رواية أساور الفضة ج1 الجزء الثامن
للكاتبة نهى
....
ﻋﻤﻮ ﺍﻣﺠﺪ ﺣﺮﻙ ﺍﻟﺒﻴﺖ ﺑﺼﻴﺎﺣﻪ
ﺑﻌﺪﻣﺎ ﻋﺮﻓﻨﺎ ﺷﻨﻮ ﺳﺒﺐ ﺍﻟﺼﻴﺎﺡ
ﻋﺬﺭﻧﺎﻩ ﻓﻌﻼ ﻋﻤﻮ ﺍﻣﺠﺪ ﻛﻀﺔ ﻋﻤﺮﻩ ﻳﺮﻛﺾ ﻭﺭﺓ
ﺑﺎﺑﺎ ﻭﻳﺼﻠﺢ ﺑﺄﺧﻄﺎﺀﻩ
ﻟﻠﻈﻬﺮ ﻃﻠﻌﺖ ﺷﻴﻤﺎﺀ ﻣﻦ ﺍﻟﻤﺴﺘﺸﻔﻰ
ﺩﺧﻠﺖ ﻭﺷﺎﻓﺘﻨﻲ ﻭﺍﺗﺠﻬﺖ ﻋﻠﻴﺔ ﻭﺣﻈﺘﻨﻲ
.. ﻋﻔﻴﺔ ﺑﺒﻨﻴﺘﻲ ﺍﻟﺴﺒﺎﻋﻴﺔ ﺭﻓﻌﺘﻲ ﺭﺍﺳﻲ
ﻋﻜﺐ ﺑﺎﺟﺮ ﺑﺲ ﺍﺳﺘﻠﻢ ﺭﺍﺗﺒﻲ ﺍﻃﻠﻌﻜﻢ ﺍﻧﺘﻲ ﻭﺿﺤﻰ ﺍﻋﺸﻴﻜﻢ ﺑﻤﻄﻌﻢ ﺷﻨﻮ ﺭﺃﻳﻜﻢ
ﻫﺪﻯ ﻧﺴﻴﺖ ﺳﺎﻟﻔﺔ ﺍﺑﻮﻱ ﻭﺍﻧﺸﻐﻠﺖ ﺑﻔﺮﺣﺔ ﺷﻴﻤﺎﺀ ﻭﺍﻟﻤﻄﻌﻢ
.. ﻋﺎﺍﺍﺍ ﻛﻮﻟﻲ ﻭﺍﻟﻠﻪ ﻧﻄﻠﻊ ﻣﻄﻌﻢ ﻭﻧﻜﻌﺪ ﻣﺜﻞ ﺍﻟﺒﺘﻠﻔﺰﻳﻮﻥ ﻭﻧﺼﻔﻚ ﻭﻳﺠﻴﻨﺎ ﻭﺍﺣﺪ ﻳﺨﺪﻣﻨﺎ
ﺿﺤﻰ .. ﻋﻠﻰ ﻛﻴﻔﺞ ﺷﻬﺮﺯﺍﺩ ﺗﺼﻔﻜﻴﻦ
ﻭﺗﺠﻴﺞ ﺻﻨﻴﺔ ﻣﻠﻴﺎﻧﺔ ﻟﺤﻢ ﻭﻳﻦ ﻛﺎﻋﺪﻳﻦ
ﺩﺧﻞ ﻋﻤﻮ ﺍﻣﺠﺪ ﻟﻠﻤﻄﺒﺦ ﻭﺷﺎﻓﺘﻪ ﺷﻴﻤﺎﺀ ﻭﺳﻠﻤﺖ ﻋﻠﻴﻪ
ﻭﻛﻠﺘﻠﻪ ﻋﻠﻰ ﻧﺠﺎﺣﻲ ﺭﻏﻢ ﺷﻜﻠﻪ ﺟﺎﻥ ﺿﺎﻳﺞ
ﺑﺲ ﺑﺎﺭﻛﻠﻲ
.. ﻣﺒﺮﻭﻙ ﻋﻤﻮ ﻫﺪﻯ ﺳﺒﺎﻋﻴﺔ
ﻛﻠﺔ ﻣﻦ ﻭﺭﺓ ﺍﺑﻮﺝ ﺣﺘﻰ ﻓﺮﺣﺔ ﺍﻟﻨﺠﺎﺡ ﺳﻠﺒﻬﺎ ﻣﻨﺎ
ﺩﻭﻣﻪ ﻫﺸﻜﻞ ﻣﻮ ﺟﺪﻳﺪﺓ ﻋﻠﻴﻪ
ﺷﻴﻤﺎﺀ ﻋﻘﺪﺕ ﺣﻮﺍﺟﺒﻬﺎ
.. ﻟﻴﺶ ﻋﻤﻮ ﺷﺒﻲ ﺑﺎﺑﺎ
.. ﺍﺑﻮﻛﻢ ﻟﺰﻣﻮﻩ ﻣﺘﻠﺒﺲ ﺑﺒﻴﺖ ﺩﻋﺎﺭﺓ ﻭﻣﻮﺑﺲ ﻫﺸﻜﻞ
ﻟﻜﻮ ﺑﺎﻟﺒﻴﺖ ﺍﻃﻔﺎﻝ ﺛﻨﻴﻦ ﻣﺨﻄﻮﻓﻴﻦ
ﻭﻫﺴﺔ ﻟﻮ ﻳﺠﻲ ﺍﻟﺤﺮ ﺍﺑﻮﺝ ﻣﻴﻄﻠﻊ
ﺿﺮﺑﺖ ﻋﻠﻰ ﻭﺟﻬﻬﺎ ﻣﺘﻔﺎﺟﺌﺔ
.. ﻋﺰﺓ ﺍﻟﻌﺰﺍﻧﻲ ﺟﺎﻧﺖ ﻋﺎﻳﺰﺓ ﻭﺍﻟﺘﻤﺖ
ﺷﻠﻮﻥ ﺑﻴﻨﺎ ﻭﺿﺤﻰ ﻭﻋﻴﺎﻟﻬﺎ ﻭﻣﻀﻞ ﺷﻲ ﻋﻠﻰ ﺯﻭﺍﺟﻬﺎ
ﻳﺎﺭﺑﻲ ﺍﺑﻮﻱ ﺑﺸﻨﻮ ﻳﻔﻜﺮ
ﺑﺲ ﺍﺭﻳﺪ ﺍﻓﺘﻬﻢ ﻫﻮ ﻟﻴﺶ ﻳﺮﻭﺡ ﺩﺍﺋﻤﺎ ﻋﻠﻰ ﻫﺎﻱ ﺍﻻﻣﺎﻛﻦ
.. ﻭﺍﻟﻠﻪ ﻳﺎﻋﻤﻮ ﻣﺎﺍﻋﺮﻑ ﺷﻨﻮ ﺍﻛﻠﺞ
ﺑﺲ ﻛﻞ ﺍﻟﻲ ﺍﻛﺪﺭ ﺍﻛﻮﻟﻪ ﺍﺑﻮﺝ ﻣﻦ ﺍﻳﺎﻡ ﺯﻣﺎﻥ ﻣﺮﺍﻓﻖ ﺷﻠﺔ
ﺗﻌﺒﺎﻧﺔ ﻧﺎﺱ ﻣﻨﺤﻄﻴﻦ ﺑﺸﻜﻞ
ﺟﻨﺖ ﺩﺍﺋﻤﺎ ﺍﻛﻠﻪ ﻋﻮﻓﻬﻢ ﻭﻻ ﺗﺮﺍﻓﻘﻬﻢ
ﻻﻥ ﺭﻓﻘﺘﻬﻢ ﻣﺎ ﺗﺠﻴﺐ ﺑﺲ ﺍﻟﻤﺸﺎﻛﻞ
ﻫﻤﺔ ﺑﺰﻣﻦ ﻗﺒﻞ ﻭﻣﺎ ﻛﺎﻋﺪﻳﻦ ﺭﺍﺣﺔ ﻣﻮ ﻫﺴﺔ
ﺍﻟﻨﻈﺎﻡ ﺣﻠﻞ ﻭﺳﺎﺑﻴﺔ ﻭﻣﺎﻟﻬﻢ ﺟﺒﻴﺮ ﻳﺤﻜﻤﻬﻢ
ﺳﻠﻴﻤﺔ .. ﻣﻜﺮﻭﺩ ﻳﺎﻳﻤﺔ ﺍﺛﻴﺮ ﺗﺠﻴﻚ ﺍﻟﺘﻬﺎﻳﻢ ﻭﺍﻧﺖ ﻧﺎﻳﻢ
ﺍﻣﺠﺪ .. ﻫﻮ ﺷﺨﺮﺏ ﺍﺛﻴﺮ ﻏﻴﺮ ﺑﺲ ﻫﺬﺍ ﻛﻼﻣﺞ
ﻛﻠﺔ ﻣﻨﺞ ﺍﻧﺘﻲ ﻫﻮﺍﻱ ﻣﺪﻟﻠﺘﻪ ﻣﻦ ﻗﺒﻞ ﺷﻴﺮﻳﺪ ﻭﺷﻴﻄﻠﺐ ﻳﺠﺮﺍﻟﻪ
ﻳﺴﻮﻱ ﺍﻟﻐﻠﻂ ﻛﺪﺍﻣﺞ ﻭﺗﺴﻜﺘﻴﻦ ﻋﻨﻪ ﻭﻣﻦ ﻳﻮﻛﻊ ﺑﺎﻟﻤﺼﻴﺒﺔ ﺗﺼﻴﺤﻴﻦ ﺳﻮﺩﺓ ﻋﻠﻴﺔ ﻭﻣﻦ ﻳﺴﻮﻱ ﺍﻟﻤﻜﺴﻮﺭﺓ ﺗﻜﻮﻟﻴﻦ ﻋﺎﻳﻠﻴﻦ ﺑﻲ ﻫﻮ ﻣﻈﻠﻮﻡ
ﻣﺎ ﻳﻮﻡ ﻭﻛﻔﺘﻲ ﻛﺪﺍﻣﻪ ﻭﻛﻠﺘﻠﻴﻪ ﻟﻴﺶ ﻳﻤﺔ ﺗﺴﻮﻱ ﻫﻴﺞ ﺑﺤﺎﻟﻚ
ﻭﻻ ﻣﺮﺓ ﺳﻤﻌﺘﺞ ﺗﻨﺼﺤﻴﻨﻪ ﻭﺗﻜﻠﻴﻠﻪ ﻳﻤﺔ ﻋﻨﺪﻙ ﺑﻨﺎﺕ ﻭﺑﻄﻞ ﺷﺮﺏ ﻭﻣﻨﻜﺮ
ﺍﺳﻤﻊ ﺻﻮﺗﺞ ﺑﺲ ﻣﻦ ﻳﻀﻮﺟﺞ
.. ﻳﺎ ﺷﺒﻴﻚ ﺷﻮ ﺩﺭﺗﻬﺎ ﻋﻠﻴﺔ ﻭﺫﺑﻴﺖ ﺍﻟﺼﻮﺝ ﺑﻴﺔ
ﺍﺑﺎﻭﻉ ﻋﻠﻰ ﺷﻮﻣﺔ ﻫﻤﺔ ﻳﺤﺠﻮﻥ ﻭﻫﻲ ﺻﺎﺭﺕ ﺗﻀﺮﺏ ﺍﺧﻤﺎﺱ ﺑﺎﺳﺪﺍﺱ ﻭﺍﻟﺘﻔﻜﻴﺮ ﻭﺍﺿﺢ ﻋﻠﻴﻬﺎ
.. ﺍﻧﻲ ﻓﺎﻳﺘﺔ ﺍﺑﺪﻝ ﻋﻦ ﺍﺫﻧﻚ ﻋﻤﻮ
.. ﺍﺧﺬﻱ ﺭﺍﺣﺘﺞ ﻋﻤﻮ ﺍﻧﺎ ﻫﻢ ﻃﺎﻟﻊ ﺍﺭﻭﺡ ﺍﺷﻮﻓﻠﻲ
ﺟﺎﺭﺓ ﺣﻞ ﻟﻤﺼﺒﻴﺔ ﺍﺑﻮﻛﻢ
ﻃﻠﻊ ﻋﻤﻮ ﻭﺳﻠﻴﻤﺔ ﺩﺧﻠﺖ ﺗﺪﺭﺩﻡ
...
ﺿﺤﻰ .. ﺷﻠﻮﻥ ﻳﺎﺭﺑﻲ ﺑﺎﺟﺮ ﻳﺠﻲ ﺳﻴﻒ ﻭﺷﻬﺪ ﻳﺎﺧﺬﻭﻧﻲ ﻋﻠﻤﻮﺩ ﻳﺸﺘﺮﻭﻟﻲ ﺫﻫﺐ ﺷﻠﻮﻥ ﺭﺍﺡ ﺍﻃﻠﻊ ﻭﻳﺎﻫﻢ ﻭﺑﺎﺑﺎ ﺑﺎﻟﺴﺠﻦ ﺷﻜﻠﻠﻬﻢ
ﻭﺍﻟﻠﻪ ﺻﻌﺒﺔ
.. ﻟﺞ ﻭﺍﻧﺎ ﻫﻤﻴﻦ ﻏﺎﺋﺪ ﻛﻠﻲ ﺍﻻﺳﺒﻮﻉ ﺍﻟﺠﺎﻱ ﻏﺎﺡ ﻳﺪﺯ ﺍﻣﻪ ﻭﺍﺧﺘﻪ ﺣﺘﻰ ﻳﺘﻔﻘﻮﻥ ﻭﻳﺔ ﺷﻴﻤﺎﺀ
.. ﺻﺪﻙ ﻭﺍﻟﻠﻪ ﺗﺤﺠﻴﻦ
.. ﺍﻱ ﻭﺍﻟﻠﻪ
.. ﻟﺞ ﻋﻮﺑﺔ ﻭﺍﻟﻠﻪ ﻓﺮﺣﺘﻠﺞ ﺑﺲ ﻛﻮﻥ ﺍﻟﻠﻪ ﻳﺘﻤﻤﻬﺎ ﻋﻠﻴﻨﺎ
ﺟﻨﺎ ﻧﺤﺠﻲ ﻭﺳﻤﻌﺖ ﺷﻴﻤﺎﺀ ﺗﺤﺠﻲ ﺑﻌﺼﺒﻴﺔ
ﺭﺣﻨﺎ ﺍﻧﻲ ﻭﺿﺤﻰ ﻧﺸﻮﻑ ﺷﺒﻴﻬﺎ ﺷﻴﻤﺎﺀ
ﺩﺧﻠﻨﺎ ﻭﺷﻔﺖ ﺷﻴﻤﺎﺀ ﻻﺯﻣﺔ ﺍﻟﻨﻘﺎﻝ ﻭﺗﺒﺎﻭﻉ ﻋﺎﻟﺸﺎﺷﺔ ﻭﺗﺤﺠﻲ ﻭﺗﺒﺠﻲ
.. ﺍﻟﻠﻪ ﻳﻠﻌﻨﻚ ﻳﺎ ﻟﻴﺚ ﻭﺍﻟﻠﻪ ﻫﺎﻟﺮﺟﺎﻝ ﺭﺍﺡ ﻳﻄﻠﻌﻨﻲ ﻋﻦ ﻃﻮﺭﻱ
ﺍﻗﺘﺮﺑﺖ ﻋﻠﻴﻬﺎ ﻭﺟﺎﻧﺖ ﻛﻠﻬﺎ ﺗﺮﺟﻒ
.. ﺷﻨﻮ ﺷﻴﻤﺎﺀ ﺷﺒﻴﺞ ﺷﺼﺎﻍ ﻭﻛﻌﺘﻲ ﻛﻠﺒﻨﺎ
.. ﺑﻌﺪ ﺷﻴﺼﻴﺮ ﺑﻴﺔ ﺍﻛﺜﺮ ﻣﻦ ﺍﻟﺼﺎﺭ
ﻭﺍﻟﻠﻪ ﺑﻌﺪ ﻣﺎ ﺑﻴﺔ ﺣﻴﻞ ﻭﺧﻠﺺ ﺻﺒﺮﻱ
ﺭﻓﻌﺖ ﺭﺍﺳﻬﺎ
ﻳﺎﺭﺑﻲ ﺩﺧﻴﻠﻚ ﻳﺎ ﺍﻟﻬﻲ ﻋﺒﺎﺩﻙ ﻃﻐﻮﺍ ﻭﺟﺎﺭﻭﺍ
ﻋﻠﻴﺔ ﻭﺍﻧﻲ ﻻﺣﻮﻝ ﻭﻻﻗﻮﺓ ﻭﻣﺎ ﺍﻛﺪﺭ ﺍﺣﻤﻲ ﻧﻔﺴﻲ ﻣﻨﻬﻢ ﺭﺑﻲ ﺍﺭﺩﻋﻬﻢ ﻋﻨﻲ
.. ﻋﻔﻴﺔ ﺷﻮﻣﺔ ﻛﻮﻟﻲ ﺷﺒﻴﺞ
.. ﻟﺞ ﻟﻴﺚ ﺍﺗﺼﻞ ﻋﻠﻴﺔ ﻭﻳﻜﻠﻲ
)) ﻟﻴﺚ .. ﺷﻮﻣﺔ ﺍﻟﻴﻮﻡ ﺍﺑﻮﺝ ﻧﺎﺯﻝ ﺿﻴﻒ ﻋﻨﺪﻱ
.. ﻟﻴﺚ ﻻ ﺗﻜﻮﻝ ﺍﻧﺖ ﻭﺭﺓ ﺳﺎﻟﻔﺔ ﺳﺠﻦ ﺑﺎﺑﺎ
.. ﻣﻮ ﺍﻧﺎ ﻓﺎﺭﻏﻠﺞ ﺍﻧﺘﻲ ﻭﺑﺎﺑﺎ ﻭﻣﺎﻋﻨﺪﻱ ﺷﻐﻞ ﻭﻋﻤﻞ ﻏﻴﺮﻛﻢ
ﻭﺍﻧﺘﻲ ﻟﻴﺶ ﻣﺴﺘﻐﺮﺑﺔ ﺷﻨﻮ ﻗﺎﺑﻞ ﺟﺪﻳﺪﺓ ﻋﻠﻰ ﺍﺑﻮﺝ ﻳﻨﺴﺠﻦ
ﺑﺲ ﻫﺎﻟﻤﺮﺓ ﺍﺟﺔ ﻭﺍﻟﻠﻪ ﺟﺎﺑﻪ ﻓﻌﻼ ﻭﺍﺟﺘﻲ ﺍﻟﻔﺮﺻﺔ
ﻟﺤﺪ ﻋﻨﺪﻱ
.. ﺷﺘﺮﻳﺪ ﻣﻦ ﻋﻨﺪﻱ
.. ﻛﻠﺸﻲ ﻣﺎ ﺍﺭﻳﺪ ﺳﻼﻣﺘﺞ
ﻫﺎﻟﻤﺮﺓ ﺍﻧﺘﻲ ﺍﻟﻲ ﺗﺮﺩﻳﻦ ﻣﻨﻲ ﻭﺣﺎﺟﺘﺞ ﻋﻨﺪﻱ
.. ﻭﺍﻟﻤﻄﻠﻮﺏ
.. ﻋﻠﻴﺞ ﻧﻮﺭ ﺍﺣﺒﺞ ﻻﻥ ﺗﻔﺘﻬﻤﻴﻨﻲ ﺍﻟﻤﻄﻠﻮﺏ ﻳﺎﺣﻠﻮﺓ
ﺣﺮﻳﺔ ﺍﺑﻮﺝ ﻣﻘﺎﺑﻞ ﺗﺠﻴﻦ ﺑﺮﺟﻠﻴﺞ ﺍﻟﻲ ﺑﺸﻘﺘﻲ
ﺍﻋﻘﺪ ﻋﻠﻴﺞ ﻭﺍﺧﺬﺝ ﺍﻟﻲ ﻣﺮﺓ
.. ﻟﻴﺚ ﺗﺪﺭﻱ ﺑﻬﺎﻱ ﺍﻓﻌﺎﻟﻚ ﻗﻀﻴﺖ ﻋﻠﻰ ﺍﺧﺮ ﺫﺭﺓ ﺣﺐ
ﺟﻨﺖ ﺿﺎﻣﺘﻬﺎ ﺑﻜﻠﺒﻲ ﺍﻟﻚ
.. ﺷﻴﻤﺎﺀ ﺍﺭﻳﺪ ﺍﻟﺠﻮﺍﺏ ﻳﻮﺻﻠﻨﻲ
ﻭﻛﺪﺍﻣﺞ ﺍﺭﺑﻊ ﺳﺎﻋﺎﺕ ﺣﺘﻰ ﺗﻘﺮﺭﻳﻦ
ﺑﻌﺪﻫﺎ ﺍﺫﺍ ﻣﺎ ﺍﺟﺎﻧﻲ ﺍﻟﺮﺩ ﺍﻗﺮﻱ ﻋﻠﻰ ﺍﺑﻮﺝ ﺍﻟﺴﻼﻡ ((
ﺳﺪ ﺍﻟﺨﻂ ﻭﻣﺎ ﺍﻧﻄﺎﻧﻲ ﻣﺠﺎﻝ ﺍﺣﺠﻲ ﻭﻳﺎﻩ
ﺿﺤﻰ .. ﻳﻌﻨﻲ ﺷﻨﻮ ﻗﺼﺪﻩ ﺑﻬﺬﺍ ﻛﻼﻣﻪ
ﻫﺪﻯ .. ﻣﺒﻴﻨﺔ ﻣﻴﺤﺘﺎﺟﻠﻬﺎ ﻋﻠﻢ ﻟﻴﺚ ﻛﻌﺪ ﻳﺴﺎﻭﻡ
ﺷﻴﻤﺎﺀ ﻳﻄﻠﻊ ﺍﺑﻮﻳﺔ ﻣﻦ ﺍﻟﺴﺠﻦ ﻣﻘﺎﺑﻞ ﺗﻐﻮﺡ ( ﺗﺮﻭﺡ ) ﻳﻌﻘﺪ ﻋﻠﻴﻬﺎ
ﻛﻌﺪﺕ ﺷﻴﻤﺎﺀ ﺑﺎﻟﻜﺎﻉ ﻭﻛﺮﻓﺼﺖ ﻋﻠﻰ ﻧﻔﺴﻬﺎ
.. ﻓﻬﻤﻮﻧﻲ ﺷﻨﻮ ﺍﻟﺤﻞ ﻭﺍﻟﻠﻪ ﺍﺣﺘﺎﺭﻳﺖ
ﻣﻌﻘﻮﻟﺔ ﺍﺭﻭﺡ ﺍﺗﺰﻭﺝ ﻟﻴﺚ ﺑﻬﻴﺞ ﻃﺮﻳﻘﺔ
.. ﻻ ﻣﺴﺘﺤﻴﻞ ﻟﺘﻔﻜﺮﻳﻦ ﺑﻴﻬﺎ
ﺯﻭﺍﺝ ﻭﺑﺎﻟﺘﻬﺪﻳﺪ . ﻣﻴﻨﺮﺍﺩ
ﻳﻌﻨﻲ ﺷﻨﻮ ﺗﺘﻮﻗﻌﻴﻦ ﺍﻟﺤﻴﺎﺓ ﺍﻟﻲ ﺭﺍﺡ ﺗﻌﻴﺸﻴﻬﺎ ﻭﻳﺎﻩ
ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﻛﺎﻣﺖ ﺗﺒﺠﻲ ﺑﻼ ﺣﻮﻝ ﺻﺪﻙ ﻗﻬﺮﺗﻨﻲ
.. ﺍﻱ ﺻﺪﻙ ﺷﻴﻤﺎﺀ ﺍﺣﻨﺎ ﻟﻴﺶ ﻣﺎ ﻧﻄﻠﺐ ﻣﻦ
ﺧﺎﻟﺔ ﺍﻡ ﻓﻐﺰﺩﻕ ﺗﺴﺎﻋﺪﻧﺎ ﺑﻠﻜﻲ ﺗﻮﻛﻒ ﻭﻳﺎﻧﺎ
ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﻋﻘﺪﺕ ﺣﻮﺍﺟﺒﻬﺎ ﻭﻣﺴﺤﺖ ﺩﻣﻮﻋﻬﺎ
ﻭﻛﺎﻣﺖ ﻣﻦ ﻣﻜﺎﻧﻬﺎ
ﺍﻱ ﺻﺪﻙ ﺍﺭﻭﺡ ﻟﺨﺎﻟﺔ ﺍﻡ ﻓﺮﺯﺩﻕ ﻫﻲ ﺍﻗﺎﺭﺑﻬﺎ ﻣﻌﺮﻭﻓﻴﻦ
ﻭﻋﻨﺪﻫﻢ ﻭﺍﺳﻄﺎﺕ
ﺭﺍﺣﺖ ﺗﺒﺪﻝ ﻣﻼﺑﺴﻬﺎ ﻛﺎﻟﺖ
.. ﻫﺪﻯ ﺑﺪﻟﻲ ﺣﺘﻰ ﺗﺠﻴﻦ ﻭﻳﺎﻱ
ﺑﺪﻟﺖ
ﺭﺣﻨﺎ ﻟﺒﻴﺖ ﺧﺎﻟﺔ ﺍﻡ ﻓﺮﺯﺩﻕ ﻫﻨﺎﻙ ﺷﻴﻤﺎﺀ ﺣﺠﺖ ﻛﻠﺸﻲ ﺍﻟﻬﺔ ﻭﻫﻲ ﺗﺒﺠﻲ
ﺍﻡ ﻓﺮﺯﺩﻕ .. ﺧﺎﻟﺔ ﺷﻮﻣﺔ ﻟﺘﺒﺠﻴﻦ
ﻭﻣﺎ ﻳﺠﺮﺍﻟﺞ ﺍﻻ ﻃﻴﺐ
....
ﺟﻨﺎ ﻛﺎﻋﺪﻳﻦ ﻭﺩﺧﻠﺖ ﺍﺧﺖ ﺻﻬﻴﺐ ﺑﺘﻮﻝ ﻭﺑﻴﺪﻫﺎ ﺻﻴﻨﻴﺔ ﻛﻴﻚ ﻭﻋﺼﻴﺮ
ﺍﻡ ﻓﺮﺯﺩﻕ .. ﺟﺪﺓ ﺑﺘﻮﻝ ﺣﻄﻲ ﺍﻟﺼﻴﻨﻴﺔ ﻭﺭﻭﺣﻲ ﺻﻴﺤﻲ ﺍﺑﻮﺝ ﻛﻠﻴﻠﻪ ﺑﻴﺒﻲ ﺗﺮﻳﺪﻙ
ﻃﻠﻌﺖ ﺑﻴﺘﻮﻝ ﻭﺩﺍﺭﺕ ﻋﻠﻴﻨﺎ
.. ﻳﻤﺔ ﻣﺪﻭﺍ ﺍﻳﺪﻛﻢ ﻭﺍﻛﻠﻮ ﻭﺑﺮﺩﻭﺍ ﻛﻠﺒﻜﻢ ﻭﻻ ﺗﺸﻴﻠﻮﻥ ﻫﻢ
.. ﺧﺎﻟﺔ ﺍﻟﻠﻪ ﻳﺨﻠﻴﺞ ﺍﻟﻨﺎ
.. ﻟﺤﻈﺎﺕ ﻭﺩﺧﻞ ﻋﻠﻴﻨﺎ ﻋﻤﻮ ﻓﺮﺯﺩﻕ ﻭﺳﻠﻢ ﻋﻠﻴﻨﺎ
ﻭﻫﻮ ﻳﺒﺎﻭﻉ ﻻﻣﻪ
.. ﺧﻴﺮ ﻳﻤﺔ ﻃﻠﺒﺘﻴﻨﻲ
ﻭﺣﺠﺖ ﺍﻡ ﻓﺮﺯﺩﻕ ﺳﺎﻟﻔﺔ ﺷﻴﻤﺎﺀ ﻛﻠﻬﺎ ﻣﻦ ﺍﻭﻝ ﻣﺎ ﺧﻄﺒﻴﻬﺎ ﻟﻴﺚ ﻟﺤﺪ ﺍﻟﺼﺎﺭ ﺍﻟﻴﻮﻡ
ﺑﺎﻭﻉ ﻋﻠﻴﻬﺎ ﻭﺑﻌﻴﻮﻧﻪ ﻧﻔﺲ ﺍﻟﻨﻈﺮﺓ ﻛﻠﻤﺎ ﻳﺒﺎﻭﻉ ﻋﻠﻴﻨﺎ
ﺑﻴﻬﺎ ﺣﺴﺮﺓ ﺑﻴﻬﺎ ﻏﺼﺔ ﻣﺎ ﻟﻴﺶ ﺍﺣﺲ ﻫﺸﻜﻞ
ﻓﺮﺯﺩﻕ .. ﻟﺘﺨﺎﻓﻴﻦ ﻣﺴﺤﻲ ﺩﻣﻮﻋﺞ ﻭﺍﻃﻤﻨﻲ
ﺧﻠﻲ ﻣﻮﺿﻮﻉ ﻟﻴﺚ ﻭﺍﺑﻮﺝ ﻋﻠﻴﺔ ﻟﺘﺸﻴﻠﻴﻦ ﻫﻤﻬﻢ
ﻭﺑﻴﻮﻣﻬﺎ ﺩﺧﻠﺖ ﺍﻡ ﺻﻬﻴﺐ ﺳﻠﻤﺖ ﻋﻠﻴﻨﺎ
ﻭﻛﻌﺪﺕ ﺗﺴﺄﻟﻨﺎ ﻋﻠﻰ ﺿﺤﻰ ﻭﻋﻠﻰ ﺍﺧﺒﺎﺭﻫﺎ
ﻭﻫﺎﻱ ﻫﻢ ﻣﻮ ﻣﻦ ﻋﻮﺍﻳﺪﻫﺎ ﻫﺸﻜﻞ ﺗﺴﺄﻝ ﺟﻨﺖ ﻣﺘﺄﻛﺪﺓ
ﺍﻥ ﻭﺭﺓ ﺳﺆﺍﻟﻬﺎ ﺷﻲ ﺑﺲ ﻣﺎﻛﺪﺭﺕ ﺍﻟﻤﺴﻪ ﻭﺍﻭﻛﻊ ﻋﻠﻴﻪ
ﺑﻌﺪﻫﺎ ﻃﻠﻌﻨﺎ ﻣﻦ ﻳﻤﻬﻢ ﻭﺍﺣﻨﺎ ﻧﺘﺄﻣﻞ ﺧﻴﺮ
ﺭﺟﻌﻨﺎ ﻟﻠﺒﻴﺖ ﻭﻣﺮﺕ ﺍﻟﺴﺎﻋﺎﺕ ﺍﻻﺭﺑﻌﺔ
ﺍﻟﻤﻬﻠﺔ ﺍﻟﺤﺪﺩﻫﺎ ﻟﻴﺚ ﻟﺸﻴﻤﺎﺀ
ﺟﻨﺎ ﻛﻞ ﺳﺎﻋﺔ ﺍﺑﺎﻭﻉ ﻋﺎﻟﻨﻘﺎﻝ ﺍﺧﺎﻑ ﻳﺘﺼﻞ ﻋﻠﻴﻬﺎ
ﻣﺮﺕ ﺧﻤﺲ ﺳﺎﻋﺎﺕ ﻭﻟﻴﺚ ﻣﺎﻛﻮ
ﻭﻛﻠﻤﺎ ﻳﻤﺮ ﺑﻴﻨﺎ ﺍﻟﻮﻛﺖ ﺗﺮﺗﻔﻊ ﺍﻟﻤﻌﻨﻮﻳﺎﺕ ﻭﻳﻬﺪﺀ ﺍﻟﺨﻮﻑ
ﺑﻜﻠﻮﺑﻨﺎ
ﻟﻠﻴﻞ ﻭﺟﺎﻥ ﻳﺠﻲ ﻋﻤﻮ ﺍﻣﺠﺪ ﻭﻭﻳﺎﻩ ﺑﺎﺑﺎ
ﻭﺑﻠﺤﻈﺘﻬﺎ ﻋﺮﻓﻨﺎ ﻋﻤﻮ ﻓﺮﺯﺩﻕ ﻧﻔﺬ ﻭﻋﺪﻩ
ﺷﻴﻤﺎﺀ .. ﺍﻟﻒ ﺍﻟﺤﻤﺪﻟﻠﻪ ﻭﺍﻟﺸﻜﺮ
ﺭﺍﺣﺖ ﻟﻠﻐﺮﻓﺔ ﻭﺍﺗﺼﻠﺖ ﻋﻠﻰ ﺍﻡ ﻓﺮﺯﺩﻕ ﺣﺘﻰ ﺗﺘﺸﻜﺮﻫﺎ ﻭﺍﻧﻲ ﺩﺧﻠﺖ ﻭﺭﺍﻫﺎ ﻭﻫﻲ ﺗﺤﺠﻲ ﻭﻳﺔ ﺍﻡ ﻓﺮﺯﺩﻕ ﺷﻮﻳﺔ ﻭﺧﻠﺼﺖ ﺍﻟﻤﻜﺎﻟﻤﺔ
.. ﻫﺎ ﺷﻜﺎﻟﺖ ﺍﻡ ﻓﺮﺯﺩﻕ ﻋﻠﻰ ﺳﺎﻟﻔﺔ ﻟﻴﺚ ﺷﻠﻮﻥ ﺣﻠﻮﻫﺎ
.. ﺗﻜﻮﻝ ﻓﺮﺯﺩﻕ ﻛﻠﻒ ﺍﺑﻦ ﻋﻤﻪ ﻣﺤﻤﺪ ﻳﺼﻴﺮ ﻣﺴﺆﻝ ﺑﻮﺯﺍﺭﺓ ﺍﻟﺪﻓﺎﻉ
.. ﺍﻱ ﺍﻋﺮﻓﻪ ﻫﺬﺍ ﻳﺼﻴﺮ ﻋﻢ ﻫﺎﻟﺔ ﺻﺪﻳﻘﺘﻲ ﻭﺍﺑﻮ ﺭﻫﻒ
.. ﺗﻜﻮﻝ ﻓﺮﺯﺩﻕ ﻛﻠﻔﻪ ﺑﺴﺎﻟﻔﺔ ﺍﺑﻮﺝ ﻭﻟﻴﺚ
ﻭﻫﺴﺔ ﻫﻮ ﺍﺗﺼﻞ ﻋﻠﻰ ﻓﺮﺯﺩﻕ ﻭﻛﻠﻪ
ﺍﺑﻮﻫﺎ ﻃﻠﻊ ﻣﻦ ﻣﻦ ﺍﻟﺴﺠﻦ ﻭﻟﻴﺚ
ﻭﻗﻊ ﻛﺘﺎﺑﻪ ﻭﺑﻌﺪ ﻓﺘﺮﺓ ﺭﺍﺡ ﻳﻨﺘﻘﻞ ﻟﻠﺒﺼﺮﺓ
.. ﻳﺎﺭﺣﻤﺘﻚ ﻳﺎﺭﺑﻲ ﺻﺪﻙ ﻟﻜﻞ ﻋﺎﻟﻲ ﺍﻛﻮ ﺍﻻﻋﻠﻰ ﻣﻨﻪ
ﺍﺑﺎﻭﻉ ﻟﺸﻴﻤﺎﺀ ﺭﺟﻊ ﺍﻟﻠﻮﻥ ﺑﻮﺟﻬﺎ
ﻋﻠﻰ ﻛﺪﻣﺎ ﺍﻟﺤﺐ ﺣﻠﻮ ﺑﺲ ﻋﺬﺍﺑﻪ ﺍﺿﻌﺎﻑ
ﺣﻼﺗﻪ ﻟﺪﺭﺟﺔ ﺗﻀﻮﻙ ﺍﻟﻌﻠﻘﻢ
ﻃﻠﻌﺖ ﺷﻴﻤﺎﺀ
_ ﻋﻤﻮ ﺍﻣﺠﺪ ﻻﺯﻡ ﺗﺸﻮﻓﻠﻨﻪ ﺻﺮﻓﺔ ﻭﻳﺔ ﺍﺑﻮﻧﺎ ﻣﻴﺼﻴﺮ ﻫﻴﺞ
ﺍﻟﻴﻮﻡ ﺍﻧﻲ ﺭﺣﺖ ﻟﺨﺎﻟﻪ ﺍﻡ ﻓﺮﺯﺩﻕ
ﻭﺍﺑﻨﻬﺎ ﺍﻟﻠﻪ ﻳﻨﻄﻲ ﺭﺍﺡ ﻻﺑﻦ ﻋﻤﻪ ﻣﺴﺆﻭﻝ ﺑﻮﺯﺍﺭﺓ ﺍﻟﺪﻓﺎﻉ
ﻫﻮ ﺍﻟﻲ ﻃﻠﻌﺔ ﻭﺍﻻ ﻣﺠﺎﻥ ﺭﺍﺡ ﻳﻄﻠﻊ
ﻻﻥ ﻭﻛﻊ ﺑﻴﺪ ﻟﻴﺚ
ﻭﺍﻟﻠﻪ ﻛﺎﻥ ﻣﺘﺤﻠﻒ ﺑﻲ ﻳﺨﻴﺴﻪ ﺑﺎﻟﺴﺠﻦ ﻟﻮ ﻳﺘﺰﻭﺟﻨﻲ ﻏﺼﺐ
ﻳﺼﻴﺮ ﻫﻴﺞ ﺍﺏ ﻳﺴﻮﻱ ﺑﺒﻨﺎﺗﻪ
ﺩﻧﻚ ﺍﺑﻮﻳﺔ ﻣﺘﺄﺛﺮ ﻫﻤﺰﻳﻦ ﺍﻭﻝ ﻣﺮﺓ ﺍﺷﻮﻓﻪ ﻣﺘﺄﺛﺮ
ﻭﻣﻦ ﺑﻌﺪ ﺍﻟﺼﺎﺭ ﺑﺪﺓ ﺑﺎﺑﺎ ﻳﺮﺟﻊ ﻟﺪﻭﺍﻣﻪ ﻭﻟﺸﻐﻠﻪ ﻭﻟﺤﻴﺎﺗﻪ ﺍﻟﻄﺒﻴﻌﻴﺔ
ﻭﺟﻤﺎﻋﺘﻪ ﻇﻠﻮﺍ ﺑﺎﻟﺤﺒﺲ ﻋﺴﺎﻫﻢ ﻻ ﻃﻠﻌﻮﺍ
ﻫﻮ ﻣﻦ ﻳﺒﺘﻌﺪ ﻋﻦ ﺟﻤﺎﻋﺘﻪ
ﺗﺨﻒ ﺍﻟﻤﺸﺎﻛﻞ
ﺻﺤﻴﺢ ﻫﻮ ﻣﺎ ﻳﻜﻄﻊ ﺍﻟﺸﺮﺏ ﺑﺲ ﻋﻠﻰ ﺍﻻﻗﻞ
ﺗﻘﻞ ﺍﻟﻤﺼﺎﻳﺐ ﻭﻣﺎﻛﻮ ﺳﺠﻦ ﻭﺑﻼﻭﻱ
ﻭﻣﺜﻞ ﻛﻞ ﻣﺮﺓ ﺑﺎﺑﺎ ﺑﻌﺪ ﻛﻞ ﻣﺼﻴﺒﺔ ﻳﺮﺟﻊ ﻳﻜﻌﺪ ﻭﻳﺎﻧﺎ
ﻭﻛﻠﺘﻠﻪ ﺷﻴﻤﺎﺀ ﻋﻦ ﻧﺠﺎﺣﻲ
ﻛﺎﻧﺖ ﺭﺩﺓ ﻓﻌﻠﻪ ﻋﺎﺩﻳﺔ ﺳﻤﻌﺖ ﻛﻠﻤﺔ ﻋﻔﻴﺔ ﺳﺒﺎﻋﻴﺔ
ﻭﻏﻴﺮﻫﺎ ﻣﺎ ﺳﻤﻌﺖ ﺷﻜﺪ ﺍﺗﻤﻨﻴﺖ ﻳﺎﺧﺬﻧﻲ ﻟﺤﻈﻨﻪ
....
ﻣﺜﻞ ﺍﻱ ﺍﺏ ﻳﺤﺴﺲ ﺑﻨﺎﺗﻪ ﺑﺎﻟﺤﻨﻴﺔ
.. ﺍﺭﻳﺪ ﺍﻋﺮﻑ ﺍﺫﺍ ﺍﺑﻮﻱ ﻳﻤﻮﺕ ﺍﻧﺎ ﻫﻢ ﺭﺍﺡ ﺍﺣﺰﻥ ﻋﻠﻴﻪ ﻣﺜﻞ ﺍﻟﺒﻨﺎﺕ
ﺷﻴﻤﺎﺀ .. ﺍﻧﺠﺒﻲ ﺍﺳﻢ ﺍﻟﻠﻪ ﻋﻠﻴﻪ
.. ﺍﻧﺘﻲ ﺗﺤﺠﻴﻦ ﺻﺪﻙ ؟؟
.. ﻣﻬﻤﺎ ﻛﺎﻥ ﻳﺒﻘﻰ ﺍﺑﻮﻧﺎ ﻭﻧﺒﻘﻰ ﻋﺎﻳﺸﻴﻦ ﺗﺤﺖ ﺟﻨﺎﺣﻪ
ﺑﻌﺪﻫﺎ ﻛﻠﻤﻦ ﺭﺟﻊ ﻟﺤﻴﺎﺗﻪ
ﺷﻴﻤﺎﺀ ﺍﻟﺘﻬﺖ ﺑﺎﻟﺪﻭﺍﻡ
ﻭﺿﺤﻰ ﺍﻧﺸﻐﻠﺖ ﻛﻞ ﻳﻮﻡ ﺗﻄﻠﻊ ﻭﻳﺔ ﺧﻄﻴﺒﻬﺎ
ﻭﺷﻬﺪ ﻳﺠﻬﺰﻭﻥ
ﻭﺍﻧﻲ ﻇﻠﻴﺖ ﻣﻜﺎﺑﻠﺔ ﺳﻠﻴﻤﺔ ﻭﻛﺎﻋﺪﺓ
ﻫﻲ ﻣﻮ ﻫﻨﺎ ﺍﻟﻤﺼﻴﺒﺔ
ﺍﻟﻤﺼﻴﺒﺔ ﺳﻠﻴﻤﺔ ﻋﺒﺎﻟﻬﺎ ﺍﻧﺎ ﺿﺤﻰ ﻭﺗﻜﺪﺭ ﻋﻠﻴﺔ
ﺑﺎﻟﺒﺪﺍﻳﺔ ﻧﺰﻟﺖ ﻋﻠﻴﺔ ﺑﺎﻟﺸﻐﻞ
ﻛﻠﺖ ﻋﺎﺩﻱ ﻫﺪﻯ ﺍﺗﺤﻤﻠﻲ ﺗﺮﺓ ﺍﻟﺸﻐﻞ ﻣﺎ ﻳﻤﻮﺕ
ﻟﺨﺎﻃﺮ ﺷﻴﻤﺎﺀ ﺍﺗﺤﻤﻠﻲ ﻭﺳﻜﺘﻲ
ﻭﻣﻦ ﺍﻟﺸﻐﻞ ﻟﻠﺸﻐﻞ ﻛﺎﻣﺖ ﺗﻄﻠﻊ ﺍﻟﺸﻐﻞ ﻣﻦ ﺟﻮﺓ ﺍﻟﻜﺎﻉ ﺍﺣﺲ ﺑﻴﻬﺎ ﻋﺮﻳﻒ ﻣﺎﻝ ﺳﺠﻦ
ﻣﻌﻴﻨﻬﺎ ﻋﻠﻴﻨﺎ ﺣﺘﻰ ﺗﻄﻠﻊ ﻋﻴﻨﺎ ﺑﺎﻟﻜﺮﺍﺏ
ﻭﻣﺮﺓ ﺍﺟﺘﻲ ﺍﻡ ﺍﺣﻤﺪ ﻛﺮﺍﻳﺒﻬﺎ ﻛﻌﺪﻭﺍ ﺑﺎﻟﻤﻄﺒﺦ
ﻳﺴﻮﻟﻔﻮﻥ
ﺍﺳﻤﻌﻬﺎ ﺗﻜﻠﻠﻬﺎ
.. ﺍﻛﻮﻝ ﺍﻡ ﺍﺣﻤﺪ ﺻﺪﻙ ﺍﺗﺬﻛﺮﺕ ﺍﻧﺘﻲ ﺧﻄﺒﺘﻲ ﻷﺑﻨﺞ ﻟﻮ ﺑﻌﺪﺝ
ﺟﺎﻭﺑﺘﻬﺎ ﺍﻟﻤﺮﺓ .. ﻻ ﻭﺍﻟﻠﻪ ﻟﺤﺪ ﻫﺴﺔ ﻣﺎ ﻻﻛﻴﺔ ﻣﺮﺓ ﻻﺑﻨﻲ
ﺑﻌﺪﻧﻲ ﺟﺎﻱ ﺍﺩﻭﺭ
ﺳﻠﻤﻴﺔ ﺑﺪﺕ ﺷﻐﻞ ﺍﻟﺰﺣﻒ
.. ﻭﺍﻟﻠﻪ ﺍﻧﺘﻲ ﺑﻨﺖ ﺣﻼﻝ ﻭﺍﻟﻠﻪ ﺟﺎﺑﺞ ﺳﺘﻮﻧﻲ ﺟﻨﺖ ﺍﺣﺠﻲ ﻭﻳﺔ ﺑﻨﺖ ﺍﺑﻨﻲ ﻭﺍﻧﺪﻋﻴﻠﻬﺎ ﺍﻛﻠﻠﻬﺎ ﻛﻮﻥ ﺍﻟﻠﻪ ﻳﺮﺯﻕ
ﺑﺄﺑﻦ ﺍﻟﺤﻼﻝ ﺍﻟﻲ ﻳﺴﺘﺮﺝ ﺍﻧﻲ ﺍﺣﺠﻲ ﻭﺍﺑﺎﻭﻉ ﻋﻠﻴﻬﺎ ﻭﺍﻛﻮﻝ ﻫﺎﻱ ﺍﻟﺒﻨﻴﺔ ﻣﺎ ﺗﻠﻮﻙ ﺍﻻ ﻟﺤﻤﻮﺩﻱ ﺍﺑﻨﺞ
.. ﻭﺍﻟﻠﻪ ﻳﺎﺭﻳﺖ ﺷﻔﺎﻳﺘﻠﻲ ﺍﺧﺬ ﻣﻦ ﺑﻨﺎﺕ ﺍﺑﻨﺞ
ﻛﻠﻬﺎ ﺗﺤﻠﻒ ﺑﺄﺧﻼﻗﻬﻢ
ﺑﺲ ﻋﻔﻴﺔ ﻛﻮﻥ ﻛﺼﻴﺮﺓ ﻻﻥ ﻣﺜﻠﻤﺎ ﺗﻌﺮﻓﻴﻦ ﺍﺑﻨﻲ ﺣﻤﻮﺩﻱ ﻣﻮ ﻛﻠﺶ ﻃﻮﻳﻞ ﻭﺍﺭﻳﺪﻟﻪ ﻭﺣﺪﺓ ﻋﻠﻰ ﻃﻮﻟﻪ
.. ﺣﺒﻴﺒﺔ ﻋﻨﺪﻱ ﺍﻟﺞ ﻭﺣﺪﺓ ﻧﺺ ﺍﺧﻤﺲ ﺗﻔﻴﺪ ﺍﺑﻨﺞ
ﻭﻛﻞ ﺍﺻﺒﻊ ﻣﺮﺓ ﻧﺎﺩﺭﺓ ﻭﺍﻡ ﺑﻴﺖ
ﺍﺳﻤﻌﻬﺎ ﺗﺤﺠﻲ ﻭﻳﺔ ﻛﺮﺍﻳﺒﻬﺎ
ﺍﺷﺮﺕ ﻋﻠﻰ ﺭﻭﺣﻲ ﻫﺎﻱ ﺗﻘﺼﺪ ﻋﻠﻴﺔ ﺍﻧﻲ
ﻻ ﻫﺎﻱ ﺍﻛﻴﺪ ﺍﻧﻀﺮﺑﺖ ﺑﻌﻘﻠﻬﺎ
ﺷﻮﻑ ﻫﺎﻱ ﻋﺒﺎﻟﻬﺎ ﺍﻧﺎ ﻣﺜﻞ ﺿﺤﻰ ﺍﻟﻌﻮﺑﺔ ﻭﺗﺪﻟﻞ ﺑﻴﺔ
ﻭﺍﻟﻠﻪ ﻋﺎﺩ ﺍﻧﺎ ﻣﺎ ﺟﺬﺑﺖ ﺧﺒﺮ ﻛﻮﻝ ﻭﻓﻌﻞ
ﺭﺣﺖ ﻛﺒﻞ ﻃﻠﻌﺖ ﻣﻦ ﺍﻟﻜﻨﺘﻮﺭ ﻋﻨﺪﻱ ﺩﺷﺪﺍﺷﺔ ﺗﻌﺒﺎﻧﺔ ﻣﺎ ﺍﺭﻳﺪﻫﺎ ﺿﺎﻣﺘﻬﺎ ﻛﻠﺖ ﻣﻦ ﺍﺣﺘﺎﺟﻬﺎ ﺍﺧﻠﻴﻬﺎ ﻟﻠﺘﻨﻈﻴﻒ
ﺟﺎﻧﺖ ﻣﺴﺤﻮﺗﻪ ﻭﺟﻠﺤﺔ ﻣﺤﻠﺔ ﻣﺴﺤﻮﻛﺔ
ﻟﺒﺴﺖ ﺍﻟﺪﺷﺪﺍﺷﺔ ﻭﻓﺘﺤﺖ ﺷﻌﺮﻱ ﻭﻛﻮﺷﺘﻪ ﻭﺭﺣﺖ
ﺍﺧﺬﺕ ﻣﻼﺑﺲ ﻣﻦ ﺍﻟﺴﻠﺔ ﺑﻌﺪﻧﻲ ﻣﻐﺎﺳﻠﺘﻬﻢ ﻭﺻﻌﺪﺕ ﻓﻮﻙ ﻟﻠﺴﻄﺢ
ﺟﺎﻥ ﻣﺘﺮﺏ ﺍﺧﺬﺕ ﻣﺎﻱ ﻣﻦ ﺍﻟﺘﺎﻧﻜﻲ ﻭﺳﻮﻳﺖ ﺧﻠﻄﺔ
ﻣﻦ ﺗﺮﺍﺏ ﻭﻣﺎﻱ ﻭﻟﺜﻜﺖ ﻣﻼﺑﺴﻲ ﺑﺎﻟﻄﻴﻦ ﻭﺷﻮﻳﺔ ﻣﻦ ﻭﺟﻬﻲ
ﻭﺗﻠﻔﺖ ﻋﺒﺎﻳﺔ ﺳﻠﻴﻤﺔ ﺑﺎﻟﺘﺮﺍﺏ ﻫﻲ ﻗﺒﻞ ﺷﻮﻳﺔ
ﻛﺎﻟﺖ ﻏﺴﻠﻴﻬﺎ
ﻭﻧﺰﻟﺖ ﺍﺭﻛﺾ ﻭﺩﺧﻠﺖ ﻋﻠﻴﻬﻢ ﻣﺪﺍﻫﻤﺔ
ﻳﻜﻮﻝ ﻋﺒﺎﻟﻚ ﻃﻨﻄﻞ ﺩﺍﺧﻞ ﻋﻠﻴﻬﻢ
ﺟﻨﺖ ﺷﺎﻳﻠﺔ ﺳﻠﺔ ﺍﻟﻤﻼﺑﺲ ﺑﻴﺪﻱ ﺣﻄﻴﺘﻬﺎ ﺑﺎﻟﻜﺎﻉ
ﻭﺣﺠﻴﺖ ﻭﻳﺔ ﺳﻠﻤﻴﺔ
ﻭﺍﻧﺎ ﺍﺣﻚ ﺑﺮﺍﺳﻲ ﻭﺍﻟﻜﻔﺸﺔ ﻣﻨﻔﻮﺷﺔ ﻋﺒﺎﻟﻚ ﻭﺣﺪﺓ ﺑﻴﻬﺎ ﻗﻤﻞ
ﺍﺑﺎﻭﻉ ﻋﻠﻴﻬﻦ ﺷﻠﻮﻥ ﻓﺎﺗﺤﺎﺕ ﺍﻟﺤﻠﻚ ﻣﻦ ﺍﻟﺼﺪﻣﺔ
ﺑﻜﻠﺒﻲ ﻓﺎﻃﺴﺔ ﻋﻠﻴﻬﻢ ﻣﻦ ﺍﻟﻀﺤﻚ ﻭﺍﻟﻠﻪ ﺷﻜﻠﻬﻢ ﻣﺎﻝ ﺻﻮﺭﺓ
.. ﺑﻴﺒﻲ ﺳﻠﻴﻤﺔ ﺧﻠﺼﺖ ﻏﺴﻞ ﺍﻟﻤﻼﺑﺲ ﻭﻳﻦ ﺍﻏﻮﺡ ( ﺍﺭﻭﺡ ) ﺍﺷﻐﻬﻢ ( ﺍﺷﺮﻫﻢ )
ﺍﺑﺎﻭﻉ ﻟﺴﻠﻴﻤﺔ ﺍﻧﺨﺮﺳﺖ ﻣﻦ ﺍﻟﺼﺪﻣﺔ ﻭﻗﺮﻳﺒﺘﻬﺎ ﺍﻡ ﺍﺣﻤﺪ ﻟﻤﺖ ﺷﻔﺎﻳﻔﻬﺎ ﻭﺻﺎﺭﺕ ﺗﺤﺮﻛﻬﻢ ﻣﻨﺎ ﻭﻣﻨﺎ
ﻭﺍﻧﺎ ﻛﻮﺓ ﻻﺯﻣﺔ ﺭﻭﺣﻲ ﻻ ﺍﺿﺤﻚ
....
ﺑﻴﺒﻲ ﺍﻟﻠﻪ ﻋﻠﻴﺞ ﺷﻮﻓﻲ ﺷﻠﻮﻥ ﻏﺴﻠﺘﻬﻢ ﺍﻟﺞ ﻏﺴﻠﺔ ﻣﻌﺪﻟﺔ ﺭﺟﻌﺘﻬﻢ ﺟﺪﺩ ﻋﺒﺎﻟﻚ ﺑﺎﻟﺒﺎﻛﻴﺖ
ﺭﻓﻌﺖ ﺍﻭﻝ ﻗﻄﻌﺔ ﻣﻦ ﺍﻟﻤﻼﺑﺲ ﻭﺍﺳﻤﻊ ﺻﻮﺕ ﺳﻠﻴﻤﺔ ﺍﻟﻤﻨﺠﻠﻄﺔ
.. ﺻﺨﺎﻡ ﺍﻟﺼﺨﻤﺞ ﻫﺎﻱ ﻋﺒﺎﺗﻲ ﺷﻤﺴﻮﻳﺔ ﺑﻴﻬﺎ
.. ﺑﻴﺒﻲ ﺍﻧﺘﻲ ﻣﻮ ﻛﻠﺘﻲ ﻏﺴﻠﻴﻬﻢ
.. ﻭﻟﺞ ﺍﻟﻌﻮﺑﺔ ﺍﻧﺎ ﻛﻠﺘﻠﺞ ﻏﺴﻠﻴﻬﻢ ﻣﻮ ﺗﺴﻮﻳﻬﻢ ﻭﺻﻞ
ﻣﺴﺢ
.. ﺍﺑﺎﻭﻉ ﻋﺎﻟﻌﺒﺎﻳﺔ ﺑﻴﺪﻱ ﻣﺴﺘﻐﺮﺑﺔ ﻭﺭﺟﻌﺖ ﺣﻜﻴﺖ
ﺭﺍﺳﻲ ﺑﻐﺒﺎﺀ ﻫﻬﻬﻪ
.. ﻟﻴﺶ ﺑﻴﺒﻲ ﺷﺒﻴﻬﺎ ﻭﺍﻟﻠﻪ ﺧﻮﺵ ﻓﻐﻚ ( ﻓﺮﻙ )
ﻓﻐﻜﺘﻬﺎ ( ﻓﺮﻛﺘﻬﺎ ) ﺍﻟﺞ
ﻣﺎ ﺧﻠﻴﺖ ﻛﻠﻤﺔ ﺑﻴﻬﺎ ﺭﺍﺀ ﺗﻌﺘﺐ ﻋﻠﻴﺔ ﺑﺎﻟﺤﺠﻲ
ﺟﻨﺖ ﺍﺣﺠﻲ ﻭﺭﺟﻌﺖ ﺍﻟﻌﺒﺎﻳﺔ ﻧﺺ ﺑﻠﺴﻠﺔ ﻭﻧﺼﻬﺎ
ﺑﺎﻟﻜﺎﻉ
ﻭﺍﺧﺬﺕ ﺍﻟﺴﻠﺔ ﻭﺍﻟﻌﺒﺎﻳﺔ ﻇﻠﺖ ﺗﺨﻂ ﻭﺭﺍﻱ ﻣﺴﺤﺖ ﺍﻟﻜﺎﻉ ﺑﻴﻬﺎ ﻣﺴﺢ
ﺟﻨﺖ ﺍﻣﺸﻲ ﻭﺍﻏﻨﻲ
( ﻏﻮﺡ ﻏﻮﺡ ﻏﻮﺣﻲ ﻳﺎﻋﺎﻳﺶ ﺟﻮﺍﺓ ﺟﻐﻮﺣﻲ )
( ﺭﻭﺡ . ﺭﻭﺡ ﺭﻭﺣﻲ ﻳﺎﻋﺎﻳﺶ ﺟﻮﺍﺓ ﺟﺮﻭﺣﻲ )
ﻫﻬﻬﻬﻬﻬﻪ
ﻣﺎ ﺍﺳﻤﻊ ﺑﺲ ﻋﻴﺎﻁ ﺳﻠﻴﻤﺔ ﻭﺭﻳﺤﺔ ﺷﻌﻮﺍﻁ ﻳﻤﻜﻦ ﻭﺍﺣﺪ ﺍﺣﺘﺮﻙ ﻫﻬﻬﻬﻬﻬﻪ
.. ﻟﺞ ﺍﻡ ﺍﻟﺴﺎﻥ ﺍﻟﻤﻜﻄﻢ ﻳﺎ ﺑﻜﻌﻪ ﺍﻟﻌﺒﺎﻳﺔ ﻣﺴﺤﺘﻲ ﺑﻴﻬﺎ ﺍﻟﻜﺎﻉ ﻣﻦ ﻣﺴﺤﻮﺝ ﺍﻥ ﺷﺎﺀ ﺍﻟﻠﻪ
ﺍﺳﻤﻊ ﺍﻡ ﺍﺣﻤﺪ ﺗﻜﻠﻠﻬﺎ
ﺍﻡ ﺍﺣﻤﺪ .. ﺻﺨﺎﻡ ﻫﺎﻱ ﻣﻨﻮ ﺍﻟﺠﺮﺑﺔ ﺍﻟﺮﺗﻠﺔ ﻭﻓﻮﻛﺎﻫﺎ ﺑﻜﻌﻪ
ﺍﺳﻤﻊ ﺳﻠﻤﻴﺔ ﺗﺤﺠﻲ ﺑﺼﻮﺕ ﻧﺎﺻﻲ ﻓﺸﻼﻧﺔ
.. ﻫﺎﻱ ﺑﻨﺖ ﺍﺑﻨﻲ
ﺳﻤﻌﺖ ﺍﻟﻤﺮﻳﺔ ﺷﻠﻮﻥ ﺑﺪﻟﺖ ﻛﻼﻣﻬﺎ
.. ﻳﺎﺧﻄﻴﺔ ﺷﻨﻮ ﺷﺒﻴﻬﺎ ﺧﺒﻠﺔ
.. ﻻ ﻣﻨﻴﻨﻠﻬﺎ ﺧﺒﻠﺔ ﻫﺎﻱ ﺍﻋﻘﻞ ﻣﻨﻲ ﻭﻣﻨﺞ
ﻭﺑﻌﺪﻫﺎ ﺍﻟﻤﺮﻳﺔ ﻟﺒﺴﺖ ﻋﺒﺎﻳﺘﻬﺎ ﻭﺳﻠﻤﺖ ﻋﻠﻰ ﺳﻠﻴﻤﺔ
ﻭﻛﻠﺘﻠﻬﺎ .. ﻳﺎﻟﻠﻪ ﺣﺒﻴﺒﺔ ﺍﻧﺎ ﺍﺗﺮﺧﺺ ﻣﻨﺞ ﻋﻨﺪﻱ ﻛﻮﻣﺔ ﺷﻐﻞ ﺑﺎﻟﺒﻴﺖ ﻳﻨﺘﻈﺮﻧﻲ
ﻭﺻﻠﺖ ﻟﻠﺒﺎﺏ ﺳﻠﻤﺖ ﻋﻠﻰ ﺳﻠﻴﻤﺔ ﻭﻛﺎﻟﺖ
.. ﻫﺎﺍﺍﺍ ﺍﻱ ﺍﺗﺬﻛﺮﺕ ﺗﺮﺓ ﺍﻧﻲ ﻟﻜﻴﺖ ﻻﺑﻨﻲ ﺣﻤﻮﺩﻱ ﻣﺮﻳﺔ ﻭﺭﺍﺡ ﺍﺧﻄﺒﻠﻪ
ﺳﻤﻌﺖ ﺳﻠﻴﻤﺔ ﻛﺎﻣﺖ ﺗﺤﻤﺤﻢ
.. ﺍﺍﺍﺍﺡ ﻣﻮ ﻗﺒﻞ ﺷﻮﻳﺔ ﻛﻠﺘﻲ ﺑﻌﺪﻧﻲ ﻣﺎ ﺷﻔﺘﻠﻪ ﻣﺮﺓ
ﺷﻨﻮ ﺍﻟﺘﻐﻴﺮ ﻫﺴﺔ
ﺍﻡ ﺍﺣﻤﺪ ﻣﺒﻴﻦ ﻋﻠﻴﻬﺎ ﺗﺮﻳﺪ ﺗﺸﺮﺩ ﺑﺮﻭﺣﻬﺎ ﺍﻟﻌﺰﻳﺰﺓ
.. ﻫﻬﻬﻬﻬﻪ ﺍﻱ ﺑﺎﻟﻠﻪ ﻋﻠﻴﺞ ﻣﺎ ﺍﻋﺮﻑ ﺷﺠﺎﻧﻲ ﺻﺎﻳﺮﺓ ﻫﻮﺍﻱ ﺍﻧﺴﻰ
ﻃﻠﻌﺖ ﺍﻟﻤﺮﻳﺔ ﺑﺪﻭﻥ ﻣﺎ ﺗﻠﺘﻔﺖ
ﻳﻤﺔ ﻭﻣﺎ ﺍﺷﻮﻑ ﺍﻻ ﺳﻠﻴﻤﺔ ﻫﺪﺕ ﻋﻠﻴﺔ ﻭﻧﻌﺎﻟﻬﺎ ﺑﻴﺪﻫﺎ ﺗﺮﻛﺾ ﻭﺭﺍﻱ ﺑﺎﻟﺒﻴﺖ ﻭﺍﻧﺎ ﻓﺎﻃﺴﺔ ﻣﻦ ﺿﺤﻚ
ﺑﺤﻴﺚ ﻣﻦ ﻛﺪ ﺍﻟﻀﺤﻚ ﺣﺼﺮﺗﻨﻲ ﺑﺎﻟﻐﺮﻓﺔ ﻭﻣﺎ ﻛﺪﺭﺕ ﺍﻓﻠﺖ ﻣﻨﻬﺎ ﻛﻌﺪﺕ ﺟﻮﺓ ﺍﻳﺪﻫﺎ
ﻭﻧﺰﻟﺖ ﻋﻠﻴﺔ ﺿﺮﺏ ﺑﺎﻟﻨﻌﺎﻝ
ﺳﻠﻴﻤﺔ .. ﻭﻟﺞ ﺍﻟﺒﻜﻌﺔ ﻃﻴﺮﺗﻲ ﻋﻠﻴﻨﺎ ﺍﻟﻌﺮﻳﺲ
ﻣﻦ ﻭﺭﺓ ﻟﺴﺎﻧﺞ ﺍﻟﻤﻜﻄﻢ
ﻫﻲ ﺗﻜﺘﻞ ﺑﻴﺔ ﺑﺎﻟﻨﻌﺎﻝ ﻭﺍﻧﻲ ﺟﻮﺓ ﺍﻳﺪﻫﺎ ﻓﺎﻃﺴﺔ ﻣﻦ ﺍﻟﻀﺤﻚ
.. ﺑﻴﺒﻲ ﻏﺤﻤﺔ ( ﺭﺣﻤﺔ ) ﻋﻠﻰ ﻭﺍﻟﺪﻳﺞ ﺿﻐﺒﻲ
( ﺿﺮﺑﻲ ) ﺑﺄﻱ ﻣﻜﺎﻥ ﺑﺲ ﻭﺟﻬﻲ ﻻ ﻫﻬﻬﻬﻪ
ﻭﻏﺎﻱ ( ﻭﺭﺍﻱ ) ﺣﻔﻠﺔ ﻓﺸﻠﺔ ﻣﻦ ﺳﻮﺍﺩﻱ
ﺍﻏﻮﺡ ﻣﺰﻭﺭﻛﺔ
.. ﺍﻧﻌﻞ ﺍﺑﻮﺝ ﻻﺑﻮ ﺍﻟﺤﻔﻠﺔ ﺍﻡ ﺣﻠﻚ ﺍﻻﻋﻮﺝ
ﺍﻧﺎ ﺍﺭﺑﻴﺞ
ﻫﻬﻬﻬﻪ ﻳﻤﺔ ﻣﺎ ﺍﻧﺴﻰ ﺷﻜﻠﻬﺎ ﻭﺭﺑﻲ ﺳﻴﻨﻤﺎ
ﺷﻴﻤﺎﺀ
ﻣﻦ ﺑﻌﺪ ﺍﻟﺼﺎﺭ
ﺍﻧﻘﻄﻊ ﻋﻨﻲ ﺍﺧﺮ ﺣﻠﻘﺔ ﻭﺻﻞ ﺑﻴﻨﻲ ﻭﺑﻴﻦ ﻟﻴﺚ
ﺍﺣﺬﺏ ﻟﻮ ﻛﻠﺖ ﻣﺎ ﺗﺤﺒﻪ
ﺑﺎﻟﻌﻜﺲ ﻛﻠﺒﻲ ﻣﺎﻳﻮﻡ ﻧﺴﻰ ﺣﺒﻪ ﺍﺻﺒﺢ ﻭﺍﻣﺴﻲ ﻛﻞ ﻳﻮﻡ ﻭﻛﻠﺒﻲ ﻣﺎ ﺑﻄﻞ ﻳﻌﻴﺪ ﻃﺎﺭﻳﻪ
ﺑﺲ ﺍﻟﻲ ﺻﺎﺭ ﻫﻮ ﻋﻴﻦ ﺍﻟﻌﻘﻞ
ﻭﺍﻥ ﺟﺎﻥ ﺍﺧﻠﻴﻬﺎ ﻭﺭﺓ ﻛﻠﺒﻲ ﺭﺍﺡ
ﺍﺗﻌﺬﺏ ﺍﺿﻌﺎﻑ ﻫﺬﺍ ﺍﻻﻟﻢ ﺍﻟﻲ ﻛﺎﻋﺪﺓ ﺍﺣﺲ ﺑﻲ
....
ﺻﺤﻴﺖ ﻣﻦ ﺻﻔﻨﺘﻲ ﻋﻠﻰ ﺻﺮﺧﺔ ﻣﺼﺎﺏ ﺟﺎﺑﻮﻩ
ﺟﺎﻧﺖ ﺭﺟﻠﻪ ﻣﻜﺴﻮﺭﺓ ﺑﻤﻨﻄﻘﺔ ﻋﻈﻤﺔ ﺍﻟﻔﺨﺬ
ﺍﺛﺮ ﺣﺎﺩﺙ ﺩﺭﺍﺟﺔ
ﺟﺎﻧﺖ ﺍﻣﻪ ﻳﻤﻪ ﺗﻤﺴﺢ ﺑﻮﺟﻬﻪ ﻭﻫﻮ ﻳﺼﺮﺥ ﻣﻦ ﺍﻻﻟﻢ
ﺑﺎﻭﻋﺘﻠﻲ ﻭﻛﺎﻟﺖ
.. ﻋﻔﻴﺔ ﺩﺧﺘﻮﺭﺓ ﺍﻧﻄﻴﻪ ﺩﻭﺓ ﻳﺴﻜﺖ ﻭﺟﻌﻪ
ﻣﺎ ﺗﺸﻮﻓﻴﻨﻪ ﺷﻠﻮﻥ ﻣﻔﺮﻓﺢ
ﺍﺑﺘﺴﻤﺖ ﺑﻮﺟﻬﺎ
.. ﻟﺘﺨﺎﻓﻴﻦ ﺧﺎﻟﺔ ﺳﺘﻮﻧﻲ ﺍﻧﻄﻴﺘﻪ
ﺍﺑﺮﺓ ﻣﺴﻜﻨﺔ ﺍﻻﻻﻡ ﺑﻌﺪﻩ ﻣﻔﻌﻮﻝ ﺍﻻﺑﺮﺓ ﺷﻮﻳﺔ ﻭﻳﺮﺗﺎﺡ
.. ﺍﻟﻠﻪ ﻳﺤﻔﻈﺞ ﻟﺸﺒﺎﺏ ﺧﺎﻟﺔ ﻭﻳﺴﺘﺮ ﻋﻠﻴﺞ
.. ﺍﺷﻜﺮﺝ ﺧﺎﻟﺔ
ﺷﻠﺖ ﻋﻠﺒﺔ ﺍﻻﺩﻭﻳﺔ ﻭﺍﻧﺘﻘﻠﺖ ﻟﻠﻘﺎﻃﻊ ﺍﻟﺜﺎﻧﻲ ﻭﺍﺗﺮﺧﺼﺖ ﻣﻨﻬﺎ
ﻫﺬﺍ ﺷﻐﻠﻲ ﻭﺍﺗﻌﻠﻤﺖ ﻋﻠﻴﻪ ﻭﺍﻟﻤﻔﺮﻭﺽ ﺍﻛﻮﻥ ﺭﺍﺿﻴﺔ
ﺑﺲ ﻟﻴﺶ ﺍﺣﺲ ﺑﺮﻭﺣﻲ ﻓﺎﺭﻏﺔ
ﺍﺟﺘﻲ ﻭﺣﺪﺓ ﻣﻦ ﺍﻟﻤﻤﺮﺿﺎﺕ
.. ﻫﻼ ﺷﻴﻮﻣﺔ ﺣﺒﻴﺒﺘﻲ ﺍﺭﻳﺪﺝ ﺑﺸﻐﻠﺔ ﻣﻬﻤﺔ
.. ﺷﻨﻮ
.. ﺗﻌﺎﻟﻲ ﻭﺍﻧﻲ ﺍﻛﻠﺞ
ﺳﺤﺒﺘﻨﻲ ﻣﻦ ﺍﻳﺪﻱ ﻭﺩﺧﻠﺘﻨﻲ ﻋﻠﻰ ﻏﺮﻓﺔ
ﺍﻟﻄﻮﺍﺭﻱﺀ ﺟﺎﻧﺖ ﺑﻴﻬﺎ ﺳﺪﻳﺔ ﻭﻣﻜﺘﺐ ﺍﻟﻄﺒﻴﺐ ﺟﺎﻧﺖ ﺍﻟﻐﺮﻓﺔ ﻓﺎﺭﻏﺔ ﻛﺎﻟﺖ
.. ﺑﺲ ﺷﻮﻳﺔ ﺍﺟﻴﺒﻠﺞ ﺍﺑﻦ ﺍﺧﻮﻱ ﺗﺨﻴﻄﻴﻦ ﺟﺮﺡ ﺍﻳﺪﻩ ﺍﻳﺪﻩ
ﻃﻠﻌﺖ ﻣﻦ ﺍﻟﻐﺮﻓﺔ ﻭﻇﻠﻴﺖ ﺍﻧﺘﻈﺮﻫﺎ ﻭﺍﺗﺠﻬﺖ ﺍﺩﻭﺭ ﺑﺎﻟﻐﺮﺍﺽ ﻋﻠﻰ ﺍﻻﻭﺩﺍﺕ ﻓﺘﺤﺖ ﺑﻄﻞ ﺩﻳﺘﻮﻝ ﺟﺎﻧﺖ ﺍﻛﻮ ﻣﻐﺴﻠﺔ ﺑﺼﻒ ﺍﻟﺴﺪﻳﺔ ﻟﺒﺴﺖ ﺟﻔﻮﻑ ﻭ
ﻋﻘﻤﺖ ﺍﻻﺩﻭﺍﺕ
ﺳﻤﻌﺖ ﺻﻮﺕ ﺍﻟﺒﺎﺏ ﺍﻧﺘﻔﺘﺢ ﻭﺭﺟﻊ ﺍﻧﺴﺪ
ﺍﻟﺘﻔﺘﺖ ﻣﺒﺘﺴﻤﺔ ﺍﺭﻳﺪ ﺍﺣﺠﻲ
ﺑﺲ ﻓﺠﺎﺀﺓ ﺍﻧﺒﻠﻊ ﺍﻟﻜﻼﻡ ﻭﺑﻬﺖ ﻭﺟﻬﻲ ﻭﻣﺎ ﻃﻠﻌﺖ ﻣﻨﻲ ﻏﻴﺮ ﺑﺲ ﻛﻠﻤﺔ
.. ﻟﻴﺚ !!!
ﺟﺎﻥ ﻭﺟﻬﻪ ﺍﺳﻮﺩ ﻣﻦ ﺍﻟﻐﻀﺐ ﻭﻋﻴﻮﻧﻪ ﺑﻴﻬﻦ ﺣﺰﻥ ﻫﻴﺞ ﺭﺟﺎﻝ ﻧﺎﺩﺭﺍً ﻣﺎ ﻳﺒﻴﻦ ﻋﻠﻴﻪ ﺍﻻﻧﻜﺴﺎﺭ
ﻟﻠﺤﻈﺔ ﺣﺴﻴﺖ ﺑﻜﻠﺒﻲ ﺍﻧﺘﻔﺾ ﻣﻦ ﺷﻔﺖ ﻧﻈﺮﺍﺕ ﻋﻴﻮﻧﻪ ﺍﺗﻤﻨﻴﺖ ﺍﺧﺬﻩ ﻟﺤﻈﻨﻲ ﻭﺍﻣﺴﺢ ﻋﻦ ﻭﺟﻬﻪ ﻫﺎﻱ ﺍﻟﻨﻈﺮﺓ
ﺍﺑﺘﺴﻢ ﺑﺘﻌﺐ
.. ﺍﻱ ﻟﻴﺚ
ﻟﻴﺶ ﻣﺴﺘﻐﺮﺑﺔ ﺷﻮﻓﺘﻲ ﻟﻮ ﺷﻜﻠﺞ ﻧﺴﻴﺘﻴﻨﻲ
.. ﻣﺴﺘﺤﻴﻞ ﺍﻧﺴﻰ ﺍﻟﺼﺎﺭ
ﻣﻮ ﺑﻬﺎﻱ ﺍﻟﺴﻬﻮﻟﺔ
.. ﺷﻴﻤﺎﺀ ﻟﻴﺶ ﺳﻮﻳﺘﻲ ﻫﺸﻜﻞ ﺷﻠﻮﻥ ﺍﻧﻄﺎﺝ ﻛﻠﺒﺞ
ﺗﺒﻌﺪﻳﻨﻲ ﻋﻨﺞ ﺑﻬﺎﻱ ﺍﻟﻄﺮﻳﻘﺔ
ﻣﻌﻘﻮﻟﺔ ﺣﺒﻲ ﺍﻟﺞ ﺧﻼﺝ ﺗﻠﺠﺌﻴﻦ ﻟﻠﻐﺮﻳﺐ
ﺣﺘﻰ ﻳﺤﻤﻴﺞ ﻣﻨﻲ ﻭﻳﺪﻓﻌﻨﻲ ﺑﻌﻴﺪ ﻋﻨﺞ
.. ﺍﻧﺖ ﺟﺒﺮﺗﻨﻲ ﺍﺳﻮﻱ ﻫﺸﻜﻞ
ﺗﺼﺮﻓﻚ ﻭﻳﺎﻱ ﺧﻼﻧﻲ ﺍﺧﺎﻑ ﻣﻨﻚ
ﻟﻴﺚ ﻟﺘﻨﺴﻰ ﺗﺮﺓ ﺍﻧﺖ ﻫﺪﺩﺗﻨﻲ
ﺍﺫﺍ ﻣﺎ ﺍﺗﺰﻭﺟﻚ ﺗﺄﺫﻱ ﺑﺎﺑﺎ
ﺍﺑﺎﻭﻉ ﻋﻠﻴﻪ ﺳﺤﺐ ﻧﻔﺲ ﻋﻤﻴﻖ ﻭﻣﺴﺢ ﻋﻠﻰ ﻭﺟﻬﻪ
.. ﻟﺞ ﺷﻴﻤﺎﺀ ﺍﻧﺎ ﺳﻮﻳﺖ ﻫﺸﻜﻞ ﻻﻥ ﺍﺩﺭﻱ ﺑﻴﺞ ﺗﺤﺒﻨﻲ ﻭﻫﺬﺍ ﻛﻼﻣﺞ ﻭﻳﺎﻱ ﻣﻮ ﻣﻦ ﻛﻞ ﻛﻠﺒﺞ ﻭﺷﻔﺖ
ﻻﺯﻡ ﻭﺍﺣﺪ ﺑﻴﻨﺎ ﻳﺨﻠﻲ ﺍﻟﺜﺎﻧﻲ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ﻭﻳﺎﺧﺬﻩ ﻣﻦ ﺍﻳﺪﻩ ﻭﻳﺸﻮﻓﻪ ﺍﻟﻲ ﺭﺍﻓﺾ ﻳﺸﻮﻓﻪ
ﺍﺩﺭﻱ ﺑﻴﺞ ﺗﺤﺒﻴﻨﻲ ﻭﻫﺬﺍ ﺍﻟﺸﻲ ﻳﺄﻛﺪﻩ ﻧﻈﺮﺓ ﻋﻴﻮﻧﺞ
ﻭﺭﺟﻔﺔ ﺍﻳﺪﻳﺞ
ﻧﺰﻟﺖ ﺩﻣﻮﻋﻲ ﻏﺼﺐ ﻋﻨﻲ
.. ﻟﻴﺚ ﺻﻌﺒﺔ ﺍﺧﻠﻴﻚ ﺗﺠﺒﺮﻧﻲ
ﺍﺳﻠﻚ ﻃﺮﻳﻖ ﻣﺴﺪﻭﺩ
ﻭﺍﻧﻲ ﻭﻳﺎﻙ ﻣﺎ ﻳﻨﻔﻊ ﻧﻜﻤﻞ ﺳﻮﺓ
ﺍﻧﺖ ﺗﺸﻮﻑ ﺍﻥ ﺑﺲ ﺣﺒﻨﺎ ﻟﺒﻌﺾ ﻛﺎﻓﻲ
ﺣﺘﻰ ﻧﺒﻨﻲ ﻋﻠﻴﻪ ﺣﻴﺎﺗﻨﺎ
ﺑﺲ ﺍﻟﺤﺐ ﻟﻮﺣﺪﻩ ﻣﻮ ﻛﺎﻓﻲ
ﻻﺯﻡ ﻳﻜﻮﻥ ﺑﻴﻨﺎ ﺍﺳﺎﺱ ﻋﻤﻴﻖ ﺍﻻﺣﺘﺮﺍﻡ
ﺍﻻﻫﻞ ﺍﻟﻌﺎﺋﻠﺔ ﻫﺎﻱ ﻛﻠﻬﺎ ﺗﻜﻤﻞ ﻃﺮﻳﻘﻨﺎ
.. ﺷﻴﻤﺎﺀ ﺍﻧﺘﻲ ﺧﺬﻟﺘﻴﻨﻲ
ﺍﻛﺘﺸﻔﺖ ﺑﻤﻮﻗﻔﺞ ﻫﺬﺍ ﻭﻳﺎﻱ
ﺍﻧﺘﻲ ﺍﻟﺒﺎﻳﻌﺔ ﻭﺍﻧﺎ ﺍﻟﻤﺸﺘﺮﻱ
ﺍﻟﻈﺎﻫﺮ ﻫﻮﺍﻱ ﺭﺧﺼﺖ ﻧﻔﺴﻲ
ﺑﺲ ﻟﻬﻨﺎ ﻭﻛﺎﻓﻲ ﻭﺍﻟﻨﻔﺲ ﻋﺰﻳﺰﺓ
....
ﺍﺗﻤﻨﻰ ﻟﻮﻋﺔ ﻛﻠﺒﻲ ﺑﻜﻠﺒﺞ ﺗﺼﻴﺮ
ﻭﺑﺴﺎﻋﺘﻬﺎ ﺭﺍﺡ ﺗﻌﺮﻓﻴﻦ ﺑﺸﻨﻮ ﻛﺎﻋﺪ ﺍﺣﺲ ﺑﻬﺎﻱ ﺍﻟﻠﺤﻈﺔ
ﻫﻮ ﺟﺎﻥ ﻳﺤﺠﻲ ﻭﺍﻧﻲ ﺍﺣﺲ ﺑﻜﻠﺒﻲ ﻳﻨﻌﺼﺮ ﻭﻳﺔ ﻛﻞ ﻛﻠﻤﺔ ﺍﻟﻒ ﻣﺮﺓ
ﺍﻗﺘﺮﺏ ﻋﻠﻴﺔ ﻭﻋﻴﻮﻧﻪ ﺗﺮﻳﺪﻧﻲ
ﻭﺍﺑﺘﻌﺪﺕ ﻋﻨﻪ ﺑﺤﺬﺭ
ﻏﻤﺾ ﻋﻴﻮﻧﻪ ﻭﺟﺮ ﺣﺴﺮﺓ
.. ﺍﺍﺍﺍﺍﺍﺥ ﻳﺎ ﻭﻛﺖ ﻫﺬﺍ ﺍﻟﻲ ﻳﺨﻠﻲ ﺷﻴﻤﺎﺀ
ﺗﺨﺎﻑ ﻣﻦ ﻗﺮﺑﻲ ﻣﻨﻬﺎ
ﺍﻧﺪﻙ ﺍﻟﺒﺎﺏ ﻭﺍﻧﻘﻄﻊ ﻛﻼﻣﻨﺎ
ﺑﺎﻭﻉ ﻋﻠﻴﺔ ﻣﺜﻞ ﺍﻟﻲ ﻳﺮﻳﺪ ﻳﻄﺒﻊ
ﺻﻮﺭﺗﻲ ﺑﺬﺍﻛﺮﺗﻪ
ﻏﻤﺾ ﻋﻴﻮﻧﻪ ﻭﻃﻠﻊ ﻣﻦ ﺍﻟﻐﺮﻓﺔ ﻭﻣﻦ ﺣﻴﺎﺗﻲ ﻟﻼﺑﺪ
ﻭﺟﺎﻧﺖ ﻫﺎﻱ ﺍﺧﺮ ﻣﺮﺓ ﺍﺷﻮﻑ ﺑﻴﻬﺎ
ﻟﻴﺚ ﺣﻠﻢ ﻋﻤﺮﻱ ﻭﻏﺼﺔ ﻛﻠﺒﻲ
ﻫﻮ ﺭﺍﺡ ﻭﺍﻧﻈﻠﻴﺖ ﻣﺜﻞ ﺍﻟﺼﺨﺮﺓ ﺑﺎﻟﻄﺮﻳﻖ
ﺗﺘﺮﺟﻰ ﺍﻟﻲ ﻳﺪﻓﻌﻬﺎ
ﻏﻤﻀﺖ ﻋﻴﻨﻲ ﻭﺍﺗﻠﻤﺴﺖ ﺳﻮﺍﺭ ﺍﻣﻲ
ﻭﺍﻧﺪﻋﻴﺖ ﺭﺑﻲ ﻳﺸﻔﻲ ﻛﻠﺒﻲ ﻣﻦ ﺣﺒﻪ
ﺣﺘﻰ ﺍﺭﺗﺎﺡ
ﻭﺑﻌﺪﻫﺎ ﺭﺟﻌﺖ ﻛﻤﻠﺖ ﺷﻐﻠﻲ ﻭﺍﻧﺎ ﺍﻓﻜﺎﺭﻱ
ﺗﻨﺴﺦ ﺻﻮﺭﺗﻪ ﺑﺬﺍﻛﺮﺗﻲ
ﺭﺟﻌﺖ ﻟﻠﺒﻴﺖ ﻭﻟﻜﻴﺖ ﻫﺪﻯ ﺧﺎﺑﺼﺔ ﺍﻟﺒﻴﺖ ﺧﺒﺺ
ﻭﺳﻠﻴﻤﺔ ﺷﺎﺩﺓ ﺭﺳﻬﺎ ﻣﻌﺼﺒﺘﻪ
ﻭﺗﺪﺭﺩﻡ
ﺍﻟﻈﺎﻫﺮ ﻫﺪﻯ ﺭﺍﻓﻌﺔ ﺿﻐﻄﻬﺎ
ﺍﺑﺘﺴﻤﺖ ﻋﻠﻰ ﺷﻜﻠﻬﺎ
.. ﺷﻜﻮ ﺷﺒﻴﺞ ﺧﺎﺑﺼﺔ ﺍﻟﺒﻴﺖ ﻭﻫﺎﻱ ﺷﻨﻮ ﻭﻳﻦ ﺭﺍﻳﺤﺔ
ﺑﻬﺎﻱ ﻣﻼﺑﺴﺞ
.. ﺷﺒﻴﺞ ﺷﻮﻣﺔ ﺍﻧﺎ ﻣﻮ ﻛﻠﺘﻠﺞ ﻗﺒﻞ ﻻ ﺗﻐﺤﻴﻦ . ( ﺗﺮﺣﻴﻦ )
ﻟﻠﻤﺴﺘﺸﻔﻰ ﺻﺪﻳﻘﺘﻨﺎ ﻏﻬﻒ ( ﺭﻫﻒ )
ﺳﻮﺕ ﺣﻔﻠﺔ
ﻋﻠﻤﻮﺩ ﻧﺠﺎﺣﻬﺎ ﻭﻋﺰﻣﺘﻨﺎ ﺍﻧﻲ ﻭﺍﻟﺒﻨﺎﺕ ﺍﻟﺒﻘﻴﺔ
.. ﺍﻫﻮﻭﻭ ﻭﺍﻟﻠﻪ ﻧﺴﻴﺖ
ﻳﺎﻟﻠﻪ ﺧﻠﺼﺘﻲ ﺧﻠﻲ ﺍﺭﻭﺡ ﺍﻭﺻﻠﺞ ﻭﺍﺭﺟﻊ
.. ﻻ ﻣﻴﺤﺘﺎﺝ ﻓﺎﻃﻤﺔ ﻏﺎﺡ ( ﺭﺍﺡ ) ﺗﺠﻲ ﻋﻠﻴﺔ
ﻫﻮ ﻭﺍﺧﻮﻫﺎ
ﺑﺪﻟﺖ ﻭﻋﺪﻟﺖ ﻧﻔﺴﻲ
ﻭﺧﻄﻴﺔ ﺿﺤﻰ ﺍﻧﻄﺘﻨﻲ ﻣﻦ ﻣﻼﺑﺴﻬﺎ ﺍﻟﺤﻠﻮﺍﺕ ﻓﺴﺘﺎﻥ
ﻣﺎﻝ ﻣﺤﺠﺒﺎﺕ ﺟﺎﻥ ﻛﻠﺶ ﺣﻠﻮ ﻭﻧﺎﺯﻙ
ﻃﺒﻌﺎ ﺿﺤﻰ ﺍﺗﺤﺠﺒﺖ ﺳﻴﻒ ﺣﺠﺒﻬﺎ
ﻟﺒﺴﺖ ﻭﻋﺪﻟﺖ ﺭﻭﺣﻲ ﺍﺗﻤﻨﻴﺖ ﺷﻴﻤﺎﺀ ﺗﺨﻠﻴﻨﻲ
ﺍﺣﻂ ﺷﻮﻳﺔ ﻛﺤﻞ ﻭﺣﻤﺮﺓ
ﺑﺲ ﻣﻊ ﺍﻻﺳﻒ ﺭﺍﺳﻬﺎ ﻳﺎﺑﺲ ﺻﻌﺒﺔ ﺗﻘﺘﻨﻊ ﺍﻧﻲ ﻛﺒﺮﺕ
ﺑﺲ ﻳﺎﻟﻠﻪ ﻣﻮ ﻣﻬﻢ
ﺍﺗﺼﻠﺖ ﻓﺎﻃﻤﺔ ﻋﻠﻰ ﺷﻴﻤﺎﺀ
ﻭﻛﺎﻟﺖ ﺧﻠﻲ ﺗﻄﻠﻊ
ﻃﻠﻌﺖ ﺍﺭﻛﺾ ﻣﺘﻠﻬﻔﺔ ﻟﻠﺤﻔﻠﺔ
ﺍﺳﻤﻊ ﺷﻴﻤﺎﺀ ﺗﺼﻴﺢ ﻭﺭﺍﻱ
.. ﻫﺪﻯ ﺍﻟﻠﻪ ﻋﻠﻴﺞ ﻣﺎ ﺗﺮﻛﺼﻴﻦ ﻫﻨﺎﻙ
ﻋﻔﺴﺖ ﻭﺟﻬﻲ ﻭﺑﺮﻃﻤﺖ ﻭﺍﻧﻲ ﻃﺎﻟﻌﺔ ﻣﻦ ﺍﻟﺒﺎﺏ
.. ﺻﺎﻍ ﻣﺎ ﻏﺎﺡ ﺍﻏﻜﺺ
( ﺻﺎﺭ ﻣﺎ ﺭﺍﺡ ﺍﺭﻛﺺ )
ﻭﻭﺻﻠﻨﺎ ﺍﻧﻲ ﻭﻓﺎﻃﻤﺔ ﻟﺒﻴﺖ . ﺭﻫﻒ
ﺟﺎﻥ ﺑﻴﺘﻬﻢ ﻛﻠﺶ ﻓﺨﻢ
ﻧﺰﻟﻨﺎ ﻣﻦ ﺍﻟﺴﻴﺎﺭﺓ ﺟﺎﻧﻮﺍ ﺍﻛﻮ ﺣﻤﺎﻳﺔ
ﻳﻢ ﺑﺎﺑﻬﻢ ﺍﺗﺼﻠﺖ ﻓﺎﻃﻤﺔ ﻋﻠﻰ ﻫﺎﻟﺔ ﻭﻃﻠﻌﺘﻠﻨﺎ ﺑﺎﻟﺒﺎﺏ
ﺩﺧﻠﻨﺎ ﻭﻫﺎﻟﺔ ﺍﺧﺬﺗﻨﺎ ﺑﺎﻻﺣﻀﺎﻥ
ﻫﺎﻟﺔ .. ﻭﻟﻜﻢ ﺍﺷﻮ ﻛﺒﺮﺍﻧﺎﺕ
ﻭﺍﻧﺘﻲ ﻗﺰﻭﻣﺔ ﺍﺷﻮ ﻃﻮﻻﻧﺔ
.. ﺣﻘﻲ ﺍﻃﻮﻝ ﻣﻦ ﻛﺜﺮ ﻣﺎ ﺍﺻﺪ ﻧﻌﻮﻟﺔ ﻣﻦ ﺳﻠﻴﻤﺔ
ﺍﻛﻮﻝ ﻫﺎﻟﺔ ﻭﻳﻦ ﺻﺎﺣﺒﺔ ﺍﻟﺤﻔﻠﺔ
ﻫﺎﻟﺔ ﺗﺤﺠﻲ ﺑﺼﻮﺕ ﻧﺎﺻﻲ ﻭﺗﻀﺤﻚ
.. ﻭﻟﻜﻢ ﺗﻌﺎﻟﻮﺍ ﺷﻮﻓﻮﺍ ﻋﻤﻮ ﻣﺤﻤﺪ ﺷﻤﺴﻮﻳﻠﻬﺎ
ﺗﻜﻮﻟﻮﻥ ﻋﺒﺎﻟﻚ ﺑﻨﺘﻪ ﻣﻌﺮﺳﺔ ﻣﻮ ﻧﺎﺟﺤﺔ
ﺫﺑﺢ ﺧﺮﻓﺎﻥ ﻭﻋﺰﻡ ﺍﻻﻗﺎﺭﺏ ﻭﻫﺴﺔ ﺳﻮﺍﻟﻬﺎ ﺍﻟﺤﻔﻠﺔ
ﻣﻮ ﻣﺜﻞ ﺣﻈﻲ ﺍﺑﻮﻱ ﻳﻜﻠﻲ ﻣﺼﺪﻛﺔ ﺭﻭﺣﺞ ﻧﺎﺟﺤﺔ
ﻻﻳﻜﻮﻥ ﺗﺮﺩﻳﻦ ﺍﺫﺑﺤﻠﺞ ﺧﺮﻭﻑ ﻋﻠﻤﻮﺩ ﻫﺬﺍ ﻣﻌﺪﻟﺞ
ﻫﺪﻯ .. ﺍﻱ ﻭﺍﻟﻠﻪ ﺣﻘﻪ ﺍﺑﻮﺝ
ﺷﻨﻮ ﺫﻧﺐ ﺍﻟﺨﺮﻭﻑ ﻳﻨﺬﺑﺢ ﻋﻠﻤﻮﺩ ﻭﺣﺪﺓ ﺣﻤﺎﺭﺓ ﻣﺜﻠﺞ
ﺿﺮﺑﺘﻲ ﻋﻠﻰ ﺭﺍﺳﻲ
.. ﺍﻣﺪﺍﺝ ﻋﻮﺑﺔ ﻭﺍﻟﻠﻪ ﺍﻧﻲ ﺷﺎﻃﺮﺓ ﺑﺲ ﺍﻧﺘﻮ ﻣﻜﺴﺮﻳﻦ ﺟﻨﺎﺣﺎﺗﻲ
ﺩﺧﻠﺘﻨﺎ ﻟﺼﺎﻟﺔ ﻣﺰﻳﻨﻴﻬﺎ ﺑﺎﻟﻮﺭﺩ ﻭﺍﻻﺿﻮﻳﺔ
ﺟﺎﻧﺖ ﻛﻠﺶ ﺣﻠﻮﺓ ﻭﺑﺎﻭﻋﺖ ﻟﻠﻤﻌﺎﺯﻳﻢ
ﺟﺎﻧﻮﺍ ﺍﻏﻠﺒﻬﻢ ﺻﺪﻳﻘﺎﺗﻨﺎ
ﺍﺣﻨﺎ ﺑﺎﻟﺤﻘﻴﻘﺔ ﻋﻼﻗﺘﻨﺎ ﻭﻳﺔ ﺭﻫﻒ ﻣﻮ ﻗﻮﻳﺔ
ﺑﺲ ﻫﻴﺞ ﺍﺟﻴﻨﺎ ﻟﻄﻠﻄﺔ ﻫﺎﻟﺔ ﺣﻠﻔﺘﻨﺎ ﻛﺎﻟﺖ ﺍﻟﻠﻪ ﻋﻠﻴﻜﻢ
ﺗﺠﻮﻥ ﺧﻠﻮﻧﺎ ﻧﺘﻮﻧﺲ
ﻫﺎﻟﺔ .. ﻫﻤﺰﻳﻦ ﺍﺟﻴﺘﻮﺍ ﺣﺘﻰ ﺷﻮﻳﺔ ﺍﺣﺲ ﺑﺮﻭﺣﻲ ﺑﺸﺮ
ﻻﻥ ﺍﻟﺴﺖ ﺭﻫﻒ ﻋﺎﺯﻣﺔ ﻛﻞ ﺻﺪﻳﻘﺎﺗﻬﺎ ﺍﻟﻤﺘﻔﻮﻗﺎﺕ
ﻭﺍﻗﺎﺭﺑﻬﺎ ﻛﻠﻬﻢ ﻭﺍﺻﻼﺕ ﺑﺎﻟﺸﻬﺎﺩﺍﺕ
ﺣﺴﻴﺖ ﺑﺮﻭﺣﻲ ﺣﻤﺎﺭ ﺑﻴﻦ ﺍﻟﻐﺰﻻﻥ ﻣﻜﺎﻧﻲ ﻏﻠﻂ
...
ﺧﺮﺏ ﻫﺬﻭﻟﻲ ﺷﻨﻮ ﻣﺒﻴﻦ ﻋﻠﻴﻬﻢ ﻋﺎﺋﻠﺔ ﺍﻧﺸﺘﺎﻳﻨﻴﺔ
ﺟﺎﻧﺖ ﺭﻫﻒ ﻻﺑﺴﺔ ﻓﺴﺘﺎﻥ ﺍﻣﻴﺮﺍﺕ ﻣﻮﺩﻳﻞ ﺭﻭﻣﺎﻧﻲ
ﻭﻻﺑﺴﺔ ﻃﻮﻕ ﻧﺤﺎﺳﻲ ﻋﻠﻰ ﺷﻜﻞ ﺍﻏﺼﺎﻥ ﺍﻟﺰﻳﺘﻮﻥ
ﺣﺎﻃﺘﻪ ﻣﺜﻞ ﺍﻟﺘﺎﺝ
ﺍﻣﺎ ﺍﻟﺒﻘﻴﺔ ﻟﻮ ﺍﻛﻌﺪ ﺍﻭﺻﻒ ﻓﺨﺎﻣﺘﻬﻢ ﻭﻧﺰﺍﻛﺘﻬﻢ ﻟﻠﺼﺒﺢ ﻣﺎ ﺍﺧﻠﺺ
ﺍﻧﻲ ﻭﻓﺎﻃﻤﺔ ﻭﻫﺎﻟﺔ ﺷﻜﻠﻨﺎ ﻓﺮﻳﻖ ﺑﺲ ﻧﺒﺼﺒﺺ
ﻭﻧﻜﺺ
ﺍﻧﺘﺒﻬﺖ ﻋﻠﻴﻬﻢ ﺣﺎﻃﻴﻦ ﻣﻴﺰ ﻃﻌﺎﻡ ﻛﻠﺶ ﻛﺒﻴﺮ
ﻭﺟﺎﻥ ﻣﻠﻴﺎﻥ ﺍﻛﻞ ﻣﺎ ﻟﺬﺓ ﻭﻃﺎﺏ
ﻣﺜﻞ ﺍﻟﺒﻮﻓﻴﻪ ﺍﻟﻤﻔﺘﻮﺡ
ﺣﻠﻮﻳﺎﺕ ﻛﺮﺍﺯﺍﺕ ﺑﺎﻧﻮﺍﻋﻬﺎ ﻭﺑﻘﻼﻭﺓ ﻓﻄﺎﺋﺮ ﺻﺎﺝ
ﻛﻠﺶ ﻭﻛﻼﺷﻲ
ﺍﺣﺲ ﻋﻴﻮﻧﻲ ﻛﺎﻣﺖ ﺗﻠﻤﻊ ﻭﺑﻄﻨﻲ ﻛﺎﻣﺖ ﺗﺼﻴﺢ
ﻳﺎﻟﻠﻪ ﻫﺪﻯ ﻭﻛﻠﻴﻨﺎ ﻣﺘﺖ ﻣﻦ ﺍﻟﺠﻮﻉ
ﺭﺣﺖ ﺍﻗﺘﺮﺑﺖ ﻣﻦ ﺍﻟﻤﻴﺰ ﻻ ﺍﺭﺍﺩﻳﺎ ﺍﺧﺬﺗﻨﻲ ﺭﺟﻠﻴﺔ
ﻋﺎﻻﻛﻞ
ﻭﺑﺎﻭﻋﺖ ﻣﻨﺎ ﻭﻣﻨﺎ ﺍﺷﻮﻑ ﻛﻮﻥ ﻣﺤﺪ ﻣﻨﺘﺒﻬﻠﻲ
ﺍﺳﻤﻊ ﻓﺎﻃﻤﺔ ﺗﺤﺬﺭﻧﻲ
ﻓﺎﻃﻤﺔ .. ﻟﺞ ﺟﻮﻋﻴﺔ ﻓﻀﺤﺘﻴﻨﺎ ﻫﺴﺔ ﺷﻨﻮ ﻳﻜﻮﻟﻮﻥ
ﻋﻠﻴﻨﺎ ﻣﺸﺎﻳﻔﺎﺕ
.. ﺍﻱ ﺻﺪﻙ ﻭﻳﻦ ﺷﺎﻳﻔﺔ ﻫﻴﺞ ﻣﺎﺋﺪﺓ
ﻣﺪﻳﺖ ﺍﻳﺪﻱ ﻋﺎﻟﺒﻘﻼﻭﺓ ﻭﺍﺟﻴﺖ ﺍﻛﻠﻬﺎ
ﺑﺲ ﻓﺠﺎﺀﺓ ﺍﺗﺬﻛﺮﺕ ﺧﻮﺍﺗﻲ ﻳﺤﺒﻮﻥ ﺍﻟﺤﻠﻮﻳﺎﺕ
ﺍﺗﻨﻐﺼﺘﻠﻬﻢ
ﺑﺎﻭﻋﺖ ﻋﺎﻟﻤﻌﺎﺯﻳﻢ ﺍﺷﻮ ﻣﺤﺪ ﻣﻬﺘﻢ ﻟﻼﻛﻞ ﻳﻤﺮﻭﻥ ﻣﻦ ﻳﻢ ﺍﻟﻤﻴﺰ ﻭﻻ ﻳﺒﺎﻭﻋﻮﻥ ﻋﻠﻴﻪ
ﻋﺒﺎﻟﻚ ﻣﻤﻮﺟﻮﺩ
ﻓﺎﻃﻤﺔ ﺟﺮﺗﻨﻲ ﻣﻦ ﺍﻳﺪﻱ
.. ﻟﺞ ﺗﻌﺎﻟﻲ ﺧﻠﻲ ﻧﻜﻌﺪ ﻋﻴﺐ
ﺍﺧﺬﺗﻨﻲ ﻭﻛﻌﺪﻧﺎ ﻋﺎﻟﻜﺮﺍﺳﻲ
ﻭﻇﻠﻴﻨﺎ ﻧﺒﺎﻭﻉ ﻟﻠﺒﻨﺎﺕ ﺷﻠﻮﻥ ﻛﺎﻣﻮﺍ ﻳﺮﻛﺼﻮﻥ ﻋﻠﻰ
ﺍﻻﻏﺎﻧﻲ ﺟﺎﻧﺖ ﺍﻛﻮﺍ ﻭﺣﺪﺓ ﻣﻨﻈﻤﺔ ﺩﻳﺠﻲ
ﻛﻞ ﺷﻮﻳﺔ ﻳﻨﻄﻮﻫﺎ ﺍﻻﻏﻨﻴﺔ ﻭﻫﻲ ﺗﻨﺰﻟﻬﺎ ﺍﻟﻬﻢ
ﺍﺟﺘﻲ ﻫﺎﻟﺔ ﻭﻣﻬﺎ
ﻭﺳﻠﻤﺖ ﻋﻠﻴﻨﺎ ﻭﺍﻣﻬﺎ ﺗﺒﺎﻭﻋﻠﻲ ﺑﻨﻈﺮﺍﺕ
ﻣﺜﻞ ﺍﻟﻲ ﺟﺎﻱ ﺗﺪﺭﺳﻨﻲ
ﺍﻡ ﻗﺎﺳﻢ .. ﻫﻼ ﺧﺎﻟﺔ ﻫﺪﻭﺷﺔ ﺍﺷﻮ ﻛﻠﻤﺎ ﺟﺎﻟﺞ
ﺗﺰﻳﺪﻳﻦ ﺑﺎﻟﺠﻤﺎﻝ
ﻫﺎﻟﺔ .. ﺷﻨﻮ ﻳﻤﺔ ﻣﻨﻴﻦ ﺍﺟﺎﻫﺎ ﺍﻟﺠﻤﺎﻝ
ﻻ ﺗﻜﺒﺮﻳﻬﺎ ﻋﻠﻴﻨﺎ ﺗﺮﺓ ﻫﺎﻱ ﺑﺴﺮﻋﺔ ﺗﻨﻐﺮ
.. ﺍﻧﺠﺒﻲ ﻭﻟﺞ ﻟﺘﺤﺠﻴﻦ ﻋﻠﻴﻬﺎ ﻭﺍﻟﻠﻪ ﻫﺎﻱ ﺍﻟﺒﻨﻴﺔ ﻛﻠﺒﻲ ﺣﺒﻬﺎ ﻣﺎ ﺷﻜﻠﻬﺎ ﺑﺴﺮﻋﺔ ﺗﺪﺧﻞ ﻟﻠﻜﻠﺐ
.. ﺍﺷﻜﺮﺝ ﺧﺎﻟﺔ ﺣﺘﻰ ﺍﻧﻲ ﺍﺣﺒﻜﻢ
.. ﺍﺷﻮ ﻛﺎﻋﺪﺍﺕ ﻟﻴﺶ ﻣﺎ ﺗﻜﻮﻣﻮﻥ ﺗﺮﻛﺼﻮﻥ ﻭﻳﺔ ﺍﻟﺒﻨﺎﺕ
ﻫﺎﻟﺔ ﺗﻜﻮﻝ ﻋﻠﻴﺞ ﺧﻮﺵ ﺗﺮﻛﺼﻴﻦ
ﻫﺎﻟﺔ .. ﺍﻱ ﻳﻤﺔ ﺗﺮﻛﺺ ﺭﻛﺺ ﺗﻜﻮﻟﻴﻦ ﻋﺒﺎﻟﻚ ﺻﻔﻴﻨﺎﺯ
ﺍﻣﺎﻧﺔ ﻳﻤﺔ ﺧﻠﻴﻨﺎ ﺑﻌﺮﺱ ﻗﺎﺳﻢ ﻧﺄﺟﺮﻫﺎ ﺗﺮﻛﺼﻠﻨﺎ
ﺿﺮﺑﺘﻬﺎ ﺑﻜﻮﻋﻲ ﺑﺨﺼﺮﻫﺎ ﻣﻦ ﺍﻻﺣﺮﺍﺝ ﺻﺮﺕ ﺑﻨﺺ ﻫﺪﻭﻣﻲ
.. ﻋﻤﺔ ﺑﻌﻴﻨﺞ ﺳﻮﻳﺘﻴﻨﻲ ﺭﺍﻗﺼﺔ
ﺍﻟﺘﻔﺘﺖ ﻟﺨﺎﻟﺔ ﺍﻡ ﻗﺎﺳﻢ
.. ﻣﺎ ﻋﻠﻴﺞ ﻣﻨﻬﺎ ﺧﺎﻟﺔ ﺗﺮﺓ ﻫﻲ ﻳﺎﺩﻭﺏ ﻫﺰﺓ ﻛﺘﻒ
ﺳﻮﺗﻨﻲ ﺭﺍﻗﺼﺔ
ﻫﺎﻟﺔ .. ﺍﻱ ﻃﺮﺩﻱ ﻋﻴﻮﻥ ﻫﺰﺓ ﻛﺘﻔﺔ ﻭﻫﺰﺓ ﺧﺼﺮ ﻭﻫﺰﺓ ﺭﻛﺒﺔ
ﺣﺠﻴﺖ ﻣﻦ ﺑﻴﻦ ﺳﻨﻮﻧﻲ
.. ﻫﺰﺓ ﺗﺴﻜﺘﻴﻦ ﻟﻮ ﺷﻠﻮﻥ ﻣﻮ ﻓﻀﺤﺘﻴﻨﻲ ﻭﺍﻟﻠﻪ ﻟﻮ ﻣﺴﻮﻳﺔ ﺩﻋﺎﻳﺔ ﻭﺍﻋﻼﻥ ﻫﻢ ﻣﺎ ﺭﺍﺡ ﺍﺷﺘﻬﺮ ﻣﺜﻞ ﻫﺴﺔ
ﺍﻡ ﻗﺎﺳﻢ .. ﻳﺎﺭﺑﻲ ﺷﻜﺪ ﺗﻮﻧﺲ ﻫﺎﻱ ﺍﻟﺒﻨﻴﺔ
ﻳﺎﻟﻠﻪ ﺧﺎﻟﺔ ﺍﻋﻮﻓﻜﻢ ﺗﺎﺧﺬﻭﻥ ﺭﺍﺣﺘﻜﻢ ﺍﻧﻲ ﺭﺍﻳﺤﺔ
ﺍﻟﺘﻔﺘﺖ ﻋﻠﻰ ﻫﺎﻟﺔ ﻗﺒﻞ ﻻ ﺗﺮﻭﺡ ﻭﺳﺄﻟﺘﻬﺎ
ﺍﻛﻮﻝ ﻫﺎﻟﺔ ﻭﻳﻦ ﺣﻄﻴﺘﻲ ﻫﺪﻳﺔ ﺍﺑﻮﺝ ﻭﻫﺪﻳﺔ ﻗﺎﺳﻢ
ﻫﺎﻟﺔ .. ﺍﻟﻌﻠﺐ ﻣﻮﺟﻮﺩﺍﺕ ﺑﺠﻨﻄﺘﻲ
ﻣﻦ ﺗﺮﺩﻳﻦ ﺗﻘﺪﻣﻴﻬﻢ ﻟﺮﻫﻒ ﻛﻠﻴﻠﻲ ﻭﺍﻧﻲ ﺍﻧﻄﻴﺞ ﺍﻳﺎﻫﺎ
ﻟﻌﺪ ﺣﻮﺵ
ﺭﺍﺣﺖ ﺍﻣﻬﺎ ﻭﻓﺎﻃﻤﺔ ﺣﺠﺖ
.. ﻋﺰﺓ ﻟﺞ ﻳﺎ ﻫﺪﺍﻳﺎ ﺍﻧﻲ ﺍﺟﻴﺖ ﻭﻛﻠﺸﻲ ﻣﺠﺒﺖ ﻭﻳﺎﻱ
.. ﺣﺘﻰ ﺍﻧﻲ ﻣﺠﺒﺘﻠﻬﺎ ﻫﺪﻳﺔ
ﻫﺎﻟﺔ .. ﻣﺎ ﻋﻠﻴﻜﻢ ﺗﺮﺓ ﻣﻮ ﺍﻟﻜﻞ ﺟﺎﻳﺒﻴﻦ ﻫﺪﺍﻳﺎ
ﺑﺲ ﺑﺎﺑﺎ ﻛﺎﻝ ﻟﻤﺎﻣﺎ ﺗﺸﺘﺮﻳﻠﻬﺎ ﻛﻼﺩﺓ ﺫﻫﺐ ﻭﺗﻬﺪﻳﻬﺎ ﺑﻤﻨﺎﺳﺒﺔ ﻧﺠﺎﺟﻬﺎ
ﻭﻗﺎﺳﻢ ﻛﺎﻝ ﺍﻧﺎ ﻫﺪﻳﺘﻲ ﺧﺎﺻﺔ ﺻﺎﻏﻠﻬﺎ
ﺳﻮﺍﺭ ﺫﻫﺐ ﺑﻲ ﺍﻭﻝ ﺣﺮﻑ ﻣﻦ ﺍﺳﻤﻪ ﻭﺍﻭﻝ ﺣﺮﻑ ﻣﻦ ﺍﺳﻤﻬﺎ
ﻓﺎﻃﻤﺔ .. ﻫﺎﻱ ﺷﻨﻮ ﺍﺧﻮﺝ ﺻﺎﻳﺮ ﺭﻭﻣﺎﻧﺴﻲ ﻭﺣﺮﻛﺎﺕ ﻭﻛﺬﺍ
ﻫﺎﻟﺔ .. ﻭﻟﺞ ﻧﺼﻲ ﺻﻮﺗﺞ ﺗﺮﺓ ﻣﺤﺪ ﻳﺪﺭﻱ ﺑﻌﻼﻗﺔ
ﻗﺎﺳﻢ ﻭﺭﻫﻒ ﺍﻟﻜﻞ ﻋﺒﺎﻟﻬﻢ ﺑﺲ ﻋﻼﻗﺔ ﺍﻭﻻﺩ ﻋﻢ
ﺍﻣﻲ ﻭﺍﺑﻮﻱ ﻭﺍﻫﻞ ﺭﻫﻒ ﻣﻴﻌﺮﻓﻮﻥ ﻭﺑﺲ ﺍﻧﻲ ﺍﻟﻮﺣﻴﺪﺓ
ﺍﻋﺮﻑ ﺑﻘﺎﺳﻢ
ﺍﺧﻮﻱ ﻳﺤﺐ ﺭﻫﻒ ﻭﺭﻫﻒ ﻣﺠﻨﻮﻧﺔ ﺑﻘﺎﺳﻢ
ﺧﻄﻴﺔ ﺍﺑﺎﻭﻉ ﻷﻣﻲ ﻫﺎﻱ ﺍﻻﻳﺎﻡ ﺗﺪﻭﺭﻟﻪ ﻋﻠﻰ ﻋﺮﻭﺳﺔ
ﻭﺗﺮﻛﺾ ﻭﺭﺓ ﻗﺎﺳﻢ
ﻭﺗﻜﻠﻪ ﻳﻤﺔ ﻛﺒﺮﺕ ﺍﺭﻳﺪ ﺍﺯﻭﺟﻚ ﻭﺍﻓﺮﺡ ﺑﻴﻚ ﺑﺲ ﻫﻮ ﻳﺘﻬﺮﺏ ﻣﻨﻬﺎ ﻭﻳﻜﻠﻠﻬﺎ ﺑﻌﺪ ﻭﻛﺖ ﻣﺎﻟﻲ ﺧﻠﻚ ﺍﺷﻴﻞ ﻣﺴﺆﻟﻴﺔ ﺟﻬﺎﻝ ﻭﺑﻴﺖ ﻣﻦ ﻫﺴﺔ
ﻫﺪﻯ .. ﻟﻌﺪ ﻫﻮ ﻣﻮ ﻳﺤﺐ ﺭﻫﻒ ﻟﻴﺶ ﻣﺎ ﻳﺘﻘﺪﻣﻠﻬﺎ
.. ﺍﻱ ﻫﻮ ﺭﻓﻀﻪ ﻫﺬﺍ ﻛﻠﻪ ﻋﻠﻤﻮﺩ ﺭﻫﻒ
ﺑﺲ ﺍﺣﻨﺔ ﻧﻌﺮﻑ ﻗﺎﻧﻮﻥ ﻋﻤﻮ ﻣﺤﻤﺪ ﺑﺮﻓﺾ ﻳﺰﻭﺝ ﺍﻱ ﻭﺍﺣﺪ ﻣﻦ ﺍﻭﻻﺩ ﺍﻻ ﻣﺘﺨﺮﺟﻴﻦ ﻣﻦ ﺍﻟﻜﻠﻴﺔ
ﻭﺧﺼﻮﺻﺎ ﻫﻲ ﺭﺍﺡ ﺗﻘﺪﻡ ﻋﻠﻰ ﻛﻠﻴﺔ ﻃﺐ
ﻓﻬﻲ ﻭﻗﺎﺳﻢ ﺍﺗﻔﻘﻮﺍ ﻳﻨﺘﻈﺮﻫﺎ ﺗﺘﺨﺮﺝ ﻭﻳﺘﻘﺪﻣﻠﻬﺎ ﻭﻳﺘﺰﻭﺟﻬﺎ
ﻫﺪﻯ .. ﺍﻟﻠﻪ ﻳﺘﻤﻢ ﻋﻠﻴﻬﻢ
.. ﺍﻣﻴﻦ ﻳﺎ ﺭﺏ
ﻣﺮ ﺍﻟﻮﻛﺖ ﻭﻣﺎ ﺣﺴﻴﻨﺎ ﺑﻲ ﻣﻦ ﺍﻟﻮﻧﺴﺔ ﻭﺍﻻﺟﻮﺍﺀ ﺗﺠﻨﻦ
ﺑﺪﻱ ﻣﺎ ﺗﺨﻠﺺ ﺍﻟﺤﻔﻠﺔ
ﻭﺍﻟﻨﺎﺱ ﻛﻠﻬﺎ ﻣﺸﻐﻮﻟﺔ ﻭﺍﻧﻲ ﻛﻞ ﺳﺎﻋﺔ ﺍﺭﻭﺡ ﺍﺧﻤﻄﻠﻲ
ﻛﺮﺯﺍﺕ ﻭﺍﻛﻞ ﻭﻫﻤﺔ ﻭﻻ ﻳﻤﻬﻢ
ﺑﻌﺪﻳﻦ ﻗﺪﻣﻮﺍ ﺍﻟﻌﺸﺎ ﺑﻌﻠﺐ ﺳﻔﺮﻱ
ﻇﻠﻴﺖ ﻓﺎﺗﺤﺔ ﺣﻠﻜﻲ
.. ﻟﺞ ﻫﺎﻟﺔ ﻟﻌﺪ ﻫﺬﺍ ﺍﻻﻛﻞ ﺍﻟﻲ ﻋﺎﻟﻤﻴﺰ ﺷﻨﻮ
ﻫﺎﻟﺔ .. ﻫﺎﻱ ﻣﻘﺒﻼﺕ ﺧﻔﺎﻳﻒ ﺗﺼﺒﻴﺮﺓ
.. ﻫﺎﺍﺍﺍ
ﺿﻤﻴﺖ ﺍﻟﺴﻔﺮﻱ ﻭﺑﺎﻭﻋﺘﻠﻲ ﻓﺎﻃﻤﺔ ﻭﺣﺠﺖ ﻭﻳﺎﻱ
.. ﻟﺞ ﻣﺘﺎﻛﻠﻴﻦ ﻟﻴﺶ ﺿﻤﻴﺘﻴﻪ
ﺿﺤﻜﺖ .. ﻫﻬﻪ ﻣﺴﻮﻳﺔ ﺩﺍﻳﺖ
ﺍﺳﺘﺤﻴﺖ ﺍﻛﻠﻠﻬﺎ ﺍﺭﻳﺪ ﺍﻛﻠﻪ ﻭﻳﺔ ﺧﻮﺍﺗﻲ
ﺭﺣﺖ
ﻇﻠﻴﺖ ﺍﺣﻮﺹ ﺷﻠﻮﻥ ﺍﻻﻛﻞ ﻫﻮﺍﻱ ﺯﺍﺩﻭ ﺣﺮﺍﻣﺎﺕ
ﻫﺎﻱ ﺍﻟﺤﻠﻮﻳﺎﺕ ﻭﺍﻟﻜﻴﻚ ﻳﺒﻘﻰ ﻫﺸﻜﻞ
ﺗﺎﻟﻲ ﻣﺎ ﺍﺳﺘﺤﻤﻠﺖ
ﺍﺧﺬﺕ ﺣﺎﻓﻈﺔ ﻓﺎﻃﻤﺔ ﺍﻟﻔﺎﺭﻏﺔ ﻭﻛﻤﺖ ﻟﻠﺒﻮﻓﻴﻪ
ﻭﺻﺮﺕ ﺍﺧﺬ ﻣﻦ ﻛﻞ ﻧﻮﻉ ﺷﻮﻳﺔ ﺣﺘﻰ ﺍﻭﺩﻳﻪ ﻟﺨﻮﺍﺗﻲ
ﺧﻠﺼﺖ ﺍﻟﺤﻔﻠﺔ ﻭﺍﺟﺔ ﺍﺧﻮ ﻓﺎﻃﻤﺔ ﻋﻠﻴﻨﺎ
ﻭﻭﺻﻠﻨﻮﻧﻲ ﺑﻄﺮﻳﻘﻬﻢ ﻟﺒﻴﺘﻨﺎ
ﺩﺧﻠﺖ ﻟﻠﺒﻴﺖ ﻭﺑﻴﺪﻱ ﺍﻟﻌﻼﻛﺔ ﻫﻬﻬﻬﻬﻬﻬﻪ
ﺷﻜﻠﻲ ﺟﺎﻥ ﻳﺬﻛﺮﻧﻲ ﺑﺎﻟﻔﺮﺍﺷﺔ ﺍﻡ ﺷﺎﻛﺮ ﺑﻌﻴﺪ ﺍﻟﻤﻌﻠﻢ ﻣﻦ ﺗﺠﻤﻊ ﺍﻟﻜﻴﻚ ﻭﺗﺎﺧﺬﻩ ﻟﺒﻴﺘﻬﺎ ﻫﻬﻬﻬﻬﻪ
ﻭﺑﻴﻮﻣﻬﺎ ﺑﺴﻄﻨﺎ ﺍﻧﻲ ﻭﺧﻮﺍﺗﻲ
ﻭﻓﺮﺷﻨﺎ ﺍﻟﺴﻔﺮﺓ ﻭﺣﻄﻴﻨﺎ ﺍﻻﻛﻞ ﻭﻧﺰﻟﻨﺎ ﻋﻠﻴﻪ
ﺍﻛﺲ ﻭﻣﺮﺑﻊ ﺍﺑﺎﻭﻉ ﻟﻀﺤﻰ ﺗﺎﻛﻞ ﻭﺗﻐﻤﺾ ﻋﻴﻮﻧﻬﺎ ﻣﺴﺘﻠﺬﺓ ﺑﺎﻻﻛﻞ
ﺿﺤﻰ .. ﺍﻣﻤﻤﻤﻢ ﻏﻴﺮ ﺍﺧﺮﺏ ﻋﺎﻟﺒﻘﻼﻭﺓ
ﺷﻴﻤﺎﺀ .. ﻟﻌﺪ ﺍﻛﻠﻲ ﻫﺎﻱ ﻣﺎ ﺍﻋﺮﻑ ﺷﻨﻮ ﺍﺳﻤﻬﺎ ﺍﺻﻼً
ﻏﻴﺮ ﺗﻤﻮﺕ
ﻫﺪﻯ .. ﻫﺎﻱ ﻳﺴﻤﻮﻧﻬﺎ ﻛﻨﺎﻓﺔ ﺣﺴﺐ ﻛﻼﻡ ﻫﺎﻟﺔ
ﻭﻛﻌﺪﺕ ﺍﺣﺠﻴﻠﻬﻢ ﻋﻠﻰ ﺍﺟﻮﺍﺀ ﺍﻟﺤﻔﻠﺔ
ﺿﺤﻰ .. ﻟﺞ ﻫﺬﻭﻟﻲ ﻫﻢ ﻋﻴﺎﻟﻲ ﻫﺸﻜﻞ
ﺑﺲ ﺳﻴﻒ ﺷﻜﻠﻪ ﻛﻠﺶ ﻣﻠﺘﺰﻡ
ﻭﻫﻮﺍﻱ ﺣﻄﻠﻲ ﻗﻮﺍﻋﺪ ﻭﻗﻮﺍﻧﻴﻦ ﺑﺒﻴﺖ ﺍﻫﻠﻪ
ﻭﻛﻠﻲ ﺍﻥ ﺷﺎﺀ ﺍﻟﻠﻪ ﻣﻦ ﻧﺘﺰﻭﺝ ﺭﺍﺡ ﺗﺘﻌﻠﻤﻴﻦ
ﻋﻠﻴﺔ ﻭﺗﻌﺮﻓﻴﻦ ﺍﻃﺒﺎﻋﻲ
ﺷﻴﻤﺎﺀ .. ﻫﺬﺍ ﻣﻮ ﺯﻭﺩ ﺣﺮﺻﻪ ﻋﻠﻴﺞ
ﺣﻠﻮ ﺍﻟﺮﺟﺎﻝ ﻣﻦ ﻳﻜﻮﻥ ﺣﺮﻳﺺ ﻋﻠﻰ ﺯﻭﺟﺘﻪ
.. ﺍﻱ ﻫﻮ ﺍﻧﻲ ﻫﻢ ﻛﻠﺖ ﻫﺸﻜﻞ
ﻫﺪﻯ .. ﺍﻱ ﺻﺪﻙ ﺿﺤﻰ
ﺷﻌﺠﺐ ﺳﻴﻒ ﻣﺎ ﺍﺷﺘﺮﺍﻟﺞ ﻧﻘﺎﻝ
ﺣﺘﻰ ﺗﺘﻮﺍﺻﻠﻮﻥ ﺑﻲ ﻭﺗﺤﺠﻮﻥ ﺳﻮﻳﺔ
.. ﻳﻜﻮﻝ ﻣﺎ ﺍﺣﺐ ﺍﻟﻤﺮﻳﺔ ﻳﻜﻮﻥ ﻋﻨﺪﻫﺎ ﻧﻘﺎﻝ
ﻳﻜﻠﻲ ﺍﻧﺎ ﺍﺭﻳﺪﺝ ﺗﺘﻔﺮﻏﻴﻦ ﺑﺲ ﺍﻟﻲ
ﺍﻱ ﺷﻴﻤﺎﺀ ﻣﻮ ﺗﻨﺴﻴﻦ ﺳﻴﻒ ﻛﺎﻝ ﺟﻬﺰ ﻧﻔﺴﺞ ﺍﻧﺘﻲ ﻭﺷﻴﻤﺎﺀ ﺣﺘﻰ ﺑﺎﺟﺮ ﺍﺧﺬﻛﻢ ﺗﺨﺘﺎﺭﻳﻦ ﻏﺮﻓﺔ ﻋﻠﻰ ﺫﻭﻗﺞ
ﺷﻴﻤﺎﺀ .. ﺍﻥ ﺷﺎﺀ ﺍﻟﻠﻪ ﺑﺲ ﻛﻮﻥ ﻭﺭﺓ ﺍﻟﻤﻐﺮﺏ
ﺣﺘﻰ ﺍﻛﻮﻥ ﺭﺍﺟﻌﺔ ﻣﻦ ﺍﻟﺪﻭﺍﻡ ﻭﻣﺮﺗﺎﺣﺔ ﺷﻮﻳﺔ ﻣﻦ ﺭﻛﻀﺔ ﺍﻟﻤﺴﺘﺸﻔﻰ
ﻭﻫﺎﻱ ﻏﺮﻓﺔ ﻳﺤﺘﺎﺟﻠﻬﺎ ﻓﺮﺓ
ﻫﺪﻯ .. ﻋﻮﺩ ﻟﻴﺶ ﻣﺎ ﺗﺎﺧﺬﻭﻧﻲ ﻭﻳﺎﻛﻢ
ﺷﻤﻌﻨﺎ
ﻳﻮﻡ ﺛﺎﻧﻲ ﺍﻟﺼﺒﺢ
ﻛﻌﺪﺕ ﻋﻠﻰ ﺻﻮﺕ ﺳﻠﻴﻤﺔ ﺗﺪﺭﺩﻡ
ﻛﻌﺪﺕ ﺍﻓﺮﻙ ﺑﻌﻴﻮﻧﻲ
ﻭﺩﺧﻠﺖ ﻟﻠﻤﻄﺒﺦ ﺷﻔﺖ ﺿﺤﻰ ﺗﺤﺠﻲ ﻭﻳﺔ ﺳﻠﻴﻤﺔ
.. ﺧﻴﻎ ( ﺧﻴﺮ ) ﺷﺒﻴﻬﺎ ﻓﻴﻐﻮﺯ ( ﻓﻴﺮﻭﺯ ) ﻛﺎﻋﺪﺓ ﻣﻦ ﺍﻟﺼﺒﺢ ﺗﻐﻐﺪ ( ﺗﻐﺮﺩ ) ﻋﻠﻴﻨﺎ
ﺿﺤﻰ ﺑﺼﻮﺕ ﻧﺎﺻﻲ .. ﻫﻬﻬﻬﻬﻪ ﺳﻜﺘﻲ ﺷﺎﻓﺖ ﻣﺨﻠﻔﺎﺕ ﺍﻟﺴﻬﺮﺓ ﺑﺎﻟﺰﺑﻞ ﻭﻛﺎﻣﺖ ﺗﻌﺪ ﻭﺗﺼﻒ ﺗﻜﻮﻝ ﻛﻮﻥ ﺗﺎﻛﻮﻟﻮﻥ ﺳﻢ ﻟﻴﺶ ﻣﺤﺪ ﻛﺎﻟﺖ ﻫﺎﻱ ﺧﻄﻴﺔ ﻟﺒﻴﺒﺘﻲ
ﻓﺴﺘﻘﺎﻳﺔ ﺣﺒﺎﻳﺔ ﻟﻮﺯﺍﻳﺔ
ﻫﻬﻬﻬﻪ
ﻫﺪﻯ .. ﻫﻲ ﻣﻨﻴﻨﻠﻬﺎ ﺍﺳﻨﻮﻥ ﺣﺘﻰ ﺗﺎﻛﻠﻬﻢ
ﻭﻳﻜﻠﻚ ﻟﻴﺶ ﺗﺤﺠﻲ ﻭﺍﻧﺎ ﺣﺎﻟﻔﺔ ﻣﺎ ﺍﺣﺠﻲ ﺑﻌﺪ
ﻟﻠﻈﻬﺮ ﺣﻠﺖ ﺷﻴﻤﺎﺀ ﻣﻦ ﺍﻟﻤﺴﺘﺸﻔﻰ
ﻭﺩﺧﻠﺖ ﻟﻠﻐﺮﻓﺔ ﻭﺻﺎﺣﺘﻨﻲ
.. ﻫﺎ ﺷﻮﻣﺔ
.. ﺭﺍﺋﺪ ﺍﺗﺼﻞ ﻋﻠﻴﺔ ﻭﻛﺎﻝ ﺍﻟﻴﻮﻡ ﺍﻟﻮﺍﻟﺪﺓ ﻭﺍﺧﺘﻲ ﻳﺮﺩﻭﻥ
ﻳﺠﻮﻧﻜﻢ
.. ﺣﻠﻔﻲ
.. ﻭﺭﻭﺡ ﺑﻴﺒﻲ ﺳﻠﻴﻤﺔ ﺍﻟﻤﺎ ﺗﺤﻠﻔﻴﻦ ﺑﻴﻬﺎ ﺟﺬﺏ
ﺍﻟﻴﻮﻡ ﺭﺍﺡ ﻳﺠﻮﻥ ﺣﺘﻰ ﻳﺘﻔﻘﻮﻥ ﻭﻳﺎﻧﺔ ﻋﻠﻰ ﻣﻮﻋﺪ ﺍﻟﺨﻄﻮﺑﺔ ﻭﻣﻦ ﻫﺎﻱ ﺍﻟﺴﻮﺍﻟﻒ
ﺟﺎﻧﺖ ﺷﻴﻤﺎﺀ ﺗﺤﺠﻲ
ﺍﺗﺴﻌﺖ ﻋﻴﻮﻧﻲ ﺑﻔﺮﺣﺔ
ﻭﺧﺪﻭﺩﻱ ﺻﺎﺭﻭﺍ ﻛﻠﻮﺏ ﺍﺣﻤﺮ ﻣﻦ ﺍﻟﺨﺠﻞ
.. ﻓﺪﻳﺖ ﺍﻟﻲ ﻳﺨﺠﻠﻮﻥ ﺗﺮﺓ ﺍﻧﻲ ﺍﺧﺘﺞ ﺷﻴﻤﺎﺀ ﻣﻮ ﺭﺍﺋﺪ
ﻳﺎﻟﻠﻪ ﺭﻭﺣﻲ ﺑﺎﻟﻌﺠﻞ ﻛﻠﻲ ﻟﻀﺤﻰ ﺧﻠﻲ ﺗﺼﺐ ﺍﻟﻐﺪﺓ ﺑﺎﻟﻌﺠﻞ ﺣﺘﻰ ﺗﺠﻬﺰﺝ
.....
ﻫﺪﻯ
ﺷﻮﻣﺔ ﺟﺎﻧﺖ ﺗﺒﺎﻭﻉ ﻋﻠﻴﺔ ﻭﻋﻴﻮﻧﻬﺎ ﺗﻠﻤﻊ ﺑﺎﻟﺪﻣﻮﻉ
ﻭﺿﺤﻰ ﺟﻬﺰﺗﻨﻲ
ﻭﺍﺧﻴﺮﺍً ﺷﻴﻤﺎﺀ ﻗﺒﻠﺖ ﺍﺣﻂ ﻛﺤﻠﺔ ﻭﺣﻤﺮﺓ ﺿﺤﻰ ﺗﺴﻮﻱ ﺷﻌﺮﻱ
ﻭﺍﻧﻲ
ﻛﻮﺓ ﻻﺯﻣﺔ ﻛﻠﺒﻲ ﻻﻳﻄﻴﺮ ﻣﻦ ﺍﻟﻔﺮﺣﺔ
ﻭﺳﻠﻴﻤﺔ ﻛﺎﻣﺖ ﺗﺤﻮﻡ ﻓﻮﻙ ﺭﺍﺱ ﺷﻴﻤﺎﺀ ﻛﻞ ﺷﻮﻳﺔ
ﺗﺴﺄﻝ ﻋﻦ ﺍﻫﻞ ﺭﺍﺋﺪ
ﺳﻠﻴﻤﺔ .. ﻫﺬﻭﻟﻲ ﻣﻨﻴﻦ ﺗﻌﺮﻓﻮﻫﻢ
ﻭﺷﻴﻤﺎﺀ ﻛﻌﺪﺕ ﺗﻔﻬﻤﻬﺎ
.. ﺯﻳﻦ ﻫﻤﺔ ﻭﻳﻦ ﺷﺎﻓﻮﺍ ﺍﻡ ﺣﻠﻚ ﺍﻻﻋﻮﺝ
.. ﺑﻴﺒﻲ ﻣﻮ ﻛﻠﺘﻠﺞ ﺑﻴﺖ ﺍﻟﻤﺨﺘﺎﺭ ﺟﻮﺍﺭﻳﻨﺎ ﻭﺑﺎﺑﺎ ﻳﻌﺮﻓﻬﻢ ﻭﺷﻲ ﺍﻛﻴﺪ
ﻳﻌﺮﻓﻮﻥ ﻫﺪﻯ ﻭﺷﺎﻳﻔﻴﻨﻬﺎ
.. ﺯﻳﻦ ﻫﻤﺔ ﻳﺪﺭﻭﻥ ﺑﺄﺧﺘﺞ ﺑﻜﻌﺔ ؟
ﻟﻮ ﻧﻤﺸﻴﻬﺎ ﻋﻠﻰ ﻋﻤﺎﻫﺎ
ﺷﻴﻤﺎﺀ .. ﺑﻴﺒﻲ ﺷﻨﻮ ﻫﺬﺍ ﺍﻟﺤﺠﻲ
.. ﺍﻱ ﻏﻴﺮ ﺗﻔﻬﻤﻮﻧﻲ ﺷﻨﻮ ﺭﺍﺡ ﺗﻜﻮﻟﻮﻥ ﻟﻠﻨﺎﺱ
ﺣﺘﻰ ﺍﻋﺮﻑ ﺷﻠﻮﻥ ﺍﺣﺠﻲ ﻭﻳﺎﻫﻢ
.. ﻃﺒﻌﺎً ﻧﻜﻠﻠﻬﻢ ﻋﻦ ﻭﺣﻤﺔ ﻫﺪﻯ ﺑﺲ ﻣﻮ ﺑﻬﻴﺞ ﺍﺳﻠﻮﺏ
ﺑﻴﺒﻲ ﻋﻔﻴﺔ ﺧﻠﻴﻨﻲ ﺍﻧﻲ ﺍﺣﺠﻲ ﻭﻳﺎﻫﻢ ﺑﻬﺬﺍ ﺍﻟﻤﻮﺿﻮﻉ
ﺟﻨﺖ ﺍﺑﺎﻭﻉ ﻟﺮﻭﺣﻲ ﺑﺎﻟﻤﺮﺍﻳﺔ ﻭﺍﺳﻤﻊ ﺣﺠﻲ ﺷﻴﻤﺎﺀ ﻭﺳﻠﻴﻤﺔ
ﺣﺠﻴﺖ ﻭﻳﺔ ﺿﺤﻰ
.. ﺍﻛﻠﻜﻢ ﺍﻧﻲ ﻣﻮ ﻛﻠﺖ ﻫﺎﻱ ﺑﻴﻴﺘﻜﻢ
ﺍﺫﺍ ﺍﺟﻮﻧﻲ ﺍﻟﺨﻄﺎﺑﺔ
ﺗﺤﻄﻮﻫﺎ ﺑﻜﻮﻧﻴﺔ ﻭﺗﻀﻤﻮﻫﺎ ﻓﻮﻙ ﺍﻟﺴﻄﺢ
.. ﻫﻬﻪ ﻭﺍﻟﻠﻪ ﻋﻠﻴﺞ ﺍﻓﻜﺎﺭ ﻫﻮ ﺍﺣﻨﺔ ﻣﻦ ﻏﻴﺮ ﻛﻠﺸﻲ ﻣﻤﻔﺘﻜﻴﻦ ﻣﻦ
ﺍﻟﺴﺎﻧﻬﺎ ﻭﻧﻮﺏ ﻧﺤﻄﻬﺎ ﻓﻮﻙ ﺍﻟﺴﻄﺢ
ﻋﻠﻤﻮﺩ ﻳﺠﻲ ﺍﺑﻮﺝ ﻳﻄﺒﻖ ﻋﻠﻴﻨﺎ ﺑﺮ ﺍﻟﻮﺍﻟﺪﻳﻦ ﻳﻢ ﺍﻣﻪ
ﻭﺑﺮﺍﺳﻨﺎ
ﻟﺤﻈﺎﺕ ﻭﺳﻤﻌﻨﺎ ﺻﻮﺕ ﺍﻟﺠﺮﺱ ﻭﻛﻠﺒﻲ ﻛﻤﺰ ﻣﻦ ﻣﻜﺎﻧﻪ
ﺷﻴﻤﺎﺀ ﺭﺍﺣﺖ ﺗﻔﺘﺢ ﺍﻟﺒﺎﺏ ﻭﺿﺤﻰ ﺭﺍﺣﺖ ﺗﺠﻬﺰ ﺻﻴﻨﻴﺔ ﺍﻟﺘﻘﺪﻳﻢ
ﻭﺳﻠﻴﻤﺔ ﺍﺍﺍﺍﺥ ﻳﺎﺳﻠﻴﻤﺔ ﺍﺑﺎﻭﻉ ﻋﻠﻴﻬﺎ ﻣﻦ ﺍﻟﺒﺎﺏ ﺷﻠﻮﻥ ﺗﻌﺪﻝ
ﺑﺸﻴﻠﺘﻬﺎ
ﻫﻬﻬﻬﻪ ﺧﺮﺏ ﻻﻳﻜﻮﻥ ﻋﺒﺎﻟﻬﺎ ﺍﻟﺨﻄﺎﺑﺔ ﺟﺎﻳﻴﻦ ﻋﻠﻴﻬﺎ
ﺍﻧﻌﻞ ﺍﺑﻮ ﺷﻜﻠﺞ
....
ﻋﺪﻟﺖ ﺷﻌﺮﻱ ﻭﺣﻄﻴﺘﻪ ﺻﻔﺢ ﻭﺳﻤﻌﺖ ﺍﺻﻮﺍﺗﻬﻢ ﺩﺧﻠﻮﺍ
ﻳﻤﺔ .. ﻳﻤﺔ .. ﺻﺎﺭﺕ ﺻﺪﻙ ﻭﺍﺟﻮﻱ ﻓﺪﻳﺖ ﻛﻠﺒﻚ
ﻳﺎﻏﺎﺋﺪ ﻃﻠﻊ ﺑﻜﺪ ﻛﻠﻤﺘﻪ
ﺭﺣﺖ ﻳﻢ ﺿﺤﻰ ﺑﺎﻟﻤﻄﺒﺦ
ﺿﺤﻰ .. ﻫﺎﺝ ﻟﺰﻣﻲ ﺍﻟﺼﻴﻨﻴﺔ ﺯﻳﻦ ﻭﺭﻓﻌﻲ ﻇﻬﺮﺝ ﻋﺪﻝ ﻭﻓﺮﺩﻱ
ﺍﻛﺘﺎﻓﺞ ﻭ ﻭﺭﻓﻌﻲ ﺭﺍﺳﺞ ﻭﺍﻧﺘﻲ ﺗﻤﺸﻴﻦ
ﻭﺭﻣﺸﻲ ﺑﻌﻴﻮﻧﺞ ﺣﺘﻰ ﻳﻜﻮﻟﻮﻥ ﻋﻠﻴﺞ ﺩﻣﺞ ﺣﻠﻮ
.. ﻫﻬﻬﻬﻬﻬﻬﻪ ﺍﻛﻮﻝ ﺳﺖ ﺿﺤﺎﻭﻱ ﺷﻨﻮ ﻏﺎﺡ ﺍﻗﺪﻡ ﻋﺎﻟﺘﺠﻨﻴﺪ ﻟﻮ
ﺍﻗﺪﻡ ﺍﻟﻌﺼﻴﻎ ( ﻋﺼﻴﺮ ) ﻟﻠﺨﻄﺎﺑﺔ
.. ﺩﻣﺸﻲ ﻋﻮﺑﺔ ﻣﺎ ﺍﻭﺻﻴﺞ ﻋﻮﺩ ﻫﻤﺎﺗﻴﻦ ﺭﻭﺣﻲ ﺣﺸﺸﻲ ﻳﻢ ﺍﻫﻞ
ﺍﻟﻮﻟﺪ ﺣﺘﻰ ﻳﻄﻔﺮﻭﻥ
ﺩﺧﻠﺖ ﻋﻠﻴﻬﻢ ﻭﺍﻧﻲ ﺷﺎﻳﻠﺔ ﺻﻴﻨﻴﺔ ﺍﻟﻌﺼﻴﺮ
ﻭﻣﺴﻮﻳﺔ ﺭﻭﺣﻲ ﺧﺠﻼﻧﺔ ﻭﻣﺪﻧﻜﺔ
ﻭﺍﻟﻲ ﻳﺸﻮﻓﻨﻲ ﻳﻜﻮﻝ ﺷﻠﻮﻥ ﺑﻨﻴﺔ ﺣﻠﻮﺓ ﺧﺠﻮﻟﺔ ﻛﻴﻮﺕ
ﻭﺭﻓﻌﺖ ﺭﺍﺳﻲ ﻭﺷﻔﺖ ﺍﻡ ﺭﺍﺋﺪ ﻭﺑﻨﺘﻬﺎ ﻛﺎﻋﺪﺍﺕ
ﻭﺣﺪﺓ ﺑﺼﻒ ﺍﻟﺜﺎﻧﻴﺔ ﻟﺰﻙ ﻋﺒﺎﻟﻚ ﺩﺍﺧﻠﻴﻦ ﻋﻠﻰ ﺣﺮﺏ ﻭﺣﺎﺳﺎﺕ
ﺑﺎﻟﺨﻄﺮ
ﻗﺪﻣﺘﻠﻬﻢ ﺍﻟﻌﺼﻴﺮ ﻭﺭﺣﺖ ﺍﺳﻠﻢ ﻋﻠﻴﻬﻢ
ﺍﻡ ﺭﺍﺋﺪ ﺿﻠﺖ ﻛﺎﻋﺪﺓ ﺑﻤﻜﺎﻧﻬﺎ ﻣﻜﺎﻣﺖ ﻭﻛﺎﻟﺖ ﻋﺬﺭﻳﻨﻲ
ﻣﺎ ﺑﻴﺔ ﺍﻛﻮﻡ ﺍﺳﻠﻢ ﺭﺟﻠﻴﺔ ﺗﻮﺟﻌﻨﻲ
ﺟﺎﻭﺑﺘﻬﺎ
.. ﻻ ﻋﺎﺩﻱ ﺧﺎﻟﺔ ﻇﻠﻲ ﻛﺎﻋﺪﺓ ﺑﻤﻜﺎﻧﺞ ﺍﻧﻲ ﺍﺳﻠﻢ ﻋﻠﻴﺞ ﺍﻥ ﺷﺎﺀ ﺍﻟﻠﻪ
ﺳﻠﻤﺖ ﻋﻠﻴﺔ ﻣﻦ ﻭﺭﺓ ﺧﺸﻤﻬﺎ ﻭﺗﻨﻄﻴﻨﻲ ﺑﺲ ﺧﺪﻫﺎ ﻋﺒﺎﻟﻚ ﺷﺎﻣﺔ
ﺭﻳﺤﺔ ﻣﻮ ﻃﻴﺒﺔ
ﻣﻮﻗﻔﻬﺎ ﻛﻠﺶ ﺯﻋﺠﻨﻲ
ﺭﺣﺖ ﻋﻠﻰ ﻟﻴﻠﻰ ﻭﺍﺑﺘﺴﻤﺘﻠﻬﺎ ﻣﺎ ﺍﺑﺘﺴﻤﺖ ﻭﻇﻠﺖ ﺗﺒﺎﻭﻉ ﻋﻠﻴﺔ ﻣﻦ
ﻓﻮﻙ ﻟﻴﺠﻮﺓ ﺑﻨﻈﺮﺍﺕ ﻛﻠﻬﺎ ﺗﻜﺒﺮ ﻭﻏﺮﻭﺭ
ﻭﻛﻔﺖ ﻳﻤﻬﺎ ﻭﻛﺎﻣﺖ ﻣﻦ ﻣﻜﺎﻧﻬﺎ ﺑﺘﺜﺎﻗﻞ ﻋﻠﻰ ﻛﻴﻒ
ﻭﺳﻠﻤﺖ ﻋﻠﻴﺔ ﻧﻔﺲ ﻃﺮﻳﻘﺔ ﺳﻼﻡ ﺍﻣﻬﺎ ﺑﻜﻞ ﺑﺮﻭﺩ
ﺍﺷﻜﺪ ﺷﺎﻳﻔﺔ ﺣﻘﺎﺭﺓ ﺑﺲ ﻣﺜﻞ ﺣﻘﺎﺭﺓ ﻫﺬﻭﻟﻲ ﺍﻟﺜﻨﻴﻦ ﻣﺸﻔﺖ
ﻳﻤﺘﻠﻜﻮﻥ ﻛﻤﻴﺔ ﺳﻤﻮﻡ ﻛﺴﺮﻭﺍ ﻋﻠﻰ ﺳﻢ ﺍﻟﺤﻴﺔ
ﻋﺮﻓﺖ ﻗﺒﻞ ﻻ ﻳﺤﺠﻮﻥ ﺍﻥ ﺍﻟﻤﻮﺿﻮﻉ ﻣﺎ ﺭﺍﺡ ﻳﻌﺪﻱ ﻋﻠﻰ ﺧﻴﺮ
ﺑﻌﺪﻫﺎ ﺭﺣﺖ ﻛﻌﺪﺕ ﻳﻢ ﺷﻴﻤﺎﺀ
ﺍﺑﺎﻭﻉ ﻟﻨﻈﺮﺍﺗﻬﻢ ﺷﻠﻮﻥ ﻳﺒﺎﻭﻋﻮﻥ ﻋﺎﻟﻤﻜﺎﻥ
ﺑﺘﻘﺰﺯ ﻭﻧﻔﻮﺭ
ﺳﻠﻴﻤﺔ .. ﻳﺎ ﻫﻼ ﺯﺍﺭﺗﻨﺎ ﺍﻟﺒﺮﻛﺔ ﻭﻧﻮﺭﺗﻮﻧﺎ
ﺍﺑﺎﻭﻉ ﻟﺴﻠﻴﻤﺔ ﻛﻌﺪﺕ ﺗﺰﺣﻒ ﻋﻠﻴﻬﻢ
......
ﺧﻄﻴﺔ ﺟﻨﺎ ﻛﻠﻤﻦ ﻫﻤﻪ ﺷﻜﻞ
ﻭﺍﻧﻲ ﺍﺭﻳﺪ ﺗﻌﺪﻱ ﺍﻟﻤﻮﺍﺟﻬﺔ ﻋﻠﻰ ﺧﻴﺮ ﻭﺳﻠﻴﻤﺔ ﺗﺮﻳﺪ ﺗﺰﻭﺟﻨﺎ ﻭﺗﺮﺗﺎﺡ
ﻣﻦ ﻋﺪﻧﺎ
ﻭﺷﻴﻤﺎﺀ ﺗﺮﻳﺪ ﺗﻔﺮﺡ ﺑﻴﻨﺎ ﻭﺗﺒﻠﻎ ﺍﻻﻣﺎﻧﺔ
ﺍﻡ ﺭﺍﺋﺪ .. ﻫﻼ ﺑﻴﺞ ﺣﺠﻴﺔ
ﺑﺎﻟﺤﻘﻴﻘﺔ ﺍﻧﻲ ﺍﻟﻴﻮﻡ ﺍﺟﻴﺖ ﻣﺜﻠﻤﺎ ﺗﻌﺮﻓﻮﻥ
ﺣﺘﻰ ﺍﺗﻔﻖ ﻭﻳﺎﻛﻢ
ﻋﻠﻤﻮﺩ ﻣﻮﻋﺪ ﺧﻄﻮﺑﺔ ﺭﺍﺋﺪ ﺍﻟﻤﻔﺮﻭﺿﺔ ﻋﻠﻴﻨﺎ
ﺷﻴﻤﺎﺀ .. ﺷﻨﻮ !!!!
.. ﺑﺎﻟﺤﻘﻴﻘﺔ ﺭﺍﺋﺪ ﺍﺟﺒﺮﻧﺎ ﺣﺘﻰ ﻧﺠﻲ ﻟﻬﻨﺎ ﻋﻠﻤﻮﺩ ﻧﺘﻔﻖ ﻭﻳﺎﻛﻢ ﻋﻠﻰ
ﻳﻮﻡ ﻟﻠﺨﻄﻮﺑﺔ
ﺑﺲ ﺍﻧﻲ ﺣﺒﻴﺖ ﻗﺒﻞ ﻻ ﺍﻓﻮﺕ ﺑﺴﺎﻟﻔﺔ ﺍﻟﺨﻄﻮﺑﺔ
ﺍﻭﺿﺤﻠﻜﻢ ﻣﻮﻗﻔﻨﺎ ﺍﻧﻲ ﻭﺍﺑﻮﻩ ﻣﻦ ﺳﺎﻟﻔﺔ ﺍﻟﺨﻄﻮﺑﺔ
ﺍﻧﻲ ﻭﺍﺑﻮﻩ ﺭﺍﻓﻀﻴﻦ ﺍﺧﺘﻴﺎﺭﻩ ﺑﺲ ﻏﺼﺐ ﻋﻨﺎ ﻭﺍﻓﻘﻨﺎ
ﺣﺘﻰ ﻻ ﻧﺨﺴﺮ ﺍﺑﻨﺎ
ﺳﻤﻌﺖ ﺻﻮﺕ ﺷﻬﻜﺔ ﺳﻠﻴﻤﺔ
.. ﻋﺰﺓ ﺍﻟﻌﺰﺍﺝ ﻳﺎﺳﻠﻴﻤﺔ ﻳﻌﻨﻲ ﺷﻨﻮ ﺟﺎﻳﻴﻦ ﻣﺠﺒﻮﺭﻳﻦ
ﻫﻲ ﺗﺤﺠﻲ ﻭﺍﻧﻲ ﺍﺣﺲ ﺭﺍﺡ ﺍﻧﻔﺠﺮ ﻛﻮﺓ ﻟﺰﻣﺖ ﺭﻭﺣﻲ ﻻ ﺍﻫﺪ ﺑﻴﻬﻢ
ﺳﺤﺒﺖ ﻧﻔﺲ ﻋﻤﻴﻖ ﻭﺻﺮﺕ ﺍﺻﺒﺮ ﺑﺮﻭﺣﻲ
ﻫﺪﻯ ﺻﻠﻲ ﻋﺎﻟﻨﺒﻲ ﻭﻛﻮﻟﻲ ﻳﺎﻟﻠﻪ ﻣﺎ ﻋﻠﻴﺞ ﺑﻴﻬﻦ
ﻣﻘﻬﻮﺭﺍﺕ ﻣﻨﺞ ﻻﻥ ﺭﺍﺋﺪ ﺍﺧﺘﺎﺭﺝ ﺍﻟﺞ
ﻭﻟﺨﺎﻃﺮ ﺭﺍﺋﺪ ﺭﺍﺡ ﺍﺳﻜﺖ ﻭﺍﺗﺤﻤﻠﻬﻦ
.. ﺍﻱ ﺍﺟﻴﺖ ﻣﺠﺒﻮﺭﺓ ﻻﻥ ﺍﺑﻨﻲ ﺍﺗﻌﺎﺭﻙ ﻭﻳﺎﻧﺔ ﺍﻧﻲ ﻭﺍﺑﻮﻩ ﻭﻃﻠﻊ ﻣﻦ
ﺍﻟﺒﻴﺖ ﺯﻋﻼﻥ ﻻﻥ ﺭﻓﻀﻨﺔ ﻧﺨﻄﺒﻠﻪ ﻫﺪﻯ
ﺳﻠﻴﻤﺔ .. ﻟﻴﺶ ﻋﻴﻨﻲ ﻭﺷﺒﻴﻬﺎ ﺑﺘﻨﺎ
ﺣﺘﻰ ﺗﺮﻓﻀﻮﻧﻬﺎ
ﺷﻴﻤﺎﺀ .. ﺑﻴﺒﻲ ﻟﺤﻈﺔ
ﻭﺍﻟﺘﻔﺘﺖ ﻋﻠﻰ ﺍﻡ ﺭﺍﺋﺪ .. ﻣﻤﻜﻦ ﺗﻮﺿﺤﻴﻦ ﻛﻼﻣﺞ ﺍﻛﺜﺮ
ﺍﺷﻮ ﺭﺍﺋﺪ ﻛﻠﻲ ﺍﻫﻠﻲ ﺟﺎﻳﻴﻦ ﻳﺘﻔﻘﻮﻥ ﻭﻳﺎﻛﻢ ﻋﻠﻰ ﺍﻟﺨﻄﻮﺑﺔ
ﻭﻣﺎ ﺍﺩﺭﻱ ﺑﻴﻨﻜﻢ ﺍﻛﻮ ﺍﺷﻜﺎﻝ ﺍﻭ ﺍﻛﻮ ﺍﻋﺘﺮﺍﺽ ﻣﻦ ﺟﺎﻧﺒﻜﻢ ﻋﻠﻰ
ﺍﺧﺘﻲ
.. ﺧﻠﻴﻨﻲ ﺍﻛﻠﺞ ﺍﻳﺎﻫﺎ ﻣﻦ ﺍﻻﺧﻴﺮ
ﺍﺑﻨﻲ ﻳﺤﺐ ﺍﺧﺘﺞ ﻭﻣﺠﻨﻮﻥ ﺑﻴﻬﺎ ﻭﺍﻟﻴﺤﺐ ﻣﺜﻠﻤﺎ ﺗﻌﺮﻓﻴﻦ ﺍﻋﻤﻰ ﻣﺎ
ﻳﺸﻮﻑ ﻋﻴﻮﺏ ﺍﻟﺤﺒﻴﺐ
ﺣﺘﻰ ﻟﻮ ﺷﺎﻓﻬﻢ ﻛﺪﺍﻣﻪ ﺭﺍﺡ ﻳﺠﺬﺏ ﻋﻴﻮﻧﻪ
ﻭﺍﺣﻨﺎ ﻫﺬﺍ ﺍﻟﺰﻭﺍﺝ ﻣﻴﺼﺮﻓﻠﻨﺎ
ﻻ ﺍﻧﺘﻮﺍ ﻣﻦ ﻧﻔﺲ ﻣﺴﺘﻮﺍﻧﺎ ﻭﻻ ﺍﺧﺘﺞ ﺻﺎﻟﺤﺔ ﻟﻠﺰﻭﺍﺝ
ﺣﺘﻰ ﺍﺧﺬﻫﺎ ﻻﺑﻨﻲ
ﺷﻴﻤﺎﺀ ﺍﻧﺨﻄﻒ ﻟﻮﻧﻬﺎ .. ﺷﻨﻮﻗﺼﺪﺝ ؟؟
.. ﻟﺘﺴﻮﻳﻦ ﺭﻭﺣﺞ ﻣﺘﻌﺮﻓﻴﻦ ﺷﻨﻮ ﻗﺼﺪﻱ
ﺷﻨﻮ ﻧﺴﻴﺘﻲ ﻭﺣﻤﺘﻬﺎ ﺍﻟﻲ ﺑﺠﺴﻤﻬﺎ ﻻ ﻋﺒﺎﻟﺞ ﻣﺎ ﻋﻨﺪﻱ ﻋﻠﻢ ﺑﻴﻬﺎ
.....
ﺗﺮﺓ ﺍﻧﻲ ﺟﺎﺭﺗﻜﻢ ﻣﻦ ﺟﻨﺘﻮﺍ ﺍﻧﺘﻮﺍ ﺻﻐﺎﺭ ﻭﺍﻣﻜﻢ ﺟﺎﻧﺖ ﻣﻦ ﺗﺠﻲ
ﻟﺒﻴﺘﻨﺎ ﺩﺍﺋﻤﺎ ﺗﺠﻴﺐ ﻫﺪﻯ ﻭﻳﺎﻫﺎ
.. ﻭﻳﻦ ﺍﻟﺮﺑﻂ ﺑﺎﻟﺴﺎﻟﻔﺔ
.. ﺗﺮﺓ ﺍﻧﻲ ﺷﺎﻳﻔﺔ ﺍﻟﻮﺣﻤﺔ ﺍﻟﻲ ﺑﺠﺴﻢ ﻫﺪﻯ
ﻓﺄﻧﻲ ﺍﺗﻔﻘﺖ ﻭﻳﺔ ﺭﺍﺋﺪ ﺍﻥ ﺍﺣﺠﻲ ﻭﻳﺎﺝ ﺣﺘﻰ ﺗﺮﺍﻭﻳﻨﻲ
ﺟﺴﻤﺞ ﺍﺷﻮﻓﻬﺎ
ﻭﺍﺗﻮﻗﻊ ﺍﻥ ﻫﺬﺍ ﺍﻟﺤﺠﻲ ﻣﺎ ﻳﺰﻋﻞ ﺍﺣﺪ
ﺷﻴﻤﺎﺀ .. ﺍﻟﻌﻔﻮ ﺍﻧﺘﻲ ﺷﻨﻮ ﺟﺎﻳﺔ ﺗﻬﻴﻨﻴﻨﺎ ﺑﺒﻴﺘﻨﺎ ﻟﻮ ﺟﺎﻳﺔ
ﺗﺨﻄﺒﻴﻦ
ﺍﺷﻮ ﻣﻦ ﺩﺧﻠﺘﻲ ﻟﺤﺪ ﻫﺴﺔ ﻣﺤﺠﻴﺘﻲ ﻛﻠﻤﺔ ﺑﺮﺍﺳﻬﺎ ﺧﻴﺮ ﺗﺪﻝ ﻋﻠﻰ
ﺍﻻﺻﻮﻝ
ﺗﺮﺓ ﺍﻧﺘﻮﺍ ﺍﻻﺟﻴﺘﻮﺍ ﻭﺩﻛﻴﺘﻮﺍ ﺑﺎﺑﻨﺎ ﺍﺣﻨﺔ ﻣﺎ ﺩﺍﺯﻳﻦ ﻋﻠﻴﻜﻢ
ﻭﺍﺧﺘﻲ ﺑﻌﺪﻫﺎ ﺻﻐﻴﺮﺓ
ﻣﺎ ﻣﺴﺘﻌﺠﻠﻴﻦ ﻋﻠﻰ ﺯﻭﺍﺟﻬﺎ
ﺍﺑﺎﻭﻉ ﻟﺸﻴﻤﺎﺀ ﻣﺎ ﺍﻧﻄﺖ ﻣﺠﺎﻝ ﻻﻡ ﺭﺍﺋﺪ ﺗﻜﻤﻞ ﻛﻼﻣﻬﺎ ﻭﺭﻓﻌﺖ
ﻧﻘﺎﻟﻬﺎ ﻭﺩﺍﺳﺖ ﻋﻠﻰ ﺭﻗﻢ ﺭﺍﺋﺪ ﺍﺗﺼﺎﻝ
ﺍﺑﺎﻭﻉ ﻋﻠﻰ ﺍﻳﺪﻳﻬﺎ ﺷﻠﻮﻥ ﺗﺮﺟﻒ ﻣﻦ ﺍﻟﻌﺼﺒﻴﺔ
ﺍﻣﺎ ﺍﻧﻲ ﻣﻦ ﺑﻌﺪ ﺍﻟﻜﻼﻡ ﺍﻟﺴﻤﻌﺘﻪ ﺣﺴﻴﺖ ﺑﺮﻭﺣﻲ ﻫﻮﻳﺖ ﺑﻮﺍﺩﻱ
ﺳﺤﻴﻖ ﻋﻤﻴﻖ ﺍﻇﻠﻢ
ﻭﺍﺣﺘﺎﺝ ﺍﻧﻌﺰﻝ ﺑﻤﻜﺎﻥ ﻟﻮﺣﺪﻱ ﺣﺘﻰ ﺍﻛﻌﺪ ﺍﻟﻌﻖ ﺟﺮﻭﺣﻲ ﻟﺤﺎﻟﻲ
ﺟﺎﻧﺖ ﻣﻌﺎﻟﻢ ﻭﺟﻬﻲ ﺟﺎﻣﺪﺓ ﻣﺜﻞ ﺍﻟﺼﺨﺮ ﻣﺎ ﺗﺪﻝ ﻋﻠﻰ ﺍﻱ ﺷﻲ
ﺍﻧﺘﺒﻬﺖ ﻣﻦ ﺗﻔﻜﻴﺮﻱ ﻋﻠﻰ ﺻﻮﺕ ﺷﻴﻤﺎﺀ
.. ﺍﻟﻮ ﺭﺍﺋﺪ
ﺍﻧﺘﺒﻬﺖ ﻟﻠﻴﻠﻰ ﺷﻠﻮﻥ ﻛﻤﺰﺕ ﻣﻦ ﺳﻤﻌﺖ ﺑﺄﺳﻢ ﺭﺍﺋﺪ
ﻭﻛﻌﺪﺕ ﺗﺤﺠﻲ ﻭﻳﺔ ﺍﻣﻬﺎ ﺑﺼﻮﺕ ﻧﺎﺻﻲ
ﺷﻴﻤﺎﺀ .. ﺍﻛﻮﻝ ﺭﺍﺋﺪ ﻣﻤﻜﻦ ﺍﻋﺮﻑ ﺷﻨﻮ ﻣﻌﻨﺎﻫﺎ
ﺗﺠﻴﺐ ﺍﻣﻚ ﻟﺒﻴﺘﻨﺎ ﻏﺼﺐ ﻋﻨﻬﺎ ﻭﺗﻜﻌﺪ ﺗﻬﻴﻨﺎ
ﺍﺫﺍ ﺍﻧﺖ ﺗﻌﺮﻑ ﺑﺄﻫﻠﻚ ﺭﺍﻓﻀﻴﻦ ﺷﻜﻮ ﺟﺎﻳﺒﻬﻢ ﻭﺟﺎﻱ
ﻟﺒﺘﻨﺎ
ﺳﻜﺘﺖ ﺷﻴﻤﺎﺀ ﺗﺴﻤﻊ ﻛﻼﻡ ﺭﺍﺋﺪ ﺑﺎﻟﻄﺮﻑ ﺍﻟﻤﻘﺎﺑﻞ
ﺟﺎﻧﺖ ﺗﺴﺘﻤﻊ ﻭﺗﺘﻨﻔﺲ ﺑﻐﻀﺐ
ﻭﺍﻧﻲ ﺍﻟﺠﻤﻮﺩ ﻛﺎﻥ ﻋﻨﻮﺍﻧﻲ ﺑﻬﺎﻱ ﺍﻟﻠﺤﻈﺔ ﺑﺲ ﺍﺑﺎﻭﻉ ﺑﻌﻴﻮﻧﻲ
ﻭﺍﺳﻤﻌﻬﻢ
ﺍﻧﺘﺒﻬﺖ ﻟﻀﺤﻰ ﺗﻔﺮﻙ ﺑﻴﺪﻫﺎ ﻭﺗﻬﺪﻱ ﺑﺴﻠﻴﻤﺔ ﺍﻟﻲ
ﻛﻞ ﺷﻮﻳﺔ ﺗﻜﻮﻡ ﺗﺮﻳﺪ ﺗﻬﺪ ﻋﻠﻴﻬﻢ
ﺷﻴﻤﺎﺀ .. ﺣﺘﻰ ﻟﻮ ﻛﺎﻥ ﻫﺬﺍ ﻗﺮﺍﺭﻙ ﻭﺣﻴﺎﺗﻚ ﻭﺍﻧﺖ ﺣﺮ ﺑﻴﻬﺎ ﻛﺎﻥ
ﺍﻟﻤﻔﺮﻭﺽ ﺗﺘﺄﻛﺪ ﻣﻦ ﺍﻫﻠﻚ ﻭﻣﻦ ﻗﻨﺎﻋﺘﻬﻢ ﺑﺎﻟﻤﻮﺿﻮﻉ
ﻭﻣﺎ ﺗﻌﺮﺿﻨﺎ ﻟﻬﻴﺞ ﻣﻮﻗﻒ ﻣﺤﺮﺝ
.....
ﻭﻋﻠﻰ ﻓﻜﺮﺓ ﺭﺍﺋﺪ ﺍﻛﻮ ﺷﻐﻠﺔ ﺍﻧﺖ ﻣﺘﻌﺮﻓﻬﺎ ﺑﻬﺪﻯ
ﻻﺯﻡ ﺍﻛﻠﻚ ﻋﻠﻴﻬﺎ ﺣﺘﻰ ﺍﺑﻄﻞ ﺍﻟﺤﺠﺔ ﻭﻣﺎ ﺗﻜﻮﻝ ﻣﺎ ﻛﻠﺘﻮﺍ
ﻫﺪﻯ ﻋﻨﺪﻫﺎ ﻭﺣﻤﺔ ﺳﻮﺩﺓ ﺑﺠﺴﻤﻬﺎ
.. ﻣﻴﺨﺎﻟﻒ ﺣﺘﻰ ﻟﻮ ﺗﺪﺭﻱ ﺑﻴﻬﺎ ﻭﻗﺎﺑﻞ ﻭﻣﻘﺘﻨﻊ
ﻫﺬﺍ ﺍﻟﺸﻲ ﺭﺍﺟﻌﻠﻚ ﺍﻫﻢ ﺷﻲ ﺍﺣﻨﺎ ﺑﺮﺭﻧﺎ ﻣﻮﻗﻔﻨﺎ ﻭﻭﺿﺤﻨﺎﻟﻜﻢ
ﻛﻠﺸﻲ ﺣﺘﻰ ﻻ ﺗﻜﻮﻟﻮﻥ ﺧﺪﻋﺘﻮﻧﺎ
ﺍﺗﻐﻴﺮ ﻣﻌﺎﻟﻢ ﻭﺟﻪ ﺷﻴﻤﺎﺀ
.. ﺗﺴﻠﻢ ﺭﺍﺋﺪ ﻫﺎﻱ ﻣﻦ ﺍﺧﻼﻗﻚ
ﻫﻮ ﺍﻧﻲ ﻟﻴﺶ ﺳﻜﺘﺖ ﻭﻣﺠﺎﻭﺑﺖ ﺍﻟﻮﺍﻟﺪﺓ
ﻻﻥ ﺍﺩﺭﻱ ﺑﻴﻚ ﺍﻧﺖ ﺷﻨﻮ ﻭﺍﻋﺮﻑ ﺍﺧﻼﻗﻚ
ﻭﻟﺨﺎﻃﺮﻙ ﺳﻜﺘﺖ
ﺳﻠﻤﺖ ﻋﻠﻴﻪ ﻭﻧﻬﺖ ﺍﻻﺗﺼﺎﻝ ﻭﺑﺎﻭﻋﺖ ﻋﻠﻰ ﺍﻡ ﺭﺍﺋﺪ
ﺍﻡ ﺭﺍﺋﺪ ﺑﻌﺼﺒﻴﺔ ﻣﺮﺗﺒﻜﺔ .. ﻟﻴﺶ ﺍﺗﺼﻠﺘﻲ ﻋﻠﻰ ﺭﺍﺋﺪ
ﺟﺎﻥ ﺣﺠﻴﺘﻲ ﻭﻳﺎﻱ ﺍﻧﻲ ﻣﻮ ﺍﻣﻪ ﻋﻠﻰ ﺷﻨﻮ ﺭﺣﺘﻲ ﺭﻛﻀﺘﻲ
ﻋﻠﻴﻪ ﺗﺸﺘﻜﻴﻦ
.. ﺍﻧﻲ ﻣﺎ ﺩﺍﺷﺘﻜﻴﻠﻪ ﺍﻧﺘﻲ ﺍﺗﺠﺎﻭﺯﺗﻲ ﻋﻠﻴﻨﺎ ﻭﺍﻧﻲ
ﺍﺧﻼﻗﻲ ﻣﺘﺴﻤﺤﻠﻲ ﺍﺗﺠﺎﻭﺯ ﻭﺍﻛﻌﺪ ﺍﺻﻴﺢ
ﻋﻠﻰ ﻣﺮﻳﺔ ﺟﺒﻴﺮﺓ ﺑﻜﺪ ﺍﻣﻲ ﻭﺍﻻﺻﻮﻝ ﺗﻜﻮﻝ
ﻣﺎﺩﺍﻣﻜﻢ ﺑﺒﺘﻨﺎ ﺿﻴﻮﻑ ﻓﺄﺣﺘﺮﺍﻣﻜﻢ ﻭﺍﺣﺐ
ﻟﺬﻟﻚ ﺍﺗﺼﻠﺖ ﻋﻠﻰ ﺻﺎﺣﺐ ﺍﻟﺸﺄﻥ ﻭﺣﺠﻴﺖ ﻭﻳﺎﻩ
ﺣﺘﻰ
ﻻ ﺗﺼﻴﺮ ﺣﺠﺎﻳﺔ ﻣﻨﺞ ﻭﺣﺠﺎﻳﺔ ﻣﻨﻲ ﻭﺗﻜﺒﺮ ﺍﻟﻤﺸﻜﻠﺔ
ﻭﺑﻌﺪﻫﺎ ﻳﺼﻴﺮ ﺍﻟﺤﻖ ﻋﻠﻴﺔ ﻭﻋﻠﻰ ﺍﺧﺘﻲ
.. ﺍﻱ ﺑﺲ ﺍﻧﺘﻲ ﻣﺎ ﺍﻧﻄﻴﺘﻨﺎ ﻓﺮﺻﺔ ﻧﻜﻤﻞ
ﺗﺮﺓ ﺍﻧﻲ ﺩﺍ ﺍﻛﻮﻝ ﺍﺣﻨﺎ ﺭﺍﺡ ﻧﺨﻄﺐ ﺍﺧﺘﻜﻢ
ﻭﺍﻧﺘﻲ ﻗﺎﻃﻌﺘﻴﻨﻲ
.. ﺑﺮﺑﺞ ﺧﺎﻟﺔ ﺻﺪﻙ ﺗﺤﺠﻴﻦ ﻟﻮ ﻫﺴﺔ ﻏﻴﺮﺗﻲ ﺍﻗﻮﺍﻟﺞ
ﻻﻥ ﺍﺗﺼﻠﺖ ﻋﻠﻰ ﺭﺍﺋﺪ ﻭﺣﺠﻴﺖ ﻭﻳﺎﻩ
ﺍﺑﺎﻭﻉ ﻟﻮﺟﻪ ﺍﻡ ﺭﺍﺋﺪ ﺷﻠﻮﻥ ﺍﻧﺒﻬﺖ ﻟﻮﻧﻪ
ﻣﺘﻮﻗﻌﺖ ﺷﻴﻤﺎﺀ ﻓﻬﻤﺖ ﻗﺼﺪﻫﺎ ﻭﻏﺎﻳﺘﻬﺎ ﻣﻦ ﺍﻻﺳﺘﻔﺰﺍﺯ
ﺷﻜﻠﻬﺎ ﺟﺎﻳﺔ ﻭﻧﺎﻭﻳﺔ ﺍﻥ ﺗﺤﺠﻲ ﻭﻳﺎﻧﺎ ﻭﺗﺘﻔﻖ
ﺑﺪﻭﻥ ﻣﺎ ﻳﺪﺭﻱ ﺭﺍﺋﺪ ﺑﺎﻟﻜﻼﻡ ﺍﻟﺪﺍﺭ ﺑﻴﻨﺎ ﻭﺑﻴﻨﻬﺎ
ﻫﺬﻭﻟﻲ ﺷﻨﻮ ﻣﻦ ﻧﺎﺱ
ﻭﺑﻬﺎﻱ ﺍﻻﺛﻨﺎﺀ ﺩﻙ ﻧﻘﺎﻝ ﺍﻡ ﺭﺍﺋﺪ
ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﻛﻌﺪﺕ ﺗﺒﻠﻌﻢ
ﺭﺩﺕ ﻋﻠﻴﻪ
ﻭﺳﻜﺘﺖ ﺍﻟﻈﺎﻫﺮ ﺭﺍﺋﺪ ﺩﻳﺤﺠﻲ ﺑﻌﺼﺒﻴﺔ
ﻻﻥ ﺍﺳﻤﻌﻬﺎ ﺗﻜﻠﻪ
.. ﺍﻭﻛﻒ ﺑﺲ ﺧﻠﻲ ﺍﻓﻬﻤﻚ
ﺑﺲ ﺍﻧﻄﻴﻨﻲ ﻣﺠﺎﻝ
ﺷﻜﻠﻪ ﻣﺎ ﺍﻧﻄﺎﻫﺎ ﻣﺠﺎﻝ ﺗﺤﺠﻲ ﺧﻄﻴﺔ ﻇﻠﺖ ﺍﺗﻤﺘﻤﺖ
.. ﻻﻫﻤﺔ ﻓﻬﻤﻮﺍ ﺍﻟﺴﺎﻟﻔﺔ ﻏﻠﻂ
ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﺷﻜﻬﺖ ﻭﺿﺮﺑﺖ ﻭﺟﻬﺎ ﻋﻠﻰ ﻛﻴﻔﻬﺎ
.....
ﻳﺎﻟﻠﻪ .. ﻳﺎﻟﻠﻪ ﻫﻴﺎﺗﻨﺎ ﻃﺎﻟﻌﻴﻦ ﺑﺲ ﻻﺗﻌﺼﺐ
ﺳﺪﺕ ﺍﻟﻨﻘﺎﻝ ﻭﺣﺠﺖ ﻭﻳﺔ ﺑﻨﺘﻬﺎ ﺑﻌﺼﺒﻴﺔ ﺗﻨﺘﺮ
.. ﻛﻮﻣﻲ ﺍﻣﺸﻲ ﺍﺧﻮﺝ ﻳﻨﺘﻈﺮﻧﺎ ﺑﺎﻟﺒﺎﺏ
ﺑﺎﻭﻋﺖ ﻟﺸﻴﻤﺎﺀ
.. ﻫﺴﺔ ﺍﺭﺗﺎﺣﻴﺘﻲ ﻣﻦ ﺷﻌﻠﺘﻴﻬﺎ
ﺣﺴﺒﻲ ﺍﻟﻠﻪ ﻋﻠﻴﺞ ﺍﻧﺘﻲ ﻭﺍﺧﺘﺞ ﺍﻟﻤﺸﻮﻫﺔ
ﺍﺟﺘﻲ ﻛﻠﻤﺘﻬﺎ ﻣﺜﻞ ﺍﻟﺴﺎﻃﻮﺭ ﻋﻠﻰ ﺭﺍﺳﻲ ﻭﻗﺴﻤﺘﻪ ﻧﺼﻴﻦ
ﺣﺴﻴﺖ ﺍﻟﺪﻡ ﺭﺍﺡ ﻣﻦ ﻭﺟﻬﻲ ﻭﺍﻧﺨﻤﺶ ﻛﻠﺒﻲ
ﻣﻦ ﺫﻛﺮﺕ ﺳﺎﻟﻔﺔ ﺍﻟﻮﺣﻤﺔ ﺍﺑﺪ ﻭﺍﻟﻠﻪ ﻣﺎ ﺍﺟﺘﻲ ﻋﻠﻰ ﺑﺎﻟﻲ
ﻭﻻ ﺑﻴﻮﻡ ﻓﻜﺮﺕ ﺑﻴﻬﺎ ﺗﻜﻮﻥ ﺣﺎﺟﺰ ﺑﻴﻨﻲ ﻭﺑﻴﻦ ﺭﺍﺋﺪ
ﻋﻔﺖ ﺷﻴﻤﺎﺀ ﺭﺍﺣﺖ ﻭﺭﺍﻫﻢ ﺣﺘﻰ ﺗﺴﺪ ﺍﻟﺒﺎﺏ
ﻭﻛﻤﺖ ﻣﻦ ﻳﻢ ﺿﺤﻰ ﺳﻠﻴﻤﺔ ﻭﻣﺸﻴﺖ
ﺍﺳﻤﻊ ﺳﻠﻴﻤﺔ ﺗﺤﺠﻲ
.. ﺍﺍﺍﺍﺍﺍﺥ ﻭﺍﻧﺎ ﺻﺎﺭﻟﻲ ﺳﺎﻋﺔ ﻛﻮﺓ ﻻﺯﻣﺔ ﺍﻟﺴﺎﻧﻲ
ﻻ ﻳﻔﻠﺖ ﻭﺍﺻﻴﺤﻬﺎ ﺍﻟﺒﻜﻌﺔ
ﺗﺎﻟﻲ ﻃﻠﻌﺖ ﺑﺖ ﺑﻠﻴﺲ ﺗﺪﺭﻱ ﻋﻨﻬﺎ
ﻃﻠﻌﺖ ﻣﻦ ﻳﻤﻬﻢ ﻭﺩﺧﻠﺖ ﻟﻠﻐﺮﻓﺔ ﻭﺳﺪﻳﺖ ﺍﻟﺒﺎﺏ ﻋﻠﻴﺔ
ﺟﻨﺖ ﺍﺗﺤﺮﻙ ﻣﺜﻞ ﺍﻟﻤﺨﺪﺭﺓ
ﺻﺮﺕ ﺍﻧﺰﻉ ﺑﻤﻼﺑﺴﻲ ﺑﺪﻭﻥ ﺷﻌﻮﺭ
ﺑﻌﺪﻣﺎ ﻧﺰﻋﺘﻬﻢ ﻛﻠﻬﻢ ﻇﻠﻴﺖ ﺑﻄﺮﻙ ﺍﻟﻤﻼﺑﺲ ﺍﻟﺪﺍﺧﻠﻴﺔ ﺭﺣﺖ ﻭﻛﻔﺖ
ﻛﺪﺍﻡ ﺍﻟﻤﺮﺍﻳﺔ ﺍﺑﺎﻭﻉ ﻟﺠﺴﻤﻲ
ﺍﻧﻲ ﺍﻋﺮﻑ ﺟﺴﻤﻲ ﻭﻣﺘﻌﻮﺩﺓ ﻋﺎﻟﻮﺣﻤﺔ ﺟﺰﺀ ﻣﻦ ﺟﺴﻤﻲ
ﺑﺲ ﺍﻭﻝ ﻣﺮﺓ ﺑﺤﻴﺎﺗﻲ ﺍﺑﺎﻭﻉ ﻟﻠﻮﺣﻤﺔ ﺑﻨﻈﺮﺓ . ﺗﻘﺰﺯ
ﺍﻱ ﻓﻌﻼً ﺷﻜﻠﻬﺎ ﻏﻠﻂ ﻣﻨﻮ ﺭﺍﺡ ﻳﻘﺒﻞ ﻳﺘﺰﻭﺝ
ﻭﺣﺪﺓ ﺟﺴﻤﻬﺎ ﻫﺸﻜﻞ
ﺳﻠﻴﻤﺔ ﺟﺎﻧﺖ ﺩﺍﺋﻤﺎ ﺗﻌﻴﺮﻧﻲ ﺑﺎﻟﺒﻜﻌﺔ ﺑﺲ ﻣﺠﻨﺖ ﺍﻫﺘﻢ
ﻟﻜﻼﻣﻬﺎ ﺑﺲ ﺍﻟﻴﻮﻡ ﻋﺮﻓﺖ ﺷﻨﻮ ﻣﻌﻨﻰ ﻛﻼﻣﻬﺎ
ﻇﻠﻴﺖ ﺍﺑﺎﻭﻉ ﻟﺠﺴﻤﻲ ﻭﺍﺗﻤﻌﻦ ﺑﺎﻟﻮﺣﻤﺔ
ﻟﻔﺘﺮﺓ ﻭﻛﺄﻧﻤﺎ ﺍﺗﺄﻣﻞ ﺗﺨﺘﻔﻲ ﻣﻦ ﺍﻃﻴﻞ ﺍﻟﻨﻈﺮ ﺑﻴﻬﺎ
ﻏﻤﻀﺖ ﻋﻴﻮﻧﻲ ﻭﺳﺤﺒﺖ ﻧﻔﺲ ﻋﻤﻴﻖ
ﺍﻧﻔﺘﺢ ﺍﻟﺒﺎﺏ ﻭﺩﺧﻠﺖ ﺷﻴﻤﺎﺀ
ﺷﺎﻓﺘﻨﻲ ﻧﺎﺯﻋﺔ ﻣﻼﺑﺴﻲ ﺑﺎﻭﻋﺘﻠﻲ ﺑﺸﻚ
ﻋﺮﻓﺖ ﻣﻌﻨﻰ ﻧﻈﺮﺗﻬﺎ
ﺟﺎﻭﺑﺘﻬﺎ ﺑﺪﻭﻥ ﻣﺘﺴﺄﻟﻨﻲ
.. ﺟﻨﺖ ﺍﺭﻳﺪ ﺍﻏﻴﺮ ﻣﻼﺑﺴﻲ
ﺭﺣﺖ ﻟﻠﻜﻨﺘﻮﺭ ﻭﻃﻠﻌﺘﻠﻲ ﺗﺮﺍﻙ
ﻭﺻﺮﺕ ﺍﻟﺒﺲ ﻛﺪﺍﻣﻬﺎ ﺑﺲ ﺟﻨﺖ ﻣﺴﺘﺤﻴﺔ
ﻣﺎ ﺍﻋﺮﻑ ﻟﻴﺶ
ﺷﻴﻤﺎﺀ .. ﻫﺪﻯ ﺭﺍﺋﺪ ﺍﺗﺼﻞ ﻋﻠﻴﺔ ﻭﺣﺠﺔ ﻭﻳﺎﻱ ﻗﺒﻞ ﺷﻮﻳﺔ
ﻭﻛﻌﺪ ﻳﻌﺘﺬﺭ ﻣﻦ ﺍﻟﻲ ﺻﺎﺭ
ﻭﻛﺎﻝ ﺍﻭﻋﺪﻛﻢ ﺍﻟﺼﺎﺭ ﻣﺎ ﻳﺘﻜﺮﺭ
.....
ﻭﺍﻧﻲ ﻛﻠﺘﻪ .. ﺭﺍﺋﺪ ﺍﺷﻮﻓﻬﺎ ﺻﻌﺒﺔ ﺗﺘﺰﻭﺝ ﺑﺪﻭﻥ ﺭﺿﻰ ﺍﻫﻠﻚ ﻟﻴﺶ ﻣﺎ
ﺗﺘﺮﻳﺚ ﺷﻮﻳﺔ ﻣﻨﺎ ﻟﺤﺪ ﻣﺎ ﺗﺒﺮﺩ ﺍﻟﻜﻠﻮﺏ
ﻭﺗﻘﻨﻌﻬﻢ
ﺟﺎﻭﺑﻨﻲ .. ﺷﻴﻤﺎﺀ ﻫﺬﻭﻟﻲ ﺍﻫﻠﻲ ﻭﺍﻧﺎ ﺍﻋﺮﻓﻬﻢ ﻣﺎ ﺭﺍﺡ ﻳﺘﻐﻴﺮ
ﻣﻮﻗﻔﻬﻢ ﺍﻟﻲ ﺑﺮﺍﺳﻬﻢ ﻳﺴﻮﻧﻪ ﻭﻧﺎﺳﻴﻦ ﺍﻧﺎ ﻛﺒﺮﺕ
ﻭﺍﻟﻲ ﻛﻠﻤﺘﻲ ﻭﺣﺮ ﺑﺄﺧﺘﻴﺎﺭﻱ
.. ﺑﺲ ﺍﻣﻚ ﻫﻢ ﺣﻘﻬﺎ ﻫﻲ ﺗﺮﻳﺪﻟﻚ ﺑﻨﻴﺔ ﻛﺎﻣﻠﺔ
ﻭﺍﺧﺘﻲ ﺗﻌﺘﺒﺮ ﻣﻮﻛﺎﻣﻠﺔ ﺣﺴﺐ ﻛﻼﻡ ﺍﻟﻨﺎﺱ
.. ﺷﻴﻤﺎﺀ ﺍﻧﺘﻲ ﺷﻜﺎﻋﺪ ﺗﺤﺠﻴﻦ
ﻟﺞ ﻫﺎﻱ ﻫﺪﻯ ﺑﻨﻴﺘﻲ ﺭﺑﻴﺘﻬﺎ ﻋﻠﻰ ﺍﻳﺪﻱ
ﻭﺟﻨﺖ ﺍﻧﺘﻈﺮﻫﺎ ﺗﻜﺒﺮ ﻛﺒﺎﻝ ﻋﻴﻨﻲ ﺟﻨﺖ ﺍﺣﻤﻴﻬﺎ ﺣﺘﻰ ﻣﻦ
ﻧﻔﺴﻲ ﻣﻦ ﺗﻬﻮﺍﻫﺎ
ﻋﻦ ﻳﺎ ﻋﻴﺐ ﺗﺤﺠﻴﻦ ﺍﻧﺎ ﻣﺎﺣﺒﻴﺖ ﻫﺪﻯ ﻋﻠﻤﻮﺩ ﺟﺴﻤﻬﺎ
ﺍﻧﺎ ﺣﺒﻴﺘﻬﺎ ﻟﺮﻭﺣﻬﺎ
ﻭﺍﺫﺍ ﺟﺎﻥ ﻋﻦ ﺍﻫﻠﻲ ﻓﻤﺎ ﻋﻠﻴﻜﻢ ﺑﻴﻬﻢ
ﻭﺍﻧﺎ ﻛﺎﻳﻠﻠﻬﻢ
ﻫﺎﻱ ﺣﻴﺎﺗﻲ ﻭﺍﻧﺎ ﺣﺮ ﺑﻴﻬﺎ ﻣﺤﺪ ﺍﻟﻪ ﺣﻖ ﻳﺘﺪﺧﻞ ﺑﻴﻬﺎ
ﺑﺲ ﻛﻞ ﺍﻟﻲ ﺍﺭﻳﺪﻩ ﻣﻨﻜﻢ ﺗﺴﺎﻋﺪﻳﻨﻲ ﺍﻧﺘﻲ ﻭﻫﺪﻯ
ﺗﻮﻛﻔﻮﻥ ﻭﻳﺎﻱ ﻭﻣﺎﻟﻜﻢ ﻏﺮﺽ ﺑﺎﻟﺒﺎﻗﻲ
ﺷﻴﻤﺎﺀ .. ﻭﺍﻟﻠﻪ ﻳﺎ ﺭﺍﺋﺪ ﻣﺎ ﺍﻋﺮﻑ ﺷﻨﻮ ﺍﻛﻠﻚ ﺍﻧﺖ ﺫﻫﺐ
ﻭﺍﻟﻤﺜﻠﻚ ﺻﻌﺐ ﻧﺨﺴﺮﻩ
ﺑﺲ ﻳﺒﻘﻰ ﺍﻟﺮﺃﻱ ﺍﻻﻭﻝ ﻭﺍﻻﺧﻴﺮ ﻟﺼﺎﺣﺒﺔ ﺍﻟﺸﺄﻥ ﻫﺪﻯ
.. ﺯﻳﻦ ﺍﻛﺪﺭ ﺍﺣﺠﻲ ﻭﻳﺎﻫﺎ ﺑﺲ ﺍﻓﻬﻤﻬﺎ ﻋﺎﻟﻤﻮﺿﻮﻉ
.. ﺑﺎﻟﺤﻘﻴﻘﺔ ﻫﺪﻯ ﺑﻌﺪﻣﺎ ﺳﻤﻌﺖ ﻛﻼﻡ ﺍﻟﻮﺍﻟﺪﺓ
ﺩﺧﻠﺖ ﻟﻠﻐﺮﻓﺔ ﻭﺳﺪﺕ ﺍﻟﺒﺎﺏ ﻋﻠﻰ ﺭﻭﺣﻬﺎ
ﻭﺍﻧﻲ ﻛﻠﺖ ﺧﻠﻴﻬﺎ ﻟﻮﺣﺪﻫﺎ ﺍﺣﺴﻦ
ﺟﺎﻧﺖ ﺷﻴﻤﺎﺀ ﺗﺤﺠﻲ ﻭﺍﻧﻲ
ﻛﻠﺒﻲ ﻳﻨﺰﻑ
ﺷﻴﻤﺎﺀ .. ﻫﺴﺔ ﺷﻨﻮ ﺭﺃﻳﺞ
ﺗﺮﺓ ﻫﻮ ﻣﻨﺘﻈﺮ ﻣﻨﻲ ﺍﺗﺼﻞ ﻋﻠﻴﻪ ﺣﺘﻰ ﻳﺤﺠﻲ ﻭﻳﺎﺝ
ﺑﺠﻴﺖ ﺣﺴﻴﺖ ﺍﺗﺤﺎﺻﺮﺕ ﺑﺰﺍﻭﻳﺔ
.. ﺷﻴﻤﺎﺀ ﻣﺎ ﺍﻛﺪﻍ ﺍﺣﺠﻲ ﻭﻳﺎﻩ
ﻣﺎ ﻣﺴﺘﻌﺪﺓ ﺍﻭﺟﻪ ﺍﻱ ﻭﺍﺣﺪ
ﺑﻬﺎﻱ ﺍﻟﻠﺤﻈﺔ ﻭﺧﺼﻮﺻﺎً ﻏﺎﺋﺪ
ﺍﺳﺘﺤﻲ ﻣﺎﻋﻨﺪﻱ ﻭﺟﻪ ﺍﺣﺠﻲ ﻭﻳﺎﻩ
ﻭﺍﻧﻲ ﺍﻋﻐﻒ ( ﺍﻋﺮﻑ ) ﻋﻨﺪﻱ ﻋﻴﺐ ﻳﻤﻜﻦ ﻳﺠﺎﻣﻠﻨﻲ ﻭﻳﻜﻮﻟﻲ
ﺍﺗﺰﻭﺟﺞ
ﺑﺲ ﺍﺧﺎﻑ ﻣﻦ ﻳﺘﺰﻭﺟﻨﻲ ﻭﻳﺸﻮﻓﻬﺎ ﻭﻳﻨﺼﺪﻡ
ﻭﺗﺎﻟﻲ ﻳﺘﻨﺪﻡ
.. ﻣﺎ ﺭﺍﺡ ﺍﺧﺬ ﺑﻬﺬﺍ ﻛﻼﻣﺞ
ﺍﺩﺭﻱ ﺑﻴﺞ ﺩﺗﺤﺠﻴﻦ ﻫﺬﺍ ﺍﻟﺤﺠﻲ ﻻﻥ ﺳﻤﻌﺘﻲ ﻛﻼﻡ ﺍﻡ ﺭﺍﺋﺪ
ﻭﺍﻧﺘﻲ ﻫﺴﺔ ﻣﻘﻬﻮﺭﺓ
ﺩﻙ ﻧﻘﺎﻝ ﺷﻴﻤﺎﺀ ﺷﺎﻓﺖ ﺍﻟﻤﺘﺼﻞ ﻭﺑﺎﻭﻋﺖ ﻋﻠﻴﺔ
....
ﻫﺴﺔ ﺍﻓﺘﻬﻢ ﻣﻦ ﻛﻼﻣﺞ ﻣﺮﺍﺡ ﺗﻜﺪﺭﻳﻦ ﺗﺤﺠﻴﻦ ﻭﻳﺔ ﺭﺍﺋﺪ
ﻣﻮ؟؟؟
ﻫﺰﻳﺖ ﺭﺍﺳﻲ ﺑﻤﻌﻨﻰ ﻻ ﻣﺎﺍﻛﺪﺭ ﻭﺩﻣﻮﻋﻲ ﻧﺰﻟﺖ
ﺩﺍﺭﺕ ﻭﺟﻬﺎ ﻭﻃﻠﻌﺖ ﻣﻦ ﺍﻟﻐﺮﻓﺔ ﻭﺭﺩﺕ ﻋﺎﻟﻨﻘﺎﻝ
ﻭﺟﺎﻥ ﺭﺍﺋﺪ ﻫﻮ ﺍﻟﻤﺘﺼﻞ ﻋﻠﻴﻬﺎ
ﻭﺑﻴﻮﻣﻬﺎ ﺩﺧﻞ ﺍﻟﺒﻴﺖ ﺑﺤﺎﻟﺔ ﻫﺪﻭﺀ ﻭﺣﺘﻰ ﺳﻠﻴﻤﺔ
ﺻﺎﺭﺕ ﻫﺎﺩﺋﺔ ﻣﻦ ﺑﻌﺪ ﺍﻟﺼﺎﺭ ﻭﻻ ﻧﻄﻘﺖ ﺑﺤﺮﻑ ﺑﺨﺼﻮﺹ
ﺍﻟﻤﻮﺿﻮﻉ
ﻭﺭﺓ ﺍﻟﻤﻐﺮﺏ ﺍﺟﺔ ﺳﻴﻒ ﺧﻄﻴﺐ ﺿﺤﻰ ﻭﺷﻬﺪ ﻭﺍﺧﺬﻭﺍ ﺿﺤﻰ ﻭ
ﺷﻴﻤﺎﺀ ﻭﺭﺍﺣﻮﺍ ﻋﻠﻤﻮﺩ ﻳﺸﺘﺮﻭﻥ ﻏﺮﻓﺔ ﻋﻠﻰ ﺫﻭﻕ ﺿﺤﻰ ﻭﻣﻨﺎﻙ
ﻳﺎﺧﺬﻫﻢ ﻳﻌﺸﻴﻬﻢ ﺑﺮﺓ
ﺿﺤﻰ ﻛﺎﻟﺖ ﺗﻌﺎﻟﻲ ﻭﻳﺎﻧﺔ ﻏﻴﺮﻱ ﺟﻮ ﺑﺲ ﺍﻧﻲ ﺭﻓﻀﺖ
ﻻﻥ ﻻ ﺍﻟﻨﻔﺴﻴﺔ ﻭﻻ ﺍﻟﺮﻓﻘﺔ ﺗﺴﺎﻋﺪ ﺍﻃﻠﻊ ﻣﻦ ﺍﻟﺒﻴﺖ
ﻟﻠﻴﻞ ﺍﻭﺟﺔ ﺑﺎﺑﺎ ﻭﺳﻮﻳﺘﻠﻪ ﻋﺸﺎ ﻭﺟﻬﻪ ﺿﻌﻔﺎﻥ ﻭﺍﺳﻮﺩ
ﻣﺎ ﺍﻋﺮﻑ ﺷﺒﻲ ﻭﺑﺲ ﻳﻔﺮﻙ ﺑﺮﺍﺳﻪ
ﻣﺎ ﺳﺄﻟﺘﻪ ﺭﺣﺖ ﺻﺒﻴﺖ ﺍﻟﻌﺸﺎ ﺍﻟﻪ ﻭﻟﺴﻠﻴﻤﺔ
ﻭﺭﺣﺖ ﻭﺩﻳﺘﻪ ﺍﻟﻬﻢ ﺑﺎﻟﻄﺎﺭﻣﺔ ﻛﺎﻋﺪﻳﻦ
ﻟﻜﻴﺘﻪ ﻣﺘﻤﺪﺩ ﺑﺤﺾ ﺳﻠﻴﻤﺔ ﻭﻫﻲ ﺗﻘﺮﺓ ﻋﻠﻰ ﺭﺍﺳﻪ
ﺷﻜﺪ ﺍﺗﻤﻨﻴﺖ ﻭﺟﻮﺩ ﺍﻣﻲ ﺑﻬﺎﻱ ﺍﻟﻠﺤﻈﺔ
ﻳﻤﻜﻦ ﻟﻮ ﺍﻣﻲ ﻋﺎﻳﺸﺔ ﻣﺎ ﺭﺍﺡ ﺗﺨﻠﻴﻨﻲ ﺍﺗﻌﺮﺽ ﻟﻬﻴﺞ ﺍﻫﺎﻧﺔ
ﺣﻄﻴﺖ ﺍﻟﺼﻴﻨﻴﺔ ﻳﻤﻬﻢ ﻭﺭﺩﺕ ﺍﺩﺧﻞ ﺟﻮﺓ ﻟﻠﺒﻴﺖ
ﺳﻠﻴﻤﺔ .. ﻣﺎ ﺗﺘﻌﺸﻴﻦ ﻭﻳﺎﻧﺎ ؟؟
.. ﺍﺗﻌﺸﻮﺍ ﺍﻧﺘﻮﺍ ﺍﻧﻲ ﻣﺎ ﺍﺷﺘﻬﻲ
.. ﻣﻮ ﻣﻦ ﺍﺧﻼﻗﺞ ﺗﺰﻋﻠﻴﻦ ﻋﻠﻰ ﺑﻄﻨﺞ
ﺩﺗﻌﺎﻱ ﺍﻛﻠﻲ ﻭﺧﻠﻴﺞ ﺻﻠﻔﺔ ﻣﺜﻠﻤﺎ ﺗﺴﻮﻳﻦ ﻭﻳﺎﻱ
ﻭﻛﺤﺔ ﻋﻴﻦ ﻭﻣﺎ ﺗﻨﻜﺴﺮﻳﻦ
ﺍﺳﻤﻊ ﻛﻼﻣﻬﺎ ﻣﺎ ﺍﻋﺮﻑ ﻫﺎﻱ ﺟﺎﻱ ﺗﺬﻣﻨﻲ ﻟﻮ ﺗﺮﻳﺪ ﺗﻘﻮﻳﻨﻲ ﻋﻠﻰ ﺍﻟﻲ
ﺻﺎﺭ
ﻳﺎﻟﻠﻪ ﺍﺗﻌﻮﺩﺕ ﻋﻠﻴﻬﺎ ﻋﻠﻰ ﺍﻻﻗﻞ ﺳﻠﻴﻤﺔ ﻋﺬﺭﻫﺎ ﻭﻳﺎﻫﺎ ﻣﻦ
ﺍﺗﺮﺯﻝ ﺑﻴﻨﺎ ﻣﺮﻳﺔ ﺟﺒﻴﺮﺓ ﻣﺨﺮﻓﺔ
ﺑﺎﺑﺎ ﺳﺄﻟﻬﺎ
.. ﻟﻴﺶ ﺷﺒﻴﻬﺎ ﻫﺪﻯ ﻋﻠﻰ ﺷﻨﻮ ﺯﻋﻼﻧﺔ
ﻭﻛﻌﺪﺕ ﺳﻠﻴﻤﺔ ﺗﺤﺠﻲ ﻷﺑﻮﻱ ﻋﻦ ﺑﻴﺖ ﺍﻫﻞ ﺭﺍﺋﺪ
ﻭﺷﻨﻮ ﺳﻮﺕ ﺍﻣﻬﻢ
.. ﻫﻮ ﻫﺬﺍ ﺍﻟﺠﻨﺖ ﺧﺎﻳﻒ ﻣﻨﺔ ﻭﺷﺎﻳﻞ ﻫﻤﺔ
ﻋﺮﻓﺖ ﺑﻬﺪﻯ ﻣﻦ ﺩﻭﻥ ﺧﻮﺍﺗﻬﺎ ﻣﺎ ﺭﺍﺡ ﺗﺘﺰﻭﺝ
ﺍﻻ ﻳﻨﺸﻞ ﺣﺎﻟﻲ ﻭﺣﺎﻝ ﺍﻟﺨﻠﻔﻮﻧﻲ
......
ﺩﺭﺕ ﻭﺟﻬﻲ ﻭﺩﺧﻠﺖ ﺟﻮﺓ ﻟﻠﺒﻴﺖ ﻣﺎ ﺍﺗﺤﻤﻠﺖ
ﺍﺳﻤﻊ ﺍﻛﺜﺮ
ﺍﺫﺍ ﺟﺎﻥ ﺍﺑﻮﻳﺔ ﻫﻴﺞ ﻳﺤﺠﻲ ﻟﻌﺪ ﻣﻌﺬﻭﺭﺓ ﺍﻡ ﺭﺍﺋﺪ
ﻭﺍﺑﻮﻩ ﻣﻦ ﻳﺮﻓﻀﻮﻧﻲ
ﻟﻠﻴﻞ ﺍﺟﻮﻱ ﺍﻟﺒﻨﺎﺕ ﺟﺎﻧﻮﺍ ﻣﺤﻤﻠﻴﻦ ﻋﻼﻟﻴﻚ ﻏﺮﺍﺽ
ﻭﺿﺤﻰ ﻭﺟﻬﻬﺎ ﻣﻨﻮﺭ ﻣﻦ ﺍﻟﻔﺮﺣﺔ ﻳﺎﺭﺑﻲ ﻳﺪﻭﻣﻬﺎ ﻋﻠﻴﻬﺎ
ﺑﺲ ﻟﻔﺖ ﺍﻧﺘﺒﺎﻫﻲ ﻭﺟﻪ ﺷﻴﻤﺎﺀ ﺍﻟﻲ ﻛﺎﻥ ﺍﺻﻔﺮ
ﻭﻣﺒﻴﻦ ﻋﻠﻴﻬﺎ ﻛﻠﺶ ﻋﺼﺒﻴﺔ
ﺳﺄﻟﺖ ﺿﺤﻰ
.. ﺍﻛﻮﻝ ﺿﺤﻰ ﺷﺒﻴﻬﺎ ﺷﻮﻣﺔ ﺻﺎﺭ ﺷﻲ ﻭﻳﺎﻛﻢ
ﺟﺎﻭﺑﺘﻨﻲ ﺿﺤﻰ ﻭﻫﻲ ﺗﻄﻠﻊ ﺑﺎﻟﻐﺮﺍﺽ ﻣﻦ ﺍﻟﻌﻼﻟﻴﻚ
.. ﻭﺍﻟﻠﻪ ﻣﺎ ﺍﻋﺮﻑ ﺷﺒﻴﻬﺎ ﺟﻨﺎ ﻧﻔﺘﺮ ﻋﻠﻰ ﺣﺐ ﺍﻟﻠﻪ
ﺑﻤﻌﺎﺭﺽ ﺍﻻﺛﺎﺙ ﻭﺍﻟﺘﻬﻴﻨﺎ ﻣﻦ ﻏﺮﻓﺔ ﻟﻐﺮﻓﺔ
ﺍﺷﻮ ﻫﺎﻱ ﻋﻠﻰ ﻏﻔﻠﺔ ﺍﺗﺒﺪﻝ ﻭﺟﻬﻬﺎ ﻭﻛﻞ ﺷﻮﻳﺔ ﻛﺎﻟﺖ ﻳﺎﻟﻠﻪ ﺧﻠﻲ
ﻧﺮﺟﻊ
ﻭﺍﻟﻠﻪ ﺧﻄﻴﺔ ﺣﺘﻰ ﺷﻬﺪ ﻭﺳﻴﻒ ﺍﺳﺘﻐﺮﺑﻮﺍ
ﻣﻮﻗﻔﻬﺎ
ﺑﺎﻭﻋﺖ ﻋﻠﻴﻬﺎ ﻃﻠﻌﺘﻠﻬﺎ ﻣﻼﺑﺲ ﻭﺭﻛﻌﺖ ﺍﻟﻜﻨﺘﻮﺭ ﺑﻌﺼﺒﻴﺔ ﻭﻛﻌﺪﺕ
ﺗﻨﺎﻓﺦ
ﻭﺭﺍﺣﺖ ﺩﺧﻠﺖ ﻟﻠﺤﻤﺎﻡ
ﺿﺤﻰ ﺍﺗﻤﻐﻄﺖ ﺑﺘﻌﺐ .. ﺍﺥ ﻳﻤﺔ ﻇﻬﺮﻱ ﻭﺭﺟﻠﻴﺔ
ﻳﻮﺟﻌﻮﻧﻲ ﻣﻦ ﺍﻟﻔﺮﺓ ﺗﻌﺎﻟﻲ ﺩﻟﻜﻴﻨﻲ
.. ﺷﻮﻑ ﻫﺎﻱ ﺍﻟﻌﻮﺑﺔ ﻣﺼﺪﻛﺔ ﻏﻮﺣﻬﺎ ﺍﺩﻟﻜﻬﺎ ﺑﻌﺪ
ﻓﺪ ﻣﻐﺔ ( ﻣﺮﺓ ) ﻣﺘﻐﺪﻳﻦ ( ﻣﺘﺮﺩﻳﻦ ) ﺍﺳﻮﻳﻠﺞ ﻣﺴﺎﺝ ﻋﺎﻟﻮﺍﻫﺲ
ﺑﺎﻟﻄﺸﺖ ﻻﻥ ﻣﺎﻋﺪﻧﺎ ﺟﺎﻛﻮﺯﻱ
ﺩﺧﻠﺖ ﺷﻴﻤﺎﺀ ﻟﻠﻐﺮﻓﺔ ﻭﺣﻄﺖ ﻓﺮﺍﺷﻬﺎ ﻭﺍﺗﻤﺪﺩﺕ ﻭﺣﻄﺖ ﺍﻟﻤﺨﺪﺓ
ﻋﻠﻰ ﺭﺍﺳﻬﺎ ﻭﻛﺎﻟﺖ
ﺑﻨﺎﺕ ﻋﻔﻴﺔ ﻃﻔﻮﺍ ﺍﻟﻀﻮﺓ ﺍﺭﻳﺪ ﺍﻧﺎﻡ ﺑﺎﺟﺮ ﻭﺭﺍﻱ ﺩﻭﺍﻡ
ﺿﺤﻰ .. ﺍﻧﻲ ﻋﻨﻲ ﺟﻮﻋﺎﻧﺔ ﺭﺍﻳﺤﺔ ﺍﻛﻞ ﻻﻥ ﺍﺳﺘﺤﻴﺖ ﺍﻛﻞ ﻭﻳﺔ ﺳﻴﻒ
ﺭﺍﺣﺖ ﻃﻠﻌﺖ ﺑﺮﺓ
ﻭﺍﻧﻲ ﻓﺮﺷﺖ ﻓﺮﺍﺷﻲ ﺑﺼﻒ ﺷﻮﻣﺔ
ﻭﻃﻔﻴﺖ ﺍﻟﻀﻮﺓ ﻭﻧﻤﺖ ﻳﻤﻬﺎ
ﺟﺎﻧﺖ ﺗﻨﺎﻓﺦ ﺣﺠﻴﺖ ﺑﺼﻮﺕ ﻧﺎﺻﻲ
.. ﺷﻮﻣﺔ ﺣﺒﻴﺒﺘﻲ ﺷﺒﻴﺞ ﻟﻴﺶ ﺿﺎﻳﺠﺔ
.. ﻫﺪﻯ ﻣﺎ ﺑﻴﺔ ﺷﻲ ﻋﻮﻓﻴﻨﻲ ﺍﺭﻳﺪ ﺍﻧﺎﻡ
.. ﺍﻛﻮﻭﻭﻭﻭﻭﻭﻝ ﺷﻮﻭﻭﻭﻭﻭﻣﺔ ﺣﺒﻴﺒﺘﻴﻴﻴﻴﻴﻲ
.. ﺍﻫﻮﻭﻭﻭﻭﻭﻭ ﺍﺷﺘﻐﻠﺖ ﻫﺪﻯ
ﺷﺘﺮﺩﻳﻦ
.. ﻛﻠﻴﻠﻲ ﺷﺒﻴﺞ ﺿﺎﻳﺠﺔ ﺷﻜﻠﺞ ﻣﺎ ﻋﺠﺒﻨﻲ ﻣﻦ ﻏﺠﻌﺘﻲ
ﺻﺎﻳﻎ ( ﺻﺎﻳﺮ ) ﺷﻲ
.. ﺍﻭﻭﻭﻑ ﻳﺎﻫﺪﻯ ﺧﻠﻴﻨﻲ ﺑﻀﻴﻤﻲ ﺷﺤﺠﻲ ﻭﺷﻜﻮﻝ
ﺍﻟﻴﻮﻡ ﺍﻧﺼﺪﻣﺖ ﺻﺪﻣﺔ ﻋﻤﺮﻱ ﻭﺍﻧﺤﻄﻴﺖ ﺑﻤﻮﻗﻒ
ﻛﻠﺶ ﺻﻌﺐ
.....
ﺷﻨﻮ
.. ﻟﺞ ﻫﺬﺍ ﺍﻟﺤﻘﻴﺮ ﺍﻟﻨﻜﺲ ﺳﻴﻒ ﺧﻄﻴﺐ ﺿﺤﻰ
ﺍﻟﻴﻮﻡ ﻭﺍﺣﻨﺎ ﻃﺎﻟﻌﻴﻦ ﺑﺎﻟﺴﻴﺎﺭﺓ ﺍﻧﺘﺒﻬﺘﻠﻪ ﻋﺪﻝ ﺍﻟﻤﺮﺍﻳﺔ
ﻭﺣﻄﻬﺎ ﻋﻠﻴﺔ
ﻭﺻﺎﺭ ﻳﺒﺎﻭﻋﻠﻲ ﻣﻦ ﺟﻮﺓ ﻟﺠﻮﺓ ﻭﻛﻠﺖ ﻫﺎﻱ ﺻﺪﻓﺔ
ﻭﺍﻟﺠﺎﺋﺰ ﺍﻧﻲ ﻣﺘﻮﻫﻤﺔ ﺧﺎﻑ ﺩﻳﺒﺎﻭﻉ ﻋﻠﻰ ﺿﺤﻰ ﺍﻧﻲ ﻋﺒﺎﻟﻲ ﻋﻠﻴﺔ
ﻭﺑﻌﺪﻫﺎ ﻧﺰﻟﻨﺎ ﻟﻤﻌﺎﺭﺽ ﺍﻻﺛﺎﺙ ﻭﺍﺑﺎﻭﻉ ﻋﻠﻴﻪ
ﻣﻴﺴﺄﻝ ﺿﺤﻰ ﻋﻦ ﺍﻟﻐﺮﻓﺔ
ﻛﻞ ﺷﻮﻳﺔ ﻳﺠﻲ ﻳﻮﻛﻒ ﻳﻤﻲ ﻭﻳﻜﻠﻲ
.. ﺷﻨﻮ ﺭﺃﻳﺞ ﺑﻬﺎﻱ ﺍﻟﻐﺮﻓﺔ
ﻭﺍﻧﻲ ﻛﺒﻞ ﺍﺻﻴﺢ ﻟﻀﺤﻰ ﻭﺍﻛﻠﻠﻬﺎ ﻫﺎ ﺷﻨﻮ ﺭﺃﻳﺞ
ﻭﻫﻲ ﺑﺎﻭﻋﺘﻠﻲ ﻭﻛﺎﻟﺖ .. ﺍﻧﺘﻲ ﺷﻨﻮ ﺗﻜﻮﻟﻴﻦ
ﻛﻠﺘﻠﻬﺎ ﻣﻌﺠﺒﺘﻨﻲ ﺍﻛﻮ ﺑﻌﺪ ﺍﺣﻠﻰ ﻭﻋﻤﻠﻴﺔ ﺍﻛﺜﺮ
ﺻﺎﺡ ﻟﺼﺤﺎﺏ ﺍﻟﻤﻌﺮﺽ ﻭﻛﻠﻪ
.. ﺍﺭﻳﺪ ﻏﺮﻓﺔ ﻓﺨﻤﺔ ﻣﺎﻣﻌﺮﻭﺿﺔ ﻭﺍﻫﻢ ﺷﻲ ﺍﺭﻳﺪ
ﺍﻟﺴﺮﻳﺮ ﻗﻮﻱ ﻭﻳﺎﺭﻳﺖ ﺑﻲ ﻣﺮﺍﻳﺎﺕ
ﺟﺎﻥ ﻳﺤﺠﻲ ﻭﻳﺒﺎﻭﻉ ﻋﻠﻴﺔ
ﻫﺪﻯ ﻧﺮﻓﺰﻧﻲ ﺑﻨﻈﺮﺍﺕ ﻋﻴﻮﻧﻪ ﺍﻛﻠﺘﻨﻲ ﺍﻛﻞ
ﻫﺪﻯ .. ﺍﺩﺑﺴﺰﺯ ﻋﻤﺔ ﺑﻌﻴﻮﻧﻪ ﺍﻥ ﺷﺎﺀ ﺍﻟﻠﻪ
.. ﻫﺪﻯ ﻣﻮ ﻫﻨﺎ ﺍﻟﻤﺼﻴﺒﺔ
ﺍﻟﻤﺼﻴﺒﺔ ﻫﻮ ﻫﺎﻱ ﻣﻮ ﺍﻭﻝ ﻣﺮﺓ . ﻳﺴﻮﻱ ﻭﻳﺎﻱ ﻫﻴﺞ ﺣﺮﻛﺎﺕ
ﺑﺲ ﻫﺎﻱ ﺍﻟﻤﺮﺓ ﺍﺗﻌﺪﺓ ﺣﺪﻭﺩﻩ ﻭﺍﻓﺘﻬﻢ ﺳﻜﻮﺗﻲ ﻋﻼﻣﺔ ﺭﺿﻰ
.. ﻟﻴﺶ ﺷﺴﻮﺓ ﻫﺎﻟﻤﺮﺓ
ﺟﻨﺎ ﺩﻧﺘﻤﺸﻰ ﺑﻴﻦ ﺍﻟﻐﺮﻑ ﺍﻟﻤﻌﺮﻭﺿﺔ ﺑﺪﺍﺧﻞ ﺍﻟﻤﻌﺮﺽ
ﺍﺳﺘﻐﻞ ﺍﻧﺸﻐﺎﻝ ﺿﺤﻰ ﻭﺷﻬﺪ
ﻭﻟﺰﻣﻨﻲ ﻣﻦ ﺍﻳﺪﻱ ﻭﺳﺤﺒﻨﻲ ﻋﻠﻴﻪ
ﻟﺞ ﻭﺭﺑﻲ ﺍﺟﻴﺖ ﺍﻣﻮﺕ ﻣﻦ ﺍﻟﻘﻬﺮ ﻭﺍﻟﺨﻮﻑ
ﺻﺮﺕ ﺍﺑﺎﻭﻉ ﻋﻠﻰ ﻣﻜﺎﻥ ﻭﺟﻮﺩﻧﺎ ﺍﻧﺘﺒﻬﺖ
ﻟﻜﻴﺖ ﻧﻔﺴﻲ ﺑﻴﻦ ﻏﺮﻓﺘﻴﻦ ﺻﺎﻳﺮﺍﺕ ﺑﺄﺧﺮ ﺻﺎﻟﺔ ﺍﻟﻌﺮﺽ
ﺍﺗﻤﻨﻴﺖ ﺍﺻﺮﺥ ﻭﺍﺗﻔﻞ ﺑﻮﺟﻬﻪ
ﺍﻟﻨﺬﻝ ﺍﺗﻌﻤﺪ ﻳﺴﺤﺒﻨﺎ ﻟﻬﻨﺎ ﻭﻳﺼﺮﻑ ﺍﻟﺒﻨﺎﺕ
ﻣﺠﻨﺖ ﻣﺎﺧﺬﺓ ﺑﺎﻟﻲ ﻣﻨﻪ
ﻛﻠﺖ ﺍﻟﺒﺴﻪ ﺑﺲ ﺍﻟﻈﺎﻫﺮ ﺍﻟﻨﻜﺲ ﺟﺎﻥ ﺗﻔﻜﻴﺮﻩ ﺑﻐﻴﺮ ﻭﺍﺩﻱ
.. ﻋﺰﺓ ﺑﻌﻴﻨﻪ ﺷﺴﻮﺍﻟﺞ
.. ﻟﺞ ﻫﺪﻯ ﺣﺼﺮﻧﻲ ﻣﺎ ﺍﻧﻄﺎﻧﻲ ﻣﺠﺎﻝ ﺍﺗﻨﻔﺲ
ﺩﻓﻌﻨﻲ ﻭﻟﺰﻙ ﺟﺴﻤﻪ ﺑﻴﺔ ﻭﺣﺠﺔ ﺑﺼﻮﺕ ﻧﺎﺻﻲ
ﻛﻠﻲ
.. ﻟﺞ ﺭﺍﺡ ﺗﺨﺒﻠﻴﻨﻲ ﺻﺎﺭﻟﺞ ﺳﺎﻋﺔ ﺗﺒﻴﻌﻴﻦ ﺛﻜﻞ ﺑﺮﺍﺳﻲ
ﺑﻌﺪ ﻣﺎ ﺍﺗﺤﻤﻞ ﺷﻮﻣﺔ ﺍﺭﻳﺪﺝ
ﺷﻬﻜﺖ ﻭﺫﺑﻴﺖ ﺍﻟﺒﻄﺎﻧﻴﺔ ﻋﻨﻲ ﻭﻛﻌﺪﺕ ﻋﻠﻰ ﺣﻴﻠﻲ
....
ﻳﻤﺔ ﺻﺨﺎﻡ ﺍﻟﺼﺨﻤﻨﺔ ﻳﻤﺔ ﺳﻮﺩﺓ ﻋﻠﻴﺔ ﺧﻮﺍﺗﻲ
ﻣﺎ ﺑﻴﻜﻢ ﻭﺣﺪﺓ ﻋﻨﺪﻫﺎ ﺣﻆ ﻫﺎﻱ ﺍﻧﺘﻲ ﻭﺍﻛﻌﺔ ﺑﻮﺭﻃﺔ
ﻭﻫﺎﻱ ﺿﺤﻰ ﻣﺴﺘﻤﺮﺓ ﻋﻠﻰ ﻋﻤﺎﻫﺎ ﻭﻳﺔ ﻫﺬﺍ ﺍﻟﻨﺎﻗﺺ ﺳﻴﻒ
ﻭﺗﺎﻟﻲ ﺷﺴﻮﻳﺘﻲ
.. ﻣﺪ ﺍﻳﺪﻩ ﻋﻠﻰ ﺟﺴﻤﻲ ﻭﺍﻧﻲ ﻋﻄﺖ ﺑﺼﻮﺕ ﻋﺎﻟﻲ ﺑﺲ ﻫﻮ ﺣﻂ
ﺍﻳﺪﻩ ﻋﻠﻰ ﺣﻠﻜﻲ
ﺍﺟﻴﺖ ﺍﺯﻭﻉ ﺑﻠﺤﻈﺘﻬﺎ ﻣﻦ ﺍﻟﺨﻮﻓﺔ ﻟﺞ ﺍﺗﺬﻛﺮﺕ ﺍﺳﻮﺩ ﻟﺤﻈﺎﺕ
ﺑﺤﻴﺎﺗﻲ
ﻟﺞ ﻫﺪﻯ ﻇﻠﻴﺖ ﺍﺭﺍﻓﺲ ﺟﻮﺓ ﺍﻳﺪﻩ ﻟﺤﺪﻣﺎ ﺯﻛﻄﺘﻪ
ﺑﺮﻓﺴﺔ ﻋﻠﻰ ﺭﺟﻠﻴﻪ
ﻭﻫﻮ ﻇﻞ ﻳﺴﺐ ﻭﻳﻐﻠﻂ ﻭﻳﻠﻌﻦ ﻭﺩﻓﻌﺘﻪ ﻭﺭﺣﺖ ﺍﻣﺸﻲ
ﻭﺍﻧﻲ ﻛﻠﻨﻲ ﺍﺭﺟﻒ ﻣﻦ ﻭﺭﺓ ﺍﻟﺨﻮﻑ
ﻟﺞ ﻫﺪﻯ ﻣﻮﻗﻔﻪ ﻭﻳﺎﻱ ﻓﺘﺢ ﺑﻮﺟﻬﻲ ﻛﻮﺍﺑﻴﺲ ﺍﻟﻌﺎﻟﻢ
ﻛﻠﻬﺎ ﻭﺍﺗﺬﻛﺮﺕ ﺑﻠﺤﻈﺘﻬﺎ ﺍﺳﻮﺀ ﻛﺎﺑﻮﺱ ﺑﺤﻴﺎﺗﻲ
.. ﺳﻮﺩﺓ ﻋﻠﻴﺔ ﺷﻮﻣﺔ ﺑﻌﺪ ﺷﻨﻮ ﻣﺴﻮﻳﺔ ﺑﻴﺞ ﺍﻟﺪﻧﻴﺎ ﻭﺍﻧﻲ ﻣﺎ ﺍﻋﺮﻑ
ﺑﻴﻪ
ﻇﻠﺖ ﺗﺒﺠﻲ ﺑﻨﻬﻴﺎﺭ
ﺣﻀﻨﺘﻬﺎ ﻭﺍﻧﻲ ﺍﻃﻤﻦ ﺑﻴﻬﺎ
.. ﺍﺷﺸﺸﺶ ﺣﺒﻴﺒﺘﻲ ﻛﺎﻓﻲ ﻟﺘﺒﺠﻴﻦ ﻳﺮﻭﺡ ﻓﺪﻭﺓ ﻟﺘﺮﺍﺏ ﺭﺟﻠﻴﺞ ﻫﺬﺍ
ﺍﻟﻌﺎﺭ
ﺟﻨﺎ ﻧﺤﺠﻲ ﻭﺩﻙ ﻧﻘﺎﻝ ﺷﻴﻤﺎﺀ ﺭﻗﻢ ﻏﺮﻳﺐ
ﺑﺎﻭﻋﺖ ﻭﻋﻘﺪﺕ ﺣﻮﺍﺟﺒﻬﺎ
.. ﻣﻨﻮ ﻫﺬﺍ ﺩﻳﺘﺼﻞ
.. ﺧﺎﻑ ﺭﺍﺋﺪ
.. ﻻ ﻣﻮ ﺭﺍﺋﺪ ﻋﻨﺪﻱ ﺭﻗﻤﻪ ﻣﺴﻴﻔﺘﻪ ﺑﺎﻟﻨﻘﺎﻝ
.. ﻟﻌﺪ ﻣﻨﻮ
.. ﺍﺗﻮﻗﻊ ﺍﻡ ﺭﺍﺋﺪ
.. ﺑﺎﻟﻠﻪ ﺭﺩﻱ
ﺩﺍﺳﺖ ﺭﺩ
.. ﺍﻟﻮ
ﻋﻘﺪﺕ ﺣﻮﺍﺟﺒﻬﺎ ﻭﺍﻧﻲ ﺍﺷﺮﺕ ﺍﻟﻬﺔ ﺑﺤﺮﻛﺔ . ﻣﻨﻮ
ﻫﻲ ﺍﺷﺮﺗﻠﻲ ﺑﻴﺪﻫﺎ ﺍﺻﺒﺮ ﺷﻮﻳﺔ
ﻟﺤﻈﺎﺕ ﻭﺍﺑﺎﻭﻉ ﺍﻟﺸﻴﻤﺎﺀ ﻛﺎﻣﺖ ﻣﻦ ﻣﻜﺎﻧﻬﺎ
ﻭﻫﻲ ﺗﺼﻴﺢ
ﻟﻚ ﺍﻧﺖ ﺻﺪﻙ ﻣﺎ ﺗﺴﺘﺤﻲ ﺍﺳﻤﻌﻨﻲ ﺯﻳﻦ
ﻣﻮ ﺷﻔﺘﻨﻲ ﺳﺎﻛﺘﺔ ﻋﺒﺎﻟﻚ ﺍﻧﻲ ﻗﺎﺑﻠﺔ ﻋﻠﻰ ﺳﻮﺍﻳﺘﻚ
ﻻ ﺍﻧﺖ ﻏﻠﻄﺎﻥ ﻭﺍﻟﻴﻮﻡ ﺑﻬﺬﺍ ﻣﻮﻗﻔﻚ ﻭﻳﺎﻱ ﻋﻤﻴﺖ ﻋﻠﻰ ﺭﻭﺣﻚ
ﻭﺑﺎﺟﺮ ﻳﺠﻴﻚ ﺍﻟﺮﺩ ﻭﺳﺪﺕ ﺍﻟﻨﻘﺎﻝ
.. ﺷﻨﻮ ﺷﺒﻴﺞ ﺍﺣﺠﻲ ﻣﻨﻮ ﻫﺬﺍ
.. ﻫﺬﺍ ﺍﻟﻌﺎﺭ ﺳﻴﻒ ﻳﻜﻠﻲ ﺍﻟﻴﻮﻡ ﻋﺒﺮﺗﻬﺎ ﺍﻟﺞ ﻭﻛﻠﺖ
ﺣﻘﻬﺎ ﺗﻀﻮﺝ ﻭﺗﺘﻌﺼﺐ ﺍﻟﻤﻜﺎﻥ ﻣﻮ ﻣﻨﺎﺳﺐ ﻭﺍﻛﻴﺪ ﻣﺮﺍﺡ
ﺗﻜﺪﺭ ﺗﺎﺧﺬ ﺭﺍﺣﺘﻬﺎ
ﻓﺎﻟﺒﺎﺟﺮ ﺍﺟﻲ ﻋﻠﻴﺞ ﻟﻠﻤﺴﺘﺸﻔﻰ ﻭﺍﺧﺬﺝ ﻭﻳﺎﻱ ﻟﺸﻘﺘﻲ ﺣﺘﻰ ﻧﺎﺧﺬ
ﺭﺍﺣﺘﻨﺎ ﺍﻛﺜﺮ
ﺭﺣﺖ ﻓﺘﺤﺖ ﺍﻟﻀﻮﺓ
ﺍﺑﺎﻭﻉ ﻋﻠﻬﺎ ﺩﻣﻐﺖ ﻛﺼﺘﻬﺎ ﻣﻦ ﺍﻟﻘﻬﺮ ﻭﺗﻐﻠﻂ ﻭﺗﺴﺐ
.. ﺍﻣﺪﺍﻧﻲ ﻭﺍﻣﺪﺓ ﺣﻈﻲ ﻭﺍﻟﻠﻪ ﺍﺳﺘﺎﻫﻞ ﺍﻟﺼﺎﺭ ﺑﻴﺔ
ﻫﻮ ﻣﻦ ﺍﻭﻝ ﻣﻌﺮﻑ ﻣﻦ ﺿﺤﻰ
ﺍﻧﻲ ﺟﻨﺖ ﻣﺨﻄﻮﺑﺔ ﻭﻓﺴﺨﺖ ﺧﻄﻮﺑﺘﻲ ﻣﻦ ﻟﻴﺚ
ﻭﻋﺮﻑ ﺑﺴﺎﻟﻔﺔ ﻣﻄﺎﺭﺩﺓ ﻟﻴﺚ ﻭﺻﺪﻱ ﺍﻟﻪ
ﻭﻫﻮ ﺑﻮﻛﺘﻬﺎ ﺑﺪﺓ ﻳﻠﻤﺤﻠﻲ
ﻭﻣﺮﺓ ﺿﺤﻰ ﺣﺠﺖ ﺣﺠﺎﻳﺔ ﺑﺲ ﺑﻮﻛﺘﻬﺎ ﻣﺠﺎﻧﺖ ﺗﻌﺮﻑ
ﺷﻨﻮ ﻳﻘﺼﺪ ﺑﻬﺬﺍ ﺣﺠﻴﻪ
ﻛﺎﻟﺖ ﺳﻴﻒ ﻳﻜﻮﻝ ﻣﻴﺼﻴﺮ ﺗﻔﺴﺦ ﺧﻄﻮﺑﺘﻬﺎ ﻣﻦ ﻟﻴﺚ
ﻫﺴﺔ ﺷﻲ ﺍﻛﻴﺪ ﻫﺬﺍ ﻣﺴﺘﻔﺮﺩ ﺑﺄﺧﺘﺞ ﻭﻻﻋﺐ ﻭﻳﺎﻫﺎ ﻭﺷﺒﻌﺎﻥ ﺑﻴﻬﺎ
ﻭﻫﻲ ﺑﻮﻛﺘﻬﺎ ﺍﻟﺜﻮﻟﺔ ﻣﺠﺎﻭﺑﺘﻪ
.. ﺗﻜﻠﻪ ﺷﻨﻮ ﻻﻋﺐ ﺷﻨﻮ ﺷﺒﻌﺎﻥ ﺷﻨﻮ ﺷﺒﻴﻚ ﺳﻴﻒ
ﺷﺘﺤﺲ ﻭﻳﻦ ﺗﺮﻳﺪ ﺗﻮﺻﻞ ﺑﻬﺬﺍ ﻛﻼﻣﻚ
ﻣﺘﺪﺭﻱ ﺑﻬﺬﺍ ﻛﻼﻣﻪ ﺟﺎﻱ ﻳﻄﻌﻦ ﺑﺸﺮﻑ ﺍﺧﺘﻬﺎ
ﺭﺟﻌﺖ ﺩﻣﻐﺖ ﻛﺼﺘﻬﺎ ﺑﻘﻬﺮ
ﻫﺪﻯ .. ﻫﺴﺔ ﺷﺮﺍﺡ ﺗﺴﻮﻳﻦ ﻭﻳﺎﻩ
ﺷﻴﻤﺎﺀ .. ﻫﺎﻟﻤﺮﺓ ﻣﺎ ﺭﺍﺡ ﺍﺳﻜﺘﻠﻪ
ﻻﻥ ﻫﺬﺍ ﻧﺎﻗﺺ ﻭﻛﻠﺸﻲ ﻳﻄﻠﻊ ﻣﻨﻪ
ﺑﺎﻭﻋﺖ ﻟﻲ
.. ﻛﻮﻣﻲ ﺭﻭﺣﻲ ﺻﻴﺤﻴﻠﻲ ﺿﺤﻰ
.. ﺩ ﺗﺘﻌﺸﻰ ﻳﻢ ﺳﻠﻴﻤﺔ ﻭﺍﺑﻮﻱ
.....
.....
( ﺍﻟﻀﺮﺑﺔ ﺍﻟﻤﺎ ﺗﻜﺴﺮﻙ ﺗﻘﻮﻳﻚ )
ﻫﺬﺍ ﺣﺎﻝ ﺷﻴﻤﺎﺀ
ﺟﻨﺖ ﺍﻫﺪﻱ ﺑﺸﻮﻣﺔ ﻻﻥ ﺻﺎﺭﺕ ﺗﺮﺟﻒ ﻣﻦ ﺍﻟﻘﻬﺮ
.. ﺗﻐﻴﺪﻳﻦ ﺍﻏﻮﺡ ( ﺗﺮﻳﺪﻳﻦ ﺍﺭﻭﺡ ) ﺍﺻﻴﺢ ﻟﻀﺤﻰ؟
.. ﻻ ﺧﻠﻴﻬﺎ ﺗﻜﻤﻞ ﻋﺸﺎﻫﺎ ﻭﻫﻲ ﺗﺠﻲ
ﺍﺧﺎﻑ ﺑﻴﺒﻲ ﻭﺑﺎﺑﺎ ﻳﻨﺘﺒﻬﻮﻥ ﻣﻦ ﺗﺼﻴﺤﻴﻠﻬﺎ
ﻣﺎ ﺍﺭﻳﺪﻫﻢ ﻳﻌﺮﻓﻮﻥ ﺑﺎﻟﺼﺎﺭ
.. ﻫﺴﺔ ﺍﻧﺘﻲ ﺍﻫﺪﺋﻲ .. ﻫﺪﻱ ﺍﻋﺼﺎﺑﺞ ﺑﻴﻦ ﻣﺎ ﺗﺠﻲ ﺣﺘﻰ ﺗﻌﻐﻔﻴﻦ ( ﺗﻌﺮﻓﻴﻦ ) ﺷﻨﻮ ﺗﺤﺠﻴﻦ ﻭﻳﺎﻫﺎ
ﺭﺣﺖ ﺍﺟﻴﺐ ﻣﺎﻱ ﻟﺸﻴﻤﺎﺀ ﻣﻦ ﺍﻟﻤﻄﺒﺦ ﻭﺷﻔﺖ ﺿﺤﻰ ﺑﺎﻟﻄﺎﺭﻣﺔ ﺩﺗﺤﺠﻲ ﺑﻨﻘﺎﻝ ﺑﺎﺑﺎ
ﻭ ﺳﻠﻴﻤﺔ ﻭﺑﺎﺑﺎ ﻋﻠﻰ ﻧﻔﺲ ﻭﺿﻌﻬﻢ
ﺭﺣﺖ ﺍﺧﺬﺕ ﺍﻟﻤﺎﻱ ﻭﺍﻧﻄﻴﺘﻪ ﻟﺸﻴﻤﺎﺀ ﺍﺧﺬﺗﻪ ﻣﻨﻲ
ﻭﺷﺮﺑﺘﻪ
ﺷﻮﻳﺔ ﻭﺩﺧﻠﺖ ﺿﺤﻰ ﻭﺑﻌﻴﻮﻧﻬﺎ ﻧﻈﺮﺍﺕ
ﺗﺠﺪﺡ
ﺷﻴﻤﺎﺀ ﺷﺎﻓﺘﻬﺎ
.. ﺿﺤﻰ ﻋﻨﺪﻱ ﻣﻮﺿﻮﻉ ﻛﻠﺶ ﻣﻬﻢ
ﻭﺍﺭﻳﺪﺝ ﺗﻜﻌﺪﻳﻦ ﻭﺗﺴﻤﻌﻴﻨﻪ ﺯﻳﻦ
ﺣﺘﻰ ﺑﻌﺪﻫﺎ ﺗﻘﺮﺭﻳﻦ
ﺿﺤﻰ .. ﺣﺘﻰ ﺍﻧﻲ ﻋﻨﺪﻱ ﻣﻮﺿﻮﻉ ﻭﻳﺎﺝ ﺍﺭﻳﺪ ﺍﺣﺠﻴﻪ ﺑﺲ ﺑﺎﻻﻭﻝ ﺍﻧﺘﻲ ﻛﻮﻟﻲ ﺷﻨﻮ ﺭﺩﺗﻲ ﺗﺤﺠﻴﻦ ﻭﺑﻌﺪﻳﻦ ﺍﻛﻠﺞ ﺍﻧﻲ ﺷﻨﻮ ﺍﻟﻤﻮﺿﻮﻉ
ﺍﺑﺎﻭﻉ ﻟﺸﻴﻤﺎﺀ ﻣﺤﺮﺟﺔ ﻣﺘﻌﺮﻑ ﺷﻠﻮﻥ ﺗﻮﺻﻞ ﻟﻀﺤﻰ ﻣﻮﻗﻒ ﺧﻄﻴﺒﻬﺎ ﺑﺪﻭﻥ ﻣﺎ ﺗﺠﺮﺣﻬﺎ
.. ﺑﺎﻟﺤﻘﻴﻘﺔ ﺍﻟﻤﻮﺿﻮﻉ ﻳﺨﺺ ﺳﻴﻒ ﺧﻄﻴﺒﺞ
.. ﺷﺒﻲ ﺳﻴﻒ
.. ﺿﺤﻰ ﺍﻧﻲ ﺣﺎﻭﻟﺖ ﺑﻘﺪﺭ ﺍﻻﻣﻜﺎﻥ ﺍﺗﻐﺎﺿﺔ ﻋﻦ ﺗﺼﺮﻓﺎﺕ ﺳﻴﻒ ﻭﻳﺎﻱ ﻭﺍﺻﻔﻲ ﻧﻴﺘﻲ ﺑﺘﺠﺎﻫﻪ
ﻭﺍﻏﺎﻟﻂ ﺭﻭﺣﻲ ﻭﺍﻛﻮﻝ ﺍﺧﺎﻑ ﺍﺳﺘﻌﺠﻠﺖ ﺑﺎﻟﺤﻜﻢ ﻋﻠﻴﻪ
ﻟﻜﻦ ﻋﺎﻟﺼﺎﺭ ﺍﻟﻴﻮﻡ ﻣﺴﺘﺤﻴﻞ ﺍﻛﺪﺭ ﺍﺳﻜﺖ ﻟﻪ ﺍﻛﺜﺮ ﻣﻦ ﻫﻴﺞ
.. ﻟﻴﺶ ﺳﻴﻒ ﺷﺴﻮﺓ
.. ﺳﻴﻒ ﻛﺎﻥ ﺩﺍﺋﻤﺎ ﻳﺴﻤﻌﻨﻲ ﻛﻼﻡ
ﻣﺎ ﻳﺠﻮﺯ ﻳﻜﻮﻟﻪ ﻻﺧﺖ ﻣﺮﺗﻪ
ﺍﻟﻤﻔﺮﻭﺽ ﺍﻧﻲ ﻣﺜﻞ ﺍﺧﺘﻪ ﻭﺍﻋﺘﺒﺮ ﻋﺮﺿﻪ
ﺑﺲ ﻣﻊ ﺍﻻﺳﻒ ﺳﻴﻒ ﻓﺎﻫﻢ ﺍﻟﻤﻮﺿﻮﻉ ﻏﻠﻂ
ﻭﻋﺒﺎﻟﻪ ﺍﻧﻲ ﻓﺎﺳﺨﺔ ﺍﻟﺨﻄﻮﺑﺔ ﻣﻌﻨﺎﻫﺎ ﻣﺘﻮﻓﺮﺓ ﻭﺑﻴﺔ ﻣﺠﺎﻝ ﻟﻠﺘﺤﺮﺵ
.. ﻳﻌﻨﻲ ﺍﻧﺘﻲ ﻫﺴﺔ ﺟﺎﻳﺔ ﺗﻜﻠﻴﻠﻲ ﺍﻥ ﺳﻴﻒ ﺍﺗﺤﺮﺵ
ﺑﻴﺞ ﻭﺟﺎﻥ ﻳﺴﻤﻌﺞ ﻛﻼﻡ ﻭﻳﻠﻤﺤﻠﺞ ﻃﻮﻝ ﻫﺎﻱ ﺍﻟﻤﺪﺓ ﻭﺍﻧﺘﻲ ﺳﺎﻛﺘﺔ ﻋﻠﻴﻪ
.. ﺟﺎﻥ ﻻﺯﻡ ﺍﺳﻜﺖ ﺷﻔﺖ ﺑﺴﻮﻛﺘﻲ
ﺍﺻﻼﺡ ﺫﺍﺕ ﺍﻟﺒﻴﻦ ﻣﺮﺩﺕ ﺍﺧﺮﺏ ﺑﻴﻨﻜﻢ
ﺑﺲ ﻣﻊ ﺍﻻﺳﻒ ﺍﻓﺘﻬﻢ ﻋﺪﻡ ﻛﻼﻣﻲ ﺑﺎﻟﻤﻮﺿﻮﻉ ﻏﻠﻂ
ﻭﺍﻟﻴﻮﻡ ﺍﺗﻤﺎﺩﺓ ﻭﻳﺎﻱ ﻭﺻﻠﺖ ﺑﻴﻪ ﻳﺘﺤﺮﺵ ﺑﻴﺔ
ﺑﻜﻞ ﻭﻗﺎﺣﺔ
ﻓﻜﻞ ﺍﻟﻲ ﺍﺭﻳﺪﻩ ﻣﻨﺞ ﺍﻥ ﻣﺘﺰﻋﻠﻴﻦ ﻧﻔﺴﺞ ﻋﻠﻰ ﻫﻴﺞ
ﺍﻧﺴﺎﻥ ﻧﻜﺲ ﺍﻧﻲ ﻣﺘﺄﻛﺪﺓ ﺍﻥ ﻗﺮﺍﺭ ﺍﻻﻧﻔﺼﺎﻝ
ﺭﺍﺡ ﻳﻜﻮﻥ ﺻﻌﺐ ﻋﻠﻴﺞ ﺑﺲ ﺻﺪﻛﻲ ﻟﻤﺼﻠﺤﺘﺞ
ﻻﻥ ﺳﻴﻒ ﻗﺬﺭ ﻣﺎ ﻳﺴﺘﺎﻫﻠﺞ
ﻓﺒﺎﺟﺮ ﺭﺍﺡ ﺍﺩﺯ ﻋﻠﻰ ﻋﻤﻮ ﺍﻣﺠﺪ ﻭﻧﻜﻌﺪ ﺍﻧﻲ ﻭﻳﺎﺝ ﻧﺤﺠﻲ ﻭﻳﺎﻩ ﻋﻦ ﺳﻴﻒ ﻳﺤﻄﻠﻪ ﺣﺪ ﻭﻳﻜﻠﻪ ﻛﻠﺸﻲ ﺍﻧﺘﻬﻰ ﻭﻛﻠﻤﻦ ﻳﺮﺟﻊ ﺑﻤﻜﺎﻧﻪ ﻣﺎﻟﻚ ﻋﻨﺪﻧﺎ ......
ﺿﺤﻰ .. ﻫﻮﺏ ﻫﻮﺏ ﺍﻭﻛﻔﻲ ﻟﺤﻈﺔ
ﺍﻛﻠﺘﻴﻨﻲ ﺑﺎﻟﺤﺠﻲ
ﺍﺷﻮ ﺍﻧﺘﻲ ﺣﺠﻴﺘﻲ ﻭﺍﻧﺘﻲ ﻗﺮﺭﺗﻲ ﻭﺣﻜﻤﺘﻲ ﻣﻦ ﻳﻤﺞ
ﺷﻨﻮ ﻫﻲ ﻣﻨﻮ ﺑﻴﻨﺎ ﺻﺎﺣﺒﺔ ﺍﻟﺸﺄﻥ ﻭﺍﻟﻘﺮﺍﺭ
.. ﻣﻴﺤﺘﺎﺟﻠﻬﺎ ﻋﻠﻢ ﺍﻛﻴﺪ ﺑﻌﺪ ﺍﻟﻲ ﺳﻤﻌﺘﻴﻪ ﺗﻔﺴﺨﻴﻦ ﺧﻄﻮﺑﺘﺞ ﻣﻦ ﺳﻴﻒ ﻭﺭﺑﻲ ﻳﻌﻮﺿﺞ ﺑﺎﻻﺣﺴﻦ ﻣﻨﻪ
...
ﺷﻴﻤﺎﺀ ﺗﻌﺮﻓﻴﻦ ﻗﺒﻞ ﺷﻮﻳﺔ ﺟﻨﺖ ﺍﺣﺠﻲ ﻭﻳﺔ ﺳﻴﻒ
ﻭﺣﺬﺭﻧﻲ ﻣﻨﺞ
ﻛﻠﻲ ﺿﺤﻰ
.. ﺩﻳﺮﻱ ﺑﺎﻟﺞ ﻣﻦ ﺷﻴﻤﺎﺀ
ﺍﺧﺘﺞ ﺑﺪﺕ ﺗﺘﻤﺎﺩﺓ ﺑﺘﺼﺮﻓﺎﺗﻬﺎ ﻭﻳﺎﻱ
ﺑﺬﻳﺞ ﺍﻻﻳﺎﻡ ﺟﺎﻧﺖ ﻛﻠﻤﺎ ﺗﺸﻮﻓﻨﻲ
ﺗﻠﻤﺤﻠﻲ ﻭﺗﻜﻮﻝ
ﻫﻨﻴﺎﻟﻬﺎ ﺿﺤﻰ ﻋﻠﻴﻚ ﺷﻜﺪ ﻣﺪﻟﻠﻬﺎ
ﻭﻣﺮﺍﺕ ﺗﻜﻠﻲ
ﺍﺗﻤﻨﻰ ﻛﻮﻥ ﺍﺗﺰﻭﺝ ﻭﺍﺣﺪ ﻣﺜﻠﻚ ﻳﺸﺒﻪ ﻣﻮﺍﺻﻔﺎﺗﻚ
ﺑﺎﻟﺤﻘﻴﻘﺔ ﺍﻧﺎ ﻛﻠﺶ ﺍﺗﻨﺮﻓﺰﺕ ﻣﻨﻬﺎ ﻭﺍﻛﺜﺮ ﻣﻦ ﻣﺮﺓ
ﺻﺪﻳﺘﻬﺎ ﺗﺪﺭﻳﻦ ﺑﻌﺪ ﻣﺎ ﺷﻔﺖ ﺗﺼﺮﻓﺘﻬﺎ ﺍﻟﻤﻮ ﺭﺍﺣﺔ
ﺭﺍﺟﻌﺖ ﺣﺴﺎﺑﺎﺗﻲ
ﻭﻛﻠﺖ ﺍﺭﻭﺡ ﺍﺳﺄﻝ ﻋﻠﻰ ﺳﻤﻌﺘﻬﺎ ﺑﺎﻟﻤﺴﺘﺸﻔﻰ
ﻭﻓﻌﻼ ﺭﺣﺖ ﺳﺄﻟﺖ ﻭ ﺍﻛﺪﻭﻟﻲ ﺻﺤﺔ ﺿﻨﻮﻧﻲ ﺑﻴﻬﺎ
ﻟﻬﺬﺍ ﺍﻟﺴﺒﺐ ﺳﻴﻒ ﺍﺗﺼﻞ ﻋﻠﻴﺔ ﺣﺘﻰ ﻳﺴﺘﻌﺠﻞ ﺑﺎﻟﺰﻭﺍﺝ ﻭﻛﺎﻝ ﻫﺬﺍ ﺍﻟﺨﻤﻴﺲ ﺭﺍﺡ ﻳﻜﻮﻥ ﺯﻭﺟﻨﺎ
ﻻﻥ ﺳﻤﻌﺔ ﺍﺧﺘﺞ ﺻﺎﺭﺕ ﻋﻠﻰ ﻛﻞ ﺍﻟﺴﺎﻥ
ﻭﺍﻧﺎ ﻛﻠﺒﻲ ﺍﺗﻮﺭﻁ ﻭﺣﺒﺞ ﻭﺍﺧﺎﻑ ﺗﻮﺻﻞ ﺳﻤﻌﺔ ﺍﺧﺘﺞ
ﻻﻫﻠﻲ ﻭﺳﺎﻋﺘﻪ ﻳﺨﻠﻮﻧﻲ ﺍﻓﺴﺦ ﺧﻄﻮﺑﺘﻨﺎ
ﻭﻧﺒﻬﻨﻲ ﻋﻠﻰ ﺷﻐﻠﺔ ﺟﻨﺖ ﻏﺎﻓﻠﺔ ﻋﻨﻬﺎ ﻭﻛﺎﻝ
.. ﻭﺣﺘﻰ ﺍﻟﻴﻮﻡ ﻣﻦ ﻃﻠﻌﻨﺎ ﺍﻧﺘﺒﻬﺘﻲ ﻋﻠﻰ ﺍﺧﺘﺞ ﻣﻦ ﺟﻨﺎ ﻧﻔﺘﺮ ﻋﺎﻟﻐﺮﻑ ﺷﻠﻮﻥ ﻋﻠﻰ ﻏﻔﻠﺔ ﻃﻨﻜﺮﺕ
.. ﺍﻱ ﺍﻧﺘﺒﻬﺖ
.. ﺗﺪﺭﻳﻦ ﻟﻴﺶ ﻃﻨﻜﺮﺕ ﻻﻥ ﻫﻤﻴﻦ ﺭﺟﻌﺖ ﺗﺤﺎﻭﻝ
ﻭﻳﺎﻱ ﻭﺣﺠﺖ ﺣﺠﻲ ﻣﺎ ﻳﻨﻠﺒﺲ ﻋﻠﻴﻪ ﻫﺪﻭﻡ ﺑﺤﻴﺚ ﻭﻛﻒ ﺷﻌﺮ ﺭﺍﺳﻲ
ﻭﺍﻟﻠﻪ ﻟﻮ ﻣﺎ ﻋﻴﺐ ﻭﺍﺣﻨﺎ ﺑﻤﻜﺎﻥ ﻋﺎﻡ ﺟﺎﻥ ﻟﺰﻣﺘﻬﺎ ﻭﺷﻜﻴﺖ ﺣﻠﻜﻬﺎ ﻋﻠﻰ ﺣﺠﺎﻳﺘﻬﺎ ﻭﻳﺎﻱ
.. ﺷﻨﻮ ﺣﺠﺖ
.. ﻋﺮﺿﺖ ﻧﻔﺴﻬﺎ ﻋﻠﻴﺔ ﻭﺗﻜﻠﻲ ﻋﻮﻑ ﺿﺤﻰ ﻣﺘﻔﻴﺪﻙ ﻭﺍﻧﺎ ﺑﺴﺎﻋﺘﻬﺎ ﻋﺼﺒﺖ ﻋﻠﻴﻬﺎ ﻭﻃﻴﺤﺖ ﺣﻈﻬﺎ
ﻣﺘﺸﻮﻓﻴﻦ ﺷﻠﻮﻥ ﺟﺎﻧﺖ ﺿﺎﻳﺠﺔ
ﻻﻥ ﻃﻴﺤﺖ ﺣﻈﻬﺎ ﻭﺭﺯﻟﺘﻬﺎ ﻭﻋﻔﺘﻬﺎ ﻭﺭﺣﺖ ﻭﻛﻠﺖ ﻟﺨﺎﻃﺮ ﺿﺤﻰ ﺭﺍﺡ ﺍﻓﻮﺗﻠﻬﺎ ﺍﻟﺼﺎﺭ ﻭﺍﺳﻜﺖ
ﺑﺲ ﻧﺮﻓﺰﻧﻲ ﻛﻼﻣﻬﺎ
ﻣﻦ ﻫﺪﺩﺗﻨﻲ ﻭﻛﺎﻟﺖ ﺍﺫﺍ ﻣﺎ ﺍﻧﺪﻣﻚ ﺍﻻ ﺍﺧﺮﺏ ﻋﻼﻗﺘﻚ ﺑﻀﺤﻰ ﺍﺧﻠﻴﻬﺎ ﺗﻔﺴﺦ ﺧﻄﻮﺑﺘﻬﺎ ﻣﻨﻚ ﺿﺤﻰ ﺗﺴﻤﻊ ﻛﻼﻣﻲ
ﻛﻠﺘﻠﻬﺎ ﺿﺤﻰ ﺗﺤﺒﻨﻲ ﻭﻣﺴﺘﺤﻴﻞ ﺗﺴﻤﺢ ﺑﻬﻴﺞ ﺷﻲ
ﻛﻠﺘﻠﻲ ﺗﺮﻳﺪ ﺗﺘﺄﻛﺪ ﺑﻨﻔﺴﻚ
ﻭﺻﺎﺣﺘﻠﺞ ﻛﺪﺍﻣﻲ ﺑﺎﻟﻤﺤﻞ ﺣﺘﻰ ﺗﺄﻛﺪ ﻛﻼﻣﻬﺎ ﻭﺳﺄﻟﺘﺞ ﻋﻠﻰ ﺭﺃﻳﺞ ﺑﺎﻟﻐﺮﻓﺔ ﻭﺍﻧﺘﻲ ﺑﺎﻭﻋﺘﻴﻠﻬﺎ
ﻭﻛﻠﺘﻲ ﺍﻧﺘﻲ ﺷﻨﻮ ﺭﺃﻳﺞ
ﻭﻫﻲ ﻛﺎﻟﺖ ﻣﺎ ﻋﺠﺒﺘﻨﻲ ﻣﺤﻠﻮﺓ ﺧﻠﻲ ﻧﺸﻮﻑ ﻏﻴﺮﻫﺎ ﺟﺎﻧﺖ ﺗﺤﺠﻲ ﻭﺗﺒﺎﻭﻋﻠﻲ ﺑﺘﺤﺪﻱ
ﺷﻴﻤﺎﺀ ﺷﻬﻜﺖ ﻭﻟﻄﻤﺖ ﻋﻠﻰ ﺻﺪﺭﻫﺎ
.. ﻭﻟﺞ ﻋﺰﺓ ﺍﻟﻌﺰﺍﺝ ﻳﺎ ﺍﺩﺑﺴﺰ
ﺷﻠﻮﻥ ﺗﺤﺠﻴﻦ ﻭﻳﺎﻱ ﻫﻴﺞ ﻣﻦ ﻃﻴﺢ ﺍﻟﻠﻪ ﺣﻈﺞ ﻭﺣﻆ ﺧﻄﻴﺒﺞ
ﻭﻟﺞ ﺍﻟﻠﻪ ﻳﺼﺨﻢ ﻭﺟﻬﺞ
ﺍﻧﻲ ﺍﺧﺘﺞ ﺷﻴﻤﺎﺀ ﻧﺴﻴﺘﻴﻨﻲ
ﺿﺤﻰ .. ﺷﻴﻤﺎﺀ ﺣﻄﻲ ﺭﻭﺣﺞ ﺑﻤﻜﺎﻧﻲ
ﺣﺘﻰ ﺍﻧﻲ ﺍﻧﺘﺒﻬﺖ ﻋﻠﻴﺞ ﺍﻟﻴﻮﻡ ﺑﺎﻟﻄﻠﻌﺔ ﻭﻳﻦ ﻣﺎ ﺳﻴﻒ ﻣﻮﺟﻮﺩ ﺍﻟﻜﺎﺝ ﻭﺍﻛﻔﺔ ﻳﻤﻪ ﺗﺤﺠﻴﻦ ﻭﻳﺎﻩ ﻛﻠﺸﻲ ﻳﺪﻳﻨﺞ
.. ﻟﻴﺶ ﻣﺘﻜﻮﻟﻴﻦ ﻫﻮ ﺍﻟﻲ ﺟﺎﻥ ﻳﻔﺘﺮ ﻭﺭﺍﻱ
ﺿﺤﻰ .. ﻭﻫﺴﺔ ﺑﻄﻠﺒﺞ ﻣﻨﻲ ﺍﻓﺴﺦ ﺧﻄﻮﺑﺘﻲ ﻣﻦ ﺳﻴﻒ ﻳﺄﻛﺪ ﺻﺤﺔ ﻭﺻﺪﻕ ﻛﻼﻣﻪ
ﺑﺲ ﺍﻧﻲ ﺭﺍﺡ ﺍﻛﻠﺞ ﻣﻦ ﻫﺴﺔ ﻟﺘﻌﺒﻴﻦ ﻧﻔﺴﺞ ﺑﺎﻟﺤﺠﻲ
ﻻﻥ ﻣﺴﺘﺤﻴﻞ ﺍﺧﻠﻴﺞ ﺗﺨﺮﺑﻴﻦ
ﺧﻄﻮﺑﺘﻲ ﻓﺎﻫﻤﺔ
ﺍﻧﺘﻲ ﺑﻤﻮﻗﻔﺞ ﻫﺬﺍ ﺧﺬﻟﺘﻴﻨﻲ ﻭﻃﻌﻨﺘﻴﻨﻲ
ﺟﺎﻧﺖ ﺿﺤﻰ ﺗﺤﺠﻲ ﺷﻨﻮ ﻛﻠﻠﻬﺎ ﺳﻴﻒ ﻋﻦ ﺷﻴﻤﺎﺀ
ﺍﻧﻲ ﻣﻦ ﻳﻤﻲ ﻟﻮ ﻣﺎ ﺣﺎﺿﺮﺓ ﺍﻟﻤﻮﻗﻒ ﻣﻦ ﺍﺗﺼﻞ ﻋﻠﻰ ﺷﻴﻤﺎﺀ ﺟﺎﻥ ﺻﺪﻛﺘﻪ ﻋﻠﻰ ﻫﻴﺞ ﺩﻫﺎﺀ ﻣﻘﻨﻊ
ﺷﻠﻮﻥ ﺣﺎﻛﻬﺎ ﻟﻠﺴﺎﻟﻔﺔ ﻭﻟﻔﻬﺎ ﻋﻠﻰ ﺷﻴﻤﺎﺀ
ﻫﺬﺍ ﻣﻮ ﺍﻧﺴﺎﻥ ﻫﺬﺍ ﺍﻛﻴﺪ ﺷﻴﻄﺎﻥ ﻭﺭﺍﺿﻊ ﻭﻳﺔ ﺑﻠﻴﺲ
....
ﺍﻧﺘﺒﻬﺖ ﻋﻠﻰ ﺿﺤﻰ ﺑﻌﺪﻫﺎ ﺗﺤﺠﻲ
ﺿﺤﻰ .. ﻭﻟﻴﺶ ﺍﺳﺘﻐﺮﺏ ﺗﺼﺮﻓﺞ ﺍﺻﻼ
ﻭﺍﻧﻲ ﺑﻌﻴﻨﻲ ﺷﺎﻫﺪﺓ
ﻋﻠﻴﺞ ﺷﻠﻮﻥ ﺧﺒﻠﺘﻲ ﻟﻴﺚ ﺑﺘﺼﺮﻓﺎﺗﺞ ﻭﺧﻠﺘﻴﻪ ﻳﺮﻛﺾ ﻭﺭﺍﺝ
ﻭﻛﺘﻞ ﺭﻭﺣﻪ ﻋﻠﻴﺞ ﻭﻋﺎﻑ ﺍﻭﻻﺩﻩ ﻭﻣﺮﺗﻪ ﻭﻋﺎﺩﻯ ﺍﻫﻠﻪ ﻋﻠﻤﻮﺩﺝ
ﻓﻤﻮ ﺟﺪﻳﺪﺓ ﻋﻠﻴﺞ ﺗﺤﺎﻭﻟﻴﻦ ﺗﻔﺮﻳﻦ ﻋﻘﻞ ﺳﻴﻒ
ﻋﻠﻤﻮﺩ ﻳﺖ ..............
ﻭﻣﺤﺴﻴﻨﺎ ﺍﻻ ﻭﺷﻴﻤﺎﺀ ﻟﻄﻤﺖ ﺿﺤﻰ ﻋﻠﻰ ﺣﻠﻜﻬﺎ ﺑﻈﻬﺮ ﻛﻒ ﺍﻳﺪﻫﺎ
ﻟﻄﻤﺔ ﺷﻜﺔ ﺷﻔﺘﻬﺎ ﻭﻃﻠﻊ ﻣﻨﻬﺎ ﺩﻡ
ﻣﻔﺎﺟﺌﺔ ﺍﻟﻀﺮﺑﺔ ﺧﻠﺘﻨﻲ ﻣﺎ ﺍﺭﻣﺶ ﻣﻦ ﺻﺪﻣﺔ ﺍﻟﻤﻮﻗﻒ
ﺷﻴﻤﺎﺀ ﺗﺮﺟﻒ ﺑﻌﺼﺒﻴﺔ .. ﺍﺷﺸﺸﺸﺸﺶ ﻭﻻﻛﻠﻤﺔ
ﻗﺴﻤﺎً ﺑﺬﺍﺕ ﺍﻟﻠﻪ ﺍﺫﺍ ﺑﻌﺪ ﻓﺘﺤﺘﻲ ﺣﻠﻜﺞ ﺑﺤﺮﻑ ﻭﺍﺣﺪ ﺻﺪﻛﻴﻨﻲ ﺭﺍﺡ ﻳﻜﻮﻥ ﺍﺧﺮ ﻳﻮﻡ
ﺑﺤﻴﺎﺗﺞ ﺗﺴﻤﻌﻴﻦ ﻋﻨﺪﺝ ﺍﺧﺖ ﺍﺳﻤﻬﺎ ﺷﻴﻤﺎﺀ
ﺿﺤﻰ ﺑﺎﻭﻋﺖ ﻟﺸﻴﻤﺎﺀ ﻭﺑﺪﻭﻥ ﻣﺘﺤﺠﻲ
ﻃﻠﻌﺖ ﻣﻦ ﺍﻟﻐﺮﻓﺔ ﺗﺒﺠﻲ
ﺍﻧﺘﺒﻬﺖ ﻟﺸﻴﻤﺎﺀ ﺷﻠﻮﻥ ﺟﺎﻧﺖ ﺗﺒﺎﻭﻉ ﻟﻜﻒ ﺍﻳﺪﻫﺎ ﻭﺗﺒﺠﻲ ﺭﻓﻌﺖ ﺭﺍﺳﻬﺎ ﻭﺣﺠﺖ ﺑﺼﻮﺕ ﺗﻌﺒﺎﻥ
ﺷﻴﻤﺎﺀ .. ﺭﺑﻲ ﺍﻣﺘﺤﺎﻧﻚ ﺻﻌﺐ
ﻭﻫﻮﺍﻱ ﻋﻠﻰ ﺻﺒﺮﻱ
ﺷﻤﻌﻨﺎ ﺍﻧﻲ ﺗﻤﺘﺤﻨﻲ ﻭﻳﺔ ﺍﻋﺰ ﻧﺎﺳﻲ
ﺧﻮﺍﺗﻲ
ﺷﻤﻌﻨﺎ ﺍﻧﻲ ﻟﻴﺶ .. ﻟﻴﻴﻴﻴﻴﺶ
ﺟﺎﻧﺖ ﺗﺤﺠﻲ ﻭﺿﺮﺑﺖ ﻛﻒ ﺍﻳﺪﻫﺎ ﺑﺎﻟﻤﻴﺰ
ﻭﺍﻧﻀﺮﺑﺖ ﺑﻘﻮﺓ
ﻋﺒﺎﻟﻚ ﺗﺮﻳﺪ ﺗﻌﺎﻗﺐ ﺍﻻﻳﺪ ﺍﻟﻲ ﺍﻧﻤﺪﺕ ﻋﻠﻰ ﺍﺧﺘﻬﺎ
ﻣﺘﺤﻤﻠﺖ ﺍﺳﻜﺖ ﻭ ﺣﺠﻴﺖ
.. ﺷﻴﻤﺎﺀ ﻟﻴﺶ ﻣﺸﻮﻓﺘﻴﻬﺎ ﻣﻜﺎﻟﻤﺔ ﺳﻴﻒ
ﻣﻦ ﻗﺒﻞ ﺷﻮﻳﺔ ﺍﺗﺼﻞ ﻋﻠﻴﺞ ﺧﻠﻴﻬﺎ ﺗﺘﺄﻛﺪ ﻭﺗﺸﻮﻑ ﻣﻨﻮ ﺩﻳﺮﻛﺾ ﻭﺭﺓ ﻣﻨﻮ
ﺟﺎﻭﺑﺘﻨﻲ ﺷﻴﻤﺎﺀ ﺑﻜﻞ ﻗﻬﺮ
.. ﻟﺞ ﻫﺬﺍ ﺳﻴﻒ ﻏﺴﻞ ﻋﻘﻞ ﺍﺧﺘﺞ ﺑﻜﻼﻣﻪ ﻭﻣﺮﺍﺡ ﻳﻨﻔﻊ ﻭﻳﺎﻫﺎ ﺍﻟﺤﺠﻲ ﻭﻻ ﺭﺍﺡ ﺗﻘﺘﻨﻊ ﺑﻬﻴﺞ ﺣﺠﺔ ﻭﺍﻫﻨﺔ
ﻫﺴﻪ ﻳﻜﻮﻟﻠﻬﺎ ﺻﺤﻴﺢ ﺍﻧﻲ ﺧﺎﺑﺮﺕ ﺍﺗﻮﺳﻞ ﺑﻴﻬﺎ ﺗﺘﺮﻛﻨﺎ ﻟﺤﺒﻨﺎ
ﻭﻳﻄﻠﻊ ﺭﻭﻣﻴﻮ ﻭﺍﻧﻲ ﻭﺍﻛﻔﺔ ﺑﻄﺮﻳﻘﻬﻢ ﺍﺭﻳﺪ ﺍﺣﺮﻣﻪ ﻣﻦ ﺟﻮﻟﻴﻴﺖ
ﻭﺍﻟﻤﺸﻜﻠﺔ ﺑﺄﺧﺘﺞ ﻣﻘﺘﻨﻌﺔ ﺑﻜﻼﻣﻪ
ﺳﻜﺘﻲ ﺍﻟﻠﻪ ﻳﺨﻠﻴﺞ ﺧﻠﻴﻨﻲ ﺑﻬﻤﻲ
ﺍﺑﺎﻭﻉ ﻟﺸﻴﻤﺎﺀ ﻃﻠﻌﺖ ﻣﻦ ﺍﻟﻐﺮﻓﺔ ﻭﺻﻌﺪﺕ ﻓﻮﻙ ﻟﻠﺴﻄﺢ
ﻭﺿﺤﻰ ﻣﺎ ﺍﻋﺰﻑ ﻭﻳﻦ ﻭﻟﺖ
ﻧﻤﺖ ﺑﻤﻜﺎﻧﻲ ﻣﺼﺪﻭﻣﺔ ﻣﻦ ﺍﻟﻲ ﺻﺎﺭ ﺑﻴﻦ ﺧﻮﺍﺗﻲ
( ﺷﻠﻮﻥ ﻭﻟﻴﺶ ﻭﺷﺼﺎﺭ ﺑﻴﻨﺎ )
ﻫﺎﻱ ﺍﻟﻜﻠﻤﺎﺕ ﺻﺎﺭﺕ ﻛﻞ ﺷﻮﻳﺔ ﺗﺘﻜﺮﺭ ﺑﺄﻓﻜﺎﺭﻱ
ﻏﻤﻀﺖ ﻋﻴﻮﻧﻲ ﻭﻧﻤﺖ ﺑﻤﻜﺎﻧﻲ ﻣﺎ ﺍﻋﺮﻑ ﺷﻠﻮﻥ
ﻭﻣﻦ ﺑﻌﺪ ﻫﺬﺍ ﺍﻟﻤﻮﻗﻒ
ﺻﺎﺭ ﺟﻮ ﺍﻟﺒﻴﺖ ﻣﺘﻜﻬﺮﺏ
ﻳﻮﻡ ﺛﺎﻧﻲ ﺍﻟﺼﺒﺢ ﻛﻌﺪﺗﻨﻲ ﺷﻴﻤﺎﺀ ﻗﺒﻞ ﻻ ﺗﺮﻭﺡ ﻟﻠﺪﻭﺍﻡ ﻭﻛﺎﻟﺖ
.. ﻫﺪﻯ ﺍﻟﺼﺎﺭ ﺍﻟﺒﺎﺭﺣﺔ ﺑﻴﻨﻲ ﻭﺑﻴﻦ ﺿﺤﻰ ﻣﺎ ﺍﺭﻳﺪ ﺍﻱ ﻭﺍﺣﺪ ﻳﺴﻤﻊ ﺑﻴﻪ ﺍﺭﻳﺪﺝ ﺗﻨﺴﻴﻨﻪ ﻧﻬﺎﺋﻴﺎً
.. ﻳﻌﻨﻲ ﺷﻨﻮ ﻏﺎﺡ ﻧﺨﻠﻴﻦ ﺳﻴﻒ ﻳﺘﺰﻭﺝ ﺿﺤﻰ ﻫﻴﺞ ﺑﻜﻞ ﺳﻬﻮﻟﺔ ﻭﻳﻔﻠﺖ ﺑﻐﻠﻄﺘﻪ ﺑﺪﻭﻥ ﻣﺎ ﻳﺘﻌﺎﻗﺐ ﻋﺎﻟﺴﻮﺍﻩ ﻭﻳﺎﺝ
.. ﺍﻟﻤﻮﺿﻮﻉ ﻃﻠﻊ ﻣﻦ ﺍﻳﺪﻳﻨﺎ ﻭﺍﺧﺘﺞ ﻣﻘﺘﻨﻌﺔ ﺑﺴﻴﻒ ﻭﻗﺮﺭﺕ ﺗﻜﻤﻞ ﺯﻭﺍﺟﻬﺎ ﻭﻫﺎﻱ ﺣﻴﺎﺗﻬﺎ ﻭﻫﻲ ﺣﺮﺓ ﺑﻴﻬﺎ
ﺍﻧﻲ ﺍﻟﻌﻠﻴﺔ ﺳﻮﻳﺘﻪ ﻭﻧﺒﻬﺘﻬﺎ ﻭﺣﺎﻭﻟﺖ ﻭﻳﺎﻫﺎ ﺑﺲ ﻣﻊ ﺍﻻﺳﻒ ﺗﺎﻟﻲ ﺍﺧﺘﻲ ﺑﻨﺖ ﺍﻣﻲ ﻭﺍﺑﻮﻳﻪ ﺗﻄﻌﻨﻲ ﺑﺸﺮﻓﻲ
ﻫﺬﺍ ﺍﻟﺠﻨﻴﺘﻪ ﻣﻦ ﺣﺎﻭﻟﺖ ﺍﺣﺬﺭﻫﺎ
ﺻﺪﻙ ﺑﻠﺤﻈﺘﻬﺎ ﺍﺣﺘﺮﻙ ﻛﻠﺒﻲ ﻣﻦ ﺿﺤﻰ ﻭﻋﻠﻴﻬﺎ
ﺭﺍﺣﺖ ﺷﻴﻤﺎﺀ ﻭﺻﺎﺩﻑ ﺳﻠﻴﻤﺔ ﻟﺒﺴﺖ ﻋﺒﺎﻳﺘﻬﺎ ﻭﻃﻠﻌﺖ ﻛﺎﻟﻌﺎﺩﺓ ﺗﺴﻴﺮ ﻣﻦ ﺍﻟﺼﺒﺎﺣﻴﺎﺕ ﻋﻠﻰ ﺍﻟﺠﻮﺍﺭﻳﻦ
....
ﺟﻨﺖ ﺑﺎﻟﻤﻄﺒﺦ ﻭﻛﻌﺪﺕ ﺿﺤﻰ ﻭﺷﻔﺎﻳﻔﻬﺔ ﻣﻮﺭﻣﺔ
ﺭﺍﺣﺖ ﻋﺎﻟﻄﺒﺎﺥ ﻭﺣﻄﺖ ﺍﻟﻘﻮﺭﻱ ﻋﺎﻟﻨﺎﺭ
ﻭﺩﺍﺭﺕ ﻭﺟﻬﻬﺔ ﻋﻠﻴﺔ ﻭﻫﻲ ﻣﻔﺮﻓﺤﺔ ﻣﻦ ﺍﻟﺒﺠﻲ ﻭﺍﻟﻌﻴﻮﻥ ﺣﻤﺮ
ﺿﺤﻰ .. ﺍﻟﻠﻪ ﻋﻠﻴﺞ ﻗﺎﺑﻠﺔ ﻋﺎﻟﺴﻮﺗﻪ ﺷﻴﻤﺎﺀ ﺑﻴﺔ
ﺷﻠﻮﻥ ﺍﻧﻄﺎﻫﺎ ﻛﻠﺒﻬﺎ ﺗﺴﻮﻱ ﺑﺄﺧﺘﻬﺎ ﻫﻴﺞ
ﻫﺪﻯ .. ﻟﺞ ﺿﺤﻰ ﺍﻟﻠﻪ ﻳﺎﺧﺬﺝ
ﻟﺞ ﺍﺗﻮﻗﻌﺘﺞ ﺍﻧﺖ ﺍﺫﻛﻲ ﻣﻦ ﺍﻥ ﺗﺨﻠﻴﻦ ﻭﺍﺣﺪ ﻣﺜﻞ ﺳﻴﻒ ﻳﻀﺤﻚ ﻋﻠﻴﺞ
ﺟﻨﺖ ﺍﺗﺄﻣﻞ ﺗﻜﻌﺪﻳﻦ ﺍﻟﺼﺒﺢ ﻭﺍﻧﺘﻲ ﻣﻐﺎﺟﻌﺔ ( ﻣﺮﺍﺟﻌﺔ ) ﻧﻔﺴﺞ
ﺗﻐﺎﺟﻌﻴﻦ ( ﺗﺮﺍﺟﻌﻴﻦ ) ﻛﻼﻡ ﺍﻟﺒﺎﻏﺤﺔ ﻭﺗﻌﻐﻔﻴﻦ ( ﺍﻻﺭﺣﻪ ﻭﺗﻌﺮﻓﻴﻦ ) ﻏﻠﻄﺞ ﻭﻳﺔ ﺷﻴﻤﺎﺀ ﻭﺗﻐﻮﺣﻴﻦ ﺗﻌﺘﺬﻏﻴﻦ ( ﺗﻌﺬﺭﻳﻦ ) ﻣﻨﻬﺎ
ﺍﺷﻮ ﻛﻌﺪﺗﻲ ﺯﺍﻳﺪﺓ ﻗﺎﻃﺎﺕ ﻋﺎﻟﺒﺎﺭﺣﺔ
.. ﻫﺪﻯ ﺣﻘﻲ ﺍﺣﺠﻲ ﻭﺍﻧﻘﻬﺮ ﻻﻥ ﻫﺎﻱ ﺍﺧﺘﻲ ﺍﻟﺠﺒﻴﺮﺓ
.. ﻟﺞ ﺿﺤﻰ ﻏﺎﺡ ﺗﺨﺒﻠﻴﻨﻲ ﻏﺤﻤﺔ ( ﺭﺣﻤﺔ ) ﻋﻠﻰ ﻭﺍﻟﺪﻳﺞ ﻛﺎﻓﻲ
ﺍﺷﻮ ﻛﻠﻤﺎ ﺗﻔﺘﺤﻴﻦ ﺣﻠﻜﺞ ﺑﻜﻠﻤﺔ ﺗﺰﻳﺪﻳﻦ ﺍﻟﻄﻴﻦ ﺑﻠﺔ
ﺍﺳﺄﻟﺞ ﺑﺎﻟﻠﻪ ﺷﻴﻤﺎﺀ ﺷﻨﻮ ﻣﺼﻠﺤﺘﻬﺎ ﺑﻔﺴﺦ ﺧﻄﻮﺑﺘﺞ
ﺿﺤﻰ .. ﻣﺒﻴﻨﺔ ﻭﺍﺿﺤﺔ ﻣﻴﺤﺘﺎﺟﻠﻬﺎ ﻋﻠﻢ
ﺳﻴﻒ ﻳﻤﻠﻚ ﻛﻞ ﺍﻟﻤﻮﺍﺻﻔﺎﺕ ﺍﻟﻲ ﺗﺘﻤﻨﺎﻫﺎ ﺍﻱ ﺑﻨﻴﺔ
ﺷﻜﻞ ﻭﺟﺎﻩ ﻭﻣﺎﻝ ﻭﺷﺨﺼﻴﺔ
ﻭﺷﻴﻤﺎﺀ ﻣﻮ ﻣﻼﻙ ﺍﻛﻴﺪ ﻃﻤﻌﺖ ﺑﻴﻪ ﻟﻨﻔﺴﻬﺎ
ﺷﻬﻜﺖ ﻭﻟﻄﻤﺖ ﻋﻠﻰ ﺻﺪﺭﻱ
.. ﻭﻟﺞ ﺿﺤﻰ ﺍﻟﻠﻪ ﻳﺎﺧﺬﺝ ﻋﻠﻰ ﻫﺎﻱ ﺍﻻﻓﻜﺎﻍ ( ﺍﻻﻓﻜﺎﺭ ) ﺍﻟﺴﻮﺩﺓ
ﻟﺞ ﻫﺎﻱ ﺷﻴﻤﺎﺀ ﺍﻣﻨﺎ ﺍﻟﻲ ﻏﺒﺘﻨﺎ ﻭﺧﺴﻐﺖ ( ﺭﺑﺘﻨﺎ ﻭﺧﺴﺮﺕ ) ﺳﻨﻴﻦ ﻋﻤﻐﻬﺎ ( ﻋﻤﺮﻫﺎ ) ﻋﻠﻤﻮﺩﻧﺎ ﻭﻳﺎﻣﺎ ﻏﻔﻀﺖ ( ﺭﻓﻀﺖ ) ﺗﺘﺰﻭﺝ ﻋﻠﻤﻮﺩﻧﺎ
ﺷﻠﻮﻥ ﺗﺘﺠﻐﺌﻴﻦ ( ﺗﺘﺠﺮﺋﻴﻦ ) ﻭﺗﺸﻜﻴﻦ ﺑﻴﻬﺎ ﻭﺗﺼﺪﻛﻴﻦ ﻛﻼﻡ
ﻭﺍﺣﺪ ﻣﺼﺎﻏﻠﺞ ﻛﻢ ﻳﻮﻡ ﻣﻦ ﻋﻐﻔﺘﻴﻪ
.. ﻻ ﺳﻴﻒ ﻳﺤﺒﻨﻲ ﻣﻦ ﻗﺒﻞ ﻭﺟﺎﻥ ﻛﻞ ﻳﻮﻡ ﻳﺪﺯ ﺷﻬﺪ
ﺣﺘﻰ ﺗﻘﻨﻌﻨﻲ ﺍﻭﻓﻖ ﺍﺗﺰﻭﺟﻪ ﻭﺻﺒﺮ ﻋﻠﻴﺔ ﻛﻞ ﻫﺎﻱ ﺍﻟﻤﺪﺓ
ﻣﻨﺎ ﻟﺤﺪ ﻣﺎ ﺍﻗﺘﻨﻌﺖ ﻭﻭﺍﻓﻘﺖ
ﻭﺍﻻ ﻭﺍﺣﺪ ﻣﺜﻞ ﺳﻴﻒ ﺍﻟﻒ ﻭﺣﺪﺓ ﺗﺘﻤﻨﺎﻩ
ﺑﺲ ﺍﺻﺮﺍﺭﻩ ﻭﺗﻤﺴﻜﻪ ﺑﻴﺔ
ﺧﻼﻧﻲ ﺍﻋﺮﻑ ﻗﻴﻤﺘﻲ ﻋﻨﺪﻩ ﻭﻣﺪﻯ ﺣﺒﻪ ﺍﻟﻲ
ﻛﻼﻣﻬﺎ ﺧﻼﻧﻲ ﺍﺿﺮﺏ ﻛﻒ ﺑﻜﻒ
ﻭﺍﻛﻮﻝ
.. ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ
ﻣﺮﺕ ﺍﻻﻳﺎﻡ ﻭﺍﻟﺘﻬﺖ ﺿﺤﻰ ﺗﻄﻠﻊ ﻭﻳﺔ ﺷﻬﺪ ﻳﻜﻤﻠﻮﻥ ﺣﺠﺰ ﺍﻟﺼﺎﻟﻮﻥ ﻭﺍﻟﺒﺪﻟﺔ ﻭﻏﻴﺮﻫﺎ ﻣﻦ ﺍﻟﺘﺠﻬﻴﺰﺍﺕ
ﺍﺑﺎﻭﻉ ﻟﺸﻴﻤﺎﺀ ﺻﺎﺭﺕ ﺗﺘﻬﺮﺏ ﻣﻦ ﺍﻟﺒﻴﺖ
ﻭﺭﺟﻌﺖ ﺗﺎﺧﺬ ﺧﻔﺎﺭﺍﺕ ﺑﺎﻟﻤﺴﺘﺸﻔﻰ ﺑﺤﺠﺔ ﻳﺰﻳﺪ ﺭﺍﺗﺒﻬﺎ
ﻭﺍﻧﻲ ﺑﻘﻴﺖ ﺑﺎﻟﺒﻴﺖ ﺍﺗﻌﻠﻤﺖ ﺍﻟﻄﺒﺦ ﻭﻫﻮﺍﻱ ﺷﻐﻼﺕ
ﺑﺎﻻﺿﺎﻓﺔ ﻟﻠﺘﻨﻈﻴﻒ ﺳﻠﻴﻤﺔ ﻣﺘﺤﺠﻲ ﻋﻠﻴﺔ ﻫﺎﻱ ﺍﻻﻳﺎﻡ ﺷﻜﻠﻬﺎ
ﻣﺎﺧﺬﺓ ﺍﺟﺎﺯﺓ ﻣﻦ ﺍﻟﻐﻠﻂ ﻭﺍﻟﺮﺯﺍﻳﻞ
ﻣﺒﻴﻬﺎ ﺣﻴﻞ
ﻣﺮﺕ ﺍﺭﺑﻌﺔ ﺍﻳﺎﻡ ﻋﻠﻰ ﻣﻮﺿﻮﻉ ﺭﺍﺋﺪ ﻭﺍﻫﻠﻪ
ﻭﺑﻌﺪ ﺍﻟﺼﺎﺭ ﻣﺴﻤﻌﺖ ﻋﻨﻬﻢ ﺍﻱ ﺷﻲ ﻋﻦ ﺍﺧﺒﺎﺭﻫﻢ
ﺟﻨﺖ ﺍﺳﺘﺤﻲ ﺍﺳﺄﻝ ﺷﻴﻤﺎﺀ ﻋﻦ ﺭﺍﺋﺪ
ﻻﻥ ﺍﻟﺒﻴﻬﺎ ﻛﺎﻓﻴﻬﺎ
ﺿﺤﻰ ﺭﻏﻢ ﺍﻧﺸﻐﺎﻟﻬﺎ ﺑﻌﺮﺳﻬﺎ ﺑﺲ ﻇﻠﺖ ﺗﺤﻮﻡ ﻋﻠﻰ ﺭﺍﺳﻲ ﻭﺗﺤﺠﻲ ﻳﻤﻲ ﻣﻘﻬﻮﺭﺓ ﻣﻦ ﺗﺠﺎﻫﻞ ﺷﻴﻤﺎﺀ ﺍﻟﻬﺎ
.. ﻫﺪﻯ ﻋﺎﺟﺒﺞ ﺗﺼﺮﻑ ﺷﻴﻤﺎﺀ ﻭﻳﺎﻱ
.. ﺷﻜﻮ ﻟﻴﺶ ﺗﺤﺠﻴﻦ ﻋﻠﻴﻬﺎ ﺍﺷﻮ ﺍﻟﺒﻨﻴﺔ ﺣﺘﻰ ﺍﻟﺒﻴﺖ ﻋﺎﻓﺘﻪ ﻣﻦ ﻭﻏﺎﺝ . ( ﻭﺭﺍﺝ )
.. ﺍﻱ ﻭﻛﺘﻬﺎ ﺗﺘﻤﺰﻋﻞ ﺣﻀﺮﺗﻬﺎ ﻣﺘﺸﻮﻑ ﻣﺒﻘﺔ ﺷﻲ ﻋﻠﻰ ﺯﻭﺍﺟﻲ ﻭﺍﻧﻲ ﺑﺤﺎﺟﺘﻬﺎ
ﺍﻟﻤﻔﺮﻭﺽ ﺍﻧﻲ ﺍﺯﻋﻞ ﻋﺎﻟﺼﺎﺭ ﻣﻮ ﻫﻲ
ﻳﻌﻨﻲ ﻋﻴﺎﻟﻲ ﻳﺴﺄﻟﻮﻧﻲ ﻋﻨﻬﺎ ﻭﺍﻧﻲ ﺍﺣﺘﺎﺭﻳﺖ ﺷﻨﻮ ﺍﺟﺎﻭﺑﻬﻢ
ﻫﻲ ﻟﻴﺶ ﻫﺸﻜﻞ ﺗﺴﻮﻱ ﺑﻴﺔ . ﻫﺎﻱ ﺑﺪﺍﻝ ﻣﺎ ﺗﺠﻲ ﺗﺼﻠﺢ ﻏﻠﻄﻬﺎ ﻭﻳﺎﻱ ﺗﻜﻮﻡ ﺗﺰﻳﺪﻫﺎ ﻋﻠﻴﺔ
....
ﻭﺍﻟﻠﻪ ﻗﻬﺮﺗﻨﻲ ﻭﻛﺴﺮﺗﻨﻲ ﺷﺎﻟﺖ ﺍﻳﺪﻫﺎ ﻣﻨﻲ ﻭﺍﻧﻲ ﺑﺄﻣﺲ ﺍﻟﺤﺎﺟﺔ ﺍﻟﻬﺎ ﻭﺗﻌﺮﻑ ﺑﻴﺔ ﻣﺎﻋﻨﺪﻱ ﻏﻴﺮﻫﺎ ﻳﺴﺎﻋﺪﻧﻲ ﺑﻬﻴﺞ ﻓﺘﺮﺓ ﻣﻦ ﺣﻴﺎﺗﻲ ﻻ ﻋﻨﺪﻱ ﺍﻡ ﺗﻌﻠﻤﻨﻲ ﻭﻻ ﻋﻨﺪﻱ ﺍﺣﺪ ﻳﺮﺷﺪﻧﻲ ﻭﺭﺑﻲ ﻫﺎﻱ ﻟﻮ ﻭﺣﺪﺓ ﻏﻴﺮﻱ ﺑﻌﺪ ﺍﻟﺼﺎﺭ ﻭﺍﻟﺴﻤﻌﺘﻪ
ﺟﺎﻥ ﻣﺘﺴﻜﺖ ﻋﻦ ﺍﻟﺴﺎﻟﻔﺔ ﻭﺗﺤﺮﻙ ﺍﻟﺪﻧﻴﺎ ﻋﻠﻰ ﺭﺍﺳﻬﺎ
ﺑﺲ ﺍﻧﻲ ﻛﻠﺒﻲ ﻣﻮ ﺑﻴﺪﻱ ﺍﺣﺒﻬﺎ ﻏﺼﺐ ﻋﻨﻲ ﻻﻥ ﺍﺧﺘﻲ
.. ﻭﺍﻟﻠﻪ ﺣﻴﻐﺘﻴﻨﻲ ( ﺣﻴﺮﺗﻴﻨﻲ ) ﻳﺎ ﺿﺤﻰ ﻣﺎ ﺍﻋﻐﻒ ( ﻣﺎﺍﻋﺮﻑ ) ﺷﺤﺠﻲ ﻭﻳﺎﺝ
.. ﻣﺎ ﺣﺎﺟﺔ ﺗﺤﺠﻴﻦ ﺍﻧﻲ ﺣﻈﻲ ﻭﺍﻋﺮﻓﻪ
ﻣﻦ ﻳﻮﻣﻲ ﻣﺎﻋﻨﺪﻱ ﺣﻆ ﺣﺘﻰ ﺍﺧﺘﻲ ﺍﻟﺠﺒﻴﺮﺓ ﻛﻠﺒﺖ ﻋﻠﻴﺔ
ﻭﺍﺫﺗﻨﻲ ﻣﻦ ﺍﺭﻳﺪ ﺍﻓﺮﺡ ﻛﻠﻬﺎ ﺻﺎﺭﺕ ﺿﺪﻱ
ﻃﻠﻌﺖ ﻣﻦ ﺍﻟﻤﻄﺒﺦ ﺗﺒﺠﻲ
ﺳﻤﻌﺖ ﺣﺮﻛﺔ ﻳﻢ ﺑﺎﺏ ﺍﻟﻤﻄﺒﺦ ﻣﻦ ﺑﺮﺓ ﻭﺍﺗﻔﺎﺟﺌﺖ ﺑﻮﺟﻮﺩ
ﺷﻴﻤﺎﺀ ﻭﺍﻛﻔﺔ ﻳﻢ ﺍﻟﺒﺎﺏ
ﺑﺲ ﻣﺒﻴﻦ ﻣﻦ ﺷﻜﻠﻬﺎ ﺳﻤﻌﺖ ﻛﻠﺸﻲ
ﻧﺰﻋﺖ ﺣﺬﺍﺀﻫﺎ ﻳﻢ ﺑﺎﺏ ﺍﻟﻤﻄﺒﺦ ﻭﺩﺧﻠﺖ ﻟﻠﺒﻴﺖ ﺑﺪﻭﻥ ﻣﺘﺤﺠﻲ ﺍﻱ ﺷﻲ
ﻟﻠﻌﺼﺮ ﺍﺟﺘﻲ ﺭﺑﺎﺏ ﻋﻠﻴﻬﺎ ﻭﻃﻠﻌﺖ
ﺣﺘﻰ ﻣﺎ ﻛﺎﻟﺖ ﻭﻳﻦ ﻃﺎﻟﻌﺔ
ﺍﻧﺘﺒﻬﺖ ﻟﺸﻴﻤﺎﺀ ﺣﺘﻰ ﻭﻳﺎﻱ ﺻﺎﺭﺕ ﺗﺘﻌﺎﻣﻞ ﺑﺒﺮﻭﺩ
ﺯﻳﻦ ﺍﻧﻲ ﺷﻌﻠﻴﺔ ﺷﻠﻲ ﺩﺧﻞ ﺑﺎﻟﻤﻮﺿﻮﻉ
ﺻﺎﺭ ﺍﻟﻤﻐﺮﺏ ﻭﺍﻟﺒﻴﺖ ﻓﺎﺭﻍ ﻭﻣﺤﺪ ﺑﻴﻪ
ﻇﻠﻴﺖ ﻟﻮﺣﺪﻱ ﺍﺣﻮﻡ ﺍﺣﺲ ﺑﺮﻭﺣﻲ ﺍﺧﺘﻨﻜﺖ
ﻭﺧﻨﻜﺘﻨﻲ ﺍﻟﻌﺒﺮﺓ ﻭﻇﻠﻴﺖ ﺍﺣﺠﻲ ﻭﻳﺔ ﺍﻟﺤﻴﻄﺎﻥ ﻋﺴﺎﻫﺎ ﺗﺴﻤﻌﻨﻲ
ﺍﻧﺎﺷﺪﻫﺎ ﻋﻠﻰ ﺧﻮﺍﺗﻲ ﺍﻻﺭﺑﻌﺔ ﺷﻠﻮﻥ ﻓﺮﻛﻬﻢ ﺍﻟﻮﻛﺖ
ﻫﻢ ﻳﺮﺟﻊ ﺑﻴﻨﺎ ﺍﻟﻮﻛﺖ ﻭﻧﻜﻌﺪ ﻋﻠﻰ ﻓﺮﺩ ﺻﻴﻨﻴﺔ ﻭﻧﺠﺘﻤﻊ
ﻛﻠﻨﺎ ﺳﻮﺓ ﻟﻮ ﺑﻌﺪ ﻫﺎﻱ ﻫﻲ ﻭﺻﻠﻨﺎ ﻷﺧﺮ ﺍﻟﻤﺸﻮﺍﺭ
ﻭﺻﻔﺔ ﻫﺬﺍ ﺣﺎﻟﻨﺎ ﻭﻳﺔ ﺍﻟﺰﻣﻦ ﻛﻠﻤﻦ ﺑﻮﺍﺩﻱ
ﺍﺫﻥ ﺍﻟﻤﻐﺮﺏ
ﻭﺭﺣﺖ ﺍﺗﻮﺿﻴﺖ ﻭﺻﻠﻴﺖ ﻭﻗﺮﻳﺖ ﺷﻮﻳﺔ ﻗﺮﺍﻥ ﻭﻫﺪﻳﺘﻪ ﻷﻣﻲ ﺑﻌﺪﻣﺎ ﺧﻠﺼﺖ ﺭﺣﺖ ﻟﻠﻤﻄﺒﺦ ﺍﺳﻮﻳﻠﻲ ﻋﺸﺎﺀ ﻃﻠﻌﺖ ﺑﺘﻴﺘﺔ ﺍﺳﻠﻜﻬﺎ
ﺳﻤﻌﺖ ﺻﻮﺕ ﺍﻟﺒﺎﺏ ﻳﻨﺪﻙ ﻭﺭﺣﺖ ﻓﺘﺤﺘﻪ
ﻭﺩﺧﻠﺖ ﺷﻴﻤﺎﺀ ﺳﻠﻤﺖ ﻋﻠﻴﺔ
ﻭﺳﻠﻤﺖ ﺑﻬﺪﻭﺀ
ﺑﺎﻭﻋﺘﻠﻲ
ﻭﺩﺧﻠﺖ ﺟﻮﺓ ﺟﺎﻧﺖ ﺷﺎﻳﻠﺔ ﻋﻼﻟﻴﻚ ﺑﻴﺪﻫﺎ
ﻛﻌﺪﺕ ﻋﺎﻟﻜﺮﻭﻳﺘﺔ ﺑﺎﻟﻤﻄﺒﺦ ﻭﻓﺘﺤﺖ ﺍﻟﻌﻼﻟﻴﻚ ﻭﻫﻲ ﺗﺴﺄﻟﻨﻲ
.. ﺷﻨﻮ ﻟﻮﺣﺪﺝ ﺑﺎﻟﺒﻴﺖ
.. ﺍﻱ ﻛﻠﻬﻢ ﻃﺎﻟﻌﻴﻦ ﻣﺤﺪ ﻣﻮﺟﻮﺩ
.. ﺗﻌﺎﻟﻲ ﺷﻮﻓﻲ ﺷﻨﻮ ﺍﺷﺘﺮﻳﺘﻠﺞ
ﻃﻠﻌﺖ ﻣﻦ ﺍﻟﻌﻼﻛﺔ ﺑﺪﻟﺔ ﻗﺼﻴﺮﺓ ﻟﻮﻧﻬﺎ ﺍﺳﻮﺩ ﻣﻄﻌﻤﺔ ﺑﺄﺣﻤﺮ
ﻧﺴﻴﺖ ﻛﻞ ﺿﻮﺟﺘﻲ ﻭﺭﺣﺖ ﺭﻛﺾ ﻳﻤﻬﺎ
.. ﻫﺎﻱ ﺷﻨﻮ ﺍﻟﻴﺔ ﺍﻟﺒﺪﻟﺔ
ﺍﺑﺘﺴﻤﺖ .. ﻟﻴﺶ ﻫﻮ ﺍﻛﻮ ﻏﻴﺮﺝ ﻗﺰﻣﺔ ﺑﺎﻟﺒﻴﺖ
ﺍﺧﺬﺗﻬﺎ ﻭﺣﻄﻴﺘﻬﺎ ﻋﻠﻰ ﺟﺴﻤﻲ
ﻭﺍﻧﻲ ﺍﺳﺘﻌﺮﺽ ﻛﺪﺍﻡ ﺷﻴﻤﺎﺀ
.. ﻳﺎﺑﻌﺪ ﻋﻤﺮﻱ ﺷﻮﻣﺔ ﺍﻟﻠﻪ ﻳﺨﻠﻴﺞ ﺍﻟﻲ
ﺻﺪﻙ ﺫﻭﻕ ﻭﺣﻠﻮﺓ
ﺟﺎﻧﺖ ﺑﺪﻟﺔ ﻗﺼﻴﺮﺓ ﻭﺗﻮﺻﻞ ﻟﻨﺺ ﺍﻟﺴﺎﻕ
ﻭﻣﺨﺼﺮﺓ ﻋﺎﻟﺠﺴﻢ
.. ﺑﺎﻟﻌﺎﻓﻴﺔ ﻋﻠﻴﺞ ﺗﺴﺘﺎﻫﻠﻴﻨﻬﺎ ﻫﺎﻱ ﻫﺪﻳﺔ ﻧﺠﺎﺣﺞ
ﻻﻥ ﻣﺎ ﺍﺷﺘﺮﻳﺘﻠﺞ ﺍﻱ ﺷﻲ ﻭﻻ ﺍﺧﺬﺗﺞ ﻣﻄﻌﻢ ﺍﻟﺘﻬﻴﺖ ﻋﻨﺞ
ﺭﺣﺖ ﻋﻠﻴﻬﺎ ﻭﺣﻀﻨﺘﻬﺎ ﻭﺑﺴﺘﻬﺎ ﻣﻦ ﺧﺪﻫﺎ
.. ﺍﻣﻮﺕ ﻋﻠﻴﺞ ﻳﺎ ﺍﺣﻠﻰ ﺍﺧﺖ ﺑﺎﻟﻌﺎﻟﻢ ﺍﻟﻪ ﻣﺎ ﻳﺤﻐﻤﻨﻲ ( ﻣﺎ ﻳﺤﺮﻣﻨﻲ ) ﻣﻨﺞ
ﺿﺤﻜﺖ .. ﻃﻠﻌﺖ ﺧﺒﺎﻻﺕ ﻫﺪﻯ
ﻭﻟﺞ ﺭﺍﺡ ﺗﺨﻨﻜﻴﻨﻲ
ﺍﺑﺘﻌﺪﺕ ﻋﻨﻬﺎ ﻭﺍﻧﻲ ﺍﺗﻠﻤﺲ ﺑﺎﻟﺒﺪﻟﺔ ﺑﻴﻦ ﺍﻳﺪﻳﺔ
ﺍﻧﺘﺒﻬﺖ ﻋﻠﻴﻬﺎ ﺳﺤﺒﺖ ﻋﻼﻛﺔ ﺛﺎﻧﻴﺔ ﻭﻃﻠﻌﺖ ﻣﻨﻬﺎ ﻋﻠﺒﺔ ﺫﻫﺐ ﺻﻐﻴﺮﺓ
ﻓﺘﺤﺘﻬﺎ ﻭﻣﺪﺗﻬﺎ ﻛﺪﺍﻣﻲ ﺗﺮﺍﻭﻳﻨﻲ ﺍﻳﺎﻫﺎ
.. ﺷﻨﻮ ﺭﺃﻳﺞ ﺑﻬﺬﺍ ﺍﻟﻤﺤﺒﺲ
ﺍﻗﺘﺮﺑﺖ ﻋﻠﻴﻬﺎ ﻭﺩﻧﻜﺖ ﺍﺑﺎﻭﻉ ﻋﺎﻟﻤﺤﺒﺲ
ﺟﺎﻥ ﺻﻐﻴﺮ ﺑﺲ ﻛﻠﺶ ﻧﺎﺯﻙ
.. ﻛﻠﺶ ﺣﻠﻮ ﻭﺫﻭﻕ ﻫﺬﺍ ﺍﻟﻤﻦ
.....
ﻫﺬﺍ ﺍﺷﺘﺮﻳﺘﻪ ﻟﻀﺤﻰ ﺍﻫﺪﻱ ﺍﻟﻬﺔ ﻛﺪﺍﻡ ﻋﻴﺎﻟﻬﺎ ﺑﻴﻮﻡ ﺯﻭﺍﺟﻬﺎ
ﺣﺘﻰ ﻟﺘﻜﻮﻝ ﺧﻮﺍﺗﻲ ﻣﺎ ﺫﻛﺮﻭﻧﻲ
ﻗﺮﺭﺕ ﺍﻛﻤﻞ ﻃﺮﻳﻘﻲ ﻭﻳﺎﻫﺎ ﻟﻼﺧﻴﺮ
ﻭﺍﺩﻭﺱ ﻋﻠﻰ ﻧﻔﺴﻲ
ﻻﻥ ﺍﻧﺘﻮﺍ ﺍﻣﺎﻧﺔ ﺍﻣﻲ ﻭﺍﻻﻣﺎﻧﺔ ﻻﺯﻡ ﺍﺻﻮﻧﻬﺎ ﻓﻲ ﻏﺾ ﺍﻟﻨﻈﺮ ﻋﻦ ﺍﻟﺼﺎﺭ ﺑﻴﻨﻲ ﻭﺑﻴﻨﻬﺎ
ﻣﺎ ﺍﺭﻳﺪ ﻋﻴﺎﻟﻬﺎ ﺑﺎﺟﺮ ﻋﻜﺒﺔ ﻳﻌﻴﺮﻭﻧﻬﺎ ﺑﺄﻫﻤﺎﻟﻨﺎ ﺍﻟﻬﺎ
ﺍﺷﻮﻓﻬﺎ ﺷﻠﻮﻥ ﺗﺤﺠﻲ
ﻛﻌﺪﺕ ﻳﻤﻬﺎ ﻭﺑﺴﺖ ﺍﻳﺪﻫﺎ
.. ﻣﻨﻮ ﻣﺜﻠﻲ ﺍﻟﻠﻪ ﻳﺤﺒﻬﺎ ﻭﺍﻧﻄﺎﻫﺎ ﺍﺧﺖ ﻣﺜﻠﺞ ﺣﻨﻴﻨﺔ
.. ﺷﻨﻮ ﺭﺍﺡ ﺗﻜﻌﺪﻳﻦ ﺗﺸﻌﺮﻳﻦ ﺑﺮﺍﺳﻲ
ﺑﺎﻟﻠﻪ ﺷﻮ ﻛﻮﻣﻲ ﺳﻮﻳﻠﻲ ﻋﺸﺎ ﻣﺘﺖ ﻣﻦ ﺍﻟﺠﻮﻉ
ﻣﻦ ﺍﻟﺼﺒﺢ ﺑﺎﻗﻴﺔ ﻋﻠﻰ ﻟﺤﻢ ﺑﻄﻨﻲ
ﻛﻤﺖ ﻣﻦ ﻣﻜﺎﻧﻲ
.. ﻳﺨﺴﺔ ﺍﻟﺠﻮﻉ ﻫﺴﺔ ﺛﻮﺍﻧﻲ ﻭﺍﺻﻴﻐﻠﺞ ( ﺍﺻﻴﺮﻟﺞ ) ﻋﺸﺎ
ﺷﺘﺤﺒﻴﻨﻲ ﻭﺣﺶ ﺍﻟﻄﺎﻭﺓ ﻟﻮ ﻃﻤﺎﻃﻪ ﻣﻜﺎﻳﺔ
ﺷﺘﻐﻴﺪﻳﻨﻲ ﺍﺻﻴﺮ
_ ﻣﺎﻏﻴﺪﺝ ﺗﺼﻴﺮﻳﻠﻲ ﺷﻲ
ﺑﻌﺪﻳﻦ ﻳﺼﻴﻎ ﻋﻨﺪﻱ ﻋﺴﻎ ﻫﻈﻢ
_ ﻫﺎ ﺧﻴﺘﻲ ﺳﺎﻟﻤﻴﻦ ﻛﻤﺘﻲ ﺗﻐﻮﻏﻮﻳﻦ ﻣﺜﻠﻲ
_ ﻫﻬﻪ ﻋﺒﺎﻟﺞ ﺑﺲ ﺍﻧﺖ ﺗﺘﺪﻟﻌﻴﻦ ﺑﺎﻟﻐﻮﻏﻮﺓ ﺍﻧﻲ ﻫﻢ
ﺭﻭﺣﻲ ﺳﻮﻳﻠﻲ ﻋﺸﺎ ﻳﻠﻪ
_ ﺣﺎﺿﻎ ﺳﻴﺪﻱ
ﻭﻣﻦ ﻋﻨﺪﻫﺎ ﺷﻴﻤﺎﺀ ﻗﺮﺭﺕ
ﺗﺮﻛﻦ ﺍﻟﻤﺸﺎﻛﻞ ﻭﺍﻟﺰﻋﻞ ﻋﻠﻰ ﺻﻔﺤﺔ ﻭﺻﺎﺭﺕ ﺗﺘﻌﺎﻣﻞ ﻭﻳﺔ ﺿﺤﻰ ﺑﺒﺮﻭﺩ ﻭﻋﻠﻰ ﻛﺪ ﺍﻻﺣﺘﻴﺎﺟﺎﺕ
ﻋﻠﻤﻮﺩ ﺗﺴﺎﻋﺪ ﺿﺤﻰ ﺗﻜﻤﻞ ﺑﺸﻐﻼﺕ ﻋﺮﺳﻬﺎ
ﺣﺘﻰ ﺗﻌﺮﺱ ﺑﺪﻭﻥ ﻣﺸﺎﻛﻞ
ﻭﺿﺤﻰ ﺭﺣﺒﺖ ﺑﺘﻘﺮﺏ ﺷﻴﻤﺎﺀ ﻣﻨﻬﺎ ﻭﻛﻴﻔﺖ ﺑﻲ
ﻭﻫﻲ ﻫﻢ ﺧﻠﺖ ﺍﻟﻤﺸﺎﻛﻞ ﻭﺭﺍﻫﺎ
ﺍﺟﺘﻲ ﺿﺤﻰ ﺑﻴﻮﻣﻬﺎ ﺗﻜﻮﻝ
.. ﺷﻴﻤﺎﺀ ﺍﺧﺘﻲ ﻭﻣﺎ ﺍﺣﺐ ﺍﺯﻋﻠﻬﺎ
ﺭﻏﻢ ﺍﻟﺼﺎﺭ ﺑﻴﻨﺎ ﺍﺑﻘﻰ ﺍﺣﺒﻬﺎ
ﺣﺮﺍﻣﺎﺕ ﺿﺤﻰ ﺗﺼﻴﺮ ﻣﻦ ﻧﺼﻴﺐ ﺳﻴﻒ
ﻻﻥ ﺿﺤﻰ ﺍﻟﻮﺣﻴﺪﺓ ﺑﻴﻨﺎ ﻣﺸﺎﻓﺖ ﺍﻟﺪﻧﻴﺎ ﻭﻻ ﺍﺧﺘﻠﻄﺖ ﺑﺎﻟﻨﺎﺱ ﻭﻣﺘﻌﺮﻑ ﻣﻌﺎﺩﻧﻬﻢ ﻭﺑﺴﺮﻋﺔ ﺗﻨﺠﺮﻑ ﺑﺎﻟﻜﻼﻡ
ﻭﺍﻛﺜﺮ ﻭﺣﺪﺓ ﺑﻴﻨﺎ ﻣﺘﺤﺐ ﺍﻟﺰﻋﻞ ﺑﺲ ﻣﻊ ﺍﻻﺳﻒ ﺗﺸﻮﻑ ﺍﻟﻨﺎﺱ ﺑﻌﻴﻦ ﻃﺒﻌﻬﺎ
ﻭﻭﻛﻌﺖ ﺑﻴﺪ ﺳﻴﻒ ﺍﺳﺄﻝ ﺍﻟﻠﻪ ﻳﻜﻮﻥ ﺳﻴﻒ ﻋﻨﺪ ﺣﺴﻦ ﺿﻨﻬﺎ ﺑﻲ ﻭﻣﺎ ﻳﺨﺬﻟﻬﺎ
ﻭﻗﺒﻞ ﻋﺮﺱ ﺿﺤﻰ ﺑﻴﻮﻣﻴﻦ
ﺍﺟﺘﻲ ﺭﺑﺎﺏ ﺍﻟﻴﻮﻡ ﺣﺘﻰ ﺗﻨﻈﻒ ﺟﺴﻢ ﺿﺤﻰ ﺑﺎﻟﺸﻤﻊ
ﻗﺒﻞ ﺍﻟﻌﺮﺱ ﻭﺗﺴﻮﻳﻠﻬﺎ ﻛﻢ ﺷﻐﻠﺔ ﺧﺎﺻﺔ ﻣﺎﻝ ﻋﺮﺍﻳﺲ
ﻣﺎ ﺍﻋﺮﻑ ﺷﻨﻮ ﻫﻲ ﺑﺎﻟﻀﺒﻂ
ﻻﻥ ﻛﻞ ﺷﻮﻳﺔ ﻳﻄﺮﺩﻭﻧﻲ ﻣﻦ ﺍﻟﻐﺮﻓﺔ ﻳﻜﻮﻟﻮﻥ ﺷﻐﻼﺕ ﻛﺒﺎﺭ ﻣﻴﺼﻴﺮ ﺗﺴﻤﻌﻴﻬﺎ
ﻫﺪﻯ .. ﺗﻐﺔ ( ﺗﺮﺓ ) ﺍﻧﻲ ﻛﺒﻐﺖ ﻟﺸﻮﻛﺖ ﺗﻈﻠﻮﻥ
ﺗﻌﺎﻣﻠﻮﻧﻲ ﻣﺜﻞ ﺍﻟﺠﻬﺎﻝ
ﺗﻐﺔ ( ﺗﺮﺓ ) ﻣﻮ ﻋﺒﺎﻟﻜﻢ ﻣﺎ ﺍﻓﺘﻬﻢ ﺷﻨﻮ ﺗﻜﻮﻟﻮﻥ
ﺗﻐﺔ ﺍﻧﻲ ﺍﻋﻐﻒ ( ﺍﻋﺮﻑ ) ﻛﻠﺸﻲ ﻭﻛﻼﺷﻲ
ﺭﺑﺎﺏ .. ﺍﻟﻠﻪ ﻳﻠﻌﻦ ﺑﻠﻴﺴﺞ ﻋﻠﻰ ﻫﺎﻟﻠﺴﺎﻥ
ﻟﺞ ﺷﻴﻤﺎﺀ ﺳﻤﻌﺘﻲ ﺍﺧﺘﺞ ﺍﻟﻔﺼﻤﺔ ﺷﻨﻮ ﺗﻜﻮﻝ
ﺣﺠﺖ ﺷﻴﻤﺎﺀ ﻭﻫﻲ ﺗﺼﻔﻂ ﺑﻤﻼﺑﺲ ﺿﺤﻰ ﻭﺗﺤﻄﻬﻢ ﺑﺎﻟﺠﻨﻂ
.. ﻻ ﻳﻐﺮﺝ ﺍﻟﺴﺎﻧﻬﺎ ﻭﺩﺍﻋﺘﺞ ﻫﺬﺍ ﻛﻠﺔ ﺑﻮﺧﺔ
ﻣﺎ ﺑﻴﻬﺎ ﺧﻴﺮ ﺑﺲ ﺍﻟﺴﺎﻥ
ﻟﻤﻴﺖ ﺷﻔﺎﻳﻔﻲ ﻭﺑﺮﻃﻤﺖ ﺯﻋﻼﻧﺔ
.. ﺯﻳﻦ ﺧﻠﻲ ﻏﺒﺎﺏ ( ﺭﺑﺎﺏ ) ﺗﺴﻮﻳﻠﻲ ﺷﻴﺮﺓ ﻣﺜﻠﻜﻢ ﻟﻮ ﺣﺘﻰ ﻫﺎﻱ ﺣﺮﺍﻡ
.. ﺍﻥ ﺷﺎﺀ ﺍﻟﻠﻪ ﺧﻠﻲ ﺗﺨﻠﺺ ﺿﺤﻰ ﻭﺍﻟﻠﻪ ﻛﺮﻳﻢ
.. ﻳﺎ ﻧﺎﺱ ﻳﺎﻋﺎﻟﻢ ﻧﻔﺴﻲ ﺗﻌﺎﻣﻠﻮﻧﻲ ﻣﺜﻞ ﺍﻟﺒﻨﺎﺕ ﺍﻟﻜﺒﺎﻍ ﺍﻏﻴﺪ ﺍﻛﺒﻎ ( ﺍﻟﻜﺒﺎﺭ ﺍﺭﻳﺪ ﺍﻛﺒﺮ ) ﺍﻧﺘﻮﺍ ﻟﻴﺶ ﻣﺴﺘﻬﺎﻧﻴﻦ ﺑﻴﺔ
ﺿﺤﻰ ﺟﺎﻧﺖ ﻧﺎﺯﻋﺔ ﻣﻼﺑﺴﻬﺎ ﻭﺑﺎﻗﻴﺔ ﺑﻄﺮﻙ ﺍﻟﺪﺍﺧﻠﻴﺎﺕ ﻭﺭﺑﺎﺏ ﺩﺗﺴﻮﻳﻠﻬﺎ ﺷﻴﺮﺓ ﻻﻳﺪﻳﻬﺎ
ﺿﺤﻰ ﻋﺎﻓﺴﺔ ﻭﺟﻬﺎ ﻣﻦ ﺍﻟﻢ ﺍﻟﺸﻴﺮﺓ
.. ﻟﺞ ﻋﻮﺑﺔ ﻋﻠﻰ ﺷﻨﻮ ﻛﺎﺗﻠﺔ ﺭﻭﺣﺞ ﺗﻠﺤﻜﻴﻦ ﺗﻜﺒﺮﻳﻦ ﻭﺗﻨﺼﻠﺨﻴﻦ
ﻋﺎﻃﺖ
ﺍﺍﺍﺍﺥ .. ﺍﺍﺍﺍﺥ
ﺭﺑﺎﺏ ﻋﻠﻰ ﻛﻴﻔﺞ ﻣﻦ ﺗﺸﻴﻠﻴﻦ ﻭﺭﺑﻲ ﺍﻧﻮﺟﻌﺖ
ﺭﺑﺎﺏ .. ﻟﺞ ﺛﻮﻟﺔ ﺍﺣﺴﻦ ﺑﺴﺮﻋﺔ ﺍﺷﻠﻌﻬﺎ
ﺣﺘﻰ ﻳﺨﺪﺭ ﺍﻟﻤﻜﺎﻥ ﻭﻣﺘﻨﻮﺟﻌﻴﻦ
ﺩﺍﺭﺕ ﻭﺟﻬﻬﺔ ﻋﻠﻴﺔ
.. ﻳﺎﻟﻠﻪ ﺟﻨﻴﺔ ﺟﻬﺰﻱ ﺭﻭﺣﺞ ﻣﺒﻘﺔ ﺷﻲ ﻭﺍﺧﻠﺺ ﺿﺤﻰ
ﻭﺍﺟﻲ ﺍﺻﻠﺦ ﺟﻠﺪﺝ
ﻃﻔﺮﺕ ﻣﻦ ﻣﻜﺎﻧﻲ ﺍﺭﻛﺺ ﻣﻤﺼﺪﻛﺔ
.....
ﻭﺍﺧﻴﻐﺎً ﻏﺎﺡ ﺍﺻﻴﻎ ﻭﺍﺧﻴﺮﺍ ﺭﺍﺡ ﺍﺻﻴﺮ ) ﻣﺜﻠﻜﻢ
ﺷﻴﻤﺎﺀ ﺗﻬﺰ ﺑﻴﺪﻫﺎ ﻭﺗﺒﻮﺳﻬﺎ ﻭﺗﺤﻄﻬﺎ ﻋﻠﻰ ﻛﺼﺘﻬﺎ
.. ﺍﺣﻤﺪﻙ ﻭﺍﺷﻜﺮﻙ ﻳﺎ ﺭﺏ ﻋﻠﻰ ﻧﻌﻤﺔ ﺍﻟﻌﻘﻞ
ﻫﺴﺔ ﺍﻟﻲ ﻳﺴﻤﻌﺞ ﻳﻜﻮﻝ ﻣﻌﺸﻌﺸﺔ ﻣﻦ ﺍﻟﺸﻌﺮ
ﻭﻫﻨﺔ ﻳﺎﺩﻭﺏ ﻛﻢ ﺷﻌﺮﺓ ﻭﺧﺎﺑﺼﺔ ﺭﻭﺣﺞ ﺑﻴﻬﻢ
ﺭﺑﺎﺏ .. ﻭﻟﺞ ﺧﻄﻴﺔ ﺧﻠﻴﻬﺎ ﺗﺮﻳﺪ ﺗﻌﻴﺶ ﺍﻟﺪﻭﺭ ﻭﺗﺠﺮﺏ ﺷﻌﻮﺭ ﺍﻟﺒﻨﺎﺕ ﺍﻟﻜﺒﺎﺭ ﻫﻬﻬﻬﻬﻬﻪ ﻋﻠﻰ ﻛﻮﻟﺘﻬﺎ
ﻧﺰﻋﺖ ﻭﺑﻘﻴﺖ ﺑﺎﻻﺗﻚ ﺍﻟﺪﺍﺧﻠﻲ ﺍﺳﺘﺤﻴﺖ ﺍﻧﺰﻉ ﻣﺜﻞ ﺿﺤﻰ
ﺻﺮﺕ ﺍﻧﺘﺒﻪ ﻋﻠﻰ ﺟﺴﻢ ﺿﺤﻰ ﺟﺎﻥ ﺻﺎﻓﻲ
ﻣﺎ ﺷﺎﺀ ﺍﻟﻠﻪ ﻭﻧﺰﻟﺖ ﻋﻴﻮﻧﻲ ﻋﻠﻰ ﻣﻨﻄﻘﺔ
ﺍﻟﺨﺼﺮ ﻭﺍﻟﻔﺨﺬ ﺟﺎﻧﺖ ﺻﺎﻓﻴﺔ ﻭﻣﺎ ﺑﻴﻬﺎ ﺍﻱ ﻋﻴﺐ
ﻣﺎ ﺷﺎﺀ ﺍﻟﻠﻪ ﻭﺑﻮﻛﺘﻬﺎ ﺻﺮﺕ ﺍﻗﺎﺭﻥ ﺟﺴﻤﻲ ﺑﺠﺴﻢ ﺿﺤﻰ
ﺑﻠﺤﻈﺘﻬﺎ ﻋﺮﻓﺖ ﺍﻥ ﺍﻟﻮﺣﻤﺔ ﻣﺎﻟﺘﻲ ﻛﻠﺶ ﻧﺸﺎﺯ ﻓﻮﻙ ﻣﺎ ﺍﻧﻲ ﻣﺘﺨﻴﻠﺔ
ﻭﺍﻥ ﺍﻟﺠﺴﻢ ﺍﻟﺒﻨﻴﺔ ﻻﺯﻡ ﻳﻜﻮﻥ ﻛﺎﻣﻞ ﻣﺜﻞ ﺟﺴﻢ ﺿﺤﻰ
ﺑﺲ ﺭﻏﻢ ﻫﺬﺍ ﻛﻠﻪ ﻇﻠﻴﺖ ﻣﺼﺮﺓ
ﺍﺳﻮﻱ ﺷﻴﺮﺓ ﻭﺍﺟﺮﺏ
ﻭﺟﺎﻥ ﺗﺠﻴﻨﻲ ﺭﺑﺎﺏ ﻭ ﺍﻟﺸﻴﺮﺓ ﺑﻴﻦ ﺍﻳﺪﻳﻬﺎ
ﻭﺗﺠﺮ ﺑﻴﻬﺎ ﻭﺗﺮﺟﻊ ﺗﺠﻤﻌﻬﺎ ﻭﺗﺮﺟﻊ ﺗﺠﺮﻫﺎ ﺳﻮﺗﻬﺎ ﻣﺜﻞ ﺍﻟﻼﺳﺘﻴﻚ
ﻛﺎﻟﺖ .. ﻳﺎﻟﻠﻪ ﻳﺎﺣﻠﻮﺓ ﻳﺎﻣﻜﺎﻥ ﺍﻧﻈﻒ ﺑﺎﻭﻋﺖ ﻟﺠﺴﻤﻲ ﺟﺎﻧﺖ ﺭﺟﻠﻴﺔ ﻭﺍﻳﺪﻳﺔ ﻭﺯﻧﻮﺩﻱ ﻣﺎ ﺑﻴﻬﻢ ﺷﻌﺮ ﻫﺎﻱ ﺍﺣﻠﻰ ﺧﺼﻠﺔ ﺑﻴﺔ
ﺑﺲ ﻋﻨﺪﻱ ﺷﻌﺮ ﺟﻮﺓ ﺍﺑﻄﻲ
ﺭﻓﻌﺖ ﺍﻳﺪﻱ ﻓﺮﺣﺎﻧﺔ
.. ﻧﻈﻔﻲ ﺍﺑﻄﻲ
ﻭﺳﻮﻳﺖ ﺭﻭﺣﻲ ﻋﻮﺩ ﺍﻧﻲ ﺻﺎﺣﺒﺔ ﺧﺒﺮﺓ ﻭﺑﺎﻟﻚ ﻋﻨﻲ
ﺍﺷﻮ ﻫﻲ ﺣﻄﺖ ﺍﻟﺸﻴﺮﺓ ﻭﻣﺪﺗﻬﺎ ﻋﻠﻰ ﺟﻠﺪﻱ
ﻭﺍﻧﻲ ﻋﻄﺖ ﺑﻜﻞ ﻗﻮﺗﻲ ﺍﻟﺒﻨﺎﺕ ﻛﻤﺰﻭﺍ
ﺷﻴﻤﺎﺀ .. ﻋﺰﺓ ﺑﻌﻴﻨﺞ ﻓﻀﺤﺘﻴﻨﺎ ﻋﻮﺑﺔ
ﺭﺑﺎﺏ .. ﻭﻟﺞ ﻫﺎﻱ ﺑﻌﺪﻧﻲ ﻛﻠﺸﻲ ﻣﺴﻮﻳﺖ ﺑﺲ ﻣﺪﻳﺘﻬﺎ
.. ﻋﺎﺍﺍﺍﺍﺍ .. ﻻ .. ﻻ .. ﻻ
ﺷﻴﻠﻬﺎ ﺍﺗﺸﺎﻗﺔ ﻭﻳﻜﻢ ﻣﺎ ﺍﻏﻴﺪ ﺍﻛﺒﻎ ( ﻣﺎﺍﺭﻳﺪ ﺍﻛﺒﺮ )
ﺭﺑﺎﺏ .. ﺩﻳﺎﻟﻠﻪ ﺍﺗﻤﺪﺩﻱ ﻭﻟﺘﺸﻠﻌﻴﻦ ﻛﻠﺒﻲ ﺧﻠﻲ ﺍﺷﻴﻠﻬﺎ
ﺍﺗﻤﺪﺩﺕ ﺟﻮﺓ ﺍﻳﺪﻫﺎ ﻣﺜﻞ ﺍﻻﺛﻮﻝ
ﻳﻤﺔ ﻭﻫﻲ ﺷﺎﺗﻠﻬﺎ ﺧﻠﺘﻨﻲ ﺍﺭﺍﻓﺲ ﺟﻮﺓ ﺍﻳﺪﻫﺎ
.. ﻳﻤﺔ .. ﻳﻤﺔ .. ﻳﻤﺔ
ﺭﺑﺎﺏ ﺗﻀﺤﻚ ﻭﺣﺎﺻﺮﺗﻨﻲ ﺟﻮﺓ ﺍﻳﺪﻫﺎ ﻣﺘﺨﻠﻴﻨﻲ ﺍﻛﻮﻡ
.. ﻫﻬﻬﻬﻪ ﻟﺞ ﺷﻴﻤﺎﺀ ﻟﺰﻣﻴﻬﺎ ﺍﻟﻲ ﻋﺪﻝ
ﻣﺘﺨﻠﻴﻨﻲ ﺍﻧﻀﻔﻬﺎ ﻋﺪﻝ ﻇﻠﺖ ﻣﻜﻄﻤﺔ
ﺍﺑﺎﻭﻉ ﻟﺸﻴﻤﺎﺀ ﺧﺮﺑﺎﻧﺔ ﺿﺤﻚ
ﺍﺟﺘﻲ ﻭﻟﺰﻣﺘﻨﻲ ﻣﻦ ﺍﻳﺪﻳﺔ ﺍﺛﻨﻴﻨﻬﻢ ﻭﺍﻧﺘﺒﻬﺖ ﻟﺮﺑﺎﺏ ﻏﻤﺰﺕ ﻟﻀﺤﻰ ﺍﺷﻮ ﻫﺎﻱ ﺍﻟﻌﻮﺑﺔ ﺍﻟﺜﺎﻧﻴﺔ
ﻟﺰﻣﻴﻨﻲ ﻣﻦ ﺭﺟﻠﻴﺔ ﺣﺘﻰ ﻣﺎ ﺍﺗﺤﺮﻙ
.. ﻭﻟﻜﻢ ﺷﻐﺎﺡ ﺗﺴﻮﻭﻥ ﺑﻴﺔ
ﺧﻐﺐ ﻭﻟﻜﻢ ﺑﺲ ﻻﻋﺒﺎﻟﻜﻢ ﺍﻧﺎ ﺧﻐﻮﻑ ( ﺧﺮﻭﻑ )
ﺟﻨﻜﻢ ﺗﻐﻴﺪﻭﻥ ( ﺗﺮﻳﺪﻭﻥ ) ﺗﺬﺑﺤﻮﻧﻲ
ﻣﺎﺣﺴﻴﺖ ﺍﻻ ﻭﺭﺑﺎﺏ ﺭﺟﻌﺖ ﻣﺪﺕ ﺍﻟﺸﻴﺮﺓ ﻋﻠﻰ ﺍﺑﻄﻲ ﻭﻋﻄﺖ ﺑﺼﻮﺕ ﻋﺎﻟﻲ
.. ﻋﺎﺍﺍﺍﺍﺍﺍ .. ﺍﺥ .. ﺍﺥ . ﻟﺞ ﻏﺒﺎﺏ ﻋﻠﻴﺞ ﺑﻐﻮﺡ ﺑﻴﺒﻲ ﺳﻠﻴﻤﺔ ﻛﺎﻓﻲ ﻭﺍﻟﻨﺒﻲ ﺍﺗﺄﺫﻳﺖ
ﺻﺮﺕ ﺍﺻﻴﺢ .. ﺍﻟﺘﻮﺑﺔ ﺑﻌﺪ ﻣﺎ ﺍﻋﻴﺪﻫﺎ
ﻭﺑﺄﻟﻒ ﻳﺎﻋﻠﻲ ﻣﻦ ﺧﻠﺼﻮﻧﻲ
ﻛﻤﺖ ﻣﻦ ﺟﻮﺓ ﺍﻳﺪﻫﻦ ﺷﻌﺮﻱ ﻣﻨﻔﻮﺵ ﻣﻜﻮﺵ ﻭﻫﺪﻭﻣﻲ ﻣﺨﺮﺑﻄﺔ ﻋﺒﺎﻟﻚ ﺟﻨﺖ ﺍﺗﻌﺎﺭﻙ
.. ﻳﻨﻌﻞ ﺍﺑﻠﺴﻜﻢ ﺷﺴﻮﻳﺘﻮﺍ ﺑﻴﺔ
ﺣﺸﺔ ﻋﺪﻛﻢ ﻋﻐﻜﺔ ﻣﻮ ﺷﻴﻐﺔ ( ﻋﺮﻛﻪ ﻣﻮ ﺷﻴﺮﺓ )
ﺭﺣﺖ ﻭﻛﻔﺖ ﻛﺪﺍﻡ ﺍﻟﻤﺮﺍﻳﺎ ﻭﺭﻓﻌﺖ ﺍﻳﺪﻱ ﻟﻜﻴﺖ ﻣﻜﺎﻥ ﺍﻻﺑﻂ ﺍﺣﻤﺮ ﻭﺑﻲ ﻧﻘﺎﻁ ﺩﻡ
.. ﻋﻤﺔ ﺣﺘﻰ ﻋﻤﺔ ﻭﻟﻜﻢ ﻫﻲ ﻭﻟﻴﺔ ﻣﺎﻝ ﻏﻤﺎﻥ ﻟﻮ ﻣﺎﻝ ﺯﻳﻨﻴﻦ
ﺍﺑﺎﻭﻉ ﻟﻠﺒﻨﺎﺕ ﻭﺍﻛﻌﺎﺕ ﻣﻦ ﺍﻟﻀﺤﻚ ﻋﻠﻴﺔ
ﺷﻴﻤﺎﺀ .. ﻫﻬﻬﻬﻪ ﺣﺘﻰ ﻫﻬﻪ ﺗﺒﻄﻠﻴﻦ ﻫﺎﻱ ﺳﻮﺍﻟﻔﺞ
ﺭﺑﺎﺏ .. ﻫﺴﺔ ﺑﻌﺪﺝ ﺗﺮﺩﻳﻦ ﺗﺼﻴﺮﻳﻦ ﺟﺒﻴﺮﺓ ﻟﻮ ﻏﻴﺮﺗﻲ ﺭﺃﻳﺞ
.....
ﺍﺻﻼ ﻫﻮﺍﻟﻜﺒﻎ ﻣﻮ ﺑﺎﻟﺸﻴﻐﺔ ( ﺍﻟﻜﺒﺮ ﻣﻮ ﺑﺎﻟﺸﻴﺮﺓ )
ﻭﻣﺪﻳﺘﻠﻬﻢ ﺍﻟﺴﺎﻧﻲ ﺍﻋﻴﺐ ﻋﻠﻴﻬﻦ ﻭﻃﻠﻌﺖ ﺍﻏﺴﻞ ﺑﺎﻟﺤﻤﺎﻡ
ﻭﺑﻌﺪﻣﺎ ﺧﻠﺼﻨﺎ ﺗﺠﻬﻴﺰ ﺟﻨﻂ ﺿﺤﻰ
ﻛﺎﻟﺖ .. ﺷﻴﻤﺎﺀ ﺍﻟﻠﻪ ﻳﺨﻠﻴﺞ ﺍﺭﻳﺪﺝ ﺗﺠﻴﻦ ﻭﻳﺎﻱ ﺍﻧﺘﻲ ﻭﻫﺪﻯ
ﺗﻌﺪﻭﻟﻮﻥ ﻭﻳﺎﻱ ﺍﻟﻤﻼﺑﺲ ﻣﺎﻟﺘﻲ ﺑﺒﻴﺖ ﻋﻴﺎﻟﻲ
ﺍﺳﺘﺤﻲ ﺍﺭﻭﺡ ﻟﻮﺣﺪﻱ
ﺍﺑﺎﻭﻉ ﻟﺸﻴﻤﺎﺀ ﻛﻠﺶ ﺍﺗﻀﺎﻳﻘﺖ ﻭﻭﺟﻬﺎ ﺻﺎﺭ ﺍﻟﻮﺍﻥ
ﺻﺪﻙ ﺍﻟﻤﻮﻗﻒ ﺻﻌﺐ ﺻﺎﺭﺕ ﻣﺜﻞ ﺑﻼﻉ ﺍﻟﻤﻮﺱ ﺑﺎﻟﺤﺎﻟﺘﻴﻦ ﺗﺘﺄﺫﺓ
ﻻ ﺑﻴﻬﺎ ﺗﺮﻓﺾ ﻫﻲ ﺍﺧﺘﻬﺎ ﺍﻟﺠﺒﻴﺮﺓ ﻭﻣﺎ ﻋﻨﺪﻫﺎ ﻏﻴﺮﻫﺎ
ﺗﻮﻛﻒ ﻭﻳﺎﻫﺎ ﺑﻬﺬﺍ ﺍﻟﻴﻮﻡ
ﻭﻻ ﺑﻴﻬﺎ ﺗﻜﻮﻝ ﺍﻱ ﺍﺧﺎﻑ ﺗﺘﻮﺍﺟﻪ ﻭﻳﺔ ﺍﻟﻨﻜﺲ ﺳﻴﻒ
ﺭﺑﺎﺏ ﺣﺠﺖ ﻭﻛﺎﻟﺖ
ﺍﺫﺍ ﺗﺮﺩﻭﻥ ﺍﺭﻭﺡ ﻭﻳﺎﻛﻢ
ﺷﻜﻠﻬﺎ ﺗﻌﺮﻑ ﺑﺴﺎﻟﻔﺔ ﺷﻴﻤﺎﺀ
ﺍﻱ ﺷﻴﻤﺎﺀ ﻣﺘﻀﻢ ﻋﻠﻰ ﺭﺑﺎﺏ ﺷﻲ
ﺳﻤﻌﺖ ﺭﺑﺎﺏ ﺗﻜﻠﻠﻬﺎ ﻟﺘﺨﺎﻓﻴﻦ ﺍﻧﻲ ﻭﻳﺎﺝ
ﺧﻠﻲ ﺍﺷﻮﻑ ﺯﻟﻤﺔ ﻳﺘﺠﺮﺀ ﻳﺤﺠﻲ ﻭﻳﻘﺘﺮﺏ ﻣﻨﺞ ﻭﺍﻧﺎ ﻣﻮﺟﻮﺩﺓ
ﻳﻮﻡ ﺛﺎﻧﻲ ﻛﻌﺪﻧﺎ ﻣﻦ ﺍﻟﺼﺒﺢ ﺷﻐﻞ ﻭﺗﻨﻈﻴﻒ ﻭﺿﺤﻰ ﻗﺒﻞ ﻻ ﺗﻄﻠﻊ ﻛﺎﻟﺖ ﻣﻮ ﺗﻨﺴﻮﻥ ﺍﻟﻴﻮﻡ ﺑﺎﻟﻠﻴﻞ ﻧﺮﻭﺡ ﻟﺒﻴﺖ ﻋﻴﺎﻟﻲ
ﻧﺴﻔﻂ ﻏﺮﺍﺿﻲ
ﻭﻃﻠﻌﺖ ﻟﻠﺼﺎﻟﻮﻥ ﺗﺴﻮﻱ ﺷﻌﺮﻫﺎ ﻭﺗﺤﻒ ﻭﺍﺧﺬﺕ ﻭﻳﺎﻫﺎ ﺷﻴﻤﺎﺀ ﻭﺍﺧﺬﻭﺍ ﻭﻳﺎﻫﻢ ﺭﺑﺎﺏ ﺧﻄﻴﺔ ﻫﻢ ﺍﻧﻌﻢ ﺍﻟﻠﻪ ﻋﻠﻴﻬﺎ
ﻣﻦ ﻓﺮﻏﺖ ﺭﻭﺣﻬﺎ ﺍﻟﻨﺎ
ﺍﻣﺎ ﺍﻧﻲ ﺑﻘﻴﺖ ﺑﺎﻟﺒﻴﺖ ﻣﻜﺎﺑﻠﺔ ﺣﺒﻴﺒﺔ ﻛﻠﺒﻲ ﺳﻠﻮﻣﺔ
ﻭﺷﺒﻴﺞ ﻳﺎ ﺳﻠﻮﻣﺔ
ﻭﺍﻟﻴﻮﻡ ﺳﻠﻴﻤﺔ ﻃﺎﺑﻜﺔ ﻓﻴﻮﺯﺍﺗﻬﺎ
ﺳﻠﻴﻤﺔ ﺑﻴﻬﺎ ﻃﺒﻊ ﻛﻠﻤﺎ ﺗﺸﻮﻑ ﻋﺪﻧﺎ ﻣﻨﺎﺳﺒﺔ ﻭﺗﺸﻮﻓﻨﺎ ﻣﻠﺘﻬﻴﺎﺕ
ﺗﻌﺮﺱ ﻭﻳﺔ ﻋﺮﺳﻨﺎ ﻭﺗﻄﻠﻌﻠﻬﺎ ﺷﻐﻼﺕ ﻣﻦ ﺟﻮﺓ ﺍﻟﻜﺎﻉ
ﺗﺨﻠﻴﻨﺎ ﻧﺪﻋﻢ ﻭﺣﺪﺓ ﺑﺎﻟﺜﺎﻧﻴﺔ
ﺳﻠﻴﻤﺔ .. ﺷﻨﻮ ﺳﺎﻟﻔﺘﻜﻢ ﺍﺩﺭﻱ ﻭﺍﺣﺪ ﻣﻌﺮﺱ ﻭﻋﺸﺮﺓ ﻣﺠﺎﻧﻴﻦ ﻋﻮﺩ ﻟﻴﺶ ﻫﻴﺞ ﺍﻟﺒﻴﺖ ﺍﻧﺨﺒﺺ ﻭﺻﺎﻳﺮ ﻭﺻﺦ
ﻏﻤﻀﺖ ﻋﻴﻨﻲ ﺑﺼﺒﺮ ﻫﺴﺔ ﺍﻟﻴﺴﻤﻌﻬﺎ ﻳﻜﻮﻝ ﻗﺼﺮ ﺍﻟﻤﻠﻚ ﺳﻠﻴﻤﺎﻥ ﻣﻮ ﻋﺒﺎﻟﻚ ﻧﺺ ﺑﻴﺖ
.. ﻟﻴﺶ ﺷﺒﻲ ﺍﻟﺒﻴﺖ ﻧﻈﻔﻨﺎ ﺍﻭﻝ ﻣﺎ ﻛﻌﺪﻧﺎ ﻣﻦ ﺍﻟﻨﻮﻡ
.. ﻭﻟﺞ ﺍﻟﺠﻨﻴﺔ ﺍﻟﻮﺻﺨﺔ ﺗﻌﺎﻟﻲ ﺧﻠﻲ ﺍﻋﻠﻤﺞ ﺍﻟﻨﻈﺎﻓﺔ ﺷﻠﻮﻥ ﺗﺼﻴﺮ
ﻳﺎ ﻳﻤﺔ ﻭﺟﺎﻥ ﺳﻠﻴﻤﺔ ﺗﺪﺧﻠﻨﻲ ﻟﻌﺎﻟﻢ ﺍﻟﻜﺮﺍﺏ ﻣﻦ ﺍﻭﺳﻊ ﺍﺑﻮﺍﺑﻪ
ﺍﺑﺎﻭﻉ ﻋﻠﻴﻬﺎ ﺭﺍﺣﺖ ﻟﻠﺒﻮﻓﻴﺔ ﺍﻟﻘﺪﻳﻤﺔ ﻣﺜﻞ ﺍﻟﻤﻌﺮﺽ ﺍﻟﺨﺸﺒﻲ
ﺑﻲ ﺟﺎﻡ ﻭﻣﻌﺮﻭﺽ ﺑﻴﻬﺎ ﻣﻮﺍﻋﻴﻦ ﻭﻗﻮﺍﺭﻱ ﻗﺪﻳﻤﺔ ﻭﻛﻼﺻﺎﺕ ﻣﻦ ﺩﻭﺭ ﺟﺪﻱ ﻭﺟﺪﻫﺎ
ﻭﺍﻧﺘﻴﻜﺎﺕ ﺣﺘﻰ ﺳﺒﺤﺔ ﺟﺪﻱ ﺍﻟﻠﻪ ﻳﺮﺣﻤﻪ ﺑﻴﻬﺎ ﻭﺍﻟﻨﻔﺎﻇﺎﺕ
ﺍﻟﻤﻬﻢ ﻫﺬﺍ ﺍﻟﻜﻢ ﺍﻟﻬﺎﺋﻞ ﻣﻦ ﺍﻟﻐﺮﺍﺽ ﻭﺍﻟﻤﻮﺍﻋﻴﻦ
ﻃﻠﻌﺘﻬﻢ ﻭﻛﺎﻟﺖ ﻛﻠﻬﻢ ﺗﻐﺴﻠﻴﻬﻢ ﻭﺗﻨﺸﻔﻴﻬﻢ ﻭﺗﺴﺤﺒﻴﻦ ﺍﻟﻤﻌﺮﺽ ﺗﻨﻀﻴﻔﻴﻦ ﺍﻟﺠﻮﺍﻩ ﻭﺗﺮﺟﻌﻲ
ﻟﻤﻜﺎﻧﻪ ﻭﺗﻠﻤﻌﻲ ﻭﺗﺎﻟﻲ ﺗﺮﺩﻳﻦ ﺗﺼﻔﻄﻴﻦ ﻫﺬﻭﻟﻲ ﻛﻠﻬﻢ ﺑﺪﺍﺧﻞ ﺍﻟﻤﻌﺮﺽ
.. ﺑﻴﺒﻲ ﺷﻜﻠﻮﻟﺞ ﻋﻨﻲ ﺳﺒﻮﺭﻣﺎﻥ ﻭﻳﻦ ﺍﻛﺪﺭ ﺍﺳﺤﺐ ﻫﺬﺍ ﺍﻟﻤﻌﺮﺽ ﻣﺘﺸﻮﻓﻴﻦ ﺷﻜﺒﺮﻩ
.. ﺍﻧﺎ ﺍﺻﻴﺤﻠﺞ ﻋﻼﻭﻱ ﻳﺴﺎﻋﺪﺝ
ﻭﺟﺎﻥ ﺗﺼﻴﺤﻠﻲ ﻋﻼﻭﻱ ﺧﺘﻴﺒﻲ ﺍﻟﻌﻨﻮﻧﻲ
ﺍﺑﻮﻋﻀﻼﺕ ﺑﺲ ﻛﻠﺘﻠﻪ ﺗﻌﺎﻝ ﺳﺎﻋﺪ ﻫﺪﻯ
ﺍﺟﺔ ﻳﺮﻛﺾ ﺍﻻﺟﻠﺢ ﻣﺸﻨﻒ ﺍﺭﺩﺍﻧﺎﺗﻪ
ﻭﻛﻌﺪ ﻳﺴﺎﻋﺪﻧﻲ ﻭﺟﺎﺏ ﻛﻢ ﻭﺍﺣﺪ ﻭﻳﺎﻧﺔ ﻳﻨﻜﻠﻮﻥ
ﻧﺤﻂ ﺍﻟﻐﺮﺍﺽ ﺑﺎﻟﻄﺸﺖ
ﻭﺍﻧﻲ ﻛﻌﺪﺕ ﺍﺗﻐﺰﻝ ﺑﺨﺘﻴﺒﻲ
.. ﻳﻤﺔ ﻣﻦ ﻓﺪﻭﺓ ﺍﻏﻮﺡ ﻟﺴﻨﻮﻧﻚ
ﻫﻬﻬﻬﻪ ﺍﻧﻲ ﺍﺣﺠﻲ ﻭﻫﻮ ﻓﺮﺣﺎﻥ ﻣﺼﺪﻙ ﺭﻭﺣﻪ ﻭﻛﺸﺮ ﺳﻨﻮﻧﻪ ﻳﻀﺤﻚ
.....
ﺟﻨﺖ ﺍﺷﺘﻐﻞ ﻭﺍﺩﺭﺩﻡ ﺑﻜﻠﺒﻲ ﻋﻠﻰ ﺳﻠﻴﻤﺔ ﺍﺣﺲ ﺍﻟﻴﻮﻡ ﺍﻧﺪﻟﻴﺖ ﻣﻜﺎﻥ ﻛﻞ ﻓﻘﺮﺓ ﺑﻈﻬﺮﻱ ﻣﻦ ﻭﺭﺓ ﺍﻟﺸﻐﻞ
ﻭﻟﻠﻤﻐﺮﺏ ﻳﺎﻟﻠﻪ ﺧﻠﺼﺖ ﻭﺑﻘﺖ ﺑﺲ ﺍﺭﺟﻊ ﺍﻟﻐﺮﺍﺽ ﺑﺎﻟﻤﻌﺮﺽ ﻭﺍﺭﺗﺒﻬﻢ
ﺑﺲ ﺧﻠﻴﺘﻬﻢ ﻳﻨﺸﻔﻮﻥ ﻳﺎﻟﻠﻪ ﺍﺭﺟﻌﻬﻢ
ﺭﺟﻌﻮ ﺍﻟﺒﻨﺎﺕ ﻣﻦ ﺍﻟﺼﺎﻟﻮﻥ ﻭﻣﺎ ﺷﺎﺀ ﺍﻟﻠﻪ ﺿﺤﻰ ﻃﺎﻟﻌﺔ ﺗﺠﻨﻦ ﺟﻨﻬﺎ ﻟﻌﺎﺑﺔ ﻋﻴﻦ ﺍﻟﺒﺎﺭﺩﺓ ﻋﻠﻴﻬﺎ
ﺍﻟﺘﻬﻴﻨﺔ ﺑﻴﻦ ﺍﻟﺸﻴﻞ ﻭﺍﻟﺤﻂ ﻭﺟﻤﻊ ﺍﻟﻐﺮﺍﺽ
ﻭﺍﺟﺔ ﺍﻟﻠﻴﻞ ﻭﺣﻀﺮﻧﺎ ﻧﻔﺴﻨﺎ
ﺍﺗﺼﻞ ﺳﻴﻒ ﻋﻠﻰ ﺑﺎﺑﺎ ﻭﻛﺎﻝ ﺭﺍﺡ ﺍﺩﺯ ﺍﺧﻮﻳﺔ ﻳﺠﻲ ﻳﺎﺧﺬﻛﻢ
ﻣﻦ ﺑﻌﺪ ﺍﻟﺼﺎﺭ ﺳﻴﻒ ﻣﺎ ﺍﺗﺼﻞ ﺑﺸﻴﻤﺎﺀ ﻭﻻ ﻋﺘﺐ ﺑﺎﺏ ﺍﻟﺒﻴﺖ ﺷﻜﻠﻪ ﻳﺮﻳﺪ ﻳﺜﺒﺖ ﻟﻀﺤﻰ ﺻﺤﺔ ﻛﻼﻣﻪ
ﻟﺒﺴﺖ ﺷﺎﻟﻲ ﻭﺑﻨﻄﺮﻭﻥ ﺟﻴﻨﺰ ﻭﻋﻠﻴﻪ ﻗﻤﻴﺺ ﻣﻘﻔﻞ ﻣﻼﺑﺴﻲ ﻛﻠﻬﺎ ﻛﺎﺟﻮﻝ ﻭﺣﺬﺍﺀ ﺭﻳﺎﺿﻲ ﺍﺑﻴﺾ
ﻭﺻﻞ ﺍﺧﻮ ﺳﻴﻒ
ﺿﺤﻰ .. ﻳﺎﻟﻠﻪ ﺑﻨﺎﺕ ﺳﺤﺒﻮﺍ ﺍﻟﺠﻨﻂ ﻭﺧﻠﻮﻫﺎ ﺑﺎﻟﺒﺎﺏ
ﺣﺘﻰ ﻳﺠﻲ ﻳﺎﺧﺬﻫﻢ
ﻭﻛﻤﻠﻨﺎ ﻛﻠﺸﻲ ﻭﺑﻘﻴﻨﺎ ﺑﺲ ﺍﺣﻨﺎ ﺍﺟﻴﻨﺎ ﻧﻄﻠﻊ
ﺍﺷﻮ ﻫﺎﻱ ﺳﻠﻴﻤﺔ ﻛﺎﻟﺖ ﻫﺪﻯ ﺗﺒﻘﻰ ﻣﺎ ﺗﺮﻭﺡ ﻭﻳﺎﻛﻢ
ﺧﻠﻲ ﺑﺲ ﺷﻴﻤﺎﺀ ﻭﺭﺑﺎﺏ ﻳﺮﻭﺣﻮﻥ ﻭﻳﺔ ﺿﺤﻰ ﻳﺴﺎﻋﺪﻭﻧﻬﺎ ﻛﺎﻓﻲ ﻋﻠﻴﻬﺎ ﺷﻨﻮ ﺭﺍﻳﺤﺎﺕ ﻛﻠﺠﻦ ﻗﺎﺑﻞ ﻋﺪﻛﻢ ﺯﻓﺔ
ﻳﻤﺔ ﻫﻲ ﺗﺤﺠﻲ ﻭﺍﻧﻲ ﻇﻠﻴﺖ ﺍﻛﻤﺰ ﻣﻦ ﺍﻟﻘﻬﺮ
.. ﻣﺎ .. ﻣﺎ .. ﻣﺎ ﻋﻠﻴﺔ ﺍﺭﻳﺪ ﺍﺭﻭﺡ ﻭﻳﺎﻫﻢ ﺷﻨﻮ ﻟﻴﺶ ﻣﺎ ﺍﺭﻭﺡ
ﺳﻠﻴﻤﺔ .. ﺍﻧﺘﻲ ﺍﻧﺠﺒﻲ ﻛﻌﺪﻱ ﻭﺳﻜﺘﻲ
ﻭﺗﻌﺎﻟﻲ ﺻﻔﻄﻲ ﺍﻟﻐﺮﺍﺽ ﺑﺎﻟﻤﻌﺮﺽ
ﺧﻠﻴﺘﻲ ﺷﻐﻠﺞ ﻋﺎﻟﻨﺺ ﻣﻜﻄﻢ ﻣﺜﻞ ﺍﻟﺴﺎﻧﺞ
ﺷﻴﻤﺎﺀ .. ﻳﺎﻟﻠﻪ ﻻ ﺗﻀﻮﺟﻴﻦ ﺍﺑﻘﻲ ﻫﻨﺎ ﻫﻮ ﺍﺣﻨﺎ ﻣﺎ ﺭﺍﺡ ﻧﺘﺄﺧﺮ
.. ﻭﺍﻟﻠﻪ ﻃﻜﺖ ﺭﻭﺣﻲ ﻣﻦ ﺍﻟﺒﻴﺖ ﻫﻢ ﺍﺭﻳﺪ ﺍﻃﻠﻊ ﻫﺴﺔ ﺑﻴﻤﻦ ﺭﺍﺡ ﺍﺍﺛﺮ ﻋﻠﻴﻜﻢ
ﺑﺎﺑﺎ ﻛﺎﻝ .. ﻳﺎﻟﻠﻪ ﻛﺎﻓﻲ ﺑﻼ ﺣﺠﻲ ﺯﺍﻳﺪ ﺍﺑﻘﻲ ﻳﻢ ﺑﻴﺒﺘﺞ
ﻭﺍﺧﺬ ﺍﻟﺒﻨﺎﺕ ﻭﻭﺻﻠﻬﻢ ﻣﺸﻲ ﻟﺮﺍﺱ ﺍﻟﻔﺮﻉ ﺣﺘﻰ ﻳﺮﻛﺒﻮﻥ ﺑﺴﻴﺎﺭﺓ ﺣﻤﺔ ﺿﺤﻰ ﺍﻟﻤﻨﺘﻈﺮﺗﻬﻢ
ﻣﻦ ﺣﺮﻛﺔ ﻛﻠﺒﻲ ﺍﺣﺲ ﺍﺫﺍﻧﺎﺗﻲ ﻛﺎﻣﺖ ﺗﻄﻠﻊ ﺩﺧﺎﻥ
ﻳﻤﻜﻦ ﻟﻮ ﺑﺴﺎﻋﺘﻬﺎ ﻻﺯﻣﺔ ﺳﻠﻴﻤﺔ ﺟﺎﻥ ﺛﺮﻣﺘﻬﺎ ﺑﺴﻨﻮﻧﻲ
ﻣﻦ ﺍﻟﻘﻬﺮ
ﺩﺧﻠﺖ ﻟﻠﺒﻴﺖ ﻭﺑﺪﻟﺖ ﻣﻼﺑﺴﻲ ﻭﺍﻧﻲ ﺑﺲ ﺍﺩﺭﺩﻡ
ﻭﻫﻲ ﺗﻜﻠﻲ ﻫﺎ ﺷﻨﻮ ﺗﻜﻮﻟﻴﻦ ﻋﻠﻲ ﺻﻮﺗﺞ ﻣﺎ ﺍﺳﻤﻌﺞ ﺯﻳﻦ
ﻳﺎﺭﺑﻲ ﻛﻮﻥ ﺗﺼﻴﺮ ﻃﺮﺷﺔ ﻭﺧﺮﺳﺔ ﻭﻋﻤﻴﺔ
ﺍﻭﻭﻑ
ﻟﺒﺴﺖ ﺗﺮﺍﻛﻲ ﺍﻟﺒﺮﻣﻮﺩﺓ ﻭﺭﺣﺖ ﺍﺻﻔﻂ ﺍﻟﻐﺮﺍﺽ ﺑﺎﻟﻤﻌﺮﺽ ﻭﻫﻲ ﻛﺎﻋﺪﺓ ﻳﻤﻲ ﻓﻮﻙ ﺭﺍﺳﻲ ﻛﻞ ﺷﻮﻳﺔ ﻻﺯﻣﺔ
ﻗﻄﻌﺔ ﻣﻦ ﺍﻟﻤﻮﺍﻋﻴﻦ
.. ﺍﻳﺒﺎﺍﺍﺍﺍﻩ ﻫﺬﺍ ﺍﻟﺼﻴﻨﻲ ﺍﻻﺻﻠﻲ
ﺍﻟﻠﻪ ﻋﻠﻰ ﺍﻳﺎﻡ ﺍﻟﺨﻴﺮ
ﻏﻤﻀﺖ ﻋﻴﻮﻧﻲ ﻛﻮﺓ ﻣﺘﺤﻤﻠﺘﻬﺎ
ﺻﻔﻄﺘﻬﻢ ﺑﺎﻟﻤﻌﺮﺽ ﻭﺧﻠﺼﻠﺖ ﺑﻌﺪﻣﺎ ﺍﻧﺸﻚ ﺣﻠﻜﻲ
ﺑﻴﻬﻢ
ﻓﺠﺎﺀﺓ ﺍﻧﻄﻔﺖ ﺍﻟﻜﻬﺮﺑﺎﺀ
ﻭﺍﺣﻨﺎ ﺍﺻﻼ ﻣﺎﻋﺪﻧﺎ ﺳﺤﺐ
ﻋﻨﺪﻧﺎ ﻻﻳﺖ ﺷﺤﻦ ﺷﻐﻠﺘﻪ
ﻭﻛﻌﺪﺕ ﺍﻧﺎﻓﺦ ﻫﻲ ﻣﻨﺎ ﺿﻮﺟﺔ ﻭﻧﻮﺏ ﺍﻧﻄﻔﺖ ﺍﻟﻜﻬﺮﺑﺎﺀ ﻛﻤﻠﺖ ﺍﻟﺴﺒﺤﺔ ﺻﺪﻙ ﺍﺧﺘﻨﻜﺖ ﻭﻛﻌﺪﺕ ﺍﺗﺤﺴﺐ ﻋﻠﻰ ﺳﻠﻴﻤﺔ ﺍﻟﻠﻪ ﻳﺤﻔﻈﻬﺎ
ﻣﻦ ﺗﺸﻮﻓﻨﻲ ﻛﺎﻋﺪﺓ ﻳﻤﻬﺎ ﻛﻮﻥ ﺗﺼﺨﺮﻧﻲ ﻛﻞ ﺷﻮﻳﺔ ﻭﺗﻜﻮﻣﻨﻲ ﻋﻠﻰ ﺷﻐﻠﺔ
ﺭﺍﺣﺖ ﻳﻢ ﻛﻨﺘﻮﺭﻫﺎ ﻭﻃﻠﻌﺖ ﺍﻟﻤﻔﺘﺎﺡ ﻣﻦ ﺟﻴﺒﻬﺎ
ﻭ ﻓﺘﺤﺘﻪ ﻭﻛﻌﺪﺕ ﺑﺎﻟﻜﺎﻉ ﺑﺴﻄﺖ ﺗﻄﻠﻊ ﻣﻼﺑﺴﻬﺎ
ﻭﻃﻠﻌﺖ ﺑﻘﺠﺎﺗﻬﺎ ﻣﺜﻞ ﺍﻟﺼﺮﺓ
ﻭﺍﻧﻲ ﺳﺪﻳﺖ ﺍﻟﺠﺎﻡ ﻣﺎﻟﺖ ﺍﻟﻤﻌﺮﺽ ﺧﻠﻲ ﺍﺭﻭﺡ ﺍﻧﺎﻡ ﻻﻫﻢ ﺗﻜﻌﺪ ﺗﺼﺨﺮﻧﻲ ﻛﻠﺘﻠﻬﺎ
.. ﺑﻴﺒﻲ ﺧﻠﺼﺖ ﺍﻧﺎ ﺭﺍﺡ ﺍﻧﺎﻡ ﻻﻥ ﻛﻠﺶ ﻧﻌﺴﺎﻧﺔ
.....
ﻫﻮ ﺍﻧﺎ ﺷﻔﺘﻬﻤﺖ ﻣﻨﺞ ﺍﺷﻮ ﻣﺨﻠﺼﺘﻬﺎ ﻋﻠﻴﺔ ﺧﺪﺓ ﻭﺧﺪﺭ ﻛﻞ ﺧﻴﺮ ﻣﺎﺑﻴﺞ ﺷﻮ ﺑﺎﻟﻠﻪ ﻛﻠﻴﻠﻲ ﺷﻨﻮ ﻧﻔﻌﺞ
ﺷﻬﻜﺖ ﺑﻐﻴﺾ .. ﻭﺍﻟﻠﻪ ﺣﺮﺍﻡ ﻋﻠﻴﺞ ﻫﺬﺍ ﻛﻠﻪ ﺍﻟﺴﻮﻳﺘﻪ
ﻭﺗﻜﻮﻟﻴﻦ ﻣﺎ ﺑﻴﺔ ﺧﻴﻎ ( ﺧﻴﺮ )
.. ﻳﺎﻟﻠﻪ ﺩﺭﻭﺣﻲ ﻻ ﺗﻜﻌﺪﻳﻦ ﺗﻨﻜﻴﻦ ﻓﻮﻙ ﺭﺍﺳﻲ ﻫﻢ ﺍﻟﺴﺎﻥ ﻣﻜﻄﻢ ﻭﻫﻢ ﻣﺎ ﻛﺎﻋﺪﺓ ﺭﺍﺣﺔ
ﻳﺎﻟﻠﻪ ﺧﻠﻲ ﺍﻟﻼﻳﺖ ﻳﻤﻲ ﻣﺎ ﺍﺷﻮﻑ ﻇﻠﻤﺔ ﻭﻃﻠﻌﻲ
.. ﺻﺎﻍ
ﺍﻭﻭﻭﻑ ﻣﻨﺞ ﻳﺎﺳﻠﻴﻤﺔ ﺷﻮﻛﺖ ﺍﻓﺘﻚ ﻣﻨﺞ
ﺟﻨﻬﺎ ﺍﻟﻐﻮﻝ ﺍﻟﻲ ﻳﺤﺒﺲ ﺍﻻﻣﻴﺮﺍﺕ ﺍﻟﺤﻠﻮﺍﺕ ﺍﻟﻤﺜﻠﻲ
ﺿﻤﻴﺖ ﺷﻔﺎﻳﻔﻲ ﺑﻐﻴﺾ ﻭﺭﺻﻴﺖ ﻋﻠﻰ ﺳﻨﻮﻧﻲ
ﺑﺪﻱ ﺍﻓﺘﺮﺳﻬﺎ ﺳﻠﻴﻤﺔ ﺭﺍﺡ ﺗﻤﻮﺗﻨﻲ ﻧﺎﻗﺼﺔ ﻋﻤﺮ
ﺩﺧﻠﺖ ﻟﻠﻐﺮﻓﺔ ﻭﺍﻧﺎ ﺍﻓﻮﺭ ﻓﺮﺷﺖ ﺍﻟﻔﺮﺍﺵ ﻭﺍﺗﻌﺜﺮﺕ
ﺑﺎﻟﻤﺼﻼﻳﺔ ﻻﻥ ﻇﻠﻤﺔ ﻛﻠﺸﻲ ﻣﺎ ﺍﺷﻮﻑ ﻋﺪﻟﺖ ﺍﻟﻤﺼﻼﻳﺔ ﻭﺟﺎﻥ ﺍﻟﺰﻡ ﺍﻟﻤﺤﺮﻡ ﻣﺎﻟﺖ ﺍﻟﺼﻼﺓ ﺍﻻﺑﻴﺾ ﻭﻃﻜﻴﺘﻬﺎ ﺻﻔﻨﺔ
ﻭﺍﺑﺘﺴﻤﺖ ﺑﺸﻴﻄﻨﺔ ﻭﺍﺟﺘﻤﻌﺖ ﺍﻓﻜﺎﺭ ﺍﻟﻌﺎﻟﻢ ﺍﻟﺴﻮﺩﺓ ﻛﻠﻬﺎ ﺍﺗﺮﺑﻌﺖ ﺑﺮﺍﺳﻲ
ﺍﺟﻴﺖ ﻭﺍﻟﻠﻪ ﺟﺎﺑﻚ
ﻟﺒﺴﺖ ﺍﻟﻤﺤﺮﻡ ﺑﺎﻟﻤﻜﻠﻮﺑﻲ ﺧﻠﻴﺖ ﺍﻟﻮﺟﻪ ﻟﻠﺨﻠﻒ ﺑﺤﻴﺚ ﺍﻟﻲ ﻳﺸﻮﻓﻨﻲ ﺭﺍﺡ ﻳﺸﻮﻑ ﺑﺲ ﻗﻄﻌﺔ ﺑﻴﻀﺔ
ﺍﻟﺒﺲ ﻭﺍﻧﻲ ﻭﺍﻧﺎ ﺍﺿﺤﻚ ﻋﻠﻰ ﺍﻟﻲ ﺭﺍﺡ ﺍﺳﻮﻳﻪ ﺑﻴﻬﺎ
ﺍﻧﺘﻈﺮﺕ ﺩﻗﺎﻳﻖ ﻭﺍﻟﻜﻬﺮﺑﺎﺀ ﺑﻌﺪﻫﺎ ﻣﻄﻔﻴﺔ
ﻟﺤﻈﺎﺕ ﺧﻄﻔﺖ ﻣﻦ ﻳﻤﻬﺎ
ﺍﻧﺘﻈﺮﺕ ﺍﺳﻤﻊ ﻣﻨﻬﺎ ﺷﻲ ﻣﺎﻛﻮ
ﺭﺟﻌﺖ ﺧﻄﻔﺖ ﻣﻦ ﻳﻤﻬﺎ ﻫﺎﻟﻤﺮﺓ ﻛﻌﺪﺕ ﺍﺳﻮﻱ ﺣﺮﻛﺔ ﺍﻟﺨﻔﺎﺵ ﺑﺎﻻﺣﺮﺍﻡ
ﻋﺎﺩ ﻫﻨﺎ ﺳﻠﻴﻤﺔ ﻓﺰﻋﺖ
ﺳﻠﻴﻤﺔ .. ﻳﺎﺭﺑﻲ ﺩﺧﻴﻠﻚ ﺷﻨﻮ ﻫﺎﺫ
ﻛﻮﺓ ﻻﺯﻣﺔ ﺭﻭﺣﻲ ﺭﺟﻌﺖ ﺍﺭﻛﺾ ﻋﺎﻟﺴﺮﻳﻊ ﻭﺧﻄﻔﺖ ﻣﻦ ﻳﻤﻬﺎ
ﻋﺎﻃﺖ ﻣﻔﺰﻭﻋﺔ .. ﻳﻤﺎﺍﺍﺍﺍﺍﺍﺍﻱ ﺳﻼﻣﺎً ﻗﻮﻻ ﻣﻦ ﺭﺏ ﺭﺣﻴﻢ
ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﺗﺠﺮ ﺑﺄﺫﺍﻧﺎﺗﻬﺎ ﻭﺗﻨﺸﺮ ﻋﻠﻰ ﺭﺍﺳﻬﺎ
.. ﺳﻮﺭ ﺳﻮﺭ ﺣﻮﻟﻲ ﻭﺣﻮﺍﻟﻴﺔ
ﻭﻛﻌﺪﺕ ﻛﻞ ﺷﻮﻳﺔ ﺍﺧﻄﻒ ﻣﻦ ﻳﻤﻬﺎ ﻭﻫﻲ
ﻛﺎﻣﺖ ﺗﺮﺟﻒ ﻣﻦ ﺍﻟﺨﻮﻑ ﻭﺍﻧﺎ ﻣﺘﻮﻧﺴﺔ
.. ﻳﻤﺔ ﻫﺬﺍ ﺟﻨﻲ ﻗﻞ ﺍﻋﻮﺫ ﺑﺮﺏ ﺍﻟﻔﻠﻖ
ﻭﻣﻦ ﻛﺪ ﺍﻟﺨﻮﻑ ﻛﻌﺪﺕ ﺗﻘﺮﺓ ﺍﻻﻳﺎﺕ ﻭﺗﻨﺸﺮ ﻋﻠﻰ ﺭﻭﺣﻬﺎ ﺗﺮﻳﺪ ﺗﺤﺼﻨﻬﺎ
ﻛﻤﺖ ﺍﺭﻛﺾ ﺑﺴﺮﻋﺔ ﺍﺩﺧﻞ ﻋﻠﻴﻬﺎ ﻟﻠﻐﺮﻓﺔ ﻭﺍﻃﻠﻊ
ﻫﻬﻬﻬﻪ ﻋﺒﺎﻟﻚ ﺟﻨﻲ ﺍﺛﻮﻝ ﺷﺎﺭﺏ ﻧﻔﻂ
ﺻﺎﺣﺖ .. ﻳﻤﺎﺍﺍﺍﺍﺍﺍﺍﺍﺍﻱ ﺩﺧﻠﻴﻚ ﻳﺎﺑﻮ ﺍﻟﺤﺴﻨﻴﻦ
ﻫﺬﺍ ﺍﻟﺠﻨﻲ ﻧﺎﻭﻱ ﻋﻠﻲ ﻭﻟﺞ ﻫﺪﻳﻮﺓ
ﺧﺎﻳﺒﺔ ﻫﺪﻳﻮﺓ ﺍﻟﺒﻜﻌﺔ ﻭﻳﻨﺞ
ﺧﺮﺏ ﺑﺎﻟﺤﻆ ﺍﺟﻴﺖ ﺍﺟﺎﻭﺑﻬﺎ ﺍﻛﻠﻠﻬﺎ
ﻫﺎ ﺑﻴﺒﻲ ﺍﻻ ﺍﺷﻮﻳﺔ
ﻛﻮﺓ ﻟﺤﻜﺖ ﻋﻠﻰ ﺭﻭﺣﻲ ﺯﻳﻦ ﻣﺎ ﻓﻀﺤﺖ ﺭﻭﺣﻲ
ﻭﺭﺑﻲ ﻟﻮﻣﺎ ﺍﺧﺎﻑ ﺟﺎﻥ ﻓﻄﺴﺖ ﻣﻦ ﺍﻟﻀﺤﻚ ﻋﺎﻟﻜﺎﻋﺪ
ﻳﺼﻴﺮ ﺑﺴﻠﻴﻤﺔ ﻭﻣﻨﻈﺮﻫﺎ ﻛﺎﺭﺻﺔ ﺍﻟﺰﺍﻭﻳﺔ ﻭﺗﺨﺎﻑ ﺗﻄﻠﻊ ﻣﻦ ﺍﻟﻐﺮﻓﺔ ﺍﻟﺠﻨﻲ ﻻﺯﻣﻠﻬﺎ ﺍﻟﺒﺎﺏ
ﻋﺎﺿﺔ ﻋﻠﻰ ﺷﺎﻳﻔﻲ ﻻ ﺍﺿﺤﻚ ﻭﺍﺷﺘﻬﺮ
ﺍﺳﻤﻌﻬﺎ ﺗﺼﻴﺢ
.. ﻭﻟﺞ ﺍﻟﺒﻜﻌﺔ ﺍﻡ ﺍﻟﺴﺎﻥ ﺍﻟﻤﻜﻄﻢ ﻭﻳﻦ ﻭﻟﻴﺘﻲ
ﻛﻮﻥ ﺍﻟﻠﻪ ﻳﺎﺧﺬﺝ
ﺧﺮﺏ ﻳﻮﻣﻬﺎ ﺑﻌﺰ ﺍﻟﺨﻮﻑ ﻭﻛﺎﺭﺻﺔ ﺑﺮﻭﺣﺔ ﺑﺎﻟﺰﻭﻳﺔ
ﻭﺍﻟﺴﺎﻧﻬﺎ ﻣﺎ ﺑﻄﻞ ﻣﺘﺒﺮﻱ ﻣﻨﻬﺎ
ﺍﻧﺎ ﺍﻟﺞ ﺑﺴﻴﻄﺔ ﻳﺎﺳﻠﻴﻤﺔ
ﺩﺧﻠﺖ ﻋﻠﻴﻬﺎ ﺑﺎﻟﻐﺮﻓﺔ ﺑﻜﻞ ﺻﻼﻓﺔ ﺟﻨﻲ ﻣﺴﺘﻬﺘﺮ
ﺑﺎﻳﻊ ﻣﺨﻠﺺ
ﻫﻲ ﺷﺎﻓﺘﻨﻲ ﻇﻠﻴﺖ ﺍﺣﻮﻡ ﺑﺎﻟﻐﺮﻓﺔ ﻭﺍﺭﻛﺾ ﺑﺸﻜﻞ ﺩﺍﺋﺮﻱ
ﻭﺍﺳﻮﻱ ﺣﺮﻛﺔ ﺍﻟﻄﻴﺮ
ﻫﻲ ﺗﺼﻴﺢ .. ﻳﺒﻮﻭﻭﻭﻭﻭﻭﻭﻭﻱ ﻳﺒﻮﻭﻭﻭﻭﻭﻭﻭﻱ
ﻳﺎﺟﻨﻲ ﺩﺧﻴﻠﻚ
.....
ﺭﺣﺖ ﻳﻢ ﺍﻟﻤﻌﺮﺽ ﺍﻟﻌﺰﻳﺰ ﻣﺎﻟﺘﻬﺎ
ﻭﺻﺮﺕ ﺍﻃﻠﻊ ﺍﻟﻜﻼﺻﺎﺕ ﻭﺍﺫﺑﻬﻢ ﺑﺎﻟﻜﺎﻉ
ﻳﻤﺔ ﻫﻲ ﺷﺎﻓﺖ ﻏﺮﺍﺽ ﺍﻟﻤﻌﺮﺽ ﻛﺎﻣﺖ ﺗﺘﻜﺴﺮ ﻭﻫﻲ ﺍﺗﺨﻠﺒﺖ
ﻛﺎﻣﺖ ﺳﻠﻴﻤﺔ ﺗﻐﺮﺩ ﺑﺎﻻﻧﻜﻠﻴﺰﻱ ﻋﻠﻰ ﺍﺻﻮﺍﺕ ﻫﻨﻮﺩ ﺍﻟﺤﻤﺮ ﻣﺎ ﻋﺮﻓﺖ ﺷﻨﻮ ﺗﺨﺒﺺ
ﺗﺎﻟﻲ ﺍﻧﺴﺤﺒﺖ ﻭﻃﻠﻌﺖ ﻣﻦ ﻳﻤﻬﺎ ﻭﺍﻧﻲ ﺍﺭﻛﺾ
ﻣﺜﻞ ﺭﻛﻀﺔ ﺳﻌﺎﺩ ﺣﺴﻨﻲ ﺑﻴﻮﻡ ﺗﻐﻨﻲ ﺍﻟﺪﻧﻴﺎ ﺭﺑﻴﻊ ﻭﺍﻟﺠﻮ ﺑﺪﻳﻊ ﺍﻓﻠﻲ ﻋﻠﻰ ﻛﻞ ﺍﻟﻤﻮﺍﺿﻴﻊ . ﺍﻓﻞ ﺍﻓﻞ
ﻭﻣﻨﺪﻣﺠﺔ ﺍﻓﺘﺢ ﺑﺄﻳﺪﻳﺔ ﻭﺍﺳﺪﻫﻢ
ﻭﺭﺑﻲ ﺍﺣﻠﻰ ﺷﻌﻮﺭ ﻋﺒﺎﻟﻚ ﻣﺎﻱ ﺑﺎﺭﺩ ﻋﻠﻰ ﻛﻠﺒﻲ
ﻟﺰﻣﺘﻬﺎ ﺍﻟﻌﺎﻓﻴﺔ ﻟﺴﻠﻴﻤﺔ
ﺩﺧﻠﺖ ﻟﻠﻐﺮﻓﺔ ﺑﺴﺮﻋﺔ ﻭﻧﺰﻋﺖ ﺍﻻﺣﺮﺍﻡ ﻭﻟﻔﻴﺘﻪ
ﻭﺣﻄﻴﺖ ﺭﺍﺳﻲ ﻭﻧﻤﺖ ﻋﻠﻰ ﺍﻟﻤﺨﺪﺓ ﻭﺍﻧﺎ ﺧﺮﺑﺎﻧﺔ ﺿﺤﻚ
ﺍﺗﺬﻛﺮ ﺷﻜﻠﻬﺎ ﻭﺍﺭﺟﻊ ﺍﺿﺤﻚ
ﺳﻤﻌﺖ ﺻﻮﺕ ﺍﺑﻮﻱ ﺭﺟﻊ ﻟﻠﺒﻴﺖ ﻭﺷﺎﻓﻬﺎ ﻭﺍﺳﻤﻌﻪ
ﻳﻜﻠﻬﺎ ﺧﻴﺮ ﺣﺠﻴﺔ ﺍﺳﻢ ﺍﻟﻠﻪ ﺷﺒﻴﺞ ﺗﺘﺮﺍﺟﻔﻴﻦ
ﻭﺭﺓ ﻧﺺ ﺳﺎﻋﺔ ﺍﺟﺘﻲ ﺍﻟﻜﻬﺮﺑﺎﺀ ﻭﺍﻟﺒﻨﺎﺕ ﺭﺟﻌﻮﺍ
ﻟﻠﺒﻴﺖ ﺍﺳﻤﻊ ﺍﺻﻮﺍﺗﻬﻢ ﻳﻢ ﺑﻴﺒﻲ ﻭﺑﺎﺑﺎ
ﻭﺍﻧﻲ ﺑﻌﺪﻧﻲ ﺟﻮﺓ ﺍﻟﺒﻄﺎﻧﻴﺔ ﺍﺗﺨﻴﻞ ﺷﻜﻞ ﺳﻠﻴﻤﺔ
ﺍﺟﺔ ﺑﺎﺑﺎ .. ﻫﺪﻯ ﺑﺎﻟﻠﻪ ﺷﻮ ﻛﻌﺪﻱ ﺷﻠﻮﻥ ﻋﺎﻳﻔﺔ ﺍﻣﻲ ﻟﻮﺣﺪﻫﺎ ﻣﻄﻔﻴﺔ ﺍﻟﻜﻬﺮﺑﺎﺀ ﻭﻣﻔﺰﻭﻋﺔ ﺍﺣﻨﺎ ﺍﻟﻤﻦ ﻋﻔﻨﺎﺝ ﻳﻤﻬﺔ
ﻏﻴﺮ ﺗﺪﻳﺮﻳﻦ ﺑﺎﻟﺞ ﻋﻠﻴﻬﺎ
ﻓﺮﻛﺖ ﻋﻴﻮﻧﻲ ﻋﺎﻻﺳﺎﺱ ﺳﺘﻮﻧﻲ ﻛﺎﻋﺪﺓ ﻣﻦ ﺍﻟﻨﻮﻡ
.. ﻳﺎﺧﻄﻴﺔ ﺑﻴﺒﻲ ﺷﺒﻴﻬﺎ ﺷﻜﻮ ﺷﺼﺎﻳﺮ
.. ﻣﺎ ﺍﺩﺭﻱ ﺷﻨﻮ ﺷﺎﻓﺖ ﺑﺲ ﺗﺘﺮﺍﺟﻒ
ﻃﻠﻊ ﻣﻦ ﺍﻟﻐﺮﻓﺔ ﻭﻃﻠﻌﺖ ﻭﺭﺍﻩ ﻭﺭﺣﺖ ﺩﺧﻠﺖ ﻋﻠﻴﻬﻢ ﻭﺍﻧﺎ ﺍﺗﺜﺎﻭﺏ ﻭﺍﺣﻚ ﺑﺮﺍﺳﻲ
ﺍﺷﻮﻓﻬﺎ ﻛﺎﻋﺪﺓ ﺗﺴﻮﻟﻒ ﻟﻠﺒﻨﺎﺕ ﻋﺎﻟﺠﻨﻲ
ﺷﻴﻤﺎﺀ .. ﺑﻴﺒﻲ ﻛﻮﻟﻲ ﻳﺎﻟﻠﻪ ﺧﺎﻑ ﻳﺘﺨﻴﻠﺞ
ﺳﻠﻴﻤﺔ .. ﺩﻧﺠﺒﻲ ﺗﻌﻠﻤﻴﻨﻲ ﺑﺎﻟﺠﻨﻲ
ﻫﺰﺕ ﺭﺍﺳﻬﺎ ﻋﺎﻟﺠﺎﻧﺒﻴﻦ ﺟﻨﻬﺎ ﻫﻨﺪﻱ ﻣﺴﺘﻔﻠﺲ
.. ﻳﻤﺔ .. ﻳﻤﺔ .. ﻣﺎ ﺷﻔﺘﻮﺍ ﺍﻟﻲ ﺍﻧﺎ ﺷﻔﺘﻪ
ﻭﻟﻜﻢ ﺟﻨﻲ ﻳﺨﻮﻑ ﻭﻋﻴﻮﻧﻪ ﺗﺠﺪﺡ ﻧﺎﺭ ﻭﻛﻞ ﺿﺮﺱ ﻫﺎﻃﻮﻟﻪ ﻭﺣﻠﻜﻪ ﻳﺨﻮﻑ ﻭﺍﺫﺍﻧﺎﺗﻪ ﻃﻮﺍﻝ ﻭﻛﻠﻪ ﺷﻌﺮ
ﺗﻘﻴﺲ ﺑﻜﻒ ﺍﻳﺪﻫﺎ
ﻳﻤﺔ ﻛﻞ ﺷﻮﻳﺔ ﻳﻄﻴﺮ ﻟﻤﻜﺎﻥ ﻭﻗﺰﻡ ﻃﻮﻟﻪ ﺷﺒﺮ
ﻭﻛﻞ ﺷﻮﻳﺔ ﺗﺴﺤﺐ ﺻﺪﺭ ﺛﻮﺑﻬﺎ ﻭﺗﻒ ﺗﻒ ﺑﻲ ﻣﻦ ﺍﻟﺨﻮﻑ
ﻫﻲ ﺗﻮﺻﻒ ﺑﺎﻟﺠﻨﻲ ﻭﺍﻧﺎ ﺧﺮﺑﺎﻧﺔ ﺿﺤﻚ
ﺳﻠﻴﻤﺔ ﺧﺮﺟﻨﺖ ﻋﻦ ﺍﻟﻨﺺ ﺑﺎﻟﻮﺻﻒ ﺍﺑﺪﻋﺖ
ﻃﻠﻌﺘﻨﻲ ﺍﻃﻴﺮ ﻭﻋﻴﻮﻧﻲ ﺣﻤﺮ ﺍﻟﻠﻪ ﻳﻠﻌﻦ ﺑﻴﻠﻴﺴﺞ
ﻭﺑﻴﻮﻣﻬﺎ
ﺷﻴﻤﺎﺀ ﺗﺒﺎﻭﻉ ﻋﻠﻴﺔ ﺑﺸﻚ ﻭﺗﺸﻮﻓﻨﻲ ﺷﻠﻮﻥ ﺧﺮﺑﺎﻧﺔ ﺿﺤﻚ
ﻋﻠﻴﻬﺎ
ﺧﺰﺭﺗﻨﻲ ﻭﻛﺎﻟﺖ ﺑﺴﻴﻄﺔ ﺍﻧﺎ ﺍﻟﺞ
ﻭﺍﻟﻴﻮﻡ ﻋﺮﺱ ﺿﺤﻰ
ﺍﻟﻜﻞ ﺍﻧﺸﻐﻞ ﺑﺎﻟﻌﺮﺱ
ﻋﺮﺳﻬﺎ ﺭﺍﺡ ﻳﻜﻮﻥ ﺑﻘﺎﻋﺔ ﺍﻻﻋﺮﺍﺱ
ﺷﻴﻤﺎﺀ ﺣﻀﺮﺕ ﻟﻀﺤﻰ ﺟﻨﻈﺔ ﻟﻴﻠﺔ ﺍﻟﻌﺮﺱ
ﻭﺭﺍﺣﺖ ﻭﻳﺎﻫﺔ ﻟﻠﺼﺎﻟﻮﻥ
ﻭﺍﻧﻲ ﻋﺪﻟﺖ ﻧﻔﺴﻲ ﺑﺎﻟﺒﻴﺖ ﻭﺳﻮﻳﺖ ﺷﻌﺮﻱ ﻭﻟﺒﺴﺖ ﺍﻟﻔﺴﺘﺎﻥ ﺍﻟﻲ ﺍﺷﺘﺮﺗﻪ ﺍﻟﻲ ﺷﻴﻤﺎﺀ
ﺍﺑﺎﻭﻉ ﻟﺮﻭﺣﻲ ﻛﻠﺶ ﺣﻠﻮﺓ ﺻﺮﺕ
ﺭﺣﻨﺎ ﻟﺒﻴﺖ ﻋﻤﻮ ﺍﻣﺠﺪ ﻣﻨﺎﻙ ﻳﺎﺧﺬﻭﻥ ﺿﺤﻰ ﻋﻠﻤﻮﺩ ﺍﻟﺴﻴﺎﺭﺍﺕ ﺗﻜﺪﺭ ﺗﺮﻛﻦ ﺑﺎﻟﺒﺎﺏ
ﻟﻠﻈﻬﺮ ﺍﺟﺘﻲ ﺿﺤﻰ ﻣﻦ ﺍﻟﺼﺎﻟﻮﻥ ﻭﺟﺎﻧﺖ ﺗﺠﻨﻦ ﺑﺎﻟﺒﺪﻟﺔ
ﺍﻟﺒﻴﻀﺔ ﻛﺼﻴﻨﺔ ﺻﻮﺭ ﺑﻨﻘﺎﻝ ﻣﺮﻳﻢ ﺍﺧﺘﻲ
ﻭﺟﺎﻧﺖ ﻛﻠﺶ ﺣﻠﻮﺓ ﻃﺎﻟﻌﺔ ﺑﺎﻟﺮﻏﻢ ﺍﻥ ﺟﻨﺎﻥ ﻣﺘﻘﺒﻞ
ﺗﻜﻌﺪ ﻭﻳﺎﻧﺔ ﺑﺲ ﺷﻴﻤﺎﺀ ﻓﺮﺿﺖ ﻋﻠﻴﻬﺎ ﻭﺳﺤﺒﺘﻬﺎ ﻳﻤﻨﺎ ﻭﻛﻌﺪﻧﺎ ﻧﺴﻮﻟﻒ ﻭﻳﺎﻫﺎ ﻭﺍﺧﺬﺗﻬﺎ ﻟﻌﻨﺪ ﺿﺤﻰ ﻭﺑﺎﺭﻛﺘﻠﻬﺎ
ﻭﺑﺎﺳﺖ ﺿﺤﻰ ﻣﻦ ﺧﺪﻫﺎ ﺑﺘﺮﺩﺩ ﻭﺧﺪﻭﺩﻫﺎ ﺻﺎﺭﻭ
ﺣﻤﺮ
ﻟﻠﺴﺎﻋﺔ ﺏ٤ ﺍﺟﺘﻲ ﺍﻟﺰﻓﺔ ﻭﺍﻧﺘﺮﺱ ﺍﻟﺒﻴﺖ ﺑﺎﻟﻤﻌﺎﺯﻳﻢ
ﺍﻟﺘﻤﺖ ﺍﻟﺴﻴﺎﺭﺍﺕ ﺑﺒﺎﺏ ﺍﻟﺒﻴﺖ
ﺩﺧﻞ ﺳﻴﻒ ﺟﺎﻥ ﻻﺑﺲ ﻗﺎﻁ ﺍﺳﻮﺩ ﺟﺎﻥ ﺷﻜﻠﻪ ﻛﺸﺨﺔ
ﻭﺣﻠﻮ ﺑﺲ ﺛﻘﻴﻞ ﻋﻠﻰ ﻛﻠﺒﻲ
ﻳﺒﺎﻭﻉ ﻟﻀﺤﻰ ﻭﻋﻴﻮﻧﻪ ﺗﻠﻤﻊ ﻭﺍﻟﺤﻠﻚ ﻣﺸﻜﻮﻙ ﺑﺎﻟﻀﺤﻜﺔ
ﺩﻗﺎﻳﻖ ﺩﺧﻞ ﺭﺟﺎﻝ ﺟﺒﻴﺮ ﻻﺑﺲ ﻗﺎﻁ ﺭﺳﻤﻲ ﻟﺰﻡ ﺍﻳﺪ ﺳﻴﻒ
ﻭﺣﻄﻬﺎ ﺑﻴﺪ ﺿﺤﻰ ﻭﻛﻮﻣﻬﻢ
ﻭﺍﻃﻠﻌﻮﺍ ﻣﻦ ﺍﻟﺒﻴﺖ ﻭﺳﻴﻒ ﻟﻒ ﺿﺤﻰ ﻟﻒ ﺑﺎﻟﺒﺮﻧﺺ
ﺧﻄﻴﺔ ﻛﺎﻣﺖ ﺗﻤﺸﻲ ﻭﺗﺘﻌﺜﺮ ﻣﺘﺸﻮﻑ ﺩﺭﺑﻬﺎ
ﻣﻦ ﻭﺭﺍﻩ
ﺷﻴﻤﺎﺀ ﺭﺍﺣﺖ ﺗﺴﺎﻋﺪ ﺿﺤﻰ ﺑﺒﺪﻟﺘﻬﺎ ﺟﺎﻧﺖ ﺟﺒﻴﺮﺓ ﻭﻛﻮﺓ ﺗﻤﺸﻲ ﺑﻴﻬﺎ ﺻﻌﺪﺗﻬﺎ ﺑﺎﻟﺴﻴﺎﺭﺓ ﻭﺭﺍﺣﺖ ﻣﺎ ﺍﻋﺮﻑ ﻭﻳﺎﻣﻦ ﺻﻌﺪﺕ
ﻭﺍﻧﻲ ﻳﺎ ﺣﻈﻲ ﺍﺗﻮﻃﺖ ﺑﺴﻠﻴﻤﺔ ﻻﺯﻣﺘﻬﺎ ﻣﻦ ﺍﻳﺪﻫﺎ ﻭﺍﺳﺤﻞ ﺑﻴﻬﺎ ﻭﺗﻤﺸﻲ ﻋﻠﻰ ﻛﻴﻒ ﻭﺍﻟﺴﻴﺎﺭﺍﺕ ﺍﺗﺤﺮﻛﺖ ﻭﺳﻠﻴﻤﺔ ﺗﻤﺸﻲ ﻣﺜﻞ ﺩﻭﺩﺓ ﺍﻟﻘﺰ ﻋﻠﻰ ﻛﻴﻒ
ﺍﻣﺪﺍ ﺣﻈﻲ ﺷﻜﻠﻲ ﻣﺎ ﺭﺍﺡ ﺍﻓﺘﻚ ﻣﻦ ﺳﻠﻴﻤﺔ ﻭﺭﺍﻱ ﻭﺭﺍﻱ
ﻣﺎ ﻳﻄﻮﻝ ﻏﻄﺎﻱ ﺍﺟﺎﻧﺔ ﺍﻟﺮﺟﺎﻝ ﺍﻟﺠﺒﻴﺮ ﺍﻟﻲ ﺩﺧﻞ ﻣﺴﺎﻋﺔ ﻭﻛﻮﻡ ﺳﻴﻒ ﻭﺿﺤﻰ
ﺻﺎﺡ ﻋﻠﻴﻨﺎ
.. ﺗﻌﺎﻟﻲ ﺣﺠﻴﺔ ﻫﺎﻱ ﺳﻴﺎﺭﺓ ﻓﺎﺭﻏﺔ ﻣﺤﺪ ﺑﻴﻬﺎ
ﺍﻧﻲ ﺟﻨﺖ ﻣﺪﻧﻜﺔ ﻭﻣﺮﺗﺒﻜﺔ ﻣﻦ ﺍﻟﺨﺒﺼﺔ ﺍﻟﻤﻮﺟﻮﺩﺓ ﺑﺎﻟﺸﺎﺭﻉ ﻭﻛﻠﻬﺎ ﺭﻳﺎﺟﻴﻞ
ﺍﺷﺮ ﻋﻠﻰ ﺳﻴﺎﺭﺓ ﺑﻴﻀﺔ ﻓﺎﺭﻏﺔ ﻣﺤﺪ ﺑﻴﻬﺎ ﺣﺘﻰ ﺻﺎﺣﺐ ﺍﻟﺴﻴﺎﺭﺓ ﻣﺎﻛﻮ ﻓﺘﺢ ﺍﻟﺒﺎﺏ ﺍﻻﻣﺎﻣﻲ ﻟﺒﻴﺒﻲ
.. ﺻﻌﺪﻱ ﺣﺠﻴﺔ ﺻﻌﺪﻱ
ﻭﺍﻧﻲ ﺻﻌﺪﺕ ﻭﺭﺓ
ﻟﺤﻈﺎﺕ ﻭﺍﺟﺔ ﺍﻟﻮﻟﺪ ﺻﺎﺣﺐ ﺍﻟﺴﻴﺎﺭﺓ ﻭﺻﻌﺪ ﻭﺳﻠﻢ ﻋﻠﻰ ﺑﻴﺒﻲ ﻭﺍﻟﺘﻔﺖ ﻳﺴﻠﻢ ﻋﻠﻴﺔ
ﺭﻓﻌﺖ ﺭﺍﺳﻲ ﻣﺼﺪﻣﺔ ﻭﺑﺎﻭﻋﺖ ﻋﻠﻴﻪ
ﻳﺘﺒﻊ
ﺍﺣﺒﻜﻢ ﻫﻮﺍﻱ ﺍﺣﺒﻜﻢ ﻛﻮﻣﺔ
ﺍﺧﺘﻜﻢ ﻧﻬﻰ 🌹🌹
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء