رواية أساور الفضة ج2 الجزء الثالث
للكاتبة نهى
......
ﻫﺪﻯ
ﺍﺑﺎﻭﻉ ﻟﻘﺎﺳﻢ ﻛﺎﻡ ﻣﻦ ﻣﻜﺎﻧﻪ ﻣﻔﺰﻭﻉ
ﻭﺣﺠﺔ ﻭﻳﺔ ﺍﻣﻪ
ﻗﺎﺳﻢ .. ﺣﺠﻴﺔ ﻟﻜﻮ ﻫﺸﺎﻡ ﻣﺘﺼﻮﺏ
ﺍﻟﺨﻄﺎﺭ ﺍﻧﺨﺒﺼﻮﺍ
ﻭﺍﻟﺒﻨﺎﺕ ﺭﻛﻀﻮﺍ ﻋﻠﻰ ﻗﺎﺳﻢ ﻳﺮﺩﻭﻥ ﻳﻔﺘﻬﻤﻮﻥ ﺷﺼﺎﻳﺮ
ﺍﻡ ﻗﺎﺳﻢ .. ﻳﺎﻳﻤﺔ ﻭﻟﻴﺪﻱ ﺷﻠﻮﻥ ﺍﺗﺼﻮﺏ
ﻗﺎﺳﻢ ﺍﺗﻮﺟﻪ ﻋﺎﻟﺒﺎﺏ ﻳﺮﻳﺪ ﻳﻄﻠﻊ
.. ﻣﺎ ﺍﻋﺮﻑ ﺷﻠﻮﻥ ﺍﺗﺼﻮﺏ ﺍﻧﺎ ﺭﺍﻳﺢ ﺍﻋﺮﻑ ﺷﻨﻮ ﺻﺎﻳﺮ
ﺍﻡ ﻗﺎﺳﻢ ﺍﻟﺘﻔﺖ ﻋﺎﻟﺒﻨﺎﺕ
.. ﻫﺎﻟﺔ ﻳﻤﺔ ﺭﻛﻀﻲ ﺟﻴﺒﻲ ﻋﺒﺎﺗﻲ
ﻭﺣﺠﺖ ﻭﻳﺔ ﻗﺎﺳﻢ ﺍﻟﻲ ﻳﺮﻳﺪ ﻳﻄﻠﻊ
.. ﺍﻭﻛﻒ ﻳﻤﺔ ﻗﺎﺳﻢ ﺍﻧﺘﻈﺮﻧﻲ ﺍﺧﺬﻧﻲ ﻭﻳﺎﻙ
ﻟﺘﻌﻮﻓﻨﻲ ﻫﻨﺎ ﻛﻠﺒﻲ ﻣﺜﻞ ﺍﻟﻨﺎﺭ ﻋﻠﻴﻪ
ﺍﺑﺎﻭﻉ ﻟﻔﺎﻃﻤﺔ ﻟﺒﺴﺖ ﺟﺒﺘﻬﺎ ﺑﺴﺮﻋﺔ
ﻭﺍﻡ ﻗﺎﺳﻢ ﻟﺒﺴﺖ ﻋﺒﺎﻳﺘﻬﺎ
ﺍﺟﺘﻲ ﺗﻄﻠﻊ ﻭﺭﺓ ﻗﺎﺳﻢ ﺑﺲ ﻗﺒﻞ ﻻﺗﻄﻠﻊ
ﺣﺠﺖ ﻭﻳﺔ ﺑﻨﺎﺗﻬﺎ ﺍﻟﺒﻘﻴﺔ
.. ﺍﻧﺘﻮﺍ ﺍﺑﻘﻮﺍ ﻫﻨﺎ ﻻﺗﺠﻮﻥ ﺧﻠﻲ ﻧﻔﺘﻬﻢ ﺷﻨﻮ ﺍﻟﺴﺎﻟﻔﺔ
ﺧﻄﻴﺔ ﺍﻟﺒﻨﻴﺔ ﻣﺎ ﻟﺤﻜﺖ ﺗﻔﺮﺡ ﺑﺨﻄﻮﺑﺘﻬﺎ
ﺣﺠﻴﺖ ﻭﻳﺎﻫﺎ
.. ﻻ ﻋﺎﺩﻱ ﺧﺎﻟﺔ ﺍﻟﻠﻪ ﻳﺒﻐﺪ ( ﻳﺒﺮﺩ ) ﻛﻠﺒﻜﻢ ﻭﻳﻄﻤﻨﻜﻢ ﻋﻠﻴﻪ
.. ﺍﻟﻠﻪ ﻳﻜﻤﻠﺞ ﺑﻌﻘﻠﺞ ﻳﺎﻳﻤﺔ
ﺭﺍﺣﺖ ﻫﻲ ﻭﻓﺎﻃﻤﺔ ﻭﺭﺓ ﻗﺎﺳﻢ
ﻭﺍﻧﻜﻠﺒﺖ ﻓﺮﺣﺔ ﺍﻟﻤﻬﺮ ﻟﺨﻮﻑ ﻭﻗﻠﻖ
ﻫﺎﻟﺔ ﻟﻄﻤﺖ ﻋﻠﻰ ﺻﺪﺭﻫﺎ
.. ﻳﻤﺔ ﺳﻮﺩﺓ ﻋﻠﻴﺔ ﺍﺧﻮﻱ ﻫﺸﻮﻣﻲ ﺑﻴﺔ ﻭﻻ ﺑﻴﻚ
ﻛﻮﺛﺮ .. ﺧﻠﻲ ﺗﺮﺗﺎﺡ ﺳﻌﺎﺩ ﻃﻴﺮﺕ ﺍﻟﻮﻟﺪ
ﺍﺗﻤﻨﻰ ﺍﺷﻮﻑ ﻭﺟﻪ ﻋﻤﻮ ﻛﺎﻇﻢ ﺍﺫﺍ ﻋﺮﻑ ﺑﺄﺑﻨﻪ ﻣﺘﺼﻮﺏ
ﺷﺮﺍﺡ ﻳﺴﻮﻱ
ﻣﻨﻰ .. ﻭﺩﺍﻋﺘﺞ ﻛﻠﺸﻲ ﻣﺎ ﻳﺴﻮﻱ ﻫﺬﺍ ﻣﻐﺴﻞ ﻭﻣﺠﻔﻦ ﺑﻴﺪ ﻣﺮﺗﻪ
ﻋﻨﺪﻩ ﺍﻫﻢ ﺷﻲ ﺳﻌﺎﺩ ﻣﺘﺰﻋﻞ ﻭﻻ ﺗﺘﺎﺛﺮ ﺑﺸﻲ
ﻃﻔﻴﻨﺎ ﺍﻟﺪﻳﺠﻲ ﺷﻴﻤﺎﺀ ﻛﺎﻟﺖ ﻋﻴﺐ ﺯﺣﻤﺔ ﻧﻜﻤﻞ ﺍﻟﺤﻔﻠﺔ
ﻭﺍﻟﺒﻨﺎﺕ ﻣﻜﺴﻮﺭ ﻭﺍﻫﺴﻬﻢ
ﻭﺑﺪﻭﺍ ﺍﻟﻤﻌﺎﺯﻳﻢ ﻳﻨﺴﺤﺒﻮﻥ ﻭﻛﻠﻤﻦ ﺭﺍﺡ ﻟﺒﻴﺘﻪ
ﻭﺑﻘﻴﺖ ﺑﺲ ﺍﻧﻲ ﻭﺍﻟﺒﻨﺎﺕ
ﻋﻤﻮ ﺍﻣﺠﺪ ﻭﺍﻭﻻﺩﻩ ﺭﺍﺣﻮﺍ ﻭﺭﺓ ﻗﺎﺳﻢ
ﻛﺎﻝ ﻋﻴﺐ ﻧﺘﺮﻛﻪ ﺯﺣﻤﺔ
ﻭﺑﺎﺑﺎ ﻃﻠﻊ ﺑﺲ ﻣﺎ ﺭﺍﺡ ﻭﻳﺎﻫﻢ
ﻭﺳﻠﻴﻤﺔ ﻛﻞ ﺷﻮﻳﺔ ﺗﺮﻭﺡ ﻭﺗﺮﺟﻊ ﺗﺤﻮﻡ ﻓﻮﻙ ﺭﺍﺳﻨﺎ
ﻭﺭﺓ ﻓﺘﺮﺓ ﺍﺗﺼﻠﺖ ﻣﻨﻰ ﻋﻠﻰ ﺍﻣﻬﺎ
ﻭﺍﻡ ﻗﺎﺳﻢ ﻃﻤﻨﺘﻬﺎ ﻛﺎﻟﺖ ﺧﻄﻴﺔ ﺻﺎﺭﻟﻪ ٣ ﺍﻳﺎﻡ
ﺑﺎﻟﻤﺴﺘﺸﻔﻰ ﻣﺘﺼﻮﺏ ﺑﺮﺟﻠﻪ ﺑﺸﻀﻴﺔ ﻣﻦ ﺍﻻﻧﻔﺠﺎﺭ
ﺻﺎﻳﺮ ﻗﺮﻳﺐ ﻋﺎﻟﻜﻮﻓﻲ ﺍﻟﻲ ﺟﺎﻥ ﻛﺎﻋﺪ ﺑﻲ ﻫﻮ ﻭﺟﻤﺎﻋﺘﻪ
ﻣﻨﻰ .. ﺯﻳﻦ ﻟﻴﺶ ﻣﺎ ﻣﺘﺼﻞ ﻋﻠﻰ ﻗﺎﺳﻢ
ﺍﻡ ﻗﺎﺳﻢ .. ﺑﻌﺪ ﻣﺎ ﺗﻌﺮﻓﻴﻦ ﺑﻬﺸﺎﻡ ﻣﺘﻌﺎﺭﻙ ﻭﻳﺔ ﺍﺑﻮﻩ
ﻭﻗﺎﺳﻢ ﻣﻦ ﺫﺍﻙ ﻭﻫﻮ ﻣﺨﺸﻦ ﺧﺎﻃﺮﻩ
ﻣﻨﻰ .. ﻛﻠﺔ ﻣﻦ ﺟﻮﺓ ﺭﺍﺱ ﺧﺮﺍﺑﺖ ﺍﻟﺒﻴﻮﺕ ﻛﻠﺔ ﻣﻨﻬﺎ
ﺍﻡ ﻗﺎﺳﻢ .. ﻳﻤﺔ ﻣﻨﻰ ﺣﻀﺮﻱ ﺧﻮﺍﺗﺞ ﺭﺍﺡ ﺍﺩﺯﻟﻜﻢ ﺍﻟﺴﺎﻳﻖ
ﺣﺴﻨﻴﻦ ﻳﺠﻲ ﻳﺎﺧﺬﻛﻢ ﻻﻥ ﻗﺎﺳﻢ ﺍﺧﻮﺝ ﻛﺎﻝ
ﺭﺍﺡ ﺍﻧﻄﻠﻊ ﻫﺸﺎﻡ ﻣﻦ ﺍﻟﻤﺴﺘﺸﻔﻰ ﻋﻠﻰ ﺑﻴﺘﻨﺎ ﻳﺒﻘﻰ ﻋﺪﻧﺎ
.....
ﻣﻨﻰ .. ﺍﻥ ﺷﺎﺀ ﺍﻟﻠﻪ ﻳﻤﺔ
ﺳﺪﺕ ﺍﻟﻨﻘﺎﻝ ﻭﻛﻌﺪﻭﺍ ﺍﻟﺒﻨﺎﺕ
ﻳﻄﻤﻨﻮﻥ ﻋﻠﻰ ﻭﺿﻊ ﻫﺸﺎﻡ
ﺳﺄﻟﺖ ﻫﺎﻟﺔ ﺑﺼﻮﺕ ﻧﺎﺻﻲ
.. ﻫﺎﻟﺔ ﺷﻨﻮ ﺍﻟﺼﺎﻳﻎ ( ﺍﻟﺼﺎﻳﺮ ) ﻓﻬﻤﻴﻨﺎ ﺍﺷﻮ ﺍﻧﻲ ﻣﺎ ﺍﻋﻐﻒ ( ﻣﺎﺍﻋﺮﻑ ) ﻋﻨﺪﺝ ﺍﺧﻮ ﺛﺎﻧﻲ ﺑﺲ ﻗﺎﺳﻢ
.. ﺗﺘﺬﻛﺮﻳﻦ ﻣﺮﺓ ﺑﻔﺎﺗﺤﺔ ﺑﺎﺑﺎ ﺑﻴﻮﻡ ﻗﺎﺳﻢ ﻫﺪ ﻋﻠﻰ ﺑﻴﺖ ﻋﻤﻮ ﻣﻨﻴﺮ ﺑﺎﻟﺴﻼﺡ ﻭﺍﻧﻲ ﻭﺧﻮﺍﺗﻲ ﻟﺒﺴﻨﺎ ﻋﺒﻴﻨﺎ ﺭﺩﻧﺎ ﻧﻄﻠﻊ ﻭﺭﺓ ﻗﺎﺳﻢ
.. ﺍﻱ ﺍﺗﺬﻛﻎ ( ﺍﺗﺬﻛﺮ ) ﺣﺘﻰ ﺍﺟﺔ ﻭﺍﺣﺪ ﻣﻦ ﻭﻟﺪ ﻋﻤﺞ ﻭﻛﻒ ﻭﻟﺰﻣﻠﻜﻢ ﺍﻟﺒﺎﺏ ﻭﻛﻠﻠﻜﻢ
ﻭﻻ ﻭﺣﺪﺓ ﺗﺘﺤﻐﻚ ( ﺗﺘﺤﺮﻙ ) ﺍﻟﻲ ﺗﻄﻠﻊ ﺍﻛﺴﻎ ﻏﺠﻠﻬﺎ ( ﺍﻛﺴﺮ ﺭﺟﻠﻬﺎ )
.. ﻫﻮ ﻫﺬﺍ ﻫﺸﺎﻡ ﺍﺑﻦ ﻋﻤﻲ ﻛﺎﻇﻢ ﻳﺼﻴﺮ ﺍﺧﻮﻱ ﺑﺎﻟﺮﺿﺎﻋﺔ
ﺍﻣﻪ ﺟﺎﺑﺘﻪ ﻭﺍﺗﻮﻓﺖ ﻭﺻﺎﺩﻑ ﺍﻣﻲ ﺟﺎﻧﺖ ﺟﺎﻳﺒﺘﻨﻲ
ﻭﺍﺧﺬﺗﻪ ﻣﻦ ﻋﻤﻮ ﻛﺎﻇﻢ ﻭﺭﺿﻌﺘﻪ
ﻋﻤﻮ ﻛﺎﻇﻢ ﻋﻨﺪﻩ ٣ﺍﻭﻻﺩ ﻭﻫﺸﺎﻡ ﻳﺼﺮ ﺍﻟﺜﺎﻟﺚ
ﻭﺍﻣﻲ ﻛﻠﺶ ﺍﺗﻌﻠﻘﺖ ﺑﻲ ﻭﺭﺑﺘﻪ ﻭﻳﺎﻧﺎ ﺣﺎﻟﻪ ﻣﻦ ﺣﺎﻟﻨﺎ
ﻭﻣﻦ ﻛﺒﺮ ﺷﻮﻳﺔ ﻭﺻﺎﺭ ﺑﺎﻟﻤﺪﺭﺳﺔ
ﻛﺎﻡ ﻳﺮﻭﺡ ﻟﺒﻴﺘﻬﻢ
ﺑﺲ ﺧﻄﻴﺔ ﻭﺭﺓ ﻓﺘﺮﺓ ﻳﺮﺟﻌﻠﻨﺎ ﻣﺎ ﻳﻜﺪﺭ ﻳﺘﻮﺍﻟﻢ ﻻﻭﻳﺔ ﺍﺧﻮﺍﻧﻪ ﻭﻻ ﻭﻳﺔ ﺍﺑﻮﻩ
ﻻﻥ ﺍﺗﻌﻮﺩ ﻋﻠﻰ ﺍﻣﻲ ﻭﻋﻠﻴﻨﺎ ﻭﺍﺗﻌﻮﺩ ﻋﻠﻰ ﺣﻤﺎﻳﺔ ﻗﺎﺳﻢ ﻭﺍﻻﺧﻮﺓ ﺍﻟﻲ ﺗﺮﺑﻄﻪ ﺑﻴﻨﺎ
ﺟﺎﻥ ﻗﺎﺳﻢ ﻣﺜﻞ ﺍﻻﺥ ﺍﻟﺠﺒﻴﺮ ﻟﻬﺸﺎﻡ ﺷﺤﺪﻩ ﺍﻟﻲ ﻳﺘﻮﺭﻁ
ﻭﻳﻤﺴﻪ ﺑﻀﺮﺑﺔ ﻛﺒﻞ ﻗﺎﺳﻢ ﻳﺮﻭﺡ ﻳﺴﻮﻱ ﻃﺤﻴﻦ
ﺍﻣﻪ ﺩﺍﻋﻴﺔ ﻋﻠﻴﻪ ﺍﻟﻲ ﻳﻀﺮﺏ ﻫﺸﺎﻡ
ﻭﺍﺗﻌﻮﺩ ﻫﺸﺎﻡ ﻳﻌﻴﺶ ﻭﻳﺎﻧﺎ ﺣﺘﻰ ﺍﻣﻲ ﻣﺴﻮﻳﺘﻠﻪ ﻏﺮﻓﺔ ﺧﺎﺻﺔ ﺑﺎﻟﺒﻴﺖ ﺑﺲ ﻣﻊ ﺍﻻﺳﻒ
ﻣﺮﺓ ﺻﺎﺭﺕ ﻋﺮﻛﺔ ﺑﻴﻦ ﻋﻤﻮ ﻛﺎﻇﻢ ﻭﺑﺎﺑﺎ
ﻋﻠﻤﻮﺩ ﺷﻐﻞ ﻭﺻﺎﺭ ﺍﻟﺰﻋﻞ ﺑﻴﻦ ﺍﻻﺧﻮﺍﻥ
ﻭﻋﻤﻮ ﻛﺎﻇﻢ ﺳﺤﺐ ﻫﺸﺎﻡ ﺑﺎﻟﻌﻨﺎﺩ ﻣﻦ ﻋﻨﺪﻧﺎ ﺭﺍﺩ ﻳﺄﺫﻱ ﺑﺎﺑﺎ
ﺑﺎﺑﺎ ﻣﺜﻞ ﺍﻣﻲ ﻭﻗﺎﺳﻢ ﻫﻢ ﺍﺗﻌﻠﻖ ﺑﻲ
ﻭﺻﻠﺖ ﺑﺒﺎﺑﺎ ﺭﺍﺩ ﻳﺴﺠﻠﻪ ﺑﺄﺳﻤﻪ
ﺍﻧﺎ ﺍﻋﺮﻑ ﺑﺎﺑﺎ ﺭﺍﺩ ﻳﻀﻤﻦ ﺍﺧﻮ ﻟﻘﺎﺳﻢ
ﺍﻟﻀﺤﻴﺔ ﺍﻟﻮﺣﻴﺪﺓ ﺑﻬﺬﺍ ﺍﻟﺰﻋﻞ ﻛﻠﻪ ﻫﻮ ﻫﺸﺎﻡ
ﻻﻥ ﺍﺑﻮﻩ ﺣﺮﻡ ﻋﻠﻴﻪ ﻳﺨﻄﻲ ﺑﻴﺘﻨﺎ ﻓﺨﻄﻴﺔ ﻛﺎﻡ ﻳﺠﻴﻨﺎ
ﻛﻠﻪ ﺑﺎﻟﺒﻮﻛﺎﺕ ﻳﻌﻨﻲ ﻳﺠﻲ ﻳﺸﻮﻓﻨﺎ ﺑﺪﻭﻥ ﻋﻠﻢ ﺍﻫﻠﻪ
ﻭﻣﺮﺓ ﻋﻤﻮ ﻋﺮﻑ ﺑﻬﺸﺎﻡ ﻳﺠﻲ ﻋﺪﻧﺎ
ﻻﺯﻡ ﻭﺿﺎﺭﺑﻪ ﻭﻣﺠﻮﻱ ﺑﺮﺟﻠﻴﻪ
ﻳﻜﻠﻪ ﺧﻠﻲ ﺍﺳﻤﻊ ﺑﻴﻚ ﺗﻌﺘﺐ ﺑﻴﺖ ﻋﻤﻚ
ﻫﺎﻣﺮﺓ ﺟﻮﻳﺘﻚ ﻣﺮﺓ ﺛﺎﻧﻴﻪ ﺍﻛﺴﺮﻫﺎ ﻟﺮﺟﻠﻚ
ﻭﺷﺪﺩ ﻋﻠﻴﻪ ﺍﻟﻤﺮﺍﻗﺒﺔ ﻭﻫﺬﻭﻟﻲ ﻭﻟﺪ ﻋﻤﻮ ﻛﺎﻇﻢ ﻛﻠﺶ ﺍﻧﺬﺍﻝ
ﺧﻄﻴﺔ ﻣﻦ ﺟﺎﻥ ﻳﺠﻴﻨﺎ
ﺑﺎﻟﺨﺘﻠﺔ ﺟﺎﻥ ﻳﻜﻌﺪ ﻳﺒﺠﻲ ﺑﺤﻀﻦ ﺍﻣﻲ
ﺍﺗﺬﻛﺮ ﺟﺎﻥ ﺑﻜﺪﻱ ﻳﺼﻴﺮ ﻋﻤﺮﻩ ﺗﻘﺮﻳﺒﺎ ٩ﺳﻨﻮﺍﺕ
ﻳﺒﺠﻲ ﻭﻳﺸﺘﻜﻲ ﻣﻦ ﺍﺧﻮﺍﻧﻪ ﻭﺍﺑﻮﻩ ﻳﻘﺴﻮﻥ ﻋﻠﻴﻪ
ﻣﺎﺳﺤﻴﻦ ﺑﻲ ﺍﻟﻜﺎﻉ
ﻻﻥ ﻫﻮ ﺍﻣﻬﻢ ﻣﺎﺗﺖ ﻋﻠﻰ ﺍﻟﻮﻻﺩﺓ ﻣﺎﻟﺘﻪ ﺑﻘﻰ ﻳﻤﻨﺎ
ﻣﻌﺰﺯ ﻣﻜﺮﻡ ﻣﺪﻟﻞ
ﻭﻳﻦ ﻫﻤﺔ ﺍﺧﻮﺗﻪ ﺗﺒﻬﺬﻟﻮﺍ ﺑﻬﺬﻟﻪ ﻭﺭﺓ ﺍﻣﻬﻢ ﻣﺎﻋﺪﻫﻢ ﺍﺣﺪ ﻳﺨﺪﻣﻬﻢ
ﻣﺮﺓ ﺍﻟﺤﺎﺭﺱ ﺟﺎﻧﺖ ﺗﻄﺒﺨﻠﻬﻢ ﻭﺗﻨﻈﻒ ﺍﻟﺒﻴﺖ ﻭﺗﻐﺴﻞ ﻫﺪﻭﻡ
ﺻﺤﻴﺢ ﻛﻞ ﺷﻲ ﺑﺜﻤﻨﻪ ﺑﺲ ﺗﺒﻘﻰ ﻣﻮ ﺍﻣﻬﻢ
ﻳﻌﺘﺒﺮﻭﺍ ﻭﺟﻪ ﺷﺆﻡ ﻣﺎﺗﺖ ﺍﻣﻬﻢ ﺑﺴﺒﺒﻪ ﻋﻠﻰ ﺍﻟﻮﻻﺩﻩ
ﻫﻲ ﺍﻣﻬﻢ ﺍﻟﺪﻛﺘﻮﺭﺓ ﻛﻠﻠﻬﺎ ﻟﺘﺤﺒﻠﻴﻦ ﻣﻮ ﺯﻳﻦ ﻋﻠﻴﺞ
ﻋﻨﺪﺝ ﺍﻟﻘﻠﺐ ﺗﻌﺒﺎﻥ ﻗﻠﻠﻲ ﺍﻛﻞ
ﺍﺭﻳﺪﺝ ﺗﻘﻠﻠﻴﻦ ﻣﻦ ﻭﺯﻧﺞ ﻣﻮ ﺍﻟﻨﻮﺑﻪ ﺗﺼﻴﺮﻳﻦ ﺣﺎﻣﻞ
ﻫﻮ ﺑﻴﻨﻪ ﻭﺑﻴﻦ ﺍﺧﻮ ﺍﻻﻛﺒﺮ ﻣﻨﻪ ﺳﺒﻊ ﺳﻨﻮﺍﺕ
ﻭﺑﻴﻨﻪ ﻭﺑﻴﻦ ﺍﻟﺠﺒﻴﺮ ﺛﻤﺎﻧﻴﻪ
ﻫﻲ ﺧﻠﻔﺘﻬﻢ ﻭﺍﺣﺪ ﻭﺭﺓ ﺍﻟﺜﺎﻧﻲ ﻭﺗﻌﺒﺖ ﺑﻮﻛﺘﻬﺎ
......
ﺧﻄﻴﺔ ﺣﺘﻰ ﻣﺮﺓ ﺍﺗﻤﺮﺽ ﻭﺑﺎﻗﻲ ﺑﺎﻟﺒﻴﺖ ﻟﻮﺣﺪﻩ ﻭﺍﺧﻮﺍﻧﻪ
ﻭﺍﺑﻮﻩ ﻛﻠﻤﻦ ﻻﻫﻲ ﺑﺮﻭﺣﻪ
ﻟﺤﺪ ﻣﺎ ﺍﻟﺤﺎﺭﺱ ﺍﺟﺔ ﻟﺒﺎﺑﺎ ﻭﺟﺎﺑﻪ ﻭﻳﺎﻩ ﻳﻜﻠﻪ
ﻋﻤﻲ ﺍﻧﺘﻮﺍ ﻣﺎ ﻋﻨﺪﻛﻢ ﻣﺨﺎﻓﺔ ﺍﻟﻠﻪ ﻫﺬﺍ ﺍﻟﻮﻟﺪ
ﻣﺸﻤﻮﺭ ﻟﻮﺣﺪﻩ ﺑﺎﻟﺒﻴﺖ ﺻﺎﺭﻟﻪ ﻳﻮﻣﻴﻦ ﻣﺜﻞ ﺍﻟﻜﻠﺐ
ﺿﺎﻝ ﻣﺮﻳﺾ ﻻ ﺍﻛﻞ ﻭﻻ ﺷﺮﺏ
ﻭﻟﻜﻢ ﺷﻨﻮ ﻣﺎ ﻋﻨﺪﻛﻢ ﺭﺣﻤﺔ
ﻭﺍﺑﻮﻱ ﺑﻴﻮﻣﻬﺎ ﺍﻧﺼﺪﻡ
ﻛﻠﻪ ﻟﻴﺶ ﺍﺑﻮﻩ ﻭﺍﺧﻮﺍﻧﻪ ﻭﻳﻦ ﻋﻨﻪ
ﻛﻌﺪ ﻳﺤﺠﻲ ﻟﺒﺎﺑﺎ ﺍﻟﺼﺎﺭ
ﻋﺎﻻﺳﺎﺱ ﺍﻥ ﻋﻤﻮ ﻛﺎﻇﻢ ﺟﺎﻥ ﻣﺴﺎﻓﺮ ﻋﻨﺪﻩ ﺷﻐﻞ ﻭﻋﺎﻳﻒ ﺍﻭﻻﺩﻩ ﻭﻫﺸﺎﻡ ﺑﺎﻟﺒﻴﺖ
ﻫﻮ ﺻﺪﻙ ﻋﻤﻮ ﻛﺎﻇﻢ ﺩﺍﺋﻤﺎ ﻳﺴﺎﻓﺮ
ﻭﻭﻟﺪﻩ ﺟﺎﻧﻮﺍ ﺷﺒﺎﺏ ﻣﺮﺍﻫﻘﻴﻦ ﻭﺍﺣﺪ ﺑﻌﻤﺮ ﻗﺎﺳﻢ ﻭﺍﻟﺜﺎﻧﻲ ﺑﻌﻤﺮ ﻣﻨﻰ ﺍﻟﻤﻬﻢ
ﺍﺳﺘﻐﻠﻮﺍ ﺳﻔﺮ ﺍﺑﻮﻫﻢ ﻭﻫﻤﺔ ﻫﻤﻴﻦ ﺣﻀﺮﻭﺍ ﺟﻨﻄﻜﻢ ﻭﺳﺎﻓﺮﻭﺍ ﻻﺭﺑﻴﻞ
ﻭﻋﻮﻓﻮﺍ ﺍﺧﻮﻛﻢ ﺑﺎﻟﺒﻴﺖ ﻳﻢ ﺍﻟﺤﺎﺭﺱ
ﻭﻫﺸﺎﻡ ﺧﻄﻴﺔ ﺟﺎﻥ ﻋﻤﺮﻩ ﺑﻬﺬﺍ ﺍﻟﻮﻗﺖ
١١ ﺳﻨﺔ ﺑﺲ ﺍﺗﻤﺮﺽ ﻭﻣﺤﺪ ﻳﻤﻪ
ﻟﺤﺪ ﻣﺎ ﻛﻠﺶ ﺍﺗﺨﺮﺑﻄﺖ ﺻﺤﺘﻪ
ﺍﻟﺤﺎﺭﺱ ﺧﺎﻑ ﻻ ﻳﺼﻴﺮ ﺑﻲ ﺷﻲ ﻭﻳﺘﻮﺭﻁ ﺑﻲ ﻭﺗﻮﻛﻊ ﺑﺮﺍﺳﻪ
ﻓﺘﺤﺖ ﺣﻠﻜﻲ ﻣﺼﺪﻣﺔ .. ﻋﺰﺓ ﻫﺬﻭﻟﻲ ﺷﻨﻮ ﻣﺨﺎﺑﻴﻞ ﻣﺎ ﻋﻨﺪﻫﻢ ﻋﻘﻞ ﺍﺩﻏﻲ ( ﺍﺩﺭﻱ ) ﻳﻌﻨﻲ ﻣﺎ ﻓﻜﻐﻮ ( ﻓﻜﺮﻭﺍ ) ﺑﺄﺧﻮﻫﻢ ﺍﻟﺼﻐﻴﻎ ( ﺍﻟﺼﻐﻴﺮ )
.. ﻻ ﻟﻮ ﺗﺴﻤﻌﻴﻦ ﻋﺬﺭﻫﻢ ﻣﻦ ﻋﻤﻮ ﻣﺤﻤﺪ ﻭﺑﺎﺑﺎ
ﻛﻌﺪﻭﺍ ﻭﻳﺎﻫﻢ ﻭﻭﻳﺔ ﻋﻤﻮ ﻛﺎﻇﻢ ﺍﻟﻲ ﺟﺎﻥ ﻳﺠﻬﻞ ﺍﻟﻤﻮﺿﻮﻉ
ﻛﺎﻟﻮﺍ ﺍﺣﻨﺎ ﺧﻠﻴﻨﺎﻩ ﻳﻢ ﺍﻟﺤﺎﺭﺱ ﻣﺎ ﻋﻠﻴﻪ ﺷﻲ ﻭﺍﻟﺜﻼﺟﺔ ﻣﻠﻴﺎﻧﺔ ﺍﻛﻞ
ﻭﻣﻦ ﻋﻬﺪﻫﺎ ﻋﻤﻮ ﻛﺎﻇﻢ ﻻﺯﻡ ﻭﻟﺪﻩ ﻣﻌﺎﻗﺒﻬﻢ
ﻋﻘﺎﺏ ﻗﺎﺳﻲ ﻭﺑﺎﺑﺎ ﺭﻏﻢ ﻫﻮ ﺟﺎﻥ . ﺯﻋﻼﻥ
ﻋﻠﻴﻪ ﺑﺲ ﻛﻠﻪ ﺧﻠﻲ ﻫﺸﺎﻡ ﻋﺪﻧﺎ ﻋﻴﻨﺎ ﻋﻠﻴﻪ
ﺑﺲ ﻋﻤﻮ ﻛﺎﻇﻢ ﺭﻓﺾ
ﺭﻓﺾ ﻗﺎﻃﻊ ﻭﺍﺧﺬ ﺍﺑﻨﻪ ﻭﻃﻠﻊ
ﻳﻜﻮﻝ ﻟﺒﺎﺑﺎ ﻫﻮﺍﻧﺖ ﺑﺎﻻﻭﻝ ﺭﺑﻲ ﺍﺑﻨﻚ ﺻﺎﻳﻊ ﺑﺎﻟﺸﻮﺍﺭﻉ
ﻭﻣﺎ ﻧﺎﺟﺢ ﺑﺄﻱ ﺷﻲ ﻭﺑﻌﺪﻳﻦ ﺗﻌﺎﻟﻲ ﻃﺎﻟﺐ ﺑﺄﺑﻨﻲ
ﺍﻭﻻﺩ ﻋﻤﻮ ﻛﺎﻇﻢ ﺟﺎﻧﻮﺍ ﻛﻠﺶ ﺷﻄﺎﺭ ﻓﻲ ﻏﺾ ﺍﻟﻨﻈﺮ ﻋﻦ ﺧﺒﺎﺛﺘﻬﻢ ﻭﺍﻧﺎﻧﻴﻨﺘﻬﻢ
ﻣﺮﺕ ﺍﻟﺴﻨﻴﻦ ﻭﻫﺸﺎﻡ ﻛﻞ ﻣﺎ ﻳﻜﺒﺮ ﺳﻨﺔ ﻳﺰﺍﺩ ﺗﻌﻠﻘﻪ ﺑﻘﺎﺳﻢ ﻭﺑﻴﻨﺎ
ﻭﻟﺤﺪ ﻣﺎ ﺻﺎﺭ ﻋﻤﺮﻩ ١٨ ﺳﻨﺔ
ﻭﺑﻬﺎﻱ ﺍﻟﺴﻨﺔ ﻋﻤﻮ ﻛﺎﻇﻢ ﺍﺗﺰﻭﺝ ﻭﺣﺪﺓ ﺗﺼﻴﺮ ﺑﻌﻤﺮ
ﻛﻮﺛﺮ ﺍﺧﺘﻲ ﺍﺳﻤﻬﺎ ﺳﻌﺎﺩ ﺍﺻﻐﺮ ﻣﻦ ﻋﻨﺪﻩ ﺑﻬﻮﺍﻱ
ﺟﺎﻧﺖ ﻛﻠﺶ ﺣﻠﻮﺓ ﺑﺲ ﺍﺳﻢ ﺍﻟﻠﻪ ﻣﻦ ﻳﻮﻡ ﺍﻟﻲ ﺍﺗﺰﻭﺟﻬﺎ
ﻭﺍﻟﻤﺸﺎﻛﻞ ﺯﺍﺩﺕ ﻣﺎ ﻧﻘﺼﺖ ﺑﺎﻟﺒﻴﺖ
ﻛﻞ ﻳﻮﻡ ﻃﺎﺭﺩ ﻭﺍﺣﺪ ﻣﻦ ﻭﻟﺪﻩ ﻣﻦ ﺍﻟﺒﻴﺖ ﻭﻋﻤﻮ ﻣﺤﻤﺪ
ﻳﻜﻌﺪ ﻳﺮﺟﻌﻬﻢ ﺑﺎﻟﺸﺎﻓﻌﺎﺕ
ﻫﺪﻯ .. ﺯﻳﻦ ﻫﺴﺔ ﺷﻨﻮ ﺍﻟﺼﺎﻳﺮ
.. ﺍﻧﺎ ﺍﻛﻠﺞ ﺣﺴﺐ ﻛﻼﻡ ﺍﻣﻲ ﻣﻦ ﺭﺍﺣﺘﻠﻬﻢ ﻗﺒﻞ ﺷﻬﺮ
ﻋﻠﻰ ﺍﺳﺎﺱ
ﻋﻤﻮ ﻛﺎﻇﻢ ﺿﺎﺭﺑﻪ ﻭﻃﺎﺭﺩﻩ ﻣﻦ ﺍﻟﺒﻴﺖ ﺑﺴﺒﺐ ﻣﺮﺗﻪ
ﻳﻜﻮﻝ ﺿﺎﺭﺏ ﺳﻌﺎﺩ ﻭﻣﺘﺠﺎﻭﺯ ﻋﻠﻴﻬﺎ
ﻭﻫﻲ ﻛﻠﺘﻠﻪ ﺍﻧﻲ ﻣﺮﺕ ﺍﺑﻮﻙ ﻭ ﻏﺼﺒﺎً ﻋﻠﻴﻚ ﺗﺤﺘﺮﻣﻨﻲ
ﻭﻫﻮ ﻣﻌﺼﺐ ﻭﺿﺎﺭﺑﻬﺎ
ﻭﺑﻴﻮﻣﻬﺎ ﺍﻣﻲ ﺭﺍﺣﺖ ﻭﺷﺎﻓﺖ ﺳﻌﺎﺩ ﻣﻠﻌﻮﺏ ﺑﻴﻬﺎ ﻃﻮﺑﺔ
ﺍﻣﺜﻞ ﺑﻴﻬﺎ ﺗﻤﺜﻴﻞ
ﺍﻣﻲ ﺑﺎﻟﺒﺪﺍﻳﺔ ﻣﺎ ﺻﺪﻛﺘﻬﻢ ﺑﺲ ﻣﻦ ﺳﺄﻟﺖ ﻫﺸﺎﻡ ﻛﻠﻪ ﺍﻱ ﺍﻧﺎ ﺿﺮﺑﺘﻬﺎ
ﺳﺄﻟﺘﻪ ﻋﻦ ﺍﻟﺴﺒﺐ ﻛﻠﻪ ﻫﺸﺎﻡ
ﺍﺗﺤﺎﺭﺷﺖ ﺑﻴﺔ ﻛﻞ ﻣﺮﺓ ﺍﺑﻠﻌﻬﺎ ﻭﺍﺳﻜﺖ ﻭﺍﻏﻠﺲ ﻋﻠﻴﻬﺎ
ﺍﻛﺘﻔﻲ ﺍﺭﺯﻟﻬﺎ ﻭﺍﻃﻠﻊ ﻣﻦ ﺍﻟﺒﻴﺖ
ﻟﺤﺪ ﻣﺎ ﺍﻟﻴﻮﻡ ﺟﺘﻨﻲ ﻭﺑﻤﻼﺑﺲ ﺍﻟﻨﻮﻡ ﺩﺧﻠﺖ ﻏﺮﻓﺘﻲ
ﺗﻜﻠﻲ ﻟﻮ ﺗﺼﻴﺮ ﺍﻟﻲ ﻟﻮ ﺍﺧﻠﻲ ﺍﺑﻮﻙ ﻳﻄﺮﺩﻙ ﻣﻦ ﺍﻟﺒﻴﺖ
ﻋﺎﺩ ﺍﻧﺎ ﻛﻠﺒﻲ ﻣﻠﻴﺎﻥ ﻋﻠﻴﻬﺎ ﻛﻀﻴﺘﻬﺎ ﻭﻃﻠﻌﺖ ﺣﺮﻛﺖ ﻛﻠﺒﻲ ﻛﻠﻬﺎ ﺑﻴﻬﺎ
.....
ﻗﺎﺳﻢ ﺑﻴﻮﻣﻬﺎ ﺟﺎﻥ ﻣﺴﺎﻓﺮ ﻟﻠﺨﺎﺭﺝ ﻋﻨﺪﻩ ﺷﻐﻞ
ﻣﻦ ﺭﺟﻊ ﻭﺳﺄﻝ ﻋﻦ ﻫﺸﺎﻡ ﻛﺎﻟﺘﻠﻪ ﺍﻟﺼﺎﺭ
ﻭﻫﺸﺎﻡ ﻣﺨﺘﻔﻲ ﻣﻦ ﻳﻮﻡ ﺍﻟﻲ ﻃﺮﺩﻩ ﺍﺑﻮﻩ ﻣﻦ ﺍﻟﺒﻴﺖ
.. ﻳﺒﻮﻭﻭﻭ ﺍﻟﻲ ﻳﺸﻮﻑ ﺑﻠﻮﻯ ﺍﻟﻨﺎﺱ ﺗﻬﻮﻥ ﻋﻠﻴﻪ ﺑﻠﻮﺗﻪ
ﺩﻙ ﻧﻘﺎﻝ ﻣﻨﻰ
ﻣﻨﻰ .. ﻳﺎﻟﻠﻪ ﺑﻨﺎﺕ ﻋﻤﻮ ﺣﺴﻨﻴﻦ ﺑﺎﻟﺒﺎﺏ
ﻃﻠﻌﻮﺍ ﺍﻟﺒﻨﺎﺕ ﺑﻌﺪﻣﺎ ﺳﻠﻤﻮﺍ ﻋﻠﻴﺔ ﻭﻋﻠﻰ ﺷﻴﻤﺎﺀ ﻭﺿﺤﻰ ﻭﻃﻠﻌﻮﺍ
....
ﻣﺮﺕ ﻳﻮﻣﻴﻦ ﻋﺎﻟﺨﻄﻮﺑﺔ
ﺿﺤﻰ .. ﺑﻨﺎﺕ ﺷﻠﻮﻥ ﺑﻴﺔ ﻣﺎ ﺍﺭﻳﺪ ﺍﺭﺟﻊ ﻭﻳﺔ ﺳﻴﻒ
ﺷﻴﻤﺎﺀ .. ﺩﺻﺒﺮﻱ ﻫﺴﺔ ﺍﻧﺘﻲ ﺷﺒﻴﺞ ﺧﺎﻳﻔﺔ ﺧﻠﻲ ﻧﺸﻮﻑ
ﻋﻤﻮ ﺍﻣﺠﺪ ﻭﺑﺎﺑﺎ ﺷﻨﻮ ﻳﻜﻮﻟﻮﻥ
ﻫﺪﻯ .. ﻫﺴﺔ ﻫﻤﺔ ﻭﻳﻦ
.. ﻛﺎﻋﺪﻳﻦ ﻭﻳﺔ ﺳﻴﻒ ﺑﺎﻻﺳﺘﻘﺒﺎﻝ
ﺩﻳﺤﺠﻮﻥ ﻭﻳﺎﻩ
ﻟﺤﻈﺎﺕ ﻭﺩﺧﻞ ﺑﺎﺑﺎ ﻭﻋﻤﻮ ﺍﻣﺠﺪ ﻭﺳﻠﻴﻤﺔ
ﺍﺛﻴﺮ .. ﺿﺤﻰ ﺟﻬﺰﻱ ﺭﻭﺣﺞ ﺣﺘﻰ ﺗﺮﺟﻌﻴﻦ ﻭﻳﺔ
ﺯﻭﺟﺞ ﻫﻮ ﻭﻋﺪﻧﺎ ﺑﻌﺪ ﻣﺎ ﻳﻜﺮﺭﻫﺎ ﻭﻛﺎﻝ ﺣﻘﻜﻢ ﻋﻠﻴﺔ
ﺍﻧﺎ ﺭﺍﻳﺪ ﻣﺮﺗﻲ ﻭﺍﻧﺘﻮﺍ ﺷﻨﻮ ﺗﻔﺼﻠﻮﻥ ﺍﻧﺎ ﺍﻟﺒﺲ
ﻋﻤﺞ ﺍﻣﺠﺪ ﻛﻠﻪ .. ﺍﻭﻝ ﺷﻲ ﺗﺤﻄﻠﻬﺎ ﻧﻘﺎﻝ ﺣﺘﻰ ﺗﺘﻮﺍﺻﻞ ﻭﻳﺔ ﺧﻮﺍﺗﻬﺎ
ﻭﺍﻳﺪﻙ ﻣﺎ ﺗﻨﻤﺪ ﻋﻠﻴﻬﺎ ﻭﻛﻞ ﺟﻤﻌﺔ ﺗﺠﻲ ﺯﻳﺎﺭﺓ ﻻﻫﻠﻠﻬﺎ
ﻭﻫﻮ ﻛﻠﻠﻬﻢ .. ﺻﺎﺭ ﺗﺪﻟﻠﻮﻥ ﻛﻠﺸﻲ ﺍﻟﺘﺮﺩﻭﻧﻪ ﺍﻧﺎ ﺍﺳﻮﻱ ﺑﺲ ﺭﺟﻌﻮﻟﻲ ﻣﺮﺗﻲ
ﺿﺤﻰ ﺑﻄﻨﻬﺎ ﻣﻐﺼﺘﻬﺎ ﺑﺨﻮﻑ ﻣﺘﺮﻳﺪ ﺗﺮﺟﻊ
.. ﻋﻤﻮ ﺳﻴﻒ ﻛﻞ ﻣﺮﺓ ﻫﻴﺞ ﻳﻮﻋﺪﻧﻲ ﺑﺲ ﻓﺘﺮﺓ ﻭﻳﻜﻠﺐ ﻋﻠﻴﺔ
.. ﻻ ﻫﺎﻟﻤﺮﺓ ﻏﻴﺮ
.. ﻭﺍﻟﻠﻪ ﺍﺑﻮ ﻃﺒﻊ ﻣﺎ ﻳﻐﻴﺮ ﻃﺒﻌﻪ
ﺳﻠﻴﻤﺔ .. ﺍﻛﻠﺞ ﺣﺒﻴﺒﺔ ﺍﺣﻨﺎ ﻣﺎ ﺟﺎﻱ ﻧﺎﺧﺬ ﺭﺃﻳﺞ
ﻻ ﻋﻴﻨﻲ ﺍﺣﻨﺎ ﺩﻧﻨﻄﻴﺞ ﺧﺒﺮ ﺣﺘﻰ ﺗﺤﻀﺮﻳﻦ ﻧﻔﺴﺞ ﻭﺗﺮﺟﻌﻴﻦ ﻭﻳﺔ ﺯﻭﺟﺞ
ﻫﺪﻯ .. ﺑﻴﺒﻲ ﺗﻐﺔ ( ﺗﺮﺓ ) ﺿﺤﻰ ﻫﻲ ﺍﻟﻲ ﻋﺎﻳﺸﺔ ﻭﻳﺎﻩ
ﻭﺗﻌﻐﻔﻪ ( ﺗﻌﺮﻓﻪ ) ﻛﻠﺶ ﺯﻳﻦ ﻣﺎ ﻏﺎﺡ ( ﺭﺍﺡ ) ﻳﺘﻮﺏ
ﻳﻌﻨﻲ ﻫﻲ ﺻﺎﺣﺒﺔ ﺍﻟﻘﻐﺎﻍ ( ﺍﻟﻘﺮﺍﺭ )
ﻭﻣﻦ ﺣﻘﻬﺎ ﺗﻐﻔﺾ ( ﺗﺮﻓﺾ ) ﻳﻌﻨﻲ ﻫﻲ ﻣﻮ ﺑﺎﻟﻜﻮﺓ
ﺿﺤﻰ .. ﻛﻼﻡ ﻫﺪﻯ ﺻﺤﻴﺢ ﺍﻧﺎ ﻣﺎ ﺍﺭﻳﺪ ﺍﺭﺟﻊ
ﺳﻠﻴﻤﺔ .. ﺷﻮﻑ ﻭﻟﻚ ﺍﺛﻴﺮ ﺍﺫﺍ ﺿﺤﻴﻮﺓ ﻣﺎ ﺭﺟﻌﺖ ﻭﻳﺔ ﺯﻭﺟﻬﺎ
ﺗﻠﻤﻮﻥ ﻏﺮﺍﺿﻜﻢ ﻭﺗﻄﻠﻌﻮﻥ
ﻣﻦ ﺍﻟﺒﻴﺖ ﺍﻧﺖ ﻭﺑﻨﺎﺗﻚ ﻭﺍﻟﻠﻪ ﺍﻧﺎ ﻭﺻﻞ ﺣﺪﻱ
ﻫﻮ ﺍﻧﺎ ﻣﺎ ﺍﺻﺪﻙ ﺍﻓﺘﻚ ﻣﻦ ﻭﺣﺪﺓ ﺗﺠﻴﻨﻲ ﺍﻟﺜﺎﻧﻴﺔ ﺯﻋﻼﻧﺔ ﻭﺗﺮﻳﺪ ﺗﺘﻄﻠﻚ
ﻭﻟﺸﻮﻛﺖ ﺍﻧﺎ ﺍﺑﻘﻰ ﺍﺗﺤﻤﻠﻚ ﺍﺛﻴﺮ ﺍﻧﺖ ﻭﺑﻨﺎﺗﻚ ﻭﻣﺸﺎﻛﻠﻜﻢ
ﺿﺤﻰ .. ﺑﻴﺒﻲ ﺑﺲ ﺍﻧﺎ ﻣﺎ ﻣﺄﺛﺮﺓ ﻋﻠﻴﺞ ﺑﺄﻱ ﺷﻲ
ﻟﻴﺶ ﺗﻀﻐﻄﻴﻦ ﻋﻠﻴﻬﻢ ﺣﺘﻰ ﻳﺮﺟﻌﻮﻧﻲ ﺑﺎﻟﻜﻮﺓ
.. ﻟﻴﺶ ﻫﻮ ﺍﻧﻲ ﺷﻨﻮ ﺍﻟﻲ ﻣﺤﺼﻠﺘﻪ ﻣﻨﺞ ﻭﻣﻦ ﺧﻮﺍﺗﺞ ﻏﻴﺮ ﺑﺲ ﺍﻟﻤﺼﺎﻳﺐ
ﻛﻠﺶ ﻛﺎﻓﻲ ﻣﺼﺎﻳﺐ ﺍﺑﻮﻛﻢ
ﺍﻟﻠﻪ ﻭﻛﻴﻠﺞ ﻣﺘﺤﻤﻠﺘﻜﻢ ﻋﻠﻰ ﺍﻋﺼﺎﺑﻲ
ﺟﻨﺖ ﻋﺎﻳﺸﺔ ﻟﻮﺣﺪﻱ ﺑﺒﻴﺘﻲ ﻭﺭﺍﺳﻲ ﺑﺎﺭﺩ ﻣﻦ ﺍﻟﻤﺸﺎﻛﻞ
ﺑﺎﻭﻋﺖ ﻟﻌﻤﻮ ﻭﻟﺒﺎﺑﺎ ﻭﻛﺎﻟﺖ
.. ﻭﺍﻟﻠﻪ ﺛﻢ ﻭﺍﻟﻠﻪ ﺍﺫﺍ ﻣﺎ ﺭﺟﻌﺘﻮﻫﺎ ﻫﺴﺔ ﻛﻠﻜﻢ ﺗﻄﻠﻌﻮﻥ ﻣﻦ ﺑﻴﺘﻲ
ﺍﺛﻴﺮ ﺍﻟﺘﻔﺖ ﻋﻠﻰ ﺿﺤﻰ ﻭﺣﺠﺔ
.......
ﻭﺍﻧﺘﻲ ﺷﺪﻋﻮﺓ ﻋﻠﻴﺞ ﻫﻴﺞ ﻧﻔﺴﺞ ﺣﺎﻣﻀﻪ
ﺍﻧﻜﻠﺞ ﺍﻟﻮﻟﺪ ﺣﺎﻱ ﻭﻣﺘﻨﺪﻡ ﻭﻳﻜﻮﻝ ﺷﻨﻮ ﺗﺮﻳﺪ ﺿﺤﻰ ﻳﺠﺮﺍﻟﻬﺎ
ﻭﻳﻦ ﻻﻛﻴﺘﻬﺎ ﻭﺍﺣﺪ ﺟﺎﻱ ﻳﻌﺘﺬﺭﻟﺞ ﻋﻠﻰ ﺍﻟﺴﻮﺍﻩ
ﻭﻳﻜﻠﺞ ﺣﻘﺞ ﻋﻠﻴﺔ .
ﺿﺤﻰ ﺗﺒﺠﻲ .. ﺍﻱ ﺑﺲ
ﻗﺎﻃﻌﻬﺎ .. ﻻ ﺗﻜﻌﺪﻳﻦ ﺗﺒﺴﺒﺴﻴﻦ ﻭﺗﺤﺠﻴﻦ ﺣﺠﻲ ﺯﺍﻳﺪ
ﺑﺎﻟﻠﻪ ﺷﻮ ﻛﻮﻣﻲ ﺣﻀﺮﻱ ﺭﻭﺣﺞ ﺣﺘﻰ ﺗﺮﺟﻌﻴﻦ ﻭﻳﺔ ﺯﻭﺟﺞ
ﻣﺎ ﻋﻨﺪﻱ ﺑﻨﻴﺔ ﺗﺘﻄﻠﻚ ﻋﻠﻰ ﺷﻲ ﺗﺎﻓﻪ ﻣﺜﻞ ﻫﺬﺍ ﺍﻟﺴﺒﺐ
ﺗﺮﺓ ﺍﻱ ﻣﺮﺓ ﻭﺭﺟﺎﻝ ﻳﺘﻌﺎﺭﻛﻮﻥ ﻭﻳﻀﺮﺑﻬﺎ ﻭﺗﺎﻟﻲ ﻳﺮﺟﻌﻮﻥ ﻳﺘﺼﺎﻟﺤﻮﻥ
ﺍﻧﺘﻲ ﻣﻮ ﺍﻭﻝ ﻣﺮﻳﺔ ﻳﻀﺮﺑﻬﺎ ﺭﺟﻠﻬﺎ
ﻓﻜﺒﺮﻱ ﻋﻘﻠﺞ ﻭﺭﺟﻌﻲ ﻟﺮﺟﻠﺞ
ﻭﻻ ﻃﻠﻌﺖ ﻣﻦ ﺑﻴﺘﻬﺎ
ﺑﺎﻭﻉ ﻟﺸﻴﻤﺎﺀ .. ﺷﻴﻤﺎﺀ ﻛﻮﻣﻲ ﺍﺧﺬﻱ ﺍﺧﺘﺞ ﻭﻓﻬﻤﻴﻬﺎ
ﻣﺎﻛﻮ ﻣﺮﺓ ﺗﻬﺠﻢ ﺑﻴﺘﻬﺎ ﺑﺮﻋﻮﻧﻴﺘﻬﺎ
ﻛﺎﻣﺖ ﺿﺤﻰ ﺩﺧﻠﺖ ﻟﻠﻐﺮﻓﺔ
ﻭﺭﺍﺣﺖ ﻭﺭﺍﻫﺎ ﺷﻴﻤﺎﺀ
ﺍﺑﺎﻭﻉ ﻟﻀﺤﻰ ﻟﻤﺖ ﻣﻼﺑﺴﻬﺎ ﻭﻟﺒﺴﺖ ﻋﺒﺎﻳﺘﻬﺎ
ﻭﻃﻠﻌﺖ ﻣﻦ ﺍﻟﻐﺮﻓﺔ ﻭﺍﻟﺪﻣﻌﺔ ﺑﻌﻴﻮﻧﻬﺎ ﻣﻐﺼﻮﺑﺔ ﺗﺮﺟﻊ
ﺣﻀﻨﺘﻨﻲ ﻭﺣﻀﻨﺖ ﺷﻴﻤﺎﺀ ﻭﻛﺎﻣﺖ ﺗﺒﺠﻲ
ﻭﺭﺍﺣﺖ ﺩﺧﻠﺖ ﻟﻼﺳﺘﻘﺒﺎﻝ ﻭﻳﺔ ﺑﺎﺑﺎ ﻭﻋﻤﻮ ﺍﻣﺠﺪ
ﻭﺑﻌﺪﻫﺎ ﺍﺧﺬﻫﺎ ﺳﻴﻒ ﻭﺭﺍﺡ
ﻭﺍﻟﻠﻪ ﻣﻨﻈﺮﻫﺎ ﻳﻜﺴﺮ ﺍﻟﻜﻠﺐ ﻣﻦ ﻃﻠﻌﺖ
ﺍﻧﺪﻟﻴﺖ ﻣﻜﺎﻥ ﻛﻠﺒﻲ ﻣﻦ ﺍﻟﻘﻬﺮ ﻭﺣﻘﺪﺕ ﻋﻠﻰ ﺳﻠﻴﻤﺔ
ﻭﺑﻌﺪﻫﺎ ﺑﺎﺑﺎ ﻃﻠﻊ ﻭﻭﺭﺍﻩ ﻋﻤﻮ ﺍﻣﺠﺪ ﺭﺍﺡ ﻟﺒﻴﺘﻪ
ﺍﻟﺘﻔﺖ ﻋﻠﻰ ﺳﻠﻴﻤﺔ
.. ﺍﻧﺘﻲ ﺷﻨﻮ ﻣﻦ ﺑﺸﺮﻍ ( ﺑﺸﺮ )
ﻟﻴﺶ ﻫﻴﺞ ﺳﻮﻳﺘﻲ ﺑﻀﺤﻰ ﺑﺸﻨﻮ ﺿﻐﻴﻨﺎﺝ ( ﺿﺮﻳﻨﺎﺝ ) ﺍﻧﻲ ﻭﺧﻮﺍﺗﻲ
ﻟﻴﺶ ﻫﻴﺞ ﻛﻠﺒﺞ ﺍﺳﻮﺩ ﻭﺣﺎﻗﺪﺓ ﻋﻠﻴﻨﺎ ﻣﻦ ﺷﻔﺘﺞ ﻭﺷﻔﺘﻴﻨﻲ
ﺗﻜﻐﻬﻴﻨﺎ ( ﺗﻜﺮﻫﻴﻨﺎ )
ﺳﻜﺘﺖ ﻭﺭﺟﻌﺖ ﺣﺠﻴﺖ
.. ﻭﻟﻮ ﺍﻧﺘﻲ ﺍﻟﺤﺠﻲ ﻭﻳﺎﺝ ﺿﺎﻳﻊ ﻣﺎ ﻣﻨﻪ ﻓﺎﻳﺪﺓ
ﻻﻥ ﺍﻟﻲ ﻏﺒﺖ ( ﺭﺑﺖ ) ﻭﺍﺣﺪ ﻣﺜﻞ ﺍﺛﻴﻎ ( ﺍﺛﻴﺮ )
. ﺍﻛﻴﺪ ﺗﻜﻮﻥ ﻭﺣﺪﺓ ﻛﻠﺒﻬﺎ ﺍﺳﻮﺩ ﺧﺎﻟﻲ ﻣﻦ ﺍﻟﻐﺤﻤﺔ ( ﺍﻟﺮﺣﻤﺔ )
ﺷﻴﻤﺎﺀ ﺻﺎﺣﺖ ﺑﻴﺔ ﻣﺼﺪﻭﻣﺔ ﻣﻦ ﺟﺴﺎﺭﺗﻲ ﻭﻳﺔ ﺳﻠﻴﻤﺔ
.. ﻫﺪﺩﺩﻯ ﻋﻴﺐ ﺷﻨﻮ ﻫﺬﺍ ﺍﻟﺤﺠﻲ ﺷﺒﻴﺞ ﺗﺨﺒﻠﺘﻲ
ﺳﻠﻴﻤﺔ .. ﻋﻮﻓﻴﻬﺎ ﻋﻮﻓﻴﻬﺎ ﻫﺎﻱ ﺍﻟﺒﻜﻌﺔ ﺍﻡ ﺍﻟﺴﺎﻥ ﺍﻟﻤﻜﻄﻢ
ﻫﺎﻱ ﺷﺎﻓﺖ ﻋﻨﺘﺮ ﺍﺑﻦ ﺷﺪﺍﺩ ﻓﺰﻋﻠﻬﺎ ﺑﺬﺍﻙ ﺍﻟﻴﻮﻡ
ﻋﺒﺎﻟﻬﺎ ﻫﺎﻱ ﻫﻴﺔ ﺑﻌﺪ ﻣﺤﺪ ﻳﻜﺪﺭ ﻋﻠﻴﻬﺎ
ﺧﺎﻳﺒﺔ ﺍﻟﺒﻜﻌﺔ ﺑﺪﺍﻝ ﻣﺎ ﻛﺎﻋﺪﺓ ﺗﻔﻜﺮﻳﻦ ﺑﺄﺧﺘﺞ ﻭﺑﺮﺟﻠﻬﺎ
ﻛﻌﺪﻱ ﻓﻜﺮﻱ ﺑﺮﻭﺣﺞ ﻭﺑﺮﺟﻠﺞ ﺷﻨﻮ ﺭﺍﺡ ﻳﺴﻮﻱ
ﺍﺫﺍ ﻳﺸﻮﻑ ﺍﻟﺒﻜﻌﺔ ﻣﺎﻟﺘﺞ
ﻭﺍﻟﻠﻪ ﺑﺲ ﻳﺸﻮﻓﻬﺎ ﻳﺤﺮﻙ ﺍﻟﺪﻧﻴﺎ ﻋﻠﻰ ﺭﻭﺳﻨﺎ
ﻫﺎﻱ ﺍﺫﺍ ﻣﺎ ﺭﺟﻌﺞ ﻋﻠﻴﻨﺎ ﻳﻮﻡ ﺛﺎﻧﻲ
ﺟﺎﻥ ﻛﻼﻡ ﺳﻠﻴﻤﺔ ﻣﺜﻞ ﺍﻟﺴﻮﻁ ﺍﻟﻼﺳﻊ ﻋﺎﻟﺠﻠﺪ ﻫﻴﺞ ﻳﻮﺟﻊ
ﺟﺎﻭﺑﺘﻬﺎ
.. ﻻ ﺗﺨﺎﻓﻴﻦ ﻣﺎ ﻳﻐﺠﻌﻨﻲ ﻋﻠﻴﺞ ﻻﻥ ﺍﻧﻲ ﻛﻠﺘﻠﻪ ﻋﻦ ﺍﻟﻮﺣﻤﺔ
ﻭﻛﻠﻲ ﻻ ﺗﺨﺎﻓﻴﻦ ﺣﺒﻴﺒﺘﻲ ﺍﻧﺘﻲ ﺑﺲ ﺷﻌﻐﺞ ( ﺷﻌﺮﺝ ) ﻳﺴﻮﻯ ﻋﺸﻎ ( ﻋﺸﺮ ) ﻧﺴﻮﺍﻥ
ﻭﺍﻟﺴﺎﻧﺞ ﺍﻟﻴﻐﻮﻏﻲ ﻫﺬﺍ ﻣﺠﻨﻨﻲ
ﺟﻨﺖ ﺍﺣﺠﻲ ﻭﺍﺑﺎﻭﻉ ﻋﻠﻴﻬﺎ ﺗﺮﻳﺪ ﺗﻨﻔﺠﺮ ﻣﻦ ﺍﻟﻐﻴﺾ
.. ﻫﻤﺔ ﻛﺎﻟﻮﻫﺎ ﺑﺨﺖ ﺍﻟﻐﺒﺮﺓ ﻛﺎﻋﺪ
ﺳﻠﻴﻤﺔ ﺑﻜﻼﻣﻬﺎ ﻓﺘﺤﺖ ﺟﺮﺍﺡ ﻗﺪﻳﻤﺔ ﻭﺧﻮﻑ ﻣﺎ ﺑﻌﺪﻩ ﺧﻮﻑ
ﺟﻨﺖ ﻏﺎﺿﺔ ﺍﻟﻨﻈﺮ ﻋﻨﻪ ﺍﻭ ﺍﺣﺎﻭﻝ ﺍﺗﻨﺎﺳﺎﻩ
ﻣﻦ ﻳﻮﻡ ﺍﻟﺼﺎﺭ ﺑﻴﻨﻲ ﻭﺑﻴﻦ ﺭﺍﺋﺪ
ﺑﻌﺪ ﻣﺎ ﺍﻟﺘﻔﺘﺖ ﻟﺬﺍﻙ ﺍﻻﻟﻢ
......
ﺷﻴﻤﺎﺀ
ﺑﻌﺪﻣﺎ ﺍﻧﺘﻬﺖ ﺍﺟﺎﺯﺗﻲ ﺟﻨﺖ ﻛﻠﺶ ﻣﺘﺮﺩﺩﺓ ﺷﻠﻮﻥ ﺍﺭﺟﻊ ﻟﻠﺪﻭﺍﻡ ﻭﺷﺎﻳﻠﺔ ﻫﻢ . ﺧﺎﻑ ﺍﻟﺘﻘﻲ ﺑﺤﻴﺪﺭ
ﺣﻴﻞ ﻣﺴﺘﺤﻴﺔ ﺍﺣﻂ ﻋﻴﻨﻲ ﺑﻌﻴﻨﻪ
ﺧﺼﻮﺻﺎ ﻣﻦ ﻃﻠﻊ ﺳﺎﻣﻊ ﺍﻟﺤﺠﻲ ﻛﻠﻪ ﻣﻦ ﻫﺪﺩﻭﻧﻲ
ﺑﺴﺎﻟﻔﺔ ﻣﻬﺮﺓ ﻭﺑﺎﺑﺎ ﺑﺲ ﻣﺎ ﺣﺐ ﻳﺤﺮﺟﻨﻲ ﻛﺪﺍﻡ ﺍﻟﻀﺎﺑﻂ ﻭﻳﻔﻀﺢ ﺍﻣﺮﻱ ﻭﻣﻦ ﺭﺍﺩ ﻳﺴﺎﻋﺪﻧﻲ ﻭﻳﺤﻔﻆ ﻣﺎﻱ ﻭﺟﻬﻲ
ﺍﻧﻲ ﺭﺩﻳﺘﻠﻪ ﺍﻟﺠﻤﻴﻞ
ﺑﻜﻞ ﺟﺤﻮﺩ ﻭﺣﺮﺟﺘﻪ ﻛﺪﺍﻡ ﺭﺑﺎﺏ
ﺑﺲ ﺭﺑﺎﺏ ﺍﻗﺘﺮﺣﺖ ﻋﻠﻴﺔ ﺍﺫﺍ ﺍﺷﻮﻓﻪ ﺍﻋﺘﺬﺭ ﻣﻨﻪ ﻋﺎﻟﺼﺎﺭ
ﻭﺍﻛﻠﻪ ﺍﻧﻲ ﺟﻨﺖ ﺧﺎﻳﻔﺔ ﻭﺣﺠﻴﺖ ﻫﻴﺞ ﻭﻳﺎﻙ ﺑﻠﺤﻈﺔ ﻋﺼﺒﻴﺔ ﻣﺠﻨﺖ ﺍﻗﺼﺪ ﺍﺗﺠﺎﻭﺯ ﻋﻠﻴﻚ
ﺑﺲ ﻛﻮﻥ ﻋﻨﺪﻱ ﺍﻟﺠﺮﺍﺀﺓ ﻣﻦ ﺍﺷﻮﻓﻪ
ﺍﻛﺪﺭ ﺍﺭﻭﺡ ﺍﺣﺠﻲ ﻭﻳﺎﻩ
ﺭﺟﻌﺖ ﻟﻠﺪﻭﺍﻡ
ﻭﺟﻨﺖ ﺍﻣﺸﻲ ﺑﻤﻤﺮ ﺍﻟﻤﺴﺘﺸﻔﻰ ﻭﺍﻧﺘﺒﻬﺖ ﻟﻠﻜﻞ ﻳﺒﺎﻭﻋﻮﻥ ﻋﻠﻴﺔ ﺑﻔﻀﻮﻝ
ﻫﺬﺍ ﺍﻟﻲ ﺟﻨﺖ ﺧﺎﻳﻔﺔ ﻣﻨﻪ ﺍﻥ ﺭﺍﺡ ﺍﺻﻴﺮ ﻋﻠﺞ ﺑﺤﻠﻚ ﺍﻟﻜﻞ
ﺩﺧﻠﺖ ﻟﻐﺮﻓﺔ ﺍﻟﻤﻤﺮﺿﺎﺕ
ﻭﺍﺳﺘﻘﺒﻠﻮﻧﻲ ﺍﻟﺒﻨﺎﺕ ﻳﺘﺤﻤﺪﻭﻟﻲ ﻋﺎﻟﺴﻼﻣﺔ
ﻭﺍﺟﺘﻲ ﺭﺑﺎﺏ ﺣﻀﻨﺘﻨﻲ ﻭﻫﻤﺴﺖ ﺑﺄﺫﺍﻧﻲ ﺑﺼﻮﺕ ﻧﺎﺻﻲ
.. ﺍﻱ ﻭﺣﺪﺓ ﺗﺴﺄﻟﺞ ﻋﻦ ﻫﺬﻭﻟﻲ ﺍﻟﻲ ﺍﻋﺘﺪﻭﺍ ﻋﻠﻴﺞ
ﺑﺬﺍﻙ ﺍﻟﻴﻮﻡ ﻛﻮﻟﻲ ﻫﺬﻭﻟﻲ ﺣﺮﺍﻣﻴﺔ ﺟﺎﻧﻮﺍ ﺭﺍﻛﺒﻴﻦ ﺩﺭﺍﺟﺔ ﻭﺑﺎﻛﻮ ﺍﻟﺠﻨﻄﺔ ﻣﺎﻟﺘﺞ ﻭﺷﺮﺩﻭﺍ ﻻﻥ ﺍﻟﻜﻞ ﺑﺎﻟﻤﺴﺘﺸﻔﻰ
ﻓﻬﻤﻮﻫﻢ ﻫﻴﺞ ﺍﻟﻘﺼﺔ
ﻋﻘﺪﺕ ﺣﺎﺟﺒﻲ .. ﻣﻨﻮ ﺍﻟﻲ ﻛﻠﻠﻬﻢ ﻫﺬﺍ ﺍﻟﺤﺠﻲ
.. ﺣﻴﺪﺭ ﺍﺟﺔ ﻳﻮﻡ ﺛﺎﻧﻲ ﻫﻮ ﻭﺍﻟﻀﺎﺑﻂ ﺍﻟﻤﺴﺆﻝ ﻋﻦ ﺍﻟﺘﺤﻘﻴﻖ ﺑﺎﻟﺤﺎﺩﺙ ﻭﻛﺎﻟﻮﺍ ﻫﺬﺍ ﺍﻟﺤﺠﻲ
ﻭﺑﻤﺎ ﺍﻥ ﻫﻮ ﺷﺎﻫﺪ ﻋﻴﺎﻥ ﻋﺎﻟﺤﺎﺩﺙ
ﻛﺎﻝ ﺍﻧﺎ ﺷﻔﺘﻬﻢ ﺍﺧﺬﻭ ﺍﻟﺠﻨﻄﺔ ﻣﻨﻬﺎ ﺑﺲ ﻫﻲ ﺭﻓﻀﺖ ﺗﻨﻄﻴﻬﻢ ﺟﻨﻄﺘﻬﺎ ﻭﻫﻤﺔ ﻃﻠﻌﻮﺍ ﺳﺠﻴﻨﺔ ﻭﻛﻄﻌﻮﺍ ﺍﻟﺠﻨﻄﺔ
ﻭﻧﺠﺮﺣﺖ ﻭﺍﺧﺬﻭﻫﺎ ﻭﺍﻧﻬﺰﻣﻮﺍ
ﻋﻘﺪﺕ ﺣﺎﺟﺒﻲ .. ﺍﻱ ﺻﺪﻙ ﺍﺗﺬﻛﺮﺕ ﺑﺎﻟﺤﺎﺩﺙ ﺟﻨﻄﺘﻲ ﺷﺎﻟﻬﺔ ﺣﻴﺪﺭ ﻣﻦ ﺍﻟﻜﺎﻉ
ﻭﻣﻦ ﻛﻤﻠﺖ ﺍﻟﻤﻤﺮﺿﺔ ﺧﻴﺎﻁ ﻭﻃﻠﻌﺖ ﻳﺎﻟﻠﻪ ﺍﻧﻄﺎﻫﺎ ﺍﻟﻲ ﺑﺲ ﻣﺠﻨﺖ ﻣﻨﺘﺒﻬﺔ ﻋﻠﻴﻪ ﺟﺎﻥ ﺍﻟﺨﻮﻑ ﺍﻟﻔﺰﻉ ﻣﺎ ﻳﺨﻠﻴﻨﻲ ﺍﺷﻮﻑ ﺷﻲ
ﻳﺎﺭﺑﻲ ﺷﻜﺪ ﻋﻴﺐ ﻳﻌﻨﻲ ﻓﻮﻙ ﻫﺬﺍ ﻛﻠﻪ ﺭﺟﻊ ﻳﻮﻡ ﺛﺎﻧﻲ
ﻳﺤﻤﻲ ﺳﻤﻌﺘﻲ ﻣﻦ ﺍﻟﻘﺎﻝ ﻭﺍﻟﻘﻴﻞ
ﻳﻌﺮﻑ ﻛﻼﻡ ﺍﻟﻨﺎﺱ ﻣﺎ ﺭﺍﺡ ﻳﺮﺣﻤﻨﻲ
.. ﻳﺎﻟﻠﻪ ﻋﻴﻨﻲ ﺍﻟﻔﺮﺻﺔ ﺍﺟﺘﻲ ﻟﺤﺪ ﻋﻨﺪﺝ
ﺭﻭﺣﻲ ﺷﻮﻓﻲ ﺷﻐﻠﺞ
.. ﻟﺞ ﺭﺑﺎﺏ ﻣﺎ ﺍﻋﺮﻑ ﻟﻴﺶ ﻣﺴﺘﺤﻴﺔ ﻣﻦ ﻋﻨﺪﻩ
ﻫﻮ ﺻﺤﻴﺢ ﻛﺪﺭ ﻳﺤﻤﻲ ﺳﻤﻌﺘﻲ ﻛﺪﺍﻡ ﺍﻟﻜﻞ
ﺑﺲ ﻳﺒﻘﻰ ﻫﻮ ﻋﺎﺭﻑ ﺑﺴﺎﻟﻔﺔ ﻣﻬﺮﺓ ﻭﺑﺎﺑﺎ
ﻭﻫﺬﺍ ﺍﻟﺸﻲ ﺑﺤﺪ ﺫﺍﺗﻪ ﻣﺨﻠﻴﻨﻲ ﺍﺳﺘﺤﻲ ﺍﺭﻓﻊ ﺭﺍﺳﻲ ﻭﺍﺣﻂ ﻋﻴﻨﻲ ﺑﻌﻴﻨﻪ
.. ﺍﻫﻮﻭﻭ ﺷﻴﻤﺎﺀ ﺍﻧﺘﻲ ﻟﻴﺶ ﺗﺴﻮﻳﻦ ﻣﻦ ﺍﻟﺤﺒﺔ ﻛﺒﺔ
ﺍﺧﺬﻱ ﺍﻻﻣﻮﺭ ﻋﻠﻰ ﻣﺎ ﻫﻲ ﻋﻠﻴﻪ
ﺑﺎﻟﻌﻜﺲ ﺍﻧﻲ ﺍﺷﻮﻑ ﺳﻜﻮﺗﻪ ﻋﻦ ﺍﻟﻤﻮﺿﻮﻉ ﻭﺍﻟﺤﻔﺎﻅ ﻋﻠﻰ ﺳﺮﺝ ﺍﺷﻮﻓﻪ ﻋﻼﻣﺔ ﺍﻫﺘﻤﺎﻡ ﻭﺣﺐ
ﺟﻨﺎ ﻧﺤﺠﻲ ﻭﺩﺧﻠﺖ ﺍﻟﻤﻤﺮﺿﺔ ﺻﺎﺣﺖ ﻟﺮﺑﺎﺏ ﺗﺠﻲ ﺗﻜﻤﻞ
ﺷﻐﻠﻬﺎ
ﺭﺍﺣﺖ ﺭﺑﺎﺏ ﻭﺍﻧﻲ ﻃﻠﻌﺖ ﻭﺭﺍﻫﺎ ﻭﺭﺣﺖ ﺍﺳﺘﻠﻢ
ﺷﻐﻠﻲ ﻭﻃﻠﻊ ﻋﻨﺪﻱ ﻣﺒﺎﺷﺮﺓ ﻳﻢ ﺍﻟﺪﻛﺘﻮﺭﺓ ﻣﻴﺴﺎﺀ
ﺭﺣﺖ ﺍﺧﺬﺕ ﺟﺪﻭﻝ ﺍﻟﻤﻮﺍﻋﻴﺪ ﻣﻦ ﺍﻻﺳﺘﻌﻼﻣﺎﺕ
......
ﺩﻛﻴﺖ ﺍﻟﺒﺎﺏ ﻭﺩﺧﻠﺖ ﻭﻟﻜﻴﺖ ﻋﻨﺪﻫﺎ ﻣﺮﺍﺟﻌﺎﺕ ﺣﻮﺍﻣﻞ ﻭﻏﻴﺮﻫﻢ ﻣﻦ ﺍﻟﻤﺮﻳﻀﺎﺕ
ﺳﻠﻤﺖ ﻋﻠﻴﻬﺎ ﻭﺍﺗﺤﻤﺪﺗﻠﻲ ﻋﺎﻟﺴﻼﻣﺔ
ﺑﻌﺪﻫﺎ ﺑﻠﺸﺖ ﺑﺸﻐﻠﻲ ﻛﺒﻞ ﺭﺣﺖ ﻋﺎﻟﻤﻐﺴﻠﺔ ﻭﺍﺧﺬﺕ ﺍﻻﺩﻭﺍﺕ ﻭﻛﻌﺪﺕ ﺍﻋﻘﻢ ﺑﻴﻬﻢ ﻭﻫﻲ ﺗﻔﺤﺺ ﺍﻟﻤﺮﻳﻀﺎﺕ
ﻭﺍﻧﻲ ﺍﺳﺎﻋﺪﻫﺎ ﺍﻫﻲﺀ ﺍﻟﻤﺮﻳﻀﺔ ﺍﻟﻬﺔ
ﻭﺍﺳﺘﻤﺮﻳﻨﺎ ﻋﻠﻰ ﻫﺬﺍ ﺍﻟﻤﻨﻮﺍﻝ ﻟﻠﺴﺎﻋﺔ ﺏ١٢ ﺍﻟﻈﻬﺮ
ﺍﺧﺬﺕ ﻓﺘﺮﺓ ﺭﺍﺣﺔ ﻭﻫﻲ ﺍﻟﺪﻛﺘﻮﺭﺓ ﻃﻠﻌﺖ ﻋﻨﺪﻫﺎ
ﻋﻤﻠﻴﺔ ﺑﺼﺎﻟﺔ ﺍﻟﻌﻤﻠﻴﺎﺕ
ﺟﻨﺖ ﺍﻣﺸﻲ ﻭﺟﺎﻥ ﺍﺷﻮﻑ ﺣﻴﺪﺭ ﻭﺍﻛﻒ ﺑﻨﻬﺎﻳﺔ ﺍﻟﻤﻤﺮ ﻭﻳﺔ ﺩﻛﺘﻮﺭ ﻣﻨﺬﺭ ﻭﻣﺪﻳﺮ ﺍﻟﻤﺴﺘﺸﻔﻰ
ﻛﻠﺒﻲ ﺍﺗﺴﺎﺭﻋﺖ ﺩﻛﺎﺗﻪ ﺻﺮﺕ ﺍﺣﺲ ﺑﻜﻞ ﺩﻛﺔ ﻧﺒﻀﻬﺎ
ﺑﺄﺫﻧﻲ
ﻏﺼﺐ ﻋﻨﻲ ﻟﻜﻴﺖ ﺭﺟﻠﻴﺔ ﻣﺎﺧﺬﺗﻨﻲ ﻟﻌﻨﺪﻩ
ﻋﻴﻮﻧﻲ ﻣﺎ ﺗﺸﻮﻑ ﺑﺲ ﻫﻮ
ﻣﺎ ﺍﻋﺮﻑ ﻟﻴﺶ ﻣﻦ ﺍﺷﻮﻑ ﻫﺬﺍ ﺍﻟﺸﺨﺺ
ﻳﻐﺎﺩﺭﻧﻲ ﺍﻟﻌﻘﻞ ﻭﺍﺻﻴﺮ ﺗﺤﺖ ﺭﺣﻤﺔ ﺩﻛﺎﺕ ﻛﻠﺒﻲ ﺍﻟﻤﺠﻨﻮﻧﺔ
ﺍﻧﺘﺒﻪ ﻋﻠﻴﺔ ﺍﻟﺪﻛﺘﻮﺭ ﻣﻨﺬﺭ
.. ﻫﻼ ﺷﻮﻣﺔ ﺗﻮﻫﺎ ﻧﻮﺭﺕ ﺍﻟﻤﺴﺘﺸﻔﻰ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ .
ﺍﺑﺘﺴﻤﺖ ﻭﻋﻴﻮﻧﻲ ﻋﻠﻰ ﺣﻴﺪﺭ
.. ﺍﻟﻠﻪ ﻳﺴﻠﻤﻚ ﺩﻛﺘﻮﺭ
ﺣﻴﺪﺭ ﺟﺎﻥ ﻳﺒﺘﺴﻢ ﻭﻳﺤﺠﻲ ﺑﺲ ﻣﻦ ﺣﺠﺔ ﺍﻟﺪﻛﺘﻮﺭ ﻣﻨﺬﺭ ﺟﻤﺪﺕ ﻣﻌﺎﻟﻢ ﻭﺟﻬﻪ ﻭﺑﺎﻭﻉ ﻋﻠﻴﺔ ﻭﻧﺰﻝ ﻋﻴﻮﻧﻪ ﻋﻠﻰ ﺍﻳﺪﻱ
.. ﻳﺎﻟﻠﻪ ﻳﺎﻭﺭﺩﺓ ﺗﻜﺒﺮﻳﻦ ﻭﺗﻨﺴﻴﻬﺎ
ﻫﻮ ﺟﻠﺔ ﺣﻨﺠﺮﺗﻪ ﻭﻣﺎﻝ
.. ﺍﻟﻠﻪ ﺩﻓﻊ ﻣﺎ ﻛﺎﻥ ﺍﻋﻈﻢ ﺑﺎﻟﺠﻨﻄﺔ ﻭﻻ ﻏﻴﺮ ﺷﻲ
ﻫﺰﻳﺖ ﺭﺍﺳﻲ ﻭﻋﻴﻮﻧﻲ ﻋﻠﻴﻪ
.. ﺍﻱ ﺻﺪﻙ ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ
ﺍﺭﻳﺪ ﺍﺣﺠﻲ ﻭﻳﺎﻩ ﺍﺭﻳﺪ ﺍﻋﺘﺬﺭﻟﻪ ﺑﺲ ﺍﺳﺘﺤﻲ ﻣﻨﺎ ﺍﻟﺪﻛﺘﻮﺭ ﻣﻨﺬﺭ ﻭﺍﻟﻤﺪﻳﺮ
ﺍﺗﺮﺧﺼﺖ ﻣﻨﻬﻢ ﻭﺭﺣﺖ
ﺟﻨﺖ ﻛﻞ ﺷﻮﻳﺔ ﺍﺭﻭﺡ ﻭﺍﺭﺟﻊ ﺑﻠﻜﻲ ﺍﻟﻜﺎﻩ ﻟﻮﺣﺪﻩ
ﺑﺲ ﻫﻮ ﻣﺎﻛﻮ ﺻﻠﻮﺍﺕ ﻛﺜﻴﺮ ﺍﻻﻧﺸﻐﺎﻝ
ﺍﺑﺪ ﻣﺎ ﺍﻟﻜﺎﻩ ﻓﺎﺭﻍ
ﻭﺍﻟﻠﻪ ﺑﺎﻭﻋﺖ ﻟﻠﺴﺎﻋﺔ ﻣﺎ ﺑﻘﻰ ﺷﻲ ﻭﺗﺨﻠﺺ ﺍﺳﺘﺮﺍﺣﺘﻲ ﻭﻻﺯﻡ ﺍﺭﺟﻊ ﻟﻐﺮﻓﺔ ﺍﻟﺪﻛﺘﻮﺭﺓ ﻣﻴﺴﺎﺀ
ﻭﺍﻟﻠﻪ ﻫﻨﺎﻙ ﻭﺟﺎﻥ ﺍﺷﻮﻓﻪ ﻭﺍﻛﻒ ﻟﻮﺣﺪﻩ
ﻳﻢ ﻗﺴﻢ ﺻﻴﺎﻧﺔ ﺍﻻﻻﺕ ﻭﺍﻻﺟﻬﺰﺓ ﺍﻟﻄﺒﻴﺔ
ﺭﺣﺖ ﻋﻠﻴﻪ ﺑﻜﻞ ﻟﻬﻔﺔ
ﻭﻛﻔﺖ ﻛﺪﺍﻣﻪ ﻭﺍﻧﻲ ﺍﺗﻨﻔﺲ ﺳﺮﻳﻊ ﻻﻥ ﺟﻨﺖ ﻣﺴﺘﻌﺠﻠﺔ ﺧﺎﻑ ﻳﺮﻭﺡ ﻭﻣﺎ ﺍﻟﺤﻚ ﻋﻠﻴﻪ
ﺭﻓﻊ ﻋﻴﻨﻪ ﻣﻦ ﺍﻟﻨﻘﺎﻝ ﺟﺎﻥ ﻻﺯﻣﻪ ﺑﻴﺪﻩ ﻭﻳﺪﻭﺱ ﺑﻲ
ﺑﺎﻭﻉ ﻋﻠﻴﺔ ﻭﺭﻓﻊ ﺣﺎﺟﺒﻪ .
.. ﺍﺳﺘﺎﺫ ﺣﻴﺪﺭ ﻣﻤﻜﻦ ﺗﻨﻄﻴﻨﻲ ﻣﻦ ﻭﻗﺘﻚ ﺍﺭﻳﺪ ﺍﺣﺠﻲ ﻭﻳﺎﻙ
ﺍﺫﺍ ﺗﺴﻤﺤﻠﻲ
ﻧﻈﺮﺍﺕ ﻋﻴﻮﻧﻪ ﻏﻴﺮ ﻋﻦ ﻛﻞ ﺍﻟﻌﻴﻮﻥ
ﻓﺘﺢ ﺣﻠﻜﻪ ﻳﺮﻳﺪ ﻳﺤﺠﻲ
ﻭﺟﺎﻥ ﻳﺪﻙ ﻧﻘﺎﻟﻪ ﺑﺎﻭﻉ ﻋﻠﻴﺔ ﺑﺄﻋﺘﺬﺍﺭ
.. ﺍﻧﺘﻈﺮﻳﻨﻲ ﺑﺲ ﺩﻗﻴﻘﺔ
ﻭﺩﺍﺭ ﻭﺍﻧﻄﺎﻧﻲ ﻇﻬﺮﻩ ﻭﺭﺩ ﻋﺎﻟﻤﺘﺼﻞ
ﻭﻛﻌﺪ ﻳﺤﺠﻲ ﻭﻳﺎﻩ ﺳﻤﻌﺖ ﻳﺤﺠﻲ
ﻋﻦ ﺍﻟﻜﺎﺩﺭ ﻭﺗﻨﺼﻴﺐ ﺍﻻﺟﻬﺰﺓ
ﻭﺍﻧﻲ ﻭﺍﻛﻔﺔ ﻭﺭﺍﻩ ﻛﻞ ﺷﻮﻳﺔ ﺍﺑﺎﻭﻉ ﻟﻠﺴﺎﻋﺔ
ﺍﻭﻑ ﺍﻟﻮﻗﺖ ﺭﺍﺡ ﻳﺨﻠﺺ
ﺍﺷﻮ ﻫﺬﺍ ﺍﺟﺘﻲ ﺩﻛﺘﻮﺭﺓ ﺭﺳﻞ ﻣﺤﺠﺖ ﻭﻳﺎﻩ
ﺍﺷﻮ ﺍﻧﻬﻰ ﺍﻻﺗﺼﺎﻝ ﺑﺴﺮﻋﺔ ﻭﻛﻌﺪ ﻳﺤﺠﻲ ﻭﻳﺎﻫﺎ
ﻭﺍﻧﻲ ﻭﺍﻟﻮﺍﻛﻔﺔ ﻣﻠﻄﻮﻋﺔ ﺻﺎﺭﻟﻲ ﺳﺎﻋﺔ ﺷﻨﻮ
ﺣﺴﻴﺖ ﺑﺎﻻﻫﺎﻧﺔ ﻭﺻﺎﺭﺕ ﺍﻟﻨﺎﺭ ﺗﻄﻠﻊ ﻣﻦ ﺍﺫﺍﻧﺎﺗﻲ ﻣﻦ ﺍﻟﻐﻴﺾ
.....
ﻫﻮ ﻣﻮ ﺻﻮﺟﻪ ﺻﻮﺟﻲ ﺍﻧﻲ ﺍﻟﻲ ﺟﺎﻳﺔ ﺍﻋﺘﺬﺭ ﻣﻨﻬﺎ
ﺣﺠﻴﺖ ﺑﻜﻞ ﻏﻴﺾ ﻭﻋﻴﻮﻧﻲ ﺗﺠﺪﺡ ﻧﺎﺭ
.. ﺍﺳﺘﺎﺫ ﺣﻴﺪﺭ ﺍﻧﻲ ﺍﺗﺮﺧﺺ ﺍﻟﻈﺎﻫﺮ ﺍﻧﺖ ﻛﻠﺶ ﻣﺸﻐﻮﻝ
ﺑﺲ ﺟﻨﺖ ﺍﺗﻤﻨﻰ ﺗﺤﺠﻲ ﻭﺗﻜﻠﻲ ﻣﺎ ﻋﻨﺪﻱ ﻭﻗﺖ ﺍﺣﺠﻲ
ﺑﺪﺍﻝ ﻣﺎ ﻇﺎﻟﺔ ﻣﻠﻄﻮﻋﺔ ﻫﻨﺎ
ﺩﺭﺕ ﻭﺟﻬﻲ ﻭﻣﺸﻴﺖ
ﺳﻤﻌﺖ ﺻﻮﺗﻪ ﻳﺼﻴﺢ ﻋﻠﻴﺔ
ﻳﺮﻳﺪ ﻣﻨﻲ ﺍﻭﻛﻒ
ﺑﺲ ﺍﻧﻲ ﻭﻳﻦ ﻋﻴﻮﻧﻲ ﻏﻮﺷﺖ ﻣﻦ ﺍﻟﺪﻣﻮﻉ
ﻭﻣﻦ ﺍﻟﻐﻀﺐ ﻛﻠﺸﻲ ﻣﺎ ﺍﺳﻤﻊ
ﺭﺟﻌﺖ ﻟﻐﺮﻓﺔ ﺍﻟﺪﻛﺘﻮﺭﺓ ﻣﻴﺴﺎﺀ ﻟﻜﻴﺘﻬﺎ ﺑﻌﺪﻫﺎ ﻣﺎ ﺭﺍﺟﻌﺔ
ﻣﺴﺤﺖ ﺩﻣﻮﻋﻲ ﻭﺳﺤﺒﺖ ﻧﻔﺲ ﻋﻤﻴﻖ
ﻭﺭﺣﺖ ﻋﺎﻻﺩﻭﺍﺕ ﺍﻟﻲ ﺍﺳﺘﺨﺪﻣﺘﻬﻢ ﺍﻟﺪﻛﺘﻮﺭﺓ ﻟﻠﻔﺤﺺ
ﻭﻛﻌﺪﺕ ﺍﻋﻘﻢ ﺑﻴﻬﻢ ﻭﺍﻧﻲ ﺍﺩﺭﺩﻡ
ﺳﻤﻌﺖ ﺻﻮﺕ ﻭﺭﺍﻱ ﺍﻟﺘﻔﺘﺖ ﻟﻜﻴﺘﻬﺎ ﻭﺣﺪﺓ ﻣﻦ ﺍﻟﻤﻤﺮﺿﺎﺕ ﺑﻴﺪﻫﺎ ﻛﺎﺭﺗﻮﻥ
ﺣﻄﺘﻪ ﻋﺎﻟﻤﻴﺰ ﻭﻛﺎﻟﺖ
.. ﻫﺎﺝ ﻫﺎﻱ ﻣﺠﻤﻮﻋﺔ ﺩﻳﺘﻮﻝ ﻭﻛﻔﻮﻑ ﺑﻼﺳﺘﻚ ﻃﻠﺒﺘﻬﻢ
ﺍﻟﺪﻛﺘﻮﺭﺓ ﻣﻴﺴﺎﺀ ﻛﺎﻟﺖ ﺧﻠﺼﻮﺍ ﺍﻟﻌﻨﺪﻫﺎ
.. ﺍﻱ ﺻﺤﻴﺢ ﻧﺤﺘﺎﺝ
ﺍﺧﺬﺗﻬﻢ ﻣﻦ ﻋﻨﺪﻫﺎ ﻭﺭﺣﺖ ﺍﺭﺗﺐ ﺍﻟﻤﻮﺍﺩ ﻛﻞ ﺷﻲ ﺑﻤﻜﺎﻧﻪ
ﻳﻌﻨﻲ ﺗﺤﺖ ﻣﺘﻨﺎﻭﻝ ﺍﻟﺪﻛﺘﻮﺭﺓ
ﺟﻨﺖ ﺍﺷﺘﻐﻞ ﻭﺍﺣﺠﻲ ﺑﻐﻴﺾ
.. ﻋﻠﻰ ﺷﻨﻮ ﺷﺎﻳﻒ ﻧﻔﺴﻪ ﺍﺳﺘﺎﺫ ﺣﻴﺪﺭ
ﻫﻮ ﻣﻮ ﺻﻮﺟﻪ ﺻﻮﺟﻲ ﺍﻧﻲ ﺍﻟﻲ ﻧﺰﻟﺖ ﻣﻦ ﻧﻔﺴﻲ ﻭﻛﻠﺖ ﺍﻋﺘﺬﺭ ﻣﻨﻪ
ﺑﺲ ﻫﻮ ﻣﺎ ﺗﺼﻴﺮﻟﻪ ﺟﺎﺭﺓ ﻻﻥ ﻫﻮ ﻭﺍﺣﺪ ﻣﻐﺮﻭﺭ
ﺷﺎﻑ ﺭﻭﺣﻪ ﻭﺳﻴﻢ ﻭﺷﺨﺼﻴﺔ ﻋﺒﺎﻟﻪ
ﺍﻟﺒﻨﺎﺕ ﻛﻠﻬﻢ ﺭﺍﺡ ﻳﻜﺘﻠﻮﻥ ﻧﻔﺴﻬﻢ ﻋﻠﻴﻪ ﻫﻲ ﻫﻲ
ﻭﺍﻟﻠﻪ ﻳﺎﺭﺑﻲ ﻛﻮﻥ ﻳﻨﻜﺴﺮﻥ ﻧﻘﺎﻻﺗﻪ ﻭﻳﻈﻞ ﻳﺪﻋﻢ
ﺑﺲ ﻭﺍﻟﻠﻪ ﺛﻢ ﻭﺍﻟﻠﻪ ﻳﺤﻠﻢ ﺍﺭﻭﺡ ﺍﻋﺘﺬﺭ ﻣﻨﻪ
ﺟﻨﺖ ﻣﺴﺘﻤﺮﺓ ﺑﺎﻟﺤﺠﻲ
ﻭﻓﺠﺎﺀﺓ ﺍﺳﻤﻊ ﺻﻮﺗﻪ ﻣﻦ ﻭﺭﺍﻱ
ﻣﻌﻘﻮﻟﺔ ﻣﻦ ﺍﻟﻐﻴﺾ ﻋﻘﻠﻲ ﻛﺎﻡ ﻳﺨﻴﻠﻲ ﺻﻮﺗﻪ
ﺭﺟﻊ ﻳﺤﻢ ﺣﻢ . ﻭﻛﺎﻝ
.. ﻣﻌﻘﻮﻟﺔ ﻛﻞ ﻫﺎﻱ ﺍﻟﺼﻔﺎﺕ ﺑﻴﺔ
ﻛﻄﻌﺖ ﺍﻟﻨﻔﺲ ﻣﺼﺪﻭﻣﺔ ﺟﻤﺪﺕ ﺑﻤﻜﺎﻧﻲ
ﻭﺍﻟﺘﻔﺘﺖ ﻋﻠﻰ ﻛﻴﻒ ﻭﺍﻧﻲ ﻣﻐﻤﻀﺔ ﻋﻴﻮﻧﻲ ﻭﺣﺎﺑﺴﺔ ﺍﻻﻧﻔﺎﺱ
............
ﻫﺪﻯ
ﺟﻨﺖ ﻫﺴﻪ ﺭﺍﺟﻌﺔ ﻣﻦ ﺍﻟﻜﻠﻴﺔ
ﺩﺧﻠﺖ ﻭﻓﺘﺤﺖ ﺍﻟﺜﻼﺟﺔ ﻭﺍﺧﺬﺕ ﺩﻭﻟﻜﺔ ﻣﺎﻱ
ﻭﻛﻌﺪﺕ ﺍﺭﻭﻱ ﻋﻄﺸﻲ
ﻭﺟﺎﻥ ﺳﻠﻴﻤﺔ ﺍﺳﺘﻘﺒﻠﺘﻨﻲ ﺑﺎﻟﺒﺸﺎﺭﺓ
.. ﻟﺞ ﻛﻄﻤﺔ ﻣﺎ ﺑﻘﻰ ﺷﻲ ﻋﻠﻰ ﺯﻭﺍﺟﺞ
ﺍﻟﻴﻮﻡ ﺍﺗﺼﻠﺖ ﺍﻡ ﻗﺎﺳﻢ ﻋﻠﻰ ﺷﻴﻤﺎﺀ ﻭﻛﻠﺘﻠﻬﺎ
ﺍﻟﻌﺮﺱ ﺑﻌﺪ ﺍﺳﺒﻮﻉ ﺣﻀﺮﻭﺍ ﻧﻔﺴﻜﻢ
ﻳﻤﺔ ﺍﻧﺎ ﻫﻲ ﻛﺎﻟﺖ ﻫﻴﺞ ﻭﺍﻧﻲ ﻃﻠﻊ ﺍﻟﻤﺎﻱ ﻣﻦ ﺧﺸﻤﻲ
ﻭﺻﺮﺕ ﺍﻛﺢ ﻭﻋﻴﻮﻧﻲ ﻃﻔﺮﺕ ﻣﻨﻬﺎ ﺍﻟﺪﻣﻮﻉ
.. ﻫﺎﻱ ﺷﺸﻨﻮ ﻟﻴﺶ ﻫﻴﺞ ﻣﺴﺘﻌﺠﻠﻴﻦ
.. ﻭﻟﻴﺶ ﺍﻟﺘﺄﺧﻴﺮ ﺍﺷﻮ ﺍﻟﻠﻪ ﺭﺍﺯﻗﻬﻢ ﻭﻣﺎ ﻋﻨﺪﻫﻢ ﺷﻲ ﻳﻤﻨﻌﻬﻢ ﻭﻫﻤﺔ ﻣﻜﻤﻠﻴﻦ ﻛﻠﺸﻲ
ﻣﺎ ﺍﻋﺮﻑ ﺷﻨﻮ ﺻﺎﺭ ﺑﻴﺔ
ﺩﺧﻠﺖ ﺷﻴﻤﺎﺀ ﻭﺑﺎﻭﻋﺖ ﻋﻠﻴﻬﺎ
.. ﺷﻮﻣﺔ ﺑﻴﺒﻲ ﺗﻜﻮﻝ ﺍﻟﻌﻐﺲ ( ﺍﻟﻌﺮﺱ ) ﺑﻌﺪ ﺍﺳﺒﻮﻉ
ﺻﺪﻙ ﻫﺬﺍ ﺍﻟﺤﺠﻲ؟؟
ﺍﺑﺘﺴﻤﺖ ﺗﻄﻤﻨﻲ
.. ﺍﻱ ﺣﺒﻴﺒﺘﻲ ﻛﻼﻣﻬﺎ ﺻﺤﻴﺢ
ﺣﺒﻴﺒﺘﻲ ﺟﻬﺰﻱ ﻧﻔﺴﺞ
ﺍﻡ ﻗﺎﺳﻢ ﺭﺍﺡ ﺗﻤﺮ ﻋﻠﻴﺞ ﻫﻲ ﻭﻣﻨﻰ ﺗﻜﻮﻝ ﻋﺎﺯﻣﻴﻨﻬﺎ ﻋﺎﻟﻌﺸﺎ
ﻭﻳﺎﺧﺬﻭﻧﺞ ﻭﻳﺎﻫﻢ ﻟﻠﺒﻴﺖ ﻻﻥ ﺍﻟﻴﻮﻡ ﺟﺎﺑﻮﺍ ﺍﻟﻐﺮﻓﺔ ﻭﻳﺮﺩﻭﻧﺞ ﺗﺠﻴﻦ ﺗﺸﻮﻓﻴﻨﻬﺎ
......
ﺑﻠﻌﺖ ﺭﻳﻜﻲ ﺑﺨﻮﻑ .. ﻣﺎ ﻳﺤﺘﺎﺝ ﺍﺷﻮﻓﻬﺎ
ﻣﻮ ﺷﻔﻨﺎﻫﺎ ﺑﺎﻟﻤﻌﻐﺾ ( ﺑﺎﻟﻤﻌﺮﺽ ) ﺑﻴﻮﻡ ﺍﻟﻄﻠﻌﻨﺎ ﺑﻌﺪ ﻋﻠﻰ ﺷﻨﻮ ﺍﻏﻮﺡ
ﺍﺷﻮﻓﻬﺎ ﺷﻨﻮ ﻏﺎﺡ ﻳﺘﻐﻴﻴﻎ ( ﻳﺘﻐﻴﺮ )
ﺷﻴﻤﺎﺀ .. ﺣﺒﻴﺒﺘﻲ ﻫﺎﻱ ﻣﺒﺎﺩﺭﺓ ﺣﻠﻮ
ﻣﻦ ﺍﻡ ﻗﺎﺳﻢ ﺣﺘﻰ ﺗﺪﺧﻠﻴﻦ ﻟﺒﻴﺘﻬﻢ ﻭﺗﺘﻌﺮﻓﻴﻦ ﻋﻠﻴﻬﻢ ﻭﻋﻠﻰ ﺍﻃﺒﺎﻋﻬﻢ ﻭﺗﺸﻮﻓﻴﻦ ﻏﺮﻓﺘﺞ
ﻳﺎﻟﻠﻪ ﺍﻣﺸﻲ ﻛﺪﺍﻣﻲ ﻫﻢ ﻳﺎﻟﻠﻪ ﺗﺮﺣﻴﻦ ﺗﺤﻀﺮﻳﻦ ﻧﻔﺴﺞ ﺭﺍﺡ ﻳﺠﻮﻥ
ﺻﺮﺕ ﺍﺗﺤﺮﻙ ﻣﺜﻞ ﺍﻟﻲ ﺩﺍﺧﻠﺔ ﺑﺪﻭﺍﻣﺔ
ﺑﺪﻟﺖ ﻣﻼﺑﺴﻲ ﻭﻟﺒﺴﺖ ﺟﻴﻨﺰ ﻭﻗﻤﻴﺺ ﺍﺑﻴﺾ
ﻭﺣﺠﺎﺏ ﻭﺭﺩﻱ ﻭﺣﻄﻴﺖ ﺷﻮﻳﺔ ﻣﺮﻃﺐ ﺷﻔﺔ
ﻭﻛﺤﻠﺖ ﻋﻴﻨﻲ
ﻣﺮﺕ ﺳﺎﻋﺔ ﻭﺳﻤﻌﺖ ﺻﻮﺕ ﺍﻟﺠﺮﺱ
ﻭﺑﻌﺪﻫﺎ ﺩﺧﻠﺖ ﻋﻠﻴﺔ ﺷﻴﻤﺎﺀ ﻭﻛﺎﻟﺖ ﻳﺎﻟﻠﻪ ﻫﺪﻯ
ﺍﻡ ﻗﺎﺳﻢ ﺗﻨﺘﻈﺮﺝ ﺑﺎﻟﺒﺎﺏ
ﻃﻠﻌﺖ ﻭﺳﻠﻤﺖ ﻋﻠﻴﻬﻢ ﻭﺍﻧﺎ ﺭﺟﻠﻲ ﻭﺣﺪﺓ ﺗﺪﻋﻢ ﺑﺎﻟﺜﺎﻧﻴﺔ
ﻭﺻﻠﻨﺎ ﻟﺒﻴﺘﻬﻢ ﺍﺗﻐﻴﺮ ﻟﻮﻥ ﻭﺟﻬﻲ ﻭﺻﺎﺭ ﺍﺻﻔﺮ
ﻧﺰﻟﺖ ﻣﻦ ﺍﻟﺴﻴﺎﺭﺓ
ﺍﻡ ﻗﺎﺳﻢ ﺩﻛﺖ ﺍﻟﺠﺮﺱ ﻭﺍﺟﺘﻲ ﻫﺎﻟﺔ ﻓﺘﺤﺖ ﺍﻟﺒﺎﺏ
ﺍﻡ ﻗﺎﺳﻢ .. ﻳﺎﻟﻠﻪ ﻳﻤﺔ ﻫﺪﻯ ﺧﻄﻲ ﺑﺮﺟﻠﺞ ﺍﻟﻴﻤﻴﻦ
ﺗﻌﺎﻱ ﻓﻮﺗﻲ ﺧﻠﻲ ﺑﻴﺘﻨﺎ ﻳﻨﻮﺭ ﺑﻴﺞ
ﺍﺧﺬﺗﻨﻲ ﻫﺎﻟﺔ ﻟﺤﻀﻨﻬﺎ ﻓﺮﺣﺎﻧﺔ
ﻭﺳﺤﺒﺘﻨﻲ ﻣﻦ ﺍﻳﺪﻱ ﻭﺩﺧﻠﺘﻨﻲ ﻟﺒﻴﺘﻬﻢ
ﻣﻦ ﺍﻟﺨﻮﻑ ﻛﻠﺸﻲ ﻣﺎ ﺷﻔﺖ ﻭﻻ ﺍﻧﺘﺒﻬﺖ ﻋﻠﻰ ﺍﻱ ﺷﻲ ﺟﺎﻥ ﻋﻘﻠﻲ ﻳﺮﺩﺩ
ﺧﺎﻑ ﻳﺠﻲ ﻗﺎﺳﻢ
ﺩﺧﻠﺖ ﻛﻌﺪﺕ ﺑﺎﻟﺼﺎﻟﺔ ﻭﺍﻟﺒﻨﺎﺕ ﺍﺟﺘﻤﻌﻮﺍ ﻳﻤﻲ
ﻭﺻﺎﺭﻭﺍ ﻳﺴﻮﻟﻔﻮﻥ
ﻭﻫﺎﻟﺔ ﺭﺍﺣﺖ ﺟﺎﺑﺖ ﺍﻟﺒﺪﻻﺕ ﺣﺘﻰ ﺗﺮﺍﻭﻳﻬﻢ ﺍﻟﻲ
ﺍﻟﻲ ﺍﺷﺘﺮﻭﻫﻢ ﻟﻠﻌﺮﺱ ﺍﻟﻬﺔ ﻭﻟﻤﻨﻰ ﻭﻫﺪﻳﻞ
ﺟﺎﻧﺖ ﺍﻟﺒﺪﻻﺕ ﻛﻠﺶ ﺣﻠﻮﺍﺕ ﻭﺻﺮﻧﺎ ﻧﺤﺠﻲ ﺑﻜﻠﺸﻲ
ﻭﺷﻮﻳﺔ ﺷﻮﻳﺔ ﺑﺪﻳﺖ ﺍﺳﺘﺮﺧﻲ ﻭﺍﺧﺬ ﺭﺍﺣﺘﻲ ﻭﻳﺎﻫﻢ ﺑﺎﻟﻜﻼﻡ
ﻫﺎﻟﺔ .. ﻫﺪﻯ ﻧﺰﻋﻲ ﺣﺠﺎﺑﺞ ﻭﺍﺧﺬﻱ ﺭﺍﺣﺘﺞ
ﻣﺤﺪ ﻣﻮﺟﻮﺩ ﻫﺸﺎﻡ ﻋﻨﺪ ﺍﻟﺪﻛﺘﻮﺭ ﺑﺲ ﺍﺣﻨﺎ ﻫﻨﺎ
ﻧﺰﻋﺖ ﺣﺠﺎﺑﻲ ﻭﻋﺪﻟﺖ ﺷﻌﺮﻱ
ﺍﺑﺎﻭﻉ ﻻﻡ ﻗﺎﺳﻢ ﺻﻠﺖ ﻋﻠﻰ ﺍﻟﻨﺒﻲ ﻭﻛﺎﻣﺖ ﺗﻨﺸﺮ ﻋﻠﻰ ﺷﻌﺮﻱ
ﻭﺑﻌﺪﻳﻦ ﺍﺧﺬﺗﻨﻲ ﻫﺎﻟﺔ ﻟﻐﺮﻓﺘﻬﺎ ﻭﻛﺎﻣﺖ ﺗﻔﺘﺢ ﺑﺎﻟﻜﻨﺘﻮﺭ ﻭﺗﻄﻠﻊ ﺍﻟﺒﺪﻻﺕ
ﺍﻟﺒﻘﻴﺔ ﻣﺎﻝ ﺍﻟﺤﻨﺔ ﻭﺍﻧﻲ ﺑﻘﻴﺖ ﻓﺎﺗﺤﺔ ﺣﻠﻜﻲ ﻣﺘﻌﺠﺒﺔ
ﻋﻠﻰ ﺷﻜﻠﻬﻦ
.. ﻫﺎﻱ ﺷﻨﻮ ﻛﻢ ﻓﺴﺘﺎﻥ ﻣﺸﺘﻐﻴﺎﺕ ( ﻣﺸﺘﺮﻳﺎﺕ )
ﻫﺎﻟﺔ .. ﺍﻫﻮﻭﻭ ﺑﻌﺪﺝ ﻣﺎ ﺷﺎﻳﻔﺔ ﺷﻲ ﻟﻌﺪ ﺧﻠﻲ ﺍﺟﻴﺐ ﺑﺪﻟﺘﺞ
ﻣﻌﻠﻜﺘﻬﺎ ﺑﻜﻨﺘﻮﺭ ﻫﺪﻳﻞ ﻳﻤﻜﻦ ﻳﻮﻛﻒ ﻛﻠﺒﺞ ﺍﺫﺍ ﺷﻔﺘﻴﻬﺎ
ﻃﻠﻌﺖ ﻣﻦ ﺍﻟﻐﺮﻓﺔ ﺭﺍﺣﺖ ﺗﺠﻴﺐ ﺍﻟﺒﺪﻟﺔ ﺣﺘﻰ ﺍﺷﻮﻓﻬﺎ
ﺟﺎﺑﺘﻬﺎ ﻳﻤﺔ ﺍﺟﺔ ﻛﻠﺒﻲ ﻳﻮﻛﻒ ﻣﻦ ﺷﻜﻠﻬﺎ
ﺍﺗﺴﻌﺖ ﻋﻴﻮﻧﻲ ﺭﺣﺖ ﺍﻗﺘﺮﺑﺖ ﻣﻨﻬﺎ ﻭﻛﻌﺪﺕ ﺍﺗﻠﻤﺲ ﺑﻴﻬﺎ
.. ﻟﺞ ﻫﺎﻟﺔ ﻫﺎﻱ ﺻﺪﻙ ﺍﻟﻲ
.. ﺍﻱ ﻭﺍﻟﻠﻪ ﺷﺒﻴﺞ ﻫﺎﻱ ﺍﻣﻲ ﺍﻭﻝ ﻣﺎ ﺷﺎﻓﺘﻬﺎ ﻛﺎﻟﺖ ﻫﺎﻱ ﺭﺍﺡ ﺗﻄﻠﻊ ﺗﺎﻛﻞ ﻭﺗﺸﺮﺏ ﻋﻠﻰ ﻫﺪﻯ
ﺑﺎﻟﻠﻪ ﺷﻮ ﺗﻌﺎﻱ ﻟﺒﺴﻴﻬﺎ ﺣﺘﻰ ﻧﺸﻮﻑ ﻗﻴﺎﺳﻬﺎ ﺍﻧﻲ ﺍﺩﺭﻱ ﻗﻴﺎﺳﺞ 38 ﺑﺲ ﺧﻠﻲ ﻧﺸﻮﻓﻬﺎ ﻣﻀﺒﻮﻃﺔ
.. ﺍﻱ ﺍﻟﺒﺴﻬﺎ ﺑﺲ ﻣﻮ ﻛﺪﺍﻣﺞ ﺍﻧﺘﻲ ﺗﻄﻠﻌﻴﻦ ﺑﻐﺔ ( ﺑﺮﺓ ) ﺍﻟﺒﺴﻬﺎ ﻭﺍﺻﻴﺤﻠﺞ ﺗﺠﻴﻦ ﺗﺸﻮﻓﻴﻨﻬﺎ
ﻫﺎﻟﺔ .. ﻋﻮﺑﺔ ﺗﺴﺘﺤﻴﻦ ﻣﻨﻲ ﻭﺍﻟﻠﻪ ﻋﻤﻲ ﺧﻮﺵ ﻟﻌﺪ
ﺷﻠﻮﻥ ﺑﻴﺞ ﺑﻌﺪ ﻛﻢ ﻳﻮﻡ ﻭﻳﺔ ﺍﺳﺘﺎﺫ ﻗﺎﺳﻤﻮﻑ ﻫﻢ ﺭﺍﺡ ﺗﻜﻠﻴﻠﻪ
ﺍﻃﻠﻊ ﺑﺮﺓ ﺍﺭﻳﺪ ﺍﺑﺪﻝ
ﻳﻤﺔ ﻫﻲ ﺗﺤﺠﻲ ﻭﺍﻧﻲ ﻭﺟﻬﻲ ﺻﺎﺭ ﻧﺎﺭ
.. ﻳﺎﻟﻠﻪ ﺷﻮ ﻏﻮﺣﻲ ﻃﻠﻌﻲ ﺑﻐﺔ
ﺩﻓﻌﺘﻬﺎ ﻭﺳﺪﻳﺖ ﺍﻟﺒﺎﺏ
ﻧﺰﻋﺖ ﻣﻼﺑﺴﻲ ﻭﻛﻌﺪﺕ ﺍﻟﺒﺲ ﺑﺎﻟﺒﺪﻟﺔ ﺟﺎﻥ ﻣﻮﺩﻳﻠﻬﺎ
ﻗﺎﻟﺐ ﻣﻦ ﺟﻮﺓ ﻣﺜﻞ ﺍﻟﺤﻮﺭﻳﺔ ﻭﺑﻴﻬﺎ ﺫﻳﻞ ﻃﻮﻳﻞ
ﺑﺪﻭﻥ ﺍﻛﺘﺎﻑ ﻳﻌﻨﻲ ﻣﻨﻄﻘﺔ ﺍﻟﺼﺪﺭ ﻛﻠﻬﺎ ﻃﺎﻟﻌﺔ
ﻟﺒﺴﺘﻬﺎ ﻭﺣﻄﻴﺖ ﺷﻌﺮﻱ ﻋﻠﻰ ﺟﻨﺐ
ﻭﻛﻌﺪﺕ ﺍﺣﺎﻭﻝ ﻭﻳﺔ ﺍﻟﺴﺤﺎﺏ ﺣﺎﻭﻟﺖ ﺍﻛﺜﺮ ﻣﻦ ﻣﺮﺓ
ﻣﺎﻛﻮ ﺍﺭﻳﺪ ﺑﺲ ﺍﻟﻮﺡ ﺍﻟﺴﺤﺎﺏ ﻣﺎ ﻛﺪﺭﺕ
ﺟﻨﺖ ﻻﺯﻣﺔ ﺻﺪﺭ ﺍﻟﻔﺴﺘﺎﻥ ﻻﻥ ﻛﻞ ﺷﻮﻳﺔ
ﺗﻬﺪﻝ ﻣﻦ ﻳﻢ ﺍﻟﺼﺪﺭ
ﻭﺑﻴﻦ ﻣﺎ ﺟﻨﺖ ﻣﻨﺪﻣﺠﺔ ﻭﻳﺔ ﺍﻟﺒﺪﻟﺔ ﻭﻧﻮﺏ ﺣﻴﻞ ﻃﻮﻳﺔ ﻋﻠﻴﺔ ﻳﻌﻨﻲ ﻳﻨﺮﺍﺩﻟﻬﺎ ﻣﻮ ﺑﺲ ﺣﺬﺍﺀ ﻛﻌﺐ ﺣﺘﻰ ﻳﺎﺧﺬﻭﻥ ﻣﻦ ﻃﻮﻟﻬﺎ ﺻﺮﺕ ﺍﻧﺎﻓﺦ ﺑﺨﺬﻻﻥ
ﻭﺟﺎﻥ ﺍﺳﻤﻊ ﺻﻮﺕ ﺍﻡ ﻗﺎﺳﻢ ﺟﺎﻱ ﺗﺼﻌﺪ ﻓﻮﻙ ﺍﻟﺪﺭﺝ ﻭﺳﻤﻌﺖ ﺻﻮﺕ ﻗﺎﺳﻢ ﺩﻳﺼﻌﺪ ﻭﻳﺎﻫﺎ ﻭﺣﺠﻮﺍ ﻭﻳﺔ ﻫﺎﻟﺔ
ﺍﺳﻤﻊ ﺍﻡ ﻗﺎﺳﻢ ﺗﺴﺄﻝ ﻫﺎﻟﺔ ﻋﻨﻲ
ﻭﻫﺎﻟﺔ ﻛﺎﻟﺖ ﻫﻴﺎﺗﻬﺎ ﻫﺪﻯ ﺑﺎﻟﻐﺮﻓﺔ
ﺷﻬﻜﺖ ﺑﺨﻮﻑ
ﻭﺍﺟﺔ ﻛﻠﺒﻲ ﻳﻮﻛﻒ ﻣﻦ ﺷﻔﺖ ﻳﺪﺓ ﺍﻟﺒﺎﺏ ﺍﺗﺤﺮﻛﺖ
ﻛﻤﺖ ﺍﻛﻤﺰ ﺑﺎﻟﻐﺮﻓﺔ ﻣﺜﻞ ﻓﺎﺭ ﻭﺣﺼﺮﻭﻩ ﺑﺎﻟﻤﺼﻴﺎﺩﺓ
ﺍﺭﻭﺡ ﻣﻨﺎ ﻭﺍﺭﺟﻊ ﻣﻨﺎ
ﺷﻠﻮﻥ ﺷﺴﻮﻱ ﻣﺎﻋﻨﺪﻱ ﻣﺠﺎﻝ ﺍﺑﺪﻝ ﺑﺎﻭﻋﺖ ﻟﻠﺒﺎﺏ ﺑﺪﺓ ﻳﻨﻔﺘﺢ ﻫﻲ ﻟﺤﻈﺎﺕ ﻣﻮ ﺍﻛﺜﺮ
ﻣﺎ ﺍﺷﻮﻑ ﺭﻭﺣﻲ ﺍﻻ ﻭﺍﻧﺎ ﺍﺗﺨﺬﺕ ﺍﻟﻘﺮﺍﺭ
ﻭﺟﺎﻥ ﺍﺭﻛﺾ ﻣﺜﻞ ﺍﻟﻄﻠﻘﺔ ﻭﺍﺧﺘﻞ ﻭﺭﺓ ﺍﻟﺒﺎﺏ
ﻟﻄﺸﺖ ﺭﻭﺣﻲ ﻭﺭﺓ ﺍﻟﺒﺎﺏ ﻭﻛﻄﻌﺖ ﺍﻟﻨﻔﺲ
ﻭﻏﻤﻀﺖ ﻋﻴﻮﻧﻲ
ﻭﺍﻟﻌﻮﺑﺔ ﻫﺎﻟﺔ ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻟﻠﻐﺮﻓﺔ ﻭﺍﺗﻘﺪﻣﺖ
ﻭﺭﺍﻫﺎ ﺍﻡ ﻗﺎﺳﻢ
ﺍﻡ ﻗﺎﺳﻢ .. ﺷﻨﻮ ﻫﺪﻯ ﻭﻳﻨﻬﺎ
ﻫﺎﻟﺔ ﺣﺎﺻﺮﺗﻬﺎ ﺍﻟﻀﺤﻜﺔ ﺗﺪﺭﻱ ﺑﻴﻬﺎ ﻭﺍﻛﻌﺔ ﺑﻤﺄﺯﻕ
.. ﻫﺪﻳﻮﺓ ﺍﻟﻌﻮﺑﺔ ﻃﻠﻌﻲ ﻭﻳﻨﺞ
ﻗﺎﺳﻢ .. ﺷﻨﻮ ﻫﺎﻱ ﻭﻳﻦ ﺭﺍﺣﺖ ﺍﻟﺠﻨﻴﺔ
ﻭﺟﺎﻥ ﻗﺎﺳﻢ ﻳﻠﺠﺢ ﻃﺮﻑ ﺍﻟﺒﺪﻟﺔ ﻣﻦ ﻭﺭﺓ ﺍﻟﺒﺎﺏ
ﺍﺗﺠﻪ ﻋﺎﻟﺒﺎﺏ ﻭﺣﺮﻛﻪ ﻛﺪﺍﻡ
ﻭﺷﺎﻑ ﻫﺪﻯ ﻻﺯﻣﺔ ﻣﻘﺪﻣﺔ ﺍﻟﺒﺪﻟﺔ ﻭﺭﺍﺻﺘﻬﺎ ﻋﻠﻰ ﺻﺪﺭﻫﺎ ﺗﺮﻳﺪ ﺗﻮﻛﻊ
ﻭﺍﻟﻮﺟﻪ ﺍﺣﻤﺮ ﻭﺍﻟﺰﻧﻮﺩ ﻃﺎﻟﻌﺎﺕ ﻳﻨﺎﺩﻭﻧﻪ ﻳﺠﻲ ﻳﻠﻤﺴﻬﻢ
ﻭﺍﻟﺼﺪﺭ ﻣﻦ ﺍﺛﺮ ﺍﻟﻀﻐﻂ ﺑﺎﺭﺯ
ﻭﺷﻌﺮﻫﺎ ﻣﻐﻄﻲ ﻛﺘﻔﻬﺎ
ﻭﺍﻟﻌﻴﻮﻥ ﻣﻐﻤﻀﺘﻬﻢ
ﻗﺎﺳﻢ . ﺑﺎﺗﺴﺎﻣﺔ ﺗﻌﺠﺐ . ﺣﺠﻴﺔ ﻫﺎﻱ ﻫﺎﻱ ﻟﻜﻴﺘﻬﺎ
.....
ﻫﺪﻯ
ﺍﺣﺲ ﺍﺣﻨﺎ ﺑﻤﻮﻗﻒ ﺗﺤﻜﻤﻪ ﻣﺸﺎﻋﺮﻧﺎ ﺍﻟﻤﻌﻜﻮﺳﻪ
ﺑﻨﻈﺮﺍﺕ ﻋﻴﻮﻧﻪ ﻭﺍﻧﺮﺳﻤﺖ ﺍﺑﺘﺴﺎﻣﺎﺕ ﻋﻠﻰ ﺷﻔﺎﻳﻔﻨﺎ
ﺑﺲ ﻛﻞ ﻭﺍﺣﺪ ﺍﺑﺘﺴﺎﻣﺘﻪ ﻣﺨﺘﻠﻔﻪ ﺑﻤﻌﻨﺎﻫﺎ ﻋﻦ ﺍﻟﺜﺎﻧﻲ
ﻋﻴﻮﻥ ﺗﺒﺎﻭﻉ ﺑﺄﻋﺠﺎﺏ ﻣﻤﺰﻭﺝ ﺑﺘﻌﺠﺐ
ﻭﺍﺑﺘﺴﺎﻣﺔ ﺍﻟﻤﺘﻔﺎﺟﺊ ﻣﻤﺼﺪﻙ ﺍﻟﻲ ﻳﺸﻮﻓﻪ ﻛﺪﺍﻣﻪ ﻣﺜﻞ ﻗﺎﺳﻢ
ﻭﻋﻴﻮﻥ ﺛﺎﻧﻴﺔ ﺗﺒﺎﻭﻉ ﺑﻔﺨﺮ ﻣﻤﺰﻭﺟﺔ ﺑﺎﻟﻔﺮﺣﺔ
ﻭﺍﺑﺘﺴﺎﻣﺔ ﺍﻟﻤﻨﺘﺼﺮ ﺑﺎﻟﺮﻫﺎﻥ ﻣﺜﻞ ﺍﻡ ﻗﺎﺳﻢ
ﻭﻋﻴﻮﻥ ﻋﻠﻰ ﺟﻬﺔ ﺗﺘﺮﻗﺐ ﺑﺸﻮﻕ ﺍﻟﻠﺤﻈﺔ ﺍﻟﻤﺠﻨﻮﻧﺔ
.. ﺑﺄﺑﺘﺴﺎﻣﺔ ﺍﻟﻤﺘﺸﻮﻕ ﻟﻠﻘﺎﺩﻡ ﻣﻦ ﺍﻻﻳﺎﻡ ﻣﺜﻞ ﻫﺎﻟﺔ
ﻭﻋﻴﻮﻥ ﻣﻐﻤﻀﺔ ﺑﺨﺠﻞ ﻣﻤﺰﻭﺝ ﺑﺎﻟﺨﻮﻑ
ﺑﺎﺑﺘﺴﺎﻣﺔ ﺍﻟﻤﺤﺘﺎﺭﻩ ﺍﻟﻲ ﻣﻮ ﻋﺎﺭﻓﺔ ﻭﻳﻦ ﺗﺮﻭﺡ
ﻭﻛﻌﺖ ﺑﺎﻟﻤﺼﻴﺪﻩ
ﻣﺜﻞ ﺣﻈﻲ ﺍﻟﻤﺪﻛﻢ ﻏﻠﻂ
ﺍﺣﺲ ﻛﻠﺒﻲ ﺻﺎﺭ ﻳﻨﺒﺾ ﺑﺮﻛﺒﺘﻲ
ﻛﻤﺰﺕ ﻣﻦ ﻣﻜﺎﻧﻲ ﻣﻦ ﺳﻤﻌﺘﻪ ﻛﺎﻝ
.. ﻫﺎﻱ ﻫﻲ ﻟﻜﻴﺘﻬﺎ ﻟﻜﻴﺘﻬﺎ
ﺣﺴﺴﻨﻲ ﻭﻛﺄﻧﻪ ﻟﻜﺔ ﺍﻟﻔﺎﺭﺓ ﺍﻟﻲ ﻳﺪﻭﺭﻭﻥ ﻋﻠﻴﻬﺎ
ﻭﺭﺍﺡ ﻳﻠﺰﻣﻬﺎ ﻣﻦ ﺭﺍﺳﻬﺎ
ﺳﺤﺒﺖ ﻧﻔﺲ ﻋﻤﻴﻖ
ﻓﺘﺤﺖ ﻋﻴﻮﻧﻲ ﺟﺎﻥ ﻗﺎﺳﻢ ﻭﺍﻛﻒ ﻛﺪﺍﻣﻲ
ﻳﺒﺎﻭﻉ ﻋﻠﻴﺔ ﻋﺒﺎﻟﻚ ﻳﺮﻳﺪ ﻳﺎﻛﻠﻨﻲ
ﻧﻈﺮﺍﺕ ﻋﻴﻮﻧﻪ ﻋﺒﺎﻟﻚ ﻣﻔﺘﺮﺱ
ﻭﺟﻨﺖ ﻏﺎﻓﻠﺔ ﺍﻥ ﻃﺮﻳﻘﺔ ﺗﻨﻔﺴﻲ ﺍﻟﻌﻤﻴﻘﺔ ﺍﻟﻤﺘﺴﺎﺭﻋﺔ
ﺭﺍﺡ ﺗﻠﻔﺖ ﺍﻧﺘﺒﺎﻫﻪ ﻟﻤﻨﻄﻘﺔ ﺍﻟﺼﺪﺭ
ﻫﻤﺲ ﻣﻦ ﺑﻴﻦ ﺍﺳﻨﺎﻧﻪ .. ﺍﻟﻠﻪ ﻳﻠﻌﻨﻚ ﻳﺎﻟﺸﻴﻄﺎﻥ
ﻋﺰﺓ ﻫﺬﺍ ﻛﺎﻡ ﻳﻠﻌﻦ ﺣﺠﻴﺖ ﺣﺎﺻﺮﺗﻨﻲ ﺍﻟﺒﺠﻴﺔ ﺍﺗﺮﺟﺎﻩ
.. ﻋﻔﻴﺔ ﺑﻐﻮﺡ ( ﺑﺮﻭﺡ ) ﺍﺑﻮﻙ ﺩﻳﻎ ( ﺩﻳﺮ ) ﻭﺟﻬﻚ ﻻﺗﺒﺎﻭﻉ
.. ﺑﺮﻭﺡ ﺍﺑﻮﻱ ﺍﺫﺍ ﺳﻤﻌﺘﺞ ﺗﻐﻮﻏﻴﻦ
ﺍﺟﺮﻡ ﺑﻴﺞ ﻭﺑﻠﺴﺎﻧﺞ
ﻫﺰﻳﺖ ﺭﺍﺳﻲ ﻭﻋﻴﻮﻧﻲ ﻣﺒﺤﻠﻘﺔ ﺑﻲ ﻣﻦ ﺍﻟﺨﻮﻑ
.. ﻫﺬﺍ ﻫﻮ ﺻﺎﻍ ( ﺻﺎﺭ ) ﺑﻌﺪ ﻣﺎ ﺍﺣﺠﻲ
ﺍﻧﺘﺒﻪ ﻋﻠﻴﺔ ﺑﻌﺪﻧﻲ ﻭﺍﻛﻔﺔ ﺟﺎﻣﺪﺓ ﺑﻤﻜﺎﻧﻲ ﻭﻻﻃﺸﺔ ﻋﺎﻟﺤﺎﻳﻂ
ﻳﺎﺭﺑﻲ ﻭﺍﻟﻠﻪ ﻣﻮﻗﻒ ﻣﺤﺮﺝ
ﺍﻟﺤﺎﻳﻂ ﻣﻦ ﻭﺭﺍﺋﻲ ﻭﻗﺎﺳﻢ ﻣﻦ ﺍﻣﺎﻣﻲ ﻣﻨﻴﻦ ﺍﻧﻬﺰﻡ
.. ﻳﺎﻟﻠﻪ ﺷﻮ ﺍﺗﺤﺮﻛﻲ ﺭﻭﺣﻲ ﺳﺘﺮﻱ ﻋﻠﻰ ﻧﻔﺴﺞ
ﻭﺍﻛﻔﺔ ﻛﺪﺍﻣﻲ ﻋﻨﺪﺝ ﻋﺮﺽ ﺍﺯﻳﺎﺀ
ﺍﻧﺘﻲ ﻭﺷﻜﻠﺞ ﻫﺬﺍ ﻳﺠﻴﺐ ﺍﻟﺘﺎﻳﻪ ﺗﻄﻠﻌﻴﻦ ﺍﻟﺰﺍﻫﺪ ﻋﻦ ﻃﻮﺭﻩ
ﻭﺩﺍﺭ ﻭﺍﻧﻄﺎﻧﻲ ﻇﻬﺮﻩ ﻭﻛﺎﻝ
.. ﺍﻧﺎ ﻃﺎﻟﻊ ﻣﻦ ﺗﺨﻠﺼﻮﻥ ﺳﻮﺍﻟﻔﻜﻢ ﻋﻮﺩ ﺻﻴﺤﻮﻧﻲ ﺍﻧﺎ ﺑﻐﺮﻓﺘﻲ
ﻛﺎﻥ ﻳﺤﺠﻲ ﺑﻐﻀﺐ ﻣﻮﺟﻪ ﻛﻼﻣﻪ ﻻﻣﻪ
ﺍﻡ ﻗﺎﺳﻢ ﻭﺍﻟﻌﻴﻮﻥ ﺗﻠﻤﻊ ﺑﺄﺩﺭﺍﻙ
ﻋﺮﻓﺖ ﺑﺎﺑﻨﻬﺎ ﻛﺎﻥ ﻳﻌﺎﻧﻲ ﻣﻦ ﻭﺟﻮﺩ ﻫﺪﻯ ﻭﺣﻀﻮﺭﻫﺎ
ﻭﻫﻔﻮﺓ ﺍﻟﺴﺎﻧﻪ ﺷﺎﻫﺪﺓ ﻋﻠﻴﻪ ﺍﻥ ﻫﻮ ﻣﺘﺄﺛﺮ ﺑﻴﻬﺎ
ﻭﻣﺎ ﺭﺍﺡ ﻳﻜﺪﺭ ﻳﺘﺠﺎﻭﺯﻫﺎ ﻭﻳﺨﻠﻴﻬﺎ ﻫﺎﻣﺶ ﺑﺤﻴﺎﺗﻪ
ﻭﻫﺬﺍ ﺍﻟﺸﻲ ﻳﺒﺸﺮ ﺑﺎﻟﺨﻴﺮ
.. ﺍﻱ ﻳﻤﺔ ﺍﺧﺬ ﺭﺍﺣﺘﻚ ﻣﻦ ﻧﺨﻠﺺ ﺍﻧﻄﻴﻚ ﺧﺒﺮ
ﻫﻤﺔ ﻳﺤﺠﻮﻥ ﻭﺍﻧﻲ ﻭﺟﺴﻤﻲ ﺻﺎﺭ ﻗﺎﻟﺐ ﺛﻠﺞ ﻣﻦ ﺍﻟﺨﻮﻑ
ﺧﺮﺏ ﺑﺎﻟﺤﻆ
ﺣﺼﺮﺗﻨﻲ ﺍﻟﺒﺠﻴﺔ
ﻭ ﺍﻳﺪﻱ ﻋﻠﻰ ﺻﺪﺭﻱ ﻻﺯﻣﺔ ﺍﻟﺒﺪﻟﺔ ﺍﻟﻤﺼﺨﻤﺔ ﺣﺘﻰ ﻻ ﺗﻮﻛﻊ
ﻣﻦ ﺳﺎﻋﺔ ﺍﻟﺴﻮﺩﺓ ﻣﻦ ﻟﺒﺴﺘﻬﺎ ﻫﺴﺔ ﺍﻧﻲ ﺷﻮﺭﻃﻨﻲ
ﻭﺷﻠﻮﻥ ﻧﺴﻴﺖ ﺭﻭﺣﻲ ﺍﻧﻲ ﺩﺍﺧﻠﺔ ﺑﻮﻛﺮ ﺍﻟﺬﻳﺐ
ﻃﻠﻊ ﻗﺎﺳﻢ ﻭﺳﺪ ﺍﻟﺒﺎﺏ ﺣﻴﻞ
ﻛﻤﺰﺕ ﻣﻦ ﻣﻜﺎﻧﻲ ﺍﻟﻠﻪ ﻳﻠﻌﻦ ﺑﻠﻴﺴﻪ ﻭﻛﻊ ﻛﻠﺒﻲ
ﻫﺬﺍ ﺷﻠﻮﻥ ﺑﻲ ﺍﺑﺪ ﻣﺎ ﺗﻨﺤﺰﺭ ﺍﻃﺒﺎﻋﻪ ﻳﺎﺭﺑﻲ ﻫﺎﻱ ﺷﻠﻮﻥ
ﺭﺍﺡ ﺗﺼﻔﻰ ﻭﻳﺎﻩ
ﺍﻧﺘﺒﻬﺖ ﻻﻡ ﻗﺎﺳﻢ
ﺗﻀﺤﻚ ﻭﻛﺎﻟﺖ .. ﻭﻟﺞ ﻫﺪﻳﻮﺓ ﺷﺴﻮﻳﺘﻲ ﺑﻮﻟﻴﺪﻱ
.....
ﻫﺰﻳﺖ ﺭﺍﺳﻲ ﺍﺩﺍﻓﻊ ﻋﻦ ﻧﻔﺴﻲ
.. ﻭﺍﻟﻠﻪ ﺧﺎﻟﺔ ﻛﻠﺸﻲ ﻣﺴﻮﻳﺖ
ﻫﺎﻟﺔ .. ﻫﻬﻬﻬﻬﻬﻪ ﻟﻴﺶ ﻫﻮ ﺍﻧﺘﻲ ﺷﻨﻮ ﺑﻘﻴﺘﻲ ﻣﺎ ﺳﻮﻳﺘﻴﻪ
ﺍﺑﺎﻭﻉ ﻋﻠﻰ ﻫﺎﻟﺔ ﻭﻛﻠﺒﻲ ﻣﺤﻤﻞ ﻋﻠﻴﻬﺎ
ﻭﻣﻨﺎ ﺍﻣﻬﺎ ﻫﻨﺎ ﻋﻴﺐ ﺍﺭﻭﺡ ﺍﺳﺤﻠﻬﺎ ﻛﺪﺍﻣﻬﺎ ﻋﻠﻰ ﻫﺎﻟﺪﻛﺔ
.. ﻛﻠﻪ ﻣﻨﺞ ﺍﻧﺘﻲ ﻭﻏﻄﺘﻴﻨﻲ ( ﻭﺭﻃﺘﻴﻨﻲ ) ﺑﻠﺒﺲ ﺍﻟﺒﺪﻟﺔ
ﺍﻡ ﻗﺎﺳﻢ .. ﺑﺎﻟﻠﻪ ﺷﻮ ﻫﺪﻯ ﺗﻌﺎﻱ ﺍﺗﻘﺪﻣﻲ ﺧﻠﻲ ﺍﺷﻮﻑ ﺍﻟﺒﺪﻟﺔ ﻋﻠﻴﺞ
ﻫﺰﻳﺖ ﺭﺍﺳﻲ ﺑﺮﻓﺾ
.. ﻻ ﻻ ﺧﺎﻟﺔ ﻋﻔﻴﺔ ﻣﺎ ﺍﻛﺪﻍ
ﺟﻨﺖ ﺍﺣﺠﻲ ﻭﻇﻬﺮﻱ ﻻ ﻃﺸﺘﻪ ﻋﺎﻟﺤﺎﻳﻂ
ﺧﺎﻑ ﻳﻨﺘﺒﻬﻮﻥ ﻋﺎﻟﻮﺣﻤﺔ ﻭﺍﻟﻠﻪ ﺍﻣﻮﺕ ﺑﺪﻣﻲ
ﻳﺎﺭﺑﻲ ﺳﺘﺮﻙ ﻫﺎﻱ ﻭﻳﻦ ﺟﺎﻧﺘﻠﻲ ﻛﻠﺔ ﻣﻨﻲ ﺍﻧﺎ ﺟﺒﺘﻬﺎ ﻟﺮﻭﺣﻲ
ﻫﺎﻟﺔ ﺍﺗﻘﺪﻣﺖ ﻋﻠﻴﺔ
.. ﺑﺎﻟﻠﻪ ﺷﻮ ﺗﻌﺎﻟﻲ ﺳﻮﻳﺘﻴﻬﺎ ﺧﺒﺼﺔ ﺷﻨﻮ ﺳﺎﻟﻔﺘﺞ ﻭﻳﺔ ﺍﻟﻤﺴﺘﺤﺔ
ﻋﺎﺩ ﺍﻧﺎ ﺍﺩﺭﻱ ﺑﻴﺞ ﺑﺎﻳﻌﺔ ﺍﻟﻤﻴﺎﻧﺔ ﻭﻳﺎﻱ
ﺍﻗﺘﺮﺑﺖ ﻣﻨﻲ ﻭﺩﺍﺭﺗﻨﻲ
ﻭﺍﻧﻲ ﻣﺜﻞ ﺍﻟﻲ ﺍﻧﺸﻠﻴﺖ ﻣﻦ ﺍﻟﻤﻮﻗﻒ ﺍﻟﻤﺤﺮﺝ
ﻭﺻﺎﺭ ﻇﻬﺮﻱ ﻛﺪﺍﻣﻬﺎ ﻣﺪﺕ ﺍﻳﺪﻫﺎ ﺗﺮﻳﺪ ﺗﺮﻓﻊ ﺍﻟﺴﺤﺎﺏ
ﻟﻜﻦ ﻓﺠﺎﺀﺓ ﺟﻤﺪﺕ ﺍﻳﺪﻫﺎ ﻋﻦ ﺍﻟﺤﺮﻛﺔ ﻭﺳﻤﻌﺖ ﺷﻬﻜﺘﻬﺎ
ﺍﻡ ﻗﺎﺳﻢ .. ﻫﺎ ﻭﻟﺞ ﻫﺎﻟﺔ ﻻﺗﻜﻮﻟﻴﻦ ﻃﻚ ﺍﻟﺴﺤﺎﺏ
ﻭﺍﻟﻠﻪ ﺍﻟﻌﺐ ﺑﻴﺞ ﻃﻮﺑﺔ
ﻫﺎﻟﺔ ﺟﺎﻭﺑﺘﻬﺎ .. ﻻ ﻻ ﺗﺨﺎﻓﻴﻦ ﺍﻟﺒﺪﻟﺔ ﻣﺎ ﺑﻴﻬﺎ ﺷﻲ
ﺑﺲ ﺳﺪﻳﺖ ﺍﻟﺴﺤﺎﺏ ﻋﻠﻰ ﻟﺤﻤﺔ ﺍﻳﺪﻱ ﻭﺍﻧﻜﺮﺻﺖ
ﺳﺪﺗﻪ ﻭﺍﺑﺘﻌﺪﺕ ﻋﻨﻲ ﻭﺻﺎﺭﺕ ﻛﺪﺍﻣﻲ
ﺗﺮﻳﺪ ﺗﺸﻮﻑ ﺍﻟﺒﺪﻟﺔ ﻋﻠﻴﺔ ﻭﻛﺄﻧﻪ ﺷﻴﺌﺎ ﻟﻢ ﻳﻜﻦ
ﻋﺮﻓﺖ ﻣﻦ ﻧﻈﺮﺍﺕ ﻋﻴﻮﻧﻬﺎ ﺍﻥ ﻫﻲ ﺷﺎﻓﺖ ﺍﻟﻮﺣﻤﺔ
ﺍﺗﻤﻨﻴﺖ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ
ﺑﺲ ﻫﻲ ﺍﺑﺘﺴﻤﺖ ﻭﻛﺎﻟﺖ ﺗﻄﻤﻨﻲ
.. ﻫﺪﻯ ﻻ ﺗﺨﺎﻓﻴﻦ ﺍﻟﺒﺪﻟﺔ ﺭﺍﻫﻤﺔ ﻋﻠﻴﺞ ﻭﻃﺎﻟﻌﺔ ﻛﻠﺶ ﺣﻠﻮﺓ ﺑﻴﻬﺎ
.. ﺍﺷﻜﻐﺞ ( ﺍﺷﻜﺮﺝ ) ﻫﺎﻟﺔ
ﺣﺠﻴﺘﻬﺎ ﺑﺄﻣﺘﻨﺎﻥ ﻻﻥ ﻣﺎ ﺣﺮﺟﺘﻨﻲ ﻛﺪﺍﻡ ﺍﻣﻬﺎ
ﺍﻡ ﻗﺎﺳﻢ .. ﺍﻱ ﺻﺪﻙ ﻛﻠﺶ ﺣﻠﻮﺓ ﻋﻠﻴﺞ ﺍﻟﻒ ﻋﺎﻓﻴﺔ
ﺑﻘﺔ ﺑﺲ ﺍﻟﺤﺬﺍﺀ ﻋﻨﺪﺝ ﺣﺬﺍﺀ ﻋﺎﻟﻲ ﻳﺮﻫﻢ ﻭﻳﺎﻫﺎ
ﻟﻮ ﺍﺷﺘﺮﻳﻠﺞ
.. ﻻ ﻋﻨﺪﻱ ﻣﺎﻟﺖ ﺍﻟﺨﻄﻮﺑﺔ
ﻟﻮﻧﻪ ﺍﺳﻮﺩ
ﻫﺎﻟﺔ .. ﻻﺍﺍﺍﺍﺍﺍﺍ ﺷﻨﻮ ﺍﺳﻮﺩ ﻋﻠﻰ ﺑﺨﺘﺞ ﻣﺎ ﻳﺮﻫﻢ
ﺩﺍﺭﺕ ﻭﺟﻬﻬﺎ ﻋﻠﻰ ﺍﻣﻬﺎ ﻭﻛﻤﻠﺖ ﻛﻼﻣﻬﺎ
.. ﻻ ﻣﺎﻣﺎ ﻧﺸﺘﺮﻳﻠﻬﺎ ﺣﺬﺍﺀ ﺛﺎﻧﻲ ﻋﺎﻟﻲ ﻳﺮﻫﻢ ﻭﻳﺔ ﺍﻟﺒﺪﻟﺔ
ﺑﺎﻭﻋﺖ ﻋﻠﻴﻬﺎ ﻣﺘﻌﺠﺒﺔ ﻣﻦ ﺗﻔﻜﻴﺮﻫﺎ ﺍﻟﺴﻄﺤﻲ
.. ﻭﻟﻴﺶ ﺗﻐﺪﻳﻦ ﺗﺸﺘﻐﻴﻦ ﻭﺗﻐﻬﻤﻴﻦ ( ﺗﺮﻳﺪﻳﻦ ﺗﺸﺘﺮﻳﻦ ﻭﺗﺮﻫﻤﻴﻦ ) ﻭﻳﺔ ﺍﻟﺒﺪﻟﺔ
ﻭﻫﻮ ﺍﺻﻼ ﻣﺎ ﻏﺎﺡ ( ﺭﺍﺡ ) ﻳﺒﻴﻦ ﻣﻦ ﻭﻏﺔ ( ﻭﺭﺓ ) ﻃﻮﻝ ﺍﻟﺒﺪﻟﺔ
ﻳﻌﻨﻲ ﻟﻮ ﺍﻟﺒﺲ ﻧﻌﺎﻝ ﻻﺳﺘﻴﻚ ﻫﻢ ﻣﺤﺪ ﻏﺎﺡ ﻳﻼﺣﻆ
ﻟﻮ ﻫﻮ ﺑﺲ ﺻﻐﻒ ( ﺻﺮﻑ ) ﻓﻠﻮﺱ
ﻫﺎﻟﺔ ﻓﺎﺗﺤﺔ ﺣﻠﻜﻬﺎ ﺗﺮﻳﺪ ﺗﻨﺠﻠﻂ ﻣﻦ ﻛﻼﻣﻲ
.. ﻋﺎﺍﺍﺍﺍﺍﺍ ﻣﺴﺘﺤﻴﻞ ﻻ ﺗﺤﺠﻴﻬﺎ ﺍﻋﺪﻣﺞ ﻭﺍﻟﻠﻪ
ﺟﻤﺎﻝ ﺍﻟﻤﺮﺍﺀﺓ ﺑﺄﺣﺬﻳﺘﻬﺎ
.. ﻳﻌﻨﻲ ﻣﻮ ﻣﻦ ﺍﻟﻤﻌﻘﻮﻝ ﺍﺷﺘﺮﻱ ﺣﺬﺍﺀ ﻋﺎﻟﻲ ﻣﺎﻝ ﺣﻔﻼﺕ
ﺑﺲ ﻋﻠﻤﻮﺩ ﺍﺭﻫﻤﻪ ﻭﻳﺔ ﺍﻟﺒﺪﻟﺔ ﻭﻣﺎ ﺭﺍﺡ ﺍﺳﺘﺨﺪﻣﻪ
ﻏﻴﺮ ﺑﺲ ﺑﺎﻟﻤﻨﺎﺳﺒﺎﺕ ﻫﺬﺍ ﺍﻟﺘﺒﻄﺮ ﺑﻌﻴﻨﻪ
ﺟﻨﺖ ﺍﺣﺠﻲ ﻋﻠﻰ ﺳﺠﻴﺘﻲ ﻭﻃﺒﻴﻌﺘﻲ ﻭﺻﺪﻙ ﺍﻧﻲ ﻭﺧﻮﺍﺗﻲ ﺍﺗﻌﻮﺩﻧﺎ
ﻋﻠﻰ ﺍﺳﺘﺨﺪﺍﻡ ﺍﻟﺸﻲ ﺍﻟﻌﻤﻠﻲ ﻭﺍﻟﻤﻌﻘﻮﻝ
ﺍﻧﺘﺒﻬﺖ ﻋﻠﻰ ﺧﻮﺍﺕ ﻗﺎﺳﻢ ﻭﺍﻛﻔﺎﺕ ﻳﺒﺎﻭﻋﻦ ﻋﺎﻟﺒﺪﻟﺔ
ﻭﺷﻜﻠﻬﻦ ﺳﻤﻌﻮﺍ ﻛﻼﻣﻲ ﻭﻳﺔ ﻫﺎﻟﺔ ﻋﻦ ﺍﻟﺤﺬﺍﺀ
....
ﻫﺎﻟﺔ .. ﻫﻬﻬﻬﻬﻬﻪ ﻫﻼ ﻫﻼ
ﻭﺍﻟﻠﻪ ﻣﻦ ﺧﻼﻝ ﻛﻼﻣﺞ ﻣﺒﻴﻦ ﻋﻠﻴﺞ ﺍﻧﺘﻲ ﺟﻨﺔ ﺍﻡ ﻗﺎﺳﻢ
ﻣﺎ ﺍﻓﺘﻬﻤﺖ ﺷﻨﻮ ﺗﻘﺼﺪ
ﻣﻨﻰ .. ﻳﻤﺔ ﻭﺍﺧﻴﺮﺍً ﻟﻜﻴﺘﻲ ﺷﺒﻴﻬﺘﺞ ﺑﺎﻻﻗﺘﺼﺎﺩ
ﻭﻋﺪﻡ ﺍﻟﺘﺒﺬﻳﺮ ﻳﺎﻟﻠﻪ ﻫﺎﺝ ﺍﺳﺘﻠﻤﻲ ﺣﺘﻰ ﺟﻨﺘﺞ ﻃﻠﻌﺖ ﺗﺸﺒﻬﺞ
ﺻﺎﺭﺕ ﺧﺪﻭﺩﻱ ﺣﻤﺮ ﻣﻦ ﺗﻌﻠﻴﻘﻬﻢ
ﺑﺎﻭﻋﺖ ﻷﻡ ﻗﺎﺳﻢ ﺗﺒﺎﻭﻉ ﻋﻠﻴﺔ ﺑﻔﺨﺮ
.. ﻣﻮ ﻛﻠﺘﻠﻜﻢ ﺍﻧﺎ ﻫﺎﻱ ﺍﻟﺒﻨﻴﺔ ﺩﺧﻠﺖ ﻛﻠﺒﻲ ﻣﻦ ﺍﻭﻝ ﻣﺎ ﺷﻔﺘﻬﺎ
ﻫﺎﻟﺔ .. ﻭﺍﻟﻠﻪ ﻳﺎ ﺍﻡ ﻗﺎﺳﻢ ﺍﻧﺘﻲ ﻣﻮ ﻫﻴﻨﺔ ﻃﻠﻌﺘﻲ ﺩﺍﻫﻴﺔ
ﻣﺎ ﺗﺴﻮﻳﻦ ﺷﻲ ﺍﺫﺍ ﻣﺎ ﺟﻨﺘﻲ ﻣﺎﻟﻴﺔ ﺍﻳﺪﺝ ﻣﻨﻪ
ﻭﻣﺎ ﺧﻔﻲ ﻛﺎﻥ ﺍﻋﻈﻢ
ﻫﻨﺔ ﻳﺤﺠﻦ ﻭﺍﻟﻠﻪ ﻭﺍﻧﻲ ﻛﻠﺸﻲ ﻣﺎ ﺍﻓﺘﻬﻤﺖ
ﻣﻨﻬﻢ ﻳﺎﻟﻠﻪ ﻻﺣﻜﺔ ﺍﻓﻬﻢ ﻋﻠﻴﻬﻢ ﺍﻻﻳﺎﻡ ﺟﺎﻳﺔ ﻭﺑﺎﻟﻌﺸﺮﺓ
ﺭﺍﺡ ﺍﻋﺮﻓﻠﻬﻢ ﻭﺍﻓﻬﻤﻬﻢ
ﺑﺲ ﻫﻲ ﻛﻠﻬﺎ ﺑﻜﻔﺔ ﻭﺳﻬﻞ ﻣﻌﺸﺮﻫﻢ
ﻭﻗﺎﺳﻤﻮﻑ ﺑﻜﻔﺔ ﺷﻠﻮﻥ ﺑﻴﻪ ﻭﺑﻌﺸﺮﺗﻪ ﺷﺮﺍﺡ ﻳﻜﻀﻴﻬﺎ
ﺑﻌﺪﻣﺎ ﻣﺎ ﻫﺎﻟﺔ ﺳﺎﻋﺪﺗﻨﻲ ﺍﻧﺰﻉ ﺍﻟﺒﺪﻟﺔ ﻭﻟﺒﺴﺖ ﻣﻼﺑﺴﻲ
ﻭﻣﺎ ﺟﺎﺑﺖ ﺳﻴﺮﺓ ﻋﻦ ﺍﻟﺸﺎﻓﺘﻪ ﻭﻻ ﺳﺄﻟﺘﻨﻲ ﻻﻥ ﻣﺼﺎﺭﺕ
ﻓﺮﺻﺔ ﺗﻨﻔﺮﺩ ﺑﻴﺔ ﻭﺗﺤﺠﻲ ﻭﻳﺎﻱ
ﻭﺍﻋﺮﻑ ﻫﺎﻟﺔ ﺍﻛﻴﺪ ﺑﺄﻗﺮﺏ ﻓﺮﺻﺔ ﺭﺍﺡ ﺗﺴﺄﻟﻨﻲ ﻋﻨﻬﺎ
ﺍﻡ ﻗﺎﺳﻢ ﺣﺠﺖ
ﺑﻌﺪﻣﺎ ﺑﺪﻟﺖ
ﺍﻡ ﻗﺎﺳﻢ ﻛﺎﻟﺖ ﺗﻌﺎﻟﻲ ﺧﻠﻲ ﻧﺸﻮﻓﺞ ﺍﻟﻐﺮﻓﺔ ﻣﺎﻟﺘﺞ
ﺍﺧﺬﻭﻧﻲ ﻭﻳﺎﻫﻢ ﻗﺎﺑﻀﺎً ﻣﺜﻞ ﺍﻟﻤﺠﺮﻡ ﺍﻟﻲ ﻳﺎﺧﺬﻭﻧﻪ ﻟﻐﺮﻓﺔ ﺍﻟﺘﻌﺬﻳﺐ
ﻫﺬﺍ ﺟﺎﻥ ﺣﺎﻟﻲ ﻣﻦ ﺭﺣﺖ ﻭﻳﺎﻫﻢ
ﺍﻱ ﺣﻘﻲ ﺍﺷﻮﻓﻬﺎ ﻏﺮﻓﺔ ﺗﻌﺬﻳﺐ ﻳﻌﻨﻲ
ﻏﺮﻓﺔ ﻭﺭﺍﺡ ﺗﺠﻤﻌﻨﻲ ﻭﻳﺔ ﻫﺮﻗﻞ ﻭﻳﻨﺴﺪ ﻋﻠﻴﻨﺎ ﺑﺎﺏ ﻟﻮﺣﺪﻧﺎ
ﺷﻨﻮ ﺭﺍﺡ ﻳﻜﻮﻥ ﻭﺻﻔﻬﺎ ﻏﻴﺮ ﻛﻠﻤﺔ ﺭﻋﺐ
ﺩﻛﺖ ﺍﻟﺒﺎﺏ ﻭﺳﻤﻌﻨﺎ ﺻﻮﺕ ﻗﺎﺳﻢ ﺍﻟﻤﺘﻀﺎﻳﻖ
.. ﻓﻮﺗﻲ ﺣﺠﻴﺔ
ﺩﺧﻠﻨﺎ ﻋﻠﻴﻪ ﺟﺎﻥ ﻣﺘﻤﺪﺩ ﺑﻨﺺ ﺍﻟﺴﺮﻳﺮ
ﻭﻻﺯﻡ ﻧﻘﺎﻟﻪ ﺩﻳﻜﻠﺐ ﺑﻲ
ﺷﺎﻓﻨﺎ ﺩﺧﻠﻨﺎ ﻋﺪﻝ ﻧﻔﺲ ﻭﺍﺧﺬ ﻭﺿﻌﻴﺔ ﺍﻟﺠﻠﻮﺱ
ﻭﻧﺰﻝ ﺭﺟﻠﻴﻪ ﻣﻦ ﺍﻟﺴﺮﻳﺮ ﻭﻋﺪﻝ ﺍﻟﺘﻴﺸﺮﺕ ﺍﻟﻤﺨﺮﺑﻂ
ﻭﺭﻓﻊ ﺍﻳﺪﻩ ﻳﻌﺪﻝ ﺷﻌﺮﻩ ﺍﻟﻤﻬﻮﺱ
ﺑﺎﻭﻉ ﻋﻠﻴﺔ ﻣﻦ ﺩﺧﻠﺖ ﺍﺗﻔﺤﺺ ﺷﻜﻠﻲ ﻭﻣﻼﺑﺴﻲ
ﻣﺜﻞ ﺍﻟﻲ ﺩﻳﺨﺘﺒﺮ ﺍﻭ ﻳﺪﺭﺱ ﻋﻴﻨﺔ ﺟﺪﻳﺪﺓ ﻏﺮﻳﺒﺔ
ﺣﺘﻰ ﻳﺤﻜﻢ ﻋﻠﻴﻬﺎ ﻫﻴﺞ ﻧﻈﺮﺍﺗﻪ ﻛﺎﻧﺖ ﻭﺍﺿﺤﺔ
ﺍﻡ ﻗﺎﺳﻢ .. ﺗﻌﺎﻟﻲ ﻳﻤﺔ ﻫﺪﻯ ﻓﻮﺗﻲ ﺷﻮﻓﻲ ﻏﺮﻓﺘﺞ
ﻭﺍﻧﻄﻴﻨﺎ ﺭﺃﻳﺞ ﺍﺫﺍ ﺗﺮﺩﻳﻦ ﺗﻐﻴﺮﻳﻦ ﻣﻜﺎﻥ ﺍﻻﺛﺎﺙ ﻛﻮﻟﻲ
ﺣﺘﻰ ﺍﺧﻠﻲ ﺍﻟﻌﻤﺎﻝ ﻳﺒﺪﻟﻮﻥ ﺍﻻﻣﺎﻛﻦ ﻣﺎ ﺩﺍﻣﻬﻢ ﺑﻌﺪﻫﻢ ﻫﻨﺎ ﻋﺪﻫﻢ ﺷﻐﻞ ﺑﺎﻟﺒﻴﺖ
ﺑﺎﻭﻋﺖ ﻟﻠﻐﺮﻓﺔ ﺟﺎﻧﺖ ﻛﻠﺶ ﺣﻠﻮﺓ
ﺍﺗﺬﻛﺮ ﺍﻧﻲ ﻭﺍﻡ ﻗﺎﺳﻢ ﻭﺍﺧﺘﻪ ﻓﺎﻃﻤﺔ ﺍﻟﻜﺒﻴﺮﺓ ﺍﺧﺘﺎﺭﻳﻨﺎﻫﺎ
ﺟﺎﻧﺖ ﻏﺮﻓﺔ ﺗﺮﻛﻴﺔ ﺑﻴﻀﺔ ﻧﺎﺯﻛﺔ ﺍﺑﺎﻭﻉ ﺻﺎﺭﺕ ﺍﻟﻐﺮﻓﺔ
ﺍﺣﻠﻰ ﻣﻦ ﻧﻘﻠﻮﻫﺎ ﻫﻨﺎ ﻻﻥ ﺍﻟﺤﺎﻳﻂ ﺟﺎﻧﺖ ﺍﻟﻮﺍﻧﻪ ﺣﻠﻮﺓ ﻭﻣﺘﻨﺎﺳﻘﺔ
ﻭﺟﺎﻥ ﻣﺒﻴﻦ ﻋﻠﻴﻬﻢ ﻫﻮﺍﻱ ﻣﺘﻜﻠﻔﻴﻦ
ﻣﻨﻰ .. ﻫﺎ ﺷﻨﻮ ﺭﺃﻳﺞ ﺗﺮﺓ ﻫﺬﺍ ﻛﻠﻪ ﺗﺮﺗﻴﺒﻲ
ﺍﺑﺘﺴﻤﺖ .. ﻋﺎﺵ ﺫﻭﻗﻜﻢ ﻛﻠﺶ ﻣﻐﺘﺒﺔ ( ﻣﺮﺗﺒﺔ ) ﻭﺣﻠﻮﺓ
ﺍﻗﺘﺮﺑﺖ ﻫﺪﻳﻞ ﻭﺣﺠﺖ ﻳﻤﻲ ﺑﺼﻮﺕ ﻧﺎﺻﻲ ﺍﺗﻌﻤﺪﺕ ﺗﺴﻤﻌﻨﻲ
ﻫﺪﻳﻞ .. ﻫﻲ ﻭﻳﻦ ﺷﺎﻳﻔﺔ ﺣﺘﻰ ﺗﺴﺄﻟﻴﻬﺎ ﻋﻦ ﺭﺃﻳﻬﺎ
ﻋﺎﻳﺰﺓ ﺑﻌﺪ ﺗﻌﺘﺮﺽ
ﺍﺗﺴﻌﺖ ﻋﻴﻮﻧﻲ ﻣﻦ ﻛﻼﻣﻬﺎ ﺻﺪﻙ ﻓﺎﺟﺌﺘﻨﻲ ﺑﺘﺼﺮﻓﻬﺎ
ﻣﺤﺪ ﺳﻤﻌﻬﺎ ﺑﺲ ﻛﻤﺰﺕ ﻣﻦ ﺳﻤﻌﺖ ﻗﺎﺳﻢ ﺯﻣﺦ ﺑﻴﻬﺎ
.. ﻫﺪﻳﻞ !!!
ﺍﺑﺎﻭﻉ ﻋﻠﻴﻬﺎ ﻛﻤﺰﺕ ﻣﻦ ﻣﻜﺎﻧﻬﺎ ﻭﻛﺎﻣﺖ ﺗﻤﺘﻤﺖ
......
ﻫﺎ ﻗﻘﻘﺎﺳﻢ
ﺣﺠﺔ ﻭﻳﺎﻫﺎ ﺑﻐﻀﺐ
.. ﻃﻠﻌﻲ ﺑﺮﺓ !!!! ﻭﻧﺰﻟﻲ ﺷﻮﻓﻴﻠﻲ ﺣﺴﻨﻴﻦ ﻧﺰﻝ
ﺍﻟﻐﺮﺍﺽ ﻣﻦ ﺍﻟﺴﻴﺎﺭﺓ ﻟﻮ ﺑﻌﺪﻩ
ﺍﺑﺎﻭﻉ ﻋﻠﻴﻬﺎ ﺑﺴﺮﻋﺔ ﺭﺍﺣﺖ ﻃﻠﻌﺖ ﻣﻦ ﺍﻟﻐﺮﻓﺔ ﺑﺪﻭﻥ ﻣﺎ ﺗﻠﺘﻔﺖ ﺍﻭ ﺗﺮﻓﻊ ﻋﻴﻨﻬﺎ ﺑﻌﻴﻨﻪ
ﺩﻧﻜﺖ ﻣﺎ ﺑﺎﻭﻋﺖ ﻋﻠﻴﻪ
ﺳﻤﻌﺖ ﺍﻡ ﻗﺎﺳﻢ ﻭﺍﻟﺒﻨﺎﺕ ﻣﻠﺘﻬﻴﺎﺕ ﻳﺴﻮﻟﻔﻮﻥ ﻭﻣﻨﺪﻣﺠﺎﺕ
ﺍﻡ ﻗﺎﺳﻢ ﻛﻤﻠﺖ ﻛﻼﻣﻬﺎ
.. ﻣﺎ ﺑﻘﺔ ﺑﺲ ﺗﺨﻠﺺ ﺍﻟﺒﺮﺩﺍﺕ ﻭﻳﺠﻲ ﺍﺑﻮ ﺍﻟﺒﺮﺩﺍﺕ ﻳﻌﻠﻜﻬﺎ
ﻣﻨﻰ .. ﺍﻱ ﻳﻤﺔ ﺷﻨﻮ ﺗﻨﺘﻈﺮﻳﻦ ﻣﺎ ﺗﺘﺼﻠﻴﻦ ﻋﻠﻴﻪ
ﺍﻡ ﻗﺎﺳﻢ .. ﺍﺗﺼﻠﺖ ﻋﻠﻴﻪ ﻛﻠﻲ ﺑﺎﺟﺮ ﻳﻤﺞ ﺍﻟﺴﺎﻋﺔ ﺑﺎﻟﻌﺸﺮﺓ ﺍﻟﺼﺒﺢ ﺍﺟﻲ ﺍﻋﻠﻜﻬﻢ
ﻫﻤﺔ ﻳﺤﺠﻮﻥ ﻭﺍﻧﻲ ﻛﻠﻤﺔ ﻫﺪﻳﻞ ﻇﻠﺖ ﺗﺮﻥ ﺑﺮﺍﺳﻲ
ﺷﻜﺪ ﺣﻘﻴﺮﺓ
ﺷﻮﻳﺔ ﻭﺍﻡ ﻗﺎﺳﻢ ﺍﺗﺠﻬﺖ ﻟﻠﺒﺎﺏ ﺗﺮﻳﺪ ﺗﻄﻠﻊ ﻭﻛﺎﻟﺖ
.. ﺑﺎﻟﻠﻪ ﺷﻮ ﻣﻨﻰ ﺗﻌﺎﻟﻲ ﺍﻧﺘﻲ ﻭﻫﺎﻟﺔ
ﺍﺭﻳﺪﻛﻢ ﺗﺘﻌﺎﻭﻧﻮﻥ ﺗﻨﺰﻟﻮﻥ ﺍﻟﺴﺠﺎﺩﺓ ﻣﻦ ﺍﻟﻤﺨﺰﻥ ﺍﻓﺮﺷﻬﺎ ﺑﺎﻻﺳﺘﻘﺒﺎﻝ
ﺍﻧﺘﺒﻬﺖ ﻟﻠﺒﻨﺎﺕ ﻣﺸﻮﺍ ﻭﺭﺓ ﺍﻣﻬﻢ ﻳﺮﺩﻭﻥ ﻳﻄﻠﻌﻮﻥ ﺑﺮﺓ
ﺍﻟﻐﺮﻓﺔ ﻭﺍﻧﻲ ﻣﺸﻴﺖ ﻭﺭﺍﻫﻢ
ﺍﺟﻴﺖ ﺍﻃﻠﻊ ﻭﺍﺷﻮ ﺍﻡ ﻗﺎﺳﻢ ﺍﻟﺘﻔﺘﺖ ﻋﻠﻴﺔ ﻭﻛﺎﻟﺖ
.. ﺷﻜﻮ ﺍﺟﻴﺘﻲ ﻭﺭﺍﻧﺎ ﺷﻨﻮ ﺍﻧﺎ ﻛﻠﺖ ﻫﺪﻯ ؟؟؟
ﺍﻧﺨﻄﻒ ﻟﻮﻧﻲ ﻋﺰﺯﺯﺓ ﺑﺲ ﻻ ﺗﻔﻜﺮ ﺗﺒﻘﻴﻨﻲ ﻳﻢ ﺍﺑﻨﻬﺎ
ﺣﺠﻴﺖ ﻭﻳﺎﻫﺎ ﻭﺍﻧﻲ ﺣﺎﺻﺮﺗﻨﻲ ﺍﻟﺒﺠﻴﺔ
.. ﺧﺎﻟﺔ ﺍﻏﻮﺡ ( ﺍﺭﻭﺡ ) ﻭﻳﺎﻛﻢ ﺍﺳﺎﻋﺪ ﺍﻟﺒﻨﺎﺕ
ﺧﺎﻑ ﺍﻟﺴﺠﺎﺩﺓ ﺛﻘﻴﻠﺔ ﻋﻠﻴﻬﻢ
ﻫﺎﻟﺔ .. ﻻ ﻣﺸﻜﻮﺭﻳﻦ ﺍﺳﺘﺎﺫ ﻫﺎﺩﻱ ﻋﻀﻠﺔ
ﻣﺎ ﻧﺤﺘﺎﺝ ﻣﺴﺎﻋﺪﺗﺞ
ﺍﻡ ﻗﺎﺳﻢ .. ﻻ ﻳﻤﺔ ﻫﺎﻱ ﺍﻭﻝ ﺩﺧﻠﺘﺞ ﻋﻴﺐ ﻧﺸﻐﻠﺞ
ﺍﺧﺬﻱ ﺭﺍﺣﺘﺞ ﻭﺷﻮﻓﻲ ﻏﺮﻓﺘﺞ
ﻓﺘﺤﺖ ﺣﻠﻜﻲ ﺍﺭﻳﺪ ﺍﺣﺠﻲ
ﺑﺲ ﻣﺎ ﺍﻧﻄﺘﻨﻲ ﻓﺮﺻﺔ ﺍﻛﻤﻞ
ﻛﺒﻞ ﻃﻠﻌﺖ ﻫﻲ ﻭﺑﻨﺎﺗﻬﺎ ﻭﻋﺎﻓﻮﻧﻲ ﻳﻢ ﺍﻟﺒﻌﺒﻊ
ﻳﻤﻜﻦ ﺑﻠﺤﻈﺘﻬﺎ ﻟﻮ ﻳﺬﺑﺤﻮﻧﻲ ﻣﺎ ﻳﻠﻜﻮﻥ ﻗﻄﺮﺓ ﺩﻡ ﺑﻴﺔ
ﻣﻦ ﺍﻟﺨﻮﻑ ﺍﻃﺮﺍﻓﻲ ﺻﺎﺭﺕ ﻗﺎﻟﺐ ﺛﻠﺞ
ﺟﻨﺖ ﻭﺍﻛﻔﺔ ﻛﺪﺍﻡ ﺍﻟﺒﺎﺏ ﺍﻟﻤﺴﺪﻭﺩ
ﺍﺑﺎﻭﻉ ﻋﻠﻴﻪ ﻋﺒﺎﻟﻚ ﻟﻮﺣﺔ ﻓﻨﻴﺔ ﻭﺻﺮﺕ ﺍﺗﻤﻌﻦ ﺑﻲ
ﺟﺎﻥ ﻟﻮﻧﻪ ﺻﺎﺟﻲ ﻭﺍﻟﻴﺪﺓ ﺫﻫﺒﻴﺔ ﺻﺮﺕ ﺍﺗﻤﻌﻦ
ﺑﻜﻞ ﺗﻔﺎﺻﻴﻞ ﺍﻟﺒﺎﺏ ﺍﺭﻳﺪ ﺍﻧﻬﺰﻡ ﻣﻦ ﺍﻟﺘﻔﻜﻴﺮ
ﺍﻥ ﺍﻧﻲ ﻭﻗﺎﺳﻢ ﻟﻮﺣﺪﻧﺎ
ﺍﺟﺎﻧﻲ ﺻﻮﺗﻪ ﺍﻟﺨﺸﻦ ﻣﻦ ﻭﺭﺍﻱ ﻭﺍﻟﻠﻪ ﻃﻔﺮﺕ ﻣﻦ ﻣﻜﺎﻧﻲ ﻣﺜﻞ ﺍﻟﻤﻨﺘﻮﻟﺔ
ﻗﺎﺳﻢ .. ﺍﻛﻮﻝ ﺷﻨﻮ ﺭﺍﺡ ﺗﺒﻘﻴﻦ ﻭﺍﻛﻔﺔ ﺗﺒﺎﻭﻋﻴﻦ ﻋﺎﻟﺒﺎﺏ
ﺟﻨﺞ ﻃﺎﻟﺐ ﻣﻌﺎﻗﺒﻴﻨﻪ ﻟﻮ ﺷﻨﻮ ﺳﺎﻟﻔﺘﺞ
ﺍﻟﺘﻔﺘﺖ ﻭﻋﻴﻮﻧﻲ ﺗﺒﺎﻭﻉ ﻋﻠﻴﻪ ﺑﺤﺬﺭ
ﺑﻘﻴﺖ ﻭﺍﻛﻔﺔ ﻳﻢ ﺍﻟﺒﺎﺏ ﺍﺣﺘﻴﺎﻁ ﺍﻣﻨﻲ ﺧﺎﻑ ﻳﻔﻜﺮ
ﻳﺴﻮﻱ ﺑﻴﺔ ﺷﻲ ﻋﻠﻰ ﺍﻻﻗﻞ ﺍﻟﺤﻚ ﺍﻧﻬﺰﻡ
ﺑﺮﻭﺣﻲ ﺍﻟﻌﺰﻳﺰﺓ
ﻛﺎﻡ ﻣﻦ ﻣﻜﺎﻧﻪ ﻭﻳﺒﺎﻭﻉ ﻋﻠﻴﺔ ﺣﻂ ﺍﻳﺪﻳﻪ ﺑﺠﻴﻮﺏ ﺍﻟﺠﻴﻨﺰ
ﻭﺍﻟﻘﻤﻴﺾ ﺟﺎﻥ ﺣﺎﺿﻦ ﺍﻛﺘﺎﻓﻪ ﺍﻟﺤﺮﻛﺔ ﺿﻴﻘﺖ ﻣﻦ ﺍﻛﺘﺎﻓﻪ
ﺍﻗﺘﺮﺏ ﻣﻨﻲ ﻭﺣﺠﺔ ﻭﻳﺎﻱ
.. ﻫﺪﻯ ﺗﺼﺪﻛﻴﻦ ﻛﻠﻤﺎ ﺍﺷﻮﻓﺞ
ﻛﺒﻞ ﺗﺠﻲ ﺑﺒﺎﻟﻲ ﺻﻮﺭﺓ
ﺑﻨﻴﺔ ﺻﻐﻴﺮﺓ ﻣﺴﻮﻳﺔ ﻇﻔﺎﻳﺮ ﻭﻋﻴﻮﻥ ﻛﺒﺎﺭ ﻭﺧﺪﻭﺩ ﺗﻔﺎﺣﺔ
ﺣﺠﻴﺖ ﺑﺪﻭﻥ ﺷﻌﻮﺭ
.. ﺳﺒﺤﺎﻥ ﺍﻟﻠﻪ ﺑﻐﻮﺡ ( ﺑﺮﻭﺡ ) ﺑﻴﺒﻲ ﺳﻠﻴﻤﺔ
ﻭﺍﻧﺖ ﻣﺎ ﻣﺤﻠﻔﻨﻲ ﻧﻔﺲ ﺍﻟﺸﻌﻮﻍ ( ﺍﻟﺸﻌﻮﺭ )
ﻛﻠﻤﺎ ﺍﺷﻮﻓﻚ ﺍﺗﺬﻛﻎ ( ﺍﺗﺬﻛﺮ ) ﺑﻄﻮﻻﺗﻚ ﻳﺎﻏﺒﻲ ( ﻳﺎﺭﺑﻲ ) ﺷﻜﺪ ﺟﻨﺖ ﺣﺒﺎﺏ
ﻭﺣﻨﻴﻦ ﺑﻴﻨﻲ ﻭﺑﻴﻦ ﻧﻔﺴﻲ ﺍﻛﻮﻝ ( ﺣﻮﻧﻴﻦ ﺍﻭﻱ )
......
ﺟﻨﺖ ﺍﺣﺠﻲ ﻭﺍﺗﻠﻤﺲ ﺑﻜﺼﺘﻲ ﻣﻜﺎﻥ ﺍﺛﺮ ﺍﻟﻀﺮﺑﺔ
ﺣﺴﻴﺖ ﻋﻠﻰ ﺭﻭﺣﻲ ﺧﺮﺟﺖ ﻋﻦ ﺍﻟﻨﺺ
ﻭﻛﻌﺪﺕ ﺍﺻﺒﻎ ﺑﻲ ﺑﺲ ﺷﺴﻮﻱ ﻣﻮ ﺑﻴﺪﻱ ﺍﻟﺨﻮﻑ ﻳﻌﺪﻝ ﺍﻟﺸﻮﻑ
ﺍﺑﺴﻢ ﻭﺍﺗﻐﻴﺮﺕ ﺍﺳﺎﺭﻳﺮﻩ
.. ﻣﺎ ﺍﻋﺮﻑ ﻟﻴﺶ ﺍﺣﺲ ﺟﺎﻱ ﺗﺠﺎﻣﻠﻴﻨﻲ
ﻻﻥ ﺣﺴﺐ ﻛﻼﻡ ﺍﻣﻲ ﻭﺧﻮﺍﺗﻲ ﻭﺍﻟﻨﺎﺱ ﻳﻜﻮﻟﻮﻥ ﺟﻨﺖ
ﻛﻠﺶ ﻭﻛﺢ ﻭﺍﻟﻨﺎﺱ ﺗﺼﻴﺢ ﻣﻨﻚ ﺍﻟﻐﻮﺙ ﻣﻦ ﺷﻴﻄﻨﺘﻚ
ﻃﺒﻌﺎ ﺍﻧﺎ ﺟﻨﺖ ﻣﺎ ﺍﺷﻮﻓﻬﺎ ﻭﻛﺎﺣﺔ
ﺍﻋﺘﻘﺪ ﺟﻨﺖ ﺍﺷﻮﻓﻬﺎ ﻟﻌﺒﺔ ﻭﻣﻐﺎﻣﺮﺓ ﻭﺟﺎﻥ ﺷﻲ ﻋﺎﺩﻱ ﺍﺗﻌﺎﺭﻙ ﻣﻮ ﻓﺪ ﻣﺸﻜﻠﺔ
ﻭﺑﺎﻟﺤﻘﻴﻘﺔ ﺍﻧﻲ ﻣﻮ ﻛﻠﺸﻲ ﺍﺗﺬﻛﺮ ﻣﺮﺍﺕ ﺗﺨﻮﻧﻲ ﺍﻟﺬﺍﻛﺮﺓ
ﻫﻤﺴﺖ
.. ﺧﻐﺐ ( ﺧﺮﺏ ) ﺣﻈﻲ ﻳﻌﻨﻲ ﺍﻧﺖ ﻧﺎﺳﻲ ﻛﻠﺸﻲ
ﻟﻌﺪ ﺣﻈﻲ ﺍﻟﻤﺼﺨﻢ ﻟﻴﺶ ﻣﺎ ﻧﺴﻴﺖ ﺍﻳﺎﻣﻲ ﺍﻟﺴﻮﺩﺓ ﻭﻳﺎﻙ
ﻟﻮ ﻫﻮ ﺍﻟﻤﻨﺤﻮﺱ ﻣﻨﺤﻮﺱ ﺣﺘﻰ ﻟﻮ ﺣﻄﻮﺍ ﻋﻠﻰ ﺭﺍﺳﻪ ﻓﺎﻧﻮﺱ
ﺣﺠﺔ ﺑﺼﻮﺕ ﺧﺸﻦ
.. ﺷﻨﻮ ﻣﺎ ﻓﻬﻤﺖ ﻋﻠﻲ ﺻﻮﺗﺞ ﻣﺎﺩﺍﺳﻤﻌﺞ ﺷﻨﻮ ﺗﻜﻮﻟﻴﻦ
ﺍﺑﺘﺴﻤﺖ ﺍﺑﺘﺴﺎﻣﺔ ﺻﻔﺮﺓ
.. ﻫﻬﻬﻬﻬﻪ ﺟﻨﺖ ﺍﻛﻮﻝ ﻳﺎ ﻣﺤﺎﺳﻦ ﺍﻟﺼﺪﻑ
ﺷﻜﺪ ﺣﻠﻮﺓ . ﻣﻦ ﺣﺴﻦ ﺣﻈﻲ ﺧﻠﺘﻚ ﻣﺎ ﺗﻨﺴﺎﻧﻲ
ﺍﻱ ﻫﺪﻯ ﺍﺳﺘﻤﺮﻱ ﺍﺳﺘﻤﺮﻱ ﺑﺎﻟﻠﺒﺦ
ﺷﻜﻠﺞ ﺭﺍﺡ ﺗﻜﻀﻴﻦ ﺍﻟﻌﻤﺮ ﻭﻳﺎﻩ ﺗﻠﺰﻛﻴﻦ ﺑﺎﻟﻤﻮﺍﻗﻒ ﻭﺗﺮﺟﻌﻴﻦ ﻟﻴﻮﺭﺓ
ﺑﺎﻭﻋﺖ ﻟﻮﺟﻬﻪ ﺍﺗﻐﻴﺮ ﻭﻛﺎﻝ ﻫﺎﻟﻤﺮﺓ ﺑﺠﺪﻳﺔ
.. ﻫﺪﻯ ﻃﺒﻌﺎ ﺍﻧﻲ ﻭﻳﺎﺝ ﻣﺼﺎﺭﺗﻠﻨﺎ ﻓﺮﺻﺔ
ﻧﻜﻌﺪ ﻟﻮﺣﺪﻧﺎ ﻭﻧﺤﺠﻲ ﻋﻦ ﺍﻟﺼﺎﺭ
ﺟﺎﻥ ﺍﻟﻤﻔﺮﻭﺽ ﻫﺬﺍ ﺍﻟﺸﻲ ﻳﺼﻴﺮ ﻣﻦ ﺍﻭﻝ ﻳﻮﻡ ﻋﻘﺪﺕ ﻋﻠﻴﺞ
ﻧﻜﻌﺪ ﺳﻮﻳﺔ ﻭﻧﺤﺠﻲ ﻭﻧﺘﻔﺎﻫﻢ ﺑﻬﻮﺍﻳﺔ ﺍﻣﻮﺭ
ﺍﻧﻲ ﺍﻋﺮﻑ ﺑﻴﺞ ﺍﻧﺘﻲ ﺍﻧﻐﺼﺒﺘﻲ ﻋﻠﻰ ﻫﺬﺍ ﺍﻟﺰﻭﺍﺝ
ﻣﺜﻠﻤﺎ ﺍﻧﻲ ﺍﻧﺠﺒﺮﺕ ﻋﻠﻴﻪ
ﻳﻤﻜﻦ ﺿﺮﻭﻓﻨﺎ ﻣﺘﺘﺸﺎﺑﻪ
ﻭﻻ ﺍﻛﺪﺭ ﺍﻗﺎﺭﻥ ﻣﻮﻗﻔﻲ ﺑﻤﻮﻗﻔﺞ ﺑﺲ ﺑﺎﻟﻨﻬﺎﻳﺔ
ﺍﻧﻲ ﻫﻢ ﺍﻧﻐﺼﺒﺖ ﻻﻥ ﺍﻣﻲ ﻋﻨﺪﻱ ﺑﺎﻟﺪﻧﻴﺎ
ﻭﺍﻋﺮﻑ ﻣﺮﺍﺡ ﺗﻔﺾ ﻭﻳﺎﻫﺎ ﻻﻥ ﺍﻧﻲ ﻋﻨﺪﻱ ﻧﻔﺲ ﻋﻨﺎﺩﻫﺎ ﻭﺭﺛﺘﻪ ﻣﻨﻬﺎ
ﺍﻛﻴﺪ ﺍﻧﺘﻲ ﺟﺎﻧﺖ ﺍﻟﺞ ﺣﻴﺎﺗﺞ ﺍﻟﺨﺎﺻﺔ ﻭﺍﺣﻼﻣﺞ
ﺑﻌﻴﺪﺓ ﻛﻞ ﺍﻟﺒﻌﺪ ﻋﻦ ﻗﺎﺳﻢ ﻭﺣﻴﺎﺗﻪ
ﻫﺰﻳﺖ ﺭﺍﺳﻲ ﺑﺎﻟﻤﻮﺍﻓﻘﺔ ﻛﻼﻣﻪ ﻃﻤﻨﻲ ﻭﺑﻨﻔﺲ ﺍﻟﻮﻗﺖ
ﺑﻘﻴﺖ ﻣﺘﻤﺴﻜﺔ ﺑﺤﺬﺭﻱ ﻣﻨﻪ
.. ﺍﻱ ﺻﺤﻴﺢ
.. ﺍﻧﺎ ﻫﻢ ﻣﺜﻠﺞ ﻣﺎ ﺟﻨﺖ ﺍﺗﺨﻴﻞ ﻧﻔﺴﻲ ﻭﺍﺣﺪ ﺑﺎﻟﻤﻴﺔ
ﻟﻮ ﺑﻌﺪ ﻣﻠﻴﻮﻥ ﺳﻨﺔ ﺍﻥ ﺍﻧﺘﻲ ﺗﺼﻴﺮﻳﻦ ﻣﻦ ﻗﺴﻤﺘﻲ
ﻭﻻ ﺣﺎﻁ ﺑﺒﺎﻟﻲ ﻫﺬﺍ ﺍﻟﺸﻲ
ﻃﺒﻌﺎ ﻣﻮ ﺍﻧﺘﻘﺺ ﻣﻨﺞ ﻻ ﺑﺎﻟﻌﻜﺲ ﺍﻧﺘﻲ
ﺗﺸﺒﻬﻴﻦ ﺍﺧﺘﻲ ﻫﺎﻟﺔ ﻣﺒﻴﻦ ﻋﻠﻴﺞ ﺣﺒﺎﺑﺔ
ﻭﺍﻟﻒ ﻣﻦ ﻳﺘﻤﻨﺎﺝ .
ﻫﻮ ﺟﺎﻥ ﻳﺤﺠﻲ ﻭﺍﻧﻲ ﺟﻨﺖ ﺍﺗﺴﺄﺋﻞ ﻫﻮ ﻭﻳﻦ ﻳﺮﻳﺪ ﻳﻮﺻﻞ ﺑﻬﺬﺍ ﻛﻼﻣﻪ
.. ﺷﻜﻐﺎً ( ﺷﻜﺮﺍ )
ﺍﺑﺘﺴﻢ .. ﺗﺼﺪﻛﻴﻦ ﻛﻠﻤﺎ ﺗﻐﻮﻏﻴﻦ ﺗﺼﻌﺒﻴﻦ ﻋﻠﻴﺔ ﺍﻻﻣﻮﺭ
ﺗﺤﺴﺴﻴﻨﻲ ﺑﻌﺪﺝ ﺻﻐﻴﺮﺓ ﻋﺎﻟﺰﻭﺍﺝ ﻣﻦ ﺗﻐﻮﻏﻴﻦ
ﻭﺧﺼﻮﺻﺎ ﺍﻧﺘﻲ ﻧﺎﻋﻤﺔ
ﺟﺎﻥ ﻳﺤﺠﻲ ﻭﻳﺒﺎﻭﻉ ﻋﻠﻰ ﻃﻮﻟﻲ
ﻛﻠﺒﺖ ﻋﻴﻮﻧﻲ ﻟﻤﻴﺖ ﺷﻔﺎﻳﻔﻲ
ﻋﻤﺔ ﺣﺘﻰ ﻋﻤﺔ . ﺻﻐﻴﺮﺓ ﺑﻌﻴﻨﻚ
ﻋﻤﺮﻱ ﺻﺎﺭ ﺑﺎﻟﻌﺸﺮﻳﻦ ﻭﻋﺪﻳﻢ ﺍﻟﺬﻭﻕ ﻳﻜﻮﻝ ﺻﻐﻴﺮﺓ
ﻫﺬﺍ ﺍﻛﻴﺪ ﺍﺣﻮﻝ ﻟﻮ ﺍﻋﻤﻰ ﻟﻮ ﻋﺎﺟﺒﻪ ﻳﻘﺼﻔﻨﻲ
ﺣﺠﻴﺖ .. ﺍﻱ ﺍﻧﻲ ﺍﻟﻜﻞ . ﺍﻭﻝ ﻣﻴﺸﻮﻓﻨﻲ ﻳﻨﻄﻴﻨﻲ ﻋﻤﺮ ﺍﻝ١٦ ﺳﻨﺔ ﻣﻴﻜﻮﻝ ﺑﺎﻟﻜﻠﻴﺔ
ﻃﺒﻌﺎ ﻫﺎﻱ ﺍﻋﺘﺒﺮﻫﺎ ﻣﻴﺰﺓ ﺣﻠﻮﺓ ﻣﻮ ﺍﻱ ﻭﺣﺪﺓ ﺗﻜﺪﺭ ﺗﺤﺎﻓﻆ
ﻋﻠﻰ ﻋﻤﺮﻫﺎ ﻭﺗﺒﻘﻰ ﺻﻐﻴﺮﺓ
ﺟﻨﺖ ﺍﺣﺠﻲ ﺑﺒﻘﺎﻳﺎ ﺍﻟﻜﺒﺮﻳﺎﺀ ﺍﻟﻲ ﻇﻠﺖ ﻋﻨﺪﻱ
.......
ﺍﻱ ﺻﺤﻴﺢ
ﻫﺪﻯ ﺍﻧﻲ ﻗﺘﺤﺖ ﻫﺬﺍ ﺍﻟﻤﻮﺿﻮﻉ ﺣﺘﻰ ﺍﻓﻬﻤﺞ ﻋﻠﻰ ﺷﻲ
ﺍﺷﻮﻑ ﺍﻥ ﻣﻦ ﺣﻘﺞ ﺍﻥ ﻳﻜﻮﻥ ﻋﻨﺪﺝ ﻋﻠﻢ ﺑﻲ
ﺑﻤﺎ ﺍﻥ ﺍﻧﺘﻲ ﺭﺍﺡ ﺗﺼﻴﺮﻳﻦ ﻣﺮﺗﻲ ﻭﺗﺸﺎﺭﻛﻴﻨﻲ ﺣﻴﺎﺗﻲ
ﻓﻼﺯﻡ ﺍﻛﻠﺞ ﻭﺗﻜﻮﻧﻴﻦ ﻋﻠﻰ ﺑﻴﻨﺔ ﺑﻲ ﺣﺘﻰ ﻣﺎ ﻳﺼﻴﺮ ﺍﺷﻜﺎﻝ ﺑﻌﺪ ﺍﻟﺰﻭﺍﺝ
ﻭﺗﻜﻮﻟﻴﻦ ﻇﻠﻤﻨﻲ ﻛﺴﺮ ﺑﺨﺘﻲ
ﺑﺎﻭﻋﺖ ﻋﻠﻴﻪ ﺑﺘﺮﻗﺐ
ﻣﺤﺠﻴﺖ ﺷﻲ ﺍﺭﻳﺪﻩ ﻳﻜﻤﻞ
.. ﺷﻮﻓﻲ ﻳﺎ ﺑﻨﺖ ﺍﻟﻨﺎﺱ ﺍﻧﺎ ﻗﺒﻞ ﻻ ﺍﻋﻘﺪ ﻋﻠﻴﺞ
ﻭﻣﻦ ﺯﻣﺎﻥ ﺍﻧﻲ ﻭﺑﻨﺖ ﻋﻤﻲ ﻣﺤﻤﺪ ﻭﺍﺣﺪ ﻳﺤﺐ ﺍﻟﺜﺎﻧﻲ
ﻭﻣﺘﻮﺍﻋﺪﻳﻦ ﻋﺎﻟﺰﻭﺍﺝ
ﺑﺲ ﺍﻟﺤﺎﺩﺙ ﻏﻴﺮ ﻛﻠﺸﻲ ﺻﺎﺭﺕ ﺍﺷﻴﺎﺀ ﻣﻮ ﺑﺎﻟﺤﺴﺒﺎﻥ
ﺑﺲ ﺭﻏﻢ ﺍﻟﻲ ﺻﺎﺭ
ﺑﻘﻴﺖ ﻋﻠﻰ ﻭﻋﺪﻱ ﻟﺒﻨﺖ ﻋﻤﻲ ﻭﻣﺎ ﺍﺗﻐﻴﺮ ﺷﻌﺮﺓ ﻋﻨﺪﻱ ﻣﻦ ﺣﺒﻬﺎ
ﻳﻌﻨﻲ ﺑﺄﺧﺘﺼﺎﺭ ﺍﺭﻳﺪ ﺍﻛﻠﺞ ﺗﺮﺓ ﺍﻧﺎ ﺣﺘﻰ ﻟﻮ ﺍﺗﺰﻭﺟﺘﺞ
ﺍﻧﺎ ﺑﺎﻗﻲ ﻋﻠﻰ ﻭﻋﺪﻱ ﻟﺮﻫﻒ
ﻭﺭﺍﺡ ﺍﺗﺰﻭﺟﻬﺎ ﺍﻭﻝ ﻣﺎ ﺗﺘﺨﺮﺝ
ﺟﺎﻥ ﻫﻮ ﻳﺤﺠﻲ ﻭﺍﻧﻲ ﺟﺮﻳﺖ ﻧﻔﺲ ﻋﻤﻴﻖ ﺑﺮﺍﺣﺔ
ﺣﺴﻴﺖ ﻫﻢ ﻭﺍﻧﺰﺍﺡ ﻣﻦ ﻋﻠﻰ ﻛﺘﻔﻲ
ﺭﻓﻌﺖ ﺭﺍﺳﻲ .. ﺍﻟﻠﻪ ﻳﺴﻬﻠﻚ ﺍﻣﻐﻚ ( ﺍﻣﺮﻙ )
ﺍﻧﻲ ﺻﺤﻴﺢ ﺍﻟﻲ ﻳﺸﻮﻓﻨﻲ ﻳﻜﻮﻝ ﻋﻨﻲ ﺻﻐﻴﻐﺔ ( ﺻﻐﻴﺮﻩ )
ﺑﺲ ﺍﻟﺤﻘﻴﻘﺔ ﺍﻧﻲ ﻛﺒﻴﻐﺔ ( ﻛﺒﻴﺮﺓ ) ﻭﺍﻓﻬﻢ ﻣﻌﻨﻰ ﻛﻼﻣﻚ
ﺍﻧﻲ ﻣﺎ ﺍﻏﻴﺪ ﺍﺻﻴﻎ ﺣﺠﻎ ﻋﺜﻐﺔ ﺑﻄﻐﻴﻘﻜﻢ
( ﺍﻧﻲ ﻣﺎﺭﻳﺪ ﺍﺻﻴﺮ ﺣﺠﺮ ﻋﺜﺮﺓ ﺑﻄﺮﻳﻘﻜﻢ )
ﻭﺍﺷﻮﻑ ﻣﻦ ﺍﻟﻈﻠﻢ ﺗﻔﺘﻐﻘﻮﻥ ( ﺗﻔﺘﺮﻗﻮﻥ ) ﺑﺴﺒﺒﻲ
ﻟﺬﻟﻚ ﺍﺣﺐ ﺍﻛﻠﻚ ﻣﻦ ﻫﺴﺔ ﻣﺒﻐﻮﻙ ﻋﻠﻴﻚ ﻏﻬﻒ
ﻭﺍﻥ ﺷﺎﺀﺍﻟﻠﻪ ﺗﺼﻴﻎ ( ﺗﺼﻴﺮ ) ﻣﻦ ﻗﺴﻤﺘﻚ
ﺑﺎﻭﻋﺖ ﻋﻠﻴﻪ ﺟﺮ ﻧﻔﺲ ﻋﻤﻴﻖ ﻭﺍﺭﺗﺎﺡ ﻭﺟﻬﻪ
ﺷﻜﻠﻪ ﻫﻮ ﻫﻢ ﺟﺎﻥ ﻳﻌﺎﻧﻲ
ﻫﻮ ﻣﺎ ﻳﺪﺭﻱ ﺑﻬﺬﺍ ﻛﻼﻣﻪ ﺳﻬﻞ ﻋﻠﻴﺔ ﻫﻮﺍﻱ ﺍﻣﻮﺭ
ﻭﻭﺣﺪﺓ ﻣﻨﻬﺎ ﺍﻟﻮﺣﻤﺔ ﺭﺑﻲ ﻳﻠﻬﻲ ﻋﻨﻲ
ﻗﺎﺳﻢ ﺑﻬﺪﻭﺀ .. ﻣﺎ ﺍﺗﻮﻗﻌﺘﺞ ﺭﺍﺡ ﺗﺘﻘﺒﻠﻴﻦ ﺍﻟﻤﻮﺿﻮﻉ ﺑﺎﻟﺴﻬﻮﻟﺔ ﻫﺎﻱ
ﺟﻨﺖ ﻣﺤﻀﺮ ﻧﻔﺴﻲ ﻟﻤﺸﻬﺪ ﺩﺭﺍﻣﻲ ﻭﺩﻣﻮﻉ ﻭﻋﺘﺐ
.. ﻻ ﻳﺎﺑﺎ ﻣﻮ ﻟﻬﺎﻱ ﺍﻟﺪﻏﺠﺔ ( ﺍﻟﺪﺭﺟﺔ ) ﻫﺬﺍ ﺍﻟﺸﻲ ﻳﺼﻴﻎ ( ﻳﺼﻴﺮ ) ﺑﺤﺎﻟﺔ
ﻟﻮ ﺟﻨﺖ ﻣﺘﺰﻭﺟﺔ ﺯﻭﺍﺝ ﻃﺒﻴﻌﻲ
ﺑﺲ ﺍﻟﻤﺜﻞ ﺣﻼﺗﻲ ﻻﺯﻡ ﺗﻜﻮﻥ ﻣﺘﻮﻗﻌﺔ ﻫﻴﺞ ﺍﻣﻮﻍ ( ﺍﻣﻮﺭ )
ﺟﻨﺖ ﺍﺣﺠﻲ ﻭﺍﺑﺎﻭﻉ ﻋﻠﻴﻪ ﻳﺒﺎﻭﻉ ﻋﻠﻴﺔ ﺑﻨﻈﺮﺍﺕ ﻭﻛﺄﻧﻪ ﺍﻭﻝ ﻣﺮﺓ ﻳﺸﻮﻓﻨﻲ
.. ﻭﺍﻟﻠﻪ ﺻﺪﻛﺖ ﺍﻣﻲ ﺑﻴﻮﻡ ﻛﺎﻟﺖ ﻋﻨﺞ ﺧﺎﻡ
.. ﺍﺫﺍ ﺗﻐﻴﺪ ( ﺗﺮﻳﺪ ) ﺣﺘﻰ ﻣﺎ ﻳﺼﻴﻎ ( ﻣﺎﻳﺼﻴﺮ ) ﺍﺷﻜﺎﻝ ﺑﻴﻨﻚ ﻭﺑﻴﻦ ﻏﻬﻒ
ﺍﺣﺠﻲ ﻭﻳﺎﻫﺎ ﻭﺍﻓﻬﻤﻬﺎ ﻋﻦ ﻭﺿﻌﻲ ﻭﻳﺎﻙ
ﻳﻌﻨﻲ ﺍﻛﻠﻠﻬﺎ ﻟﺘﺨﺎﻑ ﻣﻨﻲ ﺍﻧﻲ ﻣﺎ ﺭﺍﺡ ﺍﺷﻜﻞ ﻋﻠﻴﻬﺎ ﺍﻱ ﺧﻄﺮ
ﻳﻌﻨﻲ ﺯﻭﺍﺟﻨﺎ ﺭﺍﺡ ﻳﻜﻮﻥ ﺑﺲ ﺷﻜﻞ ﻫﻴﺞ
ﻳﻤﺔ ﺍﻧﺎ ﺣﺠﻴﺖ ﻫﻴﺞ ﻭﻫﻮ ﻋﻘﺪ ﺣﻮﺍﺟﺒﻪ
ﻭﺿﻴﻚ ﻋﻴﻮﻧﻪ ﻭﺣﺠﺔ
.. ﻟﺤﻈﺔ ﻟﺤﻈﺔ ﺗﺮﺓ ﺍﻧﺘﻲ ﺭﺣﺘﻲ ﻟﺒﻌﻴﺪ
ﺻﺤﻴﺢ ﺍﻧﺎ ﻛﻠﺘﻠﺞ ﻭﻋﺪﺕ ﺑﻨﺖ ﻋﻤﻲ ﺑﺎﻟﺰﻭﺍﺝ ﻭﻧﺎﻭﻱ ﺍﺣﺎﻓﻆ ﻋﺎﻟﻮﻋﺪ
ﺑﺲ ﻣﻮ ﻣﻌﻨﺎﻫﺎ ﺍﺧﻠﻴﺞ ﻣﻌﻠﻜﺔ
ﺑﺎﻟﻌﻜﺲ ﺍﻧﺎ ﻧﺎﻭﻱ ﺍﺗﻤﻢ ﺯﻭﺍﺟﻲ ﻭﺍﻛﻤﻞ ﻭﺍﺟﺒﻲ ﻭﻳﺎﺝ
ﻋﻠﻰ ﺣﺴﺐ ﺍﻻﺻﻮﻝ ﻭﻣﺎ ﺭﺍﺡ ﺍﺧﻠﻴﺞ ﺗﻌﺘﺎﺯﻳﻦ ﺍﻱ ﺷﻲ
ﻻﻥ ﺭﺟﻮﻟﺘﻲ ﻣﺎ ﺗﺴﻤﺤﻠﻲ ﺍﻗﺼﺮ ﻭﻳﺎﺝ ﺑﺄﻱ ﺷﻲ
ﻫﻴﺞ ﺍﻣﻮﺭ ﺻﻌﺒﺔ ﻋﺎﻟﺮﺟﺎﻝ ﻳﺠﺘﺎﺯﻫﺎ
.. ﺍﻱ ﺍﻓﺘﻬﻢ ﻗﺼﺪﻙ ﺍﻛﻴﺪ ﻏﺎﺡ ﺗﻜﻮﻥ
ﺍﻧﺖ ﻭﻟﻲ ﺍﻣﻐﻲ ( ﺍﻣﺮﻱ ) ﻭﺍﻟﻤﺴﺆﻝ ﻋﻨﻲ
ﻭﻻﺯﻡ ﻣﺎ ﺍﻃﻠﻊ ﻻﻱ ﻣﻜﺎﻥ ﺍﻻ ﺍﺧﺬ ﺍﺫﻧﻚ
ﺍﻧﻲ ﺍﻋﻐﻒ ( ﺍﻋﺮﻑ ) ﻛﻠﺸﻲ
....
ﺑﺎﻭﻉ ﻭﺍﻗﺘﺮﺏ ﻣﻨﻲ .. ﻻ ﻣﻮ ﺑﺲ ﻫﺸﻜﻞ
ﻭﺿﻴﻔﻲ ﻋﻠﻴﻬﻢ ﺍﻧﺎ ﻧﺎﻭﻱ ﺍﺧﺬﺝ ﻛﺰﻭﺟﺔ
ﻭﺗﺼﻴﺮﻳﻦ ﺣﻼﻟﻲ ﻫﺴﺔ ﺍﻓﺘﻬﻤﺘﻲ ﻟﻮ ﺍﻭﺿﺢ ﺍﻛﺜﺮ
ﺷﻬﻜﺖ ﻣﺼﺪﻭﻣﺔ ﻭﻓﻜﻴﺖ ﻋﻴﻮﻧﻲ ﻭﺣﻄﻴﺖ ﺍﻳﺪﻱ
ﻋﻠﻰ ﺣﻠﻜﻲ
ﺭﺟﻌﺖ ﻟﻨﻘﻄﺔ ﺍﻟﺼﻔﺮ ﻭﻟﻠﺨﻮﻑ ﻧﻔﺴﻪ ﻭﺍﻧﺒﻠﻊ ﺍﻟﺴﺎﻧﻲ
ﺍﻳﻦ ﺍﻟﻤﻔﺮ ﺣﺠﻴﺖ ﻭﺩﻣﻮﻉ ﺍﻟﻴﺄﺱ ﻭﺻﻠﺖ ﻃﺮﻑ ﻋﻴﻨﻲ
.. ﻟﻴﺶ ﺍﻧﺖ ﻣﻮ ﺗﻜﻮﻝ ﺗﺤﺐ ﻏﻬﻒ .. ﺑﻌﺪ ﺍﻧﻲ ﺷﻜﻮ
ﻣﺎ ﻛﺪﺭﺕ ﺍﻛﻤﻞ ﻛﻼﻣﻲ ﺍﺳﺘﺤﻴﺖ
ﻫﻮ ﺍﻓﺘﻬﻢ ﺷﻨﻮ ﻗﺼﺪﻱ
.. ﺍﻭﻻ ﻟﺘﻔﺘﺤﻴﻦ ﻋﻴﻮﻧﺞ ﻫﻠﻜﺪ ﻫﻲ ﺟﺒﻴﺮﺓ ﻭﻣﻔﺘﻮﺣﺔ ﻣﻦ ﺍﻟﻠﻪ
.. ﺛﺎﻧﻴﺎ ﻳﺎ ﺑﻨﺖ ﺍﻟﻨﺎﺱ ﺍﻧﺘﻲ ﺻﻌﺒﺔ ﻋﻠﻴﺞ ﺗﻔﻬﻤﻴﻦ ﻫﻴﺞ ﺍﻣﻮﺭ
ﺧﻠﻲ ﻛﻠﺸﻲ ﺑﻮﻛﺘﻪ
ﻗﻄﻊ ﻋﻠﻴﻨﺎ ﺍﻟﻜﻼﻡ ﺍﻟﺒﺎﺏ
ﺍﻧﺪﻙ ﻭﺑﻌﺪﻫﺎ ﺩﺧﻠﺖ ﻫﺎﻟﺔ
.. ﺍﻣﻲ ﺗﻜﻮﻝ ﺗﻌﺎﻟﻮﺍ ﻧﺰﻟﻮﺍ ﺍﺗﻌﺸﻮﺍ
ﺣﺴﻴﺖ ﺑﺤﺒﻞ ﺍﻻﻧﻘﺎﺫ ﻭﺻﻞ ﺑﻮﻗﺘﻪ
ﻧﺰﻟﻨﺎ ﻭﺷﻔﺘﻬﻢ ﺻﺎﺑﻴﻦ ﺍﻟﻌﺸﺎ ﻭﻛﺎﻋﺪﻳﻦ ﻳﻨﺘﻈﺮﻭﻧﺎ
ﻛﻌﺪﻧﺎ ﻭﻳﺎﻫﻢ ﻭﺻﺮﻧﺎ ﻧﺘﻌﺸﺎ
ﻭﺍﻟﻠﻪ ﻣﺎ ﺍﻋﺮﻑ ﺷﻨﻮ ﺍﻛﻠﺖ ﻭﺷﻨﻮ ﺍﺗﻌﺸﻴﺖ
ﺟﺎﻥ ﻛﻞ ﺷﻲ ﻧﻔﺲ ﺍﻟﻄﻌﻢ ﻻﻥ ﺍﻛﻞ ﺑﺪﻭﻥ ﺍﺣﺴﺎﺱ
ﻛﺎﻥ ﻛﻼﻡ ﻗﺎﺳﻢ ﻭﻳﺎﻳﺔ ﺷﺎﻏﻞ ﺗﻔﻜﻴﺮﻱ
ﺣﺴﻴﺘﻪ ﻛﻮﻟﺶ ﻫﻮﺍﻱ ﻋﻠﻴﺔ ﻣﺪﺍﻛﺪﺭ ﺍﺭﻛﺰ
ﺑﻌﺪﻫﺎ ﺧﻠﺼﻨﺎ ﺍﻟﻌﺸﺎ ﻭﻛﻌﺪﻧﺎ ﺳﻮﻳﺔ
ﻳﺎﺭﺑﻲ ﻛﻌﺪﺗﻬﻢ ﺷﻜﺪ ﺣﻠﻮﺓ ﻭﺳﻮﺍﻟﻔﻬﻢ ﺗﺠﻨﻦ ﻣﺎ ﻳﻨﻤﻞ ﻣﻨﻬﺎ
ﻛﺎﻥ ﺟﻮ ﻋﺎﺋﻠﻲ ﺍﺗﻤﻨﻴﺘﻪ ﻃﻮﻝ ﻋﻤﺮﻱ
ﻣﻨﻰ .. ﺻﺪﻙ ﻫﺪﻯ ﺍﺗﺬﻛﺮﺕ ﺣﺠﺰﻧﺎﻟﺞ ﻋﻨﺪ ﺍﻟﺤﻼﻗﺔ
ﻋﻠﻰ ﻳﻮﻡ ﺍﻟﻌﺮﺱ
ﻭﻛﺎﻟﺖ ﻛﻮﻥ ﻋﻨﺪﻱ ﺍﻟﺴﺎﻋﺔ ﺑﺎﻟﻌﺸﺮﺓ ﺍﻟﺼﺒﺢ
ﻣﺪﺕ ﺍﻳﺪﻫﺎ ﻭﻟﺰﻣﺖ ﺧﺼﻠﺔ ﻣﻦ ﺷﻌﺮﻱ
ﺷﻨﻮ ﺗﻜﺼﻴﻦ ﺷﻌﺮﺝ ﻟﻮ ﺗﺒﻘﻴﻨﻪ ﻋﻠﻰ ﻃﻮﻟﻪ
ﻫﺎﻟﺔ .. ﺍﻧﺎ ﺍﻛﻮﻝ ﺧﻠﻴﻪ ﻋﻠﻰ ﻃﻮﻟﻪ ﻻ ﺗﻜﺼﻪ
ﻳﻔﻴﺪﻫﺎ ﺑﺎﻟﺘﺴﺮﻳﺤﺔ ﻛﻠﻤﺎ ﻳﻜﻮﻥ ﺍﻟﺸﻌﺮ ﻃﻮﻳﻞ ﻛﻠﻤﺎ ﺗﺼﻴﺮ ﺍﻟﺘﺴﺮﻳﺤﺔ ﺍﺣﻠﻰ
ﺣﺠﻴﺖ .. ﺍﻧﺎ ﻛﻠﺖ ﺑﺲ ﺍﻛﺺ ﺍﻃﻐﺎﻓﻪ ( ﺍﻃﺮﺍﻓﻪ )
ﺍﺟﺎﻧﺎ ﺻﻮﺕ ﻗﺎﺳﻢ ﻣﻦ ﻭﺭﺓ
.. ﺩﻳﺮﻱ ﺑﺎﻟﺞ ﺍﺳﻤﻊ ﺑﻴﺞ ﻛﺎﺻﺔ ﺷﻌﺮﺝ
ﻫﺎﻟﺔ .. ﻻ ﻣﺎ ﺗﻜﺼﻪ ﺑﺲ ﺍﻻﻃﺮﺍﻑ ﺗﻌﺪﻟﻬﻢ
.. ﺍﻧﺎ ﻛﻠﺖ ﺍﺫﺍ ﺍﺳﻤﻊ ﻣﻜﺺ ﻻﻣﺲ ﺷﻌﺮﺓ ﻣﻦ ﺷﻌﺮﻫﺎ
ﻣﺘﻌﺮﻓﻮﻥ ﺷﻨﻮ ﻣﺼﻴﺮﻛﻢ ﻣﻮ ﺗﻜﻮﻟﻮﻥ
ﺭﻓﻌﺖ ﻋﻴﻮﻧﻲ ﺍﺑﺎﻭﻉ ﻋﻠﻴﻪ
ﻳﺎﺭﺑﻲ ﺻﺒﺮﻧﻲ ﻋﻠﻰ ﺑﻼﺋﻚ
ﺍﻧﺎ ﺑﺸﺨﺺ ﻗﺎﺳﻢ ﺍﺣﺘﺎﺭﻳﺖ ﻭﺿﻌﺖ
ﻋﻠﻰ ﻃﻮﻝ ﻣﺎ ﺟﺎﻥ ﻛﺎﻋﺪ ﻭﻳﺎﻧﺎ ﻧﻘﺎﻟﻪ ﻣﺎ ﻭﻛﻊ ﻣﻨﻪ
ﻛﻞ ﺷﻮﻳﺔ ﻳﺪﻙ
ﺍﺣﺲ ﺑﻲ ﻛﺎﻋﺪ ﻭﻳﺎﻧﺔ ﻣﺠﺒﻮﺭ ﻣﺠﺎﻣﻠﺔ
ﻳﻌﻨﻲ ﺷﻠﻮﻥ ﻭﺍﺣﺪ ﻣﺤﻠﻔﻪ ﻳﺒﻘﻰ ﻳﻤﻨﺎ ﻻﻥ ﻋﻴﺐ
ﻭﻛﻞ ﺷﻮﻳﺔ ﻳﻨﺎﻓﺦ ﻣﺜﻞ ﺍﻟﻤﺨﺘﻨﻚ
ﺍﺧﻴﺮ ﺷﻲ ﺍﺟﺎﻩ ﺍﺗﺼﺎﻝ ﻭﻛﺎﻡ ﻣﻦ ﻣﻜﺎﻧﻪ
ﻭﻛﺎﻝ
.. ﺣﺠﻴﺔ ﺍﻧﺎ ﻃﺎﻟﻊ ﻋﻨﺪﻱ ﺷﻐﻞ ﺿﺮﻭﺭﻱ
ﺍﺑﺎﻭﻉ ﻋﻠﻰ ﺍﻡ ﻗﺎﺳﻢ ﻛﻠﺒﺖ ﻋﻴﻮﻧﻬﺎ ﺑﺲ ﻣﺘﻜﺪﺭ ﺗﺤﺠﻲ
ﻻﻥ ﺍﻟﻜﺎﻉ ﻣﺤﻈﻮﺭﺓ
.. ﺍﻱ ﻳﻤﺔ ﺍﺧﺬ ﺭﺍﺣﺘﻚ ﺍﺫﺍ ﺗﻜﺪﺭ ﻭﺻﻞ ﺑﺪﺭﺑﻚ ﻫﺪﻯ ﻟﺒﻴﺘﻬﻢ
ﺑﻌﺪﻣﺎ ﻭﺻﻠﻨﻲ ﻟﻠﺒﻴﺖ
ﻭﺭﺍﺡ ﺟﺎﻥ ﻋﻠﻰ ﻃﻮﻝ ﺍﻟﻄﺮﻳﻖ ﻳﺤﺠﻲ ﺑﺎﻟﻨﻘﺎﻝ
ﻣﺎ ﺍﻫﺘﻤﻴﺖ ﺍﺻﻼ ﺍﺣﺲ ﺍﻟﻨﻘﺎﻝ ﺍﺟﺎﻧﻲ ﺭﺣﻤﺔ
ﻭﺷﻐﻠﻪ ﻋﻨﻲ ﻻﻥ ﻭﺟﻮﺩﻱ ﻗﺮﺏ ﻗﺎﺳﻢ ﺑﺤﺪ ﺫﺍﺗﻪ ﻣﻌﺎﻧﺎﺓ
......
ﺍﺗﻠﻜﺘﻨﻲ ﺷﻴﻤﺎﺀ ﺧﻄﻴﺔ ﺟﺎﻧﺖ ﺗﻨﺘﻈﺮﻧﻲ
ﺩﺧﻠﺖ ﻟﻠﻐﺮﻓﺔ ﻭﺭﺍﻱ ﻭﻛﻌﺪﺕ ﺗﺴﺄﻟﻨﻲ ﻋﻨﻬﻢ ﻭﺍﺣﺪ ﻭﺍﺣﺪ
ﻭﺍﻧﻲ ﺍﻧﻄﻠﻘﺖ ﺑﺎﻟﻜﻼﻡ
ﺧﻠﺼﺖ ﺗﺒﺪﻳﻞ ﻣﻼﺑﺴﻲ ﻭﺭﺣﺖ ﺍﺗﻤﺪﺩﺕ ﻋﺎﻟﻔﺮﺍﺵ
ﺟﺴﻤﻲ ﻣﻜﺴﺮ ﺗﻜﺴﺮ ﺍﻟﻴﻮﻡ ﻣﺎ ﻟﺤﻜﺖ ﺍﺟﺮ ﻧﻔﺲ
ﻣﻦ ﺍﻟﻜﻠﻴﺔ ﻛﺒﻞ ﻋﻠﻰ ﺑﻴﺖ ﺍﻫﻞ ﻗﺎﺳﻢ
ﺍﺗﻤﺪﺩﺕ ﻭﺻﺮﺕ ﺍﺑﺎﻭﻉ ﻋﺎﻟﺴﻘﻒ
ﻭﺳﺮﺡ ﺗﻔﻜﻴﺮﻱ ﺑﻜﻼﻡ ﻗﺎﺳﻢ
ﺍﺟﺘﻲ ﺷﻴﻤﺎﺀ ﻭﺍﺗﻤﺪﺩﺕ ﺑﺼﻔﻲ ﻭﺍﺗﻐﻄﺖ ﻭﻏﻄﺘﻨﻲ ﻭﻳﺎﻫﺎ
ﻭﺣﺠﺖ ﺑﺼﻮﺕ ﻧﺎﺻﻲ ﻧﻌﺴﺎﻧﺔ
.. ﺍﺣﺠﻲ ﻛﻮﻟﻲ ﺷﺒﻴﺞ ﺻﺎﻓﻨﺔ ﺻﺎﺭ ﺷﻲ ﻫﻨﺎﻙ
ﺩﺭﺕ ﺭﺍﺳﻲ ﺑﺎﻭﻋﺖ ﻋﻠﻴﻬﺎ
.. ﺍﻱ ﺻﺎﻏﺖ ﻫﻮﺍﻱ ﺍﺷﻴﺎﺀ ﻫﻨﺎﻙ ﺑﺒﻴﺖ ﺍﻫﻞ ﻗﺎﺳﻢ
.. ﺍﺣﺠﻴﻠﻲ ﺷﻨﻮ ﺻﺎﺭ
.. ﺍﻭﻝ ﺷﻲ ﺍﻟﻴﻮﻡ ﻫﺎﻟﺔ ﺷﺎﻓﺖ ﺍﻟﻮﺣﻤﺔ ﻭﺍﻧﺼﺪﻣﺖ
ﺣﺴﻴﺖ ﻋﻠﻰ ﺷﻴﻤﺎﺀ ﺟﻤﺪﺕ ﺑﻤﻜﺎﻧﻬﺎ
.. ﻭﺷﻨﻮ ﻛﺎﻟﺖ ﻣﻦ ﺷﺎﻓﺘﻬﺎ
.. ﻛﻠﺸﻲ ﻣﺎ ﻛﺎﻟﺖ ﻻﻥ ﺍﻣﻬﺎ ﺟﺎﻧﺖ ﻣﻮﺟﻮﺩﺓ ﻣﺎ ﺣﺒﺖ ﺗﺤﻐﺠﻨﻲ ( ﺗﺤﺮﺟﻨﻲ )
ﺍﻛﻮﻝ ﺷﻴﻤﺎﺀ ﺷﻨﻮ ﺗﻜﻮﻟﻴﻦ ﺻﺤﻴﺢ ﻟﻮ ﻏﻠﻂ
ﺍﺑﻘﻰ ﺿﺎﻣﺔ ﻋﻠﻴﻬﻢ ﺳﺎﻟﻔﺔ ﺍﻟﻮﺣﻤﺔ ؟؟؟
ﺷﻴﻤﺎﺀ ﺑﺤﻴﺮﺓ .. ﺷﻮﻓﻲ ﻫﺪﻯ ﻫﻮ ﻟﻮ ﺟﺎﻥ ﺍﻟﺰﻭﺍﺝ ﻃﺒﻴﻌﻲ
ﺟﺎﻥ ﻛﻠﺘﻠﺞ ﻳﺎﺑﻨﺖ ﺍﻟﻨﺎﺱ ﺗﺮﺓ ﻣﺎ ﻳﺼﻴﺮ ﻧﻀﻢ ﻋﻠﻴﻬﻢ ﻫﻴﺞ ﺷﻲ
ﻭﻻﺯﻡ ﻧﻜﻠﻠﻬﻢ ﻋﻨﻬﺎ ﻻﻥ ﻫﺬﺍ ﻳﻌﺘﺒﺮ ﻏﺶ
ﺑﺲ ﺑﺎﻟﻨﺴﺒﺔ ﻟﻮﺿﻌﺞ ﻓﻴﺨﺘﻠﻒ
ﻻﻥ ﺳﻮﺍﺀ ﻋﺮﻓﻮﺍ ﺑﻤﻮﺿﻮﻉ ﺍﻟﻮﺣﻤﺔ ﺍﻭ ﻣﺎ ﻋﺮﻓﻮﺍ
ﻣﺎ ﺭﺍﺡ ﻳﻘﺪﻡ ﺍﻭ ﻳﺄﺧﺮ ﺷﻲ ﺑﺎﻟﻨﺴﺒﺔ ﻟﺰﻭﺍﺟﻜﻢ
ﻻﻥ ﻫﻮ ﺑﺎﻻﺻﻞ ﺗﻢ ﺯﻭﺍﺟﻜﻢ ﺑﻈﺮﻭﻑ ﺻﻌﺒﺔ
ﻭﻫﺎﻱ ﻫﻲ ﻳﻌﻨﻲ ﺍﻥ ﺣﻀﺮ ﺍﻟﻮﺿﻮﺀ ﺑﻄﻞ ﺍﻟﺘﻴﻤﻢ
ﻭﺍﻧﺘﻲ ﺗﻌﺎﻟﻲ ﺍﻛﻠﺞ ﻫﻤﺔ ﺍﻭﻝ ﻭﺗﺎﻟﻲ ﺭﺍﺡ ﻳﻌﺮﻓﻮﻥ ﺑﺎﻟﻮﺣﻤﺔ
ﻳﻌﻨﻲ ﻣﻮ ﻓﺪ ﺷﻲ
ﻭﺳﻤﻌﻴﻨﻲ ﺯﻳﻦ ﺍﻧﺘﻲ ﻣﺎ ﻋﻠﻴﺞ ﺑﻜﻼﻡ ﺑﻴﺒﻲ ﺳﻠﻴﻤﺔ
ﻻ ﺗﺨﻠﻴﻬﺎ ﺗﺨﻮﻓﺞ ﺑﻜﻼﻣﻬﺎ ﺗﺮﺓ ﺻﺪﻛﻲ ﺍﻟﻮﺣﻤﺔ ﻣﻮ ﺷﻲ
ﺳﻲﺀ ﻣﺜﻠﻤﺎ ﺳﻠﻴﻤﺔ ﻣﺼﻮﺭﺗﻬﺎ
ﺗﺮﺓ ﺷﻲ ﻋﺎﺩﻱ ﻭﻛﻠﺶ ﻃﺒﻴﻌﻲ
ﻭﻫﻮ ﺍﻟﻲ ﻳﺸﻮﻑ ﻫﺬﺍ ﺍﻟﺠﻤﺎﻝ ﻳﻜﻌﺪ ﻳﻔﻜﺮ ﺑﻮﺣﻤﺔ
.. ﻳﻌﻨﻲ ﺷﺘﻜﻮﻟﻴﻦ ﺍﻡ ﻗﺎﺳﻢ ﺍﺫﺍ ﻋﻐﻔﺖ ( ﻋﺮﻓﺖ ) ﺑﻮﺣﻤﺘﻲ ﺑﻌﺪﻳﻦ
ﻣﺎ ﻏﺎﺡ ﺗﻀﻮﺝ ﻣﻨﻲ
.. ﻻ ﺑﺎﻟﻌﻜﺲ ﺍﻡ ﻗﺎﺳﻢ ﻣﺮﻳﺔ ﺣﺒﺎﺑﺔ ﻭﻛﻠﺒﻬﺎ ﺟﺒﻴﺮ ﺍﺷﻮﻓﻬﺎ ﺍﻛﺒﺮ ﻣﻦ ﻫﻴﺞ
ﻫﺎﻱ ﺍﻟﺴﻮﺍﻟﻒ ﺍﻟﺘﻌﺒﺎﻧﺔ ﺧﻠﻴﻬﺎ ﻟﺒﻴﺒﻲ ﺳﻠﻴﻤﺔ ﻫﺬﺍ ﺍﺧﺘﺼﺎﺻﻬﺎ
ﻭﺑﻌﺪﻫﺎ ﻛﻤﺖ ﺍﺣﺠﻲ ﻟﺸﻴﻤﺎﺀ ﻋﻦ ﻛﻼﻡ ﻗﺎﺳﻢ
ﻣﻦ ﻛﻤﻠﺖ ﻛﻼﻣﻲ
ﺷﻔﺘﻬﺎ ﺗﺒﺎﻭﻉ ﻋﻠﻴﺔ ﻓﺎﺗﺤﺔ ﺣﻠﻜﻬﺎ
ﻣﻤﺼﺪﻛﺔ ﺍﻛﻮ ﻫﻴﺞ ﻛﻼﻡ ﺩﺍﺭ ﺑﻴﻨﻲ ﻭﺑﻴﻦ ﺯﻭﺟﻲ ﺍﻟﻤﺴﺘﻘﺒﻠﻲ
ﻳﻌﻨﻲ ﺻﺪﻙ ﺍﻟﻤﻮﻗﻒ ﻏﺮﻳﺐ
ﻭﺍﺣﺪ ﻗﺒﻞ ﻻﻳﺘﺰﻭﺝ ﺯﻭﺟﺘﻪ ﻳﻜﻠﻠﻬﺎ ﺭﺍﺡ ﺍﺗﺰﻭﺝ ﻋﻠﻴﺞ
ﻳﺎ ﺍﺧﻲ ﻋﻠﻰ ﺍﻻﻗﻞ ﺭﺍﻋﻲ ﻣﺸﺎﻋﺮ ﺍﻟﺤﺪﻳﻘﺔ ﺍﻟﻲ ﺑﺪﺍﺧﻠﻬﺎ
.. ﺑﺲ ﺍﺭﻳﺪ ﺍﻓﺘﻬﻢ ﺷﻐﻠﺔ ﻭﺣﺪﺓ
ﻫﻮ ﻣﻮ ﺭﺍﺡ ﻳﺘﺰﻭﺝ ﺭﻫﻒ ﻭﻳﺤﺒﻬﺎ ﻭﻳﻤﻮﺕ ﻋﻠﻴﻬﺎ
ﺑﻌﺪ ﺍﻧﻲ ﺷﻜﻮ ﻟﻴﺶ ﻳﺮﻳﺪ ﻳﻮﺭﻃﻨﻲ ﻭﻳﺎﺧﺬﻧﻲ ﻛﺰﻭﺟﺔ
ﺷﻴﻤﺎﺀ ﺑﻤﻌﺮﻓﺔ .. ﺍﻟﻲ ﻣﺜﻞ ﻗﺎﺳﻢ ﻳﻌﺘﺒﺮﻭﻫﺎ
ﻫﺎﻱ ﺍﻛﺒﺮ ﺍﻫﺎﻧﺔ ﻟﺮﺟﻮﻟﺘﻬﻢ
ﻳﻌﻨﻲ ﺑﺨﺘﺼﺎﺭ ﻫﻮ ﻣﻮ ﺭﺟﺎﻝ ﺍﺫﺍ ﻣﺎ ﺍﺧﺬ ﻣﺮﺗﻪ ﻭﺛﺒﺖ ﺣﻘﻮﻗﻪ ﻭﻣﻠﻜﻴﺘﻪ ﻋﻠﻴﻬﺎ
ﻇﻠﻴﻨﺎ ﺍﻧﻲ ﻭﺷﻴﻤﺎﺀ ﻧﺴﻮﻟﻒ ﻟﺤﺪ ﻣﺎ ﻧﻤﺖ ﺑﺪﻭﻥ ﻣﺎ ﺍﺣﺲ ﻋﻠﻰ ﻧﻔﺴﻲ
ﺷﻴﻤﺎﺀ
ﻛﻌﺪﺕ ﺛﺎﻧﻲ ﻳﻮﻡ ﺍﻟﺼﺒﺢ
ﻭﺩﺍﻭﻣﺖ ﺑﺎﻟﻤﺴﺘﺸﻔﻰ
ﻭﺳﺠﻠﺖ ﺣﻀﻮﺭ ﻭﻛﺒﻞ ﺑﺎﺷﺮﺕ ﺑﺄﺳﺘﻼﻡ ﺍﻟﻤﻬﺎﻡ
ﻭﺍﻟﺘﻬﻴﺖ
ﺭﺣﺖ ﺣﺘﻰ ﺍﺧﺬ ﺍﺟﺎﺯﺓ ﻋﻠﻤﻮﺩ ﻋﺮﺱ
ﻫﺪﻯ ﺑﺲ
ﺍﻟﻤﺴﺆﻝ ﻋﻦ ﺗﺴﺠﻴﻞ ﺍﻟﺤﻀﻮﺭ
ﺭﻓﺾ ﻳﻨﻄﻴﻨﻲ ﺍﺟﺎﺯﺓ ﻛﻠﻲ ﻛﺜﺮﺕ ﺍﺟﺎﺯﺍﺗﺞ ﺑﺄﺧﺮ ﻓﺘﺮﺓ
ﺗﺮﺓ ﻣﺎ ﻳﺼﻴﺮ ﺍﺳﺠﻠﺞ ﺍﻧﻘﻄﺎﻉ
ﺍﺫﺍ ﻣﺎ ﺍﺟﻴﺘﻲ
ﺻﺪﻙ ﺍﻧﻘﻬﺮﺕ ﻻﻥ ﻛﻠﺶ ﻣﺤﺘﺎﺟﺔ ﺍﻻﺟﺎﺯﺓ ﺍﻛﺜﺮ ﻣﻦ ﺍﻱ ﻭﻗﺖ ﺛﺎﻧﻲ
ﻻﻥ ﻣﺎ ﺿﻞ ﺷﻲ ﻋﻠﻰ ﺯﻭﺍﺝ ﻫﺪﻯ
.. ﺻﺪﻛﻨﻲ ﻛﻠﺶ ﻣﺤﺘﺎﺟﺘﻬﺎ ﺍﺧﺘﻲ ﺍﻟﺼﻐﻴﺮﺓ ﺭﺍﺡ ﺗﺘﺰﻭﺝ
ﻭﺍﻧﻲ ﺍﻟﻮﺣﻴﺪﺓ ﺍﻟﻲ ﺍﻛﺪﺭ ﺍﻛﻤﻞ ﺟﻬﺎﺯﻫﺎ ﻣﺎﻋﺪﻫﺎ ﺍﺣﺪ ﻏﻴﺮﻱ
ﻋﺎﻧﺪ ﻭﺿﻞ ﻣﺘﻤﺴﻚ ﺑﻘﺮﺍﺭﻩ ﺻﺪﻙ ﺿﻮﺟﻨﻲ
ﺍﺷﻜﺪ ﺧﺒﻴﺚ
ﻛﻮﺓ ﻟﺰﻣﺖ ﺍﻋﺼﺎﺑﻲ ﻣﺎ ﺍﻧﺰﻝ ﻋﻠﻴﻪ ﺑﺎﻟﺮﺯﺍﻳﻞ
ﺍﻟﺘﻔﺘﺖ ﺍﺭﻳﺪ ﺍﻃﻠﻊ ﻭﺟﺎﻥ ﻳﺼﻴﺮ ﺣﻴﺪﺭ ﺑﻮﺟﻬﻲ
ﺷﺎﻳﻞ ﺟﻬﺎﺯ ﻣﺜﻞ ﺍﻟﺘﻠﻔﺰﻳﻮﻥ ﻭﺣﻄﻪ ﻋﺎﻟﻤﻴﺰ
ﺩﻧﻜﺖ ﻭﻃﻠﻌﺖ ﺑﺮﺓ
ﻳﺎﺭﺑﻲ ﺍﻻﻧﺴﺎﻥ ﺷﻜﺪ ﻳﺸﻮﻑ ﺫﻝ ﺍﺣﺲ ﺯﺍﺩ ﻗﻬﺮﻱ ﻣﻦ
ﻋﺮﻓﺖ ﺣﻴﺪﺭ ﺷﺎﻫﺪ ﻋﻠﻰ ﺗﻮﺳﻠﻲ ﺑﺎﻟﻨﺬﻝ
ﺍﺩﺭﻱ ﺑﻲ ﻣﺎ ﺭﺍﺡ ﻳﻨﻄﻴﻨﻲ ﺍﺟﺎﺯﺓ
ﺭﺟﻌﺖ ﺍﻛﻤﻞ ﺷﻐﻠﻲ ﻭﺍﻧﻲ ﺍﺣﺠﻲ ﻭﻳﺔ ﺭﺑﺎﺏ ﺣﺘﻰ
ﺗﺎﺧﺬ ﻫﺪﻯ ﺑﺪﻝ ﻋﻨﻲ ﻭﺗﻜﻤﻞ ﺷﻐﻼﺗﻬﺎ
ﻻﻥ ﻫﺬﺍ ﺧﺒﺚ
ﻭﺟﺎﻥ ﺗﺪﺧﻞ ﺍﻟﺴﺴﺘﺮ ﺍﻡ ﺍﺣﻤﺪ ﻭﺗﻨﻄﻴﻨﻲ ﻭﺭﻗﺔ
ﻭﻛﺎﻟﺖ .. ﻫﺎﻱ ﺍﻟﻮﺭﻗﺔ ﺍﻻﺟﺎﺯﺓ ﺩﺯﻫﺎ ﻓﺮﺍﺕ
ﺍﻟﻤﺴﺆﻝ ﻋﻦ ﺍﻻﺟﺎﻳﺰ
ﻛﺎﻝ ﻫﺎﻱ ﺳﻠﻤﻴﻬﺎ ﻟﺸﻴﻤﺎﺀ
ﺍﺧﺬﺕ ﺍﻟﻮﺭﻗﺔ ﻣﻦ ﻋﻨﺪﻫﺎ ﻭﺍﻧﺼﺪﻣﺖ
ﺷﻔﺘﻪ ﻣﻮﻗﻌﻠﻲ ﻋﻠﻰ ﺍﺟﺎﺯﺓ ﻟﻤﺪﺓ ٣ ﺍﻳﺎﻡ
.......
ﺷﻴﻤﺎﺀ
ﺭﺟﻌﺖ ﻛﻠﺶ ﺿﺎﻳﺠﺔ ﻻﻥ ﺍﻟﺨﺒﻴﺚ ﺭﻓﺾ ﻳﻨﻄﻴﻨﻲ ﺍﺟﺎﺯﺓ
ﺷﻔﺖ ﺭﺑﺎﺏ
ﺭﺑﺎﺏ .. ﻫﺎ ﺑﺸﺮﻱ ﺍﺧﺬﺗﻲ ﺍﺟﺎﺯﺓ
.. ﻻ ﻋﺎﻧﺪ ﻭﻳﺎﻱ ﻭﻛﻠﻲ ﺍﺧﺬﺕ ﺍﺳﺘﺤﻘﺎﻗﻲ ﻣﻦ ﺍﻻﺟﺎﺯﺍﺕ
ﻭﺍﺗﻌﺪﻳﺖ ﺍﻟﻤﺴﻤﻮﺡ
.. ﻳﺎﺍﺍ ﺷﻮﻑ ﺍﻟﺤﻆ ﺷﻠﻮﻥ ﺑﺎﻟﻠﻪ ﻭﻫﺪﻯ ﺧﻄﻴﺔ ﻣﻨﻮ ﺭﺍﺡ
ﻳﻜﻤﻞ ﺗﺠﻬﻴﺰﻫﺎ
.. ﻣﺎ ﺍﻋﺮﻑ ﻛﻠﺖ ﺍﻋﺘﻤﺪ ﻋﻠﻴﺞ
ﺗﺎﺧﺬﻳﻬﺎ
ﺑﻴﻦ ﻣﺎ ﺟﻨﺎ ﻧﺤﺠﻲ ﺩﺧﻠﺖ ﻋﻠﻴﻨﺎ ﺍﻟﺴﺴﺘﺮ ﺍﻡ ﺍﺣﻤﺪ
ﻭﺳﻠﻤﺘﻨﻲ ﺍﻟﻮﺭﻗﺔ ﻭﻛﺎﻟﺖ
.. ﻫﺎﻱ ﻭﺭﻗﺔ ﺍﻻﺟﺎﺯﺓ ﺩﺯﻫﺎ ﺍﻟﺞ ﻓﺮﺍﺕ
ﻓﺘﺤﺘﻬﺎ ﻭﺟﺎﻥ ﺍﺷﻮﻓﻪ ﻣﻮﻗﻌﻠﻲ ﻋﻠﻰ ٣ ﺍﻳﺎﻡ ﺍﺟﺎﺯﺓ
ﺍﺗﻔﺎﺟﺌﺖ ﺑﺎﻟﺤﻘﻴﻘﺔ ﻣﺠﻨﺖ ﻣﺘﻮﻗﻌﺔ ﻭﺍﺣﺪ ﺑﺎﻟﻤﻴﺔ
ﻳﻮﺍﻓﻖ ﻻ ﻭﺑﻌﺪ ﻳﺮﺳﻠﻬﺎ ﺍﻟﻲ
ﺭﺑﺎﺏ .. ﺍﻟﺤﻤﺪ ﻟﻠﻪ ﺭﺑﻲ ﺣﻨﻦ ﻛﻠﺒﻪ ﻋﻠﻴﺞ
.. ﺍﻱ ﻳﻤﻜﻦ ﻻﺯﻡ ﺍﺭﻭﺡ ﺍﺗﺸﻜﺮ ﻣﻨﻪ
ﺑﺲ ﻟﺤﻈﺔ ﻫﻮ ﺷﻐﻴﺮ ﺭﺃﻳﻪ ﺟﺎﻥ ﻛﻠﺶ
ﻣﻌﻨﺪ ﻭﺭﺍﻓﺾ ﻳﻨﻄﻴﻨﻲ ﺍﺟﺎﺯﺓ
ﺍﺗﺴﻌﺖ ﻋﻴﻮﻧﻲ .. ﻟﺞ ﺭﺑﺎﺏ ﻫﺬﺍ ﻳﻤﻜﻦ ﺣﻴﺪﺭ ﺍﺗﺪﺧﻞ ﻫﺎﻟﻤﺮﺓ ﻭﺧﻼﻩ
ﻳﻮﺍﻓﻖ ﻋﺎﻻﺟﺎﺯﺓ ﻻ ﻣﺴﺘﺤﻴﻞ
ﺍﺫﺍ ﺻﺪﻙ ﻣﺴﻮﻱ ﻫﻴﺞ ﺭﺍﺡ ﻳﺠﻴﺐ ﻟﻲ ﺣﺠﺎﻳﺔ
ﺍﻛﻴﺪ ﻓﺮﺍﺕ ﺭﺍﺡ ﻳﻜﻌﺪ ﻳﺴﺎﻝ ﺷﻨﻮ ﻋﻼﻗﺔ ﺣﻴﺪﺭ ﺑﺸﻴﻤﺎﺀ ﻋﻠﻤﻮﺩ ﻳﺘﻮﺳﻄﻠﻬﺎ
ﺭﺑﺎﺏ .. ﺷﻮﻑ ﺣﻈﻲ ﺍﻟﻨﺎﺱ ﻭﻳﻦ ﻭﻫﺎﻱ ﺩﺍﻳﺨﺔ
ﺑﻔﺮﺍﺕ ﺭﺍﺡ ﻳﺎﺧﺬ ﻋﻠﻴﻬﺎ ﻧﻈﺮﺓ
ﻟﺞ ﻋﻮﺑﺔ ﺍﻧﺎ ﻟﻮ ﻣﻨﺞ ﻫﺴﺔ ﺍﻛﻮﻡ ﺍﺭﻛﺺ ﻣﻦ ﺍﻟﻔﺮﺣﺔ
.. ﻭﻟﻴﺶ ﺍﺭﻛﺺ
.. ﻻﻥ ﺻﺎﺭﺕ ﺍﻻﻣﻮﺭ ﻭﺍﺿﺤﺔ ﻭﺿﻮﺡ ﺍﻟﺸﻤﺲ ﺣﻴﺪﺭ
ﻣﻌﺠﺐ ﺑﺸﻴﻤﺎﺀ
ﺍﻟﻤﻔﺮﻭﺽ ﻫﺴﺔ ﺍﻧﺘﻲ ﺗﻜﻮﻣﻴﻦ ﺗﺮﺣﻴﻦ ﺗﺘﺸﻜﺮﻳﻦ ﻣﻦ ﻋﻨﺪﻩ
ﻋﺎﻟﺴﻮﺍﻩ
ﺷﻴﻤﺎﺀ .. ﻟﺞ ﻻ ﺑﻄﻠﺖ ﻣﻦ ﻭﺭﺓ ﺍﻟﺼﺎﺭ ﺑﺬﺍﻙ ﺍﻟﻴﻮﻡ ﺑﻌﺪ ﺣﺮﻣﺖ ﺍﺣﺠﻲ ﻭﻳﺎﻩ ﺍﻭ ﺍﺣﻂ ﻋﻴﻨﻲ ﺑﻌﻴﻨﻪ
.. ﻟﻴﺶ ﻭﻟﺞ ﺷﺴﻮﻳﺘﻲ
.. ﺷﻨﻮ ﻧﺴﻴﺘﻲ ﺍﻧﺘﻲ ﻣﻮ ﻛﻠﺘﻴﻠﻲ ﺭﻭﺣﻲ ﺍﻋﺘﺬﺭﻱ ﻣﻨﻪ ﻋﺎﻟﺼﺎﺭ ﺑﻴﻮﻡ ﺍﻟﺤﺎﺩﺙ ﻭﻓﻬﻤﻲ ﻣﻮﻗﻔﺞ ﻭﺍﺗﺸﻜﺮﻱ ﻣﻨﻪ ﻋﺎﻟﺴﻮﺍﻩ
.. ﺍﻱ ﺻﺪﻙ ﻭﺷﺼﺎﺭ
ﺳﻮﻟﻔﺖ ﻟﺮﺑﺎﺏ ﻋﻦ ﻣﻮﻗﻒ ﺍﻻﺣﺮﺍﺝ ﺍﻟﺼﺎﺭ ﺑﻴﻨﻲ ﻭﺑﻴﻦ ﺣﻴﺪﺭ ﺑﺬﺍﻙ ﺍﻟﻴﻮﻡ
ﺭﺑﺎﺏ .. ﻋﺰﺓ ﺑﻌﻴﻨﺞ ﻻﺗﻜﻮﻟﻴﻦ ﺳﻤﻊ ﻫﺬﺍ ﻛﻼﻣﺞ ﻛﻠﻪ
ﺷﻴﻤﺎﺀ .. ﻭﺩﺍﻋﺘﺞ ﺳﻤﻌﻪ ﻛﻠﻪ
.. ﻋﺰﺓ ﻭﺷﻨﻮ ﻛﻠﺞ
.. ﻛﺎﻝ
ﻣﻌﻘﻮﻟﺔ ﻛﻞ ﻫﺎﻱ ﺍﻟﺼﻔﺎﺕ ﺍﻟﻲ ﺫﻛﺮﺗﻴﻬﺎ ﺑﻴﺔ
ﺑﺲ ﺍﻧﺎ ﺷﻴﻤﺎﺀ ﺍﻋﺠﺒﺞ
ﻫﻮ ﺑﺸﻨﻮ ﺍﺣﺴﻦ ﻣﻨﻲ ﻣﻨﻮ ﺍﻧﻄﺎﻩ ﺍﻟﺤﻖ ﻳﺘﻌﺎﻣﻞ ﻭﻳﺎﻱ
ﻳﺘﻜﺒﺮ ﻭﻳﺴﺘﺼﻐﺮﻧﻲ
.. ﺍﻫﻮﻭﻭﻭ ﺍﻧﺘﻲ ﺷﻨﻮ ﻣﻦ ﻣﺼﻴﺒﺔ ﻛﻠﺒﺘﻲ ﺍﻟﺴﺎﻟﻔﺔ ﻛﻼﺏ
ﻳﻌﻨﻲ ﻣﻦ ﻇﺎﻟﻢ ﺍﻟﻰ ﻣﻈﻠﻮﻡ ﻭﺍﻟﻠﻪ ﺍﻧﺘﻲ ﻛﺎﺭﺛﺔ ﺩﻛﻤﻠﻲ ﻭﺷﺴﻮﻳﺘﻲ ﺑﻌﺪﻳﻦ ﺷﻠﻮﻥ ﻟﺤﻤﺘﻲ ﺍﻟﺴﺎﻟﻔﺔ ﻭﻃﻠﻌﺘﻲ ﺭﻭﺣﺞ ﻣﻦ ﻫﺬﺍ ﺍﻟﻤﻮﻗﻒ
ﺍﻟﺘﻔﺖ ﻋﻠﻴﻪ ﻭﺍﻧﻲ ﻣﺤﺮﺟﺔ ﻻﻥ ﺳﻤﻊ ﻛﻼﻣﻲ ﻋﻠﻴﻪ ﺑﺲ ﻣﺎ ﻣﺘﻨﺪﻣﺔ ﻋﻠﻰ ﺍﻱ ﻛﻠﻤﺔ ﻛﻠﺘﻬﺎ ﻋﻠﻴﻪ
ﻭﺑﻠﺤﻈﺘﻬﺎ ﻫﻮ ﺑﺎﻭﻉ ﻋﻠﻴﺔ
ﻭﺭﻓﻊ ﺣﺎﺟﺒﻪ ﺑﺘﺤﺪﻱ ﻭﻛﺎﻥ ﻭﺍﻗﻒ ﺑﻜﻞ ﺛﻘﺔ ﻳﻨﺘﻈﺮ ﻣﻨﻲ ﺍﻋﺘﺬﺭ ﻣﻨﻪ ﻋﺎﻟﺼﺎﺭ ﺑﺲ ﺟﻮﺍﺑﻲ ﺳﺤﺐ ﺍﻟﺒﺴﺎﻁ ﻣﻦ ﺗﺤﺘﻪ
......
ﺍﻱ ﺍﻧﺖ ﺻﺪﻙ ﺍﻧﺎﻧﻲ ﻭﻭﺍﺣﺪ ﺷﺎﻳﻒ ﻧﻔﺴﻪ ﻭﺿﻴﻒ ﻋﻠﻴﻬﻢ ﺍﻧﺖ ﻣﺎ ﺗﻌﺮﻑ ﺍﻻﺣﺘﺮﺍﻡ
ﺍﺗﺴﻌﺖ ﻋﻴﻮﻧﻪ ﻭﺍﺷﺮ ﻋﻠﻰ ﻧﻔﺴﻪ .. ﺍﻧﺎ ﻣﺎ ﺍﺣﺘﺮﻡ ﺷﻠﻮﻥ ﺑﺎﻟﻠﻪ
ﻓﻬﻤﻴﻨﻲ ﺷﻮﻛﺖ ﺍﻧﺎ ﻗﻠﻠﺖ ﻭﻳﺎﺝ ﺍﻻﺣﺘﺮﺍﻡ
.. ﻭﺍﻟﻠﻪ ﺑﻬﺬﺍ ﺗﺼﺮﻓﻚ ﻭﻳﺎﻱ ﺟﺎﻥ ﺍﻛﺒﺮ ﺍﻫﺎﻧﺔ ﺑﺤﻘﻲ
ﻛﺘﻒ ﺍﻳﺪﻳﻪ .. ﺍﻱ ﺑﺎﻟﻠﻪ ﻛﻤﻠﻲ
.. ﺣﻀﺮﺗﻚ ﻛﻠﺖ ﺍﻧﺘﻈﺮﻳﻨﻲ ﺩﻗﻴﻘﺔ ﺍﻛﻤﻞ ﺍﺗﺼﺎﻟﻲ
ﻭﺍﻧﻲ ﺑﻘﻴﺖ ﻭﺍﻛﻔﺔ ﺍﻧﺘﻈﺮﻙ ﺗﻜﻤﻞ ﻛﻼﻣﻚ ﺑﺎﻟﻨﻘﺎﻝ ﺣﺘﻰ ﺍﺣﺠﻲ ﻭﻳﺎﻙ
ﻭﺍﻧﺖ ﺷﻜﻠﻚ ﻧﺴﻴﺖ ﺍﻣﺮﻱ ﻭﻃﻮﻟﺖ ﺑﺎﻟﻤﻜﺎﻟﻤﺔ
ﻭﺍﻻﻗﻮﻯ ﻣﻨﻬﺎ ﻣﻦ ﺍﺟﺘﻲ ﺍﻟﺪﻛﺘﻮﺭﺓ ﺭﺳﻞ ﻭﺣﺠﺖ ﻭﻳﺎﻙ
ﺍﺑﺎﻭﻉ ﻋﻠﻴﻚ ﺑﺴﺮﻋﺔ ﻧﻬﻴﺖ ﺍﻻﺗﺼﺎﻝ ﻭﻛﻌﺪﺕ ﺗﺤﺠﻲ ﻭﻳﺎﻫﺎ
ﻭﺍﻧﻲ ﻭﺍﻛﻔﺔ ﻣﻠﻄﻮﻋﺔ ﺣﺘﻰ ﻣﻜﻠﻔﺖ ﻧﻔﺴﻚ ﺗﻌﺘﺬﺭ
ﻭﻟﻮ ﺍﻧﺖ ﺣﻘﻚ ﺍﻛﻴﺪ ﺍﻟﺪﻛﺘﻮﺭﺓ ﺍﻭﻟﻰ ﺑﺎﻻﺣﺘﺮﺍﻡ ﻣﻦ ﺍﻟﻤﻤﺮﺿﺔ
ﺑﺲ ﺑﺎﻻﺧﻴﺮ ﺍﻧﻲ ﺍﺑﻘﻰ ﺑﺸﺮ ﺣﺎﻟﻲ ﺣﺎﻟﻜﻢ ﻭﻋﻨﺪﻱ ﻛﺮﺍﻣﺘﻲ
ﻋﻠﻰ ﻛﻞٍ ﻫﺬﺍ ﻣﻮ ﻣﻮﺿﻮﻋﻨﺎ
ﺍﻧﻲ ﻃﻠﺒﺖ ﺍﺣﺠﻲ ﻭﻳﺎﻙ ﻋﻠﻤﻮﺩ ﺍﻋﺘﺬﺭ ﻣﻨﻚ ﻋﺎﻟﺼﺎﺭ ﺑﺬﺍﻙ ﺍﻟﻴﻮﻡ
ﺟﻨﺖ ﺍﺣﺠﻲ ﻭﻳﺎﻩ ﺑﻐﻀﺐ ﺍﻋﻤﻰ
ﻭﻫﻮ ﻭﺍﻛﻒ ﻳﺒﺎﻭﻉ ﻋﻠﻴﺔ ﻣﺘﻌﺠﺐ
ﻗﻄﻊ ﻛﻼﻣﻲ ﻭﺣﺠﺔ ﺑﻐﻴﺾ
.. ﺍﻭﻛﻔﻲ ﻟﺤﻈﺔ ﺍﻧﺘﻲ ﻣﻨﻮ ﺍﻧﻄﺎﺝ ﺍﻟﺤﻖ ﺗﻨﺴﺒﻴﻦ ﺍﻟﻲ ﻛﻼﻡ ﺍﻧﺎ ﻣﺎ ﺣﺎﺟﻴﻪ
ﺷﻮﻓﻲ ﺳﻤﻌﻴﻨﻲ ﺯﻳﻦ ﻣﻮ ﺍﻧﺎ ﺍﻟﻲ ﺍﻋﺎﻣﻞ ﺍﻟﻨﺎﺱ ﺑﻤﺮﺍﻛﺰﻫﻢ
ﺗﺮﺓ ﺍﺧﺮ ﻫﻤﻲ ﺍﻛﻌﺪ ﺍﺩﻭﺭ ﻋﺎﻟﺸﻜﻠﻴﺎﺕ
ﺻﺪﻛﻲ ﻣﺎ ﻳﻔﺮﻕ ﻋﻨﺪﻱ ﺷﻲ ﺳﻮﺍﺀ ﻛﻨﺘﻲ ﻣﻤﺮﺿﺔ ﻟﻮ ﺩﻛﺘﻮﺭﺓ
ﻭ ﺑﻤﺎ ﺍﻥ ﺍﻧﺘﻲ ﻋﻘﻠﺞ ﻣﺮﻳﺾ ﻭﺗﺮﺟﻤﻴﻦ ﺍﻟﻤﻮﺍﻗﻒ ﻋﻠﻰ ﻣﺰﺍﺟﺞ
ﻓﺨﻠﻲ ﺍﻛﺴﺐ ﺑﻴﺞ ﺍﺟﺮ ﻭ ﺍﻓﻬﻤﺞ
ﺗﺮﺓ ﺍﻧﻲ ﻣﻦ ﻧﻬﻴﺖ ﺍﻻﺗﺼﺎﻝ ﺑﺴﺮﻋﺔ ﻭﺣﺠﻴﺖ ﻭﻳﺔ ﺍﻟﺪﻛﺘﻮﺭﺓ ﺭﺳﻞ
ﺟﺎﻧﺖ ﻏﺎﻳﺘﻲ ﺍﻥ ﺍﺻﺮﻑ ﺍﻟﺪﻛﺘﻮﺭﺓ ﻭﺍﺗﻔﺮﻏﻠﺞ
ﻻﻥ ﺍﻧﺎ ﺍﻋﺮﻑ ﺍﻟﻤﻮﺿﻮﻉ ﺍﻟﻲ ﺭﺍﻳﺪﺗﻨﻲ ﺑﻲ ﺭﺍﺡ ﻳﺴﺒﺒﻠﺞ ﺍﻻﺣﺮﺍﺝ ﻭﻣﺎ ﺗﻜﺪﺭﻳﻦ ﺗﺤﺠﻴﻨﻪ ﻛﺪﺍﻡ ﺍﻟﺪﻛﺘﻮﺭﺓ ﺭﺳﻞ
ﻓﺘﺤﺖ ﺣﻠﻜﻲ ﻣﺼﺪﻭﻣﺔ .. ﻭﺍﻧﺖ ﺷﻠﻮﻥ ﻋﺮﻓﺖ ﺍﻟﻤﻮﺿﻮﻉ ﺍﻟﻲ ﺍﻧﻲ ﺟﺎﻳﺔ ﻋﻠﻴﻪ
.. ﺗﺮﺓ ﻭﺍﺿﺤﺔ ﻣﺎ ﻳﺤﺘﺎﺟﻠﻬﺎ ﻋﻠﻢ ﺍﻧﻲ ﻭﻳﺎﺝ ﻣﺎ ﺑﻴﻨﺎ
ﺷﻲ ﻏﻴﺮ ﺑﺲ ﻣﻮﺿﻮﻉ . ﺫﺍﻙ ﺍﻟﻴﻮﻡ ﻭﺍﻟﺘﻬﺪﻳﺪ
ﻭﺍﻧﺘﻲ ﻣﻦ ﺍﺟﻴﺘﻲ ﻭﺣﺠﻴﺘﻲ ﻭﻳﺎﻱ ﺟﻨﺘﻲ ﻛﻠﺶ ﻣﺮﺗﺒﻜﺔ ﻭﻣﺘﺮﺩﺩﺓ ﻓﻤﻮ ﺷﻲ ﺻﻌﺐ ﺍﺧﻤﻦ ﺍﻟﻤﻮﺿﻮﻉ
ﺍﻟﺠﺎﻳﺔ ﻋﻠﻴﻪ
.. ﺳﺖ ﺷﻴﻤﺎﺀ ﺍﺗﻮﻗﻊ ﺍﺣﻨﺎ ﻛﺒﺎﺭ ﻣﻮ ﺻﻐﺎﺭ ﺣﺘﻰ
ﻧﻜﻌﺪ ﻧﺘﺮﺟﻢ ﺗﺼﺮﻓﺎﺕ ﺍﻟﻤﻘﺎﺑﻞ ﻋﻠﻰ ﻫﻮﺍﻧﺎ
ﺍﻭﻻ ﺍﻧﺎ ﻣﺎ ﻋﻨﺪﻱ ﻋﺪﺍﻭﺓ ﻭﻳﺎﺝ ﺍﻭ ﺍﻱ ﻣﺸﻜﻠﺔ ﺣﺘﻰ ﺍﻧﺘﻲ
ﺗﻔﻬﻤﻴﻦ ﻣﻮﻗﻔﻲ ﻭﻳﺎﺝ ﻛﺄﻫﺎﻧﺔ
ﺗﺮﺓ ﻣﻮ ﺣﻠﻮﺓ ﻛﻠﻤﺎ ﺍﻟﺘﻘﻲ ﺑﻴﺞ ﻻﺯﻡ
ﺗﺼﻴﺮ ﻣﺸﻜﻠﺔ ﻭﺳﻮﺀ ﻓﻬﻢ
ﺑﺤﻴﺚ ﺻﺮﺕ ﻛﻠﻤﺎ ﺍﺷﻮﻓﺞ ﺍﺣﻀﺮ ﻧﻔﺴﻲ ﻟﻠﻬﺠﻮﻡ
ﺩﻧﻜﺖ ﺭﺍﺳﻲ ﻣﺴﺘﺤﻴﺔ ﻣﻦ ﻛﻼﻣﻪ ﻭﺣﺠﻴﺖ
ﻣﺤﺮﺟﺔ
.. ﺍﺗﻮﻗﻊ ﺑﻌﺪ ﺍﻟﻲ ﺻﺎﺭ ﻓﻘﺪﺕ ﺣﻘﻲ ﺑﺎﻻﻋﺘﺬﺍﺭ
ﻻﻥ ﻫﻮﺍﻱ ﺍﺗﻌﺪﻳﺖ ﺣﺪﻭﺩﻱ ﻭﻳﺎﻙ
ﺑﺲ ﺍﻭﻋﺪﻙ ﻣﻨﺎ ﻭﺭﺍﻳﺢ ﻣﺮﺍﺡ ﺗﺴﻤﻊ ﻣﻨﻲ ﺍﻱ ﺷﻲ
ﻭﺍﺣﺎﻭﻝ ﻣﺎ ﺍﺧﻠﻲ ﻃﺮﻗﻨﺎ ﺗﻠﺘﻘﻲ
ﻻﻥ ﺍﻟﻈﺎﻫﺮ ﺍﻧﻲ ﺻﺮﺕ ﻣﺼﺪﺭ ﺍﺯﻋﺎﺝ ﻟﺤﻀﺮﺗﻚ
ﻭﺍﺷﻮﻑ ﻣﻦ ﺣﻘﻚ ﺗﺤﺠﻲ ﻫﻴﺞ ﻻﻥ ﻓﻌﻼ ﺍﻟﻤﻮﺍﻗﻒ ﻛﻠﻬﺎ ﺗﺸﻬﺪ ﻋﻠﻰ ﻫﺬﺍ ﺍﻟﺸﻲ
ﻛﻤﻠﺖ ﻛﻼﻣﻲ ﻭﻃﻠﻌﺖ ﺑﺪﻭﻥ ﻣﺎ ﺍﻧﺘﻈﺮﻩ ﻳﺤﺠﻲ
ﻳﻌﻨﻲ ﺍﺗﺨﻴﻠﻲ ﻣﺜﻞ ﻛﻞ ﻣﺮﺓ ﺍﻧﺤﻂ ﺑﻤﻮﻗﻒ ﻭﻳﺎﻩ ﺍﺿﺮﺏ ﻣﻦ ﺍﻟﻲ ﻗﺒﻠﻪ
ﻳﻌﻨﻲ ﺟﺎﻥ ﻳﺤﺎﻭﻝ ﻳﺠﻨﺒﻨﻲ ﺍﻻﺣﺮﺍﺝ
ﻭﺍﻧﻲ ﻣﺜﻞ ﻛﻞ ﻣﺮﺓ ﺍﺟﻴﺖ ﻭﻧﺴﻔﺖ ﻛﻠﺸﻲ ﺑﻮﺟﻬﻪ
ﺭﺑﺎﺏ .. ﻳﺎﺑﺔ ﺍﻧﺘﻲ ﺻﺪﻙ ﻣﺨﺒﻠﺔ
ﻫﺴﺔ ﻋﻮﻓﺞ ﻣﻦ ﻫﺬﺍ ﺍﻟﺤﺠﻲ ﺍﻟﻲ ﺻﺎﺭ
ﺻﺎﺭ ﺗﺮﻛﻲ ﻭﺭﺍﺝ
ﻭﺍﺣﺠﻴﻠﻲ ﻋﻦ ﻣﻌﻨﻮﻳﺎﺕ ﻫﺪﻯ ﺑﻬﺎﻱ ﺍﻻﻳﺎﻡ
......
ﺷﻴﻤﺎﺀ .. ﺍﻭﻭﻑ ﻳﺎﺭﺑﺎﺏ ﻫﺪﻯ ﻛﺎﺳﺮﺓ ﺧﺎﻃﺮﻱ
ﺧﻄﻴﺔ ﺣﺘﻰ ﺑﺰﻭﺍﺟﻬﺎ ﻣﻮ ﻣﺜﻞ ﺍﻟﺒﻨﺎﺕ
ﺍﻛﻠﺞ ﺭﺑﺎﺏ ﻋﻔﻴﺔ ﻗﺒﻞ ﻻ ﺍﺭﻭﺡ ﺍﻛﻤﻞ ﺷﻐﻠﻲ
ﻣﻮ ﺗﻨﺴﻴﻦ ﻫﺎﻱ ﺍﻻﻳﺎﻡ ﺍﺭﻳﺪﺝ ﺗﻔﺮﻏﻴﻦ ﻧﻔﺴﺞ
ﻭﺗﻌﺎﻭﻧﻴﻨﻲ
ﺭﺑﺎﺏ .. ﻣﺎ ﻳﺤﺘﺎﺝ ﺗﻮﺻﻴﻦ ﺣﺮﻳﺺ ﺍﻧﺎ ﺑﺮﺳﻢ ﺍﻟﺨﺪﻣﺔ
.. ﻳﺎﺑﻌﺪ ﻋﻤﺮﻱ ﺍﻥ ﺍﺷﺎﺀ ﺍﻟﻠﻪ ﺍﺭﺩﻫﺎ ﺍﻟﺞ ﺑﻌﺮﺳﺞ
ﺭﻓﻌﺖ ﺍﻳﺪﻫﺎ ﻟﻠﺴﻤﺎ
.. ﺍﻟﻠﻬﻢ ﺍﻣﻴﻦ
ﺭﺑﻲ ﻳﺴﻤﻊ ﻣﻨﺞ ﻭﺍﻋﺮﺱ ﺷﻜﻠﻲ ﺧﻤﺮﺕ ﻋﻠﻰ ﻛﻠﺐ ﺍﻫﻠﻲ
ﻭﺍﺣﺘﻤﺎﻝ ﺭﺍﺡ ﻳﻄﻠﻌﻮﻧﻲ ﻣﻦ ﺍﻟﺒﻴﺖ ﺟﻼﻟﻴﻖ
ﺧﺼﻮﺻﺎ ﺍﻣﻲ ﺍﺣﺲ ﺑﻴﻬﺎ ﻛﺎﻋﺪﺓ ﻋﻠﻰ ﺍﻋﺼﺎﺑﻬﺎ
ﺗﺮﻳﺪ ﺍﻟﻴﻮﻡ ﻗﺒﻞ ﺑﺎﺟﺮ ﺗﺰﻭﺟﻨﻲ
.. ﺍﻟﻠﻪ ﻳﺨﻠﻴﻬﺎ ﺍﻟﺞ ﺍﻣﺞ ﻣﻌﺬﻭﺭﺓ ﻛﻠﺐ ﻭﺍﻟﺪﺓ ﻣﺎ ﻋﻠﻴﻬﺎ ﻋﺘﺐ
ﻃﻠﻌﻨﺎ ﺍﻧﻲ ﻭﺭﺑﺎﺏ ﻭﺭﺣﻨﺎ
ﺣﺘﻰ ﻧﻘﺒﺾ ﺍﻟﺮﺍﺗﺐ ﻭﻧﻮﻗﻊ ﻋﻠﻴﻪ ﺑﺎﻻﺳﺘﻼﻡ
ﺟﻨﺎ ﺩﻧﻤﺸﻲ ﻭﺻﺎﺩﻓﻨﺎ ﺣﻴﺪﺭ ﺩﻳﻤﺸﻲ ﺑﺄﺗﺠﺎﻫﻨﺎ ﺑﺎﻟﻤﻤﺮ
ﻭﺷﺎﻳﻞ ﺑﻴﺪﻩ ﻧﻔﺲ ﺍﻟﺠﻬﺎﺯ
ﺭﺑﺎﺏ ﺷﺎﻓﺘﻪ ﻭﻟﻜﺰﺗﻨﻲ ﻭﺣﺠﺖ
ﺳﻤﻌﻴﻨﻲ ﺯﻳﻦ ﺍﻟﻠﻪ ﺟﺎﺑﻪ ﺑﻄﺮﻳﻘﻨﺎ ﺍﺗﺸﻜﺮﻱ ﻣﻦ ﻋﻨﺪﻩ
ﺯﺣﻤﺔ ﻣﻮ ﻣﺎﻝ ﺗﻐﻠﺴﻴﻦ ﻋﻠﻴﻪ
ﻫﻲ ﺗﺤﺠﻲ ﻭﺍﻧﻲ ﻛﻠﺒﻲ ﻛﺎﻟﻌﺎﺩﺓ ﻓﻘﺪ ﺍﻟﺴﻴﻄﺮﺓ ﻋﻠﻰ ﺩﻛﺎﺗﻪ
ﺑﻠﻌﺖ ﺭﻳﻜﻲ ﻭﻛﻮﺓ ﻛﺪﺭﺕ ﺍﻃﻠﻊ ﺍﻟﺼﻮﺕ
ﺍﻭﻗﻔﻪ .. ﺍﺳﺘﺎﺫ ﺣﻴﺪﺭ ﻟﺤﻈﺔ
ﺍﺗﻮﻗﻒ ﻭﺑﺎﻭﻉ ﻋﻠﻴﺔ ﺟﺎﻧﺖ ﻧﻈﺮﺗﻪ ﻻ ﺍﺑﺎﻟﻲ
ﺷﻜﻠﻪ ﺑﻌﺪﻩ ﺯﻋﻼﻥ
ﻣﺎ ﺍﻧﻄﻴﺘﻪ ﻣﺠﺎﻝ ﻳﺤﺠﻲ ﻛﺒﻞ ﻛﻠﺖ
.. ﺍﺳﺘﺎﺫ ﺣﻴﺪﺭ ﺣﺒﻴﺖ ﺍﺷﻜﺮﻙ ﺑﺨﺼﻮﺹ ﻣﻮﺿﻮﻉ ﺍﻻﺟﺎﺯﺓ
ﺑﺎﻭﻉ ﻋﻠﻴﺔ ﻭﻛﺎﻝ .. ﺍﻟﻌﻔﻮﺍ ﻋﻦ ﺍﻱ ﺍﺟﺎﺯﺓ ﺩﺗﺤﺠﻴﻦ
ﺭﻣﺸﺖ ﺑﻌﻴﻮﻧﻲ .. ﺍﻻﺟﺎﺯﺓ ﺍﻟﻲ ﺭﻓﺾ ﻳﻨﻄﻴﻬﺎ ﺍﻟﻲ ﻓﻮﺍﺕ
ﻣﻮ ﻛﺪﺍﻣﻚ ﺻﺎﺭ ﺍﻟﻤﻮﻗﻒ
.. ﻟﺤﻈﺔ ﻭﺍﻧﺎ ﺑﺼﻔﺘﻲ ﺷﻨﻮ ﺍﺗﺪﺧﻞ ﻭﺍﻃﻠﺒﻠﺞ ﺍﺟﺎﺯﺓ
ﻣﺎ ﺗﺸﻮﻓﻴﻦ ﺷﻮﻳﺔ ﺍﻟﻤﻮﺿﻮﻉ ﻭﺍﻛﻒ
ﻳﻤﺔ ﻫﻮ ﻛﺎﻝ ﻫﻴﺞ ﻭﺍﻧﺎ ﺍﺗﻤﻨﻴﺖ ﺍﺧﺘﻔﻲ ﻣﻦ ﻛﺪﺍﻣﻪ
ﻳﺎ ﺍﻟﻠﻪ ﻟﻴﺶ ﺍﻧﻲ ﻣﻦ ﺩﻭﻥ ﺍﻟﻜﻞ ﺍﻧﺤﻂ ﺑﻬﻴﺞ ﻣﻮﻗﻒ
ﺍﻧﺒﻠﻊ ﺍﻟﺴﺎﻧﻲ ﺻﺪﻙ ﻓﺸﻠﺔ ﻭﺍﻟﻠﻪ ﺻﺎﺭﺕ ﺍﻟﺪﻣﻌﺔ ﺑﻄﺮﻑ ﻋﻴﻨﻲ ﺍﺩﺭﻱ ﺷﻨﻮ ﻛﺼﺘﻲ ﺍﺗﻌﻮﺩﺕ ﻋﺎﻟﻘﺼﻒ
ﺭﺑﺎﺏ .. ﺍﻟﻌﻔﻮﺍ ﺍﺳﺘﺎﺫ ﺣﻴﺪﺭ
ﻭﻛﻔﺎﺗﻚ ﺍﻟﺴﺎﺑﻘﺔ ﻭﻳﺎﻧﺎ ﺧﻠﺘﻨﺎ ﻧﺨﻤﻦ ﺍﻥ ﺍﻧﺖ ﻭﺭﺓ ﺍﻻﺟﺎﺯﺓ
ﻣﻮ ﺟﺪﻳﺪﺓ ﻋﻠﻴﻚ ﺍﻧﺖ ﺻﺎﺣﺐ ﻧﺨﻮﺓ
ﺑﺲ ﺍﻧﻲ ﻣﻦ ﻳﻤﻲ ﻛﻠﺖ ﻟﺸﻴﻤﺎﺀ ﺗﺸﻜﺮﻙ
ﻣﺎ ﺍﻋﺮﻑ ﺟﺎﻧﺖ ﺭﺑﺎﺏ ﺗﺤﺠﻲ ﻭﻫﻮ ﻳﺒﺎﻭﻉ ﻋﻠﻴﺔ ﻭﺍﻧﺎ ﺩﻣﻮﻋﻲ ﻛﺎﻣﺖ ﺗﻠﻤﻊ ﺑﻌﻴﻮﻧﻲ
ﺟﺎﻭﺑﻬﺎ ﻭﻋﻴﻮﻧﻪ ﻣﺎ ﻓﺎﺭﻗﺖ ﻭﺟﻬﻲ
.. ﻻ ﻋﺎﺩﻱ ﻣﺼﺎﺭ ﺷﻲ ﺍﺗﻌﻮﺩﺕ ﻋﻠﻰ ﺳﻮﺀ ﺍﻟﻔﻬﻢ ﻭﻳﺔ
ﺷﻴﻤﺎﺀ ﻣﻮ ﺷﻲ ﺟﺪﻳﺪ
ﺭﺻﻴﺖ ﺍﺳﻨﺎﻧﻲ ﻭﻟﺰﻣﺖ ﺍﻳﺪ ﺭﺑﺎﺏ ﻭﺣﺠﻴﺖ ﻭﺍﻧﻲ ﺍﺑﺎﻭﻉ ﻋﻠﻴﻪ .. ﺍﺧﺬ ﺭﺍﺣﺘﻚ ﺍﺳﺘﺎﺫ ﺍﺣﻨﺎ ﻧﺘﺮﺧﺺ ﻣﻨﻚ
ﻣﺸﻴﺖ ﻭﺳﺤﺒﺖ ﺭﺑﺎﺏ ﻭﺭﺍﻱ ﺟﺎﻧﺖ ﺗﻤﺸﻲ ﻭﺗﻀﺤﻚ
ﻋﻠﻰ ﻣﻨﻈﺮﻱ
ﻭﺻﻠﺖ ﻟﻤﻜﺘﺐ ﻓﺮﺍﺕ ﻭﺩﻛﻴﺖ ﺍﻟﺒﺎﺏ ﻭﺩﺧﻠﺖ
ﺟﺎﻥ ﻳﻜﺘﺐ ﺭﻓﻊ ﺭﺍﺳﻪ ﻭﺷﺎﻓﻨﻲ
.. ﻫﺎ ﺷﻴﻤﺎﺀ ﻭﺻﻠﺘﺞ ﻭﺭﻗﺔ ﺍﻻﺟﺎﺯﺓ
.. ﺍﻱ ﻭﺻﻠﺖ ﻭﺍﻧﻲ ﺟﺎﻳﺔ ﺍﺷﻜﺮﻙ
ﺑﺲ ﻣﺎ ﻛﻠﺖ ﺷﻨﻮ ﺍﻟﻲ ﻏﻴﺮ ﺭﺃﻳﻚ
ﺿﺤﻚ ﺑﻜﻞ ﺛﻘﺔ ﻭﻛﺎﻝ
.. ﻭﺩﺍﻋﺘﺞ ﻭﺻﻠﺘﻨﻲ ﺍﻭﺍﻣﺮ ﻣﻦ ﺍﻟﺠﻬﺎﺕ ﺍﻟﻌﻠﻴﺎ
ﺍﻛﻮﻝ ﻃﻠﻌﺘﻲ ﻣﻮ ﻫﻴﻨﺔ ﻣﺎﺟﻨﺖ ﺍﻋﺮﻑ ﺍﻥ ﺍﻧﺘﻲ ﻭﺭﺍﺝ ﻇﻬﺮ ﻗﻮﻱ
ﺩﻙ ﻧﻘﺎﻟﻪ ﺷﻮﻳﺔ ﻭﻛﺎﻡ ﻣﻦ ﻣﻜﺎﻧﻪ ﻭﺷﺎﻝ ﺍﻟﻔﺎﻳﻞ ﺍﻟﻲ ﻛﺪﺍﻣﻪ
ﻭﺍﺷﺮﻟﻨﺎ ﺑﺤﺮﻛﺔ ﺳﻼﻡ ﺳﺮﻳﻌﺔ ﻭﺗﺮﻛﻨﺎ ﻭﻃﻠﻊ
ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ
ﻭﺻﺮﻧﺎ ﺍﻧﻲ ﻭﺭﺑﺎﺏ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ
ﺍﺫﺍ ﻣﻮ ﺣﻴﺪﺭ ﻭﺭﺓ ﺍﻻﺟﺎﺯﺓ . ﻟﻌﺪ ﻣﻨﻮ
............
ﻫﺪﻯ
ﻣﺮﺕ ﺍﻻﻳﺎﻡ ﻭﺍﻧﺎ ﺍﺗﻜﻠﺐ ﻣﺎ ﺑﻴﻦ ﺧﻮﻑ ﻭﺣﻴﺮﺓ ﻭﺿﻴﺎﻉ
ﻭﻗﺮﺏ ﻣﻮﻋﺪ ﺍﻟﻌﺮﺱ
ﻭﺷﻴﻤﺎﺀ ﻭﻓﺎﻃﻤﺔ ﺻﺪﻳﻘﺘﻲ ﻭﺭﺑﺎﺏ ﻭﺧﻮﺍﺕ ﻗﺎﺳﻢ
ﺍﻟﻜﻞ ﺍﺗﻌﺎﻭﻥ ﻋﻠﻰ ﺗﺠﻬﻴﺰﻱ ﻟﻠﻌﺮﺱ
ﺻﺮﺕ ﻣﺜﻞ ﺍﻟﻠﻌﺎﺑﺔ ﺍﺗﻨﻘﻞ ﻣﻦ ﺍﻳﺪ ﻷﻳﺪ
ﻛﻞ ﻳﻮﻡ ﻃﺎﻟﻌﺔ ﻭﻳﺔ ﻣﺠﻤﻮﻋﺔ ﺟﺎﻧﺖ ﻓﺎﻃﻤﺔ ﻭﺍﻣﻬﺎ ﻣﻠﺠﺌﻲ
ﺍﻟﻮﺣﻴﺪ ﺑﻬﺎﻱ ﺍﻟﻬﻮﺳﺔ ﻛﻠﻬﺎ
ﺟﻨﺖ ﺍﺩﺑﺮ ﺍﻟﺤﺠﺞ ﺣﺘﻰ ﺍﺗﻬﺮﺏ ﻣﻦ ﺧﺒﺼﺔ ﺗﺠﻬﻴﺰﺍﺕ ﺍﻟﻌﺮﺱ
ﻭﺍﺭﻭﺡ ﻳﻢ ﻓﺎﻃﻤﺔ ﻭﺍﻣﻬﺎ
ﻭﺷﻴﻤﺎﺀ ﺟﺎﻧﺖ ﺗﻌﺮﻑ ﺑﺨﻮﻓﻲ ﻟﺬﻟﻚ ﺗﺴﻤﺤﻠﻲ
ﺍﺭﻭﺡ ﻳﻤﻬﻢ ﺑﻌﺰ ﺍﻟﻬﻮﺳﺔ
ﻣﺜﻞ ﺍﻟﻲ ﺗﻨﻄﻴﻨﻲ ﻓﺮﺻﺔ ﺍﺧﺬ ﻧﻔﺲ ﻟﻠﺴﻜﻴﻨﺔ
ﺑﺲ ﻣﻊ ﺍﻻﺳﻒ ﺷﺎﺭﻓﺖ ﺍﻳﺎﻡ ﺍﻟﺤﺮﻳﺔ ﻋﻠﻰ ﺍﻻﻧﺘﻬﺎﺀ
ﻭﺑﺎﺟﺮ ﺍﻟﺤﻨﺔ ﻣﺎﻟﺘﻲ ﻭﻋﻜﺒﺔ ﺍﻟﻌﺮﺱ
ﻭﻫﺴﺔ ﺍﻧﻲ ﺑﻨﺺ ﺍﻟﻬﻮﺳﺔ
ﻭﺳﻠﻴﻤﺔ ﺍﻟﻲ ﺟﺎﻧﺖ ﻣﺜﻞ ﺍﻟﺒﻮﻣﺔ ﺗﺤﻮﻡ ﻓﺮﻙ ﺭﺍﺳﻲ ﺗﺰﻳﺪ ﻣﻦ ﻣﺨﺎﻭﻓﻲ
ﻭﺑﺎﺑﺎ ﻭﻻ ﻋﺒﺎﻟﻚ ﺑﻨﺘﻪ ﺭﺍﺡ ﺗﺘﺰﻭﺝ ﻭﻻ ﻛﻠﻒ ﻧﻔﺴﻪ ﻳﺴﺄﻟﻨﻲ ﺷﻨﻮ ﺍﺣﺘﺎﺝ
ﻭﺿﺤﻰ ﺍﻟﻴﻮﻡ ﺟﺎﺑﻬﺎ ﺳﻴﻒ ﻣﻦ ﺍﻟﺼﺒﺢ
ﺧﻄﻴﺔ ﺟﺎﻧﺖ ﻛﻠﺶ ﻣﺘﻐﻴﺮﺓ ﻭﺿﻌﻔﺎﻧﺔ ﻭﻭﺟﻬﺎ ﺍﺻﻔﺮ
ﻋﺒﺎﻟﻚ ﺻﺎﺭﻟﻨﺎ ﺳﻨﺔ ﻣﺎ ﺷﺎﻳﻔﻴﻬﺎ ﻣﻮ ﺍﺳﺒﻮﻉ ﻣﻦ ﺭﺟﻌﺖ
ﺭﺑﺎﺏ .. ﺍﻛﻮﻝ ﺳﺖ ﻫﺪﻯ ﻻﺗﻜﻌﺪﻳﻦ ﺗﺨﻠﺼﻴﻬﺎ ﻋﻠﻴﻨﺎ ﺻﻔﻨﺎﺕ ﻭﺩﺍﻋﺘﺞ ﺍﻭﻝ ﻭﺗﺎﻟﻲ ﻭﺭﺍﺝ
ﻓﺎﺣﺴﻨﻠﺞ ﺳﻠﻤﻲ ﺭﻭﺣﺞ ﺍﻟﻲ
ﺑﺎﻭﻋﺖ ﻟﺸﻴﻤﺎﺀ ﺍﺗﺮﺟﺎﻫﺎ
.. ﻋﻔﻴﺔ ﺷﻴﻤﺎﺀ ﻳﻌﻨﻲ ﺍﻻ ﺍﺳﻮﻱ ﺷﻴﻐﺔ ( ﺷﻴﺮﺓ ) ﻟﺠﺴﻤﻲ ﻭﺍﻟﻠﻪ ﺍﺗﺨﺒﻞ ﻣﻨﻬﺎ ﺍﺗﺄﺫﺓ
ﺷﻠﻮﻥ ﻳﺎﺭﺑﻲ ﻳﻌﻨﻲ ﻣﻨﻮ ﻛﺎﻝ ﺍﻟﺰﻭﺍﺝ ﺣﻠﻮ
ﺭﺑﺎﺏ .. ﺍﺣﺠﻲ ﻋﻦ ﻧﻔﺴﺞ ﻻ ﺗﺠﻤﻌﻴﻦ ﺍﻧﻲ ﻋﻨﻲ ﺍﻧﺘﻈﺮ ﺍﻟﻴﻮﻡ ﻗﺒﻞ ﺑﺎﺟﺮ ﺍﺗﺰﻭﺝ
ﺷﻴﻤﺎﺀ .. ﻳﺎﻟﻠﻪ ﻫﺪﻯ ﺑﻼ ﺩﻟﻊ ﺧﻠﻲ ﺭﺑﺎﺏ ﺗﻨﻀﻒ ﺟﺴﻤﺞ
ﺗﺮﺓ ﻭﺭﺍﻧﺎ ﻛﻮﻣﺔ ﺷﻐﻞ ﺣﺘﻰ ﻧﻮﺩﻱ ﺍﻟﺠﻨﻂ ﻟﺒﻴﺖ ﻗﺎﺳﻢ
ﻭﻧﺮﺗﺒﻬﻢ ﻭﻋﻤﻮ ﺍﻣﺠﺪ ﺍﺗﺼﻞ ﻋﻠﻴﺔ
ﺣﺘﻰ ﻳﺘﺄﻛﺪ ﻣﻦ ﻭﺟﻮﺩﻧﺎ ﺑﺎﻟﺒﻴﺖ
ﻛﺎﻝ ﺍﻧﺘﻈﺮﻭﻧﻲ ﻣﻮ ﺗﻄﻠﻌﻮﻥ ﺍﺭﻳﺪ ﺍﺣﺠﻲ ﻭﻳﺎﻛﻢ
ﺍﺳﺘﺴﻠﻤﺖ ﻟﻼﻣﺮ ﻭﻛﻌﺪ ﺟﻮﺓ ﺍﻳﺪ ﺭﺑﺎﺏ
ﻭﺻﺮﺕ ﺍﺗﺼﺎﺭﻉ ﻭﻳﺎﻫﺎ ﻟﺤﺪ ﻣﺎ ﺧﻠﺼﺘﻨﻲ
ﻛﻤﺖ ﻣﻦ ﺟﻮﺓ ﺍﻳﺪﻫﺎ ﻭﺑﺎﻭﻉ ﻟﺮﻭﺣﻲ ﺑﺎﻟﻤﺮﺍﻳﺔ
.. ﻋﺰﺯﺓ ﻭﺍﻟﻠﻪ ﺟﻨﻲ ﺩﺟﺎﺟﺔ ﻣﻨﺘﻔﻴﻦ ﺭﻳﺸﻬﺎ
ﺭﺑﺎﺏ .. ﻻ ﺧﻴﺔ ﺟﻨﺞ ﺑﺎﺟﺔ ﻣﺼﻠﻮﺧﺔ ﻫﻬﻬﻬﻬﻬﻪ
ﺿﺤﻰ ﺟﺎﻧﺖ ﺗﺼﻔﻂ ﻣﻼﺑﺴﻲ ﺑﺎﻟﺠﻨﻂ
ﻭﺗﺒﺎﻭﻉ ﻋﻠﻴﻨﺎ ﻭﺗﻀﺤﻚ
ﻭﺭﺓ ﺳﺎﻋﺘﻴﻦ ﺍﺟﺔ ﻋﻤﻮ ﺍﻣﺠﺪ ﺟﺎﻥ ﻣﺤﻤﻞ
ﻋﻼﻟﻴﻚ ﻭﻏﺮﺍﺽ
ﺳﻠﻴﻤﺔ ﺗﻔﺘﺢ ﺑﺎﻟﻌﻼﻟﻴﻚ
.. ﻳﺎﻳﻤﺔ ﺍﻣﺠﺪ ﺍﻟﻠﻪ ﻳﻔﺘﺤﻬﺎ ﺑﻮﺟﻬﻚ ﻟﻴﺶ ﻫﻴﺞ ﻣﻜﺎﻑ ﻧﻔﺴﻚ
ﺑﺲ ﻣﺎ ﻛﻠﺖ ﻫﺬﻭﻟﻲ ﺷﻨﻮ ﻭﺍﻟﻤﻦ
ﺍﻣﺠﺪ .. ﻳﻤﺔ ﻫﺬﻧﻲ ﺑﺪﻻﺕ ﻭﺷﻐﻼﺕ ﻟﻠﺒﻨﺎﺕ ﻋﻠﻤﻮﺩ ﺣﻠﻔﺔ ﺍﻟﺤﻨﺔ
ﻛﻠﺖ ﺍﺳﻮﻱ ﺑﺎﺟﺮ ﺣﻔﻠﺔ ﺣﻨﺔ ﺑﺴﻴﻄﺔ ﻟﻬﺪﻯ ﺑﺒﻴﺘﻲ
ﺣﺘﻰ ﺗﺎﺧﺬ ﺭﺍﺣﺘﻬﺎ ﻭﻳﺔ ﺻﺪﻳﻘﺎﺗﻬﺎ
ﺷﻴﻤﺎﺀ ﺑﻔﺮﺣﺔ ﻣﻤﺰﻭﺟﺔ ﺑﺎﻻﻣﺘﻨﺎﻥ
.. ﻭﺍﻟﻠﻪ ﻳﺎﻋﻤﻮ ﻟﺴﺎﻧﻲ ﻳﻌﺠﺰ ﻋﻦ ﺍﻟﺸﻜﺮ ﻣﺎ ﻧﻌﺮﻑ ﺷﻠﻮﻥ ﻧﺠﺎﺯﻳﻚ ﺍﻓﻀﺎﻟﻚ ﻣﻐﺮﻛﺘﻨﺎ
ﺍﻣﺠﺪ .. ﺷﻨﻮﺍﻟﺴﺎﻟﻔﺔ ﻋﻤﻮ ﺍﻧﺘﻮﺍ ﻣﺜﻞ ﺑﻨﺎﺗﻲ ﻭﻫﺬﺍ ﻭﺍﺟﺒﻲ
ﺳﻠﻴﻤﺔ ﺑﻌﺪﻣﺎ ﺷﺎﻓﺖ ﻛﻞ ﺍﻟﻐﺮﺍﺽ
ﻋﻔﺴﺖ ﻭﺟﻬﺎ ﻭﻛﺎﻟﺖ
.. ﻳﻤﺔ ﺷﻨﻮ ﺍﻟﺴﺎﻟﻔﺔ ﻫﺬﻧﻲ ﺍﻟﻐﺮﺍﺽ ﻛﻠﻬﻦ ﻟﻠﺒﻨﺎﺕ ﺍﺷﻮ ﺍﻧﺎ ﻣﺎﻟﻲ ﺍﻱ ﺍﺷﻲ ﺑﻴﻬﻦ
ﻟﻴﺶ ﻣﺎ ﺫﻛﺮﺗﻨﻲ ﺑﻔﺪ ﺩﺷﺪﺍﺷﺔ ﺗﻔﺮﺣﻨﻲ ﺑﻴﻬﺎ
ﻭﻟﻚ ﺍﻧﺎ ﻣﻮ ﺍﻣﻚ
.......
ﺍﻣﺠﺪ .. ﻋﺬﺭﻳﻨﻲ ﻭﺍﻟﻠﻪ ﻳﻤﺔ ﻧﺴﻴﺖ ﺗﻌﺮﻓﻴﻦ ﻫﻨﺔ ﻏﺮﺍﺽ
ﻫﻮﺍﻱ ﻭﻣﺎ ﻓﺮﻏﺖ ﺍﺷﺘﺮﻳﻠﺞ ﺷﻲ ﻭﻻ ﻳﻬﻤﺞ
ﺍﻭﻋﺪﺝ ﺑﺎﺟﺮ ﺍﺷﺘﺮﻳﻠﺞ ﺍﺣﻠﻰ ﺩﺷﺪﺍﺷﺔ
ﺍﻫﻢ ﺷﻲ ﻻ ﺗﺰﻋﻠﻴﻦ ﻋﻠﻴﻨﺎ
ﻃﻠﻌﻨﺎ ﺍﻟﻔﺴﺎﺗﻴﻦ ﻭﺍﻧﻲ ﺍﺗﺸﻜﺮﺕ ﻣﻦ ﻋﻤﻮ . ﻭﺍﻟﺘﻔﺘﺖ ﻋﺎﻟﺒﻨﺎﺕ ﺍﺣﺠﻲ ﻭﻳﺎﻫﻢ
.. ﻳﺎﺭﺑﻲ ﻭﺍﻟﻠﻪ ﻋﻤﻮ ﺍﻣﺠﺪ ﺍﺟﺔ ﺑﻮﻛﺘﻪ ﻣﺎ ﺗﺪﺭﻭﻥ ﺷﻠﻮﻥ ﺟﻨﺖ ﺷﺎﻳﻠﺔ ﻫﻢ ﻟﻠﺤﻨﺔ ﻭﺗﻜﺎﻟﻴﻔﻬﺎ ﻭﻭﻳﻦ ﺍﺳﻮﻳﻬﺎ
ﺧﺼﻮﺻﺎً ﻣﻦ ﻛﺎﻟﺖ ﻫﺎﻟﺔ ﺣﻀﺮﻱ ﺭﻭﺣﺞ ﺑﻠﻴﻠﺔ ﺍﻟﺤﻨﺔ
ﻧﺠﻲ ﺍﺣﻨﺔ ﻭﻗﺎﺳﻢ ﻧﺤﻨﻴﺞ
ﺟﻨﺖ ﺩﺍﻳﺨﺔ ﻭﻳﻦ ﺍﺧﻠﻴﻬﻢ ﻭﺍﻟﺒﻴﺖ ﺻﻐﻴﺮ
ﺑﺲ ﺭﺑﺞ ﻣﺎ ﻳﻨﺴﻰ ﻋﺒﺪﻩ
ﻃﻠﻌﻨﺎ ﺍﻟﻔﺴﺎﺗﻴﻦ ﻭﻛﻌﺪﻧﺎ ﻧﻠﺒﺲ ﺑﻴﻬﻢ
ﻭﻧﺴﺘﻌﺮﺽ
ﺿﺤﻰ .. ﻭﺍﻟﻠﻪ ﻋﻤﻮ ﺍﻣﺠﺪ ﻃﻠﻊ ﻣﻮ ﻫﻴﻦ ﻭﺫﻭﺍﻕ ﺷﻮﻓﻲ ﺍﻟﻔﺴﺎﺗﻴﻦ
ﺷﻠﻮﻥ ﺟﺎﻳﺎﺕ ﻓﻴﺖ ﺑﺎﻟﻘﻴﺎﺱ ﻭﻣﻮﺩﻳﻠﻬﻢ ﻛﻠﺶ ﺣﻠﻮ
ﺷﻴﻤﺎﺀ .. ﺍﻧﻲ ﻋﻨﻲ ﻫﺎﻱ ﺍﻟﺒﺪﻟﺔ ﻣﺎ ﺍﻟﺒﻴﻬﺎ ﺑﺎﻟﺤﻨﺔ ﺭﺍﺡ ﺍﺧﻠﻴﻬﺎ ﻟﻠﻌﺮﺱ ﻻﻥ ﺍﻟﻌﺮﺱ ﺑﺎﻟﻘﺎﻋﺔ ﻭﻧﺎﺳﻬﻢ ﻫﻮﺍﻱ ﻭﻭﺍﺻﻠﻴﻦ
ﺭﺑﺎﺏ .. ﺍﻱ ﻭﺍﻟﻠﻪ ﺻﺪﻙ ﻛﻼﻣﺞ ﻫﺎﻱ ﺍﻟﺒﺪﻟﺔ ﺭﺍﻗﻴﺔ ﺣﺮﺍﻣﺎﺕ ﺗﻀﻴﻌﻴﻬﺎ ﺑﺤﻔﻠﺔ ﺑﻴﺖ
ﻭﻛﻌﺪﻧﺎ ﻧﺘﻨﺎﻗﺶ ﻭﺗﺎﻟﻲ ﻋﺪﺓ ﺍﻟﻮﻗﺖ ﻭﺍﻟﺒﻨﺎﺕ ﺭﺍﺣﻮ
ﻳﺮﺗﺒﻮﻥ ﺍﻟﻤﻼﺑﺲ ﺑﺒﻴﺖ ﻗﺎﺳﻢ
ﻭﺍﻧﻲ ﻭﺻﺤﻰ ﺑﻘﻴﻨﺎ ﻫﻨﺎ ﺑﺎﻟﺒﻴﺖ
ﻭﺟﺎﻥ ﺿﺤﻰ ﺗﻔﺘﺢ ﻭﻳﺎﻱ ﺍﺻﻌﺐ ﻣﻮﺿﻮﻉ ﺑﺤﻴﺎﺗﻲ
ﺟﻨﺖ ﻛﻠﺶ ﻣﺤﺮﺟﺔ ﺍﺳﺄﻝ ﻋﻦ ﻫﻴﺞ ﻣﻮﺍﺿﻴﻊ
ﺿﺤﻰ .. ﻫﺪﻫﺪ ﺍﺩﺭﻱ ﺑﻴﺞ ﻣﺴﺘﺤﻴﺔ ﺗﺤﺠﻴﻦ ﺑﺲ ﻻﺯﻡ
ﺍﻧﻲ ﺍﻓﻬﻤﺞ ﻋﻠﻰ ﻟﻴﻠﺔ ﺍﻟﻌﺮﺱ
ﻭﺷﻨﻮ ﺍﻟﻤﻄﻠﻮﺏ ﻣﻨﺞ ﺗﺴﻮﻳﻦ ﺑﻬﻴﺞ ﻟﺤﻈﺔ
ﻭﺻﺎﺭﺕ ﺻﺤﻰ ﺗﺸﺮﺣﻠﻲ ﻋﻠﻰ ﻟﻴﻠﺔ ﺍﻟﻌﺮﺱ
ﻭﺍﻧﻲ ﻛﻞ ﺷﻮﻳﺔ ﺍﻛﻤﺰ ﻣﻦ ﻣﻜﺎﻧﻲ ﺍﺭﻳﺪ ﺍﻧﻬﺰﻡ ﻭﻫﻲ
ﺗﺮﺟﻊ ﺗﻠﺰﻣﻨﻲ ﻭﺗﻜﻌﺪﻧﻲ ﻳﻤﻬﺎ
.. ﻟﺞ ﻋﺰﺯﺯﺯﺯﺯﺓ ﺷﻨﻮ ﻫﺬﺍ ﺍﻟﺤﺠﻲ ﻭﺍﻟﻠﻪ ﻣﺎ ﺍﺗﺰﻭﺝ
ﺑﺎﻟﻠﻪ ﺷﻮ ﻋﻮﻓﻲ ﺍﻳﺪﻱ ﻣﺎ ﺍﺭﻳﺪ ﺍﺳﻤﻊ ﻻ ﺗﻜﻤﻠﻴﻦ
ﺿﺤﻰ ﺗﻀﺤﻚ .. ﻟﺞ ﺗﻌﺎﻟﻲ ﺑﻌﺪﻧﻲ ﻣﺎ ﻣﺨﻠﺼﺔ ﻛﻼﻣﻲ
ﺑﻌﺪﻧﺎ ﺑﺎﻟﺒﺪﺍﻳﺔ
ﻃﻔﺮﺕ ﻣﻦ ﻣﻜﺎﻧﻲ ﻣﺮﺕ ﺍﻟﻠﺦ
.. ﻋﺎﺍﺍﺍ ﻫﺎﻱ ﺍﻟﺒﺪﺍﻳﺔ ﻟﻌﺪ ﺍﻟﻨﻬﺎﻳﺔ ﺷﻨﻮ
ﺿﺤﻰ .. ﺍﻧﻲ ﺍﻛﻠﺞ ﺑﺎﻟﻨﻬﺎﻳﺔ ﺍﻧﺘﻲ ﺗﺼﻴﺮﻳﻦ ﺣﺒﺎﺑﺔ
ﻭﻣﻄﻴﻌﺔ ﻭﺗﺴﻤﻌﻴﻦ ﻛﻼﻡ ﻗﺎﺳﻢ
ﺷﻨﻮ ﻳﻜﻠﺞ ﺍﻧﺘﻲ ﻛﻮﻟﻲ ﺗﻢ ﺣﺘﻰ ﻣﺎ ﺗﺘﺄﺫﻳﻦ
ﺣﻄﻴﺖ ﺍﻳﺪﻳﺔ ﻋﻠﻰ ﺍﺫﺍﻧﺎﺗﻲ ﺭﺍﻓﻀﺔ ﺍﺳﻤﻌﻬﺎ
.. ﻻ ﺿﺤﻰ ﻋﻔﻴﺔ ﻛﺎﻓﻲ ﻭﺍﻟﻠﻪ ﻟﻮ ﺑﺎﻗﻴﺔ ﻋﻠﻰ ﻋﻤﻰ ﻭﺟﻬﻲ ﺍﺣﺴﻨﻠﻲ
ﻟﻜﻦ ﺿﺤﻰ ﺑﻘﺖ ﻣﺼﻤﻤﺔ ﺍﻥ ﺗﻔﻬﻤﻨﻲ ﻋﻠﻰ ﻫﺬﺍ ﺍﻟﻴﻮﻡ
ﻻﺧﺮ ﻓﻘﺮﺓ
ﻣﻨﺎ ﻋﻠﻰ ﻣﺎ ﺧﻠﺼﺖ ﺍﻧﺎ ﺟﻨﺖ ﺷﺒﻪ ﻫﺪﻯ
ﺣﺴﻴﺖ ﺑﺄﻱ ﻟﺤﻈﺔ ﺍﺗﺨﺮﺑﻂ ﺍﻭﻛﻊ ﻣﻦ ﺍﻟﺨﻮﻑ
ﺍﻧﻲ ﻣﻮ ﺟﺎﻫﻠﺔ ﻭﻋﻨﺪﻱ ﻣﻌﻠﻮﻣﺎﺕ ﻋﻦ ﻫﺎﻱ ﺍﻟﻤﻮﺍﺿﻴﻊ
ﺑﺲ ﻛﻼﻡ ﺿﺤﻰ ﻋﻦ ﻫﺬﺍ ﺍﻟﺸﻲ ﺯﻳﺪ ﻣﺨﺎﻭﻓﻲ
ﻃﺒﻌﺎ ﻣﻦ ﻧﺎﺣﻴﺔ ﺍﻟﺘﻘﺎﻟﻴﺪ ﻭﺷﻨﻮ ﺍﻟﻤﻔﺮﻭﺽ ﻳﺼﻴﺮ
ﺟﺎﻥ ﺍﻟﺨﻮﻑ ﻣﺎﺧﺬ ﻛﻞ ﻓﻜﺮﻱ ﻟﺪﺭﺟﺔ ﻣﺎ ﻛﺪﺭﺕ ﺍﻧﺎﻡ ﻭﻇﻠﻴﺖ ﺑﺲ ﺍﺗﻜﻠﺐ ﻭﺑﻠﻴﻠﺘﻬﺎ ﻛﻤﺖ ﻣﻦ ﺍﻟﻔﺮﺍﺵ
ﺭﺣﺖ ﺍﺗﻮﺿﻴﺖ ﻭﺻﻠﻴﺖ
ﻭﺍﻧﺪﻋﻴﺖ ﺭﺑﻲ ﻳﻴﺴﺮﻟﻲ ﺍﻣﻮﺭﻱ
.............................................................
ﻣﻨﺎﺟﺎﺓ ﻫﺪﻯ ﻓﻲ ﺟﻮﻑ ﺍﻟﻠﻴﻞ
ﺍﻟﻬﻲ ﻣﻮﻻﻱ
ﻓﻲ ﺩﺟﻰ ﺍﻟﻠﻴﻞ ﻭﺍﻟﻨﺎﺱ ﻧﻴﺎﻡ ﻭﺍﻧﺖ ﺣﻲ ﻗﻴﻮﻡ ﻻﺗﺎﺧﺬﻙ ﺳﻨﺔ ﻭﻻﻧﻮﻡ
ﻳﺎ ﺍﻟﻪ ﺍﻟﻜﻮﻥ ﻳﺎﺭﺏ ﺍﻻﻧﺎﻡ ﻗﺪ ﻭﻛﻠﺖ ﺍﻟﻴﻚ ﺍﻣﺮﻱ ﻭﺍﻧﺖ ﺣﺴﺒﻲ
ﻛﻠﻤﺎ ﺿﺎﻗﺖ ﺑﻲ ﻧﻔﺴﻲ .. ﻭﺍﺳﺘﺒﺪ ﺍﻟﺨﻮﻑ ﺑﻘﻠﺒﻲ ﻛﺄﻧﻪ ﻳﺤﻤﻞ ﺛﻘﻼً ﻭﺣﺠﺮﺍ ﻛﺒﻴﺮﺍ
ﻭﻟﻔﻨﻲ ﻟﻴﻠﻲ ﻭﺣﺰﻧﻲ .. ﺍﺟﺪ ﺑﺎﺑﻚ ﻳﻔﻴﺾ ﺭﺣﻤﺔً، ﻭﻧﻮﺭﺍً ﻋﻨﺪﻩ ﺍﺳﺘﻜﻴﻦ
ﻋﻠﻰ ﺍﻋﺘﺎﺑﻪ ﺍﺟﻠﺲ ﺍﺫﺭﻑ ﺩﻣﻌﻲ ﻓﺎﺟﺪ ﺍﻟﺴﻜﻴﻨﺔ ﻗﺪ ﺣﻠﺖ ﻓﻲ ﺭﻭﺣﻲ
ﺍﻟﻬﻲ ﺍﻧﺖ ﺍﻋﻠﻢ ﺑﺤﺎﻟﻲ ﻣﻨﻲ
ﻓﻲ ﻗﻠﺒﻲ ﻳﻘﻴﻦ ﺍﻧﻚ ﺗﺮﺍﻧﻲ ﻭﺗﺴﻤﻊ ﻛﻼﻣﻲ ﻭﺩﻋﺎﺋﻲ
ﻭﺍﻧﺖ ﺍﻟﻌﺎﻟﻢ ﻣﺎﻓﻲ ﺍﻟﺴﺮﺍﺋﺮ ﺗﻌﻠﻢ ﻣﺎﻓﻲ ﻧﻔﺴﻲ ﻣﻦ ﺧﻮﻑ ﻭﺣﻴﺮﺓ
ﺧﺎﺋﻔﺔ ﻣﻮﻻﻱ ﻭﺑﻚ ﺍﺳﺘﺠﻴﺮ ﻣﻦ ﺧﻮﻓﻲ
ﺍﺗﻤﻢ ﻋﻠﻲ ﻧﻌﻤﺘﻚ ﻣﻮﻻﻱ ﻭﺍﻏﻤﺮﻧﻲ ﺑﺮﺣﻤﺔ ﻣﻨﻚ ﻭﺍﺳﻨﺮﻧﻲ ﺑﺴﺘﺮﻙ ﻳﺎﺭﺏ
......
ﻳﺎﺭﺏ ﻳﺎﻣﻨﻘﺬﻱ ﺣﻴﻦ ﺍﺫﻛﺮﻙ ﻣﻦ ﻛﻞ ﺍﻟﺸﺪﺍﺋﺪ
ﻳﺎ ﺍﻟﻠﻪ ﻳﺎ ﻣﺎﻟﻚ ﺍﻟﻤﻠﻚ ﻳﺎﺭﺏ ﻳﺎ ﺻﻤﺪ ﻳﺎﻭﺍﺣﺪ
ﻋﻠﻴﻚ ﺗﻮﻛﻠﺖ ﻣﻮﻻﻱ ﻧﻌﻢ ﺍﻟﻤﻌﻴﻦ ﺍﻟﻤﺴﺎﻋﺪ
ﻫﻮﻥ ﻳﺎ ﻣﻬﻮﻥ ﻣﺎ ﺍﻋﺎﻧﻲ ﻣﻦ ﺧﻮﻑ ﻭﺍﻛﺎﺑﺪ
ﺍﻧﺖ ﺍﻟﻌﺎﻟﻢ ﺑﺤﺎﻟﻲ ﻳﺎﻟﻠﻪ ﻭﻋﻠﻰ ﻫﻤﻲ ﺷﺎﻫﺪ
ﺟﺌﺖ ﺑﺎﺑﻚ ﻗﺎﺻﺪﺓ ﻳﺎﻣﻦ ﺍﻟﻴﻚ ﺍﻻﻣﺮ ﻋﺎﺋﺪ
ﺍﺳﺘﺮﻧﻲ ﺑﺴﺘﺮﻙ ﻭﺍﻣﻨﻊ ﻋﻨﻲ ﻛﻴﺪ ﻛﻞ ﻛﺎﺋﺪ
ﺑﻘﻠﻢ ﻫﺪﻯ ﺳﻌﺪ Hoda#
.........................................................
ﻳﻮﻡ ﺛﺎﻧﻲ
ﻫﻮ ﻳﻮﻡ ﺍﻟﺤﻨﺔ ﺧﻠﺺ ﻣﺎ ﺑﻴﻦ ﺭﻛﺾ ﻭﺻﺎﻟﻮﻥ
ﺑﺤﻴﺚ ﻣﺎ ﻓﺮﻏﺖ ﺍﺣﻚ ﺭﺍﺳﻲ
ﻟﻠﻌﺼﺮ ﺭﺟﻌﺖ ﻣﻦ ﺍﻟﺼﺎﻟﻮﻥ ﺟﻨﺖ ﻻﺑﺴﺔ ﺑﺪﻟﺔ . ﻗﺼﻴﺮﺓ
ﻗﺎﻟﺐ ﻣﻔﺼﻠﺔ ﻋﺎﻟﺠﺴﻢ ﻭﺟﺎﻧﺖ ﺩﻟﻌﺔ ﺍﻟﺼﺪﺭ
ﺗﺒﺪﻱ ﻣﻦ ﺍﻻﻛﺘﺎﻑ ﺟﺎﻧﺖ ﻛﻠﺶ ﺣﻠﻮﺓ ﻋﻠﻴﺔ
ﻭﺑﻠﺸﺖ ﺍﻟﺤﻔﻠﺔ ﺑﺒﻴﺖ ﻋﻤﻮ ﺍﻣﺠﺪ ﻭﻋﺰﻣﺖ ﻛﻞ ﺻﺪﻳﻘﺎﺗﻲ ﻭﺷﻴﻤﺎﺀ ﻭﺿﺤﻰ ﻭﻣﺮﻳﻢ ﺧﻄﻴﺔ ﺍﺗﻮﻟﻮ ﻣﻬﻤﺔ ﺍﻟﺘﻘﺪﻳﻢ ﻭﺍﻟﻤﻌﺎﺯﻳﻢ
ﺟﺎﻧﺖ ﺣﻔﻠﺔ ﻛﻠﺶ ﺣﻠﻮﺓ ﺷﻜﺪ ﺟﻨﺖ ﺧﺎﻳﻔﺔ
ﺑﺲ ﺍﺷﻮ ﺍﻧﻲ ﺳﻤﻌﺖ ﺻﻮﺕ ﺍﻟﺪﻳﺠﻲ ﻭﺷﻐﻠﻮ ﺍﻏﻨﻴﺔ ﻭﺍﻧﻲ
ﻧﺴﻴﺖ ﻧﻔﺴﻲ ﻭﺍﻧﻄﻠﻘﺖ ﺑﺎﻟﺮﻛﺺ ﻭﻳﺔ ﺻﺪﻳﻘﺎﺗﻲ
ﻭﻛﻠﻬﻦ ﻋﻠﻰ ﻓﺪ ﻛﻠﻤﺔ ﺍﻟﻠﻪ ﻳﺴﺎﻋﺪ ﻛﻠﺒﻚ ﻳﺎ ﻗﺎﺳﻢ
ﻫﻬﻬﻬﻪ ﻣﺎ ﻳﺪﺭﻭﻥ ﺑﻘﺎﺳﻢ ﺍﺧﺮ ﻣﺎ ﻳﻔﻜﺮ ﺑﻴﻪ ﻫﻮ ﻫﺪﻯ
( ﺧﻠﻬﺎ ﺳﻜﺘﺔ ﻳﺎﻟﻔﺘﺔ )
ﺷﻴﻤﺎﺀ ﺗﺒﺎﻭﻉ ﻋﻠﻴﺔ ﻭﺗﺨﺰﺭﻧﻲ ﻭﻛﻞ ﺷﻮﻳﺔ ﺗﺠﻲ ﻋﻠﻴﺔ
ﻭﺗﺤﺠﻲ ﺑﺼﻮﺕ ﻧﺎﺻﻲ
.. ﻫﺪﻯ ﻋﻴﺐ ﻛﻌﺪﻱ ﻫﺴﺔ ﺷﻴﻜﻮﻟﻮﻥ ﻋﻠﻴﺞ
.. ﺑﻌﺪ ﺷﻴﻜﻮﻟﻮﻥ ﻋﻠﻴﺔ ﻋﻐﻮﺱ ﻭﻓﻐﺤﺎﻧﺔ ﺑﺎﺟﻎ ﻋﻐﺴﻬﺎ ( ﻋﺮﻭﺱ ﻭﻓﺮﺣﺎﻧﻪ ﺑﺎﺟﺮ ﻋﺮﺳﻬﺎ )
ﻳﻌﻨﻲ ﺑﺬﻣﺘﺞ ﺍﻧﺎ ﻣﻮ ﺍﻭﻟﻰ ﻣﻦ ﺍﻟﻐﻐﻴﺐ ﺍﻏﻜﺺ ﺑﻌﻐﺴﻲ ( ﺍﻟﻐﺮﻳﺐ ﺍﺭﻛﺺ ﺑﻌﺮﺳﻲ )
ﺷﻴﻤﺎﺀ .. ﻭﺍﻟﻠﻪ ﺍﻧﺘﻲ ﻣﺨﺒﻠﺔ ﻭﺭﺍﺡ ﺗﻄﻠﻌﻴﻦ ﻛﺮﻭﻥ ﻟﻘﺎﺳﻢ
.. ﻫﻲ ﻫﺎﻱ ﺍﻟﻌﺎﻳﺰﺓ ﻳﻄﻠﻌﻮﻥ ﻛﻐﻮﻥ ( ﻛﺮﻭﻥ ) ﻟﻘﺎﺳﻢ ﺣﺘﻰ ﻳﻨﻄﺤﻨﻲ ﺑﻴﻬﺎ ﻣﺜﻞ ﺍﻟﺜﻮﻍ ( ﺍﻟﺜﻮﺭ )
ﺷﻴﻤﺎﺀ ﻛﻮﺓ ﻻﺯﻣﺔ ﻧﻔﺴﻬﺎ ﻻﺗﻀﺤﻚ
ﻭﻟﻠﻴﻞ ﻭﺟﺎﻥ ﺍﻡ ﻗﺎﺳﻢ ﺗﺘﺼﻞ ﻋﻠﻰ ﺷﻴﻤﺎﺀ ﻭﻛﺎﻟﺖ ﺭﺍﺡ ﻧﺠﻲ
ﻧﺤﻨﻲ ﺍﻟﻌﺮﻭﺳﺔ
ﻫﻮ ﺍﻧﻲ ﺳﻤﻌﺖ ﺑﻴﻬﻢ ﺭﺍﺡ ﻳﺠﻮﻥ
ﻭﺟﺎﻥ ﺗﺘﺒﺨﺮ ﻭﺗﺨﺘﻔﻲ ﺿﺤﻜﺘﻲ
ﻭﺣﻠﺖ ﻣﺤﻠﻬﺎ ﺍﻟﺨﻮﻑ ﻭﺍﻟﻘﻠﻖ ﻭﺍﻟﺘﻮﺗﺮ
ﺭﺑﺎﺏ .. ﻫﻬﻬﻬﻬﻬﻪ ﻫﺎ ﻫﺪﻯ ﺍﺷﻮ ﺻﺮﺗﻲ ﻓﻘﻴﺮﺓ
ﻫﺴﺔ ﺍﻟﻲ ﻳﺸﻮﻑ ﻭﺟﻬﺞ ﻣﺎ ﻳﺼﺪﻙ ﺟﻨﺘﻲ ﻗﺒﻞ ﺷﻮﻳﺔ
ﺗﻜﻤﺰﻳﻦ ﺑﻨﺺ ﺍﻟﺼﺎﻟﺔ ﺟﻨﺞ ﺟﻨﻲ
ﺟﺎﻧﺖ ﺗﺤﺠﻲ ﻭﻓﺠﺎﺀﺓ ﺳﻤﻌﻨﺎ ﺍﺻﻮﺍﺕ ﺍﻟﻬﻼﻫﻞ
ﻭﺍﺻﻮﺍﺕ ﺍﻟﺮﻳﺎﺟﻴﻞ ﻭﺍﻟﺸﺒﺎﺏ ﻭﺍﻟﻬﻮﺳﺎﺕ
ﺩﺧﻠﺖ ﺍﻡ ﻗﺎﺳﻢ ﻭﺍﻟﺒﻨﺎﺕ
ﻭﺑﻌﺪﻫﻢ ﺩﺧﻞ ﻗﺎﺳﻢ ﺟﺎﻥ ﻻﺑﺲ ﺩﺷﺪﺍﺷﺔ ﺑﻴﻀﺔ
ﻓﺎﺕ ﻣﻦ ﺍﻟﺒﺎﺏ ﺍﺣﺲ ﺍﻟﺒﺎﺏ ﻣﺎﻟﺘﻨﻨﺔ ﺻﺎﺭ ﺻﻐﻴﺮ
ﻣﺪﺭﻱ ﻃﻮﻝ ﻗﺎﺳﻢ ﺻﻐﺮ ﺍﻟﺒﺎﺏ ﺑﻌﻴﻨﻲ
ﺍﺑﺎﻭﻉ ﻟﻌﻴﻮﻥ ﺻﺪﻳﻘﺎﺗﻲ ﺷﻠﻮﻥ ﻓﺼﻠﻮﺍ ﺍﻟﺮﺟﺎﻝ ﺗﻔﺼﺎﻝ
ﻫﻬﻬﻬﻬﻪ ﻭﻛﻞ ﻭﺣﺪﺓ ﺗﺘﻤﻨﻰ ﺗﺼﻴﺮ ﺑﻤﻜﺎﻧﻲ
ﻭﺍﻟﻠﻪ ﻟﻮ ﻳﻌﺮﻓﻮﻥ ﺍﻧﻲ ﺍﺗﻤﻨﻰ ﻣﻜﺎﻧﻬﻢ ﺟﺎﻥ ﻛﺎﻟﻮﺍ ﻋﻠﻴﺔ
ﻣﺨﺒﻠﺔ ﺑﺲ ﺍﻟﻴﺪﺭﻱ ﻳﺪﺭﻱ ﻭﺍﻟﻤﺎ ﻳﺪﺭﻱ
ﻋﻮﺩ ﻛﻮﻟﻮﻟﺔ ........
ﺍﻧﺘﺒﻬﺖ ﻋﻠﻰ ﻗﺎﺳﻢ ﺑﺎﻭﻉ ﻋﻠﻴﺔ ﻭﺧﺰﺭﻧﻲ
ﻛﻌﺪ ﻳﻤﻲ ﻭﺳﻠﻢ ﻋﻠﻴﺔ ﻭﺑﺎﺭﻛﻠﻲ
ﻋﺒﺎﻟﻚ ﻭﺍﺣﺪ ﺣﺎﻓﻆ ﻫﺎﻱ ﺍﻟﻜﻠﻤﺘﻴﻦ ﺣﺘﻰ ﻳﻜﻮﻟﻬﻦ ﺍﻟﻲ
ﺍﺟﺘﻲ ﻫﺎﻟﺔ .. ﻫﺎ ﻭﻟﺞ ﻫﺪﻯ ﺍﻟﺒﻨﺎﺕ ﻳﻜﻮﻟﻦ ﻫﺪﻯ ﺫﺑﺖ ﻟﺤﻢ
ﺑﺎﻟﺮﻛﺺ ﻋﻮﺑﺔ ﻏﻴﺮ ﺗﻨﺘﻈﺮﻳﻨﻲ
ﻳﻤﺔ ﻫﻲ ﻛﺎﻟﺖ ﻫﻴﺞ ﻭﺟﺎﻥ ﻗﺎﺳﻢ ﺑﺎﻭﻉ ﻋﻠﻴﺔ
ﻭﻫﻤﺲ ﻳﻢ ﺍﺫﻧﻲ ﻳﺘﻮﻋﺪ
ﻫﻮ ﻏﻴﺮ ﺍﺟﺔ ﻛﻠﺒﻲ ﻳﻮﻛﻒ ﻣﻦ ﻫﻤﺲ ﻳﻢ ﺍﺫﻧﻲ
.....
ﻛﺎﻝ .. ﻭﺭﻭﺡ ﺍﺑﻮﻱ ﺍﺫﺍ ﻣﺮﺓ ﺛﺎﻧﻴﺔ ﺍﺳﻤﻊ ﺑﻴﺞ ﺭﺍﻛﺼﺔ ﻛﺪﺍﻡ ﻭﺣﺪﺓ ﺷﺎﻳﻔﺔ ﻫﺎﻱ ﺭﺟﻠﻴﺞ ﺍﻟﻌﺎﺭﺿﺘﻬﻢ ﺍﻻ ﺍﻛﺴﺮﻫﻢ
ﺍﻟﺞ ﻭﺍﺧﻠﻴﺞ ﺗﺒﻄﻠﻴﻦ ﺭﻛﺺ
ﺟﺎﻥ ﻳﺤﺠﻲ ﻭﻳﺒﺎﻭﻉ ﻋﺎﻟﺴﻴﻘﺎﻥ
ﻋﻔﺴﺖ ﺍﻟﻮﺟﻪ ﻭﺟﺎﻭﺑﺘﻪ
.. ﻫﺬﺍ ﻫﻮ ﺻﺎﻍ ﺑﻌﺪ ﻣﺎ ﺍﻏﻜﺺ
( ﻫﺬﺍ ﻫﻮ ﺻﺎﺭ ﺑﻌﺪ ﻣﺎ ﺍﺭﻛﺺ )
ﺭﺟﻊ ﻋﺪﻝ ﻛﻌﺪﺗﻪ ﻭﻳﻮﺯﻉ ﺍﺑﺘﺴﺎﻣﺎﺕ
ﻣﺒﻴﻦ ﻋﻠﻴﻪ ﺩﻳﺠﺎﻣﻞ
ﻭﺭﺟﻊ ﺑﺎﻭﻉ ﻋﻠﻴﺔ ﻳﺘﻔﺤﺺ ﺷﻜﻠﻲ ﻭﺟﺴﻤﻲ
ﻣﺎ ﺍﻋﺮﻑ ﻟﻴﺶ ﻫﻮﻣﻦ ﻳﺒﺎﻭﻉ ﻋﻠﻴﺔ ﺍﻧﻲ ﺑﻄﻨﻲ ﺗﻨﻤﻐﺺ
ﻭﺍﻛﻌﺪ ﺍﺗﺮﻗﺐ ﻫﺠﻮﻡ ﻫﺮﻗﻞ ﺑﺄﻱ ﻟﺤﻈﺔ
ﻭﺍﺟﺘﻲ ﺍﻣﻪ ﺷﺎﻳﻠﺔ ﻃﺎﺳﺖ ﺣﻨﺔ
ﻭﺣﻄﻴﻨﺎ ﺍﻟﺤﻨﺎ
ﺷﻮﻳﺔ ﻭﺳﻤﻌﺖ ﻧﻘﺎﻟﻪ ﺩﻙ ﻭﺭﺩ ﻋﺎﻟﻤﺘﺼﻞ
ﺟﺎﻥ ﻳﺤﺠﻲ ﻭﻳﻌﺘﺐ ﻟﻔﺖ ﺍﻧﺘﺒﺎﻫﻲ
ﺍﺳﻢ ﺭﺍﺋﺪ ﺍﺟﺔ ﻛﻠﺒﻲ ﻳﻄﻠﻊ ﻣﻦ ﻣﻜﺎﻧﻪ
ﺍﺳﻤﻌﻪ ﻳﻜﻠﻪ
.. ﺭﺍﺋﺪ ﺍﻟﻴﻮﻡ ﺑﺎﻟﺤﻨﺔ ﻣﻜﺎﻧﻚ ﺧﺎﻟﻲ ﻳﺎﻟﻀﻠﻊ
ﻭﺭﺓ ﻓﺘﺮﺓ ﺧﻠﺺ ﺍﻟﻤﻜﺎﻟﻤﺔ
ﺑﺎﻭﻉ ﻋﻠﻴﺔ ﻭﻋﻴﻮﻧﻪ ﺗﻠﻤﻊ
.. ﻫﺪﻯ ﻟﻮ ﺍﻛﻠﺞ ﻣﻨﻮ ﺟﺎﻥ ﻳﺤﺠﻲ ﻭﻳﺎﻱ ﺭﺍﺡ ﺗﺘﻔﺎﺟﺌﻴﻦ
ﻫﻮ ﻳﺤﺠﻲ ﻭﺍﻧﻲ ﻛﻠﺒﻲ ﻳﻨﻘﺒﺾ ﻭﻳﺔ ﻛﻞ ﻛﻠﻤﺔ ﻳﻨﻄﻘﻬﺎ
.. ﺗﺘﺬﻛﺮﻳﻦ ﺭﺍﺋﺪ ﺍﺑﻦ ﺍﻟﻤﺨﺘﺎﺭ ﺍﻟﻲ ﺟﺎﻧﻮﺍ ﺟﻮﺍﺭﻳﻨﻜﻢ ﺑﺒﻴﺘﻜﻢ ﺍﻟﻘﺪﻳﻢ
ﻫﺰﻳﺖ ﺭﺍﺳﻲ ﺑﻴﺄﺱ ﻭﺍﻟﻌﺒﺮﺓ ﺧﺎﻧﻜﺘﻨﻲ
.. ﺍﻱ ﺍﺗﺬﻛﻐﻪ ﺷﺒﻲ
.. ﺍﻧﺎ ﻣﺘﺄﻛﺪ ﺍﺫﺍ ﺷﺎﻓﺞ ﻭﺍﻟﻠﻪ ﺭﺍﺡ ﻳﺨﺮﺏ ﻣﻦ ﺍﻟﻀﺤﻚ ﻣﻦ ﻳﺘﺬﻛﺮ ﺷﻠﻮﻥ ﺟﻨﺎ ﻧﺼﻨﻒ ﻋﻠﻴﺞ
ﻭﺍﻡ ﻗﺎﺳﻢ ﺟﺎﻧﺖ ﻛﺎﻋﺪﺓ ﻳﻤﻨﺔ ﻭﺗﺴﻤﻊ
ﻛﺎﻟﺖ .. ﻛﻮﻟﻪ ﺍﻣﻲ ﺯﻋﻼﻧﺔ ﻋﻠﻴﻚ ﻟﻴﺶ ﻣﺎ ﺍﺟﺔ ﻟﻠﺤﻨﺔ ﻋﻮﺩ ﻫﺬﺍ ﺍﻧﺖ ﺻﺪﻳﻖ ﺍﻟﻌﻤﺮ ﺷﻠﻮﻥ ﻣﺎ ﺗﺤﻀﺮ ﺑﻬﺬﺍ ﺍﻟﻴﻮﻡ
ﻗﺎﺳﻢ .. ﻻ ﺣﺠﻴﺔ ﺭﺍﺋﺪ ﻣﻌﺬﻭﺭ ﺧﻄﻴﺔ ﻫﻮ ﻣﺴﺎﻓﺮ ﺑﺲ ﻛﺎﻝ ﻃﻴﺎﺭﺗﻲ ﺑﺎﺟﺮ ﺑﺲ ﺍﻭﺻﻞ ﻛﺒﻞ ﺗﻠﻜﺎﻧﻲ ﻛﺪﺍﻣﻚ
ﺑﻌﺪ ﺍﻟﺴﻤﻌﺘﻪ ﻣﺎ ﺍﻋﺮﻑ ﺷﻠﻮﻥ ﺧﻠﺼﺖ ﺍﻟﺤﻨﺔ
ﺑﺲ ﻛﻞ ﺍﻟﻲ ﺍﻋﺮﻓﻪ ﺍﻧﻲ ﺩﺍ ﺍﺻﺎﺭﻉ ﻋﻠﻤﻮﺩ ﺍﺑﻘﻰ ﻣﺘﻤﺎﺳﻜﺔ ﻭﻣﺎ ﺍﻧﻬﺎﺭ
ﻫﺎﻟﺔ
ﺍﻟﻴﻮﻡ ﺑﻴﺘﻨﺎ ﺧﺒﺼﺔ ﺍﻟﻴﻮﻡ ﺍﻟﻌﺮﺱ ﻭﺧﻮﺍﺗﻲ ﺗﺮﻛﻮﺍ ﺟﻬﺎﻟﻬﻢ ﻫﻨﺎ ﻭﺭﺍﺣﻮ ﻟﻠﺼﺎﻟﻮﻥ
ﻭﺍﻣﻲ ﻣﻜﻌﺪﺗﻨﺎ
ﺍﻟﻴﻮﻡ ﻣﻦ ﺍﻟﺼﺒﺢ ﻣﺪﺧﻠﺘﻨﺎ ﺑﺎﻻﻧﺬﺍﺭ
ﻭﺧﻄﻴﺔ ﺍﻡ ﻓﺮﺯﺩﻕ ﺍﺟﺘﻲ ﻣﻦ ﻭﻛﺖ ﺣﺘﻰ ﺗﺴﺎﻋﺪ ﺍﻣﻲ
ﻭﻛﻢ ﻭﺣﺪﺓ ﻣﻦ ﺍﻟﺠﺎﺭﺍﺕ ﺍﺟﻮﻱ ﻫﻤﺎﺗﻴﻦ
ﺍﺣﻨﺎ ﻣﺘﻌﻮﺩﻳﻦ ﺑﻜﻞ ﺍﻟﻤﻨﺎﺳﺒﺎﺕ ﺍﻟﺠﻮﺍﺭﻳﻦ ﻳﺴﺎﻋﺪﻭﻧﺎ
ﻭﺍﻣﻲ ﻭﻣﺎ ﺍﺩﺭﺍﻙ ﻣﺎ ﺍﻣﻲ
ﺍﻟﻴﻮﻡ ﻋﺮﺱ ﺍﻟﻐﺎﻟﻲ ﻭﺍﻟﺪﻧﻴﺎ ﻣﺎ ﺳﺎﻳﻌﺘﻬﺎ ﻣﻦ ﺍﻟﻔﺮﺣﺔ
ﺩﺧﻞ ﻫﺸﺎﻡ ﻟﻠﻤﻄﺒﺦ ﺟﺎﻥ ﻻﺑﺲ ﺩﺷﺪﺍﺷﺔ ﻟﻮﻧﻬﺎ ﺍﺑﻴﺾ
ﻣﺸﻨﻒ ﺭﺩﺍﻧﻬﺎ
ﻫﺸﺎﻡ .. ﻳﻤﺔ ﺭﺣﻤﺔ ﻋﻠﻰ ﻭﺍﻟﺪﻳﺞ ﺍﻧﻄﻴﻨﻲ ﺍﻟﺠﺪﻭﺭﺓ ﺫﺑﺤﻮﺍ
ﺍﻟﺨﺮﻓﺎﻥ ﻭﻳﺤﺘﺎﺟﻮﻥ ﺟﺪﺭ ﺟﺒﻴﺮ
ﺑﺎﻭﻋﺖ ﻋﻠﻴﻪ ﺟﺎﻥ ﺷﻌﺮﻩ ﻣﻬﻮﺱ
ﺍﻡ ﻗﺎﺳﻢ .. ﻳﻤﺔ ﻫﺸﺎﻡ ﻋﻠﻰ ﻛﻴﻔﻚ ﻻ ﺗﺄﺫﻱ ﺭﺟﻠﻚ ﺗﺮﺓ ﺟﺮﺣﻚ ﺑﻌﺪﻩ ﻣﺎ ﺑﺮﺓ
ﺧﻠﻲ ﺍﻟﻮﻟﺪ ﻫﻤﺔ ﻳﺸﻴﻠﻮﻥ ﺍﻟﺠﺪﻭﺭﺓ
ﻫﺸﺎﻡ .. ﺷﻨﻮ ﺍﻟﺴﺎﻟﻔﺔ ﻳﻤﺔ ﺗﺮﺓ ﻫﻮ ﻛﻠﻪ ﺧﻠﻚ ﺟﺮﺡ
ﻭﺍﻧﺎ ﺍﻟﻜﺪﺍﻣﺞ ﺭﺟﺎﻝ ﻃﻮﻝ ﺑﻌﺮﺽ ﻣﻮ ﺑﺰﺭ ﻧﺴﺘﻠﺔ ﻭﺧﺎﻳﻔﺔ ﻋﻠﻴﻪ
ﻫﺎﻟﺔ .. ﻳﻤﺔ ﺍﺷﻮ ﻣﻦ ﻛﻌﺪﺗﻴﻨﻲ ﺍﻟﺼﺒﺢ ﻭﻛﺮﺑﺘﻴﻨﻲ ﺑﺎﻟﺒﻴﺖ ﻣﺎ ﻛﻠﺘﻲ ﻫﺎﻱ ﺑﻨﺘﻲ ﺧﻄﻴﺔ
ﺭﺍﺡ ﻳﻨﻜﺴﺮ ﻇﻬﺮﻫﺎ ﺑﺎﻟﺸﻐﻞ
ﻟﻮ ﻫﺬﺍ ﺍﺑﻨﺞ ﻭﺍﻧﺎ ﺑﻨﺖ ﺍﻟﺒﻄﺔ ﺍﻟﺴﻮﺩﺓ
ﻫﺸﺎﻡ .. ﻗﻞ ﺍﻋﻮﺫ ﺑﺮﺏ ﺍﻟﻔﻠﻖ
ﺍﺷﺘﻐﻠﺖ ﻫﺎﻟﺔ ﻭﻏﻴﺮﺗﻬﺎ
ﺭﺍﺡ ﻳﻢ ﺍﻣﻲ ﻭﺍﺧﺬﻫﺎ ﻟﺤﻀﻨﻪ ﻭﺑﺎﺳﻬﺎ ﻣﻦ ﺭﺍﺳﻬﺎ ﻭﻫﻮ ﺍﻟﻠﻪ ﻳﺤﻔﻈﻪ ﻃﻮﻳﻞ ﺑﺤﻴﺚ ﺍﻣﻲ ﺿﺎﻋﺖ ﺑﺤﻀﻨﻪ
......
ﺍﻡ ﻗﺎﺳﻢ .. ﻳﻤﺔ ﻫﺸﻮﻣﻲ
ﻭﺩﺍﻋﺘﻲ ﻋﻠﻴﻚ ﻻ ﺗﻌﺐ ﻧﻔﺴﻚ ﻭﻻﺗﺨﻠﻲ ﺑﺎﻟﻲ ﻳﻤﻚ
ﻫﺸﺎﻡ .. ﻻ ﻳﻤﺔ ﻋﺬﺭﻳﻨﻲ ﺍﻟﻴﻮﻡ ﺣﻨﺔ ﺍﻟﻐﺎﻟﻲ
ﻻ ﺗﻄﻠﺒﻴﻦ ﻣﻨﻲ ﺍﻛﻌﺪ
ﺍﻡ ﻓﺮﺯﺩﻕ .. ﺣﺒﻴﺒﺔ ﺍﻡ ﻗﺎﺳﻢ ﻋﻮﻓﻲ ﺍﻟﻮﻟﺪ ﻓﺮﺣﺎﻥ ﺑﻌﺮﺱ ﺍﺧﻮﻩ
ﻫﺸﺎﻡ ﻳﻀﺤﻚ .. ﺍﻟﻴﻮﻡ ﺍﻻ ﺍﺧﻠﻲ ﺍﻟﻨﺎﺱ ﺗﻀﺮﺏ ﺑﻌﺮﺳﻪ ﺍﻟﻤﺜﻞ
ﻭﻋﻠﻰ ﻃﺎﺭﻱ ﺍﻟﻐﺎﻟﻲ ﺩﺧﻞ ﻗﺎﺳﻢ ﻣﻦ ﺍﻟﺒﺎﺏ ﻭﺟﺎﻥ
ﻫﻮ ﺍﻟﺜﺎﻧﻲ ﻫﻢ ﻻﺑﺲ ﺩﺷﺪﺍﺷﺔ ﺳﻮﺩﺓ
ﺣﺎﺿﻨﺔ ﺍﻛﺘﺎﻓﻪ ﺟﺎﻧﺖ ﺟﺎﻳﺔ ﻋﻠﻴﻪ ﺗﻔﺼﺎﻝ
ﻭﺍﻡ ﻓﺮﺯﺩﻕ ﺍﻭﻝ ﻣﺸﺎﻓﺘﻪ ﺩﺧﻞ ﻟﻠﻤﻄﺒﺦ
ﻭﻫﻲ ﻛﺎﻣﺖ ﺗﻬﻮﺱ ﻭﺗﻬﻠﻬﻞ
.. ﻛﻠﻠﻠﻠﻠﻠﻠﻠﻠﻮﻭﻭﻭﻭﻭﺵ ﻣﺒﺎﺭﻙ ﻋﺮﺳﻚ ﻳﺎﻟﻬﻴﺒﺔ
ﻛﺎﺑﻠﺘﻬﺎ ﺍﻡ ﻗﺎﺳﻢ ﺗﺼﻔﻚ ﻭﺍﻟﻀﺤﻜﺔ ﻣﺎﻟﻴﺔ ﺍﻟﻮﺟﻪ
.. ﻋﺮﺱ ﻗﺴﺎﻡ ﻫﻴﻞ ﻭﻃﺶ ﺑﺎﻟﻮﻻﻳﺔ . ﻋﺮﺱ ﻗﺴﺎﻡ
ﻭﺍﻧﺎ ﻭﻫﺸﺎﻡ ﺭﻛﻀﻨﺎ ﻭﻛﻔﻨﺎ ﻳﻤﻬﻢ ﻛﻤﻨﺎ ﻧﺮﺩﺡ
ﻧﻘﻠﺪ ﻋﻠﻴﻬﻦ ﻭﻧﻀﺤﻚ
ﺍﻡ ﻗﺎﺳﻢ ﺍﻟﺘﻔﺘﺖ ﻋﻠﻴﻪ
.. ﺯﻭﺟﻨﺎﻩ ﻭﺧﻠﺼﻨﺎ ﻣﻨﻪ ﻭﺑﻘﺔ ﻫﺸﻮﻣﻲ ﺍﻻﺻﻐﺮ ﻣﻨﻪ
ﻫﺸﺎﻡ .. ﻳﻮﻡ ﺍﻻﻟﻲ ﻭﺍﺫﺑﺢ ﻃﻠﻲ
ﺍﺑﺎﻭﻉ ﻟﻘﺎﺳﻢ ﻭﺟﻬﻪ ﺑﻘﻰ ﺟﺎﻣﺪ ﺑﺎﻭﻉ ﻻﻣﻲ ﺑﻨﻈﺮﺓ ﻋﺘﺐ
ﺷﻜﻠﻪ ﺟﺎﻥ ﻣﺨﺘﻨﻚ ﻣﺜﻞ ﺍﻟﻤﺬﺑﻮﺡ
ﻣﺎ ﻋﺒﺎﻟﻚ ﺍﻟﻴﻮﻡ ﻋﺮﺳﻪ ﻓﺮﺣﺘﻪ ﻣﺴﻠﻮﺑﺔ
ﺍﻟﺒﺎﺭﺣﺔ ﺿﻮﺓ ﻏﺮﻓﺘﻪ ﻟﻠﺼﺒﺢ ﻣﺸﺘﻐﻞ
ﻛﻞ ﻣﺎ ﺍﻣﺮ ﻣﻦ ﻳﻢ ﺑﺎﺏ ﻏﺮﻓﺘﻪ ﺍﺳﻤﻌﻪ ﻳﺤﺠﻲ ﺑﺎﻟﻨﻘﺎﻝ ﻭﻳﺔ ﺭﻫﻒ
ﻳﺴﻜﺖ ﺑﻴﻬﺎ ﻭﺍﻟﻈﺎﻫﺮ ﻫﻲ ﺟﺎﻧﺖ ﺗﺒﺠﻲ
ﻗﺎﺳﻢ .. ﻟﺞ ﺭﻫﻒ ﻛﺎﻓﻲ ﻻ ﺗﺒﺠﻴﻦ ﻣﻮ ﺯﺭﻓﺘﻲ ﻛﻠﺒﻲ ﻻﺗﺨﻠﻴﻨﻲ ﺍﺧﺮﺏ ﻛﻠﺸﻲ ﻭﺍﻧﻌﻞ ﺍﺑﻮ ﺍﻟﻌﺮﺱ ﻻﺑﻮ ﻛﻠﻤﻦ ﻳﻔﻜﺮ ﻳﻌﺮﺱ
ﺭﺟﻊ ﺳﺤﺐ ﻧﻔﺲ ﻋﻤﻴﻖ .. ﻟﺞ ﺭﻫﻒ ﻃﻤﻨﻴﻨﻲ ﻭﺑﺮﺩﻱ ﻛﻠﺒﻲ ﻭﻛﻠﻴﻠﻲ ﺭﻭﺡ ﺧﻠﻴﻨﻲ ﺍﻋﺮﻑ ﺍﻧﺎﻡ ﻟﻴﻠﻲ
ﺑﺪﻭﻥ ﻣﺎ ﺍﻓﻜﺮ ﺑﺪﻣﻮﻋﺞ
ﻣﺎ ﻛﺪﺭﺕ ﺍﻛﻤﻞ ﺍﺳﻤﻊ ﻛﻼﻣﻪ
ﺗﺮﻛﺘﻪ ﻭﺭﺣﺖ ﻭﺍﻧﻲ ﺍﻓﻜﺮ ﺑﻬﺪﻯ ﺷﻠﻮﻥ ﺑﻴﻬﺎ
ﻳﺎﺭﺑﻲ ﺍﻣﻲ ﻳﻤﻜﻦ ﺍﺭﺗﻜﺒﺖ ﺍﻛﺒﺮ ﻏﻠﻄﺔ ﺑﻬﺬﺍ ﺍﻟﺰﻭﺍﺝ
ﻭﺍﻟﻠﻪ ﺟﺮﻣﺖ ﺑﻴﻬﻢ ﻭﺭﺍﺡ ﺗﺪﻣﺮ ﺍﻟﻜﻞ ﺑﻌﻨﺎﺩﻫﺎ
ﻫﺪﻯ
ﺟﻨﺖ ﻛﺎﻋﺪﺓ ﺑﺒﻴﺖ ﻋﻤﻮ ﺍﻣﺠﺪ ﺳﺘﻮﻧﻲ ﺭﺟﻌﺖ ﻣﻦ ﺍﻟﺼﺎﻟﻮﻥ ﺍﺑﺎﻭﻉ ﻟﺒﺪﻟﺔ ﺍﻟﻌﺮﺱ ﺍﻟﺒﻴﻀﺔ ﺟﺎﻧﺖ ﺗﻤﺎﻣﺎ ﻋﻜﺲ ﺣﻴﺎﺗﻲ
ﺍﺟﺘﻲ ﺷﻴﻤﺎﺀ ﺩﺧﻠﺖ ﻟﻼﺳﺘﻘﺒﺎﻝ ﻭﺑﻴﺪﻫﺎ ﻟﻔﺔ ﺩﺟﺎﺝ ﻭﻋﺼﻴﺮ
.. ﻫﺎﺝ ﺍﻛﻠﻴﺞ ﻟﻜﻤﺔ ﺍﺩﺭﻱ ﺑﻴﺞ ﻋﻠﻰ ﻟﺤﻢ ﺑﻄﻨﺞ ﻭﻣﺎ ﺍﺗﺮﻳﻜﺘﻲ
.. ﺷﻮﻣﺔ ﻭﺍﻟﻠﻪ ﻣﺎ ﺍﺷﺘﻬﻲ
.. ﻟﺞ ﺍﻛﻠﻲ ﻭﺭﺍﺝ ﺣﺼﻠﺔ ﻭﺟﺪﺭﻱ ﻻﺯﻡ ﺗﺎﻛﻠﻲ ﻻﻧﻮﺏ ﺑﻌﺪﻳﻦ ﺗﻮﻛﻌﻴﻦ ﻋﻠﻴﻨﺎ ﺑﺎﻟﻌﺮﺱ
ﻳﺎﺭﺑﻲ ﺷﻠﻮﻥ ﺑﻴﺔ ﺭﺍﺡ ﺍﻓﺎﺭﻕ ﺷﻮﻣﺔ ﻭﻣﺎ ﺍﺷﻮﻓﻬﺎ
ﻣﻨﻮ ﻳﻬﺘﻢ ﺑﻴﺔ ﻭﻳﺴﺄﻝ ﻋﻨﻲ
ﺍﺧﺬﺕ ﺍﻟﻠﻔﺔ ﻣﻦ ﻋﻨﺪﻫﺎ ﻭﻛﻌﺪﺕ ﺍﻛﻠﻬﺎ
ﺍﺟﺘﻲ ﻣﺮﻳﻢ ﺍﻗﺘﺮﺑﺖ ﻣﻨﻲ ﻭﺣﻀﻨﺘﻨﻲ ﻭﻋﻴﻮﻧﻬﺎ ﺗﺤﺠﻲ
ﻣﺮﻳﻢ .. ﻣﺒﺮﻭﻙ ﺭﺑﻲ ﻳﺴﻌﺪﺝ
ﺟﺎﻧﺖ ﻻﺑﺴﺔ ﺑﺪﻟﺔ ﻭﺭﺩﻱ ﺑﻨﺎﺗﻴﺔ ﻃﺎﻟﻌﺔ ﻭﺭﺩﺓ ﺑﻴﻬﺎ
ﻭﺑﻌﺪﻫﺎ ﺍﺟﺘﻲ ﺿﺤﻰ ﻭﻟﻤﺘﻨﻲ ﻟﺤﻀﻨﻬﺎ
ﻭﺍﻟﻌﻴﻮﻥ ﻣﻠﻴﺎﻧﺔ ﺩﻣﻊ
.. ﺻﻠﻮﺍﺕ ﻋﻠﻰ ﺍﻟﻨﺒﻲ ﻣﺎ ﺷﺎﺀ ﺍﻟﻠﻪ ﻃﺎﻟﻌﺔ ﻗﻤﺮ ﻭﺭﺑﻲ
ﻫﻲ ﺗﺤﺠﻲ ﻭﺍﻧﻲ ﻛﻮﺓ ﻻﺯﻣﺔ ﺭﻭﺣﻲ ﻻ ﺍﻧﻔﺠﺮ ﺑﺎﻟﺒﺠﻲ
ﻟﺤﻈﺎﺕ
ﻭﺳﻠﻴﻤﺔ ﺍﺟﺘﻨﻲ ﺟﺎﻧﺖ ﺷﺎﻛﺔ ﺍﻟﺤﻠﻚ ﻣﻦ ﺍﻟﻔﺮﺣﺔ
.. ﻣﺒﺮﻭﻙ ﻋﻠﻴﺞ ﻗﺎﺳﻢ ﻣﺎ ﺍﻭﺻﻴﺞ
ﺑﻴﻀﻲ ﺍﻟﻮﺟﻪ ﻭﻫﺬﺍ ﺍﻟﺴﺎﻧﺞ ﺍﻟﻤﻜﻄﻢ ﻋﻮﺩ ﺑﻠﻌﻲ
ﺣﺘﻰ ﻣﺎ ﻳﺴﻤﻌﺞ ﺍﻟﻮﻟﺪ ﻭﻳﻨﻬﺰﻡ
......
ﺳﺤﺒﺘﻬﺎ ﺷﻴﻤﺎﺀ .. ﺍﻟﻠﻪ ﻳﺒﺎﺭﻙ ﺑﻴﺞ ﺑﻴﺒﻲ ﺗﻌﺎﻟﻲ ﻛﻌﺪﻱ ﺍﺧﺬﻱ ﺭﺍﺣﺘﺞ
ﻭﺍﻟﻠﻪ ﻣﺎ ﻟﺤﻜﺖ ﺍﺿﻮﺝ ﻣﻦ ﺣﺠﻲ ﺳﻠﻴﻤﺔ
ﻻﻥ ﺑﻌﺪﻫﺎ ﺳﻤﻌﺖ ﺍﺻﻮﺍﺕ ﺍﻟﻤﺰﻳﻘﻰ ﻭﺍﻟﻄﺒﻞ
ﻳﻤﺔ ﻭﺍﻧﻲ ﺍﺣﺲ ﻛﻠﺒﻲ ﻳﺮﻳﺪ ﻳﻄﻠﻊ ﻣﻦ ﺻﺪﺭﻱ ( ﺩﻣﺒﻖ .. ﺩﻣﺒﻖ .. ﺩﻣﺒﻖ )
ﺷﻴﻤﺎﺀ ﺭﻛﻀﺖ ﻟﺒﺴﺘﻨﻲ ﺍﻟﺒﺮﻧﺺ ﻭﻋﺪﻟﺖ ﺍﻟﺒﺪﻟﺔ
ﻭﺭﺍﻫﺎ ﺩﺧﻠﻮﺍ ﺧﻮﺍﺕ ﻗﺎﺳﻢ ﻭﺍﻣﻪ ﻭﻗﺮﺍﻳﺒﻬﻢ
ﻭﺭﺍﻫﻢ ﺩﺧﻞ ﻗﺎﺳﻢ ﺟﺎﻥ ﻻﺑﺲ ﻗﺎﻁ ﺍﺳﻮﺩ
ﺍﻟﺴﺘﺮﺓ ﺣﺎﺿﻨﺔ ﺍﻛﺘﺎﻓﻪ ﺑﺄﻧﺴﺠﺎﻡ ﻣﺜﻞ ﺍﻟﻌﺸﻴﻘﺔ
ﺟﺎﻥ ﻳﻤﺸﻲ ﻭﻳﺒﺘﺴﻢ ﺑﻜﻞ ﺛﻘﺔ ﺑﺲ ﻋﻴﻮﻧﻪ ﺟﺎﻧﺖ ﺗﺤﺠﻲ ﻏﻴﺮ ﺷﻜﻞ ﻭﺍﺑﺪ ﻣﺎ ﺣﻄﻬﺎ ﻋﻠﻴﺔ ﻭﻻ ﺑﺎﻭﻋﻠﻲ
ﻭﻋﺮﻓﺖ ﺑﻠﺤﻈﺘﻬﺎ ﺍﻥ ﺣﺘﻰ ﻗﺎﺳﻢ ﺩﻳﻌﺎﻧﻲ ﻣﻦ ﻫﺬﺍ ﺍﻟﺰﻭﺍﺝ
ﻛﻌﺪ ﻳﻤﻲ ﺑﺪﻭﻥ ﻣﺎ ﻳﻨﻄﻖ ﺍﻱ ﺣﺮﻑ
ﺣﺘﻰ ﻣﺎ ﻛﻠﻒ ﻧﻔﺴﻪ ﻳﻄﻤﻨﻲ
ﻭﺭﺓ ﺩﻗﺎﻳﻖ ﻛﺎﻡ ﻗﺎﺳﻢ ﻭﻣﺪ ﺍﻳﺪﻩ ﺣﺘﻰ ﺍﻟﺰﻣﻬﺎ ﻭﺍﻛﻮﻡ
ﺭﻓﻌﺖ ﺭﺍﺳﻲ ﻭﺑﺎﻭﻋﺖ ﻋﻠﻴﻪ ﻭﺍﺟﺘﻲ ﻋﻴﻮﻧﻲ ﺑﻌﻴﻮﻧﻪ
ﺟﻨﺎ ﺍﺛﻨﻴﻨﺎ ﻣﻈﻠﻮﻣﻴﻦ ﻣﻦ ﻧﻔﺲ ﺍﻟﻤﺼﺪﺭ ﻭﻫﻤﺔ ﺍﻻﻫﻞ
ﺣﻄﻴﺖ ﺍﻳﺪﻱ ﺑﺄﻳﺪﻩ ﻭﻟﺰﻣﻬﺎ ﻭﻟﻤﻬﺎ ﺑﻴﺪﻩ ﺑﺤﻴﺚ ﺿﺎﻉ
ﻛﻒ ﺍﻳﺪﻱ ﺑﻴﻦ ﺛﻨﺎﻳﺎ ﻛﻔﻪ ﺍﻟﺨﺸﻦ
ﺣﺴﻴﺖ ﻣﺜﻞ ﺍﻟﻜﻬﺮﺑﺎﺀ ﺍﺗﺴﺮﺑﺖ ﻭﺍﻧﺘﻘﻠﺖ ﻣﻦ ﺍﻳﺪﻩ ﻟﺒﺎﻗﻲ ﺟﺴﻤﻲ ﺭﺟﻒ ﻛﻠﺒﻲ ﻭﺍﺗﺒﻌﻪ ﺑﺎﻗﻲ ﺟﺴﻤﻲ
ﺟﺎﻧﺖ ﻟﺤﻈﺔ ﻛﻠﺶ ﻏﺮﻳﺒﺔ
ﻃﻠﻌﻨﺎ ﻣﻦ ﺍﻟﺒﻴﺖ ﺑﺎﻟﺰﻓﺔ ﻭﺟﺎﻥ ﺍﺷﻮﻑ ﻋﻼﻭﻱ ﻭﺍﻛﻒ
ﻳﺒﺎﻭﻉ ﻋﻠﻴﺔ ﻭﻋﻴﻮﻧﻪ ﺗﻠﻤﻊ
ﺟﺎﻥ ﺧﻄﻴﺔ ﻛﺎﺷﺦ ﻋﺎﻟﻌﺮﺱ ﺍﻟﻈﺎﻫﺮ ﺟﺎﻱ ﻭﻳﺔ ﺍﻟﻤﻌﺎﺯﻳﻢ
ﻣﻦ ﺍﻫﻞ ﻣﻨﻄﻘﺘﻲ
ﺑﺎﻭﻋﺖ ﻋﻠﻴﻪ ﻭﺍﺑﺘﺴﻤﺖ ﻭﺍﺗﺬﻛﺮﺕ ﻛﻞ ﺍﻳﺎﻣﻲ ﻭﻣﻐﺎﻣﺮﺍﺗﻲ ﻭﻳﺎﻩ
ﺍﺣﻠﻰ ﺷﻲ ﺑﺎﻟﻤﻮﺿﻮﻉ ﺟﺎﻧﺖ ﺑﺪﻟﺘﻲ ﻃﻮﻳﻠﺔ ﻭﺷﻴﻤﺎﺀ ﺷﺎﻳﻠﺘﻬﺎ ﺩﺗﺴﺎﻋﺪﻧﻲ ﺣﺘﻰ ﺍﺻﻌﺪ ﺑﺎﻟﺴﻴﺎﺭﺓ ﺍﻧﺘﺒﻬﺖ ﻋﻠﻴﻪ
ﺷﻠﻮﻥ ﺭﻛﺾ ﺣﺘﻰ ﻳﺴﺎﻋﺪﻧﻲ ﻭﺷﺎﻝ ﻃﺮﻑ ﺑﺪﻟﺘﻲ ﺍﻟﻀﺨﻤﺔ ﻭﻳﺔ ﺷﻴﻤﺎﺀ
ﺣﺒﻴﺒﻲ ﻋﻠﻮﺵ ﻣﻮ ﺑﻴﺪﻩ ﻛﻮﻥ ﻳﻔﺰﻋﻠﻲ ﻟﻠﻤﺴﺎﻋﺪﺓ
ﺻﻌﺪﺕ ﺑﺎﻟﺴﻴﺎﺭﺓ ﻭﻗﺎﺳﻢ ﺻﻌﺪ ﺑﺎﻟﺴﻴﺎﺭﺓ ﻭﻛﻌﺪ ﻳﻤﻲ ﻭﺑﺎﻭﻋﺖ ﻋﻠﻴﻪ
ﻭﺣﺠﻴﺖ ﻭﻳﺎﻩ .. ﻋﻼﻭﻱ ﺍﻟﻴﻮﻡ ﻃﺎﻟﻊ ﻛﺸﺨﺔ ﻛﺴﺮﺕ ﺣﺘﻰ ﻋﺎﻟﻌﺮﻳﺲ
ﺧﻄﻴﺔ ﻧﻔﺦ ﺻﺪﺭ ﻭﺑﺎﻭﻉ ﻟﻘﺎﺳﻢ ﻭﺧﺰﺭﻩ ﻭﻛﻠﻪ
ﺑﻜﻞ ﺛﻘﺔ
.. ﺩﻳﺮ ﺑﺎﻟﻚ ﺗﺄﺫﻱ ﻫﺪﻯ ﻭﺍﻟﻠﻪ ﺍﻓﻠﺶ ﺳﻴﺎﺭﺗﻚ
ﺳﺪ ﺍﻟﺒﺎﺏ ﻭﺭﺍﺡ ﻋﺒﺎﻟﻚ ﺭﺟﺎﻝ ﺟﺒﻴﺮﺓ
ﺍﺑﺎﻭﻉ ﻟﻘﺎﺳﻢ ﻓﺎﺗﺢ ﺣﻠﻜﻪ ﻭﻋﺎﻗﺪ ﺣﻮﺍﺟﺒﻪ
ﺍﺑﺘﺴﻢ ﻭﺣﺠﺔ
.. ﺍﺷﻮ ﻫﺬﺍ ﺑﻜﺪ ﺍﻟﻔﺼﻤﺔ ﻭﻛﻌﺪ ﻳﻬﺪﺩ ﻣﻨﻮ ﻫﺬﺍ
ﻟﻤﻴﺖ ﺣﻠﻜﻲ ﺑﺎﻟﻜﻮﺓ ﻣﺎ ﺍﺿﺤﻚ ﻧﺴﻴﺖ ﺧﻮﻓﻲ ﻭﺟﺎﻭﺑﺘﻪ
.. ﻫﺬﺍ ﻋﻼﻭﻱ ﺧﺘﻴﺒﻲ ﺍﻟﺴﺎﺑﻖ
.. ﻫﻨﺎ ﺍﻟﺤﺠﻲ ﻳﻌﻨﻲ ﺍﻧﺎ ﻋﻨﺪﻱ ﻣﻨﺎﻓﺲ ﻭﻣﺎ ﺍﺩﺭﻱ
ﻫﺬﺍ ﺍﻟﻜﻼﻡ ﺍﻟﻮﺣﻴﺪ ﺍﻟﻲ ﺩﺍﺭ ﺑﻴﻨﻲ ﻭﺑﻴﻦ ﻗﺎﺳﻢ ﺑﻌﺪﻫﺎ ﺳﺮﺡ ﻛﻞ ﻭﺍﺣﺪ ﺑﻴﻨﺎ ﺑﻌﺎﻟﻤﻪ ﺍﻟﺨﺎﺹ
ﻫﻮ ﺍﻟﻨﻘﺎﻝ ﻣﺎ ﺑﻄﻞ ﻣﻦ ﺍﻟﺪﻙ
ﻋﻤﺎﻣﻪ ﺧﺒﺼﻮﻩ ﺧﺒﺺ
ﺑﻌﺪﻣﺎ ﺩﺧﻠﻨﺎ ﻟﻠﻘﺎﻋﺔ ﻭﺳﻮﻳﻨﺎ ﻛﻞ ﻣﺮﺍﺳﻴﻢ ﺍﻟﺰﻭﺍﺝ ﺍﻟﺘﻘﻠﻴﺪﻳﺔ
ﺍﺧﻴﺮﺍ ﺍﺳﺘﻘﺮﻳﺖ ﺑﺎﻟﻜﻮﺷﺔ ﻭﻗﺎﺳﻢ ﻛﺎﻋﺪ ﻳﻤﻲ
ﻭﻋﻴﻮﻧﻪ ﺑﻐﻴﺮ ﻣﻜﺎﻧﻪ ﺍﺗﺒﻌﺖ ﻧﻈﺮﺍﺕ ﻋﻴﻮﻧﻪ ﻭﺟﺎﻥ ﺍﺷﻮﻑ
ﺭﻫﻒ ﺑﺄﺧﺮ ﺍﻟﻘﺎﻋﺔ ﻛﺎﻋﺪﺓ ﻭﺍﻟﻌﻴﻮﻥ ﺩﻡ
ﻳﺎ ﺍﻟﻠﻪ ﺩﺧﻴﻠﻚ ﻭﺍﻟﻠﻪ ﻣﺮﺩﺕ ﻛﻠﺒﻲ ﺻﺪﻙ ﺍﻟﻤﻮﻗﻒ ﺻﻌﺐ ﻋﻠﻴﻬﺎ
ﻋﻴﻮﻧﻬﻢ ﺟﺎﻧﺖ ﺗﺤﺠﻲ ﺍﺳﻤﻌﻪ ﻳﺤﺠﻲ ﻭﻳﺔ ﻫﺎﻟﺔ ﻭﻳﻜﻠﻠﻬﺎ ﺭﻫﻒ ﻟﻴﺶ ﺍﺟﺘﻲ ﺗﺮﻳﺪ ﺗﺪﺧﻞ ﺑﺬﻧﺒﻲ ﺑﻬﺎﻱ ﺍﻟﺴﺎﻋﺔ
ﺑﻌﺪﻫﺎ ﻛﺎﻡ ﻗﺎﺳﻢ ﺑﻜﻞ ﻏﻀﺐ ﻭﻃﻠﻊ ﻣﻦ ﺍﻟﻘﺎﻋﺔ ﺑﻜﺒﺮﻫﺎ
ﻫﺎﻟﺔ ﺍﺟﺘﻲ ﻭﻛﺎﻟﺖ
ﻗﺎﺳﻢ ﺭﺍﺡ ﻟﻠﻘﺎﻋﺔ ﺍﻟﺜﺎﻧﻴﺔ ﺍﻟﺨﺎﺻﺔ ﺑﺎﻟﺮﻳﺎﺟﻴﻞ
ﻣﺠﺎﻭﺑﺘﻬﺎ
ﻭﺑﻌﺪﻫﺎ ﺑﻠﺶ ﺍﻟﻌﺮﺱ ﻭﺍﻧﻲ ﻛﺎﻋﺪﺓ ﺑﺲ ﺍﺑﺎﻭﻉ ﺑﻌﻴﻮﻧﻲ
ﺣﺘﻰ ﺻﻮﺕ ﺍﻟﺪﻳﺠﻲ ﻣﺎ ﻛﺪﺭ ﻳﺨﻠﻴﻨﻲ ﺍﺗﻔﺎﻋﻞ ﺍﻭ ﺍﻧﺴﻰ
ﻣﺨﺎﻭﻓﻲ ﻭﺍﻟﻤﻮﻗﻒ ﺍﻟﺼﺎﺭ
ﺟﻨﺖ ﻋﺒﺎﻟﻚ ﺟﺎﻱ ﺍﺑﺎﻭﻉ ﻋﺮﺱ ﻭﺣﺪﺓ ﻏﺮﻳﺒﺔ ﻣﻮ ﻋﺮﺳﻲ
ﻫﺴﺔ ﺍﻛﻴﺪ ﺭﻫﻒ ﺗﻜﻮﻝ ﻫﺬﺍ ﻣﻜﺎﻧﻲ ﻫﺎﻱ ﺷﺘﺴﻮﻱ ﻫﻨﺎ ﻛﺎﻋﺪﺓ
ﺟﺎﻧﺖ ﺍﻡ ﻗﺎﺳﻢ ﻛﻠﺶ ﻓﺮﺣﺎﻧﺔ ﻭﺍﺧﻮﺍﺗﻪ
ﻧﻔﺲ ﻓﺮﺣﺔ ﺍﻣﻬﻦ ﺍﻻ ﻫﺪﻳﻞ
ﺟﺎﻧﺖ ﻛﺎﻋﺪﺓ ﻳﻢ ﺭﻫﻒ ﺣﺘﻰ ﻣﺎ ﻛﺎﻣﺖ ﺭﻛﺼﺖ
ﺑﺎﻭﻋﺖ ﻟﺨﻮﺍﺗﻲ ﺟﺎﻧﻮﺍ ﻛﺎﻋﺪﺍﺕ ﻋﻠﻰ ﻣﻴﺰ ﻟﻮﺣﺪﻫﻢ ﻭﻳﻤﻬﻢ ﺳﻠﻴﻤﺔ ﻭﻋﻤﺔ ﺟﻨﺎﻥ
ﺍﺷﺮﺗﻠﻬﻢ ﻳﺠﻮﻥ ﻳﺎﺧﺬﻭﻥ ﻭﻳﺎﻱ ﺻﻮﺭ
ﺧﻄﻴﺔ ﻛﺎﻣﻦ ﻭﺍﺟﺘﻲ ﺷﻴﻤﺎﺀ ﻭﺿﺤﻰ ﻭﻣﺮﻳﻢ
ﺑﺎﻋﺖ ﻋﻠﻴﻬﻢ ﻭﻛﻔﻮﺍ ﻳﻤﻲ ﻭﺍﻟﻤﺼﻮﺭﺓ ﺍﺟﺘﻲ ﻭﻛﻌﺪﺕ ﺗﺎﺧﺬ
ﺑﺎﻟﻠﻘﻄﺎﺕ ﻭﺗﺮﺍﻭﻳﻨﺎ
ﻓﺠﺎﺀﺓ ﺍﻧﻄﻔﻰ ﺻﻮﺕ ﺍﻟﺪﻳﺠﻲ ﻭﺑﻌﺪﻫﺎ ﺧﻔﺘﺖ ﺍﻻﻧﻮﺍﺭ
ﻭﺍﺗﺴﻠﻂ ﺍﻟﻀﻮﺓ ﻋﻠﻰ ﺑﺎﺏ ﺍﻟﻘﺎﻋﺔ
ﻭﺟﺎﻥ ﻧﺴﻤﻊ ﺻﻮﺕ ﻣﻨﻈﻤﺔ ﺍﻟﺪﻳﺠﻲ ﺗﻌﻠﻦ ﺑﺎﻟﺴﻤﺎﻋﺔ
ﺍﺑﺎﻭﻉ ﻟﻠﻜﻞ ﺷﻠﻮﻥ ﻳﺒﺎﻭﻋﻮﻥ ﺑﻔﻀﻮﻝ
ﻋﻢ ﺍﻟﻬﺪﻭﺀ ﺑﺎﻟﻘﺎﻋﺔ
ﺍﻟﻤﻮﻇﻔﺔ ﺣﻄﺖ ﺍﻏﻨﻴﺔ
ﻫﺎﻱ ﺍﻻﻏﻨﻴﺔ ﺍﻫﺪﺍﺀ ﻟﻠﻌﺮﻭﺱ ﻣﻦ ﺍﺧﺘﻬﺎ
ﺍﻟﺪﻛﺘﻮﺭﺓ ﻣﺮﻭﺓ
.
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء