رواية أساور الفضة ج2 الجزء الأول
للكاتبة نهى
......
ﺷﻴﻤﺎﺀ
ﻏﺴﻠﺖ ﻭﺟﻬﻲ ﺑﻤﺎﻱ ﺑﺎﺭﺩ ﺍﺭﻳﺪ ﺍﻃﻔﻲ ﻧﺎﺭ ﻛﻠﺒﻲ
ﻳﺎﺭﺑﻲ ﻭﻳﻦ ﺍﻧﻄﻲ ﻭﺟﻬﻲ ﻭﺷﻠﻮﻥ ﺑﻴﺔ ﻭﺑﺨﻮﺍﺗﻲ
ﺟﻨﺖ ﺍﺭﻭﺡ ﻭﺍﺭﺟﻊ ﺍﺣﻮﻡ ﻳﻢ ﺍﻟﺒﺎﺏ ﻭﺍﺿﺮﺏ ﻛﻒ ﺑﻜﻒ
ﻳﺎﺭﺑﻲ ﻟﻴﺶ ﺍﺗﺼﻞ ﻋﻠﻴﻬﺎ
ﻭﻣﺎ ﺗﺮﺩ ﻋﻠﻴﺔ ﺭﺟﻌﺖ ﺍﺗﺼﻠﺖ ﻋﻠﻰ ﻓﺎﻃﻤﺔ ﺍﺳﺄﻟﻬﺎ
ﻋﻠﻰ ﻫﺪﻯ
ﻣﻦ ﺧﻼﻝ ﺟﻮﺍﺏ ﻓﺎﻃﻤﺔ
ﻋﺮﻓﺖ ﺍﺧﺘﻲ ﻣﺮﺍﺣﺖ ﻋﻠﻰ ﺑﻴﺘﻬﻢ
ﻧﻬﻴﺖ ﺍﻻﺗﺼﺎﻝ ﺣﺘﻰ ﻣﺎ ﺍﻋﺮﻑ ﺷﻨﻮ ﻛﻠﺖ ﻟﻔﺎﻃﻤﺔ
ﺳﻠﻴﻤﺔ .. ﻛﺎﻓﻲ ﺗﺮﺓ ﻭﺍﻟﻠﻪ ﺧﺒﺼﺘﻴﻨﺎ ﺍﻧﺘﻲ ﻭﺧﻮﺍﺗﺞ
ﻋﺒﺎﻟﻚ ﻣﺤﺪ ﻋﻨﺪﻩ ﺧﻮﺍﺕ ﺑﺲ ﺍﻧﺘﻲ
ﺧﻠﻴﻪ ﺍﺑﻮﺝ ﺯﻳﻦ ﻳﺴﻮﻱ ﻳﻮﺩﻳﻬﺎ ﻟﺒﻴﺖ ﺭﺟﻠﻬﺎ
ﺑﺪﺍﻝ ﻣﺎ ﻇﺎﻟﺔ ﻛﺎﻋﺪﺓ ﻋﻠﻰ ﻛﻠﺒﻨﺎ
ﺍﻛﻞ ﻭﻣﺮﻋﻰ ﻭﻗﻠﺔ ﺻﻨﻌﺔ
ﺑﺎﻭﻋﺘﻠﻬﺎ ﺑﻐﻀﺐ ﻭﺟﻮﺍﺑﺘﻬﺎ ﻭﺍﻧﻲ ﺍﻋﺼﺎﺑﻲ ﺗﻠﻔﺎﻧﺔ ﻭﻭﺍﺻﻠﺔ ﺣﺪﻫﺎ
.. ﻫﻮ ﺷﻄﻴﺢ ﺣﻈﻲ ﺍﻧﻲ ﻭﺧﻮﺍﺗﻲ ﻏﻴﺮﻛﻢ ﺍﻧﺘﻲ ﻭﺍﺑﻮﻱ
ﺍﻧﺘﻮﺍ ﺍﺧﺮ ﻣﻦ ﻳﺘﻜﻠﻢ
.. ﻳﻤﺔ ﻣﻨﺞ ﻳﻤﺔ ﺍﻛﻠﺘﻴﻨﻲ ﺑﻜﺸﻮﺭﻱ ﻭﺣﺪﺗﻜﻢ ﺍﻟﺴﺎﻧﻬﺎ ﺍﻃﻮﻝ ﻣﻨﻬﺎ ﻫﻢ ﺑﻨﺎﺕ ﻭﻫﻢ ﻣﺎ ﻛﺎﻋﺪﺍﺕ ﺭﺍﺣﺔ ﻭﺍﻟﻠﻪ ﻋﻤﻲ ﺧﻮﺵ
ﻫﺰﺕ ﺍﻳﺪﻫﺎ ﻭﺩﺧﻠﺖ ﺟﻮﺓ ﻟﻠﺒﻴﺖ
ﺟﻨﺖ ﺍﺣﻮﻡ ﻭﺍﻓﺮﻙ ﺑﻴﺪﻱ ﻭﺍﺣﺠﻲ ﻭﻳﺔ ﺭﻭﺣﻲ
.. ﺷﻠﻮﻥ ﻳﺎﺭﺑﻲ ﻣﻌﻘﻮﻟﺔ ﺑﺎﺑﺎ ﻟﻜﺎﻫﺔ ﻭﺍﺧﺬﻫﺎ ﻟﺒﻴﺖ ﺍﻡ ﻗﺎﺳﻢ
ﻭﺍﻟﻠﻪ ﻫﺪﻯ ﺗﺘﺨﺒﻞ
ﺩﻙ ﻧﻘﺎﻟﻲ ﻓﺠﺎﺀﺓ ﻭﺟﺎﻥ ﺍﻟﻤﺘﺼﻞ ﻋﻤﻮ ﺍﻣﺠﺪ
ﺟﺎﻭﺑﺘﻪ ﺑﻠﻬﻔﺔ
.. ﻫﺎ ﻋﻤﻮ ﺑﺸﺮﻧﻲ ﺍﺗﺼﻠﺖ ﻋﻠﻰ ﺑﺎﺑﺎ
.. ﺍﻱ ﻋﻤﻮ ﻣﺎﺧﺬ ﻫﺪﻯ ﻟﺒﻴﺖ ﺍﻫﻞ ﻗﺎﺳﻢ
ﻟﻄﻤﺖ ﻋﻠﻰ ﺧﺪﻱ ﻭﺍﻧﻲ ﺍﺷﻬﻚ
.. ﻻ ﻳﺎﺭﺑﻲ ﺩﺧﻴﻠﻚ ﺍﻟﺤﻜﻠﻨﺎ ﻋﻤﻮ ﺑﺎﺑﺎ ﺭﺍﺡ ﻳﺪﻣﺮ ﺣﻴﺎﺓ ﻫﺪﻯ
.. ﻻ ﺗﺨﺎﻓﻴﻦ ﺍﻧﺎ ﺟﺎﻳﻜﻢ ﻭﺭﺍﺡ ﺍﻛﻌﺪ ﺍﺣﺠﻲ ﻭﻳﺎﻩ
ﺍﻧﻬﻰ ﺍﻻﺗﺼﺎﻝ ﻭﻛﻠﻲ ﺭﺍﺡ ﺍﺟﻲ
ﻭﺻﺎﺭﻟﻪ ﺳﺎﻋﺔ ﻣﻦ ﻛﺎﻟﻬﺎ
ﺍﺑﺎﻭﻉ ﻟﻀﺤﻰ ﺍﺟﺘﻲ ﺟﺎﺑﺖ ﻛﻼﺹ ﻣﺎﻱ
ﺟﺎﻥ ﻭﺟﻬﻬﺎ ﻛﻠﻪ ﺍﺯﺭﻙ ﻋﻠﻰ ﺑﻨﻔﺴﺠﻲ
ﻣﺎ ﺍﻋﺮﻑ ﻳﺎﺭﺏ ﺍﺣﺘﺎﺭ ﺑﻤﻨﻮ ﺑﻴﻬﻢ
.. ﻫﺎﺝ ﺍﺧﺬﻱ ﺷﺮﺑﻴﻠﺞ ﺷﻮﻳﺔ ﻣﻲ ﺑﺮﺩﻱ ﻛﻠﺒﺞ
ﺭﺍﺡ ﻳﺼﻴﺮ ﺑﻴﺞ ﺷﻲ ﻣﻦ ﻭﺭﺓ ﺍﻟﺸﻮﻃﺔ
.. ﺿﺤﻰ ﺭﺣﻤﺔ ﻋﻠﻰ ﻭﺍﻟﺪﻳﺞ ﻋﻮﻓﻴﻨﻲ ﻋﺴﺎﻧﻲ ﺍﺷﺮﺏ ﺳﻢ
ﺍﺩﺭﻱ ﻭﻳﻦ ﺻﺎﺭ ﻋﻤﻮ ﺍﻣﺠﺪ
ﺻﺎﺭﻟﻲ ﺳﺎﻋﺔ ﻣﻦ ﺍﺗﺼﻠﺖ ﻋﻠﻴﻪ
ﺿﺤﻰ .. ﺑﺲ ﺍﻧﺘﻲ ﺍﻫﺪﻱ ﺷﻮﻳﺔ
ﻫﻮ ﻣﻮﻛﻠﺞ ﻣﺴﺎﻓﺔ ﺍﻟﻄﺮﻳﻖ ﻭﺍﻭﺻﻞ
ﺍﻧﺪﻙ ﺍﻟﺒﺎﺏ ﻭﺭﺣﺖ ﺭﻛﺾ ﻋﻠﻴﻪ ﻭﻓﺘﺤﺖ ﺍﻟﺒﺎﺏ
ﻭﺩﺧﻞ ﻋﻤﻮ ﺍﻣﺠﺪ ﻭﺳﻠﻢ
ﺍﻣﺠﺪ .. ﻓﻬﻤﻮﻧﻲ ﺷﻨﻮ ﺍﻟﺴﺎﻟﻔﺔ ﺷﺒﻴﻜﻢ ﺣﺮﻛﺘﻮﺍ ﺍﻟﺪﻧﻴﺎ
ﺍﺑﻮﺝ ﺷﺒﻲ ﺷﺠﺎﻩ ﻟﻴﺶ ﺍﺧﺬ ﺍﺧﺘﺞ ﻟﺒﻴﺖ ﻗﺎﺳﻢ
ﺻﺎﻳﺮ ﺷﻲ ﻭﺍﻧﺎ ﻣﺎ ﺍﻋﺮﻓﻪ؟؟؟
.. ﺑﺎﺑﺎ ﻣﻦ ﻳﻮﻡ ﺯﻭﺝ ﻫﺪﻯ ﻟﻘﺎﺳﻢ ﻭﻫﻮ ﻳﺤﻮﻡ
ﻭﻳﺴﺄﻝ ﺷﻮﻛﺖ ﻳﺠﻮﻥ ﻳﺘﻤﻤﻮﻥ ﺍﻟﺰﻭﺍﺝ
ﻭﻛﻞ ﻳﻮﻡ ﻳﺴﺄﻟﻨﻲ ﻋﻨﻬﻢ
ﻭﺍﻟﻴﻮﻡ ﺍﻟﺼﺒﺢ ﻃﻠﻊ ﻣﻌﺼﺐ ﻣﻦ ﻛﻠﺘﻠﻪ
ﻣﺎﻛﻮ ﺍﻱ ﺧﺒﺮ ﻣﻨﻬﻢ ﻭﻣﺎ ﻣﺒﻴﻦ ﻭﺭﺍﻫﻢ ﻋﺮﺱ
ﺍﺷﻮ ﻫﻮ ﻇﻞ ﻳﻐﻠﻂ ﻭﻳﺴﺐ ﺑﻴﻬﻢ ﻭﻛﺎﻝ
.. ﺷﻜﻠﻬﻢ ﻏﻠﺴﻮﺍ ﻋﻠﻴﻨﺎ ﺍﻧﺎ ﺍﻟﻬﻢ ﺑﺴﻴﻄﺔ ﻣﻮ ﺍﻧﺎ ﺍﻟﻲ ﻳﻨﻠﻌﺐ ﻋﻠﻴﺔ
ﺗﺎﻟﻲ ﺧﻠﺔ ﻭﻃﻠﻊ
ﺍﻣﺠﺪ .. ﻭﻳﻦ ﺭﺍﺡ
.. ﺍﻟﻲ ﺍﻓﺘﻬﻤﺘﻪ ﻣﻦ ﺑﺎﺑﺎ ﺍﻥ ﻫﻮ ﺭﺍﻳﺢ ﻟﻘﺎﺳﻢ ﻭﺣﺎﺟﻲ ﻭﻳﺎﻩ
ﻭﻗﺎﺳﻢ ﻛﻠﻪ ﺍﻟﻌﻘﺪ ﺑﺎﻃﻞ ﻻﻥ ﺗﻢ ﺗﺤﺖ ﺍﻟﻀﻐﻂ
ﻭﺑﺎﺑﺎ ﻇﻞ ﻳﺼﻴﺢ ﻋﻠﻴﻪ ﻭﻫﺎﺩ ﻫﻨﺎﻙ ﻭﻗﺎﺳﻢ ﻛﺎﻳﻠﻪ
ﺑﻨﺘﻚ ﻃﺎﺑﺖ ﻭﺻﺎﺭﺕ ﺯﻳﻨﺔ ﻭﻣﺎ ﺍﻟﻜﻢ ﻳﻤﻲ ﺍﻱ ﺣﻖ
.....
ﻭﺑﺎﺑﺎ ﻣﻦ ﺑﻌﺪ ﻫﺬﺍ ﺍﻟﻤﻮﻗﻒ ﻛﺒﻞ ﺭﺍﻳﺢ
ﻟﺼﺎﺣﺒﻪ ﺍﻟﻤﺤﺎﻣﻲ ﺣﺘﻰ ﻳﺴﺘﺸﻴﺮﻩ
ﻭﺗﺎﻟﻲ ﻭﺭﺓ ﻓﺘﺮﺓ ﺭﺟﻊ ﻟﻠﺒﻴﺖ ﻭﺍﻟﺸﻴﻄﺎﻥ ﻣﺘﺮﺑﻊ ﺑﺮﺍﺳﻪ
.. ﺷﻨﻮ ﻛﺎﻳﻠﻪ ﺍﻟﻤﺤﺎﻣﻲ
.. ﻣﺎ ﺍﻋﺮﻑ ﺑﺲ ﻣﻦ ﺧﻼﻝ ﻛﻼﻣﻪ ﺍﻓﺘﻬﻤﺖ ﺍﻥ
ﻗﺎﺳﻢ ﻣﺎﻧﺎﻭﻱ ﻳﺘﻤﻢ ﺍﻟﺰﻭﺍﺝ ﻭﺍﻟﻌﻘﺪ ﺗﺤﺖ ﺍﻟﻀﻐﻂ ﺷﺒﻪ ﺑﺎﻃﻞ ﻻﻥ ﺍﻟﺒﻨﻴﺔ ﻭﺍﻟﻮﻟﺪ ﻣﺠﺒﻮﺭﻳﻦ
ﻭﻛﻠﻪ ﺍﻟﺘﺄﺧﻴﺮ ﻣﻮ ﻟﺼﺎﻟﺤﻚ ﻭﻣﺎ ﺍﻟﻚ ﺍﻱ ﺣﻖ ﻋﻠﻰ ﻗﺎﺳﻢ ﺑﺎﻟﻘﺎﻧﻮﻥ
ﺧﺼﻮﺻﺎً ﻣﻦ ﻃﺎﺑﺖ ﺑﻨﺘﻚ ﻭﺻﺎﺭﺕ ﺻﺤﺘﻬﺎ ﺯﻳﻨﺔ
ﺍﻧﺖ ﻟﻮ ﻣﻦ ﺍﻭﻝ ﺍﻳﺎﻡ ﻣﺎﺧﺬﻫﺎ ﻟﺒﻴﺘﻬﻢ ﺗﺴﻜﻦ ﻳﻤﻬﻢ
ﺟﺎﻥ ﺻﺎﺭ ﺍﻟﺤﻖ ﻭﻳﺎﻙ
ﻭ ﻗﺎﺳﻢ ﻳﺘﻮﺭﻁ ﺑﻴﻬﺎ
ﺑﺲ ﺍﻟﻈﺎﻫﺮ ﺍﻻﺥ ﻋﺮﻑ ﺷﻠﻮﻥ ﻳﻠﻌﺒﻬﺎ ﺻﺢ
ﺭﺍﺡ ﻳﺨﻠﻲ ﺑﻨﺘﻚ ﻣﻌﻠﻜﺔ
ﻻﻫﻲ ﻣﺘﺰﻭﺟﺔ ﻭﻻ ﻫﻲ ﻣﻄﻠﻜﺔ
ﻭﺗﺎﻟﻲ ﺍﻧﺖ ﺭﺍﺡ ﺗﺮﻭﺣﻠﻪ ﺑﺮﺟﻠﻴﻚ ﺗﺘﻮﺳﻠﻪ ﻳﻄﻠﻚ ﺑﻨﺘﻚ
ﺣﺘﻰ ﺗﺘﺰﻭﺝ ﻭﺗﺸﻮﻑ ﺣﻴﺎﺗﻬﺎ ﺧﻮ ﻣﺎ ﺗﺒﻘﻴﻬﺎ ﻋﻠﻰ ﻛﻠﺒﻚ
.. ﻭﺗﺎﻟﻲ ﺷﺴﻮﺓ ﺍﺑﻮﺝ
.. ﺣﺴﺐ ﺍﻟﻲ ﺍﻓﺘﻬﻤﺘﻪ ﺍﻟﻤﺤﺎﻣﻲ ﻛﺎﻳﻞ
ﻟﺒﺎﺑﺎ ﺍﺳﺤﺐ ﺍﻟﺒﺴﺎﻁ ﻣﻦ ﺗﺤﺖ ﺭﺟﻠﻴﻪ
ﻭﺍﺗﻐﺪﺓ ﺑﻴﻪ ﻗﺒﻞ ﻟﻴﺘﻌﺸﺎ ﺑﻴﻚ
ﺷﻮﻓﻠﻚ ﻃﺮﻳﻘﺔ ﻛﻮﻥ ﺗﺨﻠﻲ ﺑﻨﺘﻚ ﺗﺴﻜﻦ ﻋﻨﺪﻫﻢ ﺍﻭ ﺣﺘﻰ ﻟﻮ ﺗﺨﻠﻴﻬﺎ ﺗﺒﺎﺕ ﺑﻴﻴﺘﻬﻢ ﻛﻢ ﻳﻮﻡ ﺍﻫﻢ ﺷﻲ ﺗﺪﺧﻞ ﺑﺒﻴﺘﻪ ﻭﺗﺴﻜﻦ ﻭﻳﺎﻩ ﺗﺤﺖ ﺳﻘﻒ ﻭﺍﺣﺪ
ﺣﺘﻰ ﺍﻧﺖ ﺑﻮﻛﺘﻬﺎ ﺗﻜﺪﺭ ﺗﺤﻘﻪ ﺍﺫﺍ ﻣﻮ ﺑﺎﻟﻘﺎﻧﻮﻥ ﺗﺎﺧﺬ ﺣﻘﻚ ﻋﺸﺎﺋﺮﻳﺎ
ﻻﻥ ﺍﻟﻌﺸﺎﻳﺮ ﻣﺮﺍﺡ ﺗﺴﻜﺖ ﻋﻠﻰ ﻫﻴﺞ ﺣﺎﻟﺔ
ﻭﺍﻟﺤﻖ ﺭﺍﺡ ﻳﻜﻮﻥ ﻭﻳﺎﻙ
ﻭﺍﻭﻝ ﻣﺎ ﺩﺧﻞ ﺑﺎﺑﺎ ﻟﻠﺒﻴﺖ ﺳﺄﻝ ﻋﻠﻰ ﻫﺪﻯ ﻭﻛﻠﻲ ﻓﻮﺗﻲ ﻟﻤﻲ ﻣﻼﺑﺲ ﺍﺧﺘﺞ ﺧﻠﻲ ﺍﺧﺬﻫﺎ ﻟﺒﻴﺖ ﺭﺟﻠﻬﺎ
ﻭﺳﻮﺩﺓ ﻋﻠﻴﺔ ﺍﻋﺮﻑ ﺑﻬﺪﻯ ﺗﺘﺨﺒﻞ ﺍﺫﺍ ﻋﺮﻓﺖ ﺑﻬﺬﺍ ﺍﻟﺤﺠﻲ
ﻭﺍﻧﻲ ﻣﻦ ﺳﻤﻌﺖ ﻛﻼﻡ ﺑﺎﺑﺎ ﺍﺗﻌﺎﺭﻛﺖ ﻭﻳﺎﻩ ﻣﻌﺘﺮﺿﺔ ﻋﺎﻟﻜﺎﻋﺪ ﻳﺴﻮﻳﻪ ﺑﺤﻴﺎﺓ ﻫﺪﻯ ﻣﺎ ﺍﻧﺘﻈﺮﺗﻪ
ﺭﺣﺖ ﻛﺒﻞ ﺍﺗﺼﻠﺖ ﻋﻠﻴﻬﺎ ﻭﺑﻠﻐﺘﻬﺎ ﺍﺣﺬﺭﻫﺎ ﻟﺘﺠﻲ ﻟﻠﺒﻴﺖ ﻭﺟﺎﻥ ﺑﺎﺑﺎ ﻳﻤﻲ ﺿﺮﺏ ﺍﻟﻨﻘﺎﻝ ﻋﻠﻰ ﺧﺪﻱ
ﻭﺑﻌﺪﻫﺎ ﺍﺗﻌﺎﺭﻛﺖ ﻭﻳﺎﻩ ﻭﻫﻮ ﻳﻐﻠﻂ ﻭﻳﺴﺐ
ﻭﻫﺪ ﻋﻠﻴﺔ ﻭﺿﺮﺑﻨﻲ
ﺟﻨﺖ ﺍﺣﺠﻲ ﻭﺍﻧﺎ ﻛﻠﺒﻲ ﻳﻔﻮﺭ ﻋﻠﻰ ﺍﺑﻮﻱ
ﻭﻛﻤﻠﺖ ﻛﻼﻣﻲ
.. ﺍﻟﻠﻪ ﻳﻠﻌﻦً ﺍﻟﻤﺤﺎﻣﻲ ﻣﺎ ﺍﻋﺮﻑ ﻣﻨﻴﻦ ﻃﻠﻌﻠﻨﺎ
ﻋﻠﻰ ﺍﻻﺳﺎﺱ ﺍﺣﻨﺎ ﻧﺎﻗﺼﻴﻦ ﺍﺩﺭﻱ ﻫﺬﺍ ﺍﻟﻤﺤﺎﻣﻲ ﻣﺎﻋﻨﺪﻩ ﺷﻐﻞ ﻭﻋﻤﻞ ﻭﻓﺎﺭﻍ ﺑﺲ ﻟﺒﺎﺑﺎ
ﺍﻣﺠﺪ .. ﻳﺎﺑﺔ ﺷﺒﻴﺞ ﺗﻠﻜﻴﻦ ﻣﺤﺎﻣﻲ ﻣﻦ ﻫﺬﻭﻟﻲ ﺍﻟﺘﻌﺒﺎﻧﻴﻦ
ﻣﺤﺪ ﻳﻮﻛﻠﻪ ﺑﻘﻀﻴﺔ ﻭﻛﺎﻋﺪ ﻟﻠﺸﺮﺏ ﻭﺍﻟﻌﺮﺑﺪﺓ
ﻣﺎ ﺩﺍﻡ ﻣﺼﺎﺣﺐ ﺍﺑﻮﺝ ﻓﺄﻛﻴﺪ ﻣﺜﻠﻪ
.. ﻋﻤﻮ ﺍﺧﻮﻙ ﻭﺍﻧﺖ ﺗﻌﺮﻓﻪ ﺯﻳﻦ ﺍﻧﻲ ﺧﺎﻳﻔﺔ ﻋﻠﻰ ﺍﺧﺘﻲ ﺍﺩﺭﻱ ﺑﻲ ﻫﺎﻱ ﻫﻮﺳﺘﻪ ﻛﻠﻬﺎ ﻋﻠﻤﻮﺩ ﺍﻟﻔﻠﻮﺱ
ﺳﻠﻴﻤﺔ .. ﻫﺎﻙ ﺍﺳﺘﻠﻢ ﺷﻮﻑ ﺷﻴﻤﺎﺀ ﺷﻠﻮﻥ ﻃﻐﺖ
ﻭﻛﺎﻣﺖ ﻣﺎ ﺗﺤﺘﺮﻡ ﺍﺑﻮﻫﺎ
.. ﺍﻧﺎ ﻣﺎ ﻛﺬﺑﺖ
ﻛﻠﻴﻠﻲ ﻭﻳﻦ ﻓﻠﻮﺱ ﺍﻟﺤﺠﺔ ﻣﺎﻟﺘﺞ ﺍﻟﻲ ﺍﺧﺬﻫﻢ
ﺭﺟﻌﻬﻢ ﻟﻮ ﺑﻌﺪﻫﻢ ﻟﻮ ﻧﺴﻴﺘﻲ
.. ﺑﺮﺑﺞ ﻋﻦ ﻳﺎ ﺍﺏ ﺗﻄﻠﺒﻴﻦ ﻣﻨﻲ ﺍﺣﺘﺮﻣﻪ
ﺑﺎﻻﻭﻝ ﺧﻠﻴﻪ ﻳﺘﺼﺮﻑ ﻣﺜﻞ ﺍﻻﺑﺎﺀ ﺍﻟﺒﻘﻴﺔ
ﻭﺗﺎﻟﻲ ﺗﻌﺎﻟﻲ ﻃﺎﻟﺒﻴﻨﻲ ﺑﺎﻻﺣﺘﺮﺍﻡ
ﻣﻦ ﻭﺭﺓ ﺳﻮﺍﻳﺘﻪ ﺑﻴﻨﺎ ﺧﻼﻧﻲ ﺍﺷﻚ ﺑﻴﻪ ﺍﺑﻮﻧﺎ
ﻫﺪﻯ
ﺟﺮﻧﻲ ﺑﺎﺑﺎ ﻧﺰﻟﺘﻲ ﻣﻦ ﺍﻟﺴﻴﺎﺭﺓ ﻭﺍﻧﻲ ﻛﻠﺸﻲ ﻣﺎ ﻣﻔﺘﻬﻤﺔ ﻛﻞ ﺷﻮﻳﺔ ﺍﺳﺄﻟﻪ ﻭﻋﻴﻨﻲ ﻋﻠﻰ ﺑﺎﺏ ﺑﻴﺖ ﻗﺎﺳﻢ
.. ﺑﺎﺑﺎ ﻟﻴﺶ ﺟﺒﺘﻨﻲ ﻟﻬﻨﺎ ؟؟ !!
ﻣﺠﺎﻭﺑﻨﻲ ﻋﺒﺎﻟﻚ ﻣﺪﺍ ﺍﺣﺠﻲ ﻭﻳﺎﻩ
ﺩﻙ ﺍﻟﺒﺎﺏ ﻭﻃﻠﻌﺖ
ﻫﺎﻟﺔ ﻭﺍﻡ ﻗﺎﺳﻢ ﻣﺘﻔﺎﺟﺌﻴﻦ ﺑﺠﻴﺘﻨﺎ ﻭﺍﻧﺼﺪﻣﻮﺍ ﺍﻛﺜﺮ ﻣﻦ ﺳﻤﻌﻮﺍ ﻛﻼﻡ ﺑﺎﺑﺎ
ﺷﻬﻜﺖ ﺑﺨﻮﻑ ﻣﺼﺪﻭﻣﺔ ﻣﻦ ﻛﻼﻣﻪ
ﺣﺴﻴﺖ ﺑﺎﻟﻀﻴﺎﻉ ﻭﺍﻟﺨﻮﻑ ﻭﺍﻟﺘﻬﺪﻳﺪ
ﻛﺎﻧﺖ ﻫﺎﻱ ﺍﺳﻮﺀ ﻟﺤﻈﺔ ﻣﺮﻳﺖ ﺑﻴﻬﺎ ﺑﺤﻴﺎﺗﻲ
.....
ﻭﺑﻬﺎﻱ ﺍﻟﻠﺤﻈﺔ ﻋﺮﻓﺖ ﺷﻨﻮ ﻣﻌﻨﻰ ﻛﻠﻤﺔ ﺫﻝ
ﻫﻮ ﺍﻧﻚ ﻣﺎ ﺗﻤﻠﻚ ﺣﻖ ﺗﻌﻴﺶ ﺣﺮ ﻣﺮﻓﻮﻉ ﺍﻟﺮﺃﺱ ﻋﻠﻰ ﺍﺭﺿﻚ
ﻳﺨﺬﻟﻚ ﺍﻗﺮﺏ ﻧﺎﺳﻚ ﻭﻳﻘﺪﻣﻚ ﻗﺮﺑﺎﻥ
ﻟﻮﺍﺣﺪ ﻣﺎ ﻳﻘﺪﺭﻙ ﻭﻻ ﻳﻌﺮﻑ ﻗﻴﻤﺘﻚ
ﻛﺎﻥ ﻫﺬﺍ ﺣﺎﻟﻲ ﻭﺍﻧﻲ ﺍﺳﻤﻊ ﻛﻠﻤﺎﺕ ﺑﺎﺑﺎ ﻻﻡ ﻗﺎﺳﻢ
ﺑﺎﻭﻋﺖ ﻋﻠﻴﻪ ﻓﺎﺗﺤﺔ ﺣﻜﻠﻲ ﻣﺼﺪﻭﻣﺔ ﻣﻌﻘﻮﻟﺔ ﺍﺑﻮﻱ
ﻭﺻﻠﺖ ﺑﻲ ﺍﻟﺤﺎﻝ ﻫﻴﺞ ﻳﻜﺴﺮﻧﻲ ﻭﻳﺬﻟﻨﻲ
ﺻﺮﺕ ﺍﺑﺎﻭﻉ ﺑﺎﻟﻮﺟﻮﻩ
ﺟﺎﻧﺖ ﻫﺎﻟﺔ ﺗﺒﺎﻭﻉ ﻋﻠﻰ ﺑﺎﺑﺎ ﻭﺣﺎﻃﺔ ﺍﻳﺪﻫﺎ ﻋﻠﻰ ﺣﻠﻜﻬﺎ ﻣﺘﻔﺎﺟﺌﺔ ﺣﻘﻬﺎ ﺗﺘﻔﺎﺟﻲﺀ
ﻻﻥ ﻣﺎ ﻣﺎﺭ ﻋﻠﻴﻬﺎ ﻭﻻ ﺳﺎﻣﻌﺔ ﺑﺄﺏ ﻳﺴﻮﻱ ﺑﺒﻨﺘﻪ ﻫﻴﺞ
ﺍﺣﺲ ﺧﻨﻜﺘﻨﻲ ﺍﻟﻌﺒﺮﺓ ﻭﺍﺗﻜﺴﺮﺕ ﺍﻟﻐﺼﺔ ﺑﺼﺪﺭﻱ ﻣﻬﻀﻮﻣﺔ
ﺷﻜﺎﻋﺪ ﻳﺼﻴﺮ ﻭﻳﺎﻱ
ﺍﺗﺬﻛﺮﺕ ﺷﻴﻤﺎﺀ ﻭﺗﺤﺬﻳﺮﻫﺎ
ﻟﻴﺶ ﻣﺎ ﺳﻤﻌﺖ ﻛﻼﻣﻬﺎ ﻭﺭﺣﺖ ﻟﺒﻴﺖ ﻓﺎﻃﻤﺔ
ﻟﻴﺶ ﺍﺗﻌﻨﻴﺖ ﺑﺮﺟﻠﻴﺔ ﻟﻤﻨﺼﺔ ﺍﻻﻋﺪﺍﻡ
ﺍﺍﺍﺥ ﻣﻨﻲ ﺩﻭﻡ ﺍﻭﻛﻊ ﺑﺎﻟﻤﺸﺎﻛﻞ ﻻﻥ ﺍﺳﻮﻱ ﺍﻟﻲ ﺑﺮﺍﺳﻲ
ﺍﺭﻳﺪ ﺍﺻﺮﺥ ﺑﻌﺎﻟﻲ ﺻﻮﺗﻲ ﺍﻋﺘﺮﺽ ﻋﻠﻰ ﺍﻟﻈﻠﻢ
ﺍﺛﻴﺮ . ﻛﻤﻞ ﻛﻼﻣﻪ
.. ﻛﻮﻟﻲ ﻟﻘﺎﺳﻢ ﻣﻮ ﺍﻧﺎ ﺍﻟﻲ ﻳﻨﻠﻌﺐ ﻋﻠﻴﺔ
ﻟﺰﻣﻨﻲ ﻣﻦ ﺯﻧﺪﻱ ﻭﺩﻓﻌﻨﻲ ﻛﺪﺍﻡ ﺣﺘﻰ ﺍﺩﺧﻞ ﻟﺒﻴﺘﻬﻢ
.. ﻫﺎﺝ ﻫﺎﻱ ﻣﺮﺕ ﺍﺑﻨﺞ ﺑﻴﺖ ﺭﺟﻠﻬﺎ ﺍﻭﻟﻰ ﺑﻌﻴﺸﺘﻬﺎ
ﺍﺗﻌﺜﺮﺕ ﻭﺻﺮﺕ ﻛﺪﺍﻡ ﺍﻡ ﻗﺎﺳﻢ ﻟﺰﻣﺘﻨﻲ ﻣﻦ ﺍﻳﺪﻱ ﺳﻨﺪﺗﻨﻲ ﻗﺒﻞ ﻻ ﺍﻭﻛﻊ ﻋﻠﻰ ﻭﺟﻬﻲ ﻭ ﺭﻓﻌﺖ ﺭﺍﺳﻲ ﻭﺑﺎﻭﻋﺖ ﻋﻠﻴﻬﺎ ﺍﺳﺘﻨﺠﺪ ﺑﻴﻬﺎ ﺣﺘﻰ ﺗﺪﻓﻊ ﻋﻨﻲ ﻇﻠﻢ ﺍﺑﻮﻱ
ﺍﺻﻌﺐ ﺷﻲ ﺑﺎﻟﺤﻴﺎﺓ ﺍﻥ ﺗﺴﺘﻨﺠﺪ ﺑﺎﻟﻐﺮﻳﺐ ﺣﺘﻰ ﻳﺤﻤﻴﻚ ﻣﻦ ﺍﻗﺮﺏ ﻧﺎﺳﻚ
ﺍﻟﺘﻘﺖ ﻧﻈﺮﺗﻲ ﻭﻳﺔ ﻧﻈﺮﺗﻬﺎ
ﺍﻟﺘﻤﺴﺖ ﻣﻨﻬﺎ ﺍﻟﺮﺣﻤﺔ
ﺍﻡ ﻗﺎﺳﻢ ﺑﻮﻗﺎﺭ .. ﺍﺑﻮ ﺷﻴﻤﺎﺀ ﺍﻫﺪﻯﺀ ﺷﻮﻳﺔ ﻫﺬﺍ ﺍﻟﺤﺠﻲ ﻣﺎ ﻳﺼﻴﺮ ﻳﻨﺤﺠﻲ ﻋﺎﻟﺒﺎﺏ
ﺗﻌﺎﻝ ﺍﺗﻔﻀﻞ ﺟﻮﺓ ﺍﻧﺖ ﻭﺑﻨﺘﻚ
ﻭﻓﻬﻤﻨﻲ ﺷﻨﻮ ﺍﻟﺼﺎﺭ
ﺑﻌﺪﻣﺎ ﺩﺧﻠﺘﻨﺎ ﻟﻐﺮﻓﺔ ﺍﻻﺳﺘﻘﺒﺎﻝ
ﻛﻌﺪﻧﺎ ﻋﺎﻟﻘﻨﻔﺔ ﺟﺎﻥ ﺑﺎﺑﺎ ﺑﺲ ﻳﻨﺎﻓﺦ
ﺟﺎﻧﺖ ﻭﺍﻃﺮﺍﻓﻲ ﻛﻠﻬﺎ ﺗﺮﺗﻌﺪ ﺑﺘﺮﻗﺐ ﻣﺎ ﺍﻋﺮﻑ ﺷﻨﻮ ﻣﺼﻴﺮﻱ
ﻛﺎﻥ ﻋﻘﻠﻲ ﻳﺮﺩﺩ ﻛﻠﻤﺔ ﻭﺣﺪﺓ ﻣﺎ ﺍﺭﻳﺪ ﺍﺑﻘﻰ ﻫﻨﺎ ﺍﻣﻮﺕ ﻭﺍﻟﻠﻪ
ﺟﺎﻧﺖ ﻋﻴﻨﻲ ﻋﺎﻟﺒﺎﺏ ﺍﺗﺨﻴﻞ ﺑﺄﻱ ﻟﺤﻈﺔ ﻳﺪﺧﻞ ﻋﻠﻴﻨﺎ ﻗﺎﺳﻢ
ﻣﺜﻞ ﺍﻟﻐﻴﻤﺔ ﺍﻟﺴﻮﺩﺓ ﻳﺮﻋﺪ ﻓﻮﻙ ﺭﻭﺳﻨﺎ ﺍﺣﺘﺎﺭﻳﺖ ﻳﺎﺭﺑﻲ ﻣﻨﻴﻦ ﺍﻫﺮﺏ ﻭﺍﻟﻤﻦ ﺍﺭﻭﺡ ﺍﺫﺍ ﻫﻮ ﻣﻨﻴﻦ ﻣﺎ ﺍﻟﺘﻔﺖ ﻛﻠﻬﺎ ﺿﺪﻱ
ﺍﺛﻴﺮ .. ﻭﺍﻟﻠﻪ ﻳﺎ ﺍﻡ ﻗﺎﺳﻢ ﺍﺑﻨﺞ ﺩﻙ ﺑﻴﺔ ﺍﻟﻨﺎﻗﺼﺔ ﻭﺧﻠﺔ ﺑﻴﺔ ﻭﺑﺒﻨﺘﻲ
ﻋﻘﺪﺕ ﺣﻮﺍﺟﺒﻬﺎ ﻣﺴﺘﻐﺮﺑﺔ .. ﻣﺎ ﺍﻓﺘﻬﻤﺖ ﺷﻠﻮﻥ ﻳﻌﻨﻲ ﺧﻠﺔ ﺑﻴﻚ
.. ﻋﻘﺪ ﻋﻠﻴﻬﺎ ﻭﺩﺍﺭ ﻭﺟﻬﻪ ﻭﺭﺍﺡ ﻭﺑﻌﺪ ﻣﺎ ﺷﻔﻨﺎﻩ
ﻭﺍﻧﺘﻮﺍ ﺍﻟﻠﻪ ﻳﺤﻔﻈﻜﻢ
ﺿﺮﺑﺘﻮﺍ ﺍﻟﺴﻜﺘﺔ ﻛﻠﺸﻲ ﻣﺎ ﺑﻴﻦ ﻣﻨﻜﻢ ﻭﻻ ﺑﻌﺪ ﺷﻔﻨﺎﻛﻢ
ﻭﺍﻟﻲ ﺍﻓﺘﻬﻤﺘﻪ ﻫﺎﻱ ﺧﻄﺔ ﻣﻦ ﻗﺎﺳﻢ
ﻳﺘﺮﻛﻬﺎ ﻣﻌﻠﻜﺔ ﻣﺎ ﻧﺎﻭﻱ ﻳﺘﺰﻭﺟﻬﺎ
.. ﻟﺤﻈﺔ ﺍﺑﻮ ﺷﻴﻤﺎﺀ ﻻ ﺗﻔﻬﻢ ﺳﻜﻮﺗﻨﺎ ﻏﻠﻂ ﻫﻮ ﺻﺤﻴﺢ ﺍﺣﻨﺎ ﺍﺗﺄﺧﺮﻧﺎ ﻋﻠﻴﻜﻢ ﺑﺲ ﻣﻮ ﻣﻌﻨﺎﻫﺎ ﺍﺣﻨﺎ ﻣﻐﻠﺴﻴﻦ ﻋﻠﻰ ﺑﻨﺘﻚ ﻟﻮ ﻣﺎ ﻧﺮﻳﺪﻫﺎ
ﺑﺎﻟﻌﻜﺲ ﻳﻮﻡ ﺍﻟﻤﻨﻰ ﺍﺷﻮﻑ ﻋﺮﺱ ﺍﺑﻨﻲ ﻗﺎﺳﻢ ﻭﺣﻴﺪﻱ ﻋﻠﻰ ﺍﻟﻴﺘﻤﻨﺎﻫﺎ ﻛﻠﺒﻲ
ﺑﺲ ﺟﻨﺎ ﻧﻤﺮ ﺑﻈﺮﻭﻑ ﺍﻗﻮﻯ ﻣﻨﺎ
ﺟﺒﺮﺗﻨﺎ ﻧﺄﺟﻞ ﻗﻀﻴﺔ ﺍﻟﺰﻭﺍﺝ
ﻛﻼﻡ ﺍﻡ ﻗﺎﺳﻢ ﻛﺪﺭ ﻳﺒﺮﺩ ﻧﺎﺭ ﻏﻀﺐ ﺑﺎﺑﺎ
ﺍﺛﻴﺮ .. ﺑﺲ ﻛﻼﻡ ﺍﺑﻨﺞ ﻋﻜﺲ ﻛﻼﻣﺞ
ﺷﻜﻠﻪ ﻣﺎ ﻣﻌﺘﺮﻑ ﺑﻌﻘﺪ ﺍﻟﺰﻭﺍﺝ ﺣﺴﺐ ﻛﻼﻣﻪ
ﻭﺍﻧﺎ ﻫﺬﺍ ﺍﻟﺸﻲ ﻣﺎ ﻳﺮﺿﻴﻨﻲ ﻣﻮ ﺍﻧﺎ ﺍﻟﻲ ﻳﻨﻀﺤﻚ ﻋﻠﻴﺔ
ﺷﺎﻑ ﺑﻨﺘﻲ ﻃﺎﺑﺖ ﻛﺎﻝ ﻣﺎﻋﻨﺪﻙ ﻳﻤﻲ ﺷﻲ ﺑﻌﺪ ﻣﺎ ﺗﺤﻘﻨﻲ ﺑﻨﺘﻚ ﻭﻋﺎﻟﺠﺘﻬﺎ
ﻋﺒﺎﻟﻪ ﻣﻦ ﻳﺤﺠﻲ ﻫﻴﺞ ﺭﺍﺡ ﺍﺳﻜﺘﻠﻪ
ﻭﻫﺴﺔ ﺍﻧﺎ ﺍﺟﻴﺖ ﻭﺟﺎﻳﺐ ﺑﻨﺘﻲ ﺣﺘﻰ ﺗﺒﻘﻰ ﺑﺒﻴﺖ ﺭﺟﻠﻬﺎ ﻳﻤﻜﻢ
ﻫﻮ ﻋﺒﺎﻟﻪ ﺍﻟﺴﺎﻟﻔﺔ ﺳﻬﻠﺔ ﻭﺧﻠﺼﺖ ﻣﻦ ﻃﺎﺑﺖ ﻭﻛﺎﻣﺖ ﻋﻠﻰ ﺣﻴﻠﻬﺎ ﻭﻣﺸﺖ ﻛﺎﻝ ﻫﺎﻱ ﻫﻲ ﺧﻠﺼﺖ
ﻣﺎ ﻳﺪﺭﻱ ﻫﻮ ﺑﺴﻮﺍﻳﺘﻪ ﻣﻮ ﺑﺲ ﻛﺴﺮ ﺭﺟﻠﻴﻬﺎ ﻫﻮ
ﻛﺴﺮ ﺣﺘﻰ ﻗﺴﻤﺘﻬﺎ ﺑﻴﻮﻡ ﺩﻋﻤﻬﺎ ﺟﺎﻧﻮﺍ ﺟﺎﻳﻴﻬﺎ ﻧﺎﺱ ﻳﻄﻠﺒﻮﻧﻬﺎ ﻟﻠﺰﻭﺍﺝ ﻭﻟﻮﻣﺎ ﻫﻮ ﺟﺎﻥ ﻫﺴﺔ ﻫﻲ ﻣﺘﺰﻭﺟﺔ
......
ﺍﻡ ﻗﺎﺳﻢ ﺑﻌﺪﻡ ﺍﻗﺘﻨﺎﻉ .. ﺣﻘﻚ ﺍﺩﺭﻱ ﻣﻮ ﻫﻴﻨﺔ ﻋﻠﻴﻚ
ﺍﻥ ﺷﺎﺀ ﺍﻟﻠﻪ ﻗﺴﻤﺘﻬﺎ ﻣﺎ ﺗﻨﻜﺴﺮ
ﺑﺲ ﺍﺭﻳﺪﻙ ﺗﺴﻤﻌﻨﻲ ﺯﻳﻦ ﺍﺭﻳﺪ ﻣﻨﻚ ﺗﺎﺧﺬ ﺑﻨﺘﻚ ﻭﺗﺮﺟﻊ ﺑﻴﻬﺎ ﻟﺒﻴﺘﻜﻢ
ﺍﺗﺴﻌﺖ ﻋﻴﻮﻧﻪ ﺑﻐﻀﺐ ﻭﻧﻬﺾ ﻣﻦ ﻣﻜﺎﻧﻪ
ﺍﻡ ﻗﺎﺳﻢ ﻛﻤﻠﺖ ﻛﻼﻣﻬﺎ ﺣﺘﻰ ﺗﺘﻼﻓﺔ ﺳﻮﺀ ﺍﻟﻔﻬﻢ
.. ﻟﺤﻈﺔ ﺍﻛﻌﺪ ﺧﻠﻴﻨﻲ ﺍﻛﻤﻞ ﻛﻼﻣﻲ
ﺑﺎﻭﻉ ﻋﻠﻴﻬﺎ ﻭﻫﻮ ﻳﻨﺎﻓﺦ ﺑﻌﺪﻡ ﺻﺒﺮ
.. ﺷﻜﻌﺪ ﻭﺷﻔﺘﻬﻢ
.. ﺍﺳﻤﻌﻨﻲ ﻟﻼﺧﻴﺮ ﻭﻻ ﺗﺴﺘﻌﺠﻞ
ﺍﺭﻳﺪﻙ ﺗﺎﺧﺬ ﺑﻨﺘﻚ ﻭﻭﺗﺮﺟﻌﻬﺎ ﻟﺒﻴﺘﻜﻢ ﻣﻌﺰﺯﺓ ﻭﻣﻜﺮﻣﺔ
ﻣﻮ ﺍﻧﺎ ﺍﻟﻲ ﺍﺯﻭﺝ ﺍﺑﻨﻲ ﻭﺣﻴﺪﻱ ﺑﻬﺎﻱ ﺍﻟﻄﺮﻳﻘﺔ
ﻣﺜﻞ ﺍﻟﺤﺮﺍﻣﻴﺔ ﺗﺠﻴﺒﻬﺎ ﺑﺴﻜﻮﺕ ﻭﺗﺸﻤﺮﻫﺎ ﻋﺪﻧﺎ
ﻫﺎﻱ ﻣﺮﺕ ﻗﺎﺳﻢ ﻣﻮ ﺍﻱ ﻭﺍﺣﺪ
ﺑﻤﺎ ﺍﻥ ﺍﻧﺖ ﻣﺎ ﺍﻧﺘﻀﺮﺕ ﻭﺍﺟﻴﺖ ﻟﺒﻴﺘﻨﺎ ﺑﺮﺟﻠﻴﻚ ﺗﻄﺎﻟﺐ ﺑﺤﻖ ﺑﻨﺘﻚ ﻓﺤﻘﻚ ﻋﻠﻴﻨﺎ ﻭﺣﻖ ﺑﻨﺘﻚ ﻳﻤﻲ ﻭﺍﻥ ﺷﺎﺀ ﺍﻟﻠﻪ ﻣﻴﻀﻴﻊ ﺣﻘﻬﺎ
ﻓﺤﻀﺮ ﻧﻔﺴﻚ ﻳﻮﻡ ﺍﻟﺠﻤﻌﺔ ﺍﻟﺠﺎﻳﻪ
ﻧﺴﻮﻱ ﻣﺸﻴﺔ ﺭﺟﺎﻝ ﻭﻧﺠﻴﺐ ﺷﻴﻮﺧﻨﺎ ﻭﻋﻤﺎﻣﻨﺎ ﻭﺟﺎﻳﻴﻜﻢ ﺧﻄﺎﺑﺔ ﻧﻄﻠﺐ ﺍﻳﺪ ﺑﻨﺘﻚ
ﺍﺭﻳﺪ ﻛﻠﺸﻲ ﻳﺘﻢ ﻋﻠﻰ ﺣﺴﺐ ﺍﻻﺻﻮﻝ
ﺍﻧﺎ ﺍﻡ ﻭ ﺍﺭﻳﺪ ﺍﻓﺮﺡ ﺑﻌﺮﺱ ﺍﺑﻨﻲ ﻭﺣﻴﺪﻱ
ﺍﺛﻴﺮ ﺑﺸﻚ .. ﻭﺷﻨﻮ ﻳﻀﻤﻦ ﻟﻲ ﺍﻥ ﺍﻧﺘﻲ ﻣﺎ ﺗﺘﺮﺍﺟﻌﻴﻦ
ﺑﻜﻼﻣﺞ ﻣﺜﻞ ﺍﺑﻨﺞ ﻭﺗﻨﻜﺜﻴﻦ ﺍﻟﻮﻋﺪ
ﺍﻡ ﻗﺎﺳﻢ .. ﺍﻧﻲ ﺍﻧﻄﻴﺘﻚ ﻛﻠﻤﺘﻲ
ﻭﺍﺧﺬﻫﺎ ﻭﻋﺪﻣﻨﻲ ﻣﺎ ﺍﺗﻨﺎﺯﻝ ﻋﻦ ﻛﻼﻣﻲ
ﺍﻧﻲ ﺍﻛﺜﺮ ﻭﺣﺪﺓ ﺭﺍﻏﺒﺔ ﺑﻬﺬﺍ ﺍﻟﺰﻭﺍﺝ ﻭﻟﻮﻣﺎ
ﻣﻘﺘﻨﻌﺔ ﺟﺎﻥ ﻣﺎ ﺷﻔﺘﻨﻲ ﻛﺎﻋﺪﺓ ﺍﺣﺠﻲ ﻭﻳﺎﻙ
ﺟﺎﻥ ﻣﻦ ﺍﻭﻝ ﻣﺎ ﺩﺧﻠﺖ ﻟﺒﻴﺘﻨﺎ ﺍﺗﺼﻞ ﻋﻠﻰ ﻗﺎﺳﻢ ﻭﺍﺧﻠﻲ ﻳﺸﻮﻑ ﺷﻐﻠﻪ ﻭﻳﺎﻙ ﻭﺍﻧﻲ ﺍﻋﺮﻑ ﺍﻥ ﺍﻟﻘﺎﻧﻮﻥ ﻟﺼﺎﻟﺢ
ﻗﺎﺳﻢ ﻭﻣﺤﺪ ﻳﺤﻘﻪ ﻭﺣﺘﻰ ﻟﻮ ﺍﻧﺖ ﺳﻮﻳﺖ ﻫﻴﺞ ﻣﺎ ﺭﺍﺡ ﺗﻘﺪﻡ ﺍﻭ ﺗﺄﺧﺮ ﺍﻱ ﺷﻲ ﻣﻦ ﻗﺮﺍﺭ ﻗﺎﺳﻢ
ﻟﺬﻟﻚ ﺍﻧﺖ ﻣﺎ ﻋﻨﺪﻙ ﻏﻴﺮ ﺣﻞ ﺑﺲ ﺗﻨﻔﺬ ﻛﻼﻣﻲ
.. ﺍﻡ ﻗﺎﺳﻢ ﻻ ﺗﺴﺘﻬﺎﻧﻴﻦ ﺑﻴﺔ ﺍﻧﺎ ﻣﻮ ﻏﺸﻴﻢ ﻭﻣﺎ ﺍﺟﻴﺖ ﻟﻬﻨﺎ ﺍﻻ ﻭﺍﻧﺎ ﻭﺍﺛﻖ ﻣﻦ ﻗﺮﺍﺭﻱ ﻭﺍﻋﺮﻑ ﺷﻨﻮ ﺍﻟﻲ ﻭﺷﻨﻮ ﻋﻠﻴﺔ
ﻛﻞ ﺍﻟﻲ ﺍﺭﻳﺪﻩ ﻣﻨﺞ ﺗﻜﻮﻧﻴﻦ ﺑﻜﺪ ﻛﻠﻤﺘﺞ ﻭﺍﺿﻦ ﺍﻧﺘﻲ ﺻﺎﺣﺒﺔ ﺑﻨﺎﺕ ﻭﺗﻌﺮﻓﻴﻦ ﺍﻟﺒﻨﻴﺔ ﻣﻦ ﻳﻨﻜﺴﺮ ﺑﺨﺘﻬﺎ ﺷﻠﻮﻥ
ﺗﺘﺤﻄﻢ ﺣﻴﺎﺗﻬﺎ
ﺍﻡ ﻗﺎﺳﻢ .. ﺷﻮﻑ ﺍﺑﻮ ﺷﻴﻤﺎﺀ ﺑﻌﻴﺪﺍً ﻋﻦ ﺍﻟﻤﺸﺎﻛﻞ ﻭﺍﻟﻲ ﺻﺎﺭ
ﺻﺪﻛﻨﻲ ﺍﻧﻲ ﺷﺎﺭﻳﺔ ﺑﻨﺘﻚ ﻫﺪﻯ ﺯﻭﺟﺔ ﻻﺑﻨﻲ ﻗﺎﺳﻢ
ﻭﺍﻟﻠﻪ ﺍﻟﺸﺎﻫﺪ ﻋﻠﻰ ﻛﻼﻣﻲ ﺍﻭﻝ ﻣﺎ ﻭﻛﻌﺖ ﻋﻴﻨﻲ ﻋﻠﻴﻬﺎ ﺍﺗﻤﻨﻴﺘﻬﺎ ﺗﻜﻮﻥ ﻣﻦ ﻧﺼﻴﺒﻪ
ﻓﻜﻞ ﺍﻟﻲ ﺍﻃﻠﺒﻪ ﻣﻨﻚ ﺍﻥ ﺗﻬﺪﻱ ﺗﺮﺓ ﺍﻟﻤﺸﺎﻛﻞ ﻣﺎ ﺗﻨﺤﻞ
ﺑﺎﻟﺘﻬﺪﻳﺪ ﻭﻻ ﺑﺎﻟﻌﺼﺒﻴﺔ ﺍﻧﻲ ﺍﻋﺮﻑ ﻗﺎﺳﻢ ﺍﺑﻨﻲ
ﺍﺫﺍ ﺳﻤﻊ ﺑﺴﺎﻟﻔﺘﻚ ﻣﺎ ﺭﺍﺡ ﻳﺴﻜﺖ ﻭﻻ ﺭﺍﺡ ﻳﺨﻀﻊ
ﻟﻮ ﻋﻠﻰ ﻛﺺ ﺭﻛﺒﺘﻪ ﺧﺼﻮﺻﺎً ﺍﺫﺍ ﺻﺎﺭﺕ ﺍﻟﺴﺎﻟﻔﺔ ﺑﻴﻬﺎ ﻋﻨﺎﺩ
ﻣﺎ ﺍﻋﺮﻑ ﻟﻴﺶ ﻛﻠﻤﺎ ﻳﻨﺬﻛﺮ ﺍﺳﻢ ﻗﺎﺳﻢ ﺑﺎﻟﺴﺎﻟﻔﺔ ﻛﻠﺒﻲ
ﻳﻨﻘﺒﺾ ﺍﺑﺎﻭﻉ ﻋﻠﻴﻬﻢ ﻳﺤﺠﻮﻥ ﻭﻳﺨﻄﻄﻮﻥ ﺣﻴﺎﺗﻲ ﻛﺪﺍﻣﻲ
ﺑﺪﻭﻥ ﻣﺎ ﻳﺎﺧﺬﻭﻥ ﺭﺃﻳﻲ ﻋﺒﺎﻟﻚ ﻣﺎ ﻛﺎﻋﺪﺓ ﻭﻳﺎﻫﻢ
ﻣﺜﻞ ﺍﻟﻨﻜﺮﺓ ﻣﺎﻟﻲ ﺣﻖ ﺍﺣﺠﻲ ﻭﻻﺯﻡ ﺍﻛﻮﻥ ﻣﻤﻨﻮﻧﺔ
ﻟﻘﺮﺍﺭﻫﻢ ﻭﺍﻛﻌﺪ ﺍﺩﻋﻲ ﺭﺑﻲ ﻛﻮﻥ ﺣﻀﺮﺕ ﺍﻻﺳﺘﺎﺫ ﻗﺎﺳﻢ ﻳﺸﺮﻓﻨﻲ ﺑﻤﻮﺍﻓﻘﺘﻪ
ﻫﺬﺍ ﺍﻋﺘﻘﺎﺩﻫﻢ
ﻭﺍﺷﻮﻓﻬﻢ ﻫﻮﺍﻱ ﻣﻬﺘﻤﻴﻦ ﻟﻘﺎﺳﻢ ﻭﻟﺮﺩﺓ ﻓﻌﻠﻪ
ﺯﻳﻦ ﺍﻧﻲ ﻫﻢ ﺑﺸﺮ ﻭﺍﻟﻲ ﺭﺃﻳﻲ ﻣﻨﻮ ﻛﻠﻠﻬﻢ ﺍﻧﻲ ﻣﻮﺍﻓﻘﺔ
ﻛﻠﺒﻲ ﻛﻤﺰ ﻣﻦ ﻣﻜﺎﻧﻪ ﻣﻦ ﺷﻔﺖ ﺑﺎﺑﺎ ﻛﺎﻡ ﻣﻦ ﻣﻜﺎﻧﻪ ﻭﻛﺎﻝ
.. ﻫﺬﺍ ﻫﻮ ﺭﺍﺡ ﺍﺧﺬ ﻛﻠﻤﺘﺞ ﺭﺍﺱ ﻣﺎﻝ ﻭﺍﻋﺘﺒﺮﻫﺎ ﺿﻤﺎﻥ
ﻭﺍﻥ ﺷﺎﺀ ﺍﻟﻠﻪ ﻳﺠﻲ ﻳﻮﻡ ﺍﻟﺠﻤﻌﺔ ﻭﻧﺸﻮﻑ
......
ﺍﻧﺘﺒﻬﺖ ﻻﻡ ﻗﺎﺳﻢ ﻻﻧﺖ ﻣﻼﻣﺤﻬﺎ ﻭﺍﺑﺘﺴﻤﺖ ﻭﻛﺎﻣﺖ ﻭﻳﺔ ﺑﺎﺑﺎ ﻭﻛﺎﻟﺖ
.. ﻋﻠﻰ ﺑﺮﻛﺔ ﺍﻟﻠﻪ ﻭ ﺍﻥ ﺷﺎﺀ ﺍﻟﻠﻪ ﺍﻧﻲ ﺑﺎﺟﺮ ﺍﻣﺮ ﻋﺎﻟﺒﻨﺎﺕ ﻟﻠﺒﻴﺖ ﺍﺷﻮﻓﻬﻢ ﺷﻨﻮ ﻳﺤﺘﺎﺟﻮﻥ ﻣﻦ ﺗﺠﻬﻴﺰﺍﺕ ﻟﻠﻤﻬﺮ
ﻇﻠﻴﺖ ﻛﺎﻋﺪﺓ ﺑﻤﻜﺎﻧﻲ ﻭﺣﺮﻛﺖ ﺷﻔﺎﻳﻔﻲ ﻭﺍﻧﻲ ﺍﺭﺗﻌﺪ ﺍﺭﻳﺪ ﺍﻧﻄﻖ ﺑﺄﻋﺘﺮﺍﺽ
ﺍﺟﺘﻲ ﻫﺎﻟﺔ ﻋﻠﻴﺔ ﻭﺣﻀﻨﺘﻨﻲ ﻓﺮﺣﺎﻧﺔ
ﻋﻠﻰ ﺷﻨﻮ ﻫﺎﻱ ﺍﻟﻌﻮﺑﺔ ﻓﺮﺣﺎﻧﺔ
ﺑﺲ ﻫﻤﺔ ﺻﺪﻙ ﻛﺎﻟﻮﻫﺎ ﻣﺼﺎﺋﺐ ﻗﻮﻡٍ ﻋﻨﺪ ﻗﻮﻡٍ ﻓﻮﺍﺋﺪٌ ﻭﺑﻌﺪﻫﺎ ﺍﺟﺘﻲ ﺍﻡ ﻗﺎﺳﻢ ﺍﺧﺬﺗﻨﻲ ﺑﺎﻻﺧﻀﺎﻥ ﺗﺒﺎﺭﻛﻠﻲ ﺳﻤﻌﺖ ﺻﻮﺕ ﺑﺎﺑﺎ
.. ﻳﺎﻟﻠﻪ ﻛﻮﻣﻲ ﺗﺤﺮﻛﻲ ﻛﺪﺍﻣﻲ
ﻛﻤﺖ ﻣﻦ ﻣﻜﺎﻧﻲ ﻣﺜﻞ ﺍﻟﺮﺟﻞ ﺍﻻﻟﻲ
ﻳﺘﺤﻜﻤﻮﻥ ﺑﻴﺔ ﻭﻏﺼﺐ ﻋﻨﻲ ﻻﺯﻡ ﺍﻃﻴﻌﻬﻢ
ﻫﺎﻟﺔ
ﻃﻠﻊ ﺍﺑﻮ ﺷﻴﻤﺎﺀ ﻭﻫﺪﻯ ﺳﺪﻳﻨﺎ ﺍﻟﺒﺎﺏ ﻭﺭﺍﻫﻢ ﻛﻠﺒﻲ ﻣﻜﺴﻮﺭ ﻋﻠﻰ ﺷﻜﻞ ﻫﺪﻯ ﺍﻟﺨﺎﻳﻒ
ﺍﻧﺘﺒﻬﺖ ﻻﻣﻲ ﺻﺎﻓﻨﺔ ﺗﻔﻜﺮ ﺑﻌﺪﻫﺎ ﻛﺎﻟﺖ
.. ﻫﺎﻟﺔ ﺳﻤﻌﻴﻨﻲ ﺯﻳﻦ ﻣﺎ ﺗﺠﻴﺒﻴﻦ ﺳﻴﺮﺓ ﻋﻦ ﺍﻟﺼﺎﺭ
ﻟﻜﺎﺋﻦ ﻣﻦ ﻛﺎﻥ ﻭﺧﺼﻮﺻﺎ ﻗﺎﺳﻢ ﺍﺧﻮﺝ ﻣﺎ ﺍﺭﻳﺪﻩ ﻳﻌﺮﻑ ﺑﺠﻴﺘﻬﻢ ﻭﺍﻟﻠﻪ ﻳﺤﺮﻙ ﺍﻟﺪﻧﻴﺎ
ﺍﻟﻠﻪ ﺳﺘﺮ ﺍﺧﻮﺝ ﻣﺠﺎﻥ ﻣﻮﺟﻮﺩ ﺑﺎﻟﺒﻴﺖ ﻣﻦ ﺍﺟﻮﻱ
ﻫﺎﻟﺔ .. ﺯﻳﻦ ﺷﻨﻮ ﺭﺍﺡ ﺗﺴﻮﻳﻦ ﺑﻬﺎﻱ ﺍﻟﻮﺭﻃﺔ
ﺍﻧﻄﻴﺘﻬﻢ ﻛﻠﻤﺔ ﻭﺍﻧﺘﻲ ﺗﻌﺮﻓﻴﻦ ﻛﻠﺶ ﺯﻳﻦ ﻗﺎﺳﻢ ﺭﺍﻓﺾ ﻫﺬﺍ ﺍﻟﺰﻭﺍﺝ ﺭﻓﺾ ﻗﺎﻃﻊ
.. ﻣﺎ ﻋﻠﻴﺞ ﻣﻮﺍﻓﻘﺔ ﺍﺧﻮﺝ ﻳﻤﻲ ﺍﻧﻲ ﺍﻋﺮﻑ ﺷﻠﻮﻥ ﺍﺧﻠﻴﻪ ﻳﻮﺍﻓﻖ ﺑﺲ ﺑﺎﻻﻭﻝ ﺧﻠﻲ
ﺍﺭﻭﺡ ﻟﺒﻴﺖ ﺍﺑﻮ ﺷﻴﻤﺎﺀ ﻭﺍﻟﺘﻘﻲ ﻭﻳﺔ ﺷﻴﻤﺎﺀ ﻭﺍﺗﻔﻖ ﻭﻳﺎﻫﺎ ﻋﻠﻰ ﺍﻻﻣﻮﺭ ﺍﻟﻤﻬﻤﺔ ﻭﺣﻀﺮﻱ ﻧﻔﺴﺞ ﺑﺎﺟﺮ ﺗﺠﻴﻦ ﻭﻳﺎﻱ
ﺍﺭﻳﺪﺝ ﺗﺤﺠﻴﻦ ﻭﻳﺔ ﻫﺪﻯ ﺷﻜﻠﻬﺎ ﺑﻌﺪﻫﺎ ﻣﺼﺪﻭﻣﺔ ﻭﺭﺍﻓﻀﺔ
ﺳﺎﻟﻔﺔ ﺍﻟﺰﻭﺍﺝ ﻣﻦ ﻗﺎﺳﻢ
ﻫﺎﻟﺔ .. ﺍﻧﺘﻲ ﻟﻴﺶ ﻫﻠﻜﺪ ﻣﻬﺘﻤﺔ ﻟﻤﻮﺍﻓﻘﺘﻬﺎ
.. ﺭﻓﻀﻬﺎ ﻟﻘﺎﺳﻢ ﻣﺎ ﺭﺍﺡ ﻳﺴﺎﻋﺪﻧﻲ ﺑﻜﺴﺐ ﺍﺧﻮﺝ
ﺍﺭﻳﺪﻫﺎ ﻣﻘﺘﻨﻌﺔ ﻭﻣﻮﺍﻓﻘﺔ ﺣﺘﻰ ﺗﺴﺎﻋﺪﻧﻲ ﺗﻔﺮ ﺭﺍﺳﻪ
ﻭﺗﺒﻌﺪﻩ ﻋﻦ ﺑﻨﺖ ﻋﻤﺞ ﻣﺤﻤﺪ
ﻫﺎﻟﺔ .. ﻫﺎ ﻳﻌﻨﻲ ﻫﻴﺞ ﺍﻟﺤﺠﻲ ﺗﺮﻳﺪﻳﻦ ﺗﺴﺘﺨﺪﻣﻴﻦ ﻫﺪﻯ ﻣﺜﻞ ﺍﻟﻄﻌﻢ ﻟﻘﺎﺳﻢ ﺣﺘﻰ ﻳﻠﺘﻬﻲ ﺑﻴﻬﺎ ﻭﻳﻨﺴﻰ ﺭﻫﻒ
ﻳﻤﺔ ﺍﻛﻠﺞ ﺍﻳﺎﻫﺎ ﻣﻦ ﻫﺴﺔ ﺗﺮﺓ ﺍﻟﻤﻮﺿﻮﻉ ﺻﻌﺐ
ﻣﻮ ﻣﺜﻞ ﻣﺎ ﺍﻧﺘﻲ ﻣﺘﺨﻴﻠﺘﻪ ﻫﻴﺞ ﺳﻬﻞ
ﻗﺎﺳﻢ ﻋﻨﻮﺩﻱ ﻭﺭﺍﺳﻪ ﻳﺎﺑﺲ
ﻣﺎ ﺍﺗﻮﻗﻊ ﻫﺪﻯ ﺭﺍﺡ ﺗﻜﺪﺭ ﻋﻠﻴﻪ
.. ﺑﺎﻟﻌﻜﺲ ﺍﺻﻼ ﻫﻲ ﻫﺪﻯ ﺑﺎﻟﺬﺍﺕ
ﺭﺍﺡ ﺗﻜﺪﺭ ﻋﻠﻴﻪ ﻭﻛﻮﻟﻲ ﻛﺎﻟﺖ ﺍﻣﻲ
.. ﺷﻤﻌﻨﺎ ﻫﺪﻯ
.. ﻻﻥ ﻫﺪﻯ ﺗﺮﺑﻴﺔ ﺍﻣﻬﺎ ﻭﺷﻴﻤﺎﺀ .. ﺍﻣﻬﺎ ﺍﻟﻠﻪ ﻳﺮﺣﻤﻬﺎ ﺟﺎﻧﺖ ﻛﻠﺶ ﺻﺒﻮﺭﺓ ﻭﻗﺎﻧﻌﺔ ﺍﺑﺪ ﻣﺎ ﻳﻮﻡ ﺳﻤﻌﺘﻬﺎ ﺗﺸﺘﻜﻲ ﺿﻴﻤﻬﺎ ﺍﻭ ﺗﺤﺠﻲ ﺑﻌﻴﻮﺏ ﺭﺟﻠﻬﺎ ﺭﻏﻢ ﻛﻞ ﻣﺴﺎﻭﺀﻩ ﻫﻲ ﺳﺎﻛﺘﺔ
ﻭﺷﻴﻤﺎﺀ ﺗﺤﻤﻠﺖ ﺍﻟﻤﺴﺆﻭﻟﻴﺔ ﻣﻦ ﻫﻲ ﺻﻐﻴﺮﺓ ﻭﻛﺒﺮﺕ ﺍﺧﻮﺍﺗﻬﺎ ﻋﻠﻰ ﻫﺬﺍ ﺍﻟﺸﻲ
.. ﺑﺲ ﺍﻟﺼﺒﺮ ﻭﺣﺪﻩ ﻣﺎ ﻳﻜﻔﻲ
.. ﻭﻣﻮ ﺑﺲ ﻫﻴﺞ ﻭﺿﻴﻔﻲ ﻓﻮﻛﺎﻫﺎ ﻫﺪﻯ ﺣﻠﻮﺓ ﻭﺩﻣﻬﺎ ﻋﺴﻞ
ﺗﻜﺪﺭ ﺑﺘﺼﺮﻓﺎﺗﻬﺎ ﺗﻄﻔﻲ ﻧﺎﺭ ﻗﺎﺳﻢ ﻭﺗﻨﺴﻲ ﺍﺳﻤﻪ
.. ﻫﻲ ﻣﻦ ﻧﺎﺣﻴﺔ ﺩﻣﻬﺎ ﻋﺴﻞ ﺍﻧﻲ ﺍﺷﻬﺪ ﻋﻠﻴﻬﺎ ﺑﺨﻔﺔ ﺩﻣﻬﺎ ﻭﺳﻮﺍﻟﻔﻬﺎ ﻭﺻﺪﻙ ﺣﻠﻮﺓ ﺑﺲ ﺗﻌﺎﻟﻲ ﻛﻠﻴﻠﻲ ﺗﺮﺓ ﻫﻲ ﻫﻮﺍﻱ
ﻗﺼﻴﺮﺓ ﻋﻠﻰ ﻗﺎﺳﻢ
.. ﻫﻲ ﺣﻼﺕ ﺍﻟﺒﻨﻴﺔ ﻧﻌﻮﻣﺘﻬﺎ
.. ﺍﻱ ﺑﺲ ﺍﺑﻨﺞ ﻋﻤﻠﻴﻖ ﻭﻳﻦ ﻳﺨﻠﻴﻬﺎ ﻟﻬﺪﻯ
ﺿﺤﻜﺖ
ﻋﺰﺓﺓﺓﺓﺓ ﻭﺍﻟﻠﻪ ﻳﺴﻮﻳﻬﺎ ﻣﺪﺍﻟﻴﺔ ﻳﻌﻠﻜﻬﺎ ﺑﻤﻔﺎﺗﻴﺢ ﺍﻟﺴﻴﺎﺭﺓ
.. ﻋﻤﺔ ﺑﻌﻴﻨﺞ ﺑﺎﻟﻠﻪ ﺷﻮ ﻛﻮﻣﻲ ﻣﻦ ﻛﺪﺍﻣﻲ
ﺣﺠﺘﻬﺎ ﺍﻡ ﻗﺎﺳﻢ ﻭﻫﻲ ﻻﻣﺔ ﺣﻠﻜﻬﺎ ﺿﺎﻣﺔ ﺿﺤﻜﺘﻬﺎ
ﻋﻠﻰ ﻛﻼﻡ ﻫﺎﻟﺔ
.......
ﺷﻴﻤﺎﺀ
ﺍﺑﺎﻭﻉ ﻟﻌﻤﻮ ﺍﻣﺠﺪ ﺭﻓﻊ ﺗﻠﻔﻮﻧﻪ ﻭﺍﺗﺼﻞ ﻋﻠﻰ ﺑﺎﺑﺎ ﻭﻣﺎﻛﻮ ﺭﺩ
ﺍﻣﺠﺪ .. ﺍﺳﺘﻐﻔﺮ ﺍﻟﻠﻪ ﻣﺎ ﻳﺮﺩ ﺍﻟﻠﻪ ﻳﻠﻌﻦ ﺍﻟﻴﻮﻡ ﺍﻟﻌﺮﻓﺘﻪ ﺑﻲ
ﻫﺬﺍ ﺍﻟﺮﺟﺎﻝ ﺭﺍﺡ ﻳﻤﻮﺗﻨﻲ ﻧﺎﻗﺺ ﻋﻤﺮ
ﻇﻞ ﻛﻠﺒﻲ ﻳﻮﺟﻌﻨﻲ ﺳﺎﻟﺘﻪ
.. ﻋﻤﻮ ﺍﺗﺼﻞ ﻋﻠﻰ ﺍﻡ ﻗﺎﺳﻢ
ﺍﺳﺄﻟﻬﺎ ﺍﺑﻮﻱ ﺍﺟﺎﻛﻢ ﻟﻮ ﺑﻌﺪﻩ
ﻳﺎﺭﺑﻲ ﻭﺍﻟﻠﻪ ﺯﺣﻤﺔ ﺣﺘﻰ ﻣﺎﻟﻲ ﻋﻴﻦ ﺍﺗﺼﻞ ﺍﺳﺘﺤﻲ
ﺍﻣﺠﺪ .. ﻻ ﻋﻴﺐ ﻻ ﺗﺘﺼﻠﻴﻦ ﻋﻠﻴﻬﺎ ﺧﻠﻲ ﻧﻨﺘﻈﺮ ﺍﺑﻮﺝ ﻭﻧﻔﺘﻬﻢ ﻣﻨﻪ ﺷﺴﻮﺓ
ﺟﺎﻥ ﻳﺤﺠﻲ ﻭﺑﺎﻭﻉ ﻟﻮﺟﻪ ﺿﺤﻰ ﻭﺳﺄﻟﻬﺎ ﻣﺘﻔﺎﺟﻲﺀ ﺑﺸﻜﻠﻬﺎ
.. ﻫﺎﻱ ﺷﻨﻮ ﺷﺒﻴﺞ ﻋﻤﻮ
ﻣﻨﻮ ﻣﺴﻮﻱ ﺑﻮﺟﻬﺞ ﻫﻴﺞ
ﺩﻧﻜﺖ ﺿﺤﻰ ﻣﻘﻬﻮﺭﺓ
ﺳﻠﻴﻤﺔ .. ﺍﻧﺪﺭﻱ ﺍﻟﺒﺎﺭﺣﺔ ﺍﺟﺘﻨﺎ ﺑﺎﻟﻠﻴﻞ ﻣﻜﺘﻮﻟﺔ
ﻭﻭﺟﻬﺎ ﻣﺰﻭﺭﻙ ﻭﻛﻠﺸﻲ ﻣﺎ ﺍﻓﺘﻬﻤﻨﺎ ﻣﻨﻬﺎ ﺷﻤﺴﻮﻳﺔ ﻭﻫﻴﺞ ﻣﺪﻛﻮﻛﺔ
ﺷﻴﻤﺎﺀ .. ﻋﻤﻮ ﻭﺍﻟﻠﻪ ﺳﺎﻟﻔﺔ ﻫﺪﻯ ﻧﺴﺘﻨﻲ ﻣﻮﺿﻮﻉ ﺿﺤﻰ ﻭﻣﺼﻴﺒﺘﻬﺎ
.. ﻟﻴﺶ ﺷﺒﻴﻬﺎ ﺿﺤﻰ
ﺩﺍ ﺍﺣﺠﻲ ﻭﺟﺎﻥ ﻳﺪﺧﻞ ﺑﺎﺑﺎ ﻫﻮ ﻭﻫﺪﻯ
ﻛﺒﻞ ﺭﻛﻀﺖ ﺍﻟﻬﻢ
ﺟﺎﻥ ﻣﺒﻴﻦ ﻋﻠﻰ ﻭﺟﻪ ﺍﺑﻮﻧﺎ ﺍﻟﺮﺿﻰ
ﺍﺗﻄﻤﻨﺖ ﻣﻦ ﺷﻔﺖ ﻫﺪﻯ ﺭﺟﻌﺖ ﻭﻳﺎﻩ ﺑﺲ ﺟﺎﻥ ﻭﺟﻬﻬﺎ ﻣﺨﻄﻮﻑ ﺳﻮﺩﺓ ﻋﻠﻴﺔ
ﺍﻣﺠﺪ .. ﻣﺘﻜﻠﻲ . ﺍﻧﺖ ﺷﻨﻮ ﺳﺎﻟﻔﺘﻚ
ﺍﻛﻮ ﻭﺍﺣﺪ ﻳﺴﻮﻱ ﺳﻮﺍﻳﺘﻚ
ﺟﺎﻥ ﻋﻤﻮ ﻳﺤﺠﻲ ﻭﻫﺪﻯ ﺗﺮﻛﺘﻨﺎ ﻭﺭﺍﺣﺖ ﺩﺧﻠﺖ ﻟﻠﻐﺮﻓﺔ ﻭﺳﺪﺕ ﺍﻟﺒﺎﺏ ﻋﻠﻰ ﺭﻭﺣﻬﺎ ﺑﺪﻭﻥ ﻣﺘﺤﺠﻲ ﺍﻱ ﺷﻲ ﺍﻟﺼﺪﻣﺔ ﻣﺮﺳﻮﻣﺔ ﻋﻠﻰ ﻭﺟﻬﺔ
.. ﺑﺎﺑﺎ ﺷﻨﻮ ﺻﺎﺭ ﻫﺪﻯ ﺷﺒﻴﻬﺎ ﺍﻧﺖ ﺷﻨﻮ ﺳﻮﻳﺖ ﺑﺄﺧﺘﻲ
ﺟﻨﺖ ﺍﺣﺠﻲ ﺑﻐﻴﺾ
ﺟﺎﻭﺑﻨﻲ ﺑﻜﻞ ﻓﺨﺮ
.. ﺳﻮﻳﺖ ﺍﻟﻼﺯﻡ ﻳﺼﻴﺮ
ﺣﻄﻴﺖ ﺍﻟﻨﻘﻂ ﻋﺎﻟﺤﺮﻭﻑ
ﺍﺧﺬﺕ ﻫﺪﻯ ﻭﺧﻠﻴﺖ ﺍﻫﻞ ﻗﺎﺳﻢ ﻛﺪﺍﻡ ﺍﻻﻣﺮ ﺍﻟﻮﺍﻗﻊ
ﺑﺎﻭﻉ ﻋﻠﻴﺔ
.. ﺍﻱ ﺻﺪﻙ ﻗﺒﻞ ﻻ ﺍﻧﺴﻰ ﺣﻀﺮﻭﺍ ﻧﻔﺴﻜﻢ ﺑﺎﺟﺮ ﺗﺠﻲ ﺍﻡ ﻗﺎﺳﻢ ﺗﺘﻔﻖ ﻭﻳﺎﻛﻢ ﺑﻤﻮﺿﻮﻉ ﺍﻟﺨﻄﻮﺑﺔ
ﺍﻥ ﺷﺎﺀ ﺍﻟﻠﻪ ﺍﻟﺠﻤﻌﺔ ﺍﻟﺠﺎﻳﺔ ﻳﺠﻮﻥ ﻳﺨﻄﺒﻮﻥ
ﺟﺎﻥ ﺑﺎﺑﺎ ﻳﺤﺠﻲ ﺑﻔﺨﺮ ﻭﺍﻧﻲ ﺍﺑﺎﻭﻉ ﻋﻠﻴﻪ ﺷﻠﻮﻥ
ﻳﺴﻮﻟﻒ ﺍﻧﺠﺎﺯﺍﺗﻪ ﻟﺴﻠﻴﻤﺔ ﻭﺍﺧﻮﻩ
ﻳﺘﻔﺎﺧﺮ ﻋﻠﻰ ﺣﺴﺎﺏ ﺟﺮﺡ ﺑﻨﺘﻪ ﻭﺫﻟﻬﺎ
ﺍﻫﻢ ﺷﻲ ﻫﻮ ﻳﺤﻘﻖ ﻣﺒﺘﻐﺎﻩ ﺑﺪﻭﻥ ﻣﺎ ﻳﻬﺘﻢ ﻟﻤﺸﺎﻋﺮ ﺑﻨﺘﻪ
ﻛﻤﻞ ﻛﻼﻣﻪ ﻭﺑﺎﻭﻉ ﻟﻌﻤﻮ ﺍﻣﺠﺪ
.. ﺍﻣﺠﺪ ﻣﻮ ﺗﻨﺴﻰ ﺗﺮﺓ ﺍﻟﺨﻄﻮﺑﺔ ﺑﺒﻴﺘﻚ ﻻﻥ ﻧﺎﺳﻬﻢ ﻫﻮﺍﻱ ﻭﻣﻌﺮﻭﻓﻴﻦ ﺑﻴﺘﻨﺎ ﻣﺎ ﺭﺍﺡ ﻳﻜﻔﻴﻬﻢ
.. ﻫﺬﺍ ﻫﻮ ﻋﻠﻰ ﺑﺮﻛﺔ ﺍﻟﻠﻪ
ﻫﺪﻯ
ﺧﻔﺖ ﺍﻻﺻﻮﺍﺕ ﻭﺻﺎﺭ ﺍﻟﺒﻴﺖ ﺳﻜﻮﻥ ﻋﻤﻮ ﺍﻣﺠﺪ ﻃﻠﻊ ﻭﺑﺎﺑﺎ ﻃﻠﻊ
ﺑﺪﻟﺖ ﻣﻼﺑﺴﻲ ﻭﺑﺎﻟﻲ ﻭﻋﻘﻠﻲ ﻛﻠﻪ ﻣﺸﺪﻭﻩ
ﺍﻓﻜﺮ ﺷﻠﻮﻥ ﺍﻃﻠﻊ ﻧﻔﺴﻲ ﻣﻦ ﻫﺎﻱ ﺍﻟﻮﺭﻃﺔ
ﻓﺠﺎﺀﺓ ﺍﺗﺬﻛﺮﺕ ﺭﻓﺾ ﻗﺎﺳﻢ ﻟﻠﺰﻭﺍﺝ
ﺑﺪﺕ ﻣﻌﻨﻮﻳﺎﺗﻲ ﺗﺮﺗﻔﻊ ﻭﺻﺎﺭ ﻋﻨﺪﻱ ﺍﻣﻞ
ﺑﻘﺎﺳﻢ ﺍﻥ ﻳﺒﻘﻰ ﻣﺘﻤﺴﻚ ﺑﺮﻓﻀﻪ ﺑﺎﻟﺰﻭﺍﺝ ﻣﻨﻲ
ﻫﺎﻱ ﺍﺧﺮ ﻓﺮﺻﺔ ﺍﻟﻲ
ﻭﺷﻮﻳﺔ ﺷﻮﻳﺔ ﺑﺪﺓ ﺧﻮﻓﻲ ﻳﺘﺒﺪﺩ ﺍﺗﻤﺴﻜﺖ ﺑﺎﻻﻣﻞ
ﺍﻱ ﻫﺎﻟﺔ ﺟﺎﻧﺖ ﺩﺍﺋﻤﺎ ﺗﻜﻮﻝ ﻋﻦ ﻗﺎﺳﻢ ﺍﻧﻪ ﻋﻨﻮﺩﻱ ﻭﺭﺍﺳﻪ ﻳﺎﺑﺲ ﻭﻣﺎ ﻳﻮﻡ ﺳﻤﻊ ﻛﻼﻡ ﺍﺣﺪ
ﺣﺘﻰ ﺍﺑﻮﻩ ﺑﻜﺒﺮﻩ ﻣﺎ ﻳﻜﺪﺭ ﻋﻠﻴﻪ
ﻭﺍﺗﻮﻗﻊ ﺍﻡ ﻗﺎﺳﻢ ﺣﺠﺖ ﻫﻴﺞ ﻭﻳﺔ ﺑﺎﺑﺎ ﺣﺘﻰ ﺗﺴﻜﺘﻪ
ﺗﺘﺠﻨﺐ ﺍﻟﻤﺸﺎﻛﻞ
ﺟﻨﺖ ﺻﺎﻓﻨﺔ ﻭﺩﺧﻠﺖ ﺷﻴﻤﺎﺀ ﻋﻠﻴﺔ ﺍﺩﺭﻱ ﺑﻴﻬﺎ ﻣﺎ ﺭﺍﺡ ﺗﻌﻮﻓﻨﻲ ﻭﺩﺧﻠﺖ ﻭﻳﺎﻫﺎ ﺿﺤﻰ
ﺑﺎﻭﻋﺖ ﻟﻮﺟﻮﻩ ﺧﻮﺍﺗﻲ ﻣﻜﻠﺒﺔ ﺍﻧﻤﺮﺩ ﻛﻠﺒﻲ ﻋﻠﻴﻬﻦ
ﺟﺎﻥ ﻭﺟﻪ ﺷﻴﻤﺎﺀ ﺍﺣﻤﺮ ﺳﻮﺩﺓ ﻋﻠﻴﺔ ﺍﺗﺬﻛﺮﺕ ﺻﺮﺧﺘﻬﺎ ﻣﻦ ﺍﺗﺼﻠﺖ ﻋﻠﻴﺔ ﺗﺤﺬﺭﻧﻲ
ﺍﻛﻴﺪ ﻫﺎﻱ ﺿﺮﺑﺔ ﺍﺑﻮﻧﺎ ﺍﻟﻌﺰﻳﺰ
ﺍﺗﻘﺮﺑﺖ ﺷﻴﻤﺎﺀ ﻋﻠﻴﺔ ﻭﻛﺎﻟﺖ ﺑﻘﻬﺮ
.....
ﻫﺪﻯ ﺑﺎﻟﻠﻪ ﺷﻮ ﺍﺣﺠﻲ ﻟﻲ ﺷﻨﻮ ﺳﻮﺓ ﺍﺑﻮﺝ ﻫﻨﺎﻙ ﺑﺒﻴﺖ ﺍﻡ ﻗﺎﺳﻢ
ﺷﻐﻠﺖ ﻧﻔﺴﻲ ﻟﻤﻴﺖ ﻣﻼﺑﺲ ﺍﻟﻜﻠﻴﺔ ﻭﻛﻌﺪﺕ ﺍﺻﻔﻂ ﺑﻴﻬﻢ
ﻛﺘﻤﺖ ﻗﻬﺮﺗﻲ ﺑﻜﻠﺒﻲ ﺍﺣﺲ ﻣﺜﻞ ﺍﻟﺒﺮﻛﺎﻥ ﻳﻔﻮﺭ ﺩﺍﺧﻞ ﺻﺪﺭﻱ ﻣﺎ ﺍﺭﻳﺪ ﺍﺣﺠﻲ ﻛﺎﻓﻲ ﺍﻟﻲ ﻛﺎﻋﺪ ﻳﺼﻴﺮ ﻭﻳﺎﻧﺎ
ﻫﺎﻱ ﺿﺤﻰ ﺣﺘﻰ ﻣﺤﺪ ﺳﺄﻟﻬﺎ ﺷﺒﻴﻬﺎ ﺗﻜﺴﺮ ﺍﻟﺨﺎﻃﺮ
ﺑﻠﻌﺖ ﻏﺼﺘﻲ ﻭﺩﺳﺖ ﻋﻠﻰ ﺟﺮﺣﻲ ﻭﺭﻓﻌﺖ ﺭﺍﺳﻲ ﻭﺣﺠﻴﺖ
.. ﻣﺎﻛﻮ ﺷﻲ ﻳﻨﺤﺠﻲ ﻛﻞ ﺍﻟﻲ ﺳﻮﺍﻩ ﺍﺑﻮﺝ
ﻛﺎﻟﻪ ﺍﻟﻜﻢ
.. ﻫﺪﻯ ﺑﺎﻭﻋﻲ ﻋﻠﻴﺔ ﻭﺟﺎﻭﺑﻴﻨﻲ ﺗﺮﺓ ﺍﻧﺘﻲ ﻣﺎ ﻣﺠﺒﻮﺭﺓ
ﻋﻠﻰ ﻫﺬﺍ ﺍﻟﺰﻭﺍﺝ
.. ﺷﻴﻤﺎﺀ ﺑﻌﺪ ﻣﺎ ﻳﻔﻴﺪ ﺍﻟﺤﺠﻲ ﺍﻟﻤﻮﺿﻮﻉ ﻃﻠﻊ ﻣﻦ ﺍﻳﺪﻧﺎ
ﻏﻔﻀﻲ ﻣﺎ ﻏﺎﺡ ﻳﻘﺪﻡ ﻭﻻ ﻳﺄﺧﻎ ( ﺭﻓﻀﻲ ﻣﺎﺭﺍﺡ ﻳﻘﺪﻡ ﻭﻻﻳﺄﺧﺮ )
ﻣﻦ ﻭﻏﺔ ( ﻭﺭﺓ ) ﺍﺑﻮﺝ ﺧﺴﻐﺖ ( ﺧﺴﺮﺕ ) ﻛﻠﺸﻲ ﺑﺤﻴﺎﺗﻲ
ﺣﺠﺖ ﺿﺤﻰ
.. ﻫﺪﻯ ﺍﻧﺘﻲ ﻟﻴﺶ ﻣﺎ ﺗﺒﺪﻳﻦ ﺗﺘﻘﺒﻠﻴﻦ ﻫﺬﺍ ﺍﻟﺰﻭﺍﺝً
ﻭﺗﻔﺘﺤﻴﻦ ﺻﻔﺤﺔ ﺟﺪﻳﺪﺓ
ﺗﺮﺓ ﻗﺎﺳﻢ ﺧﻮﺵ ﺭﺟﺎﻝ ﺟﻨﺖ ﺍﺳﻤﻊ ﺳﻴﻒ ﻭﺍﺑﻮﻩ ﺩﺍﺋﻤﺎ ﻳﺤﻤﺪﻭﻥ ﺑﺄﺧﻼﻗﻪ
ﻭﻓﻮﻙ ﻫﺬﺍ ﻛﻠﻪ ﺍﻣﻪ ﺗﺤﺒﺞ ﻭﻓﺮﺣﺎﻧﺔ ﺑﻬﺬﺍ ﺍﻟﺰﻭﺍﺝ
ﻳﻌﻨﻲ ﺑﻴﻦ ﻗﻮﺳﻴﻦ ﻗﺎﺳﻢ ﻋﺮﻳﺲ ﻣﺎ ﻳﺘﻔﻮﺕ
ﻭﺍﻟﻒ ﻣﻦ ﺗﺘﻤﻨﺎﻩ
ﻳﻌﻨﻲ ﺍﻧﻲ ﺍﺷﻮﻓﺞ ﺍﻧﺘﻲ ﻫﻮﺍﻱ ﻣﻌﻈﻤﺔ ﺍﻻﻣﻮﺭ ﺑﺮﻓﻀﺞ
ﻭﻣﺒﺎﻟﻐﺔ ﺑﺴﺎﻟﻔﺔ ﺧﻮﻓﺞ ﻣﻨﻪ ﺗﺮﺓ ﻫﻮ ﻳﺒﻘﻰ ﺑﺸﺮ ﻣﻮ ﻭﺣﺶ ﻣﺜﻠﻤﺎ ﺍﻧﺘﻲ ﻣﺘﺼﻮﺭﺗﻪ ﻛﺒﺮﻱ ﻋﻘﻠﺞ ﻭﻻ ﺗﺼﻴﺮﻳﻦ ﻃﻔﻠﺔ ﺗﺪﺭﻳﻦ ﻫﻮﺍﻱ ﺑﻨﺎﺕ ﻳﺘﻤﻨﻮﻥ ﻣﻜﺎﻧﺞ
.. ﺿﺤﻰ ﺍﻧﺘﻲ ﺷﻜﺎﻋﺪ ﺗﺤﺠﻴﻦ
ﻟﺞ ﺿﺤﻰ ﺗﻐﺔ ﺍﻟﻤﻮﺿﻮﻉ ﻛﻠﺶ ﺟﺒﻴﻎ ( ﺟﺒﻴﺮ )
ﺍﻛﺒﻎ ( ﺍﻛﺒﺮ ) ﻣﻦ ﺗﻔﻜﻴﻐﺞ ( ﺗﻔﻜﻴﺮﺝ ) ﺍﻟﻤﺤﺪﻭﺩ
ﻫﻲ ﻋﺒﺎﻟﺞ ﻫﻴﻨﺔ ﺗﻠﻜﻴﻦ ﻏﻮﺣﺞ ( ﺭﻭﺣﺞ ) ﺑﻠﻴﻠﺔ ﻭﺿﺤﺎﻫﺎ
ﺍﺗﺰﻭﺟﺘﻲ ﻣﻦ ﺭﺟﺎﻝ ﻏﻐﻴﺐ ﻣﺘﻌﻐﻔﻴﻦ ( ﻏﺮﻳﺐ ﻣﺘﻌﺮﻓﻴﻦ ) ﻋﻨﻪ ﺍﻱ ﺷﻲ
ﻣﺸﺎﻳﻔﺔ ﻣﻨﻪ ﺑﺲ ﺍﻟﻐﻀﺐ ﻭﺍﻟﻘﺴﻮﺓ ﻭﺍﻟﻌﻨﺎﺩ
ﻻ ﻭﻧﻮﺏ ﻓﻮﻙ ﻫﺬﺍ ﻛﻠﻪ ﺍﺑﻮﺝ ﻏﺼﺒﻪ ﺑﺎﻟﺰﻭﺍﺝ ﻣﻨﻲ
ﺗﻌﻐﻔﻴﻦ ( ﺗﻌﺮﻓﻴﻦ ) ﺷﻨﻮ ﻣﻌﻨﺎﻫﺎ
ﻣﻌﻨﺎﻫﺎ ﺍﻧﻲ ﺍﻧﻔﻐﻀﺖ ( ﺍﻧﻔﺮﺿﺖ ) ﻋﻠﻰ ﺣﻴﺎﺗﻪ ﻭﺧﺼﻮﺻﻴﺘﻪ
ﻳﻌﻨﻲ ﺍﺗﺨﻴﻠﻲ ﺍﻧﻲ ﺑﻨﻴﺔ ﻭﻛﻠﺒﺖ ﺍﻟﺪﻧﻴﺎ ﻣﻦ ﺳﻤﻌﺖ ﺑﺎﺑﺎ ﺯﻭﺟﻨﻲ ﻏﺼﺐ ﻋﻨﻲ
ﺯﻳﻦ ﻫﻮ ﺍﻟﻐﺠﺎﻝ ( ﺍﻟﺮﺟﺎﻝ ) ﺍﻟﻲ ﺍﻧﻐﺼﺐ ﻋﺎﻟﺰﻭﺍﺝ ﺷﻨﻮ ﺗﻜﻮﻥ ﻏﺪﺓ ( ﺭﺩﺓ ) ﻓﻌﻠﻪ ﻭﻻ ﻣﻮ ﺍﻱ ﻭﺍﺣﺪ ﻫﺬﺍ ﻗﺎﺳﻢ
ﺍﻟﻜﺎﻉ ﺻﺎﻳﺤﺔ ﻣﻨﻪ ﺍﻟﻐﻮﺙ
ﻭﺍﺯﻳﺪﺝ ﻣﻦ ﺍﻟﺸﻌﻎ ( ﺍﻟﺸﻌﺮ ) ﺑﻴﺖ ﺗﺪﻏﻴﻦ ( ﺗﺪﺭﻳﻦ ) ﻗﺎﺳﻢ ﻳﺤﺐ ﺑﻨﺖ ﻋﻤﻪ ﻭﻫﻲ ﺗﺤﺒﻪ ﻭﻣﺘﻮﺍﻋﺪﻳﻦ ﺍﺛﻨﻴﻨﻬﻢ ﺑﺎﻟﺰﻭﺍﺝ ﺑﺲ ﺗﺨﻠﺺ ﻛﻠﻴﺘﻬﺎ
ﺍﺣﻠﻔﺞ ﺑﺎﻟﻠﻪ ﺑﻌﺪ ﻛﻞ ﻫﺬﺍ
ﺷﻨﻮ ﺗﺘﻮﻗﻌﻴﻦ ﻏﺎﺡ ﺗﻜﻮﻥ ﻏﺪﺓ ( ﺭﺩﺓ ) ﻓﻌﻠﻪ ﻣﻦ ﺍﻭﻛﻊ ﺟﻮﺓ ﺍﻳﺪﻩ
ﻭﺍﻛﻮﻥ ﻳﻤﻪ
ﻟﺘﺘﻮﻗﻌﻴﻦ ﻏﺎﺡ ﻳﺎﺧﺬﻧﻲ ﺑﺎﻻﺧﻀﺎﻥ ﺍﻭ ﻳﻌﺎﻣﻠﻨﻲ ﺑﺄﺣﺘﻐﺎﻡ ﺍﻭ ﻳﻐﺤﻤﻨﻲ ( ﺑﺎﺣﺘﺮﺍﻡ ﺍﻭ ﻳﺮﺣﻤﻨﻲ )
ﺍﺑﺎﻭﻉ ﻟﻀﺤﻰ ﺑﻘﺖ ﻣﺼﻔﺼﻔﺔ ﻣﻜﺪﺭﺕ ﺗﺠﺎﻭﺑﻨﻲ
ﺣﺠﺖ ﺷﻴﻤﺎﺀ ﺑﻴﺄﺱ
.. ﻣﺴﺘﺤﻴﻞ ﺍﺧﻠﻴﻬﻢ ﻳﺰﻭﺟﻮﻧﺞ ﻏﺼﺐ ﻋﻨﺞ
ﻟﻮ ﻋﻠﻰ ﻛﺺ ﺭﻛﺒﺘﻲ
ﺧﻄﻴﺔ ﺟﺎﻧﺖ ﺗﺤﺠﻲ ﺑﻘﻠﺔ ﺣﻴﻠﺔ ﺍﺩﺭﻱ ﺑﻴﻬﺎ ﻣﺎ ﺗﻤﻠﻚ ﺍﻱ ﻗﻮﺓ ﺍﻭ ﺍﻱ ﺳﻨﺪ ﻳﻜﺪﺭ ﻳﻮﻛﻒ ﺑﻮﺟﻪ ﺍﺑﻮﻧﺎ
.. ﺍﻛﻮﻝ ﺷﻮﻣﺔ ﺳﺪﻱ ﺍﻟﻤﻮﺿﻮﻉ ﻛﻠﺒﻲ ﺍﻧﻘﺒﺾ ﻣﻨﻪ
ﻋﻨﺪﻱ ﺍﻳﻤﺎﻥ ﺑﺎﻟﻠﻪ ﺍﻥ ﻣﺎ ﻏﺎﺡ ﻳﺘﻐﻜﻨﻲ ( ﻳﺘﺮﻛﻨﻲ )
ﺳﻜﺘﺖ ﻭﺿﻠﻴﻨﺎ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ
ﻭﺑﻌﺪﻳﻦ
ﺍﺑﺘﺴﻤﺖ ﻭﺣﺠﻴﺖ
.. ﺍﻛﻮﻝ ﺑﻨﺎﺕ ﺍﻟﻠﻪ ﻋﻠﻴﻜﻢ ﻏﻮﺣﻮﺍ ( ﺭﻭﺣﻮﺍ ) ﺑﺎﻭﻋﻮﺍ ﻭﺟﻮﻫﻜﻢ ﺑﺎﻟﻤﻐﺎﻳﺎ ( ﺑﺎﻟﻤﺮﺍﻳﺎ )
ﺗﻜﻮﻝ ﻭﺣﺪﺗﻜﻢ ﻋﺒﺎﻟﻚ ﺧﻐﻴﺠﺔ ( ﺧﺮﻳﺠﺔ ) ﺳﺠﻮﻥ ﺷﻜﻠﻜﻢ ﻳﺠﻴﺐ ﺍﻟﺘﺎﻳﻪ ﻣﺸﺒﻮﻫﺎﺕ
ﺧﻐﺐ ﺣﻈﻲ
ﺍﺑﺘﺴﻤﺖ ﺿﺤﻰ
.. ﻻ ﻭﺍﻧﻲ ﺍﻟﻔﻄﻴﺮﺓ ﺍﻧﺼﺤﺞ ﺑﺎﻟﺰﻭﺍﺝ ﻭﺍﻧﻲ ﺍﻭﻝ ﻭﺣﺪﺓ ﺍﻟﻤﻔﺮﻭﺽ ﺗﺤﺬﺭ ﺍﻟﺒﻨﺎﺕ ﻣﻦ ﺍﻟﺰﻭﺍﺝ ﺑﻌﺪ ﺍﻟﻀﻴﻢ ﺍﻟﻲ ﺷﻔﺘﻪ
ﺍﺧﺮ ﻣﻦ ﻳﺘﻜﻠﻢ ﺍﻧﻲ
.....
ﺷﻔﺘﻲ ﺷﻠﻮﻥ ﻋﻮﺩ ﻫﺎﻱ ﺍﻧﺘﻲ ﺍﻟﺤﻠﻮﺓ ﻣﺎﻟﺘﻨﺎ ﻭﻫﻴﺞ ﻣﺘﺄﺫﻳﺔ
ﺯﻳﻦ ﺍﻧﻲ ﺷﻨﻮ ﻣﺼﻴﻐﻲ ( ﻣﺼﻴﺮﻱ )
ﻭﻳﺔ ﻫﺬﺍ ﺍﻟﻐﻮﻝ ﻗﺎﺳﻢ
ﺷﻴﻤﺎﺀ ﻛﺎﺗﻤﺔ ﺿﺤﻜﺘﻬﺎ
.. ﺍﻟﻠﻪ ﻳﻠﻌﻨﺞ ﻫﻮ ﻣﺤﺪ ﻋﻢ ﻋﻠﻴﺞ ﻏﻴﺮ ﺑﺲ ﺍﻟﺴﺎﻧﺞ ﻭﺗﺎﻟﻴﺘﺞ
ﻣﻜﺘﻮﻟﺔ ﻣﻦ ﻭﺭﺓ ﻫﺬﺍ ﺍﻟﺴﺎﻧﺞ
ﺿﺤﻰ .. ﻻ ﺑﺲ ﻫﺪﻯ ﻋﻦ ﺍﻟﻀﺤﻚ ﻛﻠﻤﺔ ﺣﻖ ﺗﻨﻜﺎﻝ
ﻗﺎﺳﻢ ﻛﻠﺶ ﺣﻠﻮ ﺑﺎﻟﺤﻘﻴﻘﺔ ﺍﺻﻼ ﺍﺷﻮﻓﻪ ﻫﻮﺍﻱ ﻋﻠﻴﺞ
ﻫﻬﻬﻬﻬﻬﻪ
.. ﻋﻤﺔ ﺑﻌﻴﻨﺞ ﺗﻌﻴﺒﻴﻦ ﻋﻠﻴﺔ
ﺷﺒﻴﺔ ﺍﻧﻲ ﺷﻨﺎﻗﺼﻨﻲ ﺗﻐﺔ ( ﺗﺮﺓ )
ﺍﻧﻲ ﺣﻠﻮﺓ ﻭﺍﺧﺒﻞ ﺷﻌﻐﻲ ( ﺷﻌﺮﻱ ﻭﺣﺪﻩ ﺑﻤﻐﺔ ( ﺑﻤﺮﺓ )
.. ﺍﻫﻮﻭﻭ ﺣﻤﺖ ﻋﻠﻴﻨﺎ ﻣﺎ ﻧﺎﻗﺼﺞ ﺷﻲ ﺑﺲ ﻫﻮ ﺟﻨﻪ ﻛﻨﺘﻮﺭ ﻭﺍﻧﻲ ﺟﻨﺞ
ﺟﻨﻴﺔ ﺍﻟﻲ ﻭﻳﺔ ﺑﻴﺘﺮ ﺑﺎﻥ ﺍﻟﻲ ﺗﻄﻴﺮ
ﻳﻤﻜﻦ ﻳﺪﻭﺳﺞ ﻋﻠﻴﺞ ﻭﻣﺎ ﻳﻨﺘﺒﻪ
ﺿﺤﻜﺖ ﻋﻠﻰ ﻛﻼﻣﻬﺎ
.. ﺫﻛﻐﺘﻴﻨﻲ ( ﺫﻛﺮﺗﻴﻨﻲ ) ﺑﻨﻜﺘﻪ ﻣﺎﻟﺖ ﺍﻟﻔﻴﻞ ﻭﺍﻟﻨﻤﻠﺔ ﺑﻴﻮﻡ ﺍﻟﻔﻴﻞ ﺑﺘﺰﻭﺝ ﺍﻟﻨﻤﻠﺔ
ﻭﻳﺪﻭﺳﻬﺎ ﺑﻴﻮﻡ ﻋﻐﺴﻬﻢ ( ﻋﺮﺳﻬﻢ ) ﻭﻣﺎ ﻳﻨﺘﺒﻪ ﻋﻠﻴﻬﺎ
ﺟﻨﺖ ﺍﺿﺤﻚ ﺑﺨﻮﺍﺗﻲ ﻭﺍﻧﻲ ﻛﻠﺒﻲ ﻧﺎﺭ
ﻣﺎ ﺗﻨﻄﻔﻲ ﺟﺎﻥ ﺑﺎﻗﻲ ﻋﻨﺪﻱ ﺷﻮﻳﺔ ﺍﻣﻞ
ﻭﻫﺬﺍ ﺍﻻﻣﻞ ﻣﺘﻌﻠﻖ ﺑﺮﻓﺾ ﻗﺎﺳﻢ ﻟﻬﺬﺍ ﺍﻟﺰﻭﺍﺝ
ﺍﻧﻲ ﺍﻟﻲ ﻣﻄﻤﻨﻲ ﺍﻥ ﻫﻮ ﻣﺴﺘﺤﻴﻞ ﺭﺍﺡ ﻳﻮﺍﻓﻖ
ﻋﻠﻰ ﻛﻼﻡ ﺑﺎﺑﺎ ﻭﺍﻣﻪ
ﻧﺬﺭ ﻋﻠﻴﻪ ﺍﺻﻮﻡ ٣ ﺍﻳﺎﻡ ﻟﻮﺟﻪ ﺍﻟﻠﻪ ﺗﻌﺎﻟﻰ ﺍﺫﺍ ﻗﺎﺳﻢ ﺣﺮﺭﻧﻲ ﻣﻦ ﻫﺬﺍ ﺍﻟﺰﻭﺍﺝ
ﻣﺮ ﺍﻟﻴﻮﻡ ﺑﻄﻮﻟﻪ ﺑﻬﺪﻭﺀ ﻣﻦ ﺑﻌﺪ ﺍﻟﺼﺎﺭ ﺑﻌﺪ ﻣﺤﺪ ﻓﺘﺢ ﺳﻴﺮﺓ ﺍﻟﺰﻭﺍﺝ
ﺑﺲ ﺳﻠﻴﻤﺔ ﻛﻞ ﺷﻮﻳﺔ ﺗﺴﻤﻌﻨﻲ ﺣﺠﺎﻳﺔ ﻛﻠﻤﺎ ﺍﻓﻮﺕ ﻣﻦ ﻳﻤﻬﺎ
ﺗﻜﻠﺐ ﺑﻌﻴﻮﻧﻬﺎ ﻭﺗﻜﻮﻝ
.. ﺑﺨﺖ ﺍﻟﻐﺒﺮﺓ ﻭﺍﻟﻠﻪ ﻃﻠﻌﺘﻲ ﻣﻮ ﻫﻴﻨﺔ
ﻃﻮﻟﺞ ﺷﺒﺮ ﻭﻣﺎ ﻛﺎﻋﺪﺓ ﺭﺍﺣﺔ ﻭﺑﺨﺘﺞ ﻋﺎﻟﻲ ﻳﻠﻮﺡ ﺑﺎﻟﺴﻤﺎ
ﺑﻌﺪ ﺷﻌﻠﻴﺞ ﺭﺍﺡ ﺗﺎﺧﺬﻳﻠﺞ ﻭﺍﺣﺪ ﻛﺎﻣﻞ ﻣﻜﻤﻞ
ﻋﻮﺩ ﺫﻛﺮﻳﻨﺎ ﺑﺎﻟﺨﻴﺮ ﺍﻟﻲ ﺭﺍﺡ ﻳﻠﻮﺣﺞ
ﻣﻮ ﺗﻨﺴﻴﻦ ﺗﺮﺓ ﺍﻟﻔﻀﻞ ﻳﺮﺟﻊ ﻻﺑﻮﺝ
ﺑﻬﺬﺍ ﺍﻟﺨﻴﺮ
ﺑﺎﻭﻋﺖ ﻋﻠﻴﻬﺎ ﻭﺍﻧﻲ ﺍﺗﻤﻨﻰ ﺍﻛﻠﻬﺎ ﺑﺴﻨﻮﻧﻲ
ﻳﺎﻟﻠﻪ ﻫﺎﻱ ﺳﻠﻴﻤﺔ ﻭﺣﺪﺓ ﻣﻦ ﺍﻻﻟﻒ ﺍﻟﻲ ﺭﺍﺡ ﻳﺤﺴﺪﻭﻧﻲ
ﻋﻠﻰ ﻧﺼﻴﺒﻲ ﺍﻟﻌﻄﻼﻥ
ﻳﻌﻨﻲ ﻗﻤﺔ ﺍﻟﻨﺬﺍﻟﺔ ﻭﺍﺣﺪ ﻣﺎﻛﻞ ﻭﺣﻞ
ﻭﺑﻌﺰ ﺍﻟﻀﻴﻢ ﺍﻟﻨﺎﺱ ﺗﺘﺤﺴﺪﻩ ﻓﻮﻛﺎﻫﺎ
ﻟﻠﻴﻞ ﺑﺎﺑﺎ ﺍﺗﺼﻞ ﻋﻠﻰ ﺷﻴﻤﺎﺀ ﻭﻛﻠﻠﻬﺎ ﺍﻟﻴﻮﻡ ﻣﺎ ﺭﺍﺡ ﺍﺭﺟﻊ ﻟﻠﺒﻴﺖ
ﺩﺧﻠﺖ ﻟﻠﻐﺮﻓﺔ ﻟﻜﻴﺖ ﺍﻟﺒﻨﺎﺕ ﻓﺎﺭﺷﺎﺕ ﺍﻟﻔﺮﺍﺵ
ﻭﺷﻴﻤﺎﺀ ﻣﺘﻤﺪﺩﺓ ﺍﻧﺘﺒﻬﺖ ﻋﻠﻰ ﺿﺤﻰ
ﺟﺎﻧﺖ ﻣﺘﻤﺪﺩﺓ ﻳﻢ ﺷﻴﻤﺎﺀ ﺷﻮﻳﺔ ﻭﺩﻙ ﻧﻘﺎﻝ ﺷﻴﻤﺎﺀ
ﺑﺎﻭﻋﺖ ﻋﻠﻰ ﺿﺤﻰ ﻣﺘﻔﺎﺟﺌﺔ ﻭﻣﺪﺗﻠﻬﺎ ﺍﻟﻨﻘﺎﻝ
.. ﻫﺎﺝ ﻟﺰﻣﻲ ﻫﺬﺍ ﺳﻴﻒ ﺩﻳﺘﺼﻞ ﻋﻠﻴﺔ ﺍﻛﻴﺪ ﻳﺮﻳﺪ ﻳﺤﺠﻲ ﻭﻳﺎﺝ
ﺑﺎﻭﻋﺖ ﻟﻀﺤﻰ ﺍﻧﻜﻠﺐ ﻟﻮﻥ ﻭﺟﻬﻬﺎ ﺍﺻﻔﺮ
ﻭﺣﺠﺖ ﺑﻘﻬﺮ
.. ﻣﺎ ﺍﺭﻳﺪ ﺍﺳﻤﻊ ﺻﻮﺗﻪ ﺧﻠﻲ ﻳﻮﻟﻲ ﺍﻟﻨﺎﻗﺺ
.. ﺑﻌﺪ ﺍﺣﺴﻦ ﺧﻠﻴﻪ ﻳﻮﻟﻲ
ﺍﻧﻄﺘﻪ ﺷﻴﻤﺎﺀ ﺭﻓﺾ ﺭﺟﻊ ﻣﺮﺓ ﺍﻟﻠﺦ ﺭﺳﻞ ﺭﺳﺎﻟﺔ
ﻛﺎﺗﺐ ﺑﻴﻬﺎ
( ﺷﻴﻤﺎﺀ ﺧﻠﻲ ﺿﺤﻰ ﺗﺮﺩ ﻋﻠﻴﺔ ﺿﺮﻭﺭﻱ ﻻﺯﻡ ﺍﺣﺠﻲ ﻭﻳﺎﻫﺎ )
ﻗﺮﺕ ﺍﻟﺮﺳﺎﻟﺔ ﺑﺼﻮﺕ ﻋﺎﻟﻲ ﻭﺳﺄﻟﺖ ﺿﺤﻰ
.. ﻫﺎ ﻫﺴﺔ ﺷﻨﻮ ﺗﺤﺠﻴﻦ ﻭﻳﺔ ﺭﺟﻠﺞ ﻟﻮ ﺷﻨﻮ
ﻟﺤﻈﺎﺕ ﻭﺭﺟﻊ ﺍﺗﺼﻞ
ﺣﺠﺖ ﻭﻫﻲ ﺣﺎﺻﺮﺗﻬﺎ ﺍﻟﺒﺠﻴﺔ
.. ﺷﻴﻤﺎﺀ ﺍﺑﻮﺱ ﺍﻳﺪﺝ ﺧﻠﺼﻴﻨﻲ ﻣﻦ ﺍﻟﻨﻜﺔ ﻣﺎﻟﺘﻪ
ﻏﻠﻘﻲ ﻧﻘﺎﻟﺞ ﺍﻭ ﺳﻮﻳﻪ ﺻﺎﻣﺖ ﺍﻱ ﺷﻲ ﺳﻮﻱ
ﺍﻫﻢ ﺷﻲ ﺗﺨﻠﺼﻴﻨﻲ ﻣﻨﻪ ﻣﺎ ﺍﺗﺤﻤﻞ ﺍﺳﻤﻊ ﺻﻮﺗﻪ
.....
ﺟﺎﻭﺑﺘﻬﺎ ﺷﻴﻤﺎﺀ
.. ﻻ ﻋﻠﻴﻤﻦ ﺍﻏﻠﻘﻪ ﻫﺴﺔ ﺭﺍﺡ ﺍﻧﻄﻴﻪ ﺣﻈﺮ ﻭﻛﺎﻥ ﺍﻟﻠﻪ ﻳﺤﺐ ﺍﻟﻤﺤﺴﻨﻴﻦ ﻻ ﺗﻌﺒﻴﻦ ﺣﺎﻟﺞ ﻭﻻ ﺗﻔﻜﺮﻳﻦ ﺑﻲ ﺧﻠﻴﻪ ﻳﺤﺘﺮﻙ
ﺑﻨﺎﺭﻩ ﻫﺎﻟﺤﻴﻮﺍﻥ
ﺍﺑﺎﻭﻉ ﻟﻀﺤﻰ ﺟﺎﻧﺖ ﺗﺤﺠﻲ ﻣﻬﻤﻮﻣﺔ ﻭﻣﻘﻬﻮﺭﺓ
ﻣﻦ ﻭﺭﺓ ﺍﻟﺼﺎﺭ ﺣﺘﻰ ﻧﺴﻴﺖ ﺍﺳﺄﻟﻬﺎ ﻋﻦ ﻣﻮﺿﻮﻋﻬﺎ
.. ﺍﻛﻮﻝ ﺿﺤﻰ ﺳﻴﻒ ﺷﺒﻲ ﻭﻳﺎﺝ ﻟﻴﺶ ﺿﻐﺒﺞ ( ﺿﺮﺑﺞ )
ﺑﺎﻭﻋﺖ ﻋﻠﻴﺔ ﺑﺲ ﻧﻈﺮﺍﺗﻬﺎ ﺑﻐﻴﺮ ﻋﺎﻟﻢ ﻣﺸﺪﻭﻫﺔ
.. ﻭﺍﻟﻠﻪ ﻟﻮ ﺍﻛﻠﺞ ﻋﻠﻰ ﺷﻨﻮ ﺿﺮﺑﻨﻲ ﺗﻀﺤﻜﻴﻦ
.. ﻋﻠﻰ ﺷﻨﻮ ﺑﺎﻟﻠﻪ
.. ﺍﻟﺒﺎﺭﺣﺔ ﺍﻭﻝ ﻣﺮﺓ ﺑﺤﻴﺎﺗﻪ ﻗﺮﺭ ﻳﻄﻠﻌﻨﻲ ﻳﻌﻨﻲ
ﺗﻜﺪﺭﻳﻦ ﺗﻜﻮﻟﻴﻦ ﺍﻟﻠﻪ ﻳﻨﻄﻲ ﺍﺧﺘﻪ ﺷﻬﺪ ﺟﺎﻧﺖ ﻣﺤﺘﺎﺟﺔ ﺗﺸﺘﺮﻱ ﻫﺪﻳﺔ ﻟﻌﻴﺪ ﺍﻻﻡ ﻭﻃﻠﺒﺖ ﻣﻨﻪ ﻳﻄﻠﻌﻬﺎ
ﺣﺘﻰ ﺗﺸﺘﺮﻱ ﻭﻫﻮ ﻫﻢ ﺟﺎﻥ ﻧﺎﻭﻱ ﻳﺸﺘﺮﻱ ﻻﻣﻪ ﻫﺪﻳﺔ ﻓﻜﻠﻲ
ﺟﻬﺰﻱ ﺭﻭﺣﺞ ﺣﺘﻰ ﺗﻄﻠﻌﻴﻦ ﻭﻳﺎﻧﺎ ﻭﻣﻨﺎﻙ ﺍﻋﺸﻴﻜﻢ ﺑﺮﺓ
ﻭﺍﻟﻠﻪ ﻫﺪﻯ ﻟﻮ ﺗﺸﻮﻓﻴﻦ ﺷﻜﻠﻲ ﺷﻠﻮﻥ ﻛﻤﺰﺕ ﻣﻦ ﻣﻜﺎﻧﻲ
ﻣﺜﻞ ﺍﻟﻤﺨﺒﻠﺔ ﻣﻤﺼﺪﻛﺔ ﺭﺍﺡ ﺍﻃﻠﻊ ﻭﺍﺷﻮﻑ ﺍﻟﻌﺎﻟﻢ
ﻛﻤﺖ ﺍﻧﺪﻋﻴﻠﻪ
.. ﺻﺪﻙ ﺷﻌﺠﺐ ﻓﻜﻎ ( ﻓﻜﺮ ) ﻳﻄﻠﻌﺞ ﻣﻨﻪ ﻣﻦ ﺍﻟﺸﻴﻄﺎﻥ
ﻟﻮ ﻭﻟﺞ ﺧﺎﻑ ﻏﺎﺡ ﻳﻤﻮﺕ
.. ﻻ ﻭﻟﺞ ﻣﻮ ﺍﺧﺘﺞ ﻗﺒﻠﻬﺎ ﺑﻴﻮﻡ ﻣﻐﺴﻮﻟﺔ ﺑﻜﺘﻠﺔ ﻣﻦ ﻫﺎﻱ
ﺍﻟﺘﻤﺎﻡ ﻓﺤﺐ ﻳﺮﺍﺿﻴﻨﻲ
.. ﺍﻟﻠﻪ ﻳﻜﺴﻊ ( ﻳﻜﺴﺮ ) ﺍﻳﺪﻩ ﺍﻟﺤﻴﻮﺍﻥ
.. ﻟﺞ ﻫﺪﻯ ﻣﺎ ﺍﻋﺮﻑ ﺷﻨﻮ ﺍﺣﺠﻴﻠﺞ ﺑﺲ ﻣﺤﺘﺎﺟﺔ ﺍﺣﺠﻲ
ﺍﻟﻲ ﺑﻜﻠﺒﻲ ﻣﺎﻋﻨﺪﻱ ﻏﻴﺮﺝ ﻣﺎﻛﻮ ﺍﻣﻮﺕ ﻣﻦ ﺍﻟﻜﺒﺖ
ﺍﺩﺭﻱ ﻫﺬﺍ ﻛﻼﻣﻲ ﻫﻮﺍﻱ ﻋﻠﻰ ﻋﻘﻠﺞ ﻳﺴﺘﻮﻋﺒﻪ ﻻﻥ ﺍﻧﺘﻲ
ﺑﻌﺪﺝ ﻣﻤﺘﺰﻭﺟﺔ ﻭﻣﻼﺯﻡ ﺍﺣﺠﻲ ﻭﻳﺎﺝ
.. ﻳﻤﻌﻮﺩﺓ ﺩﺣﺠﻲ ﻫﺴﺔ ﺍﻟﻲ ﻳﺴﻤﻌﺞ ﻳﻜﻮﻝ ﺩﺗﺤﺠﻴﻦ ﻭﻳﺔ ﺑﺰﻭﻧﺔ ﻣﻐﻤﻀﺔ
ﺍﻟﻠﻪ ﻭﻛﻴﻠﺞ ﻣﻦ ﻭﻏﺔ ( ﻭﺭﺓ ) ﺳﻠﻴﻤﺔ ﻭﺍﺑﻮﺝ
ﺻﺮﺕ ﻣﻔﺘﺤﺔ ﺑﺎﻟﻠﺒﻦ
.. ﻟﺞ ﻫﺪﻯ ﻭﺍﻟﻠﻪ ﻣﻦ ﺍﻭﻝ ﻳﻮﻡ ﺯﻭﺍﺟﻲ ﻣﻦ ﺳﻴﻒ
ﻭﺍﻧﻲ ﻋﺎﻳﺸﺔ ﺑﺨﻮﻑ ﻭﺭﻫﺒﺔ ﻭﺿﻴﺎﻉ
ﻭﻻﻣﺮﺓ ﺣﺴﺴﻨﻲ ﺑﺤﻤﺎﻳﺘﻪ ﺍﻭ ﺑﺤﻨﻴﺔ
ﺍﻟﺮﺟﺎﻝ ﻟﻤﺮﺗﻪ
ﻳﻌﺎﻣﻠﻨﻲ ﻣﺜﻞ ﺍﻟﺤﻴﻮﺍﻥ ﻳﻘﺘﺮﺏ ﻣﻨﻲ ﺑﺲ ﻣﻦ ﻳﺤﺘﺎﺝ
ﻳﻔﺮﻍ ﺷﻬﻮﺗﻪ ﻭﻳﺤﺠﻲ ﻭﻳﺎﻱ ﻓﻘﻂ ﻣﻦ ﻳﺮﻳﺪﻧﻲ ﺍﻛﻤﻞ ﻃﻠﺒﺎﺗﻪ
ﻛﻮﻱ ﻏﺴﻞ ﺍﻛﻞ ﻏﻴﺮﻫﻢ ﻣﺎﻛﻮ ﺣﺘﻰ ﻛﻼﻡ ﺑﻴﻨﺎ
ﻳﻌﻨﻲ ﻟﻮ ﺍﻛﻮﻟﺞ ﺍﻥ ﺍﻟﺤﻴﺎﺓ ﺍﻟﻲ ﺟﻨﺖ ﻋﺎﻳﺸﺘﻬﺎ
ﻫﻨﺎ ﺑﺒﻴﺖ ﺳﻠﻴﻤﺔ ﺍﺣﻠﻰ ﺑﺎﻟﻒ ﻣﺮﺓ ﻣﻦ ﺣﻴﺎﺗﻲ ﻭﻳﺔ ﺳﻴﻒ
ﺭﺍﺡ ﺗﻜﻮﻟﻴﻦ ﺿﺤﻰ ﺗﺒﺎﻟﻎ ﺑﺲ ﺻﺪﻛﻲ ﻭﺍﻣﻨﻲ ﺑﺎﻟﻠﻪ ﻣﺴﺘﻌﺪﺓ ﺍﺩﻓﻊ ﻧﺺ ﻋﻤﺮﻱ
ﻋﻠﻤﻮﺩ ﺍﺭﺟﻊ ﺍﻋﻴﺶ ﻫﻨﺎ ﻋﻠﻰ ﺍﻻﻗﻞ ﺍﻧﺎﻡ ﻋﺎﻟﻤﺨﺪﺓ ﻣﺮﺗﺎﺣﺔ
ﺣﺘﻰ ﻟﻮ ﺑﻔﺮﺍﺵ ﻣﺜﻞ ﻫﺴﻪ ﻋﺎﻟﻜﺎﻉ ﺍﻟﻤﻬﻢ ﻣﺄﻣﻨﺔ ﻋﻠﻰ ﺭﻭﺣﻲ
ﻣﺎ ﺍﻧﺎﻡ ﻭﺍﻧﻲ ﺧﺎﻳﻔﺔ ﻭﺍﺣﺲ ﺑﺎﻟﺘﻬﺪﻳﺪ ﻭﻣﺎ ﺍﻋﺮﻑ ﺑﺄﻱ ﺳﺎﻋﺔ
ﺍﻧﻀﺮﺏ ﻭﺍﻟﻤﺸﻜﻠﺔ ﺍﺳﺒﺎﺏ ﺍﻟﻀﺮﺏ ﻛﻠﻬﺎ ﺗﺎﻓﻬﺔ
ﻫﻮ ﻳﺨﺘﻠﻘﻬﺎ ﻣﻦ ﺧﻴﺎﻟﻪ
ﻳﻌﻨﻲ ﻓﻲ ﺳﺒﻴﻞ ﺍﻟﻤﺜﺎﻝ ﺍﻟﺒﺎﺭﺣﺔ ﻣﻦ ﻃﻠﻌﻨﻲ
ﺳﻮﺍﻫﺎ ﻋﻠﻴﺔ ﺯﻗﻮﻡ
ﺍﺧﺘﻪ ﻃﻠﻌﺖ ﺑﻤﻼﺑﺲ ﻛﺸﺨﺔ ﻭﺣﺘﻰ ﻣﻘﺴﻤﺔ ﺟﺴﻤﻬﺎ
ﻣﺤﺠﺔ ﻭﻳﺎﻫﺎ ﻭﻻ ﻋﻠﻖ ﻋﻠﻰ ﻟﺒﺴﻬﺎ
ﻭﺍﻧﻲ ﻣﻦ ﻟﺒﺴﺖ
ﻭﻛﻒ ﻓﻮﻙ ﺭﺍﺳﻲ ﻣﺜﻞ ﻗﺒﺎﺽ ﺍﻻﺭﻭﺍﺡ ﻛﻞ ﺷﻮﻳﺔ ﻳﻜﻠﻲ
ﻟﺒﺴﻲ ﺍﻟﻌﺒﺎﻳﺔ ﻭﺍﻟﺒﻮﺷﻴﺔ ﻟﺒﺴﺘﻬﻢ ﺑﺲ ﺑﻘﻴﺖ ﻋﻴﻮﻧﻲ ﻣﻤﻐﻄﻴﺘﻬﻢ
ﺑﺲ ﻫﻮ ﺷﺎﻓﻬﻦ ﻃﺎﻟﻌﺎﺕ
ﻛﺎﻝ ﻏﻄﻲ ﻭﺟﻬﺞ ﻛﻠﻪ
ﻏﻄﻴﺘﻪ ﻭﺍﻧﻲ ﺍﺗﺤﺴﺐ ﻭﺍﺻﺒﺮ ﺑﻨﻔﺴﻲ
ﻫﻮ ﺍﻧﻲ ﻣﻦ ﻏﻴﺮ ﻛﻠﺸﻲ ﻣﺘﺨﺒﻠﺔ ﻣﻦ ﺍﻟﻨﻘﺎﺏ ﺍﺳﻤﻊ ﺍﺧﺘﻪ ﺷﻬﺪ ﺗﻜﻠﻪ
ﺳﻴﻒ ﻋﻔﻴﺔ ﻟﺘﺨﻠﻴﻬﺎ ﺗﻄﻠﻊ ﻭﻳﺎﻧﺎ ﻭﺍﻟﻠﻪ ﺭﺍﺡ ﺗﻔﺸﻠﻨﺎ
ﺷﻜﻠﻬﺎ ﻧﺸﺎﺯ ﻭﻳﺎﻧﺔ
ﺯﻳﻦ ﺍﻧﺖ ﻣﻮ ﻛﻠﺖ ﺍﻃﻠﻌﻜﻢ ﺍﻋﺸﻴﻜﻢ ﺑﺮﺓ
ﺑﺎﻟﻠﻪ ﻫﺎﻱ ﺷﻠﻮﻥ ﺭﺍﺡ ﺗﺎﻛﻞ ﺑﺎﻟﻤﻄﻌﻢ ﻭﺍﻟﻮﺟﻪ ﻣﻐﻄﺔ ﻣﻔﻜﺮﺕ ﺑﻴﻬﺎ
......
ﻫﻮ ﻋﺎﻁ ﺑﻴﻬﺎ ﻭﺳﻜﺘﻬﺎ ﻭﻫﻲ ﻇﻠﺖ ﺗﺪﺭﺩﻡ ﻃﻮﻝ ﺍﻟﻄﺮﻳﻖ
ﻫﻲ ﺻﻌﺪﺕ ﺑﺎﻟﺼﺪﺭ ﻭﺍﻧﻲ ﺻﻌﺪﺕ ﻭﺭﺓ
ﻃﺒﻌﺎ ﻣﺮﺍﺕ ﺍﺷﻮﻓﻬﺎ ﺗﻄﻠﻊ ﻭﻳﺔ ﺍﺧﻮﺍﻧﻬﺎ ﺍﻟﺒﻘﻴﺔ ﻭﺯﻭﺟﺎﺗﻬﻢ
ﻣﺘﺼﻌﺪ ﻛﺪﺍﻡ ﺍﺧﻮﺍﻧﻬﺎ ﻳﺮﻛﺒﻮﻥ ﺯﻭﺟﺎﺗﻬﻢ ﻳﻤﻬﻢ ﺑﺎﻟﺼﺪﺭ
ﺍﻻ ﺍﻧﻲ ﺣﻈﻲ ﻋﺒﺎﻟﻚ ﻣﺘﺰﻭﺝ ﻋﺎﺭ
ﺍﺳﻤﻌﻬﻢ ﻳﺘﻨﺎﻗﺸﻮﻥ ﻋﻠﻰ ﺍﻟﻬﺪﻳﺔ ﺷﻨﻮ ﻳﺸﺘﺮﻭﻥ ﻻﻣﻬﻢ
ﻭﺍﻧﻲ ﺍﺑﺎﻭﻉ ﻣﻦ ﺍﻟﺠﺎﻣﺔ ﻋﺎﻟﻨﺎﺱ ﻭﺍﻟﻌﻮﺍﺋﻞ ﺷﻠﻮﻥ ﻃﺎﻟﻌﻴﻦ ﻳﺘﻤﺸﻮﻥ ﻭﺍﻟﻀﺤﻜﺔ ﻣﻨﻮﺭﺓ ﻭﺟﻮﻫﻢ
ﺻﺮﺕ ﺍﺗﺤﺴﺮ ﺑﻜﻠﺒﻲ ﻭﺍﺗﻤﻨﻰ ﺍﻋﻴﺶ ﻣﺜﻞ ﺍﻟﻨﺎﺱ
ﺷﻔﺖ ﺭﺟﺎﻝ ﺷﺎﻳﻞ ﻃﻔﻞ ﻭﻭﻳﺎﻩ ﻣﺮﺗﻪ ﺣﺎﻣﻞ ﻭﻭﺍﻛﻔﻴﻦ ﻳﻢ ﻣﺤﻞ ﺍﺑﺎﻭﻋﻠﻬﻢ ﺷﻠﻮﻥ ﻳﺴﻮﻟﻔﻮﻥ ﻣﺜﻞ ﺍﻟﻌﺼﺎﻓﻴﺮ ﻭﺍﺣﺪﻫﻢ ﻳﻜﻤﻞ ﺍﻟﻼﺥ
ﺍﺗﺬﻛﺮﺕ ﺣﻤﻮﻳﻨﻲ ﻭﺗﻌﺎﻣﻠﻬﻢ ﻭﻳﺔ ﺯﻭﺟﺎﺗﻬﻢ
ﻫﺸﻜﻞ ﻳﺘﻌﺎﻣﻠﻮﻥ ﻭﻳﺔ ﺯﻭﺟﺎﺗﻬﻢ ﻛﻠﻪ ﺑﺤﻨﻴﺔ ﻭﻃﻴﺒﺔ ﻭﺣﺘﻰ ﻟﻮ ﺗﺼﻴﺮ ﺑﻴﻨﻬﻢ ﻣﺸﺎﻛﻞ
ﻣﺎ ﻳﻮﻡ ﺳﻤﻌﺖ ﻭﺍﺣﺪ ﺑﻴﻬﻢ ﻣﺪ ﺍﻳﺪﻩ ﻋﻠﻰ ﻣﺮﺗﻪ
ﺑﺲ ﺍﻧﺎ ﺣﻈﻲ ﺳﻴﻒ ﻣﺎ ﺍﻋﺮﻑ ﻣﻨﻴﻦ ﺍﻟﻠﻪ ﺧﺎﻟﻘﻪ
ﺧﻠﺺ ﻋﻠﻴﺔ ﺍﻟﻄﻠﻌﺔ ﻛﻞ ﺷﻮﻳﺔ ﻳﻜﻠﻲ
ﻋﻴﻨﺞ ﻧﺰﻟﻴﻬﺎ ﻋﻠﻴﻤﻦ ﺗﺒﺎﻭﻋﻴﻦ
ﺩﻭﺭﻱ ﻭﺟﻬﺞ ﻣﻦ ﺍﻟﺠﺎﻣﺔ ﺩﺭﺗﻬﺎ
ﺍﺗﻜﻔﻰ ﺍﻟﺸﺮ ﺍﻣﺮﻱ ﻟﻠﻪ
ﺷﻮﻳﺔ ﻭﻛﻔﻨﺎ ﻳﻢ ﻣﺤﻞ ﻣﺎﻝ ﺻﻴﺎﻏﺔ ﺫﻫﺐ ﻋﺮﻓﺖ
ﺭﺍﺡ ﻳﺸﺘﺮﻭﻥ ﻫﺪﻳﺔ ﻻﻣﻬﻢ ﻣﻨﺎ
ﺍﺷﻮ ﻫﺬﺍ ﻧﺰﻝ ﻫﻮ ﻭﺍﺧﺘﻪ ﻭﻓﻘﻞ ﻋﻠﻴﺔ ﺍﻟﺒﻴﺒﺎﻥ ﻣﺎﻟﺖ ﺍﻟﺴﻴﺎﺭﺓ
ﻭﻛﻠﻲ
ﺍﻧﺘﻈﺮﻳﻨﺎ ﻫﻨﺎ ﺷﻮﻳﺔ ﻭﺟﺎﻳﻴﻦ ﻣﺎ ﻧﺘﺄﺧﺮ
.. ﺍﻧﻌﻞ ﺍﺑﻮ ﺷﻜﻠﻪ ﻫﺎﻟﻜﻠﺐ ﺍﻧﻲ ﻟﻮ ﻣﻨﺞ ﻣﺎ ﺍﻃﻠﻊ ﻭﻳﺎﻩ
ﺷﻨﻮ ﻫﺎﻱ ﺍﻟﻤﺬﻟﺔ
.. ﺩﺳﻤﻌﻲ ﺍﻧﻄﻴﺞ ﺍﻻﻗﻮﻯ ﻣﻨﻬﺎ ﺣﺘﻰ ﺗﻜﻮﻟﻴﻦ ﺍﺧﺘﻲ
ﺯﻳﻦ ﻣﻨﻬﺎ ﻟﺤﺪ ﻫﺴﺔ ﻣﺎ ﻣﺘﺨﺒﻠﺔ
ﻇﻠﻴﺖ ﺍﻧﺘﻈﺮﻫﻢ
ﺍﺑﺎﻭﻉ ﻋﺎﻟﻨﺎﺱ ﺍﻟﻲ ﻳﻤﺮﻭﻥ ﻭﺍﺷﻐﻞ ﺭﻭﺣﻲ
ﺑﺲ ﻣﺘﺖ ﻣﻦ ﺍﻟﺤﺮ ﻭﺍﻻﺥ ﻣﻘﻔﻞ ﻛﻠﺸﻲ ﺣﺘﻰ ﺟﺎﻣﺔ ﻣﺎ ﻓﺎﺗﺢ ﺑﺎﻟﺴﻴﺎﺭﺓ ﺍﺣﺲ ﻧﻄﺖ ﺭﻭﺣﻲ
ﻛﻤﺖ ﺭﻓﻌﺖ ﺍﻟﺒﻮﺷﻴﺔ ﻭﺑﻘﻴﺖ ﺑﺲ ﺑﺎﻟﺒﺮﻛﻊ ﻳﻌﻨﻲ ﺑﺲ ﻋﻴﻮﻧﻲ ﻃﺎﻟﻌﺔ
ﻭﺟﻬﻲ ﻛﺐ ﻧﺎﺭ ﻣﺎ ﺍﻋﺮﻑ ﺷﺒﻲ
ﻭﻫﺬﻭﻟﻲ ﺍﺗﺄﺧﺮﻭﺍ ﻧﺺ ﺳﺎﻋﺔ ﻣﺮﺕ ﻭﻫﻤﺔ ﻭﻻ ﻭﺍﺣﺪ ﺑﻴﻦ ﺑﻴﻬﻢ ﻭﻛﺎﻝ ﺧﻠﻲ ﻧﺸﻮﻑ ﻫﺬﺍ ﺍﻟﺤﻴﻮﺍﻥ ﺍﻟﻲ ﺗﺮﻛﻨﺎﻩ ﺑﺎﻟﺴﻴﺎﺭﺓ ﺷﻨﻮ ﺣﺎﻟﻪ
ﺷﻮﻳﺔ ﻭﺭﺟﻌﻮﺍ ﻫﻮ ﻭﺍﺧﺘﻪ ﻳﺘﻤﺸﻮﻥ ﻳﻤﺔ ﻫﻮ ﺷﺎﻓﻨﻲ ﻣﻄﻠﻌﺔ ﻋﻴﻮﻧﻲ ﻭﻫﻮ ﺍﻟﺸﺮﺍﺭﺓ ﻛﺎﻣﺖ ﺗﺘﻄﺎﻓﺮ ﻣﻦ ﻋﻴﻮﻧﻪ
ﻛﻤﺖ ﺑﺴﺮﻋﺔ ﻧﺰﻟﺖ ﺍﻟﺒﻮﺷﻴﺔ ﻋﻠﻰ ﻭﺟﻬﻲ ﻭﺍﻧﻲ
ﺍﺑﻠﻌﻢ ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﺭﻛﺐ
ﻭﻧﺰﻝ ﻋﻠﻴﺔ ﻏﻠﻂ ﻭﺳﺐ ﻫﻴﺞ ﻣﻨﺞ ﻭﻫﻴﺞ ﻣﻦ ﺍﻟﺨﻠﻔﻮﺝ
ﺍﻟﻴﻮﻡ ﺍﺑﻮﺝ ﺍﺣﺮﻛﻪ
ﺷﻔﺘﻴﻨﻲ ﻧﺰﻟﺖ ﺍﺧﺬﺗﻲ ﺭﺍﺣﺘﺞ ﺍﻧﺎ ﺍﻟﺞ ﺍﻟﻴﻮﻡ ﺍﻻ ﺍﺭﺑﻴﺞ ﻣﻦ ﺟﺪﻳﺪ
ﺟﺎﻥ ﻫﻮ ﻳﺤﺠﻲ ﻭﺍﻧﻲ ﺟﺴﻤﻲ ﺟﺎﻥ ﻛﻠﻪ ﻳﺮﺟﻒ
ﺷﻐﻞ ﺍﻟﺴﻴﺎﺭﺓ ﻭﺣﺮﻛﻬﺎ ﺳﻤﻌﺖ ﺷﻬﺪ ﺍﺧﺘﻪ ﺗﻜﻠﻪ
ﻫﺎﻱ ﺷﻨﻮ ﺭﺍﺡ ﺗﺮﺟﻌﻨﺎ ﻟﻠﺒﻴﺖ ﻟﻌﺪ ﻭﺍﻟﻌﺸﺎ ﻣﻮ ﻛﻠﺖ ﺭﺍﺡ ﺍﻋﺸﻴﻜﻢ ﺑﺮﺓ
ﺟﺎﻭﺑﻬﺎ ﺑﺼﻴﺎﺡ
.. ﻫﻮ ﻣﻦ ﻭﺭﺓ ﻫﺎﻱ ﺑﻨﺖ ﺍﻟﻤﺪﺍﺱ ﺍﻛﻮ ﻋﺸﺎ
ﺟﻨﺖ ﺍﻣﺮ ﺑﻠﺤﻈﺔ ﺧﻮﻑ ﻋﻠﻰ ﻏﻀﺐ ﻋﻠﻰ ﺿﻌﻒ
ﻻﻥ ﻳﻐﻠﻂ ﻋﻠﻰ ﺍﻫﻠﻲ ﻭﻣﺎ ﺍﻛﺪﺭ ﺍﺭﺩﻩ ﺍﺧﺎﻑ
ﻳﺒﻄﺶ ﺑﻴﺔ ﻭﻣﺎ ﻳﺮﺣﻤﻨﻲ
ﻗﺮﻳﺐ ﻣﺎ ﻧﻮﺻﻞ ﻋﻠﻰ ﺑﻴﺘﻬﻢ ﺟﻨﺖ ﻛﻠﻨﻲ ﺍﺭﺟﻒ ﺍﺣﺲ ﻭﺻﻠﺖ ﺳﺎﻋﺔ ﺍﻟﺼﻔﺮ
ﻫﻮ ﻟﻄﺎﻟﻤﺎ ﻳﺴﻮﻕ ﻳﻐﻠﻂ ﻭﻳﺴﺐ ﺑﺎﻫﻠﻲ ﻭﺍﺧﺘﻪ ﻛﺎﻋﺪﺓ ﺗﺘﺄﻓﺄﻑ ﻭﺗﺤﺠﻲ ﺑﺼﻮﺕ ﻧﺎﺻﻲ ﻋﺒﺎﻟﻬﺎ ﻣﺎ ﺍﺳﻤﻌﻬﺎ ﺗﻜﻠﻪ
.....
ﻫﻲ ﺑﻴﺌﺔ ﻣﺸﺎﻳﻔﺔ ﻻﺯﻡ ﺗﺴﻮﻱ ﺷﻲ ﻳﻔﺸﻠﻨﺎ ﻛﺪﺍﻡ ﺍﻟﻨﺎﺱ
ﺣﺴﻴﺖ ﺑﻨﺎﺭ ﺗﻜﻮﻱ ﺑﻜﻠﺒﻲ ﺍﺗﻤﻨﻰ ﺍﺭﺩﻫﺎ ﻭﺍﺿﺮﺑﻬﺎ ﻋﻠﻰ ﺣﻠﻜﻬﺎ ﻻﻥ ﻣﺤﺪ ﻭﺭﻃﻨﻲ ﺑﻬﺬﺍ ﺍﻟﺰﻭﺍﺝ ﻏﻴﺮﻫﺎ ﻭﺍﻟﻲ ﺟﻨﺖ ﺍﺗﻮﻗﻌﻬﺎ ﺻﺪﻳﻘﺘﻲ ﺑﻴﻮﻡ ﻣﻦ ﺍﻻﻳﺎﻡ ﺻﺎﺭﺕ
ﺳﻢ ﻣﺪﺳﻮﺱ ﺳﻤﻤﺖ ﻛﻞ ﺣﻴﺎﺗﻲ
ﻭﺑﻴﻦ ﺍﻟﻐﻀﺐ ﻭﺑﻴﻦ ﺍﻟﻘﻬﺮ
ﺟﺎﻭﺑﺘﻬﺎ ﻣﺘﺤﻤﻠﺖ
.. ﺍﺫﺍ ﺍﻧﻲ ﺑﻴﺌﺔ ﻭﻣﻮ ﻣﻦ ﻣﺴﺘﻮﺍﻛﻢ
ﻟﻌﺪ ﻋﻠﻰ ﺷﻨﻮ ﻛﺘﻠﺘﻲ ﺭﻭﺣﺞ ﻭﻟﺰﻛﺘﻴﻠﻲ ﺣﺘﻰ ﺍﺗﻘﻨﻌﻴﻨﻲ ﺍﺗﺰﻭﺝ ﺍﺧﻮﺝ
ﺍﻟﻠﻪ ﻳﺮﺣﻢ ﺫﻳﺞ ﺍﻻﻳﺎﻡ ﻟﻮ ﺗﻨﻄﻖ ﺟﺎﻥ ﺟﺎﻭﺑﺘﺞ
ﻳﻤﺔ ﻣﺎ ﺍﺣﺲ ﺍﻻ ﻭﻛﻒ ﺍﻟﺴﻴﺎﺭﺓ ﻭﻛﺎﻡ ﻳﻐﻠﻂ
.. ﻟﺞ ﻫﺎﻱ ﻋﻠﻴﻤﻦ ﺩﺗﺤﺠﻴﻦ
ﺑﻨﺖ ﺍﻟﺴﺎﻗﻄﺔ ﺭﺩﻱ ﻫﺎﻱ ﻋﻠﻴﻤﻦ
ﻣﻦ ﺳﻤﻌﺘﻪ ﺳﺐ ﺍﻣﻲ ﺍﻟﻠﻪ ﻳﺮﺣﻤﻬﺎ
ﻭﺍﻧﻲ ﺍﻧﻌﻤﻴﺖ ﻣﻦ ﺍﻟﻐﻀﺐ ﺻﺮﺕ ﻣﺎ ﺍﺷﻮﻑ
ﻛﺒﻞ ﻧﺰﻟﺖ ﻣﻦ ﺍﻟﺴﻴﺎﺭﺓ ﺑﻜﻞ ﻋﺼﺒﻴﺔ ﻭﻃﻠﻌﺖ ﺣﺮﻛﺘﻲ
ﺑﺒﺎﺏ ﺍﻟﺴﻴﺎﺭﺓ ﻭﺳﺪﻳﺘﻪ ﺑﻜﻞ ﻗﻮﺗﻲ ﺯﻳﻦ ﻣﺎ ﻭﻛﻊ
ﺍﺩﺭﻱ ﺑﺴﻴﻒ ﻧﻘﻄﺔ ﺿﻌﻔﻪ ﺳﻴﺎﺭﺗﻪ
ﻳﺘﺨﺒﻞ ﻭﻻ ﻭﺍﺣﺪ ﻳﻘﺘﺮﺏ ﻣﻦ ﺳﻴﺎﺭﺗﻪ ﺍﻭ ﻳﻠﻤﺴﻬﺎ
ﻋﺎﺩ ﺍﻧﺎ ﺿﺮﺑﺘﻪ ﺑﻜﻠﺒﻪ ﻣﻦ ﺳﺪﻳﺖ ﺍﻟﺒﺎﺏ ﺣﻴﻞ
ﺣﺴﻴﺖ ﺷﻔﻰ ﻏﻠﻴﻠﻲ ﻣﻦ ﺳﻤﻌﺖ ﺷﻬﻜﺘﻪ
ﺑﺲ ﻣﺎ ﻟﺤﻜﺖ ﺍﻓﺮﺡ ﺑﺄﻧﺘﺼﺎﺭﻱ ﺍﻟﺒﺴﻴﻂ
ﺩﺧﻠﺖ ﻟﻠﺒﻴﺖ ﻭﺍﻧﻲ ﺍﺗﻠﻔﺖ ﻭﻫﻲ ﻳﻘﻔﻞ ﺑﺎﻟﺴﻴﺎﺭﺓ ﻭﻳﺼﻴﺢ ﺑﺼﻮﺕ ﻋﺎﻟﻲ
ﻭﺗﺎﻟﻲ ﺑﻌﺪﻫﺎ ﻣﻦ ﺩﺧﻞ ﻋﻠﻴﺔ ﺑﺎﻟﻐﺮﻓﺔ ﻣﺎ ﺍﺗﺬﻛﺮ ﺷﺼﺎﺭ ﻏﻴﺮ ﺑﺲ ﺍﻟﻐﺮﻓﺔ ﺗﺘﺤﺮﻙ ﺩﺍﻳﺮ ﻣﺪﺍﻳﺮﻱ
ﻣﺪﺭﻱ ﺍﻧﻲ ﺍﻟﻲ ﺍﺗﺤﺮﻙ ﺩﺍﻳﺮ ﻣﺪﺍﻳﺮﻫﺎ
ﺍﻟﻤﻬﻢ ﻇﺎﻟﻢ ﻭﻭﺍﺳﺘﻘﻮﻯ ﻋﻠﻰ ﺿﻌﻴﻒ ﻭﻋﻨﺪﺝ ﺍﻟﺤﺴﺎﺏ
ﺑﻴﻮﻣﻬﺎ ﺍﻛﻠﺖ ﺿﺮﺏ ﺑﺤﻴﺎﺗﻲ ﻛﻠﻬﺎ ﻣﺸﺎﻳﻔﺔ ﻣﻨﻪ
ﻛﻠﺖ ﺭﺍﺡ ﺍﻣﻮﺕ ﺟﻮﺓ ﺍﻳﺪﻩ ﺍﻟﻠﻪ ﻳﻨﻄﻲ ﺍﺧﻮﺍﻧﻪ ﻟﺰﻣﻮﻩ ﻭﻓﻜﻮﻧﻲ ﻣﻨﻪ
ﻭﺑﺴﺎﻋﺘﻬﺎ ﺻﺮﺕ ﺍﺻﺮﺥ ﻃﻠﻌﻮﻧﻲ ﻣﻦ ﺍﻟﺒﻴﺖ
ﻻ ﻭﺍﻟﻠﻪ ﺍﻃﻠﻊ ﻟﻮﺣﺪﻱ
ﻣﺎ ﺍﺑﻘﻰ ﺩﻗﻴﻘﺔ ﺑﺎﻟﺒﻴﺖ
ﻭﻫﻮ ﻳﺼﻴﺢ ﺍﺫﺍ ﺗﺒﻘﻴﻦ ﻫﻨﺎ ﺍﻟﻴﻮﻡ ﺑﺎﺟﺮ ﺗﺼﺒﺤﻴﻦ ﺑﺎﻟﻨﺠﻒ
ﻋﺎﺩ ﺍﺧﻮﻩ ﺍﻟﻠﻪ ﻳﻨﻄﻲ ﺍﻟﺼﺤﺔ ﻭﺍﻟﻌﺎﻓﻴﺔ ﻛﻠﻲ ﺑﻮﻳﺔ ﻛﻮﻣﻲ ﻟﺒﺴﻲ ﻋﺒﺎﺗﺞ ﺧﻠﻲ ﺍﻭﺩﻳﺞ ﻻﻫﻠﺞ
ﻣﺎ ﺍﻧﺘﻈﺮﺕ ﺑﺴﺮﻋﺔ ﻛﻤﺖ ﻣﻦ ﻣﻜﺎﻧﻲ ﺭﻏﻢ ﺍﻻﻟﻢ ﻭﺍﻟﻮﺟﻊ
ﻟﺒﺴﺖ ﻋﺒﺎﺗﻲ ﺣﺘﻰ ﺑﺪﻭﻥ ﻣﺎ ﺍﺑﺪﻝ ﻣﻼﺑﺴﻲ ﺭﺩﺕ ﺍﻃﻠﻊ ﺑﺮﻭﺣﻲ ﺍﻟﻌﺰﻳﺰﺓ
ﻫﺬﺍ ﺍﻟﺤﺠﻲ ﺻﺎﺭ ﻭﻫﻮ ﺣﺎﺟﺰﻳﻨﻪ ﺑﻐﺮﻓﺔ ﺍﺧﻮﻩ ﺍﻟﺜﺎﻧﻲ ﻳﻬﺪﻭﻧﻪ ﻣﻴﺪﺭﻱ ﺑﻴﺔ ﻃﻠﻌﺖ ﻣﻦ ﺍﻟﺒﻴﺖ
ﺟﺎﻧﺖ ﺿﺤﻰ ﺗﺤﺠﻲ ﻭﺗﺮﺟﻒ ﻣﺮﺩﺕ ﻛﻠﺒﻲ
.. ﻛﻮﻥ ﺍﻟﻠﻪ ﻳﺎﺧﺬﻩ ﻫﺎﻟﻌﺎﻍ ( ﺍﻟﻌﺎﺭ )
ﺣﺠﻴﺘﻬﺎ ﺑﻐﻞ ﺩﺧﻠﺖ ﺷﻴﻤﺎﺀ ﺗﺒﺎﻭﻉ ﻋﺎﻟﻮﺟﻮﻩ
ﺑﻨﻈﺮﺓ ﻋﺎﺭﻑ
ﺑﻴﺖ ﻗﺎﺳﻢ
ﻫﺎﻟﺔ
ﺟﻨﺎ ﺍﻧﻲ ﻭﺍﻣﻲ ﻛﺎﻋﺪﺍﺕ ﻧﻨﺘﻈﺮ ﻗﺎﺳﻢ
ﺣﺘﻰ ﺍﻣﻲ ﺗﺤﺠﻲ ﻭﻳﺎﻩ ﺑﺎﻟﻤﻮﺿﻮﻉ ﻣﺎﻝ ﺍﻟﺨﻄﻮﺑﺔ
ﻫﺪﻳﻞ .. ﺍﻛﻮﻝ ﺳﺖ ﻫﺎﻟﺔ ﺷﻨﻮ ﺻﺎﻳﺮ ﺍﻟﻴﻮﻡ ﺍﻧﺘﻲ ﻭﺍﻣﺞ ﻣﻮ ﻋﻠﻰ ﺑﻌﻀﻜﻢ ﺍﺣﺲ ﻋﻨﺪﻛﻢ ﺷﻲ ﺿﺎﻣﻴﻨﻪ ﻋﻠﻴﺔ
.. ﻣﺎﻛﻮ ﺷﻲ ﻳﺘﺨﻴﻠﺞ
.. ﻻ ﻭﺍﻟﻠﻪ ﺍﻛﻮ ﺷﻲ ﺻﺎﻳﺮ ﺑﻬﺬﺍ ﺍﻟﺒﻴﺖ ﻭﺍﻧﺘﻲ ﻭﻧﺒﻊ ﺍﻟﺤﻨﺎﻥ ﻛﺎﻟﻌﺎﺩﺓ ﻣﺘﻌﺎﻭﻧﺎﺕ ﻋﻠﻰ ﻛﺘﻤﻪ ﻳﺎﻟﻠﻪ ﺍﺣﺠﻲ
.. ﻛﻠﺘﻠﺞ ﻣﺎ ﺻﺎﻳﺮ ﺷﻲ ﻻ ﺗﻠﺰﻛﻴﻦ
.. ﻳﺎﻟﻠﻪ ﻣﻮ ﺍﻻ ﺗﻜﻮﻟﻴﻦ ﻳﺎﺧﺒﺮ ﺑﻔﻠﻮﺱ ﺑﺎﺟﺮ ﻳﺼﻴﺮ ﺑﺒﻼﺵ
ﻭﺍﻋﺮﻑ
ﺟﻨﺎ ﻧﺤﺠﻲ
.....
ﻭﺩﺧﻞ ﻗﺎﺳﻢ ﺍﺧﻮﻱ ﻟﻠﺒﻴﺖ ﻭﺟﻬﻪ ﻣﺎ ﻳﺘﻔﺴﺮ
ﺑﺲ ﻣﺒﻴﻦ ﻣﻦ ﺭﺻﺖ ﺍﺳﻨﻮﻧﻪ ﻭﺳﻜﻮﻧﻪ
ﻫﺬﺍ ﺍﻟﻬﺪﻭﺀ ﺍﻟﺬﻱ ﻳﺴﺒﻖ ﺍﻟﻌﺎﺻﻔﺔ
ﺻﺤﺖ ﻻﻣﻲ ﻭﺍﺟﺘﻲ ﻭﺷﺎﻓﺖ ﻗﺎﺳﻢ
.. ﻫﺎ ﻳﻤﺔ ﻗﺎﺳﻢ ﺍﻟﻠﻪ ﻳﺴﺎﻋﺪﻙ ﺍﺷﻮ ﺍﻟﻴﻮﻡ ﺍﺗﺄﺧﺮﺕ
ﺳﺤﺐ ﻧﻔﺲ ﻋﻤﻴﻖ ﻭﺭﺩ ﻋﻠﻴﻬﺎ ﻭﻫﻮ ﻳﺮﺟﻊ ﺷﻌﺮﻩ ﻟﻴﻮﺭﺓ
.. ﻫﻼ ﺑﻴﺞ ﻳﻤﺔ
ﻭﺑﺎﺳﻬﺎ ﻣﻦ ﺭﺍﺳﻬﺎ
.. ﻫﺎﻟﺔ ﻛﻮﻣﻲ ﺣﺒﻴﺒﺘﻲ ﺻﺒﻲ ﻋﺸﺎ ﻻﺧﻮﺝ
.. ﻻ ﻻ ﻣﺎ ﻳﺤﺘﺎﺝ ﻣﺘﻌﺸﻲ ﺑﺲ ﺻﺒﻴﻠﻲ ﺟﺎﻱ
ﺭﺣﺖ ﺭﻛﺾ ﻋﺎﻟﻤﻄﺒﺦ ﻃﻠﻘﺔ ﺣﺘﻰ ﺍﻟﺤﻚ ﺍﺳﻤﻌﻬﻢ ﺷﻨﻮ ﺭﺍﺡ ﻳﺤﺠﻮﻥ
ﺍﻡ ﻗﺎﺳﻢ .. ﻫﺎ ﻳﻤﺔ ﻗﺴﻮﻣﻲ ﻟﻜﻴﺖ ﺍﺑﻦ ﻋﻤﻚ ﻫﺸﺎﻡ ﻟﻮ ﺑﻌﺪﻙ
ﻗﺎﺳﻢ ﺟﺮ ﺣﺴﺮﺓ .. ﻻ ﻭﺍﻟﻠﻪ ﻳﻤﺔ ﻣﺎ ﻟﻜﻴﺘﻪ ﻭﺍﻟﻠﻪ ﺍﺣﺲ ﺑﻨﺎﺭ ﻛﺒﺮﺓ ﺑﻜﻠﺒﻲ
ﺍﺭﻳﺪ ﺑﺲ ﺍﻭﻛﻊ ﻋﻠﻰ ﺧﻴﻂ ﻳﺪﻟﻴﻨﻲ ﻋﻠﻴﻪ
.. ﺍﻱ ﻳﻤﺔ ﺩﻭﺭ ﻋﻠﻴﻪ ﺗﺮﺓ ﻭﺍﻟﻠﻪ ﻫﺬﺍ ﺍﻟﻮﻟﻴﺪ ﻛﺎﺳﺮ ﺧﺎﻃﺮﻱ
ﺍﺣﺲ ﺑﻲ ﻭﺻﻠﺔ ﻣﻦ ﻛﻠﺒﻲ
ﻣﻦ ﺍﻭﻝ ﻳﻮﻡ ﺷﻠﺘﻪ ﺑﻴﻦ ﺍﻳﺪﻳﺔ ﻭﺭﺿﻌﺘﻪ ﻣﻦ ﺻﺪﺭﻱ ﻭﺍﻧﻲ
ﺍﺣﺲ ﺑﻲ ﺻﺎﺭ ﻭﺻﻠﺔ ﻣﻦ ﻛﻠﺒﻲ
ﺑﺲ ﻣﺎ ﺑﻴﺪﻱ ﺷﻲ ﻋﻠﻴﻪ
ﺑﺲ ﺍﺑﺎﻭﻉ ﻭﺍﺗﺤﺴﺐ ﻋﻠﻰ ﺍﺑﻮﻩ
.. ﻻ ﺗﺸﻴﻠﻴﻦ ﻫﻤﻪ ﻫﺸﺎﻡ ﺳﺒﻊ ﻣﺎ ﻳﻨﺨﺎﻑ ﻋﻠﻴﻪ
ﻭﻫﺬﺍ ﻋﻤﻲ ﻛﺎﻇﻢ ﺣﺴﺎﺑﻲ ﻭﻳﺎﻩ ﺑﻌﺪﻳﻦ ﺑﺲ ﺧﻠﻲ ﺍﻓﺮﻏﻠﻪ
.. ﻭﺍﻟﻠﻪ ﻳﺎﻳﻤﺔ ﻗﺎﺳﻢ ﺍﺷﻮﻓﻚ ﺗﻮﺍﺳﻴﻨﻲ ﻭﺗﻬﻮﻥ ﻋﻠﻴﻪ
ﺣﺘﻰ ﻣﺎ ﺍﺧﺎﻑ ﻭﺍﻧﺖ ﻋﻴﻮﻧﻚ ﻓﺎﺿﺤﺘﻚ
ﻣﻦ ﺍﻟﺨﻮﻑ ﻋﻠﻴﻪ
.. ﺍﺟﺬﺏ ﻋﻠﻴﺞ ﻳﻤﺔ ﺍﺫﺍ ﻛﻠﺖ ﻣﺎ ﺧﺎﻳﻒ ﻋﻠﻴﻪ
ﻫﺬﺍ ﺭﺑﺎﺕ ﺍﻳﺪﻱ ﺍﺧﻮﻱ ﺍﻟﻤﺎ ﺟﺒﺘﻲ ﺍﻟﻲ ﺑﻬﺎﻱ ﺍﻟﺪﻧﻴﺎ
ﺣﻤﻴﺖ ﺍﻟﺠﺎﻱ ﻭﻛﻔﺖ ﻳﻢ ﺍﻟﻄﺒﺎﺥ ﻛﻌﺪﺕ ﺍﺣﻀﺮ ﺍﻻﺳﺘﻜﺎﻳﻦ
ﺳﻤﻌﺖ ﻧﻘﺎﻝ ﻗﺎﺳﻢ ﺩﻙ
ﻋﺒﺮ ﻣﻦ ﻳﻤﻲ ﻭﻧﻘﺎﻟﻪ ﺑﻴﺪﻩ ﻭﺭﺩ ﻋﺎﻟﻤﺘﺼﻞ
ﻭﻃﻠﻊ ﺑﺮﺓ ﺑﺎﻟﻜﺮﺍﺝ ﻳﺤﺠﻲ
ﺑﻘﻴﺖ ﻭﺍﻛﻔﺔ ﻣﻨﺘﻈﺮﺓ ﺍﻟﺠﺎﻱ ﻭﺍﻧﻲ ﻛﻠﻲ ﺍﺫﺍﻥ ﺻﺎﻏﻴﺔ
ﺍﺳﻤﻊ ﻗﺎﺳﻢ ﺷﻨﻮ ﻳﺤﺠﻲ ﺑﺎﻟﻨﻘﺎﻝ ﻭﻟﻴﺶ ﻃﻠﻊ ﻳﺤﺠﻲ ﺑﺮﺓ
ﺟﺎﻥ ﻗﺎﺳﻢ ﻳﺤﺠﻲ ﻭﻳﺔ ﺍﻟﻄﺮﻑ ﺍﻟﺜﺎﻧﻲ ﺑﺎﻻﻟﻐﺎﺯ
ﻗﺎﺳﻢ .. ﺍﺭﻛﺎﻥ ﻫﺎ ﺩﺑﺮﺗﻬﺎ ﻟﻮ ﺑﻌﺪﻙ
ﻳﻌﻨﻲ ﺷﻨﻮ ﻣﺎ ﺭﺿﻰ ﻳﺎﺧﺬ ﺍﻟﻔﻠﻮﺱ ﻫﻮ ﺑﻜﻴﻔﻪ
ﺍﻫﻮﻭﻭﻭ ﻫﺬﺍ ﺍﻟﻈﺎﻫﺮ ﻳﻨﺮﺍﺩﻟﻪ ﻛﺮﺻﺔ ﺍﺫﻥ
ﻻ ﺗﺨﻠﻴﻨﻲ ﻫﺴﺔ ﺍﺭﻭﺡ ﺍﺣﻄﻪ ﺑﺼﻨﺪﻭﻙ ﺍﻟﺴﻴﺎﺭﺓ
ﻭﺍﺭﺍﻭﻳﻪ ﺷﻐﻠﻪ
ﻭﺍﻟﻠﻪ ﺍﺧﻠﻲ ﻳﺘﻮﺳﻞ ﻳﻄﻠﺐ ﺍﻟﺮﺣﻤﺔ
ﺍﺭﻛﺎﻥ ﺭﺣﻤﺔ ﻋﻠﻰ ﻭﺍﻟﺪﻳﻚ ﺷﻠﻮﻥ ﺗﻄﻠﺐ ﻣﻨﻲ ﺍﺻﺒﺮ
ﻭﻫﺬﺍ ﻛﺎﻋﺪ ﻳﺪﻭﺱ ﺑﺎﻟﻤﺼﺎﺭﻳﻦ ﺑﺴﻮﺍﻟﻔﻪ ﻭﺍﻧﺎ ﻣﺎ ﻧﺎﻗﺼﻪ
ﺍﻟﻠﻪ ﻭﻛﻴﻠﻚ ﻣﺎ ﻓﺎﺭﻍ ﺍﺣﻚ ﺭﺍﺳﻲ ﻣﻦ ﻭﺭﺓ ﺍﻟﺸﻐﻞ
ﻭﻫﺬﺍ ﺍﻟﻨﺎﻗﺺ ﺍﺧﺮ ﻫﻤﻲ
ﺑﺲ ﺍﻟﻈﺎﻫﺮ ﻫﺬﺍ ﺷﺎﻓﻨﻲ ﺳﺎﻛﺘﻠﻪ ﻋﺒﺎﻟﻪ ﻣﺤﺪ ﻳﻜﺪﺭﻟﻪ
ﻭﺍﺗﻌﺪﺓ ﺣﺪﻭﺩﻩ
ﻭﺣﻖ ﺍﻟﻜﻌﺒﺔ ﻭﻟﻮ ﻣﺎ ﺍﻧﺖ ﻭﺍﻛﻒ ﻛﺪﺍﻣﻲ ﻭﻻﺯﻣﻨﻲ ﻋﻨﻪ
ﺟﺎﻥ ﺍﻟﻴﻮﻡ ﻓﻠﺸﺖ ﻭﺟﻬﻪ
ﺣﻀﺮﺗﻪ ﺟﺎﻳﻨﻲ ﺑﻜﻞ ﺻﻼﻓﺔ ﻳﻜﻠﻲ ﺗﻌﺎﻝ ﺍﺗﺰﻭﺝ ﺑﻨﺘﻲ
ﻭﻻ ﻓﻮﻛﺎﻫﺎ ﻣﺎ ﻛﺎﻋﺪ ﺭﺍﺣﺔ ﻳﻬﺪﺩ ﺍﻟﻌﺎﺭ
ﺑﺲ ﺑﺴﻴﻄﺔ ﺍﻧﺎ ﺍﻋﻠﻤﻪ ﻭﻳﻦ ﻳﺮﻳﺪ ﻳﺮﻭﺡ ﻣﻨﻲ
ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻋﺰﺯﺯﺯﺯﺯﺓ ﻫﺬﺍ ﻗﺎﺳﻢ ﺩﻳﻘﺼﺪ ﻋﻠﻰ ﺍﺑﻮ ﻫﺪﻯ
ﺻﺨﺎﻡ ﻫﺬﺍ ﻧﺎﻭﻱ ﻋﺎﻟﺮﺟﺎﻝ
ﺭﺣﺖ ﺭﻛﺾ ﻝ ﺍﻣﻲ ﺣﺘﻰ ﺍﺑﻠﻐﻬﺎ ﻋﺎﻟﻨﺎﻭﻳﻪ ﻗﺎﺳﻢ
ﻛﻌﺪﺕ ﻳﻤﻬﺎ ﻭﺷﺎﻭﺭﺗﻬﺎ ﻻﻥ ﺟﺎﻧﺖ ﺳﺖ ﻫﺪﻳﻞ ﻛﺎﻋﺪﺓ
ﻭﻫﻲ ﺷﻬﻜﺖ ﻭﺿﺮﺑﺖ ﻋﻠﻰ ﺻﺪﺭﻫﺎ
.. ﺍﻧﺎ ﺍﻣﻚ ﻳﻘﺎﺳﻢ ﻋﺰﺓ ﺍﻟﻌﺰﺍﻧﻲ ﻭﻟﺞ ﻫﺬﺍ ﺷﻮﻛﺖ ﺻﺎﺭ ﺍﻟﺤﺠﻲ
ﺑﺎﻭﻋﺖ ﻭﺭﺍﻱ ﺧﺎﻑ ﻳﺮﺟﻊ ﻗﺎﺳﻢ ﻭﻳﺴﻤﻌﻨﺎ
ﻭﻛﻠﺘﻠﻬﺎ
.. ﻫﺴﻪ ﺳﻤﻌﺘﻪ ﻳﺤﺠﻲ ﺑﺎﻟﻨﻘﺎﻝ ﻭﻳﺔ ﺻﺪﻳﻘﻪ
ﺍﺑﺎﻭﻉ ﻻﻣﻲ ﺳﻜﺘﺖ ﺷﻮﻳﺔ ﻭﻛﺎﻟﺖ
.....
ﻫﺬﺍ ﺍﺧﻮﺝ ﺷﻜﻠﻪ ﻧﺎﻭﻱ ﻳﺠﻴﺒﻠﻲ ﺍﻟﺠﻠﻄﺔ ﻭﻳﻤﻮﺗﻨﻲ
ﻗﺒﻞ ﻳﻮﻣﻲ ﻣﺎ ﻧﺎﻭﻱ ﻳﺠﻴﺒﻬﺎ ﻟﺒﺮ
ﻭﻻ ﺭﺍﺡ ﻳﻌﺪﻱ ﺍﻟﺴﺎﻟﻔﺔ ﻋﻠﻰ ﺧﻴﺮ ﺍﻻ . ﻳﺤﻂ ﻛﻠﺒﻲ ﺑﻴﺪﻱ
ﺑﺎﻟﻠﻪ ﺷﻮ ﻛﻮﻣﻲ ﻣﻦ ﻛﺪﺍﻣﻲ ﻭﺧﻠﻴﻨﻲ ﺍﺷﻮﻑ ﺷﻐﻠﻲ ﻭﻳﺎﻩ
ﻫﺪﻳﻞ ﺑﻔﻀﻮﻝ .. ﻳﻤﺔ ﺷﻜﻮ ﺷﺼﺎﻳﺮ ﺍﺷﻮ ﺟﻨﻜﻢ ﻣﺨﺎﺑﺮﺍﺕ ﻛﻞ ﺷﻮﻳﺔ ﺗﺘﻬﺎﻣﺴﻮﻥ ﺑﻴﻨﻜﻢ ﻭﺍﻧﺎ ﻛﺎﻋﺪﺓ ﺑﻴﻨﻜﻢ ﻣﺜﻞ ﺍﻻﻃﺮﺵ ﺑﺎﻟﺰﻓﺔ ﻓﻬﻤﻮﻧﻲ ﺷﺼﺎﻳﺮ
ﻣﺤﺪ ﺑﻴﻜﻢ ﻳﻘﺒﻞ ﻳﻜﻠﻲ ﻋﺒﺎﻟﻚ ﻋﺪﻭ ﻣﻮ ﺑﺘﻜﻢ ﺍﻧﻲ
.. ﺍﻛﻠﺞ ﺭﺣﻤﺔ ﻋﻠﻰ ﻭﺍﻟﺪﻳﺞ ﺳﺪﻱ ﺣﻠﻜﺞ ﺗﺮﺓ ﻣﺎ ﻧﺎﻗﺼﺔ
ﺍﻟﻨﻜﺔ ﻣﺎﻟﺘﺞ ﺍﻟﺒﻴﺔ ﻛﺎﻓﻴﻨﻲ ﺧﻠﻴﻨﻲ ﻣﻠﺘﻬﻴﺔ ﺑﺴﺎﻟﻔﺔ ﺍﺧﻮﺝ
ﻭﻣﺸﺎﻛﻠﻪ ﺍﻟﻤﺎ ﻧﺎﻭﻳﺔ ﺗﺨﻠﺺ
ﺩﺧﻞ ﻗﺎﺳﻢ ﻭﺣﺠﺔ .. ﻫﺎ ﺍﺳﻢ ﺍﻟﻠﻪ ﺷﺒﻲ ﺍﺧﻮﻫﺎ
ﺷﻨﻮ ﻣﺴﻮﻱ ﻳﺎﻟﻐﺎﻟﻴﺔ ﻭﻛﺎﻋﺪﺓ ﺗﺘﺤﺴﺮﻳﻦ
.. ﻫﺎ ﻳﻤﺔ ﻗﺴﻮﻣﻲ ﺍﻧﺖ ﻫﻨﺎ ﻣﻨﺘﺒﻬﺖ ﻋﻠﻴﻚ
ﺟﺎﻧﺖ ﺗﺤﺠﻲ ﻭﺗﺨﺰﺭ ﺑﻬﺪﻳﻞ
.. ﻻ ﺟﻨﺖ ﺍﺣﺠﻲ ﻭﻳﺔ ﻫﺪﻳﻞ ﺍﻛﻠﻠﻬﺎ ﺧﻔﻔﻲ ﻃﻠﺒﺎﺗﺞ ﻋﻠﻰ ﺍﺧﻮﺝ ﺧﻄﻴﺔ ﻣﻠﺘﻬﻲ ﺑﺎﻟﺸﻐﻞ ﻭﻣﺸﺎﻛﻠﻪ
ﻭﺑﺪﻟﺖ ﺍﻟﻤﻮﺿﻮﻉ ﻭﻛﻌﺪﺕ ﺗﺤﺠﻲ ﻭﻳﺎﻩ ﻋﻦ ﺍﻟﺸﻐﻞ ﻭﻫﺪﻳﻞ ﻛﺎﻣﺖ ﻣﺒﺮﻃﻤﺔ ﺯﻋﻼﻧﺔ
ﺟﺒﺖ ﺍﻟﺠﺎﻱ ﻭﻇﻠﻴﺖ ﻭﺍﻛﻔﺔ ﻳﻤﻬﻢ ﺍﺣﻮﻡ ﻓﻮﻙ ﺭﺍﺳﻬﻢ
ﻣﻨﺘﻈﺮﺓ ﺍﻣﻲ ﺷﻮﻛﺖ ﺗﻔﺘﺢ ﺍﻟﻤﻮﺿﻮﻉ ﻭﻳﺔ ﻗﺎﺳﻢ
ﺑﺲ ﺍﺷﻮ ﺍﻣﻲ ﻣﺎﻛﻮ ﻣﺠﺎﺑﺖ ﺳﻴﺮﺓ ﺍﻟﻤﻮﺿﻮﻉ
ﺑﻌﺪﻫﺎ ﻛﺎﻡ ﻗﺎﺳﻢ ﻓﺮﻙ ﺭﺍﺳﻪ ﻭﻛﺎﻝ
.. ﻳﻤﺔ ﺍﻧﺎ ﺭﺍﺡ ﺍﻧﺎﻡ ﺍﺭﻳﺪﺝ ﺗﻜﻌﺪﻳﻨﻲ ﺍﻟﻔﺠﺮ ﺍﻟﺴﺎﻋﺔ ﺑﺎﻟﺨﻤﺴﺔ ﺿﺮﻭﺭﻱ ﻋﻨﺪﻱ ﻛﻮﻣﺔ ﺷﻐﻞ
.. ﺻﺎﺭ ﻳﻤﺔ ﺗﺪﻟﻞ ﺭﻭﺡ ﻧﺎﻡ ﻭﺍﺭﺗﺎﺡ ﺭﺑﻲ ﻳﺴﻬﻞ ﺍﻣﻮﺭﻙ ﻭﻳﻔﺘﺤﻬﺎ ﺑﻮﺟﻬﻚ
ﺍﺑﺎﻭﻉ ﻋﻠﻴﻪ ﺍﺧﺬ ﻧﻘﺎﻻﺗﻪ ﻭﺳﻮﻳﺞ ﺍﻟﺴﻴﺎﺭﺓ ﻭﺻﻌﺪ ﻓﻮﻙ ﻟﻐﺮﻓﺘﻪ
ﺍﻟﺘﻔﺘﺖ ﻋﻠﻰ ﺍﻣﻲ
.. ﺍﻛﻮﻝ ﻳﻤﺔ ﻟﻴﺶ ﻣﻔﺘﺤﺘﻲ ﻣﻮﺿﻮﻉ ﺍﻟﺨﻄﻮﺑﺔ ﻭﻳﺎﻩ
.. ﻣﺘﺸﻮﻓﻴﻦ ﺍﺧﻮﺝ
ﺷﻠﻮﻥ ﻏﺎﺩﻱ ﻧﺎﺭ ﻛﺒﺮﺓ . ﻣﺴﺘﺤﻴﻞ ﻳﺴﻤﻊ ﻣﻨﻲ ﺣﺮﻑ ﻭﺍﺣﺪ ﻛﺒﻞ ﻳﻘﻔﻞ
ﺍﻋﺮﻓﻪ ﺭﺍﺳﻪ ﻳﺎﺑﺲ ﺧﺼﻮﺻﺎ ﺍﻟﻴﻮﻡ ﺟﺎﻳﻪ ﺍﺑﻮ ﺷﻴﻤﺎﺀ ﻭﻣﺘﻌﺎﺭﻙ ﻭﻳﺎﻩ
ﻓﺨﻠﻲ ﺑﺎﺟﺮ ﻳﻬﺪﻱ ﺷﻮﻳﺔ ﻭﺍﺣﺠﻠﻴﻪ ﻋﺎﻟﻤﻮﺿﻮﻉ
ﺍﻟﻲ ﺍﻓﺘﻬﻤﺘﻪ ﻣﻦ ﺍﻣﻲ ﺍﺟﻠﺖ ﺍﻟﻤﻮﺿﻮﻉ
.. ﺯﻳﻦ ﺷﻠﻮﻥ ﻭﺍﻧﺘﻲ ﺍﻧﻄﻴﺘﻲ ﺣﺠﺎﻳﺔ ﻻﺑﻮ ﺷﻴﻤﺎﺀ ﻭﻛﻠﺘﻴﻠﻪ
ﺭﺍﺡ ﺍﺟﻴﻜﻢ ﺑﺎﺟﺮ ﺣﺘﻰ ﺍﺗﻔﻖ ﻭﻳﺔ ﺷﻴﻤﺎﺀ ﻭﺍﻟﺤﺠﻴﺔ
ﺷﺮﺍﺡ ﺗﺴﻮﻳﻦ
.. ﺍﻱ ﻭﺍﻧﻲ ﺑﻌﺪﻧﻲ ﻋﻠﻰ ﺣﺠﺎﻳﺘﻲ ﻣﺎ ﻏﻴﺮﺗﻬﺎ ﺑﺎﺟﺮ ﺍﺭﻭﺡ
ﻭﺍﺗﻔﻖ ﻭﻳﺔ ﺷﻴﻤﺎﺀ ﻭﺍﻧﻄﻴﻬﻢ ﻗﺴﻢ ﻣﻦ ﺍﻟﻤﺒﻠﻎ ﺣﻖ ﺍﻟﻤﻬﺮ
ﺣﺘﻰ ﺗﺠﻬﺰ ﺍﺧﺘﻬﺎ ﺧﻄﻴﺔ ﺷﻲ ﺍﻛﻴﺪ ﺗﺤﺘﺎﺝ ﻣﺼﺎﺭﻳﻒ ﻫﻮﺍﻱ ﻋﻠﻤﻮﺩ ﺣﻔﻠﺔ ﺍﻟﻤﻬﺮ
.. ﻋﺎﺍﺍﺍﺍﺍ ﻳﻌﻨﻲ ﺻﺎﺭﺕ ﺻﺪﻙ ﻭﺻﺎﺭ ﺑﻴﻬﺎ ﺣﻔﻠﺔ ﻣﻬﺮ
ﻭﺍﻟﻠﻪ ﻋﻤﻲ ﺍﻧﺘﻲ ﺧﻄﻴﺮﺓ ﻳﺎ ﺍﻡ ﻗﺎﺳﻢ
ﻟﻌﺪ ﺧﻠﻲ ﺍﻟﺤﻚ ﺍﺟﻬﺰ ﺭﻭﺣﻲ ﻫﻼ ﻭﻫﻼ ﻭﻫﻼ
ﻋﺮﺱ ﺍﻟﺰﻳﻦ ﻳﺴﺘﺎﻫﻞ ﺍﻟﻬﻠﻬﻮﻟﺔ ﺍﺟﻴﺖ ﺍﻫﻠﻬﻞ
ﻭﺟﺎﻥ ﺍﻣﻲ ﺗﻠﻤﻨﻲ ﻣﻦ ﺣﻠﻜﻲ ﻭﺗﺴﺪﻩ
.. ﺍﻟﻠﻪ ﻳﻠﻌﻦ ﺑﻠﻴﺴﺞ ﺷﻜﺪ ﻣﻔﻀﻮﺣﺔ
ﻋﻮﺩ ﻫﺎﻱ ﺍﻧﻲ ﻣﻮﺻﻴﺘﺞ ﺗﻜﺘﻤﻴﻦ ﺍﻟﺴﺮ
ﻫﺰﻳﺖ ﺭﺍﺳﻲ ﺑﺎﻟﻤﻮﺍﻓﻘﺔ ﻭﺿﺤﻜﺖ
.. ﺑﺎﻟﻠﻪ ﺷﻮ ﻛﻮﻣﻲ ﻣﻦ ﻛﺪﺍﻣﻲ
ﻫﺪﻯ
ﻻﺑﺴﺔ ﺑﺪﻟﺔ ﺍﻟﻌﺮﺱ ﺗﺠﻨﻦ ﺟﺎﻥ ﺷﻜﻠﻬﺎ
ﻭﻟﻮﻧﻬﺎ ﺍﻭﻑ ﻭﺍﻳﺖ ﻛﻠﺶ ﺣﻠﻮﺓ ﻭﺣﺎﻃﺔ ﻛﻠﻴﻞ ﻋﻠﻰ ﺭﺍﺳﻲ
ﻛﻠﺒﻲ ﻳﺪﻙ ﺣﻴﻞ ﻛﻠﺶ ﻓﺮﺣﺎﻧﺔ
......
ﺑﺎﻭﻋﺖ ﺍﻧﺘﺒﻬﺖ ﻟﺸﻴﻤﺎﺀ ﻛﻞ ﺷﻮﻳﺔ ﺗﺒﺘﺴﻢ
ﻭﺗﻤﺴﺢ ﺑﺪﻣﻮﻋﻬﺎ ﻭﻣﺮﻳﻢ ﺍﺧﺘﻲ ﺍﺟﺘﻲ ﺟﻨﻬﺎ ﻓﺮﺍﺷﺔ
ﺭﻏﻢ ﺿﻌﻔﻬﺎ ﺑﺲ ﻫﻲ ﺻﺎﺣﺒﺔ ﺧﺪﻭﺩ
ﻛﻌﺪﺕ ﺗﻌﺪﻟﻲ ﺑﻄﺮﻑ ﺍﻟﻔﺴﺘﺎﻥ
ﻭﺿﺤﻰ ﻛﻞ ﺷﻮﻳﺔ ﺗﺤﻂ ﺟﻜﻠﻴﺘﺔ ﺟﻮﺓ ﻟﺴﺎﻧﻲ
ﺗﻜﻠﻲ ﺣﺘﻰ ﺗﺼﻴﺮ ﺣﻴﺎﺗﺞ ﺣﻠﻮﺓ
ﺳﻤﻌﺖ ﺍﺻﻮﺍﺕ ﺍﻟﺰﻓﺔ ﻭﺍﻟﻤﻮﺳﻴﻘﻰ ﻭﻫﻮﺭﻧﺎﺕ ﺍﻟﺴﻴﺎﺭﺍﺕ ﻣﻠﺖ ﺍﻟﺸﺎﺭﻉ
ﻛﻠﺒﻲ ﻛﺎﻡ ﻳﺮﻓﺮﻑ ﻣﺜﻞ ﺍﻟﻌﻠﻢ ﺑﺎﻟﻬﻮﻯ ﺍﻟﻌﺎﻟﻲ ﻫﻴﺞ ﺟﺎﻥ ﺣﺎﻝ ﻛﻠﺒﻲ
ﻳﻌﻨﻲ ﺷﻨﻮ ﺻﺎﺭﺕ ﺻﺪﻙ ﻭﺭﺍﺡ ﺍﺗﺰﻭﺝ ﻭﺑﻌﺪ ﻣﺎ ﺍﺷﻮﻑ
ﺧﻮﺍﺗﻲ
ﺍﺟﺘﻲ ﺷﻴﻤﺎﺀ ﻭﻛﻮﻣﺘﻨﻲ ﻭﻋﺪﻟﺖ ﺍﻟﺒﺮﻧﺺ ﺍﻻﺑﻴﺾ
ﻭﻣﺸﻴﺖ ﻭﻳﺎﻫﺎ ﺷﻔﺖ ﻣﻦ ﺑﻌﻴﺪ ﺍﺧﺘﻲ ﻣﺮﻭﺓ ﻭﺍﻛﻔﺔ ﺑﻌﻴﺪ ﻋﻦ ﺍﻟﻨﺎﺱ ﺗﺒﺎﻭﻉ ﻋﻠﻴﺔ ﻭﺗﻤﺴﺢ ﺑﺪﻣﻮﻋﻬﺎ ﻋﺒﺎﻟﻬﺎ ﻣﺤﺪ ﻳﺸﻮﻓﻬﺎ ﺷﺎﻭﺭﺕ ﺷﻴﻤﺎﺀ ﻭﻃﻠﺒﺖ ﻣﻨﻬﺎ ﺗﺼﻴﺤﻬﺎ ﺣﺘﻰ ﺍﺣﻀﻨﻬﺎ ﺭﺍﺣﺖ ﺷﻴﻤﺎﺀ ﻭﺍﻧﻲ ﻛﻌﺪﺕ ﺑﻤﻜﺎﻧﻲ ﺍﻧﺘﻈﺮ ﻳﺪﺧﻠﻮﻥ ﺍﻟﺰﻓﺔ ﺳﻤﻌﺖ ﺍﺻﻮﺍﺕ ﺍﻟﻬﻮﺳﺎﺕ
ﻭﺣﺴﻴﺖ ﺑﻈﻞ ﻏﻴﻢ ﻋﻠﻰ ﺭﺍﺳﻲ ﺭﻓﻌﺖ ﺭﺍﺳﻲ ﻭﺍﻧﻲ ﻣﺒﺘﺴﻤﺔ ﻭﺍﺣﺲ ﺑﺎﻟﺴﻌﺎﺩﺓ ﺑﺲ ﻓﺠﺎﺀﺓ
ﻋﻄﺖ ﻣﻔﺰﻭﻋﺔ ﻣﻦ ﺷﻔﺖ ﺍﻟﻌﺮﻳﺲ
ﻏﻤﻀﺖ ﻋﻴﻨﻲ ﻭﺭﺟﻌﺖ ﻓﺘﺤﺘﻬﺎ
ﺍﺣﺎﻭﻝ ﺍﺳﺘﻮﻋﺐ ﺍﻟﺼﺪﻣﺔ
ﻟﻜﻦ ﻫﺎﻟﻤﺮﺓ ﻣﻦ ﻓﺘﺤﺘﻬﻢ ﻟﻜﻴﺖ ﺷﻴﻤﺎﺀ ﻭﺍﻛﻔﺔ ﻓﻮﻙ ﺭﺍﺳﻲ
ﺗﻬﺰ ﺑﻴﺔ ﺣﺘﻰ ﺍﻛﻌﺪ
ﺷﻤﺮﺕ ﺍﻟﻐﻄﻰ ﻭﻛﻌﺪﺕ ﺍﺗﻠﻔﺖ ﻣﻨﺎ ﻭﻣﻨﺎ ﻭﺑﺎﻭﻋﺖ ﻟﺮﻭﺣﻲ ﻟﻜﻴﺖ ﻧﻔﺴﻲ ﻧﺎﻳﻤﺔ ﻭﻻﺑﺴﺔ ﻣﻼﺑﺲ ﺍﻟﺒﻴﺖ
ﻟﺰﻣﺖ ﻛﻠﺒﻲ ﻭﺟﺮﻳﺖ ﻧﻔﺲ ﻋﻤﻴﻖ ﻣﺮﺗﺎﺣﺔ
ﻫﻤﺴﺖ ﻓﺮﺣﺎﻧﺔ
.. ﻳﻤﺔ ﺍﻟﺤﻤﺪﻟﻠﻪ ﻃﻠﻊ ﺣﻠﻢ
.. ﺷﻨﻮ ﺷﺒﻴﺞ ﻛﻌﺪﺗﻲ ﺟﻨﺞ ﻭﺣﺪﺓ ﻣﻨﺘﻮﻟﺔ
ﻛﻤﺰﺗﻴﻨﻲ
.. ﻟﺞ ﺳﻜﺘﻲ ﺟﻨﺖ ﺍﺣﻠﻢ ﺣﻠﻢ ﻛﻠﺶ ﺣﻠﻮ
ﺑﺲ ﻓﺠﺎﺀﺓ ﺍﻧﻜﻠﺐ ﺍﻟﺤﻠﻢ ﻟﻜﺎﺑﻮﺱ
ﺣﻠﻤﺖ ﺍﻧﻲ ﻋﻐﻮﺱ ﻭﻓﻐﺤﺎﻧﺔ ( ﻋﺮﻭﺱ ﻭﻓﺮﺣﺎﻧﺔ ) ﺑﻴﻮﻡ ﻋﻐﺴﻲ ( ﻋﺮﺳﻲ ) ﺑﺲ ﺍﻧﺼﺪﻣﺖ ﻣﻦ ﺷﻔﺖ ﺍﻟﻌﻐﻴﺲ ..... ﻗﺎﺳﻤﻮﻑ
ﻳﻤﺔ ﻛﻠﺒﻲ ﺍﺟﺔ ﻳﻮﻛﻒ ﺑﺲ ﻏﺒﺞ ﺳﺘﻎ ( ﺭﺑﺞ ﺳﺘﺮ ) ﻭﻃﻠﻊ ﺣﻠﻢ
ﺿﺤﻜﺖ ﺷﻴﻤﺎﺀ
_ ﺧﺮﺏ ﻗﺎﺳﻤﻨﻮﻑ ﻫﺎﻱ ﻣﻨﻴﻦ ﺟﺒﺘﻴﻬﺎ
_ ﺷﻮﻣﺔ ﺣﺒﻴﺒﺘﻲ ﻣﻮ ﻫﻮ ﻗﺎﺳﻢ ﺿﺨﻢ ﻣﺜﻞ ﺍﻫﻞ ﻏﻮﺳﻴﺎ ( ﺭﻭﺳﻴﺎ )
ﺑﺲ ﺍﻟﻨﺴﺨﺔ ﺍﻟﺴﻤﺮﺓ ﻣﺎﻟﺘﻬﻢ ﻫﻤﺔ ﻛﻮﻟﺶ ﺷﻜﺮ
ﺟﻨﺖ ﺍﺣﺠﻲ ﻭﻳﺔ ﺷﻴﻤﺎﺀ ﻭﺟﺎﻥ ﺗﺪﺧﻞ ﺿﺤﻰ ﺑﺴﺮﻋﺔ
ﻭﺗﺴﺪ ﺍﻟﺒﺎﺏ ﻭﺗﺴﺘﻨﺪ ﻋﻠﻴﻪ ﻭﺗﺘﻨﻔﺲ ﺑﺴﺮﻋﺔ
ﺷﻴﻤﺎﺀ .. ﺷﻜﻮ ﺷﺒﻴﺞ
.. ﺷﻴﻤﺎﺀ ﺗﻌﺎﻱ ﺍﻡ ﻗﺎﺳﻢ ﻭﻫﺎﻟﺔ ﻫﻨﺎ ﺍﺟﻮﻱ ﺣﺘﻰ ﻳﺘﻔﻘﻮﻥ ﻭﻳﺎﺝ
ﻋﻠﻰ ﺣﻔﻠﺔ ﺍﻟﻤﻬﺮ ﻭﻛﺎﻟﻮﺍ ﺻﻴﺤﻴﻠﻨﺎ ﻭﻳﺎﺝ ﻫﺪﻯ
ﻳﻤﺔ ﺍﻧﻲ ﺳﻤﻌﺖ ﻛﻠﻤﺎﺕ ﺿﺤﻰ ﻭﺍﻧﻲ ﻛﻤﺰﺕ ﻣﻦ ﻣﻜﺎﻧﻲ ﻭﺍﻛﻔﺔ .
ﺻﺮﺕ ﺍﺣﻮﻡ ﺑﺎﻟﻐﺮﻓﺔ ﻣﺜﻞ ﺍﻟﻤﺼﺮﻭﻋﺔ
ﻳﻌﻨﻲ ﺷﻨﻮ ﺍﺷﺮﺩ ﻣﻨﻬﻢ ﺑﺎﻟﺤﻠﻢ ﻳﻄﻠﻌﻮﻟﻲ ﺑﺎﻟﺤﻘﻴﻘﻴﺔ
ﻭﻟﺴﺎﻧﻲ ﻣﺎ ﻳﻠﻔﻆ ﻏﻴﺮ ﺑﺲ ﻛﻠﻤﺔ
.. ﻣﺎ .. ﻣﺎ .. ﻣﺎ
ﻣﺎﺍﻏﻴﺪ .. ﻣﺎ ﺍﻏﻴﺪ ( ﻣﺎﺭﻳﺪ )
ﻫﺬﺍ ﺍﻟﻲ ﺟﻨﺖ ﺧﺎﻳﻔﺔ ﻣﻨﻪ ﺍﻧﺘﺒﻬﺖ ﻟﺨﻮﺍﺗﻲ ﻳﻔﺘﺮﻭﻥ ﻭﺭﺍﻱ ﻳﺮﺩﻭﻥ ﻳﻬﺪﻭﻧﻲ
ﺷﻴﻤﺎﺀ ﻟﺰﻣﺘﻨﻲ ﻭﻭﻛﻔﺘﻨﻲ ﻛﺪﺍﻣﻬﺎ
.. ﻫﺪﻯ ﺳﻤﻌﻴﻨﻲ ﺯﻳﻦ ﺍﻫﺪﻱ ﺷﻮﻳﺔ ﻭﺧﻠﻴﻨﺎ ﻧﻔﻜﺮ ﺷﻨﺴﻮﻱ
ﺍﻟﻤﺸﻜﻠﺔ ﺍﻡ ﻗﺎﺳﻢ ﻣﺮﻳﺔ ﻃﻴﺒﺔ ﻭﻣﺘﺴﺘﺎﻫﻞ ﻧﺨﺸﻦ ﺑﺨﺎﻃﺮﻫﺎ
ﻻﺯﻡ ﺍﻃﻠﻌﻴﻠﻬﺎ ﻭﻻ ﺗﻨﺴﻴﻦ ﺗﺮﺓ ﺍﺑﻮﺝ ﻭﺭﺓ ﺍﻟﻤﺼﺎﻳﺐ ﻛﻠﻬﺎ
ﺍﻟﻨﺎﺱ ﻣﺎ ﻟﻬﻢ ﺩﺧﻞ ﺑﺎﻟﻲ ﻛﺎﻋﺪ ﻳﺼﻴﺮ ﻭﻳﺎﺝ
ﻫﻤﺔ ﻫﻢ ﻣﺜﻠﺞ ﺍﻧﺤﻄﻮﺍ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ﻭﻛﺎﻋﺪ
ﻳﻌﻤﻠﻮﻥ ﺑﺄﺻﻠﻬﻢ ﻟﺬﻟﻚ ﺧﻠﻴﺞ ﻗﻮﻳﺔ ﻭﺣﺒﺎﺑﺔ
ﻭﻃﻠﻌﻴﻠﻬﻢ ﻭﺳﻠﻤﻲ ﻋﻠﻴﻬﻢ ﺍﻧﺘﻲ ﻫﻢ ﻋﻤﻠﻲ ﺑﺄﺻﻠﺞ
......
ﻭﺍﻧﻲ ﺭﺍﺡ ﺍﺳﻮﻱ ﺍﻟﻲ ﺍﻛﺪﺭ ﻋﻠﻴﻪ
ﺟﺎﻧﺖ ﺗﺤﺠﻲ ﻭﻳﺎﻱ ﻭﻫﻲ ﻻﺯﻣﺔ ﺭﺍﺳﻲ ﻭﻭﺟﻬﻲ ﺑﻴﻦ ﺍﻳﺪﻳﻬﺎ ﺣﺘﻰ ﺍﺭﻛﺰ ﻭﻳﺎﻫﺎ ﺑﺎﻟﻜﻼﻡ
ﻫﺰﻳﺖ ﺭﺍﺳﻲ ﺑﺎﻟﻤﻮﺍﻓﻘﺔ ﻭﺍﻧﻲ ﻣﺎ ﺍﻋﺮﻑ ﺷﻮﻛﺖ
ﺍﻧﻬﺎﺭ ﻣﻌﻘﻮﻟﺔ ﺭﺍﺡ ﺍﻛﺪﺭ ﺍﺗﻤﺎﻟﻚ ﻧﻔﺴﻲ ﺍﻃﻠﻌﻠﻬﻢ ﻭﺍﺳﻠﻢ ﻋﻠﻴﻬﻢ ﻋﺎﺩﻱ ﺑﻜﻞ ﺑﺴﺎﻃﺔ
ﺭﺣﺖ ﻏﺴﻠﺖ ﻭﺟﻬﻲ ﻭﻋﺪﻟﺖ ﺗﺮﺍﻛﻲ ﺍﺟﺘﻨﻲ ﺿﺤﻰ ﻭﺷﺎﻓﺘﻨﻲ ﺑﻄﺮﻙ ﺍﻟﺒﺠﺎﻣﺔ ﻭﺷﻬﻜﺖ
.. ﻋﺰﺓ ﺑﻌﻴﻨﺞ ﻫﺪﻯ
ﻻ ﺗﻜﻮﻟﻴﻦ ﺭﺍﺡ ﺗﻄﻠﻌﻴﻦ ﻟﻠﻨﺎﺱ ﻫﻴﺞ ﺑﻬﺎﻱ ﻣﻼﺑﺴﺞ
ﺍﺧﺮ ﻫﻤﻲ ﺍﻟﻔﺖ ﺍﻧﺘﺒﺎﻫﻬﻢ ﻭﺍﻧﺎﻝ ﺭﺿﺎﻫﻢ
ﺍﻧﻲ ﺻﺤﻴﺢ ﺍﺣﺐ ﺍﻡ ﻗﺎﺳﻢ ﻭﻫﺎﻟﺔ ﺑﺲ ﻣﺴﺘﺤﻴﻞ ﺍﻣﺜﻞ ﻛﺪﺍﻣﻬﻢ ﺩﻭﺭ ﺍﻟﺮﺍﺿﻴﺔ ﺍﻟﻤﻄﻴﻌﺔ ﻫﻤﺔ ﺍﺻﻼ ﻳﻌﺮﻓﻮﻥ ﺑﺮﻓﻀﻲ ﻟﻠﺰﻭﺍﺝ ﻣﻴﺤﺘﺎﺝ ﺍﺟﺬﺏ ﻋﻠﻴﻬﻢ
ﺑﺎﻭﻋﺖ ﻋﻠﻴﻬﺎ ﺟﺎﻧﺖ ﺷﺎﻳﻠﺔ ﺻﻴﻨﻴﺔ ﺑﻴﻬﺎ ﺟﺎﻱ ﻭﻛﻴﻚ
ﻣﺪﺗﻬﺎ ﺍﻟﻴﺔ
.. ﻫﺎﺝ ﻟﺰﻣﻲ ﺍﺧﺬﻱ ﻗﺪﻣﻲ ﺍﻟﻬﻢ ﻣﻦ ﺗﺪﺧﻠﻴﻦ ﻟﻮ ﻫﺎﻱ ﻫﻢ
ﻣﺎ ﺭﺍﺡ ﺗﺪﺑﺮﻳﻬﺎ
.. ﻻ ﺟﻴﺒﻴﻬﺎ ﻋﺎﺩﻱ ﺍﺻﻮﻝ ﺍﻟﻀﻴﺎﻓﺔ ﻭﺍﺟﺒﺔ ﻣﻮ ﻣﻦ ﺿﻤﻦ
ﻣﺮﺍﺳﻴﻢ ﺍﻟﺨﻄﻮﺑﺔ
ﺍﺧﺬﺗﻬﺎ ﻭﺭﺣﺖ ﺩﺧﻠﺖ ﻋﻠﻴﻬﻢ ﺍﺑﺎﻭﻉ ﻟﺴﻠﻴﻤﺔ ﺷﻬﻜﺖ ﻭﻧﻄﺖ ﻋﻴﻮﻧﻬﺎ ﺍﺟﺘﻲ ﺗﻨﺠﻠﻂ ﻣﻦ ﺷﺎﻓﺘﻨﻲ ﺩﺧﻠﺖ ﺑﺘﺮﺍﻙ ﺍﻟﺒﻴﺖ ﻭﻛﻠﺸﻲ ﻣﻤﺴﻮﻳﺔ ﺑﺲ
ﻏﺎﺳﻠﺔ ﻭﺟﻬﻲ ﻭﻇﺎﻓﺮﺓ ﺷﻌﺮﻱ ﻛﺼﻴﺒﺔ ﻭﺣﺪﺓ ﺻﻔﺢ ﻭﻣﻬﻮﺳﺔ
ﻭﺍﻟﺸﻌﺮ ﻧﺎﺯﻝ ﻋﻠﻰ ﻭﺟﻬﻲ ﻣﻦ ﺍﻟﺠﺎﻧﺒﻴﻦ
ﺑﺼﻮﺭﺓ ﻋﺸﻮﺍﺋﻴﺔ
ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﺍﺑﺘﺴﻤﺖ ﻻﻡ ﻗﺎﺳﻢ ﺗﺮﻳﺪ ﺗﻠﺤﻢ ﺍﻟﺴﺎﻟﻔﺔ
.. ﻫﻬﻬﻬﻬﻬﻪ ﺧﻄﻴﺔ ﻣﺘﺪﺭﻱ ﺑﻴﻜﻢ ﺍﺟﻴﺘﻮﺍ ﺍﺗﻔﺎﺟﺌﺖ ﺑﻴﻜﻢ
ﺑﺎﻭﻋﺘﻠﻲ
ﻭﻛﺎﻟﺖ ﻭﻫﻲ ﺭﺍﺻﺔ ﻋﻠﻰ ﺳﻨﻮﻧﻬﺎ ﺑﻐﻴﺾ
.. ﺑﻴﺒﻲ ﻫﺪﻭﺷﺔ ﻟﻴﺶ ﻣﺎ ﺑﺪﻟﺘﻲ ﻣﻼﺑﺴﺞ ﺍﻟﻤﻦ ﻣﺴﺘﻌﺠﻠﺔ
ﺗﺮﺓ ﺍﻟﺨﻄﺎﺭ ﻣﻄﺎﻳﺮﻳﻦ
ﻫﺴﺔ ﺷﻨﻮ ﺗﻜﻮﻝ ﻋﻠﻴﺞ ﺍﻡ ﻗﺎﺳﻢ ﻋﺒﺎﻟﻬﺎ ﺍﻧﺘﻲ ﻣﺒﻬﺬﻟﺔ
ﺟﺎﻭﺑﺘﻬﺎ ﺑﺎﻟﻌﻨﺎﺩ ﻭﺍﻧﻲ ﺍﻗﺪﻡ ﻻﻡ ﻗﺎﺳﻢ ﻭﻫﺎﻟﺔ ﺍﻟﺠﺎﻱ
ﻭﺍﺑﺘﺴﻤﺘﻠﻬﻢ
.. ﻣﺎﻛﻮ ﺍﺣﺪ ﻏﻐﻴﺐ ( ﻏﺮﻳﺐ ) ﺍﻡ ﻗﺎﺳﻢ ﻭﻫﺎﻟﺔ ﻣﻮ ﺧﻄﺎﻍ ( ﺧﻄﺎﺭ )
ﻳﻌﻐﻔﻮﻧﻲ ( ﻳﻌﺮﻓﻮﻧﻲ ) ﻭﺷﺎﻳﻔﻴﻨﻲ ﺑﻜﻞ ﺣﺎﻻﺗﻲ
ﺭﺣﺖ ﻛﻌﺪﺕ ﺑﻴﻦ ﺷﻴﻤﺎﺀ ﻭﻫﺎﻟﺔ
ﺍﻡ ﻗﺎﺳﻢ ﺟﺎﻭﺑﺘﻬﺎ ﻟﺴﻠﻴﻤﺔ
.. ﺣﺠﻴﺔ ﺧﻠﻴﻬﺎ ﺑﺮﺍﺣﺘﻬﺎ ﻫﻲ ﺣﻼﺕ ﺍﻟﺒﻨﻴﺔ ﺗﻄﻠﻊ ﻻﻫﻞ ﺍﻟﻌﺮﻳﺲ ﻋﻠﻰ ﻃﺒﻴﻌﺘﻬﺎ ﻭﻣﺎ ﺷﺎﺀ ﺍﻟﻠﻪ
ﻫﺪﻯ ﻭﻫﺎﻱ ﻫﻲ ﻫﻴﺞ ﺟﻨﻬﺎ ﻛﻤﺮ ﻟﻌﺪ ﻟﻮ ﺗﻌﺪﻝ ﻭﺗﺒﺪﻝ
ﺷﺮﺍﺡ ﺗﻄﻠﻊ ﻋﻴﻦ ﺍﻟﺒﺎﺭﺩﺓ ﻋﻠﻴﻬﺎ
.. ﻫﻤﺴﺖ ﻟﺸﻴﻤﺎﺀ
ﻳﺎﻟﻠﻪ ﻫﺎﺝ ﺍﺳﺘﻠﻤﻲ ﺍﻟﻈﺎﻫﺮ ﺍﻡ ﻗﺎﺳﻢ ﻋﺎﺟﺒﻬﺎ ﺍﻟﻮﺿﻊ ﻣﻮ ﻛﻠﺘﻠﺞ ﻣﺎ ﺍﺭﻳﺪ ﺍﻃﻠﻊ
ﻫﺎﻟﺔ ﺗﻀﺤﻚ .. ﻭﺍﻟﻠﻪ ﺻﺪﻙ ﻛﻼﻡ ﻫﺪﻭﺷﺔ ﺍﺻﻼ ﺍﻧﻲ ﺷﺎﻳﻔﺘﻬﺎ ﺑﻜﻞ ﺣﺎﻻﺗﻬﺎ ﻭ ﺍﺳﻮﺀ ﻣﻦ ﻫﺬﺍ
ﺗﺘﺬﻛﺮﻳﻦ ﻣﻦ ﻧﻤﺘﻲ ﺑﺎﻟﺼﻒ ﻋﺎﻟﺮﺣﻠﺔ ﻭﻛﻌﺪﺗﻲ ﺗﺸﻮﺧﺮﻳﻦ
ﻓﺎﺗﺤﺔ ﺣﻠﻜﺞ ﺍﺳﻮﺀ ﻣﻦ ﻫﺎﻱ ﺍﻟﺠﻬﺮﺓ ﺑﻌﺪ ﻣﺎﻛﻮ
ﺍﺣﺘﺎﺭﻳﺖ ﺍﺿﺤﻚ ﻟﻮ ﺍﺭﻛﻌﻬﺎ ﺑﺎﻟﻜﻼﺹ
ﺧﺮﺏ ﺣﻈﻲ ﻛﻠﻬﺎ ﺍﻟﻴﻮﻡ ﺿﺪﻱ
ﺍﻧﺘﺒﻬﺖ ﻻﻡ ﻗﺎﺳﻢ ﻓﺘﺤﺖ ﻣﻮﺿﻮﻉ ﺍﻟﺨﻄﺒﺔ ﻋﻠﻰ ﻳﻮﻡ ﺍﻟﺠﻤﻌﺔ ﻭﺍﺗﻔﻘﺖ ﻭﻳﺔ ﺳﻠﻴﻤﺔ ﻋﻠﻰ ﺍﻟﺘﺠﻬﻴﺰﺍﺕ
ﻭﻋﻠﻰ ﻋﺎﺩﺍﺗﻬﻢ ﻭﺳﻠﻴﻤﺔ ﻫﻢ ﻛﻌﺪﺕ ﺗﺘﻔﺦ ﻳﻤﻬﺎ
ﻭﻛﻌﺪﺕ ﺗﺴﻮﻟﻔﻠﻬﺎ ﻋﻠﻰ ﻋﺎﺩﺍﺗﻨﺎ
ﺑﺎﻟﻤﻬﺮ ﺑﺎﻟﺤﻘﻴﻘﺔ ﺍﻭﻝ ﻣﺮﺓ ﺍﺳﻤﻌﻬﺎ
ﺍﻟﻤﻬﻢ ﻫﻤﺔ ﺟﺎﻧﻮﺍ ﻳﺤﺠﻮﻥ ﻭﺍﻧﻲ ﺍﻟﻨﻔﺲ ﺩﺍﺧﻞ ﺻﺪﺭﻱ ﺑﺪﺓ ﻳﻀﻴﻖ ﺷﻮﻳﺔ ﺷﻮﻳﺔ
......
ﺍﻧﺘﺒﻬﺖ ﻋﻠﻴﻬﺎ ﻃﻠﻌﺖ ﻓﻠﻮﺱ ﻣﻦ ﺟﻨﻄﺘﻬﺎ ﻭﺳﻠﻤﺘﻬﻢ ﻟﺸﻴﻤﺎﺀ
ﻭﻛﺎﻟﺖ
.. ﺧﺎﻟﺔ ﻫﺬﺍ ﺟﺰﺀ ﺑﺴﻴﻂ ﻣﻦ ﺍﻟﻤﻬﺮ ﺧﻠﻲ ﺟﻮﺓ ﺍﻳﺪﻛﻢ ﺍﺧﺎﻑ ﺗﺤﺘﺎﺟﻮﻥ ﺗﺠﻬﺰﻭﻥ ﻋﺮﻭﺳﺘﻨﺎ
ﺟﺎﻧﺖ ﻫﻲ ﺗﺤﺠﻲ ﻭﺍﻧﻲ ﺍﻓﺮﻙ ﺑﻴﺪﻱ ﻣﻦ ﺳﻤﻌﺖ ﻛﻠﻤﺔ
ﻋﺮﻭﺳﺘﻨﺎ ﻛﺒﻞ ﻧﻄﻘﺖ ﺑﺪﻭﻥ ﻣﺎ ﺍﺣﺲ ﻋﻠﻰ ﻧﻔﺴﻲ
.. ﺧﺎﻟﺔ ﻭﻗﺎﺳﻢ ﺷﻨﻮ ﻏﺄﻳﻪ ( ﺭﺃﻳﻪ ) ﺑﻬﺬﺍ ﻛﻠﻪ
ﺍﻧﺘﺒﻬﺖ ﻋﻠﻴﻬﺎ ﺍﺧﺘﻔﺖ ﺍﺑﺘﺴﺎﻣﺘﻬﺎ ﻭﺑﺎﻭﻋﺖ ﻟﻬﺎﻟﺔ ﻭﻛﺎﻟﺖ
.. ﻗﺎﺳﻢ ﻳﻌﺮﻑ ﺑﺎﻻﺻﻮﻝ ﻭﻫﻮ ﻣﻮﺍﻓﻖ ﻋﺎﻟﺰﻭﺍﺝ
ﻭﺍﻧﻲ ﻣﺎ ﺍﺗﺤﺮﻙ ﺍﻭ ﺍﺗﺼﺮﻑ ﺍﻱ ﺗﺼﺮﻑ ﺑﺪﻭﻥ ﻣﺎ ﻣﺘﺄﻛﺪﺓ
ﻣﻦ ﻣﻮﺍﻓﻘﺘﻪ
ﺣﺠﺘﻬﺎ ﺑﺄﺻﺮﺍﺭ
ﻫﻲ ﺗﺤﺠﻲ ﻭﺍﻧﻲ ﺣﺎﻟﻲ ﻣﺜﻞ ﺍﻟﻐﺮﻙ ﺑﺪﻭﺍﻣﻪ ﻭﻳﺤﺎﻭﻝ ﻳﻄﻠﻊ ﻣﻨﻬﺎ
ﻇﻠﻤﺖ ﺍﻟﺪﻧﻴﺎ ﺑﻌﻴﻨﻲ
ﺑﺎﻭﻋﺖ ﻟﻬﺎﻟﺔ ﻭﺣﺠﻴﺖ ﻭﻳﺎﻫﺎ ﺑﺼﻮﺕ ﻧﺎﺻﻲ
.. ﻳﻌﻨﻲ ﺷﻨﻮ ﻗﺎﺳﻢ ﻣﻮﺍﻓﻖ ﻣﻌﻘﻮﻟﺔ ﻳﻮﺍﻓﻖ ﻳﺘﺰﻭﺝ
ﺯﻳﻦ ﻭﺣﺒﻪ ﻟﻐﻬﻒ ( ﻟﺮﻫﻒ ) ﺷﻨﻮ ﺻﺎﻍ ( ﺻﺎﺭ ) ﻭﻳﺎﻩ
ﺟﺎﻭﺑﺘﻨﻲ ﺑﺎﺭﺗﺒﺎﻙ
.. ﺍﻱ ﻗﺎﺳﻢ ﻣﻮﺍﻓﻖ
ﺍﻧﺘﺒﻬﺖ ﻟﻬﺎﻟﺔ ﺑﺪﺕ ﺗﺘﻬﺮﺏ ﻃﻠﻌﺖ ﻧﻘﺎﻟﻬﺎ ﻣﻦ ﺟﻨﻄﺘﻬﺎ ﻭﻛﺎﻣﺖ ﻣﻦ ﻣﻜﺎﻧﻬﺎ
ﻭﻛﺎﻟﺖ
.. ﻳﺎﻟﻠﻪ ﻳﻤﺔ ﻫﻢ ﻳﺎﻟﻠﻪ ﻧﺮﻭﺡ ﻫﺬﺍ ﻗﺎﺳﻢ ﺩﻙ ﻋﻠﻴﺔ ﺟﺎﻧﺖ ﻻﺯﻣﺔ ﺍﻟﻨﻘﺎﻝ ﺑﻴﺪﻫﺎ
ﻋﻘﺪﺕ ﺣﻮﺍﺟﺒﻲ ﺍﺷﻮ ﻣﺴﻤﻌﺖ ﺻﻮﺕ ﻧﻘﺎﻟﻬﺎ
ﻣﻌﻘﻮﻟﺔ ﺗﺤﺎﻭﻝ ﺗﺘﻬﺮﺏ ﻣﻨﻲ ﺍﺣﺘﺎﺭﻳﺖ ﺍﻟﻤﻦ ﺍﻟﺘﺠﻲﺀ
ﺍﺣﺲ ﻣﺜﻞ ﺍﻟﺤﺒﻞ ﺍﻟﻤﻠﻔﻮﻑ ﻋﻠﻰ ﺭﻛﺒﺘﻲ
ﺩﻳﻀﻴﻖ ﺍﻟﺨﻨﺎﻕ ﻋﻠﻰ ﺭﻛﺒﺘﻲ ﻟﺤﺪ ﻣﺎ ﻳﻨﻜﻄﻊ ﺍﻟﻨﻔﺲ
ﻛﺎﻣﺖ ﺍﻡ ﻗﺎﺳﻢ ﻭﺳﻠﻤﺖ ﻋﻠﻰ ﺍﻟﻜﻞ ﻭﻃﻠﻌﺖ ﻭﻫﺎﻟﺔ
ﺳﻠﻤﺖ ﻋﻠﻴﺔ ﺑﺲ ﻣﺎ ﺣﻄﺖ ﻋﻴﻮﻧﻬﺎ ﺑﻌﻴﻮﻧﻲ
ﻣﻦ ﻃﻠﻌﻮﺍ ﺣﺴﻴﺖ ﺍﻧﻘﻄﻊ ﺍﺧﺮ ﺣﺒﻞ ﺍﻣﻞ ﺟﻨﺖ ﻣﺘﻌﻠﻜﺔ ﺑﻲ
ﺣﺘﻰ ﺍﺗﺤﺮﺭ ﻣﻦ ﻫﺎﻱ ﺍﻟﻈﻠﻤﺔ
ﺑﺲ ﻣﻊ ﺍﻻﺳﻒ ﺍﺫﺍ ﻗﺎﺳﻢ ﺍﻟﺮﺟﺎﻝ ﺑﻜﺒﺮﻩ ﺧﻀﻊ
ﻻﻫﻠﻪ ﻭﻟﻠﻌﺎﺩﺍﺕ ﻭﺍﻻﺻﻮﻝ
ﻟﻌﺪ ﺍﻧﻲ ﺍﻟﺒﻨﻴﺔ ﺍﻟﻲ ﻻﺣﻮﻝ ﻭﻻ ﻗﻮﺓ ﺷﺒﻴﺪﻱ ﺍﺳﻮﻱ
ﻭﺑﻌﺪﻣﺎ ﻃﻠﻌﻮﺍ ﺍﺳﺘﻠﻤﺘﻨﻲ ﺳﻠﻴﻤﺔ
.. ﻭﻟﺞ ﺍﻟﻌﻮﺑﺔ ﺍﻡ ﺍﻟﺴﺎﻥ ﺍﻟﻤﻜﻄﻢ ﺍﻧﺘﻲ ﺗﺤﻠﻤﻴﻦ ﻳﺠﻴﺞ ﻭﺍﺣﺪ
ﻣﺜﻞ ﻗﺎﺳﻢ ﺷﻠﻮﻥ ﺗﺪﺧﻠﻴﻦ ﻋﺎﻟﻨﺎﺱ
ﻫﻴﺞ ﻣﺜﻞ ﺟﻨﻴﺔ ﻣﻨﻜﻮﺷﺔ
ﺟﺎﻭﺑﺘﻬﺎ ﺿﺤﻰ
.. ﺑﻴﺒﻲ ﻋﻮﻓﻴﻬﺎ ﻣﺼﺎﺭ ﺷﻲ ﺍﻡ ﻗﺎﺳﻢ ﺣﺒﺘﻬﺎ ﺍﻛﺜﺮ ﻣﻦ ﺷﺎﻓﺘﻬﺎ ﻋﻠﻰ ﻃﺒﻴﻌﺘﻬﺎ
.. ﺍﻧﺘﻲ ﺳﺪﻱ ﺣﻜﻠﺞ ﻭﺍﻧﺠﺒﻲ
ﺍﻧﺘﻲ ﺍﺧﺮ ﻣﻦ ﻳﺤﺠﻲ
.. ﻟﻴﺶ ﺑﻴﺒﻲ ﺍﺳﺪ ﺣﻠﻜﻲ ﺍﻧﻲ ﻣﺤﺠﻴﺖ ﺷﻲ ﻏﻴﺮ ﺑﺲ ﻛﻠﺖ
ﻣﺎﻟﻬﺎ ﺩﺍﻋﻲ ﺗﺎﻛﻠﻴﻦ ﻛﻠﺒﻴﻬﺎ ﻭﺗﻜﻌﺪﻳﻦ ﺗﺤﺠﻴﻦ ﻋﻠﻴﻬﺎ ﺗﺮﺓ ﻫﻲ ﻣﺎ ﻧﺎﻗﺼﺔ ﺿﻐﻂ ﻭﺍﻟﺒﻴﻬﺎ ﻛﺎﻓﻴﻬﺎ
.. ﺧﺎﺏ ﺍﺳﻤﻊ ﻣﻨﻮ ﺟﺎﻳﺔ ﺗﻌﻠﻤﻨﻲ ﺍﻟﺤﺠﻲ
ﺷﻨﻮ ﻧﺴﻴﺘﻲ ﻛﺘﻠﺔ ﺍﻭﻟﺖ ﺍﻟﺒﺎﺭﺣﺔ
ﻭﺍﻟﻠﻪ ﺍﻟﻌﺎﻟﻢ ﺷﻤﺼﺨﻤﺔ ﻭﺷﻤﺮﻭﺝ ﻋﻠﻴﻨﺎ ﺑﺪﻭﻥ ﻣﺎ ﻳﺠﻮﻥ ﻳﺴﺄﻟﻮﻥ ﻋﻠﻴﺞ
ﺍﺑﺎﻭﻉ ﻟﻀﺤﻰ ﺍﻧﺨﻄﻒ ﻟﻮﻧﻬﺎ ﻣﻦ ﻛﻼﻡ ﺳﻠﻴﻤﺔ
.. ﺍﻧﺎ ﻣﻤﺴﻮﻳﺔ ﺷﻲ ﻫﻮ ﺍﺗﻬﺠﻢ ﻋﻠﻴﺔ ﻭﺿﺮﺑﻨﻲ ﺑﺪﻭﻥ ﺳﺒﺐ
ﻓﻼ ﺗﻜﻌﺪﻳﻦ ﺗﺄﻟﻔﻴﻦ ﻣﻦ ﻋﻨﺪﺝ ﺑﻴﺒﻲ ﺧﺎﻓﻲ ﺍﻟﻠﻪ ﺑﻴﻨﺎ
.. ﺣﻞ ﺗﺴﺘﺎﻫﻠﻴﻦ ﺍﻟﺴﻮﺍﻩ ﻭﻳﺎﺝ ﺭﺟﻠﺞ ﻫﺎﻱ ﺣﻮﺑﺖ ﺍﺑﻦ ﻗﺮﺍﻳﺒﻲ ﺷﻜﺪ ﺍﺗﻘﺪﻣﻠﺞ ﻭﺍﻧﺘﻲ ﻛﻌﺪﺗﻲ ﺗﺘﻌﺰﺯﻳﻦ ﺑﺮﺍﺳﻨﺎ ﺷﻮﻓﻲ ﺗﺎﻟﻴﺘﺞ ﻛﻞ ﻳﻮﻡ ﺟﺎﻳﺘﻨﺎ ﺍﻟﻮﺟﻪ ﻣﺰﻭﺭﻙ
ﻣﻦ ﺍﻟﻀﺮﺏ
ﺍﺑﺎﻭﻉ ﻟﺴﻠﻴﻤﺔ ﺟﺎﻧﺖ ﺟﻨﻬﺎ ﻛﻠﺐ ﻣﺴﻌﻮﺭ ﻳﻨﺒﺢ ﻭﻳﻌﺾ ﺍﻱ ﻭﺍﺣﺪ ﻳﻘﺘﺮﺏ ﻣﻨﻪ
ﻋﻄﺖ ﺑﺼﻮﺕ ﻋﺎﻟﻲ
ﻣﻜﺪﺭﺕ ﺍﺳﻤﻊ ﺍﻛﺜﺮ ﺑﻌﺪ
.. ﻛﺎﺍﺍﺍﺍﺍﺍﺍﻓﻲ ﻏﺤﻤﺔ ( ﺭﺣﻤﺔ ) ﻋﻠﻰ ﻭﺍﻟﺪﻳﺞ ﻛﺎﻓﻲ
ﻏﺤﻤﻲ ( ﺭﺣﻤﻲ ) ﺣﺎﻟﻨﺎ ﺍﻧﺘﻲ ﺷﻨﻮ ﻣﻦ ﺑﺸﻎ ( ﺑﺸﺮ )
ﺧﺎﻓﻲ ﺍﻟﻠﻪ ﺑﻴﻨﺎ
ﺩﺭﺕ ﻭﺟﻬﻲ
ﻭﺩﺧﻠﺖ ﻟﻠﻐﺮﻓﺔ ﻭﺳﺪﻳﺖ ﺍﻟﺒﺎﺏ ﺣﻴﻞ ﺭﺝ ﺍﺭﻛﺎﻥ ﺍﻟﺒﻴﺖ
ﺍﺳﻤﻊ ﻋﻴﺎﻃﻬﺎ ﻭﻏﻠﻄﻬﺎ ﻋﻠﻴﻨﺎ ﺍﻧﻲ ﻭﺧﻮﺍﺗﻲ
ﺧﻠﺼﺖ ﺍﻟﻴﻮﻡ ﻛﻠﻪ
ﺑﺲ ﺍﺻﻔﻦ
ﺍﺑﺎﻭﻉ ﻟﺸﻴﻤﺎﺀ ﻭﺿﺤﻰ ﻳﺤﺠﻮﻥ ﻭﻳﺒﺎﻭﻋﻮﻥ ﻋﻠﻴﺔ
ﺧﺎﻳﻔﻴﻦ ﻋﻠﻴﺔ ﺧﺎﻑ ﺍﻧﻬﺎﺭ ﻟﻮ ﺍﺳﻮﻱ ﺷﻲ ﺑﺮﻭﺣﻲ
ﻣﺘﺮﻛﻮﻧﻲ ﻟﻮﺣﺪﻱ ﺷﻴﻤﺎﺀ ﻃﻠﻌﺖ ﻟﻠﺪﻭﺍﻡ
ﻭﺿﺤﻰ ﻛﺎﺑﻠﺘﻨﻲ ﻭﻛﻌﺪﺕ ﻛﻞ ﺷﻮﻳﺔ ﺗﻨﻄﻴﻨﻲ ﺷﻐﻠﺔ ﺍﺳﻮﻳﻬﺎ ﺣﺘﻰ ﺍﻟﺘﻬﻲ ﻋﻦ ﺍﻟﺘﻔﻜﻴﺮ
ﻛﻠﻤﺎ ﺍﺭﻓﻊ ﺭﺍﺳﻲ ﺍﻟﻜﺎﻫﺔ ﺗﺮﺍﻗﺒﻨﻲ
ﺣﺠﻴﺖ ﺑﻌﺼﺒﻴﺔ
.. ﺿﺤﻰ ﻛﺎﻓﻲ ﺍﻟﻠﻪ ﻳﺨﻠﻴﺞ ﻛﺎﻓﻲ ﺩﺗﺤﺴﺴﻴﻨﻲ ﻋﺒﺎﻟﻚ ﺩﺗﻐﺎﻗﺒﻴﻦ ( ﺗﺮﺍﻗﺒﻴﻦ ) ﻭﺣﺪﺓ ﻣﺨﺒﻠﺔ
ﻟﺘﺨﺎﻓﻴﻦ ﻣﺎ ﻏﺎﺡ ﺍﺳﻮﻱ ﺷﻲ ﺑﻐﻮﺣﻲ ( ﺑﺮﻭﺣﻲ ) ﺍﻧﻲ ﻣﻮ ﻟﻬﺎﻱ ﺍﻟﺪﻏﺠﺔ ( ﺍﻟﺪﺭﺟﺔ ) ﺟﺒﺎﻧﺔ ﺍﺍﺫﻱ ﻧﻔﺴﻲ ﻋﻠﻤﻮﺩ ﺍﺧﻠﺺ ﻣﻦ ﺍﻟﺤﻴﺎﺓ
ﻫﺎﻱ ﺍﻟﻌﺜﻐﺔ ( ﺍﻟﻌﺜﺮﺓ ) ﻻ ﺷﻲﺀ ﺑﺎﻟﻨﺴﺒﺔ ﺍﻟﻲ ﺷﻔﻨﺎﻩ ﺑﺤﻴﺎﺗﻨﺎ
ﺳﻬﻠﺔ ﺇﺍﺡ ( ﺭﺍﺡ ) ﺍﻛﺪﻍ ( ﺍﻛﺪﺭ ) ﺍﻋﻴﺶ ﻭﺍﺟﺘﺎﺯﻫﺎ ﺗﻦ ﺷﺎﺀ ﺍﻟﻠﻪ ﺣﺎﻟﻬﺎ ﺣﺎﻝ ﻏﻴﺮﻫﺎ
ﺟﺎﻥ ﻛﻼﻣﻲ ﻣﻮﺟﻪ ﻣﻮ ﺑﺲ ﻟﻀﺤﻰ ﻻ ﺟﻨﺖ ﺍﺣﺎﺟﻲ ﺭﻭﺣﻲ ﻭﺍﻗﻮﻳﻬﺎ ﺣﺘﻰ ﺗﺼﺒﺮ ﻭﺍﻫﻴﺌﻬﺎ ﻋﺎﻟﺠﺎﻱ
ﻭﺻﻠﺖ ﺷﻴﻤﺎﺀ ﻣﻦ ﺍﻟﺪﻭﺍﻡ
ﺍﺳﺘﻘﺒﻠﺘﻬﺎ ﺳﻠﻴﻤﺔ ﺑﺎﻟﺸﻜﻮﻯ ﻋﻠﻴﻨﺎ ﺍﻧﻲ ﻭﺿﺤﻰ
ﻭﺷﻴﻤﺎﺀ ﻛﻌﺪﺕ ﺗﻬﺪﻱ ﺑﻴﻬﺎ ﺣﺘﻰ ﺗﺴﻜﺖ
ﺷﻮﻳﺔ ﻭﺳﻤﻌﻨﺎ ﺍﻟﺒﺎﺏ ﺍﻧﺪﻙ
ﻛﻤﺖ ﻣﻦ ﻣﻜﺎﻧﻲ ﺭﺣﺖ ﺍﻓﺘﺤﻪ
ﻓﺘﺤﺖ ﺍﻟﺒﺎﺏ ﺑﺎﻭﻋﺖ ﻭﻛﻔﺖ ﻣﺼﺪﻭﻣﺔ
ﺍﺟﺘﻲ ﺳﻠﻴﻤﺔ ﻣﻦ ﻭﺭﺍﻱ ﺗﺴﺄﻟﻨﻲ
.. ﺧﺎﻳﺒﺔ ﺍﻟﻤﻜﻄﻤﺔ ﻣﻨﻮ ﺑﺎﻟﺒﺎﺏ
ﺷﻨﻮ ﺍﻧﺨﺮﺳﺘﻲ
ﻭﺻﻠﺖ ﻳﻤﻲ ﻭﺑﺎﻭﻋﺖ ﻋﻠﻰ ﻧﻔﺲ ﺍﻟﻤﻜﺎﻥ ﺍﻟﻲ ﺟﻨﺖ ﺍﺑﺎﻭﻉ ﻋﻠﻴﻪ
ﻭﺟﺎﻥ ﺗﺸﻬﻚ ﻭﺗﻜﻮﻝ
.. ﻫﺎﻱ ﻣﻨﻮ
......
ﻫﺪﻯ
ﺍﺑﺎﻭﻉ ﻟﻠﻤﺮﻳﺔ ﺍﻟﻮﺍﻛﻔﺔ ﻛﺪﺍﻣﻲ ﺷﻜﻠﻬﺎ ﻏﺮﻳﺐ
ﻇﻠﻴﺖ ﻓﺎﺗﺤﺔ ﺣﻠﻜﻲ ﻫﺎﻱ ﺷﻼﺑﺴﺔ ﻭﺷﻤﺴﻮﻳﺔ ﺑﺮﻭﺣﻬﺎ
ﺍﺟﺘﻲ ﺳﻠﻴﻤﺔ ﺗﺤﺠﻲ ﻣﻦ ﻭﺭﺍﻱ ﺗﺴﺄﻟﻨﻲ ﻣﻨﻮ ﺑﺎﻟﺒﺎﺏ
ﺷﺎﻓﺖ ﺍﻟﻤﺮﻳﺔ ﻭﻛﺎﻟﺖ
.. ﻫﺎﻱ ﻣﻨﻮ
ﺭﺟﻌﺖ ﺍﺗﻔﺤﺺ ﺷﻜﻠﻬﺎ ﻣﺒﻴﻦ ﻋﻠﻴﻬﺎ ﻋﻤﺮﻫﺎ ﻣﻴﻘﺒﻞ ﻏﻠﻂ ﺑﺒﺪﺍﻳﺔ ﺍﻻﺭﺑﻌﻴﻦ ﺍﺫﺍ ﻣﻮ ﺑﻨﻬﺎﻳﺔ ﺍﻟﺜﻼﺛﻴﻦ
ﺟﺎﻧﺖ ﺻﺎﺑﻐﺔ ﺷﻌﺮﻫﺎ ﺍﺻﻔﺮ
ﻛﺮﻛﻤﻲ ﻋﺒﺎﻟﻚ ﻗﺤﻂ ﺍﻟﻮﺍﻥ ﻭﺣﺎﻃﺔ ﻛﻤﻴﺔ ﻣﻜﻴﺎﺝ ﻛﻠﺶ ﺛﻘﻴﻞ ﻛﺤﻞ ﺍﺳﻮﺩ ﻭﺣﻤﺮﺓ ﺣﻤﺮﺓ ﻃﻮﺥ ﺑﻴﻬﺎ ﻛﻴﻠﻮ ﺣﺎﻃﺔ ﻭﺩﺍﻛﺔ ﺣﻮﺍﺟﺒﻬﺎ ﺗﺎﺗﻮ ﺍﺳﻮﺩ ﺣﺒﺮﻱ ﻭﺻﺎﻳﺮ ﺑﻤﺮﻭﺭ ﺍﻟﺰﻣﻦ ﺍﺳﻮﺩ ﻣﺰﺭﻕ
ﻭﻋﻨﺪﻫﺎ ﺷﺎﻣﺔ ﻳﻢ ﺍﻟﺸﻔﺔ ﺍﻟﻔﻮﻙ
ﻭﺟﺎﻧﺖ ﺣﺎﻃﺔ ﺍﻟﻌﺒﺎﻳﺔ ﻋﻠﻰ ﻛﺘﻔﻬﺎ ﻣﺎ ﺍﻋﺮﻑ ﺷﻨﻮ ﺩﻭﺭ ﺍﻟﻌﺒﺎﻳﺔ ﺑﺎﻟﻤﻮﺿﻮﻉ ﺍﺫﺍ ﺍﻟﺸﻌﺮ ﻃﺎﻟﻊ ﻭﺍﻟﺴﺘﺮ ﻣﻌﺪﻭﻡ
ﻭﺟﻮﺓ ﺍﻟﻌﺒﺎﻳﺔ ﻻﺑﺴﺔ ﺍﻟﺠﻴﻨﺰ ﺍﻟﻤﻄﺎﻁ ﻭﺍﻟﺰﺭﻭﺭ ﻛﺒﺎﺭ
ﻋﺒﺎﻟﻚ ﺩﺗﺴﻮﻱ ﺩﻋﺎﻳﺔ ﻻﻓﺨﺎﺫ ﺩﺟﺎﺝ ﺳﺎﺩﻳﺔ
ﻭﺍﻟﺒﺪﻱ ﺍﻟﻀﻴﻖ ﺍﻟﻲ ﻣﺒﻴﻦ
ﻛﻞ ﺍﻟﺰﻭﺍﺋﺪ ﺍﻟﻠﺤﻤﻴﺔ ﺍﻟﺰﺍﻳﺪﺓ ﺍﺧﺎﻑ ﻣﺤﺪ ﻳﻨﺘﺒﻪ ﻋﻠﻴﻬﺎ ﺭﺍﺡ ﺗﻠﻔﺖ ﺍﻧﺘﺒﺎﻫﻪ ﺑﻨﺸﺎﺯﻫﺎ
ﻫﻲ ﻭﻛﺮﺷﻬﺎ ﺍﺩﺭﻱ ﻣﺎ ﺷﺎﻓﺖ ﺭﻭﺣﻬﺎ ﺑﺎﻟﻤﺮﺍﻳﺔ ﻗﺒﻞ ﻻ ﺗﻄﻠﻊ
ﻭﺻﺎﺑﻐﺔ ﺍﻻﻇﺎﻓﺮ ﺍﺣﻤﺮ ﻭﺍﻟﺬﻫﺐ ﺍﻟﻼﺑﺴﺘﻪ ﻳﻜﻮﻝ ﺟﺎﻣﺨﺎﻧﺔ ﺻﺎﻳﻎ ﻣﺘﻨﻘﻠﺔ
ﻳﻌﻨﻲ ﻛﺴﺮ ﺑﺠﻤﻊ ﺷﻜﻠﻬﺎ ﻣﺸﺒﻮﻩ ﻣﻮ ﺭﺍﺣﺔ
ﺣﺠﺖ ﻭﻫﻲ ﺗﻌﻠﺞ ﻭﺗﺒﺎﻭﻉ ﻋﻠﻴﺔ ﻛﺼﺘﻨﻲ ﻣﻦ ﻓﻮﻙ ﻟﻴﺠﻮﺓ
ﻋﺒﺎﻟﻚ ﺩﺗﻌﺎﻳﻦ ﺑﻀﺎﻋﺔ
.. ﺍﻛﻮﻭﻭﻭﻭﻝ ﻳﺎﺣﻠﻮﺓ ﺍﺛﻴﺮ ﻭﻳﻦ ﻓﻮﺗﻲ ﺻﻴﺤﻴﻠﻴﺎﻩ ﻛﻠﻴﻠﻪ
ﻣﻬﺮﺓ ﺗﺮﻳﺪﻙ
ﻭﺑﻬﺎﻱ ﺍﻻﺛﻨﺎﺀ ﺍﺟﺘﻲ ﺷﻴﻤﺎﺀ ﻭﺿﺤﻰ ﻭﻛﻔﻮﺍ ﻳﻤﻨﺎ ﻳﻢ ﺍﻟﺒﺎﺏ ﻭﻧﻈﺮﺍﺕ ﺍﻟﻔﻀﻮﻝ ﺗﻘﺮﺓ ﻋﻨﺪﻫﻢ ﺍﻟﻒ ﺷﻜﻮ ﻭﻣﻨﻮ ﻫﺎﻱ ﻣﺘﻔﺎﺟﺌﺎﺕ
ﺳﻠﻴﻤﺔ ﺟﺎﻭﺑﺖ ﺍﻟﻤﺮﻳﺔ
.. ﻭﺍﻧﺘﻲ ﻣﻨﻮ ﺣﺒﻴﺒﺔ ﺣﺘﻰ ﺍﺻﻴﺤﻠﺞ ﺍﺛﻴﺮ
ﺍﺑﺎﻭﻉ ﻋﻠﻴﻬﺎ ﺗﻌﻠﺞ ﻭﺗﻄﻚ ﺑﺎﻟﻌﻠﺞ
.. ﺍﻧﺘﻲ ﻛﻠﻴﻠﻪ ﻣﻬﺮﺓ ﻭﻫﻮ ﺭﺍﺡ ﻳﻌﺮﻓﻨﻲ
ﺟﺎﻧﺖ ﺗﺤﺠﻲ ﻭﻋﻴﻮﻧﻬﺎ ﺗﺒﺼﺒﺺ
ﻋﻠﻴﺔ ﻭﻋﻠﻰ ﺷﻴﻤﺎﺀ ﻭﺿﺤﻰ
ﺟﺎﻭﺑﺘﻬﺎ .. ﺑﺎﺑﺎ ﻃﺎﻟﻊ ﻣﺎ ﻣﻮﺟﻮﺩ
ﺍﻧﻲ ﻛﻠﺖ ﺑﺎﺑﺎ ﻭﻫﻲ ﺑﺎﻭﻋﺖ ﻋﻠﻴﺔ
ﺑﺸﻬﻜﺔ
.. ﻻﺗﻜﻮﻟﻴﻦ ﺍﻧﺘﻲ ﺑﻨﺖ ﺍﺛﻴﺮ ﺍﻟﻤﻜﻤﻮﻉ
ﺍﺑﺎﻭﻉ ﻟﺸﻴﻤﺎﺀ ﺳﺤﺒﺘﻨﻲ ﻭﺧﻠﺘﻨﻲ ﻭﺭﺍﻫﺎ ﺑﺤﺮﻛﺔ ﺣﻤﺎﻳﺔ ﻭﺣﺠﺖ
.. ﺍﻟﻌﻔﻮ ﻣﻨﻮ ﺣﻀﺮﺗﺞ ﺍﻧﺘﻲ ﻟﺤﺪ ﻫﺴﺔ ﻣﻜﻠﺘﻲ ﻣﻨﻮ
ﺍﺷﻮ ﻫﺎﻱ ﺩﻓﻌﺖ ﺷﻴﻤﺎﺀ ﻭﺑﻴﺒﻲ ﻣﻦ ﻃﺮﻳﻘﻬﺎ ﻭﺩﺧﻠﺖ ﻟﻠﺒﻴﺖ
ﻭﻛﺎﻣﺖ ﺗﺼﻴﺢ
.. ﻭﻟﻚ ﺍﺛﻴﺮ ﺍﻃﻠﻊ ﻟﻴﺶ ﻻﺑﺪ ﻭﺭﺓ ﺍﻟﻨﺴﻮﺍﻥ ﻋﺒﺎﻟﻚ ﻣﺎ ﺍﻋﺮﻑ ﺍﻧﺖ ﺑﺎﻟﺒﻴﺖ
ﻭﺍﻟﻠﻪ ﺍﻟﻴﻮﻡ ﺍﻻ ﺍﺳﻮﻱ ﺑﻴﻚ ﺳﻮﺍﻳﺔ ﺍﺧﻠﻲ ﺍﻟﻨﺎﺱ ﻛﻠﻬﺎ
ﺗﺤﺠﻲ ﺑﻴﻬﺎ ﺍﻧﺖ ﺗﻌﺮﻓﻨﻲ ﺯﻳﻦ ﺍﻧﻲ ﻣﻬﺮﺓ ﻣﺤﺪ ﻳﻨﺪﻙ ﺑﻴﺔ
ﺩﺧﻠﻨﺎ ﻭﺭﺍﻫﺎ ﻭﻫﻲ ﺗﻔﺘﺢ ﺑﺎﻟﺒﻴﺒﺎﻥ ﻣﺎﻟﺖ ﺍﻟﻐﺮﻑ ﻋﺒﺎﻟﻚ ﻋﻨﺪﻫﺎ ﻟﻌﺒﺔ ﺍﻟﻐﻤﻴﻀﺔ ﻭﻛﺎﻋﺪﺓ ﺗﺪﻭﺭ
ﺷﻴﻤﺎﺀ ﺑﻐﻀﺐ
.. ﺷﻨﻮ ﺍﻧﺘﻲ ﻣﺎ ﺗﺴﻤﻌﻴﻦ ﻛﻠﻨﺎﻟﺞ ﺑﺎﺑﺎ ﻣﺎﻣﻮﺟﻮﺩ
ﻟﻴﺶ ﺗﻠﺤﻴﻦ ﻭﺍﻧﺘﻲ ﻋﻠﻰ ﻳﺎ ﺍﺳﺎﺱ ﺗﻔﻮﺗﻴﻦ ﻟﻠﺒﻴﺖ ﻫﻴﺞ ﺑﻜﻞ
ﺻﻼﻓﺔ
.......
ﺑﺎﻭﻋﺖ ﻟﺸﻴﻤﺎﺀ ﺑﺘﺮﻛﻴﺰ ﻭﻛﻌﺪﺕ ﺗﺘﻔﺤﺼﻬﺎ ﻭﻛﺄﻧﻤﺎ ﺳﺘﻮﻫﺎ ﺍﻧﺘﺒﻬﺖ ﻋﻠﻴﻬﺎ ﺍﺗﺨﺼﺮﺕ
ﻭﺭﻓﻌﺖ ﺣﺎﺟﺒﻬﺎ ﻭﻛﺎﻟﺖ
.. ﻋﺸﺘﻮ ﻭﺍﻟﻠﻪ ﻃﻠﻊ ﺍﺛﻴﺮ ﻣﻮ ﻫﻴﻦ ﻧﺎﻳﻢ ﻋﻠﻰ ﺫﻫﺐ
ﻣﻨﻮ ﻳﺼﺪﻙ ﺍﺛﻴﺮ ﺍﻟﺘﻌﺒﺎﻥ ﺍﻟﻤﻬﺘﻠﻒ ﻋﻨﺪﻩ ﻫﻴﺞ ﺑﻨﺎﺕ
ﺍﺷﻮ ﻫﺎﻱ ﻛﻌﺪﻱ ﻋﻠﻰ ﺍﻟﻜﺮﻭﻳﺘﺔ ﺍﻟﺨﺸﺒﻴﺔ ﺍﻟﻲ ﺑﺎﻟﻤﻄﺒﺦ
ﻭﺣﻄﻲ ﺭﺟﻞ ﻋﻠﻰ ﺭﺟﻞ ﺑﺎﻭﻋﺖ ﻟﻀﺤﻰ ﻭﻛﺎﻟﺖ
.. ﻻ ﺗﻜﻮﻟﻴﻦ ﺍﻧﺘﻲ ﻫﻤﺎﺗﻴﻦ ﺑﻨﺖ ﺍﻟﻤﻜﻤﻮﻉ ﺍﺛﻴﺮ
ﺿﺤﻰ ﻫﺰﺕ ﺭﺍﺳﻬﺎ ﺑﻤﻮﺍﻓﻘﺔ
.. ﺍﻛﻮﻝ ﺭﺣﻤﺔ ﻋﻠﻰ ﻣﻮﺗﺎﺝ ﻣﺘﺠﻴﺒﻴﻠﻲ ﻛﻼﺹ ﻣﻲ ﺣﺴﻲ ﺍﺷﺤﻂ ﻣﻦ ﻭﺭﺓ ﺍﺑﻮﻛﻢ ﺍﻟﻤﻬﺘﻠﻒ
ﺍﺑﺎﻭﻉ ﻟﺸﻴﻤﺎﺀ ﻭﺍﻛﻔﺔ ﻓﻮﻙ ﺭﺍﺱ ﺍﻟﻤﺮﻳﺔ ﺍﻟﻲ ﺍﺳﻤﻬﺎ
ﻣﻬﺮﺓ ﺑﺲ ﺷﻜﻠﻬﺎ ﺑﻐﻠﺔ
ﻛﺘﻔﺖ ﺍﻳﺪﻫﺎ ﻛﺪﺍﻡ ﺻﺪﺭﻫﺎ
ﻭﺿﺤﻰ ﺍﻟﻔﻄﻴﺮﺓ ﺭﺍﺡ ﺗﻄﻠﻊ ﻣﻦ ﺍﻟﺜﻼﺟﺔ ﻣﺎﻱ
ﻭﻗﺪﻣﺘﻠﻬﺎ
ﺍﺧﺬﺗﻪ ﻣﻨﻬﺎ ﻭﺷﺮﺑﺖ ﺍﻟﻤﺎﻱ ﻭﻃﻠﻌﺖ ﺟﻴﻜﺎﺭﺓ ﻭﻛﻌﺪﺕ ﺗﺪﺧﻦ ﻭﺗﺒﺎﻭﻉ ﻋﻠﻰ ﺟﻴﻜﺎﺭﺗﻬﺎ ﻣﺎ ﻋﺒﺎﻟﻚ ﺍﺣﻨﺎ ﻭﺍﻛﻔﻴﻦ ﻳﻤﻬﺎ
ﻻ ﻫﻲ ﻛﻠﻬﺎ ﺑﻜﻔﺔ ﻭﺷﻜﻞ ﺳﻠﻴﻤﺔ ﺍﻟﻔﺎﺗﺤﺔ ﺣﻠﻜﻬﺎ ﻋﻠﻰ ﺍﻟﻤﺮﻳﺔ ﻣﺼﻔﺼﻔﺔ
ﺟﻨﻬﺎ ﺑﺰﻭﻥ ﺍﻧﺒﺎﻙ ﻋﺸﺎﻫﺎ
ﺭﺟﻌﺖ ﺷﻴﻤﺎﺀ ﻛﺮﺭﺕ ﺳﺆﺍﻟﻬﺎ ﻭﻫﺎﻟﻤﺮﺓ ﺑﺄﺻﺮﺍﺭ
.. ﺭﺍﺡ ﺗﻜﻮﻟﻴﻦ ﺍﻧﺘﻲ ﻣﻨﻮ ﻟﻮ ﺷﻨﻮ ﻧﺎﻭﻳﺔ ﺗﻄﻮﻟﻴﻦ ﺑﻜﻌﺪﺗﺞ ﻭﻳﺎﻧﺔ
ﻛﻠﻨﺎﻟﺞ ﺑﺎﺑﺎ ﻣﺎ ﻣﻮﺟﻮﺩ ﺍﺗﻔﻀﻠﻲ ﺣﻀﺮﺗﺞ ﻃﻠﻌﻲ ﺑﺮﺓ
ﺍﺣﺴﻦ ﻣﺎ ﺍﻟﻢ ﺍﻟﻨﺎﺱ ﻋﻠﻴﺞ ﺍﺧﻠﻴﻬﻢ ﻳﻄﻠﻌﻮﻧﺞ ﻣﻨﺎ ﺟﻼﻟﻴﻖ
ﺿﺤﻜﺖ ﺑﺼﻮﺕ ﻋﺎﻟﻲ ﻣﺴﺘﻔﺰ
ﻫﻤﺴﺘﻠﻬﺎ ﻟﻀﺤﻰ ﺑﺼﻮﺕ ﻧﺎﺻﻲ
.. ﻣﺎ ﻫﺬﻩ ﺍﻟﻀﺤﻴﻜﺔ
ﺟﺎﻭﺑﺘﻨﻲ ﺿﺤﻰ ﻛﺎﺗﻤﺔ ﺿﺤﻜﺘﻬﺎ
.. ﺍﺷﺸﺸﺶ ﺳﻜﺘﻲ ﺧﻠﻴﻨﺎ ﻧﻔﺘﻬﻢ ﻫﺎﻱ ﻣﻨﻮ
ﺣﺠﺖ ﻣﻬﺮﺓ
.. ﺷﻮﻓﻲ ﺣﺒﻴﺒﺘﻲ ﻣﺎ ﺭﺍﺡ ﺗﻬﺰﻳﻦ ﺷﻌﺮﺓ ﻣﻨﻲ
ﻭﺗﻬﺪﻳﺪﺝ ﺍﻟﺘﺎﻓﻪ ﺧﻠﻲ ﺍﻟﺞ ﺍﻧﻲ ﻣﻬﺮﺓ ﻣﺎ ﺍﺗﻬﺪﺩ
ﺷﻤﺮﺕ ﺟﻴﻜﺎﺭﺗﻬﺎ ﺑﺎﻟﻜﺎﻉ ﻭﺳﺤﻜﺘﻬﺎ ﺑﺤﺬﺍﺋﻬﺎ
.. ﺍﻧﻲ ﻣﺎ ﺍﺟﻴﺖ ﻫﻨﺎ ﻋﻠﻤﻮﺩ ﺍﻋﺮﻓﻜﻢ ﻋﻠﻰ ﻧﻔﺴﻲ
ﺧﻠﻲ ﺍﺑﻮﻛﻢ ﺍﻟﻤﻬﺘﻠﻒ ﻫﻮ ﻳﻜﻠﻠﻜﻢ ﻣﻬﺮﺓ ﻣﻨﻮ
ﺍﻧﻲ ﺍﺟﻴﺖ ﻋﻠﻤﻮﺩ ﺍﻃﺎﻟﺐ ﺑﺎﻟﺪﻳﻮﻥ
ﺍﻟﻲ ﺍﺧﺬﻫﻢ ﺍﺑﻮﺝ ﻭﺍﻟﻲ ﺻﺎﺭﻟﻪ ﻛﻮﻣﺔ ﻳﺘﻬﺮﺏ ﻣﻦ ﻋﺪﻧﺎ ﻣﻴﻘﺒﻞ ﻳﻮﻓﻴﻬﻢ
ﻋﺒﺎﻟﻪ ﺍﻟﺴﺎﻟﻔﺔ ﺳﻬﻠﺔ ﻛﻠﻚ ﺍﺿﺤﻚ ﻋﻠﻴﻬﺎ ﺍﺧﺬ ﻣﻨﻬﺎ ﺍﻟﻔﻠﻮﺱ
ﻣﻴﺪﺭﻱ ﺍﻧﻲ ﻣﻬﺮﺓ ﻣﺤﺪ ﻳﻜﺪﺭ ﻳﻨﺪﻙ ﺑﻴﺔ
ﻭﻛﻠﻤﺎ ﻳﺘﺄﺧﺮ ﺑﺘﺴﺪﻳﺪ ﺍﻟﺪﻳﻦ ﺍﺣﻤﻞ ﻋﻠﻴﻪ ﻓﻮﺍﺋﺪ ﺍﻛﺜﺮ ﻭﻳﺰﻳﺪ ﺍﻟﻤﺒﻠﻎ
ﺳﻠﻴﻤﺔ ﻟﻄﻤﺖ ﻋﻠﻰ ﺻﺪﺭﻫﺎ
.. ﻋﺰﺓ ﺍﻟﻌﺰﺍﺝ ﻳﺎ ﺳﻠﻴﻤﺔ ﻫﺬﺍ ﺍﻟﻲ ﺟﻨﺖ ﺧﺎﻳﻔﺔ ﻣﻨﻪ
ﺍﺛﻴﺮ ﻳﺎﺧﺬ ﻓﻠﻮﺱ ﺑﺎﻟﻔﺎﻳﺰ
.. ﺍﻛﻮﻝ ﺍﻟﻴﻮﻡ ﺍﻟﻠﻪ ﺣﺎﺑﻜﻢ ﺍﺟﻴﺖ ﺍﻧﻲ ﻟﻮﺣﺪﻱ ﺍﻃﺎﻟﺐ ﺑﺎﻟﻔﻠﻮﺱ
ﻛﻮﻟﻲ ﻻﺑﻨﺞ ﺍﻟﻤﺮﺓ ﺍﻟﺠﺎﻳﺔ ﻣﺎ ﺭﺍﺡ ﺍﺟﻲ ﻟﻮﺣﺪﻱ
ﺍﺟﻲ ﻭﺍﺟﻴﺐ ﺍﻟﺠﻤﺎﻋﺔ ﻭﻳﺎﻱ ﻭﻫﻮ ﻳﻌﺮﻑ ﻛﻠﺶ ﺯﻳﻦ
ﺷﻨﻮ ﺭﺍﺡ ﻳﺼﻴﺮ ﺍﺫﺍ ﺍﺗﺪﺧﻠﻮ ﺍﻟﺠﻤﺎﻋﺔ ﺑﺎﻟﺴﺎﻟﻔﺔ
ﺑﺎﻭﻋﺖ ﻋﻠﻴﺔ ﺍﻧﻲ ﻭﺧﻮﺍﺗﻲ ﻭﺣﺠﺖ ﺑﺘﻬﺪﻳﺪ ﻣﺒﻄﻦ
.. ﻭﻣﺎﺷﺎﺀ ﺍﻟﻠﻪ ﺍﺑﻨﺞ ﻋﻨﺪﻩ ﺑﻨﺎﺕ ﺣﻠﻮﺍﺕ
ﻭﺍﻟﺠﻤﺎﻋﺔ ﻣﺎ ﺭﺍﺡ ﻳﺘﺮﺩﺩﻭﻥ ﻟﺤﻈﺔ ﻭﺣﺪﺓ
ﻳﺮﺟﻌﻮﻥ ﺍﻟﺪﻳﻦ ﻋﻦ ﻃﺮﻳﻖ ﺍﻟﺤﻠﻮﺍﺕ ﻣﺎﻻﺗﻪ
ﻭﻛﻒ ﺷﻌﺮ ﺭﺍﺳﻲ ﻣﻦ ﻭﺭﺓ ﺗﻬﺪﻳﺪﻫﺎ ﺩﺍﺭﺕ ﻭﺟﻬﻬﺎ ﻭﻃﻠﻌﺖ
ﻣﻦ ﺍﻟﺒﻴﺖ ﻭﻛﺄﻧﻤﺎ ﺑﻴﺖ ﺍﻟﺨﻠﻔﻬﺎ
ﻇﻠﻴﻨﺎ ﻣﺼﻔﺼﻔﺎﺕ
ﺳﻠﻴﻤﺔ .. ﻳﻤﺔ ﺻﺨﺎﻡ ﻫﺎﻱ ﻭﻳﻦ ﺟﺎﻧﺘﻠﻲ ﻫﺎﻱ ﻣﺒﻴﻨﺔ ﻭﺣﺪﺓ
ﻣﻮ ﺯﻳﻨﻪ ﺷﻐﻠﺘﻬﺎ ﺍﻟﻠﻪ ﺍﻟﻴﻌﻠﻢ ﻭﻳﻦ ﻟﻜﺎﻫﺎ ﺍﺛﻴﺮ
......
ﺩﺍﺭﺕ ﻭﺟﻬﺔ ﻋﻠﻰ ﺷﻴﻤﺎﺀ
.. ﺑﺎﻟﻠﻪ ﺷﻮ ﺍﺗﺼﻠﻴﻨﺎ ﻋﻠﻰ ﺍﺑﻮﺝ ﺧﻠﻲ ﻳﺠﻲ ﻳﺸﻮﻓﻠﻨﺎ ﺣﻞ ﻟﻠﻤﺼﻴﺒﺔ
ﺿﺮﺑﺖ ﻋﻠﻰ ﺭﺟﻠﻴﻬﺎ ﻭﻛﻌﺪﺕ ﺗﻨﺪﺏ ﺣﻈﻬﺎ
.. ﻣﻦ ﻳﻮﻡ ﺍﻟﻴﻔﻴﺘﻮﺍ ﻋﻠﻰ ﺑﻴﺘﻲ ﻭﺍﻧﺎ ﺍﻟﻤﺸﺎﻛﻞ ﻫﺪﺕ ﻋﻠﻰ ﺭﺍﺳﻲ ﻓﺮﺩ ﻫﺪﺓ
ﻣﻦ ﻭﺭﺓ ﺍﺛﻴﺮ ﻭﺑﻨﺎﺗﻪ ﺍﺭﻳﺪ ﻳﻮﻡ ﻳﻌﺪﻱ ﻋﻠﻴﺔ ﻭﻣﺎﻛﻮ ﻣﺸﺎﻛﻞ ﻣﺎﻛﻮ ﻣﺼﻴﺒﺔ ﻣﺠﺒﺘﻮﻫﺎ ﻟﺒﻴﺘﻲ
ﺟﺎﻭﺑﺘﻬﺎ ﺷﻴﻤﺎﺀ
.. ﺑﻴﺒﻲ ﺍﻟﺒﺎﺭﺣﺔ ﻣﻮ ﺍﺗﺼﻞ ﻋﻠﻴﺔ ﻭﻛﺎﻝ ﺍﻧﺎ ﺭﺍﺡ ﺍﺗﺄﺧﺮ ﻭﻣﺎ ﺍﺭﺟﻊ ﻟﻠﺒﻴﺖ ﻓﺪ ﻳﻮﻣﻴﻦ
.. ﺍﻱ ﺍﺗﺼﻠﻲ ﻋﻠﻴﻪ ﺧﻠﻲ ﻳﻔﻬﻤﻨﺎ ﺷﻨﻮ ﻧﺴﻮﻱ ﺑﻬﺎﻱ ﺍﻟﻄﺮﻛﺎﻋﺔ ﺍﻟﻲ ﻟﻔﺖ ﻋﻠﻴﻨﺎ
ﻣﺎ ﺳﻤﻌﺘﻴﻬﺎ ﺷﻠﻮﻥ ﻛﻌﺪﺕ ﺗﻬﺪﺩ
ﺑﻌﺪﻣﺎ ﺍﺗﺼﻠﺖ ﺷﻴﻤﺎﺀ ﻋﻠﻰ ﺑﺎﺑﺎ ﻭﺟﺎﻭﺑﻬﺎ ﻇﻞ ﻳﺤﺠﻲ ﻋﻠﻴﻬﺎ
ﺷﻠﻮﻥ ﻳﺪﺧﻠﻮﻥ ﻣﻬﺮﺓ ﻟﻠﺒﻴﺖ ﻭﻋﺼﺐ ﻭﻇﻞ ﻳﻐﻠﻂ ﻭﻛﺎﻝ
ﺍﻧﺎ ﻣﺎ ﺭﺍﺡ ﺍﺗﺄﺧﺮ ﺍﺭﺟﻊ ﻭﺍﺷﻮﻑ ﺷﻐﻠﻲ ﻭﻳﺎﻫﺎ
ﺑﻌﺪ ﻻ ﺗﺪﺧﻠﻮﻫﺎ ﻟﻠﺒﻴﺖ
ﺍﻃﻴﺢ ﺣﻈﺞ ﺍﺫﺍ ﺳﻤﻌﺖ ﺑﻴﻬﺎ
ﺩﺍﺧﻠﺔ ﻟﻠﺒﻴﺖ
............
ﻫﺎﻟﺔ
ﺑﻌﺪﻣﺎ ﺭﺟﻌﻨﺎ ﻣﻦ ﺑﻴﺖ ﺍﺑﻮ ﺷﻴﻤﺎﺀ ﺍﻣﻲ ﺍﺗﺼﻠﺖ ﻋﻠﻰ ﻛﻞ ﺧﻮﺍﺗﻲ ﻭﻋﺰﻣﺘﻬﻢ ﻋﺎﻟﻐﺪﺓ ﻭﻛﻠﺘﻠﻬﻢ ﺗﻌﺎﻟﻮﺍ ﺑﺲ ﺍﻧﺘﻮﺍ
ﻭﺟﻬﺎﻟﻜﻢ ﻭﻻ ﺗﺠﻴﺒﻮﻥ ﺭﻳﺎﺟﻴﻠﻜﻢ ﺭﺍﻳﺪﺗﻜﻢ ﺑﻤﻮﺿﻮﻉ
.. ﺍﻛﻮﻝ ﻳﻤﺔ ﻟﻴﺶ ﻋﺰﻣﺘﻲ ﺧﻮﺍﺗﻲ ﻛﻠﻬﻢ ﺷﺮﺍﺡ ﺗﺴﻮﻳﻦ
ﺑﺎﻭﻋﺖ ﻋﻠﻴﺔ ﻭﺑﺎﻟﻬﺎ ﻣﺸﻐﻮﻝ
ﺟﺎﻧﺖ ﺗﺘﺤﺮﻙ ﺑﺎﻟﻤﻄﺒﺦ ﻣﻄﻠﻌﺔ ﺍﻟﺪﺟﺎﺝ ﻭﺧﺎﺑﺮﺕ ﻋﺎﻟﺴﺎﻳﻖ
ﻋﻤﻮ ﺣﺴﻨﻴﻦ ﺍﻟﻤﺼﺮﻱ ﻫﺬﺍ ﺭﺟﺎﻝ ﺟﺒﻴﺮ ﺑﺎﻟﻌﻤﺮ ﻣﻦ ﺯﻣﻦ ﺑﺎﺑﺎ
ﺑﻘﻰ ﻫﻮ ﻭﻋﺎﺋﻠﺘﻪ ﻳﻤﻨﺎ ﻣﺮﺟﻊ ﻟﻤﺼﺮ
ﻭﻣﻦ ﺑﻌﺪ ﺑﺎﺑﺎ ﻗﺎﺳﻢ ﻗﺮﺭ ﻳﺨﻠﻴﻪ ﻳﺴﺘﻤﺮ ﺑﺸﻐﻠﻪ
ﻭﺧﻼﻩ ﺳﺎﻳﻖ ﻳﻤﻨﺎ ﻟﻠﺒﻴﺖ ﻳﻜﻤﻞ ﺷﻐﻼﺗﻨﺎ
ﻻﻥ ﻗﺎﺳﻢ ﺩﺍﺋﻤﺎ ﻣﺸﻐﻮﻝ ﻭﻣﻔﺎﺭﻍ ﻳﺎﺧﺬﻧﺎ ﻭﻳﻄﻠﻌﻨﺎ ﻭﻳﻜﻤﻞ
ﺍﺣﺘﻴﺎﺟﺎﺗﻨﺎ ﻭﻋﻤﻮ ﺣﺴﻨﻴﻦ ﺧﻮﺵ ﺭﺟﺎﻝ ﻳﺄﻣﻦ ﻋﻠﻴﻨﺎ ﻭﻳﺎﻩ
ﺍﻧﺘﺒﻬﺖ ﻋﻠﻰ ﺍﻣﻲ ﺩﺗﺤﺠﻲ ﺑﺎﻟﻨﻘﺎﻝ ﻭﻳﺔ ﺣﺴﻨﻴﻦ
.. ﺣﺴﻨﻴﻦ ﻣﻮ ﺗﻨﺴﻰ ﻭﻳﺎﻙ ﺟﻴﺐ ﺍﺭﺑﻌﺔ ﺳﻤﺞ ﻣﺴﻜﻮﻑ
ﻭﺭﻛﻲ ﻭﻟﺒﻦ ﻭﺧﺒﺰ ﺣﺎﺭ
ﺳﺪﺕ ﺍﻟﻨﻘﺎﻝ ﻭﺭﺟﻌﺖ ﻛﺮﺭﺕ ﺍﻟﺴﺆﺍﻝ
.. ﺷﻨﻮ ﻳﻤﺔ ﺍﺣﺠﻲ ﻭﻳﺎﺝ ﺑﺎﻟﺞ ﻭﻳﻦ ﻣﺸﻐﻮﻝ
.. ﺷﻜﻮ ﺷﺒﻴﺞ ﺗﺤﻮﻣﻴﻦ ﻓﻮﻙ ﺭﺍﺳﻲ ﻣﺜﻞ ﺍﻟﺬﺑﺎﻧﺔ ﺍﻟﺸﺘﺎ
.. ﺳﺄﻟﺘﺞ ﻟﻴﺶ ﻋﺰﻣﺘﻲ ﺧﻮﺍﺗﻲ
.. ﺷﻨﻮ ﺷﺒﻴﺞ ﻗﺎﺑﻞ ﺍﻭﻝ ﻣﺮﺓ ﺍﻋﺰﻡ ﺧﻮﺍﺗﺞ ﻋﺎﻟﻐﺪﺓ
.. ﻻ ﻣﻮ ﺍﻭﻝ ﻣﺮﺓ ﺑﺲ ﺍﻧﺘﻲ ﻣﺘﻌﻮﺩﺓ
ﻛﻞ ﻣﺮﺓ ﺗﺘﻔﻘﻴﻦ ﻭﻳﺎﻫﻢ ﻗﺒﻞ ﻳﻮﻡ ﻋﺎﻟﺠﻴﺔ
ﺑﺲ ﻫﺴﺔ ﺍﺷﻮ ﻓﺠﺎﺀﺓ ﻗﺮﺭﺗﻲ ﻳﺠﻦ ﻋﺎﻟﻐﺪﺓ
ﻭﺍﺗﺼﻠﺘﻲ ﻋﻠﻴﻬﻢ
ﺧﺼﻢ ﺍﻟﺤﺠﻲ ﻛﻮﻟﻲ ﻳﺎ ﻧﺒﻊ ﺍﻟﺤﻨﺎﻥ ﻋﻠﻰ ﺷﻨﻮ ﻧﺎﻭﻳﺔ
.. ﺍﻭﻑ ﻣﻨﺞ ﻳﺎ ﻟﺰﻛﺔ
ﻳﺎﻟﻠﻪ ﺍﺭﺗﺎﺣﻲ
ﺍﻧﺎ ﻋﺰﻣﺖ ﺧﻮﺍﺗﺞ ﺣﺘﻰ ﻳﻜﻮﻧﻮﻥ ﻣﻮﺟﻮﺩﺍﺕ
ﻻﻥ ﺭﺍﺡ ﺍﺣﺠﻲ ﻭﻳﺔ ﻗﺎﺳﻢ ﺑﺴﺎﻟﻔﺔ ﺍﻟﺨﻄﻮﺑﺔ
ﻋﻠﻰ ﻳﻮﻡ ﺍﻟﺠﻤﻌﺔ ﻭﺭﺩﺕ ﺧﻮﺍﺗﺞ ﻫﻨﺎ ﺣﺘﻰ ﻳﺴﺎﻋﺪﻧﻲ ﻳﻘﻨﻌﻮﻥ ﺍﺧﻮﺝ
ﻻﻥ ﻣﺎ ﺍﺣﺰﺭ ﺭﺩﺕ ﻓﻌﻠﻪ ﺍﺫﺍ ﻋﺮﻑ ﺑﺎﻟﻲ ﻗﺮﺭﺗﻪ ﻭﺍﻟﻲ ﺳﻮﻳﺘﻪ ﻣﻦ ﻭﺭﺍﻩ
.. ﻫﻬﻬﻬﻬﻪ ﺍﻧﺎ ﻣﻦ ﻫﺴﺔ ﺭﺍﺡ ﺍﺣﻈﺮ ﻭﺍﻗﻲ ﺍﻟﺮﺻﺎﺹ
ﻭﺍﺧﺬ ﺍﺣﺘﻴﺎﻃﺎﺗﻲ ﻻﻥ ﺍﻟﻮﺍﺣﺪ ﻣﻴﻌﺮﻑ ﺷﻮﻛﺖ ﺗﺪﻙ ﺍﺟﺮﺍﺱ ﺍﻻﻧﺬﺍﺭ ﺗﻨﺬﺭ ﺑﻘﺪﻭﻡ ﺍﻟﻌﺎﺻﻔﺔ
ﻭﻋﺎﻻﻛﻴﺪ ﻗﺎﺳﻢ ﺍﺑﻨﺞ ﻣﺮﺍﺡ ﻳﺴﻜﺖ
.. ﻣﻴﺤﺘﺎﺝ ﺗﻮﺻﻔﻴﻠﻲ ﺷﻨﻮ ﺭﺍﺡ ﺗﻜﻮﻥ ﺭﺩﺕ ﻓﻌﻠﻪ ﺍﻋﺮﻑ
.. ﻫﺴﺔ ﺳﺪﻱ ﺍﻟﻤﻮﺿﻮﻉ ﻭﺗﻌﺎﻟﻲ ﻭﻳﺎﻱ ﺳﺎﻋﺪﻳﻨﻲ ﺑﺎﻟﻤﻄﺒﺦ
.....
ﺍﻟﺘﻬﻴﺖ ﻭﻳﺔ ﺍﻣﻲ ﺍﻳﺪ ﻟﻠﻤﻄﺒﺦ ﻭﺍﻳﺪ ﺍﻧﻈﻒ ﺍﻟﺒﻴﺖ
ﺍﻣﻲ ﺑﻴﻬﺎ ﻃﺒﻴﻌﺔ ﺗﺤﺐ ﻛﻠﺸﻲ ﺗﺴﻮﻱ ﺑﻴﺪﻫﺎ
ﺍﻟﻄﺒﺦ ﺍﻟﺘﻨﻈﻴﻒ ﻭﺣﻴﻞ ﺣﺮﻳﺼﺔ ﻋﺎﻟﻨﻈﺎﻓﺔ
ﻋﻠﻤﺘﻨﺎ ﻛﻠﻨﺎ ﺍﻧﻲ ﻭﺧﻮﺍﺗﻲ ﻭﻗﺎﺳﻢ ﻧﺘﺨﺒﻞ ﻣﻦ ﺍﻛﻞ ﺍﻟﻤﻄﺎﻋﻢ ﻭﻣﺎ ﻧﺴﺘﻨﻈﻒ ﺍﻻﻛﻞ ﺍﻟﺠﺎﻫﺰ
ﺑﺤﻴﺚ ﻗﺎﺳﻢ ﺍﺫﺍ ﺳﺎﻓﺮ ﻟﻠﺨﺎﺭﺝ ﻳﻜﻮﻝ ﺍﻛﻀﻴﻬﺎ ﻛﻠﺔ ﻟﻔﺎﺕ ﺟﺒﻦ ﻭﻓﻮﺍﻛﻪ ﻭﺑﺴﻜﺖ ﻭﻋﺼﻴﺮ
ﻳﻜﻮﻝ ﻣﺎ ﺍﻋﺮﻑ ﺷﻨﻮ ﻟﺤﻤﻬﻢ ﻣﺎ ﺍﺳﺘﻨﻈﻒ
ﻋﺎﻟﺴﺎﻋﺔ ﺑﺎﻟﻮﺣﺪﺓ ﺑﺪﻭﺍ ﺧﻮﺍﺗﻲ ﻭﺟﻬﺎﻟﻬﻢ ﻳﺠﻮﻥ ﻟﻠﺒﻴﺖ
ﺍﺟﺘﻲ ﻣﻨﻰ ﻭﻛﻮﺛﺮ ﻭﺟﻬﺎﻟﻬﻢ
ﻭﺍﻣﻲ ﺍﺗﺼﻠﺖ ﻋﻠﻰ ﻗﺎﺳﻢ ﻛﻠﺘﻠﻪ ﺗﻌﺎﻝ ﺍﻟﻴﻮﻡ ﻋﺎﻟﻐﺪﺓ ﺧﻮﺍﺗﻚ ﻫﻨﺎ ﻣﺘﺠﻤﻌﺎﺕ ﻭﻫﻮ ﻭﻋﺪﻫﺎ ﻳﺤﺎﻭﻝ ﻳﺮﺟﻊ ﻣﻦ ﻭﻛﺖ
ﺟﺎﻧﺖ ﺗﺤﺠﻲ ﻭﻳﺎﻩ ﻭﺳﻤﻌﺖ ﺍﻣﻲ ﺷﻠﻮﻥ ﻛﺎﻣﺖ ﺗﺼﻠﻲ ﻭﺗﻬﻠﻲ ﻭﺗﺒﺎﺭﻙ
ﺷﻮﻳﺔ ﻭﺳﺪﺕ ﺍﻟﻨﻘﺎﻝ ﻣﻦ ﻗﺎﺳﻢ ﻭﺟﺮﺕ ﻧﻔﺲ ﻣﺮﺗﺎﺣﺔ
.. ﻫﺎ ﻳﻤﺔ ﺷﻨﻮ ﺷﺒﻲ ﻗﺎﺳﻢ
.. ﺷﻜﻞ ﻫﺪﻯ ﻭﺟﻬﺎ ﺧﻴﺮ ﻋﻠﻰ ﺍﺧﻮﺝ
.. ﺷﻨﻮ ﻗﺎﺳﻢ ﺭﺑﺢ ﺑﺎﻟﻴﺎﻧﺼﻴﺐ
.. ﻟﺞ ﻻ ﺛﻮﻟﺔ ﺭﺑﺢ ﺍﻟﻤﻨﺎﻗﺼﺔ ﻭﺻﺎﺭﺕ ﻣﻦ ﻧﺼﻴﺒﻪ ﻫﻮ ﻭﺻﺎﺣﺒﻪ
.. ﻳﺎ ﺻﻠﻮﺍﺕ ﻋﻠﻰ ﺍﻟﻨﺒﻲ ﻗﺴﻮﻣﻲ ﺍﺧﻮﻱ ﻳﺴﺘﺎﻫﻞ ﻻﻥ ﻫﻠﻚ ﺭﻭﺣﻪ ﺑﺎﻟﺘﻌﺐ ﻭﺍﺷﺘﻐﻞ ﻭﻫﻮﺍﻱ ﻋﻠﻤﺎ ﺻﺎﺭﺗﻠﻪ
.. ﺍﻧﺪﻋﻲ ﻛﻮﻥ ﺍﺧﻮﺝ ﻳﺒﻘﻰ ﻫﻴﺞ ﻣﺰﺍﺟﻪ ﺻﺎﻓﻲ ﻭﺑﺎﻟﻪ ﻣﺮﺗﺎﺡ ﺣﺘﻰ ﻣﻦ ﺍﻓﺘﺢ ﺍﻟﻤﻮﺿﻮﻉ ﻭﻳﺎﻩ ﻣﻴﻌﺼﺐ
.. ﺍﻣﻴﻦ ﻳﺎﺭﺏ ﺗﻨﻮﻟﻴﻦ ﺍﻟﺘﺮﺩﻳﻨﻪ ﻳﺎ ﻳﻤﺔ
ﻣﻨﻰ .. ﺷﻜﻮ ﺷﺼﺎﻳﺮ ﺍﺷﻮ ﻛﺎﻋﺪﺍﺕ ﻟﻮﺣﺪﻛﻢ ﺗﺒﺴﺒﺴﻮﻥ ﺷﺎﺭﻛﻮﻧﺎ ﺍﻟﺤﺪﻳﺚ
ﻫﺪﻳﻞ ﺩﺧﻠﺖ ﻭﺭﺍﻫﺎ .. ﻻ ﺗﻌﺒﻴﻦ ﻧﻔﺴﺞ ﻭﺗﺴﺄﻟﻴﻦ ﻣﺤﺪ ﺭﺍﺡ ﻳﺠﺎﻭﺑﺞ ﺍﻟﻠﻪ ﻭﻛﻴﻠﺞ ﺻﺎﺭﻟﻲ ﻳﻮﻣﻴﻦ ﺍﺳﺄﻟﻬﻢ ﺷﻜﻮ ﺷﺼﺎﻳﺮ
ﺑﺎﻟﺒﻴﺖ ﻣﺤﺪ ﻳﻠﺘﻔﺘﻠﻲ ﻭﻳﺒﺮﺩ ﻓﻀﻮﻟﻲ
ﺍﻣﻲ ﺍﺑﺘﺴﻤﺖ
.. ﺑﻌﺪﻳﻦ ﺭﺍﺡ ﺗﻌﺮﻓﻮﻥ ﺷﻨﻮ ﺍﻟﺼﺎﻳﺮ
ﻭﺭﺓ ﻓﺘﺮﺓ ﺟﻨﺎ ﻧﺤﻀﺮ ﺑﺎﻻﻛﻞ ﻻﻥ ﻗﺎﺳﻢ ﺍﺗﺼﻞ ﻭﻛﺎﻝ ﺟﺎﻱ ﺑﺎﻟﻄﺮﻳﻖ
ﻭﺩﺧﻞ ﻟﻠﻤﻄﺒﺦ ﺍﺑﻦ ﻛﻮﺛﺮ ﻳﺮﻛﺾ ﻭﻳﺼﻴﺢ
ﻭﺭﺍﻩ ﻛﻮﺛﺮ ﺗﺮﻛﺾ ﺑﻬﺮﻭﻟﺔ ﻭﻻﺯﻣﺔ ﺍﻟﻨﻌﺎﻝ ﺗﺮﻳﺪ ﺗﻀﺮﺑﻪ
ﺍﺟﺔ ﻭﺻﺎﺭ ﻭﺭﺓ ﺍﻣﻲ ﻭﻟﺰﻣﻬﺎ ﻣﻦ ﻃﺮﻑ ﺛﻮﺑﻬﺎ ﻳﺴﺘﻨﺠﺪ ﺑﻴﻬﺎ ﺣﺘﻰ ﺗﺤﻤﻲ
ﺯﻳﻦ .. ﺑﻴﺒﻲ ﻋﻔﻴﺔ ﺧﺘﻠﻴﻨﻲ ﺍﻣﻲ ﺗﺮﻳﺪ ﺗﺒﺴﻄﻨﻲ
ﺟﺎﻧﺖ ﻋﻴﻮﻧﻪ ﺗﻠﻤﻊ ﺑﻮﻛﺎﺣﺔ
ﻟﺰﻣﺘﻪ ﺍﻣﻲ ﻭﺣﻄﺘﻪ ﻭﺭﺍﻫﺎ ﻭﺑﺎﻭﻋﺖ ﻟﻜﻮﺛﺮ ﺗﺤﺬﺭﻫﺎ
.. ﻟﺞ ﻛﻮﺛﺮ ﻋﻮﻓﻲ ﺍﻟﻮﻟﺪ ﺷﺒﻴﺞ ﻛﻞ ﺷﻮﻳﺔ ﻭﻫﺎﺩﺓ ﻋﻠﻴﻪ
ﺭﺍﺡ ﺗﺨﺒﻠﻴﻪ
ﻛﻮﺛﺮ ﺗﺄﺷﺮ ﺑﺄﻳﺪﻫﺎ ﺗﺘﻮﻋﺪﻟﻪ ﺑﺤﺮﻛﺔ ( ﺍﺻﺒﺮﻟﻲ ﺍﻧﺎ ﺍﻟﻚ ﺑﺴﻴﻄﺔ )
.. ﻳﻤﺔ ﺍﻧﻄﻴﻨﻴﺎﻩ ﺧﻠﻲ ﺍﺭﺑﻲ ﻫﺬﺍ ﻃﺎﻟﻌﺔ ﻋﻴﻨﻪ ﻭﻟﺴﺎﻧﻪ ﺻﺎﻳﺮ ﻃﻮﻳﻞ
ﻛﻞ ﺷﻮﻳﺔ ﺍﻟﻜﺎﻩ ﺿﺎﺭﺏ ﻭﺍﺣﺪ ﻣﻦ ﺍﻟﺠﻬﺎﻝ ﻣﺘﻌﺎﺭﻙ ﻭﻳﺎﻫﻢ ﻭﻻ ﻓﻮﻛﺎﻫﺎ
ﺩﺍﻳﺮ ﻋﻠﻰ ﺧﻮﺍﺗﻪ ﻣﺜﻞ ﺍﻟﺪﻳﺞ ﺍﻳﺪﺓ ﻭﺍﻟﻀﺮﺑﺔ ﻭﻳﺎﻫﻢ
ﻭ ﺍﻟﻤﻮﺩﻳﻞ ﺍﻟﺠﺪﻳﺪ ﻳﻄﻠﻊ ﺑﺎﻟﺸﺎﺭﻉ ﻳﺘﻌﺎﺭﻙ ﻭﻳﺔ ﺟﻬﺎﻝ ﺍﻟﻤﻨﻄﻘﺔ
ﺿﺤﻜﺖ ﺍﻡ ﻗﺎﺳﻢ ﻭﺣﻀﻨﺖ ﺯﻳﻦ
.. ﻟﺞ ﻋﻮﻓﻲ ﺑﺪﺍﻋﺘﻲ ﻋﻠﻴﺞ ﺧﻠﻲ ﺷﺘﺮﺩﻳﻦ ﻣﻨﻪ ﺭﺟﺎﻝ
ﺣﻤﺶ ﻃﺎﻟﻊ ﻋﻠﻰ ﺧﺎﻟﻪ ﻗﺎﺳﻢ ﺗﺪﺭﻳﻦ ﻛﻠﻤﺎ ﺍﺷﻮﻓﻪ ﺍﺗﺬﻛﺮ ﻗﺎﺳﻢ ﺍﺧﻮﺝ ﺑﺼﻐﺮﻩ
ﺟﺎﻥ ﻣﺒﺠﻲ ﺟﻬﺎﻝ ﺍﻟﻤﻨﻄﻘﺔ ﻭﻛﻠﻬﺎ ﺗﺼﻴﺢ ﻣﻨﻪ ﺍﻟﻐﻮﺙ
ﻫﺎﻟﺔ .. ﻟﺞ ﻛﻮﺛﺮ ﻻ ﺗﻌﺒﻴﻦ ﻧﻔﺴﺞ ﻏﺴﻠﻲ ﺍﻳﺪﺝ ﻣﻦ ﻫﺬﺍ ﺍﻟﻮﻟﺪ
ﻻﻥ ﺍﺑﻮ ﺍﻟﻤﺜﻞ ﻳﻜﻮﻝ ﺛﻠﺜﻴﻦ ﺍﻟﻮﻟﺪ ﻋﺎﻟﺨﺎﻝ
ﻭﺍﻧﺘﻲ ﺧﻄﻴﺔ ﺻﺮﺗﻲ ﺍﻭﻝ ﺿﺤﻴﺔ ﻟﻠﺠﻴﻨﺎﺕ ﺍﻟﻮﺭﺍﺛﻴﺔ
.......
ﻛﻮﺛﺮ ﺻﺎﺣﺖ .. ﻳﺒﻮﻭﻭﻭﻭﻭﻱ ﺷﺪﻭﺍ ﺭﻭﺳﻜﻢ ﻳﺎ ﻛﺮﻋﺎﻥ
ﺟﺎﻧﺖ ﻋﺎﻳﺰﺓ ﻭﺍﻟﺘﻤﺖ ﻫﻲ ﺑﻘﺖ ﺑﺲ ﻳﻄﻠﻊ ﻋﻠﻰ ﺧﺎﻟﻪ
ﻭﺍﻟﻠﻪ ﻳﺸﻴﻠﻮﻧﺔ ﻣﻦ ﺍﻟﻤﻨﻄﻘﺔ
ﻻﻥ ﻗﺎﺳﻢ ﺍﺑﻮﻱ ﺟﺎﻥ ﻭﺭﺍﻩ ﻳﺮﻛﺾ
ﻭﻳﺤﻞ ﺍﻟﻤﺸﺎﻛﻞ ﺑﺲ
ﺯﻳﻦ ﺍﺑﻮﻩ ﻣﻄﻔﻲ ﻭﻛﺎﻓﻲ ﺧﻴﺮﻩ ﺷﺮﻩ ﻣﺎﻟﻪ ﺑﺎﻟﻤﺸﺎﻛﻞ
ﺩﻛﺘﻮﺭ ﻳﻤﺸﻲ ﺑﺼﻒ ﺍﻟﺤﺎﻳﻂ ﻳﺘﻜﻔﻰ ﺍﻟﺸﺮ
ﻣﻨﻰ .. ﻋﻤﻲ ﺷﻔﺎﻳﺘﻠﻲ ﻟﻮ ﻭﺍﺣﺪ ﻣﻦ ﻭﻟﺪﻱ ﻳﻄﻠﻊ ﻋﻠﻰ ﺧﺎﻟﻪ
ﻗﺴﺎﻡ ﻧﺠﺮ ﻭﺳﺒﻊ ﻣﻮ ﺍﺣﺴﻦ ﻣﺎ ﻳﻄﻠﻊ
ﻓﺎﻫﻲ ﻣﺎﻛﻮﻝ ﺣﻘﻪ ﻭﻛﻞ ﺧﻴﺮ ﻣﺎ ﺑﻲ
ﺟﻨﺎ ﻧﺤﺠﻲ ﻭﺟﺎﻥ ﻳﺪﺧﻞ ﺍﺑﻦ ﺍﻟﺤﻼﻝ ﺑﺬﻛﺮﻩ
ﺩﺧﻞ ﻗﺎﺳﻢ ﻭﺳﻠﻢ ﻋﻠﻴﻨﺎ ﻭﺭﺍﺣﻮﺍ ﺧﻮﺍﺗﻲ ﺣﻀﻨﻮﻩ
ﻭﺑﺎﺳﻬﻢ ﻣﻦ ﺭﺍﺳﻬﻢ ﻭﻫﺪﻭﺍ ﺍﻟﺠﻬﺎﻝ
ﻳﺮﺣﺒﻮﻥ ﺑﺨﺎﻟﻬﻢ ﻭﻫﻮ ﻫﻢ ﻣﺎﻣﻘﺼﺮ ﺷﻜﻠﻪ ﻣﺴﻮﻱ ﺣﺴﺎﺑﻬﻢ
ﻭﺟﺎﻱ ﻭﺟﺎﻳﺐ ﻭﻳﺎﻩ ﻋﻼﻟﻴﻚ ﺣﻠﻮﻳﺎﺕ ﻭﺟﺒﺲ ﺍﻟﻬﻢ
ﻭﺍﻧﻲ ﻣﻦ ﺷﻔﺖ ﺍﻟﺤﻠﻮﻳﺎﺕ ﻭﺍﻟﺠﺒﺲ ﻧﺴﻴﺖ ﺭﻭﺣﻲ ﻭﺭﺣﺖ ﺍﺭﻛﺾ ﻭﻳﺔ ﺍﻟﺠﻬﺎﻝ
ﻭﺻﺮﺕ ﺍﺗﻌﺎﺭﻙ ﻭﻳﺎﻫﻢ ﺣﺘﻰ ﺍﺧﺬ ﺣﺼﺔ ﻣﻦ ﺍﻟﻌﻼﻟﻴﻚ
ﻭﺍﻣﻲ ﺗﺤﺠﻲ ﻭﺗﺼﻴﺢ ﻋﻠﻴﺔ ﻭﺍﻧﻲ ﻧﺎﻃﻴﺘﻬﻢ ﺍﻻﺫﻥ ﺍﻟﻄﺮﺷﺔ
.. ﻟﺞ ﻫﺎﻟﺔ ﺍﻟﻐﺒﺮﺓ ﺑﻌﺪ ﺷﻜﺒﺮﺝ ﺗﺼﻴﺮﻳﻦ ﻭﺟﺎﻳﺔ ﺗﺘﻌﺎﺭﻛﻴﻦ ﻋﺎﻟﺤﻠﻮﺍﻳﺎﺕ
ﺍﺧﺬﺕ ﺍﻟﻌﻼﻳﻚ ﻣﺎﻟﺖ ﺍﻟﺤﻠﻮﻳﺎﺕ ﻭﺍﻟﺠﺒﺲ ﻣﻦ ﺍﻳﺪ ﺍﻟﺠﻬﺎﻝ
.. ﻻﻳﻤﺔ ﻻ ﺗﻔﻬﻤﻴﻨﻲ ﻏﻠﻂ ﺗﺮﺓ ﺍﻧﻲ ﺍﺧﺬﺕ ﺍﻟﺤﻠﻮﻳﺎﺕ ﻣﻨﻬﻢ
ﻻﻥ ﻭﺭﺍﻫﻢ ﻏﺪﺓ ﺧﺎﻑ ﻳﺸﺒﻌﻮﻥ ﺭﻭﺣﻬﻢ ﺑﺎﻟﺤﻠﻮﻳﺎﺕ ﻭﻣﺎ ﻳﺘﻐﺪﻭﻥ
ﻫﺪﻳﻞ .. ﻳﻤﺔ ﺭﺍﺡ ﺍﺑﺠﻲ ﻃﻴﻦ ﻋﻠﻰ ﺍﻟﺨﺎﻟﺔ ﺍﻟﺤﻨﻮﻧﻪ
.. ﺍﻧﻲ ﺍﺻﻞ ﺍﻟﺤﻨﺎﻥ ﻓﺪﻳﺘﻨﻲ
.. ﺷﻮﻑ ﻫﺎﻱ ﺻﺪﻛﺖ ﺭﻭﺣﻬﺎ
ﺧﺎﺏ ﺍﻧﺘﻲ ﺍﺻﻞ ﺍﻟﻠﻄﻠﻄﺔ ﺗﻌﻠﻤﻴﻨﻲ ﺑﻴﺞ
ﻋﺎﻃﺖ ﺑﻴﻨﺎ ﺍﻣﻲ
.. ﻛﻮﻟﻜﻢ ﺗﺴﻜﺘﻮﻥ ﻭﺗﺠﻮﻥ ﻭﻳﺎﻱ ﻧﺼﺐ ﺍﻟﻐﺪﺓ ﻻ ﺍﻃﻚ ﺭﺍﺱ ﺑﺮﺍﺱ ﺍﻧﺘﻲ ﻭﻳﺎﻫﺎ
ﺑﺴﺮﻋﺔ ﺭﻛﻀﻨﺎ ﻭﺭﺍﻫﺎ ﻻﻥ ﺍﺫﺍ ﺗﻜﻠﻢ ﺍﻟﺤﺎﻛﻢ
ﺍﻧﺼﺎﻉ ﺍﻟﺸﻌﺐ ﻳﻨﻔﺬ ﺍﻻﻭﺍﻣﺮ ﺑﻄﺎﻋﺔ
ﺍﻣﻲ ﺍﻟﺤﺎﻛﻢ ﺍﻟﻘﺎﺳﻲ ﺍﻟﻌﺎﺩﻝ
ﺭﺣﻨﺎ ﺻﺒﻴﻨﺎ ﻏﺪﺓ ﻭﻛﻌﺪﻧﺎ ﻧﺘﻐﺪﺓ ﻭﺍﻭﻻﺩ ﻛﻮﺛﺮ ﻛﻌﺪﻭﺍ ﺑﺼﻒ ﺧﺎﻟﻬﻢ ﻗﺎﺳﻢ
ﺟﻨﺎ ﻧﺎﻛﻞ ﻭﻧﺴﻮﻟﻒ ﻛﻠﻨﺎ ﺑﻨﻔﺲ ﺍﻟﻮﻗﺖ
ﻭﻧﻀﺤﻚ ﻭﻧﺠﺎﻭﺏ ﻭﻛﺄﻧﻤﺎ ﻋﺪﻧﺎ ﺳﺒﺎﻕ ﻣﻨﻮ ﺑﻴﻨﺎ ﺍﻛﺜﺮ ﻭﺣﺪﺓ ﺗﺤﺠﻲ
ﺑﺲ ﻗﺎﺳﻢ ﻭﺍﻣﻲ ﺟﺎﻧﻮﺍ ﻳﺎﻛﻠﻮﻥ ﺑﻬﺪﻭﺀ
ﺍﺑﺎﻭﻉ ﻋﻠﻴﻪ ﻳﻔﻠﺲ ﺍﻟﺴﻤﺞ ﻭﻳﻄﻠﻊ ﺍﻟﻌﻈﻢ ﻭﻳﺤﻄﻪ ﻛﺪﺍﻡ ﺍﻭﻻﺩ ﻛﻮﺛﺮ ﺯﻳﻦ ﻭﺯﻳﺪ
ﻗﺎﺳﻢ ﻳﻜﺮﻩ ﺍﻟﻤﺴﺆﻟﻴﺔ ﻭﺩﺍﺋﻤﺎ ﻳﺘﻬﺮﺏ ﻣﻦ ﺣﻤﻠﻬﺎ
ﺧﺼﻮﺻﺎ ﻣﻦ ﺗﻮﺻﻞ ﺍﻟﺴﺎﻟﻔﺔ ﻟﺰﻭﺍﺟﻪ
ﻳﻜﻮﻝ ﻣﺎ ﺑﻴﺔ ﺣﻴﻞ ﺣﻤﻞ ﻋﺎﺋﻠﺔ ﻭﻣﺴﺆﻟﻴﺔ ﺍﺗﺨﺒﻞ ﻣﻨﻬﺎ
ﺗﻌﺎﻝ ﺣﻄﻠﻚ ﻣﺼﺪﺭ ﻟﺪﻭﺧﺔ ﺭﺍﺱ ﻭﺟﻴﺐ ﻣﺮﺓ ﻭﺧﻠﻒ ﺍﻭﻻﺩ ﻭﺗﻌﺎﻝ ﻳﺎﻗﺎﺳﻢ ﺍﺭﻛﺾ ﻭﺭﺍﻫﻢ ﻭﺍﺗﺤﻤﻞ ﻣﺴﺆﻟﻴﺘﻬﻢ
ﺑﺲ ﻣﻦ ﺍﺷﻮﻑ ﺗﻌﺎﻣﻠﻪ ﺍﻟﺴﻠﺲ ﻭﻳﺔ ﺍﻭﻻﺩ ﺧﻮﺍﺗﻲ
ﺍﺷﻮﻑ ﺷﻜﺪ ﺗﻠﻮﻛﻠﻪ ﺍﻻﺑﻮﺓ ﻭﺍﻟﻌﺎﺋﻠﺔ ﺑﺲ ﺍﻟﻈﺎﻫﺮ ﻫﻮ ﻫﻮﺍﻱ
ﻣﺎ ﻋﻨﺪﻩ ﺛﻘﺔ ﺑﻨﻔﺴﻪ
ﻭﻓﺎﻫﻢ ﺍﻟﻤﻮﺿﻮﻉ ﻏﻠﻂ
ﻭﺍﻟﻠﻪ ﻣﺮﺍﺕ ﺍﺣﺲ ﺑﻲ ﻣﺘﺨﺬ ﻣﻦ ﺭﻫﻒ ﺣﺠﺔ ﺣﺘﻰ ﻳﺘﻬﺮﺏ ﻣﻦ ﺍﻟﺤﺎﺡ ﺍﻣﻲ
ﻋﻠﻤﻮﺩ ﺍﻟﺰﻭﺍﺝ ﻭﻣﺎ ﺗﻈﻞ ﺗﻀﻐﻂ ﻋﻠﻴﻪ
ﺍﻭ ﻳﻤﻜﻦ ﻫﻮ ﺍﺧﺘﺎﺭ ﺭﻫﻒ ﻻﻥ ﻫﻲ ﺗﺸﺒﻬﻪ ﻣﺘﺤﺐ ﺍﻟﻤﺴﺆﻟﻴﺔ ﻣﺜﻠﻪ
ﻭﺩﺍﺋﻤﺎ ﺗﺮﻳﺪ ﻧﻔﺴﻬﺎ .. ﺷﺎﻓﻬﺎ ﺍﻛﺜﺮ ﺍﻣﺎﻥ ﻣﻦ ﻏﻴﺮﻫﺎ
ﺍﻫﻮﻭﻭ ﻫﺴﺔ ﺍﻧﻲ ﺷﻨﻮ ﻛﻌﺪﺕ ﺍﺷﺘﻐﻞ ﻣﺤﻠﻞ ﻧﻔﺴﻲ
.....
ﺍﻧﺘﺒﻬﺖ ﻋﻠﻰ ﺍﻣﻲ ﺗﺤﺠﻲ ﻭﻳﺎﻱ
.. ﺧﻴﺮﺝ ﻫﺎﻟﺔ ﺍﻧﺨﺮﺳﺘﻲ ﺩﺍﺣﺠﻲ ﻭﻳﺎﺝ ﻣﺘﺮﺩﻳﻦ
.. ﻫﺎ ﻣﺎﻣﺎ ﻛﻮﻟﻲ ﺷﻨﻮ ﺭﺩﺗﻲ
.. ﺻﺎﺭﻟﻲ ﺳﺎﻋﺔ ﺍﺳﺄﻟﺞ ﺣﻄﻴﺘﻲ ﻗﻮﺭﻱ ﺍﻟﺠﺎﻱ ﻋﺎﻟﻨﺎﺭ
ﺑﻴﻦ ﻣﺎ ﻧﺘﻐﺪﺓ ﻳﻔﻮﺭ
ﺟﺎﻭﺑﺘﻬﺎ ﻣﻨﻰ .. ﺍﻧﻲ ﺣﻄﻴﺖ ﺍﻟﻘﻮﺭﻱ ﻋﺎﻟﻨﺎﺭ
ﻻﻥ ﺍﺩﺭﻱ ﺑﻴﻜﻢ ﺍﻧﺘﻲ ﻭﻗﺎﺳﻢ ﺗﺤﺒﻮﻥ ﺑﺲ ﺗﻜﻮﻣﻮﻥ ﻣﻦ ﺍﻟﻐﺪﺓ ﺗﺸﺮﺑﻮﻥ ﺟﺎﻱ
ﺑﻌﺪﻣﺎ ﺧﻠﺼﻨﺎ ﺍﻟﻐﺪﺓ ﻭﻏﺴﻠﻨﺎ ﺍﻟﻤﻮﺍﻋﻴﻦ ﻭﻛﻠﺒﺘﻬﻢ ﻋﻠﻰ ﻭﺟﻬﻢ
ﻋﺎﻟﻤﻨﺸﻔﺔ ﺣﺘﻰ ﻳﻮﺷﻠﻮﻥ ﺍﻟﻤﺎﻱ
ﻫﺪﻳﻞ ﺣﻀﺮﺕ ﺻﻴﻨﻴﺔ ﺍﻟﺠﺎﻱ ﻭﺭﺣﻨﺎ ﻛﻌﺪﻧﺎ ﺑﺎﻟﺼﺎﻟﺔ ﻳﻤﻬﻢ
ﺑﺎﻭﻋﺖ ﻟﻮﺟﻪ ﺍﻣﻲ ﺑﺪﺓ ﻳﻨﻄﻲ ﺍﺷﺎﺭﺍﺕ
ﻋﺮﻓﺖ ﺭﺍﺡ ﺗﻔﺘﺢ ﺍﻟﻤﻮﺿﻮﻉ ﻭﻳﺔ ﻗﺎﺳﻢ
ﻃﻠﻌﺖ ﺍﻟﺠﻬﺎﻝ ﺑﺎﻟﺤﺪﻳﻘﺔ ﻭﺩﺧﻠﺖ ﻛﻌﺪﺕ ﻳﻤﻬﻢ
ﻭﺻﺮﺕ ﻛﻠﻲ ﺍﺫﺍﻥ ﺻﺎﻏﻴﺔ
ﺍﻧﺘﺒﻬﺖ ﻟﺨﻮﺍﺗﻲ ﺍﻟﺘﺰﻣﻮﺍ ﺍﻟﺼﻤﺖ ﻭﻛﺄﻧﻤﺎ ﺣﺴﻮﺍ ﻋﻠﻰ ﺗﻮﺗﺮ ﺍﻣﻲ
ﺍﺧﺬ ﻗﺎﺳﻢ ﺍﺳﺘﻜﺎﻥ ﺍﻟﺠﺎﻱ ﺍﻟﺜﺎﻧﻲ ﻣﻦ ﺑﻌﺪﻣﺎ ﺻﺒﺘﻠﻪ ﺍﻣﻲ
ﻭﻛﻌﺪ ﻳﺨﻮﻁ ﺑﻲ
ﻻﺣﻆ ﺍﻟﻬﺪﻭﺀ ﺍﻟﻐﺮﻳﺐ ﻭﺭﻓﻊ ﺭﺍﺳﻪ ﻭﻛﻌﺪ ﻳﺒﺎﻭﻉ ﻋﻠﻴﻨﺎ ﻭﺣﺪﺓ ﻭﺣﺪﺓ
ﺿﺎﻛﺖ ﻋﻴﻮﻧﻪ ﻣﺜﻞ ﺍﻟﺬﻳﺐ ﺍﻟﻲ ﺣﺲ ﺍﻛﻮ ﻣﺆﺍﻣﺮﺓ ﺿﺪﻩ
ﻋﺪﻝ ﻛﻌﺪﺗﻪ ﻭﺍﺗﻜﺔ ﻭﺑﺪﺓ ﻳﺸﺮﺏ ﺟﺎﻳﻪ
ﻭﻳﺮﺍﻗﺐ ﻣﺘﺄﻫﺐ ﻻﻱ ﻫﺠﻤﺔ ﻣﺮﺗﺪﺓ
ﺍﻧﺘﺒﻬﺖ ﻻﻣﻲ ﻛﻌﺪﺕ ﺗﺤﻤﺤﻢ
ﻭﺣﺠﺖ ﻭﻫﻲ ﺗﺨﻮﻁ ﺑﺴﺘﻜﺎﻥ ﺍﻟﺠﺎﻱ ﻣﺎﻟﺘﻬﺎ
.. ﺍﻛﻮﻭﻭﻭﻭﻭﻭﻭﻭﻝ ﻳﻤﺔ ﻗﺴﺎﻡ
.. ﻳﺎﺳﺘﺎﺭ ﺍﺳﺘﺮ ﺻﺎﺭﺕ ﺑﻴﻬﺎ ﻗﺴﺎﻡ
ﻫﺎ ﻳﻤﺔ ﻛﻮﻟﻲ ﻭﺍﺣﺠﻲ ﺷﻨﻮ ﺍﻟﻌﻨﺪﺝ
.. ﺷﻜﻮﻟﻚ ﻳﺎﻳﻤﺔ ﺗﻌﺮﻓﻨﻲ ﻭﺣﺎﻓﻈﻨﻲ
.. ﻛﻢ ﻏﺎﻟﻴﺔ ﻋﻨﺪﻱ ﺣﺘﻰ ﻣﺎ ﺍﻋﺮﻓﻠﻬﺎ
.. ﺍﻟﻠﻪ ﻳﺨﻠﻴﻚ ﺍﻟﻲ ﻳﺎﻳﻤﺔ ﻟﻌﺪ ﻣﺎ ﺩﺍﻣﻨﻲ ﺍﻧﺎ ﻏﺎﻟﻴﺘﻚ ﻭﻋﺰﻳﺰﺓ ﻋﻠﻰ ﻛﻠﺒﻚ
ﺧﻠﻲ ﺍﻛﻠﻚ ﺍﻧﺎ ﻗﺮﺭﺕ ﺑﻬﺎﻱ ﺍﻟﺠﻤﻌﺔ ﻧﺴﻮﻱ ﻣﺸﻴﺔ ﺯﻟﻢ
ﺍﺭﻳﺪﻙ ﺗﺒﻠﻎ ﻋﻤﺎﻣﻚ ﻭﺍﻗﺎﺭﺑﻨﺎ ﻧﺮﻭﺡ ﻧﺨﻄﺐ ﺑﻨﺖ ﺍﺑﻮ ﺷﻴﻤﺎﺀ
ﻭﻧﺴﻮﻱ ﺍﻟﻤﻬﺮ ﻭﺍﻧﻲ ﺍﻟﻴﻮﻡ ﺭﺣﺖ ﺍﻧﻄﻴﺘﻬﻢ ﺟﺰﺀ ﻣﻦ ﺍﻟﻤﻬﺮ ﻭﺍﺗﻔﻘﺖ ﻭﻳﺎﻫﻢ
ﺍﺑﺎﻭﻉ ﻟﻘﺎﺳﻢ ﺍﻣﻲ ﺟﺎﻧﺖ ﺗﺤﺠﻲ ﻭﻭﻳﺔ ﻛﻞ ﺣﺮﻑ ﺗﻨﻄﻖ ﺑﻲ ﺍﻣﻲ
ﻗﺎﺳﻢ ﻳﻨﻜﻠﺐ ﻟﻮﻥ ﻭﺟﻬﻪ ﺑﺎﻟﺘﺪﺭﻳﺞ ﻟﺤﺪ ﻣﺎ ﻭﺻﻞ ﻟﻠﻮﻥ ﺍﻻﺣﻤﺮ ﺍﻟﻘﺎﺗﻢ
ﺷﻤﺮ ﺍﻟﺠﺎﻱ ﺑﺎﻟﻜﺎﻉ ﻭﺍﻧﻜﺴﺮ ﺍﻻﺳﺘﻜﺎﻥ ﻭﻧﻬﺾ ﻣﻦ ﻣﻜﺎﻧﻪ
ﻫﺪﻳﻞ ﻛﻤﺰﺕ ﻣﻦ ﻣﻜﺎﻧﻬﺎ ﻭﻋﺎﻃﺖ
ﻻﻥ ﺍﻻﺳﺘﻜﺎﻥ ﻭﻛﻊ ﻳﻢ ﺭﺟﻠﻬﺎ ﻭﺍﻟﺠﺎﻱ ﺣﺎﺭ ﻣﺤﺪ ﺍﻫﺘﻤﻠﻬﺎ
ﻻﻥ ﻛﻠﻨﺎ ﺍﻟﻌﻴﻮﻥ ﻣﺒﺤﻠﻘﺔ ﺑﺘﺮﻗﺐ ﻋﻠﻰ ﻗﺎﺳﻢ .
ﺻﺎﺡ ﺑﻐﻀﺐ ﺑﺼﻮﺕ ﻋﺎﻟﻲ ﺭﺝ ﺍﻟﺒﻴﺖ
.. ﻣﻨﻮ ﺍﻧﻄﺎﺝ ﺍﻟﺤﻖ ﺗﺘﺼﺮﻓﻴﻦ ﻣﻦ ﻳﻤﺞ
ﺷﻠﻮﻥ ﺗﺨﻄﻴﻦ ﻫﻴﺞ ﺧﻄﻮﺓ ﺟﺒﻴﺮﺓ ﺑﺪﻭﻥ ﻣﺎ ﺗﺎﺧﺬﻳﻦ ﺭﺋﻲ
ﺷﻨﻮ ﺍﻧﺎ ﻃﺮﻃﻮﺭ ﻛﺎﻋﺪ ﺑﺎﻟﺒﻴﺖ ﻟﻮ ﻣﺎ ﻣﺎﻟﻲ ﻋﻴﻨﺞ
ﺍﺭﻳﺪ ﺍﻓﺘﻬﻢ ﻟﻴﺶ ﻛﻞ ﻣﺮﺓ ﺗﺤﻄﻴﻨﻲ ﺑﻤﻮﻗﻒ ﺻﻌﺐ
ﻭﺗﺤﺼﺮﻳﻨﻲ ﺑﺰﺍﻭﻳﺔ
ﺍﻣﻲ ﻛﺎﻣﺖ ﻣﻦ ﻣﻜﺎﻧﻬﺎ ﻭﺍﺗﺒﻌﻨﺎﻫﺎ ﺍﻧﻲ ﻭﺧﻮﺍﺗﻲ ﻭﻛﻔﻨﺎ
ﺍﻣﻲ ﺭﺍﺣﺖ ﻭﻛﻔﺖ ﻛﺪﺍﻣﻪ
.. ﺍﺳﻤﻌﻨﻲ ﺯﻳﻦ ﻗﺎﺳﻢ ﻟﻮ ﻳﺼﻴﺮ ﻋﻤﺮﻙ ٦٠ ﺳﻨﺔ
ﻭﻳﺼﻴﺮ ﻋﻨﺪﻙ ﺍﺣﻔﺎﺩ ﻫﻢ ﺭﺍﺡ ﺗﺒﻘﻰ ﺑﻌﻴﻦ ﺍﻣﻚ ﺍﺑﻨﻬﺎ ﺍﻟﺼﻐﻴﺮ
ﺍﻟﻲ ﺗﺤﺎﻭﻝ ﺗﺤﻤﻲ ﻭﺗﺪﺍﻓﻊ ﻋﻨﻪ
ﻫﺎﻱ ﺳﻨﺔ ﺍﻟﺤﻴﺎﺓ ﻭﻓﻄﺮﺓ ﺍﻟﺒﺸﺮ
ﻏﺼﺐ ﻋﻨﻲ ﻛﻠﺒﻲ ﻣﺎ ﻳﻨﻄﻴﻨﻲ ﺍﺷﻮﻓﻚ ﺗﺪﻣﺮ ﺣﻴﺎﺗﻚ ﻭﺍﻛﻌﺪ ﺍﺗﻔﺮﺝ
.....
ﺑﺎﻟﻠﻪ ﻓﻬﻤﻴﻨﻲ ﺷﻠﻮﻥ ﻋﺎﻟﺠﺘﻴﻬﺎ ﻟﺤﻴﺎﺗﻲ ﺍﻟﻤﺘﺪﻣﺮﺓ
ﺷﻨﻮ ﺭﺑﻂ ﺳﺎﻟﻔﺔ ﺍﻟﺨﻄﻮﺑﺔ ﻭﻗﺮﺍﺭﺝ ﺑﻬﺬﺍ ﻛﻠﻪ
.. ﻳﻤﺔ ﻗﺎﺳﻢ ﺍﻧﺖ ﻣﻦ ﺍﻭﻝ ﻳﻮﻡ ﺍﺧﺘﺎﺭﻳﺖ ﺑﻲ ﺑﻨﺖ ﻋﻤﻚ ﺭﻫﻒ
ﻭﺍﻧﺖ ﺛﺒﺘﺘﻠﻲ ﺍﻧﺖ ﻣﺘﻌﺮﻑ ﺗﺨﺘﺎﺭ ﻭﺭﺍﺡ ﺗﺤﻄﻢ ﺣﻴﺎﺗﻚ
.. ﻭﻻ ﺗﻜﻮﻟﻴﻦ ﺑﻨﺖ ﺍﺛﻴﺮ ﺧﺮﻳﺞ ﺍﻟﺴﺠﻮﻥ ﺭﺍﺡ ﺗﻜﻮﻥ ﺍﺣﺴﻦ ﻣﻦ ﺭﻫﻒ
ﻭﻫﻲ ﺍﻟﻲ ﺭﺍﺡ ﺗﺒﻨﻲ ﺣﻴﺎﺗﻲ ﻭﺗﻠﺰﻡ ﺑﻴﺘﻲ ﻭﺗﺴﻨﺪ ﻇﻬﺮﻱ
ﺟﺎﻥ ﺻﻮﺗﻪ ﻳﺮﻋﺪ ﻭﻫﻮ ﻳﺤﺠﻲ ﻛﻤﻞ ﻛﻼﻣﻪ
.. ﺷﻮﻓﻲ ﻳﻤﺔ ﻛﻄﻨﺔ ﻭﺷﻴﻠﻬﺎ ﻣﻦ ﺍﺫﻧﺞ ﻣﺎ ﺍﺗﺰﻭﺝ ﺑﻨﺖ ﺍﺛﻴﺮ
ﻟﻮ ﺗﻨﻄﺒﻚ ﺍﻟﺴﻤﺎ ﻋﺎﻻﺭﺽ ﻭﻫﺴﺔ ﺗﺘﺼﻠﻴﻦ ﻋﻠﻴﻬﻢ
ﻭﺗﺮﺣﻴﻦ ﺗﺮﺟﻌﻴﻦ ﺍﻟﻔﻠﻮﺱ ﺍﻟﻲ ﺍﻧﻄﻴﺘﻬﺎ ﺍﻟﻬﻢ
ﺑﺎﻭﻋﺖ ﻻﻣﻲ ﺭﺻﺖ ﺍﺳﻨﺎﻧﻬﺎ ﺑﻐﻀﺐ ﻭﺭﻓﻌﺖ ﺭﺍﺳﻬﺎ ﺗﺒﺎﻭﻉ ﻟﻘﺎﺳﻢ ﺍﻟﻲ ﻭﺍﻛﻒ ﻛﺪﺍﻣﻬﺎ ﻭﺣﺠﺖ ﻭﻳﺎﻩ ﺑﻜﻞ ﻗﺴﻮﺓ
.. ﺷﻮﻑ ﻗﺎﺳﻢ ﺍﺫﺍ ﻣﺎ ﺗﻮﺍﻓﻖ ﻋﻠﻰ ﻫﺬﺍ ﺍﻟﺰﻭﺍﺝ
ﻳﺤﺮﻡ ﻋﻠﻴﺔ ﺍﻻﻛﻞ ﻭﺍﻟﺸﺮﺏ ﻭﺑﻌﺪ ﻻ ﺍﺷﻮﻓﻚ ﻭﻻ ﺗﺸﻮﻓﻨﻲ
ﺍﻧﺴﻰ ﻋﻨﺪﻙ ﺍﻡ ﻣﻦ ﻫﺎﻱ ﺍﻟﻠﺤﻈﺔ
ﻣﻨﺎ ﻟﺤﺪ ﻣﺎ ﺍﻟﻠﻪ ﻳﺎﺧﺬ ﺍﻣﺎﻧﺘﻪ ﻭﺍﺭﺗﺎﺡ ﻣﻦ ﺍﻟﻠﻮﻋﺔ
ﺩﺍﺭﺕ ﻭﺟﻬﺎ ﻭﻣﺸﺖ ﻟﻐﺮﻓﺘﻬﺎ ﻭﻫﻲ ﺗﺮﺟﻒ ﻣﻦ ﺍﻟﻌﺼﺒﻴﺔ
ﺩﺧﻠﺖ ﻟﻠﻐﺮﻓﺔ ﻭﺳﺪﺕ ﺍﻟﺒﺎﺏ ﺑﻜﻞ ﻗﻮﺗﻪ ﻭﺳﻤﻌﻨﺎ ﺻﻮﺕ ﻗﻔﻞ ﺍﻟﻤﻔﺘﺎﺡ
ﻭﻫﻨﺎ ﻋﺮﻓﻨﺎ ﺍﻣﻲ ﺍﻋﻠﻨﺖ ﺍﻟﺤﺮﺏ ﺿﺪ ﻗﺎﺳﻢ
ﻳﺎﺭﺑﻲ ﺷﻠﻮﻥ ﺍﺛﻨﻴﻦ ﺍﻣﻲ ﻭﻗﺎﺳﻢ ﻭﺍﺣﺪ ﺍﻋﻨﺪ ﻣﻦ ﺍﻟﺜﺎﻧﻲ
ﺷﻠﻮﻥ ﺭﺍﺡ ﺗﻨﺤﻞ
ﻛﻤﺰﺕ ﻣﻦ ﻣﻜﺎﻧﻲ ﻣﻔﺰﻭﻋﺔ ﻋﻠﻰ ﺻﻮﺕ ﺗﻜﺴﻴﺮ ﺍﻟﺠﺎﻡ
ﺑﺎﻭﻋﺖ ﺷﻔﺖ ﻗﺎﺳﻢ ﺍﻳﺪﻩ ﻣﺘﺮﻭﺳﺔ ﺩﻡ ﻭﺍﻟﻄﺒﻠﺔ ﺍﻟﻲ ﻛﺪﺍﻣﻪ ﻣﻜﺴﺮﺓ ﻭﺻﺎﻳﺮﺓ ﻭﺻﻞ
ﺭﻛﻀﺖ ﻣﻨﻰ ﻭﺑﻴﺪﻫﺎ ﺍﻟﻤﻨﺸﻔﺔ ﻭﻟﻔﺖ ﺑﻴﻬﺎ ﺍﻳﺪ ﻗﺎﺳﻢ
ﻭﻛﻮﺛﺮ ﻛﻌﺪﺕ ﺗﻠﻢ ﺑﺎﻟﻜﺰﺍﺯ
ﻭﻫﺪﻳﻞ ﻛﻌﺪﺕ ﺗﺪﺭﺩﻡ ﺑﺼﻮﺕ ﻧﺎﺻﻲ
ﺍﺳﻤﻌﻬﺎ ﺗﻜﻮﻝ
.. ﺍﻟﻠﻪ ﻳﺎﺧﺬ ﻫﺪﻯ ﻭﺍﻫﻠﻬﺎ ﻣﻦ ﺳﺎﻋﺔ ﺍﻟﺴﻮﺩﺓ ﺍﻟﻲ ﻋﺮﻓﻨﺎﻫﺎ ﺑﻴﻬﺎ
ﻣﻨﻰ ﺗﺤﺎﻭﻝ ﺗﺴﻴﻄﺮ ﻋﺎﻟﺪﻡ ﻭﺗﺤﺠﻲ ﻭﻳﺔ ﻗﺎﺳﻢ
.. ﺷﺒﻴﻚ ﻗﺎﺳﻢ ﺍﺗﺨﺒﻠﺖ ﺍﻛﻮ ﻭﺍﺣﺪ ﻳﺴﻮﻱ ﺳﻮﺍﻳﺘﻚ
.. ﺍﻱ ﻭﺍﻟﻠﻪ ﺗﺨﺒﻠﺖ ﻣﻦ ﻭﺭﺓ ﺳﻮﺍﻟﻒ ﺍﻣﺞ
ﻣﻮ ﺑﺲ ﺍﺗﺨﺒﻞ ﺯﻳﻦ ﻣﻨﻲ ﺑﺎﻗﻲ ﺑﺮﺍﺳﻲ ﻋﻘﻞ
ﺍﺣﻠﻔﺞ ﺑﺎﻟﻠﻪ ﺍﻛﻮ ﺍﻡ ﺗﺴﻮﻱ ﻫﻴﺞ ﺑﺄﺑﻨﻬﺎ ﺑﺸﻨﻮ ﺟﺎﻧﺖ ﺗﻔﻜﺮ ﻣﻦ
ﻃﻠﺒﺖ ﻣﻨﻲ ﺍﺣﻂ ﺍﻳﺪﻱ ﺑﺄﻳﺪ ﺍﺛﻴﺮ ﻭﺍﺗﺰﻭﺝ ﺑﻨﺘﻪ
ﺷﻠﻮﻥ ﻋﻘﻠﺘﻬﺎ ﻭﻫﻲ ﺗﺪﺭﻱ ﺑﻴﺔ ﺍﻧﺎ ﺷﻨﻮ ﺭﺃﻳﻲ ﺑﺎﻟﻤﻮﺿﻮﻉ
ﻣﻨﻰ .. ﺍﺩﺭﻱ ﺑﻴﻚ ﺍﻧﺖ ﺷﺎﻳﻞ ﻫﻢ ﺭﻫﻒ ﻭﺣﺒﻚ
ﻗﺎﺳﻢ .. ﻻ ﺗﺨﻠﻴﻨﻲ ﺍﺳﺐ ﺍﺑﻮ ﺭﻫﻒ
ﺑﺎﺑﺎ ﺍﻧﺘﻲ ﺷﺒﻴﺞ ﻣﺎ ﻋﻨﺪﺝ ﻋﻘﻞ
ﺑﻌﻴﺪﺍً ﻋﻦ ﺭﻫﻒ ﺣﺘﻰ ﻟﻮ ﺟﻨﺖ ﻣﺎ ﺍﺣﺐ ﻣﺴﺘﺤﻴﻞ ﺍﺧﺘﺎﺭ ﺍﺗﺰﻭﺝ ﻫﻴﺞ ﻭﺣﺪﺓ
ﻣﻨﻮ ﻫﻲ ﻭﻣﻨﻮ ﺍﺑﻮﻫﺎ ﺷﻠﻮﻥ ﺗﻌﻘﻠﻮﻧﻬﺎ
ﺍﺭﺿﻰ ﻋﻠﻰ ﻧﻔﺴﻲ ﺍﻧﺎﺳﺐ ﺭﺟﺎﻝ ﻣﻬﺘﻠﻒ ﻣﺜﻞ ﺍﺛﻴﺮ
ﻳﻌﻨﻲ ﺍﺫﺍ ﺭﺏ ﺍﻟﻌﺎﺋﻠﺔ ﻫﻴﺞ ﺷﻨﻮ ﺍﺗﺮﺟﻰ ﻣﻦ ﺑﻨﺎﺗﻪ
ﻭﻻﺗﻜﻮﻟﻴﻦ ﺍﺧﻼﻗﻬﻦ ﻭﺗﺮﺑﻴﺔ
ﺑﺎﺑﺎ ﺍﻧﺘﻮﺍ ﻛﻠﺸﻲ ﻣﺘﻌﺮﻓﻮﻥ ﻋﻦ ﺍﻟﻨﺎﺱ ﻭﻣﻌﺎﺩﻧﻬﻢ ﻳﺮﺍﻭﻧﻚ ﺫﻫﺐ ﻭﻳﺒﻴﻌﻮﻧﻚ ﺗﺮﺍﺏ ﻛﻠﺸﻲ ﺍﺗﻮﻗﻌﻲ ﻣﻦ ﻫﺎﻟﺒﺸﺮ ﺑﻬﺬﺍ ﺍﻟﻮﻛﺖ ﻭﺍﻧﺎ ﺷﻨﻮ ﻳﻀﻤﻨﻠﻲ ﺍﻥ ﻫﻲ ﻣﻮ ﻣﺜﻞ ﺍﺑﻮﻫﺎ ﺷﻠﻮﻥ ﺭﺍﺡ ﺍﺗﻄﻤﻦ ﺍﺍﻣﻨﻬﺎ ﻋﻠﻰ ﺑﻴﺘﻲ ﻭﻣﺎﻟﻲ ﻭﺣﻼﻟﻲ ﻭﻋﺮﺿﻲ
.......
ﻭﺍﻟﻠﻪ ﻳﺎﻋﺎﻟﻢ ﺻﻌﺒﺔ ﺍﻣﺞ ﺗﻄﻠﺐ ﻣﻨﻲ ﺍﺷﻤﺮ ﺭﻭﺣﻲ ﺑﺎﻟﻨﺎﺭ ﻭﺗﻜﻠﻲ ﻣﺼﻠﺤﺘﻚ
ﻣﻨﻰ .. ﺍﺗﻬﺪﻯ ﻳﺎﺧﻮﻳﺔ ﻣﻮ ﻫﻴﺞ ﺍﻟﺤﺠﻲ ﻋﻠﻰ ﻛﻴﻔﻚ
ﺍﻧﺖ ﻟﻴﺶ ﺗﺤﺎﺳﺐ ﺍﻟﺒﻨﻴﺔ ﻋﻠﻰ ﺍﻋﻤﺎﻝ ﺍﺑﻮﻫﺎ ﻭﺍﺧﻄﺎﺀﻩ
ﺗﺮﺓ ﻫﻲ ﻣﺎﻟﻬﺎ ﺫﻧﺐ ﺧﻄﻴﺔ
ﻧﻔﺾ ﺍﻳﺪﻩ ﻣﻦ ﺑﻴﻦ ﺍﻳﺪﻳﻦ ﻣﻨﻰ ﻭﺍﻟﺪﻡ ﺑﻌﺪﻩ ﻳﺠﺮﻱ
.. ﺍﻧﻲ ﺻﺎﺭﻟﻲ ﺳﺎﻋﺔ ﺷﻨﻮ ﺟﻨﺖ ﺍﺣﺠﻲ
ﻳﻌﻨﻲ ﻣﻌﻘﻮﻟﺔ ﺍﻧﺘﻮﺍ ﻟﻬﺎﻱ ﺍﻟﺪﺭﺟﺔ ﻋﻤﻴﺎﻥ ﻭﻣﺘﺸﻮﻓﻮﻥ ﺍﻟﻲ ﺍﻧﺎ ﺍﺷﻮﻓﻪ
ﻫﻮ ﻣﻮ ﺻﻮﺟﻜﻢ ﺻﻮﺟﻲ ﺍﻧﺎ ﺍﻟﻤﻮﺧﻮﺵ ﺍﺩﻣﻲ ﻛﺎﻋﺪ ﺍﺣﺠﻲ ﻭﻳﺎﻛﻢ
ﺧﻠﺔ ﻭﻃﻠﻊ ﻭﻛﻮﺛﺮ ﻃﻠﻌﺖ ﻭﺭﺍﻩ ﺗﺘﻮﺳﻞ ﺑﻲ ﻳﺮﺟﻊ
.. ﻋﻔﻴﺔ ﻗﺎﺳﻢ ﻻﺗﻌﻮﻑ ﺍﻣﻲ ﻭﺗﻄﻠﻊ
ﺗﺮﺓ ﺍﻧﺖ ﺗﻌﺮﻓﻬﺎ ﻛﻠﺶ ﺯﻳﻦ ﻣﻦ ﺗﺤﻠﻒ ﻣﺎ ﺗﺘﻨﺎﺯﻝ ﻋﻦ ﻗﺴﻤﻬﺎ ﻟﻮ ﻋﻠﻰ ﻣﻮﺗﻬﺎ
.. ﻣﺎ ﻋﻠﻴﺞ ﻫﺴﺔ ﻟﻠﻴﻞ ﺭﺍﺡ ﺗﻬﺪﺀ ﻭﺗﺮﺍﺟﻊ ﻧﻔﺴﻬﺎ ﻭﺭﺍﺡ ﺗﻌﺮﻑ ﺑﻨﻔﺴﻬﺎ ﻏﻠﻄﺎﻧﺔ
ﻭﻏﻠﻄﺖ ﺑﺤﻘﻲ ﻭﺗﺘﺨﻠﻰ ﻋﻦ ﺣﻠﻔﺎﻧﻬﺎ
ﻋﻔﻴﺔ ﻣﺎ ﺍﻭﺻﻴﺞ ﺍﻧﺘﺒﻬﻲ ﻋﻠﻴﻬﺎ ﻭﻛﻠﻴﻠﻬﺎ ﺍﺗﺮﺍﺟﻌﻲ ﻋﻦ ﺣﻠﻔﺎﻧﺞ
ﻭﻗﺎﺳﻢ ﻳﺪﻓﻊ ﺍﻟﻜﻔﺎﺭﺓ ﻣﺎﻟﺘﺞ
ﺧﻠﺔ ﻭﻃﻠﻊ ﻭﺑﻌﺪ ﻣﺎ ﺭﺟﻊ
ﻫﺪﻯ
ﻳﻮﻡ ﺛﺎﻧﻲ ﺑﺎﻟﻜﻠﻴﺔ ﺍﺗﺼﻠﺖ ﻋﻠﻰ ﻓﺎﻃﻤﺔ ﻭﻃﻠﺒﺖ ﻣﻨﻬﺎ ﺗﻤﺮ ﻋﻠﻴﺔ ﺑﺎﻟﻜﻠﻴﺔ ﻣﺤﺘﺎﺟﺔ ﺍﺣﺠﻴﻠﻬﺎ ﻋﻦ ﺍﻟﻲ ﺻﺎﺭ ﻭﻳﺎﻱ
ﺧﻠﺺ ﺍﻟﺪﻭﺍﻡ ﻭﺍﻟﺘﻘﻴﺖ ﺑﻴﻬﺎ ﻭﺟﻨﺖ ﻛﻠﺶ ﻣﺨﺘﻨﻜﺔ
ﻓﺎﻃﻤﺔ .. ﺣﻴﻴﻴﻴﻴﻴﻴﻴﻞ ﻫﺬﺍ ﻛﻠﻪ ﺻﺎﺭ ﻭﺍﻧﺎ ﻣﺎ ﻋﻨﺪﻱ ﻋﻠﻢ
.. ﻟﺞ ﺛﻮﻟﺔ ﺍﺫﺍ ﻫﻮ ﺍﻧﻲ ﺍﻡ ﺍﻟﻤﻮﺿﻮﻉ ﻣﺼﺎﻏﻠﻲ ( ﻣﺼﺎﺭﻟﻲ ) ﻫﻮﺍﻱ ﻣﻦ ﻋﻐﻔﺖ ( ﻋﺮﻓﺖ )
ﺗﺮﺩﻳﻦ ﺍﻧﺘﻲ ﺗﻌﺮﻓﻴﻦ
.. ﻭﻫﺴﺔ ﻭﺗﺎﻟﻲ ﺷﺮﺍﺡ ﺗﺴﻮﻳﻦ
.. ﻣﺎ ﺍﻋﻐﻒ ( ﻣﺎﺍﻋﺮﻟﻒ ) ﻛﻠﺒﻲ ﺧﺎﻣﺪ ﻣﻴﻘﺒﻞ ﻳﻨﻄﻴﻨﻲ ﺣﻞ ﺷﻜﻠﻪ ﻣﺴﺘﺴﻠﻢ
ﻭﻋﻘﻠﻲ ﻳﻜﻠﻲ ﻫﻮ ﻣﺎﻛﻮ ﻭﺍﺣﺪ ﺍﺳﻮﺀ ﻣﻦ ﺍﺑﻮﺝ ﻓﻌﺎﺩﻱ ﺍﺗﻘﺒﻠﻲ
ﺍﻟﻮﺿﻊ ﻭﺍﺧﺬﻱ ﺍﻻﻣﻮﺇ ( ﺍﻻﻣﻮﺭ ) ﻋﻠﻰ ﺑﺴﺎﻃﺘﻬﺎ
.. ﺯﻳﻦ ﻣﻌﻘﻮﻟﺔ ﻫﻴﺞ ﺑﻜﻞ ﺳﻬﻮﻟﺔ ﻳﺘﺮﻙ ﺣﺒﻪ ﻟﺮﻫﻒ
ﺑﻌﺪ ﻛﻞ ﺍﻟﻲ ﺳﻤﻌﻨﺎﻩ ﺍﻛﻠﺞ ﻣﺴﺘﺤﻴﻞ ﻳﺘﻨﺎﺯﻝ ﻫﻴﺞ ﺑﻜﻞ ﺳﻬﻮﻟﺔ
ﻻﻥ ﺍﻧﺘﻲ ﻣﺸﻔﺘﻲ ﺍﻟﻲ ﺍﻧﺎ ﺷﻔﺘﻪ ﻣﻦ ﺟﺎﻧﻮﺍ ﺳﻮﻳﺔ ﻳﻢ ﺍﻟﺪﺭﺝ ﺑﻴﻮﻡ ﻓﺎﺗﺤﺔ ﺍﺑﻮ ﻗﺎﺳﻢ
ﻣﺸﻔﺘﻲ ﻧﻈﺮﺍﺕ ﻋﻴﻮﻧﻬﻢ ﺷﻠﻮﻥ ﺟﺎﻧﺖ ﻣﻔﻀﻮﺣﺔ ﺑﺎﻟﺤﺐ
ﺑﺲ ﺍﺗﻮﻗﻊ ﻫﺎﻟﺔ ﺟﺬﺑﺖ ﻣﻦ ﻛﺎﻟﺖ ﻗﺎﺳﻢ ﻣﻮﺍﻓﻖ
ﻫﺪﻯ .. ﻫﻮ ﺍﻧﺎ ﻫﺬﺍ ﻭﺍﺣﺪ ﻣﻦ ﺍﻻﺳﺒﺎﺏ ﺍﻟﻲ ﻣﺨﺒﻠﻨﻲ
ﻭﻣﺨﻠﻴﻨﻲ ﻣﺎ ﺍﺗﻘﺒﻞ ﻓﻜﻐﺔ ( ﻓﻜﺮﺓ ) ﺯﻭﺍﺟﻲ ﻣﻦ ﻗﺎﺳﻢ
ﻋﻠﻰ ﻳﺎ ﺿﻴﻢ ﺍﺗﺰﻭﺟﻪ ﻭﺍﻟﻠﻪ ﻳﻐﺎﻭﻳﻨﻲ ( ﻳﺮﺍﻭﻳﻨﻲ ) ﺍﻟﻨﺠﻮﻡ ﺑﻌﺰ ﺍﻟﻈﻬﻎ ( ﺍﻟﻈﻬﺮ )
ﻭﻛﻮﻟﻲ ﻛﺎﻟﺖ ﻫﺪﻯ
ﺟﻨﺖ ﺍﺣﺠﻲ ﺍﺣﺲ ﺟﺴﻤﻲ ﺍﺭﺗﻌﺪ ﺑﺲ ﻣﺠﺮﺩ ﺍﺗﺨﻴﻠﺖ ﺍﻟﻮﺿﻊ ﺷﻠﻮﻥ ﺭﺍﺡ ﻳﻜﻮﻥ ﺑﻴﻨﻲ ﻭﺑﻴﻨﻪ
.........................
ﺷﻴﻤﺎﺀ
ﺑﺎﻟﻤﺴﺘﺸﻔﻰ ﺑﻌﺪﻣﺎ ﺍﻧﺘﻘﻠﺖ ﺑﻘﺴﻢ ﺍﻟﻨﺴﺎﺋﻴﺔ ﻭﺍﻟﻮﻻﺩﺍﺕ
ﺍﺭﺗﺎﺣﻴﺖ ﻣﻦ ﻣﻀﺎﻳﻘﺎﺕ ﺍﻟﻤﺮﺿﻰ
ﺻﺤﻴﺢ ﻫﺬﺍ ﺍﻟﻘﺴﻢ ﻻﻳﺨﻠﻮ ﻣﻦ ﺍﻟﻤﺸﺎﻛﻞ ﺑﺲ ﺷﻲ ﺍﻫﻮﻥ ﻣﻦ ﺷﻲ
ﺟﻨﺖ ﺍﻣﺸﻲ ﺍﻧﻲ ﻭﺭﺑﺎﺏ ﺳﻮﻳﺔ ﻻﻥ ﺍﻧﻲ ﺍﻧﺘﻘﻠﺖ ﻋﻠﻰ ﻧﻔﺲ ﻗﺴﻢ ﺭﺑﺎﺏ
ﻭﺍﻧﺘﺒﻬﺖ ﻋﻠﻰ ﻧﻔﺲ ﺍﻟﺮﺟﺎﻝ ﻫﺬﺍ ﺍﻟﺸﻬﺮ ﺛﺎﻟﺚ ﻣﺮﺓ ﺍﺷﻮﻓﻪ
ﺣﺠﻴﺖ ﺑﺼﻮﺕ ﻧﺎﺻﻲ ﻭﻳﺔ ﺭﺑﺎﺏ ﻭﺍﻧﻲ ﺍﺑﺎﻭﻉ ﻋﻠﻴﻪ ..
......
ﻣﻌﻘﻮﻟﺔ ﻫﺎﻱ ﺻﺪﻓﺔ ﻫﺬﺍ ﺍﻟﺮﺟﺎﻝ ﺷﻨﻮ ﻋﻨﺪﻩ ﻫﻨﺎ
ﺭﺑﺎﺏ ﺑﺎﻭﻋﺖ ﻋﻠﻰ ﻧﻔﺲ ﺍﻟﻤﻜﺎﻥ ﺍﻟﻲ ﺍﺑﺎﻭﻉ ﻋﻠﻴﻪ
.. ﻳﺎ ﻫﺬﺍ ﻣﻮ ﻧﻔﺴﻪ ﺍﻟﺮﺟﺎﻝ ﺍﻟﻲ ﺍﻧﺪﻋﻤﺘﻲ ﺑﻲ ﺑﺬﺍﻙ ﺍﻟﻴﻮﻡ
.. ﺍﻱ ﻫﻮ ﻧﻔﺴﻪ ﻭﻋﻠﻰ ﻣﺮﺗﻴﻦ ﺍﻟﻜﻔﻪ
ﻳﺒﺎﻭﻉ ﻋﻠﻴﺔ ﻣﻦ ﺑﻌﻴﺪ ﺑﺲ ﺍﻟﺤﻠﻮ ﺑﺎﻟﻤﻮﺿﻮﻉ ﺍﺑﺪ ﻣﺎ ﺍﻗﺘﺮﺏ ﻣﻨﻲ ﺍﻭ ﺍﺗﻮﺍﻛﺢ ﻭﻳﺎﻱ
.. ﺍﻱ ﻫﻮ ﻣﺒﻴﻦ ﻋﻠﻴﺔ ﻣﻦ ﺷﻜﻠﻪ ﻫﻴﺒﺔ ﻭﺷﺨﺼﻴﺔ ﻣﻮ ﻣﺎﻝ ﻭﺍﺣﺪ ﻳﻘﺪﻡ ﻋﻠﻰ ﻫﻴﺞ ﺣﺮﻛﺔ ﺗﻨﺰﻝ ﻣﻦ ﻗﺪﺭﻩ ﻭﻳﺘﻮﺩﺩ ﻭﻳﺰﺣﻒ ﻋﺎﻟﻤﻤﺮﺿﺎﺕ
.. ﺍﻱ ﺻﺤﻴﺢ ﻛﻼﻣﺞ ﺍﺻﻼ ﻣﺒﻴﻦ ﺷﻮﻳﺔ ﻋﻨﺪﻩ ﺍﻧﻔﺔ ﺍﻭ ﺗﻜﺒﺮ
ﺑﺲ ﺗﻌﺎﻱ ﺍﻛﻠﺞ ﻫﺬﺍ ﺷﻨﻮ ﺩﻛﺘﻮﺭ
.. ﻻ ﻻ ﻣﺎ ﺍﺗﻮﻗﻊ ﺷﻜﻠﻪ ﻣﻤﺒﻴﻦ ﻋﻠﻴﻪ ﺩﻛﺘﻮﺭ
ﻣﺘﺸﻮﻓﻲ ﺍﺳﻤﺮ ﻣﻤﻠﻮﺡ ﻭﺧﺸﻦ ﻳﻌﻨﻲ ﺍﻱ ﻧﻌﻮﻣﺔ ﺍﻭ ﻟﻤﺤﺔ ﻟﻠﺪﻛﺘﻮﺭ ﻣﺎﻛﻮ
ﻛﻮﻟﻲ ﻣﻼﻛﻢ ﻟﻮ ﻣﺼﺎﺭﻉ ﺍﻛﻮﻟﺞ ﺻﺢ
ﻓﻠﺘﺖ ﻣﻨﻲ ﺿﺤﻜﺔ ﺑﺲ ﺑﺼﻮﺕ ﻧﺎﺻﻲ ﻭﺍﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ
.. ﺍﻟﻠﻪ ﻳﻠﻌﻨﺞ ﺭﺑﺎﺏ ﻓﺼﺨﻨﺎ ﺍﻟﺮﺟﺎﻝ ﺗﻔﺼﻴﺦ ﺧﻄﻴﺔ
ﺭﻓﻌﺖ ﺭﺍﺳﻲ ﻭﺍﺟﺘﻲ ﻋﻴﻨﻲ ﺑﻌﻴﻨﻪ ﻳﻤﺔ
ﻛﻠﺒﻲ ﻓﻮﺕ ﻧﺒﻀﺔ ﻣﻦ ﻧﺒﻀﺎﺗﻪ
ﻣﺎ ﺍﻋﺮﻑ ﺷﻨﻮ ﺑﻲ ﻫﺬﺍ ﺍﻟﺮﺟﺎﻝ ﺍﻟﻲ ﺧﻼﻧﻲ ﺍﺗﻌﺜﺮ ﺑﻤﺸﻴﺘﻲ
ﻭﺩﺳﺖ ﻋﻠﻰ ﺭﺟﻞ ﺭﺑﺎﺏ ﺧﺮﺏ ﻋﺰﺓ ﺑﻌﻴﻨﻪ ﻣﻮ ﻋﻴﻮﻥ
ﺩﻧﻜﺖ ﻭﺗﺨﺮﺑﻄﺖ ﻛﻠﻲ ﻋﻮﺩ ﻫﺎﻱ ﺍﻧﻲ ﺍﻟﺠﺒﻴﺮﺓ
ﺭﺟﻌﺖ ﺍﺗﻤﺎﻟﻜﺖ ﻧﻔﺴﻲ ﻭﺭﻓﻌﺖ ﺭﺍﺳﻲ ﻭﻣﺎ ﻭﺟﻬﺘﻠﻪ ﺍﻱ ﻧﻈﺮﺓ
ﻭﻛﻤﻠﺖ ﻃﺮﻳﻘﻲ ﻭﺭﺑﺎﺏ ﺗﻤﺸﻲ ﻭﺗﻐﻠﻂ ﻭﺗﺮﺯﻝ ﺑﻴﺔ
.. ﺍﻟﻠﻪ ﻳﻠﻌﻨﺞ ﺣﺸﺔ ﻣﻮ ﺭﺟﻞ ﺷﻨﻮ ﻛﺴﺮﺗﻲ ﻣﺸﻂ ﺍﻟﻘﺪﻡ ﻣﺎﻟﺘﻲ
ﺍﺩﺭﻱ ﺷﻼﺑﺴﺔ ﺣﺬﺍﺀ ﻟﻮ ﻣﺰﺭﻑ ﺯﺭﻓﺘﻲ ﺭﺟﻠﻲ
.. ﺩﻣﺸﻲ ﻭﺍﻟﻠﻪ ﻣﺎ ﺍﻋﺮﻑ ﺷﺼﺎﺭﺑﻴﺔ ﻣﻦ ﺑﺎﻭﻉ ﻋﻠﻴﺔ ﺍﻧﺨﺒﺼﺖ
ﺭﺑﺎﺏ .. ﻫﻨﺎ ﺍﻟﺤﺠﻲ ﻃﻠﻌﺖ ﺍﻻﺧﺖ ﺩﺍﻳﺨﺔ ﺑﻐﻴﺮ ﻭﺍﺩﻱ
ﻭﻻ ﻳﻬﻤﺞ ﺑﺎﺟﺮ ﺍﺟﻴﺒﻠﺞ ﺍﺳﻤﻪ ﻭﺍﺳﻢ ﺍﻣﻪ ﻭﺍﺟﻤﻊ ﻟﺞ ﻣﻌﻠﻮﻣﺎﺕ ﻋﻨﻪ ﺑﻌﺪ ﺷﻨﻮ ﺗﺮﺩﻳﻦ
.. ﻋﺎﺑﺘﻠﺞ ﻫﺴﺔ ﺍﻟﻲ ﻳﺴﻤﻌﺞ ﻳﻜﻮﻝ ﻣﻮﺻﻴﺘﻬﺎ ﺣﺘﻰ ﺗﺴﺎﻝ ﻋﻠﻴﻪ
ﺍﻛﻮﻝ ﺑﺲ ﺻﺪﻙ ﻫﺎﻱ ﺍﻟﻤﺮﻳﺔ ﺍﻟﺠﺒﻴﺮﺓ ﺍﻟﻲ ﻭﻳﺎﻩ ﻣﻨﻮ
.. ﺍﻛﻴﺪ ﺍﻣﻪ
.. ﻻ ﻣﺎ ﺍﺗﻮﻗﻊ ﺍﻣﻪ ﻻﻥ ﻫﺎﻱ ﺍﻟﻤﺮﻳﺔ ﻣﺒﻬﺬﻟﺔ ﻭﺷﻜﻠﻬﺎ ﺗﻌﺒﺎﻥ ﻳﻌﻨﻲ ﺍﺑﺪ ﻣﺎﻛﻮ ﺍﻱ ﺗﺮﺍﺑﻂ ﺑﻴﻦ ﺍﻧﺎﻗﺘﻪ ﻭﺷﻜﻠﻪ ﻭﺑﻴﻦ ﺷﻜﻞ ﺍﻟﻤﺮﻳﺔ ﺍﻟﺘﻌﺒﺎﻥ ﻭﻣﻼﺑﺴﻬﺎ ﺍﻟﺒﺴﻴﻄﺔ
.. ﻭﺍﻟﻠﻪ ﻣﺎ ﺍﻋﺮﻑ ﺷﻨﻮ ﺍﺫﺍ ﺗﺮﺩﻳﻦ ﺍﺳﺄﻟﻬﺎ
.. ﺍﻫﻮ ﺍﻧﺘﻲ ﺷﻠﻮﻥ ﺑﻴﺞ ﻛﻞ ﺣﺠﺎﻳﺔ ﻭﺍﻟﺜﺎﻧﻴﺔ
ﺗﻜﻮﻟﻴﻦ ﺍﺳﺄﻝ ﻫﺴﺔ ﺍﻟﻲ ﻳﺴﻤﻌﺞ ﻳﻜﻮﻝ ﻛﺎﺗﻠﺔ ﺭﻭﺣﻲ ﻋﻠﻴﻪ
ﻫﻮ ﻣﺠﺮﺩ ﻓﻀﻮﻝ ﻭﻣﻦ ﻭﺭﺍﺝ ﻃﻴﺮﺗﻲ ﺍﺑﻮ ﺍﻟﻔﻀﻮﻝ ﻳﺎﻟﻠﻪ ﺍﻣﺸﻲ ﻛﺪﺍﻣﻲ ﻭﺭﺍﻧﺎ ﻛﻮﻣﺔ ﺷﻐﻞ
.. ﺍﻱ ﻧﺴﻴﺖ ﺍﻛﻠﺞ ﺍﻟﺒﺎﺭﺣﺔ ﺷﻔﺖ ﻟﻴﺎﻥ ﻋﻨﺪ ﺍﻟﺪﻛﺘﻮﺭﺓ
ﻭﺑﺲ ﺷﺎﻓﺘﻨﻲ ﻛﺎﻣﺖ ﺗﺨﺰﺭ ﺑﻴﺔ ﺷﻜﻠﻬﺎ ﺑﻌﺪﻫﺎ ﻣﺎ ﻧﺎﺳﻴﺔ
.. ﺧﻠﻴﻬﺎ ﺗﻮﻟﻲ ﻫﺎﻱ ﺣﺸﺮﺓ ﻣﺰﻋﺠﺔ ﺑﺲ ﻏﻴﺮ ﺿﺎﺭﺓ
ﻻﻥ ﻣﺎ ﺗﻜﺪﺭ ﺗﺴﻮﻱ ﺷﻲ ﻏﻴﺮ ﺑﺲ ﺗﺰﻥ ﻋﺎﻻﺫﻥ
........
ﻫﺪﻯ
ﻭﺻﻠﻨﻲ ﺍﻟﺨﻂ ﺑﺮﺍﺱ ﺍﻟﻔﺮﻉ ﻧﺰﻟﺖ
ﻭﺍﺟﺎﻧﻲ ﻋﻼﻭﻱ ﺧﺘﻴﺒﻲ ﺍﻻﺟﻠﺢ ﻳﺮﻛﺾ ﺣﺎﻓﻲ ﻛﺎﻟﻌﺎﺩﺓ
ﻭﻭﻳﺎﻩ ﺟﻤﺎﻋﺘﻪ ﻣﺸﻰ ﺑﺼﻔﻲ ﻭﻫﻮ ﻋﺎﻛﺪ ﺍﻟﺤﻮﺍﺟﺐ ﻭﺿﺎﻳﺞ
.. ﺍﻛﻮﻝ ﻫﺪﻯ ﺻﺪﻙ ﻫﺬﺍ ﺍﻟﺨﺒﺮ ﺍﻟﻲ ﺳﻤﻌﺘﻪ
......
ﻛﻮﻝ ﺷﻨﻮ ﺳﻤﻌﺖ
.. ﻋﺎﻻﺳﺎﺱ ﺍﻧﺘﻲ ﺭﺍﺡ ﺗﻨﺨﻄﺒﻴﻦ ﻳﻮﻡ ﺍﻟﺠﻤﻌﺔ
ﺍﺑﺘﺴﻤﺖ ﺑﺪﺍﺧﻠﻲ ﺷﻮﻑ ﻫﺬﺍ ﺍﻟﻔﺼﻤﺔ ﻋﺎﻳﺶ ﺍﻟﺪﻭﺭ
ﺑﻜﻞ ﻋﻘﻠﻪ ﻳﺤﺠﻲ
.. ﺍﻱ ﺻﺤﻴﺢ ﺭﺍﺡ ﺍﻧﺨﻄﺐ ﻳﻮﻡ ﺍﻟﺠﻤﻌﺔ ﻣﻨﻮ ﻛﻠﻚ
.. ﻣﺎ ﻋﻠﻴﺞ ﻣﻨﻮ ﻛﻠﻲ ﺍﻧﺎ ﻋﺮﻓﺖ ﻣﻦ ﻭﺣﺪﻱ
ﺟﺎﻥ ﻻﺯﻡ ﺑﻴﺪﻩ ﻋﺼﺎ ﺳﻮﺩﺓ ﺷﻜﻠﻬﺎ ﺻﻮﻧﺪﺓ ﻣﺠﺎﺭﻱ ﻗﻮﻳﺔ ﻭﺩﺍﺧﻠﻬﺎ ﺧﺸﺒﺔ
ﻣﺎﻋﺮﻑ ﻣﻨﻴﻦ ﻳﺠﻴﺐ ﻫﺎﻱ ﺍﻟﺨﺰﻋﺒﻼﺕ
ﺟﺎﻥ ﻳﻤﺸﻲ ﻣﺜﻞ ﺍﻟﺸﻘﺎﻭﺓ
ﻭﻛﻌﺪ ﻳﺤﺠﻲ ﺑﻐﻀﺐ ﻭﻳﻬﺪﺩ
.. ﺷﻮﻓﻲ ﻫﺪﻯ ﺳﻤﻌﻴﻨﻲ ﺯﻳﻦ ﻣﻮ ﺗﻜﻮﻟﻴﻦ ﻋﻼﻭﻱ ﻣﺎﻛﺎﻝ
ﺧﺮﺏ ﻭﺍﻟﻠﻪ ﺭﺍﺡ ﺍﻓﻄﺲ ﻣﻦ ﺍﻟﻀﺤﻚ ﻳﺤﺠﻲ ﻭﺳﻨﻮﻧﻪ ﻣﻜﺸﺮﻫﻦ ﺟﻨﻪ ﺍﺭﻧﺐ
.. ﻻ ﺗﻀﺤﻜﻴﻦ ﺗﺮﺓ ﺍﻧﺎ ﺟﺎﻱ ﺍﺣﺠﻲ ﺻﺪﻙ
ﺧﺎﻑ ﺫﺍﻙ ﺷﻤﺮﺕ ﻋﻠﻴﻪ ﺣﺼﻮﺓ ﻭﺷﺮﺩ
ﻭﺩﺍﻋﺘﺞ ﻫﺬﺍ ﺍﻟﺜﺎﻧﻲ ﺍﻓﻠﺶ ﺳﻴﺎﺭﺗﻪ ﻭﻛﻮﻟﻲ ﻋﻼﻭﻱ ﻛﺎﻝ
ﻭﺻﻠﺖ ﻳﻢ ﺑﻴﺘﻨﺎ ﻭﺟﺎﻥ ﻋﻼﻭﻱ ﺿﺎﻳﺞ ﻭﻛﻌﺪﺕ ﺍﻭﺍﺳﻲ ﺑﻲ
.. ﻭﻟﻚ ﻋﻼﻭﻱ ﺍﻧﺖ ﺍﻟﺮﻭﺡ ﻭﺍﻟﺮﻳﺔ ﺑﺲ ﺍﻧﺖ ﻭﺑﺲ ﻭﺍﻟﺒﺎﻗﻲ ﺧﺲ
ﺑﻴﻤﻦ ﺗﺮﻳﺪ ﺍﺣﻠﻔﻠﻚ ﺍﺑﻮﻱ ﻏﺼﺒﻨﻲ ﻋﻠﻰ ﻫﺬﺍ ﺍﻟﺰﻭﺍﺝ
.. ﻣﺎ ﻋﻠﻴﺞ ﺍﻧﺎ ﺍﻃﻴﺮﻩ ﺍﻟﺞ ﺧﻠﻲ ﻋﻠﻴﺔ
ﺿﺤﻜﺖ ﻭﺍﻟﻠﻪ ﺍﺗﻤﻨﻴﺖ ﺗﻔﻜﻴﺮﻱ ﺣﺮ ﻣﺜﻞ ﺗﻔﻜﻴﺮ ﻋﻼﻭﻱ
ﺟﺎﻥ ﻫﻮﺍﻱ ﺍﻣﻮﺭ ﺑﺤﻴﺎﺗﻲ ﺍﺗﻐﻴﺮﺕ ﻭﺗﺼﻴﺮ ﺳﻬﻞ ﺣﻤﻠﻬﻦ
ﺍﻗﺘﺮﺑﺖ ﻣﻦ ﻳﻢ ﺑﻴﺘﻨﺎ ﻭﺷﻬﻜﺖ
ﻭﻋﻼﻭﻱ ﺑﺎﻭﻉ ﻋﻠﻴﺔ ﻳﺘﺴﺎﺋﻞ
ﻫﺎﻱ ﺳﻴﺎﺭﺓ ﺳﻴﻒ ﺍﻟﻨﺎﻗﺺ ﺷﻴﺴﻮﻱ ﻫﻨﺎ ﺟﺎﻱ ﻋﺪﻧﺎ ﺍﻟﻠﻪ ﻳﺎﺧﺬﻩ
ﺳﺄﻟﻨﻲ ﻋﻼﻭﻱ
.. ﺷﻨﻮ ﺷﺒﻴﺞ
ﺟﺎﻭﺑﺘﻪ ﻭﺑﺎﻟﻲ ﻣﺸﺪﻭﻩ
.. ﻫﺎ ﻫﻴﺞ ﻛﻠﺸﻲ ﻣﺎﻛﻮ
ﺟﻨﺖ ﺍﻣﺸﻲ ﻭﺍﺗﻘﺪﻣﺖ ﺍﺭﻳﺪ ﺍﺩﺧﻞ ﻟﺒﻴﺘﻨﺎ ﺑﺲ ﻓﺠﺎﺀﺓ
ﺍﺗﺮﺑﻊ ﺍﻟﺸﻴﻄﺎﻥ ﺑﺮﺍﺳﻲ
ﺑﺎﻭﻋﺖ ﻋﻠﻰ ﻋﻼﻭﻱ ﻭﺟﻤﺎﻋﺘﻪ
ﻭﺣﺠﻴﺖ ﺑﻤﺴﻜﻨﺔ
.. ﺧﺮﺏ ﻟﻚ ﻋﻼﻭﻱ ﺍﻟﺤﻜﻠﻲ ﻫﺎﻱ ﺳﻴﺎﺭﺓ ﺧﻄﻴﺒﻲ ﺍﻭﻭﻭﻭﻭﻑ
ﻫﺬﺍ ﺷﺠﺎﺑﻪ ﻫﻨﺎ ﺭﻓﻌﺖ ﺭﺍﺳﻲ ﻟﻠﺴﻤﺎﺀ ﺍﺩﻋﻲ
ﻳﺎﺭﺑﻲ ﺷﻮﻛﺖ ﺗﺨﻠﺼﻨﻲ ﻣﻨﻪ
ﻋﻼﻭﻱ .. ﺭﻭﺣﻲ ﻓﻮﺗﻲ ﻟﻠﺒﻴﺖ ﻣﺎ ﻋﻠﻴﺞ ﻻ ﺗﻀﻮﺟﻴﻦ
ﺟﺎﻥ ﻳﺤﺠﻲ ﻻﺯﻡ ﺍﻟﻌﺼﺎ ﺍﻟﺴﻮﺩﺓ ﺑﺄﻳﺪ ﻭﻳﻀﺮﺏ ﺑﻴﻬﺎ ﺑﺎﻻﻳﺪ
ﺍﻟﺜﺎﻧﻴﺔ ﻣﺜﻞ ﻣﺪﻳﺮ ﺍﻟﻤﺪﺭﺳﺔ ﻣﻦ ﻳﺮﻳﺪ ﻳﻌﺎﻗﺐ ﻃﺎﻟﺐ
ﻫﻴﺞ ﺟﺎﻥ ﺷﻜﻠﻪ ﻭﺍﻟﻨﻴﺔ ﻭﺍﺿﺤﺔ ﻣﻦ ﻋﻴﻮﻧﻪ
.. ﺍﻟﻠﻪ ﻳﺨﻠﻴﻚ ﺍﻟﻲ ﻳﺎ ﺣﺰﺍﻡ ﻇﻬﺮﻱ ﻳﺎ ﻋﻼﻭﻱ ﺍﻟﺒﻄﻞ
ﺗﺮﻛﺘﻪ ﻭﺩﺧﻠﺖ ﺟﻮﺓ ﻟﻠﺒﻴﺖ ﻟﻜﻴﺖ
ﺿﺤﻰ ﺑﺎﻟﻤﻄﺒﺦ ﺗﻔﺮﻙ ﺍﻳﺪﻫﺎ ﺑﺘﻮﺗﺮ ﻭﺷﻴﻤﺎﺀ ﻭﺍﻛﻔﺔ
ﺗﺼﺐ ﺍﻟﺠﺎﻱ ﻭﻋﻤﻮ ﺍﻣﺠﺪ ﻭﺍﻛﻒ ﻳﻤﻬﺎ ﻳﺮﻳﺪ ﻳﺎﺧﺬﻩ
ﺍﺧﺬ ﺍﻟﺼﻴﻨﻴﺔ ﻭﻃﻠﻊ
ﺑﺎﻭﻋﺖ ﻟﻀﺤﻰ ﻭﺣﺠﻴﺖ
.. ﺷﻨﻮ ﺳﻴﻒ ﺍﺟﺔ ﻫﻨﺎ
ﺟﺎﻭﺑﺘﻨﻲ ﺑﺎﺭﺗﺒﺎﻙ
.. ﺍﻱ ﺭﺍﻳﺢ ﻟﻌﻤﻮ ﺍﻣﺠﺪ ﻳﺮﻳﺪﻩ ﻳﺘﻮﺳﻄﻠﻪ ﺣﺘﻰ ﻳﺮﺟﻌﻨﻲ
ﻟﻠﺒﻴﺖ ﻭﺍﻧﻲ ﻣﻴﺘﺔ ﺧﻮﻑ ﻣﺎ ﺍﺭﻳﺪ ﺍﺭﺟﻊ
.. ﻻ ﺗﺮﺟﻌﻴﻦ ﻣﺎ ﻣﺠﺒﻮﺭﺓ ﻇﻠﻲ ﻫﻨﺎ ﺍﺣﺴﻨﻠﺞ ﻣﻌﺰﺯﺓ ﻭﻣﻜﺮﻣﺔ
ﺳﻠﻴﻤﺔ ﻃﻔﺮﺕ ﻣﻦ ﻳﻤﻬﺎ
.. ﺷﻨﻮ ﻫﻮ ﺍﻧﺘﻲ ﺑﻜﻴﻔﺞ ﺗﺒﻘﻴﻬﺎ ﻫﻨﺎ
ﻫﻲ ﻫﺎﻱ ﺍﻟﻨﺎﻗﺼﺔ ﺑﻘﺖ ﺑﺲ ﺗﺘﻄﻠﻚ ﻭﺗﻜﻌﺪ ﺑﺒﻴﺘﻲ
ﻣﻮ ﻛﺎﻓﻲ ﺍﻟﻲ ﺟﺎﻱ ﺍﺷﻮﻓﻪ ﻣﻨﻜﻢ ﻭﻣﻦ ﺍﺑﻮﻛﻢ ﻛﻞ ﻳﻮﻡ ﻣﺼﻴﺒﺔ
ﺧﻠﻴﻬﺎ ﺗﺮﺟﻊ ﻟﺒﻴﺖ ﺭﺟﻠﻬﺎ ﻻ ﺗﺸﺠﻌﻴﻨﻬﺎ ﺗﻜﻌﺪ ﻫﻨﺎ
ﺗﺮﺓ ﺍﻟﻠﻪ ﻭﻛﻴﻠﻜﻢ ﻛﻮﺓ ﻣﺘﺤﻤﻠﺘﻜﻢ ﻣﻮ ﻛﺎﻋﺪﺓ ﺗﻌﺰﻣﻴﻦ ﺑﺮﺍﺳﻲ
.....
ﺟﺎﻧﺖ ﺳﻠﻴﻤﺔ ﺗﺤﺠﻲ ﻭﻣﺎ ﻧﺴﻤﻊ ﺍﻻ ﺻﻮﺕ ﺻﻴﺎﺡ
ﻭﺿﺮﺑﺔ ﻗﻮﻳﺔ ﻭﺍﺗﺒﻌﻬﺎ ﺻﻮﺕ ﺗﻜﺴﻴﺮ
ﻭﺑﻌﺪﻫﺎ ﺍﺻﻮﺍﺕ ﺻﻴﺎﺡ ﺍﻟﺠﻬﺎﻝ ﺗﺘﺮﺍﻛﺾ ﺑﺸﺎﺭﻋﻨﺎ
ﻳﻘﻠﺪﻭﻥ ﺻﻮﺕ ﺳﻴﺎﺭﺓ ﺍﻟﺸﺮﻃﺔ
ﺑﻠﺤﻨﻬﺎ
ﻭﻱ .. ﻭﻱ .. ﻭﻱ .. ﻭﻱ
ﺑﺎﻭﻋﺖ ﻣﻦ ﺑﺎﺏ ﺍﻟﻤﻄﺒﺦ ﻭﺷﻔﺖ ﺳﻴﻒ ﻃﻜﻬﺎ ﺭﻛﻀﺔ ﻭﻓﺘﺢ ﺑﺎﺏ ﺍﻟﺸﺎﺭﻉ
ﺣﺒﺴﺖ ﺍﻻﻧﻔﺎﺱ ﺑﻠﺤﻈﺔ ﺻﻤﺖ
ﺑﻌﺪﻫﺎ ﺍﺗﺒﻌﻬﺎ ﺻﻮﺕ ﺍﻧﻔﺠﺎﺭ ﺍﻟﻐﻀﺐ ﺍﻟﺴﺎﻃﻊ
ﻣﺎ ﺍﺳﻤﻊ ﻏﻴﺮ ﺑﺲ
ﺻﻮﺕ ﻛﻔﺮﺍﻥ ﺳﻴﻒ ﻭﺍﻟﺴﺐ ﻭﺍﻟﻐﻠﻂ ﻭﻋﻤﻮ ﺍﻣﺠﺪ ﻃﻠﻊ
ﻭﺭﺍﻩ ﻳﺮﻳﺪ ﻳﻌﺮﻑ ﺷﻜﻮ ﺷﺼﺎﻳﺮ
ﺍﺳﻤﻊ ﺍﻣﺠﺪ ﻳﺼﻴﺢ ﻋﺎﻟﺠﻬﺎﻝ ﻳﺴﺄﻟﻬﻢ ﻫﺬﺍ ﻣﻨﻮ ﻓﻠﺶ ﺟﺎﻡ ﺍﻟﺴﻴﺎﺭﺓ
ﺍﻧﻲ ﺳﻤﻌﺖ ﻛﺎﻝ ﺟﺎﻡ ﺍﻟﺴﻴﺎﺭﺓ ﺍﺗﻔﻠﺶ ﻭﺍﻧﺎ ﺣﺴﻴﺖ ﺑﻤﺎﻱ ﺑﺎﺭﺩ ﻧﺰﻝ ﻋﻠﻰ ﻛﻠﺒﻲ
ﺍﻱ ﻣﻮ ﻫﺎﻱ ﺍﻟﺴﻴﺎﺭﺓ ﺍﻟﻲ ﻛﺴﺮ ﺍﺧﺘﻲ ﻭﺷﻤﺮﻫﺎ ﻋﻠﻴﻨﺎ ﻋﻠﻤﻮﺩﻫﺎ
ﺧﻠﻲ ﻳﻔﺮﻓﺢ ﻭﻳﺠﺮﺏ ﻟﻮﻋﺔ ﺣﺮﻛﺔ ﻛﻠﺒﻨﺎ ﻣﻦ ﻳﻨﻀﺮﺏ ﺷﻲ ﻋﺰﻳﺰ ﻋﻨﺪﻩ
ﺻﻔﻜﺖ ﺑﻜﻞ ﻓﺨﺮ ﻭﺍﻟﺘﻔﺘﺖ
ﺟﺎﻥ ﺍﺷﻮﻑ ﺳﻠﻴﻤﺔ ﻭﺷﻴﻤﺎﺀ ﻭﺿﺤﻰ ﻭﺍﻛﻔﺎﺕ ﻭﺭﺍﻱ ﻭﺍﻟﻌﻴﻮﻥ ﻣﺴﻠﻄﺔ ﺑﺸﻚ ﻋﻠﻴﺔ
ﻭﺍﻟﺴﺆﺍﻝ ﺟﺎﻥ ﻭﺍﺿﺢ ﺑﻌﻴﻮﻧﻬﻢ
ﺍﺑﺘﺴﻤﺖ ﺍﺑﺘﺴﺎﻣﺔ ﻣﺎﻝ ﻭﺍﺣﺪ ﺻﺎﺩﻭﻩ
ﺣﺠﻴﺖ ﺑﺪﻓﺎﻉ
.. ﻫﻬﻬﻬﻬﻬﻬﻪ ﺍﻧﻲ ﻣﺴﻮﻳﺖ ﺷﻲ ﻻ ﺗﺒﺎﻭﻋﻮﻥ ﻋﻠﻴﺔ ﻫﻴﺞ ﺟﻨﻲ ﻣﺠﺮﻡ
ﺷﻴﻤﺎﺀ ﺑﺸﻚ .. ﻫﺪﻯ ﻣﻨﻮ ﻭﺭﺓ ﺗﻜﺴﻴﺮ ﺍﻟﺠﺎﻡ
.. ﻭﺍﻧﻲ ﺷﻜﻮ ﺩﺗﺴﺄﻟﻨﻲ ﻗﺎﺑﻞ ﺟﺪﻳﺪﺓ ﻋﻠﻰ ﺍﺣﻤﺪ ﺭﺍﺿﻲ
ﺍﺷﻮ ﺟﻬﺎﻝ ﺍﻟﻤﻨﻄﻘﺔ ﻛﻞ ﻳﻮﻡ ﻛﺎﺳﺮﻳﻦ ﻛﻠﻮﺏ ﻟﻮ ﺷﺒﺎﻙ
ﻫﺴﺔ ﺑﻘﺖ ﻋﻠﻰ ﺳﻴﺎﺭﺓ ﻫﺬﺍ ﺍﻟﺤﻘﻴﺮ
ﻫﻮ ﺍﻟﻔﺮﻉ ﺻﻐﻴﺮ ﻭﻛﻮﺓ ﺗﺪﺧﻞ ﺍﻟﺴﻴﺎﺭﺓ ﺷﻜﻮ ﻣﺪﺧﻠﻬﺎ
ﻭﺻﺎﻓﻬﺎ ﻳﻢ ﺍﻟﺒﺎﺏ ﺑﻌﺪ ﺧﻠﻲ ﻳﺪﺧﻠﻬﺎ ﻟﻠﻬﻮﻝ ﻣﻮ ﺍﺣﺴﻦ
ﻋﻔﺘﻬﻢ ﻭﺍﻧﻲ ﺍﻫﺰ ﺑﻴﺪﻱ
.. ﺗﻬﻲ ﺑﻬﻲ ﻭﺍﻟﻠﻪ ﻧﺎﺱ ﻋﻄﻼﻧﺔ
ﺑﻌﺪﻫﺎ ﺳﻴﻒ ﺍﻟﺘﻬﺔ ﺑﺴﻴﺎﺭﺗﻪ ﻭﻧﺴﻰ ﺳﺎﻟﻔﺔ ﺿﺤﻰ
ﻭﺍﺧﺬ ﺍﻟﺴﻴﺎﺭﺓ ﻭﺭﺍﺡ ﻳﺼﻠﺤﻬﺎ ﻋﺒﺎﻟﻚ ﻣﻮ ﺳﻴﺎﺭﺓ ﻣﻜﺴﺮﺓ
ﺍﻟﻲ ﻳﻜﻮﻝ ﻭﺍﺣﺪ ﻣﻦ ﺟﻬﺎﻟﻪ . ﻣﻀﺮﻭﺏ ﻋﻤﺔ ﺑﻌﻴﻨﻪ
ﺑﺲ ﻫﻤﺰﻳﻦ . ﻋﺎﻑ ﺿﺤﻰ ﻫﻨﺎ ﻭﻣﺎ ﺍﺧﺬﻫﺎ
............
ﻫﺎﻟﺔ
ﺍﺑﺎﻭﻉ ﻟﺨﻮﺍﺗﻲ ﻛﺎﻋﺪﺍﺕ ﺑﺎﻟﻬﻮﺍﻝ ﻭﺣﺪﺓ ﺗﺒﺎﻭﻉ ﻟﻠﺜﺎﻧﻴﺔ
ﻭﻻ ﻭﺣﺪﺓ ﺑﻴﻨﺎ ﻛﺪﺭﺕ ﺗﻘﻨﻊ ﺍﻣﻲ ﺗﺎﻛﻞ ﺍﻭ ﺗﺎﺧﺬ ﻋﻼﺟﻬﺎ
ﻣﻨﻰ .. ﻳﻌﻨﻲ ﺷﻨﻮ ﺭﺍﺡ ﺗﺒﻘﻰ ﻋﻠﻰ ﻫﺬﺍ ﺍﻟﻮﺿﻊ ﻣﻌﻘﻮﻟﺔ ﺍﻣﻲ
ﺍﺗﺄﺫﻱ ﻧﻔﺴﻬﺎ ﻋﻠﻤﻮﺩ ﺗﻤﺸﻲ ﺍﻟﻲ ﺑﺮﺍﺳﻬﺎ
ﻫﺎﻟﺔ .. ﻻ ﻣﻨﻰ ﺍﻣﻲ ﺯﻋﻼﻧﺔ ﻣﻦ ﻗﺎﺳﻢ ﻻﻥ ﺍﻟﺒﺎﺭﺣﺔ ﻋﻠﺔ ﺻﻮﺗﻪ ﻋﻠﻴﻬﺎ
ﻭﻋﺼﺐ ﻭﺿﻞ ﻳﺤﺠﻲ ﻭﻫﻲ ﺍﺳﺘﻬﻀﻤﺖ ﺗﻌﺮﻓﻴﻦ ﺑﻴﻬﺎ
ﻭﺿﻴﻔﻲ ﻓﻮﻛﺎﻫﺎ ﻋﻨﻴﺪﺓ ﻭﻫﻲ ﺣﻠﻔﺖ ﻭﺑﻌﺪ ﻋﻨﺪﺝ ﺍﻟﺤﺴﺎﺏ
ﻛﻮﺛﺮ .. ﻳﻌﻨﻲ ﺍﻣﻲ ﻣﻦ ﺍﻟﺒﺎﺭﺣﺔ ﺩﺧﻠﺖ ﻟﻐﺮﻓﺘﻬﺎ ﻭﻣﺘﻘﺒﻞ ﺗﻄﻠﻊ ﻣﻨﻬﺎ
ﺷﻠﻮﻥ ﺑﺎﻟﻠﻪ ﺍﺣﻨﺎ ﺷﻨﻮ ﺫﻧﺒﻨﺎ ﺗﻌﻴﺸﻨﺎ ﺑﺨﻮﻑ ﻋﻠﻴﻬﺎ
ﻫﺎﻟﺔ .. ﺳﻜﺘﻲ ﻗﺎﺳﻢ ﻛﻞ ﺷﻮﻳﺔ ﻳﺘﺼﻞ ﻋﻠﻴﺔ ﻳﺘﻄﻤﻦ ﻋﻠﻴﻬﺎ ﻭﻳﺴﺄﻟﻨﻲ ﺍﻛﻠﺖ ﻟﻮ ﺑﻌﺪﻫﺎ
ﻭﻧﻮﺏ ﻫﻲ ﻋﻨﺪﻫﺎ ﺍﻟﺴﻜﺮ
ﺍﺧﺎﻑ ﻳﺼﻴﺮ ﻋﺪﻫﺎ ﻫﺒﻮﻁ ﻣﻦ ﻣﺎ ﺗﺎﻛﻞ
ﻭﺍﻟﻠﻪ ﻳﺎﺭﺑﻲ ﻫﺎﻱ ﻭﻳﻦ ﺟﺎﻧﺖ ﺍﻟﻨﺔ ﺍﻟﻤﺼﻴﺒﺔ
ﺧﻠﺺ ﺍﻟﻴﻮﻡ ﻭﺻﺎﺭﺕ ﺍﻟﺴﺎﻋﺔ ﺑﺎ٩ ﺑﺎﻟﻠﻴﻞ
ﻭﻗﺎﺳﻢ ﺍﺗﺼﻞ ﻋﻠﻴﺔ ﻭﻛﻠﻲ ﻻ ﺗﺴﻮﻳﻦ ﻋﺸﺎ ﺍﻧﻲ ﺟﺎﻱ ﻭﺟﺎﻳﺐ ﺍﻟﻌﺸﺎ ﻭﺍﺷﻮﻑ ﺑﺎﻟﻠﻪ ﺷﻠﻮﻥ ﻣﺘﺎﻛﻞ
ﺩﺧﻞ ﻟﻠﺒﻴﺖ ﻭﺟﻬﻪ ﻣﺪﺧﻦ ﺍﺩﺭﻱ ﺑﻲ ﻧﻘﻄﺔ ﺿﻌﻔﻪ ﺍﻣﻲ ﺑﺲ ﻣﺎ ﻳﻘﺒﻞ ﻳﺨﻀﻊ ﺍﻭ ﻳﺘﻨﺎﺯﻝ ﻟﻘﺮﺍﺭﻫﺎ
ﻻﻥ ﻳﻌﺘﺒﺮ ﻃﻠﺒﻬﺎ ﺻﻌﺐ ﺗﻨﻔﻴﺬﻩ
ﻳﻤﻜﻦ ﻟﻮ ﺗﻄﻠﺐ ﺭﻭﺣﻪ ﻳﻨﻄﻴﻬﺎ ﺑﻜﻞ ﺳﻬﻮﻟﺔ
ﺑﺲ ﻣﺎﻝ ﻳﺘﺰﻭﺝ ﺑﻨﺖ ﺍﺛﻴﺮ ﻫﺎﻱ ﻫﻮﺍﻱ ﻋﻠﻴﻪ
ﺍﻧﻄﺎﻧﻲ ﻋﻼﻛﺔ ﺍﻻﻛﻞ ﻭﻛﻠﻲ ﺣﻄﻴﻬﻢ ﺑﺼﻴﻨﻴﺔ ﻭﺟﻴﺒﻬﻢ ﻭﺭﺍﻱ ﻟﻐﺮﻓﺔ ﺍﻣﻲ
ﺣﻀﺮﺕ ﺍﻟﺼﻴﻨﻴﺔ ﻭﺻﺒﻴﺖ ﺍﻻﻛﻞ
ﺟﺎﻥ ﺟﺎﻳﺐ ﺷﻮﺭﺑﺔ ﻭﻛﺒﺎﺏ ﻭﻣﻌﻼﻙ ﻭﺗﻜﺔ ﻭﻣﻘﺒﻼﺕ ﻭﺧﺒﺰ ﺣﺎﺭ ﻭﻋﺼﻴﺮ ﺑﺮﺗﻘﺎﻝ
ﺩﺧﻠﺖ ﻟﻠﻐﺮﻓﺔ ﻟﻜﻴﺖ ﻗﺎﺳﻢ ﻛﺎﻋﺪ ﻳﻢ ﺭﺟﻠﻴﻦ ﺍﻣﻲ
ﻭﻫﻲ ﺟﺎﻧﺖ ﻛﺎﻋﺪﺓ ﻋﻠﻰ ﺳﺮﻳﺮﻫﺎ ﻭﺩﺍﻳﺮﺓ ﻭﺟﻬﺎ ﻣﻦ ﻋﻨﺪﻩ
ﺟﺎﻥ ﻳﺤﺠﻲ ﻭﻳﺎﻫﺎ ﻭﻫﻲ ﻣﺘﺮﺩ ﻋﻠﻴﻪ ﻭﻻ ﻛﺄﻧﻤﺎ ﻭﺍﺣﺪ ﺩﻳﺤﺠﻲ ﻭﻳﺎﻫﺎ
ﺣﻂ ﺍﻳﺪﻩ ﻋﻠﻰ ﻟﺤﻴﺘﻪ ﺑﻐﻴﺾ ﻭﺍﺗﻠﻤﺴﻬﺎ
ﺍﺷﺮﻟﻲ ﺍﻗﺮﺏ ﺍﻟﺼﻴﻨﻴﺔ ﻭﺣﻄﺎﻫﺔ ﻛﺪﺍﻡ ﺍﻣﻲ ﻭﺍﺗﺮﺟﺎﻫﺎ
.. ﻳﻤﺔ ﺍﺑﻮﺱ ﺍﻳﺪﺝ ﻭﺍﺣﻂ ﻧﻌﺎﻟﺞ ﻋﻠﻰ ﺭﺍﺳﻲ ﻛﻠﺸﻲ ﻃﻠﺒﻲ ﻣﻨﻲ
ﺣﺘﻰ ﻟﻮ ﺗﻄﻠﺒﻴﻦ ﺭﻭﺣﻲ ﺗﺮﺧﺼﻠﺞ ﺍﻻ ﻫﺬﺍ ﺍﻟﻄﻠﺐ ﻣﺎ ﺍﻛﺪﺭ ﻋﻠﻴﻪ ﻭﺍﻟﻠﻪ ﻫﻮﺍﻱ ﻋﻠﻴﺔ
ﻣﺠﺎﻭﺑﺘﻪ ﺍﻣﻲ
.. ﻳﻤﺔ ﻟﻴﺶ ﺗﻤﺘﺤﻨﻴﻨﻲ ﺑﻴﺞ ﻭﺗﻨﺰﻟﻴﻦ ﻏﻀﺐ ﺍﻟﻠﻪ ﻋﻠﻴﺔ
ﺑﺰﻋﻠﺞ ﺷﻠﻮﻥ ﺍﻫﻮﻥ ﻋﻠﻴﺞ ﺍﺗﻌﺬﺏ
ﺑﻘﺖ ﻋﻠﻰ ﻧﻔﺲ ﻭﺿﻌﻬﺎ ﻣﺮﺩﺕ ﻋﻠﻴﻪ
ﺍﺑﺎﻭﻉ ﻋﻠﻴﻪ ﻣﺪ ﺍﻳﺪﻩ ﻋﻠﻰ ﻛﻼﺹ ﺍﻟﻌﺼﻴﺮ ﻭﺷﺎﻟﻪ ﻭﻗﺮﺑﻪ ﻣﻦ ﺷﻔﺎﻳﻔﻬﺎ
.. ﻳﻤﺔ ﺍﺭﻭﺣﻠﺞ ﻓﺪﻭﺓ ﺷﺮﺑﻲ ﺍﻟﻌﺼﻴﺮ
ﻻ ﻳﻬﺒﻂ ﻋﻨﺪﺝ ﺍﻟﺴﻜﺮ ﻭﺍﺫﺍ ﻋﻠﻰ ﺍﻟﺤﻠﻔﺎﻥ ﺍﻧﻲ ﺍﺩﻓﻊ ﻛﻔﺎﺭﺓ
ﻋﻨﻪ ﺑﺲ ﺍﻛﻠﻲ ﺩﻓﻌﺖ ﺍﻳﺪﻩ ﺑﻐﻀﺐ ﻭﻛﺎﻣﺖ ﻣﻦ ﻣﻜﺎﻧﻬﺎ
ﻭﻣﺸﺖ ﺗﺮﻳﺪ ﺗﻄﻠﻊ ﺑﺲ ﻣﻊ ﺍﻻﺳﻒ ﻣﺎ ﻟﺤﻜﺖ ﺗﻄﻠﻊ
ﺟﺎﻧﺖ ﺗﻤﺸﻲ ﻭﻫﻲ ﺗﺮﺟﻒ
ﻋﺮﻓﺖ ﺍﻣﻲ ﻫﺎﺑﻂ ﻋﻨﺪﻫﺎ ﺍﻟﺴﻜﺮ ﻭﻫﺎﻱ ﺍﻟﺤﺮﻛﺔ
ﺩﺍﺧﺖ ﻭﺍﻏﻤﻰ ﻋﻠﻴﻬﺎ
ﻗﺎﺳﻢ ﻧﻬﺾ ﻣﻔﺰﻭﻉ ﻭﻭﺟﻬﻪ ﻣﺨﻄﻮﻑ ﻟﻮﻧﻪ
.. ﻳﻮﻭﻭﻭﻡ
......
ﻫﺎﻟﺔ
ﻭﻛﻌﺖ ﺍﻣﻲ ﻛﺪﺍﻡ ﻋﻴﻮﻧﻨﺎ ﻭﻗﺎﺳﻢ
ﺻﺎﺡ ﺑﺼﻮﺕ ﻣﻔﺰﻭﻉ ﻋﻠﻰ ﺍﻣﻲ ﻭﺭﻛﺾ ﻋﻠﻴﻬﺎ
.. ﻳﻮﻭﻭﻭﻭﻡ
ﺍﻧﻲ ﻭﺧﻮﺍﺗﻲ ﺻﺮﻧﺎ ﻭﺣﺪﺓ ﺗﺪﻋﻢ ﺑﺎﻟﺜﺎﻧﻴﺔ
ﻛﻮﺛﺮ ﺑﺨﻮﻑ ﻋﻠﻰ ﺍﻣﻬﺎ
.. ﻟﻚ ﻗﺎﺳﻢ ﺍﻣﻲ ﺭﺍﺡ ﺗﺮﻭﺡ ﻣﻦ ﺑﻴﻦ ﺍﻳﺪﻳﻨﺎ ﻛﻠﺔ ﻣﻦ ﻭﺭﺍﻙ
ﻫﺴﺔ ﺍﺭﺗﺎﺣﻴﺖ ﺷﻠﻮﻥ ﻫﻴﺞ ﺗﺼﻴﺢ ﻋﻠﻴﻬﺎ
ﻗﺎﺳﻢ ﺟﺎﻥ ﺭﺍﻛﻊ ﻳﻢ ﺍﻣﻲ ﻭﺍﻫﺘﻤﺎﻣﻪ ﻛﻠﻪ ﻣﻨﺼﻮﺏ ﻋﻠﻴﻬﺎ
ﻳﺼﺤﻲ ﺑﻴﻬﺎ ﻭﺍﻟﺨﻮﻑ ﻣﺎﺧﺬ ﻋﻘﻠﻪ
ﺍﻧﻲ ﻋﻔﺘﻬﻢ ﺭﺣﺖ ﺭﻛﺾ ﺟﺒﺖ ﻗﻄﻌﺔ ﺳﻜﺮ ﻣﻜﻌﺒﺔ ﻭﺣﻄﻴﺘﻬﺎ ﺟﻮﺓ ﻟﺴﺎﻧﻬﺎ
ﺍﻣﻲ ﻋﺪﻫﺎ ﺳﻜﺮ ﻣﻦ ﺗﻌﺼﺐ ﻭﻣﻮﻋﺪ ﺍﻛﻠﻬﺎ ﻳﻔﻮﺕ ﻭﻣﺘﺎﻛﻞ ﻭﺗﻈﻞ ﺟﻮﻋﺎﻧﻪ
ﺍﻣﻲ ﻳﻬﺒﻂ ﻋﻨﺪﻫﺎ ﺍﻟﺴﻜﺮ ﻭﺗﻜﻮﻡ ﺗﺮﺟﻒ ﻭﺗﺪﻭﺥ
ﻭﻫﻲ ﻣﺎﺧﺬﻩ ﺍﺣﺘﻴﺎﻁ ﺣﺎﻃﻪ ﻳﻤﻬﺎ ﺩﺍﺋﻤﺎ ﻗﻄﻊ ﺳﻜﺮ ﺗﺤﻄﻬﺎ ﺟﻮﺓ ﻟﺴﺎﻧﻬﺎ ﺣﺘﻰ ﻳﺼﻌﺪ ﻋﺪﻫﺎ
ﻭﺭﺍﺳﺎ ﺗﺎﻛﻞ ﺑﺲ ﻫﻲ ﺍﻟﻴﻮﻡ ﺯﻋﻼﻧﻪ ﻣﻦ ﻗﺎﺳﻢ ﻣﺘﻮﻗﻌﺘﻪ ﻫﻴﺞ ﻳﺼﻴﺢ ﻋﻠﻴﻬﺎ
ﻫﻲ ﻋﺒﺎﻟﻬﺎ ﺭﺍﺡ ﻳﻜﻮﻝ ﻣﺎﺭﻳﺪ ﻭﻳﺘﺨﺒﻞ ﻭﻳﻄﻠﻊ ﻣﻦ ﺍﻟﺒﻴﺖ ﻭﺟﺎﺑﺖ ﺍﺧﻮﺍﺗﻲ
ﺣﺘﻰ ﻟﻴﺨﻠﻮﺍ ﻳﻄﻠﻊ ﻭﻫﻲ ﺗﺰﻋﻞ ﺷﻮﻳﺔ ﻭﻳﺎﻩ ﻳﻌﻨﻲ
ﻫﻮﻳﻀﻮﺝ ﻻﻥ ﻣﺘﻌﻮﺩ ﻋﻠﻴﻬﺎ ﻭﻣﻴﻜﺪﺭ ﺑﻠﻴﺎﻫﺎ
ﻫﺬﺍ ﺗﺨﻄﻴﻄﻬﺎ
ﻗﺎﺳﻢ ﺷﺎﻟﻬﺎ ﻭﺣﻄﻬﺎ ﻋﺎﻟﺴﺮﻳﺮ ﻭﻣﻨﻰ ﺩﺗﻤﺴﺢ ﻋﻠﻰ ﻭﺟﻬﻬﺎ ﻭﻛﻮﺛﺮ ﺗﻔﺮﻙ ﺑﺼﺪﺭﻫﺎ
ﺷﻮﻳﺔ ﺑﺪﺕ ﺍﻣﻲ ﺗﺴﺘﺮﺩ ﺍﻟﻮﻋﻲ ﺗﻔﺘﺢ ﻋﻴﻮﻧﻬﺎ ﻭﺗﺮﺟﻊ ﺗﻐﻤﻀﻬﻢ ﺩﺍﻳﺨﺔ
ﻗﺎﺳﻢ ﺻﺎﺡ ﻋﻠﻰ ﻫﺪﻳﻞ ﻳﺴﺘﻌﺠﻠﻬﺎ
.. ﺟﻴﺒﻲ ﻋﺒﺎﻳﺔ ﺍﻣﻲ ﺧﻠﻲ ﺍﺧﺬﻫﺎ ﻟﻠﻤﺴﺘﺸﻔﻰً
ﻳﺎﻟﻠﻪ ﺑﺴﺮﻋﺔ ﺍﺗﺤﺮﻛﻲ
ﺍﻣﻲ ﻫﻤﺴﺖ ﺑﺘﻌﺐ ﺗﺤﺠﻲ ﻭﻳﺔ ﻣﻨﻰ
.. ﻛﻮﻟﻲ ﻷﺧﻮﺝ ﻣﻴﺤﺘﺎﺝ ﻳﺎﺧﺬﻧﻲ ﻟﻠﻤﺴﺘﺸﻔﻰ ﻣﺎ ﺑﻴﺔ ﺷﻲ
ﺍﻧﻲ ﻣﺘﻌﻮﺩﺓ ﻋﻠﻰ ﻫﺒﻮﻁ ﺍﻟﺴﻜﺮ ﻣﻮ ﺟﺪﻳﺪﺓ ﻋﻠﻴﺔ
ﺣﺠﻴﺖ ﺧﺎﻳﻔﺔ ﻋﻠﻴﻬﺎ
.. ﺍﻱ ﻳﻤﺔ ﺻﺤﻴﺢ ﺍﻧﺘﻲ ﻣﺘﻌﻮﺩﺓ ﻋﻠﻰ ﻫﺒﻮﻁ ﺍﻟﺴﻜﺮ ﺑﺲ ﺟﻨﺘﻲ ﺩﺍﺋﻤﺎ ﺗﺘﻼﺣﻜﻴﻦ ﻟﺮﻭﺣﺞ ﻭﺗﺎﺧﺬﻳﻦ ﺣﻠﻮ ﻣﻮ ﺗﻌﻮﻓﻴﻦ ﻧﻔﺴﺞ
ﻭﻫﺎﻱ ﺍﻭﻝ ﻣﺮﺓ ﺗﺼﻴﺮ ﻋﻨﺪﺝ ﺣﺎﻟﺔ ﺍﻏﻤﺎﺀ
ﻗﺎﺳﻢ ﻛﺎﻡ ﻣﻦ ﻣﻜﺎﻧﻪ
.. ﺷﻮﻓﻲ ﻳﻤﺔ ﺍﺧﺬﺝ ﻟﻠﻤﺴﺘﺸﻔﻰ ﻟﻮ ﺍﻋﺮﻑ ﺍﺷﻴﻠﺞ ﻭﺣﻄﺞ ﺑﺎﻟﺴﻴﺎﺭﺓ ﺑﺎﻟﻜﻮﺓ
ﺍﺗﺠﻪ ﻋﻠﻴﻬﺎ ﻭﺍﻗﺘﺮﺏ ﻣﻨﻬﺎ ﻳﺮﻳﺪ ﻳﺸﻴﻠﻬﺎ
ﺣﺠﺖ ﺑﻐﻴﺾ ﻭﻳﺔ ﻣﻨﻰ .. ﻣﻨﻰ ﻛﻠﻴﻠﻪ ﻣﻴﺤﺘﺎﺝ ﻳﺸﻴﻠﻨﻲ ﻭﻳﻌﺮﺽ ﻋﻀﻼﺗﻪ ﻋﻠﻴﺔ
ﻣﺜﻞ ﻣﺎﺑﻴﻦ ﻗﻮﺓ ﺻﻮﺗﻪ ﺍﻧﻲ ﺍﻛﺪﺭ ﺍﻣﺸﻲ
ﻛﺎﻣﺖ ﻧﺒﻊ ﺍﻟﺤﻨﺎﻥ ﺑﻤﺴﺎﻋﺪﺓ ﻣﻨﻰ ﻭﻛﻮﺛﺮ
ﻭﻟﺒﺴﻮﻫﺎ ﺍﻟﻌﺒﺎﻳﺔ ﻭﻣﺸﺖ ﻋﻠﻰ ﻛﻴﻒ ﻭﺍﻧﻲ ﻭﻣﻨﻰ ﺳﺎﻧﺪﺍﺗﻬﺎ
ﺭﺍﺡ ﻗﺎﺳﻢ ﻗﺒﻠﻨﺎ ﻭﺷﻐﻞ ﺍﻟﺴﻴﺎﺭﺓ ﺧﻄﻴﺔ
ﺟﺎﻥ ﻗﺎﺳﻢ ﻣﺨﺒﻮﺹ ﻣﺎ ﺩﺍﻳﻘﺘﻨﻊ ﺍﻣﻲ ﻣﺒﻴﻬﺎ ﺷﻲ
ﻭﺻﻠﻨﺎ ﻟﻠﻤﺴﺘﺸﻔﻰ ﻭﺭﺓ ﻓﺘﺮﺓ ﺑﻌﺪﻣﺎ ﻛﻤﻠﻨﺎ ﺍﻟﻔﺤﻮﺻﺎﺕ ﻭﺍﻟﺘﺤﺎﻟﻴﻞ ﻭﺷﺎﻓﻬﺎ ﺍﻟﺪﻛﺘﻮﺭ
ﻛﺎﻝ
.. ﺣﺠﻴﺔ ﻫﺎﻱ ﺷﻨﻮ ﺍﻟﺴﻜﺮ ﻋﻨﺪﺝ ﻛﻠﺶ ﻫﺎﺑﻂ
ﺷﻨﻮ ﻟﻴﺶ ﻫﻴﺞ ﻧﺎﺳﻴﺔ ﻧﻔﺴﺞ ﺍﻧﺘﻲ ﻣﻮ ﺗﻌﺮﻓﻴﻦ ﻋﻨﺪﺝ ﺳﻜﺮ ﺍﻟﻤﻔﺮﻭﺽ ﻣﺎﺧﺬﺓ ﺍﺣﺘﻴﺎﻃﺎﺗﺞ
ﺍﻛﻠﺞ ﻣﻨﺘﻈﻢ ﺩﻭﺍﺝ ﻣﻨﺘﻈﻢ ﺷﻠﻮﻥ ﺗﺎﺧﺬﻳﻦ ﺍﻟﺪﻭﺓ ﺑﺪﻭﻥ ﻣﺘﺎﻛﻠﺒﻦ
ﺍﻟﺤﻤﺪﻟﻠﻪ ﻣﺼﺎﺭﺕ ﺷﻐﻠﻪ ﺍﻛﺒﺮ
ﺑﺎﻭﻋﻠﻬﺎ ﻗﺎﺳﻢ ﺑﻐﻴﺾ
ﻛﻤﻞ ﺍﻟﺪﻛﺘﻮﺭ ﻛﻼﻣﻪ
ﻭﺑﺎﻭﻉ ﻋﻠﻴﻨﺎ ﺍﻧﻲ ﻭﻗﺎﺳﻢ ﻭﻭﻛﻤﻞ
.. ﺳﻤﻌﻮﻧﻲ ﺯﻳﻦ ﻻﺯﻡ ﺗﻨﺘﺒﻬﻮﻥ ﻋﻠﻴﻬﺎ
ﺩﻳﺮﻭﺍ ﺑﺎﻟﻜﻢ ﻋﻠﻰ ﺍﻛﻠﻬﺎ ﻭﺷﺮﺑﻬﺎ ﻭﺣﺎﻟﺘﻬﺎ ﺍﻟﻨﻔﺴﻴﻪ
.....
ﻻﻥ ﺍﺫﺍ ﺟﺘﻬﺎ ﺍﻟﺤﺎﻟﺔ ﻭﻫﻲ ﻧﺎﻳﻤﻪ
ﻣﺘﻜﺪﺭ ﺗﺘﺤﺮﻙ ﻭﺗﺪﺧﻞ ﻏﻴﺒﻮﺑﻪ ﻭﺗﺮﻭﺡ ﺑﻴﻬﺎ
ﻫﺬﺍ ﺍﻟﻜﻼﻡ ﺍﻟﺞ ﻫﻢ ﺣﺠﻴﻪ ﺣﺘﻰ ﺗﺪﻳﺮﻳﻦ ﺑﺎﻟﺞ
ﺑﺎﻭﻉ ﻻﻣﻲ ﻭﻛﺎﻝ
.. ﺣﺠﻴﺔ ﻻ ﺗﺴﺘﻬﺎﻧﻴﻦ ﺑﺼﺤﺘﺞ ﻫﻮ ﺍﻧﺘﻲ ﺷﻨﻮ ﻋﻨﺪﺝ
ﺣﺘﻰ ﺗﻨﺴﻴﻦ ﻧﻔﺴﺞ ﺑﺎﻻﻛﻞ ﻭﺍﻟﻌﻼﺝ
ﺍﻡ ﻗﺎﺳﻢ ﺟﺮﺕ ﺣﺴﺮﺓ ﻭﺣﺠﺖ ﻭﻳﺔ ﺍﻟﺪﻛﺘﻮﺭ ﺑﺘﻌﺐ
.. ﻭﺍﻟﻠﻪ ﻳﺎ ﻳﻤﺔ ﺷﺴﻮﻱ ﺑﺎﻟﺼﺤﺔ ﺍﺫﺍ ﻫﻲ ﺍﻟﺪﻧﻴﺎ ﺗﻤﺸﻲ ﻭﻳﺎﻱ ﻛﻠﺔ ﺑﺎﻟﻌﻜﺲ
ﺧﻠﻲ ﺭﺑﻲ ﻳﺎﺧﺬ ﺍﻣﺎﻧﺘﻪ ﻭﺍﺭﺗﺎﺡ
ﻋﻠﻰ ﺍﻻﻗﻞ ﻣﻴﺘﺔ ﻻ ﻋﻴﻨﻲ ﺍﻟﺘﺸﻮﻑ ﻭﻻ ﻛﻠﺒﻲ ﺍﻟﻴﺤﺘﺮﻙ
ﻗﺎﺳﻢ ﺑﻐﻴﺾ .. ﻳﻤﺔ ﺷﻜﻠﺞ ﻣﺴﺘﻌﺠﻠﺔ ﺗﺸﻮﻓﻴﻨﻲ ﻣﻴﺖ
ﺍﺑﺘﺴﻢ ﺍﻟﺪﻛﺘﻮﺭ
.. ﺻﻠﻮ ﻋﺎﻟﻨﺒﻲ
ﻭﺍﻟﺘﻔﺖ ﻷﻡ ﻗﺎﺳﻢ
.. ﺣﺠﻴﺔ ﺍﻧﺘﻲ ﺍﻟﺨﻴﺮ ﻭﺍﻟﺒﺮﻛﺔ
ﻭﺑﺎﻭﻉ ﻟﻘﺎﺳﻢ
.. ﻭﺍﻧﺖ ﺍﺑﻮ ﺍﻟﺸﺒﺎﺏ ﻣﺎ ﺍﻭﺻﻴﻚ ﻫﻠﻠﻪ ﻫﻠﻠﻪ ﺑﺎﻟﺤﺠﻴﺔ
ﺷﻜﻠﻚ ﺷﺎﻟﻊ ﻛﻠﺒﻬﺎ ﺍﺭﻳﺪﻋﻴﻨﻚ ﻋﻠﻴﻬﺎ
ﻗﺎﺳﻢ ﻧﺰﻝ ﺍﻛﺘﺎﻓﻪ ﺑﺄﺳﺘﺴﻼﻡ ﻭﺣﺠﺔ ﺑﺼﻮﺕ ﻭﺍﻫﻦ
.. ﻫﺎﻱ ﻫﻲ ﺩﻛﺘﻮﺭ ﻣﻨﺎ ﻭﺭﺍﻳﺢ ﺍﻧﺎ ﺍﻟﻲ ﺭﺍﺡ ﺍﻛﻮﻥ ﻣﺴﺆﻝ ﻋﻠﻰ ﺍﻛﻠﻬﺎ ﻭﺷﺮﺑﻬﺎ ﺑﻴﺪﻱ
ﻭﻣﺎ ﺭﺍﺡ ﺍﺧﻠﻴﻬﺎ ﺗﻮﺻﻞ ﻟﻬﺎﻱ ﺍﻟﻤﺮﺣﻠﺔ
ﺣﺠﺔ ﺍﻟﻜﻠﻤﺔ ﺍﻻﺧﻴﺮ ﺑﻐﻴﺾ
ﺑﻌﺪﻣﺎ ﺧﻠﺼﻮﺍ ﻛﻞ ﺍﻟﻔﺤﻮﺻﺎﺕ ﻭﺍﻃﻤﻨﻮﺍ ﻋﻠﻰ ﺍﻣﻬﻢ
ﻗﺎﺳﻢ ﺑﺪﺕ ﺗﺼﺮﻓﺎﺗﻪ ﺗﺘﻐﻴﺮ ﺑﺎﻟﺘﺪﺭﻳﺞ
ﻭﺗﺤﻮﻝ ﻣﻦ ﺍﻟﺨﻮﻑ ﻭﺍﻟﺮﻋﺐ ﻋﻠﻰ ﺻﺤﺔ ﺍﻣﻪ ﺍﻟﻰ
ﺑﺮﻭﺩ ﻭﺗﺒﺎﻋﺪ
ﻃﻠﻌﻨﺎ ﻣﻦ ﺍﻟﻤﺴﺘﺸﻔﻰ
ﻭﺑﺎﻟﻄﺮﻳﻖ ﻧﺰﻝ ﺍﺷﺘﺮﺓ ﺑﻘﻼﻭﺓ ﻭﺣﺠﺔ ﻭﻳﺔ ﻫﺎﻟﺔ
.. ﻫﺎﺝ ﻟﺰﻣﻲ ﻫﺎﻱ ﺧﻠﻴﻬﺎ ﻟﻠﺤﺠﻴﺔ ﺣﺘﻰ ﺗﺎﻛﻠﻬﺎ
ﻗﻄﻌﺘﻴﻦ ﻣﻮ ﻫﻮﺍﻳﻪ
ﻫﺎﻟﺔ
ﻋﺰﺓ ﺻﺎﺭﺕ ﺑﻴﻬﺎ ﺣﺠﻴﺔ
ﺍﻟﻠﻪ ﻳﻌﻠﻢ ﻗﺎﺳﻢ ﻋﻠﻰ ﺷﻨﻮ ﻧﺎﻭﻱ
ﻭﺻﻠﻨﺎ ﻟﻠﺒﻴﺖ ﻭﻟﻜﻴﻨﺎ ﺍﻟﺒﻨﺎﺕ ﻭﺟﻬﺎﻟﻬﻢ ﻣﻨﺘﻈﺮﻳﻦ ﻳﻢ ﺍﻟﺒﺎﺏ
ﻧﺰﻝ ﻗﺎﺳﻢ ﻭﺍﺟﺔ ﺍﻟﻌﻢ ﺣﺴﻨﻴﻦ
ﻳﺮﻛﺾ
.. ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ ﻳﺎﺣﮕﺔ ﻣﺘﺸﻮﻓﻴﺶ ﺷﺮ
.. ﺍﻟﻠﻪ ﻳﺴﻠﻤﻚ ﺣﺴﻨﻴﻦ
ﻗﺎﺳﻢ ﺍﻧﻄﺎﻩ ﺳﻮﻳﺞ ﺍﻟﺴﻴﺎﺭﺓ ﺣﺘﻰ ﻳﺪﺧﻠﻬﺎ ﻭﺍﻟﺒﻨﺎﺕ
ﺍﺧﺬﻥ ﺍﻣﻲ ﻭﻛﻌﺪﻥ ﻳﺤﻀﻨﻦ ﺑﻴﻬﺎ ﻋﺒﺎﻟﻚ ﺟﺎﻧﺖ ﻣﺴﺎﻓﺮﺓ
ﻭﺟﻬﺎﻟﻬﻢ ﻧﻔﺲ ﺍﻟﺤﺎﻟﺔ
ﻳﻘﻠﺪﻭﻥ ﺍﻣﻬﺎﺗﻬﻢ ﻳﺤﻀﻨﻮﻥ ﺑﺄﻡ ﻗﺎﺳﻢ
ﺍﻡ ﻗﺎﺳﻢ .. ﻛﻞ ﺷﻮﻳﺔ ﻭﺣﺪﺓ ﻋﺎﺻﺮﺗﻨﻲ ﺑﺤﻀﻨﻬﺎ ﺷﺒﻴﻜﻢ
ﺗﺮﺓ ﻣﺎ ﺑﻴﺔ ﺷﻲ ﻫﻴﺎﺗﻨﻲ ﻛﺪﺍﻣﻜﻢ ﻣﺎ ﻣﺘﺖ
ﻛﻮﺛﺮ ﺗﻤﺴﺢ ﺑﺪﻣﻮﻋﻬﺎ .. ﻳﻤﺔ ﻭﺍﻟﻠﻪ ﻭﻛﻌﺘﻲ ﻛﻠﺒﻨﺎ ﻋﻠﻴﺞ
ﻣﻨﻰ .. ﻳﺎﺭﺏ ﺗﻨﺬﻛﺮ ﻣﺎ ﺗﻨﻌﺎﺩ
ﺩﺧﻠﻨﺎ ﻣﻦ ﺑﺎﺏ ﺍﻟﻤﻄﺒﺦ ﻭﻓﺘﻨﺎ ﻋﺎﻟﺼﺎﻟﺔ
ﻭﺍﻟﺒﻨﺎﺕ ﻻﺯﻣﺎﺕ ﺍﻳﺪ ﺍﻣﻲ
ﻣﻨﻰ .. ﻳﻤﺔ ﺗﻌﺎﻟﻲ ﺍﺭﺗﺎﺣﻲ ﺑﻐﺮﻓﺘﺞ
ﺍﺗﻮﺟﻬﻨﺎ ﻛﻠﻨﺎ ﻧﺮﻳﺪ ﻧﺪﺧﻞ ﻟﻠﻐﺮﻓﺔ
ﻭﻛﻔﻨﺎ ﺻﻮﺕ ﻗﺎﺳﻢ
.. ﺑﻨﺎﺕ ﻟﺤﻈﺔ ﻗﺒﻞ ﻻ ﺗﺪﺧﻠﻮﻥ ﺍﻟﺤﺠﻴﺔ ﻟﻐﺮﻓﺘﻬﺎ
ﻋﻨﺪﻱ ﻛﻼﻡ ﻭﺍﺭﻳﺪ ﺍﻟﻜﻞ ﻳﺴﻤﻌﻪ
ﺍﻟﺘﻔﺘﻨﺎ ﺑﺎﻭﻋﻨﺎ ﻋﻠﻴﻪ ﻭﺭﺟﻌﻨﺎ ﻟﻠﺼﺎﻟﺔ ﻭﺍﻣﻲ ﻛﻌﺪﺕ ﻋﻠﻰ ﺍﻗﺮﺏ ﻗﻨﻔﺔ ﻋﻠﻴﻬﺎ
ﻭﺑﻘﻮﺍ ﺍﻟﺒﻨﺎﺕ ﻭﺍﻛﻔﺎﺕ ﻭﺍﻟﺠﻬﺎﻝ ﺩﻳﻠﻌﺒﻮﻥ ﺑﺮﺓ ﻭﺑﺎﻗﻴﺔ ﺑﺲ ﺑﻨﺖ ﻣﻨﻰ ﺩﺗﺰﺣﻒ ﺑﺎﻟﻜﺎﻉ
ﻭﺍﻛﻒ ﻣﺜﻞ ﺍﻟﺠﺒﻞ ﻭﺟﻬﻪ ﻣﺎ ﻳﻜﺼﻪ ﺍﻟﺴﻴﻒ
ﺣﺠﺔ ﺑﻜﻞ ﺑﺮﻭﺩ ﻣﻮﺟﻪ ﻛﻼﻣﻪ ﻷﻣﻪ
.....
ﺷﻮﻓﻲ ﺣﺠﻴﺔ ﺍﻟﻲ ﺻﺎﺭ ﺍﻟﻴﻮﻡ ﻋﻠﻤﻨﻲ ﺩﺭﺱ
ﻭﺧﻼﻧﻲ ﺍﻋﻴﺪ ﺣﺴﺎﺑﺎﺗﻲ ﻭﻳﺎﺝ ﺍﻟﻒ ﻣﺮﺓ
ﻣﺎ ﺟﻨﺖ ﺍﺿﻦ ﺑﻴﻮﻡ
ﻫﻴﺞ ﺭﻭﺣﻲ ﻋﻨﺪﺝ ﻫﻴﻨﺔ ﻭﺍﻧﺘﻲ ﺍﻟﻴﻮﻡ ﻟﺰﻣﺘﻴﻨﻲ ﻣﻦ ﺍﻳﺪﻱ ﺍﻟﺘﻮﺟﻌﻨﻲ
ﻫﺬﺍ ﻫﻮ ﺣﺠﻴﺔ ﺧﻼﺹ ﻳﺠﺮﺍﻟﺞ ﺍﻟﺘﺮﺩﻳﻨﻪ
ﺭﺍﺡ ﺍﺗﺼﻞ ﻋﻠﻰ ﻋﻤﺎﻣﻲ ﻳﺴﻮﻭﻥ ﺣﺴﺎﺑﻬﻢ
ﻋﻠﻰ ﻳﻮﻡ ﺍﻟﺠﻤﻌﺔ ﺍﻟﺨﻄﺒﺔ ﻭﺍﻟﺰﻭﺍﺝ ﻭﺭﺓ ﺍﺳﺒﻮﻋﻴﻦ
ﺑﺲ ﻳﻜﻮﻥ ﺑﻤﻌﻠﻮﻣﺞ ﺑﻌﺪﻧﻲ ﻋﻠﻰ ﻧﻔﺲ ﺣﺠﺎﻳﺘﻲ
ﺑﻨﺖ ﻋﻤﻲ ﻣﺤﻤﺪ ﺗﺒﻘﻰ ﺍﻟﻲ ﻭﺍﺗﺰﻭﺟﻬﺎ ﻟﻮ ﺟﺎﻥ ﺍﺧﺮ ﻳﻮﻡ ﺑﺤﻴﺎﺗﻲ
ﺍﻡ ﻗﺎﺳﻢ ﺑﻘﺖ ﺻﺎﻣﺪﺓ ﻭﺍﺑﺪ ﻣﺎ ﻻﻧﺖ ﺣﺘﻰ ﺑﻌﺪ ﻣﺎ
ﺳﻤﻌﺖ ﻣﻮﺍﻓﻘﺘﻪ ﻋﺎﻟﺰﻭﺍﺝ ﺟﺎﻧﺖ ﺻﺎﺩﺓ ﻭﺟﻬﻬﺎ ﻋﻨﻪ
ﺍﻟﺒﻨﺎﺕ ﺟﺮﻭﺍ ﺍﻧﻔﺎﺳﻬﻢ ﺑﺮﺍﺣﺔ
ﻭﻫﺎﻟﺔ ﺍﻧﺸﻚ ﺍﻟﺤﻠﻚ ﻭﻛﻮﺛﺮ ﻛﺎﻣﺖ ﺑﺎﺳﺖ ﻛﺘﻒ ﻗﺎﺳﻢ
ﻛﻮﺛﺮ .. ﺍﻟﻠﻪ ﻳﺨﻠﻴﻚ ﺍﻟﻨﺔ ﻭﻳﻔﺮﺣﻚ ﻣﺜﻠﻤﺎ ﺗﻔﺮﺣﻨﺎ
ﻣﻨﻰ .. ﻗﺴﻮﻣﻲ ﺍﻟﻒ ﻣﺒﺮﻭﻙ
ﺑﺎﻭﻉ ﻋﻠﻴﻬﻦ ﺑﺒﺮﻭﺩ ﻭﺩﺍﺭ ﻭﺟﻬﻪ ﻭﺧﻠﺔ ﻭﻃﻠﻊ
ﻭﺍﻡ ﻗﺎﺳﻢ ﺭﺟﻌﺖ ﺭﺍﺳﻬﺎ ﻋﻠﻰ ﻭﺭﺓ ﻭﺗﺠﺘﻪ ﻋﺎﻟﻘﻨﻔﺔ ﻭﻏﻤﻀﺖ ﻋﻴﻮﻧﻬﺎ ﺑﺮﺍﺣﺔ
ﻭﺟﻬﺔ ﺑﺪﺓ ﻳﺴﺘﺮﺩ ﻟﻮﻧﻪ
ﺭﺟﻌﺖ ﻓﺘﺤﺖ ﻋﻴﻮﻧﻬﺎ ﻭﺑﺎﻭﻋﺖ ﻟﺒﻨﺎﺗﻬﺎ
ﻛﻮﺛﺮ .. ﺩﺧﻴﻞ ﺍﻟﻠﻪ ﺷﻜﺪ ﻋﻨﻮﺩﻱ
ﻣﻨﻰ .. ﻳﺎﻟﻠﻪ ﻋﻠﻰ ﺍﻻﻗﻞ ﻛﺪﺭﻧﺎ ﻧﺎﺧﺬ ﻣﻨﻪ ﺍﻟﻤﻮﺍﻓﻘﺔ
ﻫﺎﻟﺔ .. ﺷﻮﻑ ﻫﺬﻧﻲ ﻭﺍﻟﻠﻪ ﺑﻄﺮﺍﻧﺎﺕ ﻭﻟﻜﻢ ﺟﻨﻜﻢ ﻧﺴﻴﺘﻮﺍ ﻗﺎﺳﻢ ﺍﺧﻮﻛﻢ
ﻛﻠﺸﻲ ﻭﻻ ﻭﺍﺣﺪ ﻳﻐﺼﺒﻪ ﻋﻠﻰ ﺷﻲ
ﺍﻡ ﻗﺎﺳﻢ ﺑﺼﻮﺕ ﺗﻌﺒﺎﻥ .. ﻣﻨﻰ ﻳﻤﺔ ﺗﻌﺎﻟﻲ ﺍﺧﺬﻳﻨﻲ ﻟﻐﺮﻓﺘﻲ
ﺍﺭﻳﺪ ﺍﺭﺗﺎﺡ
...........
ﺷﻴﻤﺎﺀ ..
ﺍﻟﻴﻮﻡ ﺍﻟﻤﺴﺘﺸﻔﻰ ﺧﺒﺼﺔ ﻭﻻﻥ ﺟﺎﻳﻴﻦ ﻭﻓﺪ ﻣﻦ ﺍﻟﺨﺎﺭﺝ
ﻳﺮﺩﻭﻥ ﻳﺸﺮﻓﻮﻥ ﻋﻠﻰ ﺍﻟﻤﺴﺘﺸﻔﻰ ﻭﺍﻟﺘﺠﻬﻴﺰﺍﺕ ﺍﻟﻄﺒﻴﺔ
ﺍﻧﺘﺒﻬﺖ ﻋﻠﻰ ﻧﻔﺲ ﺍﻟﺮﺟﺎﻝ ﺩﻳﻤﺸﻲ ﻭﻳﺤﺠﻲ ﻭﻳﺎﻫﻢ
ﻣﺎ ﺍﻧﺘﺒﻪ ﻋﻠﻴﺔ ﻣﻦ ﻓﺎﺗﻮﺍ ﻣﻦ ﻳﻤﻲ ﺑﺲ ﺍﻧﻲ ﻣﺎ ﺍﺩﺭﻱ ﺷﺒﻴﺔ
ﻣﻦ ﺍﺷﻮﻓﻪ ﺍﻭﻛﻒ ﻣﺘﺼﻨﻤﺔ ﺑﻤﻜﺎﻧﻲ ﺻﺤﻴﺖ ﻣﻦ ﺻﻔﻨﺘﻲ
ﻭﺭﺗﺒﺖ ﻧﻔﺴﻲ ﻭﻋﺪﻟﺖ ﺍﻟﺼﺪﺭﻳﺔ ﺍﻟﺒﻴﻀﺔ ﻣﺎﻟﺘﻲ
ﻭﺭﺣﺖ ﺍﻛﻤﻞ ﺍﻟﻤﻨﺎﻭﺑﺔ
ﺍﺣﻠﻰ ﺷﻲ ﺑﻬﺬﺍ ﺍﻟﺪﻭﺍﻡ ﺍﻟﺠﺪﻳﺪ ﺍﻥ ﺍﻧﻲ ﺻﺮﺕ ﺍﻛﺜﺮ ﺍﺗﺼﺎﻝ ﻭﻳﺔ ﺭﺑﺎﺏ
ﻳﻌﻨﻲ ﺍﻻﺧﺖ ﻛﻞ ﺷﻮﻳﺔ ﺍﻟﻜﺎﻫﺔ ﻓﻮﻙ ﺭﺍﺳﻲ
ﺍﺿﺎﻓﺔ ﺍﻟﻰ ﻣﻐﺎﻣﺮﺍﺕ ﺍﻟﻮﻻﺩﺓ ﻭﺍﻟﻨﺴﻮﺍﻥ ﻋﺎﻟﻢ ﻣﺴﺘﺤﻴﻞ
ﺗﺤﺲ ﺑﺎﻟﻤﻠﻞ ﺍﻭ ﺍﻟﺮﻭﺗﻴﻦ ﻛﻞ ﻳﻮﻡ ﻧﺴﻤﻊ ﺣﺪﺙ ﺍﻭ ﺧﺒﺮ
ﻏﺮﻳﺐ ﻋﺠﻴﺐ
ﻭﺭﺓ ﺳﺎﻋﺘﻴﻦ
ﺟﻨﺖ ﺩﺍ ﺍﻋﻠﻚ ﺍﻟﻤﻐﺬﻱ ﻟﻠﻤﺮﻳﺔ ﺣﺎﻣﻞ ﻫﺎﺑﻂ ﻋﻨﺪﻫﺎ ﺍﻟﻀﻐﻂ
ﻭﺍﺟﺘﻨﻲ ﺭﺑﺎﺏ ﻣﺴﺘﻌﺠﻠﺔ
ﺻﺎﺣﺘﻨﻲ ﻣﺒﻴﻦ ﻋﻨﺪﻫﺎ ﺷﻲ
ﺭﺣﺖ ﻳﻤﻬﺎ .. ﻫﺎ ﺧﻴﺮﺝ ﺭﺑﺎﺏ
ﺭﺑﺎﺏ ﺑﺎﻭﻋﺖ ﻣﻨﺎ ﻭﻣﻨﺎ ﻭﺣﺠﺖ ﺑﺼﻮﺕ ﻧﺎﺻﻲ
.. ﺷﻮﻓﻲ ﺷﻴﻤﺎﺀ ﻫﺴﺔ ﺗﻌﻮﻓﻴﻦ ﺍﻟﻲ ﺑﻴﺪﺝ ﻭﺗﺠﻴﻦ ﻭﻳﺎﻱ
.. ﺍﺟﻲ ﻭﻳﺎﺝ ﻋﻠﻰ ﻭﻳﻦ
.. ﻟﺞ ﺣﺼﻠﺘﻠﺞ ﻋﻠﻰ ﻓﺮﺻﺔ ﺍﻻ ﺑﺸﺪﺓ
.. ﻫﺴﺔ ﻫﻲ ﻏﻴﺮ ﺗﺤﺠﻲ ﺷﻨﻮ ﺍﻟﻤﻮﺿﻮﻉ
ﺭﺑﺎﺏ .. ﺍﻧﺎ ﺍﻛﻠﺞ ﺷﻮﻓﻲ ﺣﺒﻴﺒﺔ ﺻﺎﺣﺒﻨﺎ ﺍﻟﺸﺨﺼﻴﺔ
ﻋﻘﺪﺕ ﺣﻮﺍﺟﺒﻲ ﺍﺭﻳﺪ ﺍﻋﺮﻑ ﺗﻘﺼﺪ ﻣﻨﻮ ﺍﺷﻮ ﺍﺣﻨﺎ ﻛﻞ ﻳﻮﻡ ﻛﺎﺻﺎﺕ ﻭﺍﺣﺪ ﺑﺎﻟﺤﺠﻲ
.. ﻣﻨﻮ ﺍﺑﻮ ﺍﻟﺸﺨﺼﻴﺔ
.. ﺧﺎﺏ ﺍﻣﺪﺍﻧﻲ ﻟﺞ ﻫﺬﺍ ﺍﻟﻲ ﺍﻧﺪﻋﻤﺘﻲ ﺍﻧﺘﻲ ﻭﻳﺎﻩ
.. ﻫﺎﺍﺍﺍﺍﺍ ﺍﻱ ﻋﺮﻓﺘﻪ ﻫﺬﺍ ﻗﺒﻞ ﺳﺎﻋﺘﻴﻦ ﺷﻔﺘﻪ ﻋﺪﺓ ﻣﻨﺎ
ﺟﺎﻥ ﻳﺤﺠﻲ ﻭﻳﺔ ﺍﻟﻮﻓﺪ ﺍﻟﻤﻬﻢ ﺷﺒﻲ
......
ﺷﻮﻓﻲ ﺧﻴﺔ ﺍﺭﻳﺪﺝ ﺗﻔﺘﺤﻴﻦ ﺍﺫﺍﻧﺎﺗﺞ ﻋﺪﻝ
ﺍﻟﺮﺟﺎﻝ ﻗﺒﻞ ﺷﻮﻳﺔ ﺍﺟﺔ ﻫﻮ ﻭﺍﻟﻤﺮﻳﺔ ﺍﻟﺠﺒﻴﺮﺓ ﻧﻔﺴﻬﺎ ﺍﻟﻲ ﺟﺎﻧﺖ ﺍﻟﺒﺎﺭﺣﺔ ﻭﻳﺎﻩ ﻭﺩﺧﻠﻮﺍ ﺑﻘﺴﻢ ﺍﻟﻨﺴﺎﺋﻴﺔ ﻭﺍﻟﺪﻛﺘﻮﺭﺓ
ﻛﻠﻔﺖ ﻣﻴﺎﺩﺓ ﺍﻟﻌﻮﺑﺔ ﺗﺴﺎﻋﺪﻫﻢ ﺣﺘﻰ ﻳﺠﺮﻭﻥ ﺍﻟﻔﺤﻮﺻﺎﺕ
ﻭﺍﻟﺘﺤﺎﻟﻴﻞ
.. ﺍﻱ ﻭﺷﻨﻮ ﻣﺎ ﺍﻓﺘﻬﻤﺖ ﻣﻦ ﻫﺬﺍ ﻛﻠﻪ ﺍﻧﺘﻲ ﺷﺘﺮﺩﻳﻦ ﻣﻨﻲ ﺍﺳﻮﻱ
.. ﻟﺞ ﻋﻮﺑﺔ ﺍﻧﺎ ﻣﺎ ﺍﻧﺘﻈﺮﺝ ﺗﺴﻮﻳﻦ ﻻﻥ ﺍﺩﺭﻱ ﺑﻴﺞ ﻓﺎﻫﻴﺔ
ﺍﻧﻲ ﻣﻦ ﻳﻤﻲ ﺍﺗﺼﺮﻓﺖ ﻭﺭﺣﺖ ﺯﺣﻠﻜﺖ ﻣﻴﺎﺩﺓ ﺍﻟﻌﻮﺑﺔ ﺑﺸﻐﻠﺔ ﺛﺎﻧﻴﺔ . ﻭﻛﺎﻟﺖ ﻣﺎ ﺍﻛﺪﺭ ﺍﺭﻭﺡ
ﻋﻨﺪﻱ ﺷﻐﻞ ﻛﻠﺘﻠﻬﺎ ﻣﺎ ﻋﻠﻴﺞ ﺍﻧﺎ ﺍﺧﺬ ﻣﻜﺎﻧﺞ
ﻭﻫﻲ ﺑﺎﻟﻜﻮﺓ ﻳﺎﻟﻠﻪ ﻭﺍﻓﻘﺖ ﺗﺮﻭﺡ ﺷﻜﻠﻬﺎ ﺍﻻﺧﺖ ﺣﺎﻃﺔ ﻋﻴﻨﻬﺎ
ﻋﻠﻰ ﺻﺎﺣﺒﻨﺎ ﻛﻄﻴﻌﺔ
.. ﻫﺴﺔ ﺍﻟﻤﻄﻠﻮﺏ ﺷﻨﻮ
.. ﺍﺭﻳﺪﺝ ﻫﺴﺔ ﺗﺘﻠﺤﻠﺤﻴﻦ ﻭﺗﺎﺧﺬﻳﻦ ﻣﻜﺎﻥ ﻣﻴﺎﺩﺓ
ﻭﺗﺮﺣﻴﻦ ﻳﻢ ﺻﺎﺣﺒﻨﺎ ﻭﺗﺤﺠﻴﻦ ﻭﻳﺎﻩ ﻭﻭﻳﺔ ﺍﻣﻪ ﻣﺪﺭﻱ ﺷﻨﻮ ﺗﻌﻮﺩﻟﻪ
ﺍﻟﻤﻬﻢ ﺍﻧﻲ ﺩﺑﺮﺗﻠﺞ ﺍﻭﻝ ﻓﺮﺻﺔ ﻟﻘﺎﺀ
ﺑﻌﺪ ﺍﻟﺒﺎﻗﻲ ﻋﻠﻴﺞ ﻣﺎ ﺍﻭﺻﻴﺞ ﺍﺭﻳﺪ ﻛﻮﻥ ﺍﺳﻤﻊ ﺍﺧﺒﺎﺭ ﺣﻠﻮﺓ ﻛﻮﻥ ﺍﻟﺮﺟﺎﻝ ﻳﻨﺰﺭﻉ ﻫﻨﺎ
ﺍﺟﺘﻲ ﺗﺮﻭﺡ ﻭﺗﺘﺮﻛﻨﻲ ﻟﺰﻣﺘﻬﺎ ﻣﻦ ﺯﻧﺪﻫﺎ
.. ﺷﻨﻮ ﺷﻨﻮ ﺗﻌﺎﻟﻲ ﻭﻳﻦ ﺭﺍﻳﺤﺔ ﻣﻨﻮ ﻛﻠﺞ ﺗﺴﻮﻳﻦ ﻫﻴﺞ
ﺷﻜﺪ ﻋﻴﺐ ﻭﺍﻟﻠﻪ ﺯﺣﻤﺔ
ﻟﺞ ﺭﺑﺎﺏ ﺍﻟﻌﻮﺑﺔ ﻫﺴﺔ ﺍﻟﻲ ﻳﺴﻤﻌﺞ ﺷﻴﻜﻮﻝ ﻋﻠﻴﺔ
ﻛﺎﺗﻠﺔ ﺭﻭﺣﻬﺎ ﻋﻠﻴﻪ
ﺑﺎﻭﻋﺘﻠﻲ ﺑﻄﺮﻑ ﻋﻴﻨﻬﺎ ﻭﺭﻓﻌﺖ ﺣﺎﺟﺒﻬﺎ
.. ﻳﻌﻨﻲ ﺷﻨﻮ ﺍﻓﺘﻬﻢ ﻣﻦ ﻛﻼﻣﺞ ﻣﺎ ﺭﺍﺡ ﺗﺮﺣﻴﻦ
ﺟﺎﻭﺑﺘﻬﺎ ﻣﺘﺮﺩﺩﺓ .. ﻻ ﺍﺳﺘﺤﻲ ﻣﺎ ﺍﺭﻭﺡ ﻣﺒﻴﻨﺔ ﺍﻟﺸﻐﻠﺔ
ﺍﻧﻲ ﺩﺍ ﺍﺯﺣﻒ ﻋﺎﻟﺮﺟﺎﻝ ﻻ ﻻ ﺭﺑﺎﺏ ﻛﺮﺍﻣﺘﻲ ﻣﺘﺴﻤﺤﻠﻲ
ﺍﻧﺰﻝ ﻧﻔﺴﻲ
.. ﺷﻮﻑ ﺍﻟﻌﻮﺑﺔ ﺭﺍﺡ ﺗﻀﻴﻊ ﺍﻟﺮﺟﺎﻝ ﻣﻦ ﺑﻴﻦ ﺍﻳﺪﻳﻨﺎ
ﺧﻼﺹ ﻣﻮ ﻻﺯﻡ ﻻ ﺗﺮﺣﻴﻦ ﺧﻠﻲ ﻣﻴﺎﺩﺓ ﺍﻟﻌﻮﺑﺔ
ﺗﺎﺧﺬ ﺭﺍﺣﺘﻬﺎ ﺑﺎﻟﻌﺎﻓﻴﺔ ﻋﻠﻴﻬﺎ
ﻭﺍﻧﺘﻲ ﻇﻠﻲ ﺍﺑﻘﻲ ﻫﻨﺎ ﻭﻳﺔ ﻛﺮﺍﻣﺘﺞ
ﺩﺍﺭﺕ ﻭﺟﻬﻬﺎ ﻭﻣﺸﺖ ﻣﻦ ﻛﺪﺍﻣﻲ
ﺣﺴﻴﺖ ﺑﺎﻟﺘﻬﺪﻳﺪ ﻣﺎ ﺍﻋﺮﻑ ﻟﻴﺶ ﻋﺒﺎﻟﻚ ﺩﺍﺧﻠﺔ ﺑﺴﺒﺎﻕ
ﺣﺠﻴﺖ ﺑﺪﻭﻥ ﻣﺎ ﺍﺣﺲ ﻋﻠﻰ ﻧﻔﺴﻲ
.. ﻟﺤﻈﺔ ﺭﺑﺎﺏ ﺍﻭﻛﻔﻲ
ﺍﺗﻮﻗﻔﺖ ﺑﻤﻜﺎﻧﻬﺎ ﺟﺎﻧﺖ ﺣﺎﻃﺔ ﺍﻳﺪﻳﻬﺎ ﺑﺠﻴﻮﺏ ﺍﻟﺼﺪﺭﻳﺔ ﺍﻟﺒﻴﻀﺔ ﺑﺎﻭﻋﺖ ﻋﻠﻴﺔ ﻭﻫﻲ ﻣﺒﺘﺴﻤﺔ
.. ﺷﻜﻮ ﺷﺘﺮﺩﻳﻦ ﺧﻠﻲ ﺍﻟﺤﻚ ﻋﻠﻰ ﻣﻴﺎﺩﺓ ﻗﺒﻞ ﻻ ﺗﻄﻠﻊ
ﺗﺮﺟﻊ ﺗﺎﺧﺬ ﻣﻜﺎﻧﻬﺎ
.. ﻻ ﻻ ﻣﻴﺤﺘﺎﺝ ﺗﺮﺟﻌﻴﻬﺎ
ﺍﻧﻲ ﺭﺍﺡ ﺍﺧﺬ ﻣﻜﺎﻧﻬﺎ
ﺿﺤﻜﺖ ﺑﺄﻧﺘﺼﺎﺭ
.. ﺭﺑﺎﺏ ﻻ ﺗﻔﺘﻬﻤﻴﻦ ﺍﻟﻤﻮﺿﻮﻉ ﻏﻠﻂ ﻣﻮ ﻋﺒﺎﻟﺞ ﺍﻧﻲ ﻛﺎﺗﻠﺔ ﺭﻭﺣﻲ ﻋﻠﻴﻪ ﺑﺲ ﺭﺍﺡ ﺍﺭﻭﺡ ﻟﺨﺎﻃﺮﺝ ﻣﺎ ﺭﺩﺕ ﺍﺿﻴﻊ ﺗﻌﺒﺞ ﻋﻠﻰ ﺍﻟﻔﺎﺿﻲ
ﺑﺲ ﻫﺎ ﻣﻦ ﻫﺴﺔ ﺍﻛﻠﺞ ﻻ ﺗﺘﻮﻗﻌﻴﻦ ﺗﺴﻤﻌﻴﻦ ﻣﻨﻲ
ﺍﺧﺒﺎﺭ ﺣﻠﻮﺓ ﻻﻥ ﻣﺴﺘﺤﻴﻞ ﺍﻓﺮﺽ ﻧﻔﺴﻲ ﻟﻮ ﺍﺣﺎﻭﻝ ﺍﺣﺠﻲ ﻭﻳﺎﻩ
.. ﻋﻤﻲ ﻛﻠﺸﻲ ﻣﺎ ﻧﺮﻳﺪ ﻣﻨﺞ ﺑﺲ ﺍﻟﺴﻼﻡ
ﺩﻟﺘﻨﻲ ﻋﻠﻰ ﻣﻜﺎﻧﻬﻢ ﻭﺭﺣﺖ ﺳﻠﻤﺖ ﻋﻠﻰ ﺍﻟﻤﺮﻳﺔ ﻭﺭﻓﻌﺖ ﺭﺍﺳﻲ ﺳﻠﻤﺖ ﻋﻠﻴﻪ ﺟﺎﻥ ﻣﺸﻐﻮﻝ ﻳﺤﺠﻲ ﺑﻨﻘﺎﻟﻪ
ﺭﻓﻊ ﺍﻳﺪﻩ ﺑﺤﺮﻛﺔ ﻳﺮﺩ ﺍﻟﺴﻼﻡ ﺑﺪﻭﻥ ﺍﻫﺘﻤﺎﻡ ﻭﻛﺄﻧﻤﺎ ﺩﻳﺴﻠﻢ ﻋﺎﻟﺒﻮﺍﺏ ﻣﺎﻟﺘﻪ
ﻋﻤﺔ ﺣﺘﻰ ﻋﻤﺔ ﻋﺎﺑﺘﻠﻪ
ﺍﺳﺘﻐﻔﺮ ﺍﻟﻠﻪ ﻫﺴﺔ ﺍﻧﻲ ﺷﺒﻴﺔ ﺑﻜﻞ ﻋﻘﻠﻲ ﺍﺣﺠﻲ ﻫﺴﺔ ﺍﻧﻲ ﺷﻨﻮ ﻋﺮﻓﺖ ﻋﻨﻪ ﺣﺘﻰ ﺍﻫﺘﻢ ﺑﻴﻪ ﻭﺑﺘﻔﺎﺻﻴﻠﻪ
ﺑﺲ ﺷﻜﻠﻬﺎ ﺧﺒﺎﻻﺕ ﺭﺑﺎﺏ ﻋﺪﺗﻨﻲ ﻭﺧﻠﺘﻨﻲ ﺍﻧﺴﻰ ﺭﻭﺣﻲ
....
ﺑﻌﺪﻫﺎ ﺣﻄﻴﺖ ﺻﻴﻨﻴﺔ ﺍﻻﺩﻭﺍﺕ ﺍﻟﻄﺒﻴﺔ ﺍﻟﻘﻄﻦ ﻭﺍﻟﺪﻳﺘﻮﻝ ﻭﻏﻴﺮﻫﺎ ﻭﺍﻟﺘﻬﻴﺖ ﻭﻳﺔ ﺍﻟﻤﺮﻳﺔ ﺍﻟﺠﺒﻴﺮﺓ ﻭﺑﻠﺸﺖ ﻭﻳﺎﻫﺎ ﺑﺴﺤﺐ ﺍﻟﺪﻡ ﻭﺑﻌﺪﻫﺎ ﺟﻴﻜﺖ ﺍﻟﻀﻐﻂ ﻭﺍﺧﺬﺗﻬﺎ ﻟﻠﻤﺨﺘﺒﺮ
ﺣﺘﻰ ﻧﻜﻤﻞ ﺳﺤﺐ ﺍﻟﻌﻴﻨﺎﺕ ﺍﻟﺒﻘﻴﺔ ﻭﻫﻮ ﺑﻘﻰ ﺑﻨﻔﺲ ﺍﻟﻐﺮﻓﺔ ﻣﺎ ﺍﺟﺔ ﻭﻳﺎﻧﺔ ﻛﺎﻝ ﺍﻧﺘﻈﺮﻛﻢ ﻫﻨﺎ ﻭﻛﻤﻞ ﺍﺗﺼﺎﻻﺗﻪ ﺍﻟﻲ ﻣﺎ ﺍﻧﻘﻄﻌﺖ ﻣﻦ ﺩﺧﻠﺖ ﻟﺤﺪ ﻣﺎ ﻃﻠﻌﺖ
ﻋﺒﺎﺗﻠﻪ ﺷﻠﻮﻥ ﺍﺑﻦ ﻫﺬﺍ ﻳﺘﺮﻙ ﺍﻣﻪ ﻟﻮﺣﺪﻫﺎ
ﺗﻜﻤﻞ ﺍﻟﻔﺤﻮﺻﺎﺕ
ﻭﺭﺓ ﺳﺎﻋﺘﻴﻦ ﻭﻧﺺ ﻛﻌﺪﺕ ﺍﺳﺎﻋﺪ ﺍﻟﺤﺠﻴﺔ ﺍﻋﺪﻝ ﺣﺠﺎﺑﻬﺎ
ﻭﺍﻧﺰﻝ ﺭﺩﻥ ﺍﻟﺜﻮﺏ ﻣﺎﻟﺘﻬﺎ
ﻭﺭﺟﻌﺘﻬﺎ ﻋﻠﻰ ﻧﻔﺲ ﺍﻟﻐﺮﻓﺔ ﻭﺑﻴﺪﻱ ﺍﻭﺭﺍﻕ ﺍﻟﺘﺤﺎﻟﻴﻞ ﺍﻟﻲ ﻃﻠﻌﺖ ﺍﺳﺘﻠﻤﺘﻬﻢ ﻭﺧﻠﻴﺘﻬﻢ ﺑﺎﻟﻔﺎﻳﻞ ﻣﺎﻟﺘﻬﺎ
ﻟﻜﻴﺘﻪ ﻋﻠﻰ ﻧﻔﺲ ﻭﺿﻌﻪ ﺩﻳﺤﺠﻲ ﺑﺎﻟﻨﻘﺎﻝ ﻣﻨﺪﻣﺞ ﻭﻫﺎﻱ ﺍﻟﻤﺮﺓ
ﺣﺎﻁ ﻛﺪﺍﻣﻪ ﻭﺭﻗﺔ ﻭﻗﻠﻢ ﻭﺩﺍﻳﻜﺘﺐ ﻣﻌﻠﻮﻣﺎﺕ ﺑﺎﻟﻮﺭﻗﺔ
ﻣﻨﺪﻣﺞ ﺑﺎﻭﻋﺖ ﻋﻠﻴﻪ
ﺧﻠﻲ ﺗﺠﻲ ﺳﺖ ﺭﺑﺎﺏ ﻭﺗﺸﻮﻑ ﺑﻌﻴﻨﻬﺎ
ﺍﻻﺳﺘﺎﺫ ﺍﺻﻼ ﻓﺎﺻﻞ ﻋﻦ ﺍﻟﻌﺎﻟﻢ
ﻣﺎ ﻋﺒﺎﻟﻚ ﺑﺸﺮ ﻳﻤﻪ ﻣﻨﺪﻣﺞ ﺑﺎﻻﺗﺼﺎﻻﺕ
ﺩﺭﺕ ﻭﺟﻬﻲ ﻋﻠﻰ ﺍﻟﻤﺮﻳﺔ ﻭﺳﺎﻋﺪﺗﻬﺎ ﺗﻤﺪﺩ ﻋﺎﻟﺴﺮﻳﺮ ﻭﻛﻌﺪﺕ ﺗﻨﺪﻋﻴﻠﻲ
ﺍﻟﺤﺠﻴﺔ .. ﻳﺎﻳﻤﺔ ﺍﻟﻠﻪ ﻳﺒﺎﺭﻙ ﺑﻴﺞ ﻭﻳﺘﺮﺱ ﺣﻀﻨﺞ ﺑﺎﻟﻮﻟﺪ ﺍﻟﺼﺎﻟﺢ
ﺍﺑﺴﻤﺘﻠﻬﺎ ﻭﻛﻠﺘﻠﻬﺎ
.. ﻫﻬﻪ ﺧﺎﻟﺔ ﺑﺎﻻﻭﻝ ﺧﻠﻲ ﺍﺗﺰﻭﺝ ﻭﺑﻌﺪﻳﻦ ﺍﺧﻠﻒ ﺍﻟﻮﻟﺪ ﺍﻟﺼﺎﻟﺢ
ﺍﺑﺘﺴﻤﺖ ﻭﻛﺎﻟﺖ .. ﻳﺎ ﻳﻤﺔ ﻫﺬﺍ ﺍﻟﺠﻤﺎﻝ ﻛﻠﻪ ﻭﻣﺎ ﻣﺘﺰﻭﺟﺔ
ﻟﻌﺪ ﺍﻟﺮﻳﺎﺟﻴﻞ ﻳﻤﻜﻦ ﻋﻤﻴﺎﻥ
ﺻﺎﺭﻭﺍ ﺧﺪﻭﺩﻱ ﺣﻤﺮ .. ﺍﺷﻜﺮﺝ ﺧﺎﻟﺔ ﻋﻴﻮﻧﺞ ﺍﻟﺤﻠﻮﺍﺕ
ﺟﻨﺖ ﺍﺣﺠﻲ ﻭﻳﺎﻫﺎ ﻭﺍﻧﻲ ﺍﻋﺪﻝ ﻭﺿﻊ ﺍﻟﺴﺮﻳﺮ
ﺳﺎﻟﺘﻨﻲ .. ﺷﻌﺠﺐ ﻳﻤﺔ ﺿﺎﻟﺔ ﻟﺤﺪ ﻫﺴﺔ ﺑﺪﻭﻥ ﺯﻭﺍﺝ
.. ﺣﺠﻴﺔ ﻛﻠﺸﻲ ﻗﺴﻤﺔ ﻭﻧﺼﻴﺐ ﻭﺍﻧﻲ ﺑﺎﻻﻭﻝ ﺟﻨﺖ ﺍﺭﻓﺾ ﻋﻠﻤﻮﺩ ﺍﻣﻲ ﺍﺗﻮﻓﺖ ﻭﻋﻨﺪﻱ ﺧﻮﺍﺕ ﺻﻐﺎﺭ
ﺍﻧﺸﻐﻠﺖ ﺑﻴﻬﻢ ﻭﻧﺴﻴﺖ ﻧﻔﺴﻲ
ﻭﻓﻌﻼ ﻧﺴﻴﺖ ﻧﻔﺴﻲ ﻭﻛﻌﺪﺕ ﺍﺣﺠﻲ ﻭﻳﺔ ﺍﻟﻤﺮﻳﺔ ﻭﻫﻲ ﺗﺴﺄﻟﻨﻲ ﻭﺍﻧﻲ ﺍﺟﺎﻭﺑﻬﺎ ﻣﺘﻨﺎﺳﻴﺔ
ﻭﺟﻮﺩ ﺍﻟﺮﺟﺎﻝ
ﻓﺘﺤﺖ ﺍﻟﺠﺮﺟﻒ ﻭﻏﻄﻴﺘﻬﺎ ﺑﻲ ﻭﺭﻛﺒﺖ ﺍﻟﻤﻐﺬﻱ
ﺑﺎﻟﻜﺎﻧﻮﻟﺔ ﺍﻟﻤﻮﺟﻮﺩﺓ ﺑﻴﺪﻫﺎ
ﺍﻟﺤﺠﻴﺔ .. ﺍﻟﻠﻪ ﻳﺤﻔﻈﺞ ﻟﺸﺒﺎﺑﺞ ﻳﺨﺎﻟﺔ
.. ﺗﺴﻠﻤﻴﻦ ﺧﺎﻟﺔ ﻭﻳﺨﻠﻴﺞ ﺍﺑﻨﺞ
ﺟﻨﺖ ﺍﻗﺼﺪ ﻋﻠﻰ ﻫﺬﺍ ﺍﻻﺥ ﺍﻟﻔﺎﺻﻞ ﻋﻦ ﺍﻟﻌﺎﻟﻢ
ﺍﻱ ﺻﺪﻙ ﻫﺬﺍ ﻭﻳﻨﻪ ﺍﺷﻮ ﻣﺎﻟﻪ ﺻﻮﺕ ﺍﻟﺘﻔﺘﺖ
ﻟﻜﻴﺘﻪ ﻛﺎﻋﺪ ﻋﺎﻟﻜﺮﺳﻲ ﺍﻟﻮﺭﺍﻱ ﻭﻳﺒﺎﻭﻉ ﻋﻠﻴﻨﺎ ﺍﻧﻲ ﻭﺍﻟﺤﺠﻴﺔ
ﺍﺟﺘﻲ ﻋﻴﻨﻲ ﺑﻌﻴﻨﻪ ﻭﺍﺗﺼﻨﻤﺖ ﺑﻤﻜﺎﻧﻲ
ﺑﺎﻭﻉ ﻋﻠﻴﺔ ﻭﻫﺎﻟﻤﺮﺓ ﻋﺒﺎﻟﻚ ﻳﺸﻮﻓﻨﻲ ﺍﻭﻝ ﻣﺮﺓ
ﻳﺒﺎﻭﻉ ﻋﻠﻴﺔ ﻋﺒﺎﻟﻚ ﻳﺮﻳﺪ ﻳﺨﺘﺮﻗﻨﻲ ﺑﻨﻈﺮﺍﺗﻪ
ﻭﺑﻴﻬﻢ ﺍﻫﺘﻤﺎﻡ ﻣﻦ ﻧﻮﻉ ﺛﺎﻧﻲ ﺍﻱ ﺍﻧﻲ ﺍﻋﺮﻑ ﻫﺎﻱ ﺍﻟﻨﻈﺮﺓ
ﺩﻧﻜﺖ ﻭﻫﻮ ﺣﺲ ﻋﻠﻰ ﺭﻭﺣﻪ ﻭﻛﺎﻡ ﻣﻦ ﺍﻟﻜﺮﺳﻲ ﻭﺍﺳﺘﺄﺫﻥ ﻣﻦ ﻋﺪﻧﺎ ﻭﻃﻠﻊ ﻭﻛﺎﻝ ﻓﺪ ﺷﻮﻳﺔ ﻭﺍﺭﺟﻊ
ﻋﺰﺓ ﻫﺬﺍ ﻣﻦ ﺷﻮﻛﺖ ﺧﻠﺺ ﺍﺗﺼﺎﻻﺗﻪ ﻭﻛﺎﻋﺪ ﻳﺴﺘﻤﻊ
ﻻﻳﻜﻮﻥ ﺳﻤﻊ ﻛﻼﻣﻨﺎ ﺍﻧﻲ ﻭﺍﻟﺤﺠﻴﺔ ﺷﻜﺪ ﻋﻴﺐ ﻭﺍﻟﻠﻪ ﺯﺣﻤﺔ
ﻛﻌﺪﺕ ﺍﺭﺍﺟﻊ ﻛﻼﻣﻲ ﻭﻳﺔ ﺍﻟﻤﺮﻳﺔ ﺧﺎﻑ ﺣﺠﻴﺖ ﺑﻜﻼﻡ ﺯﺍﻳﺪ ﻣﻨﺎ ﻣﻨﺎ
ﺍﻧﺘﺒﻬﺖ ﻋﻠﻰ ﺍﻟﺤﺠﻴﺔ ﻛﺎﻟﺖ
.. ﻻ ﺧﺎﻟﺔ ﻫﺬﺍ ﻣﻮ ﺍﺑﻨﻲ
ﻋﻘﺪﺕ ﺣﻮﺍﺟﺒﻲ ﻭﺑﺎﻭﻋﺖ ﻋﻠﻴﻬﺎ
.. ﺷﻠﻮﻥ ﻳﻌﻨﻲ ﻣﺎ ﺍﻓﺘﻬﻤﺖ ﻟﻌﺪ ﺷﻨﻮ ﻳﻌﻮﺩﻟﺞ
.....
ﻣﺎ ﻳﻌﻮﺩﻟﻲ ﻳﺼﻴﺮ ﺍﺑﻦ ﺟﺎﺭﺗﻲ ﻭﺻﺪﻳﻘﺘﻲ
ﺍﻟﻠﻪ ﻳﺮﺣﻤﻬﺎ ﻭﻳﻄﻴﺐ ﺭﻭﺣﻬﺎ ﺍﻟﺠﻨﺔ ﻋﻠﻰ ﻫﺎﻟﺘﺮﺑﻴﺔ
ﺗﺪﺭﻳﻦ ﺍﻧﺎ ﻟﻮ ﺭﻋﺎﻳﺔ ﺍﻟﻠﻪ ﻭﺣﻴﺪﺭ ﺟﺎﻥ ﻫﺴﺔ ﺍﻧﺎ ﺍﻟﻠﻪ ﺍﻟﻴﻌﻠﻢ ﺷﻨﻮ ﺣﺎﻟﻲ
ﺍﻫﺎﺍﺍﺍ ﻳﻌﻨﻲ ﺍﻻﺥ ﻃﻠﻊ ﺍﺳﻤﻪ ﺣﻴﺪﺭ ﺣﻠﻮ
ﻛﻤﻠﺖ ﺍﻟﻤﺮﻳﺔ ﻛﻼﻣﻬﺎ
ﺍﻧﻲ ﻣﺮﺓ ﻋﺎﻳﺸﺔ ﻟﻮﺣﺪﻱ ﻭﻣﺎ ﻋﻨﺪﻱ ﺍﺣﺪ ﻳﺴﺎﻋﺪﻧﻲ
ﻭﻳﺸﻮﻑ ﺍﺣﺘﻴﺎﺟﺎﺗﻲ ﻋﻨﺪﻱ ﺍﺛﻨﻴﻦ ﺑﻨﺎﺕ
ﻭ ﺑﻨﺎﺗﻲ ﻣﺘﺰﻭﺟﺎﺕ ﻣﺴﺎﻓﺮﺍﺕ ﻟﻠﺨﺎﺭﺝ ﻭﻭﻋﺪﻧﻲ ﻳﺴﺤﺒﻮﻧﻲ ﻭﺭﺍﻫﻢ ﺑﺲ ﺍﺷﻮ ﻃﺎﻟﺖ ﺍﻟﻤﺪﺓ ﻭﻣﺎ ﺑﻴﻦ ﻣﻨﻬﻢ ﺧﺒﺮ
ﻭﺧﻄﻴﺔ ﺣﻴﺪﺭ ﺍﻟﻠﻪ ﻳﺒﺎﺭﻙ ﺑﻲ ﻫﻮ ﻭﻛﻢ ﻭﺍﺣﺪ ﻣﻦ ﺍﻟﺨﻴﺮﻳﻦ ﺍﻟﻲ ﺑﺎﻟﻤﻨﻄﻘﺔ ﺍﺗﻌﺎﻭﻧﻮﺍ
ﻳﺴﺎﻋﺪﻭﻧﻲ ﻭﻳﺸﻮﻓﻮﻧﻲ ﺷﻨﻮ ﺍﺣﺘﺎﺝ ﺑﻴﻦ ﻓﺘﺮﺓ ﻭﻓﺘﺮﺓ
ﺍﻟﺤﻤﺪﻟﻠﻪ ﺭﺑﺞ ﻣﺎ ﻳﺘﺮﻙ ﻋﺒﺪﻩ
ﻫﻮ ﻣﺪﺑﺮ ﺍﻻﻣﻮﺭ
ﻭﺍﻧﻲ ﺍﺳﻢ ﺍﻟﻠﻪ ﻋﻠﻴﺞ ﺧﺎﻟﺔ ﺑﺎﺧﺮ ﻓﺘﺮﺓ ﺻﺤﺘﻲ ﻛﻠﺶ ﺍﻧﺘﻜﺴﺖ ﻭﺧﻄﻴﺔ ﺣﻴﺪﺭ ﺍﺗﻜﻔﻞ ﺑﻴﺔ ﻭﺑﻌﻼﺟﻲ
ﻭﻛﻠﻲ ﺍﺧﺬﺝ ﻭﻳﺎﻱ ﻟﻠﻤﺴﺘﺸﻔﻰ ﻋﻨﺪﻱ ﺍﺻﺪﻗﺎﺀ ﺩﻛﺎﺗﺮﺓ
ﻭﻫﻤﺔ ﺭﺍﺡ ﻳﺸﺮﻓﻮﻥ ﻋﻠﻰ ﻭﺿﻌﺞ ﻭﻳﺠﻴﻜﻮﻥ ﺻﺤﺘﺞ
ﺳﺄﻟﺘﻬﺎ ﻭﺍﻟﻔﻀﻮﻝ ﻳﻘﺮﺓ ﻋﻨﺪﻱ ﺍﻟﻒ
.. ﻫﻮ ﺷﻨﻮ ﻳﺸﺘﻐﻞ
ﺍﻧﻲ ﻣﺎ ﺷﺎﻳﻔﺘﻪ ﺑﺎﻟﻤﺴﺘﺸﻔﻰ ﻗﺒﻞ ﺑﺲ ﻣﺮﺗﻴﻦ
.. ﻭﺍﻟﻠﻪ ﺧﺎﻟﺔ ﻣﺎ ﺍﻋﺮﻑ ﺷﻨﻮ ﺍﺳﻢ ﺷﻐﻠﻪ
ﺑﺲ ﺍﻟﻲ ﺍﻋﺮﻓﻪ ﺍﻥ ﻫﻮ ﻳﻤﻮﻝ ﺍﻟﻤﺴﺘﺸﻔﻴﺎﺕ ﻭﻋﻴﺎﺩﺍﺕ ﺍﻟﺪﻛﺎﺗﺮﺓ ﺑﺎﻟﺘﺠﻬﻴﺰﺍﺕ ﺍﻟﻄﺒﻴﺔ
ﻗﻄﻊ ﻋﻠﻴﻨﺎ ﺍﻟﻜﻼﻡ ﺩﺧﻮﻝ ﺣﻴﺪﺭ
ﺍﻗﺘﺮﺏ ﻣﻦ ﺍﻟﺤﺠﻴﺔ ﻭﺣﺠﺔ ﺑﺼﻮﺕ ﻋﺬﺏ
.. ﺧﺎﻟﺔ ﻋﺬﺭﻳﻨﻲ ﺍﻧﺸﻐﻠﺖ ﻋﻨﺞ ﺑﺲ ﺍﻧﺘﻲ ﺗﻌﺮﻓﻴﻦ ﺍﻟﺸﻐﻞ ﻣﺎ ﻳﻨﺘﻈﺮ ﻣﺎ ﻳﻌﺮﻑ ﻣﺮﻳﺾ
.. ﻻ ﻳﻤﺔ ﺍﻧﻌﻢ ﺍﻟﻠﻪ ﻋﻠﻴﻚ ﺍﻧﺖ ﻣﺎ ﻗﺼﺮﺕ ﺑﻴﻤﻦ ﺍﺟﺎﺯﻳﻚ
ﺭﻭﺡ ﻳﻤﺔ ﺍﻟﻠﻪ ﻳﻨﻮﺭ ﻃﺮﻳﻘﻚ ﻭﻳﺒﻌﺪ ﻋﻨﻚ ﺍﻭﻻﺩ ﺍﻟﺤﺮﺍﻡ
ﺍﺑﺘﺴﻢ ﺍﻟﻬﺔ ﻭﺑﺎﻥ ﺑﻌﻴﻮﻧﻪ ﺍﻟﺤﻨﺎﻥ
ﻋﺰﺓ ﻃﻠﻊ ﺍﻻﺥ ﻋﻨﺪﻩ ﻣﺸﺎﻋﺮ ﻣﻮ ﺑﺎﺭﺩ ﻣﺜﻠﻤﺎ ﺟﻨﺖ ﻣﺘﻮﻗﻌﺔ
.. ﺗﺴﻠﻤﻴﻦ ﺣﺠﻴﺔ ﻫﺬﺍ ﺩﻋﺎﺀﺝ ﺍﻟﺤﻠﻮ ﻳﻜﻔﻴﻨﻲ
ﺧﺎﻣﺔ ﺻﻮﺗﻪ ﺗﺴﺤﺮ ﺭﻓﻌﺖ ﻋﻴﻮﻧﻲ ﻭﻭﻛﻌﺖ ﻧﻈﺮﺍﺗﻲ ﻋﻠﻰ ﺗﻔﺎﺣﺔ ﺍﺩﻡ ﺍﻟﺒﺎﺭﺯﺓ ﺑﺮﻛﺒﺘﻪ ﻣﻦ ﻳﺤﺠﻲ ﺗﺘﺤﺮﻙ
ﺟﺮﻳﺖ ﺣﺴﺮﺓ ﺑﺪﻭﻥ ﻣﺎ ﺍﻧﺘﺒﻪ ﻋﻠﻰ ﻧﻔﺴﻲ
ﻭﺭﻓﻌﺖ ﻧﻈﺮﺍﺗﻲ ﻭﺟﺎﻥ ﺍﺷﻮﻓﻪ ﻳﺮﺍﻗﺒﻨﻲ
ﺭﻓﻊ ﺣﺎﺟﺒﻪ ﻭﻧﻈﺮﺓ ﻋﻴﻮﻧﻪ ﺗﺴﺄﻟﻨﻲ ﻋﻠﻰ ﺷﻨﻮ ﺗﺒﺎﻭﻋﻴﻦ
ﻳﺒﻮﻭﻭﻭ ﻋﺰﺓ ﺑﻌﻴﻨﻲ ﻻ ﺍﻧﻲ ﺍﻟﻴﻮﻡ ﺍﺑﺪ ﻣﻮ ﻃﺒﻴﻌﻴﺔ
ﻫﺎﻱ ﺷﻜﻮ ﺷﺠﺎﻧﻲ ﺍﻧﻲ ﺷﺒﻴﺔ ﺍﺷﻮ ﻧﺴﻴﺖ ﺍﺣﺘﺮﺍﻣﻲ ﻟﻨﻔﺴﻲ
ﻭﺻﺮﺕ ﺍﺗﺼﺮﻑ ﻣﺜﻞ ﺍﻟﻤﺮﺍﻫﻘﺎﺕ
ﺍﻟﻠﻪ ﻳﻠﻌﻦ ﺑﻠﻴﺴﺞ ﻳﺎ ﺭﺑﺎﺏ ﺷﺨﻠﻴﺘﻲ ﺑﺒﺎﻟﻲ ﻫﺴﺔ ﺍﻧﻲ ﻭﻳﻦ ﻭﻭﻳﻦ ﻫﺎﻱ ﺍﻟﺴﻮﺍﻟﻒ ﺍﺗﻼﺣﻜﺖ ﻟﺮﻭﺣﻲ
ﻭﺭﻓﻌﺖ ﺭﺍﺳﻲ ﻭﺑﺎﻭﻋﺖ ﻋﻠﻰ ﺍﻟﻤﺮﻳﺔ ﻭﻋﺪﻟﺖ ﺧﺼﻠﺔ ﻣﻦ ﺷﻌﺮﻱ ﻭﺣﻄﻴﺘﻬﺎ ﻭﺭﺓ ﺍﺫﻧﻲ
ﺣﻄﻴﺖ ﻓﺎﻳﻞ ﺍﻟﻔﺤﻮﺻﺎﺕ ﻋﺎﻟﻤﻴﺰ ﻭﺣﺠﻴﺖ
.. ﺧﺎﻟﺔ ﻫﺴﺔ ﺍﻧﺘﻲ ﺧﻠﺼﺘﻲ ﺟﻤﻴﻊ ﺍﻟﻔﺤﻮﺻﺎﺕ
ﻭﺑﺎﺟﺮ ﻣﻦ ﺗﺠﻴﻦ ﺗﺮﺍﺟﻌﻴﻦ ﻋﻨﺪ ﺍﻟﺪﻛﺘﻮﺭﺓ
ﺿﺮﻭﺭﻱ ﺗﺠﻴﺒﻴﻬﻢ ﻭﻳﺎﺝ
ﺟﻨﺖ ﺍﺣﺠﻲ ﻭﻳﺎﻫﺎ
ﻭﺣﻄﻴﺖ ﺍﻟﻐﺮﺍﺽ ﺍﻟﻲ ﻋﺎﻟﻤﻴﺰ ﻣﻦ ﺍﺑﺮ ﻭﻣﻌﻘﻢ ﻭﻛﻠﺸﻲ
ﺟﻨﺖ ﺍﺷﺘﻐﻞ ﺑﺪﻭﻥ ﺍﻧﺘﺒﺎﻩ
.. ﺻﺎﺭ ﺧﺎﻟﺔ ﻛﻮﻥ ﺍﺗﺬﻛﺮ ﻭﺍﺟﻴﺒﻬﻢ
ﺣﺠﺔ ﻣﻦ ﻭﺭﺍﻱ ﺟﺎﻥ ﺻﻮﺗﻪ ﻛﻠﺶ ﻗﺮﻳﺐ
.. ﺍﻧﺎ ﺭﺍﺡ ﺍﺧﺬ ﺍﻟﻔﺎﻳﻞ ﻭﻳﺎﻱ ﻭﺍﺑﻘﻴﻪ ﺑﺴﻴﺎﺭﺗﻲ
ﺣﺘﻰ ﺍﺿﻤﻦ ﻣﺎ ﺗﻨﺴﻴﻬﻢ
......
ﻛﻠﺒﻲ ﻛﺎﻡ ﻳﺪﻙ ﺣﻴﻞ
ﺍﺩﺭﻱ ﻫﺴﺔ ﺍﻧﻲ ﺷﺒﻴﺔ ﻫﻴﺞ ﻣﺘﺄﺛﺮﺓ ﺑﻲ . ﻭﺑﺤﺮﻛﺎﺗﻪ
ﺧﻠﻲ ﺍﻃﻠﻊ ﻭﺍﺳﺘﺮ ﻋﻠﻰ ﺭﻭﺣﻲ ﻗﺒﻞ ﻻ ﺍﺳﻮﻱ ﺷﻲ ﺗﺎﻟﻲ ﺍﺗﻨﺪﻡ ﻋﻠﻴﻪ
ﺍﺳﺘﺄﺫﻧﺖ ﻣﻦ ﻋﻨﺪﻫﻢ ﻭﺷﻠﺖ ﺍﻟﺼﻴﻨﻴﺔ ﺍﻟﻲ ﺑﻴﻬﺎ ﺍﻻﺩﻭﺍﺕ
ﻭﻃﻠﻌﺖ
ﺣﺴﻴﺖ ﺑﻨﻈﺮﺍﺗﻪ ﻭﺗﺮﺗﻨﻲ ﻭﻗﺮﺑﻪ ﻣﻨﻲ ﻧﺮﻓﺰﻧﻲ
ﺟﻨﺖ ﺍﻣﺸﻲ ﻭﺍﻧﻲ ﺍﺩﺭﺩﻡ ﺑﻴﻨﻲ ﻭﺑﻴﻦ ﻧﻔﺴﻲ
ﺳﻤﻌﺖ ﺻﻮﺗﻪ ﻭﺭﺍﻱ ﻳﺼﻴﺤﻨﻲ
.. ﺷﺖ ﺷﻴﻤﺎﺀ ﻟﺤﻈﺔ ﺍﻧﺘﻈﺮﻱ
ﻋﻘﺪﺕ ﺣﻮﺍﺟﺒﻲ ﻭﻏﻤﻀﺖ ﻋﻴﻮﻧﻲ ﻫﺬﺍ ﺷﻴﺮﻳﺪ ﻣﻨﻲ
ﺍﻗﺘﺮﺏ ﻣﻨﻲ ﻭﻫﻮ ﻳﺒﺘﺴﻢ
.. ﺷﻨﻮ ﺷﺒﻴﺞ ﺍﺻﻴﺢ ﻋﻠﻴﺞ ﻣﺘﺴﻤﻌﻴﻨﻲ
ﺷﻜﻮ ﺍﻟﻤﺎﺧﺬ ﻋﻘﻠﺞ ﻳﺘﻬﻨﺎ ﺑﻲ
ﺍﻭﻛﻔﻲ ﺑﺲ ﺷﻮﻳﺔ ﺍﺣﺠﻲ ﻭﻳﺎﺝ
ﺍﻗﺘﺮﺏ ﻣﻨﻲ
.. ﻣﻤﻜﻦ ﺗﻨﻄﻴﻨﻲ
ﺑﺎﻭﻋﺖ ﻋﻠﻴﻪ ﻣﺼﺪﻭﻣﺔ
ﺷﻮ ﻫﺬﺍ ﻳﺤﺠﻲ ﻭﻳﺎﻱ ﺑﻤﻴﺎﻧﺔ
ﻭﺑﺴﺮﻋﺔ ﺩﻙ ﺟﺮﺱ ﻋﻨﺪﻱ ﻭﻋﻘﻠﻲ ﺣﻠﻞ ﺗﺼﺮﻓﺔ
ﻋﻠﻰ ﺍﻧﻪ ﺩﻳﺤﺎﻭﻝ ﻳﺘﻮﺩﺩﻟﻲ ﺑﺄﺳﻠﻮﺏ ﻣﻠﺘﻮﻱ ﺍﻓﺘﻬﻤﺖ ﻟﻌﺒﺘﻪ ﺍﻟﻘﺬﺭﺓ ﻳﻌﻨﻲ ﻳﺒﻴﻊ ﺛﻜﻞ ﻛﺪﺍﻡ ﺍﻟﻜﻞ ﻭﻳﺒﻴﻦ ﻛﺪﺍﻣﻬﻢ ﻫﻮ ﻣﺎ ﻳﻬﺘﻢ ﺍﻟﻲ ﻭﺗﺎﻟﻲ ﻳﺠﻴﻨﻲ
ﻣﻦ ﻭﺭﺍﻫﻢ ﺑﺎﻟﺨﻔﺎﺀ ﻳﻄﻠﺐ ﺭﻗﻤﻲ ﺣﺘﻰ ﻳﺒﺪﻱ ﻳﻜﻮﻥ ﻭﻳﺎﻱ ﻋﻼﻗﺔ
ﻫﻮﺍﻱ ﺷﻔﺖ ﺣﺎﻻﺕ ﻣﻦ ﻫﺬﺍ ﺍﻟﻨﻮﻉ ﺻﺎﺭﺕ ﻭﻳﺔ ﺯﻣﻴﻼﺗﻲ
ﻭﻏﻴﺮﻫﻢ ﻣﻦ ﺍﻟﺒﻨﺎﺕ
ﺟﺎﻭﺑﺘﻪ ﺑﻨﺘﺮﺓ ﻋﺼﺒﻴﺔ ﻗﺮﻳﺒﺔ ﻟﻠﺼﻮﺕ ﺍﻟﻌﺎﻟﻲ
.. ﺷﻜﻮ ﺷﺘﺮﻳﺪ ﺍﻧﻄﻴﻚ
ﺑﺎﻭﻉ ﻋﻠﻴﺔ ﻣﺘﺮﺩﺩ
.. ﺍﻧﻄﻴﻨﻲ ﺍﻟﺼﻴﻨﻴﺔ ﺍﻡ ﺗﻘﻰ ﻛﺎﻟﺖ ﺷﺎﻓﺘﺞ ﺣﻄﻴﺘﻲ
ﻣﻔﺎﺗﻴﺢ ﺍﻟﺴﻴﺎﺭﺓ ﺑﺎﻟﺼﻴﻨﻴﺔ ﻭﻳﺔ ﺍﻟﻐﺮﺍﺽ
ﺍﺗﺴﻌﺖ ﻋﻴﻮﻧﻲ ﺑﺸﻬﻜﺔ ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻣﻦ ﺍﻟﻔﺸﻠﺔ ﻣﺎ ﺍﻋﺮﻑ ﻭﻳﻦ ﺍﻭﺩﻱ ﻭﺟﻬﻲ
ﻣﺪﻳﺖ ﺍﻟﺼﻴﻨﻴﺔ ﻛﺪﺍﻣﻪ ﺟﺎﻧﺖ ﻣﺴﺘﻄﻴﻠﺔ ﻣﻘﺴﻤﺔ ﻟﻌﺪﺓ
ﺧﺎﻧﺎﺕ ﺑﺎﻭﻋﺖ ﻋﻠﻴﻪ ﻣﺪ ﺍﻳﺪﻩ ﻭﻛﻌﺪ ﻳﻜﻠﺐ ﺑﺎﻟﻘﻄﻦ ﺍﻟﻐﺮﺍﺽ ﺟﺎﻧﺖ ﻣﻮ ﻫﻮﺍﻱ ﺷﻐﻼﺕ ﻭﺍﻧﺘﺒﻬﺖ ﻋﻠﻰ ﺍﻟﻤﻔﺎﺗﻴﺢ ﻭﻳﺔ ﺍﻟﻤﻘﺺ ﻭﺟﻬﻲ ﻛﺎﻡ ﻳﻨﻄﻲ ﺍﻟﻮﺍﻥ ﺻﺎﺭ ﺍﺷﺎﺭﺓ ﻣﺮﻭﺭ
ﺍﺗﻤﻨﻴﺖ ﺍﺿﺮﺏ ﺭﻭﺣﻲ ﺟﻼﻕ ﻣﻦ ﻭﺭﺓ ﻏﺒﺎﺋﻲ
ﻭﺍﻟﻔﺸﻠﺔ ﻋﻤﺔ ﺍﻟﻌﻤﺎﻧﻲ ﺷﻜﺪ ﺛﻮﻟﺔ
.. ﺍﺳﻔﺔ ﺻﺪﻛﻨﻲ ﻣﺎ ﺍﻧﺘﺒﻬﺖ ﻋﻠﻴﻬﻢ
ﺟﺎﻭﺑﻨﻲ ﺑﻜﻞ ﻫﺪﻭﺀ ﻭﻋﻴﻮﻧﻪ ﺑﻌﺪﻫﺎ ﺗﺒﺎﻭﻉ ﻋﻠﻴﺔ ﺑﺘﻤﻌﻦ
.. ﻻ ﻋﺎﺩﻱ ﻣﺼﺎﺭ ﺷﻲ ﺷﻐﻠﺔ ﺑﺴﻴﻄﺔ ﻣﻴﺤﺘﺎﺟﻠﻬﺎ ﺗﻌﺘﺬﺭﻳﻦ
ﺑﺲ ﺧﻄﻴﺔ ﺭﺣﻤﻲ ﺧﺪﻭﺩﺝ ﺻﺎﺭﻭﺍ ﺣﻤﺮ ﻧﺎﺭ
ﻣﻦ ﺍﻻﺣﺮﺍﺝ
ﺟﺎﻥ ﻳﺤﺠﻲ ﻭﻋﻴﻮﻧﻪ ﻋﻠﻰ ﺧﺪﻭﺩﻱ
ﺭﻓﻌﺖ ﺍﻳﺪﻱ ﻭﺍﺗﻠﻤﺴﺖ ﺧﺪﻱ ﺟﺎﻥ ﺣﺎﺭ ﻋﺒﺎﻟﻚ ﺻﺨﻨﺖ
.. ﺍﺣﻢ ﺷﻜﺮﺍ
ﻭﺑﻌﺪﻫﺎ ﻣﺎ ﺍﻧﻄﻴﺘﻪ ﻣﺠﺎﻝ ﻳﺤﺠﻲ ﻛﺒﻞ ﺩﺭﺕ ﻭﺟﻬﻲ
ﻭﻣﺸﻴﺖ ﺑﺄﺳﺮﻉ ﻣﺎ ﻋﻨﺪﻱ ﺍﺭﻳﺪ ﺑﺲ ﺍﺑﺘﻌﺪ ﻋﻨﻪ
ﻋﺰﺯﺯﺯﺯﺯﺓ ﻫﺬﺍ ﻳﻜﻠﻲ ﺧﺪﻭﺩﺝ ﺣﻤﺮﺓ
ﻳﻤﺔ ﺟﺎﻥ ﻛﻠﺒﻲ ﻳﺮﻛﺺ ﻣﺪﺭﻱ ﻳﻨﺒﺾ
ﺭﺣﺖ ﺭﺟﻌﺖ ﺍﻟﻐﺮﺍﺽ ﻟﻤﻜﺎﻧﻬﻢ ﻭﻣﺎ ﺷﻔﺖ ﺭﺑﺎﺏ
ﻭﺍﺟﺘﻨﻲ ﺍﻟﻌﺎﻣﻠﺔ ﺍﻟﻤﻨﻈﻔﺔ ﺍﻡ ﺳﺎﻣﺮ
ﺳﺄﻟﺘﻨﻲ
.. ﺍﻛﻠﺞ ﺧﺎﻟﺔ ﺷﻴﻤﺎﺀ ﻗﺒﻞ ﺷﻮﻳﺔ ﺍﺟﻮﻱ ﺍﺛﻨﻴﻦ ﺭﻳﺎﺟﻴﻞ
ﺳﺄﻟﻮﻧﻲ ﻋﻦ ﺍﺳﻤﺞ ﻛﺎﻟﻮ ﺷﻴﻤﺎﺀ ﺍﺛﻴﺮ ﻭﻳﻨﻬﺎ
ﻭﺍﻧﺘﻲ ﺟﻨﺘﻲ ﻭﺍﻛﻔﺔ ﻭﻳﺔ ﻣﺮﻳﺔ ﺟﺒﻴﺮﺓ
ﺍﺷﺮﺗﻠﻬﻢ ﻋﻠﻴﺞ ﻛﻠﺘﻠﻬﻢ ﺫﻳﺞ ﻫﻲ
ﺷﻨﻮ ﻣﺎ ﺍﺟﻮﺝ
.. ﻻ ﻭﺍﻟﻠﻪ ﺧﺎﻟﺔ ﻣﺤﺪ ﺍﺟﺎﻧﻲ
.. ﻟﻌﺪ ﺷﻔﺘﻬﻢ ﺭﺍﺣﻮ ﺑﺄﺗﺠﺎﻫﺞ ﻋﺒﺎﻟﻲ ﺭﺍﺣﻮﺍ ﻳﺤﺠﻮﻥ ﻭﻳﺎﺝ
.. ﻻ ﻣﺎﻛﻮ ﻣﺎ ﺍﺟﻮﻱ
ﻣﺎ ﻛﻠﻮﻟﺞ ﺷﻨﻮ ﺍﺳﻤﻬﻢ ﺍﻭ ﺧﺎﻑ ﻣﻮﺿﻔﻴﻦ ﻫﻨﺎ ﻣﻤﺮﺿﻴﻦ
.. ﻻ ﻻ ﺧﺎﻟﺔ ﺷﺎﻟﻘﻀﻴﺔ ﺗﻌﻠﻤﻴﻨﻲ ﺑﻤﻮﻇﻔﻴﻨﺎ
ﺍﻋﺮﻓﻬﻢ ﻭﺍﺣﺪ ﻭﺍﺣﺪ
.....
ﺍﺑﺘﺴﻤﺖ ﻋﻠﻰ ﻛﻼﻣﻬﺎ ﺍﻋﺮﻓﻬﺎ ﺍﻡ ﺳﺎﻣﺮ ﺍﻛﺒﺮ ﺣﺸﺮﻳﺔ
ﻭﻫﺴﺔ ﻫﻲ ﺭﺍﺡ ﻳﻜﺘﻠﻬﺎ ﺍﻟﻔﻀﻮﻝ ﺗﺮﻳﺪ ﺗﻌﺮﻑ ﻫﺬﻭﻟﻲ ﻣﻨﻴﻦ
ﻭﻣﻨﻮ ﻭﻟﻴﺶ ﺳﺄﻟﻮﺍ ﻋﻨﻲ
ﻭﺍﻧﻲ ﻫﻢ ﻣﺜﻠﻬﺎ ﺍﺭﻳﺪ ﺍﻋﺮﻑ ﻣﻨﻮ ﻫﺬﻭﻟﻲ
...................
ﻫﺪﻯ
ﺳﺘﻮﻧﻲ ﺭﺍﺟﻌﺔ ﻣﻦ ﺍﻟﻜﻠﻴﺔ ﺗﻌﺒﺎﻧﺔ
ﺑﺪﻟﺖ ﻭﺧﻠﺼﺖ ﻭﺭﺣﺖ ﺑﺎﻟﻤﻄﺒﺦ
ﻭﺍﺗﻠﻜﺘﻨﻲ ﺿﺤﻰ
.. ﺣﻀﺮﻱ ﺭﻭﺣﺞ ﻳﺎﺣﻠﻮﺓ ﻣﺎ ﺑﻘﺔ ﻋﻠﻰ ﺧﻄﻮﺑﺘﺞ ﺷﻲ
ﻏﻴﺮ ﺑﺲ ٣ ﺍﻳﺎﻡ
.. ﺍﻱ ﻭﺷﻨﻮ ﻳﻌﻨﻲ ﺷﺘﻐﺪﻳﻨﻲ ( ﺷﺘﺮﺩﻳﻨﻲ ) ﺍﺳﻮﻱ ﺍﻏﻜﺺ ( ﺍﺭﻛﺺ )
.. ﻟﺞ ﺛﻮﻟﺔ ﺑﻄﻠﻲ ﻋﻨﺎﺩ ﺗﺮﺓ ﻫﻢ ﻳﺎﻟﻠﻪ ﺗﺠﻬﺰﻳﻦ ﻧﻔﺴﺞ
.. ﺍﻧﻲ ﻣﺎ ﻋﻠﻴﺔ ﺷﻴﻤﺎﺀ ﻛﺎﻟﺖ ﻋﻜﺐ ﺑﺎﺟﻎ ( ﺑﺎﺟﺮ ) ﺍﺧﺬ ﺍﺟﺎﺯﺓ
ﺣﺘﻰ ﺍﺗﻔﻐﻐﻠﺞ ( ﺍﺗﻔﺮﻏﻠﺞ ) ﻭﺍﺧﺬﺝ ﻟﻠﺴﻮﻙ ﻭﺍﺟﻬﺰﺝ
.. ﺍﻱ ﻣﺒﺎﺭﻙ ﺍﻟﻠﻪ ﻳﻨﻄﻲ ﺷﻴﻤﺎﺀ ﺩﺗﻔﻜﺮ ﻋﻨﺞ
ﻭﺍﻻ ﺍﻧﺘﻲ ﻟﻮ ﻋﻠﻴﺞ ﻣﺴﺘﻌﺪﺓ ﺗﻄﻠﻌﻴﻠﻬﻢ ﺑﺎﻟﻤﻬﺮ ﺑﺎﻟﺒﺠﺎﻣﺔ
.. ﺿﺤﻰ ﺍﺗﻤﻨﻰ ﺍﻣﻠﻚ ﻓﻬﺎﻭﺗﺞ ﻭﻏﺒﺎﺋﺞ
ﺟﺎﻥ ﻫﺴﺔ ﺍﻧﻲ ﻣﻮ ﻫﺬﺍ ﺣﺎﻟﻲ ﺟﺎﻥ ﺗﻠﻜﻴﻨﻲ ﻋﺎﻳﺸﺔ ﺑﻨﻌﻴﻢ
ﻣﺎ ﺍﺷﻴﻞ ﻫﻢ ﻭﻻ ﺍﺧﺎﻑ ﻣﻦ ﺍﻱ ﺷﻲ
.. ﺷﻨﻮ ﺷﺒﻴﺞ ﻫﺪﻯ ﺭﺣﻤﺔ ﺍﻟﻠﻪ ﻣﻦ ﻋﺎﺩﻫﺎ ﺍﻧﺘﻲ ﻛﻞ ﻳﻮﻣﻴﺔ ﻫﺎﻱ ﺍﻟﻘﻮﺍﻧﺔ ﻣﺎ ﺍﺭﻳﺪﺓ ﻭﻣﺎ ﺍﺭﻳﺪﺓ
ﻳﺎﺑﺔ ﺍﺳﺘﺴﻠﻤﻲ ﻭﺍﺧﺬﻱ ﺍﻻﻣﻮﺭ ﻋﻠﻰ ﻣﺎ ﻫﻲ ﻋﻠﻴﻪ
ﻫﺎﻱ ﻫﻲ ﻗﺴﻤﺘﺞ ﺍﺗﻘﺒﻠﻴﻬﺎ
.. ﻫﻮ ﺍﻧﻲ ﺍﻟﻤﺸﻜﻠﺔ ﺍﺣﺲ ﺑﻨﻔﺴﻲ ﺿﺎﻳﻌﺔ ﻭﺧﺎﻳﻔﺔ
ﻣﻊ ﺍﻧﻪ ﺍﻧﻲ ﺍﻋﺮﻑ ﺷﻨﻮ ﻳﻨﺘﻈﻐﻨﻲ ( ﻳﻨﺘﻈﺮﻧﻲ )
ﻭﺍﻟﺠﺎﻱ ﺍﺳﻮﺀ ﻭﺍﻟﻤﻔﻐﻮﺽ ( ﺍﻟﻤﻔﺮﻭﺽ ) ﺍﻛﻮﻥ ﻗﻮﻳﺔ
ﻭﻣﺴﺘﻌﺪﺓ
ﺑﺲ ﻣﻮ ﺑﻴﺪﻱ ﻏﺼﺐ ﻋﻨﻲ ﻣﻦ ﺗﻮﺻﻞ ﺍﻟﺴﺎﻟﻔﺔ ﻟﻘﺎﺳﻢ
ﻣﺠﻐﺪ ( ﻣﺠﺮﺩ ) ﺍﻛﻌﺪ ﺍﺗﺨﻴﻞ ﻏﻮﺣﻲ ( ﺭﻭﺣﻲ ) ﻭﺍﻛﻔﺔ ﻛﺪﺍﻣﻪ
ﻣﺎ ﺍﻋﻐﻒ ( ﻣﺎﺍﻋﺮﻑ ) ﺟﺴﻤﻲ ﺷﺒﻲ ﻳﻜﻮﻡ ﻳﻐﺠﻒ ( ﻳﺮﺟﻒ ) ﻣﺜﻞ ﺍﻟﺴﻌﻔﺔ
ﺍﻗﺘﺮﺑﺖ ﺿﺤﻰ ﻣﻨﻲ ﻭﺍﺧﺬﺗﻨﻲ ﻟﺤﻀﻨﻬﺎ
.. ﺣﺒﻴﺒﺘﻲ ﻟﺘﺨﺎﻓﻴﻦ ﺍﻥ ﺷﺎﺀ ﺍﻟﻠﻪ ﻳﻜﻮﻥ ﻗﺎﺳﻢ ﻋﻜﺲ ﻛﻞ ﺗﻮﻗﻌﺎﺗﺞ ﻋﻨﻪ ﻭﻳﻌﺎﻣﻠﺞ ﺑﺤﻨﻴﺔ
.. ﻫﻮ ﻣﻦ ﻭﻏﺔ ( ﻭﺭﺓ ) ﺳﻮﺍﻳﺔ ﺍﺑﻮﺝ ﻭﻳﺎﻩ
ﺑﻘﺔ ﺑﻴﻬﺎ ﺣﻨﻴﺔ
ﺍﻛﻴﺪ ﻫﺴﺔ ﺍﻟﻜﺔ ﺍﺳﺘﺎﺫ ﻗﺎﺳﻤﻮﻑ ﺣﺎﺩ ﺳﻨﻮﻧﻪ
ﺍﻟﻠﻪ ﻭﻛﻴﻠﺞ ﺍﻭﻝ ﻣﺎ ﻳﺴﺘﻔﻐﺪ ( ﻳﺴﺘﻔﺮﺩ ) ﺑﻴﺔ
ﻛﺒﻞ ﻟﻮ ﻳﻜﺘﻠﻨﻲ ﺍﻭﻳﺎﻛﻠﻨﻲ
ﻫﻲ ﻭﺣﺪﺓ ﻣﻦ ﺍﻟﺜﻨﻴﻦ ﻣﺎ ﺗﻘﺒﻞ ﻏﻠﻂ
ﺻﺒﻴﺘﻠﻲ ﻏﺪﺓ ﻭﻛﻌﺪﺕ ﺍﻛﻞ ﻭﺍﻧﺪﻙ ﺍﻟﺒﺎﺏ
ﺿﺤﻰ .. ﺍﻛﻴﺪ ﻫﺎﻱ ﺷﻴﻤﺎﺀ ﻫﺴﺔ ﻭﻛﺖ ﺟﻴﺘﻬﺎ
ﻭﻃﻠﻌﺖ ﺗﺸﻮﻑ ﻣﻨﻮ
ﻭﺍﻧﻲ ﻧﺰﻟﺖ ﻋﺎﻻﻛﻞ ﻓﺮﺩ ﻧﺰﻟﺔ ﺟﻨﺖ ﻛﻠﺶ ﺟﻮﻋﺎﻧﺔ
ﺷﻮﻳﺔ ﻭﺩﺧﻠﺖ ﺿﺤﻰ ﻭﺟﻬﺔ ﻣﺨﻄﻮﻑ ﻟﻮﻧﻪ
ﻭﺩﺧﻠﺖ ﻭﺭﺍﻫﺎ ﺍﻡ ﻓﺮﺯﺩﻕ
ﻓﺮﺣﺖ ﺑﺸﻮﻓﺘﻬﺎ
ﺗﺮﻛﺖ ﺍﻟﺨﺎﺷﻮﻛﺔ ﻭﻛﻤﺖ ﻣﻦ ﻣﻜﺎﻧﻲ
ﺳﻠﻤﺖ ﻋﻠﻴﻬﺎ
ﻭﺍﻧﻲ ﺍﺑﺎﻭﻉ ﻋﻠﻰ ﺿﺤﻰ ﺍﻟﻲ ﺣﺎﻃﺔ ﺍﻳﺪﻫﺎ ﻋﻠﻰ ﻛﻠﺒﻬﺎ
ﺍﻡ ﻓﺮﺯﺩﻕ .. ﻫﻠﺔ ﻭﻛﻞ ﺍﻟﻬﻼ ﺑﻌﺮﻭﺳﺘﻨﺎ ﺍﻟﺤﻠﻮﺓ
ﻳﻤﺔ ﻫﺪﺍﻭﻱ ﻛﺒﺮﺕ ﻭﺻﺎﺭﺕ ﻋﺮﻭﺳﺔ
ﺍﺧﺘﻔﺖ ﺍﺑﺘﺴﺎﻣﺘﻲ ﻭﻣﻐﺼﺘﻨﻲ ﺑﻄﻨﻲ ﻣﻦ ﺟﺎﺑﺖ ﻃﺎﺭﻱ ﺍﻟﻌﺮﺱ ﺧﺮﺏ ﺷﻨﻮ ﺍﻟﺴﺎﻟﻔﺔ
ﺍﻟﻴﻮﻡ ﺍﻟﻜﻞ ﻣﺘﻌﺎﻭﻧﻴﻦ ﻳﺬﻛﺮﻭﻧﻲ ﺑﻔﺎﺗﺤﺘﻲ
ﺩﻧﻜﺖ ﻭﻣﺠﺎﻭﺑﺘﻬﺎ
ﺍﻧﺪﻙ ﺍﻟﺒﺎﺏ ﻣﺮﺓ ﺍﻟﻠﺦ ﻭﺭﺍﺣﺖ ﺿﺤﻰ ﺗﻔﺘﺢ ﺍﻟﺒﺎﺏ ﺷﻮﻳﺔ ﻭﺩﺧﻠﺖ ﺷﻴﻤﺎﺀ ﻭﺳﻠﻤﺖ ﻋﻠﻴﻨﺎ
ﺷﻴﻤﺎﺀ .. ﺧﺎﻟﺔ ﻭﺍﻟﻠﻪ ﻣﺸﺘﺎﻗﺘﻠﺞ
.. ﺗﺸﺘﺎﻗﻠﺞ ﺍﻟﻌﺎﻓﻴﺔ ﺣﺒﻴﺒﺘﻲ ﻛﻮﻥ ﻣﺸﺘﺎﻗﺘﻠﻲ ﺻﺪﻙ
ﻫﺬﺍﻙ ﻫﻮ ﺑﻴﺘﻨﺎ ﻣﺎ ﻳﺘﻴﻪ ﻭﺗﻌﺎﻟﻲ ﻳﻤﻲ ﺷﺪﻋﻮﺓ
ﻳﻌﻨﻲ ﻟﻮ ﺍﻧﺎ ﺍﻟﻲ ﺍﺟﻲ ﻭﺍﺳﺄﻝ ﻟﻮ ﻣﺤﺪ ﻣﻨﻜﻢ ﺗﺤﻦ ﻋﻠﻴﺔ
ﻭﺍﻧﺎ ﺣﻴﻠﻲ ﻣﻮ ﻣﺜﻞ ﺍﻻﻭﻝ ﺻﺎﺭﺕ ﺍﻟﻄﻠﻌﺔ ﻋﻠﻴﺔ ﻛﻠﻔﺔ
.....
ﺣﻘﺞ ﻋﻠﻴﻨﺎ ﺧﺎﻟﺔ ﻭﺍﻟﻠﻪ ﺍﺩﺭﻱ ﺍﺣﻨﺎ ﻣﻘﺼﺮﻳﻦ ﻭﻳﺎﺝ
ﺑﺲ ﺍﻟﺪﻧﻴﺎ ﺷﻐﻠﺘﻨﺎ ﻭﻣﺎﻛﻮ ﻣﺠﺎﻝ ﻧﺸﻮﻑ ﺩﺭﺑﻨﺎ
ﻣﻦ ﺍﻟﺮﻛﻀﺔ
.. ﺍﻟﻠﻪ ﻳﺴﺎﻋﺪﺝ ﺣﺒﻴﺒﺔ ﺍﺩﺭﻱ ﺑﻴﺞ ﺷﻮﻣﺔ ﻛﻠﺔ ﺑﺮﺍﺳﺞ
ﻭﻛﻌﺪﻧﺎ ﻧﺤﺠﻲ ﻭﻧﺘﺒﺎﺩﻝ ﺍﻻﺧﺒﺎﺭ ﻭﺷﺎﻓﺖ ﻭﺟﻪ ﺿﺤﻰ ﻭﻛﺎﻟﺖ ﻫﺬﺍ ﻣﻨﻮ ﺿﺎﺭﺑﺞ ﻋﻠﻰ ﻋﻴﻨﺞ ﻭﻣﺰﻭﺭﻛﻬﺎ ﻫﻴﺞ
ﺟﺎﻭﺑﺘﻬﺎ ﺷﻴﻤﺎﺀ
.. ﻳﺎ ﺧﺎﻟﺔ ﻫﺎﻱ ﺯﻳﻦ ﻟﻮ ﺟﺎﻳﺘﻨﺎ ﻗﺒﻞ ﻳﻮﻣﻴﻦ ﺟﺎﻥ ﻣﺎﻋﺮﻓﺘﻴﻬﺎ
ﻣﻦ ﻭﺭﺓ ﺍﻟﻮﺭﻡ ﻭﺍﻟﺰﺭﺍﻙ
.. ﻟﻴﺶ ﻣﻨﻮ ﻣﺴﻮﻱ ﺑﻴﻬﺎ ﻫﻴﺞ
.. ﺧﺎﻟﺔ ﺍﻛﻮ ﻏﻴﺮ ﻫﺬﺍ ﺍﻟﻌﺎﺭ ﺯﻭﺟﻬﺎ
ﺑﺎﻭﻋﺘﻠﻬﺎ ﺍﻡ ﻓﺮﺯﺩﻕ ﻭﻛﺎﻟﺖ
.. ﺍﻟﻠﻪ ﻳﻜﺴﺮ ﺍﻳﺪﻩ ﻫﺎﻟﺤﻴﻮﺍﻥ ﺍﻟﻨﺬﻝ ﺍﻻ ﺍﺧﻠﻲ ﻋﻤﺞ ﺍﺑﻮ ﻓﺮﺯﺩﻕ ﻳﻄﻴﺢ ﺣﻈﻪ
ﺑﺴﻴﻄﺔ
ﺷﻮﻑ ﺍﻟﺤﻆ ﻟﻬﻴﺘﻮﻧﻲ ﺑﺎﻟﺴﻮﺍﻟﻒ ﻭ ﺭﺍﺡ ﺗﻨﺴﻮﻧﻲ
ﺍﻧﺎ ﻋﻠﻴﻤﻦ ﺍﺟﻴﺖ
ﺧﻄﻴﺔ ﻫﺎﻱ ﺍﻡ ﻗﺎﺳﻢ ﺍﺗﺨﺮﺑﻄﺖ ﺻﺤﺘﻬﺎ
ﻭﺍﺗﺼﻠﺖ ﻋﻠﻴﺔ ﻭﻛﺎﻟﺖ ﺭﻭﺣﻲ ﻟﻠﺒﻨﺎﺕ ﺑﻤﻜﺎﻧﻲ ﻭﺷﻮﻓﻴﻬﻢ ﺷﻨﻮ ﻳﺤﺘﺎﺟﻮﻥ
ﻛﻠﺘﻠﻬﺎ ﻣﺎ ﻳﺤﺘﺎﺝ ﺗﻮﺻﻴﻦ ﺣﺮﻳﺺ
ﻭﻫﻲ ﻫﺬﺍ ﻭﻟﻴﺪﻫﺎ ﺍﻟﻮﺣﻴﺪ ﻓﺘﺸﻮﻓﻴﻦ ﺧﻄﻴﺔ ﻣﺨﺒﻮﺻﺔ ﺭﻏﻢ ﻣﺮﻳﻀﺔ ﺑﺲ
ﻣﺎ ﻛﺎﻋﺪﺓ ﺩﺍﺯﺓ ﻋﺎﻟﻌﻤﺎﻝ ﺗﺮﻳﺪ ﺗﺴﻮﻱ ﺗﺠﺪﻳﺪ ﻟﻠﺒﻴﺖ ﻭﺻﺒﻎ
ﺗﻜﻮﻝ ﻗﺎﺳﻢ ﻣﺴﺘﻌﺠﻞ ﻋﺎﻟﻌﺮﺱ
ﻳﻤﺔ ﻫﻲ ﻛﺎﻟﺖ ﻣﺴﺘﻌﺠﻞ ﻭﺍﻧﻲ ﻋﻈﻴﺖ ﺍﻟﺴﺎﻧﻲ ﻣﻦ
ﺍﻟﺮﻫﺒﺔ
ﺩﺧﻠﺖ ﺳﻠﻴﻤﺔ ﻭﻋﺒﺎﻳﺘﻬﺎ ﻋﻠﻰ ﺭﺍﺳﻬﺎ
ﻭﺷﺎﻓﺖ ﺍﻡ ﻓﺮﺯﺩﻕ ﻭﺳﻠﻤﺖ ﻋﻠﻴﻬﺎ
ﻭﻛﻌﺪﻥ ﺩﻙ ﺳﻮﺍﻟﻒ ﺑﺨﺼﻮﺹ ﺍﻟﻌﺮﺱ
ﻭﺳﻠﻴﻤﺔ ﻋﺒﺎﻟﻚ ﻫﻲ ﺍﻟﻌﺮﻭﺱ ﻛﻞ ﺷﻮﻳﺔ ﺗﻄﻠﺐ ﻃﻠﺐ ﻣﻦ
ﺍﻡ ﻓﺮﺯﺩﻕ
ﺍﺧﻴﺮ ﺷﻲ ﺧﺘﻤﺘﻬﺎ ﻭﻛﺎﻟﺖ ﻷﻡ ﻓﺮﺯﺩﻕ
ﺳﻠﻴﻤﺔ .. ﺍﻛﻮﻝ ﺣﺒﻴﺒﺔ ﺍﺣﻨﺎ ﻣﺘﻌﻮﺩﻳﻦ ﺑﺘﻘﺎﻟﻴﺪﻧﺎ
ﺍﻫﻞ ﺍﻟﻮﻟﺪ ﻳﻜﺼﻮﻥ ﻗﻄﻊ ﻗﻤﺎﺵ ﻟﻜﻞ ﺣﺒﺎﻳﺐ ﺍﻟﻌﺮﻭﺳﺔ
ﻭﻳﻬﺪﻭﻧﻬﺎ ﺍﺷﻮ ﺍﻡ ﻗﺎﺳﻢ ﻟﺤﺪ ﻫﺴﺔ ﻣﺠﺎﺑﺘﻠﻨﺎ ﺷﻲ ﺍﻧﻲ
ﺣﺒﻮﺑﺘﻬﺎ ﻟﻬﺪﻯ ﻭﻫﺬﻧﻲ ﺧﻮﺍﺗﻬﺎ
ﺷﻴﻤﺎﺀ ﺑﺄﺣﺮﺍﺝ
.. ﻫﻬﻬﻬﻬﻪ ﻭﺍﻟﻠﻪ ﻳﺎ ﺑﻴﺒﻲ ﻋﻠﻴﺞ ﺳﻮﺍﻟﻒ ﺍﻥ ﺷﺎﺀ ﺍﻟﻠﻪ ﺍﺣﻨﺎ ﻭﺑﻴﺖ ﺍﻡ ﻗﺎﺳﻢ ﺍﻫﻞ ﻭﻣﺎ ﺑﻴﻨﺎ ﻫﺎﻱ ﺍﻟﺮﺳﻤﻴﺎﺕ
ﺳﻠﻴﻤﺔ .. ﻻ ﺣﺒﻴﺒﺔ ﻫﺬﺍ ﻳﺴﻤﻮﻧﻪ ﺗﻘﺪﻳﺮ ﻗﺎﺑﻞ ﺍﺣﻨﺎ ﻣﻌﻮﻗﻴﻦ ﻋﻠﻰ ﻗﻄﻌﺔ ﺍﻟﻘﻤﺎﺵ ﺑﺲ ﻫﻴﺞ ﺍﻻﺻﻮﻝ ﺗﻜﻮﻝ
ﺑﺎﻭﻋﺖ ﻋﻠﻴﻬﺎ ﻭﺍﻧﻲ ﺍﺗﻤﻨﻰ ﺍﺛﺮﻣﻬﺎ ﺑﺴﻨﻮﻧﻲ
ﺣﺠﻴﺖ ﻳﻢ ﺿﺤﻰ
.. ﻳﻨﻌﻞ ﺍﺑﻮ ﺍﻻﺻﻮﻝ ﺍﻟﻲ ﺗﻌﻐﻔﻬﺎ ( ﺗﻌﺮﻓﻬﺎ ) ﺳﻠﻴﻤﺔ
ﻻ ﺗﻔﺸﻠﻨﺎ ﻭﺍﻟﻠﻪ ﺍﺫﺍ ﻣﺎ ﺳﻜﺘﺖ ﺍﻏﻮﺡ ( ﺍﺭﻭﺡ ) ﺍﻛﻮﻡ ﺍﺧﻨﻜﻬﺎ ﻭﺍﻟﻠﻪ
ﻫﻮ ﺍﻧﻲ ﺑﻼ ﻛﻠﺸﻲ ﻋﻘﻠﻲ ﻓﺎﺻﻞ
ﻭﻧﻮﺏ ﺳﻠﻴﻤﺔ ﻭﺳﻮﺍﻟﻔﻬﺎ ﺗﺠﻤﻠﻨﻲ ﺣﺘﻰ ﻛﻠﺶ ﺗﻜﻤﻞ ﺍﻟﺴﺒﺤﺔ
ﺷﻮﻳﺔ ﻭﺩﻙ ﻧﻘﺎﻝ ﺍﻡ ﻓﺮﺯﺩﻕ ﻭﺣﺠﺖ
.. ﻫﺎ ﺟﺪﺓ ﺻﻬﻴﺐ ﻫﺎ ﺭﺍﺡ ﺗﺠﻲ ﻋﻠﻴﺔ
ﻳﺎﻟﻠﻪ ﺧﻮﺵ ﺍﻧﺎ ﺍﻧﺘﻈﺮﻙ
.. ﻫﺎ ﺷﻨﻮ
ﻳﺎﺍﺍﺍﺍ ﻣﻌﻘﻮﻟﺔ ﻣﺎﻋﺮﻓﺘﻬﺎ ﻣﻨﻮ ﻫﺎﻱ
ﺑﺎﻭﻋﺖ ﻟﻀﺤﻰ
ﻟﻚ ﺻﻬﻴﺐ ﻫﺎﻱ ﺿﺤﻰ
ﺍﻱ ﺧﻄﻴﺔ ﻫﺬﺍ ﺯﻭﺟﻬﺎ ﺍﻟﻨﺎﻗﺺ ﺿﺎﺭﺑﻬﺎ ﻭﻣﺰﻭﺭﻙ ﻭﺟﻬﺎ
ﺷﻮﻳﺔ ﻭﺳﻤﻌﺖ ﺍﻡ ﻓﺮﺯﺩﻕ
.. ﻫﺎ ﺟﺪﺓ ﺍﺳﻢ ﺍﻟﻠﻪ ﺷﺒﻴﻚ ﺻﻬﻴﺐ ﺷﺠﺎﻙ
.. ﻟﻌﺪ ﺑﻴﺒﻲ ﺩﻳﺮ ﺑﺎﻟﻚ ﻭﺍﻧﺖ ﺗﺴﻮﻕ ﻻﺗﺪﻋﻢ
ﻳﺎﻟﻠﻪ ﺍﻧﺎ ﺍﻧﺘﻈﺮﻙ
ﺳﺪﺕ ﺍﻟﻨﻘﺎﻝ
ﺑﺎﻭﻋﺖ ﻋﻠﻰ ﺿﺤﻰ ﺷﻠﻮﻥ ﺍﻟﻌﻴﻮﻥ ﺍﻧﻤﻠﺖ ﺩﻣﻮﻉ
ﻭﺣﺠﺖ ﺍﻡ ﻓﺮﺯﺩﻕ
......
ﻫﺬﺍ ﺧﻄﻴﺔ ﺻﻬﻴﺐ ﺳﺄﻟﻨﻲ ﻭﻛﺎﻝ ﻣﻨﻮ ﻫﺎﻱ ﺍﻟﻲ ﻃﻠﻌﺖ ﻭﻓﺘﺤﺘﻠﻨﺎ ﺍﻟﺒﺎﺏ ﻭﻋﻴﻨﻬﺎ ﻣﺰﻭﺭﻛﺔ
ﺑﺲ ﺧﻄﻴﺔ ﻭﻛﻊ ﻛﻠﺒﻲ ﻭﺍﻧﺎ ﺍﺣﺠﻲ ﻭﻳﺎﻩ ﺳﻤﻌﺖ ﺻﻮﺕ
ﻋﺎﻟﻲ ﻣﺎﻝ ﺳﻴﺎﺭﺓ
ﺳﻠﻴﻤﺔ .. ﺍﻟﻠﻪ ﻳﺤﻔﻈﻬﻢ ﻫﺎﻟﺸﺒﺎﺏ ﻃﺎﻳﺮﻳﻦ ﺑﻬﺎﻟﺴﻴﺎﻗﺔ
ﻣﺎ ﺍﻋﺮﻑ ﻋﻠﻰ ﺷﻨﻮ ﻣﺴﺘﻌﺠﻠﻴﻦ
ﺟﺎﻧﺖ ﺍﻡ ﻓﺮﺯﺩﻕ ﺗﺤﺠﻲ ﻭﻳﺔ ﺳﻠﻴﻤﺔ
ﻋﻠﻰ ﻧﻴﺎﺗﻬﺎ ﻭﻏﺎﻓﻠﺔ ﻋﻦ ﺍﻟﻜﻠﻮﺏ ﺍﻟﻤﻠﺠﻮﻣﺔ
ﻣﺜﻞ ﺍﻟﻲ ﻳﺮﺵ ﺍﻟﻤﻠﺢ ﻋﺎﻟﺠﺮﺡ ﻣﻦ ﻏﻴﺮ ﻣﺎ ﻳﻌﺮﻑ
ﺑﺼﺎﺣﺐ ﺍﻟﺠﺮﺡ ﻣﺠﺮﻭﺡ
ﺍﻋﺮﻑ ﺍﻡ ﻓﺮﺯﺩﻕ ﻣﺮﺓ ﻣﻦ ﺍﻫﻞ ﺍﻟﻠﻪ
ﺑﺴﺮﻋﺔ ﺗﻨﺴﻰ ﻭﺑﻜﻞ ﺿﻨﻬﺎ ﺍﻥ ﺳﺎﻟﻔﺔ ﺻﻬﻴﺐ ﻭﺿﺤﻰ
ﺍﻧﺴﺖ ﻣﻦ ﺍﺗﺰﻭﺟﺖ ﻭﻫﺎﻱ ﻫﻲ ﺧﻼﺹ
ﻧﺴﺖ ﻣﺎ ﺍﻟﺤﺐ ﺍﻻ ﻟﻠﺤﺒﻴﺐ ﺍﻻﻭﻟﻲ ﻭﺻﻌﺐ ﻧﺴﻴﺎﻧﻪ
ﻋﺮﻓﺖ ﻣﻦ ﺧﻼﻝ ﻛﻼﻡ ﺍﻡ ﻓﺮﺯﺩﻕ
ﺍﻥ ﺻﻬﻴﺐ ﺭﻏﻢ ﺍﻟﻲ ﺻﺎﺭ ﻭﺭﻏﻢ ﻗﺴﺎﻭﺗﻪ
ﺑﻌﺪﻩ ﻋﻠﻰ ﻋﻬﺪﻩ ﺍﻻﻭﻟﻲ
ﺳﻠﻴﻤﺔ ﺣﺠﺖ
.. ﺍﻱ ﺻﺪﻙ ﺍﻧﺘﻮﺍ ﻣﺎ ﻧﺎﻭﻳﻦ ﺗﺰﻭﺟﻮﻧﻪ
ﺍﺷﻮ ﺷﻬﺎﺩﺓ ﻭﺍﺧﺬﻫﺎ ﻭﺑﻌﺪ ﺷﻨﻮ ﻳﻨﺘﻈﺮ
ﺍﻡ ﻓﺮﺯﺩﻕ .. ﻭﺍﻟﻠﻪ ﻳﺎ ﺣﺒﻴﺒﺔ ﺟﺎﻱ ﺍﻧﺪﻭﺭﻟﻪ ﻋﻠﻰ ﺑﻨﺖ ﺍﻟﺤﻼﻝ ﺑﺲ ﻫﻮ ﺍﻟﻠﻪ ﻳﺤﻔﻈﻪ ﻛﻠﺶ ﺻﻌﺐ ﺑﺲ ﺍﻟﺒﺎﺭﺣﺔ
ﺍﺟﺎﻧﺔ ﻭﻛﺎﻝ ﺍﺭﻳﺪﻛﻢ ﺗﺨﻄﺒﻮﻟﻲ ﻭﺣﺪﺓ ﺍﺧﺖ ﺻﺪﻳﻘﻪ
ﺷﺎﻓﻬﺔ ﺑﺎﻟﻜﻠﻴﺔ ﻭﻋﺎﺟﺒﺘﻪ
ﺍﻧﺘﺒﻬﺖ ﻟﻀﺤﻰ ﺣﻄﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﻭﻛﺎﻣﺖ ﻣﻦ ﻣﻜﺎﻧﻬﺎ ﺑﺴﺮﻋﺔ ﻗﺒﻞ ﻻ ﺗﻔﻀﺢ ﻧﻔﺴﻬﺎ ﻭﻳﺤﺴﻮﻥ ﻋﻠﻴﻬﺎ
ﻛﻤﻠﺖ ﺍﻡ ﻓﺮﺯﺩﻕ ﻛﻼﻣﻬﺎ
.. ﺍﻧﺪﻋﻴﻠﻪ ﺑﻠﻜﻲ ﺍﻟﻠﻪ ﻳﻜﺘﺒﻬﺎ ﻣﻦ ﻧﺼﻴﺒﺔ
ﺳﻠﻴﻤﺔ .. ﺍﻥ ﺷﺎﺀ ﺍﻟﻠﻪ ﺍﻟﺒﻲ ﺧﻴﺮ ﻳﻘﺪﻣﻪ ﺭﺏ ﺍﻟﻌﺎﻟﻤﻴﻦ
ﺑﻌﺪﻫﺎ ﻃﻠﻌﺖ ﺍﻡ ﻓﺮﺯﺩﻕ ﻭﺍﺗﻔﻘﺖ ﻭﻳﺔ ﺳﻠﻴﻤﺔ ﺗﺪﺯ ﻋﻤﺎﻝ
ﻳﻌﻠﻜﻮﻥ ﺍﺿﻮﻳﺔ ﻭﻳﻨﺼﺒﻮﻥ ﺍﻟﻜﺮﺍﺳﻲ
ﻟﻠﺸﺎﺭﻉ ﻳﻢ ﺑﻴﺖ ﻋﻤﻮ ﺍﻣﺠﺪ ﺗﻜﻮﻝ ﺧﺎﻑ ﻧﺎﺳﻬﻢ ﻫﻮﺍﻱ ﻭﻣﺎﻛﻮ ﻣﺠﺎﻝ ﺑﺎﻻﺳﺘﻘﺒﺎﻝ ﻧﻜﻌﺪﻫﻢ ﺑﺮﺓ
ﺳﻠﻴﻤﺔ ﺗﺤﺐ ﺗﺴﺘﻔﺎﺩ ﻟﺤﺪ ﺍﺧﺮ ﻟﺤﻈﺔ
ﺧﻠﺺ ﺍﻟﻴﻮﻡ ﻭﺳﻠﻴﻤﺔ ﻛﻞ ﺷﻮﻳﺔ ﺗﺴﺄﻝ ﺿﺤﻰ
.. ﺍﻛﻠﺞ ﺍﻧﺘﻲ ﺷﻨﻮ ﺳﺎﻟﻔﺘﺞ ﺻﺎﺭﻟﺞ ﻓﻮﻙ ﺍﻟﺴﻨﺔ ﻣﻦ ﺍﺗﺰﻭﺟﺘﻲ ﻣﺎ ﺻﺎﺭ ﻋﻨﺪﺝ ﺣﻤﻞ ﻣﻨﺎ ﻣﻨﺎ
ﺟﺎﻭﺑﺘﻬﺎ ﺿﺤﻰ ﺑﺪﻭﻥ ﺧﻠﻚ
.. ﻛﻠﺸﻲ ﻣﺎﻛﻮ ﻋﻠﻰ ﺣﻄﺖ ﺍﻳﺪﺝ
.. ﻋﺰﺓ ﺑﺲ ﻻ ﻋﺎﻗﺮ ﻭﻣﺎ ﺗﺤﺒﻠﻴﻦ
ﻭﻳﺸﻤﺮﺝ ﻋﻠﻴﺔ ﺳﻮﻳﻒ
ﻭﻟﺞ ﻳﺎﻟﻐﺒﺮﺓ ﺭﺍﺟﻌﻲ ﺩﻛﺘﻮﺭﺓ ﺧﻠﻲ ﺗﺸﻮﻑ ﺷﻨﻮ ﻋﻠﺘﺞ
ﺣﺘﻰ ﺗﺮﺑﻄﻴﻦ ﺭﺟﻠﺞ ﺑﺎﻟﺨﻠﻔﺔ
ﺿﺤﻰ .. ﺍﺧﺮ ﻫﻤﻲ ﺍﻗﻮﻱ ﺍﺭﺗﺒﺎﻃﻲ ﺑﻲ ﻭﺍﻟﻠﻪ ﻳﺴﻮﻱ ﻓﻀﻞ ﺍﺫﺍ ﻃﻠﻜﻨﻲ
ﻳﻤﺔ ﻫﻲ ﻛﺎﻟﺖ ﻫﻴﺞ ﻭﺳﻠﻤﻴﺔ ﻛﺎﻣﺖ ﻋﻠﻴﻬﺎ
.. ﺷﻨﻮ ﺷﻨﻮ ﺣﺒﻮﺑﺔ ﻋﻴﺪﻱ ﺷﻜﻠﺘﻲ
ﻟﺴﺖ ﺿﺤﺎﻭﻱ ﺗﺘﺸﺮﻁ ﻫﻲ ﺑﺲ ﻫﺎﻱ ﺍﻟﻌﺎﻳﺰﺓ ﺗﺘﻄﻠﻜﻴﻦ
ﺷﻮﻓﻲ ﻭﻟﺞ ﻭﺳﻤﻌﻴﻨﻲ ﺯﻳﻦ ﻫﺎﻱ ﻛﺪﺍﻡ ﺧﻮﺍﺗﺞ
ﺑﺲ ﻳﺠﻲ ﺭﺟﻠﺞ ﺗﺮﺟﻌﻴﻦ ﻭﻳﺎﻩ ﻣﺎﻛﻮ
ﺍﻃﺮﺩﺝ ﺍﻧﺘﻲ ﻭﺍﺑﻮﺝ ﻭﺧﻮﺍﺗﺞ ﻣﻦ ﺍﻟﺒﻴﺖ
ﺗﺮﺓ ﺍﻧﻲ ﻭﺻﻞ ﺣﺪﻱ ﻣﺘﻜﻮﻟﻴﻠﻲ ﺍﻧﻲ ﺷﻤﺤﺼﻠﺔ ﻣﻨﻜﻢ ﺍﻧﺘﻮﺍ
ﻭﺍﺑﻮﻛﻢ
ﻏﻴﺮ ﺑﺲ ﻭﺟﻊ ﺍﻟﻜﻠﺐ ﻭﺍﻟﻤﺼﺎﻳﺐ ﺍﻧﻲ ﻣﺎ ﺍﻋﻮﻝ ﺍﺯﻭﺟﻜﻢ
ﺍﻓﺘﻚ ﻣﻨﺠﻦ ﺗﺠﻲ ﺍﻟﻤﺤﺮﻭﺳﺔ ﺗﺘﺄﻣﺮ
ﻛﺎﻣﺖ ﺿﺤﻰ ﻣﻦ ﻛﺪﺍﻡ ﺳﻠﻴﻤﺔ ﺑﺪﻭﻥ ﻣﺘﺤﺠﻲ ﺍﻱ ﺷﻲ
ﺑﺎﻭﻋﺖ ﻟﺸﻴﻤﺎﺀ ﻭﻛﻠﺘﻠﻬﺎ
.. ﺷﻴﻤﺎﺀ ﺍﺣﺠﻴﻠﺞ ﻛﻠﻤﺔ ﻭﻳﺎﻫﺎ ﻻ ﻭﺍﻟﻠﻪ ﺍﺭﺗﻜﺐ ﺑﻴﻬﺎ
ﺟﺮﻳﻤﺔ ﻭﺍﺩﺧﻞ ﻟﻠﺴﺠﻦ ﻣﻦ ﻭﺭﺍﻫﺎ
.. ﺷﺤﺠﻲ ﻭﺍﺣﻨﺎ ﻣﺎﻟﻨﺔ ﺣﻖ ﻧﺤﺠﻲ
ﻻﻥ ﻫﺬﺍ ﺻﺪﻙ ﺑﻴﺘﻬﺎ ﻭﻫﻲ ﻣﺴﻮﻳﺔ ﺑﺮﺍﺳﻨﺎ ﻓﻀﻞ ﻭﻣﻜﻌﺪﺗﻨﺎ
ﻭﻳﺎﻫﺎ ﻭﺳﻮﺍﻟﻒ ﺍﺑﻮﺝ ﺍﻟﺘﻌﺒﺎﻧﺔ ﺗﻨﻄﻖ ﺍﻟﺤﺠﺮ ﻭﺗﻔﻚ ﺍﻟﺤﺪﻳﺪ
.....
ﺟﺎﻥ ﻛﻼﻡ ﺷﻴﻤﺎﺀ ﺻﺤﻴﺢ
ﺭﻓﻌﺖ ﺭﺍﺳﻲ ﻟﻠﺴﻤﺎﺀ ﺍﻃﻠﺐ ﺍﻟﺼﺒﺮ
ﺍﻟﻮﺍﺣﺪ ﺷﻜﺪ ﻳﻜﺪﺭ ﻳﺘﺤﻤﻞ ﻭﻳﺒﻘﻰ ﺻﺎﻣﺪ
ﺣﺘﻰ ﻳﺤﻤﻲ ﺍﻋﺰ ﻧﺎﺳﻪ
ﻻ ﺑﺪ ﻭﺍﻥ ﻳﺠﻲ ﺍﻟﻴﻮﻡ ﺍﻟﻲ ﻳﺸﻮﻑ
ﺑﻲ ﺍﻋﺰ ﻧﺎﺳﻪ ﻳﻌﺎﻧﻲ ﻛﺪﺍﻡ ﻋﻴﻨﻪ ﻭﻫﻮ ﻭﺍﻛﻒ ﺑﻼﺣﻮﻝ ﻭﻻ ﻗﻮﺓ ﻣﺎ ﺑﻴﺪﻩ ﻳﺴﻮﻱ ﺷﻲ
ﻟﻠﻴﻞ ﻓﺮﺷﻨﺎ ﺍﺗﻤﺪﺩﻧﺎ ﻋﺎﻟﻔﺮﺍﺵ ﻭﺍﺗﺼﻞ ﺑﺎﺑﺎ ﻋﻠﻰ ﺷﻴﻤﺎﺀ ﻳﺴﺄﻟﻬﺎ
.. ﺧﻮﻣﺎ ﺍﺟﺘﻜﻢ ﻫﺎﻱ ﻣﻬﺮﺓ ﻣﺮﺓ ﺛﺎﻧﻴﺔ
ﺷﻴﻤﺎﺀ ﺟﺎﻭﺑﺘﻪ
.. ﻣﺎ ﺍﺟﺘﻲ ﺍﻟﻴﻮﻡ
.. ﻫﻤﺰﻳﻦ ﺍﻧﺎ ﺑﺎﺟﺮ ﺍﺟﻲ ﻭﺍﺣﻞ ﺍﻟﻤﻮﺿﻮﻉ ﻭﻳﺎﻫﺎ
ﺍﻧﻬﻰ ﺍﻻﺗﺼﺎﻝ
ﻭﺑﺎﻭﻋﺖ ﻟﺸﻴﻤﺎﺀ
.. ﻣﺘﻜﻠﻴﻠﻲ ﻫﺬﺍ ﺍﺑﻮﺝ ﻭﻳﻦ ﻣﺴﺎﻓﺮ
.. ﻭﺍﻟﻠﻪ ﻋﻠﻤﻲ ﻋﻠﻤﺞ ﺍﺳﺄﻟﻪ ﻋﻦ ﻣﻜﺎﻧﻪ ﻳﻜﻠﻲ ﻣﻮ ﺷﻐﻠﺞ
ﺷﺘﺴﻮﻳﻦ ﺑﻤﻜﺎﻧﻲ
ﻳﻌﻨﻲ ﻫﻲ ﻣﻬﺮﺓ ﺑﻜﺒﺮﻫﺎ ﻣﻜﺪﺭﺕ ﻋﻠﻰ ﺍﺑﻮﺝ
ﻋﻠﻰ ﻛﻮﻟﺘﻬﺎ
( ﺍﻧﻲ ﻣﻬﺮﺓ ﻣﺤﺪ ﻳﻜﺪﺭ ﻳﻨﺪﻙ ﺑﻴﺔ )
ﺗﺮﺩﻳﻦ ﻣﻨﻲ ﺍﻧﻲ ﺷﻴﻤﺎﺀ ﺍﻛﺪﺭ ﻋﻠﻰ ﺍﺑﻮﻧﺎ
ﺿﺤﻜﺖ ﻋﺒﻰ ﺷﻜﻞ ﺷﻴﻤﺎﺀ ﺷﻠﻮﻥ ﺗﻘﻠﺪ ﺣﺠﻲ ﻣﻬﺮﺓ
ﻗﻄﻊ ﺣﺪﻳﺜﻨﺎ ﺻﻮﺕ ﻧﻘﺎﻝ ﺷﻴﻤﺎﺀ
.. ﻫﺎﻱ ﺷﻨﻮ ﺍﻟﻴﻮﻡ ﺍﻻﺗﺼﺎﻝ ﺍﻟﻌﺎﻟﻤﻲ
ﺍﺷﺮﺗﻠﻲ ﺷﻴﻤﺎﺀ
.. ﺍﺵ ﺳﻜﺘﻲ ﻫﺎﻱ ﺧﺎﻟﺔ ﺍﻡ ﻗﺎﺳﻢ ﻋﺪﻟﺖ ﻛﻌﺪﺗﻬﺎ
ﻭﺍﻧﻲ ﺣﺒﺴﺖ ﺍﻻﻧﻔﺎﺱ
ﺭﺩﺕ ﺷﻴﻤﺎﺀ ﻋﺎﻻﺗﺼﺎﻝ ﻭﺳﻠﻤﺖ ﻋﻠﻴﻬﺎ ﻭﺑﻌﺪ
ﺍﺳﻤﻊ ﺷﻴﻤﺎﺀ ﺑﺲ ﺗﻜﻮﻝ ﺍﻱ ﻭﺍﻱ
ﻭﺍﻱ ﻭﺍﻥ ﺷﺎﺀ ﺍﻟﻠﻪ ﻭﻫﻼ ﺑﻴﻜﻢ
ﻭﺑﻌﺪﻫﺎ ﺳﺪﺕ ﺍﻟﻨﻘﺎﻝ ﻭﺑﺎﻭﻋﺖ ﻋﻠﻴﺔ ﻭﻛﺎﻟﺖ
.. ﺍﻡ ﻗﺎﺳﻢ ﺗﻜﻮﻝ ﺑﺎﺟﺮ ﺍﻟﻌﺼﺮ ﺭﺍﺡ ﻧﺠﻲ ﺍﻧﻲ ﻭﻗﺎﺳﻢ ﻭﻫﺎﻟﺔ ﻛﻮﻟﻲ ﻟﻬﺪﻯ ﺗﺠﻬﺰ ﻧﻔﺴﻬﺎ ﺣﺘﻰ ﺗﻄﻠﻊ ﻭﻳﺎﻧﺎ
ﻧﺸﺘﺮﻱ ﺣﻠﻘﺎﺕ ﻭﺑﺎﻗﻲ ﺍﻟﺬﻫﺐ
ﺟﺎﻧﺖ ﺷﻴﻤﺎﺀ ﺗﺤﺠﻲ ﻭﺍﻧﻲ ﺑﻬﺖ ﻟﻮﻧﻲ ﻳﻌﻨﻲ ﺷﻨﻮ
ﺻﺎﺭﺕ ﺻﺪﻙ ﻳﻌﻨﻲ ﺑﺎﺟﺮ ﺍﺷﻮﻑ ﻗﺎﺳﻢ
ﺻﺤﺖ ﺑﺼﻮﺕ ﺧﺎﻳﻔﺔ
.. ﻳﻤﺔﺓﺓﺓﺓﺓﺓﺓﺓﺓﺓﺓ
ﺍﻗﺘﺮﺑﺖ ﻣﻦ ﺷﻴﻤﺎﺀ ﻭﺿﻤﻴﺖ ﺭﺍﺳﻲ ﺑﺤﻀﻨﻬﺎ ﺧﺎﻳﻔﺔ
ﺍﻃﻠﺐ ﻣﻨﻬﺎ ﺍﻻﻣﺎﻥ ﺍﺭﻳﺪ ﺍﺧﺘﻞ ﺟﻮﺓ ﻇﻠﻮﻋﻬﺎ
ﺑﺲ ﻫﺬﺍ ﺍﻟﺸﻲ ﻣﺴﺘﺤﻴﻞ
ﻣﻦ ﺍﻳﻦ ﺍﻟﻤﻔﺮ
ﻧﻤﺖ ﺑﺪﻭﻥ ﻣﺎ ﺍﺣﺲ ﻋﻠﻰ ﺭﻭﺣﻲ
ﻳﻮﻡ ﺛﺎﻧﻲ ﺍﻟﺼﺒﺢ ﻛﻌﺪﺗﻨﻲ ﺷﻴﻤﺎﺀ ﺟﺎﻧﺖ ﻻﺑﺴﺔ ﻣﻼﺑﺲ
ﺟﺪﻳﺪﺓ ﻭﻣﻮﺩﻳﻠﻬﻢ ﻭﻟﻮﻧﻬﻢ ﻛﻠﺶ ﺣﻠﻮ
ﻓﺮﻛﺖ ﻋﻴﻮﻧﻲ ﺑﻨﻌﺎﺱ
.. ﻫﺪﻯ ﺻﺤﺼﺤﻲ ﻭﻳﺎﻱ ﺍﻟﻴﻮﻡ ﻻ ﺗﺮﺣﻴﻦ ﻟﻠﻜﻠﻴﺔ
ﻛﻌﺪﻱ ﺑﺎﻟﺒﻴﺖ ﺟﻬﺰﻱ ﺭﻭﺣﺞ ﺧﺎﻑ ﻳﻐﻴﺮﻭﻥ ﺭﺃﻳﻬﻢ ﻭﻳﺠﻮﻥ ﻣﻦ ﻭﻛﺖ ﻋﻠﻰ ﺍﻻﻗﻞ ﺍﻧﺘﻲ ﻣﺎ ﺗﻜﻮﻧﻴﻦ ﺗﻌﺒﺎﻧﺔ ﻣﻦ ﺍﻟﺪﻭﺍﻡ
.. ﺧﺮﺏ ﻳﻮﻣﺞ ﺷﻴﻤﺎﺀ ﺍﻛﻮ ﻭﺍﺣﺪ ﻳﻜﻌﺪ ﺑﺸﺮ ﻣﻦ ﻋﺰ ﻧﻮﻣﺘﻪ ﻭﻳﺨﺮﻋﻪ ﺑﻬﻴﺞ ﺧﺒﺮ
ﻣﺎﺗﻜﻮﻟﻴﻦ ﻫﺎﻱ ﺍﺧﺘﻲ ﺧﻄﻴﺔ
ﺷﻴﻤﺎﺀ ﺑﺒﺘﺴﺎﻣﺔ ﻭﺍﻟﻮﺟﻪ ﻭﺭﺩﻱ
ﻭﺍﻟﻌﻴﻮﻥ ﺗﻠﻤﻊ
.. ﻭﺍﻟﻠﻪ ﺍﻧﺘﻲ ﻣﺨﺒﻠﺔ ﻣﻮ ﻋﺎﻗﻠﺔ
ﺿﻴﻜﺖ ﻋﻴﻮﻧﻲ
.. ﺍﻛﻮﻝ ﺷﻮﻣﺔ ﺷﻨﻮ ﺳﺮ ﻫﺎﻱ ﺍﻟﻜﺸﺨﺔ ﻭﺍﻟﺠﻤﺎﻝ
ﻣﻨﻮ ﻭﺭﺓ ﻫﺬﺍ ﻛﻠﻪ
.. ﻛﺎﻣﺖ ﻣﻦ ﻳﻤﻲ ﻭﺭﺍﺣﺖ ﺗﻌﺪﻝ ﺷﻌﺮﻫﺎ ﺑﺎﻟﻤﺮﺍﻳﺎ
ﻗﺒﻞ ﻻ ﺗﻄﻠﻊ
ﻛﺎﻟﺖ .. ﻻ ﻳﺮﻭﺡ ﺗﻔﻜﻴﺮﺝ ﺑﻌﻴﺪ ﺍﻧﻲ ﻻﺑﺴﺔ ﻫﻴﺞ
ﻋﻠﻤﻮﺩ ﺍﻟﻴﻮﻡ ﺭﺍﺡ ﻳﺰﻭﺭﻧﺎ ﻭﻓﺪ ﻟﻠﻤﺴﺘﺸﻔﻰ ﻭﻻﺯﻡ ﻛﻠﻨﺎ ﻧﻄﻠﻊ ﺑﺼﻮﺭﺓ ﻣﺮﺗﺒﺔ
ﺭﻓﻌﺖ ﺣﺎﺟﺒﻲ ﺑﺸﻚ
ﻃﻠﻌﺖ ﻭﺳﺪﺕ ﺍﻟﺒﺎﺏ
.. ﺍﻛﺺ ﺍﻳﺪﻱ ﺍﺫﺍ ﻣﺎ ﻃﻠﻊ ﻭﺭﺓ ﻫﺬﺍ ﺍﻟﺘﻐﻴﺮ ﺷﻲ ﻛﺒﻴﺮ
ﺍﻟﺘﻬﻴﺖ ﺍﻟﻴﻮﻡ ﺿﺤﻰ ﺣﺼﺮﺗﻨﻲ ﻭﻛﺎﻟﺖ ﻻﺯﻡ ﺍﺣﻒ ﺷﻮﺍﺭﺑﺞ ﻋﻴﺐ ﺷﻴﻜﻮﻟﻮﻥ ﻋﻠﻴﺞ
ﺻﺪﻛﻴﻨﻲ ﺍﻟﻮﻟﺪ ﺑﺲ ﻳﺸﻮﻑ ﺷﻮﺍﺭﺑﺞ
ﻳﻨﻬﺰﻡ ﻣﻦ ﺍﻟﺒﺎﺏ
.. ﻋﺎﺩﻱ ﺧﻠﻲ ﻳﻨﻬﺰﻡ ﻭﻫﻮ ﺍﻟﻤﻄﻠﻮﺏ
ﻟﺰﻣﺘﻨﻲ ﺣﺠﺎﻳﺔ ﻣﻨﻬﺎ ﻭﺣﺠﺎﻳﺔ ﻣﻨﻲ ﺍﻛﻠﺖ ﺭﺍﺳﻲ ﺑﺎﻟﺤﺠﻲ
ﻟﺤﺪ ﻣﺎ ﺍﺳﺘﺴﻠﻤﺖ ﻭﻭﺍﻓﻘﺖ ﺗﺤﻔﻨﻲ
ﺑﺲ ﻣﻮ ﺣﻔﺎﻓﺔ ﺷﻮﺍﺭﺏ ﺧﺮﺏ ﻋﺒﺎﻟﻚ ﺗﻌﺬﻳﺐ
ﻧﺘﻞ ﻧﺘﻞ
ﻛﻞ ﺷﻮﻳﺔ ﺍﺻﺮﺥ ﻭﻃﻠﻌﺖ ﺭﻭﺣﻲ ﻟﺤﺪ ﻣﺎ ﺧﻠﺼﺖ ﺷﻮﺍﺭﺑﻲ ﻳﻤﺔ ﺗﻤﻮﺕ
ﻭﺑﻌﺪﻫﺎ ﻛﻌﺪﺕ ﺗﺨﺘﺎﺭﻟﻲ ﻣﻼﺑﺲ ﻭﻛﻞ ﺷﻮﻳﺔ ﺗﻄﻠﻊ ﻗﻄﻌﺔ ﻣﻦ ﻣﻼﺑﺴﻲ ﻭﺗﻜﻌﺪ ﺗﺪﺭﺩﻡ
ﻣﻼﺑﺴﺞ ﻣﺎﻝ ﺑﻨﺎﺕ ﺻﻐﺎﺭ ﻛﻠﻬﻢ ﻛﺎﺟﻮﻝ ﻣﻮ ﻣﻨﺎﺳﺒﺎﺕ
ﻟﻬﺎﻱ ﺍﻟﻄﻠﻌﺔ
ﻭﺳﻠﻴﻤﺔ ﺍﻟﻴﻮﻡ ﻛﻌﺪﺕ ﺭﺍﺳﻬﺎ ﻳﻮﺟﻌﻬﺎ
ﺷﺎﺩﺗﻪ ﻋﺼﺎﺑﺔ ﻭﻛﻞ ﺷﻮﻳﺔ ﺻﺎﺣﺖ ﺳﻮﻳﻠﻲ ﺟﺎﻱ
ﺣﺘﻰ ﻏﺪﺓ ﻣﺎ ﺍﺗﻐﺪﺕ
ﺍﻟﻠﻪ ﻳﺴﺎﻋﺪﻫﺎ ﻣﻦ ﻛﺪ ﺍﻟﻔﺮﺓ ﻭﺍﻟﻜﺮﻛﺔ ﺑﺎﻟﻤﻨﻄﻘﺔ
ﺍﻟﻈﻬﺮ ﺍﻟﺴﺎﻋﺔ ﺏ٣ﻭﻧﺺ
ﺍﻧﺪﻙ ﺍﻟﺒﺎﺏ ﺑﻜﻞ ﻗﻮﺓ ﻋﺒﺎﻟﻚ ﺩﺧﻠﻮ ﻋﻠﻴﻨﺎ ﻣﺪﺍﻫﻤﺔ
ﺭﺣﺖ ﻓﺘﺤﺖ ﺍﻟﺒﺎﺏ ﻭﻟﻜﻴﺖ ﺑﺎﺑﺎ
ﺩﺧﻞ ﻟﻠﺒﻴﺖ ﻭﻭﺟﻬﻪ ﻣﺪﺧﻦ
ﺳﺎﻟﻨﻲ ﻣﺴﺘﻌﺠﻞ ﻭﻫﻮ ﻳﺒﺎﻭﻉ ﺩﺍﺧﻞ ﺍﻟﺒﻴﺖ
.. ﺷﻴﻤﺎﺀ ﺍﺧﺘﺞ ﺭﺟﻌﺖ ﻟﻠﺒﻴﺖ ﻟﻮ ﺑﻌﺪﻫﺎ
ﺟﺎﻭﺑﺘﻪ ﻣﺴﺘﻐﺮﺑﺔ .. ﻻ ﺑﻌﺪﻫﺎ . ﻣﺎ ﺭﺟﻌﺖ ﻫﺴﺔ ﻫﻲ ﻋﻠﻰ ﺟﻴﺔ
ﻟﻴﺶ ﺷﻨﻮ ﺻﺎﻳﺮ
ﻳﺘﺒﻊ
ﺍﺗﻤﻨﻰ ﻟﻜﻢ ﻗﺮﺍﺀﺓ ﻣﻤﺘﻌﺔ
ﺍﺣﺒﻜﻢ ﻛﻮﻣﺔ ﺍﺣﺒﻜﻢ ﻫﻮﺍﻱ
ﺍﺧﺘﻜﻢ ﻧﻬﻰ ️☺️☺️☺️☺️☺️
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء