﻳﺔ
ﺭﺟﻌﺖ ﺍﺭﺍﻗﺐ ﺍﻟﻄﺮﻳﻖ
ﻭﺟﺎﻥ ﺍﻻﺥ ﻳﻨﺰﻝ ﻣﻦ ﺳﻴﺎﺭﺗﻪ ﻭﺍﺟﺔ ﺑﺄﺗﺠﺎﻩ
ﺧﺎﻟﺔ ﻭﺍﻟﺒﻨﺎﺕ
ﺍﺟﺘﻲ ﻋﻴﻨﻪ ﻋﻠﻴﺔ ﻭ ﺷﺎﻓﻨﻲ ﻭﺍﻛﻔﺔ ﻳﻢ ﺍﻣﻪ ﻭﺧﻮﺍﺗﻪ . ﺍﺗﺴﻌﺖ ﻋﻴﻮﻧﻪ ﻣﺘﻔﺎﺟﻲﺀ ﻭﻛﺼﻨﻲ ﻣﻦ ﻓﻮﻙ ﻟﻴﺠﻮﺓ ﻋﺒﺎﻟﻚ ﺳﻮﻧﺎﺭ ﻣﻮ ﻋﻴﻮﻥ ﻋﺎﺑﺘﻠﻪ
ﺍﻗﺘﺮﺏ ﻋﻠﻴﻨﺎ
ﺍﺷﻮ ﻫﺬﺍ ﻋﻮﻑ ﺧﺎﻟﺔ ﻭﺍﺧﻮﺍﺗﻪ
ﻭﺍﺟﺔ ﻋﻠﻴﺔ ﻭﺳﺄﻟﻨﻲ ﺷﺘﺴﻮﻳﻦ ﻭﺍﻛﻔﺔ ﻫﻨﺎ
ﺣﺠﺎﻫﺎ ﺑﻐﻴﺾ ﻭﻫﻮ ﻳﺒﺎﻭﻉ ﻣﻨﺎ ﻭﻣﻨﺎ . ﻭﻛﺄﻧﻤﺎ ﻳﻔﺤﺺ ﺍﻟﻤﻜﺎﻥ
ﺧﺎﻟﺔ ﺟﺎﻭﺑﺘﻪ .. ﻳﻤﺔ ﻫﺸﻮﻣﻲ ﺩﺗﻨﺘﻈﺮ ﺧﻮﺍﺗﻬﺎ
ﻫﺴﺔ ﺍﺗﺼﻠﺖ ﻋﻠﻰ ﺷﻴﻤﺎﺀ ﻭﻛﺎﻟﺖ ﺧﺎﻟﺔ ﺍﺣﻨﺎ ﺑﺎﻟﻜﺮﺍﺝ ﻣﺎﻝ ﺍﻟﻘﺎﻋﺔ
ﻧﺮﻳﺪ ﻧﻄﻠﻊ ﺳﻴﺎﺭﺓ ﻣﺮﻭﺓ ﺑﺲ ﺍﺯﺩﺣﺎﻡ . ﻫﻮﺍﻱ ﺳﻴﺎﺭﺍﺕ
ﻭﺿﺤﻰ ﻭﻣﺸﻤﺶ ﺑﺎﻟﻘﺎﻋﺔ
ﺑﺎﻭﻋﺖ ﻋﻠﻴﻬﻢ
.. ﺍﺷﻮ ﻣﺎ ﺷﻔﺘﻬﺎ ﻟﻀﺤﻰ ﻣﺎﻛﻮ
ﻫﺎﻟﺔ .. ﺣﺘﻰ ﺍﻧﻲ ﻣﺎ ﺷﻔﺘﻬﺎ ﺑﻬﺎﻱ ﺍﻻﺛﻨﺎﺀ ﺧﺎﻟﺔ ﺍﻡ ﻗﺎﺳﻢ ﺻﻌﺪﺕ ﺑﺎﻟﺴﻴﺎﺭﺓ
ﻭﻣﻨﻰ ﻭﻫﺪﻳﻞ ﻭﻫﺎﻟﺔ
ﻭﺍﻧﻲ ﺩﺧﻠﺖ ﻟﻠﻘﺎﻋﺔ ﺍﺩﻭﺭ ﻣﺮﺓ ﺛﺎﻧﻴﺔ
ﺩﻭﺭﺕ ﺑﻜﻞ ﻣﻜﺎﻥ ﺣﺘﻰ ﺩﺧﻠﺖ ﺑﺎﻟﺤﻤﺎﻣﺎﺕ ﻣﺎﻛﻮ ﺿﺤﻰ
ﺧﻠﻲ ﺍﻃﻠﻊ ﻣﻦ ﺍﻟﻘﺎﻋﺔ ﻭﺍﻧﺘﻈﺮﻫﻢ ﺑﺎﻟﺒﺎﺏ ﺍﺫﺍ ﻃﻠﻌﺖ ﺿﺤﻰ
ﺍﻟﻜﺎﻫﺔ ﻭﺍﺫﺍ ﺍﺟﺘﻲ ﻣﺮﻭﺓ ﺭﺍﺡ ﺗﻠﻜﺎﻧﻲ
ﻭﺑﻴﻦ ﻣﺎ ﺟﻨﺖ ﺍﻓﻜﺮ ﺍﻧﺘﺒﻬﺖ ﻻﺳﺘﺎﺫ ﻫﺸﺎﻡ ﻧﺰﻝ ﻣﺮﺓ ﺍﻟﻠﺦ
ﻣﻦ ﺍﻟﺴﻴﺎﺭﺓ ﻭﻫﻮ ﻳﺴﺐ ﻭﻳﻠﻌﻦ ﻭﺍﺟﺔ ﻋﻠﻴﺔ ﻭﺟﻬﻪ ﻧﺎﺭ
ﻫﺴﺔ ﻫﺬﺍ ﺷﺒﻲ ﻣﻨﻮ ﻳﻤﻪ
ﺣﺠﺔ ﻣﻦ ﺑﻴﻦ ﺳﻨﻮﻧﻪ .. ﺷﻌﻨﺪﺝ ﻃﺎﻟﻌﺔ ﻣﻦ ﺍﻟﻘﺎﻋﺔ ﺭﻭﺣﻲ ﻓﻮﺗﻲ ﺍﻧﺘﻈﺮﻱ ﺟﻮﺓ ﻭﻳﺔ ﺿﺤﻰ
.. ﺿﺤﻰ ﻣﺎﻛﻮ ﻣﻤﻮﺟﻮﺩﺓ ﺑﺎﻟﻘﺎﻋﺔ
.......
ﺳﺤﺐ ﻧﻔﺲ ﻋﻤﻴﻖ
ﻟﻌﺪ ﺗﻌﺎﻟﻲ ﺻﻌﺪﻱ ﺑﺎﻟﺴﻴﺎﺭﺓ ﺍﻧﺘﻈﺮﻱ ﺧﻮﺍﺗﺞ
.. ﻻ ﻣﺎ ﺍﺭﻳﺪ ﺍﻧﺖ ﺭﻭﺡ ﻣﺎﻟﻚ ﺩﺧﻞ ﺑﻴﺔ ﻫﺴﺔ ﻫﻤﺔ
ﻋﺰﺓ ﺍﻧﻲ ﻛﻠﺖ ﻫﻴﺞ ﻭﻫﻮ ﻛﺐ ﺑﻮﺟﻬﻲ ﻣﺜﻞ ﺍﻟﻄﺒﺎﺥ
.. ﻣﻨﻮ ﺍﻟﻤﺎﻟﻪ ﺩﺧﻞ ﺑﻴﺞ ﻟﺞ ....
ﺍﻧﺘﺒﻬﺖ ﻋﻠﻴﻪ ﺑﻠﻊ ﻛﻼﻣﻪ ﻭﺳﺤﺐ ﻧﻔﺲ ﻋﻤﻴﻖ ﻣﺜﻞ ﺍﻟﻲ ﻳﺮﻳﺪ
ﻳﻬﺪﻱ ﺭﻭﺣﻪ
ﻭﻛﺎﻝ .. ﻳﺎﺑﻨﺖ ﺍﻟﺤﻼﻝ ﻭﻛﻔﺘﺞ ﻫﻨﺎ ﻏﻠﻂ
ﻣﺎ ﺗﺸﻮﻓﻴﻦ ﻏﻀﺐ ﺍﻟﻠﻪ ﺷﻠﻮﻥ ﻭﺍﻛﻔﻴﻦ ﻭﺍﻧﺘﻲ ﻭﻫﺎﻱ ﻣﻼﺑﺴﺞ ﺑﺲ ﺍﺻﺒﺮﻱ ﻋﻠﻴﺔ
ﺍﻻ ﺍﺳﻮﻳﻠﺞ ﻓﺮﻣﺘﺔ ﻣﻦ ﺍﻭﻝ ﻭﺟﺪﻳﺪ
ﻓﺘﺤﺖ ﺣﻠﻜﻲ .. ﺍﻟﻌﻔﻮ ﺩﺗﺤﺠﻲ ﻭﻳﺎﻳﺔ
ﺍﻧﺘﺒﻪ ﻟﺮﻭﺣﻪ
ﻭﻓﺘﺢ ﺑﺎﺏ ﺍﻟﺴﻴﺎﺭﺓ ﺍﻟﻘﺮﻳﺐ ﻋﻠﻴﻪ
ﻭﻛﺎﻝ .. ﺷﻮﻓﻲ ﺭﺍﺡ ﺍﺣﺴﺒﻠﺞ ﻣﻨﺎ ﻟﺜﻼﺛﺔ
ﺍﺫﺍ ﻣﺎ ﺻﻌﺪﺗﻲ ﺍ ......
ﺭﺻﻴﺖ ﻋﻠﻰ ﺍﺳﻨﺎﻧﻲ ﻭﻟﻤﻴﺖ ﻗﺒﻀﺘﻲ
ﻭﺭﺣﺖ ﻓﺘﺖ ﻣﻦ ﻳﻤﻪ ﻭﺻﻌﺪﺕ ﺑﺎﻟﺴﻴﺎﺭﺓ
ﻭﺍﻧﻲ ﺍﺑﺠﻲ ﻭﺍﺣﺠﻲ ﻋﻠﻴﻪ
.. ﻭﺍﻟﻠﻪ ﺍﻻ ﺍﻛﻮﻝ ﻟﺸﻴﻤﺎﺀ ﻭﻣﺮﻭﺓ ﻋﻠﻴﻚ
ﺍﻡ ﻗﺎﺳﻢ .. ﻳﺎ ﺧﺎﻟﺔ ﺷﺒﻴﺞ ﻟﻴﺶ ﺗﺒﺠﻴﻦ
.. ﺧﺎﻟﺔ ﺍﺑﻨﺞ ﺍﺗﺠﺎﻭﺯ ﻋﻠﻴﺔ . ﻭﺑﺲ ﻳﺼﻴﺢ ﻭﻳﻬﺪﺩ ﺑﻴﺔ
ﻣﺤﺴﺴﻨﻲ ﻋﺒﺎﻟﻚ ﺍﻧﻲ ﺑﻨﻴﺔ ﻣﻮ ﺯﻳﻨﺔ
ﺟﻨﺖ ﺍﺣﺠﻲ ﻭﺍﺑﺠﻲ ﺑﺤﺮﻛﺔ
ﺑﺴﻴﻄﺔ ﺍﻻ ﺍﻛﻮﻝ ﻟﻤﺮﻭﺓ ﻋﻠﻴﺔ
ﺍﺑﺎﻭﻉ ﻋﻠﻴﻪ ﺑﻌﺪﻩ
ﻻﺯﻡ ﺑﺎﺏ ﺍﻟﺴﻴﺎﺭﺓ ﻭﻭﺍﻛﻒ ﻣﺼﻔﺼﻒ ﺑﻮﺟﻬﻲ
ﻻ ﻭﺍﻻﻗﻮﻯ ﻣﻦ ﻫﺬﺍ ﻛﻠﻪ
ﺍﻧﻄﺎﻧﻲ ﻛﻠﻴﻨﻜﺲ ﺣﺘﻰ ﺍﻣﺴﺢ ﺩﻣﻮﻋﻲ
ﻫﺸﺎﻡ .. ﺍﺣﻢ ﻫﺎﺝ ﺍﺧﺬﻱ ﻣﺴﺤﻲ ﺩﻣﻮﻋﺞ .
ﺟﺮ ﺣﺴﺮﺓ ﻭﻛﻤﻞ ﻛﻼﻣﻪ
.. ﻭﺧﺪﻭﺩﺝ ﺻﺎﺭﻭﺍ ﺣﻤﺮ
ﻭﺍﻟﻠﻪ ﻏﺮﻳﺐ ﺍﻣﺮﻩ ﻳﺒﺠﻴﻨﻲ ﻭﻳﻤﺴﺢ ﺩﻣﻮﻋﻲ
ﻫﺎﻟﺔ .. ﻋﻠﻴﻚ ﺍﻟﻠﻪ ﺷﻠﻮﻥ ﺧﺪﻭﺩ ﻣﻮ ﻣﺎﻝ ﻋﺾ
ﻫﺸﺎﻡ ﺑﻐﻴﺾ
.. ﻫﺎﻟﺔ ﺷﻴﻠﻲ ﻋﻴﻨﺞ ﻋﻨﻬﺎ ﺗﺮﺓ ﺍﻟﺤﻘﻮﻕ ﺣﺼﺮﻳﺔ
ﻣﺎ ﺍﻋﺮﻑ ﻫﻤﺔ ﻳﺤﺠﻮﻥ ﻋﻠﻰ ﺷﻨﻮ ﺑﺲ ﻛﺴﺮ ﺑﺠﻤﻊ
ﺍﺣﺲ ﺑﺮﻭﺣﻲ ﻛﺎﻋﺪﺓ ﺑﻴﻨﻬﻢ ﻣﺜﻞ ﺍﻻﻃﺮﺵ ﺑﺎﻟﺰﻓﺔ
ﺟﻨﺖ ﺍﺭﺍﻗﺐ ﺍﻟﻤﻜﺎﻥ
ﻋﻴﻦ ﻋﻠﻰ ﺑﺎﺏ ﺍﻟﻘﺎﻋﺔ ﻭﻋﻴﻦ ﻋﻠﻰ
ﺍﻟﺸﺎﺭﻉ ﻳﺎﺭﺑﻲ ﻭﻳﻨﻬﻢ
ﻭﻫﺸﺎﻡ ﺑﻌﺪﻩ ﺑﺎﻗﻲ ﻋﻠﻰ ﻧﻔﺲ ﻣﻜﺎﻧﻪ ﻓﺎﺗﺢ ﺍﻟﺒﺎﺏ
ﻭﺣﺎﻁ ﺫﺭﺍﻋﻪ
ﻋﻠﻰ ﺑﺎﺏ ﺍﻟﺴﻴﺎﺭﺓ . ﻣﺘﺠﻲ ﻋﻠﻴﻪ ﻭﻋﻴﻮﻧﻪ ﻣﺎ ﺍﻧﺸﺎﻟﺖ ﻣﻦ ﻋﻠﻴﺔ
ﻭﺟﺎﻥ ﺍﺷﻮﻑ ﺿﺤﻰ ﻻﺯﻣﺔ ﺍﻳﺪ ﻣﺸﻤﺶ ﻭﻃﻠﻌﻮﺍ ﻣﻦ ﺑﺎﺏ ﺍﻟﻘﺎﻋﺔ
ﻭﺍﻧﻲ ﺑﺲ ﺷﻔﺘﻬﻢ
ﻭﺻﺤﺖ ﺑﻔﺮﺣﺔ ﻭﺍﺑﺘﺴﻤﺖ ﻋﺒﺎﻟﻚ ﻃﻔﻞ ﺿﺎﻳﻊ ﻭﻟﻜﺔ ﺍﻫﻠﻪ
.. ﻫﺬﻳﺞ ﺿﺤﻰ ﺍﺧﺘﻲ ﻫﻲ ﻭﻣﺸﻤﺶ
ﺍﺟﻴﺖ ﺍﻧﺰﻝ ﻣﻦ ﺍﻟﺴﻴﺎﺭﺓ
ﺍﺗﻘﺪﻡ ﻋﻠﻴﺔ
.. ﺍﻭﻛﻔﻲ ﻟﺤﻈﺔ ﺍﻧﺘﻈﺮﻱ ﻻ ﺗﻨﺰﻟﻴﻦ
ﺍﻧﻲ ﺭﺍﻳﺢ ﺍﺟﻴﺒﻬﺎ ﻫﻨﺎ ﻭﻳﺎﻧﺔ
ﺭﻓﻌﺖ ﻋﻴﻨﻲ ﻭﺍﺟﺘﻲ ﺑﻌﻴﻨﻪ ﻭﺧﺰﺭﺗﻪ ﻭﺩﺭﺕ ﻭﺟﻬﻲ ﻋﻨﻪ ﻭﻛﺘﻔﺖ ﺍﻳﺪﻳﺔ ﺑﻐﻴﺾ
ﺭﺍﺡ ﻋﻠﻴﻬﻢ ﻭﺍﺟﻮﻱ ﻭﻳﺎﻩ
ﺑﺲ ﺍﻗﺘﺮﺑﺖ ﻣﻦ ﻋﺪﻧﺎ ﺣﺠﻴﺖ ﻭﻳﺎﻫﺎ ﺍﻟﺪﻣﻌﺔ ﺑﻌﻴﻨﻲ
.. ﺍﻧﺘﻲ ﻭﻳﻦ ﺟﻨﺘﻲ . ﺩﻭﺭﺕ ﻋﻠﻴﺞ ﺑﺎﻟﻘﺎﻋﺔ
ﻣﺎﻛﻮ ﺍﻟﺞ ﺍﺛﺮ
ﺿﺤﻰ .. ﺧﻄﻴﺔ ﻣﺸﻤﺶ ﺑﻄﻨﻬﺎ ﻣﻐﺺ ﻭﻛﻀﻴﺘﻬﺎ ﺑﺎﻟﺤﺎﻣﺎﺕ
ﺍﻱ ﺻﺤﻴﺢ ﺩﻭﺭﺕ ﺑﺎﻟﺤﻤﺎﻣﺎﺕ ﺑﺲ ﻣﺎ ﺟﻴﻜﺖ ﺩﻭﺍﺧﻠﻬﻢ
.. ﻳﺎﻟﻠﻪ ﻣﻜﺘﻮﺑﺘﻠﻲ ﺍﻧﻬﺒﻂ
ﻫﺎﻟﺔ .. ﻣﺼﺎﺋﺐ ﻗﻮﻣﺎً ﻋﻨﺪ ﻗﻮﻣﺎً ﻓﻮﺍﺋﺪ
ﺟﺎﻧﺖ ﺗﺤﺠﻲ ﻭﺗﺒﺎﻭﻉ ﻋﻠﻰ ﻫﺸﺎﻡ
.......
ﻫﺸﺎﻡ .. ﻫﺎﻟﺔ ﺷﻴﻠﻲ ﻋﻴﻮﻧﺞ ﻋﻨﻬﺎ ﻻ ﺍﻓﻜﺴﻬﻢ
ﺿﺤﻰ ﺟﺎﻧﺖ ﺗﺘﺼﻞ ﻋﻠﻰ ﻣﺮﻭﺓ . ﺣﺠﺖ ﻭﻳﺎﻫﺎ
ﻭﻛﺎﻟﺖ
.. ﻳﺎﻟﻠﻪ ﻣﺮﻳﻢ ﻧﺰﻟﻲ ﺍﺟﻮﻱ ﺍﻟﺒﻨﺎﺕ
ﺍﻧﺘﺒﻬﺖ ﻟﺴﻴﺎﺭﺕ ﻣﺮﻭﺓ ﻓﺎﺗﺖ ﻣﻦ ﻳﻤﻨﺎ ﻭﻛﻔﺖ ﻭﺭﺓ ﺳﻴﺎﺭﺗﻨﺎ
ﺿﺤﻰ ﻟﺰﻣﺖ ﺍﻳﺪ ﻣﺸﻤﺶ ﻭﺭﺍﺣﺖ
ﻭﺍﻧﻲ ﺍﺟﻴﺖ ﺍﻧﺰﻝ
ﺍﺑﺎﻭﻉ ﻟﻬﺸﺎﻡ ﻣﺎ ﺍﺗﺤﺮﻙ ﻭﺍﻛﻒ ﻗﺎﻃﻊ ﻋﻠﻲ ﺍﻟﻄﺮﻳﻖ
ﺍﻧﺘﺒﻬﺖ ﻋﻠﻴﻪ ﻏﻤﺰ ﻻﻣﻪ ﻭﻛﺎﻝ ﺑﺼﻮﺕ ﻋﺎﻟﻲ
.. ﻳﻤﺔ ﺧﻠﻴﻨﻲ ﺍﺧﺬﻫﺎ ﻭﻳﺎﻧﺔ ﻟﻠﺒﻴﺖ . ﻭﺍﻟﻠﻪ ﻛﻠﺒﻲ ﻣﺎ ﻳﻨﻄﻴﻨﻲ
ﺍﺧﻠﻴﻬﺎ ﺗﺮﻭﺡ
ﺟﺎﻥ ﻳﺤﺠﻲ ﻭﻋﻴﻮﻧﻪ ﺑﻌﻴﻮﻧﻲ
ﺑﻠﻌﺖ ﺭﻳﻜﻲ ﺑﻠﺤﻈﺘﻬﺎ ﺍﺭﺗﻌﺪ ﺟﺴﻤﻲ ﻣﻦ ﻧﻈﺮﺍﺗﻪ
ﺑﻴﻬﻢ ﻭﻋﺪ ﻏﺮﻳﺐ
ﺍﻡ ﻗﺎﺳﻢ .. ﻟﻚ ﻳﻤﺔ ﻫﺸﺎﻡ ﻋﻮﻑ ﺍﻟﺒﻨﻴﺔ ﺧﻠﻴﻬﺎ ﺗﺮﻭﺡ ﻟﺨﻮﺍﺗﻬﺎ
ﺟﺮ ﻧﻔﺲ ﻋﻤﻴﻖ ﻭﺍﺑﺘﻌﺪ ﻋﻦ ﻃﺮﻳﻘﻲ ﻓﺘﺖ ﻣﻦ ﻳﻤﻪ
ﻭﺣﺴﻴﺖ ﺍﻧﺠﺮﺕ ﺧﺼﻠﻪ ﻣﻦ ﺷﻌﺮﻱ
ﺷﻬﻜﺖ ﻭﺑﺎﻭﻋﺖ ﻋﻠﻴﻪ ﺟﺎﻥ ﻳﻀﺤﻚ
ﻭﺧﺰﺭﺗﻪ
ﻭﺗﺮﻛﺘﻪ ﻭﺭﺣﺖ ﻟﺴﻴﺎﺭﺓ ﻣﺮﻭﺓ
ﻋﻤﺔ ﺣﺘﻰ ﻋﻤﻪ
ﻫﺪﻯ
ﺟﻨﺖ ﻭﺍﻛﻔﺔ ﻛﺪﺍﻡ ﺍﻟﻤﺮﺍﻳﺎ ﺍﻋﺪﻝ ﺣﺠﺎﺑﻲ
ﺍﻟﻴﻮﻡ ﻗﺎﺳﻢ ﺭﺍﺡ ﻳﺎﺧﺬﻧﻲ ﻟﺒﻴﺖ ﻣﺮﻭﺓ
ﻋﻠﻤﻮﺩ ﺍﺷﻮﻑ ﺧﻮﺍﺗﻲ ﺑﻌﺪﻣﺎ ﺍﻧﺸﻠﻊ ﻛﻠﺒﻲ ﻭﻛﻠﺐ ﻫﺸﺎﻡ ﻳﺎ ﺍﻟﻠﻪ ﺍﻧﻄﺎﻧﻲ ﻓﻜﺔ
ﺧﻄﻴﺔ ﺿﺤﻰ ﻛﺎﻟﺖ ﺍﻟﻴﻮﻡ ﺍﺳﻮﻳﻠﺞ ﺍﻣﻄﺒﻚ ﺑﺮﻳﺎﻧﻲ ﺩﺟﺎﺝ
ﻭﻣﺮﻳﻢ ﻛﺎﻟﺖ ﺍﺳﻮﻳﻠﺞ ﻗﺎﻟﺐ ﻛﻴﻚ
ﻭﺣﻼﻭﺓ ﺟﻜﻠﻴﺖ
ﺳﻤﻌﺖ ﺻﻮﺗﻪ ﻳﺼﺤﻴﻨﻲ
.. ﻳﺎﻟﻠﻪ ﻫﺪﻯ ﺍﺳﺘﻌﺠﻠﻲ
ﺭﺣﺖ ﺍﺧﺬﺕ ﺟﻨﻄﺘﻲ ﻭﺭﺣﺖ ﻧﺰﻟﺖ ﺍﺭﻛﺾ
ﻟﻜﻴﺖ ﻗﺎﺳﻢ ﻣﻨﺘﻈﺮﻧﻲ ﺑﺎﻟﺴﻴﺎﺭﺓ ﺻﻌﺪﺕ
ﻭﺍﻧﻔﺎﺳﻲ ﻣﺘﻘﻄﻌﺔ ﻣﻦ ﺍﻟﺴﺮﻋﺔ
.. ﻳﺎﻟﻠﻪ ﻓﻀﻴﻨﺎ ﻭﺍﻟﻠﻪ ﺍﺗﺄﺧﺮﺕ ﻋﺎﻟﻮﻟﺪ
.. ﺷﻨﻮ ﻋﻨﺪﻙ ﺷﻐﻞ
.. ﻻ ﺑﺲ ﺭﺍﺋﺪ ﺻﺎﺭﻟﻪ ﺳﺎﻋﺔ ﻳﻨﺘﻈﺮﻧﻲ
ﻣﺎ ﺍﻋﺮﻑ ﻟﻴﺶ ﻛﻠﻤﺎ ﻳﻨﺬﻛﺮ ﺍﺳﻢ ﺭﺍﺋﺪ
ﺍﺣﺲ ﺑﺎﻟﺘﻬﺪﻳﺪ ﻭﺍﻟﺨﻮﻑ
ﺩﻙ ﻧﻘﺎﻟﻲ ﻭﺟﺎﻥ ﺍﻟﻤﺘﺼﻞ ﺷﻴﻤﺎﺀ ﻭﻛﺎﻟﺖ
.. ﺷﻨﻮ ﻭﻳﻦ ﺻﺮﺗﻲ . ﺗﺮﺓ ﻣﺘﻨﺎ ﻣﻦ ﺍﻟﺠﻮﻉ
ﻧﺮﻳﺪ ﻧﺘﻐﺪﺓ
.. ﻻﻻﻻ ﺍﻟﻠﻪ ﻋﻠﻴﻜﻢ ﺍﻧﺘﻈﺮﻭﻧﻲ ﻟﺘﺎﻛﻠﻮﻥ
ﻫﻴﺎﺗﻨﺎ ﺑﺎﻟﻄﺮﻳﻖ ﻣﺎ ﺑﻘﻰ ﺷﻲ ﻭﻧﻮﺻﻠﻠﻜﻢ
ﺑﺎﻭﻋﻠﻲ ﻗﺎﺳﻢ .. ﻣﺒﻴﻦ ﻋﻠﻴﺞ ﻫﻮﺍﻱ ﻣﺸﺘﺎﻗﺔ ﻟﺨﻮﺍﺗﺞ
ﻭﻓﺮﺣﺎﻧﺔ ﺭﺍﺡ ﺗﺸﻮﻓﻴﻬﻢ
.. ﺗﺮﻳﺪ ﺍﻟﺼﺪﻙ ﻣﺸﺘﺎﻗﺘﻠﻬﻢ ﻣﻮﻭﻭﻭﻭﻭﺕ
ﻭﻣﺜﻞ ﻛﻞ ﻣﺮﺓ ﻗﺎﺳﻢ ﻣﻦ ﻭﺣﺪﻩ ﻳﻨﺰﻝ ﻳﺸﺘﺮﻱ
ﺣﻠﻮﻳﺎﺕ ﻟﻤﺸﻤﺶ ﻭﻋﻠﺒﺔ ﺑﻘﻼﻭﺓ ﻟﻠﺒﻨﺎﺕ
ﺍﻧﻄﺎﻧﻲ ﺍﻟﻌﻼﻛﺔ ﻭﻛﺎﻝ .. ﻫﺎﻱ ﺍﻟﺞ ﻭﻟﺨﻮﺍﺗﺞ
ﺍﻛﻠﻲ ﻭﺣﻠﻲ ﻭﺍﺳﺘﻌﺪﻱ ﺑﺎﻟﻠﻴﻞ ﺍﻣﺮ ﻋﻠﻴﺞ ﻣﺎﻛﻮ ﻣﺒﻴﺖ
.. ﺗﺴﻠﻢ ﺣﺒﻴﺒﻴﻴﻴﻴﻴﻴﻴﻲ
.. ﻫﺎﺍﺍﺍﺍ ﺍﺷﺘﻐﻠﺖ ﺭﺣﻤﺔ ﺍﻟﻠﻪ
ﻳﻌﻨﻲ ﺍﻧﺘﻲ ﺳﻮﺍﻟﻔﺞ ﻣﺎ ﺗﻄﻠﻌﻴﻬﺎ
ﺍﻻ ﻭﺍﺣﻨﺎ ﻃﺎﻟﻌﻴﻦ
.. ﻣﺎ ﺍﻋﺮﻑ ﻳﻤﻜﻦ ﺍﻟﻄﻠﻌﺔ ﺗﺤﻔﺰ ﻫﺮﻣﻮﻥ ﺍﻻﺩﺭﻳﻨﺎﻟﻴﻦ
ﻭﺍﺗﺤﻤﺲ ﻭﻃﻠﻊ ﺟﻨﺎﻧﻲ ﻋﻠﻴﻚ
.. ﻻﺗﺨﻠﻴﻨﻲ ﺍﺩﺭﻱ ﺳﻴﺎﺭﺗﻲ ﻭﺍﺭﺟﻌﺞ ﻟﻠﺒﻴﺖ ﻭﺍﻃﻠﻊ ﺟﻨﺎﻧﻲ
ﻋﻠﻴﺞ
ﺟﺎﻥ ﻳﺤﺠﻲ ﻭﻳﻘﻠﺪ ﺻﻮﺗﻲ
.. ﺍﻱ ﺻﺪﻙ ﻗﺒﻞ ﻻ ﺍﻧﺴﻰ ﺍﻟﺒﺎﺭﺣﺔ ﺍﺑﻮ ﺳﻴﻒ ﻭﺍﺧﻮﺍﻧﻪ
ﺍﺟﻮﻧﻲ ﻭﺣﺠﻮﺍ ﻭﻳﺎﻱ ﻋﻠﻤﻮﺩ ﻣﻮﺿﻮﻉ ﺳﻴﻒ
ﻳﺮﺩﻭﻧﻲ ﺍﺗﻮﺳﻂ ﻋﻠﻤﻮﺩ ﻳﺮﺟﻌﻮﻥ ﺿﺤﻰ ﻟﺴﻴﻒ
.. ﺍﻱ ﺣﺘﻰ ﺑﺎﻟﻌﺮﺱ ﺍﻣﻪ ﻭﺍﺧﺘﻪ ﻓﺘﺤﻮﺍ ﺍﻟﻤﻮﺿﻮﻉ ﻭﻳﺔ ﻣﺮﻭﺓ ﻭﺷﻴﻤﺎﺀ
.. ﻫﺪﻯ ﻭﻟﻮ ﻣﺎ ﺣﻖ ﺍﺗﺪﺧﻞ . ﺑﺲ ﺍﺗﻤﻨﻰ ﺿﺤﻰ ﻣﺎ ﺗﺮﺟﻊ ﻟﺴﻴﻒ
ﻻﻥ ﺍﻟﻮﻟﺪ ﺍﻋﺮﻓﻪ ﻓﺎﺳﺪ ﻣﻦ ﺻﻐﺮﻩ
ﻭﺿﺤﻰ ﺍﺧﺘﺞ ﻓﻘﻴﺮﺓ
.. ﻫﻮ ﺣﺘﻰ ﻣﺮﻭﺓ ﻭﺷﻴﻤﺎﺀ ﺭﻓﻀﻮﺍ ﻃﻠﺐ ﺍﻡ ﺳﻴﻒ
ﻭﻣﺎ ﺍﻧﻄﻮﻫﺎ ﻣﺠﺎﻝ ﺗﺤﺠﻲ ﻭﻳﺔ ﺿﺤﻰ ﺍﻭ ﺗﻘﺘﺮﺏ ﻣﻨﻬﺎ
ﺭﺟﻊ ﺩﻙ ﻧﻘﺎﻝ ﻗﺎﺳﻢ ﻭﺟﺎﻥ ﺍﻟﻤﺘﺼﻞ ﺭﺍﺋﺪ
ﺍﺳﻤﻌﻪ ﻳﻜﻠﻪ
.. ﺟﺎﻱ .. ﻭﺍﻟﻠﻪ ﺟﺎﻱ ﺑﺲ ﺍﻭﺻﻞ ﺍﻟﻤﺮﺓ ﻟﺒﻴﺖ ﺍﻫﻠﻬﺎ .
ﺳﻜﺖ ﻣﺎ ﺍﻋﺮﻑ ﺷﻨﻮ ﺭﺍﺋﺪ ﺣﺠﺔ ﻭﻳﺎﻩ
ﻭﺟﺎﻭﺑﻪ ﻛﻠﻪ ﺍﻥ ﺷﺎﺀ ﺍﻟﻠﻪ ﻳﻮﺻﻞ ﻭﺳﻠﻢ ﻋﻠﻴﻪ
ﺩﺍﺭ ﻭﺟﻬﻪ ﻋﻠﻴﺔ ﻭﻛﺎﻝ
.. ﺭﺍﺋﺪ ﻳﺴﻠﻢ ﻋﻠﻴﺞ
ﺑﻬﺖ ﻟﻮﻧﻲ .. ﺍﻟﻠﻪ ﻳﺴﻠﻤﻪ
ﺷﻠﻮﻥ ﺻﺎﺭ ﺍﺑﻮﻩ
.. ﺑﻌﺪﻩ ﻣﺮﻳﺾ ﺻﺤﺘﻪ ﻣﻮ ﺗﻤﺎﻡ
ﻭﺭﺍﺋﺪ ﻃﺎﻟﻌﺔ ﺭﻭﺣﻪ ﻣﻦ ﺿﻐﻮﻃﺎﺕ ﺍﻫﻠﻪ ﻋﻠﻰ ﻣﺮﺗﻪ ﻭﺻﺎﻳﺮﺓ ﻣﺸﺎﻛﻞ ﺑﻴﻨﻪ ﻭﺑﻴﻦ ﻣﺮﺗﻪ
ﺧﻄﻴﺔ ﻣﺘﻜﺪﺭ ﺗﺘﺤﻤﻞ ﺍﻣﻪ ﻭﺍﺧﺘﻪ
.. ﺧﻄﻴﺔ
ﺟﻨﺖ ﺍﺣﺠﻲ ﻭﺑﻄﻨﻲ ﻣﻤﻐﻮﺻﺔ
.. ﻭﺍﻟﻠﻪ ﻫﺬﺍ ﺍﻟﻮﻟﺪ ﺧﻄﻴﺔ ﺍﺑﺪ ﻣﺎ ﻛﺎﻣﺘﻠﻪ ﺭﺍﻳﺔ ﻣﻦ ﻳﻮﻡ
ﻋﺎﻑ ﺍﻟﻴﺤﺒﻬﺎ .
ﻛﻠﺒﻲ ﻛﻤﺰ ﻣﻦ ﻣﻜﺎﻧﻪ ﻭﺩﺭﺕ ﻭﺟﻬﻲ ﺑﺎﻭﻋﺖ ﻋﻠﻴﻪ
.. ﺷﻨﻮ ﺍﻟﻴﺤﺒﻬﺎ
ﻫﻮ ﻛﻤﻞ ﻛﻼﻣﻪ ﻧﻈﺮﺍﺗﻪ ﻛﺪﺍﻡ ﻳﺴﻮﻕ
.. ﺭﺍﺋﺪ ﺟﺎﻥ ﻳﺤﺐ ﻭﺣﺪﺓ ﻗﺒﻞ
........
ﻫﺎ ﻗﺪ ﻻﺣﺖ ﺑﻮﺍﺩﺭ ﺧﻮﻓﻲ ﻓﻲ ﺍﻟﻄﺮﻳﻖ
ﻣﻌﻠﻨﺔٌ ﻋﻦ ﻫﺒﻮﺏ ﺭﻳﺎﺡ ﻣﺘﺮﺑﺔٌ
ﻣﻌﺮﻗﻠﺔٌ ﻟﺮﺅﻳﺘﻲ ﺟﻌﻠﺘﻨﻲ ﺍﺗﺨﺒﻂ ﻣﺎﺑﻴﻦ ﺍﻟﺤﻴﺮﺓ ﻭﺍﻟﺨﻮﻑ
ﻣﻦ ﺍﻥ ﺗﻄﺎﻟﻨﻲ ﺍﻟﻨﺎﺭ
ﺣﺎﺑﺴﺔ ﺍﻧﻔﺎﺳﻲ ﻣﻨﺘﻈﺮﺓ ﻗﺎﺳﻢ ﻳﻜﻤﻞ ﻛﻼﻣﻪ
ﺍﺣﺲ ﺑﺄﻟﻢ ﻭﺧﻮﻑ ﻓﻀﻴﻊ ﻣﺎ ﺍﺗﻤﻨﺎﻩ ﻟﻌﺪﻭﻱ ﻫﺬﺍ ﺍﻟﻤﻮﻗﻒ
ﻟﻜﻞ ﺯﺭﻉ ﻻﺑﺪ ﻳﺠﻲ ﻟﻪ ﻳﻮﻡ ﻭﻧﺤﺼﺪﻩ
ﻭﺍﻓﻌﺎﻟﻨﺎ ﻣﻬﻤﺎ ﻃﺎﻝ ﺍﻟﺰﻣﻦ ﺍﻭ ﺣﺎﻭﻟﻨﺎ ﻧﺘﺠﺎﻫﻠﻬﺎ
ﺭﺍﺡ ﻳﺠﻲ ﻳﻮﻡ ﺗﺼﻴﺮ ﻛﺪﺍﻣﻨﺎ ﻭﻧﻮﺍﺟﻬﻬﺎ
ﻳﺒﻘﻰ ﺑﺲ ﺍﻟﺪﻋﺎﺀ ﻋﺪﻧﺎ ﻣﺎﻟﻨﺎ ﻃﺮﻳﻘﺔ ﺛﺎﻧﻴﺔ
ﺍﻥ ﺍﻟﻠﻪ ﻳﺨﻔﻒ ﻋﻠﻴﻨﺎ ﻳﻮﻡ ﺍﻟﻤﻮﺍﺟﻬﺔ ﻭﻳﺒﻌﺪﻩ ﻻﺑﻌﺪ ﻭﻗﺖ ﻣﻤﻜﻦ ﺣﺘﻰ ﻧﻜﺪﺭ ﻧﻮﺍﺟﻪ ﺑﻘﻮﺓ
ﻗﺎﺳﻢ ﻛﻤﻞ ﻛﻼﻣﻪ
.. ﻣﻦ ﺭﺟﻌﺖ ﻣﻦ ﺳﻔﺮﺗﻲ ﺍﻻﻭﻟﻰ ﺟﺎﻧﺖ ﺍﻣﻮﺭ ﺭﺍﺋﺪ
ﻭﺍﻭﺿﺎﻋﻪ ﻛﻠﺶ ﺗﻤﺎﻡ ﻭﺟﺎﻥ ﺑﻮﻛﺘﻬﺎ ﻳﺤﺐ ﻭﺣﺪﺓ
ﻭﻛﻠﺶ ﻣﺘﻌﻠﻖ ﺑﻴﻬﺎ
ﺍﺗﺬﻛﺮ ﺣﺠﺎﻟﻲ ﻋﻨﻬﺎ ﻭﻛﺎﻝ ﺍﺫﺍ ﺭﺑﻲ ﻛﺘﺒﻬﺎ ﺍﻟﻲ ﻭﺗﺼﻴﺮ ﻣﻦ ﻗﺴﻤﺘﻲ .
ﺍﺭﻳﺪﻙ ﺑﻴﻮﻡ ﻋﺮﺳﻲ ﺍﻧﺖ ﺗﺰﻓﻨﺎ
ﻭﻫﻮ ﻳﻀﺤﻚ ﻛﺎﻝ ﺗﺪﺭﻱ ﻟﻴﺶ
ﺳﺎﻟﺘﻪ .. ﻟﻴﺶ ﻭﺷﻤﻌﻨﺎ ﺍﻧﻲ
ﻛﻠﻲ .. ﻻﻥ ﻣﺎ ﺭﺍﺡ ﺗﺼﺪﻙ ﻣﻨﻮ ﻫﻲ ﺑﺲ ﺗﺸﻮﻓﻬﺎ ﺭﺍﺡ ﺗﺨﺮﺏ ﺿﺤﻚ ﻭﺗﺘﺬﻛﺮ ﺫﻳﺞ ﺍﻳﺎﻣﻨﺎ
ﺟﻨﺖ ﺍﺑﺎﻭﻉ ﻟﺼﺎﺣﺒﻲ ﻣﻦ ﻳﺤﺠﻲ ﻋﻨﻬﺎ ﻋﻴﻮﻧﻪ ﺗﻠﻤﻊ ﻓﺨﺮ
ﻣﻦ ﻳﺠﻴﺐ ﻃﺎﺭﻳﻬﺎ .
ﺑﻌﺪﻫﺎ ﺍﻧﻲ ﺳﺎﻓﺮﺕ ﻣﺮﺓ ﺛﺎﻧﻴﺔ ﻭﻃﻮﻟﺖ ﻫﺎﻟﻤﺮﺓ
ﻭﺻﺎﺭﺕ ﻣﺸﺎﻛﻞ ﺍﻟﺸﺮﻛﺔ ﻣﺎﻝ ﺍﻟﻮﺍﻟﺪ ﺑﺎﻟﺨﺎﺭﺝ
ﻭﻣﻨﻴﺮ ﺍﻟﻌﺎﺭ ﻭﻣﻨﺘﻈﺮ ﻭﺍﻧﺎ ﺍﻧﺴﺤﺎﺑﻲ ﻣﻦ ﺍﺑﻮﻳﺔ ﻭﺷﺮﻛﺘﻪ
ﻭﻓﺘﺤﺖ ﻣﺸﻮﺭﻉ ﻭﻳﺔ ﺻﺎﺣﺒﻲ ﻛﻤﺖ ﺍﺧﺬ ﻣﻨﺎﻗﺼﺎﺕ ﺗﺠﻬﻴﺰ ﻭﺗﻤﻮﻳﻞ
ﻭﻳﺔ ﺻﺎﺣﺒﻲ ﻣﻨﺬﺭ
ﻭﺑﻌﺪﻫﺎ ﻫﺎﻱ ﺍﻟﻬﻮﺳﺔ ﻭﻭﻓﺎﺓ ﺍﻟﻮﺍﻟﺪ ﻫﻮﺍﻱ ﺯﺍﺩﺕ
ﺍﻟﻀﻐﻮﻃﺎﺕ ﻋﻠﻴﺔ ﺗﺎﻟﻲ ﻣﻦ ﺻﻔﻴﺖ ﻭﺍﺗﻔﺮﻏﺖ
ﻟﻜﻴﺖ ﺻﺎﺣﺒﻲ ﻳﻌﺰﻣﻨﻲ ﻳﻜﻮﻟﻲ ﺍﻻﺳﺒﻮﻉ ﺍﻟﺠﺎﻱ ﻋﺮﺳﻲ
ﻛﻠﺘﻠﻪ ﻭﺍﻧﺎ ﺑﻌﺪﻧﻲ ﺑﺎﻗﻲ ﻋﻠﻰ ﺍﻟﻮﻋﺪ . ﺭﺍﺡ ﺍﺯﻳﻦ ﺳﻴﺎﺭﺗﻲ
ﻭﺍﺯﻓﻚ ﺑﻴﺪﻱ
ﻭﺻﺎﺭ ﺍﻟﻌﺮﺱ ﻭﺯﻓﻴﺖ ﺻﺤﺎﺑﻲ ﺍﻟﻲ ﻭﺟﻬﻪ ﺟﺎﻥ ﻣﺪﺧﻦ
ﺍﺑﺪ ﻣﻮ ﻭﺟﻪ ﻋﺮﻳﺲ ﻭﻫﻮ ﻻﺯﻡ ﻳﻜﻮﻥ ﻓﺮﺣﺎﻥ ﺑﻌﺮﺳﻪ
ﺟﺎﻥ ﻣﻄﻌﻮﻥ ﻣﺮﻳﺾ
ﺑﻌﺪﻣﺎ ﺻﻔﺖ ﺍﻻﻣﻮﺭ ﺟﻨﺖ ﻣﻨﺘﻈﺮ ﻣﻨﻪ ﻳﻌﺮﻓﻨﻲ ﻋﻠﻰ ﺯﻭﺟﺘﻪ ﻭﺍﻟﻤﻔﺎﺟﺌﺔ
ﺑﻌﺪﻳﻦ ﻣﻦ ﺭﺣﺖ ﺍﺑﺎﺭﻛﻠﻪ ﺑﺎﻟﺒﻴﺖ ﻭﺷﻔﺖ ﻣﺮﺗﻪ ﻭﺳﻠﻤﺖ ﻋﻠﻴﻬﺎ
ﻭﻛﻌﺪﺕ ﺍﺑﺎﻭﻉ ﺍﺗﻔﺤﺺ ﺑﺸﻜﻠﻬﺎ ﻋﺴﻰ ﻭﻟﻌﻞ ﺍﺷﻮﻑ ﺷﻲ
ﻳﺨﻠﻴﻨﻲ ﺍﺗﻔﺎﺟﻲﺀ ﻣﺎﻛﻮ ﺷﻲ
ﺑﻌﺪﻫﺎ ﺍﻧﺘﻈﺮﺕ ﻣﺮﺗﻪ ﺗﻄﻠﻊ
ﻭﺑﺎﻭﻋﺖ ﻋﻠﻴﻪ ﻭﺳﺄﻟﺘﻪ ﻭﺍﻧﺎ ﺍﺍﺷﺮ ﻋﻠﻰ ﻋﺎﻟﺒﺎﺏ ﺍﻟﻲ ﻃﻠﻌﺖ ﻣﻨﻪ ﺯﻭﺟﺘﻪ
.. ﻫﻲ ﻫﺎﻱ ﺍﻟﻤﻔﺎﺟﺌﺔ ﺍﻟﻲ ﻛﻠﺘﻠﻲ ﻋﻠﻴﻬﺎ ﻣﻦ ﺗﺸﻮﻓﻬﺎ ﺭﺍﺡ ﺗﺘﻔﺎﺟﻲﺀ ﻣﻦ ﺗﻌﺮﻓﻬﺎ
ﻣﻨﻮ ﻫﻲ ﻣﻌﺮﻓﺘﻬﺎ ﺍﺷﻮ ﺍﻧﻲ ﺑﻌﺪﻧﻲ ﻣﺎ ﻣﺘﻔﺎﺟﻲﺀ
ﺍﺣﺠﻲ ﺷﺒﻴﻚ ﺍﻧﺖ ﻣﻮ ﻃﺒﻴﻌﻲ
ﻟﻚ ﺍﻧﺖ ﺣﺘﻰ ﻣﺎ ﻋﺮﻓﺘﻨﻲ ﻋﻠﻰ ﻣﺮﺗﻚ ﺧﻠﻴﺘﻬﺎ ﻣﺜﻞ ﺍﻟﺘﺎﻳﻬﺔ ﻟﻮﺣﺪﻫﺎ ﺗﺴﻠﻢ ﻭﻃﻠﻌﺖ
ﺟﺎﻭﺑﻨﻲ ﻭﻛﺎﻝ .. ﻗﺎﺳﻢ ﺍﺳﻜﺖ ﺍﻟﺒﻨﻴﺔ ﺍﻟﺠﻨﺖ ﺍﺣﺒﻬﺎ
ﻣﺎ ﻣﻜﺘﻮﺑﺘﻠﻲ . ﺗﺼﻴﺮ ﻣﻦ ﻧﺼﻴﺒﻲ
ﺣﺠﺎﻫﺎ ﻭﻫﻮ ﻣﻘﻬﻮﺭ
.. ﺍﺍﺍﺥ ﻟﻴﺶ ﺷﻜﻮ ﺍﺗﺰﻭﺟﺖ ﻭﺍﺣﺪ ﻏﻴﺮﻙ .
ﻟﻮ ﺧﺎﻧﺘﻚ
.....
ﻻ ﺍﺗﺰﻭﺟﺖ ﻭﺍﺣﺪ ﻏﻴﺮﻱ ﻭﻻ ﺧﺎﻧﺘﻨﻲ
ﺑﺲ ﻛﻞ ﻣﺎ ﺑﺎﻟﻤﻮﺿﻮﻉ ﺭﺑﻚ ﻣﺎ ﻛﺎﺗﺐ ﺗﺼﻴﺮ ﻣﻦ ﻗﺴﻤﺘﻲ
ﻣﻜﺘﻮﺏ ﻟﻲ ﺍﺗﻌﺬﺏ
.. ﺍﺣﺠﻴﻠﻲ ﺍﻧﺎ ﺻﺎﺣﺒﻚ ﻛﻮﻝ ﺷﺒﻴﻬﺎ ﻭﻳﺎﻙ
.. ﻛﻠﻲ . ﺷﻮﻑ ﻗﺎﺳﻢ ﻣﺎ ﺩﺍﻡ ﺍﻟﻠﻪ ﻣﺎ ﻛﺘﺒﻠﻲ ﻭﻳﺎﻫﺎ ﻧﺼﻴﺐ
ﺍﺫﻥ ﻻ ﺗﺘﺮﺟﻰ ﻣﻨﻲ ﺍﺣﺠﻴﻠﻚ ﻋﻨﻬﺎ ﺍﻱ ﺷﻲ
ﻫﺬﺍ ﺷﺮﻑ ﺑﻨﻴﺔ . ﻣﺎ ﻳﺠﻮﺯ ﺍﺣﺠﻲ ﺑﻲ ﻣﺎﺩﺍﻡ ﺭﺍﺣﺖ ﺑﺤﺎﻝ ﺳﺒﻴﻠﻬﺎ
ﺑﺲ ﺍﻟﻲ ﺍﻓﺘﻬﻤﺘﻪ ﻣﻦ ﻏﻀﺐ ﺻﺎﺣﺒﻲ ﻭﻗﻬﺮﺗﻪ
ﺍﻥ ﺍﻫﻠﻪ ﻫﻤﺔ ﺳﺒﺐ ﺧﺮﺍﺏ ﺣﻴﺎﺗﻪ ﻭﺳﺒﺐ ﻣﻮﺕ ﺣﺒﻪ ﺍﻟﻀﺎﻳﻊ
ﻻﻥ ﺍﻟﻠﻪ ﻳﺤﻔﻈﻬﻢ ﺍﻫﻠﻪ ﻧﺎﺱ ﻛﻠﺶ ﺻﻌﺒﻴﻦ
ﺍﺗﻮﻗﻊ ﻣﺎ ﺻﺮﻓﺘﻠﻬﻢ ﺍﻟﺒﻨﻴﺔ ﺍﻟﻤﻜﺮﻭﺩﺓ ﻭﺣﺎﺭﺑﻮﺍ ﻭﺣﺎﺭﺑﻮﻫﺎ
ﺗﻌﺮﻓﻴﻦ ﻣﻦ ﺫﺍﻙ ﺍﻟﻮﻛﺖ ﺍﺑﺎﻭﻉ ﻟﺮﺍﺋﺪ ﺍﺑﺪ ﻣﺎ ﺷﻔﺘﻪ ﻳﻮﻡ ﻓﺮﺣﺎﻥ ﻣﻦ ﻛﻠﺒﻪ
ﻭﻻ ﺻﻔﺖ ﺍﺣﻮﺍﻟﻪ ﻭﻻ ﺍﺭﺗﺎﺡ ﺑﺤﻴﺎﺗﻪ
ﻗﺎﺳﻢ ﺟﺎﻥ ﻳﺤﺠﻲ ﻭﺍﻧﻲ ﺍﺗﺨﺒﻂ ﺑﺠﺪﺭﺍﻥ ﺧﻮﻓﻲ
ﻣﻦ ﺍﻟﺘﺮﻗﺐ ﻭﺍﻟﺮﻫﺒﺔ
ﻳﻤﻜﻦ ﻋﻠﻰ ﻛﺪ ﺧﻮﻓﻲ ﻣﻦ ﻫﺬﺍ ﺍﻟﻤﻮﻗﻒ ﺍﺗﻮﻗﻊ ﻛﺒﺮﺕ ﺧﻤﺲ ﺳﻨﻴﻦ ﻛﺪﺍﻡ
ﻭﺭﺟﻊ ﻗﺎﺳﻢ ﻳﺤﺠﻴﻠﻲ
ﻣﺮﺍﺕ ﺍﻛﻮﻝ ﻳﻤﻜﻦ ﻫﺎﻱ ﺣﻮﺑﺔ ﺍﻟﺒﻨﻴﺔ ﺑﻲ ﻻﻥ ﻋﻠﻘﻬﺎ ﺑﺤﺒﻪ
ﻭﺗﺎﻟﻲ ﻋﺎﻓﻬﺎ ﻭﺭﺍﺡ . ﻻﻥ ﻫﻮ ﺿﻌﻒ ﻛﺪﺍﻡ ﺍﻫﻠﻪ
ﻭﻣﺮﺍﺕ ﺍﻛﻮﻝ ﻭﻫﻮ ﺷﺒﻴﺪﻩ ﻋﻠﻴﻬﺎ
ﺍﺫﺍ ﻫﻤﺔ ﺍﻻﻫﻞ ﺍﺫﺍ ﺣﻄﻮﺍ ﺭﺍﺳﻬﻢ ﺑﺸﻲ ﻻﺯﻡ ﻳﺴﻮﻧﻪ
ﻫﻨﺎ ﺍﻧﺘﺒﻬﺖ ﻛﻞ ﺣﻮﺍﺳﻲ ﻭﺍﻧﺘﻔﻀﺖ
.. ﻗﺼﺪﻙ ﻣﺜﻞ ﺣﺎﻟﺘﻚ ﺍﻧﺖ ﻭﻏﻬﻒ . ( ﺭﻫﻒ )
ﺣﺠﻴﺘﻬﺎ ﻏﺼﺐ ﻋﻨﻲ ﻭﺑﺪﻭﻥ ﺷﻌﻮﺭ ﻏﻴﺮﺕ ﺍﻟﻤﻮﺟﺔ
ﻣﻦ ﻣﻮﺿﻮﻉ ﺭﺍﺋﺪ ﺍﻟﻰ ﻛﻼﻡ ﻗﺎﺳﻢ ﺍﻻﺧﻴﺮ ﺟﺎﻥ ﻛﻠﺶ ﻭﺍﺿﺢ ﻭﺍﻧﻲ ﻣﻮ ﻏﺒﻴﺔ
ﻛﻤﻠﺖ ﻛﻼﻣﻲ
.. ﻳﻌﻨﻲ ﻣﺜﻠﻚ ﻫﻢ ﺍﻧﺖ ﺍﺗﻠﻮﻋﺖ ﻭﻣﺎ ﺍﺧﺬﺕ ﺍﻟﻲ ﺣﺒﻬﺎ ﻛﻠﺒﻚ
ﻻﻥ ﺍﻣﻚ ﻫﻢ ﺍﺗﺪﺧﻠﺖ ﺑﺤﺒﻚ . ﻭﻳﺔ ﻏﻬﻒ ( ﺭﻫﻒ )
ﻭﺍﺻﻐﺖ ( ﻭﺍﺻﺮﺕ ) ﻋﻠﻴﻚ ﺗﺘﺰﻭﺟﻨﻲ
ﺑﺎﻭﻉ ﻋﻠﻴﺔ ﻭﻫﻮ ﻳﺴﻮﻕ
.. ﺣﻴﻴﻴﻴﻴﻴﻴﻴﻴﻞ ﻫﺎﻱ ﺷﻨﻮ ﺍﻧﺘﻲ ﻛﺎﺭﺛﺔ
ﻳﻌﻨﻲ ﺑﺸﺮﻓﺞ ﻋﻔﺘﻲ ﺳﺎﻟﻔﺔ ﺍﻟﻤﻜﺮﻭﺩ ﺭﺍﺋﺪ ﻛﻠﻬﺎ ﻣﺎ ﻋﻠﻘﺘﻲ ﺑﻜﻠﻤﺔ
ﻭﺟﻠﺒﺘﻲ ﺑﺲ ﺑﺎﻟﺠﻤﻠﺔ ﺍﻻﺧﻴﺮﺓ
ﻭﺣﺠﻴﺘﻲ ﺟﺮﻳﺪﺓ ﻋﻠﻴﻬﺎ ﺧﺮﺏ ﻳﻮﻣﺞ ﺻﺪﻙ ﺟﻨﻴﺔ
.. ﺷﻨﻮ ﺷﺒﻴﻚ ﻣﺘﻔﺎﺟﻲ ﻻﻥ ﻛﻼﻣﻲ ﺻﺤﻴﺢ
ﺟﻨﺖ ﺍﺣﺠﻲ ﻭﺍﻏﻠﻲ ﻣﻦ ﺍﻟﻘﻬﺮ ﺍﺩﺭﻱ ﺷﻨﻮ ﻣﺼﻴﺒﺘﻲ
ﻣﻮﺿﻮﻉ ﺍﺿﺮﺏ ﻣﻦ ﻣﻮﺿﻮﻉ ﻭﺑﺎﻟﺤﺎﻟﺘﻴﻦ ﻣﺎﻛﻠﺔ
ﺗﺒﻦ
.. ﻻ ﻣﻮﺻﺤﻴﺢ ﻣﺮﺗﻲ ﻭﺍﻋﺮﻓﺞ ﻛﻠﺶ ﺯﻳﻦ
ﻣﺎ ﺭﺍﺡ ﺗﺨﻠﻴﻨﻲ ﺍﻋﺪﻱ ﻣﺮﺣﻠﺔ ﺣﺒﻲ ﻣﻦ ﺭﻫﻒ ﺑﺴﻬﻮﻟﺔ
ﺍﻻ ﺗﻄﻠﻌﻴﻠﻲ ﻛﻠﺐ ﺑﺼﻒ ﻛﻠﺒﻲ . ﺣﺘﻰ ﺍﺗﻮﺏ
ﺍﺣﺘﻤﺎﻝ ﺍﺫﺍ ﺍﻛﻠﺞ ﺍﺣﺒﺞ ﺭﺍﺡ ﺗﻜﻮﻟﻴﻦ ﺍﻧﻲ ﻣﺎ ﺍﺭﺿﻰ
ﺗﺤﺒﻨﻲ ﺑﻜﻠﺐ ﺣﺒﻴﺖ ﻭﺣﺪﺓ ﻗﺒﻠﻲ ﺑﻲ
ﻣﺎ ﺍﺭﻳﺪ ﻛﻠﺐ ﻣﺴﺘﻌﻤﻞ ﺗﺮﺩﻳﻦ ﻭﺍﺣﺪ ﺟﺪﻳﺪ
ﺑﺎﻭﻋﺖ ﻋﻠﻴﻪ ﻭﺭﻓﻌﺖ ﺣﺎﺟﺒﻲ
.. ﻣﻦ ﺣﻘﻲ ﺍﺭﻳﺪ ﺯﻭﺟﻲ ﻛﻠﻪ ﺍﻟﻲ ﻭﻣﺎ ﺍﻏﻴﺪ ( ﻣﺎﺍﺭﻳﺪ )
ﻭﺣﺪﺓ ﺗﺸﺎﻏﻜﻨﻲ ( ﺗﺸﺎﺭﻛﻨﻲ ) ﺑﻲ
ﻭﻻ ﺍﻏﻴﺪ ( ﺍﺭﻳﺪ ) ﻛﻞ ﺣﺠﺎﻳﺔ ﻭﺍﻟﺜﺎﻧﻴﺔ ﺍﺳﻤﻊ ﺑﺼﻮﺗﻚ ﻟﻤﺤﺔ ﺍﻟﻢ ﺣﺐ
ﻣﻬﺠﻮﻍ ( ﻣﻬﺠﻮﺭ )
ﻗﺎﺳﻢ .. ﻻ ﻛﻼﻣﺞ ﻣﻮ ﺻﺤﻴﺢ ﺍﺫﺍ ﺟﻨﺘﻲ ﻗﺼﺪﺝ ﺍﻧﺎ ﺍﻣﻲ ﺟﺒﺮﺗﻨﻲ ﺍﺗﺰﻭﺝ ﻣﻦ ﻋﻨﺪﺝ .
ﻭﻣﻨﻌﺘﻨﻲ ﻣﻦ ﺣﺒﻲ ﻟﺮﻫﻒ ﻓﺎﻧﺘﻲ ﻏﻠﻄﺎﻧﺔ
ﻣﺎ ﺍﻧﻜﺮ ﺯﻭﺍﺟﻲ ﻣﻨﺞ ﻛﺎﻥ ﻏﺼﺐ ﻋﻨﻲ
ﺑﺲ ﻣﺎ ﻣﻨﻌﻨﻲ ﻋﻦ ﺣﺒﻲ ﻟﺮﻫﻒ
ﺍﺻﻼ ﻋﻼﻗﺘﻲ ﻭﻳﺔ ﺭﻫﻒ ﺍﻧﻘﻄﻌﺖ ﺑﺴﺒﺐ ﺑﻌﻴﺪ ﻛﻞ
ﺍﻟﺒﻌﺪ ﻋﻦ ﺗﺪﺧﻞ ﺍﻣﻲ ﺍﻭ ﻋﻦ ﺯﻭﺍﺟﻲ ﺑﻴﺞ
ﺍﻟﺜﻨﻴﻦ ﻣﺎﻟﻬﻢ ﺩﺧﻞ ﺑﻘﻄﻊ ﻋﻼﻗﺘﻲ ﻭﻳﺔ ﺭﻫﻒ
......
ﻣﻮﺿﻮﻉ ﺍﻟﺼﺎﺭ ﻛﺎﻥ ﻛﻔﻴﻞ ﺑﺄﻥ ﻳﻔﺘﺢ ﺍﺑﻮﺍﺏ ﻭﻳﻐﻠﻖ ﺍﺑﻮﺍﺏ
ﻭﻣﻦ ﻫﺎﻱ ﺍﻻﺑﻮﺍﺏ ﺍﻟﻲ ﺍﻧﻐﻠﻘﺖ ﺑﺬﺍﻙ ﺍﻟﻤﻮﺿﻮﻉ
ﻫﻮ ﺑﺎﺏ ﻛﻠﺒﻲ ﻣﻦ ﺍﻧﻐﻠﻖ ﺑﻮﺟﻪ ﺣﺐ ﺭﻫﻒ
ﻭﻟﻬﻨﺎ ﻭﻛﺎﻓﻲ ﺑﻌﺪ ﻻ ﺗﺴﺄﻟﻴﻨﻲ . ﻻﻥ ﻭﺻﻠﻨﺎ ﻟﺒﻴﺖ ﺍﺧﺘﺞ
ﻭﺍﻧﺘﻲ ﻭﻭﺟﻬﺞ ﺍﻧﻜﻠﺐ ﻟﻮﻧﻪ
ﺍﻧﺘﺒﻬﺖ ﻋﺎﻟﺴﻴﺎﺭﺓ ﻭﺍﻛﻔﺔ ﺑﺒﺎﺏ ﺑﻴﺖ ﻣﺮﻭﺓ
ﻟﻜﻴﺖ ﻣﺸﻤﺶ ﻓﺎﺗﺤﺔ ﺍﻟﺒﺎﺏ ﻭﻭﺍﻛﻔﺔ ﻣﻨﺘﻈﺮﺗﻨﺎ
ﻻﺑﺴﺔ ﺷﻮﺭﺕ ﺟﻴﻨﺰ ﻭﻗﻤﻴﺺ ﺍﺑﻴﺾ ﻣﺸﺪﻭﺩ ﻋﺎﻟﺼﺮﺓ
ﻭﻃﺎﻟﻊ ﺍﻟﻜﺮﺵ ﻭﻻﺑﺴﺔ ﻧﻌﺎﻝ ﺍﺑﻮ ﺍﻻﺻﺒﻊ ﺍﺑﻴﺾ ﺻﻐﻴﺮ
ﺑﻲ ﻛﺮﺳﺘﺎﻻﺕ .
ﻗﺎﺳﻢ ﺷﺎﻓﻬﺎ ﻭﺿﺤﻚ ﻭﻛﺎﻝ
.. ﺍﻛﻠﺞ ﻫﺪﻯ . ﻫﺎﻱ ﺑﻨﺖ ﺍﺧﺘﺞ ﻣﺎ ﻳﻨﻄﻮﻧﻴﺎﻫﺎ
ﺩﺭﺕ ﻭﺟﻬﻲ ﻋﻠﻴﻪ ﻭﻟﻤﻴﺖ ﺷﻔﺎﻳﻔﻲ
.. ﻟﻴﺶ ﻋﻴﻨﻲ ﺷﺘﺴﻮﻱ ﺑﻴﻬﺎ
ﻛﺎﻝ .. ﺷﺒﻴﺞ ﺍﺭﻳﺪﻫﺎ ﺍﺣﺠﺰﻫﺎ ﻋﺮﻭﺱ
ﻭﺍﻟﻠﻪ ﻋﻨﺪﻱ ﺍﻟﻬﺎ ﻭﺍﺣﺪ ﺯﻟﻤﺔ ﺍﺧﻮ ﺧﻴﺘﻪ
.. ﻣﻨﻮ ﻫﺬﺍ .
.. ﺍﺭﻳﺪ ﺍﺣﺠﺰﻫﺎ ﻟﺰﻳﻮﻧﻲ ﺍﺑﻦ ﺍﺧﺘﻲ . ﻭﺍﻟﻠﻪ ﻳﺴﻮﻳﻬﺎ
ﻣﺪﺍﻟﻴﺔ . ﻳﻠﻌﺐ ﺑﻴﻬﺎ ﺷﻜﻠﻬﺎ ﻣﺎﻝ ﻛﺮﻁ
ﺣﺠﻴﺖ ﺑﺪﻟﻊ ﻭﻛﻠﺖ .. ﺍﺩﻏﻲ ( ﺍﺩﺭﻱ ) ﺍﻧﺘﻮﺍ ﺷﻨﻮ ﺳﺎﻟﻔﺘﻜﻢ
ﺩﺍﺧﻠﻴﻦ ﻋﻠﻰ ﻃﻤﻊ ﺍﺷﻮ ﺍﻧﺖ ﻣﻦ ﺻﻔﺤﺔ ﻭﺍﺧﻮﻙ ﻫﺸﺎﻡ
ﻣﻦ ﺻﻔﺤﺔ ﻭﻧﻮﺏ ﻃﻠﻌﻠﻲ ﺯﻳﻮﻧﻲ ﻳﺤﺠﺰﻫﺎ ﻟﻤﺸﻤﺶ
ﻻ ﻋﻤﻲ ﻟﻬﻨﺎ . ﻭﻛﺎﻓﻲ ﻋﺰﻟﻨﺎ . ﺑﻄﻠﻨﺎ
ﺍﻧﺖ ﻣﺎ ﻟﻜﻴﺖ ﺍﻻﺯﻳﻮﻧﻲ ﺍﻟﻮﻛﺢ . ﺣﺘﻰ ﺑﻴﻮﻡ ﻋﻐﺴﻪ ( ﻋﺮﺳﻪ )
ﻳﻤﻜﻦ ﻳﺴﻮﻱ ﻣﺼﻴﺒﺔ ﻳﺠﻠﻂ ﺑﻴﻬﺎ ﻣﻐﻮﺓ ( ﻣﺮﻭﺓ )
ﺟﻨﺖ ﺍﺣﺠﻲ ﻭﻫﻮ ﻳﻀﺤﻚ
ﻭﻫﻤﺲ ﺍﻛﻮﻝ .. ﻟﻌﺪ ﺍﺫﺍ ﻫﻴﺞ ﺍﻟﺤﺠﻲ ﺭﺍﻭﻳﻨﺎ . ﺷﻄﺎﺭﺗﺞ
ﻭﺟﻴﺒﻴﻠﻨﺎ ﺣﺎﺗﺔ . ﻣﺜﻞ ﻫﺎﻱ ﻧﻤﺸﻴﻬﺎ ﺑﺮﺍﺱ ﺯﻳﻮﻧﻲ
ﺗﺮﺓ ﻭﺍﻟﻠﻪ ﻋﺎﺟﺒﻨﻲ ﺧﻮﺵ ﺯﻟﻤﺔ ﻣﺎ ﻳﺘﻔﻮﺕ
ﺷﻠﺖ ﺍﻟﻌﻼﻟﻴﻚ ﻭﻓﺘﺤﺖ ﺑﺎﺏ ﺍﻟﺴﻴﺎﺭﺓ
.. ﻻ ﻭﺍﻟﻠﻪ ﻋﺎﻳﺰﺓ ﺍﺯﻭﺝ ﺑﻨﺘﻲ ﻟﺰﻳﻮﻧﻲ ﺍﻟﻮﻛﺢ
ﻫﺬﺍ ﺣﺠﻲ ﻳﻔﻴﺪﻙ ﺍﻧﺖ ﻭﺍﺑﻦ ﺍﺧﺘﻚ ﻣﺎ ﺍﻟﻜﻢ ﻣﻐﺔ ( ﻣﺮﺓ ) ﻋﻨﺪﻱ
ﺳﺪﻳﺖ ﺍﻟﺒﺎﺏ ﻭﻣﺸﻴﺖ ﻟﻤﺸﻤﺶ ﺍﻟﻲ ﺍﺟﺘﻲ ﺗﺮﻛﺾ
ﺍﺳﻤﻌﻪ ﻣﻦ ﻭﺭﺍﻱ ﻳﻜﻮﻝ
.. ﻭﺍﻟﻠﻪ ﻣﺨﺒﻠﺔ ﺍﻱ ﻫﻲ ﻭﻳﻨﻬﺎ ﻏﻴﺮ ﺗﺠﻲ ﺑﺎﻻﻭﻝ
ﺿﺤﻜﺖ ﺍﺗﺬﻛﺮﺕ ﻫﺎﻟﺔ . ﻭﻛﻼﻣﻬﺎ
ﺍﺑﺎﻭﻉ ﻟﻤﺸﻤﺶ ﺗﺒﺎﻭﻉ ﻟﻘﺎﺳﻢ ﻭﺑﺮﻃﻤﺖ ﻟﺰﻣﺖ ﺍﻳﺪﻱ
ﺗﺴﺤﺒﻨﻲ ﺗﺮﻳﺪ ﺗﺪﺧﻠﻨﻲ ﻟﻠﺒﻴﺖ
ﻣﺸﻤﺶ .. ﻫﺪﻯ ﻫﺬﺍ ﻏﺠﺎﻝ ( ﺭﺟﺎﻝ ) ﻣﻮﺣﻠﻮ
ﺗﺄﺷﺮ ﻋﻠﻰ ﻗﺎﺳﻢ ﺍﻟﻲ ﻛﺎﻥ ﻭﺍﻛﻒ ﻳﻨﺘﻈﺮﻧﻲ ﺍﺩﺧﻞ ﻟﻠﺒﻴﺖ ﺣﺘﻰ ﻳﺘﺤﺮﻙ
ﺑﻲ ﻃﺒﻴﻌﺔ ﺍﻻ ﻳﺸﻮﻓﻨﻲ ﺩﺧﻞ ﻟﻠﺒﻴﺖ ﻳﺎﻟﻠﻪ ﻳﺮﻭﺡ
ﻭﺩﻋﺘﻪ
ﻭﺩﺧﻠﺖ ﺍﻧﻲ ﻭﻳﺎﻫﺎ ﻟﻠﺒﻴﺖ ﻭﺷﻬﻜﺖ ﺑﺘﺼﻨﻴﻒ ﻋﻠﻰ ﻛﻼﻣﻬﺎ
.. ﻋﺰﺓ ﻟﺞ ﻣﺸﻤﺶ ﻟﻴﺶ ﺗﻜﻮﻟﻴﻦ ﻋﻠﻰ ﺯﻭﺟﻲ ﻗﺴﻮﻣﻲ ﻣﻮ ﺣﻠﻮ
.. ﺍﻱ ﻗﺴﻮﻣﻲ ﻣﻮ ﺣﻠﻮ ﺫﺍﻙ ﺍﻟﻴﻮﻡ ﻋﻀﻨﻲ ﻣﻦ ﺧﺪﻭﺩﻱ
ﺿﺤﻜﺖ ﻭﺍﻧﻲ ﺍﺣﺠﻲ
.. ﻫﻬﻬﻪ ﺍﻧﻲ ﺍﻟﻪ . ﺑﺲ ﻳﺠﻲ ﺍﺧﻠﻴﺞ ﺍﻧﺘﻲ ﺗﻌﻀﻴﻨﻪ ﻣﻦ ﺧﺪﻭﺩﻩ
ﻣﺸﻤﺶ ﻋﻔﺴﺖ ﺍﻟﺨﺸﻢ ﻭﺍﻟﻮﺟﻪ ﻭﻛﺎﻟﺖ
.. ﺍﻳﻴﻴﻴﻴﻴﻴﻴﻊ ﻭﺟﻬﻪ ﻛﻠﻪ ﺷﻌﻎ ( ﺷﻌﺮ )
ﺗﻘﺼﺪ ﻋﻠﻰ ﻟﺤﻴﺘﻪ
ﻫﻤﺴﺖ ﻭﺍﻧﻲ ﺍﻓﻮﺕ ﻟﻠﻤﻄﺒﺦ
.. ﻭﺍﻟﻠﻪ ﺣﻘﺞ ﺧﺎﻟﺔ ﺍﺫﺍ ﺍﻧﻲ ﺑﻜﺒﺮﻱ ﺍﻟﻜﺔ ﺭﻭﺣﻲ ﻣﺘﺨﺮﻣﺸﺔ ﻣﻦ ﻭﺭﺓ ﻟﺤﻴﺔ ﻗﺴﻮﻣﻲ
ﺩﺧﻠﺖ ﻟﻠﻤﻄﺒﺦ ﻭﺍﺗﻠﻜﺘﻨﻲ ﻣﺮﻳﻢ ﻭﺍﺧﺬﺗﻨﻲ ﺑﺎﻻﺣﻀﺎﻥ
ﻭﺍﺧﺬﺕ ﻣﻨﻲ ﺍﻟﻌﻼﻛﺔ
ﻭﺑﻌﺪﻫﺎ ﺍﺟﻮﻱ ﺿﺤﻰ ﻭﻣﺮﻭﺓ ﻭﺷﻴﻤﺎﺀ ﻳﺎﺭﺑﻲ ﻭﺍﻟﻠﻪ ﻣﺸﺘﺎﻗﺘﻠﻬﻢ
.. ﻫﺎ ﻣﻐﻮﺓ ( ﻣﺮﻭﺓ ) ﺷﻌﺠﺐ ﺍﻟﻴﻮﻡ ﻫﻨﺎ ﺑﺎﻟﺒﻴﺖ
.....
ﻣﺮﻭﺓ .. ﻭﺍﻟﻠﻪ ﺍﺟﻴﺖ ﻋﻠﻤﻮﺩﺝ ﻛﻠﺖ ﺍﺗﻐﺪﺓ ﻭﺍﺭﺟﻊ
ﻻﻥ ﻋﻨﺪﻱ ﻛﻢ ﻣﻨﺪﻭﺏ ﺍﺩﻭﻳﺔ ﻳﺮﻳﺪ ﻳﻘﺎﺑﻠﻨﻲ ﻋﻠﻤﻮﺩ
ﻳﺠﻴﺒﻠﻲ ﻛﻢ ﻋﻴﻨﺔ ﻣﻦ ﻟﻠﺴﻨﺘﺮ
ﻭﺍﺷﻮﻑ ﺍﺫﺍ ﺗﺘﻮﺍﻟﻢ ﻭﻳﺔ ﺻﺤﺔ ﺍﻟﻤﺮﺍﺟﻌﻴﻦ ﻭﻣﺪﻯ ﻧﺴﺒﺔ ﺍﻟﺘﻘﺪﻡ ﺑﺎﻟﻌﻼﺝ
ﺧﻄﻴﺔ ﻣﺮﻭﺓ ﺣﻴﺎﺗﻬﺎ ﻛﻠﻬﺎ ﺭﻛﻀﺔ ﺑﺮﻛﻀﺔ
ﺿﺤﻰ
ﺟﺘﻲ ﻣﻦ ﺍﻟﻤﻄﺒﺦ ﻭﻛﺎﻟﺖ ﺑﺼﻮﺕ ﻣﻔﺘﺨﺮﺓ
ﺗﻌﺎﻟﻲ ﺷﻮﻓﻲ ﺷﻨﻮ ﺳﻮﻳﺘﻠﺞ ﻣﻦ ﻃﺒﺨﺔ ﺗﺎﻛﻠﻴﻦ ﺍﺻﺎﺑﻌﺞ ﻭﺭﺍﻫﺎ
ﺷﻴﻤﺎﺀ .. ﺍﻱ ﻣﻮ ﻣﺘﻨﺎ ﻣﻦ ﺍﻟﺠﻮﻉ . ﺻﺎﺭﻟﺞ ﺳﺎﻋﺔ ﺗﻜﻮﻟﻴﻦ ﺷﻌﺮ
ﺑﻄﺒﺨﺞ . ﻭﺑﻌﺪﻧﺎ ﻣﺎ ﺷﺎﻳﻔﻴﻦ ﺍﻱ ﺷﻲ
.. ﻳﺎﻟﻠﻪ ﻫﺬﺍ ﻫﻮ ﺧﻠﺼﺖ ﺟﻬﺰﻭﺍ ﺍﻟﺴﻔﺮﺓ
ﻭﺭﺍﺡ ﺍﺑﺪﻱ ﺍﺻﺐ
ﺑﻠﺸﻮﺍ ﺍﻟﺒﻨﺎﺕ ﻳﺼﺒﻮﻥ ﻭﺍﻧﻲ ﻭﻣﺮﻭﺓ ﻧﺴﻮﻟﻒ ﻭﺩﺗﺴﺄﻟﻨﻲ
ﻟﻴﺶ ﻣﺎ ﺭﺣﺖ ﻟﺠﻠﺴﺔ ﺍﻟﻠﻴﺰﺭ
ﻭﺣﺠﻴﺘﻠﻬﺎ ﻋﻦ ﺍﻟﺼﺎﺭ ﻭﻋﻦ ﺭﺃﻱ ﻗﺎﺳﻢ ﺑﺎﻟﻤﻮﺿﻮﻉ
ﺿﺤﻜﺖ ﻭﻛﺎﻟﺖ ﻟﻌﺪ ﺿﺮﻭﺭﻱ ﺗﺠﻴﻨﻲ ﻟﻠﻌﻴﺎﺩﺓ
ﺍﺟﻴﻜﺞ ﻭﻻﺯﻡ ﺗﻤﺮﻳﻦ ﻋﻠﻰ ﺩﻛﺘﻮﺭﺓ ﺍﻟﺘﺠﻤﻴﻞ
ﺧﺎﻑ ﺗﺤﺪﺙ ﺍﺛﺎﺭ ﺟﺎﻧﺒﻴﺔ . ﻟﻠﺒﺸﺮﺓ .
ﺑﺲ ﺗﺠﻴﻚ ﺍﻟﻮﺿﻊ
.. ﺍﻥ ﺷﺎﺀ ﺍﻟﻠﻪ ﺍﻛﻮﻝ ﻟﻘﺎﺳﻢ ﻳﺠﺒﻨﻲ ﺍﻟﺞ
ﻭﺑﺪﺕ ﺿﺤﻰ ﺗﺤﻂ ﺍﻟﻤﻮﺍﻋﻴﻦ ﻭﺭﻳﺤﺔ ﺍﻻﻛﻞ ﻃﻴﺒﺔ
ﻭﺑﻌﺪﻫﺎ ﻛﻌﺪﻧﺎ ﻋﺎﻟﺴﻔﺮﺓ
ﻭﺿﺤﻰ ﺗﺴﻮﻟﻒ ﺍﻟﻨﺎ ﻋﻠﻰ ﺟﻮﺍﺭﻳﻦ ﻣﺮﻭﺓ ﻋﻨﺪﻫﻢ ﻛﻠﺐ
ﺑﻮﻟﻴﺴﻲ ﻣﺎﻝ ﺣﺮﺍﺳﺔ ﺣﺎﻃﻲ ﺑﺎﻟﺒﺎﻟﻜﻮﻧﺔ
ﻭﻣﻨﻮ ﻳﻤﺸﻲ ﻭﺍﺣﺪ ﺑﺎﻟﺸﺎﺭﻉ ﻛﺪﺍﻡ ﺑﺎﺑﻬﻢ ﻳﻨﺒﺢ ﻋﻠﻴﻪ ﻓﺠﺎﺀﺓ
ﻭﺍﻧﻲ ﻭﻣﺸﻤﺶ ﺟﻨﺎ ﺩﻧﻤﺸﻲ ﺑﻌﺪ ﻣﺸﺘﺮﻳﺖ ﻃﺒﻘﺔ ﺑﻴﺾ
ﻭﺟﺒﺲ ﻭﻧﺴﺎﺗﻞ ﻭﻣﻜﻮﻧﺎﺕ ﺍﻟﻜﻴﻜﺔ ﻟﻤﺮﻳﻢ
ﻳﻤﺔ ﻫﻮ ﺍﺣﻨﺎ ﻋﺒﺮﻧﺎ ﻣﻦ ﻳﻢ ﺑﻴﺘﻬﻢ ﻭﺟﺎﻥ ﻳﻨﺒﺢ ﺍﻟﻜﻠﺐ ﻋﻠﻴﻨﺎ
ﻧﺒﺎﺡ ﺧﻠﺔ ﺻﺮﻳﺨﻨﺎ ﺍﻧﻲ ﻭﻣﺸﻤﺶ ﻟﻠﺴﺘﺎﺭ
ﻋﺰﺓ ﻭﺍﻧﻲ ﻣﻦ ﻛﺪ ﺍﻟﺨﺮﻋﺔ ﻭﻛﻌﺖ ﻣﻦ ﺍﻳﺪﻱ ﻃﺒﻘﺔ ﺍﻟﺒﻴﺾ ﺍﺑﺎﻭﻉ ﺍﺩﻭﺭ ﻋﻠﻰ ﻣﺸﻤﺶ ﻣﺎ ﻟﻜﻴﺖ ﺑﺲ ﻓﺮﺩﺓ ﻧﻌﺎﻟﻬﺎ ﺭﻓﻌﺖ ﺭﺍﺳﻲ ﻭﺟﺎﻥ ﺍﻟﻜﺎﻫﺔ ﻓﺎﺗﺤﺔ ﺑﺎﺏ ﺑﻴﺘﻨﺎ ﻭﺩﺍﺧﻠﺔ ﻭﻋﺎﻳﻔﺘﻨﻲ
.. ﻳﺎﻋﻴﻨﻲ ﺩﺭﺏ ﺍﻟﻔﻠﺘﺔ ﻋﻠﻰ ﺧﺎﻟﺘﻬﺎ
.. ﺳﻜﺘﻮﺍ ﻭﺍﻧﻲ ﺍﺧﺘﻜﻢ ﺿﺤﻰ ﻣﻦ ﺣﺮﻛﺔ ﻛﻠﺒﻲ
ﺭﺣﺖ ﺩﻛﻴﺖ ﺍﻟﺒﺎﺏ ﻋﻠﻰ ﺑﻴﺖ ﺍﻟﺠﻮﺍﺭﻳﻦ ﻭﺟﺎﻥ ﻳﻄﻠﻌﻠﻲ
ﺭﺟﺎﻝ ﻛﻴﻮﺕ ﻓﺪﻳﺘﻪ ﺟﺒﻴﺮ ﺑﺎﻟﻌﻤﺮ
ﻛﻠﻲ .. ﺗﻔﻀﻠﻲ ﻋﻤﻮ ﺍﻣﺮ ﺧﺪﻣﺔ
ﻫﻲ ﺍﻟﻤﺸﻜﻠﺔ ﻣﺠﺮﺩ ﻣﺎ ﺗﺸﻮﻓﻴﻦ ﻭﺟﻬﻪ ﺍﻟﺴﻤﺢ ﻭﺑﺸﺎﺷﺔ ﺍﺑﺘﺴﺎﻣﺘﻪ
ﺗﻠﻘﺎﺋﻴﺎ . ﺗﺨﺠﻠﻴﻦ ﺗﺘﻌﺎﺭﻛﻴﻦ
ﻭﺍﻧﻲ ﻛﺒﻞ ﻣﻦ ﻣﻨﻔﻮﺧﺔ ﺍﺭﻳﺪ ﺍﺗﻌﺎﺭﻙ ﺭﺍﺳﺎ ﻓﺸﻴﺖ ﻣﺜﻞ ﺍﻟﻨﻔﺎﺧﺔ
ﻭﺍﺑﺘﺴﻤﺖ ﺑﻮﺟﻬﻪ
ﻭﻛﻠﺘﻠﻪ
.. ﻋﻤﻮ ﺍﺣﺐ ﺍﺷﻜﺮﻛﻢ ﻋﻠﻰ ﻫﺬﺍ ﺍﻟﻜﻠﺐ ﺍﻟﺮﺍﺋﻊ ﺍﻟﺤﻠﻮ
ﻻﻥ ﺑﺎﻟﺤﻘﻴﻘﺔ ﻣﺴﻮﻳﻠﻨﺎ ﺟﻮ ﺍﻛﺸﻦ ﻭﻣﺘﺮﻗﺐ ﺑﺎﻟﺸﺎﺭﻉ
ﻭﺍﻟﺸﺎﻫﺪ ﻃﺒﻘﺔ ﺍﻟﺒﻴﺾ
ﺑﺎﻭﻉ ﻋﻠﻴﺔ ﻭﺍﺑﺘﺴﻢ . .. ﻋﻤﻮ ﻟﺘﺨﺎﻓﻴﻦ ﺗﺮﺓ ﺑﺲ ﻳﻨﺒﺢ ﻣﺎ ﻳﻌﺾ .
ﺗﺮﺩﻳﻦ ﺍﻧﺰﻟﻪ ﺗﺸﻮﻓﻨﻪ ﺷﻠﻮﻥ ﺣﺒﺎﺏ
ﻣﺮﻳﻢ .. ﻋﺰﺓﺓ ﻫﻬﻬﻬﻬﻬﻬﻬﻬﻬﻪ ﺷﻨﻮ ﺟﺎﻭﺑﺘﻴﻪ
ﻫﻮ ﺍﻧﻲ ﻛﺎﻝ ﻫﻴﺞ ﻭﺟﺎﻥ ﺍﻟﺮﺟﺎﻝ ﻣﺎ ﻳﺸﻮﻑ ﺑﺎﻟﺒﺎﺏ ﻏﻴﺮ ﺑﺲ ﻓﺮﺩﺓ ﻧﻌﺎﻟﻲ
ﺻﺮﺕ ﻣﺜﻞ ﻣﺸﻤﺶ ﺩﺭﺏ ﺍﻟﻔﻠﺘﺔ
ﻣﻦ ﺍﻟﺨﻮﻑ
ﺧﻠﺼﻨﺎ ﺍﻟﻐﺪﺓ ﻭﻛﻌﺪﺕ ﻭﻳﺔ ﺍﻟﺒﻨﺎﺕ
ﺷﻴﻤﺎﺀ .. ﺷﻨﻮ ﺷﻮﻛﺖ ﺗﺒﻠﺸﻴﻦ ﺗﺪﺍﻭﻣﻴﻦ ﺑﺎﻟﻜﻠﻴﺔ
.. ﺍﻻﺳﺒﻮﻉ ﺍﻟﺠﺎﻱ ﺍﻥ ﺷﺎﺀ ﺍﻟﻠﻪ
ﺿﺤﻰ .. ﺍﻱ ﻭﻟﺞ ﺩﺍﻭﻣﻲ ﺍﺣﺴﻨﻠﺞ
ﺳﻤﻌﺖ ﻣﻦ ﺷﻴﻤﺎﺀ ﺗﺮﺩﻳﻦ ﺗﺒﻄﻠﻴﻦ
......
ﻭﺍﻟﻠﻪ ﻟﻮ ﺍﻧﻲ ﻣﻨﺞ ﺍﻛﻤﻞ ﻭﺍﺧﺬ ﺷﻬﺎﺩﺗﻲ
ﻭﻻ ﺍﻛﻌﺪ ﺑﺎﻟﺒﻴﺖ ﻭﺍﻟﻠﻪ ﺍﻟﺸﻬﺎﺩﺓ ﺗﺎﺝ ﻋﻠﻰ ﺭﺍﺱ ﺍﻟﻤﺮﺍﺀﺓ ﻭﺣﻤﺎﻳﺔ
ﻫﺎﻱ ﺍﻧﻲ ﻛﺪﺍﻣﺞ ﻣﺜﻞ ﺍﻟﻌﻮﺑﺔ ﺿﻴﻌﺖ ﺍﻻﻭﻝ ﻭﺍﻟﺘﺎﻟﻲ
ﻓﻠﺴﺖ ﻣﻦ ﺩﺭﺍﺳﺘﻲ ﻭﻋﻔﺘﻬﺎ
ﻣﺮﻭﺓ .. ﺍﻱ ﺻﺪﻙ ﺿﺤﻰ ﺍﻧﺘﻲ ﻟﻴﺶ ﻣﺎ ﺗﺮﺟﻌﻴﻦ ﺗﻜﻤﻠﻴﻦ ﺗﺪﺭﺳﻴﻦ ﺳﺎﺩﺱ ﺧﺎﺭﺟﻲ
ﺿﺤﻰ .. ﻻ ﻣﺎ ﺍﺗﻮﻗﻊ ﺍﺩﺑﺮﻫﺎ ﺑﻌﺪ ﻛﻞ ﻫﺎﻱ ﺍﻟﺴﻨﻴﻦ
ﺗﺎﺭﻛﺔ ﺍﻟﺪﺭﺍﺳﺔ .
ﻣﺮﻳﻢ .. ﻻ ﺿﺤﻰ ﺍﻧﺖ ﺑﺲ ﺭﺍﺡ ﺗﺮﺟﻌﻴﻦ ﺗﻘﺮﻳﻦ ﻫﻲ ﺫﺍﻛﺮﺗﺞ ﺗﺮﺟﻊ ﺗﻠﻘﺎﺋﻴﺎً ﻭﺑﺎﻟﺘﺪﺭﻳﺞ ﺗﺼﻴﺮﻳﻦ ﺗﺘﺬﻛﺮﻳﻦ ﻛﻠﺸﻲ
ﻋﻠﻰ ﻓﻜﺮﺓ ﺍﻟﻤﻌﻬﺪ ﺍﻟﻲ ﺟﻨﺖ ﺍﺧﺬ ﺑﻲ ﺩﻭﺭﺱ ﺗﻘﻮﻳﺔ
ﻭﺷﻔﺖ ﻫﻮﺍﻱ ﻃﻼﺏ ﻭﻃﺎﻟﺒﺎﺕ ﺩﻳﺪﺭﺳﻮﻥ
ﺳﺎﺩﺱ ﺧﺎﺭﺟﻲ
ﺷﻴﻤﺎﺀ .. ﺍﺫﺍ ﺗﺮﺩﻳﻦ ﺣﺘﻰ ﺍﺳﺄﻟﺞ ﻋﻨﻪ ﻭﺷﻠﻮﻥ
ﻳﺮﺗﺒﻮﻥ ﺍﻟﺪﻭﺭﺍﺕ .
ﻣﺮﻭﺓ .. ﻫﺎﻱ ﻫﻲ ﺷﻴﻤﺎﺀ ﺳﺄﻟﻲ ﻭﺷﻮﻓﻲ ﺷﻜﺪ ﺗﻜﻠﻒ ﻭﺍﻧﻲ ﻋﻠﻴﺔ ﺍﻟﻔﻠﻮﺱ
ﺿﺤﻰ ﻋﻴﻮﻧﻬﺎ ﻟﻤﻌﺖ ﻭﻛﺎﻟﺖ ﻣﺘﺮﺩﺩﺓ
.. ﺑﻨﺎﺕ ﺧﺎﻑ ﺍﻓﺸﻞ ﻭﻓﻠﻮﺳﻜﻢ ﺗﺮﻭﺡ ﻋﺎﻟﺨﺎﻟﻲ ﺑﻼﺵ
ﻣﺮﻭﺓ ﺑﻌﺪﻡ ﻣﺒﺎﻻﺓ ﻟﻜﻼﻡ ﺿﺤﻰ
ﺑﺎﻭﻋﺖ ﻟﻠﺴﺎﻋﺔ ﻭﻛﺎﻟﺖ ﻳﺎﻟﻠﻪ ﺍﻧﻲ ﺻﺎﺭ ﻻﺯﻡ ﺍﺭﻭﺡ
ﻛﺒﻞ ﺍﺗﺬﻛﺮﺕ ﻣﻮﺿﻮﻉ ﻫﺸﺎﻡ ﻭﻣﺮﻳﻢ
ﻗﺒﻞ ﻻ ﺗﺮﻭﺡ ﻣﺮﻭﺓ ﻭﺧﺎﻑ ﻣﺎ ﺍﻟﺤﻚ ﻋﻠﻴﻬﺎ ﻣﻦ ﺗﺮﺟﻊ
ﻭﺍﻟﻠﻪ ﺍﺫﺍ ﺍﺭﺟﻊ ﻟﻠﺒﻴﺖ ﻭﻣﺎ ﺣﺎﺟﻴﺔ ﺍﻟﻤﻮﺿﻮﻉ ﻫﺸﺎﻡ ﻳﺎﻛﻞ ﻛﻠﺒﻲ
.. ﻣﻐﻮﺓ ( ﻣﺮﻭﺓ ) ﻟﺤﻈﺔ ﻗﺒﻞ ﻻ ﺗﻐﻮﺣﻴﻦ ( ﺗﺮﻭﺣﻴﻦ )
ﻋﻨﺪﻱ ﻣﻮﺿﻮﻉ ﻭﻳﺎﻛﻢ ﻛﻠﺶ ﻣﻬﻢ
ﻣﺮﻭﺓ ﺑﺎﻭﻋﺖ ﻟﻠﺴﺎﻋﺔ ﻭﻛﺎﻟﺖ
.. ﻋﻨﺪﻱ ﻧﺺ ﺳﺎﻋﺔ ﺭﺟﻌﺖ ﻛﻌﺪﺕ
ﻭﻛﺎﻟﺖ .. ﺷﻨﻮ ﻣﻮﺿﻮﻋﺞ
ﺑﺎﻭﻋﺖ ﻟﻤﺮﻳﻢ ﻭﻛﻠﺘﻠﻬﺎ
.. ﻣﻐﻴﻮﻣﺔ ( ﻣﺮﻳﻮﻣﺔ ) ﺍﺧﺬﻱ ﻣﺸﻤﺶ ﻭﻃﻠﻌﻲ
ﺍﺍﻏﻴﺪ ( ﺍﺭﻳﺪ ) ﺍﺣﺠﻲ ﻭﻳﺔ ﺍﻟﺒﻨﺎﺕ
ﻣﺎ ﺍﺭﻳﺪ ﺍﺣﺠﻲ ﻛﺪﺍﻡ ﻣﺮﻳﻢ ﺍﺭﻳﺪ ﺣﺘﻰ ﻻ ﺍﺷﻐﻞ ﺑﺎﻟﻬﺎ
ﺑﺎﻻﻭﻝ ﺍﺧﺬ ﺭﺃﻱ ﺧﻮﺍﺗﻲ ﺍﻟﻜﺒﺎﺭ ﻭﺑﻌﺪﻳﻦ ﻣﺮﻳﻢ ﺍﺧﺬ ﺭﺃﻳﻬﺎ ﻟﻮﺣﺪﻫﺎ
ﻫﻢ ﺣﺘﻰ . ﻣﺎ ﺗﺨﺠﻞ ﺍﻭ ﺗﺴﺘﺤﻲ ﻛﺪﺍﻡ ﺍﻟﺒﻨﺎﺕ
ﻃﻠﻌﺖ ﻣﺮﻳﻢ ﻫﻲ ﻭﻣﺸﻤﺶ
ﻭﺍﻧﻲ ﺑﺎﻭﻋﺖ ﻟﻠﺒﻨﺎﺕ ﻭﻛﻠﺘﻠﻬﻢ ﻋﻦ ﻛﻼﻡ ﺍﻡ ﻗﺎﺳﻢ
ﻭﻃﻠﺐ ﻫﺸﺎﻡ . ﻭﺭﺍﻱ ﻗﺎﺳﻢ ﺑﺎﻟﻤﻮﺿﻮﻉ
ﻣﺮﻭﺓ ﺑﺎﻭﻋﺖ ﻭﺷﻴﻤﺎﺀ
ﺷﻴﻤﺎﺀ ﻛﺎﻟﺖ .. ﺑﺎﻟﺤﻘﻴﻘﺔ . ﻫﺸﺎﻡ ﺭﺟﺎﻝ ﻭﺍﻟﻨﻌﻢ ﻣﻨﻪ
ﻭﻣﻦ ﻣﻮﻗﻔﻪ ﻫﻮ ﻭ ﻗﺎﺳﻢ
ﻋﻤﺮﻱ ﻣﺎ ﺭﺍﺡ ﺍﻧﺴﺎﻟﻪ ﻭﻛﻔﺘﻪ ﻭﻳﺎﻧﺎ
ﺑﺲ ﺑﺎﻟﺤﻘﻴﻘﺔ ﻣﺮﻳﻢ ﺑﻌﺪﻫﺎ ﺻﻐﻴﺮﺓ ﻳﻌﻨﻲ ﻛﻠﻬﺎ ﻋﻠﻰ ﺑﻌﻀﻬﺎ
١٧ ﺳﻨﺔ
ﺳﺎﻟﺘﻬﺎ ﺑﺎﺳﺘﻔﻬﺎﻡ
.. ﻳﻌﻨﻲ ﺷﻨﻮ ﺍﻛﻮﻟﻠﻬﻢ ﺍﻥ ﺷﻴﻤﺎﺀ ﻏﻔﻀﺖ ( ﺭﻓﻀﺖ )
ﺗﻜﻮﻝ ﺍﺧﺘﻲ ﺑﻌﺪﻫﺎ ﺻﻐﻴﻐﺔ ( ﺻﻐﻴﺮﺓ ) ﻋﺎﻟﺰﻭﺍﺝ
ﻣﺮﻭﺓ .. ﻻ ﻛﻠﻴﻠﻬﻢ ﺍﻟﺒﻨﺎﺕ ﻳﻜﻮﻟﻮﻥ . ﻣﺮﻳﻢ ﺗﻜﻤﻞ ﺩﺭﺍﺳﺘﻬﺎ
ﻳﺎﻟﻠﻪ ﺗﺘﺰﻭﺝ ﻋﻠﻰ ﺍﻻﻗﻞ ﺗﺨﻠﺺ ﺻﻒ ﺍﻟﺴﺎﺩﺱ ﻳﺎﻟﻠﻪ
ﺍﻣﺎ ﺣﺎﻟﻴﺎً ﻓﻤﺴﺘﺤﻴﻞ
.. ﻳﻌﻨﻲ ﺍﻛﻮﻝ ﻟﻬﺸﺎﻡ ﻏﻔﻀﻮﻙ ( ﺭﻓﻀﻮﻙ )
ﻣﺮﻭﺓ .. ﻭﻣﻨﻮ ﻛﻠﺞ ﺍﺣﻨﺎ ﺭﻓﻀﻨﺎ ﻫﺸﺎﻡ
ﺍﺣﻨﺎ ﺭﺍﻓﻀﻴﻦ ﻧﺰﻭﺝ ﺍﺧﺘﻨﺎ . ﻫﺴﺔ
ﺗﺮﺓ ﺍﻛﻮ ﻓﺮﻕ ﺑﻴﻦ ﺍﻟﺤﺎﻟﺘﻴﻦ
.. ﻭﺍﻟﻠﻪ ﺩﺧﺖ ﻳﺎ ﻣﻐﻮﺓ ( ﻣﺮﻭﺓ ) ﺷﻨﻮ ﺍﻟﺴﺎﻟﻔﺔ ﺍﻱ ﻟﻮﻻ
ﺷﻴﻤﺎﺀ .. ﻫﺪﻯ ﺧﻠﻴﻨﻲ ﺍﻧﺎ ﺍﺣﺠﻲ ﻭﻳﺔ ﺧﺎﻟﺔ ﺍﻡ ﻗﺎﺳﻢ
ﻭﺍﻓﻬﻤﻬﺎ ﺑﺎﻟﻤﻮﺿﻮﻉ
ﻭﻓﻌﻼ ﺷﻴﻤﺎﺀ ﺍﺗﺼﻠﺖ ﻋﻠﻰ ﺧﺎﻟﺔ ﺍﻡ ﻗﺎﺳﻢ
ﻭﺣﺠﺖ ﻭﻳﺎﻫﺎ ﻭﻛﻠﺘﻠﻬﺎ ﺑﻌﺪ ﺍﻟﺴﻼﻡ
.. ﺧﺎﻟﺔ ﺍﺣﻨﺎ ﻧﺘﺸﺮﻑ ﺑﻴﻜﻢ ﻭﺑﻨﺴﺒﻜﻢ
ﻭﺍﻟﺤﻘﻴﻘﺔ ﻣﺮﻳﻢ ﻟﻮ ﻣﺎﺧﺬﺓ ﺷﻬﺎﺩﺓ ﺍﻟﺴﺎﺩﺱ
ﺍﺣﻨﺎ ﺑﺎﻟﻨﺴﺒﺔ ﺍﻟﻨﺎ ﻣﺎﻋﺪﻧﺎ ﻣﺎﻧﻊ
ﺑﺲ ﻳﺒﻘﻰ ﺭﺍﻱ ﺍﻟﺒﻨﻴﺔ ﺍﻫﻢ ﺷﻲ ﻭﺍﺣﻨﺎ ﺑﺎﻟﻮﻗﺖ ﺍﻟﺤﺎﻟﻲ ﻣﻨﻜﺪﺭ ﻧﺴﺎﻟﻬﺎ
ﻭﻧﺨﻠﻲ ﻓﻜﺮﺓ ﺍﻟﺰﻭﺍﺝ ﺑﺮﺍﺳﻬﺎ ﺗﻠﻬﻴﻬﺎ ﻋﻦ ﺩﺭﺍﺳﺘﻬﺎ
......
ﺑﺲ ﻫﻲ ﺑﻌﺪﻫﺎ ﻫﺎﻟﺴﻨﺔ ﻳﺎﻟﻠﻪ ﺑﺼﻒ ﺍﻟﺨﺎﻣﺲ
ﺍﺗﻔﺎﺟﺌﻨﺎ ﺑﺄﻡ ﻗﺎﺳﻢ ﻛﺎﻟﺖ
.. ﻫﺬﺍ ﻣﻦ ﺣﻘﻜﻢ ﺍﺧﺘﻜﻢ ﺗﺮﺩﻭﻫﺎ ﺗﻜﻤﻞ
ﻭﻫﻮ ﻛﻠﺸﻲ ﻗﺴﻤﺔ ﻭﻧﺼﻴﺐ
ﺭﺑﻲ ﺍﺫﺍ ﻛﺎﺗﺒﻬﺎ ﻣﻦ ﻗﺴﻤﺔ ﻫﺸﺎﻡ ﻓﺘﺼﻴﺮﻟﻪ .
ﻟﻮ ﺍﺗﻌﺎﻭﻧﻮﺍ ﻋﺮﺏ ﻭﻋﺠﻢ .
ﻭﺍﺫﺍ ﺭﺑﺞ ﻣﺎ ﻗﺎﺳﻤﻠﻪ ﻳﺘﺰﻭﺟﻬﺎ ﻓﻼ ﺍﻋﺘﺮﺍﺽ ﻋﻠﻰ ﺣﻜﻤﻪ
ﻭﻫﺬﺍ ﻣﻘﺪﺭ ﻭﻣﻜﺘﻮﺏ
ﻧﻬﺖ ﺍﻻﺗﺼﺎﻝ ﻭﺑﺎﻭﻋﺖ ﻋﻠﻴﺔ ﻭﻛﺎﻟﺖ
.. ﺧﻠﺺ ﺣﺠﻴﺖ ﻭﻳﺎﻫﺎ ﻭﺧﺎﻟﺔ ﺍﻡ ﻗﺎﺳﻢ ﺍﻓﺘﻬﻤﺖ
ﻭﻗﺪﺭﺕ ﺍﻟﻤﻮﻗﻒ ﻭﺍﻟﻜﻼﻡ
ﺑﻌﺪ ﺍﻟﻤﻜﺎﻟﻤﺔ ﻫﺬﺍ ﺍﻟﻤﻮﺿﻮﻉ ﺍﻧﺴﺪ
ﻣﻮﺿﻮﻉ ﻫﺸﺎﻡ ﻭﻣﺮﻳﻢ ﻇﻞ ﻣﻌﻠﻖ
ﺍﻟﻰ ﺷﻌﺎﺭ ﺍﺧﺮ ﺑﺲ ﺑﻘﻰ
ﺭﺩ ﻫﺸﺎﻡ ﻭﻗﺎﺳﻢ ﺍﻟﻠﻪ ﻳﻌﻠﻢ ﺷﻠﻮﻥ ﺭﺍﺡ ﻳﻜﻮﻥ
ﺑﺎﻟﺤﻘﻴﻘﺔ ﺧﺎﻟﺔ ﺍﻡ ﻗﺎﺳﻢ ﺍﻧﺴﺎﻧﺔ ﻣﺘﻔﻬﻤﺔ ﻣﻮ ﻣﺜﻞ
ﺍﻭﻻﺩﻫﺎ . ﻋﻨﺪﻫﻢ ﺍﻟﺤﻴﺎﺓ . ﻟﻮ ﺍﺑﻴﺾ ﻟﻮ ﺍﺳﻮﺩ
ﺭﺍﺣﺖ ﻣﺮﻭﺓ ﻭﺍﺧﺬﺕ ﻭﻳﺎﻫﺎ ﺷﻴﻤﺎﺀ ﻟﻠﻤﺮﻛﺰ
ﻭﺑﻘﻴﻨﺎ ﺍﻧﻲ ﻭﺿﺤﻰ ﻭﻣﺮﻳﻢ
ﻣﺮﻳﻢ .. ﺍﻛﻮﻝ ﻫﺪﻯ ﻫﺬﺍ ﺣﻤﺎﺝ ﻫﺸﺎﻡ ﻃﺒﻴﻌﻲ
ﺑﺎﻭﻋﺖ ﻟﻀﺤﻰ ﻭﺳﺄﻟﺘﻬﺎ
.. ﺍﻱ ﺍﻛﻴﺪ ﻃﺒﻴﻌﻲ ﻟﻴﺶ ﺗﺴﺄﻟﻴﻦ
.. ﺑﻌﺮﺱ ﺻﻬﻴﺐ ﻣﺎ ﺷﻔﺘﻲ ﺷﻨﻮ ﺳﻮﺓ ﺑﻴﺔ ﻟﻤﺎ ﺍﺗﺄﺧﺮﻭﺍ ﺍﻟﺒﻨﺎﺕ ﻋﻠﻴﺔ
ﻛﻠﻴﻠﻪ ﻣﺮﺓ ﺛﺎﻧﻴﺔ ﺧﻠﻲ ﻳﻠﺰﻡ ﺍﻋﺼﺎﺑﻪ ﻫﻮ ﻣﻮ ﻭﻟﻲ ﺍﻣﺮﻱ
ﺗﺮﺓ ﺍﻧﻲ ﻣﻜﻠﺖ ﻟﺸﻴﻤﺎﺀ ﻭﻣﺮﻭﺓ ﻋﻠﻴﻪ ﻣﺎ ﺣﺒﻴﺖ ﺍﺳﻮﻳﻠﺞ
ﻣﺸﺎﻛﻞ ﻭﻳﺔ ﻋﻴﺎﻟﺞ
ﻫﻲ ﺗﺤﺠﻲ ﻋﻦ ﻫﺸﺎﻡ ﻭﺍﻟﺨﺪﻭﺩ ﺻﺎﺭﻭﺍ ﺣﻤﺮ
.. ﺍﻣﻤﻢ ﻳﻌﻨﻲ ﻫﺸﺎﻡ ﻣﺼﻴﺢ ﻋﻠﻴﺞ ﻭﻣﺒﺠﻴﺞ ﻫﻢ
.. ﺍﻱ
.. ﻟﻌﺪ ﺧﻼﺹ ﺍﻟﻴﻮﻡ ﺍﻻ ﺍﺧﻠﻲ ﻗﺎﺳﻢ ﻳﺴﻠﺤﻪ
ﺷﻠﻮﻥ ﻳﺘﺠﻐﺄ ( ﻳﺘﺠﺮﺀ ) ﻋﻠﻰ ﺍﺧﺘﻲ ﺍﻧﺎ ﺍﻋﻠﻤﻪ ﺑﺴﻴﻄﺔ
ﻣﺮﻳﻢ ﺑﺘﺮﺩﺩ .. ﻻﻻ ﻻ ﻫﺪﻯ ﻣﻴﺤﺘﺎﺝ ﻋﻮﻓﻲ ﻫﺎﻟﻤﺮﺓ
ﺳﻤﺎﺡ
.. ﻻ ﻻ ﻫﺎﻱ ﻫﻲ ﺍﺑﺪ ﺍﻟﻴﻮﻡ ﻟﻮ ﺍﻧﻲ ﻟﻮ ﻫﻮ ﺑﺎﻟﺒﻴﺖ
.. ﻻ ﻋﻔﻴﺔ ﻫﺪﻯ ﺧﻄﻴﺔ
.. ﺍﻻ ﺍﺧﻠﻲ ﻗﺎﺳﻢ ﻳﺤﻄﻠﻪ ﺣﺪ
.. ﻟﺞ ﻫﺪﻯ ﻫﻮ ﻻﻥ ﺣﺮﻳﺺ ﻋﻠﻴﺔ ﻫﻴﺞ ﺳﻮﺓ ﻣﻴﺮﻳﺪ
ﺍﺑﻘﻰ ﺑﺮﺓ ﻭﺍﻛﻔﺔ ﺗﺮﺓ ﻫﻮ ﺧﻄﻴﺔ ﻣﻴﺴﺘﺎﻫﻞ ﺗﺤﺠﻴﻦ ﻋﻠﻴﻪ
ﺍﺑﺎﻭﻉ ﻟﻀﺤﻰ ﻭﻏﻤﺰﺗﻠﻬﺎ
ﻻﺣﻈﻨﺎ ﺍﻫﺘﻤﺎﻡ ﻣﺮﻳﻢ ﺑﻬﺸﺎﻡ ﻣﻦ ﻏﻴﺮ ﻣﺎ ﺗﻨﺘﺒﻪ ﻋﻠﻰ ﻧﻔﺴﻬﺎ
ﻣﺮﺍﺕ ﺍﺑﺎﻭﻉ ﻋﻠﻴﻬﺎ ﺗﻜﺴﺮ ﺧﺎﻃﺮﻱ ﻫﻲ ﺍﻟﻮﺣﻴﺪﺓ ﺑﻴﻨﺎ
ﻣﺸﺎﻓﺖ ﺍﻣﻲ ﻭﻻ ﻟﺤﻜﺖ ﻋﻠﻰ ﺣﻨﺎﻧﻬﺎ
ﻭﻛﻼﻡ ﻣﺮﻭﺓ ﻭﺷﻴﻤﺎﺀ ﻛﺎﻥ ﺑﻤﺤﻠﻪ
ﺧﻠﻴﻬﺎ ﻋﻠﻰ ﺍﻻﻗﻞ ﺗﺎﺧﺬ ﺷﻬﺎﺩﺓ ﺍﻟﺴﺎﺩﺱ ﻭﺍﻟﻠﻪ ﻛﺮﻳﻢ
ﻭﻫﻲ ﺑﻌﺪﻳﻦ ﺗﻘﺮﺭ ﻣﺼﻴﺮﻫﺎ ﻭﺣﻴﺎﺗﻬﺎ
ﺭﺟﻌﺖ ﻟﺒﻴﺘﻨﺎ ﻭﻳﺔ ﻗﺎﺳﻢ ﺍﻟﻲ ﺟﺎﻥ ﻣﺪﺧﻦ ﻣﺎ ﺍﻋﺮﻑ ﺷﺒﻲ
ﻭﺧﻠﺼﻬﺎ ﻋﻠﻴﺔ ﻛﻠﻬﺎ ﻣﻜﺎﻟﻤﺎﺕ ﺑﺲ ﺍﻟﻲ ﺍﻓﺘﻬﻤﺘﻪ
ﺍﻥ ﻫﻮ ﻣﻌﺼﺐ ﻋﻠﻰ ﺷﻐﻠﻪ
ﺍﺳﻤﻌﻪ ﻳﻜﻮﻝ ﺍﺫﺍ ﺗﺪﺧﻞ ﻃﺮﻑ ﺛﺎﻟﺚ ﻭﻳﺎﻧﺎ ﺑﺎﻟﻤﻨﺎﻗﺼﺔ ﺭﺍﺡ
ﻧﻔﻠﺲ ﻣﻨﻬﺎ
ﻋﻔﺘﻪ ﺍﺗﻤﻨﻴﺖ ﺍﺳﺄﻟﻪ ﺭﺍﺡ ﻟﺮﺍﺋﺪ ﻭﺷﻨﻮ ﺣﺠﺔ ﻭﻳﺎﻩ
ﺭﻓﻌﺖ ﺭﺍﺳﻲ ﻟﻠﺴﻤﺎﺀ ﻭﺻﺮﺕ ﺍﻧﺪﻋﻲ ﻣﻦ ﺭﺑﻲ ﻳﺴﺘﺮﻧﻲ
ﻭﻳﺤﻔﻆ ﺑﻴﺘﻲ ﻣﻦ ﺍﻟﺨﺮﺍﺏ
ﻣﺮﺕ ﺍﻻﻳﺎﻡ ﻭﺑﺪﺍ ﺍﻟﺪﻭﺍﻡ ﻭﺍﻟﺘﻬﻴﺖ ﺑﻜﻠﻴﺘﻲ
ﻭﻗﺎﺳﻢ
ﺟﺎﻥ ﻫﺬﺍ ﻛﻞ ﻋﺎﻟﻤﻲ ﺍﻧﻲ ﻭﻫﺎﻟﺔ ﺍﻟﻌﻢ ﺣﺴﻨﻴﻦ ﻫﻮ ﻳﻮﺻﻠﻨﺎ ﺳﻮﻳﺔ
ﺑﺎﻟﻜﻠﻴﺔ ﺍﻟﺘﻘﻴﺖ ﺑﻔﻄﻮﻣﺔ ﺻﺪﻳﻘﺘﻲ
ﺍﻭﻝ ﻣﺎ ﻭﺻﻠﺖ ﻟﻠﻜﻠﻴﺔ ﻛﺒﻞ ﺭﺣﺖ ﻋﻠﻴﻬﺎ ﻟﻘﺴﻤﻬﺎ
ﻫﻲ ﺷﺎﻓﺘﻨﻲ ﻭﺍﺟﺘﻲ ﺗﺮﻛﺾ
ﻳﻤﺔ ﺣﻄﻴﺘﻬﺎ ﺑﻀﻠﻮﻋﻲ ﻣﻦ ﺍﻟﺤﻀﻨﺔ
.....
ﻟﺞ ﻫﺪﻯ ﻟﻮ ﺗﺪﺭﻳﻦ ﺷﻜﺪ ﻣﺸﺘﺎﻗﺘﻠﺞ ﻳﺎ ﺑﺬﺍﺗﺔ
.. ﺣﺘﻰ ﺍﻧﻲ ﻭﺍﻟﻠﻪ ﻭﻋﻨﺪﻱ ﻛﻮﻣﺔ ﺣﺠﻲ ﻣﺨﺰﻧﺘﻪ
.. ﺍﻧﻲ ﻋﻨﻲ ﻛﻞ ﻳﻮﻡ ﺍﺣﺠﻲ ﻭﻳﺎﺝ ﺑﺎﻟﻮﺍﺗﺲ ﺍﺏ ﻭﻣﺎﺧﺬﺓ ﺭﺍﺣﺘﻲ ﻭﺗﻌﺮﻓﻴﻦ ﻛﻞ ﺍﺧﺒﺎﺭﻱ
ﺑﺲ ﺍﻧﺘﻲ ﺧﻄﻴﺔ ﻣﺘﻜﺪﺭﻳﻦ ﺗﺎﺧﺬﻳﻦ ﺭﺍﺣﺘﺞ ﺑﺎﻟﻜﻼﻡ
.. ﺍﻱ ﻭﺍﻟﻠﻪ ﺻﺪﻙ ﻣﺎ ﺍﻛﺪﻍ ( ﻣﺎﺍﻛﺪﺭ ) ﺍﺣﺠﻲ ﺍﻱ ﺷﻲ ﻋﻦ ﺍﻟﻲ ﺑﻜﻠﺒﻲ
ﺑﺲ ﺍﻟﺞ ﺍﻧﺘﻲ
ﺣﺘﻰ ﺧﻮﺍﺗﻲ ﻣﺎ ﺍﺣﺠﻴﻠﻬﻢ ﺷﻲ
.. ﺍﻱ ﺻﺪﻙ ﺍﻧﺎ ﺫﺍﻙ . ﺍﻟﻴﻮﻡ ﻛﻠﺸﻲ ﻣﺎ ﺍﻓﺘﻬﻤﺖ
ﻣﻨﺞ ﺑﺎﻟﻤﺤﺎﺩﺛﺔ ﺑﺲ ﻛﻠﻤﺔ ﺧﺎﻳﻔﺔ ﻭﺍﻧﺪﻋﻴﻠﻲ ﻛﻮﻥ ﺭﺑﻲ
ﻳﻌﺪﻳﻬﺎ ﻋﻠﻰ ﺧﻴﺮ ﻭﻳﺴﺘﺮﻧﻲ
ﺷﻨﻮ ﺷﺼﺎﻳﺮ ﻭﻳﺎﺝ
.. ﻟﺞ ﻓﺎﻃﻤﺔ ﻏﺎﺋﺪ ( ﺭﺍﺋﺪ )
ﻓﺎﻃﻤﺔ ﻣﺴﺘﻐﺮﺑﺔ .. ﺭﺍﺋﺪ .. ﺭﺍﺋﺪ؟؟
ﺳﺄﻟﺘﻨﻲ ﺑﺘﺄﻛﻴﺪ
.. ﺍﻱ ﻏﺎﺋﺪ ( ﺭﺍﺋﺪ ) ﺍﺑﻦ ﺍﻟﻤﺨﺘﺎﻍ ( ﺍﻟﻤﺨﺘﺎﺭ ) ﺷﺒﻴﺞ
ﻣﺎ ﺗﺘﺬﻛﻐﻴﻦ ( ﻣﺎﺗﺘﺬﻛﺮﻳﻦ )
.. ﺍﻱ ﻫﺬﺍ ﺍﻟﻲ ﺟﻨﺘﻲ ﻣﻌﺠﺒﺔ ﺑﻲ ﻣﻦ ﺟﻨﺘﻲ ﺑﺼﻒ ﺍﻟﺴﺎﺩﺱ
ﺷﻠﻮﻥ ﺍﻧﺴﺎﻩ ﺍﺫﺍ . ﺍﻣﻪ ﺻﺪﻳﻘﺔ ﺍﻣﻲ ﻭﺍﺑﻮ ﺍﻟﻤﺨﺘﺎﺭ
ﺍﻱ ﻭﺷﺒﻲ ﺍﺳﺘﺎﺫ ﺭﺍﺋﺪ ﺷﺠﺎﺑﻪ ﻋﻠﻰ ﺣﻴﺎﺗﺞ
.. ﻟﺞ ﻓﺎﻃﻤﺔ ﺷﺒﻴﺞ ﺛﻮﻟﺔً ﻣﻮﻛﻠﺘﻠﺞ ﺍﻥ ﻏﺎﺋﺪ ( ﺭﺍﺋﺪ ) ﺻﺪﻳﻖ ﻗﺎﺳﻢ
ﻓﺎﻃﻤﺔ ﺿﺮﺑﺔ ﻋﻠﻰ ﻛﺼﺘﻬﺎ
.. ﺍﻫﻮﻭﻭﻭ ﻫﺎﻱ ﺷﻠﻮﻥ ﻓﺎﺗﺘﻨﻲ
ﺻﺪﻙ ﻫﻤﺔ ﺍﺻﺪﻗﺎﺀ ﻣﻦ ﺍﻟﻄﻔﻮﻟﺔ
ﺯﻳﻦ ﺷﻨﻮ ﺍﻟﺠﺪﻳﺪ ﻭﺍﻧﺘﻲ ﻫﻴﺞ ﻫﺴﺔ ﻛﺎﻟﺒﺔ ﺍﻟﺪﻧﻴﺎ ﺷﻨﻮ ﺑﺎﻟﻤﻮﺿﻮﻉ
.. ﻟﺞ ﻓﺎﻃﻤﺔ . ﺧﺎﻳﻔﺔ ﻗﺎﺳﻢ ﻳﻌﻐﻒ ( ﻳﻌﺮﻑ )
ﺑﺤﺒﻨﺎ ﺍﻟﻤﺼﺨﻢ ﺍﻧﻲ ﻭﻏﺎﺋﺪ ( ﺭﺍﺋﺪ ) ﻣﻦ ﺳﺎﻋﺔ ﺍﻟﺴﻮﺩﺓ ﺍﻟﻲ
ﺍﺗﻤﻐﻬﻘﺖ ( ﺍﺗﻤﺮﻫﻘﺖ ) ﻭﺣﺒﻴﺖ
ﻣﻦ ﺣﺒﻨﻲ ﺑﻐﺺ ( ﺑﺮﺹ ) ﺍﻥ ﺷﺎﺀ ﺍﻟﻠﻪ
ﻻ ﻳﺎﺍﻟﻬﻲ ﺍﻟﺒﻐﺺ ﺗﻠﻌﺐ ﻧﻔﺴﻲ ﻣﻨﻪ
ﻓﺎﻃﻤﺔ ﻭﻫﻲ ﺗﻀﺤﻚ ﻣﻦ ﻣﺨﺎﻭﻓﻲ
.. ﺍﻛﻮﻝ ﺍﻧﺘﻲ ﺷﻜﺪ ﺗﻌﻈﻤﻴﻦ ﺍﻻﻣﻮﺭ
ﺗﺮﺓ ﻋﺎﺩﻱ ﺍﻱ ﺑﻨﺒﺔ ﺑﻬﻴﺞ ﻋﻤﺮ ﺗﺘﻤﺮﻫﻖ ﻋﻠﻰ ﻛﻮﻟﺘﺞ ﺗﺤﺐ ﻭﺍﺣﺪ
ﻭﺍﻧﺘﻲ ﻣﺴﻮﻳﺘﻲ ﺷﻲ ﻏﻴﺮ ﺑﺲ ﺣﺒﻴﺘﻴﻪ
ﻭﻫﻮ ﺑﻜﻞ ﺣﻴﻮﻧﻪ ﺗﺮﻛﺞ ﺷﻜﻠﻪ ﺟﺎﻥ ﻳﺘﺤﺠﺞ
ﻭﻳﻦ ﺍﻟﻤﻌﻀﻠﺔ ﺑﺎﻟﻤﻮﺿﻮﻉ
.. ﺍﻱ ﺻﺤﻴﺢ ﻛﻼﻣﺞ ﺍﻏﻠﺐ ﺍﻟﺒﻨﺎﺕ
ﻳﻤﻐﻮﻥ ( ﻳﻤﺮﻭﻥ ) ﺑﻬﻴﺞ ﻋﻼﻗﺔ ﺣﺐ
ﺑﺲ ﻣﻮ ﻫﺪﻯ ﺍﻧﻲ ﺍﺧﺘﻠﻒ
ﻻﻥ ﻭﺻﻠﺖ ﻟﻠﺨﻄﻮﺑﺔ ﻭﻳﺔ ﻏﺎﺋﺪ ( ﺭﺍﺋﺪ ) ﻭﺍﻻﻋﻈﻢ ﻣﻦ ﻫﺬﺍ
ﺍﻥ ﻏﺎﺋﺪ ﺧﻐﺐ ( ﺭﺍﺋﺪ ﺧﺮﺏ ) ﻛﻞ ﺷﻲ ﻋﻠﻤﻮﺩ ﻋﻐﻒ ( ﻋﺮﻑ ) ﺑﻴﺔ
ﺟﻨﺖ ﺍﺷﺘﻐﻞ ﺑﻜﻮﻓﻲ ﺍﻭ ﻣﺜﻞ ﻣﺎ ﺍﻛﺘﺸﻔﺖ ﺑﻌﺪﻳﻦ ﻣﻠﻬﻰ
ﻟﺞ ﺍﻏﻴﺪ ( ﺍﺭﻳﺪ ) ﺍﻣﻮﺕ ﻣﻦ ﺍﻟﺨﻮﻑ
.. ﻫﺴﺔ ﻏﻴﺮ ﺗﻜﻮﻟﻴﻠﻲ ﻣﻨﻴﻦ ﺗﺨﺎﻓﻴﻦ
.. ﺍﺧﺎﻑ ﻗﺎﺳﻢ ﻳﻌﻐﻒ ( ﻳﻌﺮﻑ ) ﺑﺎﻟﻘﺼﺔ
ﻓﺎﻃﻤﺔ .. ﺍﻛﻠﺞ ﻭﺍﻟﻠﻪ ﺭﺍﺡ ﺗﺨﺒﻠﻴﻨﻲ ﺍﻧﺘﻲ ﻣﻮ ﻛﻠﺘﻲ
ﺍﻥ ﺭﺍﺋﺪ ﻣﺤﺎﺟﻴﻠﻪ ﺍﻱ ﺷﻲ ﻭﻻ ﺟﺎﻳﺒﻠﻪ ﻃﺎﺭﻱ ﺑﺎﻟﻤﻮﺿﻮﻉ
ﻭﺣﺘﻰ ﻣﻦ ﺗﺼﻴﺮ ﺍﻟﺼﺪﻑ ﻭﺗﻠﺘﻘﻮﻥ ﻳﺴﻠﻢ ﻋﻠﻴﺞ ﺣﺘﻰ ﻣﻴﺒﺎﻭﻉ ﺑﻮﺟﻬﺞ
.. ﺍﻱ ﺻﺤﻴﺢ
.. ﺑﻌﺪ ﺷﻜﻮ ﺣﺎﺭﻛﺔ ﺍﻟﺪﻧﻴﺎ ﻭﺧﺎﺑﺼﺘﻨﺎ
.. ﺣﻈﻲ ﺍﻋﻐﻔﻪ ﺗﺪﻏﻴﻦ ﻣﻐﺎﺭﺕ ( ﺍﻋﺮﻓﻪ . ﺗﺪﺭﻳﻦ ﻣﺮﺍﺕ )
ﻣﻦ ﺍﺳﻤﻊ ﻗﺎﺳﻢ ﻳﺤﺠﻲ ﻭﻳﺔ ﻏﺎﺋﺪ ﺑﺎﻟﻨﻘﺎﻝ . ﺍﺣﺲ ﺑﺎﻟﺬﻧﺐ
.. ﻟﻴﺶ ﺷﻜﻮ ﻳﺎﺳﺘﺎﺭ ﻟﻴﺶ ﺍﻧﺘﻲ ﺑﻌﺪﺝ ﺗﺤﺒﻴﻨﻪ ﻟﺮﺍﺋﺪ
.. ﻻﺍﺍﺍﺍ ﻳﺎﺑﺔ ﻳﺎﺣﺐ
ﺩﻛﻮﻟﻲ ﺍﺻﻼ ﻣﻦ ﺍﺷﻮﻓﻪ ﺍﻛﻮﻝ ﻟﻨﻔﺴﻲ
ﺍﻧﻲ ﺷﻨﻮ ﺟﻨﺖ ﺍﺣﺲ ﻭﺣﺒﻴﺘﻪ ﻟﻬﺬﺍ ﺍﻟﺸﺨﺺ
ﻣﻌﻘﻮﻟﺔ ﺍﻧﻲ ﺟﻨﺖ ﻟﻬﺎﻱ ﺍﻟﺪﻏﺠﺔ ( ﺍﻟﺪﺭﺟﺔ ) ﻋﻤﻴﺔ
ﺍﺻﻼ ﺣﺘﻰ ﺷﻜﻠﻪ ﻣﻮﺣﻠﻮ
ﻣﻐﺎﺕ ﺍﻗﺎﻏﻨﻪ ( ﻣﺮﺍﺕ ﺍﻗﺎﺭﻧﻪ ) ﻭﻳﺔ ﻗﺎﺳﻢ ﻓﺪﻳﺘﻪ
ﺍﻛﻮﻝ ﺷﻜﺪ ﻓﻐﻖ ( ﻓﺮﻕ ) ﺑﻴﻦ ﺍﻟﺜﻨﻴﻦ
ﻗﺎﺳﻢ ﻭﻳﻦ ﻳﺠﻨﻦ ﻓﺪﻳﺖ ﺍﺳﻤﻪ ﻳﻜﻔﻲ ﻋﻀﻼﺕ ﺻﺪﻏﻪ ( ﺻﺪﺭﻩ )
ﻫﺬﺍ ﻋﺒﺎﻟﻚ ﻗﻠﻢ ﺟﺎﻑ
......
ﻓﺎﻃﻤﺔ .. ﺍﻣﺪﺍﺝ ﻳﺎﻋﻮﺑﺔ ﻣﺎ ﺩﺍﻡ ﻛﻠﺘﻲ ﻗﺎﺳﻢ ﻳﺠﻨﻦ
ﺍﺫﻥ ﺍﻧﺘﻲ ﺗﺤﺒﻴﻨﻪ ﻭﻋﻤﻴﺎﻧﺔ ﻭﻃﺮﺷﺎﻧﺔ ﻭﺧﺮﺳﺎﻧﺔ ﻣﻦ ﺍﻟﺤﺐ
ﻻﻥ ﺍﺫﺍ ﻗﺎﺳﻢ ﺍﻻﻣﻠﺢ ﺣﻠﻮ ﺍﺫﻥ ﺍﻗﺮﻱ ﻋﻠﻰ ﺍﻟﺪﻧﻴﺎ ﺍﻟﺴﻼﻡ
.. ﻟﺞ ﻋﻮﺑﺔ ﻣﻮ ﺟﻨﺘﻲ ﻗﺒﻞ ﺗﺸﻮﻓﻲ ﻳﺨﺒﻞ ﻭﻣﺎﻛﻮ ﻣﻨﻪ
ﻻﺗﻌﻴﺒﻴﻦ ﻋﻠﻰ ﺯﻭﺟﻲ ﺍﻧﻄﻴﺞ ﻋﻴﻮﻧﻲ ﺗﺸﻮﻓﻴﻦ ﺑﻲ
.. ﻻ ﺣﺒﻴﺒﺘﻲ ﺷﻜﺮﺍ ﻣﺎ ﺍﺭﻳﺪ ﺧﻠﻴﻨﻲ ﻣﺤﺎﻓﻈﺔ ﻋﻠﻰ ﺳﻼﻣﺔ ﻋﻘﻠﻲ
.. ﺗﺪﻏﻴﻦ ( ﺗﺪﺭﻳﻦ ) ﻓﻄﻮﻣﺔ ﻣﻐﺎﺕ ( ﻣﺮﺍﺕ ) ﺍﻛﻮﻝ ﻟﻴﺶ ﻣﺎ ﺍﻋﺘﻐﻒ ( ﺍﻋﺘﺮﻑ )
ﻟﻘﺎﺳﻢ ﻋﻦ ﻋﻼﻗﺘﻲ ﺍﻟﻘﺪﻳﻤﺔ ﻭﻳﺔ ﻏﺎﺋﺪ ( ﻏﺎﺋﺪ )
ﻓﺎﻃﻤﺔ ﻓﺘﺤﺖ ﻋﻴﻮﻧﻬﺎ ﻋﻠﻰ ﻭﺳﻌﻬﻢ ﺑﻴﺔ ﻣﻨﺪﻫﺸﻪ
.. ﻟﺞ ﻋﺰﺓ ﺑﻌﻴﻨﺞ ﻋﻤﻲ ﻛﻌﺪﻱ ﻭﺳﻜﺘﻲ ﻭﺳﺘﺮﻱ
ﻋﻠﻰ ﺭﻭﺣﺞ
ﺗﺮﺓ ﻫﻴﺞ ﻣﻮﺍﺿﻴﻊ ﻣﺎ ﺗﻨﻄﺮﻕ ﺑﻴﻦ ﺍﻻﺯﻭﺍﺝ ﻻﻥ ﺗﺨﻠﻖ
ﺍﻟﻤﺸﺎﻛﻞ ﻭﺍﻟﺸﻚ ﻭﺗﺴﻠﺐ ﻣﻨﻜﻢ ﺍﻟﺜﻘﺔ .
ﻭﺧﻠﻲ ﺑﺒﺎﻟﺞ ﻣﺎﻛﻮ ﺭﺟﺎﻝ ﻳﺘﻘﺒﻞ ﻳﻌﺮﻑ ﺑﻤﺮﺗﻪ ﻋﻨﺪﻫﺎ ﻋﻼﻗﺔ ﻗﺒﻠﻪ
ﻭﻳﺴﻜﺖ
ﺍﻧﻲ ﻟﻮ ﻣﻨﺞ ﺍﺣﻤﺪ ﺍﻟﻠﻪ ﻭﺍﺷﻜﺮﻩ ﺍﻥ ﺭﺍﺋﺪ ﻃﻠﻊ ﺧﻮﺵ ﺭﺟﺎﻝ ﻭﻣﺎ ﺍﻧﻄﺔ ﺑﻴﺞ
.. ﻫﻮ ﺍﻧﻲ ﻟﻴﺶ ﺧﺎﻳﻔﺔ ﺍﺫﺍ ﻣﻮ ﻏﺎﺋﺪ ( ﺭﺍﺋﺪ ) ﻓﺄﻣﻪ ﻭﺍﺫﺍ ﻣﻮ ﺍﻣﻪ ﻓﺎﺧﺘﻪ
ﺧﺎﻑ ﻳﺤﺠﻮﻥ
.. ﺷﻮﻓﻲ ﺍﺫﺍ ﻋﻠﻰ ﺧﺎﻟﺔ ﺍﻡ ﺭﺍﺋﺪ ﻭﻟﻴﻠﻰ ﺍﻛﻮﻟﺞ ﺳﺪﺝ ﺍﻣﻴﻦ ﻟﺘﺨﺎﻓﻴﻦ ﻣﻴﺤﺠﻮﻥ ﻭﻣﺎ ﻳﺘﺠﺮﺋﻮﻥ ﻳﻔﺘﺤﻮﻥ ﺣﻠﻜﻬﻢ ﺑﺤﺮﻑ ﻭﺍﺣﺪ ﻣﻮ ﺧﻮﻓﺎً ﻣﻦ ﺭﺍﺋﺪ ﺍﻭ ﺣﺮﺻﺎً ﻋﻠﻰ ﺳﻤﻌﺘﺞ ﺍﻭ ﻋﻨﺪﻫﻢ . ﺧﻮﻑ ﺍﻟﻠﻪ ﺑﻴﻦ ﻋﻴﻮﻧﻬﻢ
.. ﻟﻌﺪ ﺷﻨﻮ ﺍﻟﺴﺒﺐ ﺍﻟﻲ ﻳﻤﻨﻌﻬﻢ
.. ﺍﻧﻲ ﺍﻛﻠﺞ ﺧﺎﻟﺔ ﺍﻡ ﺭﺍﺋﺪ ﺍﻣﺮﺍﺀﺓ ﺗﺤﺐ ﺍﻟﻤﻈﺎﻫﺮ ﻭﺍﻟﻌﻼﻗﺎﺕ ﺍﻻﺟﺘﻤﺎﻋﻴﺔ
ﻭﻣﺘﺤﺐ ﺗﺨﺴﺮ ﺍﻻﺷﺨﺎﺹ ﺍﻟﻲ ﻳﻜﻮﻧﻮﻥ ﺻﺎﺣﺒﻴﻦ ﻧﻔﻮﺫ .
ﻓﻬﻲ ﺍﺫﺍ ﻓﺘﺤﺖ ﺣﻠﻜﻬﺎ ﺑﺤﺮﻑ ﻭﺍﺣﺪ ﻗﺎﺳﻢ ﺭﺍﺡ ﺗﺨﺮﺏ ﻋﻼﻗﺘﻪ ﺑﺮﺍﺋﺪ
. ﻭﻣﻦ ﻏﻴﺮ ﺍﺟﺮﺍﺀﺍﺕ ﺍﻟﺰﻋﻞ ﻭﺍﻟﻐﻀﺐ
ﻭﺑﺎﻟﺘﺎﻟﻲ ﺍﻡ ﻗﺎﺳﻢ ﺗﺘﺒﻊ ﺍﺑﻨﻬﺎ ﻭﺍﻗﺎﺭﺏ ﻗﺎﺳﻢ ﻫﻮﺍﻱ ﺑﺎﻟﻤﻨﻄﻘﺔ
ﻓﺎﻛﻴﺪ ﺍﺫﺍ ﺗﺤﺠﻲ ﺭﺍﺡ ﺗﺨﺴﺮ ﻛﻞ ﺷﻲ .
ﻭﻫﻲ ﻣﺎ ﻣﺴﺘﻌﺪﺓ . ﺗﺘﻨﺎﺯﻝ ﻋﻦ ﺍﻟﻨﻔﻮﺫ ﻓﻲ ﺳﺒﻴﻞ ﺗﺄﺫﻳﺞ . ﻭﺍﻧﺘﻲ ﺍﺧﺮ ﻫﻤﻬﺎ
ﻭﺍﻟﻠﻪ ﻣﺎ ﺍﻋﺮﻑ ﺍﺗﻤﻨﻰ ﻳﻜﻮﻥ ﻛﻼﻣﺞ ﺻﺤﻴﺢ
ﻭﻳﻜﻮﻥ ﺧﻮﻓﻲ ﻧﺎﺑﻊ ﻣﻦ ﺍﺣﺴﺎﺳﻲ ﺑﺎﻟﺬﻧﺐ ﺍﺗﺠﺎﻩ ﻗﺎﺳﻢ
ﻓﺎﻃﻤﺔ .. ﻫﺴﺔ ﺑﺪﻟﻲ ﺍﻟﻤﻮﺿﻮﻉ ﻣﻐﺼﺘﻲ ﺑﻄﻨﻲ ﻭﻳﺎﺝ
ﻭﺧﺮﺑﺘﻲ ﻓﺮﺣﺘﻲ ﺣﻀﺮﻱ ﺭﻭﺣﺞ ﺍﻧﻲ ﻣﺎ ﺑﻘﺔ ﺷﻲ ﻋﻠﻰ ﻣﻬﺮﻱ .
ﺍﺭﻳﺪ ﻭﻛﻔﺘﺞ ﻭﻳﺎﻳﺔ ﺍﻧﻲ ﻣﺎﻋﻨﺪﻱ ﺍﺧﺖ ﻏﻴﺮﺝ .
.. ﺍﻥ ﺷﺎﺀ ﺍﻟﻠﻪ ﻣﻦ ﻋﻴﻮﻧﻲ . ﺣﺒﻴﺒﺘﻲ ﺗﺪﻟﻠﻴﻦ
ﻛﻢ ﻓﻄﻮﻣﺔ ﻋﻨﺪﻱ ﺍﻧﻲ
.. ﺍﻛﻮﻝ ﺻﺪﻙ ﺍﺗﺬﻛﺮﺕ ﻣﺎ ﻛﻠﺘﻴﻠﻲ ﺷﻨﻮ ﺻﺎﺭ ﺑﻤﻮﺿﻮﻉ ﻣﺮﻳﻢ ﺍﺧﺘﺞ ﻭﻫﺸﺎﻡ
ﺍﺧﺮ ﻣﺮﺓ ﻛﻠﺘﻴﻠﻲ . ﺍﻧﺘﻲ ﺗﺮﺩﻳﻦ ﺗﺤﺠﻴﻦ ﻭﻳﺔ ﺧﻮﺍﺗﺞ
.. ﺍﻱ ﺧﻮﺍﺗﻲ ﻛﺎﻟﻮﺍ ﺍﺣﻨﺎ ﻣﻨﺰﻭﺝ ﻣﺮﻳﻢ ﻫﺴﺔ
ﺍﻻ ﻣﻦ ﺗﺨﻠﺺ ﺳﺎﺩﺱ
.. ﺯﻳﻦ ﻭﻫﺸﺎﻡ ﻭﻋﻴﺎﻟﺞ ﺷﻨﻮ ﺟﺎﻥ ﺭﺩﻫﻢ
ﻋﻤﺘﻲ ﺍﺗﻔﻬﻤﺖ ﺍﻟﻤﻮﺿﻮﻉ ﻭﻗﺎﺳﻢ ﻳﻜﻮﻝ ﺧﻮﺍﺗﺞ ﻣﺘﻌﺎﻓﻴﺎﺕ
ﺗﺮﺓ ﺍﻟﻮﺍﺣﺪ ﻣﻮ ﻛﻞ ﻳﻮﻡ ﻳﺤﺼﻞ ﻫﻴﺞ ﻋﺮﻳﺲ
ﻣﻮ ﻻﻥ ﺍﺧﻮﻱ ﺑﺲ ﻫﺸﺎﻡ ﻟﻜﻮﺓ ﺭﺟﺎﻝ ﻣﺎ ﻳﺘﻔﻮﺕ
.. ﺍﻫﻮﻭﻭﻭ ﺷﻠﻮﻥ ﺳﺎﻟﻔﺔ ﻫﺎﻱ . ﺧﻮ ﻣﺎ ﺭﻓﺾ ﺧﻮﺍﻧﺞ ﺍﺛﺮ ﻋﻠﻰ ﻋﻼﻗﺘﺞ ﻭﻳﺔ ﻗﺎﺳﻢ
.. ﻻ ﻣﺎ ﺍﺛﺮ ﺑﺲ ﻛﻠﺘﻠﺞ ﺟﺎﻥ ﻫﺬﺍ ﺭﺩ ﻗﺎﺳﻢ
.. ﻭﺻﺎﺣﺐ ﺍﻟﺸﺄﻥ ﺷﻨﻮ ﻛﺎﻝ ﻣﻦ ﺿﺮﺑﻮﻩ ﺑﻮﺭﻱ
.. ﺑﺎﻟﺤﻘﻴﻘﺔ ﺍﻧﻲ ﺟﻨﺖ ﻳﻢ ﺧﻮﺍﺗﻲ . ﻭﺍﻟﻈﺎﻫﺮ ﺧﺎﻟﺘﻲ ﺣﺎﺟﻴﺔ ﻭﻳﺎﻩ . ﻭﻣﻔﻬﻤﺘﻪ
ﻻﻥ ﻭﺻﻠﺖ ﻟﻠﺒﻴﺖ ﺍﻟﻮﻟﺪ ﻣﺎ ﺷﻔﺘﻪ ﻣﺜﻞ ﺍﻟﻲ ﻣﻴﺮﻳﺪ ﻳﻠﺘﻘﻲ ﺑﻴﺔ
ﻟﺬﻟﻚ ﻣﺎ ﺣﺰﺭﺕ ﺭﺃﻳﻪ ﻫﻞ ﻳﺎ ﺗﺮﻯ ﻫﻮ ﺿﺎﻳﺞ ﻣﻨﻲ
ﺍﻭ ﺯﻋﻼﻥ ﻋﻠﻤﻮﺩ ﺭﻓﺾ ﺧﻮﺍﺗﻲ
......
ﺑﺲ ﺍﻟﺒﺎﺭﺣﺔ ﻭﺍﻧﻲ ﻧﺎﺯﻟﺔ ﺻﺎﺭ ﺑﻮﺟﻬﻲ ﺑﺎﻟﺼﺪﻓﺔ
ﻭﻛﻠﻲ ﻫﺪﻯ ﺑﻼ ﺯﺣﻤﺔ ﺍﻛﺪﺭ ﺍﺣﺠﻲ ﻭﻳﺎﺝ
ﻛﻠﺘﻠﻪ .. ﺍﺗﻔﻀﻞ ﻫﺸﺎﻡ ﻛﻮﻝ ﺍﺳﻤﻌﻚ
ﻛﺎﻝ .. ﻋﻨﺪﻱ ﺑﺲ ﺳﺆﺍﻝ ﻭﺍﺣﺪ ﻭﺍﺭﻳﺪﺝ ﺗﺠﺎﻭﺑﻴﻨﻲ . ﺑﺼﺮﺍﺣﺔ
.. ﺷﻨﻮ
.. ﺍﻟﻠﻪ ﻋﻠﻴﺞ ﻣﺮﻳﻢ ﺍﺧﺘﺞ ﺷﻨﻮ ﺟﺎﻥ ﺭﺩﻫﺎ
ﺑﺨﺼﻮﺹ ﻃﻠﺒﻲ
.. ﺍﺻﻼ ﻣﻐﻴﻢ ( ﻣﺮﻳﻢ ) ﻟﺤﺪ ﺍﻻﻥ ﻣﺘﻌﻐﻒ ( ﻣﺘﻌﺮﻑ ) ﺍﻧﺖ ﺟﺎﻱ ﻣﺘﻘﺪﻣﻠﻬﺎ
ﻟﻠﺰﻭﺍﺝ ﻭﻫﺬﺍ ﺍﻟﻐﻔﺾ ﺻﺪﻍ ﻣﻦ ﻣﺮﻭﺓ ﻭﺷﻴﻤﺎﺀ ( ﺍﻟﺮﻓﺾ ﺻﺪﺭ ﻣﻦ ﻣﺮﻭﺓ ﻭﺷﻴﻤﺎﺀ )
ﺍﺑﺎﻭﻉ ﻟﻬﺸﺎﻡ ﺿﻞ ﻳﺼﻔﻦ ﻭﻭﺟﻬﻪ ﺷﻮﻳﺔ ﻻﻥ
ﻣﻦ ﺑﻌﺪﻣﺎ ﺟﺎﻥ ﻋﺎﻛﺪ ﺍﻟﺤﻮﺍﺟﺐ ﺑﻐﻀﺐ ﻭﻏﻴﺾ
.. ﻳﻌﻨﻲ ﻣﺮﻳﻢ ﻣﺎ ﻋﻨﺪﻫﺎ ﺍﻱ ﻋﻠﻢ ﺑﺎﻟﺴﺎﻟﻔﺔ ﻛﻠﻬﺎ
.. ﺍﻱ ﻣﻐﻮﺓ ( ﻣﺮﻭﺓ ) ﻓﻀﻠﺖ ﺍﻥ ﻣﻨﻜﻮﻝ ﻟﻤﻐﻴﻢ ( ﻟﻤﺮﻳﻢ )
ﻻﻥ ﺑﻌﺪﻫﺎ ﺗﺪﻏﺲ ( ﺗﺪﺭﺱ ) ﻭﻣﺘﺤﺐ ﺗﺸﻐﻞ ﺗﻔﻜﻴﻐﻬﺎ ( ﺗﻔﻜﻴﺮﻫﺎ )
ﻋﻦ ﺩﻏﺎﺳﺘﻬﺎ ( ﺩﺭﺍﺳﺘﻬﺎ )
ﻭﺧﺼﻮﺻﺎ ﻣﻐﻴﻮﻣﺔ ( ﻣﺮﻳﻮﻣﺔ ) ﺑﻌﺪﻫﺎ ﻛﻮﻟﺶ ﺻﻐﻴﻐﺔ ( ﺻﻐﻴﺮﺓ )
ﺍﺑﺎﻭﻉ ﻋﻠﻴﻪ ﻣﺴﺢ ﻭﺟﻬﻪ ﺑﻜﻒ ﺍﻳﺪﻩ ﻭﻛﺎﻝ
.. ﺍﻟﻠﻪ ﻛﺮﻳﻢ ﺍﻟﺨﻴﺮﺓ ﻓﻴﻤﺎ ﺍﺧﺘﺎﺭﻩ ﺍﻟﻠﻪ
ﺍﻟﻲ ﻳﺴﻤﻊ ﻛﻼﻣﻪ ﻫﺬﺍ ﻳﻜﻮﻝ ﻫﺬﺍ ﺍﻟﻮﻟﺪ . ﺷﻜﺪ ﺗﻘﻲ ﻭﺻﺎﻟﺢ
ﺑﺲ ﻣﻦ ﺗﺮﻛﻨﺎ ﻭﻛﻤﻞ ﻃﺮﻳﻘﻪ ﻣﻦ ﺳﻤﻌﺖ ﻛﻼﻣﻪ ﻫﻮ ﻳﺪﺭﺩﻡ
ﺑﻴﻨﻪ ﻭﺑﻴﻦ ﻧﻔﺴﻪ
ﻋﺒﺎﻟﻪ ﺭﺣﺖ
ﻫﺸﺎﻡ .. ﺗﻬﻲ ﺑﻬﻲ ﻭﺍﻟﻠﻪ ﻳﺎﺍﻟﻠﻪ ﺗﻜﻮﻝ ﺻﻐﻴﺮ
ﻋﻤﻲ ﻳﺎﺻﻐﻴﺮﺓ ﻫﺎﻱ ﺍﻟﻲ ﺗﻜﻮﻟﻴﻦ ﻋﻨﻬﺎ
ﻭﺗﻘﺎﺳﻴﻤﻬﺎ ﺍﻟﻲ ﻋﻄﺒﺖ ﻛﻠﺒﻲ ﺷﻨﻮ ﺗﺴﻤﻴﻬﺎ
ﺍﺍﺍﺍﺥ ﻫﺎﻱ ﺗﺎﻟﻴﺘﻚ ﻳﺎ ﻫﺸﺎﻡ ﻳﻮﻛﻊ ﻛﻠﺒﻚ ﺑﻴﺪ ﺑﻨﻴﺔ ﺻﻐﻴﺮﺓ
ﻭﻳﻦ ﺟﺎﻧﺘﻠﻲ ﻫﺎﻱ
ﺑﺪﻳﻨﺎ ﺭﻭﺗﻴﻦ ﺍﻟﻜﻠﻴﺎﺕ ﻭﻫﺎﻱ ﺍﻟﺴﻨﺔ ﻣﺒﻴﻨﺔ ﺛﻘﻴﻠﺔ ﻭﺑﻴﻬﺎ ﻫﻮﺍﻱ
ﺗﺸﺪﻳﺪ ﻋﻠﻴﻨﺎ . ﻭﺑﺪﻳﺖ ﺍﺳﺘﻠﻢ ﻣﻦ ﺍﻟﺒﻨﺎﺕ ﺟﺪﻭﻝ ﺍﻟﻤﺤﺎﺿﺮﺍﺕ
ﻧﻔﺴﻬﻢ ﻣﺠﻤﻮﻋﺘﻨﺎ ﺍﻟﻲ ﻣﺨﻄﻮﺑﺔ ﻭﺍﻟﻲ ﻓﺴﺨﺖ ﻭﺍﻟﻲ ﺗﺘﺄﻣﻞ
ﺍﻥ ﺗﺘﺰﻭﺝ ﻗﺒﻞ ﻻ ﺗﺘﺨﺮﺝ
ﺍﺗﺼﻠﺖ ﻋﻠﻴﺔ ﻫﺎﻟﺔ ﺑﻨﻬﺎﻳﺔ ﺍﻟﺪﻭﺍﻡ ﺗﻨﺘﻈﺮﻧﻲ ﻳﻢ ﺍﻟﺒﻮﺍﺑﺔ
ﺭﺟﻌﻨﺎ ﻟﻠﺒﻴﺖ
ﻫﺎﻟﺔ .. ﺍﻟﻠﻪ ﺍﻟﻴﻮﻡ ﺧﻤﻴﺲ ﺑﺲ ﺍﻭﺻﻞ ﺍﺗﻐﺪﺓ
ﻭﺍﺧﻠﺺ ﺍﻟﺸﻐﻞ ﺍﻟﻲ ﻋﻠﻴﺔ ﻭﺍﻟﻒ ﺭﺍﺳﻲ ﻭﺍﻧﺎﻡ ﻟﻼﺑﺪ
ﺑﺲ ﻛﺎﻟﺖ ﺧﻤﻴﺲ ﻭﺍﻧﻲ ﻛﻠﺒﻲ ﻛﺎﻡ ﻳﺤﻮﻡ
ﻫﺬﺍ ﺍﻟﺨﻤﻴﺲ ﺑﺎﻟﺬﺍﺕ ﺷﺎﻳﻠﺔ ﻫﻤﻪ
ﺍﻟﻲ ﺍﻓﺘﻬﻤﺘﻪ ﻣﻦ ﻗﺎﺳﻢ ﺍﻥ ﻫﻮ ﻣﻮ ﻛﻞ ﺧﻤﻴﺲ ﻳﺴﻬﺮ ﻭﺍﻧﻤﺎ ﺑﻴﻦ ﻛﻞ ﻓﺘﺮﺓ ﻭﻓﺘﺮﺓ
ﻳﺴﻬﺮ ﻭﻳﺔ ﺟﻤﺎﻋﺘﻪ ﻭﻳﺼﺎﺩﻑ ﻳﻮﻡ ﺧﻤﻴﺲ
ﻭﺍﻧﻲ ﺍﻟﺒﺎﺭﺣﺔ ﺟﻨﺖ ﺑﺎﻟﺤﻤﺎﻡ ﻭﺍﺳﻤﻌﻬﻢ ﻳﺤﺠﻮﻥ ﻭﻳﺎﻩ ﺑﺎﻟﻨﻘﺎﻝ
ﺟﺎﻥ ﻫﻮ ﻓﺎﺗﺢ ﺣﺎﻛﻴﺔ ﺍﻟﻨﻘﺎﻝ ﻭﺣﺎﻃﻪ ﻋﻠﻰ ﻣﻴﺰ ﺍﻟﻤﺮﺍﻳﺎ ﻭﻳﻤﺸﻂ ﺑﺸﻌﺮﻩ ﻳﺮﻳﺪ ﻳﻄﻠﻊ
ﻳﻜﻠﻮﻟﻪ .. ﻣﺎ ﻧﻘﺒﻞ ﻣﻨﻚ ﺍﻱ ﻋﺬﺭ ﻫﺎﻟﻤﺮﺓ ﺣﻔﻠﺔ ﻣﻦ ﺍﻟﻌﻤﺮ
ﺧﻤﺲ ﻓﻨﺎﻧﻴﻦ
ﺟﺎﻭﺑﻬﻢ .. ﻫﺎﻱ ﻫﻲ ﺳﻮﻭ ﺣﺴﺎﺑﻲ ﺑﺲ ﻫﺎ ﺍﺭﻳﺪ
ﺍﻟﻤﻴﺰ ﺍﻻﻭﻝ
.. ﺻﺎﺭ ﺗﺪﻟﻞ ﻛﻢ ﻗﺎﺳﻢ ﻋﺪﻧﺎ
ﻳﻤﺔ ﻫﻤﺔ ﻳﺤﺠﻮﻥ ﻭﺍﻧﻲ ﻛﻤﺖ ﺍﻓﻮﺭ ﻧﺎﺭ ﺑﻜﻠﺒﻲ
ﺍﺗﺨﻴﻠﻪ ﻳﺮﻭﺡ ﻳﺴﻬﺮ ﻫﻨﺎﻙ ﺍﻛﻴﺪ ﻣﻠﻴﻮﻥ ﺑﺎﻟﻤﻴﺔ
ﺍﻛﻮ ﻫﻨﺎﻙ ﺑﻨﺎﺕ ﻭﺭﻗﺎﺻﺎﺕ ﻭﻫﺸﻚ ﺑﺸﻚ
ﻫﺎﻟﺔ .. ﻫﺪﻯ ﺧﻴﺮ ﺭﺍﺡ ﺗﻜﻄﻌﻴﻦ ﺳﻴﺮ ﺍﻟﺠﻨﻄﺔ
ﻋﻠﻰ ﻛﻴﻔﺞ
ﺍﻧﺘﺒﻬﺖ ﻋﻠﻴﻬﺎ
ﻭﺻﻠﻨﺎ ﻟﻠﺒﻴﺖ ﻭﺧﺎﻟﺘﻲ ﺍﻡ ﻗﺎﺳﻢ ﻳﻤﻬﺎ ﺟﻬﺎﻝ ﻣﻨﻰ
ﻻﻥ ﻣﻨﻰ ﻣﻌﻠﻤﺔ ﻭﺩﺍﺋﻤﺎ ﺗﺒﻘﻲ ﺟﻬﺎﻟﻬﺎ ﻳﻤﻨﺎ ﻭﺗﺮﻭﺡ ﻟﻠﺪﻭﺍﻡ
ﻭﺍﻟﺤﻤﺪﻟﻠﻪ ﺑﻨﺘﻬﺎ ﻭﺍﺑﻨﻬﺎ ﻋﻘﺎﻝ ﻣﻮ ﻣﺜﻞ ﻏﺰﻭ ﺍﻟﺘﺘﺮ
ﺍﻭﻻﺩ ﻛﻮﺛﺮ ﺍﻟﻲ ﻳﺤﺮﻛﻮﻥ ﺍﻟﺒﻴﺖ ﺣﺮﻙ
.......
ﺳﻠﻤﺖ ﻋﻠﻰ ﺧﺎﻟﺔ . ﻭﺭﺣﺖ ﺻﻌﺪﺕ ﻓﻮﻙ
ﻟﻐﺮﻓﺘﻲ ﻭﺍﺗﺼﻠﺖ ﻋﻠﻰ ﻗﺎﺳﻢ ﺍﺭﻳﺪ ﺍﺷﻮﻓﻪ ﻭﻳﻦ
ﻛﻠﻲ ﺍﺗﺄﺧﺮ ﻣﺎ ﺭﺍﺡ ﺍﺟﻲ ﻋﺎﻟﻐﺪﺓ
ﺣﻀﺮﻳﻠﻲ ﻭﻳﺎﺝ ﺍﻟﻄﻘﻢ ﺍﻟﻨﻴﻠﻲ
ﻫﻤﺴﺘﻠﻪ ﺑﺪﻟﻊ ﻭﻛﻠﺘﻠﻪ .. ﺻﺎﻍ ( ﺻﺎﺭ ) ﺣﺒﻴﺒﻲ . ﺷﻨﻮ ﺍﻟﻴﻮﻡ ﻋﻨﺪﻙ ﻃﻠﻌﺔ
ﻛﻠﻲ .. ﺍﻱ ﻋﻨﺪﻱ ﺣﻔﻠﺔ
ﺭﺻﻴﺖ ﻋﻠﻰ ﺍﺳﻨﺎﻧﻲ ﺑﻐﻴﺾ ﻭﻳﺤﺠﻴﻬﺎ ﺑﻜﻞ ﺛﻘﺔ ﻭﻛﺄﻧﻤﺎ ﻭﺍﺣﺪ ﻋﺎﺯﺏ
ﻣﻴﺪﺭﻱ ﺍﻥ ﺯﻣﻦ ﺍﻭﻝ ﺗﺤﻮﻝ ﻭﺻﺎﺭ ﻋﻨﺪﻩ ﺯﻭﺟﺔ ﻭﺧﻼﺹ ﻟﻬﻨﺎ ﻭﺳﺘﻮﺏ ﺍﻧﺘﻬﻲ .
ﺑﺲ ﻣﺎ ﺭﺍﺡ ﺍﺣﺠﻲ ﻭﻳﺎﻩ ﻫﺴﺔ
ﺧﻠﻴﻪ . ﻣﻠﺘﻬﻲ ﺑﺎﻟﺸﻐﻞ .
ﺧﻠﻴﻨﻲ ﺍﻓﻜﺮ ﻣﻨﺎ ﻟﺤﺪ ﻣﺎ ﻳﺠﻲ ﺍﺗﻐﺪﺓ ﺑﻲ ﻛﺒﻞ ﻻ ﻳﺘﻌﺸﺎ ﺑﻴﺔ
ﻭﺍﻟﻠﻪ ﻳﺎﺭﺑﻲ ﺍﺣﺲ ﻋﻨﺪﻱ ﺟﻬﺎﺩ . ﻣﺴﻠﺢ
ﻣﻦ ﺍﺟﻞ ﺍﻟﺤﻔﺎﻅ ﻋﻠﻰ ﺯﻭﺍﺟﻲ
ﻫﺪﻯ
ﺧﻠﺼﺖ ﺍﻟﻴﻮﻡ ﻛﻠﻪ ﻭﺍﻧﻲ ﺍﺧﻄﻂ ﻟﻘﺎﺳﻢ ﺍﻧﻔﺬ ﺍﻟﻲ ﻳﺸﻮﻓﻨﻲ ﻳﻜﻮﻝ ﺭﺍﺡ ﻋﻨﺪﻫﺎ ﺣﺮﺏ
ﺑﺎﻭﻋﺖ ﻟﺮﻭﺣﻲ ﺑﺎﻟﻤﺮﺍﻳﺎ ﻭﺍﻧﻲ ﺭﺍﺿﻴﺔ ﻋﻦ ﺍﻟﻨﺘﻴﺠﺔ ﺍﻟﻨﻬﺎﺋﻴﺔ ﺍﻻﺧﻴﺮﺓ ﻛﻞ ﺷﻮﻳﺔ ﺍﺑﺎﻭﻉ ﻟﻠﺒﺎﺏ
ﻗﺒﻞ ﺷﻮﻳﺔ ﺍﺗﺼﻞ ﻋﻠﻴﺔ ﻭﻛﻠﻲ ﺟﻬﺰﻳﻠﻲ ﺍﻟﺤﻤﺎﻡ
ﻭﺍﻧﻲ ﻛﻠﺘﻠﻬﺎ ﺑﻜﻞ ﺩﻟﻊ
.. ﺗﺪﻟﻞ ﺣﺒﻴﺒﻲ
ﻭﺟﺎﻥ ﻳﺪﺧﻞ ﺷﺎﻏﻞ ﺍﻓﻜﺎﺭﻱ
ﻟﻠﻐﺮﻓﺔ ﻟﻜﺎﻧﻲ
ﻣﺤﻀﺮﺗﻠﻪ ﻣﻼﺑﺴﻪ ﻭﺍﻟﻄﻘﻢ . ﻭﺑﻨﻔﺲ ﺍﻟﻮﻗﺖ ﺟﻨﺖ ﻻﺑﺴﺔ ﻭﻣﺘﺄﻧﻘﺔ ﻭﻣﺸﻐﻠﺔ ﺍﻟﺸﻤﻮﻉ . ﻭﻣﺴﻮﻳﺘﻠﻲ ﺟﻮ ﺍﻻ ﺑﺸﺪﺓ ﻭﺟﺎﻳﺒﺔ
ﻣﺴﺠﻞ ﺩﻳﺠﻲ ﺗﺼﻴﺮ ﺳﻤﺎﻋﺎﺗﻪ ﺻﻐﺎﺭ ﺑﺲ ﺻﻮﺗﻪ ﻋﺎﻟﻲ
ﻗﺮﺭﺕ ﻣﺎ ﺍﻣﻨﻌﻪ ﻭﺍﻛﻠﻪ ﻣﺎ ﺗﺮﻭﺡ ﺍﻭ ﺍﺗﻮﺳﻠﻪ ﺍﻭ ﺍﺳﻮﻱ ﻣﺸﻜﻠﺔ . ﻻﻥ ﺑﻜﻞ ﺍﻟﺤﺎﻻﺕ ﻛﻠﺸﻲ ﻣﻤﻨﻮﻉ ﺭﺍﺡ ﻳﺼﻴﺮ ﻣﺮﻏﻮﺏ ﻋﻨﺪﻩ ﺍﻭ ﺗﺼﻴﺮ ﻣﺴﺄﻟﺔ ﻋﻨﺎﺩ ﻋﻨﺪﻩ ﻭﻳﺮﻭﺡ
ﻟﺬﻟﻚ ﻗﺮﺭﺕ ﺍﺳﻮﻳﻠﻲ ﺟﻮ ﻣﺜﻞ ﺟﻮ ﺍﻟﺤﻔﻼﺕ
ﻛﺮﺯﺍﺕ ﻭﺷﻤﻮﻉ . ﺩﺧﻞ ﻟﻠﻐﺮﻓﺔ ﻭﺍﺗﻔﺎﺟﺊ ﺑﻤﻨﻈﺮﻱ
ﻻﺑﺴﺔ ﻭﻛﺎﺷﺨﺔ ﻭﺣﺬﺍﺋﻲ ﺍﻟﻜﻌﺐ ﻳﻄﻜﻄﻚ ﻛﺪﺍﻣﻪ
ﺿﻴﻖ ﻋﻴﻮﻧﻪ ﺑﺤﺬﺭ ﻭﺳﺄﻟﻨﻲ
.. ﻫﺎﻱ ﺷﻨﻮ ﻭﻳﻦ ﺭﺍﻳﺤﺔ
ﺷﻨﻮ ﻣﻌﺰﻭﻣﺔ ﻋﺮﺱ ﻭﺍﻧﺎ ﻣﺎ ﺍﺩﺭﻱ
.. ﻻ ﺣﺒﻴﺒﻲ ﻣﺎ ﺭﺍﻳﺤﺔ ﻭﻻ ﻣﻌﺰﻭﻣﺔ ﺑﺲ ﻫﻴﺞ
ﺷﻔﺖ ﻧﻔﺴﻲ ﺿﺎﻳﺠﺔ ﻛﻠﺖ ﺍﻏﻴﺮ ﺟﻮ .
ﺳﻬﺮﺓ ﻭﺍﻏﺎﻧﻲ ﺑﻌﺪ ﺍﻧﺖ ﺗﻌﺮﻑ ﺑﻬﺎﻱ ﺍﻻﺟﻮﺍﺀ ﺷﻠﻮﻥ
ﺗﻔﺘﺢ ﺍﻟﻨﻔﺲ ﻭﺗﺸﺠﻊ ﻋﺎﻻﺣﺘﻔﺎﻝ
ﺑﺎﻭﻉ ﻣﻨﺎ ﻣﻨﺎ ﻭﻛﺄﻧﻤﺎ ﻣﻨﺘﻈﺮ ﻳﻄﻠﻌﻮﻥ ﺍﻟﻤﻌﺰﻭﻣﻴﻦ ﺑﺄﻱ ﻟﺤﻈﺔ ﻣﻦ ﺟﻮﺓ ﺍﻟﺴﺮﻳﺮ ﻭﺍﻟﻜﻨﺘﻮﺭ
ﺭﺟﻊ ﺑﺎﻭﻉ ﻋﻠﻰ ﻣﻼﺑﺴﻲ ﻣﻦ ﻓﻮﻙ ﻟﻴﺠﻮﺓ
ﺟﻨﺖ ﻻﺑﺴﺔ ﻓﺴﺘﺎﻥ ﺍﺣﻤﺮ .
ﻛﺎﻥ ﻣﻮﺩﻳﻠﻪ ﻗﻠﻴﻞ ﺍﺩﺏ
ﺍﺗﻮﻗﻊ ﺍﻟﻲ ﺻﻤﻢ ﻫﺬﺍ ﺍﻟﻤﻮﺩﻳﻞ ﺟﺎﻥ ﻣﺎﻋﻨﺪﻩ ﻗﻤﺎﺵ ﻫﻮﺍﻱ
ﻟﺬﻟﻚ ﺣﺐ ﻳﻘﺘﺼﺪ
ﻣﻨﻴﻦ ﻣﺎ ﺍﺷﻮﻓﻪ . ﻋﻠﻰ ﻛﻮﻟﺖ ﻗﺎﺳﻢ ﻳﺠﻴﺐ ﺍﻟﺘﺎﻳﻪ
ﺍﺑﺎﻭﻉ ﻟﻘﺴﻮﻣﻲ ﺑﺪﺓ ﻳﻤﺴﺢ ﺑﺎﻟﻌﺮﻙ ﺍﻟﻲ ﺑﻜﺼﺘﻪ
ﻭﻛﺎﻝ ﺑﻐﻴﺾ
.. ﺣﻀﺮﺗﻲ ﻣﻼﺑﺴﻲ ﻟﻮ ﻣﻠﺘﻬﻴﺔ ﺑﺮﻭﺣﺞ
.. ﺍﻱ ﺣﺒﻴﺒﻲ ﻛﻮﻟﺸﻲ ﻣﺤﻀﺮﺗﻠﻚ
ﺍﻟﻄﻘﻢ ﻭﺍﻟﺠﻮﺍﺭﻳﺐ ﻭﺍﻟﺴﺎﻋﺔ ﻭﺍﻟﻌﻄﺮ
ﺭﻓﻊ . ﺣﺎﺟﺒﻪ ﻭﻣﺸﺔ ﻭﺩﺧﻞ ﻟﻠﺤﻤﺎﻡ ﺣﺘﻰ ﻳﺴﺒﺢ ﻭﻳﺘﺄﻧﻖ
ﺭﺣﺖ ﺭﻛﻀﺖ ﻋﺎﻟﺴﺮﻳﻊ ﻭﺷﻐﻠﺖ ﺍﻟﺪﻳﺠﻲ ﺑﺲ ﺑﺼﻮﺕ ﻣﻘﺒﻮﻝ ﻣﻮ ﻋﺎﻟﻲ
ﻭﺟﺎﻥ ﺍﻧﺰﻝ ﻟﻠﺴﺎﺣﺔ ﻭﻋﻠﻰ ﺣﺲ ﺍﻟﻄﺒﻞ ﺧﻔﻮ ﻳﺎ ﺭﺟﻠﻴﺔ
ﻭﺍﻧﻲ ﺷﻠﻮﻥ ﻣﺎ ﺍﺣﺐ ﺍﺭﻛﺺ
ﻣﺎ ﺍﺷﻮﻑ ﻧﻔﺴﻲ ﺍﻻ ﺍﻧﺪﻣﺞ ﺩﻭﻙ ﻋﻴﻨﻲ ﺩﻭﻙ
ﺧﺮﺏ ﻣﻦ ﻛﺪ ﻣﺎ ﺟﻨﺖ ﻣﺘﺤﻤﺴﺔ ﺍﺭﻛﺺ
ﺣﺘﻰ ﻧﺴﻴﺖ ﺳﺎﻟﻔﺔ ﻗﺎﺳﻢ ﻫﻬﻬﻬﻪ
ﻓﺠﺎﺀﺓ ﻧﺼﻰ ﺻﻮﺕ ﺍﻟﺪﻳﺠﻲ ﺍﻟﺘﻔﺘﺖ ﺑﺎﻭﻋﺖ ﻟﻘﺎﺳﻢ ﺻﺎﻳﺮ ﻧﺎﺭ
ﻟﻜﻴﺘﻪ ﻻﺯﻡ ﺍﻟﻄﻘﻢ ﻳﺮﻳﺪ ﻳﻠﺒﺴﻪ
ﻧﺘﺮﻧﻲ
.. ﺑﺎﻟﻠﻪ ﺷﻮ ﺗﻌﺎﻱ ﻫﺬﺍ ﻣﻨﻮ ﻋﻠﻤﺞ ﻫﻴﺞ ﺗﺮﻛﺼﻴﻦ
.......
ﺑﻠﻌﺖ ﺭﻳﻜﻲ .. ﻭﺍﻟﻠﻪ ﺍﻟﻌﻈﻴﻢ ﻣﻮﻫﺒﺔ ﺫﺍﺗﻴﺔ
ﻭﺍﻟﻠﻪ ﻣﺤﺪ ﻋﻠﻤﻨﻲ .. ﺷﻮﻓﻲ ﻭﺍﻟﻠﻪ ﺍﻟﻌﻈﻴﻢ ﺍﺫﺍ ﺍﺳﻤﻊ ﺑﻴﺞ ﺭﺍﻛﺼﺔ
ﺳﺤﺐ ﻧﻔﺲ ﻋﻤﻴﻖ ﻣﺜﻞ ﺍﻟﻲ ﺩﻳﻌﺎﻧﻲ ﻣﻦ ﺍﻟﻮﺿﻊ
.. ﺍﺗﺤﺮﻛﻲ ﻣﻦ ﻛﺪﺍﻣﻲ ﻃﻠﻌﻲ ﺳﺎﻋﺘﻲ ﺍﻟﺜﺎﻧﻴﺔ ﻣﻮ ﻫﺎﻱ
.. ﺻﺎﻍ ﺗﺄﻣﺮﻧﻲ . ﺍﻣﺮ ﻣﻦ ﻋﻴﻮﻧﻲ
ﺍﺩﺭﻱ ﺑﻲ ﻛﺎﻡ ﻳﺪﻭﺭ ﺣﺠﺞ ﺣﺘﻰ ﻳﺘﻌﺎﺭﻙ ﻭﻳﺎﻱ ﻭﻳﻄﻠﻊ
ﺍﺗﻤﺸﻴﺖ ﻛﺪﺍﻣﻪ ﻋﻠﻰ ﻛﻴﻒ ﻭﺍﺗﺪﻟﻊ ﺍﻟﻲ ﻳﺸﻮﻓﻨﻲ ﻳﻜﻮﻝ
ﺷﻜﺪ ﻣﺎﻳﻌﺔ
ﺭﺣﺖ ﻟﻠﻤﺠﺮﺍﺕ ﻭﻃﻠﻌﺖ ﺍﻟﺴﺎﻋﺔ ﺍﻟﺜﺎﻧﻴﺔ
ﺣﻄﻴﺘﻬﺎ ﻋﺎﻟﻤﻴﺰ
ﺍﻟﺘﻔﺘﺖ ﻋﻠﻴﻪ ﻟﻜﻴﺘﻪ ﻳﺪﻛﻢ ﺑﺎﻟﻘﻤﻴﺺ ﻭﻳﺪﺭﺩﻡ
ﺧﺮﺏ ﺑﺪﺕ ﺑﻮﺍﺩﺭ ﺍﻟﻐﻴﺾ
ﺟﻨﺖ ﺍﺣﻀﺮﻟﻪ ﻏﺮﺍﺿﻪ ﻭﺍﺗﻤﺎﻳﻞ
ﺯﻣﺦ ﺑﻴﺔ ﻣﺮﺓ ﺛﺎﻧﻴﺔ
.. ﻭﻳﻦ ﺍﻟﻌﻄﺮ
ﻛﻤﺰﺕ ﻣﻦ ﻣﻜﺎﻧﻲ ﻭﺳﺤﺒﺖ ﻣﻘﺪﻣﺔ ﺍﻟﻔﺴﺘﺎﻥ
.. ﺗﻒ ﺗﻔﺖ ﻳﻤﺔ ﺧﺮﻋﺘﻨﻲ
ﻫﻮ ﻋﻴﻮﻧﻪ ﺭﺍﺣﺖ ﻋﻠﻰ ﻣﻜﺎﻥ ﺍﻟﺪﻟﻌﺔ
.. ﺷﻨﻮ ﺳﺎﻟﻔﺘﺞ ﺍﻟﻴﻮﻡ ﻣﺤﺘﺎﺭﺓ ﺑﺮﻭﺣﺞ
ﻭﻃﺎﻛﺔ ﺍﻟﺪﻧﻴﺎ ﺑﻌﺮﺽ ﺍﻟﺤﺎﻳﻂ ﻭﻫﺎﻣﻠﺘﻨﻲ
ﺷﻬﻜﺖ ﻭﻟﻄﻤﺖ ﻋﻠﻰ ﺻﺪﺭﻱ ﻭﻋﻴﻮﻧﻪ ﺟﺪﺣﺖ ﻧﺎﺭ
.. ﻫﺎﺍﺍﺍﺍﻱ ﺷﻮﻛﺖ ﺍﻧﻲ ﻫﻢ ........
ﻋﺰﺓ ﻛﺎﻡ ﻋﻠﻴﻨﺎ ﻫﺮﻗﻞ ﻫﺪ ﻋﻠﻴﺔ ﻭﺳﺤﺒﻨﻲ ﻋﻠﻴﻪ
.. ﻋﻠﻰ ﺷﻨﻮ ﺗﻠﻄﻤﻴﻦ ﻋﻠﻰ ﺻﺪﺭﺝ
ﻣﻮ ﻧﻌﻠﺘﻲ ﺍﺑﻮ ﻃﺎﻫﺮﻱ ﺻﺎﺭﻟﺞ ﺳﺎﻋﺔ ﺗﺪﻭﺳﻴﻦ ﻋﻠﻰ ﻛﻠﺒﻲ
ﺩﺗﻌﺎﻱ ﺧﻠﻴﻨﻲ ﺍﻋﻠﻤﺞ ﺷﻠﻮﻥ ﺗﺴﻬﺮﻳﻦ ﻣﻦ ﻭﺭﺍﻱ
ﺻﺮﺕ ﺍﺗﻤﻨﻊ ﻋﻨﻪ ﺑﺪﻟﻊ ﻭﻛﻠﻪ ﺑﺼﻮﺕ ﻣﻨﻌﻮﺹ
.. ﻗﺎﺳﻢ ﺍﻟﺴﻬﺮﺓ ﻭﺍﻟﺤﻔﻠﺔ
ﺍﻧﻲ ﺍﺣﺠﻲ ﻭﻫﻮ ﺩﻧﻚ ﺭﺍﺳﻪ ﻋﻠﻴﺔ ﻭﻛﺎﻝ
.. ﺍﻧﺎ ﺍﻫﻢ ﻣﻦ ﺳﻬﺮﺗﺞ
ﻛﻤﻞ ﻛﻼﻣﻪ ﻭﻧﺰﻝ ﻟﺜﻢ ﺷﻔﺎﻳﻔﻲ ﺑﻜﻞ ﻏﻴﺾ
ﻋﺒﺎﻟﻚ ﻋﻨﺪﻩ ﻋﻘﺎﺏ
ﻋﺒﺎﻟﻪ ﺍﻗﺼﺪ ﻋﻠﻰ ﺳﻬﺮﺗﻲ ﻫﻬﻬﻬﻬﻪ ﺷﻜﻠﻪ ﻧﺴﻰ ﺟﻤﺎﻋﺘﻪ
ﺑﺎﻭﻉ ﻋﻠﻴﺔ ﻭﻛﺎﻝ
.. ﻻ ﺗﻀﺤﻜﻴﻦ ﺭﺍﺡ ﺗﻌﻤﻴﻦ ﻋﻠﻰ ﺭﻭﺣﺞ
ﺑﻌﺪﻫﺎ ﺻﺮﺕ ﺑﻴﻦ ﺍﻳﺪﻳﻪ ﻣﺜﻞ ﺍﻟﻨﺎﺭ
ﻗﻄﻊ ﻋﻠﻴﻨﺎ ﻟﺤﻈﺔ ﺷﻐﻔﻨﺎ ﺻﻮﺕ ﻧﻘﺎﻟﻪ
ﻭﺍﺑﺘﻌﺪ ﻋﻨﻲ ﻭﺩﻓﻌﻨﻲ ﻋﺎﻟﺴﺮﻳﺮ
ﻭﻋﻴﻮﻧﻪ ﻋﻠﻴﺔ ﻭﻫﻤﺲ ﺑﺼﻮﺕ ﻧﺎﺻﻲ
.. ﻻ ﺗﺘﺤﺮﻛﻴﻦ
ﺭﺩ ﻋﺎﻟﻨﻘﺎﻝ ﺍﻟﻈﺎﻫﺮ ﺟﻤﺎﻋﺘﻪ
ﻻﻥ ﺳﻤﻌﺘﻪ ﻳﻜﻠﻠﻬﻢ .
.. ﺷﺒﺎﺏ ﻣﺎ ﺍﻛﺪﺭ ﺍﺟﻲ ﺍﻟﻴﻮﻡ ﻋﻤﻲ ﺍﻧﺠﻠﻂ ﺑﺎﻟﻤﺴﺘﺸﻔﻰ
ﻭﺍﻟﺘﻬﻴﺖ
ﻭﺑﻌﺪﻫﺎ ﺳﺪ ﺍﻟﻨﻘﺎﻝ ﻭﺷﻤﺮﻩ ﻭﺭﺍﻩ ﻭﺩﻧﻚ ﻋﺎﻟﺴﺮﻳﺮ
ﻭﻛﺎﻝ .. ﻣﻦ ﺍﺣﺘﺮﻙ . ﻋﻤﻲ . ﺩﺗﻌﺎﻱ ............
ﺿﺤﻰ
ﻃﻔﻞ ﻭﻓﺮﺣﺎﻥ ﺑﻄﻠﻌﺔ ﺍﻟﻌﻴﺪ ﻫﺬﺍ ﺣﺎﻟﻲ ﻣﻦ ﺑﺪﻳﺖ ﺍﺩﻭﺍﻡ ﺑﺎﻟﻤﻌﻬﺪ . ﻋﻠﻤﻮﺩ ﺍﺩﺭﺱ ﺳﺎﺩﺱ ﺧﺎﺭﺟﻲ
ﺟﻨﺖ ﺍﺣﺲ ﺑﺮﻭﺣﻲ ﻣﺜﻞ ﺍﻟﻄﻴﺮ ﻫﻴﺞ ﻓﺮﺣﺔ
ﺍﻟﻜﺘﺎﺏ ﺻﺎﺭ ﺷﻲ ﻏﺎﻟﻲ ﺑﺎﻟﻨﺴﺒﺔ ﺍﻟﻲ ﻫﺬﺍ ﻣﻔﺘﺎﺡ ﺣﻴﺎﺗﻲ ﺍﻟﺠﺪﻳﺪﺓ
ﻣﺮﻳﻢ ﺑﻠﺸﺖ ﺩﻭﺍﻡ ﻭﻣﺸﻤﺶ ﻫﻤﺎﺗﻴﻦ . ﺭﻳﺎﺽ ﺍﻃﻔﺎﻝ
ﻟﺬﻟﻚ ﺍﻟﺒﻴﺖ ﻓﺮﻍ ﻋﻠﻴﺔ ﻭﺻﺮﺕ ﺍﻛﺪﺭ ﺍﺭﻛﺰ ﺑﺪﺭﺍﺳﺘﻲ
ﻭﻋﻨﺪﻱ ﻭﻛﺖ ﺍﻛﻤﻞ ﺍﻟﺒﻴﺖ
ﺑﺎﻟﻤﻌﻬﺪ ﻣﺜﻞ ﻛﻞ ﻳﻮﻡ ﺍﺭﻭﺡ ﺍﻟﺼﺒﺢ ﺛﻼﺙ ﺳﺎﻋﺎﺕ ﺍﻭ ﻣﺮﺍﺕ ﺳﺎﻋﺘﻴﻦ . ﺣﺴﺐ ﺍﻟﻤﺤﺎﻇﺮﺓ ﻭﺍﻟﻤﺎﺩﺓ
ﺻﺎﺭﻟﻲ ﺷﻬﺮ ﻣﻦ ﺑﺪﻳﺖ
ﺷﻴﻤﺎﺀ ﻗﺪﻣﺘﻠﻲ ﻭﻣﺮﻭﺓ ﺍﺗﻜﻔﻠﺖ
ﻭﺍﻥ ﺷﺎﺀ ﺍﻟﻠﻪ ﻫﺎﻱ ﺍﻟﻤﺮﺓ ﻣﺎ ﺍﺧﺬﻟﻬﻢ . ﻣﺜﻞ ﻛﻞ ﻣﺮﺓ
ﺧﻠﺼﺖ ﺍﻟﻤﺤﺎﺿﺮﺓ
ﺟﻨﺖ ﺍﺧﺬ ﺍﻟﻤﺤﺎﻇﺮﺓ ﺑﻤﻠﺤﻖ ﻳﺼﻴﺮ ﻋﺒﺎﺭﺓ ﻋﻦ ﺻﻒ ﻳﺠﻤﻊ ﻣﺨﺘﻠﻒ ﺍﻟﻔﺌﺎﺕ ﺍﻟﻌﻤﺮﻳﺔ ﻃﻼﺏ ﻭﻃﺎﻟﺒﺎﺕ
ﺍﺗﻌﺮﻓﺖ ﻋﻠﻰ ﻣﺮﻳﺔ ﻣﺘﺰﻭﺟﺔ ﺑﺎﻟﺼﻒ ﻭﻳﺎﻱ ﻫﻢ ﺗﺮﻳﺪ
ﺗﺪﺭﺱ ﺳﺎﺩﺱ ﺧﺎﺭﺟﻲ ﺍﺳﻤﻬﺎ ﺍﻣﺎﻧﻲ ﺣﺒﺎﺑﺔ
ﻛﺎﻥ ﺍﻟﻤﻌﻬﺪ ﻳﺼﻴﺮ ﻗﺮﻳﺐ ﻋﻠﻰ ﺑﻴﺖ ﻣﺮﻭﺓ ﺑﺄﺭﺑﻊ ﺍﻓﺮﻉ
ﻳﻌﻨﻲ ﺍﺭﻭﺡ ﻭﺍﺭﺟﻊ ﻣﺸﻲ . ﺑﺎﻟﺮﻏﻢ ﻣﺮﻭﺓ ﻛﺎﻟﺖ ﺍﺟﺮﻱ
ﺧﻂ . ﺑﺲ ﺍﻧﻲ ﺭﻓﻀﺖ ﻻﻥ ﻣﺎ ﺗﺴﻮﻯ
ﻟﺒﺴﺖ ﺟﻨﻄﺘﻲ ﻭﻣﺸﻴﺖ ﻭﻳﺔ ﺍﻣﺎﻧﻲ ﺍﺭﻳﺪ ﺍﻃﻠﻊ ﻣﻦ ﺍﻟﻤﻌﻬﺪ
ﺭﻓﻌﺖ ﺭﺍﺳﻲ ﻭﺑﺎﻭﻋﺖ ﻭﺍﻧﻲ ﻭﺍﻛﻔﺔ ﺑﺎﻟﺒﺎﺏ
ﻟﻜﻴﺖ ﺍﺧﻮ ﺳﻴﻒ ﻭﺍﻛﻒ ﻳﻢ ﺳﻴﺎﺭﺗﻪ . ﻭﻳﺒﺎﻭﻉ ﻋﺎﻟﻤﻌﻬﺪ
ﻛﻠﺒﻲ ﺍﻧﻘﺒﺾ ﻭﺭﺟﻌﺖ ﺑﺴﺮﻋﺔ ﺩﺧﻠﺖ ﺟﻮﺓ ﻟﻠﻤﻌﻬﺪ
ﺟﺴﻤﻲ ﻛﺎﻡ ﻳﺮﺟﻒ ﻣﻦ ﺍﻟﺮﻋﺐ
ﻫﺬﺍ ﺷﻴﺴﻮﻱ ﻫﻨﺎ . ﻃﻠﻌﺖ ﻧﻘﺎﻟﻲ ﻣﻦ ﺍﻟﺠﻨﻄﺔ ﻭﺍﺗﺼﻠﺖ ﻋﻠﻰ ﺷﻴﻤﺎﺀ ﺭﺩﺕ ﻋﻠﻴﺔ . ﻭﺑﺴﺮﻋﺔ ﺣﺠﻴﺖ
.. ﺍﻛﻮﻝ ﺷﻮﻣﺔ ﻫﺬﺍ ﺣﻤﺎﻱ ﺍﺧﻮ ﺳﻴﻒ ﻭﺍﻛﻒ ﺑﺎﻟﺒﺎﺏ ﻣﺎﻟﺖ
ﺍﻟﻤﻌﻬﺪ . ﺷﻠﻮﻥ ﺷﺴﻮﻱ
ﺷﻴﻤﺎﺀ .. ﻭﺷﺒﻴﺞ ﺧﺎﻳﻔﺔ ﻣﻨﻮ ﻳﻜﻮﻝ ﺟﺎﻱ ﻋﻠﻴﺞ ﺍﺻﻼ
.. ﻣﺎ ﺍﻋﺮﻑ ﺷﺼﺎﺭ ﺑﻴﺔ ﻣﻦ ﺷﻔﺘﻪ ﻏﺼﺐ ﻋﻨﻲ ﻛﻠﺒﻲ ﺍﺭﺗﻌﺪ
ﺟﻨﺖ ﺍﺣﺠﻲ ﺑﺎﻟﻨﻘﺎﻝ ﻭﺳﻤﻌﺖ ﺻﺪﻳﻘﺘﻲ ﺍﻣﺎﻧﻲ ﺗﺴﺘﻌﺠﻠﻨﻲ ﺗﺮﻳﺪ ﺗﺮﻭﺡ
ﺍﺷﺮﺗﻠﻬﺎ .. ﻟﺤﻈﺔ
ﺟﻨﺖ ﺍﺣﺠﻲ ﻭﻳﺔ ﺷﻴﻤﺎﺀ ﻭﺟﺎﻥ ﺍﺳﻤﻊ ﺻﻮﺕ ﺣﻤﺎﻱ ﻭﺭﺍﻱ
ﻛﺎﻝ .. ﺷﻠﻮﻧﺞ ﺿﺤﻰ
ﺟﻤﺪﺕ ﺑﻤﻜﺎﻧﻲ ﻭﺍﻧﺨﻄﻒ ﻟﻮﻧﻲ
ﺷﻴﻤﺎﺀ ﺑﺲ ﺳﻤﻌﺖ ﺻﻮﺗﻪ ﻛﺒﻞ ﻛﺎﻟﺖ
.. ﺍﻧﻲ ﻫﺴﺔ ﺟﺎﻳﺔ ﻣﺴﺎﻓﺔ ﺍﻟﻄﺮﻳﻖ ﺑﻌﺪﻫﺎ ﺳﻤﻌﺘﻬﺎ
ﺣﺠﺖ ﻭﻳﺔ ﻣﺮﻭﺓ ﺑﺴﺮﻋﺔ
ﺭﺟﻌﺖ ﺗﺤﺠﻲ ﻭﻳﺎﻱ
.. ﺿﺤﻰ ﺭﻛﺰﻱ ﻭﻳﺎﻱ ﻭﺳﻤﻌﻴﻨﻲ ﺯﻳﻦ ﻣﺎ ﺗﺨﻄﻴﻦ ﺧﻄﻮﺓ ﻭﺣﺪﺓ ﺑﺮﺓ ﺍﻟﻤﻌﻬﺪ ﻭﻳﺔ ﺣﻤﺎﺝ . ﺧﺎﻑ ﻳﻄﻠﺐ ﻣﻨﺞ ﺍﻧﺘﻲ ﻛﻠﻴﻠﻪ ﺷﻴﻤﺎﺀ ﻫﺴﺔ ﺗﺠﻲ ﻫﻨﺎ ﻗﺮﻳﺒﺔ
ﻫﻤﺴﺖ ﻭﺍﻧﻲ ﺍﺳﺘﺪﻳﺮ ﻋﻠﻰ ﺣﻤﺎﻱ ﻣﻬﻨﺪ
.. ﺍﻱ
ﺍﻧﻘﻄﻊ ﺍﻟﺨﻂ ﻭﻣﺎ ﺍﻋﺮﻑ ﻣﻨﻬﺎ ﺍﻧﻐﻠﻖ ﻟﻮ ﻣﻨﻲ
ﻧﺰﻟﺖ ﺍﻟﻨﻘﺎﻝ ﻭﻋﻴﻮﻧﻲ ﻋﻠﻰ ﻣﻬﻨﺪ
ﻣﻬﻨﺪ .. ﻫﻼ ﺿﺤﻰ ﻫﻤﺰﻳﻦ ﻛﺪﺭﺕ ﺍﺷﻮﻓﺞ ﻭﺍﺣﺠﻲ ﻭﻳﺎﺝ
.. ﻋﻠﻰ ﺷﻨﻮ ﺗﺮﻳﺪ ﺗﺤﺠﻲ ﻭﻳﺎﻱ
.. ﺍﺭﻳﺪ ﺍﺣﺠﻲ ﻭﻳﺎﺝ ﺑﺨﺼﻮﺹ ﺳﻴﻒ
ﺳﺄﻟﺘﻪ ﻛﺒﻞ
.. ﺍﻧﺖ ﺷﻠﻮﻥ ﻋﺮﻓﺖ ﺍﻧﻲ ﻫﻨﺎ ﺷﻨﻮ ﺟﻨﺖ ﺗﺮﺍﻗﺒﻨﻲ
.. ﺗﻜﺪﺭﻳﻦ ﺗﻜﻮﻟﻴﻦ ﻫﻴﺞ ﺷﻲ
ﺑﻠﻌﺖ ﺭﻳﻜﻲ ﻭﺻﺮﺕ ﺍﺣﺲ ﺑﺎﻟﺨﻄﺮ ﺍﻛﺜﺮ ﺑﺎﻟﺮﻏﻢ ﺍﻟﺮﺟﺎﻝ ﻣﻤﺴﻮﻳﻠﻲ ﺷﻲ ﻭﺟﺎﻥ ﻭﺟﻬﻪ ﻋﺎﺩﻱ ﻣﺎ ﻳﺪﻝ ﻋﻠﻰ ﻧﻴﺔ ﺷﺮ
ﺑﺲ ﻣﺠﺮﺩ ﻣﻌﺮﻓﺘﻲ ﺍﻥ ﻫﻮ ﺟﺎﻥ ﻳﺮﺍﻗﺒﻨﻲ ﺧﻼﻧﻲ ﺍﺭﺗﻌﺪ
ﺑﺤﺬﺭ ﻣﻨﻪ
.. ﻭﻟﻴﺶ ﺗﺮﺍﻗﺒﻨﻲ ﺍﺻﻼ
ﻣﻬﻨﺪ .. ﺷﻨﻮ ﺷﺒﻴﺞ ﺿﺤﻰ ﺍﺷﻮ ﺗﺤﺠﻴﻦ ﻭﻳﺎﻱ ﺑﻨﺘﺮﺓ
. ﻳﺘﺒﻊ
ﺍﺣﺒﻜﻢ ﻛﻮﻣﺔ ﺍﺣﺒﻜﻢ ﻛﻮﻣﺔ
ﺍﺧﺘﻜﻢ ﻧﻬﻰ ﺍﻟﺤﺴﻮﻥ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء