رواية أساور الفضة ج1 الجزء الحادي عشر | نهاية الجزء الأول
للكاتبة نهى
.....
ﻣﻔﺘﻬﻤﺖ ﺷﻨﻮ ﺗﻘﺼﺪﻳﻦ
ﺷﻴﻤﺎﺀ ﺍﺟﺘﻲ ﺩﺧﻠﺖ ﻋﺎﻟﺨﻂ ﻭﻗﺎﻃﻌﺖ ﻛﻼﻡ ﺑﻴﺒﻲ ﻭﻛﺎﻟﺖ
.. ﺍﻟﻠﻪ ﻳﺴﻠﻤﺞ ﺑﻴﺒﻲ ﺗﻌﺎﻟﻲ ﻛﻌﺪﻱ ﺍﻧﺘﻲ ﺗﻌﺒﺎﻧﺔ
ﺳﺤﺒﺖ ﺍﻟﻜﺮﺳﻲ ﻭﻛﻌﺪﺗﻬﺎ
ﺳﻠﻴﻤﺔ ﺑﺎﻭﻋﺖ ﻟﺸﻴﻤﺎﺀ
.. ﻳﺎﺍﺍﺍ ﺷﺒﻴﺞ ﺗﻐﻤﺰﻳﻠﻲ
ﻫﻮ ﺍﻧﺎ ﺷﻜﻠﺘﻠﻬﺎ ﻣﺎ ﻧﻌﺮﻑ ﻧﺒﺎﺭﻛﻠﺞ ﻟﻮ ﻧﺘﺤﻤﺪﻟﺞ ﻋﺎﻟﺴﻼﻣﺔ
ﺳﻠﻴﻤﺔ ﻣﺘﻀﻴﻊ ﻓﺮﺻﺔ ﺍﻻ ﺗﺬﺏ ﺳﻤﻬﺎ
ﺍﺳﺘﻐﻔﺮ ﺍﻟﻠﻪ ﻻﺯﻡ ﻛﻮﻥ ﺗﺤﺠﻴﻨﻲ
ﺷﻮﻑ ﻫﺎﻱ ﺷﺎﻓﺘﻨﻲ ﺍﺗﻜﺴﺮﺕ ﻋﺒﺎﻟﻬﺎ ﺗﻜﻮﻡ ﻋﻠﻴﺔ
ﻣﺘﺪﺭﻱ ﺍﻟﺴﺎﻧﻲ ﺑﻌﺪﻩ ﺻﺎﺣﻲ ﻳﺰﻫﻮ ﺑﺎﻟﻨﺼﺮ
.. ﺷﺒﻴﺞ ﺑﻴﺒﻲ ﻣﺒﻴﻦ ﻋﻠﻴﺞ ﻫﻮﺍﻱ ﻓﻐﺤﺎﻧﺔ ( ﻓﺮﺣﺎﻧﺔ ) ﺑﺪﻋﻤﺘﻲ
ﻋﺒﺎﻟﻚ ﺟﺎﻳﺔ ﻋﻐﺲ ﻣﺤﺘﺎﻏﺔ . ﺗﺒﺎﻏﻜﻴﻠﻲ ( ﻋﺮﺱ ﻣﺤﺘﺎﺭﺓ ﺗﺒﺎﺭﻛﻴﻠﻲ ) ﻟﻮ ﺗﺘﺤﻤﺪﻳﻠﻲ ﻋﺎﻟﺴﻼﻣﺔ
.. ﻳﻤﺔ .. ﻳﻤﺔ ﻣﻨﺞ ﺍﻛﻠﺘﻴﻨﻲ ﻭﺷﺮﺑﺘﻴﻨﻲ
ﻭﺍﻟﻠﻪ ﻟﻮﻣﺎ ﻣﻜﺴﺮﺓ ﺟﺎﻥ ﺧﻠﻴﺖ ﺍﻟﻨﻌﺎﻝ ﻳﺮﻛﺺ ﻋﻠﻰ ﺟﻠﺪﺝ
ﺑﺲ ﻭﻳﻦ ﺍﻧﺘﻲ ﻣﺰﻭﺭﻛﻪ ﺣﺘﻰ ﻣﺎﻛﻮ ﻣﻜﺎﻥ ﺍﺿﺮﺑﺞ ﺑﻲ
ﺩﺭﺕ ﻭﺟﻬﻲ ﺿﺎﻳﺠﻪ ﻣﻬﺎ ﻭﺣﺠﻴﺖ ﻭﻳﺔ ﺷﻴﻤﺎﺀ ﺑﺼﻮﺕ ﻧﺎﺻﻲ
.. ﻋﻠﻴﻜﻢ ﺍﻟﻠﻪ ﺍﺫﺍ ﻣﺘﺖ ﻻ ﺗﺨﻠﻮﻥ ﺳﻠﻴﻤﺔ ﺗﺤﻀﻎ ( ﺗﺤﻀﺮ ) ﺑﻔﺎﺗﺤﺘﻲ
ﺍﺗﻮﻗﻊ ﺍﺫﺍ ﻛﻌﺪﺕ ﻳﻢ ﺍﻟﻨﺎﺱ ﺗﺬﻣﻤﻬﻢ ﻣﺎ ﻳﻘﻐﻮﻥ ( ﻣﺎﻳﻘﺮﻭﻥ )
ﺍﻟﻔﺎﺗﺤﺔ ﻋﻠﻰ ﻏﻮﺣﻲ ( ﺭﻭﺣﻲ ) ﻭﻻ ﺗﺨﻠﻴﻜﻢ ﺗﺴﻮﻟﻲ ﺛﻮﺍﺑﺎﺕ
ﺷﻴﻤﺎﺀ ﺍﺑﺘﺴﻤﺖ .. ﺧﺮﺏ ﻳﻮﻣﺞ ﻭﻻ ﺗﻜﻌﺪﻳﻦ ﺭﺍﺣﺔ
ﺷﻮﻳﺔ ﻭﺩﺧﻞ ﺍﻟﺪﻛﺘﻮﺭ ﺍﻟﻤﺴﺆﻝ ﻋﻦ ﺣﺎﻟﺘﻲ
ﻭﻛﻌﺪ ﻳﺸﺮﻑ ﻭﺷﻴﻤﺎﺀ ﻭﺍﻛﻔﺔ ﻳﻤﻪ ﻭﺍﺳﺘﻔﺴﺮﺕ ﻣﻨﻪ ﻋﻠﻰ ﻛﻢ ﻓﻘﺮﺓ ﺑﺎﻟﻌﻼﺝ ﻭﻛﻠﻠﻬﺎ ﻟﺘﺨﺎﻓﻴﻦ ﻫﻲ ﺑﻌﺪﻫﺎ ﺻﻐﻴﺮﺓ ﻭﺑﺴﺮﻋﺔ
ﻳﻠﺘﺌﻢ ﺍﻟﺠﺮﺡ
.. ﺍﺳﺘﻐﻔﺮ ﺍﻟﻠﻪ ﺣﺘﻰ ﻫﺬﺍ ﻳﻜﻮﻝ ﺻﻐﻴﺮﺓ
ﺳﻠﻴﻤﺔ ﺗﺤﺠﻲ ﻭﻳﺔ ﺍﻟﺪﻛﺘﻮﺭ
.. ﺍﻛﻠﻚ ﺧﺎﻟﺔ ﻣﺎ ﺗﻜﺪﺭ ﻭﻳﺎﻙ ﺑﻄﺮﻳﻘﻚ
ﺗﺴﻮﻳﻠﻨﺎ ﻟﺴﺎﻥ ﻫﺎﻱ ﺍﻟﻤﻜﻄﻢ ﻭﺗﺨﻠﻴﻬﺎ ﺗﺤﺠﻲ ﻋﺪﻝ ﻣﺜﻞ ﺍﻟﺨﻠﻚ ﻭﺍﻟﻌﺎﻟﻢ
ﺑﺎﻭﻉ ﻋﻠﻴﺔ ﺍﻟﺪﻛﺘﻮﺭ ﻭﺍﺑﺘﺴﻢ
.. ﻫﺎﻱ ﺷﻨﻮ ﺷﺒﻲ ﻟﺴﺎﻥ ﻣﺮﻳﻀﺘﻨﺎ ﺍﻟﺤﻠﻮﺓ
ﺟﺎﻭﺑﺘﻪ ﺑﻐﻴﺾ
.. ﺩﻛﺘﻮﻍ ﻛﻠﺸﻲ ﻣﺎ ﺑﻲ ﺍﻟﺴﺎﻧﻲ
.. ﻫﺎﻙ ﺷﻮﻑ ﺷﻠﻮﻥ ﺗﻐﻮﻏﻲ
_ ﺣﺠﻴﺔ ﺷﻮﻓﻴﻬﺎ ﺷﻠﻮﻥ ﺣﻠﻮ ﺗﺤﺠﻲ ﻣﺜﻞ ﺍﻟﻔﺮﻧﺴﻴﻴﻦ
_ ﺩﺧﻴﻠﻚ ﺩﻛﺘﻮﺭ ﻫﻲ ﻣﻦ ﺩﻭﻥ ﺷﻲ ﻟﺴﺎﻧﻬﺎ ﻣﻴﺴﻜﺖ ﺍﻃﻮﻝ ﻣﻨﻬﺎ ﻟﻠﻜﻄﻤﻪ
ﺍﻟﻨﻮﺑﺔ ﺗﻜﻮﻟﻬﺎ ﻣﺜﻞ ﺍﻟﻔﺮﻧﺴﻴﻴﻦ ﺑﻌﺪ ﺷﻴﺴﻜﺘﻬﺎ
ﺣﺠﻴﺖ ﺑﺼﻮﺕ ﻧﺎﺻﻲ ﻟﻠﺪﻛﺘﻮﺭ
.. ﺍﻛﻮﻝ ﺩﻛﺘﻮﻍ ﻳﻐﺤﻢ ( ﺩﻛﺘﻮﺭ ﻳﺮﺣﻢ ) ﺍﻫﻠﻚ
ﻣﺎ ﻋﻨﺪﻙ ﺩﻭﺓ ﻳﺨﻠﻲ ﺑﻴﺒﻲ ﺗﺴﻜﺖ ﻭﺑﻌﺪ ﻣﺘﺤﺠﻲ
ﻛﻮﻥ ﺍﻏﻴﺪﻫﺎ ( ﺍﺭﻳﺪﻫﺎ ) ﺍﺫﺍ ﺗﺤﺘﺎﺝ ﺷﻲ ﺗﻄﻠﺒﻪ ﻛﻠﻪ ﺑﺎﻻﺷﺎﻏﺔ ( ﺑﺎﻻﺷﺎﺭﺓ )
ﺍﺑﺎﻭﻉ ﻟﻠﺪﻛﺘﻮﺭ ﺧﺮﺑﺎﻥ ﺿﺤﻚ
ﺑﻌﺪﻫﺎ ﺧﻠﺺ ﺍﻟﺪﻛﺘﻮﺭ ﺍﻟﻔﺤﺺ
ﻭﻃﻠﻊ
ﻭﺳﻠﻴﻤﺔ ﺍﺟﺔ ﻋﻠﻴﻬﺎ ﻋﻤﻮ ﺍﻣﺠﺪ ﻭﺍﺧﺬﻫﺎ
ﻭﺿﺤﻰ ﺑﻘﺖ ﻛﺎﻋﺪﺓ ﻳﻤﻲ ﻭﺗﺴﺄﻟﻨﻲ
ﻭﻳﻦ ﺟﻨﺘﻲ ﻃﺎﻟﻌﺔ ﻭﺷﻮﺩﺍﺝ ﻋﻠﻰ ﻣﻨﻄﻘﺔ ﺑﻴﺖ ﻓﺎﻃﻤﺔ
ﺷﻴﻤﺎﺀ ﺟﺎﻭﺑﺘﻬﺎ ﺑﺲ ﻣﺎ ﺣﺠﺘﻠﻬﺎ ﻋﻦ ﺳﺎﻟﻔﺔ ﻣﺮﻭﺓ
.. ﺟﺎﻧﺖ ﻓﺎﻃﻤﺔ ﻋﺎﺯﻣﺘﻬﺎ ﻋﺎﻟﻐﺪﺓ ﺑﻴﻴﺘﻬﻢ
ﻭﺍﻧﻲ ﻛﻠﺘﻠﻬﺎ ﻋﺎﺩﻱ ﺭﻭﺣﻲ ﻟﻬﺎ ﻏﻴﺮﻱ ﺟﻮ
......
ﺍﻧﺘﺒﻬﺖ ﻟﻮﺟﻪ ﺿﺤﻰ ﻣﻦ ﺍﻧﺪﺍﺭﺕ ﻋﻠﻴﺔ ﺟﺎﻥ ﺟﻮﺓ ﻋﻴﻨﻬﺎ ﺯﺭﺍﻙ ﺑﺲ ﺧﺎﻓﻴﺘﻪ
ﺑﺎﻟﻤﻜﻴﺎﺝ ﺑﺎﻟﺘﺤﺪﻳﺪ ﺣﺎﻃﺔ ﺧﺎﻓﻲ ﻋﻴﻮﺏ
ﺳﺄﻟﺘﻬﺎ ﻭﺍﻧﻲ ﻋﺎﺑﺴﻪ ﻭﺟﻬﻲ ﻣﻦ ﺍﻟﻢ ﺭﺟﻠﻲ
.. ﺿﺤﺎﻭﻱ ﻫﺎﻱ ﺷﻨﻮ ﻋﻴﻨﺞ ﻣﺰﻭﻏﻜﺔ ( ﻣﺰﻭﺭﻛﺔ )
ﻫﻢ ﻛﻮﻟﻲ ﺍﻧﻀﻐﺒﺘﻲ ﺑﺎﻟﻜﺎﻭﻧﺘﻎ ( ﺍﻧﻀﺮﺑﺘﻲ ﺑﺎﻟﻜﺎﻭﻧﺘﺮ )
ﺩﻧﻜﺖ ﻭﺍﺭﺗﺒﻜﺖ ﺳﻜﺘﺖ ﻣﺤﺠﺖ ﺷﻲ
ﺍﺟﺎﻧﻲ ﺻﻮﺕ ﺷﻴﻤﺎﺀ ﻳﻢ ﺍﻟﺒﺎﺏ ﺩﺗﻄﻠﻊ
.. ﺑﻨﺎﺕ ﺍﻧﻲ ﺷﻮﻳﺔ ﻭﺍﺭﺟﻌﻠﻜﻢ
ﺿﺤﻰ .. ﺍﺧﺬﻱ ﺭﺍﺣﺘﺞ
ﺷﺎﻓﺖ ﺷﻴﻤﺎﺀ ﻃﻠﻌﺖ ﻭﻫﻲ
ﻛﺎﻣﺖ ﺗﺤﺠﻲ ﺑﺤﺮﻛﺔ ﻛﻠﺐ
.. ﻟﺞ ﻫﺪﻯ ﺭﺍﺡ ﺍﻣﻮﺕ ﺑﻌﺪ ﻣﺎ ﺍﻛﺪﺭ ﺍﺿﻢ ﺑﻜﻠﺒﻲ ﺍﻛﺜﺮ ﻣﻦ ﻫﻴﺞ
.. ﻳﺎﻳﻤﺔ ﺿﺤﺎﻭﻱ ﻭﺍﻟﻠﻪ ﻋﻐﻔﺖ ( ﻋﺮﻓﺖ ) ﺑﻴﺞ ﻣﺘﺄﺫﻳﺔ ﻭﺗﻜﺎﺑﻐﻴﻦ ( ﺗﻜﺎﺑﺮﻳﻦ )
ﻭﻣﺘﻘﺒﻠﻴﻦ ﺗﺤﺠﻴﻦ ﻟﺨﻮﺍﺗﺞ ﻋﻦ ﻫﻤﻮﻣﺞ
.. ﻭﻟﺞ ﺷﺤﺠﻲ ﻭﺷﻜﻮﻝ
ﻭﺍﻟﻠﻪ ﻣﺎﻟﻲ ﻋﻴﻦ ﺍﺷﺘﻜﻲ ﻭﺍﻋﺘﺮﺽ ﻋﻠﻰ ﻗﺴﻤﺘﻲ
ﻻﻥ ﺑﻨﻔﺴﻲ ﺍﺧﺘﺎﺭﻳﺘﻬﺎ
ﻭﺍﺳﺘﺎﻫﻞ ﺑﺲ ﻭﺍﻟﻠﻪ ﺍﻧﻲ ﺑﺸﺮ ﻭﻋﻨﺪﻱ
ﻗﺪﺭﺓ ﺗﺤﻤﻞ ﺍﻟﻬﺎ ﺣﺪ ﻭﻧﻬﺎﻳﺔ
ﺑﺲ ﻛﻠﻤﺎ ﺍﻛﻮﻝ ﻛﺎﻓﻲ ﺑﻌﺪ ﻣﺎ ﺍﻛﺪﺭ ﺍﺳﻜﺖ ﺍﻛﺜﺮ
ﺍﻟﺘﻔﺖ ﻭﺍﻛﻮﻝ ﻣﻨﻮ ﺍﻟﻲ ﺭﺍﺡ ﻳﺴﻨﺪﻧﻲ ﺍﺫﺍ ﻃﻠﺒﺖ ﺍﻟﻌﻮﻥ
ﻭﺣﺘﻰ ﻟﻮ ﺭﺩﺕ ﺍﺣﺠﻲ ﻣﻨﻮ ﺭﺍﺡ ﻳﺴﻤﻌﻨﻲ ﻭﻳﺎﺧﺬﻟﻲ ﺑﺤﻘﻲ
ﺍﺗﻠﻤﺴﺖ ﺳﺎﻗﻲ ﺍﺩﻟﻜﻬﺎ ﻭﺣﺠﻴﺖ
.. ﺍﺣﺠﻴﻠﻲ ﻣﻨﻮ ﻭﻳﺎﺝ ﻭﺷﺒﻴﻬﺎ ﺣﻴﺎﺗﺞ ﻭﻳﺔ ﺳﻴﻒ
ﺑﺪﺕ ﺿﺤﻰ ﺗﺤﺠﻴﻠﻲ
.. ﻣﻨﻴﻦ ﺍﺑﺪﻳﻠﺞ ﺗﺮﺩﻳﻦ ﺍﻛﻠﺞ ﺷﻠﻮﻥ ﻋﺎﻣﻠﻨﻲ ﺑﺄﻭﻝ ﺷﻬﺮ ﻣﻦ ﺯﻭﺍﺟﻨﺎ ﻭﺍﻟﻮﺣﺸﻴﺔ ﺍﻟﻲ ﺍﺳﺘﺨﺪﻣﻬﺎ ﻭﻳﺎﻱ
ﻟﻮ ﺗﺮﺩﻳﻦ ﺍﻛﻠﺞ ﺍﻣﻪ ﺷﻠﻮﻥ ﺫﺍﻟﺘﻨﻲ ﺑﻔﻘﺮ ﺍﻫﻠﻲ
ﻟﻮ ﺗﺮﺩﻳﻦ ﺍﺳﻮﻟﻔﻠﺞ ﺷﻠﻮﻥ ﺧﺎﻧﻜﻨﻲ ﺣﺼﺮﺓ ﻋﻠﻴﺔ ﺍﺗﻨﻔﺲ ﻟﻮ ﺍﺣﺠﻲ
ﻭﻣﺎ ﻟﻲ ﺣﻖ ﺍﻃﻠﻊ ﻣﻦ ﺍﻟﺒﻴﺖ
ﻭﻻ ﺍﻟﻲ ﺣﻖ ﺍﺗﺼﺮﻑ ﺑﺄﻱ ﺷﻲ ﻓﺎﺭﺽ ﻋﻠﻴﺔ ﻛﻠﺸﻲ
ﺑﺎﻟﻠﻪ ﺍﻟﺤﺠﺎﺏ ﺍﻓﺘﻬﻤﻨﺎ ﺳﺘﺮ ﺯﻳﻦ ﺍﻟﺒﻮﺷﻴﺔ ﺷﻜﻮ
ﻟﺞ ﻫﺪﻯ ﻣﻦ ﺍﻭﻝ ﺷﻬﺮ
ﺣﺮﻡ ﻋﻠﻴﺔ ﺍﻟﻤﻜﻴﺎﺝ ﻳﻜﻠﻲ ﺍﻧﺘﻲ ﺣﻠﻮﺓ ﻣﻴﺤﺘﺎﺝ
ﺍﻏﺎﺭ ﻋﻠﻴﺞ ﻣﺎ ﺍﺭﻳﺪﺝ ﺗﺤﻄﻴﻦ ﻣﻜﻴﺎﺝ ﺑﺎﻟﺒﻴﺖ ﻣﻨﺎ ﺍﺧﻮﺍﻧﻲ
ﻭﺑﻌﺪﻫﺎ ﻣﻼﺑﺴﻲ ﺑﺎﻟﺒﻴﺖ ﻣﻴﻘﺒﻞ ﺍﻻ ﺩﺷﺎﺩﻳﺶ ﻛﺒﺎﺭ ﻭﺍﻟﻮﺍﻧﻬﻢ
ﺑﺎﻫﺘﺔ ﻳﻜﻠﻲ ﺣﺘﻰ ﻣﺘﻠﻔﺘﻴﻦ ﺍﻻﻧﻈﺎﺭ ﺍﻧﺘﻲ ﺑﻴﻀﺔ ﻭﺣﻠﻮﺓ
ﺍﺧﺎﻑ ﺗﻠﻔﺘﻴﻦ ﻧﻈﺮ ﺍﺧﻮﺍﻧﻲ
ﻭﺑﻌﺪﻫﺎ ﺧﻼﻧﻲ ﺣﺘﻰ ﺑﺎﻟﺒﻴﺖ ﻻﺯﻡ ﺍﻟﺒﺲ ﺟﻮﺍﺭﻳﺐ
ﻭﺣﺠﺎﺏ ﻣﻘﻨﻌﺔ ﻣﻦ ﻫﺬﺍ ﺍﻟﻲ ﻳﻮﺻﻞ ﻟﺘﺤﺖ ﺍﻟﺼﺪﺭ
ﻟﺞ ﻭﺍﻟﻠﻪ ﺣﺘﻰ ﺑﻴﺒﻲ ﺳﻠﻴﻤﺔ ﻣﺘﻘﺒﻞ ﺗﻠﺒﺴﻪ
ﻋﻠﻰ ﺍﻟﺒﻬﺬﻟﺔ ﺍﻟﺒﻲ ﺍﺣﺲ ﺑﻲ ﺩﻳﺴﻠﺐ ﻣﻨﻲ ﺷﺒﺎﺑﻲ ﺷﻮﻳﺔ
ﺷﻮﻳﺔ ﺑﺎﻟﺘﺪﺭﻳﺞ
.. ﻳﺎﻳﻤﺔ ﺳﻮﺩﺓ ﻋﻠﻴﺔ ﺿﺤﺎﻭﻱ ﻭﻳﻦ ﺟﺎﻧﺘﻠﺞ ﻫﺎﻱ
ﺍﺑﺎﻭﻉ ﻋﻠﻴﻬﺎ ﺗﺤﺠﻲ ﻭﺗﺒﺠﻲ ﻭﺍﻟﻠﻪ ﻣﺮﺩﺕ ﻛﻠﺒﻲ
ﻓﻮﻙ ﻣﺎ ﺍﻧﺎ ﻣﻮﺟﻮﻋﺔ ﺯﺍﺩ ﻭﺟﻌﻲ
ﺧﻄﻴﺔ ﺗﻘﺮﻳﺒﺎ ﺭﺍﺡ ﻳﺼﻴﺮﻟﻬﺎ ﺳﻨﺔ ﺍﻻ ﺷﻮﻳﺔ
ﻣﻦ ﺍﺗﺰﻭﺟﺖ ﻣﺎ ﻳﻮﻡ ﺷﻔﺘﻬﺎ ﺗﻀﺤﻚ
ﻟﺤﻈﺎﺕ ﻭﺩﺧﻠﺖ ﺍﻟﻤﻤﺮﺿﺔ ﻭﻛﺎﻟﺖ ﺍﻟﻌﻔﻮ ﺍﻧﺘﻲ ﺿﺤﻰ
.. ﺍﻱ ﺍﻧﻲ ﺿﺤﻰ
.. ﺯﻭﺟﺞ ﺑﺮﺓ ﺩﻳﻨﺘﻈﺮﺝ ﻳﻜﻮﻝ ﺻﻴﺤﻴﻬﺎ ﺍﻟﻲ
ﺑﺎﻭﻋﺖ ﻋﻠﻴﺔ ﻭﺑﻌﻴﻮﻧﻬﺎ ﺷﻜﻮﻯ
ﻏﻤﻀﺖ ﻋﻴﻮﻧﻲ ﻭﺍﺗﻤﻨﻴﺖ ﻟﻠﺤﻈﺔ ﻛﻮﻥ ﺍﻧﻲ ﻭﻟﺪ
ﺟﺎﻥ ﻭﺍﻟﻠﻪ ﻣﺎ ﺍﺧﻠﻲ ﻳﻄﻠﻊ ﻋﻠﻴﻪ ﺍﻟﺼﺒﺢ ﺍﺫﺍ ﻣﻮ ﻫﻮ ﺑﺎﻟﻤﺴﺘﺴﻔﻰ ﻣﻜﺴﺮ
ﻫﻤﺴﺖ ﺑﻀﻌﻒ ﻭﻛﻠﺘﻠﻬﺎ
.. ﻓﻮﺿﻲ ﺍﻣﻐﺞ ﻟﻠﻪ ( ﺍﻣﺮﺝ ﻟﻠﻪ ) ﻫﻮ ﺍﻋﻠﻢ ﺑﺤﺎﻟﺞ
.. ﻭﺍﻟﻨﻌﻢ ﺑﺎﻟﻠﻪ
ﻟﺒﺴﺖ ﺑﻮﺷﻴﺘﻬﺎ ﻭﻧﺰﻟﺘﻬﺎ ﻋﻠﻰ ﻭﺟﻬﻬﺎ ﻭﻟﺒﺴﺖ ﻋﺒﺎﻳﺘﻬﺎ ﻭﺳﻠﻤﺖ ﻋﻠﻴﺔ ﻭﻃﻠﻌﺖ ﺑﺴﺮﻋﺔ
ﺷﻴﻤﺎﺀ
ﻃﻠﻌﺖ ﻭﺭﺓ ﺍﻟﻄﺒﻴﺐ ﺣﺘﻰ ﺍﻭﺻﻲ ﺑﺎﺑﺎ ﻳﺠﻴﺐ ﺣﻠﻴﺐ ﺑﻲ ﻛﺎﻟﺴﻴﻮﻡ
ﻭﺻﻔﻪ ﺍﻟﺪﻛﺘﻮﺭ ﻟﻬﺪﻯ ﻳﻔﻴﺪﻫﺎ ﻳﺴﺎﻋﺪ ﻋﻠﻰ ﺍﻟﺘﺄﻡ ﺍﻟﻜﺴﺮ
ﻃﻠﻌﺖ ﻭﺩﻭﺭﺕ ﻋﻠﻴﻪ ﺷﻔﺘﻪ ﺑﻨﻔﺲ ﻣﻜﺎﻧﻪ
......
ﻛﻠﺘﻠﻪ ﻋﻦ ﺍﻟﺤﻠﻴﺐ ﻭﻛﺎﻝ ﺍﻥ ﺷﺎﺀ ﺍﻟﻠﻪ ﻓﺪ ﺷﻮﻳﺔ ﻳﺠﻲ ﺻﺎﺣﺒﻲ ﻳﺎﺧﺬ ﻣﻜﺎﻧﻲ
ﻭﺍﺟﻴﺒﻠﻬﺎ ﺍﻟﺤﻠﻴﺐ
ﻭﻃﻠﺒﺖ ﻣﻨﻪ ﻳﺠﻴﺒﻠﻨﺎ ﺍﻛﻞ ﻻﻥ ﻣﺎ ﺍﻛﺪﺭ ﺍﺭﺟﻊ ﺍﺳﻮﻱ ﺍﻛﻞ
ﺑﻌﺪﻫﺎ ﺧﻠﻴﺖ ﻭﺭﺟﻌﺖ ﻟﻬﺪﻯ ﻭﺍﻧﻲ ﺩﺍ ﺍﻣﺸﻲ
ﻭﺍﺻﻄﺪﻣﺖ ﺑﻮﺍﺣﺪ ﺟﺎﻥ ﺟﺎﻱ ﺑﺄﺗﺠﺎﻫﻲ ﺑﻜﻞ ﺳﺮﻋﺘﻪ ﻣﺴﺘﻌﺠﻞ ﺍﺭﺗﺪﻳﺖ ﻟﻠﺨﻠﻒ ﻣﻦ ﺍﺛﺮ ﺍﻟﻀﺮﺑﺔ ﺍﺣﺲ
ﻛﺘﻔﻲ ﺍﻧﺨﻠﻊ ﻣﻦ ﻭﺭﺍﻩ
ﺑﺎﻭﻉ ﻋﻠﻴﺔ ﻭﺣﺠﺔ ﺑﻜﻞ ﻏﻀﺐ
.. ﺻﺪﻙ ﺟﺬﺏ ﻛﻞ ﻋﻴﻦ ﺷﻜﺒﺮﻫﺎ ﻭﻣﺘﺸﻮﻓﻴﻦ
ﺧﺰﺭﺗﻪ .. ﻫﻮ ﻣﻨﻮ ﺿﺮﺏ ﻣﻨﻮ
ﺍﻧﻲ ﻟﻮ ﺍﻧﺖ ﺑﺎﻭﻉ ﻋﻠﻰ ﺳﺎﻋﺘﻪ ﺷﻜﻠﻪ ﺟﺎﻥ ﻛﻠﺶ ﻣﺴﺘﻌﺠﻞ
.. ﻻ ﺗﻌﻄﻠﻴﻨﻲ ﻭﻻ ﺍﻋﻄﻠﺞ ﻣﻼﺯﻡ ﻻ ﺗﻌﺘﺬﺭﻳﻦ ﻣﺎﻋﻨﺪﻱ ﻭﻗﺖ ﺍﺿﻴﻌﻪ ﻭﻳﺎﺝ
ﺭﺍﺡ ﻭﺗﺮﻛﻨﻲ ﺑﺲ ﻗﺒﻞ ﻻ ﻳﺮﻭﺡ
ﺑﺎﻭﻉ ﻋﻠﻴﺔ ﺑﻨﻈﺮﺓ ﻏﺮﻳﺒﺔ ﻭﺭﺍﺡ
ﺍﺳﻠﻮﺑﻪ ﻧﺮﻓﺰﻧﻲ ﻫﺬﺍ ﺷﺒﻲ ﺻﺪﻙ ﻣﻮ ﻃﺒﻴﻌﻲ
ﺭﺍﺡ ﻭﻋﺎﻓﻨﻲ ﺑﻨﺺ ﺍﻟﻄﺮﻳﻖ ﻣﺼﻔﺼﻔﺔ
ﺍﺑﺎﻭﻉ ﻋﻠﻰ ﺍﺛﺮﻩ ﻫﺰﻳﺖ ﺍﻳﺪﻱ ﻭﺣﺠﻴﺖ ﺑﺼﻮﺕ ﻧﺎﺻﻲ
.. ﻧﺎﺱ ﺗﻌﺒﺎﻧﺔ
ﺳﻤﻌﺖ ﺻﻮﺕ ﺭﺑﺎﺏ ﻣﻦ ﻭﺭﺍﻱ
.. ﺷﺒﻴﺞ ﺗﻬﺰﻳﻦ ﺑﺄﻳﺪﺝ
ﺣﺠﻴﺘﻠﻬﺎ ﻋﻠﻰ ﺍﻟﺼﺎﺭ
ﺭﺑﺎﺏ .. ﺑﺸﺮﻳﻨﺎ ﻋﺎﺩ ﻳﺴﺘﺎﻫﻞ ﻫﺎﻱ ﺍﻟﻌﺼﺒﻴﺔ ﻛﻠﻬﺎ ﻟﻮ ﻣﻮ ﺷﻲ
.. ﻫﻮ ﺍﻧﻲ ﻭﻳﻦ ﻟﺤﻜﺖ ﺍﺷﻮﻓﻪ ﻣﻦ ﻭﺭﺓ ﻛﻼﻣﻪ ﺍﺷﻜﺪ
ﻣﻜﺮﻭﻩ
ﺭﺑﺎﺏ ﺭﻓﻌﺖ ﺣﺎﺟﺒﻬﺎ .. ﺍﻭﻝ ﻣﺮﺓ ﺍﺳﻤﻌﺞ ﺗﻠﻔﻈﻴﻦ ﻛﻠﻤﺔ ﻣﻜﺮﻭﻩ ﻫﺎﻱ ﺍﻟﻜﻠﻤﺔ ﻣﺎﻟﻬﺎ ﻣﻜﺎﻥ ﺑﻘﺎﻣﻮﺳﺞ ﺍﻣﻤﻤﻤﻢ
ﻋﺮﻓﺘﻬﺎ ﺷﻨﻮ ﺗﻘﺼﺪ
.. ﺍﻫﻮﻭﻭﻭﻭﻭﻭ ﺧﺮﺏ ﻳﻮﻣﺞ ﺭﺑﺎﺏ ﺷﻜﻞ ﺍﻟﻤﺴﻠﺴﻼﺕ ﺍﻟﺘﺮﻛﻴﺔ ﻣﺎﻛﻠﺔ ﻋﻘﻠﺞ ﻟﺪﺭﺟﺔ ﻓﺎﺻﻠﺔ ﻋﻦ ﺍﻟﻤﻌﻘﻮﻝ
ﻭﺗﺤﺠﻴﻦ ﻛﻠﻪ ﺑﺎﻟﺨﻴﺎﻝ
ﺑﺎﻟﻠﻪ ﺷﻮ ﺍﻣﺸﻲ ﻛﺪﺍﻣﻲ ﺧﻠﻲ ﻧﺮﻭﺡ ﻟﻬﺪﻯ
ﺟﻨﺎ ﻧﻤﺸﻲ ﻭﻧﺤﺠﻲ ﺑﺎﻟﻤﻤﺮ ﻣﺎﻟﺖ ﺍﻟﻤﺴﺘﺸﻔﻰ
ﻭﺩﻙ ﻧﻘﺎﻟﻲ ﺭﻗﻢ ﻏﺮﻳﺐ ﺍﺷﺮﺕ ﻟﺮﺑﺎﺏ ﺣﺘﻰ ﺗﺴﻜﺖ
ﻭﺭﺩﻳﺖ ﻋﺎﻟﻤﺘﺼﻞ
ﺳﻤﻌﺖ ﺻﻮﺕ ﺍﻟﻤﺘﺼﻞ
ﻭﺍﺗﻮﻗﻔﺖ ﺑﻨﺺ ﺍﻟﺪﺭﺏ ﻣﺼﺪﻭﻣﺔ
ﺍﺟﺬﺏ ﺍﺫﻧﻲ ﻟﻮ ﺍﺻﺪﻛﻬﺎ ﻫﻤﺴﺖ ﺑﺼﻮﺕ ﻣﺒﻬﻮﺕ
.. ﻣﺮﻭﺓ !!
ﺍﺑﺎﻭﻉ ﻟﺮﺑﺎﺏ ﻭﻛﻔﺖ ﺗﺒﺎﻭﻉ ﻋﻠﻴﺔ
ﻭﺍﻧﻲ ﺭﺣﺖ ﻛﻌﺪﺕ ﻋﻠﻰ ﻛﺮﺳﻲ ﻣﻮﺟﻮﺩ ﺑﻴﻦ ﺳﻄﺮ ﻛﺎﻣﻞ ﻛﺮﺍﺳﻲ ﺧﺎﻟﻴﺔ
ﺍﺟﺘﻲ ﺭﺑﺎﺏ ﻭﻛﻌﺪﺕ ﻳﻤﻲ
ﺟﻨﺖ ﻣﻨﺪﻣﺠﺔ ﺍﺣﺠﻲ ﺑﺤﺮﻛﺔ ﻛﻠﺐ ﻭﻳﺔ ﻣﺮﻭﺓ
ﺑﺎﻟﺒﺪﺍﻳﺔ ﻣﺮﺩﺕ ﺍﺣﻤﻠﻬﺎ ﻣﺴﺆﻭﻟﻴﺔ ﺍﻟﺼﺎﺭ ﺑﻬﺪﻯ
ﺑﺲ ﺍﻟﺮﺿﺖ ﻭﺍﻟﻤﺎ ﺭﺿﺖ ﻣﺮﻭﺓ ﺻﺎﺭﺕ ﺳﺒﺐ ﺑﺘﺤﻄﻴﻢ ﺣﻴﺎﺓ ﻫﺪﻯ
ﻭﺭﺓ ﻓﺘﺮﺓ ﻣﻦ ﺍﻟﻤﺨﺎﺽ ﺑﻴﻦ ﺍﻟﻤﺸﺎﻋﺮ ﻭﺍﻟﻌﻮﺍﻃﻒ
ﺍﺣﺲ ﻋﺒﺎﻟﻚ ﺟﻨﺖ ﺑﺤﻠﺒﺔ ﻣﺼﺎﺭﻋﺔ ﻭﺧﺮﺟﺖ ﻣﻨﻬﺎ ﺑﻨﺘﻴﺠﺔ
ﻏﻴﺮﺓ ﻣﻨﺼﻔﺔ
ﻧﻬﻴﺖ ﺍﻻﺗﺼﺎﻝ ﻣﻦ ﻣﺮﻭﺓ
ﺑﺎﻭﻋﺖ ﻟﻠﻨﻘﺎﻝ ﺑﻴﻦ ﺍﻳﺪﻳﺔ ﻭﺍﻧﺘﺒﻬﺖ ﻟﺮﺑﺎﺏ ﻟﺰﻣﺖ ﻛﺘﻔﻲ ﻭﻋﺼﺮﺗﻪ ﺗﻮﺍﺳﻴﻨﻲ ﻭﻛﺎﻟﺖ
.. ﻫﺎ ﻱ ﻣﻨﻮ ﺍﺗﺼﻠﺖ ﻋﻠﻴﺞ ﻭﺧﻠﺘﺞ ﻫﺸﻜﻞ ﺗﺼﻔﻨﻴﻦ ؟؟
.. ﻫﺎﻱ ﻣﺮﻭﺓ ﺍﺧﺘﻲ ﺍﺗﺼﻠﺖ ﻋﻠﻴﺔ
.. ﻣﺮﻭﺓ ﺍﺧﺘﺞ !!!! ﻣﻌﻘﻮﻟﺔ ﻫﺎﻱ ﺷﻮﻛﺖ ﺭﺟﻌﺖ
.. ﻭﺷﻠﻮﻥ ﻋﺮﻓﺖ ﺑﺤﺎﺩﺙ ﻫﺪﻯ
ﺟﺎﻧﺖ ﺭﺑﺎﺏ ﺗﺴﺄﻟﻨﻲ ﻭﺍﻧﻲ ﻣﻨﺎ ﻛﻠﺒﻲ ﻣﻤﺮﻭﺩ
ﻛﺒﻞ ﻧﺰﻟﺖ ﺩﻣﻮﻋﻲ ﻏﺼﺐ ﻋﻨﻲ
ﻣﻜﺪﺭﺕ ﺍﻟﺰﻡ ﺭﻭﺣﻲ
ﺭﺑﺎﺏ .. ﺷﻨﻮ ﺷﻴﻤﺎﺀ ﺍﺣﺠﻴﻠﻲ ﺷﺼﺎﻳﺮ ﻟﻴﺶ ﺩﺗﺒﺠﻴﻦ
.. ﺗﺪﺭﻳﻦ ﺭﺑﺎﺏ ﻣﺮﻭﺓ ﺭﺟﻌﺖ ﻟﻠﻌﺮﺍﻕ ﻗﺒﻞ ﺍﺭﺑﻌﺔ ﺍﺷﻬﺮ
.. ﺷﻠﻮﻥ ﻋﺮﻓﺘﻲ ﺭﺟﻌﺖ ﺷﻨﻮ ﺍﺗﺼﻠﺖ ﻋﻠﻴﺞ
.. ﻻ ﻋﺮﻓﺖ ﻋﻦ ﻃﺮﻳﻖ ﺩﻛﺘﻮﺭﺓ ﺻﺪﻳﻘﺘﻬﺎ ﻫﺸﻜﻞ ﺑﺎﻟﺼﺪﻓﺔ ﺳﺄﻟﺘﻲ ﻣﻦ ﺑﺎﺏ ﺍﻟﻔﻀﻮﻝ ﻭﻛﺎﻟﺖ
.. ﺻﺪﻙ ﺍﻧﺘﻲ ﺍﺧﺖ ﺍﻟﺪﻛﺘﻮﺭﺓ ﻣﺮﻭﺓ ؟
ﺟﺎﻭﺑﺘﻬﺎ .. ﺍﻱ ﻧﻌﻢ ﺍﻧﻲ ﺍﺧﺘﻬﺎ ﻟﻴﺶ ﺗﺴﺄﻟﻴﻦ
.. ﻻ ﺑﺲ ﺍﻛﻮﻝ ﺷﻌﺠﺐ ﺗﺸﺘﻐﻠﻴﻦ ﺳﻜﺮﺗﻴﺮﺓ ﻋﻨﺪ ﺍﻟﺪﻛﺘﻮﺭﺓ
ﺳﻮﻻﻑ
ﻭﺍﺧﺘﺞ ﻋﻨﺪﻫﺎ ﻣﺮﻛﺰ ﺑﺄﺳﻤﻬﺎ ﻣﺎﻝ ﺗﺠﻤﻴﻞ ﻭﻧﺴﺎﺋﻴﺔ
ﻭﻫﻲ ﺗﺪﻳﺮ ﺍﻟﻘﺴﻢ ﺍﻟﻨﺴﺎﺋﻲ ﺑﺎﻟﻤﺮﻛﺰ
ﻭﻋﻨﺪﻫﺎ ﻋﻴﺎﺩﺓ ﻛﻠﺶ ﺟﺒﻴﺮﺓ
ﺧﺎﺻﺔ ﺑﺎﻻﻣﺮﺍﺽ ﺍﻟﻨﺴﺎﺋﻴﺔ ﻭﺍﻟﺤﻤﻞ ﻭﺍﻟﻮﻻﺩﺓ ﻭﺍﻃﻔﺎﻝ ﺍﻻﻧﺎﺑﻴﺐ
ﻳﻌﻨﻲ ﺍﻛﻮﻝ ﺷﻌﺠﺐ ﻣﺎ ﺍﺧﺬﺗﺞ ﻳﻤﻬﺎ ﺗﺸﺘﻐﻠﻴﻦ
......
ﻫﻲ ﺟﺎﻧﺖ ﺗﺤﺠﻲ ﻭﺍﻧﺎ ﺑﻴﻦ ﺍﻟﻔﺮﺣﺎﻧﺔ ﺍﺧﺘﻲ ﺭﺟﻌﺖ ﻟﻠﻌﺮﺍﻕ ﻭﺣﻘﻘﺖ ﺣﻠﻤﻬﺎ
ﻭﻓﺘﺤﺖ ﻣﺮﻛﺰ ﻛﺎﻣﻞ ﻣﻮ ﺑﺲ ﻋﻴﺎﺩﺓ
ﻭﺑﻴﻦ ﺍﻟﻤﻘﻬﻮﺭﺓ ﺍﻛﻮﻝ ﺣﺘﻰ ﻣﺎ ﻛﻠﻔﺖ ﻧﻔﺴﻬﺎ ﺗﺠﻲ ﺗﺴﺄﻝ ﻋﻠﻴﻨﺎ ﺍﺣﻨﺎ ﺧﻮﺍﺗﻬﺎ
ﺑﺲ ﻛﻠﺖ ﻣﻌﺬﻭﺭﺓ ﺑﻌﺪ ﺍﻟﺼﺎﺭ ﺑﻴﻬﺎ ﻣﻦ ﻭﺭﺓ ﺑﺎﺑﺎ
ﻭﺍﺣﻨﺎ ﺧﻮﺍﺗﻬﺎ ﺑﻨﻔﺲ ﺍﻟﻮﻛﺖ ﺧﺬﻟﻨﺎﻫﺎ
ﺍﺻﻼ ﻟﻴﺶ ﺗﺮﺟﻊ ﻭﺗﺴﺄﻝ ﻋﻠﻴﻨﺎ
ﻭﻫﻲ ﻣﺎ ﻋﻨﺪﻫﺎ ﺍﻱ ﺳﺒﺐ ﻳﺨﻠﻴﻬﺎ ﺗﺤﻦ ﻋﻠﻴﻨﺎ
ﺑﻌﺪﻣﺎ ﻋﺮﻓﺖ ﺑﻮﺟﻮﺩ ﻣﺮﻭﺓ ﻇﻞ ﺍﻟﻤﻮﺿﻮﻉ ﻳﻜﺘﻢ ﻋﻠﻰ ﺻﺪﺭﻱ ﻭﻣﺜﻠﻤﺎ ﺍﺗﻌﻮﺩﺕ ﺍﺳﻮﻟﻒ ﻟﻬﺪﻯ ﻋﻦ ﺍﻱ ﺷﻲ ﻳﺼﻴﺮ ﻭﻳﺎﻳﻪ
ﺍﻭ ﻳﺤﺰ ﺑﺨﺎﻃﺮﻱ ﺣﺠﻴﺘﻠﻬﺎ ﻋﻦ ﻣﺮﻭﺓ
ﻭﻫﻲ ﺑﻮﻛﺘﻬﺎ ﻇﻠﺖ ﺗﺘﺴﻤﻊ ﻟﻜﻼﻣﻲ ﺑﻜﻞ ﻫﺪﻭﺀ
ﻭﻣﺎ ﺑﻴﻦ ﻋﻠﻴﻬﺎ ﺍﻱ ﺭﺩﺓ ﻓﻌﻞ ﻭﻣﺎ ﺣﺠﺖ ﺍﻱ ﺷﻲ ﻏﻴﺮ ﺑﺲ
.. ﺍﻟﻠﻪ ﻳﻮﻓﻘﻬﺎ ﻋﻠﻰ ﺍﻻﻗﻞ ﻭﺣﺪﺓ ﻣﻦ ﻋﺪﻧﺎ ﺣﻘﻘﺖ ﺣﻠﻤﻬﺎ
ﻭﺑﻌﺪﻫﺎ ﻣﺎ ﻓﺘﺤﻨﺎ ﺍﻟﻤﻮﺿﻮﻉ ﻣﺮﺓ ﺛﺎﻧﻴﺔ
ﻭﻣﺮﺕ ﺍﻻﻳﺎﻡ ﻭﺟﺎﻥ ﻫﺪﻯ ﺗﺴﻮﻱ ﺣﺎﺩﺙ
ﻭﻋﺮﻓﺖ ﺑﺎﻟﺼﺪﻓﺔ ﻋﻦ ﻃﺮﻳﻖ ﻓﺎﻃﻤﺔ ﺻﺪﻳﻘﺘﻬﺎ
ﺍﻥ ﻫﺪﻯ ﻗﺒﻞ ﺍﻟﺤﺎﺩﺙ ﺟﺎﻧﺖ ﻋﻨﺪ ﻣﺮﻭﺓ ﺍﺧﺘﻲ
ﻭﻣﻦ ﺧﻼﻝ ﻛﻼﻡ ﻓﺎﻃﻤﺔ ﺍﻟﻲ ﺣﺠﺖ ﻭﻫﻲ ﺗﺠﻬﻞ ﺍﻟﻤﻮﺿﻮﻉ ﺷﻨﻮ ﻛﺎﻟﺖ ﻃﻠﻌﺖ ﻣﻦ ﻳﻢ ﺍﻟﺪﻛﺘﻮﺭﺓ ﻭﻫﻲ ﺗﺒﺠﻲ
ﻭﻣﻦ ﺳﺄﻟﺖ ﻫﺪﻯ ﺑﻌﺪ ﺍﻟﺤﺎﺩﺙ ﺣﺠﺘﻠﻲ ﺷﻨﻮ ﻛﺎﻧﺖ ﺭﺩﺕ ﻓﻌﻞ ﻣﺮﻭﺓ ﻣﻦ ﺷﺎﻓﺘﻬﺎ
ﺭﺑﺎﺏ .. ﻭﻫﺴﺔ ﺷﻨﻮ ﻣﺮﻭﺓ ﻟﻴﺶ ﺷﻌﻨﺪﻫﺎ ﻣﺘﺼﻠﺔ؟؟؟
.. ﻣﺮﻭﺓ ﺍﺗﺼﻠﺖ ﻋﻠﻴﺔ ﺟﺎﻧﺖ ﺗﺮﻳﺪ ﺗﺘﺄﻛﺪ ﺻﺪﻙ ﻫﺪﻯ ﺳﻮﺕ ﺣﺎﺩﺙ
.. ﺍﻱ ﻭﺷﻜﺎﻟﺖ
ﺍﺗﺼﻠﺖ ﻋﻠﻴﺔ ﻭﺍﻧﻲ ﺭﺩﻳﺖ ﻋﺎﻟﻨﻘﺎﻝ ﺑﺪﻭﻥ ﻣﺎ ﺍﻋﺮﻑ ﻣﻨﻮ ﻻﻥ ﺟﺎﻥ ﺍﻟﺮﻗﻢ ﻏﺮﻳﺐ
ﺑﺲ ﻛﺒﻞ ﺭﻑ ﻛﻠﺒﻲ ﻣﻦ ﺳﻤﻌﺖ ﺻﻮﺗﻬﺎ ﻭﺣﺠﻴﺖ ﻻ ﺍﺭﺍﺩﻳﺎً
.. ﻣﺮﻭﺓ !!!
ﻭﻛﺒﻞ ﺩﺧﻠﺖ ﺑﺎﻟﺴﺆﺍﻝ ﺑﺪﻭﻥ ﻻ ﺳﻼﻡ ﻭﻻ ﻛﻼﻡ
.. ﺍﻱ ﻣﺮﻭﺓ
ﺷﻴﻤﺎﺀ ﺍﻟﻴﻮﻡ ﺑﺎﻟﺼﺪﻓﺔ ﺍﺟﺘﻲ ﺯﻣﻴﻠﺔ ﻭﻳﺎﻱ
ﺑﺎﻟﻌﻴﺎﺩﺓ ﻭﻛﺎﻟﺖ ﻫﺪﻯ ﺍﺧﺘﻲ ﺳﻮﺕ ﺣﺎﺩﺙ ﻗﺒﻞ ٣ﺍﻳﺎﻡ
ﺻﺪﻙ ﻫﺬﺍ ﺍﻟﺤﺠﻲ
ﺟﺎﻧﺖ ﺗﺤﺠﻲ ﺑﻨﺒﺮﺓ ﺍﻫﺘﻤﺎﻡ ﺟﺎﻭﺑﺘﻬﺎ ﻭﻛﻠﺒﻲ ﻣﻠﺠﻮﻡ ﻣﻨﻬﺎ
.. ﻟﻴﺶ ﻳﻬﻤﺞ ﺍﻣﺮﻫﺎ
.. ﺷﻴﻤﺎﺀ ﻋﻔﻴﺔ ﺟﺎﻭﺑﻴﻨﻲ ﺑﺪﻭﻥ ﻣﻤﺎﻃﻠﺔ
ﺑﺎﻟﻜﻼﻡ ﺍﺭﻳﺪ ﺍﻋﺮﻑ ﺻﺪﻙ ﺳﻮﺕ ﺣﺎﺩﺙ
ﻭﻭﺷﻮﻛﺖ ﺳﻮﺗﻪ ﺑﻴﺎ ﺳﺎﻋﺔ
ﺟﺎﻭﺑﺘﻬﺎ .. ﺻﺎﺭ ﺍﻟﺤﺎﺩﺙ ﻣﻦ ﺟﺎﻧﺖ ﺭﺍﺟﻌﺔ ﻣﻦ ﻋﻨﺪﺝ
ﺳﻤﻌﺖ ﺻﻮﺕ ﺷﻬﻜﺘﻬﺎ ﻭﺑﻌﺪﻫﺎ ﺳﻤﻌﺖ ﺻﻮﺕ ﺷﻲ ﺍﺗﻜﺴﺮ ﻣﺜﻞ ﺍﻟﻜﺰﺍﺯ
ﻟﺤﻈﺎﺕ ﻭﺍﺟﺎﻧﻲ ﺻﻮﺗﻬﺎ ﻫﺎﻟﻤﺮﺓ ﺟﺎﻥ ﻛﻠﺶ ﻫﺎﺩﺉ ﻟﺪﺭﺟﺔ
ﺍﻟﻬﻤﺲ
.. ﻭﻫﺴﺔ ﻫﻲ ﺷﻠﻮﻧﻬﺎ
.. ﻣﻊ ﺍﻻﺳﻒ ﺍﺟﻴﺘﻲ ﻣﺘﺄﺧﺮﺓ
.. ﺷﻴﻤﺎﺀ ﺟﺎﻭﺑﻴﻨﻲ ﻟﺘﻠﻌﺒﻴﻦ ﺑﺄﻋﺼﺎﺑﻲ
.. ﻟﺘﺴﺄﻟﻴﻨﻲ ﻋﺎﻟﺤﺎﺩﺙ
ﻭﺗﻌﺎﻟﻲ ﺣﺎﺟﻴﻨﻲ ﻣﺎ ﺑﻌﺪ ﺍﻟﺤﺎﺩﺙ ﺍﺧﺘﺞ ﺷﺼﺎﺭ ﺑﻴﻬﺎ
.. ﻋﻔﻴﺔ ﺷﻴﻤﺎﺀ ﺍﺭﺑﻜﺘﻴﻨﻲ ﺍﺣﺠﻲ ﺷﻜﻮ ﺻﺎﺭ ﺷﻨﻮ ﻫﺪﻯ
ﻟﻬﺎﻱ ﺍﻟﺪﺭﺟﺔ ﺍﺗﻀﺮﺭﺕ
.. ﻛﻠﻴﻠﻲ ﻋﻦ ﻳﺎ ﺿﺮﺭ ﻣﻨﻬﻢ ﺗﺴﺄﻟﻴﻦ
ﻋﻦ ﻛﺴﺮﻫﺎ ﺑﺪﻋﻤﺘﻬﺎ ﻟﻮ ﺗﺴﺄﻟﻴﻦ ﻋﻦ ﻛﺴﺮﺓ ﺑﺨﺘﻬﺎ
ﻻ ﻻ ﺧﻠﻲ ﺍﺳﻮﻟﻔﻠﺞ ﻋﻦ ﺳﻮﺍﻳﺔ ﺍﺑﻮﻧﺎ ﺑﺄﺧﺘﻨﺎ
.. ﺍﺣﺠﻲ ﺷﺴﻮﺓ ﺑﻴﻬﺎ ﺍﺛﻴﺮ ؟؟؟
.. ﻣﺴﻮﺓ ﺷﻲ ﻏﻴﺮ ﺑﺲ ﻓﻮﻙ ﻣﺼﻴﺒﺔ ﺣﺎﺩﺛﻬﺎ
ﺍﺟﺔ ﺍﺑﻮﺝ ﻭﺯﻭﺟﻬﺎ ﻟﻮﺍﺣﺪ ﻻ ﻳﺮﻳﺪﻫﺎ ﻭﻻ ﺗﺮﻳﺪﻩ
ﺯﻭﺟﻬﺎ ﻟﻘﺎﺳﻢ ﺟﻴﺮﺍﻧﻪ ﻗﺒﻞ
ﺍﻟﻲ ﺍﺧﺘﺞ ﺗﺨﺎﻑ ﻣﻨﻪ ﻣﻦ ﻫﻲ ﺻﻐﻴﺮﺓ ﻭﻟﺤﺪ ﻫﺴﻪ ﻣﻦ ﺗﺸﻮﻓﺔ ﺗﻨﻬﺰﻡ
ﻭﺗﺎﻟﻲ ﻛﺴﺮﻫﺎ ﻓﻮﻙ ﻣﺎ ﻫﻲ ﻣﻜﺴﻮﺭﺓ
ﻣﺴﻤﻌﺖ ﺻﻮﺕ ﻣﺮﻭﺓ
ﻇﻠﻴﺖ ﺍﺣﺠﻲ ﺍﺭﻳﺪ ﺍﻃﻠﻊ ﻛﻞ ﺍﻟﻲ ﺑﻜﻠﺒﻲ
.. ﺗﺪﺭﻳﻦ ﻣﺮﻭﺓ ﻫﺪﻯ ﺍﺟﺘﺞ ﻋﻠﻤﻮﺩﻱ
ﺭﺍﺩﺕ ﺗﺠﻤﻌﻨﺎ ﺳﻮﻳﺔ ﺣﺘﻰ ﻳﺮﺗﺎﺡ ﻛﻠﺒﻲ
ﺍﺩﺭﻱ ﺑﻴﺞ ﻣﺮﺍﺡ ﻳﻬﻤﺞ ﻫﺬﺍ ﻛﻼﻣﻲ ﻭﻻ ﺭﺍﺡ ﻳﻘﺪﻡ ﺍﻭ ﻳﺄﺧﺮ
ﻋﻨﺪﺝ
.....
ﺑﺲ ﺍﻛﻮﻝ ﺷﻠﻮﻥ ﺍﻧﻄﺎﺝ ﻛﻠﺒﺞ ﺗﻬﻀﻤﻴﻦ ﺍﺧﺘﺞ ﺍﻟﺼﻐﻴﺮﺓ ﻣﺎ ﺍﻟﻮﻣﺞ ﻟﻮ ﺍﺗﺼﺮﻓﺘﻲ ﻫﻴﺞ ﻭﻳﺎﻱ ﻻﻥ ﺍﻧﻲ ﺍﺧﺘﺞ ﺍﻟﺠﺒﻴﺮﺓ ﻭﺍﺗﺤﻤﻞ ﻣﺴﺆﻟﻴﺔ ﺍﻟﺼﺎﺭ ﻭﻳﺎﺝ ﺑﺬﺍﻙ ﺍﻟﻮﻛﺖ
ﺑﺲ ﻫﺪﻯ ﺷﻨﻮ ﺍﻟﺬﻧﺐ ﺍﻟﻲ ﺍﺭﺗﻜﺒﺘﻪ ﻭﻳﺎﺝ ﺣﺘﻰ ﺗﻌﺎﻗﺒﻴﻬﺎ ﻫﻴﺞ
.. ﺗﺪﺭﻳﻦ ﺭﺑﺎﺏ ﺍﻧﻲ ﻣﺎ ﺍﻟﻮﻡ ﻣﺮﻭﺓ ﻋﺎﻟﺼﺎﺭ ﺑﻬﺪﻯ
ﺑﺲ ﺍﺭﻳﺪ ﺍﻛﻌﺪ ﻭﻳﺔ ﺍﻟﺰﻣﻦ ﺍﻋﺎﺗﺒﻪ
ﻭﺍﻛﻠﻪ
ﺍﻧﺎ ﺷﺴﻮﻳﺖ ﻣﻦ ﺫﻧﺐ ﻭﻳﺎﻙ ﺣﺘﻰ ﺗﻌﺎﻗﺒﻨﻲ
ﻭﺗﺴﻠﺐ ﻣﻦ ﺑﻴﻦ ﺍﻳﺪﻳﺔ ﺍﻟﺜﻤﺮ ﺍﻟﺠﻨﻴﺘﻪ
ﺍﻱ ﺭﺑﺎﺏ ﺗﺪﺭﻳﻦ ﺍﻣﻲ ﻣﻦ ﺍﺗﻮﻓﺖ
ﺳﻠﻤﺘﻨﻲ ﺧﻮﺍﺗﻲ ﻣﺜﻞ ﺍﻟﺒﺬﻭﺭ ﻣﻦ ﻳﻮﻡ
ﺍﺧﺬﺗﻬﻢ ﻣﻦ ﺍﻳﺪﻳﻬﺎ
ﻛﺒﻞ ﺯﺭﻋﺘﻬﻢ ﺑﻜﻠﺒﻲ
ﻭﺻﺮﺕ ﺍﺭﻭﻳﻬﻢ ﺑﻤﺎﻱ ﻋﻴﻨﻲ ﻟﺤﺪﻣﺎ ﻧﺒﺘﺖ
ﺟﺬﻭﺭﻫﻢ ﻭﻗﻮﺓ ﻋﻮﺩﻫﻢ
ﻭﻛﺒﺮﺕ ﺷﺠﺮﺗﻬﻢ ﻭﺛﻤﺮﺕ
ﻭﺟﺎﻧﺖ ﻛﻞ ﺛﻤﺮﺓ ﺑﻬﺎﻱ ﺍﻟﺸﺠﺮﺓ ﺗﻤﺜﻞ ﻭﺣﺪﺓ ﻣﻦ ﺧﻮﺍﺗﻲ
ﻭﻛﺪﺍﻡ ﻋﻴﻨﻲ ﺷﻔﺖ ﺷﻠﻮﻥ ﺑﺪﺓ ﺍﻟﺜﻤﺮ ﻳﻨﻀﺞ
ﺟﻨﺖ ﻫﻮﺍﻱ ﻓﺮﺣﺎﻧﺔ
ﺑﺪﻳﺖ ﺍﺟﻨﻲ ﺍﻟﺜﻤﺮ ﻭﺣﻄﻴﺘﻬﻢ ﺑﺎﻟﺴﻠﺔ
ﻛﻠﺖ ﺍﻟﺤﻤﺪﻟﻠﻪ ﻣﺎ ﺑﻘﺔ ﺷﻲ ﻋﺎﻟﺤﻤﻞ
ﻫﺎﻧﺖ ﺑﺲ ﺍﻭﺻﻞ ﺍﻟﺴﻠﺔ ﻟﺒﺮ ﺍﻻﻣﺎﻥ
ﺑﺪﻳﺖ ﺍﻣﺸﻲ ﺑﻄﺮﻳﻘﻲ ﻭﺍﻧﻲ ﺷﺎﻳﻠﺔ ﺳﻠﺔ ﺍﻟﺜﻤﺮ ﺑﻴﺪﻱ
ﺍﻣﺸﻲ ﻋﻠﻰ ﻛﻴﻒ ﺣﺘﻰ ﺍﺩﺍﺭﻱ ﺍﻟﺜﻤﺎﺭ ﺍﻟﺒﻴﻬﺎ
ﺑﻌﺪﻧﻲ ﺑﺒﺪﺍﻳﺔ ﺍﻟﻄﺮﻳﻖ ﻭﺟﺎﻥ ﺍﺗﻌﺜﺮ
ﻭﺗﻮﻛﻊ ﻣﻨﻲ ﺛﻤﺮﺓ
ﻫﺎﻱ ﺟﺎﻧﺖ ﺍﻭﻝ ﺛﻤﺮﺓ ﺍﺧﺴﺮﻫﺎ ﻣﻦ ﺍﻟﺴﻠﺔ
ﻫﺎﻱ ﺍﻟﺜﻤﺮﺓ ﺟﺎﻧﺖ ﻣﺮﻳﻢ ﺍﺧﺘﻲ ﺍﻟﺼﻐﻴﺮﺓ
ﻣﻦ ﺍﺧﺬﻭﻫﺎ ﻣﻨﻲ ﻭﻫﻲ ﺑﺎﻟﻜﻤﺎﻁ ﻭﻣﻜﺪﺭﺕ ﺍﺣﺘﻮﻳﻬﺎ
ﻭﺗﺎﻟﻲ ﻧﻬﻀﺖ ﻣﻦ ﺟﺪﻳﺪ ﻭﻧﻔﻀﺖ ﻋﻨﻲ ﺍﻟﺘﺮﺍﺏ ﻭﺭﺟﻌﺖ ﺣﻤﻠﺖ ﺍﻟﺴﻠﺔ ﻣﻦ ﺟﺪﻳﺪ ﻭﻛﻠﺖ
ﻳﺎﻟﻠﻪ ﺷﻴﻤﺎﺀ ﻛﻮﻣﻲ ﻭﺩﻳﺮﻱ ﺑﺎﻟﺞ ﻋﺎﻟﺒﻘﺔ ﺑﺎﻟﺴﻠﺔ
ﺭﺟﻌﺖ ﺍﻣﺸﻲ ﻭﻫﺎﻟﻤﺮﺓ ﺟﻨﺖ ﺍﻛﺜﺮ ﺣﺬﺭ
ﻭﺗﺎﻟﻲ ﻫﺒﺖ ﻋﻠﻴﺔ ﻋﺼﻔﺔ ﺭﻳﺢ
ﻭﻣﺮﺕ ﺍﻟﻠﺦ ﺍﺗﻌﺜﺮﺕ
ﻫﺎﻟﻤﺮﺓ ﻭﻛﻌﺖ ﺛﻤﺮﺓ ﻣﺮﻭﺓ ﻣﻦ ﺍﻟﺴﻠﺔ
ﻭﻣﺎ ﻟﺤﻜﺖ ﻋﻠﻴﻬﺎ ﺑﺴﺮﻋﺔ ﺭﺍﺣﺖ
ﺭﺟﻌﺖ ﻣﻦ ﺟﺪﻳﺪ ﺍﺗﺤﺎﻣﻠﺖ ﻋﻠﻰ ﻧﻔﺴﻲ ﻭﻛﻮﺓ ﻭﻛﻔﺖ ﻋﻠﻰ ﺭﺟﻠﻴﺔ
ﺑﺲ ﻫﺎﻟﻤﺮﺓ ﺻﺮﺕ ﺍﻣﺸﻲ ﻭﺍﻧﻲ ﺍﻋﺮﺝ
ﻭﺭﺟﻌﺖ ﺷﻠﺖ ﺍﻟﺴﻠﺔ
ﺍﺻﺒﺮ ﻧﻔﺴﻲ ﺑﺎﻟﺒﻘﺔ ﺑﻴﻬﺎ ﻭﺍﻛﻮﻝ ﻫﺎﻟﻤﺮﺓ ﺭﺍﺡ ﺍﺣﺎﻓﻆ ﻋﻠﻴﻬﻢ
ﻭﺻﺮﺕ ﺍﺩﺍﺭﻱ ﺑﻴﻬﻢ
ﺑﺲ ﻣﺎ ﺍﺩﺭﻱ ﺷﻠﻮﻥ ﻋﻠﻰ ﻏﻔﻠﺔ ﻃﻠﻌﺘﻠﻲ ﻧﻔﺲ ﺍﻟﻌﺜﺮﺓ ﺑﻄﺮﻳﻘﻲ
ﻭﻭﻛﻌﺘﻨﻲ ﻭﺟﺎﻥ ﺗﻄﻴﺢ ﻣﻨﻲ ﺛﻤﺮﺓ ﺿﺤﻰ ﻭﺗﺮﻭﺡ ﺑﺎﻟﺮﺟﻠﻴﻦ
ﻣﻊ ﺍﻻﺳﻒ ﺑﺎﻭﻋﺖ ﻟﻠﺴﻠﺔ ﻭﻣﺎ ﺻﻔﺔ ﺑﻴﻬﺎ ﺑﺲ ﺛﻤﺮﺓ ﻭﺣﺪﺓ
ﻣﻦ ﺧﻮﻓﻲ ﻋﻠﻴﻬﺎ ﻻ ﺍﺧﺴﺮﻫﺎ
ﻃﻠﻌﺘﻬﺎ ﻣﻦ ﺍﻟﺴﻠﺔ ﻭﺷﻠﺘﻬﺎ ﺑﻴﻦ ﺍﻳﺪﻱ ﻭﺣﻠﻔﺖ
ﻫﺎﻟﻤﺮﺓ ﻣﺴﺘﺤﻴﻞ ﺍﺧﻠﻲ ﺷﻲ ﻳﺼﻴﺒﻬﺎ
ﻭﻳﺴﻠﺒﻬﺎ ﻣﻨﻲ
ﺑﺲ ﻣﺜﻞ ﻛﻞ ﻣﺮﺓ ﺗﻄﻠﻊ ﺍﻟﻌﺜﺮﺓ ﺑﻄﺮﻳﻘﻲ
ﻭﺗﻮﻛﻌﻨﻲ ﻋﻠﻰ ﻭﺟﻬﻲ ﻭﺳﻠﺒﺖ ﻣﻦ ﺑﻴﻦ ﺍﻳﺪﻳﺔ ﺍﺧﺮ ﺛﻤﺮﺓ
ﻣﻦ ﺷﺠﺮﺓ ﺍﻣﻲ
ﻫﺎﻟﻤﺮﺓ ﻋﺜﺮﺗﻲ ﺟﺎﻧﺖ ﻗﻮﻳﺔ
ﻛﻤﺖ ﻣﻨﻬﺎ ﻭﺍﻧﻲ ﻣﺤﻨﻴﺔ ﺍﻟﻈﻬﺮ
ﺍﺑﺎﻭﻉ ﻋﺎﻟﺴﻠﺔ ﺻﻔﺖ ﻣﺎ ﺑﻴﻬﺎ ﻭﻻ ﺛﻤﺮﺓ ﻣﻦ ﺷﺠﺮﺓ ﺍﻣﻲ
ﻭﺻﺮﺕ ﺍﺳﺄﻝ ﺭﻭﺣﻲ ﻭﻳﻦ ﺭﺍﺡ ﺍﻟﺜﻤﺮ ﺍﻟﺠﻨﻴﺘﻪ
ﺟﺮﻳﺖ ﺣﺴﺮﺓ ﻭﺍﺗﻨﻔﺴﺖ
ﺭﺑﺎﺏ ﺍﻧﻲ ﻫﻴﺞ ﺣﺎﻟﻲ ﻭﻳﺔ ﺧﻮﺍﺗﻲ ﻭﺍﺑﻮﻱ
ﺧﻮﺍﺗﻲ ﺍﻟﺜﻤﺮ ﻭﺍﺑﻮﻱ ﺍﻟﻌﺜﺮﺍﺕ ﺍﻟﻲ ﺩﺍﺋﻤﺎ ﺗﻄﻠﻊ ﺑﻄﺮﻳﻘﻲ
ﻭﺗﺴﻠﺐ ﻣﻨﻲ ﻭﺣﺪﺓ ﻣﻦ ﺧﻮﺍﺗﻲ
......
ﺭﺑﺎﺏ ﺑﺤﺰﻥ ﺣﻀﻨﺘﻨﻲ
.. ﻳﺎﺑﻌﺪ ﻋﻤﺮﻱ ﻳﺎﺷﻮﻣﺔ ﺷﻜﺪ ﺷﺎﻳﻠﺔ ﻫﻤﻮﻡ ﺑﻜﻠﺒﺞ
ﺑﺲ ﻟﺘﺨﺎﻓﻴﻦ ﻋﻠﻰ ﺧﻮﺍﺗﺞ ﺍﻛﻮ ﺭﺏ ﺭﺣﻴﻢ
ﻫﻮ ﺍﺣﻦ ﻋﻠﻴﻬﻢ ﻣﻨﺞ ﻭﻣﻦ ﺍﻣﺞ ﺍﻟﻲ ﻭﻟﺪﺗﻬﻢ
ﻭﺍﻥ ﺷﺎﺀﺍﻟﻠﻪ ﺭﺏ ﺍﻟﻌﺎﻟﻤﻴﻦ ﻣﻴﻀﻴﻊ ﺗﻌﺒﺞ
ﺣﺎﺷﻰ ﻟﻠﻪ ﻳﻀﻴﻊ ﺗﻌﺐ ﺑﺸﺮ
ﺗﺮﺟﻌﻮﻥ ﺑﻴﻮﻡ ﻭﺗﻠﺘﻤﻮﻥ ﺍﻥ ﺷﺎﺀﺍﻟﻠﻪ
ﺟﻨﺖ ﺩﺍ ﺍﻣﺴﺢ ﺩﻣﻮﻋﻲ ﻭﺳﺤﺒﺖ ﻧﻔﺲ ﻋﻤﻴﻖ
ﻭﺭﻓﻌﺖ ﺭﺍﺳﻲ ﻭﺟﺎﻥ ﺗﺠﻲ ﻋﻴﻨﻲ ﺑﻌﻴﻦ
ﻧﻔﺲ ﺍﻟﺸﺨﺺ ﺍﻟﻲ ﺍﺻﻄﺪﻣﺖ ﻭﻳﺎﻩ ﻗﺒﻞ ﺷﻮﻳﺔ
ﺟﺎﻥ ﻳﺒﺎﻭﻉ ﻋﻠﻴﺔ ﻭﺳﺮﺣﺎﻥ ﺑﻨﻈﺮﻩ ﺣﺎﻥ ﻭﺍﻛﻒ ﻳﻢ ﺍﻟﺪﻛﺘﻮﺭ
ﻋﻘﺪﺕ ﺣﻮﺍﺟﺒﻲ ﻭﺑﺎﻭﻋﺖ ﻋﻠﻴﻪ ﻣﺴﺘﻐﺮﺑﺔ
ﻭﻫﻮ ﺍﻧﺘﺒﻪ ﻋﻠﻰ ﻧﻔﺴﻪ ﻭﺑﺴﺮﻋﺔ ﻏﻴﺮ ﺍﺗﺠﺎﻩ ﻧﻈﺮﺗﻪ
ﻭﺭﺟﻊ ﻳﺤﺠﻲ ﻭﻳﺔ ﺍﻟﺪﻛﺘﻮﺭ ﻭﻛﺄﻥ ﺷﻴﺌﺎً ﻟﻢ ﻳﻜﻦ
ﻗﺎﻃﻌﻨﻲ ﺻﻮﺕ ﺭﺑﺎﺏ ﺩﺗﺴﻠﻢ
ﺑﺎﻭﻋﺖ ﺷﻔﺖ ﻫﺎﻟﺔ ﻭﺍﻡ ﻗﺎﺳﻢ ﺩﻳﺴﻠﻤﻮﻥ
ﻛﻤﺖ ﻣﻦ ﻣﻜﺎﻧﻲ ﻭﺳﻠﻤﺖ ﻋﻠﻴﻬﻢ
ﺟﺎﻧﻮﺍ ﺟﺎﻳﻴﻦ ﻭﺑﻴﺪﻫﻢ ﻭﺭﺩ ﻭﻋﻠﺐ ﺣﻠﻮﻳﺎﺕ
ﺍﻡ ﻗﺎﺳﻢ .. ﺧﺎﻟﺔ ﺷﻮﻣﺔ ﺍﻟﺤﻤﺪ ﻟﻠﻪ ﻋﻠﻰ ﺳﻼﻣﺔ ﺍﺧﺘﺞ
.. ﺍﻟﻠﻪ ﻳﺴﻠﻤﺞ ﺧﺎﻟﺔ
ﺍﺟﺘﻲ ﻫﺎﻟﺔ ﻭﺍﻟﻮﺟﻪ ﻓﺮﺣﺎﻥ .. ﺍﻟﺤﻤﺪﻟﻠﻪ ﻋﻠﻰ ﺳﻼﻣﺔ ﺟﻨﺘﻨﺎ
ﻣﺎ ﺗﺪﺭﻳﻦ ﺷﻜﺪ ﻓﺮﺣﺖ ﻣﻦ ﺍﺧﻮﻱ ﻗﺎﺳﻢ ﺩﻋﻢ ﺍﺧﺘﺞ
ﻋﻘﺪﺕ ﺣﻮﺍﺟﺒﻲ ﻣﺎ ﺍﻋﺮﻑ ﺍﺿﺤﻚ ﻋﻠﻰ ﺣﺠﻴﻬﺎ ﻟﻮ ﺍﻧﻘﻬﺮ
ﺗﺎﻟﻲ ﺍﺟﺘﻬﺎ ﺿﺮﺑﺔ ﻋﻠﻰ ﺭﺍﺳﻬﺎ ﻣﻦ ﺍﻡ ﻗﺎﺳﻢ
ﻭﻛﺎﻟﺖ
.. ﻫﻬﻪ ﺧﺎﻟﺔ ﻣﺎ ﻋﻠﻴﺞ ﺑﻬﺎﻱ ﺍﻟﻤﻠﻜﻮﻓﺔ
ﻗﺼﺪﻫﺎ ﻓﺮﺣﺎﻧﺔ ﻻﻥ ﻗﺎﺳﻢ ﻋﻘﺪ ﻋﻠﻰ ﺍﺧﺘﺞ
ﻭﺗﺮﻳﺪﻳﻦ ﺍﻟﺼﺪﻙ ﺷﻜﺪ ﺍﻧﻘﻬﺮﺕ ﻭﺍﻧﻤﺮﺩ ﻛﻠﺒﻲ ﻋﻠﻰ ﺍﺧﺘﺞ ﻭﺍﺑﻨﻲ
ﻻﻥ ﺍﺑﻨﻲ ﺩﺧﻞ ﻟﻠﺴﺠﻦ ﻭﺍﺧﺘﺞ ﺩﺧﻠﺖ ﻟﻠﻤﺴﺘﺸﻔﻰ
ﺑﺲ ﻋﺴﻰ ﺍﻥ ﺗﻜﺮﻫﻮﺍ ﺷﻴﺌﺎً ﻭﻫﻮ ﺧﻴﺮﺍً ﻟﻜﻢ
ﺑﺲ ﺍﻧﺠﺒﺮ ﺧﺎﻃﺮﻱ ﺑﻴﻮﻡ ﺳﻤﻌﺖ ﻗﺎﺳﻢ ﻋﻘﺪ ﻋﻠﻰ ﻫﺪﻯ
ﺍﺣﺲ ﻣﺎﻱ ﺑﺎﺭﺩ ﻋﻠﻰ ﻛﻠﺒﻲ ﻧﺰﻝ
ﺻﺤﻴﺢ ﺍﻟﻈﺮﻑ ﺍﻟﻲ ﺗﻢ ﺑﻲ ﺍﻟﻌﻘﺪ ﻣﻮ ﻣﻨﺎﺳﺐ
ﺑﺲ ﺍﻥ ﺷﺎﺀ ﺍﻟﻠﻪ ﺍﻧﻌﻮﺿﻬﺎ ﻟﻬﺪﺍﻭﻱ ﻋﺎﻟﺠﺎﻳﺎﺕ
ﺍﻧﺘﺒﻬﺖ ﻻﻡ ﻗﺎﺳﻢ . ﻫﻲ ﻭﻫﺎﻟﺔ ﺟﺎﻥ
ﻣﺒﻴﻦ ﻋﻠﻴﻬﻢ ﻓﺮﺣﺎﻧﻴﻦ ﺑﺎﻟﺼﺎﺭ
ﺍﻡ ﻗﺎﺳﻢ .. ﻃﺒﻌﺎً ﺍﻧﻲ ﺟﻨﺖ ﺭﺍﻳﺪﻩ ﺍﺟﻲ ﻟﻬﺪﻯ ﻣﻦ ﺍﻭﻝ ﻳﻮﻡ
ﺑﺲ ﺑﻌﺪ ﺗﻌﺮﻓﻴﻦ ﺏ ﻗﺎﺳﻢ ﺟﺎﻥ ﺑﺎﻟﺴﺠﻦ
ﻭﻳﻮﻡ ﺛﺎﻧﻲ ﻳﺎﻟﻠﻪ ﻃﻠﻊ
ﻭﺍﻟﺘﻬﻴﻨﺎ ﺍﻟﻨﺎﺱ ﻛﺎﻣﺖ ﺗﺠﻴﻨﺎ ﻋﻠﻤﻮﺩ ﻗﺎﺳﻢ
ﻭﻫﺴﺔ ﻳﺎﻟﻠﻪ ﻓﺮﻏﻨﺎ ﻧﺠﻲ ﻧﺘﺤﻤﺪﻟﻬﺎ ﻋﺎﻟﺴﻼﻣﺔ ﻭﻧﺘﻄﻤﻦ ﻋﻠﻴﻬﺎ
ﻣﺪﺕ ﺍﻳﺪﻫﺎ ﻭﺳﻠﻤﺘﻨﻲ ﻋﻠﺐ ﺍﻟﺤﻠﻮﻳﺎﺕ
.. ﻳﺎ ﺧﺎﻟﺔ ﻟﻴﺶ ﻛﻠﻔﺘﻮﺍ ﻋﻠﻰ ﻧﻔﺴﻜﻢ
ﺍﻡ ﻗﺎﺳﻢ .. ﻻ ﺧﺎﻟﺔ ﻫﺬﺍ ﻭﺍﺟﺒﻨﺎ ﻭﻻﺯﻡ ﻧﺴﻮﻱ ﺍﻛﺜﺮ
ﻫﺎﻱ ﻋﻠﻤﻮﺩ ﺳﻼﻣﺔ ﻫﺪﻯ ﺟﻨﺘﻨﺎ
ﻫﺎﻟﺔ .. ﺷﻮﻣﺔ ﻋﻔﻴﺔ ﺍﺧﺬﻳﻨﺎ ﻟﻬﺪﻯ ﺍﺭﻳﺪ ﺍﺷﻮﻓﻬﺎ
ﻣﺸﺘﺎﻗﺘﻠﻬﺎ ﺍﻟﻠﻪ ﻋﻠﻴﺞ ﺷﻨﻮ ﻛﺎﻟﺖ ﻣﻦ ﻋﺮﻓﺖ ﺑﻘﺎﺳﻢ
ﻋﻘﺪ ﻋﻠﻴﻬﺎ
ﺷﻴﻤﺎﺀ .. ﺑﺎﻟﺤﻘﻴﻘﺔ ﻫﻲ ﻣﺘﺪﺭﻱ ﺑﺴﺎﻟﻔﺔ ﺯﻭﺍﺟﻬﺎ
ﻻﻥ ﺍﻧﻲ ﻣﺎ ﺧﻠﻴﺖ ﺍﻱ ﻭﺍﺣﺪ ﻳﺤﺠﻲ ﻳﻤﻬﺎ ﺑﺨﺼﻮﺹ ﻫﺬﺍ ﺍﻟﻤﻮﺿﻮﻉ
ﺍﻡ ﻗﺎﺳﻢ .. ﻳﺎ ﺧﺎﻟﺔ ﻟﻴﺶ ﻣﻜﻠﺘﻮﻟﻬﺎ
.. ﺧﺎﻟﺔ ﺗﺮﺓ ﺍﻟﻤﻮﺿﻮﻉ ﻛﻠﺶ ﺻﻌﺐ
ﻭﻫﺪﻯ ﻭﺿﻌﻬﺎ ﻭﺻﺤﺘﻬﺎ ﻛﻠﺶ ﺗﻌﺒﺎﻧﺔ
ﺍﺷﻮﻑ ﺍﻟﻮﻗﺖ ﻣﻮ ﻣﻨﺎﺳﺐ
ﺍﺧﺎﻑ ﻳﺼﻴﺮ ﻋﻠﻴﻬﺎ ﺷﻲ ﺍﺫﺍ ﺗﻌﺮﻑ ﺍﺗﺰﻭﺟﺖ ﺑﺪﻭﻥ ﻋﻠﻤﻬﺎ
ﺍﻡ ﻗﺎﺳﻢ ﻋﻘﺪﺕ ﺣﻮﺍﺟﺒﻬﺎ ﻭﻟﻄﻤﺖ ﺻﺪﺭﻫﺎ
.. ﻋﺰﺓ ﺑﻌﻴﻨﻲ ﻳﻌﻨﻲ ﺷﻠﻮﻥ ﺍﺧﺘﺞ ﺍﺗﺰﻭﺟﺖ ﺍﺑﻨﻲ ﺑﺪﻭﻥ ﻋﻠﻤﻬﺎ ﻭﺍﻟﺴﻴﺪ ﺷﻠﻮﻥ ﻳﻌﻘﺪﻟﻬﻢ
.. ﺑﻬﻴﺞ ﻭﺿﻊ ﻣﻴﺤﺘﺎﺝ ﻳﺎﺧﺬ ﻣﻮﺍﻓﻘﺔ ﺍﻟﺒﻨﻴﺔ
ﻻﻥ ﻫﺪﻯ ﺑﺎﻟﻤﺴﺘﺸﻔﻰ ﻭﻣﺘﻜﺪﺭ ﺗﺤﻀﺮ ﻭﺍﺑﻮﻫﺎ ﻭﻛﻴﻠﻬﺎ
ﻭﻫﺬﺍ ﺍﻟﺴﺒﺐ ﺍﺳﺘﺨﺪﻣﻪ ﺑﺎﺑﺎ ﺣﺘﻰ ﻳﺘﻤﻢ ﺍﻟﻌﻘﺪ
.....
ﺍﺑﺎﻭﻉ ﻻﻡ ﻗﺎﺳﻢ ﺑﻬﺘﺖ ﻓﺮﺣﺘﻬﺎ ﻭﻇﻠﺖ ﻣﺼﻔﺼﻔﺔ
.. ﻭﺍﻟﻠﻪ ﻳﺎﺧﺎﻟﺔ ﻣﺎ ﺍﻋﺮﻑ ﺷﻨﻮ ﺍﻛﻮﻝ
ﺷﻴﻤﺎﺀ .. ﺧﺎﻟﺔ ﻣﻌﺬﻭﺭﺓ ﺣﻘﺞ ﺗﻨﺼﺪﻣﻴﻦ ﻻﻥ ﺍﻟﺼﺎﺭ ﻛﻠﻪ ﻋﻠﻰ ﺑﻌﻀﻪ
ﻫﻮﺳﺔ ﻭﺧﺒﺼﺔ ﻓﻜﻞ ﺍﻟﻲ ﺍﻃﻠﺒﻪ ﻣﻨﺞ
ﻟﺘﺠﻴﺒﻮﻥ ﺳﻴﺮﺓ ﻋﻦ ﺍﻟﻤﻮﺿﻮﻉ ﻟﺤﺪﻣﺎ ﻫﺪﻯ ﺗﻜﻮﻡ ﻋﻠﻰ ﺣﻴﻠﻬﺎ
ﻫﺎﻟﺔ .. ﺻﺤﻴﺢ ﻛﻼﻣﺞ ﺷﻴﻤﺎﺀ ﺧﺼﻮﺻﺎ
ﻫﺪﻯ ﺗﺘﺨﺒﻞ ﻣﻦ ﻗﺎﺳﻢ ﻭﺗﺨﺎﻑ ﻣﻨﻪ
ﺍﻡ ﻗﺎﺳﻢ .. ﺍﺣﺠﻲ ﻋﺪﻝ ﺷﻨﻮ ﺗﺘﺨﺒﻞ ﻣﻦ ﻗﺎﺳﻢ ﺷﻨﻮ ﻣﺴﻮﻳﻠﻬﺎ
ﺍﺳﻢ ﺍﻟﻠﻪ ﻳﻤﻬﺎ ﺑﻜﺮﺑﻬﺎ ﻭﻳﻦ ﺷﺎﻳﻔﻬﺎ
ﻫﺎﻟﺔ .. ﻻ ﻣﺎﻣﺎ ﻛﻠﺸﻲ ﻣﻤﺴﻮﻱ ﻟﻬﺎ
ﻣﺎ ﺍﻋﺮﻑ ﻟﻴﺶ ﻫﺸﻜﻞ ﻫﻲ ﺗﺨﺎﻑ ﻣﻨﻪ ﻭ ﻣﻜﺒﺮﺓ ﺍﻟﻤﻮﺿﻮﻉ
ﻫﻮ ﻳﺎﺩﻭﺏ ﺷﻮﻳﺔ ﺟﺎﻥ ﻳﺠﺮﻫﺎ ﻣﻦ ﻇﻔﻴﺮﺗﻬﺎ ﻋﻠﻰ ﻛﻢ ﻛﺘﻠﺔ
ﻭ ﺷﻮﻳﺔ ﻓﺸﺨﺔ ﺑﺎﻟﺤﺠﺎﺭ ﺧﻠﺖ ﺩﻣﻬﺎ ﺑﻄﻮﻟﻬﺎ
ﻋﻠﻰ ﺷﻮﻳﺔ ﺩﻋﻤﺔ ﺑﺎﻟﺴﻴﺎﺭﺓ . ﻓﻠﺸﺘﻬﺎ ﺗﻔﻠﻴﺶ
ﺷﺪﻋﻮﺓ ﻋﻠﻴﻬﺎ ﻫﺸﻜﻞ ﺣﺴﺎﺳﺔ
ﺧﻄﻴﺔ ﻗﺴﻮﻣﻲ ﺍﺧﻮﻱ ﻣﺴﻜﻴﻦ ﻛﻠﺸﻲ ﻣﻤﺴﻮﻳﻠﻬﺎ
ﺑﺲ ﻫﻲ ﺗﺘﻌﺎﻳﺮ ﺑﻄﺮﺍﻧﺔ
ﺍﺑﺎﻭﻉ ﻷﻡ ﻗﺎﺳﻢ ﺷﻠﻮﻥ ﺗﺨﺰﺭ ﺑﻬﺎﻟﺔ
ﻫﺪﻯ
ﺟﻨﺖ ﻣﺘﺄﺫﻳﺔ ﻣﻦ ﺭﺟﻠﻲ
ﻭﻣﻨﺘﻈﺮﺓ ﺷﻴﻤﺎﺀ ﺗﺠﻲ ﺗﻌﺪﻟﻬﺎ ﺍﻟﻲ ﺍﺣﺲ ﻃﻠﻌﺖ ﺭﻭﺣﻲ ﻣﻦ ﺗﺤﺮﻛﺖ ﺷﻮﻳﺔ
ﺩﺧﻠﺖ ﺷﻴﻤﺎﺀ
ﻭﺣﺠﻴﺖ .. ﻋﻔﻴﺔ ﺷﻮﻣﺔ ﻟﺤﻜﻴﻨﻲ ﻏﺎﺡ ﺍﻣﻮﺕ ﻣﻦ ﺍﻻﻟﻢ
ﺍﻧﻄﻴﻨﻲ ﺍﺑﻐﺔ ( ﺍﺑﺮﺓ ) ﺩﻭﺓ ﺍﻱ ﺷﻲ ﺑﺲ ﺧﻠﻲ ﻳﺴﻜﻦ ﺍﻻﻟﻢ
ﺷﻴﻤﺎﺀ .. ﻫﺎ ﻣﺘﺄﺫﻳﺔ
ﻟﻌﺪ ﺷﻮﻓﻲ ﺷﻨﻮ ﺟﺒﺘﻠﺞ ﻭﻳﺎﻱ ﺭﺍﺡ ﺗﺨﻠﻴﺞ ﺗﻨﺴﻴﻦ ﺣﺘﻰ ﺍﻻﻟﻢ
ﻓﺎﺗﺖ ﺟﻮﺓ ﻭﺩﺧﻠﺖ ﻭﺭﺍﻫﺎ ﻫﺎﻟﺔ ﻭﺍﻡ ﻗﺎﺳﻢ
ﺍﺟﺘﻲ ﻋﻠﻴﺔ ﻫﺎﻟﺔ ﺑﻜﻞ ﻟﻬﻔﺔ ﻭﺷﻤﺮﺕ ﺭﻭﺣﻬﺎ ﺑﺤﻀﻨﻲ ﻭﺻﺎﺭﺕ ﺗﺒﺠﻲ
ﻋﻄﺖ ﺑﺼﻮﺕ ﻣﻮﺟﻮﻋﺔ .. ﺍﺍﺍﺍﺍﺍﺍﺥ
ﻣﻦ ﺍﻟﻠﻪ ﻳﻠﻌﻦ ﺑﻠﻴﺴﺞ ﻫﺎﻟﺔ
ﺷﻨﻮ ﺛﻮﻉ ( ﺛﻮﺭ ) ﻭﻫﺎﺩﻳﻨﻪ ﻋﻠﻴﺔ
ﻛﻤﺰﺕ ﻣﻦ ﻣﻜﺎﻧﻬﺎ ﺧﺎﻳﻔﺔ ﺗﺒﺎﻭﻉ ﻋﻠﻰ ﺭﺟﻠﻲ
ﻫﺎﻟﺔ .. ﻳﺎﻳﻤﺔ ﺳﻮﺩﺓ ﻋﻠﻴﺔ ﻫﺎﻱ ﺷﺼﺎﻳﺮ ﺑﻴﺞ
ﺍﻟﻒ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ ﺗﻜﺒﺮﻳﻦ ﻭﺗﻨﺴﻴﻬﺎ
ﺍﻡ ﻗﺎﺳﻢ .. ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ ﺧﺎﻟﺔ
.. ﺍﻟﻠﻪ ﻳﺴﻠﻤﺞ ﺧﺎﻟﺔ
ﺟﻨﺖ ﺍﺣﺠﻲ ﻭﻋﺎﺑﺴﺔ ﻭﺟﻬﻲ ﻣﻦ ﺍﻻﻟﻢ
.. ﺷﻨﻮ ﺧﺎﻟﺔ ﻣﻮﺟﻮﻋﺔ
.. ﺍﻱ ﻭﺍﻟﻠﻪ ﺧﺎﻟﺔ ﻛﻠﺶ ﻣﺘﺄﺫﻳﺔ
ﻫﺎﻟﺔ .. ﺍﻫﻮﻭﻭ ﻫﺎﻱ ﺷﻤﺴﻮﻱ ﺑﻴﺞ
ﻛﺎﻟﺐ ﺧﻠﻘﺘﺞ
.. ﺍﻱ ﻣﻮ ﺍﻋﻤﻲ ﻭﻳﺴﻮﻕ ﺳﻴﺎﻏﺔ ﺷﺘﺘﻐﺠﻴﻦ ( ﺳﻴﺎﺭﺓ ﺷﺘﺘﺮﺟﻴﻦ ) ﻣﻨﻪ
ﻛﻮﻥ ﻛﺴﻎ ( ﻛﺴﺮ ) ﻻﻳﺪﻩ ﺣﺘﻰ ﺑﻄﻞ ﻳﺴﻮﻕ ﺳﺮﻳﻊ
ﺍﻡ ﻗﺎﺳﻢ ﺷﻬﻜﺖ ﻭﻛﺎﻟﺖ
.. ﺍﺳﻢ ﺍﻟﻠﻪ ﻋﻠﻰ ﺍﺳﻤﻪ ﺍﻥ ﺷﺎﺀ ﺍﻟﻠﻪ ﻋﺪﻭﻳﻨﻪ
ﺟﺎﻭﺑﻬﺎ ﻣﺴﺘﻐﺮﺑﺔ
.. ﻟﺤﻈﺔ ﺧﺎﻟﺔ ﺍﻧﺎ ﺍﻟﻤﺘﻀﻐﻐﺔ ( ﺍﻟﻤﺘﻀﺮﺭﺓ ) ﻣﻮ ﺍﻟﺴﺎﻳﻖ
ﺍﻧﺘﻲ ﻭﻳﺎﻣﻦ
ﻫﺎﻟﺔ ﺗﻀﺤﻚ .. ﻟﺞ ﻋﻮﺑﺔ ﻣﻮ ﺍﻟﺴﺎﻳﻖ ﻳﺼﻴﺮ ﺍﺑﻨﻬﺎ ﻃﺒﻌﺎً ﺗﺨﺎﻑ ﻋﻠﻴﻪ
ﺣﺠﻴﺖ ﻣﻨﺪﻣﺠﺔ
.. ﻭﺍﺫﺍ ﺍﺑﻨﻪ .............
ﻓﺠﺎﺀﺓ ﻭﺻﻠﻨﻲ ﺍﻟﺒﺚ
ﺷﻬﻜﺖ ﻣﻔﺰﻭﻋﺔ ﻭﻋﻄﺖ
.. ﻳﻤﺔﺓﺓﺓﺓﺓﺓﺓﺓﺓﺓﺓ . ﻗﺎﺳﻢ ﻫﻮ ﻧﻔﺴﻪ ﺍﻟﻲ ﺩﻋﻤﻨﻲ
ﻳﺒﻮﻭﻭﻭﻭﻭﻭﻱ ﻋﻠﻴﺔ ﻳﺒﻮﻭﻭﻭﻭﻭﻭ
ﺑﺎﻭﻋﺖ
ﺷﻴﻤﺎﺀ .. ﺍﻱ ﺻﺪﻙ ﻧﺴﻴﺖ ﺍﻛﻠﺞ ﻣﻨﻮ ﺍﻟﺴﺎﻳﻖ
ﻻﻥ ﻣﺼﺎﺭ ﻣﻮﺿﻮﻉ ﺗﺴﺄﻟﻴﻨﻲ ﻋﻦ ﺍﺳﻢ ﺍﻟﺪﻋﻤﺞ
ﺟﻨﺘﻲ ﻣﻠﺘﻬﻴﺔ ﺑﺠﺮﻭﺣﺞ
ﺑﻠﻌﺖ ﺭﻳﻜﻲ ﻭﺑﺎﻭﻋﺖ ﻻﻡ ﻗﺎﺳﻢ ﻭﻫﺎﻟﺔ
ﻭﺣﺎﺻﺮﺗﻨﻲ ﺍﻟﺒﺠﻴﺔ
.. ﺍﺍﺍﺍﺧﺎﻟﺔ ﺗﺮﺓ ﺍﻧﺎ ﻣﻮ ﻗﺼﺪﻱ ﺍﺣﺠﻲ ﻋﻠﻴﻪ
.....
ﻫﺎﻟﺔ .. ﺷﻨﻮ ﻣﻮ ﻗﺼﺪﺝ ﺑﻌﺪ ﺍﻧﺘﻲ ﺣﺠﻴﺘﻲ ﻋﻠﻴﻪ ﻭﺭﺣﺘﻲ
ﻭﺭﺍﺡ ﺍﻛﻮﻟﻪ ﻫﺪﻯ ﺗﺪﻋﻲ ﻋﻠﻴﻚ
ﺷﻬﻜﺖ .. ﺍﻧﺠﺒﻲ ﻋﻮﺑﺔ ﻣﺎ ﺟﻨﺖ ﺍﻋﺮﻑ ﻣﻨﻮ ﺍﻟﺪﻋﻤﻨﻲ
ﺍﻧﺎ ﻟﻮ ﺍﺩﺭﻱ ﺑﻘﺎﺳﻢ ﺍﺧﻮﺝ ﺩﺍﻋﻤﻨﻲ
ﺟﺎﻥ ﻫﺴﺔ ﺗﻠﻜﻴﻨﻲ ﺍﻃﻚ ﺍﺻﺒﻌﺘﻴﻦ ﻣﻦ ﺍﻟﻔﺮﺣﺔ
ﻣﻤﺼﺪﻛﺔ ﺣﻈﻲ ﺍﻻﻏﺒﻎ ( ﺍﻻﻏﺒﺮ ) ﺣﻄﻨﻲ ﺑﻄﺮﻳﻘﻪ
ﺍﻡ ﻗﺎﺳﻢ ﺗﻀﺤﻚ ﻋﻠﻰ ﻫﺪﻯ ﺗﺮﻳﺪ ﺗﻬﺪﻳﻬﺎ
.. ﻳﺎ ﺧﺎﻟﺔ ﻣﻌﻘﻮﻟﺔ ﻟﺤﺪ ﻫﺴﺔ ﺗﺨﺎﻓﻴﻦ ﻣﻨﻪ ﺗﺮﺓ ﻭﺍﻟﻠﻪ ﻗﺴﻮﻣﻲ ﻛﺒﺮ ﻭﺻﺎﺭ ﺣﺒﺎﺏ ﻭﻃﻴﺐ ﻭﺣﻨﻴﻦ
ﻫﻤﺴﺖ ﻳﻢ ﻫﺎﻟﺔ .. ﺍﻱ ﻫﻲ ﻣﻨﻮ ﺣﻤﺎﺩﺓ ﺍﻟﻌﻐﻮﺱ ﻏﻴﻎ ( ﺍﻟﻌﺮﻭﺱ ﻏﻴﺮ ) ﺣﻔﺎﻓﺘﻬﺎ
ﺍﺑﺘﺴﻤﺖ .. ﺧﺎﻟﺔ ﺍﻟﻠﻪ ﻳﺤﻔﻈﻪ ﺍﻟﺞ ﻭﻳﻌﻠﻲ ﻣﻨﺎﺯﻟﻪ
ﻭﺗﻔﻐﺤﻴﻦ ( ﺗﻔﺮﺣﻴﻦ ) ﺑﻲ
ﻫﺎﻟﺔ ﺑﺘﺼﻨﻴﻒ .. ﺑﻌﺪ .. ﺑﻌﺪ ﻏﻨﻴﻠﻪ
ﺳﻴﺪﻱ .. ﺳﻴﺪﻱ ﺷﻜﺪ ﺍﻧﺖ ﺭﺍﺋﻊ ﺳﻴﺪﻱ
ﺑﻨﺖ ﺍﻻﻭﺍﺩﻡ ﺣﺴﺴﺘﻴﻨﻲ ﻋﺒﺎﻟﻚ ﺍﺧﻮﻱ ﺳﻠﻄﺎﻥ ﺟﺎﺋﺮ ﻳﺄﻣﺮ ﺑﻘﻄﻊ ﺍﻟﺮﻗﺎﺏ
ﻭﺗﺨﺎﻓﻴﻦ ﻣﻨﻪ ﻳﻄﻴﺮ ﺭﻛﺒﺘﺞ ﻫﻬﻬﻬﻬﻬﻬﻬﻬﻬﻬﻪ
ﺍﻡ ﻗﺎﺳﻢ .. ﺧﺎﻟﺔ ﻫﺪﻯ ﻟﺘﺨﺎﻓﻴﻦ ﺑﻌﺪ ﻫﻮ ﻛﺒﺮ ﻭﺍﺗﻐﻴﺮ ﻭﺍﻧﺘﻲ ﻛﺒﺮﺗﻲ ﺷﻲ ﺍﻛﻴﺪ ﺑﻌﺪ ﻣﺘﺨﺎﻓﻴﻦ ﻣﻨﻪ
ﺟﺎﻧﺖ ﺍﻡ ﻗﺎﺳﻢ ﺗﺤﺎﻭﻝ ﺗﻤﻬﺪ ﻟﺨﺒﺮ ﺯﻭﺍﺝ ﻗﺎﺳﻢ ﻣﻦ ﻫﺪﻯ
.. ﻻ ﺧﺎﻟﺔ ﺍﻧﻲ ﺻﺤﻴﺢ ﻛﺒﻐﺖ ﺑﺲ ﺍﻟﺨﻮﻑ ﻣﻮ ﺑﻴﺪﻱ
ﺿﺮﺑﺘﻨﻲ ﻫﺎﻟﺔ ﺑﺨﺎﺻﺮﺗﻲ
.. ﺷﺪﻋﻮﺓ ﻳﺤﺎﻓﻆ ﻋﻠﻰ ﻛﻴﻔﺞ ﺩﺍﺩﺍ ﻛﺒﺮﻱ ﻋﻘﻠﺞ ﻭﺍﻧﺠﺒﻲ
.. ﻟﺞ ﻋﻮﺑﺔ ﻫﺬﺍ ﺍﻟﻨﻮﻉ ﻣﻦ ﺍﻟﺨﻮﻑ ﻣﺎ ﺑﻴﻪ ﺻﻐﻴﻎ ﻟﻮ ﺟﺒﻴﻎ ( ﺻﻐﻴﺮ ﻭﻻ ﺟﺒﻴﺮ )
ﺍﺧﻮﺝ ﻣﺜﻞ ﺍﻟﺜﻮﻍ ( ﺍﻟﺜﻮﺭ ) ﺍﻟﻬﺎﺋﺞ ﺑﻴﻮﻡ ﻳﺪﺧﻞ ﻟﻠﺴﺎﺣﺔ
ﻛﻠﻬﺎ ﺗﺨﺎﻑ ﻣﻨﻪ ﺻﻐﺎﻍ ﻭﻛﺒﺎﻍ ( ﺻﻐﺎﺭ ﻭﻛﺒﺎﺭ ) ﻳﺸﺮﺩﻭﻥ
ﺍﻡ ﻗﺎﺳﻢ .. ﺍﻧﻌﻢ ﺍﻟﻠﻪ ﻋﻠﻴﺞ ﺳﻮﻳﺘﻲ ﺍﺑﻨﻲ ﺛﻮﺭ
ﻭﺟﻬﻲ ﻛﺎﻡ ﻳﻨﻄﻲ ﺍﻟﻮﺍﻥ
.. ﻻﻻﻻ ﺣﺸﺎﺍﺍﺍﺍﺍﻩ ﺳﻴﺪ ﻗﺎﺳﻢ
ﺧﺎﻟﺔ ﺍﻻﻣﺜﺎﻝ ﺗﻀﻐﺐ ( ﺗﻀﺮﺏ ) ﻭﻻ ﺗﻘﺎﺱ
ﺍﺑﺎﻭﻉ ﻟﺸﻴﻤﺎﺀ ﻭﺭﺑﺎﺏ ﺧﺎﻧﻜﺘﻬﻢ ﺍﻟﻀﺤﻜﺔ
ﻭﺭﺓ ﻓﺘﺮﺓ ﺩﻙ ﻧﻘﺎﻝ ﻫﺎﻟﺔ
ﻭﺭﺍﺣﺖ ﻫﻲ ﻭﺍﻣﻬﺎ ﻭﻇﻠﻴﺖ ﺍﻧﻲ ﻭﺷﻴﻤﺎﺀ ﻭﺭﺑﺎﺏ
.................
ﺑﻌﺪ ﻣﺮﻭﺭ ﺷﻬﺮ
ﻫﺎﻟﺔ
ﺩﺧﻠﺖ ﻟﻠﺼﺎﻟﺔ ﻭﻟﻜﻴﺖ ﺍﻣﻲ ﻭﻗﺎﺳﻢ
ﺍﻡ ﻗﺎﺳﻢ .. ﻳﻤﺔ ﻗﺎﺳﻢ ﺻﻞ ﻋﺎﻟﻨﺒﻲ ﻭﻛﻮﻝ ﻳﺎ ﺍﻟﻠﻪ
ﻣﻮ ﻫﻴﺞ ﺗﻨﺤﻞ ﺍﻟﺴﺎﻟﻔﺔ
ﻗﺎﺳﻢ .. ﻳﻤﺔ ﺭﺣﻤﺔ ﻋﻠﻰ ﻭﺍﻟﺪﻳﺞ ﻋﻮﻓﻴﻨﻲ
ﺍﻧﺎ ﺍﻋﺮﻑ ﺷﻠﻮﻥ ﺍﺗﺼﺮﻑ
.. ﺷﺘﺘﺼﺮﻑ ﺗﺮﺓ ﻫﻲ ﻣﻮ ﺑﺎﻟﻜﻮﺓ
ﻋﻤﻚ ﺣﺮ ﻭﺑﻜﻴﻔﻴﻪ ﻣﺘﻜﺪﺭ ﺍﻧﺖ ﺗﻔﺮﺽ ﻧﻔﺴﻚ ﻋﻠﻴﻪ
.. ﺣﺮ ﺑﻜﻠﺸﻲ ﺍﻻ ﺑﺴﺎﻟﻔﺔ ﺯﻭﺍﺟﻲ ﻣﻦ ﺭﻫﻒ
ﻣﻮ ﺑﻜﻴﻔﻪ ﺑﻨﺖ ﻋﻤﻲ ﺍﻟﻲ ﻭﻣﺘﺼﻴﺮ ﻟﻐﻴﺮﻱ
ﻭﺣﺘﻰ ﻟﻮ ﺍﻧﺎ ﻋﻘﺪﺕ ﻋﻠﻰ ﺑﻨﻴﺔ ﻏﻴﺮﻫﺎ
ﺗﺒﻘﻰ ﺭﻫﻒ ﺍﻟﻲ
ﻳﻌﻨﻲ ﻫﻮ ﻋﻤﻲ ﻣﺤﻤﺪ ﻣﺎ ﻳﻌﺮﻑ ﺑﺴﺎﻟﻔﺔ ﺍﻟﺰﻭﺍﺝ ﺷﻠﻮﻥ
ﺻﺎﺭ ﻣﻔﺎﺟﻲﺀ ﻣﺠﻨﺖ ﺣﺎﺳﺐ ﺣﺴﺎﺑﻪ
ﻟﻴﺶ ﻫﻮ ﻣﻮ ﻛﺪﺍﻣﻪ ﺻﺎﺭ ﺍﻟﺤﺠﻲ
ﺍﺧﺬ ﺳﻮﻳﺞ ﺍﻟﺴﻴﺎﺭﺓ ﻭﻛﺎﻡ ﻣﻦ ﻳﻢ ﺍﻣﻪ
ﺍﻡ ﻗﺎﺳﻢ .. ﻫﺎ ﻳﻤﺔ ﻗﺎﺳﻢ ﻭﻳﻦ ﺭﺍﻳﺢ
.. ﺭﺍﻳﺢ ﻟﺒﻴﺖ ﻋﻤﻲ ﻣﺤﻤﺪ ﻭﺍﺷﻮﻑ ﻣﻨﻮ ﺍﻟﻤﺎ ﻳﻨﻄﻴﻨﻲ
ﺑﻨﺘﻪ
ﺍﻣﻲ ﺣﺠﺖ .. ﻫﺎﻟﺔ ﻛﻮﻣﻲ ﺟﻴﺒﻲ ﻋﺒﺎﺗﻲ
ﺧﻠﻲ ﺍﺭﻭﺡ ﻭﻳﺔ ﺍﺧﻮﺝ ﻟﺒﻴﺖ ﻋﻤﻚ ﻻ ﻳﺴﻮﻱ ﺷﻲ ﻫﻨﺎﻙ
.. ﻻ ﻣﺎ ﻳﺤﺘﺎﺝ ﺗﺮﺣﻴﻦ ﻭﻳﺎﻱ
ﺍﻧﺎ ﺍﺭﻭﺡ ﻭﺣﺪﻱ ﻭﺍﺣﺠﻲ ﻭﻳﺎﻫﻢ
.. ﻣﻴﺨﺎﻟﻒ ﻳﻤﺔ ﺍﻧﺎ ﻫﻢ ﺍﺭﻳﺪ ﺍﺭﻭﺡ ﺍﺷﻮﻑ ﻣﺮﺕ ﻋﻤﻚ ﻭﺍﺗﺤﻤﺪﻟﻬﺎ ﺍﻟﺴﻼﻣﺔ
......
ﺷﻮﻑ ﻧﺒﻊ ﺍﻟﺤﻨﺎﻥ ﺷﻠﻮﻥ ﺑﺪﻟﺖ ﺣﺠﻴﻬﺎ
ﺭﺣﺖ ﻃﻠﻘﺔ ﻟﺒﺴﺖ ﻣﻼﺑﺴﻲ ﻭﺟﺒﺖ ﻋﺒﺎﻳﺔ ﺍﻣﻲ
ﻭﺑﺎﻭﻋﺖ ﻋﻠﻴﺔ .. ﻭﺍﻧﺘﻲ ﺷﻜﻮ ﺑﺪﻟﺘﻲ
.. ﻫﺎ ﻣﻮ ﺍﻧﻲ ﻫﻤﺎﺗﻴﻦ ﺍﺭﻳﺪ ﺍﺗﺤﻤﺪ ﺍﻟﺴﻼﻣﺔ ﻟﻤﺮﺕ ﻋﻤﻮ ﻣﺤﻤﺪ
ﺿﻴﻜﺖ ﻋﻴﻮﻧﻬﺎ ﻭﻫﻤﺴﺖ
.. ﺑﺴﻴﻄﺔ ﺍﻧﺎ ﺍﻋﻠﻤﺞ ﺑﻌﺪﻳﻦ
ﺭﺣﻨﺎ ﻭﻳﺔ ﻗﺎﺳﻢ ﻟﺒﻴﺖ ﻋﻤﻮ ﻣﺤﻤﺪ
ﻭﻫﻨﺎﻙ
ﺷﻔﺖ ﺑﻴﺖ ﻋﻤﻮ ﻛﻠﻬﻢ ﻣﻮﺟﻮﺩﻳﻦ ﻭﻫﻮ ﻭﻟﺪﻩ ﻛﺎﻋﺪﻳﻦ
ﺑﺎﻟﺼﺎﻟﺔ ﺷﻜﻠﻬﻢ ﻋﻨﺪﻫﻢ ﺧﻴﺮ ﺑﺠﻴﺔ ﻗﺎﺳﻢ
ﻭﻣﻨﺘﻈﺮﻳﻨﻪ
ﺳﻠﻤﺖ ﻋﻠﻴﻬﻢ ﻭﺭﺣﺖ ﺑﺴﺖ ﻋﻤﻮ ﻣﺤﻤﺪ ﻣﻦ ﺭﺍﺳﻪ
ﻣﺎ ﺍﻫﺘﻤﻴﺖ ﻟﻠﻜﺎﻋﺪ ﻳﺒﺎﻭﻉ ﻋﻠﻴﻨﺎ ﺑﺘﻜﺒﺮ ﺍﺻﻼ ﻣﻮ ﺟﺪﻳﺪﺓ
ﻋﻠﻴﺔ
ﺍﺗﻌﻠﻤﺖ ﻋﻠﻰ ﻧﻈﺮﺍﺕ ﺍﻟﺘﻜﺒﺮ ﻭﺍﻟﻐﺮﻭﺭ ﻣﻦ ﻫﺬﺍ ﺍﺑﻦ ﻋﻤﻲ
ﺍﻧﺘﺒﻬﺖ ﻟﺮﻫﻒ ﺟﺎﻧﺖ ﻛﺎﻋﺪﺓ ﻋﺎﻟﺪﺭﺝ ﻣﺎ ﺍﺟﺘﻲ
ﺳﻠﻤﺖ ﻋﻠﻴﻨﺎ ﺟﺎﻧﺖ ﺗﺒﺠﻲ ﻭﻋﻴﻮﻧﻬﺎ ﺣﻤﺮ
ﺍﻟﺘﻔﺘﺖ ﺍﺑﺎﻭﻉ ﻟﻘﺎﺳﻢ ﻛﻌﺪ ﻛﺒﺎﻝ ﻋﻤﻮ ﻣﺤﻤﺪ ﻭﺍﻭﻻﺩﻩ
ﺍﻧﺘﺒﻬﺖ ﻋﻠﻰ ﻧﻈﺮﺍﺗﻪ ﺗﺪﻭﺭ ﻋﻠﻴﻬﺎ
ﻟﺤﺪ ﻣﺎ ﺷﺎﻓﻬﺎ ﻭﺟﻤﺪﺕ ﻧﻈﺮﺗﻪ ﺍﺑﺎﻭﻉ ﻋﻠﻴﻪ
ﻋﻴﻮﻧﻪ ﻓﻀﺤﺘﻪ ﻳﺒﺎﻭﻉ ﻋﻠﻴﻬﺎ ﺑﻠﻬﻔﺔ
ﻫﻲ ﺑﺲ ﺷﺎﻓﺘﻪ ﺯﺍﺩﺕ ﺑﺎﻟﺒﺠﻲ
ﻏﻤﺾ ﻋﻴﻮﻧﻪ ﻭﺳﺤﺐ ﻧﻔﺲ ﻋﻤﻴﻖ
ﻭﻛﻠﻲ ﺑﺼﻮﺕ ﻧﺎﺻﻲ
.. ﻫﺎﻟﺔ ﺭﻭﺣﻲ ﻟﻬﺎ ﻭﻛﻠﻴﻠﻬﺎ
ﺧﻠﻲ ﺗﻤﺴﺢ ﺩﻣﻮﻋﻬﺎ ﻭﻻ ﺗﺒﺠﻲ
ﻻ ﺗﺨﻠﻴﻨﻲ ﻫﺴﺔ ﺍﻛﻮﻡ ﺍﺣﺮﻙ ﺍﻟﺒﻴﺖ ﻋﻠﻰ ﺭﺍﺱ ﺍﺑﻮﻫﺎ ﻭﺧﻮﺍﻧﻬﺎ
ﺍﻱ ﺍﻧﻲ ﺍﻋﺮﻑ ﺑﻘﺎﺳﻢ ﻳﺤﺐ ﺭﻫﻒ ﻭﺭﻫﻒ ﺑﺎﻟﺮﻏﻢ ﺍﻥ ﻫﻲ ﺣﺎﻣﻀﺔ ﻭﻣﻐﺮﻭﺭﺓ
ﺑﺲ ﻛﻠﻤﺔ ﺣﻖ ﺗﻨﻜﺎﻝ ﻫﻲ ﺗﻤﻮﺕ ﻋﻠﻰ ﻗﺎﺳﻢ
ﻭﻳﻤﻜﻦ ﺍﻛﺜﺮ ﻣﻨﻪ ﺗﺤﺒﻪ
ﻛﻤﺖ ﺍﺭﻳﺪ ﺍﺭﻭﺡ ﺍﻛﻮﻡ ﺍﻛﻠﻠﻬﺎ
ﺑﺲ ﺍﻣﻲ ﻛﺮﺻﺘﻨﻲ ﻭﻛﺎﻟﺖ ﻣﻦ ﺑﻴﻦ ﺍﺳﻨﺎﻧﻬﺎ
ﺑﺼﻮﺕ ﻧﺎﺻﻲ
.. ﻭﻳﻦ ﺭﺍﻳﺤﺔ ﻛﻌﺪﻱ ﻭﺍﻧﺠﺒﻲ
ﻻ ﺗﺮﺣﻴﻦ ﻋﻮﻓﻴﻬﺎ
ﻫﻲ ﻣﻦ ﻏﻴﺮ ﻛﻠﺸﻲ ﻣﺘﺨﺒﻠﺔ ﻋﻠﻴﻨﺎ ﻭﻻﺯﻛﺔ ﺑﻘﺎﺳﻢ
ﻣﻮ ﻧﻮﺏ ﺗﻜﻠﻠﻴﻬﺎ ﺷﻜﺎﻝ ﻗﺎﺳﻢ
ﺣﺘﻰ ﻣﺎ ﺗﻜﻠﺐ ﺩﻗﻠﺔ
ﻋﻮﻓﻴﻬﺎ ﺧﻠﻲ ﺗﺒﺠﻴﻠﻬﺎ ﺷﻮﻳﺔ ﻭﺗﺴﻜﺖ
ﺧﻄﻴﺔ ﺍﻣﻲ ﺍﻟﻮﺣﻴﺪﺓ ﺍﻟﻲ ﻣﺎ ﺣﺎﺑﺔ ﺍﺧﺘﻴﺎﺭ ﻗﺎﺳﻢ ﻟﺮﻫﻒ
ﺍﺗﺬﻛﺮ ﺳﺄﻟﺘﻬﺎ ﻣﺮﺓ ﻋﻦ ﺳﺒﺐ ﺍﻋﺘﺮﺍﺿﻬﺎ ﻋﻠﻰ ﺍﺧﺘﻴﺎﺭ ﻗﺎﺳﻢ
ﻛﺎﻟﺖ
.. ﻳﻤﺔ ﺍﻧﺎ ﺍﻋﺮﻑ ﺍﺧﻮﺝ ﻭﻃﻴﻨﺘﻪ ﻣﺎ ﺗﻮﺍﻟﻢ ﻃﻴﻨﺘﻬﺎ
ﻫﻮ ﻋﺼﺒﻲ ﻧﺎﺭ ﻭﻳﻜﺮﻩ ﺍﻟﻤﺴﺆﻟﻴﺔ ﻭﻣﺎ ﻳﺤﺐ ﻳﺴﺘﻘﺮ ﺑﻤﻜﺎﻥ
ﻳﺤﺘﺎﺟﻠﻪ ﻭﺣﺪﺓ ﺳﺒﺎﻋﻴﺔ ﻭﺣﻮﻙ ﺗﻠﻤﻪ ﻭﺗﺤﻀﻨﻪ
ﺑﻨﺖ ﻋﻤﺞ ﻣﺎ ﺗﻔﻴﺪﻩ
ﻫﻲ ﺫﺍﻙ ﺍﻟﻴﻮﻡ ﺗﺒﺠﻲ ﻋﻠﻤﻮﺩ ﺍﻧﻜﺴﺮ ﺍﻇﻔﺮﻫﺎ
ﺯﻳﻦ ﺍﻟﺰﻭﺍﺝ ﻣﺴﺆﻟﻴﺔ
ﺍﺫﺍ ﻫﻲ ﻣﺎﻳﺼﺔ ﻣﻮ ﺣﻤﻞ ﻣﺴﺆﻟﻴﺔ
ﻭﺍﺧﻮﺝ ﺣﺮ ﻣﺜﻞ ﺍﻟﻄﻴﺮ ﻳﻜﺮﻩ ﺍﻟﻤﺴﺆﻟﻴﺔ
ﺷﻠﻮﻥ ﺗﺮﺩﻳﻬﻢ ﻳﻔﺘﺤﻮﻥ ﺑﻴﺖ ﻭﻳﻜﻮﻧﻮﻥ ﻋﺎﺋﻠﺔ
ﻭﻣﻦ ﻳﻮﻣﻬﺎ ﺻﺮﺕ ﺍﺭﺍﻗﺐ ﺭﻫﻒ ﻭﺍﺩﺭﺱ ﺷﺨﺼﻴﺘﻬﺎ
ﻭﻓﻌﻼ ﺛﺒﺘﺖ ﺑﺄﻛﺜﺮ ﻣﻦ ﻣﻮﻗﻒ ﺍﻥ ﻫﻲ ﻣﻮ ﻛﻔﻮ ﻻﺧﻮﻱ
ﺑﺲ ﺍﻟﻤﺸﻜﻠﺔ ﺑﺎﻟﻤﻮﺿﻮﻉ ﺍﺧﻮﻱ ﺑﺤﺒﻬﺎ
ﻭﺍﻟﺤﺐ ﺍﻋﻤﻰ ﻣﺎ ﻳﻌﺮﻑ ﻳﺼﻴﺮﻟﻮ ﻣﺎ ﻳﺼﻴﺮ ﻛﺒﻞ
ﻳﺠﻲ ﻭﻳﺪﺧﻞ ﺑﺎﻟﻜﻠﺐ ﺑﺪﻭﻥ ﺍﺳﺘﺄﺫﺍﻥ
ﺍﻧﺘﺒﻬﺖ ﻋﻠﻰ ﻗﺎﺳﻢ ﻳﺤﺠﻲ ﻭﻳﺔ ﻋﻤﻲ
ﻭﺣﺠﺎﻳﺔ ﻣﻨﻪ ﻭﺣﺠﺎﻳﺔ ﻣﻦ ﻋﻤﻮ
ﻭﻛﻞ ﺍﺷﻮﻳﺔ ﺍﻧﺘﺒﻪ ﻻﺑﻦ ﻋﻤﻲ ﺍﻟﺰﻳﻦ
ﻭﻣﻴﺾ ﻛﻞ ﺷﻮﻳﺔ ﻳﻌﺘﺮﺽ ﻋﻠﻰ ﻛﻼﻡ ﻗﺎﺳﻢ
ﺑﺲ ﻗﺎﺳﻢ ﻳﻨﻄﻴﻪ ﺣﺠﺎﻳﺔ ﺗﺴﺪ ﺣﻠﻜﻪ ﻭﺗﺨﻠﻴﻪ ﻣﺎ ﻳﻨﺪﻝ
ﺣﻠﻜﻪ
ﺗﺎﻟﻲ ﺑﺎﻻﺧﻴﺮ ﻣﺤﺪ ﻛﺪﺭ ﻋﻠﻰ ﻗﺎﺳﻢ ﻭﻫﺬﺍ ﻃﺒﻌﻪ
ﺍﻟﻲ ﻳﺮﻳﺪﻩ ﻳﺎﺧﺬﻩ ﻟﻮ ﺟﺎﻥ ﻣﻦ ﺣﻠﻚ ﺍﻟﺴﺒﻊ
ﻋﻤﻮ ﻣﺤﻤﺪ ﻛﺎﻝ
.. ﻣﺎ ﺍﻋﺮﻑ ﺷﻨﻮ ﺍﻛﻠﻚ ﺗﺪﺭﻱ ﺑﻴﺔ ﺷﻜﺪ ﺟﻨﺖ ﺍﺗﻤﻨﺎﻙ
ﺗﺼﻴﺮ ﻣﻦ ﻗﺴﻤﺔ ﺭﻫﻒ
ﻻﻥ ﺍﻋﺮﻓﻚ ﻛﻠﺶ ﺯﻳﻦ ﻧﺠﺮ ﻭﻣﺎ ﺭﺍﺡ ﺗﻨﻀﺎﻡ ﻳﻨﺘﻲ ﺑﺒﻴﺘﻚ
ﺑﺲ ﺳﺎﻟﻔﺔ ﺗﺘﺰﻭﺝ ﻋﻠﻰ ﺑﻨﺘﻲ ﻭﻫﻲ ﺗﺼﻴﺮ ﺍﻟﺜﺎﻧﻴﺔ ﻭﺍﻛﻔﺔ
.....
ﺟﺎﻭﺑﻬﻢ ﻗﺎﺳﻢ .. ﻋﻤﻲ ﻛﺪﺍﻡ ﻋﻴﻨﻚ ﺻﺎﺭﺕ ﺍﻟﺴﺎﻟﻔﺔ
ﻣﺎﻟﻲ ﻳﺪ ﺑﻴﻬﺎ ﺣﺘﻰ ﺍﻟﻠﻪ ﻭﻛﻴﻠﻚ ﺍﻟﺒﻨﻴﺔ ﻻ ﺷﺎﻳﻔﻬﺎ ﻭﻻ ﺍﻋﺮﻓﻬﺎ
ﻻﺗﺤﺎﺳﺒﻨﻲ ﻋﻠﻰ ﺷﻲ ﺻﺎﺭ ﺧﺎﺭﺝ ﺍﺭﺍﺩﺗﻲ
ﻭﻟﻮﻣﺎ ﻣﺘﺰﻭﺟﻬﺎ ﺟﺎﻥ ﺍﻧﻬﺪﻡ ﻛﻠﺸﻲ ﺑﻨﻴﺘﻪ
ﻭﺭﺑﻚ ﺍﻟﺤﻤﺪﻟﻠﻪ ﺗﻤﻤﻬﺎ ﻋﻠﻴﺔ ﻭﺍﺳﺘﻠﻤﺖ ﺍﻟﻤﺸﺮﻭﻉ
.. ﺍﺩﺭﻱ ﺑﻴﻚ ﺳﺒﻊ ﻭﻣﺎ ﻳﻨﺨﺎﻑ ﻋﻠﻴﻚ
ﺗﺮﺓ ﺍﺧﺒﺎﺭﻙ ﻛﻠﻬﺎ ﺗﻮﺻﻠﻨﻲ ﻣﻮ ﻋﺒﺎﻟﻚ
ﺍﻧﺖ ﻛﺒﺮﺕ ﻭﺭﺍﺡ ﺍﺧﻠﻴﻚ ﺗﺴﺮﺡ ﻭﺗﻤﺮﺡ ﻟﻮﺣﺪﻙ
ﺣﺎﻟﻚ ﻣﻦ ﺣﺎﻝ ﻋﻤﺎﻣﻚ ﺍﻟﺒﻘﻴﺔ ﻛﻠﻜﻢ ﺗﺤﺖ ﻧﺎﻇﺮﻱ
ﻗﺎﺳﻢ ﺍﺧﻮﻱ ﺍﻋﺮﻓﻪ ﻳﺘﺨﺒﻞ ﻣﻦ ﺍﺳﻠﻮﺏ ﻋﻤﻲ
ﺑﺲ ﺍﺑﻮ ﻃﺒﻊ ﻣﺎ ﻳﻐﻴﺮ ﻃﺒﻌﻪ
ﻗﺎﺳﻢ ﺑﻨﻔﺎﺫ ﺻﺒﺮ
.. ﻫﺎ ﻋﻤﻲ ﺷﻨﻮ ﻛﻠﺖ
ﻣﺤﻤﺪ .. ﻭﺍﻟﻠﻪ ﻟﺰﻣﺘﻨﻲ ﻣﻦ ﺍﻳﺪﻱ ﺍﻟﺘﻮﺟﻌﻨﻲ ﺍﻟﻤﺸﻜﻠﺔ
ﺍﻧﺖ ﺭﺟﺎﻝ ﻣﺎ ﺗﻨﺮﺩ
ﻭﻣﺎ ﺍﻛﺪﺭ ﺍﺭﺩ ﺟﻴﺘﻜﻢ ﺍﻧﺖ ﻭﺍﻟﻮﺍﻟﺪﺓ
ﺧﺎﻃﺮﻛﻢ ﻋﺰﻳﺰ
ﻫﺎﻱ ﻫﻲ ﺭﻫﻒ ﺍﻟﻚ ﺑﺲ ﺑﺸﺮﻁ ﺗﻜﻤﻞ ﻛﻠﻴﺘﻬﺎ ﻳﺎﻟﻠﻪ
ﺗﺨﻄﺒﻬﺎ ﻭﺗﺘﺰﻭﺟﻬﺎ ﺍﻣﺎ ﻫﺴﺔ ﻓﻜﻠﺸﻲ ﻣﺎ ﺍﻟﻚ ﻳﻤﻲ
ﺍﺑﺎﻭﻉ ﻟﻘﺎﺳﻢ ﺣﺠﺔ ﺑﺮﺯﺍﻧﺔ ﺑﺼﻮﺕ ﺧﺸﻦ
.. ﻫﺬﺍ ﻫﻮ ﻳﺠﺮﺍﻟﻚ ﺍﻟﺘﺮﻳﺪﻩ
ﺻﻴﺤﻴﺢ ﺟﺎﻥ ﻳﺤﺠﻲ ﺑﺜﻜﻞ ﺑﺲ ﻋﻴﻮﻧﻪ ﺟﺎﻧﺖ ﺗﻠﻤﻊ ﺑﺎﻟﺮﺿﻰ
ﺍﻧﺘﺒﻬﺖ ﻟﺮﻫﻒ ﺍﺑﺘﺴﻤﺖ ﺑﻔﺮﺡ ﻭﻣﺴﺤﺖ ﻋﻴﻮﻧﻬﺎ
ﻭﺍﻟﻜﻞ ﺟﺎﻥ ﺭﺍﺿﻲ ﻋﺎﻟﻘﺮﺍﺭ ﺍﻻ ﺍﻣﻲ ﺍﺑﺎﻭﻉ ﻋﻠﻴﻬﺎ
ﻣﺎ ﻣﻘﺘﻨﻌﺔ ﻭﺩﺗﺒﺘﺴﻢ ﻣﻦ ﻭﺭﺓ ﺧﺸﻤﻬﺎ
ﺍﻟﻤﻜﺮﻭﺩﺓ
.......
ﺷﻴﻤﺎﺀ
ﻣﺮﺕ ﺛﻼﺙ ﺍﺷﻬﺮ ﻋﻠﻰ ﺣﺎﺩﺙ ﻫﺪﻯ ﻭﻗﺒﻞ ﺷﻬﺮ ﻓﺘﺤﻮﺍ ﺍﻟﺠﺒﺲ ﻋﻦ ﺭﺟﻠﻬﺎ
ﻭﺩﺧﻠﺘﻬﺎ ﻧﺎﺩﻱ ﻟﻠﻌﻼﺝ ﺍﻟﻔﻴﺰﺍﻳﺎﺋﻲ ﻋﻠﻤﻮﺩ
ﻳﺴﺎﻋﺪﻭﻧﻬﺎ ﻋﺎﻟﺤﺮﻛﺔ
ﺟﺎﻧﺖ ﺑﺎﻟﺒﺪﺍﻳﺔ ﻛﻮﺓ ﺗﻮﻛﻒ ﻋﻠﻰ ﺭﺟﻠﻴﻬﺎ
ﻭﺑﻌﺪﻫﺎ
ﻛﺎﻣﺖ ﺷﻮﻳﺔ ﺷﻮﻳﺔ ﺗﺨﻄﻲ
ﻭﻫﺴﻪ ﺣﺎﻟﻴﺎً ﺻﺎﺭﺕ ﺗﻤﺸﻲ ﻃﺒﻴﻌﻲ
ﺑﺲ ﺑﻌﺪ ﻣﻌﺎﻧﺎﺓ ﻭﺣﺮﺏ ﻃﺎﺣﻨﺔ ﺑﻴﻨﻲ ﻭﺑﻴﻦ ﺳﻠﻴﻤﺔ ﻭﺑﺎﺑﺎ
ﻻﻥ ﺑﺎﻟﻜﻮﺓ ﺧﻠﺘﻨﺎ ﺳﻠﻴﻤﺔ ﺍﺩﺧﻠﻬﺎ ﻟﻠﻨﺎﺩﻱ
ﻭﺑﺎﺑﺎ ﺍﻟﻲ ﺟﺎﻥ ﻳﺼﺮﻑ ﻋﻠﻰ ﻫﺪﻯ ﻣﻦ ﺍﻟﻔﻠﻮﺱ ﺍﻟﻲ ﺍﻧﻄﻮﻫﺎ ﻟﻠﻌﻼﺝ
ﺍﺷﻮﻓﻪ ﻳﺤﺎﻭﻝ ﺑﻘﺪﺭ ﺍﻻﻣﻜﺎﻥ
ﻳﻘﻠﺺ ﻃﻠﺒﺎﺗﻬﺎ ﺣﺘﻰ ﻳﺎﺧﺬ ﺍﻟﺒﺎﻗﻲ ﺍﻟﻪ
ﻫﺎﻱ ﻣﻦ ﻏﻴﺮ ﺣﺮﺏ ﺍﻻﻋﺼﺎﺏ ﺍﻟﻲ ﻋﺎﺷﺘﻬﺎ ﻫﺪﻯ
ﺑﺤﻴﺚ ﻧﻔﺴﻴﺘﻬﺎ ﺻﺎﺭﺕ ﺻﻔﺮ ﺑﺬﻳﺞ ﺍﻻﻳﺎﻡ
ﻭﺟﻨﺖ ﻛﻮﺓ ﻻﺯﻣﺔ ﺳﻠﻴﻤﺔ ﻻ ﻳﺰﻟﻚ ﺍﻟﺴﺎﻧﻬﺎ ﺑﻤﻮﺿﻮﻉ ﺍﻟﺰﻭﺍﺝ
ﻭﻓﻮﻙ ﻫﺬﺍ ﻛﻠﻪ ﺑﻴﻦ ﻓﺘﺮﺓ ﻭﻓﺘﺮﺓ ﺍﻡ ﻗﺎﺳﻢ ﺗﺴﺄﻝ ﻋﻦ ﻫﺪﻯ
ﻭﺩﺍﺋﻤﺎً ﺗﻠﻤﺢ ﻟﻲ ﺷﻮﻛﺖ ﻫﺬﻯ ﺗﻌﺮﻑ ﺑﺎﻟﻤﻮﺿﻮﻉ
ﻭﺍﻟﻴﻮﻡ ﺑﻌﺪﻣﺎ ﺍﺗﺤﺴﻦ ﻭﺿﻊ ﻫﺪﻯ ﺍﺗﺼﻠﺖ ﻋﻠﻰ ﺍﻡ ﻗﺎﺳﻢ
ﻭﻃﻠﺒﺖ ﻣﻨﻬﺎ ﺗﺠﻲ ﻫﻲ ﻭﻫﺎﻟﺔ ﺣﺘﻰ ﻳﺤﺠﻮﻥ ﻭﻳﺎﻫﺎ
ﺑﻬﺬﺍ ﺍﻟﻤﻮﺿﻮﻉ
ﻻﻥ ﺍﻧﻲ ﺑﻌﺪ ﻣﺎ ﻋﻨﺪﻱ ﻗﺪﺭﺓ ﺍﺧﻮﺽ ﻫﻴﺞ ﻣﻮﻗﻒ ﻭﻳﺔ
ﻫﺪﻯ ﻛﺎﻓﻲ ﺍﻟﻤﻌﺎﻧﺎﺓ ﺍﻟﻲ ﺷﻔﺘﻬﺎ ﻟﺤﺪ ﻫﺴﺔ
ﺍﺧﺬﺕ ﺣﻴﻠﻲ ﻛﻠﻪ
ﻋﺎﻻﻗﻞ ﻣﻦ ﺗﺤﺠﻲ ﻭﻳﺎﻫﺎ ﺍﻡ ﻗﺎﺳﻢ
ﺭﺍﺡ ﺗﺨﺘﻠﻒ ﺭﺩﺕ ﻓﻌﻠﻬﺎ ﻭﺗﺴﻮﻱ ﺣﺴﺎﺏ ﻟﻮﺟﻮﺩ ﺍﻡ ﻗﺎﺳﻢ
ﻭﺗﺴﻴﻄﺮ ﻋﻠﻰ ﺍﻧﻔﻌﺎﻟﻬﺎ ﻭﻋﺼﺒﻴﺘﻬﺎ
ﺍﻧﺪﻙ ﺍﻟﺒﺎﺏ ﻭﺳﻤﻌﺖ ﺻﻮﺕ ﻫﺪﻯ
.. ﺷﻮﻣﺔ ﻳﻤﻜﻦ ﻭﺻﻠﺖ ﻫﺎﻟﺔ ﻭﺍﻣﻬﺎ
ﺍﻧﻲ ﻏﺎﻳﺤﺔ ( ﺭﺍﻳﺤﺔ ) ﺍﻓﺘﺢ ﺍﻟﺒﺎﺏ
ﺭﺍﺣﺖ ﺗﻤﺸﻲ ﻋﻠﻰ ﻛﻴﻔﻬﺎ ﺣﺘﻰ ﺗﻔﺘﺢ ﺍﻟﺒﺎﺏ
ﺣﻀﺮﺕ ﺻﻴﻨﻴﺔ ﺍﻟﺘﻘﺪﻳﻢ
ﻭﺳﻤﻌﺘﻬﺎ ﺗﺴﻠﻢ ﻋﻠﻴﻬﻢ ﻫﻲ ﺳﻠﻴﻤﺔ . ﻭ ﺩﺧﻠﺘﻬﻢ ﻟﻠﻬﻮﻝ
ﺷﻠﺖ ﺍﻟﺼﻴﻨﻴﺔ ﻭﺭﺣﺖ ﺩﺧﻠﺖ ﻭﺳﻠﻤﺖ ﻋﻠﻴﻬﻢ
ﻗﺪﻣﺘﻠﻬﻢ ﺍﻧﺘﺒﻬﺖ ﻟﻬﺎﻟﺔ ﻛﺎﻋﺪﺓ ﻳﻢ ﻫﺪﻯ
ﺭﺣﺖ ﻛﻌﺪﺕ ﺑﺼﻔﻬﻢ ﻭﻛﻌﺪﻧﺎ ﻧﺤﺠﻲ ﻭﻧﺴﻮﻟﻒ ﻭﺷﻮﻳﺔ ﺷﻮﻳﺔ
ﺑﺪﺕ ﺍﻡ ﻗﺎﺳﻢ ﺗﺪﺧﻞ ﺑﺎﻟﻤﻮﺿﻮﻉ
ﻭﺟﺎﻥ ﺗﺬﺏ ﺍﻟﻘﻨﺒﻠﺔ ﺑﻮﺟﻪ ﻫﺪﻯ
ﻭﻫﺪﻯ ﺍﺗﺸﻨﺠﺖ ﻭﺍﺧﺘﻔﺖ ﺍﻻﺑﺘﺴﺎﻣﺔ ﻣﻦ ﻭﺟﻬﻬﺎ
ﻭﺍﻧﻜﻠﺐ ﻭﺟﻬﺎ ﺍﺻﻔﺮ
ﻭﻣﺎ ﺣﺴﻴﺖ ﺍﻻ ﺍﺧﺘﻲ ﺍﻏﻤﻲ ﻋﻠﻴﻬﺎ ﺑﻴﻦ ﺍﻳﺪﻳﺔ
.. ﻳﻤﺔ ﻋﺰﺓ ﺑﻌﻴﻨﻲ ﻭﺍﻟﻠﻪ ﻫﺬﺍ ﺍﻟﺠﻨﺖ ﺧﺎﻳﻔﺔ ﻣﻨﻪ
ﺻﺮﺕ ﺍﺿﺮﺏ ﻋﻠﻰ ﻭﺟﻬﻬﺎ
ﺍﻳﺪﻱ ﺗﺮﺟﻒ ﻣﻦ ﺍﻟﺨﻮﻑ
ﻫﺎﻟﺔ ﺭﺍﺣﺖ ﺟﺎﺑﺖ ﻛﻼﺹ ﻣﺎﻱ
ﻭﺍﻡ ﻗﺎﺳﻢ ﺗﻤﺴﺢ ﻋﻠﻰ ﻭﺟﻬﻬﺎ ﺑﺎﻟﻤﺎﻱ ﻭﺗﻘﺮﺓ ﺍﻳﺎﺕ
ﻟﺤﻈﺎﺕ ﻭﻫﺪﻯ ﺍﺳﺘﺮﺩﺕ ﺍﻟﻮﻋﻲ ﻭﺻﺎﺭﺕ ﺗﺮﻣﺶ ﺑﻌﻴﻮﻧﻬﺎ
ﺑﺎﻭﻋﺖ ﻋﻠﻴﺔ
ﺩﺍﻳﺨﺔ ﺳﺄﻟﺘﻬﺎ
.. ﻫﺎ ﻫﺪﻫﺪ ﺷﺠﺎﺝ ﻳﺎ ﺣﻈﻲ
ﺟﺎﻭﺑﺘﻨﻲ ﺑﺴﺆﺍﻝ ﺑﺼﻮﺕ ﺑﺎﻫﺖ
.. ﺍﻛﻠﺞ ﺷﻴﻤﺎﺀ ﺍﻧﻲ ﻣﺎ ﺍﻋﺮﻑ ﺷﺒﻴﺔ
ﺟﻨﺖ ﺍﺣﻠﻢ ﺑﻜﺎﺑﻮﺱ ﻋﻠﻰ ﺍﻻﺳﺎﺱ ﺍﻧﻲ ﻣﺘﺰﻭﺟﺔ ﻗﺎﺳﻢ
......
ﻫﺪﻯ
ﺣﺴﻴﺖ ﻋﻠﻰ ﺍﻳﺪ ﺗﻀﺮﺏ ﻋﻠﻰ ﻭﺟﻬﻲ
ﻓﺘﺤﺖ ﻋﻴﻮﻧﻲ ﻋﻠﻰ ﻛﻴﻔﻲ
ﻟﻜﻴﺖ ﺭﻭﺣﻲ ﺑﺤﻀﻦ ﺷﻴﻤﺎﺀ
ﺍﺣﺲ ﻛﻠﺒﻲ ﻳﺮﻳﺪ ﻳﻄﻠﻊ ﻣﻦ ﺻﺪﺭﻱ
ﻣﺎ ﺍﻋﺮﻑ ﺷﺪﻳﺼﻴﺮ ﺑﻴﺔ ﺍﻧﻲ ﺑﺤﻠﻢ ﻟﻮ ﺑﻌﻠﻢ
ﺳﻤﻌﺖ ﺷﻴﻤﺎﺀ ﺩﺗﺴﺄﻟﻨﻲ ﻋﻦ ﺣﺎﻟﻲ ﺟﺎﻭﺑﺘﻬﺎ ﺑﺴﺆﺍﻝ
ﻭﺍﻧﻲ ﺧﺎﻳﻔﺔ
.. ﺍﻛﻠﺞ ﺷﻴﻤﺎﺀ ﺍﻧﻲ ﻣﺎ ﺍﻋﻐﻒ ( ﺍﻋﺮﻑ ) ﺷﺒﻴﺔ
ﺟﻨﺖ ﺍﺣﻠﻢ ﺑﻜﺎﺑﻮﺱ ﻋﻠﻰ ﺍﻻﺳﺎﺱ ﺍﻧﻲ ﻣﺘﺰﻭﺟﺔ ﻗﺎﺳﻢ
ﺳﻤﻌﺖ ﻫﺎﻟﺔ . ﻛﺎﻟﺖ
.. ﺍﻣﺪﺍ ﺣﻈﻲ ﺩﺭﻭﺣﻲ ﺭﺟﻌﻲ ﻧﺎﻣﻲ ﻭﻛﻤﻠﻲ ﺣﻠﻤﺞ
ﻭﺷﻮﻓﻴﻠﻨﺎ ﻭﻳﺎﺝ ﺍﻭﻻﺩﻛﻢ ﺑﺎﻟﻤﺴﺘﻘﺒﻞ ﻳﺸﺒﻬﻮﻥ ﻣﻨﻮ ﻣﻨﻜﻢ
ﺍﻧﺘﻲ ﻟﻮ ﺍﺧﻮﻳﺔ
ﺍﻧﺘﺒﻬﺖ ﻷﻡ ﻗﺎﺳﻢ ﺿﺮﺑﺘﻬﺎ ﻋﻠﻰ ﺭﺍﺳﻬﺎ ﺣﺘﻰ ﺗﺴﻜﺖ
ﺍﻡ ﻗﺎﺳﻢ .. ﺍﺳﻢ ﻋﻠﻴﺞ ﺧﺎﻟﺔ ﻣﺪﺭﻱ ﺷﺠﺎﺝ ﻭﺍﻧﺨﺒﺼﺘﻲ
ﻛﻌﺪﻱ ﺷﺮﺑﻴﻠﺞ ﺷﻮﻳﺔ ﻣﺎﻱ
ﻋﺪﻟﺖ ﻛﻌﺪﺗﻲ ﻭﻟﺰﻣﺖ ﺭﺍﺳﻲ ﺩﺍﻳﺨﺔ ﻭﺟﺎﻥ ﺍﺳﻤﻊ ﺻﻮﺕ ﺳﻠﻴﻤﺔ
ﺗﺤﺠﻲ
ﺳﻠﻴﻤﺔ .. ﺷﺒﻴﺞ ﻳﺎﺣﻈﻲ ﺍﻏﻤﻰ ﻋﻠﻴﺞ ﺟﻨﺞ ﻣﻤﺼﺪﻛﺔ ﺍﺗﺰﻭﺟﺘﻲ
ﻫﻲ ﺣﺠﺖ ﻫﺎﻱ ﺍﻟﻜﻠﻤﺎﺕ ﻭﺍﻧﻲ ﻛﻤﺰﺕ ﻣﻦ ﻣﻜﺎﻧﻲ ﻭﺑﺎﻭﻋﺖ ﻟﺸﻴﻤﺎﺀ ﺍﺳﺄﻟﻬﺎ
ﻭﻋﻴﻮﻧﻲ ﺩﺍﻳﺨﺔ
.. ﺷﻴﻤﺎﺀ ﻭﺍﺣﺪ ﻣﻨﻜﻢ ﻳﻔﻬﻤﻨﻲ ﺷﻨﻮ ﺷﺼﺎﻳﻎ ( ﺷﺼﺎﻳﺮ )
ﺍﻡ ﻗﺎﺳﻢ ﺍﻗﺘﺮﺑﺖ ﻣﻨﻲ .. ﺗﻌﺎﻟﻲ ﻛﻌﺪﻱ ﻳﻤﻲ ﺧﻠﻴﻨﻲ ﺍﻓﻬﻤﺞ
ﺍﻟﺼﺎﺭ
ﺭﺣﺖ ﻛﻌﺪﺕ ﻳﻤﻬﺎ ﻭﺍﻧﻲ ﻛﻠﻲ ﺍﺭﺟﻒ ﻭﺍﺗﻌﺸﻢ
ﻋﺴﻰ ﻭﻟﻌﻞ ﻳﻜﺬﺑﻮﻥ ﺍﻟﺨﺒﺮ ﻭﻳﻄﻠﻊ ﻣﺎﻛﻮ ﻫﻴﺞ ﺣﺠﻲ
ﺍﻡ ﻗﺎﺳﻢ .. ﺧﺎﻟﺔ ﻫﺪﻭﺷﺔ ﺍﻧﺘﻲ ﺑﻨﻴﺔ ﺣﺒﺎﺑﺔ ﻭﺣﻠﻮﺓ
ﺍﻟﻒ ﻣﻦ ﻳﺘﻤﻨﺎﺝ ﺗﺼﻴﺮﻳﻦ ﺍﻡ ﺑﻴﺘﻪ
ﻭﻭﺍﺣﺪ ﻣﻦ ﺍﻻﻟﻒ ﺍﻣﻪ ﺩﺍﻋﻴﺘﻠﻪ ﻭﺻﺮﺗﻲ ﻣﻦ ﻧﺼﻴﺒﻪ
ﻭﻫﺬﺍ ﺍﻟﻮﺍﺣﺪ ﻗﺎﺳﻢ ﺍﺑﻨﻲ
ﻣﻜﺪﺭﺕ ﺍﻛﺘﻢ ﺻﻮﺗﻲ ﺍﻟﺨﺎﻳﻒ ﻛﻤﺖ ﻣﻦ ﻳﻤﻬﺎ ﻭﻭﻛﻔﺖ ﺑﻨﺺ ﺍﻟﻬﻮﻝ ﺍﺣﻮﻡ ﻣﺜﻞ ﺍﻟﺒﺰﻭﻧﺔ ﺍﻟﻤﺤﺮﻭﻙ ﺫﻳﻠﻬﺎ
.. ﻳﺒﻮﻭﻭﻭﻭﻭﻭﻭﻭﻭﻱ .. ﻳﺒﻮﻭﻭﻭﻭﻭﻱ ﻋﻠﻴﺞ ﻳﺎﻫﺪﻯ
ﻭﻳﻦ ﺟﺎﻧﺘﻠﻲ ﻫﺎﻱ ﺍﻟﻤﺼﻴﺒﺔ
ﺍﻧﺘﺒﻬﺖ ﻷﻡ ﻗﺎﺳﻢ ﺗﻔﺘﺮ ﻭﺭﺍﻱ ﺗﺮﻳﺪ ﺗﻬﺪﻳﻨﻲ
.. ﻟﺤﻈﺔ ﺧﺎﻟﺔ ﻋﻠﻰ ﻛﻴﻔﺞ ﻻ ﺗﻨﺨﺒﺼﻴﻦ
ﻛﻌﺪﻱ ﺧﻠﻲ ﻧﻔﻬﻤﺞ
ﻭﺍﻧﻲ ﺍﺑﺠﻲ ﻭﺩﻣﻮﻋﻲ ﺗﻜﺖ
ﻋﻠﻰ ﺧﺪﻭﺩﻱ ﻭﻫﺎﻟﺔ ﻭﺷﻴﻤﺎﺀ ﻳﺒﺎﻭﻋﻮﻥ ﻋﻠﻴﺔ
ﻻ ﺗﻌﻠﻴﻖ ﻋﻠﻰ ﺍﻟﻤﻮﻗﻒ
ﻳﻌﻨﻲ ﺍﻏﺮﺏ ﻣﻮﻗﻒ ﺍﻣﺮ ﺑﻲ ﺑﺤﻴﺎﺗﻲ ﺍﻥ
ﻣﺼﺪﺭ ﺧﻮﻓﻚ ﻭﺍﺭﻫﺎﺑﻚ ﻳﻜﻮﻥ ﻧﻬﺎﻳﺘﻚ
ﻭﺍﻻﺿﺮﺏ ﻣﻦ ﻫﺬﺍ ﻛﻠﻪ
ﺍﻡ ﻗﺎﺳﻢ ﺍﻟﻤﻐﻮﺍﺭ ﻫﻲ ﺍﻟﻲ ﺩﺗﻮﺍﺳﻴﻨﻲ
ﺯﻳﻦ ﺍﺭﻭﺡ ﻣﻨﻚ ﻭﻳﻦ
ﻭﻳﻦ ﺍﻧﻄﻲ ﻭﺟﻬﻲ
ﺍﺷﻮ ﻣﻨﻴﻦ ﻣﺎ ﺍﻟﺘﻔﺖ ﺍﻟﻜﺔ ﺭﻭﺣﻲ ﻛﺒﺎﻟﻚ
ﺷﻨﻮ ﺻﺎﻳﺮ ﻣﺜﻞ ﻫﺬﺍﻙ ﺍﻟﻲ ﻳﺮﻛﺾ ﻭﺭﺓ ﻭﺣﺪﻩ
ﻳﻜﻮﻟﻠﻬﺎ ﻭﻳﻦ ﺗﺮﻭﺣﻴﻦ ﺍﻃﻠﻌﻠﺞ ﺣﺘﻰ ﺑﺎﻟﻤﺮﻛﻪ
ﺍﺭﻳﺪ ﺍﺻﺮﺥ ﺍﺭﻳﺪ ﺍﺑﺠﻲ ﺍﺭﻳﺪ ﺍﻋﺘﺮﺽ ﻋﻠﻰ ﺍﻟﻲ ﺍﻧﻲ ﺑﻲ
ﻫﺬﺍ ﻣﻮ ﺣﻠﻤﻲ ﻭﻻ ﻃﻤﻮﺣﻲ
ﻭﻻ ﻓﻜﺮﺗﻲ ﻋﻦ ﺍﻟﺰﻭﺍﺝ ﻭﺍﻟﺒﻴﺖ ﻭﺍﻟﻌﺎﺋﻠﺔ
ﻗﺎﺳﻢ ﻣﺎ ﺑﻲ ﺍﻱ ﺷﻲ ﻳﻨﻄﺒﻖ ﻋﻠﻴﻪ ﻛﻠﻤﺔ . ﻓﺎﺭﺱ ﺍﺣﻼﻣﻲ
ﻫﺬﺍ ﺳﺎﺣﻞ ﺍﺣﻼﻣﻲ ﺍﻭ ﺩﺍﻣﻎ ﺍﺣﻼﻣﻲ
ﻫﺴﺔ ﻣﺎ ﺍﺭﻳﺪ ﻓﺎﺭﺱ ﺍﺣﻼﻡ ﻋﻤﻲ ﺑﻄﻠﻨﺎ ﺍﺭﻳﺪ
ﺭﺟﺎﻝ ﻃﺒﻴﻌﻲ ﺍﻋﻴﺶ ﻭﻳﺎﻩ ﺑﺄﻣﺎﻥ
ﺯﻳﻦ ﻭﻳﻦ ﺭﺍﺡ ﺍﻟﻜﺔ ﺍﻻﻣﺎﻥ ﺍﺫﺍ ﺟﺎﻥ ﻗﺎﺳﻢ ﺑﻜﺒﺮﻩ
ﻣﺼﺪﺭ ﻛﻞ ﻣﺨﺎﻭﻓﻲ
.....
ﺑﺠﻴﺖ ﻣﺎ ﺍﺗﺤﻤﻠﺖ ﺍﻟﺘﻔﺘﺖ ﻷﻡ ﻗﺎﺳﻢ ﺣﺠﻴﺖ ﻭﻳﺎﻫﺎ ﺑﺘﻮﺳﻞ
.. ﻋﻔﻴﺔ ﺧﺎﻟﺔ ﺩﺍﺧﻠﺔ ﻋﻠﻰ ﺍﻟﻠﻪ ﻭﻋﻠﻴﺞ
ﺍﻏﻴﺪﺝ ( ﺍﺭﻳﺪﺝ ) ﺗﺨﻠﺼﻴﻨﻲ ﻣﻦ ﻫﺬﺍ ﺍﻟﺰﻭﺍﺝ
ﺍﺻﻼ ﺍﻧﻲ ﻣﺎ ﺍﺩﻏﻲ ( ﺍﺩﺭﻱ ) ﺷﻮﻛﺖ ﺍﺗﺰﻭﺟﺖ
ﺣﺘﻰ ﻣﺤﺪ ﺍﺧﺬ ﻏﺄﻳﻲ ( ﺭﺃﻳﻲ )
ﻋﻔﻴﺔ ﺧﺎﻟﺔ ﺍﻟﻠﻪ ﻳﺨﻠﻴﻠﺞ ﺍﺑﻨﺞ
ﻣﺎ ﺍﺭﻳﺪ ﺍﺗﺰﻭﺝ ﺑﻌﺪﻧﻲ ﺻﻐﻴﺮﺓ ﻋﺎﻟﺰﻭﺍﺝ
ﺳﻠﻴﻤﺔ ﺣﺠﺖ .. ﻣﺎ ﻋﻠﻴﺞ ﻣﻨﻬﺎ ﺍﻡ ﻗﺎﺳﻢ ﺧﻠﻲ ﺗﻮﻟﻲ ﺗﺘﻌﺎﻳﺮ
ﺍﻟﺘﻔﺘﺖ ﻋﻠﻴﺔ ﻭﻛﻤﻠﺖ ﻛﻼﻣﻬﺎ
.. ﺍﻧﺠﺒﻲ ﻭﺳﺪﻱ ﺣﻠﻜﺞ ﻻ ﺗﺘﺪﻟﻌﻴﻦ
ﺷﻨﻮ ﺑﻌﺪﺝ ﺻﻐﻴﺮﺓ ﻋﺎﻟﺰﺍﻭﺝ
ﻭﻟﺞ ﺍﻟﺒﻌﻤﺮﺝ ﻣﺘﺰﻭﺟﺔ ﻭﻣﺨﻠﻔﺔ ﺟﻬﺎﻝ
ﻋﻔﺖ ﺳﻠﻴﻤﺔ ﺗﺤﺠﻲ ﻟﻮﺣﺪﻫﺎ ﻭﺭﺟﻌﺖ ﻻﻡ ﻗﺎﺳﻢ ﺍﺗﻮﺳﻞ ﺑﻴﻬﺎ
.. ﺧﺎﻟﺔ ﻧﺨﻴﺘﺞ ﻻ ﺗﻌﻮﻓﻴﻨﻲ ﻣﺎ ﺍﻏﻴﺪ ( ﻣﺎﺭﻳﺪ ) ﺍﺗﺰﻭﺝ ﻗﺎﺳﻢ
ﺍﻡ ﻗﺎﺳﻢ .. ﻛﻮﻟﻲ ﻳﺎﻟﻠﻪ ﺧﺎﻟﺔ ﺣﺒﻴﺒﺘﻲ
ﻣﺎ ﺗﻜﻠﻴﻠﻲ ﺷﻠﺰﻛﺘﻲ ﻣﺘﺮﻳﺪﻳﻦ ﻗﺎﺳﻢ ﺷﺒﻲ ﻗﺎﺑﻞ ﻳﻜﺮﺹ
ﻭﻫﻴﺠﻲ ﻣﺘﺨﺒﻠﺔ ﻣﻨﻪ
ﺗﺮﺓ ﺍﻧﺘﻲ ﺟﺒﻴﺮﺓ ﻣﻮﺻﻐﻴﺮﺓ
ﻭﺧﻠﻲ ﺑﺒﺎﻟﺞ ﺍﺑﻮﺝ ﻫﻮ ﺍﻟﺰﻭﺟﺞ ﻟﻘﺎﺳﻢ
ﺷﺮﻁ ﺍﻻ ﻋﻘﺪ ﺳﻴﺪ ﻭﻣﺎ ﺍﻛﺘﻔﻰ ﻫﺸﻜﻞ ﻃﻠﺐ ﻋﻠﻴﻪ ﻣﻘﺪﻡ ﻭﻣﺆﺧﺮ ﻳﻜﺴﺮ ﺍﻟﻈﻬﺮ
ﻳﻌﻨﻲ ﺣﺘﻰ ﻟﻮ ﺍﻧﺘﻲ ﺗﺮﺩﻳﻦ ﺗﺘﻄﻠﻜﻴﻦ
ﻗﺎﺳﻢ ﻣﺎ ﺭﺍﺡ ﻳﻮﺍﻓﻖ ﻳﻄﻠﻜﺞ
ﺍﻻ ﺑﺤﺎﻟﺔ ﻭﺣﺪﺓ ﺍﺑﻮﺝ ﻳﺘﻨﺎﺯﻝ ﻋﻦ ﺍﻟﻤﺆﺧﺮ
ﺍﺑﺎﻭﻉ ﻋﻠﻴﻬﺎ ﺗﺤﺠﻴﻬﺎ ﻣﻦ ﻭﺭﺓ ﺧﺸﻤﻬﺎ
ﻭﻧﻮﺏ ﺣﻈﻲ ﺍﻻﻏﺒﺮ
ﻣﺒﻴﻦ ﻋﻠﻰ ﺧﺎﻟﺔ ﺍﻡ ﻗﺎﺳﻢ ﻣﻘﺘﻨﻌﺔ ﻭﺑﻜﻞ
ﻋﻘﻠﻬﺎ ﺟﺎﻳﺔ ﻭﺗﺮﻳﺪﻧﻲ ﺍﺗﻌﺎﻣﻞ ﻭﻳﺔ ﺍﻟﻤﻮﺿﻮﻉ ﻭﻛﺄﻧﻪ
ﺯﻭﺍﺝ ﻃﺒﻴﻌﻲ ﺯﻳﻦ ﻭﻳﻦ ﺍﻟﺰﻭﺍﺝ ﺍﻟﻄﺒﻴﻌﻲ ﺑﺎﻟﻤﻮﺿﻮﻉ
ﺍﻟﺘﻔﺘﺖ ﻟﻬﺎﻟﺔ ﻭﻓﺠﺎﺀﺓ ﺍﺗﺬﻛﺮﺕ ﻭﺣﺠﻴﺖ ﻭﻳﺔ ﺍﻡ ﻗﺎﺳﻢ
.. ﺯﻳﻦ ﺧﺎﻟﺔ ﻗﺎﺳﻢ ﺍﺑﻨﺞ ﻣﻮ ﻋﻠﻰ ﺍﻻﺳﺎﺱ ﻳﺤﺐ ﺑﻨﺖ ﻋﻤﻪ ﻏﻬﻒ
ﻭﺣﺎﺟﺰﻫﺎ ﻳﻐﻴﺪ ( ﻳﺮﻳﺪ ) ﻳﺘﺰﻭﺟﻬﺎ ﺷﻠﻮﻥ ﻳﺘﺰﻭﺟﻨﻲ
ﺍﻧﺘﺒﻬﺖ ﻋﻠﻴﻬﺎ ﺷﻬﻜﺖ ﻭﺑﺎﻭﻋﺖ ﻟﻬﺎﻟﺔ ﻭﺧﺰﺭﺗﻬﺎ
ﻭﻛﺄﻥ ﻫﺎﻟﺔ ﺟﺎﺳﻮﺱ ﻭﺷﺖ ﺑﺎﻟﺤﻜﻮﻣﺔ
ﺷﻠﻮﻥ ﺗﻄﻠﻊ ﺍﺳﺮﺍﺭ ﺍﻟﺪﻭﻟﺔ
ﺷﻴﻤﺎﺀ .. ﻫﺪﻯ ﺗﺮﺓ ﺑﺎﺑﺎ ﻫﻮ ﺍﻟﻲ ﻓﺮﺽ ﺍﻟﺰﻭﺍﺝ ﻋﻠﻰ ﻗﺎﺳﻢ
.. ﻳﻌﻨﻲ ﺷﻨﻮ ﻗﺼﺪﺝ ﻓﻮﻙ ﻫﺬﺍ ﻛﻠﻪ ﻃﻠﻊ ﻗﺎﺳﻢ
ﻣﺘﺰﻭﺟﻨﻲ ﻏﺼﺐ ﻋﻨﻪ ﻳﺒﻮﻭﻭﻭﻭﻭﻭ ﻋﻠﻴﺔ ﻳﺒﻮﻭﻭﻭﻭﻱ
ﺷﻠﻮﻥ ﻗﺴﻤﺔ ﻫﺎﻱ ﻳﺎﻏﺒﻲ ( ﻳﺎ ﺭﺑﻲ )
ﺍﻟﺘﻔﺘﺖ ﻷﻡ ﻗﺎﺳﻢ
.. ﻋﻔﻴﺔ ﺧﺎﻟﺔ ﺍﻧﺘﻲ ﺷﻠﻮﻥ ﺗﻐﻀﻴﻬﺎ ( ﺗﺮﺿﻴﻬﺎ )
ﺗﺸﻮﻓﻴﻦ ﺍﺑﻨﺞ ﻳﺤﺐ ﺑﻨﺖ ﻋﻤﻪ ﻭﺗﺴﻜﺘﻴﻦ
ﺍﻟﻤﻔﺮﻭﺽ ﻫﺴﺔ ﺍﻧﺘﻲ ﻭﻳﺎﻱ ﻣﻮ ﻋﻠﻴﺔ
ﻭﺗﺤﺎﻭﻟﻴﻦ ﻭﻳﺎﻳﺔ ﻧﺒﻄﻞ ﻫﺬﺍ ﺍﻟﺰﻭﺍﺝ
ﺍﻡ ﻗﺎﺳﻢ .. ﺧﺎﻟﺔ ﻛﻠﺸﻲ ﻗﺴﻤﺔ ﻭﻧﺼﻴﺐ
ﻭﺍﻟﺒﻲ ﺍﻟﺨﻴﺮ ﺍﻟﻠﻪ ﻳﻘﺪﻣﻪ
ﻭﺍﻧﺎ ﺍﻡ ﻗﺎﺳﻢ ﻭﺍﻋﺮﻑ ﺑﻤﺼﻠﺤﺔ ﺍﺑﻨﻲ ﺍﻛﺜﺮ ﻣﻨﻪ
ﻭﺍﺷﻮﻑ ﺍﻥ ﺍﻧﺘﻲ ﺍﻛﺜﺮ ﻭﺣﺪﺓ ﺗﻨﺎﺳﺒﻴﻦ ﻗﺎﺳﻢ
ﻛﻌﺪﺕ ﺑﺎﻟﻜﺎﻉ ﻭﺻﺮﺕ ﺍﻟﻄﻢ ﻭﺍﺑﺠﻲ ﺑﻘﻠﺔ ﺣﻴﻠﺔ
ﺍﻟﻈﺎﻫﺮ ﺍﺳﺘﻌﺎﻧﻴﺖ ﺑﺎﻟﺸﺨﺺ ﺍﻟﻐﻠﻂ ﺣﺘﻰ ﻳﺨﻠﺼﻨﻲ
ﺍﻡ ﻗﺎﺳﻢ ﻣﺎ ﺭﺍﺡ ﺗﺨﺪﻡ ﺍﻫﺪﺍﻓﻲ
ﺍﺻﻼ ﻣﺒﻴﻦ ﻋﻠﻴﻬﺎ ﺭﺍﺡ ﺗﺒﺬﻝ ﺍﻗﺼﻰ ﻣﺎ ﺑﻮﺳﻌﻬﺎ ﺣﺘﻰ
ﺗﻤﻢ ﻫﺬﺍ ﺍﻟﺰﻭﺍﺝ ﺍﻟﻠﻪ ﻟﻴﻜﻮﻟﻬﺎ
ﺍﺑﺎﻭﻉ ﻟﻬﺎﻟﺔ ﺗﺮﻳﺪ ﺗﺤﺠﻲ ﻭﻳﺔ ﺍﻣﻬﺎ ﻭﺗﺮﺟﻊ ﺗﺴﻜﺖ
ﻣﺒﻴﻦ ﻋﻠﻴﻬﺎ ﻫﻲ ﺍﻟﺜﺎﻧﻴﺔ ﻣﺘﻜﺪﺭ ﺗﻨﺎﻗﺶ ﺍﻣﻬﺎ ﻛﺪﺍﻣﻨﺎ
.....
ﺟﺮﻳﺖ ﺣﺴﺮﺓ ﻭﺍﻧﻲ ﺍﺗﺤﺴﺐ ﻋﻠﻰ ﺍﺑﻮﻱ
ﻭﻳﻦ ﻭﺻﻠﻨﻲ ﻟﻴﺶ ﻳﻜﺴﺮﻧﻲ ﻫﻴﺞ ﻛﺴﺮﺓ
ﺑﻌﺪﻫﺎ ﻗﺮﺭﺕ ﺍﻣﺴﺢ ﺩﻣﻮﻋﻲ
ﻭﻋﺰﻟﺖ ﻧﻔﺴﻲ ﻋﻨﻬﻢ ﻛﻠﻬﻢ ﻭﻣﺎ ﺣﺠﻴﺖ ﻭﻳﺔ ﺍﻱ ﻭﺍﺣﺪ ﺑﻴﻬﻢ ﺣﺘﻰ
ﺷﻴﻤﺎﺀ ﺍﺧﺘﻲ ﻣﻦ ﺗﺴﺄﻟﻨﻲ ﺍﻭ ﺗﺮﻳﺪ ﺗﺤﺠﻲ ﻭﻳﺎﻱ
ﻣﺎ ﺍﺟﺎﻭﺑﻬﺎ
ﻭﺭﺓ ﻓﺘﺮﺓ ﺭﺍﺣﺖ ﺍﻡ ﻗﺎﺳﻢ ﻭﻫﺎﻟﺔ
ﻭﺍﺳﻤﻌﻬﺎ ﺗﻜﻮﻝ ﻟﺸﻴﻤﺎﺀ ﻫﺪﻳﻬﺎ ﻭﻓﻬﻤﻴﻬﺎ ﺧﻠﻲ ﺗﻜﺒﺮ ﻋﻘﻠﻬﺎ ﻭﺗﻨﺴﻰ ﺳﺎﻟﻔﺔ ﺍﻟﻄﻼﻕ
ﺩﺧﻠﺖ ﻟﻠﻐﺮﻓﺔ ﻭﺍﻧﻲ ﺣﻴﻞ ﻣﺨﻨﻮﻛﺔ ﻣﺎﺟﺎﻱ ﺍﺗﺨﻴﻞ ﺭﻭﺣﻲ
ﺍﺻﻴﺮ ﺯﻭﺟﺔ ﻟﻬﺬﺍ ﺍﻟﺸﺨﺺ
ﻳﻌﻨﻲ ﻟﻮ ﺑﻌﺪ ﻣﻴﺖ ﺳﻨﺔ ﻣﺎ ﺭﺍﺡ ﺗﺪﺑﺮ ﻭﻻ ﺭﺍﺡ ﺗﺮﻫﻢ ﺍﻟﺸﻐﻠﺔ
ﻳﻌﻨﻲ ﺷﺠﺎﺏ ﻫﺘﻠﺮ ﻋﻠﻰ ﺣﻈﻲ ﺍﻻﻏﺒﺮ
ﺍﺳﻤﻊ ﺳﻠﻴﻤﺔ ﺗﺤﺠﻲ ﻭﻳﺔ ﺷﻴﻤﺎﺀ
.. ﻛﻠﻲ ﻷﺧﺘﺞ ﺧﻠﻲ ﺗﺤﻤﺪ ﺍﻟﻠﻪ ﻭﺗﺸﻜﺮﻩ
ﺑﻴﻮﻡ ﻟﻜﺖ ﺭﺟﻞ ﻭﺍﺗﺰﻭﺟﺖ
ﻻﻳﻜﻮﻥ ﺍﻟﺴﺖ ﻧﺴﺖ ﻧﻔﺴﻬﺎ
ﺫﻛﺮﻳﻬﺎ ﺑﺎﻟﺒﻜﻌﺔ ﻭﺑﺒﻴﺖ ﺍﻫﻞ ﺭﺍﺋﺪ
ﺍﻟﻲ ﺍﺟﻮﻱ ﻋﻠﻴﻬﺎ ﻭﺗﺎﻟﻲ ﺍﻧﻬﺰﻣﻮ ﻣﻦ ﻋﺮﻓﻮﺍ
ﺑﺴﺎﻟﻔﺔ ﺍﻟﻮﺣﻤﺔ
ﺣﺠﻴﺖ ﺑﺼﻮﺕ ﻋﺎﻟﻲ ﺣﺘﻰ ﺗﺴﻤﻌﻨﻲ ﺟﻨﺖ ﻛﻠﺶ ﻣﻘﻬﻮﺭﺓ
.. ﻭﺍﻟﻠﻪ ﻟﻮ ﻣﻮ ﺍﻟﻮﺣﻤﺔ ﻋﺴﻰ ﻣﺎ ﻣﺸﻮﻫﺔ ﻣﻦ ﻓﻮﻙ ﻟﻴﺠﻮﺓ
ﻣﺎ ﺍﺗﺰﻭﺝ ﻗﺎﺳﻢ ﻟﻮ ﺟﺎﻥ ﺍﺧﺮ ﻏﺠﺎﻝ ﺑﺎﻟﻌﺎﻟﻢ
ﺩﻛﻮﻟﻲ ﺭﺟﺎﻝ ﻣﺜﻞ ﺍﻟﻨﺎﺱ ﻳﺎﺍﻡ ﻧﺺ ﻟﺴﺎﻥ
ﺑﻌﺪﻳﻦ ﺗﺒﻄﺮﻱ ﻋﻠﻴﻪ
ﺑﻌﺪﻫﺎ ﺍﺟﺘﻲ ﺷﻴﻤﺎﺀ ﻭﻛﻌﺪﺕ ﻳﻤﻲ ﻭﺳﻮﻟﻔﺘﻠﻲ
ﻛﻞ ﺍﻟﻲ ﺳﻮﺍﻩ ﺑﺎﺑﺎ ﺑﺴﺎﻟﻔﺔ ﺍﻟﺪﻋﻤﺔ
ﻭﻛﻒ ﺷﻌﺮ ﺭﺍﺳﻲ ﺷﻠﻮﻥ ﻳﺴﻮﻱ ﺑﻴﺔ ﻫﻴﺞ
ﺷﻠﻮﻥ ﻫﻨﺖ ﻋﻠﻴﻪ ﻟﻴﺶ ﺍﻧﻲ ﻣﻮ ﺑﻨﺘﻪ
ﻟﻴﺶ ﻣﺎ ﺍﻛﺘﻔﻰ ﻳﺎﺧﺬ ﻣﺒﻠﻎ ﻣﺎﻟﻲ ﻣﻦ ﺍﻟﻮﻟﺪ ﻛﺘﻌﻮﻳﺾ ﻭﻳﺴﻜﺖ
ﻟﻮ ﺍﻻ ﻳﻄﻴﻦ ﻋﻴﺸﺘﻲ
ﺷﻴﻤﺎﺀ .. ﻟﻮ ﺗﺤﺠﻴﻦ ﻣﻨﺎ ﻟﺴﻨﺔ ﺍﺑﻮﺝ ﻣﺎ ﺭﺍﺡ ﻳﻐﻴﺮ ﺭﺃﻳﻪ
ﻫﻮ ﻣﺎ ﺳﻮﺓ ﻫﺬﺍ ﻛﻠﻪ ﻋﻠﻤﻮﺩ ﺍﻧﺘﻲ ﺗﺠﻴﻦ ﻭﺗﺨﺮﺑﻴﻦ ﻛﻠﺸﻲ ﺑﺮﻓﻀﺞ
ﻛﻼﻡ ﺷﻴﻤﺎﺀ ﺳﺪ ﻛﻞ ﺍﻻﺑﻮﺍﺏ ﺑﻮﺟﻬﻲ
ﺑﺲ ﺭﻏﻢ ﻫﺬﺍ ﻛﻠﻪ ﺑﻘﻴﺖ ﻣﺼﺮﺓ ﻭﺍﺗﻤﺴﻜﺖ ﺑﺎﻟﺮﻓﺾ
ﺍﻧﺘﻈﺮﺕ ﺍﺑﻮﻳﺔ ﻳﺠﻲ ﺣﺘﻰ ﺍﺣﺠﻲ ﻭﻳﺎﻩ
ﻟﻠﻴﻞ ﻳﺎﻟﻠﻪ ﺍﺟﺔ ﻟﻠﺒﻴﺖ
ﻭﺍﻭﻝ ﻣﺎ ﺩﺧﻞ ﺭﺣﺖ ﻋﻠﻴﻪ
.. ﺑﺎﺑﺎ ﺍﻧﺎ ﻣﺴﺘﺤﻴﻞ ﺍﻗﺒﻞ ﺍﺗﺰﻭﺝ ﻗﺎﺳﻢ ﻟﻮ ﻋﻠﻰ ﻛﺺ ﻏﻜﺒﺘﻲ ( ﺭﻛﺒﺘﻲ )
ﻋﻘﺪ ﺣﻮﺍﺟﺒﻪ ﻭﺑﺎﻭﻉ ﻟﺸﻴﻤﺎﺀ
ﺟﻮﺍﺑﺘﻪ
ﺷﻴﻤﺎﺀ .. ﺑﺎﺑﺎ ﺍﻟﻴﻮﻡ ﺍﺟﺘﻲ ﺍﻡ ﻗﺎﺳﻢ ﻭﻛﻠﺘﻠﻬﺎ ﺑﺎﻟﻤﻮﺿﻮﻉ
ﺭﺟﻊ ﺑﺎﻭﻉ ﻋﻠﻴﺔ
.. ﺍﻧﺎ ﻣﺎ ﻣﻨﺘﻈﺮ ﻣﻨﺞ ﺗﻮﺍﻓﻘﻴﻦ ﺍﻭ ﺗﺮﻓﻀﻴﻦ ﻗﺎﺳﻢ
ﻫﻮ ﺍﺻﻼ ﺻﺎﺭ ﺯﻭﺟﺞ
ﻳﻌﻨﻲ ﺭﻓﻀﺘﻲ ﺍﻭ ﺭﺿﻴﺘﻲ ﻫﻮ ﺭﺟﻠﺞ
ﻓﺄﺭﺿﻲ ﺑﻘﺴﻤﺘﺞ ﻭﺳﻜﺘﻲ ﺑﻼ ﺣﺠﻲ ﺯﺍﻳﺪ ﻭﻻ ﺗﺪﻭﺧﻴﻦ ﺭﺍﺳﻲ
.. ﺑﺎﺑﺎ ﺷﻠﻮﻥ ﺗﻐﻴﺪ ( ﺗﺮﻳﺪ ) ﻣﻨﻲ ﺍﻏﻀﻰ ( ﺍﺭﺿﻰ ) ﻭﺍﻭﺍﻓﻖ ﺍﺗﺰﻭﺝ
ﻣﻦ ﻭﺍﺣﺪ ﺍﻧﻐﺼﺐ ﺑﺎﻟﺰﻭﺍﺝ ﻣﻨﻲ
.. ﺷﻮﻓﻲ ﻭﺳﻤﻌﻴﻨﻲ ﺯﻳﻦ ﺍﻧﺎ ﻫﺬﺍ ﺍﻟﺤﺠﻲ ﻣﺎ ﻳﻌﺒﺮ ﻋﻠﻴﺔ
ﻓﻼ ﺗﻜﻌﺪﻳﻦ ﺗﻠﻔﻴﻦ ﻭﺗﺪﻭﺭﻳﻦ ﺑﺎﻟﺤﺠﻲ ﺗﺮﺓ ﻣﺎ ﺭﺍﺡ ﻳﻔﻴﺪﺝ
ﻭﻻ ﺭﺍﺡ ﺗﻜﺪﺭﻳﻦ ﺗﻐﻴﺮﻳﻦ ﺷﻲ ﻣﻦ ﺍﻟﺼﺎﺭ ﻓﺎﻫﻤﺔ
ﺩﺍﺭ ﻭﺟﻬﻪ ﻋﻠﻰ ﺷﻴﻤﺎﺀ
.. ﻟﺰﻣﻲ ﺍﺧﺘﺞ ﻭﻓﻬﻤﻴﻬﺎ ﻻ ﺗﻈﻞ ﺗﻠﻮﺹ ﺑﺎﻟﺤﺠﻲ
ﻫﺴﺔ ﻫﻲ ﻛﺎﻟﺒﺔ ﺍﻟﺪﻧﻴﺎ ﻋﻠﻰ ﺷﻨﻮ ﻣﻮ ﺯﻳﻦ ﻣﻨﻲ ﻭﻟﻜﻴﺘﻠﻬﺎ
ﺭﺟﺎﻝ ﻳﻘﺒﻞ ﺑﻴﻬﺎ ﻻ ﻭﻣﻮ ﺍﻱ ﺭﺟﺎﻝ ﻗﺎﺳﻢ ﺑﻜﺒﺮﻩ ﻫﺎﻱ ﺟﺰﺍﺗﻲ
ﺷﻴﻤﺎﺀ .. ﺑﺎﺑﺎ ﺍﻧﺖ ﻏﺼﺒﺖ ﺍﺛﻨﻴﻦ ﻋﻠﻰ ﻫﺬﺍ ﺍﻟﺰﻭﺍﺝ
ﻭﺗﺮﻳﺪﻫﻢ ﻳﻮﺍﻓﻘﻮﻥ ﺑﻜﻞ ﺳﻬﻮﻟﺔ ﺗﺮﺓ ﻭﺍﻛﻔﺔ . ﻣﻴﺼﻴﺮ
ﺯﻳﻦ ﻣﺎ ﻓﻜﺮﺕ ﺑﻬﺪﻯ ﺷﻠﻮﻥ ﺭﺍﺡ ﻳﻌﺎﻣﻠﻬﺎ
ﻗﺎﺳﻢ ﻣﻦ ﺑﻌﺪ ﻣﺎ ﻏﺼﺒﺘﻪ ﻳﺘﺰﻭﺟﻬﺎ
......
ﻏﻤﻀﺖ ﻋﻴﻨﻲ ﺑﺼﺒﺮ
ﻭﻫﺬﺍ ﺍﻟﺴﺒﺐ ﺍﻟﻤﻠﻴﻮﻥ ﺍﻟﻲ ﻳﻨﻀﺎﻑ ﻋﻠﻰ ﻗﺎﺋﻤﺔ ﺍﻋﺘﺮﺍﺿﻲ
ﻋﺎﻟﺰﻭﺍﺝ ﻣﻦ ﻫﺬﺍ ﺍﻟﺸﺨﺺ ﺑﺎﻟﺬﺍﺕ
ﻳﺎﺭﺑﻲ ﺻﻌﺒﺔ ﻣﻨﻴﻦ ﻣﺎ ﺍﻛﻠﺒﻬﺎ ﺍﺷﻮﻓﻬﺎ ﺻﻌﺒﺔ
.. ﻣﺤﺪ ﻛﻠﻪ ﻳﺘﺼﺮﻑ ﺑﺮﻭﻋﻮﻧﻴﺔ
ﺑﻨﺎﺕ ﺍﻟﻌﺎﻟﻢ ﻣﻮ ﻟﻌﺒﺔ
ﻳﺪﻋﻤﻬﺎ ﻭﻳﻜﺴﺮﻫﺎ ﻭﻳﺪﻭﺭ ﻭﺟﻬﻪ ﻭﻳﺮﻭﺡ
ﺣﺠﻴﺖ ﺑﺼﻮﺕ ﻋﺎﻟﻲ
.. ﺑﺎﺑﺎ ﺧﻠﻴﻨﺎ ﻻ ﻧﻀﺤﻚ ﻋﻠﻰ ﺑﻌﻀﻨﺎ
ﺍﻟﻤﻮﺿﻮﻉ ﻭﺍﺿﺢ ﺍﻧﺖ ﺯﻭﺟﺘﻨﻲ ﻟﻘﺎﺳﻢ ﻣﻮ ﻋﻠﻤﻮﺩ
ﺳﻮﺍﺩ ﻋﻴﻮﻧﻲ ﺍﻧﺖ ﺯﻭﺟﺘﻨﻲ ﻋﻠﻤﻮﺩ ﻣﺼﻠﺤﺘﻚ
ﻫﻤﻚ ﻣﻦ ﻫﺬﺍ ﻛﻠﻪ ﺷﻠﻮﻥ ﺗﺤﺼﻞ ﺍﻟﻔﻠﻮﺱ
ﺑﺲ ﺍﺣﺐ ﺍﻛﻠﻚ ﻭﻫﺎﻱ ﻛﺪﺍﻡ ﺍﻟﻜﻞ
ﺍﻏﻮﺡ ( ﺍﺭﻭﺡ ) ﻭﺍﺷﺘﻜﻲ ﻭﺍﻃﻌﻦ ﺑﻌﻘﺪ ﺍﻟﺰﻭﺍﺝ ﻭﺍﻛﻠﻠﻬﻢ ﺍﻟﺰﻭﺍﺝ ﺑﺎﻃﻞ
ﻻﻥ ﺍﻧﻲ ﻣﺎ ﺍﺩﻏﻲ ( ﻣﺎﺍﺩﺭﻱ ) ﻭﻣﺎ ﻋﻨﺪﻱ ﻋﻠﻢ ﺑﻲ
ﺍﺻﻼ ﺑﻮﻗﺘﻬﺎ ﺍﻧﻲ ﺟﻨﺖ ﻧﺎﻳﻤﻪ ﻣﺴﺘﺸﻔﻰ ﻣﺎﺍﻛﺪﻍ ( ﻣﺎﺍﻛﺪﺭ ) ﺍﺗﺤﻐﻚ ( ﺍﺗﺤﺮﻙ )
ﻳﻌﻨﻲ ﺍﻟﻤﺘﺸﻔﻰ ﺑﻜﺒﺮﻫﺎ ﺷﺎﻫﺪ
ﺑﻌﺪﻧﻲ ﻣﻤﻜﻤﻠﺔ ﻛﻼﻣﻲ ﻣﺎ ﺣﺴﻴﺖ ﺍﻻ ﻋﻠﻰ ﺑﺎﺑﺎ
ﻫﺪ ﻋﻠﻴﺔ ﻭﺍﺳﺘﻠﻤﻨﻲ ﺭﺍﺷﺪﻳﺎﺕ
ﺷﻬﻜﺖ ﺑﺨﻮﻑ ﻭﺍﺻﻄﻜﺖ ﺳﻨﻮﻧﻲ ﻣﻦ ﺍﻟﺨﻮﻑ
ﺧﻔﺖ ﻣﻦ ﺑﺎﺑﺎ ﻻ ﻳﺄﺫﻳﻨﻲ ﻭﺍﻧﻲ ﻳﺎﻟﻠﻪ ﻳﺎﺩﻭﺏ ﻛﻤﺖ ﻋﻠﻰ ﺣﻴﻠﻲ ﻣﻦ ﺍﻟﺪﻋﻤﺔ
ﻛﻌﺪﺕ ﺑﺎﻟﻜﺎﻉ ﻭﻛﺮﻓﺼﺖ ﻋﻠﻰ ﻧﻔﺴﻲ ﻭﺣﻤﻴﺖ ﻭﺟﻬﻲ ﺑﻴﻦ ﺍﻳﺪﻳﺔ ﺍﺧﺎﻑ ﻳﺄﺫﻳﻨﻲ
ﺍﺳﻤﻊ ﺷﻴﻤﺎﺀ ﻇﻠﺖ ﺗﻌﻴﻂ ﺑﻬﺴﺘﺮﻳﺎ
ﻟﺪﺭﺟﺔ ﺻﺎﺭﺕ ﺗﺘﺪﺍﻓﻊ ﻫﻲ ﻭﺑﺎﺑﺎ
ﺷﻴﻤﺎﺀ .. ﻻ .. ﻻ .. ﻻ
ﻟﺘﻤﺪ ﺍﻳﺪﻙ ﻋﻠﻴﻬﺎﺍﺍﺍﺍﺍﺍ
ﻭﺩﻓﻌﺘﻪ ﻣﻦ ﺻﺪﺭﻩ
ﺍﺣﺲ ﺑﺸﻴﻤﺎﺀ ﺍﻧﻜﻠﺒﺖ ﻟﺒﻮﺓ ﺗﺪﺍﻓﻊ ﻋﻦ ﺟﻬﺎﻟﻬﺎ ﺑﻐﻀﺐ
.. ﻛﺎﺍﺍﺍﻓﻲ .. ﻛﺎﻓﻲ ﻟﺨﺎﻃﺮ ﺍﻟﻠﻪ ﻛﺎﺍﺍﺍﻓﻲ ﺩﻣﺮﺗﻬﺎ ﻟﻠﺒﻨﻴﺔ ﻭﻧﻌﻠﺖ ﺍﺑﻮ ﺣﻈﻬﺎ
ﻋﻮﻓﻬﺎ ﺧﻠﻴﻬﺎ ﺗﺤﺠﻲ ﻟﻮﺣﺪﻫﺎ ﺍﻧﺖ ﺍﻟﺮﺩﺗﻪ ﺳﻮﻳﺘﻪ
ﺣﺘﻰ ﻟﻮ ﻏﺼﺐ ﻋﻨﺎ ﺍﻟﻤﻬﻢ ﺍﻟﻲ ﺑﺮﺍﺳﻚ ﺳﻮﻳﺘﻪ
ﺑﻌﺪ ﻣﺎ ﻋﻠﻴﻚ ﺑﻴﻬﺎ
ﺳﻠﻴﻤﺔ .. ﺷﻮﻑ ﺍﻟﻌﺎﺭ ﺷﻠﻮﻥ ﺗﺮﺍﺩﺩ ﺍﺑﻮﻫﺎ
_ ﺭﺟﺎﺀﺍ ﺑﻴﺒﻲ ﻟﺘﺘﺪﺧﻠﻴﻦ .. ﺷﻜﻠﺘﻠﻪ ﻭﺭﺍﺩﺩﺗﻪ
ﻳﻌﻨﻲ ﻫﻮ ﻏﻠﻄﺎﻥ ﻓﻮﻛﺎﻫﺎ ﻣﻴﺼﻴﺮ ﺗﺤﺠﻲ ﺷﻲ
ﻻﺯﻡ ﺗﺴﻜﺖ ﻭﺗﻜﻮﻝ ﺍﻣﻴﻦ ﻭﻫﺎﻱ ﻫﻴﺔ
ﻭﺑﺎﺑﺎ ﺻﺎﺭ ﻧﺎﺭ ﻣﻦ ﺍﻟﻐﻀﺐ
ﻛﺎﻡ ﻳﺴﺐ ﻭﻳﻐﻠﻂ ﻋﻠﻰ ﺷﻴﻤﺎﺀ
ﺣﺘﻰ ﻋﻠﻰ ﺍﻣﻲ ﺍﻟﻠﻪ ﻳﺮﺣﻤﻬﺎ
ﻭﻫﺪ ﻋﻠﻰ ﺷﻴﻤﺎﺀ ﺭﺍﺩ ﻳﻀﺮﺑﻬﺎ
ﺑﺎﻭﻋﺘﻠﻪ ﺷﻴﻤﺎﺀ ﻭﺭﻓﻌﺖ ﺣﺎﺟﺒﻬﺎ
_ ﻫﺎ ﺗﺮﻳﺪ ﺗﻀﺮﺑﻨﻲ ﻻﻥ ﺭﺍﺡ ﺍﻟﻲ ﺟﺎﻥ ﻣﻮﻛﻔﻚ
ﻭﻫﻮ ﻫﻢ ﻟﻢ ﺍﻳﺪﻩ ﺑﻘﺒﻀﺔ ﻭﺭﺟﻊ ﻳﺴﺐ ﻭﻳﻠﻌﻦ
.. ﺍﻟﻠﻪ ﻳﻠﻌﻨﻜﻢ ﺷﻨﻮ ﻣﻦ ﺑﻨﺎﺕ ﻣﻦ ﻳﻮﻡ ﺍﻟﻲ ﺷﻔﺘﻜﻢ ﻭﺍﻧﺎ
ﻣﺎ ﺷﻔﺖ ﺍﻟﺮﺍﺣﺔ
ﻛﻮﻣﺘﻨﻲ ﺷﻴﻤﺎﺀ
ﻣﻦ ﺍﻟﻜﺎﻉ ﻭﺍﺧﺬﺗﻨﻲ ﻭﺩﺧﻠﺘﻨﻲ ﻟﻠﻐﺮﻓﺔ
ﻭﻫﻲ ﺗﺮﺟﻒ ﻣﻦ ﺍﻟﻌﺼﺒﻴﺔ
ﺍﺩﺭﻱ ﺑﻴﻬﺎ ﻣﺎ ﺑﻴﺪﻫﺎ ﺷﻲ ﺗﺴﻮﻳﻪ ﺣﺘﻰ ﺗﻐﻴﺮ ﻣﻴﺼﻴﺮﻱ
ﻣﺮﺕ ﺍﻻﻳﺎﻡ ﻭﺍﻟﺤﺎﻝ ﻋﻠﻰ ﻣﺎ ﻫﻮ ﻋﻠﻴﻪ
ﺑﻴﻦ ﻓﺘﺮﺓ ﻭﻓﺘﺮﺓ ﺍﻡ ﻗﺎﺳﻢ ﺗﺘﺼﻞ ﺗﺘﻄﻤﻦ ﻋﻠﻴﺔ
ﻭﻫﺎﻟﺔ ﺗﺘﺼﻞ ﺑﺲ ﺍﺟﺎﻭﺑﻬﺎ ﺑﺘﺤﻔﻆ
ﻭﺣﺘﻰ ﺷﻴﻤﺎﺀ ﺻﺮﺕ ﺍﻋﺎﻣﻠﻬﺎ ﺑﺘﺤﻔﻆ
ﺍﻣﺎ ﻓﺎﻃﻤﺔ ﻓﻜﺎﻧﺖ ﺍﻟﺸﺨﺺ ﺍﻟﻮﺣﻴﺪ ﺍﻟﻲ
ﺍﺣﺠﻴﻠﻪ ﻛﻞ ﻣﻌﺎﻧﺎﺗﻲ ﻭﻣﺨﺎﻭﻓﻲ
ﺧﻠﺼﺖ ﺍﻟﻌﻄﻠﺔ ﻭﺑﺪﺓ ﺍﻟﺪﻭﺍﻡ
ﻭﺑﻠﺸﺖ ﺍﺩﺍﻭﻡ ﺑﺎﻟﻜﻠﻴﺔ ﻭﻫﺎﻱ ﺍﻟﻨﻌﻤﺔ ﺍﻟﻮﺣﻴﺪﺓ
ﺍﻟﻲ ﺧﻠﺘﻨﻲ ﺍﻟﺘﻬﻲ ﻋﻦ ﺍﻟﻤﻮﺿﻮﻉ
......
ﻭﺧﻼﻝ ﻫﺎﻱ ﺍﻟﻤﺪﺓ ﺍﻟﺸﻲ ﺍﻟﻮﺣﻴﺪ ﺍﻟﺠﺪﻳﺪ ﺍﻟﻲ ﻃﺮﺍﺀ ﻋﻠﻰ ﺣﻴﺎﺗﻨﺎ
ﻋﻤﻮ ﺍﻣﺠﺪ ﺍﺣﺲ ﺑﻲ ﺍﺗﻐﻴﺮ ﺑﻤﻌﺎﻣﻠﺘﻪ ﻭﻳﺎﻧﺔ ﻭﺻﺎﻳﺮ ﺣﻨﻴﻦ ﻋﻠﻴﻨﺎ ﺍﻧﻲ ﻭﺷﻴﻤﺎﺀ
ﺫﺍﻙ ﺍﻟﻴﻮﻡ ﺍﺟﺎﻧﺔ ﻟﻠﺒﻴﺖ ﻣﺸﺘﺮﻳﻠﻨﺎ ﻣﻼﺑﺲ ﺟﺪﻳﺪﺓ
ﺍﻟﻲ ﺍﻧﻲ ﻭﺷﻴﻤﺎﺀ ﻭﺑﻴﺒﻲ ﺳﻠﻴﻤﺔ
ﻓﺮﺣﻨﺎ ﺑﻮﻛﺘﻬﺎ ﻭﺳﻠﻴﻤﺔ ﺻﺎﺭﺕ ﺗﺪﻋﻴﻠﻪ ﺑﺎﻟﺤﻘﻴﻘﺔ ﺣﺘﻰ ﺍﻧﻲ ﻛﻤﺖ ﺑﻜﻞ ﺻﻼﺓ ﺍﺩﻋﻴﻠﻪ
ﻭﻳﺰﻳﺪ ﻣﻦ ﺭﺯﻗﻪ
ﻭﻛﺎﻡ ﻛﻞ ﻓﺘﺮﺓ ﻳﺘﺴﻮﻙ ﻟﻠﺒﻴﺖ ﻣﺎ ﻟﺬ ﻭﻃﺎﺏ ﻣﻦ ﻣﺨﻀﺮ ﻋﻠﻰ ﻟﺤﻮﻡ ﻋﻠﻰ ﻓﻮﺍﻛﻪ
ﺍﺣﺲ ﺍﻟﻠﻪ ﺩﺯﻩ ﺍﻟﻨﺔ ﺭﺣﻤﺔ
ﻻﻥ ﺑﻬﺎﻱ ﺍﻟﻔﺘﺮﺓ ﺑﺎﻟﺬﺍﺕ
ﺧﻄﻴﺔ ﺷﻴﻤﺎﺀ ﺻﺎﺭ ﻋﻠﻴﻬﺎ ﺣﻤﻞ ﺯﻳﺎﺩﺓ ﺑﺎﻟﻤﺼﺮﻑ ﺧﺼﻮﺻﺎً
ﻣﻦ ﺑﻌﺪ ﺩﻋﻤﺘﻲ ﺻﺎﺭﺕ ﺗﺮﻛﺾ ﻋﺎﻟﻌﻴﺸﺔ ﻭﻣﺎ ﺗﻠﺤﻚ
ﺗﺼﺮﻑ ﻋﺎﻟﺒﻴﺖ ﻭﺍﺿﺎﻓﺔ ﺍﻟﻰ ﻣﺼﺮﻓﻲ
ﺻﺤﻴﺢ ﺑﻴﺖ ﻗﺎﺳﻢ ﻫﻤﺔ ﺍﻧﻄﻮﺍ ﻟﺒﺎﺑﺎ ﺗﻜﺎﻟﻴﻒ ﻋﻼﺟﻲ
ﺑﺲ ﻣﻊ ﺍﻻﺳﻒ ﺑﺎﺑﺎ ﺟﺎﻥ ﻳﺼﺮﻑ ﻓﻘﻂ ﻋﻠﻰ ﺍﻻﺷﻴﺎﺀ ﺍﻟﻤﻬﻤﺔ ﺍﻟﻲ ﺗﺨﺺ ﺍﻟﻌﻼﺝ
ﺍﻣﺎ ﻋﻦ ﺍﻟﺒﻘﻴﺔ ﻛﺤﻠﻴﺐ ﻭﻟﺤﻮﻡ ﺍﻭ ﻓﻮﺍﻛﻪ ﻭﻏﻴﺮﻫﺎ
ﻣﻦ ﺍﻻﺷﻴﺎﺀ ﺍﻟﻤﻬﻤﺔ ﺍﻟﻲ ﺗﻔﻴﺪﻧﻲ ﻓﻬﺎﻱ ﻛﻠﻬﺎ ﻋﻠﻰ ﺷﻴﻤﺎﺀ
ﻭﺍﻟﺤﻤﺪﻟﻠﻪ ﺭﺏ ﺍﻟﻌﺎﻟﻤﻴﻦ ﻣﺎ ﻳﺘﺮﻙ ﻋﺒﺪﻩ ﺑﺤﻴﺮﺓ
ﺣﻨﻦ ﻛﻠﺐ ﻋﻤﻮ ﺍﻣﺠﺪ ﻋﻠﻴﻨﺎ
ﺳﻠﻴﻤﺔ .. ﻳﺎﻳﻤﺔ ﻛﻮﻥ ﺩﻭﻡ ﻫﻴﺠﻲ ﺗﺤﻦ ﻋﻠﻴﻨﺎ
ﺍﻣﺠﺪ .. ﺍﻧﺪﻋﻴﻠﻲ ﻳﻤﺔ ﻛﻮﻥ ﺍﻟﻠﻪ ﻳﺮﺯﻗﻨﻲ ﻭﺍﻥ ﺷﺎﺀ ﺍﻟﻠﻪ ﻣﺎ ﺍﻗﺼﺮ ﻭﻳﺎﻛﻢ
ﺍﻓﺘﺢ ﺑﺎﻟﻌﻼﻟﻴﻚ ﺣﺘﻰ ﻣﻼﺑﺲ ﺩﺍﺧﻠﻴﺔ ﺟﺎﻳﺒﻠﻨﺎ
ﺣﺘﻰ ﺍﺣﺬﻳﺔ ﺣﻠﻮﺓ ﻣﺸﺘﺮﻳﻠﻨﺔ ﻭﺟﻨﻂ
ﺷﻴﻤﺎﺀ ﺍﺗﺸﻜﺮﺕ ﻣﻨﻪ
ﻭﻫﻮ ﻛﻠﻠﻬﺎ
.. ﻋﻤﻮ ﺷﻮﻣﺔ ﺍﻣﺎﻧﺔ ﺍﺫﺍ ﺗﺤﺘﺎﺟﻮﻥ ﺷﻲ ﺍﻧﺘﻲ ﻟﻮ ﺍﺧﺘﺞ
ﻛﻮﻟﻲ ﻻ ﻳﺮﺩﺝ ﻟﺴﺎﻧﺞ
ﺷﻴﻤﺎﺀ .. ﻋﻤﻮ ﺗﺴﻠﻢ ﺭﺑﻲ ﻳﺮﺯﻗﻚ ﻭﻳﻔﺮﺡ ﺑﺄﻭﻻﺩﻙ
ﺻﺮﺕ ﺍﺑﺎﻭﻉ ﻋﺎﻟﻤﻼﺑﺲ
ﺍﻟﺤﻤﺪﻟﻠﻪ ﻳﻌﻨﻲ ﻣﻴﺤﺘﺎﺝ ﺍﺷﺘﺮﻱ ﺷﻲ ﻟﻠﻜﻠﻴﺔ ﻻﻥ ﺟﺎﻥ ﺟﺎﻳﺐ ﻗﻤﻴﺼﻴﻦ ﺑﻴﺾ ﻭﺗﻨﻮﺭﺗﻴﻦ ﺭﺻﺎﺻﻲ
ﺑﺎﻟﻜﻠﻴﺔ
ﺟﻨﺖ ﺍﻣﺸﻲ ﺭﺍﻳﺤﺔ ﻟﻠﻤﺤﺎﺿﺮﺓ ﺍﻟﺜﺎﻧﻴﺔ
ﻭﺟﺎﻥ ﺍﺳﻤﻊ ﻭﺍﺣﺪ ﻳﺼﻴﺢ ﺑﺄﺳﻤﻲ
ﺟﻤﺪﺕ ﻭﺍﻛﻔﺔ ﺑﻤﻜﺎﻧﻲ ﻣﺼﺪﻭﻣﺔ ﻣﻦ ﻋﺮﻓﺖ ﺻﺎﺣﺐ ﻫﺬﺍ ﺍﻟﺼﻮﺕ
ﺍﻟﺘﻔﺘﺖ ﺍﺷﻮﻓﻪ ﻭﻳﻦ
ﻭﺟﺎﻥ ﺗﺠﻲ ﻋﻴﻨﻲ ﺑﻌﻴﻨﻪ
.. ﻏﺎﺋﺪ !!!!!
ﺍﺟﺔ ﺍﻗﺘﺮﺏ ﻣﻨﻲ ﻭﻋﻴﻮﻧﻪ ﻧﺎﺭ ﺟﺎﻥ ﻳﺒﺎﻭﻉ ﻋﻠﻴﺔ
ﻛﺎﻝ ﺑﺼﻮﺕ ﻏﺎﺿﺐ ﺑﺪﻭﻥ ﻻ ﺳﻼﻡ ﻭﻻ ﻛﻼﻡ
.. ﻫﺪﻯ ﺻﺪﻙ ﻫﺬﺍ ﺍﻟﺨﺒﺮ ﺍﻟﻲ ﺳﻤﻌﺘﻪ ؟؟
ﺭﻓﻌﺖ ﺣﺎﺟﺒﻲ .. ﺷﻨﻮ ﺍﻟﺴﻤﻌﺘﻪ ؟؟
.. ﺳﻤﻌﺖ ﺑﻘﺎﺳﻢ ﺧﺎﻃﺒﺞ ﻭﻋﺎﻗﺪ ﻋﻠﻴﺞ ؟؟
ﺟﺎﻥ ﻳﺤﺠﻲ ﻭﻋﺮﻭﻛﻪ ﻣﺒﻴﻨﺔ ﻣﻦ ﻛﺪ ﺍﻟﻐﻀﺐ
ﺗﺮﻳﺪ ﺗﻄﻠﻊ ﻣﻦ ﻋﻴﻮﻧﻪ
.. ﻣﻨﻮ ﻛﻠﻚ ﻫﺬﺍ ﺍﻟﺤﺠﻲ؟؟
.. ﺍﻡ ﻗﺎﺳﻢ ﺍﻟﺒﺎﺭﺣﺔ ﺍﺟﺘﻲ ﻟﺒﻴﺘﻨﺎ ﻭﺟﺎﻧﺖ ﺗﺤﺠﻲ ﻭﻳﺔ ﺍﻣﻲ ﻭﺗﻜﻠﻠﻬﺎ ﺑﺎﺭﻛﻴﻠﻲ ﺧﻄﺒﺖ ﻟﻘﺎﺳﻢ
ﻭﺍﺟﻴﺖ ﺍﺗﺨﺒﻞ ﻣﻦ ﺳﻤﻌﺖ ﺑﺄﺳﻤﺞ ﺍﻧﺘﻲ ﺍﻟﻲ ﺧﻄﺒﻬﺎ ﻗﺎﺳﻢ
ﺟﻨﺖ ﺣﺎﺑﺴﺔ ﺍﻻﻧﻔﺎﺱ
ﺧﺎﻳﻔﺔ ﻻ ﻳﻌﺮﻑ ﺍﻟﺴﺒﺐ ﺍﻟﻲ ﺧﻠﻒ ﻫﺬﺍ ﺍﻟﺰﻭﺍﺝ
ﺑﺲ ﺍﻟﺤﻤﺪﻟﻠﻪ ﺍﻡ ﻗﺎﺳﻢ ﻋﻠﻨﺖ ﻋﻦ ﺍﻟﺨﺒﺮ ﺑﻴﻦ ﺍﻟﺠﻮﺍﺭﻳﻦ
ﻫﻴﺞ ﺧﻄﻮﺑﺔ ﻃﺒﻴﻌﻴﺔ ﺑﺪﻭﻥ ﻣﺎ ﺗﺬﻛﺮ ﺍﻻﺳﺒﺎﺏ
ﻟﻠﺤﻈﺔ ﺣﺴﻴﺖ ﺑﺎﻻﻣﺘﻨﺎﻥ ﻷﻡ ﻗﺎﺳﻢ ﻻﻥ ﺣﻔﻈﺖ ﻣﺎﻱ ﻭﺟﻬﻲ
ﺳﺤﺒﺖ ﻧﻔﺲ ﻋﻤﻴﻖ ﻭﺭﻓﻌﺖ ﺭﺍﺳﻲ ﻭﺑﺎﻭﻋﺖ ﻋﻠﻴﻪ ﺑﻜﻞ ﻛﺒﺮﻳﺎﺀ
.......
ﻳﻌﻨﻲ ﻫﺴﺔ ﺍﻧﺖ ﺟﺎﻱ ﻋﻠﻴﺔ . ﻟﻬﻨﺎ ﺑﺎﻟﻜﻠﻴﺔ
ﺣﺘﻰ ﺗﺴﺘﻔﺴﺮ ﻣﻨﻲ ﻋﻦ ﻣﻮﺿﻮﻉ ﻣﺎ ﻳﺨﺼﻚ
.. ﺷﻠﻮﻥ ﻣﺎ ﻳﺨﺼﻨﻲ ﺷﻨﻮ ﻫﺪﻯ ﻧﺴﻴﺘﻲ
ﻗﺎﺳﻢ ﻳﺼﻴﺮ ﺻﺎﺣﺒﻲ
.. ﺍﻱ ﻭﻭﻳﻦ ﺍﻟﻤﺸﻜﻠﺔ ﻭﺍﺫﺍ ﺻﺎﺣﺒﻚ ﺷﻨﻮ ﺗﺮﻳﺪﻩ ﻳﺴﺘﺄﺫﻥ ﻣﻦ ﺣﻀﺮﺗﻚ ﻗﺒﻞ ﻻ ﻳﺘﺰﻭﺟﻨﻲ
.. ﻻ ﻫﺪﻯ ﻣﻮ ﻫﻴﺞ ﺍﻟﻤﻮﺿﻮﻉ ﻻ ﺗﻐﺸﻤﻴﻦ ﻧﻔﺴﺞ
ﻭﺗﺴﻮﻳﻦ ﺭﻭﺣﺞ ﻣﺘﻌﺮﻓﻴﻦ ﺍﻧﺎ ﻋﻠﻴﻤﻦ ﻣﺤﺘﺮﻙ
ﻟﻮ ﺗﺮﺩﻳﻨﻲ ﺍﺫﻛﺮﺝ ﺷﻨﻮ ﺟﻨﺎ ﺍﻧﻲ ﻭﻳﺎﺝ ﺑﺎﻟﻨﺴﺒﺔ ﻟﺒﻌﻀﻨﺎ
ﺟﻨﺎ ﺷﺒﻪ ﻣﺨﻄﻮﺑﻴﻦ ﻭﺟﺎﻥ ﺑﻴﻦ ﺣﺐ ﺳﻨﻴﻦ
ﺟﺎﻥ ﻳﺤﺠﻲ ﺑﻘﻬﺮ ﻋﺒﺎﻟﻚ ﻳﺮﻳﺪ ﻳﺨﻨﻜﻨﻲ
.. ﻣﺜﻠﻤﺎ ﺍﺗﻔﻀﻠﺖ ﺣﻀﺮﺗﻚ ﻭﻛﻠﺖ ( ﻛﻨﺎ ﻭﻛﺎﻥ )
ﻳﻌﻨﻲ ﺣﺒﻨﺎ ﺟﺎﻥ ﻣﺎﺿﻲ ﻗﺪﻳﻢ ﻭﺍﻧﺘﻬﻰ ﻭﺍﻛﻞ ﻭﺷﺮﺏ ﻋﻠﻴﻪ ﺍﻟﺪﻫﺮ ﻟﻤﻦ ﻣﻞ
ﻣﺜﻠﻤﺎ ﺍﻧﺖ ﺷﻔﺖ ﺣﻴﺎﺗﻚ ﺍﻧﻲ ﻫﻢ ﺍﻟﻲ ﺍﻟﺤﻖ ﺍﺷﻮﻑ ﺣﻴﺎﺗﻲ ﻭﺍﺗﺰﻭﺝ ﻭﺍﺣﺐ ﻣﻦ ﺟﺪﻳﺪ
ﻣﺎﻟﻚ ﺣﻖ ﺗﺠﻲ ﺗﺤﺎﺳﺒﻨﻲ ﻋﻠﻰ ﺷﻲ
ﻛﻨﺖ ﺍﻧﺖ ﺍﻻﺳﺒﻖ ﺑﺘﻨﻔﻴﺬﻩ
ﺍﻧﺘﺒﻬﺖ ﻋﻠﻴﻪ ﻟﻢ ﻗﺒﻀﺔ ﺍﻳﺪﻩ ﻭﻛﻮﺭﻫﺎ
ﻭﻛﺎﻝ .. ﻫﺪﻯ ﺭﺣﻤﺔ ﻋﻠﻰ ﻭﺍﻟﺪﻳﺞ ﻻ ﺗﺨﺒﻠﻴﻨﻲ
ﺟﺎﻱ ﺍﻛﻠﺞ ﻗﺎﺳﻢ ﺻﺎﺣﺒﻲ ﺗﻌﺮﻓﻴﻦ ﺷﻨﻮ ﻣﻌﻨﻰ ﻛﻠﻤﺔ ﺻﺎﺣﺒﻲ ﻳﻌﻨﻲ ﻣﺜﻞ ﺍﺧﻮﻳﺔ
ﺻﻌﺒﺔ ﺍﺧﻠﻴﻪ ﻳﺘﺰﻭﺟﺞ ﻣﺜﻞ ﺍﻻﻋﻤﻰ ﻭﻫﻮ ﻣﺎ ﻳﺪﺭﻱ
ﺑﺤﺒﻨﺎ ﺳﻮﻳﺔ ﺍﺣﺲ ﻫﺎﻱ ﺧﻴﺎﻧﺔ ﻟﺼﺎﺣﺒﻲ
.. ﻳﻌﻨﻲ ﺍﻧﺖ ﻫﺬﺍ ﺍﻟﻬﺎﻣﻚ ﺍﻥ ﻗﺎﺳﻢ ﺭﺍﺡ ﻳﺘﺰﻭﺝ ﺍﻟﻲ
ﺟﺎﻥ ﻛﻠﺒﻚ ﻳﺘﻤﻨﺎﻫﺎ ﻭﺗﺸﻮﻓﻬﺎ ﺻﻌﺒﺔ ﺑﺤﻘﻪ
ﻟﻮ ﻋﻘﻠﻚ ﻣﺪﺍ ﻳﻜﺪﺭ ﻳﺘﺨﻴﻞ
ﺍﻥ ﺻﺎﺣﺒﻚ ﻳﺎﺧﺬ ﺷﻲ ﺍﻧﺖ ﻓﻲ ﻳﻮﻡ ﻣﻦ ﺍﻻﻳﺎﻡ
ﺟﻨﺖ ﺗﺘﻤﻨﻰ ﺗﻄﻮﻟﻪ ﻭﻣﺎ ﺣﺼﻠﺘﻪ
ﺻﺎﺡ ﺑﺼﻮﺕ ﻋﺎﻟﻲ ﻏﺎﺿﺐ
ﺍﺭﺑﻜﻨﻲ ﺻﺮﺕ ﺍﺗﻠﻔﺖ ﻻ ﺍﺣﺪ ﻳﻨﺘﺒﻪ ﻋﻠﻴﻨﺎ
.. ﺍﻟﻠﻪ ﻳﻠﻌﻨﺞ ﻳﺎ ﻫﺪﻯ ﺍﻧﺘﻲ ﺷﻴﻄﺎﻥ ﻣﻮ ﻣﺮﺓ
ﺍﻱ ﺍﻧﺎ ﻣﺎ ﺍﻛﺪﺭ ﺍﺗﺨﻴﻠﺞ ﺗﺼﻴﺮﻳﻦ ﻣﻠﻚ ﺻﺎﺣﺒﻲ
ﻣﺎ ﺍﻛﺪﺭ ﺍﺗﺨﻴﻞ ﺭﺍﺡ ﻳﺠﻤﻌﻜﻢ ﺑﻴﺖ ﻭﺍﺣﺪ ﻭﻏﺮﻓﺔ ﻭﺣﺪﺓ
ﺍﺗﺨﺒﻞ ﺗﻌﺮﻓﻴﻦ ﺷﻨﻮ ﺍﺗﺨﺒﻞ
ﻣﻦ ﺍﺗﺨﻴﻠﻪ ﻳﻼﻋﺐ ﺷﻌﺮﺝ ﺍﻟﻲ ﻋﺸﺖ ﻃﻮﻝ ﻋﻤﺮﻱ ﺍﺩﺍﺭﻱ ﺑﻲ ﻭﺍﺣﻠﻢ ﺑﺎﻟﻴﻮﻡ ﺍﻟﻲ ﺍﺗﻮﺳﺪ ﻋﻠﻴﻪ
ﻣﺎ ﺍﻛﺪﺭ ﺍﺗﺨﻴﻞ ﺗﻨﺎﻣﻴﻦ ﺑﺤﻀﻦ ﺻﺎﺣﺒﻲ
ﻭﻳﺪﺍﻋﺐ ﺍﻟﺸﻔﺎﻳﻒ ﺍﻟﻲ ﺟﻨﺖ ﺍﺣﻠﻢ ﺑﻴﻬﻢ ﻟﻴﻞ ﻧﻬﺎﺭ
ﺍﺣﺲ ﺻﺮﺕ ﺑﻨﺺ ﻫﺪﻭﻣﻲ ﻣﻦ ﻭﺭﺓ ﻛﻼﻣﻪ ﻭﺑﻨﻔﺲ ﺍﻟﻮﻗﺖ ﻗﻬﺮﻧﻲ
.. ﺍﻧﺖ ﻫﻮﺍﻱ ﻣﺼﺨﺘﻬﺎ ﻭﺍﺗﻌﺪﻳﺖ ﺍﻟﺤﺪﻭﺩ
ﺷﻨﻮ ﻋﺒﺎﻟﻚ ﺍﻧﻲ ﺍﻣﻮﺕ ﻣﻦ ﺑﻌﺪﻙ ﻭﺍﻛﻌﺪ
ﺍﻧﺪﺏ ﺣﺎﻟﻲ ﻻ ﻏﺎﺋﺪ ﺍﺻﺤﻰ
ﺍﻟﺤﻴﺎﺓ ﺗﺴﺘﻤﻎ ( ﺗﺴﺘﻤﺮ ) ﻭﻣﺎ ﺗﺘﻮﻗﻒ ﻋﻠﻴﻚ
ﻭﻣﺜﻠﻤﺎ ﺍﻧﺖ ﺍﺗﺰﻭﺟﺖ ﻭﺷﻔﺖ ﺣﻴﺎﺗﻚ ﺍﻧﻲ ﻫﻢ ﺍﻟﻲ ﺍﻟﺤﻖ ﺍﺧﺘﺎﻍ ﺷﻐﻴﻚ ( ﺍﺧﺘﺎﺭ ﺷﺮﻳﻚ )
ﺣﻴﺎﺗﻲ ﻭﺍﺗﺰﻭﺝ
ﻻ ﻋﺒﺎﻟﻚ ﺍﻧﺖ ﻋﻔﺘﻨﻲ ﺍﻧﻲ ﺍﻧﻜﺴﻎ ( ﺍﻧﻜﺴﺮ ) ﻣﻦ ﺑﻌﺪﻙ
ﻣﺘﻮﻫﻢ ﺍﻧﻲ ﺍﻟﻒ ﻣﻦ ﻳﺘﻤﻨﺎﻧﻲ
ﻏﻤﺾ ﻋﻴﻮﻧﻪ ﻭﺳﺤﺐ ﻧﻔﺲ ﻋﻤﻴﻖ ﻭﺯﻓﺮ
ﻭﻛﺎﻝ .. ﻫﺪﻯ ﺍﻧﺎ ﻣﺎﻟﻲ ﺣﻖ ﺍﻋﺘﺮﺽ ﻋﻠﻰ ﺯﻭﺍﺟﺞ
ﻫﺎﻱ ﺣﻴﺎﺗﺞ ﻭﺍﻧﺘﻲ ﺣﺮﺓ ﺑﻴﻬﺎ
ﺑﺲ ﻛﻞ ﺍﻟﻲ ﺍﺗﺮﺟﺎﻩ ﻣﻨﺞ ﺍﺧﺘﺎﺭﻱ ﻣﻦ ﺍﻻﻟﻒ ﺍﻱ ﻭﺍﺣﺪ
ﺍﻻ ﻗﺎﺳﻢ ﺻﺎﺣﺒﻲ ﻻ ﺗﻜﺴﺮﻳﻨﻲ ﺑﻲ
ﺍﻟﻠﻪ ﻳﺎ ﺩﻧﻴﺎ ﺭﺏ ﺿﺎﺭﺓ ﻧﺎﻓﻌﺔ
ﺷﻜﺪ ﺟﻨﺖ ﺍﺻﻴﺢ ﻭﺍﺳﺘﺮﻳﺢ ﻭﺍﻛﻮﻝ ﻗﺎﺳﻢ ﻣﺎ ﺍﺭﻳﺪﻩ ﻭﻣﺴﺘﺤﻴﻞ ﺍﺗﺰﻭﺟﻪ
ﺑﺲ ﺍﻟﻴﻮﻡ ﻣﻦ ﺷﻔﺖ ﻧﻈﺮﺍﺕ ﺭﺍﺋﺪ ﺍﻟﻤﻜﺴﻮﺭﺓ
ﺣﺴﻴﺖ ﺑﻤﺎﻱ ﺑﺎﺭﺩ ﻧﺰﻝ ﻋﻠﻰ ﻛﻠﺒﻲ
......
ﺍﺳﻔﺔ ﻏﺎﺋﺪ ﺍﻧﺖ ﺟﺎﻱ ﻛﻠﺶ ﻣﺘﺄﺧﻎ ( ﻣﺘﺄﺧﺮ )
ﻻﻥ ﻗﺎﺳﻢ ﺍﺻﻼ ﺯﻭﺟﻲ ﻳﻌﻨﻲ ﺍﻟﻤﻮﺿﻮﻉ ﻃﻠﻊ ﻣﻦ ﺍﻳﺪﻱ
ﻣﺎ ﻏﺎﺡ ﺗﻜﺪﻍ ( ﻣﺎﺭﺍﺡ ﺗﻜﺪﺭ ) ﺗﺴﻮﻱ ﺷﻲ
ﺍﻻ ﺍﻟﻠﻬﻢ ﺗﻜﻮﻥ ﻣﺎ ﻋﻨﺪﻙ ﺫﻏﺔ ﻏﺠﻮﻟﺔ ( ﺫﺭﺓ ﺭﺟﻮﻟﺔ ) ﻭﻗﻠﻴﻞ ﺍﺻﻞ
ﺗﻐﻮﺡ ﺗﻜﺴﻎ ( ﺗﺮﻭﺡ ﺗﻜﺴﺮ ) ﺑﺒﺨﺘﻲ ﻭﺗﻄﻌﻦ ﺳﻤﻌﺘﻲ ﻳﻢ ﻗﺎﺳﻢ
ﻭﺍﻧﺖ ﺗﻌﻐﻒ ( ﺗﻌﺮﻑ ) ﺍﻧﻲ ﺑﻐﻴﺌﺔ ( ﺑﺮﻳﺌﺔ )
ﺣﺴﻴﺖ ﺑﺮﺍﺋﺪ ﻳﺮﻳﺪ ﻳﻄﻚ ﻣﻦ ﺍﻟﻐﻀﺐ
ﻭﺣﺎﺻﺮﺗﻪ ﺑﺎﻟﻜﻼﻡ ﻣﺎ ﻛﺪﺭ ﻳﺤﺠﻲ ﺍﻱ ﺷﻲ
.. ﺍﻟﻠﻪ ﻳﻠﻌﻨﺞ ﻳﺎﻫﺪﻯ ﺑﻴﻤﻦ ﺍﺩﻋﻲ ﻋﻠﻴﺞ
ﻣﺎ ﻟﻜﻴﺘﻲ ﺍﻻ ﻗﺎﺳﻢ ﺗﺄﺫﻳﻨﻲ ﺑﻲ
ﻟﺞ ﻣﻮ ﻛﺎﻓﻲ ﻋﻠﻴﺞ ﺍﻧﺎ ﻟﻌﺒﺘﻲ ﺑﺤﺎﻟﻲ ﻭﻫﺪﻣﺘﻲ ﺍﺣﻼﻣﻲ
.. ﺻﻮﺟﻚ ﺍﻧﺖ ﺍﻟﻲ ﺍﺗﺨﻠﻴﺖ ﻋﻨﻲ ﺑﺄﻭﻝ ﻫﺒﺖ ﻏﻴﺢ ( ﺭﻳﺢ )
ﻣﻮ ﺫﻧﺒﻲ ﺍﻧﺖ ﻣﺎ ﻛﺪﻏﺖ ( ﻛﺪﺭﺕ ) ﺗﺤﺎﻓﻆ ﻋﻠﻰ ﺣﺒﻨﺎ
ﺍﻟﻈﺎﻫﺮ ﻣﺠﺎﻥ ﻗﻮﻱ ﻟﺪﺭﺟﺔ ﺗﺤﺎﺭﺏ ﻋﻠﻤﻮﺩﻩ
ﺑﺎﻭﻋﺖ ﻟﺴﺎﻋﺘﻲ ﻭﻧﻬﻴﺖ ﺍﻟﻜﻼﻡ
.. ﺍﻧﻲ ﺗﺴﻤﺤﻠﻲ ﺻﺎﻍ ﻻﺯﻡ ﺍﺍﻏﻮﺡ ( ﺍﺭﻭﺡ ) ﻭﻛﻔﺘﻲ ﻭﻳﺎﻙ ﻫﻨﺎ
ﻣﻮ ﻻﺋﻘﺔ
ﻻﻥ ﺍﻧﺖ ﺷﺨﺺ ﻻ ﺍﻋﻐﻔﻚ ﻭﻻ ﺗﻌﻐﻔﻨﻲ ﻏﻐﻴﺐ ( ﻻﺍﻋﺮﻓﻚ ﻭﻻﺗﻌﺮﻓﻨﻲ ﻏﺮﻳﺐ )
ﻭﺍﻧﻲ ﺑﻨﻴﺔ ﻋﺎﻗﺪﻩ ﻋﻠﻴﺔ ﺷﺎﺏ ﺍﺧﻮ ﺧﻴﺘﻪ
ﺗﺮﻛﺘﻪ ﻭﻣﺸﻴﺖ ﻭﺍﻧﻲ ﺍﺣﺲ ﺑﺎﻟﻨﺼﺮ
ﺍﻱ ﻻﻭﻝ ﻣﺮﺓ ﺑﺤﻴﺎﺗﻲ ﺍﺣﺲ ﺑﺎﻟﻌﺪﻝ ﻭﺍﻥ ﺍﻟﺪﻧﻴﺎ ﺩﻭﺭﺍﺓ
🍀🌹🍀🌹🍀🌹🍀🌹🍀🌹🍀🌹
@ houda_s
)) ﺟﻨﺖ ﺍﻓﺰ ﻓﺰﺓ ﻃﻔﻞ ﻣﻔﻄﻮﻡ ﻣﻦ ﻛﻮﺍﺑﻴﺲ ﺣﻠﻤﻲ ﺑﻔﺮﻛﺎﻙ
ﻭﺟﻨﺖ ﺍﺻﺒﺮ ﺍﻟﺮﻭﺡ ﻳﺎﺭﻭﺣﻲ ﺑﺎﻣﻞ ﺭﺟﻌﺘﻚ ﻟﻴﺔ ﻭﻣﻠﻜﺎﻙ
ﺟﻨﺖ ﺍﺣﻠﻢ ﺍﺷﻮﻓﻚ ﻭﺑﻘﻮﺱ ﻭﻗﺰﺡ ﺍﻟﻮﻥ ﺍﺟﻤﻞ ﺣﻠﻢ ﻭﻳﺎﻙ
ﺗﺠﻴﻨﻲ ﻭﺑﻌﻴﻮﻧﻚ ﻧﻈﺮﺓ ﻣﺴﺎﻣﺢ ﻭﻱ ﺑﺎﻗﺔ ﻭﺭﺩ ﺍﺣﻤﺮ ﺑﻴﻤﻨﺎﻙ
ﺍﺭﻛﺾ ﺍﺫﺑﻦ ﺭﻭﺣﻲ ﻋﻠﻰ ﺻﺪﺭﻙ ﻭﺍﻧﺖ ﺍﻟﺘﻠﻤﻨﻲ ﺑﻴﺴﺮﺍﻙ
ﻭﺳﻔﺔ ﺑﻌﺘﻨﻲ ﻭﺑﻌﺖ ﻛﻠﺒﻲ ﺍﻟﻮﻓﻲ ﻫﺬﺍ ﺍﻟﺬﻱ ﻣﻦ ﺍﻟﺼﻐﺮ ﺣﺒﺎﻙ
ﺍﺳﺒﻮﻉ ﻭﺍﺣﺪ ﻣﺎﻃﻮﻟﺖ ﻭﺍﺯﻭﺟﺖ ﻋﺴﺎﻙ ﺑﻬﺎﻱ ﺍﻟﺒﻠﻮﺓ ﻋﺴﺎﻙ
ﺧﻠﻴﺘﻨﻲ ﺑﺤﻠﻚ ﺷﻤﺎﺗﻲ ﺗﻠﻮﺝ ﺑﻴﺔ ﻭﺗﺬﻡ ﻋﺴﺎﻙ ﺗﻠﻮﺝ ﺑﻴﻚ ﻋﺪﺍﻙ
ﻫﺬﺍ ﺟﺰﺓ ﺍﻟﺤﺐ ﺍﻟﻲ ﺣﺒﻪ ﻛﻠﺒﻲ ﺍﻟﻚ ﻭﻋﻠﻰ ﺍﻏﻠﻰ ﺍﻟﻐﻠﺔ ﺍﻏﻼﻙ
ﻭﺍﻟﻴﻮﻡ ﺟﺎﻳﻨﻲ ﺗﻌﺎﺗﺐ ﺷﻨﻮ ﻫﺎﻟﺼﻼﻓﺔ ﺍﻟﺒﻴﻚ ﻣﺘﻜﻮﻟﻲ ﺷﻘﺴﺎﻙ
ﻣﺎﻫﻤﺘﻚ ﺧﻄﺒﺘﻲ ﻟﻐﻴﺮﻙ ﻫﻤﻚ ﺍﻟﺨﺎﻃﺐ ﻻﻧﻮ ﺻﺎﺣﺒﻚ ﺫﺍﻙ
ﺍﻟﻒ ﻭﺳﻔﻪ ﻋﻠﻰ ﺳﻨﻴﻦ ﻋﻤﺮﻱ ﻛﻀﺖ ﺍﺣﺒﻚ ﻭﺍﻓﺮﺡ ﺑﻄﺮﻭﺍﻙ
ﺟﻨﺖ ﺗﻤﺸﻲ ﻭﺗﻠﻌﺐ ﻭﺍﻧﺎ ﺍﻟﻄﻔﻠﺔ ﺍﻟﻤﻌﻠﻜﺔ ﺑﺬﻳﺎﻟﻚ ﺗﻤﺸﻲ ﻭﺭﺍﻙ
ﺻﺢ ﺍﺧﻄﻴﺖ ﻣﺎﺍﻧﻜﺮﺕ ﻳﻮﻡ ﻋﺎﻗﺒﻨﻲ ﺣﺘﻰ ﺳﻨﺔ ﻭﺳﻨﺘﻴﻦ ﺑﻔﺮﻛﺎﻙ
ﻣﻮ ﺗﻜﻄﻌﻬﺎ ﺣﺪ ﺍﻟﺴﻴﻒ ﻭﺗﻤﺤﻲ ﺣﺐ ﺳﻨﻴﻦ ﺻﺒﺎﻳﺔ ﻭﺻﺒﺎﻙ ((
ﺑﻘﻠﻢ ﻫﺪﻯ
...............................Hoda#........................................
ﺍﻣﺸﻲ ﻭﻛﻠﺒﻲ ﻳﻨﺰﻑ ﺩﻡ ﻣﺴﺤﺖ ﺩﻣﻌﺔ ﺧﺎﻳﻨﺔ
ﺷﺮﺩﺕ ﻣﻦ ﻋﻴﻮﻧﻲ ﺗﻄﻠﺐ ﺍﻟﺤﺮﻳﺔ
ﺗﺮﻳﺪ ﺗﺨﺬﻟﻨﻲ ﺑﺲ ﻫﻴﻬﺎﺕ ﺍﻧﺬﻝ
ﺭﻓﻌﺖ ﺭﺍﺳﻲ ﻭﻛﻤﻠﺖ ﻃﺮﻳﻘﻲ
ﻭﺳﺎﻟﻔﺔ ﺯﻭﺍﺟﻲ ﻣﻦ ﻗﺎﺳﻢ
ﺍﻟﻲ ﺟﻨﺖ ﺍﺧﺎﻑ ﻣﻨﻬﺎ
ﺻﺎﺭ ﺍﻟﻴﻮﻡ ﺩﺭﻉ ﺍﺣﺘﻤﻲ ﺑﻲ ﻭﻳﺎﺧﺬﻟﻲ ﺣﻘﻲ
ﺭﺟﻌﺖ ﻟﻠﺒﻴﺖ
ﻭﻟﻜﻴﺖ ﺷﻴﻤﺎﺀ ﺭﺍﺟﻌﺔ ﻗﺒﻠﻲ
ﻭﺩﺗﺼﺐ ﺑﺎﻟﻐﺪﺍ
ﻭﺳﻠﻴﻤﺔ ﻭﺑﺎﺑﺎ ﻛﺎﻋﺪﻳﻦ ﻳﻤﻬﺎ ﻋﺎﻟﻜﺮﻭﻳﺘﺔ ﺑﺎﻟﻤﻄﺒﺦ
ﺩﺧﻠﺖ ﺳﻠﻤﺖ ﻋﻠﻴﻬﻢ
ﻭﺭﺣﺖ ﺍﺑﺪﻝ ﻣﻼﺑﺴﻲ ﺳﻤﻌﺖ ﺑﺎﺑﺎ ﻳﺴﺄﻝ ﺑﺸﻴﻤﺎﺀ
.. ﺍﻛﻮﻝ ﺷﻨﻮ ﺳﺎﻟﻔﺔ ﺍﻟﺠﻤﺎﻋﺔ ﺍﺷﻮ ﻃﻮﻟﻮﺍ
ﺷﻮﻛﺖ ﻧﺎﻭﻳﻦ ﻳﺴﻮﻭﻥ ﺍﻟﻌﺮﺱ
......
ﺷﻴﻤﺎﺀ .. ﺑﺎﺑﺎ ﻟﺤﺪ ﺍﻻﻥ ﻣﺤﺪ ﺟﺎﺏ ﺳﻴﺮﺓ ﻋﺮﺱ ﻫﺎﻱ ﺍﻧﺖ ﻣﻦ ﻳﻤﻚ ﺗﺤﺠﻲ
ﺣﺠﺔ ﺑﻌﺼﺒﻴﺔ .. ﺷﻨﻮ ﻗﺼﺪﺝ ﻳﻌﻨﻲ ﺍﻟﺠﻤﺎﻋﺔ ﻏﻠﺴﻮﺍ ﻋﻠﻴﻨﺎ
ﺍﺩﻋﻲ ﺑﻜﻠﺒﻲ ﻭﺍﻟﻠﻪ ﻳﺎﺭﻳﺖ
ﺍﺳﻤﻊ ﺍﺑﻮﻱ ﻇﻞ ﻳﻌﺪ ﻭﻳﺼﻒ ﻋﻠﻴﻬﻢ ﻭﻳﺘﻮﻋﺪﻟﻬﻢ
ﺑﻴﺖ ﺍﻡ ﻗﺎﺳﻢ
ﻫﺎﻟﺔ .. ﻳﻌﻨﻲ ﻣﺎﻣﺎ ﻣﺎ ﺍﻋﺮﻑ ﻭﻳﻦ ﺗﺮﺩﻳﻦ ﺗﻮﺻﻠﻴﻦ ﻣﻦ ﺗﺴﻮﻳﻦ ﻫﻴﺞ
ﺍﻡ ﻗﺎﺳﻢ .. ﺍﻧﺘﻲ ﻣﺎ ﻋﻠﻴﺞ ﻃﻠﻌﻲ ﻣﻨﻬﺎ
.. ﻳﻤﺔ ﺍﻟﻠﻪ ﻳﺨﻠﻴﺞ ﺗﺮﺓ ﺍﻟﻤﻮﺿﻮﻉ ﻣﻮ ﺳﻬﻞ
ﻭﺍﻧﺘﻲ ﺗﺮﺩﻳﻦ ﺑﻜﻴﻔﺞ ﺗﺰﻭﺟﻴﻨﻬﻢ ﺑﺎﻟﻜﻮﺓ
.. ﺷﺪﻋﻮﺓ ﻋﻴﻨﻲ ﻣﻜﺒﺮﺓ ﺍﻟﻤﻮﺿﻮﻉ
ﺗﺮﺓ ﻫﻤﺔ ﻻ ﺍﻭﻝ ﻭﻻ ﺍﺧﺮ ﺍﺛﻨﻴﻦ ﻳﺰﻭﺟﻮﻥ ﻫﺸﻜﻞ
ﺗﺮﺓ ﺍﻟﻤﻮﺿﻮﻉ ﻋﺎﺩﻱ
ﺍﻏﻠﺐ ﺍﻟﻨﺎﺱ ﺗﺰﻭﺝ ﻭﻟﺪﻫﺎ ﺯﻭﺍﺝ ﻣﺪﺑﺮ
ﺷﻤﻌﻨﺎ ﺍﻧﻲ ﻣﻦ ﺭﺩﺕ ﺍﺯﻭﺝ ﺍﺧﻮﺝ ﺻﺎﺭﺕ ﺍﻟﺴﺎﻟﻔﺔ ﻭﺍﻛﻔﺔ
ﺍﻧﺘﺒﻬﺖ ﻋﻠﻰ ﺧﻮﺍﺗﻲ ﻭﺣﺪﺓ ﺗﺒﺎﻭﻉ ﻋﺎﻟﺜﺎﻧﻴﺔ
ﺧﻮﺍﺗﻲ ﻣﻦ ﺳﻤﻌﻮﺍ ﺑﺎﻟﺨﺒﺮ
ﻛﺎﻥ ﺑﻴﻬﻢ ﺍﻟﻤﻌﺎﺭﺽ ﻭﻛﺎﻥ ﺑﻴﻬﻢ ﺍﻟﻤﺆﻳﺪ ﻟﻠﺰﻭﺍﺝ
ﻣﻨﻰ ﻭﻛﻮﺛﺮ ﻣﺆﻳﺪﻳﻦ
ﺑﺲ ﻫﺪﻳﻞ ﻣﻌﺎﺭﺿﺔ
ﺍﻣﺎ ﺧﻮﺍﺗﻲ ﺍﻟﻲ ﻣﺘﺰﻭﺟﺎﺕ ﺑﺎﻟﻤﺤﺎﻓﻈﺎﺕ
ﻋﻨﺼﺮ ﻣﺤﺎﻳﺪ ﻻ ﻣﻊ ﻫﺎﻟﺠﻬﺔ ﻭﻻ ﻣﻊ ﺍﻟﺠﻬﺔ ﺍﻟﺜﺎﻧﻴﺔ
ﻻﻥ ﻫﻨﺔ ﺑﺮﻭﺣﻬﻦ ﻏﺮﻛﺎﻧﺎﺕ
ﻫﺪﻳﻞ .. ﻳﻌﻨﻲ ﺍﻧﺘﻲ ﻫﻢ ﻓﻜﺮﻱ ﺑﻴﻬﻢ ﺻﻌﺒﺔ
ﻓﻲ ﻟﻴﻠﺔ ﻭﺿﺤﺎﻫﺎ ﺗﻄﻠﺒﻴﻦ ﻣﻦ ﺍﺛﻨﻴﻦ ﻳﺘﺰﻭﺟﻮﻥ ﻣﻦ ﺑﻌﻀﻬﻢ
ﺑﻌﺪﻣﺎ ﻛﺎﻥ ﻟﻜﻞ ﻭﺍﺣﺪ ﺑﻴﻬﻢ ﺣﻴﺎﺗﻪ ﺍﻟﺨﺎﺻﺔ ﻭﺍﺣﻼﻣﻪ
ﻭﺗﺨﻄﻴﻄﻪ ﻟﻤﺴﺘﻘﺒﻠﻪ ﺗﻠﻜﻴﻨﻪ ﻣﺤﺎﺳﺐ ﺣﺴﺎﺏ
ﻟﻬﻴﺞ ﻳﻮﻡ
ﻫﺎﻟﺔ .. ﻭﺍﻟﻠﻪ ﻫﺪﻳﻞ ﻧﻔﺲ ﻛﻼﻣﻲ ﺍﻧﻲ ﺍﻛﻮﻝ ﻟﻮ ﺍﻣﻲ ﺷﻮﻳﺔ ﺗﺘﺄﻧﻰ ﻭﺗﻨﻄﻲ ﻣﺠﺎﻝ ﻟﻘﺎﺳﻢ
ﺍﻡ ﻗﺎﺳﻢ .. ﻫﻮ ﺍﺧﻮﺝ ﻣﻦ ﻏﻴﺮ ﻛﻠﺸﻲ ﺟﺎﻱ ﻳﺘﻬﺮﺏ ﻣﻦ ﺍﻟﻤﻮﺿﻮﻉ . ﻣﻮ ﻧﻮﺏ ﺗﺮﺩﻳﻨﻲ ﺍﻧﻄﻴﻪ ﻣﺠﺎﻝ
ﻭﻟﻜﻢ ﻳﻤﺔ ﻭﺍﻟﻠﻪ ﻛﻠﺒﻲ ﺗﻌﺐ ﻣﻦ ﻭﺭﺓ ﺍﺧﻮﻛﻢ ﺍﻟﻤﺎ ﺭﺍﺿﻲ
ﻳﺮﻳﺤﻨﻲ ﻭﺍﻧﺎ ﺍﺣﺲ ﺑﻌﺪ ﺍﻟﻌﻤﺮ ﻣﺎ ﻇﻞ ﺑﻲ ﺷﻲ
ﻣﻨﻰ .. ﺍﺳﻢ ﺍﻟﻠﻪ ﻋﻠﻴﺞ ﻳﻤﺔ ﺭﺑﻲ ﻳﻄﻮﻝ ﻋﻤﺮﺝ ﻭﺗﺸﻮﻓﻴﻦ
ﺍﻭﻻﺩ ﻗﺎﺳﻢ ﻭﺗﻔﺮﺣﻴﻦ ﺑﻴﻬﻢ
ﻭﺍﺫﺍ ﻋﻠﻰ ﻗﺎﺳﻢ ﻓﻌﻮﻓﻲ ﻋﻠﻴﺔ ﺍﻧﻲ ﺍﻋﺮﻑ ﺷﻠﻮﻥ ﺍﺧﻠﻲ
ﻳﺠﻴﺞ ﻭﻳﻜﻠﺞ ﻳﻤﺔ ﺗﻢ ﺷﻨﻮ ﺗﻔﺼﻠﻴﻦ ﺍﻧﺎ ﺍﻟﺒﺲ
ﺑﺲ ﻛﻮﻥ ﺍﻧﺘﻲ ﺗﺴﻤﻌﻴﻦ ﻛﻼﻣﻲ
ﺍﻡ ﻗﺎﺳﻢ .. ﺍﻟﻠﻪ ﻭﺍﻳﺪﺝ ﻳﻤﺔ ﻫﻴﺞ ﺍﻟﻠﻪ ﻳﺤﺒﻨﻲ
ﻭﻳﺨﻠﻴﻪ ﻳﺤﻦ ﻋﻠﻴﺔ ﻭﻳﺘﻤﻢ ﺯﻭﺍﺟﻪ
ﻧﺬﺭ ﻋﻠﻴﺔ ﺍﺫﺑﺢ ﺧﺮﻭﻑ ﻭﺍﻭﺯﻉ ﻟﺤﻤﻪ ﻟﻠﻤﺤﺘﺎﺟﻴﻦ
ﻛﻮﻥ ﻓﺘﻔﻮﺗﻪ ﻣﺎﺗﺪﺧﻞ ﺍﻟﺒﻴﺖ ﻣﻨﻪ
ﺍﺍﺥ ﻳﺎ ﻛﻠﺒﻲ ﺷﻮﻛﺖ ﻳﺮﺗﺎﺡ
ﺟﻨﺎ ﻧﺤﺠﻲ ﻭﺟﺎﻥ ﻳﺪﺧﻞ ﻗﺎﺳﻢ
ﺭﺍﺡ ﻳﻢ ﺍﻣﻲ ﻭﺑﺎﺳﻬﺎ ﻣﻦ ﺭﺍﺳﻬﺎ
.. ﺷﻠﻮﻧﺞ ﻳﺎﻟﻐﺎﻟﻴﺔ
ﺷﻨﻮ ﺷﺒﻲ ﻛﻠﺒﺞ ﺑﻌﺪﻩ ﻳﺄﺫﻳﺞ
ﺟﺎﻥ ﻳﺤﺠﻲ ﻭﻫﻮ ﻳﺘﻤﺪﺩ ﻭﺣﻂ ﺭﺍﺳﻪ ﺑﺤﻀﻦ ﺍﻣﻲ
ﺍﺑﺎﻭﻉ ﻋﻠﻴﻪ ﺭﺟﺎﻝ ﻣﺸﻮﺭﺏ ﻃﻮﻝ ﺑﻌﺮﺽ
ﻣﻦ ﻳﻮﺻﻞ ﻳﻢ ﺍﻣﻲ
ﻳﻨﻜﻠﺐ ﻃﻔﻞ ﺻﻐﻴﺮ ﻳﻄﺎﻟﺐ ﺑﺤﻨﺎﻧﻬﺎ ﻋﻠﻰ ﻃﻮﻝ
ﻣﻨﻰ ﺑﺲ ﺳﻤﻌﺖ ﺳﺆﺍﻟﻪ
.. ﺍﻱ ﻭﺍﻟﻠﻪ ﻗﺴﻮﻣﻲ ﺍﻣﻲ ﺑﻌﺪﻩ ﻛﻠﺒﻬﺎ ﻳﺄﺫﻳﻬﺎ
ﻭﻣﻮ ﺯﻳﻦ ﻋﻠﻴﻬﺎ ﺗﺘﺄﺧﺮ
ﺍﻟﻴﻮﻡ ﺍﺟﻴﻨﺎ ﺍﻧﻲ ﻭﺍﻟﺒﻨﺎﺕ ﺣﺘﻰ ﻧﻘﻨﻌﻬﺎ ﺗﺮﻭﺡ ﻟﻠﺪﻛﺘﻮﺭ ﻳﺸﻮﻓﻠﻬﺎ ﺍﻟﻘﻠﺐ
. ﻫﻲ ﻣﻌﺎﻧﺪﺓ ﻣﺎ ﺗﻘﺒﻞ ﻣﺎ ﺍﻋﺮﻑ ﺷﺒﻴﻬﺎ
......
ﻏﻤﺰﺕ ﻷﻣﻲ
ﻫﻤﺴﺖ ﻳﻢ ﻣﻨﻰ
.. ﺍﻛﻮﻝ ﺷﻮ ﺍﺷﻢ ﺭﻳﺤﺔ ﻣﺆﺍﻣﺮﺓ ﺑﺎﻟﻤﻮﺿﻮﻉ
ﻛﻮﻟﻲ ﻋﻠﻰ ﺷﻨﻮ ﻧﺎﻭﻳﺔ
ﻣﻨﻰ .. ﺍﺷﺸﺶ ﺍﻧﺖ ﻣﺎ ﻋﻠﻴﺞ ﺳﻜﺘﻲ ﻭﻃﻠﻌﻲ ﻣﻨﻬﺎ
ﻗﺎﺳﻢ .. ﻭﻟﻴﺶ ﺍﻧﺎ ﻭﻳﻦ ﺭﺣﺖ ﻭﺍﻧﺘﻮﺍ ﺟﺎﻳﻴﻦ ﺗﺎﺧﺬﻭﻧﻬﺎ ﻟﻠﻄﺒﻴﺐ
ﺑﺎﻭﻉ ﻻﻣﻲ .. ﺷﻮﻓﻲ ﻳﻤﺔ ﺍﻟﻴﻮﻡ ﺍﺧﺬﺝ ﺑﻴﺪﻱ ﻟﻠﺪﻛﺘﻮﺭ
.. ﻻ ﻳﻤﺔ ﻣﺎ ﻳﺤﺘﺎﺝ
.. ﺑﺪﻭﻥ ﻋﻨﺎﺩ ﺍﻛﻠﺞ ﺍﺧﺬﺝ ﻟﻠﺪﻛﺘﻮﺭ ﻳﻌﻨﻲ ﺍﺧﺬﺝ
ﻟﻮ ﺍﻋﺮﻑ ﺍﺧﺬﺝ ﺳﺤﻞ ﻻﺯﻡ ﺍﻟﻴﻮﻡ ﺗﺮﺣﻴﻦ ﻟﻠﺪﻛﺘﻮﺭ
ﻫﺎﻟﺔ .. ﺍﻟﻠﻪ ﻳﻠﻌﻦ ﺑﻠﻴﺴﻚ
ﺍﻧﺖ ﻋﻨﺪﻙ ﻛﻠﺸﻲ ﺑﺎﻟﻘﻮﺓ ﻭﺻﻠﺖ ﺑﻴﻚ ﺣﺘﻰ ﻭﻳﺔ ﻧﺒﻊ ﺍﻟﺤﻨﺎﻥ
ﻗﺎﺳﻢ .. ﺷﺴﻮﻱ ﻻﻣﺞ ﻛﻮﻥ ﺗﺸﻠﻊ ﻛﻠﺒﻲ
ﻣﺎ ﺗﺠﻲ ﺍﻻ ﺑﺎﻟﻌﻴﻦ ﺍﻟﺤﻤﺮﺓ
ﻭﺗﻜﻠﻲ ﻳﻤﺔ ﻋﻠﻴﻤﻦ ﻃﺎﻟﻊ ﺭﺍﺳﻚ ﻳﺎﺑﺲ
ﺍﺑﺎﻭﻉ ﻻﻣﻲ ﻛﻮﺓ ﻻﺯﻣﺔ ﺭﻭﺣﻬﺎ ﻻ ﺗﻀﺤﻚ
ﻣﺘﻌﻮﺩﺓ ﻋﻠﻰ ﻋﻼﻗﺔ ﻗﺎﺳﻢ ﻭﺍﻣﻲ
ﻣﺮﺍﺕ ﻳﺒﻴﻊ ﺍﻟﻤﻴﺎﻧﺔ ﻭﻳﺔ ﺍﻣﻲ ﻭﻳﻜﻌﺪ ﻳﺘﺸﺎﻗﺔ ﻭﻳﺎﻫﺎ
ﺍﺣﺴﻬﻢ ﻣﻮ ﺍﻡ ﻭﺍﺑﻨﻬﺎ
ﻋﺒﺎﻟﻚ ﺍﺻﺪﻗﺎﺀ
ﻭﻣﺮﺍﺕ ﻳﻜﻮﻥ ﺍﻻﺑﻦ ﺍﻟﻤﺪﻟﻞ
ﻭﻣﺮﺍﺕ ﺍﺷﻮﻓﻪ ﺍﺑﻮ ﺍﻟﺒﻴﺖ ﺍﻟﺤﺎﺯﻡ
ﺷﺨﺼﻴﺔ ﻗﺎﺳﻢ ﻣﺮﻛﺒﺔ
ﺑﺲ ﻋﻨﺪﻩ ﺧﺼﻠﺔ ﻭﺣﺪﺓ ﺛﺎﺑﺘﺔ ﻣﺎ ﺗﺘﻐﻴﺮ
ﻗﺎﺳﻢ ﻋﻨﺪﻩ
ﺍﻣﻲ ﻭﺍﻧﻲ ﻭﺧﻮﺍﺗﻲ ﺧﻂ ﺍﺣﻤﺮ
ﺍﻣﺎ ﺍﻟﺒﺎﻗﻲ ﻗﺎﺑﻞ ﻟﻠﺘﻐﻴﻴﺮ
ﺍﻡ ﻗﺎﺳﻢ .. ﺍﻛﻮﻭﻭﻝ ﻳﻤﺔ ﻗﺴﺎﻡ
ﻏﻤﺾ ﻋﻴﻮﻧﻪ ﻭﺟﺮ ﻧﻔﺲ ﻋﻤﻴﻖ
.. ﺍﻟﻠﻪ ﻳﺴﺘﺮ ﺻﺎﺭ ﺑﻴﻬﺎ ﻗﺴﺎﻡ
ﻛﻮﻟﻲ ﻳﻤﺔ ﺷﺘﺮﺩﻳﻦ
.. ﻣﺎ ﺭﺍﻳﺪﺓ ﻏﻴﺮ ﺑﺲ ﺳﻼﻣﺘﻚ
ﻭﺍﺭﻳﺪ ﺍﻓﺮﺡ ﺑﻴﻚ ﻭﺍﺷﻮﻓﻚ ﻋﺮﻳﺲ
.. ﺍﻥ ﺷﺎﺀ ﺍﻟﻠﻪ ﻳﻤﺔ ﻫﺎﻧﺖ ﻣﺎ ﻇﻞ ﺷﻲ ﻭﺗﺘﺨﺮﺝ ﺭﻫﻒ
ﻭﻧﺘﺰﻭﺝ
ﺍﻡ ﻗﺎﺳﻢ .. ﻳﺒﻮﻭﻭﻭﻭﻭﻭ ﻭﺍﻧﺎ ﺷﻴﺼﺒﺮﻧﻲ ٥ﺳﻨﻴﻦ ﺑﻌﺪ
ﺍﻛﻠﻚ ﻳﻤﺔ ﻭﻟﻴﺶ ﻧﻨﺘﻈﺮ ﺭﻫﻒ ﺍﻟﻔﺎﻫﻴﺔ
ﻭﺍﻧﺖ ﺍﺻﻼً ﻋﻨﺪﻙ ﻣﺮﺓ ﺗﺤﻂ ﺭﻫﻒ ﻭﻋﺸﻴﺮﺗﻬﺎ ﺑﺠﻴﺒﻬﺎ
ﻋﻘﺪ ﺣﻮﺍﺟﺒﻪ .. ﻣﻨﻮ ﻫﺎﻱ
.. ﺷﺴﺎﻟﻔﺔ ﻳﻤﺔ ﻣﺮﻳﺘﻚ ﺍﻟﻲ ﻋﻘﺪﺕ ﻋﻠﻴﻬﺎ
ﻭﺭﻛﻨﺘﻬﺎ . ﻭﻋﻔﺘﻬﺎ ﻭﺭﺍﻙ ﻣﺎ ﺗﺪﺭﻱ ﺑﺎﻟﺪﻧﻴﺎ ﻃﺸﺖ ﻟﻮ ﺭﺷﺖ
.. ﺍﻫﻮﻭﻭﻭﻭ ﺗﺪﺭﻳﻦ ﻭﺍﻟﻠﻪ ﻧﺴﻴﺘﻬﺎ
ﻻﻳﻜﻮﻥ ﺗﺮﺩﻳﻨﻲ ﺍﺗﺰﻭﺟﻬﺎ ﻣﻦ ﺻﺪﻙ
.. ﺍﻱ ﻭﺷﻜﻮ ﺑﻴﻬﺎ
.. ﻳﻤﺔ ﺻﺪﻙ ﺗﺤﺠﻴﻦ ﻣﻦ ﻛﻞ ﻋﻘﻠﺞ
ﻣﻘﺘﻨﻌﺔ ﺍﺗﺰﻭﺝ ﻭﺣﺪﺓ ﺑﻬﻴﺞ ﻃﺮﻳﻘﺔ
ﺗﺼﺪﻛﻴﻦ ﻳﻤﺔ ﺍﻧﺎ ﻛﻮﺓ ﻻﺯﻡ ﺭﻭﺣﻲ ﻭﻣﺒﻘﻴﻬﺎ ﻋﻠﻰ ﺫﻣﺘﻲ
ﻭﻟﻮﻣﺎ ﺍﻟﻤﺆﺧﺮ ﺍﻟﻲ ﻳﻜﺴﺮ ﺍﻟﻈﻬﺮ
ﺟﺎﻥ ﻣﺴﺘﺤﻴﻞ ﺍﺑﻘﻴﻬﺎ ﻋﻠﻰ ﺫﻣﺘﻲ ﺩﻗﻴﻘﺔ ﻭﺣﺪﺓ
ﻣﺴﺘﺤﻴﻞ ﺍﺭﺑﻂ ﻧﻔﺴﻲ ﻭﻳﺔ ﻭﺣﺪﺓ ﺍﺑﻮﻫﺎ
ﺑﺎﻋﻬﺎ ﺑﻔﻠﻮﺱ ﺗﺪﺭﻳﻦ ﻳﻤﺔ ﺍﺑﻮﻫﺎ ﺳﻤﻌﺘﻪ ﺯﻓﺖ
ﻭﻋﻠﻰ ﻛﻞ ﺍﻟﺴﺎﻥ ﺍﺫﺍ ﺍﻻﺏ ﻫﻴﺞ ﺯﺑﺎﻟﺔ
ﺷﻨﻮ ﺗﺘﺮﺟﻴﻦ ﺗﻄﻠﻊ ﺗﺮﺑﻴﺔ ﺑﻨﺘﻪ
ﺍﻡ ﻗﺎﺳﻢ .. ﻻﺍﺍﺍ ﻳﻤﺔ ﺍﺳﺘﻐﻔﺮ ﺭﺑﻚ
ﻻ ﺗﺤﻜﻢ ﻋﻠﻰ ﺑﻨﺘﻪ ﻭﺗﺤﻤﻠﻬﺎ ﺑﺬﻧﺐ ﺍﺑﻮﻫﺎ
ﻭﺍﻟﻠﻪ ﻳﻤﺔ ﺑﻨﺎﺗﻪ ﺫﻫﺐ ﻣﻮ ﻻﻥ ﺍﻧﺎ ﺍﺭﻳﺪﻙ ﺗﺘﺰﻭﺟﻬﺎ
ﺑﺲ ﺭﻭﺡ ﻭﺍﺳﺄﻝ ﻋﻦ ﺍﺧﻼﻗﻬﻦ
ﺑﻜﻞ ﻣﻜﺎﻥ ﺭﺍﺡ ﻳﺸﻬﺪﻭﻟﻚ ﻋﻠﻴﻬﻦ
ﻫﻨﺔ ﺗﺮﺑﻴﺔ ﺍﻣﻬﻢ ﻭﺍﺧﺘﻬﻢ ﺷﻴﻤﺎﺀ ﻣﻦ ﻭﺭﺍﻫﺎ
ﺍﺑﻮﻫﻢ ﻣﺎ ﻟﻪ ﺩﺧﻞ ﺑﻴﻬﻢ
.. ﺣﺘﻰ ﻟﻮ ﻳﻤﺔ ﻟﻮ ﺟﺎﻧﺖ ﺭﺏ ﺍﻻﺧﻼﻕ
ﺗﺒﻘﻰ ﺍﺑﻮﻫﺎ ﺗﻌﺒﺎﻥ
ﻣﺎ ﻳﺸﺮﻓﻨﻲ ﺟﻬﺎﻟﻲ ﻳﻜﻮﻥ ﺟﺪﻫﻢ ﺍﺛﻴﺮ ﺧﺮﻳﺞ ﺍﻟﺴﺠﻮﻥ
ﻛﻄﻨﺔ ﻭﺷﻴﻠﻬﺎ ﻣﻦ ﺍﺫﻧﺞ
ﻣﺎ ﺍﺗﺰﻭﺝ ﻣﻦ ﺑﻨﺘﻪ ﻟﻮ ﺟﺎﻧﺖ ﺍﺧﺮ ﻣﺮﺓ ﺑﺎﻟﻌﺎﻟﻢ
......
ﻳﺎﻳﻤﺔ ﻗﺎﺳﻢ ﺗﻘﺒﻠﻬﺎ ﺍﻟﺒﻨﻴﺔ ﺗﺒﻘﻰ ﻣﻌﻠﻜﺔ ﻫﺸﻜﻞ
ﻻ ﻫﻲ ﻃﺎﻳﻠﺔ ﺍﺭﺽ ﻭﻻ ﻫﻲ ﻃﺎﻳﻠﺔ ﺳﻤﺎ
.. ﻣﺸﻜﻠﺘﻬﺎ ﻣﻮ ﻣﺸﻜﻠﺘﻲ ﺍﺑﻮﻫﺎ ﺍﻟﻲ ﻭﺭﻃﻬﺎ
ﺍﻧﺎ ﺣﺎﻟﻲ ﺣﺎﻟﻬﺎ ﺍﺗﻮﺍﺯﻳﺖ ﻋﻠﻰ ﻫﺬﺍ ﺍﻟﺰﻭﺍﺝ
ﺍﺫﺍ ﻫﻮ ﺍﺑﻮﻫﺎ ﻭﺭﻃﻬﺎ ﻭﻣﺎ ﻓﻜﺮ ﺑﺒﻨﺘﻪ ﺍﻧﺎ ﺷﻜﻮ
ﺍﻧﺘﺒﻬﺖ ﻟﻘﺎﺳﻢ ﻳﺤﺠﻲ ﻭﻫﻮ ﻋﺎﻗﺪ ﺍﻟﻮﺟﻪ ﻧﻬﺾ ﻣﻦ ﺣﻀﻦ ﺍﻣﻲ ﻭﻛﺎﻡ ﻋﻠﻰ ﺣﻴﻠﻪ
ﺍﻡ ﻗﺎﺳﻢ ﺭﻓﻌﺖ ﺭﺍﺳﻬﺎ ﺗﺒﺎﻭﻉ ﻋﻠﻴﻪ
.. ﻫﺎﻳﻤﺔ ﺷﻮ ﻛﻤﺖ
ﻭﻳﻦ ﺭﺍﻳﺢ
.. ﻃﺎﻟﻊ ﻋﻨﺪﻱ ﺷﻐﻞ ﻛﻠﺖ ﺍﺟﻲ ﺷﻮﻳﺔ ﻟﻠﺒﻴﺖ ﺍﻛﻞ ﻟﻜﻤﺔ
ﺑﺲ ﺍﻟﻈﺎﻫﺮ ﺍﻟﻜﻞ ﻛﺎﻋﺪ ﻣﻨﺘﻈﺮﻳﻨﻲ ﻭﺣﺎﺩﻳﻦ ﺳﻨﻮﻧﻜﻢ ﻋﻠﻴﺔ
ﺧﻠﻲ ﺍﻃﻠﻊ ﺑﺮﻭﺣﻲ ﺍﻟﻌﺰﻳﺰ ﻻﻥ ﺍﺩﺭﻱ
ﺭﺍﺡ ﺗﻜﻌﺪﻭﻥ ﺗﺎﻛﻠﻮﻥ ﺭﺍﺳﻲ
ﺧﻠﺔ ﻭﻃﻠﻊ ﻣﻦ ﺍﻟﺒﻴﺖ ﻭﺍﻧﻲ ﺭﺍﺣﺖ ﻭﺭﺍﻩ ﺗﺼﻴﺤﻪ ﻳﺮﺟﻊ
ﺍﺗﻌﻮﺩﻧﺎ ﻣﺜﻞ ﻛﻞ ﻣﺮﺓ ﺍﻣﻲ ﺗﻔﺘﺢ ﻭﻳﺎﻩ ﺳﻴﺮﺓ ﺍﻟﺰﻭﺍﺝ
ﻣﻦ ﻫﺪﻯ ﻗﺎﺳﻢ ﻳﺘﻬﺮﺏ
ﺍﺑﺎﻭﻉ ﻻﻣﻲ ﻛﺎﻣﺖ ﺗﻮﻟﻮﻝ
ﻛﻮﺛﺮ .. ﻳﻤﺔ ﺣﻘﻪ ﻗﺎﺳﻢ ﻣﺎ ﺍﻟﻮﻣﻪ ﺍﺣﻨﺎ ﻻﻥ ﺷﺎﻳﻔﻴﻦ ﻫﺪﻯ ﻭﻣﻌﺎﺷﺮﻳﻨﻬﺎ
ﻭﻧﻌﺮﻑ ﺍﺧﻼﻗﻬﺎ ﻧﺮﻳﺪﻩ ﻳﺘﺰﻭﺟﻬﺎ ﺗﻜﻮﻥ ﻣﻦ ﻧﺼﻴﺐ ﻗﺎﺳﻢ
ﺑﺲ ﻻ ﺗﻨﺴﻴﻦ ﻗﺎﺳﻢ ﺭﺟﺎﻝ
ﺣﺎﻟﻪ ﺣﺎﻝ ﺍﻱ ﻭﺍﺧﺪ ﻣﻦ ﻳﺮﻳﺪ ﻳﺘﺰﻭﺝ ﻻ ﺑﺪ ﻭﺍﻥ ﻳﺒﺤﺚ ﻋﻦ ﺍﺻﻞ ﺍﻟﺒﻨﻴﺔ ﻭﻳﺨﺘﺎﺭ ﺍﻟﺰﻳﻦ ﻣﻨﻬﺎ
ﻭﻫﻮ ﻣﺘﺨﺒﻞ ﻣﻦ ﺍﺑﻮﻫﺎ ﻭﺗﺼﺮﻓﺎﺗﻪ ﻭﻣﺎ ﻳﺘﺸﺮﻑ ﻳﻨﺎﺳﺒﻪ
ﺍﻡ ﻗﺎﺳﻢ .. ﻭﻫﺴﺔ ﺍﻧﺎ ﻗﺎﺑﻞ ﺭﺍﺡ ﺍﺯﻭﺟﻪ ﺍﻟﺒﻨﻴﺔ ﻟﻮ ﺍﺑﻮﻫﺎ
ﻛﻮﻥ ﻫﻮ ﺻﺪﻙ ﻳﻬﺘﻢ
ﺑﺎﺑﻮ ﺍﻟﺒﻨﻴﺔ ﻣﺎ ﻳﺸﻮﻑ ﻋﻤﻪ ﺍﺑﻮ ﺭﻫﻒ
ﺷﻠﻮﻥ ﺍﺗﺒﺪﻟﺖ ﺍﻃﺒﺎﻋﻪ ﻣﻦ ﺍﺳﺘﻌﺪﻟﺖ ﺍﻣﻮﺭ ﺍﺧﻮﺝ ﺑﺎﻟﺸﻐﻞ
ﻟﻴﺶ ﻧﺴﻰ ﻫﻮ ﺷﺴﻮﺓ ﺑﺄﺑﻮﻩ ﺑﻴﻮﻡ ﻭﺭﻃﻪ
ﻭﺧﻼﻩ ﻳﺸﺎﺭﻙ ﻣﻨﻴﺮ
ﻋﻠﻰ ﺍﺑﻮ ﺷﺎﺭﻙ ﺍﺧﻮﻙ ﺍﻭﻟﻰ ﻣﻦ ﺗﺸﺎﺭﻙ ﺍﻟﻐﺮﻳﺐ
ﻫﺪﻯ
ﺑﺎﻟﻠﻴﻞ ﺳﺘﻮﻧﺎ ﺣﻄﻴﻨﺎ ﺭﺳﻨﺎ ﻋﺎﻟﻤﺨﺪﺓ
ﻭﺟﺎﻥ ﻳﻨﺪﻙ ﺍﻟﺒﺎﺏ
ﺑﺼﻮﺕ ﻋﺎﻟﻲ ﻣﺎﻝ ﻭﺍﺣﺪ ﻣﺴﺘﻌﺠﻞ
ﻛﻤﺰﻧﺎ ﺍﻧﻲ ﻭﺷﻴﻤﺎﺀ ﻣﻦ ﻣﻜﺎﻧﺎ
ﺳﻤﻌﺖ ﺻﻮﺕ ﺳﻠﻴﻤﺔ
.. ﻳﻤﺔ ﻳﺎﺳﺘﺎﺭ ﻣﻨﻮ ﻫﺬﺍ ﺍﻟﻲ ﺟﺎﻳﻨﺔ ﺑﻬﺎﻟﻠﻴﻞ
ﺷﻴﻤﺎﺀ ﻭﻫﻲ ﺗﻠﺒﺴﺖ ﻧﻌﺎﻟﻬﺎ
.. ﺑﻴﺒﻲ ﻟﺤﻈﺔ ﺍﻭﻛﻔﻲ ﻟﺘﻔﺘﺤﻴﻦ ﺍﻟﺒﺎﺏ ﺍﻧﺘﻈﺮﻳﻨﻲ
ﺍﺟﻲ ﻭﻳﺎﺝ ﺧﺎﻑ ﻛﻠﺸﻲ ﻳﺼﻴﺮ
ﻳﻄﻠﻌﻮﻥ ﺣﺮﺍﻣﻴﺔ
ﺭﺣﺖ ﻭﺭﺍﻫﺎ ﻭﺍﻧﻲ ﺍﺣﺠﻲ ﻣﻦ ﺑﻴﻦ ﺍﺳﻨﺎﻧﻲ
.. ﺩﻋﻮﻓﻴﻬﺎ ﻳﻮﻡ ﺍﻟﻤﻨﻰ ﻳﺴﻄﻲ ﻋﻠﻴﻨﺎ ﺣﺮﺍﻣﻲ ﻭﻳﺨﻄﻒ
ﺳﻠﻴﻤﺔ ﺷﻔﺎﻳﺘﻠﻨﺎ
ﺑﺲ ﻭﻟﻮ ﺍﻧﺎ ﻣﺘﺄﻛﺪﺓ ﺭﺍﺡ ﻳﺘﻮﺭﻁ ﻭﻳﺮﺟﻌﻬﺎ ﻳﻮﻡ ﺛﺎﻧﻲ ﻋﻠﻴﻨﺎ
ﻭﻓﻮﻛﻬﺎ ﺑﻮﺳﺔ
ﺟﻨﺖ ﺍﺣﺠﻲ ﻭﺍﻛﻔﺔ ﻳﻢ ﺑﺎﺏ ﺍﻟﻤﻄﺒﺦ
ﻭﺟﺎﻥ ﺳﻠﻴﻤﺔ ﺗﻔﺘﺢ ﺍﻟﺒﺎﺏ
ﻭﻣﺎ ﺍﺷﻮﻑ ﺍﻟﻲ ﻋﺒﺎﻳﺔ ﺳﻮﺩﺓ ﺩﺧﻠﺖ ﻟﻠﺒﻴﺖ ﻭﻫﻲ ﺗﺼﺮﺥ ﻭﺗﺒﺠﻲ
.. ﻋﺰﺓ ﺑﻌﻴﻨﻲ ﻫﺎﻱ ﺿﺤﻴﻮﺓ ﺍﺧﺘﻲ
ﺍﻧﺘﺒﻬﺖ ﻟﺸﻴﻤﺎﺀ ﺍﻧﺨﺒﺼﺖ ﺑﻤﻨﻈﺮ ﺿﺤﻰ ﺍﻟﻤﺪﻣﻰ
ﺩﺧﻠﻨﺎﻫﺎ ﻟﻠﺒﻴﺖ ﻧﺮﻳﺪ ﻧﻔﺘﻬﻢ ﻣﻨﻬﺎ ﻛﻠﻤﺔ ﻣﻦ ﻭﺭﺓ ﺷﻬﻜﺎﺗﻬﺎ ﻭﺑﺠﻴﻬﺎ ﻛﻠﺸﻲ ﻣﺎ ﺍﻓﺘﻬﻤﻨﺎ
ﺍﺑﺎﻭﻉ ﻟﻀﺤﻰ ﻧﺰﻋﺖ ﺷﺎﻟﻬﺎ ﻭﻋﺒﺎﻳﺘﻬﺎ
ﻭﻭﺟﻬﺎ ﻛﻠﻪ ﺍﺯﺭﻙ ﻭﺍﻟﺸﻔﺔ ﻣﺸﻜﻮﻛﺔ
ﺷﻴﻤﺎﺀ .. ﺿﺤﻰ ﺭﺣﻤﺔ ﻋﻠﻰ ﻭﺍﻟﺪﻳﺞ ﺍﺣﺠﻴﻠﻲ ﺷﺼﺎﻳﺮ
ﺑﻴﺞ
ﺟﺎﻧﺖ ﺿﺤﻰ ﺗﺘﺮﺍﺟﻒ
ﻭﻭﺟﻬﺎ ﺻﺎﻳﺮ ﻋﻠﺒﺔ ﺍﻟﻮﺍﻥ
ﺭﺟﻌﺖ ﺷﻴﻤﺎﺀ ﺗﺤﺠﻲ ﻭﻳﺎﻫﺎ
ﻣﺎ ﺣﺴﻴﻨﺎ ﺍﻻ ﻋﻠﻰ ﺿﺤﻰ ﺍﻏﻤﻰ ﻋﻠﻴﻬﺎ ﻭﻭﻛﻌﺖ ﺑﻴﻦ ﺍﻳﺪﻳﻨﺎ
.....
ﺷﻴﻤﺎﺀ .. ﻳﻤﺔ ﺍﺧﻴﺘﻲ ﺷﺠﺎﺝ ﺿﺤﺎﻭﻱ ﺍﺣﺠﻲ
ﻛﻌﺪﺕ ﺗﻀﺮﺏ ﻋﻠﻰ ﺧﺪﻫﺎ ﺿﺮﺑﺎﺕ ﺧﻔﻴﻔﺔ
ﻭﺿﺤﻰ ﺑﻐﻴﺮ ﻋﺎﻟﻢ
.. ﺷﻴﻤﺎﺀ ﺷﺒﻴﻬﺎ ﺿﺤﻰ
.. ﻭﺍﻟﻠﻪ ﻣﺎ ﺍﻋﺮﻑ ﺷﺒﻴﻬﺎ ﺍﺧﺘﻲ
ﻇﻠﺖ ﺗﺪﻟﻚ ﻋﻠﻰ ﺻﺪﺭﻫﺎ ﻟﺤﺪ ﻣﺎ ﺍﺳﺘﺮﺩﺕ ﺍﻟﻮﻋﻲ
ﻭﺭﺟﻌﺖ ﺗﺒﺠﻲ ﺑﺤﺮﻛﺔ ﻓﺘﺤﺖ ﺣﻠﻜﻲ ﺍﺭﻳﺪ ﺍﺳﺄﻟﻬﺎ
ﺷﻴﻤﺎﺀ ﺍﺷﺮﺗﻠﻲ ﺍﺳﻜﺖ
ﻛﻮﻣﺘﻬﺎ ﻭﺍﺧﺬﺗﻬﺎ ﻟﻠﺤﻤﺎﻡ
ﻭﺳﺒﺤﺘﻬﺎ ﻭﻃﻠﺒﺖ ﻣﻨﻲ ﺍﺣﻀﺮﻟﻬﺎ ﻣﻼﺑﺲ
ﺩﻗﺎﻳﻖ ﻭﻃﻠﻌﺖ ﻣﻦ ﺍﻟﺤﻤﺎﻡ
ﻭﺩﺧﻠﺘﻬﺎ ﻟﻠﻐﺮﻓﺔ ﻭﻛﻌﺪﺕ ﺑﺪﻟﻠﻬﺎ
ﻭﺗﻤﺸﻂ ﺑﺸﻌﺮﻫﺎ
ﺷﻴﻤﺎﺀ .. ﻫﺪﻯ ﻓﺮﺷﻲ ﻟﻀﺤﻰ ﺧﻠﻴﻬﺎ ﺗﻨﺎﻡ
ﺭﺣﺖ ﻧﻔﺬﺕ ﺑﺪﻭﻥ ﺍﻱ ﺳﺆﺍﻝ
ﻓﺮﺷﺘﻠﻬﺎ ﻓﺮﺍﺵ ﻭﻧﺎﻣﺖ ﻣﻜﺮﻓﺼﺔ ﻋﻠﻰ ﺭﻭﺣﻬﺎ ﻭﻏﻤﻀﺖ ﻋﻴﻮﻧﻬﺎ ﺑﺪﻭﻥ ﻣﺎ ﺗﻨﻄﻖ ﺍﻱ ﻛﻠﻤﺔ
ﻇﻠﻴﻨﺎ ﺍﻧﻲ ﻭﺷﻴﻤﺎﺀ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ
ﺷﺒﻴﻬﺎ ﺍﺧﺘﻨﺎ
ﺍﻧﺘﺒﻬﻨﺎ ﻋﻠﻴﻬﺎ ﺧﻄﻴﺔ ﻛﻞ ﺷﻮﻳﺔ ﺗﻜﻤﺰ
ﺍﺗﻤﺪﺩﺕ ﻭﺍﺧﺬﺗﻨﻲ ﺍﻟﻨﻮﻣﺔ ﻭﻣﺎ ﻛﻌﺪﺕ ﺍﻻ ﻳﻮﻡ ﺛﺎﻧﻲ ﺍﻟﺼﺒﺢ ﻋﻠﻰ ﺻﻮﺕ ﺳﻠﻴﻤﺔ ﺑﺎﻭﻋﺖ ﻟﻠﺴﺎﻋﺔ
ﻟﻜﻴﺖ ﺷﻴﻤﺎﺀ ﻛﺎﻋﺪﺓ ﻭﺿﺤﻰ ﺑﻌﺪﻫﺎ ﻧﺎﻳﻤﺔ
ﻛﻤﺖ ﻣﻦ ﻣﻜﺎﻧﻲ ﻋﻠﻰ ﻛﻴﻒ ﺣﺘﻰ ﻣﺎ ﺍﺯﻋﺠﻬﺎ
ﻭﺍﺧﺬﺕ ﻣﻼﺑﺴﻲ ﻭﺍﻟﻤﻼﺯﻡ ﻭﺣﺬﺍﺋﻲ ﻭﻃﻠﻌﺖ ﻭﺳﺪﻳﺖ ﺍﻟﺒﺎﺏ ﻋﻠﻰ ﻛﻴﻒ
ﻏﺴﻠﺖ ﻭﺑﺪﻟﺖ ﻭﺭﺣﺖ ﺩﺧﻠﺖ ﻟﻠﻤﻄﺒﺦ
ﻭﺳﻠﻴﻤﺔ ﻻ ﺯﺍﻟﺖ ﺗﺤﺠﻲ ﺑﺪﻭﻥ ﺍﻧﻘﻄﺎﻉ
ﺳﻠﻴﻤﺔ .. ﻫﺴﺔ ﻣﺎ ﻋﺮﻓﺘﻲ ﻣﻨﻬﺎ ﺷﺒﻴﻬﺎ ﻭﻟﻴﺶ ﻫﺸﻜﻞ ﺣﺎﻟﻬﺎ
ﺷﻴﻤﺎﺀ .. ﺍﻛﻠﺞ ﺑﻴﺒﻲ ﺍﻟﺒﺎﺭﺣﺔ ﺷﻔﺘﻴﻬﺎ ﺍﻟﺒﺎﺭﺣﺔ ﺷﺼﺎﻳﺮ ﺑﻴﻬﺎ
ﺍﺟﺘﻲ ﻣﻔﺮﻓﺤﺔ
ﻋﺮﻓﺖ ﺷﻴﻤﺎﺀ ﺍﺧﺘﻲ ﻣﺴﺘﺤﻴﻞ ﺗﺨﻠﻲ ﺿﺤﻰ ﺗﻨﺎﻡ ﺑﺪﻭﻥ ﻣﺘﻌﺮﻑ ﺷﻨﻮ ﺍﻟﻤﻮﺿﻮﻉ
ﻭﻣﺘﺄﻛﺪﺓ ﻣﻦ ﺳﺒﺤﺘﻬﺎ ﺑﺎﻟﺤﻤﺎﻡ ﻋﺮﻓﺖ ﺷﺒﻴﻬﺎ
.. ﺍﻱ ﻏﻴﺮ ﻧﻔﺘﻬﻢ ﻣﻨﻬﺎ ﺷﻤﺴﻮﻳﺔ
ﺍﻧﺎ ﺳﻮﻛﺘﻬﺎ ﻣﺎ ﻋﺎﺟﺒﻨﻲ ﺑﺲ ﻻ ﻣﺴﻮﻳﺔ ﻣﻜﺴﻮﺭﺓ
ﻭﻃﺎﺭﺩﻫﺎ ﺭﺟﻠﻬﺎ ﺑﻬﺎﻟﻠﻴﻞ
ﻣﺎﻛﺪﺭﺕ ﺍﻟﺰﻡ ﺭﻭﺣﻲ ﻋﻨﻬﺎ ﺗﺤﺠﻲ ﺍﻟﺤﺠﺮ
.. ﺍﻧﻌﻢ ﺍﻟﻠﻪ ﻋﻠﻴﺞ ﻫﺎﻱ ﺍﻧﺘﻲ ﺍﻟﻤﺮﺓ ﺍﻟﺠﺒﻴﺮﺓ
ﺑﻴﺒﺘﻨﺎ ﺗﺤﺠﻴﻦ ﻫﺸﻜﻞ ﻋﻠﻴﻨﺎ
ﻟﻌﺪ ﺳﻼﻡ ﺍﻟﻠﻪ ﻋﻠﻰ ﺳﻴﻒ ﺭﺟﻠﻬﺎ ﺍﺫﺍ ﺍﺟﺎﻧﺔ ﻳﺘﺒﻠﻰ ﻋﻠﻴﻬﺎ
ﺳﻠﻴﻤﺔ .. ﺧﺎﺏ ﺷﻮﻑ ﺍﻡ ﺍﻟﺴﺎﻥ ﺍﻟﻤﻜﻄﻢ ﺷﻠﻮﻥ
ﺗﺤﺠﻲ ﻭﻟﺞ ﺍﻧﺘﻲ ﺍﺧﺮ ﻣﻦ ﻳﺤﺠﻲ ﻭﻳﻔﺘﺢ ﺣﻠﻜﻪ
ﺍﻧﺎ ﻟﻮ ﻣﻨﺞ ﺍﻃﻢ ﺭﻭﺣﻲ
ﺭﺟﻠﺞ ﻋﻘﺪ ﻋﻠﻴﺞ ﻭﺩﺍﺭ ﻭﺟﻬﻪ ﻭﺷﺮﺩ
ﺑﻌﺪ ﻣﺎ ﺷﻔﻨﺎﻩ ﺫﺑﺞ ﻋﻠﻴﻨﺎ .
ﻫﻲ ﺗﺤﺠﻲ ﻭﻧﺎ ﺻﺮﺕ ﻧﺎﺭ ﻛﺒﺮﺓ
.. ﺣﻘﻪ ﻳﺸﺮﺩ ﺗﻠﻜﻴﻨﻪ ﻋﺮﻑ ﺑﻴﺒﺘﻲ ﺳﻠﻴﻤﺔ
ﺭﺍﺡ ﻭﺑﻌﺪ ﻣﺎ ﺭﺩ
ﻳﺨﺎﻑ ﻋﻠﻰ ﺍﻟﺠﻴﻨﺎﺕ ﺍﻟﻮﺍﺭﺛﻴﺔ ﻻ ﺗﻨﺘﻘﻞ ﻷﻭﻻﺩﻩ
ﺷﻴﻤﺎﺀ .. ﻫﺪﻯ ﺗﻌﺎﻟﻲ ﺍﺗﺮﻳﻜﻲ ﺗﺮﺓ ﺍﻟﺨﻂ ﻭﺻﻞ
ﻫﻢ ﻳﺎﻟﻠﻪ ﺗﺮﺣﻴﻦ
ﺑﺎﻟﻜﻠﻴﺔ
ﺩﺍﻭﻣﺖ ﻭﺩﺧﻠﺖ ﻣﺤﺎﺿﺮﺍﺕ ﻭﺍﻧﻲ ﻛﻠﺸﻲ ﻣﻤﻔﺘﻬﻤﺔ ﺑﺎﻟﻲ ﻛﻠﻪ ﻳﻢ ﺿﺤﻰ ﺍﺭﻳﺪ ﺍﻋﺮﻑ ﺷﺒﻴﻬﺎ
ﺍﺟﺘﻨﻲ ﻓﺎﻃﻤﺔ ﻭﻇﻠﻴﻨﺎ ﻧﺤﺠﻲ
ﻛﺎﻟﺖ ﺍﺗﻘﺪﻣﻠﻬﺎ ﻭﺍﺣﺪ ﺑﺎﻟﻜﻠﻴﺔ
ﻳﺼﻴﺮ ﺑﻨﻔﺲ ﺍﻟﻘﺴﻢ ﻣﺎﻟﺘﻲ ﺷﺎﻳﻔﻬﺎ ﻭﺳﺎﺋﻞ ﻋﻠﻴﻬﺎ
ﻭﺍﻟﺒﺎﺭﺣﺔ ﺭﺍﻳﺢ ﻋﻠﻴﻬﺎ ﺑﺎﻟﻘﺴﻢ ﻣﺎﻟﺘﻬﺎ ﻭﺣﺠﺔ ﻭﻳﺎﻫﺔ ﺑﺎﻟﻤﻮﺿﻮﻉ ﻭﻫﻲ ﻛﻠﺘﻠﻪ . ﺍﻧﻄﻴﻨﻲ ﻓﺮﺻﺔ ﺍﻓﻜﺮ ﻭﺍﺳﺘﺸﻴﺮ ﺍﻻﻫﻞ
.. ﻫﻠﺔ ﻫﻠﺔ ﻓﻄﻮﻣﺔ ﻛﺒﺮﺕ ﻭﺭﺍﺡ ﺗﻌﺮﺱ
ﺍﻟﻠﻪ ﻭﺍﺧﻴﺮﺍ
ﻭﺣﺪﺓ ﻣﻦ ﻋﺪﻧﺎ ﺭﺍﺡ ﺗﺘﺰﻭﺝ
.. ﻟﻴﺶ ﺣﺒﻴﺒﺘﻲ ﻧﺴﻴﺘﻲ ﺭﻭﺣﺞ ﺗﺮﺓ ﺍﻧﺘﻲ ﺍﻭﻝ
ﻭﺣﺪﺓ ﺑﻴﻨﺎ ﺍﺗﺰﻭﺟﺖ
.. ﺧﺮﺏ ﺣﻈﻲ
ﻻ ﻳﻜﻮﻥ ﺣﺎﺳﺒﺔ ﻋﻠﻴﺔ ﻫﺬﺍ ﺯﻭﺍﺝ
ﻳﺎﺑﺔ ﻛﻞ ﻣﺎ ﻓﻲ ﺍﻟﻤﻮﺿﻮﻉ ﺍﻟﻮﻟﺪ ﺳﻮﺓ ﻫﺸﻜﻞ ﺣﺘﻰ ﻳﺠﺎﺭﻱ
ﺍﺑﻮﻱ ﺑﺎﻟﺴﺎﻟﻔﺔ
.. ﺍﻱ ﺻﺪﻙ ﺍﻧﻲ ﻣﺘﻔﺎﺟﺌﺔ ﺷﻌﺠﺐ ﺍﺑﻮﺝ ﺳﺎﻛﺖ ﻟﺤﺪ ﺍﻻﻥ
.. ﻭﻋﻨﻪ ﻻ ﺣﺠﺔ ﻭﺍﻟﻠﻪ ﻻﻳﻜﻮﻟﻬﺎ ﻭﻳﺒﻘﻰ ﻧﺎﺳﻲ ﻣﺎ ﻳﺘﺬﻛﺮﻩ
ﺧﻠﻴﻨﻲ ﻣﺮﺗﺎﺣﺔ
ﻣﺎ ﻋﻮﻟﺖ ﻳﻨﺴﻮﻥ ﻫﻮ ﺳﻠﻴﻤﺔ ﺍﻛﻠﻮ ﻛﻠﺒﻲ
ﺧﻠﺺ ﺍﻟﺪﻭﺍﻡ ﻭﺍﺟﺔ ﺍﻟﺨﻂ ﻭﺑﻄﺮﻳﻖ ﺍﻟﺮﺟﻌﺔ
ﻗﺮﻳﺐ ﻣﺎ ﻧﻮﺻﻞ ﻋﺎﻟﺒﻴﺖ
ﺍﺗﺼﻠﺖ ﻋﻠﻴﺔ ﺷﻴﻤﺎﺀ ﺗﺼﻴﺢ ﻣﺴﺘﻌﺠﻠﺔ
.. ﻫﺪﻯ ﺍﻧﺘﻲ ﻭﻳﻦ ﺭﺟﻌﺘﻲ ﻣﻦ ﺍﻟﻜﻠﻴﺔ ﻟﻮ ﺑﻌﺪﺝ
.. ﺷﻨﻮ ﺷﺒﻴﺞ ﺷﻴﻤﺎﺀ ﻟﻴﺶ ﺗﺼﻴﺤﻴﻦ
.. ﺟﺎﺍﺍﺍﻭﺑﻴﻨﻲ
.. ﻫﻴﺎﺗﻨﻲ ﺍﻧﻲ ﻗﺮﻳﺒﺔ ﻋﺎﻟﺒﻴﺖ
ﺷﻴﻤﺎﺀ ﺑﺄﺳﺘﻌﺠﺎﻝ
.. ﻫﺪﻯ ﻟﺘﺮﻭﺣﻴﻦ ﻟﺒﻴﺘﻨﺎ ﻛﺒﻞ ﺍﺧﺬﻳﻠﺞ ﺳﻴﺎﺭﺓ ﻭﺭﺣﻲ ﻟﺒﻴﺖ ﻓﺎﻃﻤﺔ ﻭﺍﻧﻲ ﺟﺎﻳﺔ ﻭﺭﺍﺝ
ﺍﻓﻬﻤﺞ ﺑﻌﺪﻳﻦ ﺳﻤﻌﺖ ﺻﻮﺕ ﺻﻴﺎﺡ ﺑﺎﺑﺎ ﻳﻤﻬﺎ
ﻣﺜﻞ ﺍﻟﻀﺮﺑﻬﺎ ﺍﻱ ﻻﻥ ﺷﻬﻜﺖ ﻣﻮﺟﻮﻋﺔ
ﺍﻧﻘﻄﻊ ﺍﻟﺨﻂ ﺑﻬﺎﻱ ﺍﻻﺛﻨﺎﺀ ﺍﻧﻲ ﻭﺻﻠﺖ ﻟﺮﺍﺱ ﺍﻟﺸﺎﺭﻉ
ﻛﻠﺒﻲ ﺭﺍﺩ ﻳﻄﻠﻊ ﻣﻦ ﺻﺪﺭﻱ ﺑﻴﻮﻡ ﺳﻤﻌﺖ ﺻﻴﺎﺣﻬﺎ
ﺷﻨﻮ ﺷﺼﺎﻳﺮ ﻭﻟﻴﺶ ﺗﻄﻠﺐ ﻣﻨﻲ
ﻣﺎ ﺍﺭﺟﻊ ﻟﻠﺒﻴﺖ
ﺍﺗﺠﻬﺖ ﻋﺎﻟﺸﺎﺭﻉ ﺍﻟﻌﺎﻡ ﺣﺘﻰ ﺍﺟﺮ ﺗﻜﺴﻲ
ﺑﺲ ﻓﺠﺎﺀﺓ ﻃﺮﺓ ﻋﻠﻰ ﺑﺎﻟﻲ ﺳﺎﻟﻔﺔ ﺿﺤﻰ
ﺷﻬﻜﺖ ﺑﺨﻮﻑ ﻋﻠﻰ ﺧﻮﺍﺗﻲ
ﻳﻤﺔ ﺻﺨﺎﻡ ﺑﺲ ﻻ ﺳﻴﻒ ﻫﺎﺩ ﻋﻠﻴﻬﻢ ﺑﺎﻟﺒﻴﺖ
ﻏﻴﺮﺕ ﺍﺗﺠﺎﻫﻲ ﻭﺭﺟﻌﺖ ﺍﻣﺸﻲ ﺳﺮﻳﻊ ﺍﻫﺮﻭﻝ
ﺧﺎﻳﻔﺔ ﻭﺍﻧﻲ ﺍﻧﻮﺍﻉ ﺍﻟﻜﻮﺍﺑﻴﺲ ﺍﺗﺮﺑﻌﺖ ﺑﺮﺍﺳﻲ
ﻭﺻﻠﺖ ﻳﻢ ﺑﺎﺏ ﺑﻴﺘﻨﺎ ﻭﺟﺎﻥ ﻳﻄﻠﻊ ﺍﺑﻮﻱ ﻭﺍﻟﺸﺮ
ﻣﺮﺳﻮﻡ ﻋﻠﻰ ﻭﺟﻬﻪ
ﻛﺎﻝ ﺑﺼﻮﺕ ﻏﺎﺿﺐ
.. ﺍﺟﻴﺘﻲ ﻭﺍﻟﻠﻪ ﺟﺎﺑﺞ
ﻟﺰﻣﻨﻲ ﻣﻦ ﺍﻳﺪﻱ ﻭﺳﺤﺒﻨﻲ ﻭﺭﺍﻩ
ﻳﻤﺸﻲ ﺑﺎﻟﺸﺎﺭﻉ ﻭﺍﻧﻲ ﻭﺭﺍﻩ ﻛﺎﻳﺪﻧﻲ ﻣﻦ ﺯﻧﺪﻱ
.. ﺑﺎﺑﺎ ﺷﻜﻮ ﺷﺼﺎﻳﺮ ﻓﻬﻤﻨﻲ
ﺟﻨﺖ ﺍﺣﺠﻲ ﻭﺍﻧﻲ ﺍﺗﻠﻔﺖ ﻋﻠﻰ ﺑﺎﺏ ﺑﻴﺘﻨﺎ
ﺍﺭﻳﺪ ﺍﻓﺘﻬﻢ ﺷﻜﻮ
.. ﺗﻌﺎﻟﻲ ﻭﻳﺎﻱ ﻭﺑﻌﺪﻳﻦ ﺗﻌﺮﻓﻴﻦ ﺷﻨﻮ ﺍﻟﺴﺎﻟﻔﺔ
ﻭﺻﻠﻨﺎ ﻳﻢ ﺳﻴﺎﺭﺓ ﻓﺘﺢ ﺍﻟﺒﺎﺏ . ﻭﺩﻓﻌﻨﻲ ﺣﺘﻰ ﺍﺻﻌﺪ
ﺻﻌﺪﺕ ﻭﺍﻧﻲ ﻛﻠﺸﻲ ﻣﺎ ﻣﻔﺘﻬﻤﺔ
ﻭﺭﺓ ﻓﺘﺮﺓ ﺍﺑﺎﻭﻉ ﺑﺎﻟﻄﺮﻳﻖ ﺍﺭﻳﺪ ﺍﻋﺮﻑ ﺷﻨﻮ ﺍﻟﺴﺎﻟﻔﺔ ﻣﻘﺎﻟﻲ
ﺩﻙ
ﻭﺭﺩﺕ ﺍﺟﺎﻭﺏ ﺑﺎﺑﺎ ﺍﺧﺬﻩ ﻣﻨﻲ
ﻭﻏﻠﻘﻪ
ﻭﺭﺍﻫﺎ ﺩﻙ ﻧﻘﺎﻟﻪ ﻭﺷﻜﻞ ﺍﻟﻤﺘﺼﻞ ﻋﻤﻮ ﺍﻣﺠﺪ
ﺍﺳﻤﻌﻪ ﻳﻜﻠﻪ
.. ﺍﻣﺠﺪ ﺍﻧﺖ ﻣﺎ ﻋﻠﻴﻚ ﺑﻨﺘﻲ ﻭﺍﻧﺎ ﺣﺮ ﺑﻴﻬﺎ
ﻭﺑﻬﺎﻱ ﺍﻻﺛﻨﺎﺀ ﺍﻧﺘﺒﻬﺖ ﺍﺣﻨﺎ ﻭﻛﻔﻨﺎ ﺑﺒﺎﺏ ﺑﻴﺖ ﺍﺑﻮ ﻗﺎﺳﻢ
ﺷﻨﻮ ﺍﻟﺴﺎﻟﻔﺔ
ﻋﻘﺪﺕ ﺣﻮﺍﺟﺒﻲ
ﻭﺍﻧﻲ ﺍﺑﺎﻭﻉ ﻟﺒﺎﺑﺎ
ﻧﺰﻝ ﻣﻦ ﺍﻟﺴﻴﺎﺭﺓ ﻭﻓﺘﺤﻠﻲ ﻟﻠﺒﺎﺏ ﻭﻟﺰﻣﻨﻲ ﻣﻦ ﺯﻧﺪﻱ ﻋﺒﺎﻟﻚ ﺭﺍﺡ ﺍﺷﺮﺩ ﻣﻨﻪ
ﺩﻙ ﺑﺎﺏ ﺑﻴﺖ ﺍﺑﻮ ﻗﺎﺳﻢ ﻭﻇﻞ ﺿﺎﻏﻂ ﻋﺎﻟﺠﺮﺱ ﻟﺤﺪ ﻣﺎ
ﻃﻠﻌﺖ ﻫﺎﻟﺔ ﺑﺎﻭﻋﺖ ﻋﻠﻴﻨﺎ ﻣﺴﺘﻐﺮﺑﺔ ﻭﺟﻮﺩﻧﺎ
ﻭﺣﺎﻟﻬﺎ ﻣﺜﻞ ﺣﺎﻟﻲ
ﻋﻴﻮﻧﻬﺎ ﺗﺴﺄﻝ ﺷﻨﺴﻮﻱ ﺟﺎﻳﻴﻦ
ﺍﺟﺘﻲ ﺍﻡ ﻗﺎﺳﻢ ﻣﻦ ﻭﺭﻫﺎ ﺗﺴﺄﻟﻬﺎ ﻣﻨﻮ ﺑﺎﻟﺒﺎﺏ
ﺷﺎﻓﺘﻨﺎ ﻭﺳﻠﻤﺖ
ﺑﺲ ﺑﺎﺑﺎ ﻗﺎﻃﻊ ﻛﻼﻣﻬﺎ
ﺩﻓﻌﻨﻲ ﻛﺪﺍﻣﻬﺎ ﻭﻛﺎﻝ
.. ﻫﺎﺝ ﺍﺧﺬﻱ ﻫﺎﻱ ﻣﺮﺕ ﺍﺑﻨﺞ
ﺷﻌﻨﺪﻫﺎ ﻛﺎﻋﺪﺓ ﻳﻤﻲ ﺑﺎﻟﺒﻴﺖ
ﺑﻴﺖ ﺭﺟﻠﻬﺎ ﺍﻭﻟﻰ ﺑﻴﻬﺎ
ﻭﺑﻠﻐﻲ ﺍﺑﻨﺞ ﻣﻮ ﺍﻧﺎ ﺍﻟﻲ ﻳﻨﻀﺤﻚ
ﻋﻠﻴﻪ ﻭﺍﻧﺮﻛﻦ ﻋﺎﻟﺮﻑ
ﺟﺎﻧﺖ ﺍﻟﺼﺪﻣﺔ ﻣﺤﺘﻠﺔ ﻛﻞ ﺍﻓﻜﺎﺭﻱ
ﻭﺑﻌﺪﻣﺎ ﺍﺩﺭﻛﺖ ﻣﻌﻨﻰ ﻛﻼﻣﻪ
ﺍﺗﺸﺨﺼﺖ ﻛﻞ ﻣﺨﺎﻭﻑ ﺍﻟﻌﺎﻟﻢ ﻛﺪﺍﻡ ﻋﻴﻨﻲ
ﺷﻨﻮ . ﻭﻟﻴﺶ ﻭﺷﻮﻛﺖ
ﻫﺬﺍ ﺻﺎﺭ
ﻋﺎﺻﻔﺔ ﻭﻋﺜﺮﺍﺕ ﻭﺣﻴﺎﺓ ﻣﻌﻠﻘﺔ
ﻭﺣﻴﺎﺓ ﺟﺪﻳﺪﺓ . ﻭﻋﺎﻟﻢ ﺟﺪﻳﺪ
ﻣﺠﻬﻮﻝ ﻫﺬﺍ ﻣﺎ ﺳﻮﻑ ﻳﺪﻭﺭ ﺣﻮﻟﻪ
ﺣﻴﺎﺓ ﺍﺑﻄﺎﻟﻨﺎ
ﻓﺎﺗﺮﻛﻜﻢ ﻳﺎ ﺍﺣﺒﺘﻲ ﺍﻟﻰ ﻫﻨﺎ ﻣﻊ ﻧﻬﺎﻳﺔ ﺍﻟﺠﺰﺀ ﺍﻻﻭﻝ
ﻣﻦ ﻗﺼﺔ ﺍﺳﺎﻭﺭ ﺍﻟﻔﻀﺔ
ﻭﺍﻧﺘﻈﺮﻭﻧﻲ ﻗﺮﻳﺒﺎً .
ﺍﻋﻮﺩ ﻟﻜﻢ ﻣﻊ ﺍﻟﺠﺰﺀ ﺍﻟﺜﺎﻧﻲ
ﻳﺘﺒﻊ
ﺍﺣﺒﻜﻢ ﻫﻮﺍﻱ ﺍﺣﺒﻜﻢ ﻛﻮﻣﺔ
ﻭﺍﻟﻰ ﺍﻟﻠﻘﺎﺀ ﻣﻊ ﺗﺤﻴﺎﺕ ﺍﺧﺘﻜﻢ ﻧﻬﻰ 😘
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء