رواية أساور الفضة ج1 الجزء العاشر
للكاتبة نهى
.....
ﺍﺗﻔﺎﺟﺌﺖ ﻣﻦ ﺷﻔﺖ ﺻﻬﻴﺐ
.. ﺻﻬﻴﺐ !!
.. ﺍﻱ ﻫﺪﻫﺪ ﺻﻬﻴﺐ
.. ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ ﻫﺎﻱ ﺷﻮﻛﺖ ﻏﺠﻌﺖ ﻣﻦ ﺍﻟﺴﻔﻎ ( ﺭﺟﻌﺖ ﻣﻦ ﺍﻟﺴﻔﺮ )
.. ﺍﻟﻠﻪ ﻳﺴﻠﻤﺞ ﺍﻟﺒﺎﺭﺣﺔ ﻳﺎﻟﻠﻪ ﻭﺻﻠﺖ
ﺟﻨﺖ ﺭﺍﺟﻊ ﻋﻠﻤﻮﺩ ﻓﺎﺗﺤﺔ ﻋﻤﻮ ﺍﺑﻮ ﻗﺎﺳﻢ
ﻭﻣﺎ ﺟﻨﺖ ﺍﺩﺭﻱ ﺷﻨﻮ ﺍﻟﻤﻀﻤﻮﻡ ﻟﻲ
ﻳﺎﺭﻳﺘﻲ ﻣﺎ ﺭﺍﺟﻊ ﺑﻌﺪ ﺍﻟﻌﺮﻓﺘﻪ ﺍﻟﺒﺎﺭﺣﺔ
ﺍﺍﺍﺍﺍﺍﺥ ﻳﺎﻟﻘﻬﺮ ﻫﺎﻱ ﻭﻳﻦ ﺟﺎﻧﺖ ﻣﻀﻤﻮﻣﺘﻠﻲ
ﺟﺮ ﺣﺴﺮﺓ ﻭﺿﺮﺏ ﺍﻻﺳﺘﻴﺮﻥ ﺍﺗﻼﺣﻚ ﻟﺮﻭﺣﻪ ﻭﻏﻴﺮ ﺍﻟﻤﻮﺿﻮﻉ
.. ﻋﻮﻓﺞ ﻣﻨﻲ ﻭﻛﻠﻴﻠﻲ ﺍﻧﺘﻲ ﺷﻠﻮﻧﺞ ﻭﺍﺧﺘﺞ ﺷﻴﻤﺎﺀ ﺷﻠﻮﻧﻬﺎ
ﺑﺎﻟﻜﻮﺓ ﺑﻠﻌﺖ ﺭﻳﻜﻲ ﻭﺟﺎﻭﺑﺘﻪ
.. ﺑﺨﻴﻎ ( ﺑﺨﻴﺮ ) ﻭﺍﻟﺤﻤﺪﻟﻠﻪ ﻋﺎﻳﺸﻴﻦ ﺗﺤﺖ ﻏﺤﻤﺔ ﺍﻟﻠﻪ
ﺟﺎﻧﺖ ﻓﺎﻃﻤﺔ ﺗﺒﺎﻭﻉ ﻋﻠﻴﺔ ﻭﻋﻠﻴﻪ ﺑﺴﺘﻐﺮﺍﺏ
ﺗﺮﻳﺪ ﺗﻌﺮﻑ ﺷﻨﻮ ﺍﻟﻤﻮﺿﻮﻉ
ﻭﻣﺒﻴﻦ ﻋﻠﻴﻪ ﻛﻮﺓ ﻻﺯﻡ ﺭﻭﺣﻪ
ﻳﻤﺴﺢ ﺑﻮﺟﻬﻪ ﻭﻳﻨﻔﺦ
ﻓﺰﻳﺖ ﻋﻠﻰ ﻛﺮﺻﺔ ﻓﺎﻃﻤﺔ ﻭﺳﺄﻟﺘﻨﻲ ﺑﺼﻮﺕ ﻧﺎﺻﻲ
.. ﻭﻟﺞ ﻣﻨﻮ ﻫﺬﺍ ﺍﻟﺤﻠﻮ ﻣﻨﻴﻦ ﺗﻌﺮﻓﻴﻨﻪ
.. ﺍﺷﺶ ﻋﻮﺑﺔ ﺑﻌﺪﻳﻦ ﺍﺣﺠﻴﻠﺞ
ﻣﺸﻴﻨﺎ ﻃﻮﻝ ﺍﻟﻄﺮﻳﻖ ﻫﻮ ﺳﺎﻛﺖ ﻭﻣﺴﺄﻟﻨﻲ ﻭﻻ ﺣﺠﺔ ﺍﻱ ﺷﻲ
ﺷﻮﻳﺔ ﻭﻭﺻﻠﻨﺎ ﻓﺎﻃﻤﺔ ﻋﻠﻰ ﺑﻴﺘﻬﻢ ﻭﺑﻌﺪﻫﺎ ﺣﺮﻙ ﺍﻟﺴﻴﺎﺭﺓ ﻳﻮﺻﻠﻨﻲ
ﻟﺒﻴﺘﻨﺎ
ﻭﺍﻭﻝ ﻣﺤﺮﻙ ﺍﻟﺴﻴﺎﺭﺓ ﻛﺒﻞ ﺍﻟﺘﻔﺖ ﻋﻠﻴﺔ ﻭﺣﺠﺔ
ﺑﺼﻮﺕ ﻛﻠﻪ ﻏﻀﺐ
.. ﺍﺍﺍﺍﺍﺍﺍﺍﺍﺍﺥ ﻳﺎﻟﻠﻪ ﻟﺞ ﻫﺪﻯ
ﺍﺟﻴﺖ ﺍﻣﻮﺕ ﺍﻟﺒﺎﺭﺣﺔ ﻣﻦ ﻋﺮﻓﺖ ﺑﻀﺤﻰ ﺍﺗﺰﻭﺟﺖ
ﺻﺎﺡ ﺻﻴﺤﺔ ﻭﺍﺣﺪ ﻣﻜﺴﻮﺭ ﻛﻠﺒﻪ
ﻭﺩﻳﻨﺰﻑ ﻏﺼﺐ ﻋﻨﻪ
ﻇﻠﻴﺖ ﺑﺲ ﺍﺑﺎﻭﻉ ﺑﻌﻴﻮﻧﻲ ﻭﺣﺮﺕ ﺷﺠﺎﻭﺑﻪ
.. ﻣﺎ ﺷﻔﺘﻲ ﺣﺎﻟﻲ ﻣﻦ ﺣﺠﻴﺖ ﻭﻳﺔ ﺍﻣﻲ ﻣﺜﻞ ﺍﻟﻐﺒﻲ
ﻭﺍﻛﻠﻠﻬﺎ
ﻳﻤﺔ ﺑﺲ ﺗﺨﻠﺺ ﺍﻟﻔﺎﺗﺤﺔ ﺍﺧﺬﺝ ﺍﻧﺘﻲ ﻭﺍﻟﻮﺍﻟﺪ ﻭﻧﺮﻭﺡ ﺣﺘﻰ ﺗﺤﺠﻮﻥ
ﻭﻳﺔ ﺍﺑﻮﺷﻴﻤﺎﺀ ﺗﺄﺟﻠﻮﻥ ﺍﻟﻤﻮﻋﺪ
ﻋﻘﺪﺕ ﺣﻮﺍﺟﺒﻲ ﻫﺬﺍ ﺷﻴﻘﺼﺪ ﻋﻦ ﻳﺎ ﻣﻮﻋﺪ
ﻛﻤﻞ ﻛﻼﻣﻪ
.. ﺗﺎﻟﻲ ﺻﺪﻣﺘﻨﻲ ﺍﻣﻲ ﺗﻜﻠﻲ ﻳﻤﺔ ﺍﻧﺴﻰ ﻣﺎﻛﻮ ﻣﻮﻋﺪ ﺍﻟﺒﻨﻴﺔ ﺧﻠﺖ
ﺑﻴﻨﺎ ﻭﻧﻜﺜﺖ ﺑﺎﻟﻮﻋﺪ ﻭﺭﺍﺣﺖ ﺍﺗﺰﻭﺟﺖ ﻣﻦ ﻏﻴﺮﻙ
ﻭﻣﻜﻠﻨﺎﻟﻚ ﺑﻮﻛﺘﻬﺎ ﻻﻥ ﺍﻧﺖ ﺟﻨﺖ ﻣﺮﻳﺾ ﺧﻔﻨﺎ ﻋﻠﻴﻚ ﺗﻨﺘﻜﺲ
ﺻﺤﺘﻚ ﻭﺍﻧﺖ ﻣﻮ ﻧﺎﻗﺺ
ﻭﺍﺣﺪ ﻳﺠﻤﻠﻚ
ﺟﺎﻥ ﻳﺤﺠﻲ ﻭﻫﻮ ﻣﻌﺼﺐ ﺍﻧﺘﺒﻬﺖ ﻋﻠﻴﻪ ﺩﻳﺴﻮﻕ
ﺳﺮﻳﻊ ﺧﻔﺖ ﻣﻨﻪ ﻭﺣﺠﻴﺖ ﻭﻳﺎﻩ ﺍﻫﺪﻳﻪ
......
ﻋﻔﻴﺔ ﺻﻬﻴﺐ ﻛﺎﻓﻲ ﻟﺘﻌﺼﺐ ﻛﻠﺸﻲ ﻗﺴﻤﺔ ﻭﻧﺼﻴﺐ ﻭﻫﻲ
ﻣﻤﻘﺴﻮﺗﻠﻚ
ﺟﻨﺖ ﺍﺣﺠﻲ ﻭﺍﺑﺎﻭﻉ ﻋﺎﻟﻄﺮﻳﻖ ﺧﺎﻑ ﻳﺴﻮﻱ ﺑﻴﻨﺎ ﺣﺎﺩﺙ
.. ﻟﺞ ﻫﺪﻯ ﺷﺘﺤﺠﻴﻦ ﺷﻠﻮﻥ ﺗﺮﺩﻳﻨﻲ ﺍﺳﻜﺖ ﻭﺍﻧﺎ ﺍﺳﻤﻊ ﺑﺤﻠﻤﻲ
ﺻﺎﺭ ﻟﻐﻴﺮﻱ
ﺷﻠﻮﻥ ﺗﺘﺰﻭﺝ ﻭﻫﻲ ﺍﻧﻄﺘﻨﻲ ﻭﻋﺪ ﺗﻨﺘﻈﺮﻧﻲ ﻣﻦ ﺍﺭﺟﻊ ﻧﺘﺰﻭﺝ
.. ﻭﺍﻧﺖ ﻫﻢ ﻭﻋﺪﺗﻬﺎ ﺳﻨﺔ ﻭﺗﻐﺠﻊ ( ﺗﺮﺟﻊ ) ﻭﺍﺷﻮ ﺍﻟﺴﻨﺔ ﺻﺎﻏﺖ ( ﺻﺎﺭﺕ ) ﺳﻨﺘﻴﻦ
ﺍﺗﺄﺧﻐﺖ ( ﺍﺗﺎﺧﺮﺕ ) ﻋﻠﻴﻬﺎ ﻭﻃﻮﻟﺖ ﺑﺎﻟﺴﻔﻎ ( ﺑﺎﻟﺴﻔﺮ )
ﻭﻣﺎ ﺳﻤﻌﻨﺎ ﻋﻨﻚ ﺍﻱ ﺷﻲ ﻭﻻ ﺍﻧﺖ ﺍﻟﺨﻄﻴﺖ ﺍﻱ ﺧﻄﻮﺓ ﻳﺨﻠﻴﻬﺎ
ﺗﺘﻤﺴﻚ ﺑﺤﺒﻬﺎ
ﺑﺲ ﻫﻢ ﺑﻘﺖ ﺗﻨﺘﻈﻐﻚ ( ﺗﻨﺘﻈﺮﻙ )
ﻣﺎﻟﻚ ﺣﻖ ﺗﻌﺘﺐ ﻋﻠﻴﻬﺎ ﻭﺍﻧﺖ ﺍﻟﻲ ﻋﻔﺘﻬﺎ ﻣﻌﻠﻜﺔ ﺑﺪﻭﻥ ﺍﻱ ﻛﻠﻤﺔ
ﻣﻨﻚ
ﺍﺧﺘﻲ ﺟﺎﻧﺖ ﺗﻨﺘﻈﻎ ﺳﻐﺎﺏ ( ﺗﻨﺘﻈﺮ ﺳﺮﺍﺏ )
.. ﻫﺪﻯ ﻻ ﺗﺨﺒﻠﻴﻨﻲ
ﻟﻌﺪ ﻟﻴﺶ ﻭﺍﻓﻘﺖ ﻋﻠﻰ ﻛﻼﻡ ﺍﻣﻲ ﻭﻳﺎﻫﺎ
ﻣﻦ ﻛﻠﺘﻠﻬﺎ ﺍﺣﻨﺎ ﺑﻌﺪ ﺍﺳﺒﻮﻋﻴﻦ ﺭﺍﺡ ﻧﺠﻴﺐ ﻋﻤﺎﻡ ﺻﻬﻴﺐ ﻭﻧﺨﻄﺒﺞ
ﻣﻦ ﺍﺑﻮﺝ
ﻭﺍﻥ ﺷﺎﺀ ﺍﻟﻠﻪ ﺍﻟﺰﻭﺍﺝ ﺑﻌﺪ ﺳﻨﺔ ﻣﻦ ﻳﺮﺟﻊ ﺻﻬﻴﺐ ﻫﺸﻜﻞ ﺟﺎﻥ
ﺍﻻﺗﻔﺎﻕ
ﺍﻣﻲ ﻛﺎﻟﺖ ﺣﺠﻴﺖ ﻭﻳﺎﻫﺔ ﻗﺒﻞ ﻻ ﺍﺣﺠﻲ ﻭﻳﺔ ﺍﺧﺘﻬﺎ ﺍﻟﺠﺒﻴﺮﺓ
ﺣﺘﻰ ﺍﺟﺲ ﻧﺒﻀﻬﺎ
ﺗﻜﻠﻲ ﻳﻤﺔ ﻫﻲ ﻭﺍﻓﻘﺖ ﻋﻠﻰ ﻛﻼﻣﻲ
ﺑﺲ ﺍﺷﻮ ﺗﺎﻟﻲ
ﺍﻧﺼﺪﻣﺖ ﻭﺭﺓ ﺍﺳﺒﻮﻉ ﻣﻦ ﻛﻼﻣﻲ ﻭﻳﺎﻫﺎ ﺍﺳﻤﻊ ﺑﻴﻬﺎ ﻣﺨﻄﻮﺑﺔ ﻻﺧﻮ
ﺻﺪﻳﻘﺘﻬﺎ
_ ﻫﺎﻱ ﺷﺪﺗﺤﺠﻲ ﺻﻬﻴﺐ
ﻣﺴﺘﺤﻴﻞ ﻣﺎﻛﻮ ﻫﻴﺞ ﺷﻲ ﺍﻧﺖ ﻣﺘﻮﻫﻢ
.. ﺷﻠﻮﻥ ﻣﺘﻮﻫﻢ ﻭﺍﻣﻲ ﺑﺬﺍﺕ ﻧﻔﺴﻬﺎ ﺣﺠﺖ ﻭﻳﺎﻫﺎ
ﻭﺍﺗﺼﻠﺖ ﻋﻠﻴﺔ ﺑﻮﻛﺘﻬﺎ ﺗﺒﺸﺮﻧﻲ ﺑﻤﻮﺍﻓﻘﺔ ﺿﺤﻰ
ﻇﻠﻴﺖ ﻓﺎﺗﺤﺔ ﺣﻠﻜﻲ ﻣﺼﺪﻭﻣﺔ ﻉ ﺍﻟﺴﻤﻌﺘﻪ ﻣﻦ ﺻﻬﻴﺐ ﻋﻦ ﺿﺤﻰ
ﻣﻌﻘﻮﻟﺔ
ﻫﺰﻳﺖ ﺭﺍﺳﻲ ﺑﻌﺪﻡ ﺗﺼﺪﻳﻖ
.. ﻣﺴﺘﺤﻴﻞ ﻣﺎ ﺍﺻﺪﻙ ﺍﻟﻜﺎﻋﺪ ﺗﺤﺠﻴﻪ
ﺿﺤﻰ ﺣﺎﻏﺒﺖ ( ﺣﺎﺭﺑﺖ ) ﻟﺤﺪ ﺍﺧﻎ ( ﺍﺧﺮ ) ﻟﺤﻈﺔ
ﻭﻏﻔﻀﺖ ( ﺭﻓﻀﺖ ) ﺍﻟﻨﺎﺱ ﺍﺗﻘﺪﻣﻮﻟﻬﺎ
ﻭﺷﻜﺪ ﺟﺎﻥ ﻋﻠﻴﻬﺎ ﺿﻐﻮﻁ ﻣﻦ ﺑﻴﺒﻲ ﻭﺍﻟﻲ ﺷﺎﻓﺘﻪ ﻣﻨﻪ
ﺑﺲ ﻇﻠﺖ ﺑﺎﻗﻴﺔ ﺗﻨﺘﻈﻐﻚ ( ﺗﻨﺘﻈﺮﻙ )
ﻋﻘﻠﻲ ﻣﺪﺍ ﻳﺴﺘﻮﻋﺐ ﻛﻼﻣﻚ
ﺷﻠﻮﻥ ﺗﻄﻠﺐ ﻣﻨﻲ ﺍﺻﺪﻙ ﻛﻼﻣﻚ
ﻭﻫﻲ ﺻﺒﻐﺖ ( ﺻﺒﺮﺕ ) ﻫﺬﺍ ﻛﻠﻪ
ﻣﻌﻘﻮﻟﺔ ﺗﻨﻜﺚ ﻭﻋﺪﻫﺎ ﺑﻜﻞ ﺳﻬﻮﻟﺔ ﺧﺼﻮﺻﺎ ﺑﻌﺪ ﻣﺎ ﺻﺎﻏﺖ ﻗﻐﻴﺒﺔ ( ﺻﺎﺭﺕ ﻗﺮﻳﺒﺔ ) ﻣﻦ ﺣﻠﻤﻬﺎ
ﺍﻥ ﺗﺼﻴﻎ ( ﺗﺼﻴﺮ ) ﻣﻦ ﻧﺼﻴﺒﻚ
.....
ﻫﻮ ﺍﻧﺎ ﻟﻴﺶ ﺭﺍﺡ ﺍﻧﺠﻦ ﺍﺭﻳﺪ ﺍﻋﺮﻑ ﻫﻲ ﻟﻴﺶ ﺍﺗﺰﻭﺟﺖ
ﻭﻃﻌﻨﺘﻨﻲ ﺑﻈﻬﺮﻱ ﺑﻬﺎﻱ ﺳﻮﺍﻳﺘﻬﺎ
ﺟﺮﺭ ﺣﺴﺮﺓ
.. ﺻﻬﻴﺐ ﺍﻧﻲ ﺍﻋﺘﺬﻍ ﻣﺎ ﺍﻛﺪﻍ ( ﺍﻋﺘﺬﺭ ﻣﺎﺍﻛﺪﺭ ) ﺍﺻﺪﻙ ﻛﻼﻣﻚ
ﺍﺧﺘﻲ ﺿﺤﻰ ﻭﺍﻧﻲ ﺍﻋﻐﻔﻬﺎ ( ﺍﻋﺮﻓﻬﺎ ) ﻭﺟﻨﺖ ﺷﺎﻫﺪﺓ ﻋﻠﻰ ﺣﺒﻬﺎ
ﺍﻟﻚ
ﻋﻘﺪ ﺣﻮﺍﺟﺒﻪ ﺑﺘﺴﺎﺋﻞ
.. ﺷﻨﻮ ﻗﺼﺪﺝ ﻳﻌﻨﻲ ﺍﻣﻲ ﺟﺬﺍﺑﺔ ﻭﺍﻥ ﻫﻲ ﻣﺤﺎﺟﻴﺔ ﻭﻳﺔ ﺿﺤﻰ
ﺑﺎﻟﻤﻮﺿﻮﻉ
.. ﺍﻧﻲ ﻣﻜﻠﺖ ﺍﻣﻚ ﺟﺬﺍﺑﺔ ﺑﺲ ﻳﺎﻏﻴﺖ ( ﻳﺎﺭﻳﺖ ) ﺗﺘﺄﻛﺪ
ﺑﺎﻻﻭﻝ ﻗﺒﻞ ﻻ ﺗﺘﻬﻢ ﺍﺧﺘﻲ
ﻭﺻﻠﺖ ﻟﺒﻴﺘﻨﺎ ﻭﺳﻠﻤﺖ ﻋﻠﻴﻪ ﻭﻛﺎﻝ
.. ﻟﺤﻈﺔ ﻫﺪﻯ ﻣﺘﺘﺤﺮﻛﻴﻦ ﻣﻨﺎ ﺍﻻ ﺗﻜﻮﻟﻴﻦ
ﺷﻨﻮ ﻗﺼﺪﺝ ﺑﻬﺬﺍ ﻛﻼﻣﺞ
.. ﻗﺼﺪﻱ ﻭﺍﺿﺢ
ﻻ ﺗﺘﺒﻠﻮﻥ ﻋﻠﻰ ﺍﺧﺘﻲ ﻭﺗﻜﻌﺪﻭﻥ ﺗﺘﻬﻤﻮﻧﻬﺎ ﻇﻠﻢ
ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﺍﻧﻲ ﻛﻠﻨﻲ ﺍﺭﺟﻒ ﻣﻦ ﺍﻟﻘﻬﺮ ﻭﺍﻟﻐﻴﺾ
ﺳﺪﻳﺖ ﺍﻟﺒﺎﺏ ﻭﺍﻧﺘﺒﻬﺖ ﻋﻠﻴﻪ ﻭﺟﻬﻪ ﺍﻧﻜﻠﺐ ﺍﺻﻔﺮ ﻭﻛﺼﺘﻪ ﻋﺮﻛﺎﻧﺔ
ﺟﺎﻥ ﻣﺒﻴﻦ ﻋﻠﻴﻪ ﻣﺮﻳﺾ
ﺩﺧﻠﺖ ﻟﻠﺒﻴﺖ ﻭﺍﻧﻲ ﻛﻠﺒﻲ ﻳﻔﻮﺭ ﻋﻠﻴﻪ ﻭﻋﻠﻰ ﺍﻫﻠﻪ
ﺻﺪﻙ ﻧﺎﺱ ﻣﺎ ﻋﺪﻫﺎ ﻻﺫﻣﺔ ﻭﻻﺿﻤﻴﺮ
ﻛﻞ ﺷﻮﻳﺔ ﻭﻳﻜﻮﻝ
ﺍﻣﻲ ﻛﺎﻟﺖ ﺍﺩﺭﻱ ﺷﻨﻮ ﺍﻣﻚ ﻣﻼﻙ ﻣﻌﺼﻮﻡ ﻣﺘﻐﻠﻂ
ﺍﺍﺍﻭﻭﻭﻭﻑ
ﺍﺫﺍ ﺍﻧﺘﻲ ﺟﻨﺘﻲ ﻣﺘﺮﻳﺪﻳﻦ ﺗﺨﻄﺒﻴﻦ ﻻﺑﻨﺞ ﺿﺤﻰ ﺷﻜﻮ
ﻣﺴﻮﻳﺘﻠﺞ ﻓﻠﻢ ﺭﻭﺣﻲ ﻛﻮﻟﻲ ﻷﺑﻨﺞ ﻣﺎ ﺍﺭﻳﺪﻫﺎ ﺗﺼﻴﺮﻟﻲ ﺟﻨﺔ
ﺍﻟﻠﻪ ﻳﻜﻄﻌﻬﻢ ﺷﻠﻮﻥ ﻧﺎﺱ ﺗﻌﺒﺎﻧﺔ ﻻ ﻭﺍﻻﺥ ﻣﻌﺼﺐ ﻭﺯﻋﻼﻥ ﻓﻮﻙ
ﺣﻜﻪ ﺩﻛﻪ ﻫﺬﻭﻟﻲ ﻏﻴﺮ ﻧﺎﺱ ﺗﻌﺒﺎﻧﺔ
ﺭﺟﻌﺖ ﻟﻠﺒﻴﺖ ﻭﺷﻴﻤﺎﺀ ﺷﺎﻓﺘﻨﻲ ﻭﺟﻬﻲ ﻣﻜﻠﻮﺏ
ﻭﻛﻌﺪﺕ ﺗﺴﺘﺠﻮﺑﻨﻲ ﻣﻨﻮ ﻭﺻﻠﻨﻲ ﻟﻠﺒﻴﺖ
ﻭﺷﺒﻴﺞ ﺿﺎﻳﺠﺔ
ﺟﺎﻭﺑﺘﻬﺎ ﻋﺎﻟﺼﺎﺭ ﻭﻳﺔ ﺑﻴﺖ ﺍﻫﻞ ﻗﺎﺳﻢ
ﻭﻫﻲ ﺷﻮﻳﺔ ﺗﻨﻘﻬﺮ ﻭﺷﻮﻳﻚ ﺗﻀﺤﻚ ﻋﻠﻴﺔ
ﺑﺲ ﻣﺤﺠﻴﺖ ﻋﻦ ﺳﺎﻟﻔﺔ ﺻﻬﻴﺐ ﻭﺿﺤﻰ
ﺗﺮﻛﺖ ﺍﻟﻤﻮﺿﻮﻉ ﻣﻮﻣﻬﻢ ﻻﻥ ﺑﻌﺪ ﻣﻴﺴﻮﻯ ﺍﻟﻮﺍﺣﺪ ﻳﺤﺠﻲ ﺑﻴﻪ
ﺧﺼﻮﺻﺎً ﺿﺤﻰ ﺑﻌﺪ ﺍﺗﺰﻭﺟﺖ ﻭﺭﺍﺣﺖ ﻟﺤﺎﻝ ﺳﺒﻴﻠﻬﺎ
ﻭﺍﻟﺤﻤﺪﻟﻠﻪ
ﺍﻧﺘﺒﻬﺖ ﻟﺸﻴﻤﺎﺀ ﺍﺣﺠﻲ ﻭﻳﺎﻫﺎ ﻭﻫﻲ ﺷﺎﺭﺩﺓ ﺑﻔﻜﺮﻫﺎ
ﻭﺻﺎﻓﻨﺔ ﺑﻐﻴﺮ ﻋﺎﻟﻢ
.. ﺷﻨﻮ ﺷﻮﻣﺔ ﺷﺒﻴﺞ
ﺑﺎﻭﻋﺘﻠﻲ
.. ﻣﺒﻴﺔ ﺷﻲ ﺑﺲ ﻫﻴﺞ ﺟﻨﺖ ﺍﻓﻜﺮ ﺑﻤﻮﺿﻮﻉ
ﺍﻟﻴﻮﻡ ﺍﺟﺘﻲ ﺩﻛﺘﻮﺭﺓ ﺍﻗﺘﺮﺣﺖ ﻋﻠﻴﺔ ﺍﺷﺘﻐﻞ ﻋﻨﺪﻫﺎ ﺑﻌﺪ ﺍﻟﺪﻭﺍﻡ
ﺑﺎﻟﻌﻴﺎﺩﺓ ﻭﺍﺻﻴﺮ ﻣﺴﺎﻋﺪﺗﻬﺎ ﺑﺎﻟﻌﻴﺎﺩﺓ
.....
ﺑﻌﺪ ﻳﻮﻣﻴﻦ ﺑﺎﻟﻜﻠﻴﺔ
ﻓﺎﻃﻤﺔ .. ﺍﻛﻮﻝ ﻋﻮﺑﺔ ﻟﻴﺶ ﻣﺎ ﺍﺗﺼﻠﺘﻲ ﻋﻠﻴﺔ ﺍﻭﻝ ﺍﻟﺒﺎﺭﺣﺔ ﻣﻮ ﻛﻠﺘﻠﺞ
ﺍﺗﺼﻠﻲ ﻋﻠﻴﺔ
.. ﻣﺎ ﻋﻨﺪﻱ ﻏﺼﻴﺪ . ( ﺭﺻﻴﺪ ) ﻣﻔﻠﺴﺔ ﺍﻟﻠﻪ ﻭﻛﻴﻠﺞ ﺣﺘﻰ ﺍﺑﻮ ﺷﻐﻜﺔ ( ﺷﺮﻛﺔ ) ﺍﺳﻴﺎ
ﺻﺎﻏﻠﻪ ( ﺻﺎﺭﻟﻪ ) ﻗﻐﻦ ( ﻗﺮﻥ ) ﻣﻦ ﻳﻄﻠﺒﻨﻲ ﻓﻠﻮﺱ ﺍﻟﻘﻐﺾ ( ﺍﻟﻘﺮﺽ )
.. ﻫﻬﻬﻬﻬﻪ ﻋﺰﺓ ﺑﻌﻴﻨﺞ ﺣﺘﻰ ﺍﻟﺸﺮﻛﺔ ﻣﺎ ﺳﻠﻤﺖ ﻣﻨﺞ
.. ﺍﻱ ﻭﺍﻟﻠﻪ ﺧﻄﻴﺔ ﻛﻞ ﻳﻮﻡ ﻳﺪﺯﻭﻟﻲ ﻏﺴﺎﻟﺔ ( ﺭﺳﺎﻟﺔ )
ﻭﻳﻜﻠﻮﻟﻲ ﻳﺎﺑﺔ ﺍﻳﻬﺎ ﺍﻟﻤﺸﺘﻐﻚ ﻏﺠﻊ ( ﺍﻟﻤﺸﺘﺮﻙ ﺭﺟﻊ ) ﺍﻟﻔﻠﻮﺱ ﺍﻟﻲ
ﺍﺧﺬﺗﻬﺎ ﻭﺍﻻ ﺳﻮﻑ ﻧﻐﻠﻖ ﺧﻄﻚ ﻭﺧﻂ ﺍﻟﺨﻠﻔﻮﻙ
.. ﻫﻬﻬﻬﻬﻬﻪ ﺧﺮﺏ ﺑﺎﻟﺤﻆ ﻟﺤﻜﻲ ﻋﺒﻲ ﺭﺻﻴﺪ ﻟﺨﻄﺞ ﻻ ﻳﻐﻠﻘﻮﻧﻪ
.. ﻫﻮ ﺍﻧﻲ ﺍﻟﻴﻮﻡ ﻋﺒﻴﺖ ﻏﺼﻴﺪ ﻟﻠﺸﻐﻴﺤﺔ ( ﺭﺻﻴﺪ ﻟﻠﺸﺮﻳﺤﺔ )
ﻳﺎ ﻳﺎﺑﺔ ﻟﻮ ﺗﺴﻤﻌﻴﻦ ﺍﺑﻮ ﺍﻟﺸﻐﻜﺔ ﺍﺷﻜﺪ ﺍﺗﺸﻜﻎ ( ﺍﺗﺸﻜﺮ ) ﻣﻨﻲ
ﻛﺎﻡ ﻳﻄﻚ ﺍﺻﺒﻌﺘﻴﻦ
.. ﻫﻬﻬﻬﻬﻬﻬﻪ ﺧﻄﻴﺔ ﻣﻤﺼﺪﻙ
ﻋﺒﻴﺘﻲ ﺭﺻﻴﺪ ﻋﺒﺎﻟﻪ ﻏﻠﺴﺘﻲ ﻋﻠﻴﻬﻢ
.. ﺑﺲ ﻳﺎﻓﻐﺤﺔ ( ﻳﺎﻓﺮﺣﺔ ) ﺍﻟﻤﺎ ﺗﻤﺖ
ﺍﻧﺎ ﻋﺒﻴﺖ ﻏﺼﻴﺪ ( ﺭﺻﻴﺪ ) ﺍﺑﻮ ﺍﻟﺨﻤﺴﺔ ﺍﺷﻮ ﻧﺼﻬﺎ ﻏﺎﺡ ( ﺭﺍﺡ )
ﻟﻠﺪﻳﺎﻧﺔ ﻭﺍﻟﺨﺪﻣﺎﺕ
ﻣﺎ ﺻﻔﺎﻟﻲ ﻣﻦ ﺍﻟﺨﻤﺴﺔ ﺍﻻ ﺍﻟﻒ
.. ﺷﻄﻠﻌﺖ ﻫﺎﻱ ﻳﺎﺑﺔ ﻭﺍﻟﻠﻪ ﻛﺴﺮﺗﻲ ﺧﺎﻃﺮﻱ ﺟﺎﻥ ﺭﻣﺸﺘﻴﻠﻲ ﺍﻭﻟﺖ
ﺍﻟﺒﺎﺭﺣﺔ ﻭﺍﻧﺎ ﺍﺗﺼﻞ ﻋﻠﻴﺞ
.. ﻟﺞ ﻋﻮﺑﺔ ﺷﻐﻤﺶ ﻋﻠﻴﺞ ﺍﻛﻠﺞ ﻣﻔﻠﺴﺔ ﺑﺤﻴﺚ ﻛﻤﺖ ﻣﻦ ﺍﺗﺼﻞ
ﻋﻠﻰ ﺍﺣﺪ
ﻳﻜﻮﻟﻲ ﺍﻳﻬﺎ ﺍﻟﻤﺸﺘﻐﻚ ﻏﺼﻴﺪﻙ ( ﺍﻟﻤﺸﺘﺮﻙ ﺭﺻﻴﺪﻙ ) ﺗﻒ ﺩﻭﻻﺭ ﻣﻮ
ﺻﻔﺮ ﺩﻭﻻﺭ
ﺍﺷﺤﻦ ﺧﻄﻚ ﻭﻟﺘﺼﻴﻎ ( ﻟﺘﺼﻴﺮ ) ﻣﻠﻄﻠﻂ
.. ﻫﻬﻬﻬﻬﻪ ﺍﻟﻠﻪ ﻳﻠﻌﻨﺞ ﺣﺘﻰ ﺷﺮﻛﺔ ﺍﻻﺗﺼﺎﻝ ﻣﺎ ﺍﻓﺘﻜﻮ ﻣﻨﺞ
ﺍﻱ ﺻﺪﻙ ﺍﺗﺬﻛﺮﺕ ﻫﺪﺍﻭﻱ
ﺍﻟﻴﻮﻡ ﻣﻮ ﺗﻨﺴﻴﻦ ﺍﻟﺨﻤﻴﺴﻴﺔ ﻣﺎﻟﺖ ﺍﺑﻮ ﻫﺎﻟﺔ
ﺍﺟﻲ ﻋﻠﻴﺞ ﻭﻧﻐﻮﺡ ﺳﻮﻳﺔ
.. ﻳﻤﺔﺓﺓﺓﺓ ﻻﻻ ﻋﻔﻴﺔ ﺭﻭﺣﻲ ﺍﻧﺘﻲ ﻟﻮﺣﺪﺝ
ﺍﻧﻲ ﺑﻌﺪ ﺍﻟﻲ ﺻﺎﻍ ( ﺻﺎﺭ ) ﻣﺴﺘﺤﻞ ﺍﻏﻮﺡ ﻟﺒﻴﺖ ﺍﻫﻞ ﻫﺎﻟﺔ ﻭﺍﺧﻮﻫﺎ
ﺍﺑﻮ ﺍﻟﻤﻌﺎﻏﻚ ( ﺍﻟﻤﻌﺎﺭﻙ ) ﻫﻨﺎﻙ
ﻟﺞ ﻭﺍﻟﻠﻪ ﻛﻠﻤﺎ ﺍﺗﺬﻛﻎ ﻣﻮﻗﻒ ﻗﺎﺳﻢ ﺷﻠﻮﻥ ﻫﺪ ﺑﺎﻟﻐﺸﺎﺷﺔ ( ﺑﺎﻟﺮﺷﺎﺷﻪ )
ﺟﺴﻤﻲ ﻳﻜﻮﻡ ﻛﻠﻪ ﻳﻐﺠﻒ ( ﻳﺮﺟﻒ ) ﻣﻦ ﺍﻟﺨﻮﻑ
ﺧﻐﺐ ( ﺧﺮﺏ ) ﻳﻮﻣﻪ ﻫﻢ ﻏﺎﻣﻲ ( ﺭﺍﻣﻲ ) ﺍﻟﻮﻟﺪ ﻭﻣﺎﻛﺎﻋﺪ ﻏﺎﺣﺔ ( ﺭﺍﺣﺔ )
.....
ﻓﺎﻃﻤﺔ .. ﺑﺲ ﻳﻤﺔ ﻓﺪﻳﺘﻪ ﻫﻮ ﺷﻠﻮﻥ ﻗﺎﺳﻢ ﻏﻴﺮ ﻳﻤﻮﺕ
.. ﺍﻱ ﻭﻟﺞ ﺳﻜﺘﻲ ﺗﺪﻏﻴﻦ ( ﺗﺪﺭﻳﻦ ) ﻟﺤﺪ ﺍﻻﻥ ﻣﻤﺼﺪﻛﺔ
ﻗﺎﺳﻢ ﺍﻻﻣﻠﺢ ﺍﻻﺟﻠﺢ ﺻﺎﻳﺈ ( ﺻﺎﻳﺮ ) ﻛﻴﻜﺔ ﺍﺑﻦ ﺍﻟﻠﺬﻳﻦ
ﺑﺲ ﻛﻴﻜﺔ ﻣﻔﺤﻤﺔ ﻣﻦ ﺍﻟﻐﻀﺐ
ﻓﺎﻃﻤﺔ .. ﺻﺪﻗﺔ ﻟﺮﺑﻪ ﻭﺍﻟﻠﻪ ﻋﻠﻴﻪ ﻋﻴﻮﻥ ﻭﺭﻣﻮﺵ ﺗﻤﻮﺕ
ﻟﺞ ﺫﺍﻙ ﺍﻟﻴﻮﻡ ﻋﺼﺒﻲ ﻭﻋﺎﻛﺪ ﺣﻮﺍﺟﺒﻪ ﻭﻋﻴﻮﻧﻪ ﺗﻜﻄﻊ
ﺯﻳﻦ ﻟﻌﺪ ﻫﺬﺍ ﻟﻮ ﻳﺒﺎﻭﻋﻠﻲ ﺑﻌﻴﻮﻧﻪ ﻭﻫﻮ ﻣﺒﺘﺴﻢ ﺷﻴﺼﻴﺮ ﺑﻴﺔ
ﻳﻤﻜﻦ ﺍﻣﻮﺕ
.. ﺍﻱ ﺑﻌﺪ ﺑﻌﺪ ﻏﻨﻲ ﺳﺤﻐﻨﻲ ﺑﻨﻈﻐﺔ ( ﺳﺤﺮﻧﻲ ﺑﻨﻈﺮﺓ ) ﻋﻴﻮﻧﻪ ﺍﺑﻮ
ﻋﻴﻮﻥ ﺍﻟﺴﻮﺩ
ﻗﺎﺳﻲ ﻭﻳﺔ ﺍﻟﻴﺤﺒﻮﻧﻪ ﺍﺑﻮ ﻋﻴﻮﻥ ﺍﻟﺴﻮﺩ
.. ﻭﺍﻟﻠﻪ ﺗﺮﺩﻳﻦ ﺍﻟﺼﺪﻙ ﻳﻠﻮﻛﻠﻪ ﺍﻏﻨﻴﻠﻪ ﻫﻮ ﻣﻦ ﻧﺎﺣﻴﺔ ﺍﻟﻘﺴﺎﻭﺓ
ﻓﻘﺎﺳﻲ ﺍﺳﻢ ﻋﻠﻰ ﻣﺴﻤﻰ ﻗﺎﺳﻢ ﻗﺎﺳﻲ
.. ﻋﻮﺑﺔ ﺍﺷﻮ ﺗﺤﺠﻴﻦ ﻭﺍﻧﺖ ﻣﻜﺰﻛﺰﺓ ﻋﺎﻟﻮﻟﺪ
ﻋﻴﺐ ﺍﺗﺴﺘﻐﻲ ﻳﺎ ﻣﻐﺔ ( ﺍﺗﺴﺘﺮﻱ ﻳﺎﻣﺮﺓ ) ﻣﺎﻋﺪﻧﺎ ﺑﻨﺎﺕ ﻳﺘﻐﺰﻟﻮﻥ
ﺑﺎﻟﻐﻴﺎﺟﻴﻞ ( ﺑﺎﻟﺮﻳﺎﺟﻴﻞ )
.. ﻟﺞ ﺧﻴﺔ ﻣﻮ ﺑﻴﺪﻱ ﻏﻴﺮ ﺍﺧﺮﺏ ﻣﻦ ﺍﺷﻮﻑ ﻭﺍﺣﺪ ﺍﺳﻤﺮ ﻭﻣﻤﻠﻮﺡ
ﻣﺘﺪﺭﻳﻦ ﺑﻴﺔ ﺍﻛﻮﻡ ﺍﻋﻠﺲ ﻭﻣﺎ ﺍﺟﻤﻊ ﺣﺠﻲ
ﺑﺎﻟﻌﺎﻓﻴﺔ ﻋﻠﻰ ﺭﻫﻒ ﺍﻟﻔﺎﻫﻴﺔ ﻻ ﻭﻧﻮﺏ ﻳﺤﺒﻬﺎ
ﻳﻌﻨﻲ ﻭﺍﻟﻠﻪ ﻛﻠﺶ ﻫﻮﺍﻱ ﻋﻠﻰ ﻛﻠﺒﻲ ﺍﻟﺼﻐﻴﺮ ﻭﺭﺑﻲ ﻣﻴﺘﺤﻤﻞ
.. ﻫﻬﻬﻬﻬﻬﻬﻪ ﻫﻮ ﺍﻧﺘﻲ ﺷﺒﻘﻴﺘﻲ ﺑﺎﻟﺮﺟﺎﻝ ﺣﺘﻰ ﺑﺎﻟﻌﺎﻓﻴﺔ ﻋﻠﻴﻬﺎ
ﺧﻐﺐ ( ﺧﺮﺏ ) ﺑﺎﻟﺤﻆ ﺑﺲ ﻫﻮ ﻭﺍﻟﻠﻪ ﺷﺎﻳﻞ ﻃﻮﻝ ﻫﻬﻬﻬﻬﻬﻪ ﻳﺴﻄﻎ ( ﻳﺴﻄﺮ ) ﺍﺑﻦ ﺍﻟﻠﺬﻳﻦ
ﻟﻮ ﺑﺲ ﺷﻮﻳﺔ ﻳﻨﻄﻴﻨﻲ ﻣﻦ ﻃﻮﻟﻪ ﺟﺎﻥ ﺍﻧﻲ ﻫﺴﺔ ﺍﻏﻨﻲ ﺩﺍﻥ ﺩﺍﻥ
ﻣﻦ ﺍﻟﺜﻘﺔ
.. ﻭﺍﻟﻠﻪ ﺍﺣﺠﻴﻬﺎ ﻣﻦ ﻛﻞ ﻛﻠﺒﻲ ﺑﺎﻟﻌﺎﻓﻴﺔ ﻋﻠﻴﻬﺎ
ﺍﻧﻲ ﺗﺪﺭﻳﻦ ﺑﻴﺔ ﻛﻠﻤﺎ ﺍﺷﻮﻑ ﺑﻘﻼﻭﺓ
ﻳﺼﻌﺪ ﻋﻨﺪﻱ ﺍﻟﺴﻜﺮ
.. ﺍﻱ ﻭﺍﻟﻠﻪ ﺍﺩﻏﻲ ( ﺍﺩﺭﻱ ) ﺑﻴﺞ ﺑﻮﺧﺔ ﺑﺲ ﺣﺠﻲ
ﻣﻦ ﻳﺼﻴﻎ ( ﻳﺼﻴﺮ ) ﻭﻗﺖ ﺍﻟﺠﺪ ﺍﻟﻜﺎﺝ ﺧﺎﺗﻠﺔ ﺑﺄﻗﻐﺐ ( ﺍﻗﺮﺏ ) ﺯﺍﻭﻳﺔ
ﺑﺲ ﺗﻐﺪﻳﻦ ﺍﻟﺼﺪﻙ ﻫﻮ ﻭﻏﻬﻒ ﻻﻳﻜﻴﻦ ﻋﻠﻰ ﺑﻌﺾ
ﻫﻲ ﺣﻠﻮﺓ ﻭﻫﻮ ﻳﺨﻮﻑ
.. ﻋﻤﺔ ﺑﻌﻴﻨﺞ ﻫﺬﺍ ﺍﻟﺰﻳﻦ ﻛﻠﻪ ﻭﺗﻜﻮﻟﻴﻦ ﻋﻠﻴﻪ ﻳﺨﻮﻑ
ﺍﻧﻄﻴﺞ ﻋﻴﻮﻧﻲ ﺗﺸﻮﻓﻴﻦ ﺑﻴﻬﺎ
ﺷﻨﻮ ﺍﻟﻤﻮﺣﻠﻮ ﺑﻴﻪ ﻃﻮﻟﻪ ﻟﻮ ﺷﻜﻠﻪ ﻟﻮ ﺳﻤﺎﺭﻩ ﺍﺑﻮ ﺳﻤﺮﺓ
ﻟﻮ ﺟﺴﻤﻪ ﺧﺮﺏ ﺷﻔﺘﻲ ﺍﻟﺸﺎﻣﺔ ﺍﻟﻲ ﺑﺰﻧﺪﻩ
.. ﻳﺎ .. ﻳﺎ .. ﻳﺎ ﻓﺼﺨﺘﻲ ﺍﻟﻮﻟﺪ ﺗﻔﺼﻴﺦ
ﻭﻳﻦ ﻟﺤﻜﺘﻲ ﺗﺸﻮﻓﻴﻦ ﻫﺬﺍ ﻛﻠﻪ ﺍﺷﻮ ﺍﻧﻲ ﻣﺎ ﻟﺤﻜﺖ ﺍﺷﻮﻑ ﺷﻲ
ﺑﺲ ﻟﻤﺤﺖ ﻋﻴﻮﻥ ﺣﻤﻎ ( ﺣﻤﺮ ) ﻭﺍﻛﺘﺎﻑ ﻋﻐﺎﺽ ( ﻋﺮﺍﺽ ) ﻳﻜﻮﻝ
ﻋﺒﺎﻟﻚ
ﺩﺍﺧﻞ ﺑﺤﻠﺒﺔ ﻣﺼﺎﻏﻌﺔ ( ﻣﺼﺎﺭﻋﺔ )
.. ﻫﻬﻬﻬﻬﻬﻬﻬﻪ ﺣﻘﺞ ﺍﻧﺘﻲ ﻣﺸﻔﺘﻲ ﺭﻭﺣﺞ ﺷﻠﻮﻥ ﻛﻤﺘﻲ ﺗﻌﻴﻄﻴﻦ
ﻭﺗﺒﺠﻴﻦ ﻋﻴﻮﻧﺞ ﺗﺼﺐ ﻭﺧﺸﻤﺞ ﻳﺼﺐ ﻭﺣﺎﻟﺘﺞ ﺣﺎﻟﺔ ﻭﻭﻭﻳﻴﻴﻴﻴﻊ
ﺟﻨﺞ ﺻﺨﻠﺔ ﺗﺎﻳﻬﺔ ﺑﺎﻟﻮﺍﺩﻱ
ﻭﻻﺯﻣﺘﻨﻲ ﻣﻦ ﻃﺮﻑ ﺛﻮﺑﻲ ﻭﻛﻞ ﺷﻮﻳﺔ ﺗﺼﻴﺤﻴﻦ
.....
ﻳﻤﺎﺍﺍﺍﺍﺍﺍ ﺍﺟﺎﻧﺔ ﺍﻟﺬﻳﺐ ﺍﺧﺬﻭﻧﻲ ﻟﺒﻴﺘﻨﺎ
ﻳﻨﻌﻞ ﺍﺑﻮ ﺷﻜﻠﺞ ﺑﻴﻮﻣﻬﺎ ﻭﺍﻟﻠﻪ ﺭﻭﺣﺘﻲ ﻋﻠﻴﺔ ﻣﺸﻬﺪ ﺍﻟﺤﺐ ﺍﻻ ﺑﺸﺪﺓ
.. ﻳﺎ ﻣﺸﻬﺪ ﻫﻮ ﻭﻏﺔ ﺍﻟﺼﺎﻍ ( ﻭﺭﺓ ﺍﻟﺼﺎﺭ ) ﺑﻌﺪ ﻇﻞ ﺑﻴﻬﺎ ﻣﺸﻬﺪ
.. ﻳﺎﺍﺍﺍﺍ ﻭﻟﺞ ﻧﺴﻴﺖ ﺍﻛﻠﺞ
ﻣﻮ ﺳﺖ ﺭﻫﻒ ﻣﻦ ﺩﺧﻠﻮ ﻗﺎﺳﻢ ﺑﻌﺪ ﺍﻟﻌﺮﻛﺔ
ﺭﺍﺣﺖ ﻳﻤﻪ ﻭﺳﻠﻤﺖ
ﻋﻠﻴﻪ ﻭﺍﺧﺬﺕ ﻣﻦ ﺧﺎﻃﺮﻩ ﻭﻟﺞ ﺍﺑﺎﻭﻉ ﻋﻠﻴﻬﻢ ﺟﺎﻥ ﻫﻮ ﻭﺍﻛﻒ ﺟﻮﺓ
ﺍﻟﺪﺭﺝ ﻳﻢ ﺍﻟﻤﻐﺴﻠﺔ ﺩﻳﻐﺴﻞ ﺭﺍﺳﻪ ﻣﻦ ﺍﻟﻐﻀﺐ
ﻭﻫﻲ ﺍﺧﺬﺕ ﺍﻟﻤﻨﺸﻔﺔ ﻭﺭﺍﺣﺖ ﻭﻛﻔﺖ ﻳﻤﻪ
ﻭﺍﻧﺎ ﺍﺧﺘﺞ ﺣﺪﻳﻘﺔ ﻧﺎﻗﺼﺔ ﻣﺸﺎﻫﺪ ﻋﺎﻃﻔﻴﺔ ﻭﺣﻨﺎﻥ
ﻇﻠﻴﺖ ﻣﺼﻔﺼﺔ ﺍﺑﺎﻭﻉ ﻋﻠﻴﻬﻢ
.. ﺍﻟﻠﻪ ﻭﻛﻴﻠﺞ ﻓﻄﻮﻣﺔ
ﺧﺎﻑ ﺍﻧﺘﻲ ﺣﺪﻳﻘﺔ ﺍﺧﻮﺝ ﻫﺎﺩﻱ ﺻﺎﻳﺮ ﺻﺤﺮﺍﺀ ﻗﺎﺣﻠﺔ
ﻣﻦ ﺍﻟﺠﻔﺎﻑ ﺍﻟﻌﺎﻃﻔﻲ
ﻛﻮﻟﻲ ﺧﻴﺔ ﻛﻮﻟﻲ ﺍﻃﻐﺒﻴﻨﻲ ( ﺍﻃﺮﺑﻴﻨﻲ ) ﺧﻠﻴﻨﻲ ﺍﺳﻤﻊ
.. ﻫﻬﻬﻬﻪ ﻟﻌﺪ ﺧﻠﻲ ﺍﺣﺠﻴﻠﺞ ﺣﺘﻰ ﺗﻜﺎﺑﻠﻴﻨﻲ ﻭﻧﻠﻄﻢ ﺳﻮﻳﺔ
ﻟﻴﺶ ﻣﺎ ﻫﻮ ﺧﻠﺺ ﻏﺴﻞ ﻭﺭﻓﻊ ﺭﺍﺳﻪ
ﻭﺍﺧﺬ ﺍﻟﻤﻨﺸﻔﺔ ﻣﻦ ﺍﻳﺪﻳﻬﺎ ﻛﻌﺪ ﻳﻨﺸﻒ ﺑﺮﺍﺳﻪ
ﻭﻳﺒﺎﻭﻉ ﻋﻠﻴﻬﺎ
ﻭﻫﻲ ﺍﻟﺴﺖ ﻛﺎﻣﺖ ﺗﺒﺠﻲ ﻭﺗﻜﻠﻪ
.. ﻗﺴﻮﻣﻲ ﺣﺒﻴﺒﻲ ﺍﺟﻴﺖ ﺍﻣﻮﺕ ﻣﻦ ﺳﻤﻌﺖ ﺑﻴﻚ ﻣﺘﻌﺎﺭﻙ
ﻳﻤﺔ ﻟﻮ ﺗﺸﻮﻓﻴﻨﻪ ﻫﻮ ﻃﻮﻳﻞ ﻭﺟﺜﻞ ﺩﻧﻚ ﺭﺍﺳﻪ ﻋﻠﻴﻬﺎ ﻭﻫﻲ ﺭﺍﻓﻌﺔ
ﺭﺍﺳﻬﺎ ﺗﺒﺎﻭﻋﻠﻪ ﺩﺍﻳﺨﺔ ﻭﻳﺎﻩ
ﻭﺣﺠﻰ ﻭﻳﺎﻫﺎ ﻭﻣﺪﺭﻱ ﺷﻨﻮ ﻛﻠﻠﻬﺎ ﻭﻫﻲ ﺍﺑﺘﺴﻤﺖ
ﺑﺲ ﻟﻜﻔﺖ ﻛﻠﻤﺘﻴﻦ
ﻣﺴﺤﻲ ﺩﻣﻮﻋﺞ ﻣﺎ ﻋﺎﺵ ﺍﻟﻲ ﻳﻨﺰﻟﺞ ﺩﻣﻌﺔ
ﻭﻇﻠﻮ ﻳﺘﻬﺎﻣﺴﻮﻥ ﻣﺜﻞ ﻃﻴﻮﺭ ﺍﻟﺤﺐ
ﻭﻧﺎﺳﻴﻦ ﺍﻛﻮ ﻧﺎﺱ ﺣﺪﺍﻳﻖ ﻣﻮﺟﻮﺩﻳﻦ ﺣﻮﻟﻬﻢ
.. ﻋﺎﺍﺍﺍﺍﺍﺍﺍﺍﺍ ﺍﺑﺠﻲ ﺗﻴﺰﺍﺏ ﻋﺎﻟﻐﻮﻣﺎﻧﺴﻴﺔ
ﻛﻤﻠﻲ ﺧﻴﺔ ﻛﻤﻠﻲ
.. ﺧﺮﺏ ﺷﻜﻤﻞ ﺑﻌﺪ ﺗﺮﺩﻳﻨﻲ ﺍﺣﺠﻴﻠﺞ ﻋﻠﻰ ﺣﺎﻟﻲ ﺷﻠﻮﻥ ﺟﻨﺖ
ﻭﺍﻛﻔﺔ ﺍﺑﺎﻭﻉ ﻋﻠﻴﻬﻢ ﻭﻓﺎﺗﺤﺔ ﻋﻴﻮﻧﻲ ﻭﺣﻠﻜﻲ
ﻭﺍﻟﻠﻪ ﺣﺘﻰ ﻣﺎ ﺭﻣﺸﺖ ﺧﺎﻑ ﻳﻔﻮﺗﻨﻲ ﺷﻲ
ﻭﺩﺍﻋﺘﺞ ﺻﺎﺭ ﺷﻜﻠﻲ ﻣﺜﻞ ﻫﺬﻭﻟﻲ
ﺭﻭﺗﺎﻧﺎ ﺳﻴﻨﻤﺎ ﻣﺶ ﺣﺘﻘﺪﺭ ﺗﻐﻤﺾ ﻋﻴﻨﻴﻚ
.. ﺧﻐﺐ ﺑﺎﻟﺤﻆ ﻟﺞ ﻓﻄﻮﻓﺔ ﺧﻴﺔ ﻛﺎﻓﻲ ﻭﺍﻟﻠﻪ ﻛﺼﻴﻨﺎﻫﻢ ﻛﺺ
ﻻ ﻳﺼﻴﻎ ( ﻳﺼﻴﺮ ) ﺑﻴﻬﻢ ﺷﻲ ﻣﻦ ﻭﻏﺎﻧﺎ ( ﻭﺭﺍﻧﺎ )
ﺍﻟﻠﻪ ﻳﺴﺘﻊ ( ﻳﺴﺘﺮ ) ﻋﻠﻴﻬﻢ ﻭﻳﺒﻌﺪ ﻋﻨﻬﻢ ﺍﻟﻌﻴﻦ
.. ﺍﻣﻴﻦ ﻳﺎﺭﺏ ﻫﺴﺔ ﺷﻨﻮ
ﺗﺮﺣﻴﻦ ﻭﻳﺎﻱ ﻟﺒﻴﺖ ﻫﺎﻟﺔ ﻟﻮ ﻻ
.. ﻻ ﺣﺒﻲ ﻣﺎ ﺍﻏﻮﺡ ( ﻣﺎﺍﺭﻭﺡ ) ﻟﺒﻴﺖ ﺍﻫﻞ ﻫﺎﻟﺔ ﻋﻨﺪﻫﻢ ﻭﺣﺶ
ﺍﺧﺎﻑ ﻣﺎ ﺑﺎﻳﻌﺔ ﻏﻮﺣﻲ ( ﺭﻭﺣﻲ )
......
ﻭﻟﺞ ﺻﺪﻙ ﺗﺤﺠﻴﻦ ﻣﻌﻘﻮﻟﺔ ﺗﺨﺎﻓﻴﻦ ﻣﻨﻪ ﻟﺤﺪ ﻳﻮﻣﺞ ﻫﺬﺍ
.. ﺍﻱ ﺷﺴﻮﻱ ﻫﺬﺍ ﺣﻈﻲ ﻭﻗﺴﻤﺘﻲ ﺳﻮﺓ ﺑﻴﺔ ﺧﻮﻓﺔ
ﺍﻟﻨﺎﺱ ﺗﺼﻴﺮ ﻋﻨﺪﻫﺎ ﻓﻮﺑﻴﺎ ﻣﻦ ﺍﻻﻣﺎﻛﻦ ﺍﻟﻤﺮﺗﻔﻌﺔ
ﻣﻦ ﺍﻟﻈﻼﻡ ﻭﺍﻧﻲ ﺣﻈﻲ ﻋﻨﺪﻱ ﻓﻮﺑﻴﺎ ﻣﻦ ﻗﺎﺳﻢ ﺍﻟﻤﻐﻮﺍﻍ ( ﺍﻟﻤﻐﻮﺍﺭ )
ﻟﺰﻣﺖ ﻛﺼﺘﻲ
.. ﺷﺎﻳﻔﺔ ﻫﺎﻱ
ﺟﻨﺖ ﺍﺍﻗﺼﺪ ﻋﺎﻟﻨﺪﺑﺔ
.. ﺍﻱ ﺷﺒﻴﻬﺎ ﺷﻨﻮ ﻭﻭﺍﻛﻌﺔ ﻋﻠﻰ ﻛﺼﺘﺞ ﻭﺍﻧﺘﻲ ﺻﻐﻴﺮﺓ ؟؟
.. ﻻ ﺣﺒﻴﺒﺘﻲ ﻫﺬﺍ ﺍﺛﻎ ﺿﻐﺒﺔ ﻗﺎﺳﻢ ﻣﻦ ﺟﻨﺖ ﺻﻐﻴﻐﺔ ( ﺍﺛﺮ ﺿﺮﺑﺔ
ﻗﺎﺳﻢ ﻣﻦ ﺟﻨﺖ ﺻﻐﻴﺮﺓ )
ﺍﺗﺬﻛﻎ ( ﺍﺗﺬﻛﺮ ) ﺑﻴﻮﻣﻬﺎ ﻃﻠﻊ ﻣﻨﻲ ﺩﻡ ﻭﻣﻦ ﻋﻨﺪﻫﺎ
ﺻﺎﻍ ( ﺻﺎﺭ ) ﻗﺎﺳﻢ ﺳﺒﺐ ﻛﻞ ﻛﻮﺍﺑﻴﺴﻲ
.. ﺧﺮﺏ ﻳﻮﻣﺞ ﻃﻠﻌﺘﻲ ﺟﻨﻴﺔ ﺑﻮﺧﺔ
ﺍﺟﺔ ﺍﻟﺨﻂ ﻭﺳﻠﻤﺖ ﻋﻠﻰ ﻓﺎﻃﻤﺔ ﻭﺭﺟﻌﺖ ﻟﻠﺒﻴﺖ
ﻟﻜﻴﺖ ﺷﻴﻤﺎﺀ ﺭﺍﺟﻌﺔ ﻣﻦ ﺍﻟﺪﻭﺍﻡ ﻣﻦ ﻭﻛﺖ
ﻭﻣﺴﻮﻳﺘﻠﻨﺎ ﻣﻄﺒﻚ ﺩﺟﺎﺝ ﺭﻳﺤﺘﻪ ﻭﺍﺻﻠﺔ ﻟﺒﺎﺏ ﺍﻟﺸﺎﺭﻉ
ﺩﺧﻠﺖ ﻭﺳﻠﻤﺖ ﻋﻠﻴﻬﻢ
.. ﻫﺎ ﺷﻮﻣﺔ ﺍﻟﻴﻮﻡ ﻏﺎﺟﻌﺔ ( ﺭﺍﺟﻌﺔ ) ﻣﻦ ﻭﻛﺖ ﺷﻌﺠﺐ
.. ﻓﻮﺗﻲ ﺑﺪﻟﻲ ﺑﺴﺮﻋﺔ ﺣﺘﻰ ﺗﺠﻴﻦ ﺗﺴﺎﻋﺪﻳﻨﻲ
ﺍﻟﻴﻮﻡ ﺧﻤﻴﺲ ﻭﺳﻮﻳﺖ ﺛﻮﺍﺏ ﻻﻣﻲ ﻭﺍﺗﺼﻠﺖ ﻋﻠﻰ
ﺿﺤﻰ ﻭﻛﻠﺘﻠﻬﺎ ﺗﺠﻲ ﺗﺘﻐﺪﺓ ﻋﺪﻧﺎ
.. ﻭﺍﻟﻠﻪ ﻣﺸﺘﺎﻗﺘﻠﻬﺎ ﺍﻟﺒﺬﺍﺗﺔ ﻏﺎﺡ ﻳﺼﻴﻐﻠﻬﺎ ( ﺭﺍﺡ ﻳﺼﻴﺮﻟﻬﺎ ) ٦ ﺍﺷﻬﻎ ( ﺍﺷﻬﺮ )
ﻣﻦ ﺍﺗﺰﻭﺟﺖ ﺑﺲ ﻣﻐﺘﻴﻦ ( ﻣﺮﺗﻴﻦ ) ﻛﻠﻔﺖ ﻏﻮﺣﻬﺎ ( ﺭﻭﺣﻬﺎ ) ﺗﺠﻲ
ﺣﺘﻰ ﺗﺸﻮﻓﻨﺎ
.. ﻟﺘﺤﺠﻴﻦ ﻫﺸﻜﻞ ﺗﺮﺓ ﺿﺤﻰ ﺍﻣﺮﻫﺎ ﻣﻮ ﺑﻴﺪﻫﺎ
ﻭﻣﺒﻴﻦ ﺭﺟﻠﻬﺎ ﻣﻴﻘﺒﻞ ﻳﺠﻴﺒﻬﺎ ﺍﻟﻨﺔ
ﺧﺮﺏ ﻳﻮﻣﺞ ﻫﺪﻯ ﺭﺍﺡ ﺗﻮﺻﻞ ﺍﻟﺒﻨﻴﺔ ﻭﺍﻧﺘﻲ ﺑﻌﺪﺝ ﻭﺍﻛﻔﺔ ﻭﻣﻤﺒﺪﻟﺔ
ﻣﻼﺑﺴﺞ
ﺩﺭﻭﺣﻲ ﺑﺪﻟﻲ ﻭﺑﻌﺪﻳﻦ ﺗﻌﺎﻟﻲ ﻛﻤﻠﻲ ﺳﻮﺍﻟﻔﺞ
.. ﺻﺎﻍ ﻃﻠﻘﺔ ﺍﺑﺪﻝ ﻭﺍﻏﺠﻊ ( ﺍﺭﺟﻊ )
ﺭﺣﺖ ﺩﺧﻠﺖ ﻟﻠﻐﺮﻓﺔ ﺍﺑﺪﻝ
ﻭﺍﺳﻤﻊ ﺳﻠﻴﻤﺔ ﺗﺤﺠﻲ ﻭﻳﺔ ﺷﻴﻤﺎﺀ ﺗﻜﻠﻠﻬﺎ ﺿﻤﻴﻠﻲ ﺍﻟﻜﻮﺍﻧﺺ
ﻣﺎﻟﺖ ﺍﻟﺪﺟﺎﺝ ﺍﺳﻮﻳﻬﻢ ﻟﻠﻌﺸﺎ
ﺳﻠﻴﻤﺔ ﻫﻮﺍﻱ ﺗﺪﺍﺭﻱ ﺑﺮﻭﺣﻬﺎ
ﻛﻤﻠﺖ ﺗﺒﺪﻳﻞ ﻭﺣﻄﻴﺖ ﻧﻘﺎﻟﻲ ﻋﺎﻟﺸﺤﻦ ﻭﺳﻤﻌﺖ ﺍﻟﺒﺎﺏ
ﺍﻧﺪﻙ
ﻃﻠﻌﺖ ﺍﻓﺘﺢ ﺍﻟﺒﺎﺏ ﻻﻥ ﺷﻴﻤﺎﺀ ﺑﺎﻟﻤﻄﺒﺦ ﺩﺗﻄﺒﺦ
ﻭﺟﺎﻥ ﺍﺷﻮﻑ ﻣﺮﻳﺔ ﻻﺑﺴﺔ ﻋﺒﺎﻳﺔ ﺭﺍﺱ ﻭﺑﻮﺷﻴﺔ ﺳﻮﺩﺓ ﻋﻠﻰ ﻭﻭﺟﻬﺎ
ﻣﺒﺮﻛﻌﺔ
......
ﺣﺠﻴﺖ ﻗﺒﻞ ﻟﺘﺤﺠﻲ .. ﺗﻔﻀﻠﻲ ﺣﺒﻴﺒﺘﻲ ﺍﻟﻤﻦ ﺭﺍﻳﺪﻩ
ﺳﻤﻌﺘﻬﺎ ﻛﺎﻟﺖ
ﻭﻫﻲ ﺗﺘﻘﺪﻡ ﺗﺮﻳﺪ ﺗﺘﺪﺧﻞ
.. ﻫﻬﻬﻬﻬﻬﻪ ﻟﺞ ﻋﺮﺑﺔ ﻫﺪﻯ ﺍﻧﻲ ﺍﺧﺘﺞ ﺿﺤﻰ
ﻓﺘﺤﺖ ﺣﻠﻜﻲ ﻣﻤﺼﺪﻛﺔ ﻭﺭﺟﻌﺖ ﻋﻠﻰ ﻭﺭﺓ
ﺳﻮﻳﺘﻠﻬﺎ ﻣﺠﺎﻝ ﺣﺘﻰ ﺗﺪﺧﻞ
.. ﻋﺰﺓ ﺑﻌﻴﻨﺞ ﺿﺤﻴﻮﺓ ﻭﺍﻟﻠﻪ ﻣﻌﻐﻔﺘﺞ ( ﻣﻌﺮﻓﺘﺞ )
ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻭﺭﻓﻌﺖ ﺍﻟﺒﺮﻛﻊ
ﻭﻫﻲ ﺗﻀﺤﻚ
ﺭﺣﺖ ﻋﻠﻴﻬﺎ ﻭﺣﻀﻨﺘﻬﺎ ﻳﺎﺭﺑﻲ ﺷﻜﺪ ﻣﺸﺘﺎﻗﺘﻠﻬﺎ
.. ﺑﻨﺖ ﺍﻻﻭﺍﺩﻡ ﻫﺎﻱ ﺷﺼﺎﻳﻎ ( ﺷﺼﺎﻳﺮ ) ﺑﻴﺞ ﻭﻻ ﺍﻧﺘﻲ ﺣﻴﻞ ﻣﺘﻐﻴﺮﺓ
ﺟﻨﺎ ﻧﺴﻮﻟﻒ ﻭﻧﻤﺸﻲ
.. ﻣﺘﻐﻴﺮﺓ ﻧﺤﻮ ﺍﻻﺣﺴﻦ ﻟﻮ ﻧﺤﻮ ﺍﻻﺳﻮﺀ
ﻗﺎﻃﻌﻨﺎ ﺻﻮﺕ ﺷﻴﻤﺎﺀ
ﺍﺟﺘﻲ ﻭﺑﻴﺪﻫﺎ ﺍﻟﻤﻐﺮﻓﺔ ﻭﻻﺑﺴﺔ ﺻﺪﺭﻳﺔ ﺍﻟﻄﺒﺦ
.. ﻳﺎﻫﻼ ﻭﻣﻴﺖ ﻫﻼ ﻧﻮﺭﺗﻲ ﺍﻟﺒﻴﺖ
ﺍﺧﺬﺗﻬﺎ ﻟﺤﻈﻨﻬﺎ
ﺍﻧﺘﺒﻬﺖ ﻟﻀﺤﻰ ﺷﻤﺮﺕ ﺟﻨﻄﺔ ﺍﻟﻐﺮﺍﺽ ﻣﺎﻟﺘﻬﺔ
ﻭﺭﻛﻀﺖ ﻋﻠﻴﻬﺎ ﻭﺣﻀﻨﺘﻬﺎ ﻭﺿﻤﺖ ﺭﺍﺳﻬﺎ
ﺑﺼﺪﺭﻫﺎ
ﻭﺷﻬﻜﺖ ﺑﺼﻮﺕ ﺑﺎﺟﻲ ﻣﺎﻝ ﻭﺣﺪﺓ ﻣﻜﺴﻮﺭﺓ
ﺍﻧﺼﺪﻣﻨﺎ ﺍﻧﻲ ﻭﺷﻴﻤﺎﺀ
ﺍﺑﺎﻭﻉ ﻟﺸﻴﻤﺎﺀ ﻟﻤﺘﻬﺎ ﻟﺤﻀﻨﻬﺎ ﺑﻴﻦ ﺍﻳﺪﻳﻬﺎ ﻭﺻﺎﺭﺕ ﺗﻤﺴﺢ ﻋﻠﻰ
ﻇﻬﺮﻫﺎ ﺣﺘﻰ ﺗﻬﺪﻳﻬﺎ
ﺍﻧﻲ ﻭﺷﻴﻤﺎﺀ ﺟﻨﺎ ﻭﺣﺪﺓ ﺗﺒﺎﻭﻉ ﻟﻠﺜﺎﻧﻴﺔ ﻭﻟﺴﺎﻥ ﺣﺎﻟﻨﺎ ﻳﻜﻮﻝ ﺍﺧﺘﻨﺎ
ﺷﺒﻴﻬﺎ ﻣﻨﻮ ﻫﺎﺿﻤﻬﺎ
ﺷﻴﻤﺎﺀ ﻭﻫﻲ ﺗﻤﺴﺢ ﺩﻣﻮﻉ ﺿﺤﻰ .. ﺍﺷﺸﺶ ﻋﻠﻰ ﺷﻨﻮ ﻫﺎﻱ
ﺍﻟﻌﻴﻮﻥ ﺍﻟﺤﻠﻮﺓ ﺗﺒﺠﻲ
ﺿﺤﻰ ﺗﻤﺴﺢ ﺩﻣﻮﻋﻬﺎ
.. ﻭﺭﺑﻲ ﻃﻚ ﻛﻠﺒﻲ ﻋﻠﻴﻜﻢ ﻣﺸﺘﺎﻗﺘﻠﻜﻢ ﺑﺲ ﺳﻴﻒ
ﻛﻞ ﻣﺮﺓ ﻳﻄﻠﻌﻠﻪ ﺣﺠﺔ ﻭﻳﺒﻄﻞ ﻣﻴﺠﻴﺒﻨﻲ ﺍﻟﻜﻢ
ﺩﺧﻠﺖ ﺟﻮﺓ ﻟﻠﺒﻴﺖ ﻭﻧﺰﻋﺖ ﻋﺒﺎﻳﺘﻬﺎ
ﻭﻛﻌﺪﺕ ﺍﺗﻔﺤﺺ ﻭﺍﺗﻤﻌﻦ ﺑﺸﻜﻠﻬﺎ
ﻋﺴﻰ ﻭﻟﻌﻞ ﺍﻋﺮﻑ ﻋﻠﻰ ﺳﺒﺐ ﻏﺼﺔ ﺿﺤﻰ
ﻣﺎ ﺍﻗﺘﻨﻌﺖ ﺑﺤﺠﺔ ﻣﺸﺘﺎﻗﺘﻠﻜﻢ
ﺍﺑﺎﻭﻉ ﻋﻠﻴﻬﺎ
ﺟﺎﻧﺖ ﻻﺑﺴﺔ ﻣﻼﺑﺲ ﻓﺨﻤﺔ
ﻭﻣﺪﻧﺪﺷﺔ ﺑﺎﻟﺬﻫﺐ ﺍﻟﻲ ﻳﺸﻮﻑ ﺷﻜﻠﻬﺎ
ﺭﺍﺡ ﻳﻜﻮﻝ ﺍﻳﺒﺎﺍﺥ ﺷﻜﺪ ﻣﺒﻴﻦ ﻋﻠﻴﻬﺎ ﻣﺮﺗﺎﺣﺔ
ﺑﺲ ﺑﻌﻴﻮﻧﻬﺎ ﺟﺎﻥ ﺍﻛﻮ ﺣﺰﻥ ﻣﺘﻜﺪﺭ ﺗﺨﺒﻴﻪ ﻋﻨﻲ
ﺣﺘﻰ ﻟﻮ ﺗﺤﺎﻭﻝ ﺗﻠﺒﺲ ﻗﻨﺎﻉ ﺍﻟﺮﺿﻰ
ﺍﺟﺘﻲ ﺳﻠﻴﻤﺔ ﻭﺳﻠﻤﺖ ﻋﻠﻴﻬﺎ ﻭﺗﺒﺎﻭﻉ ﻋﻠﻴﻬﺎ
ﺳﻠﻴﻤﺔ .. ﻫﺎ ﻭﻟﺞ ﺿﺤﻴﻮﺓ ﺷﻔﺘﻲ ﺍﻟﺮﺟﺎﻝ ﻭﻧﺴﻴﺘﻲ ﺍﻫﻠﺞ
ﻣﺎﺗﻜﻮﻟﻴﻦ ﻫﻲ ﺑﻴﺒﻴﺘﻲ ﺧﻄﻴﺔ ﺍﺭﻭﺡ ﺍﺳﻠﻢ ﻋﻠﻴﻬﺎ
ﻟﻮ ﺗﺨﺎﻓﻴﻦ ﺍﻧﻀﺮﺑﺞ ﺑﻌﻴﻦ
....
ﻏﻤﻀﺖ ﻋﻴﻮﻧﻲ ﺑﺼﺒﺮ ﻫﺴﺔ ﻫﺎﻱ ﺷﺤﺠﻲ ﻭﻳﺎﻫﺎ
ﻣﺎ ﺍﺩﺭﻱ ﻣﻨﻴﻦ ﺗﻄﻠﻌﻠﻲ ﺑﻬﺎﻱ ﺍﻟﺴﻮﺍﻟﻒ
ﺿﺤﻰ .. ﺑﻴﺒﻲ ﻭﺍﻟﻠﻪ ﻟﻮ ﺑﻴﺪﻱ ﺍﺟﻲ ﺍﺷﻮﻓﻜﻢ ﻛﻞ ﻳﻮﻡ
ﺑﺲ ﺍﻣﺮﻱ ﻣﻮ ﺑﻴﺪﻱ ﺳﻴﻒ ﻣﻴﻘﺒﻞ ﺍﺟﻲ
.. ﻭﻟﻴﺶ ﺣﺒﻴﺒﺔ ﻣﺎ ﻳﺠﺒﺞ ﺍﻟﻨﺔ ﺷﺒﻴﻨﺎ ﻧﻜﺮﺹ ﻟﻮ ﻧﻌﺾ
ﻟﻮ ﻣﻮ ﻣﻦ ﻣﻘﺎﻣﻪ ﻭﻗﺪﺭﻩ ﺍﺣﻨﺎ
ﺷﻴﻤﺎﺀ .. ﺑﻴﺒﻲ ﺍﻧﻄﻴﻬﺎ ﻣﺠﺎﻝ ﺳﺘﻮﻫﺎ ﺍﺟﺖ ﺧﻠﻲ ﺗﺠﺮ ﻧﻔﺲ
ﺍﺑﺎﻭﻉ ﻟﺴﻠﻴﻤﺔ ﻛﺎﻣﺖ ﺗﻜﻠﺐ ﺑﻮﺟﻬﺎ ﻣﻌﺎﺟﺒﻬﺎ ﺍﻟﻌﺠﺐ
ﺩﺧﻠﺖ ﺿﺤﻰ ﻟﻠﻐﺮﻓﺔ
ﻭ ﻃﻌﻠﺘﻠﻬﺎ
ﺩﺷﺪﺍﺷﺔ ﻣﻦ ﺟﻨﻄﺘﻬﺎ ﺣﺘﻰ ﺗﺎﺧﺬ ﺭﺍﺣﺘﻬﺎ
ﻧﺰﻋﺖ ﻛﺪﺍﻣﻲ ﻭﺟﺎﻥ ﺍﻧﺼﺪﻡ ﺑﻤﻨﻈﺮ ﺟﺴﻤﻬﺎ ﻛﻠﻪ
ﺍﺛﺎﺭ ﺿﺮﺏ ﻭﺍﺯﺭﻙ ﻣﺨﻄﻂ
.. ﻟﺞ ﺿﺤﻰ ﻫﺎﻱ ﺷﻨﻮ
ﺍﺭﺗﺒﻜﺖ ﻭﻟﺒﺴﺖ ﺩﺷﺪﺍﺷﺘﻬﺎ ﺑﺴﺮﻋﺔ
ﻭﻛﺎﻟﺖ .. ﻣﺎﻛﻮ ﺷﻲ ﻫﺎﻱ ﻫﻴﺞ ﺗﺪﺭﻳﻦ ﺑﻴﺔ ﺟﺴﻤﻲ ﺣﺴﺎﺱ
ﻣﻦ ﺍﺷﺘﻐﻞ ﺍﺷﺒﻊ ﺿﺮﺑﺎﺕ ﺑﺎﻟﻜﺎﻭﻧﺘﺮ ﻟﻮ ﺑﺎﻻﺛﺎﺙ ﻭﺑﻴﺖ ﻋﻴﺎﻟﻲ ﺟﺒﻴﺮ
ﻳﺘﻌﺐ
ﺟﺎﻥ ﺣﺠﻴﻬﺎ ﻏﻴﺮ ﻣﻘﻨﻊ ﻭﻣﺎ ﺑﻴﻪ ﺍﻱ ﺭﺑﻂ
ﺑﺲ ﻋﺮﻓﺖ ﻣﺘﺮﻳﺪ ﺗﺤﺠﻴﻠﻲ ﺧﻼﺹ ﺧﻠﻴﻬﺎ ﺑﺮﺍﺣﺘﻬﺎ ﻭﺭﺍﺡ ﺍﺟﺎﺭﻳﻬﺎ
ﺑﻜﺬﺑﺘﻬﺎ
.. ﻳﺎ ﺧﻄﻴﺔ ﺍﻟﻠﻪ ﻳﺴﺎﻋﺪﺝ
ﺻﺎﺣﺘﻨﺎ ﺷﻴﻤﺎﺀ ﻋﻠﻤﻮﺩ ﻧﺠﻲ ﻧﺘﻐﺪﺓ
ﻛﻌﺪﻧﺎ ﻧﺎﻛﻞ
ﻭ ﻧﺘﺒﺎﺩﻝ ﺍﻻﺧﺒﺎﺭ ﻭﺿﺤﻰ ﻛﻞ ﺷﻮﻳﺔ ﺗﺴﺄﻟﻨﻲ ﻋﻦ
ﺍﺟﻮﺍﺀ ﺍﻟﻜﻠﻴﺔ ﻭﺍﻧﻲ ﺍﺣﺠﻠﻴﻬﺎ
ﻭﺑﻌﺪﻫﺎ ﺳﺄﻟﺖ ﺷﻴﻤﺎﺀ ﻋﻦ ﺷﻐﻠﻬﺎ
ﺍﺑﺎﻭﻉ ﻋﻠﻰ ﺿﺤﻰ ﺍﺣﺲ ﺑﻴﻬﺎ ﻛﺒﺮﺍﻧﺔ
.. ﺍﻣﻤﻤﻤﻢ ﺻﺎﺭﻟﻲ ﺷﻜﺪ ﻣﻤﺎﻛﻠﺔ ﻫﻴﺞ ﺍﻛﻞ ﻃﻴﺐ ﻟﺞ ﺷﻴﻤﺎﺀ ﻭﺍﻟﻠﻪ
ﻣﺸﺘﺎﻗﺔ ﻟﻄﺒﺨﺞ
ﺳﻠﻴﻤﺔ .. ﻟﻴﺶ ﻫﻤﺔ ﻫﻨﺎﻙ ﻣﺎ ﻳﻮﻛﻠﻮﻧﺞ ﻟﻮ ﺷﻨﻮ
.. ﻻ ﺑﻴﺒﻲ ﻳﻄﺒﺨﻮﻥ ﻭﺍﻏﻠﺐ ﺍﻻﺣﻴﺎﻥ ﺍﻧﻲ ﺍﻟﻲ ﺍﻃﺒﺨﻠﻬﻢ
ﺑﺲ ﻣﺎ ﻳﻠﺤﻚ ﻃﻌﻢ ﻃﺒﺦ ﺷﻮﻣﺔ
ﺟﻨﺎ ﻧﺎﻛﻞ ﻭﻧﺤﺠﻲ ﻭﻧﺎﻛﻞ ﻭﻧﺘﺬﻛﺮ ﺫﻳﺞ ﺍﻻﻳﺎﻡ
.. ﺑﺎﺑﺎ ﺷﺨﺒﺎﺭﻩ ﺍﺷﻮ ﻣﺎﻛﻮ
ﺷﻴﻤﺎﺀ .. ﻣﺎ ﺍﺩﺭﻱ ﺑﻲ ﺻﺎﺭﻟﻪ ﻳﻮﻣﻴﻦ ﻛﻠﺶ ﻳﺘﺄﺧﺮ ﻭ ﻟﻠﻴﻞ ﻳﺎﻟﻠﻪ
ﻳﺮﺟﻊ
.. ﻫﺎ ﻳﺎﻟﻠﻪ ﺑﻠﻜﻲ ﺍﻟﺤﻚ ﺍﺷﻮﻓﻪ ﻭﺍﺳﻠﻢ ﻋﻠﻴﻪ
ﻫﺪﻯ .. ﻟﻴﺶ ﺍﻧﺘﻲ ﻣﺎ ﻏﺎﺡ ﺗﺒﺎﺗﻴﻦ ﺍﻟﻴﻮﻡ ﻋﺪﻧﺎ
.. ﻻ ﻭﻳﻦ ﻳﺎ ﺣﺼﺮﺓ ﺍﺳﺘﺎﺫ ﺳﻴﻒ ﺍﺣﻠﻢ ﻳﺨﻠﻴﻨﻲ ﺍﺑﺎﺕ ﻋﻨﺪﻛﻢ ﻫﻮ
ﺟﻴﺔ ﺑﺎﻟﻜﻮﺓ ﺧﻼﻧﻲ ﺍﺟﻲ
.....
ﺧﻠﺼﻨﺎ ﻏﺪﺓ ﻭﻋﺰﻟﻨﺎ ﺍﻻﻛﻞ
ﻭﺭﺣﻨﺎ ﻛﻌﺪﻧﺎ ﺑﺎﻟﻐﺮﻓﺔ ﻧﺸﺮﺏ ﺟﺎﻱ
ﻭﺳﻠﻴﻤﺔ ﺭﺍﺣﺖ ﺗﺎﺧﺬﻟﻬﺎ ﻏﻔﻮﺓ ﺍﻟﻈﻬﺮﻳﺔ
ﺍﻧﺘﺒﻬﺖ ﻟﻀﺤﻰ ﻛﻠﻤﺎ ﻧﺴﺄﻟﻬﺎ ﻋﻦ ﺍﺣﻮﺍﻟﻬﺎ ﺗﺘﻬﺮﺏ ﻭﺗﻐﻴﺮ ﺍﻟﻤﻮﺿﻮﻉ
ﺿﺤﻰ .. ﺑﻨﺎﺕ ﺻﺪﻙ ﺳﻤﻌﺖ ﺑﺠﺎﺭﻧﺎ ﺍﺑﻮ ﻗﺎﺳﻢ ﺍﺗﻮﻓﻰ
.. ﺍﻱ ﺧﻄﻴﺔ ﺍﺗﻮﻓﻰ ﺍﻟﻠﻪ ﻳﺮﺣﻤﻪ
.. ﺳﻴﻒ ﻳﻜﻮﻝ ﻗﺎﺳﻢ ﺍﺑﻨﻪ ﺻﺪﻳﻘﻪ
ﻳﻜﻮﻝ ﺧﻄﻴﺔ ﺍﺳﺘﻔﻠﺴﻮﺍ ﻭﻛﻌﺪﻭﺍ ﻋﺎﻟﺤﺪﻳﺪﺓ
ﺷﻴﻤﺎﺀ .. ﺍﻟﻠﻪ ﻳﻌﻮﺿﻬﻢ ﺧﺴﺎﺭﺗﻬﻢ
ﺑﺲ ﻫﻮ ﺍﻻﻫﻢ ﻣﻦ ﺍﻟﻔﻠﻮﺱ ﺍﺑﻮ ﻗﺎﺳﻢ ﻧﻔﺴﻪ ﺭﺍﺡ ﺑﺸﻨﻮ ﻗﻴﻤﺔ
ﺍﻟﻔﻠﻮﺱ
.. ﺍﻱ ﻭﺍﻟﻠﻪ ﺻﺪﻙ ﻛﻼﻣﺞ ﺍﻟﻔﻠﻮﺱ ﻣﺎ ﺗﻜﺪﺭ ﺗﺮﺟﻊ ﺍﻟﺮﺍﺡ
ﺟﺎﻧﺖ ﺗﺸﺮﺏ ﺟﺎﻱ ﻭﺳﺮﺣﺎﻧﺔ
ﻣﺎ ﺍﻋﺮﻑ ﻟﻴﺶ ﻣﻦ ﺟﺎﻧﺖ ﺗﺤﺠﻲ ﻋﻠﻰ ﺑﻴﺖ ﺍﺑﻮ ﻗﺎﺳﻢ
ﻓﺠﺎﺀﺓ ﺍﺟﻰ ﻋﻠﻰ ﺑﺎﻟﻲ ﺻﻬﻴﺐ ﻭﻛﻼﻣﻪ
.. ﺍﻛﻮﻝ ﺿﺤﻰ ﺗﺪﻏﻴﻦ ﺻﻬﻴﺐ ﻏﺠﻊ ﻣﻦ ﺍﻟﺴﻔﻎ ( ﺭﺟﻊ ﻣﻦ ﺍﻟﺴﻔﺮ )
ﻭﺷﻔﺘﻪ ﺑﺎﻟﻔﺎﺗﺤﺔ
ﺍﻧﺘﺒﻬﺖ ﻋﻠﻴﻬﺎ ﺷﺮﻛﺖ ﺑﺎﻟﺠﺎﻱ ﻭﻇﻠﺖ ﺗﻜﺢ
ﺷﻜﻞ ﺳﺆﺍﻟﻲ ﻓﺎﺟﺌﻬﺎ
. ﻇﻠﺖ ﺍﺗﻤﺘﻤﺖ
.. ﺍﺍﺍ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻪ
.. ﺗﺪﺭﻏﻴﻦ ﻣﻦ ﻋﻐﻒ ( ﺗﺪﺭﻳﻦ ﻣﻦ ﻋﺮﻑ ) ﺑﻴﺞ ﻣﺘﺰﻭﺟﺔ ﺣﻐﻚ ( ﺟﺮﻙ ) ﺍﻟﺪﻧﻴﺎ
ﻭﺑﻴﻮﻡ ﺍﻟﻮﺻﻠﻨﻲ ﻟﻠﺒﻴﺖ ﻛﺎﻝ ﻛﻼﻡ
ﻏﻐﻴﺐ ( ﻏﺮﻳﺐ ) ﺑﺎﻟﺤﻘﻴﻘﺔ ﺻﺪﻙ ﻧﻐﻔﺰﻧﻲ ( ﻧﺮﻓﺰﻧﻲ ) ﻋﺒﺎﻟﻚ ﻫﻮ
ﺍﻟﻤﻈﻠﻮﻡ
ﺟﻨﺖ ﺍﺣﺠﻲ ﻭﺍﺑﺎﻭﻉ ﻋﻠﻰ ﻭﺟﻬﻬﺎ ﺷﻠﻮﻥ ﻛﺎﻡ ﻳﻨﻄﻲ ﺍﻟﻮﺍﻥ
ﺷﻴﻤﺎﺀ ﺣﺠﺖ ﻭﻫﻲ ﺿﺎﻳﺠﺔ
.. ﻭﻓﻮﻛﺎﻫﺎ ﺍﻻﺥ ﻫﻢ ﺟﺎﻱ ﻣﺘﺄﺧﺮ ﻭﻫﻢ ﺿﺎﻳﺞ ﺣﻀﺮﺗﻪ
ﻳﺎﻟﻠﻪ ﻭﻟﻮ ﻫﻮ ﺍﻟﺤﺠﻲ ﺑﻌﺪ ﻣﻴﻔﻴﺪ ﻛﻠﻤﻦ ﺭﺍﺡ ﺑﻄﺮﻳﻘﻪ
ﻟﻴﺶ ﻣﻜﻠﺘﻴﻠﻪ ﺍﻧﺖ ﻫﻢ ﺍﻟﻚ ﻋﻴﻦ ﺗﺤﺠﻲ ﻋﺸﻤﺖ ﺍﻟﺒﻨﻴﺔ
ﻭﺗﺎﻟﻲ ﻧﻜﺜﺖ ﺑﻮﻋﺪﻙ
ﺍﻟﻐﺮﻳﺐ ﺑﺎﻻﻣﺮ ﺍﻧﻲ ﻭﺷﻴﻤﺎﺀ ﻧﺤﺠﻲ ﺑﺎﻟﻤﻮﺿﻮﻉ ﻭﺿﺤﻰ
ﺗﺘﻬﺮﺏ ﻭﻣﺎ ﻧﻄﻘﺖ ﺑﺄﻱ ﺣﺮﻑ
.. ﺍﻛﻮﻝ ﺿﺤﻰ ﺍﻏﻴﺪ ( ﺍﺭﻳﺪ ) ﺍﺳﺄﻟﺞ ﺳﺆﺍﻝ
ﺻﺪﻙ ﺍﻡ ﺻﻬﻴﺐ ﺣﺎﺟﻴﺔ ﻭﻳﺎﺝ ﻗﺒﻞ ﻻ ﺗﻨﺨﻄﺒﻴﻦ ﺑﺄﺳﺒﻮﻉ
ﻭﻛﻠﺘﻠﺞ ﻋﻠﻰ ﺍﻻﺳﺎﺱ ﺍﻥ ﻫﻤﺔ ﻏﺎﺡ ﻳﺠﻮﻥ ﻳﺘﻘﺪﻣﻮﻟﺞ ﺑﻌﺪ
ﺍﺳﺒﻮﻋﻴﻦ
ﻭﺍﻟﺰﻭﺍﺝ ﺑﻌﺪ ﺳﻨﺔ
ﺟﺎﻭﺑﺘﻨﻲ ﻣﺮﺗﺒﻜﺔ
.. ﻫﺎ ﻻ ﻣﺎﻛﻮ ﻫﻴﺞ ﺣﺠﻲ
ﺍﻧﺘﺒﻬﺖ ﻟﺸﻴﻤﺎﺀ ﺿﻴﻜﺖ ﻋﻴﻮﻧﻬﺎ ﻭﺭﻓﻌﺖ ﺣﺎﺟﺒﻬﺎ
.. ﺷﻨﻮ ﻫﺪﻯ ﻫﺬﺍ ﺷﻮﻛﺖ ﺻﺎﺭ ﺍﻟﺤﺠﻲ
.. ﺍﻧﺎ ﻣﻜﻠﺘﻠﺞ ﺑﻴﻮﻡ ﺍﻟﻮﺻﻠﻨﻲ ﺻﻬﻴﺐ ﻟﻠﺒﻴﺖ
ﺣﺠﺔ ﻭﻳﺎﻱ ﻭﻫﻮ ﻣﻌﺼﺐ ﻭﻣﻘﻬﻮﻍ ( ﻣﻘﻬﻮﺭ )
ﻭﺣﺠﻴﺖ ﻟﺸﻴﻤﺎﺀ ﻛﻞ ﺍﻟﻲ ﺻﺎﺭ
ﻭﺿﺤﻰ ﺍﺑﺎﻭﻉ ﻋﻠﻴﻬﺎ ﺗﺮﻳﺪ ﺗﻨﻔﺠﺮ ﻛﻞ ﻛﻠﻤﺔ ﺍﺣﺠﻴﻬﺎ
ﺍﺷﻮﻓﻬﺎ ﺗﺨﺘﻨﻚ
ﺷﻴﻤﺎﺀ ﺳﺄﻟﺖ ﺿﺤﻰ ﺑﺼﻮﺕ ﻧﺎﺻﻲ
......
ﺿﺤﻰ ﻛﻮﻟﻲ ﻫﺬﺍ ﺍﻟﺤﺠﻲ ﺍﻟﺴﻤﻌﺘﻪ ﺻﺪﻙ ﻟﻮ ﺟﺬﺏ
ﺟﺎﻭﺑﺘﻬﺎ .. ﻣﻴﺤﺘﺎﺝ ﺗﺴﺄﻟﻴﻬﺎ ﻃﺒﻌﺎً ﺟﺬﺏ ﺍﺻﻼ ﺍﻧﺎ ﻣﺎ ﺻﺪﻛﺘﻪ
ﻻ ﻭﻧﻮﺏ ﻣﺎ ﻳﺴﻜﺖ ﻳﻜﻮﻝ ﻛﻮﻥ ﺍﻏﻴﺪ ﺍﻟﺒﻴﺔ ﺑﻴﻬﺎ ﻳﺼﻴﻎ
ﻭﺗﻌﻴﺶ ﻟﻮﻋﺔ ﻛﻠﺒﻲ
ﻳﻌﻨﻲ ﻓﻮﻙ ﺣﻜﻪ ﺩﻛﻪ
ﻋﺎﺩ ﺍﻧﺎ ﻣﺎ ﺳﻜﺘﺘﻠﻪ ﻭﺍﻧﻄﻴﺘﻪ ﻛﻢ ﻛﻠﻤﺔ ﺑﺎﻟﻌﻈﻢ
ﺑﺤﻴﺚ ﺑﻮﻛﺘﻬﺎ
ﺍﻧﺨﻄﻒ ﻟﻮﻧﻪ ﻭﺟﻬﻪ ﻛﺎﻡ ﻳﻌﺮﻙ ﻭﺩﺍﻋﺘﺞ ﻳﻮﻡ ﺛﺎﻧﻲ
ﺳﻤﻌﺖ ﺍﻡ ﻓﻐﺰﺩﻕ ﺗﻜﻮﻝ ﺍﻧﺘﻜﺴﺖ ﺻﺤﺘﻪ ﻭﻣﺎﺧﺬﻳﻨﻪ
ﻟﻠﻤﺲ ........
ﻓﺠﺎﺀﺓ ﺻﺮﺧﺖ ﺿﺤﻰ .. ﻫﺪﻯ ﻛﺎﺍﺍﺍﺍﺍﺍﺍﺍﺍﻓﻲ .. ﻛﺎﺍﺍﺍﺍﻓﻲ ﻭﺍﻟﻠﻪ ﻛﻠﺒﻲ
ﺑﻌﺪ ﻣﺎ ﻳﺘﺤﻤﻞ
ﻛﻠﻴﻠﻪ ﺍﻟﻠﻪ ﺍﺧﺬ ﺑﺤﻘﻚ ﻣﻨﻲ ﻭﻫﺎﻱ ﺍﻧﻲ
ﺟﺎﻱ ﺍﺗﺠﺮﻉ ﺍﻟﻤﺮ ﻛﻞ ﻳﻮﻡ ﻣﻦ ﻭﺭﺓ ﺣﻮﺑﺘﻪ
ﺟﺎﻧﺖ ﺗﺤﺠﻲ ﻭﻫﻲ ﺗﺒﺠﻲ ﻣﻨﻬﺎﺭﺓ
ﺍﻧﻲ ﻭﺷﻴﻤﺎﺀ ﺍﻧﺨﺮﺳﻨﺎ ﻭﻇﻠﻴﻨﺎ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ
ﺷﻨﻮ ﺷﺘﻘﺼﺪ
ﺷﻴﻤﺎﺀ .. ﻻ ﻣﺴﺘﺤﻴﻞ ﻣﺎ ﺍﺻﺪﻙ ﺍﻟﻲ ﺍﺳﻤﻌﻪ
ﻳﻌﻨﻲ ﺍﻧﺘﻲ ﺿﺤﻰ ﺍﻟﻲ ﺟﻨﺘﻲ ﻣﺠﻨﻮﻧﺔ ﺑﺼﻬﻴﺐ
ﺗﺴﻮﻳﻦ ﻫﻴﺞ ﻳﺎﻟﻠﻪ ﻭﺍﻧﻲ ﻛﻠﻬﻪ ﺍﺗﺤﺴﺐ ﻋﻠﻴﻪ ﻭﺍﻛﻮﻝ
ﻛﺴﺮ ﺑﺄﺧﺘﻲ ﻭﺍﺗﺄﺧﺮ ﻋﻠﻴﻬﺎ
ﺗﺎﻟﻲ ﻃﻠﻌﺖ ﺍﺧﺘﻲ ﻫﻲ ﺍﻟﻲ ﺧﺬﻟﺘﻪ ﻭﻛﺴﺮﺕ ﻛﻠﺒﻪ
ﺟﺎﻧﺖ ﺷﻴﻤﺎﺀ ﺗﺤﺠﻲ ﻭﺍﻧﻲ ﺍﺑﺎﻭﻉ ﻋﻠﻰ ﺿﺤﻰ ﻭﻛﻠﻤﺔ ﻭﺣﺪﺓ ﺗﺮﻥ
ﺑﺮﺍﺳﻲ
ﺳﺄﻟﺘﻬﺎ .. ﺯﻳﻦ ﻟﻴﺶ ﺳﻮﻳﺘﻲ ﻫﻴﺞ ﺍﻧﻄﻴﻨﻲ ﺳﺒﺐ ﺍﻗﻨﻊ ﺑﻲ ﻧﻔﺴﻲ
ﻣﻮ ﺣﺠﺖ ﻭﻳﺎﺝ ﺍﻡ ﺻﻬﻴﺐ ﻋﻤﻠﻮﺩ ﻳﺘﻘﺪﻣﻮﻟﺞ
ﻟﻴﺶ ﻗﺒﻠﺘﻲ ﺑﺴﻴﻒ
ﺿﺤﻰ ﺑﺤﺮﻛﺔ ﻛﻠﺐ .. ﻣﻜﺪﺭﺕ ﺍﺻﺒﺮ ﺑﻌﺪ ﺳﻨﺔ
ﻭﻳﺠﻲ ﻳﺘﺰﻭﺟﻨﻲ ﺟﻨﺖ ﻛﺎﻋﺪﺓ ﺍﻣﺮ ﺑﻔﺘﺮﺓ ﻋﺼﻴﺒﺔ
ﻭﺣﺎﻟﺘﻲ ﺍﻟﻨﻔﺴﻴﺔ ﻛﻠﺶ ﻣﺘﺪﻣﺮﺓ ﻣﺜﻞ ﺍﻟﻤﺴﺠﻮﻥ ﺍﻟﻲ ﻳﻨﺘﻈﺮ
ﺣﺮﻳﺘﻪ ﻳﻮﻡ ﻳﻮﻡ ﺑﺲ ﻣﻦ ﻛﺎﻟﺖ ﺑﻌﺪ ﺳﻨﺔ ﺍﻟﺰﻭﺍﺝ ﺍﺗﺪﻣﺮﺕ ﻧﻔﺴﻴﺘﻲ
ﺑﺎﻟﺰﺍﻳﺪ
ﻭﻓﻮﻙ ﻫﺬﺍ ﻛﻠﻪ ﺍﺗﻌﺎﻭﻧﻮﺍ ﺷﻬﺪ ﻭﺍﺧﻮﻫﺎ ﻭﺍﻣﻬﺎ
ﻛﻌﺪﻭﺍ ﻳﺤﺠﻮﻥ ﺑﺮﺍﺳﻲ ﻭﺣﻄﻮﻟﻲ ﺍﻟﺸﻤﺲ ﺑﻴﺪ ﻭﺍﻟﻜﻤﺮ ﺑﻴﺪ
ﺷﻴﻤﺎﺀ .. ﻭﻟﺞ ﺿﺤﻰ ﻟﺘﺠﻨﻨﻴﻨﻲ ﻫﺬﺍ ﻣﻮ ﺳﺒﺐ ﺗﺴﻮﻳﻦ ﻫﻴﺞ
ﺑﺼﻬﻴﺐ
.. ﺷﻨﻮ ﻳﻌﻨﻲ ﺧﻠﻲ ﻧﻔﺴﺞ ﺑﻤﻜﺎﻧﻲ
ﺍﻧﻲ ﻣﺴﺠﻮﻧﺔ ﻭﻳﺠﻲ ﻭﺍﺣﺪ ﺑﻲ ﻛﻞ ﺍﻟﻤﻮﺍﺻﻔﺎﺕ ﺍﻟﻤﻄﻠﻮﺑﺔ
ﻭﻳﻜﻠﺞ ﺑﺲ ﻭﺍﻓﻘﻲ ﻋﺎﻟﺰﻭﺍﺝ ﻭﺍﻟﻠﻪ ﺍﻋﻴﺸﺞ ﺍﻣﻴﺮﺓ
ﺷﻨﻮ . ﺗﺮﺩﻳﻦ ﻣﻨﻲ ﺍﺳﻮﻱ
....
ﻭﺍﻧﻲ ﺟﻨﺖ ﺍﺗﻠﻬﻒ ﺍﻃﻠﻊ ﻣﻦ ﺳﺠﻦ ﺍﻫﻠﻲ ﻭﺍﻋﻴﺶ ﺣﻴﺎﺗﻲ
ﺑﻮﻗﺘﻬﺎ ﻣﺎ ﺍﻫﺘﻤﻴﺖ ﻟﻠﺤﺐ
ﻭﻻ ﺟﻨﺖ ﺍﻓﻜﺮ ﺑﺼﻬﻴﺐ ﺟﻨﺖ ﺍﻓﻜﺮ ﺑﺲ ﺑﻨﻔﺴﻲ
ﺷﻠﻮﻥ ﺍﺗﺨﻠﺺ ﻣﻦ ﻋﻴﺸﺘﻲ ﺍﻟﻤﺮﺓ
ﺑﺲ ﺭﺑﺞ ﻣﺎ ﻋﺪﺍﻫﺎ ﺍﻟﻲ ﺗﺎﻟﻲ ﺍﻧﺼﺪﻣﺖ ﺻﺪﻣﺔ ﻋﻤﺮﻱ
ﺑﺴﻴﻒ ﻭﺍﻫﻠﻪ
ﻭﺭﺟﻌﺖ ﺗﺒﺠﻲ ﻣﻨﻬﺎﺭﺓ
ﺷﻴﻤﺎﺀ .. ﻟﺞ ﺿﺤﻰ ﻳﻮﻡ ﻋﻦ ﻳﻮﻡ ﺗﺜﺒﺘﻴﻦ ﺍﻧﺘﻲ ﺷﻜﺪ
ﻏﺒﻴﺔ ﻭﺳﻄﺤﻴﺔ ﺑﺘﻔﻜﻴﺮﺝ ﻭﺻﺪﻙ ﻧﺎﻗﺼﺔ ﻋﻘﻞ
ﺧﻠﻴﺘﻴﻨﻲ ﺍﺿﻦ ﺑﺎﻟﻮﻟﺪ ﺑﺎﻟﺴﻮﺀ
ﺟﺮﺕ ﻧﻔﺲ ﻋﻤﻴﻖ
.. ﺧﺮﺏ ﺣﻈﺞ ﺿﺤﻰ ﻭﺍﺷﻮﻑ ﺍﻡ ﻓﺮﺯﺩﻕ ﺑﻴﻮﻡ ﻋﺮﺳﺞ ﺍﺟﺘﻲ ﻭﺟﻬﺎ
ﺍﺳﻮﺩ ﻭﺿﺎﻳﺠﺔ
ﻭﺑﻮﻛﺘﻬﺎ ﺍﺳﺘﻐﺮﺑﺖ ﻟﻴﺶ ﻣﺤﺪ ﺍﺟﺔ ﻣﻦ ﺍﻫﻞ ﺻﻬﻴﺐ ﺍﺛﺎﺭﻱ
ﺣﻀﺮﺗﺞ ﻻﻋﺒﺔ ﻟﻌﺐ
ﺍﺣﺠﻲ ﺍﻧﺘﻲ ﻣﻨﻮ ﻣﺪﺍﻋﺮﻓﺞ ﻭﻳﻨﻬﺎ ﺿﺤﻰ ﺍﺧﺘﻲ ﺍﻟﻲ ﺟﺎﻧﺖ ﻣﺜﻞ
ﺍﻟﻮﺭﺩﺓ ﺍﻟﻤﻐﻤﻀﺔ
ﻭﻟﻮ ﺷﺤﺠﻲ ﻭﺷﻜﻮﻝ ﺧﻠﻲ
ﻳﻮﻟﻲ ﺍﻟﻌﺘﺐ ﺑﻌﺪ ﻣﺎ ﻳﻔﻴﺪ
ﻛﺎﻣﺖ ﻣﻦ ﻳﻤﻨﺎ ﻭﻋﺎﻓﺘﻨﺎ ﻭﻃﻠﻌﺖ ﻣﻦ ﺍﻟﻐﺮﻓﺔ ﺟﺎﻧﺖ ﻛﻠﺶ ﺿﺎﻳﺠﺔ
ﻣﻦ ﺿﺤﻰ
ﺟﺎﻧﺖ ﺿﺤﻰ ﺗﺒﺠﻲ ﺑﺪﻭﻥ ﻣﺘﺤﺠﻲ ﺍﻱ ﺷﻲ ﺣﻄﺖ ﺭﺍﺳﻬﺎ
ﻋﺎﻟﻤﺨﺪﺓ ﻭﺍﺗﻜﺮﻓﺼﺖ ﻋﻠﻰ ﺭﻭﺣﻬﺎ ﻣﺜﻞ ﺍﻟﺠﻨﻴﻦ ﻫﻤﺴﺖ ﺑﺘﻌﺐ
.. ﺍﻧﻲ ﺧﺴﺮﺕ ﻛﻠﺸﻲ ﺑﺤﻴﺎﺗﻲ
ﺍﻗﺘﺮﺑﺖ ﻣﻨﻬﺎ ﻛﺴﺮﺕ ﻛﻠﺒﻲ ﺟﺎﻥ ﻣﻨﻈﺮﻫﺎ ﻳﻘﻬﺮ
ﺍﻗﺘﺮﺑﺖ ﻣﻨﻬﺎ ﻭﻛﻌﺪﺕ ﺍﻣﺴﺪ ﻋﻠﻰ ﺭﺍﺳﻬﺎ
.. ﻛﺎﻓﻲ ﺿﺤﺎﻭﻱ ﻫﺬﺍ ﻫﻮ ﺍﻧﺴﻲ ﺍﻟﻤﺎﺿﻲ
ﻭﻋﻴﺸﻲ ﺣﻴﺎﺗﺞ ﻭﻳﺔ ﺳﻴﻒ
.. ﻟﻴﺶ ﻫﻮ ﺍﻧﻲ ﻋﻨﺪﻱ ﺣﻴﺎﺓ ﻭﻳﺔ ﺳﻴﻒ ﺣﺘﻰ ﺍﻋﻴﺸﻬﺎ
ﻟﺞ ﻫﺪﻯ ﺍﻧﻲ ﺻﺮﺕ ﺭﻣﺎﺩ
ﺟﺎﻧﺖ ﺿﺤﻰ ﺗﻌﺎﻧﻲ ﻭﻣﺘﺤﺠﻲ ﺷﻨﻮ ﺍﻟﻜﺎﻋﺪ ﻳﺼﻴﺮ ﻭﻳﺎﻫﺔ
ﺑﺒﻴﺖ ﺳﻴﻒ ﻭﺍﻫﻠﻪ ﺍﻛﺘﻔﺖ ﺑﺲ ﺑﺎﻟﺒﺠﻲ
ﺍﻭﻑ ﻳﺎﺣﻈﺞ ﻳﺎ ﺿﺤﻰ
ﻟﻠﻴﻞ ﺍﺟﺔ ﺳﻴﻒ ﻭﺍﺧﺬﻫﺎ ﺟﺎﻥ ﻣﺒﻴﻦ ﻋﻠﻴﻬﺎ ﻣﺘﺮﻳﺪ ﺗﺮﺟﻊ ﻭﻳﺎﻩ
ﺗﻜﻮﻝ ﺑﻌﺪﻧﻲ ﻣﺸﺒﺎﻋﻨﺔ ﻣﻨﻜﻢ
ﺟﺎﻧﺖ ﻫﺎﻱ ﺍﻃﻮﻝ ﺟﻴﺔ ﻟﻀﺤﻰ ﻣﻦ ﺍﺗﺰﻭﺟﺖ ﻟﺤﺪ ﻫﺴﺔ
ﻣﺮﺕ ﺍﻻﻳﺎﻡ ﻭﺍﻟﺸﻬﻮﺭ
ﻭﻗﺮﺑﺖ ﺍﻻﻣﺘﺤﺎﻧﺎﺕ ﺍﻟﻨﻬﺎﺋﻴﺔ
ﺟﺎﻧﺖ ﺣﻴﺎﺗﻲ ﺑﺎﻟﻜﻠﻴﺔ ﻛﻠﺶ ﻫﺎﺩﺋﺔ ﻭﻣﺎﻋﻨﺪﻱ ﺍﻱ ﻓﻌﺎﻟﻴﺎﺕ
ﺍﻟﻲ ﻳﺸﻮﻓﻨﻲ ﻳﻜﻮﻝ ﻫﺎﻱ ﺷﻜﺪ ﺛﻘﻴﻠﺔ ﻻﻥ ﻣﻮ ﻫﻠﻜﺪ ﺍﺧﺘﻠﻂ
ﻭﺟﻨﺖ ﻣﻜﺘﻔﻴﺔ ﺑﺼﺤﺒﺔ ﻫﺎﻟﺔ ﻭﻓﺎﻃﻤﺔ ﻧﺠﺘﻤﻊ ﺑﺎﻻﺳﺒﻮﻉ ﻣﺮﺓ
ﻣﻊ ﺑﻌﻀﻨﺎ ﺑﻜﻠﻴﺔ ﻭﺣﺪﺓ ﻣﻦ ﻋﺪﻧﺎ
ﻭﻫﺎﻟﻤﺮﺓ ﺍﺣﻨﺎ ﺭﺍﻳﺤﻴﻦ ﻟﻜﻠﻴﺔ ﻫﺎﻟﺔ
ﺟﻨﺎ ﻧﻤﺸﻲ
ﻭﻓﺎﻃﻤﺔ ﺩﺗﺼﻞ ﻋﻠﻰ ﻫﺎﻟﺔ ﺗﺮﻳﺪ ﺗﻌﺮﻑ ﻣﻜﺎﻧﻬﺎ ﻭﻳﻦ
ﺑﺲ ﻓﺠﺎﺀﺓ ﺻﺎﺭ ﻛﺪﺍﻣﻲ ﺭﺍﺋﺪ ﺟﺎﻥ ﻳﻤﺸﻲ ﻭﻳﺔ ﻛﺮﻭﺏ ﺷﺒﺎﺏ ﻣﺎ
ﺍﻧﺘﺒﻪ ﻋﻠﻴﺔ ﻣﻦ ﻣﺮ ﻣﻦ ﻳﻤﻲ
ﺍﺧﺮ ﺷﺨﺺ ﺟﻨﺖ ﺍﺗﻮﻗﻊ ﺍﺷﻮﻓﻪ ﻭﺑﻬﻴﺞ ﻣﻜﺎﻥ
ﺷﻬﻜﺖ ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻣﺼﺪﻭﻣﺔ
ﻻ ﻳﺎﺭﺑﻲ ﺩﺧﻴﻠﻚ
......
ﻫﺎ ﻳﺎﻛﻠﺒﻲ ﻣﻮ ﻋﺎﻻﺳﺎﺱ ﻛﻠﻨﺎ ﺷﻔﻰ ﺟﺮﺣﻚ ﻭﻛﻠﺖ ﻫﺎﻱ ﻫﻲ ﺑﻌﺪ
ﺧﻼﺹ
ﻓﺎﻃﻤﺔ ﺟﺎﻧﺖ ﺗﺤﺠﻲ
ﺑﺲ ﻗﻄﻌﺖ ﻛﻼﻣﻬﺎ ﻭﺑﺎﻭﻋﺖ ﻋﻠﻴﺔ ﻭﺑﻌﺪﻫﺎ
ﺑﺎﻭﻋﺖ ﻋﻠﻰ ﺍﻟﻤﻜﺎﻥ ﺍﻟﻲ ﺟﻨﺖ ﺍﺑﺎﻭﻉ ﺑﺄﺗﺠﺎﻫﻪ
ﺭﺻﺖ ﻋﻠﻰ ﺍﺳﻨﺎﻧﻬﺎ ﻭﻟﺰﻣﺖ ﺍﻳﺪﻱ ﻭﺳﺤﺒﺘﻨﻲ ﻭﺭﺍﻫﺎ
ﻭﻫﻲ ﺗﺤﺠﻲ ﻣﻦ ﺑﻴﻦ ﺍﺳﻨﺎﻧﻬﺎ
.. ﻻ ﻳﺎﻫﺪﻯ ﻣﻮ ﻫﻴﺞ ﺟﺎﻥ ﺍﺗﻔﺎﻗﻨﺎ
ﻣﺸﻴﻨﺎ ﻭﺍﻧﻲ ﺍﺗﻠﻔﺖ ﻟﻠﺨﻠﻒ ﺍﺑﺎﻭﻉ ﻋﻠﻴﻪ ﺷﻠﻮﻥ ﻳﻤﺸﻲ ﻭﻳﻀﺤﻚ
ﻭﻳﺔ ﺟﻤﺎﻋﺘﻪ
ﻭﺍﻟﻠﻪ ﺍﺣﺲ ﺍﻧﺪﻟﻴﺖ ﻣﻜﺎﻥ ﻛﻠﺒﻲ ﻣﻦ ﺷﻔﺘﻪ
ﻋﻔﻮ ﻋﻠﻴﻚ ﻳﺎﻛﻠﺒﻲ ﻣﻮ ﻫﻴﺞ ﺍﻟﻌﺸﻢ ﺑﻴﻚ ﺟﻨﺖ ﺍﺿﻨﻚ ﺍﻗﻮﻯ ﻣﻦ ﺍﻥ
ﻳﻬﺰﻙ ﺷﻮﻓﺘﻪ
ﺑﻌﺪﻫﺎ ﺍﻟﺘﻬﻴﺖ ﻭﻳﺔ ﺍﻟﺒﻨﺎﺕ ﻫﺎﻟﺔ ﻭﺻﺪﻳﻘﺎﺗﻬﺎ ﺍﺟﻮﻱ ﻋﻠﻴﻨﺎ ﻭﺭﺣﻨﺎ
ﻟﻠﻜﺎﻓﻴﺘﺮﻳﺎ
ﻭﻛﻌﺪﻧﺎ ﻫﻨﺎﻙ ﺍﺑﺎﻭﻉ ﻋﻠﻰ ﻫﺎﻟﺔ ﻫﻮﺍﻱ ﺍﺗﻐﻴﺮﺕ ﻣﻦ ﻭﻓﺎﺓ ﺍﺑﻮﻫﺎ ﻟﺤﺪ
ﻫﺴﺔ ﻭﻣﺎ ﺍﻋﺮﻑ ﺷﻨﻮ ﺍﻟﻤﺘﻐﻴﺮ ﺑﻴﻬﺎ
ﻭﺣﺪﺓ ﻣﻦ ﺻﺪﻳﻘﺎﺕ ﻫﺎﻟﺔ ﻛﺎﻟﺖ ﺑﻨﺎﺕ ﺧﻠﻲ ﻧﺮﻭﺡ ﻟﻠﻤﻄﻌﻢ ﺍﻝ ...
ﻧﺘﻐﺪﺓ ﺳﻮﻳﺔ
ﺍﺑﺎﻭﻉ ﻟﻠﺒﻨﺎﺕ ﻭﺍﻓﻘﻮﺍ ﻭﻓﺎﻃﻤﺔ ﻛﺎﻟﺖ ﺍﺫﺍ ﻫﺬﻯ ﻭﻫﺎﻟﺔ ﻳﺮﺣﻮﻥ ﺍﻧﻲ
ﺍﺭﻭﺡ
.. ﺍﻧﻲ ﻋﻨﻲ ﻋﺬﺭﻭﻧﻲ ﻣﺎ ﺍﻛﺪﺭ ﺍﺭﻭﺡ ﻭﻳﺎﻛﻢ
ﺍﺳﺘﺤﻴﺖ ﺍﻃﻠﻊ ﻭﻳﺎﻫﻢ ﻟﻠﻤﻄﻌﻢ
ﻭﺍﻧﻲ ﻳﺎﺩﻭﺏ ﻣﺠﻤﻌﺔ ﻓﻠﻮﺱ ﺍﻟﺨﻂ ﻭﺍﻟﻤﻼﺯﻡ ﻭﻏﻴﺮﻫﺎ
ﺧﻄﻴﺔ ﺷﻮﻣﺔ ﻣﻤﻘﺼﺮﺓ ﻭﻳﺎﻱ ﺑﺲ ﻫﻢ ﺣﺒﻴﺒﻚ ﺣﻠﻮ ﻻ ﺗﺎﻛﻠﻪ ﻛﻠﻪ
ﻭﻫﺎﻟﺔ ﻛﺎﻟﺖ .. ﻭﺍﻧﻲ ﻫﻤﺎﺗﻴﻦ ﻣﺎ ﺍﻛﺪﺭ ﺍﺭﻭﺡ
ﺍﻧﺘﻮﺍ ﺍﺧﺬﻭﺍ ﺭﺍﺣﺘﻜﻢ ﺍﺫﺍ ﺗﺮﺩﻭﻥ ﺗﻄﻠﻌﻮﻥ
ﺣﺠﺎ ﻭﺣﺪﺓ ﻣﻦ ﺍﻟﺒﻨﺎﺕ
.. ﺍﻛﻮﻝ ﻫﺎﻟﺔ ﺍﺷﻮ ﺍﻧﺘﻲ ﻫﻮﺍﻱ ﻣﺘﻐﻴﺮﺓ ﻣﻮ ﻣﺜﻞ ﺍﻻﻭﻝ
ﺗﻄﻠﻌﻴﻦ ﻭﻳﺎﻧﺔ
ﻫﺎﻟﺔ .. ﺑﻨﺎﺕ ﻋﺬﺭﻭﻧﻲ ﻣﺎﻟﻲ ﺧﻠﻚ
ﻟﺤﻈﺎﺕ ﻭﺍﻟﺒﻨﺎﺕ ﺟﻤﻌﻮﺍ ﻛﺘﺒﻬﻢ ﻭﺭﺍﺣﻮﺍ
ﻭﺑﻘﻴﻨﺎ ﺑﺲ ﺍﻧﻲ ﻭﻓﺎﻃﻤﺔ ﻭﻫﺎﻟﺔ
ﺑﺲ ﺭﺍﺣﻮﺍ ﻫﺎﻟﺔ ﻫﺰﺕ ﺍﻳﺪﻫﺎ
.. ﻭﺍﻟﻠﻪ ﻳﺎﺭﺑﻲ ﻳﺴﺄﻟﻮﻧﻲ ﻋﻦ ﺣﺎﻟﻲ ﺷﺒﻴﺔ ﻭﻟﻴﺶ ﻣﺘﻄﻠﻌﻴﻦ
ﻭﺗﺘﻮﻧﺴﻴﻦ ﻣﺜﻞ ﺍﻻﻭﻝ
ﻳﺎﺑﺔ ﺯﻣﻦ ﺍﻭﻝ ﺗﺤﻮﻝ ﻭﻣﺎﻋﺪﺕ ﺍﻧﺎ ﻫﺎﻟﺔ ﺍﻻﻭﻟﻴﺔ
ﻓﺎﻃﻤﺔ .. ﺣﻘﺞ ﻭﺍﻟﻠﻪ ﺣﺒﻴﺒﺘﻲ ﺍﻋﺮﻑ ﺑﻌﺪﺝ ﺣﺰﻧﺎﻧﺔ ﻋﻠﻤﻮﺩ ﻭﻓﺎﺓ ﺍﺑﻮﺝ
.. ﻣﻮ ﺑﺲ ﻫﺸﻜﻞ ﻭﺿﻴﻔﻲ ﻓﻮﻛﺎﻫﺎ ﺍﺣﻨﺎ ﻛﻌﺪﻧﺎ ﻋﺎﻟﺤﺪﻳﺪﺓ
ﻭﺻﺎﺭ ﺍﻟﻔﻠﺲ ﻋﺰﻳﺰ ﺑﻌﺪ ﻣﻮ ﻣﺜﻞ ﻛﺒﻞ ﺍﺻﺮﻑ
ﻭﺍﺑﺬﺭ ﺑﻜﻴﻔﻲ ﻭﺍﻻﺭﻳﺪﻩ ﻳﺠﻴﻨﻲ
ﺍﻟﻠﻪ ﻭﻟﻜﻢ ﻳﺎﺯﻣﻦ ﻫﺎﻟﺔ ﺗﺮﻛﺾ ﻋﺎﻟﺘﺨﻔﻴﻀﺎﺕ ﻋﻠﻤﻮﺩ ﺗﺸﺘﺮﻳﻠﻬﺎ
ﻗﻤﺺ
ﺍﻧﻲ ﺍﻟﻲ ﺟﻨﺖ ﻣﺎ ﺍﻟﺒﺲ ﺍﻻ ﻣﺎﺭﻛﺔ ﻭﻣﺎ ﺍﻋﺎﻣﻞ ﻋﺎﻟﺴﻠﻌﺔ ﻟﻮ ﺗﻨﻜﻠﺐ
ﺍﻟﺪﻧﻴﺎ
ﺗﻌﺎﻟﻮ ﺷﻮﻓﻮﻧﻲ ﻫﺴﺔ ﺷﻠﻮﻥ ﺻﺎﻳﺮﺓ ﺍﻡ ﺑﻴﺖ ﻭﺣﺮﻳﺼﺔ
ﻋﺎ ﺍﻟﻔﻠﺲ
ﺑﺲ ﺍﻟﺤﻠﻮ ﺑﺎﻟﻤﻮﺿﻮﻉ ﺍﻣﻲ ﺗﻜﻮﻝ ﻫﺴﺔ ﻳﺎﻟﻠﻪ ﺻﺮﺗﻲ ﻣﺮﺓ ﺣﻮﻙ
ﺳﺒﺎﻋﻴﺔ ﻭﻳﻌﺘﻤﺪ ﻋﻠﻴﺞ
ﻗﺒﻞ ﺟﻨﺘﻲ ﻓﺎﻫﻴﺔ ﻣﺎ ﺗﺪﺭﻳﻦ ﺑﺎﻟﺪﻧﻴﺎ ﻃﺸﺖ ﻟﻮ ﺭﺷﺖ
......
ﻫﺎﻟﺔ ﺻﺤﻴﺢ ﺟﺎﻧﺖ ﺗﺤﺠﻲ ﻭﺗﻀﺤﻚ
ﺑﺲ ﻋﻴﻮﻧﻬﺎ ﺟﺎﻧﺖ ﺗﺤﺠﻲ ﻏﻴﺮ ﺷﻜﻞ
ﻛﺴﺮﺕ ﺧﺎﻃﺮﻱ ﺻﻌﺒﺔ ﻋﻠﻰ ﺑﻨﺖ ﺍﻟﺪﻻﻝ
ﺗﻜﻮﻥ ﻣﺤﺘﺎﺟﺔ
ﻋﻠﻰ ﺍﻻﻗﻞ ﺍﻧﻲ ﻣﺘﻌﻠﻤﺔ ﻋﺎﻟﻤﺎﻛﻮ ﻭﻣﻮ ﻛﻠﺸﻲ ﺍﺭﻳﺪﻩ ﻳﺼﻴﺮ
ﻟﺰﻣﺖ ﻛﺘﻔﻬﺎ ﻭﻋﺼﺮﺗﻪ
.. ﻟﺘﻀﻮﺟﻴﻦ ﺣﺒﻴﺒﺘﻲ ﺍﻟﻠﻪ ﻳﻌﻮﺿﻜﻢ ﺍﻟﺒﺮﻛﺔ ﺑﺄﻣﺞ ﻭﺍﺧﻮﺝ
ﺍﻧﺘﺒﻬﺖ ﻟﻔﺎﻃﻤﺔ ﻏﻤﺰﺗﻠﻲ ﻭﺩﺍﺭﺕ ﻋﻠﻰ ﻫﺎﻟﺔ
ﻓﺎﻃﻤﺔ .. ﺍﻛﻮﻝ ﻫﺎﻟﺔ ﻋﻠﻰ ﻃﺎﺭﻱ ﺍﺧﻮﺝ
ﻃﻠﻊ ﺻﺪﻙ ﺑﻘﻼﻭﺓ ﻭﻫﻴﺒﺔ ﻳﺴﺘﺎﻫﻞ ﺗﻔﺘﺨﺮﻳﻦ ﺑﻲ
ﺍﻟﻠﻪ ﻳﺤﻔﻈﻪ ﺍﻟﺞ
ﻫﺪﻯ .. ﺍﻱ ﺻﺪﻙ ﻫﺎﻟﺔ ﺷﺼﺎﺭ ﻋﻠﻰ ﺳﺎﻟﻔﺔ ﺑﻴﺖ ﻋﻤﺞ ﻣﻨﻴﺮ ﻭﺍﺑﻨﻪ
ﻫﺎﻟﺔ .. ﺧﻠﻲ ﻳﻮﻟﻮﻥ ﻳﻮﻡ ﺛﺎﻧﻲ ﺍﻟﻌﺮﻛﺔ ﻣﺎﺧﺬ ﺍﺑﻨﻪ ﻭﺷﺮﺩﻩ
ﺑﺮﺓ ﺍﻟﻌﺮﺍﻕ
ﻭﻫﻮ ﻭﺭﺓ ﻳﻮﻣﻲ ﻭﻛﻊ ﺍﺗﺨﺮﺑﻂ ﺑﺎﻟﻤﺴﺘﺸﻔﻰ
ﻓﺎﻃﻤﺔ .. ﺍﻟﻠﻬﻢ ﻻ ﺷﻤﺎﺕ ﺑﺲ ﻳﺴﺘﺎﻫﻞ
.. ﻻ ﻭﺑﻌﺪ ﻗﺎﺳﻢ ﺿﺎﻣﻠﻬﻢ ﺿﻤﺔ ﺑﺲ ﺧﻠﻲ ﻳﺼﺒﺮﻭﻟﻪ
ﺑﺲ ﺧﻠﻲ ﻳﺨﻠﺺ ﺍﻟﺸﻐﻞ ﺍﻟﻤﻬﻢ ﺍﻟﻲ ﺟﻮﺓ ﺍﻳﺪﻩ
ﻭﺑﻌﺪﻳﻦ ﻳﺘﻔﺮﻏﻠﻬﻢ ﻛﺎﻝ ﻭﻋﺪ ﻋﻠﻴﺔ ﺍﺣﺎﺳﺒﻬﻢ ﻭﺍﺣﺪ ﻭﺍﺣﺪ
ﻋﺎﻟﺴﻮﻩ ﺑﺄﺑﻮﻳﺔ
ﻫﺴﺔ ﻫﻤﺔ ﻛﻠﻬﻢ ﻣﺼﺪﻭﻣﻴﻦ ﺑﺘﺼﺮﻓﺎﺕ ﻗﺎﺳﻢ ﻭﻗﺮﺍﺭﺗﻪ
ﻋﻤﻮ ﻣﺤﻤﺪ ﺭﺍﺡ ﻳﺘﺨﺒﻞ ﻣﻦ ﻭﺭﺓ ﻗﺎﺳﻢ
ﻓﺎﻃﻤﺔ .. ﻟﻴﺶ ﺷﺒﻲ ﻗﺎﺳﻢ ﺷﺴﻮﺓ ﻫﺎﻟﻤﺮﺓ
.. ﻣﺴﻮﺓ ﺷﻲ ﺑﺲ ﻛﺎﻝ ﺍﻧﺎ ﻣﻮ ﺍﺑﻮﻱ ﻭﻣﻨﺎ ﻭﺭﺍﻳﺢ ﻣﺴﺘﺤﻴﻞ ﺍﺧﻠﻴﻬﻢ
ﻳﺘﺤﻜﻤﻮﻥ ﺑﻴﻨﺎ
ﻫﺪﻯ .. ﻟﻴﺶ ﻳﺤﺠﻲ ﻫﺸﻜﻞ ﻫﻮ ﻫﺬﺍ ﺍﺧﻮﺝ ﻛﻠﺸﻲ ﻋﻨﺪﻩ
ﻋﺮﻛﺔ
.. ﻻ ﻫﺪﻯ ﻣﻮ ﻗﺼﺔ ﻋﺮﻛﺔ ﻭﺍﻧﻤﺎ ﻗﺎﺳﻢ ﺍﺧﻮﻱ ﻳﺮﻓﺾ
ﻃﺎﻋﺘﻬﻢ ﻻﻥ ﻋﻤﻮ ﻣﺤﻤﺪ ﺍﺗﻌﻮﺩ ﻫﻮ ﺩﺍﺋﻤﺎ ﺑﻴﺪﻩ ﺍﻟﺴﻠﻄﺔ
ﻭﻳﺮﻳﺪ ﻛﻮﻥ ﻗﺎﺳﻢ ﻳﺼﻴﺮ ﻣﺜﻞ ﺑﺎﺑﺎ ﻳﻤﺸﻲ ﻭﺭﺍﻩ ﻣﺜﻞ ﺫﻳﻠﻪ
ﻭﺷﻨﻮ ﻳﻜﻠﻪ ﻳﻨﻔﺬ ﺑﺪﻭﻥ ﻧﻘﺎﺵ
ﻋﻠﻤﻮﺩ ﻳﺒﻘﻰ ﺗﺤﺖ ﻇﻠﻬﻢ
ﻓﺎﻃﻤﺔ .. ﺍﻱ ﺻﺪﻙ ﻣﻮﺣﻠﻮ ﻃﺒﻊ ﻋﻤﺞ ﻣﺤﻤﺪ ﻣﺘﺸﻮﻓﻴﻦ
ﻣﻦ ﻛﺪ ﺍﻟﻄﺎﻋﺔ ﺍﻟﻌﻤﻴﺎﺀ ﺧﻠﺖ ﺍﺑﻮ ﻗﺎﺳﻢ ﻳﺴﻤﻊ ﻛﻼﻣﻪ
ﻭﻳﺸﺎﺭﻙ ﺍﺧﻮﻩ ﻭﻫﻮ ﻣﻐﻤﺾ ﻟﺤﺪ ﻣﺎ ﺍﻧﺼﺪﻡ ﺩﻳﺴﺮﻗﻮﻥ ﺣﻼﻟﻪ
ﻭﺗﻌﺒﻪ ﻭﻗﺎﺳﻢ ﻛﺮﺟﺎﻝ ﻳﺮﻓﺾ ﺍﺣﺪ ﻳﺘﺤﻜﻢ ﺑﻲ
.. ﺍﻱ ﻭﻟﻜﻢ ﻋﻠﻰ ﻃﺎﺭﻱ ﺍﻟﺘﺤﻜﻢ ﺧﻠﻲ ﺍﻛﻠﻠﻜﻢ ﻗﺎﺳﻢ ﺷﺴﻮﺓ ﻭﻳﺔ
ﻋﻤﻮ ﻣﺤﻤﺪ
.. ﺍﻱ ﺷﺴﻮﺓ
.. ﺍﻭﻝ ﺍﻳﺎﻡ ﻣﻦ ﺑﻌﺪ ﻭﻓﺎﺓ ﺑﺎﺑﺎ ﺍﻟﻠﻪ ﻳﺮﺣﻤﻪ
......
ﺟﺎﻥ ﻋﻤﻮ ﻣﺤﻤﺪ ﻛﻞ ﻳﻮﻡ ﻳﺠﻴﻨﺎ ﻭﻳﺴﻠﻢ ﻋﻠﻴﻨﺎ
ﻭﻳﻨﻄﻴﻨﻲ ﺍﻟﻲ ﻭﻟﺨﻮﺍﺗﻲ ﻛﻞ ﻭﺣﺪﺓ ﻣﺼﺮﻓﻬﺎ ﻭﻳﻨﻄﻲ ﻷﻣﻲ ﻣﺼﺮﻑ
ﻟﻠﺒﻴﺖ
ﺑﺎﻟﺤﻘﻴﻘﺔ ﺍﺣﻨﺎ ﻣﻦ ﺑﻌﺪ ﻭﻓﺎﺓ ﺑﺎﺑﺎ
ﻓﻠﺴﻨﺎ ﻭﻣﺎ ﻇﻞ ﺍﻻ ﺍﻟﺸﻲﺀ ﺍﻟﻘﻠﻴﻞ ﻧﺼﺮﻑ ﻣﻦ ﻋﻨﺪﻩ ﻟﻠﺒﻴﺖ
ﻭﻫﺎﻟﻘﺎﺳﻤﻪ ﺍﻟﻠﻪ ﺍﻟﻲ ﻳﺠﻴﺒﻪ ﻗﺎﺳﻢ ﻣﻦ ﺷﻐﻠﻪ ﺍﻟﻤﺠﻬﻮﻝ
ﻭﺟﺎﻥ ﻳﻮﺻﻞ ﺍﻟﺤﺠﻲ ﻟﻌﻤﻮ ﻣﺤﻤﺪ ﻭﻣﻦ ﻋﻨﺪﻫﺎ ﻛﺎﻡ ﻛﻞ ﻓﺘﺮﺓ ﻳﺠﻲ
ﻳﻨﻄﻴﻨﺎ ﻣﺼﺮﻑ ﺑﻴﻦ ﻗﻮﺳﻴﻦ ﺻﺎﺭ ﻫﻮ ﺍﻟﻲ ﻳﺼﺮﻑ ﻋﻠﻰ ﺑﻴﺘﻨﺎ
ﻫﺬﺍ ﺍﻟﺤﺠﻲ ﻗﺎﺳﻢ ﻣﺎ ﻋﻨﺪﻩ ﻋﻠﻢ
ﻻﻥ ﻫﻮ ﺩﻳﺸﺘﻐﻞ ﺑﻤﺸﺮﻭﻋﻪ ﻭﻫﺬﺍ ﻣﺎﺧﺬ ﻛﻞ ﻭﻗﺘﻪ ﻟﺪﺭﺟﺔ
ﻳﻄﻠﻊ
ﻣﻦ ﺍﻟﻔﺠﺮ ﻣﺎﻳﺮﺟﻊ ﺍﻻ ﺑﺘﺎﻟﻲ ﺍﻟﻠﻴﻞ ﻻ ﺍﻧﻲ ﻭﻻ ﺍﻣﻲ ﺗﻌﺮﻑ ﺷﻨﻮ ﻧﻮﻉ
ﺷﻐﻠﻪ ﺑﺲ ﺍﺳﻤﻊ ﻳﻜﻠﻠﻬﺎ ﻳﻤﺔ ﺍﻧﺪﻋﻴﻠﻲ ﻛﻮﻥ ﻳﺼﻴﺮ ﺍﻟﺒﺮﺍﺳﻲ ﻭﻣﺎ
ﺗﻄﻠﻌﻠﻲ ﻋﻜﻮﺳﻴﺎﺕ ﻭﺗﺨﺮﺏ ﻋﻠﻴﺔ ﺍﻟﺸﻐﻞ
ﻭﻋﺪ ﻋﻠﻴﺔ ﺍﺫﺍ ﺻﺎﺭ ﻭﻛﺒﻞ ﺍﻭﺩﻳﺞ ﻟﻠﺤﺞ
ﻛﺎﻥ ﻗﺎﺳﻢ
ﺑﻜﻞ ﺿﻨﻪ ﺍﻣﻲ ﻣﺪﺑﺮﻩ ﺍﻣﻮﺭ ﺍﻟﺒﻴﺖ ﺑﺎﻟﻔﻠﻮﺱ ﺍﻟﻲ ﻳﻨﻄﻴﻬﺎ ﺍﻟﻬﺔ
ﻭﺟﺎﻥ ﻳﺠﻲ ﺍﻟﻴﻮﻡ ﺍﻟﻲ ﺳﻤﻊ ﺑﻲ ﻗﺎﺳﻢ ﺍﻥ ﻋﻤﻮ ﻣﺤﻤﺪ ﺩﻳﺼﺮﻑ
ﻋﻠﻴﻨﺎ
ﻭﺑﻴﻮﻣﻬﺎ ﺭﺟﻊ ﻗﺎﺳﻢ ﻟﻠﺒﻴﺖ ﻧﺎﺭ ﻛﺒﺮﺓ
ﻭﻋﺎﺗﺐ ﺍﻣﻲ ﻭﺳﺄﻟﻬﺎ
ﻗﺎﺳﻢ .. ﺍﺳﺄﻟﺞ ﺑﺎﻟﻠﻪ ﻣﻨﻮ ﺍﺑﻮ ﺑﻴﺘﺞ ﻣﻦ ﺑﻌﺪ ﺍﺑﻮﻱ
ﺍﻡ ﻗﺎﺳﻢ .. ﺍﻧﺖ ﻳﻤﺔ ﺍﺑﻮ ﺑﻴﺘﻲ ﻭﺿﻮﺓ ﻋﻴﻮﻧﻲ
.. ﻟﻌﺪ ﺷﻠﻮﻥ ﺍﻧﻄﺎﺝ ﻛﻠﺒﺞ ﺗﻬﻴﻨﻴﻦ ﺍﺑﻮ ﺑﻴﺘﺞ ﻭﺗﻘﺒﻠﻴﻦ ﺗﺎﺧﺬﻳﻦ
ﻣﺼﺮﻓﺞ ﻣﻦ ﻏﻴﺮﻱ
ﻟﻴﺶ ﺍﻧﺎ ﻭﻳﻦ ﺭﺣﺖ ﻣﻮ ﺟﺎﻱ ﺍﻧﻄﻴﺞ ﻣﺼﺮﻑ ﻟﻠﺒﻴﺖ
ﻟﻴﺶ ﺍﺳﻤﻊ ﻣﻦ ﺍﻟﻨﺎﺱ ﻳﻜﻮﻟﻮﻥ ﺍﻟﻠﻪ ﻳﻨﻄﻲ ﻋﻤﻚ
ﻳﺼﺮﻑ ﻋﻠﻴﻜﻢ
.. ﻳﺎﻳﻤﺔ ﻭﺍﻟﻠﻪ ﻭﺍﻟﻨﻌﻢ ﻣﻨﻚ ﻣﺎﻗﺼﺮﺕ ﻭﻳﺎﻧﺔ ﻭﺍﻟﺤﻤﺪﻟﻠﻪ
ﺧﻴﺮﻙ ﻣﻐﻄﻴﻨﻲ ﺍﻧﻲ ﻭﺧﻮﺍﺗﻚ
ﺑﺲ ﻫﻮ ﻋﻤﻚ ﺍﻟﻲ ﻛﺎﻋﺪ ﻳﻔﺮﺽ ﻋﻠﻴﻨﺎ ﻧﺎﺧﺬ ﺍﻟﻤﺼﺮﻑ ﻣﻨﻪ
ﺷﺴﻮﻱ ﻳﺎﻳﻤﺔ ﻭﺍﻧﺎ ﺍﺳﺘﺤﻲ ﺍﺭﺩﻩ ﺍﻛﻮﻝ ﺯﺣﻤﺔ
.. ﻟﻌﺪ ﻫﺎﻱ ﺧﻼﺹ ﺍﻥ ﺟﺎﻥ ﻋﻠﻰ ﻋﻤﻲ ﻓﻌﻮﻓﻴﻪ ﻋﻠﻴﺔ
ﻭﺟﺎﻥ ﻳﺠﻲ ﻋﻤﻮ ﻣﺤﻤﺪ ﻟﻠﺒﻴﺖ ﻣﺜﻞ ﻛﻞ ﻣﺮﺓ
ﻭﺍﻧﻄﺔ ﺍﻟﻤﺮﺻﻒ ﻻﻣﻲ ﺑﺲ ﻗﺎﺳﻢ
......
ﻛﻠﻪ .. ﻻ ﻋﻤﻲ ﺧﻠﻲ ﻓﻠﻮﺳﻚ ﺑﺠﻴﺒﻚ
ﺍﻟﺪﺍﺭ ﺍﻟﻬﺔ ﺭﺍﻋﻴﻬﺎ ﻭﻫﻮ ﺍﻟﻲ ﻳﺼﺮﻑ ﻋﻠﻴﻬﺎ ﻭﺍﻟﻤﺴﺆﻝ ﻋﻨﻬﺎ
ﻋﻤﻮ ﻣﺤﻤﺪ ﺟﺎﻭﺑﻪ
.. ﻭﺍﻟﻨﻌﻢ ﻣﻨﻚ ﻛﻔﻮ ﺍﺩﺭﻱ ﺑﻴﻚ ﻛﺪﻫﺎ ﻭﻛﺪﻭﺩ
ﺑﺲ ﻫﺬﺍ ﺑﻴﺖ ﺍﺧﻮﻱ ﻭﺍﻧﺎ ﻣﻮ ﻏﺮﻳﺐ
ﻭﻻ ﺗﻨﺴﻰ ﺍﻧﺖ ﺑﻌﺪﻙ ﺑﺒﺪﺍﻳﺔ ﺷﻐﻠﻚ ﻭﻣﺸﺮﻭﻋﻚ ﺑﻌﺪﻩ
ﺑﺄﻭﻟﻪ ﻳﻌﻨﻲ ﺑﻌﺪﻙ ﺣﺘﻰ ﻣﺎ ﻟﺤﻜﺖ ﺗﻨﻬﺾ ﺑﻲ
ﻭﺍﻟﻲ ﻋﺮﻓﺘﻪ ﺍﻥ ﺍﻧﺖ ﻳﺎﺩﻭﺏ ﺗﻄﻠﻊ ﻣﺼﺮﻓﻚ
ﺷﻠﻮﻥ ﺭﺍﺡ ﺗﻜﺪﺭ ﺗﺼﺮﻑ ﻋﻠﻰ ﺍﻣﻚ ﻭﺧﻮﺍﺗﻚ ﻭﺗﺒﻘﻰ ﻣﺤﺎﻓﻆ ﻋﻠﻰ
ﺩﻻﻟﻬﻢ
ﻛﻠﻪ ﺑﺼﻮﺕ ﺧﺸﻦ
.. ﻋﻤﻲ ﺍﻟﻌﻴﺸﺔ ﻛﺎﻓﻠﻬﺎ ﺍﻟﻠﻪ ﻭﻣﺎ ﺩﺍﻣﻨﻲ ﺍﻧﺎ ﺍﺑﻮ ﺍﻟﺒﻴﺖ
ﻓﺎﻟﻴﺠﺮﻱ ﻋﻠﻴﺔ ﻳﺠﺮﻱ ﻋﻠﻴﻬﻢ ﻭﺩﻻﻝ ﺧﻮﺍﺗﻲ ﺍﻧﺎ ﺍﻟﻤﺴﺆﻝ ﻋﻨﻪ ﻭﻟﻮ
ﺍﻋﺮﻑ
ﺍﺣﻔﺮ ﺑﺎﻟﺼﺨﺮ ﻭﺍﺟﻴﺒﻠﻬﻢ ﺍﻟﻴﺮﺩﻭﻧﻪ ﻭﻻ ﺍﺧﻠﻲ ﻛﺎﺋﻦ ﻣﻦ ﻛﺎﻥ ﻳﺼﺮﻑ
ﻋﻠﻴﻬﻢ
ﺗﺪﺭﻭﻥ ﺑﻨﺎﺕ
ﺑﻮﻛﺘﻬﺎ ﺷﻜﺪ ﺍﻓﺘﺨﺮﺕ ﺍﻥ ﻋﻨﺪﻱ ﺍﺥ
ﻋﺰﻭﺓ ﺭﻏﻢ ﺍﻟﻲ ﻫﻮ ﺑﻲ ﺑﺲ ﻳﻜﺎﺑﺮ
ﺣﺴﻴﺖ ﺑﻌﻤﻮ ﻣﺤﻤﺪ ﺿﺎﺝ ﻣﻦ ﻛﻼﻡ ﻗﺎﺳﻢ
ﻭﺳﺄﻟﻨﺎ ﺍﻧﻲ ﻭﺧﻮﺍﺗﻲ
.. ﻛﺎﻝ ﻋﻤﻮ ﺍﻣﺎﻧﺔ ﻋﻠﻴﻜﻢ ﺍﺫﺍ ﺗﺤﺘﺎﺟﻮﻥ ﺷﻲ ﻛﻮﻟﻮ
ﻣﺎﻋﻠﻴﻜﻢ ﻣﻦ ﺍﺧﻮﻛﻢ ﻻ ﻳﺨﻮﻓﻜﻢ ﻟﻮ ﻳﺮﻫﺒﻜﻢ
ﻫﺬﺍ ﺍﻋﺮﻓﻪ ﺭﺍﺳﻪ ﻳﺎﺑﺲ ﺭﺍﺡ ﻳﻌﺎﻧﺪ ﻭﻳﻜﺎﺑﺮ
ﻛﻤﺖ ﺍﻧﻲ ﻭﻛﻠﺘﻠﻪ
.. ﻻ ﻋﻤﻮ ﺍﺣﻨﺔ ﻧﺸﻜﺮﻙ ﻻﻥ ﺗﻔﻜﺮ ﺑﻴﻨﺎ ﻭﺷﺎﻳﻞ ﻫﻤﻨﺎ
ﺑﺲ ﻟﺘﺨﺎﻑ ﻋﻠﻰ ﻗﺎﺳﻢ ﺍﺧﻮﻱ
ﻫﻮ ﻛﺪ ﺣﺠﺎﻳﺘﻪ ﻣﺎ ﺭﺍﺡ ﻳﻘﺼﺮ ﻭﻳﺎﻧﺔ
ﻭﻣﻦ ﻳﻮﻣﻬﺎ ﺍﺧﺬﺕ ﻋﻬﺪ ﻋﻠﻰ ﻧﻔﺴﻲ ﻛﻮﻥ ﺍﺳﻨﺪ ﻗﺎﺳﻢ ﺍﺧﻮﻱ
ﻭﺍﻛﻮﻑ ﻭﻳﺎﻩ ﺿﺪ ﺍﻟﺰﻣﻦ
ﻫﻬﻬﻬﻬﻪ ﻣﺎ ﺷﻔﺘﻮﺍ ﺍﺧﻮﻱ ﻗﺎﺳﻢ ﻣﻦ ﺳﻤﻌﻨﻲ ﺣﺠﻴﺖ ﻫﺸﻜﻞ
ﺑﺎﺳﻨﻲ ﻣﻦ ﺭﺍﺳﻲ ﻭﻳﻜﻠﻲ ﻫﺎﻱ ﺷﻮﻛﺖ ﻛﺒﺮﺗﻲ
ﻋﺒﺎﻟﻚ ﺍﻭﻝ ﻣﺮﺓ ﻳﺸﻮﻓﻨﻲ
ﺍﺣﻢ ﺍﺣﻢ ﻭﺍﻧﻲ ﻛﻌﺪﺕ ﺍﺭﻓﻊ ﺑﻴﺎﺧﺘﻲ
ﻫﺪﻯ .. ﺣﻠﻔﻲ ﻛﻮﻟﻲ ﻭﺍﻟﻠﻪ
ﻳﻌﻨﻲ ﻣﻌﻘﻮﻟﺔ ﻫﻴﺞ ﺑﻜﻞ ﺳﻬﻮﻟﺔ ﺑﺎﺳﺞ ﻣﻦ ﺭﺍﺳﺞ
ﻫﻴﺞ ﺑﻜﻞ ﺭﻗﺔ ﻭﺣﻨﺎﻥ ﻭﺍﻟﻠﻪ ﻣﺎ ﺍﺻﺪﻙ
ﻭﻟﺞ ﺍﺧﺎﻑ ﺿﺮﺑﺞ ﻛﻠﺔ ﻟﺮﺍﺳﺞ
ﻭﺍﻧﺘﻲ ﻣﻦ ﺯﻭﺩ ﺍﻟﺤﻤﺎﻭﺓ ﻣﺎ ﺣﺴﻴﺘﻲ
......
ﻟﺞ ﺍﻟﻌﻮﺑﺔ ﺗﻌﺒﻴﻦ ﻋﻠﻰ ﺍﺧﻮﻱ ﺍﻻ ﺍﻛﻠﻪ ﻫﺪﻯ ﺗﻌﻴﺐ ﻋﻠﻴﻚ
ﻛﻤﺰﺕ ﻣﻦ ﻣﻜﺎﻧﻲ ﻭﻛﻌﺪﺕ ﻳﻤﻬﺎ ﻭﺑﺴﺖ ﺭﺍﺳﻬﺎ
.. ﻳﻤﺎﺍﺍﺍﺍﺍﺍﻱ ﻣﻨﺞ ﻳﺎ ﻫﺎﻟﺔ ﻋﺎﺑﺘﻠﺞ ﺻﺎﻳﺮﺓ ﻭﻻ ﺗﺘﺸﺎﻗﻴﻦ
ﻓﺎﻃﻤﺔ .. ﻫﻬﻬﻬﻬﻬﻬﻬﻪ ﺻﺪﻙ ﺍﻟﺨﻮﻑ ﻳﻌﺪﻝ ﺍﻟﺸﻮﻑ
ﻣﺮﺕ ﺛﻼﺙ ﺍﺳﺎﺑﻴﻊ ﻭﺧﻠﺼﻨﺎ ﺍﻻﻣﺘﺤﺎﻧﺎﺕ ﺍﻟﻨﻬﺎﺋﻴﺔ
ﻭﺑﺄﺧﺮ ﻳﻮﻡ ﻟﻼﻣﺘﺤﺎﻧﺎﺕ ﺭﺟﻌﺖ ﻟﻠﺒﻴﺖ ﻣﺘﺄﺧﺮﺓ
ﻟﻜﻴﺖ ﺷﻴﻤﺎﺀ ﻣﻨﺘﻈﺮﺗﻨﻲ ﻭﺻﺎﻳﺮﺓ ﻋﺼﺒﻴﺔ ﻧﺎﺭ
ﺑﻌﺪﻧﻲ ﻣﺪﺧﻠﺖ ﻭﻫﻲ ﻧﺰﻟﺖ ﻋﻠﻴﺔ ﺑﺎﻻﺳﺌﻠﺔ ﻭﺍﻟﺮﺯﺍﻳﻞ
.. ﻭﻳﻦ ﺻﺮﺗﻲ ﻭﻟﻴﺶ ﺍﺗﺄﺧﺮﺗﻲ ﻭﺍﻟﻨﻘﺎﻝ ﻟﻴﺶ ﻣﻐﻠﻖ
ﻭﺍﻧﺘﻲ ﺍﻟﻰ ﻣﺘﻰ ﺗﺒﻘﻴﻦ ﻫﺸﻜﻞ
ﺟﺎﻧﺖ ﺗﺤﺠﻲ ﺑﻌﺼﺒﻴﺔ ﻭﻣﺎ ﺍﻧﻄﺘﻨﻲ ﻣﺠﺎﻝ ﺣﺘﻰ ﺍﺣﺠﻲ
ﻛﻤﻠﺖ ﻛﻼﻣﻬﺎ ﻭﻣﺤﺠﻴﺖ
.. ﺑﺲ ﺍﻫﺪﻱ ﺷﻮﻳﺔ ﻭﺧﻠﻴﻨﻲ ﺍﻓﻬﻤﺞ ﺍﻧﻲ ﺍﻟﺒﺎﺭﺣﺔ ﻣﻮ ﻛﻠﺘﻠﺞ
ﺍﻟﻴﻮﻡ ﺭﺍﺡ ﺍﻃﻠﻊ ﻭﻳﺔ ﺍﻟﺒﻨﺎﺕ ﻭﺭﺓ ﺍﻟﺪﻭﺍﻡ ﻻﻥ ﻫﺎﻟﺔ ﻋﺎﺯﻣﺘﻨﺎ ﻋﻠﻰ
ﻋﺼﻴﻎ ﻏﻤﺎﻥ ( ﻋﺼﻴﺮ ﺭﻣﺎﻥ )
ﺍﻧﺘﺒﻬﺖ ﻟﺸﻴﻤﺎﺀ ﻋﺼﺒﻴﺘﻬﺎ ﺟﺎﻧﺖ ﺯﺍﻳﺪﺓ ﻋﻦ ﺍﻟﻠﺰﻭﻡ
ﺍﻧﺘﺒﻬﺖ ﻋﻠﻴﻬﺎ ﻛﻌﺪﺕ ﻋﺎﻟﻜﺮﻭﻳﺘﺔ ﻣﺎﻟﺖ ﺍﻟﻤﻄﺒﺦ ﻭﺣﻄﺖ ﺍﻳﺪﻫﺎ ﻋﻠﻰ
ﻭﺟﻬﻬﺔ ﻭﺻﺎﺭﺕ ﺗﺒﺠﻲ ﺑﺘﻌﺐ
ﻛﻌﺪﺕ ﻳﻤﻬﺎ ﻭﺳﺄﻟﺘﻬﺎ ﺷﺒﻴﺞ ﺷﻴﻤﺎﺀ
.........
ﻭﺭﺓ ﺍﺳﺒﻮﻉ ﻣﻦ ﻣﻮﻗﻔﻲ ﺍﻧﻲ ﻭﺍﺷﻴﻤﺎﺀ ﻭﺑﻌﺪ ﺍﻟﻲ ﺳﻤﻌﺘﻪ ﻣﻦ
ﺷﻴﻤﺎﺀ
ﻗﺮﺭﺕ ﺍﺭﻭﺡ ﻭﺍﺗﺄﻛﺪ ﺑﻨﻔﺴﻲ ﻣﻦ ﺍﻟﻲ ﻛﺎﻟﺘﻪ
ﺍﺗﺼﻠﺖ ﻋﻠﻰ ﻓﺎﻃﻤﺔ ﻭﻃﻠﺒﺖ ﻣﻨﻬﺎ ﺗﺠﻲ ﻭﻳﺎﻱ
ﺍﺟﺘﻲ ﻭﻳﺎﻱ ﻭﺭﺣﻨﺎ ﻟﻠﻤﻜﺎﻥ ﺍﻟﻲ ﻭﺻﻔﺘﻪ ﺷﻴﻤﺎﺀ
ﻭﻳﺎ ﺭﻳﺘﻨﻲ ﻻ ﺭﺣﺖ ﻭﻻ ﺍﺗﺄﻛﺪﺕ ﻭﻻﻋﺘﺒﺖ ﺫﺍﻙ ﺍﻟﻤﻜﺎﻥ
ﺟﻨﺖ ﺍﻣﺸﻲ ﺑﺎﻟﺸﺎﺭﻉ ﺑﻄﺮﻳﻖ ﺍﻟﺮﺟﻌﺔ ﻭﺍﻧﻲ ﺑﺲ ﺍﺑﺠﻲ ﻣﻨﻬﺎﺭﺓ
ﻣﻌﻘﻮﻟﺔ ﺍﻟﻲ ﻛﺎﻋﺪ ﻳﺼﻴﺮ ﺑﻴﻨﺎ
ﻓﺎﻃﻤﺔ .. ﻫﺴﺔ ﻋﻯﻐﻴﺮ ﺗﻔﻬﻤﻨﻲ ﺳﺖ ﻫﺪﻯ
ﺍﺟﻴﺘﻲ ﻭﺍﺧﺬﻳﻨﻲ ﻭﺟﺒﺘﻴﻨﻲ ﻟﻬﻨﺎ ﻭﺑﻌﺪﻫﺎ ﺧﻠﻴﺘﻲ ﺍﻧﺘﻈﺮ ﺳﺎﻋﺎﺕ
ﻣﻠﻄﻮﻋﺔ ﻭﺗﺎﻟﻲ ﻃﻠﻌﺘﻲ ﺗﺒﺠﻴﻦ
ﺷﻜﻮ ﺷﺼﺎﻳﺮ ﺟﺎﻧﺖ ﻓﺎﻃﻤﺔ ﺗﺤﺠﻲ ﻭﺍﻧﻲ ﺍﻣﺸﻲ ﻭﺗﻔﻜﻴﺮﻱ ﺑﻐﻴﺮ
ﻋﺎﻟﻢ
ﺳﻮﺩﺓ ﻋﻠﻴﺔ ﺷﻮﻣﺔ ﺷﻜﺪ ﺍﺗﻤﻨﻴﺖ ﺍﻓﺮﺣﻬﺎ ﺑﺲ ﻣﻊ ﺍﻻﺳﻒ ﻣﺎ
ﻣﻜﺘﻮﺑﻠﻨﺎ ﻧﻔﺮﺡ
ﻭﺻﻠﻨﺎ ﻗﺮﻳﺐ ﻋﻠﻰ ﻣﻨﻄﻘﺔ ﻓﺎﻃﻤﺔ ﺍﻟﻲ ﻫﻲ ﻧﻔﺲ ﻣﻨﻄﻘﺘﻨﺎ ﺍﻟﻘﺪﻳﻤﺔ
ﻓﺎﻃﻤﺔ .. ﻫﺪﻯ ﻣﻮ ﺩﺍﺣﺠﻲ ﻭﻳﺎﺝ ﻟﻴﺶ ﻣﺘﺤﺠﻴﻦ
ﻭﺻﻠﻨﺎ ﻟﻠﺸﺎﺭﻉ ﺍﻟﻌﺎﻡ ﺣﺘﻰ ﻧﻌﺒﺮ
ﻭﻓﺎﻃﻤﺔ ﻻﺯﺍﻟﺖ ﻣﺴﺘﻤﺮﺓ ﺗﺤﺠﻲ
ﻭﺍﻧﻲ ﻛﻠﺒﻲ ﻣﻨﺎ ﺧﻠﺼﺎﻥ ﻭﻣﻨﺎ ﻫﻲ ﺑﺲ ﺗﺤﺠﻲ
ﻋﻄﺖ ﺑﻴﻬﺎ ﻭﺍﻧﻲ ﺍﺑﺠﻲ
.. ﻟﺞ ﻓﺎﻃﻤﺔ ﻛﺎﺍﺍﺍﺍﺍﺍﺍﻓﻲ ﻏﺤﻤﺔ ( ﺭﺣﻤﺔ ) ﻋﻠﻰ ﻭﺍﻟﺪﻳﺞ ﻣﺎﻓﻲ
ﻫﻲ ﻇﻠﺖ ﻭﺍﻛﻔﺔ ﺑﻤﻜﺎﻧﻬﺎ ﻣﺼﺪﻣﺔ ﻣﻦ ﺻﻴﺎﺣﻲ ﺑﻮﺟﻬﻬﺎ
ﻭﺍﻧﻲ ﺗﺮﻛﺘﻬﺎ ﻭﻛﻤﻠﺖ ﻃﺮﻳﻘﻲ
ﻭﻣﺸﺖ ﻭﺍﻧﻲ ﻋﻴﻮﻧﻲ ﻣﻐﻮﺷﺔ ﻣﻦ ﺍﻟﺪﻣﻮﻉ
ﻣﺎ ﺍﺳﻤﻊ ﺍﻻ ﻓﺎﻃﻤﺔ ﺻﺮﺭﺧﺔ
ﺑﺼﻮﺕ ﻣﻔﺰﻭﻉ ﺍﻟﺘﻔﺘﺖ ﻋﻠﻴﻬﺎ ﻭﻣﺎ ﺍﺣﺲ ﺍﻻﻭﺍﻧﻲ
ﻛﺪﺍﻡ ﺳﻴﺎﺭﺓ ﻋﺎﻟﻴﺔ ﺟﺎﻳﺔ ﺑﺘﺠﺎﻫﻲ ﺑﻜﻞ ﺳﺮﻋﺘﻬﺎ
ﺟﺎﻧﺖ ﻣﺠﺮﺩ ﻟﺤﻈﺔ ﺳﻤﻌﺖ ﺑﻴﻬﺎ ﺻﻮﺕ ﻓﺮﺍﻣﻞ ﺍﻟﺴﻴﺎﺭﺓ ﻭﺍﻧﻲ
ﺍﻧﺸﻤﺮﺕ ﻓﻮﻙ ﺍﻟﺴﻴﺎﺭﺓ ﻣﺜﻞ ﺍﻟﻌﺎﺑﺔ
ﻭﺍﻧﻀﺮﺑﺖ ﺑﺎﻟﻜﺎﻉ
ﺷﻠﻮﻥ ﻭﺷﻮﻛﺖ
ﻣﺎ ﺣﺴﻴﺖ ﺍﻻ ﺍﻟﻈﻼﺍﺍﺍﺍﺍﺍﻡ ﺩﻳﺴﺤﺒﻨﻲ ﻟﻌﺎﻟﻢ ﺍﻟﺴﻜﻮﻥ
.......
ﺷﻴﻤﺎﺀ
ﺟﻨﺖ ﺍﻣﺸﻲ ﺑﻤﻤﺮ ﺍﻟﻤﺴﺘﺸﻔﻰ ﻛﻠﺒﻲ ﻳﺮﻳﺪ ﻳﻄﻠﻊ ﻣﻦ ﺍﻟﺨﻮﻑ
ﺍﺭﻳﺪ ﺑﺲ ﺍﻭﺻﻞ ﻭﺍﺷﻮﻑ ﺷﺼﺎﺭ
ﺍﺣﺲ ﺑﺮﺟﻠﻴﺔ ﺛﻜﻴﻼﺕ ﻭﻣﺎﺑﻴﻬﻢ ﺣﻴﻞ ﺑﻌﺪ ﻳﺤﻤﻠﻮﻧﻲ
ﺍﻣﺸﻲ ﻭﺍﺳﺄﻝ ﻋﻦ ﻣﻜﺎﻧﻬﻢ
ﻗﺒﻞ ﺷﻮﻳﺔ ﺍﺗﺼﻞ ﻋﻠﻴﺔ ﺑﺎﺑﺎ
ﻭﺍﻧﻲ ﺑﺎﻟﻤﺴﺘﺸﻔﻰ
.. ﻟﺞ ﺷﻴﻤﺎﺀ ﻟﺤﻜﻲ ﺍﺧﺘﺞ ﻫﺪﻯ ﺳﻮﺕ ﺣﺎﺩﺙ ﻭﻧﻘﻠﻮﻫﺎ
ﻟﻠﻤﺴﺘﺸﻔﻰ
ﻋﻄﺖ ﻣﻔﺰﻭﻋﺔ .. ﻻ ﻳﺎﺭﺑﻲ ﺩﺧﻴﻠﻚ ﺷﻠﻮﻥ ﻭﺷﻮﻛﺖ
ﺟﺎﻥ ﺻﻮﺕ ﺍﺑﻮﻳﺔ ﻣﻔﺰﻭﻉ
.. ﻫﺴﺔ ﺳﺘﻮﻫﻢ ﺟﺎﺑﻮﻫﺎ ﻟﻠﻤﺴﺘﺸﻔﻰ ﻭﺍﻧﺎ ﻣﺎ ﺍﻋﺮﻑ ﺷﺴﻮﻱ ﺭﺍﺡ ﺍﺗﺨﺒﻞ ﺟﺎﺑﻮﻫﺎ ﻏﺮﻛﺎﻧﺔ ﺑﺪﻣﻬﺎ
ﻛﻠﺒﻲ ﺍﻧﻌﺼﺮ ﻣﻦ ﺳﻤﻌﺖ ﺑﺄﺳﻢ ﺑﻨﻴﺘﻲ ﻫﺪﺍﻭﺗﻲ ﻣﺴﻮﻳﺔ ﺣﺎﺩﺙ
ﺟﻨﺖ ﺍﺣﺠﻲ ﻭﻳﺔ ﺑﺎﺑﺎ
ﻭﺍﻧﻲ ﻣﺨﺒﻮﺻﺔ ﺍﻧﺰﻉ ﺍﻟﺼﺪﺭﻳﺔ ﺍﻟﺒﻴﻀﺔ ﻭﺷﻤﺮﺗﻬﺎ ﻋﻠﻰ ﺭﺑﺎﺏ ﻭﺍﻧﻲ ﺍﺭﻛﺾ ﻣﺜﻞ ﺍﻟﻤﺨﺒﻠﺔ
.. ﻋﺰﺓ ﺑﻌﻴﻨﻲ
ﻛﻠﻲ ﻫﺴﺔ ﻫﻲ ﺑﺄﻱ ﻣﺴﺘﺸﻔﻰ ﻧﻘﻠﻮﻫﺎ
.. ﺗﻌﺎﻟﻲ ﺑﺴﺮﻋﺔ ﻋﻠﻰ ﻧﻔﺲ ﺍﻟﻤﺴﺘﺸﻔﻰ ﺍﻟﻲ ﺍﺷﺘﻐﻞ ﺑﻴﻬﺎ
_ ﻟﻴﺶ ﺷﻮﺩﺍﻫﺎ ﻳﻢ ﺑﻴﺘﻨﺎ ﺍﻟﻘﺪﻳﻢ
_ ﻫﺴﻪ ﻣﻮ ﻭﻛﺖ ﺳﻮﺍﻟﻔﺞ ﺗﻌﺎﻟﻲ ﺑﺴﺮﻋﺔ
ﻭﺍﻧﻬﻰ ﺍﻻﺗﺼﺎﻝ
ﻭﺭﺍﺡ ﻭﺗﺮﻛﻨﻲ ﻟﻮﺣﺪﻱ ﺍﺗﺼﺎﺭﻉ ﻭﻳﺔ ﺍﻟﺨﻮﻑ
ﺍﺟﺘﻲ ﺭﺑﺎﺏ ﺗﺮﻛﺾ ﻭﺭﺍﻱ ﺑﻬﺮﻭﻟﺔ
.. ﻟﺞ ﺷﻴﻤﺎﺀ ﺍﺣﺠﻲ ﺷﺼﺎﻳﺮ
ﺟﺎﻭﺑﺘﻬﺎ ﺑﺼﻴﺎﺡ ﻭﺍﻧﻲ ﺧﺎﻳﻔﺔ .. ﻟﺞ ﺍﺧﺘﻲ ﻫﺪﻯ ﺩﻋﻤﺘﻬﺎ ﺳﻴﺎﺭﺓ ﻭﻫﺴﺔ ﻫﻲ ﺑﺎﻟﻤﺴﺘﺸﻔﻰ ﻭﻣﺎ ﺍﻋﺮﻑ ﺷﻨﻮ ﻭﺿﻌﻬﺎ
.. ﺍﻧﺘﻈﺮﻳﻨﻲ ﺍﺟﻲ ﻭﻳﺎﺝ ﻣﺎ ﺍﻛﺪﺭ ﺍﻋﻮﻓﺞ ﻟﻮﺣﺪﺝ ﻭﺍﻧﺘﻲ ﺑﻬﺎﻱ ﺍﻟﺤﺎﻟﺔ
ﻭﺍﻟﻠﻪ ﻣﻦ ﻛﺪ ﺍﻟﻬﻠﻊ ﻭﺍﻟﺨﻮﻑ ﺣﺘﻰ ﻣﺎ ﺍﻋﺮﻑ ﺷﻠﻮﻥ ﻭﺻﻠﺖ ﻟﻠﻤﺴﺘﺸﻔﻰ
ﺟﻨﺖ ﺍﻣﺸﻲ ﻭﺍﻧﻲ ﺣﺎﺑﺴﺔ ﺍﻻﻧﻔﺎﺱ ﺑﺘﺮﻗﺐ
ﻭﻣﻨﺘﻈﺮﺓ ﺷﻮﻛﺖ ﺗﻨﺰﻝ ﺭﺣﻤﺔ ﺍﻟﻠﻪ ﻋﻠﻴﻨﺎ
ﺭﺑﺎﺏ ﺗﻬﺪﻱ ﺑﻴﺔ .. ﺷﻮﻣﺔ ﺣﺒﻴﺒﺘﻲ ﻋﻠﻰ ﻛﻴﻔﺞ ﺍﻥ ﺷﺎﺀ ﺍﻟﻠﻪ ﻣﺎ ﺑﻴﻬﺎ ﺷﻲ
.. ﺍﻟﻠﻪ ﻳﺴﻤﻊ ﻣﻨﺞ
ﺷﻔﺖ ﺑﺎﺑﺎ ﻭﺍﻛﻒ ﺑﻨﻬﺎﻳﺔ ﺍﻟﻤﻤﺮ ﻭﻋﻤﻮ ﺍﻣﺠﺪ ﻭﺍﻟﺸﺮﻃﺔ ﻭﺍﻛﻔﻴﻦ ﻳﻤﻬﻢ
ﻳﻤﺔ ﺍﻧﻲ ﺷﻔﺖ ﺍﻟﺸﺮﻃﺔ ﻭﺍﻧﻲ ﺍﺗﺨﺒﻠﺖ
.. ﻋﺰﺓ ﺑﻌﻴﻨﻲ ﺻﺎﺭﺕ ﺑﻴﻬﺎ ﺷﺮﻃﺔ ﺍﻛﻴﺪ ﺣﺎﻟﺔ ﺍﺧﺘﻲ ﺧﻄﺮﺓ
ﺭﺣﺖ ﻳﻤﻬﻢ ﻭﺍﻧﻲ ﺍﺑﺎﻭﻉ ﻟﻠﻮﺟﻮﻩ
ﺷﺎﻓﻨﻲ ﻋﻤﻮ ﺍﻣﺠﺪ ﻭﺍﺟﺔ ﻋﻠﻴﺔ ﺳﺄﻟﺘﻪ
.. ﻫﺎ ﻋﻤﻮ ﺍﺣﺠﻴﻠﻲ ﺍﺧﺘﻲ ﺷﻠﻮﻧﻬﺎ ﻭﻭﻳﻨﻬﺎ ﻫﺴﺔ
.. ﻋﻠﻰ ﻛﻴﻔﺞ ﻋﻤﻮ ﻟﺘﺨﺎﻓﻴﻦ ﺍﻥ ﺷﺎﺀ ﻣﺎ ﺑﻴﻬﺎ ﺷﻲ
ﻫﺴﺔ ﺩﺧﻠﻮﻫﺎ ﻫﻨﺎ
ﻭﺍﺷﺮ ﻋﻠﻰ ﺍﻟﻐﺮﻓﺔ ﺍﻟﻮﺭﺍﻩ
ﻭﻣﻨﺘﻈﺮﻳﻦ ﻳﻄﻠﻊ ﺍﻟﺪﻛﺘﻮﺭ ﻭﻳﻔﻬﻤﻨﺎ ﺷﺒﻴﻬﺎ
ﺍﻧﺘﺒﻬﺖ ﻋﻠﻰ ﺑﺎﺑﺎ ﻛﺎﻡ ﻳﺼﻴﺢ ﻭﻫﺪ ﻋﻠﻰ ﺭﺟﺎﻝ ﺿﺨﻢ ﻭﺍﻛﻒ ﻛﺪﺍﻣﻪ ﻭﻛﻠﻪ
.. ﻭﺍﻟﻠﻪ ﺍﺫﺍ ﺻﺎﺭ ﺑﺒﻨﺘﻲ ﺷﻲ ﺑﻴﻮﺗﻜﻢ ﺍﻋﺰﻟﻬﺎ ﻋﻠﻰ ﺭﻭﺳﻜﻢ
ﺟﺎﻥ ﺍﻟﺮﺟﺎﻝ ﻧﺎﻃﻴﻨﻲ ﻇﻬﺮﻩ
ﻭﻭﻳﺎﻩ ﻣﺠﻤﻮﻋﺔ ﺭﻳﺎﺟﻴﻞ ﻭﻛﻔﻮﺍ ﺑﻮﺟﻪ ﺑﺎﺑﺎ ﻳﻬﺪﻭﻧﻪ
ﺍﻟﺘﻔﺖ ﺍﻟﺮﺟﺎﻝ ﻳﺤﺠﻲ ﻭﻳﺔ ﺍﻟﺒﺼﻔﻪ
ﻭﺻﺎﺭ ﺑﻮﺟﻬﻲ ﻭﺟﺎﻥ ﺍﻭﻛﻒ ﻣﺼﺪﻭﻣﺔ ﻭﺳﺄﻟﺖ ﻋﻤﻮ ﻭﺍﻧﻲ ﻋﺎﻗﺪﺓ ﺣﻮﺍﺟﺒﻲ
.. ﻋﻤﻮ ﺷﻨﻮ ﺍﻟﻘﻀﻴﺔ ﻫﺬﺍ ﻗﺎﺳﻢ ﺍﺑﻦ ﺟﻮﺍﺭﻳﻨﺎ ﺷﻨﻮ ﻳﺴﻮﻱ ﻫﻨﺎ ﻭﻟﻴﺶ ﺑﺎﺑﺎ ﻳﺘﻌﺎﺭﻙ ﻭﻳﺎﻩ
ﺟﻨﺖ ﺍﺣﺠﻲ ﻭﺍﻋﻴﻮﻧﻲ ﺗﺪﻭﺭ ﻋﺎﻟﺤﻮﻟﻲ
ﻭﺟﺎﻥ ﺍﺷﻮﻑ ﻣﻨﺎﻙ ﻋﻠﻰ ﺻﻔﺤﺔ ﻓﺎﻃﻤﺔ ﻛﺎﻋﺪﺓ ﺗﺒﺠﻲ ﺑﺤﻈﻦ ﺍﻣﻬﺎ
......
ﻭﻓﺎﻃﻤﺔ ﺷﺒﺴﺮﻋﺔ ﻭﺻﻠﻠﻬﺎ ﺍﻟﺨﺒﺮ
ﺍﻣﺠﺪ .. ﻭﺍﻟﻠﻪ ﻳﺎﻋﻤﻮ ﻋﻠﻤﻲ ﻣﻦ ﻋﻠﻤﺞ ﺍﻧﺎ ﻫﻢ ﺳﺘﻮﻧﻲ
ﻭﺻﻠﺖ ﻟﻠﻤﺴﺘﺸﻔﻰ
ﻭﻟﻜﻴﺖ ﺍﺑﻮﺝ ﺟﻨﻪ ﻣﺨﺒﻞ ﻣﺠﻠﺐ ﺑﺨﻮﺍﻧﻴﻚ ﻫﺬﺍ ﺍﻟﻮﻟﺪ
ﻭﺍﻟﻨﺎﺱ ﻛﺎﻋﺪ ﺗﻔﺎﻛﻚ ﺑﻴﻬﻢ ﻭﺍﺧﺘﺞ ﻟﺤﺪ ﻫﺴﺔ ﻣﺸﻔﺘﻬﺎ
ﺑﺲ ﺍﺗﻮﻗﻊ ﻫﺬﺍ ﺍﻟﺮﺟﺎﻝ ﻫﻮ ﺍﻟﻲ ﺩﻋﻢ ﻫﺪﻯ
ﻟﻄﻤﺖ ﻋﻠﻰ ﺻﺪﺭﻱ .. ﻳﺎﻳﻤﺔ ﺳﻮﺩﺓ ﻋﻠﻴﺔ ﺧﻴﺘﻲ
ﺗﺮﻛﺖ ﻋﻤﻮ ﻭﺭﺣﺖ ﺑﺘﺠﺎﻩ ﻓﺎﻃﻤﺔ ﻭﺍﻣﻬﺎ ﻭﺍﺑﻮﻫﺎ
ﺧﻄﻴﺔ ﺍﻣﻬﺎ ﺷﺎﻓﺘﻨﻲ ﻭﻛﺎﻣﺖ ﺳﻠﻤﺖ ﻋﻠﻴﺔ ﻭﺣﻀﻨﺘﻨﻲ
ﻭﺍﻧﻲ ﻣﺎ ﺍﻋﺮﻑ ﺷﺒﻴﺔ ﺍﻟﺪﻣﻌﺔ ﻋﺎﻧﺪﺕ ﻭﻳﺎﻱ
ﻣﺘﺮﺿﻰ ﺗﻨﺰﻝ
ﻭﻓﺎﻃﻤﺔ ﺍﺗﺒﻌﺖ ﺍﻣﻬﺎ ﺑﺲ ﺣﻀﻨﺘﻨﻲ ﺣﻴﻞ ﻭﺗﺒﺠﻲ ﻣﻨﻬﺎﺭﺓ
ﺍﺧﺬﺗﻬﺎ ﻟﺤﻈﻨﻲ ﺟﺎﻧﺖ ﺗﺮﺟﻒ
ﻣﺎ ﺍﻋﺮﻑ ﻣﻨﻮ ﻳﺼﺒﺮ ﻋﻠﻰ ﻣﻨﻮ
ﺣﺠﻴﺖ ﻭﺍﻧﻲ ﺍﻭﺍﺳﻴﻬﺎ
.. ﻓﺎﻃﻤﺔ ﺣﺒﻴﺒﺘﻲ ﺍﻫﺪﺋﻲ ﻭﻟﺘﺒﺠﻴﻦ ﺍﻥ ﺷﺎﺀ ﺍﻟﻠﻪ ﻫﺪﻭﺷﺔ ﻣﺒﻴﻬﺎ ﺷﻲ
ﺟﺎﻭﺑﺘﻨﻲ ﺑﺼﻮﺕ ﻣﺘﻘﻄﻊ
.. ﺷﻴﻤﺎﺀ ﺷﻠﻮﻥ ﺗﺮﺩﻳﻦ ﻣﻨﻲ ﺍﻫﺪﻱﺀ
ﻭﻭﺍﻧﻲ ﺷﻔﺘﻬﺎ ﻛﺪﺍﻡ ﻋﻴﻨﻲ
ﺷﻠﻮﻥ ﻃﻴﺮﺗﻬﺎ ﺍﻟﺴﻴﺎﺭﺓ
ﻣﻠﺤﻜﺖ ﻋﻠﻴﻬﺎ ﺍﺟﻴﺖ ﻟﻜﻴﺘﻬﺎ ﻣﻤﺪﺩﺓ ﺑﺎﻟﻜﺎﻉ ﻭﻏﺮﻛﺎﻧﺔ ﺑﺪﻣﻬﺎ
ﻛﻼﻡ ﻓﺎﻃﻤﺔ ﻫﺪ ﺣﻴﻠﻲ ﻭﺧﻤﻂ ﻛﻠﺒﻲ ﺑﺤﺠﻴﻬﺎ
ﺑﻌﺪ ﺍﻟﺴﻤﻌﺘﻪ ﻣﻜﺪﺭﺕ ﺍﺑﻘﻰ ﻭﺍﻛﻔﺔ ﻋﻠﻰ ﻃﻮﻟﻲ ﺟﺴﻤﻲ ﺻﺎﺭ ﻛﻠﻪ ﻳﺮﺟﻒ
ﺣﺴﻴﺖ ﻋﻠﻰ ﺍﻳﺪﻳﻦ ﻟﺰﻣﺘﻨﻲ ﻭﺳﻨﺪﺗﻨﻲ
ﺑﺎﻭﻋﺖ ﺟﺎﻧﺖ ﺭﺑﺎﺏ ﻛﻌﺪﺗﻨﻲ ﻋﺎﻟﻜﺮﺳﻲ
ﻭﺍﺧﺬﺕ ﻣﻦ ﺍﻡ ﻓﺎﻃﻤﺔ ﺑﻄﻞ ﺍﻟﻤﺎﻱ
ﻓﺘﺤﺘﻪ ﻭﻛﺎﻟﺖ
.. ﻫﺎﺝ ﺍﺧﺬﻱ ﺷﺮﺑﻲ ﻣﺎﻱ ﻭﺟﻬﺞ ﺍﻧﻜﻠﺐ ﻛﺮﻛﻢ
ﺟﺎﻧﺖ ﻫﺎﻱ ﺍﺧﺮ ﻛﻠﻤﺔ ﺍﺳﻤﻌﻬﺎ
ﺑﻌﺪﻫﺎ ﺻﺮﺕ ﻋﺒﺎﻟﻚ ﺑﻌﺎﻟﻢ ﺛﺎﻧﻲ ﻛﺄﻧﻤﺎ ﺑﺪﺍﺧﻞ ﻗﺎﺭﻭﺭﺓ
ﻋﺎﺯﻟﺘﻨﻲ ﻋﻨﻬﻢ
ﺣﺴﻴﺖ ﻧﻔﺴﻲ ﻛﺠﺴﺪ ﻳﻤﻬﻢ
ﻟﻜﻦ ﺭﻭﺣﻲ ﺳﺎﻓﺮﺕ ﻟﻐﻴﺮ
ﻋﺎﻟﻢ ﻭﻟﻐﻴﺮ ﺯﻣﻦ ﻫﻨﺎﺍﺍﺍﺍﺍﺍﺍﻙ ﻭﺍﺷﻮﻑ ﻣﺠﻤﻮﻋﺔ ﺑﻨﺎﺕ ﺻﻐﺎﺭ ﻛﺎﻋﺪﺍﺕ ﺳﻮﻳﺔ
ﺍﻱ ﻫﻴﺎﺗﻨﻲ ﺍﻧﻲ ﻛﺎﻋﺪﺓ ﻭﺩﺍﻳﺮ ﻣﺪﺍﻳﺮﻱ
ﺧﻮﺍﺗﻲ ﺍﻻﺭﺑﻌﺔ
ﺍﻱ ﻫﻴﺎﺗﻬﺎ ﻫﺎﻱ ﻣﺮﻭﺓ ﺩﺗﺪﺭﺱ ﻣﻨﺪﻣﺠﺔ ﻭﻳﺔ ﺍﻟﻜﺘﺎﺏ
ﻭﻫﺎﻱ ﺿﺤﺎﻭﻱ ﺩﺗﻌﺪﻝ ﺑﺸﻌﺮﻫﺎ ﻭﺗﺒﺎﻭﻉ ﻟﺮﻭﺣﻬﺎ ﺑﺎﻟﻤﺮﺍﻳﺔ
ﻭﻫﺎﻱ ﺑﻨﻴﺔ ﺻﻐﻴﺮﺓ ﺑﺎﻟﻜﻤﺎﻁ ﺩﺗﺮﺿﻊ ﺣﻠﻴﺒﻬﺎ ﻭﻫﻲ ﺭﺍﺿﻴﺔ ﺍﻱ ﻫﺎﻱ ﻣﺮﻳﻮﻣﺔ ﺍﺧﺘﻲ
ﻭﻫﻨﺎﻙ ﺑﻨﻴﺔ ﺻﻐﻴﺮﺓ ﻋﻴﻮﻧﻬﺎ ﻋﻴﻮﻥ ﺍﻟﺤﻮﺭ
ﻭﺷﻌﺮﻫﺎ ﺍﻟﻄﻮﻳﻞ ﻣﻨﻔﻮﺵ ﻣﻦ ﺩﻭﻧﻬﻢ ﺍﺟﺘﻨﻲ ﺗﺸﺘﻜﻲ
ﺗﺒﺠﻲ ﻣﻀﺮﻭﺑﺔ
ﻫﻨﺎﻙ ﻭﺍﺷﻮﻑ ﺍﻡ ﻓﺮﺯﺩﻕ
ﻟﺰﻣﺖ ﺍﻳﺪﻫﺎ ﻭﻛﺎﻟﺖ ﺧﻄﻴﺔ ﻫﺎﻱ ﺍﻟﺒﻨﻴﺔ ﻳﺎﻣﻜﺜﺮ ﻋﺜﺮﺍﺗﻬﺎ
ﻭﻇﻠﺖ ﺗﻜﺮﺭ ﻫﺎﻱ ﺍﻟﻜﻠﻤﺔ
ﺍﻛﺜﺮ ﻣﻦ ﻣﺮﺓ
ﻋﺜﺮﺍﺗﻬﺎ .. ﻋﺜﺮﺍﺗﻬﺎ .. ﻋﺜﺮﺍﺗﻬﺎ
ﻟﺤﺪ ﻣﺎ ﺻﺮﺧﺖ ﺑﻴﻬﺎ ﺣﺘﻰ ﺗﺴﻜﺖ
ﻋﻄﺖ ﺑﺼﻮﺕ ﺭﺝ ﺍﺭﻛﺎﻥ ﺻﺪﺭﻱ ﺭﺝ
ﺣﺴﻴﺖ ﻋﻠﻰ ﺍﻳﺪﻳﻦ ﺗﻬﺰﻧﻲ ﺣﺘﻰ ﺍﺻﺤﻰ
ﺭﻣﺸﺖ ﻋﻴﻮﻧﻲ ﻭﻟﻜﻴﺖ ﻧﻔﺴﻲ ﻣﻐﻤﻰ ﻋﻠﻴﺔ ﺑﺤﻀﻦ ﺭﺑﺎﺏ ﻭﺍﻡ ﻓﺎﻃﻤﺔ ﺩﺗﻤﺴﺢ ﻋﻠﻰ ﻭﺟﻬﻲ ﺑﺎﻟﻤﺎﻱ ﻭﺗﻘﺮﺓ ﺍﻳﺎﺕ
ﺭﺑﺎﺏ .. ﺣﺒﻴﺒﺘﻲ ﺷﻮﻣﺔ ﻣﺎ ﺍﺗﻮﻗﻌﺘﺞ ﻫﺸﻜﻞ ﺿﻌﻴﻔﺔ ﻭﺑﺴﺮﻋﺔ ﺗﻨﻬﺎﺭﻳﻦ
ﻋﻮﺩ ﻫﺎﻱ ﺍﻧﺘﻲ ﺍﻟﺴﺒﺎﻋﻴﺔ ﻫﺸﻜﻞ ﺳﻨﺤﺘﻲ
ﻋﻠﻴﺔ
ﺣﺠﻴﺖ ﻭﺍﻧﻲ ﺍﻋﺪﻝ ﺑﻜﻌﺪﺗﻲ ﺍﻟﻤﺎﻳﻠﺔ ﺣﻄﻴﺖ ﺷﻌﺮﻱ ﻭﺭﺓ ﺍﺫﻧﻲ ﺑﻌﺪﺗﻪ ﻋﻦ ﻭﺟﻬﻲ
ﻭﺍﺳﺘﺮﺩﻳﺖ ﺍﻟﻨﻔﺲ ﻭﺍﺗﻤﺎﺳﻜﺖ ﺍﻛﺜﺮ ﻭﺳﺤﺒﺖ ﻧﻔﺲ ﻋﻤﻴﻖ ﻭﺍﻟﺘﻔﺘﺖ ﻋﻠﻰ ﻓﺎﻃﻤﺔ ﻭﺳﺄﻟﺘﻬﺎ
......
ﻓﺎﻃﻤﺔ ﻟﻴﺶ ﺍﻧﺘﻲ ﻭﻫﺪﻯ ﻭﻳﻦ ﺟﻨﺘﻮﺍ ﺣﺘﻰ ﺍﻧﺪﻋﻤﺖ
ﻛﻮﺓ ﻛﺪﺭﺕ ﺍﻛﻤﻞ ﻛﻼﻣﻲ
.. ﺍﻟﻴﻮﻡ ﺍﻟﺼﺒﺢ ﺍﺗﺼﻠﺖ ﻋﻠﻴﺔ ﻫﺪﻯ ﻭﻛﺎﻟﺖ ﻓﺎﻃﻤﺔ ﺍﺭﻳﺪﺝ ﺗﺠﻴﻦ ﻭﻳﺎﻱ ﻋﻠﻰ ﻓﺪ ﻣﻜﺎﻥ
ﺳﺄﻟﺘﻬﺎ ﻋﻠﻰ ﻭﻳﻦ
ﻛﺎﻟﺖ ﺍﺧﺬﺝ ﻭﺑﻌﺪﻳﻦ ﺍﻛﻠﺞ ﻭﻳﻦ
ﺍﺟﺘﻲ ﻋﻠﻴﺔ ﻭﺍﺧﺬﺗﻨﻲ ﻋﻠﻰ ﺑﻨﺎﻳﺔ ﻣﺸﺘﺮﻛﺔ ﻧﺼﻬﺎ ﻛﺎﻥ ﻣﺮﻛﺰ ﺗﺠﻤﻴﻞ ﻭﺍﻟﻨﺺ ﺍﻟﺜﺎﻧﻲ ﻋﻴﺎﺩﺓ ﺍﻻﻣﺮﺍﺽ ﺍﻟﻨﺴﺎﺋﻴﺔ ﻭﺍﻟﺤﻤﻞ ﻭﺍﻟﻮﻻﺩﺓ
ﺭﺣﻨﺎ ﻛﻌﺪﻧﺎ ﻭﻫﻲ ﻛﺎﻟﺖ ﺍﺑﻘﻲ ﻫﻨﺎ
ﺭﺍﺣﺖ ﺣﺠﺖ ﻭﻳﺔ ﺍﻟﺴﻜﺮﺗﻴﺮﺓ ﻣﺎ ﺍﻋﺮﻑ ﺷﻨﻮ ﻛﻠﺘﻠﻬﺎ
ﻭﺑﻌﺪﻫﺎ ﺍﺟﺘﻲ ﻛﻌﺪﺕ ﻳﻤﻲ
ﺳﺄﻟﺘﻬﺎ ﺷﻨﻮ ﺍﻟﻔﻠﻢ
ﻛﺎﻟﺖ .. ﺍﺭﻳﺪ ﺍﺭﺍﺟﻊ ﺍﻟﺪﻛﺘﻮﺭﺓ ﻋﻨﺪﻱ ﺷﻐﻠﺔ
ﺑﺎﻭﻋﺖ ﻋﻠﻴﻬﺎ ﻭﺭﻓﻌﺖ ﺣﺎﺟﺒﻲ
.. ﺍﻱ ﻣﻦ ﺍﻻﻭﻝ ﻭﻛﻮﻟﻲ ﻫﻴﺞ ﺗﺮﻳﺪﻳﻦ ﺗﺴﻮﻳﻦ ﺗﺠﻤﻴﻞ
ﺷﻜﻮ ﻣﺪﺧﻠﺘﻨﻲ ﺑﺎﻻﻧﺬﺍﺭ ﻭﻛﻞ ﺷﻮﻳﺔ ﺗﺠﻴﻨﻲ ﺣﺴﺒﺔ ﺑﺮﺍﺳﻲ
ﺯﻳﻦ ﺷﺴﻮﻳﻦ ﺧﺸﻤﺞ ﺣﻠﻮ ﻭﺷﻔﺎﻳﻔﺞ ﻣﺘﺤﺘﺎﺝ
ﻣﺠﺎﻭﺑﺘﻨﻲ ﻭﺟﺎﻧﺖ ﻛﻠﺶ ﻣﺘﻮﺗﺮﺓ
ﻭﺑﻌﺪﻫﺎ ﺍﻧﺘﻈﺮﻧﺎ ﻣﺎ ﻳﻘﺎﺭﺏ ﺍﻟﺴﺎﻋﺘﻴﻦ ﻧﻨﺘﻈﺮ ﺳﺮﺍﻧﺎ
ﺷﻮﻳﺔ ﺍﻟﺴﻜﺮﺗﻴﺮﺓ ﺻﺎﺣﺖ ﺑﺎﺳﻢ ﻫﺪﻯ
ﻭﻫﻲ ﻛﺎﻣﺖ ﻭﺍﻧﻲ ﻛﻤﺖ ﺣﺘﻰ ﺍﺩﺧﻞ ﻭﻳﺎﻫﺎ ﺑﺎﻭﻋﺘﻠﻲ
ﻛﺎﻟﺖ .. ﻻ ﻓﺎﻃﻤﺔ ﺍﻧﺘﻲ ﺍﺑﻘﻲ ﻫﻨﺎ ﺍﻧﺘﻈﺮﻳﻨﻲ ﻣﺎ ﺭﺍﺡ ﺍﺗﺄﺧﺮ
ﺩﺧﻠﺖ ﻟﻠﺪﻛﺘﻮﺭﺓ ﻟﻮﺣﺪﻫﺎ
ﻭﺑﻘﻴﺖ ﺍﻧﺘﻈﺮﻫﺎ ﻭﺭﺓ ﻓﺘﺮﺓ
ﻃﻠﻌﺖ ﻫﺪﻯ ﻭﻭﺟﻬﺎ ﺍﺣﻤﺮ ﻭﺍﻟﻌﻴﻮﻥ ﺣﻤﺮ
ﺑﺲ ﺍﺷﻮ ﻫﺎﻱ ﻃﻠﻌﺖ ﻣﻦ ﻳﻢ ﺍﻟﺪﻛﺘﻮﺭﺓ ﻣﻨﻬﺎﺭﺓ ﺑﺲ ﺗﺒﺠﻲ
ﻭﺗﻤﺸﻲ ﺑﺪﻭﻥ ﻣﺘﺤﺲ ﻋﻠﻰ ﺭﻭﺣﻬﺎ
ﻣﺸﻴﺖ ﻭﺭﺍﻫﺎ ﺟﺎﻥ ﺍﻟﻤﺮﻛﺰ ﻣﻮ ﻫﻮﺍﻱ ﻳﺒﻌﺪ ﻋﻦ ﻣﻨﻄﻘﺘﻨﺎ
ﺣﻮﺍﻟﻲ ﻋﺸﺮ ﺩﻗﺎﻳﻖ ﺑﺎﻟﺴﻴﺎﺭﺓ ﻇﻠﺖ ﺗﻤﺸﻲ ﻭﺍﻧﻲ ﺍﺳﺄﻟﻬﺎ
.. ﻫﺪﻯ ﺷﺒﻴﺞ ﺍﺣﺠﻴﻠﻲ ﺷﻜﻮ ﺷﺼﺎﻳﺮ ﻟﻴﺶ ﺗﺒﺠﻴﻦ
ﻣﺎ ﺭﺩﺕ ﻋﻠﻴﺔ
ﺍﺳﻤﻌﻬﺎ ﺗﺤﺠﻲ ﻭﻫﻲ ﺑﻐﻴﺮ ﻋﺎﻟﻢ ﻭﻛﺎﻟﺖ
ﺷﻜﺪ ﺟﻨﺖ ﺍﺗﻤﻨﻰ ﺍﻓﺮﺡ ﺷﻴﻤﺎﺀ ﺑﺲ ﻣﻊ ﺍﻻﺳﻒ ﺷﻜﻞ ﺍﻟﻔﺮﺣﺔ ﻣﺎ ﻣﻜﺘﺒﻮﺗﻠﻨﺎ
ﻣﻔﻬﻤﺖ ﻋﻠﻴﻬﺎ ﻭﻭﺻﻠﻨﺎ ﻗﺮﻳﺐ ﻋﻠﻰ ﻣﻨﻄﻘﺘﻨﺎ ﻭﺻﻠﻨﺎ ﻧﻌﺒﺮ ﺍﻟﺸﺎﺭﻋﻴﻦ
ﻭﺍﻧﻲ ﺟﻨﺖ ﺍﺣﺠﻲ ﻭﻳﺎﻫﺎ ﺑﺲ ﻓﺠﺎﺀﺓ ﻫﻲ ﻋﺎﻃﺖ ﺑﻴﺔ
ﺑﺼﻮﺕ ﻋﺎﻟﻲ ﻭﻋﻴﻮﻧﻬﺎ ﻏﺮﻛﺎﻧﺔ ﺑﺎﻟﺪﻣﻮﻉ
ﻇﻠﻴﺖ ﻭﺍﻛﻔﺔ ﺑﻤﻜﺎﻧﻲ ﻣﺼﺪﻭﻣﺔ
.. ﻫﺎﻱ ﺷﺒﻴﺞ ﻫﺪﻯ ﺍﺗﺨﺒﻠﺘﻲ
ﺑﺲ ﺷﻜﻠﻬﺎ ﻣﺪﺍﺗﺴﻤﻌﻨﻲ ﻣﺸﺖ ﻭﻛﻤﻠﺖ ﻃﺮﻳﻘﻬﺎ ﺑﺪﻭﻥ ﻣﺘﻨﺘﺒﻪ
ﺍﺟﻴﺖ ﺍﻣﻮﺕ ﻣﻦ ﺍﻟﺼﺪﻣﺔ ﻣﻦ ﺷﻔﺖ
ﺍﺟﺘﻲ ﺳﻴﺎﺭﺓ ﺳﺮﻳﻌﺔ ﻃﺎﻳﺮﺓ ﻭﺩﻋﻤﺘﻬﺎ ﻟﻬﺪﻯ
ﺑﻌﺪﻫﺎ ﺻﺎﺭ ﻛﻠﺸﻲ ﺳﺮﻳﻊ
ﺍﻟﺘﻤﺖ ﺍﻟﻨﺎﺱ ﻭﻫﺪﻯ ﻣﻤﺪﺓ ﺑﺎﻟﺸﺎﺭﻉ
ﻭﺍﻧﻲ ﺑﺲ ﺍﻋﻴﻂ ﻣﻦ ﺍﻟﺨﻮﻑ
ﻧﺰﻝ ﺍﻟﺮﺟﺎﻝ ﺻﺎﺣﺐ ﺍﻟﺴﻴﺎﺭﺓ ﺭﻓﻌﺖ ﺭﺍﺳﻲ ﺣﺘﻰ ﺍﺷﻮﻓﻪ ﻣﻨﻮ ﺣﺘﻰ ﺍﺣﻔﻆ ﺷﻜﻠﻪ ﻭﺟﺎﻥ ﺍﻧﺼﺪﻡ ﺻﺪﻣﺔ ﻋﻤﺮﻱ ﻣﻦ ﺷﻔﺘﻪ ﻗﺎﺳﻢ ﺍﺧﻮ ﻫﺎﻟﺔ ﺻﺪﻳﻘﺘﻨﺎ
ﺷﺎﻟﻬﺔ ﻣﻦ ﺍﻟﻜﺎﻉ ﻭﺭﻛﺾ ﺑﻴﻬﺎ ﺻﻌﺪﻫﺎ ﺑﺎﻟﺴﻴﺎﺭﺓ
ﻭﺭﻛﺒﺖ ﻭﻳﺎﻫﻢ ﻭﻛﻢ ﻭﺍﺣﺪ ﻣﻦ ﺍﻫﻞ ﺍﻟﻤﻨﻄﻘﺔ ﺟﺎﻧﻮﺍ ﺷﺎﻫﺪﻳﻦ ﻫﻢ ﺍﺟﻮﻱ ﻭﺭﺍﻧﺎ
ﻭﻭﺻﻠﻨﺎ ﻋﻠﻰ ﺍﻗﺮﺏ ﻣﺴﺘﺸﻔﻰ
ﻭﺑﻌﺪﻫﺎ ﺟﺎﺑﻮﺍ ﺳﺪﻳﺔ ﻭﺍﺧﺬﻭﻫﺎ ﻣﻦ ﻋﻨﺪﻩ ﺟﺎﻧﺖ ﻣﻼﺑﺲ ﻗﺎﺳﻢ ﻛﻠﻬﺎ ﺩﻡ
ﻣﻦ ﺳﻤﻌﺖ ﻛﻼﻡ ﻓﺎﻃﻤﺔ ﺍﺟﻴﺖ ﺍﻣﻮﺕ ﺑﺪﻣﻲ
ﻭﺳﺄﻟﺘﻬﺎ ﺑﺨﻮﻑ ﺍﺭﻳﺪ ﺍﺗﺄﻛﺪ ﻣﻦ ﺻﺤﺔ ﻇﻨﻮﻧﻲ
ﺣﺠﻴﺖ ﺑﺼﻮﺕ ﻣﺘﺮﺩﺩ .. ﺷﻨﻮ ﺍﺳﻢ ﺍﻟﻤﺮﻛﺰ ﺍﻟﻲ ﺭﺣﺘﻮﺍ ﻋﻠﻴﻪ
ﺟﺎﻭﺑﺘﻨﻲ
.. ﺍﺳﻤﻪ ﻣﺮﻛﺰ ﺍﻝ .......
......
ﻟﻄﻤﺖ ﻋﻠﻰ ﺧﺪﻱ .. ﻻ ﻳﺎ ﺭﺑﻲ ﺳﺘﺮﻙ
ﺻﺨﺎﻡ ﺍﻟﺼﺨﻤﻨﻲ
ﻳﺎﻳﻤﺔ ﺍﻧﻲ ﺷﺴﻮﻳﺖ ﺑﺄﺧﺘﻲ ﻭﺍﻟﻠﻪ ﺟﻨﻴﺖ ﻋﻠﻴﻬﺎ
ﻟﻮ ﻇﺎﻟﺔ ﺳﺎﻛﺘﺔ ﺍﺣﺴﻨﻠﻲ ﻫﺴﺔ ﺷﺤﺠﺎﻧﻲ
ﺷﻠﻮﻥ ﻧﺴﻴﺖ ﻫﺪﻯ ﻭﻓﻀﻮﻟﻬﺎ
ﻫﺪﻯ
ﺩﻛﻴﺖ ﺍﻟﺒﺎﺏ ﻭﺍﻧﻲ ﻛﻠﺒﻲ ﻳﺪﻙ ﻳﺮﻳﺪ ﻳﻄﻠﻊ ﻣﻦ ﺻﺪﺭﻱ
ﺍﺟﺎﻧﻲ ﺍﻟﺮﺩ
.. ﺍﺗﻔﻀﻞ ﺍﺩﺧﻞ
ﻣﺎ ﺍﻋﺮﻑ ﺷﺼﺎﺭ ﺑﻴﺔ ﻣﻦ ﺳﻤﻌﺖ ﺻﻮﺗﻬﺎ
ﺍﺣﺲ ﺟﺴﻤﻲ ﻛﻠﻪ ﻛﺎﻡ ﻳﺮﺗﻌﺪ ﻗﻮﻳﺖ ﻛﻠﺒﻲ ﻭﻧﻮﻳﺖ ﺍﻟﻌﺰﻡ
ﻭﻓﻮﺿﺖ ﺍﻣﺮﻱ ﻟﻠﻪ
ﻓﺘﺤﺖ ﺍﻟﺒﺎﺏ ﻭﻓﺘﺖ
ﺟﺎﻧﺖ ﻛﺎﻋﺪﺓ ﻋﻠﻰ ﻛﺮﺳﻲ ﻛﺪﺍﻡ ﺍﻟﻤﻜﺘﺐ
ﻻﺑﺴﺔ ﺍﻟﻤﺎﻧﺘﻮ ﺍﻻﺑﻴﺾ ﺍﻟﺨﺎﺹ ﺑﺎﻟﺪﻛﺘﻮﺭﺍﺕ
ﻭﻋﻠﻰ ﺭﻛﺒﺘﻬﺎ ﻣﻠﺘﻔﺔ ﺳﻤﺎﻋﺔ ﺍﻟﻔﺤﺺ
ﻭﻻﺑﺴﺔ ﻧﻈﺎﺭﺍﺕ ﻃﺒﻴﺔ ﻭﺷﻌﺮﻫﺎ ﻛﺎﻥ ﻟﻮﻧﻪ ﻋﺴﻠﻲ ﻗﺼﻴﺮ
ﺟﺎﻧﺖ ﻣﺪﻧﻜﺔ ﻭﺩﺗﻜﺘﺐ ﻋﺎﻟﻮﺭﻗﺔ
ﺍﺗﻘﺪﻣﺖ ﻭﻭﻛﻔﺖ ﻛﺪﺍﻡ ﺍﻟﻤﻜﺘﺐ ﺧﻠﺼﺖ ﻛﺘﺎﺑﺔ ﻭﺭﻓﻌﺖ ﺭﺍﺳﻬﺎ ﻭﻫﻲ ﻣﺒﺘﺴﻤﺔ
ﻭﺻﺎﺭﺕ ﻋﻴﻨﻲ ﺑﻌﻴﻨﻬﺎ
ﺟﻠﻴﺖ ﺻﻮﺗﻲ ﻭﺣﺠﻴﺖ
.. ﺍﺣﻢ ﺷﻠﻮﻧﺞ ﺩﻛﺘﻮﻏﺔ ﻣﻐﻮﺓ ( ﺩﻛﺘﻮﺭﺓ ﻣﺮﻭﺓ )
ﺍﺧﺘﻔﺖ ﺍﺑﺘﺴﺎﻣﺘﻬﺎ ﻭﻋﻘﺪﺕ ﺣﻮﺍﺟﺒﻬﺎ
ﻭﻭﻛﻊ ﺍﻟﻘﻠﻢ ﻣﻦ ﺑﻴﻦ ﺍﻳﺪﻳﻬﺎ
ﺣﺠﺖ ﻭﻫﻲ ﻣﺘﻔﺎﺟﺌﺔ
.. ﻫﺪﻯ !!!!!!!!!!!!!!
ﺭﺟﻌﺖ ﻓﺘﺤﺖ ﺣﻠﻜﻬﺎ ﺗﺮﻳﺪ ﺗﺤﺠﻲ ﺷﻲ ﺑﺲ ﺷﻜﻠﻬﺎ
ﻏﻴﺮﺕ ﺭﺃﻳﻬﺎ ﻭﺑﻄﻠﺖ ﺗﺤﺠﻲ
ﻟﻠﺤﻈﺔ ﺷﻔﺖ ﻣﺮ ﺑﻌﻴﻮﻧﻬﺎ ﻭﻣﻀﺔ ﻟﻬﻔﺔ ﻋﻠﻰ ﺩﻓﻮ
ﺑﺲ ﺳﺮﻋﺎﻥ ﻣﺎ ﺍﺗﻼﺷﺖ ﻫﺎﻱ ﺍﻟﻨﻈﺮﺓ ﻭﺣﻠﺖ ﻣﺤﻠﻬﺎ ﺍﻟﻼﻣﺒﺎﻻﺕ
ﻏﻤﻀﺖ ﻋﻴﻮﻧﻬﺎ ﻭﺳﺤﺒﺖ ﻧﻔﺲ ﻋﻤﻴﻖ
ﻭﺣﺠﺖ ﺑﻜﻞ ﺑﺮﻭﺩ
.. ﺍﻧﺘﻮﺍ ﺷﻨﻮ ﺳﺎﻟﻔﺘﻜﻢ
ﺷﻜﻠﻜﻢ ﺍﺧﺬﺕ ﺭﺟﻠﻜﻢ ﻋﺎﻟﻌﻴﺎﺩﺓ
ﻭﺍﺗﻌﻮﺩﺗﻮﺍ ﻛﻠﻤﺎ ﺗﺤﺘﺎﺟﻮﻥ ﺷﻲ ﺗﺠﻮﻥ ﻋﻠﻰ ﻣﺮﻭﺓ
ﻳﺎﻟﻠﻪ ﻛﻮﻟﻲ ﻓﻀﻴﻨﻲ ﺍﻧﺘﻲ ﺍﻟﺜﺎﻧﻴﺔ ﺷﻨﻮ ﺗﺮﺩﻳﻦ
ﺍﺗﻔﺎﺟﺌﺖ ﺑﺮﺩﻫﺎ ﻭﺍﺳﻠﻮﺑﻬﺎ ﺑﺎﻟﻜﻼﻡ ﺿﺮﺑﻨﻲ ﻋﻠﻰ ﻭﺟﻬﻲ
.. ﻣﻐﻮﺓ ﺍﻧﻲ ﺍﺧﺘﺞ ﻫﺪﻯ ﺷﻨﻮ ﻧﺴﻴﺘﻴﻨﻲ
.. ﺍﻧﻲ ﻣﺎ ﻋﻨﺪﻱ ﺧﻮﺍﺕ ﻭﺍﺫﺍ ﻫﺴﺔ ﺭﺍﺡ ﺗﻜﻌﺪﻳﻦ ﺗﺬﻛﺮﻳﻨﻲ ﺑﺎﻟﻤﺎﺿﻲ ﻭﺍﻣﻨﺎ ﻭﺍﻟﻌﺎﺋﻠﺔ
ﻓﻤﻦ ﻫﺴﺔ ﺍﻛﻠﺞ ﻟﺘﻀﻴﻌﻴﻦ ﻭﻗﺘﺞ ﻭﻭﻗﺘﻲ
ﺍﻧﻲ ﺣﺎﻟﻴﺎً ﻋﻨﺪﻱ ﻣﺮﺍﺟﻌﻴﻦ ﺩﻳﻨﺘﻈﺮﻭﻧﻲ
.. ﻣﺮﻭﺓ ﻣﺎ ﺍﺗﻮﻗﻌﺖ ﻛﻠﺒﺞ ﻫﻴﺞ ﻗﺎﺳﻲ ﻋﻠﻰ ﺧﻮﺍﺗﺞ
ﺗﺪﻏﻴﻦ ( ﺗﺪﺭﻳﻦ ) ﺍﻧﻲ ﺍﺟﻴﺘﺞ ﺍﻟﻴﻮﻡ ﻋﻠﻤﻮﺩ ﺷﻮﻣﺔ ﺍﺧﺘﻲ ﺍﻟﻲ ﻛﻀﺖ
ﻃﻮﻝ ﻫﺎﻱ ﺍﻟﻤﺪﺓ ﺗﺒﺠﻲ ﻭﺗﺴﺄﻝ ﻋﻨﺞ
ﺍﺗﻤﻨﻴﺖ ﺍﺣﺠﻲ ﻭﻳﺎﺝ ﻭﺗﺴﻤﻌﻴﻨﻲ ﺣﺘﻰ ﻳﻨﺘﻬﻲ ﺳﻮﺀ ﺍﻟﻔﻬﻢ ﺍﻟﻲ ﺑﻴﻨﺎﺗﻨﺎ
ﻭﻧﻐﺠﻊ ( ﻧﺮﺟﻊ ) ﺧﻮﺍﺕ ﻣﺜﻞ ﻗﺒﻞ ﻭﺣﺪﺓ ﻛﻠﺒﻬﺎ ﻋﻠﻰ ﺍﻟﺜﺎﻧﻴﺔ
.. ﻫﺪﻯ ﺭﺣﻤﺔ ﻋﻠﻰ ﻭﺍﻟﺪﻳﺞ ﺑﺪﻭﻥ ﻟﻒ ﻭﺩﻭﺭﺍﻥ
ﻃﻠﻌﺖ ﻣﻦ ﺟﻨﻄﺘﻬﺎ ﺭﺯﻣﺖ ﻓﻠﻮﺱ
ﻭﻛﻌﺪﺕ ﺗﺤﺴﺐ ﺑﻴﻬﻢ
.. ﻛﻮﻟﻲ ﻣﻦ ﺍﻻﺧﻴﺮ ﺷﻜﺪ ﻣﺤﺘﺎﺟﺔ ﺣﺘﻰ ﺍﻧﻄﻴﺞ ﻭﺗﺘﻴﺴﺮﻳﻦ
ﻣﻦ ﻛﺪﺍﻣﻲ ﺷﻤﺮﺕ ﺭﺯﻣﺔ ﺍﻟﻔﻠﻮﺱ ﺟﺎﻧﺖ ﻛﻠﻬﺎ ﻓﺌﺔ
٢٥ ﺍﻟﺤﻤﺮﺓ
.. ﺑﺎﻟﻠﻪ ﺷﻮ ﺍﺧﺬﻱ ﻫﺬﻭﻟﻲ ﻭﺷﻮﻓﻴﻬﻢ ﻳﻜﻔﻮﻧﺞ
ﻟﻮ ﻣﺜﻞ ﺍﺑﻮﺝ ﺟﺎﻳﺔ ﻭﻋﻨﺪﺝ ﻣﺒﻠﻎ ﻣﺤﺪﺩ ﺑﺒﺎﻟﺞ
ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ
.. ﻣﻔﺘﻬﻤﺖ ﻋﻠﻴﺞ ﺑﺎﺑﺎ ﺷﻨﻮ ﺩﺧﻠﻪ ﺑﺎﻟﻤﻮﺿﻮﻉ
.. ﺣﻀﺮﺕ ﺍﻟﻮﺍﻟﺪ ﺍﻟﻤﺤﺘﺮﻡ
ﻫﻮ ﻫﻢ ﺟﺎﻥ ﻫﻨﺎ ﺑﻤﻜﺎﻧﺞ ﻗﺒﻞ ﻛﻢ ﻳﻮﻡ
ﺍﺟﺎﻧﻲ ﻭﻭﻛﻒ ﻧﻔﺲ ﻫﺎﻱ ﻭﻛﻔﺘﺞ
ﻭﻃﻠﺐ ﻣﻨﻲ ﺍﺳﺎﻋﺪﻩ ﻭﺍﻧﻄﻴﻪ ﻛﻢ ﻓﻠﺲ
ﻋﻠﻤﻮﺩ ﻳﺴﺎﻋﺪﻛﻢ ﺑﺸﻨﻮ ﻳﺴﺎﻋﺪﻛﻢ
ﻣﺎ ﺍﻋﺮﻑ ﻭﻻ ﺍﺭﻳﺪ ﺍﻋﺮﻑ
........
ﻛﻤﻴﺔ ﺍﻟﺘﺤﻘﻴﺮ ﺍﻟﻲ ﻣﻮﺟﻮﺩﺓ ﺑﻜﻼﻡ ﻣﺮﻭﺓ
ﺳﻠﺒﺖ ﻣﻨﻲ ﺍﻟﻜﻼﻡ ﻭﺧﻠﺘﻨﻲ ﺧﺎﻭﻳﺔ
ﺣﺠﻴﺖ ﻣﺨﺬﻭﻟﺔ ﻭﻏﻤﻀﺖ ﻋﻴﻮﻧﻲ ﺑﻘﻬﺮ
.. ﺧﻠﻲ ﻓﻠﻮﺳﺞ ﻋﻨﺪﺝ ﺍﻧﻲ ﻣﻤﺤﺘﺎﺟﺘﻬﻢ
ﻣﺎ ﺍﺟﻴﺘﺞ ﻋﻠﻤﻮﺩ ﻓﻠﻮﺱ
ﻭﺍﻧﻤﺎ ﺍﺟﻴﺖ ﺍﻃﺎﻟﺐ ﺑﺄﺧﺘﻲ ﻣﺮﻭﺓ ﺣﺘﻰ ﺗﺮﺟﻊ ﺍﻟﻨﺎ
ﻭﺭﺩﺕ ﺍﻃﻤﻦ ﺷﻴﻤﺎﺀ ﻭﺍﻓﺮﺣﻬﺎ ﺑﺸﻮﻓﺘﺞ
ﺑﺲ ﺍﻟﻈﺎﻫﺮ ﺍﻧﻲ ﺭﺍﻳﺤﺔ ﺯﺍﻳﺪﺓ
ﺍﺑﺘﺴﻤﺖ .. ﻻ ﻟﻴﺶ ﺍﺧﺬﻳﻬﻢ ﻳﻔﻴﺪﻭﻧﺞ
ﺑﻠﻜﻲ ﺗﺴﻮﻳﻦ ﻋﻤﻠﻴﺔ ﻟﻠﻮﺣﻤﺔ
ﻟﻮ ﺍﻧﺘﻲ ﺟﺎﻳﺔ ﻋﻠﻤﻮﺩ ﻫﺬﺍ ﺍﻟﺸﻲ ﺑﺎﻻﺳﺎﺱ
ﺗﺮﻳﺪﻳﻦ ﺗﺴﻮﻳﻦ ﻋﻤﻠﻴﺔ ﺑﺎﻟﻤﺮﻛﺰ
ﻋﺎﺩﻱ ﻛﻮﻟﻲ ﻟﺘﺴﺘﺤﻴﻦ
ﺗﺮﺓ ﻋﻠﻤﺘﻨﻲ ﺍﻟﺪﻧﻴﺎ ﺍﻥ ﺍﻟﻨﺎﺱ ﻛﻠﻬﺎ ﻣﺼﺎﻟﺢ ﻣﺤﺪ
ﻳﺴﻠﻢ ﻋﻠﻰ ﺍﺣﺪ ﺍﺫﺍ ﻣﺎ ﻋﻨﺪﻩ ﻣﺼﻠﺤﺔ
ﺟﺎﻧﺖ ﺗﺤﺠﻲ ﻭﻭﻳﺔ ﻛﻞ ﻛﻠﻤﺔ ﺗﻨﻄﻘﻬﺎ ﺍﺣﺲ ﺑﻴﻬﺎ ﺗﺨﺘﺮﻕ ﮔﻠﺒﻲ ﻣﺜﻞ ﺍﻟﺴﻬﻢ
ﻧﺰﻟﺖ ﺩﻣﻮﻋﻲ ﻭﺧﻨﻜﺘﻨﻲ ﺍﻟﻌﺒﺮﺓ ﻭﻫﺰﻳﺖ ﺭﺍﺳﻲ ﻣﺴﺘﻨﻜﺮﺓ
ﻛﻤﻴﺔ ﺍﻻﺣﺘﻘﺎﺭ ﺍﻟﻤﻮﺟﻮﺩﺓ ﺑﺪﺍﺧﻞ ﻛﻼﻣﻬﺎ
ﻫﻤﺴﺖ ﺑﺼﻮﺕ ﻣﺘﻜﺴﺮ
.. ﻣﻊ ﺍﻻﺳﻒ ﻋﻠﻴﺞ ﻳﺎ ﺑﻨﺖ ﺍﻣﻲ ﻭﺍﺑﻮﻱ
ﻣﺘﻮﻗﻌﺖ ﻫﻴﺞ ﻛﻠﺒﺞ ﻋﻠﻴﻨﺎ ﺍﺳﻮﺩ
ﺩﺭﺕ ﻭﺟﻬﻲ ﻭﻃﻠﻌﺖ ﻣﻦ ﺍﻟﻐﺮﻓﺔ ﺑﺄﺳﺮﻉ ﻣﺎ ﻋﻨﺪﻱ
ﺩﺍﺳﻤﻊ ﺻﻮﺗﻬﺎ ﺗﻨﺎﺩﻱ ﻋﻠﻴﺔ ﻣﻦ ﺑﻌﻴﺪ
ﻭﺩﺗﺒﺠﻲ ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ
ﻟﻴﺶ ﻫﻲ ﻣﻮ ﻗﺒﻞ ﺷﻮﻳﺔ ﻃﺮﺩﺗﻨﻲ ﻟﻴﺶ ﺗﺒﺠﻲ
ﺭﺩﺕ ﺍﺗﺤﺮﻙ ﻫﺎﻱ ﺷﻨﻮ ﻟﻴﺶ ﻣﺎ ﺍﻛﺪﺭ ﺍﺗﺤﺮﻙ
ﺭﺟﻌﺖ ﺍﺳﻤﻊ ﺻﻮﺗﻬﺎ ﻭﻫﻲ ﺗﺒﺠﻲ ﺗﺘﻮﺳﻠﻲ
ﺍﺭﺟﻌﻠﻬﺎ ﻭﺍﺟﺎﻭﺑﻬﺎ
ﻫﺎﻱ ﺷﺒﻴﻬﺎ ﻫﺸﻜﻞ ﺗﺤﺠﻲ ﻣﻔﺰﻭﻋﺔ ﻭﺧﺎﻳﻔﺔ
ﻟﺤﻈﺔ ﺍﻧﻲ ﻭﻳﻦ
ﺳﺤﺒﺖ ﻧﻔﺲ ﻋﻤﻴﻖ ﻭﺷﻤﻴﺖ ﺭﻳﺤﺔ ﻣﻌﻘﻢ ﺩﻳﺘﻮﻝ
ﺍﺣﺲ ﺍﻛﻮ ﺷﻲ ﻣﻘﻴﺪﻧﻲ ﺍﺭﻳﺪ ﺍﺻﺮﺥ ﺑﺲ
ﻣﺎ ﺍﻛﺪﺭ ﺷﻨﻮ ﻟﻴﺶ ﻣﺪﺍ ﻳﻄﻠﻊ ﺻﻮﺗﻲ
ﺑﺪﻳﺖ ﺍﺗﺤﺮﻙ ﺷﻮﻳﺔ ﻭﻋﻄﺖ ﺑﺼﻮﺕ ﻣﻮﺟﻮﻋﺔ
.. ﺍﺍﺍﺍﺍﺍﺍﺥ ﻳﻤﺔ ﺭﺟﻠﻲ
ﻋﺒﺴﺖ ﺍﻟﻮﺟﻪ ﺍﺭﻳﺪ ﺍﻓﺘﺢ ﻋﻴﻮﻧﻲ ﻋﺒﺎﻟﻚ ﻭﺍﻛﻌﺔ ﺑﺤﻔﺮﺓ ﻋﻤﻴﻘﺔ
ﺭﺟﻌﺖ ﺳﻤﻌﺖ ﻧﻔﺲ ﺍﻟﺼﻮﺕ ﺍﻟﻤﺘﻮﺳﻞ ﺍﻟﺨﺎﻳﻒ
ﻫﺬﺍ ﺻﻮﺕ ﺷﻴﻤﺎﺀ
ﺍﻱ ﻫﺎﻱ ﺷﻴﻤﺎﺀ ﻣﻮ ﻣﺮﻭﺓ
ﻟﺤﻈﺔ ﺍﻧﻲ ﺷﻜﺎﻋﺪ ﻳﺼﻴﺮ ﻭﻳﺎﻱ
ﺍﺳﺘﺠﻤﻌﺖ ﻛﻞ ﻗﻮﺗﻲ ﻭﺑﺪﻳﺖ ﺍﻓﺘﺢ ﻋﻴﻮﻧﻲ
ﺑﺎﻟﺘﺪﺭﻳﺞ
ﻛﻠﺸﻲ ﻣﻐﻮﺵ ﻛﺪﺍﻡ ﻋﻴﻮﻧﻲ ﻛﻨﺖ ﺍﺑﺎﻭﻉ ﻋﻠﻰ ﺳﻘﻒ ﺍﺑﻴﺾ
ﺑﻌﺪﻫﺎ ﺑﺪﺕ ﺗﺘﻀﺢ ﻋﻨﺪﻱ ﺍﻟﺮﺅﻳﺔ
ﺍﻧﺘﺒﻬﺖ ﻃﻞ ﻋﻠﻴﺔ ﻣﻦ ﻓﻮﻙ ﺭﺍﺳﻲ ﻭﺟﻪ ﺷﻴﻤﺎﺀ
ﻣﺪﻧﻜﺔ ﺗﺒﺎﻭﻉ ﻋﻠﻴﺔ ﻭﻫﻲ ﺗﺒﺠﻲ ﻭﺗﺒﺘﺴﻢ
ﺍﺳﻤﻌﻬﺎ ﺗﻜﻮﻟﻲ
.. ﺍﻟﻒ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ ﻫﺪﻭﺷﺘﻲ
ﻓﺘﺤﺖ ﺣﻠﻜﻲ ﺍﺭﻳﺪ ﺍﺣﺠﻲ
.. ﺍﺍﺍﺥ
ﻟﻴﺶ ﻓﻜﻲ ﻳﻮﺟﻌﻨﻲ
ﺭﺟﻌﺖ ﺍﺣﺠﻲ ﺑﺼﻮﺕ ﺟﺎﻑ ﺗﻌﺒﺎﻥ
.. ﺷﻮﻣﺔ ﻣﺎﻱ ﻋﻔﻴﺔ ﻋﻄﺸﺎﻧﺔ
ﻣﺎﻱ
ﺍﻧﺘﺒﻬﺖ ﻋﻠﻴﻬﺎ ﺗﺤﺠﻲ ﻭﻳﺔ ﻭﺣﺪﺓ ﺑﺼﻔﻬﺎ ﻃﻠﺒﺖ ﻣﻨﻬﺎ ﺍﻟﻤﺎﻱ
ﺟﺎﺑﺖ ﺑﻄﻞ ﺍﻟﻤﺎﻱ ﻭﻗﺮﺑﺘﻪ ﻣﻦ ﺷﻔﺎﻳﻔﻲ ﻭﻋﺪﻟﺖ ﻛﻌﺪﺗﻲ
ﻋﻄﺖ ﺑﺼﻮﺕ ﻣﻔﺰﻭﻋﺔ ﻣﻦ ﺍﻻﻟﻢ
ﻋﺰﺓ ﺑﻌﻴﻨﻲ ﺍﻧﻲ ﺷﺒﻴﺔ ﻟﻴﺶ ﻛﻠﺶ ﺩﺍ ﺍﺳﻮﻱ ﻳﻮﺟﻌﻨﻲ
ﺷﻴﻤﺎﺀ .. ﻳﺎﻟﻠﻪ ﺣﺒﻴﺒﺘﻲ ﺍﺗﺤﻤﻠﻲ ﻫﺴﺔ ﺗﺮﺗﺎﺣﻴﻦ
ﺍﻧﻄﻮﺝ ﺍﺑﺮ ﻣﺴﻜﻨﺔ ﻟﻼﻟﻢ
ﺍﺟﺘﻲ ﻓﺎﻃﻤﺔ ﻭﻛﻔﺖ ﺑﺼﻒ ﺷﻴﻤﺎﺀ ﻭﻳﻌﺪﻫﺎ ﺍﺟﺘﻲ ﺍﻣﻬﺎ
ﺳﻤﻌﺖ ﻓﺎﻃﻤﺔ ﺗﺤﺠﻲ ﻭﺗﺒﺠﻲ
.. ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ ﺟﻨﻴﺔ ﺧﻮﻓﺘﻴﻨﻲ ﻋﻠﻴﺞ
ﺍﺟﻴﺖ ﺍﻣﻮﺕ ﻭﺭﺍﺝ ﻣﻦ ﺍﻧﺪﻋﻤﺘﻲ
.......
ﻫﻨﺎﺍﺍﺍﺍﺍﺍﺍﺍﺍﺍ
ﺍﺗﻮﻗﻒ ﻋﻨﺪﻱ ﺍﻟﺰﻣﻦ ﻭﺍﺗﺰﺍﺣﻤﺖ ﻋﻨﺪﻱ ﺍﻟﺬﺍﻛﺮﺓ
ﻭﺻﺎﺭﺕ ﺗﺘﻮﺍﻟﻰ ﻋﻠﻰ ﺍﻓﻜﺎﺭﻱ
ﺑﻤﺠﻤﻮﻋﺔ ﺻﻮﺭ ﻟﻠﺤﺎﺩﺙ
ﺧﻮﻑ ﺭﻫﺒﺔ ﺻﺪﻣﺔ
ﻫﺬﺍ ﻛﻞ ﻣﺎ ﻛﺎﻥ ﻳﺪﻭﺭ ﺑﺬﻫﻨﻲ ﺑﺬﻳﺞ ﺍﻟﻠﺤﻈﺔ
ﺭﺟﻌﻨﻲ ﺻﻮﺕ ﺷﻴﻤﺎﺀ
.. ﻫﺎ ﺣﺒﻴﺒﺘﻲ ﻫﺴﺔ ﺗﻜﺪﺭﻳﻦ ﺗﺴﺎﻋﺪﻳﻨﻲ ﺣﺘﻰ ﺍﻋﺪﻝ ﻛﻌﺪﺗﺞ
ﺣﺘﻰ ﺗﺸﺮﺑﻴﻦ ﺍﻟﺸﻮﺭﺑﺔ
ﻭﺗﺎﺧﺬﻳﻦ ﺍﻟﻌﻼﺝ
ﺭﻓﻌﺖ ﺍﻟﺴﺮﻳﺮ ﻣﻦ ﺍﻟﻌﺘﻠﺔ ﻭﺻﺎﺭ ﺑﻮﺿﻌﻴﺔ ﺍﻟﺠﻠﻮﺱ
ﺑﺎﻭﻋﺖ ﻋﻠﻰ ﺭﺟﻠﻴﺔ ﻣﺠﺒﺴﺔ
ﺑﺎﻭﻋﺖ ﻟﺸﻴﻤﺎﺀ ﻭﺳﺄﻟﺘﻬﺎ
.. ﺷﻴﻤﺎﺀ ﺷﺒﻴﻬﺎ ﻏﺠﻠﻴﺔ ( ﺭﺟﻠﻴﺔ )
.. ﺷﻮﻳﺔ ﻛﺴﻮﺭ ﻣﻦ ﺍﺛﺮ ﺍﻟﺤﺎﺩﺙ
ﺭﻓﻌﺖ ﺍﻳﺪﻱ ﺗﻮﺟﻌﻨﻲ
ﻭﺍﺗﺤﺴﺴﺖ ﻭﺟﻬﻲ ﺟﺎﻥ ﻣﻮﺭﻡ
.. ﺍﻛﻮﻝ ﺷﻮﻣﺔ ﻭﺟﻬﻲ ﻣﻮﻏﻢ
.. ﺍﻱ ﺍﻛﻴﺪ ﻋﻨﺪﺝ ﺭﺿﻮﺽ ﻫﻮﺍﻳﻪ ﻣﻦ ﺍﻟﺤﺎﺩﺙ ﺍﻟﺤﻤﺪﻟﻠﻪ ﻣﻮ ﺷﻲ ﺍﻛﺒﺮ
ﺑﺪﺕ ﺷﻮﻣﺔ ﺗﻮﻛﻠﻨﻲ ﻭﺭﺑﺎﺏ ﻭﻓﺎﻃﻤﺔ ﻭﺍﻡ ﻓﺎﻃﻤﺔ ﻃﻠﻌﻮﺍ ﺑﻌﺪﻣﺎ ﺳﻠﻤﻮﺍ ﻋﻠﻴﺔ
ﻋﺮﻓﺖ ﺍﻧﻲ ﻭﺻﻠﺖ ﻟﻠﻤﺴﺘﺸﻔﻰ ﺑﻮﻓﺖ ﺍﻟﻈﻬﺮ
ﻭﻫﺴﺔ ﺣﺎﻟﻴﺎ ﺍﻟﺴﺎﻋﺔ ﺑﺎﻟﺘﺴﻌﺔ ﺑﺎﻟﻠﻴﻞ
.. ﺷﻮﻣﺔ ﻏﺠﻠﻲ ( ﺭﺟﻠﻲ ) ﺍﺗﺄﺫﻳﻨﻲ
.. ﻫﺴﺔ ﺑﺲ ﺗﺎﺧﺬﻳﻦ ﺍﻟﻌﻼﺝ ﺗﺮﺗﺎﺣﻴﻦ
ﻛﻤﺰﺕ ﻣﻦ ﻣﻜﺎﻧﻲ ﻋﻠﻰ ﺻﻮﺕ ﺻﻴﺎﺡ
ﺯﻟﻢ ﺑﺮﺓ ﺍﻟﻐﺮﻓﺔ ﺑﺲ ﺷﻜﻠﻬﻢ ﻭﺍﻛﻔﻴﻦ ﻗﺮﻳﺐ ﻋﺎﻟﺒﺎﺏ
ﺷﻤﺎﺀ ﺍﻟﺘﻔﺘﺖ ﺑﺎﻭﻋﺖ ﻋﺎﻟﺒﺎﺏ
ﻭﺭﺟﻌﺖ ﺗﻮﻛﻠﻨﻲ
.. ﺍﻭﻭﻭﻑ ﺍﻟﻈﺎﻫﺮ ﻫﺎﻱ ﺍﻟﻄﻼﺑﺔ ﻣﺮﺍﺡ ﺗﺨﻠﺺ
.. ﻟﻴﺶ ﺷﺼﺎﻳﻎ ( ﺷﺼﺎﻳﺮ ) ﻋﻦ ﻳﺎ ﻃﻼﺑﺔ ﺩﺗﺤﺠﻴﻦ
.. ﻣﻮ ﺍﻟﻤﻜﺮﻭﺩ ﺍﻟﻲ ﺩﻋﻤﺞ ﻭﻛﻊ ﺑﺄﻳﺪ ﺍﺑﻮﺝ
ﻗﺒﻞ ﺷﻮﻳﺔ ﺍﻟﻌﺼﺮ ﺳﻤﻌﺘﻪ ﺍﺗﻔﻖ ﻭﻳﺔ ﺍﻟﻮﻟﺪ ﻭﻋﻤﻮ ﺍﻣﺠﺪ ﺍﻥ ﻳﺎﺧﺬ ﻣﻦ ﺍﻟﻮﻟﺪ ﻣﺒﻠﻎ ﻣﺎﻟﻲ ﻛﺘﻌﻮﻳﺾ ﻋﻦ ﺍﻟﺼﺎﺭ
ﺍﺷﻮ ﻫﺴﺔ ﺑﺎﺑﺎ ﺍﺟﺎﻧﻲ ﻭﺍﻧﻄﺎﻧﻲ ﺻﻮﺭﺓ ﺍﻻﺷﻌﺔ ﻭﻛﻠﻠﻬﻢ
ﻏﻴﺮﺕ ﺭﺃﺋﻲ ﻣﺎ ﺍﺭﻳﺪ ﻓﻠﻮﺱ ﺑﻨﺘﻲ ﻛﻠﺶ ﻣﺘﻀﺮﺭﺓ
ﻭﺭﻓﺾ ﻳﺘﻨﺎﺯﻝ ﻋﻦ ﺍﻟﻘﻀﻴﺔ
ﻟﺤﻈﺎﺕ ﺩﺧﻠﺖ ﻣﺮﻳﻢ ﻭﻋﻤﺔ ﺟﻨﺎﻥ
ﺟﺎﻧﺖ ﻣﺮﻳﻢ ﺗﺒﺎﻭﻉ ﻋﻠﻴﺔ ﺑﺤﺬﺭ
ﻫﻤﺴﺖ ﺑﺼﻮﺕ ﻧﺎﺻﻲ ﻳﺎ ﺩﻭﺏ ﺳﻤﻌﺘﻪ
.. ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ ﻫﺪﻯ
ﻭﺍﺑﺘﻌﺪﺕ ﻭﻛﻌﺪﺕ ﻳﻢ ﻋﻤﺔ ﺟﻨﺎﻥ
ﺷﻴﻤﺎﺀ .. ﻋﻤﺔ ﺷﻨﻮ ﻫﺬﺍ ﺍﻟﺼﻮﺕ ﺍﻟﺒﺮﺓ
ﺟﻨﺎﻥ .. ﻫﺬﻭﻟﺔ ﺍﻫﻞ ﺍﻟﻮﻟﺪ ﺍﻟﺪﻋﻢ ﺍﺧﺘﺞ ﺍﺟﻮﻱ ﺍﻫﻠﻪ ﻭﺟﻤﺎﻋﺘﻪ
ﻳﺮﺩﻭﻥ ﻳﺘﻔﺎﻫﻤﻮﻥ ﻭﻳﺔ ﺍﺑﻮﺝ ﻭﻳﺘﻮﺻﻠﻮﻥ ﻻﺗﻔﺎﻕ
ﻋﻠﻤﻮﺩ ﻳﻄﻠﻌﻮﻥ ﺍﺑﻨﻬﻢ ﻣﻦ ﺍﻟﺴﺠﻦ
ﻭﺷﻜﻞ ﺍﻟﻮﻟﺪ ﻋﻨﺪﻩ ﻭﺍﺣﺪ ﻣﻦ ﺍﻗﺎﺭﺑﻪ
ﻣﺴﺆﻝ ﻭﺭﺍﻳﺢ ﻟﻠﺸﺮﻃﺔ ﺣﺘﻰ ﻳﻄﻠﻌﻮﻥ ﺍﻟﻮﻟﺪ
ﺣﺴﺐ ﻛﻼﻡ ﻋﻤﺞ ﺍﻣﺠﺪ
ﻛﺎﻝ ﺍﻟﻀﺎﺑﻂ ﺍﻟﻤﺴﺆﻝ ﻋﻦ ﺍﻟﻘﻀﻴﺔ
ﻛﻠﻪ .. ﺳﻴﺪﻱ ﺟﻴﺘﻚ ﻋﺎﻟﻌﻴﻦ ﻭﺍﻟﺮﺍﺱ . ﺑﺲ ﺍﻧﺖ ﺗﻌﺮﻑ ﺍﻻﺟﺮﺍﺀﺍﺕ ﺍﻟﻘﺎﻧﻮﻧﻴﺔ ﻓﻮﻕ ﺍﻟﻜﻞ ﻭﻣﻨﻜﺪﺭ ﻧﺘﻼﻋﺐ ﺑﻴﻬﺎ
ﻟﻮ ﺑﻴﺪﻱ ﺟﺎﻥ ﺍﻃﻠﻘﺖ ﺳﺮﺍﺣﻪ ﻣﻦ ﻫﺎﻟﻠﺤﻈﺔ ﻭﺧﻠﻴﺘﻪ ﻳﺮﺟﻊ ﻭﻳﺎﻙ ﻟﻠﺒﻴﺖ
ﺑﺲ ﻋﻨﺪﻙ ﺍﺑﻮ ﺍﻟﻀﺤﻴﺔ ﻛﻠﺶ ﻣﻌﻨﺪ ﻭﻣﻴﻘﺒﻞ ﻳﺘﻨﺎﺯﻝ
ﻋﻦ ﺍﻟﻘﻀﻴﺔ
ﺑﺎﻟﺤﻘﻴﻘﺔ ﺗﻜﺪﺭ ﺗﺮﻭﺡ ﻻﻫﻞ ﺍﻟﻀﺤﻴﺔ ﻭﺗﺘﻔﺎﻫﻢ ﻭﻳﺎﻫﻢ
ﻭﺗﺘﻮﺻﻠﻮﻥ ﺍﻟﻰ ﺍﺗﻔﺎﻕ ﺑﺲ ﺑﻬﺎﻱ ﺍﻟﻄﺮﻳﻘﺔ ﺗﻜﺪﺭ ﺗﻄﻠﻌﻪ
ﻭﻫﺴﺔ ﻫﻤﺔ ﺩﻳﺤﺠﻮﻥ ﻭﻳﺔ ﺍﺑﻮﺝ
ﺍﻟﻲ ﻣﻌﻨﺪ ﺭﺍﺳﻪ
ﺑﺲ ﺍﻟﻈﺎﻫﺮ ﺍﺑﻮﺝ
ﺩﻳﺮﺳﻢ ﻋﻠﻰ ﺍﺑﻌﻴﺪ ﻭﺍﻟﻠﻪ ﺍﻋﻠﻢ ﻋﻠﻰ ﺷﻨﻮ ﻧﺎﻭﻱ
......
ﺟﺎﻧﺖ ﻋﻤﺔ ﺟﻨﺎﻥ ﺗﺤﺠﻲ ﻭﺟﺎﻥ ﺑﺎﺑﺎ ﻳﺪﺧﻞ
ﻭﺻﺎﺡ ﻟﺸﻴﻤﺎﺀ ﻋﻠﻰ ﺻﻔﺤﺔ
ﻣﺎ ﺍﻋﺮﻑ ﺷﻨﻮ ﺣﺠﺔ ﻭﻳﺎﻫﺔ ﻭﻫﻲ
ﺍﺗﺴﻌﺖ ﻋﻴﻮﻧﻬﺎ ﻣﺘﻌﺠﺒﺔ
ﻭﻛﺎﻟﺖ .. ﻫﺴﺔ ﺍﺭﻭﺡ ﻭﻳﺎﻙ ﻟﻠﺒﻴﺖ ﻭﺍﺭﻳﺪﻙ ﺗﻔﻬﻤﻨﻲ ﻋﻠﻰ ﺷﻨﻮ ﻧﺎﻭﻱ ﻭﻳﻦ ﺗﺮﻳﺪ ﺗﻮﺻﻞ
.. ﻣﻴﺤﺘﺎﺝ ﺗﺠﻴﻦ ﻭﻳﺎﻱ ﻟﻠﺒﻴﺖ ﺍﻧﺎ ﺍﻧﺪﻝ ﺍﻟﻤﺴﺘﻤﺴﻜﺎﺕ
ﺍﻧﺘﻲ ﺍﺑﻘﻲ ﻫﻨﺎ ﻳﻢ ﺍﺧﺘﺞ
ﺭﺍﺡ ﺑﺎﺑﺎ ﻭﻃﻠﻊ ﻣﻦ ﺍﻟﻐﺮﻓﺔ ﻭﺷﻴﻤﺎﺀ ﺭﻛﻀﺖ ﻭﺭﺍﻩ
ﺗﺼﻴﺢ .. ﻟﺤﻈﺔ ﺑﺎﺑﺎ ﺍﻧﺖ ﺷﻜﺎﻋﺪ ﺗﺴﻮﻱ ﺑﺲ ﻓﻬﻤﻨﻲ
ﺳﺪ ﺍﻟﺒﺎﺏ ﻭﺍﻟﺮﻳﺎﺟﻴﻞ ﻭﺍﻛﻔﻴﻦ ﻳﻢ ﺑﺎﺏ ﺍﻟﻐﺮﻓﺔ ﻭﻋﻤﻮ ﺍﻣﺠﺪ
ﺧﺰﺭﻫﺎ ﻭﻛﻠﻠﻬﺎ ﺩﺧﻠﻲ ﻓﻮﺗﻲ ﺟﻮﺓ
ﺷﻴﻤﺎﺀ ﺑﻌﻨﺎﺩ .. ﻣﺎ ﺍﻓﻮﺕ ﻗﺒﻞ ﻻ ﺍﻋﺮﻑ ﺑﺎﺑﺎ ﺷﺮﺍﺡ ﻳﺴﻮﻱ
.. ﺍﻧﺘﻲ ﻟﺘﺘﺪﺧﻠﻴﻦ
ﺑﻬﻴﺞ ﺍﻣﻮﺭ ﺍﺑﻮﺝ ﻫﻮ ﺍﻟﻤﺴﺆﻝ ﺑﺄﺗﺨﺎﺫ ﺍﻟﻘﺮﺍﺭ ﻋﻨﻜﻢ
ﻭﻫﻮ ﻭﻟﻲ ﺍﻣﺮ ﺍﺧﺘﺞ
ﻳﺎﻟﻠﻪ ﻓﻮﺗﻲ ﺟﻮﺓ ﻭﺳﺪﻱ ﺍﻟﺒﺎﺏ
ﻣﺎ ﺍﻋﺮﻑ ﻗﻠﻖ ﻭﺍﺭﺗﺒﺎﻙ ﺷﻴﻤﺎﺀ
ﺧﻮﻓﻨﻲ .. ﺷﻴﻤﺎﺀ ﺷﻜﻮ ﺷﺼﺎﻳﻎ ( ﺷﺼﺎﻳﺮ ) ﺧﻮﻓﺘﻴﻨﻲ ﺷﺒﻲ ﺑﺎﺑﺎ
.. ﻫﻴﺞ ﻛﻠﺸﻲ ﻣﺼﺎﻳﺮ ﺑﺲ ﺍﺟﺔ ﺳﺄﻟﻨﻲ ﻋﻦ ﻣﻜﺎﻥ ﺍﻟﻤﺴﺘﻤﺴﻜﺎﺕ ﻭﺭﺍﺡ
ﻳﻮﻡ ﺛﺎﻧﻲ ﺍﻟﻈﻬﺮ
ﺷﻴﻤﺎﺀ ﺑﺎﺗﺖ ﻳﻤﻲ ﺑﺎﻟﻤﺴﺘﺸﻔﻰ
ﻭﺑﺎﺑﺎ ﻳﺮﻭﺡ ﻭﻳﺮﺟﻊ ﻻﻥ ﻫﻮ ﻫﻨﺎ ﺩﻭﺍﻣﻪ
ﻭﺍﻧﻲ ﺍﻟﺤﺎﻝ ﻋﻠﻰ ﻣﺎ ﻫﻮ ﻋﻠﻴﻪ ﻛﻠﺶ ﻣﺘﺄﺫﻳﺔ
ﻭﺑﻌﺪﻫﺎ ﺷﻴﻤﺎﺀ ﻃﻠﺒﺖ ﻣﻦ ﺑﺎﺑﺎ ﻳﺎﺧﺬﻫﺎ ﻟﻠﺒﻴﺖ ﺗﺠﻴﺐ ﺍﻟﻲ ﻣﻼﺑﺲ ﻭﺗﺴﻮﻱ ﺍﻛﻞ ﻭﺗﺮﺟﻊ
ﺑﺎﻭﻋﺖ ﻋﻠﻴﺔ ﻭﻛﺎﻟﺖ .. ﺭﺍﺡ ﺍﺗﺼﻞ ﻋﻠﻰ ﺭﺑﺎﺏ ﺗﺠﻲ ﺗﻜﻌﺪ ﻳﻤﺞ
ﻃﻠﻌﺖ ﻫﻲ ﻭﺑﺎﺑﺎ ﻭﺍﻧﻲ ﻧﻤﺖ
ﺷﻴﻤﺎﺀ
.. ﺑﺎﺑﺎ ﺍﻛﺪﺭ ﺍﻋﺮﻑ ﺍﻧﺖ ﻟﻴﺶ ﺑﺪﻟﺖ ﺭﺃﻳﻚ ﺑﺴﺎﻟﻔﺔ ﺍﻻﺗﻔﺎﻕ
ﻭﻋﻠﻰ ﺷﻨﻮ ﻫﺎﻱ ﺍﻟﻤﺸﺎﻛﻞ
.. ﺳﻜﺘﻲ ﺭﺑﺞ ﺩﺯﻟﻨﺎ ﺑﻄﺔ ﺗﺒﻴﺾ ﺫﻫﺐ
ﻋﻘﺪﺕ ﺣﻮﺍﺟﺒﻲ
.. ﺷﻨﻮ ﻗﺼﺪﻙ ﺑﺎﺑﺎ
.. ﺍﻧﺎ ﺍﻛﻠﺞ
ﻣﻦ ﺻﺎﺭ ﺍﻟﺤﺎﺩﺙ ﻭﻋﺮﻓﺖ ﻣﻨﻮ ﻭﺭﺓ ﺍﻟﺤﺎﺩﺙ
ﺍﺭﺗﺎﺡ ﻛﻠﺒﻲ ﺟﺎﻥ ﻗﺎﺳﻢ ﺍﺑﻦ ﺍﺑﻮ ﻗﺎﺳﻢ
ﺣﻴﻞ ﻣﺨﺒﻮﺹ ﻭﻣﻌﺼﺐ
ﺍﺳﻤﻌﻪ ﻳﻜﻮﻝ ﻟﺼﺎﺣﺒﻪ ﺍﻟﺒﺼﻔﻪ
ﺑﺪﻭﻥ ﻣﻴﺘﺒﻬﻮﻥ ﻋﻠﻴﺔ
ﺣﻠﻬﺎ ﺑﺄﻱ ﻃﺮﻳﻘﺔ ﺍﺷﻜﺪ ﻣﺎ ﻳﺮﻳﺪ ﺍﻧﻄﻴﻪ
ﺑﺲ ﺧﻠﻲ ﻳﺘﻨﺎﺯﻝ ﻻﻥ ﻛﻠﺶ ﻣﻮ ﻭﻛﺘﻬﺎ
ﻣﺎ ﻋﻨﺪﻧﺎ ﻭﻗﺖ ﻭﺣﻴﻞ ﻣﻀﻨﻮﻙ
ﻛﻠﺖ ﺑﺎﻟﺒﺪﺍﻳﺔ ﺍﻃﻠﺐ ﻋﻠﻴﻬﻢ ﻓﻠﻮﺱ ﻭﺍﻟﻤﺒﻠﻎ ﺍﻟﻲ ﺑﺒﺎﻟﻲ
ﺍﻭﻝ ﺷﻲ ﻫﺪﻳﺖ ﻋﻠﻴﻬﻢ ﻣﻌﺼﺐ ﻭﻇﻠﻴﺖ ﺍﻫﺪﺩ ﻭﺍﺣﺠﻲ
ﻭﺟﻤﺎﻋﺘﻪ ﻛﻌﺪﻭﺍ ﻳﻬﺪﻭﻧﻲ ﻋﻠﻤﻮﺩ ﺍﺳﻜﺖ
ﻭﺑﻌﺪﻫﺎ
ﺟﺴﻴﺖ ﻧﺒﻀﻬﻢ ﻭﻛﻠﺘﻠﻬﻢ
ﻳﻨﻄﻮﻧﻲ ﺧﻤﺴﻴﻦ ﻣﻠﻴﻮﻥ ﻭﺍﺗﻨﺎﺯﻝ ﻋﻦ ﺍﻟﻘﻀﻴﺔ
ﺷﻔﺘﻪ ﺣﺠﺔ ﻭﻳﺔ ﺻﺎﺣﺒﻪ ﺍﺗﺸﺎﻭﺭﻭﺍ ﻭﺑﻌﺪﻫﺎ ﻛﻠﻲ
.. ﻫﺬﺍ ﻫﻮ ﺗﻢ ﺗﻌﺎﻝ ﻭﻳﺎﻧﺔ ﻭﺍﺗﻨﺎﺯﻝ ﻋﻦ ﺍﻟﻘﻀﻴﺔ ﻭﺍﺣﻨﺎ ﻧﺴﻠﻤﻚ ﻛﻠﺘﻠﻬﻢ ﻭﺷﻨﻮ ﻳﻀﻤﻨﻠﻲ ﺗﻨﻄﻮﻳﻨﻲ ﺍﻟﻔﻠﻮﺱ
.. ﺍﺷﻜﺪ ﺯﺣﻤﺔ ﻣﻦ ﺍﻟﻮﻟﺪ ﺑﺎﺑﺎ ﺍﻧﺖ ﺷﻠﻮﻥ ﺗﺴﻮﻱ ﻫﺸﻜﻞ
ﻣﻮ ﻫﺬﺍ ﻳﺼﻴﺮ ﻗﺮﺍﻳﺐ ﺧﺎﻟﺔ ﺍﻡ ﻓﺮﺯﺩﻕ ﻭﻳﺎﻣﺎ ﻭﻛﻔﻮﻟﻨﺎ
.. ﺷﺴﻮﻱ ﺑﺎﻟﻌﻴﺐ
ﺩﺳﻤﻌﻲ ﺷﺼﺎﺭ ﻭﺑﻌﺪﻳﻦ ﻛﻮﻟﻲ ﻋﻴﺐ
ﺍﺗﺮﺧﺼﺖ ﻣﻨﻬﻢ ﻭﻛﻠﺘﻠﻬﻢ ﺷﻮﻳﺔ ﻭﺍﺭﺟﻌﻠﻜﻢ
ﺭﺣﺖ ﺍﺗﺼﻠﺖ ﻋﻠﻰ ﻭﻟﺪ ﺍﻋﺮﻓﻪ ﻣﺤﺎﻣﻲ ﺣﺘﻰ ﻳﻔﻬﻤﻨﻲ
ﺑﺎﻟﻤﻮﺿﻮﻉ ﻋﻠﻤﻮﺩ ﺍﻋﺮﻑ ﺷﻨﻮ ﺍﻻﻟﻲ ﻭﺷﻨﻮ ﺍﻟﻌﻠﻴﺔ
ﻭﺑﻌﺪﻫﺎ ﺭﺟﻌﺖ ﻟﻜﻴﺘﻪ ﻭﺍﻛﻒ ﻫﻮ ﻭﺻﺪﻳﻘﻪ
ﻭﺟﺎﻥ ﺍﺳﻤﻊ ﺻﺪﻳﻘﻪ ﻳﻜﻠﻪ
.. ﻟﻚ ﻗﺎﺳﻢ ﺷﻴﺮﻳﺪ ﻫﺬﺍ ﺍﻟﺮﺟﺎﻝ ﺍﻧﻄﻴﻪ
ﻛﻠﺸﻲ ﻭﻻ ﺗﺪﺧﻞ ﻟﻠﺴﺠﻦ ﻭﺍﻟﻠﻪ ﻳﺨﺮﺏ ﺍﻻﻭﻝ ﻭﺍﻟﺘﺎﻟﻲ ﻭﻧﺎﻛﻞ ﺗﺒﻦ ﺑﺜﻨﻴﻦ ﺍﻳﺪﻳﻨﺎ
.........
ﻣﻴﻜﺪﺭ ﻳﺴﻮﻱ ﺍﻱ ﺷﻲ
ﻫﺬﺍ ﻣﺒﻴﻦ ﻋﻠﻴﻪ ﺭﺍﺡ ﻳﺴﻜﺖ ﺑﻜﻢ ﻓﻠﺲ ﻧﻨﻄﻴﻬﻢ ﺍﻟﻪ ﻭﻳﺘﻨﺎﺯﻝ
ﺑﺲ ﺍﻧﺖ ﺍﻫﺪﺉ ﻭﻻ ﺗﺨﺒﺼﻨﻲ
..
.. ﻗﺎﺳﻢ ﺷﻠﻮﻥ ﺗﺮﻳﺪ ﻣﻨﻲ ﺍﻫﺪﺉ ﻭﺍﻟﻤﺸﺮﻭﻉ
ﺍﻟﻲ ﺍﺳﺘﻠﻤﻨﺎﻩ ﺑﺄﺳﻤﻚ ﻣﻜﻠﻔﻨﺎ ﺍﺭﺑﻊ ﻣﻠﻴﺎﺭﺍﺕ ﻭﺍﻟﻮﻓﺪ ﺑﺎﺟﺮ ﺭﺍﺡ ﻳﻮﺻﻠﻮﻥ ﺍﺣﻨﺎ ﺑﻄﻼﻉ ﺍﻟﺮﻭﺡ ﻳﺎﻟﻠﻪ ﺍﺳﺘﻠﻤﻨﺎ ﺍﻟﻤﻨﺎﻗﺼﺔ
ﻧﺴﻴﺖ ﺍﻟﻤﻨﺎﻓﺴﻴﻦ ﺷﻠﻮﻥ ﻓﺎﺗﺤﻴﻦ ﺣﻠﻮﻛﻬﻢ ﻋﻠﻴﻨﺎ ﻭﻣﻨﺘﻈﺮﻳﻦ ﻳﻠﺰﻣﻮﻥ ﻋﻠﻴﻨﺎ ﺍﻱ ﺯﻟﺔ ﺍﻭ ﺛﻐﺮﺓ
ﺣﺘﻰ ﻳﺨﺮﺑﻮﻥ ﻛﻠﺸﻲ ﻭﻳﺎﺧﺬﻭﻧﻬﺎ ﻫﻤﺔ ﺑﻜﻞ ﻃﺮﻳﻘﺔ
ﻭﻟﺘﻨﺴﻰ ﺍﻧﻲ ﺣﻄﻴﺖ ﻛﻞ ﻣﺎ ﺍﻣﻠﻚ ﺑﻬﺬﺍ ﺍﻟﻤﺸﺮﻭﻉ
ﻭﺍﻧﺖ ﻫﻤﻴﻦ ﺍﺷﺘﺮﻛﺖ ﺑﻜﻞ ﻓﻠﻮﺳﻚ ﻭﺗﻌﺒﻚ ﻭﺭﺣﺖ ﺭﻫﻨﺖ ﺑﻴﺖ ﺍﺑﻮﻙ
ﺑﺎﻟﺒﻨﻚ ﻭﺳﺤﺒﺖ ﺍﻟﻔﻠﻮﺱ ﻭﺣﻄﻴﺘﻬﻢ ﺑﺎﻟﻤﺸﺮﻭﻉ
ﺛﻖ ﺑﺎﻟﻠﻪ ﻭﺍﻟﻠﻪ ﺍﺫﺍ ﻣﺼﺎﺭﻟﻨﺎ ﻫﺬﺍ ﺍﻟﻤﺸﺮﻭﻉ
ﻓﻠﻮﺳﻨﺎ ﻛﻠﻬﺎ ﺗﺮﻭﺡ ﺑﺎﻟﺸﻂ
ﻭﺳﺎﻋﺘﻬﺎ ﻧﺮﻭﺡ ﺑﺎﻟﺮﺟﻠﻴﻦ
.. ﻳﺎﺑﺔ ﻟﺘﺨﺎﻑ ﻗﻮﻱ ﻛﻠﺒﻚ ﻣﺎ ﺭﺍﺡ ﻳﺼﻴﺮ ﺷﻲ
ﻭﻫﺬﺍ ﺍﻧﺎ ﻛﺪﺍﻣﻚ ﻻ ﺩﺍﺧﻞ ﺳﺠﻦ ﻭﻻ ﺍﻱ ﺷﻲ
ﺗﺪﺭﻳﻦ ﺍﺟﺔ ﻳﻮﻛﻒ ﻛﻠﺒﻲ ﻣﻦ ﺳﻤﻌﺖ ﺑﺎﻟﻤﺒﻠﻎ
ﻭﻟﺞ ﺣﺘﻰ ﻣﻦ ﺍﺭﻳﺪ ﺍﻟﻔﻈﻪ ﻛﻠﺒﻲ ﻳﻮﻛﻊ ﺑﺎﻟﻜﺎﻉ
ﻭﻫﺬﺍ ﺻﺎﺣﺒﻪ ﻛﺎﻟﻬﺎ ﺑﻜﻞ ﺳﻬﻮﻟﺔ
ﻭﺍﻧﺎ ﺟﺎﻳﻬﻢ ﻣﺜﻞ ﺍﻟﻐﺒﻲ ﺍﻃﺎﻟﺒﻬﻢ ﺑﺨﻤﺴﻴﻦ ﻣﻠﻴﻮﻥ
ﻭﺍﻟﻠﻪ ﻳﺎﺭﺑﻲ
.. ﻭﺗﺎﻟﻲ ﺷﻨﻮ ﺳﻮﻳﺖ
.. ﺗﺎﻟﻲ ﺭﺣﺖ ﺍﺗﻔﻘﺖ ﻭﻳﺔ ﺻﺎﺣﺒﻲ ﺑﻘﺴﻢ ﺍﻻﺷﻌﺔ
ﺍﻥ ﻳﻨﻄﻴﻨﻲ ﺻﻮﺭ ﺍﺷﻌﺔ ﺛﺎﻧﻴﺔ ﻣﺎﻝ ﺣﺎﺩﺙ ﺑﺪﺭﺟﺔ ﺍﻗﻮﻯ ﻣﻦ ﺣﺎﺩﺙ ﻫﺪﻯ ﻭﺍﻟﻠﻪ ﻭﺟﺎﻥ ﻟﻠﻌﺼﺮ ﺭﺗﺒﻠﻲ ﺍﻟﺸﻐﻠﺔ ﻛﻠﻬﺎ ﻋﻠﻰ ﺣﺴﺐ ﺍﻻﺻﻮﻝ
ﻟﻄﻤﺖ ﻋﻠﻰ ﻭﺟﻬﻲ .. ﻋﺰﺓ ﺑﻌﻴﻨﻲ ﻭﻫﺬﺍ ﺻﺪﻳﻘﻚ ﺷﻠﻮﻥ ﻳﻮﺍﻓﻖ ﻋﻠﻰ ﻫﻴﺞ ﺷﻲ ﺣﺮﺍﻡ ﻋﻠﻴﻜﻢ
..
.. ﺍﻱ ﻟﻌﺪ ﺷﻠﻮﻥ ﺗﺮﺩﻳﻦ ﺍﻃﻠﻊ ﺣﻖ ﺍﺧﺘﺞ ﻋﻠﻰ ﻛﻞ ً
ﻟﺘﺨﺎﻓﻴﻦ ﺍﻧﺎ ﻫﺬﺍ ﺻﺎﺣﺒﻲ
ﺍﺻﻼ ﻫﺎﻱ ﻧﻘﻄﺔ ﺑﺒﺤﺮ ﺑﺎﻟﻨﺴﺒﺔ ﻟﻠﺠﻤﺎﻳﻞ ﺍﻟﻲ ﺍﻧﺎ ﻣﺴﻮﻳﻬﺎ ﺑﺮﺍﺳﻪ
.. ﺍﺣﺠﻴﻠﻲ ﻭﺷﺴﻮﻳﺖ
ﺍﺳﺄﻟﻪ ﻭﺣﺎﻃﺔ ﻛﻠﺒﻲ ﺑﺒﻴﺪﻱ
.. ﺭﺣﺖ ﻋﻠﻴﻬﻢ ﺟﺎﻧﻮﺍ ﻭﺍﻛﻔﻴﻦ ﻫﻤﺔ ﻭﺿﺎﺑﻂ ﻣﻦ ﺍﻟﻤﺮﻛﺰ
ﻭﻛﻠﺘﻠﻬﻢ ﻳﺎﻟﻠﻪ ﺧﻠﻲ ﻧﺘﻮﻛﻞ
ﻭﺻﻠﻨﺎ ﻟﻠﻤﺮﻛﺰ ﻭﻛﻌﺪﻧﺎ
ﻭﺣﺠﻴﺖ ﻭﻳﺔ ﺍﻟﻀﺎﺑﻂ ﺍﻟﻤﺴﺆﻝ ﻋﻦ ﺍﻟﻘﻀﻴﺔ ﻭﻛﻠﺘﻠﻪ
.. ﺍﻧﺎ ﻣﺴﺘﺤﻴﻞ ﺍﺗﻨﺎﺯﻝ ﻋﻦ ﺍﻟﻘﻀﻴﺔ ﻭﺍﻃﺎﻟﺐ
ﺑﺤﻖ ﺑﻨﺘﻲ ﺍﻟﻲ ﺭﺟﻠﻴﻬﺎ ﻋﺎﺑﺖ
ﻭﻫﺎﻙ ﺳﻴﺪﻱ ﺍﺗﻔﻀﻞ ﺷﻮﻑ
ﺍﻧﺘﺒﻬﺖ ﻟﻘﺎﺳﻢ ﺻﺎﺭ ﻋﺼﺒﻲ ﻭﻇﻞ ﻳﻐﻠﻂ ﻭﻳﺴﺐ
ﻭﻳﻜﻮﻝ
.. ﻟﻴﺶ ﺗﺤﺠﻲ ﻫﺸﻜﻞ ﺍﺣﻨﺎ ﻣﻮ ﺍﺗﻔﻘﻨﺎ ﻧﻨﻄﻴﻚ ﻓﻠﻮﺱ ﻭﺍﻧﺖ ﺗﺠﻲ ﻭﻳﺎﻧﺔ ﻟﻠﻤﺮﻛﺰ ﺗﺘﻨﺎﺯﻝ
.. ﺷﻨﻮ ﺑﻜﻞ ﻋﻘﻠﻚ ﺗﺮﻳﺪﻧﺬ ﺍﺗﻨﺎﺯﻝ ﻭﻟﻜﻢ ﻳﺎﻧﺎﺱ ﻳﺎ ﻋﺎﻟﻢ
ﺣﺎﻱ ﺍﻛﻠﻜﻢ ﺑﻨﺘﻲ ﻋﺎﺑﺖ ﺗﻌﺮﻑ ﺷﻨﻮ ﻋﺎﺑﺖ
ﻳﻌﻨﻲ ﻟﻮ ﻓﻠﻮﺱ ﺍﻟﺪﻧﻴﺎ ﺑﻌﺪ ﻣﺎ ﺗﺴﻜﺘﻨﻲ
ﻣﺎ ﻳﺮﺿﻴﻨﻲ ﺍﻻ ﺍﺷﻮﻓﻪ ﻣﺨﻴﺲ ﺑﺎﻟﺴﺠﻦ
ﻗﺎﺳﻢ ﻛﺎﻡ ﻣﻦ ﻣﻜﺎﻧﻪ ﻭﻫﺪ ﻋﻠﻴﺔ ﻭﻟﺰﻣﻨﻲ ﻣﻦ ﻳﺎﺧﺘﻲ ﺍﻟﻘﻤﻴﺺ ﻭﺿﺮﺑﻨﻲ ﻛﻠﺔ ﺑﺮﺍﺳﻲ
ﺍﻟﻠﻪ ﻳﻠﻌﻨﻪ
ﻭﺍﻟﻀﺎﺑﻂ ﻋﺎﻁ ﺑﻴﻪ ﻭﻃﻠﺐ ﺍﻟﺤﺮﺱ
ﻭﻛﻠﻠﻬﻢ ﺍﺧﺬﻭﻩ ﻭﺷﻤﺮﻭﻩ ﺑﺎﻟﺴﺠﻦ
ﺍﺷﻮ ﻫﺬﺍ ﻣﺎ ﻳﺤﺘﺮﻡ ﻭﺍﺗﺠﺎﻭﺯ
ﻭﻻ ﺟﻨﻚ ﺿﺎﺑﻂ ﻣﻮﺟﻮﺩ ﻛﺪﺍﻣﻪ
ﺍﺑﺎﻭﻉ ﻟﺼﺎﺣﺐ ﻗﺎﺳﻢ ﻇﻞ ﻳﺘﻮﺳﻞ
ﻭﺑﻌﺪﻫﺎ ﺍﺗﺼﻞ ﻋﻠﻰ ﻋﻢ ﻗﺎﺳﻢ
ﻋﻤﻪ ﻣﺤﻤﺪ ﺍﺟﺔ ﻟﻠﻤﺮﻛﺰ ﻫﻮ ﻭﺣﻤﺎﻳﺘﻪ
ﻭﺍﻧﺎ ﻃﻠﻌﺖ ﻣﻦ ﺍﻟﻤﺮﻛﺰ ﻛﻠﺖ ﺧﻠﻴﻬﻢ ﺷﻮﻳﺔ
ﻭﺍﺑﻴﻊ ﻋﻠﻴﻬﻢ ﺛﻜﻞ
.. ﺑﺲ ﺍﺭﻳﺪ ﺍﻋﺮﻑ ﻭﻳﻦ ﺗﺮﻳﺪ ﺗﻮﺻﻞ ﺑﻜﻞ ﻫﺬﺍ
.. ﺻﺒﺮﻱ ﺟﺎﻳﺞ ﺑﺎﻟﺤﺠﻲ
ﻭﺍﻟﻠﻪ ﻭﺟﺎﻥ ﻳﺠﻮﻥ ﻋﻤﻪ ﻣﺤﻤﺪ ﻭﻓﺮﺯﺩﻕ
ﻭﻋﻤﺎﻣﻪ ﻛﺎﻇﻢ ﻭﻣﻨﺼﻮﺭ
ﻭﻣﺠﻤﻮﻋﺔ ﺯﻟﻢ
......
ﻛﻠﻬﻢ ﺟﺎﻳﻴﻦ ﻳﻌﺘﺬﺭﻭﻥ ﻋﻦ ﻗﺎﺳﻢ ﻻﻥ ﺍﺗﺠﺎﻭﺯ ﻋﻠﻴﺔ ﻭﻳﺒﺮﺩﻭﻥ ﻛﻠﻮﺏ
ﻓﺮﺯﺩﻕ ﺍﺑﻮ ﺻﻬﻴﺐ ﺣﺠﺔ ﻭﻳﺎﻳﺔ
ﻭﻛﻠﻲ .. ﺍﺑﻮ ﺷﻴﻤﺎﺀ ﺟﺎﻳﻴﻚ ﻧﻄﺎﻟﺒﻚ ﺑﺤﻖ ﺍﻟﺠﻴﺮﺓ
ﻭﺍﻥ ﺷﺎﺀ ﺍﻟﻠﻪ ﺍﺣﻨﺎ ﻣﺜﻞ ﺍﻻﻫﻞ
ﻛﻞ ﺍﻟﻲ ﻧﺮﻳﺪﻩ ﻣﻨﻚ ﺑﺲ ﺗﺴﻮﻱ ﺗﻨﺎﺯﻝ ﻋﻦ ﺍﻟﻘﻀﻴﺔ
ﻭﺍﻥ ﺷﺎﺀ ﺍﻟﻠﻪ ﻧﻌﻮﺿﻚ ﻋﻠﻰ ﺧﺴﺎﺭﺗﻚ ﻭﺧﺴﺎﺭﺓ ﺑﻨﺘﻚ
ﻭﻋﺴﻰ ﻣﺎ ﺍﺳﻔﺮﻫﺎ ﻟﻠﺨﺎﺭﺝ ﻭﺍﻋﺎﻟﺠﻬﺎ
ﻭﺍﺭﺟﻌﻬﺎ ﻣﺜﻞ ﺍﻻﻭﻝ ﻭﺍﺣﺴﻦ ﺑﻌﺪ
ﻣﻮ ﺣﻠﻮﺓ ﺑﺤﻘﻚ ﻭﻻ ﺑﺤﻘﻨﺎ ﻧﺘﻌﺎﺭﻙ ﺑﻴﻨﺎﺗﻨﺎ
ﺍﻧﺎ ﻛﻠﺘﻠﻪ
.. ﺍﺳﺄﻟﻚ ﺑﺎﻟﻠﻪ ﻫﺎﻱ ﻟﻮ ﻭﺣﺪﺓ ﻣﻦ ﺑﻨﺎﺗﻚ
ﻭﻳﺼﻴﺮ ﻭﻳﺎﻫﺎ ﻫﺸﻜﻞ ﻭﺗﻌﻴﺐ ﺭﺟﻠﻬﺎ ﻭﻣﻮ ﺑﺲ ﻫﻴﺞ
ﺗﺪﺭﻱ ﻗﺒﻞ ﻳﻮﻣﻴﻦ ﺍﺟﻮﻫﺎ ﻧﺎﺱ ﺍﺗﻘﺪﻣﻮﻟﻬﺎ ﻋﻠﻤﻮﺩ ﻳﺨﻄﺒﻮﻧﻬﺎ ﻣﻨﻲ
ﻭﻫﺴﻪ ﻣﻦ ﻋﺮﻓﻮﺍ ﺑﻴﻬﺎ ﻣﺴﻮﻳﺔ ﺣﺎﺩﺙ ﻭﺭﺟﻠﻬﺎ ﺍﻧﻌﺎﺑﺖ
ﺭﺩﻭﻟﻲ ﺍﻟﺨﺒﺮ ﻭﻛﺎﻟﻮﺍ . ﺧﻄﺒﻨﺎ ﻻﺑﻨﺎ
ﻳﻌﻨﻲ ﺗﻌﺮﻑ ﺷﻨﻮ ﻣﻌﻨﺎﻫﺎ
ﻣﻌﻨﺎﻫﺎ ﺑﻨﺘﻲ ﺍﻧﻜﺴﺮ ﺑﺨﺘﻬﺎ ﻭﺑﻌﺪ ﻣﺎﻋﺎﺩﺕ ﺗﺼﻠﺢ ﻟﻠﺰﻭﺍﺝ
ﺍﻧﺘﺒﻬﺖ ﻟﻌﻤﻪ ﻣﺤﻤﺪ ﺣﺠﺔ ﻭﻫﻮ ﻣﻌﺼﺐ
.. ﻭﺍﻟﻄﻠﻮﺏ ﻣﻦ ﻫﺬﺍ ﻛﻼﻣﻚ ﺷﻨﻮ
ﻛﻠﺘﻠﻪ
.. ﻭﺍﻟﻠﻪ ﺍﻧﺎ ﻣﺎ ﺍﺗﻨﺎﺯﻝ ﻋﻦ ﺍﻟﻘﻀﻴﺔ ﺍﻻ ﺑﺤﺎﻟﺔ ﻭﺣﺪﻩ
.. ﺷﻨﻮ ﻫﻲ
.. ﺍﺑﻨﻜﻢ ﺑﺘﺰﻭﺝ ﺑﻨﺘﻲ ﻣﺜﻠﻤﺎ ﺩﻋﻤﻬﺎ ﻭﻋﺎﺑﻬﺎ ﻭﻛﺴﺮ ﺑﺨﺘﻬﺎ
ﻳﺘﺰﻭﺝ ﻭﻳﺴﺘﺮ ﻋﻠﻴﻬﺎ
ﻻﻥ ﺍﻧﺎ ﺭﺟﺎﻝ ﻣﺎ ﻋﻨﺪﻱ ﺧﻠﻔﺔ ﻭﻟﺪ ﻭﻻ ﺩﺍﻳﻢ ﻟﺒﻨﺎﺗﻲ
ﺟﻨﺖ ﺍﺗﻌﺸﻢ ﺍﺯﻭﺟﻬﻦ ﻭﺍﺭﺗﺎﺡ ﺗﺎﻟﻲ ﻃﻠﻌﻠﻲ ﻫﺬﺍ ﺍﺑﻨﻚ ﻭﺧﺮﺏ ﻋﻠﻴﺔ ﺍﻻﻭﻝ ﻭﺍﻟﺘﺎﻟﻲ
ﻓﺮﺯﺩﻕ ﻛﺎﻝ .. ﻣﺎ ﻃﻠﺒﺖ ﻏﻴﺮ ﺣﻘﻚ ﻧﺴﺄﻝ ﺍﻟﻮﻟﺪ ﻭﻧﺸﻮﻑ ﺷﻨﻮ ﻳﻜﻮﻝ
ﺑﺲ ﻋﻤﻪ ﻣﺤﻤﺪ ﺣﺠﺔ ﺑﻌﺼﺒﻴﺔ
.. ﻃﺒﻌﺎ ﻻ ﻣﻴﻮﺍﻓﻖ ﻭﻳﻦ ﻛﺎﻋﺪﻳﻦ ﻋﺴﻰ ﻣﺎ ﻳﺒﻘﻰ ﺑﺎﻟﺴﺠﻦ ﻭﻳﻨﺤﻜﻢ ﻭﻻ ﻳﺘﺰﻭﺝ ﺑﻨﺖ ﻫﺬﺍ ﻭﻳﻨﺎﺳﺒﻪ
ﺟﺎﻥ ﻳﺤﺠﻲ ﺑﺘﻜﺒﺮ
ﺟﺎﻭﺑﺘﻪ ﻭﺍﻧﺎ ﻣﺴﻴﻄﺮ
.. ﻋﻠﻰ ﻛﻞٍ ﺭﻭﺣﻮﺍ ﺳﺄﻟﻮﺍ ﺻﺎﺣﺐ ﺍﻟﺸﺄﻥ ﻭﺍﺧﺬﻭﺍ ﺭﺃﻳﻪ ﺑﺎﻟﻤﻮﺿﻮﻉ ﻭﺗﻌﺎﻟﻮ ﻟﻲ
ﻭﺍﻟﻠﻪ ﻭﺩﺍﻋﺘﺞ ﻣﺎ ﻃﻮﻟﻮﺍ ﻏﻴﺮ ﺑﺲ ﺳﺎﻋﺘﻴﻦ
ﺟﺎﻥ ﻳﺠﻮﻧﻲ ﻣﺮﺓ ﺛﺎﻧﻴﺔ ﻓﺮﺯﺩﻕ ﺍﺑﻮ ﺻﻬﻴﺐ ﻭﻋﻤﻪ ﻛﺎﻇﻢ
ﻭﻛﺎﻟﻮ .. ﻗﺎﺳﻢ ﻭﺍﻓﻖ ﻭﻳﻜﻮﻝ ﺧﻠﻲ ﻳﺠﻲ ﻳﺘﻨﺎﺯﻝ
ﻛﻠﺘﻠﻬﻢ ﻻ ﺍﻧﺎ ﻣﻮ ﻏﺒﻲ ﻟﻬﺎﻱ ﺍﻟﺪﺭﺟﺔ
ﻣﺎ ﺍﺗﻨﺎﺯﻝ ﻗﺒﻞ ﻣﺎ ﻳﻌﻘﺪ ﻋﻠﻰ ﺑﻨﺘﻲ
ﻫﺪ ﻋﻠﻴﺔ ﻋﻤﻪ ﻭﻓﺮﺯﺩﻕ ﻟﺰﻣﻪ
ﻭﻛﻠﻪ .. ﻛﻮﻝ ﻳﺎ ﺍﻟﻠﻪ ﺍﺣﻨﺎ ﻣﺎ ﻋﻮﻟﻨﺎ ﻧﻬﺪﻱ ﻗﺎﺳﻢ ﻭﻧﻘﻨﻌﻪ
ﺗﺠﻲ ﺍﻧﺖ ﺗﺰﻳﺪ ﺍﻟﻄﻴﻦ ﺑﻠﺔ
ﻛﺎﻇﻢ .. ﻣﺎ ﺟﺎﻱ ﺗﺸﻮﻓﻪ ﺷﻠﻮﻥ ﻳﺪﻭﺱ ﺑﺎﻟﻤﺼﺎﺭﻳﻦ
.. ﺣﻘﻪ ﺍﻟﺮﺟﺎﻝ ﺍﻧﺖ ﻟﻴﺶ ﺿﺎﻳﺞ ﻫﻮ ﺍﻭﻝ ﻭﺗﺎﻟﻲ ﻗﺎﺳﻢ
ﺭﺍﺡ ﻳﻌﻘﺪ ﻋﻠﻰ ﺑﻨﺘﻪ ﻫﺴﺔ ﺍﻭ ﺑﻌﺪﻳﻦ ﺷﻨﻮ ﺍﻟﻔﺮﻕ
ﺍﻟﻲ ﺍﻓﺘﻬﻤﺘﻬﺎ ﻣﻦ ﻫﺪﺓ ﻛﺎﻇﻢ ﺍﻥ ﻫﻤﺔ ﻧﺎﻭﻳﻦ
ﻳﺴﻜﺘﻮﻧﻲ ﺑﺎﻟﻜﻼﻡ ﻭﻣﻦ ﻳﻄﻠﻊ ﺍﺑﻨﻬﻢ ﺗﺎﻟﻲ
ﻳﻈﻠﻮﻥ ﻳﻤﺎﻃﻠﻮﻥ ﺑﺎﻻﺗﻔﺎﻕ ﻟﺤﺪ ﻣﺎ ﺍﻭﺍﻓﻖ ﻋﻠﻰ ﺷﺮﻭﻃﻬﻢ ﻭﺍﻧﺎ ﺍﻟﻤﻤﻨﻮﻥ
ﺷﻬﻜﺖ ﻭﻟﻄﻤﺖ ﻋﻠﻰ ﺻﺪﺭﻱ .. ﻋﺰﺓ ﺑﻌﻴﻨﻲ ﺑﺎﺑﺎ ﻻ ﺗﻜﻮﻟﻬﺎ
.. ﺍﻱ ﺑﺎﺑﺎ ﻭﺩﺍﻋﺘﺞ ﻃﻠﻌﺖ ﺣﻖ ﺍﺧﺘﺞ ﻣﻦ ﺣﻠﻚ ﺍﻟﺴﺒﻊ
ﻭﺗﺎﻟﻲ . ﺭﺣﺖ ﻭﻳﺎﻫﻢ ﻟﻠﻤﺮﻛﺰ ﻭﻃﻠﺒﺖ ﻳﺠﻴﺒﻮﻥ ﺍﻟﺴﻴﺪ ﻫﻨﺎﻙ ﻛﺪﺍﻡ ﺍﻟﻀﺎﺑﻂ
ﻛﻠﺘﻠﻪ .. ﺳﻴﺪﻱ ﺍﻧﺎ ﺭﺟﺎﻝ ﻭﺣﺪﺍﻧﻲ ﻭﻣﺎﻟﻲ ﻇﻬﺮ ﺍﺧﺎﻑ ﺍﺗﻨﺎﺯﻝ ﻋﻦ ﺍﻟﻘﻀﻴﺔ ﻭﻳﺮﻭﺡ ﺣﻖ ﺑﻨﺘﻲ
ﻭﺗﺎﻟﻲ ﻳﺴﺘﻀﻌﻔﻮﻧﻲ ﻭﻳﻜﺴﺮﻭﻥ ﻛﻠﻤﺘﻬﻢ
.......
ﺍﺑﺎﻭﻉ ﻟﻌﻤﻪ ﻣﺤﻤﺪ ﻋﺼﺐ ﻭﻭﺻﻞ ﺣﺪﻩ
ﺍﻟﻀﺎﺑﻂ ﻛﺎﻝ
.. ﺟﻴﺒﻮﺍ ﻗﺎﺳﻢ
ﺷﻮﻳﺔ ﻭﺩﺧﻠﻮﻩ ﻋﻠﻴﻨﺎ
ﺍﺑﺎﻭﻉ ﻋﻠﻴﻪ ﺑﻮﻳﺔ ﻳﺨﻮﻑ
ﻋﻴﻮﻧﻪ ﻧﺎﺭ ﻭﺭﺍﺹ ﻋﻠﻰ ﺍﺳﻨﺎﻧﻪ ﻳﺘﻤﻨﻰ ﻳﻬﺪ ﻋﻠﻴﺔ ﻳﺎﻛﻠﻨﻲ
ﺑﺴﻨﻮﻧﻪ
ﻛﻌﺪ ﻛﺪﺍﻣﻲ ﻭﺣﺠﺔ ﻭﻳﺎﻩ ﺍﻟﻀﺎﺑﻂ ﻭﻛﻠﻪ
.. ﺍﺳﺘﺎﺫ ﻗﺎﺳﻢ ﺭﺟﺎﺀﺍ ﺍﺗﻮﺻﻠﻮﺍ ﻟﺤﻞ ﻫﻨﺎ ﻭﻛﺪﺍﻣﻲ
ﺑﺪﻭﻥ ﻣﺸﺎﻛﻞ
ﺍﻟﺘﻔﺖ ﻋﺎﻟﻀﺎﺑﻂ
.. ﻫﺎﻱ ﻫﻲ ﺧﻼﺹ ﻫﻮ ﻣﻮ ﻛﺎﻝ ﺍﻋﻘﺪ ﻋﻠﻰ ﺑﻨﺘﻪ
ﺟﻴﺒﻮﺍ ﺍﻟﺴﻴﺪ ﺧﻠﻲ ﻳﻌﻘﺪﻟﻨﺎ
ﺳﻤﻌﺖ ﻋﻤﻪ ﻣﺤﻤﺪ ﺣﺠﺔ ﻣﻌﺘﺮﺽ
.. ﻣﺴﺘﺤﻴﻞ ﻗﺎﺳﻢ
ﺗﺮﺓ ﺍﻧﺖ ﻣﻤﺠﺒﻮﺭ ﺗﺘﺰﻭﺝ ﺑﻨﺘﻪ ﺑﻬﺎﻱ ﺍﻟﻄﺮﻳﻘﺔ
ﻫﺬﺍ ﺩﻳﺴﺘﻐﻞ ﺍﻟﻮﺿﻊ
ﺑﺎﻭﻉ ﻟﻌﻤﻪ ﻭﺟﺮ ﺣﺴﺮﺓ
.. ﻋﻤﻲ ﺍﻟﺘﺄﺧﻴﺮ ﻣﻮ ﻟﺼﺎﻟﺤﻲ ﺿﺮﻭﺭﻱ ﺍﻃﻠﻊ ﻣﻦ ﺍﻟﺴﺠﻦ
ﻛﻠﺶ ﻣﻮ ﻭﻛﺘﻬﺎ ﻛﻌﺪﺗﻲ ﻫﻨﺎ
ﺣﺎﻥ ﻳﺤﺠﻲ ﻭﻋﻴﻮﻧﻪ ﺗﺮﺷﻚ ﺳﻬﺎﻡ ﺑﺘﺠﺎﻫﻲ
ﺍﻧﻌﻞ ﺍﺑﻮ ﺷﻜﻠﻪ
ﺯﻭﻋﻨﻲ ﺍﻟﻌﺎﻓﻴﺔ ﺧﺮﺏ ﻳﻮﻣﻪ
ﻭﺑﻌﺪﻫﺎ ﺟﺎﺑﻮﺍ ﺍﻟﺴﻴﺪ ﺣﺘﻰ ﻳﻌﻘﺪ
ﺑﺲ ﻣﻮ ﻫﻨﺎ ﺍﻟﺤﺠﻲ
ﺍﻟﻤﺼﻴﺒﺔ ﻣﻦ ﺍﻧﻄﻴﺘﻬﻢ ﺭﻗﻢ ﺍﻟﻤﺆﺧﺮ ﺧﻠﻴﺖ ﻗﺎﺳﻢ
ﻳﻜﻠﺐ ﺍﻟﻤﻴﺰ ﺍﻟﻜﺪﺍﻣﻪ ﻭﻇﻞ ﻳﻐﻠﻂ ﻭﻳﺴﺐ ﺑﻜﻞ ﻏﻀﺐ
ﻭﺍﻧﺎ ﺟﻨﺖ ﺣﺎﻁ ﻛﻠﺒﻲ ﺑﺸﻴﺸﺔ ﻣﻦ ﻭﺭﺍﻩ
ﻛﻠﺖ ﻫﺬﺍ ﻣﺎ ﺭﺍﺡ ﻳﻮﺍﻓﻖ ﻻﻥ ﻣﺒﻠﻎ ﺍﻟﻤﺆﺧﺮ ﻳﻜﺴﺮ ﺍﻟﻈﻬﺮ
ﺗﺎﻟﻲ ﺻﺎﺣﺒﻪ ﺷﺎﻭﺭﻩ ﻭﻣﺪﺭﻱ ﺷﻨﻮ ﻛﻠﻪ
ﺭﺟﻊ ﻛﻌﺪ ﻭﻫﻮ ﻳﺘﻨﻔﺲ ﺑﻐﻀﺐ
ﻛﺎﻝ ﻟﻠﺴﻴﺪ
ﺍﺗﻔﻀﻞ ﻣﻮﻻﻧﺎ ﺷﻮﻑ ﺷﻐﻠﻚ
ﺍﻧﺎ ﺣﻄﻴﺖ ﺍﻟﻤﻘﺪﻡ ﻣﺒﻠﻎ ﻋﺎﺩﻱ
ﺑﺲ ﺍﻟﻤﺆﺧﺮ ﺣﻄﻴﺖ ﻫﺬﺍ ﺍﻟﺮﻗﻢ ﺣﺘﻰ ﺍﺿﻤﻦ ﻣﺎ ﻳﻜﺪﺭ
ﻳﻄﻠﻜﻬﺎ ﺑﻌﺪﻣﺎ ﻳﻄﻠﻊ ﻣﻦ ﺍﻟﺴﺠﻦ ﺟﻨﺖ ﻣﺤﺴﺐ ﺣﺴﺎﺏ ﻟﻜﻠﺸﻲ ﻭﺍﻟﻠﻪ ﻳﻨﻄﻲ
ﺻﺪﻳﻘﻲ ﺍﻟﻤﺤﺎﻣﻲ ﻫﻮﺍﻱ ﺳﺎﻋﺪﻧﻲ ﺑﻬﺎﻱ ﺍﻟﺸﻐﻠﺔ
ﻻﻥ ﻣﺜﻠﻤﺎ ﺗﻌﺮﻓﻴﻦ ﺍﻧﺎ ﺍﺟﻬﻞ ﺍﻻﻣﻮﺭ ﺍﻟﻘﺎﻧﻮﻧﻴﺔ
ﺍﺑﺎﻭﻉ ﻋﻠﻰ ﺑﺎﺑﺎ ﻭﺍﻧﻲ ﻣﺼﺪﻭﻣﺔ ﻣﻌﻘﻮﻟﺔ
.. ﻳﻌﻨﻲ ﻫﺴﺔ ﺷﻨﻮ ﺍﻧﺖ ﺑﻬﺬﺍ ﻛﻼﻣﺞ ﺟﺎﻱ ﺗﻜﻠﻲ
ﺍﻟﻴﻮﻡ ﺯﻭﺟﺖ ﻫﺪﻯ
.. ﺍﻱ ﻭﺍﻟﺤﻤﺪﻟﻠﻪ
ﻇﻠﻴﺖ ﺍﺩﻙ ﻭﺍﻟﻄﻢ ﻋﻠﻰ ﺣﻆ ﺍﺧﺘﻲ
.. ﺑﺎﺑﺎ ﺍﻧﺖ ﺻﺪﻙ ﺩﺗﺤﺠﻲ ﻣﻌﻘﻮﻟﻪ ﺍﻛﻮ ﺍﺏ ﻳﺴﻮﻱ ﺑﺒﻨﺘﻪ ﻫﻴﺞ
ﺷﻠﻮﻥ ﻫﺎﻧﺖ ﻋﻠﻴﻚ ﻫﺪﻯ ﺑﻨﺘﻚ ﻣﻦ ﻟﺤﻤﻚ ﻭﺩﻣﻚ
.. ﺑﺎﻟﻌﻜﺲ ﻫﻲ ﺍﻟﻮﺣﻴﺪﺓ ﻣﻦ ﻋﻨﺪﻛﻢ ﺟﻨﺖ ﺷﺎﻳﻞ ﻫﻤﻬﺎ
ﻣﺘﺘﺰﻭﺝ ﺧﺼﻮﺻﺎً ﻣﻦ ﺑﻌﺪ ﺳﺎﻟﻔﺔ ﺧﻄﻮﺑﺘﻬﺎ ﺍﻟﻲ ﻓﺸﻠﺖ ﺑﺴﺒﺐ ﻭﺣﻤﺘﻬﺎ
ﻟﺘﻨﺴﻴﻦ ﺗﺮﺓ ﺍﺧﺘﺞ ﻣﻌﻴﻮﺑﺔ ﻣﻦ ﻛﺎﻋﻬﺎ ﻭﻣﺤﺪ ﺭﺍﺡ ﻳﺮﺿﻰ ﻳﺘﺰﻭﺟﻬﺎ
ﻭﻫﺬﺍ ﺍﻟﻠﻪ ﺩﺯﻩ ﺍﻟﻨﺔ ﻭﺍﻧﺎ ﻣﻮ ﻏﺒﻲ ﺣﺘﻰ ﺍﻋﻮﻑ ﻫﻴﺞ ﻓﺮﺻﺔ ﺗﺮﻭﺡ ﻣﻦ ﺑﻴﻦ ﺍﻳﺪﻳﺔ
ﺿﺮﺑﺖ ﻋﺼﻔﻮﺭﻳﻦ ﺑﺤﺠﺮ ﻭﺍﺣﺪ ﻫﻢ ﺿﺎﻣﻦ ﺭﺟﺎﻝ ﻻﺧﺘﺞ
ﻭﻫﻢ ﻫﻮ ﻋﻨﺪﻩ ﺧﻴﺮ ﻣﻦ ﺍﻟﻠﻪ ﻋﻠﻰ ﻛﻠﺒﻪ
ﻫﺪﻯ
ﺍﻟﻴﻮﻡ ﺍﻟﺜﺎﻟﺚ ﺍﻟﻲ ﺑﺎﻟﻤﺴﺘﺸﻔﻰ
ﺷﻮﻳﺔ ﺑﺪﺓ ﺍﻻﻟﻢ ﻳﺨﻒ
ﻭﺍﻟﺤﻤﺪﻟﻠﻪ ﺑﻬﺎﻱ ﺍﻟﻔﺘﺮﺓ ﺍﺗﻌﺮﻓﺖ ﻋﻠﻰ ﻣﺮﻳﺔ ﺗﺸﺘﻐﻞ ﻣﻨﻈﻔﺔ ﺑﺎﻟﻤﺴﺘﺸﻔﻰ
ﺍﺣﺲ ﺑﻴﻬﺎ ﺣﻴﻞ ﺗﻌﺒﺎﻧﺔ ﺑﺲ ﺗﺮﻳﺪ ﺗﻌﻴﺶ
ﻣﻦ ﺣﺠﺘﻠﻲ ﻋﻦ ﺣﻴﺎﺗﻬﺎ ﻭﺣﻴﺎﺓ ﻋﺎﺋﻠﺘﻬﺎ
ﺣﻤﺪﺕ ﺍﻟﻠﻪ ﺍﻟﻒ ﻣﺮﺓ ﻋﻠﻰ ﻧﻌﻤﺘﻪ
ﻋﺮﻓﺖ ﺣﺎﻟﻲ ﺍﺣﺴﻦ ﻣﻦ ﻫﻮﺍﻱ ﻧﺎﺱ
ﺟﻨﺖ ﻣﺘﻤﺪﺩﺓ ﻭﺭﺍﻓﻌﻴﻦ ﺭﺟﻠﻲ ﻭﺷﻴﻤﺎﺀ ﺟﺎﻧﺖ ﺗﺮﺗﺐ ﺑﺎﻟﺴﺮﻳﺮ
ﻭﻫﻲ ﻋﺎﻗﺪﺓ ﺍﻟﺤﻮﺍﺟﺐ ﻭﺻﺎﺭﻟﻬﺎ ﻳﻮﻣﻴﻦ ﺷﻜﻠﻬﺎ ﻣﻌﺎﺟﺒﻨﻲ
ﻛﻮﺓ ﺗﺤﺠﻲ ﻭﻳﺎﻱ ﺍﺩﺭﻱ ﺑﻴﻬﺎ ﺯﻋﻼﻧﺔ ﻣﻨﻲ ﻻﻥ ﺭﺣﺖ ﻟﻤﺮﻭﺓ ﻣﻦ ﻭﺭﺍﻫﺎ
_ ﻫﺎﻱ ﺛﺎﻧﻲ ﻣﺮﺓ ﺗﺴﻮﻳﻦ ﺍﻟﻲ ﺑﺮﺍﺳﺞ
ﻣﻮ ﻛﻞ ﺍﻟﻲ ﺗﻔﻜﺮﻳﻦ ﺑﻲ ﺍﻧﺘﻲ ﻫﻮ ﺻﺢ
ﺑﻌﺪﻳﻦ ﻣﻦ ﺗﻄﻴﺒﻴﻦ ﻧﺤﺠﻲ ﺑﻬﺬﺍ ﺍﻟﻤﻮﺿﻮﻉ
ﺩﺧﻞ ﻋﻤﻮ ﺍﻣﺠﺪ ﻭﻭﻳﺎﻩ ﺿﺤﻰ
ﻭﺳﻠﻴﻤﺔ
ﻭ ﺿﺤﻰ ﺑﺲ ﺩﺧﻠﺖ ﺭﻓﻌﺖ ﺍﻟﺒﺮﻛﻊ
ﻭﺍﻗﺘﺮﺑﺖ ﻋﻠﻴﺔ ﻭﺣﻀﻨﺘﻨﻲ ﻭﻫﻲ ﺗﺒﺠﻲ ﻣﻔﺮﻓﺤﺔ
.. ﻋﻤﺖ ﻋﻴﻨﻲ ﻋﻠﻴﺞ ﻫﺪﻯ ﺣﺒﻴﺒﺘﻲ ﺷﺼﺎﻳﺮ ﺑﻴﺞ
ﺍﺑﺘﺴﻤﺖ ﺍﻃﻤﻨﻬﺎ .. ﺍﺳﻢ ﺍﻟﻠﻪ ﻋﻠﻴﺞ ﻟﺘﺒﺠﻴﻦ ﺗﻐﺔ ( ﺗﺮﺓ ) ﻫﺎﺩﻱ ﺑﻌﺪﻩ
ﻳﺰﻫﻮﺍ ﺑﺎﻟﻨﺼﻎ ( ﺑﺎﻟﻨﺼﺮ )
ﻫﻲ ﺷﻮﻳﺔ ﻛﺴﻮﻍ ﻋﻠﻰ ﻏﻀﻮﺽ ( ﻛﺴﻮﺭ ﻋﻠﻰ ﺭﺿﻮﺽ )
ﺗﺮﺓ ﺑﻌﺪﻧﻲ ﻣﺎﻣﺘﺖ ﻛﺎﻋﺪﺓ ﻋﻠﻰ ﻛﻠﺒﺞ
ﻭﻭﻓﻐﻲ ( ﻭﻓﺮﻱ ) ﺩﻣﻮﻋﺞ ﻟﻔﺎﺗﺤﺘﻲ ﻟﻴﺶ ﻣﻦ ﻫﺴﺔ ﻣﺴﺒﻜﺔ
.. ﺍﺳﻢ ﺍﻟﻠﻪ ﻋﻠﻴﺞ ﻟﺘﻜﻮﻟﻴﻦ ﻫﺸﻜﻞ ﺍﻥ ﺷﺎﺀ ﺍﻟﻠﻪ ﺍﻟﻴﻜﺮﻫﻮﻧﺞ
ﻭﻋﻠﻰ ﻃﺎﺭﻱ ﺍﻟﻴﻜﺮﻫﻮﻧﻲ
ﺳﻠﻴﻤﺔ .. ﻫﺎ ﻭﻟﺞ ﺷﻔﺘﻲ ﺍﻟﻠﻪ ﺷﺴﻮﺓ ﺑﻴﺞ ﻫﺬﺍ ﻛﻠﻪ ﻣﻦ ﻭﺭﺓ ﺍﻟﺴﺎﻧﺞ ﺍﻟﻤﻜﻄﻢ
ﻭﺍﻟﻠﻪ ﺣﻴﺮﺗﻴﻨﺎ ﻭﻳﺎﺝ ﻛﻀﻴﺘﻲ ﻃﻮﻝ ﻋﻤﺮﺝ ﺍﻟﻠﻪ ﻛﺎﻟﺒﺞ ﻣﻦ ﺩﻭﻥ ﺍﻣﺔ ﻣﺤﻤﺪ
ﻫﺴﺔ ﻣﺎ ﻧﻌﺮﻑ ﻧﻜﻠﺞ ﺍﻟﺤﻤﺪ ﻟﻠﻪ ﻋﻠﻰ ﺳﻼﻣﺘﺞ ﻟﻮ ﻧﻜﻠﺞ ﻣﺒﺮﻭﻙ
ﻋﻘﺪﺕ ﺣﻮﺍﺟﺒﻲ
.. ﻣﺎ ﺍﻓﺘﻬﻤﺖ ﺷﻨﻮ ﻗﺼﺪﺝ
ﻳﺘﺒﻊ
ﺍﺣﺒﻜﻢ ﻫﻮﺍﻱ ﺍﺣﺒﻜﻢ ﻛﻮﻣﺔ ️☺️♥🌹️♥🌹
ﺍﺧﺘﻜﻢ ﻧﻬﻰ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء