رواية أساور الفضة ج2 الجزء الخامس
للكاتبة نهى
..
ﻫﺪﻯ
ﺟﻨﺖ ﻭﺍﻛﻔﺔ
ﺣﺎﺑﺴﺔ ﺍﻻﻧﻔﺎﺱ ﻣﺘﺮﻗﺒﺔ ﺧﺎﻳﻔﺔ
ﺍﺑﺎﻭﻉ ﻋﻠﻴﻪ ﻭﻣﻌﻠﻜﺔ ﻛﻞ ﺍﻣﺎﻟﻲ ﻋﻠﻰ ﻗﺮﺍﺭ ﻗﺎﺳﻢ
ﻭﻻ ﺯﺍﻟﺖ ﺩﻣﻮﻋﻲ ﺩﺗﻨﺰﻝ ﺑﺘﻮﺳﻞ
ﻛﺎﻡ ﻣﻦ ﻣﻜﺎﻧﻪ
ﻭﺳﺤﺐ ﻧﻔﺲ ﻋﻤﻴﻖ ﻭﻣﺴﺢ ﻭﺟﻬﻪ ﺑﻜﻔﻮﻑ ﺍﻳﺪﻳﻪ ﻭﺑﺎﻭﻉ ﻋﻠﻴﺔ
ﻭﻛﺎﻝ .. ﺷﻮﻓﻲ ﻳﺎ ﺑﻨﺖ ﺍﻟﻨﺎﺱ
ﺍﻧﺎ ﺑﻴﺔ ﻃﺒﻊ
ﺷﻐﻠﺘﻴﻦ ﻣﺎ ﺍﺗﺤﻤﻞ ﺍﺷﻮﻓﻬﻢ ﻭﺍﻭﻛﻒ ﻛﺪﺍﻣﻬﻢ ﻋﺎﺟﺰ
ﺍﻟﻲ ﻫﻲ ﺩﻣﻮﻉ ﺍﻣﻲ ﻭﺧﻮﺍﺗﻲ ﻭﺍﻟﺜﺎﻧﻴﺔ ﺩﻣﻌﺔ ﺍﻟﻴﺘﻴﻢ
ﻭﺍﻧﺘﻲ ﺷﻜﻠﺞ ﻋﺮﻓﺘﻲ ﺷﻠﻮﻥ ﺗﻮﺻﻠﻴﻦ ﻟﻀﻤﻴﺮﻱ
ﻭﺗﻠﺰﻣﻴﻴﻨﻲ ﻣﻦ ﺍﻻﻳﺪ ﺍﻟﺘﻮﺟﻌﻨﻲ ﻭﺗﻜﺴﺒﻴﻦ ﻋﻄﻔﻲ
ﺟﺎﻥ ﻳﺤﺠﻲ ﻭﺍﻧﺎ ﻛﻠﺒﻲ ﻃﺎﺭ ﺑﺄﻣﻞ ﻭﺭﻓﺮﻑ ﺑﺠﻨﺎﺣﻪ
ﻣﺜﻞ ﺍﻟﻌﺼﻔﻮﺭ
ﻛﻤﻞ ﻛﻼﻣﻪ
.. ﺑﺲ ﺧﻠﻲ ﺍﻓﻬﻤﺞ ﻗﺒﻞ ﻛﻠﺸﻲ ﺣﺘﻰ ﻳﻜﻮﻥ ﻋﻨﺪﺝ ﻋﻠﻢ
ﺷﻨﻮ ﺗﺒﻌﻴﺔ ﺍﺧﺘﻴﺎﺭﺝ
ﺍﺭﻳﺪﺝ ﺗﻌﺮﻓﻴﻦ ﺍﻥ ﻋﻘﻮﺑﺔ ﺍﻟﻤﺮﺓ ﻫﻲ ﻫﺠﺮﻫﺎ ﺑﺎﻟﻔﺮﺍﺵ
ﻭﺍﻱ ﻣﺮﻳﺔ ﺭﺍﺡ ﺗﻌﺘﺒﺮ ﻫﺎﻱ ﺍﻫﺎﻧﺔ ﻭﻇﻠﻢ ﺑﺤﻘﻬﺎ
ﻭﺍﻧﺎ ﻣﻦ ﻫﺴﺔ ﺍﺣﺬﺭﺝ ﻣﻮ ﺑﻌﺪﻳﻦ ﺗﺠﻴﻨﻲ
ﻭﺗﻜﻌﺪﻳﻦ ﺗﻨﺪﺑﻴﻦ ﺣﻈﺞ ﻭﺗﺸﺘﻜﻴﻦ ﻣﻦ ﺍﻟﺘﻘﺼﻴﺮ ﻭﻳﺎﺝ
ﺍﺭﻳﺪﺝ ﺩﺍﺋﻤﺎ ًً ﺗﺘﺬﻛﺮﻳﻦ ﺍﻥ ﻫﺬﺍ ﺟﺎﻥ ﺍﺧﺘﻴﺎﺭﺝ
ﻫﺰﻳﺖ ﺭﺍﺳﻲ ﺑﻤﻮﺍﻓﻘﺔ ﻭﺑﻜﻞ ﻟﻬﻔﺔ ﺍﻛﺪﺕ
ﻣﻮﺍﻓﻘﺘﻲ ﺑﺎﻟﻜﻼﻡ
.. ﺍﻧﻲ ﻭﺍﺛﻘﺔ ﻣﻦ ﻗﻐﺎﻏﻲ ( ﻗﺮﺍﺭﻱ )
ﻋﻨﺪﻱ ﻋﻘﻮﺑﺔ ﻫﺠﻐﻲ ﺑﺎﻟﻔﻐﺎﺵ ( ﻫﺠﺮﻱ ﺑﺎﻟﻔﺮﺍﺵ ) ﻫﻮﺍﻱ ﺍﻏﺤﻢ ( ﺍﺭﺣﻢ ) ﻭﺍﻫﻮﻥ ﻋﻠﻴﺔ
ﻣﻦ ﺍﻥ ﺗﻤﻢ ﺯﻭﺍﺟﻚ ﻣﻨﻲ ﻫﺴﻪ
ﻭﻳﻤﻜﻦ ﺍﺗﻌﻠﻖ ﺑﻴﻚ ﻭﻣﻮ ﺑﻌﻴﺪ ﺣﺘﻰ ﺍﺧﻠﻒ ﻣﻨﻚ ﻃﻔﻞ
ﻭﺑﻌﺪﻳﻦ ﺍﻧﺖ ﺗﻐﻮﺡ ( ﺗﺮﻭﺡ ) ﻭﺗﺨﺬﻟﻨﻲ ﻭﺗﺘﺰﻭﺝ ﻋﻠﻴﺔ ﻏﻬﻒ
ﻭﺍﻛﻮﻥ ﺑﺴﺎﻋﺘﻬﺎ ﺧﺴﻐﺖ ( ﺧﺴﺮﺕ ) ﻛﻠﺸﻲ
ﻋﻠﻰ ﺍﻻﻗﻞ ﺑﻬﺬﺍ ﻗﻐﺎﻏﻲ ( ﻗﺮﺍﺭﻱ ) ﻳﻜﻮﻥ ﻋﻨﺪﻱ ﺍﻻﻣﻞ
ﺍﻥ ﻣﻦ ﺗﺘﻐﻜﻨﻲ ( ﺗﺘﺮﻛﻨﻲ ) ﻭﺗﺘﺰﻭﺝ ﻏﺎﺡ ﺍﻛﺪﻍ ( ﺭﺍﺡ ﺍﻛﺪﺭ ) ﺍﺑﺪﻱ ﺣﻴﺎﺓ ﺟﺪﻳﺪﺓ
.. ﺧﻼﺹ ﻣﺎ ﺩﺍﻡ ﺍﻧﺘﻲ ﻣﺘﺄﻛﺪﺓ ﻣﻦ ﻗﺮﺍﺭﺝ
ﻟﻌﺪ ﻫﺬﺍ ﻫﻮ ﻳﺠﺮﺍﻟﺞ ﺍﻟﺘﺮﺩﻧﻴﻪ
ﺍﺳﺎﺳﺎ ﺍﻧﻲ ﺗﺰﻭﺟﺘﺞ ﺑﺲ ﺣﺘﻰ ﺍﺭﺿﻲ ﺍﻣﻲ
ﺍﻣﺎ ﺍﺫﺍ ﻋﻠﻰ ﺍﻟﻨﺴﻮﺍﻥ ﻭﻏﺮﻳﺰﺗﻲ ﻣﺜﻞ ﻣﺘﻜﻮﻟﻴﻦ ﺗﺮﻩ ﺍﻟﺪﻧﻴﺎ ﻣﻠﻴﺎﻧﻪ
ﺑﺲ ﻣﺎﺩﺍﻡ ﻫﺬﺍ ﻗﺮﺍﺭﺝ ﻣﺎﺷﻲ
ﺍﻭﻋﺪﺝ ﺭﺍﺡ ﺗﻌﻴﺸﻴﻦ ﺗﺤﺖ ﻇﻠﻲ ﻣﻌﺰﺯﺓ ﻭﻣﻜﺮﻣﺔ ﺑﻬﺬﺍ ﺍﻟﺒﻴﺖ
ﻟﺤﺪ ﻣﺎ ﺍﻟﻠﻪ ﻳﻔﺮﺟﻬﺎ ﻋﻠﻴﺞ
ﺣﺎﻟﺞ ﺣﺎﻝ ﺍﻟﻤﻮﺟﻮﺩﻳﻦ ﻣﺎﺭﺍﺡ ﻧﺰﻳﺪ ﺟﺪﺭﻧﺎ ﻋﻠﻤﻮﺩﺝ
ﺍﺣﻨﺎ ﺩﺍﺋﻤﺎ ﻧﻄﺒﺦ ﺟﺪﻭﺭﺓ ﻛﺒﺎﺭ ﻭﺑﻴﺘﻨﺎ ﻣﻠﻴﺎﻥ ﺧﻄﺎﺭ
ﺭﺍﺡ ﺍﻋﺘﺒﺮﺝ ﺩﺧﻴﻠﺔ ﻋﻨﺪﻱ ﻻﻥ ﻧﺨﻴﺘﻴﻨﻲ
ﻭﻃﻠﺒﺘﻲ ﺍﻻﻣﺎﻥ ﻣﻨﻲ ﺣﺘﻰ ﺍﺣﻤﻴﺞ ﻣﻦ ﺍﺑﻮﺝ
ﺷﺎﻳﻔﻴﻦ ﺷﻌﻮﺭ ﺍﻟﺒﻨﻴﺔ ﻣﻦ ﺗﻜﻮﻥ ﻋﺎﻳﺸﺔ ﻃﻮﻝ ﻋﻤﺮﻫﺎ
ﻣﻌﺘﻤﺪﺓ ﻋﻠﻰ ﻧﻔﺴﻬﺎ ﺑﺄﺧﺬ ﺣﻘﻬﺎ ﻭﺗﺤﻤﻲ ﻧﻔﺴﻬﺎ ﺑﻨﻔﺴﻬﺎ
ﺭﺍﺡ ﺗﻜﻮﻥ ﺩﺍﺋﻤﺎ ﻭﺍﻛﻔﺔ ﻭﻣﺴﺘﻌﺪﺓ ﺑﺄﻱ ﻟﺤﻈﺔ
ﺗﻜﺸﺮ ﺍﻟﺪﻧﻴﺎ ﻋﻦ ﺍﻧﻴﺎﺑﻬﺎ ﻭﺗﺎﻛﻞ ﻭﺟﻬﺎ
ﺑﺲ ﻣﻮﻗﻒ ﻗﺎﺳﻢ ﻭﻛﺮﻣﻪ ﻭﺷﻬﺎﻣﺘﻪ ﻭﻳﺎﻱ
ﺻﺪﻣﻨﻲ ﻣﺠﻨﺖ ﻣﺘﻮﻗﻌﺘﻪ ﺭﺍﺡ ﻳﺴﺘﺠﻴﺐ ﻟﻄﻠﺒﻲ ﻣﻨﻪ
ﻟﺬﻟﻚ ﻭﻛﻔﺖ ﻋﺎﺟﺰﺓ ﻛﺪﺍﻡ ﻛﺮﻣﻪ ﻭﺷﻬﺎﻣﺘﻪ
ﻭﻣﺘﻌﺠﺒﺔ ﻭﺑﻨﻔﺲ ﺍﻟﻮﻗﺖ ﻣﺴﺘﻐﺮﺑﺔ
ﺣﻘﻲ ﺍﻛﻮﻥ ﻣﺘﻌﺠﺒﺔ ﺑﺘﺼﺮﻓﺔ ﻻﻥ ﺟﺎﻥ ﻫﺬﺍ ﺍﻟﺸﻲ ﺟﺪﻳﺪ ﻋﻠﻴﺔ
ﻭﺍﻭﻝ ﻣﺮﺓ ﺑﺤﻴﺎﺗﻲ ﺍﺟﺮﺏ ﺷﻌﻮﺭ ﺍﻻﻣﺎﻥ ﻗﺮﺏ ﺭﺟﺎﻝ
ﻻﻥ ﻋﺜﺮﺍﺕ ﺍﻟﺰﻣﻦ ﺧﻠﺘﻨﻲ ﺍﻛﻮﻥ ﺍﻛﺜﺮ ﺣﺬﺭ ﻣﻦ ﺍﻟﺮﻳﺎﺟﻴﻞ
ﻭﻣﺎ ﺍﺍﻣﻦ ﺭﻭﺣﻲ ﺑﻴﺪﻫﻢ ﺑﺴﻬﻮﻟﺔ
ﻣﻦ ﺍﺑﻮﻱ ﻭﺭﺍﺋﺪ ﻭﺑﻌﺪﻫﺎ ﻟﻴﺚ ﻭﺳﻴﻒ ﺻﺮﺕ ﻣﺎ ﺍﺛﻖ ﺑﺄﻱ ﺭﺟﺎﻝ
ﺑﺎﻭﻋﺖ ﻋﻠﻴﻪ ﺑﺎﻣﺘﻨﺎﻥ ﻭﺑﺠﻴﺖ ﻭﻛﻠﺖ
......
ﺍﻟﻠﻪ ﻳﺠﺒﺮﻍ ﺧﺎﻃﻐﻚ ﻣﺜﻠﻤﺎ ﺟﺒﻐﺖ ﺧﺎﻃﻐﻲ
( ﺍﻟﻠﻪ ﻳﺠﺒﺮ ﺑﺨﺎﻃﺮﻙ ﻣﺜﻞ ﻣﺎ ﺟﺒﺮﺕ ﺧﺎﻃﺮﻱ )
ﻭﺍﻟﻠﻪ ﻳﻬﻨﻴﻚ ﻭﻳﻨﻮﻟﻚ ﺍﻟﻲ ﺑﺒﺎﻟﻚ
.. ﺑﺲ ﺍﺭﻳﺪﺝ ﺗﺨﻠﻴﻦ ﺑﺒﺎﻟﺞ ﺍﻧﻲ ﻟﻬﻨﺎ ﻭﻳﺨﻠﺺ ﻭﺍﺟﺒﻲ ﻭﻳﺎﺝ
ﻭﺑﻤﺎ ﺍﻥ ﺍﻧﺘﻲ ﺍﺗﻨﺎﺯﻟﺘﻲ ﻋﻦ ﺣﻘﻮﻗﺞ ﺑﻬﺬﺍ ﺍﻟﺰﻭﺍﺝ
ﺍﺫﻥ ﺑﻌﺪ ﻻ ﺗﺘﻮﻗﻌﻴﻦ ﻣﻨﻲ ﺍﺩﺍﺭﻱ ﻣﺸﺎﻋﺮﺝ
ﻭﺑﻌﺪ ﻣﻮ ﻣﻦ ﺣﻘﺞ
ﺗﺴﻮﻳﻦ ﻣﺸﻬﺪ ﺩﺭﺍﻣﻲ ﻣﺜﻞ ﺍﻟﻴﻮﻡ ﻣﻦ ﺷﻔﺘﻴﻨﺎ ﺍﻧﻲ ﻭﺭﻫﻒ
ﻛﺎﻋﺪﻳﻦ ﺳﻮﺍ ﻟﻮﺣﺪﻧﺎ
ﺍﻟﻴﻮﻡ ﻟﺤﺪ ﺍﻟﻈﻬﺮ ﺟﺎﻥ ﺍﻟﺞ ﻛﻞ ﺍﻟﺤﻖ ﺗﻨﻘﻬﺮﻳﻦ ﻭﺗﻜﻌﺪﻳﻦ ﺗﺤﺎﺳﺒﻴﻨﻲ
ﻭﺗﻄﺎﻟﺒﻴﻨﻲ ﺑﺮﺩ ﺍﻻﻋﺘﺒﺎﺭ
ﻻﻥ ﻓﻌﻼ ﻛﻨﺖ ﻏﻠﻄﺎﻥ ﺑﺤﻘﺞ ﺑﻠﺤﻈﺘﻬﺎ ﺑﻜﻌﺪﺗﻲ ﻭﻳﺔ ﺭﻫﻒ ﻟﻮﺣﺪﻧﺎ
ﻭﺟﻨﺖ ﻧﺎﻭﻱ ﻫﺬﺍ ﺍﻟﺸﻲ ﻣﺎ ﺍﺳﻤﺤﻠﻪ ﻳﺘﻜﺮﺭ
ﻻﻥ ﻣﻬﻤﺎ ﻛﺎﻥ ﺍﻧﺘﻲ ﻣﺮﺗﻲ ﻭﺍﻟﺞ ﻳﻤﻲ ﺣﻖ ﺍﻻﺣﺘﺮﺍﻡ
ﺑﺲ ﺑﻌﺪ ﻣﺎ ﺍﺗﻨﺎﺯﻟﺘﻲ ﻋﻦ ﺣﻘﻮﻗﺞ ﻳﻤﻲ
ﺑﻌﺪ ﻣﻨﺎ ﻭﺭﺍﻳﺢ
ﻣﻤﺴﻤﻮﺣﻠﺞ ﺗﻌﺘﺮﺿﻴﻦ ﻋﻠﻰ ﺗﻮﺍﺟﺪ ﺭﻫﻒ ﻭﻗﺮﺑﻬﺎ ﺍﻟﻲ
ﻭﻭﺟﻮﺩﻫﺎ ﺑﺤﻴﺎﺗﻲ ﻭﺍﻟﺘﺰﺍﻣﻲ ﻭﻳﺎﻫﺎ
ﻭﺑﻌﺪ ﻣﺎ ﻣﺠﺒﻮﺭ ﺍﺳﻮﻳﻠﺞ ﺣﺴﺎﺏ ﺑﺄﻱ ﺷﻲ ﻳﺨﺼﻨﻲ ﺍﻧﻲ ﻭﺭﻫﻒ
ﻭﻣﺮﺍﺡ ﺍﻛﻌﺪ ﺍﺩﺍﺭﻱ ﻣﺸﺎﻋﺮﺝ
.. ﺍﻛﻴﺪ ﻫﺬﺍ ﻣﻦ ﺣﻘﻚ
ﻻﻥ ﻫﺬﺍ ﻭﺍﻗﻊ ﺣﺎﻝ ﻭﺑﺲ ﺧﻠﻴﻨﻲ ﺍﻛﻮﻟﻚ ﺷﻲ
ﻣﺎﺩﺍﻡ ﺍﺣﻨﺎ ﺑﻤﻮﻗﻒ ﺩﻧﺤﺠﻲ ﺑﺼﻐﺎﺣﺔ ( ﺑﺼﺮﺍﺣﺔ )
ﻫﻲ ﻏﻬﻒ ﺑﻜﻞ ﺍﻻﺣﻮﺍﻝ ﻣﻮﺟﻮﺩﺓ ﺑﺤﻴﺎﺗﻚ
ﺳﻮﺍﺀ ﺍﻧﻲ ﻭﻳﺎﻙ ﺗﻤﻤﻨﺎ ﺯﻭﺍﺟﻨﺎ ﺍﻭ ﻻ
ﻭﺍﻟﻜﻞ ﻳﻌﻐﻒ ( ﻳﻌﺮﻑ ) ﻫﻲ ﻣﺴﺄﻟﺔ ﻭﻗﺖ
ﻏﻬﻒ ﺗﺨﻠﺺ ﺩﻏﺎﺳﺔ ( ﺩﺭﺍﺳﺔ ) ﺍﻧﺖ ﺗﺘﺰﻭﺟﻬﺎ ﺛﺎﻧﻲ ﻳﻮﻡ
ﺍﻧﻲ ﻛﻞ ﺍﻟﻲ ﺍﻏﻴﺪﻩ ( ﺍﺭﻳﺪﻩ ) ﻣﻨﻚ
ﺍﻥ ﺗﻜﻮﻥ ﺑﻜﺪ ﻛﻠﻤﺘﻚ ﻭﻳﺎﻱ
.. ﺧﻼﺹ ﻫﺬﺍ ﻫﻮ ﺍﺗﻔﻘﻨﺎ
ﺍﻧﻲ ﺑﺎﻟﻨﺴﺒﺔ ﺍﻟﻲ ﻣﻜﺬﺑﺖ ﻋﻠﻴﺞ ﻣﻦ ﺍﻟﺒﺪﺍﻳﺔ ﻛﻠﺘﻠﺞ ﺍﺣﺐ ﺑﻨﺖ ﻋﻤﻲ
ﺟﻨﺖ ﺍﺭﻳﺪ ﺍﺗﻘﺮﺑﻠﺞ ﻋﺎﺩﻱ ﻳﻌﻨﻲ ﻻﻥ ﺻﺮﺗﻲ ﺯﻭﺟﺘﻲ ﻭﺍﻣﺮ ﻭﺍﻗﻊ
ﻭﻻﺯﻡ ﺍﺳﻮﻱ ﻭﺍﺟﺒﻲ ﺍﺗﺠﺎﻫﺞ
ﻭﺑﺎﻟﻨﻬﺎﻳﺔ ﺍﻧﺘﻲ ﺑﻨﻴﺔ ﻭﺣﻼﻟﻲ ﻭﻛﺎﻋﺪﺓ ﺗﻔﺘﺮﻳﻦ ﻛﺪﺍﻣﻲ
ﺷﺘﺮﻳﺪﻳﻦ ﺍﺳﻮﻳﻠﺞ ﻳﻌﻨﻲ
ﻋﻠﻰ ﻛﻞ ﺣﺎﻝ ﺍﻧﻲ ﻣﻮﺍﻓﻖ
ﺑﺲ ﻗﺒﻞ ﻻ ﺍﺭﻭﺡ ﺍﻧﺎﻡ
ﺳﻤﻌﻴﻨﻲ ﺯﻳﻦ ﻭﻋﻠﻜﻲ ﻫﺎﻱ ﺍﻟﻜﻠﻤﺔ ﺗﺮﺟﻴﺔ ﺑﺄﺫﻧﺞ
ﻛﻼﻣﻨﺎ ﻫﺬﺍ ﻣﺎ ﺍﺭﻳﺪﻩ ﻳﻄﻠﻊ ﻟﺒﺎﺏ ﺍﻟﻐﺮﻓﺔ
ﺍﺫﺍ ﺍﺳﻤﻊ ﺑﻴﺞ ﺣﺎﺟﻴﺔ ﻻﺣﺪ ﻋﻦ ﺍﻟﺼﺎﺭ
ﺍﻋﺘﺒﺮﻱ ﺭﻭﺣﺞ ﺍﻧﺘﻬﻴﺘﻲ ﺻﺪﻛﻴﻨﻲ ﺍﺣﻄﻤﺞ ﻭﻣﺎ ﻳﺮﻓﻠﻲ ﺟﻔﻦ
ﻭﻣﻮ ﺗﻜﻮﻟﻴﻦ ﻣﺎﻛﺎﻝ ﻗﺎﺳﻢ
ﻫﺰﻳﺖ ﺭﺍﺳﻲ ﺑﺄﻣﺘﻨﺎﻥ
.. ﻫﺎﻱ ﻫﻲ ﺻﺎﻍ ( ﺻﺎﺭ ) .
ﻭﺍﻟﻠﻪ ﻭﻋﺪ ﻣﻨﻲ ﻣﺎ ﻏﺎﺡ ( ﻣﺎﺭﺍﺡ ) ﺗﺴﻤﻊ ﻣﻨﻲ ﻛﻠﻤﺔ ﺑﺨﺼﻮﺹ ﻫﺬﺍ ﺍﻟﻤﻮﺿﻮﻉ
ﺑﺎﻭﻉ ﻋﻠﻴﺔ ﻧﻈﺮﺓ ﺍﺧﻴﺮﺓ ﻣﺜﻞ ﺍﻟﻲ ﺩﻳﻜﺘﺸﻒ ﻛﺎﺋﻦ ﻏﺮﻳﺐ
ﻳﺴﺘﺤﻖ ﺍﻟﻤﻼﺣﻈﺔ
ﺑﻌﺪﻫﺎ ﺩﺍﺭ ﻭﺟﻬﻪ ﻭﺍﻧﻄﺎﻧﻲ ﻇﻬﺮﻩ
ﺍﺗﻮﺟﻪ ﻟﻠﺴﺮﻳﺮ ﻭﻧﺰﻉ ﺗﺸﻴﺮﺗﻪ ﻭﻫﻮ ﻳﻤﺸﻲ
ﺟﻨﺖ ﺍﺭﺍﻗﺐ ﺣﺮﻛﺎﺗﻪ ﻭﺍﺑﺎﻭﻉ ﻋﻠﻴﻪ
ﻭﺟﺎﻥ ﺗﻮﻛﻊ ﻋﻴﻨﻲ ﻋﻠﻰ ﻭﺷﻢ ﺑﻈﻬﺮﻩ ﺍﺟﺔ ﻳﻮﻛﻒ ﻛﻠﺒﻲ
ﺟﺎﻥ ﻭﺍﺷﻢ ﻋﻠﻰ ﻇﻬﺮﻩ ﺻﻮﺭﺓ ﺻﻘﺮ ﻓﺎﺭﺩ ﺟﻨﺎﺣﺎﺗﻪ
ﻭﻛﺎﺗﺐ ﺟﻤﻠﺔ ﺍﻧﺎ ﺣﺮ ﻣﺜﻞ ﺍﻟﺼﻘﻮﺭ ﺑﺤﺮﻭﻑ ﺍﻧﻜﻠﻴﺰﻳﺔ
ﺍﻧﺴﻴﺎﺑﻴﺔ
ﻳﻌﻨﻲ ﻓﻌﻼ ﺻﻮﺭﺓ ﺍﻟﻮﺷﻢ ﺟﺎﻥ ﻳﻤﺜﻠﻪ
ﺷﻜﻠﻪ ﻭﻣﻀﻤﻮﻥ
ﺍﺑﺎﻭﻉ ﻋﻠﻴﻪ ﺍﺗﻤﺪﺩ ﻋﺎﻟﺴﺮﻳﺮ ﻭﺣﻂ ﺫﺭﺍﻋﻪ ﻋﻠﻰ ﻭﺟﻬﻪ
ﻭﻛﺎﻝ .. ﺷﻨﻮ ﺟﻨﻴﺔ ﺭﺍﺡ ﺗﻈﻠﻴﻦ ﻭﺍﻛﻔﺔ
ﺗﺒﺎﻭﻋﻴﻦ ﻋﻠﻴﺔ ﺍﻣﺸﻲ ﺭﻭﺣﻲ ﻃﻔﻲ ﺍﻟﻀﻮﺓ ﺧﻠﻲ ﺍﻧﺎﻡ
.....
ﺭﺣﺖ ﻃﻠﻘﺔ ﻃﻔﻴﺖ ﺍﻟﻀﻮﺓ
ﻭﺻﺎﺭﺕ ﺍﻟﻐﺮﻓﺔ ﻇﻠﻤﺔ
ﻭﻫﺴﺔ ﺷﻨﻮ ﻭﺍﻧﺎ ﻭﻳﻦ ﺍﺭﻭﺡ ﺍﺷﻮ ﻫﺬﺍ ﻧﺎﻡ ﻋﺎﻟﺠﺮﺑﺎﻳﺔ ﻭﻋﺎﻓﻨﻲ
ﺯﻳﻦ ﺍﻧﻲ ﻭﻳﻦ ﺍﻧﺎﻡ ﺷﻮﻑ ﺍﻟﺤﻆ
ﻳﺎﻟﻠﻪ ﻫﺪﻯ ﻻﺗﻜﻌﺪﻳﻦ ﺗﺘﺪﻟﻌﻴﻦ ﺑﺎﻟﻠﻪ ﺷﻮ ﺭﻭﺣﻲ ﺩﺑﺮﻱ ﺍﻣﻮﺭﺝ
ﻣﻮ ﺍﻧﻌﻢ ﺍﻟﻠﻪ ﻋﺎﻟﺮﺟﺎﻝ ﻟﺤﺪ ﻫﺴﺔ ﺳﺎﻛﺖ ﻋﻠﻴﺞ
ﻣﺎ ﻻﺯﻣﺞ ﻭﺳﺎﺣﻠﺞ ﻟﺤﺪ ﻫﺴﺔ
ﻋﺎﺩ ﻻ ﺗﺨﺘﺒﺮﻳﻦ ﺻﺒﺮﻩ
ﺍﺑﺘﺴﻤﺖ ﻋﻠﻰ ﺭﻭﺣﻲ ﺻﺮﺕ ﺍﺣﺠﻲ ﻭﻳﺔ ﻧﻔﺴﻲ ﻣﺜﻞ ﺍﻟﻤﺨﺒﻠﺔ
ﻛﻌﺪﺕ ﺍﺗﻠﻤﺲ ﻃﺮﻳﻘﻲ ﺑﺎﻟﻈﻠﻤﺔ
ﺭﺣﺖ ﺍﺧﺬﺕ ﻧﻘﺎﻟﻲ ﻭﺿﻮﻳﺖ ﺷﻮﻳﺔ ﺣﺘﻰ ﺍﺷﻮﻑ
ﺍ ﺩﻭﺭ ﻋﻠﻰ ﺷﻲ ﺍﻓﺮﺷﻪ ﺑﺎﻟﻜﺎﻉ ﻣﺎﻛﻮ
ﺑﺲ ﺑﺎﻻﻭﻝ ﺧﻠﻲ ﺍﺑﺪﻝ ﻫﺬﻧﻲ ﻣﻼﺑﺴﻲ ﺍﺫﺍ ﺟﻨﺖ
ﺍﺭﻳﺪ ﺍﻟﺮﺟﺎﻝ ﻳﻠﺘﺰﻡ ﺑﻜﻠﻤﺘﻪ ﻭﻳﺎﻱ ﻓﻼﺯﻡ ﺍﺣﺘﺮﻡ ﻧﻔﺴﻲ
ﻭﺍﻟﺒﺲ ﺷﻲ ﻣﺎ ﻋﻠﻴﻪ ﺍﻟﻌﻴﻦ ﻭﻣﺎ ﺍﻟﻔﺖ ﺍﻧﺘﺒﺎﻫﻪ ﻋﻠﻴﺔ
ﻣﻮ ﻻﺑﺴﻪ ﻫﻴﺞ ﻛﺪﺍﻣﻪ ﻭﺍﻛﻮﻟﻪ ﻟﺘﺒﺎﻭﻉ ﻋﻠﻴﺔ
ﺑﺪﻟﺖ ﺍﻟﺒﺠﺎﻣﺔ ﻭﻟﺒﺴﺖ ﺩﺷﺪﺍﺷﺔ ﺗﺮﻛﻴﺔ ﺳﺒﻮﺭﺕ
ﻧﺺ ﺭﺩﻥ ﻭﻃﻮﻳﻠﺔ ﻭﺻﺪﺭﻫﺎ ﺩﺍﺋﺮﻱ
ﺑﻴﻬﺎ ٣ ﺩﻛﻢ ﻋﺎﻟﺼﺪﺭ ﺟﺎﻧﺖ ﻣﺴﺘﻮﺭﺓ ﻭﻣﺮﻳﺤﺔ ﻟﻠﻨﻮﻡ ﻧﻔﺲ ﺍﻟﻮﻛﺖ
ﺧﺮﺏ ﻫﺎﻱ ﺷﻨﻮ ﻣﺎﻛﻮ ﻓﺮﺍﺵ
ﺍﺗﻮﺟﻬﺖ ﻟﻠﺒﺎﺏ ﺍﺟﻴﺖ ﺍﻃﻠﻊ ﺍﺟﻴﺐ ﻓﺮﺍﺵ
ﻭﺟﺎﻥ ﺍﺗﺬﻛﺮﺕ
ﺍﻡ ﻗﺎﺳﻢ ﻭﺣﺮﻛﺔ ﺍﻻﺳﺘﺨﺒﺎﺭﺍﺕ
ﻻ ﻻ ﻣﺎ ﺍﻃﻠﻊ ﺧﻠﻲ ﺍﻛﻌﺪ ﻭﺍﺳﻜﺖ ﻣﺎ ﺍﻛﺪﺭ ﺍﺟﺎﺯﻑ ﻭﻳﺔ ﺍﻡ ﻗﺎﺳﻢ
ﺧﺎﻑ ﺗﻠﺰﻣﻨﻲ ﻭﺗﻨﺰﻝ ﺑﻴﻚ ﺩﻙ ﺍﺳﺄﻟﺔ ﺷﻲ ﻳﻔﻜﻨﻲ ﻣﻨﻬﺎ
ﻋﺎﺩ ﻫﻲ ﺫﻛﻴﺔ ﻭﺗﺼﻴﺪﻫﺎ ﻭﻫﻲ ﻃﺎﻳﺮﺓ
ﻭﺭﺓ ﺭﺑﻊ ﺳﺎﻋﺔ ﻣﻦ ﺍﻟﺘﻔﻜﻴﺮ ﺳﻤﻌﺖ ﻧﻔﺴﻪ ﺍﺳﺘﻘﺮ
ﻭﻣﺎﺧﺬ ﺭﺍﺣﺘﻪ ﺷﻜﻠﻪ ﻏﻂ ﺑﺎﻟﻨﻮﻡ
ﺭﺣﺖ ﺍﻣﺸﻲ ﺑﺘﺠﺎﻫﻪ ﻋﻠﻰ ﺍﻃﺮﺍﻑ ﺍﺻﺎﺑﻴﻌﻲ ﺍﻗﺘﺮﺑﺖ ﻣﻨﻪ ﻭﺩﻧﻜﺖ ﻋﻠﻴﻪ ﻭﺳﻠﻄﺖ ﺿﻮﺓ ﺍﻟﻨﻘﺎﻝ ﻋﻠﻰ ﻭﺟﻬﻪ
ﺑﺎﻭﻋﺖ ﻋﻠﻴﻪ ﻟﻜﻴﺘﻪ ﺭﺍﻳﺢ ﺑﺴﺎﺑﻊ ﻧﻮﻣﺔ
ﻟﻔﺖ ﺍﻧﺘﺒﺎﻫﻲ
ﻣﻐﻤﺾ ﻋﻴﻮﻧﻪ ﻭﺭﻣﻮﺷﻪ ﻣﻌﻘﻮﻓﺎﺕ ﻟﻴﻔﻮﻙ
ﺑﺤﻴﺚ ﻋﺒﺎﻟﻚ ﺣﺎﻃﻠﻬﻢ ﻣﺴﻜﺎﺭﺓ . ﺍﻧﻲ ﺍﻟﺒﻨﻴﺔ
ﻣﻮ ﻫﻴﺞ ﺭﻣﻮﺷﻲ ﻛﺜﻴﻔﺎﺕ ﻣﺎ ﺷﺎﺀ ﺍﻟﻠﻪ
ﺟﺎﻥ ﻧﺎﻳﻢ ﻋﻠﻰ ﺑﻄﻨﻪ ﻋﻠﻰ ﺟﺎﻧﺐ ﺍﻟﺴﺮﻳﺮ
ﻭﻻﺑﺲ ﺑﺲ ﺍﻟﻘﻄﻌﺔ ﺍﻟﺘﺤﺘﻴﺔ ﻣﻦ ﺍﻟﺘﺮﺍﻙ
ﺍﻫﻮﻭﻭ ﺍﻟﻠﻪ ﻳﻠﻌﻨﻚ ﻳﺎﻟﺸﻴﻄﺎﻥ ﻫﺴﺔ ﺍﻧﺎ ﻛﻌﺪﺕ ﺍﺣﻠﻞ
ﺍﻟﺮﺟﺎﻝ ﻭﻫﻮ ﻧﺎﻳﻢ ﻋﻤﺔ ﺣﺘﻰ ﻋﻤﺔ ﺷﻜﺪ ﻣﻠﻜﻮﻓﺔ
ﺑﺲ ﺷﺴﻮﻱ ﻟﺮﻭﺣﻲ ﺍﻧﻲ ﻫﺪﻯ ﺍﻡ ﺍﻟﻔﻀﻮﻝ
ﻓﻌﻼ ﺍﻭﻝ ﻣﺮﺓ ﺑﺤﻴﺎﺗﻲ ﺍﻛﻮﻥ ﺑﻬﺬﺍ ﺍﻟﻘﺮﺏ ﻭﺍﻟﺨﺼﻮﺻﻴﺔ ﻭﻳﺔ ﺭﺟﺎﻝ
ﻓﻴﻤﻜﻦ ﺣﺐ ﺍﻻﺳﺘﻄﻼﻉ ﺩﻳﺨﻠﻴﻨﻲ
ﺍﺗﻤﻌﻦ ﺑﻜﻠﺸﻲ ﺑﻲ . ﻭﺍﺗﻌﺠﺐ ﻋﻠﻴﻪ
ﺭﺣﺖ ﻋﻠﻰ ﺍﻟﺠﺎﻧﺐ ﺍﻟﺜﺎﻧﻲ ﻣﻦ ﺍﻟﺴﺮﻳﺮ
ﺍﻱ ﺑﺲ ﺍﻟﻴﻮﻡ ﺍﻧﺎﻡ ﻋﺎﻟﺴﺮﻳﺮ
ﻭﻣﻦ ﺑﺎﺟﺮ ﺍﺷﻮﻑ ﺷﻠﻮﻥ ﻳﺼﻴﺮ ﺍﻟﺘﺮﺗﻴﺐ
ﻫﺴﺔ ﻫﻮ ﻣﺎﺧﺬ ﺟﺎﻧﺐ ﻭﺍﺣﺪ ﻭﺗﺎﺭﻙ ﻫﻮﺍﻱ ﻓﺮﺍﻍ ﻋﺎﻟﺠﺎﻧﺐ ﺍﻟﺜﺎﻧﻲ
ﻣﺎ ﺍﺗﻮﻗﻊ ﺭﺍﺡ ﻳﺄﺛﺮ ﻋﻠﻴﻪ
ﺍﻗﺘﺮﺑﺖ ﻭﻛﻌﺪﺕ ﻋﻠﻰ ﻛﻴﻒ ﻋﻠﻰ ﺣﺎﻓﺔ ﺍﻟﺴﺮﻳﺮ
ﻭﺟﻨﺖ ﺣﺮﻳﺼﺔ ﺣﺘﻰ ﻣﺎ ﺍﻃﻠﻊ ﺻﻮﺕ
ﺣﻄﻴﺖ ﺭﺍﺳﻲ ﻋﺎﻟﻤﺨﺪﺓ ﺍﻧﺘﺒﻬﺖ ﻋﻠﻴﻪ ﻛﺴﺮ ﺧﺎﻃﺮﻱ ﺧﻄﻴﺔ ﻧﺎﻳﻢ ﻭﻣﺎ ﻣﺘﻐﻄﻲ
ﻛﻤﺖ ﻭﺳﺤﺒﺖ ﺍﻟﻐﻄﺎ ﻭﻓﺘﺤﺘﻪ ﻭﻏﻄﻴﺖ ﺭﻭﺣﻲ ﻭﻧﻤﺖ
ﻣﻠﻔﻮﻓﺔ ﻟﻒ ﺑﺎﻟﻐﻄﺎ ﻋﺒﺎﻟﻚ ﺩﻭﻟﻤﺎﻳﺔ
ﻋﺪﻟﺖ ﺭﺍﺳﻲ ﻋﺎﻟﻤﺨﺪﺓ ﻭﺍﺗﺜﺎﻭﺑﺖ ﺑﻨﻌﺎﺱ
ﻭﺍﺧﺬﺗﻨﻲ ﺍﻻﻓﻜﺎﺭ ﻟﺨﻮﺍﺗﻲ
ﻫﺴﺔ ﺷﻨﻮ ﺍﻟﺒﻨﺎﺕ ﻣﺮﻭﺓ ﻭﺷﻴﻤﺎﺀ ﻭﺿﺤﻰ ﻭﻣﺮﻳﻢ
ﻣﻦ ﺑﻌﺪ ﺍﻟﻌﺮﺱ ﻫﻢ ﺍﻟﺘﻘﻮﺍ ﻭﺍﺟﺘﻤﻌﻮﺍ ﻭﻳﺔ ﺑﻌﻀﻬﻢ
.....
ﻟﻮ ﻣﻨﺘﻈﺮﻳﻦ ﻳﻮﻡ ﺍﻟﺠﻤﻌﺔ ﻣﺜﻠﻤﺎ ﻛﺎﻟﺖ ﻣﺮﻭﺓ ﻳﻮﻡ ﺍﻟﺠﻤﻌﺔ
ﺗﻌﺰﻣﻨﺎ ﺍﻧﻲ ﻭﺧﻮﺍﺗﻲ ﻟﺒﻴﺘﻬﺎ
ﺷﻴﺼﺒﺮﻧﻲ ﻣﻨﺎ ﻟﻠﺠﻤﻌﺔ ﺑﺲ ﻳﺎﻟﻠﻪ ﻧﺼﺒﺮ ﺷﻌﺪﻧﺎ
ﺍﻱ ﺻﺪﻙ ﻛﻮﻥ ﺍﺗﺬﻛﺮ ﺣﺘﻰ ﺍﻧﻄﻲ ﺧﺒﺮ ﻟﻘﺎﺳﻢ
ﺑﺮﻭﺣﺘﻲ ﻭﺍﺷﻮﻓﻪ ﺷﻨﻮ ﻳﻜﻮﻝ
ﻭﺍﻭﻑ ﻭﻛﻮﻥ ﺑﺎﺟﺮ ﺍﺗﺬﻛﺮ ﺍﺗﻔﻖ ﻭﻳﺔ ﻫﺎﻟﺔ ﻋﻠﻤﻮﺩ ﺩﻭﺍﻣﻲ
ﺑﺎﻟﻜﻠﻴﺔ ﺷﻮﻑ ﺷﻨﻮ ﺗﻘﺘﺮﺡ ﻋﻠﻴﺔ
ﺗﺎﺧﺬﻧﻲ ﻭﻳﺎﻫﺎ ﻟﻮ ﺍﺑﻘﻰ ﻭﻳﺔ ﺍﻟﺨﻂ ﺍﻟﻘﺪﻳﻢ ﻣﺎﻟﺘﻲ ﻳﻮﺻﻠﻨﻲ ﻧﻔﺴﻪ
ﻭﺑﻌﺪﻫﺎ ﺻﺮﺕ ﺍﻓﻜﺮ ﺑﺤﻴﺎﺗﻲ ﻭﻳﺔ ﻗﺎﺳﻢ
ﺷﻜﺪ ﺭﺍﺡ ﺗﺴﺘﻤﺮ ﻭﻳﻄﻠﻜﻨﻲ
ﺍﻧﻲ ﻣﺎ ﻋﻨﺪﻱ ﻣﺎﻧﻊ ﺷﻮﻛﺖ ﻣﺎ ﻳﻌﺠﺒﻪ ﻳﻄﻠﻜﻨﻲ
ﻭﻟﻮﻣﺎ ﺍﻋﺮﻑ ﺳﻠﻴﻤﺔ ﻭﺍﺑﻮﻱ ﺭﺍﺡ ﻳﺴﻮﺩﻭﻥ ﻋﻴﺸﺘﻲ
ﺍﺫﺍ ﻫﺴﺔ ﻃﻠﺒﺖ ﺍﻟﻄﻼﻙ ﻣﻦ ﻗﺎﺳﻢ ﻭﻣﺤﺪ ﺭﺍﺡ ﻳﺮﺣﻤﻨﻲ
ﺭﺑﻲ ﻳﻬﻨﻴﻪ ﻭﻳﺴﻌﺪﻩ ﻭﻳﺔ ﺭﻫﻒ
ﺟﻤﻴﻠﻪ ﻭﻓﻀﻠﻪ ﻭﻳﺎﻳﺔ ﺭﺍﺡ ﻳﺒﻘﻰ ﺩﻳﻦ
ﺑﺮﻛﺒﺘﻲ ﻃﻮﻝ ﻋﻤﺮﻱ
ﺷﻮﻳﺔ ﺷﻮﻳﺔ ﺍﺗﺨﻠﻰ ﻋﻘﻠﻲ ﻋﻦ ﺣﺬﺭﻩ
ﻭﺳﺤﺒﻨﻲ ﺍﻟﻨﻌﺎﺱ ﺍﻟﻰ ﺍﺣﻀﺎﻥ ﺍﻟﻨﻮﻡ ﻣﺘﻘﻠﺒﺔ ﺑﻴﻦ ﺛﻨﺎﻳﺎ ﺍﻟﺴﺒﺎﺕ ﺍﻟﻌﻤﻴﻖ
ﺷﻴﻤﺎﺀ
ﻛﺎﻋﺪﺓ ﺍﻃﺒﺦ ﺍﻟﻐﺪﺓ ﻟﺒﺎﺟﺮ
ﻭﺍﺿﻤﻪ ﺣﺘﻰ ﻣﻦ ﺍﺭﺟﻊ ﻣﻦ ﺍﻟﺪﻭﺍﻡ ﺑﺲ ﺍﺣﻤﻴﻪ
ﺑﻌﺪ ﺯﻭﺍﺝ ﻫﺪﻯ ﺻﺮﺕ ﺍﺳﻮﻱ ﺍﻟﻐﺪﺍ ﺑﺎﻟﻠﻴﻞ ﻭﺍﻇﻤﻪ ﺑﺎﻟﺜﻼﺟﺔ
ﺳﻠﻴﻤﺔ ﻭﺑﺎﺑﺎ ﻻ ﺯﺍﻟﻮﺍ ﻋﻠﻰ ﻧﻔﺲ ﻭﺿﻌﻬﻢ ﻳﺮﻳﺪﻭﻥ ﻣﻨﻲ ﻛﻞ ﺷﻲ ﺍﺳﻮﻳﻠﻬﻢ
ﻭﻳﻄﺎﻟﺒﻮﻧﻲ ﺑﺘﻠﺒﻴﺔ ﻭﺍﺟﺒﺎﺗﻬﻢ ﺑﻜﻠﺸﻲ ﻃﺒﺦ ﻏﺴﻞ ﻣﻼﺑﺲ ﺗﻨﻈﻴﻒ
ﻣﺼﺮﻑ
ﺩﺍ ﺍﻓﻜﺮ ﺍﻛﻌﺪ ﻭﻳﺎﻫﻢ ﻭﺍﺗﻔﻖ ﻭﻳﺎﻫﻢ ﻋﻠﻰ ﻧﻈﺎﻡ ﺟﺪﻳﺪ
ﻟﻬﺬﺍ ﺍﻟﺒﻴﺖ
ﺑﻌﺪ ﺍﻧﻲ ﻣﻤﺠﺒﻮﺭﺓ ﺍﻛﻌﺪ ﻣﺜﻞ ﻗﺒﻞ ﺍﻟﺒﻲ ﻃﻠﺒﺎﺗﻬﻢ
ﻻﻥ ﺑﻌﺪ ﻣﺎ ﻋﻨﺪﻱ ﺷﻲ ﻳﺠﺒﺮﻧﻲ ﺍﻭﻓﺮﻟﻬﻢ ﺍﺣﺘﻴﺎﺟﺎﺗﻬﻢ
ﺍﺷﻮ ﻫﺪﻯ ﻭﺭﺍﺣﺖ ﻭﺿﺤﻰ ﺑﺒﻴﺖ ﺭﺟﻠﻬﺎ ﻭﺍﻧﻲ ﺑﺎﻟﻤﺴﺘﺸﻔﻰ
ﻭﺳﻠﻴﻤﺔ ﻋﻨﺪﻫﺎ ﺭﺍﺗﺒﻬﺎ ﻭﺑﺎﺑﺎ ﺭﺟﺎﻝ ﺧﻠﻲ ﻋﻠﻰ ﺍﻻﻗﻞ ﻳﺸﻴﻞ ﻣﺼﺮﻓﻪ ﻋﻨﻲ
ﻟﺸﻮﻛﺖ ﺍﻧﻲ ﺍﺑﻘﻰ ﺍﺻﺮﻑ ﻋﻠﻴﻬﻢ
ﺳﻠﻴﻤﺔ .. ﺷﻜﻮ ﺍﺷﻮ ﻛﺎﻋﺪ ﺗﺤﺠﻴﻦ ﻭﻳﺔ ﺭﻭﺣﺞ ﺷﺒﻴﺞ ﺗﺨﺒﻠﺘﻲ
ﺑﺎﻭﻋﺖ ﻋﻠﻴﻬﺎ .. ﻣﺎﻛﻮ ﺷﻲ ﺑﺲ ﺟﻨﺖ ﺍﻓﻜﺮ ﺑﻤﻮﺿﻮﻉ
ﺑﺨﺼﻮﺹ ﻫﺬﺍ ﺍﻟﺒﻴﺖ
ﻭﻛﻠﺖ ﻣﻨﺎ ﻭﺭﺍﻳﺢ ﺍﺭﻳﺪﻛﻢ ﺗﺸﺎﺭﻛﻮﻥ ﻭﻳﺎﻱ ﺑﻤﺼﺮﻑ ﺍﻟﺒﻴﺖ ﻭﺗﺴﺎﻋﺪﻭﻧﻲ ﺗﺮﺓ ﻣﻨﺎ ﻭﺭﺍﻳﺢ ﺍﻧﻲ ﺍﺷﻴﻞ ﺍﻳﺪﻱ
ﻣﻦ ﻣﺼﺎﺭﻳﻒ ﺍﻟﺒﻴﺖ
ﺳﻠﻴﻤﺔ .. ﺳﻤﻌﻴﻨﻲ ﺯﻳﻦ ﺍﻧﺘﻲ ﻣﺎ ﺗﻤﻨﻴﻦ ﻋﻠﻴﺔ
ﺑﻔﻠﻮﺳﺞ ﺗﺮﺓ ﺍﻧﺘﻲ ﻭﺧﻮﺍﺗﺞ ﻭﺍﺑﻮﺝ ﻛﺎﻋﺪﻳﻦ ﺑﺒﻴﺘﻲ
ﻭﺍﻧﺎ ﺍﻟﻲ ﻣﺴﻮﻳﺔ ﻓﻀﻞ ﻋﻠﻴﻜﻢ ﻭﻟﻮﻣﺎ ﺑﻴﺘﻲ ﺟﺎﻥ ﺍﻧﺤﺠﺖ ﺣﺠﺎﻳﺘﻜﻢ
ﻭﺍﻟﻴﻮﻡ ﺍﻟﻲ ﺗﻔﻜﺮﻳﻦ ﺑﻲ ﺗﺸﻴﻠﻴﻦ ﺍﻳﺪﺝ ﻣﻦ ﺍﻟﻤﺼﺮﻑ
ﺑﻬﺬﺍ ﺍﻟﺒﻴﺖ
ﺗﻠﻤﻴﻦ ﻏﺮﺍﺿﺞ ﻭﺗﻄﻠﻌﻴﻦ ﻣﻦ ﺑﻴﺘﻲ
ﻻﻥ ﺍﻧﺎ ﻣﻮ ﺑﻌﺎﺯﺗﻜﻢ ﻻ ﺍﻧﺘﻲ ﻭﻻ ﺍﺑﻮﺝ ﻭﻻ ﺧﻮﺍﺗﺞ
ﻋﻨﺪﻱ ﺑﻴﺘﻲ ﻭﻋﻨﺪﻱ ﺭﺍﺗﺐ ﺍﻟﺮﻋﺎﻳﺔ ﺍﻻﺟﺘﻤﺎﻋﻴﺔ
ﻭﺍﻟﻠﻪ ﺷﺎﻳﻞ ﺣﻤﺎﻟﺘﻲ ﻓﻼ ﺗﻜﻌﺪﻳﻦ ﻛﻞ ﺷﻮﻳﺔ ﺗﻬﺪﺩﻳﻦ ﺗﺴﺤﺒﻴﻦ
ﺍﻟﻤﺼﺮﻑ ﻣﻦ ﺍﻟﺒﻴﺖ ﺍﻋﺘﺒﺮﻱ ﻫﺬﺍ ﺛﻤﻦ ﻭﺟﻮﺩﺝ ﻫﻨﺎ
ﺩﺍﺭﺕ ﻭﺟﻬﻬﺎ ﻭﻃﻠﻌﺖ ﻣﻦ ﺍﻟﻤﻄﺒﺦ
ﻭﻛﺎﻟﺖ
.. ﻗﺒﻞ ﻻ ﺗﻨﺎﻣﻴﻦ ﻗﻔﻠﻲ ﺍﻟﺒﻴﺒﺎﻥ ﻭﺭﺍﺝ ﻻﻥ ﺍﺑﻮﺝ ﺍﺗﺼﻞ ﻋﻠﻴﺔ ﻭﻛﺎﻝ ﺭﺍﺡ ﺍﺗﺄﺧﺮ ﻻ ﺗﻨﺘﻈﺮﻭﻧﻲ
ﺟﻨﺎ ﻧﺤﺠﻲ ﻭﺟﺎﻥ ﻧﺴﻤﻊ ﺻﻮﺕ ﺍﻟﺠﺮﺱ ﻳﻨﺪﻙ
ﻧﺸﻔﺖ ﺍﻳﺪﻱ ﺑﺎﻟﻤﻨﺸﻔﺔ ﻭﺑﺎﻭﻋﺖ ﻟﻠﺴﺎﻋﺔ ﺟﺎﻧﺖ ﺍﻟﺴﺎﻋﺔ ﺏ١١ ﺑﺎﻟﻠﻴﻞ
ﺳﻠﻴﻤﺔ .. ﻣﻨﻮ ﺍﺟﺎﻧﺎ ﺑﻬﺎﻟﻠﻴﻞ ﻟﺘﻜﻮﻥ ﻫﻢ ﺍﺧﺘﺞ ﺟﺎﻳﺘﻨﻪ ﻣﻜﺘﻮﻟﺔ
......
ﻣﺎ ﺍﺩﺭﻱ ﻫﺴﺔ ﺍﺷﻮﻑ ﻣﻨﻮ
ﻭﻃﻠﻌﺖ ﻟﻠﺒﺎﺏ ﺍﺷﻮﻑ ﻣﻨﻮ ﺍﺟﺎﻧﺎ
ﻭﺳﻠﻴﻤﺔ ﺍﺟﺘﻲ ﻭﺭﺍﻱ ﻭﻭﻛﻔﺖ ﻳﻤﻲ
ﻭﺍﻧﻲ ﻓﺘﺤﺖ ﺍﻟﺒﺎﺏ ﻭﺳﻠﻴﻤﺔ ﻣﺪﺕ ﺭﺍﺳﻬﺎ
ﻭﺳﺄﻟﺖ . ﻣﻨﻮ
ﺳﻤﻌﺖ ﺻﻮﺕ ﺭﺟﺎﻝ ﺟﺒﻴﺮ ﺳﻠﻢ ﻋﻠﻴﻬﺎ ﻭﺳﺄﻟﻬﺎ
ﻭﻛﺎﻝ .. ﺣﺠﻴﺔ ﺍﺛﻴﺮ ﻭﻳﻦ ﺍﺭﻳﺪﻩ ﺑﺸﻐﻠﺔ ﻛﻠﺶ ﻣﻬﻤﺔ
ﺟﺎﻥ ﻳﺤﺠﻲ ﻭﻳﺔ ﺳﻠﻴﻤﺔ ﻭﻋﻴﻮﻧﻪ ﻋﻠﻴﺔ . ﺍﻛﻠﺘﻨﻲ ﺍﻛﻞ
ﻋﻤﺔ ﺣﺘﻰ ﻋﻤﺔ ﺷﻠﻮﻥ ﻳﺒﺎﻭﻉ ﻫﺬﺍ ﺍﻟﺸﺎﻳﺐ
ﺍﺑﺘﻌﺪﺕ ﻋﻦ ﻧﻈﺮﻩ ﻭﺻﺮﺕ ﻭﺭﺓ ﺍﻟﺒﺎﺏ ﺍﺳﻤﻌﻬﻢ ﺷﻨﻮ ﻳﺤﺠﻮﻥ
ﺳﻠﻴﻤﺔ ﻛﻤﻠﺖ ﻛﻼﻣﻬﺎ .. ﻳﺎ ﺧﺎﻟﺔ ﻣﻨﻮ ﺍﻛﻠﻪ ﻣﻦ ﻳﺠﻲ
.. ﻛﻠﻴﻠﺔ ﺍﺟﺔ ﻋﻠﻴﻚ ﺷﺎﻛﺮ ﺻﺎﺣﺒﻚ
ﺍﺗﺴﻌﺖ ﻋﻴﻮﻧﻲ ﻋﺮﻓﺘﻪ ﻫﺬﺍ ﻧﻔﺴﻪ ﺍﻟﻲ ﻋﻤﻮ ﺍﻣﺠﺪ
ﻳﻀﻮﺝ ﻣﻨﻪ ﻭﻳﻜﻮﻝ ﻋﻨﻪ ﻃﻠﻊ ﻣﻦ ﺍﻟﺴﺠﻦ ﻭﺑﺪﺕ ﺍﻟﻤﺸﺎﻛﻞ
ﺍﻫﻮﻭﻭ ﻫﺬﺍ ﻫﺴﺔ ﻳﺮﺟﻊ ﻳﺤﻮﻡ ﻓﻮﻙ ﺭﺍﺱ ﺍﺑﻮﻱ
ﺍﻛﻴﺪ ﻫﺴﺔ ﺟﺎﻳﺒﻠﻨﺎ ﻣﺼﻴﺒﺔ
ﺳﻤﻌﺖ ﺳﻠﻴﻤﺔ ﺳﻠﻤﺖ ﻋﻠﻴﻪ ﻭﺩﺧﻠﺖ ﻭﺳﺪﺕ ﺍﻟﺒﺎﺏ
ﻭﻫﻲ ﺗﻜﻮﻝ
.. ﺍﻟﻠﻪ ﻳﺴﺘﺮ ﺷﺎﻛﺮ ﺑﻨﻔﺴﻪ ﺍﺟﺔ ﻳﺴﺄﻝ ﻋﻦ ﺍﺑﻮﺝ
ﻭﺍﻟﻠﻪ ﻣﺎ ﻋﺮﻓﺘﻪ ﻫﻮﺍﻱ ﻣﺘﻐﻴﺮ ﻭﻛﺒﺮﺍﻥ
ﺍﺗﺼﻠﻲ ﻋﻠﻰ ﻋﻤﺞ ﺍﻣﺠﺪ ﺧﻠﻲ ﺑﺎﺟﺮ ﻳﺸﻮﻑ ﺍﺑﻮﺝ ﺷﻌﻨﺪﻩ ﺭﺟﻊ ﻭﻳﺔ ﺻﺨﻤﺎﻥ
ﻗﺒﻞ ﻻ ﻳﺠﻴﺒﻠﻲ ﺑﻠﻮﺓ ﺟﺪﻳﺪﺓ ﻋﻠﻰ ﺭﺍﺳﻲ
...........
ﻫﺪﻯ
ﺟﻨﺖ ﺍﺭﻛﺾ ﺑﺎﻟﺸﺎﺭﻉ ﻛﻠﺶ ﺧﺎﻳﻔﺔ
ﻭﺍﺗﻠﻔﺖ ﺍﻛﻮ ﺭﺟﺎﻝ ﻳﺨﻮﻑ ﻣﺸﻮﺭﺏ ﻳﺮﻛﺾ ﻭﺭﺍﻱ
ﻣﺒﻴﻦ ﻋﻠﻴﻪ ﻣﻦ ﻋﻴﻮﻧﻪ ﻳﺮﻳﺪ ﻳﺴﻮﻳﻠﻲ ﺷﻲ
ﻟﻜﻴﺖ ﺑﺎﺏ ﺑﻴﺖ ﺳﻠﻴﻤﺔ ﻣﻔﺘﻮﺡ ﺭﺣﺖ ﺍﺭﻛﺾ .
ﻭﺻﻠﺖ ﻳﻢ ﺍﻟﺒﺎﺏ ﺭﺩﺕ ﺍﺩﺧﻞ
ﻭﺟﺎﻥ ﺍﻧﻀﺮﺏ ﺑﻜﺼﺘﻲ ﺑﺎﻟﺒﺎﺏ
ﻋﻄﺖ ﺑﺼﻮﺕ ﻭﺻﺮﺕ ﺍﺑﺠﻲ ﻣﺜﻞ ﺍﻟﻄﻔﻠﺔ
ﺩﺧﻠﺖ ﻟﻠﺒﻴﺖ ﺍﺩﻭﺭ ﻋﻠﻰ ﺧﻮﺍﺗﻲ ﺟﺎﻥ ﺍﻟﻜﺔ ﺍﻣﻲ
ﻭﺍﻛﻔﺔ
ﺑﻠﺤﻈﺘﻬﺎ ﺷﻜﺪ ﺟﻨﺖ ﺧﺎﻳﻔﺔ ﺑﺲ ﻣﻦ ﺷﻔﺖ ﺍﻣﻲ
ﺯﺍﻝ ﺧﻮﻓﻲ ﻭﺭﺣﺖ ﺭﻛﻀﺖ ﻋﻠﻴﻬﺎ ﻭﺷﻤﺮﺕ ﻧﻔﺴﻲ ﺑﺤﻀﻨﻬﺎ ﺍﺗﻠﻜﺘﻨﻲ ﻭﻟﻤﺘﻨﻲ ﺑﻴﻦ ﺍﻳﺪﻳﻬﺎ ﻭﺣﻀﻨﺘﻨﻲ
ﺟﻨﺖ ﺍﺑﺠﻲ ﻭﺍﺷﺘﻜﻴﻠﻬﺎ ﻋﻠﻰ ﺿﺮﺑﺔ ﺭﺍﺳﻲ
ﻭﻫﻲ ﺻﺎﺭﺕ ﺗﻤﺴﺢ ﺑﺪﻣﻲ ﺍﻟﻲ ﻳﻨﺰﻝ
ﻣﻦ ﻛﺼﺘﻲ ﺑﻄﺮﻑ ﺛﻮﺑﻬﺎ
ﻭﻛﺎﻟﺖ .. ﻣﻨﻮ ﻣﺒﺠﻲ ﺍﻟﺠﻨﻴﺔ ﺑﻨﺘﻲ
ﺟﺎﻭﺑﺘﻬﺎ .. ﻳﻤﺔ ﻛﻠﻬﻢ ﺍﺫﻭﻧﻲ
ﺍﺑﺎﻭﻉ ﻋﻠﻴﻬﺎ ﺟﺮﺕ ﺣﺴﺮﺓ ﻭﺍﺗﻐﻴﺮ ﻟﻮﻥ ﻭﺟﻬﻪ
ﻣﺜﻞ ﺍﻟﻲ ﺍﺧﺘﻨﻜﺖ
ﻭﻛﺎﻟﺖ .. ﺳﻠﻤﺘﻬﻢ ﺑﻴﺪ ﺍﻟﻠﻪ
ﺑﺲ ﻛﻠﻤﺎ ﺗﺤﺠﻲ ﺗﺘﺨﺮﺑﻂ ﺻﺤﺘﻬﺎ ﺑﺎﻟﺰﺍﻳﺪ
ﺑﺎﻭﻋﺖ ﻋﻠﻴﻬﺎ ﺑﺨﻮﻑ ﻭﺻﺮﺕ ﺍﺗﻮﺳﻞ ﺑﻴﻬﺎ
ﺍﻥ ﻣﺎ ﺗﻘﻬﺮ ﻧﻔﺴﻬﺎ ﻋﻠﻤﻮﺩﻧﺎ
ﺑﺲ ﻣﻊ ﺍﻻﺳﻒ ﺯﺍﺩﺕ ﺣﺎﻟﺔ ﺍﻣﻲ ﺳﻮﺀ ﻋﺒﺎﻟﻚ ﺭﺍﺡ ﺗﻤﻮﺕ
ﺍﺗﺨﺒﻠﺖ ﻭﺍﻧﻲ ﺍﺗﺮﺟﺎﻫﺎ
.. ﻳﻤﺔ ﺍﺑﻮﺱ ﺍﻳﺪﻳﺞ ﻻﺗﻌﻮﻓﻴﻨﺎ ﻭﺍﻟﻠﻪ ﻣﺤﺘﺎﺟﻴﻨﺞ
ﺍﺑﺎﻭﻉ ﻋﻠﻴﻬﺎ ﺭﻓﻌﺖ ﻋﻴﻮﻧﻬﺎ ﻭﺑﺎﻭﻋﺖ ﻭﺭﺍﻱ ﺍﻟﺘﻔﺘﺖ
ﺷﻔﺖ ﺷﻴﻤﺎﺀ ﻭﺍﻛﻔﺔ ﻭﺭﺍﻱ
ﻛﺎﻟﺖ .. ﻟﺸﻴﻤﺎﺀ
.. ﺷﻴﻤﺎﺀ ﻳﻤﺔ ﺍﻧﺎ ﻣﻮ ﺍﻧﻄﻴﺘﺞ ﺧﻤﺲ ﺳﻮﺍﺭﺍﺕ ﺍﺷﻮ ﻻﺑﺴﺔ ﺑﺲ ﺍﺭﺑﻌﺔ
ﺷﻴﻤﺎﺀ ﺭﻓﻌﺖ ﺍﻳﺪﻫﺎ ﺗﺒﺎﻭﻉ ﻋﺎﻟﺴﻮﺍﺭﺍﺕ
ﻭﺭﻓﻌﺖ ﻋﻴﻮﻧﻬﺎ ﻻﻣﻲ ﻣﺘﻔﺎﺟﺌﺔ
ﻭﻛﺎﻟﺖ .. ﻳﻤﺔ ﻭﺍﻟﻠﻪ ﻣﺎ ﺍﻧﺘﺒﻬﺖ ﻋﻠﻰ ﻋﺪﺩﻫﻢ ﻋﺒﺎﻟﻲ ﻻﺑﺴﺔ ﺧﻤﺴﺔ
ﺍﺑﺎﻭﻉ ﻻﻣﻲ ﺣﺰﻧﺖ ﻭ ﺍﻧﺘﻜﺴﺖ ﺻﺤﺘﻬﺎ ﺑﺎﻟﺰﺍﻳﺪ
ﻭﺍﻧﻲ ﺧﻔﺖ ﺑﺎﻟﺰﺍﻳﺪ ﻋﻠﻴﻬﺎ
ﺭﺣﺖ ﺳﻨﺪﺕ ﺍﻣﻲ
ﻭﺿﻤﻴﺘﻬﺎ ﻟﺼﺪﺭﻱ ﺣﻴﻞ ﻭﻛﻠﺘﻠﻬﺎ
ﺍﺫﺍ ﺗﺮﺩﻳﻦ ﺗﺮﺣﻴﻦ ﺍﺧﺬﻧﻲ ﻭﻳﺎﺝ ﻭﻻ ﺗﻌﻮﻓﻴﻨﻲ ﻫﺎﻟﻤﻐﺔ ( ﻫﺎﻟﻤﺮﺓ )
....
ﻭﻣﺜﻞ ﻛﻞ ﻣﺮﺓ
ﺻﺮﺕ ﺍﺣﻀﻦ ﺑﻴﻬﺎ ﻭﺍﺑﻮﺳﻬﺎ ﻭﺍﺗﻨﻔﺲ ﺭﻳﺤﺔ ﺛﻴﺎﺑﻬﺎ
ﻋﺒﺎﻟﻚ ﺍﺭﻳﺪ ﺍﺧﺰﻥ ﻋﻄﺮﻫﺎ ﺑﺬﺍﻛﺮﺗﻲ
ﺑﺲ ﻣﻊ ﺍﻻﺳﻒ ﺍﻣﻲ ﻛﺎﻣﺖ ﺗﺪﻓﻊ ﺑﻴﺔ ﻋﻨﻬﺎ
ﻭﻛﻞ ﺷﻮﻳﺔ ﺍﺣﺲ ﺗﻘﻮﺓ ﺩﻓﻌﺘﻬﺎ ﺗﺮﻳﺪ ﺗﺒﻌﺪﻧﻲ ﻋﻨﻬﺎ
ﻻﻥ ﺟﻨﺖ ﻣﺘﻌﻠﻜﺔ ﻭﻣﺘﻤﺴﻜﺔ ﺑﻴﻬﺎ ﻣﺎ ﺍﺭﻳﺪ ﺍﺗﺮﻛﻬﺎ ﺗﻌﻮﻓﻨﻲ
ﺑﺲ ﻣﺎ ﺍﻋﺮﻑ ﺍﺷﻮ ﺻﻮﺕ ﺍﻣﻲ ﺍﻟﺪﺍﻓﻲ
ﺍﻧﻜﻠﺐ ﻭﺻﺎﺭ ﺧﺸﻦ ﻭﻛﺎﻟﺖ
.. ﺟﻨﻴﺔ ﺳﺘﺮﻱ ﻋﻠﻰ ﺭﻭﺣﺞ ﻭﺧﺮﻱ ﻋﻨﻲ ﻻﻥ ﺣﺮﻛﺘﻲ ﻋﺸﻴﺮﺗﻲ
ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ ﻫﻤﺴﺖ ﺑﺼﻮﺕ ﻭﺍﻫﻦ
.. ﻟﻴﺶ ﻳﻤﺔ ﺗﺼﺪﻳﻨﻲ
ﻟﺤﻈﺎﺕ ﺳﻤﻌﺖ ﺍﻣﻲ ﺗﻜﻠﻲ
.. ﻳﺎ ﺻﻠﻮﺍﺕ ﻋﻠﻰ ﺍﻟﻨﺒﻲ ﻭﻧﻮﺏ ﺻﺮﺕ ﺍﻣﻬﺎ
ﻟﺞ ﻫﻮ ﺍﻧﺘﻲ ﻣﻮ ﻣﺎﻝ ﺍﺣﺘﺮﺍﻡ ﺷﺠﺎﺑﺞ ﻫﻨﺎ
ﺟﺎﻥ ﺍﻟﺼﻮﺕ ﻗﺎﺳﻲ ﻋﻠﻰ ﻣﺴﺎﻣﻊ ﺍﺫﻧﻲ
ﻏﻤﻀﺖ ﻋﻴﻮﻧﻲ ﺑﺤﺰﻥ ﻭﻓﺘﺤﺘﻬﻢ
ﻭﺟﺎﻥ ﺍﺷﻮﻑ ﻭﺟﻬﻲ ﻣﺰﺭﻭﻉ ﺑﺮﻛﺒﺔ ﻗﺎﺳﻢ
ﻭﺩﺍﺧﻠﺔ ﺟﻮﺍﻩ ﻣﺜﻞ ﺍﻟﻜﺘﻮﺕ ﻣﻦ ﻳﺨﺘﻞ ﺟﻮﺓ ﺟﻨﺎﺡ ﺍﻟﺪﺟﺎﺟﺔ
ﻭﺍﻟﻠﻪ ﻋﻴﻨﺎً ﻭﺿﻌﻲ ﻭﻳﺔ ﻗﺎﺳﻢ
ﺣﺴﻴﺖ ﻋﻠﻰ ﺍﻳﺪ ﺩﺗﺰﺣﻒ ﻣﻦ ﺗﺤﺖ ﺍﻟﻐﻄﺎ ﻋﻠﻰ ﻃﻮﻝ
ﺭﺟﻠﻴﺔ ﻋﺒﺎﻟﻚ ﻣﺜﻞ ﺍﻟﺤﻴﺔ ﻣﻦ ﺗﺒﺪﻱ ﺗﺘﻮﻏﻞ
ﻭﺑﻠﺤﻀﺘﻬﺎ ﻭﻋﻴﺖ ﻋﻠﻰ ﻭﺿﻌﻲ ﻭﻳﺔ ﻗﺎﺳﻢ
ﺟﻨﺎ ﺍﺛﻨﻴﻨﺎ ﺗﺤﺖ ﺍﻟﻐﻄﺎ
ﺷﻬﻜﺖ ﺑﺼﻮﺕ ﻣﻔﺰﻭﻋﺔ ﻗﺮﻳﺐ ﻋﺎﻟﺼﺮﺧﺔ
ﻭﺑﺪﺓ ﻋﻘﻠﻲ ﻳﺴﺘﻮﻋﺐ ﻣﻜﺎﻧﻲ ﻭﻭﺿﻌﻲ
ﻭﻫﻮ ﻓﺰ ﻣﻦ ﻣﻜﺎﻧﻪ ﻣﺼﺪﻭﻡ ﻣﺜﻠﻲ
ﻋﻄﺖ ﺑﻲ ﻭﺩﻓﻌﺘﻪ ﻣﻦ ﺻﺪﺭﻩ ﺍﺭﻳﺪ ﺍﺳﺤﺐ ﻧﻔﺴﻲ ﻣﻦ ﺟﻮﺓ ﺣﻀﻨﻪ
ﻭﺣﺠﻴﺖ ﺑﻜﻞ ﻋﺼﺒﻴﺔ ﻭﺍﻧﻲ ﻛﻠﻲ ﺍﺭﺟﻒ
.. ﻫﺎ ﻗﺎﺳﻢ ﻭﻳﻦ ﻭﻋﺪﻙ ﺍﻟﻲ
ﺍﺑﺘﻌﺪ ﻋﻨﻲ ﻭﻫﻮ ﻳﻠﻌﻦ ﻭﻳﺴﺐ
ﻗﺎﺳﻢ ﺑﻐﻴﺾ .. ﻫﻮ ﻣﻦ ﻭﺭﺍﺝ ﻭﻭﺭﺓ ﺳﻮﺍﻳﺘﺞ
ﻳﺒﻘﻰ ﻭﻋﺪ .. ﻛﻠﻤﺔ ﺷﺮﻑ ؟؟
ﻳﻌﻨﻲ ﺍﺣﻠﻔﺞ ﺑﺎﻟﻠﻪ ﺭﺟﺎﻝ ﻧﺎﻳﻢ ﻋﻠﻰ ﺣﺐ ﺍﻟﻠﻪ
ﺍﺷﻮ ﻓﺠﺎﺀﺓ ﻭ ﻣﺎ ﺍﺣﺲ ﺍﻻ ﻭﺍﻧﺘﻲ ﺩﺍﺧﻠﺔ ﺟﻮﺓ ﺣﻀﻨﻲ
ﻭﻧﺰﻟﺘﻲ ﻋﻠﻴﺔ ﺑﻮﺱ ﻭﺣﻀﻦ ﻭﺗﺘﻮﺳﻠﻴﻦ ﺑﻴﺔ
ﺣﺘﻰ ﻣﺎ ﺍﻋﻮﻓﺞ
ﻛﻌﺪﺕ ﻋﻠﻰ ﺣﻴﻠﻲ ﺑﺎﻟﺴﺮﻳﺮ ﻭﺍﻧﻲ ﺣﺎﺻﺮﺗﻨﻲ ﺍﻟﺒﺠﻴﺔ ﻭﺍﻟﻔﺸﻠﺔ
.. ﻋﻠﻴﻚ ﺍﻟﻠﻪ ﻻ ﺗﻔﻬﻤﻨﻲ ﻏﻠﻂ ﻭﺍﻟﻠﻪ ﺟﻨﺖ ﺍﺣﻠﻢ ﺑﺄﻣﻲ
ﻻ ﻳﻐﻮﺡ ﺗﻔﻜﻴﻐﻚ ( ﻻ ﻳﺮﻭﺡ ﺗﻔﻜﻴﺮﻙ ) ﺑﻌﻴﺪ
.. ﺯﻳﻦ ﺍﻧﺘﻲ ﺍﻟﻲ ﻣﺘﻐﻴﺪﻳﻦ ﻳﻐﻮﺡ ﺗﻔﻜﻴﻐﻲ ﺑﻌﻴﺪ
ﺑﺮﺑﺞ ﺍﻛﻮ ﻭﺍﺣﺪ ﻛﺎﻳﻠﺞ ﺍﻧﺎ ﻣﻼﻙ
ﺷﻜﺎﻟﺘﻠﺞ ﺭﻭﺣﺞ ﻣﻦ ﺍﺟﻴﺘﻲ ﻭﻧﻤﺘﻲ ﻳﻤﻲ
ﻋﺎﻟﺴﺮﻳﺮ
ﺍﺭﺗﺒﻜﺖ ﻭﺣﺠﻴﺖ ﺍﺩﺍﻓﻊ ﻋﻦ ﻧﻔﺴﻲ
.. ﻭﺍﻟﻠﻪ ﺍﻟﺒﺎﺭﺣﺔ ﻛﻠﻪ ﻣﺎ ﻧﻤﺖ ﺍﺩﻭﻍ ( ﺍﺩﻭﺭ ) ﻋﻠﻰ ﻓﺮﺍﺵ
ﺣﺘﻰ ﺍﻧﺎﻡ ﺑﺎﻟﻜﺎﻉ ﺑﺲ ﻣﺎ ﻟﻜﻴﺖ ﻭﺧﻔﺖ ﺍﻃﻠﻊ ﻭﺍﻣﻚ ﺗﻠﻜﻔﻨﻲ
ﻭﺍﺣﻨﺎ ﻣﺎ ﻋﺎﻳﺰﻳﻦ ﺍﺳﺌﻠﺔ ﺟﺪﻳﺪﺓ
ﻓﺸﻔﺘﻚ ﻧﺎﻳﻢ ﻭﺗﻄﻤﻨﺖ
ﻛﻠﺖ ﺑﺲ ﻫﺎﻟﻠﻴﻠﺔ ﺍﻧﺎﻡ ﻭﺑﺎﺟﺮ ﺍﺩﺑﺮ ﺍﻣﻮﺭﻱ
ﻋﻔﺲ ﻭﺟﻬﻪ ﻭﺭﻓﻊ ﺷﻌﺮﻩ ﺍﻟﻤﻬﻮﺱ ﻟﻠﺨﻠﻒ
ﻭﻛﺎﻝ
.. ﺿﺮﻭﺭﻱ ﻻﺯﻡ ﺗﺴﻮﻳﻠﺞ ﺣﻞ ﻟﻬﺎﻱ ﺍﻟﻤﺼﻴﺒﺔ
ﺷﻮﻓﻴﻠﺞ ﺍﻱ ﻣﻜﺎﻥ ﺗﻨﺎﻣﻴﻦ ﺑﻴﻪ
ﺑﺎﻟﻜﺎﻉ ﻓﻮﻙ ﺍﻟﻜﻨﺘﻮﺭ ﺟﻮﺓ ﺍﻟﺠﺮﺑﺎﻳﺔ
ﺍﻫﻢ ﺷﻲ ﻣﻮ ﻳﻤﻲ
ﻫﺎﻟﻤﺮﺓ ﻫﻢ ﺭﺍﺡ ﺍﻣﺸﻴﻬﺎ ﺍﻟﺞ
ﻣﺮﺓ ﺛﺎﻧﻴﺔ ﺍﻟﻜﺎﺝ ﻧﺎﻳﻤﻪ ﺑﺤﻀﻨﻲ ﺣﻀﺮﻱ ﻧﻔﺴﺞ ﻟﻠﻔﻘﺮﺓ ﺍﻟﻲ ﻭﺭﺍﻫﺎ
ﺍﻟﻴﻮﻡ ﺣﻠﻤﺘﻲ ﺑﺄﻣﺞ ﻭﻛﻌﺪﺗﻲ ﺗﺤﻀﻨﻴﻦ ﻭﺗﺒﻮﺳﻴﻦ
ﺧﺎﻑ ﺍﻟﺤﻠﻢ ﺍﻟﺠﺎﻱ ﺗﺤﻠﻤﻴﻦ ﺑﺄﺧﺘﺞ ﺷﻴﻤﺎﺀ ﻭﺍﺭﻭﺡ ﺍﻧﺎ ﺑﺎﻟﺮﺟﻠﻴﻦ
...
ﺻﺎﺭﺕ ﺧﺪﻭﺩﻱ ﺣﻤﺮ ﻧﺎﺭ ﻣﻦ ﺍﻟﻔﺸﻠﺔ ﺷﻜﺪ ﺯﺣﻤﺔ
ﺣﺠﻴﺖ ﺍﺭﻳﺪ ﺍﻏﻄﻲ ﻋﻠﻰ ﺍﺣﺮﺍﺟﻲ ﻛﺪﺍﻣﻪ
.. ﺍﺣﻤﺪ ﻏﺒﻚ ﻭﺷﻜﻐﻪ ( ﺭﺑﻚ ﻭﺷﻜﺮﻩ ) ﺍﻧﻲ ﺟﻨﺖ ﺍﺣﻠﻢ ﺑﺄﻣﻲ
ﻣﻮ ﺯﻳﻦ ﻣﺎ ﺣﻠﻤﺖ ﺑﺴﻠﻴﻤﺔ ﺟﺎﻥ ﺷﺒﻌﺘﻚ ﻏﻔﺲ ( ﺭﻓﺲ ) ﻭﺳﺐ
ﻭﻣﻮ ﺑﻌﻴﺪ ﺗﻠﻜﺎﻧﻲ ﺣﺎﻃﺔ ﺍﻟﻤﺨﺪﺓ ﻋﻠﻰ ﻭﺟﻬﻚ ﺣﺘﻰ ﺍﺧﻨﻜﻚ
ﺟﻨﺖ ﺍﺣﺠﻲ ﻭﺍﺿﺤﻚ ﻋﺎﻟﻤﻨﻈﺮ
.. ﻻ ﻣﺎ ﻧﺎﻭﻱ ﺍﻧﺘﻈﺮﺝ ﺗﺤﻠﻤﻴﻦ ﻣﺮﺓ ﺍﻟﻠﺦ
ﺑﺎﻟﻠﻪ ﺷﻮ ﻛﻮﻣﻲ ﻣﻦ ﻳﻤﻲ ﻭﻃﻠﻌﻲ ﺑﺮﺓ
ﻛﻤﺖ ﻣﻦ ﻣﻜﺎﻧﻲ ﻭﺍﻧﺴﺤﺐ ﺍﻟﻐﻄﺎ ﻭﻳﺎﻱ ﺑﺄﺛﻨﺎﺀ ﻣﻜﻤﺖ
ﺍﺷﻮ ﻫﺬﺍ ﻋﺎﻁ ﺑﻴﺔ ﻭﻛﻤﺰﻧﻲ
ﻭﺭﺟﻊ ﺳﺤﺐ ﺍﻟﻐﻄﺎ ﻭﺍﺗﻐﻄﻰ ﺑﻴﻪ
ﺣﺠﺔ ﻣﻦ ﺑﻴﻦ ﺍﺳﻨﺎﻧﻪ ﻭﻫﻮ ﻳﻌﺪﻝ ﺍﻟﻐﻄﺎ ﻋﻠﻰ ﺧﺼﺮﻩ
.. ﻋﻮﻓﻲ ﺍﻟﻐﻄﺎ ﻭﻃﻠﻌﻲ ﺑﺮﺓ
.. ﺷﻜﻮ ﺷﺒﻴﻚ ﻛﻤﺰﺗﻨﻲ ﺍﻟﻠﻪ ﻳﻠﻌﻦ ﺑﻠﻴﺴﻚ ﻫﺎﻱ ﻛﻠﻪ ﻋﻠﻤﻮﺩ
ﺳﺤﺒﺖ ﺍﻟﻐﻄﺎ ﻣﻨﻚ
ﻋﻘﺪﺕ ﺣﻮﺍﺟﺒﻲ ﻭﺍﻟﻔﻀﻮﻝ ﺍﻟﻬﺪﺍﻭﻱ ﻳﻘﺮﺓ ﺍﻟﻒ
ﺍﺭﻳﺪ ﺍﻋﺮﻑ ﻫﺬﺍ ﺷﺒﻲ ﻋﺒﺎﻟﻚ ﻭﺍﺣﺪ ﻭﺍﻛﻊ ﺑﻤﺄﺯﻕ
ﻛﺎﻝ ﺑﻐﻴﺾ ﻳﺮﻳﺪ ﻳﺎﻛﻠﻨﻲ
.. ﺧﺮﺏ ﺑﺎﻟﻘﺴﻤﺔ ﺍﻟﺴﻮﺩﺓ ﺑﺎﻟﻠﻪ ﻫﺎﻱ ﺷﺤﺠﻲ ﻭﻳﺎﻫﺎ
ﻭﻟﺞ ﺟﻨﻴﺔ ﻏﻴﺮ ﺑﺨﺘﺞ ﺑﺎﻟﻐﻄﺎ ﺑﺎﻗﻲ ﺳﺎﺗﺮ ﻋﻠﻴﻨﺎ
ﺑﺎﻭﻋﺖ ﺑﻮﺟﻬﻪ ﻭﺍﻧﻲ ﺍﺣﺲ ﺍﺫﺍﻧﺎﺗﻲ ﻃﺎﻟﺖ ﻣﺜﻞ ﺍﻟﺤﻤﺎﺭ
ﻭﺍﻟﻠﻪ ﺣﺮﺍﻡ ﺑﺎﻟﺤﺮﻡ ﺍﺫﺍ ﺍﻓﺘﻬﻤﺖ ﻛﻠﻤﺔ ﻭﺣﺪﺓ ﻣﻨﻪ
ﻛﻀﺎﻫﺎ ﻋﻠﻴﺔ ﺑﺲ ﻳﺰﻣﺦ
ﻓﺰﻳﺖ ﻣﻔﺰﻭﻋﺔ ﻋﻠﻰ ﺻﻮﺗﻪ
.. ﺗﺘﺤﺮﻛﻴﻦ ﻣﻨﺎ ﻭﺗﻄﻠﻌﻴﻦ ﻻ ﻭﺍﻟﻠﻪ ﺍﺟﻲ ﺍﺳﺤﻠﺞ
ﻭﻣﺎ ﺗﻠﻮﻣﻴﻦ ﺍﻻ ﻧﻔﺴﺞ
ﺍﻧﻲ ﻫﻲ ﻛﻤﺰﺓ ﻭﻫﻲ ﻓﻠﺘﺔ ﻃﻠﻌﺖ ﻣﻦ ﺍﻟﻐﺮﻓﺔ ﻣﺎ ﻳﺸﻮﻑ ﺍﻻ ﻏﺒﺎﺭﻱ
ﺳﺪﻳﺖ ﺍﻟﺒﺎﺏ ﻭﺭﺍﻱ ﻭﺍﻧﻲ ﺍﻋﺪﻝ ﺑﻬﻮﺳﺔ ﺷﻌﺮﻱ
ﺟﺎﻧﺖ ﻣﺮﺗﺒﻜﺔ ﻭﺧﺪﻭﺩﻱ ﺣﻤﺮ
ﺟﺎﻥ ﺗﻄﻠﻊ ﺍﻡ ﻗﺎﺳﻢ ﻣﻦ ﻏﺮﻓﺔ ﻫﺸﺎﻡ
ﺍﺳﻤﻌﻬﺎ ﺗﻜﻠﻪ
.. ﻳﺎﻟﻠﻪ ﻳﻤﺔ ﻫﺸﻮﻣﻲ ﻫﻢ ﻳﺎﻟﻠﻪ ﺗﻜﻮﻡ
ﺗﺮﻭﺡ ﻋﻠﻰ ﺷﻐﻠﻚ ﻗﺒﻞ ﻻ ﻳﻜﻌﺪ ﻗﺎﺳﻢ ﻭﻳﻠﻜﺎﻙ ﻣﺎ ﺭﺍﻳﺢ ﻭﻳﻠﻌﺐ ﺑﻴﻚ ﻃﻮﺑﺔ
ﺍﻟﺘﻔﺘﺖ ﻭﺳﺪﺕ ﺑﺎﺏ ﻏﺮﻓﺘﻪ ﻭﺻﺎﺭﺕ ﺑﻮﺟﻬﻲ
ﺍﺑﺎﻭﻉ ﻋﻠﻴﻬﺎ ﻛﺼﺘﻨﻲ ﻣﻦ ﻓﻮﻙ ﻟﻴﺠﻮﺓ
ﻭﺿﺤﻜﺖ ﻣﺎﻋﺠﺒﻬﺔ .. ﻣﺎﻣﺎ ﻫﺪﺍﻭﻱ ﺷﺒﻴﺞ ﻃﺎﻟﻌﺔ ﻣﻦ ﻏﺮﻓﺘﺞ ﻣﺴﺘﻌﺠﻠﺔ ﺑﺎﻟﻠﻪ ﺷﻮ ﺩﻛﻤﻲ ﺛﻮﺑﺞ
ﻣﻨﻮ ﺭﺍﻛﺾ ﻭﺭﺍﺝ ﻭﻣﻨﺎ ﻭﺭﺍﻳﺢ ﺩﻳﺮﻱ ﺑﺎﻟﺞ
ﺗﺮﺓ ﻫﺸﺎﻡ ﻫﻨﺎ ﻭﻋﻴﺐ ﻳﺸﻮﻓﺞ ﺑﻬﻴﺞ ﻣﻨﻈﺮ
ﺑﺎﻭﻋﺖ ﻋﺎﻟﺒﺎﺏ ﻭﺭﺍﻱ
.. ﺷﻨﻮ ﻗﺎﺳﻢ ﻛﻌﺪ ﻟﻮ ﺑﻌﺪﻩ ﻧﺎﻳﻢ
ﻫﻲ ﺗﺤﺠﻲ ﻭﺍﻧﻲ ﺻﺮﺕ ﺑﻨﺺ ﻫﺪﻭﻣﻲ
ﻳﺎﺭﺑﻲ ﻭﻳﻦ ﺍﻧﻄﻲ ﻭﺟﻬﻲ ﻣﻦ ﻗﺎﺳﻢ ﻭﺍﻣﻪ ﻭﺍﺣﺪ ﻳﺮﻓﻊ ﻭﺍﻟﺜﺎﻧﻲ ﻳﻜﺒﺲ
.. ﺍﻱ ﺧﺎﻟﺔ ﻫﺴﺘﻮﺓ ﻛﻌﺪ ﻭﻛﻠﻲ ﻧﺰﻟﻲ ﺳﻮﻳﻠﻲ ﻏﻴﻮﻙ ( ﺭﻳﻮﻙ )
.. ﻣﺎ ﻳﺤﺘﺎﺝ ﺍﻧﺎ ﻣﺴﻮﻳﺔ ﺍﻟﺮﻳﻮﻙ ﻭﻣﺨﻠﺼﺘﻪ
ﻓﻮﺗﻲ ﺑﺪﻟﻲ ﺛﻮﺑﺞ ﻭﺗﻌﺎﻱ ﻧﺰﻟﻲ ﺣﺘﻰ ﺗﺴﻠﻤﻴﻦ ﻋﺎﻟﺒﻨﺎﺕ ﻗﺒﻞ ﻻ ﻳﺴﺎﻓﺮﻥ
ﺍﺑﺎﻭﻉ ﻋﻠﻴﻬﺎ ﺩﺍﺭﺕ ﻭﺟﻬﺎ ﻭﺭﺍﺣﺖ ﻋﻠﻰ ﻏﺮﻑ ﺍﻟﺒﻨﺎﺕ
ﻭﻓﺘﺤﺖ ﺍﻻﺿﻮﻳﺔ ﻭﺩﺧﻠﺘﻬﻢ ﺍﻧﺬﺍﺭ ﺟﻴﻢ
ﻇﻠﻴﺖ ﻭﺍﻛﻔﺔ ﻳﻢ ﺍﻟﺒﺎﺏ ﻣﺜﻞ ﺍﻟﻄﺎﻟﺐ ﺍﻟﻤﻌﺎﻗﺐ ﺷﻠﻮﻥ ﻳﺎﺭﺑﻲ
ﻭﺍﻟﻠﻪ ﻭﺭﻃﺔ . ﻗﺎﺳﻢ ﻃﺮﺩﻧﻲ ﻣﻦ ﺍﻟﻐﺮﻓﺔ
ﻭﺍﻣﻪ ﺗﺮﺟﻌﻨﻲ ﻟﻠﻐﺮﻓﺔ
ﻭﻋﻠﻰ ﻫﺎﻟﺤﺴﺒﺔ ﻃﻠﻌﺖ ﺍﻡ ﻗﺎﺳﻢ ﻣﻦ ﻏﺮﻓﺔ ﻫﺪﻳﻞ ﻭﻫﻲ ﺗﺴﺘﻌﺠﻠﻬﺎ ﺗﻨﺰﻝ ﻭﺭﺍﻫﺎ ﺩﻭﺍﻡ
ﻭﺷﺎﻓﺘﻨﻲ ﻭﺍﻛﻔﺔ ﺑﻤﻜﺎﻧﻲ ﻭﺧﺰﺭﺗﻨﻲ
.....
ﻋﺎﺩ ﺍﻧﻲ ﺑﺲ ﺷﻔﺘﻬﺎ ﻧﻈﺮﺗﻬﺎ
ﻛﺒﻞ ﺭﻛﻌﺖ ﺑﺎﻟﻜﺎﻉ ﻭﺻﺮﺕ ﺍﺗﻠﻤﺲ ﺑﻴﻬﺎ
ﺳﻮﻳﺖ ﻧﻔﺴﻲ ﺍﺩﻭﺭ ﻋﻠﻰ ﺷﻲ ﻭﻫﻤﻲ ﺿﺎﻳﻊ ﻳﻢ ﺍﻟﺒﺎﺏ
.. ﻫﺎ ﺷﻨﻮ ﺗﺪﻭﺭﻳﻦ
ﺟﺎﻭﺑﺘﻬﺎ ﻭﺍﻧﻲ ﻣﻠﺘﻬﻴﺔ ﺍﺩﻭﺭ ﻋﻮﺩ ﻣﺸﻐﻮﻟﺔ
.. ﺗﻚ ﺗﺮﺟﻴﺘﻲ ﻭﻛﻌﺖ ﻣﻨﻲ ﻭﻛﺎﻋﺪﻩ ﺍﺩﻭﺭ ﻋﻠﻴﻬﺎ
ﻭﺻﺮﺕ ﻣﻦ ﺯﻭﺩ ﺍﻟﺤﻤﺎﺱ ﺍﺯﺣﻒ ﻣﺜﻞ ﺍﻟﻄﻔﻞ ﻋﻠﻰ ﺭﻛﺒﻲ
ﻭﺍﻳﺪﻱ ﻋﺒﺎﻟﻚ ﺻﺪﻙ ﺿﺎﻳﻌﻠﻲ ﺫﻫﺐ
ﺍﺟﺘﻲ ﻭﻭﻛﻔﺖ ﻓﻮﻙ ﺭﺍﺳﻲ
.. ﺍﻧﺘﻲ ﻣﺘﺄﻛﺪﺓ ﻭﻛﻌﺖ ﻣﻨﺞ ﻫﻨﺎ
ﺍﺷﻮ ﺗﺮﺍﺟﻴﺞ ﺍﺛﻨﻴﻨﻬﻢ ﻣﺎ ﻻﺑﺴﺘﻬﻢ
ﺑﻠﻌﺖ ﺭﻳﻜﻲ ﺍﻟﻠﻪ ﻳﻠﻌﻦ ﺣﺒﻞ ﺍﻟﺠﺬﺏ ﺷﻜﺪ ﻛﺼﻴﺮ
.. ﻫﻬﻬﻪ ﻻ ﺧﺎﻟﺔ ﺍﻧﻲ ﺟﻨﺖ ﻻﺑﺴﺔ ﺑﺲ ......
ﻭﺟﺎﻥ ﻳﻨﻔﺘﺢ ﺍﻟﺒﺎﺏ ﻭﻗﺎﺳﻢ ﻳﺘﻌﺜﺮ ﺑﻴﺔ ﺯﻳﻦ ﻣﺎ ﻭﻛﻊ ﺍﻟﺮﺟﺎﻝ ﻋﻠﻰ ﻭﺟﻬﻪ
ﺍﻡ ﻗﺎﺳﻢ .. ﺍﻟﻠﻪ .. ﺍﻟﻠﻪ .. ﺯﻳﻦ ﻣﺎ ﻭﻛﻌﺖ
ﺍﻱ ﻏﻴﺮ ﺗﻨﺘﺒﻪ ﺷﺒﻴﻚ ﻃﺎﻟﻊ ﻣﺴﺘﻌﺠﻞ
ﻗﺎﺳﻢ ﻭﻧﻈﺮﺓ ﺍﻟﻌﺜﺮﺓ ﺍﻟﻤﻔﺎﺟﺌﺔ ﺑﻌﺪﻫﺎ ﻋﻠﻰ ﻭﺟﻬﻪ
ﺟﺎﻭﺑﻬﺎ ﻭﻫﻮ ﻳﺒﺎﻭﻉ ﻋﻠﻴﺔ
.. ﻫﻮ ﺷﻨﺘﺒﻪ ﺍﺫﺍ ﺍﻧﺎ ﻣﺘﺰﻭﺟﻠﻲ ﺟﻨﻴﺔ ﻛﻞ ﺷﻮﻳﺔ
ﻭﻣﻜﻤﺰﺗﻨﻲ ﻭﻃﺎﻟﻌﺘﻠﻲ ﺑﻤﻜﺎﻥ
ﺟﺎﻥ ﻳﺤﺠﻲ ﻭﻳﺒﺎﻭﻉ ﻋﻠﻴﺔ
ﺑﻴﻦ ﻣﺎ ﻫﻤﺔ ﺟﺎﻧﻮ ﻣﻠﺘﻬﻴﻦ ﺑﺎﻟﺴﻮﺍﻟﻒ ﺍﻧﻲ ﻛﻤﺖ ﻣﻦ ﻣﻜﺎﻧﻲ
ﺍﺭﻳﺪ ﺍﺣﺎﻓﻆ ﻋﻠﻰ ﺑﻘﺎﻳﺎ ﻣﺎﺀ ﻭﺟﻬﻲ ﻭﺍﺭﺟﻊ ﻟﻐﺮﻓﺘﻲ
ﺑﻘﻮﺍ ﻫﻤﺔ ﻳﺤﺠﻮﻥ ﻭﺍﻧﻲ ﻓﺘﺖ ﻟﻠﻐﺮﻓﺔ ﻭﺑﻮﺟﻬﻲ ﻟﻠﺤﻤﺎﻡ
ﻭﺳﺪﻳﺖ ﺍﻟﺒﺎﺏ ﻭﻇﻠﻴﺖ ﻣﻨﺘﻈﺮﺗﻬﻢ
ﺷﻮﻛﺖ ﻳﻨﺰﻟﻮﻥ
ﻭﺍﻟﻠﻪ ﻭﻛﺄﻧﻬﻢ ﺳﻤﻌﻮﺍ ﻛﻼﻣﻲ ﻭﺭﺍﺣﻮﺍ ﻭﻧﺰﻟﻮ ﺟﻮﺓ
ﺍﺗﻨﻬﺪﺕ ﺑﺮﺍﺣﺔ ﻳﻤﺔ
ﺍﻟﻠﻪ ﻳﻠﻌﻨﻚ ﻳﺎﻟﺸﻴﻄﺎﻥ
ﺷﻠﻮﻥ ﺣﻆ ﻋﻠﻴﺔ ﺍﻃﻠﻊ ﻣﻦ ﻣﻮﻗﻒ ﻣﺤﺮﺝ ﺍﻭﻛﻊ ﺑﺎﻻﻗﻮﻯ ﻣﻨﻪ
ﻏﺴﻠﺖ ﻭﺑﺪﻟﺖ ﻭﺣﻀﺮﺕ ﺷﺎﻟﻲ ﻭﻧﺰﻟﺖ ﺟﻮﺓ
ﻭﺟﺎﻥ ﺍﺷﻮﻑ ﻗﺎﺳﻢ ﻭﻫﺸﺎﻡ ﻭﺍﻟﺒﻨﺎﺕ ﻣﺤﻀﺮﻳﻦ ﻧﻔﺴﻬﻢ
ﻳﺮﺩﻭﻥ ﻳﺴﺎﻓﺮﻭﻥ ﺳﺮﻭﺭ ﻭﻓﺎﻃﻤﺔ ﻭﺟﻬﺎﻟﻬﻢ
ﺍﺑﺎﻭﻉ ﻟﻠﺒﻨﺎﺕ ﻳﺤﺠﻦ ﻭﻳﺔ ﺍﺧﻮﻫﻢ ﻗﺎﺳﻢ
ﻓﺎﻃﻤﺔ .. ﻗﺴﺎﻡ ﺧﻮﻳﺔ ﻟﻴﺶ ﻫﺸﻜﻞ ﻣﻜﻠﻒ ﺭﻭﺣﻚ
ﻭﻣﺤﻤﻞ ﺳﻴﺎﺭﺓ ﺳﻔﺮﻧﺎ ﺑﺎﻟﻐﺮﺍﺽ ﻭﺍﻟﻤﺸﺘﺮﻳﺎﺕ
ﻭﺍﻟﻠﻪ ﺧﻴﺮﻙ ﻣﻐﺮﻛﻨﻲ
ﺍﻧﺘﺒﻬﺖ ﻋﻠﻴﻪ ﺍﺗﻬﺮﺏ ﻣﺤﺮﺝ ﻣﻦ ﺍﻟﻤﻮﻗﻒ
ﻋﺮﻓﺖ ﺑﻲ ﻳﻀﻮﺝ ﻣﻦ ﺍﻟﻤﻮﺍﻗﻒ ﺍﻟﺤﺴﺎﺳﺔ
ﻗﺎﺳﻢ .. ﻳﺎﺑﺔ ﻫﺬﺍ ﻭﺍﺟﺐ ﻣﺎ ﻣﺴﻮﻱ ﻋﻠﻴﻜﻢ ﻓﻀﻞ
ﺍﻧﺎ ﺍﺧﻮﺝ ﺷﻨﻮ ﻧﻔﻌﻲ ﺍﻟﻜﻢ
ﺳﺮﻭﺭ .. ﺭﺑﻲ ﻳﻌﻠﻲ ﻣﺮﺍﺗﺒﻚ ﻭﺗﺒﻘﻰ ﺩﻭﻡ ﺭﺍﻓﻊ ﺭﺍﺳﻲ
ﺍﻭﻝ ﻣﺮﺓ ﺑﺤﻴﺎﺗﻲ ﺍﻓﺘﻘﺪ ﻟﺸﻌﻮﺭ ﺍﻻﺥ
ﻳﻤﻜﻦ ﺍﻧﻲ ﻭﺧﻮﺍﺗﻲ ﻟﻮ ﻋﻨﺪﻧﺎ ﺍﺥ ﺟﺎﻥ ﻫﻮﺍﻱ ﺍﻣﻮﺭ ﺍﺗﻐﻴﺮﺕ ﺑﺤﻴﺎﺗﻨﺎ
ﺣﺴﺪﺗﻬﻦ ﻋﻠﻰ ﺍﺧﻮﻫﻦ ﺍﺗﻤﻨﻴﺖ ﻋﻨﺪﻱ ﺍﺥ ﻣﺜﻞ ﻗﺎﺳﻢ
ﻫﻴﺞ ﻳﺤﻦ ﻋﻠﻴﺔ
ﺍﺍﺑﺎﻭﻉ ﻋﻠﻴﻪ ﺑﺎﺱ ﺳﺮﻭﺭ ﻣﻦ ﺭﺍﺳﻬﺎ ﻭﺣﺠﺔ ﻭﻳﺎﻫﺎ ﺑﺼﻮﺕ ﻧﺎﺻﻲ
ﺑﺲ ﺍﻧﻲ ﻻﻥ ﺟﻨﺖ ﻭﻛﺎﻓﺔ ﻭﺭﺍﻫﻢ ﺩﺍ ﺍﺣﻀﺮ ﺍﻛﻮﺍﺏ ﺍﻟﺠﺎﻱ
ﺳﻤﺘﻌﻪ ﺷﻨﻮ ﻛﻠﻠﻬﺎ
.. ﺍﻟﺒﺎﺭﺣﺔ ﺳﻮﻳﺘﻠﺞ ﻓﺮﻛﺔ ﺍﺫﻥ ﻟﺮﺟﻠﺞ ﻭﺿﺒﻴﺘﻪ ﺷﻮﻱ
ﺣﺘﻰ ﻳﺒﻄﻞ ﻳﻜﻤﺰ ﻭﺭﺓ ﻛﻼﻡ ﺍﻫﻠﻪ
ﺭﻓﻌﺖ ﺭﺍﺳﻬﺎ ﻭﺑﺎﻭﻋﺖ ﻭﻋﻴﻮﻧﻬﺎ ﺗﻠﻤﻊ ﺑﻔﺨﺮ
.. ﻫﻬﻬﻬﻬﻬﻬﻬﻪ ﺍﻟﻠﻪ ﻳﺒﺮﺩ ﻛﻠﺒﻚ ﻣﺜﻠﻤﺎ ﺑﺮﺩﺕ ﻛﻠﺒﻲ
ﺑﻌﺪﻫﺎ ﺑﻨﺺ ﺳﺎﻋﺔ ﺭﺍﺣﻮﺍ ﺍﻟﺒﻨﺎﺕ ﻭﺳﺎﻓﺮﻭﺍ
ﻭﻫﺪﻳﻞ ﻭﻫﺎﻟﺔ ﺭﺍﺣﻮﺍ ﻟﻠﺪﻭﺍﻡ
ﻭﺍﻧﻲ ﺑﻘﻴﺖ ﻳﻢ ﺍﻡ ﻗﺎﺳﻢ
....
ﻣﻦ ﻓﺮﻍ ﺍﻟﺒﻴﺖ ﻭﺻﺮﺕ ﺍﻛﺪﺭ ﺍﺗﻌﻠﻢ ﻋﻠﻴﻪ ﺑﺮﺍﺣﺘﻲ
ﻣﺎ ﺍﻫﺘﻤﻴﺖ ﺍﻧﻲ ﻋﺮﻭﺱ ﻭﻣﻦ ﻫﺎﻱ ﺍﻟﺴﻮﺍﻟﻒ ﻭﻻﺯﻡ
ﻣﺎ ﺍﺷﺘﻐﻞ ﺛﻼﺛﺔ ﺍﻳﺎﻡ
ﺍﻧﺘﺒﻬﺖ ﻟﺮﻭﺣﻲ ﺗﻠﻘﺎﺋﻴﺎ
ﺻﺮﺕ ﺍﺳﺎﻋﺪ ﺍﻡ ﻗﺎﺳﻢ
ﺑﺎﻟﻤﻄﺒﺦ ﻭﺑﻌﺪﻫﺎ ﺳﺄﻟﺘﻬﺎ ﻋﺎﻟﻤﻨﻈﻔﺎﺕ
ﺍﻡ ﻗﺎﺳﻢ .. ﻳﻤﺔ ﻫﺪﻭﺷﺔ ﻋﻮﻓﻲ ﻣﻦ ﺍﻳﺪﺝ ﻻﺣﻜﺔ ﻋﺎﻟﺸﻐﻞ
.. ﺧﺎﻟﺔ ﺷﻨﻮ ﺍﻟﺴﺎﻟﻔﺔ ﺍﻧﺘﻲ ﺍﻟﺒﺎﺭﺣﺔ ﻣﻮ ﻛﻠﺘﻲ ﻫﺬﺍ ﺑﻴﺘﻲ
ﻟﻌﺪ ﺍﺫﺍ ﻣﻮ ﺍﻧﻲ ﺍﻧﻈﻒ ﺑﻴﺘﻲ ﻣﻨﻮ ﻳﻨﻈﻔﻪ
.. ﺭﻭﺣﻲ ﻳﻤﺔ ﺍﻟﻠﻪ ﻳﺮﺿﻰ ﻋﻠﻰ ﺑﻄﻦ ﺍﻟﺤﻤﻠﺘﺞ
ﺟﺎﻥ ﻗﺎﺳﻢ ﻛﺎﻋﺪ ﺑﺎﻟﺒﻴﺖ ﻳﺤﻮﻡ ﺷﻜﻮ ﺷﻲ ﺧﺮﺑﺎﻥ ﻛﻠﻮﺏ
ﻭﺍﻳﺮ .. ﻣﻐﺴﻠﺔ ﺍﻱ ﺷﻲ ﻛﻌﺪ ﻳﺼﻠﺢ ﺑﻴﻬﻢ
ﺍﻡ ﻗﺎﺳﻢ .. ﺧﻄﻴﺔ ﻗﺎﺳﻢ ﻛﻮﺓ . ﻻﺯﻡ ﺭﻭﺣﻪ ﻣﺎ ﻳﻄﻠﻊ ﻟﻠﺸﻐﻞ ﻣﺎ ﻣﺘﻌﻮﺩ ﻳﻜﻌﺪ ﺑﺎﻟﺒﻴﺖ
ﻣﺘﺸﻮﻓﻴﻨﻪ ﻛﺎﻋﺪ ﻳﻄﻠﻊ ﺷﻐﻞ ﻣﻦ ﺟﻮﺓ ﺍﻟﻜﺎﻉ
ﺑﺎﻭﻋﺖ ﻋﻠﻴﻪ ﻣﻨﺪﻣﺞ ﻳﺸﺪ ﺑﺒﺮﺍﻏﻲ ﻣﻴﺰ ﺍﻟﻄﻌﺎﻡ
ﻭﻣﻠﺘﻬﻲ ﻳﺤﺠﻲ ﺑﺎﻟﻨﻘﺎﻝ
ﻋﻔﻴﺔ ﻧﻘﺎﻝ ﻣﺎ ﺑﻄﻞ ﻛﻞ ﺷﻮﻳﺔ ﻭﺍﺣﺪ ﻣﺘﺼﻞ ﻋﻠﻴﻪ
ﻋﻠﻤﻮﺩ ﺍﻟﺸﻐﻞ
ﻟﻮ ﻃﺎﻟﻊ ﻟﻠﺸﻐﻞ ﺍﺣﺴﻨﻠﻪ
ﻫﺴﺔ ﺷﻨﻮ ﺍﻓﺘﻬﻢ ﻣﻦ ﻛﻌﺪﺗﻪ ﺑﺎﻟﺒﻴﺖ
ﺑﻌﺪﻫﺎ ﻛﻌﺪ ﻋﺎﻟﻤﻴﺰ ﻭﻛﺎﻝ
ﺳﻮﻳﻠﻲ ﺟﺎﻱ ﻭﺭﺣﺖ ﺩﺧﻠﺖ ﻟﻠﻤﻄﺒﺦ ﺍﺳﻮﻳﻠﻪ ﺟﺎﻱ
ﻭﺍﺳﻤﻌﻪ ﻳﺤﺠﻲ ﻭﻳﺔ ﺍﻣﻪ ﻋﻦ
ﺳﺎﻟﻔﺔ ﻋﻤﻪ ﻣﻨﻴﺮ
ﺍﻡ ﻗﺎﺳﻢ .. ﻗﺎﺳﻢ ﻳﻤﺔ ﺑﺪﺍﻋﺘﻲ ﻋﻠﻴﻚ
ﻻ ﺗﺴﻮﻳﻠﻬﻢ ﺷﻲ ﻳﺒﻘﻰ ﻫﺬﺍ ﻋﻤﻚ ﻭﻫﺬﺍ ﺍﺑﻦ ﻋﻤﻚ
ﺳﻠﻤﻬﻢ ﻟﻠﻪ
ﻗﺎﺳﻢ .. ﺧﺎﻃﺮﺝ ﻋﺰﻳﺰ ﻋﻨﺪﻱ
ﺑﺲ ﻣﻮ ﺍﻧﺎ ﺍﻟﻲ ﺍﺳﻜﺖ ﻋﻦ ﺣﻘﻲ ﻭﺣﻖ ﺧﻮﺍﺗﻲ ﺍﻟﻲ ﻧﻬﺒﻮﻩ
ﻣﺎﻝ ﺍﺷﻮﻑ ﻣﻨﺘﺼﺮ ﺍﻟﻌﺎﺭ ﻳﺮﺟﻊ ﻟﻠﻌﺮﺍﻕ ﻭﻛﺄﻥ ﺷﻴﺌﺎ ﻟﻢ ﻳﻜﻦ
ﻫﺎﻱ ﺣﺠﺎﻳﺔ ﺷﻴﻠﻬﺎ ﻣﻦ ﺑﺎﻟﺞ
ﻻ ﻣﻨﻴﺮ ﻭﻻ ﻋﺸﺮﻩ ﻣﻨﻪ ﻳﻮﻛﻔﻮﻥ ﺑﻌﻴﻨﻲ
ﺧﻠﻴﻬﻢ ﻋﻠﻴﺔ ﻭﻻ ﺗﻜﻌﺪﻳﻦ ﺗﺸﻠﻴﻦ ﻫﻤﻬﻢ
.. ﻳﻤﺔ ﺍﻧﺎ ﺧﺎﻳﻔﺔ ﻋﻠﻴﻚ
ﻣﺎ ﺍﻛﺪﺭ ﺍﺷﻮﻓﻬﻢ ﻳﻠﺘﻔﻮﻥ ﻋﻠﻴﻚ ﻣﺜﻞ ﺍﻟﺬﻳﺎﺏ
ﻭﻳﻌﺮﻓﻮﻥ ﺑﻴﻚ ﻟﻮﺣﺪﻙ
.. ﻋﻔﻮ ﻋﻠﻴﺞ ﺣﺠﻴﺔ ﻣﻨﻮ ﻛﻠﺞ ﺍﻧﺎ ﻭﺣﻴﺪ
ﺗﺮﺓ ﺻﺤﻴﺢ ﺍﻧﺎ ﻭﺣﻴﺪﺝ ﺑﺲ ﻣﻮ ﻟﻮﺣﺪﻱ
ﺍﻟﻠﻪ ﻭﻫﺒﻨﻲ ﺍﺧﻮﺍﻥ ﺩﻧﻴﺎ
ﻳﻨﺸﺪ ﺑﻴﻬﻢ ﺍﻟﻈﻬﺮ ﺍﻟﻜﺎﻫﻢ ﻋﻨﺪ ﻳﻤﻨﺎﻱ ﺑﺎﻟﻔﺰﻋﺔ
ﻫﻤﺔ ﻳﺤﺠﻮﻥ ﻭﺍﻧﻲ ﺍﺗﺴﻤﻊ ﻟﻜﻼﻣﻬﻢ
ﺧﻮﻑ ﺍﻡ ﻗﺎﺳﻢ ﻭﻫﻮﺳﻬﺎ ﺑﺄﺑﻨﻬﺎ ﻗﺎﺳﻢ
ﺟﺎﻥ ﻛﻠﺶ ﻭﺍﺿﺢ
ﺧﻄﻴﺔ ﻭﺣﻴﺪﻫﺎ ﺷﻜﻠﻬﺎﺭﺍﺡ ﺗﺒﻘﻰ ﺗﺸﻴﻞ ﻫﻤﻪ
ﺣﺘﻰ ﻟﻮ ﻛﺒﺮ ﻭﺻﺎﺭ ﺭﺟﺎﻝ ﻣﻮ ﺑﻴﺪﻫﺎ
ﺍﺧﺬﺗﻠﻬﻢ ﺍﻟﺠﺎﻱ ﻭﺻﻌﺪﺕ ﻓﻮﻙ ﻟﻐﺮﻓﺘﻲ
ﻭﻗﺮﺭﺕ ﺍﺗﺼﻞ ﻋﻠﻰ ﺷﻴﻤﺎﺀ ﻭﺍﺳﻤﻊ ﺻﻮﺗﻬﺎ ﺍﺣﺲ ﻛﻠﺒﻲ
ﻣﺸﺘﺎﻕ ﻳﺴﻤﻊ ﻫﻤﺴﺔ ﺍﻟﺤﻨﺎﻥ ﺑﺼﻮﺗﻬﺎ
ﻳﺎ ﺑﻌﺪ ﻋﻤﺮﻱ ﺷﻮﻣﺔ
ﺑﺎﻭﻋﺖ ﻟﻠﺴﺎﻋﺔ ﺍﻱ ﻫﺴﺔ ﻫﻲ ﺑﺎﻟﻤﺴﺘﺸﻔﻰ ﻓﺘﺮﺓ ﺍﻻﺳﺘﺮﺍﺣﺔ
ﺑﺎﻟﻠﻪ ﺧﻠﻲ ﺍﺣﺎﻭﻝ ﺍﺗﺼﻞ ﻋﻠﻴﻬﺎ
ﺑﻠﻜﻲ ﺗﺮﺩ
ﺍﺗﺼﻠﺖ ﻭﺍﺟﺎﻧﻲ ﺻﻮﺗﻬﺎ
ﺳﻠﻤﺖ ﻋﻠﻴﻬﺎ ﺑﻜﻞ ﻟﻬﻔﺔ ﻭﻫﻲ ﻫﻢ ﺟﺎﻭﺑﺘﻨﻲ
ﻭﻛﻌﺪﺕ ﺗﺴﺄﻟﻨﻲ ﻋﻦ ﺣﺎﻟﻲ ﻭﻭﺿﻌﻲ ﺑﺒﻴﺖ ﻋﻴﺎﻟﻲ ﻭﻭﻳﺔ ﻗﺎﺳﻢ
ﺟﻨﺎ ﺛﻨﻴﻨﺎ ﻋﻨﺪﻧﺎ ﺣﺠﻲ ﻫﻮﺍﻱ ﻭﻣﺎ ﻳﻨﻔﻊ ﺑﺎﻻﺗﺼﺎﻝ
ﻧﺤﺠﻴﻪ
.. ﺍﻱ ﺻﺪﻙ ﺷﻮﻣﺔ ﺣﻠﻤﺖ ﺑﺄﻣﻲ ﺍﺟﺘﻨﻲ ﺑﺎﻟﺤﻠﻢ
ﻭﺍﻧﺘﻲ ﻣﻮﺟﻮﺩﺓ ﻭﻳﺎﻱ
ﻭﺻﺮﺕ ﺍﺣﺠﻲ ﻟﺸﻴﻤﺎ ﻋﻦ ﺣﻠﻤﻲ ﺟﻨﺖ ﺍﺭﻳﺪ ﺍﻋﺮﻓﻠﻪ
ﺗﻔﺴﻴﺮ
ﺳﻜﻮﺕ ﺷﻴﻤﺎﺀ ﻟﻔﺖ ﺍﻧﺘﺒﺎﻫﻲ
.. ﻫﺎ ﺷﻮﻣﺔ ﺍﺷﻮ ﺳﻜﺘﻲ ﺷﻨﻮ ﺗﻔﺴﻴﻎ ( ﺗﻔﺴﻴﺮ ) ﺍﻟﺤﻠﻢ
ﺷﻴﻤﺎﺀ ﺑﺤﺴﺮﺓ .. ﻫﺪﻯ ﻣﺎ ﺍﻋﺮﻑ ﺑﺲ ﺧﻠﻴﻨﻲ ﺍﺗﺄﻛﺪ ﻭﺍﻛﻠﺞ
ﺑﻌﺪﻫﺎ ﺍﺳﺘﺄﺫﻧﺖ ﻣﻨﻲ ﺗﺮﻳﺪ ﺗﺮﺟﻊ ﺗﻜﻤﻞ ﺷﻐﻠﻬﺎ ﺧﻠﺼﺖ ﻓﺘﺮﺓ ﺍﻻﺍﺳﺘﺮﺍﺣﺔ
.....
ﺷﻴﻤﺎﺀ
ﺳﺪﻳﺖ ﺍﻟﻨﻘﺎﻝ ﻣﻦ ﻫﺪﻯ ﺑﻌﺪﻣﺎ ﺍﺗﻄﻤﻨﺖ ﻋﻠﻴﻬﺎ
ﻭﺑﻘﻰ ﻛﻼﻣﻬﺎ ﻋﻦ ﺍﻟﺤﻠﻢ ﻳﺮﻥ ﺑﺒﺎﻟﻲ
ﺑﺤﻴﺚ ﺍﺷﺘﻐﻞ ﻭﺍﻓﻜﺮ
ﺷﻨﻮ ﻣﻌﻨﻰ ﺗﻔﺴﻴﺮﻩ
ﻣﻌﻘﻮﻟﺔ ﻭﺣﺪﺓ ﻣﻦ ﺧﻮﺍﺗﻲ ﻭﺍﻛﻌﺔ ﺑﺸﺪﺓ
ﻭﺍﻧﻲ ﻻﻫﻴﺔ ﻋﻨﻬﺎ
ﺭﺣﺖ ﺟﺎﻧﺖ ﻋﻨﺪﻧﺎ ﺳﺴﺘﺮ ﺍﺳﻤﻬﺎ ﺍﻡ ﺍﺣﻤﺪ ﻫﺎﻱ
ﺷﺎﻃﺮﺓ ﻭﻋﻨﺪﻫﺎ ﺧﺒﺮﺓ ﺑﺎﻟﺤﻴﺎﺓ
ﺑﺲ ﻣﺎ ﺍﺩﺭﻱ ﻫﻲ ﺗﻌﺮﻑ ﺑﺘﻔﺴﻴﺮ ﺍﻻﺣﻼﻡ ﻟﻮ ﻻ
ﻭﺍﻟﻠﻪ ﻭﺟﺎﻥ ﺍﺷﻮﻓﻬﺎ ﻭﺍﻛﻔﺔ ﺗﺤﺠﻲ ﻭﻳﺔ ﺍﻡ ﺗﺮﻳﺪ ﺗﺪﺧﻞ ﻭﻳﺔ
ﺑﻨﺘﻬﺎ ﻟﻘﺴﻢ ﻟﻮﻻﺩﺍﺕ ﻭﻫﺬﺍ ﺍﻟﺸﻲ ﻣﻤﻨﻮﻉ
ﻭﺍﻻﻣﺎﻳﺔ ﺩﺗﺘﻌﺎﺭﻙ ﻭﻳﺎﻫﺎ
ﺗﻜﻠﻠﻬﺎ ﺍﺩﺧﻞ ﻭﻳﺔ ﺑﻨﺘﻲ ﻣﺎ ﺍﺧﻠﻴﻬﺎ ﺗﻄﻠﻚ ﻟﻮﺣﺪﻫﺎ ﻭﺍﻟﻠﻪ ﺗﺨﺎﻑ
ﻳﺎﺭﺑﻲ ﻭﺍﻟﻠﻪ ﺍﺧﺘﻨﻚ ﺻﺪﺭﻱ ﻣﻦ ﺷﻔﺖ ﻣﻨﻈﺮﻫﺎ
ﺑﺎﻟﺮﻏﻢ ﺍﻧﻲ ﺍﺗﻌﻠﻤﺖ ﻋﻠﻰ ﻫﺎﻱ ﺍﻟﻤﺸﺎﻫﺪ
ﻓﺰﻉ ﺍﻻﻡ ﻭﺧﻮﻓﻬﺎ ﻋﻠﻰ ﺑﻨﺘﻬﺎ ﻣﻦ ﺗﻄﻠﻚ
ﺍﻭ ﺍﺏ ﻳﺠﻲ ﻳﻔﺘﺮ ﻳﻢ ﺑﺎﺏ ﺍﻟﻘﺴﻢ
ﻟﻮ ﺯﻭﺝ ﻳﻨﺘﻈﺮ ﻣﻮﻟﺪﻩ ﻭﺯﻭﺟﺘﻪ ﺑﻘﻠﻖ
ﺑﺲ ﻣﺎ ﺍﻋﺮﻑ ﻟﻴﺶ ﻫﺎﻟﻤﺮﺓ ﻫﺰﻧﻲ ﻣﻨﻈﺮ ﺧﻮﻑ ﺍﻻﻡ
ﻋﻠﻰ ﺑﻨﺘﻬﺎ
ﻳﻤﻜﻦ ﻛﻼﻡ ﻫﺪﻯ ﺫﻛﺮﻧﻲ ﺑﺤﻨﺎﻥ ﺍﻣﻲ
ﻭﺻﺮﺕ ﺍﺗﺤﺴﺲ ﻣﻦ ﻫﺎﻱ ﺍﻟﻤﻮﺍﻗﻒ
ﺑﻌﺪﻣﺎ ﺍﺟﺔ ﻣﻮﻇﻒ ﺍﻻﺳﺘﻌﻼﻣﺎﺕ ﻭﻛﻢ ﻭﺍﺣﺪ ﻣﺴﺆﻭﻝ ﻋﻦ ﺍﻟﻘﺴﻢ ﻭﻛﻌﺪﻭﺍ ﻳﻔﻬﻤﻮﻥ ﺍﻟﻤﺮﻳﺔ
ﻭﺍﻡ ﺍﺣﻤﺪ ﻋﺎﻓﺘﻬﻢ ﻭﺭﺍﺣﺖ
ﺍﻭﺟﺘﻲ ﻳﻤﻲ ﺗﺪﺭﺩﻡ
.. ﻭﺍﻟﻠﻪ ﺭﺑﻮﻟﻲ ﻋﻠﻞ ﻣﻮ ﻋﻠﺔ ﻭﺣﺪﻩ ﻫﺬﻧﻲ ﺍﻻﻣﻬﺎﺕ
ﻣﺎ ﺩﺍﻣﺞ ﻫﻴﺞ ﺗﺨﺎﻓﻴﻦ ﻋﻠﻰ ﺑﻨﺘﺞ
ﺷﻜﻮ ﻣﺰﻭﺟﺘﻬﺎ ﺧﻮ ﺧﻠﻴﻬﺎ ﻳﻤﺞ
ﻭﺍﻟﻠﻪ ﺳﺎﻟﻔﺔ ﺍﻻﻣﻬﺎﺕ ﻋﺠﻴﺒﺔ
ﺍﻟﻤﺎ ﺍﺗﺰﻭﺟﺖ ﺑﻨﺘﻬﺎ
ﻛﺎﺑﻠﺖ ﺍﻟﻨﺬﻭﺭﺓ ﻭﻛﻌﺪﺕ ﻭﻣﺎ ﻳﻀﻞ ﺍﻣﺎﻡ ﻣﺎ ﺗﻨﺨﺎﻩ ﺣﺘﻰ ﺗﺰﻭﺟﻬﺎ
ﻭﺍﻟﻲ ﺍﺗﺰﻭﺟﺖ ﻭﺍﺗﺄﺧﺮﺕ ﺑﺤﻤﻠﻬﺎ ﻛﺎﺑﻠﺖ ﺍﻟﺪﻛﺘﻮﺭﺍﺕ ﻭﻛﻌﺪﺕ
ﻣﺎ ﻳﻀﻞ ﺩﻛﺘﻮﺭ ﻣﺎ ﺗﺘﻌﻨﺎﻟﻪ ﺣﺘﻰ ﺗﺤﻤﻞ ﺑﻨﺘﻬﺎ
ﻭﻣﻦ ﺗﺤﻤﻞ ﺗﻜﻮﻥ ﻫﺎﻱ ﺍﻟﻨﺘﻴﺠﺔ ﺗﻜﻌﺪ ﺗﺪﻙ ﻭﺗﻠﻄﻢ ﻋﻠﻰ ﺑﻨﺘﻬﺎ
ﻣﻦ ﻳﺤﺼﺮﻫﺎ ﺍﻟﻄﻠﻮﻙ
ﺭﺑﺎﺏ ﺟﺎﻧﺖ ﻭﺍﻛﻔﺔ ﻳﻤﻨﺎ
.. ﻫﺎﻱ ﻋﻴﻨﺎ ﺍﻣﻲ ﺣﺎﻟﻴﺎ ﺗﻜﻮﻝ ﻣﻦ ﻛﺪ ﺍﻟﻨﺬﻭﺭﺓ
ﺍﻟﻨﺎﺫﺭﺗﻬﻢ ﻋﻠﻤﻮﺩ ﺯﻭﺍﺟﻲ
ﺗﻜﻮﻝ ﺗﺎﻩ ﻋﻠﻴﺔ ﺍﻟﺤﺴﺎﺏ
.. ﺧﺮﺏ ﻳﻮﻣﺞ ﺭﺑﺎﺏ ﺻﺪﻙ ﻗﻮﻳﺔ
ﺍﻡ ﺍﺣﻤﺪ .. ﻋﻤﻲ ﺣﻘﻬﺎ ﺍﻣﺞ ﺗﺴﻮﻱ ﻫﻴﺞ
ﺍﺫﺍ ﻋﻤﺮﺝ ﺻﺎﺭ ٣٦ﺳﻨﺔ ﻭﺍﻧﺘﻲ ﺑﻌﺪﺝ ﻣﻤﺘﺰﻭﺟﺔ
ﺭﺑﺎﺏ .. ﻫﺎﻧﺖ ﻫﺎﻧﺖ ﺍﻡ ﺍﺣﻤﺪ ﻣﺒﻘﻰ ﺷﻲ ﻭﺍﺟﻴﺒﻠﻜﻢ
ﺑﻄﺎﻳﻖ ﺍﻟﻔﺮﺡ ﻭﺍﻋﺰﻣﻜﻢ ﻋﻠﻰ ﻋﺮﺳﻲ
ﺍﻡ ﺍﺣﻤﺪ .. ﻭﺍﻟﻠﻪ ﺩﺍ ﺍﺗﺨﻴﻞ ﺷﻜﻠﺞ ﺑﻴﻮﻡ ﻋﺮﺳﺞ ﺷﺎﻛﺔ ﺍﻟﺤﻠﻚ ﻣﻦ ﺍﻻﺫﻥ ﻟﻼﺫﻥ
.. ﺳﻜﺘﻲ ﺗﻠﻜﻮﻧﻲ ﺻﺎﻋﺪﺓ ﻓﻮﻙ ﺳﻴﺎﺭﺓ ﺍﻟﻌﺮﺱ ﻭﺍﻏﻨﻲ
ﺯﻓﻮﻧﻲ ﻣﺎ ﺍﺭﻳﺪ ﺍﻟﻌﺸﺎ ﺯﻓﻮﻧﻲ ﻣﺎ ﺍﺯﻳﺪ ﺍﻟﻌﺸﺎ
ﺟﺎﻧﻮﺍ ﺍﻟﺒﻨﺎﺕ ﻳﺤﺠﻮﻥ ﻭﺍﻧﻲ ﻛﻼﻡ ﺍﻡ ﺍﺣﻤﺪ ﺑﺨﺼﻮﺹ ﺍﻟﻌﻤﺮ ﻇﻞ ﻳﺮﻥ ﺑﺮﺍﺳﻲ
ﺭﺑﺎﺏ .. ﺍﻛﻮﻝ ﺷﻮﻣﺔ ﻋﻔﻴﺔ ﺍﺭﻳﺪﺝ ﺗﺎﺧﺬﻳﻦ ﻣﻜﺎﻧﻲ
ﺍﻟﻴﻮﻡ ﺍﺭﻳﺪ ﺍﻃﻠﻊ ﻣﻦ ﻭﻛﺖ ﺭﺍﺡ ﻳﻤﺮ ﻋﻠﻴﺔ
ﺍﻟﺮﺟﺎﻝ ﺣﺘﻰ ﻧﺸﺘﺮﻱ ﺳﻴﺮﺍﻣﻴﻚ ﻟﻠﺤﻤﺎﻡ
.. ﺻﺎﺭ ﺗﺘﺪﻟﻠﻴﻦ ﻣﻦ ﻋﻴﻮﻧﻲ
.. ﺗﺴﻠﻤﻠﻲ ﻋﻴﻮﻧﺞ ﻓﺪﻳﺘﺞ ﺷﻮﻣﺔ ﺍﺧﺬﻣﺞ ﺑﻴﻮﻡ ﻋﺮﺳﺞ
ﺍﻡ ﺍﺣﻤﺪ .. ﺍﻥ ﺷﺎﺀ ﺍﻟﻠﻪ
ﺑﻌﺪﻣﺎ ﺭﺍﺣﺖ ﺭﺑﺎﺏ ﻭﺣﺠﻴﺖ ﻻﻡ ﺍﺣﻤﺪ ﻋﻦ ﺣﻠﻤﻲ
ﺟﺎﻭﺑﺘﻨﻲ
.. ﻭﺍﻟﻠﻪ ﻳﺎ ﺷﻮﻣﺔ ﺍﻧﻲ ﻣﺎ ﻋﻨﺪﻱ ﻣﻌﺮﻓﺔ ﺑﺎﻻﺣﻼﻡ
ﺑﺲ ﻫﻮ ﻭﺍﺿﺢ ﻣﻌﻨﺎﻩ
ﺍﻥ ﺍﻣﺞ ﻣﻦ ﺍﺗﻮﻓﺖ ﺍﻣﻨﺘﺞ ﻋﻠﻰ ﺧﻮﺍﺗﺞ ﻭﺍﺣﺘﻤﺎﻝ ﻣﺜﻞ ﻣﺎ ﺍﺗﻮﻗﻌﺘﻲ
ﻭﺣﺪﺓ ﻣﻦ ﺧﻮﺍﺗﺞ ﻭﺍﻛﻌﺔ ﺑﺸﺪﺓ ﺍﻭ ﺭﺍﺡ ﺗﺘﻤﺮﺽ
.....
ﻓﺮﻛﺖ ﺍﻳﺪﻱ ﺑﺨﻮﻑ ﻋﻠﻰ ﺧﻮﺍﺗﻲ
.. ﻭﺍﻟﻠﻪ ﻣﺎ ﺍﻋﺮﻑ ﻳﺎ ﺍﻡ ﺍﺣﻤﺪ
ﻛﻞ ﻳﻮﻡ ﺍﻛﻮﻝ ﻫﺎﻧﺖ ﻭﺧﻒ ﺣﻤﻠﻬﻦ ﻋﻠﻴﺔ
ﻭﻛﻠﻬﻦ ﺍﺗﺰﻭﺟﻦ ﻭﺻﺎﺭﻥ ﻋﻠﻰ ﺫﻣﺔ ﺭﺟﺎﻝ ﻭﻫﻤﺔ ﺍﺯﻭﺍﺟﻬﻢ ﺍﻟﻤﺴﺆﻟﻴﻦ ﻋﻨﻬﻢ
ﺗﺎﻟﻲ ﺗﺠﻴﻨﻲ ﺿﺮﺑﺔ ﻋﻠﻰ ﻏﻔﻠﺔ ﺗﺼﺤﻴﻨﻲ
.. ﺍﻟﻠﻪ ﻳﺴﺎﻋﺪﺝ ﺷﻮﻣﺔ ﺭﺑﻲ ﻳﺒﺮﺩ ﻛﻠﺒﺞ ﺑﺨﻮﺍﺗﺞ
ﺭﺣﺖ ﻭﺗﺮﻛﺘﻬﺎ ﺗﻜﻤﻞ ﻭﺍﺟﺒﻬﺎ
ﻭﺍﻧﻲ ﺍﺗﺠﻬﺖ ﻋﻠﻰ ﻧﻘﺎﻟﻲ ﺑﺨﻮﻑ ﻭﺻﺮﺕ ﺍﺗﺼﻞ
ﻋﻠﻰ ﻣﺮﻭﺓ ﻭﺿﺤﻰ ﺣﺘﻰ ﺍﻃﻤﻦ ﻋﻠﻴﻬﻦ
ﻭﺍﻟﺤﻤﺪﻟﻠﻪ ﻃﻤﻨﻮﻧﻲ ﻋﻠﻰ ﺍﺣﻮﺍﻟﻬﻢ
ﻓﺠﺎﺀﺓ ﻭﺍﻧﻲ ﻧﺰﻟﺖ ﺍﻟﻨﻘﺎﻝ ﻭﺟﺎﻥ
ﺍﻧﻜﻔﺦ ﻋﻠﻰ ﻭﺟﻬﻲ ﻭﺍﺗﻌﺜﺮ
ﻟﺰﻣﺘﻨﻲ ﺍﻳﺪ ﺧﺸﻨﺔ ﺗﺴﻨﺪﻧﻲ ﻣﻦ ﺍﻟﻮﻛﻌﺔ ﺑﺎﻭﻋﺖ
ﺷﻔﺖ ﻣﺮﻳﺔ ﺟﺒﻴﺮﺓ
ﻛﺎﻟﺖ .. ﺍﻟﻠﻪ ﺍﻟﻠﻪ ﺣﺒﻴﺒﺔ ﺷﺒﻴﺞ
ﺿﻠﻴﺖ ﻣﺼﺪﻭﻣﺔ ﺑﺨﻮﻓﻲ ﺍﻟﺠﺪﻳﺪ
ﻫﺎﻱ ﺷﻠﻮﻥ ﻓﺎﺗﺘﻨﻲ
ﻭﻛﺒﻞ ﺷﻠﺖ ﻓﺘﺤﺖ ﺍﻟﻨﻘﺎﻝ ﻭﺍﺗﺼﻠﺖ ﻋﻠﻰ ﻣﺮﻳﻢ
ﺍﺧﺘﻲ ﺭﻥ .. ﺭﻥ .. ﻣﺮﺓ ﻣﺮﺗﻴﻦ
ﻣﺎﻛﻮ ﻫﻨﺎﻙ ﻭ ﺟﺎﻥ ﻳﺠﻴﻨﻲ ﺭﺩ
ﻓﺮﺣﺖ ﻛﺒﻞ ﺣﺠﻴﺖ .. ﻫﻼ ﻣﺮﻳﻮﻣﺔ ﺣﺒﻴﺒﺘﻲ ﺷﻠﻮﻧﺞ
ﺍﺟﺎﻧﻲ ﺍﻟﺼﻮﺕ .. ﻫﻼ ﺷﻴﻤﺎﺀ ﺍﻧﻲ ﻣﻮ ﻣﺮﻳﻢ
ﺍﻧﻲ ﻣﺮﺕ ﻋﻤﺞ ﺟﻨﺎﻥ
.. ﻫﻠﻮ ﻋﻤﺔ ﺷﻠﻮﻧﺞ ﺷﺨﺒﺎﺭﻛﻢ ﻋﻤﻮ ﻭﺍﻟﻮﻟﺪ ﺷﻠﻮﻧﻬﻢ
.. ﺑﺨﻴﺮ ﺍﻟﺤﻤﺪ ﻟﻠﻪ
.. ﻣﺮﻳﻮﻣﺔ ﺷﻠﻮﻧﻬﺎ . ﻭﺍﻟﻠﻪ ﻣﺸﺘﺎﻗﺘﻠﻬﺎ
.. ﻣﺮﻳﻢ ﺯﻳﻨﺔ ﺍﻟﺤﻤﺪﻟﻠﻪ
.. ﻣﻤﻜﻦ ﺗﻨﻄﻴﻨﻴﺎﻫﺎ ﺍﺭﻳﺪ ﺍﺣﺠﻲ ﻭﻳﺎﻫﺎ ﺑﺨﻮﺽ ﺭﻭﺣﺘﻨﺎ ﻟﺒﻴﺖ ﻣﺮﻭﺓ
ﺟﺎﻭﺑﺘﻨﻲ .. ﻣﺮﻳﻢ ﺑﺎﻟﺪﻭﺍﻡ ﻣﺘﻜﺪﺭ ﺗﺤﺠﻲ ﻭﻳﺎﺝ ﻣﻦ ﺗﺮﺟﻊ
ﺍﺧﻠﻴﻬﺎ ﺗﺘﺼﻞ ﻋﻠﻴﺞ
ﻧﻬﻴﺖ ﺍﻻﺗﺼﺎﻝ ﻭﺍﻧﻲ ﺍﺿﺮﺏ ﺍﺧﻤﺎﺱ ﺑﺄﺳﺪﺍﺱ
ﻭﺟﺎﻥ ﻳﺪﻙ ﺍﻟﺠﺮﺱ ﻋﻨﺪﻱ ﻭﺍﺷﻬﻚ ﺑﺨﻮﻑ
ﻫﻔﻮﺓ ﺍﻟﺴﺎﻥ ﺟﻨﺎﻥ ﺑﺨﺼﻮﺹ ﻭﺟﻮﺩ ﻣﺮﻳﻢ ﺑﺎﻟﺪﻭﺍﻡ
ﻻﻥ ﻣﺮﻳﻢ ﺍﻟﻴﻮﻡ ﻋﻨﺪﻫﺎ ﺍﻭﻑ
ﺑﻬﺬﺍ ﺍﻟﻴﻮﻡ
ﺑﻘﻴﺖ ﺟﺎﻣﺪﺓ ﺑﻤﻜﺎﻧﻲ ﺑﺪﺓ ﺍﻟﺨﻮﻑ ﻳﺘﻮﻏﻞ ﻟﻜﻠﺒﻲ
ﺍﻱ ﺍﻣﻲ ﺍﻛﻴﺪ ﺟﺎﻧﺖ ﺗﻘﺼﺪ
ﺍﺧﺘﻲ ﻣﺮﻳﻢ ﻫﻲ ﺍﻟﻮﺣﻴﺪﺓ ﺍﻟﻲ ﺍﻧﻲ ﻣﺎ ﺍﻓﻜﺮ ﺑﻴﻬﺎ
ﻻﻥ ﻫﻲ ﺍﻟﻮﺣﻴﺪﺓ ﺑﻴﻨﺎ ﻣﺮﺗﺎﺣﺔ ﺑﺤﻴﺎﺗﻬﺎ
ﻭﻋﺎﻳﺸﺔ ﺍﺣﺴﻦ ﻋﻴﺸﺔ
ﻋﻜﺪﺕ ﺣﻮﺍﺟﺒﻲ ﻭﺍﻧﻲ ﺍﻣﺸﻲ ﺑﺎﻟﻤﻤﺮ
ﺑﺲ ﻟﺤﻈﺔ ﻭﻣﻨﻮ ﻳﻜﻮﻝ ﺍﺧﺘﻲ ﻣﺮﻳﻢ ﻣﺮﺗﺎﺣﺔ
ﻣﻌﻘﻮﻟﺔ ﻻ ﻻ ﻣﺴﺘﺤﻴﻞ ﻣﺎ ﺍﺗﻮﻗﻊ ﻋﻤﻮ ﺍﻣﺠﺪ ﻳﻘﺼﺮ ﻭﻳﺎﻫﺎ ﺍﻭ ﻳﺄﺫﻳﻬﺎ
ﻫﻮ ﺍﻟﻨﺔ ﺍﺣﻨﺎ ﺑﻨﺎﺕ ﺍﺧﻮﻩ ﺍﻟﻤﺎ ﻋﺎﻳﺸﻴﻦ ﻭﻳﺎﻩ
ﻣﺪﻟﻠﻨﺎ ﺩﻻﻝ ﻭﺷﺎﻳﻠﻨﺎ ﺑﻌﻴﻮﻧﻪ
ﻣﺎﻛﻮ ﺷﻲ ﻳﺨﻠﻴﻨﻲ ﺍﻓﻜﺮ ﺑﻴﻬﺎ ﻻﻥ ﺍﺑﻨﻪ ﺍﻟﺠﺒﻴﺮ ﻣﺘﺰﻭﺝ
ﻭﻋﺎﺯﻝ ﺑﺒﻴﺖ ﻟﻮﺣﺪﻩ
ﻭﺍﻟﺜﺎﻧﻲ ﻃﺎﻟﺐ ﻛﻠﻴﺔ ﺻﻴﺪﻟﺔ ﻭﻛﻠﺶ ﺣﺒﺎﺏ ﻭﺧﺠﻮﻝ
ﻭﻻ ﻣﺮﺓ ﺳﻤﻌﻨﺎ ﻋﻨﻪ ﺷﻲ ﻣﻮ ﺯﻳﻦ ﻭﺍﻻ ﺟﺎﻥ ﻣﺮﻳﻢ ﻛﺎﻟﺖ
ﺧﻠﻲ ﻳﺨﻠﺺ ﺍﻟﺪﻭﺍﻡ ﻭﺍﺭﻭﺡ ﻟﺒﻴﺖ ﻋﻤﻮ ﺍﻣﺠﺪ
ﻛﻠﺒﻲ ﻛﺎﻡ ﻳﻠﻌﺐ
.....
ﻫﺪﻯ
ﺟﻨﺖ ﻭﺍﻛﻔﺔ ﺑﺎﻟﻤﻄﺒﺦ ﻭﻛﻠﺒﻲ ﻳﺮﻳﺪ ﻳﻄﻠﻊ ﻣﻦ ﺻﺪﺭﻱ
ﻗﺒﻞ ﺷﻮﻳﺔ ﺩﺧﻠﺖ ﻋﻠﻴﺔ ﻫﺎﻟﺔ ﻭﻛﺎﻟﺖ
ﻫﺪﻯ ﻧﺰﻟﻲ ﺍﺟﻮﻱ ﺧﻄﺎﺭ
ﺑﻴﺖ ﺍﻟﻤﺨﺘﺎﺭ ﺍﺑﻮ ﺭﺍﺋﺪ ﺍﺟﻮﻱ ﻳﺘﺒﺎﺭﻛﻮﻥ
ﻛﻤﺖ ﻣﻦ ﻣﻜﺎﻧﻲ ﻭﺳﺄﻟﺘﻬﺎ
.. ﻣﻨﻮ ﺑﻴﻬﻢ ﺍﺟﺔ ﻣﻦ ﺑﻴﺖ ﺍﻟﻤﺨﺘﺎﻍ ( ﺍﻟﻤﺨﺘﺎﺭ )
.. ﺭﺍﺋﺪ ﻭﺍﻣﻪ ﻭﺯﻭﺟﺘﻪ
ﻫﻮ ﺑﺎﻻﺳﺘﻘﺒﺎﻝ ﻳﻢ ﻗﺎﺳﻢ
ﻭﺍﻣﻲ ﻛﺎﻟﺖ ﺑﺴﺮﻋﺔ ﺻﻴﺤﻲ ﻫﺪﻯ ﺧﻠﻲ ﺗﻨﺰﻝ ﺗﺴﻠﻢ ﻋﻠﻴﻬﻢ
ﺍﻧﺘﺒﻬﺖ ﻋﻠﻰ ﻫﺪﻳﻞ ﺗﺤﺠﻲ ﻭﻳﺎﻱ ﻭﻫﻲ ﻻﺯﻣﺔ ﺻﻴﻨﻴﺔ ﺍﻟﺘﻘﺪﻳﻢ
.. ﺧﻴﺮ ﻭﻳﻦ ﺻﺎﻓﻨﺔ ﻫﺎﺝ ﻟﺰﻣﻲ ﺭﻭﺣﻲ ﻗﺪﻣﻲ
ﻟﻠﺨﻄﺎﺭ ﺧﻠﻲ ﻧﺴﺘﻔﺎﺩ ﻣﻨﺞ
ﺑﺪﺍﻝ ﻣﺎ ﻭﺍﻛﻔﺔ ﺟﻨﺞ ﺻﻨﻢ
ﺍﺧﺬﺕ ﺍﻟﺼﻴﻨﻴﺔ ﻣﻨﻬﺎ ﻭﺑﺎﻟﻲ ﻣﻮ ﻳﻤﻬﺎ
ﺳﻤﻌﺖ ﻫﺎﻟﺔ ﻛﺎﻣﺖ ﺗﺮﺯﻝ ﺑﻴﻬﺎ
ﺑﺲ ﻣﺎ ﺍﻫﺘﻤﻴﺖ ﺍﻟﻬﻢ
ﺟﺎﻥ ﺑﺎﻟﻲ ﻛﻠﻪ ﻳﻢ ﺍﻡ ﺭﺍﺋﺪ ﻭﺯﻭﺟﺘﻪ
ﻛﻞ ﻭﺣﺪﺓ ﺍﻛﻦ ﺍﻟﻬﺔ ﻣﺸﺎﻋﺮ ﺷﻜﻞ
ﻛﻠﺒﻲ ﻧﻐﺰﻧﻲ
ﺍﺗﻘﺪﻣﺖ ﻭﺩﺧﻠﺖ ﻭﺳﻠﻤﺖ ﻋﻠﻴﻬﻢ
ﺟﻨﺖ ﻛﻮﺓ ﻻﺯﻣﺔ ﺭﻭﺣﻲ
ﺍﻡ ﺭﺍﺋﺪ .. ﻣﺒﺮﻭﻙ ﻋﻠﻴﺞ ﻗﺎﺳﻢ
ﺷﻜﻞ ﺍﻣﺞ ﺩﺍﻋﻴﺘﻠﺞ ﺗﻮﻛﻌﻴﻦ ﺑﻬﻴﺞ ﻗﺴﻤﺔ
ﺟﺎﻧﺖ ﺗﺤﺠﻲ ﻭﺗﻀﺤﻚ ﺑﺤﺠﺔ ﺍﻟﺸﻘﺔ
ﺑﺲ ﺗﻠﻤﻴﺤﻬﺎ ﻣﺎ ﻋﺒﺮ ﻋﻠﻴﺔ
ﺭﺣﺖ ﺳﻠﻤﺖ ﻋﻠﻰ ﺯﻭﺟﺔ ﺭﺍﺋﺪ ﺍﻟﻲ ﺟﺎﻧﺖ ﺣﺎﻣﻞ
ﺟﺎﻧﺖ ﻛﻠﺶ ﺣﻠﻮﺓ ﻭﺣﺒﺎﺑﺔ
ﺍﺑﺘﺴﻤﺖ ﺑﻮﺟﻬﻲ ﻭﺳﻠﻤﺖ ﻋﻠﻴﺔ
ﻭﻛﻌﺪﺕ ﺗﺤﺠﻲ ﻭﻳﺎﻱ
.. ﻻﺯﻡ ﺍﻧﻲ ﻭﻳﺎﺝ ﻧﺼﻴﺮ ﺻﺪﻳﻘﺎﺕ
ﻻﻥ ﺍﺯﻭﺍﺟﻨﺎ ﺍﺻﺪﻗﺎﺀ ﺍﻟﻄﻔﻮﻟﺔ
ﻃﺒﻌﺎ ًﺭﺍﺋﺪ ﺩﺍﺋﻤﺎ ﻳﺤﺠﻲ ﺑﻘﺎﺳﻢ ﻳﻜﻮﻝ ﻋﻨﻪ ﺍﺧﻮﻱ ﺍﻟﻤﺎ ﻭﻟﺪﺗﻪ ﺍﻣﻲ
ﻫﻲ ﺗﺤﺠﻲ ﻭﺍﻧﻲ ﺍﺣﺲ ﺑﻜﻠﺒﻲ ﺻﺎﺭ . ﻏﺎﺑﺔ ﻇﻠﻤﺔ
ﻣﻦ ﻭﺭﺓ ﻗﺴﻮﺓ ﺍﻟﻈﺮﻭﻑ ﺍﻟﻤﺴﺘﻔﺰﺓ
ﻭﺍﻟﻤﺘﻀﺎﺭﺑﺔ ﻋﻠﻴﻪ
ﺟﻨﺖ ﺍﺣﺠﻲ ﻭﻳﺔ ﺯﻣﻦ ﺯﻭﺟﺔ ﺭﺍﺋﺪ
ﻭﺟﺎﻥ ﺍﺷﻮﻑ ﺍﻡ ﺭﺍﺋﺪ ﻗﺮﺑﺖ ﺭﺍﺳﻬﺎ
ﻋﻠﻰ ﺍﻡ ﻗﺎﺳﻢ
ﻭﺻﺎﺭﺕ ﺗﺤﺠﻲ ﻭﻳﺎﻫﺎ ﺑﺼﻮﺕ ﻧﺎﺻﻲ
ﻣﺜﻞ ﺍﻟﻲ ﻋﻨﺪﻫﻢ ﺳﺮ
ﺑﺲ ﻓﺠﺎﺀﺓ ﺍﻧﺘﺒﻬﺖ ﻻﻡ ﻗﺎﺳﻢ ﺷﻬﻜﺖ ﻭﺍﺗﺴﻌﺖ
ﻋﻴﻮﻧﻬﺎ
ﻭﺑﻌﺪﻫﺎ ﺑﺎﻭﻋﺘﻠﻲ ﻭﺭﺻﺖ ﺍﺳﻨﺎﻧﻬﺎ
ﻭﺭﺟﻌﺖ ﺑﺪﻟﺖ ﻣﻌﺎﻟﻢ ﻭﺟﻬﻬﺎ ﻭﺣﺠﺖ ﻭﻳﺔ
ﺍﻡ ﺭﺍﺋﺪ ﺑﻜﻞ ﻫﺪﻭﺀ
ﻭﻻ ﻛﺄﻥ ﺷﻲ ﺻﺎﻳﺮ
ﻭﺑﻌﺪﻫﺎ ﺩﺧﻠﺖ ﻫﺎﻟﺔ ﻭﺑﻘﻴﻨﺎ ﻧﺴﻮﻟﻒ
ﺑﺲ ﻣﺎ ﺍﻋﺮﻑ ﻟﻴﺶ ﺑﻄﻨﻲ ﻛﺎﻣﺖ ﺗﻮﺟﻌﻨﻲ
ﻻﻥ ﻟﻄﺎﻣﺎ ﺍﺣﻨﺎ ﻛﺎﻋﺪﻳﻦ ﻧﺴﻮﻟﻒ
ﻛﻠﻤﺎ ﺍﺭﻓﻊ ﻋﻴﻨﻲ ﺍﻟﻜﺔ ﺍﻡ ﻗﺎﺳﻢ ﺗﺒﺎﻭﻉ ﻋﻠﻴﺔ
ﺑﻌﺪﻫﺎ ﺩﺧﻞ ﻫﺸﺎﻡ ﻭﻛﺎﻝ ﻻﻡ ﺭﺍﺋﺪ
.. ﺧﺎﻟﺔ ﺭﺍﺋﺪ ﻃﻠﻊ ﻭ ﻳﻨﺘﻈﺮﻛﻢ ﺑﺎﻟﺒﺎﺏ
ﻭﺟﺎﻥ ﺗﻄﻠﻊ ﺍﻡ ﺭﺍﺋﺪ ﺑﻌﺪﻣﺎ ﺳﻠﻤﺖ ﻋﻠﻴﺔ ﻭﻋﻴﻮﻧﻬﺎ
ﺗﺒﺎﻭﻉ ﻋﻠﻴﻪ ﺑﻐﺮﻭﺭ
ﻭﺑﻌﺪﻫﺎ ﺍﺟﺘﻲ ﺯﻣﻦ ﻭﺳﻠﻤﺖ ﻋﻠﻴﺔ ﻭﻃﻠﺒﺖ ﺭﻗﻢ ﻧﻘﺎﻟﻲ ﺣﺘﻰ ﻧﺘﻮﺍﺻﻞ
ﺍﺗﺒﺎﺩﻟﻨﺎ ﺍﻻﺭﻗﺎﻡ ﻭﺭﺍﺣﻮﺍ
ﻭﺍﻧﻲ ﺑﻘﻴﺖ ﻳﻢ ﺑﺎﺏ ﺍﻟﻤﻄﺒﺦ
ﻭﺍﻡ ﻗﺎﺳﻢ ﻭﻫﺎﻟﺔ ﻭﺻﻠﻮﻫﻢ ﻳﻢ ﺍﻟﺒﺎﺏ
ﺍﺑﺎﻭﻉ ﻻﻡ ﻗﺎﺳﻢ ﺭﺟﻌﺖ ﺗﺮﻳﺪ ﺗﺪﺧﻞ
ﺟﻮﺓ ﻟﻠﺒﻴﺖ ﻭﻣﺮﺕ ﻣﻦ ﻳﻤﻲ ﻭﻛﺎﻟﺖ
ﻫﺪﻯ ﺑﺎﻟﻠﻪ ﺷﻮ ﺗﻌﺎﻟﻲ ﻭﺭﺍﻱ ﺑﻐﺮﻓﺘﻲ
ﻋﻨﺪﻱ ﺣﺠﻲ ﻭﻳﺎﺝ
.......
ﻫﺪﻯ
ﻣﺸﻴﺖ ﻭﺭﺓ ﺧﺎﻟﺔ ﺍﻡ ﻗﺎﺳﻢ ﻭﺩﺧﻠﺖ ﻟﻐﺮﻓﺘﻬﺎ
ﻭﺍﺣﺲ ﻛﻠﺒﻲ ﻣﻌﺼﻮﺭ ﺑﺎﺣﺴﺎﺱ ﻏﺮﻳﺐ ﺧﻮﻑ ﻋﻠﻰ ﺗﺮﻗﻲ
ﺳﺪﻳﺖ ﺍﻟﺒﺎﺏ ﻭﺣﺴﻴﺖ ﺍﺣﺴﺎﺱ ﺍﻟﺨﻮﻑ ﻭﺻﻞ ﻻﻳﺪﻱ ﻭﻛﺎﻣﺖ ﺗﺮﺟﻒ
ﻋﺮﻓﺖ ﻣﻦ ﻧﺒﺮﺕ ﺻﻮﺗﻬﺎ ﺍﻟﺼﺎﺭﻣﺔ ﻭﺍﻟﺤﺎﺩﺓ
ﻭﻧﻈﺮﺓ ﻋﻴﻮﻧﻬﺎ ﺍﻥ ﺍﻡ ﺭﺍﺋﺪ ﻛﺎﻟﺘﻠﻬﺎ ﺷﻲ
ﻭﺻﻠﻬﺎ ﻟﻬﺎﻱ ﺍﻟﺪﺭﺟﺔ ﻣﻦ ﺍﻟﻌﺼﺒﻴﺔ
ﺑﺲ ﻣﺎ ﺍﻋﺮﻑ ﺷﻨﻮ ﻫﻮ ﺑﺎﻟﺘﺤﺪﻳﺪ ﺍﻟﻲ ﻛﺎﻟﺘﻪ ﺍﻡ ﺭﺍﺋﺪ
ﻻﻥ ﺍﻧﻲ ﻣﻮﺍﻗﻔﻲ ﻭﻳﺎﻫﻢ ﻫﻮﺍﻱ ﻣﺎ ﺗﻨﻌﺪ
ﻭﻛﻠﻬﻢ ﻣﺎ ﺍﺗﺸﺮﻑ ﻭﻻ ﺍﺭﻳﺪ ﺍﻡ ﻗﺎﺳﻢ ﺗﻌﺮﻓﻬﻢ ﻋﻨﻲ ﻭﺍﻟﻠﻪ ﺻﻌﺒﺔ ﺍﻣﻮﺕ ﺑﺪﻣﻲ
ﻭﻛﻔﺖ ﻛﺪﺍﻣﻬﺎ ﻣﻨﺘﻈﺮﺗﻬﺎ ﺗﺤﺠﻲ
ﺷﻜﻠﻲ ﺍﺗﻌﻮﺩﺕ ﻋﻠﻰ ﻭﻗﻔﺔ ﺍﻟﺘﺮﻗﺐ ﺑﻬﺬﺍ ﺍﻟﺒﻴﺖ
ﺩﺍﺋﻤﺎ ﺍﺣﺲ ﻣﺤﺎﺻﺮﺓ ﻣﻦ ﻗﺒﻞ ﻗﺎﺳﻢ ﻭﺍﻣﻪ
ﺣﺒﺴﺖ ﺍﻧﻔﺎﺳﻲ ﻭﻋﻴﻮﻧﻲ ﺗﺪﻭﺭ ﺑﻮﺟﻬﻬﺎ
ﻋﻦ ﺷﻲ ﻳﻄﻤﻨﻲ
ﻣﻨﺘﻈﺮﺓ ﺍﻋﺮﻑ ﺷﻨﻮ ﺗﺮﻳﺪ ﺗﻜﻮﻟﻲ
ﻭﻛﺄﻥ ﺣﻴﺎﺗﻲ ﻣﻌﺘﻤﺪﺓ ﻋﻠﻰ ﺍﻟﻤﻮﺿﻮﻉ ﺍﻟﻲ ﺭﺍﻳﺪﺗﻨﻲ ﺑﻲ ﺍﻡ ﻗﺎﺳﻢ
ﺍﻗﺘﺮﺑﺖ ﻣﻨﻲ ﻭﺣﻄﺖ ﻋﻴﻮﻧﻬﺎ ﺑﻌﻴﻮﻧﻲ
ﻭﻛﺎﻟﺖ .. ﺍﻧﺘﻲ ﻟﻴﺶ ﻣﺎ ﺣﺎﺟﻴﺘﻠﻲ ﻋﻦ ﻣﻮﺿﻮﻉ ﺍﻟﻮﺣﻤﺔ
ﺍﺭﺗﺪﻳﺖ ﻟﻠﺨﻠﻒ ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻣﻦ ﺻﺪﻣﺔ ﺍﻟﻤﻔﺎﺟﺄﺓ
ﻻ ﻳﺎ ﺍﻡ ﺭﺍﺋﺪ ﺍﻟﻨﺬﻟﺔ ﻋﻠﻰ ﻫﺎﻱ ﺍﻟﺪﻛﺔ ﺍﻟﻨﺎﻗﺼﺔ
ﺷﻜﺪ ﺳﺎﻣﻌﺔ ﺑﻨﺎﺱ ﺣﻘﺮﺍﺀ ﺑﺤﻴﺎﺗﻲ ﻣﺜﻞ ﻫﻴﺞ ﺣﻘﺎﺭﺓ
ﻭﻗﻠﻲ ﺣﻘﻮﺩ ﻋﻨﺪ ﺑﺸﺮ ﻣﺴﺎﻣﻌﺔ
ﺑﻜﻞ ﺿﻨﻲ ﺭﺍﺡ ﺗﺤﺠﻴﻠﻬﺎ ﻋﻠﻰ ﻣﻮﺿﻮﻉ ﺧﻄﻮﺑﺔ ﺭﺍﺋﺪ ﺍﻟﻤﺎ ﺻﺎﺭﺕ
ﺟﻨﺖ ﺳﺎﻛﺘﺔ ﻣﺼﺪﻭﻣﺔ ﻭﺍﺣﺲ ﺩﻣﻮﻉ ﺍﻟﺨﺠﻞ ﻣﻌﻠﻜﺔ ﺑﺎﻫﺪﺍﺑﻲ
ﻛﻮﺓ ﻻﺯﻣﺘﻬﺎ ﻣﺎ ﺗﻨﺰﻝ
ﺍﻡ ﻗﺎﺳﻢ ﻛﻤﻠﺖ ﻛﻼﻣﻬﺎ
.. ﻟﻴﺶ ﺧﻠﻴﺘﻴﻨﻲ ﻛﺪﺍﻡ ﺍﻡ ﺭﺍﺋﺪ
ﺑﻤﻮﻗﻒ ﻣﺤﺮﺝ
ﻋﺒﺎﻟﻚ ﻭﺣﺪﺓ ﻣﺴﺘﻐﻔﻠﻴﻬﺎ
ﺍﺣﻤﺪ ﺍﻟﻠﻪ ﺍﻥ ﺭﺑﻲ ﺍﻧﻄﺎﻧﻲ ﺍﻟﻔﻄﻨﺔ
ﻣﻦ ﺣﺠﺘﻠﻲ ﺍﻡ ﺭﺍﺋﺪ ﺑﺨﺼﻮﺹ ﺍﻟﻮﺣﻤﺔ
ﻭﺳﺄﻟﺘﻨﻲ ﻭﻛﺎﻟﺖ
.. ﺍﻡ ﻗﺎﺳﻢ ﺍﻧﺘﻲ ﺗﻌﺮﻓﻴﻦ ﺑﻬﺪﻯ ﻋﻨﺪﻫﺎ ﻭﺣﻤﺔ ﻟﻮ ﻻ ؟؟
ﺷﻬﻜﺖ ﻣﺼﺪﻭﻣﺔ ﻣﻦ ﺍﻟﻌﺮﻓﺘﻪ ﻋﻨﺞ
ﻭﻫﻲ ﻛﻌﺪﺕ ﺗﺘﺸﻔﺔ ﺑﺠﻬﻠﻲ ﺑﻤﻮﺿﻮﻉ ﺍﻟﻮﺣﻤﺔ
ﻋﺒﺎﻟﻚ ﻭﺣﺪﺓ ﺟﺎﻳﺔ ﻣﺨﺼﻮﺹ ﺣﺘﻰ ﺗﺸﻮﻑ
ﺍﻟﺼﺪﻣﺔ ﻋﻠﻰ ﻭﺟﻬﻲ
ﺑﺲ ﺍﻧﻲ ﺍﺗﻼﻓﻴﺖ ﻣﻔﺎﺟﺌﺘﻲ ﺑﺎﻟﻤﻮﺿﻮﻉ
ﻭﻛﻠﺘﻠﻬﺎ ﺍﻧﻲ ﺍﻋﺮﻑ ﺑﺎﻟﻮﺣﻤﺔ ﺍﻱ ﻋﻨﺪ ﻫﺪﻯ
ﺑﺲ ﺍﻧﺼﺪﻣﺖ ﺍﻧﺘﻲ ﺷﻠﻮﻭﻥ ﻋﻨﺪﺝ ﻋﻠﻢ ﺑﻴﻬﺎ ﻭﻭﻳﻦ ﺷﻔﺘﻴﻬﺎ
ﻳﻌﻨﻲ ﻭﺿﺤﺘﻠﻬﺎ ﺍﻥ ﺳﺒﺐ ﻣﻔﺎﺟﺌﺘﻲ ﻫﻲ ﻣﻌﺮﻓﺘﻬﺎ ﺑﺎﻟﻤﻮﺿﻮﻉ . ﻣﻮ ﺟﻬﻠﻲ ﺑﻲ
ﻟﻴﺶ ﺍﻟﻤﺮﺓ ﺍﻟﻐﺮﻳﺒﺔ ﺗﺠﻲ ﺗﻜﻠﻲ ﻭﺍﻧﺘﻲ ﺣﺘﻰ ﻣﺎﻣﻔﻜﺮﺓ
ﺗﻜﻮﻟﻴﻠﻲ ﻋﻦ ﺍﻟﻮﺣﻤﺔ
ﻫﻲ ﺟﺎﻧﺖ ﺗﺤﺠﻲ ﻭﺍﻧﻲ ﻟﻮ ﻳﺬﺑﺤﻮﻧﻲ ﻣﻦ ﺍﻻﺣﺮﺍﺝ ﻗﻄﺮﺓ ﺩﻡ ﻣﺎ ﻳﻠﻜﻮﻥ ﺑﻴﺔ
ﺩﻧﻜﺖ ﺭﺍﺳﻲ ﻭﺍﺧﺮ ﻧﻘﻄﺔ ﻟﻤﻘﺎﻭﻣﺘﻲ ﻟﺪﻣﻮﻋﻲ ﺍﻧﻬﺎﺭﺕ ﻭﻧﺰﻟﺖ
.. ﺧﺎﻟﺔ ﺍﺳﻔﺔ ﻣﻜﺪﻏﺖ ( ﻣﻜﺪﺭﺕ ) ﺍﺣﺠﻴﻠﺞ
ﺟﻨﺖ ﺍﺳﺘﺤﻲ ﻣﻨﻬﺎ ﻭﻫﻲ ﻣﻮ ﺷﻲ ﺣﻠﻮ ﻭﺍﻓﺘﺨﻎ ( ﺍﻓﺘﺨﺮ ) ﺑﻲ ﻭﺍﻛﻌﺪ ﺍﺣﺠﻲ ﺑﻲ . ﻟﻠﻨﺎﺱ
ﺍﻡ ﻗﺎﺳﻢ .. ﺑﺲ ﺍﻧﺎ ﻣﻮ ﺍﻱ ﻭﺍﺣﺪ
ﺍﻧﺎ ﺍﻡ ﺯﻭﺟﺞ ﺑﻜﻞ ﺿﻨﻲ ﻣﻦ ﺍﺗﺰﻭﺟﺘﻲ ﻗﺎﺳﻢ ﻭﺩﺧﻠﺘﻲ ﺑﻴﺘﻨﺎ ﻛﻠﺖ ﺻﺎﺭ ﻋﻨﺪﻱ ﺑﻨﻴﺔ ﺳﺎﺑﻌﺔ
ﻭﺣﺴﺒﺘﺞ ﻣﺜﻞ ﺑﻨﺘﻲ ﻋﺒﺎﻟﻲ ﺭﺍﺡ ﺗﺸﻮﻓﻴﻨﻲ ﻣﺜﻞ ﺍﻣﺞ
....
ﺑﺲ ﺍﻟﻈﺎﻫﺮ ﺍﻧﺎ ﺭﺍﻳﺤﺔ ﺯﺍﻳﺪ
ﻋﻠﻰ ﻛﻞٍ ﺍﻧﺎ ﻣﺎ ﺍﻛﺪﺭ ﺍﺟﺒﺮﺝ ﻋﻠﻰ ﻣﺤﺒﺘﻨﺎ
ﺑﺲ ﺣﺘﻰ ﻧﺘﻼﻓﻰ ﻫﻴﺞ ﻣﻮﺿﻮﻉ ﻣﺴﺘﻘﺒﻼ
ﻛﻠﺸﻲ ﻳﺨﺼﺞ ﺍﻭ ﻳﺼﻴﺮ ﻭﻳﺎﺝ ﻣﺴﺘﻘﺒﻼ ﻭﺗﺸﻮﻓﻴﻦ ﺍﻥ ﺍﻧﻲ ﻻﺯﻡ ﺍﻋﺮﻓﻪ
ﺗﻌﺎﻟﻲ ﻛﻠﻴﻠﻲ ﺑﻲ ﺣﺘﻰ ﻳﺼﻴﺮ ﻋﻨﺪﻱ ﻋﻠﻢ
ﻣﻮ ﺑﻌﺪﻳﻦ ﺍﺳﻤﻊ ﻣﻦ ﺍﻟﻨﺎﺱ ﺍﻟﻐﺮﺑﺔ
ﻭﺍﻧﻲ ﻛﺎﻋﺪﺓ ﺑﻴﻨﻬﻢ ﻣﺜﻞ ﺍﻻﻃﺮﺵ ﺑﺎﻟﺰﻓﺔ
ﻫﻲ ﺣﻘﻬﺎ ﺑﻜﻞ ﻛﻼﻣﻬﺎ ﺑﺲ ﺍﻧﻲ ﻣﻮ ﺑﻴﺪﻱ ﺻﻌﺒﻪ ﻋﻠﻴﺔ
ﺟﺎﻭﺑﺘﻬﺎ .. ﺍﻥ ﺷﺎﺀ ﺍﻟﻠﻪ ﺧﺎﻟﺔ ﺍﻭﻋﺪﺝ ﻫﺬﺍ ﺍﻟﺸﻲ ﺍﻟﺼﺎﻍ ( ﺍﻟﺼﺎﺭ ) ﺍﻟﻴﻮﻡ
ﻣﺎﻏﺎﺡ ( ﻣﺎﺭﺍﺡ ) ﻳﺘﻜﻐﻎ ( ﻳﺘﻜﺮﺭ ) ﺑﺎﻟﻤﺴﺘﻘﺒﻞ
ﺍﻗﺘﺮﺑﺖ ﻣﻨﻲ ﻭﻛﺎﻟﺖ
.. ﺑﺎﻟﻠﻪ ﺷﻮ ﺭﻓﻌﻲ ﻣﻼﺑﺴﺞ ﺧﻠﻲ ﺍﺷﻮﻓﻬﺎ
ﺭﻓﻌﺖ ﻣﻼﺑﺴﻲ ﻭﺍﻧﻲ ﻣﻴﺘﺔ ﻣﻦ ﺍﻟﺨﺠﻞ ﻛﺮﻫﺖ ﻧﻔﺴﻲ
ﻭﻛﻌﺖ ﻋﻴﻨﻬﺎ ﻋﻠﻴﻬﺎ ﻭﺷﺎﻓﺖ ﺷﻜﻠﻬﺎ
ﻭﻣﺪﺕ ﺍﻳﺪﻫﺎ
ﻭﺍﺗﻠﻤﺴﺘﻬﺎ ﻭﻣﺸﺖ ﺍﻳﺪﻫﺎ ﻋﻠﻴﻬﺎ ﻭﻛﺎﻟﺖ
.. ﺗﺮﺓ ﻣﻮ ﻛﻠﺶ ﺗﺨﻮﻑ ﻣﺜﻠﻤﺎ ﺍﺗﻮﻗﻌﺘﻬﺎ
ﺻﺤﻴﺢ ﻣﺎﺧﺬﺓ ﻣﺴﺎﺣﺔ ﻣﻦ ﺟﺴﻤﺞ
ﺑﺲ ﻣﻤﺄﺛﺮﺓ ﻋﻠﻰ ﻣﻠﻤﺲ ﺑﺸﺮﺗﺞ
ﻳﺎﻟﻠﻪ ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ ﻫﺎﻱ ﻭﻻ ﻏﻴﺮﻫﺎ
ﻇﻠﻴﺖ ﻭﺍﻛﻔﺔ ﺍﺑﺎﻭﻉ ﻋﻠﻴﻬﺎ ﺑﻀﻴﺎﻉ
ﻭﺩﻣﻮﻉ ﺍﻟﺨﺠﻞ ﻭﺍﻻﺣﺮﺍﺝ ﻏﺮﻛﺘﻨﻲ
.. ﺑﺲ ﺳﺆﺍﻝ ﻗﺎﺳﻢ ﺷﺎﻳﻒ ﺍﻟﻮﺣﻤﺔ ﻳﻌﺮﻑ ﺑﻴﻬﺎ؟؟؟
ﺩﻧﻜﺖ ﺭﺍﺳﻲ ﻭﻣﺠﺎﻭﺑﺘﻬﺎ
ﻣﺴﺘﺤﻴﺔ
.. ﻳﻌﻨﻲ ﺍﻓﺘﻬﻢ ﻣﻦ ﺳﻜﻮﺗﺞ ﺍﻥ ﻗﺎﺳﻢ ﻣﺸﺎﻳﻒ ﺍﻟﻮﺣﻤﺔ
ﻣﻌﻨﺎﻫﺎ ﻗﺎﺳﻢ ﻟﺤﺪ ﺍﻻﻥ ﻣﺎ ﻣﻘﺘﺮﺑﻠﺞ
ﺷﻬﻜﺖ ﺑﺨﻮﻑ ﻋﺰﺓ ﺍﻟﻌﺰﺍﻧﻲ ﻫﺎﻱ ﺷﻠﻮﻥ ﻭﺭﻃﺔ
ﺣﺘﻰ ﺩﻣﻮﻉ ﺍﻻﺣﺮﺍﺝ ﺍﺣﺴﻬﺎ ﻧﺸﻔﺖ ﻟﻮﺣﺪﻫﺎ ﻣﻦ ﺍﻟﺨﻮﻑ
ﺑﺲ ﻻ ﺗﺮﻭﺡ ﻟﻘﺎﺳﻢ ﻭﺗﺴﺄﻟﻪ ﻟﻴﺶ ﻟﺤﺪ ﺍﻻﻥ ﻣﺎ ﻣﺘﻤﻢ ﺯﻭﺍﺟﻪ ﻭﻳﺎﻳﺔ
ﺧﺮﺏ ﺑﺎﻟﻘﺴﻤﺔ ﺍﻟﻄﻮﻳﻠﺔ ﺍﻟﻐﻴﺮ ﺍﻟﻤﻨﺘﻬﻴﺔ
ﻳﺒﻮﻭﻭﻭ ﺷﻠﻮﻥ ﻭﺭﻃﺔ ﻭﺗﻌﺎﻝ ﻗﺎﺳﻤﻮﻑ ﺷﻴﻘﻨﻌﻪ
ﺷﻠﻮﻥ ﻳﻘﺘﻨﻊ ﺍﻧﻲ ﻣﺤﺎﺟﻴﺔ ﻻﻣﻪ ﻭﻫﻲ ﻣﻦ ﻳﻤﻬﺎ ﺗﺨﻤﻦ ﻳﺎﺭﺑﻲ ﻭﺍﻟﻠﻪ ﺣﻴﺮﺓ
ﺑﺎﻭﻋﺖ ﻋﻠﻴﻬﺎ ﻭﺣﺠﻴﺖ ﺑﺴﺮﻋﺔ
.. ﻻ ﺧﺎﻟﺔ ﺧﻄﻴﺔ ﻗﺎﺳﻢ ﺩﺍﺋﻤﺎ ﻳﻘﺘﻐﺒﻠﻲ ( ﻳﻘﺘﺮﺑﻠﻲ )
ﻭﻳﺤﺎﻭﻝ ﻭﻳﺎﻱ
ﺑﺲ ﺍﻧﻲ ﻣﻦ ﺍﻟﺨﻮﻑ ﺍﺻﺪﻩ ﺗﻌﻐﻔﻴﻦ ( ﺗﻌﺮﻓﻴﻦ )
ﺧﻮﻑ ﺍﻟﻌﻐﻮﺳﺔ ( ﺍﻟﻌﺮﻭﺳﻪ ) ﻭﺿﻴﻔﻲ ﻓﻮﻛﺎﻫﺎ ﻣﻮﺿﻮﻉ ﺍﻟﺨﺠﻞ ﻣﻦ ﺍﻟﻮﺣﻤﺔ
ﻭﺧﻮﻓﻲ ﻣﻦ ﻏﺪﺓ ( ﺭﺩﺓ ) ﻓﻌﻠﻪ ﺍﺫﺍ ﻳﺸﻮﻓﻬﺎ
ﺍﻡ ﻗﺎﺳﻢ .. ﺷﻮﻓﻲ ﺧﺎﻟﺔ ﻫﺪﻯ
ﺍﺫﺍ ﺟﺎﻥ ﻋﺬﺭﺝ ﻋﺎﻟﻮﺣﻤﺔ ﻓﻬﺎﻱ ﺳﻬﻠﺔ
ﻣﻦ ﺑﺎﺟﺮ ﺍﺧﺬﺝ
ﻭﺍﺣﺠﺰﻟﺞ ﻋﻨﺪ ﺩﻛﺘﻮﺭﺓ ﺗﺠﻤﻴﻞ
ﺟﺎﻭﺑﺘﻬﺎ ﺑﺴﺮﻋﺔ ﻭﻣﻦ ﺩﻭﻥ ﻣﺎﺍﻧﻄﻴﻬﺎ ﻣﺠﺎﻝ ﺗﻘﺘﺮﺡ ﻫﻮﺍﻳﺔ ﺷﻐﻼﺕ
.. ﻻ ﺧﺎﻟﺔ ﻣﺎﻟﻪ ﺩﺍﻋﻲ ﺍﺧﺘﻲ ﻣﻐﻮﺓ ( ﻣﺮﻭﺓ ) ﻗﺒﻞ ﺍﻟﺰﻭﺍﺝ
ﺍﻗﺘﻐﺤﺖ ( ﺍﻗﺘﺮﺣﺖ ) ﻋﻠﻴﺔ ﺗﺎﺧﺬﻧﻲ ﻋﻨﺪ ﺻﺪﻳﻘﺘﻬﺎ
ﻃﺒﻴﺒﺔ ﺗﺠﻤﻴﻞ ﺑﺲ ﺍﻧﻲ ﺍﻟﺘﻬﻴﺖ ﻭﺗﻌﻐﻔﻴﻦ ( ﺗﻌﺮﻓﻴﻦ ) ﺍﻟﺰﻭﺍﺝ ﺻﺎﻍ ( ﺻﺎﺭ ) ﺑﺴﻐﻌﻪ ( ﺑﺴﺮﻋﺔ )
ﺍﻡ ﻗﺎﺳﻢ .. ﺍﻧﻲ ﺍﻗﺘﺮﺣﺖ ﻋﻠﻴﺞ ﺍﻟﺘﺠﻤﻴﻞ ﻋﻠﻤﻮﺩ ﺍﻧﺘﻲ ﺑﻨﻴﺔ
ﻭﺯﻭﺟﺔ ﺍﺑﻨﻲ ﻭﺍﻧﻲ ﻣﺜﻞ ﺍﻱ ﺍﻡ ﺍﺣﺐ ﻻﺑﻨﻲ ﻛﻠﺸﻲ ﺣﻠﻮ
ﻭﺧﻠﻲ ﺑﺒﺎﻟﺞ ﺗﺮﺓ ﻣﻮ ﻋﻴﺐ ﺍﻟﺒﻨﻴﺔ ﺗﺴﻮﻱ ﻋﻤﻠﻴﺔ ﺗﺠﻤﻴﻞ
ﺍﻧﺎ ﺫﺍﻙ ﺍﻟﻴﻮﻡ ﺻﺪﻳﻘﺘﻲ ﺍﺧﺬﺕ ﺟﻨﺘﻬﺎ ﻭﺳﻮﺗﻠﻬﺎ ﻋﻤﻠﻴﺔ ﺗﺠﻤﻴﻞ ﻟﺨﺸﻤﻬﺎ ﻻﻥ ﻛﻠﺶ ﺟﺒﻴﺮ
ﺍﺑﺘﺴﻤﺖ ﻋﺮﻓﺖ ﺑﻴﻬﺎ ﺗﺮﻳﺪ ﺗﻮﺍﺳﻴﻨﻲ ﺣﺘﻰ ﻻ ﺍﺧﺠﻞ ﻣﻨﻬﺎ
.....
ﺍﻥ ﺷﺎﺀ ﺍﻟﻠﻪ ﺑﺎﻗﻐﺐ ﻓﻐﺼﺔ ﺍﻏﻮﺡ ﻟﻤﻐﻮﺓ ( ﺍﻗﺮﺏ ﻓﺮﺻﺔ ﺍﺭﻭﺡ ﻟﻤﺮﻭﺓ )
ﺍﺧﻠﻴﻬﺎ ﺗﺎﺧﺬﻧﻲ ﻟﻄﺒﻴﺒﺔ ﺍﻟﺘﺠﻤﻴﻞ ﻭﺍﺷﻮﻓﻬﺎ ﺷﻨﻮ ﺗﻜﻮﻝ
.. ﺍﻱ ﺑﺲ ﺧﻮ ﻣﺎ ﺍﻛﻌﺪ ﺍﻧﻲ ﺍﻧﺘﻈﺮﺝ ﺗﺴﻮﻳﻦ ﺗﺠﻤﻴﻞ ﻟﻠﻮﺣﻤﺔ
ﻳﺎﻟﻠﻪ ﺗﺨﻠﻴﻦ ﻗﺎﺳﻢ ﻳﻘﺘﺮﺑﻠﺞ
ﻻ ﺣﺒﻴﺒﺘﻲ . ﻫﺬﺍ ﺍﻟﺸﻲ ﻣﺎ ﻳﺼﻴﺮ
ﻭﻟﺘﺨﺎﻓﻴﻦ ﻣﻦ ﺍﻟﻮﺣﻤﺔ ﺗﺮﺓ ﺷﻜﻠﻬﺎ ﻣﻘﺒﻮﻝ
ﻭﻟﻮ ﻫﻮ ﻗﺎﺳﻢ ﺍﺫﺍ ﻳﺸﻮﻑ ﻫﺎﻟﺠﻤﺎﻝ ﻛﻠﻪ
ﻣﺎ ﺭﺍﺡ ﻳﺮﻛﺰ ﻋﺎﻟﻮﺣﻤﺔ
ﻭﺍﺫﺍ ﻋﺎﻟﻤﺴﺘﺤﻰ ﻋﻮﺩ ﻃﻔﻲ ﺍﻟﻜﻠﻮﺏ
ﻣﻦ ﻳﻘﺘﺮﺑﻠﺞ
ﻳﺒﻮﻭﻭﻭ ﻭﻳﻦ ﺍﻧﻄﻲ ﻭﺟﻬﻲ ﺷﻠﻮﻥ ﻭﺭﻃﺔ
ﺍﻡ ﻗﺎﺳﻢ ﻣﺮﻳﺔ ﺣﺎﺯﻣﺔ ﻣﺘﻘﺒﻞ ﺑﺎﻭﺳﻂ ﺍﻟﺤﻠﻮﻝ
ﻣﻦ ﺧﻼﻝ ﺍﻫﺘﻤﺎﻣﻬﺎ ﻭﺣﺮﺻﻬﺎ ﻋﻠﻰ ﺍﺑﻨﻬﺎ ﻭﺣﻴﺪﻫﺎ
ﺍﻛﻴﺪ ﺭﺍﺡ ﺗﺒﺬﻝ ﻣﺎ ﺑﻮﺳﻌﻬﺎ ﻋﻠﻤﻮﺩ ﺳﻌﺎﺩﺓ ﺍﺑﻨﻬﺎ
ﻭﻫﻲ ﺗﺸﻮﻑ ﺯﻭﺍﺟﻪ ﻣﻨﻲ ﻭﺳﻴﻠﺔ ﺍﺑﻌﺪ ﺭﻫﻒ ﻋﻦ ﻃﺮﻳﻘﻪ
ﻟﻤﺼﻠﺤﺔ ﻗﺎﺳﻢ
ﺣﺠﻴﺖ ﺑﺼﻮﺕ ﻧﺎﺻﻲ .. ﺍﻥ ﺷﺎﺀ ﺍﻟﻠﻪ ﺧﺎﻟﺔ
.. ﻭﻣﺎ ﺍﺭﻳﺪ ﺍﺳﻤﻊ ﻫﺎﻱ ﺳﺎﻟﻔﺔ ﺍﻟﺘﻨﻐﻮﺹ ﻣﺎﻝ ﺧﺎﻳﻔﺔ ﻭﻣﺎ ﺍﻛﺪﺭ ﺍﻧﺴﻴﻬﺎ
ﺗﺮﺓ ﺍﻟﻮﻟﺪ ﻧﻔﺴﻪ ﺑﻴﺞ ﻻ ﺗﺸﻌﻠﻴﻦ ﻛﻠﺒﻪ
ﺍﺭﻳﺪﺝ ﻫﺴﺔ ﺗﺼﻌﺪﻳﻦ ﻟﻐﺮﻓﺘﺞ ﻭﺗﺼﻴﺮﻳﻦ ﺳﺒﺎﻋﻴﺔ ﻭﺗﺠﻬﺰﻳﻦ ﻧﻔﺴﺞ
ﻭﺗﻜﻌﺪﻳﻦ ﺗﺘﺪﻟﻌﻴﻦ ﻋﻠﻴﻪ
ﺍﺭﻳﺪ ﻛﻮﻥ ﺑﺎﺟﺮ ﻣﻦ ﺗﻨﺰﻟﻴﻦ ﺍﺳﻤﻊ ﻣﻨﺞ ﺧﺒﺮ ﻳﻔﺮﺣﻨﻲ
ﺍﻧﺨﺮﺳﺖ ﻭﺍﻟﺴﺎﻧﻲ ﺍﻧﺒﻠﻊ ﻭﺻﺮﺕ ﺍﻫﺰ ﺑﺮﺍﺳﻲ ﺑﻤﻮﺍﻓﻘﺔ
.. ﻳﺎﻟﻠﻪ ﺧﺎﻟﺔ ﺭﻭﺣﻲ ﻃﻠﻌﻲ ﻭﺷﻮﻓﻲ ﺭﺟﻠﺞ ﻭﻳﻦ
ﻃﻠﻌﺖ ﻣﻦ ﻳﻤﻬﺎ ﻭﺍﻧﻲ ﻛﻠﺒﻲ ﻳﺪﻙ ﺣﻴﻞ ﻋﺒﺎﻟﻚ ﺟﻨﺖ ﺑﺴﺒﺎﻕ
ﺟﻨﺖ ﺍﻣﺸﻲ ﺭﺍﻳﺤﺔ ﺍﺻﻌﺪ ﻓﻮﻙ
ﻭﺟﺎﻥ ﺍﺷﻮﻑ ﻗﺎﺳﻢ ﺻﺎﺭ ﺑﻮﺟﻬﻲ
.. ﻫﺎ ﺷﻨﻮﺍﻧﺘﻲ ﻭﺍﻣﻲ ﺷﻌﻨﺪﻛﻢ ﺻﺎﺭﻟﻜﻢ ﺳﺎﻋﺔ ﺑﺎﻟﻐﺮﻓﺔ
ﺑﺎﻭﻋﺖ ﻟﻠﻐﺮﻓﺔ ﻭﺭﺍﻱ ﻭﺣﺠﻴﺖ ﺑﺼﻮﺕ ﻧﺎﺻﻲ
.. ﻧﺼﻲ ﺻﻮﺗﻚ ﻻ ﺗﺴﻤﻌﻚ ﺧﺎﻟﺘﻲ ﺑﻌﺪﻳﻦ ﺍﻛﻠﻚ
ﺷﻨﻮ ﻏﺎﺩﺕ ( ﺭﺍﺩﺕ ) ﺑﺲ ﻣﻮ ﻫﻨﺎ ﻣﻦ ﻧﺼﻌﺪ ﺍﺣﺠﻴﻠﻚ ﻓﻮﻙ
ﻭﺟﻬﻲ ﻛﺎﻡ ﻳﻨﻄﻲ ﺍﻟﻮﺍﻥ
ﻣﺎ ﺍﻋﺮﻑ ﺷﻠﻮﻥ ﺍﺣﺠﻴﻠﻪ ﻋﺎﻟﻮﺣﻤﺔ
ﺍﻛﻠﻪ ﻟﻮ ﻻ ﻳﺎ ﺭﺑﻲ ﺷﻨﻮ ﺣﻠﻬﺎ ﻫﺎﻱ
ﺍﻡ ﻗﺎﺳﻢ ﻃﻠﻌﺖ ﻣﻦ ﻏﺮﻓﺘﻬﺎ ﻭﺷﺎﻓﺘﻨﻲ ﻭﺍﻛﻔﺔ ﻳﻢ ﻗﺎﺳﻢ
ﻭﻣﺮﺕ ﻣﻦ ﻳﻤﻨﺎ ﻭﺭﺍﺣﺖ ﻳﻢ ﺍﻟﺒﻨﺎﺕ
ﻣﻨﻰ ﻭﻛﻮﺛﺮ ﻭﻫﺎﻟﺔ ﻭﻫﺪﻳﻞ
ﻣﻨﻰ ﻭﻛﻮﺛﺮ ﻣﺘﺰﻭﺟﺎﺕ ﺍﻭﻻﺩ ﻋﻤﻬﻢ ﻭﻫﻨﺎ ﺑﻴﻮﺗﻬﻢ ﻗﺮﻳﺒﺔ
ﻓﺪﺍﺋﻤﺎ ﻳﺠﻮﻥ ﻫﻨﺎ ﻟﺒﻴﺖ ﺍﻫﻠﻬﻢ
ﺩﻙ ﻧﻘﺎﻝ ﻗﺎﺳﻢ ﺟﺎﻥ ﺑﺠﻴﺒﻪ ﻃﻠﻌﻪ ﻣﻦ ﺟﻴﺒﻪ ﻭﺍﻧﻲ ﺑﻌﺪﻧﻲ ﻭﺍﻛﻔﺔ ﻳﻤﻪ
ﺑﺎﻭﻉ ﻟﻠﺸﺎﺷﺔ ﺣﺘﻰ ﻳﻘﺮﺓ ﺍﺳﻢ ﺍﻟﻤﺘﺼﻞ
ﻭﺍﻧﻲ ﻧﺴﻴﺖ ﻧﻔﺴﻲ ﻫﻢ ﻛﻌﺪﺕ ﺍﺑﺎﻭﻉ ﻭﻳﺎﻩ ﻋﺎﻟﻮﺍﻫﺲ ﺍﺷﻮﻑ ﻣﻨﻮ ﺍﻟﻤﺘﺼﻞ
ﺟﺎﻥ ﻣﻜﺘﻮﺏ ﻧﺼﻔﻲ ﺍﻟﺜﺎﻧﻲ
ﻋﺰﺓ ﺑﻌﻴﻨﻪ ﻳﻌﻨﻲ ﻫﺬﺍ ﺍﻟﻄﻮﻝ ﻭﺍﻟﻌﺮﺽ ﻛﻠﻪ ﻭﺑﻌﺪ ﻋﻨﺪﻩ ﺑﺎﻗﻲ ﻧﺺ ﺛﺎﻧﻲ
ﺷﻮﻑ ﺍﻧﻲ ﻭﻳﻦ ﻭﺍﻟﻨﺎﺱ ﻭﻳﻦ ﻭﺍﻧﻲ ﻛﺎﻋﺪﺓ ﺍﺣﺸﺶ
ﻫﺎﻱ ﺍﻛﻴﺪ ﺳﺖ ﻛﻬﻒ ﻣﺴﻤﻴﻬﺎ ﺍﻟﻨﺼﻒ ﺍﻟﺜﺎﻧﻲ
ﺍﻧﻄﺎﻫﺎ ﺭﻓﺾ
ﻭﻓﺘﺢ ﺍﻟﻨﻘﺎﻝ ﻭﺭﺍﺡ ﻋﺎﻟﻮﺍﺗﺲ ﻭﺩﺧﻞ ﻋﻠﻰ ﻧﻔﺲ ﺍﻻﺳﻢ
ﻭﺑﺪﺓ ﻳﻜﺘﺐ
( ﻫﻠﻮ ﺣﺒﻴﺒﻲ ﺍﻧﻲ ﺷﻮﻳﺔ ﻭﺭﺍﺡ ﺍﺟﻲ ﺍﻧﺘﻲ .......... )
ﺟﻨﺖ ﻭﺍﻛﻔﺔ ﻳﻤﻪ ﻭﻣﻨﺪﻣﺠﺔ ﺍﻗﺮﺓ ﺷﻨﻮ ﻳﻜﺘﺐ ﺑﻜﻞ ﺻﻼﻓﺔ ﻭﻓﻀﻮﻝ
ﺍﻧﺘﺒﻬﺖ ﻋﻠﻰ ﺍﻳﺪﻩ ﺍﺗﻮﻗﻔﺖ ﻋﻦ ﺍﻟﻜﺘﺎﺑﺔ
....
ﻫﺎﻱ ﺷﻨﻮ ﻟﻴﺶ ﺍﺗﻮﻗﻒ ﻣﻴﻜﻤﻞ ﻛﺘﺎﺑﺔ
ﺭﻓﻌﺖ ﺭﺍﺳﻲ ﺍﺭﻳﺪ ﺍﻋﺮﻑ ﺷﻨﻮ ﺳﺒﺐ ﺍﻟﺘﻮﻗﻒ
ﻭﺟﺎﻥ ﺍﻟﻜﺔ ﺍﻻﺥ ﺭﺍﻓﻊ ﺣﺎﺟﺒﻪ ﻭﻳﺒﺎﻭﻉ ﻋﻠﻴﺔ
ﻛﺎﻝ .. ﺑﻌﺪ .. ﺑﻌﺪ ﻓﻮﺗﻲ ﺭﺍﺳﺞ ﺑﺎﻟﻨﻘﺎﻝ
ﻳﻠﻌﻦ ﺍﺑﻮ ﺍﻟﻔﻀﻮﻝ ﺍﻟﻌﻨﺪﺝ ﻛﺴﺮﺗﻲ ﻋﻠﻰ ﺍﻣﻲ
ﻋﺰﺓ ﺍﺑﺘﺴﻤﺖ ﺑﻮﺟﻬﻪ ﺑﻔﺸﻠﺔ .. ﻫﻬﻬﻬﻬﻬﻬﻬﻪ ﻻ ﻣﺸﻜﻮﺭ ﻣﺎ ﺗﻘﺼﺮ ﺑﺲ
ﺟﻨﺖ ﺍﻧﺘﻈﺮﻙ ﺗﻜﻤﻞ ﺭﺳﺎﻟﺘﻚ ﺣﺘﻰ ﺍﻛﻠﻚ ﻋﻨﺪﻱ ﻣﻮﺿﻮﻉ ﻣﻬﻢ ﺍﺭﻳﺪ ﺍﺣﺠﻲ ﻭﻳﺎﻙ
.. ﻛﻮﻟﻲ ﺷﻨﻮ ﻋﻨﺪﺝ
.. ﻻ ﻣﺎ ﺍﻛﺪﻍ ( ﻣﺎﺍﻛﺪﺭ ) ﺍﺣﺠﻴﻪ ﻫﻨﺎ ﻣﻦ ﺗﺼﻌﺪ ﻓﻮﻙ ﺍﻓﻬﻤﻚ
ﺍﺣﺴﻦ ﻻﻥ ﻫﻨﺎ ﺧﺎﻑ ﺍﺣﺪ ﻳﺴﻤﻌﻨﺎ
.. ﺗﻤﺎﻡ ﻟﻌﺪ ﺍﻧﺘﻈﺮﻳﻨﻲ ﻣﻦ ﺍﺭﺟﻊ ﺑﺎﻟﻠﻴﻞ ﻻﻥ ﺍﻧﺎ ﻃﺎﻟﻊ ﻫﺴﺔ
.. ﺍﻭﻙ .
ﺩﺭﺕ ﻭﺟﻬﻲ ﺣﺘﻰ ﺍﺭﻭﺡ ﻭﻫﻮ ﺭﺟﻊ ﺩﻧﻚ ﺭﺍﺳﻪ ﻋﻠﻰ ﻧﻘﺎﻟﻪ ﻳﻜﻤﻞ ﻣﺮﺍﺳﻠﺔ
ﺭﺟﻌﺖ ﻋﻠﻴﻪ .. ﺍﻱ ﺍﺗﺬﻛﺮﺕ ﺍﺫﺍ ﺧﺎﻟﺔ ﺳﺄﻟﺘﻨﻲ ﻋﻠﻴﻚ
ﻭﻳﻦ ﻃﺎﻟﻊ ﺷﻨﻮ ﺍﻛﻠﻠﻬﺎ
ﺭﻓﻊ ﺣﺎﺟﺒﻪ ﻭﻛﺎﻝ .. ﺧﺎﻟﺔ ﻣﺎ ﺗﻨﺘﻈﺮ ﺗﺴﺄﻟﺞ ﻋﻦ ﻣﻜﺎﻧﻲ
ﺧﺎﻟﺘﺞ ﻛﺒﻞ ﺗﺘﺼﻞ ﻋﻠﻴﺔ ﻭﺗﻌﺮﻑ ﻭﻳﻦ ﺍﻧﺎ ﻭﺑﻴﺎ ﻣﻜﺎﻥ
ﺑﺎﻭﻋﺖ ﻋﻠﻴﻪ ﻭﺻﻔﻨﺖ .. ﺍﻫﺎ ﻟﻌﺪ ﺑﺮﺍﺣﺘﻚ
ﺩﺭﺕ ﻭﺟﻬﻲ ﺍﺭﻳﺪ ﺍﻣﺸﻲ
ﺍﺟﺎﻧﻲ ﺻﻮﺗﻪ ﻣﻦ ﻭﺭﺍﻱ
.. ﻋﻮﺩ ﻣﻮ ﺗﻨﺴﻴﻦ ﺳﻠﻴﻤﻴﻨﺎ ﻋﻠﻰ ﺧﺎﻟﺘﺞ ﻭﻛﻮﻟﻴﻠﻬﺎ ﺑﻄﻠﻲ ﻓﻀﻮﻝ ﻻ ﺗﻨﺴﺤﻞ
ﺭﻣﺸﺖ ﺑﻌﻴﻮﻧﻲ ﺍﺭﻳﺪ ﺍﺳﺘﻮﻋﺐ ﺍﻟﻘﺼﻒ ﺍﻟﻲ ﻧﺰﻝ ﻋﻠﻰ ﺭﺍﺳﻲ ﺍﺭﺽ ﺟﻮ ﺑﺤﺮ
ﺩﺭﺕ ﻭﺟﻬﻲ ﺍﻟﻤﻘﺼﻮﻑ ﻋﻤﺔ ﺣﺘﻰ ﻋﻤﺔ
ﺍﻟﻠﻪ ﻻ ﻳﻮﻛﻊ ﺍﺣﺪ ﺑﻠﺴﺎﻧﻪ
ﺗﺮﻛﺘﻪ ﻭﻣﺸﻴﺖ ﻟﻠﻤﻄﺒﺦ ﻳﻢ ﺧﺎﻟﺘﻲ ﻭﺍﻟﺒﻨﺎﺕ ﻭﻫﻮ ﺭﺍﺡ ﺻﻌﺪ ﻓﻮﻙ ﺣﺘﻰ ﻳﺒﺪﻝ ﻣﻼﺑﺴﻪ
ﺩﺧﻠﺖ ﻋﻠﻴﻬﻢ ﻟﻠﻤﻄﺒﺦ ﻟﻜﻴﺖ ﺍﻡ ﻗﺎﺳﻢ ﺗﺴﻮﻟﻒ ﻭﻳﺔ ﺑﻨﺎﺗﻬﺎ
ﻭﻣﻨﻰ ﺗﺨﻠﻂ ﺑﻤﻜﻮﻧﺎﺕ ﺍﻟﻜﻴﻜﺔ
ﻭﺍﻡ ﻗﺎﺳﻢ ﺩﺗﺸﺮﺏ ﺟﺎﻱ
ﺟﻨﺖ ﻣﺘﺮﺩﺩﺓ ﺍﻛﻌﺪ ﻭﻳﺎﻫﻢ ﺑﺲ
ﺍﻡ ﻗﺎﺳﻢ ﻣﺎ ﺍﻧﻄﺘﻨﻲ ﻣﺠﺎﻝ ﻛﺒﻞ
ﺻﺎﺣﺘﻨﻲ .. ﺗﻌﺎﻱ ﺟﻴﺒﻠﺞ ﻛﻮﺏ ﺧﻠﻲ ﺍﺻﺒﻠﺞ ﺟﺎﻱ
ﺟﺒﺖ ﺍﻟﻜﻮﺏ ﻭﻫﻲ ﺻﺒﺘﻠﻲ ﻛﻌﺪﺕ ﻳﻤﻬﺎ ﻭﺳﺄﻟﺘﻨﻲ
.. ﺍﻛﻮﻝ ﻫﺪﻯ ﺍﻡ ﺭﺍﺋﺪ ﺷﻜﺪ ﺍﺗﺒﺎﺭﻛﺖ
ﺑﺎﻭﻋﺖ ﻋﻠﻴﻬﺎ .. ﻭﺍﻟﻠﻪ ﺧﺎﻟﺔ ﻣﺎ ﺍﻋﺮﻑ ﺷﻜﺪ ﺍﻧﻄﺘﻨﻲ ﻻﻥ ﺟﺎﻧﺖ ﺣﺎﻃﺔ ﺍﻟﻔﻠﻮﺱ ﺑﻈﺮﻑ
.. ﺍﻱ ﺑﺎﻟﻠﻪ ﺣﺴﺒﻴﻬﻢ ﻭﻛﻠﻴﻠﻲ
ﺑﺎﻟﻠﻪ ﺧﻠﻲ ﺍﺷﻮﻓﻬﺎ ﺍﺷﻜﺪ ﺗﺘﺒﺎﺭﻙ ﻟﻌﺮﻭﺳﺔ ﻗﺎﺳﻢ
ﻫﺎﻟﺔ .. ﻟﻴﺶ ﻳﻤﺔ ﺗﺴﺄﻟﻴﻦ
.. ﻣﻮ ﻋﻠﻤﻮﺩ ﺍﻋﺮﻑ ﺍﻡ ﺭﺍﺋﺪ ﺑﺸﻜﺪ ﺍﺗﺒﺎﺭﻛﺖ ﻟﻬﺪﻯ
ﺣﺘﻰ ﺍﺷﻮﻑ ﺍﻧﻄﺘﻬﺎ ﻣﺜﻠﻤﺎ ﺍﻧﻲ ﺍﻧﻄﺒﺖ ﻟﻤﺮﺕ ﺭﺍﺋﺪ ﻣﻦ ﺍﺗﺰﻭﺝ
ﻣﻨﻰ .. ﻫﻬﻬﻬﻪ ﺷﺒﻴﺞ ﻫﺎﻟﺔ ﻣﺘﻌﺮﻓﻴﻦ ﺍﻣﻲ ﺷﻠﻮﻥ ﺗﺪﻗﻖ ﺑﻬﺎﻱ ﺍﻻﻣﻮﺭ
ﺗﺮﻳﺪ ﺗﻌﺮﻑ ﻛﻞ ﻭﺍﺣﺪ ﺑﺸﻜﺪ ﻳﺘﺒﺎﺭﻛﻠﻬﺎ ﺣﺘﻰ ﻫﻲ
ﻣﺮﺓ ﺍﻟﻠﺦ ﺗﺮﺟﻌﻬﺎ ﺍﻟﻬﻢ ﺑﺎﻟﻤﻨﺎﺳﺒﺎﺕ ﺍﻟﺘﺼﻴﺮ ﻋﻨﺪﻫﻢ
ﻫﺎﻟﺔ .. ﺧﺮﺏ ﺷﻨﻮ ﺍﻧﺘﻲ ﻳﺎ ﺣﺠﻴﺔ ﻋﻠﻴﺞ ﺗﻔﻜﻴﺮ ﺟﻬﻨﻤﻲ
ﺍﻡ ﻗﺎﺳﻢ ﺗﺨﺰﺭﻫﺎ .. ﻫﺬﺍ ﻣﺎ ﻳﺴﻤﻮﻧﻪ ﺗﻔﻜﻴﺮ
ﻫﺬﺍ ﻳﺴﻤﻮﻧﻪ ﻭﺍﺟﺐ ﻭﺗﻘﺪﻳﺮ ﻻﺯﻡ ﺍﻋﺮﻑ ﺍﻧﻄﻲ ﻛﻞ ﺷﺨﺺ ﻭﺍﺳﺘﺤﻘﺎﻗﻪ
ﺑﺎﻭﻋﺖ ﻋﻠﻴﺔ ﻭﻛﺎﻟﺖ .. ﺍﺭﻳﺪﺝ ﺗﻠﺰﻣﻴﻦ ﻭﺭﻗﺔ ﻭﻗﻠﻢ ﻭﺗﺴﺠﻠﻴﻦ
ﻛﻞ ﻭﺍﺣﺪ ﻣﻦ ﻛﺮﺍﻳﺒﻨﺎ ﺍﻭ ﺟﺎﺭﺍﺗﻲ
ﺑﺸﻨﻮ ﺍﺗﺒﺎﺭﻛﻮﺍ
.....
ﻣﺎﺷﻲ ﺧﺎﻟﺔ ﺍﻟﻴﻮﻡ ﺍﺻﻌﺪ ﻓﻮﻙ ﻭﺍﺧﻠﻲ ﻫﺎﻟﺔ ﺗﻜﻌﺪ ﻭﻳﺎﻱ
ﻭﻧﺴﺠﻞ ﺍﺳﻤﺎﺀ ﺍﻟﻨﺎﺱ ﺍﻟﻲ ﺍﺗﺒﺎﻏﻜﻮﻟﻨﺎ ( ﺍﺗﺒﺎﺭﻛﻮﻟﻨﺎ )
ﻫﺎﻟﺔ .. ﺍﻛﻮﻝ ﻳﺎ ﺣﻠﻮﺓ ﺷﻮﻛﺖ ﻧﺎﻭﻳﺔ ﺗﺮﺟﻌﻴﻦ ﺗﺪﺍﻭﻣﻴﻦ
ﺗﺮﺓ ﺷﻜﻠﺞ ﻣﻐﻠﺴﺔ ﻋﺎﻟﻮﺿﻊ
ﺗﺮﺓ ﻻ ﺗﻨﺴﻴﻦ ﺍﻧﺘﻲ ﻣﻦ ﻗﺒﻞ ﺍﻟﻌﺮﺱ ﺍﻧﺘﻲ ﻣﺎﺧﺬﺓ ﺍﺟﺎﺯﺓ ﻭﺍﻟﻴﻮﻡ ﺍﻟﺮﺍﺑﻊ ﻣﻦ ﺑﻌﺪ ﺍﻟﻌﺮﺱ
ﻻ ﻳﻜﻮﻥ ﻧﺎﻭﻳﺔ ﺗﻜﻌﺪﻳﻦ ﺑﺎﻟﺒﻴﺖ
.. ﻻ ﻻ ﻣﺴﺘﺤﻴﻞ ﺍﺑﻄﻞ ﺑﺲ ﻛﻠﺖ ﺍﺳﺄﻟﺞ ﺷﻠﻮﻥ ﺍﻏﻮﺡ ( ﺍﺭﻭﺡ ) ﻟﻠﻜﻠﻴﺔ
ﺍﻡ ﻗﺎﺳﻢ .. ﻭﻫﺎﻟﺔ ﺷﻜﻮ ﻭﺗﺴﺄﻟﻴﻬﺎ
ﺍﻟﻤﻔﺮﻭﺽ ﺗﺴﺄﻟﻴﻦ ﺯﻭﺟﺞ ﺑﻬﻴﺞ ﺍﻣﻮﺭ
ﺍﻓﺘﻬﻤﺖ ﻫﺎﻱ ﺭﺳﺎﻟﺔ ﻣﻦ ﺍﻡ ﻗﺎﺳﻢ
ﺗﺮﻳﺪﻧﻲ ﺍﺳﺘﺄﺫﻥ ﻗﺎﺳﻢ ﺑﻜﻠﺸﻲ
ﺍﻧﺘﺒﻬﺖ ﻋﻠﻰ ﺍﻡ ﻗﺎﺳﻢ ﺻﺎﺭ ﺩﻭﺭﻫﺎ ﻭﻳﺎﻳﻪ
ﺗﻔﻬﻤﻨﻲ ﺷﻨﻮ ﺍﻟﻤﻄﻠﻮﺏ ﻣﻦ ﺍﻟﺰﻭﺟﺔ ﻣﻦ ﻭﺍﺟﺒﺎﺕ ﺍﺗﺠﺎﻩ ﺯﻭﺟﻬﺎ
ﺩﺧﻞ ﻗﺎﺳﻢ ﻟﻠﻤﻄﺒﺦ ﻛﺎﺷﺦ ﻭﺍﻟﺮﻳﺤﺔ ﺍﻟﺮﺟﺎﻟﻴﺔ ﺍﻟﻘﻮﻳﺔ ﻣﻠﺖ ﺍﻟﻤﻜﺎﻥ
ﻭﺑﻴﺪﻩ ﻧﻘﺎﻻﺗﻪ ﻭﻣﻔﺎﺗﻴﺢ ﺳﻴﺎﺭﺗﻪ
ﻭﺳﻠﻢ ﻋﻠﻴﻨﺎ ﻗﺒﻞ ﻻ ﻳﻄﻠﻊ
ﻭﻗﻔﺘﻪ ﺍﻣﻪ ﻭﻫﻲ ﺗﺒﺎﻭﻉ ﻟﻠﺴﺎﻋﺔ ﺟﺎﻧﺖ ﺍﻟﺴﺎﻋﺔ ﺏ٨ﻣﺴﺎﺀ
.. ﻫﺎ ﻳﻤﺔ ﻗﺎﺳﻢ ﻭﻳﻦ ﻃﺎﻟﻊ
.. ﻣﺘﻮﺍﻋﺪ ﻭﻳﺔ ﺟﻤﺎﻋﺘﻲ ﺑﺎﻟﻜﻮﻓﻲ
.. ﺍﺩﺭﻱ ﺷﻨﻮ ﺟﻤﺎﻋﺘﻚ ﻣﺎ ﻳﻌﺮﻓﻮﻥ ﺍﻧﺖ ﺑﻌﺪﻙ ﻋﺮﻳﺲ
ﻭﺍﻟﻨﺎﺱ ﺑﻌﺪﻫﺎ ﺗﺠﻲ ﺗﺘﺒﺎﺭﻛﻠﻚ
.. ﺣﺠﻴﺔ ﺍﻃﻤﻨﻲ ﺍﺗﻌﻮﺩﺕ ﺍﻱ ﻭﺍﺣﺪ ﻳﺮﻳﺪ ﻳﺠﻲ ﻳﺘﺒﺎﺭﻙ ﻳﺘﺼﻞ ﻋﻠﻴﺔ ﺣﺘﻰ ﻳﻨﻄﻴﻨﻲ ﺧﺒﺮ
ﺳﻠﻢ ﻋﻠﻴﻬﺎ ﻭﻃﻠﻊ ﻭﻫﻲ ﻛﻠﺒﺖ ﻋﻴﻮﻧﻬﺎ ﻣﺎ ﻣﻘﺘﻨﻌﺔ
ﺑﺎﻭﻋﺖ ﻋﻠﻴﺔ
ﺗﻌﺎﻱ ﻗﺮﺑﻲ ﻣﻨﻲ ﺧﻠﻲ ﻧﺤﺠﻲ
ﺑﺎﻭﻋﺖ ﻟﻬﺎﻟﺔ ﺍﺳﺘﻨﺠﺪ ﺑﻴﻬﺎ ﺭﻓﻌﺖ ﺍﻳﺪﻳﻬﺎ ﺑﺄﺳﺘﺴﻼﻡ
ﻳﻌﻨﻲ ﺑﺄﺧﺘﺼﺎﺭ ﻣﺎ ﺍﻛﺪﺭ ﺍﺳﻮﻳﻠﺞ ﺷﻲ ﺍﻧﺘﻲ ﻟﻮﺣﺪﺝ
ﺍﻗﺘﺮﺑﺖ ﻣﻨﻬﺎ ﻭﺍﺳﺘﻠﻤﺘﻨﻲ ﻣﺮﺕ ﺛﺎﻧﻴﺔ ﺑﺎﻟﻨﺼﺎﺋﺢ
ﻭﻛﺄﻧﻤﺎ ﺍﻡ ﻗﺎﺳﻢ ﻣﺎ ﻋﻨﺪﻫﺎ ﺷﻲ ﺑﺲ ﺗﻜﺎﺑﻞ ﻫﺪﻯ ﻭﺗﻌﻠﻢ ﺑﻴﻬﺎ
ﻳﺎﺣﻈﻲ
ﻗﺮﺑﺖ ﺭﺍﺳﻬﺎ ﻳﻢ ﺭﺍﺳﻲ ﻭﺣﺠﺖ ﺑﺼﻮﺕ ﻧﺎﺻﻲ
.. ﺍﻛﻠﺞ ﺧﺎﻟﺔ ﻫﺪﻯ ﻋﻔﻴﺔ ﺑﺪﻭﻥ ﺗﻌﻠﻮﻡ
ﺍﺭﻳﺪﺝ ﺗﻜﺴﺒﻴﻦ ﺍﺑﻨﻲ ﻭﺗﻌﻠﻘﻴﻨﻪ ﺑﻴﺞ
ﻳﻌﻨﻲ ﺷﻮﻳﺔ ﺍﺗﻠﺤﻠﺤﻲ ﻭﺟﻨﻨﻴﻪ ﺑﻬﺎﻱ ﺳﻮﺍﻟﻔﺞ
ﻓﺘﺤﺖ ﺣﻠﻜﻲ ﻣﺘﻔﺎﺟﺌﺔ ﻣﻦ ﻛﻼﻣﻬﺎ
ﺧﺮﺏ ﺧﺎﻟﺔ ﺍﻡ ﻗﺎﺳﻢ ﺍﺩﺭﻱ ﺷﻨﻮً ﺷﺎﻓﺖ ﻣﻦ ﺳﻮﺍﻟﻔﻲ
ﻫﺴﺔ ﺍﻟﻴﺴﻤﻌﻬﺎ ﻳﻜﻮﻝ ﻋﻠﻴﺔ ﻫﺎﻱ ﺷﻜﺪ ﺧﺒﺮﺓ
ﺍﻟﺒﻨﻴﺔ
ﻭﻫﻤﺔ ﻣﺎ ﻳﺪﺭﻭﻥ ﺍﻧﺎ ﻛﻞ ﺧﺒﺮﺗﻲ ﻭﺍﻟﺴﺎﻧﻲ ﺟﺎﻳﺒﺘﻬﺎ ﻣﻦ ﺳﻠﻴﻤﺔ ﻫﻲ ﺍﻟﻤﺼﺪﺭ
ﻛﻤﻠﺖ ﻛﻼﻣﻬﺎ
.. ﻋﻔﻴﺔ ﻭﻣﺎ ﺍﻭﺻﻴﺞ ﺍﺭﻳﺪﺝ ﺍﻟﻴﻮﻡ ﺗﺨﻠﻴﻨﻪ ﻳﻨﺴﻰ ﺣﺘﻰ ﺍﺳﻤﻪ
ﺳﻮﻳﺖ ﺭﻭﺣﻲ ﺍﺳﻤﻌﻠﻬﺎ ﺑﺘﺮﻛﻴﺰ ﻋﺎﻻﺳﺎﺱ ﺍﻧﻲ ﻣﻬﺘﻤﺔ
ﺍﻃﺒﻖ ﻛﻼﻣﻬﺎ ﺟﺎﻥ ﻫﺪﻓﻲ ﺍﺑﻴﻦ ﻻﻡ ﻗﺎﺳﻢ
ﺍﻧﻲ ﻋﺮﻭﺳﺔ ﻃﺒﻴﻌﻴﺔ . ﺗﺤﺐ ﺗﻜﺴﺐ ﻭﺩ ﻋﻤﺘﻬﺎ ﻭﺯﻭﺟﻬﺎ
ﺣﺘﻰ ﺍﺑﻌﺪ ﺍﻟﺸﻚ ﻋﻨﻲ ﻭﻣﺎ ﺍﺧﻠﻴﻬﺎ ﺗﺤﻄﻨﻲ ﺑﺮﺍﺳﻬﺎ
ﻻﻥ ﻫﻲ ﺍﻟﻠﻪ ﻳﺤﻔﻈﻬﺎ ﻓﻄﻨﺔ ﻭﺫﻛﻴﺔ ﻭﺗﻠﻜﻔﻬﺎ ﻭﻫﻲ ﻃﺎﻳﺮﺓ
ﻳﻌﻨﻲ ﺍﻱ ﺭﺩﺓ ﻓﻌﻞ ﻏﺮﻳﺒﺔ ﻣﻦ ﻋﻨﺪﻱ ﺭﺍﺡ
ﺗﻜﻮﻥ ﻣﺤﺴﻮﺑﺔ ﻋﻠﻴﺔ ﻭﺗﺪﺧﻞ ﺍﻟﺸﻚ ﺑﻜﻠﺒﻬﺎ
ﻣﺎ ﺍﻋﺮﻑ ﻟﻴﺶ ﺣﺒﻴﺖ ﺍﻛﺴﺐ ﻭﺩﻫﺎ ﻓﻲ ﻏﺾ ﺍﻟﻨﻈﺮ ﻋﻦ ﻛﻠﺸﻲ
ﻳﻤﻜﻦ ﺣﻨﺎﻧﻬﺎ ﻭﺣﺮﺻﻬﺎ ﻋﻠﻰ ﺑﻨﺎﺗﻬﺎ ﻭﺍﺑﻨﻬﺎ
ﺧﻼﻧﻲ ﺍﻃﻤﻊ ﻳﻠﻮﺣﻨﻲ ﺷﻲ ﻣﻦ ﻫﺬﺍ ﺍﻟﺤﻨﺎﻥ
ﺍﻡ ﻗﺎﺳﻢ .. ﻭﺍﺭﻳﺪ ﻣﻨﺞ ﺗﺼﻴﺮﻳﻦ ﻣﺮﺍﻳﺘﻪ ﺍﻟﻲ ﻳﺸﻮﻑ
ﻧﻔﺴﻪ ﻣﻦ ﺧﻼﻝ ﻋﻴﻮﻧﻬﺎ
ﻭﺗﺨﻠﻴﻨﻪ ﻳﺸﺎﺭﻛﺞ ﺑﻜﻠﺸﻲ ﻭﻳﺤﺠﻴﻠﺞ ﻋﻦ ﻳﻮﻣﻪ ﺷﻨﻮ ﻳﺴﻮﻱ
ﻭﻭﻳﺔ ﻣﻨﻮ ﻳﻄﻠﻊ ﻭﺷﻨﻮ ﻳﺎﻛﻞ
ﺣﺘﻰ ﻳﺘﻌﻠﻢ ﻋﻠﻰ ﻭﺟﻮﺩﺝ ﺑﺤﻴﺎﺗﻪ ﻭﻳﻜﻮﻥ ﺍﻟﺞ ﺩﻭﺭ ﻣﺎﻟﻪ ﻏﻨﻰ ﻋﻨﻪ
......
ﺻﺎﻍ ﺧﺎﻟﺔ ﻣﻨﺎ ﻭﻏﺎﻳﺢ ( ﻭﺭﺍﻳﺢ )
ﻭﻳﻦ ﻣﻴﻐﻮﺡ ( ﻣﻴﺮﻭﺡ ) ﺗﻠﻜﻴﻨﻲ ﻭﻏﺎﻩ ( ﻭﺭﺍﻩ ) ﻣﺎ ﺍﻧﻄﻴﻪ ﻣﺠﺎﻝ ﻳﺘﻨﻔﺲ
ﻭﺩﺍﻋﺘﺞ ﺍﻃﻠﻌﻠﻪ ﺣﺘﻰ ﺑﺎﻟﻤﻐﻜﺔ ( ﺑﺎﻟﻤﺮﻛﻪ )
ﺍﻡ ﻗﺎﺳﻢ ﻇﻠﺖ ﻓﺎﺗﺤﺔ ﺣﻠﻜﻬﺎ ﻣﺤﺘﺎﺭﺓ ﺷﺘﺤﺠﻲ ﻭﻳﺎﻱ
ﻏﻤﻀﺖ ﻋﻴﻮﻧﻬﺎ ﺑﺼﺒﺮ ﻛﻮﺓ ﻻﺯﻣﺔ ﺭﻭﺣﻬﺎ ﻭﻛﺎﻟﺖ
.. ﺣﺒﻴﺒﺘﻲ ﻣﻮ ﻫﺸﻜﻞ
ﺍﻗﺼﺪ ﻛﻮﻧﻲ ﻗﺮﻳﺒﺔ ﻋﻠﻴﻪ ﺣﺒﻴﺒﻴﻪ ﺑﻴﺞ ﻭﻣﺎﺑﻴﺞ ﺍﺭﻳﺪﺝ ﺗﺨﻠﻲ ﻣﻴﺸﻮﻑ ﻏﻴﺮﺝ
ﻣﻮ ﺗﺮﺣﻴﻦ ﺗﺼﻴﺮﻳﻦ ﻋﺮﻳﻒ ﺷﻠﺘﺎﻍ ﻋﻠﻰ ﺭﺍﺱ ﺍﺑﻨﻲ ﻭﺗﻜﻌﺪﻳﻦ ﺗﺮﺍﻗﺒﻴﻪ
.. ﺻﺎﻍ ﺧﺎﻟﺔ ﺗﺪﻟﻠﻴﻦ
ﻛﻌﺪﺕ ﺍﺳﺎﻳﺮ ﺍﻡ ﻗﺎﺳﻢ ﺑﻜﻼﻣﻬﺎ ﺣﺘﻰ ﻣﺎ ﺗﻘﻠﻖ ﻋﻠﻰ ﻭﺿﻊ ﺍﺑﻨﻬﺎ
ﺷﻴﻤﺎﺀ
ﺟﻨﺖ ﻣﻨﺘﻈﺮﺓ ﻋﻠﻰ ﺍﻋﺼﺎﺑﻲ ﺍﺧﻠﺺ ﺩﻭﺍﻣﻲ
ﻭﺍﺭﻭﺡ ﻛﺒﻞ ﻋﻠﻰ ﺑﻴﺖ ﻋﻤﻮ ﺍﻣﺠﺪ ﺣﺘﻰ ﺍﺷﻮﻑ ﻣﺮﻳﻢ ﻭﺍﺗﻄﻤﻦ ﻋﻠﻴﻬﺎ
ﺟﺎﻥ ﻋﻘﻠﻲ ﻣﺸﻐﻮﻝ ﻋﻠﻰ ﻣﺮﻳﻢ ﻭﺑﻨﻔﺲ ﺍﻟﻮﻗﺖ
ﻛﻠﺒﻲ ﺗﺎﻳﻪ ﺑﻐﻴﺮ ﻭﺍﺩﻱ
ﻭﻛﺄﻧﻤﺎ ﺻﺎﺭ ﻳﻨﺒﺾ ﻣﺨﺼﻮﺹ ﻋﻠﻤﻮﺩ ﻫﺬﺍ ﺍﻟﺸﺨﺺ
ﻭﺍﻭﻝ ﻣﺎ ﺍﻭﺻﻞ ﻟﻠﻤﺴﺘﺸﻔﻰ ﺗﺒﺪﻱ ﻋﻴﻮﻧﻲ ﺗﺪﻭﺭ ﻋﻠﻴﻪ ﺑﻜﻞ ﻟﻬﻔﺔ ﺟﻨﺖ ﻣﺸﺘﺎﻗﺔ ﺍﺷﻮﻓﻪ
ﺣﺘﻰ ﻟﻮ ﺑﺲ ﻟﻤﺤﺔ ﺍﻟﻤﻬﻢ ﺍﻃﻤﻦ ﻋﻠﻴﻪ ﻭﺍﻛﺤﻞ ﻋﻴﻮﻧﻲ
ﺑﺸﻮﻓﺘﻪ
ﻻﻥ ﺻﺎﺭﻟﻲ ﻫﻮﺍﻱ ﻣﺸﺎﻳﻔﺘﻪ
ﻭﻫﻮ ﺍﻟﻠﻪ ﻳﺤﻔﻈﻪ ﻣﻮ ﺩﺍﺋﻤﺎ ﻣﺘﻮﺍﺟﺪ ﺑﺎﻟﻤﺴﺘﺸﻔﻰ ﺑﺎﻟﺴﻨﺔ ﺣﺴﻨﺔ ﻳﻤﺮ
ﻭﺍﻻ ﻋﻨﺪﻩ ﺍﺭﺗﺒﺎﻁ ﻭﻳﺔ ﻭﺍﺣﺪ ﻣﻦ ﺍﻻﻃﺒﺎﺀ ﻳﺎﻟﻠﻪ ﻳﻤﺮ
ﻭﺍﻧﻲ ﺣﻈﻲ ﻭﻛﻌﻨﻲ ﺑﺤﺐ ﻭﺍﺣﺪ ﻣﻮ ﺩﺍﺭﻱ ﻋﻨﻲ ﻭﻻ ﻳﻌﺮﻑ ﺍﻟﻠﻪ ﻭﻳﻦ ﺧﺎﻟﻘﻨﻲ
ﻫﺎﻱ ﺍﺫﺍ ﻃﺮﻳﺖ ﻋﻠﻰ ﺑﺎﻟﻪ
ﺑﺲ ﻣﺸﻜﻠﺔ ﺍﻟﻘﻠﺐ ﺍﺫﺍ ﺣﺐ ﻣﺎ ﻳﻔﻜﺮ ﺑﻤﺼﻠﺤﺘﻪ
ﻭﻻ ﻳﻌﺮﻑ ﻳﺼﻴﺮ ﻭﺍﻟﻤﺎﻳﺼﻴﺮ
ﻳﺠﻲ ﻭﻳﺠﻔﺖ ﺑﺪﻭﻥ ﺍﺳﺘﺬﺍﻥ
ﺭﺑﺎﺏ ﺭﺍﺣﺖ ﻭﺳﻠﻤﺘﻨﻲ ﻭﺍﺟﺒﻬﺎ
ﺑﺼﺎﻟﺔ ﺍﻟﻮﻻﺩﺍﺕ ﻭﺟﺎﻧﺖ ﺍﻟﺤﺎﻻﺕ ﺗﻘﺒﺾ ﺍﻟﻜﻠﺐ
ﻣﺠﺮﺩ ﻣﺎ ﺍﺳﻤﻊ ﺍﺻﻮﺍﺕ ﺍﻻﻟﻢ ﺍﻟﺼﺎﺩﺭﺓ ﻋﻦ ﺍﻟﺤﻮﺍﻣﻞ
ﻭﺍﺣﺲ ﺑﻤﻘﺪﺍﺭ ﺍﻻﻟﻢ ﺍﻟﻲ ﻳﺘﺎﻟﻤﻮﺍ ﻳﻨﺘﺎﺑﻨﻲ ﺷﻌﻮﺭ ﻏﺮﻳﺐ
ﻟﺬﻟﻚ ﻣﻮ ﺩﺍﺋﻤﺎ ﺍﺩﺧﻞ ﺻﺎﻻﺕ ﺍﻟﺘﻮﻟﻴﺪ
ﺍﺣﺎﻭﻝ ﺍﻛﻮﻥ ﺑﺎﻟﻤﺮﺣﻠﺔ ﺍﻟﻲ ﻗﺒﻞ ﺍﻟﻮﻻﺩﻩ
ﺑﺲ ﺍﻋﻠﻚ ﻟﻠﺤﻮﺍﻣﻞ ﺍﻟﻤﻐﺬﻱ ﻭﺍﻧﻄﻴﻬﻢ ﺍﺑﺮ ﺣﺘﻰ ﺗﺴﺎﻋﺪﻫﻢ ﻋﻠﻰ ﺗﺴﻬﻴﻞ ﺍﻟﻮﻻﺩﺓ
ﺍﻭ ﺍﺟﻴﻚ ﺿﻐﻄﻬﻢ ﺍﻣﺎ ﺍﻻﻣﻮﺭ ﺍﻟﻌﻤﻴﻘﺔ
ﻭﺗﻮﻟﻴﺪ ﻭﻻﺩﺓ ﻃﺒﻴﻌﻴﺔ ﻓﻬﺎﻱ ﺍﺣﺎﻭﻝ ﺍﺗﺤﺎﺷﺎﻫﺎ ﻗﺪﺭ ﺍﻻﻣﻜﺎﻥ
ﺍﻣﺎ ﺍﺫﺍ ﺻﺎﺭﺕ ﺍﻟﺤﺎﻣﻞ ﺣﺎﻟﺘﻬﺎ ﻋﺴﻴﺮﻫﺎ
ﺑﻮﻛﺘﻬﺎ ﻳﺼﻴﺮ ﺍﺳﺘﺪﻋﺎﺀ ﻭﺗﺘﺪﺧﻞ ﺍﻟﺪﻛﺘﻮﺭﺓ ﺍﻟﻨﺴﺎﺋﻴﺔ ﺍﻟﻤﺸﺮﻓﺔ ﻋﺎﻟﻘﺴﻢ ﻫﻴﺞ ﺟﺎﻥ ﻧﻈﺎﻣﻨﺎ
ﺟﻨﺖ ﺍﺗﻨﻘﻞ ﻋﻠﻰ ﺍﺳﺮﺓ ﺍﻟﺤﻮﺍﻣﻞ ﻭﺟﺎﻥ ﺍﺗﻔﺎﺟﻲﺀ ﺑﻮﺣﺪﺓ ﺣﺎﻣﻞ ﻣﻮﺟﻮﻋﺔ ﺩﺗﻄﻠﻚ ﺷﻌﺮﻫﺎ ﻣﻜﻮﺵ ﻭﻛﺤﻠﺘﻬﺎ ﺳﺎﻳﺤﺔ ﻭﺣﺎﻟﺘﻬﺎ ﺣﺎﻟﺔ ﻭﺍﻟﻌﻴﻮﻥ ﺣﻤﺮ ﻭﺗﺄﻥ ﺑﺄﻟﻢ
ﺍﺑﺘﺴﻤﺖ
ﻭﺍﻗﺘﺮﺑﺖ ﻣﻨﻬﺎ ﻭﻣﺴﺤﺖ ﻋﻠﻰ ﻛﺼﺘﻬﺎ ﺍﻟﻌﺮﻛﺎﻧﺔ ﺟﺎﻧﺖ ﺑﻌﻤﺮ ﻫﺪﻯ ﺍﺧﺘﻲ
ﺣﺘﻰ ﻳﺘﺨﻴﻠﻲ ﺗﻨﻄﻴﻬﺎ ﺷﺒﻪ
ﻭﻛﻠﺖ .. ﻫﺎﻱ ﺷﻨﻮ ﺗﺪﺭﻳﻦ ﻭﻻ ﻋﺮﻓﺘﺞ
ﻟﺞ ﻗﺒﻞ ﺷﻮﻳﺔ ﺷﻔﺘﺞ ﺩﺧﻠﺘﻲ ﻟﻘﺴﻢ ﺍﻟﻮﻻﺩﺓ
ﺑﻘﻤﺔ ﺍﻻﻧﺎﻗﺔ ﻭﺍﻟﻜﺸﺨﺔ
ﻭﺍﻟﻠﻪ ﺣﺘﻰ ﻣﻦ ﺷﻜﻠﺞ ﺭﻓﻌﺘﻲ ﻣﻌﻨﻮﻳﺎﺗﻨﺎ ﻭﻛﻠﻨﺎ ﻋﻠﻴﺞ ﺧﻮﺵ
ﺑﻨﻴﺔ ﺷﺎﻃﺮﺓ ﺍﺟﺘﻲ ﺗﻮﻟﺪ ﻭﻫﻲ ﺑﻜﺎﻣﻞ ﺍﻧﺎﻗﺘﻬﺎ
ﺍﺷﻮ ﻫﺴﺔ ﺍﻟﻮﺟﻪ ﺍﻧﻜﻠﺐ ﺍﺯﺭﻙ ﻋﻠﻰ ﻋﻠﺒﺔ ﺍﻟﻮﺍﻥ
ﺟﺎﻭﺑﺘﻨﻲ ﻭﻫﻲ ﺗﺄﻥ ﻣﻮﺟﻮﻋﺔ
.. ﻻ ﺗﻀﺤﻜﻴﻦ ﻋﻠﻴﺔ ﺍﻧﺘﻲ ﺟﺮﺑﻲ ﺍﻟﻢ ﺍﻟﻮﻻﺩﺓ ﺑﺎﻻﻭﻝ
ﻭﻋﻮﺩ ﺗﻌﺎﻟﻲ ﻛﻤﻠﻲ ﺗﺼﻨﻴﻔﺞ ﻋﻠﻲ
.....
ﻫﻬﻬﻬﻬﻪ ﺣﺒﻴﺒﺘﻲ ﺣﻘﺞ ﺍﻟﻠﻪ ﻳﺴﺎﻋﺪﻛﻢ
ﻟﺰﻣﺖ ﺍﻳﺪﻱ ﺗﺘﻮﺳﻞ
.. ﻋﻔﻴﺔ ﺧﻠﻲ ﻣﺎﻣﺎ ﺗﺪﺧﻞ ﺗﺠﻲ ﻳﻤﻲ
.. ﻣﻤﻨﻮﻉ ﺣﺒﻴﺒﺘﻲ ﺍﻧﺘﻲ ﻫﺴﺔ ﺭﺍﺡ ﻳﺪﺧﻠﻮﻧﺞ ﻋﻠﻰ ﺻﺎﻟﺔ ﺍﻟﻮﻻﺩﺓ
ﻟﺘﺨﺎﻓﻴﻦ ﺍﻟﺴﺴﺘﺮﺍﺕ ﺭﺍﺡ ﻳﻜﻮﻧﻮﻥ ﺑﺪﺍﻝ ﺍﻣﺞ
ﻭﺭﺍﺡ ﻳﺪﻳﺮﻭﻥ ﺑﺎﻟﻬﻢ ﻋﻠﻴﺞ
.. ﺯﻳﻦ ﻻ ﺗﻌﻮﻓﻴﻨﻲ ﺍﺑﻘﻲ ﻳﻤﻲ ﻭﺍﻟﻠﻪ ﺍﺧﺎﻑ
.. ﺻﺎﺭ ﺗﺪﻟﻠﻴﻦ
ﺍﺑﺎﻭﻉ ﻋﻠﻴﻬﺎ ﺩﺗﺮﺟﻒ ﻣﻦ ﺍﻻﻟﻢ
ﻛﻌﺪﺕ ﺗﺴﻮﻟﻔﻠﻲ ﻫﻲ ﺑﻴﻬﺎ ﺑﻨﻴﺔ ﻭﺑﺎﻟﻜﻮﺓ ﺻﺎﺭ ﻋﻨﺪﻫﺎ ﺣﻤﻞ
ﺑﻌﺪ ﺍﻧﺘﻀﺎﺭ ﺧﻤﺲ ﺳﻨﻮﺍﺕ ﻻﻥ ﻣﻦ ﺗﺰﻭﺟﺖ ﻛﺎﻥ ﻋﻤﺮﻫﺎ ﺻﻐﻴﺮ
ﺟﺎﻧﺖ ﻟﻮﻳﺎﺕ ﺍﻟﻄﻠﻮﻙ ﻣﺘﻨﺎﻭﺑﺔ ﻳﻌﻨﻲ ﺗﺮﻭﺡ ﻭﺗﺮﺟﻊ
ﻓﻤﻦ ﺗﺮﻭﺡ ﺗﻜﻌﺪ ﺗﺴﻮﻟﻔﻠﻲ ﻭﻣﻦ ﺗﺠﻴﻬﺎ ﺍﻟﻠﻮﻳﺔ
ﺗﻈﻞ ﺗﺄﻥ ﺑﺄﻟﻢ
ﺑﻌﺪﻫﺎ ﻭﺭﺓ ﻋﺸﺮ ﺩﻗﺎﻳﻖ ﺍﺟﺘﻲ ﺍﻟﺴﺴﺘﺮ ﻭﻓﺤﺼﺘﻬﺎ
ﻭﻛﺎﻟﺖ .. ﻳﺎﻟﻠﻪ ﻣﺎﻣﺎ ﻛﻮﻣﻲ ﺗﻌﺎﻟﻲ ﻭﻳﺎﻱ
ﻟﻠﺼﺎﻟﺔ
ﺍﺑﺎﻭﻉ ﻋﻠﻴﻬﺎ ﺑﺎﻭﻋﺖ ﻋﻠﻴﺔ ﺑﺨﻮﻑ
ﻋﻴﻮﻧﻬﺎ ﺗﺴﺘﻨﺠﺪ ﺑﻴﺔ
ﻟﺰﻣﺖ ﺍﻳﺪﻫﺎ ﺣﺘﻰ ﺍﻃﻤﻨﻬﺎ .. ﻟﺘﺨﺎﻓﻴﻦ ﺳﺎﻋﺔ ﻭﺳﻼﻣﺎﺕ
ﻭﺑﻌﺪﻳﻦ ﺑﺲ ﺗﺸﻮﻓﻴﻦ ﺍﻟﺒﻨﻮﺗﺔ ﺗﻨﺴﻴﻦ ﺍﻟﻢ ﺍﻟﻮﻻﺩﺓ ﺑﻠﺤﻈﺘﻬﺎ
ﺟﺎﻭﺑﺘﻨﻲ ﻭﻫﻲ ﺗﺮﺟﻒ .. ﻋﻔﻴﺔ ﺗﻌﺎﻟﻲ ﻭﻳﺎﻱ
.. ﻣﺎ ﻳﺼﻴﺮ ﺍﻧﻲ ﻋﻨﺪﻱ ﻭﺍﺟﺒﺎﺕ ﺑﺎﻟﻘﺴﻢ ﻫﻮﺍﻱ ﺣﻮﺍﻣﻞ ﻳﺤﺘﺎﺟﻮﻧﻲ ﺍﻛﻤﻞ ﺷﻐﻠﻬﻢ ﻭﻫﻨﺎ ﺑﺪﺍﺧﻞ ﺍﻟﺼﺎﻟﺔ ﻣﺎﻋﻨﺪﻱ ﺷﻐﻞ
ﺍﻟﺴﺴﺘﺮ ﺗﺴﺘﻌﺠﻠﻬﺎ .. ﻳﺎﻟﻠﻪ ﻳﺎﻋﻨﻲ ﺧﻮ ﻣﻨﺘﻈﺮﺝ ﺗﺮﻩ ﻭﺭﺍﻧﺎ ﻛﻮﻣﺔ ﺷﻐﻞ
ﺍﻟﺒﻨﻴﺔ ﺗﺄﻥ ﺑﺄﻟﻢ ﻭﺣﺠﺖ ﻭﻳﺔ ﺍﻟﺴﺴﺘﺮ
.. ﻋﻔﻴﺔ ﺣﺒﺎﺑﺔ ﺻﺒﺮﻱ ﻋﻠﻴﺔ ﻭﺍﻟﻠﻪ ﻛﻠﺒﻲ ﻛﺎﻡ ﻳﻮﺟﻌﻨﻲ
ﺻﻴﺤﻴﻠﻲ ﻣﺎﻣﺎ
ﺟﺎﻭﺑﺘﻬﺎ ﺍﻟﺴﺴﺘﺮ
.. ﺍﻟﻠﻬﻢ ﺻﺒﺮﺝ ﻳﺎ ﺭﻭﺡ ﻫﺎﻱ ﻛﻠﻬﻦ ﻣﻦ ﺗﻮﺻﻞ ﺳﺎﻋﺔ ﺍﻟﺼﻔﺮ ﻳﻜﻮﻟﻦ ﺻﻴﺤﻲ ﻣﺎﻣﺎ
ﺩﻳﺎﻟﻠﻪ ﺍﻣﺸﻲ ﻓﻮﺗﻲ ﻛﺪﺍﻣﻲ ﺍﻧﺘﻲ ﺷﻜﻠﺞ ﺭﺍﺡ ﺗﺘﻌﺒﻴﻨﻲ ﺑﺎﻟﻮﻻﺩﺓ
ﺍﻧﻲ ﺣﺠﻴﺖ ﻭﻳﺔ ﺍﻟﺴﺴﺘﺮﻭﻫﻲ ﻗﺎﺑﻠﺔ ﺍﺧﺘﺼﺎﺹ ﺗﻮﻟﻴﺪ ﻭﻛﻠﺘﻠﻬﺎ
.. ﺧﻄﻴﺔ ﻋﻠﻰ ﻛﻴﻔﺞ ﻭﻳﺎﻫﺎ ﺧﺎﻳﻔﺔ ﻻﻥ ﺑﺠﺮ ﻭﺑﻌﺪﻫﺎ ﺻﻐﻴﺮﺓ
ﺍﻟﺴﺴﺘﺮ .. ﻭﺍﻟﻠﻪ ﻋﻴﺎﺭﺓ ﺑﻨﺎﺕ ﺻﺮﻧﺎ ﻧﻌﺮﻓﻬﺎ ﻳﻌﻨﻲ ﻣﻦ ﺍﺗﺰﻭﺟﺖ ﺍﺷﻮ ﻣﻜﺎﻟﺖ ﺻﻐﻴﺮﺓ
ﺍﻧﻲ ﺑﺎﻟﺤﻘﻴﻘﺔ ﻣﺎ ﺍﺗﺪﺧﻞ ﺑﺸﻐﻞ
ﺍﻟﻘﺎﺑﻼﺕ ﺍﻟﻜﺒﺎﺭ ﻭﻻ ﺍﻗﺘﺮﺏ ﻣﻨﻬﻢ ﻻﻥ ﺍﻟﺒﻌﺾ ﻣﻨﻬﻢ ﻳﻜﻮﻧﻮﻥ
ﺻﺎﺭﻣﺎﺕ ﻭﺍﺣﻴﺎﻧﺎ ﺣﺘﻰ ﻗﺎﺳﻴﺎﺕ ﺑﺘﻌﺎﻣﻠﻬﻦ
ﻳﻤﻜﻦ ﻣﻦ ﻛﺜﺮ ﺗﻮﺍﺟﺪﻫﻦ ﺑﺼﺎﻟﺔ ﺍﻟﻮﻻﺩﺍﺕ
ﻋﻔﺘﻬﺎ ﻭﺭﺣﺖ ﻭﺍﻧﺸﻐﻠﺖ ﻭﻳﺔ ﺍﻟﺤﻮﺍﻣﻞ ﺍﻟﻤﻮﺟﻮﺩﺍﺕ
ﺑﺎﻟﻘﺴﻢ ﻫﺎﻱ ﺍﻟﻲ ﺗﺼﻴﺢ ﻭﻫﺎﻱ ﺍﻟﻲ ﻃﻚ ﻣﺎﻱ ﺍﻟﺒﻄﻦ ﻋﻨﺪﻫﺎ ﻭﺗﺒﺠﻲ ﻣﻔﺰﻭﻋﺔ
ﻭﺍﺻﻮﺍﺕ ﺍﻟﺨﻮﻑ ﻭﺍﻟﻔﺰﻉ ﻭﻣﺮﺍﺕ ﺗﺠﻴﻨﺎ ﺣﻮﺍﻣﻞ ﻫﺎﺩﺋﺎﺕ
ﻳﻄﻠﻜﻮﻥ ﻭﻳﺘﺄﻟﻤﻮﻥ ﺑﺲ ﺑﻬﺪﻭﺀ ﻣﻴﻜﻠﺒﻮﻥ ﺍﻟﺪﻧﻴﺎ ﻣﻦ ﺍﻟﺼﻴﺎﺡ
ﻣﺮﺕ ﺭﺑﻊ ﺳﺎﻋﺔ ﻭﺟﺎﻥ ﺍﺷﻮﻑ ﻭﺣﺪﺓ ﻣﻦ ﺍﻟﺴﺴﺘﺮﺍﺕ
ﻃﻠﻌﺖ ﻣﻦ ﺻﺎﻟﺔ ﺍﻟﻮﻻﺩﺓ ﺗﺮﻛﺾ ﻣﻔﺰﻭﻋﺔ ﺑﺴﺮﻋﺔ
ﻭﺗﺼﻴﺢ ﺩﺧﻠﺖ ﻋﻠﻰ ﺍﻟﺪﻛﺘﻮﺭﺓ
ﺍﺑﺎﻭﻉ ﺻﺎﺭﺕ ﺧﺒﺼﺔ ﻭﺣﺮﻛﺔ ﻏﺮﻳﺒﺔ
ﻳﻢ ﺻﺎﻟﺔ ﺍﻟﻮﻻﺩﺓ ﻭﺍﻟﺪﻛﺘﻮﺭﺓ ﺻﺎﺭﺕ ﺩﻛﺘﻮﺭﺗﻴﻦ
ﻭﺑﻌﺪﻫﺎ ﺍﻧﻀﻢ ﺩﻛﺘﻮﺭ ﺍﺧﺘﺼﺎﺹ ﻧﺴﺎﺋﻴﺔ ﺍﺣﻨﺎ
ﺍﻻ ﺑﺎﻟﺸﺪﺓ ﺍﻟﺸﺪﻳﺪﺓ ﻳﺎﻟﻠﻪ ﻳﺘﺪﺧﻞ ﺍﻟﺪﻛﺘﻮﺭ
ﺑﻌﺪﻫﺎ ﻃﻠﻌﻮﺍ ﺍﻟﺪﻛﺎﺗﺮﺓ ﻭﺟﻮﻫﻢ ﺻﻔﺮ ﻭﺍﺣﺪ ﻳﺤﺠﻲ ﻭﻳﺔ ﺍﻟﺜﺎﻧﻲ ﺧﻄﻴﺔ
ﺍﻟﺪﻛﺘﻮﺭﺓ ﺍﻻﻭﻟﻰ .. ﻫﻤﺔ ﺻﻮﺝ ﺍﻫﻠﻬﺎ
ﺍﻟﺪﻛﺘﻮﺭ ﺟﺎﻭﺑﻬﺎ .. ﻛﺎﻥ ﻻﺯﻡ ﻳﻨﻄﻮﻥ ﺗﻘﺮﻳﺮ ﻛﺎﻣﻞ
ﺣﺘﻰ ﻧﺎﺧﺬ ﺣﺬﺭﻧﺎ
ﻣﺮﺕ ﻣﻤﺮﺿﺔ ﻣﻦ ﺍﻟﻲ ﺟﺎﻧﻮﺍ ﺑﺎﻟﺼﺎﻟﺔ ﻭﺳﺄﻟﺘﻬﺎ ﻣﻦ ﺑﺎﺏ ﺍﻟﻔﻀﻮﻝ
.. ﺷﻨﻮ ﺷﻜﻮ ﻛﺎﻟﺖ ﺧﻄﻴﺔ ﻫﺎﻱ ﻭﺣﺪﺓ ﻣﻦ ﺍﻟﺤﻮﺍﻣﻞ
ﺻﺎﺭ ﻋﻨﺪﻫﺎ ﻧﺰﻳﻒ ﺑﺄﺛﻨﺎﺀ ﺍﻟﻮﻻﺩﺓ ﻭﺻﺎﺭﺕ ﻋﻨﺪﻫﺎ ﻣﻀﺎﻋﻔﺎﺕ
ﻭﻫﻲ ﺑﺎﻻﺻﻞ ﻋﻨﺪﻫﺎ ﻓﻘﺮ ﺩﻡ ﺣﺎﺩ
ﻣﺎﺗﺖ ﻭﻣﺎ ﻟﺤﻜﻨﺎ ﻋﻠﻴﻬﺎ
......
ﻟﺤﻈﺎﺕ ﻭﺟﺎﻥ ﻳﻄﻠﻌﻮﻥ ﺳﺪﻳﺔ ﺑﻴﻬﺎ ﺍﻟﺒﻨﻴﺔ ﻧﻔﺴﻬﺎ ﺍﻟﻲ ﺟﺎﻧﺖ
ﺗﻄﻠﻚ ﻗﺒﻞ ﺷﻮﻱ ﺍﺑﺎﻭﻉ ﻋﻠﻴﻬﻢ ﻏﻄﻮ ﻭﺟﻬﻬﺎ
ﺷﻬﻜﺖ ﺑﺼﻮﺕ ﻣﻜﺘﻮﻡ ﺍﺣﺲ ﺍﻟﺪﻧﻴﺎ ﺍﻓﺘﺮﺕ ﺑﻴﺔ
ﺻﺮﺕ ﺍﺑﺠﻲ ﺑﺪﻭﻥ ﺷﻌﻮﺭ ﻭ ﺍﻧﻬﺎﺭﻳﺖ ﻣﻦ ﺍﻟﺒﺠﻲ
ﺑﺤﻴﺚ ﻭﺣﺪﺓ ﻣﻦ ﺍﻟﻤﻤﺮﺿﺎﺕ ﻛﺎﻟﺖ
.. ﺷﻴﻤﺎﺀ ﻋﻔﻴﺔ ﻛﺎﻓﻲ ﻟﺘﺒﺠﻴﻦ ﺭﺍﺡ ﺗﺨﺮﻋﻴﻦ ﻭﺗﺨﻮﻓﻴﻦ ﺑﻘﻴﺔ ﺍﻟﺤﻮﺍﻣﻞ
ﺭﻭﺣﻲ ﻃﻠﻌﻲ ﺑﺮﺓ ﺷﻮﻳﺔ ﺍﺭﺗﺎﺣﻲ
ﻃﻠﻌﺖ ﺑﺪﻭﻥ ﻣﺎ ﺍﺟﺎﻭﺑﻬﺎ
.. ﻳﺎﻟﻠﻪ ﺍﺷﻜﺪ ﺧﻄﻴﺔ ﻫﺎﻱ ﺍﻟﺒﻨﻴﺔ
ﺍﺗﺬﻛﺮﺕ ﺷﻠﻮﻥ ﻛﺎﻣﺖ ﺗﺘﻮﺳﻠﻲ ﺧﺎﻳﻔﺔ ﺣﺘﻰ ﺍﺩﺧﻞ ﻭﻳﺎﻫﺎ
ﺍﻭﻑ ﺍﻭﻑ
ﻭﻗﻔﻨﻲ ﺻﻮﺕ ﺑﺄﺛﻨﺎﺀ ﻣﻜﻨﺖ ﻣﺘﺠﻬﺔ ﻋﺎﻟﺤﻤﺎﻣﺎﺕ
.. ﺷﻴﻤﺎﺀ ﺷﻨﻮ ﺷﺒﻴﺞ ﻟﻴﺶ ﺩﺗﺒﺠﻴﻦ
ﺭﻓﻌﺖ ﺭﺍﺳﻲ ﻭﺍﺟﺘﻲ ﻋﻴﻨﻲ ﺑﻌﻴﻨﻪ ﺑﺲ ﺷﻔﺖ ﺣﻴﺪﺭ
ﺟﺎﻥ ﻭﺍﺿﺢ ﺍﻻﻫﺘﻤﺎﻡ ﻭﺍﻟﺨﻮﻑ ﺑﻌﻴﻮﻧﻪ
ﺟﻨﺖ ﺍﺷﻬﻚ ﺑﺎﻟﺒﺠﻲ ﺍﺭﻳﺪ ﺑﺲ ﺍﻫﺪﺀ ﺣﺘﻰ ﺍﻓﻬﻤﻪ
ﺭﺟﻊ ﺳﺄﻟﻨﻲ ﺑﻨﻔﺎﺫ ﺻﺒﺮ .. ﺷﻜﻮ ﺍﻛﻮ ﺍﺣﺪ ﺍﺗﻌﺮﺿﻠﺞ ﺳﺎﻣﻌﺔ ﺷﻲ ﻭﺍﺣﺪ ﻣﻦ ﺍﻫﻠﺞ ﺑﻴﻬﻢ ﺷﻲ
ﻇﻞ ﻳﻌﺪﺩ ﺑﻤﺼﺎﻳﺐ ﺍﻟﺒﺸﺮ
ﺍﺟﺔ ﺻﻮﺕ ﺍﻟﺪﻛﺘﻮﺭﺓ ﺳﻮﻻﻑ
.. ﻫﺎﻱ ﺷﻨﻮ ﺷﻴﻤﺎﺀ ﺑﻌﺪﺝ ﺩﺗﺒﺠﻴﻦ ﻋﻠﻰ ﺍﻟﺒﻨﻴﺔ ﺍﻟﺤﺎﻣﻞ
ﺍﻟﻤﺎﺗﺖ
ﻫﺰﻳﺖ ﺭﺍﺳﻲ ﺑﻤﻮﺍﻓﻘﺔ
ﺍﺑﺎﻭﻉ ﻋﻠﻴﻪ ﻣﺴﺢ ﻭﺟﻬﻪ ﺑﻜﻔﻮﻑ ﺍﻳﺪﻳﻪ
ﻭﺍﺗﻨﻬﺪ ﺑﺮﺍﺣﺔ
.. ﺻﺪﻙ ﺟﺬﺏ ﻭﻛﻌﺘﻲ ﻛﻠﺒﻲ
ﺍﺍﺍﺍﺍﻗﺼﺪ ﻗﻠﻘﺘﻴﻨﺎ
ﺑﺲ ﺍﻟﻤﻔﺮﻭﺽ ﺗﻜﻮﻧﻴﻦ ﻣﺘﻌﻮﺩﺓ ﻋﻠﻰ ﻫﻴﺞ ﺣﺎﻻﺕ
ﺗﺼﻴﺮﻳﻦ ﻗﻮﻳﺔ
.. ﻻ ﻣﻮ ﻫﻴﺞ ﺍﻟﺤﺠﻲ ﺑﺲ ﺍﻟﺒﻨﻴﺔ ﺍﺗﻮﻓﺖ ﺑﺴﺒﺐ ﺍﻫﻤﺎﻝ
ﺍﻟﻜﺎﺩﺭ ﺍﻟﻄﺒﻲ ﻭﺍﻫﻠﻬﺎ ﺍﻟﺜﻨﻴﻦ
ﺟﺎﻥ ﺍﻟﻤﻔﺮﻭﺽ ﻣﻦ ﺍﻫﻠﻬﺎ ﻳﺤﺬﺭﻭﻥ ﻭﻳﻨﻮﻫﻮﻥ ﻋﻠﻰ ﻣﺮﺽ ﺑﻨﺘﻬﻢ ﻭﺟﺎﻥ ﺍﻟﻤﻔﺮﻭﺽ ﻣﻦ ﺍﻟﻜﺎﺩﺭ ﻳﻘﺮﻭﻥ ﻓﺎﻳﻠﻬﺎ
ﻭﻳﺸﻮﻓﻮﻥ ﻭﺻﺮﺕ ﺍﺣﺠﻴﻠﻬﻢ ﻋﻦ ﺍﺳﺒﺎﺏ ﺍﻟﻮﻓﺎﺓ
ﻭﺍﻧﻲ ﺍﺑﺠﻲ ﻣﻨﻬﺎﺭﺓ
ﺍﻟﺪﻛﺘﻮﺭﺓ ﺳﻮﻻﻑ .. ﻟﺞ ﻛﺎﻓﻲ ﻣﻮ ﺭﺍﺣﺖ ﻋﻴﻮﻧﺞ ﺍﻟﺤﻠﻮﺓ
ﻭﺍﻟﺸﻔﺎﻳﻒ ﺍﻧﻔﺨﺖ
ﻫﻬﻬﻪ ﺑﺲ ﺗﺪﺭﻳﻦ ﺍﻭﻝ ﻣﺮﺓ ﺍﺷﻮﻑ ﻭﺣﺪﺓ ﺗﺒﺠﻲ ﺗﺼﻴﺮ ﻫﺸﻜﻞ ﺣﻠﻮﺓ ﻫﻬﻬﻬﻪ
ﺍﻟﺒﺠﻲ ﻻﻳﻚ ﻋﻠﻴﺞ ﺍﺑﺠﻲ ﺣﺒﻴﺒﺘﻲ ﺍﺳﺘﻤﺮﻱ ﺑﺎﻟﺒﻜﺎﺀ
ﺍﺑﺘﺴﻤﺖ ﻋﻠﻰ ﻛﻼﻣﻬﺎ ﻣﺘﻌﻮﺩﺓ ﻋﻠﻰ ﺧﻔﺔ ﺩﻡ ﺍﻟﺪﻛﺘﻮﺭﺓ ﺳﻮﻻﻑ
ﺳﻤﻌﺖ ﻭﺍﺣﺪ ﺳﺤﺐ ﻧﻔﺲ ﻋﻤﻴﻖ ﺍﻟﺘﻔﺘﺖ ﺷﻔﺘﻪ ﺣﻴﺪﺭ
ﺑﻌﺪﻩ ﻭﺍﻛﻒ ﻳﻤﻨﺎ ﺑﺲ ﻇﻞ ﻳﺤﻮﻡ
ﻭﻳﺒﺎﻭﻉ ﺑﻘﻠﺔ ﺻﺒﺮ
ﻣﺪﻟﻲ ﻋﻠﺒﺔ ﻛﻠﻴﻨﻜﺲ
ﻭﺍﻟﺪﻛﺘﻮﺭﺓ ﺳﻮﻻﻑ ﻛﺎﻟﺖ .. ﻳﺎﻟﻠﻪ ﺍﻧﻲ ﺍﺗﺮﺧﺺ
ﻭﺍﻧﺘﻲ ﻛﺎﻓﻲ ﻣﺴﺤﻲ ﺩﻣﻮﻋﺞ
ﻣﺎ ﺍﺗﻌﻮﺩﻧﺎ ﻧﺸﻮﻓﺞ ﺗﺒﺠﻴﻦ
ﺭﺍﺣﺖ ﻭﻋﺎﻓﺘﻨﺎ
ﺣﻴﺪﺭ ﻫﻤﺲ ﺑﺼﻮﺕ ﻧﺎﺻﻲ ﻭﻫﻮ ﻻﺯﻡ ﺍﻟﻜﻠﻴﻨﻜﺲ
.. ﻫﻮ ﺷﻮﺭﻃﻨﺎ ﻏﻴﺮ ﺩﻣﻮﻋﻬﺎ ﻭﻋﻴﻮﻧﻬﺎ
ﺟﻤﺪﺕ ﻣﻜﺎﻧﻲ ﻭﺭﻓﻌﺖ ﺭﺍﺳﻲ ﻣﺼﺪﻭﻣﺔ ﻣﻦ ﻛﻼﻣﻪ
ﻭﻫﻮ ﻣﺜﻠﻲ ﺷﻜﻠﻪ ﺍﻧﺘﺒﻪ ﻋﻠﻰ ﺯﻟﺔ ﺍﻟﺴﺎﻧﻪ
ﺟﻠﺔ ﺻﻮﺗﻪ ﻭﺣﺠﺔ ﻭﻛﺄﻧﻪ ﻣﺎ ﻛﺎﻝ ﺷﻲ
.. ﻛﺎﻓﻲ ﺑﺠﻲ ﻭﻫﺎﺝ ﻟﺰﻣﻲ ﻭﻣﺴﺤﻲ ﺩﻣﻮﻋﺞ ﺗﺮﺓ
ﺻﺮﺗﻲ ﻓﺘﻨﺔ ﻟﻌﻴﻮﻥ ﺍﻟﺮﻳﺎﺟﻴﻞ ﺑﻬﺬﺍ ﺷﻜﻠﺞ
ﻛﺎﻟﻬﺎ ﻭﻫﻮ ﻳﺒﺘﺴﻢ ﻣﺜﻞ ﻭﺍﺣﺪ ﻳﺮﻳﺪ ﻳﺨﻔﻒ ﻣﻦ ﺣﺪﺓ ﺍﻟﻤﻮﻗﻒ
ﻣﺪﻳﺖ ﺍﻳﺪﻱ ﻭﺍﺧﺬﺕ ﺍﻟﻜﻠﻴﻨﻜﺲ ﻣﻦ ﻋﻨﺪﻩ ﻣﺘﻔﺎﺟﺌﺔ ﺑﻜﻼﻣﻪ
ﺍﺟﺘﻲ ﺍﻟﺴﺴﺘﺮ ﺍﻡ ﺍﺣﻤﺪ ﻭﻗﺎﻃﻌﺖ ﻋﻠﻴﻨﺎ ﺍﻟﻜﻼﻡ
ﻫﻮ ﺑﺲ ﺷﺎﻑ ﺍﻡ ﺍﺣﻤﺪ ﺍﺗﺮﺧﺺ ﻣﻦ ﻋﺪﻧﺎ ﻭﺍﻧﺴﺤﺐ
ﻭﻛﺄﻧﻪ ﻣﺎ ﻣﺴﻮﻱ ﺍﻱ ﺷﻲ ﻭﻻ ﺣﺎﺟﻲ ﺍﻱ ﺷﻲ
.......
ﺭﺍﺡ ﻭﻋﺎﻑ ﻭﺭﺍﻩ ﻛﻠﺐ ﻣﺤﺘﺎﺭ ﺍﻋﻤﻰ ﺿﺎﻳﻊ
ﺍﻡ ﺍﺣﻤﺪ .. ﺷﻮﻣﺔ ﻭﻳﻨﺞ ﺗﻌﺎﻱ
ﺍﻟﺸﻐﻞ ﻳﻨﺘﻈﺮ ﻭﻣﻬﻰ ﻟﻮﺣﺪﻫﺎ ﺑﺎﻟﻘﺴﻢ
ﺑﺎﻭﻋﺖ ﻋﻠﻴﻬﺎ .. ﺍﻱ ﻫﺴﺔ ﺭﺍﻳﺤﺔ
ﺧﻠﺺ ﺍﻟﺪﻭﺍﻡ
ﻭﺍﻧﻲ ﻛﻞ ﺷﻮﻳﺔ ﺍﺗﺬﻛﺮ ﺍﻟﺒﻨﻴﺔ ﺍﻟﺤﺎﻣﻞ
ﻭﻳﻌﺼﺮﻧﻲ ﻛﻠﺒﻲ
ﺑﻌﺪﻣﺎ ﻃﻠﻌﺖ ﻣﻦ ﺍﻟﻤﺴﺘﺸﻔﻰ ﻛﺒﻞ ﺭﺣﺖ ﺑﻮﺟﻬﻲ
ﻟﺒﻴﺖ ﻋﻤﻮ ﺍﻣﺠﺪ
ﺍﺳﺘﻘﺒﻠﺘﻨﻲ ﺟﻨﺎﻥ ﻭﻧﻈﺮﺍﺕ ﺍﻟﺸﻚ ﻭﺍﻻﺭﺗﺒﺎﻙ ﺑﺎﻧﺖ ﻋﻠﻰ ﻭﺟﻬﻬﺎ ﺩﺧﻠﺘﻨﻲ ﻟﻠﺒﻴﺖ ﻭﻋﻴﻮﻧﻲ ﻛﺎﻣﺖ ﺗﺪﻭﺭ ﻋﻠﻰ ﺍﺧﺘﻲ
ﻣﺮﻳﻢ
ﺟﻨﺎﻥ .. ﺷﻨﻮ ﺧﻮ ﻣﺎ ﺻﺎﻳﺮ ﺷﻲ
ﺷﻨﻮ ﻫﺎﻟﺰﻳﺎﺭﺓ ﺍﻟﻤﻔﺎﺟﺌﺔ
ﺟﺎﻭﺑﺘﻬﺎ .. ﻻ ﺗﺨﺎﻓﻴﻦ ﻣﺎ ﺻﺎﻳﺮ ﺷﻲ
ﺑﺲ ﺣﺒﻴﺖ ﺍﻣﺮ ﺍﺳﻠﻢ ﻋﻠﻴﻜﻢ ﺷﻔﺖ ﺭﻭﺣﻲ ﺍﺷﺘﺎﻗﻴﺖ ﻻﺧﺘﻲ ﻣﺮﻳﻢ
ﺍﺗﻌﻤﺪﺕ ﺍﺫﻛﺮﻫﺎ ﺑﻤﻮﻗﻊ ﻣﺮﻳﻢ ﺑﺤﻴﺎﺗﻨﺎ
ﻫﻲ ﺟﺎﻧﺖ ﺩﺍﺋﻤﺎ ﺗﻨﻜﺮ ﺻﻠﺔ ﻣﺮﻳﻢ ﺑﻴﻨﺎ
ﻭﺣﺎﻟﺖ ﺑﻘﺪﺭ ﺍﻻﻣﻜﺎﻥ ﺗﺒﻌﺪﻫﺎ ﻋﻨﺎ
ﻟﺪﺭﺟﺔ ﻭﺻﻠﺖ ﺑﻴﻬﺎ ﺍﻟﻤﻮﺍﺻﻴﻞ ﺗﺴﺠﻞ ﻣﺮﻳﻢ ﺑﺄﺳﻤﻬﺎ ﻫﻲ ﻭﻋﻤﻮ
ﺣﺠﺖ ﻭﺿﺤﻜﺔ ﺻﻔﺮﺓ ﻋﻠﻰ ﻭﺟﻬﻬﺎ
.. ﻫﻼ ﺑﻴﺞ ﺑﻜﻞ ﻭﻛﺖ ﺗﻨﻮﺭﻳﻨﺎ
ﻭﺍﻟﻠﻪ ﺍﻟﻴﻮﻡ ﻋﻤﺞ ﺍﻣﺠﺪ ﺍﻟﺼﺒﺢ ﺑﻄﺎﺭﻳﻜﻢ
ﺭﺩﻳﺘﻠﻬﺎ ﺍﺑﺘﺴﺎﻣﺔ ﺍﻟﻤﺠﺎﻣﻠﺔ
.. ﺧﻴﺮ ﺍﻥ ﺷﺎﺀ ﺍﻟﻠﻪ
.. ﻭﺍﻟﻠﻪ ﻫﻮ ﻣﻦ ﺫﻛﺮ ﺍﺳﻢ ﺍﺑﻮﺝ ﺑﺎﻟﺴﺎﻟﻔﺔ
ﻋﺮﻓﺖ ﻣﺎ ﺑﻲ ﺍﻱ ﺧﻴﺮ
.. ﺷﺒﻲ ﺑﺎﺑﺎ
.. ﻭﺍﻟﻠﻪ ﺍﺑﻮﺝ ﺣﻀﺮﺗﻪ ﺑﺎﺭﺣﺔ ﺍﺟﺔ ﻻﻣﺠﺪ ﻭﻳﻜﻠﻪ
ﺍﺭﻳﺪ ﺍﺷﺘﺮﻳﻠﻲ ﺳﻴﺎﺭﺓ ﺍﺳﺘﺮﺯﻕ ﺑﻴﻬﺎ ﺩﺍﻳﻨﻲ
ﻭﺍﻣﺠﺪ ﻳﻜﻮﻝ ﺭﺍﺡ ﺍﺳﺎﻋﺪﻩ ﺑﻠﻜﻲ ﺻﺪﻙ ﻭﺍﻟﻠﻪ ﻳﻬﺪﻳﻪ
ﻣﻦ ﺑﻌﺪ ﺍﻟﺼﺎﺭ ﺑﺸﻴﻤﺎﺀ
ﻫﻮ ﻛﻊ ﻭﺍﺭﺗﺪ ﻭﻣﺎ ﻛﺎﻡ ﻳﺮﻭﺡ ﻳﻢ ﺍﻟﺠﻤﺎﻋﺔ
.. ﻭﺍﻟﻠﻪ ﻣﺎ ﺍﻋﺮﻑ ﺷﻨﻮ ﺍﻛﻠﺞ ﺑﺲ ﺧﻮﻓﻲ ﻻ ﻫﻢ ﻳﺎﺧﺬ ﺍﻟﻔﻠﻮﺱ ﻣﺮﺕ ﺍﻟﻠﺦ ﻭﻳﺼﺮﻓﻬﻦ ﻋﻠﻰ ﺧﺮﺍﺏ ﺍﻟﺪﻧﻴﺎ
.. ﻫﻮ ﺍﻧﻲ ﻫﻢ ﻛﻠﺖ ﻟﻌﻤﺞ
ﺍﻭﻻﺩﻩ ﺍﻭﻟﻰ ﺑﻬﺎﻱ ﺍﻟﻔﻠﻮﺱ ﺑﺪﺍﻝ ﻣﺎ ﻛﺎﻋﺪ
ﻳﺼﺮﻓﻬﻢ ﻣﻨﺎ ﻭﻣﻨﺎ
ﻋﺮﻓﺖ ﻫﺬﺍ ﺑﺴﻤﺎﺭ ﺍﻟﻲ ﺍﻧﻲ ﻭﺧﻮﺍﺗﻲ
ﺳﻜﺘﺖ ﻭﻏﻴﺮﺕ ﺍﻟﻤﻮﺿﻮﻉ
.. ﺍﻛﻮﻝ ﻋﻤﺔ ﻭﻳﻦ ﻣﺮﻳﻢ ﺍﺷﻮ ﻣﺎ ﻧﺰﻟﺖ
ﻛﺎﻣﺖ ﻣﻦ ﻣﻜﺎﻧﻬﺎ ﻭﻛﺎﻟﺖ ﻫﺴﺔ ﺍﺻﻴﺤﻬﺎ ﺍﻟﺞ ﺍﻛﻴﺪ ﺩﺗﺴﺒﺢ
ﻻﻥ ﻣﺼﺎﺭﻟﻬﺎ ﻫﻮﺍﻱ ﻣﻦ ﺍﺟﺘﻲ ﻣﻦ ﺍﻟﻤﺪﺭﺳﺔ ﺗﻌﺒﺎﻧﺔ
ﺭﺍﺣﺖ ﺍﺗﻌﻮﺩﻧﺎ ﻋﻠﻰ ﺟﻨﺎﻥ ﻭﺣﺮﻛﺎﺗﻬﺎ
ﺟﺎﻧﺖ ﺩﺍﺋﻤﺎ ﺗﺤﺮﺹ ﺗﺨﻠﻴﻨﺎ ﻗﺮﻳﺐ ﻣﺎ ﻧﺮﻳﺪ ﻧﻄﻠﻊ
ﺗﺮﻭﺡ ﺗﺼﻴﺢ ﻟﻤﺮﻳﻢ ﺣﺘﻰ ﻧﺸﻮﻓﻬﺎ
ﺑﺤﻴﺚ ﻳﺎﺩﻭﺏ ﻧﺴﻠﻢ ﻋﻠﻴﻬﺎ ﺣﺘﻰ ﻟﻮ ﻧﻠﺤﻚ ﻧﺴﺄﻟﻬﺎ ﻋﻦ ﺍﺣﻮﺍﻟﻬﺎ ﻟﻮ ﻣﺎ ﻧﻠﺤﻚ
ﻧﺰﻟﺖ ﻣﺮﻳﻢ ﻭﺑﺲ ﺷﺎﻓﺘﻨﻲ ﻋﻴﻮﻧﻬﺎ ﻟﻤﻌﺖ ﺑﻔﺮﺣﺔ
ﻭﺍﺟﺘﻲ ﺑﻜﻞ ﻟﻬﻔﺔ ﻭﺳﻠﻤﺖ ﻋﻠﻴﺔ
ﺑﺲ ﺑﺤﺪﻭﺩ ﺍﺣﺲ ﺑﻴﻬﺎ ﻣﺘﻘﻴﺪﺓ ﺣﺘﻰ ﺑﻤﺸﺎﻋﺮﻫﺎ ﻭﻳﺎﻧﺔ
ﻣﻌﻘﻮﻟﺔ ﻻ ﻣﺴﺘﺤﻴﻞ
ﺍﺷﺮﺗﻠﻬﺎ ﺗﺠﻲ ﺗﻜﻌﺪ ﻳﻤﻲ ﺟﺎﻥ ﺟﻮﺓ ﻋﻴﻮﻧﻬﺎ ﺳﻮﺍﺩ
ﻣﻮﻃﺒﻴﻌﻲ ﻭﺣﻴﻞ ﺿﻌﻔﺎﻧﺔ
.. ﺷﻠﻮﻧﺞ ﻣﺮﻳﻤﺔ ﺷﺨﺒﺎﺭﺝ ﻭﺍﻟﻠﻪ ﻣﺸﺘﺎﻗﺘﻠﺞ
.. ﻭﺍﻟﻠﻪ ﺣﺘﻰ ﺍﻧﻲ ﻣﺶ .....
ﻭﻗﻄﻌﺖ ﻛﻼﻣﻬﺎ ﻭﺑﺎﻭﻋﺖ ﻟﺠﻨﺎﻥ
ﻭﺑﺪﻟﺖ ﻛﻼﻣﻬﺎ
.. ﺍﻧﻲ ﺯﻳﻨﺔ ﺍﻟﺤﻤﺪﻟﻠﻪ ﻫﺪﻯ ﺷﻠﻮﻧﻬﺎ ﺑﺰﻭﺍﺟﻬﺎ
ﻧﺒﺼﺖ ﺟﻨﺎﻥ .. ﺍﻱ ﺻﺪﻙ ﺍﺧﺘﺞ ﺷﻠﻮﻧﻬﺎ
ﻭﻳﺔ ﺯﻭﺟﻬﺎ ﻭﻋﻴﺎﻟﻬﺎ ﺧﻮ ﻣﻜﺎﻝ ﺷﻲ ﻣﻦ ﺷﺎﻑ ﺍﻟﻮﺣﻤﺔ
......
ﺳﻜﺘﺖ ﻭﻛﺄﻧﻤﺎ ﺍﻧﻲ ﻧﺎﻗﺼﺔ ﺿﻴﻢ ﻭﺗﺠﻲ ﺟﻨﺎﻥ ﺗﻜﻤﻞ ﻋﻠﻴﺔ
ﻭﻫﺎﻱ ﻭﺣﺪﺓ ﻣﻦ ﺍﻻﻣﻮﺭ ﺍﻟﻲ ﺷﺎﻳﻠﺔ ﻫﻤﻬﺎ ﺑﻜﻠﺒﻲ ﻭﺧﺎﻳﻔﺔ ﻣﻨﻬﺎ
.. ﻻ ﻫﺪﻯ ﺯﻳﻨﺔ ﻭﻋﻴﺎﻟﻬﺎ ﺧﻮﺵ ﻧﺎﺱ
.. ﺍﻛﻮﻝ ﻣﺮﻳﻮﻣﺔ ﻣﻮ ﺗﻨﺴﻴﻦ ﺗﺤﻀﺮﻳﻦ ﻧﻔﺴﺞ ﻳﻮﻡ ﺍﻟﺠﻤﻌﺔ ﺗﺠﻴﻦ ﻭﻳﺎﻧﺎ ﻋﺎﺯﻣﺘﻨﺎ ﻣﺮﻭﺓ ﻋﺎﻟﻐﺬﺓ ﻣﻮ ﻣﺎ ﺗﺠﻴﻦ
ﺑﺎﻭﻋﺖ ﻟﺠﻨﺎﻥ ﻭﻛﺎﻟﺖ
.. ﻣﺎ ﺍﻋﺮﻑ ﺍﺷﻮﻑ ﺑﺎﺑﺎ ﺷﻨﻮ ﻳﻜﻮﻝ
ﺟﻨﺎﻥ .. ﺍﻧﺘﻲ ﻣﻮ ﻋﻨﺪﺝ ﺍﻣﺘﺤﺎﻧﺎﺕ
ﺷﻠﻮﻥ ﺗﻜﺪﺭﻳﻦ ﺗﻄﻠﻌﻴﻦ
ﻣﺮﻳﻢ .. ﺍﻱ ﺻﺪﻙ ﺍﺗﺬﻛﺮﺕ ﻋﻨﺪﻱ ﺍﻣﺘﺤﺎﻧﺎﺕ ﻫﻮﺍﻱ ﺍﺣﺘﻤﺎﻝ ﻣﺎ ﺍﻛﺪﺭ ﺍﺭﻭﺡ ﻭﻳﺎﻛﻢ
ﺍﺫﺍ ﻣﺎ ﻃﻠﻌﺖ ﺟﻨﺎﻥ ﺩﺗﺤﺠﻲ ﻣﻦ ﻭﺣﺪﻫﺎ ﻓﻼ ﺍﻧﻲ ﺷﻴﻤﺎﺀ
ﻭﻫﺎﻱ ﺳﺎﻟﻔﺔ ﺍﻻﻣﺘﺤﺎﻧﺎﺕ ﺑﺪﻋﺔ
ﺟﺎﻭﺑﺘﻬﺎ .. ﻣﻮ ﻣﺸﻜﻠﺔ ﻗﺎﺑﻞ ﺍﻧﺘﻲ ﺷﻜﺪ ﺭﺍﺡ ﺗﻄﻠﻌﻴﻦ ﻫﻲ ﺳﺎﻋﺘﻴﻦ ﺯﻣﺎﻥ ﻣﻌﻘﻮﻟﺔ ﺭﺍﺡ ﺗﺄﺛﺮ ﻋﻠﻴﺞ
ﻻ ﺗﺨﻠﻴﻨﻲ ﺍﻛﻮﻝ ﻟﻌﻤﻮ ﺍﻣﺠﺪ ﻳﺠﻴﺒﺞ ﺍﻟﻨﺔ ﻗﺎﺑﻀﺎً
ﻋﻴﻮﻥ ﻣﺮﻳﻢ ﻭﻟﻤﻌﺘﻬﻢ ﺟﻨﻬﺎ ﺗﻜﻮﻝ
ﻭﺍﻟﻠﻪ ﻳﺎﺭﻳﺖ ﻳﺠﻴﺒﻨﻲ ﺍﻟﻜﻢ
ﻭﻋﻴﻮﻥ ﺟﻨﺎﻥ ﻛﺎﻣﺖ ﺗﺘﻄﺎﻳﺮ ﻣﻨﻬﺎ ﺍﻟﺸﺮﺭ
ﺟﻨﺎﻥ .. ﻫﺴﺔ ﺍﻟﻠﻪ ﻛﺮﻳﻢ ﻣﻨﺎ ﻟﻠﺠﻤﻌﺔ ﻻﺣﻜﻴﻦ
ﺧﻠﻲ ﻳﺮﺟﻊ ﺍﺑﻮﻫﺎ ﻭ ﻧﺸﻮﻑ
ﺷﻨﻮ ﻳﻜﻮﻝ
ﺳﺄﻟﺖ ﻣﺮﻳﻢ .. ﺍﻧﺘﻲ ﻋﻨﺪﺝ ﻧﻘﺎﻝ
.. ﺍﻧﻲ ﺑﺎﺑﺎ ﺣﻄﻠﻲ ﻧﻘﺎﻝ ﺑﺲ ﻣﻮ ﺩﺍﺋﻤﺎ ﻋﻨﺪﻱ
ﺟﻨﺎﻥ .. ﺍﻱ ﺍﻧﻲ ﺍﺳﺤﺒﻪ ﻣﻨﺞ ﻻﻥ ﺍﺩﺭﻱ ﺑﻴﺞ ﺗﻌﻮﻓﻴﻦ ﺍﻟﺪﺭﺍﺳﺔ ﻭﺗﻜﺎﺑﻠﻴﻨﻪ ﻭﺗﻜﻌﺪﻳﻦ
ﺑﺎﻭﻋﺖ ﻟﺠﻨﺎﻥ ﻭﺣﺠﻴﺖ ﺑﺠﺪﻳﺔ
.. ﻣﻨﺎ ﻭﺭﺍﻳﺢ ﺗﺎﺧﺬﻳﻦ ﺍﻟﻨﻘﺎﻝ ﻣﻦ ﻋﻤﺔ ﻓﺪ ﻋﺸﺮ ﺩﻗﺎﻳﻖ
ﺗﺘﺼﻠﻴﻦ ﻋﻠﻴﺔ ﺍﻭ ﺍﺗﺼﻞ ﻋﻠﻴﺞ ﺍﻟﻤﻬﻢ ﺍﺭﻳﺪ ﻛﻞ ﻳﻮﻡ ﺍﺳﻤﻊ
ﺻﻮﺗﺞ ﺣﺎﻟﺞ ﺣﺎﻝ ﻣﺮﻭﺓ ﻭﺿﺤﻰ ﻭﻫﺪﻯ
ﺟﻨﺎﻥ .. ﻟﻴﺶ ﺻﺎﻳﺮ ﺷﻲ ﺷﻌﺠﺐ ﻫﺬﺍ ﺍﻟﺘﺸﺪﻳﺪ
ﺷﻴﻤﺎﺀ .. ﺍﻧﻲ ﻣﺎ ﺍﺣﺘﺎﺝ ﺍﻗﺪﻡ ﺗﺒﺮﻳﺮ ﻋﻠﻤﻮﺩ ﺍﺣﺠﻲ ﻭﻳﺔ ﻣﺮﻳﻢ ﻳﻜﻔﻲ ﺍﻧﻲ ﺍﺧﺘﻬﺎ ﺍﻟﺠﺒﻴﺮﺓ ﻭﺍﺷﻮﻑ ﻫﻲ ﻫﺴﺔ ﺻﺎﺭﺕ ﻛﺒﻴﺮﺓ ﻭﺗﻌﺮﻑ ﺍﻟﻮﺍﺟﺐ ﻭﺍﻻﺻﻮﻝ
ﻭﺍﻟﻮﺍﺟﺐ ﻳﻜﻮﻝ ﺗﺘﻮﺍﺻﻞ ﻭﻳﺔ ﺧﻮﺍﺗﻬﺎ ﻭﺗﺴﺄﻝ ﻋﻨﻬﻢ
ﻻﻥ ﺻﻠﺔ ﺍﻟﺮﺣﻢ ﻭﺍﺟﺒﺔ
ﺟﻨﺎﻥ ﺷﻜﻠﻬﺎ ﻣﺎ ﺍﻗﺘﻨﻌﺖ ﺑﻜﻼﻣﻲ ﻭﻳﺎﻫﺎ
ﻭﻋﻨﻬﺎ ﻻ ﺭﺿﺖ ﺍﻧﻲ ﺍﺧﺮ ﻫﻤﻲ ﺭﺃﻱ ﺟﻨﺎﻥ
ﺳﺄﻟﺖ ﻣﺮﻳﻢ .. ﺍﻛﻮﻝ ﻣﺮﻳﻢ ﻟﻴﺶ ﻫﻴﺞ ﺿﻌﻔﺎﻧﺔ
ﺷﻜﻠﺞ ﻣﺎ ﻋﺎﺟﺒﻨﻲ
ﺟﻨﺎﻥ ﻋﺎﻃﺖ ﺑﻴﻨﺎ .. ﺍﻧﺘﻲ ﺷﻨﻮ ﺳﺎﻟﻔﺘﺞ ﺍﻟﻴﻮﻡ
ﻣﻦ ﺍﻭﻝ ﻣﺎ ﺩﺧﻠﺘﻲ ﻟﻠﺒﻴﺖ ﻭﺍﻧﻲ ﻣﺎ ﻣﺮﺗﺎﺣﺔ ﻟﺠﻴﺘﺞ
ﺍﺣﺲ ﺑﻴﺞ ﻧﺎﻭﻳﺔ ﻋﺎﻟﺸﺮ
ﺷﻜﻮ ﺍﻛﻮ ﻭﺍﺣﺪ ﺷﺎﻛﻠﻴﺞ ﻭﻛﺎﻳﻠﺞ ﺍﺣﻨﺎ ﺩﻧﻜﺮﺏ ﻋﻠﻰ ﻣﺮﻳﻢ
ﻭﺗﻌﺎﻟﻲ ﺍﻛﻠﺞ ﺍﻧﺘﻲ ﻣﻦ ﺷﻮﻛﺖ ﻧﺰﻝ ﻋﻠﻴﺞ ﺍﻟﻮﺣﻲ
ﻭﺍﺗﺬﻛﺮﺗﻲ ﻋﻨﺪﺝ ﺍﺧﺖ ﻭﻻﺯﻡ ﺗﺘﻮﺍﺻﻠﻴﻦ ﻭﻳﺎﻫﺎ
.. ﻣﻦ ﻳﻮﻡ ﺍﻟﻲ ﺍﺧﺬﺗﻮﻫﺎ ﻣﻦ ﺣﻀﻨﻲ ﻏﺼﺐ ﻋﻨﻲ
ﻭﺍﻧﻲ ﻣﺎ ﻧﺎﺳﻴﺘﻬﺎ ﻭﻻ ﺑﻄﻠﺖ ﺍﺳﺄﻝ ﻋﻨﻬﺎ
ﻭﺍﻧﺘﻲ ﻫﻢ ﻣﺎ ﻗﺼﺮﺗﻲ ﺑﻌﺪﺗﻴﻨﺎ ﻋﻨﻬﺎ
ﻭﻣﺎ ﺍﻧﻄﻴﺘﻨﺎ ﻓﺮﺻﺔ ﻧﻘﺘﺮﺏ ﻣﻨﻬﺎ
ﻋﺒﺎﻟﻚ ﻣﻠﻚ ﺣﺼﺮﻱ ﺑﺲ ﺍﻟﺞ
ﺟﻨﺎﻥ .. ﻫﺎﻱ ﺟﺰﺍﺗﻲ ﺍﺧﺬﺗﻬﺎ ﻣﻨﻜﻢ ﻭﻣﻦ ﺍﺑﻮﻛﻢ ﺍﻟﺘﻌﺒﺎﻥ ﻭﺭﺑﻴﺘﻬﺎ ﺍﺣﺴﻦ ﺗﺮﺑﻴﺔ
ﻭﻋﺎﻣﻠﺘﻬﺎ ﻣﺜﻞ ﺑﻨﺘﻲ ﻭﺩﻟﻠﺘﻬﺎ ﺩﻻﻝ ﺍﻟﻔﻬﺪ ﺣﺎﻟﻬﺎ ﻣﻦ ﺣﺎﻝ ﺍﻭﻻﺩﻱ
ﻭﺭﻭﺣﻲ ﺳﺄﻟﻲ ﻋﻨﻬﺎ ﺑﺎﻟﻤﺪﺭﺳﺔ
ﻭﺷﻮﻓﻴﻬﺎ ﺷﻠﻮﻥ ﺷﺎﻃﺮﺓ ﻧﺎﺭ
ﺗﺮﺩﻳﻦ ﺑﻌﺪ ﻛﻞ ﻫﺬﺍ ﺗﻌﺒﻲ
ﺗﺠﻴﻦ ﻭﺗﻠﻤﺤﻴﻦ ﺑﺎﻟﺘﻘﺼﻴﺮ ﻭﻳﺔ ﺍﺧﺘﺞ
ﻻ ﻋﺎﺩ ﻟﻬﻨﺎ ﻭﺣﺪﺝ ﺍﺫﺍ ﺍﻧﺘﻲ ﺍﺧﺘﻬﺎ
ﻓﺎﻧﻲ ﺍﻣﻬﺎ ﺍﻟﻲ ﺭﺑﺘﻬﺎ
ﺍﻻﻡ ﻫﻲ ﺍﻟﻲ ﺗﺮﺑﻲ ﻣﻮ ﺍﻟﺘﺤﻤﻞ
......
ﺗﺰﺓ ﺍﻧﻲ ﻣﻜﻠﺖ ﺷﻲ ﻭﻣﺤﺪ ﺍﺗﻬﻤﺞ ﺑﺎﻟﺘﻘﺼﻴﺮ
ﻫﺎﻱ ﺍﻧﺘﻲ ﻣﻦ ﻳﻤﺞ ﺧﻠﻘﺘﻲ ﺍﻟﻤﺸﻜﻠﺔ
ﻭﺳﻮﻳﺘﻠﺞ ﻓﻠﻢ ﻫﻨﺪﻱ
ﺍﻧﻲ ﻣﺎ ﺭﺩﺕ ﻏﻴﺮ ﺑﺲ ﺍﺗﻮﺍﺻﻞ ﻭﻳﺔ ﺍﺧﺘﻲ
ﺑﻴﻬﺎ ﺷﻲ ﻫﺎﻱ
.. ﻻ ﻣﺎ ﺑﻴﻬﺎ ﺷﻲ ﺑﺲ .....
ﻗﺎﻃﻌﺘﻬﺎ ﻭﻛﻤﻠﺖ
.. ﻟﻌﺪ ﺷﺒﻴﺞ ﻋﺼﺒﺘﻲ ﻭﺿﺠﺘﻲ ﻭﺻﺮﺗﻲ ﺗﺤﺠﻴﻦ ﺣﺠﻲ ﺻﺎﻋﺪ ﻧﺎﺯﻝ
ﻓﺘﺤﺖ ﺣﻠﻜﻬﺎ ﺣﺘﻰ ﺗﺤﺠﻲ ﻭﺟﺎﻥ ﻳﻘﻄﻊ ﻋﻠﻴﻨﺎ
ﺻﻮﺕ ﺍﻟﺠﺮﺱ
ﻛﺎﻣﺖ ﻣﺮﻳﻢ ﻭﺭﺍﺣﺖ ﻓﺘﺤﺖ ﺍﻟﺒﺎﺏ
ﻭﺩﺧﻞ ﻋﻤﻮ ﺍﻣﺠﺪ ﺟﺎﻥ ﻫﺴﺘﻮﺓ ﺭﺍﺟﻊ ﻣﻦ ﺍﻟﺸﻐﻞ
ﻛﻤﺖ ﻣﻦ ﻣﻜﺎﻧﻲ ﻭﺳﻤﻠﺖ ﻋﻠﻴﻪ
ﻭﺍﺳﺘﺄﺫﻧﺖ
.. ﻳﺎﻟﻠﻪ ﻋﻤﻮ ﺍﻧﻲ ﺍﺳﺘﺄﺫﻥ ﻣﻨﻜﻢ ﻻﺯﻡ ﺍﺭﺟﻊ
ﺍﻣﺠﺪ .. ﻫﺎﻱ ﺷﻨﻮ ﻭﻳﻦ ﺭﺍﻳﺤﺔ ﺍﺑﻘﻲ ﻭﻳﺎﻧﺎ ﻋﺎﻟﻐﺪﺓ
ﺟﺎﻭﺑﺘﻪ ﻭﺍﻧﻲ ﺍﻋﺪﻟﻚ ﺣﺰﺍﻡ ﺍﻟﺠﻨﻄﺔ ﻋﻠﻰ ﻛﺘﻔﻲ
.. ﻻ ﻣﺸﻜﻮﺭ ﻋﻤﻮ ﺑﺲ ﺑﻴﺒﻲ ﺳﻠﻴﻤﺔ
ﻫﺴﺔ ﺍﻛﻴﺪ ﺑﺎﻗﻴﺔ ﺑﺪﻭﻥ ﻏﺪﺓ ﺗﻨﺘﻈﺮﻧﻲ ﺍﺭﺟﻊ
ﺍﺣﻤﻴﻠﻬﺎ ﺍﻻﻛﻞ ﻭﺍﺻﺒﻪ
ﺑﺎﻭﻋﺖ ﻣﺮﻳﻢ ﺑﺪﻭﻥ ﻣﺎ ﺍﻫﺘﻢ ﻟﺠﻨﺎﻥ
.. ﻣﺮﻳﻢ ﻣﻮ ﺗﻨﺴﻴﻦ ﻛﻞ ﻳﻮﻡ ﺗﺘﺼﻠﻴﻦ ﻋﻠﻴﺔ ﻣﺎﻛﻮ ﺍﺫﺍ ﻣﺎ ﺗﺘﺼﻠﻴﻦ ﻋﻠﻴﺔ ﺍﻋﺘﺒﺮﻳﻨﻲ ﻛﻞ ﻳﻮﻡ ﺍﻣﺮ ﻋﻠﻴﺞ ﻭﺍﺟﻲ ﻟﻬﻨﺎ
ﺍﺷﻮﻓﺞ
ﺑﺎﻭﻉ ﻋﻤﻮ ﺍﻣﺠﺪ
.. ﻭﺍﻟﻠﻪ ﻳﺎﺭﻳﺖ ﺗﺠﻴﻨﺎ ﻛﻞ ﻭ ﺗﻨﻮﺭﻳﻨﺎ
ﺍﺑﺎﻭﻉ ﻟﺠﻨﺎﻥ ﻧﻄﺖ ﻋﻴﻮﻧﻬﺎ
ﻛﻠﺸﻲ ﻭﻻ ﻭﺍﺣﺪ ﻣﻦ ﻋﺪﻧﺎ
ﻳﺪﺧﻞ ﻟﺒﻴﺘﻬﺎ ﻛﻮﺓ ﻋﻠﻰ ﺍﻋﺼﺎﺑﻬﺎ ﺗﺴﺘﻘﺒﻠﻨﺎ ﻋﺒﺎﻟﻚ ﻓﺎﻳﺮﻭﺳﺎﺕ ﻣﻠﻮﺛﺔ ﺩﺍﺧﻠﺔ ﻋﻠﻴﻬﺎ
ﻋﺎﻳﺰ ﺑﺲ ﺗﺴﺒﺤﻨﺎ ﺑﺪﻳﺘﻮﻝ ﻭﺗﺪﺧﻠﻨﺎ ﻟﺒﻴﺘﻬﺎ
ﺍﺑﺎﻭﻉ ﻟﻤﺮﻳﻢ ﻭﺩﻋﺘﻨﻲ ﻭﻋﻴﻮﻧﻬﺎ ﺑﻴﻬﺎ ﻟﻤﺤﺔ ﺍﻣﻞ
ﻫﺪﻯ
.. ﻫﺎﻟﺔ ﻭﺳﺠﻠﻲ ﻋﻨﺪﺝ ﺑﻴﺖ ﺍﻡ ﻃﺎﺭﻕ
ﺑﺎﺭﻛﻮﻟﻲ ﺏ ٢٥ﺍﻟﻒ
ﻫﺎﻟﺔ ﻛﺎﻋﺪﺓ ﻭﻻﺯﻣﺔ ﺍﻟﻘﺎﺋﻤﺔ ﺑﻴﺪﻫﺎ ﻭﺗﺴﺠﻞ ﺍﻻﺳﻤﺎﺀ ﺍﻟﻤﺘﺒﺎﺭﻛﻴﻦ ﻭﻧﻮﻉ ﺍﻟﻬﺪﻳﺔ
ﻫﺎﻟﺔ .. ﻋﺰﺓ ﺍﻟﻌﺰﺍﻧﻲ ﺑﻴﺖ ﺍﻡ ﻃﺎﺭﻕ ﻣﻨﻄﻴﺞ ﺑﺲ٢٥ ﺍﻟﻒ
.. ﺍﻱ ﻟﻴﺶ ﺷﻜﻮ ﺑﻴﻬﺎ ﺷﻲ
.. ﻫﻼ ﻫﻼ ﻫﺴﺔ ﺍﻣﻲ ﺗﻠﻌﺐ ﺑﺄﻡ ﻃﺎﺭﻕ ﻃﻮﺑﺔ
.. ﻫﻬﻬﻪ ﻟﻴﺶ
.. ﻣﻮ ﺍﻣﻲ ﻣﻦ ﻋﺮﺳﺖ ﺑﻨﺖ ﺍﻡ ﻃﺎﺭﻕ
ﺍﺧﺬﺗﻠﻬﺎ ﻓﺮﺷﺔ ﻭﺍﻧﻄﺘﻬﺎ ٢٥ ﺍﻟﻒ ﺑﻴﺪﻫﺎ
.. ﻳﺎﻟﻠﻪ ﻣﺼﺎﺭ ﺷﻲ ﺍﻧﻌﻢ ﺍﻟﻠﻪ ﻋﻠﻴﻬﺎ ﺫﻛﺮﺗﻨﺎ
.. ﻻ ﺣﺒﻴﺒﺘﻲ ﺷﻜﻠﺞ ﻣﺎ ﺗﻌﺮﻓﻴﻦ ﺍﻡ ﻗﺎﺳﻢ ﺯﻳﻦ
ﻛﻠﺸﻲ ﻭﻻ ﻭﺍﺣﺪ ﻳﺴﺘﻐﻠﻬﺎ ﻳﺘﺸﺎﻃﺮ ﻭﻳﺎﻫﺎ
ﺗﻜﻠﺐ ﻋﺎﻟﻴﻬﺎ ﻭﺍﻃﻴﻬﺎ
.. ﻭﺍﻟﻠﻪ ﺍﻣﺞ ﻋﺠﻴﺒﺔ ﻳﻌﻨﻲ ﻛﻞ ﻫﺬﺍ ﺍﻟﺨﻴﺮ ﻭﺗﺤﺎﺳﺐ ﻋﻠﻰ ﻫﺎﻱ ﺍﻻﻣﻮﺭ
ﻫﺎﻟﺔ .. ﻫﺪﻯ ﺍﻣﻲ ﻣﻮ ﺑﺨﻴﻠﺔ ﻭﻫﺎﻱ ﺍﻻﺷﻴﺎﺀ ﻣﺎ ﺗﻬﺰ ﻋﻨﺪﻫﺎ ﺷﻌﺮﺓ
ﺑﺲ ﺍﻣﻲ ﺣﺮﻳﺼﺔ ﻭﺗﺮﻳﺪ ﺗﻌﺮﻑ ﻛﻞ ﻓﻠﺲ ﻭﻳﻦ ﻳﺮﻭﺡ
ﻭﺍﺣﻨﺎ ﻋﻠﻤﺘﻨﺎ ﻋﻠﻰ ﻫﺬﺍ ﺍﻟﺸﻲ
ﺍﻗﺘﺼﺎﺩﻳﺔ ﻣﺎ ﺗﺤﺐ ﺗﺼﺮﻑ ﻋﻔﺔ ﺑﻄﺮﺍﻧﺔ
ﺗﺪﺭﻳﻦ ﻫﺬﺍ ﺧﻴﺮ ﺑﺎﺑﺎ ﻭﻗﺎﺳﻢ ﻛﻠﻪ ﺻﺎﺭ ﺑﺘﺪﺑﻴﺮ ﺍﻣﻲ
ﻭﻗﻮﺗﻬﺎ
ﻻﻥ ﺍﺣﻨﺎ ﻣﻦ ﺑﻌﺪ ﻭﻓﺎﺓ ﺑﺎﺑﺎ ﺑﻌﺪ ﺍﻧﺘﻲ ﺗﻌﺮﻓﻴﻦ ﺷﺼﺎﺭ ﺑﺤﺎﻟﻨﺔ ﻛﻌﺪﻧﺎ ﻋﺎﻟﺤﺪﻳﺪﺓ
ﻭﺿﻠﻴﻨﺎ ﺑﻄﺮﻙ ﻫﺬﺍ ﺍﻟﺒﻴﺖ ﻻﻥ ﻋﻤﻮ ﻣﻨﻴﺮ ﻣﻦ ﻋﻤﺔ ﺍﻟﻌﻤﺎﻩ
ﻧﻬﺐ ﻛﻞ ﻓﻠﻮﺱ ﺍﺑﻮﻱ ﻭﻣﺎ ﺧﻠﺔ ﻋﻠﻰ ﺣﺎﻟﻨﺔ ﺣﺎﻝ
ﻭﺑﻔﻀﻞ ﺍﻣﻲ ﻭﺗﺪﺑﻴﺮﻫﺎ ﻭﻗﺎﺳﻢ ﻭﺗﻌﺒﻪ
ﻛﺪﺭﻭﺍ ﻳﻨﻬﻀﻮﻥ ﺑﻴﻨﺎ ﻣﻦ ﺟﺪﻳﺪ
ﻣﺮﺕ ﻋﻠﻴﺔ ﺍﻳﺎﻡ ﻛﻮﺓ ﺍﺷﺘﺮﻱ ﺍﻟﻘﻤﻴﺺ ﻟﻠﻜﻠﻴﺔ
ﺍﻛﻮﻝ ﺧﻄﻴﺔ ﻗﺎﺳﻢ ﻣﻜﺴﻮﺭ ﻇﻬﺮﻩ ﻭﺍﻧﻲ ﺍﺟﻲ ﻋﺎﻟﺠﺎﻫﺰ
ﺍﺻﺮﻑ ﺑﺘﻌﺒﻪ ﻭﺣﺘﻰ ﺍﻣﻲ ﺟﺎﻧﺖ ﺩﺍﺋﻤﺎ ﺗﺬﻛﺮﻧﺎ ﻭﺗﻨﺒﻬﻨﺎ ﻻ ﻧﻨﺴﻨﻰ ﻧﻔﺴﻨﺎ ﻻﺯﻡ ﻧﺮﺍﻋﻲ ﺍﻟﻈﺮﻭﻑ ﺍﻟﻲ ﺩﻧﻤﺮ ﺑﻴﻬﺎ
ﻭﺍﻟﺤﻤﺪﻟﻠﻪ ﺭﺑﺞ ﻣﺎ ﻳﻜﻄﻊ
....
ﺍﻟﻒ ﺍﻟﺤﻤﺪﻟﻠﻪ
ﺑﺎﻭﻋﺖ ﻟﻠﺴﺎﻋﺔ ﻋﺰﺓ ﺍﻟﺴﺎﻋﺔ ﺏ١١
ﻭﻫﺴﺔ ﺗﺠﻴﻨﻲ ﺍﻣﺞ ﻭﺗﺰﻓﻨﻲ ﺍﺫﺍ ﻟﻜﺘﻨﻲ ﻛﺎﻋﺪ
ﺍﺩﻙ ﺳﻮﺍﻟﻒ ﻳﻤﺞ
ﻫﺎﻟﺔ .. ﺩﺭﻭﺣﻲ ﺭﻭﺣﻲ ﺍﻧﻲ ﻋﻨﻲ ﻻ ﺍﻋﺮﻓﺞ ﻭﻻ ﺗﻌﺮﻓﻴﻨﻲ
ﺗﺮﺩﻳﻦ ﺗﻮﻛﻌﻴﻨﻲ ﺑﻠﺴﺎﻥ ﺍﻣﻲ
ﺿﺤﻜﺖ ﻭﻛﻤﺖ ﻣﻦ ﻳﻤﻬﺎ
ﻭﺍﻧﻲ ﺍﺗﻠﻔﺖ ﺍﺗﺬﻛﺮﺕ ﺍﻟﻔﺮﺍﺵ
ﺍﻟﻴﻮﻡ ﺑﺄﺛﻨﺎﺀ ﺍﻟﺘﻨﻈﻴﻒ ﺍﻧﺪﻟﻴﺖ ﻣﻜﺎﻥ ﺍﻟﻔﺮﺍﺷﺎﺕ ﻭﺍﻟﺒﻄﺎﻧﻴﺎﺕ
ﺭﺣﺖ ﺭﻛﺾ ﻃﻠﻘﺔ ﻗﺒﻞ ﻻ ﺍﺣﺪ ﻳﺸﻮﻓﻨﻲ
ﺩﺧﻠﺖ ﻟﻠﻤﺨﺰﻥ ﻣﺜﻞ ﺍﻟﺤﺮﺍﻣﻴﺔ ﺍﺧﺬﺕ ﺍﻟﻔﺮﺍﺵ
ﻭﻃﻠﻌﺖ ﻃﻠﻘﺔ ﻭﺩﻓﻌﺖ ﺍﻟﺒﺎﺏ ﻋﺎﻟﺴﺮﻳﻊ ﻭﺩﺧﻠﺖ
ﻭﺟﺎﻥ ﺍﺷﻮﻑ ﻗﺎﺳﻢ
ﻭﺍﻛﻒ ﺩﻳﺒﺪﻝ ﻭﺑﺪﺧﻠﺘﻲ ﺑﺒﺴﺮﻋﺔ ﺭﻓﻊ ﺍﻟﺒﺠﺎﻣﺔ
ﺧﺰﺭﻧﻲ ﻭﺣﺠﺔ ﺑﻨﺘﺮﺓ .. ﺍﻧﺘﻲ ﺷﻨﻮ ﺳﺎﻟﻔﺘﺞ ﻣﺎ ﺗﻌﺮﻓﻴﻦ ﺗﺪﻛﻴﻦ ﺍﻟﺒﺎﺏ ﻗﺒﻞ ﻻ ﺗﺪﺧﻠﻴﻦ
.. ﺷﺒﻴﻚ ﻗﺎﺳﻢ ﺗﺮﻳﺪ ﺧﺎﻟﺔ ﺗﺸﻮﻓﻨﻲ ﺍﺩﻙ ﺍﻟﺒﺎﺏ ﻋﻠﻴﻚ ﺣﺘﻰ ﻣﺎ ﺗﺴﻮﻟﻨﺎ ﻋﺮﺱ ﺛﺎﻧﻲ ﻭﺍﻟﻠﻪ
ﻣﺴﺢ ﻭﺟﻬﻪ ﻫﺎﻱ ﺷﻠﻮﻥ ﺑﻠﻮﺓ ﺍﻧﺎ ﻣﺎ ﻣﺘﻌﻮﺩ ﺍﺗﻘﻴﺪ ﺑﻐﺮﻓﺘﻲ
ﻭﺍﻧﺘﻲ ﻭﺟﻮﺩﺝ ﺑﻘﺮﺑﻲ ﻳﻘﻴﺪﻧﻲ ﻳﻌﻨﻲ ﻣﺎ ﺍﻛﺪﺭ ﺍﺧﺬ ﺭﺍﺣﺘﻲ
ﺑﺎﻟﻠﺒﺲ ﺍﻭ ﻣﻦ ﺍﺭﻳﺪ ﺍﺣﺠﻲ ﺑﺎﻟﻨﻘﺎﻝ
ﻭﻫﻮﺍﻱ ﺍﻣﻮﺭ ﻣﻴﺼﻴﺮ ﺍﻧﺘﻲ ﺗﺸﻮﻓﻴﻬﺎ
ﺑﺎﻭﻉ ﻋﻠﻴﺔ ﺑﻘﻠﺔ ﺻﺒﺮ .. ﺑﺎﻟﻠﻪ ﻫﺎﻱ ﺷﻨﻮ ﺣﻠﻬﺎ
ﺑﺎﻟﻠﻪ ﺳﺎﻟﻔﺔ ﺍﻟﻨﻮﻣﺔ ﻭﺣﻠﻴﺘﻴﻬﺎ
ﻭﺍﻻﺣﺮﺍﺟﺎﺕ ﺍﻟﺒﻘﻴﺔ ﺷﻨﻮ ﺣﻠﻬﺎ
ﺻﻔﻨﺖ ﺑﻮﺟﻬﻪ ﺻﺪﻙ ﻛﻼﻣﻪ ﺧﻄﻴﺔ ﺷﻨﻮ ﺫﻧﺒﻪ
ﻣﺎﺯﻳﺎﺧﺬ ﺭﺍﺣﺘﻪ ﺑﻐﺮﻓﺘﻪ
ﻟﺬﻟﻚ ﻛﻠﺘﻠﻪ ﻭﺍﻧﻲ ﻣﺴﻴﻄﺮﺓ
.. ﺷﻮﻑ ﻗﺎﺳﻢ ﺍﻧﺖ ﻻﺯﻡ ﺗﺘﺄﻗﻠﻢ ﻋﻠﻰ ﺍﻟﻮﺿﻊ ﻭﺍﺗﻌﺎﻣﻞ ﻭﻳﺔ ﻣﺴﺄﻟﺔ ﻭﺟﻮﺩﻱ ﺑﺼﻮﺭﺓ ﻃﺒﻴﻌﻴﺔ
ﺍﻋﺘﺒﺮﻧﻲ ﻣﺜﻞ ﺍﺧﺘﻚ ﺣﺘﻰ ﺗﻜﺪﺭ ﺗﺎﺧﺬ ﺭﺍﺣﺘﻚ ﻭﻳﺎﻱ
ﺑﺎﻭﻉ ﻋﻠﻴﺔ ﻭﺭﻓﻊ ﺣﺎﺟﺒﻪ
.. ﺍﺳﺘﻐﻔﺮﻱ ﺭﺑﺞ ﻣﺎ ﻳﺠﻮﺯ ﺍﻋﺘﺒﺮﺝ ﺍﺧﺘﻲ
ﺗﺪﺭﻳﻦ ﻫﻮ ﻣﻦ ﺍﻟﻴﻮﻡ ﺍﻟﻲ ﺳﻮﻳﺘﻴﻨﻲ ﻣﺜﻞ ﺍﻣﺞ ﺻﺮﺕ
ﺻﻌﺒﺔ ﺍﺷﻮﻓﺞ ﺑﻌﻴﻨﻲ ﻣﺜﻞ ﺍﺧﺘﻲ
ﻭﺍﻟﺤﻠﻴﻢ ﺗﻜﻔﻴﻪ ﺍﻻﺷﺎﺭﺓ
ﺍﺗﺴﻌﺖ ﻋﻴﻮﻧﻲ ﻣﻦ ﻛﻼﻣﻪ ﻭﺣﺎﻭﻟﺖ ﺍﻃﻠﻊ ﻧﻔﺴﻲ ﻣﻦ ﺍﻟﻤﺄﺯﻕ ﺍﻟﻲ ﺍﻧﻲ ﺑﻲ
.. ﺑﺴﻴﻄﺔ ﻫﺎﻱ ﺍﺳﻬﻞ ﻣﻨﻬﺎ ﻣﺎﻛﻮ
ﻳﺎﺑﺔ ﺍﻋﺘﺒﺮﻧﻲ ﺍﺧﻮﻙ ﻫﺎﺩﻱ ﺍﻟﺼﻐﻴﺮ
ﻭﻫﻲ ﺗﻤﺸﻲ ﺍﻟﺴﺎﻟﻔﺔ
ﻫﻮ ﺍﻧﻲ ﺣﺠﻴﺖ ﻫﺎﻱ ﺍﻟﻜﻠﻤﺔ ﻭﺟﺎﻥ ﻫﻮ ﻳﻄﻜﻬﺎ ﺿﺤﻜﺔ
ﺑﺼﻮﺕ ﻋﺎﺍﺍﻟﻲ
ﻛﻤﺰﻧﻲ ﻣﻦ ﻣﻜﺎﻧﻲ .. ﺍﻟﻠﻪ ﻳﻠﻌﻦ ﺑﻠﻴﺴﻚ ﻛﻤﺰﺗﻨﻲ
.. ﻭﻟﺞ ﺟﻨﻴﺔ ﺍﺷﻮ ﺍﻧﺘﻲ ﻛﻞ ﻳﻮﻡ ﺟﺎﻳﺘﻨﻲ ﺑﺴﺎﻟﻔﺔ
ﻣﺎ ﺗﻜﻠﻴﻠﻲ ﻣﻨﻴﻦ ﺗﺠﻴﺒﻴﻦ ﺧﺎﻱ ﺍﻻﻓﻜﺎﺭ
ﺑﺲ ﺗﺪﺭﻳﻦ ﺷﻨﻮ ﻋﺠﺒﺘﻨﻲ ﻣﺎﻝ ﺍﺧﻮﻱ ﻫﺎﺩﻱ
ﻭﻣﻦ ﻫﺎﻱ ﺍﻟﻠﺤﻈﺔ ﺍﻧﺨﻠﻘﺖ ﻋﻼﻗﺔ ﺟﺪﻳﺪﺓ ﻏﺮﻳﺒﺔ ﻣﻦ ﻧﻮﻋﻬﺎ
ﺍﻧﺎ ﻣﺤﺘﺎﺟﺔ ﺍﻻﺥ ﻭﻫﻮ ﻣﺤﺘﺎﺝ ﻳﺘﺄﻗﻠﻢ ﻭﻣﺎ ﻳﺘﻘﻴﺪ ﻭﻳﺎﻱ
ﺍﺑﺎﻭﻉ ﻋﻠﻴﻪ ﺍﺗﻤﺪﺩ ﻋﺎﻟﺴﺮﻳﺮ ﻭﻫﻮ ﻛﻞ ﺷﻮﻳﺔ ﻳﺬﻛﺮ ﻛﻠﻤﺔ ﻫﺎﺩﻱ ﻭﻳﻬﺰ ﺭﺍﺳﻪ ﻭﻳﻀﺤﻚ
ﻣﺎ ﺟﺎﻱ ﺍﺗﺨﻴﻞ ﺑﻬﺬﺍ ﺍﻟﺸﺨﺺ ﻳﻜﻮﻥ ﺍﺑﻮ ﺑﻴﺘﻲ
ﻣﺎ ﺑﻲ ﺍﺷﻲ ﻣﻦ ﺍﻟﻲ ﺍﻧﻲ ﺍﺗﻤﻨﺎﻩ ﺑﺼﻔﺎﺕ ﺍﻟﺰﻭﺝ
ﺍﻟﻲ ﺍﺗﻤﻨﺎﻩ
.....
ﺍﺧﺬﺗﻠﻲ ﺩﺷﺪﺍﺷﺔ ﺭﺩﻥ ﻃﻮﻳﻞ ﻭﺩﺧﻠﺖ ﻟﻠﺤﻤﺎﻡ ﺍﺑﺪﻝ
ﺳﻤﻌﺖ ﺻﻮﺕ ﺑﺎﺏ ﺍﻟﻐﺮﻓﺔ ﺍﻧﺪﻙ
ﺑﻌﺪﻫﺎ ﺳﻤﻌﺖ ﺻﻮﺕ ﻫﺎﻟﺔ ﺗﺤﺠﻲ ﻭﻳﺔ ﻗﺎﺳﻢ
ﻓﺘﺤﺖ ﺍﻟﺪﻭﺵ ﻭﺳﺒﺤﺖ ﻭﻛﻤﻠﺖ ﻭﻧﺸﻔﺖ ﺷﻌﺮﻱ
ﻭﺑﻌﺪﻫﺎ ﻫﻢ ﺭﺟﻌﺖ ﺳﻤﻌﺖ ﺻﻮﺕ ﺍﻟﺒﺎﺏ ﻳﻨﺪﻙ
ﺍﺳﻤﻊ ﻗﺎﺳﻢ ﻳﺤﺠﻲ ﺑﻐﻀﺐ ﻣﻦ ﺑﻴﻦ ﺍﺳﻨﺎﻧﻪ
.. ﺍﻟﻠﻬﻢ ﺻﺒﺮﺝ ﻳﺎ ﺭﻭﺡ ﻭﺍﻟﻠﻪ ﺍﻟﺤﺠﻴﺔ ﺭﺍﺡ ﺗﻤﻮﺗﻨﻲ ﺑﺴﻮﺍﻟﻔﻬﺎ ﺍﺷﺘﻐﻠﺖ ﺭﺣﻤﺔ ﺍﻟﻠﻪ
ﻓﺘﺢ ﺍﻟﺒﺎﺏ ﻭﻫﺎﻟﻤﺮﺓ ﻣﻨﻰ ﺣﺠﺔ ﻭﻳﺎﻫﺎ ﻭﺍﻧﻲ ﻃﻠﻌﺖ ﻣﻦ ﺍﻟﺤﻤﺎﻡ ﺍﺑﺎﻭﻉ ﻟﻤﻨﻰ ﻋﻴﻦ ﻋﻠﻴﺔ ﻭﻋﻴﻦ ﻋﻠﻰ ﻗﺎﺳﻢ ﻣﺜﻞ ﺍﻟﻲ ﻳﺴﺘﺮﻕ ﺍﻟﻨﻈﺮﺍﺕ ﺑﻔﻀﻮﻝ
ﺑﻌﺪ ﻣﺎ ﺻﺮﻓﻬﺎ ﻗﺎﺳﻢ ﺭﻛﻊ ﺍﻟﺒﺎﺏ ﻭﺳﺪﻩ ﺣﻴﻞ ﻛﻤﺰﺕ ﻣﻦ ﻣﻜﺎﻧﻲ ﻭﺑﺎﻭﻋﺖ ﻋﻠﻴﻪ
ﺟﻨﺖ ﻻﺯﻣﺔ ﺍﻟﻤﻨﺸﻔﺔ
.. ﺷﻨﻮ ﺷﺒﻴﻚ ﻣﻌﺼﺐ
.. ﻫﺎﻱ ﺍﻣﻲ ﻣﻮ ﺑﻴﺪﻫﺎ ﻛﻞ ﺷﻮﻳﺔ ﺩﺍﺯﺓ ﻭﺣﺪﺓ ﻣﻦ ﺧﻮﺍﺗﻲ
ﺗﺮﻧﻲ ﺑﻤﻮﺿﻮﻉ ﺍﻭ ﺑﺤﺠﺔ ﺷﻜﻞ
ﺍﻛﺺ ﺍﻳﺪﻱ ﺍﺫﺍ ﻣﺎ ﻃﻠﻌﺖ ﺍﻣﻲ ﻭﺭﺓ ﺳﺎﻟﻔﺔ ﻣﻠﺤﺘﻬﻦ
.. ﻟﺤﻈﺔ ﻗﺎﺳﻢ ﻻ ﺗﻌﺼﺐ ﺧﻠﻲ ﺍﻓﻬﻤﻚ ﺷﻐﻠﺔ ﺍﻣﻚ ﺍﻟﻴﻮﻡ ﺧﻤﻨﺖ
ﻣﻦ ﻳﻤﻬﺎ ﺍﻥ ﺍﻧﺖ ﺑﻌﺪﻙ ﻣﺎ ﻣﻘﺘﺮﺑﻠﻲ
ﻋﻘﺪ ﺣﻮﺍﺟﺒﻪ ﺑﺸﻚ
.. ﺷﻠﻮﻥ ﻳﻌﻨﻲ ﺧﻤﻨﺖ ﺍﻧﺎ ﻣﺎ ﻣﻘﺘﺮﺑﻠﺞ
ﺷﻨﻮﺩﻗﺎﺑﻞ ﻧﺰﻝ ﻋﻠﻴﻬﺎ ﺍﻟﻮﺣﻲ
ﻓﺮﻛﺖ ﺑﺄﻳﺪﻱ ﻭﺩﺧﻠﺖ ﺑﺼﺮﺍﻉ ﻭﻳﺔ ﻧﻔﺴﻲ ﺻﺮﺕ ﺑﻴﻦ ﺧﻴﺎﺭﻳﻦ ﺍﻛﻮﻝ ﻟﻮ ﻣﺎ ﺍﻛﻮﻝ
ﻫﺴﺔ ﺷﻨﻮ ﻳﺮﻳﺪ ﻳﺼﻴﺮ ﺍﺫﺍ ﻛﻠﺘﻠﻪ ﻋﻦ ﺍﻟﻮﺣﻤﺔ ﻫﻮ ﺑﻜﻞ ﺍﻟﺤﺎﻻﺕ ﻣﺎﺭﺍﺡ ﻳﻘﺘﺮﺑﻠﻲ ﺧﻠﻲ ﺍﻛﻮﻟﻪ ﻭﺍﺭﺗﺎﺡ
ﺑﻠﻌﺖ ﺭﻳﻜﻲ ﺑﺄﺣﺮﺍﺝ ﻭﺣﺠﻴﺖ
.. ﺍﺍﺍﺍﺍﺍﺍ ﻗﺎﺳﻢ ﺍﻧﻲ ﻋﻨﺪﻱ ﻭﺣﻤﺔ ﺑﺠﺴﻤﻲ ﻳﺼﻴﺮ ﻟﻮﻧﻬﺎ
ﺍﺳﻮﺩ ﻭﺍﻣﻚ ﺍﻟﻴﻮﻡ ﺑﺎﻟﺼﺪﻓﺔ ﻋﺮﻓﺖ ﻋﻨﻬﺎ ﻭﺷﺎﻓﺘﻬﺎ
ﻭﺳﺄﻟﺘﻨﻲ ﻭﻛﺎﻟﺖ ﻗﺎﺳﻢ ﺷﺎﻑ ﺍﻟﻮﺣﻤﺔ
ﺍﻧﻲ ﺳﻜﺘﺖ ﻻﻥ ﻣﺎ ﻋﺮﻓﺖ ﺷﻨﻮ ﺍﺟﺎﻭﺑﻬﺎ
ﻭﻫﻲ ﻣﻦ ﻳﻤﻬﺎ ﻓﺴﺮﺕ ﺳﻜﻮﺗﻲ ﻋﻠﻰ ﺍﻧﻪ ﻣﺎ ﺩﺍﻡ ﻗﺎﺳﻢ ﻣﺎ ﺷﺎﻳﻒ ﺍﻟﻮﺣﻤﺔ ﻣﻌﻨﺎﻫﺎ ﻣﺎ ﻣﻘﺘﺮﺏ
ﻭﺍﻧﻲ ﻛﻠﺘﻠﻬﺎ ﺧﺎﻟﺔ ﺍﻟﺼﻮﺝ ﻣﻨﻲ ﻻﻥ ﺍﺧﺎﻑ ﻣﻦ ﺍﻟﻮﺣﻤﺔ
ﺟﻨﺖ ﺍﺣﺠﻲ ﻭﺍﺑﺎﻉ ﻋﻠﻴﻪ
ﺍﺗﺮﻗﺐ ﺭﺩﺓ ﻓﻌﻠﻪ
ﻭﻛﺎﻝ .. ﻭﺍﻟﻠﻪ ﻳﺎ ﺍﻣﻲ ﻋﻠﻴﻬﺎ ﺳﻮﺍﻟﻒ
ﺷﻠﻮﻥ ﺭﺑﻄﺘﻬﺎ ﻟﻠﺴﺎﻟﻔﺔ ﺷﺠﺎﺏ ﺍﻟﻮﺣﻤﺔ ﻋﻠﻰ ﺍﻗﺘﺮﺍﺑﻲ
ﺑﺲ ﻫﻲ ﺍﻟﺤﺠﻴﺔ ﺗﺼﻄﺎﺩ ﺑﺎﻟﻤﺎﻱ ﺍﻟﻌﻜﺮ
ﻭﺍﻧﺘﻲ ﻣﻄﻔﻴﺔ ﻭﻋﺮﻓﺖ ﺷﻠﻮﻥ ﺗﺴﺘﺪﺭﺟﺞ
ﻭﺗﺴﺤﺐ ﺍﻟﻜﻼﻡ ﻣﻨﺞ ﻋﺎﻟﻌﻤﻮﻡ ﻋﻮﻓﺞ ....
ﻭﺟﺎﻥ ﻳﻨﺪﻙ ﺍﻟﺒﺎﺏ ﻣﺮﺓ ﺛﺎﻧﻴﺔ
ﺻﺎﺡ ﺑﺼﻮﺕ ﻋﺎﻟﻲ .. ﻣﻨﻮﻭﻭﻭﻭﻭﻭﻭﻭﻭ
ﺍﺟﺎﻧﺎ ﺻﻮﺕ ﺍﻣﻪ
ﻣﻦ ﻭﺭﺓ ﺍﻟﺒﺎﺏ .. ﺍﻧﺎ ﻳﻤﺔ ﻗﺴﺎﺍﺍﺍﺍﺍﻡ
ﺍﺑﺎﻭﻉ ﻋﻠﻴﻪ ﻓﺘﺢ ﺩﻛﻢ ﻗﻤﻴﺼﻪ ﻭﻫﻮﺱ ﺷﻌﺮﻩ
ﻭﻫﻮ ﻳﺴﺐ ﻭﻳﻠﻌﻦ ﻣﺎ ﺩﺍﻡ ﺻﺎﺭﺕ ﺑﻴﻬﺎ ﻗﺴﺎﻡ ﺍﻣﻲ
ﻣﻌﻨﺎﻫﺎ ﺍﻣﻲ ﻣﺎ ﻧﺎﻭﻳﺔ ﺗﺠﻴﺒﻬﺎ ﻟﺒﺮ
ﻫﺬﺍ ﺷﺒﻲ ﺷﺪﻳﺴﻮﻱ
ﻫﻤﺲ ﻣﻦ ﺑﻴﻦ ﺍﺳﻨﺎﻧﻪ
.. ﺭﻭﺣﻲ ﻓﻮﺗﻲ ﺩﺧﻠﻲ ﻟﻠﺤﻤﺎﻡ
ﺧﻠﻲ ﺍﺷﻮﻑ ﺍﻟﺤﺠﻴﺔ ﺷﺘﺮﻳﺪ
ﺭﺣﺖ ﺭﻛﻀﺖ ﺩﺧﻠﺖ ﻟﻠﺤﻤﺎﻡ ﻭﺳﺪﻳﺖ ﺍﻟﺒﺎﺏ ﺑﺲ ﻣﺎ ﻏﻠﻘﺘﻪ
ﻛﻠﺶ ﺍﺭﻳﺪ ﺍﻋﺮﻑ ﺷﻨﻮ ﺻﺎﻳﺮ
ﻓﺘﺢ ﺍﻟﺒﺎﺏ ﻫﻮ ﻭﺷﻜﻠﻪ ﺍﻟﻤﻬﻮﺱ ﺣﻀﺮﺗﻪ ﻣﺴﻮﻱ ﺗﻤﻮﻳﻪ
.. ﻫﺎ ﺣﺠﻴﺔ
ﺍﻡ ﻗﺎﺳﻢ ﺑﻴﺪﻫﺎ ﻣﺎﻋﻮﻥ ﺑﻘﻼﻭﺓ ﺍﺑﺘﺴﻤﺖ
ﻭﻛﺎﻟﺖ .. ﻳﻤﺔ ﺟﻨﺖ ﺍﻛﻞ ﺑﻘﻼﻭﺓ ﻭﺍﺗﻨﻐﺼﺘﻠﻚ
ﻛﻠﺖ ﺧﻠﻲ ﺍﺻﻌﺪﻟﻪ ﻣﺎﻋﻮﻥ ﻳﺘﺤﻠﻰ ﺑﻲ ﻫﻮ ﻣﺮﻳﺘﻪ
ﺟﺎﻧﺖ ﺗﺤﺠﻲ ﻭﻛﻞ ﺷﻮﻳﺔ ﻣﻄﻮﻟﺔ ﺭﻛﺒﺘﻬﺎ ﻭﺗﺒﺎﻭﻉ ﻭﺭﺍﻩ
ﺗﺮﻳﺪ ﺗﺴﺘﻄﻠﻊ
ﻗﺎﺳﻢ ﺭﻓﻊ ﺣﺎﺟﺒﻪ ﻭﻣﺪ ﺍﻳﺪﻩ ﻭﻛﺎﻝ
.. ﺭﺣﻤﺔ ﺍﻟﻠﻪ ﻭﺍﻟﺪﻳﺞ ﺣﺠﻴﺔ ﻣﺎ ﺗﻘﺼﺮﻳﻦ
ﺭﺑﻲ ﻣﺎ ﻳﺤﺮﻣﻨﺎ ﻣﻦ ﺣﻨﺎﻧﺞ
ﻳﺎﺍﺍﺍﺍﺍﺍ ﺣﻨﻴﻨﺔ
ﻫﻮ ﻳﺤﺠﻲ ﻭﻫﻲ ﺑﺎﻟﻬﺔ ﻣﻮ ﻳﻤﻪ ﻋﻴﻮﻧﻬﺎ ﺗﺪﻭﺭ ﻋﻠﻰ ﻫﺪﻯ
ﺑﺎﻭﻋﺘﻠﻪ
.. ﺍﻛﻮﻝ ﻳﻤﺔ ﻗﺴﺎﺍﺍﺍﺍﻡ ﻣﺮﻳﺘﻚ ﻭﻳﻦ
ﺟﺎﻭﺑﻬﺎ .. ﺑﺎﻟﺤﻤﺎﻡ ﺩﺗﺴﺒﺢ
.. ﺍﺩﺭﻱ ﻫﺎﻱ ﺷﻨﻮ ﺳﺎﻟﻔﺘﻬﺎ ﻧﺎﻣﺖ ﺑﺎﻟﺤﻤﺎﻡ
ﺍﺷﻮ ﻣﻦ ﻣﺴﺎﻉ ﺑﺎﻟﺤﻤﺎﻡ
.. ﺍﻛﻮﻝ ﺣﺠﻴﺔ ﻟﻴﺶ ﻣﺎ ﺗﻔﻮﺗﻴﻦ ﺗﻨﺎﻣﻴﻦ ﻭﻳﺎﻧﺎ
ﺣﺘﻰ ﺗﺮﺗﺎﺣﻴﻦ ﻟﻴﺶ ﺧﻄﻴﺔ ﻣﺸﻠﻮﻉ ﻛﻠﺒﺞ ﻭﻛﻞ ﺷﻮﻳﺔ
ﻭﺩﺍﺯﺗﻠﻲ ﻣﺮﺳﺎﻝ
ﺑﺎﻭﻋﺖ ﻋﻠﻴﻪ ﺍﺑﺘﺴﻤﺖ ﺗﺮﻳﺪ ﺗﻀﻴﻊ ﺍﻟﺴﺎﻟﻔﺔ
.. ﻳﺎ .. ﻳﺎ .. ﻳﺎ ﻭﻟﻚ ﻗﺎﺳﻢ ﺍﻧﺖ ﺷﻠﻮﻥ ﺗﺤﺠﻲ ﻭﻳﺎﻱ ﻫﻴﺞ
ﻣﻮ ﺻﻮﺟﻚ ﺻﻮﺟﻲ ﺍﻧﻲ ﺍﻟﻲ ﺣﺒﻴﺖ ﺗﺎﻛﻠﻚ ﺷﻮﻳﺔ ﺣﻼ
ﻛﻠﺖ ﺧﻄﻴﺔ ﻋﺮﻳﺲ
.. ﺑﺎﻟﻠﻪ ﺷﻮ ﻫﺎﻙ ﺍﺧﺬ ﺍﻟﻤﺎﻋﻮﻥ ﻣﻦ ﻋﻨﺪﻱ
ﺧﻠﻲ ﺍﺷﻮﻑ ﺍﺧﻮﻙ ﻫﺸﺎﻡ ﺷﻜﺎﻋﺪ ﻳﺴﻮﻱ
.. ﺍﻱ ﺭﻭﺣﻲ ﻟﻠﻤﻜﺮﻭﺩ ﺍﻟﺜﺎﻧﻲ ﺷﻮﻓﻲ ﺷﻤﺼﺨﻢ ﺍﻟﻴﻮﻡ
ﺷﻬﻜﺖ ﻭﻟﻄﻤﺖ ﻋﻠﻰ ﺻﺪﺭﻫﺎ
ﻭﺭﺟﻌﺖ ﻟﻘﺎﺳﻢ ﻭﺍﻟﻔﻀﻮﻝ ﻳﻘﺮﺓ ﺍﻟﻒ
.. ﻫﺎ ﻳﻘﺎﺳﻢ ﻛﻠﻲ ﺍﺧﻮﻙ ﺷﻤﺴﻮﻱ
.. ﺍﻧﺘﻲ ﺭﻭﺣﻲ ﺳﺄﻟﻴﻪ ﺑﻨﻔﺴﺞ ﺷﻨﻮ ﻣﺴﻮﻱ ﺍﺷﻮ ﺍﻧﺘﻲ ﺍﺧﺘﺼﺎﺹ
ﺍﺳﺘﺨﺒﺎﺭﺍﺕ ﺍﻧﺎ ﻣﺘﺄﻛﺪ ﺑﺲ ﺗﺴﺘﺨﺪﻣﻴﻦ ﺍﺳﻠﺤﺘﺞ ﻭﺗﺴﺄﻟﻴﻦ ﻫﺸﺎﻡ ﻛﺒﻞ ﻣﺎ ﺭﺍﺡ ﻳﻄﻮﻝ ﺟﻮﺓ ﺍﻳﺪﺝ
ﻏﻴﺮ ﺑﺲ ﺳﺎﻋﺔ ﻭﻳﺰﻭﻋﻠﺞ ﺍﻻﻛﻮ ﻭﺍﻟﻤﺎﻛﻮ
ﻛﻠﺒﺖ ﻋﻴﻮﻧﻬﺎ ﻣﺎ ﻋﺠﺒﻬﺎ ﻛﻼﻣﻪ ﻭﻫﺰﺕ ﺍﻳﺪﻫﺎ
ﻭﺭﺍﺣﺖ ﻣﺘﻮﺟﻬﺔ ﻋﻠﻰ ﻏﺮﻓﺔ ﻫﺸﺎﻡ
ﺳﺪ ﺍﻟﺒﺎﺏ ﻭﺭﺓ ﺍﻣﻪ ﻭﻛﺎﻝ ﻭﺑﻴﺪﻩ ﺍﻟﻤﺎﻋﻮﻥ
.. ﻋﻠﻴﻨﺎ ﻫﺎﻟﺤﺮﻛﺎﺕ ﺍﻡ ﻗﺎﺳﻢ
ﺧﻄﻴﺔ ﺗﻜﻮﻝ ﺍﺗﻨﻐﺼﺘﻠﻚ ﻋﺎﻟﺒﻘﻼﻭﺓ
ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ ﻣﻮ ﻋﻠﻰ ﺍﻻﺳﺎﺱ ﺍﻧﺎ ﺑﺴﺠﻦ ﺍﺑﻮ ﻏﺮﻳﺐ ﻭﺣﺴﺮﺓ ﻋﻠﻴﺔ ﺍﻟﺤﻼ
ﺍﻗﺘﺮﺑﺖ ﻣﻨﻪ ﻭﻣﺪﻳﺖ ﻋﺎﻟﻤﺎﻋﻮﻥ ﺍﻟﻲ ﺑﻴﺪﻩ ﻭﺍﺧﺬﺕ ﺑﺮﻣﺔ ﻣﻦ ﺍﻟﺒﻘﻼﻭﺓ
ﻭﺍﻛﻠﺘﻬﺎ .. ﺍﻣﻤﻤﻤﻤﻤﻤﻤﻤﻤﻢ ﺗﻤﻮﻭﻭﻭﺕ
ﺟﺎﻥ ﻭﺍﻛﻒ ﻳﺒﺎﻭﻉ ﻋﻠﻴﺔ
.. ﺍﻛﻠﺞ ﺗﺎﻛﻠﻴﻦ ﻣﺜﻞ ﺍﻟﻨﺎﺱ ﻻ ﺍﺟﻲ ﺍﻋﺪﻝ ﺣﻠﻜﺞ
ﺍﻧﻄﺎﻧﻲ ﺍﻟﻤﺎﻋﻮﻥ ﻭﺩﺍﺭ ﻭﺟﻬﻪ ﻋﻨﻲ
ﻭﻫﻮ ﻳﻬﺰ ﺑﻴﺪﻩ ﻣﻌﺼﺐ
ﺷﻴﻤﺎﺀ
ﺑﺎﻟﻤﺴﺘﺸﻔﻰ
ﺩﺍﺣﺠﻲ ﺑﺎﻟﻨﻘﺎﻝ ﻣﻌﺼﺒﺔ
ﻭﻳﺔ ﺍﺑﻮﻱ
.. ﻣﻌﻘﻮﻟﺔ ﻭﺻﻠﺖ ﺑﻴﻚ ﺗﻔﻜﺮ ﺗﺮﺳﻠﻬﻢ ﺍﻟﻲ ﻟﻠﻤﺴﺘﺸﻔﻰ
.. ﺷﻴﻤﺎﺀ ﺑﺲ ﻫﺎﻟﻤﺮﺓ
.. ﻣﺴﺘﺤﻴﻞ ﻻ ﺗﻔﻜﺮ ﻻ ﺍﻋﺮﻑ ﻫﺴﺔ ﺗﻤﻮﺗﻨﻲ ﻣﺎ ﺍﺳﻮﻱ ﺍﻟﻲ ﻳﻄﻠﺒﻮﻧﻪ ﻣﻨﻲ
.. ﻻ ﺗﺨﻠﻴﻨﻲ ﺍﺟﻴﺞ ﻭﺗﺼﻴﺮ ﻣﻮ ﺧﻮﺵ
.. ﺣﺘﻰ ﻟﻮ ﺍﺟﻴﺖ ﻭﻫﺪﺩﺕ ﻣﺎ ﺭﺍﺡ ﺍﺳﻮﻱ ﺍﻟﻴﺮﺩﻭﻧﻪ
ﺿﻞ ﻳﺘﺤﻠﻒ ﻭﻳﺘﻮﻋﺪ
ﺍﺑﺎﻭﻉ ﻟﺮﺑﺎﺏ ﺩﺧﻠﺖ ﻋﻠﻴﺔ ﻟﻐﺮﻓﺔ ﺍﻟﻤﻤﺮﺿﺎﺕ
ﻭﻭﺟﻬﺔ ﻳﻨﻄﻲ ﺍﻟﻮﺍﻥ
ﺍﻧﻬﻰ ﺍﻻﺗﺼﺎﻝ ﻭﺳﺪﻩ ﺑﻮﺟﻬﻲ ﻭﻫﻮ ﻳﻐﻠﻂ
ﻏﻠﻘﺖ ﺍﻟﻨﻘﺎﻝ ﺣﺘﻰ ﻣﺎ ﻳﺘﺼﻞ ﻋﻠﻴﺔ
ﻣﺮﺓ ﺍﻟﻠﺦ
ﻭﺍﻟﻠﻪ ﻳﺎﺭﺑﻲ ﺷﻮﻛﺖ ﺍﺭﺗﺎﺡ
ﺍﻧﺘﺒﻬﺖ ﻟﺮﺑﺎﺏ ﻛﻞ ﺷﻮﻳﺔ ﺗﻔﺘﺢ ﺣﻠﻜﻬﺎ ﺗﺮﻳﺪ ﺗﺤﺠﻲ ﻭﺗﺮﺟﻊ ﺗﺴﻜﺖ ﻣﺘﺮﺩﺩﺓ
ﺍﺗﻨﻬﺪﺕ ﺑﺘﻌﺐ
.. ﻫﺎ ﺭﺑﺎﺏ ﺷﻜﻮ ﺷﺒﻴﺞ ﺍﻧﺘﻲ ﺍﻟﺜﺎﻧﻴﺔ ﺗﺤﻮﻣﻴﻦ ﻓﻮﻙ ﺭﺍﺳﻲ
ﺭﺑﺎﺏ ﺗﺠﻠﻲ ﺻﻮﺗﻬﺎ ﺗﺤﻀﺮ ﻧﻔﺴﻬﺎ
ﻋﺒﺎﻟﻚ ﺭﺍﺡ ﺗﻠﻘﻲ ﺧﻄﺎﺏ
.. ﺍﺍﺍﺍﺍﺍ ﺷﻴﻤﺎﺀ ﻗﺒﻞ ﺷﻮﻳﺔ ﺳﻤﻌﺖ ﻣﻦ ﺍﻡ ﺳﺎﻣﺮ ﺍﻟﻔﺮﺍﺷﺔ
ﺗﻜﻮﻝ ﺍﻟﺪﻛﺘﻮﺭﺓ ﺭﻓﻞ ﺍﻧﺨﻄﺒﺖ
ﺭﻓﻌﺖ ﺣﺎﺟﺒﻲ .. ﺍﻱ ﻣﺒﺮﻭﻙ ﻋﻠﻴﻬﺎ
ﻭﺍﻧﻲ ﺷﻜﻮ
.. ﺍﻟﻲ ﺧﻄﺒﻬﺎ ﺣﻴﺪﺭ
....
ﺷﻴﻤﺎﺀ
ﺷﻜﺪ ﻳﺮﻳﺪ ﻳﺘﺤﻤﻞ ﺑﻌﺪ ﻛﻠﺒﻲ
ﺍﺣﺲ ﻛﻞ ﺻﺪﻣﺔ ﺗﻤﺮ ﻋﻠﻴﺔ ﺑﺤﻴﺎﺗﻲ
ﺍﻗﻮﻯ ﻣﻦ ﺍﻟﻘﺒﻠﻬﺎ
ﻭﻛﺄﻧﻤﺎ ﺍﻟﺼﺪﻣﺎﺕ ﻋﻨﺪﻫﺎ ﻣﻨﺎﻓﺴﺔ ﻣﻊ ﺑﻌﻀﻬﺎ ﻣﻨﻮ ﺑﻴﻬﻢ ﺍﻻﺷﺪ ﻋﻠﻰ ﺷﻴﻤﺎﺀ
ﺑﺎﻭﻋﺖ ﻟﺮﺑﺎﺏ ﻭﻋﺪﺕ ﻭﺭﺍﻫﺎ ﻛﻠﻤﺎﺗﻬﺎ ﺑﺼﻮﺕ ﻣﺒﻬﻮﺕ
.. ﺣﻴﺪﺭ !!!!
ﺭﺑﺎﺏ .. ﺍﻱ ﺣﻴﺪﺭ ﺑﺬﺍﺕ ﻧﻔﺴﻪ
ﺭﻓﻌﺖ ﺭﺍﺳﻲ ﻭﺑﺎﻭﻋﺖ ﻋﻠﻰ ﺭﺑﺎﺏ
.. ﺍﻟﻠﻪ ﻳﻬﻨﻴﻬﻢ ﻣﻊ ﺑﻌﻀﻬﻢ
ﺣﻴﺪﺭ ﺧﻮﺵ ﺍﻧﺴﺎﻥ ﻭﺭﻓﻞ ﺩﻛﺘﻮﺭﺓ ﻣﻨﺎﺳﺒﻴﻦ ﻟﺒﻌﻀﻬﻢ
ﺟﻨﺖ ﺍﺣﺠﻲ ﺍﻟﻜﻠﻤﺎﺕ ﻭﻛﺄﻧﻤﺎ ﻛﺎﻋﺪ ﺍﺭﺵ ﺍﻟﻤﻠﺢ ﻋﻠﻰ ﺟﺮﻭﺡ ﻛﻠﺒﻲ ﺣﺘﻰ ﺍﻋﺎﻗﺒﻪ ﻋﻠﻰ ﺍﺧﺘﻴﺎﺭﻩ
ﺍﻟﻐﺎﻓﻞ ﻻﻥ ﻛﻠﺔ ﻣﻦ ﻭﺭﺓ ﻛﻠﺒﻲ ﻫﻮ ﺍﻟﻲ ﻭﻛﻌﻨﻲ
ﺑﺤﺐ ﺍﻧﺴﺎﻥ ﻣﻮ ﺩﺍﺭﻱ ﻋﻨﻲ
ﺍﺣﺲ ﺑﺮﻭﺣﻲ ﻛﺎﻋﺪ ﺍﻧﺰﻑ
ﺍﺗﻮﻗﻊ ﻟﻮ ﻛﺎﻥ ﺍﻻﻟﻢ ﺍﻟﺔ ﻭﺟﻪ ﺟﺎﻥ ﻛﺎﻥ ﺍﻗﺒﺢ ﺷﻜﻞ ﺑﺎﻟﻌﺎﻟﻢ
ﻫﻮ ﻭﺟﻪ ﺍﻻﻻﻣﻲ
ﻛﻤﺖ ﻣﻦ ﻣﻜﺎﻧﻲ ﻭﺣﻄﻴﺖ ﻧﻘﺎﻟﻲ ﺑﺎﻟﺠﻨﻄﺔ ﻭﺭﺟﻌﺘﻬﺎ ﺑﺎﻟﻠﻮﻛﺮ ﻭﺳﺪﻳﺘﻪ ﻭﺭﺩﺕ ﺍﻃﻠﻊ
ﺑﻜﻞ ﻫﺪﻭﺀ ﺍﻟﻲ ﻣﺮ ﻋﻠﻴﺔ ﺑﺤﻴﺎﺗﻲ ﻛﺎﻥ ﺍﺷﺪ ﻭﺍﻋﻈﻢ
ﻣﻦ ﻣﻮ ﻗﻒ ﺣﻴﺪﺭ
ﺑﺲ ﺣﻴﺪﺭ ﻛﺎﻥ ﺍﻟﻘﺸﺔ ﺍﻟﺘﻲ ﻗﺼﻤﺖ ﻇﻬﺮ ﺍﻟﺒﻌﻴﺮ
ﺭﺑﺎﺏ .. ﺷﻴﻤﺎﺀ ﺩﺗﺨﻮﻓﻴﻨﻲ ﺍﺣﺠﻴﻠﺞ ﻛﻠﻤﺔ
ﺍﻧﻲ ﺭﺑﺎﺏ ﺻﺪﻳﻘﺘﺞ ﻓﻀﻔﻀﻴﻠﻲ ﻋﺒﺮﻱ
ﻋﻦ ﻗﻬﺮﺝ ﻻ ﺗﻜﺘﻤﻴﻦ ﺣﺰﻧﺞ ﺑﻜﻠﺒﺞ
ﺷﻴﻤﺎﺀ .. ﻭﻣﻨﻮ ﻛﻠﺞ ﺍﻧﻲ ﻣﻘﻬﻮﺭﺓ
ﻭﻟﻴﺶ ﺍﻧﻘﻬﺮ ﺍﺻﻼ ﻋﻠﻰ ﺷﻲ ﻣﺎﻟﻪ ﻭﺟﻮﺩ
ﺣﻴﺪﺭ ﻣﺠﺮﺩ ﻭﻫﻢ ﺍﺧﺘﻠﻘﻪ ﻋﻘﻠﻲ ﺍﻟﺘﻌﺒﺎﻥ
ﻭﻛﻌﺪﺕ ﻣﻦ ﻳﻤﻲ ﻣﺜﻞ ﺍﻟﻐﺒﻴﺔ ﺍﺗﺮﺟﻢ ﺗﺼﺮﻓﺎﺗﻪ ﺍﻟﺒﺴﻴﻄﺔ ﻭﻳﺎﻱ ﺍﻟﻰ ﺍﻋﺠﺎﺏ ﻭﺣﺐ
ﻭﻫﻮ ﺑﺎﻻﺻﻞ ﻣﺎﻛﻮ ﺷﻲ .
ﻭﻋﻠﻰ ﺍﻱ ﺍﺳﺎﺱ ﺍﻛﻌﺪ ﺍﻟﻮﻡ ﺣﻴﺪﺭ
ﻭﻫﻮ ﺑﺎﻻﺻﻞ ﻻ ﺣﺎﺟﻲ ﻭﻳﺎﻱ ﻭﻻ ﻣﻨﻄﻴﻨﻲ ﻭﻋﻮﺩ
ﺭﺑﺎﺏ .. ﺷﻴﻤﺎﺀ ..
.. ﻋﻔﻴﺔ ﺭﺑﺎﺏ ﺳﺪﻱ ﺍﻟﻤﻮﺿﻮﻉ
ﺧﻠﻲ ﺍﺭﻭﺡ ﺍﻛﻤﻞ ﺷﻐﻠﻲ ﻭﺭﺍﻱ ﻛﻮﻣﺔ ﺍﻋﻤﺎﻝ ﻣﺘﻌﻠﻘﺔ ﻣﻤﺨﻠﺼﺘﻬﺎ
ﺭﺣﺖ ﻭﺗﺮﻛﺖ ﺭﺑﺎﺏ ﻭﺭﺍﻱ
ﻭﻛﻌﺪﺕ ﺍﺭﺣﺐ ﺑﺄﻱ ﺷﻐﻠﺔ ﻳﻜﻠﻔﻮﻧﻲ ﺑﻴﻬﺎ
ﺍﻟﺴﺴﺘﺮﺍﺕ ﺍﻭ ﺍﻟﺪﻛﺘﻮﺭﺍﺕ
ﻭﺻﺮﺕ ﺍﺻﻴﺢ ﻫﻞ ﻣﻦ ﻣﺰﻳﺪ
ﺫﺑﻴﺖ ﺭﻭﺣﻲ ﺑﺎﻟﺸﻐﻞ ﻟﺤﺪ ﺍﻻﺟﻬﺎﺩ
ﺻﺮﺕ ﺍﺗﻨﻘﻞ ﺑﻴﻦ ﺍﻟﺤﻮﺍﻣﻞ ﻭﺍﻟﺴﻴﺴﺘﺮﺍﺕ
ﻭﻣﻦ ﻳﻮﻡ ﺍﻟﺼﺎﺭ ﺑﺎﻟﺒﻨﻴﺔ ﺍﻟﻲ ﺗﻮﻓﺖ ﻭﺍﻧﻲ
ﺑﻄﻠﺖ ﺍﺣﺠﻲ ﺍﻭ ﺍﻛﻌﺪ ﻭﻳﺔ ﺍﻱ ﺣﺎﻣﻞ
ﺻﺮﺕ ﺍﺗﻌﺎﻣﻞ ﻭﻳﺔ ﺍﻟﺤﻮﺍﻣﻞ ﻭﺍﻟﻤﺮﻳﻀﺎﺕ ﺑﺮﺳﻤﻴﺔ
ﻣﻤﺰﻭﺟﺔ ﺑﺎﻟﻌﻄﻒ ﻭﺍﻟﺮﺣﻤﺔ
ﺍﺭﻳﺪ ﺍﺣﺼﻦ ﻣﺸﺎﻋﺮﻱ ﻭﻻﺯﻡ ﺍﻓﺼﻞ
ﻭﻇﻴﻔﺘﻲ ﻋﻦ ﺍﻟﻌﻮﺍﻃﻒ
ﺣﺘﻰ ﺍﻛﺪﺭ ﺍﻛﻤﻞ ﻃﺮﻳﻘﻲ
ﻃﺒﻌﺎً ﻭﻇﻴﻔﺘﻲ ﻛﺎﻧﺖ ﻟﻬﺎ ﻳﺪ ﺑﺘﻘﻮﻳﺔ ﺷﺨﺼﻴﺘﻲ
ﻭﺻﺮﺕ ﺍﺗﻤﻴﺰ ﺑﺎﻟﻬﺪﻭﺀ ﻭﺍﻟﺴﻴﻄﺮﺓ ﻋﺎﻻﻣﻮﺭ
ﺟﻨﺖ ﺍﺣﺠﻲ ﻭﻳﺔ ﻭﺣﺪﺓ ﻣﻦ ﺍﻟﻤﺮﻳﻀﺎﺕ
.. ﺣﺒﻴﺒﺘﻲ ﻧﺰﻟﻲ ﻣﺴﺘﻮﻯ ﺍﻳﺪﺝ ﻋﻠﻤﻮﺩ ﺍﻟﻤﺤﻠﻮﻝ
ﻳﺎﺧﺬ ﺭﺍﺣﺘﻪ
ﺍﺟﺘﻨﻲ ﺍﻟﺴﺴﺘﺮ ﺍﻡ ﺍﺣﻤﺪ ﻭﻫﻲ ﺗﺪﻓﻊ ﻋﺮﺑﺎﻧﺔ ﺑﻴﻬﺎ ﻣﻮﺍﺩ
ﻭﺍﺩﻭﺍﺕ ﻃﺒﻴﺔ
ﺍﻡ ﺍﺣﻤﺪ .. ﺷﻴﻤﺎﺀ ﻫﺎﻱ ﻣﺮﻳﺔ ﻣﺎﺍﻋﺮﻑ ﺷﻠﻮﻧﻬﺎ ﺗﺴﺄﻝ ﻋﻠﻴﺞ ﺑﺎﻻﺳﺘﻌﻼﻣﺎﺕ
ﺗﻜﻮﻝ ﺻﻴﺤﻮﻟﻲ ﺷﻴﻤﺎﺀ ﺍﺛﻴﺮ
ﺍﺭﻳﺪ ﺍﺣﺠﻲ ﻭﻳﺎﻫﺎ
ﻋﻘﺪﺕ ﺣﻮﺍﺟﺒﻲ ﻣﻨﻮ ﻳﺠﻴﻨﻲ ﻟﻠﻤﺴﺘﺸﻔﻰ ﻭﻳﻄﻠﺒﻨﻲ ﺑﺎﻻﺳﻢ
ﺗﺮﻛﺖ ﺍﻟﺸﻐﻞ ﺍﻟﻲ ﺑﻴﺪﻱ ﻭﺳﻠﻤﺘﻪ
ﻟﻠﻤﻤﺮﺿﺔ ﺍﻟﻮﻳﺎﻱ ﻭﻛﻠﺘﻬﺎ ﻣﺎ ﺍﺗﺄﺧﺮ ﺑﺲ ﺍﺷﻮﻑ ﻣﻨﻮ ﻳﺮﻳﺪﻧﻲ
....
ﺭﺣﺖ ﻣﺘﺠﻬﺔ ﻋﻠﻰ ﺍﻻﺳﺘﻌﻼﻣﺎﺕ ﻭﺳﺄﻟﺖ ﺍﻟﻮﻟﺪ ﺍﺑﻮ ﺍﻻﺳﺘﻌﻼﻣﺎﺕ
.. ﺍﻟﻌﻔﻮ ﻣﻨﻮ ﺳﺄﻝ ﻋﻨﻲ
ﺍﺷﺮ ﻋﻠﻰ ﺯﻭﺍﻳﺔ ﺷﻮﻳﺔ ﺑﻌﻴﺪﺓ ﻋﻦ ﻣﺪﻯ ﺍﻟﻨﻈﺮ
ﺟﺎﻧﻮﺍ ﻛﺎﻋﺪﻳﻦ ﺑﻴﻬﺎ ﺛﻼﺙ ﺍﺷﺨﺎﺹ ﻣﺮﻳﺘﻴﻦ ﻭﺭﺟﺎﻝ
ﺭﺣﺖ ﺍﻗﺘﺮﺑﺖ ﻋﻠﻴﻬﻢ
ﻭﺟﺎﻥ ﺍﺷﻮﻑ ﻣﻬﺮﺓ ﻛﺎﻋﺪﺓ ﺗﻌﻠﺞ ﻭﻛﺬﻟﺘﻬﺎ ﻃﺎﻟﻌﺔ ﻧﺼﻬﺎ ﻭﺍﻻﻇﺎﻓﺮ ﻣﺼﺒﻐﺔ ﻭﻳﻤﻬﺎ ﻭﺍﻛﻒ ﻫﺬﺍ ﺍﻟﺮﺟﺎﻝ ﺍﻟﻲ ﺍﺟﺔ ﻗﺒﻞ ﻛﻢ ﻳﻮﻡ ﺑﺎﻟﻠﻴﻞ ﻳﺴﺎﻝ ﻋﻦ ﺑﺎﺑﺎ ﻫﺬﺍ ﺷﺎﻛﺮ ﻣﺎ ﻏﻴﺮﻩ
ﻭﻭﻳﺎﻫﻢ ﺑﻨﻴﺔ ﻛﻠﺶ ﺻﻐﻴﺮﺓ ﺩﺗﺘﻠﻮﺓ ﻭﺗﺒﺠﻲ
ﻣﻬﺮﺓ .. ﻳﺎ ﺻﻠﻮﺍﺕ ﻫﺴﺘﻮﻫﺎ ﺑﻴﻨﺖ ﺍﻟﺴﺖ ﺷﻴﻤﺎﺀ
.. ﻛﻠﺒﺖ ﻋﻴﻮﻧﻲ ﻭﻧﻔﺨﺖ ﺑﻮﺟﻬﻬﺎ ﺑﻀﺠﺮ
ﺷﻨﻮ ﺑﺎﺑﺎ ﻣﺎ ﺍﺗﺼﻞ ﻋﻠﻴﻜﻢ ﻣﻌﻘﻮﻟﺔ ﻣﺎ ﺑﻠﻐﻜﻢ ﺑﺮﺃﻳﻲ
ﺗﺮﺓ ﺍﻧﻲ ﺭﻓﻀﺖ ﺍﺳﺎﻋﺪﻛﻢ ﺑﻬﺬﺍ ﺍﻟﺸﻲ
ﻣﻬﺮﺓ .. ﺍﻛﻠﺞ ﻣﻦ ﺍﻻﺧﻴﺮ ﺍﺣﻨﺎ ﻋﺪﻧﺎ ﻧﻔﻮﺫﻧﺎ ﻣﻮ ﺑﻌﺎﺯﺗﺞ
ﺑﺲ ﺍﻟﻴﻮﻡ ﺍﻻﻛﺸﺮ ﺍﻟﻲ ﺫﺑﻨﺎ ﻋﻠﻴﺞ ﻭﺧﻠﺔ ﺣﺎﺟﺘﻨﺎ ﻳﻤﺞ
ﺷﺎﻛﺮ ﺣﺠﺔ .. ﺍﺣﻨﺎ ﻣﺎ ﺭﺍﻳﺪﻳﻦ ﻣﻨﺞ ﺷﻲ ﻏﻴﺮ ﺑﺲ
ﺗﻔﻮﺗﻴﻦ ﺍﻟﺒﻨﻴﺔ ﻟﺼﺎﻟﺔ ﺍﻟﻮﻻﺩﺓ ﺣﺘﻰ ﺗﺠﻴﺐ ﺑﺪﻭﻥ ﺍﻭﺭﺍﻕ ﺛﺒﻮﺗﻴﺔ ﻻﻥ ﻫﻲ ﻣﺎﻣﺘﺰﻭﺟﺔ
ﺧﺰﺭﺗﻪ .. ﺍﻋﺮﻑ ﺑﺎﺑﺎ ﺷﺮﺣﻠﻲ ﻛﻠﺸﻲ ﻭﺍﻧﻲ ﺭﻓﻀﺖ ﻭﻣﺎ ﺭﺍﺡ ﺍﻏﻴﺮ ﺭﺃﻳﻲ
ﻣﺴﺘﺤﻴﻞ ﺍﻗﺒﻞ ﺍﺷﺎﺭﻛﻢ ﺍﻭ ﺍﺳﺎﻋﺪﻛﻢ
ﺑﻬﻴﺞ ﺷﻐﻠﺔ ﻗﺬﺭﺓ ﻭﺍﻟﻮﺙ ﺍﻳﺪﻱ ﻭﻳﺎﻛﻢ
ﻣﻬﺮﺓ .. ﺧﺎﺏ ﺍﺳﻤﻊ ﺷﺎﻛﺮ ﻣﻨﻮ ﺩﺗﺤﺠﻲ ﻋﻦ ﺍﻟﻘﺬﺍﺭﺓ ﻭﺍﻻﻳﺪ
ﺍﻟﻮﺻﺨﺔ
ﺷﺎﻛﺮ .. ﻋﻮﻓﻴﻬﺎ ﺍﻟﻈﺎﻫﺮ ﺑﻨﺖ ﺍﺛﻴﺮ ﻣﺎ ﺗﺪﺭﻱ ﺑﺴﻮﺍﻟﻒ
ﺍﺑﻮﻫﺎ
.. ﺍﻛﻴﺪ ﺍﺑﻮﻳﺔ ﻫﻴﺞ ﻻﻥ ﺍﻧﺘﻮﺍ ﺟﻤﺎﻋﺘﻪ
ﻭﻣﻮﺑﻌﻴﺪ ﺍﻧﺘﻮﺍ ﻭﺭﺓ ﺗﻠﻮﺙ ﺍﻳﺪﻩ ﺑﺸﻐﻠﻜﻢ ﻭﻣﺎ ﺧﻔﻲ ﻛﺎﻥ ﺍﻋﻈﻢ
ﻣﻬﺮﺓ .. ﺷﻮﻓﻲ ﻭﻟﺞ ﺑﺪﻭﻥ ﺣﺠﻲ ﺯﺍﻳﺪ ﻭﺳﺘﺮﻱ ﻋﻠﻰ ﻧﻔﺴﺞ
ﻭﻻ ﺗﺴﺎﻭﻳﻦ ﺭﺍﺳﺞ ﻭﻳﺎﻧﺎ
ﺷﺎﻛﺮ .. ﻋﻠﻰ ﻛﻴﻔﺞ ﻣﻬﺮﺓ ﺭﺍﺡ ﺗﻄﻴﺮﻳﻬﺎ ﻟﻠﺒﻨﻴﺔ
ﺧﻠﻲ ﻧﺤﺠﻲ ﻭﻳﺎﻫﺎ ﺑﺎﻟﺘﻔﺎﻫﻢ
ﺑﺎﻭﻉ ﻋﻠﻴﺔ ﻭﻫﻮ ﻋﻴﻮﻧﻪ ﻣﺎ ﺑﻄﻠﺖ ﺑﺤﻠﻜﺔ
ﺍﺳﺘﻔﺰﻧﻲ ﺑﻨﻈﺮﺍﺗﻪ ﺍﻟﺤﻴﻮﺍﻥ
ﻛﻤﻞ ﻛﻼﻣﻪ ﻭﻳﺎﻱ
.. ﺷﻮﻓﻲ ﺷﻴﻤﺎﺀ ﻣﻦ ﺍﻻﺧﻴﺮ ﺷﻜﺪ ﺗﺮﺩﻳﻦ
ﻋﻠﻤﻮﺩ ﺗﺪﺧﻠﻴﻦ ﺍﻟﺒﻨﻴﺔ ﻟﺼﺎﻟﺔ ﺍﻟﻌﻤﻠﻴﺎﺕ ﺑﺪﻭﻥ ﻟﻒ ﻭﺩﻭﺭﺍﻥ
ﻏﻤﻀﺖ ﻋﻴﻮﻧﻲ ﺑﺼﺒﺮ .. ﺍﻧﺘﻮﺍ ﺷﻨﻮ ﻣﺪﺍﺗﻔﺘﻬﻤﻮﻥ ﺷﻨﻮ ﻣﻌﻨﻰ ﻛﻠﻤﺔ ﻻ
ﻭﺍﺻﻼ ﺍﻧﻲ ﻟﻴﺶ ﻣﺘﻌﺒﺔ ﺭﻭﺣﻲ ﻭﻭﺍﻛﻔﺔ ﺍﺳﻤﻌﻜﻢ
ﺍﻧﻲ ﺭﺍﻳﺤﺔ ﻭ ﺍﻧﺼﺤﻜﻢ ﺗﺎﺧﺬﻭﻥ ﺍﻟﺒﻨﻴﺔ ﻭﺗﻄﻠﻌﻮﻥ ﻣﻨﺎ ﺑﺪﻭﻥ ﻣﺸﺎﻛﻞ
ﺗﺮﻛﺘﻬﻢ ﻭﺭﺣﺖ ﺑﺲ ﻗﺒﻞ ﻻ ﺍﺑﺘﻌﺪ ﻋﻨﻬﻢ ﺳﻤﻌﺖ ﺷﺎﻛﺮ
ﻳﺤﺠﻲ ﻭﻳﺔ ﻣﻬﺮﺓ ﻭﻳﻜﻠﻠﻬﺎ
.. ﻭﻟﺞ ﺷﻨﻮ ﻫﺎﻱ ﻣﻮ ﺑﻨﻴﺔ ﺻﺎﺭﻭﺥ
ﻭﺩﻳﻤﺸﻲ ﻋﺎﻟﻜﺎﻉ
ﻣﻬﺮﺓ .. ﻫﺎ ﺷﻔﺘﻬﺎ ﻣﻮ ﻛﻠﺘﻠﻚ ﺍﺛﻴﺮ ﻃﻠﻊ ﻣﻮﻫﻴﻦ
ﻫﻤﺔ ﻳﺤﺠﻮﻥ ﻭﺍﻧﻲ ﺟﺴﻤﻲ ﺍﺭﺗﻌﺪ ﻣﻦ ﻭﺭﺓ ﻛﻼﻣﻬﻢ
ﻭﺳﺮﻋﺖ ﺧﻄﻮﺍﺗﻲ ﺣﺘﻰ ﺍﺑﺘﻌﺪ ﻋﻨﻬﻢ ﺑﻘﺪﺭ ﺍﻟﻤﺴﺘﻄﺎﻉ
ﺍﻟﻠﻪ ﻻ ﻳﺮﺿﻰ ﻋﻠﻴﻚ ﻳﺎ ﺍﺛﻴﺮ ﻭﻳﻦ ﺗﺮﻳﺪ ﺗﻮﺻﻞ ﺑﻴﻨﺎ
ﺭﺣﺖ ﺍﻛﻤﻞ ﺷﻐﻠﻲ
ﺍﻧﻲ ﻻﺯﻡ ﺍﻟﻴﻮﻡ ﺍﺣﺠﻲ ﻭﻳﺔ ﻋﻤﻮ ﺍﻣﺠﺪ ﻋﻦ ﺳﺎﻟﻔﺔ ﺑﺎﺑﺎ
ﻳﺸﻮﻓﻠﻪ ﺣﻞ
ﺟﻨﺖ ﻛﺎﻋﺪﺓ ﺍﺭﺍﺟﻊ ﻭﻳﺔ ﺍﻟﺴﺴﺘﺮ
ﻭﺍﺷﺮ ﺑﺎﻟﺒﻄﺎﻗﺔ ﺍﻟﻲ ﺑﻴﺪﻱ ﻋﻠﻰ ﺟﺪﻭﻝ ﺍﻟﺤﻮﺍﻣﻞ
ﻭﺍﻛﺘﺐ ﻣﻘﺎﺑﻞ ﻛﻞ ﻭﺣﺪﺓ ﻣﻦ ﺍﻟﺤﻮﺍﻣﻞ ﺍﻟﻤﺪﻭﻧﺔ ﺍﺳﻤﺎﺋﻬﻢ
ﺷﻜﺪ ﺍﻟﻜﻤﻴﺔ ﺍﻟﺘﺤﺘﺎﺟﻬﺎ ﻣﻦ ﺍﻟﻤﻐﺬﻱ ﻭﻛﻢ ﺍﺑﺮﺓ ﺍﺻﺮﻑ ﺍﻟﻬﺔ
....
ﺍﺟﺘﻲ ﺭﺑﺎﺏ ﻭﻛﻌﺪﺕ ﻳﻤﻨﺎ ﺷﻮﻳﺔ ﻭﺭﺍﺣﺖ ﺍﻟﺴﺴﺘﺮ ﻭﺍﻧﻲ ﺑﻠﺸﺖ ﺍﻟﺘﺮﺗﻴﺐ
ﺧﻄﻴﺔ ﺭﺑﺎﺏ ﻛﻞ ﺷﻮﻳﺔ ﻭﺟﺎﻳﺔ ﻳﻤﻲ ﺍﺩﺭﻱ ﺑﻴﻬﺎ ﺑﻌﺪﻫﺎ
ﺧﺎﻳﻔﺔ ﻋﻠﻴﺔ ﺧﺎﻑ ﺍﻧﻬﺎﺭ ﺑﺴﺒﺐ ﻣﻮﺿﻮﻉ ﺣﻴﺪﺭ ﻭﺧﻄﻮﺑﺘﻪ ﻟﻠﺪﻛﺘﻮﺭﺓ
ﺭﺑﺎﺏ .. ﺍﻛﻮﻝ ﺷﻮﻣﺔ ﻣﻨﻮ ﻫﺬﻭﻟﺔ ﺍﻟﻲ ﺟﻨﺘﻲ ﻭﺍﻛﻔﺔ ﻳﻤﻬﻢ
.. ﺍﻟﻠﻪ ﻻ ﻳﺮﺿﻰ ﻋﻠﻴﻬﻢ ﺧﻠﻮﻧﻲ ﺍﺭﺟﻒ ﻣﻦ ﺍﻟﻘﻬﺮ
ﺍﺗﻤﻨﻴﺖ ﺍﻟﻠﻪ ﻳﻮﻟﻴﻨﻲ ﻋﻠﻴﻬﻢ ﻭﺍﻟﻠﻪ ﻟﺤﻈﺔ ﻭﺣﺪﺓ ﻣﺎ ﺍﺧﻠﻴﻬﻢ ﻳﻌﻴﺸﻮﻥ
.. ﻫﻮ ﺍﻧﻲ ﺍﻧﺘﺒﻬﺖ ﻋﻠﻴﺞ ﺗﺤﺠﻴﻦ ﻭﻳﺎﻫﻢ ﺑﻌﺼﺒﻴﺔ ﺷﻨﻮ ﺷﺒﻴﻬﻢ
.. ﻟﺞ ﺭﺑﺎﺏ ﻟﻮ ﺍﺳﻮﻟﻔﻠﺞ ﻳﻮﻛﻒ ﺷﻌﺮ ﺭﺍﺳﺞ
.. ﺷﻨﻮ ﻛﻮﻟﻲ ﻛﺘﻠﻨﻲ ﺍﻟﻔﻀﻮﻝ
.. ﺑﺎﺑﺎ ﺍﺗﺼﻞ ﻋﻠﻴﺔ ﻭﻛﻠﻲ ﺟﻤﺎﻋﺘﻪ ﺭﺍﺡ ﻳﺠﻮﻥ ﻟﻠﻤﺴﺘﺸﻔﻰ ﻭﻣﺤﺘﺎﺟﻴﻦ ﻣﺴﺎﻋﺪﺗﻲ ﺑﻤﻮﺿﻮﻉ
ﺳﺄﻟﺘﻪ ﺑﺨﺼﻮﺹ ﺷﻨﻮ ﺍﻟﻤﻮﺿﻮﻉ
ﻛﻠﻲ .. ﻋﻨﺪﻫﻢ ﺑﻨﻴﺔ ﺻﻐﻴﺮﺓ ﺣﺎﻣﻞ ﻭﻻﺩﺗﻬﺎ ﻣﺴﺘﻌﺼﻴﺔ
ﻭﻻﺯﻡ ﺗﺪﺧﻞ ﺻﺎﻟﺔ ﺍﻟﻌﻤﻠﻴﺎﺕ
ﻻﻥ ﻣﻮﺩﻳﻬﺎ ﻟﻠﻘﺎﺑﻠﺔ ﻳﻤﻬﻢ ﺑﺎﻟﻤﻨﻄﻘﺔ ﻭﻛﻠﺘﻠﻬﻢ ﺍﺧﺬﻭﻫﺎ ﻻﺗﻤﻮﺕ ﻭﺗﺒﻠﻮﻧﻲ ﺑﻴﻬﺎ ﻫﺎﻱ ﺍﻟﺒﻨﻴﺔ ﻳﺤﺘﺎﺟﻠﻬﺎ ﻋﻤﻠﻴﺔ ﻗﻴﺼﺮﻳﺔ
ﺭﺑﺎﺏ .. ﺍﻱ ﻭﻟﻴﺶ ﻣﺎ ﺳﺎﻋﺪﺗﻴﻬﻢ ﻭﻳﻦ ﺍﻟﻐﻠﻂ ﺑﺎﻟﻤﻮﺿﻮﻉ
.. ﺩﺳﻤﻌﻲ ﺟﺎﻳﺘﺞ ﺑﺎﻟﺤﺠﻲ
ﺍﻟﻤﻮﺿﻮﻉ ﻛﻠﻪ ﻋﻠﻰ ﺑﻌﻀﻪ ﻣﺸﺒﻮﻩ
ﻳﺮﺩﻭﻧﻲ ﺍﺩﺧﻞ ﺍﻟﺒﻨﻴﺔ ﻟﺼﺎﻟﺔ ﺍﻟﻮﻻﺩﺓ ﻭﺍﻓﻮﺗﻬﺎ ﻋﺎﻟﻌﻤﻠﻴﺎﺕ ﺑﻄﺮﻳﻘﺔ ﻏﻴﺮ ﻗﺎﻧﻮﻧﻴﺔ ﻭﺑﺪﻭﻥ ﺍﻭﺭﺍﻕ ﺛﺒﻮﺗﻴﺔ
ﻳﻌﻨﻲ ﻻﺟﻨﺴﻴﺔ ﻻ ﻋﻘﺪ ﺯﻭﺍﺝ ﻭﻻ ﺍﻱ ﺷﻲ
ﻭﺍﻟﻄﺎﻣﺔ ﺍﻟﻜﺒﺮﻯ ﺍﻟﻄﻔﻞ ﺍﻟﻲ ﺑﺒﻄﻨﻬﺎ ﺍﺑﻦ ﺣﺮﺍﻡ ﻭﺑﺎﻳﻌﻴﻨﻪ ﻟﻨﺎﺱ ﻭﻗﺎﺑﻀﻴﻦ ﻧﺺ ﺍﺟﺮﻩ ﻭﻫﻮ ﺑﺒﻄﻨﻬﺎ ﻭﻫﺴﺔ ﻫﻤﺔ ﻳﺮﺩﻭﻧﻲ ﺍﺳﺎﻋﺪﻫﻢ
ﺭﺑﺎﺏ .. ﺯﻳﻦ ﺷﻤﻌﻨﺎ ﺍﻧﺘﻲ ﺍﺟﻮﻱ ﻋﻠﻴﺞ ﻭﻃﻠﺒﻮﺍ ﻣﻨﺞ ﺗﺴﺎﻋﺪﻳﻨﻬﻢ
.. ﻫﻲ ﺍﻟﺤﻤﺔ ﺗﺠﻲ ﻣﻦ ﺍﻟﺮﺟﻠﻴﻦ
ﻭﺑﺎﺑﺎ ﻫﻮ ﺍﻟﻲ ﺩﺯﻫﻢ ﻋﻠﻴﺔ
.. ﻋﺰﺓ ﺍﻟﻌﺰﺍﺝ ﻳﺎﺷﻴﻤﺎﺀ ﻫﺬﺍ ﺍﺑﻮﺝ ﻛﺎﺭﺛﺔ
ﻭﺍﻟﻠﻪ ﺣﺘﻰ ﻟﻮ ﺗﺰﻋﻠﻴﻦ ﻣﻦ ﺩﻋﺎﺋﻲ ﻋﻠﻴﻪ
ﻫﺬﺍ ﻣﺎ ﺍﻟﻠﻪ ﻳﺎﺧﺬﻩ ﻭﻳﺮﺣﻢ ﺑﺤﺎﻟﺞ
.. ﺷﻤﻌﻨﺎ ﺍﻧﻲ ﻣﻦ ﺩﻭﻥ ﺍﻟﺒﻨﺎﺕ ﻳﻜﻮﻥ ﻣﻮﺕ ﺍﺑﻮﻳﻪ ﺭﺣﻤﺔ ﻭﻧﻌﻤﺔ . ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ
ﺷﻜﻠﻲ ﺭﺍﺡ ﺍﺗﺨﺒﻞ ﻭﺍﻟﻠﻪ .
ﺯﻳﻦ ﻭﻣﻨﻲ ﺑﺎﻗﻴﺔ ﻣﺘﻤﺎﺳﻜﺔ ﻭﻋﻘﻠﻲ ﻟﺤﺪ ﺍﻻﻥ ﻣﺎ ﻓﺼﻞ
ﺭﺑﺎﺏ ﻟﺰﻣﺖ ﺍﻳﺪﻱ ﻭﻛﺎﻟﺖ .. ﻳﺎﻋﻤﺮﻱ ﺷﻮﻣﺔ
ﻫﻲ ﻛﻞ ﺿﺮﺑﺔ ﺗﺠﻴﻨﺎ ﺑﺎﻟﺤﻴﺎﺓ ﺍﺫﺍ ﻣﺎ ﺗﻤﻮﺗﻨﺎ ﻓﺘﻘﻮﻳﻨﺎ
ﻓﺼﻴﺮﻱ ﻗﻮﻳﺔ ﻋﻠﻰ ﺍﻻﻗﻞ ﻟﺨﺎﻃﺮ ﺧﻮﺍﺗﺞ
ﻫﻤﺔ ﺩﺍﺋﻤﺎ ﺑﻌﺎﺯﺗﺞ
.. ﻫﻮ ﺍﻧﻲ ﺷﻨﻮ ﻣﺼﺒﺮﻧﻲ ﻋﻠﻰ ﺿﻴﻢ ﺍﺑﻮﻳﺔ ﻏﻴﺮﺧﻮﺍﺗﻲ
ﻛﻤﺖ ﻣﻦ ﻣﻜﺎﻧﻲ ﻭﺍﻟﻘﺎﺋﻤﺔ ﺑﻴﺪﻱ
.. ﻳﺎﻟﻠﻪ ﺭﺑﺎﺏ ﺍﻋﻮﻓﺞ ﺍﻧﻲ ﺭﺍﻳﺤﺔ
.. ﺍﻟﻠﻪ ﻭﻳﺎﺝ ﻣﻮ ﺗﻨﺴﻴﻦ ﺑﺎﺟﺮ ﺍﻧﻲ ﻭﻳﺎﺝ ﻧﻄﻠﻊ ﻟﻠﺴﻮﻙ ﻋﻠﻤﻮﺩ ﻧﺄﺟﺮ ﺑﺪﻟﺔ ﻟﻠﻌﺮﺱ
ﺍﺑﺘﺴﻤﺖ .. ﺻﺎﺭ ﺗﺪﻟﻠﻴﻦ ﻣﻦ ﻋﻴﻮﻧﻲ
ﺍﻧﺘﻲ ﺑﺲ ﺫﻛﺮﻳﻨﻲ ﺣﺘﻰ ﺍﺣﻀﺮ ﻧﻔﺴﻲ
ﺭﺣﺖ ﺍﻛﻤﻞ ﺷﻐﻠﻲ
ﺑﺲ ﻋﻠﻰ ﻃﻮﻝ ﻣﺎ ﺍﻧﻲ ﺍﺷﺘﻐﻞ
ﺟﻨﺖ ﺍﺗﺮﻗﺐ ﺍﺳﻤﻊ ﺍﻭ ﺍﻟﻤﺢ ﺷﻲ ﺑﺨﺼﻮﺹ
ﺧﻄﻮﺑﺔ ﺣﻴﺪﺭ ﻭﺍﻟﺪﻛﺘﻮﺭﺓ ﺭﻓﻞ
ﻭﺭﺟﻊ ﻋﻘﻠﻲ ﻳﺤﻠﻞ ﻣﻦ ﺟﺪﻳﺪ
ﺍﻱ ﻫﻮ ﻣﻦ ﺍﻻﻭﻝ ﺍﻧﻲ ﺟﻨﺖ ﺍﺷﻮﻓﻪ ﺩﺍﺋﻤﺎ ﻳﻤﺸﻲ ﻭﻳﺎﻫﺎ
ﻭﺍﺗﺬﻛﺮ ﻣﻮﻗﻔﻪ ﻣﻦ ﺭﺩﺕ ﺍﺣﺠﻲ ﻭﻳﺎﻩ
ﻭﻫﻮ ﺍﻟﺘﻬﺔ ﺑﺎﻟﻨﻘﺎﻝ ﻭﻣﻦ ﺷﺎﻓﻬﺎ ﻛﺒﻞ ﺍﻧﻬﻰ ﺍﻻﺗﺼﺎﻝ
ﻭﺣﺠﺔ ﻭﻳﺎﻫﺎ
ﺗﺮﺓ ﺟﺎﻧﻮﺍ ﻣﺒﻴﻨﻴﻦ ﺍﻛﻮ ﺑﻴﻨﻬﻢ ﺷﻲ
ﺑﺲ ﻛﺒﺮﻳﺎﺋﻲ ﺍﻻﻋﻤﻰ ﻭﺛﻘﺘﻲ ﺍﻟﺰﺍﻳﺪﺓ ﺑﻨﻔﺴﻲ ﺧﻠﺘﻨﻲ ﺍﺗﻐﺎﻓﻞ ﻋﻨﻬﻢ
....
ﺟﻨﺖ ﺍﺗﺮﻗﺐ ﺍﺷﻮﻑ ﺍﻟﺪﻛﺘﻮﺭﺓ ﺍﻭ ﺍﻟﻤﺢ ﺣﻴﺪﺭ ﺍﻟﻴﻮﻡ
ﺑﺲ ﻣﺎﻛﻮﺍ ﻭﻻ ﻭﺍﺣﺪ ﻣﻨﻬﻢ ﻣﺒﻴﻦ ﺍﺛﻨﻴﻨﻬﻢ ﻣﺨﺘﻔﻴﻦ ﺍﻟﻴﻮﻡ
ﻧﻔﻀﺖ ﺭﺍﺳﻲ ﻫﺎ ﺷﻴﻤﺎﺀ ﺭﺟﻌﻨﺎ ﻧﻔﻜﺮ ﺑﻴﻬﻢ ﻣﻮ ﻛﻠﻨﺎ ﺍﻧﺘﻲ ﻗﻮﻳﺔ
ﺍﻱ ﺑﺲ ﻣﻮ ﺑﻴﺪﻱ ﻏﺼﺐ ﻋﻨﻲ
ﺍﻫﻮﻭﻭ ﺻﺮﺕ ﺍﺣﺠﻲ ﻭﻳﺔ ﻧﻔﺴﻲ ﻣﺜﻞ ﺍﻟﻤﺨﺒﻠﺔ
ﻃﻠﻌﺖ ﻣﻦ ﺍﻟﺪﻭﺍﻡ ﻭﺭﺟﻌﺖ ﻟﻠﺒﻴﺖ
ﻣﺎ ﻟﻜﻴﺖ ﺍﺣﺪ ﻣﻮﺟﻮﺩ ﺑﺎﻟﺒﻴﺖ ﺳﻠﻴﻤﺔ ﻃﺎﻟﻌﺔ
ﺍﺻﻼ ﺍﺗﻌﻮﺩﺕ ﺍﻏﻠﺐ ﺍﻻﺣﻴﺎﻥ ﺍﺭﺟﻊ ﻣﺎ ﺍﻟﻜﺎﻫﺎ
ﺟﺮﻳﺖ ﺣﺴﺮﺓ ﻭﻃﻠﻌﺖ ﻧﻘﺎﻟﻲ ﻭﺍﺗﺼﻠﺖ ﻋﻠﻰ ﻣﺮﻳﻢ ﺍﺧﺘﻲ
ﻣﻦ ﻳﻮﻡ ﺍﻟﻲ ﺭﺣﺖ ﺑﻲ ﻟﻤﺮﻳﻢ ﻭﺍﻧﻲ ﻛﻞ ﻳﻮﻡ ﺍﺗﺼﻞ ﻋﻠﻴﻬﺎ
ﻭﻧﺤﺠﻲ ﺑﺎﻟﻨﻘﺎﻝ ﺷﻮﻳﺔ ﺍﺳﺎﻟﻬﺎ ﻋﻦ ﺍﺣﻮﺍﻟﻬﺎ
ﻭﻫﻲ ﺗﺴﺄﻟﻨﻲ ﻋﻦ ﻳﻮﻣﻲ ﻭﻋﻦ ﺧﻮﺍﺗﻲ
ﻭﺻﺮﺕ ﻭﻳﺔ ﻛﻞ ﻣﻜﺎﻟﻤﺔ ﺍﻛﺘﺸﻒ ﺑﻤﺮﻳﻢ ﺧﺼﻠﺔ
ﻭﺗﺄﻛﺪﻟﻲ ﺗﺼﺮﻓﺎﺗﻬﺎ ﺍﻥ ﻫﻲ ﺻﺪﻙ ﺍﺧﺘﻨﺎ
ﻭﺷﺎﻳﻠﻪ ﻣﻦ ﻃﻴﺒﺔ ﺍﻣﻨﺎ ﺭﻏﻢ ﻣﺎﺷﺎﻓﺘﻬﺎ ﻭﻻ ﻟﻤﺘﻬﺎ ﺑﺤﻀﻨﻬﺎ ﻳﻮﻡ
ﺍﻭﻝ ﻣﺎ ﺑﺪﻳﺖ ﺍﺗﺼﻞ ﻋﻠﻴﻬﺎ ﺟﺎﻧﺖ ﺗﺤﺠﻲ ﻭﻳﺎﻱ ﺑﺮﺳﻤﻴﺔ
ﻭﺗﻘﻴﻴﺪ ﻟﻜﻦ ﺍﻧﻲ ﺟﻨﺖ ﻗﺒﻞ ﻛﻞ ﻧﻬﺎﻳﺔ ﺍﺗﺼﺎﻝ
ﺍﻛﻮﻝ
.. ﻣﺮﻳﻮﻣﺔ ﺍﻧﻲ ﺍﺣﺒﺞ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ
ﻭﻫﻲ ﺩﺍﺋﻤﺎ ﻣﺎ ﺗﺮﺩ ﻋﻠﻰ ﻫﺬﺍ ﻛﻼﻣﻲ ﻏﻴﺮ ﺷﻜﺮﺍ
ﺑﺲ ﺍﻟﻴﻮﻡ ﻓﺎﺟﺌﺘﻨﻲ ﻣﺜﻞ ﻛﻞ ﻳﻮﻡ ﺍﺗﻌﻮﺩﺕ ﺑﺄﺧﺮ ﻛﻞ ﻣﻜﺎﻟﻤﺔ ﺍﻛﻮﻝ .. ﻣﺮﻳﻮﻣﺔ ﺍﺣﺒﺞ
ﻫﻢ ﺟﺎﻭﺑﺘﻨﻲ .. ﺷﻜﺮﺍ
ﺑﺲ ﺑﻌﺪﻫﺎ ﻓﺎﺟﺌﺘﻨﻲ
ﺑﺮﺳﺎﻟﺔ ﻛﺎﺗﺒﺔ ﺑﻴﻬﺎ
.. ﺷﻴﻤﺎﺀ ﺍﻧﻲ ﻫﻢ ﺍﺣﺒﺞ ﺍﻣﻮﺕ ﻋﻠﻴﺞ
ﻣﻼﺣﻈﺔ .. ﺍﻗﺮﻱ ﺍﻟﺮﺳﺎﻟﺔ ﺑﺲ ﻻ ﺗﺠﺎﻭﺑﻴﻨﻲ
ﺣﺮﻛﺘﻬﺎ ﻫﺎﻱ ﻓﺘﺤﺖ ﺍﺑﻮﺍﺏ ﺍﻟﺸﻚ ﺑﺮﺍﺳﻲ
ﻣﻌﻨﺎﻫﺎ ﺟﻨﺎﻥ ﻣﻮﺟﻮﺩﺓ ﻓﻮﻙ ﺭﺍﺳﻬﺎ ﺗﺮﺍﻗﺒﻬﺎ ﻭﺗﺴﻤﻌﻬﺎ
ﺣﻴﺎﺓ ﻣﺮﻳﻢ ﺍﺧﺘﻲ ﻟﻐﺰ ﺩﻳﺤﻴﺮﻧﻲ
ﺭﺟﻌﺖ ﻗﺮﻳﺖ ﺍﻟﺮﺳﺎﻟﺔ ﻣﺮﺕ ﺍﻟﻠﺦ ﻭﻛﻠﺒﻲ ﺻﺎﺭ ﻧﺎﺭ
ﻳﺎﺭﺑﻲ ﺭﺣﻤﺘﻚ ﺍﻟﻄﻒ ﺑﻴﺔ ﻭﺑﺨﻮﺍﺗﻲ ﻭﺍﻟﻠﻪ ﺍﻟﻜﻠﺐ ﻣﺎﻋﺎﺩ ﻳﺘﺤﻤﻞ ﺍﺫﻳﺔ
ﺍﻧﺪﻙ ﺍﻟﺒﺎﺏ ﻭﺭﺣﺖ ﺳﺄﻟﺖ ﻣﻦ ﻭﺭﺓ ﺍﻟﺒﺎﺏ
.. ﻣﻨﻮ
ﺍﺟﺎﻧﻲ ﺻﻮﺕ ﺷﺎﻛﺮ
.. ﺍﻧﺎ ﺷﺎﻛﺮ ﺍﺑﻮﺝ ﻭﻳﻦ
ﻳﺎ ﺍﻟﻠﻪ ﺍﺷﻜﺪ ﺍﻛﺮﻫﻪ
.. ﻣﻮ ﺑﺎﻟﺒﻴﺖ ﺍﺗﻮﻗﻊ ﺍﻛﻮ ﺍﺧﺘﺮﺍﻉ ﺍﺳﻤﻪ ﻧﻘﺎﻝ
ﺗﻜﺪﺭ ﺗﺘﺼﻞ ﻋﻠﻴﻪ ﻭﺗﻌﺮﻑ ﻫﻮ ﻭﻳﻦ ﺑﻴﺎ ﻣﻜﺎﻥ
.. ﻣﺎﻛﻮ ﺍﺗﺼﻠﺖ ﻋﻠﻴﻪ ﺟﻬﺎﺯﻩ ﻛﻠﻪ ﻣﻐﻠﻖ
ﻣﻦ ﻳﺠﻲ ﻛﻠﻴﻠﻪ ﺷﺎﻛﺮ ﻳﺮﻳﺪﻙ ﺿﺮﻭﺭﻱ ﻳﻤﺮ ﻋﻠﻴﺔ
.. ﺍﻥ ﺷﺎﺀ ﺍﻟﻠﻪ ﻫﻮ ﺧﻠﻲ ﻳﺠﻲ ﺑﺎﻻﻭﻝ ﻋﻮﺩ ﻧﻮﺻﻠﻪ ﻛﻼﻣﻚ
ﻫﺪﻯ
ﺍﺗﻌﻠﻤﺖ ﻋﻠﻰ ﺑﻴﺖ ﺍﻫﻞ ﻗﺎﺳﻢ
ﺟﺎﻥ ﺑﻴﺖ ﺩﺍﻓﻲ ﺍﺳﺎﺳﻪ ﻣﺘﻴﻦ ﻭﺟﻮﺩ ﺍﻣﻬﻢ ﻫﻮ ﺍﻻﺳﺎﺱ
ﺻﺮﺕ ﻛﻞ ﻳﻮﻡ ﺍﻛﻌﺪ ﺍﻟﺼﺒﺢ
ﻣﺘﻠﻬﻔﺔ ﺍﺟﺘﻤﻊ ﻭﻳﺔ ﺍﻟﺒﻨﺎﺕ ﻭﺍﻡ ﻗﺎﺳﻢ
ﻭﺍﻧﻲ ﻭﻗﺎﺳﻢ ﺍﺗﻔﻘﻨﺎ ﺍﻥ ﻣﺎ ﻧﺒﻴﻦ ﻛﺪﺍﻡ ﺍﻣﻪ ﺍﻱ ﺷﻲ
ﺍﺗﺬﻛﺮ ﻣﻦ ﻧﺰﻟﺖ ﻳﻮﻡ ﺛﺎﻧﻲ ﺟﻨﺖ ﺍﺗﺮﻗﺐ ﺳﺆﺍﻝ ﺧﺎﻟﺘﻲ
ﺑﺲ ﻗﺎﺳﻢ ﻓﺎﺟﺌﻨﻲ ﻣﻦ ﻛﻠﻲ
ﺍﻟﻴﻮﻡ ﻣﻮ ﺗﻨﺴﻴﻦ ﺻﻌﺪﻱ ﻣﻦ ﻭﻛﺖ ﻟﻠﻐﺮﻓﺔ
ﺍﻧﻲ ﻛﺒﻞ ﻣﻦ ﻳﻤﻲ ﺩﻙ ﺍﻟﺠﺮﺱ ﻋﻨﺪﻱ ﻭﺳﻮﻳﺖ ﺭﻭﺣﻲ ﺧﺠﻼﻧﺔ
ﻭﺍﺑﺘﺴﻤﺘﻠﻪ ﻭﻛﻠﺖ ﺑﺼﻮﺕ ﻋﺎﻟﻲ
.. ﻗﺴﻮﻣﻲ ﻋﻴﺐ ﻣﻨﺎ ﺧﺎﻟﺔ ﻭﺍﻟﺒﻨﺎﺕ ﻫﺴﺔ ﺷﻨﻮ ﻳﻜﻮﻟﻮﻥ
ﻋﻠﻴﻨﺎ
ﻫﻮ ﺍﺗﺴﻌﺖ ﻋﻴﻮﻧﻪ ﻣﺘﻌﺠﺐ ﻭﺑﻨﻔﺲ ﺍﻟﻮﻛﺖ ﻛﺎﺗﻢ ﺿﺤﻜﺔ
ﺑﺲ ﻛﺎﻥ ﺍﻟﻜﻼﻡ ﺍﻟﻲ ﺩﺍﺭ ﺑﻴﻨﻲ ﻭﺑﻴﻦ ﻗﺎﺳﻢ
ﻛﻔﻴﻞ ﺑﺮﺳﻢ ﺍﺑﺘﺴﺎﻣﺔ ﺍﻟﺮﺍﺣﺔ ﻋﻠﻰ ﻭﺟﻪ ﺍﻡ ﻗﺎﺳﻢ
ﻭﻳﺨﻠﺼﻨﻲ ﻣﻦ ﺍﺳﺘﺠﻮﺍﺏ ﺍﻡ ﻗﺎﺳﻢ
.....
ﻫﺎﻟﺔ .. ﻫﺎ ﺍﻟﻴﻮﻡ ﻣﻌﺰﻭﻣﺔ ﺑﺒﻴﺖ ﻣﺮﻭﺓ
ﺟﺎﻭﺑﺘﻬﺎ ﻭﺍﻧﻲ ﺍﻋﺪﻝ ﺑﻤﻜﻴﺎﺟﻲ
.. ﺍﻱ ﻋﺰﻣﺘﻨﻲ ﺍﻧﻲ ﻭﺧﻮﺍﺗﻲ
.. ﻣﻨﻮ ﻳﻮﺻﻠﺞ
.. ﻗﺎﺳﻢ ﻛﺎﻝ ﺍﻧﺘﻈﻐﻴﻨﻲ ( ﺍﻧﺘﻈﺮﻳﻨﻲ ) ﺍﻧﺎ ﺍﺟﻲ ﺍﺧﺬﺝ
ﻫﺎﻟﺔ .. ﻭﺍﻟﻠﻪ ﻋﻤﻲ ﺍﻟﺪﻧﻴﺎ ﺭﺍﺡ ﺗﻨﻜﻠﺐ ﻗﺎﺳﻢ ﺻﺎﻳﺮ ﺻﺎﺣﺐ ﻣﺴﺆﻟﻴﺔ ﻭﻳﻮﺻﻞ ﺑﻨﻴﺔ
.. ﺍﻟﻠﻪ ﻳﻬﺪﻱ ﻫﻐﻘﻞ ( ﻫﺮﻗﻞ ) ﺍﻟﻲ ﻫﻬﻪ
ﻫﺎﻟﺔ .. ﺍﻛﻮﻝ ﻋﻮﺑﺔ ﺑﻌﺪﻩ ﺩﻳﺘﺼﻞ ﺑﺮﻫﻒ ﻛﻞ ﻳﻮﻡ ﺑﺎﻟﻠﻴﻞ
ﺍﻟﺘﻔﺘﺖ ﻣﻨﺎ ﻭﻣﻨﺎ
ﻭﺣﺠﻴﺖ ﺑﺼﻮﺕ ﻧﺎﺻﻲ .. ﻟﺞ ﻋﻮﺑﺔ ﻧﺼﻲ ﺻﻮﺗﺞ ﻻ
ﺍﺣﺪ ﻳﺴﻤﻌﺞ ﻭﺍﻏﻮﺡ ﺑﺎﻟﻐﺠﻠﻴﻦ ( ﺍﺭﻭﺡ ﺑﺎﻟﺮﺟﻠﻴﻦ )
ﻭﺍﻟﻠﻪ ﺍﺧﻮﺝ ﻳﻔﻄﺴﻨﻲ
ﻫﺎﻟﺔ .. ﻭﺍﻟﻠﻪ ﺍﻣﺮﻛﻢ ﻋﺠﻴﺐ
ﻃﺒﻌﺎ ﻫﺎﻟﺔ ﻛﺎﻧﺖ ﻣﺴﺘﻮﺩﻉ ﺍﺳﺮﺍﺭﻱ ﺍﺣﺠﻴﻠﻬﺎ ﻛﻠﺸﻲ ﻳﺼﻴﺮ ﻭﻳﺎﻳﺔ
ﺑﺪﻭﻥ ﻣﺎ ﺍﺧﺎﻑ ﻳﻄﻠﻊ ﺳﺮﻱ
ﺍﺗﺬﻛﺮ ﻣﻦ ﺣﺠﻴﺘﻠﻬﺎ ﺍﻟﺼﺎﺭ ﺑﻴﻨﻲ ﻭﺑﻴﻦ ﻗﺎﺳﻢ
ﻭﻛﺎﻟﺖ ﺍﻧﻲ ﻫﻢ ﻟﻮ ﺑﻤﻜﺎﻧﺞ ﻭﻳﻜﻮﻥ ﺯﻭﺍﺟﻲ ﺑﻨﻔﺲ
ﻭﺿﻌﺞ ﻫﻢ ﺭﺍﺡ ﺍﺳﻮﻱ ﻧﻔﺲ ﻣﺎ ﺳﻮﻳﺘﻲ ﻭﻳﻤﻜﻦ ﺍﻛﺜﺮ
ﺍﺧﻠﻲ ﺣﺘﻰ ﻳﻮﻗﻊ ﻋﻠﻰ ﻭﺭﻗﺔ ﺍﺿﻤﻦ ﺑﻴﻬﺎ ﻃﻼﻗﻲ ﻣﻨﻪ
ﻋﻜﺐ ﻣﺎ ﻳﺘﺰﻭﺝ ﺑﻨﺖ ﻋﻤﻪ
ﺣﺘﻰ ﺧﺎﻑ ﻳﻔﻜﺮ ﻳﺒﻘﻴﻨﻲ ﻋﻠﻰ ﺫﻣﺘﻪ ﺑﻌﺪ ﺯﻭﺍﺟﻪ ﺍﻟﺜﺎﻧﻲ
. ﻟﺞ ﻻ ﻫﺎﻟﺔ ﻋﺎﺩ ﻣﻮ ﻟﻬﺎﻱ ﺍﻟﺪﻏﺠﺔ ( ﺍﻟﺪﺭﺟﺔ ) ﺣﺘﻰ ﻣﺎ ﺍﺧﻮﺝ ﻳﺴﺤﻠﻨﻲ .
ﻫﻮ ﻣﻮ ﺯﻳﻦ ﻣﻦ ﻋﻨﺪﻩ ﻣﺘﺤﻤﻞ ﻭﺟﻮﺩﻱ ﻋﻠﻰ ﻛﻠﺒﻪ
ﻫﺎﻟﺔ .. ﻭﺍﻟﻠﻪ ﺧﻄﻴﺔ ﺍﻣﻲ ﻣﺎ ﺗﺪﺭﻱ ﺍﻟﻤﺎﻱ ﻳﻤﺸﻲ ﻣﻦ ﺟﻮﺍﻫﺎ
ﻭﻟﻮ ﺗﺴﻤﻊ ﻛﻼﻣﻨﺎ ﺗﺮﻭﺡ ﻳﻮﻡ ﺛﺎﻧﻲ ﺗﻜﻌﺪ ﺑﺎﻟﺸﻤﺎﻋﻴﺔ
ﻣﻦ ﻭﺭﺍﻧﺎ ﺍﺣﻨﺎ ﺍﻟﺜﻼﺛﺔ
.. ﻭﺍﻟﻠﻪ ﺧﻄﻴﺔ ﺧﺎﻟﺔ ﻣﺎ ﺗﺴﺘﺎﻫﻞ ﻳﻜﻮﻥ ﻋﻨﺪﻫﺎ
ﻫﻴﺞ ﺧﻠﻔﺔ ﺗﻜﺼﻎ ﺍﻟﻌﻤﻎ ( ﺗﻜﺼﺮ ﺍﻟﻌﻤﺮ )
ﻫﺎﻟﺔ .. ﻟﺞ ﺑﻘﺮﺓ ﻫﻴﺞ ﺻﺎﺭﺕ ﻧﻮﺏ ﺩﺭﺗﻴﻬﺎ ﻋﻠﻴﺔ
.. ﻭﺍﻟﻠﻪ ﺍﻧﻲ ﻣﺎﻟﻲ ﺩﺧﻞ ﺍﻧﺘﻲ ﻭﺍﺧﻮﺝ ﺍﻛﺒﻎ ( ﺍﻛﺒﺮ ) ﺻﺎﻳﻌﻴﻦ
.. ﻣﺎﺷﻲ ﻣﺎﺭﺍﺡ ﺍﻧﺰﻝ ﻧﻔﺴﻲ ﻭﺍﺟﺎﻭﺑﺞ ﻋﻨﺪﺝ ﺭﺟﺎﻝ ﻫﻮ ﺍﻟﻲ ﻳﺸﻜﻤﺞ
ﻭﻛﺎﻣﺖ ﺗﻠﻌﺐ ﺑﺤﻮﺍﺟﺒﻬﺎ ﻭﺗﻐﻨﻴﻠﻲ ( ﺍﻟﻴﻮﻡ ﺍﻟﻴﻮﻡ ﺩﻛﺖ ﻟﻠﻨﺼﺮ ﺍﺟﺮﺍﺱ )
ﻫﺎ ﺧﻮﺗﻲ ﻫﺎ ﻫﺎ ﺍﺳﻤﻊ ﻳﻞ ﻣﺎ ﺭﺍﻳﺪ ﺗﺴﻤﻊ ﺳﺤﻠﺔ ﻫﺪﻳﻮﺓ ﻣﻦ ﻗﺴﺎﻡ
.. ﺣﺒﻴﺒﺘﻲ ﻫﺎﻟﺔ ﻳﻤﻌﻮﺩ ﺷﺒﻴﺞ ﻣﺘﺤﺒﻴﻦ ﺷﻘﻰ ﻳﻌﻨﻲ ﺍﻧﻲ ﺍﺧﺘﺞ ﻭﺍﺿﺤﻚ ﻭﻳﺎﺝ
ﺍﺧﻮﺝ ﻟﻴﺶ ﺗﺪﺧﻠﻲ ﺑﻨﺎﺗﻨﺎ
.. ﻫﺴﻪ ﺻﺮﺕ ﺣﺒﻴﺒﺘﺞ ﻳﻠﻪ ﻣﺎﺷﻲ ﻧﺎﺱ ﻣﺘﻤﺸﻲ ﺍﻻ ﺑﺎﻟﻌﻴﻦ ﺍﻟﺤﻤﺮﺓ
ﺗﻌﺎﻟﻲ ﻛﻤﻠﻲ ﻟﺒﺴﺞ ﻻ ﻳﺠﻲ ﻭﻳﺴﺤﻠﺞ ﻣﻦ ﺻﺪﻙ
ﻛﻤﻠﺖ ﻟﺒﺲ ﺷﺎﻟﻲ ﻭﺑﺎﻭﻋﺖ ﻟﺮﻭﺣﻲ
ﻫﺎﻟﺔ .. ﺍﻧﺘﻲ ﻟﻴﺶ ﺗﻠﺒﺴﻴﻦ ﺣﺬﺍﺀ ﻓﻼﺕ
.. ﺍﺧﺬ ﺭﺍﺣﺘﻲ ﺑﻲ ﺍﻛﺜﺮ ﻭﺍﺻﻼ ﺍﻧﻲ ﺍﺗﺨﺒﻞ ﻣﻦ ﺍﻟﺤﺬﺍﺀ ﺍﻟﻜﻌﺐ ﺍﻟﻌﺎﻟﻲ
ﻫﺎﻟﺔ .. ﺍﻱ ﺑﺲ ﻋﻠﻰ ﺍﻻﻗﻞ ﺣﺎﻭﻟﻲ ﺗﻠﺒﺴﻲ ﻣﻦ ﺗﻜﻮﻧﻴﻦ ﻃﺎﻟﻌﺔ ﻭﻳﺔ ﻗﺎﺳﻢ
ﻻﻥ ﺷﻜﻠﻜﻢ ﻳﺼﻴﺮ ﻧﺸﺎﺯ ﻋﺒﺎﻟﻚ ﺭﻗﻢ ﻋﺸﺮﺓ
ﻫﺪﻯ .. ﻭﺍﻟﻠﻪ ﻫﺬﺍ ﺍﻟﻤﻮﺟﻮﺩ ﻫﺎﻱ ﺍﻧﻲ ﻭﻫﺬﺍ ﻃﻮﻟﻲ
ﻫﻮ ﺍﺧﻮﺝ ﻫﻢ ﻃﻮﻟﻪ ﺍﻭﻓﺮ
ﺟﻨﺖ ﻣﻨﻄﻠﻘﺔ ﺑﺎﻟﺤﺠﻲ ﻭﺟﺎﻥ ﻳﺠﻴﻨﻲ ﺻﻮﺕ ﻗﺎﺳﻢ
.. ﻫﺬﺍ ﻣﻨﻮ ﺍﻟﻲ ﻃﻮﻟﻪ ﺍﻭﻓﺮ
ﻛﻤﺰﻧﺎ ﻣﻦ ﻣﻜﺎﻧﺎ ﺍﻧﻲ ﻭﻫﺎﻟﺔ
ﻭﻫﺎﻟﺔ ﺍﺑﺘﺴﻤﺖ ﺑﺨﺒﺎﺛﺔ .. ﺍﺳﺄﻝ ﻣﺮﺗﻚ ﻭﻫﻲ ﺗﺠﺎﻭﺑﻚ
ﺑﻠﻌﺖ ﺭﻳﻜﻲ .. ﺟﻨﺖ ﺍﻗﺼﺪ ﻋﻠﻰ ﻃﻮﻟﻲ ﺍﻛﻠﻠﻬﺎ ﻛﻠﺶ ﺍﻭﻓﺮ
ﻳﻌﻨﻲ ﻟﻮ ﺑﺲ ﺷﻮﻳﺔ ﻋﻨﺪﻱ ﻃﻮﻝ ﺟﺎﻥ ﺍﻛﻌﺪ ﻭﺯﻥ
ﻗﺎﺳﻢ .. ﻋﻤﻲ ﺳﺘﺮﻱ ﻋﻠﻴﺔ ﻫﻮ ﺍﻧﺘﻲ ﻃﻮﻟﺞ ﺷﺒﺮ
ﻭﻣﺎ ﻛﺎﻋﺪﺓ ﺭﺍﺣﺔ ﻣﻮ ﻧﻮﺏ ﺷﻮﻳﺔ ﺗﻄﻮﻟﻴﻦ
ﺟﺎﻥ ﻗﺎﺳﻢ ﻳﺤﺠﻲ ﺑﺘﻠﻘﺎﺋﻴﺔ
.. ﻳﺎﻟﻠﻪ ﺧﻠﺼﺘﻲ ﺍﺳﺘﻌﺠﻠﻲ ﺗﺮﺓ ﻭﺭﺍﻱ ﺷﻐﻞ ﻛﻮﻣﺔ
ﻳﻨﺘﻈﺮﻧﻲ
......
ﻳﺎﻟﻠﻪ ﻫﺬﺍ ﻫﻮ ﺧﻠﺼﺖ ﻣﺎ ﻋﻨﺪﻱ ﺷﻲ
ﺍﺧﺬﺕ ﺟﻨﻄﺘﻲ ﺟﻨﺖ ﻻﺑﺴﺔ ﻗﻤﻴﺺ ﻋﺎﻟﺒﻨﻄﻠﻮﻥ
ﺑﻲ ﻣﺠﻤﻮﻋﺔ ﺍﻟﻮﺍﻥ ﻣﺘﻨﺎﺳﻘﺔ ﻭﺍﻟﺸﺎﻝ ﺳﺎﺩﺓ ﻭﺍﻟﺤﺬﺍﺀ ﺭﻫﻤﺘﻪ ﺑﻠﻮﻥ ﺍﻟﺸﺎﻝ
ﻭﺍﻟﻤﻴﻚ ﺍﺏ ﺣﻄﻴﺘﻪ ﺑﺴﻴﻂ ﺑﺲ ﺍﺗﻔﻨﻨﺖ ﺑﺮﺳﻤﺔ ﺍﻟﻌﻴﻦ
ﻧﺰﻟﻨﺎ ﺳﻮﻳﺔ . ﻭﺷﺎﻓﺘﻨﺎ ﺍﻡ ﻗﺎﺳﻢ
ﺍﺑﺘﺴﻤﺖ ﻭﻛﺎﻟﺖ .. ﺳﻠﻤﻴﻠﻨﺎ ﻋﻠﻰ ﺧﻮﺍﺗﺞ
ﻭﻋﺰﻣﻴﻬﻢ ﻋﺎﻻﺳﺒﻮﻉ ﺍﻟﺠﺎﻱ ﻫﻤﺔ ﻭﺑﻴﺒﺘﺞ ﻭﺯﻭﺟﺔ ﻋﻤﺞ
ﻣﻮ ﺗﻨﺴﻴﻦ ﺍﻧﻲ ﻫﻢ ﺭﺍﺡ ﺍﻋﺰﻡ ﺧﻮﺍﺗﻲ
ﻻﻥ ﺑﻘﻮﺍ ﺑﺲ ﺍﻫﻠﺞ ﻭﺍﻫﻠﻲ ﻣﺎ ﻋﺰﻣﺘﻬﻢ
.. ﺍﻥ ﺷﺎﺀ ﺍﻟﻠﻪ ﺧﺎﻟﺔ ﺻﺎﻍ
ﻃﻠﻌﺖ ﻭﻳﺔ ﻗﺎﺳﻢ ﻭﺭﻛﺒﺖ ﺍﻟﺴﻴﺎﺭﺓ ﺑﺎﻭﻉ ﻋﻠﻴﺔ
ﻣﻦ ﻓﻮﻙ ﻟﻴﺠﻮﺓ ﺭﻓﻊ ﺣﺎﺟﺒﻪ ﻭﻛﺎﻝ
.. ﻫﺎﻱ ﺷﻨﻮ ﻫﺎﺩﻱ ﻭﻻ ﻋﺮﻓﺘﻚ
ﺍﺗﻔﺎﺟﺌﺖ ﻣﻦ ﻣﻼﺣﻈﺘﻪ ﻫﺰﻳﺖ ﺭﺍﺳﻲ ﺑﻤﻌﻨﻰ ﺷﻜﺮﺍ ﻭﺩﺭﺕ ﻭﺟﻬﻲ
ﺑﻌﺪﻫﺎ ﺍﻧﻄﻠﻖ ﻳﺴﻮﻕ
ﺑﺎﻭﻋﺖ ﻋﻠﻴﻪ .. ﺍﻱ ﺻﺪﻙ ﻗﺎﺳﻢ ﺍﻟﺒﺎﺭﺣﺔ ﺷﺒﻴﻚ
ﺩﺧﻠﺖ ﻟﻠﺒﻴﺖ ﻣﻌﺼﺐ
ﺟﺎﻭﺑﻨﻲ .. ﻫﻴﺞ ﻣﺎﻛﻮ ﺷﻲ
.. ﻗﻤﻴﺼﻚ ﺍﻟﻴﻮﻡ ﺟﻴﺖ ﺍﻏﻴﺪ ( ﺍﺭﻳﺪ ) ﺍﻏﺴﻠﻪ ﻭﻟﻜﻴﺖ ﺑﻲ ﺩﻛﻤﺘﻴﻦ ﻣﻜﻄﻌﺔ ﻭﺷﻚ ﺑﺎﻟﺠﻴﺐ
ﺍﺗﻨﻬﺪ ﻣﺘﻀﺎﻳﻖ ﻭﺟﺎﻭﺑﻨﻲ .. ﺍﻟﺒﺎﺭﺣﺔ ﺍﺗﻌﺎﺭﻛﺖ ﻭﻳﺔ ﺍﻭﻻﺩ ﻋﻤﻲ ﻣﻨﻴﺮ
ﻟﻄﻤﺖ ﻋﻠﻰ ﺻﺪﺭﻱ .. ﻋﺰﺓ ﺍﻟﻌﺰﺍﻧﻲ ﻭﺧﺎﻟﺔ ﺗﻌﻐﻒ ( ﺗﻌﺮﻑ ) ﺑﺎﻟﻤﻮﺿﻮﻉ ﻟﻮ ﻻ
.. ﻻ ﻣﺎﻋﻨﺪﻫﺎ ﻋﻠﻢ ﺩﻳﺮﻱ ﺑﺎﻟﺞ ﺗﻜﻮﻟﻴﻦ ﺗﺮﺓ ﺍﻟﺤﺠﻴﺔ ﺻﺤﺘﻬﺎ ﻋﻠﻰ ﻛﺪﻫﺎ
ﻭﺑﺲ ﺗﻌﺮﻑ ﺗﻨﺨﺒﺺ ﻭﺗﺨﺒﺼﻨﻲ
ﻭﺣﺘﻰ ﻫﺸﺎﻡ ﺧﻄﻴﺔ ﺍﻟﺒﺎﺭﺣﺔ ﺑﺎﻟﻮﺣﺪﺓ ﺑﺎﻟﻠﻴﻞ ﻳﺎﻟﻠﻪ
ﺩﺧﻞ ﻟﻠﺒﻴﺖ ﻻﻥ ﻋﻴﻨﻪ ﺟﺎﻧﺖ ﺯﺭﻛﺔ
ﻣﻦ ﺳﺎﻣﻊ ﺑﻴﺔ ﺭﺍﻳﺢ ﻟﺒﻴﺘﻬﻢ ﻟﻮﺣﺪﻱ
ﺍﺟﺔ ﻭﺭﺍﻱ ﻭﺷﺎﻓﻨﺎ ﻣﺘﺰﺍﻧﻜﻴﻦ ﻭﻫﻮ ﻛﺒﻞ
ﺑﺪﻭﻥ ﻣﺎ ﻳﻔﺘﻬﻢ ﺷﻨﻮ ﺍﻟﺴﺎﻟﻔﺔ ﺩﺧﻞ ﻭﻳﺎﻱ ﻭﻫﺪ ﻋﻠﻴﻬﻢ
ﺑﺲ ﻋﻤﺎﻣﻲ ﺍﺗﺪﺧﻠﻮ
ﻫﺪﻯ .. ﻣﻨﻮ ﺑﻴﻬﻢ
.. ﻋﻤﻲ ﻣﺤﻤﺪ ﻭﻛﺎﻇﻢ ﻭﻛﺎﻣﻞ ﺍﺟﻮﻱ
ﻭﻛﻌﺪﻭﺍ ﻳﻬﺪﻭﻥ ﺑﻴﻨﺎ
.. ﻟﻴﺶ ﺍﺗﻌﺎﻏﻜﺖ ( ﺗﻌﺎﺭﻛﺖ ) ﻭﻳﺔ ﺑﻴﺖ ﻋﻤﻚ
.. ﺍﻧﺘﻲ ﺍﻛﻴﺪ ﺳﺎﻣﻌﺔ ﺑﺴﺎﻟﻔﺔ ﻣﻨﻴﺮ ﻭﻣﻨﺘﺼﺮ ﻭﺍﻟﻔﻠﻮﺱ ﺍﻟﻲ ﺍﺧﺬﻭﻫﺎ ﻣﻦ ﺍﺑﻮﻱ ﺍﻟﻠﻪ ﻳﺮﺣﻤﻪ
.. ﺍﻱ ﺍﻋﻐﻔﻬﺎ ( ﺍﻋﺮﻓﻬﺎ ) ﺧﺎﻟﺔ ﻭﻫﺎﻟﺔ ﺣﺠﻮﻟﻲ ﻋﻦ ﺍﻟﻤﻮﺿﻮﻉ
ﺑﺲ ﻫﺎﻟﻤﻐﺔ ( ﻫﺎﻟﻤﺮﺓ ) ﻟﻴﺶ ﺷﻨﻮ ﺍﻟﺠﺪﻳﺪ ﺍﻟﻲ ﺻﺎﻍ ( ﺻﺎﺭ )
.. ﺍﻧﻲ ﺍﻟﺒﺎﺭﺣﺔ ﺑﺎﻟﺼﺪﻓﺔ ﻋﺮﻓﺖ ﻣﻨﻴﺮ ﺩﺍﺧﻞ ﺷﺮﺍﻛﺔ ﺑﻤﻮﻝ ﻛﻠﺶ ﻓﺨﻢ
ﻭﺟﺒﻴﺮ ﻭﻋﺮﻓﺖ ﺍﻟﻪ ﺣﺼﺔ ﺑﻲ
.. ﻭﻳﻦ ﺍﻟﻤﺸﻜﻠﺔ ﺑﺎﻟﻤﻮﺿﻮﻉ ﺍﻧﺖ ﻟﻴﺶ ﺿﺎﻳﺞ
.. ﻟﺞ ﻫﺪﻯ ﻫﺬﻭﻟﻲ ﺩﺍﺧﻠﻴﻦ ﺑﺤﻼﻟﻲ ﻭﺣﻼﻝ ﺧﻮﺍﺗﻲ
ﻫﻮ ﻗﺒﻞ ٣ ﺳﻨﻮﺍﺕ ﺣﻠﻒ ﺩﻳﻦ ﻗﺴﻢ
ﺍﻧﻪ ﻣﺎ ﻣﺎﺧﺬ ﻓﻠﻮﺱ ﻣﻦ ﺍﺑﻮﻱ
ﻭﺍﻥ ﻫﻮ ﻫﻢ ﺧﺴﺮ ﻓﻠﻮﺳﻪ ﺑﺎﻟﻤﺸﺮﻭﻉ ﺣﺎﻟﻪ ﺣﺎﻝ ﺍﻟﻮﺍﻟﺪ ﺍﻟﻠﻪ ﻳﺮﺣﻤﻪ
ﺯﻳﻦ ﻛﻠﻴﻠﻲ ﻫﺬﺍ ﺍﻟﻤﻮﻝ ﻗﺒﻞ ﺳﻨﺘﻴﻦ ﻣﻦ ﺍﻧﻔﺘﺢ
ﻣﻨﻴﻦ ﺟﺎﺏ ﻫﺬﺍ ﺍﻟﻤﺒﻠﻎ ﺍﻟﻀﺨﻢ
ﺑﺲ ﺍﻧﺎ ﻣﻮ ﻗﺎﺳﻢ ﺍﺫﺍ ﻣﺎ ﺍﺯﻭﻋﻬﻢ ﻛﻞ ﻓﻠﺲ ﺍﺧﺬﻭﻩ
ﺑﺲ ﺧﻠﻲ ﻳﺼﺒﺮﻭﻟﻲ ﺿﺎﻣﻠﻬﻢ ﺿﻤﺔ ﺑﺲ ﻋﻨﺪ ﺍﻟﻠﻪ ﺧﺒﺮﻫﺎ
ﺗﺪﺭﻳﻦ ﺍﻧﺎ ﺍﻟﺒﺎﺭﺣﺔ ﻣﻦ ﻫﺪﻳﺖ ﻋﻠﻴﻬﻢ ﻣﻮ ﻋﻠﻤﻮﺩ ﺳﺎﻟﻔﺔ ﺍﻟﻔﻠﻮﺱ ﻻ
ﺑﺲ ﺍﻟﺒﺎﺭﺣﺔ ﺳﻤﻌﺖ ﺑﻤﻨﺘﺼﺮ ﺭﺟﻊ ﻣﻦ ﺍﻟﺨﺎﺭﺝ
ﻭﺍﻧﺎ ﺣﺬﺭﺗﻬﻢ ﻭﻛﻠﺘﻠﻬﻢ
ﻣﻨﺘﺼﺮ ﺍﺫﺍ ﻟﻤﺤﺘﻪ ﺗﺮﺓ ﻫﻮ ﺣﺼﺘﻲ
ﻣﻮ ﺗﻜﻮﻟﻮﻥ ﻣﺎ ﻛﺎﻝ ﻗﺎﺳﻢ
ﻭﻣﻦ ﻋﻨﺪﻫﺎ
ﻫﺪﻭﺍ ﻋﻠﻴﺔ ﺍﻭﻻﺩ ﻋﻤﻲ ﻭﺍﺗﺰﺍﻧﻜﻨﺔ
ﻭﺟﺎﻥ ﻳﺘﺪﺧﻞ ﻋﻤﻲ ﻣﺤﻤﺪ ﻳﻜﻮﻟﻲ
.. ﻟﻚ ﻗﺎﺳﻢ ﺍﻧﺖ ﻣﺎ ﺗﻜﻠﻲ ﺷﻨﻮ ﺳﺎﻟﻔﺘﻚ ﺍﻧﺖ ﺷﺒﻴﻚ ﻣﺎﻟﻚ ﺭﺩﺍﺩ ﻛﻞ ﻳﻮﻡ ﻫﺎﺩ ﻋﻠﻰ ﻭﺍﺣﺪ
......
ﺟﺎﻭﺑﻪ ﻫﺸﺎﻡ .. ﻋﻤﻲ ﺗﺮﺓ ﻗﺎﺳﻢ ﺻﺎﺣﺐ ﺣﻖ
ﻭﻃﺎﻟﺐ ﺍﻟﺤﻖ ﻣﺎ ﻳﻨﺎﻡ ﻟﻴﻠﻪ ﻟﺤﺪ ﻣﺎ ﻳﺴﺘﺮﺩﻩ
ﻋﻤﻲ ﻛﺎﻇﻢ ﺳﻜﺘﻪ
ﻛﺎﻇﻢ .. ﺍﻧﺖ ﺗﻨﺠﺐ ﻭﺗﺴﻜﺖ ﻻ ﺗﺪﺧﻞ ﻧﻔﺴﻚ ﺑﺎﻟﻤﻮﺿﻮﻉ . ﺍﻟﺴﺎﻟﻔﺔ ﻣﺎ ﺗﺨﺼﻚ
ﻫﺸﺎﻡ .. ﺍﺫﺍ ﻣﻮ ﺍﻧﺎ ﺍﻻﻭﻛﻒ ﺑﻈﻬﺮ ﺍﺧﻮﻱ ﻟﻌﺪ ﻣﻨﻮ ﺍﻟﻲ ﻳﻔﺰﻋﻠﻪ
ﻛﺎﻇﻢ .. ﻫﺸﺎﻡ ﺍﺷﻮ ﺻﺎﻳﺮ ﺗﺮﺍﺩﺩ ﻻ ﺗﺨﻠﻴﻨﻲ ﺍﺻﺪﺭ ﻗﺮﺍﺭ ﺑﺤﻘﻚ ﻭﺍﺳﺤﺒﻚ ﻋﻨﺪﻱ ﻭﺍﺧﻠﻴﻚ ﺗﺤﻠﻢ ﺗﺸﻮﻑ ﻋﺘﺒﺘﻬﻢ
ﻫﺸﺎﻡ ﺑﺴﺘﻬﺰﺍﺀ .. ﺻﺪﻙ ﺟﺬﺏ ﺭﺟﺎﻝ ﻣﺸﻮﺭﺏ ﻃﻮﻝ ﺑﻌﺮﺽ ﻭﺍﻛﻒ ﻛﺪﺍﻣﻚ ﺗﻜﻠﻲ ﺍﺳﺤﺒﻚ ﻣﻨﻬﻢ
ﺣﺠﻲ ﺍﺻﺤﻰ ﻭﻓﺘﺢ ﻋﻴﻮﻧﻚ ﺯﻳﻦ ﻫﺬﺍ ﺍﻟﻜﻼﻡ ﻗﺒﻞ ﺟﻨﺖ ﺗﻜﺪﺭ ﺗﺴﻮﻱ ﺗﺪﻭﺱ ﻋﻠﻰ ﻛﻠﺒﻲ ﻭﺗﻤﻨﻌﻨﻲ ﻋﻨﻬﻢ
ﺑﺲ ﻫﺴﺔ ﺯﻣﻦ ﺍﻭﻝ ﺗﺤﻮﻝ ﺍﻧﻲ ﺻﺮﺕ ﺭﺟﺎﻝ ﻭﺭﺍﺿﻊ ﺣﻠﻴﺐ ﺍﻣﻲ ﺍﻡ ﻗﺎﺳﻢ
ﻭﻫﺴﺔ ﺍﻛﻮﻝ ﺑﻌﺎﻟﻲ ﺻﻮﺗﻲ ﻭﺧﻠﻲ ﺍﻟﻜﻞ ﻳﺴﻤﻌﻨﻲ
ﺍﻧﺎ ﺍﺑﻦ ﺍﻟﻤﺮﺓ ﺍﻟﺮﺑﺘﻨﻲ ﻭﻣﻮ ﺍﻧﺎ ﺍﻟﻴﻨﻜﺮ ﺣﻠﻴﺐ ﺍﻣﻪ
ﻭﻗﺎﺳﻢ ﺍﺧﻮﻱ
ﻭﺍﻟﻲ ﻳﺮﻳﺪ ﻳﻮﺻﻞ ﻟﻘﺎﺳﻢ ﻭﻳﺄﺫﻳﻪ ﺧﻠﻲ ﻳﺘﻌﺪﺍﻧﻲ ﺑﺎﻻﻭﻝ
ﻛﺎﻇﻢ .. ﻭﺍﻟﻠﻪ ﻋﻤﻲ ﺧﻮﺵ ﺍﻟﻈﺎﻫﺮ ﺍﻟﺠﻤﺎﻋﺔ ﻣﺴﻮﻳﻠﻚ ﻏﺴﻴﻞ ﺩﻣﺎﻍ
ﺷﻜﻠﻲ ﻻﺯﻡ ﺍﺭﺍﺟﻊ ﺣﺴﺎﺑﺎﺗﻲ ﻭﻳﺎﻙ ﻣﻦ ﺟﺪﻳﺪ
ﻭﺍﺳﻮﻳﻠﻚ ﻛﺮﺻﺔ ﺍﺫﻥ ﻭﻟﻚ ﺍﻧﺖ ﺍﻟﻈﺎﻫﺮ ﻧﺴﻴﺖ ﻧﻔﺴﻚ
ﺑﺲ ﻫﺸﺎﻡ ﻣﺎ ﺍﻫﺘﺰ ﻭﻻ ﺍﻫﺘﻢ ﻟﺘﻬﺪﻳﺪ ﻋﻤﻲ ﻛﺎﻇﻢ ﻭﺟﺎﻭﺑﻪ ﺑﺎﺳﺘﻬﺰﺍﺀ
.. ﺷﺘﺮﻳﺪ ﺗﺴﻮﻳﻠﻲ ﻋﻮﺩ ﺍﻟﺮﺍﺗﺐ ﺍﻟﻲ ﻣﺠﺮﻱ ﺍﻟﻲ ﻛﺼﻪ
ﺗﺮﻩ ﺍﻧﺖ ﻣﻤﻨﻄﻴﻨﻲ ﺷﻲ ﻭﺗﻤﻨﻨﻲ ﺑﻲ
ﺣﺘﻰ ﺍﺣﺴﺎﺱ ﺍﺑﻮﺓ ﻣﺎ ﻣﻨﻄﻴﻨﻲ ﻓﺒﺸﻨﻮ ﺗﻬﺪﺩﻧﻲ ﻣﺘﻜﻮﻟﻲ ﻟﺨﺎﻃﺮ ﺍﻟﻠﻪ
ﺗﺮﻳﺪ ﺗﺤﺮﻣﻨﻲ ﻣﻦ ﻭﺭﺛﻚ ﺍﻧﻲ ﻣﻤﻨﺘﻈﺮﻙ ﺗﻤﻮﺕ ﺣﺘﻰ ﺍﺳﺘﺎﺭﺛﻚ
ﺍﻧﻲ ﺭﺑﺘﻨﻲ ﻣﺮﺓ ﺍﺧﺖ ﺭﺟﺎﻝ ﺍﻃﻠﻊ ﺭﺯﻗﻲ ﻣﻦ ﺍﻟﺼﺨﺮ
ﻣﻮ ﺍﻋﻴﺶ ﺑﺬﻝ ﻭﺍﻧﺘﻈﺮ ﺍﺑﻮﻳﻪ ﻳﻤﻮﺕ ﺣﺘﻰ ﺍﺧﺬ ﻭﺭﺙ ﻣﻦ ﻭﺭﺍﻩ
ﺗﺪﺭﻳﻦ ﻫﺪﻯ
ﺟﺎﻥ ﻛﻞ ﺿﻨﻲ ﺍﻥ ﻫﺸﺎﻡ ﺑﺎﻗﻲ ﻭﻳﺎﻱ ﻻﻥ ﻣﺤﺘﺎﺟﻨﻲ
ﻭﺣﻴﺎﺗﻪ ﺍﻟﺼﻌﺒﺔ ﻫﻲ ﺍﻟﻲ ﺟﺒﺮﺗﻪ ﻳﻌﻴﺶ ﻭﻳﺎﻧﺎ
ﺟﻨﺖ ﺍﻛﻮﻝ ﻛﺎﻓﻲ ﻋﻠﻴﺔ ﺍﻧﺎ ﺍﺣﺒﻪ ﻭﺭﺍﺡ ﺍﺑﻘﻰ ﺍﺣﻤﻴﻪ
ﻋﻦ ﻃﻴﺐ ﺧﺎﻃﺮ
ﺑﺲ ﻣﻮﻗﻔﻪ ﻭﻳﺎﻱ ﺍﻟﺒﺎﺭﺣﺔ
ﻛﺤﻞ ﻋﻴﻨﻲ ﻭﺑﺮﺩ ﻛﻠﺒﻲ ﻭﺷﻔﻰ ﻏﻠﻴﻠﻲ ﺑﻌﻤﺎﻣﻲ
ﻭﻋﺮﻓﺖ ﺑﻮﻛﺘﻬﺎ ﺑﻘﻴﻤﺔ ﺍﻻﺧﻮ
ﻭﺻﺮﺕ ﺍﺑﺎﻭﻉ ﻋﻠﻴﻪ ﺑﻔﺨﺮ
ﻭﺍﻛﻮﻝ ﻫﺬﺍ ﺷﻮﻛﺖ ﻛﺒﺮ ﻭﻛﺎﻡ ﻣﻦ ﻳﺤﺠﻲ ﻳﺴﻜﺖ ﺍﻛﺒﺮ ﻭﺍﺣﺪ
ﻟﻮ ﺗﺸﻮﻓﻴﻦ ﺍﻟﻜﻞ ﺷﻠﻮﻥ ﺳﺎﻛﺘﻴﻦ ﻭﻳﺒﺎﻭﻋﻮﻥ ﻋﻠﻴﻪ ﻋﻠﻰ ﻛﻼﻣﻪ ﺍﻟﻤﻮﺯﻭﻥ
ﻗﺎﺳﻢ ﺟﺎﻥ ﻳﺤﺠﻲ ﻭﺍﻧﻲ ﺍﺳﻤﻌﻠﻪ ﻭﺍﺑﺎﻭﻉ ﻟﻌﻴﻮﻧﻪ ﺷﻠﻮﻥ ﺗﻠﻤﻊ ﻣﻦ ﻳﺤﺠﻲ ﺑﻄﺎﺭﻱ ﻫﺸﺎﻡ
.. ﺭﺑﻲ ﻳﺤﻔﻈﻪ ﻭﻳﺨﻠﻲ ﺳﻨﺪ ﺍﻟﻚ
ﺟﻨﺖ ﻛﻞ ﻳﻮﻡ ﺍﻛﺘﺸﻒ ﺑﻘﺎﺳﻢ ﺻﻔﺔ ﻭﻃﺒﻊ ﺟﺪﻳﺪ
ﻭﻛﻌﺪﺕ ﺍﺑﺎﻭﻉ ﻋﻠﻴﻪ ﻋﺒﺎﻟﻚ ﺍﻭﻝ ﻣﺮﺓ ﺍﺷﻮﻑ ﻫﺬﺍ ﺍﻻﻧﺴﺎﻥ
ﻭﺻﻠﻨﻲ ﻟﺒﻴﺖ ﻣﺮﻭﺓ ﺑﺲ ﻗﺒﻞ ﻻ ﻧﻮﺻﻞ ﻭﻛﻒ ﻳﻢ ﻣﺤﻞ ﺣﻠﻮﻳﺎﺕ ﺟﺒﻴﺮ
ﻭﻛﻠﻲ ﻧﺰﻟﻲ ﻋﻴﺐ ﺗﺪﺧﻠﻴﻦ ﺍﻳﺪﺝ ﻓﺎﺭﻏﺔ . ﻧﺰﻟﺖ ﻭﺭﺍﻩ ﺩﺧﻞ ﺍﺷﺘﺮﻯ ﺑﻘﻼﻭﺓ ﻭﻗﻄﻊ ﻛﻴﻚ
ﻭﺍﻧﻲ ﻃﻠﺒﺖ ﻣﻨﻪ ﺑﺨﺠﻞ ﻳﺸﺘﺮﻳﻠﻲ ﻣﺠﻤﻮﻋﺔ ﺣﻠﻮﺍﻳﺎﺕ ﻟﻤﺸﻤﺶ
ﻭﺑﻌﺪﻣﺎ ﻣﺮﻭﺓ ﻭﺻﻔﺘﻠﻨﺎ ﻣﻜﺎﻥ ﺍﻟﺒﻴﺖ
ﻭﺻﻠﻨﻲ
ﺍﺗﻔﺎﺟﺌﺖ ﺑﺒﺘﻬﺎ ﻣﺎ ﺷﺎﺀ ﺍﻟﻠﻪ ﺟﺎﻥ ﺑﻴﺖ ﺟﺒﻴﺮ ﺑﻤﻨﻄﻘﺔ ﺭﺍﻗﻴﺔ ﻭﺣﺪﻳﺚ
ﺻﺪﻙ ﻓﺮﺣﺘﻠﻬﺎ ﻣﻦ ﻛﻞ ﻛﻠﺒﻲ
ﺳﻠﻤﺖ ﻋﻠﻴﻪ
.. ﻣﻮ ﺗﻨﺴﻴﻦ ﻣﻦ ﺗﺮﺩﻳﻦ ﺗﺮﺟﻌﻴﻦ ﺍﺗﺼﻠﻲ ﻋﻠﻴﺔ ﺣﺘﻰ ﺍﺟﻲ ﺍﺧﺬﺝ
.. ﺻﺎﻍ
ﺍﺑﺘﺴﻢ ﻭﺣﺮﻙ ﺳﻴﺎﺭﺗﻪ ﻭﺭﺍﺡ
ﺍﺗﺠﻬﺖ ﻟﻠﺒﺎﺏ ﻭﺩﻛﻴﺖ ﺍﻟﺠﺮﺱ
.....
ﻭﺟﺎﻥ ﺍﺳﻤﻊ ﺻﻮﺕ ﺍﻗﺪﺍﻡ ﺧﻔﻴﻔﺔ ﺩﺗﺮﻛﺾ
ﺍﺟﺎﻧﻲ ﺻﻮﺕ ﻣﺸﻤﺶ
.. ﻣﺎﻣﺎ ﺍﻭﻛﻔﻲ ﺍﻧﻲ ﺍﻏﻴﺪ ﺍﻓﺘﺢ ﺑﺎﺏ ﻟﻬﺪﻯ
ﺍﺑﺘﺴﻤﺖ ﻓﺘﺤﺖ ﺍﻟﺒﺎﺏ ﻋﺎﻟﺴﺮﻳﻊ ﻧﺰﻟﺖ ﻧﻈﺮﺍﺗﻲ ﻋﻠﻴﻬﺎ
ﺟﺎﻧﺖ ﻇﺎﻓﺮﺓ ﻛﺼﻴﺒﺘﻴﻦ ﻭﺣﺪﺓ ﻣﻈﻔﻮﺭﺓ ﻭﺍﻟﺜﺎﻧﻴﺔ
ﻣﻔﺘﻮﺣﺔ ﺑﻌﺪﻫﺎ ﻣﺎ ﻭﺻﻠﻬﺎ ﺍﻟﺪﻭﺭ
ﺟﺎﻧﺖ ﻣﺮﻭﺓ ﺗﻤﺸﻲ ﻭﺭﺍﻫﺎ ﺟﺎﻧﺖ ﻻﺯﻣﺔ ﺍﻟﻤﺸﻂ ﺑﻴﺪﻫﺎ ﻭﺗﻀﺤﻚ
.. ﺑﺲ ﺷﺎﻓﺘﺞ ﺑﺎﻟﻜﺎﻣﺮﺓ ﻃﻔﺮﺕ ﻣﻦ ﺟﻮﺓ ﺍﻳﺪﻱ ﻭﻛﺎﻟﺖ ﺍﻧﻲ ﺍﻓﺘﺢ ﺑﺎﺏ
ﺍﻧﻄﻴﺖ ﻋﻠﺐ ﺍﻟﺤﻠﻮﻳﺎﺕ ﻟﻤﺮﻭﺓ
ﻧﺰﻟﺖ ﻋﻠﻴﻬﺎ ﻭﺣﻀﻨﺘﻬﺎ
.. ﺗﻌﺎﻟﻲ ﻳﺎﺑﻌﺪ ﻏﻮﺡ ﺧﺎﻟﺘﺞ ﺧﻠﻲ ﺍﺷﺒﻊ ﻣﻦ ﻫﺎﻱ ﺍﻟﺨﺪﻭﺩ
ﺿﺤﻜﺖ ﺑﺸﻘﺎﻭﺓ ﻭﻛﺎﻟﺖ
.. ﻫﺪﻯ ﻭﻳﻦ ﺑﺪﻟﺖ ﺍﻟﻌﻐﻮﺱ
ﻣﺮﻭﺓ .. ﻟﺞ ﻣﺸﻤﺶ ﺍﻧﻲ ﻛﻢ ﻣﺮﺓ ﺍﻛﺪﺕ ﻋﻠﻴﺞ ﺗﻜﻮﻟﻴﻦ ﺧﺎﻟﺔ
.. ﻳﺎﺑﺔ ﻋﻮﻓﻲ ﺍﻟﺒﻨﻴﺔ ﺑﻐﺎﺣﺘﻬﺎ ( ﺑﺮﺍﺣﺘﻬﺎ )
ﺍﻗﺘﺮﺑﺖ ﻣﻨﻲ ﻭﺍﺧﺬﺗﻨﻲ ﻟﺤﻀﻨﻬﺎ ﺑﻜﻞ ﻟﻬﻔﺔ
.. ﻟﺞ ﺻﺎﺭﻟﻲ ﻳﻮﻣﻴﻦ ﺍﻋﻠﻢ ﺑﻴﻬﺎ ﺍﻛﻠﻠﻬﺎ ﻣﻦ ﻳﺠﻮﻥ ﺧﺎﻻﺗﺞ
ﺗﻜﻮﻟﻴﻦ ﺧﺎﻟﺔ ﻭﻛﻌﺪﺕ ﺍﺭﺍﻭﻳﻬﺎ ﺻﻮﺭﻛﻢ ﻛﻞ ﻭﺣﺪﺓ ﺑﻴﻜﻢ
ﻭﺍﺫﻛﺮ ﺍﻻﺳﻤﺎﺀ ﻭﻫﻲ ﻛﻌﺪﺕ ﺗﺮﺩﺩ ﻭﺭﺍﻱ
ﺗﻜﻮﻝ ﺧﺎﻟﺔ ﺷﻴﻤﺎﺀ ﻭﺧﺎﻟﺔ ﺿﺤﻰ ﻭﺧﺎﻟﺔ ﻣﺮﻳﻢ
ﺍﻻ ﺍﻧﺘﻲ ﻣﻦ ﺗﺸﻮﻑ ﺻﻮﺭﺗﺞ ﺗﻜﻮﻝ ﻫﺪﻯ ﺍﻟﻌﻐﻮﺳﺔ
ﻫﺪﻯ .. ﻫﻬﻬﻬﻬﻬﻪ ﻓﺪﻳﺖ ﻛﻠﺐ ﺧﺎﻻﺗﻬﺎ ﻣﻤﻴﺰﺓ ﻣﻦ ﻳﻮﻣﻲ
ﺑﺎﻭﻋﺖ ﻣﻨﺎ ﻭﻣﻨﺎ ﺍﻛﻮﻝ ﻣﻐﻮﺓ
ﺷﻨﻮ ﺍﻟﺒﻨﺎﺕ ﻭﻳﻦ
ﺷﻜﻠﻲ ﺍﻧﻲ ﺍﻭﻝ ﻭﺣﺪﺓ ﻭﺻﻠﺖ
ﻣﺮﻭﺓ .. ﺍﻟﺒﻨﺎﺕ ﺑﺎﻟﻄﺮﻳﻖ ﺷﻴﻤﺎﺀ ﻭﻣﺮﻳﻢ ﺭﺍﺡ ﻳﺠﻴﺒﻬﻢ ﻋﻤﻮ ﺍﻣﺠﺪ
ﻭﺿﺤﻰ ﻣﻨﺘﻈﺮﺓ ﺯﻭﺟﻬﺎ ﻳﺠﻲ ﻭﻳﻮﺻﻠﻬﺎ
ﻭﺑﻴﻦ ﻣﺎ ﺟﻨﺎ ﻧﺴﻮﻟﻒ ﺑﺎﻟﻜﺮﺍﺝ ﺍﻧﺪﻙ ﺍﻟﺒﺎﺏ ﻭﺩﺧﻠﺖ ﺷﻴﻤﺎﺀ ﻭﻣﺮﻳﻢ ﻭﺍﺗﺒﺎﺩﻟﻨﺎ ﺍﻻﺣﻀﺎﻥ
ﻭﻻﻭﻝ ﻣﺮﺓ ﺍﺷﻮﻑ ﺍﺑﺘﺴﺎﻣﺔ ﻣﺮﻳﻢ ﻭﻭﺟﻬﻬﺎ ﻣﻨﻮﺭ
ﺩﺧﻠﺘﻨﺎ ﻟﻠﺒﻴﺖ ﺟﺎﻥ ﻛﻠﺶ ﺣﻠﻮ ﻭﻣﺮﺗﺐ ﻭﺟﺎﻥ ﻋﻨﺪﻫﺎ
ﺧﺪﺍﻣﺔ
ﺟﺎﻧﺖ ﻣﺸﻤﺶ ﺗﻄﻔﺮ ﺩﺍﻳﺮ ﻣﺪﺍﻳﺮﻧﺎ
ﻓﺮﺣﺎﻧﺔ
ﺳﻤﻌﻨﺎ ﺻﻮﺕ ﺍﻟﺠﺮﺱ ﻭﺟﺎﻥ ﺗﻮﺻﻞ ﺿﺤﻰ
ﻭﺗﻨﻀﻢ ﺍﻟﻨﺔ ﻧﺰﻋﺖ ﺍﻟﺒﻮﺷﻲ ﻋﻦ ﻭﺟﻬﻬﺎ
ﻭﻣﺸﻤﺶ ﺗﻜﻮﻝ
.. ﻣﺎﻣﺎ ﺷﻔﺖ ﺍﻟﺸﻐﻴﻎ ( ﺍﻟﺸﺮﻳﺮ ) ﺑﺎﻟﺴﻴﺎﻏﺔ ( ﺑﺎﻟﺴﻴﺎﺭﺓ )
ﻣﺮﻭﺓ ﺑﺎﻭﻋﺖ ﻟﻀﺤﻰ
.. ﻟﺞ ﺿﺤﻰ ﻫﺎﻱ ﻣﺸﻤﺶ ﻣﻦ ﻳﻮﻡ ﻋﺮﺱ ﻫﺪﻯ ﻭﻫﻲ ﺗﺴﻤﻲ ﺯﻭﺟﺞ ﺳﻴﻒ ﺍﻟﺸﺮﻳﺮ
ﺿﺤﻰ .. ﺍﻫﻮﻭﻭﻭ ﺳﻜﺘﻲ ﻋﻤﻲ ﺣﻘﻬﺎ ﺗﺴﻤﻲ ﺷﺮﻳﺮ
ﺍﻱ ﻫﻮ ﻏﻴﺮ ﺻﺎﺭ ﺑﻴﺔ ﻓﻠﻢ ﺑﻴﻮﻡ ﺍﻟﻌﺮﺱ ﺍﺟﻴﺖ ﺍﻣﻮﺕ ﺑﺪﻣﻲ ﺍﻻ ﺷﻮﻳﺔ
ﺷﻴﻤﺎﺀ .. ﻭﺍﻟﻠﻪ ﻛﺎﻟﺖ ﻣﺮﻭﺓ ﻳﻤﻜﻦ ﺯﻭﺟﻬﺎ ﻣﺘﻌﺎﺭﻙ ﻭﻳﺎﻫﺎ
ﺿﺤﻰ .. ﻫﻮ ﺑﺲ ﺯﻭﺟﻲ ﺍﺷﻮ ﺑﺬﺍﻙ ﺍﻟﻴﻮﻡ ﻛﻠﻬﺎ
ﺍﻟﺘﻤﺖ ﻋﻠﻴﺔ
ﻭﺟﺮﺕ ﺣﺴﺮﺓ
ﻫﺪﻯ .. ﺍﻫﻮﻭﻭ ﺻﺎﻍ ( ﺻﺎﺭ ) ﺑﻴﻬﺎ ﺣﺴﻐﺔ ( ﺣﺴﺮﺓ )
ﺍﺣﺠﻴﻠﻨﺎ
ﺿﺤﻰ .. ﺧﻠﻮﻧﻲ ﺑﺎﻻﻭﻝ ﺍﺟﺮ ﻧﻔﺲ ﻭﺍﺭﺗﺎﺡ
ﻭﺍﺳﻤﻊ ﺍﺧﺒﺎﺭﻛﻢ
ﻭﺍﻟﺘﻔﺘﺖ ﻟﻤﺸﻤﺶ ﻭﺍﻧﻄﺘﻬﺎ ﻟﻌﺒﺔ ﻣﻜﻌﺒﺎﺕ
ﻭﻣﺮﻳﻢ ﻣﺸﺘﺮﻳﺔ ﺍﻟﻬﺔ ﺑﺎﺭﺑﻲ
ﻭﺷﻴﻤﺎﺀ ﺟﺎﺑﺘﻠﻬﺎ ﺑﺪﻟﺔ ﺑﻴﻀﺔ ﺗﻮﻝ ﻛﻠﺶ ﺣﻠﻮﺓ ﺍﺻﻴﺮ ﻧﻔﺶ
ﻣﺸﻤﺶ ﺷﺎﻓﺘﻬﺎ ﻭﺻﺎﺣﺖ .. ﺑﺪﻟﺔ ﻋﻐﻮﺱ ( ﻋﺮﻭﺱ ) ﻣﺎﻣﺎ
ﺍﻏﻴﺪ ﺍﻋﻐﺲ ( ﺍﺭﻳﺪ ﺍﻋﺮﺱ )
ﺿﺤﻜﻨﺎ ﻛﻠﻨﺎ ﻣﻦ ﻛﻞ ﻛﻠﺒﻨﺎ ﻋﻠﻰ ﺳﻮﺍﻟﻒ ﻣﺸﻤﺶ
ﺍﺑﺎﻭﻉ ﻟﻤﺮﻭﺓ ﺷﻠﻮﻥ ﻓﺮﺣﺎﻧﺔ
ﺑﺤﻴﺚ ﺍﺣﻨﺎ ﻛﻠﻨﺎ ﻛﺎﻋﺪﺍﺕ ﻋﺎﻟﻘﻨﻔﺎﺕ
ﺍﻻ ﻫﻲ ﺑﻘﺖ ﻭﺍﻛﻔﺔ ﻭﺗﺴﻮﻟﻒ ﻭﻳﺎﻧﺎ ﻋﺒﺎﻟﻚ ﺍﺫﺍ ﺗﻜﻌﺪ ﺭﺍﺡ ﻳﻔﻮﺗﻬﺎ ﺷﻲ
ﺍﻧﺘﺒﻬﺖ ﻣﻦ ﻛﺪ ﻟﻬﻔﺘﻨﺎ ﻭﺷﻮﻗﻨﺎ ﻟﺒﻌﻀﻨﺎ
ﺟﻨﺎ ﻛﻠﻨﺎ ﻧﺤﺠﻲ ﺑﻮﻗﺖ ﻭﺍﺣﺪ ﺳﻮﻳﺔ . ﻭﺍﻟﻤﺸﻜﻠﺔ ﻛﻠﻨﺎ ﻧﻔﻬﻢ
ﻋﻠﻰ ﺑﻌﻀﻨﺎ
......
ﻭﻣﺮﻳﻢ ﺍﻧﻄﻠﻘﺖ ﻭﻣﺎ ﺍﺩﺭﻱ ﺑﻴﻬﺎ
ﻋﻨﺪﻫﺎ ﺣﺲ ﺍﻟﻔﻜﺎﻫﺔ ﻣﺜﻠﻲ
ﻭﻛﻌﺪﺕ ﺗﺤﺠﻴﻠﻨﺎ ﻋﻦ ﺻﺪﻳﻘﺎﺗﻬﺎ ﺑﺎﻟﻤﺪﺭﺳﺔ
ﻭﻣﺮﻭﺓ ﻛﺎﻟﺖ
.. ﻣﺮﻳﻮﻣﺔ ﺍﻧﻲ ﻓﺮﺣﺎﻧﺔ ﺑﻴﺞ ﻻﻥ ﺳﻤﻌﺖ ﺑﻤﺴﺘﻮﺍﺝ ﺑﺎﻟﻤﺪﺭﺳﺔ
ﻛﻠﺶ ﺯﻳﻦ ﻣﺘﻔﻮﻗﺔ ﺑﺪﺭﺍﺳﺘﺞ ﻭﺫﻛﻴﺔ
ﻭﻋﺮﻓﺖ ﺟﺎﻥ ﻋﻨﺪﺝ ﻛﻢ ﻣﺎﺩﺓ ﺿﻌﻴﻔﺔ ﺑﻴﻬﺎ
ﻣﺮﻳﻢ .. ﻻ ﺍﻟﺤﻤﺪﻟﻠﻪ ﻛﺪﺭﺕ ﺍﺳﻴﻄﺮ ﻋﺎﻟﻤﻮﺍﺩ ﺍﻟﺼﻌﺒﺔ
ﻻﻥ ﺧﻄﻴﺔ ﺑﺎﺑﺎ ﺣﻄﻠﻲ ﻣﺪﺭﺳﻴﻦ ﺍﺛﻨﻴﻦ ﻟﻠﻔﻴﺰﻳﺎ ﻭﻟﻠﺮﻳﺎﺿﻴﺎﺕ ﺍﻟﻲ ﻫﻤﺔ ﻧﻘﻄﺔ ﺿﻌﻔﻲ
ﺷﻴﻤﺎﺀ ﻋﻘﺪﺕ ﺣﻮﺍﺟﺒﻬﺎ ﺑﺘﺴﺎﺋﻞ ﻭﺳﺄﻟﺖ ﻣﺮﻭﺓ
.. ﺍﻧﺘﻲ ﺷﻠﻮﻥ ﻋﺮﻓﺘﻲ ﺑﻤﺴﺘﻮﻯ ﻣﺮﻳﻢ
.. ﺍﻫﻮﻭﻭ ﻫﺎﻱ ﺳﺎﻟﻔﺔ ﻃﻮﻳﻠﺔ ﺑﻌﺪﻳﻦ ﺍﺣﺠﻴﻬﺎ ﺍﻟﻜﻢ
ﻫﺴﺔ ﻛﻮﻣﻮ ﺗﻌﺎﻟﻮﺍ ﻭﻳﺎﻱ ﺧﻠﻲ ﻧﺼﺐ ﻏﺪﺓ
ﻛﻤﻨﺎ ﻭﻳﺎﻫﺎ
ﻣﺮﻭﺓ .. ﻣﻦ ﻫﺴﺔ ﺍﻛﻠﻜﻢ ﻣﻮ ﺗﻌﻴﺒﻮﻥ ﻋﻠﻰ ﻃﺒﺨﻲ ﺍﻛﻠﻮﺍ
ﻭﺳﻜﺘﻮﺍ ﻻﻥ ﺍﻧﻲ ﻛﻠﺶ ﺻﻔﺮ ﺑﺴﻮﺍﻟﻒ ﺍﻟﻤﻄﺒﺦ
ﺷﻴﻤﺎﺀ .. ﻋﻤﻲ ﺭﺍﺿﻴﻦ ﺷﻨﻮ ﻳﻄﻠﻊ ﻣﻨﺞ ﺍﻧﻌﻢ ﺍﻟﻠﻪ
ﺻﺒﻴﻨﺎ ﻭﺑﺪﻳﻨﺎ ﻧﺎﻛﻞ
ﻭﻣﺮﻭﺓ ﺷﺮﻃﺖ ﻧﻔﺮﺵ ﺍﻟﺴﻔﺮﺓ ﺑﺎﻟﻜﺎﻉ ﻣﺎ ﻗﺒﻠﺖ ﻧﺎﻛﻞ ﻋﻠﻰ ﻣﻴﺰ ﺍﻟﻄﻌﺎﻡ
ﺗﻜﻮﻝ ﺍﺭﻳﺪ ﺍﺗﺬﻛﺮ ﺫﻳﺞ ﺍﻳﻤﻨﺎ ﻣﻦ ﺟﻨﺎ ﻧﻜﻌﺪ ﻋﻠﻰ ﻓﺮﺩ ﺻﻴﻨﻴﺔ
ﻣﻴﺰ ﺍﻟﻄﻌﺎﻡ ﺍﺣﺲ ﺑﻲ ﻳﺒﻌﺪ ﺍﻟﻤﺴﺎﻓﺎﺕ ﺑﻴﻨﺎ
ﻭﺍﻟﻠﻪ ﻭﺑﺴﻄﻨﺎ ﺑﺎﻟﻜﺎﻉ ﻭﺍﻧﺰﻟﺖ ﻧﺰﻟﺔ ﺍﺧﺖ ﺍﻟﺠﺬﺏ ﻋﻠﻰ ﺍﻻﻛﻞ
ﺿﺤﻰ .. ﻫﺪﻫﺪ ﺷﻜﻠﺞ ﺻﺎﺭﻟﺞ ﻛﻮﻣﺔ ﻣﺎ ﻣﺎﻛﻠﺔ
ﺗﺬﻛﺮﻳﻨﻲ ﺑﺮﻭﺣﻲ ﻣﻦ ﺟﻨﺖ ﻋﺮﻭﺱ ﺑﺄﻭﻝ ﺍﻳﺎﻡ ﻋﺮﺳﻲ ﻫﻴﺞ ﺟﻨﺖ ﺍﺳﺘﺤﻲ
.. ﺍﻱ ﻭﺍﻟﻠﻪ ﺑﻌﺪﻧﻲ ﺍﺳﺘﺤﻲ ﻣﻦ ﺑﻴﺖ ﺍﻫﻞ ﻗﺎﺳﻢ ﻭﻣﺎ ﺍﺧﺬ ﻏﺎﺣﺘﻲ ( ﺭﺍﺣﺘﻲ ) ﻛﻠﺶ ﺑﺎﻻﻛﻞ
ﺑﺎﻟﺮﻏﻢ ﻃﺒﺦ ﺧﺎﻟﺔ ﺍﻡ ﻗﺎﺳﻢ
ﻛﻠﺶ ﻃﻴﺐ ﻭﻣﺎ ﻋﻠﻴﻪ ﻗﺼﻮﺭ
.. ﺑﻌﺪﻳﻦ ﺗﺘﻌﻮﺩﻳﻦ ﻭﺗﺼﻴﺮ ﺳﻮﺍﻟﻒ
ﻭﺭﺓ ﺳﺎﻋﺔ
ﺟﻨﺎ ﻛﻠﻨﺎ ﻛﺎﻋﺪﺍﺕ ﺷﻲ ﺑﺎﻟﻜﺎﻉ ﻭﺷﻲ ﻋﺎﻟﻘﻨﻔﺎﺕ
ﻣﺮﻭﺓ ﻛﺎﻋﺪﺓ ﺑﺼﻒ ﻣﺮﻳﻢ ﻋﺎﻟﻘﻨﻔﺔ ﻭﺍﻧﻲ ﻭﻣﺘﻤﺪﺩ ﻋﺎﻟﻜﺎﻉ ﻭﺣﺎﻃﺔ ﺭﺍﺳﻲ ﺑﺤﻀﻦ ﺷﻴﻤﺎﺀ ﻭﺭﺟﻠﻲ ﺭﺍﻓﻌﺘﻬﺎ ﻋﺎﻟﻘﻨﻔﺔ
ﻭﺿﺤﻰ ﻛﺎﻋﺪ ﻭﺑﺤﻀﻨﻬﺎ ﻣﺸﻤﺶ ﻭﺗﻠﻌﺐ ﺑﺸﻌﺮﻫﺎ
ﻣﺮﻭﺓ ﺑﺎﻭﻋﺖ ﻋﻠﻴﻨﺎ ﻭﺍﺗﻨﻬﺪﺕ ﺑﺮﺿﻰ ﻭﻛﺎﻟﺖ
.. ﺍﺣﻤﺪ ﺭﺑﻲ ﻭﺍﺷﻜﺮﻩ ﺍﻟﻲ ﺧﻼﻧﻲ ﺍﻧﺠﻤﻊ ﺑﻴﻜﻢ ﻣﻦ ﺟﺪﻳﺪ
ﺿﺤﻰ .. ﺍﻱ ﺻﺪﻙ ﻣﺮﻭﺓ ﻋﻤﺘﻲ ﺩﺍﺋﻤﺎ ﺗﺴﺄﻟﻨﻲ ﻋﻨﺞ
ﻭﺗﻜﻮﻝ ﺍﺧﺘﺞ ﻣﺮﻭﺓ ﻣﻨﻴﻦ ﺟﺎﺑﺖ ﻫﺬﺍ ﺍﻟﺨﻴﺮ ﻛﻠﻪ
ﻭﺍﻧﻲ ﺍﺻﻠﻲ ﻋﺎﻟﻨﺒﻲ ﺑﻜﻠﺒﻲ ﻭﺍﻛﻠﻠﻬﺎ
.. ﺧﺎﻟﺔ ﻣﺮﻭﺓ ﺍﺧﺘﻲ ﻣﻦ ﺟﺎﻧﺖ ﺻﻐﻴﺮﺓ ﻭﻫﻲ ﺷﺎﻃﺮﺓ ﻭﺳﺒﺎﻋﻴﺔ
ﻭﻻ ﺗﻨﺴﻴﻦ ﻫﻲ ﺩﻛﺘﻮﺭﺓ
ﺑﺲ ﺷﻜﻠﻬﺎ ﻣﺎ ﺍﻗﺘﻨﻌﺖ ﺑﻜﻼﻣﻲ
ﻫﺪﻯ .. ﺻﺪﻙ ﻣﻐﻮﺓ ﺍﻧﺘﻲ ﻣﻦ ﺑﻌﺪ ﻣﺎ ﻃﻠﻌﺘﻲ ﻣﻦ ﻋﺪﻧﺎ
ﺷﻠﻮﻥ ﺩﺑﻐﺘﻲ ﺍﻣﻮﻏﺞ ( ﺩﺑﺮﺗﻲ ﺍﻣﻮﺭﺝ ) ﻭﻳﻦ ﻋﺸﺘﻲ
ﺍﺑﺎﻭﻉ ﻋﻠﻴﻬﺎ ﺍﺗﻨﻬﺪﺕ ﺑﺤﺴﺮﺓ
.. ﻣﺎ ﺗﻌﺮﻓﻮﻥ ﺍﻧﻲ ﺷﻜﺪ ﻋﺎﻧﻴﺖ ﺑﺤﻴﺎﺗﻲ ﻣﻦ ﺑﻌﺪﻣﺎ ﻃﻠﻌﺖ ﻣﻦ ﻋﻨﺪﻛﻢ
ﺷﻔﺖ ﺍﻟﻮﻳﻞ ﻭﺍﻟﻠﻮﻋﺔ ﻭﺿﻜﺖ ﺍﻟﻤﺮ
ﺟﺮﺑﺖ ﻛﻠﺸﻲ ﺑﺤﻴﺎﺗﻲ
ﺍﻟﺨﻮﻑ ﺍﻟﺒﺮﺩ ﺍﻟﺠﻮﻉ ﺍﻟﻀﻴﺎﻉ ﺍﻟﻐﺮﺑﺔ
ﻛﻞ ﻫﺬﻧﻲ ﻣﺮﻳﺖ ﺑﻴﻬﻢ ﺑﺲ ﺍﻟﻲ ﺟﺎﻥ ﻳﺪﻋﻤﻨﻲ ﻭﻳﻘﻮﻳﻨﻲ
ﺷﻬﺎﺩﺗﻲ ﻭﻧﺠﺎﺣﻲ ﺟﺎﻥ ﺭﻏﻢ ﺍﻟﻲ ﻣﺮﻳﺖ ﺑﻲ
ﺟﻨﺖ ﺍﻧﺘﻘﻞ ﻣﻦ ﻧﺠﺎﺡ ﻟﻨﺠﺎﺡ
ﻳﻌﻨﻲ ﺗﻌﺒﻲ ﻭﺧﻮﻓﻲ ﻣﺎ ﺭﺍﺡ ﻋﺎﻟﻔﺎﺿﻲ
ﺍﺗﺬﻛﺮ ﻣﻦ ﻃﻠﻌﺖ ﻣﻦ ﻣﺮﻛﺰ ﺍﻟﺸﺮﻃﺔ
ﺟﺎﻧﺖ ﻋﻨﺪﻱ ﺻﺪﻳﻘﺘﻲ ﻫﻢ ﺩﻛﺘﻮﺭﺓ ﺍﺳﻤﻬﺎ ﻫﻨﺎﺀ ﺍﻟﻠﻪ ﻳﺮﺣﻤﻬﺎ
ﺟﺎﻧﺖ ﺣﻴﻞ ﻃﻴﺒﺔ
ﻭﻫﻲ ﺑﺬﺍﻙ ﺍﻟﻮﻛﺖ ﻫﻮﺍﻱ ﺳﺎﻋﺪﺗﻨﻲ
...
ﻭﺍﻗﺘﺮﺣﺖ ﻋﻠﻴﺔ ﺑﺎﻟﺒﺪﺍﻳﺔ ﺍﺳﻜﻦ ﻳﻢ ﺍﻣﻬﺎ ﻭﻓﻌﻼ ﺟﺎﻧﺖ ﻣﺮﻳﺔ ﺟﺒﻴﺮﺓ
ﻻﻥ ﻫﻨﺎﺀ ﺟﺎﻧﺖ ﻣﺘﺰﻭﺟﺔ ﻭﻋﻨﺪﻫﺎ ﺑﻨﻴﺔ ﻭﻭﻟﺪ ﻭﻣﺘﻜﺪﺭ ﺗﺴﻜﻦ ﻳﻢ ﺍﻣﻬﺎ
ﺯﻭﺟﻬﺎ ﺩﺍﺋﻤﺎ ﻣﺘﻨﻘﻞ ﻣﺎ ﺑﻴﻦ ﺍﻫﻠﻪ ﺑﺎﻟﻨﺎﺻﺮﻳﺔ ﻭﺑﺒﻐﺪﺍﺩ
ﻟﺬﻟﻚ ﻛﺎﻟﺖ ﺗﻌﺎﻟﻲ ﺳﻜﻨﻲ ﻳﻢ ﺍﻣﻲ ﻫﻲ ﻭﺣﺪﻫﺎ
ﺑﺲ ﺧﻄﻴﺔ ﺍﻣﻬﺎ ﻣﺎ ﻃﻮﻟﺖ ﻳﻤﻜﻦ ﺑﺎﻻﺷﻬﺮ ﻭﻣﺎﺗﺖ ﻭﺍﻧﺘﻘﻠﺖ ﻟﺪﺍﺭ ﺍﻟﻄﺒﻴﺒﺎﺕ
ﺟﻨﺖ ﺍﻣﺮ ﺑﺬﻳﺞ ﺍﻟﻔﺘﺮﺓ ﺑﺸﺪﺓ ﺷﺪﻳﺪﺓ ﻭﺍﺗﻌﺮﺿﺖ ﻟﻬﻮﺍﻱ ﺿﻐﻮﻃﺎﺕ ﺍﻭﻟﻬﺎ ﻛﻼﻡ ﺍﻟﻨﺎﺱ
ﻭﺻﺎﺭﺕ ﺳﻴﺮﺗﻲ ﻋﻠﻰ ﻛﻞ ﺍﻟﺴﺎﻥ ﻣﻦ ﺑﻌﺪﻣﺎ ﻋﺮﻓﻮﺍ ﺑﻴﺔ ﻗﺪﻣﺖ ﺑﻼﻍ ﻋﻠﻰ ﺍﺛﻴﺮ ﺑﻤﺮﻛﺰ ﺍﻟﺸﺮﻃﺔ
ﻣﺎﺧﻠﻮ ﺣﺠﺎﻳﺔ ﻣﺎ ﻛﺎﻟﻮﻫﺎ ﺑﺤﻘﻲ
ﺻﺮﺕ ﺍﻋﻴﺶ ﺑﺠﺤﻴﻢ ﻣﻦ ﻭﺭﺓ ﻛﻼﻣﻬﻢ
ﻛﺜﺮﺓ ﺍﻟﻜﻼﻡ ﺑﺴﻤﻌﺘﻲ
ﻟﺪﺭﺟﺔ ﺍﺿﻄﺮﻳﺖ ﺍﻭﺍﻓﻖ ﻋﻠﻰ ﺍﻭﻝ ﻭﺍﺣﺪ ﺍﺟﺔ ﺍﺗﻘﺪﻣﻠﻲ
ﺍﻟﺪﻛﺘﻮﺭ ﺭﺍﻓﺪ ﺟﺎﻧﺖ ﺳﻤﻌﺘﻪ ﻣﻌﺮﻭﻓﺔ ﻣﻮ ﺷﻲ
ﺑﺲ ﺍﺿﻄﺮﻳﺖ ﺍﻭﺍﻓﻖ ﺣﺘﻰ ﺍﺳﻠﻢ ﻋﻠﻰ ﺭﻭﺣﻲ
ﺟﻨﺖ ﺣﻴﻞ ﺧﺎﻳﻔﺔ
ﻣﺎ ﺍﻋﺮﻑ ﻣﻨﻮ ﻭﻳﺎﻱ ﻭﻣﻨﻮ ﺿﺪﻱ
ﻭﺻﺎﺩﻑ ﺟﺎﻥ ﺭﺍﻓﺪ ﻣﻘﺪﻡ ﻃﻠﺐ ﻳﺮﻳﺪ ﻳﺪﺭﺱ ﺑﺮﺓ
ﺣﺘﻰ ﻳﺎﺧﺬ ﺍﻟﻤﺎﺟﺴﺘﻴﺮ ﻭﺍﻋﺘﻴﺎﺩﻱ ﺍﻧﻲ ﺯﻭﺟﺘﻪ ﺍﻛﻮﻥ ﻣﺮﺍﻓﻘﺔ ﻟﻪ
ﻭﻫﻮ ﺣﺎﻭﻝ ﺑﻤﻌﺎﺭﻓﻪ ﻭﻭﺍﺳﻄﺎﺗﻪ ﺍﻥ ﻳﻘﺒﻠﻮﻧﻲ ﺍﻧﻲ ﻫﻢ ﺩﺭﺍﺳﺎﺕ
ﻭﺟﺎﻧﺖ ﻫﺎﻱ ﻓﺮﺻﺘﻲ ﻭﺳﺎﻓﺮﺕ ﻭﻳﺎﻩ ﻟﻠﺨﺎﺭﺝ
ﺍﺗﺬﻛﺮ ﺟﻨﺖ ﻛﻠﺶ ﻣﺘﻔﻮﻗﺔ ﻋﻜﺲ ﺭﺍﻓﺪ ﺍﻟﻲ
ﻛﻀﺎﻫﺎ ﻭﻧﺴﺔ ﻭﻃﻠﻌﺎﺕ ﻭﻳﺔ ﺍﻟﺠﺎﻟﻴﺎﺕ ﺍﻟﻌﺮﺍﻗﻴﺔ
ﺍﺗﻌﺮﻑ ﻋﻠﻰ ﻣﺠﻤﻮﻋﺔ ﺍﺻﺪﻗﺎﺀ
ﻭﺍﻟﺘﻬﻰ ﺑﻴﻬﻢ ﺑﺎﻟﻮﻛﺖ ﻧﻔﺴﻪ ﺍﻧﻲ ﺣﻤﻠﺖ ﺑﻤﺸﻤﺶ
ﺻﺤﻴﺢ ﺟﻨﺖ ﺍﺩﺭﺱ ﺑﺲ ﺑﻨﻔﺲ ﺍﻟﻮﻛﺖ
ﻗﺪﻣﺖ ﻋﻠﻰ ﻭﻇﻴﻔﺔ ﻣﺴﺎﻋﺪﺓ ﻃﺒﻴﺐ
ﺑﻌﻴﺎﺩﺗﻪ ﺟﺎﻥ ﺩﻛﺘﻮﺭ ﻧﺴﺎﺋﻴﺔ . ﺟﺒﻴﺮ ﺑﺎﻟﻌﻤﺮ ﻭﺷﻮﻳﺔ ﺷﻮﻳﺔ
ﻛﻤﺖ ﺣﺘﻰ ﺍﺧﺬ ﻣﻜﺎﻧﻪ ﻣﻦ ﻳﺴﺎﻓﺮ
ﻭﺑﻌﺪﻫﺎ ﺍﺗﻔﻮﻗﺖ ﺣﺘﻰ ﻋﺎﻟﺪﻛﺘﻮﺭ ﻧﻔﺴﻪ ﺻﺎﺣﺐ ﺍﻟﻌﻴﺎﺩﺓ
ﻭﺻﺎﺭﻭﺍ ﺍﻟﻤﺮﺍﺟﻌﺎﺕ ﻳﻄﻠﺒﻮﻧﻲ ﺑﺎﻻﺳﻢ
ﻭﺑﻌﺪﻣﺎ ﺧﻠﺼﺖ ﺩﺭﺍﺳﺘﻲ ﺩﺍﻭﻣﺖ ﺑﻤﺴﺘﺸﻔﻰ ﺧﺎﺹ ﻫﻨﺎﻙ
ﻭﺻﺮﺕ ﺍﺷﺘﻐﻞ ﺑﺠﺪ
ﺑﺤﻴﺚ ﺍﻟﻴﻮﻡ ﻛﻠﻪ ﻣﺎ ﺍﺭﺗﺎﺡ ﺍﻻ ﺧﻤﺲ ﺳﺎﻋﺎﺕ
ﺣﺘﻰ ﻣﺸﻤﺶ ﺟﻨﺖ ﺍﺣﻄﻬﺎ ﺑﺎﻟﺤﻀﺎﻧﺔ ﺍﻟﺘﺎﺑﻌﺔ ﻟﻠﻤﺴﺘﺸﻔﻰ
ﺑﺲ ﺍﻟﺤﻤﺪﻟﻠﻪ ﻫﻲ ﺟﺎﻧﺖ ﺻﻐﻴﺮﺓ ﻣﺎ ﺗﻨﺘﺒﻪ ﻟﻮﺟﻮﺩﻱ
ﻣﺮﺕ ﻋﻠﻴﺔ ﻟﻴﺎﻟﻲ ﻣﺎ ﺍﻧﺎﻡ ﻣﻦ ﻭﺭﺓ ﺍﻟﻮﺍﺟﺐ ﻭﺍﻟﺸﻐﻞ
ﻭﺟﻨﺖ ﺍﺣﻂ ﺍﻟﻔﻠﺲ ﻋﺎﻟﻔﻠﺲ ﻭﺣﻴﻞ ﺣﺮﻳﺼﺔ
ﻭﺟﻨﺖ ﺷﻨﻮ ﺍﺣﺼﻞ ﺍﺣﻮﻟﺔ ﻟﺼﺪﻳﻘﺘﻲ ﻫﻨﺎﺀ
ﺗﺤﻄﻬﻢ ﺍﻟﻲ ﺑﺎﻟﺒﻨﻚ
ﻭﺭﺍﻓﺪ ﺟﺎﻥ ﻋﻠﻴﻪ ﺗﻮﻓﻴﺮ ﺍﻻﻳﺠﺎﺭ ﺍﻟﺸﻘﺔ ﻭﺍﻟﻜﻬﺮﺑﺎﺀ ﺍﻟﻤﺎﻱ
ﻭﺍﻧﻲ ﻋﻠﻴﺔ ﺗﻮﻓﻴﺮ ﺍﻟﻤﺴﻮﺍﻙ ﺍﻟﻤﻼﺑﺲ ﻭﻣﺼﺮﻑ ﻣﺸﻤﺶ
ﻭﻧﻮﺏ ﺍﻟﺪﻛﺘﻮﺭ ﺻﺤﺘﻪ ﻛﻠﺶ ﺗﻌﺒﺖ
ﻭﻫﻴﺞ ﻛﺪﺭﺕ ﺍﺷﺎﺭﻙ ﺍﻟﺪﻛﺘﻮﺭ ﺑﻌﻴﺎﺩﺗﻪ
ﻭﺭﺍﻫﺎ ﺍﺷﺘﺪ ﻋﻠﻴﻪ ﺍﻟﻤﺮﺽ
ﻗﺮﺭ ﻳﺒﻴﻌﻠﻲ ﺣﺼﺘﻪ ﻭﻣﻦ ﻋﻨﺪﻫﺎ
ﻛﺪﺭﺕ ﺍﺗﻨﻔﺲ ﻭﺑﺪﺕ ﺍﻣﻮﺭﻱ ﺗﺘﻴﺴﺮ ﺑﻔﻀﻞ ﻣﻦ ﺭﺏ ﺍﻟﻌﺎﻟﻤﻴﻦ
ﻭﻇﻠﻴﺖ ﻣﺴﺘﻤﺮﺓ ﺍﺷﺘﻐﻞ ﻭﺍﺣﻮﻝ ﻟﻬﻨﺎﺀ
ﻣﻨﺎ ﻟﺤﺪ ﻣﺎ ﺷﻔﺖ ﻣﺘﻤﻜﻨﺔ ﻭﺍﻛﺪﺭ ﺍﻭﻛﻒ ﻋﻠﻰ ﺭﺟﻠﻲ
ﻛﻠﺖ ﺍﻓﺘﺤﻠﻲ ﻣﺸﺮﻭﻉ ﻫﻨﺎﻙ ﺑﺎﻟﺨﺎﺭﺝ
ﻣﺠﻨﺖ ﻧﺎﻭﻳﺔ ﺍﺭﺟﻊ
ﺑﺲ ﺭﺍﻓﺪ ﺍﺗﻤﺮﺽ ﻭﺍﺗﺪﻫﻮﺭﺕ ﺻﺤﺘﻪ
ﺍﻭﻝ ﺷﻲ ﻓﻜﺮﺕ ﺑﻪ ﻣﻦ ﺍﺗﻤﺮﺽ ﺭﺍﻓﺪ
ﻫﻮ ﻣﺸﻤﺶ ﺷﻠﻮﻥ ﺍﺫﺍ ﺻﺎﺭ ﻋﻠﻴﺔ ﺷﻲ ﺍﻧﻲ ﺍﻭ ﺍﺑﻮﻫﺎ
ﺧﻔﺖ ﻻ ﺗﺒﻘﻰ ﻟﻮﺣﺪﻫﺎ ﻣﺎ ﺭﺩﺕ ﺑﻨﺘﻲ ﺗﻌﻴﺶ ﻭﺣﻴﺪﺓ ﺑﺎﻟﻐﺮﺑﺔ
ﻓﺼﺎﺭ ﺷﻐﻠﻲ ﺍﻟﺸﺎﻏﻞ ﺍﺍﻣﻦ ﻣﺴﺘﻘﺒﻞ ﺑﻨﺘﻲ
......
ﻭﻟﻴﺶ ﻣﺎ ﻣﺮﺓ ﻣﻦ ﺍﻟﻤﺮﺍﺕ ﺯﻭﺝ ﻫﻨﺎﺀ ﺟﺎﻥ ﺭﺟﺎﻝ ﻗﻤﺔ ﺑﺎﻻﺧﻼﻕ ﺍﻗﺘﺮﺡ ﻋﻠﻴﺔ
ﻧﻔﺘﺢ ﺍﻧﻲ ﻭﻳﺎﻩ ﻣﺸﺮﻭﻉ ﻣﺮﻛﺰ ﻃﺒﻲ ﻧﺴﺎﺋﻲ ﻭﺗﺠﻤﻴﻞ
ﻭﺍﻟﺤﻤﺪ ﻟﻠﻪ
ﺭﺑﺞ ﻣﺎ ﻳﻜﻄﻊ ﺣﺼﻠﺖ ﺛﻤﺮﺓ ﺗﻌﺒﻲ
ﺻﺤﻴﺢ ﺍﻭﻝ ﻣﺎ ﻭﺻﻠﺖ ﻟﻠﻌﺮﺍﻕ
ﺟﺎﻥ ﺑﺎﻟﺒﺪﺍﻳﺔ ﻣﺤﺪ ﻳﻌﺮﻓﻨﻲ
ﺑﺲ ﺑﻌﺪﻳﻦ ﻛﺪﺭﺕ ﺑﻔﺘﺮﺓ ﻭﺟﻴﺰﺓ ﺍﻛﻮﻥ ﺳﻤﻌﺔ ﻃﺒﻴﺔ
ﻣﺘﻤﻴﺰﺓ
ﻭﻫﺎﻱ ﺍﻧﻲ ﻛﺪﺍﻣﻜﻢ ﺑﺨﻴﺮ ﻭﻧﻌﻤﺔ
ﺿﺤﻰ .. ﻭﺍﻟﻠﻪ ﺑﺎﻟﺤﻘﻴﻘﺔ ﻣﺮﻭﺓ . ﻣﻮ ﻛﺪﺍﻣﺞ
ﺍﻧﺘﻲ ﺭﻓﻌﺘﻲ ﺭﺍﺳﻨﺎ ﻭﺣﻘﻘﺘﻲ ﺣﻠﻢ ﺍﻣﻲ
ﻋﻜﺴﻲ ﺍﻧﻲ ﺍﻟﻔﺎﺷﻠﺔ ﻣﺎ ﻓﻠﺤﺖ
ﺑﺄﻱ ﺷﻲ ﻻ ﺑﻤﺪﺭﺳﺔ ﻻ ﺑﺤﺐ ﻭﻻ ﺑﺰﻭﺍﺝ
ﺷﻴﻤﺎﺀ .. ﺻﺪﻙ ﻣﺎ ﻛﻠﺘﻲ ﺳﻴﻒ ﺷﺒﻲ ﻭﻳﺎﺝ ﺫﺍﻙ ﺍﻟﻴﻮﻡ ﺑﺎﻟﻌﺮﺱ
ﺣﺴﻴﺖ ﻋﻠﻴﺞ ﻣﻘﻬﻮﺭﺓ ﺑﺲ ﻣﺎ ﻛﺪﺭﺕ ﺍﺳﺄﻟﺞ ﻛﺪﺍﻡ ﺳﻴﻒ
ﻭﻛﻞ ﻣﺮﺓ ﺍﺳﺄﻟﺞ ﺷﺒﻲ ﺗﻐﻴﺮﻳﻦ ﺍﻟﻤﻮﺿﻮﻉ
.. ﺍﻱ ﻣﻮ ﻣﺎ ﺗﻌﺮﻓﻴﻦ ﺳﻴﻒ ﻛﻞ ﻣﺎ ﺍﺣﺠﻲ ﺑﺎﻟﻨﻘﺎﻝ ﻭﻳﺔ ﻭﺣﺪﺓ ﻣﻨﻜﻢ
ﻳﻀﻞ ﻳﻮﻛﻒ ﻓﻮﻙ ﺭﺍﺳﻲ ﻓﻤﺎ ﺍﻛﺪﺭ ﺍﺣﺠﻲ ﻛﺪﺍﻣﻪ ﻋﻦ ﺍﻟﺼﺎﺭ
ﻫﺪﻯ .. ﻫﺬﺍ ﺍﺳﺘﺎﺫ ﺳﻴﻒ ﺷﻜﻠﻪ ﻣﺤﺘﺎﺝ
ﺍﻫﺪ ﻋﻠﻴﻪ ﻋﻼﻭﻱ ﺧﺘﻴﺒﻲ ﺍﻟﺴﺎﺑﻖ ﻳﻔﻠﺶ ﺳﻴﺎﻏﺘﻪ ﻣﻐﺔ ( ﺳﻴﺎﺭﺗﻪ ﻣﺮﺓ ) ﺛﺎﻧﻴﺔ
ﺿﺤﻰ .. ﻣﺮﻭﺓ ﺗﺘﺬﻛﺮﻳﻦ ﻣﻦ ﺍﺟﺘﻲ ﻣﺮﻳﻢ ﺗﺒﺠﻲ ﻭﺑﻮﻛﺘﻬﺎ
ﺧﻠﻴﺘﻲ ﻳﻤﻲ ﻣﺸﻤﺶ
.. ﺍﻱ ﺍﺗﺬﻛﺮ
.. ﺑﻮﻛﺘﻬﺎ ﺟﻨﺖ ﻣﺪﻧﻜﺔ ﻻﺯﻣﺔ ﺍﻳﺪ ﻣﺸﻤﺶ ﻭﻭﺍﻛﻔﺔ ﺑﺎﻟﺸﺎﺭﻉ ﻣﻨﺘﻈﺮﺗﻜﻢ
ﻻﻥ ﺍﻧﺘﻮﺍ ﺍﻟﻠﻪ ﻳﺤﻔﻈﻜﻢ ﻋﻔﺘﻮﻧﻲ ﺑﻤﻜﺎﻥ ﺍﻟﺮﺍﻳﺢ ﻭﺍﻟﺠﺎﻱ ﻳﺸﻮﻓﻨﻲ ﻭﺍﻧﻲ ﺟﻨﺖ
ﻻﺑﺴﺔ ﺑﻮﺷﻲ ﻭﻻﺯﻣﺔ ﻣﺸﻤﺶ ﺍﻟﻲ ﺑﺪﺕ ﺗﺘﻨﻌﻮﺹ
ﺗﺮﻳﺪ ﺍﻣﻬﺎ ﻭﺍﻟﻨﺎﺱ ﺗﻌﺒﺮ ﻋﺒﺎﻟﻬﻢ ﺧﺎﻃﻔﺘﻬﺎ
ﻫﻬﻬﻬﻬﻬﻪ
ﻭ ﻣﻦ ﺑﻴﻦ ﻫﺎﻱ ﺍﻟﻬﻮﺳﺔ ﻛﻠﻬﺎ ﻭﺟﺎﻥ ﺍﺷﻮﻑ ﺻﻬﻴﺐ
ﻏﻴﺮ ﺍﺟﺔ ﻛﻠﺒﻲ ﻳﻮﻛﻒ
ﺑﺲ ﺷﻔﺘﻪ ﺍﻧﻲ ﻧﺴﻴﺖ ﻛﻠﺸﻲ ﻭﻧﺴﻴﺖ ﺣﺘﻰ ﺍﺳﻤﻲ
ﻭﺻﺮﺕ ﺑﺲ ﺍﺑﺎﻭﻉ ﻋﻠﻴﻪ ﺑﺸﻮﻙ
ﺑﺲ ﻣﻊ ﺍﻻﺳﻒ ﺻﻬﻴﺐ ﻣﺠﺎﻥ ﻟﻮﺣﺪﻩ ﺟﺎﻥ ﻭﻳﺎﻩ
ﺧﻄﻴﺒﺘﻪ ﺟﺎﻥ ﺣﺎﻁ ﺍﻳﺪﻩ ﺑﺤﻤﺎﻳﺔ ﻋﻠﻰ ﻇﻬﺮﻫﺎ
ﻭﻓﺎﺗﺤﻠﻬﺎ ﺑﺎﺏ ﺍﻟﺴﻴﺎﺭﺓ ﺣﺘﻰ ﺗﺼﻌﺪ ﺍﻟﻤﺴﻌﺪﺓ
ﺳﻴﺎﺭﺗﻪ ﺟﺎﻧﺖ ﻭﺍﻛﻔﺔ ﻛﺪﺍﻣﻲ
ﺍﻧﻲ ﺑﺲ ﺍﺑﺎﻭﻉ ﻋﻠﻴﻪ ﻭﺍﺗﺤﺴﺮ ﻭﺍﻋﻆ ﺍﻳﺪﻱ ﻣﻦ ﺍﻟﻨﺪﻡ
ﻭﺑﻬﺎﻱ ﺍﻻﺛﻨﺎﺀ
ﺟﺎﻥ ﺗﺠﻴﻨﻲ ﺍﻡ ﻓﺮﺯﺩﻕ ﻭﻛﺎﻟﺖ
.. ﻫﺎ ﺧﺎﻟﺔ ﺿﺤﻰ ﻟﻴﺶ ﻭﺍﻛﻔﺔ ﻟﻮﺣﺪﺝ ﻫﻨﺎ ﻭﻳﻦ ﺧﻮﺍﺗﺞ
ﻫﻲ ﻛﺎﻟﺖ ﺿﺤﻰ
ﻭﺟﺎﻥ ﺍﻧﺘﺒﻪ ﻟﺼﻬﻴﺐ ﺍﻟﺘﻔﺘﺖ ﺑﺴﺮﻋﺔ ﻭﺻﺎﺭ ﻳﺒﺎﻭﻉ ﻋﻠﻴﺔ
ﺑﺘﻤﻌﻦ
ﻋﺒﺎﻟﻚ ﻳﺮﻳﺪ ﻳﺨﺘﺮﻕ ﺑﻨﻈﺮﺍﺗﻪ ﻫﺬﺍ ﺍﻟﺒﻮﺷﻲ ﺍﻟﻤﻐﻄﻲ ﻣﻼﻣﺤﻲ ﻋﻨﻪ
ﻭﻳﺸﻮﻑ ﻭﺟﻬﻲ ﻭﻳﺘﺄﻛﺪ ﺍﻧﻲ ﺿﺤﻰ ﺑﺬﺍﺕ ﻧﻔﺴﻬﺎ
ﺟﺎﻭﺑﺘﻬﺎ ﻭﺍﻧﻲ ﻋﻴﻨﻲ ﻣﻌﻠﻜﻪ ﺗﺒﺎﻭﻉ ﻋﻠﻴﻪ
.. ﺧﺎﻟﺔ ﻣﺮﻭﺓ ﻭﺷﻴﻤﺎﺀ ﺭﺍﺣﻮﺍ ﺑﺸﻐﻠﺔ ﻭﻫﺴﺔ ﻳﺠﻮﻥ
ﺧﻄﻴﺔ ﺍﻡ ﻓﺮﺯﺩﻕ ﺟﺎﻧﺖ ﻛﻮﺓ ﺗﻤﺸﻲ
ﻭﻛﺎﻟﺖ .. ﻳﺎﻟﻠﻪ ﺧﺎﻟﺔ ﺍﻧﺎ ﺭﺍﻳﺤﺔ ﻋﺬﺭﻳﻨﻲ ﺟﺎﻥ ﺑﻘﻴﺖ ﻭﻳﺎﺝ ﺍﻧﺘﻈﺮ ﺧﻮﺍﺗﺞ
ﺑﺲ ﺭﺟﻠﻴﺔ ﻣﺎ ﻳﻌﻴﻨﻮﻧﻲ ﻣﺎ ﺑﻴﻬﻢ ﺧﻴﺮ
.. ﺣﺒﻴﺒﺘﻲ ﺧﺎﻟﺔ ﺍﺩﺭﻱ ﺑﻴﺞ ﻣﺎ ﺗﻘﺼﺮﻳﻦ ﻻ ﺗﺸﻴﻠﻴﻦ ﻫﻤﻲ
ﺍﺧﺬﻱ ﺭﺍﺣﺘﺞ
ﺍﺟﺔ ﺻﻬﻴﺐ ﻭﻟﺰﻣﻬﺎ ﻣﻦ ﺍﻳﺪﻫﺎ ﺣﺘﻰ ﻳﻮﺻﻠﻬﺎ ﻟﻠﺴﻴﺎﺭﺓ
ﺑﺲ ﻗﺒﻞ ﻻ ﻳﺮﻭﺡ ﺳﻤﻌﻨﻲ ﺣﺠﺎﻳﺔ ﺧﻠﺘﻨﻲ ﺍﺗﻤﻨﻰ ﺍﻟﻤﻮﺕ
ﻫﻤﺴﻠﻲ ﺑﺼﻮﺗﻪ
ﻭﻛﺎﻝ .. ﻫﻢ ﺗﻨﺎﻣﻴﻦ ﻟﻴﻠﺞ
ﺷﻬﻜﺖ ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﺣﺘﻰ ﺍﻛﺘﻢ ﻋﺒﺮﺗﻲ
ﻭﻣﺎ ﺍﻧﻔﻀﺢ ﻭﺭﺍﺡ ﺍﺧﺬ ﺑﻴﺒﺘﻪ ﻭﺻﻌﺪﻫﺎ ﺑﺎﻟﺴﻴﺎﺭﺓ
ﻭﻫﻮ ﺻﻌﺪ ﻭﻇﻞ ﻭﺍﻛﻒ ﻣﻨﺘﻈﺮ
......
ﻭﻛﻞ ﺷﻮﻳﺔ ﻳﻠﺘﻔﺖ ﻳﺒﺎﻭﻉ ﻋﻠﻴﺔ
ﺍﺳﻤﻊ ﺧﻄﻴﺒﺘﻪ ﺗﻜﻠﻪ ﺷﻨﻮ ﺗﻨﺘﻈﺮ ﻟﻴﺶ ﻣﺎ ﺗﺘﺤﺮﻙ
ﻭﻫﻮ ﻳﺠﺎﻭﺑﻬﺎ ﻭﻋﻴﻨﻪ ﻋﻠﻴﺔ
.. ﻟﺤﻈﺔ ﺧﻠﻲ ﻧﻨﺘﻈﺮ ﺻﺪﻳﻘﻲ ﻛﺎﻝ ﺍﻭﻛﻒ ﺣﺘﻰ ﻧﻄﻠﻊ ﺳﻮﻳﺔ
ﻭﻣﺎ ﺗﺤﺮﻙ ﻣﻦ ﻣﻜﺎﻧﻪ ﺍﻻ ﻣﻦ ﺍﺟﺎﻧﻲ ﺍﻟﻐﻀﺐ ﺍﻟﺴﺎﻃﻊ
ﺳﻴﻒ ﺷﺎﻓﻨﻲ ﻭﺍﻛﻔﺔ ﺑﻨﺺ ﺍﻟﺸﺎﺭﻉ
ﻭﻫﻮ ﻧﺰﻝ ﻋﻠﻴﺔ ﻓﺸﺎﻳﺮ ﻭﻏﻠﻂ ﻭﺳﺐ
ﺍﺧﻴﺮ ﺷﻲ ﻟﺰﻣﻨﻲ ﻣﻦ ﺯﻧﺪﻱ ﺑﻨﺘﺮﺓ ﺍﺟﺔ ﻳﺨﻠﻌﻬﺎ ﻻﻳﺪﻱ
ﻫﺬﺍ ﺻﺎﺭ ﻛﻠﻪ ﻛﺪﺍﻡ ﻋﻴﻮﻥ ﺻﻬﻴﺐ ﺍﻟﻲ ﻓﺘﺢ ﺍﻟﺒﺎﺏ ﺑﺴﺮﻋﺔ ﻭﻧﺰﻝ ﻣﻦ ﺍﻟﺴﻴﺎﺭﺓ ﺍﺗﻘﺪﻡ ﺧﻄﻮﺓ ﻭﺑﻌﺪﻫﺎ ﺍﺭﺗﺪ ﻣﺜﻞ ﺍﻟﻲ ﺗﺬﻛﺮ ﻫﻮ ﻣﺎﻟﻪ ﺣﻖ ﻳﺘﺪﺧﻞ ﻭﺗﺎﻟﻲ ﺭﺟﻊ ﺻﻌﺪ ﺑﺎﻟﺴﻴﺎﺭﺓ ﻭﺣﺮﻛﻬﺎ ﻭﺭﺍﺡ
ﻭﻫﻮ ﻳﺴﺐ ﻭﻳﻠﻌﻦ ﺑﻘﻬﺮ ﻣﺎ ﻓﺎﺗﺘﻨﻲ ﺣﺮﻛﺘﻪ
ﺑﺎﻟﻌﻜﺲ ﺍﺻﻼ ﺯﺍﺩﺕ ﻧﺎﺭﻱ ﻭﺻﺮﺕ ﺍﺗﻜﻠﺐ ﻣﺜﻞ ﺍﻟﻤﻄﻌﻮﻥ ﺑﺨﻨﺠﺮ ﻣﺴﻤﻮﻡ ﻫﻴﺞ ﺟﺎﻥ ﺣﺎﻟﻲ ﺑﺬﻳﺞ ﺍﻟﻠﺤﻈﺔ
ﻣﺮﻭﺓ .. ﺑﻌﺪ ﺍﻟﺼﺎﺭ ﺻﺎﺭ ﻣﺎ ﻳﻔﻴﺪ ﺍﻟﻌﺘﺐ ﻭﻻ ﺍﻟﻨﺪﻡ
ﺍﺛﻨﻴﻨﻬﻢ ﻳﺪﻣﺮﻭﻥ ﺻﺎﺣﺒﻬﻢ
ﺑﺲ ﻛﻮﻟﻴﻠﻲ ﺳﻴﻒ ﺷﻠﻮﻧﻪ ﻭﻳﺎﺝ ﻳﻌﻨﻲ ﻟﻴﺶ ﻫﻴﺞ ﻳﺘﻌﺎﻣﻞ ﻭﻳﺎﺝ
ﻫﺪﻯ .. ﺑﻲ ﺣﺎﻟﺔ ﻧﻔﺴﻴﺔ ﻳﺸﻚ ﺑﻴﻬﺎ ﺑﺨﺒﺎﻝ
ﻭﺧﺎﻧﻜﻬﺎ . ﻭﺍﺧﺘﺞ ﻋﻮﺑﺔ ﻻ ﺗﺤﻞ ﻭﻻ ﺗﻐﺒﻂ ( ﺗﺮﺑﻂ )
ﺷﻨﻮ ﻳﻜﻠﻠﻬﺎ ﻫﻲ ﺗﻨﻔﺬ ﺍﻟﻐﺒﻴﺔ
ﻭﻫﻮ ﺷﺎﻓﻬﺎ ﻋﻠﻰ ﻛﺪ ﺍﻳﺪﻩ ﻭﺍﺳﺘﻐﻠﻬﺎ
ﺿﺤﻰ .. ﻫﻮ ﻟﻮ ﺑﺎﻗﻲ ﻋﺎﻟﺸﻚ ﻭﺍﻟﻀﺮﺏ ﺑﺲ
ﺟﺎﻥ ﺯﻳﻦ ﺗﻌﺎﻟﻲ ﺷﻮﻓﻲ ﻫﺴﺔ ﻣﺎ ﺍﻋﺮﻑ ﺷﺒﻲ
ﻛﻠﺶ ﻣﺘﻐﻴﺮ ﻭﺻﺎﻳﺮ ﻣﺎ ﻳﻨﻄﺎﻕ
ﻣﻦ ﺟﻨﺖ ﺯﻋﻼﻧﺔ ﻭﺭﺟﻌﺘﻠﻪ ﻭﻫﻮ ﻣﻮ ﻋﻠﻰ ﺑﻌﻀﻪ
ﺻﺎﺭ ﻣﺎ ﻳﻘﺘﺮﺑﻠﻲ ﻣﻮ ﻣﺜﻞ ﻗﺒﻞ ﺟﺎﻥ ﻣﻬﻮﻭﺱ ﺑﻴﺔ
ﻭﺍﻟﻨﻬﺎﺭ ﻛﻠﻪ ﺑﺮﺓ ﺍﻟﺒﻴﺖ ﻭﻣﺎ ﻳﺮﺟﻊ ﺍﻻ ﺗﺎﻟﻲ ﺍﻟﻠﻴﻞ
ﻭﻣﻦ ﻳﺮﺟﻊ ﻳﻜﺎﺑﻞ ﺍﻟﻨﻘﺎﻝ ﻭﻳﻜﻌﺪ
ﻫﺪﻯ .. ﻋﺰﺓ ﺑﺲ ﻻ ﻋﻨﺪﻩ . ﻭﺣﺪﺓ ﻣﻠﺘﻔﺔ ﻋﻠﻴﻪ
ﺿﺤﻰ .. ﻭﺍﻟﻠﻪ ﻣﺎ ﺍﻋﺮﻑ ﻭﻫﺎﻱ ﺍﻻﻳﺎﻡ ﻛﻤﺖ ﺍﺭﺍﻗﺒﻪ
ﺑﺲ ﺍﻟﻤﺸﻜﻠﺔ ﺍﻟﺤﻞ ﺍﻟﻮﺣﻴﺪ
ﺍﻟﺰﻡ ﻧﻘﺎﻟﻪ ﻭﺍﺩﻭﺭ ﺑﻲ ﻳﺎﻟﻠﻪ ﺍﻋﺮﻑ ﺑﺲ ﻫﻮ ﻣﺎ ﻳﺘﻴﻪ ﻧﻘﺎﻟﻪ ﻭﺑﻲ ﺭﻣﺰ ﺳﺮﻱ
ﻫﺪﻯ .. ﻭﺍﻧﺘﻲ ﻣﻨﺎ ﻣﻄﻔﻴﺔ ﻣﻦ ﻫﺴﺔ ﺍﻛﻠﺞ ﻣﺒﺮﻭﻙ
ﺭﺍﺡ ﻳﺮﻭﺡ ﺍﻟﺮﺟﺎﻝ ﻣﻦ ﺑﻴﻦ ﺍﻳﺪﻳﺞ ﻭﻳﺘﺰﻭﺝ ﻋﻠﻴﺞ ﻭﺍﻧﺘﻲ ﻇﻠﻲ
ﺩﻭﻏﻲ ﻋﺎﻟﻐﻘﻢ ﺍﻟﺴﻐﻲ ( ﺩﻭﺭﻱ ﻋﺎﻟﺮﻗﻢ ﺍﻟﺴﺮﻱ ) ﻣﺎﻝ ﻧﻘﺎﻝ ﺍﻟﺸﻐﻴﻎ ( ﺍﻟﺸﺮﻳﺮ )
ﻟﺤﺪ ﻣﺎ ﻳﺠﻲ ﻭﺍﺣﺪ ﻣﻦ ﺟﻬﺎﻟﻪ ﻣﻦ ﺯﻭﺟﺘﻪ ﺍﻟﺜﺎﻧﻴﺔ
ﻭﻳﻨﻄﻴﺞ ﺍﻟﻐﻤﺰ ﺍﻟﺴﻐﻲ ( ﺍﻟﺮﻣﺰ ﺍﻟﺴﺮﻱ )
ﻫﺎﺝ ﺧﺎﻟﺔ ﺍﻣﻲ ﺗﺴﻠﻢ ﻋﻠﻴﺞ
ﺗﻜﻮﻟﺞ ﻫﺬﺍ ﺍﻟﻐﻤﺰ ( ﺍﻟﺮﻣﺰ ) ﻣﺎﻝ ﻧﻘﺎﻝ ﺍﺑﻮﻳﺔ
ﺑﺎﻟﻠﻪ ﺍﺗﺄﻛﺪﻱ ﺍﺑﻮﻱ ﺟﺎﻱ ﻳﺨﻮﻧﺞ ﻟﻮ ﻻ ؟؟
ﻣﺮﻭﺓ ﻭﺷﻴﻤﺎﺀ ﻭﻣﺮﻳﻢ ﺿﻠﻮﺍ ﻳﻀﺤﻜﻮﻥ ﻋﻠﻴﺔ
ﻣﺮﻭﺓ ﺟﺎﻧﺖ ﻛﺎﻋﺪﺓ ﺑﺼﻒ ﻣﺮﻳﻢ
ﺭﺑﺘﺖ ﺑﻜﻒ ﺍﻳﺪﻫﺎ ﻋﻠﻰ ﺭﺟﻞ ﻣﺮﻳﻢ
ﻭﻫﻲ ﺗﻀﺤﻚ
ﻣﺮﻭﺓ .. ﻭﺍﻟﻠﻪ ﻳﺎﻫﺪﻯ ﺑﻌﺪﺝ ﻣﺎ ﺍﺗﻐﻴﺮﺗﻲ ﺟﻨﻴﺔ ﺍﻟﻠﻪ ﻳﺴﺎﻋﺪ ﻛﻠﺐ ﻗﺎﺳﻢ ﻋﻠﻴﺞ
ﺳﻤﻌﻨﺎ ﺷﻬﻜﺔ ﻣﺮﻳﻢ ﻭﺭﻓﻌﺖ ﻗﻤﺎﺵ ﺗﻨﻮﺭﺗﻬﺎ
ﻣﻦ ﻋﻠﻰ ﻣﻨﻄﻘﺔ ﺍﻟﻔﺨﺬ
ﻣﺮﻭﺓ ﺑﺎﻭﻋﺘﻠﻬﺎ .. ﺷﻨﻮ ﺷﺒﻴﺞ ﻛﻤﺰﺗﻲ
ﺷﺒﻴﻬﺎ ﺭﺟﻠﺞ
ﻣﺮﻳﻢ ﺑﺎﺭﺗﺒﺎﻙ .. ﻻ ﺍﻟﺒﺎﺭﺣﺔ ﺟﻨﺖ ﺩﺍ ﺍﻛﻠﻲ ﺑﺲ ﻭﺍﻟﺨﺸﻮﻛﺔ ﻭﻛﻌﺖ ﻋﻠﻰ ﺯﺭﻱ
ﻭﺍﻧﻠﺴﻌﺖ
ﺷﻴﻤﺎﺀ .. ﺍﻱ ﻏﻴﺮ ﺗﻨﺘﺒﻬﻴﻦ ﺷﺒﻴﺞ
ﻣﺮﻭﺓ .. ﺫﻛﺮﻳﻨﻲ ﺍﻧﻄﻴﺞ ﻣﺮﻫﻢ ﻣﺎﻝ ﺣﺮﻭﻕ
ﻳﻔﻴﺪﺝ ﺣﺘﻰ ﻳﻄﻴﺐ ﺑﺴﺮﻋﺔ ﻭﻣﻴﺘﺮﻙ ﺍﺛﺮ
.......
ﻣﺮﻳﻢ .. ﻣﺎ ﺗﺴﻮﻯ ﺍﻟﺤﺮﻕ ﻛﻠﺶ ﺑﺴﻴﻂ
ﻣﺮﻭﺓ .. ﺣﺘﻰ ﻟﻮ ﻣﻴﺨﺎﻟﻒ ﻳﻮﺧﺮ ﺍﺛﺮ ﺍﻟﺤﺮﻕ ﻭﻳﻌﺎﻟﺠﻪ
ﺷﻴﻤﺎﺀ .. ﻣﺮﻳﻢ ﺍﺣﺠﻲ ﻭﻳﺎﻧﺔ ﻭﺷﺎﺭﻛﻴﻨﺎ
ﺍﺩﺭﻱ ﺑﻴﺞ ﻣﺘﺮﺩﺩﺓ ﻣﻦ ﻋﺪﻧﺎ ﻭﺑﻌﺪﺝ ﻣﻤﺎﺧﺬﺓ ﻋﻠﻴﻨﺎ
ﻭﺍﻛﻴﺪ ﺍﻧﺘﻲ ﺩﺗﺴﺄﻟﻴﻦ ﺍﻧﻲ ﻭﻳﻦ ﺟﻨﺖ ﻋﻨﺞ ﻛﻞ ﻫﺎﻟﻔﺘﺮﺓ
ﻭﻫﺴﺔ ﻳﺎﻟﻠﻪ ﺍﺗﺬﻛﺮﺕ ﻋﻨﺪﻱ ﺍﺧﺖ
ﻣﺮﻳﻢ ﺩﻧﻜﺖ ﻭﻛﺎﻟﺖ ﺑﺼﻮﺕ ﻫﺎﻣﺲ ﻣﺎﻳﻞ ﻟﻠﺨﺠﻞ
.. ﺑﺎﻟﺤﻘﻴﻘﺔ ﺍﻱ ﻫﻮﺍﻱ ﺳﺄﻟﺖ ﻧﻔﺴﻲ . ﻭﻳﻦ ﺟﺎﻧﺖ ﺷﻴﻤﺎﺀ
ﺷﻌﺠﺐ ﻫﺴﺔ ﻛﺎﻣﺖ ﺗﺴﺄﻝ ﻋﻨﻲ
ﺷﻴﻤﺎﺀ .. ﺷﻮﻓﻲ ﻣﺮﻳﻢ ﺍﻧﺘﻲ ﺟﻨﺘﻲ ﺻﻐﻴﺮﺓ ﻭﻣﺎ ﺗﺘﺬﻛﺮﻳﻦ
ﻭﻻ ﺗﻌﺮﻓﻴﻦ ﺷﻨﻮ ﺍﻟﺼﺎﺭ
ﻣﻦ ﺑﻌﺪ ﻭﻓﺎﺓ ﺍﻣﻲ ﺍﻧﻲ ﺻﺮﺕ ﺍﻟﻤﺴﺆﻟﺔ ﻋﻦ ﻧﻔﺴﻲ ﻭﻋﻦ ﺛﻼﺛﺔ ﺑﻨﺎﺕ ﺻﻐﺎﺭ
ﻭﻓﻮﻛﺎﻫﻢ ﺍﺑﻮﻱ .. ﺍﻧﻲ ﻭ ﺍﺧﻮﺍﺗﻲ ﺑﻜﻔﺔ ﻭﺍﺑﻮﻧﺎ ﺑﻜﻔﺔ ﺛﺎﻧﻴﺔ
ﺍﻟﺪﻧﻴﺎ ﻛﺒﺮﺗﻨﻲ ﻗﺒﻞ ﻋﻤﺮﻱ ﻭﻣﺎ ﺍﻧﻄﺘﻨﻲ ﻓﻜﺔ ﺍﺟﺮ ﻧﻔﺲ
ﺟﻨﺖ ﺍﻟﺸﺨﺺ ﺍﻟﻮﺣﻴﺪ ﺍﻟﻲ ﻣﺮﺗﺎﺡ ﻛﻠﺒﻲ ﻭﻣﺘﻄﻤﻨﺔ ﻋﻠﻴﻪ ﻫﻮ ﺍﻧﺘﻲ
ﺩﺍﺋﻤﺎ ﺍﻛﻮﻝ ﻋﻠﻰ ﺍﻻﻗﻞ ﺧﻠﻲ ﻭﺣﺪﺓ ﻣﻦ ﻋﺪﻧﺎ ﺗﻌﻴﺶ
ﻣﺮﺗﺎﺣﺔ
ﻭﺭﻏﻢ ﻫﺬﺍ ﻛﻠﻪ ﺍﻧﻲ ﺑﻘﻴﺖ ﺍﺗﻮﺍﺻﻞ ﻭﺍﺳﺄﻝ ﻋﻨﺞ ﺑﺲ ﺟﻨﺎﻥ
ﺟﺎﻧﺖ ﺗﺤﺎﻭﻝ ﺗﺼﺪﻧﻲ ﻭﺗﺒﻌﺪﻧﻲ ﻋﻨﺞ
ﻓﺎﺭﻳﺪﺝ ﺗﻌﺮﻓﻴﻦ ﺍﻧﺘﻲ ﻗﻄﻌﺔ ﻣﻦ ﻛﻠﺒﻲ ﺣﺎﻟﺞ ﻣﻦ ﺣﺎﻝ ﻫﺪﻯ ﻭﻣﺮﻭﺓ ﻭﺿﺤﻰ
ﻓﺨﻠﻲ ﺑﺒﺎﻟﺞ ﻣﻬﻤﺎ ﻳﺪﻭﺭ ﻋﻠﻴﺔ ﺍﻟﺰﻣﻦ ﺭﺍﺡ ﺍﺑﻘﻰ ﻣﺜﻞ ﻣﺎ ﺍﻧﻲ ﻋﻴﻨﻲ ﻋﻠﻴﻜﻢ
ﺑﺒﻴﺖ ﻗﺎﺳﻢ
ﺑﻌﺪﻣﺎ ﺍﺟﺔ ﻋﻠﻴﺔ ﻗﺎﺳﻢ ﻭﺭﺟﻌﻨﻲ ﻭﻳﺎﻩ ﻟﻠﺒﻴﺖ
ﻭﺍﻭﻝ ﻣﺎ ﺩﺧﻠﻨﺎ ﻟﻠﺒﻴﺖ ﻟﻜﻴﻨﺎ ﺧﺎﻟﺔ ﻭﻫﺎﻟﺔ ﻭﻫﺸﺎﻡ ﻛﺎﻋﺪﻳﻦ ﺑﺎﻟﻬﻮﻝ
ﺳﻠﻤﻨﺎ ﻋﻠﻴﻬﻢ ﺑﺲ ﺟﺎﻥ ﺳﻼﻡ ﺍﻡ ﻗﺎﺳﻢ ﺑﺜﻜﻞ
ﺳﺄﻟﺘﻪ
.. ﺍﻛﻮﻝ ﻗﺎﺳﻢ ﺍﻟﻴﻮﻡ ﻭﻳﻦ ﺍﺗﻐﺪﻳﺖ
ﺍﻧﺘﺒﻬﺖ ﻟﻬﺸﺎﻡ ﻳﺄﺷﺮ ﻟﻘﺎﺳﻢ ﻣﻦ ﻭﺭﺓ ﺍﻣﻪ
ﺑﺲ ﻗﺎﺳﻢ ﺭﻓﻊ ﺣﺎﺟﺒﻪ ﻭﺟﺎﻭﺑﻬﺎ
.. ﺍﺗﻐﺪﻳﺖ ﺑﺄﺭﺽ ﺍﻟﻠﻪ ﺍﻟﻮﺍﺳﻌﺔ
ﻟﻴﺶ ﺗﺴﺄﻟﻴﻦ
ﺍﻡ ﻗﺎﺳﻢ ﻭﻋﻴﻮﻧﻬﺎ ﺗﺠﺪﺡ ﻧﺎﺭ
.. ﺍﺧﻮﻙ ﻫﺸﺎﻡ ﻛﺎﻝ ﺍﻟﻴﻮﻡ ﺍﺗﻐﺪﻳﺖ ﺑﺒﻴﺖ ﻋﻤﻚ ﻣﺤﻤﺪ
ﺍﺑﺎﻭﻉ ﻟﻬﺸﺎﻡ ﺩﻣﻎ ﻛﺼﺘﻪ ﻣﺜﻞ ﺍﻟﻲ ﺍﺗﻮﺭﻁ
ﻗﺎﺳﻢ ﺑﺎﻭﻉ ﻋﻠﻴﻪ ﻭﻛﺎﻝ
.. ﻭﺍﻟﻠﻪ ﻋﺮﻓﺖ ﺑﻴﻚ ﺍﻏﺒﺮ ﻣﺎ ﺭﺍﺡ ﺗﺪﺑﺮﻫﺎ ﻭﺭﺍﺡ ﺗﺠﺮ ﺍﻟﺤﺠﻴﺔ ﻟﺴﺎﻧﻚ
ﺍﻡ ﻗﺎﺳﻢ .. ﺧﻠﻴﻚ ﻭﻳﺎﻱ ﻭﺟﺎﻭﺑﻨﻲ ﻭﻻ ﺗﻜﻌﺪ ﺗﺘﺤﻠﻒ ﺑﺎﻟﻮﻟﺪ
ﻗﺎﺳﻢ .. ﺍﻱ ﺟﻨﺖ ﻣﻌﺰﻭﻡ ﻋﻨﺪﻫﻢ ﻋﺎﻟﻐﺪﺓ ﻟﻴﺶ ﻋﻨﺪﺝ ﻣﺎﻧﻊ
ﺟﺎﻥ ﻳﺤﺠﻴﻬﺎ ﺑﺘﺤﺪﻱ ﺍﺑﺎﻭﻉ ﻋﻠﻴﻬﺎ ﺭﺻﺖ ﺍﺳﻨﺎﻧﻬﺎ
ﻭﺣﺠﺖ ﻭﻛﺎﻟﺖ ﻫﺪﻯ ﻭﻫﺎﻟﺔ ﻃﻠﻌﻮﺍ ﺷﻮﻳﺔ ﺍﺭﻳﺪ ﺍﺣﺠﻲ
ﻛﻠﻤﺘﻴﻦ ﻭﻳﺔ ﻭﻟﺪﻱ
ﻃﻠﻌﻨﺎ ﺍﻧﻲ ﻭﻫﺎﻟﺔ ﻭﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ
ﻓﺘﺤﺖ ﺣﻠﻜﻲ ﺍﺟﻴﺖ ﺍﺳﺄﻟﻬﺎ ﺟﺎﻭﺑﺘﻨﻲ ﺑﺴﺮﻋﺔ
.. ﻛﻠﺸﻲ ﻻ ﺗﺴﺄﻟﻴﻨﻲ ﺣﺎﻟﻲ ﻣﻦ ﺣﺎﻟﺞ ﻛﻠﺸﻲ ﻣﺎ ﺍﻋﺮﻑ
ﺗﺮﻛﺘﻬﺎ ﻭﺻﻌﺪﺕ ﻓﻮﻙ ﻟﻐﺮﻓﺘﻲ ﻭﻛﻌﺪﺕ ﺍﺑﺪﻝ
ﻭﺍﻓﻜﺮ ﺑﻜﻼﻡ ﺷﻴﻤﺎﺀ ﻋﻦ ﺧﻄﻮﺑﺔ ﺣﻴﺪﺭ ﺻﺪﻙ ﺍﻧﻘﻬﺮﺕ ﻋﻠﻴﻬﺎ
ﻳﺎﺭﺑﻲ ﻣﺎ ﺗﺴﺘﺎﻫﻞ
ﺩﺧﻞ ﻗﺎﺳﻢ ﻟﻠﻐﺮﻓﺔ ﻭﻫﻮ ﻣﺪﺧﻦ ﻣﻦ ﺍﻟﻌﺼﺒﻴﺔ
ﻓﺘﺢ ﺍﻟﻜﻨﺘﻮﺭ ﺑﻜﻞ ﻋﺼﺒﻴﺔ ﻭﻃﻠﻌﻠﻪ ﻣﻼﺑﺲ ﻭﻓﺎﺕ ﻟﻠﺤﻤﺎﻡ ﺟﺎﻥ ﺑﺲ ﻳﺮﻛﻊ ﺑﺎﻟﺒﻴﺒﺎﻥ
ﻃﻠﻌﺖ ﻣﻦ ﺍﻟﻐﺮﻓﺔ ﺷﺮﺩﺕ ﻣﻦ ﻏﻀﺒﻪ
ﻭﻧﺰﻟﺖ ﻳﻢ ﻫﺎﻟﺔ
ﻭﺍﻧﻲ ﺑﻘﻴﺖ ﺍﺗﻼﻓﺔ ﺍﻡ ﻗﺎﺳﻢ
ﺑﺲ ﺑﺎﻻﺧﻴﺮ ﺻﺎﺩﺗﻨﻲ ﺟﻨﺖ ﻛﺎﻋﺪﺓ ﻳﻢ ﻫﺎﻟﺔ ﻧﺒﺎﺭﻉ ﻣﺴﻠﺴﻞ ﻭﻫﻲ ﺍﺟﺘﻲ ﻭﻛﻌﺪﺕ ﻳﻤﻲ
.. ﺍﻛﻮﻭﻭﻭﻭﻝ ﺧﺎﻟﺔ ﻫﺪﻯ
......
ﻫﺎﻟﺔ ﺑﺼﻮﺕ ﻧﺎﺻﻲ ﻳﺎﺳﺘﺎﺭ ﺻﺎﺭ ﺑﻴﻬﺎ ﺍﻛﻮﻭﻭﻭﻝ
ﺍﺳﺘﻠﻤﻲ ﻟﻌﺪ
.. ﺍﺷﺶ ﻧﺼﻲ ﺻﻮﺗﺞ ﻻ ﺗﺴﻤﻌﺞ ﻭﺗﻜﻮﻡ ﻋﻠﻴﻨﺎ
ﺍﻡ ﻗﺎﺳﻢ .. ﺷﻮﻓﻲ ﺧﺎﻟﺔ ﺍﻟﻴﻮﻡ ﺍﺭﻳﺪﺝ ﻣﻦ ﺗﺼﻌﻴﺪﻳﻦ ﻟﻠﻐﺮﻓﺔ
ﺗﺴﻮﻳﻦ ﻧﻔﺴﺞ ﺯﻋﻼﻧﺔ ﻋﻠﻰ ﻗﺎﺳﻢ
ﻭﻣﻦ ﻳﻘﺘﺮﺑﻠﺞ ﻛﻠﻴﻠﻪ ﺍﻧﻲ ﻣﺰﺍﻋﻠﺘﻚ ﻣﺎ ﺍﺣﺠﻲ ﻭﻳﺎﻙ
ﺑﺲ ﻫﺎ ﻣﺎ ﺍﻭﺻﻴﺞ ﺍﺭﻳﺪﺝ ﻭﺍﻧﺘﻲ ﺯﻋﻼﻧﺔ ﺗﻠﺒﺴﻴﻦ
ﻣﻼﺑﺲ ﺣﻠﻮﺓ ﺗﺤﺮﻛﻴﻦ ﻛﻠﺒﻪ ﺑﻴﻬﺎ
ﻭﺍﻻ ﺍﻛﻠﺞ ﻟﺒﺴﻴﻠﻪ ﺍﺣﻤﺮ ﻗﺎﺳﻢ ﻳﻤﻮﺕ ﻋﺎﻟﻠﻮﻥ ﺍﻻﺣﻤﺮ
ﻧﻘﻄﺔ ﺿﻌﻔﻪ
ﺭﻣﺸﺖ ﺑﻌﻴﻮﻧﻲ ﺍﺑﺎﻭﻉ ﻋﻠﻴﻬﺎ ﻣﺘﻔﺎﺟﺌﺔ
ﻭﻓﺎﺗﺤﺔ ﺣﻠﻜﻲ ﻋﻠﻰ ﺧﻄﻂ ﺧﺎﻟﺘﻲ ﺍﻟﺠﻬﻨﻤﻴﺔ
ﺷﻨﻮ ﻫﺬﺍ ﻓﻠﻢ ﺍﻻﻏﺮﺍﺀ ﺍﻟﻲ ﺗﺮﻳﺪﻧﻲ ﺍﻃﺒﻘﻪ ﻋﻠﻰ ﻗﺎﺳﻤﻮﻑ
ﺳﺄﻟﺘﻬﺎ .. ﺧﺎﻟﺔ ﻣﺎ ﺍﻓﺘﻬﻤﺖ ﻭﻟﻴﺶ ﺍﺯﻋﻞ ﻋﻠﻴﻪ
.. ﻭﻟﺞ ﺷﻠﻮﻥ ﺑﻴﺞ ﺷﺴﻮﻱ ﺑﻔﻬﺎﻭﺗﺞ ﺍﺷﻚ ﻫﺪﻭﻣﻲ ﻟﺞ ﻟﻴﺶ ﺗﻄﻠﻌﻴﻨﻲ ﻋﻦ ﻃﻮﺭﻱ
ﻟﺞ ﺛﻮﻟﺔ ﻗﺎﺳﻢ ﺍﻟﻴﻮﻡ ﻣﻮ ﺭﺍﻳﺢ ﻟﺒﻴﺖ ﻋﻤﻪ ﻣﺤﻤﺪ
ﻣﻌﻨﺎﻫﺎ ﺭﺍﻳﺢ ﻳﺸﻮﻑ ﺭﻫﻒ
ﻭﺍﻧﺘﻲ ﺷﻲ ﺍﻛﻴﺪ ﺗﻐﺎﺭﻳﻦ ﻋﻠﻰ ﺭﺟﻠﺞ ﺻﺤﻴﺢ ﻟﻮ ﺍﻧﻲ ﻏﻠﻄﺎﻧﺔ
ﻛﺮﺻﺘﻨﻲ ﻫﺎﻟﺔ ﻭﺍﻧﻲ ﻛﻤﺰﺕ ﻭﺟﺎﻥ ﻳﺪﻙ ﺍﻟﺠﺮﺱ ﻋﻨﺪﻱ ﻣﺘﺄﺧﺮ
ﻋﺰﺓ ﺑﻌﻴﻨﻲ ﻫﺎﻱ ﺷﻠﻮﻥ ﻓﺎ ﺗﺘﻨﻲ ﺻﺪﻙ ﻗﺎﺳﻢ ﻭﺭﻫﻒ
ﺍﺗﻼﺣﻜﺖ ﻟﺮﻭﺣﻲ
ﻭﻟﻄﻤﺖ ﻋﻠﻰ ﺧﺪﻱ ﻭﻛﻤﺖ ﻣﻦ ﻣﻜﺎﻧﻲ
.. ﻻﺍﺍﺍﺍﺍﺍﺍﺍﺍﺍﺍ ﺧﺎﻟﺔ ﻻﺍﺍﺍﺍﺍﺍﺍ ﺗﻜﻮﻟﻴﻬﺎ ﺻﺪﻙ ﻗﺎﺳﻢ ﻣﺘﻐﺪﻱ ﻳﻢ ﻏﻬﻒ
ﺍﻟﻴﻮﻡ ﻣﺎ ﺍﺑﻘﺎﻟﻪ ﻭﻻ ﻟﺤﻈﺔ ﻭﺣﺪﺓ ﺑﺎﻟﺒﻴﺖ
ﺍﻫﻲﺀ .. ﺍﻫﻲﺀ .. ﺍﻫﻲﺀ
ﺍﻟﺨﺎﻳﻦ ﺍﻟﻐﺪﺍﻍ ﺟﻐﺢ ( ﺍﻟﻐﺪﺍﺭ ﺟﺮﺡ ) ﻗﻠﺒﻲ
ﺍﺍﺍﺍﺥ ﻟﻴﺶ ﻫﻴﺞ
ﻫﺎﻟﺔ ﻣﻦ ﺑﻴﻦ ﺍﺳﻨﺎﻧﻬﺎ ﺗﺤﺠﻲ ﻭﻳﺎﻱ
.. ﻋﻠﻰ ﻛﻴﻔﺞ ﻭﻳﺎﻧﺎ ﻳﺎﻋﺒﻠﺔ ﻛﺎﻣﻞ
ﺷﻜﻠﺞ ﺣﻤﻴﺘﻲ .
ﺍﻡ ﻗﺎﺳﻢ ﻓﻠﺖ ﻭﺟﻬﺔ .. ﺍﻭﻛﻔﻲ ﺧﺎﻟﺔ ﺧﻠﻲ ﺍﻓﻬﻤﺞ
ﺗﺮﺓ ......
ﻗﺎﻃﻌﺘﻬﺎ ﻭﻣﺎ ﺧﻠﻴﺘﻬﺎ ﺗﺤﺠﻲ
.. ﻻ ﺧﺎﻟﺔ ﺍﺑﺪ ﻭﺍﻟﻠﻪ ﻻ ﺗﻜﻌﺪﻳﻦ ﺗﺒﻐﻐﻴﻦ ( ﺗﺒﺮﺭﻳﻦ ) ﻭﺗﺪﺍﻓﻌﻴﻦ ﻻﺑﻨﺞ
ﺍﺗﻮﺟﻬﺖ ﺻﻌﺪﺕ ﺍﻟﺪﺭﺝ
ﻭﻫﻲ ﺧﻄﻴﺔ ﻛﺎﻣﺖ ﻭﺭﺍﻱ ﺗﺮﻳﺪ ﺗﻬﺪﻳﻨﻲ
ﻭﻫﺎﻟﺔ ﻣﻦ ﻭﺭﺍﻫﺎ ﺗﺼﻴﺢ
.. ﻟﺞ ﻫﺪﻯ ﻳﻤﻌﻮﺩﺓ ﺍﻡ ﺍﻟﻐﻴﺮﺓ ﺻﻠﻲ ﻋﻠﻰ ﻣﺤﻤﺪ
ﻻ ﺗﺘﻌﺎﺭﻛﻴﻦ ﻭﻳﺔ ﻗﺎﺳﻢ ﻻ ﻳﻔﻄﺴﺞ ﻭﺭﺑﻲ
ﺻﻌﺪﺕ ﻓﻮﻙ ﻭﺩﺧﻠﺖ ﻟﻠﻐﺮﻓﺔ ﻭﺳﺪﻳﺖ ﺍﻟﺒﺎﺏ
ﻭﺟﺎﻥ ﻗﺎﺳﻢ ﻣﺒﺪﻝ ﻭﻛﺎﺷﺦ ﻭﺍﻛﻒ ﻛﺒﺎﻝ ﺍﻟﻤﺮﺍﻳﺎ ﺩﻳﻠﻴﺲ ﺳﺎﻋﺘﻪ
ﺍﻟﺘﻔﺖ ﺑﺎﻭﻉ ﻋﻠﻴﺔ ﻣﺴﺘﻐﺮﺏ ﻭﺿﻌﻲ
ﺷﻜﻮ ﺷﺒﻴﺞ ﻟﻴﺶ ﻫﻴﺞ ﺩﻓﺮﺗﻲ ﺍﻟﺒﺎﺏ ﺟﻨﺞ ﻧﻌﺠﺔ ﺗﺰﺍﻛﻂ
ﺩﺧﻠﺖ ﻭﻗﻔﻠﺖ ﺍﻟﺒﺎﺏ ﻭﺭﺍﻱ
.. ﻭﻟﻚ ﻗﺴﺎﺍﺍﺍﻡ ﻫﺴﺔ ﺗﻮﺩﻳﻨﻲ ﻻﻫﻠﻲ ﺑﻌﺪ ﻣﺎ ﺍﺑﻘﺎﻟﻚ ﻟﺤﻈﺔ ﻭﺣﺪﺓ ﺑﺎﻟﺒﻴﺖ
ﻋﻘﺪ ﺣﻮﺍﺟﺒﻪ ﻣﺴﺘﻐﺮﺏ
.. ﺍﺣﺠﻲ ﻋﺪﻝ ﺷﻜﺎﻋﺪ ﺗﻤﺴﻠﺘﻴﻦ
ﻻﺗﺨﻠﻴﻨﻲ ﻫﺴﺔ ﺍﻃﻠﻊ ﺍﺟﻨﺎﻧﻲ ﻋﻠﻴﺞ
ﺍﺟﺎﻧﺔ ﺻﻮﺕ ﺍﻣﻪ ﻫﻲ ﻭﻫﺎﻟﺔ ﺗﺪﻙ ﻋﺎﻟﺒﺎﺏ
ﺑﺎﻭﻉ
ﻭﻛﺎﻝ ﺑﺼﻮﺕ ﻋﺎﻟﻲ .. ﺷﻜﻮﻭﻭﻭﻭﻭ
ﺍﻡ ﻗﺎﺳﻢ .. ﺧﺎﻟﺔ ﻫﺪﻯ ﺻﻠﻲ ﻋﺎﻟﻨﺒﻲ
ﺍﻧﻲ ﺷﻠﺖ ﺣﺬﺍﺀ ﻗﺎﺳﻢ ﻭﺿﺮﺑﺖ ﺍﻟﺒﺎﺏ
ﺍﻟﺒﺎﺏ ﺑﻲ ﻭﻋﻄﺖ ﻭﺭﺍﻫﺎ ﺑﺼﺮﺧﺔ
ﻭﺣﺠﻴﺖ ﻣﻦ ﻭﺭﺓ ﺍﻟﺒﺎﺏ
.. ﺍﺍﺍﺍﺍﺍﺍﺥ ﻳﻤﺔ ﻟﻚ ﻗﺎﺳﻢ ﻳﻌﻨﻲ ﻓﻮﻙ ﺧﻴﺎﻧﺘﻚ ﺗﻀﻐﺒﻨﻲ ( ﺗﻀﺮﺑﻨﻲ )
ﺍﺳﻤﻊ ﻫﺎﻟﺔ ﺗﺪﻙ ﺑﺎﻟﺒﺎﺏ ﻭﺗﻜﻮﻝ
.. ﺍﻟﺰﻟﻤﺔ ﻳﻄﻠﻊ ﺩﻡ .. ﺍﻟﺰﻟﻤﺔ ﻳﻄﻠﻊ ﺩﻡ
ﻋﺒﺎﻟﻚ ﻋﻨﺪﻫﺎ ﻫﺘﺎﻑ
ﺍﺳﻤﻊ ﺍﻡ ﻗﺎﺳﻢ ﺿﺮﺑﺘﻬﺎ
.. ﻃﻴﺢ ﺍﻟﻠﻪ ﺣﻈﺞ ﻳﺎ ﻋﻮﺑﺔ
ﺍﺣﻠﻰ ﺷﻲ ﺑﺎﻟﻤﻮﺿﻮﻉ ﻗﺎﺳﻢ ﺑﺎﻗﻲ ﻭﺍﻛﻒ ﺑﻤﻜﺎﻧﻪ
ﺻﺎﻓﻦ ﻋﻠﻴﺔ ﺷﻜﺎﻋﺪ ﺍﺳﻮﻱ ﻭﻳﻬﺰ ﺑﻴﺪﻩ
ﻭﻳﺤﺠﻲ ﺑﺼﻮﺕ ﻋﺎﺩﻱ ﻣﺎﻣﻬﺘﻢ
.. ﻭﺍﻟﻠﻪ ﺍﻧﺘﻲ ﻣﺨﺒﻠﺔ ﻣﻮ ﻋﺎﻗﻠﺔ
ﺗﻮﺧﺮﻳﻦ ﻣﻦ ﻭﺟﻬﻲ ﻻ ﺍﺟﻲ ﺍﺷﻤﺮﺝ ﻣﻦ ﻓﻮﻙ ﺍﻟﺴﻄﺢ ﻭﺍﺑﺘﻠﻲ ﺑﻴﺞ
ﺍﻡ ﻗﺎﺳﻢ .. ﻳﺒﻮﻭﻭﻭﻭﻭﻭﻭ ﺭﺍﺡ ﻳﻤﻮﺕ ﺍﻟﺒﻨﻴﺔ
ﺭﻛﻀﻲ ﺭﻭﺣﻲ ﺻﻴﺤﻲ ﺍﺧﻮﺝ ﺧﻠﻲ ﻳﺠﻲ ﻳﻔﻠﺶ ﺍﻟﺒﺎﺏ
ﺩﺍﺭ ﻭﺟﻬﻪ ﻋﺎﻟﺒﺎﺏ
ﻳﺎﻟﻠﻪ ﻫﺎﻙ ﺍﺳﺘﻠﻢ ﺍﺟﺘﻲ ﺍﻟﺜﺎﻧﻴﺔ
ﺭﺍﺡ ﻓﺘﺢ ﺍﻟﺒﺎﺏ ﻭﻃﻠﻊ ﻛﺪﺍﻡ ﺍﻣﻪ ﺍﻟﻮﺟﻪ ﻣﺎ ﻳﻜﺼﻪ ﺍﻟﺴﻴﻒ
.. ﻭﺍﻟﻠﻪ ﻣﻦ ﻭﺭﺍﺝ ﺍﻧﺘﻲ ﻭﻫﺎﻱ ﺍﻟﺠﻨﻴﺔ
ﺭﺍﺡ ﺍﻋﻮﻓﻠﻜﻢ ﺍﻟﺒﻴﺖ ﻭﺍﻃﻠﻊ ﻣﺎﻛﻮ ﺍﺫﺍ ﺑﻘﻴﺖ ﺛﺎﻧﻴﺔ ﻭﺣﺪﺓ
ﻣﻌﻨﺎﻫﺎ ﺍﻃﻠﻊ ﻣﻨﺎ ﻛﺒﻞ ﻟﻠﺴﺠﻦ
ﺍﺧﺬ ﻧﻘﺎﻻﺗﻪ ﻭﺳﻮﻳﺠﻪ ﻭﻃﻠﻊ
ﻭﺍﻡ ﻗﺎﺳﻢ ﻧﺰﻟﺖ ﻭﺭﺍﻩ ﺗﻬﺪﻱ ﺑﻲ
ﻭﻫﺎﻟﺔ ﺩﺧﻠﺖ ﻳﻤﻲ ﻭﺳﺪﺕ ﺍﻟﺒﺎﺏ ﻭﻛﻌﺪﻧﺎ ﺛﻨﻴﻨﺎ
ﺑﺎﻟﻜﺎﻉ ﺧﺮﺑﺎﻧﺎﺕ ﺿﺤﻚ
ﺷﻴﻤﺎﺀ
ﺑﻌﺪ ﺧﻤﺴﺔ ﺍﻳﺎﻡ ﻣﻦ ﺑﻌﺪ ﻋﺰﻳﻤﺔ ﻣﺮﻭﺓ
ﺟﻨﺖ ﻛﻞ ﻳﻮﻡ ﺍﺗﻮﺍﺻﻞ ﻭﻳﺔ ﺍﻟﺒﻨﺎﺕ
ﻭﻣﺮﻳﻢ ﺑﻘﻴﺖ ﻣﺴﺘﻤﺮﺓ ﻛﻞ ﻳﻮﻡ ﺍﺗﺼﻞ ﻋﻠﻴﻬﺎ
ﺩﺗﺨﻀﺮ ﻻﻣﺘﺤﺎﻧﺎﺕ ﻧﻬﺎﻳﺔ ﺍﻟﺴﻨﺔ
ﺑﺲ ﻫﺪﻯ ﻭﺣﻴﺎﺗﻬﺎ ﻗﺎﻟﻘﺘﻨﻲ ﻣﻤﺮﺗﺎﺣﺘﻠﻬﺎ ﺍﺣﺲ ﺑﻴﻬﺎ
ﺩﺗﺴﺒﺢ ﻋﻜﺲ ﺍﻟﺘﻴﺎﺭ ﻭﺧﺎﻳﻔﺔ ﻋﻠﻴﻬﺎ ﻻ ﺗﺘﻌﺐ ﺑﺎﻻﺧﻴﺮ ﻭﺗﻐﺮﻙ ﻭﺗﻄﻠﻊ ﺍﻻﻣﻮﺭ ﻣﻦ ﺍﻳﺪﻫﺎ
ﺛﺎﻧﻲ ﻳﻮﻡ ﺍﻟﻌﺰﻳﻤﺔ
ﺍﺧﺬﻧﺎ ﺍﺟﺎﺯﺓ ﺍﻧﻲ ﻭﺭﺑﺎﺏ ﻣﺮﻭﺓ ﺍﺗﻮﺳﻂ ﻟﻲ ﻭﺍﻧﻄﻮﻧﻲ ﺍﻻﺟﺎﺯﺓ
ﺣﺘﻰ ﺍﻃﻠﻊ ﻭﻳﺔ ﺭﺑﺎﺏ ﺩﻧﺠﻬﺰ ﻟﺰﻭﺍﺟﻬﺎ ﻛﻞ ﻳﻮﻡ ﻻﻥ ﻣﺎ ﺑﻘﺔ ﺷﻲ ﻋﻠﻰ ﻋﺮﺳﻬﺎ
ﻭﻫﺴﺘﻮﻧﻲ ﺭﺟﻌﺖ ﻣﻦ ﺍﻟﺴﻮﻙ ﺭﺑﺎﺏ ﻭﺻﻠﺘﻨﻲ ﻟﻠﺒﻴﺖ ﻭﺭﺍﺣﺖ ﺟﻨﺖ ﻛﻠﺶ ﺗﻌﺒﺎﻧﺔ
ﻭﺍﻭﻝ ﻣﺎ ﺩﺧﻠﺖ ﺳﻠﻴﻤﺔ ﺍﺳﺘﻠﻤﺘﻨﻲ ﺗﺤﻘﻴﻖ
.. ﻭﻳﻦ ﺟﻨﺘﻲ ﻭﺷﻌﻨﺪﺝ ﺳﺘﻮﺝ ﺭﺟﻌﺘﻲ
ﻭﻟﺞ ﺑﺎﻭﻋﻲ ﻟﻠﺴﺎﻋﺔ ﺏ٨ ﻭﺍﻧﺘﻲ ﺳﺘﻮﺝ ﻳﺎﻟﻠﻪ ﺷﺮﻓﺘﻲ
ﻭﻳﺎﻣﻦ ﺟﻨﺘﻲ ﺍﺣﺠﻲ
.. ﺑﻴﺒﻲ ﺷﻜﻮ ﻭﻳﺎﻣﻦ ﻳﻌﻨﻲ ﺟﻨﺖ ﻃﺎﻟﻌﺔ ﻭﻳﺔ ﺭﺑﺎﺏ ﻟﻠﺴﻮﻙ
.. ﻟﺞ ﺷﻴﻤﺎﺀ ﻣﺎ ﻣﺮﺗﺎﺣﺘﻠﺞ ﻫﻮﺍﻱ ﻣﺘﻐﻴﺮﺓ ﻣﻦ ﺧﻮﺍﺗﺞ ﺍﺗﺰﻭﺟﻮﺍ ﻭﺍﻧﺘﻲ ﺍﺗﺨﺒﻠﺘﻲ
ﺧﺎﻳﺒﺔ ﺑﺲ ﻻ ﺗﺮﺩﻳﻠﺞ ﺭﺟﻞ
ﺣﺠﻴﺖ ﺑﻌﺼﺒﻴﺔ
.. ﻣﺎ ﺭﺍﺡ ﺍﺭﺩ ﻋﻠﻴﺞ ﻻﻥ ﺍﻧﺘﻲ ﻣﻌﺬﻭﺭﺓ ﺷﻜﻠﺞ ﻛﺒﺮﺗﻲ
ﻭﻛﻤﺘﻲ ﻣﺎ ﺗﻌﺮﻓﻴﻦ ﺷﻨﻮ ﺗﺤﺠﻴﻦ
ﻛﻼﻣﻬﺎ ﺟﺒﺮﻧﻲ ﺍﺩﻭﺱ ﺑﺎﻟﺤﺠﻲ ﻭﻳﺎﻫﺎ
ﺑﺲ ﺣﺠﻴﻬﺎ ﻳﻨﻄﻖ ﺍﻟﺤﺠﺮ
ﺩﺧﻠﺖ ﻟﻠﻐﺮﻓﺔ
ﻣﺘﻨﺮﻓﺰﺓ ﻭﺑﺪﻟﺖ ﻣﻼﺑﺴﻲ ﻭﺩﻙ ﻧﻘﺎﻟﻲ
ﻭﺑﺎﻭﻋﺖ ﻋﺎﻟﻤﺘﺼﻞ ﺟﺎﻧﺖ ﻫﺪﻯ
ﺳﺤﺒﺖ ﻧﻔﺲ ﻋﻤﻴﻖ ﻭﺭﺩﻳﺖ ﺑﺼﻮﺕ ﻫﺎﺩﻱﺀ
.. ﻫﻠﻮ ﻫﺪﻫﺪ ﺷﻠﻮﻧﺠﺰ
.. ﻫﻼ ﺷﻮﻣﺔ ﺣﺒﻴﺒﺘﻲ ﺍﻛﻮﻝ ﺷﻮﻣﺔ ﻋﻔﻴﺔ ﺍﺫﺍ ﺗﻜﺪﺭﻳﻦ
ﺗﺤﻀﺮﻳﻠﻲ ﺍﻟﻤﻼﺯﻡ ﻣﺎﻟﺘﻲ ﻭﺍﻟﺴﺠﻼﺕ
ﺑﺎﺟﺮ ﺍﻣﺮ ﻋﻠﻴﻜﻢ ﻭﺍﺧﺬﻫﻢ
ﻻﻥ ﻣﺤﺘﺎﺟﺘﻬﻢ ﺑﺎﻟﻜﻠﻴﺔ
.. ﺻﺎﺭ ﺗﺘﺪﻟﻠﻴﻦ ﻣﻦ ﻋﻴﻮﻧﻲ
ﺟﻨﺖ ﺍﺣﺠﻲ ﻭﺟﺎﻥ ﺍﺳﻤﻊ ﺻﻮﺕ ﺍﻟﺠﺮﺱ
ﺧﻠﻴﺖ ﺳﻠﻴﻤﺔ ﺗﻔﺘﺢ ﺍﻟﺒﺎﺏ ﻭﻛﻤﻠﺖ ﻛﻼﻣﻲ ﻭﻳﺔ ﻫﺪﻯ
ﺑﺲ ﻟﺤﻈﺎﺕ ﻭﺟﺎﻥ ﺍﺳﻤﻊ ﺻﻮﺕ ﺳﻠﻴﻤﺔ ﺗﺼﻴﺢ
.. ﻳﻤﺔﺭﺻﺨﺎﻡ ﻭﻟﺞ ﺍﺣﺠﻲ ﺷﻤﺴﻮﻳﺔ
ﻭﺳﻤﻌﺖ ﺻﻮﺕ ﺛﺎﻧﻲ ﻛﻤﺰ ﻛﻠﺒﻲ ﻣﻦ ﻣﻜﺎﻧﻪ ﻭﺷﻬﻜﺖ
.. ﻋﺰﺓ ﻫﺬﺍ ﺻﻮﺕ ﻣﺮﻳﻢ
ﻫﺪﻯ .. ﺷﻜﻮ ﺷﻴﻤﺎﺀ ﺷﺼﺎﻳﺮ
ﻣﺎ ﺟﺎﻭﺑﺖ ﻫﺪﻯ ﺭﺣﺖ ﻃﻠﻌﺖ ﺑﺮﺓ ﻭﺍﻟﻨﻘﺎﻝ ﺑﻌﺪﻩ ﺑﻴﺪﻱ
ﻭﺟﺎﻥ ﺍﺷﻮﻑ ﺍﺧﺘﻲ ﻣﺮﻳﻢ ﻭﺍﻛﻔﺔ ﻳﻢ ﺳﻠﻴﻤﺔ ﺑﻄﺮﻙ ﺍﻟﺒﺠﺎﻣﺔ
ﻣﺎﻟﺖ ﺍﻟﺒﻴﺖ ﻭﺟﻬﻬﺎ ﻣﺸﺨﻮﻁ ﻭﻧﺰﻑ ﺩﻡ
ﻛﻠﺒﻲ ﺍﻧﺨﻠﻊ ﻣﻦ ﻣﻜﺎﻧﻪ ﻋﻠﻰ ﻣﻨﻈﺮ ﺍﺧﺘﻲ
ﻭﺗﺤﺠﻲ ﻭﺗﻜﻮﻝ ﺑﻬﺴﺘﺮﻳﺎ
.. ﻭﺍﻟﻠﻪ ﻣﺴﻮﻳﺖ ﺷﻲ ﻫﻲ ﻣﺎﺗﺖ
ﻣﻦ ﻭﺣﺪﻫﺎ
ﻳﺘﺒﻊ
ﺍﺣﺒﻜﻢ ﻛﻮﻣﺔ ﺍﺣﺒﻜﻢ ﺍﻫﻮﺍﺍﺍﺍﺍﺍﺍﻱ
ﺍﺧﺘﻜﻢ ﻧﻬﻰ
️☺️☺️
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء