رواية أساور الفضة ج1 الجزء التاسع
....
ﻟﺤﻈﺎﺕ ﻭﺍﺟﺔ ﺍﻟﻮﻟﺪ ﺻﺎﺣﺐ ﺍﻟﺴﻴﺎﺭﺓ ﻭﺻﻌﺪ ﻭﺳﻠﻢ ﻋﻠﻰ ﺑﻴﺒﻲ
ﻭﺍﻟﺘﻔﺖ ﻳﺴﻠﻢ ﻋﻠﻴﺔ
ﺭﻓﻌﺖ ﺭﺍﺳﻲ ﻣﺼﺪﻭﻣﺔ ﻭﺑﺎﻭﻋﺖ ﻋﻠﻴﻪ
ﻣﺎ ﺍﻋﺮﻑ ﻟﻴﺶ ﺑﺲ ﺳﻤﻌﺖ ﺻﻮﺗﻪ ﻛﻠﺒﻲ ﻛﺎﻡ ﻳﺮﻓﺮﻑ ﻣﺜﻞ
ﺍﻟﻌﺼﻔﻮﺭ
ﺍﺑﺎﻭﻉ ﻋﻠﻴﻪ ﺷﻠﻮﻥ ﻋﺪﻝ ﺍﻟﻤﺮﺍﻳﺔ ﻭﺭﻛﺰﻫﺎ ﻋﻠﻴﺔ
ﻳﻤﺔ ﺍﺭﻭﺣﻠﻪ ﺳﺒﻊ ﻓﺪﻭﺍﺕ
ﺩﺍﺭ ﻭﺟﻬﻪ ﻋﻠﻰ ﺳﻠﻴﻤﺔ
.. ﻫﻼ ﺣﺠﻴﺔ ﻧﻮﺭﺗﻲ ﺳﻴﺎﺭﺗﻲ
.. ﻫﻼ ﺑﻴﻚ ﺧﺎﻟﺔ ﺍﻟﻠﻪ ﻳﺒﺎﺭﻛﻠﻚ ﺑﻴﻬﺎ
ﻃﺒﻌﺎ ﺳﻠﻴﻤﺔ ﻣﺘﻌﺮﻑ ﺭﺍﺋﺪ ﻻﻥ ﻣﺸﺎﻳﻔﺘﻪ
ﺑﺲ ﻣﻦ ﻣﺤﺎﺳﻦ ﺍﻟﺼﺪﻑ ﺍﻥ ﻳﻜﻮﻥ ﺭﺍﺋﺪ ﻣﻦ ﺿﻤﻦ ﺍﺻﺪﻗﺎﺀ ﺳﻴﻒ
ﺑﺤﻜﻢ ﺍﻧﻬﻢ ﺟﻮﺍﺭﻳﻦ ﻣﻦ ﻧﻔﺲ ﺍﻟﻤﻨﻄﻘﺔ
ﺍﻧﺘﺒﻬﺖ ﻟﺴﻠﻴﻤﺔ ﺷﻠﻮﻥ ﺗﺒﺎﻭﻉ ﻟﺮﺍﺋﺪ ﻭﻋﻴﻮﻧﻬﺎ ﻛﺎﻣﺖ ﺗﻠﻤﻊ ﻏﻴﺮﺕ
ﻧﺒﺮﺓ ﺻﻮﺗﻬﺎ ﻭﻛﻤﻠﺖ ﻛﻼﻣﻬﺎ
.. ﺭﺑﻲ ﻳﻮﻗﻔﻚ ﻭﻳﺒﺎﺭﻙ ﺑﺸﺒﺎﺑﻚ
ﻭﺟﺮﺕ ﺍﻟﺼﻮﺕ
.. ﺍﻛﻮﻭﻭﻭﻭﻭﻝ ﺧﺎﻟﺔ ﺍﻧﺖ ﻣﺘﺰﻭﺝ ﻟﻮ ﺑﻌﺪﻙ
ﻋﺰﺓ ﺑﻌﻴﻨﻲ ﺑﺪﺕ ﺳﻠﻴﻤﺔ ﺗﺰﺣﻒ ﺷﻠﻮﻥ ﺑﻴﻬﺎ
ﻫﺎﻱ ﻭﻳﻦ ﻣﺎ ﺍﻭﺩﻳﻬﺎ ﺗﻜﻌﺪ ﺗﻨﺴﻖ
ﺧﺮﺏ ﺣﻈﻲ
ﺍﺑﺘﺴﻢ .. ﻻ ﻭﺍﻟﻠﻪ ﺣﺠﻴﺔ ﻣﺎ ﻣﺮﺗﺒﻂ ﺑﻌﺪﻧﻲ
ﺍﺩﻋﻴﻠﻲ ﻛﻮﻥ ﺑﻨﺖ ﺍﻟﺤﻼﻝ ﺗﺤﻦ ﻋﻠﻴﺔ ﻭﺗﻮﺍﻓﻖ
ﻣﻨﺘﻈﺮ ﺑﺲ ﺍﺷﺎﺭﺓ ﻣﻨﻬﺎ ﻭﺗﻔﺮﺣﻨﻲ ﺑﻤﻮﺍﻓﻘﺘﻬﺎ ﻧﺬﺭ ﻋﻠﻴﺔ ﻻﺭﻛﺺ
ﻟﻠﺼﺒﺢ ﺑﻴﻮﻡ ﻋﺮﺳﻲ
.. ﻫﺎﻱ ﻳﺎﻋﻮﺑﺔ ﻣﺨﻠﻴﺘﻚ ﺗﻨﺘﻈﺮ ﻟﺤﺪ ﻫﺴﺔ
ﺧﻠﻴﻬﺎ ﺗﻮﻟﻲ ﻣﺎﻝ ﺍﻟﻌﻤﺔ ﻛﻮﻥ ﻧﻌﺎﻝ ﻋﻠﻰ ﻛﺼﺘﻬﺎ
ﺍﻣﻬﺎﺕ ﺍﻟﻜﻤﻞ ﻫﻢ ﻳﺘﺸﺮﻃﻦ
.. ﻫﻬﻬﻬﻪ ﻻﺣﺠﻴﺔ ﺧﻠﻴﻬﺎ ﻳﻠﻮﻛﻠﻬﺎ ﺗﺪﻟﻞ ﻋﻠﻲ
.. ﺍﻧﺎ ﺍﻛﻠﻚ ﻳﻤﺔ ﺍﻧﺖ ﻟﻴﺶ ﻣﺎ ﺗﻌﻮﻓﻬﺎ ﻭﺍﻧﺎ ﻋﻨﺪﻱ ﺍﻟﻚ
ﻣﺮﺓ ﺗﺴﻮﻯ ﻭﺗﺴﺘﺎﻫﻞ ﻭﺍﻟﻠﻪ ﺗﻨﺪﻋﻴﻠﻲ
ﻳﺒﻮﻭﻭﻭﻭﻭﻭﻭﻱ ﻋﻠﻴﺞ ﺳﻠﻴﻤﺔ
ﻫﺴﺔ ﻣﺎ ﺍﻋﺮﻑ ﻫﺎﻱ ﻭﻳﺎﻱ ﻟﻮ ﻋﻠﻴﺔ ﻫﺴﺔ ﻏﻴﺮ ﺗﻮﺣﺪ ﺍﻟﻤﻮﺟﺔ
ﻛﻮﺓ ﻻﺯﻣﺔ ﺭﻭﺣﻲ ﻻ ﺍﺿﺤﻚ
.. ﺣﺠﻴﺔ ﻟﻮ ﻫﻲ ﻟﻮ ﻣﺎ ﺍﺭﻳﺪ ﺍﺑﻄﻞ ﻣﺎ ﺍﺗﺰﻭﺝ
ﺍﻧﺎ ﻛﻠﺒﻲ ﻫﺎﻭﻳﻬﺎ ﻭﻣﻴﺖ ﺑﻌﺸﻜﻬﺎ
.. ﺧﺎﺏ ﻣﻦ ﺍﻣﺪﺍﻙ ﺍﻧﺖ ﻭﻳﺎﻫﺎ ﺷﺒﻴﻚ ﻳﺤﻈﻲ
ﺳﺎﺣﻞ ﺭﻭﺣﻚ ﺳﺤﻞ ﻋﻠﻴﻬﺎ
ﻣﺎ ﺟﻨﻚ ﺭﺟﺎﻝ ﺣﻮﻙ
ﺗﺮﺓ ﺍﻟﻤﺮﺓ ﻣﻦ ﺗﺸﻮﻑ ﺍﻟﺮﺟﺎﻝ ﺧﻔﻴﻒ
ﺗﺴﺘﻬﺎﻥ ﺑﻲ ﻭﻳﻘﻞ ﻣﻘﺪﺍﺭﻩ
....
ﻫﻬﻬﻬﻬﻬﻬﻬﻬﻪ ﺍﺥ ﻳﻤﺔ ﺑﻄﻨﻲ ﻗﺼﻔﺘﻪ ﻟﺮﺍﺋﺪ
ﺷﺎﻓﺘﻪ ﻣﺎ ﺍﺟﺔ ﻭﻳﺎﻫﺎ ﻟﻠﻄﺮﻳﻖ ﻣﺼﺮﻓﻠﻬﺎ ﻛﻼﻣﻪ
ﻓﻤﺴﺤﺖ ﺑﻲ ﺍﻟﻜﺎﻉ
.. ﺷﺴﻮﻱ ﺣﺠﻴﺔ ﻣﻮ ﺑﻴﺪﻱ ﺑﻌﺪ ﺍﻟﻜﻠﺐ ﻭﻣﺎ ﻳﻬﻮﻯ
.. ﻫﻮ ﺍﻧﺘﻮ ﺍﻟﺮﻳﺎﺟﻴﻞ ﻣﻮ ﻣﺎﻝ ﻋﻴﻨﻲ ﻭﺍﻏﺎﺗﻲ
ﺗﻤﻮﺗﻮﻥ ﻋﺎﻟﻮﺍﺣﺪ ﻳﻤﺴﺢ ﺑﻴﻜﻢ ﺍﻟﻜﺎﻉ
ﺍﺑﺎﻭﻉ ﻟﺮﺍﺋﺪ ﻓﺎﺗﺢ ﺣﻠﻜﻪ ﻭﻭﺟﻪ ﺻﺎﺭ ﺍﺣﻤﺮ ﻣﻦ ﻭﺭﺓ ﺣﺠﻲ ﺳﻠﻴﻤﺔ
ﺷﻜﻠﻪ ﺭﺍﺡ ﻳﺸﻤﺮ ﺭﻭﺣﻪ ﻣﻦ ﺍﻟﺴﻴﺎﺭﺓ
ﺷﻮﻳﺔ ﻭﻛﺎﻟﺖ
.. ﺍﻛﻠﻚ
ﺧﺎﻟﺔ ﺍﻧﺖ ﻭﻳﻦ ﻣﻮﺩﻳﻨﺎ
.. ﺣﺠﻴﺔ ﻏﻴﺮ ﺍﺧﺬﺝ ﻟﻠﻌﺮﺱ
.. ﻟﻌﺪ ﺑﻴﺖ ﺍﻟﻌﺮﻳﺲ ﻭﻳﻦ ﺻﺎﺭ ﺍﺷﻮ ﻃﻮﻟﻨﺎ
ﺣﺠﻴﺖ ﺑﺼﻮﺕ ﻋﺎﻟﻲ ﺣﺘﻰ ﺗﺴﻤﻌﻨﻲ ﻻﻥ ﻣﺘﻌﻮﺩﺓ ﻋﻠﻴﻬﺎ ﻛﻠﺔ ﻋﺎﻟﻲ
ﺍﺣﺠﻲ
.. ﺷﻨﻮ ﺑﻴﺒﻲ ﻧﺴﻴﺘﻲ ﺍﻟﻌﻐﺲ ( ﺍﻟﻌﺮﺱ ) ﺑﺎﻟﻘﺎﻋﺔ ﻣﻮ ﺑﺒﻴﺖ
ﺍﻟﻌﻐﻴﺲ ( ﺍﻟﻌﺮﻳﺲ )
.. ﻭﻭﺟﻌﺔ ﺍﺑﻮ ﺑﻴﺒﻲ ﻃﺮﺷﺘﻴﻨﻲ ﻋﻤﺔ ﺣﺘﻰ ﻋﻤﺔ
ﻳﺒﻮﻭﻭ ﺍﻟﻠﻪ ﻳﺎﺧﺬﺝ ﺳﻠﻴﻤﺔ
ﺍﺑﺎﻭﻉ ﻟﺮﺍﺋﺪ ﻳﺒﺎﻭﻋﻠﻲ ﺧﺮﺑﺎﻥ ﺿﺤﻚ ﺑﺲ ﻣﻦ ﺍﻟﺘﻘﺖ ﻧﻈﺮﺍﺗﻨﺎ ﺑﺎﻟﻤﺮﺍﻳﺎ
ﻋﻴﻮﻧﻪ ﺍﻛﻠﺘﻨﻲ ﻳﻤﺔ ﻓﺪﻳﺖ ﻋﻴﻮﻧﻪ
ﻭﺷﻨﻮ ﺷﻼﺑﺲ
ﻏﻴﺮ ﺍﻟﻘﺎﻁ ﻳﺎﻛﻞ ﻭﻳﺸﺮﺏ ﻋﻠﻴﻪ
ﻳﻤﺔ ﺍﺭﻭﺡ ﻟﻚ ﻓﺪﻭﺓ ﺑﺘﻜﺴﻲ ﻭﺍﺭﺟﻊ ﻣﺸﻲ ﻟﺒﻴﺘﻨﺎ
ﺑﺸﺮﻁ ﺣﺎﻓﻴﺔ
ﺳﻠﻴﻤﺔ ﻗﻄﻌﺔ ﻋﻠﻴﻨﺔ ﺍﻟﻠﺤﻈﺔ ﻭﺭﺟﻌﺖ ﺗﺤﺠﻲ
.. ﺍﻛﻮﻝ ﺧﺎﻟﺔ ﻭﺩﻳﻨﻲ ﻟﺒﻴﺘﻨﺎ ﺍﻧﺎ ﺗﻌﺒﺖ ﻣﺎ ﺑﻴﺔ ﺣﻴﻞ
ﺍﻛﻌﺪ ﺑﺎﻟﻌﺮﺱ ﺍﺷﻮ ﻻﻧﻲ ﻣﻦ ﺍﻟﻤﺼﻔﻜﻴﻦ ﻭﻻﻧﻲ ﻣﻦ ﺍﻟﻤﻄﺒﻠﻴﻦ
ﺷﻠﻬﻢ ﺑﻴﺔ ﺧﻠﻲ ﺍﺭﺟﻊ ﻟﺒﻴﺘﻲ ﺍﺣﺴﻨﻠﻲ ﻣﻦ ﺩﻭﺧﺔ ﺍﻟﺮﺍﺱ
.. ﻻ ﺣﺠﻴﺔ ﺷﻠﻮﻥ ﺷﻠﻬﻢ ﺑﻴﺞ ﺍﻧﺘﻲ ﺍﻟﺨﻴﺮ ﻭﺍﻟﺒﺮﻛﺔ
.. ﺗﺴﻠﻢ ﻳﻤﺔ ﺑﺲ ﻣﺎﻋﺎﺩ ﺣﻴﻠﻲ ﺍﻻﻭﻟﻲ
ﺻﺮﺕ ﺳﻜﺮﺍﺏ ﺑﺴﺮﻋﺔ ﺍﺗﻌﺐ
ﺳﻮﻱ ﻋﻠﻴﺔ ﻓﻀﻞ ﻭﺭﺩﻧﻲ ﻟﺒﻴﺘﻲ
ﻭﺑﻌﺪﻳﻦ ﺍﺧﺬ ﻫﺎﻱ ﺍﻟﻜﻄﻤﺔ ﻭﻭﺻﻠﻬﺎ ﻋﺎﻟﻌﺮﺱ
ﺑﺲ ﻫﺎ ﺩﻳﺮ ﺑﺎﻟﻚ ﺗﻀﻴﻊ ﻣﻨﻚ ﺑﺎﻟﻌﺮﺱ
.. ﻟﻴﺶ ﺗﻀﻴﻊ
.. ﻧﺺ ﺍﺧﻤﺲ ﻭﺗﺮﻭﺡ ﺑﻴﻦ ﺍﻟﺮﺟﻠﻴﻦ
ﺷﻬﻜﺖ ﻭﺿﺮﺑﺖ ﻋﻠﻰ ﺻﺪﺭﻱ ﺍﻧﻌﻞ ﺍﺑﻮ ﺷﻜﻠﺞ ﻳﺎ ﺳﻠﻴﻤﺔ
ﻋﻠﻰ ﻫﺎﻟﻘﺼﻒ
ﻣﺎ ﺧﻠﻴﺘﻲ ﺑﻴﺔ ﺷﻲ ﺑﺮﺍﺳﻪ ﺧﻴﺮ
ﻭﺻﻠﻨﺎﻫﺎ ﻟﻠﺒﻴﺖ
ﻭﺭﺟﻌﺖ ﺍﺭﻛﺐ ﺑﺎﻟﺴﻴﺎﺭﺓ ﻟﻨﻔﺲ ﻣﻜﺎﻧﻲ
.. ﺧﻴﺮ ﺳﺎﻟﻤﻴﻦ ﺍﻟﺴﺎﻳﻖ ﻣﺎﻟﺖ ﺍﻟﺨﻠﻔﻮﺝ ﻭﺗﺮﻛﺒﻴﻦ ﻭﺭﺓ
ﺑﺎﻭﻋﺖ ﻋﻠﻴﻪ ﺿﺎﻳﺠﺔ
.. ﻳﺎﻟﻠﻪ ﺷﻮ ﺍﺗﺤﺮﻛﻲ ﻭﻛﻌﺪﻱ ﻛﺪﺍﻡ
ﻓﺘﺤﺖ ﺍﻟﺒﺎﺏ ﻭﻛﻌﺪﺕ ﻛﺪﺍﻡ ﻭﻫﻮ ﺻﻌﺪ ﻭﺷﻐﻞ ﺍﻟﺴﻴﺎﺭﺓ
ﻭﺳﺎﻕ
ﺩﺍﺭ ﻭﺟﻬﻪ ﻋﻠﻴﺔ ﻭﺍﺑﺘﺴﻢ
.. ﺍﻟﻴﻮﻡ ﻋﺮﻓﺖ ﺍﻟﻠﻪ ﺷﻜﺪ ﻳﺤﺒﻨﻲ
ﻫﻢ ﻟﻮ ﻣﺪﻭﺭﻟﻲ ﻭﺍﺳﻄﺎﺕ ﻋﻠﻤﻮﺩ ﻳﺨﻠﻮﻧﻲ ﺍﺗﺼﻞ ﺑﻴﺞ ﻫﻢ ﺟﺎﻥ ﻣﺎ
ﺭﻫﻤﺖ
ﻣﺜﻞ ﻫﺎﻱ ﺍﻟﺼﺪﻓﺔ
ﻟﺞ ﻣﺘﺼﺪﻛﻴﻦ ﻓﺮﺣﺘﻲ ﺑﻴﻮﻡ ﺷﻔﺘﺞ ﺻﻌﺪﺗﻲ ﺑﺴﻴﺎﺭﺗﻲ ﻏﻴﺮ ﺍﺟﺔ
ﻛﻠﺒﻲ ﻳﻮﻛﻒ
ﺍﻧﺘﺒﻪ ﻋﻠﻴﺔ ﺳﺎﻛﺘﺔ
.. ﻣﺘﺤﺠﻴﻦ ﻟﻴﺶ ﺳﺎﻛﺘﺔ
.. ﺯﻋﻼﻧﺔ ﻋﺎﻟﺼﺎﺭ ﻭﻳﺎﻱ ﺑﺬﺍﻙ ﺍﻟﻴﻮﻡ ﻣﻦ ﻭﺭﺓ ﺍﻫﻠﻚ
ﺍﻧﺖ ﺍﺫﺍ ﺗﻌﺮﻑ ﺑﺄﻫﻠﻚ ﻣﻤﻮﺍﻓﻘﻴﻦ ﺷﻜﻮ ﺩﺯﻳﺘﻬﻢ ﻭﺧﻠﻴﺘﻨﺎ
ﺑﻬﻴﺞ ﻣﻮﻗﻒ ﻣﺤﺮﺝ
ﺗﻌﺮﻑ ﻣﻦ ﺑﻌﺪﻙ ﺍﻧﻲ ﺷﺼﺎﺭ ﺑﻴﺔ
.. ﺍﻱ ﺍﻋﺮﻑ ﺷﺼﺎﺭ ﺑﻴﺞ ﻭﺍﻧﻲ ﺍﺿﺮﺑﻴﻬﺎ ﻓﻲ ﺍﺿﻌﺎﻑ ﺍﺗﺪﻣﺮﺕ ﺍﻛﺜﺮ
ﻣﻨﺞ
ﻫﺪﻯ ﺍﻟﻠﻪ ﻳﺨﻠﻴﺞ ﺗﻌﺮﻓﻴﻦ ﺑﻴﺔ ﺷﻜﺪ ﺍﺣﺒﺞ
ﻭﻣﺎ ﺍﻛﺪﺭ ﺍﺗﻨﺎﺯﻝ ﻋﻨﺞ ﻟﻮ ﻋﻠﻰ ﻛﺺ ﺭﻛﺒﺘﻲ
ﺑﺲ ﺍﺭﻳﺪ ﻣﻨﺞ ﺗﻮﻛﻔﻴﻦ ﻭﻳﺎﻱ ﻭﺗﺴﺎﻋﺪﻳﻨﻲ
.. ﺷﻠﻮﻥ ﺍﺳﺎﻋﺪﻙ
.. ﺍﺭﻳﺪﺝ ﻣﺎ ﺗﺪﻳﺮﻳﻦ ﺑﺎﻝ ﻟﻜﻼﻡ ﺍﻫﻠﻲ
ﻭﻣﺎ ﻋﻠﻴﺞ ﺑﺄﻱ ﻭﺍﺣﺪ ﻏﻴﺮ ﺑﺲ ﺭﺍﺋﺪ
ﺧﻠﻴﺞ ﻭﻳﺎﻱ ﻋﻠﻰ ﻃﻮﻝ ﺍﻟﺨﻂ
......
ﺭﺍﺋﺪ ﺻﻌﺒﺔ ﺗﺮﺓ ﻫﺬﻭﻟﻲ ﺍﻫﻠﻚ ﻣﻮ ﻧﺎﺱ ﻏﺮﺑﺔ
ﻭﺍﻛﻮﻝ ﻣﺎ ﻋﻠﻴﺔ ﺑﻴﻬﻢ ﻭﻣﻮ ﻣﻬﻢ ﺭﺿﻮﺍ ﻋﻨﻲ ﺍﻭﻣﺎ ﺭﺿﻮﺍ
ﻳﻌﻨﻲ ﻣﻦ ﻧﺘﺰﻭﺝ ﺭﺍﺡ ﺍﺷﺎﺭﻙ ﺣﻴﺎﺗﻲ ﻭﻳﺎﻫﻢ
.. ﻻ ﻫﺪﻯ ﺗﺮﺓ ﺍﻧﻲ ﻧﺎﻭﻱ ﻣﻦ ﺍﺗﺰﻭﺝ ﻛﺒﻞ ﺍﻋﺰﻝ ﺑﺒﻴﺖ ﻟﻮﺣﺪﻧﺎ
ﻳﻌﻨﻲ ﻣﺎ ﺭﺍﺡ ﺗﻠﺤﻜﻴﻦ ﺗﻌﻴﺸﻴﻦ ﻭﻳﺎﻫﻢ ﻭﻻ ﻫﻤﺔ ﺭﺍﺡ
ﻳﻀﺎﻳﻘﻮﻧﺞ ﺑﺄﻱ ﺷﻲ
.. ﻏﺎﺋﺪ ﻫﻮﺍﻱ ﺍﻛﻮ ﻣﺸﺎﻛﻞ ﻏﻴﺮ ﺍﻫﻠﻚ
.. ﺷﻨﻮ ﻫﺎﻱ ﺍﻟﻤﺸﺎﻛﻞ
.. ﺍﻟﻮﺣﻤﺔ
.. ﺷﺒﻴﻬﺎ
.. ﺍﻧﺖ ﻣﺸﺎﻳﻔﻬﺎ ﻭﺍﺧﺎﻑ ﻣﻦ ﻏﺪﺓ ( ﺭﺩﺓ ) ﻓﻌﻠﻚ ﺍﺫﺍ ﺗﺸﻮﻓﻬﺎ
ﺍﺣﺘﻤﺎﻝ ﻣﺘﺘﻘﺒﻠﻨﻲ
.. ﻫﺪﻯ ﻛﻢ ﻣﺮﺓ ﺍﻋﻴﺪ ﻭﺍﺣﺠﻲ ﻭﺍﻛﻮﻝ ﺍﻧﺎ ﻣﻦ ﺣﺒﻴﺘﺞ
ﻣﺎ ﺣﺒﻴﺘﺞ ﻋﻠﻤﻮﺩ ﺟﺴﻤﺞ ﻓﻘﻂ ﻻ ﻭﺍﻧﻤﺎ ﺣﺒﻴﺖ ﺑﻨﻴﺘﻲ
ﻭﺻﺪﻳﻘﺘﻲ ﻭﺭﻓﻴﻘﺘﻲ ﺍﻟﻲ ﺷﻬﺪﺕ ﻭﻳﺎﻱ ﺍﺣﻠﻰ ﺍﻳﺎﻡ ﺑﺤﻴﺎﺗﻲ
ﻭﺗﻌﺮﻑ ﻛﻞ ﺻﻐﻴﺮﺓ ﻭﺟﺒﻴﺮﺓ ﺑﺤﻴﺎﺗﻲ ﻣﺜﻠﻤﺎ ﺍﻧﺎ ﺍﻋﺮﻑ ﻛﻠﺸﻲ ﻋﻨﻬﺎ
ﺗﺘﻮﻗﻌﻴﻦ ﻣﺜﻞ ﻫﻴﺞ ﺷﻲ ﺗﺎﻓﻪ ﻳﺄﺛﺮ ﻋﻠﻴﺔ
ﻋﻠﻰ ﻓﻜﺮﺓ ﺍﻧﺘﻲ ﺣﻠﻮﺓ ﻭﻛﻞ ﺣﻠﻮ ﺑﻲ ﻟﻮﻟﺔ
ﻭﺍﻧﺘﻲ ﻣﻦ ﺯﻭﺩ ﺍﻟﺤﻠﺔ ﻋﻨﺪﺝ ﻟﻮﻟﺔ ﻭﺍﺣﻠﻰ ﻟﻮﻟﺔ
ﻧﺬﺭ ﻋﻠﻴﺔ ﺑﺲ ﺗﺼﻴﺮﻳﻦ ﺣﻼﻟﻲ ﻻﻛﻌﺪ ﺍﺑﻮﺱ ﺑﺎﻟﻮﺣﻤﺔ ﻟﻠﺼﺒﺢ
ﻓﻜﻴﺖ ﻋﻴﻮﻧﻲ ﻭﺷﻬﻜﺖ
.. ﻋﺰﺓﺓﺓﺓﺓﺓ ﻏﺎﺋﺪ ﻋﻴﺐ ﺍﺳﺘﺤﻲ ﻋﻠﻰ ﺩﻣﻚ
ﺍﻭﻝ ﻣﺮﺓ ﺭﺍﺋﺪ ﻳﺤﺠﻲ ﻭﻳﺎﻱ ﻛﻼﻡ ﺟﺮﻱﺀ
ﻳﺒﻮﻭﻭﻭﻭﻭ ﺍﺑﺠﻲ ﺗﻴﺰﺍﺏ ﻋﻠﻰ ﻫﺬﺍ ﺣﺠﻴﻪ
.. ﺍﻱ ﻛﻤﻞ
.. ﺷﻜﻤﻞ ﺷﻨﻮ ﺟﺎﻱ ﺍﺣﺠﻴﻠﺞ ﻗﺼﺔ
ﺭﺣﻤﺔ ﻋﻠﻰ ﻭﺍﻟﺪﻳﺞ ﻛﻮﻟﻲ ﺍﻱ ﻭﺧﻠﻴﻨﻲ ﺍﺗﻮﻛﻞ
ﻭﺍﺩﺯ ﺍﻫﻠﻲ ﻭﻧﺎﺳﻲ ﻳﺨﻄﺒﻮﻧﺞ
ﻛﻮﻟﻲ ﺭﺍﺋﺪ ﻓﻮﺕ ﻭﺍﻟﻬﻮﻯ ﺑﻈﻬﺮﻙ ﻫﺪﻯ ﻣﺎ ﺗﻌﻮﻓﻚ
ﻭﺭﺍﺡ ﺗﺴﺎﻧﺪﻙ ﻭﺗﺒﻘﻰ ﻭﻳﺎﻙ ﻻﺧﺮ ﺍﻟﻄﺮﻳﻖ
.. ﺍﺑﺘﺴﻤﺖ ﺑﻔﺮﺣﺔ ﻭﺩﻧﻜﺖ ﺭﺍﺳﻲ ﺧﺠﻼﻧﺔ
ﻛﻼﻡ ﺭﺍﺋﺪ ﺣﺴﺴﻨﻲ ﺑﺎﻻﻣﺎﻥ ﻭﺭﺟﻊ ﺛﻘﺘﻲ ﺑﻨﻔﺴﻲ
ﻭﺑﻠﺤﻈﺘﻬﺎ ﺍﺗﺨﺬﺕ ﻗﺮﺍﺭﻱ
.. ﻣﻮﺍﻓﻘﺔ
ﻳﻤﺔ ﻫﻮ ﺟﺎﻥ ﻳﺴﻮﻕ ﻭﻓﺠﺎﺀﺓ ﻟﺰﻡ ﺍﺑﺮﻳﻚ ﺍﺟﻴﺖ ﺍﻃﻠﻊ ﻣﻦ ﺍﻟﺠﺎﻣﺔ
ﺷﻬﻜﺖ ﻣﻔﺰﻭﻋﺔ ﻭﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻱ
.. ﺍﻟﻠﻪ ﻳﻠﻌﻦ ﺑﻠﻴﺴﻚ ﻳﺎﻏﺎﺋﺪ ﻭﻛﻌﺖ ﻛﻠﺒﻲ
.. ﻋﻴﺪﻱ ﺷﻨﻮ ﻛﻠﺘﻲ ﻣﺴﻤﻌﺘﺞ ﺯﻳﻦ
.. ﺷﻮﻑ ﺍﻧﻲ ﺣﺠﺎﻳﺘﻲ ﻭﺣﺪﺓ ﻣﺘﺼﻴﻎ ( ﻣﺘﺼﻴﺮ ) ﺍﺛﻨﻴﻦ
ﺑﺲ ﻟﺨﺎﻃﺮﻙ ﻫﺎﻟﻤﺮﺓ ﺍﻋﺪﻳﻬﺎ
ﺍﻧﻰ ﻫﺪﻯ ﺍﺛﻴﺮ ﺍﻭﺍﻓﻖ ﺑﻜﺎﻣﻞ ﻗﻮﺍﻱ ﺍﻟﻌﻘﻠﻴﺔ ﺍﻥ ﺍﺗﺰﻭﺡ ﻣﻦ ﻏﺎﺋﺪ ﺍﺑﻦ
ﺍﻟﻤﺨﺘﺎﻍ ( ﺍﻟﻤﺨﺘﺎﺭ )
.....
ﺻﺎﺡ ﺑﺼﻮﺕ ﻋﺎﻟﻲ ﻣﺜﻞ ﺍﻟﻤﺠﻨﻮﻥ
ﻭﻭﻭﻭﻭﻭﻭﻭﻭﻭﺍﺍﺍﺍﺍﺍﺍﺍﺧﻴﺮﺍ ﺍﻟﻲ ﻳﺘﻤﻨﺎﺍﺍﺍﻩ ﻛﻠﺒﻲ
ﻃﻠﻌﺖ ﺷﻤﺲ ﻣﻮﺍﻓﻘﺘﺞ ﺣﺘﻰ ﺗﻨﻮﺭ ﺍﺭﺽ ﺭﺍﺋﺪ
ﻟﺰﻡ ﺍﻳﺪﻱ ﻭﻫﺎﻱ ﺟﺎﻧﺖ ﺍﻭﻝ ﻣﺮﺓ ﻳﺘﺼﺮﻑ ﻭﻳﺎﻱ
ﺑﺤﺮﻳﺔ ﺍﺣﺲ ﻛﻠﺒﻲ ﺍﺟﺔ ﻳﻄﻠﻊ ﻣﻦ ﺻﺪﺭﻱ
ﺍﻧﺘﺒﻬﺖ ﻟﻮﺿﻌﻨﺎ ﻭﺳﺤﺒﺖ ﺍﻳﺪﻱ ﻣﻦ ﺑﻴﻦ ﺍﻳﺪﻳﻪ
.. ﻟﻴﺶ ﺳﺤﺒﺘﻲ ﺍﻳﺪﺝ ﻟﺞ ﺍﻧﺘﻲ ﺣﻼﻟﻲ ﻭﻣﺮﻳﺘﻲ
.. ﻣﻴﺨﺎﻟﻒ ﺭﺍﺋﺪ ﻟﺘﺴﺘﻌﺠﻞ ﻋﻠﻰ ﺭﺯﻗﻚ ﻛﻠﺸﻲ ﺑﻮﻛﺘﻪ
ﺣﻠﻮ
ﺣﺮﻙ ﺍﻟﺴﻴﺎﺭﺓ ﻭﻛﻤﻞ ﺍﻟﻄﺮﻳﻖ ﻭﻫﻮ ﻛﻞ ﺳﺎﻋﺔ ﻳﺒﺎﻭﻉ ﻋﻠﻴﺔ
ﻓﺮﺣﺎﻥ
ﺟﻨﺖ ﺍﺣﺐ ﺍﺣﺎﻓﻆ ﻋﻠﻰ ﺭﻭﺣﻲ ﻷﺧﺮ ﻟﺤﻈﺔ ﺍﻧﻲ ﺗﺮﺑﻴﺔ ﺷﻴﻤﺎﺀ
ﻭﻋﻠﻰ ﻃﺎﺭﻱ ﺷﻴﻤﺎﺀ ﻭﺻﻠﺖ ﻟﻠﻨﺎﺩﻱ
ﻭﺩﺧﻠﺖ ﻟﻠﻘﺎﻋﺔ ﺍﻟﻨﺴﺎﺀ ﻭﻟﻜﻴﺘﻬﺎ ﺗﺤﻮﻡ ﻳﻢ ﺍﻟﺒﺎﺏ
ﻭﺗﻔﺮﻙ ﺑﻴﺪﻫﺎ ﺷﺎﻓﺘﻨﻲ ﻭﺍﺟﺘﻲ ﺭﻛﺾ ﻋﻠﻴﺔ ﻭﻭﺟﻬﺔ ﺍﺣﻤﺮ
ﻟﺰﻣﺘﻨﻲ ﻣﻦ ﺯﻧﺪﻱ ﻭﺣﺠﺖ ﺑﺨﻮﻑ ﻋﻠﻰ ﻏﻀﺐ
.. ﺍﻧﺘﻲ ﻣﺘﻜﻠﻴﻠﻲ ﻭﻳﻦ ﺻﺮﺗﻲ ﻭﻟﻴﺶ ﺍﺗﺄﺧﺮﺗﻲ ﻭﻭﻳﺎﻣﻦ ﺻﻌﺪﺗﻲ
ﺍﻟﺴﻴﺎﺭﺓ
ﺑﺎﻭﻋﺖ ﻭﺭﺍﻱ
ﻭﺑﻴﺒﻲ ﻭﻳﻦ ﻣﻮ ﺟﺎﻧﺖ ﻭﻳﺎﺝ
.. ﺷﺒﻴﺞ ﺷﻮﻣﺔ ﻟﻴﺶ ﻣﻌﺼﺒﺔ ﺍﻧﻄﻴﻨﻲ ﻣﺠﺎﻝ ﺍﺣﺠﻲ
ﺗﻐﺔ ( ﺗﺮﺓ ) ﺍﻧﺎ ﺍﺗﺄﺧﻐﺖ ( ﺍﺗﺎﺧﺮﺕ ) ﺑﺴﺒﺐ ﺑﻴﺒﻲ ﻻﻥ ﺗﻌﺒﺖ ﻭﻛﺎﻟﺖ
ﻭﺩﻭﻧﻲ ﻟﻠﺒﻴﺖ
ﺭﺣﺖ ﺩﺧﻠﺖ ﻟﻐﺮﻓﺔ ﺍﻟﺘﺒﺪﻳﻞ ﺣﺘﻰ ﺍﻧﺰﻉ ﺍﻟﺠﺒﺔ ﻭﺍﻟﺸﺎﻝ
ﻭﺍﺟﺘﻲ ﻭﺭﺍﻱ
.. ﻣﻨﻮ ﻭﺻﻠﻜﻢ ﻟﻠﺒﻴﺖ
.. ﻭﺍﺣﺪ ﻣﺎ ﻧﻌﻐﻔﻪ ( ﻣﻨﻌﺮﻓﻪ ) ﻣﻦ ﺟﻤﺎﻋﺔ ﺳﻴﻒ ﻏﻜﺒﻨﺎ ( ﺭﻛﺒﻨﺎ ) ﻭﻳﺎﻩ
ﺑﺎﻟﺰﻓﺔ ﻭﻭﺻﻞ ﺑﻴﺒﻲ ﻟﻠﺒﻴﺖ ﻭﺑﻌﺪﻫﺎ ﺧﻄﻴﺔ ﻭﺻﻠﻨﻲ ﻟﻬﻨﺎ
ﺍﺑﺎﻭﻉ ﻟﺸﻴﻤﺎﺀ ﻣﻤﻘﺘﻨﻌﺔ ﺑﺎﻟﻜﻼﻡ
ﻣﺼﺮﻓﻠﻬﺎ ﻫﺬﺍ ﺍﻟﺤﺠﻲ
.. ﺷﻮﻓﻲ ﺳﻤﻌﻴﻨﻲ ﺯﻳﻦ
ﺍﻳﺎﻧﻲ ﻭﻳﺎﺝ ﺍﺷﻮﻓﺞ ﺗﺮﻛﺼﻴﻦ ﺑﺎﻟﻌﺮﺱ
ﻫﺎﻱ ﻭﺣﺪﺓ
ﺍﺛﻨﻴﻦ ﺭﺟﻠﺞ ﻋﻠﻰ ﺭﺟﻠﻲ ﻭﻳﻦ ﻣﺎ ﺍﺭﻭﺡ ﻛﻮﻥ ﺍﻟﻜﺎﺝ
ﺑﺼﻔﻲ ﻓﺎﻫﻤﺔ ﻟﻮ ﺍﻋﻴﺪ
ﻋﻘﺠﺖ ﻭﺟﻬﻲ ﻭﺑﺮﻃﻤﺖ ﺷﻔﺎﻳﻔﻲ
.. ﺷﺒﻴﺞ ﺷﻮﻣﺔ ﺍﺫﺍ ﻣﻮ ﺑﻌﻐﺲ ( ﺑﻌﺮﺱ ) ﺍﺧﺘﻲ
ﺍﻏﻜﺺ ( ﺍﺭﻛﺺ ) ﻟﻌﺪ ﺑﻌﻐﺲ ( ﺑﻌﺮﺱ ) ﻣﻨﻮ ﺍﻏﻜﺺ
.. ﻫﺪﻯ ﻣﺎ ﺭﺍﺡ ﺍﻛﺮﺭ ﻛﻼﻣﻲ ﺍﺣﺘﺮﻣﻲ ﻧﻔﺴﺞ ﻭﺍﻣﺸﻲ ﻛﺪﺍﻣﻲ ﺍﻟﻨﺎﺱ
ﻣﺎ ﻧﻌﺮﻓﻬﻢ ﻭﺗﻌﺎﻟﻲ ﺷﻮﻓﻲ ﺍﻟﺘﺼﻮﻳﺮ
ﺑﺎﻟﻘﺎﻋﺔ ﺻﺎﻳﺮ ﺑﻔﻠﺲ
ﻋﻮﺩ ﻫﺎﻱ ﺍﺳﺘﺎﺫ ﺳﻴﻒ ﺍﻓﻨﺪﻱ ﻣﻨﺒﻪ ﺍﻟﻤﻮﻇﻔﺎﺕ ﻋﻠﻰ ﺳﺎﻟﻔﺔ
ﺍﻟﺘﺼﻮﻳﺮ ﻭﻛﺎﻝ
ﻛﻮﻟﻮ ﺭﺟﺎﺀﺍً ﻣﻤﻨﻮﻉ ﺍﻟﺘﺼﻮﻳﺮ
ﻭﺍﻟﻲ ﺍﻟﻜﻔﻬﺎ ﺗﺼﻮﺭ ﺑﻨﻘﺎﻟﻬﺎ
ﺍﺧﺬﻩ ﻣﻨﻬﺎ ﻭﺍﺻﺪﺍﺭﻩ ﻛﺒﻞ
.....
ﺭﺣﺖ ﻛﻌﺪﺕ ﻳﻢ ﺷﻴﻤﺎﺀ ﻭﺑﺎﻭﻋﺖ ﻋﻠﻰ ﺍﺟﻮﺍﺀ ﺍﻟﻘﺎﻋﺔ
ﻭﺍﻟﻤﻌﺎﺯﻳﻢ ﻛﻠﻬﻢ ﻓﺨﻤﻴﻦ ﻣﺜﻞ ﻋﺮﺱ ﺍﻫﻞ ﻫﺎﻟﺔ
ﺍﻧﺘﺒﻬﺖ ﺷﻔﺖ ﺍﻡ ﻓﺮﺯﺩﻕ ﺭﺍﺣﺖ ﻟﻀﺤﻰ ﻭﺳﻠﻤﺖ ﻋﻠﻴﻬﺎ
ﻭﺿﺤﻰ ﻛﺎﻣﺖ ﻭﺑﺎﺳﺘﻬﺎ ﻣﻦ ﺭﺍﺳﻬﺎ
ﻭﺍﻟﻠﻪ ﺍﻧﻘﻬﺮﺕ ﻣﻦ ﺍﺗﺬﻛﺮﺕ ﺻﻬﻴﺐ ﻭﺍﻟﻮﻋﺪ ﺍﻟﻤﺒﺘﻮﺭ
ﺧﻄﻴﺔ ﻫﺴﺔ ﺍﻟﻠﻪ ﻳﻌﻠﻢ ﻋﺮﻑ ﺑﻤﻮﺿﻮﻉ ﺯﻭﺍﺝ ﺿﺤﻰ ﻟﻮﺑﻌﺪﻩ
ﺍﺟﺘﻲ ﺷﻬﺪ ﻭﺳﻠﻤﺖ ﻋﻠﻴﻨﺎ ﻭﺑﻌﺪﻫﺎ ﻛﻤﻨﺎ ﺍﺧﺬﻧﺎ ﻣﺮﻳﻢ ﺍﺧﺘﻲ ﻭﺭﺣﻨﺎ
ﻭﻛﻔﻨﺎ ﻳﻢ ﺿﺤﻰ ﻭﺻﻮﺭﻧﺎ ﻋﺎﻟﺴﺘﻴﺞ
ﺍﻟﺤﻠﻮ ﺑﺎﻟﻤﻮﺿﻮﻉ ﻭﺍﻟﻲ ﺭﻓﻊ ﻣﻌﻨﻮﻳﺎﺗﻲ
ﺍﺛﻨﻴﻦ ﻧﺴﻮﺍﻥ ﺍﺟﻮﻱ ﺳﺄﻟﻨﻮﻱ ﺷﻜﺪ ﻣﻮﺍﻟﺪﻳﺞ
ﻭﺍﻧﺘﻲ ﺑﻨﺖ ﻣﻨﻮ ﻫﺎﻱ ﺍﺣﺪ ﺍﻻﺳﺌﻠﺔ ﺍﻟﻲ ﺗﻌﺮﻓﻴﻦ ﻣﻦ ﺧﻼﻟﻬﺎ ﺍﻧﺘﻲ
ﺍﺗﻘﺪﻣﻮﻟﺞ ﺧﻄﺎﺑﺔ
ﺑﻌﺪﻫﺎ ﺭﺣﻨﺎ ﺳﻠﻤﻨﺎ ﻋﻠﻰ ﺍﻡ ﻓﺮﺯﺩﻕ ﻭﺟﻨﺘﻬﺎ ﺍﻡ ﺻﻬﻴﺐ
ﺍﻡ ﺻﻬﻴﺐ ﺳﻠﻤﺖ ﻋﻠﻴﻨﺎ ﻭﻛﺎﻟﺖ ﻟﺸﻴﻤﺎﺀ
.. ﻳﻮﻡ ﺍﻻﻟﻜﻢ ﻧﺸﻮﻓﻜﻢ ﻋﺮﺍﻳﺲ
.. ﺍﺷﻜﺮﺝ ﺧﺎﻟﺔ
ﻭﺭﺟﻌﺖ ﻛﺎﻟﺖ .. ﺧﺎﻟﺔ ﻟﻴﺶ ﺍﺳﺘﻌﺠﻠﺘﻮﺍ ﺑﺰﻭﺍﺝ ﺿﺤﻰ
ﻭﺍﻟﻠﻪ ﺑﻌﺪﻫﺎ ﺻﻐﻴﺮﺓ
ﺟﺎﻭﺑﺘﻬﺎ ﺍﻡ ﻓﺮﺯﺩﻕ .. ﻳﺎﻋﻴﻨﻲ ﺻﻐﻴﺮﺓ ﺷﻨﻮ
ﻋﻤﺮﻫﺎ٢٠ﺳﻨﺔ
ﺑﻌﺪ ﺷﻜﺪ ﺗﺮﺩﻳﻦ ﻋﻤﺮﻫﺎ ﻳﺼﻴﺮ ﻭﺗﺘﺰﻭﺝ
ﺳﻜﺘﺖ ﻣﺠﺎﻭﺑﺖ ﺧﺎﻟﺔ
ﻭﺭﺓ ﻓﺘﺮﺓ
ﺷﻴﻤﺎﺀ ﻛﺎﻣﺖ ﻭﻫﺪﺕ ﻟﻀﺤﻰ ﺍﻟﻤﺤﺒﺲ ﻭﻃﻠﻌﺖ ﻣﻦ ﺍﻟﻌﻠﺒﺔ ﺳﻮﺍﺭ
ﺍﻣﻲ ﺍﻟﻔﻀﺔ ﺍﻟﺨﺎﺹ ﺑﻀﺤﻰ ﻭﻟﺒﺴﺘﻬﺎ ﺑﻤﻌﺼﻤﻬﺎ
ﻭﺿﺤﻰ ﺷﻤﺮﺕ ﺭﻭﺣﻬﺎ ﺑﺤﻀﻦ ﺷﻴﻤﺎﺀ ﻭﺑﺎﺳﺘﻬﺎ
ﺑﻌﺪﻫﺎ ﺍﺳﺘﻤﺮ ﺍﻟﻌﺮﺱ ﻭﺩﺧﻞ ﺳﻴﻒ ﻭﺻﻮﺭ ﻭﻳﺔ ﺿﺤﻰ
ﺟﺎﻥ ﻳﺒﺎﻭﻉ ﻟﻀﺤﻰ ﻭﻋﻴﻮﻧﻪ ﺗﻠﻤﻊ ﻭﻛﻞ ﺷﻮﻳﺔ ﻳﺸﺎﻭﺭﻫﺎ
ﻳﺤﺠﻲ ﻭﻳﺎﻫﺎ ﻭﺟﻬﻬﺔ ﻳﺼﻴﺮ ﻃﻤﺎﻃﺔ
ﺣﺠﻴﺖ ﺑﺼﻮﺕ ﻧﺎﺻﻲ ﻭﻳﺔ ﺍﻟﺒﻨﺎﺕ
.. ﺍﻣﻨﻴﺘﻲ ﺍﻋﺮﻑ ﺍﻟﻌﻐﺴﺎﻥ ( ﺍﻟﻌﺮﺳﺎﻥ ) ﺑﻬﻴﺞ ﻟﺤﻈﺔ ﺷﻨﻮ ﻳﺤﺠﻮﻥ
ﺭﺑﺎﺏ .. ﻫﻬﻬﻬﻬﻬﻪ ﺍﻥ ﺷﺎﺀ ﺍﻟﻠﻪ ﻣﻦ ﺗﺘﺰﻭﺟﻴﻦ ﺗﻌﺮﻓﻴﻦ ﺷﻨﻮ ﻳﺤﺠﻮﻥ
ﻋﻮﺩ ﻏﺸﺸﻴﻨﺎ ﻭﻛﻮﻟﻴﻨﺎ ﺷﻨﻮ ﻳﻜﻠﺞ ﺯﻭﺟﺞ
.. ﻧﺬﻍ ( ﻧﺬﺭ ) ﻋﻠﻴﺔ ﺑﺲ ﻳﺤﺠﻲ ﻭﻳﺎﻱ ﻭﺍﻋﻐﻒ ( ﻭﺍﻋﺮﻑ ) ﺷﻨﻮ
ﺍﻟﻤﻀﻤﻮﻥ ﻛﺒﻞ ﺍﺫﻳﻌﻬﺎ ﺑﺎﻟﺴﻤﺎﻋﺔ
.. ﻫﻬﻪ ﺧﺮﺏ ﻳﻮﻣﺞ ﺷﻜﺪ ﻣﻔﻀﻮﺣﺔ
ﺑﻌﺪﻫﺎ ﻛﺎﻡ ﺳﻴﻒ ﻭﻛﻮﻡ ﺿﺤﻰ ﻭﺍﺧﺬﻫﺎ ﻋﻠﻰ ﻣﻴﺰ ﺍﻟﻜﻴﻜﺔ ﺣﺘﻰ
ﻳﻘﻄﻌﻮﻧﻬﺎ
ﺟﺎﻧﺖ ﺷﻬﺪ ﻭﺷﻠﺘﻬﺎ ﻭﺍﻛﻔﻴﻦ ﻗﺮﻳﺐ ﻋﻠﻰ ﻣﻴﺰﻧﺎ
ﺍﺳﻤﻌﻬﺎ ﺗﻜﻠﻠﻬﻢ
.. ﺍﻭﻭﻭﻑ ﻣﻨﺞ ﻳﺎ ﺿﺤﻰ ﺷﻜﺪ ﻓﺎﻫﻴﺔ
ﺷﻮﻑ ﺣﺘﻰ ﻣﺘﻌﺮﻑ ﺷﻠﻮﻥ ﺗﻠﺰﻡ ﺍﻟﺸﻮﻛﺔ ﻭﺗﻮﻛﻠﻪ ﻣﻦ ﻭﺭﺓ ﻏﺒﺎﺋﻬﺎ
ﺧﺮﺑﺖ ﺍﻡ ﺍﻟﻠﻘﻄﺔ ﻭﺍﻟﺮﻭﻣﺎﻧﺴﻴﺔ
.....
ﺍﺣﺲ ﺑﻜﻠﺒﻲ ﻛﺎﻡ ﻳﻔﻮﺭ ﻋﻠﻴﻬﺎ
ﺑﺎﻭﻋﺖ ﻟﺸﻴﻤﺎﺀ ﻟﻜﻴﺘﻬﺎ ﻣﻠﺘﻬﻴﺔ ﺑﺎﻟﺴﻮﺍﻟﻒ ﻭﻳﺔ ﺭﺑﺎﺏ ﻭﺍﻟﺒﻨﺎﺕ
ﺳﺤﺒﺖ ﻧﻔﺴﻲ ﻣﻦ ﻳﻤﻬﺎ ﻋﻠﻰ ﻛﻴﻔﻲ
ﻣﺜﻞ ﺍﻟﻨﻤﻠﺔ
ﺍﻻﻧﺴﺤﺎﺏ ﺗﻜﺘﻴﻜﻲ ﻟﻬﺎﺩﻱ ﺍﻟﻤﻜﺴﻴﻜﻲ
ﻣﺸﻴﺖ ﺭﺣﺖ ﻟﺸﻴﻤﺎﺀ ﺍﺣﺲ ﻧﺎﺭ ﺗﺴﻌﺮ ﺑﻴﺔ ﺍﺷﻮ ﺍﻟﻌﻮﺑﺔ ﻧﺰﻟﺖ ﻋﻠﻰ
ﺍﺧﺘﻲ ﺑﺎﻟﺮﺯﺍﻳﻞ
ﻭﺍﻧﺎ ﺍﺗﻠﻔﺖ ﻋﻠﻰ ﻭﺭﺓ ﺧﺎﻑ ﺷﻴﻤﺎﺀ ﺗﺼﻴﺤﻨﻲ
ﺍﻗﺘﺮﺑﺖ ﻋﻠﻴﻬﺎ ﻭﻃﺒﻄﺒﺖ ﻋﻠﻰ ﻛﺘﻔﻬﺎ ﻭﺣﺠﻴﺖ
.. ﺍﻛﻮﻭﻭﻭﻭﻝ ﺷﻌﻨﺪﻫﺎ ﺍﻟﻤﻠﻜﺔ ﺩﻳﺎﻧﺎ ﺍﻡ ﺍﻟﻜﻤﻞ
ﺻﺎﺭﻟﻬﺎ ﺳﺎﻋﺔ ﺗﺤﺠﻲ ﺑﺎﻻﺗﻜﻴﺖ
ﺑﺲ ﺳﻤﻌﺘﻨﻲ ﺍﻟﺘﻔﺘﺖ ﻋﻠﻴﺔ
ﻭﻓﻜﺖ ﻋﻴﻮﻧﻬﺎ ﻭﺍﻧﻔﺘﺢ ﺣﻠﻜﻬﺎ ﻣﺘﻔﺎﺟﺌﺔ ﻣﻦ ﻣﺪﺍﻫﻤﺘﻲ ﻭﺧﺎﻓﺖ ﻻ
ﺍﺣﺮﺟﻬﺎ ﻛﺪﺍﻡ ﺻﺪﻳﻘﺎﺗﻬﺎ
ﻛﻠﺒﺖ ﻋﻴﻮﻧﻬﺎ ﻭﺣﺠﺖ ﻣﻦ ﺑﻴﻦ ﺍﺳﻨﺎﻧﻬﺎ ﺍﻟﻤﺮﺻﻮﺻﺔ
ﻻ ﻫﻠﺔ ﻭﻻ ﻣﺮﺣﺒﺎ ﺍﺷﻜﺪ ﻣﻜﺮﻭﻫﺔ
ﻭﻏﻴﺮﺕ ﺍﻟﻮﺟﻪ ﻭﺍﺑﺘﺴﻤﺖ
ﺟﻨﺖ ﻣﺎ ﺍﻋﺮﻑ ﺷﻨﻮ ﻣﻌﻨﺎ ﻛﻠﻤﺔ ﺍﻡ ﻭﺟﻬﻴﻦ ﺑﺲ ﻫﺴﺔ ﻋﺮﻓﺘﻪ ﻣﻦ
ﺷﻔﺖ ﺣﺮﻛﺎﺕ ﺷﻬﺪ
.. ﺷﻜﻮﻭ ﺷﺘﺮﺩﻳﻦ
.. ﺳﻼﻣﺘﺞ ﻣﺎ ﺭﺍﻳﺪﺓ ﺷﻲ ﺑﺲ ﺑﺎﻟﺼﺪﻓﺔ ﺟﻨﺖ ﻣﺎﺭﺓ ﻣﻨﺎ ﻭﺳﻤﻌﺘﺞ
ﺗﻐﻠﻄﻴﻦ ﻋﻠﻰ ﺍﺧﺘﻲ
.. ﺍﺳﻤﻊ ﻣﻨﻮ ﺟﺎﻳﺔ ﺗﺤﺠﻲ ﻋﻠﻰ ﺍﻟﻐﻠﻂ
ﺍﻟﻠﻪ ﻳﺮﺣﻢ ﺫﺍﻙ ﺍﻟﻴﻮﻡ ﺟﻨﺘﻲ ﺗﺮﺯﻟﻴﻦ ﺑﺄﺧﺘﺞ ﻭﺗﺘﻌﺎﺭﻛﻴﻦ ﻭﻳﺎﻫﺎ
ﻭﺗﻐﻠﻄﻴﻦ ﻋﻠﻴﻬﺎ
ﺣﻄﻴﺖ ﺻﺒﻌﻲ ﻋﻠﻰ ﺻﻔﺤﺔ ﺭﺍﺳﻲ
.. ﻋﺎﺍﺍﺍﺩﻱ ﺑﻜﻴﻔﻲ ﻣﺰﺍﺟﻲ
ﺍﻧﺎ ﺍﻏﺰﻝ ( ﺍﺭﺯﻝ ) ﺍﺧﺘﻲ ﺍﺗﻌﺎﻏﻚ ( ﺍﺗﻌﺎﺭﻙ ) ﻭﻳﺎﻫﺎ ﺍﻋﻴﺐ ﻋﻠﻴﻬﺎ ﺍﻱ
ﺑﺲ ﻣﻦ ﺗﺠﻲ ﻭﺣﺪﺓ ﻣﺜﻠﺞ ﻭﺗﺤﺠﻲ ﻋﻠﻴﻬﺎ ﻻﺍﺍﺍﺍﺍﺍ ﺣﺒﻴﺒﺘﻲ
ﺑﺴﺎﻋﺘﻬﺎ ﺗﺼﻴﻎ ( ﺗﺼﻴﺮ ) ﺍﺧﺘﻲ ﻋﺰﻳﺰﺓ ﻭﻏﺎﻟﺒﺔ
ﺍﻟﻲ ﺗﺤﺎﻭﻝ ﺗﻘﻠﻞ ﻣﻦ ﺷﺄﻧﻬﺎ ﺍﻧﺘﻒ ﺷﻌﻐﻬﺎ ﺷﻌﻐﺎﻳﺔ ﺷﻌﻐﺎﻳﺔ ( ﺷﻌﺮﻫﺎ ﺷﻌﺮﺍﻳﻪ ﺷﻌﺮﺍﻳﻪ ) ﺳﺎﻣﻌﺔ ﻳﺎ ﺣﻠﻮﺓ
ﺣﺠﻴﺖ ﺍﻟﻜﻠﻤﺔ ﺍﻻﺧﻴﺮﺓ ﻭﺍﺗﻘﺪﻣﺖ ﻋﻠﻴﻬﺎ ﺑﺤﺮﻛﺔ ﺗﻬﺪﻳﺪ
ﻛﻤﺰﺕ ﻣﻦ ﻣﻜﺎﻧﻬﺎ ﻋﺎﻓﺴﺔ ﻭﺟﻬﺔ ﺑﺘﻘﺰﺯ
ﻋﺒﺎﻟﻚ ﺩﺗﺒﺎﻭﻉ ﻋﻠﻰ ﺟﻠﺐ ﺑﻮﻟﻴﺴﻲ ﻭﺗﺨﺎﻑ ﻳﻬﺪ ﻋﻠﻴﻬﺎ ﺑﺄﻱ
ﻟﺤﻈﺔ ﻭﻳﺨﺮﺏ ﻛﻔﺸﺘﻬﺎ ﺍﻗﺼﺪ ﺗﺴﺮﻳﺤﺘﻬﺎ
ﺍﻟﺤﻠﻮ ﺑﺎﻟﻤﻮﺿﻮﻉ
ﺍﻧﻲ ﻣﺎ ﻋﻨﺪﻱ ﺷﻲ ﺍﺧﺴﺮﻩ
ﻻ ﻣﻌﺎﺯﻳﻢ ﻳﻌﺮﻓﻮﻧﻲ ﻭﻻ ﺍﺳﻮﻱ ﺣﺴﺎﺏ ﻟﻠﺒﺮﺳﺘﻴﺞ
ﻟﺬﻟﻚ ﺟﺎﻧﺖ ﺗﺒﺎﻭﻉ ﻋﻠﻴﺔ ﺑﺤﺬﺭ
ﺣﺠﺖ ﺗﺘﻨﻌﻮﺹ ﺑﺨﺸﻤﻬﺎ
.. ﺍﻭﻱ ﻫﺎﻱ ﺷﻨﻮﻭﻭ ﺍﻟﺴﺎﻧﺞ ﺷﻄﻮﻟﻪ ﻋﺒﺎﻟﻚ ﺍﻟﺴﺎﻥ ﺩﻻﻟﺔ
.....
ﺍﻱ ﺩﻳﻐﻲ ( ﺩﻳﺮﻱ ) ﺑﺎﻟﺞ ﻣﻨﻲ ﺗﻐﺔ ( ﺗﺮﺓ ) ﻣﻮ ﺑﺲ ﺍﻟﺴﺎﻧﻲ ﻃﻮﻳﻞ
ﺣﺘﻰ ﺍﻳﺪﻱ ﻃﻮﻳﻠﺔ ﻭﺗﻠﻮﺡ ﻭﻣﺮﺍﺕ ( ﻣﺮﺍﺕ ) ﻏﺠﻠﻲ ( ﺭﺟﻠﻲ ) ﻫﻢ
ﻳﺼﻴﻎ ( ﻳﺼﻴﺮ ) ﺑﻴﻬﺎ ﺷﺐ ﺍﻟﻄﻮﻝ ﻭﺗﻄﻮﻝ
ﺣﺠﻴﺖ ﻭﺍﻧﻲ ﺭﺍﻓﻌﺔ ﺗﻚ ﺣﺎﺟﺐ
ﺧﺮﺏ ﺟﺎﻳﺒﺔ ﺩﻭﺭ ﺍﻟﻤﻌﻠﻤﺔ ﺗﻮﺣﺔ
ﻫﺰﺕ ﻛﺘﻔﻬﺎ ﺑﻐﻴﺾ ﻭﺭﻓﻌﺖ ﺧﻤﺸﻬﺎ ﻭﻛﺎﻟﺖ
.. ﺑﻨﺎﺕ ﻳﺎﻟﻠﻪ ﺍﻣﺸﻮﺍ ﺧﻠﻲ ﻧﺮﻭﺡ ﻣﻨﺎ
ﻫﻔﺖ ﺑﻴﺪﻫﺎ ﻋﻠﻰ ﻭﺟﻬﻬﺔ ﺗﻄﻠﺐ ﺍﻟﻬﻮﻯ
.. ﺍﻭﻭﻭﻑ ﺍﺧﺘﻨﻜﺖ ﺍﻟﻤﻜﺎﻥ ﻫﻨﺎ ﺻﺎﺭ ﺑﻴﺌﺔ
ﻣﺸﺖ ﻫﻲ ﻭﺻﺪﻳﻘﺎﺗﻬﺎ ﻣﻦ ﻳﻤﻲ
ﺟﻨﻬﺎ ﺍﻟﻄﺎﻭﻭﺱ ﺍﻟﻤﻐﺮﻭﺭ
ﺣﺠﻴﺖ ﻣﻦ ﻭﺭﺍﻫﺎ ﺑﺼﻮﺕ ﻧﺎﺻﻲ
ﺑﺲ ﺣﺮﺻﺖ ﺍﻥ ﺗﺴﻤﻌﻪ ﻗﺒﻞ ﻟﺘﺮﻭﺡ
.. ﺍﻧﺼﺤﺞ ﺗﻐﺤﻴﻦ ( ﺗﺮﺣﻴﻦ ) ﻟﺤﺪﻳﻘﺔ ﺍﻟﺤﻴﻮﺍﻧﺎﺕ ﺗﻠﻜﻴﻦ ﺑﻴﻬﺎ ﻫﻮﻯ
ﻧﻘﻲ ﻳﻨﺎﺳﺐ ﻣﺰﺍﺟﺞ ﻭﻋﻮﺩ ﺳﻠﻤﻴﻠﻲ ﻋﻠﻰ ﺟﻤﺎﻋﺘﺞ ﺍﻟﻘﻐﻮﺩ ( ﺍﻟﻘﺮﻭﺩ ) ﻫﻨﺎﻙ
ﻟﻤﺖ ﻗﺒﻀﺔ ﺍﻳﺪﻫﺎ ﻣﻦ ﺍﻟﻐﻀﺐ ﻭﻣﺤﺠﺖ ﺷﻲ
ﻛﺎﻥ ﻣﺒﻴﻦ ﻋﻠﻴﻬﺎ ﺗﺮﻳﺪ ﺗﻜﻮﻝ ﺷﻲ
ﺑﺲ ﻭﻳﻦ ﺍﻧﻲ ﻭﺍﻛﻔﻪ ﻣﺜﻞ ﺍﻟﺪﻳﺞ
ﻧﺎﻓﺸﻪ ﺭﻳﺸﻲ ﻣﺴﺘﻌﺪﻩ ﻟﻠﻘﺘﺎﻝ
ﻳﺎﻟﻠﻪ ﺑﻨﺎﺕ ﺍﻣﺸﻮ ﺍﺧﺬﺗﻬﻢ ﻭﺭﺍﺣﺖ
ﺭﻭﺣﺔ ﺑﻼ ﺭﺩﺓ
ﻛﻌﺪﺕ ﺍﺗﺴﻜﻊ ﻣﺜﻞ ﺍﻟﺸﻘﺎﻭﺓ ﺑﻴﻦ ﺍﻟﻄﺒﻼﺕ ﻭﺍﺗﻔﻘﺪ
ﺍﺣﻮﺍﻝ ﺍﻟﺮﻋﻴﺔ
ﺍﻟﻔﻀﻮﻝ ﺍﻟﻬﺪﺍﻭﻱ ﻳﺴﺮﺡ ﻭﻳﻤﺮﺡ ﺑﺎﻟﺴﺎﺣﺔ
ﻣﻦ ﻛﺪ ﻣﺎ ﺍﻓﺘﺮﻳﺖ ﺍﺣﺲ ﺭﺟﻴﻠﺔ ﻭﻛﻌﺖ
ﺳﻤﻌﺖ ﺻﻮﺕ ﺷﻴﻤﺎﺀ ﺻﺎﺣﺘﻨﻲ ﺍﻟﺘﻔﺘﺖ
ﻭﺭﺣﺖ ﻳﻤﻬﺎ
.. ﺷﻨﻮ ﻣﺎ ﻣﻠﻴﺘﻲ ﻣﻦ ﺍﻟﻔﺮﺓ ﻛﻌﺪﻳﻠﺞ ﺷﻮﻳﺔ
ﻭﺍﻟﻠﻪ ﺻﺮﺕ ﺣﻮﻟﺔ ﻣﻦ ﻭﺭﺍﺝ ﻛﻞ ﺷﻮﻳﺔ ﺍﻟﺘﻔﺘﺖ ﺍﻟﻜﺎﺝ ﺑﻤﻜﺎﻥ
ﺭﺑﺎﺏ .. ﻋﻮﻓﻴﻬﺎ ﺑﺮﺍﺣﺘﻬﺎ ﺗﺮﺓ ﻫﻮﺍﻱ ﺧﻨﻜﺘﻴﻬﺎ ﺧﻄﻴﺔ
ﺍﻟﺒﻨﻴﺔ ﻋﻨﺪﻫﺎ ﻃﺎﻗﺎﺕ ﻣﺨﺰﻭﻧﺔ ﺧﻠﻴﻬﺎ ﺗﺼﺮﻓﻬﺎ
ﺑﺎﻟﻔﺮﺓ
.. ﻫﻮ ﺍﻧﻲ ﻟﻴﺶ ﺧﺎﻳﻔﺔ ﻻﻥ ﻋﻨﺪﻫﺎ ﻃﺎﻗﺔ ﻣﺨﺰﻭﻧﺔ
ﻭﺗﺤﺘﺎﺭ ﺑﻴﻤﻦ ﺗﻔﺮﻏﻬﺎ
.. ﺷﻮﻣﺔ ﺧﻠﻴﻨﻲ ﺍﻏﻜﺺ ( ﺍﺭﻛﺺ ) ﻭﺍﻧﻲ ﺍﻓﻐﻐﻬﺎ ( ﺍﻓﺮﻏﻬﺎ ) ﻛﻠﻬﺎ
.. ﺍﻧﻌﻞ ﺍﺑﻮ ﺷﻜﻠﺞ ﻋﻠﻰ ﻫﺎﻱ ﺍﻟﻠﻜﺎﻓﺔ
ﺧﺰﺭﺗﻨﻲ .. ﺍﻧﺠﺒﻲ ﻭﻛﻌﺪﻱ ﻳﺎﻟﻠﻪ
ﻛﻌﺪﺕ ﻭﺍﻧﺎ ﺿﺎﻳﺠﻪ
ﻭﺭﺓ ﻓﺘﺮﺓ
ﻭﺑﺪﺓ ﺑﻮﺍﺩﺭ ﺍﻧﺘﻬﺎﺀ ﺍﻟﻌﺮﺱ
ﺧﻠﺺ ﺍﻟﻌﺮﺱ ﻣﺎ ﺑﻴﻦ ﻋﺎﺯﻡ ﻭﻣﻌﺰﻭﻡ ﻭﻋﺮﻳﺲ ﻭﻋﺮﻭﺳﺔ
ﻭﻧﺤﻦ ﺟﺎﻟﺴﻮﻥ ﺑﻴﻨﻬﻢ ﻣﺜﻞ ﺍﻟﻄﺮﺍﻃﻴﺮ
ﻣﺎﻟﻨﺔ ﺍﻱ ﺩﻭﺭ ﻏﻴﺮ ﺑﺲ ﺿﺤﻰ ﻛﻞ ﺷﻮﻳﺔ ﺗﺼﻴﺢ ﻋﻠﻴﻨﺎ ﺗﻜﻮﻝ ﺍﺑﻘﻮﺍ
ﻳﻤﻲ ﻟﺘﺮﻭﺣﻮﻥ ﺑﻌﻴﺪ
.....
ﺑﺲ ﺑﻌﺪﻳﻦ ﻣﻦ ﺣﺎﻥ ﻭﻗﺖ ﺍﻟﺮﺣﻴﻞ ﻭﺻﺎﺭ ﻻﺯﻡ ﻳﺰﻓﻮﻧﻬﻢ
ﺿﺤﻰ ﺍﻧﻜﻠﺒﺖ ﻣﻌﺎﻟﻢ ﻭﺟﻬﻬﺎ ﻭﺍﻟﻌﻴﻮﻥ ﺻﺎﺭﺕ ﺣﻤﺮ
ﻭﻧﺰﻟﺖ ﺍﻟﺪﻣﻮﻉ ﻭﻫﻲ ﺗﺒﺎﻭﻉ ﻋﻠﻴﻨﺎ
ﺍﺑﺎﻭﻉ ﻟﺸﻴﻤﺎﺀ ﺻﺎﺭﺕ ﺗﺴﺤﺐ ﻧﻔﺲ ﻋﻤﻴﻖ ﺣﺘﻰ ﻻ ﺗﻨﻬﺎﺭ
ﺗﺮﻳﺪ ﺗﺒﻘﺔ ﺷﺎﻣﺨﺔ ﻣﺜﻞ ﺍﻟﺠﺒﻞ ﻗﻮﻳﺔ
ﺍﻣﺎ ﺍﻧﻲ ﺟﻨﺖ ﺍﺑﺠﻲ ﻭﺍﺗﺬﻛﺮ ﺍﻳﺎﻣﻨﺎ ﺍﻟﺤﻠﻮﺓ ﺳﻮﺓ
ﺍﻟﻲ ﻋﺸﺘﻬﺎ ﻭﻳﺔ ﺿﺤﻰ ﻭﺷﻠﻮﻥ ﺟﻨﺖ ﺍﻧﺼﺐ ﻋﻠﻴﻬﺎ
ﻭﺍﺗﻌﺎﺭﻙ ﻭﻳﺎﻫﺎ ﻭﺍﺗﺸﺎﻗﺔ ﻭﻳﺎﻫﺎ
ﺍﺗﺸﺎﺭﻛﻨﺎ ﺑﻜﻠﺸﻲ ﺣﺘﻰ ﺑﺎﻟﻬﻤﻮﻡ ﻣﺘﻘﺎﺳﻤﻴﻦ
ﺭﻭﺣﻲ ﻳﺎﺧﻴﺘﻲ ﻋﺴﻰ ﺩﺭﺑﺞ ﺍﺧﻀﺮ ﻭﺗﺸﻮﻓﻴﻦ ﺍﻟﺴﻌﺎﺩﺓ
ﻭﺑﻴﻮﻣﻬﺎ ﻭﺩﻋﻨﺎ ﺍﺧﺘﻨﺎ ﺍﻟﻲ ﺭﺍﺡ ﺗﺼﻴﺮﻟﻬﺎ ﻣﻦ ﻫﺎﻱ ﺍﻟﺪﻗﻴﻘﻪ
ﺣﻴﺎﺗﻬﺎ ﺍﻟﺨﺎﺻﺔ
ﺭﺟﻌﻨﺎ ﻟﻠﺒﻴﺖ ﻫﺪﻭﺀ ﺷﻔﻨﺎ ﺑﺎﺑﺎ ﻓﺎﺗﺢ ﺑﺎﺏ ﺍﻟﺜﻼﺟﺔ ﻭﻭﺍﻛﻒ ﻳﻤﻬﺎ
ﺷﺎﻓﻨﺎ .. ﻫﺎ ﺧﻠﺺ ﺍﻟﻌﺮﺱ
.. ﺍﻱ ﺍﻟﺤﻤﺪﻟﻠﻪ
.. ﻭﺷﻠﻮﻧﻬﺎ ﺍﺧﺘﻜﻢ
.. ﺧﻄﻴﺔ ﻇﻠﺖ ﺗﺒﺠﻲ ﻣﻦ ﺯﻓﻮﻫﺎ
.. ﻋﻠﻰ ﺷﻨﻮ ﺗﺒﺠﻲ ﻛﻞ ﺑﻨﻴﺔ ﻣﺼﻴﺮﻫﺎ ﻟﺒﻴﺖ ﺭﺟﻠﻬﺎ
ﻳﻮﻡ ﺍﻻﻟﻜﻢ ﻭﺍﻧﺘﻮﺍ ﺗﺘﺰﻭﺟﻮﻥ ﻭﺍﺧﻠﺺ
ﻏﻤﻀﺖ ﻋﻴﻨﻲ ﻭﺗﺮﻛﺘﻬﻢ ﻭﺭﺣﺖ ﺩﺧﻠﺖ ﻟﻠﻐﺮﻓﺔ ﻭﺍﻧﻲ ﺍﺑﺎﻭﻉ ﻟﻤﻜﺎﻥ
ﻓﺮﺍﺵ ﺿﺤﻰ ﺍﻭﻑ ﻳﺎ ﻫﺎﻟﻤﻜﺎﻥ ﺷﻜﺪ ﺷﻬﺪ ﻋﻠﻰ ﻣﻮﺍﻗﻒ ﻭﺟﺎﻥ
ﺷﺎﻫﺪ ﻋﻠﻰ ﻫﻮﺍﻱ ﺣﺴﺮﺍﺕ
ﻣﻀﻰ ﺍﻟﻴﻮﻡ ﻭﺗﻠﺘﻬﺎ ﺍﻻﻳﺎﻡ ﺗﺘﻌﺎﻗﺐ
ﻭﺭﺟﻌﻨﺎ ﻟﺤﻴﺎﺗﻨﺎ
ﺷﻴﻤﺎﺀ ﺍﻟﺘﻬﺖ ﺑﺪﻭﺍﻣﻬﺎ ﻭﺍﻧﻲ ﺻﺮﺕ ﺍﻗﺪﻡ ﻋﺎﻟﻜﻠﻴﺎﺕ
ﻭﻳﺔ ﺍﻟﺒﻨﺎﺕ ﻫﺎﻟﺔ ﻭﻓﺎﻃﻤﺔ
ﺟﺎﻧﻮﺍ ﻳﻘﺪﻣﻮﻥ ﻭﻳﺎﻱ
ﺭﺟﻌﺖ ﻟﻠﺒﻴﺖ ﺑﻌﺪﻣﺎ ﻗﺪﻣﻨﺎ ﺍﻻﺳﺘﻤﺎﺭﺓ
ﻭﻧﻨﺘﻈﺮ ﺷﻨﻮ ﻳﻄﻠﻊ ﺍﻟﻨﺔ ﻳﺎ ﻗﺴﻢ
ﺷﻔﺖ ﺳﻠﻴﻤﺔ ﺩﺍﻳﺨﺔ ﻭﺗﺤﺠﻲ ﻭﻳﺔ ﻧﻔﺴﻬﺎ
ﻭﺗﺘﺤﺴﺐ
ﺷﺎﻓﺘﻨﻲ ﻭﻧﺰﻟﺖ ﻋﻠﻴﺔ ﺑﺎﻟﺤﺠﻲ
.. ﻭﺍﺧﻴﺮﺍً ﻟﻔﻴﺘﻲ ﻭﻳﻦ ﺟﻨﺘﻲ
.. ﺷﻨﻮ ﺍﻟﺴﺎﻟﻔﺔ ﻣﻮ ﻛﻠﺘﻠﺞ ﻗﺒﻞ ﻻ ﺍﻃﻠﻊ ﺍﻧﻲ ﻏﺎﻳﺤﺔ ﻭﻳﺔ ﻓﺎﻃﻤﺔ
ﺻﺪﻳﻘﺘﻲ ﺣﺘﻰ ﺍﻗﺪﻡ ﻋﺎﻟﻜﻠﻴﺔ
.. ﺍﻭﻭﻭﻑ ﻣﻨﻜﻢ ﺩﻓﻮﺗﻲ ﺳﻮﻱ ﻏﺪﺓ ﻭﺗﻌﺎﻟﻲ
ﺩﻭﺭﻱ ﻭﻳﺎﻱ ﻋﻠﻰ ﻣﻔﺘﺎﺡ ﺍﻟﻜﻨﺘﻮﺭ ﻣﺎ ﺍﻋﺮﻑ ﻭﻳﻦ
ﺍﺧﺘﻔﻰ
ﺫﺑﻴﺖ ﺟﻨﻄﺘﻲ ﻭﺭﺣﺖ ﺑﺪﻟﺖ ﻣﻼﺑﺴﻲ ﻭﺭﺟﻌﺖ ﻳﻤﻬﺎ ﺑﺎﻟﻤﻄﺒﺦ
ﻓﺘﺤﺖ ﺍﻟﺜﻼﺟﺔ ﻭﺍﻧﻲ ﺍﺣﺠﻲ ﻭﻳﺎﻫﺎ
.. ﺍﺧﺎﻑ ﺑﺠﻴﺒﺞ ﺍﻧﺘﻲ ﺩﺍﺋﻤﺎ ﺗﺤﻄﻲ ﺑﻲ
.. ﻳﺎﻟﻔﺎﻟﺤﺔ ﻟﻮ ﺑﺠﻴﺒﻲ ﺟﺎﻥ ﻣﺎ ﺳﺄﻟﺘﺞ
.. ﺍﻧﺘﻲ ﻣﺘﻌﻮﻓﻲ
ﻛﻠﻪ ﺑﺠﻴﺒﺞ
.. ﺑﻼ ﺣﺠﻲ ﺯﺍﻳﺪ ﻭﺗﻌﺎﻱ ﺩﻭﺭﻱ ﻭﻳﺎﻱ
.. ﻫﺴﺔ ﺍﺧﻠﺺ ﻃﺒﺦ ﺍﻟﻐﺪﺓ ﻭﺍﺟﻲ ﻭﻳﺎﺝ ﺍﺩﻭﺭ
.....
ﺍﻭﻑ ﻣﻨﺞ ﻳﺎﺳﻠﻴﻤﺔ ﻛﻞ ﻳﻮﻡ ﻃﺎﻟﻌﺘﻠﻲ ﺑﺸﻐﻠﺔ
ﻛﻤﻠﺖ ﺍﻟﻄﺒﺦ ﻭﻃﻔﻴﺖ ﺍﻟﻨﺎﺭ ﻋﻦ ﺍﻟﺠﺪﻭﺭﺓ
ﻭﺭﺣﺖ ﺍﺩﻭﺭ ﻭﻳﺔ ﺳﻠﻴﻤﺔ ﻋﻦ ﻣﻔﺘﺎﺣﻬﺎ ﺍﻟﻀﺎﻳﻊ
ﺍﺳﻤﻌﻬﺎ ﺗﺪﻭﺭ ﻭﺗﺤﺠﻲ ﻭﻳﺔ ﻧﻔﺴﻬﺎ
.. ﻳﻤﺔ ﻭﻳﻦ ﻭﻟﻰ ﻣﻔﺘﺎﺣﻲ
ﻭﺍﺟﺘﻲ ﺷﻴﻤﺎﺀ ﻭﺍﻟﻮﺟﻪ ﻣﺒﺘﺴﻢ
ﺳﻠﻤﺖ ﻋﻠﻴﻨﺎ ﻭﺷﺎﻓﺘﻨﺎ ﻧﺪﻭﺭ ﻭﺭﺍﺣﺖ ﻟﻠﻐﺮﻓﺔ ﺑﺪﻟﺖ ﻣﻼﺑﺴﻬﺎ
ﻭﺭﺟﻌﺖ ﺷﺎﻓﺘﻨﺎ ﻋﻠﻰ ﻧﻔﺲ ﻭﺿﻌﻨﺎ ﻧﺪﻭﺭ
ﺍﻟﺒﺤﺚ ﻋﻦ ﺍﻟﻜﻨﺰ
ﺷﻴﻤﺎﺀ .. ﺷﻜﻮ ﻋﻠﻰ ﺷﻨﻮ ﺗﺪﻭﺭﻭﻥ
ﺳﻠﻴﻤﺔ .. ﻭﻟﺞ ﺍﺩﻭﺭ ﻋﻠﻰ ﻣﻔﺘﺎﺡ ﻛﻨﺘﻮﺭﻱ ﺿﺎﻉ
ﺷﻴﻤﺎﺀ ﻋﻘﺪﺕ ﺣﻮﺍﺟﺒﻬﺎ ﻭﻛﺎﻟﺖ
ﻣﺎ ﺍﺩﺭﻱ ﺑﺲ ﺍﺗﻮﻗﻊ ﺷﻔﺘﻪ ﺍﻟﻴﻮﻡ ﺍﻟﺼﺒﺢ ﺑﻴﺪ ﺑﺎﺑﺎ
ﺑﺎﻟﻠﻪ ﺍﻧﺘﻈﺮﻱ ﺧﻠﻲ ﻳﺠﻲ ﻭﺳﺄﻟﻴﻪ
.. ﻋﺰﺓ ﺍﻟﻌﺰﺍﻧﻲ ﺷﻴﺴﻮﻱ ﻣﻔﺘﺎﺣﻲ ﻋﻨﺪ ﺍﺑﻮﺝ
.. ﺷﻤﺪﺭﻳﻨﻲ
ﺍﻧﺘﺒﻬﺖ ﻟﺴﻠﻴﻤﺔ ﻇﻠﺖ ﺗﺤﻮﻡ ﻣﺜﻞ ﺍﻟﺒﺰﻭﻥ ﺍﻟﻤﺤﺮﻭﻙ ﺫﻳﻠﻬﺎ
ﻣﺎ ﺗﻌﺮﻑ ﺷﺘﺴﻮﻱ
ﺭﺍﺣﺖ ﺷﻴﻤﺎﺀ ﻟﻠﻤﻄﺒﺦ ﻭﺻﺎﺣﺘﻠﻲ
.. ﻫﺎ ﺷﻮﻣﺔ ﺍﺻﺒﻠﺞ ﻏﺪﺍ؟؟
.. ﺍﻱ ﻋﻔﻴﺔ ﺻﺒﻴﻠﻲ ﻏﺪﺍ ﺑﻴﻦ ﻣﺎ ﺍﺳﻮﻟﻔﻠﺞ ﺍﻟﻤﻮﺿﻮﻉ
ﺍﻟﻌﺎﺟﻞ
ﻃﻠﻌﺖ ﺍﻟﺼﺤﻮﻥ ﻣﻦ ﺍﻟﻜﺎﻭﻧﺘﺮ ﻭﻋﻴﻮﻧﻲ ﻋﻠﻴﻬﺎ
.. ﺷﻨﻮ ﺍﻟﻤﻮﺿﻮﻉ
ﺍﺧﺬﺕ ﺍﻟﺼﺤﻮﻧﺔ ﻭﻓﺘﺤﺖ ﺍﻟﺠﺪﻭﺭﺓ ﻭﺻﺮﺕ ﺍﺻﺐ
.. ﺍﻟﻤﻮﺿﻮﻉ ﻳﺨﺺ ﺣﺒﻴﺐ ﺍﻟﻜﻠﺐ ﺭﺍﺋﺪ
ﺟﻨﺖ ﺍﺻﺐ ﺑﺎﻟﻤﺮﻛﺔ ﻭﺭﺟﻔﺖ ﺍﻳﺪﻱ
ﺣﻄﻴﺖ ﺍﻟﺼﺤﻦ ﻋﺎﻟﻤﻴﺰ
ﻭﻋﻴﻮﻧﻲ ﺗﻠﻤﻊ .. ﺷﻨﻮ ﻛﻤﻠﻲ ﺷﺒﻲ ﻏﺎﺋﺪ
.. ﺍﺗﺼﻞ ﻋﻠﻴﺔ ﺍﻟﻴﻮﻡ ﻭﻛﻠﻲ ﺍﺳﺘﺄﺫﻧﻲ ﻣﻦ ﺍﻟﻮﺍﻟﺪ
ﻳﺸﻮﻓﻠﻨﺎ ﻳﻮﻡ ﺍﺣﻴﺐ ﺍﻻﻫﻞ ﻭﺍﻟﻌﻤﺎﻡ ﻣﺸﻴﺔ ﺯﻟﻢ
ﺣﺘﻰ ﻳﺘﻘﺪﻡ ﻻﺧﺘﻲ ﺍﻟﻘﺰﻣﺔ
ﻳﻤﺔ .. ﻳﻤﺔ .. ﻳﻤﺔ
ﺻﺎﺭﺕ ﺻﺪﻙ
.. ﺣﻠﻔﻲ
.. ﻭﺭﻭﺡ ﺑﻴﺒﻲ ﺳﻠﻴﻤﺔ ﺍﻟﻤﺎ ﺗﺤﻠﻔﻴﻦ ﺑﻴﻬﺎ ﺟﺬﺏ
ﻳﺎﻟﻠﻪ ﺑﺎﻟﻌﺠﻞ ﺻﺒﻲ ﻏﺪﺍ ﺗﺮﺓ ﻛﻠﺶ ﺟﻮﻋﺎﻧﺔ ﻻ ﺍﺣﻄﺞ ﻭﺍﻛﻠﺞ
.. ﺛﻮﺍﻧﻲ ﻭﺍﺧﻠﺺ
ﺣﻄﻴﺖ ﺍﻟﺼﻴﻨﻴﺔ ﻛﺪﺍﻣﻬﺎ ﻭﻛﻌﺪﺕ ﻳﻤﻬﺎ
.. ﺍﻛﻮﻭﻭﻭﻭﻭﻭﻝ ﺷﻮﻣﺔ ﺷﻮﻛﺖ ﺗﺤﺠﻴﻦ ﻭﻳﺔ ﺑﺎﺑﺎ
.. ﻣﺎ ﺍﻋﺮﻑ ﻣﻦ ﺍﺷﻮﻑ ﻓﺮﺻﺔ ﻣﻨﺎﺳﺒﺔ ﺍﺣﺠﻲ
.. ﻻﺍﺍﺍﺍﺍ ﻋﻴﻨﻲ ﺍﻟﻴﻮﻡ ﺑﺎﻟﻠﻴﻞ ﺗﺤﺠﻴﻦ ﻭﻳﺎﻩ
ﻻ ﻳﻄﻴﻎ ( ﻳﻄﻴﺮ ) ﺍﻟﻌﻐﻴﺲ ( ﺍﻟﻌﺮﻳﺲ )
ﻣﻦ ﺍﻳﺪﻳﻨﺎ ﺷﻨﻮ ﻫﻮ ﻗﺎﺑﻞ ﻳﻈﻞ ﻣﻨﺘﻈﻐﻨﻲ ( ﻣﻨﺘﻈﺮﻧﻲ )
.. ﻳﻤﺔ ﻣﻨﺞ ﻭﻣﻦ ﺍﻟﺴﺎﻧﺞ ﺍﻟﻔﺼﻤﺔ ﻣﺴﺘﻌﺠﻠﺔ ﻋﺎﻟﺰﻭﺍﺝ
.....
ﺧﺠﻠﺖ ﻭﺩﻧﻜﺖ .. ﻻ ﻣﻮ ﻫﺸﻜﻞ ﺑﺲ ﺍﻛﻮﻝ ﺟﻨﻬﺎ ﻃﻮﻟﺖ ﺍﻟﺴﺎﻟﻔﺔ
ﻭﺍﺧﺎﻑ ﺗﺨﻐﺐ ( ﺗﺨﺮﺏ )
.. ﺍﻛﻮﻭﻭﻭﻭﻭﻝ ﺳﺖ ﻫﺪﻯ ﺷﻨﻮ ﺍﻟﻲ ﻏﻴﺮ ﺭﺃﻳﺞ
ﻭﺍﻧﺘﻲ ﺫﺍﻙ ﺍﻟﻴﻮﻡ ﺟﻨﺘﻲ ﻣﻄﻨﻜﺮﺓ ﻭﻣﻌﻨﺪﺓ ﻣﺜﻞ ﺍﻟﺜﻮﺭ
ﺭﺍﻓﻀﺔ ﺗﺤﺠﻴﻦ ﺑﺎﻟﻤﻮﺿﻮﻉ
ﻓﻠﺖ ﻭﺟﻬﻲ .. ﺍﺍﺍﺍﺍ ﻫﺎ ﻻ ﺑﺲ ﻫﺸﻜﻞ ﺣﺴﺒﺘﻬﺎ ﺑﻐﺎﺳﻲ ( ﺑﺮﺍﺳﻲ )
ﻭﻛﻠﺖ ﺍﻧﺎ ﻏﺎﺡ ﺍﺗﺰﻭﺝ ﻏﺎﺋﺪ ﻣﻮ ﺍﻫﻠﻪ
ﺍﻫﻢ ﺷﻲ ﻫﻮ ﻳﺤﺒﻨﻲ ﺧﻼﺹ ﻭﺍﻟﺒﺎﻗﻲ ﻣﻜﺪﻭﻍ ( ﻣﻜﺪﻭﺭ ) ﻋﻠﻴﻬﻢ
.. ﻟﻌﺪ ﻋﻠﻰ ﺑﺮﻛﺔ ﺍﻟﻠﻪ ﺑﺲ ﺧﻠﻲ ﻳﺸﺮﻑ ﺍﺑﻮﻧﺎ ﺍﻟﻌﺰﻳﺰ
ﻭﻧﺤﺠﻲ ﻭﻳﺎﻩ
ﺧﻠﺺ ﺍﻟﻴﻮﻡ ﻭﺻﺎﺭ ﺍﻟﻠﻴﻞ ﻭﺳﻠﻴﻤﺔ ﺗﺤﻮﻡ ﻋﺒﺎﻟﻚ ﻭﺣﺪﺓ ﻋﻨﺪﻫﺎ
ﻃﻠﻮﻙ
ﺑﺲ ﻻ ﺗﺴﻮﻳﻬﺎ ﺻﺪﻙ ﻭﺗﺠﻴﺐ ﻋﻠﻴﻨﺎ
ﻣﺎ ﺍﻋﺮﻑ ﻟﻴﺶ ﻭﺍﺗﺨﺒﻠﺖ ﻣﻦ ﺩﺭﺕ ﺍﻟﻤﻔﺘﺎﺡ ﻋﻨﺪ ﺍﺑﻮﻱ
ﻛﻞ ﺷﻮﻳﺔ ﺗﺴﺄﻝ
.. ﻭﻳﻦ ﺻﺎﺭ ﺍﺑﻮﻛﻢ ﺷﻨﻮ ﺍﻟﻠﻪ ﺍﻧﻄﺎﻩ ﻭﺍﻟﻠﻪ ﺧﺬﺍﻩ
ﺷﻴﻤﺎﺀ .. ﺑﻴﺒﻲ ﺍﺗﺼﻠﺖ ﻋﻠﻴﻪ ﻭﻣﻴﺮﺩ ﻋﻠﻴﺔ
ﺟﻨﺖ ﺍﻣﺴﺢ ﺑﺎﻟﺒﻴﺖ ﻭﺟﺎﻥ ﺍﻟﻜﺔ ﺍﻟﻤﻔﺘﺎﺡ ﺑﺎﻟﻜﺎﻉ ﻣﺸﻤﻮﺭ
ﺑﺼﻒ ﺍﻟﺒﻮﻓﻴﺔ
ﺭﺣﺖ ﺍﺧﺬﺕ ﻟﺴﻠﻴﻤﺔ
.. ﻫﺬﺍ ﺍﻟﻤﻔﺘﺎﺡ ﻟﻜﻴﺘﻪ ﻭﺍﻛﻊ ﺑﺎﻟﻜﺎﻉ ﻳﻢ ﺍﻟﺒﻮﻓﻴﺔ
ﺍﺟﺘﻲ ﺑﻜﻞ ﻟﻬﻔﺔ ﻭﺍﺧﺬﺗﻪ ﻣﻨﻲ ﻭﺭﺍﺣﺖ ﻭﻋﺎﻓﺘﻨﺎ ..
ﺍﻧﺎ ﻭﺷﻴﻤﺎﺀ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ ﻣﺴﺘﻐﺮﺑﺎﺕ
.. ﻫﺎﻱ ﺷﺒﻴﻬﺎ ﺑﻴﺒﺘﺞ ﺷﺨﻄﺖ
.. ﺣﺴﺴﺘﻨﻲ ﻋﺒﺎﻟﻚ ﺿﺎﻣﺔ ﺷﻲ ﻋﺰﻳﺰ ﻋﻠﻴﻬﺎ
ﺟﻨﺎ ﻧﺤﺠﻲ
ﻭﻣﺎ ﻧﺴﻤﻊ ﺍﻻ ﻭﻋﻴﺎﻁ ﺳﻠﻴﻤﺔ ﺭﺝ ﺍﻟﺒﻴﺖ
ﻛﻤﺰﻧﺎ ﻣﻦ ﻣﻜﺎﻧﺔ ﻭﺻﺮﻧﺎ ﻭﺣﺪﺓ ﺗﺪﻋﻢ ﺑﺎﻟﺜﺎﻧﻴﺔ
ﻭﺻﺎﺭ ﺍﻟﻲ ﺟﺎﻧﺖ ﺳﻠﻴﻤﺔ ﺧﺎﻳﻔﺔ ﻣﻨﻪ
ﻭﻟﻨﺺ ﺍﻟﻠﻴﻞ
ﻭﺟﺎﻥ ﻳﺸﺮﻑ ﺍﻟﻮﺍﻟﺪ ﺍﻟﻌﺰﻳﺰ
ﻭﺳﻠﻴﻤﺔ ﺟﺎﻧﺖ ﻛﺎﻋﺪﺓ ﺑﺎﻟﻄﺎﺭﻣﺔ ﺗﻨﺘﻈﺮﻩ ﻭﺷﻴﺎﻃﻴﻦ ﺍﻟﻌﺎﻟﻢ ﻛﻠﻬﺎ
ﻣﺘﺮﺑﻌﺔ ﺑﺮﺍﺳﻬﺎ ﺍﻟﻮﺟﻪ ﻳﻜﻮﻝ
ﻳﺎ ﺷﺮ ﺍﺷﺘﺮ
ﺩﺧﻞ ﻭﺷﺎﻑ ﻭﺟﻪ ﺳﻠﻴﻤﺔ ﻭﺳﻠﻢ ﻋﻠﻴﻬﺎ
ﺷﻴﻤﺎﺀ ﺟﺎﻧﺖ ﺑﺎﻟﻤﻄﺒﺦ ﺗﺴﻮﻱ ﺟﺎﻱ
ﻭﺍﻧﺎ ﺍﺗﻨﻘﻞ ﺑﺎﻟﺴﺎﺣﺔ ﻣﺜﻞ ﺍﻟﻤﺮﺍﺳﻞ ﺍﻟﺼﺤﻔﻲ ﻻﺯﻡ ﺍﻟﻜﺎﻣﺮﺓ
ﻭﻳﻨﺘﻈﺮ ﺑﺘﺮﻗﺐ ﺣﺘﻰ ﻳﺼﻮﺭ ﺍﻟﻤﺸﻬﺪ ﺍﻟﻌﺎﻃﻔﻲ
ﻟﻠﺤﻈﺔ ﺍﻟﻠﻘﺎﺀ ﺍﻟﺠﻤﻴﻠﺔ ﺑﻴﻦ ﺍﻟﻮﺍﻟﺪﺓ ﻭﺍﺑﻨﻬﺎ
ﻭﺟﺎﻥ ﺳﻠﻴﻤﺔ ﺳﺄﻟﺘﻪ
ﺍﻭﻝ ﻣﺪﺧﻞ ﺑﺪﻭﻥ ﻻ ﺳﻼﻡ ﻭﻻﻛﻼﻡ
ﻛﺒﻞ ﻛﺎﻟﺖ
.....
ﻫﺎ ﻳﻤﺔ ﺍﺛﻴﺮ ﻭﻧﻮﺑﺔ ﺩﺭﺕ ﻋﻠﻰ ﻓﻠﻮﺳﻲ ﻭﺍﺧﺬﺗﻬﻢ
ﺟﻤﺪ ﺑﻤﻜﺎﻧﻪ ﻭﺣﻚ ﺧﺸﻤﻪ
.. ﺍﻱ ﺻﺪﻙ ﻧﺴﻴﺖ ﺍﻛﻠﺞ ﺍﺣﺘﺎﺟﻴﺖ ﻓﻠﻮﺱ
ﺩﺧﻠﺖ ﺷﺮﺍﻛﺔ ﻭﻳﺔ ﺻﺎﺣﺒﻲ ﺑﺸﻐﻠﺔ
ﺟﺎﻧﺖ ﻛﺎﻋﺪﺓ ﻣﺘﺮﺑﻌﺔ ﺑﺎﻟﻜﺎﻉ
ﻟﻄﻤﺖ ﻋﻠﻰ ﺭﺟﻠﻴﻬﺎ
.. ﻳﻤﺔ ﺍﺻﺨﺎﻡ ﺍﻟﺼﺨﻤﻚ ﺍﺛﻴﺮ
ﻭﻟﻚ ﺗﺎﺧﺬ ﻓﻠﻮﺳﻲ ﺑﺪﻭﻥ ﻣﺘﻜﻠﻲ
.. ﻛﻞ ﻣﺮﺓ ﺍﻃﻠﺐ ﻣﻨﺞ ﻓﻠﻮﺱ ﺗﻜﻠﻴﻠﻲ ﻣﻨﻴﻠﻲ ﻣﺎ ﻋﻨﺪﻱ ﻳﺎﺣﺼﺮﺓ
.. ﻳﺒﻮﻭﻭﻭﻭ ﺭﺍﺣﺖ ﻓﻠﻮﺳﺞ ﻳﺎ ﺳﻠﻴﻤﺔ
ﻣﺎ ﺩﺍﻡ ﺩﺍﺧﻞ ﺷﺮﺍﻛﺔ ﻭﻳﺔ ﻭﺍﺣﺪ ﻣﻦ ﺭﺑﻌﻚ
ﻣﻌﻨﺎﻫﺎ ﺍﻗﺮﺓ ﻋﻠﻰ ﻓﻠﻮﺳﻲ ﺳﻮﺭﺓ ﺍﻟﻔﺎﺗﺤﺔ
.. ﺍﻫﻮﻭﻭ ﻟﺘﻠﺤﻴﻦ ﻛﻠﺘﻠﺞ ﺭﺍﺡ ﺍﺭﺟﻌﻬﻢ ﺍﻭﻝ ﻣﻴﺼﻴﺮ ﻋﻨﺪﻱ ﻓﻠﻮﺱ
ﻛﺎﻣﺖ ﻣﻦ ﻣﻜﺎﻧﻬﺎ ﺗﺮﻳﺪ ﺗﺪﺧﻞ ﻟﻠﺒﻴﺖ ﻭﻫﻲ ﺗﻮﻟﻮﻝ
ﺣﺴﺒﻲ ﺍﻟﻠﻪ ﻋﻠﻴﻚ
ﺟﻨﺖ ﻭﺍﻛﻔﺔ ﻳﻢ ﺑﺎﺏ ﺍﻟﻤﻄﺒﺦ ﺍﺑﺎﻭﻉ ﻋﻠﻴﻬﻢ
.. ﻫﺎﻱ ﺷﻨﻮ ﻻ ﻣﺴﺘﺤﻴﻞ ﻣﻌﻘﻮﻟﺔ ﺧﻠﺼﺖ ﺍﻟﻤﻌﻐﻜﺔ ( ﺍﻟﻤﻌﺮﻛﻪ )
ﺑﺪﻭﻥ ﺿﺤﺎﻳﺎ ﻭﻻ ﺍﺻﺎﺑﺎﺕ
ﻻ ﻻ ﺍﺷﻌﻎ ( ﺍﺷﻌﺮ ) ﺑﺎﻟﺨﺬﻻﻥ
ﺷﻴﻤﺎﺀ ﻭﺍﻛﻔﺔ ﻭﺭﺍﻱ ﻭﺗﺒﺎﻭﻉ ﻋﻠﻴﻬﻢ
ﺿﺮﺑﺘﻨﻲ ﻋﻠﻰ ﻛﺘﻔﻲ
.. ﺩﻧﺠﺒﻲ ﺧﻠﻴﻨﺎ ﻧﺴﻤﻊ
ﻓﺎﺗﺖ ﻣﻦ ﻳﻤﻨﺎ ﺳﻠﻴﻤﺔ ﺗﺪﺭﺩﻡ
ﻻ ﻣﺴﺘﺤﻴﻞ ﺍﺧﻠﻲ ﺍﻟﻤﻮﺿﻮﻉ ﻳﻌﺪﻱ ﻫﺸﻜﻞ
ﺍﺗﺬﻛﺮﺕ ﺳﻮﺩﺓ ﻋﻠﻴﺔ ﻣﺮﻭﺓ ﻭﻓﻠﻮﺳﻬﺎ ﺑﻴﻮﻡ ﺍﺧﺬﻫﻢ ﻭﻣﺤﺪ
ﺭﻑ ﻛﻠﺒﻪ ﻋﻠﻴﻬﻢ
ﺩﺧﻠﺖ ﻭﺭﺍﻫﺎ ﻟﻠﻐﺮﻓﺔ ﻭﻫﻲ ﺗﻔﺘﺢ ﺑﻜﻨﺘﻮﺭﻫﺎ
ﺗﺴﺐ ﻭﺗﻐﻠﻂ ﻭﺗﺘﺤﻠﻒ
ﻭﻛﻔﺖ ﻳﻤﻬﺎ ﻭﺍﻧﻲ ﺍﺣﻚ ﺑﺎﻇﺎﻓﻴﺮ ﺍﻻﺑﻬﺎﻡ ﺍﻻﻳﻤﻦ ﻋﻠﻰ ﺍﻻﻳﺴﺮ
ﻭﺍﻛﻮﻝ ﺑﻜﻠﺒﻲ ﻳﺎﺣﻜﻪ ﺳﻮﻱ ﻋﺮﻛﻪ
ﻭﻛﻠﺘﻠﻬﺎ
.. ﻭﺍﻟﻠﻪ ﺣﺮﺍﻡ ﻋﻠﻴﻪ ﺍﺧﺬ ﻓﻠﻮﺳﺞ ﺗﻌﺒﺞ ﺗﺠﻤﻌﻲ ﻋﻤﺮﺝ
ﻭﺍﺣﺘﻤﺎﻝ ﻣﺎ ﻳﺮﺟﻌﻬﻢ ﺍﻟﺞ ﻭﻳﺮﻭﺣﻦ ﻋﻠﻴﺞ
ﺍﻧﺎ ﻟﻮ ﺑﻤﻜﺎﻧﺞ ﻣﺎ ﺍﺑﻘﻰ ﻟﻪ ﻭﻻ ﺩﻗﻴﻘﺔ ﻭﺣﺪﺓ ﺑﺎﻟﺒﻴﺖ
ﺍﺣﺮﻙ ﺍﻟﺒﻴﺖ ﻋﻠﻰ ﺭﺍﺳﻪ ﻭﺍﻃﻠﻊ ﺯﻋﻼﻧﺔ
ﻭﺍﻧﻲ ﺣﺎﻃﻪ ﺍﻳﺪﻱ ﻭﺭﺓ ﻇﻬﺮﻱ ﻭﺍﺣﻚ ﺑﺎﻇﺎﻓﺮﻱ
ﻳﺎﺣﻜﺔ ﺳﻮﻱ ﻋﺮﻛﺔ
ﺩﺍﺭﺕ ﻭﺟﻬﻬﺔ ﻋﻠﻴﺔ
.. ﺍﻱ ﻭﺍﻟﻠﻪ ﺻﺪﻙ ﻫﺬﺍ ﺍﺑﻮﺝ ﻧﺎﻗﺺ ﻭﻳﺴﻮﻳﻬﺎ ﻭﻳﺎﻛﻞ ﻋﻠﻴﺔ ﻓﻠﻮﺳﻲ
ﺍﻭﻝ ﻣﺮﺓ ﺗﺤﺠﻴﻠﺞ ﺷﻲ ﺑﺮﺍﺳﻪ ﺧﻴﺮ ﻳﺎﻟﺒﻜﻌﺔ
ﻛﺎﻣﺖ ﻣﻦ ﻳﻢ ﻛﻨﺘﻮﺭﻫﺎ ﻭﺭﺍﺣﺖ ﻫﺪﺕ ﻋﻠﻰ ﺍﺑﻮﻱ
ﻭﺍﻧﻲ ﺍﻣﺸﻲ ﻭﺭﺍﻫﺎ ﻣﺜﻞ ﺍﻟﺬﻳﻞ ﻭﺍﻳﺪﻱ ﻭﺭﺓ ﻇﻬﺮﻱ
....
ﻭﺣﺠﺖ ﺑﺼﻮﺕ ﻋﺼﺒﻲ
.. ﺷﻮﻑ ﻭﻟﻚ ﺍﻟﻴﻮﻡ ﺍﺫﺍ ﻣﺎ ﺗﺮﺟﻌﻠﻲ ﻓﻠﻮﺱ
ﻫﺴﺔ ﺍﻟﺒﺲ ﻋﺒﺎﺗﻲ ﻭﺍﺭﻭﺡ ﻟﺒﻴﺖ ﺍﻣﺠﺪ ﺍﺧﻮﻙ
ﺍﺧﻠﻴﻪ ﻳﺰﻭﻋﻚ ﺍﻟﻔﻠﻮﺱ ﻣﻦ ﺧﻤﺸﻚ
.. ﺧﻴﺮ ﺷﻨﻮ ﺗﺨﻮﻓﻴﻨﻲ ﺑﺄﻣﺠﺪ ﻛﻠﺘﻠﺞ ﺭﺍﺡ ﺍﺭﺟﻌﻬﻢ
ﻻﺗﻜﻌﺪﻳﻦ ﺗﺎﻛﻠﻴﻦ ﻛﻠﺒﻲ
ﺍﻟﻠﻪ ﻭﺣﺠﺎﻳﺔ ﻣﻨﻬﺎ ﻭﺣﺠﺎﻳﺔ ﻣﻦ ﺍﺑﻮﻱ ﻭﺻﺎﺭﻭﺍ ﻣﻦ ﺍﻟﺮﻭﺱ
ﺍﺳﻤﻌﻬﻢ ﻳﺘﻌﺎﺭﻛﻮﻥ
ﻭﺍﻧﺎ ﺑﺎﻟﻤﻄﺒﺦ ﺍﺭﻛﺺ
ﻭﺍﻏﻨﻲ ( ﺻﺎﻏﺖ ﻋﻐﻜﺔ ﺑﺼﻐﺎﻭﻳﺔ ﺑﻴﻦ ﺍﻟﺪﻳﺞ ﻭﺍﻟﻮﺍﻭﻳﺔ )
( ﺻﺎﺭﺕ ﻋﺮﻛﺔ ﺑﺼﺮﺍﻭﻳﺔ ﺑﻴﻦ ﺍﻟﺪﻳﺞ ﻭﺍﻟﻮﺍﻭﻳﺔ )
ﺭﺟﻌﺖ ﺳﻠﻴﻤﺔ ﺩﺧﻠﺖ ﻟﻠﺒﻴﺖ ﻭﺍﺗﺠﻬﺖ ﻟﻐﺮﻓﺘﻬﺎ
ﻭﺍﻧﺎ ﺭﺣﺖ ﻭﺭﺍﻫﺎ
ﻓﺘﺤﺖ ﺍﻟﻜﻨﺘﻮﺭ ﻭﺗﺤﺠﻲ
.. ﻭﻟﻜﻢ ﻭﻳﻦ ﺭﺍﺣﺖ ﺍﻟﻤﻜﻤﻮﻋﺔ ﻋﺒﺎﺗﻲ
ﺗﻄﻠﻊ ﺑﻬﺪﻭﻣﻬﺎ ﻭﺗﺤﺠﻲ
ﺭﻛﻀﺖ ﺭﺣﺖ ﺟﺒﺘﻠﻬﺎ ﻋﻼﻛﺔ ﻭﻛﻌﺪﺕ ﺍﺧﺬ ﻣﻨﻬﺎ ﺍﻟﻤﻼﺑﺲ ﻭﺍﺣﻂ
ﺑﺎﻟﻌﻼﻛﺔ ﻭﺭﻛﻀﺖ ﺟﺒﻠﺘﻠﻬﺎ ﺍﻟﻌﺒﺎﻳﺔ ﻭﺍﻟﺸﺤﺎﻃﺔ
ﺟﻨﺖ ﺍﺭﻛﺾ ﻣﺜﻞ ﺑﻴﺐ ﺑﻴﺐ
ﻭﻛﻔﺖ ﻛﺪﺍﻣﻬﺎ ﻭﺍﻧﺎ ﺍﺗﻨﻔﺲ ﺳﺮﻳﻊ
.. ﻫﺎﺝ ﺑﻴﺒﻲ ﻟﺰﻣﻲ ﻫﺎﻱ ﻋﺒﺎﺗﺞ ﻭﻫﺎﻱ ﺍﻟﺸﺤﺎﻃﺔ
.. ﺟﻴﺒﻲ ﺍﻧﻄﻴﻨﻲ
ﺍﺧﺬﺗﻬﻢ ﻣﻨﻲ ﻟﺒﺴﺖ ﻋﺒﺎﺗﻬﺎ ﻋﻠﻰ ﺭﺍﺳﻬﺎ
ﻭﻫﻲ ﺗﻐﻠﻂ ﻭﺗﺴﺐ ﻋﻠﻰ ﺃﺑﻮﻳﺔ
ﻭﺍﺑﻮﻱ ﻳﺠﺎﻭﺑﻬﺎ
.. ﺷﺘﺴﻮﻳﻦ ﺑﻴﻬﻢ ﻧﺎﻳﻤﺔ ﻋﺎﻟﻔﻠﻮﺱ ﻭﺣﺎﺭﻣﺘﻨﺎ ﻣﻨﻬﺎ
.. ﻭﻟﻚ ﺍﻏﺒﺮ ﻋﺎﺭ ﻫﺬﻧﻲ ﻓﻠﻮﺱ ﺣﺠﺘﻲ
ﺗﺮﻳﺪﻧﻲ ﺍﻧﻄﻴﻚ ﺍﻳﺎﻫﻢ ﺗﺼﺮﻓﻬﻢ ﻋﺎﻟﺸﺮﺏ ﻭﺍﻟﻤﻨﻜﺮ ﻭﻟﻚ ﻧﺎﻗﺺ
ﻟﺒﺴﺖ ﺷﺤﺎﺻﺘﻬﺎ ﻭﻃﻠﻌﺖ ﻟﻠﺒﺎﺏ
ﻭﺷﻴﻤﺎﺀ ﺭﻛﻀﺖ ﻭﺭﺍﻫﺎ ﺗﻬﺪﻱ ﺑﻴﻬﺎ
.. ﺑﻴﺒﻲ ﺻﻠﻲ ﻋﺎﻟﻨﺒﻲ ﻭﺍﺗﻌﻮﺫﻱ ﻣﻦ ﺍﻟﺸﻴﻄﺎﻥ
ﻭﻳﻦ ﻃﺎﻟﻌﺔ ﺑﺎﻟﻠﻴﻞ ﺭﺟﻌﻲ ﻭﺍﻧﻲ ﺍﺗﺼﻞ ﻋﻠﻰ ﻋﻤﻮ ﻳﺠﻲ
ﻳﺎﺧﺬﺝ
ﺍﻧﻲ ﺍﺟﺎﻭﺑﻬﺎ .. ﺷﻴﻤﺎﺀ ﺣﻘﺞ ﺗﺤﺠﻴﻦ ﻫﺸﻜﻞ ﻻﻥ ﻣﻮ ﻓﻠﻮﺳﺞ
ﺍﻟﻐﺎﻳﺤﺔ ( ﺍﻟﺮﺍﻳﺤﺔ ) ﻫﺬﺍ ﺗﻌﺐ ﺑﻴﺒﻲ ﺳﻠﻴﻤﺔ ﺧﻄﻴﺔ
ﺍﺧﺬﻫﻢ ﻣﻨﻬﺎ ﻏﺼﺐ ﻋﻨﻬﺎ ﺣﺘﻰ ﻣﺎ ﻛﻠﻠﻬﺎ
ﺷﻴﻤﺎﺀ ﻋﻀﺖ ﺷﻔﺘﻬﺎ
.. ﺍﻧﺘﻲ ﺍﻧﺠﺒﻲ ﻭﺳﻜﺘﻲ
.. ﻻ ﻟﻴﺶ ﺗﺴﻜﺖ ﺻﺪﻙ ﻛﻼﻣﻬﺎ
ﺍﻧﺎ ﻃﺎﻟﻌﺔ ﻭﻣﺎ ﺍﻧﺘﻈﺮ ﺍﻣﺠﺪ ﺍﺭﻭﺣﻠﻪ ﺑﻬﺎﻟﻠﻴﻞ
ﺣﺘﻰ ﻳﻄﻴﻦ ﻋﻴﺸﺘﻪ
ﻃﻠﻌﺖ ﻟﺒﺎﺏ ﺍﻟﺸﺎﺭﻉ ﻭﺍﻧﺎ ﺍﺗﺬﻛﺮﺕ ﻋﻼﻛﺔ ﻣﻼﺑﺴﻬﺎ
ﺭﺣﺖ ﺭﻛﺾ ﻣﺜﻞ ﺍﻟﻄﻠﻘﺔ ﺩﺧﻠﺖ ﺟﺒﺘﻬﻢ
ﻭﺭﺟﻌﺖ ﺍﺻﻴﺢ ﻭﺭﺍﻫﺎ
.. ﺑﻴﺒﻲ .. ﺑﻴﺒﻲ .. ﺑﻴﺒﻲ ﺍﻧﺘﻈﺮﻱ ﻟﺤﻈﺔ
ﺳﻠﻴﻤﺔ .. ﺍﺑﺪ ﻭﺍﻟﻠﻪ ﻟﺤﺪ ﻳﻠﺰﻣﻨﻲ ﺍﻧﺎ ﺭﺍﻳﺤﺔ
.. ﻻ ﺑﻴﺒﻲ ﻣﺎ ﺍﻏﻴﺪ ( ﻣﺎﺭﻳﺪ ) ﺍﻟﺰﻣﺞ ﺑﺲ ﻧﺴﻴﺘﻲ ﺗﺎﺧﺬﻳﻦ ﻋﻼﻛﺔ
ﻣﻼﺑﺴﺞ
.. ﺟﻴﺒﻲ ﺍﻟﺒﻜﻌﺔ
ﺍﺧﺬﺗﻬﻢ ﻭﺭﺍﺣﺖ ﻣﺪﻳﺖ ﺭﺍﺳﻲ ﻣﻦ ﺍﻟﺒﺎﺏ
ﺍﺑﺎﻭﻉ ﻋﻠﻴﻬﺎ ﺗﻤﺸﻲ ﺑﺎﻟﺸﺎﺭﻉ ﻭﺗﻜﺤﻒ ﺑﺸﺤﺎﻃﺘﻬﺎ
.....
ﺣﺴﻴﺖ ﻋﻠﻰ ﺍﻳﺪ ﻟﺰﻣﺘﻨﻲ ﻣﻦ ﺍﺫﻧﻲ ﻭﻟﻮﺗﻬﺎ
ﺭﻓﻌﺖ ﻋﻴﻮﻧﻲ ﻭﺑﺎﻭﻋﺖ ﻟﺰﻣﺖ ﺍﺫﻧﻲ
.. ﺍﺍﺍﺍﺥ .. ﺍﺥ .. ﺍﺥ ﺷﻮﻣﺔ ﺍﺫﻧﻲ
.. ﻟﺞ ﺛﻮﻟﺔ ﻛﻠﺒﺘﻲ ﻋﺎﻟﻴﻬﺎ ﻭﺍﻃﻴﻬﺎ
ﺣﺮﻛﺘﻴﻬﻢ ﺣﺮﻙ
ﺑﺎﻭﻋﺘﻠﻬﺎ ﺑﺒﺮﺍﺋﺔ .. ﺷﻨﻮ ﺍﻧﻲ ﺷﻠﻲ ﻏﻐﺾ ( ﻏﺮﺽ )
ﻛﻠﺸﻲ ﻣﺎ ﺳﻮﻳﺖ ﺍﻡ ﻭﺍﺑﻨﻬﺎ ﻭﻣﺘﻌﺎﻏﻜﻴﻦ ﺍﻧﻲ ﺑﺲ
ﻏﺪﺕ ﺍﻫﺪﻱ ﺍﻟﻨﻔﻮﺱ
.. ﻻﺍﺍﺍﺍﺍﺍ ﺻﺪﻛﺘﺞ ﺍﻡ ﺷﻠﺞ ﻏﻐﺾ
ﻟﺞ ﺍﻧﺘﻲ ﺣﻄﻴﺘﻲ ﺍﻟﻮﺳﻮﺍﺱ ﺍﻟﺨﻨﺎﺱ ﺑﺠﻴﺒﺞ ﺑﺴﻮﺍﻳﺘﺞ ﻫﺎﻱ
ﺳﻤﻌﻨﺎ ﺻﻮﺕ ﺍﺑﻮﻱ ﻭﺭﺍﻧﺎ
.. ﺷﻌﻨﺪﻛﻢ ﻭﺍﻛﻔﻴﻦ ﺑﺎﻟﺒﺎﺏ
ﺭﺣﺖ ﻋﻠﻴﻪ
.. ﺑﺎﺑﺎ ﺍﻟﺤﻚ ﺑﻴﺒﻲ ﻟﻤﺖ ﻫﺪﻭﻣﻬﺎ ﻭﻃﻠﻌﺖ
ﺻﺎﺡ ﺑﺼﻮﺕ ﻋﺎﻟﻲ
.. ﺷﻠﻮﻭﻭﻭﻭﻭﻭﻭﻥ !!!!
ﺍﺑﺎﻭﻉ ﻋﻠﻴﻪ ﻟﺒﺲ ﺍﻧﻌﺎﻟﻪ ﻭﻃﻜﻬﺎ ﺭﻛﻀﺔ ﻟﻠﺸﺎﺭﻉ
ﻳﺮﻳﺪ ﻳﻠﺤﻚ ﻋﻠﻰ ﺍﻣﻪ
ﺩﺧﻠﺖ ﻟﻠﺒﻴﺖ ﻭﺭﻓﻌﺖ ﺍﻳﺪﻱ ﺑﺎﻟﺪﻋﺎﺀ
.. ﺍﻟﻠﻬﻢ ﻗﺪﻏﻨﺎ ( ﻗﺪﺭﻧﺎ ) ﻋﻠﻰ ﻋﻤﻞ ﺍﻟﺨﻴﻎ ( ﺍﻟﺨﻴﺮ )
ﻭﻭﻓﻘﻨﺎ ﻟﻬﺪﺍﻳﺔ ﺍﻟﻨﺎﺱ ﺍﺟﻤﻌﻴﻦ
ﺍﻟﺘﻔﺘﺖ ﻋﻠﻰ ﺷﻴﻤﺎﺀ ﻭﻛﻠﺖ .. ﻛﻮﻟﻲ ﺍﻣﻴﻦ
ﻣﺎ ﺣﺴﻴﺖ ﺍﻻ ﻋﻠﻰ ﺍﻧﻌﺎﻝ ﻃﻴﺎﺭﻱ ﺍﺟﺎﻧﻲ ﺑﺎﻟﻬﻮﻯ
ﻃﻜﻴﺘﻬﺎ ﺭﻛﻀﺔ ﻭﺍﻧﻲ ﺍﺿﺤﻚ
ﻭﺭﺓ ﻳﻮﻣﻴﻦ
ﺷﻴﻤﺎﺀ ﻓﺎﺗﺤﺖ ﺑﺎﺑﺎ ﺑﻤﻮﺿﻮﻉ ﺭﺍﺋﺪ
ﻭﻫﻮ ﺑﺎﻭﻉ ﻋﻠﻴﺔ ﻭﻛﺎﻝ ﻋﺎﻟﺒﺮﻛﺔ ﺧﻠﻲ ﺍﺳﺄﻝ ﻋﻤﺞ ﺍﻣﺠﺪ
ﻭﺑﻴﻮﻣﻬﺎ ﺍﺗﺼﻞ ﻋﻠﻰ ﻋﻤﻮ ﺍﻣﺠﺪ ﻭﺣﺪﺩﻭﺍ ﺍﻟﻤﻮﻋﺪ ﻭﺷﻴﻤﺎﺀ ﺭﺩﺕ
ﺍﻟﺨﺒﺮ ﻟﺮﺍﺋﺪ ﻛﻠﺘﻠﻪ ﻳﻮﻡ ﺍﻟﺠﻤﻌﺔ ﺗﻜﺪﺭ ﺗﺠﻲ ﻭﺗﺠﻴﺐ ﻭﺍﻫﻠﻚ ﺗﻨﻮﺭﻭﻧﺎ
ﻳﻌﻨﻲ ﺑﻌﺪ ﺍﺳﺒﻮﻉ ﻟﻠﺨﻄﻮﺑﺔ
ﻭﺑﻬﺬﺍ ﺍﻻﺳﺒﻮﻉ
ﺭﺍﺋﺪ ﻛﻞ ﻳﻮﻡ ﺟﺎﻱ ﻟﻠﺒﻴﺖ ﺑﺎﺧﺬﻧﻲ ﺍﻧﻲ ﻭﺷﻴﻤﺎﺀ
ﻋﻠﻤﻮﺩ ﻧﺨﺘﺎﺭ ﺍﻟﺤﻠﻘﺎﺕ ﺑﺎﻟﺒﺪﺍﻳﺔ ﻭﻛﺎﻝ ﻭﺭﺓ ﺍﻟﺨﻄﻮﺑﺔ ﻧﻄﻠﻊ ﺑﺮﺍﺣﺘﻨﺎ
ﻧﻔﺘﺮ ﻧﺸﺘﺮﻱ ﺍﻟﺬﻫﺐ ﻋﻠﻰ ﺫﻭﻗﺞ
ﻃﺒﻌﺎ ﺭﺍﺋﺪ ﺟﺎﻥ ﻛﻠﺶ ﺣﺮﻳﺺ ﺍﻥ ﻣﺎ ﺍﻟﺘﻘﻲ
ﻭﻳﺔ ﺍﻣﻪ ﻭﺍﺧﺘﻪ
ﻳﻮﻡ ﺛﺎﻧﻲ ﺍﺷﺘﺮﺍﻟﻲ ﻧﻘﺎﻝ ﻟﻤﺲ ﻛﻠﺶ ﺣﻠﻮ
ﻭﺑﻴﻮﻣﻬﺎ ﻃﺮﺕ ﻣﻦ ﺍﻟﻔﺮﺡ
ﺍﺣﺲ ﺑﺮﻭﺣﻲ ﺍﺳﻌﺪ ﺍﻧﺴﺎﻧﺔ ﺑﺎﻟﻌﺎﻟﻢ
ﻭﺷﻴﻤﺎﺀ ﺧﻄﻴﺔ ﺍﻟﺘﻬﺖ ﺑﻴﻦ ﺍﻟﺪﻭﺍﻡ ﻭﺍﻟﺒﻴﺖ
ﻭﺳﻠﻴﻤﺔ ﺑﻌﺪﻫﺎ ﺑﺒﻴﺖ ﻋﻤﻮ ﺍﻣﺠﺪ ﺯﻋﻼﻧﺔ
ﻫﺎﻱ ﺍﺣﻠﻰ ﻓﻘﺮﺓ ﻛﻠﺶ ﻣﺮﺗﺎﺣﺔ ﺍﺣﺲ ﺍﻟﺒﻴﺖ ﺻﺎﺭ ﻛﻠﺶ ﺣﻠﻮ
ﻛﻞ ﻳﻮﻡ ﺍﺷﻐﻞ ﻣﺴﺠﻞ ﻭﺍﺣﻂ ﺍﻏﺎﻧﻲ ﻭﺍﻛﻠﺒﻬﺎ
ﺣﻔﻠﺔ ﻭﺭﻛﺺ
ﻭﺍﻏﻨﻲ
( ﺍﻣﻲ ﻣﺴﺎﻓﻐﺔ ﻭﺣﺄﻋﻤﻞ ﺣﻔﻠﺔ
ﺑﺲ ﻳﺎﻏﻴﺖ ﻣﺎ ﺗﮕﻴﺶ ﻋﻠﻰ ﻏﻔﻠﺔ )
( ﺍﻣﻲ ﻣﺴﺎﻓﺮﺓ ﻭﺣﺄﻋﻤﻞ ﺣﻔﻠﺔ
ﻳﺎﺭﻳﺖ ﻣﺘﻜﻴﺶ ﻋﻠﻰ ﻏﻔﻠﺔ ) 🏻💃🏻💃🏻💃
.....
ﺟﺎﻥ ﻛﻞ ﻳﻮﻡ ﺑﺎﻟﻠﻴﻞ ﺭﺍﺋﺪ ﻳﺘﺼﻞ ﻋﻠﻴﺔ ﻭﻧﻜﻀﻴﻬﺎﺳﻮﺍﻟﻒ ﻟﻠﺼﺒﺢ ﺟﻨﺎ
ﻧﺤﺠﻲ ﺑﻜﻠﺸﻲ ﻳﺨﺺ ﺣﻴﺎﺗﻨﺎ ﺍﻟﺠﺪﻳﺪﺓ ﻭﻧﺤﻠﻢ ﺳﻮﻳﺔ ﻭﻣﺮﺍﺕ ﻳﻜﻠﻲ
ﺧﻠﻴﻨﻲ ﺍﻧﺎﻡ ﻋﻠﻰ ﺻﻮﺗﺞ
ﻛﻮﻟﻲ ﺭﺍﺋﺪ ﺣﺒﻴﺒﻲ
.. ﻏﺎﺋﺪ ﺣﺒﻴﺒﻲ
.. ﺍﺍﺍﺍﺍﺥ ﻳﺎﻳﺎﺑﺔ ﺍﺗﻤﻨﻰ ﻛﻮﻥ ﻳﻤﻲ ﻭﺍﺑﺎﻭﻉ ﻟﺸﻔﺎﻳﻔﺞ
ﺷﻠﻮﻥ ﺗﻨﻄﻘﻬﺎ ﺣﺘﻰ ﺑﻌﺪﻫﺎ ﺍﺷﺒﻌﻬﻢ ﻋﺾ
ﻳﺒﻮﻭﻭﻭﻭﻭﻭﻭ ﻏﺪﻳﺖ ﻣﺎﻱ ﻣﻦ ﺍﻟﺨﺠﻞ
.. ﺍﻟﻮ .. ﻫﺪﻫﺪ ﺍﺷﻮ ﺻﺎﺭﺕ ﺳﻨﻄﺔ ﺷﻜﻮ ﻭﻛﻌﺘﻲ ﺑﻨﻜﺮﺓ
.. ﻻ ﺍﻟﻤﺸﺘﺮﻙ ﺧﺠﻼﻥ ﺣﺎﻟﻴﺎً ﻳﺮﺟﻰ ﺍﻟﻤﺤﺎﻭﻟﺔ ﻓﻴﻤﺎ ﺑﻌﺪ
.. ﻫﻬﻬﻬﻬﻬﻪ ﺍﻟﻠﻪ ﻳﻠﻌﻦ ﺍﺑﻠﻴﺴﺞ
ﺷﻴﺠﻴﺐ ﺑﺎﺟﺮ ﻭﺍﺻﺒﺮ ﺷﻠﻮﻥ
ﻛﻤﻠﺖ ﺍﻻﻏﻨﻴﺔ .. ﺑﺎﺟﺮ ﺍﻟﺘﻘﻲ ﻭﻳﺔ ﺍﺟﻤﻞ ﺍﻧﺴﺎﻥ
.. ﻛﻞ ﻟﺤﻈﺔ ﺍﻟﺘﻤﺮ ﺗﺴﺄﻟﻨﻲ ﺍﻟﻌﻴﻮﻥ
.. ﺷﻈﻞ ﻣﻦ ﺍﻟﻮﻛﺖ
.. ﻣﻮ ﻛﻠﺒﻲ ﺧﻠﺼﺎﻥ
ﻭﺭﺑﻲ ﺍﺣﻠﻰ ﺛﻨﺎﺋﻲ ﺑﺎﻟﻐﻨﺎﺀ
ﺍﺗﻤﻨﻰ ﻫﺎﻱ ﺍﻟﻠﺤﻈﺎﺕ ﺍﻟﺤﻠﻮﺓ ﻣﺘﺨﻠﺺ
........
ﺿﺤﻰ ﺩﺍﺋﻤﺎ ﺗﺘﺼﻞ ﻋﻠﻴﺔ ﻣﻦ ﺭﻗﻢ ﺯﻭﺟﻬﺎ ﺳﻴﻒ ﻭﺗﺴﺄﻝ ﻋﻠﻴﻨﺎ
ﺻﺎﺭﻟﻬﺎ ﺍﺳﺒﻮﻋﻴﻦ ﻣﻦ ﺍﺗﺰﻭﺟﺖ ﻭﻫﺎﻱ ﺍﻟﻤﺮﺓ ﺍﻟﺜﺎﻟﺜﺔ
ﺗﺘﺼﻞ ﻭﻧﺴﻤﻊ ﺻﻮﺗﻬﺎ
ﻭﺷﻴﻤﺎﺀ ﺩﺍﺋﻤﺎ ﺟﺎﻧﺖ ﺗﺘﻬﺮﺏ ﻣﻨﻬﺎ
ﻻﻥ ﺑﻌﺪﻩ ﺍﻟﻜﻠﺐ ﻳﻨﺰﻑ ﻣﻦ ﺍﻟﺼﺎﺭ ﺑﻴﻬﺎ
ﻛﺎﻟﺖ ﺿﺤﻰ .. ﺳﻴﻒ ﻛﺎﻝ ﺍﻭﺩﻳﺞ ﻟﺒﻴﺖ ﺍﻫﻠﺞ ﺑﻴﻮﻡ ﺍﻟﺨﻄﻮﺑﺔ ﻭﻛﻮﺓ
ﻗﺒﻞ ﻳﺠﻴﺒﻨﻲ ﺍﻟﻜﻢ ﺍﻟﺼﺒﺢ
ﺟﺎﻥ ﻳﺮﻳﺪ ﻳﺠﺒﻨﻲ ﺍﻟﻜﻢ ﻗﺒﻞ ﺍﻟﺨﻄﻮﺑﺔ ﺑﺴﺎﻋﺔ
ﺣﺎﻟﻲ ﺣﺎﻝ ﺍﻟﺨﻄﺎﺭ ﺑﺲ
ﺍﺗﻮﺳﻠﺖ ﺑﻲ ﻳﺎﻟﻠﻪ ﻭﺍﻓﻖ
.. ﻳﺎﻟﻠﻪ ﺍﻟﺤﻤﺪ ﻟﻠﻪ ﺍﻫﻢ ﺷﻲ ﻭﺍﻓﻖ
ﺳﺪﻳﺖ ﺍﻟﻨﻘﺎﻝ ﻣﻦ ﺿﺤﻰ ﻭﺍﺗﺼﻞ ﻋﻠﻴﺔ
ﺭﺍﺋﺪ ﻣﻌﺼﺐ
.. ﺷﻨﻮ ﻭﻳﺎﻣﻦ ﺟﻨﺘﻲ ﺗﺤﺠﻴﻦ
ﺍﺗﺼﻞ ﻋﻠﻴﺞ ﻛﻠﺔ ﻣﺸﻐﻮﻝ
.. ﻋﻠﻰ ﻛﻴﻔﻚ ﺣﺒﻴﺒﻲ ﺟﻨﺖ ﺍﺣﺠﻲ ﻭﻳﺔ ﺿﺤﺎﻭﻱ ﻋﻠﻤﻮﺩ ﺍﻟﺨﻄﻮﺑﺔ
.. ﻫﺪﻯ ﺟﻬﺰﻱ ﻧﻔﺴﺞ ﺑﺴﺮﻋﺔ
ﺍﻣﻲ ﻋﺎﺯﻣﺘﺞ ﻋﺎﻟﻐﺪﺓ ﺑﺎﻟﺒﻴﺖ ﻭﻫﺴﺔ ﺭﺍﺡ ﺍﺟﻲ ﻋﻠﻴﺞ ﻭﺍﺧﺬﺝ
.. ﻟﺤﻈﺔ ﺷﻨﻮ ﺗﺠﻲ ﻋﻠﻴﺔ ﺑﺎﻻﻭﻝ ﺧﻠﻲ ﺍﺧﺬ ﺭﺍﻱ ﺷﻴﻤﺎﺀ
.. ﺷﻨﻮ ﺍﻟﺴﺎﻟﻔﺔ ﻫﺪﻯ ﻗﺎﺑﻞ ﺭﺍﺡ ﺍﻛﻠﺞ ﺗﺮﺓ ﺍﺣﻨﺎ
ﻧﻌﺘﺒﺮ ﻣﺨﻄﻮﺑﻴﻦ ﻭﻫﺴﺔ ﺍﻧﺎ ﻭﻭﻳﻦ ﻣﺎﺧﺬﺝ
ﻫﻮ ﻟﺒﻴﺖ ﺍﻫﻠﻲ
.. ﻫﺎ ﻟﻌﺪ ﻳﺎﻟﻠﻪ ﺭﺍﺡ ﺍﺟﻬﺰ ﻧﻔﺴﻲ
ﺑﺪﻟﺖ ﻣﻼﺑﺴﻲ ﻭﻋﺪﻟﺖ ﻧﻔﺴﻲ
ﻭﺍﻧﻲ ﺍﻓﻜﺮ ﻻﺯﻡ
......
ﺍﺣﺠﻲ ﻭﻳﺔ ﺷﻮﻣﺔ ﻧﻄﻠﻊ ﻭﺍﺷﺘﺮﻳﻠﻲ ﻛﻢ ﻗﻄﻌﺔ ﻣﺮﺗﺒﺔ
ﺍﻟﺒﺴﻬﻢ ﻟﻠﻄﻠﻌﺔ ﻻﻥ ﻣﺎ ﻋﻨﺪﻱ ﻫﺪﻭﻡ ﻛﺸﺨﺔ
ﻣﺎﻝ ﻭﺣﺪﺓ ﻣﺨﻄﻮﺑﺔ
ﺑﻴﻦ ﻣﺎ ﺧﻠﺼﺖ
ﺍﺗﺼﻞ ﻋﻠﻴﺔ ﺭﺍﺋﺪ ﻛﺎﻝ ﻃﻠﻌﻴﻠﻲ ﺍﻧﺎ ﺍﻧﺘﻈﺮﺝ ﺑﺮﺍﺱ ﺍﻟﻔﺮﻉ
ﺭﺷﻴﺖ ﻋﻄﺮ ﻭﺑﺎﻭﻋﺖ ﻟﺮﻭﺣﻲ ﺑﺎﻟﻤﺮﺍﻳﺎ
ﻭﺍﺧﺬﺕ ﺟﻨﻄﺘﻲ ﻭﻃﻠﻌﺖ ﺍﺭﻛﺾ ﺑﻠﻬﻔﺔ
ﻭﺍﻧﻲ ﺍﻣﺸﻲ ﺑﺎﻟﺸﺎﺭﻉ
ﺷﻔﺖ ﻋﻼﻭﻱ ﻋﺎﻗﺞ ﺍﻟﻮﺟﻪ ﻭﻣﻌﺼﺐ ﺯﻋﻼﻥ
ﺷﺎﻓﻨﻲ ﻭﺍﺟﺔ ﻳﻤﺸﻲ ﻳﻤﻲ ﻭﻫﻮ ﺯﻋﻼﻥ
.. ﺍﻛﻮﻝ ﻫﺪﻯ ﺻﺪﻙ ﺭﺍﺡ ﺗﻨﺨﻄﺒﻴﻦ
.. ﺍﻱ ﻋﻼﻭﻱ ﺍﺟﻮﻱ ﻧﺎﺱ ﻭﻃﻠﺒﻮ ﺍﻳﺪﻱ ﻣﻦ ﺑﺎﺑﺎ
ﻭﻛﻠﻮﻟﻪ ﻧﺮﻳﺪ ﺑﻨﺘﻚ ﺍﻟﺼﻐﻴﺮﺓ ﻫﺪﻯ
.. ﻟﻌﺪ ﻭﺍﻧﺎ ﻣﻮ ﺧﻄﺒﺘﺞ ﻗﺒﻠﻪ
ﻟﻴﺶ ﻣﺘﻨﻈﺮﻳﻨﻲ ﺑﺲ ﺷﻮﻳﺔ ﺍﻛﺒﺮ ﺍﺟﻴﺐ ﺍﻣﻲ ﻭﺍﺧﻄﺒﺞ
ﺭﻣﺸﺖ ﺑﻌﻴﻮﻧﻲ ﺑﺤﺰﻥ
.. ﻋﻼﻭﻱ ﺍﻧﻲ ﺍﺣﺒﻚ ﺑﺲ ﺷﺴﻮﻱ
ﻟﺒﺎﺑﺎ ﺍﻻ ﻳﺰﻭﺟﻨﺎ ﻣﺎ ﺍﻛﺪﺭ ﺍﺭﻓﺾ ﻋﻴﺐ ﺍﻟﺒﻨﻴﺔ ﺗﺮﻓﺾ
ﻋﻼﻭﻱ .. ﻭﻫﺴﺔ ﺍﻧﺘﻲ ﻭﻳﻦ ﺭﺍﻳﺤﺔ
.. ﻃﺎﻟﻌﺔ ﻭﻳﺔ ﺧﻄﻴﺒﻲ ﺗﻌﺎﻝ ﺧﻠﻲ ﺍﻋﺮﻓﻚ
ﻋﻠﻴﻪ
ﻭﺻﻠﻨﻲ ﻟﺴﻴﺎﺭﺓ ﺭﺍﺋﺪ ﺍﺑﺎﻭﻉ ﻋﻠﻴﻪ ﺷﻠﻮﻥ ﻳﺨﺰﺭ ﺑﺮﺍﺋﺪ
ﻓﺘﺤﻠﻲ ﺍﻟﺒﺎﺏ ﺍﻟﺒﺼﻒ ﺍﻟﺴﺎﻳﻖ ﻭﺣﺠﺔ ﺑﺼﻮﺕ ﻧﺎﺻﻲ
.. ﺍﻳﻴﻴﻴﻴﻴﻴﻊ ﺧﻄﻴﺒﺞ ﺟﻨﻪ ﻋﻮﺩ ﺷﺨﺎﻁ
ﻣﺤﻠﻮ
ﻳﺤﺠﻲ ﻭﻳﻔﺮ ﺑﻴﺪﻩ ﻣﺎﻋﺎﺟﺒﻪ ﺭﺍﺋﺪ
ﺑﻜﻠﺒﻲ ﺧﺮﺑﺎﻧﺔ ﻋﻠﻴﻪ ﻣﻦ ﺍﻟﻀﺤﻚ
ﺳﻠﻤﺖ ﻋﻠﻰ ﻋﻼﻭﻱ ﺍﻟﺰﻋﻼﻥ
ﻭﺩﺭﺕ ﻭﺟﻬﻲ ﻭﺳﻠﻤﺖ ﻋﻠﻰ ﺭﺍﺋﺪ ﺍﻟﻐﻀﺒﺎﻥ
ﺑﺎﻭﻋﺖ ﻋﻠﻴﻪ ﻭﺍﺑﺘﺴﻤﺖ
ﻭﻛﻌﺪﺕ ﺍﺣﺠﻴﻠﻪ ﻋﻠﻰ ﻋﻼﻭﻱ ﻭﺳﻮﺍﻟﻔﻪ
ﻭﻣﻮﻗﻔﻪ ﻭﻏﻴﺮﺗﻪ ﻣﻨﻪ
ﺑﺲ ﺍﺳﺘﻐﺮﺑﺖ ﻋﻠﻰ ﺭﺍﺋﺪ ﺟﺎﻥ ﻳﺠﺎﻭﺑﻨﻲ ﻭﻓﻜﺮﻩ ﺷﺎﺭﺩ
ﺍﺣﺲ ﺑﻴﻪ ﻣﻮ ﻋﻠﻰ ﺑﻌﻀﻪ
ﻫﺎﺩﻯﺀ
ﻭﺗﻮﺗﺮﻩ ﺍﻧﺘﻘﻞ ﺍﻟﻲ ﻭﺍﺗﺬﻛﺮﺕ ﺍﻟﻴﻮﻡ ﺭﺍﺡ ﺍﻭﺍﺟﻪ ﺍﻣﻪ ﻭﺍﺧﺘﻪ ﻭﺍﺑﻮﻩ ﻫﺬﻩ
ﺍﻟﻤﻮﺍﺟﻪ ﺍﻟﺤﺎﺯﻣﺔ
ﺩﻗﺎﻳﻖ ﻭﻭﺻﻠﻨﺎ ﻟﺒﻴﺘﻬﻢ ﻭﻧﺰﻝ ﻣﻦ ﺍﻟﺴﻴﺎﺭﺓ ﻭﻓﺘﺢ ﺑﺎﺏ ﺍﻟﻜﺮﺍﺝ
ﻭﺩﺧﻠﻬﺎ
ﻫﺬﺍ ﻛﻠﻪ ﻭﻫﻮ ﺳﺎﻛﺖ
ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﺍﻧﻲ ﺍﺣﺠﻲ ﺑﻜﻠﺒﻲ ﻋﻤﺔ ﺣﺘﻰ ﻋﻤﺔ
ﺣﺘﻰ ﻣﺎ ﻛﻠﻔﻮﺍ ﻧﻔﺴﻬﻢ ﻳﻄﻠﻌﻮﻥ ﻳﺴﺘﻘﺒﻠﻮﻧﻲ
ﻳﻨﺘﻈﺮﻭﻥ ﺍﻧﻲ ﺍﺩﺧﻠﻠﻬﻢ ﻟﻠﺒﻴﺖ
ﺣﺠﺔ ﺭﺍﺋﺪ ﻣﻦ ﻭﺭﺍﻱ
.. ﻓﻮﺗﻲ ﺩﺧﻠﻲ ﺟﻮﺓ
ﺩﺧﻠﺖ ﻟﻠﻤﻄﺒﺦ ﺍﻟﺒﺎﺭﺩ ﻭﺍﻧﻲ ﺍﺣﻢ ﺣﻢ ﻭﺍﻃﻠﻊ ﺻﻮﺕ
ﺣﺘﻰ ﻳﺤﺴﻮﻥ ﻋﻠﻰ ﺩﻣﻬﻢ ﻭﻳﺠﻮﻥ ﻳﺴﻠﻤﻮﻥ ﻋﻠﻴﺔ
ﻭﻳﺪﺧﻠﻮﻧﻲ ﻟﻠﺒﻴﺖ
ﺑﺲ ﺍﺷﻮ ﻣﺎﻛﻮ ﺍﻟﺠﻤﺎﻋﺔ ﺿﺎﺭﺑﻴﻦ ﺍﻟﺼﺎﻣﺖ
ﻳﻌﻨﻲ ﺷﻨﻮ ﻳﻨﺘﻈﺮﻭﻥ ﺍﺩﺧﻞ ﻋﻠﻴﻬﻢ ﻟﻠﻐﺮﻑ ﻭﺍﺭﻭﺡ ﺍﺳﻠﻢ ﻋﻠﻴﻬﻢ
ﺻﺪﻙ ﻧﺎﺱ ﻣﺎ ﺗﺴﺘﺤﻲ ﻭﻣﺎ ﻳﻌﺮﻓﻮﻥ ﺍﻻﺻﻮﻝ
ﺍﺗﻮﻏﻠﺖ ﻟﻠﺒﻴﺖ ﻭﺣﺠﻴﺖ ﺑﺼﻮﺕ ﻣﺴﻤﻮﻉ
ﺷﻨﻮ ﺍﻟﺠﻤﺎﻋﺔ ﻧﺎﻳﻤﻴﻦ
ﻻ ﻳﻮﺟﺪ ﺭﺩ ﻋﻘﺪﺕ ﺣﻮﺍﺟﺒﻲ ﻭﺍﻟﺘﻔﺘﺖ ﻋﻠﻰ ﺭﺍﺋﺪ
.. ﻏﺎﺋﺪ ﺍﺷﻮ ﻣﺤﺪ ﺑﺎﻟﺒﻴﺖ ﺍﻫﻠﻚ ﻭﻳﻦ
ﺟﺎﻭﺑﻨﻲ ﺑﺼﻮﺕ ﻫﺎﺩﻱ
.. ﺍﻫﻠﻲ ﻣﺴﺎﻓﺮﻳﻦ
......
ﺍﺗﻔﺎﺟﺌﺖ ﺍﺷﻮ ﻭﻻ ﻭﺍﺣﺪ ﺑﺎﻟﺒﻴﺖ
ﻋﻘﺪﺕ ﺣﻮﺍﺟﺒﻲ ﻭﺍﻟﺘﻔﺘﺖ ﻋﻠﻰ ﺭﺍﺋﺪ
.. ﻏﺎﺋﺪ ﺍﺷﻮ ﻣﺤﺪ ﺑﺎﻟﺒﻴﺖ ﺍﻫﻠﻚ ﻭﻳﻦ
ﺟﺎﻭﺑﻨﻲ ﺑﺼﻮﺕ ﻫﺎﺩﻯﺀ
.. ﺍﻫﻠﻲ ﻣﺴﺎﻓﺮﻳﻦ
ﺣﺠﺎﻫﺎ ﻭﻫﻮ ﻣﻀﻴﻚ ﻋﻴﻮﻧﻪ
ﺳﺪ ﺑﺎﺏ ﺍﻟﻤﻄﺒﺦ ﻭﺭﺍﻩ ﻭﻗﻔﻠﻪ
ﻭﺍﺗﻘﺪﻡ ﻋﻠﻴﺔ
ﺍﺭﺗﻌﺪ ﺟﺴﻤﻲ ﻭﺑﺎﻭﻋﺘﻠﻪ ﺑﺤﺬﺭ
ﺭﺟﻌﺖ ﻭﺭﺓ
ﺍﺭﺗﺒﻜﺖ .. ﺷﺶ ﺷﻨﻮ ﻏﺎﺋﺪ ﻟﻴﺶ ﻫﻴﺞ ﺗﺒﺎﻭﻉ ﻋﻠﻴﺔ
ﻭﻟﻴﺶ ﻛﺬﺑﺖ ﻋﻠﻴﺔ ﻭﻛﻠﺖ ﺍﻣﻲ ﻋﺎﺯﻣﺘﺞ
ﺟﻨﺖ ﺍﺣﺠﻲ ﻭﺍﺑﻠﻊ ﺑﺮﻳﻜﻲ ﻣﺘﻔﺎﺟﺌﺔ ﺑﺘﺼﺮﻑ ﺭﺍﺋﺪ
ﺳﻤﻌﺖ ﻧﻘﺎﻟﻲ ﺩﻙ ﺑﺎﻟﺠﻨﻄﺔ ﺩﻧﻜﺖ ﺍﺭﻳﺪ ﺍﻓﺘﺢ ﺍﻟﺠﻨﻄﺔ
ﺻﺎﺭﺕ ﺭﻭﺣﻲ ﺑﺎﻟﻨﻘﺎﻝ ﺍﺣﺲ ﻣﺜﻞ ﺣﺒﻞ ﺍﻟﻨﺠﺎﺓ ﺍﻟﻲ ﺭﺍﺡ ﻳﻨﻘﺬﻧﻲ ﺑﺲ ﻣﻦ ﺷﻨﻮﻳﻨﻘﺬﻧﻲ ﻣﺎ ﺍﻋﺮﻑ
ﺑﺲ ﻛﻠﺸﻲ ﻳﻨﺒﺄ ﺑﻘﺪﻭﻡ ﺍﻟﻌﺎﺻﻔﺔ ﻭﻭﺟﻪ ﺭﺍﺋﺪ ﻣﻴﻄﻤﻦ
ﻃﻠﻌﺖ ﺍﻟﻨﻘﺎﻝ ﺑﺄﻳﺪ ﺗﺮﺟﻒ ﺷﻔﺖ ﺍﻟﻤﺘﺼﻞ ﺷﻴﻤﺎﺀ ﺍﺟﻴﺖ ﺍﺑﺠﻲ ﻣﻦ ﺍﻟﻔﺮﺣﺔ
ﻛﺒﻞ ﺣﻄﻴﺖ ﺍﻳﺪﻱ ﻋﺎﻟﺮﺩ
ﻣﺤﺴﻴﺖ ﺍﻻ ﻋﻠﻰ ﻏﻔﻠﺔ ﺍﻧﺴﺤﺐ ﺍﻟﻨﻘﺎﻝ ﻣﻦ ﺍﻳﺪﻱ
ﻭﺍﻧﻐﻠﻖ ﻣﺎ ﻟﺤﻜﺖ ﺍﺭﺩ ﻋﻠﻰ ﺍﺧﺘﻲ ﻭﺍﻃﻤﻨﻬﺎ
ﻭﻫﻨﺎ ﺣﺴﻴﺖ ﺍﻧﻲ ﻭﻛﻌﺖ ﺑﺸﺪﺓ
ﺑﺎﻭﻋﺖ ﻋﻠﻰ ﻧﻘﺎﻟﻲ ﺑﺄﻳﺪ ﺭﺍﺋﺪ
ﻭﺷﻠﺖ ﻋﻴﻨﻲ ﻋﻠﻰ ﺭﺍﺋﺪ ﺍﺑﺎﻭﻉ ﻋﻠﻴﻪ ﺑﺎﺳﺘﻌﻄﺎﻑ
ﺍﺣﺲ ﺩﻣﻮﻋﻲ ﻭﺍﻛﻔﺔ ﻣﺘﺤﺠﺮﺓ ﺑﻌﻴﻮﻧﻲ ﻫﻲ ﻫﻢ ﺧﺎﻳﻔﻪ ﻣﺜﻠﻲ ﻣﺪﺗﻨﺰﻝ
.. ﻏﺎﺋﺪ ﺷﺒﻴﻚ ﺩﺗﺨﻮﻓﻨﻲ .. ﺻﺎﻳﺮ ﺷﻲ
ﺣﺠﺔ ﺑﺼﻮﺕ ﻣﺒﻴﻦ ﻛﻮﺓ ﻻﺯﻡ ﺭﻭﺣﻪ
.. ﻫﺪﻯ ﺍﺳﺄﻟﺞ ﺳﺆﺍﻝ ﻭﺍﺭﻳﺪﺝ ﺗﺠﺎﻭﺑﻴﻨﻲ ﺑﻜﻠﻤﺔ ﻭﺣﺪﺓ
ﺍﻱ ﺍﻭ ﻻ
.. ﺷﻨﻮ
.. ﺍﻧﺘﻲ ﻗﺒﻞ ﻣﺸﺘﻐﻠﺔ ﺑﻤﻠﻬﻰ ؟؟؟
ﺷﻬﻜﺖ ﺑﺨﻮﻑ ﻭﺭﺟﻌﺖ ﻟﻠﺨﻠﻒ ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻫﺬﺍ ﺍﻟﻲ ﻣﺎﻳﻮﻡ ﺣﺎﺳﺒﺔ ﺣﺴﺎﺑﻪ
ﻫﺬﺍ ﺍﻟﺸﻲ ﻳﻮﺻﻞ ﻟﺮﺍﺋﺪ
ﻛﻤﺖ ﺍﺭﻣﺶ ﺑﻌﻴﻮﻧﻲ ﻭﺍﺑﻠﻊ ﺑﺮﻳﻜﻲ ﻭﺍﺷﺮ ﺑﻴﺪﻱ
ﻛﻞ ﺣﻮﺍﺳﻲ ﺗﺸﺘﻐﻞ ﺳﻮﺓ ﺍﺭﻳﺪ ﺍﺧﺬ ﻓﺮﺻﺔ ﺍﻓﻬﻢ ﺭﺍﺋﺪ
.. ﺍﻭﻛﻒ ﻟﺤﻈﺔ ﺭﺍﺋﺪ ﺧﻠﻲ ﺍﻓﻬﻤﻚ
ﻏﻤﺾ ﻋﻴﻮﻧﻪ ﺑﻘﻠﺔ ﺻﺒﺮ
.. ﻫﺪﻯ ﺍﺣﺠﻲ ﺍﻱ ﻟﻮ ﻻ ﺑﻼ ﻟﻒ ﻭﺩﻭﺭﺍﻥ
ﻣﺪﻳﺖ ﺍﻳﺪﻳﺔ ﺑﺘﻮﺳﻞ
.. ﺭﺍﺋﺪ ﻋﻔﻴﺔ ﺑﺲ ﺍﺳﻤﻌﻨﻲ ﺧﻠﻲ ﺍﻓﻬﻤﻚ ....
ﻋﺎﻁ ﺑﻴﺔ ﺑﺼﻮﺕ ﻋﺎﻟﻲ ﺭﺝ ﺍﺭﻛﺎﻥ ﺑﻴﺘﻬﻢ ﺭﺝ
.. ﻫﺪﻯ ﺍﻟﺠﻮﻭﻭﻭﻭﻭﻭﻭﺍﺏ
ﻛﻤﺰﺕ ﻣﻦ ﻣﻜﺎﻧﻲ ﻣﻦ ﺍﻟﺨﻮﻑ
ﻣﺜﻞ ﺍﻟﻄﻔﻞ ﺍﻟﻤﺬﻧﺐ ﺩﻧﻜﺖ ﻭﻫﺰﻳﺖ ﺭﺍﺳﻲ ﺑﺎﻟﻤﻮﺍﻓﻘﺔ
ﻣﺎ ﺣﺴﻴﺖ ﺍﻻ ﻋﻠﻰ ﺣﺮﺍﺭﺓ ﻭﺟﻊ ﺍﻟﻀﺮﺑﺔ ﺍﻟﻲ ﻧﺰﻟﺖ ﻋﻠﻰ ﺧﺪﻱ
ﻭﺍﻟﺮﺍﺷﺪﻱ ﺍﻧﻄﺒﻊ ﻋﻠﻴﻪ ﻣﺜﻞ ﺍﻟﺨﺘﻢ ﺍﻻﺣﻤﺮ
ﻭﺍﻧﻲ ﺑﻴﻦ ﺍﻟﺨﺎﻳﻔﻪ ﺑﻴﻦ ﺍﻟﻤﺘﻔﺎﺟﺌﺔ
ﺣﺴﻴﺖ ﻧﻔﺴﻲ ﺗﺎﻳﻬﺔ ﻣﻤﺴﺘﻮﻋﺒﺔ
ﺣﻄﻴﺖ ﺍﻳﺪﻱ ﻋﻠﻰ ﺧﺪﻱ ﻭﻋﻴﻮﻧﻲ ﺍﻟﻲ ﺩﻣﻮﻋﻬﺎ ﻛﺎﻧﺖ ﻣﺤﺒﻮﺳﻪ
ﻧﺰﻟﺖ ﻣﺜﻞ ﻣﻄﺮ ﺷﺘﺎ ﻣﻦ ﻏﻴﻤﺔ ﺳﻮﺩﺓ
ﺭﺟﻊ ﺭﺍﺋﺪ ﺻﺎﺡ ﺑﻲ ﺭﺟﻌﻨﻲ ﻣﻦ ﺷﺮﻭﺩﻱ
_ ﺷﻠﻮﻥ ﻭﻟﻴﺶ ﻭﺷﻮﻛﺖ
ﺍﺑﺎﻭﻉ ﻋﻠﻴﻪ ﻋﺒﺎﻟﻚ ﻣﺎﺍﻋﺮﻓﻪ
ﻣﺎ ﺍﺩﺭﻱ ﻋﻠﻰ ﻏﻔﻠﺔ ﺍﻧﻜﻠﺐ ﻭﺟﻪ ﺭﺍﺋﺪ ﻣﺜﻞ ﺍﻟﻮﺣﺶ
ﺻﺎﺡ ﺑﺼﻮﺕ ﻣﻘﻬﻮﺭ
_ ﻟﺞ ﻫﺪﻯ ﻟﻴﺶ ﻭﺷﻮﻛﺖ
ﺭﺣﺘﻲ ﺍﺷﺘﻐﻠﺘﻲ ﻣﻦ ﺍﻟﻠﻪ ﻳﺎﺧﺬﺝ ﻳﺎﺍﺍﺍﻋﺎﺭ
ﺷﻨﻮ ﺍﻟﺴﺒﺐ ﺍﻟﻘﻮﻱ ﺍﻟﻲ ﺩﻓﻌﺞ ﺗﺮﺣﻴﻦ ﺗﺸﺘﻐﻠﻴﻦ ﺑﻤﻠﻬﻰ
ﺟﻨﺖ ﻻﺯﻣﺔ ﺧﺪﻱ ﻻﻭﻝ ﻣﺮﺓ ﺑﺤﻴﺎﺗﻲ ﺍﺣﺲ ﺑﺎﻟﺨﻮﻑ ﻣﻦ ﻭﺟﻮﺩ ﺭﺍﺋﺪ ﺑﻘﺮﺑﻲ ﺑﻌﺪ ﻣﺎ ﻛﺎﻥ ﻣﺼﺪﺭ ﺍﻣﺎﻧﻲ ﻭﻣﻼﺫﻱ ﺍﻟﻲ ﺍﻟﺘﺠﺊ ﻟﺤﻀﻨﻪ ﻣﻦ ﻳﺤﺎﺻﺮﻧﻲ ﺧﻮﻓﻲ
ﺟﺎﻧﺖ ﻋﻴﻮﻧﻲ ﺷﺎﺧﺼﺔ ﻋﻠﻴﻪ ﻣﻦ ﺍﻟﺨﻮﻑ
ﻭﺍﻟﺴﺎﻧﻲ ﺍﻧﻌﻘﺪ ﺻﺮﺕ ﺍﺷﺤﺬ ﻛﻞ ﺫﺭﺓ ﻗﻮﺓ ﻋﻨﺪﻱ ﺍﺭﻳﺪ ﺑﺲ ﺍﻧﻄﻖ ﻣﺎﻛﻮ
ﺻﻮﺗﻲ ﻣﻴﻄﻠﻊ ﻣﺤﺒﻮﺱ
.....
ﻛﻤﻞ ﻛﻼﻣﺔ . ﺑﻐﻀﺐ
.. ﻣﺘﺤﺠﻴﻦ ﻟﻴﺶ ﺳﺎﺍﺍﺍﺍﻛﺘﺔ
ﻟﺰﻣﻨﻲ ﻣﻦ ﺯﻧﺪﻱ ﺳﺤﺒﻨﻲ ﻗﻮﻱ ﻭﺩﻓﻌﻨﻲ ﻛﺪﺍﻣﻪ ﺑﺤﻴﺚ ﺭﺩﺕ ﺍﻭﻛﻊ ﻋﻠﻰ ﻭﺟﻬﻲ
.. ﺍﺣﺠﻲ ﻛﻮﻟﻲ ﺷﻠﻮﻥ ﻳﺼﻴﺮ ﻫﺬﺍ ﻛﻠﻪ ﻭﺍﻧﺎ ﻣﺎ ﺍﺩﺭﻱ
ﻟﺞ ﺍﺟﻴﺖ ﺍﺗﺨﺒﻞ ﻣﻦ ﻛﻠﻮﻟﻲ ﻫﺪﻯ ﺟﺎﻧﺖ ﺗﺸﺘﻐﻞ ﺑﺎﻟﻤﻠﻬﻰ
ﺑﺲ ﺍﺭﻳﺪ ﺍﻋﺮﻑ
ﺷﻮﻛﺖ ﺭﺣﺘﻲ ﺗﺸﺘﻐﻠﻴﻦ ﺑﺎﻟﻤﻨﺰﻭﻝ ﻣﻦ ﻭﺭﺍﻱ ﻭﺍﻧﺎ ﻭﻳﻦ ﺟﻨﺖ ﻋﻨﺞ
ﻟﺰﻡ ﺍﻟﻨﻘﺎﻝ ﻭﺭﻛﻌﻪ ﺑﺎﻟﻜﺎﻉ ﺑﺼﻔﻲ ﻭﺍﺗﻜﺴﺮ ﻭﺻﺎﺭ ﺷﻀﺎﻳﺎ
ﻋﻄﺖ ﺑﺼﻮﺕ ﻋﺎﻟﻲ ﺧﺎﻳﻔﺔ ﻛﻠﻲ ﺍﺭﺟﻒ ﻋﻴﻦ ﻋﻠﻰ ﺷﺒﻘﺎﻳﺎ ﺍﻟﺘﻠﻔﻮﻥ ﻭﻋﻴﻦ ﻋﻠﻰ ﺭﺍﺋﺪ ﺧﺎﻳﻔﺔ ﻳﺴﻮﻱ ﺑﻴﺔ ﺷﻲ ﺟﻨﺖ ﺍﻣﺮ ﺑﻠﺤﻈﺔ ﺧﻮﻑ ﻋﻠﻰ ﺭﻋﺐ
ﺣﺠﺔ ﺑﻐﻀﺐ
.. ﻟﺞ ﺍﻧﻲ ﺗﺎﻟﻲ ﻭﻛﺖ ﺗﺠﻴﻨﻲ ﻟﻴﺎﻥ ﺍﻟﺴﺎﻗﻄﻪ
ﺍﻟﻲ ﺟﻨﺖ ﺍﺗﺨﺒﻞ ﻣﻨﻬﺎ ﻭﻋﻘﻠﻲ ﻳﻜﻤﺰ ﻣﻨﻬﺎ
ﺗﻜﻠﻲ ﺑﺎﺳﺘﻬﺰﺍﺀ
.. ﻣﺒﺮﻭﻙ ﻋﻠﻰ ﺧﻄﻮﺑﺘﻚ ﻣﻦ ﻫﺪﻯ
ﻭﺍﻟﻠﻪ ﺯﻳﻦ ﻣﺎ ﺍﺧﺘﺎﺭﻳﺖ
ﻭﺍﻧﻲ ﺍﻻﻏﺒﺮ ﻭﺍﺛﻖ ﻣﻦ ﻧﻔﺴﻲ ﺍﺟﺎﻭﺑﻬﺎ ﺑﺘﺮﻓﻊ
.. ﺧﻴﺮ ﻟﻴﺎﻥ ﺷﺘﺮﺩﻳﻦ ﻓﻮﺗﻲ ﺑﺎﻟﻤﻔﻴﺪ ﺍﻟﻤﻦ ﺟﺎﻳﺔ
ﻭﻫﻲ ﻫﻢ ﻣﻘﺼﺮﺕ ﺍﺟﺘﻲ ﻳﻤﻲ ﻭﻛﺎﻟﺘﻠﻲ ﺑﻨﻔﺲ ﺍﺳﻠﻮﺑﻲ ﻣﺘﺮﻓﻌﺔ ﻋﻠﻴﺔ
.. ﻻﻫﻴﺞ ﺍﺟﻴﺖ ﺍﻫﻨﻴﻚ ﻋﻠﻰ ﺍﺧﺘﻴﺎﺭﻙ ﻭﻛﻠﺖ
ﺍﺣﺬﺭﻙ ﺑﻨﻔﺲ ﺍﻟﻮﻛﺖ ﺣﺘﻰ ﺗﺪﻳﺮ ﺑﺎﻟﻚ ﻣﻦ ﻫﺪﻯ
ﻭﻣﺎﺿﻴﻬﺎ ﺍﻻﺳﻮﺩ
ﻭﺍﻧﻲ ﺻﺤﺖ ﺑﻴﻬﺎ ﺑﺤﻴﻞ ﺻﺪﺭ ﻣﺘﺄﻛﺪ ﻣﻦ ﺣﻀﺮﺗﺞ
.. ﺩﻳﺮﻱ ﺑﺎﻟﺞ ﺗﺠﻴﺒﻴﻦ ﺳﻴﺮﺓ ﻫﺪﻯ ﻋﻠﻰ ﺍﻟﺴﺎﻧﺞ ﻭﺍﻟﻠﻪ ﺍﻛﺼﻪ
ﻭﻫﻲ ﺟﺎﻭﺑﺘﻨﻲ ﻣﺘﺮﻫﻴﺔ
.. ﻭﻟﻴﺶ . ﺗﺤﺠﻲ ﻋﻠﻴﺔ ﻋﻠﻤﻮﺩ ﻭﺣﺪﺓ ﺗﺎﻓﻬﺔ ﺟﺎﻧﺖ ﺗﺸﺘﻐﻞ ﻋﺎﻣﻠﺔ ﺑﺎﻟﻤﻼﻫﻲ ﺑﻴﻦ ﺷﺮﺍﺑﻴﻦ ﺍﻟﻌﺮﻙ ﻭﺍﻟﺤﺸﻴﺸﺔ ﻭﺍﻟﺪﻋﺎﺭﺓ
ﻭﺍﻧﻲ ﺍﻟﻐﺒﻲ ﺟﻴﺖ ﺍﺿﺮﺑﻬﺎ ﻭﺍﻏﻠﻂ ﻋﻠﻴﻬﺎ
.. ﺍﻧﺘﻲ ﻭﺣﺪﺓ ﺳﺎﻗﻄﺔ ﻭﻋﺎﺭ
ﻭ ﻛﻠﺒﺖ ﺍﻟﻤﻴﺰ ﻛﻠﻪ ﻋﻠﻴﻬﺎ ﻭﺍﺟﻴﺖ ﺍﻣﺴﺢ ﺑﻴﻬﺎ ﺍﻟﻜﺎﻉ
ﺑﺲ ﺟﺎﻧﺖ ﻭﺍﺛﻘﺔ ﻣﻦ ﻛﻼﻣﻬﺎ ﻭﻣﺎ ﺍﻫﺘﻤﺖ ﻟﺘﻬﺪﻳﺪﻱ
ﺷﻜﻠﻬﺎ ﻣﺘﺄﻛﺪﺓ ﻣﻦ ﺣﺠﻴﻬﺎ
ﺟﺎﻭﺑﺘﻨﻲ .. ﺣﺘﻰ ﺗﺘﺄﻛﺪ ﺭﻭﺡ ﺍﺳﺄﻟﻬﺎ
ﺷﻮﻛﺖ ﺍﺧﺮ ﻣﺮﺓ ﺍﺷﺘﻐﻠﺖ ﺑﺎﻟﻤﻠﻬﻰ ﻭﺷﻨﻮ ﺟﺎﻧﺖ ﺍﺧﺮ ﻣﺼﻴﺒﺔ ﺻﺎﺭﺕ ﺑﻴﻬﺎ ﺑﺎﻟﻤﻠﻬﻰ
ﻭﻫﻲ ﺭﺍﺡ ﺗﺤﺠﻴﻠﻚ
ﻭﻟﺞ ﻫﺪﻯ ﺣﻘﻴﺮﺓ .. ﺗﺪﺭﻳﻦ ﻟﻴﺎﻥ ﺟﺎﻧﺖ ﺗﺤﺠﻲً ﻭﺗﻀﺤﻚ ﺗﺘﺸﻔﻰ ﺑﻴﺔ ﻣﻦ ﻭﺭﺍﺝ
ﻭﻋﺮﻓﺖ ﺷﻠﻮﻥ ﺗﻨﺘﻘﻢ ﻣﻨﻲ
ﻻﻥ ﺍﻧﻲ ﻣﻤﻌﺒﺮﻫﺎ ﻭﺟﻨﺖ ﺍﻧﻈﺮﻟﻬﺎ ﺑﻌﻴﻦ ﺍﻻﺣﺘﻘﺎﺭ
ﻭﻟﺞ ﺍﻧﺘﻲ ﻭﺣﺪﺓ ﻋﺎﺍﺍﺍﺍﺭ
ﺿﺮﺏ ﺍﻟﻜﺎﻭﻧﺘﺮ ﻣﺎﻟﻬﻢ ﻭﻭﻛﻌﺖ ﺍﻟﺼﺤﻮﻥ
ﻭﺍﻧﻲ ﻛﻠﻤﺎ ﻳﻀﺮﺏ ﺑﺼﻮﺕ ﻋﺎﻟﻲ ﺍﺻﺮﺥ
ﻛﻌﺪﺕ ﺑﺎﻟﻜﺎﻉ ﻛﺮﻓﺼﺖ ﻋﻠﻰ ﺭﻭﺣﻲ ﻭﺣﻄﻴﺖ ﺍﻳﺪﻳﺔ ﻋﻠﻰ ﺍﺫﺍﻧﺎﺗﻲ ﻛﻠﺖ ﻫﺎﻱ ﻫﻲ ﺭﺍﺡ
ﻳﻀﺮﺑﻨﻲ ﻳﺸﻮﻫﻨﻲ ﻭﻳﻤﺜﻞ ﺑﻴﺔ
ﻣﺎ ﺍﻋﺮﻑ ﺷﻨﻮ ﺣﺠﻴﺖ ﻭﻻ ﺍﺗﺬﻛﺮ ﺑﺲ
.. ﻳﻤﺔ ﻟﺤﻜﻴﻨﻲ
ﺍﺑﻮﺱ ﺍﻳﺪﻙ ﻏﺎﺋﺪ ﻛﺎﻓﻲ
ﺍﻧﻲ ﻣﺴﻮﻳﺖ ﺷﻲ ﺑﺲ ﺍﺷﺘﻐﻠﺖ ﻛﻢ ﻳﻮﻡ ﺑﻜﻮﻓﻲ ﺍﺑﻮ ﻟﻴﺎﻥ ﺟﻨﺖ ﺍﻏﺴﻞ
ﻣﻮﺍﻋﻴﻦ ﺟﺎﻧﺖ ﺗﺼﻴﻎ ( ﺗﺼﻴﺮ ) ﺍﻟﺴﺎﻋﺔ ﺏ٨ﺑﺎﻟﻠﻴﻞ ﻃﻠﻊ
ﺍﻻ ﻣﻐﺔ ( ﻣﺮﺓ ) ﻭﺣﺪﺓ ﺻﺎﻍ ( ﺻﺎﺭ ) ﺑﻴﺔ ﻣﻮﻗﻒ ﻭﻣﻦ ﻳﻮﻣﻬﺎ ﺣﻐﻤﺖ ( ﺣﺮﻣﺖ ) ﺍﻃﻠﻊ ﺑﺒﺎﺏ ﺍﻟﺒﻴﺖ ﺍﻭ ﺍﺗﺼﻐﻒ ( ﺍﺗﺼﺮﻑ ) ﻫﻴﺞ ﺗﺼﻐﻒ( ﺗﺼﺮﻑ ) ﻃﺎﻳﺶ
ﻋﻔﻴﺔ ﻏﺎﺋﺪ ﻻ ﺗﺤﺎﺳﺒﻨﻲ ﻋﻠﻰ ﺷﻲ ﺟﺎﻥ ﺧﺎﻏﺞ ﺍﻏﺎﺩﺗﻲ ( ﺧﺎﺭﺝ ﺍﺭﺍﺩﺗﻲ )
.. ﻫﺬﺍ ﺍﻟﺸﻲ ﺷﻮﻛﺖ ﺻﺎﺭ ﻭﺍﻧﺎ ﻭﻳﻦ ﺟﻨﺖ
.. ﻫﺬﺍ ﺻﺎﻍ ﺑﻔﺘﻐﺔ ﻣﻐﺎﺟﻌﺔ ( ﺻﺎﺭ ﺑﻔﺘﺮﺓ ﻣﺮﺍﺟﻌﺔ ) ﺍﻻﻣﺘﺤﺎﻧﺎﺕ ﺟﻨﺖ
ﺍﺣﺠﻲ ﻭﺍﻣﺴﺢ ﺑﺪﻣﻮﻋﻲ ﺍﻟﻲ ﺣﺮﻛﺖ ﺧﺪﻱ ﻓﻮﻙ ﺣﺮﻛﺔ ﺍﻟﺮﺍﺷﺪﻱ
.. ﺯﻳﻦ ﺍﻛﺪﺭ ﺍﻋﺮﻑ ﺷﻨﻮﺍﻟﺴﺒﺐ ﺍﻟﻌﻈﻴﻢ ﺍﻟﺠﺒﻴﺮ ﺍﻟﻲ ﺧﻼﺝ ﺗﻘﺪﻣﻴﻦ ﻋﻠﻰ ﻫﻴﺞ ﻛﺎﺭﺛﺔ ﻭﺗﻌﺮﺿﻴﻦ ﻧﻔﺴﺞ ﻟﻠﺨﻄﺮ
......
ﻏﺪﺕ ( ﺭﺩﺕ ) ﺍﺷﺘﻐﻞ ﻭﺍﻋﻴﻞ ﻧﻔﺴﻲ ﻭﺍﻫﻠﻲ
ﺣﺘﻰ ﺷﻴﻤﺎﺀ ﺍﺧﺘﻲ ﺗﻮﺍﻓﻖ ﺗﺘﺰﻭﺝ ﺑﺪﻭﻥ ﻣﺘﺸﻴﻞ ﻫﻤﻨﺎ
.. ﺯﻳﻦ ﻟﻴﺶ ﻣﺎ ﺍﺟﻴﺘﻲ ﺍﻟﻲ ﻭﺳﺄﻟﺘﻴﻨﻲ ﺍﺳﺎﻋﺪﺝ
ﻟﺘﻜﻠﻴﻠﻲ ﻋﺰﺕ ﻧﻔﺴﺞ ﻭﻛﺮﺍﻣﺘﺞ ﻣﺎ ﺗﺴﻤﺤﻠﺞ ﺗﻄﻠﺒﻴﻦ
ﻣﻨﻲ ﺍﻟﻤﺴﺎﻋﺪﺓ
ﻭﻓﻀﻠﺘﻲ ﺗﺸﺘﻐﻠﻴﻦ ﺑﺎﻟﻤﻠﻬﻰ ﺑﻴﻦ ﺍﻟﺴﻜﺎﺭﺓ ﻭﺍﻟﻤﺪﻣﻨﻴﻦ
ﻋﻠﻰ ﺭﺍﺋﺪ
ﺩﻧﻜﺖ ﻣﺎ ﺍﻋﺮﻑ ﺷﺠﺎﻭﺑﻪ ﻧﺰﻟﺖ ﺩﻣﻮﻋﻲ ﺑﻘﻬﺮ ﻋﻠﻰ ﺍﻟﺤﻆ ﺍﻟﻌﺎﺛﺮ
ﺭﺟﻊ ﺑﻜﻞ ﻋﺼﺒﻴﺔ ﻳﺼﻴﺢ ﻣﻘﻬﻮﺭ
ﺩﻧﻚ ﻋﻠﻴﺔ ﻭﻟﺰﻣﻨﻲ ﻣﻦ ﺯﻧﺪﻱ ﻭﺳﺤﺒﻨﻲ ﺣﻴﻞ ﺑﻴﻦ ﺍﻳﺪﻳﻪ
ﺍﺣﺲ ﺍﻧﺨﻠﻌﺖ ﺍﻳﺪﻱ ﻣﻦ ﺍﻟﻘﻮﺓ
.. ﺭﻓﻌﻲ ﺭﺍﺳﺞ ﻭﺣﻄﻲ ﻋﻴﻨﺞ ﺑﻌﻴﻨﻲ ﻭﻛﻠﻴﻠﻲ ﺍﻟﺘﺴﻮﻱ ﻫﻴﺞ ﺳﻮﺍﻳﺔ ﺷﻨﻮ ﻳﺴﻤﻮﻧﻬﺎ
ﺍﻟﻲ ﺗﻄﻠﻊ ﺑﺪﻭﻥ ﻋﻠﻢ ﺍﻫﻠﻬﺎ ﻟﻬﻴﺞ ﻣﻜﺎﻥ ﺷﻨﻮ ﺍﺳﻤﻬﺎ
ﻓﻬﻤﻴﻨﻲ ﺍﻧﺘﻲ ﺷﻨﻮ ﻓﺮﻗﺞ ﻋﻦ ﺍﻟﺴﺎﻗﻄﺔ ﺍﻟﺼﺎﻳﻌﺔ ﺍﻟﻤﺎ ﻋﻨﺪﻫﺎ ﺭﺩﺍﺍﺍﺍﺍﺍﺍﺩ
ﺭﺟﻊ ﺍﻧﻄﺎﻧﻲ ﺭﺍﺷﺪﻱ ﺛﺎﻧﻲ ﻋﻠﻰ ﺧﺪﻱ ﺍﻧﺨﻠﻌﺖ ﺭﻛﺒﺘﻲ
ﺻﺮﺕ ﺍﺻﺮﺥ ﻣﻦ ﺍﻟﺨﻮﻑ
.. ﺭﺍﺍﺍﺍﺍﺍﺍﺋﺪ ﺩﺧﻴﻞ ﺍﻟﻠﻪ ﻭﺩﺧﻴﻠﻚ ﻛﺎﻓﻲ ﻟﺘﺄﺫﻳﻨﻲ
ﺟﻨﺖ ﻣﻐﻤﻀﺔ ﻋﻴﻮﻧﻲ ﻭﺿﺎﻣﺔ ﻭﺟﻬﻲ ﺑﻌﻴﺪ ﻋﻨﻪ
.. ﺍﻟﺨﻮﻭﻭﻑ .. ﺍﻟﻬﻠﻊ .. ﺍﻟﺮﻋﺐ
ﻛﻠﻬﻢ ﺍﺗﺠﻤﻌﻮﺍ ﺑﻜﻠﺒﻲ ﻭﺻﺮﺕ ﺍﺗﺬﻛﺮ ﺍﺳﻮﺀ ﻛﻮﺍﺑﻴﺴﻲ
ﺿﺮﺏ ﺍﺑﻮﻳﺔ ﻷﻣﻲ ﻭﻻﺧﻮﺍﺗﻲ ﺷﻴﻤﺎﺀ ﻭﻣﺮﻭﺓ
ﻣﺎ ﺍﻋﺮﻑ ﻣﻨﻮ ﺑﻴﻬﻢ ﺍﺷﺪ ﺧﻮﻑ ﻋﻠﻰ ﻛﻠﺒﻲ
ﺑﺲ ﻭﺣﺪﺓ ﺍﻣﺮ ﻣﻦ ﺍﻟﺜﺎﻧﻴﺔ
ﺳﻤﻌﺘﻪ ﺟﺮ ﺣﺼﺮﺓ
ﻭﺣﺠﺔ ﺑﺼﻮﺕ ﺗﻌﺒﺎﻥ
.. ﻟﺘﺨﺎﻓﻴﻦ ﻣﺎ ﺭﺍﺡ ﺍﻭﺳﺦ ﺍﻳﺪﻱ ﺑﻮﺣﺪﺓ ﺳﺎﻗﻄﺔ
ﻫﺎﻧﺖ ﻋﻠﻴﻬﺎ ﺭﻭﺣﻬﺎ ﻭﺭﺧﺼﺖ ﻧﻔﺴﻬﺎ
ﺳﻜﺖ ﻓﺘﺮﺓ ﻭﻏﻤﺾ ﻋﻴﻮﻧﻪ ﻭﻓﺮﻙ ﻭﺟﻬﻪ ﺑﺄﺛﻨﻴﻦ ﺍﻳﺪﻳﻪ
ﻭﺣﺠﺔ ﺑﻜﻞ ﺑﺮﻭﺩ
.. ﺷﻮﻓﻲ ﻫﺪﻯ ﺍﻧﺎ ﺑﻌﺪ ﺍﻟﻲ ﻋﺮﻓﺘﻪ ﻋﻨﺞ
ﻭﺍﻟﻲ ﺳﻮﻳﺘﻴﻪ ﻣﺴﺘﺤﻴﻞ ﺍﻗﺒﻞ ﺍﺭﺗﺒﻂ ﺑﻴﺞ
ﻻﻥ ﻣﺎ ﺍﻛﺪﺭ ﺍﺍﻣﻦ ﺑﻴﺘﻲ ﻭﻋﺎﺋﻠﺘﻲ ﺑﻴﺪ ﻭﺣﺪﺓ ﻏﻴﺮ ﻣﺴﺆﻟﺔ ﻋﻠﻰ ﺗﺼﺮﻓﺎﺗﻬﺎ ﻭﺭﻋﻨﺔ ﻣﺜﻠﺞ
ﻣﺎ ﺍﺿﻤﻦ ﺷﻨﻮ ﺗﺴﻮﻱ ﻣﻦ ﻭﺭﺍﻱ .. ﻛﻠﺸﻲ ﺗﺴﻮﻱ
ﺍﻟﺒﺎﺭﺣﺔ ﺭﺣﺘﻲ ﺍﺷﺘﻐﻠﺘﻲ ﺑﺎﻟﻤﻠﻬﻰ
ﺑﺎﺟﺮ ﺍﻟﻠﻪ ﺍﻟﻌﺎﻟﻢ ﺷﻨﻮ ﺗﺴﻮﻳﻦ
ﺍﺟﺘﻲ ﻛﻠﻤﺎﺕ ﺭﺍﺋﺪ ﻣﺜﻞ ﺍﻟﻀﺮﺑﺔ ﺍﻟﻘﺎﺿﻴﺔ ﻋﻠﻰ ﻛﻠﺒﻲ
ﺻﺮﺧﺖ ﺑﺘﻮﺳﻞ
.. ﻻ .. ﻻ .. ﻻ ﻋﻔﻴﺔ ﻏﺎﺋﺪ ﺍﺑﻮﺱ ﺍﻳﺪﻙ ﻟﺘﻜﻮﻟﻬﺎ
ﺍﻧﻲ ﻣﺴﻮﻳﺖ ﺷﻲ ﻋﻔﻴﺔ ﻏﺎﺋﺪ ﻻﺗﻜﺴﻐﻨﻲ ( ﻻﺗﻜﺴﺮﻧﻲ ) ﺑﻴﻚ
ﺍﻧﺖ ﺍﻟﺸﻲ ﺍﻟﻮﺣﻴﺪ ﺍﻟﺤﻠﻮ ﺑﺤﻴﺎﺗﻲ ﻟﺘﻌﻮﻓﻨﻲ
ﺍﻟﻠﻪ ﻳﺨﻠﻴﻚ ﻟﺘﻈﻠﻤﻨﻲ
ﺍﻧﻲ ﻏﻄﻠﺖ ﺍﻱ ﺑﺲ
ﺑﺲ ﺻﺎﻏﻠﻲ ﺩﻏﺲ ( ﺻﺎﺭﻟﻲ ﺩﺭﺱ ) ﻭﺗﺒﺖ ﻭﺭﺍﻫﺎ ﻣﺎﺍﻃﻠﻊ ﻣﻦ ﺑﺒﺎﺏ ﺍﻟﺒﻴﺖ
ﺟﻨﺖ ﺍﺣﺠﻲ ﻭﻫﻮ ﻋﺎﺍﺍﻁ ﺑﻴﺔ
.. ﻛﺎﺍﺍﺍﺍﺍﺍﺍﻓﻲ ﻣﻦ ﺍﻟﻠﻪ ﻳﺎﺧﺬﺝ ﻳﺎﻋﺎﺭ ﻫﻢ ﺍﻟﺞ ﻋﻴﻦ ﻭﺗﺤﺠﻴﻦ
ﻭﻛﺎﻡ ﻳﻀﺮﺏ ﻋﻠﻰ ﺻﺪﺭﻩ
ﻟﺞ ﺍﻧﺘﻲ ﻛﺴﺮﺗﻴﻨﻲ ﻛﺴﺮﺗﻲ ﻛﻠﺒﻲ ﺍﻟﻲ ﺣﺒﺞ ﺳﻨﻴﻦ
ﻭﻳﻌﺪ ﺍﻳﺎﻡ ﻳﻨﺘﻈﺮﺝ ﺗﻜﺒﺮﻳﻦ
ﻭﻟﺞ ﺍﻧﺎ ﻟﻮ ﻣﻨﺞ ﺍﺩﻓﻦ ﺭﻭﺣﻲ ﻋﻠﻰ ﺍﻟﺼﺎﺭ
ﺑﺲ ﺗﺪﺭﻳﻦ ﺷﻨﻮ ﻋﻴﺒﺞ ﺍﻧﺘﻲ ﻟﺤﺪ ﻫﺴﺔ ﻣﻤﺴﺘﻮﻋﺒﺔ
ﻋﻈﻢ ﻭﻛﺒﺮ ﺣﺠﻢ ﻏﻠﻄﺘﺞ
ﻭﻟﺤﺪ ﺍﻻﻥ ﺗﺸﻮﻓﻴﻦ ﻧﻔﺴﺞ ﻋﻠﻰ ﺣﻖ ﻭﺍﻧﺘﻲ ﻣﻈﻠﻮﻣﺔ
ﻭﻫﺎﻱ ﻣﺴﺄﻟﺔ ﺗﺎﻓﻬﺔ ﻻﺯﻡ ﻧﺴﺎﻣﺤﺞ ﻋﻠﻴﻬﺎ
ﻻﻥ ﻣﺎﺑﻴﻬﺎ ﺷﻲ ﺷﻨﻮ ﻳﻌﻨﻲ
ﻫﻲ ﻛﻢ ﻳﻮﻡ ﺍﺷﺘﻐﻠﺘﻲ ﺑﺎﻟﻤﻠﻬﻰ ﺷﻜﻮ ﻣﻜﺒﺮﻳﻬﺎ
ﻭﻣﻨﻄﻴﻬﺎ ﺍﻛﺒﺮ ﺣﺠﻤﻬﺎ .. ﻣﻮﺑﺎﻟﻠﻪ
ﻭﺭﺍﻫﺎ ﺑﻌﺪ ﻛﺎﻡ ﻣﻴﻜﺪﺭ ﻳﺤﺠﻲ ﺑﺎﻭﻉ ﻋﻠﻴﺔ ﻭﻛﺎﻝ
ﻳﺎﻟﻠﻪ ﻛﻮﻣﻲ ﺍﺧﺬﻱ ﺟﻨﻄﺘﺞ ﻭﻃﻠﻌﻲ ﺑﺮﺓ
ﻻﻥ ﻣﻴﺸﺮﻓﻨﻲ ﻭﺣﺪﺓ ﻣﺜﻠﺞ ﺗﺪﻧﺲ ﺑﻴﺘﻨﺎ
......
ﻏﺎﺋﺪ ﻋﻔﻴﺔ ﺑﺲ ﺍﺳﻤﻌﻨﻲ ﻟﺨﺎ ........
ﻭﺟﻬﻪ ﺍﺣﻤﺮ ﻭﺻﻮﺗﻪ ﻣﺒﺤﻮﺡ ﻭﺑﻜﻼﻣﻲ ﺯﺍﺩ ﺧﺒﺎﻟﻪ
ﺍﺗﻘﺪﻡ ﻋﻠﻴﺔ ﻭﻟﺰﻣﻨﻲ ﻣﻦ ﺷﻌﺮﻱ ﺍﻟﺤﻤﺪﻟﻠﻪ ﺍﻟﺤﺠﺎﺏ ﻣﻮﺟﻮﺩ ﺟﺎﻥ ﺷﻌﺮﻱ ﺭﺍﺡ
ﺟﺮﻧﻲ
ﺑﻘﻮﺓ ﻭﺭﺍﻩ ﻣﺜﻞ ﺍﻟﺤﺮﺍﻣﻴﺔ
ﺣﺴﻴﺖ ﺑﺸﻌﺮﻱ ﻳﻨﺞ ﻭﻳﺎﻩ ﻭﺣﺠﺎﺑﻲ ﻛﺎﻡ ﻳﺨﻨﻜﻨﻲ ﻻﻥ ﺩﻳﻨﺠﺮ ﺑﻴﺪﻩ
.. ﻏﺎﺋﺪ ﻟﺤﻈﺔ ﻭﻳﻦ ﻣﺎﺧﺬﻧﻲ
ﺷﻔﺘﻪ ﺍﺗﺠﻪ ﺑﻴﺔ ﻟﺒﺎﺏ ﺍﻟﺸﺎﺭﻉ ﻭﻓﺘﺢ ﺍﻟﺒﺎﺏ
ﻭﺻﺎﺡ ﺑﻴﺔ ﺑﺼﻮﺕ ﻣﺒﺤﻮﺡ ﻣﻦ ﺍﻟﻘﻬﺮ .. ﺩﻃﻠﻌﻲ ﺑﺮﺓﺓﺓﺓﺓﺓﺓ
ﻭﺩﻓﻌﻨﻲ ﺑﺮﺓ ﺑﺎﻟﺸﺎﺭﻉ ﻭﺍﺗﻌﺜﺮﺕ ﺭﺟﻠﻴﺔ ﻭﻣﻦ ﺍﻟﺨﻮﻑ ﻣﺸﺎﻟﺘﻨﻲ ﻛﻌﺪﺕ ﺑﺎﻟﻜﺎﻉ
ﻭﺷﻤﺮ ﺟﻨﻄﺘﻲ ﺑﻮﺟﻬﻲ
.. ﺍﻳﺎﻧﻲ ﻭﻳﺎﺝ ﺗﺤﺎﻭﻟﻴﻦ ﺗﺪﻛﻴﻦ ﺍﻟﺒﺎﺏ
ﻗﺴﻤﺎ ﺑﺎﻟﻠﻪ ﺍﺫﺍ ﺩﻛﻴﺘﻴﻬﺎ ﺍﻃﻠﻊ ﻣﺎ ﺍﺭﺣﻤﺞ
ﺩﺧﻞ ﺟﻮﺓ ﻭﺳﺪ ﺍﻟﺒﺎﺏ ﺑﻮﺟﻬﻲ
ﻋﺎﻣﻠﻨﻲ ﻣﺜﻞ ﺍﻟﻜﻠﺒﺔ
ﺍﻧﺎ ﻏﻠﻄﺖ ﻭﺍﻋﺮﻑ ﻋﻈﻢ ﻏﻠﻄﺘﻲ
ﺑﺲ ﻣﺘﻮﻗﻌﺖ ﺗﻜﻮﻥ ﺭﺩﺓ ﻓﻌﻞ ﺭﺍﺋﺪ ﻫﻴﺞ ﻗﺎﺳﻴﺔ
ﺍﺑﺎﻭﻉ ﻋﻠﻰ ﻛﻢ ﻃﻔﻞ ﺟﺎﻧﻮ ﻳﻠﻌﺒﻮﻥ ﺑﺎﻟﺸﺎﺭﻉ
ﻭﻗﻔﻮﺍ ﻟﻌﺒﻮﻫﻢ ﻭﻛﻌﺪﻭﺍ ﻳﺮﺍﻗﺒﻮﻥ ﺍﻟﺼﺎﺭ
ﻛﻤﺖ ﻣﻦ ﺍﻟﻜﺎﻉ ﻭﺍﻧﻲ ﺍﺭﺟﻒ ﻧﻔﻀﺖ ﻣﻼﺑﺴﻲ
ﻭﺷﻠﺖ ﺟﻨﻄﺘﻲ ﻭﻣﺸﻴﺖ ﻭﺭﺟﻠﻴﺔ ﻭﺣﺪﺓ ﺗﻀﺮﺏ ﺑﺎﻟﺜﺎﻧﻴﺔ
ﻣﻦ ﻳﻢ ﺑﺎﺏ ﺑﻴﺖ ﺭﺍﺋﺪ ﻭﺻﺎﺭ ﺑﺎﺏ ﺑﻴﺘﻨﺎ ﺍﻟﻘﺪﻳﻢ ﺑﻮﺟﻬﻲ
ﻫﺎ ﻳﺎ ﺑﻴﺖ ﺍﺷﻮ ﺗﺒﺎﻭﻉ ﻋﻠﻴﺔ
ﺍﺣﻠﻔﻚ ﺑﺎﻟﻠﻪ ﻣﺎ ﺗﺼﻴﺤﻠﻲ ﻃﻴﻒ ﺍﻣﻲ ﺗﺠﻲ ﺗﺸﻮﻑ ﺣﺎﻟﻲ
ﺩﻧﻜﺖ ﻭﻣﺸﻴﺖ ﻭﺍﻧﻲ ﺍﺑﺠﻲ ﻣﻨﻬﺎﺭﺓ ﻣﻬﺘﻤﻴﺖ
ﻟﻠﻨﺎﺱ ﺍﺫﺍ ﺷﺎﻓﻮﻧﻲ
ﺟﻨﺖ ﺍﺗﻤﻨﻰ ﺍﻭﺻﻞ ﻟﺒﻴﺘﻨﺎ ﺑﺄﺳﺮﻉ ﻭﻗﺖ ﻻﻥ ﺟﺴﻤﻲ
ﺻﺎﺭ ﻛﻠﻪ ﻳﺮﺟﻒ ﺑﻬﺴﺘﺮﻳﺎ
ﻭﺍﻟﺪﻧﻴﺎ ﻇﻠﻤﺖ ﺑﻌﻴﻮﻧﻲ
ﺧﻔﺖ ﻻ ﻳﺼﻴﺮ ﺑﻴﺔ ﺷﻲ ﻭﺍﻧﻲ ﺑﺎﻟﺸﺎﺭﻉ
ﻭﺭﺓ ﻳﻮﻣﻴﻦ
ﺟﻨﺖ ﺍﺻﺎﺭﻉ
ﻋﺒﺎﻟﻚ ﺩﺍﺧﻠﺔ ﺑﺪﻭﺍﻣﺔ ﺗﻔﺘﺮ ﺑﻴﺔ
ﺭﻭﺝ ﺍﻟﺒﺤﺮ ﻳﺮﻣﻴﻨﻲ ﻭﻳﺮﺟﻊ ﻳﺴﺤﺒﻨﻲ
ﻟﺪﺍﺧﻞ ﺍﻋﻤﺎﻗﻪ ﻭﺍﺭﺟﻊ ﺍﺻﺎﺭﻉ ﺍﻻﻣﻮﺍﺝ ﺭﻏﻢ ﺍﻟﺘﻌﺐ
ﺣﺘﻰ ﺍﻋﻴﺶ
ﺣﺴﻴﺖ ﻋﻠﻰ ﺍﻳﺪ ﺩﺍﻓﻴﺔ ﺗﻤﺴﺢ ﻋﻠﻰ ﻛﺼﺘﻲ
ﻓﺘﺤﺖ ﻋﻴﻮﻧﻲ ﺍﺭﻣﺶ ﺷﻔﺖ ﺷﻴﻤﺎﺀ ﺗﺒﺎﻭﻉ ﻋﻠﻴﺔ ﺑﻘﻠﻖ
ﺷﻴﻤﺎﺀ ﺑﺤﺰﻥ .. ﻫﺎ ﺣﺒﻴﺒﺘﻲ ﻣﺎ ﻧﺎﻭﻳﺔ ﺗﻜﻌﺪﻳﻦ ﻣﻦ ﺍﻟﻨﻮﻡ
ﻛﻮﻣﻲ ﺍﺗﺮﻳﻜﻲ ﻭﻳﺎﻱ ﻋﺎﻟﻮﺍﻫﺲ
ﺣﺠﻴﺖ ﺑﺼﻮﺕ ﻣﻄﺒﻚ .. ﺑﻠﻌﻮﻣﻲ ﻣﺠﺮﺡ
.. ﻫﺴﺔ ﺍﻛﻌﺪ ﺷﻮﻣﺔ
ﺍﺗﺤﺎﻣﻠﺖ ﻋﻠﻰ ﻧﻔﺴﻲ ﺣﺘﻰ ﺍﻛﻮﻡ ﻧﻈﺮﺓ ﺍﻟﻘﻠﻖ ﺍﻟﻲ ﺑﻌﻴﻮﻥ ﺷﻴﻤﺎﺀ ﺗﺪﻓﻌﻨﻲ ﺣﺘﻰ ﺍﻧﻬﺾ ﻟﺨﺎﻃﺮﻫﺎ
ﺷﻮﻣﺔ ﺍﺧﺘﻲ ﺗﻌﺒﺖ ﻫﻮﺍﻱ
ﻛﻤﺖ ﻣﻦ ﺍﻟﻔﺮﺍﺵ ﺍﺣﺲ ﺑﺮﻭﺣﻲ ﺧﺎﻭﻳﺔ
ﺍﻧﺘﺒﻬﺖ ﻟﺸﻴﻤﺎﺀ ﻣﺪﺕ ﺍﻳﺪﻫﺎ ﻭﻣﺴﺤﺖ ﻋﻠﻰ ﺧﺪﻱ ﺑﻤﻜﺎﻥ ﺍﻟﻀﺮﺑﺔ
ﺟﺮﺕ ﺣﺴﺮﺓ ﺗﺘﻮﻋﺪ
.. ﺑﺴﻴﻄﺔ ﻳﺎ ﺭﺍﺋﺪ ﺣﺴﺎﺑﻲ ﻭﻳﺎﻙ ﺑﻌﺪﻳﻦ ﺍﻧﺖ ﻭﻟﻴﺎﻥ ﻣﺎ ﺭﺍﺡ ﺍﺧﻠﻲ ﺍﻟﻤﻮﺿﻮﻉ ﻳﻌﺪﻱ ﻋﻠﻴﻬﻢ ﺑﺴﻬﻮﻟﺔ
ﺟﺎﻧﺖ ﺷﻴﻤﺎﺀ ﺗﺤﺠﻲ ﺑﻘﻬﺮ
ﻃﺒﻌﺎ ﺑﻴﻮﻣﻬﺎ
ﺑﻌﺪ ﺍﻟﺼﺎﺭ ﻭﺻﻠﺖ ﻟﻠﺒﻴﺖ ﻟﻜﻴﺖ ﺷﻴﻤﺎﺀ ﺗﺤﻮﻡ ﻣﺜﻞ ﺍﻟﻤﺨﺒﻠﺔ
ﻻﻥ ﻣﻦ ﺍﺗﺼﻠﺖ ﺭﺍﺋﺪ ﺳﺪﺓ ﺑﻮﺟﻬﺎ ﻭﻇﻠﺖ ﻗﻠﻘﺔ ﻋﻠﻴﺔ
ﻭﺍﻭﻝ ﻣﺸﻔﺖ ﺷﻴﻤﺎﺀ ﺭﻛﻀﺖ ﻟﺤﻀﻨﻬﺎ ﻣﻤﺼﺪﻛﻪ ﻭﺻﻠﺖ ﻟﺒﺮ ﺍﻣﺎﻧﻲ
ﻛﻌﺪﺕ ﺍﺷﺘﻜﻴﻠﻬﺎ ﻋﺎﻟﺴﻮﺍﻩ ﺭﺍﺋﺪ ﺑﻴﺔ
ﻭﺍﻧﻲ ﺍﺑﺠﻲ ﻣﻨﻬﺎﺭﺓ
ﻭﺭﺍﻫﺎ ﻣﺤﺴﻴﺖ ﺑﺸﻲ ﺑﺲ ﺍﻧﺎﻡ
ﺍﺣﻠﻢ ﺑﻜﻮﺍﺑﻴﺲ
ﻭﺍﺣﺲ ﺑﺸﻴﻤﺎﺀ ﺗﻨﻄﻴﻨﻲ ﺍﺑﺮﺓ ﻣﻬﺪﺋﺔ ﻭﺍﻧﺎﻡ
ﺍﻧﺘﺒﻬﺖ ﻣﻦ ﺗﻔﻜﻴﺮﻱ ﻋﻠﻰ ﺻﻮﺕ ﺷﻴﻤﺎﺀ
.. ﻳﺎﻟﻠﻪ ﻣﺪﻱ ﺍﻳﺪﺝ ﻭﺍﻛﻠﻲ
ﻟﺘﺨﻠﻴﻦ ﻣﻮﻗﻒ ﺭﺍﺋﺪ ﻭﻳﺎﺝ ﻳﻜﺴﺮﺝ
ﺑﺎﻟﻌﻜﺲ ﺧﻠﻲ ﺍﻟﺼﺎﺭ ﺩﺭﺱ ﺍﻟﺞ
.....
ﻭﺑﺪﻟﺖ ﺍﻟﻤﻮﺿﻮﻉ ﻭﻛﺄﻥ ﺷﻴﺌﺎً ﻟﻢ ﻳﻜﻦ
.. ﺍﻱ ﺍﺗﺬﻛﺮﺕ ﺟﻬﺰﻱ ﺭﻭﺣﺞ ﺣﺘﻰ ﻧﺎﺧﺬﺝ ﺍﻧﻲ ﻭﺭﺑﺎﺏ
ﻟﻠﻤﻮﻝ ﺗﺸﺘﺮﻳﻦ ﻣﻼﺑﺲ ﻟﻠﻜﻠﻴﺔ
ﺍﻟﻠﻪ ﻫﻨﻴﺎﻟﺞ ﻳﺎ ﻫﺪﻯ ﺭﺍﺡ ﺗﺪﺧﻠﻴﻦ ﻛﻠﻴﺔ ﻭﺗﺸﻮﻓﻴﻦ ﻋﺎﻟﻢ ﺟﺪﻳﺪ
ﺟﻨﺖ ﺍﺳﻤﻊ ﻫﻮﺍﻱ ﺑﻨﺎﺕ ﻳﺴﻮﻟﻔﻮﻥ ﻋﻦ ﺣﻴﺎﺓ ﺍﻟﻜﻠﻴﺎﺕ
ﺍﻱ ﺻﺪﻙ ﻧﺴﻴﺖ ﺍﺳﺄﻟﺞ ﻋﻦ ﻓﺎﻃﻤﺔ ﻭﻫﺎﻟﺔ ﺷﻨﻮ ﻃﻠﻊ ﻗﺒﻮﻟﻬﻢ
ﺟﻮﺍﺑﺘﻬﺎ ﺗﻠﻘﺎﺋﻴﺎً
.. ﻓﺎﻃﻤﺔ ﺩﺧﻠﺖ ﻛﻠﻴﺔ ﻋﻠﻮﻡ ﺑﺎﻳﻮ
ﻭﻫﺎﻟﺔ ﻛﻠﻴﺔ ﺗﺮﺑﻴﺔ
.. ﺍﻫﻮﻭﻭ ﻭﺍﻧﺘﻲ ﻛﻠﻴﺔ ﺍﺩﺍﺭﺓ ﻭﺍﻗﺘﺼﺎﺩ ﺧﻄﻴﺔ ﻛﻞ ﻭﺣﺪﺓ ﻣﻨﻜﻢ ﺻﺎﺭﺕ ﺑﻤﻜﺎﻥ
.. ﻻ ﺍﻧﻲ ﻭﺍﻟﺒﻨﺎﺕ ﺍﺗﻔﻘﻨﺎ ﺑﻴﻦ ﻓﺘﻐﺔ ﻭﻓﺘﻐﺔ ﻧﻐﻮﺡ ( ﻓﺘﺮﺓ ﻭﻓﺘﺮﺓ ﻧﺮﻭﺡ ) ﻋﻠﻰ ﻛﻠﻴﺔ ﻛﻞ ﻭﺣﺪﺓ ﺑﻴﻨﺔ ﻭﻧﻠﺘﻘﻲ
.. ﺍﻱ ﻋﻔﻴﺔ ﺣﺮﺍﻣﺎﺕ ﺗﺘﻔﺎﺭﻗﻮﻥ
.. ﻣﺴﺘﺤﻴﻞ ﺍﻓﺘﺮﻕ ﻋﻨﻬﻢ ﺍﻧﻲ ﺍﻛﺮﻩ ﺷﻲ ﺍﺳﻤﻪ ﻓﻐﺎﻕ ( ﻓﺮﺍﻕ )
ﺣﺠﻴﺘﻬﺎ ﺑﺼﻮﺕ ﻣﻜﺴﻮﺭ
.. ﻫﺎ ﻫﺪﻯ ﺭﺟﻌﻨﺎ
ﺍﺣﻠﻔﺞ ﺑﺮﻭﺡ ﺍﻣﻲ ﻋﻠﻴﺞ ﺗﺼﻴﺮﻳﻦ ﻗﻮﻳﺔ
ﻟﺨﺎﻃﺮﻱ ﻣﻮ ﻟﺨﺎﻃﺮ ﺍﻱ ﻭﺍﺣﺪ
ﺍﻧﺘﻲ ﺍﻻﺧﺖ ﺍﻟﻮﺣﻴﺪﺓ ﺍﻟﻲ ﺻﻔﺘﻠﻲ ﻣﻦ ﺑﻴﻦ ﺍﺭﺑﻌﺔ
ﺻﻌﺒﺔ ﻋﻠﻴﺔ ﺍﺷﻮﻓﺞ ﻣﻜﺴﻮﺭﺓ ﺍﺣﺲ ﺑﺎﻟﻘﻬﺮ ﻻﻥ ﻣﻜﺪﺭﺕ ﺍﺣﺎﻓﻆ ﻋﻠﻴﺞ ﻭﺍﺣﻤﻴﺞ
ﺧﻮﻑ ﺷﻴﻤﺎﺀ ﻗﻴﺪﻧﻲ ﺍﺑﺘﺴﻤﺖ ﺑﻀﻌﻒ ﻏﺼﺐ ﻋﻨﻲ
ﺣﺘﻰ ﻟﻮ ﻣﺼﻄﻨﻌﺔ ﺍﻟﻤﻬﻢ ﺍﻗﻨﻊ ﺷﻴﻤﺎﺀ ﺍﻧﻲ ﺯﻳﻨﺔ ﻣﺎ ﺑﻴﺔ
ﺷﻲ
ﻏﺼﺒﺖ ﻧﻔﺴﻲ ﺑﺎﻟﻜﻮﺓ
ﻭﻣﺪﻳﺖ ﺍﻳﺪﻱ ﻟﻼﻛﻞ ﻭﻛﻌﺪﺕ ﺍﻛﻞ ﻭﻳﺎﻫﺔ
ﻭﻫﻲ ﺗﺒﺎﻭﻋﻠﻲ ﺑﺤﺬﺭ
ﻭﺭﺍﻫﺎ ﺧﻠﺼﺖ ﺷﻴﻤﺎﺀ ﻭﻛﺎﻣﺖ ﻭﻏﺴﻠﺖ ﻭﺑﺪﻟﺖ ﻣﻼﺑﺴﻬﺎ
ﺣﺘﻰ ﺗﺮﻭﺡ ﻟﻠﺪﻭﺍﻡ
ﻃﻠﻌﺖ ﻣﻦ ﺍﻟﺒﻴﺖ ﻭﻫﻲ
ﻛﻞ ﺷﻮﻳﺔ ﺗﻮﺻﻴﻨﻲ ﻋﻠﻰ ﻧﻔﺴﻲ ﻃﻠﻌﺖ ﻭﺳﺪﻳﺖ ﺍﻟﺒﺎﺏ ﻭﺭﺍﻫﺎ ﻭﺍﻧﺘﺠﻴﺖ ﻋﻠﻴﻪ
ﻏﻤﻀﺖ ﻋﻴﻮﻧﻲ ﻭﺣﺴﻴﺖ ﺑﺪﻣﻮﻋﻲ ﻧﺰﻟﺖ ﺑﺤﺮﺍﺭﺓ ﻋﻠﻰ ﺧﺪﻭﺩﻱ
ﺻﺮﺧﺖ ﺑﺼﻮﺕ ﻣﻜﺘﻮﻡ ﻭﺍﺗﻜﻮﻣﺖ ﺑﺎﻟﻜﺎﻉ ﺍﺑﺠﻲ ﺑﺤﺮﻛﺔ ﻛﻠﺐ ﻣﻮﺑﻴﺪﻱ ﻳﺎﻋﺎﻟﻢ ﻭﺍﻟﻠﻪ ﻣﻮﺑﻴﺪﻱ
ﺣﻠﻤﻲ ﻭﺷﻤﻌﺔ ﺍﻣﻠﻲ ﺍﻧﻄﻔﺖ ﺑﻠﺤﻈﺎﺕ ﻭﺍﻧﻈﻠﻤﺖ
ﻭﺍﻧﻄﻌﻨﺖ ﻭﺍﺗﺨﻠﻰ ﻋﻨﻲ ﺍﻟﺤﺒﻴﺐ ﺑﻌﺪﻣﺎ ﺟﻨﺖ ﺍﺷﻮﻓﻪ ﻛﻞ ﺩﻧﻴﺘﻲ ﺻﺎﺭ ﺍﺑﺸﻊ ﻛﺎﺑﻮﺱ ﺑﺤﻴﺎﺗﻲ
ﺷﻴﻤﺎﺀ
ﻃﻠﻌﺖ ﻣﻦ ﺍﻟﺒﻴﺖ ﻭﺍﻧﻲ ﻣﺒﻴﺘﺔ ﺍﻟﻨﻴﺔ
ﺍﺗﺼﻠﺖ ﻋﻠﻰ ﺭﺑﺎﺏ
.. ﺍﻟﻮ ﻫﺎ ﺭﺑﺎﺏ ﺭﺗﺒﺘﻲ ﻛﻠﺸﻲ ﺣﺴﺐ ﺍﻻﺗﻔﺎﻕ
.
.
.
.. ﺗﻤﺎﻡ ﻋﺎﺷﺖ ﺍﻳﺪﺝ ﺍﻧﻲ ﺟﺎﻳﺔ ﺑﺎﻟﻄﺮﻳﻖ ﻭﺍﻟﺘﻘﺮﻳﺮ ﺍﻟﻲ ﻛﻠﺘﻠﺞ ﻋﻠﻴﻪ ﻛﺪﺭﺗﻲ ﺗﻮﺻﻠﻴﻠﻪ ﻟﻮ ﺑﻌﺪﺝ؟؟
.. ﻋﻔﻴﺔ ﺑﺎﻟﺴﺒﺎﻋﻴﺔ ﺍﻣﻮﺕ ﻋﻠﻴﺞ
ﻳﺎﻟﻠﻪ ﻣﻊ ﺍﻟﺴﻼﻣﺔ ﻣﺴﺎﻓﺔ ﺍﻟﻄﺮﻳﻖ ﻭﺍﻧﻲ ﻳﻤﺞ
ﺳﺪﻳﺖ ﺍﻟﻨﻘﺎﻝ ﻭﻛﻠﺒﻲ ﻳﺪﻙ ﺣﻴﻞ
ﺭﺟﻌﺖ ﺩﺳﺖ ﺍﺗﺼﺎﻝ ﻣﺮﺓ ﺛﺎﻧﻴﺔ
ﻋﻠﻰ ﺭﻗﻢ ﺭﺍﺋﺪ ﺛﻮﺍﻧﻲ ﻭﺍﺟﺎﻧﻲ ﺻﻮﺗﻪ
.. ﺍﻟﻮ ﻫﻼ ﺭﺍﺋﺪ
ﻟﺤﻈﺔ ﺍﺳﻤﻌﻨﻲ ﺯﻳﻦ ﺍﻧﻲ ﻣﺎ ﺍﺗﺼﻠﺖ ﻋﻠﻴﻚ ﺑﺨﺼﻮﺹ ﻣﻮﺿﻮﻉ ﻫﺪﻯ
ﻫﺬﺍ ﺍﻟﺸﻲ ﺭﺍﺟﻌﻠﻚ ﻫﺎﻱ ﺣﻴﺎﺗﻚ ﻭﺍﻧﺖ ﺣﺮ ﺑﻴﻬﺎ ﺗﺮﻳﺪ
ﺗﺨﻄﺐ ﻣﺘﺮﻳﺪ ﺗﺨﻄﺐ ﻫﺎﻱ ﺑﻘﺖ ﻳﻤﻚ
ﺑﺲ ﺍﻧﻲ ﻫﺴﺔ ﺍﺗﺼﻠﺖ ﻋﻠﻴﻚ ﻋﻠﻤﻮﺩ ﺍﻃﻠﺐ ﻣﻨﻚ ﺗﺠﻴﻨﻲ ﻟﻠﻤﺴﺘﺸﻔﻰ ﺑﻤﻮﺿﻮﻉ ﺟﺪﺍً ﻣﻬﻢ
ﺍﺫﺍ ﻋﻨﺪﻙ ﺧﺎﻃﺮ ﻟﻼﻳﺎﻡ ﺍﻟﻌﺸﺮﺓ ﺍﺣﻠﻔﻚ ﺑﻴﻬﺎ ﺗﺠﻴﻨﻲ
ﻫﺴﺔ ﻭﺍﻧﻲ ﺍﻧﺘﻈﺮﻙ
ﺍﺟﺎﻧﻲ ﺭﺩﻩ ﺑﺎﻟﻤﻮﺍﻓﻘﺔ
.. ﺷﻜﺮﺍ ﺍﻧﺘﻈﺮﻙ ﺑﻨﻔﺲ ﻣﻜﺎﻧﻲ ﺑﺎﻟﻤﺴﺘﺸﻔﻰ ﺑﺲ ﺍﺭﻳﺪ ﻣﻨﻚ
ﻣﻦ ﺗﻮﺻﻞ ﺗﺴﺄﻝ ﻋﻦ ﺭﺑﺎﺏ ﻭﻫﻲ ﺗﻮﺻﻠﻚ ﺍﻟﻲ
ﺍﻛﻮﻥ ﻣﻤﻨﻮﻧﺔ ﺍﺫﺍ ﻧﻔﺬﺕ ﺍﻟﻲ ﺭﺍﺡ ﺗﻜﻠﻚ ﻋﻠﻴﻪ ﺭﺑﺎﺏ
.. ﻟﺘﺨﺎﻑ ﻣﺎﻛﻮ ﺷﻲ ﺑﻮﻗﺘﻬﺎ ﺭﺍﺡ ﺗﻌﺮﻑ ﻛﻠﺸﻲ
ﺳﺪﻳﺖ ﺍﻟﻨﻘﺎﻝ ﻭﺍﻧﻲ ﻋﻘﻠﻲ ﻳﺠﻴﺐ ﻭﻳﻮﺩﻱ ﻭﺍﺩﻋﻲ ﺍﻟﻠﻪ ﻛﻮﻥ
ﺗﻤﺸﻲ ﺍﻟﺴﺎﻟﻔﺔ ﻣﺜﻠﻤﺎ ﺧﻄﻄﺘﻠﻬﺎ
.....
ﻭﺻﻠﺖ ﻟﻠﻤﺴﺘﺸﻔﻰ ﻭﺳﺠﻠﺖ ﺣﻀﻮﺭ ﻭﺭﺣﺖ ﻃﻠﺒﺖ ﻣﻦ ﺯﻣﻴﻠﺘﻲ ﺗﺎﺧﺬ ﻣﻜﺎﻧﻲ ﻭﺍﻧﻲ ﺍﺧﺬ ﻣﻜﺎﻧﻬﺎ ﻻﻥ ﻣﺎﻇﻞ ﻋﻨﺪﻱ ﻭﻗﺖ ﺭﺑﺎﺏ ﻳﻢ ﻟﻴﺎﻥ ﺑﺎﻟﻐﺮﻓﺔ
ﻭﺭﺍﺋﺪ ﻋﻠﻰ ﻭﺻﻮﻝ
ﺷﺮﺩ ﺗﻔﻜﻴﺮﻱ ﻋﺎﻟﺼﺎﺭ ﻗﺒﻞ ﻳﻮﻣﻴﻦ ﺑﺄﺧﺘﻲ ﻫﺪﻯ
ﺍﺟﻴﺖ ﺍﺗﺨﺒﻞ ﻣﻦ ﺷﻔﺘﻬﺎ ﺷﻠﻮﻥ ﻣﻨﻬﺎﺭﺓ
ﺿﺮﺑﺘﻬﺎ ﺍﺑﺮﺓ ﻣﻬﺪﺉ ﺣﺘﻰ ﺗﻨﺎﻡ
ﻧﺎﻣﺖ ﻭﺗﻔﺰ ﻣﻦ ﺍﻟﻜﻮﺍﺑﻴﺲ
ﻭﻛﻮﺓ ﻛﺪﺭﺕ ﺍﻟﺰﻡ ﺭﻭﺣﻲ ﻣﺎ ﺍﻫﺪ ﻋﻠﻰ ﺭﺍﺋﺪ ﻟﺒﻴﺘﻬﻢ
ﻭﺍﺷﻮﻩ ﻭﺟﻬﻪ ﻣﺜﻠﻤﺎ ﻣﺴﻮﻱ ﺑﺨﺪ ﻫﺪﻯ
ﻣﻦ ﻛﻮﻥ ﻛﺴﺮ ﻻﻳﺪﻩ ﺍﻟﻌﺎﺭ ﺍﻟﺴﺎﻗﻂ
ﺑﻌﺪﻣﺎ ﻋﺮﻓﺖ ﻣﻦ ﻫﺪﻯ ﺍﻟﻲ ﺻﺎﺭ ﺑﻴﻨﻬﺎ ﻭﺑﻴﻦ ﺭﺍﺋﺪ ﻭﻣﻨﻮ ﻭﺭﺓ ﺍﻟﺴﺎﻟﻔﺔ ﻗﺮﺭﺕ
ﺑﻴﻨﻲ ﻭﺑﻴﻦ ﻧﻔﺴﻲ ﺍﺧﺬ ﺑﺤﻖ ﻫﺪﻯ
ﻭﺍﺷﻔﻲ ﻏﻠﻴﻠﻲ
ﺑﺴﺎﻋﺘﻬﺎ ﺍﺗﺼﻠﺖ
ﻋﻠﻰ ﺭﺑﺎﺏ ﻭﻃﻠﺒﺖ ﻣﻨﻬﺎ ﺗﺴﺎﻋﺪﻧﻲ
ﺟﻨﺖ ﺍﺗﺴﺎﺋﻞ ﺑﺬﺍﻙ ﺍﻟﻴﻮﻡ
ﻭﻳﻦ ﺍﻟﺤﻜﻤﺔ ﺑﺄﻥ ﺍﻧﺤﻂ ﻣﻮﻗﻒ ﺍﻻﺧﺘﻴﺎﺭ
ﻭﺷﻤﻌﻨﺎ ﺍﻧﻲ ﺑﻴﺪﻱ ﺍﻋﺎﻟﺞ ﻟﻴﺎﻥ ﺍﻟﻲ ﺍﺫﺕ ﺍﺧﺘﻲ ﻫﺪﻯ ﻭﺑﻮﻛﺘﻬﺎ ﺍﻋﺘﺮﺿﺖ ﻭﺟﺰﻋﺖ ﻭﺻﺮﺕ ﺍﺳﺄﻝ ﻭﻳﻦ ﻋﺪﺍﻟﺔ ﺍﻟﺤﻴﺎﺓ
ﺑﺲ ﺍﻟﻴﻮﻡ ﻋﺮﻓﺖ ﻟﻜﻞ ﺷﻲﺀ ﺑﺎﻟﺤﻴﺎﺓ ﺳﺒﺐ
ﺍﻟﺒﺎﺭﺣﺔ ﻃﻠﺒﺖ ﻣﻦ ﺭﺑﺎﺏ ﺗﻄﻠﻌﻠﻲ ﺗﻘﺮﻳﺮ ﻟﻴﺎﻥ ﻣﻦ ﺟﻮﺓ
ﺍﻟﻜﺎﻉ ﺑﺄﻱ ﻃﺮﻳﻘﺔ
ﻻﻥ ﺭﺑﺎﺏ ﺗﺸﺘﻐﻞ ﺑﻘﺴﻢ ﺍﻟﻨﺴﺎﺋﻴﺔ ﻭﺍﻟﺘﻮﻟﻴﺪ ﺍﺗﺬﻛﺮ ﺑﻮﻛﺘﻬﺎ ﺣﻮﻟﻮﺍ ﻟﻴﺎﻥ ﻟﻘﺴﻢ ﺍﻟﻨﺴﺎﺋﻴﺔ ﻟﻠﻜﺸﻒ
ﻭﺑﻌﺪﻫﺎ ﺳﺄﻟﺖ ﺭﺑﺎﺏ ﻋﻦ ﻟﻴﺎﻥ ﻣﻦ ﺑﺎﺏ ﺍﻟﻔﻀﻮﻝ ﻣﺎ ﺟﺎﻥ ﺍﻟﻲ ﻏﺮﺽ ﺑﺲ ﻫﻴﺞ ﺣﺒﻴﺖ ﺍﻋﺮﻑ ﺷﺒﻴﻬﺎ
ﻭﺭﺑﺎﺏ ﺣﺠﺘﻠﻲ ﺍﻟﺼﺎﺭ ﺑﻴﻬﺎ
ﻭﻛﺎﻟﺖ
ﺍﻟﺪﻛﺘﻮﺭﺓ ﺍﻟﻨﺴﺎﺋﻴﺔ ﺑﻌﺪﻣﺎ ﻓﺤﺼﺖ ﻟﻴﺎﻥ
ﺍﻛﺘﺸﻔﺖ ﺑﺎﻥ ﻟﻴﺎﻥ ﺍﺗﻌﺮﺿﺖ ﻟﻼﻏﺘﺼﺎﺏ
ﻭﺍﻟﺪﻛﺘﻮﺭﺓ ﺑﻮﻗﺘﻬﺎ ﻛﺘﺒﺖ ﺗﻘﺮﻳﺮ ﻭﺣﺠﺖ ﻭﻳﺔ ﺍﻫﻞ ﻟﻴﺎﻥ
.. ﺍﻧﻲ ﺑﻬﺎﻱ ﺍﻟﺤﺎﻟﺔ ﻻﺯﻡ ﺍﺗﺼﻞ ﻋﺎﻟﺸﺮﻃﺔ ﻭﺍﻃﻠﺐ ﻣﻨﻬﻢ ﺍﻟﺘﺪﺧﻞ ﺑﺎﻟﻤﻮﺿﻮﻉ ﻻﻥ ﺑﺘﻜﻢ ﻣﻌﺮﺿﺔ ﻟﻠﻀﺮﺏ ﻭﺍﻻﻏﺘﺼﺎﺏ ﻭﻫﺎﻱ ﻣﺴﺆﻭﻟﻴﺔ ﻭﺍﻧﻲ ﺍﻟﻲ ﺭﺍﺡ ﺍﺗﻌﺎﻗﺐ
ﺑﻮﻗﺘﻬﺎ ﺍﺑﻮ ﻟﻴﺎﻥ ﺍﺷﺘﺮﻯ ﺳﻜﻮﺕ ﺍﻟﺪﻛﺘﻮﺭﺓ ﻭﻓﺒﺮﻙ ﺍﻟﺴﺎﻟﻔﺔ
ﻭﻛﺪﺭ ﻳﻄﻠﻊ ﻟﻴﺎﻥ ﻣﻦ ﺍﻟﻤﺴﺘﺸﻔﻰ
ﺑﺪﻭﻥ ﺍﻱ ﺗﺪﺧﻞ ﻣﻦ ﺍﻟﺸﺮﻃﺔ ﺟﺎﻥ ﻳﺨﺎﻑ ﻋﻠﻰ ﺳﻤﻌﺔ ﺑﻨﺘﻪ
ﺑﺲ ﻟﻴﺎﻥ ﻇﻠﺖ ﺗﺮﺍﺟﻊ ﺍﻟﺪﻛﺘﻮﺭﺓ ﻟﻠﻌﻼﺝ ﻭﺑﻨﻔﺲ ﺍﻟﻮﻗﺖ
ﺳﻤﻌﺖ ﺗﺮﻳﺪ ﺗﺴﻮﻱ ﻋﻤﻠﻴﺔ ﺗﺮﻗﻴﻊ ﻟﻐﺸﺎﺀ ﺍﻟﺒﻜﺎﺭﺓ
ﺣﺴﺐ ﺍﻟﻌﺮﻓﺘﻪ ﻣﺘﻘﺪﻣﻠﻬﺎ ﻭﺍﺣﺪ ﻣﻌﺮﻭﻑ ﻭﺗﺮﻳﺪ ﺗﺘﺰﻭﺝ
ﻭﺍﻟﻴﻮﻡ ﺭﺑﺎﺏ
ﻛﺪﺭﺕ ﺗﺠﻴﺐ ﻟﻴﺎﻥ ﻟﻠﻤﺴﺘﺸﻔﻰ ﺑﺤﺠﺔ ﺍﻟﻜﺸﻒ ﻭﺍﻟﻤﺮﺍﺟﻌﺔ
ﻟﻜﻦ ﺭﺏ ﺿﺎﺭﺓ ﻧﺎﻓﻌﺔ
ﺩﻛﻴﺖ ﺍﻟﺒﺎﺏ ﻭﺩﺧﻠﺖ ﻟﻠﻐﺮﻓﺔ ﺍﻟﻔﺤﺺ ﺍﻟﻲ ﺟﺎﻧﺖ ﺑﻴﻬﺎ ﻟﻴﺎﻥ ﻣﻮﺟﻮﺩﺓ
ﺷﺎﻓﺘﻨﻲ ﺭﺑﺎﺏ ﻭﺍﺑﺘﺴﻤﺖ
ﺍﻧﺘﺒﻬﺖ ﻟﻠﻴﺎﻥ ﺟﺎﻧﺖ ﻣﺘﻤﺪﺩﺓ ﺑﺲ ﻣﻦ ﺷﺎﻓﺘﻨﻲ ﻓﻜﺖ ﻋﻴﻮﻧﻬﺎ ﻭﻋﺪﻟﺖ ﻛﻌﺪﺗﻬﺎ ﻋﺎﻟﺴﺮﻳﺮ . ﻭﻛﺎﻣﺖ ﺗﺒﺎﻭﻉ ﻋﻠﻴﺔ ﺑﺤﺬﺭ
ﻭﺣﺠﻴﺖ ﻭﻳﺎﻫﺎ ﻭﺍﻧﻲ ﺑﻴﺪﻱ ﺍﺩﻭﺍﺕ ﺍﻟﻜﺸﻒ
ﺣﺘﻰ ﺍﺑﻴﻦ ﺍﻧﻲ ﺟﺎﻳﺔ ﺑﺎﻟﺼﺪﻓﺔ ﻋﻠﻤﻮﺩ ﺷﻐﻠﻲ ﻫﻨﺎ
.. ﻳﺎﻣﺤﺎﺳﻦ ﺍﻟﺼﺪﻑ ﻫﺎﻱ ﺷﻨﻮ ﻟﻴﺎﻥ ﻋﺪﻧﺎ ﻫﻨﺎ ﺑﺎﻟﻤﺴﺘﺸﻔﻰ ﻭﺍﻧﻲ ﻣﺎ ﺍﺩﺭﻱ
ﺍﺑﺎﻭﻉ ﻋﻠﻴﻬﺎ ﻛﻌﺪﺕ ﺗﺘﺒﻠﻌﻢ
.. ﺍﻧﻲ ﺩﺍﺋﻤﺎ ﺍﺟﻲ ﻟﻬﻨﺎ
ﺟﺎﻧﺖ ﺗﺤﺠﻲ ﻭﺍﺟﺎﻧﻲ ﺻﻮﺕ ﺭﺑﺎﺏ
.. ﺳﺖ ﺷﻴﻤﺎﺀ ﺍﻧﻲ ﻃﺎﻟﻌﺔ ﺍﺫﺍ ﺟﻬﺰﺗﻲ ﺍﻟﻤﺮﻳﻀﺔ ﺍﺗﺼﻠﻲ ﻋﻠﻴﺔ ﺣﺘﻰ ﺍﻧﻄﻲ ﻟﻠﺪﻛﺘﻮﺭﺓ ﺧﺒﺮ ﺗﺠﻲ ﺗﻜﺸﻒ ﻋﻠﻴﻬﺎ
.....
ﺍﺧﺬﻱ ﺭﺍﺣﺘﺞ ﺑﺲ ﺍﺧﻠﺺ ﺍﻧﻄﻴﺞ ﺧﺒﺮ
ﻧﺤﺠﻲ ﻭﻟﻴﺎﻥ ﺑﺪﺕ ﺗﺘﻄﻤﻦ ﻟﻤﺤﺘﻮﻯ ﺣﻮﺍﺭﻧﺎ ﺍﻧﻲ ﻭﺭﺑﺎﺏ
ﻃﻠﻌﺖ ﺭﺑﺎﺏ ﻭﺍﻧﻲ ﺑﺪﻳﺖ ﺍﺟﻬﺰ ﺍﻻﺩﻭﺍﺕ ﻭﻟﻴﺎﻥ ﻇﻠﺖ
ﺗﺘﺤﺮﻙ ﺑﻤﻜﺎﻧﻬﺎ ﺑﺘﻮﺗﺮ
ﺍﻟﻤﺬﻧﺐ ﺩﺍﺋﻤﺎ ﻳﺤﺲ ﺑﻌﺪﻡ ﺍﻻﻣﺎﻥ
ﻳﻌﺮﻑ ﺑﺮﻭﺣﻪ ﻣﻄﻠﻮﺏ ﺑﺜﺎﺭ
ﻻﻥ ﻫﻮﺍﻱ ﻇﻠﻢ ﻋﺎﻟﻢ ﻭﺍﺫﺍﻫﻢ
ﻭﺭﺍﺡ ﻳﺘﻮﻗﻊ ﺑﺎﻱ ﻟﺤﻈﺔ ﻳﻈﻬﺮﻟﻪ ﺻﺎﺣﺐ ﺍﻟﺤﻖ ﻳﻄﺎﻟﺐ ﺑﻴﻪ
ﻭﺍﻧﻲ ﻭﺣﺪﺓ ﻣﻦ ﻃﻼﺏ ﺍﻟﺤﻖ ﺍﻟﻲ ﻇﻠﻤﻮﻫﻢ ﻟﻴﺎﻥ ﻭﺍﻫﻠﻬﺎ
ﺩﻙ ﻧﻘﺎﻟﻲ ﺗﺮﻣﻴﺶ
ﻭﻫﺎﻱ ﺍﻻﺷﺎﺭﺓ ﺍﻟﻤﻨﺘﻈﺮﺗﻬﺎ ﻣﻦ ﺭﺑﺎﺏ ﺗﺒﻠﻐﻨﻲ ﺑﻮﺻﻮﻝ
ﺭﺍﺋﺪ
ﻛﺒﻞ ﺑﺪﻭﻥ ﻣﻘﺪﻣﺎﺕ ﺍﺗﻮﺟﻬﺖ ﻋﻠﻰ ﻟﻴﺎﻥ ﻭﺳﺤﺒﺖ ﺍﻟﺴﺘﺎﺭﺓ ﺍﻟﺒﺮﺩﺓ ﺍﻟﻲ ﺗﺼﻴﺮ ﺑﺼﻒ ﺍﻟﺴﺮﻳﺮ
ﻧﺴﺘﺨﺪﻣﻬﺎ ﺑﺄﺛﻨﺎﺀ ﺍﻟﻔﺤﺺ ﻟﻠﺤﻔﺎﻅ ﻋﻠﻰ ﺧﺼﻮﺻﻴﺔ ﺍﻟﻤﺮﻳﻀﺔ
ﻭﺣﺠﻴﺖ
.. ﺍﻛﻮﻝ ﻟﻴﺎﻥ ﺷﺨﺒﺎﺭ ﺍﻻﻏﺘﺼﺎﺏ ﻭﻳﺎﺝ
ﺍﻧﺨﺒﺼﺖ ﻭﺍﺟﺘﻲ ﺗﻨﺰﻝ ﻣﻦ ﺍﻟﺴﺮﻳﺮ
ﺣﻄﻴﺖ ﺍﻳﺪﻱ ﻋﻠﻰ ﻛﺘﻔﻬﺎ ﻭﺟﺒﺮﺗﻬﺎ ﺗﺒﻘﻰ ﺑﻤﻜﺎﻧﻬﺎ
ﻭﺑﻴﺪﻱ ﺍﻻﺑﺮﺓ
.. ﺳﻤﻌﻴﻨﻲ ﺯﻳﻦ ﺑﺲ ﺗﺘﺤﺮﻛﻴﻦ ﻣﻦ ﻣﻜﺎﻧﺞ ﺍﻭﺗﻄﻠﻌﻴﻦ ﺻﻮﺕ ﺷﺎﻳﻔﺔ ﻫﺎﻱ ﺍﻻﺑﺮﺓ ﻛﺒﻞ ﺍﺣﻄﻬﺎ ﺑﺮﻛﺒﺘﺞ
ﻭﺍﻧﻬﻲ ﺣﻴﺎﺗﺞ ﻭﺍﺧﻠﺺ ﺍﻟﻌﺎﻟﻢ ﻣﻦ ﺷﺮﺝ
ﺣﺘﻰ ﻟﻮ ﺑﻌﺪﻫﺎ ﺍﺩﺧﻞ ﻟﻠﺴﺠﻦ ﻣﻴﻬﻤﻨﻲ
ﺳﻤﻌﺖ ﺑﺎﺏ ﺍﻟﻐﺮﻓﺔ ﺍﻧﻔﺘﺢ ﻭﺭﺟﻊ ﺍﻧﺴﺪ
ﻭﺍﻧﻲ ﺑﻌﺪﻧﻲ ﻋﻠﻰ ﻧﻔﺲ ﻭﺿﻌﻴﺔ ﺍﻟﺘﻬﺪﻳﺪ
ﻭﻟﻴﺎﻥ ﻣﺘﻜﺪﺭ ﺗﻔﺘﺢ ﺣﻠﻜﻬﺎ ﻣﻦ ﺍﻟﺨﻮﻑ ﺍﺑﺎﻭﻉ ﻟﻜﺼﺘﻬﺎ ﻛﺎﻣﺖ ﺗﺼﺐ ﻋﺮﻙ ﺧﺎﻳﻔﺔ ﻣﻨﻲ ﻻ ﺍﻧﻔﺬ ﺗﻬﺪﻳﺪﻱ
ﻣﺎ ﺭﻕ ﻛﻠﺒﻲ ﻋﻠﻴﻬﺎ ﻭﻻ ﺍﺧﺬﺗﻨﻲ ﺍﻟﺮﺣﻤﺔ
ﺍﻟﻲ ﻛﺎﻋﺪ ﺗﻤﺮ ﺑﻴﻪ ﻟﻴﺎﻥ ﻧﻘﻄﺔ ﺑﺒﺤﺮ ﻟﻠﻲ ﺳﻮﺗﻪ ﺑﻬﺪﻯ
.. ﻣﺎ ﺍﺭﻳﺪ ﻣﻨﺞ ﺑﺲ ﺷﻐﻠﺔ ﻭﺣﺪﺓ ﺍﺭﻳﺪ ﺍﻋﺮﻑ
ﻟﻴﺶ ﺳﻮﻳﺘﻲ ﺑﻬﺪﻯ ﺍﺧﺘﻲ ﻫﻴﺞ
ﺷﻨﻮ ﻏﺎﻳﺘﺞ ﻫﻲ ﺷﻨﻮ ﺳﻮﺗﻠﺞ ﻭﺍﻧﺘﻲ ﺍﺗﺮﺑﺼﺘﻴﻠﻬﺎ
ﻭﺟﺮﻳﺘﻴﻬﺎ
ﺑﺎﻟﺒﺪﺍﻳﺔ ﻟﻴﺎﻥ ﻇﻠﺖ ﺗﺘﻬﺮﺏ ﻭ ﺗﻤﺎﻃﻞ ﺑﺎﻟﻜﻼﻡ ﻣﻦ ﺷﻔﺘﻬﺎ ﻣﺘﺠﺎﻭﺑﺖ ﻭﻳﺎﻱ
ﻛﺒﻞ ﺭﻓﻌﺖ ﻣﻠﻒ ﺑﻴﺪﻱ
.. ﺷﻮﻓﻲ ﻭﻟﺞ ﺗﺤﺠﻴﻦ ﻋﺪﻝ ﺑﺪﻭﻥ ﻟﻒ ﻭﺩﻭﺭﺍﻥ
ﻻ ﻗﺴﻤﺎً ﺑﺎﻟﻠﻪ ﺷﺎﻳﻔﺔ ﻫﺬﺍ ﺍﻟﺘﻘﺮﻳﺮ ﺍﻟﻲ ﺑﻴﺪﻱ ﻫﺬﺍ ﺗﻘﺮﻳﺮ ﺍﻏﺘﺼﺎﺑﺞ
ﻛﺒﻞ ﺍﻭﺻﻠﻪ ﻟﻠﺸﺮﻃﺔ ﻭﺍﺧﻠﻴﻬﻢ ﻳﺠﺮﺟﺮﻭﻧﺞ ﺍﻧﺘﻲ ﻭﺍﻫﻠﺞ
ﺑﺎﻟﻤﺮﺍﻛﺰ ﻫﺎﺍ ﻭﻋﻠﻰ ﻓﻜﺮﺓ ﻭﻗﺒﻠﻬﺎ ﺍﻭﺩﻳﻪ ﻟﺰﻭﺝ ﺍﻟﻤﺴﺘﻘﺒﻞ
ﺣﺘﻰ ﻳﻌﺮﻑ ﺑﻴﺞ ﺍﻧﺘﻲ ﺷﻨﻮ ﻗﺒﻞ ﻟﻴﺘﻮﺭﻁ
ﻭﻳﺘﺰﻭﺝ ﻭﺣﺪﺓ ﻋﺎﺭ ﻣﺜﻠﺞ
ﻟﻴﺎﻥ ﺑﺘﻮﺳﻞ .. ﺧﻼﺹ ﺧﻼﺹ
ﺭﺍﺡ ﺍﺣﺠﻲ ﻛﻠﺸﻲ ﺑﺲ ﺑﺎﻻﻭﻝ ﺗﻮﻋﺪﻳﻨﻲ
ﻣﺘﺴﻮﻳﻠﻲ ﺷﻲ ﻭﺗﻌﻮﻓﻴﻨﻲ ﺍﻃﻠﻊ ﻣﻨﺎ
.. ﺍﻭﻋﺪﺝ ﻣﺎ ﺍﺫﻳﺞ ﻫﺎﻱ ﻫﻲ ﺍﺗﻔﻘﻨﺎ ﻳﺎﻟﻠﻪ
ﺍﺣﺠﻲ
ﻟﻴﺎﻥ ﺗﻔﺮﻙ ﺑﺄﻳﺪﻫﺎ
.. ﺑﺎﻻﻭﻝ ﻣﺠﻨﺖ ﺍﻋﺮﻑ ﻫﺪﻯ ﺑﺲ ﻛﺎﻥ ﺳﻼﻡ ﺑﻴﻨﻲ ﻭﺑﻴﻨﻬﺎ
ﻭﺑﻌﺪﻳﻦ ﻋﺮﻓﺖ ﻋﻦ ﻃﺮﻳﻖ ﺍﻟﺒﻨﺎﺕ ﺍﻥ ﻫﻲ ﻳﺘﻴﻤﺔ ﻭﺍﺑﻮﻫﺎ ﺭﺟﺎﻝ ﺗﻌﺒﺎﻥ ﻭﻫﻲ ﺑﻨﻴﺔ ﻋﺎﻳﻔﻴﻬﺎ ﺍﻫﻠﻬﺎ ﻋﻠﻰ ﺣﻞ ﺷﻌﺮﻫﺎ
ﻣﻴﻌﺮﻓﻮﻥ ﺍﻟﻠﻪ ﻭﻳﻦ ﺧﺎﻟﻘﻬﺎ
ﺷﻔﺘﻬﺎ ﺗﻨﻄﺒﻖ ﻋﻠﻴﻬﺎ ﺍﻟﻤﻮﺍﺻﻔﺎﺕ ﺍﻟﺒﻨﺎﺕ ﺍﻟﻲ ﻳﺮﻳﺪﻫﻢ ﺑﺎﺑﺎ
ﻳﺸﺘﻐﻠﻮﻥ ﺑﺎﻟﻤﻠﻬﻰ ﺍﻏﻠﺐ ﺍﻻﺣﻴﺎﻥ ﺍﻧﻲ ﺍﻟﻲ ﺍﺟﻴﺐ ﺍﻟﺒﻨﺎﺕ ﻟﺒﺎﺑﺎ
ﺟﺎﻧﺖ ﺣﻠﻮﺓ ﻭﻧﺎﻋﻤﺔ ﻭﺣﺮﻛﺔ ﻭﺩﻣﻬﺎ ﺧﻔﻴﻒ ﻭﺍﻟﺮﺗﻠﻪ ﻋﺪﻫﺎ ﺯﺍﻳﺪﺗﻬﺎ ﺍﻧﻮﺛﻪ ﻭﻣﺘﺨﺎﻑ
ﻭﻓﻮﻙ ﻫﺬﺍ ﻛﻠﻪ ﻣﺎ ﻋﻨﺪﻫﺎ ﻭﺍﺣﺪ ﻳﻄﻠﻊ ﻭﺭﺍﻫﺎ
ﻭﻳﻄﺎﻟﺐ ﺑﺤﻘﻬﺎ ﺍﺫﺍ ﺻﺎﺭ ﺑﻴﻬﺎ ﺷﻲ
ﺑﺎﻟﻤﻠﻬﻰ
.......
ﺳﻤﻌﺖ ﺑﻴﻬﺎ ﺗﺮﻳﺪ ﺗﺸﺘﻐﻞ ﻭﻳﺔ ﻓﺮﺍﺷﺔ ﺍﻟﻤﺪﺭﺳﺔ ﺍﻡ ﺷﺎﻛﺮ
ﻭﻛﺒﻞ ﺍﺟﺘﻨﻲ ﺍﻟﻔﻜﺮﺓ ﺍﻋﺮﺽ ﻋﻠﻴﻬﺎ ﺍﻟﺸﻐﻞ ﺑﺎﻟﻜﻮﻓﻲ
.. ﻫﺎ ﻳﻌﻨﻲ ﻫﺪﻯ ﻣﻦ ﺍﺟﺘﻲ ﺗﺸﺘﻐﻞ ﻋﻨﺪﻛﻢ ﻣﺘﻌﺮﻑ
ﻫﺬﺍ ﻣﻠﻬﻰ
.. ﻻ ﻫﻮ ﺍﻧﻲ ﺍﺻﻼ ﻣﺎ ﻣﺸﻐﻠﺘﻬﺎ ﺑﺎﻟﻤﻠﻬﻰ ﺑﺎﻟﻀﺒﻂ
ﺧﻠﻴﺘﻬﺎ ﺑﺎﻟﺒﺪﺍﻳﺔ ﺑﺎﻟﻜﻮﻓﻲ
ﺑﺎﺑﺎ ﺟﺎﻥ ﻣﺴﻮﻱ ﺍﻟﻤﻜﺎﻥ ﺑﺎﻟﻨﻬﺎﺭ ﻛﻮﻓﻲ ﻭﻣﻦ ﺑﻌﺪ ﺍﻟﺴﺎﻋﺔ ﻋﺸﺮﺓ ﺑﺎﻟﻠﻴﻞ ﻳﺼﻴﺮ ﻣﻠﻬﻰ ﺗﻜﺪﺭﻳﻦ ﺗﻜﻮﻟﻴﻦ ﺍﺟﺮﺍﺀ ﺍﻣﻨﻲ
ﺣﺘﻰ ﻣﺎ ﻳﻠﻔﺖ ﺍﻻﻧﻈﺎﺭ ﻭﻳﺒﺘﻌﺪ ﻋﻦ ﺍﻟﻤﺸﺎﻛﻞ
ﻓﻬﺪﻯ ﺍﺷﺘﻐﻠﺖ ﻋﻨﺪﻧﺎ ﻓﻘﻂ ﺍﺳﺒﻮﻉ ﻭﻃﻮﻝ ﻫﺬﺍ ﺍﻻﺳﺒﻮﻉ ﺟﺎﻧﺖ ﺗﻐﺴﻞ ﻣﻮﺍﻋﻴﻦ ﻭﺟﺎﻧﺖ ﺟﺪﺍ ﺣﺮﻳﺼﺔ
ﺑﺎﻥ ﻣﺎ ﺗﻄﻠﻊ ﺧﺎﺭﺝ ﺍﻟﻤﻄﺒﺦ
ﻛﻠﺖ ﺍﺧﻠﻴﻬﺎ ﺗﺘﻄﻤﻦ ﻭﺑﻌﺪﻳﻦ ﺷﻮﻳﺔ ﺷﻮﻳﺔ
ﺍﺳﺤﺒﻬﺎ ﻟﺸﻐﻞ ﺍﻟﻠﻴﻞ
ﻻﻥ ﺟﺎﻧﺖ ﻛﻠﺶ ﺣﺬﺭﺓ ﻭﺣﺬﺭﻫﺎ
ﺻﻌﺐ ﻋﻠﻴﺔ ﻫﻮﺍﻱ ﺍﻣﻮﺭ ﻭﺑﺎﺑﺎ ﺟﺎﻥ ﻛﻞ ﻳﻮﻡ ﻳﻀﻐﻂ ﻋﻠﻴﺔ
ﺣﺘﻰ ﻳﻨﺰﻟﻬﺎ ﻟﻠﻤﻠﻬﻰ
ﺑﺲ ﺻﺎﺩﻑ ﺑﺄﺧﺮ ﻳﻮﻡ ﻋﺮﻓﺖ ﺷﻲ ﺑﺎﻟﺼﺪﻓﺔ ﻋﻦ ﻫﺪﻯ ﺧﻼﻧﻲ ﺍﺗﺴﺮﻉ
ﻭﺍﺳﺘﻌﺠﻞ ﻭﺍﺳﺤﺒﻬﺎ ﻟﻠﻤﻠﻬﻰ ﻭﺍﻟﻀﺮﻭﻑ ﺳﺎﻋﺪﺗﻨﻲ
ﺯﻣﺨﺖ ﺑﻴﻬﺎ ﺑﺼﻮﺕ ﺣﺎﺩ ﻭﺍﻧﻲ ﺭﺍﻓﻌﺔ ﺍﻻﺑﺮﺓ ﻛﺪﺍﻡ ﻋﻴﻨﻬﺎ
.. ﺍﺣﺠﻲ ﻋﺪﻝ ﺷﻨﻮ ﻫﺬﺍ ﺍﻟﺸﻲ
ﻫﻲ ﺗﺤﺠﻲ ﻭﺍﻧﺎ ﺍﺣﺲ ﺍﻟﻨﺎﺭ ﺗﻔﻮﺭ ﺑﺪﺍﺧﻞ ﻛﻠﺒﻲ
ﻛﻮﺓ ﻟﺰﻣﺖ ﻧﻔﺴﻲ ﻣﺎ ﺍﺧﻨﻜﻬﺎ
ﺣﺴﻴﺖ ﻋﻠﻴﻬﺎ ﺍﺭﺗﻌﺪ ﺟﺴﻤﻬﺎ ﻭﻋﻴﻮﻧﻬﺎ ﻣﻌﻠﻜﺔ ﻋﺎﻻﺑﺮﺓ ﺑﻴﺪﻱ
.. ﺍﺍﺍﺍﺍﺍﺍ ﻫﺴﺔ ﺍﺣﺠﻴﻠﺞ ﺑﺲ ﻟﺘﻌﺼﺒﻴﻦ ﻭﺗﺮﻛﻲ ﺍﻻﺑﺮﺓ ﻣﻦ ﺍﻳﺪﺝ ﺗﺮﺓ ﺍﻟﺸﻴﻄﺎﻥ ﺷﺎﻃﺮ
ﺭﺻﻴﺖ ﻋﻠﻰ ﺍﺳﻨﺎﻧﻲ ﻳﺎﻟﻠﻪ ﺍﺣﺠﻲ
.. ﺍﻛﺘﺸﻔﺖ ﺭﺍﺋﺪ ﻳﺤﺐ ﻫﺪﻯ
ﻭﻫﻲ ﺗﻌﺮﻑ ﺑﻴﺔ ﺍﻧﻲ ﺍﺣﺐ ﺭﺍﺋﺪ ﺟﻨﺖ ﺩﺍﺋﻤﺎ ﺍﺣﺠﻴﻠﻬﻢ ﻋﻦ ﺣﺒﻲ ﻟﺮﺍﺋﺪ ﺑﺲ ﺍﺧﺘﺞ ﺟﺎﻧﺖ ﻣﺴﺘﻐﻔﻠﺘﻨﻲ
ﻭﺑﻴﻮﻡ ﺍﻟﻌﺮﻓﺖ ﺑﻴﻪ ﺑﺤﺐ ﺭﺍﺋﺪ ﻭﻫﺪﻯ
ﺍﺗﻌﻤﺪﺕ ﺍﺍﺧﺮ ﻫﺪﻯ ﻭﻫﻤﻠﺘﻬﺎ ﻋﻘﺎﺏ ﺍﻟﻬﺎ ﻣﺠﺎﻧﺖ ﻧﻴﺘﻲ ﺍﺍﺫﻳﻬﺎ ﺍﻛﺜﺮ ﻣﻦ ﻫﻴﺞ
ﺑﺲ ﺑﺎﻟﺼﺪﻓﺔ ﻫﺪﻯ ﻃﻠﻌﺖ ﻣﻦ ﺍﻟﻤﻄﺒﺦ ﺟﺎﻧﺖ ﺧﺎﻳﻔﺔ
ﺗﺮﻳﺪ ﺗﺴﺘﻌﺠﻠﻨﻲ ﻋﻠﻤﻮﺩ ﺍﺗﺄﺧﺮﺕ
ﻭﺷﺎﻓﻬﺎ ﻭﺍﺣﺪ ﻣﻦ ﺍﻟﺰﺑﺎﺋﻦ ﺍﻟﻤﻬﻤﻴﻦ ﻋﻨﺪ ﺑﺎﺑﺎ
ﻭﺍﻧﻌﺠﺐ ﺑﻴﻬﺎ ﻭﺭﺍﺩﻫﺎ ﺑﺄﻱ ﺛﻤﻦ
ﻭﺑﺎﺑﺎ ﻛﻴﻒ ﻋﻠﻴﻬﺎ
ﻭﻳﺮﻳﺪ ﻳﺮﺿﻴﻪ ﺑﺄﻱ ﻃﺮﻳﻘﺔ
ﻻﻥ ﺟﺎﻥ ﻣﻦ ﺍﻟﺰﺑﺎﺋﻦ ﺍﻟﺜﻜﺎﻝ
ﻭﻣﻨﻬﺎ ﻗﺮﺭ ﺑﺎﺑﺎ ﺗﻨﺰﻝ ﻭﻳﺔ ﺍﻟﺒﻨﺎﺕ ﺗﻘﺪﻡ ﺍﻟﻄﻠﺒﺎﺕ
ﺑﺲ ﺍﻭﻝ ﻣﻨﺰﻟﺖ ﺗﻘﺪﻡ
ﺍﺗﻌﺮﺿﻠﻬﺎ ﻭﺍﺣﺪ ﻭﻫﻲ ﺧﺒﺼﺖ ﺍﻟﺪﻧﻴﺎ ﺑﺎﻟﺼﻴﺎﺡ ﻭﺷﻤﺮﺕ ﻋﻠﻰ ﺭﺍﺳﻪ ﺍﻟﻤﺎﻱ
ﻭﺑﻴﻮﻣﻬﺎ ﺳﺒﺒﺘﻠﻨﺎ ﻣﺸﺎﻛﻞ ﻭﻳﺔ ﺍﻟﺰﺑﻮﻥ
ﺑﺲ ﺍﻟﺤﻤﺪﻟﻠﻪ ﻋﺪﺕ ﻋﻠﻰ ﺧﻴﺮ
ﻭﺭﺟﻌﺘﻬﺎ ﻟﻠﺒﻴﺖ ﻭﻣﻦ ﻋﻬﺪﻫﺎ ﻣﺸﻔﺖ ﻫﺪﻯ
ﺍﺑﺘﺴﻤﺖ ﺑﻨﺼﺮ ﻭﺳﺪﻳﺖ ﺍﻟﻨﻘﺎﻝ ﺍﻟﻲ ﺟﺎﻥ ﻳﺴﺠﻞ ﻛﻼﻣﻬﺎ ﻃﻮﻝ ﻫﺬﺍ ﺍﻟﻮﻗﺖ
.. ﻣﺎ ﺭﺍﺡ ﺍﺗﻌﺐ ﻧﻔﺴﻲ ﻭﺍﺣﺠﻲ ﻋﻠﻴﺞ ﻭﺍﻇﻞ ﺍﺩﻋﻲ
ﺑﺲ ﺭﺍﺡ ﺍﻛﺘﻔﻲ ﺑﻬﺬﺍ
ﺳﺤﺒﺖ ﺍﻟﺒﺮﺩﺓ ﻭﺷﻔﺖ ﺭﺍﺋﺪ ﻛﺎﻋﺪ ﻋﺎﻟﻜﺮﺳﻲ
ﻭﻭﺟﻬﻪ ﺍﺻﻔﺮ ﺭﻓﻊ ﻋﻴﻮﻧﻪ ﺑﺎﻭﻉ ﻋﻠﻴﺔ
ﺳﻤﻌﺖ ﺷﻬﻜﺔ ﻟﻴﺎﻥ ﻭﺻﺎﺣﺖ
.. ﺍﻧﺘﻲ ﺍﻛﺒﺮ ﺳﺎﻗﻄﺔ ﺷﻔﺘﻬﺎ ﺑﺤﻴﺎﺗﻲ
ﺭﺩﺓ ﻓﻌﻞ ﺭﺍﺋﺪ ﻭﻟﻴﺎﻥ ﺑﺮﺩﺕ ﻛﻠﺒﻲ
ﺭﺍﺋﺪ ﺟﺎﻥ ﻛﺎﻋﺪ ﻭﻣﺎﺣﺠﺔ ﺍﻱ ﻛﻠﻤﺔ ﻣﺘﻔﺎﺟﻲﺀ ﺑﺎﻟﻌﺮﻓﻪ
ﻋﻦ ﻟﻴﺎﻥ ﻭﻫﺪﻯ
.....
ﻭﻟﻴﺎﻥ ﻇﻠﺖ ﺗﻐﻠﻂ ﻭﺗﺴﺐ ﻭﺗﻬﺪﺩ
.. ﺑﺴﻴﻄﺔ ﻳﺎ ﺷﻴﻤﺎﺀ ﺍﺫﺍ ﻣﺎ ﺍﻧﺪﻣﺞ ﻋﺎﻟﺴﻮﻳﺘﻴﻪ
ﻓﻼ ﺍﻧﻲ ﻟﻴﺎﻥ
ﺍﺑﺘﺴﻤﺖ ﻭﺑﺎﻭﻋﺘﻠﻬﺎ
.. ﺍﻧﻲ ﻣﻮ ﻟﻬﺎﻱ ﺍﻟﺪﺭﺟﺔ ﻣﻦ ﺍﻟﻐﺒﺎﺀ
ﺍﻗﺪﻡ ﻋﻠﻰ ﻫﻴﺞ ﺧﻄﻮﺓ ﺑﺪﻭﻥ ﻣﺎ ﺍﺍﻣﻦ ﺣﻤﺎﻳﺘﻲ ﻭﺣﻤﺎﻳﺔ ﺍﺧﺘﻲ ﻻﻥ ﺍﻋﺮﻑ ﺍﻧﺘﻮﺍ ﻧﺎﺱ ﻗﺬﺭﺓ ﻭﻛﻠﺸﻲ ﺗﺴﻮﻥ
ﺭﻓﻌﺖ ﺍﻟﻨﻘﺎﻝ ﻭﺳﻤﻌﺘﻬﺎ ﻛﻼﻣﻬﺎﺍﻟﻤﺴﺠﻞ
ﻫﺪﺕ ﻋﻠﻴﺔ ﺑﻜﻞ ﻗﻮﺓ ﺗﺮﻳﺪ ﺗﺴﺤﺐ ﺍﻟﻨﻘﺎﻝ ﻣﻦ ﺍﻳﺪﻱ
ﺑﻌﺪﺗﻪ ﻋﻨﻲ ﻭﺩﻓﻌﺘﻬﺎ
.. ﺭﺍﺣﺖ ﻋﻠﻴﺞ ﻳﺎ ﺣﻠﻮﺓ ﻫﺬﺍ ﺍﻟﺘﺴﺠﻴﻞ ﺗﻢ ﺍﺭﺳﺎﻟﻪ
ﻭﻧﺴﺨﻪ
ﺷﻮﻓﻲ ﻟﺞ ﻗﺴﻤﺎً ﺑﺬﺍﺕ ﺍﻟﻠﻪ
ﺍﺫﺍ ﺣﺎﻭﻟﺘﻲ ﺍﻭ ﺗﻔﻜﺮﻳﻦ ﻣﺠﺮﺩ ﺗﻔﻜﻴﺮ
ﺗﺘﻌﺮﺿﻴﻦ ﻟﻬﺪﻯ ﺍﻭ ﺍﻟﻲ
ﺛﻘﻲ ﺑﺎﻟﻠﻪ ﻛﺒﻞ ﻳﻮﺻﻞ ﺍﻟﺘﺴﺠﻴﻞ ﻭﺍﻟﺘﻘﺮﻳﺮ
ﻟﻠﺸﺮﻃﺔ ﻭﺯﻭﺟﺞ ﺍﻟﻤﺴﺘﻘﺒﻠﻲ
ﻋﻮﺩ ﺑﻮﻛﺘﻬﺎ ﺣﺘﻰ ﺑﺎﺑﺎ ﻭﻧﻔﻮﺫﻩ ﻣﻴﻜﺪﺭﻭﻥ ﻳﺨﻠﺼﻮﻧﺞ
ﻣﻦ ﺍﻟﺘﻬﻤﺔ
ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﻛﺎﻣﺖ ﺗﺮﺟﻒ ﻣﻦ ﺍﻟﻌﺼﺒﻴﺔ
ﺑﺎﻭﻋﺖ ﻟﺮﺍﺋﺪ ﺑﺎﺣﺘﻘﺎﺭ
ﻃﻠﻌﺖ ﻣﻦ ﺍﻟﻐﺮﻓﺔ ﻭﻋﻔﺘﻬﻢ ﻫﻲ ﻭﺭﺍﺋﺪ
ﻣﺎ ﺍﺭﻳﺪ ﺍﺣﺠﻲ ﻭﻳﺔ ﺍﻱ ﻭﺍﺣﺪ ﺑﻴﻬﻢ
ﺭﻓﻌﺖ ﺭﺍﺳﻲ ﻟﻠﺴﻤﺎ ﻭﺣﻤﺪﺕ ﺭﺑﻲ ﻭﺷﻜﺮﺗﻪ ﻋﻠﻰ ﻟﻄﻔﻪ ﺑﻴﻨﺎ ﻭﺩﻓﻊ ﺍﻟﺒﻼﺀ ﻋﻨﻲ ﻭﻋﻦ ﺍﺧﺘﻲ
ﻭﺣﻜﻤﻪ ﺍﻟﻌﺎﺩﻝ ﻫﻮ ﻣﺴﺒﺐ ﺍﻻﺳﺒﺎﺏ
ﻫﺪﻯ
ﺑﻌﺪ ﻣﺮﻭﺭ ﺷﻬﺮﻳﻦ ﻣﻦ ﺍﻟﻲ ﺻﺎﺭ
ﺑﻠﺸﺖ ﺍﺩﺍﻭﻡ ﺑﺎﻟﻜﻠﻴﺔ
ﺟﺎﻧﺖ ﺣﻴﺎﺓ ﺟﺪﻳﺪﺓ ﻭﻋﺎﻟﻢ ﺟﺪﻳﺪ
ﺑﺪﻳﺖ ﺍﺗﻌﺮﻑ ﻋﻠﻰ ﺑﻨﺎﺕ ﺣﺒﺎﺑﺎﺕ ﺑﺲ ﺑﻨﻔﺲ ﺍﻟﻮﻗﺖ ﺟﻨﺖ ﺣﺬﺭﺓ ﺍﻟﻲ ﺻﺎﺭ ﻭﻳﺎﻱ
ﺧﻼﻧﻲ ﻣﺎ ﻋﻨﺪﻱ ﺛﻘﺔ ﺑﺄﻱ ﺷﺨﺺ
ﻭﻣﻮ ﺑﺴﻬﻮﻟﺔ ﺍﺻﺎﺩﻕ
ﻭﺣﺘﻰ ﻭﺍﻥ ﺻﺎﺩﻗﺖ ﻳﻜﻮﻥ ﺑﺤﺪﻭﺩ ﺍﻟﻤﻜﺎﻥ
ﺭﺟﻌﺖ ﻟﻠﺒﻴﺖ ﻣﻦ ﺍﻟﺪﻭﺍﻡ ﻭﺍﻧﻲ ﺗﻌﺒﺎﻧﺔ
ﻟﻜﻴﺖ ﺳﻠﻴﻤﺔ ﻣﻮﺟﻮﺩﺓ ﺗﻨﺘﻈﺮﻧﻲ
ﺳﻠﻴﻤﺔ ﻣﻦ ﻳﻮﻡ ﺍﻟﻤﺸﻜﻠﺔ ﺭﺟﻌﺖ ﻟﻠﺒﻴﺖ
ﺑﻌﺪﻣﺎ ﺑﺎﺑﺎ ﺭﺍﺡ ﻃﺎﺡ ﻋﻠﻴﻬﺎ ﻭﻭﻋﺪﻫﺎ ﻳﺮﺟﻌﻠﻬﺎ ﻛﻞ ﻓﻠﻮﺳﻬﺎ
ﺑﺲ ﺗﺼﺒﺮ ﻋﻠﻴﻪ ﻛﻢ ﻳﻮﻡ ﻭﻫﻲ ﻭﺍﻓﻘﺖ
ﻭﺭﺟﻌﺖ ﻟﻠﺒﻴﺖ
ﺗﺴﺮﺡ ﻭﺗﻤﺮﺡ ﻭﺗﺒﻄﺶ
ﻭﻛﻞ ﺷﻮﻳﺔ ﺗﺼﺨﺮﻧﻲ
ﻋﺒﺎﻟﻚ ﺟﺎﻱ ﺗﻌﻮﺽ ﻋﻦ ﺍﻳﺎﻡ ﺍﻟﻐﻴﺎﺏ ﻃﻠﻊ ﺭﻭﺣﻲ ﻣﻨﻬﺎ
ﺻﺎﺣﺘﻠﻲ
ﺣﺠﻴﺖ ﻭﺍﻧﻲ ﺍﻧﺎﻓﺦ
.. ﻫﺎ ﺑﻴﺒﻲ ﺧﻴﻎ ( ﺧﻴﺮ ) ﺷﺘﻐﺪﻳﻦ ( ﺷﺘﺮﺩﻳﻦ )
ﺑﺎﻭﻋﺘﻠﻲ .. ﺷﻨﻮ ﺣﺒﻴﺒﺔ ﻟﻴﺶ ﺗﻨﺎﻓﺨﻴﻦ
ﻛﻮﻥ ﺗﺸﻮﻓﻴﻦ ﺟﻨﺎﻥ ﺷﻤﺴﻮﻳﺔ ﺑﺄﺧﺘﺞ ﻣﺮﻳﻢ ﺟﺎﻥ
ﺣﻤﺪﺗﻲ ﺭﺑﺞ ﻭﺷﻜﺮﺗﻴﻪ ﺍﻟﻒ ﻣﺮﺓ ﻋﻠﻴﺔ
ﺑﻴﻮﻣﻬﺎ ﺳﺄﻟﺘﻬﺎ ﺷﻨﻮ ﺟﻨﺎﻥ ﺷﺒﻴﻬﺎ ﻭﻳﺔ ﻣﺮﻳﻢ
ﻣﺎ ﺭﺩﺕ ﻋﻠﻴﺔ ﻭﻧﺰﻟﺖ ﻋﻠﻴﺔ
ﺑﺎﻟﻄﻠﺒﺎﺕ ﻭﺍﻟﺸﻐﻞ
ﻭﺍﻟﺘﻬﻴﺖ ﺍﺷﺘﻐﻞ ﻭﺍﺩﺭﺩﻡ ﻋﻠﻴﻬﺎ
ﺩﻙ ﻧﻘﺎﻟﻲ ﻭﺟﺎﻥ ﺍﻟﻤﺘﺼﻞ ﻓﺎﻃﻤﺔ
ﻣﻦ ﺑﻌﺪ ﻣﻮﻗﻒ ﺭﺍﺋﺪ ﺷﻴﻤﺎﺀ ﺍﺷﺘﺮﺗﻠﻲ ﻧﻘﺎﻝ
ﺣﺘﻰ ﺗﺘﻮﺍﺻﻞ ﻭﻳﺎﻱ ﻭﺗﺘﻄﻤﻦ ﻋﻠﻴﺔ ﻛﺎﻟﺖ ﺗﺤﺘﺎﺟﻴﻦ
ﺍﻟﻨﻘﺎﻝ ﺑﺎﻟﻜﻠﻴﺔ
.. ﺍﻟﻮ ﻫﻼ ﻓﻄﻮﻣﺔ ﺷﻠﻮﻧﺞ ﻳﺎﻟﺒﺬﺍﺕ ....
ﻓﺠﺎﺀﺓ ﻗﻄﻌﺖ ﻛﻼﻣﻲ ﻣﻦ ﺳﻤﻌﺘﻬﺎ ﺗﺒﺠﻲ
.. ﺷﻨﻮ ﺷﺒﻴﺞ ﻓﻄﻮﻣﺔ ﻟﻴﺶ ﺩﺗﺒﺠﻴﻦ
.. ﻟﺞ ﻫﺪﻯ ﺍﺑﻮ ﻫﺎﻟﺔ ﺍﺗﻮﻓﻰ ﺍﻟﺒﺎﺭﺣﺔ ﺑﺎﻟﻠﻴﻞ
ﻟﻄﻤﺖ ﻋﻠﻰ ﺧﺪﻱ .. ﻋﺰﺓ ﺑﻌﻴﻨﻲ
ﺧﻄﻴﺔ ﻭﻫﺎﻟﺔ ﺷﻨﻮ ﺍﺧﺒﺎﺭﻫﺎ
.. ﻣﺎ ﺍﻋﺮﻑ ﻋﻨﻬﺎ ﺷﻲ
ﺑﺲ ﻣﺎﻣﺎ ﺍﻟﺒﺎﺭﺣﺔ ﺑﺎﻟﻠﻴﻞ ﺟﺎﻧﺖ ﻋﻨﺪﻫﻢ ﺗﻜﻮﻝ
ﻫﺎﻟﺔ ﻭﺧﻮﺍﺗﻬﺎ ﻓﺎﻗﺪﻳﻦ ﻭﻛﻠﺶ ﻣﺘﺄﺫﻳﻦ
ﻋﻠﻰ ﻭﻓﺎﺓ ﺍﺑﻮﻫﻢ
ﺍﺗﻔﻘﻨﺎ ﺍﻧﻲ ﻭﻓﺎﻃﻤﺔ ﻧﺮﻭﺡ ﺍﻟﻴﻮﻡ ﻟﺒﻴﺖ ﻫﺎﻟﺔ
ﻫﻨﺎ ﻣﺴﻮﻳﻦ ﺍﻟﻔﺎﺗﺤﺔ
ﺍﻟﻨﺴﻮﺍﻥ ﺑﺎﻟﺒﻴﺖ
ﻭﺍﻟﺮﺟﺎﻝ ﺑﺎﻟﺤﺴﻴﻨﻴﺔ ﺍﻟﻘﺮﻳﺒﺔ ﻋﻠﻰ ﺑﻴﺖ ﻋﻤﻬﻢ ﻣﺤﻤﺪ ﺍﻟﻤﺴﺆﻭﻝ
ﻟﻠﻌﺼﺮﺍﺟﺘﻲ ﺷﻴﻤﺎﺀ ﻭﻛﻠﺘﻠﻬﺎ ﻋﻠﻰ ﻭﻓﺎﺓ ﺍﺑﻮ ﻗﺎﺳﻢ
ﻭﻛﺎﻟﺖ ﺍﺭﻭﺡ ﻭﻳﺎﺝ
ﻭﺻﺎﺩﻑ ﻓﺎﻃﻤﺔ ﺍﺟﺘﻲ ﻫﻲ ﻭﺍﺧﻮﻫﺎ
ﻭﺍﺧﺬﻭﻧﺎ ﻟﻠﻔﺎﺗﺤﺔ
ﻭﻫﻨﺎﻙ
ﺷﻔﻨﺎ ﻫﺎﻟﺔ ﻭﺧﻮﺍﺗﻬﺎ ﻓﺎﻗﺪﺍﺕ ﻳﺒﺠﻮﻥ ﻭﻳﻠﻄﻤﻮﻥ
ﻭﺍﻡ ﻗﺎﺳﻢ ﻣﺎ ﺷﻔﺘﻬﺎ ﺍﻟﻲ ﻋﺮﻓﺘﻪ ﺍﺗﺨﺮﺑﻄﺖ ﺻﺤﺘﻬﺎ
ﻭﻗﺎﺳﻢ ﻣﺎﺧﺬﻫﺎ ﻟﻠﻤﺴﺘﺸﻔﻰ
ﺷﻔﺖ ﺍﻏﻠﺐ ﺟﺎﺭﺗﻨﺎ ﺍﻟﻘﺪﻳﻤﺎﺕ ﻭﺷﻔﺖ ﺧﺎﻟﺔ ﺍﻡ ﻓﺮﺯﺩﻕ
ﻭﺍﻡ ﺻﻬﻴﺐ ﻭﺳﻠﻤﺖ ﻋﻠﻴﻬﻢ
ﻭﺟﺎﻥ ﺍﺷﻮﻑ ﺍﻡ ﺭﺍﺋﺪ ﻭﻟﻴﻠﻰ ﻣﻮﺟﻮﺩﺍﺕ ﻫﻤﺎﺗﻴﻦ
ﻣﺎ ﺭﺣﺖ ﺳﻠﻤﺖ ﻋﻠﻴﻬﻢ
ﺑﺲ ﺷﻴﻤﺎﺀ ﺳﻠﻤﺖ ﻋﻠﻴﻬﻢ ﻣﻦ ﺑﺎﺏ ﺍﻻﺻﻮﻝ
ﻭﻣﺤﺪ ﻳﻌﺮﻑ ﻣﻦ ﺍﻟﺠﻮﺍﺭﻳﻦ ﺷﻨﻮ ﺍﻟﺼﺎﺭ ﺑﻴﻨﺎ
ﺑﺲ
ﺍﻧﺘﺒﻬﺖ ﻋﻠﻰ ﻟﻴﻠﻰ ﻛﺎﻣﺖ ﻣﻦ ﻣﻜﺎﻧﻬﺎ ﻭﺍﺟﺘﻲ ﻛﻌﺪﺕ ﻳﻤﻲ
ﻣﺎ ﺍﻋﺮﻑ ﻟﻴﺶ ﻛﻠﺒﻲ ﻗﺒﻀﻨﻲ ﻣﻦ ﺍﺟﺘﻲ ﻳﻤﻲ
ﺍﺑﺘﺴﻤﺖ ﺑﻮﺟﻬﻲ ﻭﺳﻠﻤﺖ ﻋﻠﻴﺔ ﻭﻋﻠﻰ ﻓﺎﻃﻤﺔ
ﻇﻠﺖ ﺗﺤﺠﻲ ﻭﺗﺴﻮﻟﻒ ﻭﻳﺔ ﻓﺎﻃﻤﺔ ﺻﺪﻳﻘﺘﻲ
ﻭﺑﺄﺛﻨﺎﺀ ﺍﻟﻜﻼﻡ ﻟﻔﺖ ﺍﻧﺘﺒﺎﻫﻲ ﺍﺳﻢ ﺭﺍﺋﺪ
.. ﺍﺣﻨﺎ ﺯﻋﻼﻧﻴﻦ ﻋﻠﻴﻜﻢ ﺍﻧﺘﻲ ﻭﺍﻣﺞ
ﻓﺎﻃﻤﺔ .. ﺷﻜﻮ ﻟﻴﺶ ﺯﻋﻼﻧﻴﻦ
.. ﻟﻴﺶ ﻣﺎ ﺍﺟﻴﺘﻮﺍ ﺍﻧﺘﻲ ﻭﺍﻣﺞ ﻟﻌﺮﺱ ﺭﺍﺋﺪ ﺑﺬﺍﻙ ﺍﻟﻴﻮﻡ
.. ﺷﻬﻜﺖ ﺷﻬﻜﺔ ﻣﻔﺰﻭﻋﺔ ﺑﺼﺪﺭﻱ ﻣﻦ ﺍﻟﻲ ﺳﻤﻌﺘﻪ
.......
.......
ﺭﺍﺋﺪ ﺍﺗﺰﻭﺝ
ﻭﺍﻟﻠﻪ ﺍﻧﺨﻤﻂ ﻛﻠﺒﻲ ﻣﻦ ﺳﻤﻌﺖ ﻫﺎﻱ ﺍﻟﻜﻠﻤﺔ
ﺷﻬﻜﺖ ﺷﻬﻜﺔ ﻣﻮﺕ ﻟﻜﻦ ﻛﺘﻤﺘﻬﺎ ﺑﺼﺪﺭﻱ
ﺟﻨﺖ ﻛﺎﻋﺪﺓ ﺑﻴﻦ ﺷﻤﺎﺕ ﺧﻔﺖ ﻻﺗﻐﺪﺭﻧﻲ ﺩﻣﻌﺘﻲ
ﻭﺍﻧﻔﻀﺢ ﻳﻤﻬﻢ
ﻣﺎﺭﺩﺕ ﺷﻤﺎﺗﻲ ﻳﻔﺮﺣﻮﻥ ﻭﻳﻜﺤﻠﻮﻥ ﻧﺎﻇﺮﻫﻢ ﺑﺪﻣﻮﻉ ﻋﻴﻨﻲ
ﻣﺎ ﺑﻴﻨﺖ ﻛﺪﺍﻣﻬﻢ ﺍﻱ ﺭﺩﺕ ﻓﻌﻞ
ﻓﺎﻃﻤﺔ ﺟﺎﻭﺑﺖ ﻟﻴﻠﻰ
.. ﺍﻱ ﺻﺪﻙ ﺟﻨﺖ ﺑﻴﻮﻣﻬﺎ ﻛﻠﺶ ﻣﺮﻳﻀﺔ ﻭﻣﺎﻣﺎ ﺑﻘﺖ ﻳﻤﻲ
ﺟﺎﻧﺖ ﺗﺤﺠﻲ ﻭﺗﺒﺎﻭﻉ ﻋﻠﻴﺔ ﺑﺤﺬﺭ ﺟﺎﻧﺖ ﺧﺎﻳﻔﺔ ﻣﻦ ﺭﺩﺓ ﻓﻌﻠﻲ ﻣﻦ
ﺳﻤﻌﺖ ﺍﻟﺨﺒﺮ
ﺑﺎﻭﻋﺖ ﻋﻠﻰ ﺷﻴﻤﺎﺀ ﻳﻢ ﺧﺎﻟﺔ ﺍﻡ ﻓﺮﺯﺩﻕ
ﺟﻨﺖ ﺣﺎﺑﺴﺔ ﺍﻟﺼﺪﻣﺔ ﺑﺪﺍﺧﻞ ﻛﻠﺒﻲ
ﻭﺍﻛﻮﻝ ﻳﺎ ﺭﻭﺣﻲ ﻫﻮﻧﻲ ﻟﺘﺒﺠﻴﻦ ﻋﺎﻟﺒﺎﻋﺞ
ﺟﻨﺖ ﺍﺩﺍﺭﻱ ﺑﺪﻣﻌﺘﻲ ﻭﺧﺎﻳﻔﺔ ﻻ ﺍﺿﻌﻒ ﻛﺪﺍﻡ ﻟﻴﻠﻰ ﻭﺍﻣﻬﺎ ﻭﺍﻧﻬﺎﺭ
ﻭﺑﻬﺎﻱ ﺍﻻﺛﻨﺎﺀ ﺟﻨﺖ ﺍﺩﻋﻲ ﺭﺑﻲ ﻳﻨﻄﻴﻨﻲ ﺍﻟﺼﺒﺮ ﻭﻛﻮﻥ ﻣﺎ ﺍﺑﺠﻲ
ﻭﺍﻟﺤﻤﺪﻟﻠﻪ ﺑﻬﺎﻱ ﺍﻻﺛﻨﺎﺀ ﻭﺻﻠﻮﺍ ﺍﻗﺮﺍﺑﺎﺀ ﺍﺑﻮ ﻗﺎﺳﻢ ﻣﻦ ﺍﻟﺠﻨﻮﺏ
ﺩﺧﻠﺖ ﻣﺮﻳﺔ ﺟﺒﻴﺮﺓ ﺑﺎﻟﻌﻤﺮ ﺗﺼﺮﺥ ﻭﺗﻮﻟﻮﻝ ﻭﻭﻳﺎﻫﺔ ﻣﺠﻤﻮﻋﺔ ﻧﺴﻮﺍﻥ
ﻻﺑﺴﺎﺕ ﻛﻠﻬﻢ ﺍﺳﻮﺩ
ﺍﺗﻮﺳﻄﺖ ﺍﻟﻤﻜﺎﻥ ﻭﺻﺎﺣﺖ
.. ﻳﺒﻮﻭﻭﻭﻭﻭﻭ
ﻭﻛﺎﻣﺖ ﺗﻬﻮﺱ ﻭﺗﻠﻄﻢ ﻭﺍﻟﻨﺴﻮﺍﻥ ﻛﻠﻬﺎ ﺍﺟﺘﻤﻌﺖ ﻣﻦ ﺣﻮﻟﻬﺎ ﻭﻛﺎﻣﻮﺍ
ﻳﻠﻄﻤﻮﻥ ﻭﻳﺎﻫﺔ
( ﻳﺎﻫﻴﺒﻪ ﻭﺻﺪﺭ ﺩﻳﻮﺍﻥ ﻟﻠﻜﻠﻔﺎﺕ ﻳﺮﺩﻭﻧﻪ )
( ﺟﻴﺖ ﻭﻟﻜﻴﺖ ﺍﻟﺒﺎﺏ ﻣﺴﺪﻭﺩ .. ﺍﻇﻠﻦ ﻛﺎﻋﺪﻩ ﻟﻮ ﺭﺩﻥ ﺍﺭﺩﻭﺩ )
( ﻛﻞ ﻳﻮﻡ ﺍﻟﺪﻧﻴﺎ ﺍﺗﺒﺰ ﻋﻴﻨﻲ )
ﺍﻭﻝ ﻣﺮﺓ ﺑﺤﻴﺎﺗﻲ ﺍﺷﻮﻑ ﻫﻴﺞ ﻣﻨﻈﺮ ﻭﻛﻒ ﺷﻌﺮ ﺭﺍﺳﻲ
ﻭﻇﻠﺖ ﺍﻟﻜﻠﻤﺎﺕ ﻣﻌﻠﻜﺔ ﺑﺒﺎﻟﻲ
ﻭﺧﻄﻴﺔ ﻫﺎﻟﺔ ﻭﺧﻮﺍﺗﻬﺎ ﺻﺎﺭﻭﺍ ﻳﺼﺮﺧﻮﻥ ﺑﺼﻮﺕ ﻋﺎﻟﻲ
ﻫﻮﺳﺎﺕ ﺍﻟﻤﺮﻳﺔ ﻫﻴﺠﺖ ﻣﻮﺍﺟﻌﻬﻢ
ﺍﻧﺘﺒﻬﺖ ﻋﻠﻰ ﻫﺎﻟﺔ ﻓﻘﺪﺕ ﺑﺎﻟﺒﺠﻲ ﻭﺍﻟﻠﻄﻢ
ﺗﻠﻘﺎﺋﻴﺎً ﻛﻤﺖ ﻣﻦ ﻣﻜﺎﻧﻲ ﻭﺭﺣﺖ ﻋﻠﻴﻬﺎ ﻭﻟﺰﻣﺖ ﺍﻳﺪﻳﻬﺎ
ﻭﺣﻀﻨﺘﻬﺎ ﺍﺻﺒﺮﻫﺎ
ﻣﻨﻈﺮ ﻫﺎﻟﺔ ﻭﺣﺰﻧﻬﺎ ﻋﻠﻰ ﺍﺑﻮﻫﺎ ﺳﻠﺐ ﻣﻨﻲ ﺣﺰﻧﻲ
ﻋﻠﻰ ﺯﻭﺍﺝ ﺭﺍﺋﺪ ﻭﺍﺳﺘﺼﻐﺮﺕ ﻫﻤﻲ
ﺍﺻﻼ ﺻﺎﺭ ﺣﺰﻧﻲ ﻣﻘﺎﺭﻧﺘﺎً ﺑﺤﺰﻥ ﻫﺎﻟﺔ ﻭﺍﻫﻠﻬﺎ
ﻋﻠﻰ ﻓﻘﺪﺍﻧﻬﻢ ﻋﻤﻮ ﺍﺑﻮ ﻗﺎﺳﻢ ﺷﻲ ﺗﺎﻓﻪ
......
ﻭﺑﻌﺪﻫﺎ ﻫﺎﻟﺔ ﺍﻧﻬﺎﺭﺕ
ﻭﺍﺟﺘﻲ ﺍﺧﺘﻬﺎ ﻣﻨﻰ ﻭﻛﺎﻟﺖ
.. ﺑﻨﺎﺕ ﻋﻔﻴﺔ ﺍﺧﺬﻭﻫﺎ ﺩﺧﻠﻮﻫﺎ ﻟﻠﻐﺮﻓﺔ ﻻ ﺗﺘﺨﺮﺑﻂ ﻋﻠﻴﻨﺎ
ﻭﺍﻟﻠﻪ ﺑﻌﺪ ﻣﺎ ﺑﻴﻨﺎ ﺣﻴﻞ ﻭﺍﺣﺪ ﻳﺘﺨﺮﺑﻂ
ﻛﺎﻓﻲ ﺍﻣﻲ ﺑﺎﻟﻤﺴﺘﺸﻔﻰ
ﻛﻤﻨﺎ ﺍﻧﻲ ﻭﻓﺎﻃﻤﺔ ﻭﺩﺧﻠﻨﺎ ﻫﺎﻟﺔ ﻟﻠﻐﺮﻓﺔ
ﻭﻫﻲ ﺑﺲ ﺗﺒﺠﻲ ﻭﻋﻴﻮﻧﻬﺎ ﺣﻤﺮ
ﻭﺍﻟﻮﺟﻪ ﺍﺣﻤﺮ ﻭﺍﻟﺨﺪﻭﺩ ﻣﺨﺮﻃﺔ ﻭﺍﻟﺸﻌﺮ ﻣﻨﻔﻮﺵ ﻭﺣﺎﻟﺘﻬﺎ ﺣﺎﻟﺔ
ﺧﻄﻴﺔ ﺟﺎﻧﺖ ﻛﻠﺶ ﻣﻜﺴﻮﺭﺓ ﻋﻠﻰ ﺍﺑﻮﻫﺎ ﺟﺎﻥ ﻭﻧﻌﻢ ﺍﻻﺏ
ﺑﺎﻟﻨﺴﺒﺔ ﺍﻟﻬﺎ ﻭﻟﺨﻮﺍﺗﻬﺎ ﻛﺎﻥ ﺩﻻﻟﻬﻢ ﻭﻫﻴﺒﺘﻬﻢ
ﺳﺒﺤﺎﻥ ﺍﻟﻠﻪ ﻋﻜﺲ ﺍﺑﻮﻧﺎ
ﺍﻟﺤﻘﻴﻘﻪ ﻣﺎﺍﻋﺮﻑ ﺭﺍﺡ ﺍﺣﺰﻥ ﻋﻠﻰ ﺍﺑﻮﻳﺔ ﻟﻮ ﻻ ﺍﺫﺍ ﻣﺎﺕ
ﺗﻮﺍﻟﺖ ﺍﻟﺴﺎﻋﺎﺕ ﻭﺍﺣﻨﺎ ﻛﺎﻋﺪﺍﺕ ﻳﻢ ﻫﺎﻟﺔ
ﻧﻮﺍﺳﻴﻬﺎ ﻭﻧﺼﺒﺮ ﻋﻠﻴﻬﺎ
ﺍﻧﺘﺒﻬﺖ ﻟﻬﺎﻟﺔ ﻛﻞ ﺷﻮﻳﺔ ﺗﺴﺄﻝ ﻭﺣﺪﺓ ﻣﻦ ﺧﻮﺍﺗﻬﺎ ﻋﻠﻰ ﺍﺧﻮﻫﺎ
ﻗﺎﺳﻢ ﻭﻳﻦ
ﻭﺗﺮﺟﻊ ﺗﺒﺠﻲ ﻭﺗﺤﺠﻲ ﺑﺲ ﻟﻔﺖ ﺍﻧﺘﺒﺎﻫﻲ ﻛﻼﻡ ﻫﺎﻟﺔ ﺑﺄﺛﻨﺎﺀ ﺍﻟﺒﺠﻲ
.. ﻭﻟﻚ ﻳﺎﺑﺔ ﻣﻮﺗﻮﻙ ﻭﺍﺭﺗﺎﺣﻮﺍ
ﻣﻔﺘﻬﻤﺖ ﻋﻠﻴﻬﺎ ﻣﻨﻮ ﻣﻮﺗﻪ ﻻﺑﻮﻫﺎ
ﻭﺗﺒﺠﻲ ﻭﺗﺮﺟﻊ ﺗﻜﻤﻞ
.. ﻣﻦ ﺍﻟﻠﻪ ﻻﻳﻮﻓﻘﻚ ﻳﺎ ﻣﻨﻴﺮ ﺍﻧﺖ ﻭﺍﺑﻨﻚ
ﻣﻮﺗﻮﺍ ﺑﺎﺑﺎ ﺑﺤﺴﺮﺗﻪ
ﺍﻟﺘﻔﺘﺖ ﻋﻠﻰ ﻓﺎﻃﻤﺔ ﻭﺣﺠﻴﺖ ﺑﺼﻮﺕ ﻧﺎﺻﻲ
.. ﺍﻛﻮﻝ ﻫﺬﺍ ﻣﻨﻴﺮ ﻣﻮ ﻋﻤﻬﺎ
ﺟﺎﻭﺑﺘﻨﻲ ﺑﻨﻔﺲ ﺻﻮﺗﻲ .. ﺍﻱ ﻣﻨﻴﺮ ﻋﻤﻬﺎ .
.. ﻟﻌﺪ ﻟﻴﺶ ﺗﺪﻋﻲ ﻋﻠﻴﻪ ﺷﻜﻮ ﺷﺼﺎﻳﺮ ﺑﻴﻨﻬﻢ
.. ﻣﺎ ﺍﻋﺮﻑ ﻭﺍﻟﻠﻪ ﺑﺲ ﺍﻟﺒﺎﺭﺣﺔ ﻣﺎﻣﺎ ﻣﻦ ﺭﺟﻌﺖ ﻣﻨﻬﻢ ﻛﺎﻟﺖ ﺻﺎﻳﺮﺓ
ﻣﺸﺎﻛﻞ ﺑﺒﻴﺘﻬﻢ
.. ﻳﺎﺍﺍﺍﺍ ﺧﻄﻴﺔ ﻫﺎﻟﺔ ﻳﺎﺭﺑﻲ ﻭﺍﻟﻠﻪ ﻣﻴﺴﺘﺎﻫﻠﻮﻥ ﺍﻫﻠﻬﺎ ﺧﻮﺵ ﻧﺎﺱ
ﺷﻮﻳﺔ ﻭﺩﻙ ﻧﻘﺎﻝ ﻓﺎﻃﻤﺔ ﻭﺍﻟﻤﺘﺼﻞ ﺍﺧﻮﻫﺎ
ﺍﻟﺘﻔﺘﺖ ﻋﻠﻴﺔ ﻭﻛﺎﻟﺖ
.. ﻳﺎﻟﻠﻪ ﻫﺪﻯ ﺍﺧﻮﻳﺔ ﺑﺎﻟﺒﺎﺏ ﻳﻨﺘﻈﺮﻧﺎ
ﺑﺎﻭﻋﺖ ﻋﻠﻰ ﻫﺎﻟﺔ ﻭﻛﻠﺒﻲ ﻣﺎ ﻳﻨﻄﻴﻨﻲ ﺍﻋﻮﻓﻬﺎ ﻭﺍﺭﻭﺡ ﺑﺲ ﺍﺗﺄﺧﺮﻧﺎ
ﻋﻨﺪﻫﻢ ﻭﺻﺎﺭﺕ ﺍﻟﺴﺎﻋﺔ ﺑﺎﻟﺴﺒﻌﺔ ﺑﺎﻟﻠﻴﻞ
ﻭﺷﻴﻤﺎﺀ ﻛﻞ ﺷﻮﻳﺔ ﺗﺘﺼﻞ ﻋﻠﻴﺔ ﺗﺴﺄﻟﻨﻲ ﺷﻮﻛﺖ ﺍﺭﺟﻊ
ﻟﻠﺒﻴﺖ ﻻﻥ ﻫﻲ ﺭﺟﻌﺖ ﻗﺒﻠﻲ ﻭﻳﺔ ﺍﻡ ﻓﺎﻃﻤﺔ
ﺍﻟﺘﻔﺘﺖ ﻋﻠﻰ ﻫﺎﻟﺔ
ﺍﺳﺘﺄﺫﻧﺖ ﻣﻨﻬﺎ ﻫﻲ ﺗﺒﺎﻭﻉ ﻋﻠﻴﻨﺎ ﺷﻜﻠﻬﺎ ﻣﺘﺮﻳﺪ ﻧﻌﻮﻓﻬﺎ
ﺑﺴﺘﻬﺎ ﻣﻦ ﺧﺪﻫﺎ ﻭﺣﻀﻨﺘﻬﺎ ﻭﻭﻋﺪﺗﻬﺎ ﺑﺎﺟﺮ ﺍﺭﺟﻌﻠﻬﺎ
ﻭﻓﺎﻃﻤﺔ ﻫﺎﻣﺘﻴﻦ ﺣﻀﻨﺘﻬﺎ ﻭﻛﺎﻟﺖ
.. ﻫﺎﻟﺔ ﺣﺒﻴﺒﺘﻲ ﺻﻴﺮﻱ ﻗﻮﻳﺔ ﻟﺨﺎﻃﺮ ﺍﻣﺞ ﻭﺧﻮﺍﺗﺞ
......
ﺑﻌﺪﻫﺎ
ﻃﻠﻌﻨﺎ ﻻﺧﻮ ﻓﺎﻃﻤﺔ ﻭﺻﻌﺪﻧﺎ ﺍﻧﻲ ﻭﻓﺎﻃﻤﺔ ﻛﻌﺪﻧﺎ ﻭﺭﺓ
ﺣﺴﻴﺖ ﺑﻔﺎﻃﻤﺔ ﻋﻨﺪﻫﺎ ﺣﺠﻲ ﺗﺮﻳﺪ ﺗﺤﺠﻴﻪ ﻭﻳﺎﻱ
ﻭﺍﺳﺘﻐﻠﺖ ﺍﻧﺸﻐﺎﻝ ﺍﺧﻮﻫﺎ ﺑﺎﻟﻨﻘﺎﻝ
ﺣﺠﺖ ﻭﻳﺎﻱ ﺑﺼﻮﺕ ﻧﺎﺻﻲ
.. ﻫﺪﻯ ﺑﺨﺼﻮﺹ ﺯﻭﺍﺝ ﺭﺍﺋﺪ
ﺍﻧﻲ ﻣﻜﻠﺘﻠﺞ ﺑﺴﺎﻟﻔﺔ ﺯﻭﺍﺟﻪ ﻻﻥ ﺍﻋﺮﻑ ﺭﺍﺡ ﺗﻨﻘﻬﺮﻳﻦ
ﻭﻛﻠﺖ ﺧﻠﻴﻬﺎ ﺗﻨﺴﺎﻩ ﺑﻌﺪ ﻫﻮ ﻛﻠﻤﻦ ﺭﺍﺡ ﺑﻄﺮﻳﻘﻪ ﺷﺮﺍﺡ ﺗﺴﺘﻔﺎﺩ ﺍﺫﺍ
ﻛﻠﺘﻠﻬﺎ
ﻛﻼﻡ ﻓﺎﻃﻤﺔ ﻫﻴﺞ ﻋﻠﻴﺔ ﺍﻟﻤﻮﺍﺟﻊ ﻣﺜﻞ ﺍﻟﻤﺮﻳﺾ ﺍﻟﻲ
ﻳﻔﻜﻪ ﺍﻟﺒﻨﺞ ﺗﺒﺪﻱ ﺍﻻﻻﻟﻢ ﺗﺘﻮﺍﻟﺔ ﻋﻠﻴﻪ ﻣﺜﻞ ﺍﻟﺴﻬﺎﻡ
ﻫﺬﺍ ﺣﺎﻟﻲ
ﺑﺎﻭﻋﺖ ﻋﻠﻴﻬﺎ ﺑﻌﺘﺐ
.. ﻟﻴﺶ ﺧﻠﻴﺘﻲ ﻟﻴﻠﻰ ﺗﺼﺪﻣﻨﻲ ﺑﺎﻟﺨﺒﺮ ﻭﺗﺘﺸﻔﻰ ﺑﻴﺔ
ﻟﻮ ﻛﺎﻳﻠﺘﻠﻲ ﻋﻠﻰ ﺍﻻﻗﻞ ﺍﻛﻮﻥ ﻣﺴﺘﻌﺪﺓ ﻟﻠﻴﻠﻰ ﻭﻣﺎ ﺍﻧﺼﺪﻡ
.. ﻣﺎ ﺍﻧﺎﻃﺎﻧﻲ ﻛﻠﺒﻲ ﺍﻗﻬﺮﺝ ﻓﻮﻙ ﻣﺎ ﺍﻧﺘﻲ ﺩﺗﻌﺎﻧﻴﻦ ﻣﻦ ﺍﻟﺴﻮﺍﻩ ﺑﻴﺞ
ﺑﺲ ﻟﺘﻨﻘﻬﺮﻳﻦ ﺍﻧﻲ ﺍﺧﺬﺗﻠﺞ ﺑﺤﻘﺞ ﻭﺷﻔﻴﺖ ﻏﻠﻴﻠﻲ ﺑﻴﻪ
ﻋﻘﺪﺕ ﺣﻮﺍﺟﺒﻲ .. ﺷﻨﻮ ﺷﻮﻛﺖ ﺷﻔﺘﻴﻪ
.. ﻣﻦ ﺭﺣﺖ ﻭﻳﺔ ﺍﻣﻲ ﻟﺒﻴﺘﻬﻢ ﻋﻠﻤﻮﺩ ﺍﻣﻪ ﻣﺮﻳﻀﺔ
ﺍﻧﺘﺒﻬﺖ ﻟﺮﺍﺋﺪ ﻳﺮﻭﺡ ﻭﻳﺮﺟﻊ ﻋﻠﻴﻨﺎ
ﻋﺮﻓﺖ ﺑﻴﻪ ﻳﺮﻳﺪ ﻳﺤﺠﻲ ﻭﻳﺎﻱ
ﺻﺎﺣﺘﻠﻲ ﺑﻮﻗﺘﻬﺎ ﻟﻴﻠﻰ ﻭﺍﺧﺬﺗﻨﻲ ﻟﻠﻤﻄﺒﺦ
ﻭﺩﺧﻞ ﻫﻮ ﻭﺣﺠﺔ ﻭﻳﺎﻱ
ﻛﺎﻥ ﺟﺪﺍ ﺣﺮﻳﺺ ﻟﺤﺘﻰ ﻳﺸﻮﻓﻨﻲ ﻭﻳﺤﺠﻲ ﻭﻳﺎﻱ ﺣﺘﻰ ﺍﻭﺻﻠﺞ
ﺍﻟﻜﻼﻡ ﺑﺲ ﺍﻧﻲ ﺑﻮﻗﺘﻬﺎ ﻣﺎ ﺣﺠﻴﻠﺘﺞ ﻋﻨﺎﺩ ﺑﻴﻪ
ﻣﺮﺩﺕ ﺍﺑﻠﻐﻪ ﻣﺮﺍﺩﻩ ﻋﻦ ﻃﺮﻳﻘﻲ
.. ﻟﻴﺶ ﻫﻮ ﺷﻨﻮ ﻛﻠﺞ
ﻛﺎﻝ .. ﻛﻠﻲ ﻟﻬﺪﻯ ﺭﺍﺋﺪ ﺭﺍﺡ ﻳﺨﻄﺐ
ﻭﺑﻠﻐﻴﻬﺎ ﻭﻛﻠﻴﻠﻬﺎ
ﺍﻟﺴﻮﺗﻪ ﺍﺧﺘﺞ ﺷﻴﻤﺎﺀ ﻣﺮﺍﺡ ﻳﻐﻴﺮ ﻣﻦ ﻗﺮﺍﺭﻱ
ﺷﻲ ﺻﺤﻴﺢ ﺷﻴﻤﺎﺀ ﺧﻠﺘﻨﻲ ﺍﻋﺮﻑ ﺍﻧﺘﻲ ﺑﺮﺋﻴﺔ
ﻭﺍﻧﻈﻠﻤﺘﻲ
ﺑﺲ ﻫﺬﺍ ﺍﻟﺸﻲ ﻣﻴﻤﻨﻊ ﻭﻻ ﺭﺍﺡ ﻳﻠﻐﻲ ﺍﻥ ﻫﺪﻯ ﺩﺧﻠﺖ ﻟﻠﻤﻠﻬﻰ
ﻭﺟﺎﻧﺖ ﺗﺸﺘﻐﻞ ﺑﻲ
ﻫﺬﺍ ﻛﻠﻪ ﺳﻮﺗﻪ ﻣﻦ ﺩﻭﻥ ﻋﻠﻤﻲ
ﻭﻻ ﺣﺘﻰ ﻛﻠﻔﺖ ﻧﻔﺴﻬﺎ ﺗﻜﻠﻲ ﺑﺎﻟﻤﻮﺿﻮﻉ
ﻭﻣﺴﺘﺤﻴﻞ ﺍﻱ ﺭﺟﺎﻝ ﺭﺍﺡ ﻳﺘﻘﺒﻞ ﻳﺘﺰﻭﺝ ﺑﻨﻴﺔ
ﺟﺎﻧﺖ ﺗﺸﺘﻐﻞ ﺑﻤﻠﻬﻰ ﻟﻮ ﻣﻬﻤﺎ ﻛﺎﻧﺖ ﺍﻻﺳﺒﺎﺏ
ﺗﺒﻘﻰ ﺑﻌﻴﻦ ﺍﻟﻜﻞ ﻭﺻﻤﺔ ﻋﺎﺭ ﻓﻲ ﻏﺾ ﺍﻟﻨﻈﺮ ﺍﻥ ﻫﻲ ﺟﺎﻧﺖ ﺗﺠﻬﻞ
ﻧﻮﻉ ﺍﻟﻤﻜﺎﻥ
.....
ﻭﺍﻧﻲ ﺣﺠﻴﺖ ﻭﻳﺎﻩ ﻭﻛﻠﺘﻠﻪ
.. ﻣﺎ ﺍﻛﻮﻝ ﻏﻴﺮ ﺑﺲ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺑﻴﻜﻢ ﺍﻧﺖ ﻭﻟﻴﺎﻥ
ﻛﺴﺮﺗﻮﻫﺎ ﻟﻠﺒﻨﻴﺔ
ﺑﺲ ﺧﻠﻴﻬﺎ ﺑﺒﺎﻟﻚ ﺻﺪﻛﻨﻲ ﺍﻧﺖ ﺍﻟﺨﺴﺮﺍﻥ ﻭﺭﺍﺡ ﻳﺠﻲ ﺍﻟﻴﻮﻡ ﺍﻟﻲ
ﺗﻌﺾ ﺍﻳﺪﻳﻚ ﻣﻦ ﺍﻟﻨﺪﻡ ﻋﻠﻴﻬﺎ
ﺗﺮﻳﺪ ﺗﺘﺰﻭﺝ
ﺭﻭﺡ ﺍﺗﺰﻭﺝ ﺑﺲ ﻻ ﺗﻈﻦ ﺍﻥ ﺑﺰﺍﻭﺟﻚ ﺭﺍﺡ ﺗﻌﺎﻗﺐ ﻫﺪﻯ
ﺍﻭ ﺗﻜﺴﺮﻫﺎ
ﺑﺎﻟﻌﻜﺲ ﻫﺪﻯ ﺻﺪﻳﻘﺘﻲ ﻭﺍﻋﺮﻓﻬﺎ ﺯﻳﻦ
ﺧﺒﺮ ﺯﻭﺍﺟﻚ ﺭﺍﺡ ﻳﻘﻮﻳﻬﺎ ﻭﻳﺨﻠﻴﻬﺎ ﺗﻨﻬﺾ ﻣﻦ ﺟﺪﻳﺪ ﻻﻥ
ﺳﺎﻋﺘﻬﺎ ﺭﺍﺡ ﺗﻌﺮﻑ ﺍﻥ ﻫﻲ ﺣﺒﺖ ﻭﺍﺣﺪ ﻣﺎ ﻳﺴﺘﺎﻫﻞ ﺣﺒﻬﺎ
ﻭﻫﻲ ﺗﺴﺘﺤﻖ ﺍﻻﺣﺴﻦ ﻣﻨﻚ
ﻭﻃﻠﻌﺖ ﻭﺗﺮﻛﺘﻪ ﻭﺭﺍﻱ
ﺳﻤﻌﺖ ﺻﻮﺗﻪ ﻳﺴﺐ ﻭﻳﻠﻌﻦ ﺍﺩﺭﻱ ﺑﻲ
ﺟﺎﻥ ﻳﺘﻤﻨﻰ ﻳﺸﻮﻑ ﻭﺟﻬﺞ ﻣﻦ ﺗﺴﻤﻌﻴﻦ ﺍﻟﺨﺒﺮ
ﻋﺒﺎﻟﻪ ﻫﻮ ﺑﺰﻭﺍﺟﻪ ﺭﺍﺡ ﻳﻌﺎﻗﺒﺞ ﻋﺎﻟﺴﻮﻳﺘﻴﻪ
ﺟﺎﻧﺖ ﻓﺎﻃﻤﺔ ﺗﺤﺠﻲ ﻭﺍﻧﻲ ﻭﻳﺔ ﻛﻞ ﻛﻠﻤﺔ ﻛﻠﺒﻲ ﻳﺘﻜﻄﻊ
ﺑﺲ ﺑﺄﺧﺮ ﻛﻠﻤﺎﺕ ﺣﺴﻴﺖ ﺍﺟﺘﻲ ﻟﻜﻠﺒﻲ ﻣﺜﻞ ﺍﻟﺼﻌﻘﺔ ﺍﻟﻲ
ﺗﻮﻋﻲ ﺍﻟﺒﺸﺮ ﻭﺗﺮﺟﻌﻪ ﻳﻔﻜﺮ ﻣﻨﺠﺪﻳﺪ
ﻭﺭﻓﻌﺖ ﺭﺍﺳﻲ ﻭﺣﺠﻴﺖ
.. ﻳﺤﻠﻢ ﺍﺫﺍ ﺧﻠﻴﺘﻪ ﻳﺸﻮﻓﻨﻲ ﻣﺴﻜﻮﺭﺓ ﻋﻠﻰ ﻫﺠﺮﻩ
ﺻﺪﻛﻲ ﻭﺍﻣﻨﻲ ﺑﺎﻟﻠﻪ
ﺑﻌﺪ ﺍﻟﺴﻤﻌﺘﻪ ﻭﺍﻟﻌﺮﻓﺘﻪ
ﺧﺎﻑ ﺟﺎﻥ ﻋﻨﺪﻱ ﺍﻟﻪ ﺑﻜﻠﺒﻲ
ﺷﻮﻳﺔ ﻣﺠﺎﻝ ﺑﻬﺎﻱ ﺣﺠﺎﻳﺘﻪ
ﺻﺎﺭ ﻣﻜﺎﻥ ﺣﺒﻪ ﺑﻜﻠﺒﻲ ﻭﺻﻤﺔ ﻋﺎﺭ
ﻣﺪﺕ ﺍﻳﺪﻫﺎ ﻭﻟﺰﻣﺖ ﺍﻳﺪﻱ ﻭﻋﺼﺮﺗﻬﺎ
.. ﻋﻔﻴﺔ ﻋﻠﻴﺞ ﻫﺎﻱ ﻫﻲ ﻫﺪﻯ ﺻﺪﻳﻘﺘﻲ ﺍﻟﻲ ﺍﻋﺮﻓﻬﺎ
ﻟﺘﺨﻠﻴﻦ ﻭﺍﺣﺪ ﻣﺜﻞ ﺭﺍﺋﺪ ﻳﻬﺰﺝ ﻭﻳﻜﺴﺮﺝ
ﺍﻟﺘﻔﺘﺖ ﻋﻠﻴﻬﺎ ﻭﻋﻘﺪﺕ ﺣﻮﺍﺟﺒﻲ ﻭﺳﺄﻟﺖ
.. ﺍﻟﻌﻔﻮ ﻏﺎﺋﺪ ﻣﻨﻮ؟؟؟
ﺍﺑﺘﺴﻤﺖ ﻭﻛﺎﻟﺖ ﻛﻠﻤﺘﻨﺎ ﺍﻟﻤﺸﻬﻮﺭﺓ
.. ﻫﻮﻭﻭﺍﺍﺍﺍﺍ ﺩﺓ
ﻏﻴﺮﺕ ﺍﻟﻤﻮﺿﻮﻉ ﻭﻋﻀﻴﺖ ﺟﺮﺣﻲ ﺍﻟﻴﻨﺰﻑ ﻭﺩﺳﺖ ﻋﻠﻴﻪ
.. ﺍﻛﻮﻝ ﺑﺎﺟﺮ ﻣﻮ ﺗﻨﺴﻴﻦ ﺗﻤﺮﻳﻦ ﻋﻠﻴﺔ ﻭﻧﺮﻭﺡ ﻟﻬﺎﻟﺔ ﻣﻦ ﻭﻛﺖ ﺧﻄﻴﺔ
ﻟﻮﺣﺪﻫﺎ ﻭﻫﻲ ﺗﺤﺘﺎﺟﻨﺎ ﻳﻤﻬﺎ ﺑﻬﻴﺞ ﺍﻳﺎﻡ
.. ﺻﺎﺭ ﺗﺪﺩﻟﻴﻦ ﻣﻦ ﻋﻴﻮﻧﻲ
🌹🌹
....
ﺍﻧﺎ ﻟﻦ ﺍﺑﻜﻲ
ﻻﻧﻲ ﻓﻮﻕ ﺍﻟﺒﻜﺎﺀ
ﻭﻻﻧﻚ ﻣﺨﻄﺊ ﺣﻴﻦ ﺗﻈﻦ
ﺍﻧﻲ ﻫﺸﺔ ، ﻛﺒﻌﺾ ﺍﻟﻨﺴﺎﺀ
.....
ﺍﺟﻠﺲ ﻋﻠﻰ ﺑﺎﺏ ﺣﺰﻧﻲ
ﺍﺑﻜﻴﻚ ﻛﻞ ﻣﺴﺎﺀ
ﺍﻧﺘﻈﺮ ﻋﻮﺩﺗﻚ
ﺣﻴﻨﻤﺎ ..
ﻭﻛﻴﻔﻤﺎ ﺗﺸﺎﺀ
ﺍﻧﺎ ﺍﺣﺒﻚ
ﻭﻟﻜﻦ ﺍﻥ ﺭﺣﻠﺖ
ﻟﻦ ﺍﺭﺟﻮﻙ ﺍﻟﺒﻘﺎﺀ
ﺳﺎﻗﻴﻢ ﻣﺮﺍﺳﻢ ﺩﻓﻨﻚ ﻓﻲ ﻗﻠﺒﻲ
ﻭﺍﺗﻘﺒﻞ ﺑﻚ ﺍﻟﻌﺰﺍﺀ
ﺍﻧﺎ ﻣﺜﻞ ﻧﺨﻞ ﺍﻟﻌﺮﺍﻕ
ﻳﻤﻮﺕ ﻭﺍﻗﻔﺎ
ﺭﺍﺳﺦ ﻓﻲ ﺍﻻﺭﺽ
ﺳﻌﻔﺎﺗﻪ ﺗﻌﺎﻧﻖ ﺍﻟﺴﻤﺎﺀ
ﺷﺎﻣﺨﺎ
ﻣﺘﺤﺪﻳﺎ
ﺍﻥ ﻫﺒﺖ ﻋﻠﻴﻪ ﺭﻳﺎﺡ ﺍﻟﺸﺘﺎﺀ
ﻭﻟﻦ ﺍﺑﻜﻴﻚ ﺍﺑﺪﺍ
ﻻﻧﻲ ﻓﻮﻕ ﺍﻟﺒﻜﺎﺀ
ﻭﻻﻧﻚ ﻣﺨﻄﺊ ﺣﻴﻦ ﺗﻈﻦ
ﺍﻧﻚ ﺍﺑﺠﺪﻳﺔ ﺍﻟﻬﻮﻯ
ﻭﻣﻦ ﺩﻭﻧﻚ ﺗﺴﻘﻂ ﺣﺮﻭﻓﻲ
ﻓﺘﺘﻨﺎﺛﺮ ﺭﻭﺣﻲ ﺍﺷﻼﺀ
Hoda#
. 🌹🌹🌹🌹🌹🌹🌹🌹🌹🌹🌹🌹🌹
ﻭﻭﺻﻠﻮﻧﻲ ﻟﻠﺒﻴﺖ
ﻭﻣﺸﺖ ﻣﻦ ﺭﺍﺱ ﺍﻟﻔﺮﻉ ﻭﺍﺟﺎﻧﻲ ﻋﻼﻭﻱ ﻳﺮﻛﺾ ﺣﺎﻓﻲ ﻓﺮﺣﺎﻥ
ﻭﺑﻴﺪﻩ ﺣﺐ ﺷﻤﺴﻲ
ﻭﺻﺎﺭ ﻳﻤﺸﻲ ﺑﺼﻔﻲ ﻭﻳﺤﺠﻲ ﻭﻳﺎﻱ
.. ﻣﺒﺮﻭﻙ ﻫﺪﻯ ﺳﻤﻌﺖ ﻣﻦ ﺍﻣﻲ ﻣﺎ ﺻﺎﺭﺕ ﺍﻟﺨﻄﻮﺑﺔ ﺧﺮﺑﺖ ﻭﺍﻧﺎ
ﻣﻦ ﺳﻤﻌﺖ ﺭﺣﺖ ﺍﺷﺘﺮﻳﺖ ﺣﺐ ﺷﻤﺴﻲ ﻭﻭﺯﻋﺘﻪ ﻋﻠﻰ ﺍﺻﺪﻗﺎﺋﻲ
ﻣﻦ ﺍﻟﻔﺮﺣﺔ
ﺑﺎﻭﻋﺖ ﻋﻠﻴﻪ ﻳﺎﻟﻠﻪ ﺷﻜﺪ ﺟﻨﺖ ﻣﺨﺘﻨﻜﺔ ﻭﺿﺎﻳﺠﺔ ﺑﺲ ﻣﻦ ﺣﺠﻲ
ﻋﻼﻭﻱ ﺍﻻﻣﻠﺢ ﺧﺮﺑﺖ ﻣﻦ ﺍﻟﻀﺤﻚ
.. ﻫﻬﻬﻬﻬﻬﻬﻬﻪ ﺍﻟﻠﻪ ﻳﻠﻌﻨﻚ ﺷﻜﻞ ﻋﻴﻨﻚ ﻭﻏﺎﻳﺔ ( ﻭﺭﺍﻳﺔ )
ﺍﺷﻮﻑ ﺍﻟﻮﻟﺪ ﻃﺎﻍ ( ﻃﺎﺭ )
ﻫﺎﻱ ﺍﺛﺎﻏﻲ ( ﺍﺛﺎﺭﻱ ) ﺍﻧﺖ ﺍﻟﻲ ﻃﻴﻐﺘﻪ ( ﻃﻴﺮﺗﻪ )
.. ﻻ ﻣﺎ ﺳﻮﻳﺘﻠﻪ ﺷﻲ ﺑﺲ ﻣﺮﺓ
ﻣﻦ ﺟﺎﻥ ﻳﻨﺘﻈﺮﺝ ﺷﻤﺮﺕ ﻋﻠﻰ ﺭﺍﺳﻪ ﺣﺠﺎﺭﺓ ﺻﻐﻴﺮﺓ ﻣﻦ ﺑﻴﻌﻴﺪ
ﺑﺪﻭﻥ ﻣﻴﺸﻮﻓﻨﻲ
ﻭﻫﻮ ﻇﻞ ﻳﻔﺮﻙ ﺑﻤﻜﺎﻥ ﺍﻟﻀﺮﺑﺔ ﻭﻳﺘﻠﻔﺖ ﻳﺮﻳﺪ ﻳﺸﻮﻑ ﻣﻨﻮ
ﺷﻤﺮﻫﺎ ﻋﻠﻴﻪ
ﻭﺍﻟﻤﺮﺓ ﺍﻟﺜﺎﻧﻴﺔ ﻣﺎ ﻟﺤﻜﺖ ﺍﺿﺮﺑﻪ ﺭﺍﺡ
ﻭﺍﻳﺴﺖ ﻣﻨﻪ ﻭﻛﻠﺖ ﺍﻟﻤﺮﺓ ﺍﻟﺠﺎﻳﺔ
ﺍﻓﺸﺶ ﺗﺎﻳﺮﺍﺕ ﺍﻟﺴﻴﺎﺭﺓ ﺑﺲ ﺍﻟﺤﻤﺪ ﻟﻠﻪ ﻣﺎ ﺍﺣﺘﺎﺟﻴﺖ ﻃﺎﺭ ﺍﻟﻌﺮﻳﺲ
ﻣﻦ ﺍﻭﻝ ﺣﺠﺎﺭﺓ
.. ﻫﻬﻬﻬﻬﻬﻪ ﻣﺨﺒﻞ ﺍﻧﺖ ﻣﺘﻜﻠﻲ ﺷﻨﻮ ﺳﺎﻟﻔﺘﻚ ﺍﻧﺖ ﻭﺍﻟﺤﺠﺎﻍ ( ﺍﻟﺤﺠﺎﺭ )
.. ﻫﻤﺔ ﻣﻮ ﻳﻜﻮﻟﻮﻥ ﺍﺷﻤﺮ ﻭﺭﺓ ﺍﻟﻨﺎﺱ ﺍﻟﻲ ﺗﻜﺮﻫﻬﻢ ﺳﺒﻊ ﺣﺠﺎﺭﺍﺕ
ﻭﻫﻤﺔ ﺑﻌﺪ ﻣﻴﺮﺟﻌﻮﻥ
.. ﺍﻱ
.. ﺍﺷﻮ ﻫﺬﺍ ﻋﺮﻳﺲ ﺍﻟﻐﻔﻠﺔ ﻣﻦ ﺍﻭﻝ ﺣﺠﺎﺭﺓ ﺭﺍﺡ ﺑﻌﺪ ﻣﺎ ﺭﺩ
.. ﻫﻬﻬﻬﻬﻬﻪ ﺍﻟﻠﻪ ﻳﻠﻌﻨﻚ
ﻣﺪ ﺍﻳﺪﻩ ﺍﻟﻲ ﻛﻠﻬﺎ ﺗﺮﺍﺏ ﺑﻴﻬﺎ ﺣﺐ
.. ﻫﺎﺝ ﺍﺧﺬﻱ ﻛﺮﺯﻱ ﺑﻤﻨﺎﺳﺒﺔ ﺍﻟﻘﻀﺎﺀ ﻋﻠﻰ ﺍﻟﺨﺘﻴﺐ
......
ﺩﺧﻠﺖ ﻟﻠﺒﻴﺖ ﻭﺍﻧﻲ ﺍﺿﺤﻚ
ﻟﻜﻴﺖ ﺳﻠﻴﻤﺔ ﻋﺎﻓﺴﺔ ﺍﻟﻮﺟﻪ ﻭﺷﻴﻤﺎﺀ ﺩﺗﺴﻮﻱ ﺍﻟﻌﺸﺎ
ﺳﻠﻤﺖ ﻭﺭﺣﺖ ﻋﻠﻰ ﺷﻴﻤﺎﺀ ﻭﺣﻀﻨﺘﻬﺎ ﻭﺑﺴﺘﻬﺎ
ﻫﻲ ﺍﻟﺘﻔﺘﺖ ﻋﻠﻴﺔ ﻭﺷﺎﻓﺘﻨﻲ
ﻭﻛﺎﻟﺖ .. ﺷﻨﻮ ﺟﻨﺘﻲ ﺑﻔﺎﺗﺤﺔ ﻟﻮ ﺑﻌﺮﺱ ﺍﺷﻮ ﺍﺷﻮﻑ
ﺍﻟﻮﺟﻪ ﻣﻮﺭﺩ ﻭﻓﺮﺣﺎﻥ
ﻳﺎﺭﺏ ﺩﻭﻡ ﺗﺒﻘﻴﻦ ﻫﺸﻜﻞ
.. ﻻ ﺑﺲ ﺍﻟﻴﻮﻡ ﻋﻐﻔﺖ ( ﻋﺮﻓﺖ ) ﻋﻨﺪﻱ ﺍﺧﺖ ﺫﻫﺐ
ﻭﺍﻛﺘﺸﻔﺖ ﺍﻥ ﺍﻧﻲ ﺟﻨﺖ ﻋﺎﻳﺸﺔ ﺑﻮﻫﻢ ﺍﺳﻤﻪ ﺍﻟﺤﺐ
ﻭﺍﻟﻴﻮﻡ ﺍﻧﺸﺎﻟﺖ ﺍﻟﻐﺸﺎﻭﺓ ﻣﻦ ﻋﻴﻨﻲ
ﻭﻋﻐﻔﺖ ( ﻋﺮﻓﺖ ) ﺍﻧﻲ ﺟﻨﺖ ﻣﻀﻴﻌﺔ ﻭﻗﺘﻲ ﺑﺤﺐ ﺍﻧﺴﺎﻥ ﺗﺎﻓﻪ
ﺭﻓﻌﺖ ﺣﺎﺟﺒﻬﺎ ﺑﺎﺳﺘﻐﺮﺍﺏ
.. ﺍﺷﻮ ﻛﻤﺘﻲ ﺗﺤﺠﻴﻦ ﺑﺎﻻﻟﻐﺎﺯ
.. ﺍﻏﻮﺡ ( ﺍﺭﻭﺡ ) ﺍﺑﺪﻝ ﻭﺍﻏﺠﻊ ( ﻭﺍﺭﺟﻊ ) ﺍﺣﺠﻴﻠﺞ
ﻭﺍﻧﺘﻲ ﺗﺤﺠﻴﻠﻲ
ﺩﺧﻠﺖ ﺑﺪﻟﺖ ﻭﺳﻤﻌﺖ ﺍﻟﺒﺎﺏ ﺍﻧﺪﻙ
ﻃﻠﻌﺖ ﺳﻤﻌﺖ ﺻﻮﺕ ﺑﺎﺑﺎ ﻳﺤﺠﻲ ﻭﻳﺔ ﺑﻴﺒﻲ ﺳﻠﻴﻤﺔ
ﻭﺻﺎﺡ ﻭﻫﻮ ﻳﻢ ﺑﻴﺒﻲ
.. ﺑﺎﺑﺎ ﺷﻴﻤﺎﺀ ﺟﺒﺖ ﺍﻟﺨﺒﺰ ﻳﺎﻟﻠﻪ ﺻﺒﻴﻠﻨﺎ ﻋﺸﺎ
.. ﻫﺴﺔ ﺑﺎﺑﺎ ﺩﻗﺎﻳﻖ ﻭﻳﺠﻬﺰ ﺍﻟﻌﺸﺎ
ﺍﻟﺘﻔﺘﺖ ﻋﻠﻴﺔ ﻭﻫﻲ ﺗﻜﻠﻲ ﺑﺎﻟﺒﺘﻴﺘﺔ
.. ﺍﻱ ﺳﺖ ﻫﺪﻯ ﺷﻨﻮ ﺍﻟﺼﺎﻳﺮ
.. ﺍﻱ ﺻﺪﻙ ﺷﻮﻣﺔ ﺍﻧﺘﻲ ﺷﻨﻮ ﻣﺴﻮﻳﺔ ﺑﻐﺎﺋﺪ ﻣﻦ ﻣﻮﻗﻒ
.. ﻟﻴﺶ ﻣﻨﻮ ﻛﻠﺞ
.. ﻫﻴﺞ ﻋﻐﻔﺖ ﺑﺎﻟﺼﺪﻓﺔ ﻣﻦ ﺧﻼﻝ ﻛﻼﻡ ﻓﺎﻃﻤﺔ ﻭﻳﺎﻱ ﺑﺨﺼﻮﺹ
ﻏﺎﺋﺪ
ﺍﻥ ﺍﻧﺘﻲ ﺣﺎﺟﻴﺔ ﻭﻳﺎﻩ ﻭﻣﻔﻬﻤﺘﻪ ﻋﻦ ﺷﻐﻠﻲ
.. ﺍﻧﻲ ﻣﺤﺠﻴﺖ ﻭﻳﺔ ﺭﺍﺋﺪ
ﻻﻥ ﻣﻮ ﺍﻧﻲ ﺍﻟﻲ ﺍﻧﺰﻝ ﻣﻦ ﻗﻴﻤﺔ ﺍﺧﺘﻲ ﻭﺍﻛﻌﺪ ﺍﺑﺮﺭﻟﻪ ﺗﺼﺮﻓﺎﺗﺞ ﺣﺘﻰ
ﻳﻘﺘﻨﻊ ﺣﻀﺮﺗﻪ ﻭﻳﻌﻔﻮ ﻋﻨﺞ
ﺑﺲ ﺍﻧﻲ ﻛﻞ ﺍﻟﻲ ﺳﻮﻳﺘﻪ ﺩﺯﻳﺖ ﻋﻠﻰ ﻟﻴﺎﻥ ﻭﺧﻠﻴﺘﻬﺎ ﺗﺤﺠﻲ ﻛﺪﺍﻣﻪ
ﻋﻠﻰ ﻛﻞ ﺍﻟﻲ ﺳﻮﺗﻪ ﻭﻳﺎﺝ
ﻭﻫﻮ ﺍﺗﻔﺎﺟﻲﺀ ﻭﺍﻧﺼﺪﻡ ﻭﺧﻼﺹ
ﺍﻧﻲ ﺑﺲ ﺭﺩﺗﻪ ﻳﻌﺮﻑ ﺍﻥ ﺍﻧﺘﻲ ﺑﺮﻳﺌﺔ .
ﻻ ﺍﻛﺜﺮ ﻭﻻ ﺍﻗﻞ ﻭﺑﻴﻮﻣﻬﺎ ﻃﻠﻌﺖ ﻭﺗﺮﻛﺘﻪ ﻭﻣﺎ ﻭﺟﻬﺘﻠﻪ
ﺍﻱ ﻛﻠﻤﺔ ﻻﻥ ﺷﻔﺘﻪ ﺍﻧﺴﺎﻥ ﻣﻴﺴﺘﺤﻖ
ﺍﺣﺠﻲ ﻭﻳﺎﻩ ﻭﺍﺭﻓﻊ ﻣﻦ ﺷﺄﻧﻪ
ﻭﻫﻮ ﻣﻦ ﻋﻨﺪﻫﺎ ﻋﺮﻑ ﺑﻌﺪ ﻣﺎﻛﻮ ﺍﻱ ﺍﻣﻞ ﻳﺮﺟﻊ ﻟﻬﺪﻯ
ﺟﺎﻧﺖ ﺷﻴﻤﺎﺀ ﺗﺤﺠﻲ ﻭﺍﻧﺎ ﻓﺎﺗﺤﺔ ﺣﻠﻜﻲ ﺑﻴﻦ ﺍﻟﻤﻔﺘﺨﺮﺓ ﺑﺄﺧﺘﻲ
ﻭﺑﻴﻦ ﺍﻟﻤﺘﻌﺠﺒﺔ ﺑﺘﺼﺮﻑ ﺭﺍﺋﺪ ﻭﺭﺩﺓ ﻓﻌﻠﻪ
.....
ﺭﺣﺖ ﺣﻀﻨﺘﻬﺎ ﻭﻛﻠﺘﻠﻬﺎ
.. ﺗﺪﻏﻴﻦ ( ﺗﺪﺭﻳﻦ ) ﺍﻟﻴﻮﻡ ﺳﻤﻌﺖ ﺑﺮﺍﺋﺪ
ﻣﺘﺰﻭﺝ
ﺟﻤﺪﺕ ﺍﻳﺪﻫﺎ ﻟﺤﻈﺔ ﺟﺎﻧﺖ ﺗﻄﻠﻊ ﺍﻟﺒﺘﻴﺘﺔ ﺍﻟﻜﻠﻲ
ﻭﺭﺟﻌﺖ ﺗﻜﻤﻞ
ﻭﻛﺎﻟﺖ .. ﻫﻮ ﺍﻟﺨﺴﺮﺍﻥ
ﻫﺴﺔ ﺑﺪﻟﻲ ﺍﻟﻤﻮﺿﻮﻉ ﻭﻋﻮﻓﻴﻨﺎ ﻣﻦ ﺭﺍﺋﺪ ﺍﻟﻔﻀﺎﺀ
ﻭﻛﻠﻴﻠﻲ ﻫﺎﻟﺔ ﺷﻠﻮﻥ ﺻﺎﺭﺕ ﻭﺍﻣﻬﺎ ﻃﻠﻌﻮﻫﺎ ﻣﻦ ﺍﻟﻤﺴﺘﺸﻔﻰ ﻟﻮ
ﺑﻌﺪﻫﺎ
ﻭﻛﺎﻟﻌﺎﺩﺓ ﻋﺮﻓﺖ ﺷﻴﻤﺎﺀ ﺷﻠﻮﻥ ﺗﻠﻬﻴﻨﻲ ﻭ ﺗﺒﻌﺪ ﺗﻔﻜﻴﺮﻱ ﻋﻦ ﻭﺟﻌﻲ
ﻭﺗﺸﺘﺖ ﺍﻧﺘﺒﺎﻫﻲ
.. ﻳﺎﺍﺍﺍﺍﺍ ﻟﺞ ﺷﻮﻣﺔ ﺳﻜﺘﻲ ﻏﻴﺮ ﻋﻢ ﻫﺎﻟﺔ ﻣﻨﻴﺮ ﻣﺎ ﺍﻋﺮﻑ ﺷﻨﻮ
ﻣﺴﻮﻱ ﻣﻦ ﻣﺼﻴﺒﺔ ﻭﻳﺔ ﺍﺧﻮﻩ ﺍﺑﻮ ﻗﺎﺳﻢ ﺳﻤﻌﺘﻬﺎ ﺗﻜﻮﻝ
ﻣﻮﺗﻮﺍ ﺑﺎﺑﺎ ﺑﺤﻴﺮﺗﻪ ﻣﺎ ﺍﻓﺘﻬﻤﺖ ﺷﻲ
.. ﺍﻱ ﺧﻄﻴﺔ ﺍﻟﻴﻮﻡ ﺍﺳﻤﻊ ﺍﻟﻨﺴﻮﺍﻥ ﺑﺎﻟﻔﺎﺗﺤﺔ ﻳﺤﺠﻮﻥ ﺑﻬﺬﺍ
ﺍﻟﻤﻮﺿﻮﻉ ﻭﺍﻡ ﻓﺮﺯﺩﻕ ﺳﻮﻟﻔﺘﻠﻨﺎ ﺍﻧﻲ ﻭﺍﻡ ﻓﺎﻃﻤﺔ ﺷﻨﻮ ﺍﻟﺼﺎﺭ
ﺟﻨﺖ ﺍﻃﻠﻊ ﺑﻤﻮﺍﺩ ﺍﻟﺰﻻﻃﺔ ﻭﺑﻴﺪﻱ ﺍﻟﺴﺠﻴﻦ
.. ﺍﻱ ﻭﺷﻔﺘﻬﻤﺘﻲ
.. ﺍﻓﺘﻬﻤﺖ ﺍﻥ ﻋﻠﻰ ﺍﻻﺳﺎﺱ ﺧﻄﻴﺔ ﺍﺑﻮﻗﺎﺳﻢ ﻋﻨﺪﻩ ﺷﻐﻞ ﺷﺮﺍﻛﺔ
ﻫﻮ ﻭﺍﺧﻮﻩ ﻣﻨﻴﺮ ﻭﺍﺑﻦ ﺍﺧﻮﻩ ﻣﻨﺘﻀﺮ
ﺗﻜﻮﻝ ﻫﻮ ﻣﺘﻌﻮﺩ ﻋﻠﻰ ﺍﺧﻮﻩ ﻭﺍﺑﻦ ﺍﺧﻮﻩ ﺩﺍﺋﻤﺎً ﻳﺨﻮﻟﻬﻢ
ﻳﺘﺼﺮﻓﻮﻥ ﻣﻦ ﻳﻤﻬﻢ ﺑﺸﺆﻥ ﺍﻟﺸﻐﻞ ﻭﺍﻟﺤﺴﺎﺏ
ﺑﺲ ﻗﺒﻞ ﺍﺳﺒﻮﻋﻴﻦ ﻳﻜﻠﺞ ﻗﺎﺳﻢ ﺍﺑﻨﻪ ﺟﺎﻳﻪ
ﻭﻛﺎﻳﻠﻪ
.. ﻳﺎﺑﺔ ﻭﻟﻮ ﺍﻧﺎ ﺣﺎﻟﻒ ﺩﻳﻦ ﻗﺴﻢ ﻣﺎ ﺍﺗﺪﺧﻞ ﺑﺸﻐﻠﻚ
ﺑﺲ ﻟﻬﻨﺎ ﻭﻛﺎﻓﻲ ﻭﻭﺻﻞ ﺣﺪﻫﺎ ﻣﺎ ﺍﻛﺪﺭ ﺍﺳﻜﺖ ﺍﻛﺜﺮ
ﻳﻜﻮﻟﻮﻥ ﻋﺎﻻﺳﺎﺱ ﻗﺎﺳﻢ ﻣﻜﺘﺸﻒ ﺍﺧﺘﻼﺱ ﻋﻤﻪ ﻭﺍﺑﻨﻪ ﻣﻨﺘﻈﺮ ﻣﻦ
ﻓﻠﻮﺱ ﺍﺑﻮﻩ ﻭﺭﺍﻳﺢ ﻣﺒﻠﻎ ﺍﺑﻮﻩ ﻋﻠﻴﻬﻢ
ﺑﺲ ﺍﺑﻮﻩ ﺑﻴﻮﻣﻬﺎ ﻣﺠﺬﺑﻪ ﻟﻘﺎﺳﻢ ﻭﻛﺎﻳﻠﻪ ﺍﻧﺖ ﺩﻭﻣﻚ ﺗﻀﻮﺝ ﻣﻦ
ﻋﻤﺎﻣﻚ ﻭﺍﻭﻻﺩﻫﻢ . ﻭﺗﺪﻭﺭ ﻋﻠﻴﻬﻢ ﺍﻟﺰﻟﺔ
ﻭﺍﻧﺖ ﻣﻦ ﻳﻮﻡ ﺍﻟﻲ ﻛﺸﻔﻚ ﻣﻨﺘﻈﺮ ﺗﺴﺤﺐ ﻣﻦ ﻓﻠﻮﺱ ﺍﻟﺸﺮﻛﺔ
ﻭﺍﻧﺖ ﺣﻄﻴﺘﻪ ﺑﺮﺍﺳﻚ
.. ﺍﻱ ﻭﺍﻟﻠﻪ ﺍﺗﺬﻛﺮ ﺧﻄﻴﺔ ﻣﺮﺓ ﻫﺎﻟﺔ ﺣﺠﺖ ﺑﻬﻴﺞ ﻣﻮﺿﻮﻉ
.. ﺍﻱ ﻫﻮ ﻳﻤﻜﻦ ﻋﻠﻰ ﻫﺬﺍ ﻳﺤﺠﻮﻥ
.. ﺍﻱ ﻭﺗﺎﻟﻲ ﻛﻤﻠﻲ ﺷﺼﺎﺭ
.. ﺍﻟﻤﻬﻢ ﺗﺎﻟﻲ ﻳﻜﻠﺞ ﻗﺎﺳﻢ ﻛﺎﻳﻞ ﻷﺑﻮﻩ
ﺟﻨﺖ ﺍﺳﻜﺖ ﻭﻣﺎ ﺍﺣﺠﻲ ﻻﻥ ﻋﺮﻓﺖ ﺭﺍﺡ ﺗﺠﺎﻭﺑﻨﻲ ﺑﻬﺬﺍ ﺍﻟﺤﺠﻲ
ﻭﻣﺎ ﺭﺍﺡ ﺗﺼﺪﻛﻨﻲ
......
ﺑﺲ ﻳﺎﺑﺔ ﺍﻧﺎ ﻟﻬﻨﺎ ﻭﻛﺎﻓﻲ ﺑﻌﺪ ﻣﺎ ﺍﺗﺤﻤﻞ
ﻃﻔﺢ ﺑﻴﺔ ﺍﻟﻜﻴﻞ ﺍﻟﺤﻼﻝ ﺣﻼﻟﻚ ﻭﺍﻧﺖ ﺣﺮ ﺑﻲ
ﺑﺲ ﻣﺎﻝ ﺗﺠﻲ ﻛﻞ ﻣﺮﺓ ﻭﺗﻄﻠﻌﻨﻲ ﺍﻧﺎ ﺍﻟﻐﻠﻄﺎﻥ
ﻭﺍﻟﻨﺎﺱ ﻛﻠﻬﺎ ﺑﻨﻈﺮﻙ ﻫﻤﺔ ﺍﻟﺼﺢ
ﻫﺎﻱ ﻫﻲ ﺧﻼﺹ ﺑﻌﺪ ﻣﻨﺎ ﻭﺭﺍﻳﺢ
ﺍﻧﺴﻰ ﺷﻲ ﺍﺳﻤﻪ ﻗﺎﺳﻢ ﺍﻧﺎ ﻃﺎﻟﻊ ﻭﻋﺎﻳﻔﻠﻜﻢ ﺍﻟﺒﻴﺖ
.. ﻳﺎﺍﺍ ﺍﺷﻮﻑ ﻫﺎﻟﺔ ﺍﻟﻴﻮﻡ ﻛﻞ ﺷﻮﻳﺔ ﺗﺴﺄﻝ ﻋﻦ ﺍﺧﻮﻫﺎ ﺍﺛﺎﺭﻱ ﻫﻴﺞ
ﺍﻟﺤﺠﻲ
ﻭﻧﻮﺏ ﻓﺠﺎﺀﺓ ﺍﺗﺬﻛﺮﺕ ﻛﻼﻡ ﻫﺎﻟﺔ ﻋﻦ ﻋﻤﻬﺎ
.. ﻳﺎ ﺷﻴﻤﺎﺀ ﺍﻟﻴﻮﻡ ﻫﺎﻟﺔ ﻛﺎﻣﺖ ﺗﺪﻋﻲ ﻋﻠﻰ ﻋﻤﻬﺎ ﻭﺍﺑﻨﻪ
.. ﺍﻱ ﻭﻟﺞ ﺍﻧﻲ ﺷﻜﺎﻋﺪ ﺍﺣﺠﻲ
ﻫﻮ ﻗﺎﺳﻢ ﻣﻦ ﻳﻮﻡ ﺍﻟﻄﻠﻊ ﻣﻦ ﻋﻨﺪﻫﻢ ﺳﺎﻓﺮ ﻭﻋﺎﻑ ﺍﺑﻮﻩ
ﻭﻳﻜﻠﺞ ﺧﻄﻴﺔ ﺍﻣﻪ ﺍﺟﺘﻲ ﺗﺘﺨﺒﻞ ﻋﻠﻰ ﺍﺑﻨﻬﺎ ﻭﺣﻴﺪﻫﺎ
ﻭﺍﻻﺏ ﻇﻞ ﻳﻜﺎﺑﺮ
ﺑﺲ ﺗﻜﻮﻝ ﺍﻡ ﻓﺮﺯﺩﻕ ﺑﻴﻮﻡ ﻭﻓﺎﺓ ﺍﺑﻮ ﻗﺎﺳﻢ
ﺍﻛﺘﺸﻒ ﺍﻥ ﺣﺠﻲ ﺍﺑﻨﻪ ﺟﺎﻥ ﺻﺤﻴﺢ ﺍﻛﺘﺸﻒ ﺍﺧﻮﻩ ﻭﺍﺑﻨﻪ
ﺑﺎﻳﻜﻴﻦ ﺑﺤﻼﻟﻪ ﻟﺤﺪﻣﺎ ﻣﻔﻠﺴﻴﻪ ﻭﻣﻤﺒﻘﻴﻦ ﻋﻠﻰ ﺣﺎﻟﻪ ﺣﺎﻝ
ﻭﻣﻄﻠﻌﻴﻦ ﺍﻟﺸﺮﻛﺔ ﻛﺴﺮ ﻣﺴﻮﻳﻬﺎ ﻓﺮﻫﻮﺩ
.. ﻳﺎﻳﻤﺔ ﺻﺨﺎﻡ
.. ﺍﻱ ﺧﻄﻴﺔ ﻭﻫﻮ ﻣﻦ ﻋﺮﻑ ﻳﻜﻠﺞ
ﻣﺎﺧﺬ ﺳﻼﺣﻪ ﻭﻫﺎﺩ ﻋﻠﻰ ﺑﻴﺖ ﺍﺧﻮﻩ ﻣﻨﻴﺮ ﺍﻟﻲ ﻳﻜﻮﻥ ﺗﻘﺮﻳﺒﺎً
ﺑﻨﻔﺲ ﺍﻟﻤﻨﻄﻘﺔ ﺑﺲ ﺑﻌﺪ ﻓﺮﻋﻴﻦ
ﻭﺭﺍﻳﺢ ﺭﺍﻣﻲ ﻋﻠﻴﻬﻢ ﻭﺑﻴﻮﻣﻬﺎ ﺻﺎﻳﺮﻳﻦ ﻣﻦ ﺍﻟﺮﻭﺱ
ﻫﺬﺍ ﻛﻠﻪ ﻭﻗﺎﺳﻢ ﻣﺎ ﻳﺪﺭﻱ ﺑﺄﺑﻮﻩ ﺟﺎﻱ ﻳﺘﻌﺎﺭﻙ ﻟﻮﺣﺪﻩ ﻭﻳﺔ ﻋﻤﻪ
ﻭﺍﻭﻻﺩﻩ
ﻳﻜﻠﺞ ﺍﻟﻨﺎﺱ ﻣﻠﺘﻤﺔ ﻭﺻﺎﻳﺮﺓ ﻫﻮﺳﺔ ﻭﺍﺟﺔ ﺍﺧﻮﻫﻢ ﺍﻟﺠﺒﻴﺮ ﻣﺤﻤﺪ
ﺍﻟﻤﺴﺆﻭﻝ
ﻫﻮ ﻭﺍﺧﻮﺍﻧﻪ ﺍﻟﺒﺎﻗﻴﻦ ﻣﻨﺼﻮﺭ ﻭﻛﺎﻇﻢ
.. ﺍﻱ ﺍﻋﺮﻓﻪ ﺍﺑﻮ ﺭﻫﻒ
.. ﺍﻱ ﻫﻮ ﻭﺍﺧﻮﺍﻧﻪ ﺟﺎﻳﻴﻦ ﻭﻣﻔﺎﻛﻜﻴﻬﻢ
ﻭﺍﺧﺬ ﺍﻟﺴﻼﺡ ﻣﻦ ﺍﺧﻮﻩ ﺍﺑﻮ ﻗﺎﺳﻢ ﻭﻛﺎﻡ ﻳﻬﺪﻱ ﺑﻴﻪ
ﻋﻤﻮ ﻓﺮﺯﺩﻕ ﻳﻜﻮﻝ ﻻﻣﻪ
ﺑﻴﻦ ﻣﺎ ﺍﺧﺬﻭﺍ ﻣﻨﻬﻢ ﺍﻟﺴﻼﺡ ﻭﻫﺪﻭﺍ ﺍﻟﻨﻔﻮﺱ ﻣﺆﻗﺘﺎً ﻋﻠﻤﺎ ﻣﺎ ﻳﻠﻜﻮﻥ
ﺣﻞ
ﻭﺭﺟﻌﻮﺍ ﺍﺑﻮ ﻗﺎﺳﻢ ﻟﻠﺒﻴﺖ ﺟﺎﻥ ﻭﺟﻬﻪ ﺍﺯﺭﻙ ﻣﻦ ﺍﻟﻌﺼﺒﻴﺔ
ﻳﻜﻮﻝ ﺧﻄﻴﺔ ﺍﻭﻝ ﻣﺎ ﺩﺧﻞ ﻟﻠﺒﻴﺖ ﻭﺍﻟﺘﻤﻮﺍ ﻋﻠﻴﻪ ﺑﻨﺎﺗﻪ ﻭﻣﺮﺗﻪ
ﻭﻫﻮ ﻭﻛﻊ ﻣﻦ ﻃﻮﻟﻪ ﻣﺮﺗﻔﻊ ﻋﻨﺪﻩ ﺍﻟﺴﻜﺮ
.. ﻳﺎﺍﺍﺍ ﻳﻤﺔ ﺧﻄﻴﺔ ﻭﺍﻟﻠﻪ ﻣﻴﺴﺘﺎﻫﻠﻮﻥ
ﺟﻨﺎ ﻧﺤﺠﻲ ﻭ ﺳﻤﻌﻨﺎ ﺻﻮﺕ ﺑﺎﺑﺎ ﻳﻜﻮﻝ
.....
ﻳﺎﺑﺔ ﻳﺎﻟﻠﻪ ﻭﻳﻦ ﺻﺎﺭ ﺍﻟﻌﺸﺎ ﺷﻨﻮ ﻧﻤﺘﻮﺍ
ﻣﻮ ﻛﺘﻠﻨﺎ ﺍﻟﺠﻮﻉ
ﺷﻴﻤﺎﺀ .. ﺷﻮﻑ ﺧﺮﺏ ﻳﻮﻣﺞ ﻫﺪﻯ ﺍﺧﺬﺗﻨﺎ ﺍﻟﺴﻮﺍﻟﻒ
ﻳﺎﻟﻠﻪ ﺟﻴﺒﻲ ﺍﻟﺼﻴﻨﻴﺔ
ﺧﻠﻲ ﺍﺣﻂ ﺍﻟﺼﺤﻮﻥ ﻭﺍﺻﺐ
ﻛﻤﻠﻨﺎ ﺻﺐ ﺍﻟﻌﺸﺎ ﻭﺍﺧﺬﻧﺎ ﺍﻟﺼﻴﻨﻴﺔ ﻳﻢ ﺳﻠﻴﻤﺔ
ﻭﺑﺎﺑﺎ ﻭﻛﻌﺪﻧﺎ ﻧﺎﻛﻞ
ﺷﻴﻤﺎﺀ .. ﺑﺎﺑﺎ ﺗﺪﺭﻱ ﺍﺑﻮ ﻗﺎﺳﻢ ﺍﺗﻮﻓﻰ
.. ﺍﻱ ﺍﺩﺭﻱ ﺑﻲ ﺍﺗﻮﻓﻰ ﺟﺎﺑﻮﺍ
ﻋﻠﻰ ﻧﻔﺲ ﺍﻟﻤﺴﺘﺸﻔﻰ ﺍﻟﻲ ﺍﺷﺘﻐﻞ ﺑﻴﻬﺎ
ﻭﺑﺎﻟﺼﺪﻓﺔ ﺷﻔﺘﻬﻢ ﻭﺭﻛﻀﺖ ﻭﻳﺎﻫﻢ ﺑﺲ ﺧﻄﻴﺔ ﻣﺎ ﻟﺤﻜﻮﺍ ﻋﻠﻴﻪ
ﺟﺎﺑﻮﻩ
ﻣﻴﺖ ﻟﻠﻤﺴﺘﺸﻔﻰ
ﺳﻠﻴﻤﺔ .. ﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﺭﺍﺟﻌﻮﻥ
ﺍﻱ ﺻﺪﻙ ﻣﺎ ﻛﻠﺘﻠﻲ ﺷﺠﺎﺑﻬﻢ ﻳﻤﻚ
.. ﺍﻱ ﻏﻴﺮ ﺍﻧﺎ ﺍﺩﺍﻭﻡ ﻣﻮﺿﻒ ﺑﻤﺴﺘﺸﻔﻰ .... ﺍﻟﻘﺮﻳﺒﺔ ﻋﻠﻰ ﻣﻨﻄﻘﺘﻬﻢ
ﺧﺮﺏ ﺑﺎﻟﺤﻆ ﻳﻜﻮﻟﻮﻥ ﺍﻟﻤﺮﺣﻮﻡ ﻣﺎﺕ ﻻﻥ ﺧﺴﺮﺍﻥ ﻛﻮﻣﺔ
ﻓﻠﻮﺱ ﻣﺎ ﺍﻋﺮﻑ ﺷﻠﻮﻥ ﺧﺴﺮﻫﻢ
ﺳﻠﻴﻤﺔ .. ﺷﻔﺖ ﻳﻤﺔ ﺷﻠﻮﻥ ﻣﺎﺕ ﻣﻘﻬﻮﺭ ﻋﻠﻰ ﻓﻠﻮﺳﻪ ﻭﺣﻼﻟﻪ ﻳﻤﺔ
ﺍﺛﻴﺮ ﺍﻟﺤﻚ ﻋﻠﻰ ﺍﻣﻚ ﻭﺭﺩﻟﻬﺎ ﻓﻠﻴﺴﺎﺗﻬﺎ
ﻻ ﺍﻣﻮﺕ ﺑﺤﺴﺮﺗﻲ
ﺟﻨﺖ ﺍﻛﻞ ﻭﺍﺳﻤﻌﻬﻢ ﺷﻨﻮ ﻳﺤﺠﻮﻥ ﺑﺲ ﻣﻦ ﺣﺠﺖ ﺳﻠﻴﻤﺔ
ﻏﺼﻴﺖ ﺑﻠﻜﻤﺘﻲ ﻭﻛﻌﺪﺕ ﺍﻛﺢ ﻣﻦ ﺍﻟﻀﺤﻚ
ﺍﻟﻠﻪ ﻳﻠﻌﻦ ﺑﻠﻴﺴﺞ ﺷﻠﻮﻥ ﺩﺍﺭﺗﻬﺎ ﻟﻠﺴﺎﻟﻔﺔ
ﺷﻴﻤﺎﺀ ﺗﻀﺮﺏ ﻋﻠﻰ ﻇﻬﺮﻱ
.. ﺍﺳﻢ ﺍﻟﻠﻪ .. ﺍﺳﻢ ﺍﻟﻠﻪ ﻫﺎﺝ ﺍﺧﺬﻱ ﺷﺮﺑﻲ ﺍﻟﻤﺎﻱ
ﺳﻠﻴﻤﺔ .. ﻋﻠﻰ ﻛﻴﻔﺞ ﺍﻛﻠﻲ ﺗﺮﺓ ﻣﺎﻃﺎﻳﺮ ﺍﻻﻛﻞ ﺷﻨﻮ ﻋﻨﺪﺝ ﺳﺒﺎﻕ
ﻫﻬﻬﻬﻬﻪ ﻣﺎ ﺗﻀﻴﻊ ﻓﺮﺻﺔ ﺍﺫﺍ ﻣﺎ ﺗﻬﺠﻢ
ﻛﻤﻠﻨﺎ ﺍﻟﻌﺸﺎ ﻭﺷﻠﺖ ﺍﻟﺼﻴﻨﻴﺔ
ﻭﻛﻌﺪﺕ ﺍﻏﺴﻞ ﻣﻮﺍﻋﻴﻦ ﺍﻟﻌﺸﺎ
ﻭﺍﻧﻲ ﺍﺭﺩﺩ ﺍﻟﻜﻮﻻﺕ ﺍﻟﻲ ﺳﻤﻌﺘﻬﺎ ﺑﺎﻟﻔﺎﺗﺤﺔ
ﻇﻠﺖ ﺑﺒﺎﻟﻲ ﻭﺣﻔﻈﺘﻬﺎ
.. ﺟﻴﺖ ﻭﻟﻜﻴﺖ ﺍﻟﺒﺎﺏ ﻣﺴﺪﻭﺩ ﺍﻇﻞ ﻛﺎﻋﺪﻩ ﻟﻮ ﺍﻏﺪﻥ ﺍﻏﺪﻭﺩ ( ﺍﺭﺩﻥ
ﺍﺭﺩﻭﺩ )
ﻛﻞ ﻳﻮﻡ ﺍﻟﺪﻧﻴﺎ ﺍﺗﺒﺰ ﻋﻴﻨﻲ ﺍﺣﻮﻭ ﺍﺣﻮﻭ
ﻭﺟﺎﻥ ﺍﺳﻤﻊ ﺻﻮﺕ ﺳﻠﻴﻤﺔ ﻭﺍﻛﻔﺔ ﻭﺭﺍﻱ ﻭﺗﺤﺠﻲ
ﺳﻠﻴﻤﺔ .. ﺗﻒ .. ﺗﻒ .. ﺗﻒ ﻳﺎﺳﺘﺎﺭ ﺍﺳﺘﺮ
ﻫﺎ ﻳﺎﻟﺒﻜﻌﺔ ﻣﻨﻮ ﻣﺎﺗﻠﺞ ﻭﺗﻨﻌﻴﻦ
ﻫﺪﻯ .. ﻻ ﺑﻴﺒﻲ ﺩﺍ ﺍﺩﻏﺐ ﻋﻠﻰ ﺍﻟﻜﻮﻻﺕ
ﺣﺘﻰ ﺑﺎﻟﻔﺎﺗﺤﺔ ﻣﺎﻟﺘﺞ ﺍﻭﻛﻒ ﺑﺎﻟﻨﺺ ﻭﺍﻛﻮﻝ
.....
ﻳﺎﻳﻤﺔ ﺑﻌﺪﻧﻲ ﻣﺎﻣﻜﻠﺔ ﻛﻼﻣﻲ ﻣﺎ ﺍﺷﻮﻑ ﺍﻻ ﻧﻌﺎﻝ ﻃﻴﺎﺭﻱ
ﺍﻧﺸﻤﺮ ﻋﻠﻴﺔ
ﻭﺍﺷﺮﺩ ﺧﻮﻳﺔ ﻋﺎﻣﺮ ﺍﻻ ﻃﺤﻴﻦ
ﺍﺳﻤﻌﻬﺎ ﺗﻐﻠﻂ ﻭﺗﺴﺐ
ﺩﺧﻠﺖ ﻟﻠﻐﺮﻓﺔ ﻭﺳﺪﻳﺖ ﺍﻟﺒﺎﺏ ﻭﺍﻧﻲ ﻣﻜﻄﻮﻋﺔ ﺍﻻﻧﻔﺎﺱ
ﻣﻦ ﺍﻟﺮﻛﺾ
ﺷﺎﻓﺘﻨﻲ ﺷﻴﻤﺎﺀ .. ﻫﺎ ﻫﺪﻯ ﺍﺷﺘﻐﻠﺖ ﺭﺣﻤﺔ ﺍﻟﻠﻪ
ﺭﻣﺸﺖ ﺑﺒﺮﺍﺀﺓ .. ﻫﺎ ﺷﻨﻮ ﺷﺴﻮﻳﺖ
.. ﻛﻠﺸﻲ ﻣﻤﺴﻮﻳﺔ ﺑﺲ ﺍﺳﺄﻝ ﺑﻴﺒﻲ ﺳﻠﻴﻤﺔ ﻣﻨﻮ ﺩﺍﺱ ﻋﻠﻰ ﺫﻳﻠﻬﺎ
ﻭﺧﺎﻟﻬﺎ ﺗﻌﻮﻱ ﺑﻬﺎﻟﻠﻴﻞ
ﻣﺮﺕ ﻋﻠﻰ ﻓﺎﺗﺤﺔ ﺍﺑﻮ ﻗﺎﺳﻢ ﺍﺭﺑﻊ ﺍﻳﺎﻡ ﻭﺍﻧﻲ ﻭﻓﺎﻃﻤﺔ ﻛﻞ ﻳﻮﻡ ﺍﻭﻝ
ﻣﺎ ﻧﺤﻞ ﻣﻦ ﺍﻟﺪﻭﺍﻡ ﻧﺮﻭﺡ ﻟﻬﺎﻟﺔ ﻛﺒﻞ
ﻭﻧﻜﻌﺪ ﻭﻳﺎﻫﻢ ﻭﺧﻄﻴﺔ ﺍﻡ ﻗﺎﺳﻢ ﻃﻠﻌﻮﻫﺎ ﻣﻦ ﺍﻟﻤﺴﺘﺸﻔﻰ
ﻭﻋﻠﻰ ﻣﺮﺗﻴﻦ
ﺷﻮﻣﺔ ﺗﺼﺪﻑ ﺗﺠﻲ ﺑﺎﻟﻔﺎﺗﺤﺔ
ﺗﻀﺮﺑﻬﺎ ﺍﺑﺮﺓ ﻭﺗﻔﺤﺺ ﺿﻐﻄﻬﺎ
ﺷﻠﻮﻥ ﻣﺮﻳﺔ ﺣﺒﺎﺑﺔ ﻭﻣﺘﻮﺍﺿﻌﺔ
ﻭﺑﺮﺍﺑﻊ ﻳﻮﻡ ﺍﻟﻔﺎﺗﺤﺔ ﻛﺎﻣﺖ ﻋﻠﻰ ﺣﻴﻠﻬﺎ
ﻭﺷﺪﺕ ﺍﻟﻌﺰﻡ ﺍﺑﺎﻉ ﻋﻠﻴﻬﺎ ﺷﻠﻮﻥ ﺩﺍﺭﺕ ﺍﻣﻮﺭ ﺍﻟﻔﺎﺗﺤﺔ
ﺑﻌﺪﻣﺎ ﻛﺎﻧﺖ ﺣﻠﻞ ﻭﻏﻴﺮ ﻣﻨﺘﻈﻤﺔ
ﺭﻏﻢ ﺣﺰﻧﻬﺎ ﻋﻠﻰ ﻓﺮﺍﻙ ﺯﻭﺟﻬﺎ ﻭﺍﺑﻮ ﺑﻴﺘﻬﺎ ﻭﺣﺒﻴﺒﻬﺎ
ﺑﺲ ﺟﺎﻧﺖ ﻗﻮﻳﺔ ﺍﻟﺸﺨﺼﻴﺔ
ﻣﻦ ﺧﻼﻝ ﻫﺎﻱ ﺍﻻﻳﺎﻡ ﻋﺮﻓﺖ ﺷﺨﺼﻴﺔ ﺍﻡ ﻗﺎﺳﻢ
ﻭﺑﻨﺎﺗﻬﺎ ﺟﺎﻧﻮﺍ ﻛﻞ ﻭﺣﺪﺓ ﺷﻜﻞ
ﺧﻄﻴﺔ ﻛﻠﻤﺎ ﺗﺸﻮﻓﻨﻲ ﺍﻧﻲ ﻭﻓﺎﻃﻤﺔ ﺗﻜﻮﻝ
.. ﺍﻟﻠﻪ ﻳﺒﺎﺭﻙ ﺑﻴﻜﻢ ﺑﻨﻴﺎﺗﻲ ﺍﻥ ﺷﺎﺀ ﺍﻟﻠﻪ ﻧﺮﺩﻫﺎ ﺍﻟﻜﻢ ﻭﻛﻔﺘﻜﻢ ﻭﻳﺎﻧﺔ
ﺑﺎﻻﻓﺮﺍﺡ
ﻓﺎﻃﻤﺔ .. ﺗﺴﻠﻤﻴﻦ ﺧﺎﻟﺔ ﻫﺬﺍ ﻭﺍﺟﺒﻨﺔ
ﺍﻧﻲ ﺍﻟﺤﻤﺪﻟﻠﻪ ﻋﻨﺪﻱ ﺧﻠﻞ ﻭﻧﻘﻄﺔ ﺿﻌﻒ ﺑﻬﺎﻱ ﺍﻟﻤﻮﺍﻗﻒ ﻣﺎ ﺍﻋﺮﻑ
ﺷﻨﻮ ﺍﺟﺎﻭﺏ ﺍﻟﻨﺎﺱ
ﺟﺎﻭﺑﺘﻬﺎ ﻣﺜﻞ ﺟﻮﺍﺏ ﻓﺎﻃﻤﺔ
ﺍﻋﺎﻧﻲ ﻣﻦ ﻛﻼﻡ ﺍﻟﻤﺠﺎﻣﻼﺕ ﺍﻻﺟﺘﻤﺎﻋﻴﺔ ﻟﻬﻴﺞ ﻣﻮﺍﻗﻒ
ﻻﻥ ﻣﺎ ﻣﺘﻌﻮﺩﺓ
ﻳﻌﻨﻲ ﺍﻗﺼﻰ ﺣﺪ ﻋﻨﺪﻱ
ﺍﻟﻲ ﻳﻜﻠﻲ ﺷﻜﺮﺍ
ﺍﺟﺎﻭﺑﻪ .. ﺍﻟﻌﻔﻮ
ﻏﻴﺮﻫﺎ ﺍﻏﺮﻙ
ﺷﻴﻤﺎﺀ ﺩﺍﺋﻤﺎ ﺗﻜﻠﻲ ﻫﺬﺍ ﺍﻟﻠﺴﺎﻥ ﻃﻠﻊ . ﻛﻠﻪ ﺑﻮﺧﺔ
ﻭﺑﺎﻟﻴﻮﻡ ﺍﻟﺮﺍﺑﻊ ﺑﺪﺓ ﺑﻴﺖ ﺍﻫﻞ ﻫﺎﻟﺔ ﻳﺨﻒ ﻣﻦ ﺍﻟﻨﺎﺱ
ﻭﻃﻮﻝ ﻫﺎﻱ ﺍﻟﻤﺪﺓ ﻣﺸﻔﺖ ﺭﻫﻒ ﺑﺲ ﺍﻣﻬﺎ ﻭﺧﻮﺍﺗﻬﺎ ﺷﻔﺘﻬﻢ
ﺳﺄﻟﺖ ﻫﺎﻟﺔ ﻋﻨﻬﺎ ﻛﺎﻟﺖ
ﺩﺧﻠﺖ ﻛﻠﻴﺔ ﻃﺐ ﻭﺍﻣﻬﺎ ﺗﻜﻮﻝ ﺧﻄﻴﺔ ﻏﺮﻛﺎﻧﺔ ﺑﺎﻟﺪﺭﺍﺳﺔ
ﻭﻣﺎﻋﻨﺪﻫﺎ ﻭﻗﺖ ﺗﺤﻀﺮ ﺍﻟﻔﺎﺗﺤﺔ
.....
ﺟﺎﻧﺖ ﻫﺎﻟﺔ ﺗﺤﺠﻲ ﻭﺗﻜﻠﺐ ﺑﻌﻴﻮﻧﻬﺎ ﻣﺒﻴﻦ ﻋﻠﻴﻬﺎ ﺿﺎﻳﺠﺔ ﻣﻨﻬﺎ
ﻟﻜﻦ ﺍﻟﻴﻮﻡ ﺭﻫﻒ ﺑﻴﻨﺖ ﺟﺎﻧﺖ ﻻﺑﺴﺔ ﺍﺳﻮﺩ ﻭﺍﻟﺸﻌﺮ ﻗﺼﻴﺮ
ﺍﺑﺎﻭﻉ ﻋﻠﻴﻬﺎ ﻭﺣﺠﻴﺖ ﺑﺼﻮﺕ ﻧﺎﺻﻲ ﻭﻓﺎﻃﻤﺔ ﻳﻤﻲ
.. ﺑﻨﺖ ﺍﻟﻠﺬﻳﻦ ﻭﺍﻟﻠﻪ ﺣﻠﻮﺓ ﺷﺎﻳﻠﺔ ﻃﻮﻝ ﻭﺟﺴﻢ ﺗﺴﻄﺮ ﺳﻄﺮ
ﻋﻤﻲ ﺣﻘﻪ ﻫﺬﺍ ﻗﺎﺳﻢ ﻳﺨﺮﺏ ﻋﻠﻴﻬﺎ
ﻓﺎﻃﻤﺔ .. ﻫﻬﻬﻪ ﻫﺎ ﻫﺪﻯ ﺍﺷﺘﻐﻠﺖ ﺭﺣﻤﺔ ﺍﻟﻠﻪ
ﺍﺟﺘﻲ ﻫﺎﻟﺔ ﻭﺷﻜﻠﻬﺎ ﺳﻤﻌﺖ ﻛﻼﻣﻨﺎ
ﻭﻛﺎﻟﺖ .. ﺍﻱ ﻫﻲ ﺻﺤﻴﺢ ﺣﻠﻮﺓ ﺑﺲ ﺟﻤﺎﻟﻬﺔ ﺑﺎﺭﺩ
ﻳﻌﻨﻲ ﻓﺎﻫﻴﺔ ﻭﻟﻮ ﺗﺸﻮﻓﻴﻬﺎ ﺩﻣﻬﺎ ﺷﻠﻮﻥ ﺛﻘﻴﻞ
ﺗﺮﺓ ﺍﻟﺠﻤﺎﻝ ﺟﻤﺎﻝ ﺍﻟﺮﻭﺡ
ﺟﺎﻭﺑﺘﻬﺎ .. ﺍﻛﻠﺞ ﻏﺤﻤﺔ ﻋﻠﻰ ﻭﺍﻟﺪﻳﺞ ﻣﺘﺴﻜﺘﻴﻦ ﺍﻧﺘﻲ ﻭﺟﻤﺎﻝ
ﺍﻟﻐﻮﺡ
ﻣﺴﺘﻌﺪﺓ ﺍﻧﻄﻴﻬﺎ ﻫﺴﺔ ﺟﻤﺎﻝ ﻏﻮﺣﻲ ﺑﺲ ﺧﻠﻲ ﺗﻨﻄﻴﻨﻲ ﺷﻮﻳﺔ ﻣﻦ
ﻃﻮﻟﻬﺎ
ﻓﺎﻃﻤﺔ .. ﺍﻟﻠﻪ ﻳﻠﻌﻨﺞ ﻫﺎﻱ ﺍﻧﺘﻲ ﺍﻟﺤﻠﻮﺓ ﻫﺸﻜﻞ ﺗﺤﺠﻴﻦ ﻟﻌﺪ ﺍﻧﻲ
ﺷﻜﻮﻝ
ﻫﺎﻟﺔ .. ﺷﺒﻴﺞ ﻫﺪﻯ ﺗﺮﺓ ﺍﻧﺘﻲ ﺣﻠﻮﺓ
ﻫﻮ ﺍﻧﺘﻲ ﺑﺲ ﺭﻭﺣﺞ ﺍﻟﻤﺮﺣﺔ ﻭﺩﻣﺞ ﺍﻟﻌﺴﻞ ﻳﺴﻮﺍﻫﺎ ﻭﻳﺴﻮﻯ
ﻋﺸﻴﺮﺗﻬﺎ
.. ﺧﻠﻲ ﻳﻮﻟﻦ ﺍﻟﻨﺎﺱ ﻋﻠﻬﻴﻢ ﺑﺎﻟﻈﺎﻫﺮ
ﻫﺎﻟﺔ ﺑﺤﺰﻥ .. ﺩﺷﻮﻓﻴﻬﺎ ﺍﻟﻴﻮﻡ ﻳﺎﻟﻠﻪ ﻛﻠﻔﺖ ﺭﻭﺣﻬﺎ
ﺗﺠﻲ ﻭﺗﺎﺧﺬ ﻣﻦ ﺧﺎﻃﺮﻧﺎ ﻣﺎ ﺍﻋﺮﻑ ﻋﻠﻰ ﺷﻨﻮ ﺷﺎﻳﻔﺔ ﺭﻭﺣﻬﺎ ﻫﻲ
ﻭﺍﺧﻮﺍﻧﻬﺎ ﻫﻮﺍﻱ ﻣﺘﻜﺒﺮﻳﻦ
ﺭﻓﻌﺖ ﺣﺎﺟﺒﻲ ﻭﺿﺮﺑﺘﻬﺎ ﺑﻜﺘﻔﻬﺎ
.. ﻫﻨﺎ ﺍﻟﺤﺠﻲ ﻃﻠﻌﺖ ﺍﻟﺴﺎﻟﻔﺔ ﺑﻴﻬﺎ ﺧﻮﺍﻧﻬﺎ ﺍﻟﻤﺘﻜﺒﻐﻴﻦ ( ﺍﻟﻤﺘﻜﺒﺮﻳﻦ )
ﻫﺎﻟﺔ ﻭﺟﻬﻬﺎ ﺍﻧﻜﻠﺐ ﺍﺣﻤﺮ
.. ﻫﺪﻯ ﺭﺣﻤﺔ ﻋﻠﻰ ﻭﺍﻟﺪﻳﺞ ﻭﺧﺮﻱ ﻋﻨﻲ ﻣﺎ ﻧﺎﻗﺼﺘﺞ
ﺍﺩﺭﻱ ﺑﻬﺎﻟﺔ ﺗﺘﻬﺮﺏ ﻣﻨﻲ . ﺑﺲ ﻣﺎ ﻋﻠﻴﻨﺎ ﺷﻮﺭﺍﻧﺔ
ﺍﻻﻳﺎﻡ ﻛﺪﺍﻣﻨﺎ ﻣﺼﻴﺮ ﺍﻟﺤﻲ ﻳﺘﻼﻛﺔ
ﻭﻋﻠﻰ ﻃﺎﺭﻱ ﻣﺼﻴﺮ ﺍﻟﺤﻲ ﻳﺘﻼﻛﺔ
ﺟﻨﺎ ﻛﺎﻋﺪﻳﻦ ﻭﻫﺎﻟﺔ ﻛﺎﻣﺖ ﻳﻢ ﺍﺧﺘﻬﺎ ﻣﻨﻰ
ﻭﺻﺎﺣﺘﻨﻲ ﺧﺎﻟﺔ ﺍﻡ ﻗﺎﺳﻢ ﻛﺎﻟﺖ ﺧﺎﻟﺔ ﻫﺪﻯ ﺭﻭﺣﻲ ﺻﺒﻴﻠﻨﺎ
ﺟﺎﻱ ﺍﻧﻲ ﻭﺍﻟﻨﺴﻮﺍﻥ
.. ﻳﻤﻜﻦ ﻫﺎﻱ ﺧﺎﻣﺲ ﻣﺮﺓ ﺍﺭﻭﺡ ﻭﺍﺭﺟﻊ ﺍﻗﺪﻡ ﺟﺎﻱ ﻛﺴﺮﻭﺍ ﻋﻠﻰ
ﺳﻠﻴﻤﺔ ﺑﺸﺮﺏ ﺍﻟﺠﺎﻱ
ﻛﺎﻣﺖ ﻭﻳﺎﻱ ﻓﺎﻃﻤﺔ
.. ﺍﻱ ﻏﻴﺮ ﻓﺎﺗﺤﺔ ﻧﺎﺱ ﺗﺠﻴﻬﻢ
ﺩﺧﻠﻨﺎ ﻟﻠﻤﻄﺒﺦ ﻭﺷﻔﺖ ﻛﻢ ﻣﺮﻳﺔ ﻛﻠﻬﻢ ﻣﻠﺘﻬﻴﺎﺕ ﻳﻄﺒﺨﻮﻥ
ﺍﻟﻤﻄﺒﺦ ﺷﻜﺪ ﺟﺒﻴﺮ ﺑﺲ ﻣﻦ ﻭﺭﺓ ﺑﻨﺎﺗﻬﻢ
ﺻﺎﻳﺮ ﺯﺣﻤﺔ ﻛﻠﻬﻢ ﻳﺸﺘﻐﻠﻮﻥ ﻋﺒﺎﻟﻚ ﺧﻠﻴﺔ ﻧﺤﻞ
ﺧﻄﻴﺔ ﺷﻔﺘﻬﻢ ﻣﻠﺘﻬﺎﻳﺎﺕ
......
ﺟﺎﻥ ﻋﻨﺪﻫﻢ ﻣﻄﺒﺦ ﺣﺎﺭ ﻭﻣﻄﺒﺦ ﺑﺎﺭﺩ
ﺩﺧﻠﺖ ﻟﻠﻤﻄﺒﺦ ﺍﻟﺤﺎﺭ ﺍﻟﻲ ﺑﻲ ﺍﻟﻄﺒﺎﺥ
ﻭﻭﻛﻌﺪﺕ ﺍﺳﻮﻱ ﺍﻟﺠﺎﻱ ﻭﻓﺎﻃﻤﺔ
ﻳﻤﻲ ﺩﺗﻐﺴﻞ ﺍﻻﺳﺘﻜﺎﻳﻦ ﻭﺗﺤﻄﻬﻢ ﺑﺎﻟﺼﻴﻨﻴﺔ
ﺳﻤﻌﺖ ﺻﻮﺕ ﻫﺎﻟﺔ ﻭﺍﻛﻔﺔ ﺑﺎﻟﻄﺎﺭﻣﺔ
ﻗﺮﻳﺐ ﻋﺎﻟﺸﺒﺎﻙ ﻣﺎﻟﺖ ﺍﻟﻤﻄﺒﺦ
ﺗﺤﺠﻲ ﻭﻳﺔ ﺍﺧﺘﻬﺎ ﻣﻨﻰ
ﻫﺎﻟﺔ .. ﻳﻤﺔ ﺻﺨﺎﻡ ﺍﻟﺼﺨﻤﻨﻲ
ﻳﻤﺔ ﺍﺧﻮﻱ ﺭﺍﺡ ﻳﺮﻭﺡ ﻣﻦ ﺑﻴﻦ ﺍﻳﺪﻳﻨﺎ
ﻟﺞ ﻣﻨﻰ ﻣﻨﻮﺍ ﻛﻠﺞ ﻫﺬﺍ ﺍﻟﺤﺠﻲ
ﺍﺳﻤﻊ ﻣﻨﻰ ﺗﻜﻠﻬﺎ .. ﺳﺘﻮﻩ ﺧﺎﺑﺮﻧﻲ ﻣﻨﻘﺬ ﻭﻛﻠﻲ
ﻗﺎﺳﻢ ﻣﺎﺧﺬ ﺳﻼﺣﻪ ﻭﻫﺎﺩ ﻋﻠﻰ ﺑﻴﺖ ﻋﻤﻲ ﻣﻨﻴﺮ
ﻫﺎﻟﺔ ﻇﻠﺖ ﺗﻜﻤﺰ ﻣﺜﻞ ﺍﻟﻤﺨﺒﻠﺔ
ﻭﺍﻧﻲ ﻭﻓﺎﻃﻤﺔ ﻭﺣﺪﺓ ﺗﺒﺎﻭﻉ ﻟﻠﺜﺎﻧﻴﺔ
ﻓﺎﻃﻤﺔ .. ﻳﺎ ﺧﻄﻴﺔ ﻭﻧﻮﺏ ﻣﺪﺭﻱ ﻣﻨﻴﻦ ﻃﻠﻌﻠﻬﺎ ﻫﺬﺍ ﺍﺧﻮﻫﺎ ﻗﺎﺳﻢ
ﻣﺪﺭﻱ ﺷﺒﻴﻪ
ﻫﺎﻟﺔ .. ﻭﻟﻚ ﻳﺎﺑﺔ ﺍﻟﺤﻜﻠﻨﺎ ﻗﺎﺳﻢ ﺍﻧﺠﻦ ﻣﺮﺍﺡ ﻳﺴﻜﺘﻠﻬﻢ ﻭﺭﺑﻲ ﻋﺮﻓﺖ
ﻭﺍﻟﻠﻪ ﻛﺴﺮﺕ ﻛﻠﺒﻲ
ﻭﻫﺎﻟﺔ ﺗﺒﺠﻲ ﻭﺗﺤﺠﻲ ﻭﻛﻠﺸﻲ ﻣﻔﺘﻬﻤﺖ ﻣﻨﻬﺎ
ﻏﻴﺮ .. ﻳﻤﺔ ﺳﻮﺩﺓ ﺑﻮﺟﻬﻲ
ﺍﺧﻮﻳﺔ ﻗﺎﺳﻢ ﻣﻴﺴﺘﺎﻫﻞ
ﺍﻟﻜﺎﻋﺪ ﻳﺼﻴﺮ ﺑﻴﻪ ﻣﻨﻴﻦ ﺗﺘﻠﻜﺎﻫﺔ
ﻻ ﺍﺧﻮ ﻳﻮﻛﻒ ﻳﺴﻨﺪﻙ ﻭﻻ ﺍﺏ ﺑﻈﻬﺮﻙ
ﻇﻠﻴﺖ ﻭﺣﻴﺪ ﻻ ﻧﺎﺻﺮ ﻭﻻ ﻣﻌﻴﻦ
ﻣﻨﻰ ﺗﻜﻠﻠﻬﺎ .. ﺍﺷﺶ ﻧﺼﻲ ﺻﻮﺗﺞ ﻻ ﺗﺴﻤﻌﺞ ﺍﻣﻲ
ﻭﺍﻟﻠﻪ ﺗﻤﻮﺕ ﺍﺫﺍ ﺗﻌﺮﻑ
ﺍﺧﺬﺕ ﺍﻟﺼﻴﻨﻴﺔ ﻣﺎﻟﺖ ﺍﻻﺳﺘﻜﺎﻳﻦ ﻭﻃﻠﻌﺖ ﻣﻦ ﺍﻟﻤﻄﺒﺦ ﺭﺩﺕ ﺍﻭﺩﻳﻬﺎ
ﻟﻐﺮﻓﺔ ﺍﻻﺳﺘﻘﺎﻝ ﺍﻟﻲ ﻛﺎﻋﺪﺓ ﺑﻴﻬﺎ ﺧﺎﻟﺔ ﺍﻡ ﻗﺎﺳﻢ ﻭﺍﻟﻨﺴﻮﺍﻥ
ﺟﻨﺖ ﻛﻮﺓ ﺷﺎﻳﻠﺔ ﺍﻟﺼﻴﻨﻴﺔ ﻭﻣﺎ ﺍﺷﻮﻑ ﺍﻻ ﻭﺍﺣﺪ ﺿﺨﻢ
ﻣﻌﺼﺐ ﻃﻠﻊ ﺑﻮﺟﻬﻲ ﻭﻛﻔﺖ ﺟﺎﻣﺪﺓ ﺑﻤﻜﺎﻧﻲ ﻣﻦ ﺍﻟﺨﻮﻑ ﻃﻜﻨﻲ
ﺍﻟﺜﻮﻝ ﻓﺪ ﻧﻮﺏ
ﻫﻮ ﻭﻣﻦ ﻛﺪ ﺍﻟﻌﺼﺒﻴﺔ ﻭﺍﻟﻐﻀﺐ ﻣﻴﺸﻮﻑ ﻛﺪﺍﻣﻪ
ﺟﺎﻥ ﺷﺎﻳﻞ ﺳﻼﺣﻪ ﻭﺻﻮﺗﻪ ﻳﻬﺪﺭ ﻫﺪﺭ
ﺍﻧﺨﺒﺼﺖ ﺍﺭﻳﺪ ﺭﺟﻠﻴﺔ ﺗﺘﺤﺮﻙ ﻣﺎﻛﻮ
ﻋﻴﻮﻧﻲ ﺷﺎﺧﺼﺔ ﻋﺎﻟﺮﺟﺎﻝ ﺟﺎﻥ ﺩﻳﻤﺸﻲ ﻫﺎﺩ ﺑﺘﺠﺎﻫﻲ
ﻋﺒﺎﻟﻚ ﺩﺏ ﺩﻳﻬﺠﻢ ﻋﻠﻰ ﻓﺮﻳﺴﺘﻪ
ﺻﺎﺡ
.. ﺍﻟﻴﻮﻡ ﻟﻮ ﺍﻧﺎ ﻟﻮ ﻫﻤﺔ ﻭﺣﻖ ﺍﻟﺮﻛﺐ ﺍﻟﺮﺍﺱ
ﺍﺫﺍ ﻣﺎ ﺍﻟﻴﻮﻡ ﻣﻨﺘﻈﺮ ﺍﺑﻴﺘﻪ ﺑﺎﻟﻤﺴﺘﺸﻔﻰ ﻣﺎ ﺍﻛﻮﻥ ﺍﻧﺎ
ﻗﺎﺳﻢ
.....
ﻳﻤﺔ ﻭﺍﻧﺎ ﺳﻤﻌﺖ ﻛﺎﻝ ﻗﺎﺍﺍﺍﺍﺍﺍﺍﺍﺍﺳﻢ
ﻭﺍﻧﺎ ﻫﻲ ﻋﻴﻄﺔ ﻭﻫﻲ ﺍﻟﺼﻴﻨﻴﺔ ﻃﺎﺭﺕ ﺑﻘﺪﺭﺕ ﻗﺎﺩﺭ ﺑﺎﻟﻬﻮﻯ
ﺷﻠﻮﻥ ﻭﺷﻮﻛﺖ ﻣﺎ ﺍﻋﺮﻑ
ﻫﻮ ﻣﻦ ﺍﻟﻌﺼﺒﻴﺔ ﻣﺎ ﺍﻧﺘﺒﻪ ﻋﻠﻴﺔ ﻣﺮ ﻣﻦ ﻳﻤﻲ
ﺧﻄﻒ ﻣﺠﺮﺩ ﺧﻄﻔﺔ
ﺑﺲ ﻋﺒﺎﻟﻚ ﻣﺮ ﻣﻦ ﻳﻤﻲ ﺍﻋﺼﺎﺭ ﻣﻮ ﺭﺟﺎﻝ
ﻟﺤﻈﺎﺕ ﻣﻦ ﻃﻠﻊ ﻭﻣﺎ ﺍﺳﻤﻊ ﺍﻻ ﺻﺎﺭ ﺭﻣﻲ ﺑﺮﺓ
ﻋﻴﺎﻁ ﻭﺻﻴﺎﺡ ﺯﻟﻢ
ﺍﻟﻨﺎﺱ ﻳﺼﻴﺤﻮﻥ ﻭﻳﻜﻮﻟﻮﻥ ﻟﺤﻜﻮ ﻋﻠﻴﻪ
ﺍﻡ ﻗﺎﺳﻢ ﺗﺪﻙ ﻭﺗﻠﻄﻢ ﺗﺼﻴﺢ ﻳﻤﺔ ﺍﺑﻨﻲ ﺭﺍﺡ ﻳﺮﻭﺡ ﻣﻦ ﺍﻳﺪﻱ
ﻭﻫﺎﻟﺔ ﻭﺧﻮﺍﺗﻬﺎ ﻟﺒﺴﻦ ﻋﺒﻴﻬﻢ ﻭﺍﺳﻤﻊ ﻭﺍﺣﺪ ﻣﻦ ﻭﻟﺪ ﻋﻤﻬﻢ
ﻛﻠﻠﻬﻢ ﺍﻟﺘﻄﻠﻊ ﺍﻛﺴﺮ ﺭﺟﻠﻴﻬﺎ ﻭﺍﻟﻠﻪ ﻗﺎﺳﻢ ﺑﺲ ﻳﺪﺭﻱ ﺑﻴﻜﻢ ﻃﺎﻟﻌﺎﺕ
ﺑﺒﺎﺏ ﺍﻟﺒﻴﺖ
ﻭﻣﻨﺎ ﺍﻟﺮﻳﺎﺟﻴﻞ ﻭﺍﻟﻠﻪ ﻳﺪﻓﻨﻜﻢ
ﻫﺎﻟﺔ .. ﻭﺍﻟﻠﻪ ﺍﺫﺍ ﺻﺎﺭ ﻋﻠﻰ ﺍﺧﻮﻳﺔ ﺷﻲ ﻭﺍﻟﻘﺮﺍﻥ ﺍﺣﺮﻙ ﺑﻴﻮﺗﻬﻢ ﻋﻠﻰ
ﺭﻭﺳﻬﻢ ﻣﻮ ﻋﺒﺎﻟﻜﻢ ﻗﺎﺳﻢ ﻟﻮﺣﺪﻩ
ﻭﺍﻟﻠﻪ ﺍﺣﻨﺎ ﻣﻮ ﺑﻨﺎﺕ ﻭﺣﺪﺓ ﺑﻌﺸﺮ ﺯﻟﻢ
ﺍﻟﻨﺎﺱ ﺗﺼﻴﺢ ﻭﺗﻠﻄﻢ ﻋﻠﻰ ﺍﻟﻤﺼﻴﺒﺔ ﺍﻧﺎ ﺍﺩﻙ ﻭﺍﻟﻄﻢ ﻋﻠﻰ ﺣﻈﻲ
ﺍﺟﺘﻨﻲ ﻓﺎﻃﻤﺔ ﺗﺒﺎﻭﻉ ﻋﺎﻟﻬﻮﺳﺔ ﻭﺗﺮﺟﻊ ﺗﺒﺎﻭﻉ ﻋﻠﻴﺔ ﻣﺴﺘﻐﺮﺑﺔ
.. ﺷﻨﻮ ﻫﺪﻯ ﺷﺒﻴﺞ ﺗﻌﻴﻄﻴﻦ ﻭﺗﺼﻴﺤﻴﻦ
ﻭﻳﺎﻫﻢ ﺷﻜﻮ ﺷﻔﺘﻬﻤﺘﻲ ﺍﺑﻮﺝ ﻭﻳﺎﻫﻢ
.. ﻭﻟﺞ ﺍﻧﺎ ﺍﺻﻴﺢ ﻋﻠﻰ ﺣﻈﻲ
ﻭﻟﺞ ﻃﻠﻌﻠﻲ ﻗﺎﺳﻢ ﻛﺎﺑﻮﺳﻲ ﺍﻻﺳﻮﺩ
ﺷﺎﻳﻞ ﺳﻼﺡ ﻭﻫﺪ ﺑﻴﻪ ﻳﺮﻳﺪ ﻳﻄﻠﻊ ﻳﺘﻌﺎﺭﻙ
ﻭﺍﻧﻲ ﺍﻧﺼﺪﻣﺖ ﻋﺒﺎﻟﻲ ﻋﻠﻴﺔ
ﻭﻟﺞ ﻓﺎﻃﻤﺔ ﺍﻣﺸﻲ ﻭﺩﻳﻨﻲ ﻟﺒﻴﺘﻨﺎ
ﺭﺍﺡ ﺍﻣﻮﺕ ﻣﻦ ﺍﻟﺨﻮﻑ
ﺟﻨﺖ ﺍﺣﺠﻲ ﻭﺍﺭﺟﻒ ﺑﻌﺪﻧﻲ ﻣﺼﺪﻭﻣﺔ
.. ﺻﺒﺮﻱ ﺷﺒﻲ ﺍﺗﺨﺒﻠﺘﻲ ﻣﺘﺸﻮﻓﻴﻦ ﺍﻟﻨﺎﺱ ﻣﺨﺒﻮﺻﺔ ﺑﺮﺓ ﻭﻳﻦ
ﺍﻃﻠﻌﺞ ﺑﻬﺎﻱ ﺍﻟﻬﻮﺳﺔ
ﺟﻨﺖ ﺍﺭﺟﻒ ﻭﺍﺣﺠﻲ ﺑﺼﻮﺕ ﻋﺎﻟﻲ ﺧﺎﻳﻔﺔ
.. ﻧﺼﻲ ﺻﻮﺗﺞ ﻓﻀﺤﺘﻴﻨﺎ ﻫﺴﺔ ﺍﻟﻲ ﻳﺸﻮﻓﺞ ﻳﻜﻮﻝ ﻫﺎﻱ ﺷﺒﻴﻬﺎ
.. ﺣﻘﻲ ﺍﺧﺎﻑ
ﻫﻮ ﻣﻦ ﺟﺎﻥ ﺻﻐﻴﺮ ﺟﻨﺖ ﺑﺲ ﻣﺠﺮﺩ ﺍﻟﻤﺤﻪ ﻳﻤﺸﻲ ﺑﻤﻨﻄﻘﺘﻨﺎ
ﻭﺷﺎﻳﻞ ﻣﺼﻴﺎﺩﺗﻪ ﺑﻴﺪﻩ
ﺍﻣﻮﺕ ﺑﺪﻣﻲ ﻣﻦ ﺍﻟﺨﻮﻑ ﻭﺍﺧﺒﺺ ﺍﻟﺪﻧﻴﺎ ﻣﻦ ﺍﻟﺒﺠﻲ
ﻣﻮ ﻫﺴﺔ .. ﻫﺬﺍ ﻛﺒﺮ ﻛﺎﻡ ﻳﺸﻴﻞ ﺳﻼﺡ ﺑﺪﺍﻝ ﺍﻟﻤﺼﻴﺎﺩﺓ
ﺷﺘﺮﺩﻳﻦ ﻳﺼﻴﺮ ﺑﻴﺔ ﻏﻴﺮ ﺍﺗﺨﺒﻠﺖ
ﻭﻟﺞ ﻓﺎﻃﻤﺔ ﺧﺘﻠﻴﻨﻲ .. ﺿﻤﻴﻨﻲ ﺑﻤﻜﺎﻥ
ﻭﺑﻌﺪﻳﻦ ﻣﺎﺍﻋﺮﻑ ﺷﻠﻮﻥ
ﺍﻧﺎ ﻟﻜﻴﺖ ﺭﻭﺣﻲ ﺧﺎﺗﻠﻪ ﻭﺭﺓ ﺍﻡ ﻗﺎﺳﻢ ﺍﺭﺟﻒ
ﻫﻲ ﺍﻟﻬﻮﺳﺔ ﻫﺎﻳﺴﺔ ﻭﺍﻧﺎ ﻣﺤﺘﺎﺭﺓ ﺑﺮﻭﺣﻲ ﻭﻳﻦ ﺍﻟﺒﺪ
.....
ﺍﺧﺬﺗﻨﻲ
ﻓﺎﻃﻤﺔ ﻭﺭﺣﻨﺎ ﻟﻠﻤﻄﺒﺦ ﻭﺟﺎﻥ ﺍﺷﻮﻓﻬﻢ ﻣﻦ ﺷﺒﺎﻙ ﺍﻟﻤﻄﺒﺦ ﺍﻟﺮﻳﺎﺟﻴﻞ
ﻣﺸﺒﻜﻴﻦ ﻗﺎﺳﻢ ﻭﻫﻮ ﻳﺘﺪﺍﻓﻊ ﻭﻳﺎﻫﻢ ﻳﺮﻳﺪ ﻳﻄﻠﻊ
ﺍﻧﻲ ﺍﺑﺎﻭﻉ ﻭﺟﺴﻤﻲ ﻳﺮﺗﻌﺪ
ﺣﺠﻴﺖ ﺑﺼﻮﺕ ﻧﺎﺻﻲ ﻟﻔﺎﻃﻤﺔً
.. ﻟﺞ ﻋﺰﺓ ﺑﻌﻴﻨﻪ ﻫﺬﺍ ﻳﺎ ﻫﻮ ﺍﻟﻲ ﺩﺍﻋﻴﺔ ﻋﻠﻴﻪ ﺍﻣﻪ
ﻭﻣﻌﺼﺐ ﻗﺎﺳﻢ ﻳﻤﺔ ﺍﻟﻠﻪ ﻻ ﻳﺒﻼﻧﺔ
.. ﺍﺵ ﻟﺞ ﺳﻜﺘﻲ ﺧﻠﻲ ﻧﻔﺘﻬﻢ ﺷﻨﻮ ﺍﻟﺴﺎﻟﻔﺔ
ﻇﻠﻴﺖ ﻛﺎﻋﺪﺓ ﺑﺎﻟﻤﻄﺒﺦ ﻭﻣﺎ ﺍﺗﺤﺮﻛﺖ ﻣﻦ ﻣﻜﺎﻧﻲ ﻣﻦ ﻛﺪ ﺍﻟﺨﻮﻑ
ﻭﻫﺎﻟﺔ ﺧﻄﻴﺔ
ﺗﺮﻭﺡ ﻭﺗﺮﺟﻊ ﺗﺤﻮﻡ ﻛﻞ ﺷﻮﻳﺔ ﺗﺒﺎﻭﻉ ﻣﻦ ﺍﻟﺸﺒﺎﻙ ﺗﺮﻳﺪ ﺗﻌﺮﻑ
ﺷﺴﻮﺓ ﺍﺧﻮﻫﺎ
ﺗﺎﻟﻲ ﺍﺟﺘﻲ ﻣﻨﻰ ﺗﺤﺠﻲ ﻭﻳﺔ ﻫﺎﻟﺔ ﺗﻜﻠﻠﻬﺎ
ﻗﺎﺳﻢ ﻣﺼﻮﺏ ﻣﻨﺘﻈﺮ ﺑﺮﺟﻠﻪ
ﻭﻋﻤﻮ ﻣﺤﻤﺪ ﻟﻔﻠﻒ ﺍﻟﺴﺎﻟﻔﺔ
ﻭﺣﺎﻭﻝ ﺑﻘﺪﺭ ﺍﻻﻣﻜﺎﻥ ﻣﻴﻮﺻﻞ ﺍﻟﻤﻮﺿﻮﻉ ﻟﻠﺸﺮﻃﺔ
ﻭﺍﺧﺬﻭ ﻣﻨﺘﻈﺮ ﻟﻠﻤﺴﺘﺸﻔﻰ
ﻭﻗﺎﺳﻢ ﺑﻌﺪﻩ ﻛﻞ ﺳﺎﻋﺔ ﻳﻬﺪ ﻭﻳﻨﺜﻨﻲ
ﻳﻜﻮﻝ ﻛﻮﻥ ﺍﺣﺮﻙ ﺑﻴﻮﺗﻬﻢ ﻋﻠﻰ ﺭﻭﺳﻬﻢ
ﺍﻟﺘﻔﺘﺖ ﻋﻠﻰ ﻓﺎﻃﻤﺔ ﻭﺍﻧﺎ ﺣﺎﺻﺮﺗﻨﻲ ﺍﻟﺒﺠﻴﺔ
.. ﻭﻟﺞ ﻓﺎﻃﻤﺔ ﺗﻮﺩﻳﻨﻲ ﻟﺒﻴﺘﻨﺎ ﻟﻮ ﺍﻏﻮﺡ ﻟﻮﺣﺪﻱ ﻟﺒﻴﺘﻨﺎ
.. ﻭﺍﻟﻠﻪ ﺍﻧﺘﻲ ﻣﺨﺒﻠﺔ ﻣﻮ ﻋﺎﻗﻠﺔ
.. ﺍﻱ ﺷﻌﻠﻴﺞ ﺍﻻﻳﺪﻩ ﺑﺎﻟﻤﺎﻱ ﻣﻮ ﻣﺜﻞ ﺍﻻﻳﺪﻩ ﺑﺎﻟﻨﺎﻍ
.. ﻫﺴﺔ ﺭﺍﺡ ﺍﺗﺼﻞ ﻋﻠﻰ ﺍﺧﻮﻳﺔ ﻭﺍﺷﻮﻓﻪ ﻭﻳﻦ
ﺟﻨﺎ ﻛﺎﻋﺪﺍﺕ ﻧﻨﺘﻈﺮ ﺍﺧﻮ ﻓﺎﻃﻤﺔ ﻳﺠﻲ ﻋﻠﻴﻨﺎ
ﻭﺟﺎﻥ ﺗﺪﺧﻞ ﺭﻫﻒ
ﻭﺣﺠﺖ ﺑﺼﻮﺕ ﻫﺎﺩﻱﺀ ﺭﻗﻴﻖ ﺗﺠﺮ ﺑﺎﻟﺤﺠﻲ ﺟﺮ
.. ﺍﻛﻮﻭﻭﻭﻝ ﺣﺒﻲ ﻫﺎﺍﺍﺍﺍﻟﺔ ﺷﻨﻮ ﺷﺒﻲ ﻗﺎﺍﺍﺳﻢ
ﻣﻌﺼﺐ
ﻫﺎﻟﺔ ﻫﺰﺕ ﺍﻳﺪﻫﺎ
.. ﺍﺳﺘﻐﻔﺮ ﺍﻟﻠﻪ ﺧﻠﺼﺖ ﺍﻟﻌﺮﻛﺔ ﻭﺳﺖ ﺭﻫﻒ ﺳﺘﻮﻫﺎ ﺗﺘﺤﺰﻡ
ﺑﺎﺑﺎ ﺭﻭﺣﻲ ﺭﺟﻌﻲ ﻧﺎﻣﻲ
ﻭﺍﻧﺎ ﻭﻓﺎﻃﻤﺔ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ ﻓﺎﺗﺤﺎﺕ ﺣﻠﻜﻨﺎ
ﺣﺠﻴﺖ ﻭﻳﺔ ﻓﺎﻃﻤﺔ ﺑﺼﻮﺕ ﻧﺎﺻﻲ
.. ﺧﺎﺏ ﺷﻮﻑ ﻫﺎﻱ ﺍﻡ ﺣﻤﺒﻲ
ﺷﻠﻮﻥ ﺗﻌﻮﺝ ﺑﺎﻟﺤﻠﻚ
ﺭﺟﻌﺖ ﺿﺮﺑﺖ ﻛﺼﺘﻲ ﺍﺗﺬﻛﺮﺕ
.. ﺍﻫﻮﻭﻭﻭﻭ ﺍﻧﻲ ﺷﻠﻮﻥ ﻧﺴﻴﺖ ﻫﺬﺍ ﻫﻮ ﻧﻔﺴﻪ ﺣﻤﺒﻲ ﻣﺎﻝ
ﻏﻬﻒ ( ﺭﻫﻒ ) ﻃﻠﻊ ﻗﺎﺳﻢ ﻻ ﻳﺎ ﺍﻟﻠﻪ
ﺧﺮﺏ ﺭﺍﺡ ﺍﺑﺠﻲ ﻃﻴﻦ ﻋﻠﻰ ﻟﻬﻔﺘﻬﺎ ﻋﻠﻰ ﻗﺎﺳﻢ
ﻓﺎﻃﻤﺔ ﺿﺮﺑﺘﻨﻲ ﺑﻜﻮﻋﻬﺎ
.. ﺧﺮﺏ ﻭﻟﺞ ﺳﻜﺘﻲ ﻋﻴﺐ ﻻ ﻳﺴﻤﻌﻮﻧﺞ
ﺩﻙ ﻧﻘﺎﻟﻬﺎ
ﻭﺟﺎﻥ ﺍﻟﻤﺘﺼﻞ ﺍﺧﻮﻫﺎ ﻛﻠﻠﻬﺎ ﺍﻧﺎ ﺭﺍﺡ ﺍﺗﺄﺧﺮ ﻋﻠﻴﻜﻢ
ﺍﻧﺘﻈﺮﻭﻧﻲ
.. ﻳﺒﻮﻭﻭﻭ ﺷﻠﻮﻥ ﺍﻏﻴﺪ ﺍﻏﻮﺡ ﻟﺒﻴﺘﻨﺎ
ﻓﺎﻃﻤﺔ .. ﻟﺞ ﻋﻮﺑﺔ ﺷﺴﻮﻳﻠﺞ ﺻﺒﺮﻱ ﻫﺴﺔ ﺍﻧﺘﻲ ﺷﺒﻴﺞ ﺣﺎﺭﻛﺔ ﺍﻟﺪﻧﻴﺎ
ﺟﺎﻧﺖ ﺍﻡ ﻓﺮﺯﺩﻕ ﻛﺎﻋﺪﺓ ﻳﻤﻨﺎ ﻭﻛﺎﻟﺖ
ﺷﻨﻮ ﺷﺒﻴﺞ ﺧﺎﻟﺔ ﺗﺮﺟﻔﻴﻦ
ﻓﺎﻃﻤﺔ ﻛﺎﻟﺘﻠﻬﺎ .. ﺗﺮﻳﺪ ﺗﺮﺟﻊ ﻟﺒﻴﺘﻬﻢ ﻭﺍﺧﻮﻱ ﻃﻠﻊ ﻋﻨﺪﻩ ﺷﻐﻞ ﺭﺍﺡ
ﻳﺘﺄﺧﺮ ﻋﻠﻴﻨﺎ
ﺍﻡ ﻓﺮﺯﺩﻕ .. ﻳﺎ ﺧﺎﻟﺔ ﺻﺪﻙ ﺟﺬﺏ ﻫﺬﻭﻟﻲ ﻭﻟﺪﻧﺎ
ﺗﺎﺭﺳﻴﻦ ﺍﻟﺒﻴﺖ ﻫﺴﺔ ﺍﺗﺼﻠﺞ ﻋﻠﻰ ﻭﺍﺣﺪ ﻣﻨﻬﻢ ﻳﻮﺻﻠﻜﻢ ﻟﻠﺒﻴﺖ
ﻟﺤﻈﺎﺕ ﻭﺟﺎﻥ ﺗﺠﻲ ﺍﻡ ﻓﺮﺯﺩﻕ ﻭﻛﺎﻟﺖ
.. ﻳﺎﻟﻠﻪ ﺧﺎﻟﺔ ﺟﻬﺰﻭﺍ ﻧﻔﺴﻜﻢ ﺍﻟﺴﻴﺎﺭﺓ ﺗﻨﺘﻈﺮﻛﻢ ﺑﺮﺓ ﺑﺎﻟﺒﺎﺏ
ﻛﻤﻨﺎ ﺍﻧﻲ ﻭﻓﺎﻃﻤﺔ
ﻭﺭﺍﺣﺖ ﻓﺎﻃﻤﺔ ﺳﻠﻤﺖ ﻋﺎﻟﺒﻨﺎﺕ ﺧﻮﺍﺕ ﻫﺎﻟﺔ ﻭﻫﺎﻟﺔ ﻭﺍﻣﻬﺎ
ﻭﻫﻲ ﺗﺤﺠﻲ ﻭﻳﺎﻫﻢ ﻭﺗﺼﺒﺮﻫﻢ
ﻭﺍﻧﻲ ﻭﺭﺍﻫﺎ ﺷﺘﺴﻮﻱ ﺍﺳﻮﻱ ﻭﺷﻨﻮ ﺗﺤﺠﻲ ﺍﺣﺠﻲ
ﻟﺤﺪ ﻣﺎ ﺍﻧﺘﺒﻬﺖ ﻓﺎﻃﻤﺔ ﺗﻀﺤﻚ ﻋﻠﻴﺔ
ﺑﺎﻭﻋﺖ ﻋﻠﻴﻬﺎ
.. ﺍﻧﺘﺒﻬﺘﻲ ﻟﺮﻭﺣﺞ ﺷﻨﻮ ﻛﻠﺘﻲ ﻟﺨﺎﻟﺔ ﺍﻡ ﻗﺎﺳﻢ
.. ﺷﻨﻮ ﺷﻜﻠﺖ ﺣﺎﻟﻲ ﻣﻦ ﺣﺎﻟﺞ ﺷﻨﻮ ﺗﺤﺠﻴﻦ ﺍﺣﺠﻲ
.. ﺍﻱ ﻣﻮ ﻋﻮﺑﺔ ﺍﻛﻮ ﻭﺣﺪﺓ ﺗﻜﻠﻠﻬﺎ ﺧﺎﻟﺔ ﺍﻣﻲ ﺗﺴﻠﻢ ﻋﻠﻴﺞ
ﺑﺎﻟﻠﻪ ﻛﻠﻴﻠﻲ ﺍﻟﺜﻮﻝ ﺷﻠﻮﻥ ﻳﻜﻮﻥ ﻟﻮﻧﻪ ﺑﻌﺪ
.. ﻣﺜﻞ ﻟﻮﻧﺞ
ﺟﻨﺖ ﺍﺣﺠﻲ ﻭﺍﻧﺎ ﻣﻠﺒﺪﺓ ﺭﺍﺳﻲ ﻭﺭﺓ ﻓﺎﻃﻤﺔ ﻭﺧﺮﺑﺎﻧﺔ ﺿﺤﻚ ﻋﻠﻰ
ﺳﻮﺍﻳﺘﻲ
ﺍﺟﺔ ﻭﻟﺪ ﺻﻐﻴﺮ ﺩﺯﺗﻪ ﻭﻳﺎﻧﺔ ﺍﻡ ﻓﺮﺯﺩﻕ ﺣﺘﻰ ﻳﻮﺻﻠﻨﺔ ﻟﻠﺴﻴﺎﺭﺓ
ﻓﺘﺤﻠﻨﺎ ﺍﻟﺒﺎﺏ ﻭﺻﻌﺪﻧﺎ ﻭﺭﺓ
ﻭﺟﺔ ﺍﻟﻮﻟﺪ ﻭﺭﻛﺐ ﻭﺍﻟﻘﻰ ﺍﻟﺴﻼﻡ
ﻭﻛﺎﻝ .. ﻫﻼ ﺑﻬﺪﻫﺪ ﺷﻠﻮﻧﺞ
ﺑﺎﻭﻋﺖ ﻋﻠﻰ ﺍﻟﺮﺟﺎﻝ ﻭﺣﺠﻴﺖ ﻣﺼﺪﻭﻣﺔ
.. ﺻﻬﻴﺐ !!!!!!!!!!!
ﻳﺘﺒﻊ
ﺍﺣﺒﻜﻢ ﻫﻮﺍﻱ ﺍﺣﺒﻜﻢ ﻛﻮﻣﺔ
ﺍﺧﺘﻜﻢ ﻧﻬﻰ 🌹️♥🌹️
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء