رواية أساور الفضة ج2 الجزء السادس
للكاتبة نهى
.....
ﻫﺪﻯ
ﺟﻨﺖ ﻣﻨﺪﻣﺠﺔ ﺩﺍﺣﺠﻲ ﻭﻳﺔ ﺷﻴﻤﺎﺀ ﻭﺟﺎﻥ ﺍﺳﻤﻊ ﺻﻮﺕ ﺷﻬﻜﺔ ﺷﻴﻤﺎﺀ ﺍﻟﻲ ﺧﻼﻧﻲ ﺍﻛﻄﻊ ﺍﻟﻨﻔﺲ ﻭﺍﻭﻛﻒ ﺑﻤﻜﺎﻧﻲ
ﻛﺎﻟﺖ
.. ﻋﺰﺓ ﻫﺬﺍ ﺻﻮﺕ ﻣﺮﻳﻢ
ﺍﻧﺨﻤﻂ ﻛﻠﺒﻲ .. ﺷﻜﻮ ﺷﻴﻤﺎﺀ ﺷﺼﺎﻳﺮ
ﻣﺎ ﺭﺩﺕ ﻋﻠﻴﺔ
ﻣﺎ ﺍﻋﺮﻑ ﺷﺼﺎﺭ ﺑﻴﺔ ﻣﻦ ﻫﻮﻝ ﺍﻟﺼﺪﻣﺔ ﺍﺳﻤﻊ
ﺻﻮﺕ ﻣﺮﻳﻢ ﺍﺧﺘﻲ ﺗﺒﺠﻲ
ﻣﻔﺰﻭﻋﺔ ﻭﺗﻜﻮﻝ ﺑﺼﻮﺕ ﺧﺎﻳﻒ
.. ﺍﻧﻲ ﻣﺴﻮﻳﺖ ﺷﻲ ﻫﻲ ﻣﺎﺗﺖ ﻟﻮﺣﺪﻫﺎ
ﺑﻌﺪﻫﺎ ﺍﻧﻘﻄﻊ ﺍﻻﺗﺼﺎﻝ
.. ﻻ ﻳﺎ ﺭﺑﻲ ﺩﺧﻴﻠﻚ ﻛﻠﺸﻲ ﻭﻻ ﻭﺣﺪﺓ ﻣﻦ ﺧﻮﺍﺗﻲ ﻳﺼﻴﺮ ﺑﻴﻬﺎ ﺷﻲ ﻭﺍﻟﻠﻪ ﺍﻣﻮﺕ
ﺍﺭﺗﻌﺪ ﺟﺴﻤﻲ ﻭﻧﺒﻀﺎﺕ ﻛﻠﺒﻲ ﻛﺎﻣﺖ ﺗﺘﺴﺎﺑﻖ ﻣﻊ ﺑﻌﻀﻬﺎ
ﺍﺣﺲ ﻋﻘﻠﻲ ﻓﺼﻞ ﻭﺻﺎﺭ ﻫﻤﻲ ﺍﻟﻮﺣﻴﺪ
ﺷﻠﻮﻥ ﺍﻭﺻﻞ ﻟﺨﻮﺍﺗﻲ
ﺭﻛﻀﺖ ﺍﺧﺬﺗﻠﻲ ﺷﺎﻝ ﻭﻋﺒﺎﻳﺔ ﻛﺎﺏ
ﻭﺻﺮﺕ ﺍﻟﺒﺲ ﻭﺍﻧﻲ ﺍﻧﺰﻝ ﺍﻟﺪﺭﺝ ﻭﺍﻟﻠﻪ ﺣﺘﻰ ﻣﺎ ﺍﻧﺘﺒﻬﺖ ﺷﻠﻮﻥ ﻟﺒﺴﺘﻬﺎ ﺻﺢ ﻟﻮ ﻣﻜﻠﻮﺑﻲ ﻣﻦ ﻛﺪ ﻣﺎ ﻋﻘﻠﻲ ﻣﺸﺪﻭﻩ
ﻭﺷﻤﺮﺕ ﺍﻟﺸﺎﻝ ﺷﻠﻮﻥ ﻣﺎﺟﺎﻥ ﻋﻠﻰ ﺷﻌﺮﻱ
ﻭﻳﺔ ﻛﻞ ﺧﻄﻮﺓ ﺍﺗﻘﺪﻣﻬﺎ ﺍﺣﺲ ﺍﻟﻮﻗﺖ ﺩﻳﻨﻔﺬ ﻣﻨﻲ
ﻭﻋﻘﻠﻲ ﻳﺼﻮﺭﻱ ﻣﺎ ﺭﺍﺡ ﺍﻛﺪﺭ ﺍﻟﺤﻚ ﻋﻠﻰ ﺧﻮﺍﺗﻲ
ﻻﻛﺘﻨﻲ ﻫﺎﻟﺔ ﺟﺎﻧﺖ ﺑﺎﻟﻤﻄﺒﺦ ﺑﺲ ﻋﻠﻰ ﺻﻮﺗﻲ ﺍﻟﺨﺎﻳﻒ
ﻃﻠﻌﺘﻠﻲ ﻭﻛﺎﻟﺖ
.. ﻳﺎ ﺳﺘﺎﺭ ﻫﺪﻯ ﺷﺒﻴﺞ ﺷﺼﺎﻳﺮ
ﺟﺎﻭﺑﺘﻬﺎ ﻭﺍﻧﻲ ﻣﺘﻮﺟﻬﺔ ﻋﻠﻰ ﺑﺎﺏ ﺍﻟﻤﻄﺒﺦ ﺑﻬﺮﻭﻟﺔ
ﻭﻛﻠﺖ .. ﻟﺞ ﻫﺎﻟﺔ ﻣﺎ ﺍﺩﺭﻱ ﻣﻨﻮ ﺍﻟﻤﺎﺕ ﻭﺧﻮﺍﺗﻲ ﻳﺼﺮﺧﻮﻥ ﻛﻠﺸﻲ ﻣﺎ ﺍﻓﺘﻬﻤﺖ
ﺟﻨﺖ ﺍﺣﺠﻲ ﻭﺍﺣﺲ ﻣﻦ ﺍﻟﺨﻮﻑ ﻭﺍﻟﻠﻪ ﺭﺟﻠﻴﺔ ﺑﺎﺩﺕ
ﻭﻣﺎ ﻛﺎﻣﻮ . ﻳﻌﻴﻨﻮﻧﻲ
ﺗﺮﻛﺖ ﻫﺎﻟﺔ ﻭﺭﺍﻱ ﻭﺻﻮﺕ ﺍﻡ ﻗﺎﺳﻢ ﻣﻦ ﺍﻟﻤﻄﺒﺦ
ﺳﺄﻟﺖ ﺷﻜﻮ ﺷﺼﺎﺭ
ﺑﺲ ﺍﻧﻲ ﻭﻳﻦ ﻓﺎﺻﻠﺔ ﺑﻐﻴﺮ ﻋﺎﻟﻢ
ﺗﺮﻛﺖ ﻫﺎﻟﺔ ﺗﻜﻠﻠﻬﺎ ﻭﻓﺘﺤﺖ ﺑﺎﺏ ﺍﻟﺸﺎﺭﻉ
ﺍﺳﻤﻌﻬﺎ ﺗﺼﻴﺢ ﻟﺞ ﻫﺎﻟﺔ ﺟﻴﺒﻲ ﻋﺒﺎﺗﻲ ﺑﺴﺮﻋﺔ
ﻃﻠﻌﺖ ﺑﺴﺮﻋﺔ ﻟﻠﺸﺎﺭﻉ ﻣﻔﺰﻭﻋﺔ
ﻭﺍﻭﻝ ﻣﺎ ﻃﻠﻌﺖ ﻟﻠﺸﺎﺭﻉ ﺷﺎﻓﻨﻲ ﺍﻟﻌﻢ ﺣﺴﻨﻴﻦ ﻭﺭﻛﺾ ﻋﻠﻴﺔ
.. ﺧﻴﺮﻳﻚ ﻳﺎﺳﺘﻲ ﻫﺎﻧﻢ ﺣﺼﻞ ﺣﺎﮔﺔ
ﺑﻌﺪ ﺍﻟﺸﺮ
.. ﻋﻤﻮ ﺑﺴﺮﻋﺔ ﺍﺧﺬﻧﻲ ﻟﺒﻴﺖ ﺍﻫﻠﻲ
.. ﺣﺎﺿﺮ ﻣﻦ ﻋﻴﻨﻴﺎ ﺍﻻﺗﻨﻴﻦ
ﺍﺭﻛﺒﻲ ﺑﺴﺮﻋﺔ
ﺧﻄﻴﺔ ﻣﺎ ﻛﺎﻝ ﺷﻲ ﺑﺴﺮﻋﺔ ﺭﻛﺐ ﻭﺷﻐﻞ ﺍﻟﺴﻴﺎﺭﺓ ﻋﺎﻟﺴﺮﻳﻊ ﻭﻫﻮ ﻳﻄﻤﻦ ﺑﻴﺔ ﻧﻈﺮﺍﺕ ﻋﻴﻮﻧﻲ ﺍﻟﺨﺎﻳﻔﺔ ﻭﺭﺟﻔﺔ ﺟﺴﻤﻲ ﺣﺜﺘﻪ ﻳﺴﺘﻌﺠﻞ
.. ﮔﻴﺐ ﺍﻟﻌﻮﺍﺋﺐ ﺳﻠﻴﻤﺔ ﻳﺎﺭﺏ
ﻣﺘﺨﺎﻓﻴﺶ ﺭﺑﻴﻨﺎ ﻳﺒﻌﺪ ﺍﻟﺸﺮ ﻋﻨﻬﻢ
ﻭﺿﻞ ﻃﻮﻝ ﺍﻟﻄﺮﻳﻖ ﻛﻞ ﺷﻮﻳﺔ ﻳﻄﻤﻨﻲ
ﻭﺍﻧﻲ ﻋﻘﻠﻲ ﻛﻌﺪ ﻳﺤﻠﻞ ﻣﻦ ﻳﻤﻪ
.....
ﻣﻨﺎ ﻋﻠﻤﺎ ﻭﺻﻠﺖ ﻟﺒﻴﺖ ﺳﻠﻴﻤﺔ ﻣﻴﺖ ﺍﻟﻒ ﺣﺴﺒﺔ ﺍﺟﺘﻲ ﺑﺒﺎﻟﻲ
ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﻫﻮ ﻛﺎﻝ
.. ﺍﻧﺎ ﺣﺮﻭﺡ ﺍﮔﻴﺐ ﺳﺖ ﺍﻟﺤﺎﮔﺔ ﻭﺍﺭﮔﻊ ﺑﺴﻮﺭﻋﺔ
.. ﺑﺮﺍﺣﺘﻚ ﻋﻤﻮ
ﺟﺎﻭﺑﺘﻪ ﺑﺴﺮﻋﺔ ﻭﺗﺮﻛﺘﻪ
ﻭﺭﺣﺖ ﺟﻨﺖ ﻣﺴﺘﻌﺠﻠﺔ ﻟﻜﻴﺖ ﺍﻟﺒﺎﺏ ﻣﺮﺩﻭﺩ ﻛﺒﻞ ﺩﺧﻠﺖ
ﻣﺜﻞ ﺍﻟﻤﺠﻨﻮﻥ
ﻭﺟﺎﻥ ﺍﺷﻮﻑ ﻣﻨﻈﺮ ﻣﺮﻳﻢ ﺑﺤﻀﻦ ﺷﻴﻤﺎﺀ
ﻭﺷﻌﺮﻫﺎ ﻣﻬﻮﺱ ﻭﺍﻟﺨﺪ ﻣﺠﺮﻭﺡ
ﻭﺍﻟﺪﻡ ﺳﺎﻳﺢ ﻣﻨﻪ
ﻭﺳﻠﻴﻤﺔ ﻛﺎﻋﺪﺓ ﺑﺎﻟﻜﺎﻉ ﺗﻠﻄﻢ
.. ﻟﺞ ﺷﻴﻤﺎﺀ ﺷﻨﻮ ﺷﺒﻴﻬﺎ ﻣﺮﻳﻢ
ﺷﻴﻤﺎﺀ ﻭﺍﻟﻮﺟﻪ ﻣﺨﻄﻮﻑ ﻟﻮﻧﻪ
.. ﻣﺮﻳﻢ
ﺿﺎﺭﺑﺔ ﻣﺮﺕ ﻋﻤﻮ ﺍﻣﺠﺪ ﺑﺎﻟﺴﺠﻴﻦ ﻭﺷﺎﺭﺩﺓ
ﻭﻣﺮﻳﻢ ﻣﻦ ﻭﺻﻠﺖ ﻟﺤﺪ ﻫﺴﺔ ﺑﺲ ﺩﺗﺮﺟﻒ ﻛﻠﺸﻲ
ﻣﺘﺤﺠﻲ ﻏﻴﺮ ﺑﺲ ﻫﺎﻱ ﺍﻟﻜﻠﻤﺘﻴﻦ ﺍﻧﻲ ﻣﺴﻮﻳﺖ ﺷﻲ ﻫﻲ ﻣﺎﺗﺖ ﻟﻮﺣﺪﻫﺎ
ﺭﺣﺖ ﺍﺗﺼﻠﺖ ﻋﻠﻰ ﻋﻤﻮ ﺍﻣﺠﺪ ﺣﺘﻰ ﺍﻓﺘﻬﻢ ﺷﻨﻮ ﺍﻟﺴﺎﻟﻔﺔ ﻟﻜﻴﺘﻪ ﻫﻮ ﻭﺍﺑﻨﻪ ﻣﺎﺧﺬﻳﻦ ﺟﻨﺎﻥ ﻭﻧﺎﻗﻠﻴﻬﺎ ﻟﻠﻤﺴﺘﺸﻔﻰ
ﻛﻠﻲ ﻫﺴﺔ ﺍﺧﺬﻭﻫﺎ ﻣﻨﻬﻢ ﻭﺩﺧﻠﻮﻫﺎ ﻟﻠﻄﻮﺍﺭﻱﺀ
ﻭﻟﺤﺪ ﺍﻻﻥ ﻣﻴﻌﺮﻓﻮﻥ ﺷﻲ ﻋﻨﻬﺎ
ﻟﺞ ﻫﺪﻯ ﺧﺎﻳﻔﺔ ﻋﻠﻰ ﺍﺧﺘﻲ ﺭﺍﺡ ﺗﺮﻭﺡ ﺑﺎﻟﺮﺟﻠﻴﻦ
ﻻﻥ ﻋﻤﻮ ﺍﻣﺠﺪ ﻭﻫﻮ ﻳﺤﺠﻲ ﺟﺎﻥ ﻛﻠﺶ ﻣﻌﺼﺐ
ﻭﻛﺎﻡ ﻳﻬﺪﺩ ﻭﻳﺘﻮﻋﺪ ﻣﺘﺤﻠﻒ ﺑﻤﺮﻳﻢ
ﺳﻠﻴﻤﺔ ﺗﺒﺎﻭﻉ ﻋﻠﻰ ﻣﺮﻳﻢ ﻭﺗﺤﺠﻲ
.. ﺷﻜﻮﻝ ﻋﻠﻴﻚ ﻳﻤﺔ ﺍﺛﻴﺮ ﺟﺎﻧﺖ ﻋﺎﻳﺰﺓ ﻭﺍﻟﺘﻤﺖ
ﻣﻦ ﺗﺎﻟﻲ ﻭﻛﺖ ﺗﻄﻠﻊ ﻭﺣﺪﺓ ﻣﻦ ﺑﻨﺎﺗﻚ ﻣﺠﺮﻣﺔ
ﻋﻠﻰ ﺍﻻﺳﺎﺱ ﺧﻮﺍﺗﻬﺎ ﻣﻘﺼﺮﺍﺕ ﺑﺴﻮﺍﻟﻔﻬﻦ
ﻭﻫﻲ ﺗﺠﻲ ﻭﺗﻜﻤﻠﻬﺎ ﺑﺴﻮﺍﻳﺘﻬﺎ
ﻭﻟﺞ ﺍﻧﺘﻲ ﻛﺘﻠﺞ ﺻﺎﺭ ﺣﻼﻝ
ﺭﺟﻌﺖ ﺗﻄﻠﻢ
ﺳﻠﻴﻤﺔ ﺗﺤﺠﻲ ﻭﺍﻧﻲ ﺍﻟﻨﺎﺭ ﻛﺎﻣﺖ ﺗﻔﻮﺭ ﺑﺼﺪﺭﻱ
ﻫﺪﻳﺖ ﻋﻠﻴﻬﺎ ﺍﺗﻤﻨﻰ ﺍﻛﻠﻬﺎ ﺑﺴﻨﻮﻧﻲ
.. ﺩ ﻛﺎﺍﺍﺍﺍﺍﺍﻓﻲ ﻟﺨﺎﻃﺮ ﺭﺑﺞ ﺍﻧﺘﻲ ﺷﻮﻛﺖ ﺗﻨﻘﺮﺿﻴﻦ
ﺍﻟﻲ ﺑﻌﻤﺮﺝ ﻣﺎﺗﻮﺍ ﻭﺷﺒﻌﻮﺍ ﻣﺎﻱ ﻭﺭﺩ
.. ﻫﺎ ﻭﻟﺞ ﺍﻟﺒﻜﻌﺔ ﻫﻢ ﺍﻟﺞ ﻋﻴﻦ ﺗﺤﺠﻴﻦ
ﺍﻟﻤﺜﻠﺞ ﻫﺴﺔ ﺗﻜﻌﺪ ﻭﺗﺎﻛﻞ ﺗﺒﻦ ﻭﺗﻔﻜﺮ ﺑﺮﺟﻠﻬﺎ ﺧﺎﻑ ﻳﻄﻠﻜﻬﺎ
ﻣﻦ ﻭﺭﺓ ﺳﻮﺍﻳﺔ ﺍﺧﺘﺞ
ﺷﻴﻤﺎﺀ ﺑﻘﻬﺮ .. ﻫﺪﻯ ﻛﺎﺍﺍﻓﻲ ﻋﻮﻓﻴﻬﺎ ﺗﺤﺠﻲ ﻟﻮﺣﺪﻫﺎ
ﺍﻟﺒﻴﻨﺔ ﻛﺎﻓﻴﻨﺎ
.. ﺍﻱ ﺻﺪﻙ ﺍﻧﻠﺼﻤﻲ ﻭﺭﻭﺣﻲ ﺍﻟﺘﻬﻲ ﺑﺄﺧﺘﺞ ﺍﻟﻤﺠﺮﻣﺔ
ﻫﺴﺔ ﺍﻟﻠﻪ ﺍﻟﻌﺎﻟﻢ ﺷﻮﻛﺖ ﻳﺠﻮﻥ ﻭﻳﺎﺧﺬﻭﻫﺎ ﺳﺤﻞ ﻟﻠﺴﺠﻦ
ﺳﻤﻌﺖ ﺻﺮﺧﺔ ﻣﺮﻳﻢ ﺍﻟﻤﻔﺰﻭﻋﺔ ﻣﻦ ﻭﺭﺓ ﻛﻼﻡ ﺳﻠﻴﻤﺔ
ﻭﻛﺎﻣﺖ ﺗﺘﻮﺳﻞ ﺑﺸﻴﻤﺎﺀ
.. ﻻ ﻻ ﻻ ﻋﻔﻴﺔ ﺷﻴﻤﺎﺀ ﻻ ﺗﺨﻠﻴﻬﻢ ﻳﺎﺧﺬﻭﻧﻲ
ﻭﺍﻟﻠﻪ ﻣﺴﻮﻳﺖ ﺷﻲ
ﺧﻮﻑ ﺍﺧﺘﻲ ﻃﻴﺮ ﺍﺧﺮ ﺫﺭﺓ ﻋﻘﻞ ﻋﻨﺪﻱ
ﺍﻗﺘﺮﺑﺖ ﻣﻦ ﺳﻠﻴﻤﺔ ﺑﺘﻬﺪﻳﺪ ﻭﻋﻄﺖ ﺑﻴﻬﺎ ﺑﺼﻮﺕ ﻋﺎﻟﻲ
.. ﻭﻟﺞ ﺳﻠﻴﻤﺔ ﺍﻟﻈﺎﻫﺮ ﺍﻧﺘﻲ ﺍﻟﻴﻮﻡ ﻣﺸﺘﺎﻗﺔ ﺗﺸﻮﻓﻴﻦ ﻣﻠﻚ ﺍﻟﻤﻮﺕ
ﺍﺑﺎﻭﻉ ﻋﻠﻴﻬﺎ ﻛﺎﻣﺖ ﻣﻦ ﻣﻜﺎﻧﻬﺎ ﻭﺻﺎﺣﺖ
.. ﻳﺒﻮﻭﻭﻭﻭﻭﻭ ﻭﻧﻮﺏ ﺩﺍﺭﻥ ﻋﻠﻴﺔ ﻳﺮﺩﻥ ﻳﻤﻮﺗﻨﻲ
ﺷﻴﻤﺎﺀ .. ﻫﺪﻯ ﺍﺑﻮﺱ ﺍﻳﺪﺝ ﻋﻮﻓﻴﻬﺎ ﻭﺍﻟﻠﻪ ﻣﺎ ﻧﺎﻗﺼﻴﻦ
ﻭﻟﺰﻣﺖ ﺍﻳﺪﻱ ﺗﻤﻨﻌﻨﻲ ﺍﻭﺻﻞ ﻟﺴﻠﻴﻤﺔ
.. ﻟﺞ ﺷﻴﻤﺎﺀ ﻋﻮﻓﻴﻨﻲ ﻋﻠﻴﻬﺎ ﺍﻟﻴﻮﻡ ﺍﺟﻔﻨﻬﺎ ﺑﻴﺪﻱ
ﺍﻧﺎ ﻛﻤﻠﺖ ﻛﻼﻣﻲ ﻭﻣﺎ ﺍﺷﻮﻑ ﺍﻻﺳﻠﻴﻤﺔ ﻻﺑﺴﺔ ﻋﺒﺎﻳﺘﻬﺎ
ﻭﺗﺮﻳﺪ ﺗﻄﻠﻊ ﻣﻦ ﺍﻟﺒﻴﺖ
.. ﻭﺍﻟﻠﻪ ﻣﺎ ﺍﺑﻘﺎﻟﻜﻢ ﺩﻗﻴﻘﺔ ﻭﺣﺪﺓ ﺑﺎﻟﺒﻴﺖ ﺍﻧﺎ ﺭﺍﻳﺤﺔ ﺍﻛﻌﺪ ﺑﺎﻟﺒﺎﺏ ﺍﻧﺘﻈﺮ ﻭﻟﺪﻱ ﻳﺠﻮﻥ ﻭﻳﺴﻮﻟﻜﻢ ﺣﻞ ﻭﺍﻧﺘﻲ ﺍﻟﺒﻜﻌﺔ ﺍﺫﺍ ﻣﺎ ﺍﻟﻴﻮﻡ ﺧﻠﻴﺖ ﻛﺘﻠﺞ ﺭﻓﺲ ﻣﺎ ﺍﺗﺴﻤﺔ ﺳﻠﻴﻤﺔ
......
ﺑﺎﻭﻋﺖ ﻟﺸﻴﻤﺎﺀ ﻭﻧﺘﺮﺕ ﺍﻳﺪﻱ ﻣﻨﻬﺎ
.. ﻭﻟﻜﻢ ﻫﺪﻭﻧﻲ ﻋﻠﻴﻬﺎ
ﻭﻟﺞ ﺳﻠﻴﻤﺔ ﻫﻤﺔ ﺧﻠﻲ ﺑﺎﻻﻭﻝ ﻳﻠﺤﻜﻮﻥ ﻋﻠﻴﺞ ﻗﺒﻞ ﻻ ﺗﻤﻮﺗﻴﻦ ﻭﺑﻌﺪﻳﻦ ﻛﻠﻴﻠﻬﻢ
.. ﺑﺲ ﺷﺎﻓﺘﻨﻲ ﻫﺪﻳﺖ ﻋﻠﻴﻬﺎ
ﺷﻬﻜﺖ ﺑﺨﻮﻑ ﻭﺍﺗﺴﻌﺖ ﻋﻴﻮﻧﻬﺎ ﻭﻟﻤﺖ ﻋﺒﺎﻳﺘﻬﺎ ﻭ
ﻭﻛﺒﻞ ﻃﻠﻌﺖ ﺑﻜﻞ ﺳﺮﻋﺘﻬﺎ ﻛﺎﻣﺖ ﺗﻤﺸﻲ ﺑﺨﻔﺔ ﻭﻻ ﺟﻨﻬﺎ ﻣﺮﺓ ﺟﺒﻴﺮﺓ ﺻﺪﻙ ﺍﻟﺨﻮﻑ ﻳﺼﻨﻊ ﺍﻟﻤﻌﺠﺰﺍﺕ
ﺟﺮﻳﺖ ﺣﺴﺮﺓ ﺑﻘﻬﺮ ﻭﺑﺎﻭﻋﺖ ﻟﺨﻮﺍﺗﻲ
ﻣﺮﻳﻢ ﺿﺎﻣﺔ ﺭﺍﺳﻬﺎ ﺑﺤﻀﻦ ﺷﻴﻤﺎﺀ
ﻭ ﺷﻴﻤﺎﺀ ﻛﻞ ﺷﻮﻳﺔ ﺗﺘﺼﻞ ﻋﻠﻰ ﻋﻤﻮ ﺍﻣﺠﺪ
ﺣﺘﻰ ﺗﺸﻮﻑ ﺷﻨﻮ ﺻﺎﺭ ﻋﻠﻰ ﺟﻨﺎﻥ
ﻛﻠﻠﻬﺎ ﺧﻴﻄﻮﺍ ﺭﺍﺳﻬﺎ ﻭﺯﻧﺪﻫﺎ ﻭﻛﺎﻟﻮﺍ ﻻﺯﻡ ﺗﺒﻘﻰ ﺑﺎﻟﻌﻨﺎﻳﺔ ﺍﻟﻤﺮﻛﺰﺓ
ﺗﺤﺖ ﺍﻟﻤﺮﺍﻗﺒﺔ ٢٤ﺳﺎﻋﺔ ﺣﺘﻰ ﺧﺎﻑ ﺗﺼﻴﺮ ﺍﺛﺎﺭ ﺟﺎﻧﺒﻴﺔ
ﻣﺜﻞ ﻧﺰﻳﻒ ﺩﺍﺧﻠﻲ ﺑﺎﻟﺪﻣﺎﻍ
ﺍﺗﻨﻬﺪﻧﺎ ﺑﺮﺍﺣﺔ ﺑﻌﺪﻣﺎ ﺟﻨﺎ ﺣﺎﺑﺴﻴﻦ ﺍﻻﻧﻔﺎﺱ
ﺟﺎﻧﺖ ﺷﻴﻤﺎﺀ ﺗﺤﺠﻲ ﻭﺗﻤﺴﺢ ﺑﻮﺟﻪ ﻣﺮﻳﻢ
ﺟﺎﻧﺖ ﺻﺎﻛﺔ ﺍﺳﻨﺎﻧﻬﺎ ﻣﻦ ﺍﻟﺨﻮﻑ ﻭﺍﻟﺮﻫﺒﺔ
ﺩﻙ ﻧﻘﺎﻝ ﺷﻴﻤﺎﺀ ﻭﻛﺎﻟﺖ
.. ﻫﺎﺝ ﻫﺪﻯ ﻫﺎﻱ ﻋﻤﺘﺞ ﺩﺗﺘﺼﻞ ﻋﻠﻴﺔ
ﺭﺩﻱ ﻋﻠﻴﻬﺎ
.. ﻳﺎ ﺧﻄﻴﺔ ﻭﺍﻟﻠﻪ ﻧﺴﻴﺘﻬﻢ
ﺭﺩﻳﺖ ﻭﺍﺟﺎﻧﻲ ﺻﻮﺕ ﻫﺎﻟﺔ
.. ﻫﺎ ﻫﺪﻯ ﺷﻨﻮ ﺍﻟﺼﺎﻳﺮ ﻋﻔﻴﺔ ﻃﻤﻨﻴﻨﺎ ﻋﻠﻴﻜﻢ
ﺍﺳﻤﻊ ﺻﻮﺕ ﺧﺎﻟﺘﻲ ﺍﻡ ﻗﺎﺳﻢ ﺗﻜﻠﻠﻬﺎ ﻓﺘﺤﻲ ﺍﻟﺴﻤﺎﻋﺔ ﺧﻠﻴﻨﻲ ﺍﺳﻤﻊ
ﺻﻮﺕ ﺗﻜﺔ ﺑﺎﻟﻨﻘﺎﻝ ﻭﺑﻌﺪﻫﺎ ﺭﺟﻌﺖ ﻫﺎﻟﺔ ﻋﺎﺩﺕ ﺳﺆﺍﻟﻬﺎ ﻣﺮﺕ ﺍﻟﻠﺦ ﻭﺟﺎﻭﺑﺘﻬﺎ
ﺣﺮﺕ ﺷﺠﺎﻭﺑﻬﺎ ﻭﺍﻟﻠﻪ ﺻﻌﺒﺔ
ﺟﺎﻭﺑﺘﻬﺎ .. ﺍﺧﺘﻲ ﻣﺘﻌﺮﺿﺔ ﻟﻠﻀﺮﺏ
ﻋﻠﻰ ﺍﻳﺪ ﻣﺮﺕ ﻋﻤﻮ ﺍﻣﺠﺪ ﻭ ﺍﺟﺘﻲ ﺷﺎﺭﺩﺓ ﻣﻨﻬﺎ
ﻭﻫﺴﺔ ﻋﻤﻮ ﺍﻣﺠﺪ ﻭﺑﺎﺑﺎ ﻣﺘﺤﻠﻔﻴﻦ ﺑﻴﻬﺎ
ﺳﻤﻌﺖ ﻳﻢ ﻫﺎﻟﺔ ﺍﺻﻮﺍﺕ ﺛﺎﻧﻴﺔ
ﺷﻴﻤﺎﺀ .. ﻋﻔﻴﺔ ﻫﺪﻯ ﺑﺴﺮﻋﺔ ﺍﺳﺘﻌﺠﻠﻲ ﺑﺎﻟﻜﻼﻡ
ﺧﻠﻲ ﺍﻟﺤﻚ ﺍﺧﺎﺑﺮ ﻣﺮﻭﺓ ﺗﺠﻲ ﺗﻠﺤﻚ ﻋﻠﻰ ﻣﺮﻳﻢ ﺗﺎﺧﺬﻫﺎ
ﻳﻤﻬﺎ ﻣﺎ ﺍﺭﻳﺪﻫﻢ ﻳﺠﻮﻥ ﻭﻳﻠﻜﻮﻧﻬﺎ ﻫﻨﺎ ﻭﺍﻟﻠﻪ ﺑﺲ ﻳﺸﻮﻓﻨﻬﺎ
ﻣﺎ ﻳﺮﺣﻤﻮﻧﻬﺎ
ﺣﺠﻴﺖ ﺑﻐﻀﺐ ﻭﻗﻬﺮ ﻭﻧﺴﻴﺖ ﺧﺎﻟﺘﻲ ﻭﻫﺎﻟﺔ
ﻋﺎﻟﺨﻂ ﻭﻛﻠﺖ ﻭﺍﻧﻲ ﺍﺗﺤﻠﻒ
.. ﻳﺤﻠﻤﻮﻥ ﺍﺧﻠﻴﻬﻢ ﻳﻠﻤﺴﻮﻥ ﺷﻌﺮﺓ ﻣﻨﻬﺎ
ﻭﺍﻟﻠﻪ ﺍﻻ ﻋﻠﻰ ﺟﺜﺘﻲ ﻳﻮﺻﻠﻮﻧﻬﺎ
ﺷﻴﻤﺎﺀ .. ﻫﺪﻯ ﺭﺣﻤﺔ ﻋﻠﻰ ﻭﺍﻟﺪﻳﺞ ﻻ ﺗﺨﺒﻠﻴﻨﻲ ﻭﺗﻔﺠﻌﻴﻨﻲ
ﺑﻴﺞ ﻣﻦ ﻳﺠﻲ ﺍﺑﻮﻱ ﻭﻋﻤﻲ ﺍﻧﺘﻲ ﺑﺎﻟﺬﺍﺕ ﻻﺗﺤﺠﻴﻦ ﻭﺍﻟﻠﻪ ﻳﻤﻮﺗﻮﻧﺞ
ﻫﺎﻟﺔ .. ﻻ ﻳﺎﺭﺑﻲ ﺩﺧﻴﻠﻚ ﻫﺪﻯ ﺩﻳﺮﻱ ﺑﺎﻟﺞ ﺗﺴﻮﻳﻦ ﺷﻲ ﺍﻋﺮﻓﺞ ﻣﺨﺒﻠﺔ
ﻣﺎ ﺟﺎﻭﺑﺘﻬﺎ ﻭﻛﻠﺘﻠﻬﺎ
.. ﻫﺎﻟﺔ ﺍﻧﺎ ﺭﺍﺡ ﺍﻧﻬﻲ ﺍﻟﻤﻜﺎﻟﻤﺔ
ﻳﺎﻟﻠﻪ ﻣﻊ ﺍﻟﺴﻼﻣﺔ ﻻﺯﻡ ﻧﺘﺼﻞ ﻋﻠﻰ ﻣﺮﻭﺓ ﺧﻠﻲ ﻧﻠﺤﻚ ﻋﻠﻰ ﺍﺧﺘﻨﺎ ﻗﺒﻞ ﻻ ﺗﺮﻭﺡ ﻣﻦ ﺑﻴﻦ ﺍﻳﺪﻳﻨﺎ
ﺑﻌﺪﻫﺎ ﺷﻴﻤﺎﺀ ﺍﺗﺼﻠﺖ ﻋﻠﻰ ﻣﺮﻭﺓ
ﻭﻓﻬﻤﺘﻬﺎ ﺍﻟﺴﺎﻟﻔﺔ ﻛﻠﻬﺎ ﺑﺴﺮﻋﺔ
ﻭﻛﻠﺘﻠﻬﺎ ﻋﻔﻴﺔ ﻣﺮﻭﺓ ﺗﻌﺎﻟﻲ ﺍﺧﺬﻱ ﻣﺮﻳﻢ ﻳﻤﺞ ﺑﺎﻟﺒﻴﺖ
ﻧﻬﺖ ﺍﻻﺗﺼﺎﻝ ﻣﻦ ﻣﺮﻭﺓ ﺑﻌﺪﻣﺎ
ﻛﻠﺘﻠﻬﺎ ﺟﺎﻳﺘﻜﻢ ﺑﻤﺴﺎﻓﺔ ﺍﻟﻄﺮﻳﻖ ﺍﻧﺘﻈﺮﻭﻧﻲ
ﺩﻗﺎﻳﻖ ﻭﺟﺎﻥ ﻳﺪﻙ ﻧﻘﺎﻝ ﺷﻴﻤﺎﺀ ﻭﺍﻟﻤﺘﺼﻞ ﺍﺛﻴﺮ
ﺭﺩﺕ ﻭﺍﻳﺪﻳﻬﺎ ﺗﺮﺟﻒ
ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﺍﻧﺨﻄﻒ ﻟﻮﻧﻬﺎ
ﻭﻋﻴﻮﻧﻬﺎ ﺍﺗﺠﻬﺖ ﻋﻠﻰ ﻣﺮﻳﻢ ﺑﺨﻮﻑ
ﻭﺭﺟﻌﺖ ﺑﺎﻭﻋﺘﻠﻲ
.. ﺷﺸﻨﻮ ﻟﻴﺶ ﻭﻳﻦ ﺗﺮﺩﻭﻥ ﺗﺎﺧﺬﻭﻧﻬﺎ
ﺷﻬﻜﺖ ﻭﺍﺗﺴﻌﺖ ﻋﻴﻮﻧﻬﺎ
ﻓﺘﺤﺖ ﺣﻠﻜﻬﺎ .. ﻟﺤﻈﺔ ﺍﻧﺖ .......
ﻧﺰﻟﺖ ﺍﻟﻨﻘﺎﻝ ﺗﺒﺎﻭﻉ ﻋﻠﻴﻪ ﺑﺼﺪﻣﺔ
ﺷﻜﻠﻪ ﺍﻧﻘﻄﻊ ﺍﻟﺨﻂ
ﺍﺑﺎﻭﻉ ﻋﻠﻴﻬﺎ ﻛﺎﻣﺖ ﻣﻦ ﻣﻜﺎﻧﻬﺎ ﻣﺜﻞ ﺍﻟﻤﺨﺒﻠﺔ
ﻭﺭﻛﻀﺖ ﻟﻠﻐﺮﻓﺔ ﻣﺴﺘﻌﺠﻠﺔ
ﻭﻫﻲ ﺗﺼﻴﺢ ﻫﺪﻯ ﺑﺴﺮﻋﺔ ﻛﻮﻣﻲ ﺧﻠﻲ ﻧﺎﺧﺬ ﺍﺧﺘﻨﺎ ﻭﻧﻄﻠﻊ ﺑﻴﻬﺎ ﻣﻦ ﺍﻟﺒﻴﺖ
......
ﺍﺍﺑﻮﺝ ﻭﻋﻤﺞ ﻋﺎﻓﻮﺍ ﺟﻨﺎﻥ ﺑﺎﻟﻤﺴﺘﺸﻔﻰ ﻭﺟﺎﻳﻴﻦ ﺑﺎﻟﻄﺮﻳﻖ ﺣﺎﺩﻳﻦ ﺍﺳﻨﻮﻧﻬﻢ ﻋﻠﻴﻨﺎ
ﺍﺑﻮﺝ ﻳﻜﻠﻲ ﺟﻬﺰﻱ ﺍﺧﺘﺞ ﺣﺘﻰ ﺗﺠﻲ ﻭﻳﺎﻧﺎ ﻣﺎ ﺍﻋﺮﻑ ﻭﻳﻦ ﻳﺮﺩﻭﻥ ﻳﺎﺧﺬﻭﻧﻬﺎ
ﻭﺍﻟﻠﻪ ﺍﻟﻴﻌﻠﻢ ﺷﻨﻮ ﻧﺎﻭﻳﻦ ﻋﻠﻴﻬﺎ
ﺟﺎﻧﺖ ﺗﺤﺠﻲ ﻭﺗﻠﺒﺲ ﺑﺠﺎﻛﻴﺘﻬﺎ
ﻟﺒﺴﺘﻪ ﺷﻠﻮﻥ ﻣﺎ ﺟﺎﻥ ﻭﺭﺍﺣﺖ ﻋﻠﻰ ﻛﻨﺘﻮﺭﻫﺎ
ﻭﻃﻠﻌﺖ ﺟﻨﻄﺘﻬﺎ ﻭﻃﻠﻌﺖ ﻣﻦ ﺟﻮﺓ ﻣﻼﺑﺴﻬﺎ ﻓﻠﻮﺱ
ﻭﺣﻄﺘﻬﺎ ﺑﺎﻟﺠﻨﻄﺔ
ﻭﺍﻧﻲ ﺭﺣﺖ ﺭﻛﺾ ﻋﻠﻰ ﻣﺮﻳﻢ ﺳﺎﻋﺪﺗﻬﺎ ﺣﺘﻰ ﺗﻜﻮﻡ
ﻭﺷﻴﻤﺎﺀ ﻋﻠﻜﺖ ﺟﻨﻄﺘﻬﺎ ﻋﻠﻰ ﻛﺘﻔﻬﺎ ﻭﺍﺟﺘﻲ
ﺳﻨﺪﺕ ﻣﺮﻳﻢ ﻭﻳﺎﻱ ﺣﺘﻰ ﻧﻄﻠﻊ
ﻛﻠﺸﻲ ﺗﻢ ﻋﺎﻟﺴﺮﻳﻊ ﻋﺒﺎﻟﻚ ﻋﺎﺻﻔﺔ ﻫﺒﺖ ﻋﻠﻴﻨﺎ
ﺟﺎﻧﺖ ﻣﺮﻳﻢ ﻛﻞ ﺷﻮﻳﺔ ﺗﻤﺸﻲ ﻛﻢ ﺧﻄﻮﺓ ﻭﺗﻮﻛﻊ
ﺭﺟﻠﻴﻬﺎ ﺻﺎﺭﻭﺍ ﺧﻴﻮﻁ ﻋﺒﺎﻟﻚ ﻣﺎﺧﺬﻳﻨﻬﺎ ﻟﻤﻨﺼﺔ ﺍﻻﻋﺪﺍﻡ
ﻣﺘﻜﺪﺭ ﺗﻌﻴﻦ ﻧﻔﺴﻬﺎ ﻣﻦ ﺍﻟﺨﻮﻑ
ﺷﻴﻤﺎﺀ ﺑﺠﺰﻉ .. ﻋﻔﻴﺔ ﻣﺮﻳﻢ ﺍﺑﻮﺱ ﺍﻳﺪﺝ ﺳﺎﻋﺪﻳﻨﺎ ﺭﺍﺡ ﻳﻮﺻﻠﻮﻥ
ﺟﻨﺖ ﺣﺎﺑﺴﺔ ﺍﻧﻔﺎﺳﻲ ﺑﺪﺍﺧﻞ ﺻﺪﺭﻱ
ﺧﺎﻳﻔﺔ ﻋﻠﻰ ﺧﻮﺍﺗﻲ
ﺣﻮﻃﺖ ﺧﺼﺮ ﻣﺮﻳﻢ ﺑﺬﺭﺍﻋﻲ
ﻭﺟﺒﺖ ﺫﺭﺍﻋﻬﺎ ﻭﻣﺪﻳﺘﻬﺎ ﻋﻠﻰ ﺍﻛﺘﻔﺎﻓﻲ
ﺟﻨﺎ ﺩﻧﻤﺸﻲ ﻭﺍﺣﻨﺎ ﺷﺒﻪ ﺷﺎﻳﻠﻴﻨﻬﺎ
ﻭﺻﻠﻨﺎ ﻟﺒﺎﺏ ﺍﻟﺸﺎﺭﻉ ﺑﺎﻟﻜﻮﺓ ﻭﻃﻠﻌﻨﺎ
ﻭﺟﺎﻥ ﺍﺷﻮﻑ ﺳﻠﻴﻤﺔ ﻛﺎﻋﺪﺓ ﻋﻠﻰ ﺑﻠﻮﻛﺔ ﻳﻢ ﺑﺎﺏ ﺍﻟﺸﺎﺭﻉ ﻭﻋﺒﺎﻳﺘﻬﺎ ﻋﻠﻰ ﺭﺍﺳﻬﺎ
ﻣﻨﺘﻈﺮﺓ ﻭﻟﺪﻫﺎ ﻳﺠﻮﻥ ﺷﺎﻓﺘﻨﺎ ﻭﻛﺎﻟﺖ
.. ﻫﺎ ﻭﻟﺠﻦ ﻭﻳﻦ ﻣﻮﻟﻴﺎﺕ
ﻣﺎ ﺟﺎﻭﺑﻨﺎﻫﺎ ﻻﻥ ﻣﺎ ﻇﻞ ﻋﺪﻧﺎ ﻭﻛﺖ
ﻣﺮﻳﻨﺎ ﻣﻦ ﻛﺪﺍﻣﻬﺎ ﻭﻫﻲ ﺑﻘﺖ ﺗﺪﻋﻲ ﻭﺗﺪﺭﺩﻡ ﻋﻠﻴﻨﺎ
ﺟﻨﺎ ﺑﺎﻟﻜﻮﺓ ﻧﻤﺸﻲ
ﺷﻴﻤﺎﺀ ﺑﺎﻭﻋﺖ ﻟﻠﻄﺮﻳﻖ ﻭﻛﺎﻟﺖ
.. ﻫﺪﻯ ﻟﺰﻣﻲ ﻣﺮﻳﻢ ﺯﻳﻦ
ﺑﻴﻦ ﻣﺎ ﺍﺭﻭﺡ ﺍﺟﻴﺐ ﺗﻜﺴﻲ ﻭﺍﺟﻴﻜﻢ
ﺣﺘﻰ ﻣﺎ ﺗﻀﻴﻊ ﺍﻟﻮﻛﺖ ﻻﻥ ﺍﻟﻤﺴﺎﻓﺔ ﻣﻨﺎ ﻟﺸﺎﺭﻉ ﺍﻟﻌﺎﻡ ﻃﻮﻳﻠﺔ
ﻭﻣﺮﻳﻢ ﻣﺪﺍﺗﻜﺪﺭ ﺗﻤﺸﻲ ﺭﺍﺡ ﺗﺄﺧﺮﻧﺎ
ﺳﻨﺪﺗﻬﺎ ﺑﻜﻞ ﻗﻮﺗﻲ ﻭﺻﺎﺭ ﺛﻘﻞ ﻣﺮﻳﻢ ﻛﻠﻪ ﻋﻠﻴﺔ
ﻭﺷﻴﻤﺎﺀ ﺭﺍﺣﺖ ﺑﺴﺮﻋﺔ ﺗﺮﻛﺾ ﺑﻬﺮﻭﻟﺔ ﺣﺘﻰ ﺗﻠﺤﻚ
ﻭﺍﻧﻲ ﺍﺳﺘﻤﺮﻳﺖ ﺍﻣﺸﻲ ﻭﺍﺣﺠﻲ ﻭﻳﺔ ﻣﺮﻳﻢ
.. ﻣﺮﻳﻮﻣﺔ ﻋﻔﻴﺔ ﺳﺎﻋﺪﻳﻨﻲ ﺣﺘﻰ ﻧﻮﺻﻞ
ﺟﻨﺖ ﺍﺣﺠﻲ ﻭﺍﻧﺎﻫﺪ ﺑﺘﻌﺐ
ﺟﺎﻧﺖ ﻣﺮﻳﻢ ﺍﻃﻮﻝ ﻣﻨﻲ
ﻭﺻﺮﺕ ﻛﻞ ﺷﻮﻳﺔ ﺍﺭﻓﻊ ﺭﺍﺳﻲ ﻭﺍﺑﺎﻭﻉ ﻋﺴﻰ ﻭﻟﻌﻞ ﻭﺣﺪﺓ ﻣﻦ ﺧﻮﺍﺗﻲ ﺗﺒﻴﻦ
ﺑﺎﻭﻋﺖ ﻭﻟﻜﻴﺖ
ﺟﻬﺎﻝ ﺍﻟﻤﻨﻄﻘﺔ ﺟﺎﻧﻮﺍ ﺩﻳﻠﻌﺒﻮﻥ ﺑﺲ ﺷﻜﻠﻨﺎ ﻟﻔﺘﻨﺎ ﺍﻧﺘﺒﺎﻫﻬﻢ
ﻭﺟﺎﻥ ﻳﺠﻴﻨﺎ ﻋﻼﻭﻱ ﻳﺮﻛﺾ ﻫﻮ ﻭﺍﺛﻨﻴﻦ ﻣﻦ ﺍﺻﺪﻗﺎﺋﻪ
ﻋﻼﻭﻱ .. ﻫﺎ ﻫﺪﻯ ﺷﻨﻮ ﺷﺒﻴﻜﻢ ﺻﺎﻳﺮ ﺷﻲ
ﺳﺘﻮﻧﻲ ﺷﻔﺖ ﺍﺧﺘﺞ ﺷﻴﻤﺎﺀ ﺩﺗﺮﻛﺾ ﻭﻫﺎﻱ ﺷﻨﻮ ﺍﺧﺘﺞ ﺷﺒﻴﻬﺎ ﺧﺪﻫﺎ ﺑﻲ ﺩﻡ
ﺟﺎﻥ ﻳﺤﺠﻲ ﻭﻳﺄﺷﺮ ﻋﻠﻰ ﻣﺮﻳﻢ
.. ﻋﻼﻭﻱ ﻋﻔﻴﺔ ﺗﻌﺎﻝ ﺳﺎﻋﺪﻧﻲ ﺧﻠﻲ ﻧﻮﺻﻞ ﻣﺮﻳﻢ ﻟﻠﺸﺎﺭﻉ ﺍﻟﻌﺎﻡ
ﺍﺟﺔ ﺑﻜﻞ ﻫﻤﺔ ﻭﺻﺎﺭ ﻣﻦ ﺍﻟﺠﻬﺔ ﺍﻟﺜﺎﻧﻴﺔ ﻟﻤﺮﻳﻢ ﻭﻛﻌﺪ ﻳﺴﻨﺪﻫﺎ ﻭﻳﺎﻱ
ﺑﺎﻭﻋﺖ ﻋﻠﻴﻪ ﻳﻤﻜﻦ ﻟﻮ ﺍﻛﻠﻜﻢ ﺻﺎﺭﺕ ﺭﻭﺣﻲ
ﺑﻌﻼﻭﻱ ﺍﻟﺼﻐﻴﺮ ﻭﻛﻌﺪﺕ ﺍﺳﺘﻨﺠﺪ ﺑﻲ ﺣﺘﻰ ﻳﺴﺎﻋﺪﻧﻲ
ﺭﺍﺡ ﺗﻜﻮﻟﻮﻥ ﻋﻠﻴﺔ ﻫﺎﻱ ﺗﺒﺎﻟﻎ
ﺑﺲ ﻓﻌﻼ ﺑﻮﻛﺘﻬﺎ ﺟﻨﺖ ﺑﺄﻣﺲ ﺍﻟﺤﺎﺟﺔ ﻟﻠﻔﺰﻋﺔ
ﺑﺎﻭﻋﺖ ﻟﻤﺮﻳﻢ ﻭﺟﻬﺔ ﺍﻧﻜﻠﺐ ﺍﺻﻔﺮ
ﻛﺎﻣﺖ ﺗﺤﺠﻲ ﺑﺼﻮﺕ ﻭﺍﻫﻦ
.. ﺭﺍﺡ ﻳﺠﻮﻥ ﻳﺬﺑﺤﻮﻧﻲ ﻣﺎ ﺍﺭﻳﺪ ﺍﻣﻮﺕ
......
ﺣﺠﻴﺖ ﻭﻳﺔ ﻣﺮﻳﻢ ﺍﻃﻤﻨﻬﺎ
ﻭﻋﻼﻭﻱ ﻳﺴﻤﻌﻨﻲ
.. ﻟﺘﺨﺎﻓﻴﻦ ﻣﺎ ﻳﻜﺪﺭﻭﻥ ﻳﺴﻮﻟﺞ ﺷﻲ ﻭﺍﻧﻲ ﻭﺷﻴﻤﺎﺀ ﻭﻣﺮﻭﺓ ﻣﻮﺟﻮﺩﺍﺕ ﺷﺤﺪﺓ ﺍﻟﻴﻮﺻﻠﺞ
ﻋﻼﻭﻱ ﺑﻬﻤﺔ .. ﻫﺪﻯ ﺣﺘﻰ ﺍﻧﺎ ﻣﻮﺟﻮﺩ ﻻ ﺗﺨﺎﻓﻴﻦ ﺍﺑﻮﻱ ﻋﻨﺪﻩ . ﺑﻨﺪﻗﻴﺔ ﺻﻴﺪ ﺿﺎﻣﻬﺎ ﻋﻨﺪﻱ ﺍﺟﻴﺒﻬﺎ ﻭﺍﺟﻲ ﻭﻳﺎﺝ
ﺍﻟﺪﻣﻌﺔ ﻏﺪﺭﺗﻨﻲ ﻭﻧﺰﻟﺖ ﻋﻠﻰ ﺧﺪﻱ ﺗﺘﺤﺪﺍﻧﻲ
ﻛﻼﻡ ﻋﻼﻭﻱ ﻫﻴﺞ ﺍﻟﻤﻮﺍﺟﻊ
ﺷﻜﺪ ﺣﻠﻮ ﺍﻟﻮﺍﺣﺪ ﻳﻜﻮﻥ ﻋﻨﺪﻩ ﺑﻬﺎﻱ ﺍﻟﺪﻧﻴﺎ
ﺳﻨﺪ ﻗﻮﻱ ﻳﻔﺰﻋﻠﻪ ﺑﺴﺎﻋﺔ ﺍﻟﺸﺪﺓ
ﻭﻳﻜﺪﺭ ﻳﻌﻴﺶ ﺑﺄﻣﺎﻥ ﻻﻥ ﻭﺍﺛﻖ ﻫﻮ ﻣﻮ ﻟﻮﺣﺪﻩ ﺍﻛﻮ ﻣﻦ
ﻳﺤﻤﻴﻪ ﻭﻳﺪﺍﻓﻊ ﻋﻨﻪ
ﺟﻨﺎ ﻧﻤﺸﻲ ﻭﻛﻞ ﺷﻮﻳﺔ ﺍﺑﺎﻭﻉ ﻟﻠﻄﺮﻕ
ﺻﺎﺭ ﺭﺍﺱ ﺍﻟﻔﺮﻉ ﺷﺒﻌﺪﻩ ﻋﻠﻴﺔ
ﻣﺪﺭﻱ ﻣﻦ ﺍﻟﺨﻮﻑ ﺻﺎﺭ ﻃﺎﻝ ﺍﻟﻄﺮﻳﻖ
ﻣﺪﺭﻱ ﺍﺣﻨﺎ ﻧﻤﺸﻲ ﺑﻄﻲﺀ
ﺍﺗﻮﻗﻒ ﻟﺤﻈﺔ ﺣﺘﻰ ﺷﻮﻳﺔ ﺍﺧﺬ ﺍﻧﻔﺎﺳﻲ
ﺑﺎﻭﻋﺖ ﺑﺄﻣﻞ ﻟﻠﻄﺮﻳﻖ ﺑﻠﻜﻲ ﻭﺣﺪﺓ ﺧﻮﺍﺗﻲ ﺗﺒﻴﻦ
ﺑﺲ ﻣﺎﻛﻮ
ﺑﺎﻭﻋﺖ ﻟﻌﻼﻭﻱ ﻳﺒﺎﻭﻉ ﻋﻠﻴﺔ ﻳﻨﺘﻈﺮﻧﻲ
ﺣﺜﻴﺘﻪ .. ﻳﺎﻟﻠﻪ ﻋﻼﻭﻱ ﺧﻠﻲ ﻧﻜﻤﻞ ﺑﻠﻜﻲ ﻧﻮﺻﻞ ﻟﺮﺍﺱ ﺍﻟﻔﺮﻉ
ﻋﻼﻭﻱ .. ﻳﺎﻟﻠﻪ ﺍﻣﺸﻴﻨﺎ
ﻣﺸﻴﻨﺎ ﻛﻢ ﺧﻄﻮﺓ
ﺟﻨﺖ ﻛﻠﺶ ﻣﺸﻐﻮﻟﺔ ﺑﻤﺮﻳﻢ ﻭﻣﺎ ﺣﺴﻴﺖ ﺍﻻ ﻋﻠﻰ ﺳﻴﺎﺭﺓ
ﻛﻄﻌﺖ ﻋﻠﻴﻨﺎ ﺍﻟﻄﺮﻳﻖ
ﺭﻓﻌﺖ ﺭﺍﺳﻲ ﺑﺄﻣﻞ ﻭﺟﺎﻥ ﺍﺷﻮﻑ ﻋﻤﻮ ﺍﻣﺠﺪ ﻧﺰﻝ ﻣﻦ ﺍﻟﺴﻴﺎﺭﺓ ﻭﺍﻟﺸﺮﺭ ﻳﺘﻄﺎﻳﺮ ﻣﻦ ﻋﻴﻮﻧﻪ
ﺷﻬﻜﺖ ﻣﻔﺰﻭﻋﺔ ﻭﺭﻭﺣﻲ ﺗﺮﻳﺪ ﺗﻔﺮ ﻣﻦ ﺍﻟﺠﺴﺪ
ﺍﻣﺠﺪ ﺍﺗﻮﺟﻪ ﻋﻠﻴﻨﺎ
ﻭﺍﻧﻲ ﺍﺭﺗﺪﻳﺖ ﻟﻠﺨﻠﻒ ﺑﻤﺤﺎﻭﻟﺔ ﻋﻘﻴﻤﺔ ﻭﻳﺎﻱ ﻣﺮﻳﻢ
ﺻﺮﺕ ﺍﺑﺎﻭﻉ ﻋﻴﻦ ﻋﻠﻴﻪ ﻭﻋﻴﻦ ﻋﺎﻟﻄﺮﻳﻖ ﺍﻟﻮﺭﺍﻩ ﺑﺎﻣﻞ
ﺑﻠﻜﻲ ﻭﺣﺪﺓ ﺧﻮﺍﺗﻲ ﺗﻠﺤﻠﻨﺎ
ﺑﺲ ﻳﺎ ﺭﻳﺘﻨﻲ ﻣﺎ ﺑﺎﻭﻋﺖ
ﺷﻔﺖ ﺍﺛﻴﺮ ﻧﺰﻝ ﻣﻦ ﺳﻴﺎﺭﺓ ﻋﻤﻮ ﺍﻣﺠﺪ ﻻﺯﻡ ﺷﻴﻤﺎﺀ ﻣﻦ ﺯﻧﺪﻫﺎ
ﻭﻳﺠﺮﺟﺮ ﺑﻴﻬﺎ ﺑﻜﻞ ﻗﻮﺓ ﻭﺷﻴﻤﺎﺀ ﺗﺮﻳﺪ ﺗﺤﺮﺭ ﻧﻔﺴﻬﺎ ﻣﻦ ﻋﻨﺪﻩ
ﺍﻧﺘﺒﻬﺖ ﻻﺛﻴﺮ ﻭﺟﻪ ﻛﻼﻣﻪ ﻻﻣﺠﺪ ﻭﻛﻠﻪ
ﺍﺧﺬ ﻣﺮﻳﻢ ﻣﻦ ﺍﻳﺪﻫﺎ ﻭﺍﻣﺸﻨﺎ ﻟﻠﺒﻴﺖ ﻫﻨﺎ ﻧﺘﺤﺎﺳﺐ
ﻭﻳﺎﻫﻦ
ﺑﺴﺮﻋﺔ ﺍﺳﺘﻌﺠﻞ ﺗﺮﺓ ﺍﻟﻨﺎﺱ ﻛﺎﻣﺖ ﺗﺒﺎﻭﻉ ﻋﻠﻴﻨﺎ
ﺍﻣﺠﺪ .. ﺍﻧﺎ ﻣﺎ ﺍﺭﻳﺪ ﺷﻲ ﺳﻠﻤﻮﻧﻲ ﺑﺲ ﻣﺮﻳﻢ
ﻫﻲ ﺣﺼﺘﻲ
ﺍﺛﻴﺮ .. ﺍﻣﺠﺪ ﺑﻌﺪﻳﻦ ﻣﻮﻫﺴﺔ ﺍﻟﻨﺎﺱ ﻛﺎﻣﺖ ﺗﻨﺘﻪ ﻋﻠﻴﻨﺎ
ﻋﻮﺩ ﺑﻌﺪﻳﻦ ﺍﺧﺬﻫﺎ ﻭﻳﻦ ﻣﺎ ﺗﺮﻳﺪ ﻋﺴﻤﺎ ﻟﻠﻨﺠﻒ ﻣﺎ ﻳﻬﻤﻨﻲ
ﺑﺲ ﺍﺧﺬﻫﺎ ﻭﻓﻮﺕ ﻛﺪﺍﻣﻲ ﻟﻠﺒﻴﺖ
ﺷﻴﻤﺎﺀ ﺑﺼﻴﺎﺡ
.. ﻭﺍﻟﻠﻪ ﺛﻢ ﻭﺍﻟﻠﻪ ﺍﺫﺍ ﺳﻮﻳﺖ ﻟﻤﺮﻳﻢ
ﺷﻲ ﺍﻛﻮﻥ ﻻﻣﺔ ﻋﻠﻴﻜﻢ ﺍﻣﺔ ﻻ ﺍﻟﻪ ﺍﻻﺍﻟﻠﻪ
ﻭﺍﺧﻠﻲ ﺍﻟﻤﺎﻳﺸﺘﺮﻱ ﻳﺘﻔﺮﺝ ﻋﻠﻴﻜﻢ
ﻭﺳﺎﻋﺘﻬﺎ ﺍﻧﺨﺎﻫﻢ ﻳﻬﺪﻭﻥ ﻋﻠﻴﻜﻢ
ﺍﺛﻴﺮ .. ﺍﻣﺸﻲ ﻟﺞ ﻋﺎﺍﺍﺭ ﺑﺲ ﺍﺻﺒﺮﻳﻠﻲ ﺧﻠﻲ ﺍﺩﺧﻞ ﻟﻠﺒﻴﺖ
ﻭﺍﻧﺎ ﺍﻋﻠﻤﺞ ﺷﻐﻠﺞ
ﺳﺤﺒﻬﺎ ﺣﻴﻞ ﻭﺍﺗﺠﻪ ﺑﻴﻬﺎ ﻟﻠﺒﻴﺖ
ﻭﻫﻲ ﺗﺘﻼﻭﺓ ﻭﻳﺔ ﺍﺛﻴﺮ
ﺍﻧﺘﺒﻬﺖ ﻻﻣﺠﺪ ﺍﺟﺔ ﺑﺘﺠﺎﻫﻲ
ﺍﺭﺗﺪﻳﺖ ﻟﻠﺨﻠﻒ ﻭﺍﻧﺨﻄﻒ ﻟﻮﻧﻲ ﻭﺣﻄﻴﺖ ﻣﺮﻳﻢ ﻭﺭﺓ ﻇﻬﺮﻱ ﻭﺣﺠﻴﺖ ﺑﻘﻠﺔ ﺣﻴﻠﺔ
.. ﻣﺎ ﺍﺧﻠﻴﻚ ﺗﺎﺧﺬ ........
ﺑﻌﺪﻧﺎ ﻣﺎﻣﻜﻤﻠﺔ ﻛﻼﻣﻲ
ﻣﺎ ﺣﺴﻴﺖ ﺍﻻ ﺍﺟﺎﻧﻲ ﺭﺍﺷﺪﻱ
ﺣﺎﺭ ﻭﺍﻧﻄﺒﻌﺖ ﺍﺻﺎﺑﻊ ﻛﻔﻪ ﻋﻠﻰ ﺧﺪﻱ ﻣﺜﻞ ﺍﻟﺨﺘﻢ
ﺳﻤﻌﺖ ﺷﻬﻜﺔ ﻋﻼﻭﻱ
.. ﻟﻴﺶ ﻋﻤﻮ ﻟﺶ
ﻣﺤﺪ ﺍﻫﺘﻢ ﻟﻜﻼﻣﻪ
ﺩﻓﻌﻨﻲ ﻣﻦ ﻛﺪﺍﻣﻪ
ﻭﺟﺮ ﻣﺮﻳﻢ ﻣﻦ ﺯﻧﺪﻫﺎ ﻭﺍﺧﺬﻫﺎ ﺳﺤﻞ ﻟﻠﺒﻴﺖ
.....
ﺻﺮﺕ ﺍﻣﺸﻲ ﻭﺭﺍﻫﻢ ﻣﺜﻞ ﺍﻟﻤﺠﻨﻮﻥ ﻓﺎﻗﺪ ﻋﻘﻞ
ﺍﺣﺘﺎﺭﻳﺖ ﺍﻟﺤﻚ ﻟﻤﻨﻮ ﺑﻴﻬﻢ ﺍﺧﺘﻲ ﺍﻟﺠﺒﻴﺮﺓ
ﻟﻮ ﺍﺭﻭﺡ ﻻﺧﺘﻲ ﺍﻟﺼﻐﻴﺮﺓ
ﻭﺻﻞ ﺍﺛﻴﺮ ﻳﻢ ﺍﻟﺒﺎﺏ ﺟﺎﻥ ﺍﻟﺒﻴﺖ ﻗﺮﻳﺐ ﻋﻠﻴﻨﺎ
ﻻﻥ ﻣﺎ ﻟﺤﻜﻨﺎ ﻧﺒﺘﻌﺪ ﻫﻮﺍﻱ
ﺍﺗﻠﻜﺘﻪ ﺳﻠﻴﻤﺔ
.. ﺑﺎﻟﺸﻜﺎﻭﻱ
ﻛﻼﻣﻬﺎ ﺻﺎﺭ ﻣﺜﻞ ﺍﻟﻲ ﻳﺠﻤﻞ ﺣﻄﺐ ﻟﻠﻨﺎﺭ
ﺣﺘﻰ ﻳﺄﺟﺠﻬﺎ
ﺩﻓﺮ ﺑﺎﺏ ﺍﻟﺸﺎﺭﻉ ﻭﺩﺧﻞ ﻭﻫﻲ ﻳﺠﺮ ﺑﺸﻤﺎﺀ
ﺍﺗﺒﻌﻪ ﺍﻣﺠﺪ ﺍﻟﻲ ﺟﺎﻥ ﻳﺴﺤﻞ ﺑﻤﺮﻳﻢ
ﺍﺑﺎﻭﻉ ﻋﻠﻴﻬﺎ ﺟﺎﻧﺖ ﺗﻤﺸﻲ ﻭﺗﻮﻛﻊ ﻭﻫﻮ ﻳﺠﺮ ﺑﻴﻬﺎ ﺑﺪﻭﻥ ﻣﺎ ﻳﻬﺘﻢ
ﺍﻣﺠﺪ .. ﻟﺞ ﺍﻣﺸﻲ ﻛﺪﺍﻣﻲ ﻛﻠﺒﺔ ﺑﻨﺖ ﺍﻟﻜﻠﺐ
ﺍﻟﻴﻮﻡ ﻣﺤﺪ ﺭﺍﺡ ﻳﺨﻠﺼﺞ ﻣﻨﻲ
ﺩﺧﻠﻬﻢ ﻟﻠﺒﻴﺖ ﻭﺍﻧﻲ ﺩﺧﻠﺖ ﻭﻳﺎﻫﻢ
ﺍﺑﺎﻭﻉ ﻻﺛﻴﺮ ﺍﺳﺘﻠﻢ ﺷﻴﻤﺎﺀ ﺭﺍﺷﺪﻳﺎﺕ ﻭﻫﻲ ﻛﺎﻣﺖ
ﺗﺘﺼﺪﺓ ﻟﻀﺮﺑﻪ ﻣﺜﻞ ﺍﻟﻠﺒﻮﺓ
ﻭﺍﻣﺠﺪ ﻟﺰﻡ ﻣﺮﻳﻢ ﻭﺍﻧﻄﺎﻫﺎ ﺩﻓﻌﺔ ﻗﻮﻳﺔ ﻛﻮﻣﻬﺎ ﺑﺰﺍﻭﻳﺔ ﺍﻟﻬﻮﻝ .
ﻭﺍﻧﻲ ﻭﺍﻛﻔﺔ ﺑﺎﻟﻨﺺ ﺍﺑﺎﻭﻉ ﻋﻠﻴﻬﻢ ﺷﻴﺴﻮﻥ ﺑﺨﻮﺍﺗﻲ
ﻭﺍﻟﻠﻪ ﺑﺴﺎﻋﺘﻬﺎ ﺍﻧﺪﻟﻴﺖ ﻣﻜﺎﻥ
ﺻﺮﺧﺎﺕ ﻣﺮﻳﻢ ﺍﻟﺨﺎﻳﻔﺔ ﻭﺻﻮﺕ ﺷﻴﻤﺎﺀ ﺍﻟﻤﻘﻬﻮﺭ
ﺍﺗﻌﺎﻭﻧﻮﺍ ﻋﻠﻰ
ﻓﻘﺪﺍﻥ ﺍﻟﺘﻌﻘﻞ ﻋﻨﺪﻱ
ﻭﻛﺒﻞ ﺍﺗﺨﺬﺕ ﺍﻟﻘﺮﺍﺭ ﻭﺍﺗﺤﺮﻛﺖ ﻣﺜﻞ ﺍﻟﻤﺠﻮﻥ ﺍﻟﻔﺎﻗﺪ ﻋﻘﻞ
ﻣﺎ ﻋﻠﻴﻪ ﻋﺘﺐ ﻭﻻ ﻳﺴﻮﻱ ﺣﺴﺎﺏ
ﻟﺮﺩﺓ ﻓﻌﻠﻪ
ﺩﺧﻠﺖ ﻟﻠﻤﻄﺒﺦ ﺟﺎﻥ ﺍﻟﺒﺎﺏ ﺑﺼﻔﻲ
ﺭﺣﺖ ﻣﺒﺎﺷﺮﺗﺎ ﻋﺎﻟﻤﺠﺮ ﻭﻃﻠﻌﺖ ﺍﻟﺴﺠﻴﻦ
ﺭﺟﻌﺖ ﻋﻠﻴﻬﻢ ﻭﺟﺎﻥ ﺍﺷﻮﻑ ﺍﻣﺠﺪ
ﻳﺮﻓﺲ ﺑﻤﺮﻳﻢ
.. ﻟﺞ ﻣﺎﻗﺼﺔ ﻋﺎﺭ ﺍﻻ ﺍﺭﺑﻴﺞ ﻋﻠﻰ ﺍﻳﺪﻱ
ﻭﺑﺪﻭﻥ ﺍﻱ ﻣﻘﺪﻣﺎﺕ ﻛﺒﻞ ﺭﻛﻀﺖ ﻋﻠﻰ ﺍﻣﺠﺪ
ﻭﺍﻟﺴﺠﻴﻦ ﺑﻴﺪﻱ ﻭﻧﻴﺘﻲ ﺍﻧﺒﺘﻬﺎ
ﺑﻈﻬﺮﻩ ﺑﺪﻭﻥ ﻣﺎ ﻳﺮﻓﻠﻲ ﺟﻔﻦ ﺣﺮﻛﺔ ﻛﻠﺒﻲ
ﻋﻤﺘﻨﻲ
ﺳﻤﻌﺖ ﺻﺮﺧﺔ ﺳﻠﻴﻤﺔ ﺗﻨﺒﻬﻢ
.. ﻳﺒﻮﻭﻭﻭﻭﻭﻭﻭﻭ ﺍﻟﺒﻜﺔ ﻻ ﺗﻤﻮﺕ ﻭﻟﺪﻱ
ﻭﻣﺎ ﺍﺷﻮﻑ ﺍﻻ ﻭﺍﻳﺪ ﺍﺛﻴﺮ ﻟﺰﻣﺘﻨﻲ ﻭﻟﻮﺕ ﺍﻳﺪﻱ
ﺣﺴﻴﺖ ﺑﻴﺪﻱ ﺭﺍﺡ ﺗﻨﻜﺴﺮ
ﺍﻟﺘﻔﺖ ﺍﻣﺠﺪ ﻭﺷﺎﻑ ﺍﻟﺴﺠﻴﻦ ﺑﻴﺪﻱ
ﻭﺍﺗﺴﻌﺖ ﻋﻴﻮﻧﻪ ﻣﺘﻔﺎﺟﻲﺀ ﻣﻦ ﺟﺴﺎﺭﺗﻲ
.. ﻭﻟﺞ ﺳﺎﺍﺍﻕ ..... ﻭﺻﻠﺖ ﺑﻴﺞ ﺗﺮﺩﻳﻦ ﺗﻜﺘﻠﻴﻨﻲ
ﻭﻣﺎ ﺍﺣﺲ ﺍﻻ ﻭﺍﺛﻨﻴﻨﻬﻢ ﺩﺍﺭﻭﺍ ﻋﻠﻴﺔ
ﻭﺍﺗﻌﺎﻭﻧﻮﺍ ﻋﻠﻴﺔ
ﺍﺟﺘﻨﻲ ﺿﺮﺑﺔ ﻣﻦ ﺍﻣﺠﺪ ﺣﺴﻴﺖ ﺑﻴﻬﺎ ﺷﻜﺖ ﺷﻔﺘﻲ
ﻭﺍﺛﻴﺮ ﺩﻧﻚ ﻋﻠﻴﺔ
ﻟﺰﻣﻨﻲ ﻣﻦ ﺷﻌﺮﻱ ﻭﺭﻓﻌﻨﻲ ﻣﻦ ﺍﻟﻜﺎﻉ ﻋﺒﺎﻟﻚ
ﻟﻌﺎﺑﺔ
ﺟﻨﺖ ﺍﺗﻼﻭﺓ . ﺟﻮﺓ ﺍﻳﺪﻩ ﺍﺭﻳﺪ ﻳﻬﺪ ﺷﻌﺮﻱ
ﻭﺣﺠﻴﺖ ﻭﻳﺎﻩ ﻭﺍﻧﻲ ﺍﺑﺎﻭﻉ ﺑﻌﻴﻮﻧﻪ ﺍﻟﻲ ﻣﺎ ﺑﻴﻬﻢ ﺫﺭﺓ ﺭﺣﻤﺔ
.. ﺷﺘﺴﻮﻱ ﺑﻴﺔ ﺳﻮﻱ
ﺗﺮﻳﺪ ﺗﻤﻮﺗﻨﻲ ﻣﻮﺗﻨﻲ
ﺑﺲ ﻫﺪ ﺧﻮﺍﺗﻲ . ﻭﻋﻮﻓﻬﻢ ﻳﻄﻠﻌﻮﻥ ﻭﺍﺧﺬ ﺣﻴﻔﻚ ﻣﻨﻲ
ﺍﺛﻴﺮ .. ﻭﻟﺞ ﺍﻟﻴﻮﻡ ﺍﺫﺍ ﻣﺎ ﻋﺪﺕ ﺗﺮﺑﻴﺘﺞ ﻣﻦ ﺟﺪﻳﺪ
ﻣﺎ ﺍﺗﺴﻤﻰ ﺍﺛﻴﺮ
ﺍﻣﺠﺪ .. ﻭﻟﻚ ﺍﺛﻴﺮ ﻋﻮﻓﻬﺎ ﻋﻠﻴﺔ ﻫﺎﻱ ﺻﺎﺭ ﻛﺘﻠﻬﺎ
ﺣﻼﻝ
ﻣﺪ ﺍﻳﺪﻩ ﻭﺟﺮﻧﻲ ﻣﻦ ﺷﻌﺮﻱ
ﺍﻧﻲ ﺟﻮﺓ ﺍﻳﺪﻫﻢ ﺍﺗﻜﻠﺐ ﻣﺎ ﺑﻴﻦ ﺧﻮﻑ ﻭﻋﻨﺎﺩ ﻭﺣﻘﺪ
ﺑﺲ ﺣﻘﺪﻱ ﻋﻠﻴﻬﻢ ﻃﻐﻰ ﻋﻠﻰ ﺧﻮﻓﻲ ﻣﻨﻬﻢ
ﻭﺣﺠﻴﺖ .
.. ﻣﻦ ﺍﻟﻠﻪ ﻻ ﻳﻮﻓﻘﻜﻢ ﻭﺍﻟﻠﻪ ﺫﻧﺒﻲ ﻭﺫﻧﺐ ﺧﻮﺍﺗﻲ ﺑﺮﻛﺒﺘﻜﻢ
ﺍﻧﺘﺒﻬﺖ ﻻﻣﺠﺪ ﻟﻢ ﺍﻳﺪﻩ ﺑﻘﺒﻀﺔ ﻭﺭﻓﻌﻬﺎ ﻳﺮﻳﺪ ﻳﻮﺟﻬﺎ ﻋﻠﻰ ﻭﺟﻬﻲ
ﻏﻤﺾ ﻋﻴﻮﻧﻲ ﺑﺮﻫﺒﺔ ﻭﺻﺮﺕ ﺍﺭﺍﻓﺲ
ﺍﺭﻳﺪ ﺍﺧﻠﺺ ﻧﻔﺴﻲ
.....
ﺑﺲ ﻓﺠﺎﺀ
ﺳﻤﻌﺖ ﺻﻮﺕ ﻏﺎﺿﺐ ﺧﺸﻦ ﺭﺝ ﺍﺭﻛﺎﻥ ﺍﻟﺒﻴﺖ
ﻛﻤﺰ ﻛﻠﺒﻲ ﻣﻦ ﻣﻜﺎﻧﻪ ﻭﺑﺠﻴﺖ ﻣﻤﺼﺪﻛﺔ
ﻗﺎﺳﻢ .. ﺷﻴﻞ ﺍﻳﺪ ﻋﻦ ﻣﺮﺗﻲ
ﺟﺎﻥ ﻳﺤﺠﻴﻬﺎ ﻭﻫﻮ ﺭﺍﺹ ﺍﺳﻨﺎﻧﻪ
ﺑﻌﺪﻫﺎ ﻣﺎ ﺣﺴﻴﺖ ﺍﻻ ﻋﻠﻰ ﺍﻣﺠﺪ ﺍﺟﺘﻪ ﺿﺮﺑﺔ
ﻭﺍﺗﻜﻮﻡ ﺑﺎﻟﻜﺎﻉ ﻣﺜﻞ ﺍﻟﺨﺮﻛﺔ ﺍﻟﺒﺎﻳﺪﺓ
ﺭﻓﻌﺖ ﺭﺍﺳﻲ ﺟﺎﻥ ﺍﺷﻮﻑ
ﻗﺎﺳﻢ ﻭﺍﻛﻒ ﻓﻮﻙ ﺭﺍﺱ ﺍﻣﺠﺪ
ﻭﻫﺸﺎﻡ ﻭﺍﻛﺐ ﻭﺭﺍﻩ ﻣﺘﺄﻫﺐ ﻻﻱ ﺣﺮﻛﺔ ﻣﻦ ﺍﺛﻴﺮ
ﺧﺎﻑ ﻳﻐﺪﺭ ﺑﻘﺎﺳﻢ
ﺟﺎﻥ ﺍﻟﻤﻨﻈﺮ ﺑﺤﺪ ﺫﺍﺗﻪ ﻋﺠﻴﺐ
ﺍﻧﺘﺒﻬﺖ ﻟﺸﻴﻤﺎﺀ ﺭﻛﻀﺖ ﻟﻤﺮﻳﻢ ﻭﺣﻄﺖ ﺭﺍﺳﻬﺎ ﺑﺤﻀﻨﻬﺎ
ﺗﺮﻳﺪ ﺗﻜﻮﻣﻬﺎ ﻣﻦ ﻣﻜﺎﻧﻬﺎ
ﻗﺎﺳﻢ ﺩﻧﻚ ﻋﻠﻰ ﺍﻣﺠﺪ ﻭﺭﻓﻌﻪ ﻣﻦ ﻳﺎﺧﺔ ﺍﻟﻘﻤﻴﺺ
.. ﺍﻧﺖ ﺷﻠﻮﻥ ﺗﺘﺠﺮﺀ ﺗﻤﺪ ﺍﻳﺪﻙ ﻋﻠﻴﻬﺎ
ﻭﺗﻀﺮﺑﻬﺎ
ﺍﻣﺠﺪ .. ﻻ ﺗﺪﺧﻞ ﻧﻔﺴﻚ ﺑﺸﻲ ﻣﺎ ﻳﺨﺼﻚ
ﻣﺮﺗﻚ ﺍﺗﺠﺎﺳﺮﺕ ﺭﺍﺩﺕ ﺗﻄﻌﻨﻲ ﺑﺎﻟﺴﺠﻴﻦ
ﺍﺑﺎﻭﻉ ﻟﻘﺎﺳﻢ ﺩﺍﺭ ﻭﺟﻬﻪ ﻭﺑﺎﻭﻉ ﻋﻠﻴﺔ
ﻟﻠﺤﻈﺔ ﺷﻔﺖ ﺑﻌﻴﻮﻧﻪ ﻓﺨﺮ
ﺑﺲ ﺳﺮﻋﺎﻥ ﻣﺎ ﺍﺧﺘﻒ ﻫﺎﻱ ﺍﻟﻨﻈﺮﺓ ﻭﺣﻞ ﻣﺤﻠﻬﺎ
ﺍﻟﻐﻀﺐ
ﻛﺎﻝ .. ﺣﻴﻞ ﺑﻴﻚ ﻭﺍﺑﻮ ﺯﺍﻳﺪ ﻭﻗﻠﻴﻞ ﺑﺤﻘﻚ
ﺍﻟﺴﺠﻴﻦ ﻫﻲ ﻟﻮ ﻣﻜﻤﻠﺔ ﺟﻤﻴﻠﻬﺎ ﻭﻃﺎﻋﻨﺘﻚ
ﺟﺎﻥ ﺩﻛﻴﺘﻠﻬﺎ ﺗﺤﻴﺔ ﺍﺣﺘﺮﺍﻡ
ﺑﺲ ﻣﻊ ﺍﻻﺳﻒ ﺍﻟﻌﺎﺭ ﻣﺎﻳﻤﻮﺕ ﻣﺜﻠﻚ ﺍﻧﺖ ﻭﻫﺬﺍ
ﻭﺍﺷﺮ ﻋﻠﻰ ﺍﺛﻴﺮ
ﺍﺛﻴﺮ .. ﺷﻮﻑ ﻗﺎﺳﻢ ﺍﺣﻨﺎ ﻣﺸﻜﻠﺘﻨﺎ ﻣﻮ ﻭﻳﺎﻙ ﺍﺫﺍ ﺟﺎﻱ ﻋﻠﻰ ﻣﺮﺗﻚ ﺍﺧﺬﻫﺎ ﻭﺍﻃﻠﻊ ﻣﻨﺎ ﺑﻼ ﻣﺸﺎﻛﻞ
ﻓﺠﺎﺀﺓ ﺩﺧﻠﺖ ﻣﺮﻭﺓ ﻣﻔﺰﻭﻋﺔ ﻭﺍﻟﻮﺟﻪ ﻟﻮﻧﻪ ﺍﺻﻔﺮ
ﻭﺟﺎﻥ ﺗﺸﻮﻑ ﺍﻟﻮﺿﻊ ﻣﺘﺄﺯﻡ
ﺑﺎﻭﻋﺖ ﺑﺎﻟﻮﺟﻮﻩ ﺗﺪﻭﺭ ﻋﻠﻰ ﻣﺮﻳﻢ
ﺷﺎﻓﺘﻬﺎ ﻭﺍﻛﻔﺔ ﻭﺷﻴﻤﺎﺀ ﻣﺴﻨﺪﺗﻬﺎ
ﺑﺎﻭﻋﺖ ﻋﻠﻰ ﺍﺛﻴﺮ ﻭﺍﻣﺠﺪ ﻭﻋﻴﻮﻧﻬﺎ ﻏﻀﺐ ﺍﺳﻮﺩ ﻣﻮﺟﻪ ﻋﻠﻴﻬﻢ
ﺍﺛﻴﺮ .. ﻭﺍﻧﺘﻲ ﺍﻟﺜﺎﻧﻴﺔ ﺷﺠﺎﺑﺞ ﻋﻠﻴﻨﺎ
ﺑﺎﻟﻠﻪ ﺷﻮ ﻃﻠﻌﻲ ﺑﺮﺓ ﻻ ﺍﺟﻲ ﺍﻃﻠﻊ ﺣﺮﻛﺘﻲ ﻛﻠﻬﺎ ﺑﻴﺞ
ﻣﺮﻭﺓ .. ﺍﻧﻲ ﻣﺎ ﺟﺎﻳﺔ ﻋﻠﻤﻮﺩﻙ
ﺍﻧﻲ ﺍﺟﻴﺖ ﺣﺘﻰ ﺍﺧﺬ ﺧﻮﺍﺗﻲ
ﺭﺍﺣﺖ ﻋﻠﻰ ﻣﺮﻳﻢ ﻭﻛﺎﻟﺖ
.. ﻳﺎﻟﻠﻪ ﺷﻴﻤﺎﺀ ﺗﻌﺎﻟﻮ ﻭﻳﺎﻱ ﺍﻧﺘﻲ ﻭﻣﺮﻳﻢ
ﺟﺎﻥ ﻗﺎﺳﻢ ﻭﺍﻛﻒ ﺑﻨﺺ ﺍﻟﻬﻮﻝ ﻭﺍﺛﻴﺮ ﻭﺍﻣﺠﺪ ﻭﺍﻛﻔﻴﻦ ﻛﺪﺍﻣﻪ ﻭﻫﺸﺎﻡ ﺟﺎﻥ ﻭﺍﻛﻒ ﻳﻢ ﺑﺎﺏ ﺍﻟﻬﻮﻝ
ﺣﺎﻁ ﺍﻳﺪﻳﻪ ﻋﻠﻰ ﺧﺼﺮﻩ ﻣﺘﺄﻫﺐ
ﻗﺎﺳﻢ ﺣﺠﺔ ﻭﻳﺎﻱ .. ﻫﺪﻯ ﻟﺒﺴﻲ ﺣﺠﺎﺑﺞ ﻭﺗﻌﺎﻱ
ﺧﻠﻲ ﻧﻄﻠﻊ ﺍﻧﺘﻲ ﺗﺨﺼﻴﻨﻲ ﻭﺍﻣﺮﺝ ﺭﺍﺟﻌﻠﻲ ﺍﻣﺎ ﺧﻮﺍﺗﺞ ﺍﻟﺒﻘﻴﺔ ﻣﺎﻟﻲ ﺣﻖ ﺍﺗﺪﺧﻞ ﺑﻴﻬﻢ
ﺑﺎﻭﻋﺖ ﻋﻠﻴﻪ ﺑﻘﻬﺮ ﻭﻋﻴﻮﻧﻲ ﻏﻮﺭﻛﺖ ﺑﺎﻟﺪﻣﻮﻉ
ﺭﺣﺖ ﻭﻛﻔﺖ ﻛﺪﺍﻣﻪ ﻭﺭﻓﻌﺖ ﺭﺍﺳﻲ ﻭﻋﻴﻮﻧﻲ ﺻﺎﺭﺕ ﺑﻌﻴﻮﻧﻪ ﻭﻫﻤﺴﺖ ﺑﻀﻌﻒ
.. ﻣﺴﺘﺤﻴﻞ ﺍﻃﻠﻊ ﻣﻨﺎ ﻭﺍﺗﺮﻙ ﺧﻮﺍﺗﻲ
ﺍﺑﺎﻭﻉ ﻋﻠﻴﻪ ﻣﺜﻞ ﺍﻟﻲ ﺩﻳﻌﺎﻧﻲ ﺑﺲ
ﺟﺎﻥ ﻣﺘﻘﻴﺪ ﻭﻳﻌﺮﻑ ﺑﺮﻭﺣﻪ ﻣﺎﻟﻪ ﺣﻖ ﻳﺘﺪﺧﻞ
ﻭﻣﺴﺘﺤﻴﻞ ﻳﺘﻌﺪﺓ ﺣﺪﻭﺩﻩ ﻭﻳﺨﻠﻲ ﺍﻟﺤﻖ ﻋﻠﻴﻪ
ﻳﺎﻧﺎﺱ ﻳﺎﻋﺎﻟﻢ ﺍﻟﻤﻈﻠﻮﻡ ﻣﻨﻮ ﺍﻟﻪ ﺯﻳﻦ ﻭﻳﻦ ﻋﺪﺍﻟﺔ ﺍﻟﺤﻴﺎﺓ
ﻭﻳﻦ ﺍﻻﻧﺼﺎﻑ
ﻫﻤﺴﺖ ﺍﺗﺮﺟﺎﻩ ..
.. ﻗﺎﺳﻢ ﺍﺑﻮﺱ ﺍﻳﺪﻙ ﻋﻠﻰ ﺍﻻﻗﻞ ﺑﺲ ﻃﻠﻊ ﺧﻮﺍﺗﻲ ﻣﻨﺎ
ﻏﻤﺾ ﻋﻴﻮﻧﻪ ﻭﺳﺤﺐ ﻧﻔﺲ ﻋﻤﻴﻖ ﻭﻛﺎﻝ
.. ﻫﺪﻯ ﻃﻠﺒﺞ ﺻﻌﺐ ﻣﺎﻟﻲ ﺣﻖ ﺍﺗﺪﺧﻞ ﺑﻴﻦ ﺧﻮﺍﺗﺞ ﻭﺍﺑﻮﺝ ﻭﻣﺸﺎﻛﻠﻬﻢ
ﻟﺰﻡ ﺍﻳﺪﻱ ﻭﻛﺎﻝ .. ﻳﺎﻟﻠﻪ ﺍﻣﺸﻲ ﻛﺪﺍﻣﻲ
ﺍﻟﺘﻔﺘﺖ
ﻭﺑﺎﻭﻋﺖ ﻟﻤﺮﻭﺓ ﺳﻨﺪﺕ ﻣﺮﻳﻢ ﻭﻣﺸﺖ
ﻭﺷﻴﻤﺎﺀ ﺗﻤﺸﻲ ﻭﺭﺍﻫﺎ
.......
ﺍﺛﻴﺮ ﺣﺠﺔ ﻳﺘﻮﻋﺪ
.. ﻣﺮﻭﺓ ﻭﺍﻟﻠﻪ ﺍﻛﺴﺮ ﺭﺟﻠﻴﺞ ﺍﺫﺍ ﺍﺧﺬﺗﻲ ﺧﻮﺍﺗﺞ
ﻣﺮﻭﺓ .. ﻋﺒﺎﻟﻚ ﺗﺨﻮﻓﻨﻲ ﻣﻦ ﺗﻜﻌﺪ ﺗﻬﺪﺩ
ﺍﺛﻴﺮ ﺍﻧﺖ ﻫﻮﺍﻱ ﻏﻠﻄﺎﻥ ﺍﺫﺍ ﺟﻨﺖ ﺗﻌﺘﻘﺪ
ﺍﺗﺮﻛﻠﻚ ﺧﻮﺍﺗﻲ ﻭﺍﻃﻠﻊ
ﺍﻣﺠﺪ .. ﺍﻧﺘﻲ ﺍﺫﺍ ﻣﺮﺓ ﺟﺮﺑﻲ ﻭﺧﻄﻲ ﻋﺘﺒﺔ ﺍﻟﺒﺎﺏ
ﻣﺮﻭﺓ ﺑﺎﻭﻋﺘﻠﻬﻢ ﺑﺘﺤﺪﻱ
ﻭﻣﺸﺖ ﻣﺘﺠﻬﺔ ﻟﻠﺒﺎﺏ ﺍﻟﻲ ﺑﺼﻒ ﻫﺸﺎﻡ ﺟﺎﻥ ﺍﻟﺒﺎﺏ ﺷﻮﻳﺔ ﻣﺮﺩﻭﺩ
ﺍﺛﻴﺮ ﺍﺗﺠﻪ ﻋﻠﻴﻬﺎ ﺑﻜﻞ ﻏﻀﺐ ﻭﺻﺎﺡ
.. ﻣﺮﻭﺓ ﻻ ﺗﺘﺤﺪﻳﻨﻲ
ﺷﻬﻜﺖ ﺑﺨﻮﻑ ﻋﻠﻰ ﺧﻮﺍﺗﻲ ﻭﺣﻄﻴﺖ ﺍﻳﺪﻱ ﺍﻛﺘﻢ ﺻﺮﺧﺘﻲ
ﺧﺎﻳﻔﺔ ﺷﺮﺍﺡ ﻳﺴﻮﻱ ﺑﻴﻬﺎ
ﻟﻔﺖ ﺍﻧﺘﺒﺎﻫﻲ ﺻﻮﺕ ﻗﺎﺳﻢ ﺍﻟﻐﺎﺿﺐ ﻭﺣﺠﺔ ﻣﻦ ﺑﻴﻦ ﺍﺳﻨﺎﻧﻪ
.. ﻣﻦ ﺍﺣﺘﺮﻛﺖ ﻋﺸﻴﺮﺗﺞ ﻣﺴﺤﻲ ﺩﻣﻮﻋﺞ
ﺑﻌﺪﻫﺎ ﻋﺎﻓﻨﻲ ﻭﺭﺍﻩ
ﻭﺍﺗﺼﺪﺓ ﻷﺛﻴﺮ ﻭﻗﻄﻊ ﻋﻠﻴﻪ ﺍﻟﻄﺮﻳﻖ
ﺍﺛﻴﺮ ﻭﻛﻒ ﻣﺘﺮﺩﺩ ﻳﺘﻘﺪﻡ ﻭﺻﺎﺡ ﻭﻫﻮ ﻭﺍﻛﻒ ﺑﻤﻜﺎﻧﻪ
.. ﻣﺮﻭﺓ ﺩﻳﺮﻱ ﺑﺎﻟﺞ ﺍﺳﻮﻳﻬﺎ ﻭﺗﻄﻠﻌﻴﻦ ﻭﺍﻟﻠﻪ ﺍﺩﻣﺮﺝ
ﻗﺎﺳﻢ ﻭﺍﻛﻒ ﻛﺪﺍﻡ ﺍﺛﻴﺮ ﻭﺣﺠﺔ ﺑﺘﺤﺪﻱ
.. ﺧﻮﻳﺔ ﻓﻮﺗﻲ ﺍﺧﺬﻱ ﺧﻮﺍﺗﻲ ﻭﻃﻠﻌﻲ ﻭﺍﻟﻬﻮﻯ ﺑﻈﻬﺮﺝ
ﺍﻧﺎ ﻣﻮﺟﻮﺩ ﺍﺭﻳﺪ ﺍﺷﻮﻑ ﺯﻟﻤﺔ ﻳﻔﺘﺢ ﺣﻠﻜﻪ ﻭﻳﻤﻨﻌﺞ
ﻭﺻﺎﺡ ﺑﺄﻣﺮ .. ﻫﺸﺎﻡ ﺍﺧﺬﻫﻦ ﻭﺻﻠﻬﻦ ﻟﻠﺴﻴﺎﺭﺓ
ﺍﺑﺎﻭﻉ ﻟﻬﺸﺎﻡ ﻣﺜﻞ ﺍﻟﻲ ﺟﺎﻥ ﻣﻨﺘﻈﺮ ﻫﺬﺍ ﺍﻻﻣﺮ
ﻭﻛﺒﻞ ﻓﺘﺤﻠﻬﻦ ﺍﻟﺒﺎﺏ ﻋﻠﻰ ﻭﺳﻌﻪ ﻭﺍﺷﺮﻟﻬﻦ ﻳﻔﻮﺗﻦ
ﻳﻄﻠﻌﻦ ﻛﺪﺍﻣﻪ
ﺍﺑﺎﻭﻉ ﻟﻤﺮﻭﺓ ﺑﺎﻭﻋﺖ ﻟﻘﺎﺳﻢ ﻭﻫﺸﺎﻡ ﺑﺄﻣﺘﻨﺎﻥ
ﻭﻣﺎﺣﺠﺖ ﺷﻲ ﻻﻥ ﺍﻟﻤﻮﻗﻒ ﻣﻮ ﻣﺎﻝ ﺗﻜﻌﺪ ﺗﺸﻜﺮﻫﻢ
ﺍﻣﺠﺪ .. ﻭﺍﻧﺖ ﺑﺼﻔﺘﻚ ﺷﻨﻮ ﺣﺘﻰ ﺗﺘﺪﺧﻞ
ﺑﻴﻨﺎ ﻭﺑﻴﻦ ﺑﻨﺎﺗﻨﺎ ﺗﺮﺓ ﻫﺎﻱ ﺍﻟﺴﺎﻟﻔﺔ ﻣﺎ ﻳﻨﺴﻜﺖ ﻋﻠﻴﻬﺎ
ﻗﺎﺳﻢ ﺭﻓﻊ ﺣﺎﺟﺒﻪ .
.. ﻛﻼﻣﻚ ﺻﺤﻴﺢ ﻣﺎﻟﻲ ﺣﻖ ﺍﺗﺪﺧﻞ ﺑﻴﻦ ﺍﻟﺒﻨﺎﺕ ﻭﺍﺑﻮﻫﻢ
ﺑﺲ ﺍﻟﻤﺮﺓ ﺍﺫﺍ ﺗﻨﺨﺎﻙ ﺗﺴﺘﻨﺠﺪ ﺑﻴﻚ ﺳﺎﻋﺘﻬﺎ ﺗﺒﻄﻞ ﺍﻟﺤﺠﺔ ﻭﻛﺒﻞ ﺗﻔﺰﻋﻠﻬﺎ
ﻭﺍﻧﺖ ﺗﻌﺮﻑ ﺍﻟﻔﺰﻋﺔ ﻣﺎ ﻳﻠﺰﻣﻬﺎ
ﻻ ﺑﻨﻴﺔ ﻭﺍﺑﻮﻫﺎ ﻭﻻ ﺍﺧﺖ ﻭﺍﺧﻮﻫﺎ
ﺍﺳﻤﻊ ﺍﺛﻴﺮ ﻳﺤﺠﻲ ﻭﻳﺔ ﺍﻣﺠﺪ
.. ﺑﺴﻴﻄﺔ ﺍﻧﺎ ﺍﻟﻬﻦ ﺧﻠﻲ ﻳﻄﻠﻌﻦ ﻭﻳﻦ ﻳﺮﺩﻥ ﻳﺮﻭﺣﻦ ﺍﻭﺻﻠﻬﻦ ﻟﻮ ﻳﺮﺣﻦ ﻻﺧﺮ ﺍﻟﺪﻧﻴﺎ
ﺍﻣﺠﺪ .. ﺷﻮﻑ ﻗﺎﺳﻢ ﺍﻧﺖ ﻟﻬﻨﺎ ﻭﺣﺪﻙ
ﻣﺎﻟﻚ ﺣﻖ ﺗﺘﺪﺧﻞ ﺍﻧﺖ ﻋﻠﻴﻚ ﺑﻤﺮﺗﻚ
ﺍﻟﺰﻣﻬﺎ ﻭﻛﻌﺪﻫﺎ ﺑﺎﻟﺒﻴﺖ ﺣﺘﻰ ﻣﺎ ﻳﻠﻮﺣﻬﺎ
ﻃﺸﺎﺭ ﺧﻮﺍﺗﻬﺎ
ﻗﺎﺳﻢ ﺑﺎﻭﻉ ﻋﻠﻴﺔ ﻭﻛﺎﻝ ﺑﺪﻭﻥ ﻣﺎ ﻳﺠﺎﻭﺑﻪ
.. ﻳﺎﻟﻠﻪ ﺗﺤﺮﻛﻲ ﺧﻠﻲ ﻧﻄﻠﻊ
ﺭﻛﻀﺖ ﺍﺧﺬﺕ ﺷﺎﻟﻲ ﺍﻟﻲ ﺟﺎﻥ ﺟﻮﺓ ﺭﺟﻠﻴﻦ ﺳﻠﻴﻤﺔ
.. ﻫﺎ ﻳﺎﻛﻄﻤﺔ ﺑﺨﺘﺞ ﺑﻌﻨﺘﺮ ﺍﺑﻦ ﺷﺪﺍﺩ
ﺟﻨﻪ ﺑﺎﺏ ﻫﺎﻛﺒﺮﺓ
ﺟﺎﻧﺖ ﺗﺤﺠﻲ ﺑﺼﻮﺕ ﻧﺎﺻﻲ ﻭﺗﺒﺎﻭﻉ ﻟﻘﺎﺳﻢ
ﺍﺧﺬﺕ ﺷﺎﻟﻲ ﺑﺴﺮﻋﺔ ﻭﻛﻠﺖ
.. ﻗﻞ ﺍﻋﻮﺫ ﺑﺮﺏ ﺍﻟﻔﻠﻖ . ﺧﻤﺴﺔ ﻭﺧﻤﻴﺴﺔ ﺑﻌﻴﻮﻧﺞ ﻋﻮﺫﺓ
ﺭﺍﺡ ﺗﺤﺴﺪ ﺭﺟﻠﻲ
ﺭﺣﺖ ﺭﻛﻀﺖ ﻟﻌﻨﺪ ﻗﺎﺳﻢ
ﻣﻮﻗﻒ ﻗﺎﺳﻢ ﻭﻳﺔ ﺧﻮﺍﺗﻲ
ﺑﺮﺩ ﻛﻠﺒﻲ ﻭﺷﻔﺔ ﻏﻠﻴﻠﻲ ﺑﺄﻣﺠﺪ ﻭﺍﺛﻴﺮ
ﺍﺣﺲ ﺑﻤﺎﻱ ﺑﺎﺭﺩ ﻧﺰﻝ ﻋﻠﻰ ﻛﻠﺒﻲ
ﺍﺧﺬﻧﻲ ﻭﻃﻠﻌﻨﺎ ﻭﻟﻜﻴﺖ ﻫﺸﺎﻡ ﻭﺍﻛﻒ ﻳﻢ ﺍﻟﺴﻴﺎﺭﺓ ﻳﻨﺘﻈﺮ ﻗﺎﺳﻢ ﻭﻣﺮﻭﺓ ﻭﺧﻮﺍﺗﻲ ﺭﺍﻳﺤﺎﺕ
ﻭﻋﻼﻭﻱ ﻭﺍﻛﻒ ﻳﻢ ﻫﺸﺎﻡ
ﺑﺲ ﺷﺎﻓﻨﻲ
ﺍﺟﺔ ﻳﻤﻲ ﻭﻳﺤﺠﻲ ﺑﻜﻞ ﺛﻘﺔ
.. ﻫﺪﻯ ﺷﻔﺎﻳﻔﺞ ﺑﻴﻬﺎ ﺩﻡ
ﻣﺴﺤﺖ ﺷﻔﺘﻲ ﻋﻠﻰ ﻛﻴﻒ ﺑﻈﻬﺮ ﺍﻳﺪﻱ ﻭﻟﻜﻴﺖ ﺷﻮﻳﺔ ﺩﻡ
ﺟﺎﻧﺖ ﺗﻮﺟﻌﻨﻲ
ﻋﻼﻭﻱ .. ﺍﻧﺎ ﻣﻮ ﻛﻠﺘﻠﺞ ﺧﻠﻲ ﺍﺟﻴﺐ ﺑﻨﺪﻗﻴﺔ ﺍﺑﻮﻱ
ﺑﺲ ﺍﻧﺘﻲ ﻣﺎ ﺳﻤﻌﺘﻲ ﻛﻼﻣﻲ
ﺍﺑﺘﺴﻤﺖ ﻋﻠﻰ ﻛﻴﻒ ﻣﺘﺄﺫﻳﺔ
.. ﺧﻔﺖ ﻋﻠﻴﻚ ﻻ ﺗﺘﺄﺫﺓ
.. ﻟﻌﺪ ﺗﺮﺩﻳﻨﻲ ﺍﺧﻠﻴﻬﻢ ﻳﺴﺤﻠﻮﺝ ﻭﺍﻛﻌﺪ ﺍﺑﺎﻭﻉ
.. ﻳﻤﺔ ﻓﺪﻳﺘﻚ ﺗﺮﻭﺣﻠﻚ ﺳﻠﻴﻤﺔ ﻭﻋﺸﻴﺮﺗﻬﺎ ﺍﻟﻒ ﻓﺪﻭﺓ
ﻗﺎﺳﻢ .. ﺍﻛﻮﻝ ﺍﺑﻮ ﺍﻟﺸﺒﺎﺏ ﻣﻮ ﺟﻨﻚ ﻣﺎﺧﺬ ﺭﺍﺣﺘﻚ ﺯﺍﻳﺪ
ﻭﻳﺔ ﻣﺮﺗﻲ
ﺑﺎﻭﻉ ﻋﻠﻴﻪ ﻋﻼﻭﻱ ﺑﻜﻞ ﺛﻘﺔ
.. ﺍﺻﻼ ﺍﻧﺎ ﻭﻫﺪﻯ ﻣﻦ ﺍﻻﻭﻝ ﻧﺤﺐ ﺑﻌﻀﻨﺎ
ﺑﺲ ﺍﺑﻮﻫﺎ ﺯﻭﺟﻬﺎ ﺍﻟﻚ
ﻏﺼﺐ ﻋﻨﻬﺎ ﻣﺎ ﺍﻋﺮﻑ ﺷﻨﻮ ﺷﺎﻑ ﺑﻴﻚ ﻭﺍﻧﻄﺎﻙ
ﻫﺪﻯ
ﻳﺎﺑﺔ ﻫﻮ ﻳﺤﺠﻲ ﻭﻫﺸﺎﻡ ﻓﺎﻃﺲ ﻣﻦ ﺍﻟﻀﺤﻚ
ﻫﺸﺎﻡ .. ﺍﻧﺎ ﺧﻮﻙ ﻳﻘﺎﺳﻢ ﺭﺍﺣﺖ ﻋﻠﻴﻚ
ﻃﻠﻊ ﻋﻨﺪﻙ ﻣﻨﺎﻓﺲ
ﺷﻴﻤﺎﺀ ..
ﻃﻠﻌﻨﺎ ﻭﻳﺔ ﻣﺮﻭﺓ ﻭﺭﺣﻨﺎ ﻟﺒﻴﺘﻬﺎ
ﻭﺍﻧﻲ ﺣﺎﺿﻨﺎ ﻣﺮﻳﻢ ﺧﺎﻳﻔﺔ ﺍﻋﻮﻓﻬﺎ
ﺍﻧﺘﺒﻬﺖ ﻟﻤﺮﻭﺓ ﻃﻠﻌﺖ ﻧﻘﺎﻟﻬﺎ
ﻭﺍﺗﺼﻠﺖ ﻋﻠﻰ ﻭﺍﺣﺪﺓ ﺍﺳﻤﻪ ﺍﺑﻮ ﻳﺎﺳﺮ
ﺳﻠﻤﺖ ﻋﻠﻴﻪ ﻭﻛﺎﻟﺖ
ﻣﺮﻭﺓ .. ﺍﺑﻮ ﻳﺎﺳﺮ ﺍﺭﻳﺪ ﺍﻃﻠﺐ ﻣﻨﻚ ﺧﺪﻣﺔ
.. ﻣﺸﻜﻮﺭ ﻣﺎ ﺗﻘﺼﺮ ﺑﺲ ﺍﺭﻳﺪ ﺍﺣﻂ ﺣﺎﺭﺱ ﺣﻤﺎﻳﺔ ﻣﺪﺭﺏ
.. ﻻ ﻣﺎ ﺻﺎﻳﺮ ﺷﻲ ﺑﻌﺪﻳﻦ ﺍﻓﻬﻤﻚ ﺑﺲ ﻛﻮﻥ ﺗﻔﻬﻤﻪ
ﻳﺮﺍﺑﻂ ﺣﺮﺱ ﻋﻠﻰ ﺑﻴﺘﻲ ﻭﻋﻠﻰ ﻋﻴﺎﺩﺗﻲ
.. ﻣﺸﻜﻮﺭ ﺍﺑﻮ ﻳﺎﺳﺮ ﻣﺎ ﺗﻘﺼﺮ ﺭﺍﻳﺪﻙ ﺑﺎﻟﺸﺪﺍﺕ
ﺗﻤﺎﻡ ﻳﻌﻨﻲ ﺍﻧﺘﻈﺮﻫﻢ ﻭﺍﻧﺖ ﻭﺗﺠﻲ ﻭﻳﺎﻫﻢ ؟؟ ﻟﻮ ﻻ
ﻫﺎ ﻳﻌﻨﻲ ﺍﻧﺖ ﻣﺴﺎﻓﺮ ﻫﺴﺔ ﺗﻤﺎﻡ ﺧﻠﻴﻬﻢ ﻳﺠﻮﻥ ﻭﺍﺗﻔﻖ ﻭﻳﺎﻫﻢ
ﻭﺑﻌﺪﻳﻦ ﻧﺤﺠﻲ
ﻧﻬﺖ ﺍﻻﺗﺼﺎﻝ ﻭﺩﺍﺭﺕ ﻭﺟﻬﻬﺎ ﻋﻠﻴﺔ
ﻭﺳﺄﻟﺘﻬﺎ .. ﻣﺮﻭﺓ ﻫﺬﺍ ﻣﻨﻮ ﻭﻟﻴﺶ ﺗﺮﺩﻳﻦ ﺗﻌﻴﻨﻴﻦ ﺣﺎﺭﺱ ﺷﺨﺼﻲ
.. ﻫﺬﺍ ﺯﻭﺝ ﺻﺪﻳﻘﺘﻲ ﻫﻨﺎﺀ ﺍﻟﻠﻪ ﻳﺮﺣﻤﻬﺎ
ﻫﺬﺍ ﺍﺧﻮ ﺩﻧﻴﺎ ﻫﻮ ﻭﻫﻨﺎﺀ ﻳﺎﻣﺎ ﻭﻛﻔﻮﻟﻲ ﻭﺑﺎﻟﻤﻘﺎﺑﻞ ﺍﻧﻲ ﻫﻢ
ﺻﺎﺣﺒﺔ ﺟﻤﻴﻞ ﻋﻠﻴﻬﻢ ﻭﻫﻮﻋﻨﺪﻩ ﻣﻌﺮﻓﺔ ﺑﻬﺎﻱ ﺍﻻﻣﻮﺭ
ﻣﻦ ﺑﻌﺪ ﺗﻬﺪﻳﺪ ﺍﺑﻮﺝ ﻭﻋﻤﺞ ﺍﻣﺠﺪ ﺍﻟﻌﺎﺭ
ﻻﺯﻡ ﺍﺗﻼﺣﻚ ﻭﺍﺍﻣﻦ ﻋﻠﻰ ﺣﻴﺎﺓ ﻣﺮﻳﻢ
......
ﻫﺪﻯ
ﺑﻌﺪﻣﺎ ﺍﺧﺬﻧﻲ ﻗﺎﺳﻢ ﻣﻦ ﺑﻴﺖ ﺳﻠﻴﻤﺔ
ﺻﻌﺪﺕ ﺑﺎﻟﺴﻴﺎﺭﺓ ﻭﻛﻠﺒﻲ ﻣﻤﺮﻭﺩ ﻋﻠﻰ ﺧﻮﺍﺗﻲ
ﺍﺗﻤﻨﻴﺖ ﺍﺭﻭﺡ ﻭﺭﺍﻫﻦ ﻭﺍﻋﺮﻑ ﺷﺼﺎﺭ ﺑﻤﺮﻳﻢ
ﻭﺷﻨﻮ ﺳﺎﻟﻔﺘﻬﺎ ﻭﻳﺔ ﺟﻨﺎﻥ
ﺑﺎﻭﻋﺖ ﻟﻘﺎﺳﻢ ﺟﺎﻥ ﻳﺴﻮﻕ ﻭﻳﺤﺠﻲ ﻭﻳﺔ ﻫﺸﺎﻡ ﻭﺍﻧﺎ ﻛﺎﻋﺪﺓ ﻭﺭﺓ
ﺍﺟﺎﻧﻲ ﺻﻮﺕ ﻗﺎﺳﻢ
.. ﻫﺪﻯ ﺷﻨﻮ ﺳﺎﻟﻔﺔ ﺍﺑﻮﺝ ﻭﻋﻤﺞ ﺷﺒﻴﻬﻢ ﺍﻟﻴﻮﻡ
ﺗﺮﺓ . ﺍﻧﺎ ﻛﻠﺸﻲ ﻣﺎ ﺍﻓﺘﻬﻤﺖ ﻭﻣﻦ ﺍﺗﺪﺧﻠﺖ
ﺟﻨﺖ ﺍﻋﺮﻑ ﺍﺛﻴﺮ ﻧﺎﻗﺺ ﻏﻴﺮﺓ . ﻭﺍﻛﻴﺪ ﻫﻮ ﺍﻟﻐﻠﻂ
ﺑﺲ ﺭﺩﺕ ﺍﻋﺮﻑ ﺷﻨﻮ ﺍﻟﺴﺒﺐ ﻫﺎﻟﻤﺮﺓ
ﻳﺎﺭﺏ ﻭﺍﻟﻠﻪ ﺻﻌﺒﻪ ﻋﺎﻟﺒﻨﻴﺔ ﻳﻨﻜﺎﻝ ﻋﻠﻰ ﺍﺑﻮﻫﺎ ﻧﺎﻗﺺ
ﺍﻧﺎ ﺳﺎﻣﻌﺔ ﺍﻻﺑﻮ ﻳﺎ ﻧﺎﺱ ﻫﻴﺒﺔ
ﻟﻴﺶ ﺍﻧﺎ ﻣﻦ ﺩﻭﻥ ﺍﻟﺒﻨﺎﺕ ﺍﺑﻮﻱ ﺻﺎﺭ ﺧﻴﺒﺔ
ﻭﻣﺎ ﺍﻛﺪﺭ ﺍﺭﻓﻊ ﺭﺍﺳﻲ ﺑﻲ
ﺑﺎﻭﻋﺖ ﻋﻠﻰ ﻗﺎﺳﻢ
ﻳﺎﺭﺑﻲ ﺷﻠﻮﻥ ﺑﻴﺔ
ﻭﺍﻟﻠﻪ ﺟﻨﺖ ﺷﺎﻳﻠﺔ ﻫﻢ ﻟﻬﺬﺍ ﺍﻟﺴﺆﺍﻝ
ﻻﻥ ﺑﻴﺖ ﺍﻫﻞ ﻗﺎﺳﻢ ﻧﺎﺱ ﻃﺒﻴﻌﻴﻦ ﻋﺎﻳﺸﻴﻦ ﺣﻴﺎﺓ ﻋﺎﺩﻳﺔ ﻣﺜﻞ ﺍﻱ
ﻋﺎﺋﻠﺔ ﻃﺒﻴﻌﻴﺔ
ﻭﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ
ﻳﺴﺘﻮﻋﺒﻮﻥ ﻣﻮﻗﻒ . ﻣﺮﻳﻢ ﻭﻃﻌﻨﻬﺎ ﻟﺠﻨﺎﻥ ﺑﺎﻟﺴﺠﻴﻦ
ﺍﻛﻴﺪ ﺭﺍﺡ ﻳﺴﺘﻨﻜﺮﻭﻥ ﻣﻮﻗﻔﻬﺎ
ﻭﻳﻌﺘﺒﺮﻭﻫﺎ ﺟﺴﺎﺭﺓ ﻣﻦ ﻣﺮﻳﻢ ﻫﺎﻱ ﺍﺫﺍ ﻣﺎ
ﻋﻘﻮﻟﻬﻢ ﺭﺍﺣﺖ ﻟﺒﻌﻴﺪ ﺍﻛﺜﺮ ﻣﻦ ﻫﺬﺍ ﺍﻟﺸﻲ
......
ﻋﻮﺩ ﺑﻌﺪﻳﻦ ﻣﻨﺎ ﻋﻠﻤﺎ ﺍﻛﻌﺪ ﺍﺷﺮﺣﻠﻬﻢ ﻋﻦ ﺍﻻﺳﺒﺎﺏ ﻭﺍﻓﻬﻤﻬﻢ
ﻣﻮﻗﻔﻬﺎ
ﻳﻜﻮﻥ ﻣﺎﻱ ﻭﺟﻬﻲ ﻛﻠﻪ ﺭﺍﻳﺢ
ﻳﻌﻨﻲ ﺑﻴﺖ ﺍﻫﻞ ﻗﺎﺳﻢ ﻣﻮ ﻣﻼﺋﻜﺔ ﺍﻛﻴﺪ ﺭﺍﺡ ﻳﺎﺧﺬﻭﻥ ﻓﻜﺮﺓ ﻋﻨﻲ
ﻭﻋﻦ ﺧﻮﺍﺗﻲ ﻣﻮ ﺯﻳﻨﺔ
ﻫﻮ ﻛﻠﺶ ﻛﺎﻓﻲ ﻋﻠﻴﺔ ﺍﺑﻮﻱ ﻭﺳﻮﺍﻟﻔﻪ ﻭﺳﻴﺮﺗﻪ ﺍﻟﺤﻤﻴﺪﺓ ﻋﻠﻰ ﻛﻞ
ﺍﻟﺴﺎﻥ
ﻭﻓﻮﻛﺎﻫﺎ ﻫﺴﺔ ﺷﻜﺪ ﺯﺣﻤﺔ ﻛﺪﺍﻡ ﻫﺸﺎﻡ ﺍﻧﻀﺮﺏ ﻋﻤﻲ ﻭﺍﻧﻬﺎﻥ ﺍﺑﻮﻳﺔ
ﺻﺤﻴﺢ ﻛﻠﺔ ﻣﻦ ﺍﻳﺪﻫﻢ ﻭﻳﺴﺘﺎﻫﻠﻮﻥ ﺑﺲ ﻳﺒﻘﻰ ﻫﺬﺍ ﺍﻟﺸﻲ ﻣﺎ ﺍﻛﺪﺭ
ﺍﻓﺘﺨﺮ ﺑﻲ
ﻭﺻﺤﻴﺢ ﻗﺎﺳﻢ ﺧﻠﺼﻨﺎ ﺍﻧﻲ ﻭﺧﻮﺍﺗﻲ ﻣﻦ ﻇﻠﻤﻬﻢ
ﺑﺲ ﺍﺫﺍ ﺭﺿﻴﺖ ﺍﻭ ﻣﺎ ﺭﺿﻴﺖ ﻳﺒﻘﻮﻥ
ﻫﺬﻭﻟﻲ ﻣﺤﺴﺒﻮﻳﻦ ﻋﻠﻴﺔ ﺍﻫﻠﻲ ﻭﻛﺮﺍﻣﺘﻲ ﻣﻦ ﻛﺮﺍﻣﺘﻬﻢ
ﻭﺍﻻﻫﺎﻧﺔ ﺍﻟﻲ ﺗﻄﻮﻟﻬﻢ ﺗﺮﺟﻊ ﻋﻠﻴﺔ
ﻟﻮ ﻣﻬﻤﺎ ﺣﺎﻭﻟﺖ ﺍﺗﻐﺎﺿﻰ ﻋﻦ ﻫﺬﺍ ﺍﻟﺸﻲ
ﻻﻥ ﻳﺒﻘﻮﻥ ﻳﺨﺼﻮﻧﻲ
ﻭﻫﺴﺔ ﻣﺴﺘﺤﻴﻞ ﺍﻧﻄﻲ ﺑﺨﻮﺍﺗﻲ
ﻛﺎﻓﻲ ﺫﻝ .
ﺭﻓﻌﺖ ﺭﺍﺳﻲ ﻭﻛﻠﺖ
.. ﻭﺍﻟﻠﻪ ﻳﺎ ﻗﺎﺳﻢ ﻣﺎ ﺍﻋﻐﻒ ( ﻣﺎﺍﻋﺮﻑ ) ﺷﻨﻮ ﺍﻛﻠﻚ
ﺍﺟﻴﺖ ﻟﻜﻴﺖ ﺍﺧﺘﻲ ﻣﻐﻴﻢ ( ﻣﺮﻳﻢ ) ﻭﺟﻬﻬﺎ ﻣﺠﻐﻮﺡ ( ﻣﺠﺮﻭﺡ ) ﻛﻠﻪ
ﺩﻡ
ﻭﻋﻤﻮ ﺍﻣﺠﺪ ﻭﺑﺎﺑﺎ ﻣﺘﺤﻠﻔﻴﻦ ﺑﻴﻬﺎ ﺷﻨﻮ ﻭﻟﻴﺶ
ﻣﺎ ﻟﺤﻜﺖ ﺍﻋﻐﻒ ( ﺍﻋﺮﻑ ) ﻻﻥ ﺍﻟﻠﻪ ﻳﺤﻔﻈﻬﻢ ﺷﻮﻓﺔ ﻋﻴﻨﻚ
ﻣﺎ ﺍﻧﻄﻮﻧﺎ ﻣﺠﺎﻝ ﻧﻔﺘﻬﻢ ﺷﻨﻮ ﺍﻟﻘﺼﺔ
ﺑﺲ ﻣﺠﻐﺪ ( ﻣﺠﺮﺩ ) ﻣﺎ ﺷﻔﺖ ﺧﻮﻓﺔ ﺍﺧﺘﻲ ﻭﺟﻐﺢ ( ﺟﺮﺡ ) ﺧﺪﻫﺎ
ﻋﻐﻔﺖ ( ﻋﺮﻓﺖ )
ﺍﻥ ﻫﻲ ﺍﺗﻌﻐﻀﺖ ﻟﻠﻀﻐﺐ ( ﺍﺗﻌﺮﺿﺖ ﻟﻠﻀﺮﺏ ) ﻭﺍﻟﺘﻌﻨﻴﻒً
ﻗﺎﺳﻢ .. ﺯﻳﻦ ﺍﺧﺘﺞ ﻣﻜﺎﻟﺖ ﺷﻨﻮ ﺍﻟﺼﺎﺭ
.. ﻻ ﻣﺤﺠﺖ ﺍﻱ ﺷﻲ ﻻﻥ ﻣﻐﻴﻢ ( ﻣﺮﻳﻢ ) ﺟﺎﻧﺖ ﻛﻠﺶ ﺧﺎﻳﻔﺔ
ﻭﻣﻔﺰﻭﻋﺔ . ﺑﺲ ﺗﺒﺠﻲ
ﻛﻠﺖ ﺑﺲ ﺍﻭﺻﻞ ﻟﻠﺒﻴﺖ ﺍﺗﺼﻞ ﻋﻠﻰ ﺷﻴﻤﺎﺀ ﻭﺍﻓﺘﻬﻢ ﻣﻨﻬﺎ ﺍﻟﻘﺼﺔ
.. ﺑﺲ ﺧﻠﻲ ﺑﺒﺎﻟﺞ ﺗﺮﺓ ﻣﺮﻭﺓ ﻣﻮ ﻣﻦ ﺣﻘﻬﺎ
ﺗﺎﺧﺬ ﺍﺧﺘﻬﺎ ﻳﻤﻬﺎ ﺑﺎﻟﺒﻴﺖ ﻭﺍﺑﻮﻫﺎ ﻭﻋﻤﻬﺎ ﺑﺎﻟﻮﺟﻮﺩ
ﻓﻲ ﻏﺾ ﺍﻟﻨﻈﺮ ﻋﻦ ﺍﻟﻈﺮﻭﻑ ﻭﻋﻦ ﺍﻟﺼﺎﺭ
ﻣﺮﻳﻢ ﺍﺧﺘﺞ ﺗﻌﺘﺒﺮ ﻗﺎﺻﺮ ﻭﺍﺑﻮﺝ ﻫﻮ ﻭﻟﻲ ﺍﻣﺮﻫﺎ
ﻓﻤﺎ ﻳﺼﻴﺮ ﺗﺠﻲ ﻣﺮﻭﺓ ﻭﺗﺎﺧﺬﻫﺎ ﻫﻴﺞ ﺑﻜﻞ ﺑﺴﺎﻃﺔ
ﺍﺗﻮﻗﻊ ﻣﺮﻭﺓ ﺭﺍﺡ ﺗﻮﺍﺟﻪ ﻣﺸﺎﻛﻞ ﻭﻳﺔ ﻋﻤﺞ ﻭﺍﺑﻮﺝ .
ﻣﺎ ﺭﺍﺡ ﻳﺒﻘﻮﻫﺎ ﻋﻨﺪﻫﺎ
ﻛﻼﻡ ﻗﺎﺳﻢ ﻗﺒﺾ ﻛﻠﺒﻲ ﻭﺯﺍﺩ ﺣﻮﻓﻲ ﻋﻠﻰ ﺧﻮﺍﺗﻲ
....
ﻭﺻﻠﻨﺎ ﻟﻠﺒﻴﺖ ﻭﺟﺎﻥ ﺍﻟﻜﺔ ﻫﺎﻟﺔ ﻣﻨﺘﻈﺮﺗﻨﺎ
ﻫﺎﻟﺔ .. ﻫﺎ ﻫﺪﻯ ﺑﺸﺮﻱ ﺷﻠﻮﻧﻬﺎ ﺍﺧﺘﺞ
.. ﺍﻟﺤﻤﺪﻟﻠﻪ ﺑﺨﻴﻎ ( ﺑﺨﻴﺮ )
ﻫﺎﻟﺔ ﺍﻛﺘﻔﺖ ﺑﻬﺬﺍ ﺟﻮﺍﺑﻲ ﻣﺆﻗﺘﺎً ﺍﺩﺭﻱ ﺑﻴﻬﺎ ﺭﺍﺡ ﺗﻜﻌﺪ ﺗﺤﻘﻖ ﻭﻳﺎﻱ
ﺑﺎﻭﻋﺖ ﻣﺎ ﺷﻔﺖ ﺧﺎﻟﺔ ﺍﻡ ﻗﺎﺳﻢ
.. ﺷﻨﻮ ﺧﺎﻟﺔ ﻭﻳﻦ
ﻫﺎﻟﺔ .. ﺍﻣﻲ ﺍﺧﺬﺕ ﻋﻼﺟﻬﺎ ﻭﻧﺎﻣﺖ ﺧﻄﻴﺔ ﺷﻜﺪ ﺍﻧﺘﻈﺮﺗﻜﻢ
ﻗﺎﺳﻢ .. ﻫﺎﻟﺔ ﻋﻔﻴﺔ ﺳﻮﻳﻠﻲ ﻋﺸﺎ ﻛﻠﺶ ﺟﻮﻋﺎﻥ
ﻫﺸﺎﻡ .. ﻭﺍﻧﺎ ﻫﻤﺎﺗﻴﻦ ﺳﻮﻳﻠﻲ ﻟﻔﺔ ﻭﻛﻼﺹ ﺟﺎﻱ ﻭﺻﻌﺪﻳﻬﻢ ﺍﻟﻲ
ﻟﻠﻐﺮﻓﺔ
ﺍﻧﺘﺒﻬﺖ ﻟﻘﺎﺳﻢ ﺻﻌﺪ ﻓﻮﻙ
ﻭﺍﻧﻲ ﺭﺣﺖ ﺻﻌﺪﺕ ﻭﺭﺍﻩ
ﺩﺧﻠﺖ ﻟﻠﻐﺮﻓﺔ ﻟﻜﻴﺘﻪ ﺩﻳﺒﺪﻝ ﻟﻔﺖ ﺍﻧﺘﺒﺎﻫﻲ
ﻇﻬﺮ ﻛﻒ ﺍﻳﺪﻩ ﺷﻮﻳﺔ ﺩﻡ
.. ﻗﺎﺳﻢ ﺍﻳﺪﻙ ﺑﻴﻬﺎ ﺩﻡ
.. ﺍﻱ ﻫﺎﻱ ﻣﻦ ﺿﺮﺑﺔ ﻋﻤﺞ ﺍﻣﺠﺪ ﺳﻨﻪ ﻧﺒﺖ ﺑﺄﻳﺪﻱ
.. ﺧﻮ ﺗﺄﺫﻳﻚ ﺍﻳﺪﻙ
ﺍﻧﻄﺎﻧﻲ ﻇﻬﺮﻩ ﻭﻧﺰﻉ ﺍﻟﺘﻴﺸﺮﻳﺖ
ﺑﻜﻞ ﺛﻘﺔ
.. ﻫﻬﻬﻬﻪ ﻫﻮ ﻣﻨﻮ ﺍﻟﻤﻔﺮﻭﺽ ﻳﺘﺄﺫﺓ ﺍﻟﻀﺎﺭﺏ ﻟﻮ ﺍﻟﻤﻀﺮﻭﺏ
ﻛﻌﺪﺕ ﺍﺣﻢ ﺣﻢ .. ﺍﻛﻴﺪ ﺍﻟﻤﻀﻐﻮﺏ ( ﺍﻟﻤﻀﺮﻭﺏ )
ﺭﺣﺖ ﺍﺧﺬﺗﻠﻲ ﻣﻼﺑﺲ ﻭﺩﺧﻠﺖ ﻟﻠﺤﻤﺎﻡ ﺍﺑﺪﻝ
ﺻﺮﺕ ﻛﻠﻤﺎ ﺍﺗﺬﻛﺮ ﻓﺰﻋﺔ ﻗﺎﺳﻢ ﺍﻟﻨﺎ ﺍﻧﻲ ﻭﺧﻮﺍﺗﻲ
ﺟﺴﻤﻲ ﻳﻀﻞ ﻳﺮﺗﻌﺪ
ﻳﻌﻨﻲ ﻟﻮﻣﺎ ﻫﻮ ﺟﺎﻱ ﻭﻻﺣﻚ ﻋﻠﻴﻨﺎ
ﺍﻧﻲ ﻭﺧﻮﺍﺗﻲ
ﺟﺎﻥ ﺑﺲ ﺍﻟﻠﻪ ﺍﻟﻴﻠﻌﻢ ﺷﻨﻮ ﻳﺼﻴﺮ ﺑﻴﻨﺎ
ﺟﻨﺖ ﻛﻠﺶ ﻣﻤﻨﻮﻧﺔ ﻟﻮﻛﻔﺘﻪ ﻭﻳﺎﻧﺎ
ﺍﻧﺪﻋﻴﻠﻪ ﺑﻜﻠﺒﻲ ﺭﺑﻲ ﻳﺤﻔﻈﻪ ﻻﻣﻪ ﻭﺧﻮﺍﺗﻪ
ﺑﺪﻳﺖ ﺍﺳﺒﺢ ﺍﺣﺲ ﺟﺴﻤﻲ ﻛﻠﻪ ﻣﺮﺿﻮﺽ
ﻣﻦ ﻭﺭﺓ ﺍﻟﻀﺮﺏ ﺍﺗﺬﻛﺮﺕ ﻣﺮﻳﻢ ﻭﺷﻴﻤﺎﺀ
ﺳﻮﺩﺓ ﻋﻠﻴﺔ ﻫﺴﺔ ﺷﻠﻮﻧﻬﻦ
ﻧﺸﻔﺖ ﺷﻌﺮﻱ ﺑﺎﻟﺸﺴﻮﺍﺭ ﺑﺪﻭﻥ ﻣﺎ ﺍﻣﺸﻄﻪ ﺑﻌﺪﻳﻦ ﺍﻣﺸﻄﻪ
ﻃﻠﻌﺖ ﻣﻦ ﺍﻟﺤﻤﺎﻡ ﻭﻟﻜﻴﺖ ﻗﺎﺳﻢ
ﺳﺘﻮﺓ ﻣﺨﻠﺺ ﻋﺸﺎ ﻭﺣﺎﻁ ﺍﻟﺼﻴﻨﻴﺔ ﻭﺍﻟﻄﺒﻠﺔ ﻋﻠﻰ ﺻﻔﺤﺔ
ﻛﺎﻡ ﻣﻦ ﻣﻜﺎﻧﻪ ﻭﺭﺍﺡ ﻟﻠﺤﻤﺎﻡ ﻏﺴﻞ ﺍﻳﺪﻳﻪ
ﻭﻃﻠﻊ ﻭﺑﻴﺪﻩ ﺍﻟﻤﻨﺸﻔﺔ ﻳﻤﺴﺢ ﺑﻴﻬﺎ
ﻋﻠﻚ ﺍﻟﻤﻨﺸﻔﺔ ﺑﻤﻜﺎﻧﻬﺎ
ﺭﺍﺡ ﻛﻌﺪ ﻋﺎﻟﺴﺮﻳﺮ
ﻭﺑﺎﻭﻉ ﻋﻠﻴﺔ ﺑﻨﻈﺮﺍﺕ ﻣﺜﻞ ﺍﻟﻲ ﻳﺮﻳﺪ ﻳﺪﺭﺱ ﺍﻟﺸﺨﺺ ﺍﻟﻮﺍﻛﻒ ﻛﺪﺍﻣﻪ
ﺟﻨﺖ ﻻﺯﻣﺔ ﺍﻟﻤﺸﻂ ﺍﺭﻳﺪ ﺍﻣﺸﻂ ﺷﻌﺮﻱ
ﺣﺠﺔ ﺑﺼﻮﺕ ﺧﺸﻦ
.. ﻫﺪﻯ ﺍﺭﻳﺪﺝ ﺗﺴﻤﻌﻴﻨﻲ ﺯﻳﻦ
ﻧﺰﻟﺖ ﺍﻟﻤﺸﻂ ﻭﺑﺎﻭﻋﺖ ﻋﻠﻴﻪ
......
ﺑﻌﺪ ﻣﺎ ﺍﺭﻳﺪ ﺍﺳﻤﻊ ﺑﻴﺞ ﻣﺮﺓ ﺛﺎﻧﻴﺔ ﻃﺎﻟﻌﺔ ﻣﻦ ﺍﻟﺒﻴﺖ ﺑﺪﻭﻥ ﻋﻠﻤﻲ
ﺍﻋﺘﺒﺮﻱ ﻫﺬﺍ ﺍﻧﺬﺍﺭ
ﻫﺎﻟﻤﺮﺓ ﻋﺬﺭﺗﺞ ﻻﻥ ﺟﻨﺘﻲ ﺧﺎﻳﻔﺔ ﻋﻠﻰ ﺧﻮﺍﺗﺞ
ﺑﺲ ﻣﺮﺕ ﺍﻟﺜﺎﻧﻴﺔ ﻣﺎ ﺍﻗﺒﻞ ﺑﺄﻱ ﻋﺬﺭ ﺳﺎﻣﻌﺔ
ﻫﺰﻳﺖ ﺭﺍﺳﻲ ﺑﻤﻮﺍﻓﻘﺔ
.. ﺻﺎﻍ ( ﺻﺎﺭ ) ﺑﻌﺪ ﻣﺎ ﺍﻃﻠﻊ ﻣﻦ ﺍﻟﺒﻴﺖ ﺑﺪﻭﻥ ﻋﻠﻤﻚ
ﺍﺭﻳﺪ ﺍﺷﻜﺮﻩ ﻋﻠﻰ ﻣﻮﻗﻔﻪ ﻭﻳﺎﻱ
ﺑﺲ ﻣﺘﺮﺩﺩﻩ ﺭﺣﺖ ﺍﺗﻘﺮﺑﺖ ﻋﻠﻴﻪ ﻭﻛﻔﺖ ﻛﺪﺍﻣﻪ
ﺑﺎﻭﻉ ﻋﻠﻴﺔ ﻣﻨﺘﻈﺮﻧﻲ ﺍﺣﺠﻲ
.. ﺍﺣﻢ ﻗﺎﺳﻢ ﺍﻧﻲ ﻣﻤﻨﻮﻧﺔ ﻣﻨﻚ ﻋﻠﻰ ﻭﻛﻔﺘﻚ ﻭﻳﺎﻱ ﺍﻧﻲ ﻭﺧﻮﺍﺗﻲ
.. ﺍﻧﺎ ﻣﺎ ﺳﻮﻳﺖ ﺷﻲ ﻫﺬﺍ ﻭﺍﺟﺒﻲ ﺍﻧﺘﻲ ﺗﺨﺼﻴﻨﻲ
ﻭﺣﻤﺎﻳﺘﺞ ﺭﺍﺟﻌﺔ ﺍﻟﻲ
.. ﺍﻱ ﺍﻋﺮﻑ ﺑﺲ ﺍﻧﺖ ﺍﻟﻴﻮﻡ ﻭﻛﻔﺖ ﺍﻟﻲ ﻭﻟﺨﻮﺍﺗﻲ
.. ﺍﻱ ﻭﺍﺣﺪ ﺑﻤﻜﺎﻧﻲ ﻋﻨﺪﻩ ﻏﻴﺮﺓ ﺭﺍﺡ ﻳﺘﺪﺧﻞ ﻣﻦ ﻳﺸﻮﻑ ﺍﻟﻈﻠﻢ
ﺍﻟﺼﺎﺭ ﺍﻟﻴﻮﻡ ﻳﻨﻄﻖ ﺍﻟﺼﺨﺮ
.. ﺍﻱ ﺑﺲ ﺍﻧﺖ ﺑﺎﻻﻭﻝ ﺭﻓﻀﺖ ﺗﻮﻛﻔﻠﻬﻦ
.. ﺷﻠﻮﻥ ﺗﺮﺩﻳﻦ ﻣﻨﻲ ﺍﻫﺠﻢ ﻋﻠﻰ ﺍﺑﻮﺝ
ﻭﺍﻃﻠﻊ ﺧﻮﺍﺗﺞ ﺍﻟﻲ ﻫﻤﺔ ﺑﻨﺎﺗﻪ
ﺑﺪﻭﻥ ﻣﺎ ﻣﻔﺘﻬﻢ ﺍﻟﺴﺎﻟﻔﺔ ﺷﻨﻮ ﻭﺣﺘﻰ ﻟﻮ ﺍﻓﺘﻬﻤﺖ
ﺍﺷﻮﻓﻬﺎ ﺻﻌﺒﺔ ﺍﺗﺪﺧﻞ ﺑﻴﻦ ﺍﻻﺏ ﻭﺑﻨﺎﺗﻪ
ﻭﺍﻧﺎ ﻟﻮ ﺟﻨﺖ ﺑﻤﻜﺎﻥ ﺍﺑﻮﺝ ﻭﻋﻤﺞ ﻣﺎ ﺭﺍﺡ ﺍﺳﻤﺢ
ﻻﻱ ﻣﺨﻠﻮﻕ ﻳﺘﺪﺧﻞ ﺑﻴﻨﻲ ﻭﺑﻴﻦ ﺧﻮﺍﺗﻲ
ﻻﻥ ﻫﺎﻱ ﺍﻣﻮﺭ ﺧﺎﺻﺔ ﻋﺎﺋﻠﻴﺔ ﻣﺤﺪ ﺍﻟﻪ ﺣﻖ ﻳﺘﺪﺧﻞ
ﺟﺎﻥ ﻳﺤﺠﻲ ﻭﻳﻤﺴﺪ ﻣﻜﺎﻥ ﺍﻟﻜﺪﻣﺔ ﺍﻟﻤﻮﺟﻮﺩﺓ
ﺑﻈﻬﺮ ﻛﻒ ﺍﻳﺪﻩ
ﻣﺎ ﺍﻋﺮﻑ ﺷﺼﺎﺭ ﺑﻜﻠﺒﻲ ﻣﻦ ﺷﻔﺘﻪ ﻳﺘﻠﻤﺲ ﺍﻟﺠﺮﺡ ﺫﻛﺮﻧﻲ ﺑﻮﻋﺪﻱ
ﻟﻨﻔﺴﻲ ﺍﻟﻴﻮﻡ
ﺍﻗﺘﺮﺑﺖ ﻋﻠﻴﻪ ﻭﺭﻛﻌﺖ ﻋﻠﻰ ﺭﺟﻠﻴﺔ ﻗﺮﻳﺐ ﻋﻠﻴﻪ ﺟﺎﻥ ﻫﻮ ﺑﻌﺪﻩ ﻛﺎﻋﺪ
ﻋﺎﻟﺴﺮﻳﺮ
ﺟﻤﺪ ﺑﻤﻜﺎﻧﻪ ﻋﻠﻰ ﺣﺮﻛﺘﻲ
ﺭﻓﻌﺖ ﺭﺍﺳﻲ ﻭﺍﺟﺘﻲ ﻋﻴﻮﻧﻲ ﺑﻌﻴﻮﻧﻪ
ﻭﻫﻤﺴﺖ .. ﺗﺪﻏﻲ ( ﺗﺪﺭﻱ ) ﺍﻟﻴﻮﻡ ﻣﻦ ﺷﻔﺘﻚ ﺿﻐﺒﺖ ( ﺿﺮﺑﺖ )
ﻋﻤﻮ ﺍﻣﺠﺪ
ﺑﻴﺪﻙ ﺍﺧﺬﺕ ﻋﻬﺪ ﺑﻴﻨﻲ ﻭﺑﻴﻦ ﻧﻔﺴﻲ
ﻟﺰﻣﺖ ﻛﻒ ﺍﻳﺪﻩ ﺑﻴﻦ ﺍﻳﺪﻳﺔ ﻭﻗﺮﺑﺘﻬﺎ ﻋﻠﻰ ﺷﻔﺎﻳﻔﻲ
ﻭﺩﻧﻜﺖ ﻭﺑﺴﺖ ﻣﻜﺎﻥ ﻛﺪﻣﺔ ﺍﻳﺪﻩ ﺟﺎﻧﺖ ﺧﺸﻨﺔ
.....
ﺍﺗﺴﻌﺖ ﻋﻴﻮﻧﻪ ﺣﺴﻴﺖ ﺑﻲ ﻣﺘﻔﺎﺟﻲﺀ ﻣﻦ ﺣﺮﻛﺘﻲ ﻭﺑﻨﻔﺲ ﺍﻟﻮﻛﺖ
ﺳﺮﺕ ﺭﺟﻔﺔ ﺑﻴﺪﻩ
ﺣﺠﺔ ﺑﺼﻮﺕ ﺧﺸﻦ .. ﻫﺎﻱ ﺷﻨﻮ ﻟﻴﺶ ﺳﻮﻳﺘﻲ ﻫﻴﺞ
ﺟﺎﻭﺑﺘﻪ ﻭﺍﻧﻲ ﻋﻴﻮﻧﻲ ﺑﻌﻴﻮﻧﻪ
.. ﻣﻦ ﺷﻔﺘﻚ ﺿﻐﺒﺖ ( ﺿﺮﺑﺖ ) ﻋﻤﻮ ﺍﻣﺠﺪ ﺑﻴﺪﻙ
ﺣﻠﻔﺖ ﻛﻮﻥ ﺍﺑﻮﺱ ﺍﻻﻳﺪ ﺍﻟﻲ ﻏﺠﻌﺘﻠﻲ ( ﺭﺟﻌﺘﻠﻲ ) ﺣﻘﻲ
ﺣﺮﻛﺘﻲ ﺳﺤﺒﺖ ﺍﻟﻜﻼﻡ ﻣﻦ ﻗﺎﺳﻢ
ﺍﻧﺘﺒﻬﺖ ﻋﻠﻰ ﻋﻴﻮﻧﻪ ﺷﻠﻮﻥ ﺗﺘﻤﻌﻦ ﺑﻮﺟﻬﻲ
ﺗﻮﺗﺮ ﺍﻟﻮﺿﻮﻉ ﺑﻴﻨﻲ ﻭﺑﻴﻨﻪ ﻣﺎ ﺍﻋﺮﻑ ﺷﺼﺎﺭ
ﺣﺲ ﻋﻠﻰ ﻭﺿﻌﻨﺎ ﻭﺳﺤﺐ ﺍﻳﺪﻩ ﻣﻦ ﺑﻴﻦ ﺍﻳﺪﻳﺔ ﻭﺭﺟﻊ ﺷﻌﺮﻩ
ﺍﺑﺘﺴﻢ ﻭﻛﺎﻝ
.. ﺍﻛﻮﻝ ﺧﻮﻳﺔ ﻫﺎﺩﻱ ﻣﺎ ﺍﺩﺭﻱ ﺑﻴﻚ ﻋﻨﺪﻙ ﻫﻴﺞ ﺷﻔﺎﻳﻒ ﺗﺮﻓﺔ
ﺧﺮﺏ ﻋﺸﻴﺮﺗﻚ ﺍﻱ ﻏﻴﺮ ﺗﻜﻠﻲ ﺍﻧﺖ ﺣﺎﻟﻒ ﺗﺒﻮﺱ
ﺍﻳﺪﻱ ﻻﻥ ﺿﺮﺑﺖ ﺑﻴﻬﺎ ﻋﻤﻚ
ﺣﺮﺍﻣﺎﺕ ﻟﻮ ﺍﺩﺭﻱ ﺑﺎﻟﺴﺎﻟﻔﺔ ﻫﻴﺞ
ﺟﺎﻥ ﺑﺪﺭﺑﻲ ﺍﺧﺬﺗﻠﻲ ﻋﻀﺔ ﻣﻦ ﻋﻤﻚ
ﺷﻬﻜﺖ
.. ﻳﺒﻮﻭﻭﻭﻭﻭﻱ ﻋﻠﻴﻚ ﻗﺴﺎﻡ ﻫﻢ ﻓﻬﻤﺘﻨﻲ ﻏﻠﻂ
.. ﺍﻛﻠﻚ ﺧﻮﻳﺔ ﻫﺎﺩﻱ ﺗﻜﻮﻡ ﻣﻦ ﻛﺪﺍﻣﻲ
ﻻ ﺍﺧﺮﺏ ﺍﻻﻭﻝ ﻭﺍﻟﺘﺎﻟﻲ
ﺍﺷﻮ ﺗﺘﺤﺎﺭﺵ ﺑﻴﺔ ﻭﺗﻜﻠﻲ ﻻ ﺗﻔﻬﻤﻨﻲ ﻏﻠﻂ
ﺷﻨﻮ ﻛﺎﻟﻮﻟﻚ ﻋﻨﻲ ﺍﻧﺎ ﺟﺪﺗﻚ ﻭﺗﺒﻮﺱ ﺍﻳﺪﻱ ﻭﺗﺮﻳﺪﻧﻲ ﺍﻣﺴﺢ ﻋﻠﻰ
ﺭﺍﺳﻚ
ﻛﻤﺰﺕ ﻣﻦ ﻣﻜﺎﻧﻲ
.. ﻭﺍﻟﻠﻪ ﻻﺯﻡ ﻣﺤﺪ ﻳﺴﻮﻱ ﺍﻟﺰﻳﻦ ﺑﻬﺎﻱ ﺍﻻﻳﺎﻡ
.. ﺍﻱ ﻫﻮ ﻋﻔﻴﺔ ﻋﻠﻴﻚ ﺧﻴﺮ ﻻ ﺗﺴﻮﻱ ﺷﺮ ﻣﺎ ﻳﺠﻴﻚ
ﻳﺎﻟﻠﻪ ﺣﺒﺎﺏ ﺭﻭﺡ ﻃﻔﻲ ﺍﻟﻀﻮﺓ ﺧﻠﻴﻨﻲ ﺍﻧﺎﻡ
ﺷﻴﻤﺎﺀ
ﻣﺮﺕ ﺳﺎﻋﺘﻴﻦ ﻭﻧﺺ ﻋﻠﻰ ﺟﻴﺘﻨﺎ ﻣﻦ ﺑﻴﺖ ﺳﻠﻴﻤﺔ
ﺍﺍﺑﺎﻭﻉ ﻟﻤﺮﻭﺓ ﻛﻞ ﺷﻮﻳﺔ ﺗﺘﺼﻞ ﻭﺑﻌﺪﻣﺎ
ﺍﺗﻔﻘﺖ ﻭﻳﺔ ﻣﺴﺆﻝ ﺍﻣﻨﻲ ﺑﻤﺴﺎﻋﺪﺓ ﺯﻭﺝ ﺻﺪﻳﻘﺘﻬﺎ
ﻭﻭﻗﻌﺖ ﻭﻳﺎﻩ ﻋﻠﻰ ﻋﻘﺪ ﺣﺘﻰ ﻳﺎﻣﻦ ﺑﻴﺘﻬﺎ ﻭﻋﻴﺎﺩﺗﻬﺎ
ﺳﺪﺕ ﺍﻟﻨﻘﺎﻝ ﻭﺑﺎﻭﻋﺖ ﻋﻠﻴﺔ ﺍﻧﻲ ﻭﻣﺮﻳﻢ ﺍﻟﻲ ﺟﻨﺎ ﻛﺎﻋﺪﺍﺕ ﻣﻨﺘﻈﺮﺍﺕ
ﺗﺨﻠﺺ
ﻣﺮﻭﺓ .. ﺍﻟﺤﻤﺪﻟﻠﻪ ﺧﻠﺼﺖ ﻛﻠﺸﻲ ﻭﺍﻣﻨﺖ ﻋﻠﻴﻜﻢ ﻫﺴﻪ
ﺣﺘﻰ ﺧﺎﻑ ﻳﻔﻜﺮﻭﻥ ﻳﺴﻮﻭﻥ ﺷﻲ ﻋﻠﻰ ﺍﻻﻗﻞ ﺍﻛﻮﻥ ﻣﺎﺧﺬﺓ
ﺍﺣﺘﻴﺎﻃﺎﺗﻲ
ﻛﻠﺸﻲ ﺍﺗﻮﻗﻊ ﻳﻄﻠﻊ ﻣﻨﻬﻢ ﻭﻫﺬﺍ ﺍﻣﺠﺪ ﺍﻧﻲ ﺍﻟﻪ ﺣﺴﺎﺑﻲ ﻭﻳﺎﻩ
ﺑﻌﺪﻳﻦ
ﺑﺲ ﺧﻠﻲ ﻳﺼﺒﺮﻟﻲ ﺍﻟﻈﺎﻫﺮ ﻧﺴﻰ ﻧﻔﺴﻪ
.....
ﺑﺲ ﻫﻤﺔ ﺻﺪﻙ ﻟﻮ ﻛﺎﻟﻮ ﺫﻳﻞ ﺍﻟﺠﻠﺐ ﻣﺎ ﻳﻨﻌﺪﻝ
ﺟﺮﺕ ﻧﻔﺲ ﻭﺑﺎﻭﻋﺖ ﻟﻤﺮﻳﻢ
ﺟﺎﻧﺖ ﻣﺮﻭﺓ ﺗﺤﻮﻡ ﺑﺎﻟﺼﺎﻟﺔ ﻭﺗﺤﺠﻲ
ﻣﻨﻔﻌﻠﺔ
ﺩﺧﻠﺖ ﻣﺸﻤﺶ ﻋﻠﻴﻨﺎ ﺗﻔﺮﻙ ﺑﻌﻴﻮﻧﻬﺎ ﻭﻻﺯﻣﺔ ﺑﻴﺪﻫﺎ ﺩﺑﺪﻭﺑﻬﺎ
ﻣﺒﻴﻦ ﻛﻌﺪﺕ ﻣﻦ ﺍﻟﻨﻮﻡ
.. ﻣﺎﻣﺎ ﺗﻌﺎﻱ
ﻣﺮﻭﺓ ﺍﻟﺘﻔﺖ ﻋﻠﻴﻬﺎ .. ﻫﺎ ﺣﺒﻴﺒﻲ ﻣﺸﻤﺶ
.. ﻣﺎﻣﺎ ﺩﺑﺪﻭﺑﻲ ﻧﻌﺴﺎﻥ ﻳﻐﻴﺪ ( ﻳﺮﻳﺪ ) ﻳﻨﺎﻡ ﺗﻌﺎﻟﻲ ﻧﻮﻣﻴﻪ
ﺑﺎﻭﻋﺘﻠﻬﺎ ﻣﺮﻭﺓ
.. ﻫﺎ ﺍﻟﺪﺑﻮﺏ ﻳﺮﻳﺪ ﻳﻨﺎﻡ ﻳﻌﻨﻲ ﻣﻮ ﺍﻧﺘﻲ
.. ﻻ ﺍﻧﻲ ﻋﻴﺐ ﻛﺒﻐﺖ ( ﻛﺒﺮﺕ ) ﻣﺎ ﺍﺣﺘﺎﺝ ﻣﺎﻣﺎ ﺗﻨﻮﻣﻲ
ﺑﺲ ﻫﺬﺍ ﺩﺑﺪﻭﺑﻲ ﺧﻄﻴﺔ ﺑﻌﺪﻩ ﺻﻐﻴﻎ ( ﺻﻐﻴﺮ ) ﻳﻜﻮﻝ ﻣﺎ ﻧﺎﻡ ﺍﻻ
ﻣﺎﻣﺎ ﺗﻨﻮﻣﻨﻲ
ﺍﺳﻤﻊ ﻛﻼﻡ ﻣﺸﻤﺶ ﻭﻛﻠﺒﻲ ﺗﻜﺘﻚ ﻋﻠﻴﻬﺎ ﻭﻋﻴﻮﻧﻲ ﻛﺎﻣﺖ ﺗﻠﻤﻊ
ﻳﺎﺭﺑﻲ ﺷﻜﺪ ﺣﻠﻮﺓ
ﺍﺗﻤﻨﻴﺖ ﻟﻠﺤﻈﺔ ﻋﻨﺪﻱ ﺑﻨﻴﺔ ﻣﺜﻠﻬﺎ
ﻣﺮﻭﺓ ﺑﺎﻭﻋﺖ ﻟﻤﺮﻳﻢ .. ﻣﺮﻳﻤﺔ ﻛﻮﻣﻲ ﻓﻮﺗﻲ ﺳﺒﺤﻲ ﺣﺘﻰ ﺗﺮﺗﺎﺣﻴﻦ
ﺑﻴﻦ ﻣﺎ
ﺍﺭﻭﺡ ﺍﻧﻮﻡ ﺩﺑﺪﻭﺏ ﻣﺸﻤﺶ ﻭﺍﺭﺟﻊ ﻧﻜﻤﻞ ﺣﺠﻲ
ﻛﻤﺖ ﻣﻦ ﻣﻜﺎﻧﻲ .. ﻭﺍﻧﻲ ﺭﺍﺡ ﺍﺳﻮﻱ ﺟﺎﻱ
ﺑﻴﻦ ﻣﺎ ﺗﺨﻠﺼﻮﻥ
ﻣﺮﻳﻢ ﺑﺘﺮﺩﺩ .. ﻣﺎﻋﻨﺪﻱ ﻣﻼﺑﺲ
.. ﺍﻧﺘﻲ ﻓﻮﺗﻲ ﺳﺒﺤﻲ ﻭﺍﻧﻲ ﺍﻧﻄﻴﺞ ﻣﻼﺑﺲ ﻣﻦ ﻋﻨﺪﻱ
ﺻﺤﻴﺢ ﻛﺒﺎﺭ ﻋﻠﻴﺞ ﺑﺲ ﻫﻢ ﻳﻔﻴﺪﻭﻥ
ﻛﻞ ﻭﺣﺪﺓ ﺭﺍﺣﺖ ﻟﻤﻜﺎﻥ ﺩﺧﻠﺖ ﻟﻠﻤﻄﺒﺦ
ﻭﺣﻄﻴﺖ ﺍﻟﻘﻮﺭﻱ ﻋﺎﻟﻄﺒﺎﺥ
ﻭﻛﻌﺪﺕ ﺍﻓﺘﺢ ﻭﺍﺳﺪ ﺍﺩﻭﺭ ﻋﻠﻰ ﺍﻟﺠﺎﻱ
ﺍﻟﺨﺪﺍﻣﺔ ﻣﺎﻟﺘﻬﺎ ﻧﺎﻣﺖ ﻻﻥ ﺍﻟﻮﻗﺖ ﻛﻠﺶ ﻣﺘﺄﺧﺮ
ﺍﻟﺴﺎﻋﺔ ﺏ١٢ ﺑﺎﻟﻠﻴﻞ
ﻟﻜﻴﺖ ﻋﻠﺒﺔ ﺍﻟﺠﺎﻱ ﺍﺧﻴﺮﺍ
ﻭﺣﻀﺮﺗﻪ ﻭﺑﺎﻟﻲ ﻣﺸﻐﻮﻝ ﺑﺨﻮﺍﺗﻲ ﺷﻠﻮﻥ ﺑﻴﺔ ﻭﺑﻴﻬﻢ
ﻭﺧﺎﻳﻔﺔ ﻧﻮﺏ ﻣﺸﺎﻛﻠﻨﺎ ﺗﻌﻢ ﻋﻠﻰ ﺣﻴﺎﺓ ﻣﺮﻭﺓ
ﺍﺍﺍﺍﺥ ﻳﺎ ﺍﺛﻴﺮ
ﻭﺍﻟﻠﻪ ﺍﻟﻲ ﻭﻛﻔﺔ ﻭﻳﺎﻙ ﻫﻨﺎﻙ ﻳﻢ ﺭﺏ ﺍﻟﻌﺎﻟﻤﻴﻦ
ﻭﺍﻟﻠﻪ ﻣﺎ
ﺍﺳﺎﻣﺤﻪ ﻋﻠﻰ ﺍﻻﺫﻳﺔ ﺍﻟﺸﻔﺘﻬﺎ ﺍﻧﻲ ﻭﺧﻮﺍﺗﻲ ﻋﻠﻰ ﺍﻳﺪﻩ
ﻣﻦ ﻭﺭﺍﻩ ﺍﻧﻲ ﻭﺧﻮﺍﺗﻲ ﻋﺸﻨﺎ ﺣﻴﺎﺗﻨﺎ ﺑﺨﻮﻑ ﻭﺫﻝ ﻭﻫﻀﻢ
ﺍﺷﻮ ﻛﻀﻴﻨﺎﻫﺎ ﻛﻠﺔ ﻳﺎ ﺟﺎﻙ ﺍﻟﺬﻳﺐ ﻳﺎﺍﺍ ﺟﺎﻙ ﺍﻟﻮﺍﻭﻱ
...........
ﻭﻣﺎ ﺍﻋﺮﻑ ﺍﻟﺪﻧﻴﺎ ﺑﻌﺪ ﺷﻨﻮ ﺿﺎﻣﺘﻠﻲ
ﺻﺮﺕ ﺍﻛﺮﻩ ﻛﻠﻤﺔ ﺑﺎﺑﺎ ﻣﻦ ﺍﺳﻤﻌﻬﺎ ﻣﻦ ﻭﺭﺍﻩ
ﺍﻧﺘﻬﺖ ﻣﻦ ﺻﻔﻨﺘﻲ ﻋﻠﻰ ﺩﺧﻮﻝ ﻣﺮﻭﺓ
.. ﻫﺎ ﻣﺸﻤﺶ ﻧﺎﻣﺖ
.. ﺍﻱ ﻧﺎﻣﺖ ﻣﺘﻌﻮﺩﺓ ﻣﺘﻨﺎﻡ ﺍﻟﻲ ﺍﻧﻲ ﻳﻤﻬﺎ
.. ﺣﺒﻴﺒﺘﻲ ﺍﻟﻠﻪ ﻳﺤﻔﻈﻬﺎ ﺗﺠﻨﻦ
.. ﻳﺎﺭﺏ ﻳﺮﺯﻗﺞ ﺑﻮﺣﺪﺓ ﻣﺜﻠﻬﺎ
.. ﺍﻣﻴﻦ ﺑﺲ ﺷﻜﻠﻲ ﻣﺎ ﺍﻟﺤﻚ ﻳﺼﻴﺮ ﻋﻨﺪﻱ ﺍﻃﻔﺎﻝ
ﺍﻟﻘﻄﺎﺭ ﺭﺍﺡ ﻳﻔﻮﺗﻨﻲ
.. ﺭﺑﻲ ﻳﺮﺯﻗﺞ ﺑﻮﺍﺣﺪ ﺫﻫﺐ ﻣﺼﻔﻰ ﻣﺜﻠﺞ
ﺟﺎﻧﺖ ﺗﺤﺠﻲ ﻭﺗﺤﻈﺮ ﺑﻜﻮﺍﺑﺔ ﺍﻟﺠﺎﻱ
ﺧﻠﺼﺖ ﺍﻟﺠﺎﻱ ﻭﺻﺒﻴﺘﻪ ﻭﺍﻧﺘﻘﻠﻨﺎ ﻟﻠﻬﻮﻝ
ﻟﻜﻴﻨﺎ ﻣﺮﻳﻢ ﻃﺎﻟﻌﺔ ﻣﻦ ﺍﻟﺤﻤﺎﻡ ﻭﻛﺎﻋﺪﺓ ﻣﻜﺮﻓﺼﺔ ﻋﺎﻟﻘﻨﻔﺔ
ﻣﺜﻞ ﺍﻟﺒﺰﻭﻧﺔ ﺍﻟﺨﺎﻳﻔﺔ ﺍﻧﻄﻴﺘﻬﺎ ﺍﻟﺠﺎﻱ
ﺍﻧﺘﺒﻬﻨﺎ ﻋﻠﻴﻬﺎ ﺟﺎﻧﺖ ﺩﺗﺮﺟﻒ
ﻛﻌﺪﺕ ﺑﺼﻔﻬﺎ ﻭﻟﻤﻴﺘﻬﺎ ﻟﺤﻀﻨﻲ ﻭﻣﺮﻭﺓ ﻛﻌﺪﺕ ﻛﺪﺍﻣﻨﺎ
ﻣﺮﻭﺓ .. ﻣﺮﻳﻢ ﺍﺭﻳﺪﺝ ﺗﺤﺠﻴﻠﻲ ﻛﻠﺸﻲ ﺑﺎﻟﺤﺮﻑ ﺍﻟﻮﺍﺣﺪ
ﺷﻨﻮ ﺍﻟﺼﺎﺭ ﻭﻟﻴﺶ ﻃﻌﻨﺘﻲ ﺟﻨﺎﻥ ﻭﻟﻴﺶ ﻭﺟﻬﺞ ﻣﺠﺮﻭﺡ
ﺣﺠﻴﺖ .. ﻣﺮﻳﻮﻣﺔ ﺍﺣﺠﻴﻠﻨﺎ ﻛﻠﺸﻲ ﻭﻻ ﺗﺨﺎﻓﻴﻦ
ﻣﻦ ﺍﺣﺪ ﺣﺘﻰ ﻧﻜﺪﺭ ﻧﺴﺎﻋﺪﺝ
ﻭﻧﺎﺧﺬ ﺣﻘﺞ
ﺍﺭﺗﻌﺪ ﺟﺴﻤﻬﺎ ﻭﺭﺟﻔﺔ ﺷﻔﺎﻳﻔﻬﺎ ﻭﺑﺪﺕ ﺗﺤﺠﻴﻠﻨﺎ ﺍﻟﺼﺎﺭ
.. ﻣﺎﻣﺎ ﻣﻦ ﻳﻮﻡ ﺍﻟﻲ ﺩﺧﻠﺘﻮﺍ ﺍﻧﺘﻮﺍ ﻟﺤﻴﺎﺗﻲ ﻭﻫﻲ ﺯﺍﺩﺕ
ﺑﺎﻟﻘﺴﻮﺓ ﻭﺍﻟﺘﺸﺪﻳﺪ ﻋﻠﻴﺔ
ﻣﺎ ﺍﻧﻜﺮ ﻫﻲ ﻣﻦ ﺍﻻﻭﻝ ﺟﺎﻧﺖ ﻗﺎﺳﻴﺔ ﻭﻛﻠﺒﻬﺎ ﻣﻴﺖ
ﺟﺎﻧﺖ ﺩﺍﺋﻤﺎ ﺗﻌﺎﻣﻠﻨﻲ ﺑﻘﺴﻮﺓ
ﻣﻮ ﺑﺲ ﺍﻧﻲ ﺣﺘﻰ ﺍﺣﻤﺪ ﺍﺧﻮﻳﺔ ﺗﻌﺎﻣﻠﻪ ﺑﻘﺴﻮﺓ
ﻫﻲ ﻣﻦ ﺍﻟﻨﻮﻉ ﻋﻨﺪﻫﺎ ﻫﻮﺱ ﺑﺎﻟﺘﺮﺗﻴﺐ ﻭﺍﻟﻨﻈﺎﻡ ﻭﺍﻟﺘﺴﻠﻂ
ﻳﻌﻨﻲ ﺍﺗﻮﻗﻊ ﻟﻮ ﺷﻢ ﺍﻟﻬﻮﻯ ﺗﻜﺪﺭ ﺗﺘﺤﻜﻢ ﺑﻲ ﺟﺎﻥ ﻫﻢ
ﻣﺎ ﺗﺨﻠﻴﻨﺎ ﻧﺘﻨﻔﺲ ﺍﻻ ﺑﺄﺫﻧﻬﺎ
ﻫﺬﺍ ﺍﻟﺤﺠﻲ ﻳﻨﻄﺒﻖ ﻋﻠﻰ ﺍﻟﻜﻞ ﺣﺘﻰ ﻋﻤﻮ ﺍﻣﺠﺪ
ﻣﻦ ﻳﺪﺧﻞ ﻟﻠﺒﻴﺖ ﻳﺼﻴﺮ ﻋﺪﻳﻢ ﺍﻟﺸﺨﺼﻴﺔ ﺣﺎﻟﻪ ﺣﺎﻝ ﻭﻟﺪﻩ ﺣﺎﻟﻲ
ﻛﻠﻨﺎ ﻛﺪﺍﻣﻬﺎ ﺗﺤﺖ ﺍﻣﺮﻫﺎ
ﺟﻨﺖ ﺻﻐﻴﺮﺓ ﻣﻦ ﺍﺷﻮﻓﻬﺎ ﺗﺠﻮﻱ ﺑﺄﺣﻤﺪ ﻋﻠﻤﻮﺩ
ﻳﻐﻠﻂ ﺍﻭ ﻳﺎﺧﺬ ﺩﺭﺟﺔ ﻣﻮ ﺯﻳﻨﺔ ﺑﺎﻻﻣﺘﺤﺎﻥ
ﻣﻦ ﺍﺭﻭﺡ ﺍﺳﺄﻟﻪ ﻳﻜﻠﻲ ﺍﻣﻲ ﺗﺴﻮﻱ ﻫﻴﺞ ﻋﻠﻤﻮﺩ ﻣﺼﻠﺤﺘﻨﺎ
.......
ﻭﺍﻧﻲ ﻣﻦ ﻛﺒﺮﺕ ﺻﺮﺕ ﺣﺎﻟﻲ ﺣﺎﻝ ﺍﺧﻮﺍﻧﻲ
ﺍﺗﻌﺎﻗﺐ ﻭﺍﺳﻜﺖ
ﺟﺎﻥ ﺍﻧﻮﺍﻉ ﺍﻟﻌﻘﺎﺏ ﺻﺎﺭﻣﺔ
ﻣﺎ ﺑﻴﻦ ﺗﺤﺮﻣﻨﺎ ﻣﻦ ﺍﻻﻛﻞ ﺍﻭ ﺗﺠﻮﻳﻨﺎ
ﻳﻌﻨﻲ ﺗﺤﻤﻲ ﺍﻟﺨﺎﺷﻮﻛﺔ ﻭﺗﺤﻄﻬﺎ ﻋﻠﻰ ﺟﻠﺪﻧﺎ
ﺍﺗﺬﻛﺮ ﻣﺮﺓ ﺣﺮﻛﺖ ﺍﺣﻤﺪ ﺍﺧﻮﻳﺔ ﻭﻋﻠﻰ ﺍﺛﺮﻫﺎ ﺩﺧﻞ ﻟﻠﻤﺴﺘﺸﻔﻰ
ﻭﺑﺎﺑﺎ ﺍﺗﻌﺎﺭﻙ ﻭﻳﺎﻫﺎ ﻭﺩﺯ ﻋﻠﻰ ﺍﻫﻠﻬﺎ ﻭﻇﻞ ﻳﺤﺠﻲ
ﻭﺑﻮﻛﺘﻬﺎ ﻫﻲ ﺭﺍﺣﺖ ﺯﻋﻼﻧﺔ ﻭﻳﺔ ﺍﻫﻠﻬﺎ
ﻭﻇﻠﻴﻨﺎ ﺍﺣﻨﺎ ﻭ ﺑﺎﺑﺎ ﺑﺎﻟﺒﻴﺖ ﻟﻮﺣﺪﻧﺎ
ﻭﺻﺪﻙ ﺑﺎﺑﺎ ﻏﺮﻙ ﻭﻣﺎ ﺩﺑﺮﻫﺎ
ﻭﻛﻠﻤﺎ ﻳﺼﻴﺮ ﺷﻲ ﻳﻜﻮﻝ ﺍﻫﻮﻭﻭ ﻋﻤﻲ ﺣﻘﻬﺎ ﺟﻨﺎﻥ ﻣﻦ ﺗﺴﻮﻱ ﺑﻴﻜﻢ
ﻫﻴﺞ
ﻣﺮﻭﺓ .. ﻳﻌﻨﻲ ﺑﺎﺧﺘﺼﺎﺭ ﻋﻤﻮ ﺍﻣﺠﺪ ﻣﺎ ﻳﺴﺘﻐﻨﻰ ﻋﻨﻬﺎ
.. ﻫﻲ ﺑﺎﻟﺤﻘﻴﻘﺔ ﻛﻠﻤﺔ ﺣﻖ ﺗﻨﻜﺎﻝ
ﻫﻲ ﺟﺎﻧﺖ ﺣﻴﻞ ﻣﻠﺘﺰﻣﺔ ﺑﺎﻟﺪﺭﺍﺳﺔ ﻭﺍﻟﻨﻈﺎﻡ
ﻭﻋﻠﻰ ﺍﺛﺮﻫﺎ ﺍﻧﻲ ﻭﺍﺧﻮﺍﻧﻲ ﺟﻨﺎ ﻣﺘﻔﻮﻗﻴﻦ ﺑﺎﻟﻤﺪﺭﺍﺳﺔ
ﻭﺍﻟﺪﻟﻴﻞ ﺍﺧﻮﻱ ﺍﻟﺤﺒﻴﺮ ﺻﻴﺪﻟﺔ ﻭﺍﺣﻤﺪ ﻫﻨﺪﺳﺔ
ﻭﺍﻧﻲ ﻫﻢ ﺷﺎﻃﺮﺓ ﺑﺎﻟﻤﺪﺭﺳﺔ ﻣﺜﻠﻤﺎ ﺗﻌﺮﻓﻮﻥ
ﺑﺲ ﻣﻦ ﺑﺪﻳﺖ ﺍﻛﺒﺮ ﺻﺮﺕ ﺍﺭﻳﺪ ﻫﻮﺍﻱ ﺍﺷﻴﺎﺀ
ﺍﺭﻳﺪ ﺍﺣﺠﻲ ﺑﺤﺮﻳﺔ ﺍﻛﻞ ﺑﺮﺍﺣﺘﻲ ﺍﻧﺎﻡ ﺑﻜﻴﻔﻲ
ﺍﺭﻳﺪ ﺍﺭﺗﻜﺐ ﺍﺧﻄﺎﺋﻲ ﺣﺎﻟﻲ ﺣﺎﻝ ﺍﻟﺒﻨﺎﺕ ﺣﺘﻰ ﺍﺗﻌﻠﻢ
ﺍﺭﻳﺪ ﺍﺿﺤﻚ ﻭﺍﺗﺸﺎﻗﺔ ﻣﺜﻞ ﻫﺪﻯ ﻭﺻﺪﻳﻘﺎﺗﻲ
ﺑﺪﻭﻥ ﻣﺎ ﺍﺧﺎﻑ ﺍﺗﻌﺎﻗﺐ
ﺻﺮﺕ ﺍﺧﺘﻨﻚ ﻣﻦ ﻗﻴﻮﺩﻫﺎ ﻭﻣﻠﺤﺘﻬﺎ ﻋﻜﺲ ﺍﺧﻮﺍﻧﻲ
ﺟﺎﻧﻮﺍ ﺭﺍﺿﻴﻦ ﻋﺎﻟﻮﺿﻮﻉ ﻭﻻ ﻳﻮﻡ ﻭﺍﺣﺪ ﺑﻴﻬﻢ ﺍﻧﺘﻔﺾ ﺑﻮﺟﻬﺎ
ﻭﺍﻋﺘﺮﺽ ﻋﻠﻰ ﺍﺫﻳﺘﻬﺎ ﻭﺗﺴﻠﻄﻬﺎ ﻭﺍﺳﻠﻮﺑﻬﺎ
ﻭﻗﺒﻞ ﺳﻨﺘﻴﻦ ﺑﺎﻟﺘﺤﺪﻳﺪ ﻣﻦ ﺑﺪﻳﺖ ﺍﺳﺘﻮﻋﺐ ﺍﻟﻮﺿﻊ
ﻭﺍﻓﺘﻬﻢ ﺍﻟﺤﻴﺎﺓ ﺍﻛﺘﺸﻔﺖ ﺑﺄﻣﻲ ﻋﻨﺪﻫﺎ ﺻﻔﺔ ﻛﻠﺶ ﺗﺒﺎﻟﻎ
ﺑﻴﻬﺎ ﻭﻫﻲ ﺣﺐ ﺍﻟﺘﻤﻠﻚ
ﺗﺘﻌﺎﻣﻞ ﻭﻳﺎﻱ ﻭﻭﻳﺔ ﺍﻭﻻﺩﻫﺎ ﻋﺒﺎﻟﻚ ﻣﻠﻚ ﺣﺼﺮﻱ ﻓﻘﻂ ﺍﻟﻬﺎ
ﺍﺗﺨﻴﻠﻲ ﺍﺧﻮﻳﺔ ﺣﺴﻦ ﻣﻦ ﺍﺗﺰﻭﺝ
ﻛﺎﻣﺖ ﺗﺴﻮﻱ ﺍﺷﻴﺎﺀ ﻏﺮﻳﺒﺔ ﻋﺠﻴﺒﺔ ﻭﺻﻠﺖ ﺑﻴﻬﺎ
ﻛﻠﻤﺎ ﺣﺴﻦ ﻳﺪﺧﻞ ﻭﻳﺔ ﺯﻭﺟﺘﻪ
ﺗﻜﻮﻡ ﺗﻄﻠﻌﻠﻬﺎ ﺍﻟﻒ ﻋﺬﺭ ﻭﻋﺬﺭ ﻋﻠﻤﻮﺩ ﻳﺠﻲ ﻳﻜﻌﺪ ﻳﻤﻬﺎ
ﻭﺍﻏﻠﺒﻬﺎ ﺗﺴﻮﻱ ﻧﻔﺴﻬﺎ ﻣﺮﻳﻀﺔ ﻭﻣﺘﺨﺮﺑﻄﺔ
....
ﻭﻫﻮ ﻳﺘﺮﻙ ﺯﻭﺟﺘﻪ ﻭﻳﻨﺎﻡ ﻳﻤﻬﺎ ﻣﻐﺼﻮﺏ ﺣﺘﻰ ﻟﻮ ﻳﻌﺮﻑ ﻣﺎﺑﻴﻬﺎ ﺷﻲ
ﺑﺲ ﻫﻮ ﻻﺯﻡ ﻳﺒﻘﻰ ﻧﺎﻳﻢ ﻋﺎﻟﻘﻨﻔﺔ ﻳﻤﻬﺎ
ﻭﻫﻲ ﺣﻴﻞ ﻣﺴﺘﻐﻠﺔ ﻫﺬﺍ ﺍﻟﺸﻲ
ﻭﺍﺫﺍ ﻣﺮﺓ ﺭﺍﺩ ﻳﻄﻠﻊ ﻣﺮﺗﻪ ﻻﺯﻡ ﺗﻄﻠﻊ ﻭﻳﺎﻫﻢ ﻭﻣﺎ
ﺗﺼﻴﺮ ﺍﻱ ﻣﻨﺎﺳﺒﺔ ﺍﺫﺍ ﻣﻮ ﻫﻲ ﻭﻳﺎﻫﻢ ﻣﻴﺼﻴﺮ ﻳﻄﻠﻌﻮﻥ ﻭﺣﺪﻫﻢ
ﻟﺤﺪ ﻣﺎ ﺯﻭﺟﺔ ﺍﺧﻮﻱ ﺍﻧﺘﻔﻀﺖ ﻭﻃﻠﻌﺖ ﺯﻋﻼﻧﺔ ﻭﺭﻓﻀﺖ ﺗﺮﺟﻊ
ﻟﻠﺒﻴﺖ
ﺍﻻ ﻳﺤﻄﻠﻬﺎ ﺑﻴﺖ ﻟﻮﺣﺪﻫﺎ
ﻭﺧﻄﻴﺔ ﻫﻮ ﻳﺤﺐ ﻣﺮﺗﻪ . ﻭﺍﻣﻪ ﻣﻌﺘﺮﺿﺔ
ﺍﺧﺮ ﺷﻲ ﺑﺎﺑﺎ ﺍﺗﺪﺧﻞ ﻭﻛﻠﻪ ﺭﻭﺡ ﺭﺣﻊ ﻣﺮﺗﻚ
ﻭﺍﻃﻠﻊ ﺑﻴﻬﺎ ﺑﺒﻴﺖ ﻟﻮﺣﺪﻛﻢ ﻭﺍﻣﻚ ﻋﻮﻓﻬﺎ ﻋﻠﻴﺔ
ﻭﻣﻦ ﺫﺍﻙ ﺍﻟﻴﻮﻡ ﻟﺤﺪ ﻳﻮﻣﻜﻢ ﻫﺬﺍ ﻣﺎﻣﺎ ﻣﺎ ﺗﺤﺠﻲ ﻭﻳﺔ ﺣﺴﻦ
ﺭﻏﻢ ﺷﻜﺪ ﺣﺎﻭﻝ ﻭﻳﺎﻫﺎ
ﻭﻣﻦ ﻭﻗﺖ ﺣﺴﻦ ﺍﺧﻮﻱ ﻭﻣﺎﻣﺎ ﺯﺍﺩﺕ ﻣﺎ ﻧﻘﺼﺖ ﺑﺘﺴﻠﻄﻬﺎ
ﻭﻗﺴﻮﺗﻬﺎ ﻭﻳﺎﻱ ﺍﻧﻲ ﻭﺍﺣﻤﺪ ﺍﺧﻮﻳﺔ
ﺟﺎﻧﺖ ﻣﺎ ﺗﺘﻬﺎﻭﻥ ﻭﻻ ﺗﺘﻨﺎﺯﻝ ﻋﻦ ﺍﻟﻌﻘﺎﺏ
ﻭﻻ ﺗﻨﺴﻰ ﻭﻻ ﻳﻔﻮﺗﻬﺎ ﺷﻲ
ﺟﺎﻧﺖ ﺗﺠﻴﻨﻲ ﺍﻳﺎﻡ ﺗﻮﻛﻔﻨﻲ ﺳﺎﻋﺘﻴﻦ ﻻﺯﻡ ﻣﺎﺍﺗﺤﺮﻙ ﻣﻦ ﻣﻜﺎﻧﻲ
ﻭﺭﺟﻠﻲ ﺛﺎﺑﺘﻪ ﻭﺍﺫﺍ ﺷﻮﻳﺔ ﺗﺤﺮﻛﺖ ﺗﻀﺮﺑﻨﻲ ﻭﺗﺰﻳﺪ ﻋﻠﻰ ﺍﻟﻤﺪﺓ ﻓﺪ
ﻧﺺ ﺳﺎﻋﻪ ﻭﺍﻧﻲ ﻻﺯﻣﺔ ﻛﺘﺎﺑﻲ ﺍﻗﺮﺓ
.. ﻟﻴﺶ ﺗﺴﻮﻱ ﻫﻴﺞ
.. ﻻﻥ ﺍﻛﺘﺸﻔﺖ ﺑﻴﺔ ﺿﺎﻣﺔ ﻋﻨﻬﺎ ﺩﺭﺟﺎﺗﻲ ﺍﻟﻀﻌﻴﻔﺔ ﺑﻴﻬﻢ
ﺣﺠﻴﺖ ﺑﺤﺮﻛﺔ ﻛﻠﺐ ﻭﺩﻋﻴﺖ ﻋﻠﻴﻬﺎ
.. ﻣﻦ ﺍﻟﻠﻪ ﻻ ﻳﻮﻓﻘﻬﺎ
.. ﺗﺪﺭﻳﻦ ﺷﻴﻤﺎﺀ ﺷﻜﺪ ﺟﻨﺖ ﺍﻛﺮﻫﻜﻢ ﺍﻧﺘﻲ ﻭﺧﻮﺍﻧﻲ
ﺟﻨﺖ ﻛﻠﺶ ﺣﺎﻗﺪﺓ ﻋﻠﻴﻜﻢ
ﺷﻬﻜﺖ ﺑﺼﺪﻣﺔ ﻣﻦ ﺍﻋﺘﺮﺍﻑ ﻣﺮﻳﻢ
.. ﻟﻴﺶ ﻣﺮﻳﻢ ﺗﻜﺮﻫﻴﻨﺎ ﺍﺣﻨﺎ ﺧﻮﺍﺗﺞ ﻭﻧﺤﺒﺞ
.. ﺟﻨﺖ ﻛﻠﻤﺎ ﺍﺷﻮﻓﻜﻢ ﺍﻧﺘﻲ ﻭﺧﻮﺍﺗﻲ ﻣﻦ ﺗﺠﻮﻧﺎ
ﻫﻨﺎﻙ ﻟﻠﺒﻴﺖ ﺍﺷﻮﻑ ﺿﺤﻜﺘﻜﻢ ﻭﺍﺷﻮﻓﺞ ﺷﻠﻮﻥ
ﺗﺘﻌﺎﺭﻛﻴﻦ ﻭﻳﺔ ﺑﻴﺒﻲ ﺳﻠﻴﻤﺔ ﻋﻠﻤﻮﺩ ﺗﺪﺍﻓﻌﻴﻦ ﻋﻦ ﻫﺪﻯ
ﻟﻮ ﺗﺘﻌﺎﺭﻛﻴﻦ ﻭﻳﺔ ﺍﺛﻴﺮ ﻋﻠﻤﻮﺩ ﺗﺤﻤﻴﻦ ﺿﺤﻰ
ﺍﺳﻤﻊ ﻣﻦ ﺑﺎﺑﺎ ﺍﻧﺘﻲ ﺍﻟﻤﺴﺆﻭﻟﺔ ﻭﺍﻡ ﺧﻮﺍﺗﻲ
ﻭﺟﻨﺖ ﻛﻠﻤﺎ ﺍﺗﻌﺎﻗﺐ ﻳﺰﻳﺪ ﺣﻘﺪﻱ ﻭﻛﺮﻫﻲ ﻋﻠﻴﻜﻢ
ﺍﻛﻮﻝ ﻭﺍﻧﻲ ﻭﻳﻦ ﻣﻦ ﻫﺬﺍ ﻛﻠﻪ
ﺟﻨﺖ ﻣﻦ ﺍﺷﻮﻑ ﻫﺪﻯ ﻭﺿﺤﻜﺘﻬﺎ ﻭﺷﻘﺎﻫﺎ ﺟﻨﺖ ﺍﺣﺴﺪﻫﺎ
ﺍﻛﻮﻝ ﻫﻨﻴﺎﻟﻬﺎ ﻋﺎﻳﺸﺔ ﺣﺮﺓ ﻣﺜﻞ ﺍﻟﻔﺮﺍﺷﺔ
....
ﻋﻜﺴﻲ ﺍﻧﻲ ﻋﺼﻔﻮﺭ ﻣﺤﻄﻮﻁ ﺑﻘﻔﺺ ﻣﻦ ﺫﻫﺐ
ﻛﻠﺸﻲ ﻣﻮﺟﻮﺩ ﻭﻣﺘﻮﻓﺮ ﻭﺑﻨﻔﺲ ﺍﻟﻮﻗﺖ ﻛﻠﺸﻲ ﻣﻤﻨﻮﻉ ﻋﻨﻲ
ﻳﻌﻨﻲ ﺍﻟﻲ ﻳﺸﻮﻓﻨﻲ ﻳﺤﺴﺪﻧﻲ
ﺑﻌﺪﻫﺎ ﺻﺮﺕ ﻳﻮﻡ ﻋﻦ ﻳﻮﻡ ﺍﺳﺘﺴﻠﻢ ﻟﺤﻴﺎﺗﻲ ﻭﺍﻃﻴﻊ
ﺍﻭﺍﻣﺮ ﺟﻨﺎﻥ ﻭﻣﺎ ﺍﻃﻠﻊ ﻋﻦ ﺷﻮﺭﻫﺎ ﺣﺎﻟﻲ ﺣﺎﻝ ﺍﺧﻮﺍﻧﻲ
ﺑﺲ ﻣﻦ ﺑﺪﺕ ﺷﻴﻤﺎﺀ ﺗﺘﻮﺍﺻﻞ ﻭﻳﺎﻱ
ﺍﺣﺲ ﻣﺜﻞ ﺷﻤﻌﺔ ﺍﻣﻞ ﺿﻮﺓ ﺣﻴﺎﺗﻲ
ﻫﻴﺞ ﺟﺎﻥ ﺷﻌﻮﺭﻱ ﻣﻦ ﺍﺷﻮﻑ ﺷﻴﻤﺎﺀ ﺗﺠﻴﻨﺎ ﻭﺗﺴﺄﻝ ﻋﻠﻴﺔ
ﻭﻳﺰﻳﺪ ﺍﻣﺎﻧﻲ ﻣﻦ ﺍﺷﻮﻓﻬﺎ ﻣﺼﺮﺓ ﺗﺤﺠﻲ ﻭﺗﺘﻮﺍﺻﻞ ﺑﺄﻱ ﻃﺮﻳﻘﺔ
ﺣﺘﻰ ﺗﺴﻤﻊ ﺻﻮﺗﻲ ﻭﺗﻌﺮﻑ ﺍﺧﺒﺎﺭﻱ
ﻫﺬﺍ ﺍﻟﺸﻲ ﻗﻮﺓ ﻋﻨﺪﻱ ﺍﻻﻣﻞ ﺑﺎﻟﺤﻴﺎﺓ ﺑﻌﺪ ﻣﺎ ﻛﻨﺖ ﻳﺎﺋﺴﺔ
ﺑﺎﻟﻤﻘﺎﺑﻞ ﺟﻨﺎﻥ ﺷﻨﺖ ﻋﻠﻴﺔ ﺍﻟﺤﺮﺏ
ﻭﺧﺎﻑ ﺟﺎﻧﺖ ﺗﺠﻮﻳﻨﻲ ﻋﻠﻤﻮﺩ ﺍﻻﺧﻄﺎﺀ
ﻫﺴﺔ ﺻﺎﺭﺕ ﺍﻳﺪﻫﺎ ﻭﺍﻟﺤﺮﻙ ﻭﻳﺎﻱ
ﺑﺴﺒﺐ ﻭﺑﺪﻭﻥ ﺳﺒﺐ
ﻭﺍﺟﺘﻲ ﺗﺘﺨﺒﻞ ﻣﻦ ﺗﺸﻮﻑ ﺷﻴﻤﺎﺀ ﻛﻞ ﻳﻮﻡ ﺗﺘﺼﻞ ﺑﻴﺔ
ﺣﺎﻭﻟﺖ ﺑﻘﺪﺭ ﺍﻻﻣﻜﺎﻥ ﻭﺑﺎﺑﺎ ﺗﺮﻳﺪﻩ ﻳﻤﻨﻊ ﺷﻴﻤﺎﺀ ﺍﻥ ﺗﺘﻮﺍﺻﻞ ﻭﻳﺎﻳﺔ
ﺑﺲ ﺑﺎﺑﺎ ﺟﺎﻥ ﻳﻜﻠﻠﻬﺎ ﻣﺎﻋﻨﺪﻱ ﺳﺒﺐ ﻳﺨﻠﻴﻨﻲ ﺍﻣﻨﻊ ﺍﻟﺒﻨﻴﺔ ﺗﺘﻮﺍﺻﻞ
ﻭﻳﺔ ﺍﺧﺘﻬﺎ ﺍﻟﺠﺒﻴﺮﺓ ﻫﺬﺍ ﺣﻘﻬﺎ
ﺟﻨﺖ ﺣﻴﻞ ﺧﺎﻳﻔﺔ ﻻ ﺗﺒﻌﺪﺝ ﻋﻨﻲ ﻭﺍﻧﺘﻲ ﺗﺴﺘﻠﻤﻴﻦ ﻭﺗﻌﻮﻓﻴﻨﻲ
ﺑﺲ ﻣﺎﻣﺎ ﻣﻦ ﺷﺎﻓﺖ ﻣﺎﻛﻮ ﺍﻣﻞ ﺍﻥ ﺗﺒﻌﺪﺝ ﻋﻨﻲ ﺧﺎﻓﺖ
ﺗﺎﺧﺬﻳﻨﻲ ﻣﻨﻬﺎ ﺧﺼﻮﺻﺎ ﻣﻦ ﺭﺣﺖ ﻭﻳﺎﻛﻢ ﻟﺒﻴﺖ ﻣﺮﻭﺓ
ﺗﺘﺬﻛﺮﻭﻥ ﺍﻟﻢ ﺍﻟﺤﺮﻛﺔ ﺍﻟﻲ ﺳﺄﻟﺘﻮﻧﻲ ﻋﻨﻬﺎ
.. ﺍﺗﺬﻛﺮ ﻛﻠﺘﻲ ﺑﻮﻛﺘﻬﺎ ﺟﻨﺘﻲ ﺗﻜﻠﻴﻦ ﻭ ﺍﻧﻠﺴﻌﺘﻲ
.. ﻫﺎﻱ ﺟﺎﻧﺖ ﻭﺣﺪﺓ ﻣﻦ ﻋﺸﺮﺍﺕ ﺍﻟﻠﺴﻌﺎﺕ ﺍﻟﻲ ﺍﺗﻌﺮﺿﺘﻠﻬﺎ ﻋﻠﻰ
ﺍﻳﺪ ﺟﻨﺎﻥ
.. ﻟﺞ ﻟﻴﺶ ﻣﺎ ﻛﻠﺘﻴﻨﺎ ﺑﻮﻛﺘﻬﺎ ﻟﻴﺶ ﺳﻜﺘﻲ
ﺟﺎﻥ ﻣﺴﺘﺤﻴﻞ ﺍﻋﻮﻓﺞ ﻋﻨﺪﻫﺎ ﺩﻗﻴﻘﺔ ﻭﺣﺪﺓ ﻫﺎﻱ ﻣﺮﻳﻀﺔ ﻧﻔﺴﻴﺎً ﻣﻮ
ﻃﺒﻴﻌﻴﺔ ﻣﻬﻮﻭﺳﺔ
.. ﻣﺤﺠﻴﺖ ﻻﻥ ﺟﻨﺖ ﺑﻌﺪﻧﻲ ﻣﻤﺘﺄﻛﺪﺓ ﻣﻦ ﻭﺟﻮﺩﻛﻢ ﺑﺤﻴﺎﺗﻲ
ﺑﻌﺪﻧﻲ ﺧﺎﻳﻔﺔ ﺑﺄﻱ ﻟﺤﻈﺔ ﺗﺘﺨﻠﻮﻥ ﻋﻨﻲ ﻭﺗﻌﻮﻓﻮﻧﻲ
ﻣﺜﻠﻤﺎ ﺳﻠﻤﺘﻮﻧﻲ ﺍﻟﻬﺎ ﻭﺍﻧﻲ ﻃﻔﻠﺔ ﺑﺎﻟﻜﻤﺎﻁ ﻻﺣﻮﻝ ﻭﻻ ﻗﻮﺓ
ﻛﻞ ﻛﻠﻤﺔ ﺗﺤﺠﻴﻬﺎ ﺟﺎﻧﺖ ﺑﻴﻬﺎ ﺍﻟﻒ ﺣﺴﺮﺓ
ﻣﺮﻭﺓ ﺑﺎﻭﻋﺖ ﻋﻠﻴﺔ ﻭﺭﺟﻌﺖ ﺑﺎﻭﻋﺖ ﻟﻤﺮﻳﻢ
.. ﺍﻧﺘﻲ ﺣﻴﻞ ﻏﻠﻄﺎﻧﺔ ﻭﻣﺘﻮﻫﻤﺔ ﺑﺘﻔﻜﻴﺮﺝ
ﻭﺑﺎﻟﺬﺍﺕ ﺷﻴﻤﺎﺀ ﺍﻟﻮﺣﻴﺪﺓ ﺍﻟﻲ ﺟﺎﻧﺖ ﻣﺘﻤﺴﻜﺔ ﺗﺒﻘﻴﻦ ﻭﻳﺎﻧﺎ
ﻭﺑﺤﻀﻨﻬﺎ
ﻭﺣﻴﻞ ﻣﺘﻌﻠﻘﺔ ﺑﻴﺞ ﺑﺲ ﺣﻜﻢ ﺍﻟﻘﻮﻱ ﻋﺎﻟﻀﻌﻴﻒ
ﻫﻲ ﻫﻢ ﻣﺜﻠﺞ ﺍﻛﻮ ﻣﻦ ﻳﺤﻜﻤﻬﺎ ﻭﻳﻔﺮﺽ ﻋﻠﻴﻬﺎ ﻗﻮﺗﻪ
ﺍﻧﺘﻲ ﺍﻟﻠﻪ ﺳﻠﻂ ﻋﻠﻴﺞ ﺟﻨﺎﻥ ﻭﺍﺣﻨﺎ ﺍﻟﻠﻪ ﺳﻠﻂ ﻋﻠﻴﻨﺎ ﺍﺛﻴﺮ
......
ﻫﻮ ﻣﻦ ﺍﻟﻴﻮﻡ ﺍﻟﻌﺰﻣﺘﻴﻨﺎ ﺑﻲ
ﺍﻧﻲ ﺑﺪﻳﺖ ﺍﺗﻐﻴﺮ ﻭﺍﻃﺎﻟﺐ ﺑﺎﺑﺎ ﻳﻮﺩﻳﻨﻲ ﻟﺒﻴﺖ ﺳﻠﻴﻤﺔ ﺣﺘﻰ ﺍﺷﻮﻑ
ﺷﻴﻤﺎﺀ
ﺑﺲ ﺍﻣﻲ
ﺍﻋﺮﻓﻬﺎ ﻛﻠﺶ ﺯﻳﻦ ﺣﺴﺖ ﺑﺎﻟﺘﻬﺪﻳﺪ ﻣﻦ ﺗﻘﺮﺏ ﺷﻴﻤﺎﺀ ﻛﻞ ﺿﻨﻬﺎ ﺭﺍﺡ
ﺗﺎﺧﺬﻧﻲ ﻣﻨﻬﺎ
ﻭﺟﺎﻥ ﺍﻟﺒﺎﺭﺣﺔ ﺗﺼﺪﻣﻨﺎ ﻛﻠﻨﺎ ﺑﻘﺮﺍﺭﻫﺎ
ﻣﻦ ﻛﺎﻟﺖ ﺍﺭﻳﺪ ﺍﺯﻭﺝ ﺍﺣﻤﺪ ﻟﻤﺮﻳﻢ
ﻳﻌﻨﻲ ﺍﻧﺘﻮﺍ ﺷﺎﻳﻔﻴﻴﻦ ﺍﻭ ﺳﺎﻣﻌﻴﻦ ﻭﺣﺪﺓ ﺗﺘﺰﻭﺝ ﺍﺧﻮﻫﺎ
ﺟﻨﺖ ﻣﺼﺪﻭﻣﺔ ﻭﻣﻤﺴﺘﻮﻋﺒﺔ ﺍﻟﻮﺿﻊ
ﺣﻘﻲ ﻻﻥ ﻋﺸﺖ ﻃﻮﻝ ﻋﻤﺮﻱ ﺍﺷﻮﻓﻬﻢ ﺍﺧﻮﺍﻧﻲ
ﻭﻫﻤﺔ ﻫﻢ ﺑﺎﻟﻤﻘﺎﺑﻞ ﻳﻌﺎﻣﻠﻮﻧﻲ ﻣﺜﻞ ﺍﺧﺘﻬﻢ ﺍﻟﺼﻐﻴﺮﺓ
ﺍﺑﺎﻭﻉ ﻋﻠﻰ ﻣﺮﻳﻢ ﻛﺎﻣﺖ ﺗﺤﺠﻲ ﻭﺗﺒﺠﻲ
ﻭﺍﻧﻲ ﻭﻣﺮﻭﺓ ﻣﺼﺪﻭﻣﺎﺕ ﻣﻦ ﺍﻟﻲ ﻋﺮﻓﻨﺎﻩ
ﻣﺮﻳﻢ .. ﻫﻮ ﺣﺘﻰ ﺍﺣﻤﺪ ﻣﻦ ﻛﺎﻟﺘﻠﻪ ﻣﺎﻣﺎ
ﺭﺍﺡ ﺍﺯﻭﺟﻚ ﻣﺮﻳﻢ
ﺟﺎﻭﺑﻬﺎ ﻣﺼﺪﻭﻡ .. ﻣﺎﻣﺎ ﺷﻨﻮ ﻫﺬﺍ ﺍﻟﺤﺠﻲ ﺍﺳﺘﻐﻔﺮﻱ ﺭﺑﺞ
ﻣﺎ ﻳﺠﻮﺯ ﺷﻠﻮﻥ ﺗﺮﺩﻳﻨﻲ ﺍﺗﺰﻭﺝ ﺍﺧﺘﻲ
ﻳﻌﻨﻲ ﺑﻨﺎﺕ ﺍﻟﻌﺎﻟﻢ ﺧﻠﺼﻮﺍ ﻣﺎ ﻟﻜﻴﺘﻲ ﺍﻻ ﻣﺮﻳﻢ ﺍﺧﺘﻲ
ﺍﺗﺰﻭﺟﻬﺎ
ﺟﻨﺎﻥ .. ﻻ ﻫﻲ ﻣﻮ ﺍﺧﺘﻚ ﻫﻲ ﺑﻨﺖ ﻋﻤﻚ ﻭﺍﻧﺖ ﺗﻌﺮﻑ ﻛﻠﺶ ﺯﻳﻦ
ﻭﺍﻧﺎ ﺍﺧﺎﻑ ﻋﻠﻴﻚ ﻣﺎ ﺍﺭﻳﺪﻙ ﺗﺎﺧﺬ ﻏﺮﻳﺒﺔ ﻣﺜﻞ ﺍﺧﻮﻙ ﺣﺴﻦ ﻭﺗﺮﻭﺡ
ﻭﺗﻌﻮﻓﻨﻲ
ﺍﺣﻤﺪ ﺑﺎﻟﺬﺍﺕ ﺟﺎﻥ ﺩﺍﺋﻤﺎ ﻳﻌﺎﻣﻠﻨﻲ ﺑﺄﺧﻮﻳﺔ ﺑﺲ ﻣﻊ ﺍﻻﺳﻒ
ﺗﺴﻠﻂ ﺍﻣﻲ ﻭﺗﺤﻜﻤﻬﺎ
ﻛﻠﻤﺘﻬﺎ ﻋﻠﻴﻬﻢ ﺗﻤﺸﻴﻬﺎ ﻣﺜﻞ ﺍﻟﺴﻴﻒ
ﻭﻣﺜﻞ ﻛﻞ ﻣﺮﺓ ﺍﺣﻤﺪ ﻳﺴﺘﺴﻠﻢ ﻭﻳﺨﻀﻊ ﻟﻜﻼﻡ ﺍﻣﻲ
ﻻﻥ ﻫﻮ ﺻﺤﻴﺢ ﺣﺒﺎﺏ ﺑﺲ ﻣﺎ ﻋﻨﺪﻩ ﺷﺨﺼﻴﺔ
ﻭﺍﻟﻴﻮﻡ ﻫﻲ ﺍﺟﺘﻲ ﺗﺒﻠﻐﻨﻲ ﺍﺳﺘﻌﺪ ﺣﺘﻰ ﺗﺎﺧﺬﻧﻲ ﻟﻠﺴﻮﻙ ﻭﺗﺠﻬﺰﻧﻲ
ﻟﻠﻤﻬﺮ
ﺍﻧﻲ ﺭﻓﻀﺖ ﻭﻛﻠﺘﻠﻬﺎ ﻣﺴﺘﺤﻴﻞ ﺍﻭﺍﻓﻖ ﻋﺎﻟﺰﻭﺍﺝ ﻣﻮ ﺑﻜﻴﻔﺞ ﺍﻧﻲ
ﺍﺗﺰﻭﺝ
ﻫﻲ ﺳﻤﻌﺖ ﺭﺩﻱ ﻣﻨﺎ ﻭﻫﻲ ﺗﺨﺒﻠﺖ
ﺻﺎﺭﺕ ﺗﻀﺮﺏ ﺑﻌﺼﺒﻴﺔ ﺑﻴﺔ ﺑﺤﻴﺚ ﻓﻘﺪﺕ ﻛﻞ ﺍﺛﺮ ﻟﻠﺘﻌﻘﻞ
ﺟﻨﺖ ﺑﻠﺤﻈﺘﻬﺎ ﻛﻠﺶ ﺧﺎﻳﻔﺔ ﻋﻠﻰ ﻧﻔﺴﻲ
ﺧﺎﻑ ﺗﺴﻮﻱ ﺑﻴﺔ ﺷﻲ ﻭﻣﺤﺪ ﺑﺎﻟﺒﻴﺖ ﻳﺨﻠﺼﻨﻲ ﻣﻨﻬﺎ
ﻭﺻﺪﻙ ﺟﺎﻥ ﺷﻜﻲ ﺑﻤﺤﻠﻪ ﺟﺎﻥ ﻋﺎﻟﻤﻴﺰ ﻣﺎﻟﺘﻲ
ﻣﺒﺮﺩ ﻣﺎﻝ ﺍﻇﺎﻫﺮ
.....
ﻛﺒﻞ ﻟﺰﻣﺘﻪ ﻭﺿﺮﺑﺘﻨﻲ ﻋﻠﻰ ﻭﺟﻬﻲ ﻭﻫﻲ ﺗﺘﻮﻋﺪ ﻭﺗﺘﺤﻠﻒ
ﺗﻜﻠﻲ ﺍﻣﻮﺗﺞ ﺍﺫﺍ ﺭﻓﻀﺘﻲ
ﺍﻟﻴﻮﻡ ﻳﺠﻲ ﺍﺑﻮﺝ ﻳﺴﺄﻟﺞ ﺗﺒﻠﻐﻴﻨﻪ ﻣﻮﺍﻓﻘﺘﺞ
ﻭﺣﺘﻰ ﻟﻮ ﺭﻓﻀﺘﻲ ﺍﺧﻠﻲ ﻳﺬﺑﺤﺞ
ﺟﻨﺖ ﺍﺗﻠﻤﺲ ﺑﻮﺟﻬﻲ ﺧﺎﻳﻔﺔ ﺑﺲ ﻣﻦ ﺷﻔﺖ
ﺍﻟﺪﻡ ﺍﺣﺲ ﺭﺍﺩ ﻳﻐﻤﻰ ﻋﻠﻴﺔ ﻣﻦ ﺍﻟﻔﺰﻉ
ﻭﺣﺠﻴﺖ .. ﺍﻧﺘﻲ ﺍﻧﺴﺎﻧﺔ ﻣﺮﻳﻀﺔ ﻭﻻﺯﻡ ﺗﺘﻌﺎﻟﺠﻴﻦ
ﻫﻲ ﻣﺎ ﺍﻧﻄﺘﻨﻲ ﻣﺠﺎﻝ ﺍﻛﻤﻞ ﻛﻼﻣﻲ ﻛﺒﻞ ﻫﺠﻤﺖ ﻋﻠﻴﺔ ﻭﺑﻴﺪﻫﺎ
ﺍﻟﻤﺒﺮﺩ
ﺻﺮﺕ ﺍﺗﻼﻭﺓ ﻭﻳﺎﻫﺎ ﻭﺍﺧﺘﻞ ﺗﻮﺍﺯﻧﻲ ﻭﻭﻛﻌﺖ ﺑﺎﻟﻜﺎﻉ ﻭﻫﻲ
ﺻﺎﺭﺕ ﻓﻮﻛﻲ
ﺟﻨﺖ ﻣﺎ ﺍﻓﻜﺮ ﺑﺄﻱ ﺷﻲ ﻏﻴﺮ ﺷﻠﻮﻥ ﺍﺧﻠﺺ ﻧﻔﺴﻲ ﻣﻦ ﺑﻴﻦ ﺍﻳﺪﻳﻬﺎ
ﻻﻥ ﻧﻴﺘﻬﺎ ﻭﺍﺿﺤﺔ ﺗﺮﻳﺪ ﺗﺸﻮﻩ ﻭﺟﻬﻲ
ﺭﻓﻌﺖ ﺍﻟﻤﺒﺮﺩ ﻭﻭﺟﻬﺘﻪ ﻋﻠﻴﺔ ﻭﺍﻧﻲ ﻟﺰﻣﺖ ﺍﻳﺪﻫﺎ ﺍﻣﻨﻌﻬﺎ
ﺣﺘﻰ ﻣﺘﻮﺻﻞ ﻟﻮﺟﻬﻲ ﻣﺮﺓ ﺍﻟﻠﺦ
ﺑﺄﺛﻨﺎﺀ ﻣﺠﻨﺖ ﺍﺗﻼﻭﺓ ﻭﻳﺎﻫﺎ ﻭﻛﻊ ﻣﻨﻬﺎ ﺍﻟﻤﺒﺮﺩ ﻭﻛﺒﻞ ﻟﺰﻣﺘﻪ ﻭﻃﻌﻨﺘﻬﺎ
ﺑﻴﺪﻫﺎ ﺑﺪﻭﻥ ﻣﺎ ﺍﺣﺲ ﻋﻠﻰ ﻧﻔﺴﻲ
ﺻﺮﺧﺔ ﺑﺄﻟﻢ ﻭﻟﺰﻣﺖ ﺍﻳﺪﻫﺎ ﻣﻜﺎﻥ ﺍﻟﻄﻌﻨﺔ ﻭﻛﺎﻣﺖ ﺗﻨﺰﻑ
ﻭﺍﻧﻲ ﻛﺒﻞ ﺩﻓﻌﺘﻬﺎ ﻣﺎ ﺍﻋﺮﻑ ﻣﻨﻴﻦ ﺍﺟﺘﻨﻲ ﺍﻟﻘﻮﺓ
ﺑﺲ ﻳﻤﻜﻦ ﺍﻟﺨﻮﻑ ﻳﻨﻄﻲ ﻗﻮﺓ ﺧﺎﺭﻗﺔ ﻭﺍﺭﺍﺩﺓ ﻟﻠﺤﻴﺎﺓ ﻋﺠﻴﺒﺔ
ﻣﻦ ﺩﻓﻌﺘﻬﺎ ﻭﺑﺪﻳﺖ ﺍﻛﻮﻡ ﺑﺲ ﻫﻲ ﻟﺰﻣﺘﻨﻲ ﻣﻦ ﺭﺟﻠﻴﺔ
.. ﻭﻟﺞ ﺍﻟﻴﻮﻡ ﻣﺤﺪ ﻳﺨﻠﺼﺞ ﻣﻨﻲ
ﺟﻨﺖ ﺷﺒﻪ ﻭﺍﻛﻔﺔ ﺑﺲ ﻣﻤﺴﻴﻄﺮﺓ ﻻﻥ ﻫﻲ ﺟﺎﻧﺖ ﺗﺴﺤﺒﻨﻲ ﻣﻦ
ﺭﺟﻠﻲ ﺣﺘﻰ ﻳﺨﺘﻞ ﺗﻮﺍﺯﻧﻲ ﺍﻭﻛﻊ
ﺭﻓﻌﺖ ﺭﺍﺳﻲ ﻭﺟﺎﻥ ﺍﺷﻮﻑ ﺍﻟﺸﺎﺣﻦ USB
ﺟﺎﻥ ﻛﻠﺶ ﺛﻘﻴﻞ ﺻﺮﺕ ﺍﺗﺼﺎﺭﻉ ﺑﻴﺔ ﻣﺎ ﺑﻴﺔ ﺣﺘﻰ ﺍﻭﺻﻠﻪ
ﺷﻠﺘﻪ ﺑﻜﻞ ﻣﺎﻋﻨﺪﻱ ﻣﻦ ﻗﻮﺓ ﻭﺿﺮﺑﺘﻬﺎ ﺑﺮﺍﺳﻬﺎ
ﺑﺪﻭﻥ ﺷﻌﻮﺭ ﻫﻲ ﻭﻛﻌﺖ ﻣﻦ ﺍﻭﻝ ﺿﺮﺑﺔ
ﻭﺍﻧﻲ ﻛﺒﻞ ﺍﺑﺘﻌﺪﺕ ﻋﻨﻬﺎ
ﺑﺲ ﻣﻨﺎ ﻋﻠﻰ ﻣﺎ ﺍﺳﺘﻮﻋﺒﺖ ﺍﻧﻲ ﺷﻨﻮ ﺳﻮﻳﺖ
ﻭﺷﻜﺒﺮﻫﺎ ﺍﻟﻤﺼﻴﺒﺔ ﺍﻟﻲ ﻭﻛﻌﺖ ﻋﻠﻰ ﺭﺍﺳﻲ
ﻛﺎﻥ ﻭﻗﺘﻬﺎ ﻓﺎﺕ ﺍﻻﻭﺍﻥ ﻋﻦ ﺍﻟﺘﺮﺍﺟﻊ ﺑﺄﺗﺨﺎﺫ ﺍﻟﻘﺮﺍﺭ
ﻭﺍﻟﻤﻮﺿﻮﻉ ﻃﻠﻊ ﻣﻦ ﺍﻳﺪﻱ ﻭﺑﻜﻞ ﺿﻨﻲ ﻫﻲ ﻣﺎﺗﺖ ﻻﻥ
ﺍﺗﺤﺮﻛﺖ ﻭﺍﻟﺪﻡ ﻛﺎﻡ ﻳﻄﻠﻊ ﻣﻨﻬﺎ ﺑﻐﺰﺍﺭﺓ
ﻣﺎ ﺍﻋﺮﻑ ﺷﺘﺼﺮﻑ ﺑﻮﻗﺘﻬﺎ ﺑﺲ ﺻﺮﺕ ﺍﺗﺒﻊ ﺍﻭﺍﻣﺮ ﻋﻘﻠﻲ
ﺍﻟﻤﻔﺰﻭﻉ ﻛﺒﻞ ﻃﻠﻌﺖ ﻣﻦ ﺍﻟﺒﻴﺖ ﺍﺭﻛﺾ ﻣﺜﻞ ﺍﻟﻤﺨﺒﻠﺔ
ﻭﻣﺎﻟﻜﻴﺖ ﺭﻭﺣﻲ ﺍﻻ ﻭﺍﻧﻲ ﺑﺒﺎﺏ ﺑﻴﺒﻲ ﺳﻠﻴﻤﺔ
ﻳﺎ ﺍﻟﻠﻪ ﺟﺎﻧﺖ ﻭﺗﺤﺠﻲ ﻣﺮﺩﺕ ﻛﻠﺒﻲ
......
ﻟﻤﻴﺘﻬﺎ ﺑﺤﻈﻨﻲ .. ﻛﺎﻓﻲ ﺑﺠﻲ ﻭﻟﺘﺨﺎﻓﻴﻦ
ﺟﻨﺎﻥ ﻋﺎﻳﺸﺔ ﻣﺎ ﺑﻴﻬﺎ ﺷﻲ ﻛﺪﺭﻭﺍ ﻳﺘﻼﺣﻜﻮﻟﻬﺎ
ﺿﻤﺖ ﺭﺍﺳﻬﺎ ﺑﺤﻈﻨﻲ ﻭﻫﻲ ﺗﺮﺟﻒ
.. ﻣﺮﻳﻢ ﺍﺭﻳﺪﺝ ﺗﻮﻋﺪﻳﻨﻲ ﺗﺼﻴﺮﻳﻦ ﻗﻮﻳﺔ ﻭﺗﻮﺛﻘﻴﻦ ﺑﻴﺔ
ﺍﻧﻲ ﻣﺴﺘﺤﻴﻞ ﺍﺗﺮﻛﺞ ﻟﻮ ﻋﻠﻰ ﻣﻮﺗﻲ
ﺭﻓﻌﺖ ﺭﺍﺳﻬﺎ ﻭﺑﺎﻭﻋﺘﻠﻲ ﻭﺍﻟﺪﻣﻮﻉ ﻣﻌﻠﻜﺔ ﺑﺮﻣﻮﺷﻬﺎ
ﻭﺣﺠﺖ ﺑﻮﻫﻦ
.. ﺗﺪﺭﻳﻦ ﺷﻴﻤﺎﺀ ﺍﻛﻮ ﻗﺎﻧﻮﻥ ﻋﺪﻧﺎ ﺑﺎﻟﻔﻴﺰﻳﺎ ﻳﻜﻮﻝ
ﻟﻜﻞ ﻓﻌﻞ ﺗﻮﺟﺪ ﻫﻨﺎﻙ ﺭﺩﺓ ﻓﻌﻞ ﺗﻌﺎﻛﺴﻪ ﺑﺎﻻﺗﺠﺎﻩ
ﺗﺴﺎﻭﻳﻪ ﺑﺎﻟﻘﻮﺓ
ﺍﻧﻲ ﺟﻨﺖ ﻣﺘﺤﻤﻠﺔ ﺍﻓﻌﺎﻝ ﺟﻨﺎﻥ ﻻﻥ ﺟﺎﻧﺖ ﺭﺩﺓ ﻓﻌﻠﻲ
ﺿﻌﻴﻔﺔ ﻏﻴﺮ ﻣﺪﻋﻮﻣﺔ
ﺑﺲ ﻭﺟﻮﺩﺝ ﺷﻴﻤﺎﺀ ﺑﺤﻴﺎﺗﻲ ﺍﻋﻄﺎﻧﻲ ﺍﻟﻘﻮﺓ ﺍﻟﻜﺎﻓﻴﺔ
ﻟﺤﺘﻰ ﺍﻭﻛﻒ ﺑﻮﺟﻪ ﺟﻨﺎﻥ ﻭﺍﻭﺍﺟﻬﺎ ﻭﺍﻋﺘﺮﺽ ﻋﻠﻰ ﻛﻞ ﻇﻠﻤﻬﺎ
ﺩﻙ ﻧﻘﺎﻟﻲ ﻭﺟﺎﻥ ﺍﻟﻤﺘﺼﻞ ﻫﺪﻯ ﺗﺘﻄﻤﻦ ﻋﻠﻰ ﻣﺮﻳﻢ ﻭﺻﺮﺕ ﺍﺣﺠﻲ
ﻟﻬﺪﻯ ﻋﻦ ﺍﻟﺼﺎﺭ ﺑﻤﺮﻳﻢ
ﻭﺍﻧﺘﺒﻬﺖ ﻟﻤﺮﻭﺓ ﻛﺎﻣﺖ ﻣﻦ ﻣﻜﺎﻧﻬﺎ ﻭﺍﺧﺬﺕ ﻣﺮﻳﻢ
ﺣﺘﻰ ﺗﻨﺎﻡ
ﺧﻠﺼﺖ ﺍﻻﺗﺼﺎﻝ ﻭﺟﺎﻥ ﺗﺠﻲ ﻣﺮﻭﺓ
.. ﻫﺎ ﻣﺮﻳﻢ ﻧﺎﻣﺖ
.. ﺍﻱ ﺍﻧﻄﻴﺘﻬﺎ ﺷﻮﻳﺔ ﺣﺒﻮﺏ ﻣﻬﺪﺋﺔ ﺣﺘﻰ ﺗﺴﺎﻋﺪﻫﺎ ﺗﻨﺎﻡ
ﻻﻥ ﺍﻟﺼﺎﺭ ﻫﻮﺍﻱ ﻋﻠﻰ ﻋﻘﻠﻬﺎ ﻳﺘﺤﻤﻠﻪ
ﻛﻌﺪﺕ ﺑﺼﻔﻲ ﻋﺎﻟﻘﻨﻔﺔ ﻭﺻﺎﺭﺕ ﺗﺒﺎﻭﻉ ﻛﺪﺍﻣﻬﺎ ﺻﺎﻓﻨﺔ
.. ﺩﻙ ﻧﻘﺎﻟﻬﺎ ﻭﺭﺩﺕ ﻭﺟﺎﻥ ﺍﻟﻤﺘﺼﻞ ﺯﻭﺟﻬﺎ
ﻣﺮﻭﺓ .. ﺭﺍﻓﺪ ﺷﻮﻛﺖ ﺗﺮﺟﻊ ﻣﻦ ﺍﻟﺴﻔﺮ
ﻣﺸﻤﺶ ﺗﺴﺄﻝ ﻋﻠﻴﻚ
.. ﺗﻤﺎﻡ ﺑﺎﺟﺮ ﻭﺭﺓ ﺍﻟﻈﻬﺮ ﺍﺩﺯﻟﻚ ﺍﻟﺴﺎﻳﻖ ﻳﺠﻲ ﻳﺎﺧﺬﻙ ﻣﻦ ﻳﻢ ﺍﻟﻤﻄﺎﺭ
ﻳﺎﻟﻠﻪ ﻟﻌﺪ ﻧﻨﺘﻈﺮﻙ ﻋﺎﻟﻐﺪﺓ ﻋﻠﻰ ﻓﻜﺮﺓ ﺷﻴﻤﺎﺀ ﻭﻣﺮﻳﻢ ﺍﺧﺘﻲ ﻳﻤﻲ
.. ﺍﻟﻠﻪ ﻳﺴﻠﻤﻚ
ﺍﻧﻬﺖ ﺍﻻﺗﺼﺎﻝ ﻭﺑﺎﻭﻋﺖ ﻋﻠﻴﺔ ﺗﺒﺘﺴﻢ
.. ﺭﺍﻓﺪ ﻳﺴﻠﻢ ﻋﻠﻴﻜﻢ
.. ﺍﻟﻠﻪ ﻳﺴﻠﻤﻪ
ﺍﻛﻮﻝ ﻣﺮﻭﺓ ﺗﺮﺓ ﺍﻧﻲ ﻣﻦ ﻫﺴﺔ ﺍﻛﻠﺞ ﺑﺎﺟﺮ ﺍﺭﺟﻊ ﻟﺒﻴﺘﻨﺎ
ﻭﻣﺮﻳﻢ ﺗﺒﻘﻰ ﻳﻤﺞ
.. ﻻ ﻻ ﻣﺴﺘﺤﻴﻞ ﻻ ﺗﻔﻜﺮﻳﻦ ﺑﻴﻬﺎ ﻣﺎﻝ ﺍﻋﻮﻓﺞ ﺗﺮﺟﻌﻴﻦ ﻻﺛﻴﺮ ﺍﻧﺴﻲ
ﺣﺒﻴﺒﺘﻲ
.. ﻻ ﻣﺮﻭﺓ ﻟﺤﻈﺔ ﻫﺬﺍ ﺍﻟﺸﻲ ﺧﺎﺹ ﺑﻴﺔ ﻣﺤﺪ ﺍﻟﻪ ﺩﺧﻞ ﺑﻲ
ﻣﺴﺘﺤﻴﻞ ﺍﺭﺿﻰ ﻋﻠﻰ ﻧﻔﺴﻲ ﺍﻋﻴﺶ ﻭﻳﺔ ﺍﺧﺘﻲ ﻭﺯﻭﺟﻬﺎ
ﺷﻨﻮ ﺷﻜﻠﺞ ﻧﺴﻴﺘﻴﻨﻲ ﺍﻧﻲ ﺷﻴﻤﺎﺀ ﺍﺧﺘﺞ ﺍﻟﺠﺒﻴﺮﺓ
ﺍﻟﻲ ﺍﺗﺤﻤﻠﺖ ﺫﻝ ﻭﻗﻬﺮ ﺳﻠﻴﻤﺔ ﻭﺍﺗﺠﺮﻋﺖ ﻛﻠﺸﻲ
ﺑﺲ ﺑﻘﻴﺖ ﻋﻨﺪﻫﺎ ﻣﺎ ﻃﻠﻌﺖ ﺑﺮﺓ ﺑﻴﺘﻨﺎ
ﻣﻬﻤﺎ ﻳﻜﻮﻥ ﻳﺒﻘﻰ ﻫﺬﺍ ﺑﻴﺖ ﺟﺪﻧﺎ ﻭﺍﺣﻨﺎ ﻏﺼﺒﺎً ﻋﻠﻴﻬﻢ ﻳﺨﻠﻮﻧﺎ ﻧﻌﻴﺶ
ﺑﻲ
.....
ﺑﺲ ﺑﻴﺖ ﺯﻭﺟﺞ ﻻ ﺍﺷﻮﻓﻬﺎ ﻭﺍﻛﻔﺔ ﺍﻧﺘﻲ ﻭﺯﻭﺟﺞ ﺗﺮﺩﻭﻥ ﺗﺎﺧﺬﻭﻥ
ﺭﺍﺣﺘﻜﻢ ﻟﻮﺣﺪﻛﻢ ﺑﺨﺼﻮﺻﻴﺎﺗﻜﻢ ﺍﻧﻲ ﺷﻜﻮ ﻛﺎﻋﺪﺓ ﺑﻴﻨﻜﻢ ﺷﻨﻮ
ﺧﺮﺍﻋﺔ ﺧﻀﺮﺓ ﻣﺜﻼ
.. ﻫﻬﻬﻬﻪ ﺣﻴﻞ ﺍﻧﺘﻲ ﻭﺍﻟﻠﻪ ﺭﺍﻳﺤﺔ ﺑﻌﻴﺪ
ﺣﺒﻴﺒﺘﻲ ﺷﻴﻤﺎﺀ ﻫﺬﺍ ﺍﻟﺒﻴﺖ ﻭﺍﻟﻌﻴﺎﺩﺓ ﻭﺍﻟﻤﺮﻛﺰ ﻛﻠﻬﻢ ﺑﺄﺳﻤﻲ
ﺳﻮﻳﺘﻬﻢ ﺑﺘﻌﺒﻲ ﺭﺍﻓﺪ ﻣﺎﻟﻪ ﺍﻱ ﺷﻲ ﺑﺤﻼﻟﻲ
ﻟﺞ ﻫﻮ ﺣﺘﻰ ﺍﻟﺴﻴﺎﺭﺓ ﺍﻟﺤﺪﻳﺜﺔ ﺍﻟﻲ ﺭﺍﻛﺒﻬﺎ ﺍﻧﻲ ﻣﺸﺘﺮﻳﺘﻬﺎ ﺍﻟﻪ
ﺭﺍﻓﺪ ﺻﺤﻴﺢ ﻣﻦ ﺍﺗﺰﻭﺟﺘﻪ ﺟﺎﻥ ﻋﻨﺪﻩ ﻭﺭﺙ ﺍﺑﻮﻩ ﺑﺲ ﻫﻮ ﺻﺮﻓﻪ
ﻋﻠﻰ ﺍﻟﻠﻌﺐ ﻭﺍﻟﺪﻳﺎﺣﺔ
ﻫﻮ ﻃﺒﻌﻪ ﺻﺮﺍﻑ ﺗﻼﻑ ﻋﻜﺴﻲ ﺗﻤﺎﻣﺎ
.. ﺍﻛﻠﺞ ﻫﺴﺔ ﻫﻮ ﺷﻨﻮ ﻳﺸﺘﻐﻞ
.. ﺩﻛﺘﻮﺭ ﺟﺎﻣﻌﻲ ﻳﻨﻄﻲ ﻣﺤﺎﺿﺮﺍﺕ
ﻭﺭﺍﺗﺒﻪ ﻣﺎ ﻳﻜﺪﺭ ﻳﻮﻓﺮﻟﻪ ﺍﻟﺒﺬﺥ ﺍﻟﻲ ﻋﺎﻳﺶ ﺑﻲ ﻫﺴﺔ ﻛﻠﻪ ﺑﺤﻼﻟﻲ
ﻭﺑﺘﻌﺒﻲ
ﻟﺬﻟﻚ ﺍﺭﻳﺪ ﺗﺨﻠﻴﻦ ﺑﺒﺎﻟﺞ ﻫﺬﺍ ﺑﻴﺖ ﺍﺧﺘﺞ ﻣﻌﻨﺎﻫﺎ ﺑﻴﺘﺞ
.. ﺣﺘﻰ ﻟﻮ ﻣﺎ ﺭﺍﺡ ﻳﻐﻴﺮ ﻣﻦ ﺗﻔﻜﻴﺮﻱ ﺷﻲ ﺍﺑﻘﻰ ﻣﺘﻄﻔﻠﺔ ﻋﻠﻰ
ﺣﻴﺎﺗﻜﻢ ﺍﻟﺨﺎﺻﺔ
ﻭﺍﺩﺭﻱ ﺑﻴﺞ ﺍﻧﺘﻲ ﺧﺎﻳﻔﺔ ﻋﻠﻴﺔ ﻣﻦ ﺍﺛﻴﺮ
ﺑﺲ ﺍﺗﻄﻤﻨﻲ ﺍﺛﻴﺮ ﻣﺎ ﺑﻴﺪﻩ ﺷﻲ ﻳﺴﻮﻱ
ﻻﻥ ﺍﻧﻲ ﺑﺎﺏ ﺭﺯﻗﻪ
ﻣﺤﺪ ﻳﺪﻓﺮ ﻧﻌﻤﺘﻪ ﺑﺮﺟﻠﻴﻪ ﺍﻻ ﻣﺠﻨﻮﻥ ﻭﺍﺛﻴﺮ
ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ ﻳﻨﺠﻦ
ﻫﺪﻯ
ﺍﻟﻴﻮﻡ ﻛﻌﺪﺕ ﻣﻦ ﺍﻟﺼﺒﺢ ﻭﺍﻧﻲ ﺍﻓﻜﺮ ﺍﻃﻠﺐ ﻣﻦ ﻗﺎﺳﻢ ﻳﺨﻠﻴﻨﻲ
ﺍﺭﻭﺡ ﺍﺷﻮﻑ ﺧﻮﺍﺗﻲ
ﻟﻜﻴﺖ ﺧﺎﻟﺘﻲ ﻭﻗﺎﺳﻢ ﻭﻫﺸﺎﻡ ﻭﻫﺎﻟﺔ ﺩﻳﺘﺮﻳﻜﻮﻥ
ﺩﺧﻠﺖ ﻋﻠﻴﻬﻢ ﺑﺲ ﺟﻨﺖ ﻣﺘﺮﺩﺩﺓ
ﻣﺎ ﺍﻋﺮﻑ ﻟﻴﺶ
ﺍﻡ ﻗﺎﺳﻢ ﺷﺎﻓﺘﻨﻲ ﺍﺷﺮﺗﻠﻲ ﺍﺟﻲ ﺍﻛﻌﺪ ﻳﻤﻬﺎ
ﺍﻡ ﻗﺎﺳﻢ .. ﺗﻌﺎﻱ ﺧﺎﻟﺔ ﻛﻌﺪﻱ ﻳﻤﻲ
ﺷﻠﻮﻥ ﺻﺎﺭﺕ ﺍﺧﺘﺞ
.. ﺍﻟﺤﻤﺪﻟﻠﻪ ﺍﻟﺒﺎﻏﺤﺔ ( ﺍﻟﺒﺎﺭﺣﺔ ) ﺍﺗﺼﻠﺖ ﻋﻠﻰ ﺷﻴﻤﺎﺀ ﻭﻃﻤﻨﺘﻨﻲ
ﻋﻠﻴﻬﺎ
.. ﻟﻴﺶ ﻫﻲ ﺷﺒﻴﻬﺎ ﺍﺧﺘﺞ ﺍﻟﺒﺎﺭﺣﺔ ﻧﻤﺖ ﻭﻣﺎ ﻋﺮﻓﺖ ﻋﻨﻬﺎ
.. ﺧﻄﻴﺔ ﻫﺎﻱ ﺯﻭﺟﺔ ﻋﻤﻲ ﻣﻦ ﺍﻟﻠﻪ ﻻ ﻳﻮﻓﻘﻬﺎ
ﺿﺎﻏﺒﺘﻬﺎ ﻭﺣﺎﻏﻜﺘﻬﺎ ( ﺿﺎﺭﺑﺘﻬﺎ ﻭﺣﺎﺭﻛﺘﻬﺎ )
ﻛﻠﻪ ﻋﻠﻤﻮﺩ ﺗﻐﻴﺪ ( ﺗﺮﻳﺪ ) ﺗﺰﻭﺟﻬﺎ ﻻﺑﻦ ﻋﻤﻲ ﺍﻣﺠﺪ ﺑﺎﻟﻐﺼﺐ
ﺟﻨﺖ ﻣﻨﺪﻣﺠﺔ ﺍﺣﺠﻲ ﻭﻣﺎ ﺣﺴﻴﺖ ﺍﻻ ﻋﻠﻰ ﻫﺸﺎﻡ
ﻏﺺ ﺑﺄﻛﻠﻪ ﻭﻛﻌﺪ ﻳﻜﺢ
.....
ﻭﻫﺎﻟﺔ ﺿﺮﺑﺖ ﻋﻠﻰ ﻇﻬﺮﻩ ﻭﺍﻧﻄﺘﻪ ﻣﺎﻱ
ﺍﻡ ﻗﺎﺳﻢ .. ﺷﻨﻮ ﺍﻟﺴﺎﻟﻔﺔ ﻳﻤﺔ ﻋﻠﻰ ﻛﻴﻔﻚ ﺍﻛﻞ ﺗﺮﺓ
ﺍﻻﻛﻞ ﻣﺎ ﻃﺎﻳﺮ
ﺍﺧﺬ ﺍﻟﻤﺎﻱ ﻣﻦ ﺍﻳﺪ ﻫﺎﻟﺔ ﻭﺷﺮﺑﻪ ﻭﺩﻧﻚ ﻳﻜﻤﻞ ﺍﻛﻠﻪ ﻭﺍﻟﻮﺟﻪ
ﺻﺎﺭ ﺍﺣﻤﺮ ﻧﺎﺭ
ﺍﻟﺘﻔﺘﺖ ﻋﻠﻴﺔ ﺍﻡ ﻗﺎﺳﻢ
.. ﺍﻱ ﻭﻫﺴﺔ ﺷﻨﻮ ﺷﺮﺍﺡ ﺗﺴﻮﻭﻥ
.. ﻭﺍﻟﻠﻪ ﻣﻐﻮﺓ ( ﻣﺮﻭﺓ ) ﺍﺧﺘﻲ ﺍﺧﺬﺗﻬﺎ ﻳﻤﻬﺎ ﺑﺎﻟﺒﻴﺖ ﻭﺗﻜﻮﻝ
ﻣﺎ ﺍﺧﻠﻴﻬﻢ ﻳﺰﻭﺟﻮﻧﻬﺎ ﻻﺣﻤﺪ ﻟﻮ ﻋﻠﻰ ﺟﺜﺘﻲ
ﻗﺎﺳﻢ .. ﺯﻳﻦ ﻫﻲ ﻟﻴﺶ ﺭﺍﻓﻀﺔ ﺍﺑﻦ ﻋﻤﻬﺎ ﺧﻮ ﺗﺘﺰﻭﺟﻪ ﻭﺗﻜﻌﺪ
ﻭﺗﺴﻜﺖ ﻣﻮ ﺍﺣﺴﻨﻠﻬﺎ ﻣﻦ ﺍﺛﻴﺮ ﻭﺳﻮﺍﻟﻔﻪ ﺍﻟﺘﻌﺒﺎﻧﺔ
.. ﻣﻮ ﻣﻐﻴﻢ ( ﻣﺮﻳﻢ ) ﻣﻦ ﻫﻲ ﻭﺑﺎﻟﻜﻤﺎﻁ ﺍﺧﺬﻭﻫﺎ ﺑﻴﺖ ﻋﻤﻲ ﻭﺗﻐﺒﺖ ( ﺗﺮﺑﺖ )
ﻋﻨﺪﻫﻢ ﻭﺗﺸﻮﻑ ﺍﻭﻻﺩ ﻋﻤﻲ ﺍﺣﻤﺪ ﻭﺣﺴﻦ ﺍﺧﻮﺍﻧﻬﺎ
ﺣﺘﻰ ﻫﻤﺔ ﻳﺸﻮﻓﻮﻧﻬﺎ ﺍﺧﺘﻬﻢ ﺑﺲ ﺗﻌﺎﻝ ﺗﻘﻨﻊ ﻳﺎﻋﺎﻗﻞ ﻣﻦ ﺍﻟﻜﺒﺎﻍ ( ﺍﻟﻜﺒﺎﺭ )
ﻫﺸﺎﻡ .. ﺑﺲ ﻛﻠﺸﻲ ﺑﺎﻟﻐﺼﺐ ﺍﻻ ﺍﻟﺰﻭﺍﺝ
ﻫﺪﻯ .. ﺍﻱ ﻭﺍﻟﻠﻪ ﻛﻼﻣﻚ ﺻﺤﻴﺢ ﺍﺳﺄﻝ ﻣﺠﻐﺐ ( ﻣﺠﺮﺏ )
ﺍﺑﺎﻭﻉ ﻟﻘﺎﺳﻢ ﺧﺰﺭﻧﻲ ﻭﺑﺎﻭﻉ ﻻﻣﻪ
ﻭﺍﻡ ﻗﺎﺳﻢ ﺭﻓﻌﺖ ﺣﺎﺟﺒﻬﺎ ﻭﻛﺎﻟﺖ
.. ﻳﺎﺧﺎﻟﺔ ﻫﺪﻯ ﺍﻟﺒﺎﺭﺣﺔ ﺍﺗﻤﻨﻴﺘﺞ ﺗﺸﻮﻓﻴﻦ ﻗﺎﺳﻢ
ﻣﻦ ﻋﺮﻑ ﺑﻴﺞ ﺑﺒﻴﺖ ﺍﻫﻠﺞ ﻭﺍﺑﻮﺝ ﻭﻋﻤﺞ ﻫﺎﺩﻳﻦ ﻋﻠﻴﻜﻢ
ﻭﻫﺎﻟﺔ ﻛﻠﺘﻠﻪ ﺭﻭﺡ ﺍﻟﺤﻚ ﻣﺮﺗﻚ ﻻ ﻳﻔﻄﺴﻮﻧﻬﺎ
ﻻﻥ ﻫﺎﻱ ﻣﺨﺒﻠﺔ ﻣﺎ ﺭﺍﺡ ﺗﺴﻜﺖ ﻋﻠﻴﻬﻢ
ﻳﻤﺔ .. ﻳﻤﺔ ﺷﺴﻮﺓ ﻣﺎﺗﻌﺮﻓﻴﻦ ﺷﻠﻮﻥ ﺗﺨﺮﺑﻄﺖ ﺍﺣﻮﺍﻟﻪ ﻭﺷﺼﺎﺭ ﺑﻲ
ﺍﺑﺎﻭﻉ ﻋﻠﻴﻪ ﺑﺴﺮﻋﺔ ﺭﻛﺾ ﺍﺧﺬ ﻣﻔﺎﺗﻴﺢ ﺍﻟﺴﻴﺎﺭﺓ ﻭﺍﺧﺬ ﻫﺸﺎﻡ ﻭﻳﺎﻩ
ﺍﻛﻠﻪ ﻳﻤﺔ ﺍﻧﺘﻈﺮﻧﻲ ﺍﻟﺒﺲ ﻋﺒﺎﺗﻲ ﻭﺍﺟﻲ ﻭﻳﺎﻛﻢ
ﻛﻠﻲ ﻳﻤﺔ ﻣﺎ ﺍﻛﺪﺭ ﺧﻠﻴﻨﻲ ﺍﻟﺤﻚ ﻋﻠﻰ ﻣﺮﺗﻲ ﻻ ﻳﺴﻮﻭﻥ ﺑﻴﻬﺎ ﺷﻲ
ﺍﺑﺎﻭﻉ ﻟﻬﺎﻟﺔ ﻓﺎﺗﺤﺔ ﺣﻠﻜﻬﺎ
ﺯﻳﻦ ﻣﺎ ﻃﺎﺡ ﻓﺠﻬﺎ ﺑﺎﻟﻜﺎﻉ ﻭﻣﻨﻄﻄﺔ ﻋﻴﻮﻧﻬﺎ
ﻣﺒﻴﻦ ﻋﻠﻴﻬﺎ ﻣﺘﻔﺎﺟﺌﺔ
ﺷﻜﻞ ﺧﺎﻟﺔ ﺍﻡ ﻗﺎﺳﻢ ﺻﻌﺪﺕ ﻋﻨﺪﻫﺎ ﺍﻟﺤﻤﺎﻭﺓ
.. ﺑﺎﻭﻋﺖ ﻋﻠﻰ ﻗﺎﺳﻢ ﻭﻫﻮ ﺧﺮﺑﺎﻥ ﺿﺤﻚ
.. ﻳﻤﺔ ﻓﺪﻳﺘﻪ ﺍﺑﻮ ﺑﻴﺘﻲ
ﺍﻡ ﻗﺎﺳﻢ .. ﻟﺞ ﺍﻟﺒﺎﺭﺣﺔ ﻳﺎﻟﻠﻪ ﻋﺮﻓﺖ ﻣﻌﺰﺗﺞ ﻋﻨﺪ ﻗﺎﺳﻢ
ﻣﻮ ﺻﺢ ﻳﻤﺔ ﻗﺎﺳﻢ
ﺍﺑﺎﻭﻉ ﻋﻠﻴﻪ ﺍﻟﻠﻜﻤﺔ ﺗﺎﺭﺳﺔ ﺣﻠﻜﻪ ﻭﻛﻮﺓ ﻳﺤﺠﻲ
ﺟﺎﻭﺑﻬﺎ
.. ﺍﻣﻤﻤﻢ .. ﺍﻣﻤﻤﻢ
......
ﺑﺎﻭﻋﺘﻠﻲ ﺑﺄﻧﺘﺼﺎﺭ
ﺧﻄﻴﺔ ﺍﻡ ﻗﺎﺳﻢ ﻣﻦ ﻳﻮﻡ ﻣﻮﻗﻒ ﺍﻟﻌﺮﻛﺔ ﻣﺎﻝ ﺍﻟﻐﺪﺓ ﺑﺒﻴﺖ ﺭﻫﻒ
ﻭﻫﻲ ﺗﺤﺎﻭﻝ ﺗﺼﻠﺢ ﺑﻴﻨﻲ ﻭﺑﻴﻦ ﻗﺎﺳﻢ
ﻋﺒﺎﻟﻬﺎ ﻫﻲ ﺳﺒﺐ ﺍﻟﺘﺒﺎﻋﺪ ﺑﻴﻨﻲ ﻭﺑﻴﻦ ﺍﺑﻨﻬﺎ ﺍﻟﻤﻐﻮﺍﺭ
.. ﺷﻔﺘﻲ ﺷﻠﻮﻥ ﻳﺤﺒﺞ . ﻣﺎ ﺍﻭﺻﻴﺞ ﺍﻧﺘﻲ ﻫﻢ ﺩﻳﺮﻱ ﺑﺎﻟﺞ ﻋﻠﻴﻪ
ﻫﺸﺎﻡ ﻳﻀﺤﻚ .. ﻻ ﻳﻤﺔ ﻻ ﺗﻮﺻﻴﻨﻬﺎ ﻫﺪﻯ ﻣﺎ ﻣﺤﺘﺎﺟﺔ ﺣﺐ ﻗﺎﺳﻢ
ﻋﻨﺪﻫﺎ ﺣﺒﻴﺐ ﻣﺴﺘﻘﺘﻞ ﻋﻠﻴﻬﺎ
ﺑﺎﻭﻉ ﻋﻠﻴﺔ ﻭﻛﻤﻞ ﻛﻼﻣﻪ
.. ﻟﺞ ﻫﺪﻯ ﺍﻟﺒﺎﺭﺣﺔ ﻟﻮ ﺷﺎﻳﻔﺔ ﻋﻼﻭﻱ ﺧﻄﻴﺒﺞ ﺍﻟﺴﺎﺑﻖ
ﺷﺴﻮﻯ ﺍﻭﻝ ﻣﺎ ﺷﺎﻓﻨﺔ ﺍﻧﻲ ﻭﻗﺎﺳﻢ
ﺍﻡ ﻗﺎﺳﻢ .. ﻋﺰﺓ ﺑﻌﻴﻨﻲ ﻣﻨﻴﻦ ﻃﻠﻌﻠﻲ ﻫﺬﺍ ﻋﻼﻭﻱ
ﻫﺸﺎﻡ .. ﺳﻤﻌﻲ ﻳﻤﺔ ﺟﺎﻳﺞ ﺑﺎﻟﺤﺠﻲ
ﺍﻭﻝ ﻣﺎ ﻭﺻﻠﻨﺎ ﻟﺒﻴﺖ ﺍﻫﻞ ﻫﺪﻯ ﻭﻧﺰﻟﻨﺎ ﻣﻦ ﺍﻟﺴﻴﺎﺭﺓ
ﻟﻜﻴﻨﺎ ﻭﻟﺪ ﺍﺟﻠﺢ ﺍﻣﻠﺢ ﻣﺼﻠﺒﺦ ﺷﻜﻠﻪ ﺻﻒ ﺧﺎﻣﺲ ﺍﺑﺘﺪﺍﺋﻲ
ﺍﻧﺘﺒﻬﺖ ﻋﻠﻴﻪ ﺟﺎﻥ ﻳﺤﻮﻡ ﻳﻢ ﺑﺎﺏ ﺍﻫﻞ ﻫﺪﻯ
ﻋﺒﺎﻟﻚ ﻭﺍﺣﺪ ﻣﻀﻴﻌﻠﻪ ﺣﺎﺟﺔ ﻋﺰﻳﺰﺓ
ﺑﺎﻭﻉ ﻋﻠﻴﻨﺎ ﻳﻨﻈﺮﺍﺕ ﺗﺬﺑﺢ
ﺷﻨﻮ ﻣﺒﻴﻦ ﻟﻮ ﺑﻴﺪﻩ ﻳﺎﻛﻞ ﻗﺎﺳﻢ ﺑﺴﻨﻮﻧﻪ
ﻭﻛﻒ ﻛﺪﺍﻣﻨﺎ ﻭﻫﻮ ﻳﻬﺰ ﺑﺄﻳﺪﻩ ﺑﺎﺳﺘﻬﺰﺍﺀ
.. ﺻﻠﻮﺍﺕ ﻋﺎﻟﻨﻲ . ﺑﻌﺪ ﻭﻛﺖ ﻫﺴﺔ ﻳﺎﻟﻠﻪ ﺷﺮﻑ ﺍﻻﺥ
ﺧﺎﺏ ﺭﻭﺡ ﺍﻟﺤﻚ ﻋﻠﻰ ﻫﺪﻯ ﺭﺍﺡ ﻳﺴﺤﻠﻮﻧﻬﺎ
ﻫﺴﻪ ﺟﺎﻱ ﻳﺘﻤﻨﺪﻝ
ﻋﻆ ﻋﻠﻰ ﻛﻒ ﺍﻳﺪﻩ ﻭﻳﻜﻮﻝ ﻟﻘﺎﺳﻢ
.. ﺍﺍﺍﺍﺍﺥ ﻳﺎﺣﻴﻒ ﺍﻟﻠﻪ ﻳﻨﻄﻲ ﺍﻟﺠﻮﺯ ﻟﻠﻤﺎﻋﻨﺪﻩ ﺳﻨﻮﻥ
ﻫﺸﺎﻡ .. ﻫﻬﻬﻬﻬﻪ ﻫﺪﻯ ﻟﻮ ﺗﺸﻮﻓﻴﻦ ﻭﺟﻪ ﻗﺎﺳﻢ ﺷﻠﻮﻥ ﺍﻧﻘﺼﻒ
ﻫﺪﻯ .. ﻫﺸﺎﻡ ﻣﺎ ﺍﺳﻤﺤﻠﻚ ﺗﺤﺠﻲ ﻋﻠﻰ ﺧﺘﻴﺒﻲ ﺍﻟﺴﺎﺑﻖ
ﺍﻧﻲ ﺣﺎﻟﻔﺔ ﺑﺲ ﺗﺼﻴﻎ ( ﺗﺼﻴﺮ ) ﻋﻨﺪﻱ ﺑﻨﻴﺔ ﺍﺯﻭﺟﻬﺎ ﻟﻌﻼﻭﻱ
ﺍﺑﺎﻭﻉ ﻟﻘﺎﺳﻢ ﻏﺺ ﻭﺻﺎﺭ ﻳﻜﺢ
ﻛﻤﺰﻧﻲ ﻣﻦ ﻣﻜﺎﻧﻲ ﺍﻧﻄﻴﺘﻪ ﻣﺎﻱ
ﺍﻡ ﻗﺎﺳﻢ .. ﺍﺳﻢ ﺍﻟﻠﻪ ﻳﺎ ﺳﺘﺎﺭ ﺷﺠﺎﻛﻢ ﻳﻤﺔ ﻛﻞ ﺷﻮﻳﺔ ﻭﺍﺣﺪ
ﻏﺎﺹ ﻻ ﻻ ﻫﺬﺍ ﻓﺎﻝ ﻣﻮ ﺯﻳﻦ
ﺧﻠﻲ ﺍﻛﻮﻡ ﺍﺑﺨﺮﻛﻢ
ﻋﻦ ﺍﻟﻌﻴﻦ ﺷﻮﻑ ﻫﺬﺍ ﻣﻨﻮ ﺍﻟﺤﺎﺳﺪﻛﻢ
ﻭﺭﺍﺣﺖ ﺍﻡ ﻗﺎﺳﻢ
ﻭﻗﺎﺳﻢ .. ﺍﺣﺘﺮﻛﺖ ﻋﺸﻴﺮﺗﻚ ﻫﺎﺩﻱ ﻋﻨﺪﻙ ﻃﻠﻌﺎﺕ ﺑﺪﻭﻥ ﺑﺮﻳﻚ
......
ﺻﺎﻓﻨﺔ ﺑﻮﺟﻬﻪ ﻫﺬﺍ ﺷﺒﻲ .. ﻫﺴﺔ ﺍﻧﻲ ﺷﻨﻮ ﻛﻠﺖ
ﻫﻤﺲ ﻳﻢ ﺍﺫﻧﻲ ﺑﻐﻀﺐ ﻭﻛﺎﻝ
.. ﺑﻨﺖ ﺍﻟﻠﺬﻳﻦ ﺑﻌﺪﺝ ﻋﻠﻰ ﺫﻣﺘﻲ ﻭﺗﻔﻜﺮﻳﻦ ﺗﺘﺰﻭﺟﻴﻦ ﻭﺗﺨﻠﻔﻴﻦ ﺑﻨﻴﺔ
ﻭﺗﺤﺠﻴﻬﺎ ﻫﻴﺞ ﻋﺎﺩﻱ ﻛﺪﺍﻣﻲ
ﺍﺩﺭﻱ ﺷﻜﺎﻟﻮﻟﺞ ﻋﻠﻴﺔ ﻛﺮﻥ ﺍﺷﻮ ﺍﻧﺘﻲ ﻫﻮﺍﻱ ﻣﺎﺧﺬﺓ ﺭﺍﺣﺘﺞ
ﺑﻠﻌﺖ ﺭﻳﻜﻲ ﺍﺑﺘﺴﻤﺖ ﺍﻟﻄﻒ ﺍﻟﺠﻮ
.. ﻫﻬﻬﻬﻬﻬﻬﻬﻬﻬﻬﻪ ﺷﺒﻴﻚ ﻳﺎﺣﻈﻲ ﺟﻨﺖ ﺍﺣﺠﻲ ﻋﻦ ﺣﻠﻢ
ﻣﻦ ﺍﺣﻼﻣﻲ ﺍﻟﺒﻌﻴﺪﺓ
ﺍﻟﻠﻪ ﻳﻠﻌﻨﻚ ﻛﻠﺒﺘﻪ ﻛﺎﺑﻮﺱ ﻣﻦ ﻭﺭﺓ ﺍﻟﻬﺒﻄﺔ ﻋﻤﻲ ﺑﻄﻠﺖ ﺑﻌﺪ ﻣﺎ
ﺍﺗﺰﻭﺝ
ﺍﻧﺘﻈﺮ ﻋﻼﻭﻱ ﻳﻜﺒﺮ ﺍﻭﺗﺰﻭﺟﻪ
ﻛﺎﻡ ﻋﻠﻴﺔ ﻳﺮﻳﺪ ﻳﻬﺪ
ﻭﺍﻧﻲ ﻃﻜﻴﺘﻬﺎ ﺭﻛﻀﺔ ﺑﻴﻴﻴﻴﻴﻴﻴﺐ ﺑﻴﻴﻴﻴﻴﻴﻴﺐ
ﺷﻴﻤﺎﺀ
ﺍﻟﻴﻮﻡ ﺩﺍﻭﻣﺖ ﺑﺎﻟﻤﺴﺘﺸﻔﻰ ﺑﻌﺪﻣﺎ ﻛﻨﺖ ﻣﺎﺧﺬﺓ ﺍﺟﺎﺯﺓ
ﺗﺮﻛﺖ ﻣﺮﻳﻢ ﻳﻢ ﻣﺮﻭﺓ ﺑﺎﻟﺒﻴﺖ
ﺟﻨﺖ ﺧﺎﻳﻔﺔ ﺍﻋﻮﻓﻬﺎ ﺑﺲ ﻣﺮﻭﺓ ﻛﺎﻟﺖ ﺭﻭﺣﻲ ﻭﻻ ﻳﻈﻞ ﺑﺎﻟﺞ ﻋﻠﻴﻬﺎ
ﺍﻧﻲ ﺍﻟﻴﻮﻡ ﻣﺎ ﺍﺭﻭﺡ ﻟﻠﻌﻴﺎﺩﺓ . ﺍﺑﻘﻰ ﺑﺎﻟﺒﻴﺖ ﻳﻢ ﻣﺮﻳﻢ
ﻭﺑﺎﻟﻤﺮﺓ ﺭﺍﻓﺪ ﺍﻟﻴﻮﻡ ﻳﻮﺻﻞ ﻣﻮ ﺗﻨﺴﻴﻦ
ﺍﻟﻴﻮﻡ ﻧﻨﺘﻈﺮﺝ ﻋﺎﻟﻐﺪﺓ
ﺑﻠﺸﺖ ﺩﺍﻭﻣﻲ ﺑﺎﻟﻤﺴﺘﺸﻔﻰ ﻣﺜﻞ ﻛﻞ ﻣﺮﺓ
ﻣﺸﺎﻛﻞ ﺍﻟﺪﻧﻴﺎ ﻧﺴﺘﻨﻲ ﺣﺘﻰ ﺳﺎﻟﻔﺔ ﺣﻴﺪﺭ
ﻭﺧﻄﻮﺑﺘﻪ ﻣﻦ ﺍﻟﺪﻛﺘﻮﺭﺓ
ﻭﻣﺠﺮﺩ ﻣﺎ ﺍﺟﺔ ﺍﺳﻤﻪ ﻋﻠﻰ ﺑﺎﻟﻲ ﻛﻠﺒﻲ ﺻﺎﺭ ﻳﺨﻔﻖ
ﻳﺎﺭﺑﻲ ﻛﻠﺒﻲ ﺷﻜﻠﻪ ﻣﺎ ﻳﺘﻌﺾ ﻭﻻ ﻳﺘﻮﺏ ﻭﺑﻌﺪﻩ ﻳﺤﺐ ﻛﺘﺎﻟﻪ
ﺻﺮﺕ ﺍﻣﺸﻲ ﻭﺍﺩﻭﺭ ﺑﻌﻴﻮﻧﻲ ﻋﻠﻴﻪ
ﺑﻠﻜﻲ ﺍﺷﻮﻓﻪ
ﺭﺑﺎﺏ ﺍﻟﻴﻮﻡ ﻣﻤﺪﺍﻭﻣﺔ ﻭﺿﻮﺟﺔ
ﻻﻥ ﻋﻜﺐ ﺑﺎﺟﺮ ﻋﺮﺳﻬﺎ
ﺣﺒﻴﺒﺘﻲ ﺣﺘﻰ ﻣﺎ ﺍﺗﺼﻠﺖ ﻋﻠﻴﻬﺎ ﺍﻛﻮﻟﻠﻬﺎ ﺍﻟﻴﻮﻡ ﻣﺎ ﺍﻛﺪﺭ ﺍﻣﺮ ﻋﻠﻴﻬﺎ
ﻭﻗﻌﺖ ﻋﺎﻟﺤﻀﻮﺭ ﻭﺍﺳﺘﻠﻤﺖ ﺟﺪﻭﻝ ﺍﻟﻤﻬﺎﻡ
ﻭﺍﻟﻴﻮﻡ ﺍﻧﻲ ﻭﻳﺔ ﺍﻟﺪﻛﺘﻮﺭﺓ ﺳﻮﻻﻑ
ﻭﺑﻠﺸﺖ ﺍﻧﻲ ﻭﻳﺎﻫﺎ ﺑﺎﻟﺸﻐﻞ ﻭﺍﻧﻈﻢ ﺍﻟﻤﻮﺍﻋﻴﺪ ﺍﻟﻤﺮﺍﺟﻌﺎﺕ
ﺑﻌﺪﻣﺎ ﺧﻠﺼﻨﺎ
ﺑﺎﻭﻋﺖ ﻋﻠﻴﺔ ﺑﺮﺍﺣﺔ
.. ﻟﺞ ﻭﺍﻟﻠﻪ ﺑﺨﻼﻓﺞ ﺍﻏﺮﻙ ﻫﺎﻱ ﺍﻟﻴﻮﻣﻴﻦ ﺿﻮﺟﺔ ﻭﺧﺒﺼﺔ
ﺗﺪﺭﻳﻦ ﻣﺎ ﺍﺭﺗﺎﺡ ﺍﻻ ﻭﻳﺎﺝ ﺍﺣﺲ ﺍﻟﺸﻐﻞ ﻳﻤﺸﻲ ﻋﺪﻝ
ﻭﺍﻟﻤﺮﺍﺟﻌﺎﺕ ﻳﺼﻴﺮﻭﻥ ﻳﺪﺧﻠﻮﻥ ﺑﺄﻧﺘﻈﺎﻡ
ﻣﻮ ﻣﺜﻞ ﻫﺎﻱ ﺍﻟﻔﺎﻫﻴﺔ ﺍﻟﻲ ﺍﺧﺬﺕ ﻣﻜﺎﻧﺞ ﺍﻟﺒﺎﺭﺣﺔ ﻛﻞ ﺷﻮﻳﺔ ﺗﺪﺧﻞ
ﻋﺸﺮ ﻣﺮﺍﺟﻌﺎﺕ ﻭﻳﺼﻴﺮﻭﻥ ﻋﻠﻴﺔ ﻟﻤﺔ ﻭﻫﻮﺳﺔ
ﺟﺎﻧﺖ ﺗﺤﺠﻲ ﻭﺩﺧﻞ ﻋﻠﻴﻨﺎ ﻣﻨﺬﺭ
ﺳﻠﻢ ﻋﻠﻴﻨﺎ
ﻭﻛﻌﺪ ﻛﺪﺍﻣﻬﺎ ﻋﺎﻟﻜﺮﺳﻲ
ﺳﻮﻻﻑ .. ﺍﻛﻮﻝ ﻣﻨﺬﺭ ﺑﺎﻟﻠﻪ ﻣﺎ ﺗﺸﻮﻓﻠﻲ ﻫﺬﺍ ﺻﺪﻳﻘﻚ ﺍﺳﺘﺎﺫ
ﺣﻴﺪﻭﺭﻱ ﻭﻳﻦ ﺻﺎﺭ ﺭﺣﻤﺔ ﻋﻠﻰ ﺍﻫﻠﻚ
ﻭﺻﻴﺘﻪ ﻋﻠﻰ ﺍﺟﻬﺰﺓ ﻟﻌﻴﺎﺩﺗﻲ ﺍﺷﻮ ﺭﺍﺡ ﺑﻌﺪﻣﺎ ﺷﻔﺘﻪ
ﻣﻨﺬﺭ .. ﻭﺍﻟﻠﻪ ﻣﺎ ﺍﻋﺮﻑ ﻫﺬﺍ ﺍﻟﺮﺟﺎﻝ ﻣﺤﻴﺮﻧﻲ ﺍﺣﺲ ﺑﻲ ﺧﻠﻔﺘﻪ
ﻭﻧﺴﻴﺘﻪ ﻣﺪﻭﺧﻨﻲ ﻛﻠﻲ ﺭﺍﺡ ﺍﺳﺎﻓﺮ ﻭﺍﺭﺟﻊ ﺑﺴﺮﻋﺔ
ﺑﺲ ﺍﺷﻮ ﻣﺎﻛﻮ
ﻫﺎﻱ ﺍﻻﻳﺎﻡ ﻣﺎﻋﺎﺟﺒﻨﻲ ﺣﺎﻟﻪ
ﻫﻤﺔ ﻳﺤﺠﻮﻥ ﻭﺍﻧﻲ ﺣﺎﺑﺴﺔ ﺍﻻﻧﻔﺎﺱ ﻣﻨﺘﻈﺮﺓ ﻳﺬﻛﺮﻭﻥ ﻃﺎﺭﻱ
ﺍﻟﺨﻄﻮﺑﺔ ﺑﺲ ﺍﺷﻮ ﻣﺤﺪ ﺣﺠﺔ
ﻛﺒﻞ ﺟﺎﻭﺗﻬﻢ .. ﻳﻤﻜﻦ ﺍﻧﺸﻐﻞ ﺑﺨﻄﻮﺑﺘﻪ
ﻭﻣﺎ ﻳﻜﺪﺭ ﻳﺠﻲ ﻟﻬﻨﺎ
ﺳﻮﻻﻑ ﻭﻣﻨﺬﺭ ﺑﺎﻭﻋﻮﺍ ﻋﻠﻴﺔ ﻭﺿﺤﻜﻮﺍ ﻋﻠﻰ ﻛﻼﻣﻲ
ﻣﻨﺬﺭ .. ﻻ ﻳﺎﺑﺔ ﺍﻧﺘﻲ ﺷﻜﺪ ﻗﺪﻳﻤﺔ ﻫﺎﻱ ﻳﺎ ﺧﻄﻮﺑﺔ
ﻳﺎﺑﺔ ﺍﻟﺮﺟﺎﻝ ﺻﺎﺭﻟﻪ ﺳﻨﺔ ﻣﻦ ﺧﻄﺐ ﺣﺘﻰ ﺍﻧﺴﻰ ﻫﻮ ﺧﺎﻃﺐ ﻣﻦ ﻛﺪ
ﻣﺎ ﻃﻮﻟﻬﺎ
ﺑﺲ ﻻ ﻣﻮ ﻫﺬﺍ ﺳﺒﺐ ﻏﻴﺎﺑﻪ ﺍﺗﻮﻗﻊ ﻏﻴﺮ ﺷﻲ
ﺳﻮﻻﻑ .. ﻫﻬﻬﻪ ﺷﻮﻣﺔ ﺣﺒﻴﺒﺘﻲ ﺭﻭﺣﻲ ﻧﺎﻣﻲ
ﺍﻟﺘﻔﺘﺖ ﻋﻠﻰ ﻣﻨﺬﺭ
.. ﻋﻔﻴﺔ ﺍﺗﺼﻠﻲ ﻋﻠﻴﻪ ﻭﺍﻛﺪ ﻋﺎﻻﺟﻬﺰﺓ
ﺍﻧﻲ ﻛﻤﺖ ﻣﻦ ﻳﻤﻬﻢ ﻣﺜﻞ ﺍﻟﻤﻀﺮﻭﺑﺔ ﻋﻠﻰ ﺭﺍﺳﻲ
ﻣﻦ ﺍﻟﺼﺪﻣﺔ
ﺍﺗﺮﺧﺼﺖ ﻣﻨﻬﻢ ﻭﻃﻠﻌﺖ
ﻣﺸﻴﺖ ﻭﻣﺎ ﺍﻋﺮﻑ ﺭﺟﻠﻴﺔ ﻭﻳﻦ ﺗﺮﻳﺪ ﺗﺎﺧﺬﻧﻲ
ﻋﻘﻠﻲ ﺍﺧﺬ ﺍﺟﺎﺯﺓ ﻋﻦ ﺍﻱ ﺗﻔﻜﻴﺮ
ﺳﻤﻌﺖ ﺻﻮﺕ ﺍﻡ ﺍﺣﻤﺪ ﺗﺼﻴﺤﻨﻲ
ﺍﻟﺘﻔﺘﺖ ﻋﻠﻴﻬﺎ ﺑﺎﻟﻲ ﻣﺸﺪﻭﻩ ﻣﺪﺍ ﻳﺴﺘﻮﻋﺐ
ﺍﻟﺴﻤﻌﺘﻪ
ﺍﺟﺘﻲ ﺍﻡ ﺍﺣﻤﺪ ﻭﺑﻴﺪﻫﺎ ﺟﻨﻄﺘﻲ
.. ﺷﻴﻤﺎﺀ ﻧﻘﺎﻟﺞ ﺻﺎﺭﻟﻪ ﺳﺎﻋﺔ ﻳﺪﻙ
ﺑﺠﻨﻄﺘﺞ
ﺍﺧﺬﺕ ﺍﻟﺠﻨﻄﺔ ﻣﻦ ﻋﻨﺪﻫﺎ ﻭﻃﻠﻌﺖ ﺍﻟﻨﻘﺎﻝ
ﺍﻧﻘﺒﺾ ﻛﻠﺒﻲ
ﻟﻜﻴﺖ ﻋﺸﺮ ﻣﻜﺎﻟﻤﺎﺕ ﻟﻢ ﻳﺮﺩ ﻋﻠﻴﻬﺎ ﻣﻦ ﻣﺮﻭﺓ
ﻭﺧﻤﺴﺔ ﻣﻦ ﻫﺪﻯ
ﻳﻤﺔ ﺑﺲ ﻻ ﺻﺎﻳﺮ ﺷﻲ
ﻛﺒﻞ ﺍﺗﺼﻠﺖ ﻋﻠﻰ ﻣﺮﻭﺓ ﻭﺑﺴﺮﻋﺔ ﺍﺟﺎﻧﻲ ﺍﻟﺮﺩ
ﻣﺎ ﺳﻤﻌﺖ ﺑﺲ ﺻﻮﺕ ﻣﺮﻭﺓ ﺍﻟﻤﻨﻬﺎﺭﺓ
.. ﻟﺞ ﺷﻴﻤﺎﺀ ﻟﺤﻜﻴﻨﻲ ﺍﺛﻴﺮ ﻭﺍﻣﺠﺪ ﺟﺎﺑﻮﺍ ﺍﻟﺸﺮﻃﺔ ﻟﺒﻴﺘﻲ
ﻭﺍﺧﺬﻭ ﻣﺮﻳﻢ ﻣﻦ ﻋﻨﺪﻱ ﺑﺎﻟﻘﻮﺓ
......
ﺷﻴﻤﺎﺀ
ﻭﺍﻛﻔﺔ ﻓﻲ ﻣﻤﺮ ﺍﻟﻤﺴﺘﺸﻔﻰ ﻋﻠﻰ ﻭﺟﻬﻲ ﻋﻼﻣﺎﺕ ﺍﻟﺼﺪﻣﺔ ﻭﺍﻟﺬﻫﻮﻝ ﺍﺑﺎﻭﻉ ﻋﺎﺍﻟﻨﻘﺎﻝ ﺑﻴﺪﻱ
ﺧﻮﻑ ﻫﻠﻊ ﻛﻠﻤﺘﻴﻦ ﺗﻌﺒﺮ ﻋﻦ ﻣﺎ ﻳﺪﻭﺭ ﺑﺪﺍﺧﻞ ﻋﻘﻠﻲ
ﻋﻘﻠﻲ ﻳﺮﺩﺩ ﻛﻠﻤﺎﺕ ﻣﺮﻭﺓ ( ﺍﺛﻴﺮ ﻭﺍﻣﺠﺪ ﺟﺎﺑﻮﺍ ﺍﻟﺸﺮﻃﺔ ﻭﺍﺧﺬﻭﺍ ﻣﺮﻳﻢ )
.. ﻳﺎﺭﺑﻲ ﺩﺧﻴﻠﻚ
ﻭﺍﻟﻠﻪ ﻣﺮﻳﻢ ﺍﺧﺘﻲ ﺭﺍﺡ ﺗﺮﻭﺡ ﺑﺎﻟﺮﺟﻠﻴﻦ
ﺍﻡ ﺍﺣﻤﺪ .. ﻫﺎ ﻳﺎﺳﺘﺎﺭ ﺷﺒﻴﻬﺎ ﺍﺧﺘﺞ
ﺑﺎﻭﻋﺖ ﻋﻠﻴﻬﺎ ﻭﺍﻟﻠﻪ ﺣﺘﻰ ﻧﺴﻴﺖ ﺍﻡ ﺍﺣﻤﺪ
ﻣﺸﻴﺖ ﻣﻦ ﻳﻤﻬﺎ ﺑﺴﺮﻋﺔ ﺣﺘﻰ ﻣﺎ ﺍﻋﺮﻑ ﺷﻨﻮ ﺟﺎﻭﺑﺘﻬﺎ
ﻭ ﺭﺣﺖ ﻛﺒﻞ ﻋﻠﻰ
ﺍﻟﺪﻛﺘﻮﺭﺓ ﺳﻮﻻﻑ ﻭﺍﻡ ﺍﺣﻤﺪ ﺍﻟﺴﺴﺘﺮ
ﺍﺟﺘﻲ ﻭﺭﺍﻱ ﺗﺮﻳﺪ ﺗﻔﺘﻬﻢ ﺷﻨﻮ ﺍﻟﺼﺎﺭ
ﻭﺍﻟﺪﻛﺘﻮﺭﺓ ﺍﻭﻝ ﻣﺸﺎﻓﺖ ﻧﻈﺮﺍﺕ ﺍﻟﻔﺰﻉ ﻛﺎﻣﺖ ﻣﻦ ﻣﻜﺎﻧﻬﺎ
ﻫﻲ ﻭﺍﻟﺪﻛﺘﻮﺭ ﻣﻨﺬﺭ
ﺳﻮﻻﻑ .. ﻫﺎ ﺷﻴﻤﺎﺀ ﺧﻴﺮﺝ
.. ﺩﻛﺘﻮﺭﺓ ﻣﺮﻳﻢ ﺍﺧﺘﻲ ﺍﻟﺼﻐﻴﺮﺓ ﻭﺍﻛﻌﺔ ﺑﺸﺪﺓ ﻭﻻﺯﻡ ﺍﻟﺤﻚ ﻋﻠﻴﻬﺎ
ﻭﻫﺴﻪ ﺍﺧﺘﻲ ﻣﺮﻭﺓ ﺍﺗﺼﻠﺖ ﻋﻠﻴﺔ ﺑﻠﻐﺘﻨﻲ
ﻭﺿﺮﻭﺭﻱ ﻫﺴﺔ ﺍﻃﻠﻊ ﻣﻦ ﺍﻟﻤﺴﺘﺸﻔﻰ ﻋﻨﺪﻱ ﻇﺮﻑ ﻛﻠﺶ ﺣﺮﺝ
ﺍﻟﺪﻛﺘﻮﺭﺓ ﺳﻮﻻﻑ ﺗﻌﺮﻑ ﺧﻮﺍﺗﻲ ﻭﺗﺼﻴﺮ ﺻﺪﻳﻘﺔ ﻣﺮﻭﺓ .
ﻣﻨﺬﺭ .. ﺷﻮﻣﺔ ﻓﻬﻤﻴﻨﺎ ﺷﻨﻮ ﺍﻟﺴﺎﻟﻔﺔ ﺍﻻﻫﻞ ﺑﻴﻬﻢ ﺷﻲ ؟ﺗﺮﺩﻳﻦ ﺍﺟﻲ ﻭﻳﺎﺝ ؟
.. ﻻ ﺩﻛﺘﻮﺭ ﻣﺸﻜﻮﺭ ﻣﺎ ﺗﻘﺼﺮ
ﺑﺲ ﺍﺭﻳﺪ ﺍﻟﺪﻛﺘﻮﺭﺓ ﺗﺴﺎﻋﺪﻧﻲ ﺣﺘﻰ ﺍﻃﻠﻊ ﻣﻦ ﺍﻟﻤﺴﺘﺸﻔﻰ
ﺳﻮﻻﻑ .. ﺣﺒﻴﺒﺘﻲ ﺷﻮﻣﺔ ﻭﻻ ﻳﻬﻤﺞ ﺭﻭﺣﻲ ﻭﺍﻧﻲ ﺍﺷﻮﻓﻠﺞ
ﺣﺠﺔ ﻟﻄﻠﻌﺘﺞ ﺍﺫﺍ ﺳﺎﻟﻮﺍ ﻋﻠﻴﺞ ﻭﻛﺎﻧﺖ ﺣﺎﻟﺔ ﻃﺎﺭﺋﺔ ﺑﺎﻟﻤﺴﺘﺸﻔﻰ
ﻋﻴﻮﻧﻲ ﺩﻣﻌﺖ ﻣﻤﻨﻮﻧﺔ ﻣﻨﻬﺎ ﻭﺑﺴﺮﻋﺔ ﻋﻠﻜﺖ ﺟﻨﻄﺘﻲ
ﻋﻠﻰ ﻛﺘﻔﻲ
ﺍﻡ ﺍﺣﻤﺪ .. ﻣﻜﺮﻭﺩﺓ ﻳﺎ ﺷﻴﻤﺎﺀ ﻣﻦ ﺷﻔﺘﻬﺎ ﻭﺷﺎﻓﺘﻨﻲ
ﺷﺎﻳﻠﺔ ﻫﻢ ﺧﻮﺍﺗﻬﺎ ﻋﻠﻰ ﻛﺘﺎﻓﻬﺎ .
ﻃﻠﻌﺖ ﺑﺴﺮﻋﺔ ﻭﺗﺮﻛﺘﻬﻢ ﻭﺭﺍﻱ
ﺍﻣﺸﻲ ﺑﻬﺮﻭﻟﺔ ﺍﺭﻳﺪ ﺍﻭﺻﻞ ﻟﺒﻴﺖ ﺳﻠﻴﻤﺔ
ﻣﺮﻭﺓ ﺍﺗﺼﻠﺖ ﻋﻠﻴﺔ ﻭﻛﺎﻟﺖ ﺭﻭﺣﻲ ﻟﺒﻴﺖ ﺳﻠﻴﻤﺔ ﺍﻧﻲ ﺟﺎﻳﺔ ﻭﺭﺍﺝ
ﻳﺎﺭﺑﻲ ﻛﻠﺒﻲ ﺭﺍﺡ ﻳﻄﻠﻊ ﻣﻦ ﻣﻜﺎﻧﻪ ﻭﻣﺎ ﺍﻋﺮﻑ ﺑﺸﻨﻮ ﺩﺗﻔﻜﺮ ﻣﺮﻭﺓ
ﻃﻠﻌﺖ ﻣﻦ ﻟﻠﻤﺴﺘﺸﻔﻰ ﻭﺍﺗﺠﻬﺖ ﻋﺎﻟﺸﺎﺭﻉ ﺍﻟﻌﺎﻡ
ﺍﺟﺮﺕ ﺗﻜﺴﻲ
ﻭﻃﻮﻝ ﻣﺎ ﺍﻧﻲ ﺑﺎﻟﻄﺮﻳﻖ ﻟﺒﻴﺖ ﺳﻠﻴﻤﺔ
ﻧﻘﺎﻟﻲ ﻣﺎ ﻭﻛﻊ ﻣﻨﻲ
ﻛﻞ ﺷﻮﻳﺔ ﺍﺗﺼﻞ ﻋﻠﻰ ﻣﺮﻭﺓ ﻭﺍﺭﺟﻊ ﺍﺗﺼﻞ ﻋﻠﻰ ﺍﺛﻴﺮ
ﺍﺭﻳﺪﻩ ﻳﻜﻮﻟﻲ ﻭﻳﻦ ﺍﺧﺬﻭﺍ ﺍﺧﺘﻲ ﻭﺷﺴﻮﻭ ﺑﻴﻬﺎ
ﺑﺲ ﻧﻘﺎﻟﻪ ﺩﺍﺋﻤﺎ ﻳﻄﻠﻊ ﻣﺸﻐﻮﻝ
.. ﻟﺨﺎﻃﺮ ﺍﻟﻠﻪ ﺭﺩ .. ﺭﺩ ﺟﺎﻭﺑﻨﻲ ﻟﻴﺶ ﻣﺸﻐﻮﻝ
ﻭﺍﻟﻠﻪ ﺗﻠﻔﺖ ﺍﻋﺼﺎﺑﻲ
ﺩﻙ ﻧﻘﺎﻟﻲ ﻫﺪﻯ
ﺍﻫﻮﻭ ﻫﺎﻱ ﻫﺪﻯ ﻭﺍﻟﻠﻪ ﺭﺍﺡ ﺗﺠﻦ
.. ﺍﻟﻮ ﻫﺎ ﻫﺪﻯ
.. ﻋﻔﻴﺔ ﺷﻴﻤﺎﺀ ﺭﺍﺡ ﺍﺗﺨﺒﻞ ﻭﻳﻦ ﺍﺧﺬﻭﺍ ﻣﺮﻳﻢ
ﺭﺣﺖ ﻟﺒﻴﺖ ﻋﻤﻮ ﺍﻣﺠﺪ ﺍﺩﻙ ﺑﺒﺎﺑﻬﻢ ﻣﺤﺪ
ﻃﻠﻌﻠﻲ ﻭﻫﺴﺔ ﺍﻧﻲ ﻭﺻﻠﺖ ﻟﺒﻴﺖ ﺳﻠﻴﻤﺔ ﻭﻫﻢ ﻣﺎﻛﻮ
.. ﺍﻧﺘﻈﺮﻳﻨﻲ ﻫﻨﺎﻙ ﺍﻧﻲ ﺑﺎﻟﻄﺮﻳﻖ ﻫﺴﺔ ﻛﻠﺸﻲ ﻣﺎ ﺍﻋﺮﻑ ﺍﺗﺼﺮﻑ
ﺧﻠﻲ ﺍﺷﻮﻑ ﻣﺮﻭﺓ ﻛﺎﻟﺖ ﺍﻧﺘﻈﺮﻭﻧﻲ ﺑﺒﻴﺖ ﺳﻠﻴﻤﺔ
ﻫﺪﻯ
ﺳﺪﻳﺖ ﺍﻟﻨﻘﺎﻝ ﻣﻦ ﺷﻴﻤﺎﺀ ﻭﺍﻧﻲ ﺍﺭﻭﺡ ﻭﺍﺭﺟﻊ ﺑﻤﻜﺎﻧﻲ
ﺳﻠﻴﻤﺔ .. ﻭﻟﺞ ﺍﻟﺒﻜﻌﺔ ﻫﻢ ﺍﻟﺞ ﻋﻴﻦ ﻭﺗﺠﻴﻦ ﻫﻨﺎ ﻟﺒﻴﺘﻲ
.....
ﻫﺪﻯ .. ﺍﻧﻲ ﻣﺎ ﺟﺎﻳﺔ ﻋﻠﻰ ﺑﻴﺘﺞ
ﻭﻻ ﺍﺟﻴﺖ ﻋﻠﻤﻮﺩ ﺍﺷﻮﻓﺞ
ﺍﺟﻴﺖ ﺍﻏﻴﺪ ﺍﻋﻐﻒ ( ﺍﺭﻳﺪ ﺍﻋﺮﻑ ) ﺍﺧﺘﻲ ﻣﻐﻴﻢ ( ﻣﺮﻳﻢ ) ﻭﻳﻦ ﺍﺧﺬﻭﻫﺎ ﻭﻟﺪﺝ
ﺍﺑﺎﻭﻉ ﻋﻠﻴﻬﺎ ﻣﻴﻠﺖ ﻓﺘﺤﺘﺔ ﺩﺷﺪﺍﺷﺘﻬﺎ ﻭﻃﻠﻌﺖ ﺻﺪﺭﻫﺎ
ﻭﻛﺎﻟﺖ .. ﻭﻳﻦ ﺍﻟﻠﻪ ﻭﺍﻫﻞ ﺍﻟﺒﻴﺖ ﻛﻮﻥ ﻳﺬﺑﺤﻮﻧﻬﺎ ﻫﺎﻟﻌﺎﺭ
ﻳﻤﺔ ﺍﻧﻲ ﻛﺎﻟﺖ ﻫﻴﺞ ﺍﺣﺲ ﺳﺠﻴﻨﺔ ﻭﻧﺒﺘﺘﻬﺎ ﺑﺼﺪﺭﻱ
ﻫﺪﻳﺖ ﻋﻠﻴﻬﺎ ﻭﺟﺎﻥ ﺍﺳﻤﻊ ﺻﻮﺕ ﺍﻟﺒﺎﺏ ﻳﻨﺪﻙ
ﺭﺣﺖ ﺭﻛﺾ ﻓﺘﺤﺘﻪ ﻟﻜﻴﺖ ﻣﺮﻭﺓ
.. ﻫﺎ . ﻣﻐﻮﺓ ﺑﺸﻐﻴﻨﻲ ( ﻣﺮﻭﺓ ﺑﺸﺮﻳﻨﻲ )
ﺑﺎﻭﻋﺘﻠﻲ ﻭﻓﺎﺗﺖ ﻟﻠﺒﻴﺖ
.. ﺍﺛﻴﺮ ﻭﻳﻦ ﻭﺻﻞ ﻟﻮﺑﻌﺪﻩ
.. ﻻ ﻣﺎﻛﻮ ﻣﻤﻮﺟﻮﺩ ﺑﺎﻟﺒﻴﺖ
ﺍﺑﺎﻭﻉ ﻋﻠﻴﻬﺎ ﺭﻓﻌﺖ ﺍﻟﻨﻘﺎﻝ ﻭﺍﺗﺼﻠﺖ
ﻭﺣﺠﺖ .. ﺍﻟﻮ ﻭﻳﻦ ﺻﺮﺕ ﺍﻧﻲ ﺑﺒﻴﺘﻜﻢ . ﺍﺳﺘﻌﺠﻞ
ﺻﺪﻛﻨﻲ ﺍﺫﺍ ﺻﺎﺭ ﻋﻠﻰ ﻣﺮﻳﻢ ﺷﻲ
ﺗﺨﻴﺴﻮﻥ ﺑﺎﻟﺤﺒﻮﺱ ﻟﻮ ﺍﻋﺮﻑ ﺍﻧﻄﻲ ﺍﻟﻌﻨﺪﻱ ﻭﺍﻟﻤﺎﻋﻨﺪﻱ
ﻛﻮﻥ ﺍﺧﻠﻴﻜﻢ ﺗﻤﻮﺗﻮﻥ ﺑﺎﻟﺴﺠﻦ
ﺳﺪﺕ ﺍﻟﻨﻘﺎﻝ ﻭﺑﺎﻭﻋﺖ ﻋﻠﻴﺔ .. ﺷﻴﻤﺎﺀ ﻭﻳﻦ
.. ﺑﺎﻟﻄﻐﻴﻖ ( ﺑﺎﻟﻄﺮﻳﻖ )
ﻣﻐﻮﺓ ( ﻣﺮﻭﺓ ) ﻋﻔﻴﺔ ﻛﻮﻟﻴﻠﻲ ﺷﻨﻮ ﻏﺎﺡ ( ﺭﺍﺡ ) ﺗﺴﻮﻳﻦ
.. ﺍﻧﺘﻈﺮﻱ ﺧﻠﻲ ﺍﺛﻴﺮ ﺍﻟﻌﺎﺭ . ﻳﺠﻲ ﻛﻼﻣﻲ ﺭﺍﺡ ﻳﻜﻮﻥ ﻛﻠﻪ ﻭﻳﺎﻩ
ﺟﻨﺎ ﻭﺍﻛﻔﺎﺕ ﻧﺤﺠﻲ ﺑﺎﻟﻤﻄﺒﺦ ﻭﺍﻧﺪﻙ ﺍﻟﺒﺎﺏ ﻭﻭﺻﻠﺖ ﺷﻴﻤﺎﺀ
ﺷﻴﻤﺎﺀ .. ﻫﺎ ﺑﻨﺎﺕ ﺑﺸﺮﻭﻧﻲ ﻣﺮﻳﻮﻣﺔ ﻣﺎﻛﻮ ﺧﺒﺮ ﻋﻨﻬﺎ
ﺟﺎﻧﺖ ﺗﺤﺠﻲ ﻭﻋﻴﻮﻧﻬﺎ ﻣﻐﻮﺭﻛﺔ ﺑﺲ ﻣﺘﺒﺠﻲ
.. ﺣﺎﻟﻨﺎ ﻣﻦ ﺣﺎﻟﺞ ﻣﺎﻛﻮ ﺷﻲ
ﻣﺮﻭﺓ . ﺑﺎﻭﻋﺖ ﻋﻠﻴﻨﺎ ﻭﺟﺎﻭﺑﺘﻨﺎ ﺑﻨﻔﺎﺫ ﺻﺒﺮ
. ﺑﻨﺎﺕ ﺑﺲ ﺻﺒﺮﻭﺍ ﻋﻠﻴﺔ ﺷﺒﻴﻜﻢ ﻫﺴﻪ ﺗﺸﻮﻓﻮﻥ ﻭﺗﺴﻤﻌﻮﻥ
ﺣﺠﺖ ﻭﺭﻓﻌﺖ ﺍﻳﺪﻫﺎ ﺗﺒﺎﻭﻉ ﻋﺎﻟﺴﺎﻋﺔ
ﻣﺮﻭﺓ .. ﺍﺳﺘﻐﻔﺮ ﺍﻟﻠﻪ ﻭﻳﻦ ﺻﺎﺭ ﻫﺬﺍ
ﻭﺟﺎﻥ ﺗﺠﻲ ﺳﻠﻴﻤﺔ ﻭﺷﺎﻓﺘﻨﺎ
.. ﻳﺎ ﺻﻠﻮﺍﺕ ﻋﻠﻰ ﺍﻟﻨﺒﻲ ﻟﻔﻦ ﺑﻨﺎﺕ ﺍﻟﻔﻜﺮ
ﺍﻧﻲ ﻣﺎ ﻳﺸﺮﻓﻨﻲ ﺗﺪﺧﻠﻮﻥ ﻟﺒﻴﺘﻲ
ﺟﺎﻭﺑﺘﻬﺎ .. ﺍﺻﻼ ﺍﺣﻨﺎ ﻣﺎ ﻳﺸﻐﻔﻨﺎ ( ﻳﺸﺮﻓﻨﺎ ) ﻧﺪﺧﻞ ﻟﺒﻴﺘﺞ
ﻫﺴﺔ ﻫﻮ ﺑﻴﺘﺞ ﻓﺪ ﻣﻨﺪﻟﺔ ﺧﺎﺑﺼﺘﻨﺎ ﺧﺒﺺ ﺑﻴﺘﻲ ﻭﺑﻴﺘﻲ ﺍﻟﻲ ﻳﺴﻤﻌﺞ ﻳﺼﺪﻙ
ﺍﺻﻼ ﺑﻴﺘﺞ ﺍﻟﺒﻴﺖ ﺍﻻﺑﻴﺾ ﻣﻦ ﺍﺩﺧﻞ ﺑﻲ ﻳﻨﻜﻐﺐ ( ﻳﻨﻜﺮﺏ ) ﻛﻠﺒﻲ
ﻃﺎﻟﻊ ﻋﻠﻰ ﺭﺍﻋﻴﺘﻪ ﻧﺤﺲ ﺍﺳﻮﺩ ﻭﺻﺨﻢ
ﺳﻠﻴﻤﺔ .. ﻭﻟﺞ ﺍﻟﺒﻜﻌﺔ ﺍﻡ ﻧﺺ ﻟﺴﺎﻥ
ﻭﺍﻟﻠﻪ ﺛﻢ ﻭﺍﻟﻠﻪ ﺍﺫﺍ ﻣﺎ ﺗﻄﻠﻌﻴﻦ ﻣﻦ ﺑﻴﺘﻲ
ﻫﺴﺔ ﺍﺍﻛﻮﻡ ﺍﻋﻴﻂ ﻭﺍﻟﻢ ﻋﻠﻴﺞ ﺍﻟﻨﺎﺱ ﺍﻧﺘﻲ ﻭﺧﻮﺍﺗﺞ
ﻣﺮﻭﺓ ﻋﺎﻃﺖ ﺑﻴﻬﺎ ﺑﺼﻮﺕ ﻋﺎﻟﻲ ﺧﻼﻫﺎ ﺗﻜﻤﺰ ﻣﻦ ﻣﻜﺎﻧﻬﺎ ﻭﺗﺴﻜﺖ ﺑﺴﺮﻋﺔ
.. ﻛﺎﺍﺍﺍﺍﺍﻓﻲ ﺷﺨﺒﺼﺘﻴﻨﺎ ﺑﺒﻴﺘﺞ
ﻻ ﺗﺨﻠﻴﻨﻲ ﺍﺣﻂ ﻋﻘﻠﻲ ﻭﻳﺎﺝ ﻭﺍﻟﻠﻪ ﺍﻟﻌﻈﻴﻢ ﻛﺒﻞ
ﺍﺧﻠﻴﻬﻢ ﻳﺎﺧﺬﻭﺝ ﻭﻳﻮﺩﻭﺝ ﺑﺪﺍﺭ ﺍﻟﻌﺠﺰﺓ
ﺗﺒﻘﻴﻦ ﻫﻨﺎﻙ ﺗﺤﺖ ﺭﺣﻤﺔ ﺍﻟﻤﺎ ﻳﺮﺣﻢ
ﺳﻠﻴﻤﺔ .. ﻛﻮﻟﻲ ﺍﻧﻲ ﻣﺮﺓ ﺳﺒﻌﺔ ﻭﺳﻮﻳﻬﺎ
ﺟﺎﻭﺑﺘﻬﺎ ﻣﺮﻭﺓ ﺑﺎﺳﺘﻬﺰﺍﺀ
.. ﺍﻟﻲ ﻋﻨﺪﻫﺎ ﺍﻭﻻﺩ ﻋﺎﺭ ﻣﺜﻞ ﺍﺛﻴﺮ ﻭﺍﻣﺠﺪ
ﺍﻟﻤﻔﺮﻭﺽ ﺗﺘﻮﻗﻊ ﻛﻠﺸﻲ ﻣﻨﻬﻢ
ﺟﺎﻭﺑﺘﻬﺎ .. ﻭﻭﻟﺪﻱ ﺷﻨﻮ ﺩﺧﻠﻬﻢ ﺑﻴﺔ ﺍﻧﻲ ﻣﻌﺎﻳﺸﻪ ﻋﺪﻫﻢ
ﺍﻧﻲ ﻛﺎﻋﺪﺓ ﺑﺒﻴﺘﻲ ﻭﻣﺤﺪ ﺍﻟﻪ ﺣﻖ ﻋﻠﻴﺔ ﻭﺍﻧﺘﻲ ﻣﺎ ﺗﺨﻮﻓﻴﻨﻲ ﺑﻜﻼﻣﺞ
ﻣﺮﻭﺓ ﺑﺤﻘﺪ ﺳﻨﻴﻦ ﻣﻜﺘﻮﻡ
.. ﺷﻨﻮ ﺭﺃﻳﺞ ﺗﺤﺒﻴﻦ ﺗﺠﺮﺑﻴﻦ ﻭﺗﺸﻮﻓﻴﻦ
ﺷﻨﻮ ﺍﻛﺪﺭ ﺍﺳﻮﻱ
ﺗﺮﺓ ﻃﺮﺩﺗﺞ ﻣﻦ ﺍﻟﺒﻴﺖ ﺍﺳﻬﻞ ﻣﻨﻬﺎ ﻣﺎﻛﻮ
ﻣﺠﺮﺩ ﺗﻘﺮﻳﺮ ﻣﻦ ﺍﻟﻤﺴﺘﺸﻔﻰ ﻳﺒﻴﻦ ﻋﺪﻡ ﺻﺤﺔ ﻋﻘﻠﺞ
ﻭﺻﻌﻮﺑﺔ ﺍﻟﺴﻴﻄﺮﺓ ﻋﻠﻴﺞ ﻭﻛﺒﺮ ﺳﻨﺞ ﻭﻏﻴﺮﻫﺎ ﻣﻦ ﺍﻻﻣﻮﺭ
.....
ﺍﻣﺎ ﻭﻟﺪﺝ ﻓﻤﺎ ﻳﺤﺘﺎﺝ ﺍﻗﺘﻌﻬﻢ ﺭﺍﺡ ﻳﺮﻛﺼﻮﻥ ﺑﺠﻔﻴﺔ ﻣﻦ ﺍﻛﻠﻬﻢ
ﺍﺷﻮ ﻫﻤﺔ ﻳﺒﻴﻌﻮﻥ ﺍﻣﻬﻢ ﻭﺍﺑﻮﻫﻢ ﻋﺎﻟﻔﻠﻮﺱ ﺍﻧﻄﻴﻬﻢ ﻛﻢ ﻓﻠﺲ ﻣﻘﺎﺑﻞ
ﻳﺎﺧﺬﻭﻧﺞ ﻭﻳﺤﻄﻮﻧﺞ ﺑﺪﺍﺭ ﺍﻟﻌﺠﺰﺓ ﻭﻫﻤﺔ ﺍﻟﻤﻤﻨﻮﻧﻴﻦ
ﻭﻫﻤﺔ ﺍﻟﻤﺴﺘﻔﺎﺩﻳﻦ ﻣﻦ ﺍﻟﻲ ﺭﺍﺡ ﻳﺼﻴﺮ
ﻳﺒﻴﻌﻮﻥ ﺑﻴﺘﺞ ﻭﻳﻘﺴﻤﻮﻥ ﻓﻠﻮﺳﻪ
ﺳﻠﻴﻤﺔ ﻛﺎﻣﺖ ﺗﺮﺟﻒ ﻣﻦ ﺍﻟﻐﻀﺐ
.. ﻭﻟﺞ ﺍﻧﺘﻲ ﻭﺣﺪﺓ ﻋﺎﺭ ﺟﺎﻳﺔ ﻣﻦ ﺍﻟﻤﻨﺰﻭﻝ
ﻭﺍﻟﻤﺜﻠﺞ ﻛﻠﺸﻲ ﺍﺗﻮﻗﻊ ﻣﻨﻬﺎ ﺗﺴﻮﻱ
ﻣﻦ ﺍﻟﻠﻪ ﻻ ﻳﻮﻓﻘﺠﻦ ﺍﻧﺘﻲ ﻭﺧﻮﺍﺗﺞ
ﺍﺭﻳﺪ ﻛﻮﻥ ﺭﺏ ﺍﻟﻌﺎﻟﻤﻴﻦ ﻳﻔﺮﻓﺢ ﻛﻠﺒﺞ ﻋﻠﻰ ﺍﺧﺘﺞ
ﺭﺍﺣﺖ ﺩﺍﺭﺕ ﻭﺟﻬﻪ ﻭﺩﺧﻠﺖ ﻟﻐﺮﻓﺘﻬﺎ ﻭﺳﺪﺕ ﺍﻟﺒﺎﺏ
ﺷﻴﻤﺎﺀ .. ﻣﺮﻭﺓ ﻋﻮﻓﺞ ﻣﻨﻬﺎ ﻣﺮﻳﺔ ﺟﺒﻴﺮﺓ ﻻﺗﺤﻄﻮﻥ ﺑﺎﻟﻜﻢ ﻳﻤﻬﺎ
ﺗﺮﺓ ﻫﻲ ﻣﺎ ﺑﻴﻬﺎ ﺧﻴﺮ ﺑﺲ ﺍﻟﺴﺎﻥ ﻣﺘﻜﺪﺭ ﺗﺴﻮﻱ ﺷﻲ
ﻣﺮﻭﺓ .. ﺧﻠﻴﻬﺎ ﺗﺴﺘﺎﻫﻞ ﺍﺫﺍ ﻛﻨﺘﻮﺍ . ﺍﻧﺘﻮﺍ . ﻣﺘﺴﺎﻣﺤﻴﻦ ﻭﻳﺎﻫﺎ
ﻓﺎﻧﻲ ﻻ
ﺍﺧﺘﻠﻒ ﻋﻨﻜﻢ ﺍﺫﺍ ﺍﻟﺪﻧﻴﺎ ﻋﻠﻤﺘﻨﻲ ﺷﻲ
ﻓﻬﻮ ﻋﺪﻡ ﻧﺴﻴﺎﻥ ﺍﻟﻨﺎﺱ ﺍﻟﻲ ﺍﺫﻭﻧﻲ ﻭﺣﻄﻢ ﺣﻴﺎﺗﻲ ﺍﻧﻲ ﻭﺧﻮﺍﺗﻲ
ﺍﺑﺸﺮﺝ ﻛﻠﺒﻲ ﺻﺎﺭ ﺍﺳﻮﺩ ﻣﺎ ﻳﺮﺣﻢ
ﻣﻦ ﻭﺭﺍﻫﺎ ﻫﻲ ﻭﺍﻭﻻﺩﻫﺎ
ﻟﺤﻈﺎﺕ ﻭﺟﺎﻥ ﻳﻮﺻﻞ ﺍﺛﻴﺮ
ﺩﺧﻞ ﻟﻠﺒﻴﺖ ﻭﺻﺎﺭ ﻳﺒﺎﻭﻉ ﻋﻠﻴﻨﺎ ﺍﻧﻲ ﻭﺍﻟﺒﻨﺎﺕ
ﻭﺑﺎﻭﻉ ﻟﻤﺮﻭﺓ
ﺍﺛﻴﺮ .. ﻛﻮﻟﻲ ﺑﺴﺮﻋﺔ ﺷﻨﻮ ﺭﺍﻳﺪﺓ
ﻣﺮﻭﺓ ﺣﺠﺖ ﻭﻳﺎﻫﺎ ﺑﻜﻞ ﺑﺮﻭﺩ
.. ﺷﻮﻑ ﺍﺛﻴﺮ ﻋﻨﺪﻱ ﺍﻟﻚ ﻋﺮﺽ
ﺑﺲ ﻗﺒﻞ ﻻ ﺍﺣﺠﻲ ﺍﺭﻳﺪ ﺍﻋﺮﻑ ﺍﺧﺘﻲ ﻣﺮﻳﻢ ﻭﻳﻦ ﻫﺴﺔ ﺧﻮ ﻣﺎ ﺍﺫﻳﺘﻮﻫﺎ
ﺍﺛﻴﺮ .. ﻣﻦ ﺷﻮﻛﺖ ﻧﺰﻟﺖ ﻋﻠﻴﺞ ﻫﺎﻱ ﺍﻟﺤﻨﻴﺔ ﻭﺍﺗﺬﻛﺮﺗﻲ ﻋﻨﺪﺝ ﺍﺧﺘﺞ
ﺷﻮﻓﻲ ﻭﻟﺞ ﺍﻧﺎ ﺍﺑﻮﻫﺎ ﺍﺣﺮﻛﻬﺎ ﺍﺑﻴﻌﻬﺎ ﺍﺩﻓﻨﻬﺎ ﺍﻧﺘﻲ ﻣﺎﻟﺞ ﺍﻱ ﺣﻖ ﺗﺠﻴﻦ ﺗﺤﺎﺳﺒﻴﻨﻲ ﻋﻠﻴﻬﺎ
ﺷﻴﻤﺎﺀ .. ﻟﻚ ﻣﺮﺓ ﺑﺤﻴﺎﺗﻚ ﺻﻴﺮ ﺍﺏ ﺑﻤﻌﻨﻰ ﻛﻠﻤﺔ ﺍﺏ ﺳﻮﻳﻠﻨﺎ ﺷﻲ ﺯﻳﻦ ﺑﺤﻴﺎﺗﻚ
ﺣﺘﻰ ﻧﺘﺬﻛﺮﻙ ﺑﻲ
ﺍﻧﺖ ﺷﻨﻮ ﺷﺎﻳﻞ ﻣﻦ ﻛﻠﺐ ﺍﺗﻮﻗﻊ ﺍﻟﻲ ﻳﻨﺒﺾ ﺑﺪﺍﺧﻞ ﺻﺪﺭﻙ
ﺣﺠﺮ ﻣﺎﻝ .. ﻭﺳﻜﺘﺖ
ﺍﺛﻴﺮ ﻋﺎﻁ ﺑﻴﻬﺎ .. ﺍﺷﺸﺸﺶ ﻭﻻ ﻛﻠﻤﺔ ﺍﻧﺘﻲ ﺑﺎﻟﺬﺍﺕ ﺗﺴﻜﺘﻴﻦ ﻭﻣﺎ ﺗﺤﺠﻴﻦ ﻭﻳﺎﻱ
ﺗﺮﺓ ﺳﻮﺍﻳﺘﺞ ﺍﻟﻨﺎﻗﺼﺔ ﻭﻳﺔ ﺍﻟﺠﻤﺎﻋﺔ . ﻟﺤﺪ ﺍﻻﻥ ﻣﺎ ﻧﺎﺳﻴﻬﺎ
ﺷﻴﻤﺎﺀ .. ﺍﻧﺖ ﻟﻲ .........
ﻣﺮﻭﺓ ﻟﺰﻣﺘﻬﺎ ﻣﻦ ﺫﺭﺍﻋﻬﺎ
.. ﺷﻴﻤﺎﺀ ﻟﺤﻈﺔ ﻣﻮ ﻭﻛﺘﻪ ﻫﺬﺍ ﺍﻟﺤﺠﻲ
ﺧﻠﻲ ﺑﺎﻻﻭﻝ ﻧﻠﺤﻚ ﻋﻠﻰ ﺍﺧﺘﻨﺎ ﻻ ﺗﺮﻭﺡ ﻣﻦ ﺑﻴﻦ ﺍﻳﺪﻳﻨﺎ
ﻟﺤﺪ ﺍﻻﻥ ﻣﺎ ﻧﻌﺮﻑ ﻫﺴﺔ ﻫﻲ ﻭﻳﻦ ﻭﺷﻨﻮ ﺩﻳﺴﻮﻭﻥ ﺑﻴﻬﺎ
ﺩﺍﺭﺕ ﻭﺟﻬﺎ ﻋﻠﻰ ﺍﺛﻴﺮ ..
.. ﺍﺛﻴﺮ ﻛﻼﻣﻚ ﺻﺤﻴﺢ ﺍﻧﻲ ﻣﺎﻟﻲ ﺣﻖ ﺍﺣﺴﺎﺑﻚ ﻋﻠﻰ ﺍﺧﺘﻲ
ﻻﻥ ﺍﻧﺖ ﺍﺑﻮﻫﺎ ﻣﻮﺟﻮﺩ ﻭﺗﻤﻠﻚ ﺍﻟﺤﻖ ﺑﺘﻘﺮﻳﺮ ﺣﻴﺎﺗﻬﺎ
ﻳﻌﻨﻲ ﻭﻟﻲ ﺍﻣﺮﻫﺎ
ﻟﺬﻟﻚ ﺍﻧﻲ ﺍﺟﻴﺘﻚ ﻫﺴﺔ ﺣﺘﻰ
ﺍﺳﺎﻭﻣﻚ ﺍﻭﻗﺪﻣﻠﻚ ﻋﺮﺽ ﻣﻐﺮﻱ ﻣﻘﺎﺑﻞ
ﺗﺮﺟﻊ ﻣﺮﻳﻢ ﻣﻦ ﺍﺧﻮﻙ ﺍﻣﺠﺪ ﻭﺗﺒﻠﻐﻪ
ﺍﻥ ﻫﻮ ﺑﻌﺪ ﻣﺎ ﻳﻤﻠﻚ ﺍﻟﺤﻖ ﻋﻠﻰ ﻣﺮﻳﻢ
.. ﻭﺷﻠﻮﻥ ﺗﺮﺩﻳﻨﻲ ﺍﺭﻭﺡ ﺍﺧﺬﻫﺎ ﻣﻨﻪ ﻭﻫﻮ ﻣﺘﻜﻔﻞ ﺑﻴﻬﺎ ﺻﺎﺭﻟﻪ ﺳﻨﻴﻦ
.. ﺍﻟﻘﺎﻧﻮﻥ ﻭﻳﺎﻙ ﺑﺼﻔﺘﻚ ﺍﺑﻮﻫﺎ ﺗﻜﺪﺭ ﺗﺎﺧﺬﻫﺎ
ﻣﻦ ﻋﻨﺪﻩ ﺷﻮﻛﺖ ﻣﺘﺮﻳﺪ
ﻭﻫﻮ ﻣﺎ ﺭﺍﺡ ﻳﻜﺪﺭ ﻳﻌﺘﺮﺽ ﻭﻳﻔﺘﺢ ﺣﻠﻜﻪ ﻭﻳﺎﻙ
ﺍﺑﺎﻭﻉ ﻻﺛﻴﺮ ﺻﻔﻦ ﻭﺣﻂ ﺍﻳﺪﻩ ﻋﻠﻰ ﺣﻨﻜﻪ ﻭﻛﻌﺪ ﻳﻤﺴﺪ ﺑﻲ
ﺑﺘﻔﻜﻴﺮ ﻭﺟﺎﻭﺑﻬﺎ
.. ﻭﺷﻨﻮ ﺍﻟﻲ ﻳﺨﻠﻴﻨﻲ ﺍﺳﻮﻱ ﻭﻳﺎﻩ ﻫﻴﺞ
.....
ﻭﺍﻧﺎ ﺣﺎﺟﺘﻲ ﻳﻤﻪ . ﻭﻫﻮ ﻣﺼﺎﺭﻟﻪ ﻫﻮﺍﻱ ﻣﻦ ﺩﺍﻳﻨﻲ ﻓﻠﻮﺱ
ﺳﻴﺎﺭﺓ ﻭﺧﺎﻑ ﻣﺎ ﺗﺪﺭﻳﻦ ﺗﺮﺓ ﻋﻤﺞ ﻣﺴﻮﻱ ﻫﻮﺍﻱ ﻓﻀﻞ
ﺑﺮﺍﺱ ﺧﻮﺍﺗﺞ
ﻭﻫﺬﻧﻲ ﻫﻨﺔ ﻛﺪﺍﻣﺞ ﻭﺳﺄﻟﻴﻬﻦ ﻋﻠﻰ ﻋﻄﺎﻳﺎ ﻋﻤﻬﻦ ﺍﻣﺠﺪ ﻭﻛﻔﺎﺗﻪ ﻭﻳﺎﻫﻦ
ﻫﺪﻯ .. ﺍﻱ ﺍﻧﺖ ﻛﻠﺘﻬﺎ ﻫﻮ ﺳﻮﺓ ﻓﻀﻞ ﺑﻐﺎﺳﻨﺎ ﻭﻛﺜﻎ ﺍﻟﻠﻪ ﺧﻴﻐﻪ ( ﺑﺮﺍﺳﻨﺎ ﻭﻛﺜﺮ ﺍﻟﻠﻪ ﺧﻴﺮﻩ )
ﺑﺲ ﻫﺬﺍ ﻣﺎ ﻳﻨﻄﻴﻪ ﺍﻟﺤﻖ ﻳﻈﻠﻢ ﺍﺧﺘﻨﺎ . ﻭﻳﺄﺫﻳﻬﺎ
ﻭﻳﻐﻴﺪﻧﺎ ( ﻳﺮﻳﺪﻧﺎ ) ﻧﺴﻜﺖ ﻭﺍﻟﻠﻪ ﻻﻥ ﻫﻮ ﺻﺎﺣﺐ ﻓﻀﻞ
ﺍﺛﻴﺮ .. ﻭﻟﻜﻢ ﺍﻧﺘﻮﺍ ﺷﻨﻮ ﻣﺎ ﻳﻜﺴﺮ ﻋﻴﻨﻜﻢ ﺑﺴﺮﻋﺔ ﺗﻨﻜﺮﻭﻥ ﺍﻟﻤﻌﺮﻭﻑ
ﻫﺪﻯ ﻓﺘﺤﺖ ﺣﻠﻜﻲ ﺣﺘﻰ ﺍﺟﺎﻭﺑﻪ
ﻭﻣﺮﻭﺓ ﻗﺎﻃﻌﺘﻨﻲ .. ﻟﺤﻈﺔ ﻫﺪﻯ
ﺍﻧﺘﻈﺮﻱ ﺍﻟﻈﺎﻫﺮ ﺻﺎﻳﺮ ﺳﻮﺀ ﻓﻬﻢ ﻋﻨﺪ ﺍﺑﻮﺝ
ﻭﻳﺤﺘﺎﺟﻠﻪ ﺗﻮﺿﻴﺢ
.. ﺷﻮﻑ ﺍﺛﻴﺮ ﺧﻠﻲ ﺑﻤﻌﻠﻮﻣﻚ
ﺗﺮﺓ ﻣﺼﺪﺭ ﺍﻓﻀﺎﻝ ﺍﺧﻮﻙ ﺍﻟﻲ ﺻﺎﺭﻟﻚ ﺳﺎﻋﺔ ﺩﺗﺤﺠﻲ ﻋﻨﻬﺎ ﺗﺮﺓ ﻛﻠﻬﺎ ﻣﻦ ﻋﻨﺪﻱ
ﺍﻧﻲ ﻭﺭﺓ ﻛﻞ ﻓﻠﺲ ﺻﺮﻓﻪ ﺍﻣﺠﺪ ﻋﻠﻰ ﺧﻮﺍﺗﻲ
ﺷﻬﻜﺖ ﻣﺼﺪﻭﻣﺔ ﻭﺷﻴﻤﺎﺀ ﺑﺎﻭﻋﺖ ﻟﻤﺮﻭﺓ ﻣﺘﻔﺎﺟﺌﺔ ﺑﻜﻼﻣﻬﺎ
ﺍﺛﻴﺮ ﻣﺘﻔﺎﺟﻲﺀ .. ﻣﺴﺘﺤﻴﻞ ﻣﺎ ﺍﺻﺪﻙ ﻫﺬﺍ ﻓﻠﻢ ﻣﻨﺞ
.. ﻭﻟﻴﺶ ﻣﺴﺘﺤﻴﻞ ﺗﺮﺓ ﻟﺘﻨﺴﻰ ﺍﻣﺠﺪ ﻳﺼﻴﺮ ﺍﺧﻮﻙ
ﻭﺍﻟﺒﻄﻦ ﺍﻟﻲ ﺣﻤﻠﻚ ﺣﻤﻠﻪ
ﻭﻫﻴﺞ ﻃﻠﻌﺔ ﻏﺮﻳﺒﺔ ﻋﻠﻴﻜﻢ ﺗﻜﻌﺪﻭﻥ ﺗﺼﺮﻓﻮﻥ ﻋﻠﻰ ﺍﺧﻮﺍﺗﻲ
ﺍﻧﺘﻮﺍ ﺍﺛﻨﻴﻨﻜﻢ ﺗﻤﻮﺗﻮﻥ ﻋﻠﻰ ﺍﻟﻔﻠﺲ
ﻳﻌﻨﻲ ﺍﻧﺖ ﻣﺎ ﺳﺄﻟﺘﻪ ﺷﻨﻮ ﺍﻟﺤﻨﻴﺔ ﺍﻟﻨﺰﻟﺖ ﻋﻠﻴﻪ ﺑﺼﻮﺭﺓ ﻣﻔﺎﺟﺌﺔ
ﻋﻠﻤﻮﻡ ﻫﺬﺍ ﻣﻮ ﻣﻮﺿﻮﻋﻨﺎ ﺍﻧﻲ ﻫﺴﺔ ﻣﻮﺿﻮﻋﻲ ﻣﺮﻳﻢ
ﻭﺍﺭﻳﺪ ﺍﺣﺠﻲ ﺑﻲ
ﺷﻨﻮ ﺭﺃﻳﻚ ﻓﻠﻮﺱ ﺩﻳﻦ ﺍﻟﺴﻴﺎﺭﺓ ﻭﺍﺟﺮﻳﻠﻚ ﺭﺍﺗﺐ
ﻛﻞ ﺷﻬﺮ ﺍﺭﺑﻊ ﻭﺭﻗﺎﺕ . ﻳﻌﻨﻲ ﺍﻋﺘﺒﺮﻙ ﻣﻮﻇﻒ ﻋﻨﺪﻱ ﺑﺪﻭﻥ ﻋﻤﻞ
ﻭﺍﺳﺪﺩ ﻛﻞ ﺩﻳﻮﻧﻚ ﻣﻘﺎﺑﻞ ﺗﻜﺘﺒﻠﻲ ﻭﺗﻮﻗﻌﻠﻲ ﻛﻤﺒﻴﺎﻟﺔ ﺻﻚ
ﻋﻘﺪ ﺣﻮﺍﺟﺒﻪ ﺑﺸﻚ .. ﻭﺷﻨﻮ ﺭﺍﺡ ﺗﺴﺘﻔﺎﺩﻳﻦ
.. ﺍﺿﻤﻦ ﻭﺟﻮﺩ ﻣﺮﻳﻢ ﻳﻤﻨﺎ ﻭﻣﺘﺮﺟﻊ ﻟﺒﻴﺖ ﺍﻣﺠﺪ
ﻫﺎ ﺷﻨﻮ ﻛﻠﺖ
ﺻﺎﻓﻦ ﻳﺪﺭﺱ ﺍﻟﻤﻮﺿﻮﻉ ﻭﺷﻮﻳﺔ ﺣﺠﺔ
.. ﻭﺍﻟﻠﻪ ﻃﻠﻊ ﺍﻣﺠﺪ ﻣﻮ ﻫﻴﻦ ﺍﺛﺎﺭﻳﻪ ﻧﺎﻳﻢ ﻋﻠﻰ ﻣﻨﺠﻢ ﺫﻫﺐ
ﺷﻮﻳﺔ ﻭﺑﺎﻭﻉ ﻟﻤﺮﻭﺓ ﻭﺣﺠﺔ ﻭﻳﺎﻫﺎ
.. ﺧﻼﺹ ﻫﺬﺍ ﻫﻮ ﺍﻧﺎ ﻣﻮﺍﻓﻖ ﺑﺲ ﻗﺒﻞ ﻻ ﺍﻭﺍﻓﻖ
ﺍﺭﻳﺪﺝ ﺗﺰﻳﺪﻳﻦ ﺍﻟﺮﺍﺗﺐ ﻭﺗﻨﻄﻴﻨﻲ ﺑﺪﺍﻝ ﺍﺭﺑﻊ ﻭﺭﻗﺎﺕ
ﺍﺭﻳﺪﻫﻢ ﺗﺴﻮﻳﻬﻢ ﺳﺒﻊ ﻭﺭﻗﺎﺕ
ﻣﺮﻭﺓ ﺑﻨﻔﺎﺫ ﺻﺒﺮ
.. ﺷﻮﻑ ﺍﺛﻴﺮ ﺣﺘﻰ ﺍﻛﻮﻥ ﻭﻳﺎﻙ ﺻﺮﻳﺤﺔ ﺭﺍﺡ ﺍﺟﻲ ﻭﻳﺎﻙ ﻟﻠﻄﺮﻳﻖ
ﻭﺍﻧﻄﻴﻚ ﺑﺲ ﺧﻤﺲ ﻭﺭﻗﺎﺕ ﺑﺎﻟﺸﻬﺮ
ﺍﻧﺖ ﻟﻬﻨﺎ ﺣﺪﻙ ﻭﻋﺮﺿﻲ ﻣﺎ ﺭﺍﺡ ﺍﻏﻴﺮﻩ
ﻻ ﻋﺒﺎﻟﻚ ﺗﺮﻳﺪ ﺗﺴﺘﺨﺪﻡ ﻣﺮﻳﻢ ﺍﺧﺘﻲ ﺣﺠﺔ ﻭﺗﻜﻌﺪ ﺗﻀﻐﻂ ﺑﻴﻬﺎ ﻋﻠﻴﺔ
ﺗﺮﺓ ﺻﺪﻛﻨﻲ ﺍﺫﺍ ﺭﻓﻀﺖ ﺍﻧﺖ ﺍﻟﺨﺴﺮﺍﻥ
ﻻﻥ ﺑﻴﻚ ﺑﺪﻭﻧﻚ
ﺍﻧﻲ ﺭﺍﺡ ﺍﺧﺬ ﻣﺮﻳﻢ ﻭﻏﺼﺐ ﻋﺎﻟﻜﻞ ﻋﻨﺪﻱ ﻇﻬﺮ ﻗﻮﻱ
ﻋﻦ ﻃﺮﻳﻘﻬﻢ ﺍﻛﺪﺭ ﺍﻭﺻﻞ ﻻﺧﺘﻲ ﻭﺍﺧﺬﻫﺎ
ﻭﺑﺸﺮﻁ ﻛﺪﺍﻡ ﻋﻴﻮﻧﻜﻢ ﻭﺗﺸﻮﻓﻮﻥ
ﺍﺛﻴﺮ ﺑﻨﺬﺍﻟﺔ .. ﻟﻌﺪ ﻣﺎ ﺩﺍﻡ ﺍﻧﺘﻲ ﻫﻴﺞ ﻗﻮﻳﺔ ﺍﻟﻤﻦ ﺟﺎﻳﺘﻨﻲ
ﻣﺎ ﺗﺮﺣﻴﻦ ﻟﻠﻨﺎﺱ ﺍﻟﻲ ﻛﺎﻋﺪﺓ ﺗﺤﺠﻴﻦ ﻭﺗﺰﺍﻣﻄﻴﻦ ﺑﻴﻬﻢ ﻭﺗﺎﺧﺬﻳﻦ ﺍﺧﺘﺞ
.. ﻣﺎ ﺭﺩﺕ ﺍﻛﺒﺮ ﺍﻟﻤﻮﺿﻮﻉ ﻭﺍﺩﺧﻠﻬﻢ ﻭﻳﺘﺄﺫﺓ ﺍﺣﺪ ﺑﻴﻜﻢ
ﻣﻬﻤﺎ ﻳﻜﻮﻥ ﺍﻧﺖ ﺍﺳﻤﻚ ﻣﻮﺟﻮﺩ ﻭﺭﺓ ﺍﺳﻤﻲ ﺑﺎﻟﻬﻮﻳﺔ
ﻭﻫﺬﺍﻙ ﺍﻟﺜﺎﻧﻲ ﻋﻤﻲ ﻭﻣﺎﺭﻳﺪ ﺍﻧﺰﻝ ﺭﺍﺳﻲ ﺑﻴﻜﻢ
.....
ﻛﻠﺖ ﺍﻗﺘﺮﺡ ﻋﻠﻴﻚ ﻫﺬﺍ ﺍﻟﺤﻞ ﺍﻥ ﺭﻓﻀﺖ ﺭﺍﺡ ﺍﺿﻄﺮ
ﺍﺭﻭﺡ ﺍﻃﻠﺐ ﻣﻨﻬﻢ ﻳﻮﻛﻔﻮﻥ ﻭﻳﺎﻱ ﻭﻳﺒﻄﺸﻮﻥ ﺑﻴﻜﻢ
ﻭﻣﻦ ﻏﻴﺮ ﻣﺎ ﻳﺮﻓﻠﻲ ﺟﻔﻦ
ﻫﺎ ﺷﻨﻮ ﻛﻠﺖ ﺗﺤﺐ ﺗﺠﺮﺏ ﻭﺗﺸﻮﻑ ﺑﻌﻴﻨﻚ ﺍﻧﻲ ﺷﻨﻮ ﺍﻛﺪﺭ ﺍﺳﻮﻱ
ﻟﻮ ﺗﺨﻠﻴﻬﺎ ﺑﻴﻨﺎ ﺍﺣﺴﻨﻠﻚ ﺍﻟﻚ ﻭﻻﺧﻮﻙ
ﺟﺎﻧﺖ ﻣﺮﻭﺓ ﺗﺤﺠﻲ ﻭﻳﺔ ﺍﺛﻴﺮ ﺑﻜﻞ ﺩﻡ ﺑﺎﺭﺩ
ﺍﺛﻴﺮ .. ﺧﻼﺹ ﻫﺎﻱ ﻫﻲ ﺍﺗﻔﻘﻨﺎ ﺑﺲ ﻫﺎ ﺗﺴﻠﻤﻴﻨﻲ ﺍﻟﻔﻠﻮﺱ
ﻳﺎﻟﻠﻪ ﺍﻭﻗﻊ ﻋﻠﻰ ﺍﻱ ﻭﺭﻗﺔ
ﻣﺮﻭﺓ .. ﺗﻤﺎﻡ
ﺑﺲ ﻗﺒﻞ ﻻ ﺍﺳﻮﻱ ﺍﻱ ﺷﻲ ﺍﺭﻳﺪﻙ ﻫﺴﺔ ﺗﺮﻭﺡ ﺗﺠﻴﺐ
ﻣﺮﻳﻢ ﺍﺧﺘﻲ ﻣﻦ ﺍﻣﺠﺪ ﻭﻛﺪﺍﻣﻲ
ﺑﻬﺎﻱ ﺍﻟﻠﺤﻈﺔ
.. ﺍﻱ ﺑﺲ ﻛﻮﻥ ﻣﻦ ﺍﺟﻴﺒﻬﺎ ﺍﻟﻜﺎﺝ ﻣﺤﻀﺮﺓ ﺍﻟﻔﻠﻮﺱ
ﻛﺎﻡ ﻣﻦ ﻣﻜﺎﻧﻪ
ﻭﻣﺮﻭﺓ ﻛﺎﻣﺖ ﻭﻳﺎﻩ
ﻭﻛﻔﺖ ﻛﺪﺍﻣﻪ ﻭﺭﻓﻌﺖ ﻧﻘﺎﻟﻬﺎ ﻭﺍﺗﺼﻠﺖ
ﻛﺪﺍﻣﻪ ﺣﺠﺖ ﻭﻳﺔ ﺭﺟﺎﻝ ﺍﺳﻤﻪ ﺍﺑﻮ ﻳﺎﺳﺮ
ﻳﺠﻴﺒﻠﻬﺎ ﺍﻟﻤﺒﻠﻎ ﻭﺍﻧﻄﺘﻪ ﻋﻨﻮﺍﻥ ﺑﻴﺖ ﺳﻠﻴﻤﺔ ﻭﻛﻠﺘﻠﻪ ﺍﻧﻲ ﺍﻧﺘﻈﺮﻙ
ﻧﻬﺖ ﺍﻻﺗﺼﺎﻝ ﻭﺑﺎﻭﻋﺖ ﻻﺛﻴﺮ ﻭﻛﺎﻟﺖ
.. ﻭﻫﺎﻱ ﺍﻧﻲ ﻧﻔﺬﺕ ﻭﻋﺪﻱ ﺍﻟﻚ
ﻳﺎﻟﻠﻪ ﺍﺗﺤﺮﻙ ﺷﻨﻮ ﺗﻨﺘﻈﺮ
.. ﺧﻼﺹ ﺍﻧﺎ ﺭﺍﻳﺢ ﻟﺒﻴﺖ ﺍﻣﺠﺪ ﺍﺟﻴﺒﻬﺎ
ﺣﺠﻴﺖ ﺑﺴﺮﻋﺔ
.. ﻋﻤﻮ ﺍﻣﺠﺪ ﻣﻮ ﺑﺎﻟﺒﻴﺖ ﺍﻧﻲ ﻏﺤﺖ ( ﺭﺣﺖ ) ﻋﻠﻴﻬﻢ ﻗﺒﻞ ﻻ ﺍﺟﻲ ﻟﻬﻨﺎ
ﻭﺍﺫﺍ ﺗﻐﻴﺪ ﺗﻐﻮﺡ ( ﺗﺮﻳﺪ ﺗﺮﻭﺡ ) ﺗﺎﺧﺬﻧﻲ ﻭﻳﺎﻙ
ﺷﺎﻝ ﻧﻘﺎﻟﻪ ﻭﺍﺗﺼﻞ ﻋﻠﻰ ﺍﻣﺠﺪ ﻭﻓﻌﻼ ﻣﺎﻛﻮ ﺭﺩ
ﺭﺟﻊ ﺍﺗﺼﻞ ﻋﻠﻴﻪ ﻭﻫﻢ ﻣﺎﻛﻮ ﻭﺭﺩ
ﺯﺍﺩﺕ ﻧﻈﺮﺍﺕ ﺍﻟﻘﻠﻖ ﺑﻌﻴﻮﻥ ﺍﻟﻤﺘﺒﺎﺩﻟﺔ ﺑﻴﻨﻲ ﻭﺑﻴﻦ ﺧﻮﺍﺗﻲ
ﻭﺍﻟﺘﺮﻗﺐ ﺍﻟﻲ ﺍﺣﻨﺎ ﺑﻲ
ﻣﺎ ﺍﺭﺗﺎﺡ ﺍﻻ ﺍﺷﻮﻑ ﻣﺮﻳﻢ ﺍﺧﺘﻲ ﻛﺪﺍﻣﻲ
ﺍﺛﻴﺮ .. ﻫﺬﺍ ﺷﺒﻲ ﻣﻴﺮﺩ
ﺑﺎﻟﻠﻪ ﺧﻠﻲ ﺍﺗﺼﻞ ﻋﻠﻰ ﺍﺣﻤﺪ
ﺍﺗﺼﻞ ﻋﻠﻰ ﺍﺣﻤﺪ ﻭﺭﺩ ﻋﻠﻴﻪ
ﺍﺳﻤﻌﻪ ﻳﻜﻠﻪ ﺍﺑﻮﻙ ﻭﻳﻦ
ﺫﺍﻙ ﻣﺪﺭﻱ ﺷﻨﻮ ﺟﺎﻭﺑﻪ
ﻭﺍﺛﻴﺮ ﺭﺍﺡ ﻳﺮﻛﺾ ﻟﻠﺒﺎﺏ
ﻭﺍﻧﻲ ﻭﺍﻟﺒﻨﺎﺕ ﺭﻛﻀﻨﺎ ﻭﺭﺍﻩ ﻋﺮﻓﻨﺎ ﺍﻛﻮ ﺷﻲ ﺻﺎﻳﺮ ﻳﺨﺺ ﻣﺮﻳﻢ
.. ﻳﻌﻨﻲ ﺷﻨﻮ ﺳﻮﺓ ﺑﻴﻬﺎ ﺍﺣﺠﻲ ﻛﻮﻝ
ﻣﺎ ﺣﺴﻴﻨﺎ ﺍﻻ ﻭﺍﺛﻴﺮ ﻛﺎﻡ ﻳﺴﺐ ﻭﻳﻐﻠﻂ
ﺍﻧﻬﻰ ﺍﻻﺗﺼﺎﻝ
ﻭﻛﺎﻝ .. ﺍﺣﻤﺪ ﻳﻜﻮﻝ ﺍﻣﺠﺪ ﺍﻭﻝ ﻣﺎ ﺩﺍﺧﻞ ﻟﻠﺒﻴﺖ
ﺩﺧﻞ ﻫﻮ ﻭﻣﺮﻳﻢ ﺑﺎﻟﻐﺮﻓﺔ ﻭﻗﻔﻠﻬﺎ
ﻳﻜﻮﻝ ﻣﺎ ﻛﺪﺭﺕ ﺍﺧﻠﺼﻬﺎ ﻣﻨﻪ ﺑﺲ ﺍﺳﻤﻊ ﺻﻴﺎﺣﻬﺎ
ﻟﺤﻈﺎﺕ ﻭﺟﺎﻥ ﻳﻨﻘﻄﻊ ﺻﻮﺕ ﻣﺮﻳﻢ
ﻭﺍﺑﻮﻱ ﻃﻠﻊ ﻣﻦ ﺍﻟﻐﺮﻓﺔ ﻭﻗﻔﻠﻬﺎ
ﻭﻛﺎﻝ ﻳﺎﻟﻠﻪ ﺍﻣﺸﻲ ﺧﻠﻲ ﻧﺮﻭﺡ ﻻﻣﻚ ﺑﺎﻟﻤﺴﺘﺸﻔﻰ
ﻭﻫﺴﺔ ﻫﻮ ﺑﺎﻟﻤﺴﺘﺸﻔﻰ ﻳﻢ ﺟﻨﺎﻥ ﻭﺣﺎﺑﺲ ﻣﺮﻳﻢ ﻟﻮﺣﺪﻫﺎ ﺑﺎﻟﺒﻴﺖ
ﻛﻤﻞ ﻛﻼﻣﻪ ﻋﺎﻟﺴﺮﻳﻊ ﻭﻫﻮ ﻳﻤﺸﻲ ﻟﺒﺎﺏ ﺍﻟﺸﺎﺭﻉ
ﻓﺘﺢ ﺑﺎﺏ ﺍﻟﺸﺎﺭﻉ ﻳﺮﻳﺪ ﻳﻄﻠﻊ
ﻣﺮﻭﺓ ﺑﻐﻀﺐ .. ﺍﻧﺘﻈﺮﻧﻲ ﺍﺭﻭﺡ ﻭﻳﺎﻙ ﺭﺟﻠﻲ ﻋﻠﻰ ﺭﺟﻠﻚ
ﺷﻴﻤﺎﺀ .. ﻭﺍﻧﻲ ﻫﻤﻴﻦ ﺍﺧﺬﻭﻧﻲ ﻭﻳﺎﻛﻢ
ﻣﻦ ﺍﻟﻠﻪ ﻻ ﻳﻮﻓﻘﻪ ﻻﻣﺠﺪ
ﻭﺍﻧﻲ ﻣﻜﻠﺖ ﺷﻲ ﻻﻥ ﺑﻴﻬﻢ ﺑﺪﻭﻧﻬﻢ ﺍﻧﻲ ﺍﺭﻭﺡ
ﻟﺒﻴﺖ ﺍﻣﺠﺪ ﻟﻮ ﺍﻋﺮﻑ ﺍﻃﻔﺮ ﺍﻟﺴﻴﺎﺝ ﻛﻮﻥ ﺍﻭﺻﻞ ﻟﻤﺮﻳﻢ
ﺳﻮﺩﺓ ﻋﻠﻴﺔ ﺍﺧﺘﻲ
ﻣﺎ ﺍﻛﺪﺭ ﺍﺗﺨﻴﻞ ﺧﻮﻓﻬﺎ ﻭﺭﻋﺒﻬﺎ ﺑﺬﻳﺞ ﺍﻟﻠﺤﻈﺔ ﻟﻮﺣﺪﻫﺎ
ﻻﺣﻮﻝ ﻭﻻ ﻗﻮﺓ
ﺻﻌﺪﻧﺎ ﺑﺎﻟﺴﻴﺎﺭﺓ ﻭﻳﺔ ﺍﺛﻴﺮ ﻭﻣﺮﻭﺓ ﺍﺗﺼﻠﺖ ﻋﺎﻟﺮﺟﺎﻝ ﻭﻛﻠﺘﻠﻪ ﺍﻧﺘﻈﺮﻧﻲ ﻟﺘﺠﻴﺐ ﺍﻟﻔﻠﻮﺱ ﻫﺴﺔ
ﺍﻧﻲ ﺑﻌﺪﻳﻦ ﻣﻦ ﺍﺗﺼﻞ ﻋﻠﻴﻚ ﺟﻴﺒﻬﻢ ﻻﻥ ﺣﺘﻤﺎﻝ
ﺍﻟﺸﻐﻠﺔ ﺗﺘﺄﺧﺮ ﺟﺎﻧﺖ ﺗﺤﺠﻲ ﻭﺗﺒﺎﻭﻉ ﻻﺛﻴﺮ
ﺍﺛﻴﺮ ﺟﺎﻭﺑﻬﺎ ﻣﻌﺼﺐ .. ﻭﺍﻟﻠﻪ ﺍﺣﺮﻙ ﺍﻟﺒﻴﺖ ﻋﻠﻰ ﺭﺍﺱ ﺍﻣﺠﺪ ﺍﺫﺍ ﻣﺴﻮﻱ ﺑﻴﻬﺎ ﺷﻲ
ﻣﺮﻭﺓ .. ﺍﻟﻠﻪ ﻋﻠﻴﺞ ﻳﺎﻟﺪﻧﻴﺎ
ﺻﺪﻙ ﺍﻟﻔﻠﻮﺱ ﺗﺼﻨﻊ ﺍﻟﻤﻌﺠﺰﺍﺕ ﻭﺗﺨﻠﻲ
ﺍﺛﻴﺮ ﻳﺨﺎﻑ ﻋﻠﻰ ﺑﻨﺘﻪ
.....
ﺍﺑﺎﻭﻉ ﻻ ﺍﺛﻴﺮ ﻣﻌﺼﺐ ﺭﻓﻊ ﻧﻘﺎﻟﻪ ﻭﺍﺗﺼﻞ ﻋﻠﻰ ﺍﺣﻤﺪ ﻭﻛﻠﻪ
.. ﺍﻧﺎ ﺟﺎﻱ ﺑﺎﻟﻄﺮﻳﻖ ﻟﺒﻴﺘﻜﻢ
ﺭﻭﺡ ﺍﺧﺬ ﺍﻟﻤﻔﺘﺎﺡ ﻣﻦ ﺍﺑﻮﻙ ﻭﺗﻌﺎﻝ ﺑﺴﺮﻋﺔ ﺧﻠﻲ ﻧﻠﺤﻚ ﻟﻠﺒﻨﻴﺔ ﺑﺲ ﻻ ﻣﺴﻮﻱ ﺑﻴﻬﺎ ﺷﻲ
ﻭﺻﻠﻨﺎ ﻟﺒﻴﺖ ﺍﻣﺠﺪ
ﻭﻟﻜﻴﻨﺎ ﺍﺣﻤﺪ ﻫﺴﺘﻮﺓ ﻭﺍﺻﻞ
ﻗﺘﺢ ﺍﻟﺒﺎﺏ ﻭﺩﺧﻠﻨﺎ ﻭﺍﺗﻮﺟﻪ ﻟﻠﻐﺮﻓﺔ ﺍﻟﻔﻮﻙ
ﻭﻓﺘﺢ ﺍﻟﺒﺎﺏ ﺍﻟﻐﺮﻓﺔ ﺑﺎﻟﻤﻔﺘﺎﺡ
ﻭﺟﺎﻥ ﻧﻠﻜﺔ ﻣﺮﻳﻢ ﻣﻜﺮﻓﺼﺔ ﻋﻠﻰ ﻧﻔﺴﻬﺎ ﺑﺰﺍﻭﻳﺔ ﺍﻟﻐﺮﻓﺔ ﻭﺗﺮﺟﻒ ﻭﺍﻟﺸﻌﺮﻫﺎ ﻣﻬﻮﺵ
ﺭﻛﻀﻨﺎ ﻋﻠﻴﻬﺎ ﻣﺮﻭﺓ ﻟﺰﻣﺘﻬﺎ
ﻟﻜﺖ ﺣﺮﺍﺭﺗﻬﺎ ﻣﺮﺗﻔﻌﺔ
ﻣﺮﻳﻢ ﺻﺎﻛﺔ ﻋﻠﻰ ﺍﺳﻨﺎﻧﻬﺎ
ﺍﻟﻐﺮﻳﺐ ﺑﺎﻻﻣﺮ ﻣﺎ ﻟﻜﻴﻨﺎ ﻋﻠﻴﻬﺎ ﺍﻱ ﺍﺛﺮ ﻟﻠﻀﺮﺏ ﻏﻴﺮ ﺑﺲ ﺧﺪﻫﺎ ﻭﺷﻌﺮﻫﺎ ﺍﻟﻤﻬﻮﺱ
ﻭﺑﻘﻮﺍ ﻣﺮﻭﺓ ﻭﺷﻴﻤﺎﺀ ﻳﺴﺘﻜﺸﻔﻮﻥ ﺟﺴﻢ ﻣﺮﻳﻢ ﺑﺨﻮﻑ
ﻭﻳﺘﻔﺤﺼﻮﻥ ﺍﺛﺎﺭ ﺍﻟﻀﺮﺏ ﺧﺎﻑ ﻣﺴﻮﻱ ﺑﻴﻬﺎ ﺷﻲ
ﻭﺍﻧﻲ ﺭﺣﺖ ﺭﻛﺾ ﺑﺴﺮﻋﺔ ﺟﺒﺘﻠﻬﺎ ﻣﺎﻱ
ﻭﻣﺮﻭﺓ ﺍﺧﺬﺗﻪ ﻣﻨﻲ
ﺍﻧﺘﺒﻬﺖ ﻟﺸﻴﻤﺎﺀ ﻣﻤﺪﺗﻬﺎ ﺑﺎﻟﻜﺎﻉ
ﻭﺭﻓﻌﺖ ﺛﻮﺑﻬﺎ
ﻭﺟﺎﻥ ﻧﺸﻮﻑ ﺯﺭﻫﺎ ﺍﻻﻳﺴﺮ ﻛﻠﻪ ﺍﺛﺎﺭ ﺣﺮﻙ
ﻣﺸﻮﻩ
ﺍﻗﺘﺮﺏ ﺍﺛﻴﺮ ﻳﺮﻳﺪ ﻳﺸﻴﻠﻬﺎ ﻭﻛﺎﻝ
.. ﻭﺧﺮﻭﺍ ﻋﻨﻬﺎ ﺧﻠﻲ ﻧﺎﺧﺬﻫﺎ ﻟﻠﻤﺴﺘﺸﻔﻰ ﺑﺴﺮﻋﺔ
ﻣﺮﻭﺓ ﺑﻌﺪﻣﺎ ﻋﺎﻳﻨﺖ ﺣﺮﻭﻕ ﻣﺮﻳﻢ
ﻛﺎﻟﺖ ﺑﻜﻞ ﻏﻀﺐ
ﻻ ﺭﺍﺡ ﺍﺧﺬﻫﺎ ﻭﻳﺎﻱ ﻟﺒﻴﺘﻲ
ﻭﺍﺟﻴﺒﻠﻬﺎ ﺩﻛﺘﻮﺭ ﻳﺸﺮﻑ ﻋﻠﻰ ﺣﺎﻟﺘﻬﺎ ﻭﺍﻧﻲ ﻭﺷﻴﻤﺎﺀ ﻧﺘﻌﺎﻭﻥ ﺳﻮﻳﺔ
ﺍﻟﻤﺴﺘﺸﻔﻴﺎﺕ ﻛﻠﻬﺎ ﻣﻠﻮﺛﺔ
ﻓﺄﺧﺎﻑ ﻋﺎﻟﺤﺮﻭﻕ ﺗﺘﻠﻮﺙ
ﺷﻴﻤﺎﺀ .. ﺍﻧﻲ ﻣﻦ ﺭﺃﻱ ﻣﺮﻭﺓ
ﺍﺛﻴﺮ .. ﻟﻌﺪ ﻳﺎﻟﻠﻪ ﺧﻠﻲ ﻧﻨﻘﻠﻬﺎ ﻟﻠﺴﻴﺎﺭﺓ
ﺍﺣﻤﺪ ﻛﺎﻝ .. ﻋﻤﻮ ﺑﺲ ﺍﺧﺎﻑ ﺑﺎﺑﺎ ﻣﻴﻘﺒﻞ ﺗﺎﺧﺬﻫﺎ ﻣﺮﻭﺓ
ﺟﺎﻭﺑﺘﻪ ﺑﻜﻞ ﺣﺮﻛﺔ ﻛﻠﺐ
.. ﺧﺎﺏ ﻣﺎ ﺗﻄﻴﻎ ( ﻣﺎﺗﻄﻴﺮ ) ﺍﻧﺖ ﻭﺑﺎﺑﺎ
ﻣﻦ ﻛﻞ ﻋﻘﻠﻚ ﻫﺴﺔ ﺍﺣﻨﺔ ﻧﻜﻌﺪ ﻧﻨﺘﻈﻎ ﺣﻀﻐﺔ ( ﻧﻨﺘﻈﺮ ﺣﻀﺮﺓ ) ﺑﺎﺑﺎ ﻳﺠﻲ ﻭﻳﺄﺫﻧﻠﻨﺎ ﻧﺎﺧﺬﻫﺎ
.. ﻫﺪﻯ ﺍﻧﺘﻲ ﻻ ﺗﺪﺧﻠﻴﻦ ﺛﻘﻲ ﺑﺎﻟﻠﻪ ﺍﺑﻮﻱ ﺍﺫﺍ ﻋﺮﻑ ﺑﻴﻜﻢ ﻣﺎﺧﺬﻳﻨﻬﺎ ﺗﺼﻴﺮ ﻛﺎﺭﺛﺔ
.. ﺍﻛﻠﻚ ﺍﺣﻤﺪ ﻏﺤﻤﺔ ( ﺭﺣﻤﺔ ) ﻋﻠﻰ ﺍﻫﻠﻚ ﻣﺘﻜﻠﻲ ﻫﺎﻱ ﻳﺎ ﻛﻠﻴﺔ
ﺳﻠﻤﺘﻚ ﺷﻬﺎﺩﺓ ﺍﻟﺼﻴﺪﻟﺔ
ﻋﻘﺪ ﺣﻮﺍﺟﺒﻪ ﻣﺴﺘﻐﺮﺏ .. ﺷﻨﻮ ﻗﺼﺪﺝ
.. ﻻ ﻫﻴﺞ ﺑﺲ ﺍﻏﻴﺪ ﺍﻋﻐﻒ ( ﺍﺭﻳﺪ ﺍﻋﺮﻑ ) ﻛﻤﻴﺔ ﺍﻟﻐﺒﺎﺀ ﺍﻟﻲ ﺷﺎﻳﻠﻬﺎ
ﺣﺘﻰ ﺍﺳﻮﻱ ﺣﺴﺎﺏ ﻟﻠﺠﻴﻨﺎﺕ ﺍﻟﻮﻏﺎﺛﻴﺔ ( ﺍﻟﻮﺍﺭﺛﻴﺔ ) ﺧﺎﻑ
ﺗﻮﺻﻞ ﻟﺠﻬﺎﻟﻲ ﻛﻠﺸﻲ ﻳﺼﻴﻎ ( ﻳﺼﻴﺮ )
.. ﺍﺣﺘﺮﻣﻲ ﻧﻔﺴﺞ ﻭﺍﺣﺠﻲ ﻋﺪﻝ
.. ﺑﺎﻻﻭﻝ ﺍﺣﺠﻲ ﻛﻼﻡ ﻣﻨﻄﻘﻲ ﻣﻌﻘﻮﻝ
ﻭﺗﺎﻟﻲ ﺗﻌﺎﻝ ﻃﺎﻟﺐ ﺑﺎﻻﺣﺘﻐﺎﻡ ( ﺑﺎﻻﺣﺘﺮﺍﻡ )
ﺑﺲ ﺍﻟﻌﺘﺐ ﻣﻮ ﻋﻠﻴﻚ ﺍﻟﻌﺘﺐ ﻋﻠﻰ ﺳﻮﺍﻳﺔ ﺍﻣﻚ ﻭﺍﺑﻮﻙ
ﺑﺤﻖ ﺍﺧﺘﻲ ﺑﺲ ﻭﺩﺍﻋﺘﻚ ﺣﻮﺑﺔ ﺍﻟﻴﺘﻴﻢ ﻣﺎ ﺗﻀﻴﻊ ﻋﻨﺪ
ﺍﻟﻠﻪ
ﺍﺛﻴﺮ ﺻﺎﺡ ﻋﻠﻰ ﺍﺣﻤﺪ
.. ﺗﻌﺎﻟﻲ ﺧﻠﻲ ﻧﺘﻌﺎﻭﻥ ﻭﻧﻨﺰﻟﻬﺎ
ﻟﻜﻴﺖ ﺷﻴﻤﺎﺀ ﻭﻣﺮﻭﺓ ﺣﺎﻃﻴﻦ ﻣﺮﻳﻢ ﻋﺎﻝ ﺷﺮﺷﻒ
ﻭﺍﺣﻤﺪ ﻭﺍﺛﻴﺮ ﺍﺗﻌﺎﻭﻧﻲ ﻭﺣﻤﻠﻮﻫﺎ ﻣﻦ ﺍﻃﺮﺍﻑ ﺍﻟﻐﻄﺎ
ﺍﻧﻲ ﻛﺒﻞ ﺭﺣﺖ ﺍﻓﺘﺢ ﺑﺎﻟﻤﺠﺮﺍﺕ ﻣﺎﻝ ﻏﺮﻓﺔ ﻣﺮﻳﻢ
ﺍﺟﺎﻧﻲ ﺻﻮﺕ ﺷﻴﻤﺎﺀ ﻣﻦ ﻭﺭﺍﻱ
ﻫﺪﻯ ﺷﻨﻮ ﺩﺗﺴﻮﻳﻦ
ﺟﺎﻭﺑﺘﻬﺎ ﻭﺍﻧﻲ ﺍﺩﻭﺭ .. ﻣﺜﻞ ﻣﺘﺸﻮﻓﻴﻦ ﺍﻟﻤﻠﻢ ﻛﺘﺐ ﻣﺮﻳﻢ ﻭﻣﻼﺯﻣﻬﺎ
ﻣﺒﺎﻗﻴﻠﻬﺎ ﺷﻲ ﻋﻠﻰ ﺍﻣﺘﺤﺎﻧﺎﺗﻬﺎ ﻭﻫﺎﻱ ﻓﺮﺻﺘﻨﺎ ﺍﻟﻮﺣﻴﺪﺓ
ﺣﺘﻰ ﻧﺎﺧﺬ ﻛﻞ ﻏﺮﺍﺿﻬﺎ ﻣﺎ ﺍﺭﻳﺪﻫﺎ ﺗﺮﺟﻊ ﻟﻬﺬﺍ ﻟﺒﻴﺖ
.....
ﺷﻴﻤﺎﺀ ﺭﺟﻌﺖ ﻟﻠﻐﺮﻓﺔ
.. ﻋﻔﻴﺔ ﻋﻠﻴﺞ ﻟﻌﺪ ﺧﻠﻲ ﺍﺧﺬﻟﻬﺎ ﻣﻼﺑﺲ ﺍﻟﻤﺪﺭﺳﺔ
ﻭﺑﺴﺮﻋﺔ ﺑﺴﺮﻋﺔ ﻛﺪﺭﻧﺎ ﻧﺎﺧﺬ ﻛﻞ ﺍﻟﻲ ﻳﻔﻴﺪ ﻣﺮﻳﻢ
ﻃﻠﻌﻨﺎ ﺟﻨﻄﺔ ﺟﺒﻴﺮﺓ ﺑﻴﻬﺎ ﻛﺮﺍﻛﻴﺐ
ﻧﻔﻀﻨﺎﻫﺎ ﺑﺎﻟﻜﺎﻉ ﻭﺣﻄﻴﻨﺎ ﺑﻤﻜﺎﻧﻬﺎ
ﺍﻟﻜﺘﺐ ﻭﺍﻟﻤﻼﺯﻡ ﻭﺍﻟﺪﻓﺎﺗﺮ
ﻭﻣﻼﺑﺲ ﺍﻟﻤﺪﺭﺳﺔ ﻓﻘﻂ
.. ﻣﺎ ﺍﺭﻳﺪ ﻣﺮﻳﻢ ﺗﻔﺸﻞ ﺑﺎﻻﻣﺤﺘﺎﻧﺎﺕ ﻭﺍﺷﻤﺖ ﺟﻨﺎﻥ ﺑﻴﻬﺎ
ﺍﺟﺘﻲ ﻣﺮﻭﺓ ﻭﺷﺎﻓﺘﻨﺎ ﺩﺍ ﻧﺴﺪ ﺑﺎﻟﺠﻨﻄﺔ
.. ﻳﺎﻟﻠﻪ ﻣﺎ ﺗﻜﻮﻟﻮﻟﻲ ﻭﻳﻦ ﺻﺮﺗﻮﺍ
ﺗﺮﺓ ﺍﺗﺼﻠﺖ ﻋﻠﻰ ﺍﻟﺪﻛﺘﻮﺭ
ﻭﻫﺴﺔ ﻋﻠﻰ ﻭﺻﻮﻝ ﻟﺒﻴﺘﻲ
ﺷﻴﻤﺎﺀ .. ﻳﺎﻟﻠﻪ ﻫﺬﺍ ﻫﻮ ﺧﻠﺼﻨﺎ
ﻣﺮﻭﺓ ﺩﺗﻨﺰﻝ ﻭﻳﺎﻧﺎ ﻋﺎﻟﺪﺭﺝ ﻭﺗﺒﺎﻭﻉ ﻟﻠﺠﻨﻄﺔ
.. ﻣﺘﻜﻮﻟﻮﻥ ﻫﺎﻱ ﺍﻟﺠﻨﻄﺔ ﺍﻟﻤﻦ
.. ﻟﻜﺘﺐ ﻣﺮﻳﻢ ﻭﻏﺮﺍﺿﻬﺎ ﺍﻟﻤﺪﺭﺳﻴﺔ
.. ﺍﻫﺎ ﻋﻔﻴﺔ ﻋﻠﻴﻜﻢ ﺯﻳﻦ ﺗﺴﻮﻥ
ﺑﻌﺪﻣﺎ ﻭﺻﻠﻨﺎ ﻟﺒﻴﺖ ﻣﺮﻭﺓ
ﺟﺎﻥ ﺍﻟﺪﻛﺘﻮﺭ ﻭﺍﺻﻞ ﺍﺳﺘﻠﻢ ﻣﺮﻳﻢ ﻫﻮ ﻭﻣﺮﻭﺓ
ﻭﺑﻌﺪﻫﺎ ﺍﻧﻲ ﻭﺷﻴﻤﺎﺀ ﻭﺍﻟﺨﺪﺍﻣﺔ ﺍﺗﻌﺎﻭﻧﺎ
ﻋﻠﻰ ﻏﺮﻓﺔ ﺍﻟﻀﻴﻮﻑ ﺑﺒﻴﺖ ﻣﺮﻭﺓ ﻛﺎﻥ ﺑﻴﻬﺎ ﺳﺮﻳﺮ ﺍﺑﻮ ﺍﻟﻨﻔﺮ
ﻋﻘﻤﻨﺎ ﺍﻟﻐﺮﻓﺔ ﻛﺎﻣﻠﺔ ﺑﺎﻟﺪﻳﺘﻮﻝ ﻻﻥ ﺍﻟﺤﺮﻭﻕ ﻛﺎﻧﺖ ﻗﻮﻳﺔ
ﻭﺍﻟﻐﺮﻓﺔ ﻧﻈﻴﻔﺔ ﺑﺲ ﻣﺤﺪ ﻣﺴﺘﻌﻤﻠﻬﺎ ﻗﺒﻞ
ﺍﻟﺪﻛﺘﻮﺭ ﻣﻦ ﺯﻣﻼﺀ ﻣﺮﻭﺓ ﺟﺎﻥ ﺍﺧﺘﺼﺎﺹ ﺟﻠﺪﻳﺔ
ﺑﻌﺪﻣﺎ ﻛﺸﻒ ﻋﻠﻰ ﻣﺮﻳﻢ
ﻛﺎﻝ .. ﺗﺮﺓ ﺍﻟﺒﻨﻴﺔ ﻣﺘﻌﺮﺿﺔ ﻟﺤﺮﻕ ﺣﺪﻳﺪ ﺳﺎﺧﻦ ﻭﺑﺎﻻﺣﺮﻯ ﻫﺎﻱ ﺍﺛﺎﺭ ﻟﺴﻌﺎﺕ ﺳﺠﻴﻦ
ﻭﺍﻟﺤﺮﻭﻕ ﺍﻟﺠﺪﻳﺪﺓ ﻋﺪﺩﻫﻢ ﺛﻼﺛﺔ
ﺑﺲ ﺍﻛﻮ ﺍﺛﺎﺭ ﺣﺮﻕ ﻗﺪﻳﻢ
ﻭﺍﺷﺮ ﻟﻤﺮﻭﺓ ﻋﻠﻴﻬﻦ ﺣﺘﻰ ﻳﺸﺮﺣﻠﻬﺎ
ﺷﻴﻤﺎﺀ ﺑﺨﻮﻑ .. ﻳﻌﻨﻲ ﺩﻛﺘﻮﺭ ﻭﻫﺴﺔ ﺍﺧﺘﻲ ﺷﻨﻮ
.. ﻻ ﺗﺨﺎﻓﻴﻦ ﺍﺧﺘﺞ ﻣﺎ ﺑﻴﻬﺎ ﺷﻲ ﺍﻟﺤﺮﻭﻕ ﺳﻄﺤﻴﺔ
ﻣﻮ ﻛﻠﺶ ﻋﻤﻴﻘﺔ ﺑﺲ ﺍﺭﺗﻔﺎﻉ ﺣﺮﺍﺭﺗﻬﺎ
ﻻﻥ ﺍﻟﺤﺮﻭﻕ ﺍﻟﺠﺪﻳﺪﺓ ﻓﻮﻕ ﺍﻟﺤﺮﻭﻕ ﻣﻨﻄﻘﺔ ﺍﻟﺤﺮﻕ ﺍﻟﻘﺪﻳﻤﺔ ﻭﺍﻟﺘﻬﺒﺖ
ﻛﺘﺐ ﻋﻠﻰ ﻭﺭﻗﺔ ﻭﺳﻠﻤﻬﺎ ﻟﻤﺮﻭﺓ
.. ﻣﺮﻭﺓ ﺍﺭﻳﺪ ﻫﺬﻧﻲ ﺍﻻﺩﻭﻳﺔ ﻭﺍﻟﺪﻫﻮﻥ ﺍﻻﺩﻭﺍﺕ ﻫﺴﺔ ﺿﺮﻭﺭﻱ
ﺗﻌﺮﻓﻴﻦ ﻻﺯﻡ ﺑﺴﺮﻋﺔ ﺣﺘﻰ ﺍﺑﺪﻱ ﺍﺳﻠﺦ ﺍﻟﺠﻠﺪ ﻭﺍﺿﻤﺪﻩ
ﻭﻣﺮﻭﺓ ﺍﻧﻄﺖ ﺍﻟﻮﺻﻔﺔ ﻟﻠﺤﺎﺭﺱ
ﻭﺑﻌﺪﻫﺎ ﺑﻠﺶ ﺍﻟﺪﻛﺘﻮﺭ ﻳﺸﻮﻑ ﺷﻐﻠﻪ ﻭﺷﻴﻤﺎﺀ ﻳﻤﻪ ﻭﺍﻧﻲ
ﻃﻠﻌﺖ ﺑﺮﺓ ﻳﻢ ﻣﺸﻤﺶ ﺍﻟﻲ ﺟﺎﻧﺖ ﺧﺎﻳﻔﺔ ﻣﻦ ﺷﺎﻓﺖ ﻣﺮﻳﻢ ﻫﻴﺞ ﺩﺧﻠﻮﻫﺎ
ﺗﺒﺎﻭﻉ ﺑﻌﻴﻮﻧﻬﺎ ﻭﻛﻞ ﺷﻮﻳﺔ ﺗﺴﺄﻝ ﻫﺪﻯ
.. ﻣﺎﻣﺎ ﻟﻴﺶ ﻋﺼﺒﻴﺔ
ﺣﻀﻨﺘﻬﺎ
.. ﻣﺎﻣﺎ ﻣﻮ ﻋﺼﺒﻴﺔ ﻣﺎﻣﺎ ﺧﺎﻳﻔﺔ ﻋﻠﻰ ﺍﺧﺘﻬﺎ ﻣﻐﻴﻢ ﻻﻥ ﻣﻐﻴﻀﺔ ( ﻣﺮﻳﻢ ﻻﻥ ﻣﺮﻳﻀﺔ )
ﻫﺰﺕ ﺭﺍﺳﻬﺎ ﺗﻮﺍﻓﻘﻨﻲ .. ﺍﻱ ﺳﺤﻴﺢ
ﺍﻧﻲ ﻣﻦ ﺍﺗﻤﻐﺾ ﻣﺎﻣﺎ ﺗﻀﻮﺝ
ﺑﺎﻭﻋﺖ ﻟﻤﺮﻭﺓ ﻧﺰﻟﺖ ﺟﻮﺓ ﻭﻋﺮﻓﺖ ﺑﻴﻬﺎ ﺭﺍﻳﺤﺔ ﻟﻌﻨﺪ ﺍﺛﻴﺮ
ﺣﺘﻰ ﺗﻜﻤﻞ ﺍﺗﻔﺎﻗﻬﺎ ﻻﻥ ﺍﺛﻴﺮ ﺑﻘﻰ ﻫﻨﺎ ﻣﻌﺴﻜﺮ
ﻣﺎ ﻗﺒﻞ ﻳﻄﻠﻊ
ﺑﻘﻴﺖ ﻣﺸﻤﺶ ﻳﻢ ﺍﻟﺨﺪﺍﻣﺔ ﺟﻮﺓ ﺑﺎﻟﻤﻄﺒﺦ ﻭﺭﺣﺖ ﻭﺭﺓ ﻣﺮﻭﺓ
ﺩﺧﻠﺖ ﻭﻟﻜﻴﺘﻬﺎ ﺩﺗﺘﺼﻞ ﻋﻠﻰ ﺍﻟﺮﺟﺎﻝ
ﻭﺑﺎﺑﺎ ﻛﺎﻋﺪ ﺑﻜﻞ ﺻﻼﻓﺔ ﻋﻴﻦ ﺣﺘﻰ ﻣﺎ ﻛﻠﻒ ﻧﻔﺴﻪ ﻳﺴﺄﻝ
ﺷﻠﻮﻧﻬﺎ ﺍﺧﺘﻜﻢ
ﺩﻗﺎﻳﻖ ﻭﺍﺟﺔ ﺍﺑﻮ ﻳﺎﺳﺮ ﻭﺑﻴﺪﻩ ﺍﻟﻔﻠﻮﺱ ﺍﻟﺼﻜﻮﻙ ﻭﺍﻟﺨﺘﻢ
ﺩﺧﻞ ﻟﻼﺳﺘﻘﺒﺎﻝ ﻭﺳﻠﻢ ﻋﻠﻴﻨﺎ ﻭﻣﺮﻭﺓ ﻋﺮﻓﺘﻪ ﻋﻠﻴﺔ
.. ﺍﺧﺘﻲ ﻫﺪﻯ
.. ﺍﻫﻼ ﻭﺳﻬﻼ
ﻭﺍﻧﻲ ﻫﺰﻳﺖ ﺭﺍﺳﻲ .. ﺍﻫﻼ ﺑﻴﻚ
ﻭﻫﻤﻠﺖ ﺍﺛﻴﺮ ﻭﻃﻠﺒﺖ ﻣﻨﻪ ﻳﺘﻔﻀﻞ ﻭﺻﺎﺣﺖ ﻟﻠﺨﺪﺍﻣﺔ ﺣﺘﻰ ﺗﻘﺪﻡ ﻋﺼﻴﺮ ﻻﺑﻮ ﻳﺎﺳﺮ
......
ﺍﺑﺎﻭﻉ ﻋﻠﻴﻪ ﺟﺎﻥ ﺷﻜﻠﻪ ﻣﺮﺗﺐ ﻭﺍﻧﻴﻖ ﻳﺠﻲ ﻋﻤﺮﻩ
ﺑﺎﻻﺭﺑﻌﻴﻦ ﺟﺎﻥ ﻛﻠﺶ ﺭﺯﻥ ﻭﻫﺎﺩﻱﺀ ﻫﺬﺍ ﺍﻻﻧﻄﺒﺎﻉ ﺍﻻﻭﻝ ﺍﻟﻲ ﺍﺧﺬﺗﻪ ﻋﻨﻪ
ﺍﺑﺎﻭﻉ ﻋﻠﻴﻪ
ﺳﻠﻢ ﺍﻟﻔﻠﻮﺱ ﻟﻤﺮﻭﺓ ﻭﺣﺠﺔ ﻭﻳﺎﻫﺎ ﺑﺨﺼﻮﺹ ﺍﻟﻤﻌﺎﻣﻼﺕ ﺍﻟﻘﺎﻧﻮﻧﻴﺔ
ﻭﻣﺮﻭﺓ ﺣﺠﺖ ﻭﻳﺔ ﺍﺛﻴﺮ ﻭﻫﻮ ﻭﺍﻓﻖ ﻋﻠﻰ ﻛﻠﺸﻲ
ﻭﻛﻌﺪ ﻳﻘﺮﺍ ﻛﻞ ﻭﺭﻗﺔ ﺑﺨﺼﻮﺹ ﺍﻟﻔﻠﻮﺱ ﻭﺍﻟﻮﺻﻞ
ﺍﻟﻤﺴﺘﻠﻢ ﻭﻭﻗﻊ ﻋﺎﻟﺼﻚ ﻭﺍﺑﻮ ﻳﺎﺳﺮ ﺧﺘﻤﻪ
ﻭﻃﻠﺐ ﻣﻦ ﻣﺮﻭﺓ ﻫﻢ ﺗﻮﻗﻊ ﺑﺼﻔﺘﻬﺎ ﻫﻲ ﺻﺎﺣﺒﺔ ﺍﻟﻔﻠﻮﺱ
ﺣﺘﻰ ﺗﻀﻤﻦ ﺣﻘﻬﺎ ﻳﻌﻨﻲ ﺑﺄﺧﺘﺼﺎﺭ ﺳﻮﺕ ﻣﺼﺎﺩﻗﺔ ﻭﺿﻤﺎﻥ ﺣﻘﻮﻕ ﺧﺎﻑ ﺍﺛﻴﺮ ﻳﻠﻌﺐ ﺑﺬﻳﻠﻪ
ﺑﻌﺪﻫﺎ ﻛﺎﻡ ﻭﺍﺳﺘﺎﺫﻥ ﻳﺮﻳﺪ ﻳﻄﻠﻊ
ﻣﺮﻭﺓ .. ﻭﻳﻦ ﻃﺎﻟﻊ ﺑﻌﺪ ﻭﻛﺖ ﺣﺘﻰ ﻣﺎ ﺿﻴﻔﻨﺎﻙ
ﻣﻴﺼﻴﺮ ﻫﻴﺞ
.. ﻻ ﻣﺎ ﺍﻟﺤﻚ ﻭﺍﻟﻠﻪ ﻋﻨﺪﻱ ﻛﻮﻣﺔ ﺷﻐﻞ
ﺑﺲ ﺗﻌﺮﻓﻴﻦ ﻣﻌﺰﺗﺞ ﻋﻨﺪﻱ ﻣﺎ ﻛﺪﺭﺕ ﺍﻛﻠﻒ ﺍﻱ ﻭﺍﺣﺪ
ﺑﻬﺎﻱ ﺍﻟﺸﻐﻠﺔ ﻛﻠﺖ ﺍﻧﺎ ﺑﻴﺪﻱ ﺍﻭﺩﻱ ﺍﻟﻔﻠﻮﺱ ﻭﺍﺷﺮﻑ ﻋﻠﻰ ﺍﻟﻤﻌﺎﻣﻠﺔ
ﺭﺍﺡ ﺍﺧﻠﻲ ﻧﺴﺨﺔ ﻳﻤﻲ ﺑﺎﻟﺤﺴﺎﺑﺎﺕ ﻭﻧﺴﺨﺔ ﻳﻤﺞ
ﻳﺎﻟﻠﻪ ﻣﻊ ﺍﻟﺴﻼﻣﺔ
ﻣﺮﻭﺓ .. ﺍﺷﻜﺮﻙ ﺍﺑﻮ ﻳﺎﺳﺮ ﺗﻌﺒﺘﻚ ﻭﻳﺎﻳﺔ ﺍﺭﺩﻟﻚ ﺍﻳﺎﻫﺎ ﺑﺎﻻﻓﺮﺍﺡ
ﺟﺎﻥ ﻳﺒﺘﺴﻢ ﻟﻤﺮﻭﺓ ﻣﺎﺑﺎﻭﻉ ﻋﻠﻰ ﺍﺑﻮﻳﺔ ﻋﺒﺎﻟﻚ ﻣﻤﻮﺟﻮﺩ
ﺳﻠﻢ ﻭﻃﻠﻊ
ﻭﺑﻘﻴﻨﺎ ﺍﺣﻨﺎ ﻭﺍﺛﻴﺮ
ﻣﺮﻭﺓ ﺭﻓﻌﺖ ﺍﻟﻮﺭﻗﺔ ﻭﺑﺎﻭﻋﺖ ﻋﻠﻰ ﺍﺛﻴﺮ
.. ﺍﺛﻴﺮ ﺷﺎﻳﻒ ﻫﺎﻱ ﺍﻟﻮﺭﻗﺔ ﺧﺎﻑ ﺗﻔﻜﺮ ﺗﻠﻌﺐ ﺑﺬﻳﻠﻚ ﻭﻳﺎﻱ
ﻭﺗﺘﺮﺍﺟﻊ ﺑﻜﻠﻤﺘﻚ ﻭﺗﺠﻲ ﺗﻄﺎﻟﺐ ﺑﻤﺮﻳﻢ ﺍﻭ ﺑﻔﻠﻮﺱ ﺯﺍﻳﺪﺓ
ﻛﺒﻞ ﺍﺧﺬ ﻫﺎﻱ ﺍﻻﻭﺭﺍﻕ ﻭﺑﻮﺟﻬﻲ ﻟﻠﺸﺮﻃﺔ ﻭﺗﻌﺎﻝ ﺍﻟﻜﺔ ﺍﻟﻲ ﻳﻄﻠﻌﻚ ﻣﻦ ﺍﻟﺴﺠﻦ
ﺍﺛﻴﺮ .. ﻣﻴﺤﺘﺎﺝ ﺗﻔﻬﻤﻴﻨﻲ ﺍﻋﺮﻑ ﻭﺍﻧﺎ ﻫﻤﻴﻦ ﺍﻛﻠﺞ
ﺍﻱ ﻟﻌﺒﺔ ﺍﻭ ﺗﺄﺧﻴﺮ ﻣﻦ ﻋﻨﺪﺝ ﺑﺎﻟﻔﻠﻮﺱ
ﺗﻠﻜﻴﻨﻲ ﻛﺒﻞ ﺳﺎﺣﺐ ﻣﻨﺞ ﻣﺮﻳﻢ ﻭﺍﺳﺠﻠﻬﺎ ﺑﺄﺳﻢ ﺍﻣﺠﺪ
ﺗﺮﺓ ﺍﻟﺸﻲ ﻣﺘﺒﺎﺩﻝ ﺣﺘﻰ ﻟﻮ ﺑﻌﺪﻫﺎ ﺍﺭﻭﺡ ﻟﻠﺴﺠﻦ
ﺣﺘﻰ ﻣﺎ ﺗﺴﺘﻬﺎﻧﻴﻦ ﺑﻴﺔ
ﺳﻠﻤﺘﻪ ﻓﻠﻮﺱ ﺍﻟﺪﻳﻦ ﺍﻟﻲ ﻋﻠﻴﻪ ﻣﻦ ﺍﻣﺠﺪ
ﻭﺍﻧﻄﺘﻪ ﺭﺍﺗﺒﻪ ﺧﻤﺲ ﻭﺭﻗﺎﺕ ﻭﻛﺎﻟﺖ
.. ﻛﻞ ﺷﻬﺮ ﺑﻬﻴﺞ ﻳﻮﻡ ﺗﺠﻲ ﺗﺴﺘﻠﻢ ﺭﺍﺗﺒﻚ ﻣﻦ ﺍﻟﺤﺎﺭﺱ ﺍﻟﺸﺨﺼﻲ ﺍﻟﻲ ﻣﻮﺟﻮﺩ ﻋﺎﻟﺒﺎﺏ
ﻛﺎﻡ ﻭﺷﺎﻝ ﻋﻼﻛﺔ ﺍﻟﻔﻠﻮﺱ ﻭﻛﺎﻝ ﺗﻤﺎﻡ
ﺩﺍﺭ ﻭﺟﻬﻪ ﻭﻃﻠﻊ ﻳﻌﻨﻲ ﻗﺒﻞ ﻟﺤﻈﺎﺕ ﺍﻛﻮﻝ ﻟﻴﺶ ﻣﺮﻭﺓ
ﻣﺎ ﻋﺮﻓﺖ ﺍﺛﻴﺮ ﻋﻠﻰ ﺍﻟﺮﺟﺎﻝ
ﺑﺲ ﻫﺴﺔ ﺍﺩﺭﻛﺖ ﻟﻴﺶ ﻫﻲ ﺍﺗﺠﻨﺒﺖ ﻫﺬﺍ ﺍﻟﺸﻲ
ﻓﻌﻼ ﺍﺛﻴﺮ ﻣﺎ ﻳﺴﺘﺤﻖ ﻛﻠﻤﺔ ﺍﺏ ﺣﺘﻰ ﻟﻮ ﻛﺎﻧﺖ ﺟﺬﺏ
ﻭﺑﻌﺪ ﺳﺎﻋﺘﻴﻦ ﻣﺮﻳﻢ ﻣﺘﻤﺪﺩﺓ ﺑﺴﺮﻳﺮﻫﺎ
ﺍﻣﻨﺔ ﻭﺑﺪﺓ ﺍﻟﺪﻡ ﻳﺮﺟﻊ ﻟﻮﺟﻬﺔ . ﺩﻟﻴﻞ ﻋﻠﻰ ﺭﺍﺣﺘﻬﺎ
ﻭﺷﻴﻤﺎﺀ ﻋﺪﻟﺘﻠﻬﺎ ﺷﻌﺮﻫﺎ ﻭﺑﺪﻟﺖ ﻣﻼﺑﺴﻬﺎ
ﻭﺍﻧﻲ ﺳﻮﻳﺘﻠﻬﺎ ﺷﻮﺭﺑﺔ ﻋﺪﺱ ﻭﺍﺳﺘﺮﺩﺕ ﻭﻋﻴﻬﺎ ﻣﻦ ﺍﻭﻝ ﺭﺑﻊ ﺳﺎﻋﺔ
ﺑﺄﺛﻨﺎﺀ ﻣﺎ ﺟﺎﻥ ﺍﻟﺪﻛﺘﻮﺭ ﻫﻨﺎ
ﻭﺷﻴﻤﺎﺀ ﺑﺪﺕ ﺗﺸﺮﻑ ﻋﻠﻰ ﺍﺧﺬ ﻋﻼﺟﻬﺎ ﺑﺎﻻﻭﻗﺎﺕ ﺍﻟﻤﻄﻠﻮﺑﺔ
ﺟﻨﺎ ﺛﻼﺛﺘﻨﺎ ﻛﺎﻋﺪﺍﺕ ﻳﻢ ﻣﺮﻳﻢ
ﺳﻤﻌﻨﺎ ﺻﻮﺕ ﺍﻟﺠﺮﺱ
ﻣﺮﻭﺓ .. ﻫﺬﺍ ﻳﻤﻜﻦ ﺭﺍﻓﺪ
ﻟﺒﺴﺖ ﺷﺎﻟﻲ ﻋﻠﻰ ﺭﺍﺳﻲ
ﻟﺤﻈﺎﺕ ﻭﺟﺎﻥ ﺗﺪﺧﻞ ﻋﻠﻴﻨﺎ ﺿﺤﻰ ﻫﻲ ﻭﻋﺒﺎﻳﺘﻬﺎ ﻭﺍﻟﺪﻣﻮﻉ ﻋﻠﻰ ﺧﺪﻫﺎ ﻭﺍﻟﻮﺟﻪ ﺍﺻﻔﺮ
ﺿﺤﻰ .. ﻭﻟﻜﻢ ﻟﻴﺶ ﺍﻧﻲ ﺍﺧﺮ ﻣﻦ ﻳﻌﻠﻢ ﺧﻠﻴﺘﻮﻧﻲ ﺍﺭﻭﺡ ﻋﻠﻰ ﻋﻤﺔ ﻭﺟﻬﻲ ﻟﺒﻴﺖ ﺳﻠﻴﻤﺔ ﻭﺍﺗﻠﻜﺘﻨﻲ ﺑﺎﻟﺤﺠﻲ ﻭﺍﺟﻴﺖ ﺍﺗﺨﺒﻞ ﻣﻦ ﻛﺎﻟﺖ ﺭﻭﺣﻲ ﻻﺧﺘﺞ ﺍﻟﺼﻐﻴﺮﺓ ﻣﺪﺭﻱ ﻣﻴﺘﺔ ﻣﺪﺭﻱ ﻋﺪﻟﺔ
......
ﺍﺗﺼﻞ ﻋﻠﻴﻜﻢ ﻭﻻ ﻭﺣﺪﺓ ﺑﻴﻜﻢ ﺗﺮﺩ ﺍﺩﺭﻱ ﺍﻧﻲ ﻣﻮ ﺍﺧﺘﻜﻢ
ﺟﺎﻭﺑﺘﻬﺎ
.. ﻳﺒﻮﻭﻭﻭﻭ ﻧﻘﺎﻟﻲ ﺟﻮﺓ ﺑﺠﻨﻄﺘﻲ
ﺷﻴﻤﺎﺀ ﺭﺍﺣﺖ ﺣﻀﻨﺖ ﺿﺤﻰ ﻭﻣﺴﺤﺖ ﺩﻣﻮﻋﻬﺎ
.. ﺣﺒﻴﺒﺘﻲ ﺣﻘﺞ ﻋﻠﻴﻨﺎ ﺑﺲ ﻭﺍﻟﻠﻪ ﻟﻮ ﺗﻌﺮﻓﻴﻦ ﺷﻠﻮﻥ ﺟﻨﺎ ﻣﺨﺒﻮﺻﺎﺕ
ﺑﺎﻟﻲ ﺻﺎﺭ ﻭﻳﺔ ﻣﺮﻳﻢ
ﺿﺤﻰ ﺗﻨﺎﺷﻎ ﺑﺼﻮﺕ ﻣﺘﻘﻄﻊ
.. ﺍﻱ ﺑﺲ ﺳﻠﻴﻤﺔ ﻛﺎﻟﺖ ﻣﻮﺿﻮﻉ ﻣﺮﻳﻢ ﻣﻦ ﺍﻟﺒﺎﺭﺣﺔ ﺻﺎﻳﺮ ﻟﻴﺶ ﻣﻜﻠﺘﻮﻟﻲ
ﻳﻌﻨﻲ ﺍﻧﻲ ﻓﻮﻙ ﻣﺎ ﺳﻴﻒ ﺧﺎﻧﻜﻨﻲ ﺍﻧﺘﻮﺍ ﻫﻢ ﺗﺘﺨﻠﻮﻥ ﻋﻨﻲ ﻭﺗﺒﻌﺪﻭﻧﻲ ﻋﻨﻜﻢ ﺑﺎﻟﺰﺍﻳﺪ
ﻣﺘﺘﻮﺍﺻﻠﻮﻥ ﻭﻳﺎﻱ
ﺟﺎﻧﺖ ﺗﺤﺠﻲ ﻭﺭﺍﺣﺖ ﻛﻌﺪﺕ ﻋﺎﻟﺴﺮﻳﺮ ﺑﺼﻒ ﻣﺮﻳﻢ
ﻭﺑﺎﺳﺘﻬﺎ ﻣﻦ ﺭﺍﺳﻬﺎ
.. ﻣﺮﻳﻮﻣﺔ ﺣﺒﻴﺒﺘﻲ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ ﺣﺮﺍﻣﺎﺕ ﺍﻧﻲ ﻣﺤﺴﻮﺑﺔ ﻋﻠﻴﺞ ﺍﺧﺖ ﺟﺒﻴﺮﺓ
ﻣﺮﻳﻢ ﺑﺼﻮﺕ ﻧﺎﺻﻲ ﺍﺑﺘﺴﻤﺖ
.. ﺿﺤﺎﻭﻱ ﻟﺘﻜﻮﻟﻴﻦ ﻫﻴﺞ ﺍﻧﺘﻲ ﻣﻌﺬﻭﺭﺓ ﻭﺍﻧﻲ ﺍﺑﻘﻰ ﺍﺣﺒﺞ
ﺿﺤﻰ .. ﻃﺒﻌﺎ ﺗﺤﺒﻴﻨﻲ ﻏﺼﺒﺎً ﻋﻠﻴﺞ ﻏﻴﺮ ﺍﺧﺘﺞ
ﺑﺲ ﻭﺍﻟﻠﻪ ﺑﻌﺪﻧﻲ ﻣﻘﻬﻮﺭﺓ ﻻﻥ ﻣﺤﺪ ﻳﻬﺘﻤﻠﻲ ﻭﻳﺒﻠﻐﻨﻲ ﺑﺎﻟﻲ ﻳﺼﻴﺮ ﻣﻮ ﻣﻬﻤﺔ
ﻣﺮﻭﺓ .. ﺿﺤﻰ ﺗﺮﺓ ﺍﺣﻨﺎ ﻣﺎﻛﻠﻨﺎ ﻟﺞ ﻧﺪﺭﻱ ﺑﻴﺞ ﻣﺎ ﺑﻴﺪﺝ ﺷﻲ ﺗﺴﻮﻳﻨﻪ ﻟﻤﺮﻳﻢ
ﺍﺩﺭﻱ ﺑﻴﺞ ﺗﻨﻘﻬﺮﻳﻦ ﻭﺗﻈﻠﻴﻦ ﺗﺎﻛﻠﻴﻦ ﺑﺮﻭﺣﺞ ﻭﺭﺟﻠﺞ ﻣﻴﺨﻠﻴﺞ ﺗﺠﻴﻦ
.. ﺻﺤﻴﺢ ﻛﻼﻣﺞ ﺍﻧﻲ ﺍﺩﺭﻱ ﺑﺮﻭﺣﻲ ﺍﻧﺴﺎﻧﺔ ﻓﺎﺷﻠﺔ
ﻭﻛﻞ ﺧﻴﺮ ﻣﺎ ﺑﻴﺔ
ﻭﻻﺑﻴﺔ ﻧﻔﻊ ﻻ ﺍﻗﺪﻡ ﻭﻻ ﺍﺍﺧﺮ ﻋﻠﻰ ﻛﻮﻟﺖ ﻋﻤﺘﻲ ﺍﻡ ﺳﻴﻒ
ﺑﺲ ﻣﻴﺨﺎﻟﻒ ﻋﻠﻰ ﺍﻻﻗﻞ ﺍﻛﻮﻥ ﻭﻳﺎﻛﻢ ﺑﻜﻠﺒﻲ ﺍﺩﻋﻴﻠﻜﻢ ﺍﺗﻄﻤﻦ ﻋﻠﻴﻜﻢ
ﻛﺴﺮﺕ ﺧﺎﻃﺮﻱ ﺿﺤﻰ ﺑﻜﻼﻣﻬﺎ ﻫﺎﻱ ﻫﻢ ﺣﻈﻬﺎ
ﺭﺣﺖ ﻋﻠﻴﻬﺎ ﻭﺣﻀﻨﺘﻬﺎ ﻭﺑﺴﺘﻬﺎ ﻣﻦ ﺧﺪﻫﺎ
.. ﺣﻘﺞ ﻋﻠﻴﻨﺎ ﺍﻡ ﺩﻣﻴﻌﺔ ﻋﺬﻏﻴﻨﺎ ( ﻋﺬﺭﻳﻨﺎ ) ﻣﺎ ﺩﺯﻳﻨﺎ ﻋﻠﻴﺞ
ﻣﻦ ﺻﺎﻏﺖ ﺍﻟﻌﻐﻜﺔ ( ﺻﺎﺭﺕ ﺍﻟﻌﺮﻛﺔ ) ﻭﻳﺔ ﺍﺑﻮﺝ ﻭﻋﻤﺞ
ﺍﻱ ﻭﺍﻟﻠﻪ ﺣﻐﺎﻣﺎﺕ ( ﺣﺮﺍﻣﺎﺕ ) ﺟﺎﻥ ﺣﺼﻠﺘﻴﻠﺞ ﻓﺪ ﻛﻢ ﻏﺎﺷﺪﻱ ( ﺭﺍﺷﺪﻱ ) ﻋﻠﻰ ﻛﻢ ﺑﻮﻛﺴﻲ
ﺧﺎﻑ ﻣﻌﻮﺯﺓ ﻣﻦ ﺳﻴﻒ ﺷﻮﻳﺔ
ﺗﺘﻮﻧﺴﻴﻦ ﺑﻴﻬﺎ ﻭﻳﺎﻧﺎ ﻋﺎﻟﻮﺍﻫﺲ
ﻟﻄﻤﺖ ﻋﻠﻰ ﺻﺪﺭﻫﺎ
.. ﻋﺰﺓ ﺑﻌﻴﻨﻬﻢ ﻻﺗﻜﻮﻟﻴﻦ ﺿﺮﺑﻮﻛﻢ
ﺍﻧﻲ ﻋﺒﺎﻟﻲ ﺑﺲ ﻣﺮﻳﻢ ﺻﺎﻳﺮ ﺑﻴﻬﺎ ﻫﻴﺞ
.. ﺧﺎﺏ ﺷﻮﻑ ﻫﺎﻱ ﻟﺞ ﺍﻟﺒﺎﻏﺤﺔ ﺻﺎﻏﺖ ﺍﻟﺤﻐﺐ ﺍﻟﻌﺎﺋﻠﻴﺔ ﺍﻟﺜﺎﻟﺜﺔ
( ﺍﻟﺒﺎﺭﺣﺔ ﺻﺎﺭﺕ ﺍﻟﺤﺮﺏ ﺍﻟﻌﺎﺋﻠﻴﺔ ﺍﻟﺜﺎﻟﺜﺔ )
ﻭﺩﺍﻋﺘﺞ ﻟﻮ ﺗﺸﻮﻓﻴﻦ ﺍﺧﻮﺝ ﻫﺎﺩﻱ ﺍﻟﺒﺎﻏﺤﺔ ( ﺍﻟﺒﺎﺭﺣﺔ )
ﺻﺎﻍ ( ﺻﺎﺭ ) ﺟﺎﻛﻲ ﺷﺎﻥ ﻛﻞ ﺷﻮﻳﺔ ﻭﺍﺣﺪ ﺟﺎﻱ ﺳﺎﺣﻠﻬﺎ
ﺷﻨﻮ ﺳﻮﻧﻲ ﺟﻴﺲ ﻣﻼﻛﻤﻪ ﺍﺑﻮﺝ ﻭﻋﻤﺞ
ﻭﺍﻟﺤﺒﻞ ﺍﻟﻲ ﻣﻌﻠﻜﻴﻦ ﺑﻲ ﺍﻟﺠﻴﺲ ﺷﻌﻐﻲ ( ﺷﻌﺮﻱ )
ﺟﻨﺖ ﺍﺣﺠﻲ ﺑﺘﺤﺸﻴﺶ ﻭﺍﻟﺒﻨﺎﺕ ﻳﻀﺤﻜﻮﻥ ﻋﻠﻰ ﻛﻼﻣﻲ
ﺳﻤﻌﺖ ﺻﻮﺕ ﻣﺮﻳﻢ ﺍﻟﻨﺎﺻﻲ ﻛﺎﻟﺖ
.. ﻫﺪﻯ ﺷﻜﺪ ﺍﺣﺒﺞ ﻛﻠﻤﺎ ﺍﺷﻮﻓﺞ ﺗﺤﺠﻴﻦ ﻫﻴﺞ ﺍﺿﺤﻚ
.. ﻟﻌﺪ ﺧﻠﻲ ﺍﻧﻄﻴﺞ ﺳﺒﺐ ﺍﻗﻮﻯ ﻣﻦ ﻫﺬﺍ ﺍﺧﻠﻴﺞ ﻣﻦ ﺻﺪﻙ ﺗﻀﺤﻜﻴﻦ
ﻣﺮﻳﻢ .. ﻛﻮﻟﻲ ﺍﻟﻠﻪ ﻋﻠﻴﺞ
.. ﺍﻟﻴﻮﻡ ﻣﻦ ﺩﺧﻠﻨﺎ ﻟﺒﻴﺖ ﺟﻨﺎﻥ ﺣﺘﻰ ﻧﺎﺧﺬﺝ
ﺍﻟﺘﻔﺘﺖ ﻟﺸﻴﻤﺎﺀ ﻭﻛﻤﻠﺖ ﻛﻼﻣﻲ
.. ﺷﻴﻤﺎﺀ ﺗﺘﺬﻛﻐﻴﻦ ( ﺗﺘﺬﻛﺮﻳﻦ ) ﻣﻦ ﻛﻠﺘﻠﺞ ﺧﻠﻲ ﻧﺠﻤﻊ ﻛﻞ ﻛﺘﺐ ﻣﺮﻳﻢ ﻭﻏﺮﺍﺿﻬﺎ ﺍﻟﻤﺪﺭﺳﻴﺔ
.. ﺍﻱ ﺍﺗﺬﻛﺮ ﻭﺍﻧﻲ ﻭﻳﺎﺝ ﺟﻤﻌﻨﺎﻫﻢ
ﺑﺲ ﺍﻧﺘﻲ ﻃﻠﻌﺘﻲ ﻣﺪﺭﻱ ﻭﻳﻦ ﻭﺗﺮﻛﺘﻴﻨﻲ ﻟﻮﺣﺪﻱ ﺍﺟﻤﻊ ﺍﻟﻐﺮﺍﺽ
.. ﻟﺞ ﻟﻮ ﺗﺪﻏﻴﻦ ( ﺗﺪﺭﻳﻦ ) ﺍﺧﻮﺝ ﻫﺎﺩﻱ ﺷﺴﻮﺓ
ﺍﻟﺒﻨﺎﺕ ﻛﻠﻬﻢ ﻋﻠﻰ ﻓﺪ ﺳﺆﺍﻝ
.. ﻭﻟﺞ ﺷﺴﻮﻳﺘﻲ
.. ﻫﻬﻬﻬﻬﻪ ﺍﺑﺎﻭﻉ
ﺍﻟﻨﺎﺱ ﺑﺎﻟﻨﺎﺱ ﻭﺍﺧﻮﻛﻢ ﻫﺎﺩﻱ ﻋﺎﻳﻒ ﺍﻟﻬﻮﺳﺔ ﻛﻠﻬﺎ
ﻭﻏﺎﻳﺢ ﻳﺨﻐﺐ ( ﺭﺍﻳﺢ ﻳﺨﺮﺏ ) ﺑﻴﻴﺖ ﺟﻨﺎﻥ
ﻭﺩﺍﻋﺘﺞ ﺍﺳﺘﻐﻠﻴﺘﻬﺎ ﻓﺮﺻﺔ ﻫﻲ ﻣﺎ ﻣﻮﺟﻮﺩﺓ ﻭﺍﺑﻨﻬﺎ ﺍﻟﻔﺎﻫﻲ
ﻏﺎﺡ ﻭﻏﺔ ﺍﺛﻴﻎ ﺍﻟﻌﺎﻍ ( ﺭﺍﺡ ﻭﺭﺓ ﺍﺛﻴﺮﺍﻟﻌﺎﺭ )
.....
ﻭﺟﺎﻥ ﺍﺑﺎﻭﻉ ﻟﻠﺒﻴﺖ ﺍﻟﻌﺰﻳﺰ ﻭﺍﻛﻠﻪ
ﻫﺎﺍﺍﺍﺍﺍ ﻭﻳﻦ ﺻﺎﺣﺒﻚ ﻳﺎﺑﻴﺖ ﺍﻟﻴﻮﻡ ﻣﺤﺪ ﻳﺨﻠﺼﻚ ﻣﻨﻲ
ﻭﻳﻦ ﻳﻐﻮﺡ ( ﻳﺮﻭﺡ ) ﺍﻟﻤﻄﻠﻮﺏ ﺍﻟﻨﺎ
ﻫﻲ ﻋﺸﻎ ( ﻋﺸﺮ ) ﺩﻗﺎﻳﻖ ﻣﺎ ﺑﻘﻴﺖ ﺷﻲ ﻋﺰﻳﺰ ﻋﻠﻰ ﻛﻠﺐ ﺟﻨﺎﻥ ﻣﺎ ﻛﺴﻐﺘﻪ ( ﻛﺴﺮﺗﻪ )
ﻣﻦ ﺗﺤﻔﻴﺎﺕ ﻋﻠﻰ ﻣﻮﺍﻋﻴﻦ ﻋﻠﻰ ﻣﻐﺎﻳﺔ ﻏﻐﻔﺘﻬﺎ ﻭﻋﻄﻮﻏﻬﺎ ( ﻣﺮﺍﻳﺔ ﻏﺮﻓﺘﻬﺎ ﻋﻄﻮﺭﻫﺎ )
ﺍﻧﺘﻮﺍ ﻣﻮ ﻫﻨﺎ ﺍﻟﻤﺼﻴﺒﺔ ﺍﻟﻤﺼﻴﺒﺔ ﺍﺧﺎﻑ ﺍﺣﻤﺪ ﻳﺴﻤﻊ ﺻﻮﺕ ﺍﻟﺘﻜﺴﻴﻎ ( ﺍﻟﺘﻜﺴﻴﺮ )
ﻭﻳﺠﻲ ﻋﻠﻴﺔ ﺗﻠﻜﻴﻨﻲ ﺍﻏﻮﺡ ﻭﺍﻏﺠﻊ ( ﺍﺭﻭﺡ ﻭﺍﺭﺟﻊ ) ﻋﺎﻟﺤﻤﺎﻡ ﺣﺘﻰ ﻣﺤﺪ ﻳﺴﻤﻊ
ﻳﻤﺔ ﺑﺲ ﺷﻨﻮ ﺍﻧﻜﻄﻊ ﻧﻔﺴﻲ ﻭﻃﺎﺡ ﺣﻀﻲ ﺗﻌﺒﺖ
ﺍﺛﺎﻏﻲ ( ﺍﺛﺎﺭﻱ ) ﺍﻋﻤﺎﻝ ﺍﻟﺸﻐﺐ ﻭﺍﻟﺘﺨﻐﻴﺐ ( ﻭﺍﻟﺘﺨﺮﻳﺐ ) ﻫﻢ ﺗﻬﺪ ﺍﻟﺤﻴﻞ
ﺟﻨﺖ ﺍﺣﺠﻲ ﻭﺍﻟﺒﻨﺎﺕ ﺧﺮﺑﺎﻧﺎﺕ ﻣﻦ ﺍﻟﻀﺤﻚ
.. ﺍﺧﻴﻎ ( ﺍﺧﻴﺮ ) ﺷﻲ ﻏﺤﺖ ﻟﻜﻨﺘﻮﻍ ( ﺭﺣﺖ ﻟﻜﻨﺘﻮﺭ ) ﺟﻨﺎﻥ
ﺑﺴﻐﻌﺔ ﻏﻜﺾ ( ﺑﺴﺮﻋﺔ ﺭﻛﺾ ) ﻃﻠﻌﺖ ﻣﻼﺑﺴﻬﺎ ﻛﻠﻬﻢ ﺑﺎﻟﻜﺎﻉ
ﻭﺍﺗﺬﻛﻐﺖ ( ﺍﺗﺬﻛﺮﺕ ) ﻣﻦ ﻏﺤﺖ ( ﺭﺣﺖ ) ﺍﺟﻴﺒﻠﺞ ﻣﺎﻱ
ﻟﻜﻴﺖ ﺑﻄﻞ ﻛﻠﻮﻍ ﻗﺎﺻﻎ ( ﻛﻠﻮﺭ ﻗﺎﺻﺮ )
ﻭﺟﺎﻥ ﺍﻏﻜﺾ ﻣﺜﻞ ﺍﻟﻘﻐﺪ ﺍﻃﻔﻎ ﻋﺎﻟﺪﻏﺞ ( ﺍﺭﻛﺾ ﻣﺜﻞ ﺍﻟﻘﺮﺩ ﺍﻃﻔﺮ ﻋﺎﻟﺪﺭﺝ )
ﻭﺍﺟﻴﺐ ﺍﻟﻘﺎﺻﻎ ( ﺍﻟﻘﺎﺻﺮ ) ﻭﺍﺣﻄﻪ ﻓﻮﻙ ﺍﻟﻤﻼﺑﺲ ﻛﻠﻬﺎ
ﻭﺍﻏﺠﻌﻬﻢ ﺑﺎﻟﻜﻨﺘﻮﺭ ( ﻭﺍﺭﺟﻌﻬﻢ ﺑﺎﻟﻜﻨﺘﻮﺭ )
ﻭﺟﺎﻥ ﺍﺳﻤﻊ ﺻﻮﺕ ﻣﻐﻮﺓ ( ﻣﺮﻭﺓ ) ﺩﺗﺼﻌﺪ ﺍﻟﺪﻏﺞ ( ﺍﻟﺪﺭﺝ ) ﺗﺴﺘﻌﺠﻠﻨﺎ
ﻏﺤﺖ ( ﺭﺣﺖ ) ﻃﻠﻘﺔ ﻳﻢ ﺷﻴﻤﺎﺀ ﻭﻛﻌﺪﺕ ﺍﺳﺎﻋﺪﻫﺎ ﺣﺘﻰ ﺍﺳﺪ ﺳﺤﺎﺏ ﺍﻟﺠﻨﻄﺔ
ﺷﻴﻤﺎﺀ ﺑﻀﺤﻚ .. ﻭﺍﻧﻲ ﻋﺒﺎﻟﻲ ﻧﺰﻟﺘﻲ ﺟﻮﺓ ﻳﻤﻬﻢ ﺗﺴﺎﻋﺪﻳﻬﻢ ﺍﺛﺎﺭﻱ ﺍﻻﺧﺖ ﻻﻋﺒﺔ ﻃﻮﺑﺔ
ﺿﺤﻰ ﺑﻀﺤﻚ .. ﺑﻌﺪ ﺍﻟﺠﻨﻲ ﺍﻟﻬﺪﺍﻭﻱ ﺍﺫﺍ ﻇﻬﺮ ﻳﺨﺮﺏ ﺍﻻﻭﻝ ﻭﺍﻟﺘﺎﻟﻲ ﻣﻮ ﺑﻴﺪﻩ
ﺟﻨﺎ ﻧﻀﺤﻚ ﻣﻦ ﻛﻞ ﻛﻠﺒﻨﺎ ﻭﺍﻟﻠﻪ ﺻﺎﺭﻟﻲ ﻛﻮﻣﺔ ﻣﺎ ﺿﺎﺣﻜﺔ ﻫﻴﺞ ﺿﺤﻜﺔ
ﻭﻋﻠﻰ ﻃﺎﺭﻱ ﺍﻟﻀﺤﻚ ﻭﺟﺎﻥ ﺗﺪﺧﻠﻲ ﺍﻟﺨﺪﺍﻣﺔ ﻭﺑﻴﺪﻫﺎ ﺟﻨﻄﺘﻲ ﻭﺣﺠﺖ ﻭﻳﺔ ﻣﺮﻭﺓ
.. ﻣﺎﻣﺎ ﻫﺬﺍ ﺟﻨﻄﺔ ﻓﻲ ﻧﻘﺎﻝ ﻳﺮﻥ
ﻭﺍﻧﻲ ﺍﺿﺤﻚ .. ﺗﻌﺎﻟﻲ ﻳﺎﻛﻠﺐ ﻣﺎﻣﺎ
ﺷﺒﻴﻚ ﺍﻧﺘﻰ ﻣﺎ ﻳﻌﻐﻒ ( ﻳﻌﺮﻑ ) ﻫﺬﺍ ﺟﻨﻄﺔ ﻣﺎﻝ ﺍﻧﺎ
ﺍﺧﺬﺕ ﺍﻟﺠﻨﻄﺔ ﻣﻨﻬﺎ ﻭﻃﻠﻌﺖ ﺍﻟﻨﻘﺎﻝ ﻣﻨﻬﺎ ﻭﺟﺎﻥ ﺍﻟﻜﺔ
ﺧﻤﺲ ﻣﻜﺎﻟﻤﺎﺕ ﻟﻢ ﻳﺮﺩ ﻋﻠﻴﻬﺎ ﻗﺎﺳﻢ
ﻭﺍﻧﻲ ﺭﺍﺳﺎ ﺳﺪﻳﺖ ﺣﻠﻜﻲ ﺍﻟﺠﺎﻟﻜﺘﻪ ﺑﺎﻟﻀﺤﻚ
ﺩﻣﻐﺖ ﻛﺼﺘﻲ ﻭﺍﻧﻲ ﺍﺗﺬﻛﺮ ﺍﻫﻮﻭﻭﻭﻭﻭ ﻫﺎﻱ ﺷﻠﻮﻥ ﻧﺴﻮﺓ ﻳﺎﺭﺑﻲ
ﺷﻴﻤﺎﺀ .. ﺷﻨﻮ ﺷﺒﻴﺞ ﺷﻜﻮ
.. ﻣﻮ ﺍﻧﻲ ﺍﻟﻴﻮﻡ ﻣﻦ ﺍﺗﺼﻠﺖ ﻋﻠﻰ ﻣﻐﻮﺓ ﺣﺘﻰ ﺍﻃﻤﻦ ﻋﻠﻰ ﻣﻐﻴﻢ
ﻓﺎﺟﺌﺘﻨﻲ ﺑﺎﻟﺨﺒﻎ ( ﺑﺎﻟﺨﺒﺮ ) ﻭﺑﺴﺎﻋﺘﻬﺎ ﻣﻦ ﺧﻮﻓﻲ ﻟﺒﺴﺖ ﻋﺒﺎﺗﻲ ﻭﺍﺗﺼﻠﺖ ﻋﻠﻰ ﻗﺎﺳﻢ
ﻣﺎﻛﻮ ﻣﺎ ﺟﺎﻭﺑﻨﻲ ﻋﻠﻴﺔ ﺍﻛﺜﻎ ( ﺍﻛﺜﺮ ) ﻣﻦ ﺳﺒﻊ ﻣﻐﺎﺕ ( ﻣﺮﺍﺕ ) ﺩﻛﻴﺖ ﻋﻠﻴﻪ
ﻭﻓﻮﻛﺎﻫﺎ ﺧﺎﻟﺘﻲ ﺍﻡ ﻗﺎﺳﻢ ﻃﺎﻟﻌﺔ ﻣﻦ ﺍﻟﺒﻴﺖ ﻋﻨﺪﻫﺎ ﻭﺍﺟﺐ
ﻋﺎﺩ ﺍﻧﻲ ﻣﺎ ﺑﻴﺔ ﺻﺒﻎ ﺗﺪﻏﻴﻦ ( ﺻﺒﺮ ﺗﺪﺭﻳﻦ ) ﺑﻴﺔ
ﺷﻴﻤﺎﺀ .. ﺍﺩﺭﻱ ﺑﻴﺞ ﻣﺨﺒﻠﺔ ﻭﻣﺎﻋﻨﺪﺝ ﻋﻘﻞ ﻭﺑﺴﺮﻋﺔ ﺗﺘﺴﺮﻋﻴﻦ
ﻳﻌﻨﻲ ﻻ ﺗﻜﻮﻟﻴﻦ ﺍﻧﺘﻲ ﻃﺎﻟﻌﺔ ﻣﻦ ﺍﻟﺒﻴﺖ ﺑﺪﻭﻥ ﻋﻠﻢ ﺯﻭﺟﺞ
ﻫﺰﻳﺖ ﺭﺍﺳﻲ ﺑﺎﻟﻤﻮﺍﻓﻘﺔ
ﺿﺤﻰ .. ﻻ ﻭﺍﻻﺧﺖ ﻛﺎﻋﺪﺓ ﺑﻜﻞ ﺛﻘﺔ ﻭﻣﺴﻴﻄﺮﺓ
ﺗﺤﺸﺶ ﻭﺗﺴﻮﻟﻒ ﻭﻳﺎﻧﺔ ﻭﺭﺟﻠﻬﺎ ﺣﺎﺭﻙ ﺍﻟﻨﻘﺎﻝ ﺣﺮﻙ ﺑﺎﻟﻤﻜﺎﻟﻤﺎﺕ
ﺑﺎﻭﻋﺖ ﻋﻠﻴﻬﺎ ﻭﺍﻧﻲ ﻣﺴﻴﻄﺮﺓ
.. ﻭﻟﻴﺶ ﺷﻨﻮ ﺻﺎﻳﻎ ﺗﻐﺔ ( ﺻﺎﻳﺮ ﺗﺮﺓ ) ﻣﻮ ﺻﻮﺟﻲ ﺻﻮﺟﻪ
ﻫﻮ ﻣﺎ ﻳﻐﺪ ( ﻳﺮﺩ ) ﻋﻠﻰ ﻣﻜﺎﻟﻤﺎﺗﻲ ﻭﺧﺎﻟﺔ ﺟﺎﻧﺖ ﻣﺎﻣﻮﺟﻮﺩﺓ
ﺍﻧﻲ ﻣﻤﺴﻮﻳﺔ ﻏﻠﻂ ﻋﺬﻏﻲ ( ﻋﺬﺭﻱ ) ﻭﻳﺎﻳﺔ
....
ﻭﺟﺎﻥ ﻳﺮﺟﻊ ﻧﻘﺎﻟﻲ ﻳﺪﻙ ﻛﻠﺒﻲ ﻛﻤﺰ ﻣﻦ ﻣﻜﺎﻧﻪ
ﻗﺎﺳﻢ ﻳﺘﺼﻞ ﺑﻚ
ﻭﻛﻊ ﺍﻟﻨﻘﺎﻝ ﻣﻨﻲ ﻭﻋﻴﻮﻧﻲ ﺯﻏﻠﻠﺖ ﺍﺑﺎﻭﻉ ﻋﺎﻟﺸﺎﺷﺔ ﺻﺮﺕ ﺍﻗﺮﻫﺎ
( ﻗﺎﺳﻢ ﻣﺘﺤﻠﻒ ﺑﻚ ) ﻣﻮ ﻣﺘﺼﻞ ﺑﻴﻚ
ﻛﺒﻞ ﺍﺧﺬﺕ ﺍﻟﻨﻘﺎﻝ ﻭﺟﺎﻭﺑﺘﻪ
ﺑﺲ ﻳﺎﺭﻳﺘﻨﻲ ﻣﺎ ﺭﺩﻳﺖ
ﺑﻌﺪﻧﻲ ﻣﺎ ﻛﻠﺖ
.. ﺍﻟﻮ
ﻛﺒﻞ ﺍﺟﺎﻧﻲ ﺭﺩﻩ
.. ﺷﻮﻓﻲ ﻭﻟﺞ ﺍﻧﻲ ﺑﺎﻟﺸﻐﻞ ﺭﺍﺡ ﺍﺭﺟﻊ ﻟﻠﺒﻴﺖ ﺍﻟﻜﺎﺝ ﻛﺪﺍﻣﻲ
ﻭﺑﻌﺪﻳﻦ ﻧﺘﻔﺎﻫﻢ
ﺟﺎﻥ ﻳﺤﺠﻲ ﺑﻜﻞ ﻏﻀﺐ ﻳﻄﺮﺵ ﺍﻻﺫﺍﻥ
ﻭﺳﺪ ﺍﻟﻨﻘﺎﻝ
ﺑﺎﻭﻋﺖ ﻋﺎﻟﺒﻨﺎﺕ ﻭﺑﻠﻌﺖ ﺭﻳﻜﻲ
ﻭﺍﻟﺨﻮﻑ ﺑﺪﺓ ﻳﺰﺣﻒ ﻟﻜﻠﺒﻲ
ﻫﺴﺔ ﻳﺎﻟﻠﻪ ﺣﺴﻴﺖ ﻋﻠﻰ ﻛﺒﺮ ﻏﻠﻄﺘﻲ
ﻭﺣﺠﻴﺖ .. ﻋﺰﺓ ﺷﻜﻠﻬﺎ ﺟﻨﺎﻥ ﺷﻮﻏﺖ ( ﺷﻮﺭﺕ ) ﺑﻴﺔ
ﺷﻴﻤﺎﺀ ﻛﺎﻣﺖ ﻣﻦ ﻣﻜﺎﻧﻬﺎ ﻭﺧﺰﺭﺗﻨﻲ
ﻛﻮﻣﻲ ﻛﺪﺍﻣﻲ ﺧﻠﻲ ﺍﺭﺟﻌﺞ ﻟﺒﻴﺖ ﻋﻴﺎﻟﺞ
ﻭﺍﻟﻠﻪ ﻟﻮ ﺍﻋﺮﻑ ﺑﻴﺞ ﻣﺎ ﻛﺎﻳﻠﺔ ﻟﻘﺎﺳﻢ ﺟﺎﻥ ﻣﺎ ﺧﻠﻴﺘﺞ
ﺗﺒﻘﻴﻦ ﻫﻨﺎ ﻟﺤﻈﺔ ﻭﺣﺪﺓ
ﻣﺮﻭﺓ ﻛﺎﻣﺖ ﻣﻦ ﻣﻜﺎﻧﻬﺎ
.. ﻳﺎﻟﻠﻪ ﻟﻌﺪ ﺍﻧﻲ ﺭﺍﺡ ﺍﻧﺰﻝ ﺍﺣﻀﺮ ﺳﻴﺎﺭﺗﻲ
ﻭﺍﻧﺘﻮﺍ ﺗﻌﺎﻟﻮﺍ ﻭﺭﺍﻱ
ﺷﻴﻤﺎﺀ ﻭﻣﺮﻭﺓ ﻳﺤﺠﻮﻥ ﻭﺍﻧﻲ ﺑﻄﻨﻲ ﺑﺪﺕ ﺗﻤﻐﺼﻨﻲ
ﺑﺎﻭﻋﺖ ﻋﻠﻴﻬﻢ ﺑﺨﻮﻑ
.. ﻳﻌﻨﻲ ﺣﺴﺴﺘﻮﻧﻲ ﻋﺒﺎﻟﻚ ﻻﺯﻣﻴﻦ ﻃﺎﻟﺐ ﻣﻬﺰﻭﻡ
ﻣﻦ ﺳﻴﺎﺝ ﺍﻟﻤﺪﺭﺳﺔ ﻭﺗﻐﻴﺪﻭﻥ ( ﺗﺮﻳﺪﻭﻥ ) ﺗﺎﺧﺬﻭﺍ ﻟﻠﻤﺪﻳﺮ ﺑﻴﺪﻛﻢ
ﺷﺒﻴﻜﻢ ﺷﻮ ﺭﺍﺳﺎ ﻛﻠﺒﺘﻮﺍ ﻋﻠﻴﺔ ﻭﻻ ﻋﺒﺎﻟﻚ ﺍﻧﻲ ﺍﺧﻮﻛﻢ ﺍﻟﺼﻐﻴﻎ ( ﺍﻟﺼﻐﻴﺮ ) ﻫﺎﺩﻱ
ﻣﺮﻭﺓ ﻫﺰﺕ ﺍﻳﺪﻫﺎ ﻭﻧﺰﻟﺖ ﺟﻮﺓ
ﻭﺷﻴﻤﺎﺀ ﺑﺼﻮﺕ ﺣﺎﺯﻡ .. ﻳﺎﻟﻠﻪ ﺍﺗﺤﺮﻛﻲ ﺑﻼ ﺣﺠﻲ ﺯﺍﻳﺪ
ﻫﺴﺔ ﻛﻮﻥ ﻫﺬﺍ ﺍﻟﻠﺴﺎﻥ ﺍﻟﻄﻮﻳﻞ ﺑﻲ ﺧﻴﺮ ﻛﺪﺍﻡ ﻗﺎﺳﻢ
ﺟﺎﻥ ﺍﺭﺗﺎﺡ ﻛﻠﺒﻲ ﺑﺲ ﺍﺩﺭﻱ ﺑﻴﺞ ﺑﻮﺧﺔ
ﻭﺻﻠﻮﻧﻲ ﺷﻴﻤﺎﺀ ﻭﻣﺮﻭﺓ ﻭﻋﻠﻰ ﻃﻮﻝ ﺍﻟﻄﺮﻳﻖ
ﻳﺮﺯﻟﻮﻥ ﺑﻴﺔ ﺷﻠﻮﻥ ﺍﻃﻠﻊ ﺑﺪﻭﻥ ﻋﻠﻢ ﻗﺎﺳﻢ ﻭﻳﻨﺼﺤﻮﻧﻲ
ﻭﺍﻧﻲ ﻛﺎﻋﺪﺓ ﻭﺳﺎﻛﺘﺔ ﻣﺪﻧﻜﺔ ﺭﺍﺳﻲ
ﻣﺎ ﺍﺟﺎﻭﺑﻬﻢ
ﻭﺻﻠﺖ ﻟﻠﺒﻴﺖ ﻋﻴﺎﻟﻲ ﻭﻧﺰﻟﺖ ﺷﻴﻤﺎﺀ ﻭﻃﻠﻌﺖ ﺧﺎﻟﺔ ﺍﻡ ﻗﺎﺳﻢ ﻓﺘﺤﺖ ﺍﻟﺒﺎﺏ
ﻭﺳﻠﻤﺖ ﻋﻠﻰ ﺷﻴﻤﺎﺀ ﻭﺑﺎﻭﻋﺘﻠﻲ ﻭﺧﺰﺭﺗﻨﻲ ﺟﺎﻥ ﻭ ﻭﺟﻬﺔ ﺛﻜﻴﻞ ﻋﻠﻴﺔ
ﺷﻴﻤﺎﺀ .. ﺧﺎﻟﺔ ﺣﺒﻴﺒﺘﻲ ﺍﻧﻲ ﺍﺟﻴﺖ ﺍﻋﺘﺬﺭﻟﺞ ﻋﻦ ﻃﻠﻌﺔ ﻫﺪﻯ
ﺍﻡ ﻗﺎﺳﻢ .. ﻫﺴﺔ ﺗﻌﺎﻟﻲ ﻓﻮﺗﻲ ﺩﺧﻠﻲ ﻟﻠﺒﻴﺖ ﺧﻮ ﻣﺎ ﺗﻜﻮﻓﻮﻥ ﺑﺎﻟﺒﺎﺏ
ﺷﻴﻤﺎﺀ .. ﻻ ﺧﺎﻟﺔ ﻛﻠﺞ ﺧﻴﺮ ﻭﺑﺮﻛﺔ ﺧﻠﻴﻬﺎ ﻏﻴﺮ ﻣﺮﺓ
ﺑﺲ ﺍﺭﻳﺪﺝ ﺗﻌﺬﺭﻳﻬﺎ ﻟﻬﺪﻯ ﺟﺎﻧﺖ ﺧﺎﻳﻔﺔ ﻭﻣﺨﺒﻮﺻﺔ
ﺍﻡ ﻗﺎﺳﻢ ﺑﺎﻭﻋﺘﻠﻲ ﻭﻛﺎﻟﺖ ﻓﻮﺗﻲ ﺟﻮﺓ ﺧﻠﻴﻨﻲ ﺍﺣﺠﻲ ﻭﻳﺔ ﺍﺧﺘﺞ
ﻋﺮﻓﺖ ﺗﺮﻳﺪ ﺗﺤﺠﻲ ﻭﻳﺔ ﺷﻴﻤﺎﺀ ﻭﻣﺎ ﺗﺮﻳﺪﻧﻲ ﺍﺳﻤﻌﻬﺎ
ﻣﺸﻴﺖ ﻣﻦ ﻳﻤﻬﻢ ﺑﺲ ﺳﻤﻌﺖ ﺍﻡ ﻗﺎﺳﻢ ﻗﺒﻞ ﻻ ﺍﺩﺧﻞ ﻟﻠﻤﻄﺒﺦ
ﻛﺎﻟﺖ ﻟﺸﻴﻤﺎﺀ
.. ﻭﺍﻟﻠﻪ ﺧﺎﻟﺔ ﺷﻮﻣﺔ ﻭﻟﻮ ﻃﻠﻌﺖ ﺍﺧﺘﺞ
ﺟﺒﻴﺮﺓ ﻣﺎ ﻳﻨﺴﻜﺖ ﻋﻠﻴﻬﺎ
ﺩﺧﻠﺖ ﻟﻠﻤﻄﺒﺦ
ﻭﺍﻭﻝ ﻣﺪﺧﻠﺖ ﺍﺗﻠﻜﺘﻨﻲ ﻫﺎﻟﺔ ﺗﺮﻛﺾ
ﻫﺎﻟﺔ .. ﻫﻠﺔ .. ﻫﻠﺔ
ﺷﺮﻓﺖ ﺍﻟﻤﺮﺣﻮﻣﺔ ﻟﺞ ﻟﺤﻜﻲ ﻋﻠﻰ ﻧﻔﺴﺞ ﻭﺍﻗﺮﻱ ﺳﻮﺭﺓ ﺍﻟﻔﺎﺗﺤﺔ ﻛﺒﻞ ﻻ ﻳﺠﻲ ﻗﺎﺳﻤﻮﻑ
ﻋﻴﻮﻧﻲ ﻏﻮﺷﺖ ﻭﻫﻤﺴﺖ ﺑﺼﻮﺕ ﻧﺎﺻﻲ
.. ﻋﺰﺓ ﺑﻌﻴﻨﺞ ﻫﻮ ﺍﻧﻲ ﻧﺎﻗﺼﺔ ﺧﻮﻑ ﻭﺍﻧﺘﻲ ﻛﺎﻋﺪﺓ ﺗﻌﺪﺩﻳﻦ
ﻛﻤﺖ ﺍﺑﺎﻭﻉ ﻣﻨﺎ ﻭﻣﻨﺎ ﻣﺜﻞ ﺍﻟﺤﺮﺍﻣﻲ
.. ﺍﻛﻮﻝ ﺍﺧﻮﺝ ﺯﻭﺟﻲ ﺍﻟﻌﺰﻳﺰ ﻫﻐﻘﻞ ( ﻫﺮﻗﻞ ) ﻭﺻﻞ ﻟﻮ ﺑﻌﺪﻩ
.. ﻻ ﺑﻌﺪﻩ ﻣﺎ ﻭﺍﺻﻞ ﺑﺲ ﺣﺮﻙ ﺍﻟﻨﻘﺎﻝ ﻋﻠﻰ ﺍﻣﻲ ﻭﻇﻞ
ﻳﺘﺤﻠﻒ ﻭﻳﺘﻮﻋﺪ ﻭﺣﺘﻰ ﻋﺼﺐ ﻋﻠﻰ ﺍﻣﻲ ﻳﻜﻠﻠﻬﺎ ﺍﻧﺘﻲ
ﻣﻮ ﺑﺎﻟﺒﻴﺖ ﺷﻠﻮﻥ ﺗﻄﻠﻊ ﻭﺍﻧﺘﻲ ﻣﺎﻋﻨﺪﺝ ﻋﻠﻢ
ﺻﻌﺪﺕ ﻓﻮﻙ ﻟﻐﺮﻓﺘﻲ ﻭﻫﺎﻟﺔ ﺻﻌﺪﺕ ﻭﺭﺍﻱ
ﺩﺗﻨﻘﻠﻲ ﻣﻮﺟﺰ ﺍﻻﺧﺒﺎﺭ
ﺑﺎﻭﻋﺖ ﻋﻠﻴﻬﺎ .. ﺍﻛﻠﺞ ﺧﺎﻑ ﺟﺎﻥ ﻋﻨﺪﻱ ﺑﻜﻠﺒﻲ ﺷﻮﻳﺔ ﺍﻣﻞ
ﺍﺗﻔﺎﻫﻢ ﻭﻳﺔ ﺍﺧﻮﺝ ﻫﺴﺔ ﺑﻌﺪﻣﺎ ﺳﻤﻌﺖ ﺍﻟﻤﻘﺘﻞ ﻣﻨﺞ
ﺍﻳﺴﺖ ﻣﻦ ﺭﺣﻤﺔ ﺍﻟﻠﻪ
ﻭﻟﺞ ﻫﺎﻟﺔ ﻛﻠﻴﻠﻲ ﻭﻳﻦ ﺍﻏﻮﺡ ( ﺍﺭﻭﺡ )
ﺍﺫﺍ ﻗﺎﺳﻢ ﺍﺧﻮﺝ ﻳﺠﻲ
ﻫﺎﻟﺔ .. ﻭﺍﻟﻠﻪ ﺣﺒﻴﺒﺘﻲ ﺍﻟﻠﻪ ﻳﺴﺎﻋﺪﺝ ﺑﺎﻟﺤﻘﻴﻘﺔ ﻣﺎ ﺍﺗﻤﻨﻰ ﻣﻜﺎﻧﺞ
ﺍﻧﻲ ﻛﻠﺘﻠﺞ ﻗﺒﻞ ﻻ ﺗﺮﺣﻴﻦ
ﻳﺎﺑﺔ ﻛﻌﺪﻱ ﺑﺒﻴﺘﺞ ﻭﺳﻜﺘﻲ ﻭﺍﻧﺘﻈﺮﻱ ﺭﺟﻠﺞ
ﺑﺲ ﺍﻧﺘﻲ ﻭﻳﻦ ﺟﻨﺘﻲ ﺑﻐﻴﺮ ﻋﺎﻟﻢ
.. ﺯﻳﻦ ﻋﻠﻰ ﺍﻻﻗﻞ ﺳﺎﻋﺪﻳﻨﻲ ﻭﻛﻠﻴﻠﻲ ﻣﻮ ﺍﻧﺘﻲ ﺻﺪﻳﻘﺘﻲ ﺍﻟﻤﻦ ﺍﻟﺠﻲﺀ
ﺍﻱ ﺻﺪﻙ ﻟﻮ ﺍﻏﻮﺡ ( ﺍﺭﻭﺡ ) ﺍﺧﺘﻞ ﻭﻏﺔ ( ﻭﺭﺓ ) ﺧﺎﻟﺘﻲ ﻗﺎﺳﻢ
ﻣﺎ ﻳﻜﺪﻍ ( ﻣﺎﻳﻜﺪﺭ ) ﻳﺘﺠﺎﻭﺯﻫﺎ ﻫﺎ ﺷﻨﻮ ﻏﺄﻳﺞ ( ﺭﺃﻳﺞ ) ﺧﻮﺵ ﻓﻜﻐﺔ ( ﻓﻜﺮﺓ )
ﻫﺎﻟﺔ .. ﻳﺎﺭﺑﻲ ﻫﺎﻱ ﺍﻟﺒﻨﻴﺔ ﻋﻮﺑﺔ ﻭﺍﻟﻠﻪ ﻋﻮﺑﺔ
ﺍﻛﻠﺞ ﺣﺮﻙ ﺍﻟﻨﻘﺎﻝ ﻋﻠﻰ ﺍﻣﻲ ﻭﺍﻣﻲ ﺯﻋﻠﺖ ﻋﻠﻴﺞ
ﻭﻋﻠﻴﻪ ﻻﻥ ﻛﺎﻡ ﻳﺼﻴﺢ ﻋﻠﻴﻬﺎ
ﺑﺎﻟﺤﻘﻴﻘﺔ ﻣﺎ ﺍﻧﺼﺤﺞ ﺗﺮﺣﻴﻦ ﻳﻢ ﺍﻣﻲ ﻭﺗﻄﻠﺒﻴﻦ ﻣﻨﻬﺎ
ﺍﻟﻠﺠﻮﺀ
ﺍﻗﺘﺮﺡ ﻋﻠﻴﺞ ﺗﻄﻠﻌﻴﻦ ﻧﻔﺴﺞ ﺑﻨﻔﺴﺞ
ﻭﺗﺪﺑﺮﻳﻦ ﺍﻣﺮﺝ ﺍﻧﺘﻲ ﻟﻮﺣﺪﺝ ﻭﻳﺎﻩ
ﻛﻼﻣﻬﺎ ﺯﺍﺩﻧﻲ ﺗﻮﺗﺮ ﻭﺧﻮﻑ ﻭﻛﻤﺖ ﺍﺭﻭﺡ ﻭﺍﺭﺟﻊ ﺑﺎﻟﻐﺮﻓﺔ
ﻭﻓﺠﺎﺀﺓ ﻭﺟﺎﻥ ﺍﺳﻤﻊ ﺻﻮﺕ ﻗﺎﺳﻢ ﺍﻟﻌﺎﻟﻲ ﻳﺮﻋﺪ ﺟﻮﺓ ﺑﺎﻟﺒﻴﺖ
ﻛﻤﺰﻧﺎ ﺍﻧﻲ ﻭﻫﺎﻟﺔ ﻣﻦ ﻣﻜﺎﻧﺔ ﻭﻭﺣﺪﺓ ﺗﺒﺎﻭﻉ ﺍﻟﺜﺎﻧﻴﺔ
ﻫﺎﻟﺔ .. ﺍﻧﻲ ﻃﺎﻟﻌﺔ ﻻ ﻳﺠﻲ ﻭﻳﻠﻜﺎﻧﻲ ﻫﻨﺎ ﻭﻳﻄﺒﻜﻨﺎ ﺳﻮﻳﺔ
ﻭﺍﺣﺼﻠﻲ ﺑﻮﻛﺴﻲ
ﻳﻤﺔ ﻫﻲ ﻃﻠﻌﺖ ﻭﺟﺎﻥ ﺍﺳﻤﻊ ﺻﻮﺗﻪ ﺩﻳﺼﻌﺪ ﻋﺎﻟﺪﺭﺝ
ﻭﺧﺎﻟﺘﻲ ﻭﺭﺍﻩ ﺗﻬﺪﻱ ﺑﻲ
.. ﻳﺒﻮﻭﻭﻭﻭ ﻳﻤﺔ ﺍﺟﺎﻧﻲ
ﺻﺮﺕ ﺍﺣﻮﻡ ﺑﺎﻟﻐﺮﻓﺔ ﻣﺜﻞ ﺍﻟﻬﻨﻮﺩ ﺍﻟﺤﻤﺮ ﻣﻦ ﻳﺤﻮﻣﻮﻥ ﺣﻮﻝ ﺍﻟﻨﺎﺭ
ﻭﻳﻀﻠﻮﻥ ﻳﻮﻟﻮﻟﻮﻥ ﺑﺄﺻﻮﺍﺕ ﻏﺮﻳﺒﺔ
ﻋﻴﻨﺎً ﻫﺬﺍ ﻳﻤﺜﻞ ﻭﺿﻌﻲ
ﺻﺮﺕ ﺍﻟﺘﻔﺖ ﻣﻨﺎ ﻭﻣﻨﺎ ﺑﺴﺮﻋﺔ
ﺍﺗﻤﻨﻴﺖ ﺑﻬﺎﻱ ﺍﻟﻠﺤﻈﺔ ﺍﺧﺘﻔﻲ
ﺻﺎﺭ ﺻﻮﺗﻪ ﻗﺮﻳﺐ ﻋﺎﻟﻐﺮﻓﺔ
ﻭﻣﺎ ﺍﺷﻮﻑ ﺭﻭﺣﻲ ﺍﻻ ﻭﺍﻧﻲ ﺑﻘﺪﺭﺓ ﻗﺎﺩﺭ
ﺧﺎﺗﻠﺔ ﺟﻮﺓ ﺍﻟﺴﺮﻳﺮ
ﻭﺍﻟﻠﻪ ﺣﺘﻰ ﻣﺎ ﺍﻋﺮﻑ ﺷﻠﻮﻥ ﺩﺑﺮﺗﻬﺎ ﻫﺎﻱ
ﺑﺲ ﺍﻟﺨﻮﻑ ﻻ ﺩﻳﻦ ﻟﻪ
ﻭﺍﻟﻠﻪ ﻛﻠﺒﻲ ﺍﺟﺔ ﻳﻄﻠﻊ ﻣﻦ ﺻﺪﺭﻱ
ﺑﻌﺪﻣﺎ ﺍﺳﺘﻘﺮﻳﺖ ﺗﺤﺖ ﺍﻟﺴﺮﻳﺮ
ﻭﺟﺎﻥ ﺍﻟﺒﺎﺏ ﻳﻨﻔﺘﺢ ﺑﻜﻞ ﻗﻮﺓ
ﻳﺘﺒﻊ
ﺍﺣﺒﻜﻢ ﻫﻮﺍﻱ ﺍﺣﺒﻜﻢ ﻛﻮﻣﺔ
ﺍﺧﺘﻜﻢ ﻧﻬﻰ ️☺️☺️☺️☺️☺️☺️
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء