رواية أساور الفضة ج2 الجزء الثاني
للكاتبة نهى
......
ﺷﻴﻤﺎﺀ
ﻃﻠﻌﺖ ﻣﻦ ﺍﻟﺒﻴﺖ ﺑﻌﺪﻣﺎ ﻧﺒﻬﺖ ﻋﻠﻰ ﻫﺪﻯ ﻣﺘﺪﺍﻭﻡ ﺍﻟﻴﻮﻡ
ﻭﺍﺗﻬﺮﺑﺖ ﻣﻦ ﺳﺆﺍﻟﻬﺎ ﺍﻟﻔﻀﻮﻟﻲ ﻋﻦ ﺳﺒﺐ ﻛﺸﺨﺘﻲ
ﺍﻟﻴﻮﻡ ﻛﻌﺪﺕ ﻣﻦ ﻭﻛﺖ ﺣﺘﻰ ﺍﺣﻀﺮ ﻧﻔﺴﻲ ﻟﻠﺪﻭﺍﻡ
ﻭﺍﺗﺬﻛﺮﺕ ﻧﺼﺎﺋﺢ ﺭﺑﺎﺏ ﺑﺨﺼﻮﺹ
ﺍﻫﺘﻤﺎﻣﻲ ﺑﻨﻔﺴﻲ ﺣﺘﻰ ﺍﻟﻔﺖ ﺍﻻﻧﺘﺒﺎﻩ
ﺿﺤﻜﺖ ﻋﻠﻰ ﻛﻼﻣﻬﺎ ﻣﻦ ﺗﻜﻮﻝ
.. ﻭﺩﺍﻋﺘﺞ ﺍﻻ ﺍﺯﻭﺟﺞ ﻋﻠﻰ ﺍﻳﺪﻱ
ﺟﺎﻭﺑﺘﻬﺎ .. ﻣﺘﺰﻭﺟﻴﻦ ﺭﻭﺣﺞ ﺑﺎﻻﻭﻝ ﺟﺎﻳﺔ ﻋﻠﻴﺔ ﺍﻧﻲ ﺷﻜﻮ
.. ﻻ ﺣﺒﻴﺒﺘﻲ ﺍﻧﻲ ﺿﺎﻣﻨﺔ ﻋﺮﻳﺲ ﺍﻟﻐﻔﻠﺔ
ﺍﺑﻦ ﺧﺎﻟﻮ ﺟﻤﻌﺔ ﻫﻮ ﺍﻟﻲ ﺭﺍﺡ ﻳﺘﻮﺭﻁ ﺑﻴﺔ
ﺿﺤﻜﺖ .. ﻟﻌﺪ ﻭﻳﻨﻪ ﺍﺷﻮ ﻣﺎﻛﻮ ﻟﺤﺪ ﻫﺴﺔ ﺷﻨﻮ ﻳﻨﺘﻈﺮ ﺷﻜﻠﻪ ﻣﻐﻠﺲ ﻣﻴﺮﻳﺪ ﻳﺘﺰﻭﺝ
.. ﺍﻱ ﻳﺎﻋﻴﻨﻲ ﺗﺴﻮﻳﻦ ﻧﻔﺴﺞ ﻣﺘﻌﺮﻓﻴﻦ
ﻏﻴﺮ ﻧﻜﻮﻥ ﻧﻔﺴﻨﺎ ﺷﻮﻳﺔ ﺷﻮﻳﺔ
ﺍﻧﻲ ﻭﻳﺎﻩ ﻣﺘﻔﻘﻴﻦ ﻣﻨﺘﺰﻭﺝ ﺑﺒﻴﺖ ﺍﻫﻠﻪ
ﻭﻛﻠﻲ ﻫﺬﺍ ﻳﺤﺘﺎﺝ ﻭﻗﺖ ﻋﻠﻤﺎ ﺍﻛﺪﺭ ﺍﺣﻄﻠﺞ ﺑﻴﺖ ﻟﻮﺣﺪﺝ
ﺍﻧﻲ ﻛﻠﺘﻠﻪ ﻣﻮ ﺍﻻ ﺑﺒﻴﺖ ﻣﻠﻚ ﺣﺘﻰ ﻟﻮ ﺗﺈﺟﺮ
ﻭﺍﺑﻮﻩ ﺳﻤﻊ ﺑﻴﻨﺎ ﻧﺮﻳﺪ ﻧﺄﺟﺮ ﻛﻠﻪ ﻋﻠﻤﻦ ﺗﺄﺟﺮ ﻫﺎﻱ ﺍﻟﺤﺪﻳﻘﺔ ﻛﺪﺍﻣﻚ ﺷﻜﺒﺮﻫﺎ ﻭﺍﺑﻨﻲ ﺑﻴﻬﺎ ﻣﺸﺘﻤﻞ ﺍﻟﻚ ﻭﻟﻤﺮﺗﻚ
ﺟﺎﻧﺖ ﺗﺤﺠﻲ ﻭﺍﻧﻲ ﺍﺿﺤﻚ ﺣﻔﻈﺘﻬﺎ ﻟﻠﻘﻮﺍﻧﺔ ﺍﻟﻴﻮﻣﻴﺔ ﻣﺎﻝ ﺭﺑﺎﺏ ﻭﺍﻧﻲ ﻛﻤﻠﺖ ﻛﻼﻣﻬﺎ ﺑﺪﻝ ﻋﻨﻬﺎ
.. ﻭﻫﺎﻱ ﺍﻧﻲ ﻛﺪﺍﻣﺞ ﺩﺍ ﺍﺳﻮﻱ ﺳﻠﻒ ﻭﺍﺭﺟﻊ ﻟﻴﻮﺭﺓ ﻋﻠﻤﻮﺩ
ﻧﺒﻨﻲ ﺍﻟﻤﺸﺘﻤﻞ
ﺭﺑﺎﺏ ﺗﻜﻠﺐ ﺑﻌﻴﻮﻧﻬﺎ .. ﺷﻨﻮ ﻋﻮﺑﺔ ﺗﻀﺤﻜﻴﻦ ﻋﻠﻴﺔ
.. ﻟﺞ ﻣﺎ ﺑﻘﻰ ﺍﺣﺪ ﺑﺎﻟﻤﺴﺘﺸﻔﻰ ﻣﻴﻌﺮﻑ ﺭﺑﺎﺏ ﺗﺴﻮﻱ ﺳﻠﻒ ﺣﺘﻰ ﺗﺒﻨﻲ ﻭﺗﺘﺰﻭﺝ
ﺟﻨﺖ ﺩﺍﺋﻤﺎ ﺍﺳﺘﻔﺰ ﺭﺑﺎﺏ ﺑﺴﺎﻟﻔﺔ ﺍﻟﺰﻭﺍﺝ ﺧﺼﻮﺻﺎ ﻣﻦ ﺗﺒﺪﻱ ﺗﺤﻮﻡ ﻓﻮﻙ ﺭﺍﺳﻲ ﻋﺎﻟﺰﻭﺍﺝ ﻻﻥ ﺍﻟﻠﻪ ﻳﺤﻔﻈﻬﺎ ﻛﻞ ﻓﺘﺮﺓ ﺟﺎﻳﺔ ﻭﺟﺎﻳﺒﺘﻠﻲ ﻋﺮﻳﺲ ﺗﻌﺒﺎﻥ
ﻭﺍﻧﻲ ﻣﻦ ﺍﺫﻛﺮﻫﺎ ﺑﺰﻭﺍﺟﻬﺎ ﺗﻨﺴﻰ ﺍﻟﺴﺎﻟﻔﺔ ﻭﺗﻜﻌﺪ ﺗﺤﺠﻲ ﻟﻲ ﺍﻟﻤﻘﺘﻞ ﺍﻟﻲ ﺣﻔﻈﺘﻪ ﻋﻠﻰ ﻇﻬﺮ ﻗﻠﺐ
ﺭﺑﺎﺏ .. ﺷﻮﻑ ﺍﻟﻌﻮﺑﺔ ﺗﺮﻳﺪ ﺗﻨﺴﻴﻨﻲ ﺍﻟﻤﻮﺿﻮﻉ
ﺳﻤﻌﻴﻨﻲ ﺯﻳﻦ ﻭﻻ ﺗﻈﻠﻴﻦ ﻓﺎﻫﻴﺔ ﺗﺮﺓ ﺍﻟﻌﺮﺳﺎﻥ ﺩﻳﺘﺒﺨﺮﻭﻥ ﺑﺎﻟﺠﻮ ﻭﺑﺨﻴﺘﺔ ﺍﻟﻲ ﺗﺤﺼﻞ ﻋﺮﻳﺲ
.. ﺍﻧﻲ ﻣﺎ ﺍﺭﻳﺪ ﺍﺗﺰﻭﺝ ﺧﻠﻲ ﺍﻟﻌﺮﺳﺎﻥ ﺍﻟﺞ
.. ﺧﺎﺏ ﺷﻮﻑ ﻫﺎﻱ ﺍﻟﻌﻮﺑﺔ ﻣﺼﺪﻛﺔ ﺭﻭﺣﻬﺎ
ﻟﺞ ﻫﻮ ﻭﻳﻨﻬﻢ ﺍﻟﻌﺮﺳﺎﻥ ﺣﺘﻰ ﻛﺎﻋﺪﺓ ﺗﺘﺒﻄﺮﻳﻦ
ﺑﺎﻟﻠﻪ ﻣﺎ ﺗﺴﻜﺘﻴﻦ ﺿﻠﻲ ﺍﻧﺘﻲ ﺍﺑﻘﻰ ﺑﻤﻜﺎﻧﺞ ﻣﺜﻞ ﺍﻟﺴﻠﻴﻤﺔ
ﺿﺤﻜﺖ .. ﺭﺟﺎﺀﺍً ﺑﻼ ﺗﺠﺎﻭﺯ ﺗﺮﺓ ﺳﻠﻴﻤﺔ ﺑﻴﺒﺘﻲ ﺍﻟﻌﺰﻳﺰﺓ
ﺍﻧﺘﺒﻬﺖ ﻟﺮﻭﺣﻲ ﻭﺍﻛﻔﺔ ﻟﻮﺣﺪﻱ ﺩﺍ ﺍﺿﺤﻚ
ﻭﻓﺎﺗﺤﺔ ﺍﻟﻜﻨﺘﻮﺭ ﻭﺻﺎﻓﻨﺔ ﻋﻠﻴﻪ
.. ﻋﺰﺓ ﻭﺍﻟﻠﻪ ﺭﺍﺡ ﺍﺗﺄﺧﺮ ﻋﻠﻰ ﻫﺎﻟﺤﺴﺒﺔ
ﻃﻠﻌﺖ ﻣﻼﺑﺲ ﺟﻨﺖ ﻣﺸﺘﺮﻳﺘﻬﻢ ﺑﺲ ﻣﺎ ﻻﺑﺴﺘﻬﻢ ﻛﻠﺖ
ﺍﻟﺒﺴﻬﻢ ﻟﻤﻬﺮ ﻟﻬﺪﻯ ﺑﺲ ﻣﻦ ﻭﺭﺓ ﻣﻠﺤﺔ ﺭﺑﺎﺏ ﻗﺮﺭﺕ ﺍﻟﺒﺴﻬﻢ
ﻟﺒﺴﺖ ﻗﻤﻴﺺ ﻟﻮﻧﻪ ﻭﺭﺩﻱ ﻣﻄﻔﻲ ﻭﻟﺒﺴﺖ ﻭﻳﺎﻩ ﺑﻨﻄﻠﻮﻥ ﺭﺻﺎﺻﻲ ﻭﺿﻔﺖ ﻓﻮﻙ ﺍﻟﻘﻤﻴﺺ ﻳﻠﻚ ﻭﺍﻋﺪﻝ
ﺑﻴﻬﻢ ﻭﻓﺘﺤﺖ ﺷﻌﺮﻱ ﻭﻧﺰﻟﺘﻪ ﻫﻮ ﺳﺮﺡ ﻣﻴﺤﺘﺎﺝ ﺍﺳﻮﻳﻠﻪ ﺷﻲ ﻭﺍﺻﻞ ﻟﺤﺪ ﺍﻛﺘﺎﻓﻲ
ﻛﻤﻠﺖ ﻭﺳﻠﻤﺖ ﻋﻠﻰ ﺿﺤﺎﻭﻱ ﻭﻭﺻﻴﺘﻬﺎ ﻋﻠﻰ ﻫﺪﻯ
ﻭﻃﻠﻌﺖ
......
ﻭﺻﻠﺖ ﻟﻠﻤﺴﺘﺸﻔﻰ
ﺟﻨﺖ ﻣﺴﺘﺤﻴﺔ ﺍﺩﺧﻞ ﻻﻥ ﻣﺒﻴﻦ ﻋﻠﻴﺔ ﺍﻟﺘﻐﻴﻴﺮ
ﻭﻓﻌﻼ ﺍﻭﻝ ﻣﺎ ﺩﺧﻠﺖ ﺑﺪﺕ ﻧﻈﺮﺍﺕ ﺍﻻﻋﺠﺎﺏ ﺗﻼﺣﻘﻨﻲ
ﺍﻭﻟﻬﻢ ﺣﺮﺍﺱ ﺍﻟﺒﻮﺍﺑﺔ
ﺟﻨﺖ ﺍﻣﺸﻲ ﻭﺧﺪﻭﺩﻱ ﺣﻤﺮ ﻛﻤﻠﺖ ﻃﺮﻳﻘﻲ ﻟﻐﺮﻓﺔ
ﺍﻟﻤﻤﺮﺿﺎﺕ ﻭﺍﺧﺬﺕ ﺍﻟﺼﺪﺭﻳﺔ ﺍﻟﺒﻴﻀﺔ ﺍﻟﺨﺎﺻﺔ ﺑﺎﻟﻤﻤﺮﺿﺎﺕ ﻻﺣﻈﺖ ﻧﻈﺮﺍﺗﻬﻦ ﺍﻟﻤﺴﺘﻐﺮﺑﺔ
ﺑﺲ ﺳﻮﻳﺖ ﻧﻔﺴﻲ ﻣﻤﻨﺘﺒﻬﺔ ﻋﻠﻴﻬﻦ
ﺧﺮﺏ ﻫﺴﺔ ﺍﻧﻲ ﺷﺒﻴﺔ ﺳﻤﻌﺖ ﻛﻼﻡ ﻫﺎﻱ ﺍﻟﻌﻮﺑﺔ ﺭﺑﺎﺏ
ﺍﻱ ﺻﺪﻙ ﻫﺎﻱ ﻭﻳﻨﻬﺎ ﺍﺷﻮ ﻣﺎﻛﻮ
ﻓﺠﺎﺀﺓ ﻃﻠﻌﺖ ﻛﺪﺍﻣﻲ
ﺭﺑﺎﺏ .. ﻫﺎﻱ ﺷﻨﻮ ﻣﻨﻮﺭﺓ ﺍﻟﻴﻮﻡ ﺷﻮﻣﺔ ﻫﻠﺔ ﻫﻠﺔ
ﺣﺮﻛﺎﺕ ﻳﺎﺣﻠﻮﺓ ﺣﺮﻛﺎﺕ
ﺣﺠﻴﺖ ﻣﻦ ﺑﻴﻦ ﺍﺳﻨﺎﻧﻲ
.. ﺳﻤﺘﻲ ﻭﻟﺞ ﺍﺗﻨﺪﻣﺖ ﺳﻤﻌﺖ ﻛﻼﻣﺞ
ﻻﻥ ﻛﻞ ﺍﻟﻌﻴﻮﻥ ﺗﺒﺤﻠﻚ ﺑﻴﺔ ﻣﺴﺘﻐﺮﺑﻴﻦ
ﺍﺣﺲ ﺑﺮﻭﺣﻲ ﻣﺒﻴﻨﺔ ﻋﻨﺪﻱ ﺷﻲ ﻭﺭﺓ ﻫﺬﺍ ﺗﻐﻴﻴﺮﻱ
.. ﻭﻫﻮ ﺍﻟﻤﻄﻠﻮﺏ ﻫﻮ ﺍﻧﺎ ﺍﻟﻤﻦ ﺩﺍ ﺍﺣﺠﻲ ﻭﺍﻟﺢ ﻋﻠﻴﺞ
ﺗﻐﻴﺮﻳﻦ ﻣﻦ ﻣﻈﻬﺮﺝ ﻋﻠﻤﻮﺩ ﺍﺭﻳﺪﺝ ﺗﻠﻔﺘﻴﻦ ﺍﻻﻧﺘﺒﺎﻩ
.. ﻭﺍﻟﻠﻪ ﺍﺳﺘﺤﻲ
.. ﺧﻠﻲ ﻋﻨﺪﺝ ﺛﻘﺔ ﺑﻨﻔﺴﺞ
ﻻ ﺗﺼﻴﺮﻳﻦ ﻋﻮﺑﺔ ﻛﻠﺶ ﻟﺞ ﻣﻮ ﺷﻠﻌﺘﻲ ﻛﻠﺒﻲ
ﺷﻮﻳﺔ ﺳﺎﻋﺪﻳﻨﻲ ﻭﺧﻠﻲ ﻫﺬﺍ ﺍﻟﻨﺎﻳﻢ ﻳﺼﺤﻰ ﻭﻳﻠﺤﻚ ﻋﻠﻰ ﻧﻔﺴﻪ
ﺟﺎﻧﺖ ﺗﺤﺠﻲ ﻭﺗﺄﺷﺮ ﻋﻠﻰ ﺭﺍﺳﻲ
ﻟﻮ ﺑﺲ ﺷﻮﻳﺔ ﺗﺎﺧﺬﻳﻦ ﻣﻦ ﺧﻔﺔ ﺩﻡ ﺍﺧﺘﺞ ﻫﺪﻯ ﻭﺣﻴﻮﻳﺘﻬﺎ
ﺑﻮﻛﺘﻬﺎ ﺭﺍﺡ ﺗﻼﺣﻈﻴﻦ ﺗﺘﻐﻴﺮ ﻫﻮﺍﻱ ﺍﻣﻮﺭ ﺑﺤﻴﺎﺗﺞ
ﻭﻛﻮﻟﻲ ﻛﺎﻟﺖ ﺭﺑﺎﺏ
.. ﻋﺰﺓ ﺗﺮﻳﺪﻳﻦ ﻣﻨﻲ ﺍﺻﻴﺮ ﻣﺨﺒﻠﺔ ﻣﺜﻞ ﻫﺪﻳﻮﺓ
ﻋﻤﻲ ﺧﻠﻴﻨﻲ ﻋﻠﻰ ﺳﺎﻟﻔﺔ ﺍﻟﻤﻼﺑﺲ ﺍﺳﺘﺮﻟﻲ
ﻣﺎ ﻋﻨﺪﻱ ﺭﻭﺡ ﺍﻟﻤﻐﺎﻣﺮﺓ ﻭﺍﻟﻤﺠﺎﺯﻓﺔ ﺍﻟﻲ ﺗﻤﻠﻜﻬﺎ ﻫﺪﻯ
ﻫﺪﻭﺷﺔ ﻋﺼﻔﻮﺭﺓ ﺣﺮﺓ ﻣﺎ ﺗﺤﺐ ﺍﻟﺘﻘﻴﺪ ﺗﺘﺼﺮﻑ ﻋﻠﻰ
ﺳﺠﻴﺘﻬﺎ ﺑﺪﻭﻥ ﻣﺎ ﺗﺤﺴﺐ ﺣﺴﺎﺏ ﻧﺘﺎﺋﺞ ﺗﺼﺮﻓﺎﺗﻬﺎ
ﻭﺍﻟﻲ ﻣﺜﻠﻲ ﺍﺗﻌﻮﺩﺕ ﻋﻠﻰ ﺣﻤﻞ ﺍﻟﻤﺴﺆﻟﻴﺔ ﻭﺍﻟﺘﺼﺮﻑ
ﺍﻟﻮﺍﻋﻲ ﻣﻦ ﺻﻐﺮﻱ ﺻﻌﺒﺔ ﺍﻏﻴﺮ ﻃﺒﻌﻲ ﻣﻦ ﺗﺎﻟﻲ
ﺍﺑﻮ ﻃﺒﻊ ﻣﺎ ﻳﺠﻮﺯ ﻣﻦ ﻃﺒﻌﻪ ﺣﺘﻰ ﻟﻮ ﺣﺎﻭﻟﺖ
ﺭﺑﺎﺏ .. ﺻﺤﻴﺢ ﻛﻼﻣﺞ ﺑﺲ ﻫﺬﺍ ﻣﺎ ﻟﻪ ﻋﻼﻗﺔ ﺍﻥ ﺍﻧﺘﻲ ﺗﺤﺎﻭﻟﻴﻦ ﺗﻬﺘﻤﻴﻦ ﻟﺤﻴﺎﺗﺞ ﻭﺗﺸﻮﻓﻴﻦ ﻣﺴﺘﻘﺒﻠﺞ
ﻫﺬﺍ ﺍﻟﺸﻲ ﻣﺎ ﻳﻘﻠﻞ ﻣﻦ ﺍﺣﺘﺮﺍﻣﺞ ﻟﻨﻔﺴﺞ
ﺑﺎﻭﻋﺖ ﻟﻠﺴﺎﻋﺔ .. ﺍﻥ ﺷﺎﺀ ﺍﻟﻠﻪ ﺭﺍﺡ ﺍﺑﺪﻱ ﺍﺣﺎﻭﻝ
ﻳﺎﻟﻠﻪ ﺍﻣﺸﻲ ﻭﺭﺍﻧﺎ ﻛﻮﻣﺔ ﺷﻐﻞ ﻭﺍﻟﻴﻮﻡ ﻻﺯﻡ ﺍﺭﺟﻊ ﻣﻦ ﻭﻛﺖ
ﺍﺳﺘﺄﺫﻧﺖ ﻣﻨﻬﻢ ﻳﻨﻄﻮﻧﻲ ﺍﺟﺎﺯﺓ ﻣﻦ ﻧﺺ ﺍﻟﺪﻭﺍﻡ
ﺍﻟﻴﻮﻡ ﺭﺍﺡ ﺍﻃﻠﻊ ﻣﻦ ﻭﻛﺖ ﻗﺮﺭﺕ ﺍﺭﻭﺡ ﻭﻳﺔ ﻫﺪﻯ ﻣﻦ ﻳﺸﺘﺮﻭﻥ ﺍﻟﺤﻠﻘﺎﺕ ﻭﺍﻟﺬﻫﺐ ﺍﺩﺭﻱ ﺑﻴﻬﺎ
ﺧﻮﺍﻓﺔ ﺧﺎﻑ ﺗﺴﻮﻳﻠﻬﺎ ﻣﺼﻴﺒﺔ ﺑﺎﻟﻄﻠﻌﺔ ﻭﺗﺠﻴﺐ ﺍﻟﻌﻴﺪ
.. ﺍﻱ ﺻﺪﻙ ﻫﻢ ﻳﺎﻟﻠﻪ ﺗﺮﺣﻴﻦ ﺯﻳﻦ ﺗﺴﻮﻳﻦ ﺭﻭﺣﻲ ﻭﻳﺎﻫﺎ ﺍﺣﺴﻦ ﺣﺘﻰ ﺗﺴﻴﻄﺮﻳﻦ ﻋﺎﻟﻮﺿﻊ
ﺳﻠﻤﺖ ﻋﻠﻴﻬﺎ ﻭﺑﻌﺪﻫﺎ
ﻛﻞ ﻭﺣﺪﺓ ﺭﺍﺣﺖ ﻋﻠﻰ ﺷﻐﻠﻬﺎ
ﺍﺧﺬﺕ ﺟﺪﻭﻝ ﻣﻨﺎﻭﺑﺘﻲ ﻭﺑﻠﺸﺖ ﺑﻮﺍﺟﺒﺎﺗﻲ
ﻣﻨﻬﻤﻜﺔ ﺑﺎﻟﺸﻐﻞ
ﻭﺟﺎﻥ ﺍﺷﻮﻑ ﺍﻟﻤﺮﻳﺔ ﺍﻟﺠﺒﻴﺮﺓ ﺍﻡ ﺗﻘﻰ ﺟﺎﺭﺓ ﺣﻴﺪﺭ
ﺩﺗﻤﺸﻲ ﺑﺎﻟﻤﻤﺮ ﻭﻭﻳﺎﻫﺎ ﻣﻴﺎﺩﺓ
ﺑﺎﻭﻋﺖ ﻣﻨﺎ ﻣﻨﺎ ﺍﺷﻮ ﺣﻴﺪﺭ ﻣﺎﻛﻮ ﻣﻮ ﻭﻳﺎﻫﻢ
ﺍﻧﺘﺒﻬﺖ ﻋﻠﻴﻬﺎ ﺷﺎﻳﻠﺔ ﺍﻟﻔﺎﻳﻞ ﻣﺎﻝ ﺍﻟﻔﺤﻮﺻﺎﺕ ﻭﺍﻟﺘﺤﺎﻟﻴﻞ ﺑﻴﺪﻫﺎ
ﻣﻌﻨﺎﻫﺎ ﺣﻴﺪﺭ ﻣﻮﺟﻮﺩ ﻫﻨﺎ ﺑﺲ ﻭﻳﻨﻪ
.....
ﻭﺑﺪﻭﻥ ﻣﺎ ﺍﺣﺲ ﺍﺧﺬﺗﻨﻲ ﺭﺟﻠﻴﺔ ﻟﻌﻨﺪ ﺍﻡ ﺗﻘﻰ
ﻭﻋﻴﻮﻧﻲ ﺗﺪﻭﺭ ﻋﻠﻴﻪ
ﺷﺎﻓﺘﻨﻲ ﻭﺍﺑﺘﺴﻤﺖ .. ﻫﻼ ﺑﺴﻮﺭﻫﺎ ﻭﻧﻮﺭﻫﺎ ﺷﻠﻮﻧﺞ ﺧﺎﻟﺔ ﺷﻴﻤﺎﺀ
.. ﻫﻼ ﺑﻴﺞ ﺧﺎﻟﺔ ﻫﺎ ﺩﺧﻠﺘﻲ ﻟﻠﺪﻛﺘﻮﺭ ﻟﻮ ﺑﻌﺪﺝ
.. ﻻ ﻭﺍﻟﻠﻪ ﺑﻌﺪﻧﻲ ﺳﺘﻮﻧﺎ ﻭﺻﻠﻨﺎ ﺟﺎﺑﻨﻲ ﺣﻴﺪﺭ
ﻭﺧﻄﻴﺔ ﻫﺎﻱ ﺍﻟﺒﻨﻴﺔ ﺍﺳﺘﻠﻤﺘﻨﻲ ﺭﺍﺡ ﺗﺪﺧﻠﻨﻲ ﻋﺎﻟﺪﻛﺘﻮﺭ
.. ﺍﻥ ﺷﺎﺀ ﺍﻟﻠﻪ ﻣﺎ ﺑﻴﺞ ﺑﺲ ﺍﻟﻌﺎﻓﻴﺔ
ﺳﻠﻤﺖ ﻋﻠﻴﻬﺎ ﻭﻗﺒﻞ ﻻ ﺗﺮﻭﺡ ﻛﻠﺘﻠﻬﺎ
.. ﺧﺎﻟﺔ ﺍﻣﺎﻧﺔ ﺍﺫﺍ ﺗﺤﺘﺎﺟﻴﻦ ﺷﻲ ﻛﻠﻴﻠﻲ ﺍﻧﻲ ﻣﺜﻞ ﺑﻨﺘﺞ ﻭﺍﻥ ﺷﺎﺀ ﺍﻟﻠﻪ ﻣﺎ ﺍﻗﺼﺮ
.. ﺗﺴﻠﻤﻴﻦ ﺣﺒﻴﺒﺔ ﺭﺑﻲ ﻳﺤﻔﻈﺞ ﻟﺸﺒﺎﺑﺞ
ﺗﺮﻛﺘﻬﻢ ﻭﺭﺣﺖ ﻋﻠﻰ ﺷﻐﻠﻲ
ﻭﻫﻲ ﺭﺍﺣﺖ ﻭﻳﺔ ﻣﻴﺎﺩﺓ
ﻟﻄﺎﻟﻤﺎ ﺍﺷﺘﻐﻞ ﺍﻓﻜﺮ ﺑﻲ ﻭﺍﺗﺴﺎﺋﻞ ﻫﺴﺔ ﻫﻮ ﻭﻳﻦ
ﺍﺷﻮ ﻣﺎ ﺷﻔﺘﻪ ﺍﻟﻴﻮﻡ ﻣﻮ ﻋﻠﻰ ﺍﻻﺳﺎﺱ ﻫﻮ ﺟﺎﻳﺐ ﺍﻡ ﺗﻘﻰ
ﺍﻫﻮﻭﻭ ﻫﺴﺔ ﺍﻧﻲ ﺑﻜﻞ ﻋﻘﻠﻲ ﺩﺍ ﺍﻓﻜﺮ ﺑﻲ
ﻭﺍﻟﻠﻪ ﻓﺎﺭﻏﺔ ﻭﻣﺎ ﻋﻨﺪﻱ ﺷﻐﻞ ﻭﻋﻤﻞ
ﻣﺮﻳﺖ ﻣﻦ ﻳﻢ ﺍﻻﺳﺘﻌﻼﻣﺎﺕ ﺣﺘﻰ ﺍﻭﻗﻊ ﻋﻠﻰ ﺳﺠﻞ ﺍﻟﺤﻀﻮﺭ ﻣﺎ ﺑﻘﺔ ﺷﻲ ﻭﺍﻃﻠﻊ
ﻭﺍﻧﺘﺒﻬﺖ ﻟﻨﻈﺮﺍﺕ ﻣﻮﻇﻒ ﺍﻻﺳﺘﻌﻼﻣﺎﺕ ﺷﻠﻮﻥ
ﻳﺒﺎﻭﻉ ﻋﻠﻴﺔ ﺑﺘﻔﺤﺺ ﺍﺗﻀﺎﻳﻘﺖ ﻣﻦ ﻋﻨﺪﻩ ﺻﺤﻴﺢ ﻧﻈﺮﺗﻪ ﺑﻴﻬﺎ ﺍﻋﺠﺎﺏ ﺑﺲ
ﻫﻮ ﺍﻟﻮﻟﺪ ﻣﻮ ﻣﺤﺘﺮﻡ ﻭﺳﻤﻌﺘﻪ ﺯﻓﺖ
ﻟﺬﻟﻚ ﻣﺎ ﺭﺣﺒﺖ ﺑﺄﻋﺠﺎﺑﻪ
ﺑﻌﺪﻫﺎ ﺳﺄﻟﺘﻪ ﻋﻦ ﺳﺠﻞ ﺍﺳﻤﺎﺀ ﺍﻟﻤﺮﺿﻰ ﻭﻫﻮ ﻇﻞ ﻳﻤﺎﻃﻞ
ﻭﻳﺤﺎﻭﻝ ﻳﻔﺘﺢ ﻭﻳﺎﻱ ﺣﺪﻳﺚ ﺑﺲ ﺍﻧﻲ ﻣﺎ ﺍﻧﻄﻴﺘﻪ ﻣﺠﺎﻝ
ﺍﺧﺬﺕ ﺍﻻﺳﻤﺎﺀ ﻭﺭﺣﺖ ﻋﻠﻰ ﺍﻟﺪﻛﺘﻮﺭﺓ ﻣﻴﺴﺎﺀ ﺍﻟﻲ ﺍﺷﺘﻐﻞ
ﺗﺤﺖ ﺍﺷﺮﺍﻓﻬﺎ
ﺑﻘﻰ ﺑﺲ ﺍﺍﻛﺪ ﻣﻮﺍﻋﻴﺪ ﺍﻟﻌﻤﻠﻴﺎﺕ ﻭﺍﺧﺬ ﻏﺮﺍﺿﻲ ﻭﺍﻃﻠﻊ
ﻛﻤﻠﺖ ﻃﺮﻳﻘﻲ ﻭﺟﺎﻥ ﺍﻟﻜﺔ ﺷﺎﻏﻞ
ﺍﻓﻜﺎﺭﻱ ﻭﺍﻛﻒ ﻳﺤﺠﻲ ﻭﻳﺔ ﺍﻟﺪﻛﺘﻮﺭﺓ
ﻣﻨﺪﻣﺞ
ﺣﺴﻴﺖ ﺑﻜﻠﺒﻲ ﺍﺟﺔ ﻳﻮﻛﻒ ﻣﻦ ﺍﻟﻔﺮﺣﺔ
ﺟﺎﻧﺖ ﺍﻟﺪﻛﺘﻮﺭﺓ ﺗﺴﻮﻟﻒ ﻭﺗﻀﺤﻚ ﻭﻳﺎﻩ ﻭﻫﻮ
ﺑﺲ ﻳﺒﺘﺴﻢ ﺑﺲ ﺟﺎﻧﺖ ﺍﺑﺘﺴﺎﻣﺘﻪ ﻣﺠﺎﻣﻠﺔ .
ﻭﺑﻨﻔﺲ ﺍﻟﻮﻛﺖ ﺟﺎﻥ ﻛﻠﺶ ﻣﻨﺪﻣﺞ ﻭﻳﺎﻫﺔ ﺑﺎﻟﻜﻼﻡ
ﻣﺎ ﺍﻋﺮﻑ ﻟﻴﺶ ﺿﺠﺖ ﻣﻦ ﺷﻔﺘﻪ ﺻﺎﺏ ﻛﻞ ﺍﻫﺘﻤﺎﻣﻪ ﻭﺍﻧﺘﺒﺎﻫﻪ ﻋﺎﻟﺪﻛﺘﻮﺭﺓ
ﺭﺣﺖ ﺑﻜﻞ ﻟﻬﻔﺔ ﺍﻗﺘﺮﺑﺖ ﻣﻨﻬﻢ ﻭﺳﻠﻤﺖ ﻋﻠﻴﻬﻢ ﻭﺍﻧﻲ ﺣﺎﺑﺴﺔ
ﺍﻻﻧﻔﺎﺱ ﺣﺠﻴﺖ ﺑﺼﻮﺕ ﻣﺘﺤﻤﺴﺔ
.. ﺷﻠﻮﻧﻚ ﺍﺳﺘﺎﺫ ﺣﻴﺪﺭ
ﺟﻨﺖ ﻣﻨﺘﻈﺮﺓ ﺍﺷﻮﻑ ﻧﻈﺮﺍﺕ ﺍﻻﻋﺠﺎﺏ ﺑﻌﻴﻮﻧﻪ
ﻣﻦ ﻳﺸﻮﻑ ﻣﻈﻬﺮﻱ ﺍﻟﺠﺪﻳﺪ
ﺣﺠﺔ ﺑﺪﻭﻥ ﻣﺎ ﻳﺮﻓﻊ ﻋﻴﻨﻪ ﻣﻦ ﺍﻟﺪﻛﺘﻮﺭﺓ
.. ﻫﻼ ﺷﻴﻤﺎﺀ
ﻭﺭﺟﻊ ﻛﻤﻞ ﻛﻼﻣﻪ ﻭﻳﺔ ﺍﻟﺪﻛﺘﻮﺭﺓ
ﺭﻣﺸﺖ ﻋﻴﻮﻧﻲ ﻣﺜﻞ ﺍﻟﻲ ﺍﻧﻀﺮﺑﺖ ﻋﻠﻰ ﻭﺟﻬﻲ
ﻫﺎﻱ ﺷﻨﻮ ﺑﺲ ( ﻫﻼ ﺷﻴﻤﺎﺀ )
ﺭﺻﻴﺖ ﻋﻠﻰ ﺍﺳﻨﺎﻧﻲ ﺑﻐﻴﺾ ﻣﻦ ﺳﻼﻣﻪ ﺍﻟﺒﺎﺭﺩ ﻭﻳﺎﻱ
ﺣﺘﻰ ﻣﺎ ﻛﻠﻒ ﻧﻔﺴﻪ ﻳﻠﻘﻲ
ﻋﻠﻴﺔ ﻧﻈﺮﺓ ﻭﺣﺪﺓ ﻋﻤﺔ ﺣﺘﻰ ﻋﻤﺔ
ﻻ ﻭﺍﻻﻗﻮﺓ ﻣﻨﻬﺎ ﻛﻤﻞ ﻛﻼﻣﻪ ﻭﻳﺔ ﺍﻟﺪﻛﺘﻮﺭﺓ ﻣﺘﺠﺎﻫﻠﻨﻲ
ﺑﺲ ﺍﻧﺘﺒﻬﺖ ﻋﻠﻰ ﻧﻈﺮﺍﺕ ﺍﻟﺪﻛﺘﻮﺭﺓ ﺑﺎﻭﻋﺖ ﻋﻠﻴﺔ ﺑﺄﺳﺘﻐﺮﺍﺏ ﺍﻟﻈﺎﻫﺮ ﺍﻧﺘﺒﻬﺖ ﻋﺎﻟﺘﻐﻴﻴﺮ
ﻗﻄﻌﺖ ﻛﻼﻣﻬﺎ ﻭﻳﺔ ﺣﻴﺪﺭ ﻭﺳﺄﻟﺘﻨﻲ
.. ﺷﻴﻤﺎﺀ ﻛﺼﺖ ﺷﻌﺮﺝ ﻛﻠﺶ ﺣﻠﻮﺓ ﻫﺎﻱ ﻭﻳﻦ ﻣﺴﻮﻳﺘﻬﺎ
ﺍﻧﺘﺒﻬﺖ ﻟﻼﺥ ﺭﻓﻊ ﻋﻴﻮﻧﻪ ﻭﺑﺎﻭﻉ ﻋﻠﻴﺔ ﻭﻛﺄﻧﻤﺎ ﺳﺆﺍﻝ ﺍﻟﺪﻛﺘﻮﺭﺓ ﻟﻔﺖ ﺍﻧﺘﺒﺎﻫﻪ ﻭﺻﺎﺭ ﻳﺒﺎﻭﻉ ﻋﻠﻴﺔ ﺑﺘﻤﻌﻦ
ﺩﺭﺕ ﻭﺟﻬﻲ ﻋﻨﻪ ﺑﺪﻭﻥ ﻣﺎ ﺍﺑﺎﻭﻉ ﻋﻠﻴﻪ
ﺍﺑﺘﺴﻤﺖ ﻟﻠﺪﻛﺘﻮﺭﺓ ﻭﺟﺎﻭﺑﺘﻬﺎ
.. ﺍﺷﻜﺮﺝ ﺩﻛﺘﻮﺭﺓ ﻫﺎﻱ ﺍﺧﺘﻲ ﻛﺼﺘﻪ ﺍﻟﻲ ﺻﺎﺭﻟﻬﺎ ﺯﻣﺎﻥ
.....
ﺍﺗﻠﻤﺴﺖ ﺷﻌﺮﻱ ﻭﺍﺗﺬﻛﺮﺕ ﻣﻮﻗﻒ ﺑﺎﺑﺎ ﺑﻴﻮﻡ ﻛﺺ ﺷﻌﺮﻱ
ﻭﺿﺤﻰ ﻋﺪﻟﺘﻠﻲ ﺍﻟﻜﺼﺔ
ﺍﻟﺪﻛﺘﻮﺭﺓ .. ﺑﺲ ﺗﺪﺭﻳﻦ ﺣﻴﻞ ﻻﻳﻜﺔ ﻋﻠﻴﺞ
.. ﺍﺷﻜﺮﺝ ﻋﻴﻮﻧﺞ ﺍﻟﺤﻠﻮﺍﺕ
ﺍﺟﺔ ﺩﻛﺘﻮﺭ ﻣﻨﺬﺭ ﻭﺳﻠﻢ ﻋﻠﻴﻬﻢ ﻭﺣﺠﺔ ﻭﻳﺔ
ﺣﻴﺪﺭ ﻋﻠﻰ ﺍﺟﻬﺰﺓ ﻃﺒﻴﺔ ﻣﻮﺻﻴﻪ ﻟﻠﻌﻴﺎﺩﺓ
ﻭﺍﻧﻲ ﻭﺍﻟﺪﻛﺘﻮﺭﺓ ﺟﻨﺎ ﻧﺤﺠﻲ ﺑﺨﺼﻮﺹ ﻣﻮﺍﻋﻴﺪ ﺍﻟﻌﻤﻠﻴﺎﺕ ﺍﻟﻘﻴﺼﺮﻳﺔ ﺍﻟﻲ ﻋﻨﺪﻫﺎ ﻻﻥ ﻫﻨﺎ ﻫﻮﺍﻱ ﺩﻛﺘﻮﺭﺍﺕ
ﻭﻛﻞ ﻭﺣﺪﺓ ﻋﻨﺪﻫﺎ ﻣﺮﺍﺟﻌﺎﺗﻬﺎ ﺍﻟﺨﺎﺻﺔ ﺍﻟﻲ ﻳﺴﻮﻥ ﻋﻨﺪﻫﻢ ﻋﻤﻠﻴﺎﺕ
ﻟﺬﻟﻚ ﻻﺯﻡ ﺍﺫﻛﺮﻫﺎ ﺣﺘﻰ ﻧﺠﻬﺰ ﺻﺎﻟﺔ ﺍﻟﻌﻤﻠﻴﺎﺕ ﻋﺎﻟﻤﻮﻋﺪ ﺍﻟﻤﺤﺪﺩ
ﺟﻨﺎ ﻧﺤﺠﻲ ﻭﺣﺠﺔ ﺍﻟﺪﻛﺘﻮﺭ ﻣﻨﺬﺭ ﺑﺄﻋﺠﺎﺏ
.. ﻫﺎﻱ ﺷﻨﻮ ﺷﻮﻣﺔ ﻃﺎﻟﻌﺔ ﻛﻴﻜﺔ ﺍﻟﻴﻮﻡ
ﺍﺗﻌﻮﺩﺕ ﻋﺎﻟﻜﻞ ﻳﺼﻴﺤﻮﻧﻲ ﺷﻮﻣﺔ
ﺻﺎﺭﺕ ﺧﺪﻭﺩﻱ ﺣﻤﺮ
.. ﺍﺷﻜﺮ ﺩﻛﺘﻮﺭ ﻭﺍﻟﻠﻪ ﺧﺠﻠﺘﻮﻧﻲ
ﻣﻨﺬﺭ .. ﺩﻛﺘﻮﺭﺓ ﻣﻴﺴﺎﺀ ﺍﻟﻠﻪ ﻋﻠﻴﺞ ﺑﺎﻭﻋﻴﻠﻬﺎ ﺷﻠﻮﻥ ﺻﺎﺭﺕ ﻃﻤﺎﻃﺔ
ﺟﺎﻥ ﻳﻀﺤﻚ ﻭﻳﺤﺠﻲ
.. ﻫﻮ ﺍﻛﻠﻠﻬﺎ ﺍﺫﺍ ﻳﺸﻮﻓﻮﻧﺞ ﺍﻟﻤﺮﺿﻰ ﻛﺒﻞ ﻳﻄﻴﺒﻮﻥ
ﺑﺪﻭﻥ ﻣﻴﺎﺧﺬﻭﻥ ﻋﻼﺝ ﻋﻠﻰ ﻫﺎﻱ ﺍﻟﺨﺪﻭﺩ
ﻣﻠﺘﻬﻴﻦ ﻧﺴﻮﻟﻒ
ﻭﻗﻄﻊ ﻋﻠﻴﻨﺎ ﺍﻟﺤﺪﻳﺚ ﺻﻮﺕ ﺣﻴﺪﺭ ﺍﻟﺨﺸﻦ
ﺑﺎﻭﻋﻨﺎ ﻋﻠﻴﻪ ﺟﺎﻥ ﻋﺎﻛﺪ ﺣﻮﺍﺟﺒﻪ ﻭﻳﺒﺎﻭﻉ ﻋﻠﻴﺔ
ﻭﺳﺄﻟﻨﻲ
.. ﺳﺖ ﺷﻴﻤﺎﺀ ﺍﻡ ﺗﻘﻰ ﺩﺧﻠﺖ ﻟﻠﺪﻛﺘﻮﺭ ﻟﻮ ﺑﻌﺪﻫﺎ
.. ﺍﻱ ﻗﺒﻞ ﺷﻮﻳﺔ ﺷﻔﺘﻬﺎ ﺩﺧﻠﺖ ﻟﻠﺪﻛﺘﻮﺭ
.. ﺍﺫﺍ ﻣﺘﺼﻴﺮ ﺯﺣﻤﺔ ﻣﻤﻜﻦ ﺗﺸﻮﻓﻴﻬﺎ ﺧﻠﺼﺖ ﻟﻮ ﺑﻌﺪﻫﺎ
ﻻﻥ ﻭﺭﺍﻱ ﻃﻠﻌﺔ ﻣﺴﺘﻌﺠﻞ
ﺟﺎﻥ ﻳﺤﺠﻲ ﻭﻳﺎﻱ ﺑﺘﺮﻓﻊ ﻣﻦ ﻭﺭﺓ ﺧﺸﻤﻪ
ﺍﺗﻤﻨﻴﺖ ﺍﺿﺮﺑﻪ ﻋﻠﻰ ﺭﺍﺳﻪ ﺑﺎﻟﺴﺠﻞ ﻫﺬﺍ ﺷﺒﻲ ﺷﻴﺤﺲ
ﻛﻠﺶ ﺷﺎﻳﻒ ﻧﻔﺴﻪ ﻳﺘﺄﻣﺮ ﻋﻠﻴﺔ ﻋﺒﺎﻟﻚ ﺍﺷﺘﻐﻞ ﻋﻨﺪﻩ
ﺷﻠﻮﻥ ﺻﺮﻓﻨﻲ ﻋﻤﺔ ﺣﺘﻰ ﻋﻤﺔ
.. ﻻ ﻋﺎﺩﻱ ﺍﺳﺘﺎﺫ ﻫﺴﺔ ﺍﺭﻭﺡ ﺍﺷﻮﻓﻬﺎ ﺍﻟﻚ
ﺍﻟﺘﻔﺘﺖ ﻋﻠﻰ ﺍﻟﺪﻛﺘﻮﺭﺓ ﻣﻴﺴﺎﺀ ﺍﺗﺮﺧﺼﺖ ﻣﻨﻬﺎ
.. ﺩﻛﺘﻮﺭ ﻗﺒﻞ ﻻ ﺍﻃﻠﻊ ﺍﺭﻳﺪﺝ ﺑﺲ ﺗﺄﻛﺪﻳﻠﻲ ﻋﻠﻰ ﺍﻟﻤﻮﺍﻋﻴﺪ ﺣﺘﻰ ﺍﺳﻠﻤﻬﻢ ﻟﻼﺳﺘﻌﻼﻣﺎﺕ
ﺍﺧﺬﺕ ﻣﻨﻲ ﺍﻟﻮﺭﻗﺔ ﻭﺩﻭﻧﺖ ﻋﻠﻰ ﻛﻢ ﺍﺳﻢ ﻭﺍﻧﻄﺘﻬﺎ ﺍﻟﻲ
ﺑﻌﺪﻫﺎ ﺭﺣﺖ ﻟﻐﺮﻓﺔ ﺍﻟﻤﻤﺮﺿﺎﺕ ﻧﺰﻋﺖ ﺍﻟﺼﺪﺭﻳﺔ
ﻭﻋﻠﻜﺘﻬﺎ ﻭﺍﺧﺬﺕ ﺟﻨﻄﺘﻲ ﻭﺣﻄﻴﺘﻬﺎ ﻋﻠﻰ ﻛﺘﻔﻲ
ﺍﺟﺘﻲ ﻣﻤﺮﺿﺔ ﻭﻛﺎﻟﺖ .. ﻫﺎﻱ ﺟﻨﻄﺘﺞ ؟؟
.. ﺍﻱ ﺟﻨﻄﺘﻲ
.. ﻧﻘﺎﻟﺞ ﺻﺎﺭﻟﻪ ﺳﺎﻋﺔ ﻳﺪﻙ ﺳﻄﺮﻧﺎ
ﻓﺘﺤﺖ ﺍﻟﺠﻨﻄﺔ ﻭﺭﻓﻌﺖ ﺍﻟﻨﻘﺎﻝ ﻟﻜﻴﺘﻪ ﻣﻐﻠﻖ ﻣﺨﻠﺺ ﺷﺤﻦ
.. ﻳﺎ ﺧﻠﺺ ﺷﺤﻨﻪ ﺍﻟﺒﻄﺎﺭﻳﺔ ﺗﻌﺒﺎﻧﺔ ﺑﺴﺮﻋﺔ ﺗﺨﻠﺺ ﺷﺤﻦ
.. ﺣﻘﻪ ﻳﺨﻠﺺ ﺷﺤﻦ ﻣﻦ ﻛﺪ ﻣﺎ ﺩﻙ ﺩﺧﻨﺎ ﻛﻞ ﺷﻮﻳﺔ ﺗﺪﺧﻞ ﻭﺣﺪﺓ ﻭﻧﺴﺄﻟﻬﺎ ﻫﺎﻱ ﺟﻨﻄﺘﺞ ﺗﻜﻮﻝ ﻻ ﺗﺎﻟﻲ ﻃﻠﻌﺖ ﺍﻟﺞ
.. ﺍﻛﻴﺪ ﻫﺪﻯ ﺩﺗﺘﺼﻞ ﺍﺩﺭﻱ ﺑﻴﻬﺎ ﺍﻟﻴﻮﻡ ﺭﺍﺡ ﺗﺎﻛﻞ ﻛﻠﺒﻲ ﻣﻦ ﺍﻟﺘﻮﺗﺮ ﻭﺍﻟﺨﻮﻑ ﻭﺗﺮﻳﺪﻧﻲ ﻭﻳﺎﻫﺎ ﺟﻨﻬﺎ ﺟﺎﻫﻠﺔ
ﺑﺎﻭﻋﺖ ﻟﺮﻭﺣﻲ ﺑﺎﻟﻤﺮﺍﻳﺎ ﻭﻋﺪﻟﺖ ﺷﻌﺮﻱ ﻭﺍﻧﻲ ﺍﺑﺘﺴﻢ ﺍﺗﺬﻛﺮﺕ ﺷﻠﻮﻥ ﻧﺎﻣﺖ ﺑﺤﻀﻨﻲ ﺧﺎﻳﻔﺔ
......
ﺳﻠﻤﺖ ﻋﺎﻟﺒﻨﺎﺕ ﻭﻃﻠﻌﺖ ﺟﻨﺖ ﺩﺍﻣﺸﻲ ﺑﺎﻟﻤﻤﺮ
ﻣﺘﻮﺟﻪ ﻋﻠﻰ ﺑﺎﺏ ﺍﻟﺨﺮﻭﺝ ﺍﺟﺎﻧﻲ ﺻﻮﺕ ﺭﺑﺎﺏ
ﻣﻦ ﻭﺭﺍﻱ
ﻭﻛﻔﺖ ﺍﻟﺘﻔﺘﺖ ﻋﻠﻴﻬﺎ
.. ﺷﻴﻤﺎﺀ ﺍﻭﻛﻔﻲ ﻟﺤﻈﺔ
ﺍﻟﻈﺎﻫﺮ ﺟﺎﻧﺖ ﺗﻤﺸﻲ ﻣﺴﺘﻌﺠﻠﺔ
ﻭﻛﻔﺖ ﻳﻤﻲ ﺍﻧﻔﺎﺳﻬﺎ ﺳﺮﻳﻌﺔ
.. ﻫﺎ ﺭﺑﺎﺏ ﺷﺒﻴﺞ
ﻣﺪﺗﻠﻲ ﻓﺎﻳﻞ ﻭﻛﺎﻟﺖ .. ﻫﺎﺝ ﻟﺰﻣﻲ ﻫﺬﺍ ﻓﺎﻳﻞ ﺍﻡ ﺗﻘﻰ ﻧﺴﺘﻪ
ﻋﺎﻟﻤﻴﺰ ﺍﺧﺬﻱ ﻭﻳﺎﺝ ﺳﺘﻮﻫﻢ ﻃﻠﻌﻮﺍ ﻫﺴﺔ ﺗﻠﻜﻴﻬﻢ ﻳﻢ ﺍﻟﺒﺎﺏ
ﻏﻤﺰﺗﻠﻲ .. ﻣﺎ ﺍﻭﺻﻴﺞ ﺍﺳﺘﻐﻠﻲ ﺍﻟﻔﺮﺻﺔ
.. ﺍﻛﺺ ﺍﻳﺪﻱ ﺍﺫﺍ ﻣﺎ ﻃﻠﻌﺘﻲ ﺍﻧﺘﻲ ﺍﻟﻲ ﺍﺧﺬﺗﻲ ﻣﺘﻌﻤﺪﺓ ﺣﺘﻰ ﺗﺨﻠﻴﻨﻲ ﺍﻧﻲ ﺍﻭﺩﻳﻪ
.. ﺍﻫﻮﻭﻭﻭ ﻫﺴﺔ ﺩﻳﺎﻟﻠﻪ ﻣﻮ ﻋﻠﻰ ﺍﺳﺎﺱ ﺍﻧﻲ ﻓﺎﺭﻏﺘﻠﺞ
ﻭﺍﻛﻌﺪ ﺍﺭﺗﺐ ﻣﻮﺍﻋﻴﺪ ﺍﻟﻐﺮﺍﻡ ﻣﺎﻟﺘﺞ
ﻳﺎﻟﻠﻪ ﺷﻮ ﺍﺗﺤﺮﻛﻲ ﺑﺴﺮﻋﺔ ﻗﺒﻞ ﻻ ﻳﺮﻭﺡ
ﺍﺧﺬﺗﻪ ﻣﻨﻬﺎ ﻭﺍﻧﻲ ﺍﺩﺭﺩﻡ ﻋﻠﻴﻬﺎ
.. ﻫﺴﺔ ﺷﻴﻜﻮﻝ ﻋﻠﻴﺔ ﺍﻛﻴﺪ ﺭﺍﺡ ﻳﺎﺧﺬ ﻓﻜﺮﺓ ﻣﻮ ﺯﻳﻨﺔ
ﻋﻠﻴﺔ ﻭﻋﺒﺎﻟﻪ ﺩﺍ ﺍﺗﻮﺩﺩﻟﻪ
ﺷﻔﺘﻪ ﻣﻦ ﺑﻌﻴﺪ ﻻﺯﻡ ﺍﻳﺪ ﺍﻡ ﺗﻘﻰ ﺩﻳﻤﺸﻴﻬﺎ .
ﻗﺮﻳﺐ ﻋﺎﻟﺒﻮﺍﺑﺔ ﺭﺣﺖ ﺑﺄﺗﺠﺎﻫﻢ
.. ﻟﺤﻈﺔ ﺍﺳﺘﺎﺫ ﺣﻴﺪﺭ
ﺍﻟﺘﻔﺖ ﻋﻠﻴﺔ ﻭﺑﺎﻭﻉ .. ﻫﺎ ﺷﻴﻤﺎﺀ
ﻣﺪﻳﺖ ﺍﻟﻔﺎﻳﻞ
.. ﻫﺬﺍ ﻓﺎﻳﻞ ﺍﻟﻔﺤﻮﺻﺎﺕ ﻣﺎﻝ ﺍﻡ ﺗﻘﻰ ﻧﺴﻴﺘﻮﺍ
ﺑﺎﻭﻉ ﻋﻠﻴﺔ ﻭﺭﻓﻊ ﺣﺎﺟﺒﻪ
.. ﻻ ﻣﺎ ﻧﺴﻴﺘﻪ ﺍﻧﻲ ﺗﺮﻛﺘﻪ ﻋﺎﻟﻤﻴﺰ ﺣﺘﻰ ﺍﻟﺪﻛﺘﻮﺭ ﻣﻨﺬﺭ
ﻳﺸﻮﻑ ﺍﻟﺘﺤﺎﻟﻴﻞ ﻭﻳﻜﺘﺐ ﺍﻟﺘﻘﺮﻳﺮ ﻣﻦ ﻳﻔﺮﻍ
ﺭﻭﺣﻲ ﺭﺟﻌﻲ ﻟﻤﻜﺎﻧﻪ
ﻳﻤﺔ .. ﻳﻤﺔ ﺍﺗﻤﻨﻴﺖ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ ﻣﻦ ﺍﻟﻔﺸﻠﺔ
ﻋﺎﺍﺍﺍﺍﺍﺍ ﺍﺗﻤﻨﻴﺖ ﻛﻮﻥ ﺭﺑﺎﺏ ﻫﺴﺔ ﻭﺍﻛﻔﺔ ﻛﺪﺍﻣﻲ
ﻭﺍﻟﻠﻪ ﺍﺷﺒﻌﻬﺎ ﺭﻓﺲ ﻟﺤﺪ ﻣﺎ ﺗﺼﻴﺢ ﺍﻟﺘﻮﺑﺔ ﻭﻣﺎ ﺍﺗﺮﺩﺩ ﻟﺤﻈﺔ ﻭﺣﺪﺓ ﺍﺳﺤﻠﻬﺎ
ﺍﻟﻠﻪ ﻳﺎﺧﺬﺝ ﻳﺎ ﺭﺑﺎﺏ ﺧﻠﺘﻨﻲ ﺑﻤﻮﻗﻒ ﺑﺎﻳﺦ ﻛﺪﺍﻡ ﺍﻻﺳﺘﺎﺫ ﺣﻴﺪﺭ
ﺟﻠﻴﺖ ﺻﻮﺗﻲ
.. ﺍﺣﻢ .. ﺍﺣﻢ ﺍﺍﻋﺘﺬﺭ ﻣﻨﺘﺒﻬﺖ
.. ﻻ ﻋﺎﺩﻱ ﻣﺼﺎﺭ ﺷﻲ ﻣﺘﻌﻮﺩ ﻋﻠﻰ ﻫﻴﺞ ﻧﻤﺎﺫﺝ
ﺩﺍﺋﻤﺎ ﺗﻜﻌﺪﻭﻥ ﺗﺪﻭﺭﻭﻥ ﺍﻟﻔﺮﺹ ﻭﺍﻻﻋﺬﺍﺭ
ﺣﺘﻰ ﺗﺘﻘﺮﺑﻮﻥ ﺑﺲ ﺟﻨﺖ ﺍﺗﻮﻗﻊ ﺍﻧﺘﻲ ﺗﺨﺘﻠﻔﻴﻦ ﻋﻨﻬﻦ
ﺑﺲ ﻣﻊ ﺍﻻﺳﻒ ﺗﺼﺮﻓﺎﺗﺞ ﺗﺜﺒﺖ ﺍﻟﻌﻜﺲ
ﻳﻤﺔ ﺍﻧﺎ ﺣﺠﺔ ﻫﻴﺞ ﻭﺍﻧﺎ ﺣﺴﻴﺖ ﺍﻟﺪﺧﺎﻥ ﻛﺎﻡ ﻳﻄﻠﻊ ﻣﻦ ﺍﺫﺍﻧﺎﺗﻲ ﻫﺬﺍ ﺷﻨﻮ ﻗﺼﺪﻩ
ﻋﻘﺪﺕ ﺣﻮﺍﺟﺒﻲ ﺑﻐﻀﺐ ﻭﻏﻴﺾ ﻭﺭﺻﻴﺖ ﻋﻠﻰ ﺍﺳﻨﺎﻧﻲ
.. ﺍﻟﻌﻔﻮ ﺷﻨﻮ ﻗﺼﺪﻙ
.. ﺍﻟﺤﻠﻴﻢ ﺗﻜﻔﻴﻪ ﺍﻻﺷﺎﺭﺓ
ﺩﺍﺭ ﻭﺟﻬﻪ ﻭﺭﺍﺡ ﻋﻠﻰ ﺍﻡ ﺗﻘﻰ
ﻭﺍﺧﺬﻫﺎ ﻭ ﺍﺗﻮﺟﻪ ﻋﺎﻟﻜﺮﺍﺝ
ﻳﻤﻜﻦ ﻟﻮ ﻣﻴﺘﺔ ﻭﻻ ﻫﺎﻱ ﺍﻟﻔﺸﻠﺔ ﺍﻟﻠﻪ ﻳﻠﻌﻦ ﺑﻠﻴﺴﺞ ﻳﺎ ﺭﺑﺎﺏ
ﺷﻠﻮﻥ ﻓﺸﻠﺔ
ﺍﻧﻲ ﻣﻦ ﺍﻻﻭﻝ ﺟﻨﺖ ﺍﻋﺮﻓﻪ ﻣﻐﺮﻭﺭ ﻭﺷﺎﻳﻒ ﺣﺎﻟﻪ
ﺑﺲ ﻣﻮ ﺻﻮﺟﻪ ﺻﻮﺟﻲ ﺍﻧﻲ ﺍﻟﻲ ﺳﻤﻌﺖ ﻛﻼﻡ ﺳﺖ ﺭﺑﺎﺏ
ﺭﺟﻌﺖ ﻟﻠﻤﺴﺘﺸﻔﻰ ﻭﺷﻔﺖ ﺍﻟﻌﺎﻣﻠﺔ ﺍﻡ ﺳﺎﻣﺮ
ﻭﺳﻠﻤﺘﻬﺎ ﺍﻟﻔﺎﻳﻞ ﻭﻛﻠﺘﻠﻬﺎ ﺳﻠﻤﻲ ﻫﺬﺍ ﺍﻟﻔﺎﻳﻞ ﻟﺮﺑﺎﺏ ﺿﺮﻭﺭﻱ ﻭﻛﻠﻴﻠﻬﺎ ﺷﻴﻤﺎﺀ ﺗﻜﻮﻝ
......
ﻃﺎﺡ ﺣﻈﻚ ﺳﻠﻤﺎﻥ )
ﺍﻡ ﺳﺎﻣﺮ ﺳﺄﻟﺘﻨﻲ ﺑﻔﻀﻮﻝ
.. ﺷﻨﻮ ﻣﻌﻨﺎﻫﺎ ﻫﺎﻱ
.. ﺧﺎﻟﺔ ﺍﻧﺘﻲ ﺑﺲ ﻛﻠﻴﻠﻬﺎ ﻫﻴﺞ ﻭﻫﻲ ﺭﺍﺡ ﺗﻔﺘﻬﻢ ﺍﻟﺮﺳﺎﻟﺔ
ﺷﻜﺪ ﻣﺎﺭﺓ ﺑﻤﻮﺍﻗﻒ ﻣﺤﺮﺟﺔ ﺑﺲ ﻣﺜﻞ ﻫﺬﺍ ﺍﻟﻤﻮﻗﻒ ﻣﺎﺷﻔﺖ
ﻫﻮ ﻣﻨﻮ ﺣﺘﻰ ﻫﻴﺞ ﺷﺎﻳﻒ ﻧﻔﺴﻪ
ﻃﻠﻌﺖ ﻣﻦ ﺍﻟﺒﻮﺍﺑﺔ ﻭﻣﺮﻳﺖ ﻣﻦ ﻳﻢ ﺍﻟﺨﺮﺱ ﺍﻟﻲ ﻋﻴﻮﻧﻬﻢ ﻛﺼﺘﻨﻲ ﻛﺺ
ﻭﻣﺸﻴﺖ ﺷﻔﺘﻪ ﺩﻳﺤﺮﻙ ﺳﻴﺎﺭﺗﻪ ﺑﺎﻟﻜﺮﺍﺝ ﻣﺘﺠﻪ ﻟﻠﺒﻮﺍﺑﺔ
ﺟﺎﻥ ﻻﺑﺲ ﻧﻈﺎﺭﺍﺕ ﺷﻤﺴﻴﺔ ﺟﺎﻧﺖ ﺳﻴﺎﺭﺗﻪ ﺣﺪﻳﺜﺔ
ﺭﻓﻌﺖ ﺭﺍﺳﻲ ﺑﻜﺒﺮﻳﺎﺀ ﻭﺩﺭﺕ ﻭﺟﻬﻲ ﻭﻣﺸﻴﺖ
ﻻ ﻧﻮﺏ ﻋﺒﺎﻟﻪ ﺩﺍ ﺍﺭﺍﻗﺒﻪ ﻣﻴﺤﺘﺎﺝ ﺍﻛﺒﺮ ﻏﺮﻭﺭﻩ
ﻭﻣﺜﻞ ﻛﻞ ﻳﻮﻡ ﻣﺘﻌﻮﺩﺓ ﺍﻃﻠﻊ ﻣﻦ ﺍﻟﻤﺴﺘﺸﻔﻰ ﻭﺍﺗﻮﺟﻊ
ﻟﻠﺸﺎﺭﻉ ﺍﻟﻌﺎﻡ ﺍﺭﻛﺐ ﻋﺒﺮﻳﺔ
ﺟﺎﻥ ﺍﻟﺸﺎﺭﻉ ﺍﻟﻌﺎﻡ ﻳﺼﻴﺮ ﻗﺮﻳﺐ ﻋﺎﻟﻤﺴﺸﻔﻰ
ﺟﻨﺖ ﺍﻣﺸﻲ ﻭﺍﻟﻐﻀﺐ ﺷﺎﻏﻞ ﻛﻞ ﺣﻮﺍﺳﻲ
ﻓﺠﺎﺀﺓ ﺍﻧﺘﺒﻬﺖ ﻋﻠﻰ ﺩﺭﺍﺟﺔ ﺍﻗﺘﺮﺑﺖ ﻣﻨﻲ ﺭﺍﻛﺒﻴﻦ ﺑﻴﻬﺎ ﺛﻨﻴﻦ ﺭﻳﺎﺟﻴﻞ ﻣﻠﺜﻤﻴﻦ
ﻧﺰﻝ ﺍﻟﺮﺟﺎﻝ ﻣﻦ ﺍﻟﺪﺭﺍﺟﺔ ﻭﺍﺟﺔ ﻳﺮﻛﺾ ﺑﺄﺗﺠﺎﻫﻲ
ﻣﺎ ﺍﻋﺮﻑ ﺷﻠﻮﻥ ﺍﻟﻠﻪ ﺍﻧﻄﺎﻧﻲ ﺍﻟﻔﻄﻨﺔ ﻭﺭﺟﻌﺖ ﻋﻠﻰ ﻭﺭﺓ
ﺧﺎﻳﻔﺔ
ﻋﺮﻓﺖ ﻫﺬﺍ ﻧﺎﻭﻱ ﻋﻠﻴﺔ ﺑﺸﺮ
ﺍﺗﺴﻌﺖ ﻋﻴﻮﻧﻲ ﺑﺨﻮﻑ ﻣﻦ ﺷﻔﺘﻪ ﻃﻠﻊ ﺳﺠﻴﻨﺔ
ﻣﻦ ﺟﻴﺒﻪ . ﻭﺍﺗﻘﺪﻡ ﻋﻠﻴﺔ
ﻛﺒﻞ ﺭﻛﻀﺖ ﻣﻔﺰﻭﻋﺔ ﺑﺎﺗﺠﺎﻩ ﺍﻟﻤﺴﺘﺸﻔﻰ ﺍﺭﺟﻊ ﻋﺎﻟﺤﺮﺱ ﺣﺘﻰ ﻳﻔﺰﻋﻮﻟﻲ
ﻟﻌﻨﺖ ﺣﻈﻲ ﻣﻦ ﻭﺭﺓ ﺍﻟﺤﺬﺍﺀ ﺍﻟﻜﻌﺐ ﺍﻟﻲ ﺟﻨﺖ ﻻﺑﺴﺘﻪ ﺍﻟﻴﻮﻡ
ﺍﻧﻠﻮﺕ ﺭﺟﻠﻲ ﻭﺍﺗﻌﺜﺮﺕ ﻭﻛﻌﺪﺕ ﺑﺎﻟﻜﺎﻉ
ﻭﻫﻮ ﺍﺟﺔ ﻳﺮﻛﺾ ﻋﻠﻴﺔ ﻣﺜﻞ ﺍﻟﻮﺣﺸﻲ
ﻭﺟﻪ ﺍﻟﺴﺠﻴﻨﺔ ﻋﻠﻰ ﻭﺟﻬﻲ ﻳﺮﻳﺪ ﻳﻀﺮﺑﻨﻲ ﺑﻴﻬﺎ
ﺻﺮﺧﺖ ﺧﺎﻳﻔﺔ ﻣﻔﺰﻭﻋﺔ ﻭﻏﻤﻀﺖ ﻋﻴﻮﻧﻲ ﻭﺣﻄﻴﺖ ﺍﻳﺪﻳﺔ ﺍﺛﻨﻴﻨﻬﻢ ﻋﻠﻰ ﻭﺟﻬﻲ
ﺍﺟﺘﻲ ﺍﻟﻀﺮﺑﺔ ﻋﻠﻰ ﺍﻳﺪﻱ ﻭﺣﺴﻴﺖ ﺑﺄﻟﻢ ﺣﺎﺩ
ﺑﺲ ﻣﻦ ﻛﺜﺮ ﺍﻟﺨﻮﻑ ﻣﺎ ﺍﻫﺘﻤﻴﺖ ﻟﻼﻟﻢ ﺑﻜﺪ ﻣﺎ ﺍﻫﺘﻤﻴﺖ
ﺍﺧﻠﺺ ﻧﻔﺴﻲ ﻣﻨﻪ
ﺟﻨﺖ ﺍﻣﺮ ﺑﺤﺎﻟﺔ ﺭﻋﺐ ﻋﺠﻴﺒﺔ
ﺍﺗﻜﻮﺭﺕ ﻋﻠﻰ ﻧﻔﺴﻲ ﺍﺭﻳﺪ ﺍﺣﻤﻲ ﺭﻭﺣﻲ ﻣﻦ ﺍﻋﺘﺪﺍﺀﻫﻢ .
ﻓﺠﺎﺀﺓ ﺳﻤﻌﺖ ﺻﻴﺎﺡ ﻭﺻﻮﺕ ﺭﻣﻲ ﻭﺍﺗﺒﻌﻬﺎ ﺍﺻﻮﺍﺕ ﺻﻴﺎﺡ
ﺍﺟﺘﻲ ﺍﻟﺪﺭﺍﺟﺔ ﻭﻛﻔﺖ ﻳﻤﻪ ﺣﺘﻰ ﻳﺸﺮﺩﻭﻥ
ﺑﺲ ﻗﺒﻞ ﻻ ﻳﻨﻄﻠﻘﻮﻥ ﺣﺠﺔ ﺑﺼﻮﺕ ﻣﺮﻋﺐ ﻳﻬﺪﺩ
.. ﺳﻤﻌﻴﻨﻲ ﺯﻳﻦ ﻭﻟﺞ
ﻛﻮﻟﻲ ﻷﺑﻮﺝ ﺍﻟﺸﻔﻴﺔ ﻣﻬﺮﺓ ﺗﺴﻠﻢ ﻋﻠﻴﻚ
ﻭﺍﻧﻄﻠﻘﺖ ﺍﻟﺪﺭﺍﺟﺔ ﺑﺄﺳﺮﻉ ﻣﺎ ﻋﻨﺪﻫﺎ
ﺣﺴﻴﺖ ﻋﻠﻰ ﻭﺍﺣﺪ ﻳﺮﻛﺾ ﻭﺭﻣﻰ ﻭﺭﺍﻫﻢ
ﺭﺍﺩ ﻳﻠﺤﻚ ﻋﻠﻴﻬﻢ
ﺑﺲ ﻣﻊ ﺍﻻﺳﻒ ﺍﺟﺔ ﻣﺘﺄﺧﺮ
ﺍﻧﻲ ﻛﻠﻬﺎ ﺑﺼﻮﺏ
ﻭﺍﻟﺨﻮﻑ ﺍﻟﻲ ﻧﺰﻝ ﻋﻠﻴﺔ ﺷﻞ ﺣﺮﻛﺘﻲ
ﻣﺎ ﺍﻛﺪﺭ ﺍﻋﻴﻦ ﻧﻔﺴﻲ ﻭﺍﻛﻮﻡ
ﺳﻤﻌﺖ ﻭﺍﺣﺪ ﺭﻛﻊ ﻳﻤﻲ ﻭﺳﺄﻟﻨﻲ ﺑﺼﻮﺕ ﺧﺸﻦ
ﻋﺮﻓﺖ ﺻﺎﺣﺐ ﺍﻟﺼﻮﺕ ﺭﻓﻌﺖ ﺭﺍﺳﻲ ﻭﻧﺰﻟﺖ ﺍﻳﺪﻳﺔ
ﻭﻓﺘﺤﺖ ﻋﻴﻮﻧﻲ
.....
ﺟﺎﻥ ﺣﻴﺪﺭ ﺭﺍﻛﻊ ﻳﻤﻲ ﻭﻻﺯﻡ ﺑﻴﺪﻩ ﺳﻼﺡ ﻭﻭﺭﺍﻩ
ﺣﺮﺱ ﺍﻟﺒﻮﺍﺑﺔ
ﺣﻴﺪﺭ .. ﺷﻴﻤﺎﺀ ﻃﻤﻨﻴﻨﻲ ﺍﻧﺘﻲ ﺑﺨﻴﺮ
ﺣﺮﻛﺖ ﺭﺍﺳﻲ ﺑﻤﻮﺍﻓﻘﺔ
ﺟﺎﻥ ﻳﺤﺠﻲ ﻭﻳﺘﻔﺤﺺ ﺷﻜﻠﻲ ﻭﺑﺎﻗﻲ ﺟﺴﻤﻲ
ﻣﺪ ﺍﻳﺪﻩ ﻭﻟﺰﻡ ﺫﺭﺍﻋﻲ
.. ﻫﺎﻱ ﺷﻨﻮ ﺍﻳﺪﺝ ﺩﺗﻨﺰﻑ ﺩﻡ
ﺳﺎﻋﺪﻧﻲ ﺣﺘﻰ ﺍﻛﻮﻡ ﻣﻦ ﺍﻟﻜﺎﻉ
ﻭﺍﺟﺘﻲ ﻣﻔﺮﺯﺓ ﻣﺎﻟﺖ ﺍﻟﺸﺮﻃﺔ ﺍﻟﻲ ﺟﺎﻧﺖ ﻣﻮﺟﻮﺩﺓ ﻋﻠﻰ
ﺍﻟﺸﺎﺭﻉ ﺍﻟﻌﺎﻡ
ﻭﺍﺣﺪ ﺳﺄﻟﻨﻲ
.. ﻣﻨﻮ ﻫﺬﻭﻟﻲ ﻭﺷﻨﻮ ﻳﺮﺩﻭﻥ ﻣﻨﺞ
ﺣﻴﺪﺭ ﺟﺎﻭﺑﻪ ﺑﻨﺘﺮﺓ .. ﺑﺮﺑﻚ ﻫﺴﺔ ﻭﻛﺖ ﺍﺳﺄﻟﺔ ﻣﺪﺍﺗﺸﻮﻓﻬﺎ
ﺩﺗﻨﺰﻑ ﻭﺗﺤﺘﺎﺝ ﺍﺳﻌﺎﻑ
ﻣﺸﻴﺖ ﻭﺭﺟﻠﻴﺔ ﺗﺮﺟﻒ
ﺍﺳﻤﻌﻬﻢ ﻳﺤﺠﻮﻥ ﺣﺮﺱ ﺍﻟﻤﺴﺘﺸﻔﻰ ﻛﻌﺪﻭﺍ ﻳﻨﻄﻮﻥ ﻣﻮﺍﺻﻔﺎﺕ ﺍﻟﺪﺭﺍﺟﺔ ﻭﺍﻻﺷﺨﺎﺹ ﺍﻟﻤﻠﺜﻤﻴﻦ
ﻭﺍﻧﻲ ﺑﺲ ﺍﺑﺎﻭﻉ ﺑﻌﻴﻮﻧﻲ
ﻣﺎ ﺍﻋﺮﻑ ﺷﻨﻮ ﺍﺟﺎﻭﺑﻬﻢ
ﻭﻓﻀﻠﺖ ﺍﻟﺘﺰﻡ ﺑﺎﻟﺼﻤﺖ ﺷﻔﺖ ﺍﻥ ﻣﻮ ﻣﻦ ﺻﺎﻟﺤﻲ ﺍﺣﺠﻲ
ﻭﺍﻛﻮﻝ ﻣﻨﻮ ﻫﻤﺔ ﻻﻥ ﻣﻌﻨﺎﻫﺎ
ﺍﻟﻜﻞ ﺭﺍﺡ ﻳﻌﺮﻑ ﺑﻤﻮﺿﻮﻉ ﺑﺎﺑﺎ
ﻭﺳﻴﺮﺗﻲ ﺗﺼﻴﺮ ﻋﻠﻰ ﻛﻞ ﺍﻟﺴﺎﻥ ﺑﺎﻭﻋﺖ
ﻟﺤﻴﺪﺭ ﺟﺎﻥ ﻳﻤﺸﻲ ﻛﺪﺍﻣﻲ ﻭﻛﻞ ﺷﻮﻳﺔ ﻳﻠﺘﻔﺖ ﻋﻠﻴﺔ ﻳﺘﻄﻤﻦ
ﻭﺻﺎﺭ ﻳﻠﻘﻲ ﺑﺎﻻﻭﺍﻣﺮ ﻋﻠﻰ ﺍﻟﺤﺮﺱ
ﻭﺻﻠﺖ ﻭﺩﺧﻠﻮﻧﻲ ﻟﻠﻤﺴﺘﺸﻔﻰ ﻭﺷﺎﻓﺘﻨﻲ ﺍﻡ ﺳﺎﻣﺮ ﻭﺍﺟﺘﻲ ﺗﺮﻛﺾ ﻭﺍﻡ ﺗﻘﻰ ﺗﺒﺎﻭﻉ ﻋﻠﻴﺔ ﺑﻔﻀﻮﻝ
ﺍﻡ ﺳﺎﻣﺮ .. ﻳﺎﺳﺘﺎﺭ ﺍﺳﺘﺮ ﻫﺎ ﺧﺎﻟﺔ ﺷﻴﻤﺎﺀ ﺳﺘﻮﺝ ﻣﺎ ﺑﻴﺞ ﺷﻲ ﺷﺠﺎﺝ ﻭﺭﺟﻌﺘﻲ ﻓﺎﻳﻀﺔ ﺩﻡ
ﺑﺎﻭﻋﺖ ﻋﻠﻰ ﻣﻼﺑﺲ ﺟﺎﻧﺖ ﻛﻠﻬﺎ ﺩﻡ ﻭﺍﻳﺪ ﻣﻠﻄﺨﺔ
ﻣﻦ ﻛﺪ ﺍﻟﺨﻮﻑ ﻣﺎ ﺍﻧﺘﺒﻬﺖ ﻟﺮﻭﺣﻲ ﻭﻻ ﺷﻔﺖ ﺟﺮﺣﻲ
ﺟﺎﻥ ﺍﻟﺠﺮﺡ ﻣﻮ ﻋﻤﻴﻖ ﺑﺲ ﻃﻮﻳﻞ ﻋﻠﻰ ﻃﻮﻝ ﻣﻨﻄﻘﺔ ﺍﻟﺴﺎﻋﺪ
ﺑﻌﺪﻫﺎ ﺍﺟﺘﻲ ﺭﺑﺎﺏ ﺗﺮﻛﺾ ﻭﺍﻳﺪﻫﺎ ﻋﻠﻰ ﻛﻠﺒﻬﺎ
ﻛﻌﺪﻭﻧﻲ ﺑﻐﺮﻓﺔ ﺍﻟﻄﻮﺍﺭﻱﺀ
ﻭﺍﺟﺘﻲ ﻭﺣﺪﺓ ﻣﻦ ﺯﻣﻴﻼﺗﻲ ﺍﻟﻤﻤﺮﺿﺎﺕ ﻣﺎﻟﺖ
.. ﺟﺮﺣﺞ ﻳﺤﺘﺎﺝ ﺧﻴﺎﻁ
ﺧﻔﺖ ﺳﺤﺒﺘﻬﺎ ﻭﺭﺍﻱ .. ﻻ ﻻ ﻣﻴﺤﺘﺎﺝ ﺑﺲ ﺗﻀﻤﻴﺪ
ﻗﺎﻃﻌﻨﻲ ﺻﻮﺕ ﺣﻴﺪﺭ ﺍﻻﻣﺮ ﻭﺣﺠﺔ ﻭﻳﺔ ﺍﻟﻤﻤﺮﺿﺔ
.. ﺍﺫﺍ ﺟﺎﻥ ﺍﻟﺠﺮﺡ ﻳﺤﺘﺎﺝ ﺧﻴﺎﻁ ﻓﺨﻴﻄﻲ
ﻓﺘﺤﺖ ﺣﻠﻜﻲ ﺑﺄﻋﺘﺮﺍﺽ ﻭﻗﺎﻃﻌﻨﻲ
.. ﺍﺗﻮﻗﻊ ﺍﻧﺘﻲ ﻣﻮ ﻃﻔﻠﺔ ﻭﻧﻜﻌﺪ ﻧﻘﻨﻊ ﺑﻴﺞ
ﻭﻛﻤﻞ ﻛﻼﻣﻪ ﻭﻳﺔ ﺍﻟﻤﻤﺮﺿﺔ
.. ﺷﻮﻓﻲ ﺷﻐﻠﺞ ﻭﺧﻴﻄﻲ
ﺳﺪﻳﺖ ﺣﻠﻜﻲ ﺑﻐﻴﺾ ﻣﻦ ﺍﺳﻠﻮﺑﻪ
ﺍﻧﻄﺘﻨﻲ ﺍﺑﺮﺓ ﺍﺧﺪﻳﺮ ﻣﻮﺿﻌﻲ
ﻭﺑﻠﺸﺖ ﺗﺨﻴﻂ ﺍﻟﺠﺮﺡ
ﺟﻨﺖ ﻛﺎﻋﺪﺓ
ﺣﺴﻴﺖ ﺑﺪﻭﺧﺔ ﻭ ﺭﺍﺳﻲ ﻣﺎﻝ ﻟﻴﻜﺪﺍﻡ ﺍﺟﺘﻲ ﺍﻟﻤﺮﻳﺔ ﺍﻟﺠﺒﻴﺮﺓ
ﺍﻡ ﺗﻘﻰ ﻭﻭﻛﻔﺖ ﻛﺪﺍﻣﻲ ﻭﺳﻨﺪﺕ ﺭﺍﺳﻲ
.. ﻳﺎ ﻳﻤﺔ ﺷﻮﻣﺔ ﻫﺎﻱ ﻭﻳﻦ ﺟﺎﻧﺘﻠﺞ
ﺑﺲ ﺳﻤﻌﺖ ﺍﻟﺤﻨﻴﺔ ﺍﻟﻤﻮﺟﻮﺩﺓ ﺑﺼﻮﺗﻬﺎ
ﻭﺍﻧﻲ ﻛﺒﻞ ﺍﻧﻬﺎﺭﻳﺖ ﺑﺎﻟﺒﺠﻲ
ﺍﺗﺬﻛﺮﺕ ﺍﻣﻲ
ﻭﻫﻤﺴﺖ .. ﺍﻧﺎ ﺑﻌﺎﺯﺗﺞ ﻳﺎ ﻳﻤﺔ
ﺿﻤﻴﺖ ﺭﺍﺳﻲ ﺑﺤﻀﻨﻬﺎ
......
ﻭﻫﻲ ﻛﻌﺪﺕ ﺗﻄﺒﻄﺐ
ﻭﺭﺓ ﻓﺘﺮﺓ ﺧﻠﺼﺖ ﺑﻌﺪﻣﺎ ﺧﻠﺺ ﺍﻟﺨﻴﺎﻁ ﻭﺗﻀﻤﺪ ﺍﻟﺠﺮﺡ
ﻛﻞ ﻫﺬﺍ ﻭﺣﻴﺪﺭ ﻭﺍﻛﻒ ﻓﻮﻙ ﺭﺍﺳﻲ
ﺍﺟﺘﻲ ﺭﺑﺎﺏ ﻭﺑﻴﺪﻫﺎ ﻗﻄﻦ ﻭﻣﺎﻱ ﻭﻛﻌﺪﺕ ﺗﺒﻠﻞ ﺍﻟﻘﻄﻦ ﻭﺗﻤﺴﺢ ﺍﻟﺪﻡ ﻣﻦ ﻋﻠﻰ ﺧﺪﻱ ﻭﺍﻳﺪﻳﺔ
ﺭﺑﺎﺏ .. ﻳﻤﺔ ﺳﻮﺩﺓ ﻋﻠﻴﺔ ﺷﻮﻣﺔ ﻣﻨﻮ ﻫﺬﻭﻟﻲ
ﻫﻤﺴﺖ .. ﻣﺎ ﺍﻋﺮﻓﻬﻢ
ﺣﻴﺪﺭ .. ﺷﻨﻮ ﻛﻠﻮﻟﺞ ﻗﺒﻞ ﻻ ﻳﺸﺮﺩﻭﻥ
ﺭﻓﻌﺖ ﺭﺍﺳﻲ ﻣﺘﻔﺎﺟﺌﺔ
.. ﻛﻠﺸﻲ ﻣﺎﺣﺠﻮﺍ
ﺿﻴﻚ ﻋﻴﻮﻧﻪ .. ﺍﻧﻲ ﺷﻔﺘﻪ ﺍﺗﻮﻗﻒ ﺣﺠﺔ ﻭﻳﺎﺝ ﺷﻲ ﻗﺒﻞ ﻟﻴﺸﺮﺩ
ﻫﺰﻳﺖ ﺭﺍﺳﻲ ﺑﺨﻮﻑ .. ﻣﺎ ﺍﻋﺮﻑ .. ﻣﺎ ﺍﻋﺮﻑ
ﺟﻨﺖ ﻛﻠﺶ ﻣﺮﻋﻮﺑﺔ ﺑﻮﻛﺘﻬﺎ ﻣﺎ ﺭﻛﺰﺕ ﺑﻜﻼﻣﻪ
ﻣﻦ ﺣﺠﺔ
ﺑﺎﻭﻋﻠﻲ ﺑﻌﺪﻡ ﺍﻗﺘﻨﺎﻉ ﺑﻜﻼﻣﻲ
.. ﺍﺗﻤﻨﻰ ﺗﺤﺠﻴﻦ ﺣﺘﻰ ﺍﻛﺪﺭ ﺍﺳﺎﻋﺪﺝ
ﻻ ﺗﺘﺴﺘﺮﻳﻦ ﻋﻠﻴﻬﻢ ﻫﺬﻭﻟﻲ ﻣﺠﺮﻣﻴﻦ ﻻ ﺗﺴﺘﻬﺎﻧﻴﻦ ﺑﺎﻟﻤﻮﺿﻮﻉ
.. ﻣﺎ ﺍﻋﺮﻑ ﺍﻱ ﺷﻲ ﻋﻨﻬﻢ ﻏﻴﺮ ﺑﺲ ﺍﻟﻲ ﻛﻠﺘﻪ ﺍﻟﻜﻢ
ﺍﻧﻲ ﻫﻢ ﻣﺜﻠﻜﻢ ﻣﺘﻔﺎﺟﺌﺔ ﺑﺎﻟﺼﺎﺭ
ﻛﻤﺖ ﻣﻦ ﻣﻜﺎﻧﻲ ﺑﻤﺴﺎﻋﺪﺕ ﺭﺑﺎﺏ
.. ﺭﺑﺎﺏ ﺍﺭﻳﺪ ﺍﺭﺟﻊ ﻟﺒﻴﺘﻨﺎ ﻫﺴﺔ ﺧﻮﺍﺗﻲ ﻳﻈﻞ ﺑﺎﻟﻬﻢ ﻋﻠﻴﺔ
ﻻﻥ ﻛﻠﺘﻠﻬﻢ ﺭﺍﺡ ﺍﺭﺟﻊ ﻣﻦ ﻭﻛﺖ ﺍﻟﻴﻮﻡ
ﺣﻴﺪﺭ .. ﺍﺑﻘﻲ ﺷﻮﻳﺔ ﺑﻌﺪﺝ ﺩﺍﻳﺨﺔ
ﺧﻠﻲ ﻳﺴﺘﻘﺮ ﻭﺿﻌﺞ ﻭﺍﻧﺎ ﺍﻭﺻﻠﺞ ﻟﺒﻴﺘﻜﻢ
.. ﻻ ﺷﻜﺮﺍ ﻣﻴﺤﺘﺎﺝ ﺭﺑﺎﺏ ﺗﺎﺧﺬﻟﻲ ﺗﻜﺴﻲ
ﻳﻮﺻﻠﻨﻲ ﻟﻠﺒﻴﺖ
ﺭﺑﺎﺏ .. ﺷﻴﻤﺎﺀ ﻣﺎ ﺗﻜﺪﺭﻳﻦ ﺗﻄﻠﻌﻴﻦ ﻫﺴﺔ
ﻻﻥ ﺿﺎﺑﻂ ﺍﻟﺘﺤﻘﻴﻖ ﻭﺻﻞ ﻭﻳﺮﻳﺪ ﻳﺪﺧﻞ ﺣﺘﻰ ﻳﺤﺠﻲ ﻭﻳﺎﺝ ﻭﻳﺎﺧﺬ ﺍﻗﻮﺍﻟﺞ ﻻﻥ ﺍﻟﻤﻮﺿﻮﻉ ﻳﻌﺘﺒﺮ ﺗﻬﺪﻳﺪ ﻟﺠﻤﻴﻊ ﺍﻟﻤﻤﺮﺿﺎﺕ ﻣﻮ ﺑﺲ ﻋﻠﻴﺞ
ﺣﺴﻴﺖ ﺑﺮﻭﺣﻲ ﻣﺜﻞ ﺍﻧﺤﺸﺮﺕ ﻭﺍﻟﻤﻮﺿﻮﻉ ﺻﺎﺭ ﺍﻛﺒﺮ ﻣﻤﺎ ﺟﻨﺖ ﻣﺘﻮﻗﻌﺔ
.. ﺑﺲ ﺍﻧﻲ ﺍﺭﻳﺪ ﺍﺭﺟﻊ ﻟﻠﺒﻴﺖ
ﺣﻴﺪﺭ .. ﻣﺎﺭﺍﺡ ﻳﻄﻮﻝ ﻣﺠﺮﺩ ﺍﺟﺮﺍﺀ ﺭﻭﺗﻴﻨﻲ ﺑﺲ ﻳﺴﺄﻟﺞ ﻛﻢ ﺳﺆﺍﻝ ﻭﺗﺮﺣﻴﻦ
ﻃﻠﻊ ﺣﻴﺪﺭ ﺍﺳﻤﻊ ﺻﻮﺗﻪ ﺑﺮﺓ ﻳﺤﺠﻲ ﻭﻳﺔ ﺍﻟﻀﺎﺑﻂ
ﻫﻮ ﻭﺍﻟﺤﺮﺱ ﻳﻌﺘﺒﺮﻭﻥ ﺷﺎﻫﺪ ﻋﻴﺎﻥ
ﻻﻥ ﺟﺎﻧﻮﺍ ﻣﻮﺟﻮﺩﻳﻦ ﺑﺴﺎﻋﺔ ﺍﻻﻋﺘﺪﺍﺀ
ﻭﺷﺎﻓﻮﻫﻢ
ﺩﺧﻞ ﺍﻟﻀﺎﺑﻂ ﻭﻓﻌﻼ ﻣﺜﻞ ﻣﺎﻛﺎﻝ ﺣﻴﺪﺭ ﻣﺎ ﻃﻮﻝ
ﺍﺧﺬ ﺍﻗﻮﺍﻟﻲ ﻭﻃﻠﻊ
ﺑﻌﺪﻫﺎ ﻛﻤﺖ ﻣﻦ ﻣﻜﺎﻧﻲ ﺑﻤﺴﺎﻋﺪﺓ ﺭﺑﺎﺏ ﺟﺎﻥ ﻗﻠﻘﻬﺎ ﻋﻠﻴﺔ ﻭﺍﺿﺢ
.. ﻋﻔﻴﺔ ﺭﺑﺎﺏ ﺍﺗﺼﻠﻲ ﻋﻠﻰ ﺍﺧﻮﺝ ﺧﻠﻲ ﻳﺠﻲ ﻳﻮﺻﻠﻨﻲ
.. ﻫﺴﺔ ﺍﺗﺼﻞ ﻋﻠﻴﻪ ﺍﺷﻮﻓﻪ ﺍﺫﺍ ﻣﺎ ﻋﻨﺪﻩ ﻛﺮﻭﺓ ﻳﺠﻲ ﻋﻠﻴﺞ
ﻳﺎﺧﺬﺝ
ﻣﺘﻌﻮﺩﺓ ﻋﻠﻰ ﺍﺧﻮ ﺭﺑﺎﺏ ﻋﻨﺪﻩ ﺳﻴﺎﺭﺓ ﺳﺎﻳﺒﺔ ﻳﺸﺘﻐﻞ ﺑﻴﻬﺎ ﺗﻜﺴﻲ ﻭﻣﺮﺍﺕ ﺍﺍﺟﺮﻩ ﻳﺎﺧﺬﻧﻲ ﺍﻧﻲ ﻭﺧﻮﺍﺗﻲ ﺍﺫﺍ ﻧﺤﺘﺎﺟﻪ
ﺍﺗﺼﻠﺖ ﻋﻠﻴﻪ ﻭﻛﻠﻠﻬﺎ ﺷﻮﻳﺔ ﻭﺍﺟﻲ
ﺧﻠﻲ ﺗﺤﻀﺮ ﻧﻔﺴﻬﺎ
ﺑﺎﻭﻋﺖ ﻟﻤﻼﺑﺴﻲ ﺍﻟﺠﺪﻳﺪﺍﺕ ﺻﺎﺭﻭﺍ ﻓﻠﻢ
ﺷﻮﻳﺔ ﻭﺩﻙ ﻧﻘﺎﻝ ﺭﺑﺎﺏ ﺑﺎﻭﻋﺖ ﻋﻠﻴﺔ ﻭﻛﺎﻟﺖ
.. ﺷﻴﻤﺎﺀ ﻫﺎﻱ ﻫﺪﻯ ﺍﺧﺘﺞ ﺩﺗﺘﺼﻞ ﻋﻠﻴﺔ
ﺷﻨﻮ ﺍﻛﻠﻠﻬﺎ
.. ﻳﺎﺍﺍ ﺍﻛﻴﺪ ﻫﺎﻱ ﻇﻞ ﺑﺎﻟﻬﺔ ﻋﻠﻴﺔ ﻻﻥ ﺍﺗﺄﺧﺮﺕ
ﻭﻧﻮﺏ ﻧﻘﺎﻟﻲ ﻣﻐﻠﻖ ﺟﺎﻭﺑﻴﻬﺎ ﻭﻛﻠﻴﻠﻬﺎ ﺷﻴﻤﺎﺀ ﺭﺍﺡ ﺗﺠﻴﻜﻢ
ﺑﺎﻟﻄﺮﻳﻖ ﻣﻮ ﺗﺠﻴﺒﻦ ﺳﻴﺮﺓ ﺍﻟﺼﺎﺭ
......
ﺧﻠﻲ ﺍﻧﻲ ﻣﻦ ﺍﻭﺻﻞ ﻫﻨﺎﻙ ﻟﺒﻴﺘﻨﺎ ﺍﺣﺠﻴﻠﻬﻢ ﺍﻟﺼﺎﺭ ﻣﺎﻟﻬﺔ
ﺩﺍﻋﻲ ﺍﻗﻠﻘﻬﻢ
ﺭﺩﺕ ﺭﺑﺎﺏ ﻋﻠﻰ ﻫﺪﻯ ﻭﺍﺳﻤﻌﻬﺎ ﺗﻜﻠﻠﻬﺎ ﻻ ﺷﻴﻤﺎﺀ ﺳﺘﻮﻫﺎ ﻃﻠﻌﺖ ﻭﻧﻘﺎﻟﻬﺎ ﻣﺨﻠﺺ ﺷﺤﻦ
ﻭﻣﻐﻠﻖ
ﺍﻱ ﻣﺎ ﺑﻴﻬﺎ ﺷﻲ ﺧﻮﺵ ﺍﻥ ﺷﺎﺀ ﺍﻟﻠﻪ ﻟﺘﺨﺎﻓﻴﻦ ﻛﻠﺘﻠﺞ ﻣﺎ ﺑﻴﻬﺎ
ﺷﻲ
ﺳﺪﺕ ﺍﻟﻨﻘﺎﻝ ﻭﺑﺎﻭﻋﺖ ﻋﻠﻴﺔ
.. ﺧﻄﻴﺔ ﻫﺎﻱ ﺍﺧﺘﺞ ﺗﺤﺠﻲ ﻭﻳﺎﻱ ﺧﺎﻳﻔﺔ ﻋﻠﻴﺞ ﻭﺳﻤﻌﺖ ﺻﻮﺕ ﺍﺑﻮﺝ ﻳﻜﻠﻠﻬﺎ
ﺑﺎﻟﻠﻪ ﺳﺄﻟﻴﻬﺎ ﺻﺎﺭﻟﻬﺔ ﺷﻜﺪ ﻣﻦ ﻃﻠﻌﺖ ﻭﺧﻮ ﻣﺎ ﺑﻴﻬﺎ ﺷﻲ
ﺧﻄﻴﺔ ﺍﻫﻠﺞ ﺟﻨﻬﻢ ﻛﻠﺒﻬﻢ ﻳﻌﻠﻢ ﺻﺎﻳﺮ ﻋﻠﻴﺞ ﺷﻲ
ﻏﻤﻀﺖ ﻋﻴﻮﻧﻲ ﻭﻣﺎ ﺣﺠﻴﺖ ﺍﻱ ﺷﻲ
ﻫﺬﺍ ﺧﻮﻓﻪ ﻋﻠﻴﺔ ﻣﻮ ﻣﻨﺎ ﻟﻠﺪﺭﺏ ﺍﻛﻴﺪ ﻭﺭﺍﻩ ﺷﻲ
ﺭﺑﺎﺏ .. ﻳﺎﻟﻠﻪ ﺷﻴﻤﺎﺀ ﺍﺧﻮﻳﺔ ﻭﺻﻞ ﺑﺎﻟﺒﺎﺏ
ﻣﺸﻴﺖ ﺍﻧﻲ ﻭﻳﺎﻫﺎ ﻟﺨﺎﺭﺝ ﺍﻟﻤﺴﺘﺸﻔﻰ ﻭﻋﻠﻰ ﻃﻮﻝ ﻣﺎ ﺍﻣﺸﻲ ﻛﻞ ﺷﻮﻳﺔ ﻭﺍﺣﺪ ﻣﻮﻛﻔﻨﻲ ﻭﻳﺘﺤﻤﺪﻟﻲ ﻋﺎﻟﺴﻼﻣﺔ
ﻟﺤﺪ ﻣﺎ ﻭﺻﻠﺖ ﻟﻠﺒﻮﺍﺑﺔ ﺍﻟﺨﺎﺭﺟﻴﺔ
ﺍﺟﺎﻧﻲ ﺻﻮﺕ ﺣﻴﺪﺭ ﻭﻗﻔﻨﻲ
.. ﺷﻴﻤﺎﺀ ﻣﻤﻜﻦ ﺗﻨﻄﻴﻨﻲ ﺭﻗﻢ ﻧﻘﺎﻟﺞ ﻋﻨﺪﻱ ﺷﻲ ﺍﺣﺠﻲ ﻭﻳﺎﺝ
ﻣﺎ ﺍﻋﺮﻑ ﻟﻴﺶ ﺍﺗﺬﻛﺮﺕ ﻛﻼﻣﻪ ﻭﺗﺤﻘﻴﺮﻩ ﺍﻟﻲ ﻗﺒﻞ ﺍﻟﺤﺎﺩﺙ
ﺭﻓﻀﺖ ﻃﻠﺒﻪ ﺑﻐﻴﺾ
.. ﺍﻟﻌﻔﻮ ﺑﺼﻔﺘﻚ ﺷﻨﻮ ﺍﻧﻄﻴﻚ ﺭﻗﻢ ﻧﻘﺎﻟﻲ . ﺍﻧﺖ ﻣﺪﺍ ﺗﻼﺣﻆ
ﻧﻔﺴﻚ ﺷﻮﻳﺔ ﺍﺗﻤﺎﺩﻳﺖ ﻭﻳﺎﻱ
ﻳﻌﻨﻲ ﺻﺤﻴﺢ ﺍﻧﺖ ﻧﻘﺬﺗﻨﻲ ﺑﺲ ﻣﻮ ﻣﻌﻨﺎﻫﺎ ﺗﻜﻌﺪ ﺗﺴﺘﻐﻞ
ﺍﻟﻤﻮﻗﻒ ﻭﺗﻄﻠﺐ ﺭﻗﻤﻲ ﺍﺷﻮﻓﻬﺎ ﻭﺍﻛﻔﺔ
ﺣﺴﻴﺖ ﻋﻠﻰ ﺭﺑﺎﺏ ﺗﻜﺮﺹ ﺑﻴﺪﻱ ﺣﺘﻰ ﺍﺳﻜﺖ
ﻭﻫﻮ ﺟﺎﻭﺑﻨﻲ ﺑﻐﻀﺐ ﻭﻋﻴﻮﻧﻪ ﺗﺠﺪﺡ ﻧﺎﺭ
.. ﺗﺮﺓ ﻻ ﺗﺼﺪﻛﻴﻦ ﻧﻔﺴﺞ ﻭﺗﻌﻴﺸﻴﻦ ﺍﻟﺪﻭﺭ
ﺍﻧﺎ ﻃﻠﺒﺖ ﺭﻗﻤﺞ ﺑﺨﺼﻮﺹ ﻣﻮﺿﻮﻉ ﻣﻬﺮﺓ ﻭﺍﺑﻮﺝ
ﻣﺎ ﺣﺒﻴﺖ ﺍﺫﻛﺮ ﺍﻟﻤﻮﺿﻮﻉ ﻛﺪﺍﻡ ﺍﻟﺸﺮﻃﺔ ﻭﺗﺼﻴﺮ ﺳﻴﻦ ﻭﺟﻴﻢ ﻭﺍﻧﺘﻲ ﺗﺘﺄﺫﻳﻦ
ﻭﻛﻠﺖ ﺍﺧﻠﻴﻪ ﺑﻴﻨﻲ ﻭﺑﻴﻨﺞ ﻭﺍﺣﺎﻭﻝ ﺍﻗﺪﻣﻠﺞ ﺍﻟﻤﺴﺎﻋﺪﺓ
ﻻﻥ ﺍﻧﻲ ﻋﻨﺪﻱ ﺟﻬﺎﺕ ﻣﺨﺘﺼﺔ ﻭﻇﻬﺮ ﻗﻮﻱ ﻳﻜﺪﺭﻭﻥ ﻳﺘﺪﺧﻠﻮﻥ ﺑﺎﻟﺴﺎﻟﻔﺔ ﺑﻜﻞ ﻫﺪﻭﺀ ﻭﻳﺨﻠﺼﻮﻧﺞ ﻣﻨﻬﻢ .
ﺑﺲ ﺍﻟﻈﺎﻫﺮ ﻋﻘﻠﺞ ﺍﻟﺘﻌﺒﺎﻥ ﺭﺍﻳﺢ ﻟﺒﻌﻴﺪ
ﺧﻠﺔ ﻭﺩﺍﺭ ﻭﺟﻬﻪ ﻭﺭﺍﺡ ﻣﺸﻰ ﺑﺄﺗﺠﺎﻩ ﺳﻴﺎﺭﺗﻪ ﺍﻟﻲ ﺭﺍﻛﻨﻬﺎ
ﻳﻢ ﺑﺎﺏ ﺍﻟﻤﺴﺘﺸﻔﻰ
ﺳﻤﻌﺖ ﺷﻬﻜﺔ ﺭﺑﺎﺏ ..
ﻋﺰﺓ ﺍﻟﻌﺰﺍﺝ ﻳﺎ ﺷﻴﻤﺎﺀ ﻟﺞ ﺍﻧﺘﻲ ﺷﻠﻮﻥ ﺗﺤﺠﻴﻦ ﻭﻳﺎﻩ ﻫﺸﻜﻞ
ﻟﺞ ﺗﻌﺮﻓﻴﻦ ﻫﺬﺍ ﻃﻠﻊ ﻣﻨﻮ
ﺑﺎﻭﻋﺖ ﻋﻠﻴﻬﺎ ﺑﺴﺘﻔﻬﺎﻡ
.. ﻳﺎﻟﻠﻪ ﺍﺣﺠﻲ ﻣﻨﻮ ﺍﺷﻮ ﺍﻟﻴﻮﻡ ﻫﻮ ﻳﻮﻡ ﺍﻟﻤﻔﺎﺟﺌﺎﺕ
.. ﻟﺞ ﻫﺬﺍ ﺍﺑﻦ ﻋﻤﻪ ﻳﺼﻴﺮ ﻣﺪﻳﺮ ﺍﻟﻤﺴﺸﻔﻰ
.. ﻳﺎﻟﻠﻪ ﻫﻲ ﺑﻘﺖ ﺑﺲ ﻳﻔﺼﻠﻮﻧﻲ ﻣﻦ ﺍﻟﻤﺴﺘﺸﻔﻰ ﻭﺗﻜﻤﻞ ﺍﻟﺴﺒﺤﺔ
ﺟﻨﺖ ﺍﺣﺠﻲ ﺑﺘﻌﺐ
ﺑﻌﺪﻣﺎ ﻭﺻﻠﻨﻲ ﺍﺧﻮ ﺭﺑﺎﺏ ﻟﻠﺒﻴﺖ
ﺍﺗﻠﻜﻮﻧﻲ ﻫﺪﻯ ﻭﺿﺤﻰ ﻭﺑﺎﺑﺎ ﻭﺳﻠﻴﻤﺔ ﻣﻦ ﺍﻟﺒﺎﺏ
ﻭﺑﺲ ﺷﺎﻓﻮﺍ ﻣﻨﻈﺮﻱ ﺑﺎﻧﺖ ﻋﻠﻰ ﻭﺟﻮﻫﻢ ﻧﻈﺮﺍﺕ ﺍﻟﻔﺰﻉ
ﻫﺪﻯ .. ﻟﺞ ﺷﻴﻤﺎﺀ ﻫﺎﻱ ﺷﻨﻮ ﻣﻨﻮ ﺳﻮﺓ ﺑﻴﺞ ﻫﻴﺞ
ﺑﺎﻭﻋﺖ ﻟﺒﺎﺑﺎ ﻭﺣﺠﻴﺖ
.. ﺳﺄﻟﻲ ﺑﺎﺑﺎ ﻫﻮ ﻳﺠﺎﻭﺑﺞ
ﺿﺤﻰ .. ﺷﻴﻤﺎﺀ ﺷﻨﻮ ﺍﻟﺼﺎﻳﺮ ﺍﺣﺠﻴﻠﻨﺎ ﻭﺟﻬﺞ ﺍﺻﻔﺮ ﻭﻣﻼﺑﺴﺞ ﻛﻠﻬﻢ ﺩﻡ ﻭﺍﻳﺪﻳﺞ ﺷﺒﻴﻬﺎ
ﺳﻠﻴﻤﺔ .. ﻋﺰﺓ ﺍﻟﻌﺰﺍﺝ ﻳﺎ ﺳﻠﻴﻤﺔ
ﻭﻟﺞ ﺷﻮﻳﻤﺔ ﺍﺣﺠﻲ ﺷﻤﺴﻮﻳﺔ ﻟﻴﺶ ﻫﻴﺞ ﺣﺎﻟﺞ
......
ﻛﻌﺪﺕ ﻋﺎﻟﻜﺮﻭﻳﺘﺔ ﻣﺎﻟﺖ ﺍﻟﻤﻄﺒﺦ ﺑﺘﻌﺐ
ﻭﺟﺮﻳﺖ ﻧﻔﺲ ﻭﻛﻌﺪﺕ ﺍﺣﺠﻴﻠﻬﻢ ﻋﻦ ﺍﻟﺼﺎﺭ
ﺟﺎﻧﻮﺍ ﻫﺪﻯ ﻭﺿﺤﻰ ﻳﺒﺎﻭﻋﻮﻥ ﺑﺨﻮﻑ
ﻭﺳﻠﻴﻤﺔ ﻛﻌﺪﺕ ﺗﻠﻄﻢ
.. ﺍﺣﻮﻭﻭ .. ﺍﺣﻮﻭﻭ
ﻭﻟﻚ ﻳﻤﺔ ﺍﺛﻴﺮ ﻣﻦ ﻭﺭﺓ ﻣﺼﺎﻳﺒﻚ ﺭﺍﺡ ﻳﺬﺑﺤﻮﻧﺎ ﻭﺍﺣﺪ ﻭﺭﺓ ﺍﻟﺜﺎﻧﻲ
ﺍﺗﺼﻠﻮﻟﻲ ﻋﻠﻰ ﺍﻣﺠﺪ ﺧﻠﻲ ﻳﺠﻲ ﻳﺸﻮﻓﻠﻲ ﺣﻞ ﻟﻬﺎﻱ ﺍﻟﻤﺼﻴﺒﺔ ﺍﻧﺎ ﻣﺎ ﺍﻛﻌﺪ ﺍﻧﺘﻈﺮ ﻳﺠﻲ ﻭﺍﺣﺪ ﻳﺬﺑﺤﻨﻲ
ﻣﻦ ﻭﺭﺓ ﻋﻤﺎﻳﻠﻚ
ﺍﻧﺎ ﻟﻬﻨﺎ ﺣﺪﻱ ﻭﻳﺎﻛﻢ ﺑﻌﺪ ﻣﺎ ﺍﺗﺤﻤﻞ
ﻛﻤﺖ ﻣﻦ ﻣﻜﺎﻧﻲ
ﺭﺣﺖ ﻭﻛﻔﺖ ﻛﺪﺍﻣﻪ ﺑﺎﻭﻋﺖ ﻋﻠﻴﻪ ﻭﺑﻌﻴﻮﻧﻲ ﻋﺘﺐ
.. ﺑﺎﺑﺎ ﻣﻬﺮﺓ ﺗﺴﻠﻢ ﻋﻠﻴﻚ ﺍﺗﻮﻗﻊ ﺍﻟﺮﺳﺎﻟﺔ ﻭﺍﺿﺤﺔ
ﺍﻧﻜﻠﺐ ﻭﺟﻬﻪ ﺍﺻﻔﺮ ﻭﺣﺠﺔ
.. ﻻ ﺗﻜﺒﺮﻳﻦ ﺍﻟﺴﺎﻟﻔﺔ ﺍﺻﻼ ﺍﻧﺎ ﺭﺟﻌﺖ ﻋﻠﻤﻮﺩ
ﺍﺭﻭﺡ ﺍﻟﻬﻢ ﻭﺍﺣﻂ ﺣﺪ ﻟﻠﻤﻮﺿﻮﻉ ﺑﺲ ﻫﻤﺔ ﺍﻟﻠﻪ ﻳﺤﻔﻈﻬﻢ ﺍﺳﺘﻌﺠﻠﻮﺍ ﻣﺎ ﻗﺒﻠﻮﺍ ﻳﻨﺘﻈﺮﻭﻧﻲ ﺍﺭﺟﻊ
ﺍﻧﺘﺒﻬﺖ ﻋﻠﻴﻪ ﺩﺧﻞ ﺟﻮﺓ ﻟﻠﺒﻴﺖ ﻣﺎ ﺍﻋﺮﻑ ﺷﻨﻮ ﺳﻮﺓ ﻭﺭﺓ
ﺩﻗﻴﻘﺘﻴﻦ ﻃﻠﻊ ﻭﺷﺎﻳﻞ ﻋﻼﻛﺔ ﺳﻮﺩﺓ ﺑﻴﺪﻩ ﻭﺍﺧﺬ ﻧﻘﺎﻟﻪ
ﻭﻛﺎﻝ .. ﺍﻧﺎ ﺭﺍﻳﺢ ﺍﻧﻄﻴﻬﻢ ﻓﻠﻮﺳﻬﻢ ﻭﺍﺭﺟﻊ
ﻣﺎ ﺩﺭﺕ ﺑﺎﻝ ﻟﻜﻼﻣﻪ
ﺿﺤﻰ .. ﺗﻌﺎﻟﻲ ﻓﻮﺗﻲ ﺑﺪﻟﻲ ﻣﻼﺑﺴﺞ
ﻫﺪﻯ .. ﻻ ﻟﺤﻈﺔ ﺧﻠﻲ ﺍﺭﻭﺡ ﺍﺣﻀﺮﻟﻬﺎ ﺍﻟﺤﻤﺎﻡ
ﺧﻠﻲ ﺗﺴﺒﺢ ﺍﺣﺴﻦ
ﻓﻌﻼ ﺟﻨﺖ ﻣﺤﺘﺎﺟﺔ ﻟﻠﺤﻤﺎﻡ
ﺯﻓﺮﺓ ﺍﻟﺪﻡ ﻣﻌﻠﻜﺔ ﺑﻤﻼﺑﺴﻲ ﺑﺤﻴﺚ ﺍﺧﺘﻨﻜﺖ
ﺍﺟﺘﻲ ﻫﺪﻯ ﻏﻠﻘﺖ ﺍﻳﺪﻱ ﺑﻨﺎﻳﻠﻮﻥ ﺣﺘﻰ ﻣﺎﻳﻠﻮﺣﻬﺎ ﻣﺎﻱ
ﺩﺧﻠﺖ ﻟﻠﺤﻤﺎﻡ ﻭﺳﺪﻳﺖ ﺍﻟﺒﺎﺏ ﻭﺭﺍﻱ ﺍﻟﻴﻮﻡ ﺟﺎﻥ ﺍﻏﺮﺏ ﻳﻮﻡ
ﺑﺤﻴﺎﺗﻲ
ﻣﺜﻞ ﺍﻟﺪﻭﺍﻣﺔ ﺑﺲ ﺻﺪﻣﺎﺕ
ﻃﻠﻌﺖ ﻟﻜﻴﺖ ﺍﻟﺒﻨﺎﺕ ﻣﺤﻀﺮﺍﺕ ﺍﻟﻐﺪﺓ
ﻛﻌﺪﺕ ﺍﻛﻞ ﻭﻳﺎﻫﻢ ﻣﺎ ﺭﺩﺕ ﺍﻛﺴﺮ . ﻭﺍﻫﺴﻬﻢ
ﺣﺠﺖ ﺿﺤﻰ .. ﺍﺗﺼﻠﻲ ﻋﻠﻰ ﺑﻴﺖ ﺍﻡ ﻗﺎﺳﻢ ﻭﻛﻠﻴﻠﻬﻢ ﺧﻠﻲ ﻳﺄﺟﻠﻮﻥ ﺟﻴﺘﻬﻢ ﺍﻧﺘﻲ ﺗﻌﺒﺎﻧﺔ ﻣﺎ ﺑﻴﺞ ﺣﻴﻞ ﺗﻄﻠﻌﻴﻦ
ﺑﺎﻭﻋﺖ ﻟﻠﺴﺎﻋﺔ ﺟﺎﻧﺖ ﺑﺎﻻﺭﺑﻌﺔ
.. ﻻ ﻣﺎ ﻳﺤﺘﺎﺝ ﺍﺗﺼﻞ ﻋﻠﻴﻬﻢ
ﺧﻠﻴﻬﻢ ﻳﺠﻮﻥ ﻋﺎﺩﻱ ﺍﻧﻲ ﻣﺎ ﺑﻴﺔ ﺷﻲ ﺍﻛﺪﺭ ﺍﺭﻭﺡ ﻭﻳﺎﻫﻢ
ﺍﻧﻲ ﻭﻫﺪﻯ
ﻫﻮ ﺍﺧﺘﻴﺎﺭ ﺫﻫﺐ ﻣﺎ ﻳﻨﺮﺍﺩﻟﻬﺎ ﺷﻲ
ﻛﻠﺖ ﻟﻬﺪﻯ ﺗﻜﻮﻡ ﺗﺤﻀﺮ ﻧﻔﺴﻬﺎ ﻻﻥ ﻫﻤﺔ ﻋﻠﻰ ﺟﻴﺔ
ﻛﺎﻟﻮ ﺑﺎﻟﺨﻤﺴﺔ ﻭﻧﺺ ﻧﺠﻲ
ﺷﻮﻳﺔ ﺍﺗﻤﺪﺩﺕ ﻭﻏﻤﻀﺖ ﻋﻴﻨﻲ ﻣﺎ ﺍﺭﻳﺪ ﺍﻧﺎﻡ
ﺑﺲ ﺷﻮﻳﺔ ﺍﺭﺗﺎﺡ
ﺑﺪﺕ ﺍﺣﺪﺍﺙ ﺍﻟﻴﻮﻡ ﺗﺰﺣﻒ ﻋﻠﻰ ﺍﻓﻜﺎﺭﻱ ﻭﺻﻮﺭ ﺍﻟﺤﺎﺩﺙ
ﺗﺘﻜﻠﺐ ﻛﺪﺍﻡ ﻋﻴﻨﻲ
ﻟﺤﺪﻣﺎ ﺍﺧﺘﻨﻜﺖ ﻭﺟﺴﻤﻲ ﺍﺭﺗﻌﺪ ﺑﺨﻮﻑ ﻣﻦ ﺍﺗﺬﻛﺮ ﺍﻟﺤﺎﺩﺙ
ﺟﺮﻳﺖ ﻧﻔﺲ ﻋﻤﻴﻖ ﻭﻛﻤﺖ ﻣﻦ ﻣﻜﺎﻧﻲ ﺧﻠﻲ ﺍﻛﻮﻡ ﺍﺣﻀﺮ ﻧﻔﺴﻲ ﻭﺍﻟﻬﻲ ﺭﻭﺣﻲ ﺍﺣﺴﻦ ﻣﺎ ﺍﻇﻞ ﻛﻞ ﺷﻮﻳﺔ ﺍﺗﺬﻛﺮ
ﺍﻟﺼﺎﺭ
ﺑﺪﻟﺖ ﻣﻼﺑﺲ ﻋﺎﺩﻳﺔ ﻭﺳﻮﻳﺖ ﺷﻌﺮﻱ ﻛﺒﺎﺑﺔ
ﺭﺣﺖ ﻟﺒﻴﺒﻲ ﺳﻠﻴﻤﺔ ﻭﻛﻠﺘﻠﻬﺎ . ﺗﻨﻄﻴﻨﻲ ﻓﻠﻮﺱ ﺍﻟﻤﻬﺮ
ﻻﻥ ﺧﻠﻴﺘﻬﻢ ﻋﻨﺪﻫﺎ ﺣﺘﻰ ﺿﻤﻬﻢ ﻳﻤﻬﺎ
ﺳﻠﻴﻤﺔ .. ﺧﺎﺏ ﻳﺎ ﻓﻠﻮﺱ ﻣﻬﺮ ﺩﺗﺤﺠﻴﻦ ﻋﻠﻴﻬﻢ
ﺍﺑﻮﺝ ﺍﺧﺬﻫﻢ ﺣﺘﻰ ﻳﻮﻓﻲ ﺍﻟﺪﻳﺎﻧﺔ ﺑﻴﻬﻢ
ﻗﺒﻞ ﻻ ﻳﺠﻮﻥ ﻳﺬﺑﺤﻮﻧﺎ
ﻋﻄﺖ ﺑﺼﻮﺕ ﻋﺎﻟﻲ ﻣﻔﺠﻮﻋﺔ
.. ﺻﺨﺎﺍﺍﺍﺍﺍﻡ ﺍﻟﺼﺨﻤﻨﻲ ﺷﻠﻮﻥ ﻳﺴﻮﻱ ﻫﻴﺞ
ﺑﻴﻨﺎ
ﺍﺟﺘﻲ ﻫﺪﻯ ﻭﺿﺤﻰ ﻋﻠﻰ ﺻﻴﺎﺣﻲ
ﻫﺪﻯ .. ﺷﻨﻮ ﺷﺒﻴﺞ ﺷﻴﻤﺎﺀ
.. ﻟﺤﻜﻮﻟﻲ ﺑﻨﺎﺕ ﺍﺑﻮﻱ ﺍﺧﺬ ﻓﻠﻮﺱ ﺍﻟﻤﻬﺮ ﻛﻠﻬﺎ
ﺷﻠﻮﻥ ﺑﻴﺔ ﻭﺑﻴﺖ ﺍﻡ ﻗﺎﺳﻢ ﻋﻠﻰ ﺟﻴﺔ ﺷﻨﻮ ﺍﻛﻠﻠﻬﻢ ﻋﻠﻰ ﻓﻠﻮﺱ
ﺍﻟﻤﻬﺮ
ﻫﺪﻯ ﺑﻐﻀﺐ .. ﺷﻨﻮ ﺳﺎﻟﻔﺘﻪ ﻣﻌﻘﻮﻟﺔ ﺍﻛﻮ ﻫﻴﺞ ﺑﺸﺮ
ﻳﺎﻟﻠﻪ ﺍﺑﻮﻱ ﻭﻳﻦ ﻳﺮﻳﺪ ﻳﻮﺻﻠﻨﺎ
ﺷﻠﺖ ﺍﻟﻨﻘﺎﻝ ﻭﺍﺗﺼﻠﺖ ﻋﻠﻰ ﺑﺎﺑﺎ ﻭﻛﻠﻲ ﺍﻧﺎ ﻫﺴﺔ ﺟﺎﻱ
ﺷﻮﻳﺔ ﻭﺩﺧﻞ ﻋﻠﻴﻨﺎ
ﻳﺒﺎﻭﻉ ﻋﺎﻟﻮﺟﻮﻩ
ﺷﻴﻤﺎﺀ .. ﺑﺎﺑﺎ ﺷﻜﺎﻟﺘﻠﻚ ﺭﻭﺣﻚ ﻣﻦ ﺍﺧﺬﺕ ﻓﻠﻮﺱ ﺍﻟﻤﻬﺮ ﻣﺎﻟﺖ ﻫﺪﻯ ﻣﺎ ﻓﻜﺮﺕ ﺷﻨﻮ ﺭﺍﺡ ﻧﻜﻮﻝ ﻟﻠﻨﺎﺱ ﺍﺫﺍ ﺳﺄﻟﻮﻧﺔ ﻋﻠﻴﻬﺎ
.. ﺍﻧﺘﻲ ﻣﻮ ﻛﺪﺍﻣﺞ ﺷﻔﺘﻴﻬﻢ ﺷﻨﻮ ﺳﻮﻭ ﻣﻦ ﺍﺗﺄﺧﺮﺕ ﻋﻠﻴﻬﻢ ﺑﺎﻟﺘﺴﺪﻳﺪ ﻟﺞ ﺍﻟﻔﻠﻮﺱ ﻣﻮ ﺍﻫﻢ ﻣﻦ ﺣﻴﺎﺗﻨﺎ
ﺍﺟﺘﻲ ﻫﺪﻯ ﻭﻭﻛﻔﺖ ﻛﺪﺍﻣﻪ ﺑﻜﻞ ﻏﻴﺾ
ﻭﺣﺠﺖ ﺑﺼﻮﺕ ﻋﺎﻟﻲ ﻣﻘﻬﻮﺭ
.. ﻭﺍﺣﻨﺎ ﺍﻟﻰ ﻣﺘﻰ ﻧﺒﻘﻰ ﻧﻨﻈﻒ ﻣﺨﻠﻔﺎﺕ ﺍﻓﻌﺎﻟﻚ ﺍﻟﻘﺬﺭﺓ
ﺿﺮﺑﻬﺎ ﺭﺍﺷﺪﻱ ﻭﺩﻓﻌﻬﺎ
ﻟﺰﻣﺖ ﺧﺪﻫﺎ ﻭﺑﺎﻭﻋﺖ ﻋﻠﻴﻪ ﺑﻐﻴﺾ
.. ﻫﻲ ﻫﺎﻱ ﺍﻟﻲ ﺍﻟﻠﻪ ﻗﺪﺭﻙ ﻋﻠﻴﻬﺎ
ﺣﺠﺔ .. ﺷﻴﻤﺎﺀ ﺳﻜﺘﻲ ﺍﺧﺘﺞ ﻭﺍﺧﺬﻳﻬﺎ ﻣﻦ ﻛﺪﺍﻣﻲ ﻻ ﻭﺍﻟﻠﻪ ﺍﺑﺘﻠﻲ ﺑﻴﻬﺎ ﺗﺮﺓ ﺍﻟﺒﻴﺔ ﻳﻜﻔﻴﻨﻲ ﻣﺎ ﻧﺎﻗﺼﻬﺎ
ﻫﺪﻯ .. ﻻ ﻣﺎ ﺭﺍﺡ ﺍﺳﻜﺖ ﺍﻧﺖ ﺍﻧﺴﺎﻥ ﻋﺎﻟﺔ ﻧﻜﺮﺓ
ﻛﻔﺮ ﻳﺴﻤﻮﻧﻚ . ﺍﻧﻲ ﻟﻮ ﻣﻨﻚ ﺍﺩﻓﻦ ﺭﻭﺣﻲ ﻭﻻ ﺍﺑﻘﻰ ﺷﺒﻪ ﺭﺟﺎﻝ
ﺍﺑﺎﻭﻉ ﻟﺒﺎﺑﺎ ﺍﻧﻜﻠﺐ ﻭﺣﺶ
.. ﻻﺍﺍﺍﺍﺍ ﺍﻟﻈﺎﻫﺮ ﺍﻧﺘﻲ ﻣﺎ ﺭﺍﺡ ﺗﺴﻜﺘﻴﻦ ﺍﻻ ﺍﻛﺴﺮ ﺑﻴﺞ ﺷﻲ
ﻭﻫﺪ ﻋﻠﻰ ﻫﺪﻯ ﺍﻟﻲ ﺟﺎﻧﺖ ﻭﺍﻛﻔﺔ ﻣﻨﺘﻈﺮﺗﻪ ﻭﻛﺄﻧﻤﺎ ﺟﺎﻧﺖ ﻣﺴﺘﻌﺪﺓ ﺗﺘﻠﻘﻰ ﺍﻟﻌﻘﺎﺏ
ﺭﻛﻀﺖ ﻋﻠﻴﻪ ﺍﺭﻳﺪ ﺍﺑﻌﺪﻩ ﻋﻦ ﻫﺪﻯ
ﺑﺲ ﺟﺎﻥ ﻫﻮ ﺍﺳﺮﻉ ﻭﺍﻗﻮﻯ ﻣﻨﺎ ﺍﺧﺬﻫﺎ ﺳﺤﻞ ﻟﻠﻐﺮﻓﺔ
ﺟﻨﺖ ﻻﺯﻣﺔ ﺍﻳﺪﻩ ﺑﻴﺪﻱ ﺍﻟﺼﺎﺣﻴﺔ
ﺍﺗﺮﺟﺎﻩ ﻳﺘﺮﻛﻬﺎ
.. ﺑﺎﺑﺎ ﺍﺑﻮﺱ ﺍﻳﺪﻙ ﺍﺗﺮﻛﻬﺎ ﺟﺎﻫﻠﺔ ﻭﺳﺎﻋﺔ ﻋﺼﺒﻴﺔ ﻭﺣﺠﺘﻬﺎ
ﺑﻠﺤﻈﺔ ﻏﻀﺐ
.. ﺍﻟﻴﻮﻡ ﺍﻻ ﺍﺭﺑﻴﻬﺎ ﻣﻦ ﺟﺪﻳﺪ ﻫﺎﻟﻌﺎﺭ
ﻭﻟﺞ ﺷﻠﻮﻥ ﺗﺘﺠﺮﺃﻳﻦ ﺗﺤﺠﻴﻦ ﻭﻳﺎﻱ ﺍﻧﺎ ﻫﺬﺍ ﺍﻟﺤﺠﻲ
ﺑﺴﻴﻄﺔ
ﺟﺎﻧﺖ ﻫﺪﻯ ﺗﺮﺍﻓﺲ ﺟﻮﺓ ﺍﻳﺪﻩ ﻭﺗﺪﻋﻲ ﻋﻠﻴﻪ
ﺩﺧﻠﻬﺎ ﻟﻠﻐﺮﻓﺔ ﻭﺩﻓﻌﻨﺎ ﺍﻧﻲ ﻭﺿﺤﻰ ﻭﻗﻔﻞ ﺍﻟﺒﺎﺏ
ﺳﻠﻴﻤﺔ .. ﺣﻞ ﺗﺴﺘﺎﻫﻞ ﺧﻠﻲ ﻳﺮﺑﻴﻬﺎ ﻫﺎ ﻃﻐﺖ
ﻭﻛﺎﻣﺖ ﺗﺘﺠﺎﺳﺮ ﻋﻠﻰ ﺍﺑﻮﻫﺎ
ﻫﻲ ﺗﺤﺠﻲ ﻭﺍﻧﻲ ﺍﺳﻤﻊ ﺻﻮﺕ . ﺻﺮﺍﺥ ﻫﺪﻯ
ﺍﺣﺲ ﺷﺎﻏﺖ ﺭﻭﺣﻲ ﻭﻭﺻﻠﺖ ﻟﻠﺴﻤﺎ ﺻﺮﺕ ﺍﺩﻙ ﺑﺎﻟﺒﺎﺏ
ﻣﺜﻞ ﺍﻟﻤﺨﺒﻠﺔ
.. ﺑﺎﺑﺎ ﺍﻟﻠﻪ ﻳﺨﻠﻴﻚ ﺍﻓﺘﺢ ﺍﻟﺒﺎﺏ
ﺟﻨﺖ ﺍﺳﻤﻊ ﺻﻮﺕ ﺻﺮﻳﺦ ﻫﺪﻯ ﻭﺿﺮﺏ ﺑﺎﺑﺎ ﻭﻏﻠﻄﻪ ﻋﻠﻴﻬﺎ
ﻓﺮﺕ ﺭﻭﺣﻲ ﻋﻠﻴﻬﺎ ﻣﺜﻞ ﺍﻟﻄﻴﺮ ﺍﻟﻤﺬﺑﻮﺡ
ﻓﺠﺎﺀﺓ ﺳﻤﻌﺖ ﺻﻮﺕ ﺍﻟﺠﺮﺱ ﺍﻧﺪﻙ
ﺭﺣﺖ ﺍﺭﻛﺾ ﻣﺜﻞ ﺍﻟﻤﺨﺒﻠﺔ ﺑﻠﻜﻲ ﺍﺟﺔ ﻋﻜﻮ ﺍﻣﺠﺪ ﻳﻠﺤﻜﻨﺎ
ﻓﺘﺤﺖ ﺍﻟﺒﺎﺏ ﻭﺻﺮﺧﺖ ﺍﺳﺘﻨﺠﺪ ﺑﺎﻟﺠﺎﻱ
.. ﺧﺎﻟﺔ ﺍﻡ ﻗﺎﺳﻢ ﻟﺤﻜﻲ ﺑﺎﺑﺎ ﺭﺍﺡ ﻳﻤﻮﺕ ﻫﺪﻯ
......
ﻫﺎﻟﺔ ﺍﺑﺎﻭﻉ ﻟﻘﺎﺳﻢ
ﺭﺍﺹ ﻋﻠﻰ ﺍﺳﻨﺎﻧﻪ ﺑﻐﻀﺐ ﻭﻛﻮﺓ ﻻﺯﻡ ﻧﻔﺴﻪ
ﻣﺎ ﻳﻨﻔﺠﺮ
ﺟﺎﻥ ﻳﺴﻮﻕ ﻭﻛﻞ ﺷﻮﻳﺔ ﻳﻐﻠﻂ ﻭﻳﺴﺐ ﻋﻠﻰ ﺳﻮﺍﻕ ﺍﻟﺴﻴﺎﺭﺍﺕ ﻋﺒﺎﻟﻚ ﺑﺲ ﻫﻮ ﻳﻌﺮﻑ ﻳﺴﻮﻕ
ﺍﺩﺭﻱ ﺑﻲ ﺩﻳﺴﺎﻳﺮ ﺍﻣﻲ ﻛﻮﺓ ﻋﻠﻰ ﺍﻋﺼﺎﺑﻪ
ﺩﺍﺱ ﻋﻠﻰ ﺭﻭﺣﻪ ﺑﺎﻟﻜﻮﺓ ﻭﺍﻓﻖ ﻳﺠﻲ ﻭﻳﺎﻧﺎ ﻳﺎﺧﺬﻧﺎ ﻧﺸﺘﺮﻱ ﺍﻟﺬﻫﺐ ﻟﻬﺪﻯ
ﺍﻣﻲ ﻣﻦ ﺍﻟﺒﺎﺭﺣﺔ ﺑﺎﻟﻠﻴﻞ ﺍﻧﻄﺘﻬﻢ ﺧﺒﺮ ﻳﺠﻬﺰﻭﻥ ﺭﻭﺣﻬﻢ
ﺣﺘﻰ ﻳﺠﻮﻥ ﻭﻳﺎﻧﺎ ﻭﻳﺨﺘﺎﺭﻭﻥ
ﻃﺒﻌﺎ ﺍﻧﻲ ﺑﻬﺎﻱ ﺍﻻﻳﺎﻡ ﺍﻟﺘﻬﻴﺖ ﻋﻦ ﻫﺪﻯ ﻭﻣﺎ ﺍﺗﺼﻠﺖ ﻋﻠﻴﻬﺎ
ﻻﻥ ﺻﺎﺩﻑ ﺍﻟﻤﺸﺎﻛﻞ ﺑﻴﻦ ﻗﺎﺳﻢ ﻭﺍﻣﻲ
ﺍﺿﺎﻓﺔ ﺍﻟﻰ ﺍﻧﻲ ﻫﻢ ﻛﻤﺖ ﺍﺗﻬﺮﺏ ﻣﻦ ﻫﺪﻯ ﻻﻥ
ﺍﺧﺎﻑ ﺗﺴﺄﻟﻨﻲ ﻋﻦ ﺳﺎﻟﻔﺔ ﻗﺎﺳﻢ ﻭﺭﻫﻒ
ﻟﺬﻟﻚ ﻓﻀﻠﺖ ﻣﺎ ﺍﺗﺼﻞ ﻋﻠﻴﻬﺎ ﺍﺣﺴﻦ
ﻗﺎﺳﻢ .. ﻳﻌﻨﻲ ﻫﻮ ﻣﺸﺘﺮﺍﺓ ﺍﻟﺬﻫﺐ ﺳﺎﻟﻔﺔ ﻣﺎﻝ ﻧﺴﻮﺍﻥ
ﺍﻧﺎ ﺷﺴﻮﻱ ﺟﺎﻱ ﻭﻳﺎﻛﻢ ﻟﻮ ﻫﻲ ﺷﻐﻠﺔ ﻋﻨﺎﺩ
ﺍﺑﺎﻭﻉ ﻷﻣﻲ
.. ﺷﻄﻠﻌﺖ ﻫﺎﻱ ﺗﺮﺓ ﻭﺍﻟﻠﻪ ﻭﺭﻣﺖ ﻛﻠﺒﻲ
ﻳﻤﺔ ﻗﺎﺳﻢ ﻫﺬﺍ ﺯﻭﺍﺝ ﻣﻮ ﻟﻌﺒﺔ ﻳﻌﻨﻲ ﺍﻻﺻﻮﻝ ﺗﻜﻮﻝ ﺗﺠﻲ
ﻭﻳﺎﻧﺎ ﻭﺗﺸﻮﻑ ﺍﻟﺒﻨﻴﺔ ﻭﺗﺸﺘﺮﻭﻥ ﺣﻠﻘﺎﺕ ﺳﻮﻳﺔ
.. ﻫﺬﺍ ﻫﻮ ﺣﺠﻴﺔ ﺻﺎﺭ ﺍﻟﺘﺮﺩﻳﻨﻪ ﻳﺼﻴﺮ
ﺍﺑﺎﻭﻉ ﻷﻣﻲ ﻣﻦ ﻳﻜﻠﻠﻬﺎ ﺣﺠﻴﺔ
ﺗﺨﺰﺭﺓ ﺑﻌﻴﻮﻧﻬﺎ ﻭﺗﺰﻡ ﺷﻔﺎﻳﻔﻬﺎ ﺑﻐﻴﺾ
ﺍﺩﺭﻱ ﺑﻘﺎﺳﻢ ﺑﻌﺪﻩ ﻻ ﺯﺍﻝ ﻣﺴﺘﻤﺮ ﻳﻌﺎﻣﻞ ﺍﻣﻲ ﺑﺒﺮﻭﺩ
ﻭﻣﻦ ﻳﻮﻡ ﺍﻟﺼﺎﺭ ﻗﺎﺳﻢ ﺑﻄﻞ ﻳﺬﻛﺮ ﻛﻠﻤﺔ ﻳﻤﺔ
ﻋﺒﺎﻟﻚ ﺩﻳﻌﺎﻗﺒﻬﺎ ﻭﺍﺫﺍ ﻳﺮﻳﺪ ﻳﺤﺠﻲ ﻭﻳﺎﻫﺎ ﻛﻠﺔ ﻳﻜﻠﻠﻬﺎ ﺣﺠﻴﺔ
ﻭﺻﻠﻨﺎ ﻟﺒﻴﺘﻬﻢ ﻭﻗﺎﺳﻢ ﺑﺎﻟﻜﻮﺓ ﺩﺧﻞ ﺍﻟﺴﻴﺎﺭﺓ ﺑﺎﻟﻔﺮﻉ ﻣﺎﻟﺘﻬﻢ ﻻﻥ ﺿﻴﻚ
ﻭﺍﻟﺠﻬﺎﻝ ﻳﺘﺮﺍﻛﻀﻮﻥ ﻣﻦ ﺟﻮﺓ ﺍﻟﺴﻴﺎﺭﺓ ﻛﻞ ﺷﻮﻳﺔ ﺍﻣﻲ
ﺗﻌﻴﻂ ﻋﺒﺎﻟﻬﺎ ﺩﻋﻢ ﺟﺎﻫﻞ
ﻳﺒﺎﻭﻋﻮﻥ ﻋﺎﻟﺴﻴﺎﺭﺓ ﺑﺄﺳﺘﻐﺮﺍﺏ ﻻﻥ ﻣﺒﻴﻦ ﻋﻠﻴﻬﻢ ﻣﻮ ﻛﻞ ﻳﻮﻡ ﻳﺸﻔﻮﻥ ﻫﻴﺞ ﺳﻴﺎﺭﺓ
.. ﻫﺴﺔ ﻳﻤﺔ ﺟﺎﻥ ﺳﻤﻌﺖ ﻛﻼﻣﻲ ﻭﺗﺮﻛﺖ ﺍﻟﺴﻴﺎﺭﺓ ﺑﺮﺍﺱ ﺍﻟﻔﺮﻉ ﻣﻮ ﺍﺣﺴﻨﻠﻚ ﻣﻦ ﻫﺎﻱ ﺍﻟﻠﻮﻋﺔ
.. ﺷﻨﻮ ﺧﻮ ﻣﺎﻛﻮ ﺷﻲ ﻭﺍﺧﻠﻴﺞ ﺗﻤﺸﻴﻦ ﻫﺬﺍ ﺍﻟﻄﺮﻳﻖ ﻛﻠﻪ ﻋﻠﻰ ﺭﺟﻠﻴﺞ
.. ﺍﻭﻑ ﻣﻨﻚ ﺷﻜﺪ ﻋﻨﻮﺩﻱ ﻫﺬﺍ ﺍﻟﻮﻟﺪ
ﺑﺎﻭﻉ ﻋﻠﻴﻬﺎ ﺻﻔﺢ ﻭﺍﺧﺬ ﻧﻔﺲ ﻭﻣﺎ ﻋﻠﻖ ﻋﻠﻰ ﻛﻼﻣﻬﺎ
ﻭﻛﻒ ﺍﻟﺴﻴﺎﺭﺓ ﺑﺒﺎﺏ ﺑﻴﺖ ﺍﺑﻮ ﺷﻴﻤﺎﺀ
ﺍﻟﺘﻔﺖ ﻋﻠﻴﻨﺎ ﻗﺒﻞ ﻻ ﻧﻨﺰﻝ ﻭﺣﺠﺔ ﻭﻳﺎﻧﺎ ﺑﺘﺤﺬﻳﺮ
ﻗﺎﺳﻢ .. ﻣﺎ ﺍﻭﺻﻴﻜﻢ ﻋﻮﺩ ﻧﺎﻣﻮﺍ . ﻳﻤﻬﻢ
ﻋﻠﻤﻮﺩ ﺍﻋﻮﻓﻜﻢ ﻭﺍﺭﻭﺡ
.. ﻻ ﻣﺎ ﺭﺍﺡ ﻧﻄﻮﻝ ﺷﻐﻠﺔ ﺩﻗﺎﻳﻖ ﻋﻠﻰ ﻛﺪ ﺍﻟﺴﻼﻡ
ﻧﺎﺧﺬ ﺍﻟﺒﻨﺎﺕ ﻭﻧﻄﻠﻊ ﻻﻥ ﺍﻣﻲ ﺍﻧﻄﺘﻬﻢ ﺧﺒﺮ ﻣﻦ ﺍﻟﺒﺎﺭﺣﺔ
ﺍﻡ ﻗﺎﺳﻢ .. ﻫﺎ ﻳﻤﺔ ﻗﺎﺳﻢ ﺍﺷﺘﻐﻠﺖ ﺭﺣﻤﺔ ﺍﻟﻠﻪ ﺷﻮﻑ ﻣﻦ ﻫﺴﺔ ﺍﻛﻠﻚ ﺍﺣﻨﺎ ﻃﺎﻟﻌﻴﻦ ﻣﻮ ﺗﺴﻤﻤﻨﺎ ﻭﺗﻈﻞ ﺗﺤﺠﻲ ﻛﺪﺍﻡ ﺍﻟﺒﻨﺎﺕ ﻭﺗﺨﺸﻦ ﺧﺎﻃﺮﻫﻦ ﻋﻴﺐ ﻳﻤﺔ ﻣﺎﺍﺭﻳﺪ ﺗﺴﻮﺩ ﻭﺟﻬﻲ ﻛﺪﺍﻣﻬﻢ
.. ﻣﺎ ﻋﺎﺵ ﺍﻟﻲ ﻳﻨﺰﻝ ﻣﻘﺪﺍﺭﺝ ﺣﺠﻴﺔ ﻭﺟﻬﺞ ﻃﻮﻝ ﻋﻤﺮﻩ ﻳﺒﻘﻰ ﺍﺑﻴﺾ
ﻳﺎﻟﻠﻪ ﺭﻭﺣﻮﺍ ﺑﺲ ﻻ ﺗﺘﺄﺧﺮﻭﻥ
.. ﺍﻟﻠﻪ ﻳﺮﺿﻰ ﻋﻠﻴﻚ ﻭﻳﻬﺪﻳﻚ ﻳﺎﺭﺏ
......
ﻧﺰﻟﻨﺎ ﻭﺍﻣﻲ ﺩﻛﺖ ﺍﻟﺠﺮﺱ ﻟﺤﻈﺎﺕ ﻭﺍﻧﻔﺘﺢ ﺍﻟﺒﺎﺏ
ﻭﻛﻔﻨﺎ ﻣﺼﺪﻣﻴﻦ ﻣﻦ ﻣﻨﻈﺮ ﺷﻴﻤﺎﺀ ﺍﻟﻤﻔﺰﻭﻉ
ﺷﺎﻓﺖ ﺍﻣﻲ ﻭﺻﺎﺣﺖ .. ﺧﺎﻟﺔ ﺍﻡ ﻗﺎﺳﻢ ﻟﺤﻜﻲ ﺑﺎﺑﺎ ﺭﺍﺡ ﻳﻤﻮﺕ ﻫﺪﻯ
ﺍﻡ ﻗﺎﺳﻢ .. ﻳﺎﺳﺘﺎﺭ ﺍﺳﺘﺮ ﺷﻜﻮ ﺷﺼﺎﻳﺮ
.. ﺑﺎﺑﺎ ﺩﻳﻀﺮﺑﻬﺎ . ﺑﺎﻟﻐﺮﻓﺔ ﻭﻗﺎﻓﻞ ﺍﻟﺒﺎﺏ ﺍﺧﺘﻲ ﺭﺍﺡ ﺗﻤﻮﺕ ﺟﻮﺓ ﺍﻳﺪﻩ
ﺍﺟﺎﻧﺔ ﺻﻮﺕ ﻗﺎﺳﻢ ﻭﻫﻮ ﺭﺍﻛﺐ ﺑﺎﻟﺴﻴﺎﺭﺓ ﺟﺎﻥ ﻣﻨﺰﻝ ﺍﻟﺠﺎﻣﺔ
ﺳﺄﻝ ﻭﻫﻮ ﻋﺎﻗﺪ ﺣﻮﺍﺟﺒﻬﺎ
.. ﻫﺎﻟﺔ ﺷﻜﻮ ﺷﺼﺎﻳﺮ
ﺍﻣﻲ ﺩﺍﺭﺕ ﻋﻠﻴﻪ .. ﻳﻤﺔ ﻗﺎﺳﻢ ﺍﻧﺰﻝ ﺍﻟﺤﻚ ﺍﻟﺒﻨﻴﺔ ﻫﺬﺍ ﺍﺑﻮﻫﺎ
ﺍﺗﺨﺒﻞ ﻭﺭﺍﺡ ﻳﻤﻮﺗﻬﺎ
ﻧﺰﻝ ﻗﺎﺳﻢ ﻭﺳﺪ ﺑﺎﺏ ﺍﻟﺴﻴﺎﺭﺓ ﻭﺭﺍﻩ ﻭﻋﻴﻦ ﻋﻠﻰ ﺍﻣﻪ ﻭﻋﻴﻦ ﻋﻠﻰ ﺷﻴﻤﺎﺀ
ﺍﻗﺘﺮﺏ ﻭﺳﺄﻝ .. ﺷﻜﻮ ﺷﺼﺎﻳﺮ
ﺷﻴﻤﺎﺀ ﺗﺴﺘﻌﺠﻠﻬﻢ .. ﻋﻔﻴﺔ ﻗﺎﺳﻢ ﺩﺍﺧﻠﺔ ﻋﻠﻰ ﺍﻟﻠﻪ ﻭﻋﻠﻴﻚ
ﺧﻠﺺ ﺍﺧﺘﻲ ﻣﻦ ﺟﻮﺓ ﺍﻳﺪ ﺍﺑﻮﻳﺔ ﻻﻥ ﺭﺍﺡ ﻳﻤﻮﺗﻬﺎ
ﻗﺎﺳﻢ ﺑﻨﺨﻮﺓ .. ﻓﻮﺗﻲ ﺩﺧﻠﻲ ﺟﻮﺓ ﻭﺳﻮﻳﻠﻲ ﻃﺮﻳﻖ
ﺷﻴﻤﺎﺀ ﻓﺘﺤﺖ ﺍﻟﺒﺎﺏ ﻋﻠﻰ ﻭﺳﻌﻪ
.. ﺍﺩﺧﻞ ﺍﺩﺧﻞ ﻣﺎﻛﻮ ﺍﺣﺪ ﻏﺮﻳﺐ
ﺩﺧﻠﺖ ﺗﺮﻛﺾ ﻛﺪﺍﻣﻨﺎ ﻭﺧﻠﺘﻨﺎ ﻭﺭﺍﻫﺎ
ﻭﺍﺣﻨﺎ ﺍﺗﺒﻌﻨﺎﻫﺎ ﺍﺳﻤﻊ ﻗﺎﺳﻢ ﻳﺤﺠﻲ ﺑﻐﻴﺾ ﻭﻳﺔ ﺍﻣﻲ
.. ﻳﺎﻟﻠﻪ ﻫﺎﺝ ﺍﺳﺘﻠﻤﻲ ﻫﻲ ﻫﺎﻱ ﺍﻟﻘﺴﻤﺔ ﺍﻟﺰﻳﻨﺔ ﺍﻟﻲ ﻛﺘﻠﺘﻲ ﺭﻭﺣﺞ ﻋﻠﻴﻬﺎ
ﺧﺰﺭﺗﻪ ﺍﻣﻲ ﻭﻓﺎﺗﺖ ﺟﻮﺓ ﻟﻠﺒﻴﺖ ﻭﺩﺧﻠﻨﺎ ﻣﻦ ﺍﻟﻤﻄﺒﺦ ﻭﺑﻌﺪﻫﺎ ﻟﻠﻬﻮﻝ
ﺷﻔﻨﺎ ﺑﻴﺒﻴﺘﻬﻢ ﺳﻠﻴﻤﺔ ﻭﺿﺤﻰ ﻭﺍﻛﻔﺎﺕ ﻳﻢ ﺑﺎﺏ ﻣﺴﺪﻭﺩ
ﻭﺷﻴﻤﺎﺀ ﺭﺍﺣﺖ ﺗﺪﻙ ﻋﺎﻟﺒﺎﺏ
ﻭﻛﻒ ﺷﻌﺮ ﺭﺍﺳﻲ ﻣﻦ ﺳﻤﻌﺖ ﺻﻮﺕ ﻫﺪﻯ ﺗﺘﻮﺳﻞ ﻭﺗﺒﺠﻲ
ﻭﺻﻮﺕ ﺍﺑﻮﻫﺎ ﻋﺎﻟﻲ ﻳﻐﻠﻂ ﻭﻳﺴﺐ
ﻳﻤﺔ ﺍﻧﻤﺮﺩ ﻛﻠﺒﻲ ﻋﻠﻴﻬﺎ
ﺍﻧﺘﺒﻬﺖ ﻟﻮﺟﻪ ﻗﺎﺳﻢ ﻣﻦ ﺳﻤﻊ ﺻﻮﺗﻬﺎ ﺭﺹ ﻋﻠﻰ ﺍﺳﻨﺎﻧﻪ ﺑﻐﻀﺐ ﻭﻛﻮﺭ ﺍﻳﺪﻩ ﺑﻘﺒﻀﺔ
ﺣﺠﺔ ﻣﻦ ﺑﻴﻦ ﺍﺳﻨﺎﻧﻪ ﻭﻳﺔ ﺷﻴﻤﺎﺀ
.. ﺷﻴﻤﺎﺀ ﺷﻮﻳﺔ ﺳﻮﻱ ﻣﺠﺎﻝ ﺧﻠﻲ ﺍﺣﺠﻲ ﻭﻳﺎﻩ
ﺷﻴﻤﺎﺀ ﺍﺑﺘﻌﺪﺕ ﻋﻦ ﺍﻟﺒﺎﺏ ﻭﻫﻲ ﺗﺒﺎﻭﻋﻠﻪ ﺑﺄﻣﻞ
ﻭﺻﻮﺕ ﺻﺮﺧﺔ ﻫﺪﻯ ﺍﻻﺧﻴﺮﺓ ﺗﻨﺬﺭ ﺑﺎﻟﺨﻄﺮ
ﺍﻗﺘﺮﺏ ﻋﺎﻟﺒﺎﺏ ﻭﺩﻛﻪ ﺣﻴﻞ ﻋﺒﺎﻟﻚ ﻳﺮﻳﺪ ﻳﺨﻠﻌﻪ
ﻛﺎﻝ ﺑﺼﻮﺕ ﻋﺎﻟﻲ ﺭﺝ ﺍﻟﺒﻴﺖ ﺭﺝ
.. ﻟﻚ ﺍﺛﻴﺮ ﻋﺎﺭ ﺻﻴﺮ ﺭﺟﺎﻝ ﻭﺍﻓﺘﺤﻠﻲ ﺍﻟﺒﺎﺏ ﺍﻧﺎ ﻗﺎﺳﻢ
...............
ﻫﺪﻯ
ﺍﺩﺭﻱ ﺑﺮﻭﺣﻲ ﺍﺳﺘﺎﻫﻞ ﺍﻟﻀﺮﺑﺔ ﻻﻥ ﺍﺗﻌﺪﻳﺖ ﺣﺪﻭﺩﻱ ﻭﺍﺗﺠﺎﻭﺯﺕ ﻋﻠﻰ ﺑﺎﺑﺎ
ﺑﺲ ﻏﺼﺐ ﻋﻨﻲ ﺧﻮﻓﻲ ﻋﻠﻰ ﺷﻴﻤﺎﺀ ﻛﺎﻥ ﺍﻗﻮﻯ ﻣﻨﻲ
ﺍﺟﻴﺖ ﺍﻣﻮﺕ ﺑﺪﻣﻲ ﻣﻦ ﺷﻔﺖ ﺷﻴﻤﺎﺀ ﺩﺧﻠﺖ ﻋﻠﻴﻨﺎ ﻭﺟﻬﺔ ﺍﺻﻔﺮ ﻭﻣﻼﺑﺴﻬﺎ ﻛﻠﻬﺎ ﺩﻡ
ﻭﻋﺮﻓﺖ ﺑﻌﺪﻫﺎ ﺍﺗﻌﺮﺿﺖ ﻟﻼﻋﺘﺪﺍﺀ
ﻭﺍﻟﺴﺒﺐ ﺍﻓﻌﺎﻝ ﺍﺑﻮﻧﺎ ﺟﺎﻥ ﻛﻠﺒﻲ ﻳﻔﻮﺭ ﻋﻠﻴﻪ
ﻭﻛﺄﻧﻪ ﻣﺎ ﺍﻛﺘﻔﻰ ﺑﺎﻟﻤﺼﺎﻳﺐ ﺍﻟﻲ ﻳﺠﻴﺒﻬﺎ ﺍﻟﻨﺎ ﻛﺎﻡ ﻛﻤﻠﻬﺎ
ﺑﻘﺼﺔ ﻓﻠﻮﺱ ﺍﻟﻤﻬﺮ
ﺍﻧﻲ ﻣﺎ ﻫﻤﺘﻨﻲ ﻓﻠﻮﺱ ﺍﻟﻤﻬﺮ ﺑﻜﺪ ﻣﺎ ﻫﻤﻨﻲ ﺍﺧﺘﻲ ﺷﻴﻤﺎﺀ
ﻛﺎﻣﺖ ﺗﺮﺟﻒ ﻣﻦ ﺍﻟﻌﺼﺒﻴﺔ ﻭﺍﻟﺼﻴﺎﺡ ﻋﻠﻤﻮﺩ ﺍﺧﺬ ﺍﻟﻔﻠﻮﺱ
ﺗﺘﻌﺎﺭﻙ ﻭﻳﺎﻩ ﻭﻫﻮ ﻳﺠﺎﻭﺑﻬﺎ ﺑﻜﻞ ﺑﺮﻭﺩ
ﻳﻜﻠﻠﻬﺎ .. ﻻﺯﻡ ﺍﻧﻄﻴﻬﻢ ﺍﻟﻔﻠﻮﺱ ﻫﺪﺩﻭﻧﻲ ﺑﻴﻜﻢ ﻳﺄﺫﻭﻛﻢ
ﺍﺫﺍ ﻣﺎ ﺍﻭﻓﻲ ﺍﻟﺪﻳﻦ
ﺍﻧﻲ ﻫﻨﺎ ﻋﻘﻠﻲ ﻓﺼﻞ ﻋﻦ ﺍﻟﻤﻌﻘﻮﻝ
ﻟﻴﺶ ﻫﻮ ﻣﻨﻮ ﻭﺻﻠﻨﺎ ﻟﻬﺎﻱ ﺍﻟﻤﻮﺍﺻﻴﻞ
ﻭﻟﻴﺶ ﺍﺣﻨﺎ ﻧﺘﺤﻤﻞ ﻣﺴﺆﻟﻴﺔ ﺍﺧﻄﺎﺀﻙ ﻛﻞ ﻣﺮﺓ
ﺷﻮﻛﺖ ﻳﺼﻴﺮ ﺍﺏ ﻣﺜﻞ ﺍﻟﻌﺎﻟﻢ ﻭﻳﺎﺧﺬ ﺩﻭﺭﻩ . ﻭﻳﺎﻧﺔ
ﻭﻫﻨﺎ ﻣﺎﺍﻋﺮﻑ ﺷﻠﻮﻥ ﺍﻧﻄﻠﻖ ﻟﺴﺎﻧﻲ
ﻭﺣﺠﻴﺖ ﺑﺤﺮﻛﺔ ﻛﻠﺐ ﻣﺎﻝ ﻭﺍﺣﺪ ﺧﻠﺺ ﻭﺻﻞ ﺣﺪﻩ
............................................................................
ﻟﺴﺎﻥ ﺣﺎﻝ ﻫﺪﻯ
....
ﺍﺑﻲ ..
ﻛﻢ ﺗﻤﻨﻴﺘﻚ ﺍﺑﺎ
ﺗﺴﻜﻦ ﺍﻟﻮﺟﺪﺍﻥ ﻣﻨﻲ
ﺑﻴﻦ ﻛﺤﻠﻲ ﻭﻋﻴﻨﻲ
ﺗﺼﺎﺭﻉ ﺍﻟﺤﻴﺎﺓ ﻣﻦ ﺍﺟﻠﻲ
ﻭﺑﺮﻭﺣﻚ ﺗﺤﻤﻴﻨﻲ
ﺗﻜﻮﻥ ﻟﺼﻮﺗﻲ ﺻﺪﻯ
ﻳﻤﻠﺊ ﺍﻟﻜﻮﻥ ﻭﺍﻟﻤﺪﻯ
ﻭﻳﺪﻙ ﺍﻟﻜﺮﻳﻤﺔ ﺯﻧﺎﺑﻖ ﺍﻟﺤﺐ ﺗﻬﺪﻳﻨﻲ
ﻓﺄﻗﺒﻞ ﺍﻟﻴﺪ ﺍﻟﺤﺎﻧﻴﺔ ﺍﺑﻲ
ﻓﻬﻲ ﻟﻲ ﺳﻨﺪﻱ ﻭﻣﻌﻴﻨﻲ
ﺗﻤﻨﻴﺘﻚ ﺗﺮﺍﺗﻴﻞ ﻟﺼﻼﺗﻲ
ﻭﺑﻚ ﺗﻔﺘﺢ ﻟﻲ ﺍﺑﻮﺍﺏ ﺍﻟﺴﻤﺎﺀ
ﻓﻴﺰﻫﺮ ﺻﻮﺗﻲ ﻭﺗﺼﻞ ﺩﻋﻮﺍﺗﻲ
ﺗﺨﺸﻊ ﻟﻮﺭﻋﻪ ﻭﺯﻫﺪﻩ ﺍﻟﻨﺠﻮﻡ
ﻓﻴﺴﺎﻓﺮ ﻋﻄﺮﻩ ﺍﻟﻄﻴﺐ ﺑﺼﻠﻮﺍﺗﻲ
ﺗﻤﻨﻴﺖ .. ﻭﻛﻢ ﺗﻤﻨﻴﺖ
ﺿﺎﻋﺖ ﻫﺒﺎﺀﺍ ﺍﻣﻨﻴﺎﺗﻲ
ﺍﺭﺗﻤﻲ ﺷﻮﻗﺎ ﻋﻠﻰ ﺻﺪﺭﻙ
ﻓﻴﺠﺮﻱ ﺍﻟﺤﺐ ﻓﻲ ﻭﺭﻳﺪ ﺍﻭﺻﺎﻟﻲ
ﺗﺪﺏ ﺍﻟﺤﻴﺎﺓ ﻓﻴﻬﺎ
ﻓﺄﺻﺒﺢ ﺯﻫﺮﺓ ﺑﺮﻳﺔ
ﻣﻮﺭﻗﺔ ﻋﻦ ﻳﻤﻴﻨﻲ ﻭﺷﻤﺎﻟﻲ
ﺍﺧﺘﺼﺮ ﻓﻲ ﺣﻀﻨﻚ ﺍﺑﻲ
ﺩﻑﺀ ﻛﻞ ﻣﺎﻓﻲ ﺍﻟﻜﻮﻥ ﻣﻦ ﺭﺟﺎﻝ
ﻭﻛﻔﻚ ﺣﻨﻮﻥ ﻛﻨﺴﻤﺔ
ﺣﻴﻦ ﺍﻏﻔﻮ ﺗﺪﺍﻋﺐ ﺍﺟﻔﺎﻧﻲ
ﻭﺣﺪﻳﺜﻚ ﺍﻟﻄﻴﺐ ﻣﻮﻋﻈﺔ
ﻻﺗﻔﺎﺭﻕ ﻛﻠﻤﺎﺗﻬﺎ ﻟﺴﺎﻧﻲ
ﺗﻤﻨﻴﺖ ﺍﻥ ﺍﻛﺘﺐ ﺑﻚ ﺷﻌﺮﺍ
ﻳﺨﺘﺼﺮ ﻓﻲ ﺍﺳﻤﻚ ﻛﻞ ﺍﻟﻤﻌﺎﻧﻲ
ﻭﻟﻜﻦ ﻫﻴﻬﺎﺕ ﻳﺎ ﺍﺑﻲ
ﻫﻨﺎﻙ ﻓﺮﻕ ﻛﺒﻴﺮ
ﺑﻴﻦ ﺍﻟﺤﻘﻴﻘﺔ ﻭﺍﻻﻣﺎﻧﻲ
....
ﻫﺪ ﻋﻠﻴﺔ ﻭﺿﺮﺑﻨﻲ ﻭﺗﺎﻟﻲ ﺩﺧﻠﻨﻲ ﻟﻠﻐﺮﻓﺔ
ﻭﺭﺟﻊ ﺿﺮﺑﻨﻲ ﺭﺍﺷﺪﻱ ﺛﺎﻧﻲ ﻋﻠﻰ ﺧﺪﻱ ﻭﻛﻌﻨﻲ ﺑﺎﻟﻜﺎﻉ
ﺑﺲ ﻫﺎﻟﻤﺮﺓ ﺣﺴﻴﺖ ﺳﻤﻌﺖ ﺻﻮﺕ ﺻﻔﻴﺮ ﺑﺄﺫﻧﻲ
ﻃﻮﻭﻭﻭﻁ
ﻭﺣﺮﺍﺭﺓ ﻧﺰﻟﺖ ﻣﻦ ﺷﻔﺘﻲ ﻣﺴﺤﺘﻬﺎ ﻭﺑﺎﻭﻋﺖ ﺷﻔﺖ ﺩﻡ
ﺷﺎﻑ ﺍﻟﺪﻡ
ﺑﺲ ﻣﺎ ﺍﻫﺘﻢ ﻭﻛﻌﺪ ﻳﻐﻠﻂ ﻭﻳﺴﺐ ﺯﺣﻔﺖ ﻟﻠﺨﻠﻒ
ﺷﻔﺘﻪ ﺍﺗﻮﺟﻪ ﻋﻠﻴﺔ ﻳﺮﻳﺪ ﻳﻀﺮﺑﻨﻲ ﺟﺴﻤﻲ ﻛﺎﻡ ﻛﻠﻪ ﻳﺮﺟﻒ ﻣﻦ ﺍﻟﺨﻮﻑ
.. ﻟﺞ ﻛﻠﺒﺔ ﺑﻨﺖ ﺍﻟﻜﻠﺐ ﺍﺫﺍ ﻣﺎ ﺍﻋﻴﺪ ﺗﺮﺑﻴﺘﺞ ﻣﻦ ﺟﺪﻳﺪ
ﺍﻟﻈﺎﻫﺮ ﺍﻧﺎ ﻫﻮﺍﻱ ﺧﻠﻴﺘﺞ ﻋﻠﻰ ﺣﻞ ﺷﻌﺮﺝ ﻟﺤﺪ ﻣﺎ
ﻃﻐﻴﺘﻲ
ﺍﺭﻳﺪ ﺍﻓﺘﺢ ﺣﻠﻜﻲ ﻣﺎﻛﻮ ﺍﻟﻜﻼﻡ ﺭﺍﺡ
ﺭﻓﺴﻨﻲ ﺑﺮﺟﻠﻪ ﻭﺍﺟﺘﻲ ﺍﻟﺮﻓﺴﺔ ﺑﻜﺘﻔﻲ ﻻﻥ ﺟﻨﺖ ﻣﺘﻜﻮﺭﺓ ﻋﻠﻰ ﻧﻔﺴﻲ
ﺟﻨﺖ ﺑﺲ ﺍﺻﺮﺥ ﺑﺎﻟﻢ
ﻭﺍﺳﻤﻊ ﺷﻴﻤﺎﺀ ﻭﺿﺤﻰ ﻳﺪﻛﻮﻥ ﺑﺎﻟﺒﺎﺏ ﻳﺘﻮﺳﻠﻮﻥ ﺑﻲ ﻳﻔﺘﺢ ﺍﻟﺒﺎﺏ
.. ﺍﺫﺍ ﻣﺎ ﺍﺧﻠﻴﺞ ﺗﻨﻌﻠﻴﻦ ﺍﻟﻴﻮﻡ ﺍﻟﺼﺮﺗﻲ ﺑﻲ ﻣﺎ ﺍﺗﺴﻤﻰ ﺍﺛﻴﺮ
ﻭﻟﺞ ﺍﻧﺘﻲ ﺍﻟﺒﺮﺹ ﺗﺤﺠﻴﻦ ﻭﻳﺎﻱ ﻫﻴﺞ ﻭﺗﺮﺍﺩﺩﻳﻦ .
ﻟﻌﺪ ﺻﺒﺮﻳﻠﻲ
ﺟﺎﻥ ﻳﺤﺠﻲ ﺑﺼﻴﺎﺡ ﺍﻗﺘﺮﺏ ﻣﺮﺓ ﺛﺎﻧﻴﺔ ﻳﺮﻳﺪ ﻳﻜﻤﻞ ﺿﺮﺏ
ﺻﺮﺕ ﺍﺗﻮﺳﻞ ﺑﻲ ﻳﻌﻮﻓﻨﻲ
.. ﺑﺎﺑﺎ ﺍﺑﻮﺱ ﺍﻳﺪﻙ ﻛﺎﻓﻲ
ﺑﺲ ﻓﺠﺎﺀﺓ ﺳﻤﻌﺖ ﺍﻟﺒﺎﺏ ﺍﻧﺪﻙ ﺣﻴﻞ
ﺟﻤﺪﺕ ﺑﻤﻜﺎﻧﻲ ﺑﺄﻣﻞ ﻭﺑﺎﺑﺎ ﻣﺜﻞ ﺣﺎﻟﻲ ﺍﺗﺼﻨﻢ
ﺳﻤﻌﻨﺎ ﺻﻮﺕ ﺭﺟﺎﻝ ﺧﺸﻦ ﻣﻌﺼﺐ
.. ﻟﻚ ﺍﺛﻴﺮ ﻋﺎﺭ ﺻﻴﺮ ﺭﺟﺎﻝ ﻭﺍﻓﺘﺤﻠﻲ ﺍﻟﺒﺎﺏ ﺍﻧﺎ ﻗﺎﺳﻢ
ﻳﻤﺔ ﺍﻧﺎ ﺳﻤﻌﺘﻪ ﻛﺎﻝ ﻗﺎﺳﻢ ﻭﺍﻧﺎ ﻛﻠﺒﻲ ﺍﺟﺔ ﻳﻮﻛﻒ
ﻳﺎﺭﺑﻲ ﺷﻨﻮ ﻫﺬﺍ ﺍﻟﻌﺬﺍﺏ ﺣﺮﺕ ﻣﻤﻦ ﺍﺧﺎﻑ
ﻋﻠﻰ ﺍﻻﺳﺎﺱ ﺍﻧﻲ ﺟﻨﺖ ﻧﺎﻗﺼﺔ ﻭﻳﺠﻲ ﻗﺎﺳﻢ
ﺭﻓﻌﺖ ﻋﻴﻮﻧﻲ ﻭﺍﻧﺘﺒﻬﺖ ﻟﺒﺎﺑﺎ ﺍﻧﻜﻠﺐ ﻭﺟﻬﻪ ﻭﺣﺠﺔ ﻭﻫﻮ ﻭﺍﻛﻒ ﺑﻤﻜﺎﻧﻪ
.. ﻣﺎ ﺍﻓﺘﺤﻠﻚ ﺍﻟﺒﺎﺏ ﻭﺍﻧﺖ ﻣﻨﻮ ﻛﻠﻚ ﺗﻔﻮﺕ ﻟﺒﻴﺘﻲ ﺑﺪﻭﻥ ﻋﻠﻤﻲ
ﺷﻮﻑ ﻭﻟﻚ ﺍﺳﻤﻌﻨﻲ ﺯﻳﻦ ﺍﺧﺬ ﺍﻫﻠﻚ ﻭﺍﺭﺟﻊ ﻣﻨﻴﻦ ﻣﺎ ﺍﺟﻴﺖ
ﻭﻻ ﺗﺪﺧﻞ ﻧﻔﺴﻚ ﺑﺸﻲ ﻣﺎ ﻳﺨﺼﻚ
ﻻ ﺗﺨﻠﻴﻨﻲ ﺍﻃﺮﺩﻙ
.....
ﻋﻢ ﺍﻟﻬﺪﻭﺀ
ﻳﻤﺔ ﻭﺑﻌﺪﻫﺎ ﻣﺎ ﺣﺴﻴﻨﺎ ﺍﻻ ﻋﺎﻟﺒﺎﺏ ﺍﻧﻀﺮﺏ ﺑﻜﻞ ﻗﻮﺓ ﺑﺼﻮﺕ ﻳﺼﻢ ﺍﻻﺫﺍﻥ
ﻫﻮ ﻣﻨﺎ ﺑﺎﺏ ﺳﻠﻴﻤﺔ ﻋﺎﻭﻱ ﻭﻧﻮﺏ ﻫﺬﺍ ﻫﺮﻗﻞ
ﺍﻧﻄﺎﻩ ﺭﻓﺴﺔ ﻣﺎ ﺣﺴﻴﺖ ﺍﻻ ﻋﻠﻰ ﻗﺎﺳﻢ ﺩﺍﺧﻞ ﻟﻠﻐﺮﻓﺔ
ﻣﺜﻞ ﺍﻟﻐﻴﻤﺔ ﺍﻟﺴﻮﺩﺓ ﻳﺮﻋﺪ
ﻳﻤﺔ ﻫﻮ ﺍﻧﻲ ﺷﻔﺘﻪ ﺩﺧﻞ ﻟﻠﻐﺮﻓﺔ ﻭﺍﻧﻲ ﻛﻤﺰﺕ ﻣﻦ ﻣﻜﺎﻧﻲ ﻭﺍﻛﻔﺔ ﺷﻔﺘﻪ ﻫﺪ ﻋﻠﻰ ﺑﺎﺑﺎ
ﻭﺍﻧﻲ ﻫﻲ ﺻﺮﺧﺔ ﻭﺑﻌﺪﻫﺎ ﻣﺎ ﺣﺴﻴﺖ ﻋﻠﻰ ﺷﻲ ﺍﻏﻤﻰ ﻋﻠﻴﺔ
ﺷﻴﻤﺎﺀ
ﺩﺧﻠﺖ ﻭﺭﺓ ﻗﺎﺳﻢ ﻟﻠﻐﺮﻓﺔ ﻭﺷﻔﺖ ﻫﺪﻯ ﻭﺍﻛﻔﺔ ﺑﺎﻟﺰﺍﻭﻳﺔ ﺗﺮﺟﻒ
ﺷﺎﻓﺖ ﻗﺎﺳﻢ ﻫﺪ ﻋﻠﻰ ﺑﺎﺑﺎ ﻭﻫﻲ ﻛﺒﻞ ﺍﻏﻤﻰ ﻋﻠﻴﻬﺎ
ﺭﻛﻀﺖ ﻋﻠﻴﻬﺎ
ﺳﻠﻴﻤﺔ ﻛﻌﺪﺕ ﺗﻠﻄﻢ ﻭﺗﺼﻴﺢ ﻳﺒﻮﻭﻭﻭ ﻫﺠﻤﺘﻮﺍ ﺑﻴﺘﻲ
ﻭﺍﻡ ﻗﺎﺳﻢ ﻛﻌﺪﺕ ﺗﻬﺪﻱ ﺑﺄﺑﻨﻬﺎ ﺗﺘﺮﺟﺎﻩ ﻣﺎ ﻳﺴﻮﻱ ﺷﻲ ﻷﺛﻴﺮ
.. ﻳﻤﺔ ﻗﺎﺳﻢ ﺍﻭﻛﻒ ﺧﻠﻲ ﻧﻔﺘﻬﻢ ﺷﻨﻮ ﺍﻟﺴﺎﻟﻔﺔ
ﻗﺎﺳﻢ .. ﻋﻮﻓﻴﻨﻲ ﻋﻠﻴﻪ ﺧﻠﻲ ﺍﺷﻮﻑ ﻫﺬﺍ ﺍﻟﺴﻜﻂ ﺷﺒﻲ
ﺍﻗﺘﺮﺏ ﻋﻠﻰ ﺍﺛﻴﺮ ﺑﺘﻬﺪﻳﺪ
.. ﻭﻟﻚ ﺍﺛﻴﺮ ﺗﻄﺮﺩ ﻣﻨﻮ ﻭﻟﻚ ﻣﺎ ﺟﺎﺑﺘﻪ ﺍﻣﻪ ﺍﻟﻲ ﻳﺘﻄﺎﻭﻝ ﻋﻠﻰ ﻗﺎﺳﻢ
ﺍﺛﻴﺮ ﺑﻠﻊ ﺭﻳﻜﻪ ﻭﺣﺠﺔ
.. ﺷﻮﻑ ﻗﺎﺳﻢ ﺍﻧﺎ ﻣﺎ ﺍﺗﻌﺪﻳﺖ ﻋﻠﻴﻚ ﺍﻧﺖ ﺍﻟﻲ ﺍﺗﺠﺎﻭﺯﺕ ﻋﻠﻴﺔ
ﺩﺧﻠﺖ ﻟﺒﻴﺘﻲ ﻭﻛﻌﺪﺕ ﺗﺼﻴﺢ ﻭﺗﻬﺪﺩ ﻭﺍﻧﺎ ﻣﻮ ﻳﻤﻚ ﻭﻻ ﺑﻜﺮﺑﺎﻙ
.. ﻭﻟﻚ ﺷﻠﻮﻥ ﻣﺎ ﺍﺗﻌﺪﻳﺖ ﻋﻠﻲ ﻭﺍﻧﺖ ﻻﺯﻡ ﻣﺮﺗﻲ
ﻭﻣﺘﻮﻟﻴﻬﺎ ﺿﺮﺏ
ﻭﻫﻲ ﻋﺮﺿﻲ ﻭﺍﻟﻲ ﻳﺘﺠﺮﺍﺀ ﻳﻬﻴﻦ ﻋﺮﺿﻲ ﺍﺷﺮﺏ ﻣﻦ ﺩﻣﻪ ﻭﺍﺩﻓﻨﻪ ﺑﻜﺎﻋﻪ
ﺍﺛﻴﺮ ﺑﺘﻮﺗﺮ ﺣﺲ ﺑﺎﻟﺘﻬﺪﻳﺪ
.. ﺷﻮﻑ ﻳﺎ ﺍﺑﻦ ﺍﻟﻨﺎﺱ ﻫﻲ ﺑﻨﺘﻲ ﻭﺍﻧﺎ ﺣﺮ ﺑﻴﻬﺎ ﺍﻛﺘﻠﻬﺎ ﺍﻣﻮﺗﻬﺎ ﺑﻜﻴﻔﻲ
ﻭﺍﻧﺖ ﻣﺎﻋﻨﺪﻙ ﻣﺮﻳﺔ ﻳﻤﻲ
ﺍﻧﻲ ﻏﻴﺮﺕ ﺭﺃﻱ ﻣﺎ ﺍﺯﻭﺟﻚ ﺑﺘﻲ ﺧﻼﺹ ﻫﺎﻱ ﻫﻲ ﻛﻠﻤﻦ ﻳﻜﻌﺪ ﺑﻤﻜﺎﻧﻪ
ﻳﺎﻟﻠﻪ ﻫﺴﺔ ﺗﻜﺪﺭ ﺗﺎﺧﺬ ﺍﻫﻠﻚ ﻭﺗﻄﻠﻊ
.. ﻭﻟﻚ ﺍﺛﻴﺮ ﺍﺗﻘﻲ ﺷﺮﻱ
ﻻﺗﺨﻠﻴﻨﻲ ﺍﺟﺮﻡ ﺑﻴﻚ ﻭﺍﻋﻠﻤﻚ ﺷﻠﻮﻥ ﺗﺤﺠﻲ ﻣﺜﻞ ﺍﻟﺮﻳﺎﺟﻴﻞ
ﻭﻟﻚ ﺍﻧﺎ ﻣﺎ ﺟﺎﻱ ﺍﺧﺬ ﺭﺃﻳﻚ ﺗﺰﻭﺟﻨﻲ ﺑﻨﺘﻚ ﻟﻮ ﻻ
ﻻﻥ ﻫﻲ ﺑﺎﻻﺻﻞ ﻣﺮﺗﻲ ﻭﻋﺎﻗﺪ ﻋﻠﻴﻬﺎ
ﻳﻌﻨﻲ ﺍﻟﻤﻮﺿﻮﻉ ﻃﻠﻊ ﻣﻦ ﺟﻮﺓ ﺍﻳﺪﻙ ﻭﺻﺎﺭﺕ ﺗﺤﺖ ﺣﻤﺎﻳﺘﻲ
ﺳﻠﻴﻤﺔ .. ﻭﻟﻚ ﻳﻤﺔ ﺍﺛﻴﺮ ﺍﺗﻜﻔﻰ ﺍﻟﺸﺮ ﻣﺎ ﺗﺸﻮﻓﻪ ﺟﻨﻪ ﺛﻮﺭ ﻫﺎﻳﺞ ﻋﻠﻴﻨﺎ
ﺍﻡ ﻗﺎﺳﻢ ﻭﻛﻔﺖ ﻛﺪﺍﻡ ﻗﺎﺳﻢ ﻭﺣﻄﺖ ﺍﻳﺪﻫﺎ ﻋﻠﻰ ﺻﺪﺭﻩ ﺗﻤﻨﻌﻪ ﻳﻬﺪ ﻋﻠﻰ ﺍﺛﻴﺮ
.. ﻳﻤﺔ ﻗﺎﺳﻢ ﻻﺗﺨﻠﻲ ﺑﺎﻟﻚ ﻭﻳﺎﻩ ﺗﺮﺓ ﻫﺬﺍ ﻣﻌﺼﺐ ﻣﺎ ﻳﻌﺮﻑ ﺷﻨﻮ ﺩﻳﺤﺠﻲ
ﻟﺰﻡ ﺍﻳﺪﻳﻬﺎ ﻭﻧﺰﻟﻬﻢ
.. ﺑﺲ ﻟﺤﻈﺔ ﺣﺠﻴﺔ ﺧﻠﻴﻨﻲ ﺍﺭﺟﻌﻠﻪ ﺫﺍﻛﺮﺗﻪ ﺧﺎﻑ ﻫﺬﺍ ﻧﺴﻰ ﻧﻔﺴﻪ
ﻟﻚ ﻋﺎﺭ ﻣﻮ ﺍﻧﺖ ﺫﺍﻙ ﺍﻟﻴﻮﻡ ﻛﺘﻠﺖ ﺭﻭﺣﻚ ﻭﺳﺤﻠﺘﻬﺎ
ﺣﺘﻰ ﺍﺧﺬ ﻣﺮﺗﻲ
.. ﺍﻱ ﻭﻫﺴﺔ ﺑﻌﺪ ﻣﺎ ﺷﻔﺖ ﺧﺒﺎﻟﻚ ﻗﺮﺭﺕ ﻣﺎ ﺍﺯﻭﺟﻚ ﺑﺘﻲ
ﺍﻟﺘﻔﺖ ﻗﺎﺳﻢ ﻋﻠﻰ ﺷﻴﻤﺎﺀ ﻭﻫﺎﻟﺔ ﻭﻛﻠﻠﻬﻢ
ﺟﻬﺰﻭﻫﺎ ﺧﻠﻲ ﺍﺧﺬﻫﺎ ﻟﻠﻤﺴﺘﺸﻔﻰ ﻭﺑﺎﻭﻉ ﻷﺛﻴﺮ ﺑﺘﺤﺪﻱ
.. ﺑﺎﻟﻠﻪ ﺧﻠﻲ ﺍﺷﻮﻑ ﺭﺟﺎﻝ ﻳﻔﺘﺢ ﺣﻠﻜﻪ ﻭﻳﻤﻨﻌﻨﻲ ﺍﺧﺬﻫﺎ
ﺷﻴﻤﺎﺀ ﺟﺎﺑﺖ ﻋﻄﺮ ﻳﻢ ﺧﺸﻢ ﻫﺪﻯ ﺻﺤﺘﻬﺎ ﺷﻮﻳﺔ
ﻭﻫﻲ ﻭﻫﺎﻟﺔ ﺳﻨﺪﻭﻫﺎ ﺣﺘﻰ ﺗﻜﺪﺭ ﺗﻮﻛﻒ ﻋﻠﻰ ﺭﺟﻠﻴﻬﺎ
ﻭﺍﺛﻴﺮ ﺳﺪ ﻋﻠﻴﻬﻦ ﺍﻟﻄﺮﻳﻖ ﻭﻛﻒ ﻛﺪﺍﻣﻬﻦ
ﺍﺛﻴﺮ .. ﺷﻮﻑ ﻗﺎﺳﻢ ﺑﻨﺘﻲ ﻣﺎ ﺗﻄﻠﻊ ﻭﻳﺎﻙ ﻣﻦ ﺍﻟﺒﻴﺖ ﺍﻻ ﻋﻠﻰ ﺟﺜﺘﻲ ﺳﺎﻣﻌﻨﻲ
ﻗﺎﺳﻢ ﻭﺻﻞ ﺣﺪﻩ ﻫﻮ ﺟﺎﻥ ﺑﺲ ﻳﺪﻭﺭ ﻋﻠﻰ ﺣﺠﺔ ﺣﺘﻰ
ﻳﻬﺪ ﻋﻠﻰ ﺍﺛﻴﺮ ﻭﺯﻧﻜﻪ ﻣﻦ ﻗﻤﻴﺼﺔ ﻭﻟﻄﺸﻪ ﻋﺎﻟﺤﺎﻳﻂ
.. ﺍﺫﺍ ﺟﺎﻧﺖ ﻃﻠﻌﺘﻬﻢ ﻋﻠﻰ ﺟﺜﺘﻚ ﻓﻬﺎﻱ ﻣﺤﻠﻮﻟﺔ ﺳﻬﻠﺔ
ﺍﺳﻬﻞ ﻣﻨﻬﺎ ﻣﺎﻛﻮ
........
ﻭﺟﺎﻥ ﻳﻀﺮﺏ ﺍﺛﻴﺮ ﻛﻠﺔ ﺑﺮﺍﺳﻪ ﺧﻠﺔ ﺧﺸﻤﻪ
ﻳﺼﺐ ﺩﻡ ﻭﻳﻮﻛﻊ ﺩﺍﻳﺦ ﺑﺎﻟﻜﺎﻉ
ﺳﻠﻴﻤﺔ .. ﻳﺒﻮﻭﻭﻭﻭﻭﻭﻱ .. ﻳﺒﻮﻭﻭﻭﻭﻱ ﺭﺍﺡ ﻳﻤﻮﺕ ﺍﺑﻨﻲ
ﺭﺍﺣﺖ ﺳﻠﻴﻤﺔ ﻋﻠﻰ ﺍﺛﻴﺮ ﻫﻲ ﻭﺿﺤﻰ
ﻗﺎﺳﻢ .. ﺍﺛﻴﺮ ﻫﺎﻱ ﺍﻟﻀﺮﺑﺔ ﺍﻋﺘﺒﺮﻫﺎ ﻟﻤﺴﺔ ﺭﻳﺸﺔ
ﺑﺎﻟﻨﺴﺒﺔ ﻋﺎﻟﻨﺎﻭﻱ ﻋﻠﻴﻚ ﺑﺲ ﺑﺨﺘﻚ ﺑﺒﻨﺎﺗﻚ ﻫﻨﺎ
ﻭﺍﻻ ﻛﻠﺒﻲ ﺣﻴﻞ ﻣﺤﻤﻞ ﻋﻠﻴﻚ
ﺩﺍﺭ ﻭﺟﻬﻪ ﻋﺎﻟﺒﻨﺎﺕ
ﻳﺎﻟﻠﻪ ﺑﻨﺎﺕ ﺍﺗﺤﺮﻛﻮﺍ ﺧﻠﻲ ﺍﺧﺬﻫﺎ ﻟﻠﻤﺴﺘﺸﻔﻰ
ﻫﺪﻯ
ﺟﻨﺖ ﻛﻠﻲ ﺍﺭﺟﻒ ﻣﺜﻞ ﺍﻟﺴﻌﻔﺔ
ﺟﺎﻧﺖ ﺷﻴﻤﺎﺀ ﺳﺎﻧﺪﺗﻨﻲ ﻭﺗﻤﺸﻲ ﻭﻳﺎﻱ ﻭﻫﺎﻟﺔ ﺣﻄﺖ ﻋﻠﻰ ﺭﺍﺳﻲ ﺣﺠﺎﺏ
ﻣﻦ ﺍﻟﻬﺒﻄﺔ ﻭﺍﻟﺨﻮﻓﺔ ﻧﺴﻴﺖ ﺣﺘﻰ ﺍﻟﻢ ﺍﻟﻀﺮﺑﺔ
ﺭﻓﻌﺖ ﺭﺍﺳﻲ ﺍﺑﺎﻭﻉ ﻋﻠﻴﻪ ﻳﻤﺸﻲ ﻛﺪﺍﻣﻨﺎ ﻧﺎﻓﺦ ﺻﺪﺭﻩ
ﻳﻤﺸﻲ ﺑﻄﺮﻳﻘﺔ ﺗﺨﻮﻑ ﻭﻛﺄﻧﻪ ﻳﻜﻮﻝ ﻳﺎﺷﺮ ﺍﺷﺘﺮ
ﺻﻌﺪﻧﺎ ﺑﺎﻟﺴﻴﺎﺭﺓ ﻭﻫﻮ ﺻﻌﺪ ﻗﺒﻠﻨﺎ
ﻛﻌﺪﺕ ﺑﺎﻟﻨﺺ ﺑﻴﻦ ﻫﺎﻟﺔ ﻭﺷﻴﻤﺎﺀ ﻣﻠﺖ ﺭﺍﺳﻲ ﻭﺣﻄﻴﺘﻪ ﻋﻠﻰ ﻛﺘﻒ ﺷﻴﻤﺎﺀ
ﺍﺭﻳﺪ ﺍﺿﻢ ﺭﻭﺣﻲ ﺑﺲ ﻭﻳﻦ ﺍﺭﻭﺡ
ﺳﺎﻕ ﺍﻟﺴﻴﺎﺭﺓ
ﻭﺍﺳﻤﻊ ﺍﻡ ﻗﺎﺳﻢ ﻛﻞ ﺷﻮﻳﺔ ﺗﻜﻠﻪ ﻳﻤﺔ ﻗﺎﺳﻢ ﺍﻧﺘﺒﻪ ﺩﻳﺮ ﺑﺎﻟﻚ
ﻫﺴﺔ ﺍﻧﺖ ﻋﻠﻴﻤﻦ ﻃﺎﻳﺮ ﻟﻴﺶ ﺗﺴﻮﻕ ﺳﺮﻳﻊ
ﻓﺠﺎﺀﺓ ﻟﺰﻡ ﺑﺮﻳﻚ ﻗﻮﻱ ﻭﻭﻛﻒ ﺍﻟﺴﻴﺎﺭﺓ ﺑﻨﺺ ﺍﻟﻄﺮﻳﻖ ﻭﺩﺍﺭ ﻭﺟﻬﻪ ﻋﻠﻰ ﺍﻣﻪ
.. ﺍﻛﻠﺞ ﺣﺠﻴﺔ ﻟﻴﺶ ﻣﺎ ﺗﺠﻴﻦ ﺍﻧﺘﻲ ﺗﺴﻮﻗﻴﻦ ﺍﻟﺴﻴﺎﺭﺓ ﺑﻤﻜﺎﻧﻲ
ﺍﻡ ﻗﺎﺳﻢ ﺣﺠﺖ ﻣﺨﺘﺮﻋﺔ
.. ﻳﺎ .. ﻳﺎ .. ﺍﻧﺖ ﺻﺪﻙ ﺗﺤﺠﻲ ﺍﻟﻠﻪ ﻳﺎﺧﺬ ﻋﺪﻭﻙ
ﻋﻠﻰ ﻫﺎﻱ ﺍﻟﺪﻛﺔ ﻭﺍﻟﻠﻪ ﺍﻧﺖ ﻣﻮ ﻋﺎﻗﻞ ﻭﻛﻌﺖ ﻛﻠﺒﻲ
ﺍﺭﺗﻌﺪ ﺟﺴﻤﻲ ﻫﻤﺴﺖ ﻳﻢ ﺷﻴﻤﺎﺀ
.. ﻋﺰﺓﺓﺓﺓﺓﺓﺓﺓ ﻟﺞ ﺷﻴﻤﺎﺀ ﻏﺠﻌﻴﻨﻲ ( ﻟﺠﻌﻴﻨﻲ ) ﻟﻠﺒﻴﺖ
ﻫﺬﺍ ﺍﻣﻪ ﺑﻜﺒﻐﻬﺎ ﻏﺎﺡ ( ﺑﻜﺒﺮﻫﺎ ﺭﺍﺡ ) ﻳﺠﻠﻄﻬﺎ
ﻟﻌﺪ ﺍﻧﻲ ﺷﻨﻮ ﻏﺎﺡ ﻳﺴﻮﻱ ﺑﻴﺔ
.. ﺍﺷﺸﺸﺶ ﻧﺼﻲ ﺻﻮﺗﺞ ﺗﺮﺓ ﺳﻤﻌﻮﺝ
ﺷﻬﻜﺖ ﺑﺨﻮﻑ ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ
ﺣﺠﺔ ﺑﺼﻮﺕ .. ﺍﻛﻮﻝ ﺷﻴﻤﺎﺀ ﺷﻨﻮ ﺻﺎﻳﺮ ﻟﻴﺶ ﺍﺑﻮﺝ
ﺿﺮﺏ ﺍﺧﺘﺞ
ﺍﻡ ﻗﺎﺳﻢ .. ﻫﻲ ﻣﻮ ﺟﺪﻳﺪﺓ ﻋﻠﻴﻪ ﻣﻦ ﻳﻮﻣﻪ ﻫﻮ ﻣﺎ ﻳﺨﺎﻑ ﺍﻟﻠﻪ ﺑﺒﻨﺎﺗﻪ
ﺍﻡ ﻓﺮﺯﺩﻕ ﺗﻜﻮﻝ ﺍﻳﺪﻩ ﻭﺍﻟﻀﺮﺑﺔ ﻭﻳﺎﻫﻦ
.. ﺍﻱ ﺑﺲ ﻣﺎﻣﻌﻘﻮﻟﺔ ﻣﻨﺎ ﻟﻠﺪﺭﺏ ﻳﺠﻲ ﻭﻳﻀﺮﺏ
ﻻﺑﺪ ﻭﺍﻥ ﺍﻛﻮ ﺳﺒﺐ
ﻛﻠﺒﻲ ﺍﻧﻘﺒﺾ ﻣﻦ ﺳﻤﻌﺖ ﺳﺆﺍﻟﻪ
ﻋﺰﺓ ﻫﺬﺍ ﻣﺎ ﻳﻔﻮﺗﻪ ﺷﻲ ﺣﺴﻴﺖ ﺑﺘﻮﺗﺮ ﺷﻴﻤﺎﺀ
ﻣﺜﻞ ﺍﻟﻲ ﻭﻛﻌﺖ ﺑﻮﺭﻃﺔ ﻭﻣﺘﻌﺮﻑ ﺷﻨﻮ ﺗﺠﺎﻭﺏ
ﻏﻤﻀﺖ ﻋﻴﻮﻧﻲ ﺑﺄﺳﺘﺴﻼﻡ ﻭﻛﻄﻌﺖ ﺍﻟﻨﻔﺲ ﻭﺣﺒﺴﺘﻪ ﺑﺼﺪﺭﻱ ﻣﺘﺮﻗﺒﺔ ﺟﻮﺍﺏ ﺷﻴﻤﺎﺀ ﺟﺎﻥ ﻣﻮﻗﻒ ﻛﻠﺶ ﻣﺤﺮﺝ
ﺷﻴﻤﺎﺀ .. ﺑﺎﻟﺤﻘﻴﻘﺔ ﻫﺪﻯ ﻭﺑﺎﺑﺎ ﺻﺎﺭﻟﻬﻢ ﺍﺳﺒﻮﻉ ﻣﺘﻌﺎﺭﻛﻴﻦ
ﻫﺪﻯ ﻣﻌﺘﺮﺿﺔ ﻋﻠﻰ ﺍﺳﻠﻮﺏ ﺑﺎﺑﺎ
ﻻﻥ ﻫﻲ ﺗﻌﺮﻑ ﺑﺎﺑﺎ ﺿﻐﻂ ﻋﻠﻴﻚ ﺑﺴﺎﻟﻔﺔ ﺍﻟﺪﻋﻤﺔ ﺣﺘﻰ ﺗﺘﺰﻭﺟﻬﺎ
ﻭﺍﻟﻴﻮﻡ ﺟﺎﻧﺖ ﺗﺤﺠﻲ ﻭﻳﺎﻩ ﺍﻥ ﻳﺘﻨﺎﺯﻝ ﻋﻦ ﻫﺬﺍ ﺍﻟﺰﻭﺍﺝ
ﻭﻛﺎﻟﺘﻠﻪ ﺍﻧﻲ ﻃﺒﺖ ﻭﻛﻠﺸﻲ ﻣﺎ ﺑﻴﺔ ﻭﺍﺗﺮﻙ ﺍﻟﺮﺟﺎﻝ ﻳﺸﻮﻑ ﺣﻴﺎﺗﻪ
ﻫﻲ ﻣﻮ ﺑﺎﻟﻜﻮﺓ ﻣﺎ ﻳﺮﻳﺪ ﻳﺘﺰﻭﺟﻨﻲ
ﻭﺍﻧﺖ ﺗﻌﺮﻑ ﻫﻲ ﻫﻢ ﺑﺸﺮ ﻭﻋﻨﺪﻫﺎ ﻛﺮﺍﻣﺘﻬﺎ
ﺣﺎﻟﻬﺎ ﻣﻦ ﺣﺎﻝ ﺍﻟﺒﻨﺎﺕ ﺗﺮﻓﺾ ﺗﺘﺰﻭﺝ ﺑﻬﺎﻱ ﺍﻟﻄﺮﻳﻘﺔ
ﻟﻮﺍﺣﺪ ﺭﺍﻓﻀﻬﺎ ﻭﻣﻦ ﺣﺮﻛﺔ ﻛﻠﺒﻬﺎ ﺻﻴﺤﺖ ﻋﻠﻰ ﺑﺎﺑﺎ
ﻭﺑﺎﺑﺎ ﻋﺼﺐ ﻋﻠﻴﻬﺎ ﻭﺿﺮﺑﻬﺎ
......
ﺟﺎﻧﺖ ﺷﻴﻤﺎﺀ ﺗﺤﺠﻲ ﺑﻄﺮﻳﻘﺔ ﻣﺆﺩﺑﺔ ﺣﺘﻰ ﺗﻮﺻﻞ ﻟﻘﺎﺳﻢ ﺭﻓﻀﻲ ﻟﻠﻤﻮﺿﻮﻉ
ﺑﺼﻮﺭﺓ ﺣﻠﻮﺓ ﺑﻨﻔﺲ ﺍﻟﻮﻛﺖ ﻫﻲ ﻣﺎ ﺟﺬﺑﺖ
ﻓﻌﻼ ﺍﻧﻲ ﺍﻧﺘﻔﻀﺖ ﺑﻮﺟﻪ ﺑﺎﺑﺎ ﻋﻠﻰ ﻛﻞ ﻣﺎ ﺑﺪﺭ ﻣﻨﻪ ﻭﻳﺎﻧﺎ ﻣﻦ ﻇﻠﻢ
ﺍﻡ ﻗﺎﺳﻢ ﺣﺠﺖ .. ﻳﺎﻳﻤﺔ ﻫﺪﻭﺓ ﺻﺪﻙ ﺟﺬﺏ ﻟﻴﺶ ﺗﻔﻜﺮﻳﻦ ﻫﻴﺞ
ﻫﻮ ﻗﺎﺳﻢ ﻭﻳﻦ ﻳﻠﻜﺔ ﺍﺣﺴﻦ ﻣﻨﺞ
ﻫﻮ ﺻﺤﻴﺢ ﺯﻭﺍﺟﻜﻢ ﺻﺎﺭ ﺗﺤﺖ ﺍﻟﻀﻐﻂ
ﺑﺲ ﺻﺪﻛﻲ ﺍﻧﺎ ﻭﺍﻟﺒﻨﺎﺕ ﺍﻟﻜﺎﻉ ﻣﺎ ﺷﺎﻳﻠﺘﻨﺎ
ﻣﻦ ﺍﻟﻔﺮﺣﺔ ﻭﻣﻨﺘﻈﺮﻳﻦ ﺍﻟﻴﻮﻡ ﺍﻟﻲ ﺗﻨﻮﺭﻳﻦ ﺑﻴﺘﻨﺎ ﻭﺗﺼﻴﺮﻳﻦ ﺟﻨﺘﻨﺎ
ﻫﺎﻟﺔ .. ﺍﻱ ﻭﺍﻟﻠﻪ ﺻﺪﻙ ﺍﻧﻲ ﺍﺣﺴﺐ ﻳﻮﻡ ﻳﻮﻡ ﻋﻠﻰ ﺯﻭﺍﺟﻜﻢ
ﺍﻡ ﻗﺎﺳﻢ ﻟﻜﺰﺕ ﻗﺎﺳﻢ ﺑﺨﺎﺻﺮﺗﻪ
ﻭﺣﺠﺖ ﻣﻦ ﺑﻴﻦ ﺍﺳﻨﺎﻧﻬﺎ ﺑﺼﻮﺕ ﻧﺎﺻﻲ ﻭﻳﺔ ﻗﺎﺳﻢ
.. ﺍﺑﻮ ﺍﻟﻬﻮﻝ ﺍﻧﻄﻖ ﺍﺣﺠﻴﻠﻚ ﻛﻠﻤﺔ ﺗﺒﺮﺩ ﺑﻴﻬﺎ ﺍﻟﻤﻮﻗﻒ ﺗﺮﺓ ﺍﻟﺒﻨﻴﺔ ﺧﺎﻳﻔﺔ ﻣﻨﻚ
ﺣﺠﺔ ﺑﺼﻮﺕ ﺧﺸﻦ
.. ﻋﻠﻰ ﺷﻨﻮ ﺗﺨﺎﻑ ﻣﻨﻲ ﻳﻤﻬﺎ ﺑﻜﺮﺑﺎﻫﺎ ﺍﻧﻲ
ﺣﺘﻰ ﺗﺨﺎﻑ ﻣﻨﻲ
ﺭﻓﻊ ﺻﻮﺗﻪ ﻣﻮﺟﻪ ﻛﻼﻣﻪ ﻟﻬﺪﻯ ﻭﻷﻭﻝ ﻣﺮﺓ ﻳﺤﺠﻲ ﻭﻳﺎﻫﺎ
.. ﺷﻮﻓﻲ ﻳﺎﺑﻨﺖ ﺍﻟﺤﻼﻝ ﺍﻟﻲ ﺻﺎﺭ ﻗﺴﻤﺔ ﻭﻧﺼﻴﺐ
ﻭﻛﻠﺸﻲ ﻗﻀﺎﺀ ﻭﻗﺪﺭ ﺍﻟﻠﻪ ﻻ ﺍﻋﺘﺮﺍﺽ ﻋﻠﻰ ﺣﻜﻤﻪ
ﻓﺄﺭﺿﻲ ﺑﻨﺼﻴﺒﺞ ﻣﺜﻠﻤﺎ ﺍﻧﺎ ﺭﺿﻴﺖ ﺑﻨﺼﻴﺒﻲ
ﻭﺑﻬﺎﻱ ﺍﻻﺛﻨﺎﺀ ﻭﻛﻒ ﺍﻟﺴﻴﺎﺭﺓ ﻳﻢ ﺍﻟﻤﺴﺘﺸﻔﻰ
ﻭﻧﺰﻟﻮ ﺍﻟﺒﻨﺎﺕ ﻭﻫﻮ ﻭﺍﻡ ﻗﺎﺳﻢ ﻧﺰﻟﻮﺍ
ﺍﻡ ﻗﺎﺳﻢ ﺑﻐﻴﺾ ﺑﺼﻮﺕ ﻧﺎﺻﻲ
.. ﺑﺮﺑﻚ ﺍﻛﻮ ﻭﺍﺣﺪ ﻳﻄﻤﻦ ﻭﺣﺪﺓ ﺑﻬﻴﺞ ﺍﺳﻠﻮﺏ
ﺩﺍﺭ ﻭﺟﻬﻪ ﻋﻠﻴﻬﺎ
.. ﺍﻛﻠﺞ ﺣﺠﻴﺔ ﺷﺘﺮﺩﻳﻦ ﻣﻨﻲ ﺍﺟﺬﺏ ﻋﻠﻴﻬﺎ
ﺗﺮﺓ ﺍﻟﻠﻪ ﻭﻛﻴﻠﺞ ﻫﻲ ﻭﺍﺻﻠﺔ ﺣﺪﻫﺎ
ﻻ ﺗﻜﻌﺪﻳﻦ ﺗﺨﺘﺒﺮﻳﻦ ﺻﺒﺮﻱ ﺗﺮﺓ ﻣﺎﺿﻞ ﻋﻨﺪﻱ ﺻﺒﺮ
ﺩﺧﻠﻨﺎ ﺍﻧﻲ ﻭﺷﻴﻤﺎﺀ ﻭﻫﺎﻟﺔ ﻭﻗﺎﺳﻢ ﻭﺍﻣﻪ ﻳﻤﺸﻮﻥ ﻭﺭﺍﻧﺎ
ﺍﺳﻤﻊ ﺍﻡ ﻗﺎﺳﻢ ﺑﺲ ﺗﺘﻬﺎﻣﺲ
ﻛﻼﻡ ﻗﺎﺳﻢ ﻭﺗﺮﻧﻲ ﺑﺎﻟﺰﺍﻳﺪ ﻭﺍﺭﺑﻜﻨﻲ
ﺟﺎﻧﺖ ﻫﺎﻟﺔ ﻻﺯﻣﺘﻨﻲ ﻣﻦ ﺯﻧﺪﻱ ﻋﺒﺎﻟﻚ ﺭﺍﺡ ﺍﻧﻬﺰﻡ ﻣﻨﻬﺎ
ﺣﺠﻴﺖ ﻭﻳﺎﻫﺎ ﻣﻮﺟﻮﻋﺔ
.. ﻫﺎﻟﺔ ﻋﻔﻴﺔ ﻋﻮﻓﻲ ﺍﻳﺪﻱ ﻳﻤﻜﻦ ﻛﺘﻔﻲ ﻣﺨﻠﻮﻉ ﻭﺍﻧﺘﻲ ﺩﺗﺰﻳﺪﻳﻦ ﺍﻻﻟﻢ
ﻫﺎﻟﺔ .. ﻳﺒﻮﻭﻭ .. ﺑﻴﺔ ﻭﻻ ﺑﻴﺞ
ﺍﺑﺘﺴﻤﺖ ﺍﺑﺘﺴﺎﻣﺔ ﻣﻌﻮﻗﺔ
.. ﺍﺳﻢ ﺍﻟﻠﻪ ﻋﻠﻴﺞ . ﻫﻮ ﺍﻧﺘﻲ ﻗﺎﺑﻞ ﻧﺎﻗﺼﺔ
ﺍﻧﺘﻲ ﻛﻠﺶ ﻛﺎﻓﻲ ﻋﻠﻴﺞ ﺍﺧﻮﺝ ﻗﺎﺳﻢ
ﺟﻨﺖ ﺍﺣﺠﻲ ﻭﺍﺑﺎﻭﻉ ﻋﻠﻴﻪ ﺍﺗﻘﺪﻡ ﻋﻠﻰ ﺍﻻﺳﺘﻌﻼﻣﺎﺕ
ﻭﺣﺠﺔ ﻭﻳﺔ ﺍﻟﻮﻟﺪ ﻭﺑﻌﺪﻫﺎ ﺍﻟﻮﻟﺪ ﺍﺷﺮﻟﻪ ﻋﻠﻰ ﻏﺮﻓﺔ ﺍﻟﻄﻮﺍﺭﻱﺀ
ﺩﺧﻠﻨﺎ ﻟﻜﻴﻨﺎ ﺍﻟﺪﻛﺘﻮﺭ ﻛﺎﻋﺪ ﺧﻠﻒ ﺍﻟﻤﻜﺘﺐ
ﻗﺎﺳﻢ ﺳﻠﻢ ﻋﺎﻟﺪﻛﺘﻮﺭ ﻭﺷﺮﺣﻠﻪ ﺍﻟﻮﺿﻊ ﻋﻠﻰ ﺍﻧﻪ
ﺍﺗﺰﺣﻠﻜﺖ ﺑﺎﻟﺤﻤﺎﻡ ﻭﻭﻛﻌﺖ
ﺑﺲ ﻟﻔﺖ ﺍﻧﺘﺒﺎﻫﻲ ﻛﻠﻤﺔ ﺯﻭﺟﺘﻲ
ﻣﺎ ﺍﻋﺮﻑ ﺷﺼﺎﺭ ﺑﻴﺔ ﻛﻠﺒﻲ ﻛﺎﻡ ﻳﺨﺒﺺ
ﻣﻦ ﺍﻟﺨﻮﻑ ﻭﻛﺄﻧﻤﺎ ﻣﻦ ﻧﻄﻖ ﻫﺎﻱ ﺍﻟﻜﻠﻤﺔ
ﺣﻂ ﻋﻠﻴﺔ ﺧﺘﻢ ﺍﻟﻤﻠﻜﻴﺔ ﺍﻟﺨﺎﺻﺔ
ﺍﺟﺘﻲ ﻫﺎﻟﺔ ﻳﻤﻲ ﻭﺍﺧﺬﺗﻨﻲ ﻟﻠﺴﺮﻳﺮ
.. ﻳﺎﻟﻠﻪ ﺣﺮﻡ ﺍﻟﺴﻴﺪ ﻗﺎﺳﻢ ﻣﻤﻜﻦ ﺗﺼﻌﺪﻳﻦ ﻋﺎﻟﺴﺮﻳﺮ
ﺣﺘﻰ ﻳﺸﻮﻓﺞ ﺍﻟﺪﻛﺘﻮﺭ
ﻛﻌﺪﺕ ﻋﺎﻟﺴﺮﻳﺮ ﺑﻤﺴﺎﻋﺪﺓ ﺷﻴﻤﺎﺀ ﻭﻫﺎﻟﺔ
ﺍﺳﺘﻠﻘﻴﺖ ﻋﻠﻰ ﻇﻬﺮﻱ
ﻭﺍﻟﺪﻛﺘﻮﺭ ﻛﻌﺪ ﻳﺴﺄﻟﻨﻲ ﻋﻠﻰ ﺍﻣﺎﻛﻦ ﺍﻻﻟﻢ
ﻭﺍﻧﻲ ﻛﻌﺪﺕ ﺍﻭﺻﻔﻠﻪ ﺍﻣﺎﻛﻦ ﺍﻻﻟﻢ
.......
ﺩﻛﺘﻮﻍ ( ﺩﻛﺘﻮﺭ ) ﻛﺘﻔﻲ ﺩﻳﺄﺫﻳﻨﻲ ﻏﻮﺣﻲ ( ﺭﻭﺣﻲ )
ﻏﺎﺣﺖ ( ﺭﺍﺣﺖ ) ﻣﻦ ﺍﻻﻟﻢ
ﻗﺎﺳﻢ
.. ﻫﺎﻱ ﺷﻨﻮ ﺍﺷﻮ ﻫﺎﻱ ﻛﺎﻋﺪﺓ ﺗﻨﻌﻮﺹ
ﺯﻣﺦ ﺑﻴﻬﺎ ﺑﻐﻀﺐ .. ﺍﻛﻮﻝ ﻋﺪﻟﻲ ﺣﻠﻜﺞ ﻭﺍﺣﺠﻲ ﻋﺪﻝ
ﻻ ﺍﺟﻲ ﺍﻋﺪﻟﺞ ﺍﻟﺴﺎﻧﺞ
ﻳﻤﺔ ﻛﻤﺰﺕ ﻣﻦ ﻣﻜﺎﻧﻲ ﻭﺑﺎﻭﻋﺖ ﻋﻠﻴﻪ
.. ﺗﻐﺔ ( ﺗﺮﺓ ) ﻫﻮ ﺍﻟﺪﻛﺘﻮﻍ ﺳﺄﻟﻨﻲ ﻋﻦ ﻣﻜﺎﻥ ﺍﻻﻟﻢ
ﺍﻡ ﻗﺎﺳﻢ ﻛﺎﺗﻤﺔ ﺿﺤﻜﺘﻬﺎ ﻋﻠﻰ ﻣﻨﻈﺮ ﻫﺪﻯ ﻓﺎﺗﺤﺔ ﻋﻴﻮﻧﻬﺎ ﻋﻠﻰ ﻭﺳﻌﻬﻢ
ﺗﺒﺎﻭﻉ ﻋﻠﻴﻪ ﺑﺨﻮﻑ ﺳﺤﺒﺖ ﻗﺎﺳﻢ ﻋﻠﻰ ﺻﻔﺤﺔ ﻭﺣﺠﺖ ﻭﻳﺎﻩ ﺑﺼﻮﺕ ﻧﺎﺻﻲ
.. ﻳﻤﺔ ﻋﻠﻰ ﻛﻴﻔﻚ ﻭﻳﺔ ﺍﻟﺒﻨﻴﺔ ﺗﺮﺓ ﻫﻮ ﻫﻴﺞ ﺍﻟﺴﺎﻧﻬﺎ
ﻣﻦ ﺗﺤﺠﻲ ﺍﻟﺮﺍﺀ ﻣﺘﻠﻔﻈﻬﺎ
ﻫﺎﻟﺔ .. ﺷﺒﻴﻚ ﻗﺎﺳﻢ ﻧﺴﻴﺖ ﻣﻦ ﺟﻨﺖ ﺗﻨﺼﺐ ﻋﻠﻴﻬﺎ
ﻭﺗﻄﻠﺐ ﻣﻨﻬﺎ ﺗﺤﺠﻴﻠﻚ ﻛﻠﻤﺎﺕ ﻛﻠﻬﺎ ﺑﺎﻟﺮﺍﺀ
.. ﺍﻱ ﺍﺩﺭﻱ ﺑﺲ ﻫﻲ ﻫﺴﺔ ﻛﺒﺮﺕ ﻣﻌﻘﻮﻟﺔ ﺑﻌﺪﻫﺎ ﺍﺗﻐﻮﻏﻲ
ﺟﺎﻥ ﻳﺤﺠﻲ ﻭﻳﺒﺎﻭﻉ ﻋﻠﻴﻬﺎ ﺑﻔﻀﻮﻝ ﻋﻠﻰ ﺗﻌﺠﺐ
ﻣﺸﺎﻝ ﻋﻴﻨﻪ ﻣﻨﻬﺎ ﻃﺎﻟﻤﺎ ﺍﻟﺪﻛﺘﻮﺭ ﻳﻔﺤﺺ ﻫﻮ ﻭﺍﻛﻒ ﻓﻮﻙ ﺭﺍﺳﻬﻢ
ﺍﻟﺪﻛﺘﻮﺭ .. ﺷﻮﻓﻲ ﺍﻧﺎ ﺭﺍﺡ ﺍﺿﻐﻂ ﻋﻠﻰ ﺍﻟﻤﻜﺎﻥ ﻭﺍﻧﺘﻲ ﻛﻠﻴﻠﻲ ﻭﻳﻦ ﻧﻘﻄﺔ ﺍﻻﻟﻢ
ﻟﺰﻡ ﺍﻟﺪﻛﺘﻮﺭ ﺫﺭﺍﻋﻲ ﻭﻛﻌﺪ ﻳﺤﺮﻙ ﺑﻴﻬﺎ ﺑﺼﻮﺭﺓ ﺩﺍﺋﺮﻳﺔ
ﺣﺘﻰ ﻳﺘﺄﻛﺪ ﻣﺎﻛﻮ ﻛﺴﺮ ﺍﻭ ﺧﻠﻊ
ﻫﻮ ﺣﺮﻛﻬﺎ ﻭﺍﻧﻲ ﻋﻄﺖ ﺑﺄﻟﻢ
.. ﺩﻛﺘﻮﻍ ﻋﻠﻰ ﻛﻴﻔﻚ ﺩﺗﺄﺫﻳﻨﻲ
.. ﻭﻳﻦ ﺍﻻﻟﻢ
.. ﻫﻨﺎ
ﺍﺷﺮﺕ ﻋﺎﻟﻤﻜﺎﻥ ﻭﻋﻴﻮﻧﻲ ﻋﻠﻰ ﻗﺎﺳﻢ ﺟﺎﻥ ﻛﻠﺶ ﻣﺪﺧﻦ
ﺍﺭﻳﺪ ﺍﻋﺮﻑ ﻫﺴﺔ ﺍﻧﻲ ﺷﻨﻮ ﺳﻮﻳﺖ ﻭﻫﻮ ﻣﻌﺼﺐ
ﻗﺎﺳﻢ ﺑﻘﻠﺔ ﺻﺒﺮ .. ﺍﻛﻠﺞ ﺣﺠﻴﺔ ﺭﺣﻤﺔ ﻋﻠﻰ ﻭﺍﻟﺪﻳﺞ ﺳﻜﺘﻴﻬﺎ ﻻ ﺍﺟﺮﻡ ﺑﻴﻬﺎ
ﺧﻠﻲ ﺷﻴﻤﺎﺀ ﺍﺧﺘﻬﺎ ﺗﺤﺠﻲ ﻭﻳﺔ ﺍﻟﺪﻛﺘﻮﺭ
ﻫﺎﻱ ﻻﺯﻡ ﻳﺨﻴﻄﻮﻥ ﺣﻠﻜﻬﺎ ﻭﻳﺤﺮﻣﻮﻥ ﻋﻠﻴﻬﺎ ﺍﻟﻨﻄﻖ
ﺍﻡ ﻗﺎﺳﻢ .. ﻳﺎﻳﻤﺔ ﻧﺼﻲ ﺻﻮﺗﻚ ﻻﺗﺴﻤﻌﻚ ﺍﻟﺒﻨﻴﺔ ﻭﺍﻟﻠﻪ ﺗﺘﺨﺒﻞ
ﻫﻲ ﻣﻨﺎ ﻛﻮﺓ ﺟﺎﻳﺒﻬﺎ ﻟﻠﻄﺮﻳﻖ ﻭﻧﻮﺏ ﺍﻧﺖ ﺗﻄﻠﻊ ﻋﻀﻼﺕ
ﺣﻨﺠﺮﺗﻚ ﻋﻠﻴﻨﺎ ﻛﻞ ﺷﻮﻳﺔ ﺯﺍﻣﺦ ﺑﻴﻬﺎ
ﺭﺍﺡ ﺍﻟﺪﻛﺘﻮﺭ ﻭﻛﻌﺪ ﻳﻢ ﺍﻟﻤﻜﺘﺐ ﻭﻛﺘﺐ ﻭﺭﻗﺔ
ﻭﺍﻧﻄﺎﻫﺎ ﻟﻘﺎﺳﻢ .. ﻻﺯﻡ ﺗﺴﻮﻱ ﺍﺷﻌﺔ ﻟﻜﺘﻔﻬﺎ
ﺣﺘﻰ ﻧﺘﺄﻛﺪ ﺍﺫﺍ ﻛﺎﻥ ﻋﻨﺪﻫﺎ ﻛﺴﺮ ﺍﻭ ﻓﻄﺮ
ﺍﺧﺬﻫﺎ ﻣﻦ ﻋﻨﺪﻩ ﻭﺑﺎﻭﻉ ﻟﻬﺪﻯ
.. ﺑﻴﺞ ﺣﻴﻞ ﺗﻜﻮﻣﻴﻦ ﻟﻮ ﺍﺟﻴﺒﻠﺞ ﻛﺮﺳﻲ ﻣﺘﺤﺮﻙ
ﺟﻨﺖ ﻻﺯﻣﺔ ﻛﺘﻔﻲ ﻣﺘﻮﺟﻌﺔ
ﺑﺲ ﺳﻤﻌﺖ ﺻﻮﺗﻪ ﻃﻔﺮﺕ ﻣﻦ ﻣﻜﺎﻧﻲ ﻣﺜﻞ ﺍﻟﺠﻨﺪﻱ ﺍﻟﻤﻘﺎﺗﻞ
ﻣﻦ ﻳﻮﻛﻒ ﻛﺪﺍﻡ ﺍﻟﻘﺎﺋﺪ ﻭﻳﺎﺧﺬ ﺗﺤﻴﺔ
.. ﻻ ﻣﺎ ﻳﺤﺘﺎﺝ ﺍﻛﺪﻍ ( ﺍﻛﺪﺭ ) ﺍﻣﺸﻲ ﻋﻠﻰ ﻏﺠﻠﻴﺔ ( ﺭﺟﻠﻴﺔ )
.. ﺍﺳﺘﻐﻔﺮ ﺍﻟﻠﻪ ﺭﺑﻲ ﺍﻟﻬﻤﻨﻲ ﺍﻟﺼﺒﺮ
ﺍﺟﺘﻲ ﻫﺎﻟﺔ ﺗﺴﻨﺪﻧﻲ ﻭﺷﻴﻤﺎﺀ ﺑﻘﺖ ﻳﻢ ﺍﻡ ﻗﺎﺳﻢ ﺑﻐﺮﻓﺔ ﺍﻟﻄﻮﺍﺭﻱﺀ
ﻻﻥ ﺍﻳﺪﻫﺎ ﻣﺠﺮﻭﺣﺔ ﻭﻣﺘﻜﺪﺭ ﺗﺴﺎﻋﺪﻧﻲ
ﻫﺎﻟﺔ .. ﻫﺪﻯ ﻧﺼﺤﺔ ﻟﻮﺟﻪ ﺍﻟﻠﻪ ﺗﻌﺎﻟﻰ ﺑﻌﺪ ﻻ ﺗﻔﺘﺤﻴﻦ ﺣﻠﻜﺞ
ﻭﺗﻜﻌﺪﻳﻦ ﺗﻐﻮﻏﻴﻦ ﻻﻥ ﺍﺧﻮﻱ ﻳﺘﺨﺒﻞ
ﻣﻦ ﻭﺣﺪﻩ ﺗﺘﻨﻌﻮﺹ ﺑﺎﻟﺤﺠﻲ
ﻭﺍﻧﺘﻲ ﺍﻟﻠﻪ ﻳﺤﻔﻈﺞ ﻣﻦ ﺗﻐﻮﻏﻴﻦ ﺗﺠﻴﺒﻴﻦ ﺍﻟﺘﺎﻳﻪ
ﻫﺪﻯ ﺑﺼﻮﺕ ﻧﺎﺻﻲ .. ﻋﻔﻴﺔ ﻏﺠﻌﻮﻧﻲ ( ﺭﺟﻌﻮﻧﻲ )
ﻳﻢ ﺷﻴﻤﺎﺀ ﻣﺎ ﺍﻏﻴﺪ ﺍﺳﻮﻱ ﺍﺷﻌﺔ
ﻫﺎﻟﺔ ﻧﺎﺻﺒﺔ ﻋﻠﻴﻬﺎ
.. ﻟﺞ ﻋﻮﺑﺔ ﺳﻜﺘﻲ ﻻ ﻳﺴﻤﻌﺞ ﻗﺎﺳﻢ
ﻭ ﻳﻐﺠﻌﺞ ( ﻳﺮﺟﻌﺞ ) ﺳﺤﻞ ﻻﺧﺘﺞ ﺷﻴﻤﺎﺀ
ﺑﺎﻭﻉ ﻋﻠﻴﻨﺎ ﻭﺧﺰﺭﻧﺎ
......
ﻛﺒﻞ ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﺻﺮﺕ ﻋﺎﻟﺼﺎﻣﺖ
ﻭﺍﻟﻴﺤﺠﻲ ﻭﻳﺎﻱ ﺍﺟﺎﻭﺑﻪ ﺑﺎﻻﺷﺎﺭﺓ
ﺍﺧﺬﻧﺎ ﺻﻮﺭ ﺍﺷﻌﺔ ﻟﻜﺘﻔﻲ
ﻭﻛﻌﺪﻧﺎ ﻧﻨﺘﻈﺮﻫﺎ ﺗﻄﻠﻊ
ﻭﻫﺎﻟﺔ ﺍﻟﻌﻮﺑﺔ ﺗﻀﺤﻚ ﻋﻠﻴﺔ ﻭﺍﻧﻲ ﺭﺑﻲ ﺣﻄﻨﻲ ﺗﺤﺖ ﺭﺣﻤﺘﻬﺎ ﻫﻲ ﻭﺍﺧﻮﻫﺎ
ﻛﺮﺻﺘﻬﺎ ﻣﻦ ﺣﺮﻛﺖ ﻛﻠﺒﻲ
ﻭﻫﻲ ﺗﻀﺤﻚ ﻭﺗﺤﻚ ﺑﻤﻜﺎﻥ ﺍﻟﻜﺮﺻﺔ
.. ﺍﺍﺍﺥ ﻭﺟﻌﺘﻴﻨﻲ ﺍﻻ ﺍﻛﻮﻝ ﻟﻘﺎﺳﻢ ﻋﻠﻴﺞ
ﻭﺑﺴﺮﻋﺔ ﻟﺰﻣﺘﻬﺎ ﻣﻦ ﺍﻳﺪﻫﺎ ﻭﻛﻌﺪﺗﻬﺎ ﻳﻤﻲ
.. ﺩﻧﺠﺒﻲ ﻭﻛﻌﺪﻱ ﺗﻐﺔ ( ﺗﺮﺓ ) ﻭﺍﻟﻠﻪ ﺍﻣﺴﺢ ﺑﻴﺞ ﺍﻟﻜﺎﻉ
ﺑﺲ ﺍﺻﺒﻐﻴﻠﻲ ( ﺍﺻﺒﺮﻳﻠﻲ ) ﺧﻠﻲ ﻳﻄﻠﻊ ﺍﺧﻮﺝ
ﻭﺍﻧﺎ ﺍﺷﻮﻑ ﺷﻐﻠﻲ ﻭﻳﺎﺝ ﻋﻮﺑﺔ ﻧﺎﺻﺒﺔ ﻋﻠﻴﺔ ﺑﺴﻴﻄﺔ ﺍﻧﺎ ﺍﻟﺞ
.. ﻫﻬﻬﻬﻬﻬﻪ ﺍﺥ ﻳﻤﺔ ﺑﻄﻨﻲ ﻭﺍﻟﻠﻪ ﺷﻜﻠﺞ ﻭﺍﺗﻨﻲ
ﺧﺎﻳﻔﺔ ﻳﺨﺮﺏ ﺿﺤﻚ ﻭﻳﻦ ﻫﺪﻯ ﺍﻡ ﺍﻟﻠﺴﺎﻥ
ﻗﺎﺳﻢ ﺑﺨﺰﺭﺓ ﻟﻬﺎﻟﺔ
.. ﺑﺲ ﻛﺎﻓﻲ ﺻﻮﺗﺞ ﻧﺼﻲ ﺷﻜﺪ ﺗﺤﺠﻴﻦ
ﺑﺎﻟﻌﺔ ﻣﺴﺠﻞ
ﻣﺎ ﺍﻋﺮﻑ ﺍﺿﺤﻚ ﻋﻠﻴﻬﺎ ﻻﻥ ﺍﻧﻘﺼﻔﺖ ﻣﺪﺭﻱ ﺍﺑﺠﻲ ﻋﻠﻰ ﺣﻈﻲ
ﺍﺑﺎﻭﻉ ﻋﻠﻰ ﺷﻜﻠﻪ ﺟﺎﻧﺖ ﺍﻛﺘﺎﻓﻪ ﻛﻠﺶ ﻋﺮﻳﻀﻪ ﻭﻣﻔﺘﻮﻟﺔ
ﺑﺤﻴﺚ ﺍﻟﻘﻴﺺ ﻳﺮﻳﺪ ﻳﻄﻚ ﻣﻦ ﻭﺭﺍﻫﻦ
ﻭﺍﺟﺔ ﺑﺒﺎﻟﻲ ﻣﺜﻞ ( ﻭﻳﻦ ﺭﺍﻳﺢ ﻳﺎﺻﻌﻠﻮﻙ ﺑﻴﻦ ﺍﻟﻤﻠﻮﻙ )
ﺍﺑﻦ ﺍﻟﻠﺬﻳﻦ ﻭﺍﻟﻠﻪ ﻋﻠﻴﻪ ﻃﻮﻝ ﺍﻻ ﺑﺸﺪﺓ
ﺣﺮﻛﺖ ﺍﻳﺪﻱ ﺑﺪﻭﻥ ﻣﺎ ﺍﻧﺘﺒﻪ ﺍﻧﻮﺟﻌﺖ
.. ﺍﺥ ﻳﻤﺔ
ﺍﺗﻠﻤﺴﺖ ﻣﻨﻄﻘﺔ ﺍﻻﻟﻢ
ﺍﺳﺘﻐﻔﺮ ﺍﻟﻠﻪ ﻫﺴﺔ ﺍﻧﻲ ﺑﻴﺎ ﺣﺎﻝ
ﻭﻛﺎﻋﺪﺓ ﺍﺑﺎﻭﻉ ﻋﻠﻴﻪ ﻭﺍﺩﺭﺱ ﺷﻜﻠﻪ
ﻋﺒﺎﻟﻚ ﻋﻨﺪﻱ ﺑﻲ ﺍﻣﺘﺤﺎﻥ
ﺟﺎﻥ ﻛﻞ ﺷﻮﻳﺔ ﻳﺒﺎﻭﻉ ﻋﻠﻴﺔ ﻋﺒﺎﻟﻚ ﺩﻳﺸﻮﻑ ﻛﺎﺋﻦ ﻓﻀﺎﺋﻲ
ﺑﺲ ﻓﺎﺟﺌﻨﺎ ﺍﻧﻲ ﻭﻫﺎﻟﺔ ﻣﻦ ﻛﺎﻝ
.. ﺍﻛﻮﻝ ﺟﻨﻴﺔ ﺍﻧﺘﻲ ﺷﻮﻛﺖ ﻛﺒﺮﺗﻲ
ﻓﺘﺤﺖ ﺣﻠﻜﻲ ﻣﺼﺪﻭﻣﺔ ﻣﻦ ﻛﻼﻣﻪ
ﻭﺻﺮﻧﺎ ﺍﻧﻲ ﻭﻫﺎﻟﺔ ﻭﺣﺪﺓ ﺗﺒﺎﻭﻉ ﻟﻠﺜﺎﻧﻴﺔ
ﻫﺎﻟﺔ .. ﻫﻬﻬﻬﻬﻪ ﻭﺍﻟﻠﻪ ﻳﺎ ﻗﺎﺳﻢ ﺑﻌﺪﻙ ﺗﺘﺬﻛﺮ ﻣﻦ ﺟﻨﺖ ﺗﺼﻴﺤﻬﺎ ﺟﻨﻴﺔ
ﻋﺒﺴﺖ ﺍﻟﻮﺟﻪ ﻫﺴﺔ ﻫﻮ ﻣﺎ ﺍﺗﺬﻛﺮ ﺍﻻ ﻫﺎﻱ ﺍﻟﺘﺴﻤﻴﺔ ﻣﺎﻟﺖ ﺍﻟﺠﻨﻴﺔ
ﻭﻟﻮ ﻫﻮ ﺍﻱ ﺷﻲ ﺭﺍﺡ ﻳﺘﺬﻛﺮﻩ ﻣﻦ ﺍﻟﻤﺎﺿﻲ
ﺍﻧﻲ ﺍﻋﺘﺒﺮﻩ ﻧﻘﻄﺔ ﺳﻮﺩﺓ ﺿﺪﻱ ﺍﺷﻮ ﺍﻟﻤﻮﺍﻗﻒ ﻭﻳﺎﻩ ﻛﻠﻬﺎ ﻏﺒﺮﺓ
ﻃﻠﻌﺖ ﺍﻻﺷﻌﺔ ﻭﺍﺧﺬﻧﺎﻫﺎ ﻭﺭﺟﻌﻨﺎ ﻋﺎﻟﻄﻮﺍﺭﻱﺀ
ﻭﺷﺎﻓﻬﺎ ﺍﻟﺪﻛﺘﻮﺭ ﻭﻛﺎﻝ ﻻ ﺯﻳﻦ ﻣﺎ ﺑﻴﻬﺎ ﺷﻲ
ﻋﻨﺪﺝ ﺑﺲ ﺷﻮﻳﺔ ﺗﻤﺰﻕ ﻋﻀﻠﻲ
ﺭﺍﺡ ﺍﻧﻄﻴﺞ ﻣﺮﻫﻢ ﻭﺍﺑﺮﺓ ﺗﺴﻜﻦ ﺍﻻﻟﻢ
ﻛﻤﺰﺕ ﻣﻦ ﻣﻜﺎﻧﻲ .. ﻻ ﻋﻔﻴﺔ ﺩﻛﺘﻮﻍ ﻣﺎ ﺍﻏﻴﺪ
ﻛﻞ ﺷﻲ ﻭﻻ ﺍﺑﻐﺔ ( ﻻﻋﻔﻴﻪ ﺩﻛﺘﻮﺭ ﻣﺎﺍﺭﻳﺪ ﻛﻞ ﺷﻲ ﻭﻻ ﺍﺑﺮﺓ )
ﻗﺎﺳﻢ ﺑﺼﻮﺕ ﻧﺎﺻﻲ
.. ﺍﺣﺘﺮﻛﺖ ﻋﺸﻴﺮﺗﺞ ﻓﻀﺤﺘﻴﻨﺎ
ﺍﻟﺘﻔﺖ ﻟﻬﺎﻟﺔ
.. ﻫﺎﻟﺔ ﺍﺧﺬﻳﻬﺎ ﻣﻨﺎ ﻻ ﺍﺳﺤﻠﻬﺎ
ﺍﺷﻮ ﻛﺎﻣﺖ ﺗﻐﻮﻏﻲ ﻋﻠﻴﻨﺎ ﻫﺴﺔ ﺍﻟﺪﻛﺘﻮﺭ ﺷﺮﺍﺡ ﻳﻔﺘﻬﻢ ﻣﻨﻬﺎ
ﺑﺎﻭﻉ ﻟﻠﺪﻛﺘﻮﺭ .. ﻣﺎ ﻋﻠﻴﻚ ﺑﻴﻬﺎ ﺩﻛﺘﻮﺭ
ﺍﻛﺘﺐ ﺍﻟﻮﺻﻔﺔ ﻭﺍﻧﻲ ﺍﺧﺬ ﺍﻟﻌﻼﺝ ﻣﻦ ﺍﻟﺼﻴﺪﻟﻴﺔ
ﻫﺎﻟﺔ ﺍﻟﻔﻄﻴﺮﺓ ﻛﻌﺪﺕ ﺗﺮﺟﻢ ﻟﻘﺎﺳﻢ
.. ﺷﺒﻴﻚ ﻗﺎﺳﻢ ﻗﺼﺪﻫﺎ ﺗﻜﻮﻝ ﻫﻲ ﺗﺨﺎﻑ ﻣﻦ ﺍﻻﺑﺮﺓ ﻣﺎ ﺗﺮﻳﺪﻫﺎ
ﻗﺎﺳﻢ .. ﻳﺎﻟﻠﻪ ﻫﺎﻙ ﺍﺳﺘﻠﻢ ﺍﺟﺘﻨﻲ ﺍﻟﻌﻠﺔ ﺍﻟﺜﺎﻧﻴﺔ ﻛﻌﺪﺕ ﺗﺮﺟﻢ
ﺍﻛﻮﻝ ﺗﻤﺸﻮﻥ ﻣﻦ ﻛﺪﺍﻣﻲ ﺍﺛﻨﻴﻨﻜﻢ ﻻ ﻭﺍﻟﻠﻪ ﺍﻃﻚ ﺭﺍﺱ ﺑﺮﺍﺱ
......
ﺭﺣﺖ ﻛﻌﺪﺕ ﻳﻢ ﺷﻴﻤﺎﺀ ﺍﺗﻤﻨﻰ ﺍﺧﺘﻞ ﻭﺭﺍﻫﺎ
ﻫﺬﺍ ﺑﺲ ﻳﺰﻣﺦ ﺑﻴﻨﺎ ﺍﺧﺬﻧﺎ ﺣﺎﺻﻞ ﻓﺎﺻﻞ
ﻃﻠﻌﻨﺎ ﻣﻦ ﺍﻟﻤﺴﺘﺸﻔﻰ
ﻭﺑﻌﺪﻫﺎ ﻭﻛﻒ ﺑﺎﻟﻄﺮﻳﻖ ﻳﻢ ﺻﻴﺪﻟﻴﺔ ﺍﺧﺬ ﺍﻟﻌﻼﺝ
ﻻﻥ ﻫﺎﻱ ﺍﻟﻨﻮﻋﻴﺔ ﻣﺎﻝ ﺍﻟﺪﻭﺓ ﻣﺎ ﻣﺘﻮﻓﺮﺓ ﺑﺼﻴﺪﻟﻴﺔ
ﺍﻟﻤﺴﺘﺸﻔﻰ
ﺩﻙ ﻧﻘﺎﻟﻪ ﻭﺭﺩ ﻋﺎﻟﻤﺘﺼﻞ
.. ﻫﻼ ﺭﺍﺋﺪ ﺷﻠﻮﻧﻚ
ﺍﻱ ﺍﻟﻴﻮﻡ ﺭﺍﺡ ﺍﺗﺄﺧﺮ ﻋﻠﻴﻜﻢ
ﺑﻌﺪ ﺍﻧﺖ ﺗﻌﺮﻑ ﻫﺎﻱ ﺍﻟﺴﻮﺍﻟﻒ ﻣﺎﻟﺖ ﺍﻟﺨﻄﻮﺑﺔ
ﻻﺯﻡ ﺍﻻ ﺣﻠﻘﺎﺕ ﻭﺫﻫﺐ ﻭﺍﻟﻠﻪ ﺍﻟﻴﻌﻠﻢ ﺑﻌﺪ ﺷﻨﻮ ﻳﺮﺩﻭﻥ
.. ﻳﺎﻟﻠﻪ ﺯﻳﻦ ﻻ ﺗﻠﻄﺶ ﺍﻧﺘﻈﺮﻧﻲ ﻣﺎ ﺭﺍﺡ ﺍﺗﺄﺧﺮ ﻋﻠﻴﻚ
ﺍﻟﻮﻟﺪ ﻣﻮﺟﻮﺩﻳﻦ
.. ﻟﻌﺪ ﺗﻤﺎﻡ ﺟﺎﻳﻜﻢ ﺣﻀﺮﻭﺍ ﻧﻔﺴﻜﻢ ﺍﻟﻴﻮﻡ ﺍﻻ ﺍﻏﺴﻠﻜﻢ ﻏﺴﻞ
ﺳﺪ ﺍﻟﻨﻘﺎﻝ ﻭﻛﻌﺪ ﻳﺤﺠﻲ ﻭﻳﺔ ﺍﻣﻪ ﻭﺍﻧﻲ
ﻛﻠﺒﻲ ﻭﻋﻘﻠﻲ ﻭﻓﻜﺮﻱ ﺭﺍﺡ ﻟﻐﻴﺮ ﻭﺍﺩﻱ
ﻣﻦ ﺳﻤﻌﺖ ﺑﺄﺳﻢ ﺭﺍﺋﺪ .
ﺍﺣﺲ ﺑﺮﻭﺣﻲ ﺍﺧﺘﻨﻜﺖ ﺧﺬﻻﻥ ﺍﻟﺤﺒﻴﺐ ﺟﺮﺣﻬﻢ
ﺻﺤﻴﺢ ﻳﻄﻴﺐ ﺑﺲ ﻣﺎ ﻳﻨﺴﻲ
ﻭﺻﻠﻨﺎ ﻟﻠﺒﻴﺖ ﻭﺷﻴﻤﺎﺀ ﺳﺎﻋﺪﺗﻨﻲ ﺍﻧﺰﻝ ﻣﻦ ﺍﻟﺴﻴﺎﺭﺓ
ﻭﻫﻮ ﺟﺎﻥ ﻭﺍﻛﻒ ﻣﺘﺄﻫﺐ
ﻭﺣﺠﺔ ﻭﻳﺔ ﺷﻴﻤﺎﺀ ﻗﺒﻞ ﻻ ﻳﺼﻌﺪ ﺑﺎﻟﺴﻴﺎﺭﺓ
.. ﺷﻴﻤﺎﺀ ﺍﺫﺍ ﺍﺑﻮﺝ ﺣﺎﻭﻝ ﻳﻌﻴﺪﻫﺎ ﻣﺮﺓ ﺛﺎﻧﻴﺔ ﻭﻳﻀﺮﺑﻬﺎ
ﻻ ﺗﺘﺮﺩﺩﻳﻦ ﺑﺎﻻﺗﺼﺎﻝ ﻋﻠﻴﺔ
ﺷﻴﻤﺎﺀ .. ﻣﺸﻜﻮﺭ ﻣﺎ ﺗﻘﺼﺮ ﻻ ﻫﻮ ﺑﺎﺑﺎ ﺑﺴﺮﻋﺔ ﻳﻨﺴﻰ ﻏﻀﺒﻪ ﻻ ﺗﺨﺎﻑ
ﺩﺧﻠﻨﺎ ﻟﻠﺒﻴﺖ ﻭﻟﻜﻴﻨﺎ ﺿﺤﻰ ﻣﻨﺘﻈﺮﺗﻨﺎ ﻳﻢ ﺍﻟﺒﺎﺏ
.. ﻫﺎ ﺷﻴﻤﺎﺀ ﺑﺸﺮﻱ ﺷﻠﻮﻧﻬﺎ ﻫﺪﻯ
ﺟﺎﻧﺖ ﺗﺤﺠﻲ ﻭﺗﺒﺎﻭﻉ ﻟﻬﺪﻯ ﺗﺘﻔﺤﺺ ﺑﺸﻜﻠﻬﺎ
.. ﻻ ﺯﻳﻦ ﻃﻠﻌﺖ ﺑﺲ ﺭﺿﻮﺽ ﻭﺍﻧﻄﻮﻫﺎ ﻋﻼﺝ
ﺩﺧﻠﻨﺎ ﻟﻠﺒﻴﺖ ﻭﻟﻜﻴﻨﺎ ﻋﻤﻮ ﺍﻣﺠﺪ ﻭﺳﻠﻴﻤﺔ . ﻛﺎﻋﺪﺓ ﻳﻤﻪ
ﺳﻠﻴﻤﺔ .. ﺻﻠﻮﺍﺕ ﻋﻠﻰ ﺍﻟﻨﺒﻲ ﺭﺟﻌﻦ ﺍﻟﺤﺒﺎﻳﺐ
ﻫﺎ ﻭﻳﻨﻪ ﻋﻨﺘﺮ ﺍﺑﻦ ﺷﺪﺍﺩ ﺍﺷﻮ ﻣﺎ ﺍﺟﺔ ﻭﻳﺎﺝ
ﺷﻴﻤﺎﺀ .. ﻭﺻﻠﻨﺎ ﻭﺍﺧﺬ ﺍﻫﻠﻪ ﻭﺭﺍﺡ
ﺑﺎﻭﻋﺖ ﻷﻣﺠﺪ .
.. ﻫﺎ ﻋﻤﻮ ﺷﻠﻮﻧﻚ
.. ﻭﺍﻟﻠﻪ ﻳﺎ ﻋﻤﻮ ﺑﻌﺪ ﺷﻠﻮﻧﻲ ﻣﻦ ﻭﺭﺓ ﺍﺑﻮﻛﻢ
ﻣﻦ ﺍﻟﻌﺼﺮ ﻃﺎﻟﻊ ﻣﻦ ﺍﻟﺒﻴﺖ ﺍﺩﻭﺭ ﻋﻠﻴﻪ ﻣﺎﻛﻮ ﺭﺣﺖ ﻟﻤﻜﺎﻥ ﺷﻐﻠﻪ
ﻃﻠﻊ ﺍﻻﺥ ﻓﺎﺻﻠﻴﻨﻪ ﻋﻦ ﺍﻟﺪﻭﺍﻡ
ﺻﺎﺭﻟﻪ ٣ ﺍﺷﻬﺮ ﻭﻋﻨﺪﺝ ﺍﻟﺤﺴﺎﺏ
ﺍﻧﺎ ﻛﻠﺖ ﻣﻦ ﻳﻮﻡ ﻃﻠﻊ ﻫﺬﺍ ﺻﺎﺣﺒﻪ ﺍﻟﻤﻬﺘﻠﻒ ﻣﻦ ﺍﻟﺴﺠﻦ ﻛﻠﺖ ﺭﺍﺡ ﺗﺒﺪﻱ ﺭﺣﻤﺔ ﺍﻟﻠﻪ
ﺷﻴﻤﺎﺀ .. ﺍﻛﻮﻝ ﻋﻤﻮ ﺑﺎﺑﺎ ﺍﺧﺬ ﻣﻬﺮ ﻫﺪﻯ ﻛﻠﻪ ﻭﺑﺎﺟﺮ ﺍﻡ ﻗﺎﺳﻢ ﺭﺍﺡ ﺗﺠﻲ ﺗﺎﺧﺬﻫﺎ ﺗﺮﻳﺪ ﺗﺸﺘﺮﻳﻠﻬﺎ ﺫﻫﺐ
ﺑﻴﻬﻢ
ﺗﻜﺪﺭ ﺗﺴﻠﻔﻨﻲ ﺍﻟﻤﺒﻠﻎ ﻭﺍﻧﻲ ﻋﻨﺪﻱ ﺳﻠﻔﺔ ﺑﻌﺪ ﺷﻬﺮﻳﻦ ﺍﺳﺘﻠﻤﻬﺎ
ﺑﺲ ﻳﻨﻄﻮﻧﻴﺎﻫﺎ ﺍﺳﺪﺩﻙ
ﺑﺎﻭﻉ ﻋﻠﻴﺔ ﻭﻛﺎﻝ .. ﺑﺎﻟﻠﻪ ﺧﻠﻲ ﺍﺟﻴﻚ ﺍﻣﻮﺭﻱ ﻭﺍﺷﻮﻑ ﺍﺫﺍ ﺟﻮﺓ ﺍﻳﺪﻱ ﻫﺬﺍﺍﻟﻤﺒﻠﻎ
ﻛﺒﻞ ﺍﻧﻄﻴﻜﻢ ﺍﻳﺎﻩ ﻭﺍﻥ ﺷﺎﺀ ﺍﻟﻠﻪ ﻣﺎ ﺍﻗﺼﺮ ﻭﻳﺎﻛﻢ
.. ﻋﻔﻴﺔ ﻋﻤﻮ ﻛﻮﻥ ﺑﺎﺟﺮ ﺍﻟﺼﺒﺢ ﺗﺮﺩﻟﻲ ﺍﻟﺨﺒﺮ ﺿﺮﻭﺭﻱ
ﻻﻥ ﺑﺎﺟﺮ ﻳﺠﻮﻥ ﺣﺘﻰ ﻳﺸﺘﺮﻭﻥ ﺣﻠﻘﺎﺕ
ﺣﺘﻰ ﺍﺫﺍ ﻣﺎﺣﺼﻠﺖ ﺍﺭﻭﺡ ﺍﺷﻮﻑ ﺭﺑﺎﺏ ﺻﺎﺣﺒﺘﻲ ﺑﻠﻜﻲ ﺗﻜﺪﺭ ﺗﺴﺎﻋﺪﻧﻲ
ﺷﺎﻝ ﻧﻘﺎﻟﻪ ﻭﻛﺎﻝ .. ﻻ ﻋﻠﻴﻤﻦ ﻧﻨﺘﻈﺮ ﻟﺒﺎﺟﺮ
ﻫﺴﺔ ﺍﺟﺮﻱ ﺍﺗﺼﺎﻝ ﻋﻠﻰ ﺻﺎﺣﺒﻲ ﻭﺍﺷﻮﻑ ﻋﻨﺪﻩ ﺟﻮﺓ ﺍﻳﺪﻩ ﻟﻮ ﻻ
ﻛﺎﻡ ﻣﻦ ﻳﻤﻨﺎ ﻭﻃﻠﻊ ﺑﺎﻟﻄﺎﺭﻣﺔ
ﻳﺠﺮﻱ ﺍﻻﺗﺼﺎﻝ
ﺷﻮﻳﺔ ﻭﺭﺣﻊ ﻭﻫﻮ ﻳﺒﺘﺴﻢ
.. ﻫﺬﺍ ﻫﻮ ﻋﻤﻮ ﺩﺑﺮﺗﻬﻢ
ﺑﺎﺟﺮ ﺍﻟﺼﺒﺢ ﺍﻥ ﺷﺎﺀ ﺍﻟﻠﻪ ﻳﻤﺞ ﺍﻟﻔﻠﻮﺱ
............
ﺑﻴﺖ ﺍﻡ ﻗﺎﺳﻢ
ﻗﺒﻞ ﺍﻟﺨﻄﻮﺑﺔ ﺑﻴﻮﻡ
ﻫﺎﻟﺔ
ﺍﻟﺒﻴﺖ ﺧﺒﺼﺔ ﻭﺧﻮﺍﺗﻲ ﺳﺮﻭﺭ ﻭﻓﺎﻃﻤﺔ ﺍﻟﻲ ﺑﺎﻟﻤﺤﺎﻓﻈﺎﺕ
ﺍﺟﻮﻱ ﻫﻤﺔ ﻭﺟﻬﺎﻟﻬﻢ ﻭﺧﺎﻻﺗﻲ ﻭﺑﻨﺎﺗﻬﻢ ﺍﺟﻮﻱ
ﻭﺗﺮﺳﻮﺍ ﺍﻟﺒﻴﺖ
ﻭﺍﻣﻲ ﺍﻟﻜﺎﻉ ﻣﺎ ﺷﺎﻳﻠﺘﻬﺎ ﻣﻦ ﺍﻟﻔﺮﺣﺔ
ﺑﺎﻟﻠﻪ ﻋﻤﺎﺗﻲ ﻭﻋﻤﺎﻣﻲ ﻛﺎﻥ ﻋﻨﺪﻫﻢ ﺑﺮﻭﺩ
ﻫﻤﺔ ﺷﻮﻛﺖ ﻓﺮﻭﺣﻮﻟﻨﺎ ﺣﺘﻰ ﻫﺴﺔ ﻳﻔﺮﺣﻮﻥ ﻭﻳﺎﻧﺔ
ﻗﺴﻢ ﺍﻟﻴﻮﻡ ﻣﺎ ﻃﻠﻊ ﻟﻠﺸﻐﻞ ﺑﻘﻰ ﺑﺎﻟﺒﻴﺖ
ﻋﻠﻤﻮﺩ ﻳﻜﻤﻞ ﺍﺣﺘﻴﺎﺟﺎﺕ ﺍﻟﺨﻄﻮﺑﺔ ﺑﺎﺟﺮ ﺍﻟﺸﻴﻮﺥ ﻭﻋﻤﺎﻣﻨﺎ
ﻣﻦ ﺑﻌﻴﺪ ﻳﺠﻮﻥ ﻛﻠﻬﻢ
ﻭﺍﻟﻴﻮﻡ ﺍﻣﻲ ﻛﺎﻟﺖ ﻟﻘﺎﺳﻢ ﺑﺎﺟﺮ ﺗﺠﻴﺐ ﻭﻳﺎﻙ ﺳﻴﺪ ﺣﺘﻰ ﻳﻌﻘﺪﻟﻜﻢ ﻣﻦ ﺟﺪﻳﺪ ﺍﺭﻳﺪ ﻛﻠﺸﻲ ﻳﺘﻢ ﻋﻠﻰ ﺣﺴﺐ ﺍﻻﺻﻮﻝ
ﻛﺎﻟﺖ ﺍﻧﺎ ﺫﺍﻙ ﺍﻟﻌﻘﺪ ﻣﺎ ﻣﻘﺘﻨﻌﺔ ﺑﻲ ﻣﻮ ﻗﺎﻧﻮﻧﻲ
ﻭﻗﺎﺳﻢ ﺑﺎﻭﻉ ﻋﻠﻴﻬﺎ ﺑﺤﻴﺮﺓ ﻭﺟﺎﻭﺑﻬﺎ
.. ﻳﺎﻟﻠﻪ ﻫﺴﺔ ﻫﻲ ﺑﻘﺖ ﻋﻠﻰ ﻫﺎﻱ ﺻﺎﺭ ﺗﺪﻟﻠﻴﻦ ﻧﺠﻴﺐ ﺳﻴﺪ
ﺑﻌﺪ ﺣﺠﻴﺔ ﺗﺄﻣﺮﻳﻦ ﻋﻠﻰ ﺷﻲ ﺛﺎﻧﻲ
ﺟﺎﻥ ﻳﺤﺠﻲ ﺑﺒﺮﻭﺩ ﻭﻳﺔ ﺍﻣﻲ ﻣﺜﻞ ﺍﻟﻲ ﻳﺮﻳﺪ ﻳﻜﻤﻞ ﻭﺍﺟﺒﻪ
ﻓﻘﻂ
ﺍﻣﻲ ﺟﺎﻭﺑﺘﻬﺎ .. ﺳﻼﻣﺘﻚ ﻳﻤﺔ ﻣﺎ ﺭﺍﻳﺪﺓ ﻣﻨﻚ ﺷﻲ ﻏﻴﺮ ﺑﺲ
ﺍﻓﺮﺡ ﺑﻴﻚ
.. ﺍﻥ ﺷﺎﺀ ﺍﻟﻠﻪ
ﺟﻨﺎ ﻧﺤﺠﻲ ﻭﺟﺎﻥ ﻳﻨﺪﻙ ﺍﻟﺠﺮﺱ
ﻭﺍﺟﺘﻲ ﻣﻨﻰ
.. ﻣﺎﻣﺎ ﺯﻭﺟﺔ ﻋﻤﻮ ﻣﺤﻤﺪ ﻭﺭﻫﻒ ﺍﺟﻮﻱ
ﺍﻡ ﻗﺎﺳﻢ .. ﺭﻭﺣﻲ ﺻﻴﺤﻲ ﻟﺨﻮﺍﺗﺞ
ﻛﺎﻣﺖ ﺍﻣﻲ ﻭﺑﺎﻭﻋﺖ ﻟﻘﺎﺳﻢ
.. ﺷﻨﻮ ﺍﻧﺖ ﺭﺍﺡ ﺗﺒﻘﻰ ﻫﻨﺎ ﻛﺎﻋﺪ
ﺣﺴﻴﺖ ﻋﻠﻰ ﻧﺒﻊ ﺗﺮﻳﺪ ﺗﺼﺮﻑ ﻗﺎﺳﻢ ﻣﺎ ﺗﺮﻳﺪﻩ
ﻳﺸﻮﻑ ﺭﻫﻒ
ﺑﺲ ﻭﻳﻦ ﻫﻴﻬﺎﺕ ﺗﻜﺪﺭ ﻟﻘﺎﺳﻢ
ﻋﻮ ﻣﺠﺮﺩ ﺫﻛﺮ ﺍﺳﻢ ﺭﻫﻒ ﺍﻟﻌﻴﻮﻥ ﻛﺎﻣﺖ ﺗﻠﻤﻊ
ﻗﺎﻃﻊ ﻛﻼﻣﻬﻢ ﺩﺧﻮﻝ ﺑﻴﺖ ﻋﻤﻮ ﻣﺤﻤﺪ
ﺍﺑﺎﻭﻉ ﻟﻘﺎﺳﻢ ﻛﺎﻡ ﻣﻦ ﻣﻜﺎﻧﻪ ﺑﻠﻬﻔﺔ
ﻭﻋﻴﻮﻧﻪ ﻣﻨﺼﺒﺔ ﻋﻠﻰ ﺭﻫﻒ
ﺍﻟﻲ ﺟﺎﻧﺖ ﻋﻴﻮﻧﻬﺎ ﺣﻤﺮ ﺫﺑﻼﻧﺔ
ﺩﺧﻠﻮﺍ ﺧﻮﺍﺗﻲ ﻭﺟﻬﺎﻟﻬﻢ
ﻭﺻﺎﺭﺕ ﻫﻮﺳﺔ
ﻭﺭﻫﻒ ﻛﻌﺪﺕ ﻋﻠﻰ ﺻﻔﺤﺔ
ﻭﻗﺎﺳﻢ ﺭﺍﺡ ﻛﻌﺪ ﻳﻤﻬﺎ
ﺍﺑﺎﻭﻉ ﻋﻠﻴﻪ ﺷﻠﻮﻥ ﻳﺒﺎﻭﻉ ﻋﻠﻴﻬﺎ ﻋﺒﺎﻟﻚ ﻟﻮﺣﺪﻫﻢ
ﻧﺎﺳﻴﻦ ﻭﺟﻮﺩﻧﺎ ﺍﻣﻲ ﻭﺧﻮﺍﺗﻲ ﻭﺍﻣﻬﺎ
ﺳﻠﻤﺖ ﻋﻠﻴﻪ ﻭﻋﻴﻮﻧﻬﺎ ﺗﻨﻄﻖ ﺑﺎﻟﻌﺘﺐ ﻭﺍﻟﺰﻋﻞ
ﻗﺎﺳﻢ .. ﺷﺨﺒﺎﺭﺝ ﺭﻫﻒ ﻟﻴﺶ ﻋﻴﻮﻧﺞ ﺫﺑﻼﻧﺔ
ﺭﻫﻒ .. ﺗﺴﺄﻟﻨﻲ ﻋﻦ ﺍﺧﺒﺎﺭﻱ ﻭﺍﻧﻲ ﺍﺧﺒﺎﺭﻱ ﻛﻠﻬﺎ
ﻋﻨﺪﻙ
ﻫﺬﺍ ﻛﻠﻪ ﺻﺎﺭ ﻛﺪﺍﻡ ﺍﻣﻲ ﺍﻟﻲ ﻛﺎﻣﺖ ﺗﺤﻮﻡ ﺗﺤﺠﻲ ﻭﻳﺔ
ﺍﻡ ﺭﻫﻒ ﻭﻋﻴﻮﻧﻬﺎ ﻋﻠﻰ ﻗﺎﺳﻢ ﻭﺭﻫﻒ
ﺍﺑﺎﻭﻉ ﻋﻠﻴﻬﺎ ﻛﻞ ﺷﻮﻳﺔ ﺗﻮﺩﻱ ﻭﺍﺣﺪ ﻣﻦ ﺍﻟﺠﻬﺎﻝ ﻋﻠﻰ ﻗﺎﺳﻢ
ﻭﺭﻫﻒ ﺣﺘﻰ ﻳﺨﺮﺏ ﻋﻠﻴﻬﻢ ﺍﻟﻠﺤﻈﺔ
ﺍﻣﻲ ﺗﺮﻳﺪ ﺗﻨﻔﺠﺮ ﻣﻦ ﺗﺼﺮﻓﺎﺕ ﺭﻫﻒ
ﺍﻧﺪﻙ ﺍﻟﺠﺮﺱ ﺍﻣﻲ ﻛﺒﻞ ﺣﺠﺖ ﻣﺜﻞ ﺍﻟﻲ ﺟﺎﻧﺖ ﻣﻨﺘﻈﺮﺓ ﻫﺎﻱ ﺍﻟﻠﺤﻈﺔ ﺣﺘﻰ ﺗﻄﻠﻊ ﻗﺎﺳﻢ
.. ﻳﻤﺔ ﻗﺎﺳﻢ ﻫﺬﺍ ﻳﻤﻜﻦ ﺍﺑﻮ ﺍﻟﺴﻘﻮﻑ ﺍﻟﺜﺎﻧﻮﻳﺔ ﺍﻟﻲ ﺟﻨﺖ ﻣﺘﻔﻘﺔ ﻳﺠﻲ ﻟﻠﺒﻴﺖ ﺑﺎﻟﻠﻪ ﺷﻮﻓﻪ ﻫﻮ
ﻛﺎﻡ ﻗﺎﺳﻢ ﻣﻦ ﻣﻜﺎﻧﻪ
.. ﻫﺎﻱ ﺷﻨﻮ ﺷﻮﻛﺖ ﺍﺷﻮ ﺍﻧﻲ ﻣﺎ ﻋﻨﺪﻱ ﻋﻠﻢ ﺑﻲ
.. ﺷﻔﺘﻚ ﻣﻠﺘﻬﻲ ﺑﺎﻟﺸﻐﻞ ﻛﻠﺖ ﺍﻏﻴﺮ ﺍﻟﺴﻘﻮﻑ
ﻻﻥ ﻣﺎ ﺑﻘﻰ ﻋﻠﻰ ﻋﺮﺳﻚ ﺷﻲ
ﻭﺍﺭﻳﺪ ﺍﺳﻮﻱ ﻏﺮﻓﺘﻚ ﺍﻏﻴﺮ ﺩﻳﻜﻮﺭﻫﺎ ﻛﻠﻪ
ﻛﻠﺖ ﻓﺪ ﻣﺮﺓ ﺍﺟﻴﺐ ﻫﺪﻯ ﺣﺘﻰ ﺗﺨﺘﺎﺭ ﺍﻟﺪﻳﻜﻮﺭ ﺍﻟﻲ ﻳﻌﺠﺒﻬﺎ
ﺍﺑﺎﻭﻉ ﻟﻘﺎﺳﻢ ﺭﺹ ﻋﻠﻰ ﺍﺳﻨﺎﻧﻪ ﺑﻐﻴﺾ ﻭﺑﺎﻭﻉ ﻟﺮﻫﻒ ﺍﻟﻲ ﺩﻧﻜﺖ ﻭﺩﺍﺭﺕ ﻭﺟﻬﻪ ﺑﻌﻴﺪ ﻋﻦ ﻧﻈﺮ ﻗﺎﺳﻢ
ﺍﺑﺎﻭﻉ ﻋﻠﻴﻪ ﻛﻮﺭ ﺍﻳﺪﻩ ﻭﻃﻠﻊ ﻣﻦ ﺍﻻﺳﺘﻘﺒﺎﻝ ﻣﺜﻞ ﺍﻻﻋﺼﺎﺭ
ﺍﺑﺎﻭﻉ ﻟﺮﻫﻒ ﻛﺎﻣﺖ ﻣﻦ ﻣﻜﺎﻧﻬﺎ
ﻭﻃﻠﻌﺖ ﻭﺭﺓ ﻗﺎﺳﻢ
ﻳﻤﺔ ﻫﻲ ﺍﻣﻲ ﺷﺎﻓﺘﻬﺎ ﻃﻠﻌﺖ ﻭﺭﺍﻩ
ﻭﻫﻲ ﻛﺎﻣﺖ ﺗﻜﻤﺰ ﻫﻬﻬﻬﻬﻬﻬﻪ ﻳﻤﻜﻦ ﺻﻌﺪ ﻋﻨﺪﻫﺎ ﺍﻟﺴﻜﺮ
ﻣﻦ ﻭﺭﺓ ﺭﻫﻒ
ﻛﻤﺰﺕ ﻣﻦ ﻣﻜﺎﻧﻲ ﻋﻠﻰ ﻛﺮﺻﺔ ﺍﻣﻲ
ﺣﺠﺖ ﺑﺼﻮﺕ ﻧﺎﺻﻲ
.. ﻭﻟﺞ ﻋﻮﺑﺔ ﻛﻮﻣﻲ ﻟﺤﻜﻲ ﻋﻠﻰ ﺍﺧﻮﺝ
..... .
ﻃﻠﻌﺖ ﻭﺭﺓ ﻗﺎﺳﻢ ﺑﻌﺪﻣﺎ ﺍﻣﻲ ﻟﺤﺖ ﻋﻠﻴﺔ ﺣﺘﻰ ﺍﻟﺤﻚ ﻋﻠﻴﻪ
ﺍﺷﻮ ﻃﻠﻌﺖ ﻣﻦ ﺍﻻﺳﺘﻘﺒﺎﻝ ﻭﻣﺎ ﻟﻜﻴﺘﻬﻢ
ﺍﺩﻭﺭ ﻋﻠﻴﻬﻢ ﻣﺎﻛﻮ ﻫﺬﻭﻟﻲ ﻭﻳﻦ ﺭﺍﺣﻮﺍ
ﻭﺟﺎﻥ ﺍﻣﺮ ﻣﻦ ﻳﻢ ﻏﺮﻓﺔ ﺍﻣﻲ ﻭﺍﺷﻮﻓﻬﻢ ﻭﺍﻛﻔﻴﻦ ﺳﻮﻳﺔ ﺩﻳﺘﻬﺎﻣﺴﻮﻥ
ﻋﺰﺓ ﻭﻳﻨﺞ ﻳﻤﺔ ﺗﻌﺎﻟﻲ ﻟﺤﻜﻲ ﺷﻮﻓﻲ ﻗﺎﺳﻤﻮﻑ ﻭﺭﻫﻒ ﻭﻣﺴﺮﺡ ﺍﻟﺠﺮﻳﻤﺔ ﻏﺮﻓﺘﺞ
ﺟﺎﻥ ﺍﻟﺒﺎﺏ ﺷﻮﻳﺔ ﻣﺮﺩﻭﺩ ﻳﻌﻨﻲ ﺍﻛﺪﺭ ﺍﺷﻮﻓﻬﻢ
ﺭﺣﺖ ﺍﻣﺸﻲ ﻋﻠﻰ ﺍﻃﺮﺍﻑ ﺍﺻﺎﺑﻌﻲ
ﻭﺍﻗﺘﺮﺑﺖ ﻭﺻﺮﺕ ﺑﺼﻒ ﺍﻟﺒﺎﺏ ﺧﺮﺏ ﺑﺎﻟﺤﻆ
ﻣﻦ ﻭﺭﺓ ﺍﻣﻲ ﺻﺮﺕ ﺟﺎﺳﻮﺱ ﻣﺜﻞ ﺟﻴﻤﺲ ﺑﻮﻧﺪ
ﻣﺪﻳﺖ ﺭﺍﺳﻲ ﺑﺨﻔﺔ ﻋﻠﻰ ﻛﻴﻒ
ﺍﻟﺠﻤﺎﻋﺔ ﺟﺎﻧﻮﺍ ﻓﺎﺻﻠﻴﻦ ﺑﻐﻴﺮ ﺍﻟﻌﺎﻟﻢ
ﺟﺎﻧﺖ ﺭﻫﻒ ﺭﺍﻓﻌﺔ ﺭﺍﺳﻬﺎ ﻭﺗﺒﺎﻭﻉ ﻟﻘﺎﺳﻢ
ﺣﺠﺖ ﻭﻳﺎﻩ ﻭﻫﻲ ﺗﺒﺠﻲ
.. ﻗﺎﺳﻢ ﻟﻴﺶ ﺟﺬﺑﺖ ﻋﻠﻲ
ﻋﻘﺪ ﺣﻮﺍﺟﺒﻪ .. ﺑﺸﻨﻮ ﺟﺬﺑﺖ ﻋﻠﻴﺞ ﺑﺎﻟﻠﻪ
.. ﺍﻧﺖ ﻣﻮ ﺑﺎﻟﺒﺪﺍﻳﺔ ﻛﻠﺖ ﻋﻘﺪﺕ ﻋﻠﻴﻬﺎ ﻻﻥ ﺟﻨﺖ ﻣﺠﺒﻮﺭ
ﻭﻋﻠﻤﻮﺩ ﻣﺘﻀﻴﻊ ﻋﻠﻴﻚ ﺍﻟﻤﻨﺎﻗﺼﺔ
.. ﺍﻱ ﺻﺤﻴﺢ ﻫﺬﺍ ﺍﻟﺼﺎﺭ ﺑﻌﺪ ﻭﻳﻦ ﺍﻟﺠﺬﺏ ﺑﺎﻟﻤﻮﺿﻮﻉ
.. ﻻ ﺍﻟﺒﺎﺭﺣﺔ ﺑﺎﺑﺎ ﻛﺎﻝ
ﺑﺎﺟﺮ ﻗﺎﺳﻢ ﺭﺍﺡ ﻳﺠﻴﺐ ﺳﻴﺪ ﻭﻳﺮﺟﻊ ﻳﻌﻘﺪ ﻋﻠﻴﻬﺎ ﻣﻦ ﺟﺪﻳﺪ
ﻳﻌﻨﻲ ﺷﻨﻮ ﻣﻌﻨﺎﻫﺎ ﺗﺮﻳﺪ ﺗﺠﺪﺩ ﺍﻟﻌﻘﺪ ﻭﻳﺎﻫﺎ
ﻫﺴﺔ ﻣﻨﻮ ﻭﺍﻛﻒ ﻓﻮﻙ ﺭﺍﺳﻚ
ﺯﻳﻦ ﻭﺍﻧﻲ ﻣﻔﻜﺮﺕ ﺑﻴﺔ ﺷﻨﻮ ﺭﺍﺡ ﻳﻜﻮﻥ ﻣﺼﻴﺮﻱ ﻭﻳﺎﻙ
.. ﺭﻫﻒ ﺳﻤﻌﻴﻨﻲ ﺯﻳﻦ ﻭﻫﺎﻱ ﺍﻭﻝ ﻣﺮﺓ ﻭﺍﺧﺮ ﻣﺮﺓ ﺍﻛﻌﺪ ﺍﺑﺮﺭ ﺗﺼﺮﻓﺎﺗﻲ ﻷﺣﺪ ﻭﻟﻮ ﻣﺎ ﻣﻌﺰﺗﺞ ﺑﻜﻠﺒﻲ ﺟﺎﻥ ﺩﺭﺕ ﻭﺟﻬﻲ ﻭﺭﺣﺖ ﻭﺍﺧﻠﻴﺞ ﺍﻧﺘﻲ ﺗﻘﺮﺭﻳﻦ
ﺑﺲ ﻋﻠﻤﻮﺩ ﺗﻜﻮﻧﻴﻦ ﻋﻠﻰ ﺑﻴﻨﺔ
ﻻﺧﺮ ﻣﺮﺓ ﺍﻛﻠﺞ ﺍﻟﺼﺎﺭ ﻭﻳﺎﻱ ﻣﻘﺪﺭ ﻭﻣﻜﺘﻮﺏ ﻋﻠﻴﺔ
ﺻﺤﻴﺢ ﺍﻧﺎ ﺍﺣﺒﺞ ﻭﺍﺗﻤﻨﻰ ﺍﻟﻴﻮﻡ ﻗﺒﻞ ﺑﺎﺟﺮ ﺗﺼﻴﺮﻳﻦ ﺣﻼﻟﻲ
ﺑﺲ ﻣﻮ ﻣﻌﻨﺎﻫﺎ ﺍﻧﺴﻰ ﺷﺮﻉ ﺍﻟﻠﻪ ﻭﺍﻧﺴﻰ ﺍﻻﺻﻮﻝ
ﻳﻌﻨﻲ ﺷﻠﻮﻥ ﺍﺗﻤﻢ ﺍﻟﺰﻭﺍﺝ ﻭﺍﺩﺧﻠﻬﺎ ﻟﺒﻴﺘﻲ ﻭﺍﻧﺎ ﺍﻋﺮﻑ ﺍﻟﻌﻘﺪ
ﺑﺎﻃﻞ
.. ﺍﻱ ﺑﺲ ﺍﻧﺖ ﻣﻤﺠﺒﻮﺭ ﺗﺘﻤﻢ ﺍﻟﺰﻭﺍﺝ
ﻳﻌﻨﻲ ﻣﺸﻜﻠﺘﻬﺎ ﻣﻮ ﻣﺸﻜﻠﺘﻚ ﺍﻟﺼﺎﺭ ﻛﻠﺔ ﻣﻦ ﻭﺭﺓ ﺍﺑﻮﻫﺎ
ﺍﻧﺖ ﻣﺎﻟﻚ ﺩﺧﻞ
.. ﻫﺎﻱ ﺍﻧﺘﻲ ﻛﻠﺘﻴﻬﺎ ﺍﻟﺼﺎﺭ ﻛﻠﺔ ﻣﻦ ﻭﺭﺓ ﺍﺑﻮﻫﺎ
ﺍﻟﺒﻨﻴﺔ ﻣﺎﻟﻬﺎ ﺫﻧﺐ ﺑﺎﻟﺼﺎﺭ ﻛﻠﻪ
ﻭﻫﻲ ﺻﺎﺭﺕ ﻛﺪﺍﻡ ﺍﻟﻨﺎﺱ ﺗﺘﺴﻤﻰ ﺑﺄﺳﻤﻲ
ﻳﻌﻨﻲ ﺻﺎﺭﺕ ﻋﺮﺿﻲ ﻣﺤﺴﻮﺑﺔ ﻋﻠﻴﺔ
ﻭﺍﺩﺭﻱ ﻛﻠﺶ ﺯﻳﻦ ﺍﺫﺍ ﻛﺴﺮﺕ ﺑﺨﺘﻬﺎ ﻟﺴﺎﻥ ﺍﻟﻨﺎﺱ ﻣﺎ ﺭﺍﺡ ﻳﺮﺣﻤﻬﺎ
ﻭﺍﻧﺎ ﺗﻌﺮﻓﻴﻨﻲ ﻛﻠﺶ ﺯﻳﻦ ﻣﺴﺘﺤﻴﻞ
ﻣﺎ ﺍﺧﻠﻲ ﺍﺣﺪ ﻳﺤﺠﻲ ﺑﻌﺮﺿﻲ ﺣﺘﻰ ﻟﻮ ﺑﻜﻠﻤﺔ ﺍﻛﺘﻞ ﻭﺍﻧﻜﺘﻞ ﻋﻠﻴﻬﺎ
.. ﺯﻳﻦ ﻗﺎﺳﻢ ﺍﻧﻲ ﻭﻳﻦ ﻣﻦ ﻫﺬﺍ ﻛﻠﻪ ﺷﻨﻮ ﺭﺍﺡ ﻳﻜﻮﻥ ﻣﺼﻴﺮ ﺣﺒﻨﺎ
.. ﺷﻮﻓﻲ ﺭﻫﻒ ﺭﺍﺡ ﺍﻛﻮﻟﻬﺎ ﺍﻟﺞ ﻣﻦ ﺍﻻﺧﻴﺮ
ﺍﻧﺎ ﺑﺎﻗﻲ ﻋﻠﻰ ﻭﻋﺪﻱ ﺍﻟﺞ ﻭﺷﺎﺭﻳﺞ ﻻﺧﺮ ﻧﻔﺲ ﻭﻟﻮﻣﺎ
ﺍﺑﻮﺝ ﺟﺎﻥ ﺍﻧﺘﻲ ﻫﺴﺔ ﺍﻡ ﺑﻴﺘﻲ ﻭﺍﻟﻈﺮﻭﻑ ﺣﻜﻤﺖ
ﻓﺎﺫﺍ ﺟﻨﺘﻲ ﻧﺎﻭﻳﺔ ﺗﺒﻘﻴﻦ ﻭﻳﺎﻱ ﻟﻼﺧﻴﺮ ﻓﻼﺯﻡ ﺗﺼﺒﺮﻳﻦ ﻭﺗﻜﻮﻧﻴﻦ ﻗﻮﻳﺔ
ﻣﺎ ﺍﻛﺪﺭ ﺍﺟﻨﺒﺞ ﻟﻮﻋﺔ ﺍﻟﻜﻠﺐ ﻭﺭﺍﺡ ﺗﺸﻮﻓﻴﻨﻲ ﻛﺪﺍﻡ ﻋﻴﻨﺞ ﻳﺰﻓﻮﻧﻲ ﻋﻠﻴﻬﺎ
ﻭﺍﺳﺘﻌﺪﻱ ﻟﻼﻗﻮﻯ ﻣﻨﻬﺎ ﻭﺭﺍﺡ ﻳﻨﺴﺪ ﻋﻠﻴﻨﺎ ﺑﺎﺏ ﻭﺍﺣﺪ
ﺷﻬﻜﺖ ﺑﺼﻮﺕ ﻣﻜﺴﻮﺭ ﻭﺻﺎﺭﺕ ﺗﺒﺠﻲ ﺑﺤﺮﻛﺔ ﻛﻠﺐ
ﻭﺣﻄﺖ ﺍﻳﺪﻫﺎ ﻋﻠﻰ ﻭﺟﻬﻬﺎ
ﻭﻫﺰﺕ ﺭﺍﺳﻬﺎ .. ﻻ ﻻ ﻻ ﻣﺴﺘﺤﻴﻞ ﻫﺬﺍ ﻫﻮﺍﻱ ﻋﻠﻰ ﻛﻠﺒﻲ
ﻣﺎﻛﺪﺭ ﺍﺗﺨﻴﻠﻚ ﺗﺼﻴﺮ ﻣﻦ ﻗﺴﻤﺔ ﻭﺣﺪﺓ ﻏﻴﺮﻱ
ﻭﺍﻟﻠﻪ ﺍﻣﻮﺕ
ﺗﺮﺓ ﺍﻧﻲ ﺑﺸﺮ ﻭﻋﻨﺪﻱ ﺣﺪ ﻟﻼﺣﺘﻤﺎﻝ ﻭﺍﻟﺼﺒﺮ
......
ﻧﺰﻝ ﺍﻳﺪﻳﻬﺎ ﻣﻦ ﻋﻠﻰ ﻭﺟﻬﺎ ﻭﺭﻓﻌﻬﻦ ﻟﺸﻔﺎﻳﻔﻪ ﻭﺑﺎﺳﻬﻦ
.. ﺭﻫﻒ ﻳﺎ ﻋﻴﻮﻥ ﻗﺎﺳﻢ ﺍﺩﺭﻱ ﺟﻨﺖ ﻗﺎﺳﻲ ﺑﻜﻼﻣﻲ ﻭﻳﺎﺝ
ﺑﺲ ﻻﺯﻡ ﺗﻌﺮﻓﻴﻦ ﻛﻠﺸﻲ ﺣﺘﻰ ﻣﺎ ﺗﻨﺼﺪﻣﻴﻦ
ﺭﻫﻒ ﺍﻧﺎ ﺍﺣﺘﺎﺟﺞ ﺗﺼﻴﺮﻳﻦ ﻗﻮﻳﺔ ﻭﺗﻮﻛﻔﻴﻦ ﻭﻳﺎﻱ
ﻣﺜﻠﻤﺎ ﺍﻧﺎ ﺍﺗﺤﺪﻳﺖ ﺍﺑﻮﺝ ﻭﻭﻛﻔﺖ ﺑﻮﺟﻬﻪ ﻭﺣﺎﺭﺑﺘﻪ
ﻻﺧﺮ ﻧﻔﺲ ﻭﺧﻠﻴﺘﻪ ﻳﺘﻨﺎﺯﻝ ﻭﻳﻮﺍﻓﻖ ﻋﻠﻰ ﺯﻭﺍﺟﻨﺎ
ﺍﺭﻳﺪﺝ ﺍﻧﺘﻲ ﻫﻢ ﺗﺤﺎﺭﺑﻴﻦ ﻭﻳﺎﻱ ﻭﺗﺼﺒﺮﻳﻦ
ﻟﺤﺪ ﻣﺎ ﻳﺠﻲ ﺍﻟﻴﻮﻡ ﺍﻟﻲ ﺭﺍﺡ ﻳﺠﻤﻌﻨﺎ ﺳﻮﺓ
ﺩﻧﻜﺖ ﻭﺍﻟﺪﻣﻮﻉ ﻣﺴﺘﻤﺮﺓ ﻣﺴﺢ ﺩﻣﻮﻋﻬﺎ ﺑﻜﻔﻪ
ﻭﺭﻓﻊ ﺭﺍﺳﻬﺎ
ﻗﺎﺳﻢ ﺑﻐﻀﺐ .. ﻟﺞ ﻛﺎﻓﻲ ﻻﺗﺒﺠﻴﻦ ﻳﺎﺭﻭﺡ ﻗﺎﺳﻢ ﻣﻮ ﺷﻌﻠﺘﻲ ﺍﺑﻮ ﺍﺻﻠﻲ
ﻫﺰﺕ ﺭﺍﺳﻬﺎ ﻭﻫﻲ ﺗﺒﺠﻲ
.. ﺷﺴﻮﻱ ﻣﻮ ﺑﻴﺪﻱ ﻏﺼﺐ ﻋﻨﻲ ﺩﻣﻮﻋﻲ ﺗﻐﺪﺭﻧﻲ ﻭﺗﻨﺰﻝ
.. ﻗﺴﻤﺎً ﺑﺎﻟﻠﻪ ﻻ ﺗﺨﻠﻴﻨﻲ ﻫﺴﺔ ﺍﺧﺬﺝ ﻭﺍﻋﻘﺪ ﻋﻠﻴﺞ
ﻭﺍﺿﺮﺏ ﺑﻮﻋﻮﺩﻱ ﻻﺑﻮﺝ ﺑﻌﺮﺽ ﺍﻟﺤﺎﻳﻂ
.. ﻻ ﻗﺎﺳﻢ ﻛﻠﺸﻲ ﻭﻻ ﺯﻋﻞ ﺑﺎﺑﺎ
ﻣﺴﺤﺖ ﺩﻣﻮﻋﻬﺎ
.. ﻫﻮ ﺷﻌﻢ ﻋﻠﻴﻨﺎ ﻏﻴﺮ ﺍﺑﻮﺝ ﻭﺭﺍﺳﻪ ﺍﻟﻴﺎﺑﺲ
ﻋﺎﻧﺪ ﻣﺎ ﻗﺒﻞ ﻧﺘﺰﻭﺝ ﺍﻻ ﺗﺘﺨﺮﺟﻴﻦ
ﻭﺧﻼﻧﻲ ﻻ ﺍﻧﺎ ﻃﺎﻳﻞ ﺳﻤﺎ ﻭﻃﺎﻳﻞ ﺍﺭﺽ
ﺷﻠﻊ ﻛﻠﺒﻲ ﻓﻮﺿﺖ ﺍﻣﺮﻱ ﻟﻠﻪ ﻭﻛﻠﺖ ﻣﻴﺨﺎﻟﻒ
ﺍﺻﺒﺮﻫﺬﺍ ﻛﻠﻪ ﻳﻬﻮﻥ ﻟﻌﻴﻮﻧﺞ
ﻭﻟﻮﻣﺎ ﺍﺑﻮﺝ ﺟﺎﻥ ﻫﺴﺔ ﺍﺣﻨﺎ ﻣﺘﺰﻭﺟﻴﻦ ﻭﻳﺠﻮﺯ ﻋﺪﻧﺎ ﻃﻔﻞ ﻭﻧﺸﻤﺮﻩ ﻋﻠﻰ ﻛﻠﺐ ﺍﻣﻲ
ﻭﻧﻨﻬﺰﻡ ﺍﻧﻲ ﻭﻳﺎﺝ ﻣﻦ ﻫﻮﺳﺘﻪ ﻭﻣﺴﺆﻭﻟﻴﺘﻪ
ﻫﻤﺔ ﻳﺤﺠﻮﻥ
ﻭﺍﻧﺎ ﻓﺎﺗﺤﺔ ﻋﻴﻮﻧﻲ ﻭ ﺣﻠﻜﻲ ﻣﺘﻌﺠﺒﺔ ﻋﻠﻰ ﺍﺧﻮﻱ ﻭﻛﻼﻣﻪ
ﺭﺟﻌﺖ ﻓﺮﻛﺖ ﻋﻴﻮﻧﻲ ﺍﺭﻳﺪ ﺍﺗﺄﻛﺪ ﻣﻌﻘﻮﻟﺔ ﻫﺬﺍ ﻗﺎﺳﻢ ﺍﺧﻮﻱ
ﺍﻟﻲ ﻛﺎﻋﺪ ﻳﺘﺮﻭﻣﺲ ﻛﺪﺍﻣﻲ ﻭﻳﺘﻐﺰﻝ ﺑﺮﻫﻒ
ﻫﺴﻪ ﺷﻠﻮﻥ ﺧﺎﻑ ﺍﻧﻲ ﻓﺎﻳﺘﻪ ﺑﺎﻟﻐﻠﻂ ﺑﻤﺴﻠﺴﻞ ﺗﺮﻛﻲ
ﻭﺍﻟﻠﻪ ﻭﺍﻟﻚ ﻭﻧﺔ ﻳﺎ ﻗﺎﺳﻤﻮﻑ ﻋﻠﻰ ﻛﻮﻟﺔ ﻫﺪﻯ
ﻭﺍﻟﻠﻪ ﻟﻮ ﻫﺴﻪ ﻫﻲ ﻳﻤﻲ ﻭﻧﺘﻔﺮﺝ ﻋﻠﻰ ﻫﺬﺍ ﺍﻟﻔﻠﻢ
ﻳﻤﺔ ﻭﺍﻟﻠﻪ ﺍﻣﻲ ﺗﻨﺠﻠﻂ ﺍﺫﺍ ﺳﻤﻌﺖ ﺣﺠﻴﻬﻢ
ﻋﺰﺯﺯﺯﺯﺯﺓ ...
ﺍﺷﺮﺭﺭﺩ ﻟﻚ ﻫﺬﺍ ﺷﺮﺍﺡ ﻳﺴﻮﻱ
ﻗﺎﺳﻢ .. ﻧﻨﻬﺰﻡ ﻣﻦ ﻫﻮﺳﺘﻬﻢ ﻭﻧﺒﻘﻰ ﺑﺲ ﺍﻧﻲ ﻭﻳﺎﺝ ﻟﻮﺣﺪﻧﺎ
ﺍﻗﺘﺮﺏ ﻣﻨﻬﺎ ﻭﺩﻧﻚ ﺭﺍﺳﻪ ﻋﻠﻰ ﺷﻔﺎﻳﻔﻬﺎ ﻭﻫﻲ ﻋﻴﻮﻧﻬﺎ ﻛﺎﻣﺖ ﺗﻠﻤﻊ
ﺷﻮ ﻫﺎﻱ ﺳﻨﺤﺖ ﺩﺗﻨﺘﻈﺮ ﻣﻬﻨﺪ ﺍﻟﻌﻔﻮ ﻗﺎﺳﻤﻮﻑ ﻳﺒﻮﺳﻬﺎ
ﺍﺣﻲ ﺍﺣﻲ ( ﻭﺍﺣﻨﺎ ﺍﻋﺪﻳﻦ .. ﻭﺍﻧﺎ ﺑﻌﻴﻂ )
ﺟﻨﺖ ﻛﻠﺶ ﻣﻨﺪﻣﺠﺔ ﻭﻳﺎﻫﻢ
ﻭﻣﺎ ﺣﺴﻴﺖ ﺍﻻ ﻭﺍﺟﺘﻨﻲ ﺿﺮﺑﺔ ﻋﺎﻟﺮﺍﺱ
ﻛﻤﺰﺕ ﻣﻦ ﻣﻜﺎﻧﻲ ﻣﺨﺘﺮﻋﺔ ﺍﻟﺘﻔﺘﺖ ﻟﻜﻴﺖ ﻧﺒﻊ ﺍﻟﺤﻨﺎﻥ ﻓﻮﻙ ﺭﺍﺳﻲ
ﻟﺰﻣﺘﻨﻲ ﻣﻦ ﺍﺫﻧﻲ ﻭﺣﺠﺖ ﻣﻦ ﺑﻴﻦ ﺍﺳﻨﺎﻧﻬﺎ
.. ﻭﻟﺞ ﺍﻟﻌﻮﺑﺔ ﺍﻧﺎ ﺍﻟﺞ .. ﺣﺴﺎﺑﻲ ﻭﻳﺎﺝ ﺑﻌﺪﻳﻦ
ﺑﺎﻟﻠﻪ ﺷﻮ ﻭﺧﺮﻱ ﻣﻦ ﻛﺪﺍﻣﻲ
ﺍﺑﺘﻌﺪﺕ ﻋﻦ ﻃﺮﻳﻘﻬﺎ
ﻳﻤﺔ ﻭﺟﺎﻥ ﺍﻡ ﻗﺎﺳﻢ ﺗﺴﻮﻱ ﻋﻠﻴﻬﻢ ﻣﺪﺍﻫﻤﺔ
ﻭﺗﻔﺎﺟﺌﻬﻢ ﺑﻮﺟﻮﺩﻫﺎ
ﻭﺳﻮﺕ ﻓﺮﻛﺶ ﻟﻠﺒﻮﺳﻪ
ﻫﺴﻪ ﺩﺧﻠﻴﻨﺎ ﻧﺘﻔﺮﺝ ﺷﺒﻴﺞ ﻳﺎﺍﻣﻲ ﺍﻟﻐﺎﻟﻴﺔ ﻟﻴﺶ ﻫﻴﺞ
ﺧﺸﻢ ﺍﻟﻮﻟﺪ ﻃﻴﺮﺗﻲ
ﺩﺧﻠﺖ ﻟﻐﺮﻓﺘﻬﺎ ﻭﻋﻴﻮﻧﻬﺎ ﺗﺠﺪﺡ ﻧﺎﺭ ﻭﺗﺨﺰﺭ ﺑﻘﺎﺳﻢ ﻭﺭﻫﻒ
ﺟﻨﺖ ﺣﺎﻃﺔ ﺍﻳﺪﻱ ﻋﻠﻰ ﺣﻠﻜﻲ ﻭﺍﺑﺎﻭﻉ ﻻﻣﻲ ﻧﻈﺮﺍﺗﻬﺎ ﺗﺤﺠﻲ
ﻣﺜﻞ ﺍﻟﻲ ﻳﻜﻮﻝ
( ﻟﺰﻣﺘﻜﻢ ﺑﺎﻟﺠﺮﻡ ﺍﻟﻤﺸﻬﻮﺩ ﺷﻜﺎﻋﺪ ﺗﺴﻮﻭﻭﻭﻭﻥ ﻳﺎ ﻣﻼﻋﻴﻦ ﻣﺜﻞ ﺍﻟﺤﺮﺍﻣﻴﺔ )
ﻭﺟﻪ ﺭﻫﻒ ﻛﺎﻡ ﻳﻨﻄﻲ ﺍﻟﻮﺍﻥ ﺻﺎﺭﺕ ﺗﺮﻓﻚ ﻻﻳﺖ ﺍﺷﺎﺭﺓ ﻣﺎﻝ ﻣﺮﻭﺭ
ﻭﺟﻬﺎ ﺍﺣﻤﺮ ﻭﺍﺧﻀﺮ ﻭﺍﺻﻔﺮ ﻳﺘﻜﻠﺐ
......
ﺍﻣﺎ ﻗﺎﺳﻢ ﺑﺎﻗﻲ ﺻﺎﻣﺪ ﻭﻻ ﻋﺒﺎﻟﻚ ﻣﺴﻮﻱ ﺷﻲ
ﺧﺮﺏ ﻳﻮﻣﻪ ﻭﺍﺛﻖ ﻣﻦ ﻧﻔﺴﻪ
ﺍﻣﻲ ﺧﺰﺭﺕ ﺭﻫﻒ ﻭﻛﺎﻝ ﺑﻨﺘﺮﺓ
.. ﺭﻫﻒ ﺍﻣﺞ ﺗﺴﺄﻝ ﻋﻠﻴﺞ ﺗﺮﻳﺪ ﺗﺮﻭﺡ ﻟﻠﺒﻴﺖ
ﺍﺑﺎﻭﻉ ﻟﺮﻫﻒ ﻛﺎﻣﺖ ﺗﺘﻬﺮﺏ ﺑﻨﻈﺮﺍﺗﻬﺎ ﻭﻣﺎ ﺣﻄﺖ ﻋﻴﻨﻬﺎ ﺑﻌﻴﻦ ﺍﻣﻲ
ﻭﺭﺍﺳﺎ ﺻﺎﺭﺕ ﺑﺒﺎﺏ ﺍﻟﻐﺮﻓﺔ ﺑﺨﻮﺓ ﻭﺣﺪﻩ
.. ﺍﻱ ﻋﻤﺔ ﻫﺴﺔ ﺍﺭﻭﺡ
ﺧﻄﻴﺔ ﻃﻠﻌﺖ ﻣﻦ ﺍﻟﻐﺮﻓﺔ ﺗﺘﻌﺜﺮ ﻣﺮﺗﺒﻜﺔ
ﺍﻣﺎ ﻗﺎﺳﻢ ﺭﻓﻊ ﺣﺎﺟﺒﻪ ﻭﺑﺎﻭﻉ ﻋﻠﻰ ﺍﻣﻲ ﺑﻨﻈﺮﺓ ﺗﺤﺪﻱ
ﻛﺎﻧﻪ ﻳﺮﻳﺪ ﻳﻔﻬﻤﻬﺎ ﻣﺎﻟﺞ ﺣﻖ ﺗﻌﺘﺮﺿﻴﻦ
ﻫﺎﻱ ﺧﻄﻴﺒﺘﻲ ﺍﻟﺤﻘﻴﻘﻴﺔ ﻭﺯﻭﺟﺘﻲ ﺍﻟﻤﺴﺘﻘﺒﻠﻴﻪ
ﻭﺍﻣﻲ ﺑﺎﻭﻋﺖ ﻋﻠﻴﻪ ﺑﻌﻨﺎﺩ
ﻭﺍﻧﺎ ﻭﺍﻛﻔﺔ ﺑﻴﻨﻬﻢ ﺟﻨﻲ ﻗﺮﺩ ﺍﺑﺎﻭﻉ ﻋﻠﻴﻬﻢ ﺑﻨﻈﺮﺓ ﻓﻀﻮﻝ
ﻭﻋﻴﻮﻧﻲ ﺗﺘﻨﻘﻞ ﺑﻴﻨﺎﺗﻬﻢ
ﺍﺷﻮ ﻫﺬﺍ ﻗﺎﺳﻢ ﺍﻟﺘﻔﺖ ﻋﻠﻴﺔ ﻭﺧﺰﺭﻧﻲ
ﻭﺍﺗﺒﻌﺘﻪ ﺍﻣﻲ ﻧﻔﺲ ﺍﻟﺤﺎﻟﺔ ﻫﻢ ﺗﺒﺎﻭﻉ ﻋﻠﻴﺔ
ﻫﺬﻭﻟﻲ ﺷﺒﻴﻬﻢ ﻳﺒﺎﻭﻋﻮﻥ ﻋﻠﻴﺔ
ﺑﻨﻈﺮﺓ ﻛﻠﻬﺎ ﻏﻀﺐ ﺍﻭﻳﻠﻲ
ﺷﺎﻳﻔﻴﻦ ﻣﻦ ﺍﺛﻨﻴﻦ ﻣﻌﺼﺒﻴﻦ ﻭﺍﺛﻨﻴﻨﻬﻢ ﻧﻔﺲ ﺍﻟﻘﻮﺓ
ﻻﺯﻡ ﻳﻠﻜﻮﻟﻬﻢ ﻭﺍﺣﺪ ﺷﻤﺎﻋﺔ ﻳﺒﻬﺬﻟﻮﻥ ﺑﻲ ﻳﻔﺮﻏﻮﻥ ﺷﺤﻨﺔ ﺍﻟﻐﻀﺐ
ﺷﻜﻠﻲ ﻣﻮ ﺭﺍﺡ ﺍﺻﻴﺮ ﺷﻤﺎﻋﺔ ﺭﺍﺡ ﺍﺻﻴﺮ ﺣﺒﻞ ﺷﺮ ﻫﺪﻭﻡ
ﻗﺎﺳﻢ .. ﺍﻧﺘﻲ ﻫﻴﻴﻲ ﺷﻌﻨﺪﺝ ﻭﺍﻛﻔﺔ ﻫﻨﺎ
ﻋﺮﻙ ﻭﺟﻬﻲ ﻣﻦ ﺍﻟﻔﺸﻠﺔ ﻭﺍﺑﺘﺴﻤﺖ ﺍﺭﻳﺪ ﺍﺿﻴﻊ ﺍﻟﺴﺎﻟﻔﺔ
.. ﻫﻬﻬﻪ ﺍﺗﻔﻀﻠﻮﺍ ﺍﺧﺬﻭﺍ ﺭﺍﺣﺘﻜﻢ ﻭﻛﻤﻠﻮﺍ ﻛﻼﻣﻜﻢ
ﻭﺍﻋﺘﺒﺮﻭﻧﻲ ﻣﺎﻣﻮﺟﻮﺩﺓ ﻣﺎ ﻋﻠﻴﻜﻢ ﺑﻴﺔ
ﻗﺎﺳﻢ ﺯﻣﺦ ﺑﻴﺔ
.. ﺍﻛﻮﻝ ﺳﻮﺳﺔ ﺗﻤﺸﻴﻦ ﻣﻨﺎ ﻻ ﻭﺭﺏ ﺍﻟﻜﻌﺒﺔ
ﺍﻋﻠﻜﺞ ﺑﺎﻟﺒﻨﻜﺔ
ﻋﺰﺓ ﺍﻧﻲ ﻫﻲ ﻛﻤﺰﺓ ﻭﻫﻲ ﻃﻔﺮﺓ ﻭﺑﻘﺪﺭﺓ ﻗﺎﺩﺭ ﺍﺧﺘﻔﻴﺖ ﻣﻦ ﻛﺪﺍﻣﻬﻢ
ﻃﻠﻌﺖ ﻣﻦ ﻳﻤﻬﻢ ﻭﺍﻧﺎ ﺍﻓﻜﺮ ﺑﺎﻟﻲ ﺳﻤﻌﺘﻪ
ﻣﺎ ﺍﻋﺮﻑ ﻣﻨﻮ ﺍﻛﺜﺮ ﻭﺍﺣﺪ ﺭﺍﺡ ﻳﻨﻈﻠﻢ ﺑﻬﺬﺍ ﺍﻟﺰﻭﺍﺝ
ﻫﺪﻯ ﻟﻮ ﻗﺎﺳﻢ ﻟﻮ ﺭﻫﻒ
ﻣﺮ ﻣﻦ ﻳﻤﻲ ﺟﻬﺎﻝ ﻛﻮﺛﺮ ﺯﻳﻦ ﻭﺯﻳﺪ
ﻳﺘﺮﺍﻛﻀﻮﻥ ﻭﺑﻴﺪﻫﻢ ﻃﻮﺑﺔ
ﻫﺎﻟﺔ .. ﻭﻟﻚ ﺯﻳﻦ ﻭﺍﻟﻠﻪ ﺍﺷﻠﻊ ﺍﺫﺍﻧﺎﺗﻚ ﺍﺫﺍ ﻟﻜﻴﺘﻚ ﺗﻠﻌﺐ ﻃﻮﺑﺔ ﺑﺎﻟﺒﻴﺖ
ﺯﻳﻦ .. ﺧﺎﻟﺘﻮ ﺍﺣﻨﺎ ﺩﻧﻠﻌﺐ ﺑﺮﺓ ﺑﺎﻟﺤﺪﻳﻘﺔ ﻭﺩﺧﻠﻨﺎ ﻟﻠﺒﻴﺖ ﻋﻠﻤﻮﺩ ﻧﺸﺮﺏ ﻣﺎﻱ
.. ﻣﻮ ﺗﺨﺮﺑﻮﻥ ﺍﻟﺤﺪﻳﻘﺔ ﻭﺍﻟﺰﺭﻉ
ﺍﻣﻮﺗﻜﻢ
ﻋﻜﺪ ﺣﻮﺍﺟﺒﻪ .. ﻟﻌﺪ ﻭﻳﻦ ﻧﻠﻌﺐ
.. ﺭﻭﺡ ﺍﻟﻌﺐ ﺑﺒﻴﺖ ﺍﺑﻮﻙ ﻣﻮ ﺟﺎﻱ ﻋﺪﻧﺎ
ﺗﻠﻌﺐ
ﺍﺟﺘﻲ ﻣﻨﻰ ﻭﻛﻮﺛﺮ
ﻛﻮﺛﺮ .. ﻋﻠﻰ ﻛﻴﻔﺞ ﻭﻳﺔ ﺟﻬﺎﻟﻲ ﺷﺒﻴﺞ ﺗﺼﻴﺤﻴﻦ ﻋﻠﻴﻬﻢ
ﺍﻧﺘﻲ ﻏﻴﺮ ﺧﺎﻟﺔ
ﺍﻧﺎ ﺍﻋﺮﻑ ﺍﻟﺨﺎﻻﺕ ﻳﺼﻴﺮﻭﻥ ﺣﻨﻮﻧﺎﺕ
.. ﻳﺎ ﺍﺧﺘﻲ ﺟﺮﺑﻲ ﻋﻴﺸﻲ ﻭﻳﺔ ﺍﻡ ﻗﺎﺳﻢ
ﻭﺷﻮﻓﻲ ﺷﻠﻮﻥ ﻳﻄﻴﺢ ﺣﻈﺞ ﺑﺎﻟﺸﻐﻞ ﻣﻦ ﻭﺭﺓ ﻣﺎ ﺗﻄﻠﻌﻮﻥ ﻣﻦ ﺍﻟﺒﻴﺖ
ﻭﺑﻌﺪﻳﻦ ﺗﻌﺎﻟﻲ ﻛﻠﻴﻠﻲ ﺧﺎﻟﺔ ﺣﻨﻮﻧﺔ
ﺍﻣﺞ ﻣﺪﺧﻠﺘﻨﺎ ﺑﺎﻻﻧﺬﺍﺭ ﻭﺗﻌﺎﻟﻲ ﻳﺎ ﻫﺎﻟﺔ
ﻛﺮﺑﻲ ﻭﻧﻈﻔﻲ ﻭﺭﺓ ﺧﻮﺍﺗﺞ ﻭﺟﻬﺎﻟﻬﻢ
ﻣﻨﻰ .. ﻳﻤﺔ ﻓﺪﻳﺖ ﺟﻬﺎﻟﻲ
ﻫﻤﺰﻳﻦ ﺍﻧﻲ ﻋﻨﺪﻱ ﺑﺲ ﺍﺛﻨﻴﻦ ﻭﻋﻘﺎﻝ
ﻛﻮﺛﺮ .. ﺣﻤﺪﻱ ﺭﺑﺞ ﻭﺷﻜﺮﻳﻪ ﻋﻠﻰ ﺟﻬﺎﻟﻲ ﺩﺗﻌﺎﻟﻲ ﺷﻮﻓﻲ ﺟﻬﺎﻝ
ﻓﺎﻃﻤﺔ ﺷﻠﻮﻥ ﺷﻴﺎﻃﻴﻦ ﺟﻬﺎﻟﻲ ﻣﻼﺋﻜﺔ
ﺑﺎﻟﻨﺴﺒﺔ ﺍﻟﻬﻢ
ﻫﺎﻟﺔ .. ﻭﺍﻟﻠﻪ ﺍﻧﺎ ﻣﺎ ﻋﻨﺪﻱ ﻟﺤﻴﺔ ﻣﺴﺮﺣﺔ ﺍﻃﻚ ﺭﺍﺱ ﺑﺮﺍﺱ
ﻻ ﺗﺴﺘﻐﺮﺑﻮﻥ ﺍﺫﺍ ﺷﻔﺘﻮﺍ ﻃﻔﻞ ﻣﺮﺑﻂ ﺑﺎﻟﺤﺒﻞ
ﻟﻮ ﻣﻌﻠﻚ ﻋﺎﻟﺸﺠﺮﺓ ﻟﻮ ﺷﻔﺘﻮﺍ ﻭﺍﺣﺪ ﻣﻨﺘﻮﻝ ﻋﺎﺩﻱ ﻛﻮﻟﻮ ﻫﺎﻱ ﻫﺎﻟﺔ
.....
ﺳﻤﻌﺖ ﺻﻮﺕ ﻓﺎﻃﻤﺔ ﺍﺧﺘﻲ ﺍﻟﺠﺒﻴﺮﺓ
ﺍﺟﺔ ﻣﻦ ﻭﺭﺍﻱ ﻳﻤﺔ ﻭﺍﻧﺎ ﻛﻤﺰﺕ ﻣﻦ ﻣﻜﺎﻧﻲ
ﺍﺑﺎﻭﻉ ﻋﻠﻴﻬﺎ ﺟﺎﻧﺖ ﻛﻠﺶ ﺿﺨﻤﺔ ﻭﻃﻮﻳﻠﺔ
ﻫﻲ ﻭﻗﺎﺳﻢ ﻛﻠﺶ ﻳﺘﺸﺎﺑﻬﻮﻥ ﻭﺷﺨﺼﻴﺔ ﻛﻠﺶ ﻗﻮﻳﺔ
ﻭﺍﻧﻲ ﺍﺣﺘﺮﻣﻬﺎ ﻣﺜﻞ ﺍﻣﻲ ﻭﻣﺎ ﺍﻛﺪﺭ ﺍﺑﻴﻊ ﺍﻟﻤﻴﺎﻧﺔ
ﻭﻳﺎﻫﺎ ﻣﺜﻞ ﻣﺎ ﻭﻳﺔ ﻣﻨﻰ ﻭﻛﻮﺛﺮ
ﻓﺎﻃﻤﺔ .. ﻟﺞ ﻫﺎﻟﺔ ﺷﺒﻴﻬﻢ ﺟﻬﺎﻟﻲ
ﺑﺎﻭﻋﺖ ﻋﻠﻴﻬﺎ ﻭﺍﺑﺘﺴﻤﺖ ﺑﻮﺟﻬﺎ
.. ﺷﺒﻴﻬﻢ ﺍﻭﻻﺩﺝ ﺳﻼﻡ ﺍﻟﻠﻪ ﻋﻠﻴﻬﻢ ﻳﺨﺒﻠﻮﻥ ﻭﻧﻌﻤﺔ ﺍﻟﺘﺮﺑﻴﺔ ﻭﺍﻻﺧﻼﻕ
ﺍﺑﺎﻭﻉ ﻟﻤﻨﻰ ﻭﻟﻜﻮﺛﺮ ﺧﺮﺑﺎﻧﺎﺕ ﺿﺤﻚ ﻋﻠﻴﺔ
ﻓﺎﻃﻤﺔ .. ﺍﻱ ﻣﻮ ﺍﻛﻮﻝ ﺍﻧﺎ ﻣﻨﺒﻬﺔ ﻋﻠﻴﻬﻢ ﻣﺎ ﻳﺼﻴﺮﻭﻥ ﻭﻛﺢ
ﺍﻱ ﺻﺪﻙ ﺑﻨﺎﺕ ﺍﻣﻲ ﻛﺎﻟﺖ ﺍﺧﺬﻱ ﺧﻮﺍﺗﺞ ﺭﻭﺣﻲ ﻟﺒﻴﺖ ﺍﻫﻞ ﺧﻄﻴﺒﺔ ﻗﺎﺳﻢ
ﻓﺤﻀﺮﻭﺍ ﻧﻔﺴﻜﻢ ﻋﺎﻟﻌﺼﺮ ﻧﺮﻭﺡ
.. ﺗﻤﺎﻡ ﻟﻌﺪ ﺧﻠﻲ ﺍﺭﻭﺡ ﺍﻏﺪﻱ ﺟﻬﺎﻟﻲ ﻭﺍﻧﻮﻣﻬﻢ
ﻛﻮﺛﺮ ﺭﺍﺣﺖ
ﻭﺑﻘﻮﺍ ﻓﺎﻃﻤﺔ ﻭﻣﻨﻰ ﻳﺴﻮﻟﻔﻮﻥ
ﻭﺳﻤﻌﺖ ﺻﻮﺕ ﺍﻟﺠﺮﺱ ﺍﻧﺪﻙ
.. ﺻﻠﻮﺍﺕ ﺍﻟﻴﻮﻡ ﻛﻞ ﺷﻮﻳﺔ ﻳﺠﻮﻧﺎ ﺧﻄﺎﺭ ﻣﺎ ﺣﻜﻴﻨﺎ ﺭﺍﺳﻨﺎ
ﻓﺎﻃﻤﺔ .. ﻫﺎﻱ ﻋﻠﻤﻮﺩ ﺧﻄﻮﺑﺔ ﻗﺎﺳﻢ ﺑﺎﺟﺮ
ﻃﻠﻌﺖ ﺍﻓﺘﺢ ﺍﻟﺒﺎﺏ ﻟﻜﻴﺖ ﻗﺎﺳﻢ ﻃﺎﻟﻊ ﻗﺒﻠﻲ ﻟﻠﺒﺎﺏ ﻳﺮﻳﺪ ﻳﻔﺘﺤﻪ
ﺭﺟﻌﺖ ﺩﺧﻠﺖ ﻟﻠﻤﻄﺒﺦ ﻭﺷﻔﺖ ﺳﺮﻭﺭ
ﻣﺒﺴﻄﺔ ﺑﺎﻟﻤﻄﺒﺦ ﻛﺎﻋﺪﺓ ﺗﻠﻒ ﻛﺒﺐ ﻭﻳﻤﻬﺎ ﺻﻮﺍﻧﻲ ﻛﺒﺐ
ﺷﺎﻓﺘﻨﻲ .. ﺍﻱ ﻫﻤﺰﻳﻦ ﺍﺟﻴﺘﻲ ﺍﻟﻠﻪ ﺟﺎﺑﺞ
ﺗﻌﺎﻟﻲ ﺍﺧﺬﻱ ﻏﻠﻔﻲ ﻫﺎﻱ ﺍﻟﺼﻮﺍﻧﻲ ﻭﺣﻄﻴﻬﻢ ﺑﺎﻟﻔﺮﻳﺰ
ﺧﻠﻴﻬﻢ ﺟﻮﺓ ﺍﻳﺪﻧﺎ ﻳﻔﻴﺪﻭﻧﺎ ﻟﻠﻌﺸﻴﺎﺓ
ﺳﺮﻭﺭ ﺑﻴﻬﺎ ﻃﺒﻴﻌﺔ ﻛﻠﻤﺎ ﺗﻨﺰﻝ ﻣﺠﺎﺯﺓ ﻭﺗﺠﻲ ﻟﺒﻴﺘﻨﺎ
ﺗﺴﺘﻠﻢ ﺷﻐﻞ ﺍﻟﻤﻄﺒﺦ ﻭﺍﻟﻄﺒﺦ ﻋﻦ ﺍﻣﻲ
ﻭﺗﻜﻌﺪ ﺗﻠﻒ ﻛﺒﺐ ﻭﺳﻤﺒﻮﺳﺔ ﻭﺗﺴﻮﻳﻠﻬﺎ ﻛﻢ ﺟﺪﺭ ﺩﻭﻟﻤﺔ
ﻭﺗﻀﻤﻬﻢ ﺑﺎﻟﻔﺮﻳﺰ ﻭﻃﺒﺨﻬﺎ ﻧﻔﺲ ﻃﺒﺦ ﺍﻣﻲ ﻛﻠﺶ ﻃﻴﺐ
ﻫﻲ ﻣﺘﺰﻭﺟﺔ ﺑﺎﻟﺤﻠﺔ
ﻭﻓﺎﻃﻤﺔ ﻣﺘﺰﻭﺟﺔ ﺑﺎﻟﺒﺼﺮﺓ ﻭﺑﺎﻟﻌﻄﻞ ﻭﺍﻟﻤﻨﺎﺳﺒﺎﺕ ﻳﺠﻮﻥ
ﺍﺧﺬﺕ ﺍﻟﺼﻮﺍﻧﻲ ﻭﺿﻤﻴﺘﻬﻢ ﺑﺎﻟﻔﺮﻳﺰ
ﻭﺳﻤﻌﺖ ﺻﻮﺕ ﺧﺎﻟﺔ ﺍﻡ ﻓﺮﺯﺩﻕ ﻫﻲ ﻭﺍﻡ ﺻﻬﻴﺐ
ﺩﺧﻠﻮ ﻟﻠﻤﻄﺒﺦ ﻭﺭﺣﺖ ﺍﺗﺴﺘﻘﺒﻠﺘﻬﻢ ﻭﺳﻠﻤﺖ ﻋﻠﻴﻬﻢ
ﻭﺍﺟﺘﻲ ﺍﻣﻲ ﻫﻲ ﻭﺍﻟﺒﻨﺎﺕ ﺳﻠﻤﻮﺍ ﻋﻠﻴﻬﻢ
ﺍﻡ ﻗﺎﺳﻢ .. ﺗﻌﺎﻟﻲ ﺍﺗﻔﻀﻠﻮ ﻛﻌﺪﻭﺍ ﺟﻮﺓ
ﺍﻡ ﻓﺮﺯﺩﻕ .. ﻻ ﺧﻠﻴﻨﺎ ﻧﻜﻌﺪ ﻫﻨﺎ
ﻫﺴﺔ ﻗﺎﺑﻞ ﺍﺣﻨﺎ ﺧﻄﺎﺭ ﺍﻧﺎ ﺍﺣﺐ ﻛﻌﺪﺓ ﺍﻟﻤﻄﺒﺦ
ﻛﻌﺪﻭﺍ ﻋﺎﻟﻘﻨﻔﺔ ﺟﺎﻥ ﻣﻄﺒﺨﻨﺎ ﺑﻲ ﻧﺺ ﻃﺨﻢ ﻗﻨﻔﺎﺕ ﻭﺑﻲ ﻣﻴﺰ ﻃﻌﺎﻡ ﻭﻛﺮﺍﺳﻲ ﻭﺗﻠﻔﺰﻳﻮﻥ
ﻭﻋﺪﻧﺎ ﻣﻄﺒﺦ ﺛﺎﻧﻲ ﺍﺻﻐﺮ ﻣﻦ ﻫﺬﺍ .. ﻣﻄﺒﺦ ﺣﺎﺭ ﻧﻄﺒﺦ ﺑﻲ
ﺳﻠﻤﺖ ﻋﻠﻴﻨﺎ ﻭﺣﺪﺓ ﻭﺣﺪﺓ
ﻭﺑﺎﻭﻋﺖ ﻟﺴﺮﻭﺭ ﺍﻟﻲ ﺭﺟﻌﺖ ﻛﻌﺪﺕ ﺗﻜﻤﻞ ﻟﻒ
.. ﻫﺎ ﺧﺎﻟﺔ ﺳﺮﻭﺭ ﺷﻠﻮﻧﻬﻢ ﻋﻴﺎﻟﺞ ﻭﻳﺎﺝ ﺧﻮ ﻣﺎ ﺑﻌﺪﻫﻢ
ﻳﺤﺠﻮﻥ ﻋﻠﻰ ﺳﺎﻟﻔﺔ ﺍﻟﺨﻠﻔﺔ
.. ﻭﺍﻟﻠﻪ ﻳﺎ ﺧﺎﻟﺔ ﺑﻌﺪﻫﻢ ﻳﻠﺤﻮﻥ ﻋﻠﻴﺔ ﻳﺮﺩﻭﻧﻲ ﺍﺣﺒﻞ
ﻭﺍﺟﻴﺒﻠﻬﻢ ﻭﻟﺪ ﻳﻜﻮﻟﻮﻥ ﺟﺒﺘﻲ ﺍﺛﻨﻴﻦ ﺑﻨﺎﺕ ﺑﺲ ﻻ ﺗﻄﻠﻌﻴﻦ ﻣﺜﻞ ﺍﻣﺞ
.. ﻳﺎﺧﺎﻟﺔ ﺍﻟﻠﻪ ﻳﻬﺪﻳﻬﻢ ﺍﻟﺞ
ﺍﻡ ﻗﺎﺳﻢ .. ﻳﻤﺔ ﻭﺍﻟﻠﻪ ﻫﺬﻭﻟﻲ ﻋﻴﺎﻟﺞ ﻣﺘﺒﻄﺮﻳﻦ
ﻭﺍﻟﻠﻪ ﺍﻟﺒﻨﻴﺔ ﻧﻌﻤﺔ ﻣﻦ ﺍﻟﻠﻪ ﺷﻮﻓﻲ ﻫﺎﻱ ﺍﻧﺘﻮﺍ ﺑﻨﺎﺕ
ﺷﺤﻼﺗﻜﻢ ﻣﻦ ﺗﻨﺠﻤﻌﻮﻥ ﺑﺒﻴﺘﻲ ﻭﺍﺷﻮﻓﻜﻢ ﺗﻤﺮﻭﻥ ﻋﻠﻴﺔ
ﻭﺗﺴﺎﻋﺪﻭﻧﻲ ﺑﺎﻟﺒﻴﺖ ﻭﻣﻦ ﺍﺗﻤﺮﺽ ﺍﻟﻜﺎﻛﻢ ﻓﻮﻙ ﺭﺍﺳﻲ
ﺍﻟﺒﻨﻴﺔ ﺣﺒﻴﺒﺔ ﺍﻣﻬﺎ ﻭﺣﻨﻴﻨﺔ ﻭﺍﻟﺒﻴﺖ ﺍﻟﻤﺎ ﺑﻲ ﺑﻨﻴﺔ
ﻣﺎ ﺑﻲ ﺣﻨﻴﺔ
.....
ﺍﻱ ﻭﺍﻟﻠﻪ ﺻﺪﻛﺘﻲ ﻋﺎﺵ ﺣﻠﻜﺞ
ﺍﻡ ﻓﺮﺯﺩﻕ .. ﻭﺍﻧﺘﻲ ﻳﻤﺔ ﻓﺎﻃﻤﺔ ﺷﻠﻮﻧﺞ ﻭﺷﻠﻮﻥ ﺍﻫﻞ ﺍﻟﺒﺼﺮﺓ ﻭﻳﺎﺝ
ﻓﺎﻃﻤﺔ .. ﺧﺎﻟﺔ ﺑﺨﻴﺮ ﻭﺍﻟﺤﻤﺪﻟﻠﻪ ﻻ ﺍﻧﺎ ﻋﻜﺲ ﺳﺮﻭﺭ
ﺍﻧﺎ ﻫﻨﺎﻙ ﺍﻟﻜﻞ ﺑﺎﻟﻜﻞ ﺑﺤﻴﺚ ﻳﻐﺮﻛﻮﻥ
ﺍﺫﺍ ﺍﻛﻠﻠﻬﻢ ﺭﺍﺡ ﺍﺳﺎﻓﺮ ﻳﻜﻮﻟﻮﻥ ﺍﻟﺒﻴﺖ ﻳﺼﻴﺮ ﺣﻠﻞ
ﻋﻤﻲ ﻭﻋﻤﺘﻲ ﻳﻤﻮﺗﻮﻥ ﻋﻠﻴﺔ
.. ﺍﻟﻠﻪ ﻳﺮﺿﻰ ﻋﻠﻴﻬﻢ ﻭﻳﺪﻳﻤﻬﺎ ﻋﻠﻴﺞ ﻳﺨﺎﻟﺔ
ﻭﺑﻌﺪﻫﺎ ﺍﻧﻄﻠﻘﺖ ﺍﻡ ﻓﺮﺯﺩﻕ ﻭﺍﻣﻲ ﻭﺍﻡ ﺻﻬﻴﺐ ﻭﺧﻮﺍﺗﻲ
ﺑﺎﻟﺴﻮﺍﻟﻒ
ﻋﻠﻰ ﺍﻟﺨﻄﻮﺑﺔ ﻭﺷﻨﻮ ﺭﺍﺡ ﻳﺴﻮﻭﻥ
ﻭﻣﻨﻮ ﺭﺍﺡ ﻳﺮﻭﺡ ﻟﻠﺨﻄﻮﺑﺔ
ﺍﻡ ﻓﺮﺯﺩﻕ .. ﺍﻱ ﺻﺪﻙ ﺍﻡ ﻗﺎﺳﻢ ﺍﺗﺬﻛﺮﺕ ﺷﺼﺎﺭ ﻋﻠﻰ ﺳﺎﻟﻔﺔ ﻭﻟﻴﺪﺝ ﻫﺸﺎﻡ ﺍﺑﻦ ﻛﺎﻇﻢ ﻣﺎ ﻟﻜﻴﺘﻮ؟؟؟
ﺍﻡ ﻗﺎﺳﻢ ﺟﺮﺕ ﺣﺴﺮﺓ ﻭﻛﺎﻟﺖ .. ﻻ ﻭﺍﻟﻠﻪ ﻣﺎ ﻟﻜﻴﻨﺎﻩ
ﻣﺎ ﻇﻞ ﻭﺍﺣﺪ ﻣﻦ ﺍﺻﺪﻗﺎﺀﻩ ﻣﺎ ﺳﺄﻟﻨﺎﻩ ﻣﺤﺪ ﻳﻌﺮﻑ ﻣﻜﺎﻧﻪ
ﻭﻟﻮ ﺗﺸﻮﻓﻴﻦ ﻗﺎﺳﻢ ﺻﺎﺭﻟﻪ ﻳﻮﻣﻴﻦ ﻣﺎ ﻳﺎﻛﻞ ﻭﻻ ﻳﺸﺮﺏ ﻳﻄﻠﻊ ﻣﻦ ﺍﻟﺼﺒﺢ ﻳﺮﺟﻊ ﻟﻠﻴﻞ ﻳﺪﻭﺭ ﻋﻠﻴﻪ
ﻭﻣﺎﻛﻮ ﻣﺎﻟﻪ ﺍﻱ ﺍﺛﺮ ﻳﻜﻮﻝ ﻓﺺ ﻣﻠﺢ ﻭﺫﺍﺏ
ﺑﺲ ﺍﻟﺒﺎﺭﺣﺔ
ﻛﻠﻒ ﺻﺪﻳﻘﻪ ﺍﻟﻀﺎﺑﻂ ﻭﺍﻧﻄﺎﻩ ﻣﻮﺍﺻﻔﺎﺕ
ﻫﺸﺎﻡ ﻭﺻﻮﺭﻩ ﻛﻠﻪ ﺭﺍﺡ ﺍﻋﻤﻢ ﺻﻮﺭﻩ ﻋﻠﻰ ﺟﻤﻴﻊ ﺍﻟﻤﺪﻳﺮﻳﺎﺕ
ﺍﻡ ﻓﺮﺯﺩﻕ .. ﺍﻛﻠﺞ ﺯﻳﻦ ﻭﺍﺑﻮﻩ ﻭﻋﻤﺎﻣﻪ ﻭﻳﻦ ﻣﻦ ﻫﺬﺍ ﻛﻠﻪ
ﻭﻻ ﻋﺒﺎﻟﻚ ﺍﺑﻨﻬﻢ ﻟﻮ ﻳﻌﻮﺩﻟﻬﻢ
ﺍﻡ ﻗﺎﺳﻢ .. ﺷﺤﺠﻴﻠﺞ ﺧﻴﺔ ﺧﻠﻴﻬﺎ ﺳﻜﺘﺔ
ﻫﺬﺍ ﻛﺎﻇﻢ ﺗﻌﺮﻓﻴﻨﻪ ﺍﻣﺮﻩ ﻣﻮ ﺑﻴﺪﻩ ﺑﻴﺪ ﻣﺮﻳﺘﻪ
ﺷﻮﺭﺓ ﻛﻠﺔ ﻣﻦ ﻣﺮﺗﻪ ﻫﻲ ﺍﻟﻲ ﻫﺠﺠﺖ ﺍﻟﻮﻟﺪ ﻣﻦ ﺍﻟﺒﻴﺖ
ﻭﻋﻤﺎﻣﻪ ﻣﺤﻤﺪ ﻭﻓﻼﺡ
ﻣﺎ ﻳﻜﻮﻟﻮﻥ ﻟﻠﻔﻠﻚ ﻭﻟﻚ ﺷﺎﻳﻠﻴﻦ ﺍﻳﺪﻫﻢ ﻻﻥ ﻣﻮ ﻣﻦ ﻣﺴﺘﻮﺍﻫﻢ
ﻳﺪﻭﺭﻭﻥ ﻋﻠﻴﻪ
ﻭﺍﻟﻠﻪ ﻟﻮ ﻋﻨﺪﻩ ﻓﻠﻮﺱ ﺟﺎﻥ ﺷﻔﺘﻴﻬﻢ ﺷﻠﻮﻥ ﺍﺟﻮﺍ ﻳﺮﻛﻀﻮﻥ
ﺑﺲ ﻣﻜﺮﻭﺩ ﻭﻟﻴﺪﻱ ﻫﺸﺎﻡ ﻳﺘﻴﻢ ﻭﻣﺎﻟﻪ ﺍﺣﺪ
ﻭﻟﻮﻣﺎ ﻗﺎﺳﻢ ﺟﺎﻥ ﺿﺎﻉ ﺍﻟﻮﻟﺪ ﻣﻦ ﺯﻣﺎﻥ
ﺍﻡ ﻓﺮﺯﺩﻕ .. ﻳﺎﺭﺑﻲ ﻭﺍﻟﻠﻪ ﻳﻜﺴﺮ ﺧﺎﻃﺮﻱ ﻫﺎﻟﻮﻟﺪ
.. ﺳﻜﺘﻲ ﺣﺘﻰ ﻓﺮﺣﺘﻲ ﺑﺨﻄﻮﺑﺔ ﻗﺎﺳﻢ ﺑﺎﻫﺘﺔ
ﻭﺟﻬﻨﺎ ﻓﺎﻫﻲ ﺑﺪﻭﻧﻪ
.. ﺍﻟﻠﻪ ﻳﺮﺩﻩ ﻟﺤﻀﻨﺞ ﺑﺎﻟﺴﻼﻣﺔ
.. ﺍﻣﻴﻦ ﻳﺎﺭﺏ ﺍﻟﻠﻪ ﻳﺴﻤﻊ ﻣﻨﺞ
ﻫﺪﻯ
ﻣﺮﺕ ﺍﻻﻳﺎﻡ
ﻭﻣﻦ ﻳﻮﻡ ﺍﻟﺼﺎﺭ ﺑﻌﺪ ﻣﺎ ﺷﻔﺖ ﻗﺎﺳﻢ
ﻋﻜﺲ ﺧﻮﺍﺗﻪ ﺍﻣﻪ ﻳﻮﻣﻴﺔ ﻣﻜﺎﺑﻠﻴﻨﻲ
ﺍﺧﺬﻭﻧﻲ ﺣﺎﺻﻞ ﻓﺎﺻﻞ ﻣﺎ ﻟﺤﻜﺖ ﺣﺘﻰ ﺍﻛﻌﺪ ﻭﻳﺔ ﺭﻭﺣﻲ ﻭﺍﺧﺎﻑ
ﻛﻞ ﻳﻮﻡ ﻳﻤﺮﻭﻥ ﻋﻠﻴﺔ
ﻭﻳﺎﺧﺬﻭﻧﻲ ﺗﺠﻬﻴﺰ ﻋﻠﻰ ﺣﺠﺰ
ﻋﻠﻰ ﺻﺎﻟﻮﻥ ﻋﻠﻰ ﺣﻔﺎﻓﺔ
ﺍﺗﺬﻛﺮ ﺑﻴﻮﻡ ﺍﺟﻮﻧﻲ ﺧﻮﺍﺗﻪ ﺍﻟﺒﻘﻴﺔ ﻓﺎﻃﻤﺔ ﻭﺳﺮﻭﺭ ﻭﻣﻨﻰ ﻭﻛﻮﺛﺮ
ﺑﺎﻟﻠﻪ ﺍﻧﻲ ﺍﺗﺬﻛﺮ ﻋﻠﻰ ﻣﻨﻰ ﻭﻛﻮﺛﺮ ﻛﺒﻞ ﺟﺎﻧﻮﺍ ﻳﺪﺭﺳﻮﻥ ﺧﻮﺍﺗﻲ ﻭﻣﻦ ﺍﺟﻲ ﺍﻟﻌﺐ ﻳﻤﻬﻢ ﺍﺷﻮﻓﻬﻦ ﻣﻦ ﻳﺤﻠﻮﻥ ﻣﻦ ﺍﻟﻜﻠﻴﺎﺕ
ﺑﺲ ﻋﻨﺪﻫﻢ ﺍﺧﺘﻬﻢ ﺍﻟﺠﺒﻴﺮﺓ ﻓﺎﻃﻤﺔ ﻭﺳﺮﻭﺭ
ﻋﺰﺯﺓ ﻓﺎﻃﻤﺔ ﻟﻮﺭﻱ ﻣﺎﻝ ﺣﻤﻞ ﺿﺨﻤﺔ ﻭﻃﻮﻳﻠﺔ
ﺗﺸﺒﻪ ﺍﺧﻮﻫﺎ ﺑﺲ ﻗﺎﺳﻢ ﺭﺟﺎﻝ ﻻﻳﻚ ﻋﻠﻴﻪ ﺍﻟﻀﺨﺎﻣﺔ
ﺍﻻ ﻓﺎﻃﻤﺔ ﻛﺎﺭﺛﺔ ﻳﻤﺔ ﻭﻣﺒﻴﻦ ﺷﺨﺼﻴﺘﻬﺎ ﻗﻮﻳﺔ ﻭﺻﺎﺭﻣﺔ
ﺑﺤﻴﺚ ﻣﻦ ﺗﺠﻲ ﻫﻲ ﻭﺍﻟﺒﻨﺎﺕ ﻭﺍﻃﻠﻊ ﻭﻳﺎﻫﻢ ﻟﻠﺴﻮﻙ
ﻣﺎ ﺍﻓﺘﺢ ﺣﻠﻜﻲ ﻭﺷﻨﻮ ﺗﺨﺘﺎﺭ ﺍﻛﻠﻠﻬﺎ ﺣﻠﻮ
ﺍﺧﺎﻑ ﺍﺣﺠﻲ ﺍﺗﺨﻠﻴﻬﺎ ﺗﺴﺤﻠﻨﻲ ﺑﺎﻟﺸﺎﺭﻉ ﺍﺫﺍ ﺍﻛﻮﻝ ﻻ
ﺍﻭ ﻣﺎ ﻳﻌﺠﺒﻨﻲ ﺍﻣﺎ ﺍﻟﺒﻘﻴﺔ ﻻ ﺣﺒﺎﺑﺎﺕ ﺍﻻ ﻫﺪﻳﻞ ﻟﺤﺪ ﻫﺴﺔ ﻣﺎ ﺍﺟﺘﻲ ﻭﻻ ﺷﻔﺘﻬﺎ
ﺟﻨﺖ ﻣﺎﺧﺬﺓ ﺍﺟﺎﺯﺓ ﻣﻦ ﺍﻟﻜﻠﻴﺔ ﻻﻥ ﻣﺎ ﺍﻟﺤﻚ ﺍﻛﻤﻞ ﺷﻐﻼﺗﻲ
ﻭﺷﻴﻤﺎﺀ ﺧﻄﻴﺔ ﻫﻢ ﺻﺎﺩﻑ ﻣﺎﺧﺬﺓ ﺍﺟﺎﺯﺓ ﻋﻠﻤﻮﺩ
ﺟﺮﺣﻬﺎ
......
ﻭﺍﻟﻴﻮﻡ ﺍﻟﺨﻄﻮﺑﺔ ﻭﺍﻟﺒﻴﺖ ﻣﺨﺒﻮﺹ ﻭﺷﻴﻤﺎﺀ ﺗﺤﻮﻡ ﻓﻮﻙ ﺭﺍﺳﻲ ﻭﺍﻧﻲ ﻛﻠﺒﻲ ﻳﺮﺩ ﻳﻮﻛﻒ ﻣﻦ ﺍﻟﺨﻮﻑ
ﻣﺎ ﺍﻋﺮﻑ ﺷﻨﻮ ﺍﺳﻮﻱ ﻭﺍﻟﻲ ﺯﺍﺩ ﺧﻮﻓﻲ ﻣﻦ ﺍﺗﺼﻠﺖ ﺍﻡ ﻗﺎﺳﻢ ﻭﻛﺎﻟﺖ ﺟﻬﺰﻭﻫﺎ ﺍﻟﻴﻮﻡ ﻧﺠﻴﺐ ﺍﻟﺴﻴﺪ ﻭﻧﻌﻘﺪ
ﺑﻌﺪﻣﺎ ﺭﺟﻌﺖ ﻣﻦ ﺍﻟﺼﺎﻟﻮﻥ ﺳﻮﺗﻠﻲ ﻣﻴﻚ ﺍﺏ ﺧﻔﻴﻒ
ﻭﻧﺰﻟﺖ ﺷﻌﺮﻱ ﻭﺍﻧﻲ ﻣﻨﺎ ﺣﻔﻴﺖ ﺣﻮﺍﺟﺒﻲ ﻭﻭﺟﻬﻲ ﻃﻠﻊ ﻏﻴﺮ ﺷﻲ
ﻭﻋﻴﻮﻧﻲ ﺑﻴﻨﺖ ﺍﻛﺜﺮ
ﺍﺑﺎﻭﻉ ﻟﺮﻭﺣﻲ ﻫﺎﻱ ﻣﻮ ﺍﻧﻲ
ﻣﺮﺍﺕ ﺍﺻﻔﻦ ﻭﺍﻛﻮﻝ ﺷﻴﺼﻴﺮ ﻟﻮ ﻫﺎﻱ ﺧﻄﻮﺑﺘﻲ
ﻣﻦ ﻭﺍﺣﺪ ﻳﺤﺒﻨﻲ ﻭﺍﺣﺒﻪ
ﻳﻤﻜﻦ ﺑﻠﺤﻈﺘﻬﺎ ﺭﺍﺡ ﻳﻜﻮﻥ ﺍﻟﺸﻌﻮﺭ ﻏﻴﺮ
ﺍﻛﻴﺪ ﺍﻛﻮﻥ ﻓﺮﺣﺎﻧﺔ ﻭﻣﺘﻠﻬﻔﺔ ﻻﻥ ﺍﻋﺮﻑ
ﺑﻲ ﻳﺤﻴﻨﻲ ﻭﺟﺎﻱ ﻣﺨﺼﻮﺹ ﺍﻟﻲ ﻳﺮﻳﺪ ﻳﺨﻄﺒﻨﻲ
ﻣﻮ ﻣﻐﺼﻮﺏ ﻋﻠﻴﺔ
ﺷﻴﻤﺎﺀ .. ﻟﺞ ﻫﺪﻯ ﺧﻠﻴﻨﻲ ﺍﻗﺮﺓ ﻋﻠﻴﺞ ﺍﻟﻤﻌﻮﺫﺍﺕ ﻣﺎ ﺷﺎﺀ ﺍﻟﻠﻪ ﺗﺠﻨﻨﻴﻦ
ﺿﺤﻰ .. ﺑﺎﻟﻠﻪ ﺷﻮ ﺗﻌﺎﻟﻲ ﻧﺰﻋﻲ ﺍﻟﻌﺒﺎﻳﺔ
ﺧﻠﻲ ﻧﺸﻮﻑ
ﻧﺰﻋﺖ ﺍﻟﻌﺒﺎﻳﺔ ﺟﻨﺖ ﻻﺑﺴﺔ ﺑﺪﻟﺔ ﻗﺼﻴﺮﺓ
ﺗﻮﺻﻞ ﻟﻨﺺ ﺍﻟﺴﺎﻕ
ﻭﺍﻟﺰﻧﻮﺩ ﻃﺎﻟﻌﺔ
.. ﻣﺎ ﺷﺎﺀ ﺍﻟﻠﻪ ﺍﻟﻴﻮﻡ ﻗﺎﺳﻢ ﻳﺒﺎﺕ ﻋﺪﻧﺎ ﺑﺲ ﻳﺸﻮﻓﺞ ﻳﻨﺠﻠﻂ
ﻟﺰﻣﺖ ﻛﻠﺒﻲ ﻣﻦ ﺣﺠﺖ ﻫﻴﺞ
.. ﻻ ﻋﻔﻴﺔ ﻻ ﺗﻜﻮﻟﻴﻦ ﻫﻴﺞ ﻭﺍﻟﻠﻪ ﺍﺷﻐﺪ ( ﺍﺷﺮﺩ ) ﻣﻦ ﺍﻟﺒﻴﺖ
ﺷﻴﻤﺎﺀ ﺗﻀﺤﻚ .. ﻟﺞ ﺿﺤﻰ ﻋﻮﻓﻴﻬﺎ ﻫﻲ ﻣﺎ ﻧﺎﻗﺼﺔ ﺧﻮﻑ
ﺍﺟﺔ ﻋﻤﻮ ﺍﻣﺠﺪ ﻋﻠﻴﻨﺎ ﺑﺎﻟﺴﻴﺎﺭﺓ
ﺍﻣﺠﺪ .. ﻳﺎﻟﻠﻪ ﺑﻨﺎﺕ ﺍﺳﺘﻌﺠﻠﻮﺍ ﺗﺮﺓ
ﺍﻫﻞ ﺍﻟﻮﻟﺪ ﻋﻠﻰ ﻭﺻﻮﻝ
ﺍﻧﻤﻐﺼﺖ ﺑﻄﻨﻲ
ﺣﻀﺮﻧﺎ ﻧﻔﺴﻨﺎ ﻭﺭﺣﻨﺎ ﻟﺒﻴﺖ ﻋﻤﻮ ﺍﻣﺠﺪ
ﻫﺬﺍ ﻛﻠﻪ ﺻﺎﺭ ﻭﺑﺎﺑﺎ ﻣﻦ ﻳﻮﻡ ﺍﻟﺼﺎﺭ ﻣﺎ ﺑﻴﻦ
ﻫﻮ ﻛﻠﻤﺎ ﺗﺼﻴﺮ ﻣﺸﻜﻠﺔ ﺑﺎﻟﺒﻴﺖ ﻭﻳﻀﺮﺏ ﻭﺣﺪﺓ ﻣﻦ ﻋﻨﺪﻧﺎ
ﻳﺎﺧﺬﻟﻪ ﻳﻮﻣﻴﻦ ﺑﺮﺓ ﺍﻟﺒﻴﺖ ﻳﻬﺮﺏ ﻣﻦ ﺍﻟﻤﻮﺍﺟﻬﺔ
ﺍﺳﺘﻘﺒﻠﺘﻨﺎ ﺟﻨﺎﻥ ﻣﺮﺕ ﻋﻤﻲ ﻭﻭﻳﺎﻫﺎ ﻣﺮﻳﻢ ﺍﺧﺘﻲ
ﺍﻟﻐﺮﻳﺐ ﺑﺎﻟﻤﻮﺿﻮﻉ ﺍﻥ ﻣﺮﻳﻢ ﺍﺧﺘﻲ ﺷﻤﺎ ﺍﺟﺎﻫﺎ ﺗﻀﻌﻒ
ﻳﻌﻨﻲ ﺿﻌﻔﻬﺎ ﻣﻠﻔﺖ ﻟﻼﻧﺘﺒﺎﻩ ﺻﺎﻳﺮﺓ ﻛﺼﺒﺔ
ﺳﻠﻤﺖ ﻋﻠﻴﻬﺎ ﻭﺣﻀﻨﺘﻨﻲ ﻫﺎﻟﻤﺮﺓ ﻫﻢ
ﻫﺎﻱ ﺍﻟﻤﺮﺗﻴﻦ ﺍﻻﺧﻴﺮﺍﺕ ﺍﺣﺲ ﺑﻴﻬﺎ ﺗﺮﻳﺪ ﺗﺘﻘﺮﺏ ﻣﻦ ﻋﻨﺪﻧﺎ
ﻣﻮ ﻣﺜﻞ ﻗﺒﻞ ﻧﺎﻓﺮﺓ ﻣﻦ ﻋﺪﻧﺎ ﻭﺗﺴﻠﻢ ﺑﺒﺮﻭﺩ
ﺷﻴﻤﺎﺀ ﺍﺧﺬﺗﻬﺎ ﻟﺤﻀﻨﻬﺎ
.. ﻣﺮﻳﻮﻣﺔ ﺣﺒﻴﺒﺘﻲ ﺷﻠﻮﻧﺞ ﻫﺎﻱ ﻟﻴﺶ ﻫﻴﺞ ﺿﻌﻔﺎﻧﺔ ﺷﺒﻴﺞ ﻣﺮﻳﻀﺔ؟؟
ﻳﻌﻨﻲ ﺣﺘﻰ ﺷﻴﻤﺎﺀ ﺍﻧﺘﺒﻬﺖ ﻣﻮ ﺑﺲ ﺍﻧﻲ
.. ﺍﻱ ﺻﺪﻙ ﻣﻐﻴﻮﻣﺔ ﺷﺒﻴﺞ ﻣﻐﻴﻀﺔ ( ﻣﺮﻳﻀﺔ ) ﻭﺟﻬﺞ ﺍﺻﻔﻎ ( ﺍﺻﻔﺮ ) ؟؟
ﻣﺮﻳﻢ ﺑﺘﺮﺩﺩ .. ﻻ ﻣﻮ ﻣﺮﻳﻀﺔ ﻛﻠﺸﻲ ﻣﺎ ﺑﻴﺔ
ﺟﺎﻧﺖ ﺗﺤﺠﻲ ﻭﺗﺘﻠﻔﺖ
ﺷﻴﻤﺎﺀ .. ﻣﺮﻳﻢ ﺍﺣﺠﻲ ﺷﺒﻴﺞ ﺗﺮﺓ ﺍﺣﻨﺎ ﺧﻮﺍﺗﺞ
ﺍﺑﺎﻭﻉ ﻋﻠﻴﻬﺎ ﺍﺟﺘﻲ ﺗﺤﺠﻲ ﺷﻲ
ﺑﺲ ﺑﺎﻟﻠﺤﻈﺔ ﺍﻻﺧﻴﺮﺓ ﻏﻴﺮﺕ ﺭﺃﻳﻬﺎ
ﻭﻓﻀﻠﺖ ﺍﻟﺴﻜﻮﺕ
ﺳﻤﻌﺖ ﺻﻮﺕ ﺟﻨﺎﻥ ﺗﺼﻴﺢ ﻋﻠﻴﻬﺎ
ﻫﻲ ﻛﺎﻣﺖ ﻣﻦ ﻳﻤﻨﺎ ﻭﺭﺍﺣﺖ ﻟﺠﻨﺎﻥ
ﺿﺤﻰ .. ﺍﻛﺺ ﺍﻳﺪﻱ ﺍﺫﺍ ﻣﺎ ﻃﻠﻌﺖ ﻣﺮﻳﻢ ﺑﻴﻬﺎ ﺷﻲ ﻭﺗﺮﻓﺾ ﺗﺤﺠﻲ
ﺷﻮﻳﺔ ﺳﻤﻌﻨﺎ ﺻﻮﺕ ﺍﻟﺠﺮﺱ ﺍﻧﺪﻙ
ﻭﺳﻤﻌﻨﺎ ﺍﺻﻮﺍﺕ ﺍﻟﻨﺴﻮﺍﻥ ﻭﺍﻟﺮﻳﺎﺟﻴﻞ
ﺷﻴﻤﺎﺀ ﻛﺎﻣﺖ ﻣﻦ ﻣﻜﺎﻧﻬﺎ
.. ﻳﻤﻜﻦ ﺍﺟﻮﻱ ﺧﻠﻲ ﺍﺭﻭﺡ ﺍﺳﺘﻘﺒﻠﻬﻢ ﻭﻳﺔ ﺑﻴﺒﻲ ﻭﻋﻤﺔ ﺟﻨﺎﻥ
ﻟﺰﻣﺘﻬﺎ ﻣﻦ ﺍﻳﺪﻫﺎ
.. ﻻ ﻋﻔﻴﺔ ﺷﻴﻤﺎﺀ ﻻ ﺗﻌﻮﻓﻴﻨﻲ
ﺷﻴﻤﺎﺀ
ﺍﺑﺎﻭﻉ ﻋﻠﻰ ﻫﺪﻯ ﺷﻠﻮﻥ ﻻﺯﻣﺔ ﺍﻳﺪﻱ ﺧﺎﻳﻔﺔ
ﺍﺑﺘﺴﻤﺖ ﻭﺍﺗﺬﻛﺮﺕ ﺫﻳﺞ ﺍﻟﻄﻔﻠﺔ ﺍﻟﻲ ﺟﺎﻧﺖ ﻣﺘﻌﻠﻜﺔ ﺑﺬﻳﺎﻟﻲ
ﻭﻣﻦ ﺗﺨﺎﻑ ﺗﺠﻲ ﺗﺮﻛﺾ ﺗﺨﺘﻞ ﺑﺤﻀﻨﻲ
ﻟﻤﻌﺖ ﺍﻟﺪﻣﻌﺔ ﺑﻌﻴﻨﻲ
.....
ﻫﺪﻯ ﺑﻨﺘﻲ ﺍﻟﺼﻐﻴﺮﺓ ﻛﺒﺮﺕ ﻭﺍﻟﻴﻮﻡ ﺧﻄﻮﺑﺘﻬﺎ
ﺣﺴﻴﺖ ﺑﻔﺮﺣﺔ ﻣﻤﺰﻭﺟﺔ ﺑﺨﻮﻑ ﻋﻠﻰ ﺍﺧﺘﻲ
ﻣﺎ ﺍﺗﺤﻤﻞ ﺑﻌﺪ ﺍﺷﻮﻓﻬﺎ ﺗﻌﺎﻧﻲ ﻟﻮ ﺗﺘﺄﺫﻯ
ﻳﺎﺭﺑﻲ ﺍﺳﻌﺪﻫﺎ
.. ﻫﺪﻯ ﺍﻧﺘﻲ ﻣﻮ ﺻﻐﻴﺮﺓ ﻭﺍﺑﻘﻰ ﻳﻤﺞ
ﻻﺯﻡ ﺍﺭﻭﺡ ﺍﺳﻠﻢ ﻋﻠﻴﻬﻢ ﻋﻴﺐ ﺯﺣﻤﺔ ﺍﻧﻲ ﺍﻟﺠﺒﻴﺮﺓ
.. ﻟﺞ ﺷﻴﻤﺎﺀ ﺧﺎﻳﻔﺔ ﻛﻠﺒﻲ ﻳﻐﻴﺪ ( ﻳﺮﻳﺪ ) ﻳﻮﻛﻒ
ﺿﺤﻰ .. ﺍﻗﺮﻱ ﺍﻳﺎﺕ ﻭﻻ ﺗﺨﺎﻓﻴﻦ ﺍﻧﻲ ﻳﻤﺞ
ﻳﺎﻟﻠﻪ ﺷﻴﻤﺎﺀ ﺭﻭﺣﻲ ﺳﻠﻤﻲ ﻋﻠﻴﻬﻢ ﻭﺍﻧﻲ ﺍﺩﺧﻞ ﻫﺪﻯ ﻭﺭﺍﺝ
.. ﺗﻤﺎﻡ ﻳﺎﻟﻠﻪ ﻟﻌﺪ
ﻃﻠﻌﺖ ﺷﻴﻤﺎﺀ ﻭﺍﻧﻲ ﻟﺰﻣﺘﻨﻲ ﺍﻟﺒﺎﺭﺩﺓ
.. ﺍﻛﻠﺞ ﺿﺤﻰ ﻃﻔﻲ ﺍﻟﺘﺒﺮﻳﺪ ﺑﺮﺩﺕ
ﺩﺧﻠﺖ ﻋﻠﻴﻨﺎ ﺳﻠﻴﻤﺔ ﺍﻟﻲ ﺟﺎﻳﺔ ﻣﻦ ﺍﻟﺼﺒﺢ ﻋﻨﺪ ﺑﻴﺖ ﻋﻤﻮ ﺍﻣﺠﺪ
ﺳﻠﻴﻤﺔ .. ﻳﺎ ﺻﻠﻮﺍﺕ ﻫﺎﻱ ﺍﻟﻜﻄﻤﺔ ﻫﻴﺞ ﻃﺎﻟﻌﺔ ﻭﺍﻟﻠﻪ ﻋﻤﻲ ﺧﻮﺵ
ﻭﻻ ﻋﺮﻓﺘﺞ ﺷﺴﻮﻳﺘﻲ ﺑﺮﻭﺣﺞ
ﺑﺎﻟﻠﻪ ﻫﺎﻱ ﺷﺤﺠﻲ ﻭﻳﺎﻫﺎ ﺟﺎﻱ ﺗﺤﻤﺪﻧﻲ ﻟﻮ ﺗﺬﻣﻨﻲ
.. ﻳﺎﻟﻠﻪ ﻛﻮﻣﻲ ﺣﺘﻰ ﺗﺪﺧﻠﻴﻦ ﺗﺴﻠﻤﻴﻦ ﻋﻠﻴﻬﻢ
ﺿﺤﻰ .. ﺍﻛﻮﻝ ﺑﻴﺒﻲ ﺑﺎﺑﺎ ﺍﺟﺔ ﻟﻮ ﺑﻌﺪﻩ
.. ﺍﻱ ﺍﺑﻮﺝ ﺟﻮﺓ ﻭﻳﺎﻫﻢ ﻳﻢ ﺍﻟﺮﻳﺎﺟﻴﻞ
ﻟﻌﺪ ﺷﻠﻮﻥ ﻳﺨﻄﺒﻮﻥ ﺍﺫﺍ ﺍﺑﻮﻫﺎ ﻣﺎﻣﻮﺟﻮﺩ
ﻳﺎﻟﻠﻪ ﺷﻮ ﻛﻮﻣﻲ ﺧﻠﻲ ﺍﺷﻮﻑ
ﺟﻨﺖ ﻻﺑﺴﺔ ﻛﻌﺐ ﻋﺎﻟﻲ ﻣﺎ ﻣﺘﻌﻠﻤﺔ ﺍﻟﺒﺲ ﻋﺎﻟﻲ
ﻭﻛﻮﺓ ﺍﻣﺸﻲ ﺍﺧﺎﻑ ﺍﻭﻛﻊ ﻭﺗﻨﻜﺴﺮ ﺭﻛﺒﺘﻲ ﻣﻦ ﻭﺭﺍﻩ
ﻭﺍﻟﻠﻪ ﻳﺎﺭﺑﻲ ﺻﺪﻙ ﺍﻣﺘﺤﺎﻥ ﺻﻌﺐ
ﻛﻤﺖ ﻣﻦ ﻣﻜﺎﻧﻲ ﻭﻋﺪﻟﺖ ﺑﺪﻟﺘﻲ
.. ﺍﻛﻮﻝ ﺿﺤﻰ ﻣﻮ ﺟﻨﻬﺎ ﺍﻟﺒﺪﻟﺔ ﻗﺼﻴﺮﺓ ﻛﻠﺶ
.. ﻻ ﻣﻮ ﻗﺼﻴﺮﺓ ﻳﺘﺨﻴﻠﺞ ﻫﻲ ﺑﺲ ﻧﺴﻮﺍﻥ
ﺩﺧﻠﺖ ﻋﺎﻟﻨﺴﻮﺍﻥ
ﺑﺲ ﺷﺎﻓﻮﻧﻲ ﻛﺎﻣﻦ ﻭﺍﺳﺘﻘﺒﻠﻮﻧﻲ ﺑﺎﻟﻬﻼﻫﻞ ﻭﺍﻟﺠﻜﻠﻴﺖ
ﺍﻡ ﻗﺎﺳﻢ ﻭﺧﻮﺍﺗﻪ . ﺍﻟﻔﺮﺣﺔ ﻣﺎ ﺳﺎﻳﻌﺘﻬﻢ
ﺍﺧﺬﻧﻲ ﺑﺎﻻﺣﻀﺎﻥ
ﺍﻡ ﻗﺎﺳﻢ ﻋﻠﺖ ﺻﻮﺗﻬﺎ ﺗﺮﻳﺪ ﺗﺴﻤﻊ ﺍﻟﻜﺎﻋﺪﻳﻦ
.. ﻣﻬﻨﺎ ﻳﻤﺔ ﻗﺎﺳﻢ
ﻫﺎﻱ ﺍﻟﻐﺰﺍﻟﺔ ﻣﺎ ﺗﻠﻮﻙ ﺑﺲ ﻟﻘﺎﺳﻢ
ﺗﻌﺎﻟﻲ ﻳﻤﺔ ﺧﻠﻲ ﺍﺣﺼﻨﺞ ﻣﻦ ﺍﻟﻌﻴﻦ
ﻭﺍﺟﺘﻲ ﺍﻡ ﻓﺮﺯﺩﻕ ﻃﺸﺖ ﻋﻠﻴﺔ ﺍﻟﺠﻜﻠﻴﺖ
ﻣﺎ ﺍﻋﺮﻑ ﺑﺲ ﻳﻤﻜﻦ ﺍﺟﻮﺍﺀ ﺍﻟﻔﺮﺡ ﻣﻌﺪﻳﺔ
ﺍﺑﺘﺴﻤﺖ ﻭﻳﺎﻫﻢ
ﻭﻋﺸﺖ ﺍﻟﻠﺤﻈﺔ ﻭﺍﺿﺤﻚ ﻣﻦ ﻳﻀﺤﻜﻮﻥ
ﻭﻧﺴﻴﺖ ﺍﺳﺒﺎﺏ ﺍﻟﺰﻭﺍﺝ
ﻭﺻﺎﺭﺕ ﺧﺪﻭﺩﻱ ﺣﻤﺮ
ﻫﺎﻟﺔ ﺗﻬﻮﺱ .. ﺟﺒﻨﺎﻟﻚ ﻭﺭﺩﺓ ﺗﺸﻢ ﺑﻴﻬﺎ ﺑﺲ ﻛﻮﻥ ﺍﻟﻮﺭﺩﺓ ﺗﺪﺍﺭﻳﻬﺎ
ﺩﺧﻠﺖ ﻣﺮﻳﻢ ﻭﺿﺤﻰ ﻭﺑﻴﺪﻫﻢ ﺻﻮﺍﻧﻲ ﺍﻟﺘﻘﺪﻳﻢ
ﻭﻛﻌﺪﻭﺍ ﻳﻘﺪﻣﻮﻥ
ﻭﺷﻴﻤﺎﺀ ﺭﺍﺣﺖ ﻟﻠﻤﻄﺒﺦ ﺗﺤﻀﺮ ﺻﻮﺍﻧﻲ ﺍﻟﺘﻘﺪﻳﻢ ﻟﻠﺮﻳﺎﺟﻞ
ﻭﺍﻧﻲ ﺑﺲ ﺍﺑﺎﻭﻉ ﺑﻌﻴﻮﻧﻲ
ﻭﺍﻡ ﻗﺎﺳﻢ ﻛﻞ ﺷﻮﻳﺔ ﺟﺎﻳﺒﺔ ﻭﺣﺪﺓ ﻣﻦ ﻣﻌﺎﺭﻓﻬﺎ ﺗﻌﺮﻓﻬﺎ ﻋﻠﻴﺔ ﻭﺗﻌﺮﻓﻨﻲ ﻋﻠﻴﻬﺎ
ﺷﻴﻤﺎﺀ
ﺟﻨﺖ ﻭﺍﻛﻔﺔ ﺑﺎﻟﻤﻄﺒﺦ
ﻭﺟﺎﻥ ﻳﺪﺧﻞ ﺑﺎﺑﺎ ﻳﺪﺭﺩﻡ ﻭﻳﻐﻠﻂ
ﻭﻋﻤﻮ ﺍﻣﺠﺪ ﺩﺧﻞ ﻭﺭﺍﻩ
ﻳﻬﺪﻱ ﺑﻲ
.. ﺷﻜﻮ ﻋﻤﻮ ﺷﺼﺎﻳﺮ ﺑﺎﺑﺎ ﺷﺒﻲ ﻣﻌﺼﺐ
.. ﻣﺎ ﺻﺎﺭ ﺷﻲ ﺑﺲ ﺍﺑﻮﺝ ﺍﺗﻨﺮﻓﺰ ﻣﻦ ﺍﺟﺔ ﻳﻌﻘﺪ ﺍﻟﺴﻴﺪ
ﻗﺎﺳﻢ ﺭﻓﺾ ﺍﻟﻮﻛﺎﻟﺔ ﻣﻦ ﺍﺑﻮﺝ
ﻭﻛﺎﻝ ﻋﻘﺪ ﻣﺒﺎﺷﺮ ﺍﺭﻳﺪ ﺍﺳﻤﻊ ﻣﻮﺍﻗﻔﺔ ﺍﻟﺒﻨﻴﺔ ﺑﺬﺍﺕ ﻧﻔﺴﻬﺎ
ﻭﺣﺠﺔ ﻭﻳﺔ ﺍﺑﻮﺝ ﻭﻛﻠﻪ ﺍﺧﺎﻑ ﻣﺠﺒﻮﺭﺓ
ﻣﺜﻞ ﺫﻳﺞ ﺍﻟﻤﺮﺓ
ﻭﺍﺑﻮﺝ ﺍﺗﺨﺒﻞ ﻣﻦ ﺳﻤﻊ ﻛﻼﻣﻪ
.. ﻋﻤﻮ ﺷﻴﻤﺎﺀ ﺍﻟﻠﻪ ﻳﺮﺿﻰ ﻋﻠﻴﺞ ﺭﻭﺣﻲ ﻓﻮﺗﻲ ﻭﺟﻬﺰﻱ ﺍﺧﺘﺞ ﺧﻠﻲ ﺗﻮﻛﻒ ﻭﺭﺓ ﺑﺎﺏ ﺍﻻﺳﺘﻘﺒﺎﻝ ﻭﺍﻟﺴﻴﺪ ﺭﺍﺡ ﻳﺴﺄﻟﻬﺎ
......
ﻭﻫﻲ ﺗﺠﺎﻭﺑﻪ
ﻃﻠﻌﺖ ﻳﻢ ﺍﻟﻨﺴﻮﺍﻥ
ﻭ ﺭﺣﺖ ﻋﻠﻰ ﺧﺎﻟﺔ ﺍﻡ ﻗﺎﺳﻢ ﺟﺎﻧﺖ ﻛﺎﻋﺪﺓ ﻳﻢ ﻫﺪﻯ
.. ﺍﻛﻮﻝ ﺧﺎﻟﺔ ﻋﻤﻮ ﺍﻣﺠﺪ ﻛﺎﻝ ﺟﻬﺰﻭﺍ ﻫﺪﻯ ﺍﻟﺴﻴﺪ ﺭﺍﺡ ﻳﻌﻘﺪ ﻋﻠﻴﻬﺎ
ﺍﺑﺎﻭﻉ ﻟﻬﺪﻯ ﺍﻧﻜﻠﺐ ﻭﺟﻬﺎ ﺍﺻﻔﺮ ﺍﻟﺸﻔﺎﻳﻒ ﺑﺮﻃﻤﺖ
ﺍﻡ ﻗﺎﺳﻢ ﺍﻟﺘﻔﺘﺖ ﻋﻠﻰ ﻫﺪﻯ
.. ﻳﺎﻟﻠﻪ ﻳﻤﺔ ﻛﻮﻣﻲ ﺍﻟﺴﻴﺪ ﺭﺍﺡ ﻳﻌﻘﺪﻟﻜﻢ
ﺍﺑﺎﻭﻉ ﻟﻬﺪﻯ ﻛﺎﻣﺖ ﻭﺍﻟﻌﻴﻮﻥ ﻓﺎﺿﺖ ﺩﻣﻊ
ﺑﺎﻭﻋﺖ ﻋﻠﻴﻨﺎ ﺍﻧﻲ ﻭﺿﺤﻰ ﻭﻣﺮﻳﻢ
ﻋﺒﺎﻟﻚ ﺩ ﺗﺴﺘﻨﺠﺪ ﺑﻴﻨﺎ
ﻟﺰﻣﺘﻬﺎ ﻣﻦ ﺍﻳﺪﻫﺎ ﻭﻛﻠﺘﻠﻬﺎ
.. ﻻﺗﺨﺎﻓﻴﻦ ﺍﻧﻲ ﻭﻳﺎﺝ
ﺍﺟﺘﻲ ﺍﺧﺖ ﻗﺎﺳﻢ ﺍﻟﻜﺒﻴﺮﺓ
ﻭﺍﻧﻄﺘﻨﻲ ﺟﻜﻠﻴﺘﺔ ﻭﻛﺎﻟﺖ ﻫﺎﻱ ﺗﺤﻄﻬﺎ ﺟﻮﺓ ﻟﺴﺎﻧﻬﺎ
ﻓﺎﻝ ﺧﻴﺮ
ﺍﺧﺬﺗﻬﺎ ﻫﺪﻯ ﺑﺪﻭﻥ ﻣﺎ ﺗﻨﻄﻖ ﺣﺮﻑ
ﻭﻣﺸﺖ ﻭﻛﺎﻣﺖ ﺗﺘﻌﺜﺮ ﺑﻤﺸﺘﻬﺎ
ﻭﺻﻠﻨﺎ ﻟﻠﺒﺎﺏ ﻭﻋﻤﻮ ﺟﺎﺏ ﻛﺮﺳﻲ ﻭﺣﻄﺔ ﻭﺭﺓ ﺍﻟﺒﺎﺏ ﻭﻫﺪﻯ ﻛﻌﺪﺕ
ﻭﻛﻠﻠﻬﺎ ﺷﻨﻮ ﻳﻜﻮﻝ ﺗﺮﺩﺩﻳﻦ ﻭﺭﺍﻩ
ﺭﺍﺡ ﻋﻤﻮ ﺍﻣﺠﺪ ﻭﻟﺤﻈﺎﺕ ﻭﺳﻤﻌﻨﺎ ﺻﻮﺕ ﺍﻟﺴﻴﺪ
ﺣﺠﺔ ﻭﻳﺔ ﻫﺪﻯ ﻭﻓﻬﻤﻬﺎ ﻋﻦ ﺍﻟﻤﻘﺪﻡ ﻭﺍﻟﻤﺆﺧﺮ
ﻭﻫﻲ ﺭﺩﺩﺕ ﻭﺭﺍﻩ ﺍﻟﻜﻼﻡ
ﺑﺲ ﺍﺳﻤﻊ ﺿﺤﻚ ﺑﺎﻻﺳﺘﻘﺒﺎﻝ
ﻻﻥ ﻫﺪﻯ ﻛﺎﻣﺖ ﺗﻐﻮﻏﻲ ﺑﺎﻟﻌﻘﺪ ﻭﺍﻡ ﻗﺎﺳﻢ ﻻﻣﺔ ﺿﺤﻜﺘﻬﺎ
ﺑﺎﻟﻜﻮﺓ ﻭﺍﻧﻲ ﺍﺑﺎﻭﻉ ﻟﻬﺪﻱ
ﻣﺒﺮﻃﻤﺔ
ﺑﺎﻻﻭﻝ ﺍﻟﺴﻴﺪ ﻋﺒﺎﻟﻪ ﻏﻠﻄﺖ ﺑﺎﻟﻜﻼﻡ
ﺧﻄﻴﺔ ﻛﻞ ﺷﻮﻳﺔ ﻳﻌﻴﺪ ﻭﻫﺪﻯ ﻫﻢ ﺗﺮﺩﺩ ﻭﺭﺍﻩ ﺑﺲ ﻧﻔﺲ
ﺍﻟﻐﻮﻏﺔ
ﻟﺤﺪ ﻣﺎ ﺳﻤﻌﺖ ﺻﻮﺕ ﻗﺎﺳﻢ ﺍﻟﺨﺸﻦ ﻳﻢ ﺍﻟﺴﻴﺪ
ﻳﻜﻠﻪ
.. ﻣﻮﻻﻧﺎ ﺗﺮﺓ ﺍﻟﻤﺮﺓ ﻫﻲ ﺗﺘﻨﻌﻮﺹ
ﻭﺗﻐﻮﻏﻲ ﺑﺎﻟﺮﺍﺀ ﺭﺣﻤﺔ ﻋﻠﻰ ﻭﺍﻟﺪﻳﻚ ﺍﺳﺘﻌﺠﻞ
ﺟﺎﻥ ﻳﺤﺠﻴﻬﺎ ﺑﻐﻴﺾ
ﺍﺑﺎﻭﻉ ﻟﻬﺪﻯ ﻛﺎﻣﺖ ﺗﻬﻔﻲ ﺑﻴﺪﻫﺎ ﻋﻠﻰ ﻭﺟﻬﺎ ﺗﻄﻠﺐ ﺍﻟﻬﻮﻯ
ﻭﺟﺎﻥ ﺍﻟﺴﻴﺪ ﻳﻜﻤﻞ ﺍﻟﻌﻘﺪ ﺑﻌﺪﻣﺎ ﺳﻤﻊ ﺍﻟﻤﻮﺍﻗﻔﺔ ﻣﻦ ﻫﺪﻯ
ﻭﻣﻦ ﻗﺎﺳﻢ
ﻭﺑﻌﺪﻫﺎ ﺗﻢ ﺍﻟﻌﻘﺪ ﻭﻫﺪﻯ ﺻﺎﺭﺕ ﻣﺮﺕ ﻗﺎﺳﻢ
ﻭﺍﻡ ﻗﺎﺳﻢ ﺭﺍﺣﺖ ﺑﺸﺮﺕ ﺍﻟﺒﻨﺎﺕ
ﻭﻋﻠﻰ ﺻﻮﺕ ﺍﻟﻬﻼﻫﻞ ﻭﺍﻟﻔﺮﺡ
ﺩﺧﻠﺖ ﻫﺪﻯ
ﻭﻛﻌﺪﺕ ﺑﻤﻜﺎﻧﻬﺎ ﺗﺒﺎﻭﻉ ﻋﻠﻴﻨﺎ ﻧﻈﺮﺗﻬﺎ ﺟﺎﻧﺖ ﺿﺎﻳﻌﺔ
ﺍﻟﻜﻞ ﻓﺮﺣﺎﻥ ﻭﺷﻮﻳﺔ ﻭﺍﻡ ﻗﺎﺳﻢ ﻛﺎﻟﺖ ﺭﺍﺡ ﻳﺪﺧﻞ ﻗﺎﺳﻢ ﻳﻠﺒﺲ ﻋﺮﻭﺳﺘﻪ ﺍﻟﺬﻫﺐ
ﻫﺪﻯ
ﻫﻮ ﺳﺘﻮﻫﺎ ﻧﺒﻀﺎﺕ ﻛﻠﺒﻲ ﺑﺪﺕ ﺗﺴﺘﻘﺮ
ﺑﻌﺪﻧﻲ ﻣﺎ ﺟﺮﻳﺖ ﻧﻔﺲ ﺭﺍﺣﺔ
ﺟﺎﻥ ﺗﺠﻲ ﺍﻡ ﻗﺎﺳﻢ ﺗﻜﻮﻝ ﺭﺍﺡ ﻳﺪﺧﻞ ﻗﺎﺳﻢ
ﻋﺎﺩ ﺍﻧﺎ ﻫﻨﺎ ﻛﻠﺒﻲ ﻛﻠﻲ ﺍﻧﺘﻲ ﻣﻮ ﻣﺎﻝ ﺍﺣﺘﺮﺍﻡ
ﻛﺎﻡ ﻳﺴﻮﻱ ( ﺩﻣﺒﻖ .. ﺩﻣﺒﻖ .. ﺩﻣﺒﻖ )
ﺻﺮﺕ ﻛﻠﻲ ﺍﺭﺟﻒ
ﺭﻓﻌﺖ ﺭﺍﺳﻲ ﻭﺟﺎﻥ ﺍﺷﻮﻑ ﻗﺎﺳﻢ ﻫﻮ ﻭﺍﻣﻪ ﻭﺧﻮﺍﺗﻬﺎ
ﻳﻤﺔ ﻫﻮ ﻣﻦ ﻏﻴﺮ ﻛﻠﺸﻲ ﺿﺨﻢ ﻭﻧﻮﺏ ﻻﺑﺲ ﻗﺎﻁ ﺭﻣﺎﺩﻱ
ﻭﺍﻟﻘﻤﻴﺺ ﺭﻣﺎﺩﻱ ﺍﻭﻝ ﺩﻛﻤﺘﻴﻦ ﻣﻔﺘﻮﺣﺎﺕ
ﺍﺟﺔ ﻛﻠﺒﻲ ﻳﻄﻠﻊ ﻣﻦ ﺻﺪﺭﻱ
ﺟﺎﻥ ﻳﺒﺎﻭﻉ ﻻﻣﻪ ﻭﺧﻮﺍﺗﻪ ﺷﻮﻳﺔ ﺍﻟﺘﻔﺖ ﻭﻃﺎﺣﺖ ﻋﻴﻨﻪ ﻋﻠﻴﺔ .
ﺍﻧﺘﺒﻬﺖ ﻋﻠﻴﻪ ﻭﻛﻒ ﺑﻤﻜﺎﻧﻪ ﻭﺍﺗﺴﻌﺖ ﻋﻴﻮﻧﻪ
ﻭﺑﺎﻭﻉ ﻋﻠﻴﻪ ﻭﻧﺰﻟﺖ ﻧﻈﺮﺍﺗﻪ ﻋﻠﻰ ﺳﻴﻘﺎﻧﻲ
ﺍﻧﺘﺒﻬﺖ ﻋﻠﻴﻪ ﻋﺾ ﺷﻔﺘﻪ ﺑﻐﻴﺾ ﺍﻗﺘﺮﺏ ﻋﻠﻴﺔ
ﻭﻛﻌﺪ ﺑﺼﻔﻲ ﻳﻤﺔ ﻭﺍﻧﻲ ﺍﺗﺸﻨﺠﺖ ﻭﺻﺮﺕ ﻣﺜﻞ ﺍﻟﺘﻤﺜﺎﻝ
ﻛﻤﺰﺕ ﻣﻦ ﻣﻜﺎﻧﻲ ﻣﻦ
ﺳﻤﻌﺘﻪ ﺣﺠﺔ ﻭﻳﺔ ﺍﻣﻪ ﻣﻦ ﺑﻴﻦ ﺍﺳﻨﺎﻧﻪ
.. ﺣﺠﻴﺔ ﺭﻭﺣﻲ ﺟﻴﺒﻲ ﺍﻱ ﺷﻲ ﻭﻏﻄﻴﻬﺎ ﺑﻲ
ﺷﻨﻮ ﻫﺎﻱ ﺍﻟﺒﺪﻟﺔ ﺍﻟﻲ ﻻﺑﺴﺘﻬﺎ ﺍﺩﺭﻱ ﻣﺎ ﻟﻜﻴﺘﻮﺍ
ﺍﺳﺘﺮ ﻣﻦ ﻫﻴﺞ
ﺭﺟﻊ ﻧﺰﻝ ﻧﻈﺮﺍﺗﻪ ﻋﻠﻰ ﺳﻴﻘﺎﻧﻲ
ﺍﺑﺎﻭﻉ ﻋﻠﻴﻪ ﻃﻠﻊ ﺍﻛﻠﻴﻨﻜﺲ ﻭﻛﻌﺪ ﻳﻤﺴﺢ ﻛﺼﺘﻪ ﻣﻦ ﺍﻟﻌﺮﻙ
ﺍﺳﻤﻌﻪ
.. ﺍﺣﺘﺮﻛﺖ ﻋﺸﻴﺮﺗﻚ
ﺍﻟﺘﻔﺖ ﻋﻠﻰ ﺍﻣﻪ
.. ﺣﺠﻴﺔ ﺍﻧﺘﻲ ﺟﺎﻱ ﺗﻌﺮﺿﻴﻦ ﺑﻴﻬﺎ ﻛﺪﺍﻡ ﺍﻟﻨﺴﻮﺍﻥ
ﻣﺎ ﺗﺸﻮﻓﻴﻦ ﺷﻠﻮﻥ ﻓﺎﺗﺤﺎﺕ ﺣﻠﻜﻬﻦ ﻋﻠﻴﻬﺎ
ﺍﺑﺎﻭﻉ ﻻﻡ ﻗﺎﺳﻢ ﺑﺲ ﺗﻀﺤﻚ
.. ﻳﻤﺔ ﻗﺎﺳﻢ ﺍﺗﻬﻨﺔ ﻭﺍﺳﻌﺪ ﻧﻈﺮﻙ
ﺣﺠﻴﺔ .. ﻻﺣﻚ ﺍﻛﻞ ﺗﺒﻦ ﻣﻮ ﻫﺴﺔ
ﺭﻓﻊ ﺭﺍﺳﻪ ﻭﺻﺎﺡ ﻟﻤﻨﻰ
.. ﻣﻨﻰ ﺭﺣﻤﺔ ﻋﻠﻰ ﻭﺍﻟﺪﻳﺞ ﺟﻴﺒﻲ ﻋﺒﺎﻳﺔ
ﺭﺍﺣﺖ ﺗﺮﻛﺾ ﺟﺎﺑﺖ ﻋﺒﺎﻳﺔ ﺑﺴﺮﻋﺔ ﻃﻠﻘﺔ
ﺍﻱ ﻃﺒﻌﺎ ﺍﻭﺍﻣﺮ ﻗﺎﺳﻤﻮﻑ ﺳﻤﻌﺎً ﻭﻃﺎﻋﺔ
ﻭﺟﺎﺑﺖ ﺷﺎﻝ ﺍﺳﻮﺩ ﺧﻔﻴﻒ ﻭﺣﻄﺘﻪ ﻋﻠﻰ ﺍﻛﺘﺎﻓﻲ
ﺍﺑﺎﻭﻉ ﻋﻠﻴﻪ ﺑﺲ ﻳﻨﺎﻓﺦ ﻭﻛﻞ ﺷﻮﻳﺔ ﻳﺒﺎﻭﻉ ﻟﺴﻴﻘﺎﻧﻲ
ﻭﻳﻬﻤﺲ ﺑﻠﻌﻨﺎﺕ
ﻭﺍﻧﻲ ﻣﻴﺘﺔ ﺑﺪﻣﻲ ﺍﺩﺭﻱ ﻫﺎﻱ ﺷﺒﻴﻚ
ﺍﻡ ﻗﺎﺳﻢ ﺩﻧﻜﺖ ﻋﻠﻴﻪ ﻭﺷﺎﻭﺭﺗﻪ ﻭﻫﻮ ﺷﻮﻳﺔ
ﺍﺳﺘﺮﺧﻰ ﻭﻣﺴﺢ ﻋﻠﻰ ﻭﺟﻬﻪ ﻟﺤﻈﺎﺕ ﻭﺟﺎﻥ ﺍﺷﻮﻓﻪ
ﺍﻗﺘﺮﺏ ﻋﻠﻴﺔ ﻭﻫﻤﺲ ﻳﻢ ﺍﺫﻧﻲ ﻭﺍﻧﻔﺎﺳﻪ ﺣﺎﺭﺓ
ﻭﻛﺎﻝ ﺑﺼﻮﺕ ﺧﺸﻦ
.. ﻣﺒﺮﻭﻙ
ﻳﻤﺔ ﻟﻮ ﻣﺎ ﺍﺧﺎﻑ ﺟﺎﻥ ﻃﻔﺮﺕ ﻣﻦ ﻣﻜﺎﻧﻲ ﻭﻃﻠﻌﺖ ﺍﺭﻛﺾ ﺑﺎﻟﺸﺎﺭﻉ ﻭﺍﻟﻨﺎﺱ ﺗﺮﻛﺾ ﻭﺭﺍﻱ ﻳﺼﺤﻮﻥ ﻋﻠﻴﺔ ﻣﺨﺒﻠﺔ
ﺍﻟﻠﻪ ﻳﻠﻌﻦ ﺑﻠﻴﺴﻪ ﻛﻤﺰﻧﻲ ﻭﻛﻒ ﺷﻌﺮ ﺟﺴﻤﻲ ﻭﺟﺎﻭﺑﺘﻪ ﻭﻫﻤﺴﺖ
.. ﻣﺒﻐﻮﻙ ﻋﻠﻴﻚ
ﺍﻧﺘﺒﻬﺖ ﻋﻠﻴﻪ ﻃﻜﻬﺎ ﺿﺤﻜﺔ ﺍﺑﺎﻭﻉ ﻻﻛﺘﺎﻓﻪ ﻛﺎﻣﺖ ﺗﻬﺘﺰ
ﻣﻦ ﺍﻟﻀﺤﻚ
.. ﻋﻠﻴﺞ ﺍﻟﻠﻪ ﻛﻮﻟﻲ ﺳﺎﻓﺮ ﻗﺎﺳﻢ ﻟﺮﻭﺳﻴﺎ
ﺍﻧﻲ ﻛﺎﻝ ﻫﻴﺞ ﻣﺎ ﺍﻋﺮﻑ ﺍﺿﺤﻚ ﻟﻮ ﺍﺑﺠﻲ
ﻭﺗﻠﻘﺎﺋﻴﺎ ﺟﺎﻭﺑﺘﻪ ﺑﺨﻮﻑ ﻭﺭﺩﺩﺕ ﺍﻟﻜﻼﻡ ﻭﺭﺍﻩ
ﺟﻨﺖ ﻣﺒﺮﻃﻤﺔ ﻭﺣﺎﺻﺮﺗﻨﻲ ﺍﻟﺒﺠﻴﺔ
.. ﺳﺎﻓﻎ ﻗﺎﺳﻢ ﻟﻐﻮﺳﻴﺎ
ﺟﺎﻥ ﻳﻀﺤﻚ ﺧﺮﺏ ﻳﻮﻣﻪ ﻏﻴﺮ ﻳﺘﻐﻴﺮ ﺷﻜﻠﻪ ﻣﻦ ﻳﻀﺤﻚ
.. ﺧﺮﺏ ﻳﻮﻣﺞ ﻭﺍﻟﻠﻪ ﺻﺎﺭﻟﻲ ﺷﻜﺪ ﻣﺎ ﺿﺎﺣﻚ
ﺍﻡ ﻗﺎﺳﻢ ﺑﻔﺮﺣﺔ .. ﺩﻭﻡ ﺍﻟﻀﺤﻜﺔ ﻳﺎﺭﺏ
ﻳﺎﻟﻠﻪ ﻳﻤﺔ
ﻟﺒﺲ ﻣﺮﻳﺘﻚ ﺍﻟﺬﻫﺐ
ﺟﺎﺑﻮﺍ ﺧﻮﺍﺗﻪ ﻋﻠﺐ ﺍﻟﺬﻫﺐ
ﺟﺎﻥ ﻳﻠﺒﺴﻨﻲ ﺑﺎﻟﺬﻫﺐ ﺑﺄﻳﺪﻳﻪ ﺍﻟﺨﺸﻨﺔ
ﻭﻳﺪﺭﺩﻡ
.. ﻫﺎﻱ ﻭﻳﻦ ﺟﺎﻧﺘﻠﻚ ﻳﺎ ﻗﺎﺳﻢ
ﻭﺍﻧﻲ ﻛﻠﻤﺎ ﺍﺻﺎﺑﻊ ﺍﻳﺪﻳﻪ ﺗﻠﻤﺲ ﺑﺸﺮﺗﻲ ﺍﻛﻤﺰ
ﻭﻫﻮ ﻳﺘﻮﺗﺮ ﺑﺎﻟﺰﺍﻳﺪ
ﺣﺠﺔ ﻣﻦ ﺑﻴﻦ ﺍﺳﻨﺎﻧﻪ
.. ﺭﺣﻤﺔ ﻋﻠﻰ ﻭﺍﻟﺪﻳﺞ ﺛﺒﺘﻲ ﺗﺮﺓ ﺣﺮﻛﺘﻲ ﻋﺸﻴﺮﺗﻲ
ﺛﺒﺘﺖ ﻭﺩﻧﻚ ﻋﻠﻴﺔ ﻳﻠﺒﻨﺴﻲ
ﻛﺎﻝ ﺍﻧﻄﻴﻨﻲ ﻇﻬﺮﺝ ﺧﻠﻲ ﺍﻟﺒﺴﺞ ﺍﻟﻜﻼﺩﺓ
ﺩﺭﺕ ﻭﺟﻬﻲ ﻭﺟﺎﻥ ﺍﺳﻤﻊ ﺻﻮﺗﻪ ﻣﺘﻌﺠﺐ
.. ﻟﺞ ﺟﻨﻴﺔ ﻫﺬﺍ ﻃﻮﻝ ﺷﻌﺮﺝ ﺣﻘﻴﻘﻲ ﻟﻮ ﺍﺻﻄﻨﺎﻋﻲ
ﺍﻟﺘﻔﺘﺖ ﻋﻠﻴﻪ ﺑﻐﺮﻭﺭ
.. ﻻ ﺷﻌﻐﻲ ﻃﻮﻟﻪ ﺣﻘﻴﻘﻲ ﺍﺫﺍ ﺗﻐﻴﺪ ( ﺗﺮﻳﺪ )
ﺗﺘﺄﻛﺪ ﺍﺳﺄﻝ ﻫﺎﻟﺔ ﻋﻨﻪ
ﺟﺎﻥ ﺷﻌﺮﻱ ﻣﺼﺪﺭ ﻓﺨﺮﻱ ﻭﺍﻋﺘﺰ ﺑﻲ ﻭﺍﺭﻓﺾ ﺍﻱ ﻭﺍﺣﺪ
ﻳﺸﻜﻚ ﺑﻲ ﺣﺘﻰ ﻟﻮ ﺟﺎﻥ ﻫﺮﻗﻞ ﺑﺬﺍﺕ ﻧﻔﺴﻪ
ﺿﺤﻚ .. ﻭﻛﺎﻝ
.. ﻻ ﻋﻠﻴﻤﻦ ﺍﺻﻴﺢ ﻟﻬﺎﻟﺔ ﺑﺎﻟﻠﻪ ﺷﻮ ﺗﻌﺎﻱ ﺍﻗﺘﺮﺑﻲ ﺧﻠﻲ ﺍﺟﺮﺝ ﻣﻦ ﺷﻌﺮﺝ ﻭﺍﺗﺄﻛﺪ ﺑﻨﻔﺴﻲ
ﺷﻬﻜﺖ ﻭﻟﺰﻣﺖ ﺷﻌﺮﻱ ﻭﺍﻧﻲ ﺍﺗﺬﻛﺮﻩ ﺑﻴﻮﻡ ﺟﺎﻥ ﻳﺠﺮﻧﻲ ﻣﻦ ﻛﺼﺎﻳﺒﻲ
ﺍﺑﺎﻭﻉ ﻻﻡ ﻗﺎﺳﻢ ﺗﺤﻮﻡ ﻋﻠﻰ ﺭﻭﺳﻨﺎ
ﻭﺟﺎﻥ ﻳﺪﻙ ﻧﻘﺎﻝ ﻗﺎﺳﻢ ﻭﻳﺮﺩ ﻋﺎﻟﻤﺘﺼﻞ
ﻟﺤﻈﺎﺕ ﻧﻬﺾ ﻗﺎﺳﻢ ﻣﻦ ﻣﻜﺎﻧﻪ ﻣﻔﺰﻭﻉ
.. ﺷﻨﻮ ﻭﻳﻦ ﻟﻜﻴﺘﻮ ﺍﻧﺘﻈﺮﻭﻧﻲ ﻫﺴﺔ ﺟﺎﻳﻜﻢ ﻣﺴﺎﻓﺔ ﺍﻟﻄﺮﻳﻖ
ﺳﺪ ﺍﻟﻨﻘﺎﻝ
ﺍﻡ ﻗﺎﺳﻢ .. ﻫﺎﻳﻤﺔ ﻗﺎﺳﻢ ﺷﺼﺎﻳﺮ
.. ﺣﺠﻴﺔ ﻟﻜﻮ ﻫﺸﺎﻡ ﻣﺘﺼﻮﺏ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء