رواية أساور الفضة ج1 الجزء الثالث
للكاتبة نهى
.
ﺍﻥ ﻗﻄﻊ ﺍﻟﻄﺮﻳﻖ ﻳﺎﺧﺬ ﻣﻨﺎ ﺍﻟﻮﻗﺖ
ﻭﺍﻟﻮﻗﺖ ﻳﺄﺧﺬ ﻣﻦ ﺍﻋﻤﺮﻧﺎ ﻭﻫﺎ ﻧﺤﻦ ﻧﺸﻖ ﺍﻟﻄﺮﻳﻖ ;
ﻭﺗﻤﻀﻲ ﺍﻟﺴﻨﻴﻦ ﻋﻠﻰ ﻋﺠﻞ
ﻫﺪﻯ .. ﻳﺎﻟﻠﻪ ﺑﻨﺎﺕ ﺑﺎﻱ
ﻓﺎﻃﻤﺔ .. ﻫﺪﻯ ﻣﻮ ﺗﻨﺴﻴﻦ ﻣﺘﺠﻴﻦ ﻟﻌﻴﺪ ﻣﻴﻼﺩﻱ
.. ﻻﺗﻮﺻﻴﻦ ﺣﻐﻴﺺ ( ﺣﺮﻳﺺ ) ﺍﺟﻲ ﻟﻌﻴﺪ ﻣﻴﻼﺩﺝ ﻟﻮ ﺍﻋﻐﻒ
ﺍﺯﺣﻒ ﺯﺣﻮﻑ
ﺣﻠﺖ ﺍﻟﻤﺪﺍﺭﺱ ﻭﺍﻟﻮﻛﺖ ﻇﻬﺮ ﺗﺴﻤﻂ ﺳﻤﻂ ﻭﺍﻟﺒﻨﺎﺕ ﻛﻞ ﻭﺣﺪﺓ
ﺍﻫﻠﻬﺎ ﺣﺎﻃﻴﻠﻬﺎ ﺳﺎﻳﻖ ﺍﻻ ﺍﻧﻲ ﺯﺍﻳﺪﺓ ﻋﻨﺪ ﺍﻫﻠﻲ ﻣﺎ ﻋﻨﺪﻱ ﺳﺎﻳﻖ
ﺍﻧﻲ ﻭﻛﻢ ﻭﺣﺪﺓ ﻣﻦ ﺻﺪﻳﻘﺎﺗﻲ ﻛﺎﻥ ﺑﻴﺘﻬﻢ ﻗﺮﻳﺐ ﻋﺎﻟﻤﺪﺭﺳﺔ ﻧﻤﺸﻲ
ﺳﻮﻳﺔ ﺑﻄﺮﻳﻖ ﺍﻟﻤﺪﺭﺳﺔ ﺑﺲ ﺍﻧﻲ ﺍﺑﻌﺪ ﻭﺣﺪﺓ ﺑﻴﻬﻢ ﺑﺤﻴﺚ ﺍﻭﺻﻞ
ﻛﻞ ﻭﺣﺪﺓ ﻟﺒﻴﺘﻬﺎ ﻭﺍﻛﻤﻞ ﻃﺮﻳﻘﻲ ﺍﺗﻌﻮﺩﺕ
ﻋﺎﻟﻤﺸﻲ ﺣﺘﻰ ﺣﺬﺍﺋﻲ ﺍﻧﺴﺤﻚ ﻣﻦ ﻛﺜﺮﺓ ﺍﻟﻤﺸﻲ ﻣﺠﻨﺖ ﺍﺷﺘﻜﻲ
ﻭﺍﻃﻠﺐ ﻣﻦ ﺍﻫﻠﻲ ﻳﺤﻄﻮﻟﻲ ﺳﺎﻳﻖ ﻻﻥ ﺍﻋﺮﻑ ﺍﻟﺤﺎﻝ ﻣﺎ ﻳﺴﻤﺢ
ﺑﺲ ﻣﺮﺍﺕ ﺑﺄﻳﺎﻡ ﺍﻟﻤﻄﺮ ﻭﺍﻟﺤﺮ ﺍﻟﻘﻮﻱ ﺍﻭ ﻣﻦ ﺗﺠﻴﻨﻲ ﺍﻟﺸﻬﺮﻳﺔ ﺍﺗﻤﻨﻰ
ﻳﻜﻮﻥ ﻋﻨﺪﻱ ﺧﻂ ﻳﻮﺻﻠﻨﻲ ﻟﻠﺒﻴﺖ
ﻳﺎﻟﻠﻪ ﺍﻧﻲ ﺍﺗﻌﻮﺩﺕ ﻭﺍﺗﺄﻗﻠﻤﺖ ﻋﺎﻟﻮﺿﻊ
ﺩﺍﻣﺸﻲ ﻭﻳﺔ ﺻﺪﻳﻘﺎﺗﻲ ﺳﺮﻯ ﻭﻫﺪﻳﻞ
ﺳﺮﻯ .. ﺍﻛﻮﻝ ﻫﺪﻯ ﺻﺪﻙ ﻋﻨﺪﺝ ﺍﺧﺖ ﺩﻛﺘﻮﺭﺓ
ﻫﺪﻯ .. ﺍﻱ ﻣﻐﻮﺓ ( ﻣﺮﻭﺓ ) ﺍﺧﺘﻲ ﺩﻛﺘﻮﻏﺔ ( ﺩﻛﺘﻮﺭﺓ ) ﻭﻫﺴﺔ ﺣﺎﻟﻴﺎ
ﺩﺗﺪﺍﻭﻡ ﺑﺎﻟﻤﺴﺘﺸﻔﻰ ﻟﻴﺶ ﻣﻨﻮ ﻛﻠﺞ
ﺳﺮﻯ .. ﺍﻟﺒﺎﺭﺣﺔ ﺍﺧﺘﻲ ﺷﺎﻓﺘﺞ ﻭﺳﺄﻟﺘﻨﻲ ﻋﻠﻴﺞ ﻭﻛﻠﺘﻠﻬﺎ ﻋﻠﻰ ﺍﺳﻤﺞ
ﻭﻫﻲ ﺍﺗﻔﺎﺟﺌﺖ ﺗﻜﻮﻝ ﻫﺎﻱ ﺍﺧﺘﻬﺎ ﻗﺒﻞ ﺟﺎﻧﺖ ﻭﻳﺎﻱ ﺑﺎﻟﻤﺪﺭﺳﺔ ﺑﻨﻔﺲ
ﺍﻟﺼﻒ ﻭﺟﺎﻧﺖ ﻛﻠﺶ ﻣﺘﻔﻮﻗﺔ
.. ﺍﻱ ﻣﻐﻮﺓ ﻛﻠﺶ ﻣﺘﻔﻮﻗﺔ ﻭﺳﺎﻓﻐﺖ ( ﺳﺎﻓﺮﺕ ) ﺑﻌﺜﺔ ﺩﻏﺎﺳﻴﺔ (
ﺩﺭﺍﺳﻴﺔ ) ﻟﻠﺨﺎﺭﺝ ﻭﻫﻨﺎﻙ ﺍﺧﺬﺕ ﺷﻬﺎﺩﺗﻬﺎ ﻭﺭﺟﻌﺖ ﻗﺒﻞ ﺳﻨﻴﺘﻴﻦ
ﻣﻦ ﺍﻟﺨﺎﺭﺝ
ﺳﺮﻯ .. ﺷﻌﺠﺐ ﺍﻧﺘﻲ ﻣﻄﺎﻟﻌﺔ ﻋﻠﻴﻬﺎ ﻫﺸﻜﻞ ﺷﺎﻃﺮﺓ
ﻫﺪﻳﻞ .. ﻻ ﻫﺪﻯ ﺷﺎﻃﺮﺓ ﻋﻠﻰ ﺍﻻﻗﻞ ﺍﺷﻄﺮ ﻣﻨﻲ
.. ﻳﺎ ﺍﺧﺘﻲ ﺍﻧﻲ ﺩﺍﺣﺎﻭﻝ ﺍﺑﺬﻝ ﺍﻗﺼﻰ ﻣﺎ ﺑﻮﺳﻌﻲ
ﺣﺘﻰ ﺍﻧﺠﺢ ﻋﺎﺩﻱ ﺗﻐﺔ ( ﺗﺮﺓ ) ﻟﻜﻞ ﻗﺎﻋﺪﺓ ﺷﻮﺍﺫ ﻭﺍﻧﻲ
ﺷﻮﺍﺫ ﺍﻟﻘﺎﻋﺪﺓ ﻣﺎﻝ ﺍﻫﻠﻲ
ﻭﺻﻠﻨﺎ ﺳﺮﻯ ﻳﻢ ﺑﻴﺘﻬﻢ ﻭﺍﻧﻄﺘﻨﺎ ﺩﻭﻟﻜﺔ ﻣﺎﻱ
ﻭﺷﺮﺑﺘﻬﺎ ﻛﻠﻬﺎ ﻣﻦ ﺍﻟﻌﻄﺶ
....
ﺍﻧﻲ ﺍﺗﻌﻠﻤﺖ ﻋﻠﻰ ﻃﻮﻝ ﺍﻟﻄﺮﻳﻖ ﻣﺴﻮﻳﺘﻠﻲ ﻣﺤﻄﺎﺕ ﺍﺳﺘﺮﺍﺣﺔ
ﻭﺣﺪﺓ ﻳﻢ ﺑﻴﺖ ﺍﻫﻞ ﺳﺮﻯ
ﻭﺍﻟﺜﺎﻧﻴﺔ ﻳﻢ ﺑﻴﺖ ﻫﺪﻳﻞ
ﻣﻦ ﺑﻴﺖ ﺳﺮﻯ ﺍﺷﺮﺏ ﻣﻦ ﻋﻨﺪﻫﻢ ﻣﺎﻱ
ﻭﻫﺪﻳﻞ ﺣﺴﺐ ﻟﻮ ﻣﺎﻱ ﻟﻮ ﻟﻔﺔ
ﻫﺪﻳﻞ .. ﻫﺪﻯ ﺍﻟﻠﻪ ﻋﻠﻴﺞ ﺍﻟﻴﻮﻡ ﺍﺑﻘﻲ ﺍﺗﻐﺪﻱ ﻋﺪﻧﺎ
.. ﻻ ﻋﻴﻨﻲ ﺣﺘﻰ ﻣﺎ ﺷﻴﻤﺎﺀ ﺗﻤﻠﺺ ﺍﺫﺍﻧﺎﺗﻲ ﻣﺎ ﺑﻴﺔ ﺣﻴﻞ ﻏﺰﺍﻟﺔ (
ﺭﺯﺍﻟﺔ ) ﻳﺎﻟﻠﻪ ﺳﻠﻤﻴﻨﺎ ﻋﻠﻰ ﺧﺎﻟﺔ ﻭﻛﻠﻴﻠﻬﺎ ﻋﺎﺷﺖ ﺍﻳﺪﺝ ﻋﺎﻟﻜﺒﺔ ﻣﺎﻟﺖ
ﺍﻟﺒﺎﺭﺣﺔ ﺟﺎﻧﺖ ﻛﻠﺶ ﻃﻴﺒﺔ
ﻫﺪﻳﻞ .. ﻟﻌﺪ ﺍﻭﻛﻔﻲ ﺍﻧﺘﻈﺮﻱ ﺷﻮﻳﺔ ﺧﻠﻲ ﺍﺷﻮﻑ ﻣﺎﻣﺎ ﺷﻤﺴﻮﻳﺔ
ﺍﻟﻴﻮﻡ ﻏﺪﺍ ﺍﺟﻴﺒﻠﺞ ﺷﻮﻳﺔ ﺗﺼﺒﻴﺮﺓ
.. ﻻ ﺣﺒﻴﺒﺘﻲ ﺧﻠﻴﻬﺎ ﻋﺎﻟﺠﺎﻳﺎﺕ
ﺳﻠﻤﺖ ﻋﻠﻴﻬﺎ ﻭﻛﻤﻠﺖ ﻃﺮﻳﻘﻲ
ﻭﺍﻧﻲ ﺍﻣﺸﻲ ﺷﻔﺖ ﺍﻟﺤﺠﻲ ﺍﺑﻮ ﻋﺒﺪﺍﻟﻠﻪ ﻫﺬﺍ ﺭﺟﺎﻝ ﺟﺒﻴﺮ ﺑﺎﻟﻤﻨﻄﻘﺔ
ﻛﻠﻤﺎ ﻳﺸﻮﻓﻨﻲ ﻻﺯﻡ ﻳﺼﻴﺤﻨﻲ
.. ﻫﺎ ﺑﻮﻳﺔ ﻫﺪﻯ ﺣﻠﻴﺘﻲ ﺑﺎﻟﻠﻪ ﺷﻮ ﺗﻌﺎﻟﻲ
.. ﻫﻼ ﻋﻤﻮ ﺷﻠﻮﻧﻚ
.. ﺑﺨﻴﺮ ﻭﺍﻟﺤﻤﺪﻟﻠﻪ ﺗﻌﺎﻟﻲ ﺍﻟﻴﻮﻡ ﺟﻤﻌﺖ ﻟﺞ ﺍﻟﻨﺒﻚ ﺑﻌﻼﻛﺔ
ﺣﺘﻰ ﺑﻌﺪ ﻣﺮﺓ ﺍﻟﻠﺦ ﻣﺘﺸﻤﺮﻳﻦ ﺣﺠﺎﺭ ﻋﻠﻰ ﺷﺠﺮﺓ ﺍﻟﻨﺒﻚ ﻣﺎﻟﺘﻨﺔ
ﻇﻠﻴﺖ ﺍﺗﻠﻔﺖ ﻣﻨﺎ ﻭﻣﻨﺎ ﻭﺣﻜﻴﺖ ﺧﺸﻤﻲ ﻣﺴﺘﺤﻴﺔ ﺷﻜﺪ ﻋﻴﺐ
.. ﺍﺣﻢ ﺍﺳﻔﺔ ﻋﻤﻮ ﺑﻌﺪ ﻣﺎ ﺍﻋﻴﺪﻫﺎ
ﺿﺤﻚ .. ﻻ ﻋﺎﺩﻱ ﺍﺻﻼ ﺍﺗﻌﻮﺩﺕ ﻋﻠﻰ ﺍﻭﻻﺩ ﺍﻟﻤﻨﻄﻘﺔ ﻛﻠﻤﺎ ﻳﻤﺮﻭﻥ
ﻣﻨﺎ ﻻﺯﻡ ﻳﺸﻤﺮﻭﻥ ﺣﺠﺎﺭ ﺍﻭ ﻳﺘﺴﻠﻘﻮﻥ ﺍﻟﺴﻴﺎﺝ ﻋﻠﻤﻮﺩ ﻳﺸﻠﻌﻮﻥ ﻧﺒﻚ
ﺑﺲ ﺍﻧﺘﻲ ﺍﻛﺜﺮ ﻭﺣﺪﺓ ﺑﻴﻬﻢ ﺍﺷﻮﻓﺞ ﻣﻦ ﺗﻤﺮﻳﻦ ﻣﻨﺎ ﺗﺸﻤﺮﻳﻦ
ﺣﺠﺎﺭﻭﺗﻜﻌﺪﻳﻦ ﺗﻠﻜﻄﻴﻦ ﺍﻟﻨﺒﻚ ﺍﻟﻮﺍﻛﻊ ﻛﻠﺖ ﻫﺎﻟﻤﺮﺓ ﺍﺧﺘﺼﺮ ﻋﻠﻴﺞ
ﻭﺍﺟﻤﻌﻪ ﺍﻟﺞ
ﺍﺑﺘﺴﻤﺖ ﺑﺨﺠﻞ ﻭﺍﺧﺬﺕ ﺍﻟﻌﻼﻛﺔ .. ﺗﺴﻠﻤﻠﻲ ﻋﻤﻮ ﺭﺑﻲ ﻳﺨﻠﻴﻚ ﺍﻟﻲ
ﺑﺲ ﻭﺍﻟﻠﻪ ﺍﻟﻨﺒﻚ ﻣﺎﻟﺘﻜﻢ ﻃﻴﺐ
ﻭﺍﺣﺐ ﺍﻛﻞ ﻣﻨﻪ
.. ﺑﺎﻟﻌﺎﻓﻴﺔ ﻋﻠﻰ ﻛﻠﺒﺞ
.. ﺗﺴﻠﻢ ﻋﻤﻮ ﻳﺎﻟﻠﻪ ﺍﻧﻲ ﺭﺍﻳﺤﺔ ﻣﻤﺤﺘﺎﺝ ﺷﻲ
.. ﻻ ﺳﻼﻣﺘﺞ ﻋﻤﻮ ﺍﻟﻠﻪ ﻭﻳﺎﺝ
ﺳﻠﻤﺖ ﻋﻠﻴﻪ ﻭﻛﻤﻠﺖ ﻃﺮﻳﻘﻲ
ﻓﺘﺤﺖ ﺍﻟﻌﻼﻛﺔ ﻭﻛﻌﺪﺕ ﺍﻟﻜﻂ ﻣﻨﻬﺎ ﺍﻟﻨﺒﻚ ﺍﻻﺣﻤﺮ ﺍﻟﻤﺴﺘﻮﻱ ﻭﺍﻛﻞ
ﻻﻛﺎﻧﻲ ﺣﻨﻮﺵ ﺍﺑﻦ ﺟﻮﺍﺭﻳﻨﺎ ﻛﺎﻋﺪ ﻳﻢ ﺑﺎﺑﻬﻢ ﻳﺎﻛﻞ ﺟﺒﺲ ﻭﻫﻮ ﺑﺲ
ﺷﺎﻓﻨﻲ ﻭﻛﺎﻡ ﻳﺼﺮﺥ ﻫﻬﻬﻬﻬﻬﻬﻪ
ﻃﻠﻌﺖ ﺍﻣﻪ ﻣﺪﺕ ﺭﺍﺳﻬﺎ
.. ﻫﺎ ﻫﺪﻯ ﺍﻟﻠﻪ ﻋﻠﻴﺞ ﺷﻨﻮ ﺳﻮﻳﺘﻠﻪ ﻫﺎﻟﻤﺮﺓ
ﺭﻓﻌﺖ ﺍﻳﺪﻳﺔ ﺍﺛﻨﻴﻨﻬﻢ ﺑﺒﺮﺍﺀﺓ
.. ﻭﺍﻟﻠﻪ ﺧﺎﻟﺔ ﻫﺎﻟﻤﻐﺔ ( ﻫﺎﻟﻤﺮﺓ ) ﺍﻟﻮﺣﻴﺪﺓ ﻣﺴﻮﻳﺘﻠﻪ ﺷﻲ ﺑﺲ ﻫﻮ
ﻃﺒﻖ ﺍﻟﻤﺜﻞ ﻗﺘﻠﻨﻲ ﻭﺑﻜﻰ ﺳﺒﻘﻨﻲ ﻭﺍﺷﺘﻜﻰ
.. ﺧﻄﻴﺔ ﻟﺞ ﻛﺎﻡ ﻳﺨﺎﻑ ﻳﻄﻠﻊ ﺑﺎﻟﺸﺎﺭﻉ ﻣﻦ ﻭﺭﺍﺝ ﻳﻜﻠﻲ
ﻣﺎﻣﺎ ﻫﺪﻯ ﺍﻟﺠﻨﻴﺔ ﺗﺎﻛﻞ ﺟﺒﺴﻲ ﻭﺗﻌﻀﻨﻲ ﻣﻦ ﺧﺪﻭﺩﻱ
.. ﺷﺴﻮﻱ ﻳﺎﻋﻨﻲ ﻣﻨﻮ ﻛﻠﺞ ﺧﻠﻔﻲ ﻭﺍﺣﺪ ﺩﻧﻔﻮﺷﻲ ﻫﺸﻜﻞ
....
ﺟﻨﺖ ﺍﺣﺠﻲ ﻭﻳﺎﻫﺎ ﻭﺩﻧﻜﺖ ﺍﺑﻮﺱ ﺑﺨﺪﻭﺩﻩ
ﺍﻡ ﺣﻨﻮﺵ .. ﺍﻱ ﺻﺪﻙ ﻫﺪﻯ ﻗﺒﻞ ﻻ ﺍﻧﺴﻰ ﻋﻔﻴﺔ ﺧﻠﻲ ﺷﻴﻤﺎﺀ ﺍﻟﻴﻮﻡ
ﺗﻤﺮ ﻋﻠﻴﺔ ﺣﺘﻰ ﺗﻀﺮﺏ ﺍﻟﺤﺠﻴﺔ ﺍﺑﺮﺓ
ﻭﺗﻘﻴﺲ ﺿﻐﻄﻬﺎ
.. ﺻﺎﻍ ﺗﺪﺩﻟﻴﻦ ﺣﻴﺎﺗﻲ
ﻋﻔﺘﻬﻢ ﻭﻣﺸﻴﺖ ﻭﻗﺮﻳﺐ ﻣﺎ ﺍﻭﺻﻞ ﻋﻠﻰ ﺑﻴﺘﻨﺎ ﺣﺴﻴﺖ ﺑﺮﻭﺣﻲ
ﻣﺰﻧﻮﻛﺔ ﻭﻣﺤﺘﺎﺟﺔ ﺍﺭﻭﺡ ﻟﻠﺤﻤﺎﻡ ﻣﺎ ﺍﻋﺮﻑ ﻟﻴﺶ ﻫﺎﻱ ﺍﻟﺤﺎﻟﺔ ﺩﺍﺋﻤﺎ
ﺗﺼﻴﺮ ﻋﻨﺪﻱ ﻛﻠﻤﺎ ﺍﺭﺟﻊ ﻣﻦ ﻣﺸﻮﺍﺭ ﻭﺍﺻﻴﺮ ﻗﺮﻳﺒﺔ ﻋﺎﻟﺒﻴﺖ ﺍﺣﺲ
ﺑﺮﻭﺣﻲ ﻣﻔﻮﻟﺔ ﻭﺍﺭﻳﺪ ﺍﺩﺧﻞ ﻟﻠﺤﻤﺎﻡ ﺑﺴﺮﻋﺔ
ﻭﺻﻠﺖ ﻳﻢ ﺍﻟﺒﻴﺖ ﻭﺩﻛﻴﺖ ﻋﺎﻟﺒﺎﺏ ﻣﺴﺘﻌﺠﻠﺔ ﻭﺍﺗﺘﻘﻞ ﺑﻮﻛﻔﺘﻲ ﻣﻦ
ﺭﺟﻞ ﻟﺮﺟﻞ ﻭﺟﻬﻲ ﺻﺎﻳﺮ ﺍﺣﻤﺮ ﺍﻭﻭﻭﻑ ﻣﺰﻧﻮﻛﺔ ﺍﺭﻳﺪ ﺣﻤﺎﺍﺍﺍﺍﺍﺍﺍﻡ
ﺳﻤﻌﺖ ﺻﻮﺕ ﻭﺍﺣﺪ ﻳﺤﻢ ﺣﻢ ﻣﻦ ﻭﺭﺍﻱ
ﺍﻟﺘﻔﺖ ﻳﺒﻮﻭﻭﻭﻭﻭﻭﻭﻭﻱ
.. ﻏﺎﺍﺍﺋﺪ !!!!!
ﺍﺑﺘﺴﻢ .. ﺷﻨﻮ ﺷﺒﻴﺞ ﺷﺼﺎﻳﺮ ﻟﻴﺶ ﻫﺸﻜﻞ ﺗﺪﻛﻴﻦ ﻋﻠﻰ ﺑﺎﺑﻜﻢ ﻣﻨﻮ
ﻳﺮﻛﺾ ﻭﺭﺍﺝ
ﻛﻤﺖ ﺍﻣﺘﻤﺖ .. ﻫﻬﻬﻪ ﻻ ﻫﻴﺞ ﻫﺬﺍ ﺍﻟﻤﺨﺒﻞ ﻣﺸﻌﻞ ﺟﺎﻥ ﻳﺮﻛﺾ
ﻭﺭﺍﻱ ﻫﻬﻬﻪ
ﺳﻜﺘﺖ ﻭﻭﺟﻬﻲ ﺍﻧﻜﻠﺐ ﺍﺣﻤﺮ ﺧﺮﺏ ﺭﺍﺡ ﺍﻧﻔﻀﺢ ﻭﺍﺳﻮﻳﻬﺎ ﻋﻠﻰ
ﺭﻭﺣﻲ ﻭﻟﻜﻢ ﻓﺘﺤﻮ ﺍﻟﺒﺎﺏ ﻳﻤﻌﻮﺩﻳﻦ ﺭﺟﻌﺖ ﺍﺩﻙ ﺣﻴﻞ ﻣﺮﺓ ﺛﺎﻧﻴﺔ
ﺍﻧﻔﺘﺢ ﺍﻟﺒﺎﺏ ﻭﺍﻟﺘﻔﺘﺖ ﻋﻠﻰ ﺷﻴﻤﺎﺀ ﻭﺩﻓﻌﺘﻬﺎ ﻭﺩﺧﻠﺖ ﻟﻠﺒﻴﺖ ﻛﺒﻞ
ﺭﻛﻀﺖ ﻟﻠﺤﻤﺎﻡ ﻭﺍﻧﻲ ﺍﺩﺭﺩﻡ ﻋﻠﻴﻬﻢ ﻋﻔﺖ ﺷﻴﻤﺎﺀ ﺗﺴﻠﻢ ﻋﻠﻰ ﺭﺍﺋﺪ
ﻃﻠﻌﺖ ﻣﻦ ﺍﻟﺤﻤﺎﻡ
.. ﻭﻳﻦ ﺟﻨﺘﻮﺍ ﺳﻨﺔ ﻳﺎﻟﻠﻪ ﺗﻔﺘﺤﻮﻥ ﺍﻟﺒﺎﺏ
ﺷﻴﻤﺎﺀ .. ﻣﺨﺒﻠﺔ ﻣﻮ ﻋﺎﻗﻠﺔ ﻛﻠﻤﺎ ﺍﻛﻮﻝ ﻋﻠﻴﺞ ﻛﺒﺮﺗﻲ
ﺗﺜﺒﺘﻴﻠﻲ ﻋﻜﺲ ﺻﺤﺔ ﻛﻼﻣﻲ
.. ﺍﻧﺘﻲ ﺷﺎﻳﻔﺔ ﻃﻐﻴﻖ ( ﻃﺮﻳﻖ ) ﺍﻟﻤﺪﻏﺴﺔ ( ﺍﻟﻤﺪﺭﺳﺔ ) ﺷﻄﻮﻟﻪ ﻟﻮ
ﻳﻜﻠﻮﻟﺞ ﻋﻠﻴﻪ
ﺷﻴﻤﺎﺀ .. ﻣﻴﺤﺘﺎﺝ ﺗﻮﺻﻔﻴﻠﻲ ﺍﻟﻄﺮﻳﻖ ﺷﺎﻳﻔﺘﻪ ﺑﺲ ﺷﺒﻴﺞ ﻣﺼﺮﻭﻋﺔ
ﺣﺮﻛﺘﻲ ﺍﻟﺠﻮ
.. ﺍﻱ ﻣﻮ ﺍﻧﺰﻧﻜﺖ ﻛﻠﺶ ﺷﻠﻮﻥ ﻳﻌﻨﻲ ﺗﻐﺪﻳﻨﻲ ( ﺗﺮﺩﻳﻨﻲ ) ﺍﺳﻮﻳﻬﺎ
ﻋﻠﻰ ﻏﻮﺣﻲ ﺑﺎﻟﺸﺎﻏﻊ ( ﺑﺎﻟﺸﺎﺭﻉ ) ﺷﻜﺪ ﻋﻴﺐ ﻭﺍﻟﻴﻮﻡ ﻣﻦ ﺩﻭﻥ ﺍﻻﻳﺎﻡ
ﺍﻟﺘﻘﻴﺖ ﺑﻐﺎﺋﺪ ﺣﺘﻰ ﻣﺴﻠﻤﺖ ﻋﻠﻴﻪ ﻋﻔﺘﻪ ﻭﺩﺧﻠﺖ ﻟﻠﺒﻴﺖ
.. ﺩﻭﻣﺞ ﻣﺨﺒﻠﺔ ﺍﺑﺪ ﻣﺘﻜﺒﺮﻳﻦ
.. ﺍﻛﻮﻝ ﺷﻮﻣﺔ ﻋﻔﻴﺔ ﺻﺒﻴﻠﻲ ﻏﺪﺓ
.. ﺍﻧﺘﻈﺮﻱ ﻣﻮ ﻫﺴﺔ ﺧﻠﻲ ﺑﺎﺑﺎ ﻭﻣﺮﻭﺓ ﻳﺮﺟﻌﻮﻥ ﻣﻦ ﺍﻟﺸﻐﻞ ﻳﺎﻟﻠﻪ
ﻭﺭﻭﺣﻲ ﻛﻌﺪﻱ ﺳﺖ ﺿﺤﻰ ﻭﻳﺎﺝ
.. ﺍﻱ ﺻﺪﻙ ﺳﺖ ﺿﺤﺎﻭﻱ ﻟﻴﺶ ﻏﺎﻳﺒﺔ ﺍﻟﻴﻮﻡ
.. ﻭﺍﻟﻠﻪ ﺿﺤﻰ ﺭﺍﺡ ﺗﻤﻮﺗﻨﻲ ﻧﺎﻗﺼﺔ ﻋﻤﺮ ﻭﻻ ﺟﻨﻬﺎ ﺳﺎﺩﺱ ﻋﻠﻤﻲ
ﻫﺎﻟﺴﻨﺔ ﻛﺎﺿﻴﺘﻬﺎ ﻛﻠﻪ ﻧﻮﻡ ﻭﺧﺪﺓ
ﺩﺧﻠﺖ ﺿﺤﻰ ﻋﻠﻴﻬﻢ ﺗﻔﺮﻙ ﺑﻌﻴﻮﻧﻬﺎ
ﺷﻴﻤﺎﺀ .. ﻭﺍﺧﻴﺮﺍ ﺷﺮﻓﺖ ﺍﻟﻌﺮﻭﺳﺔ
ﺿﺤﻰ ﺭﻓﻌﺖ ﺍﻳﺪﻫﺎ ﻟﻠﺴﻤﺎ
....
ﺍﻣﻴﻦ ﻛﻮﻥ ﺍﻟﻠﻪ ﻳﺴﻤﻊ ﻣﻨﺞ ﻫﻴﺞ ﻭﺍﻋﺮﺱ ﻭﻭﺍﺗﺨﻠﺺ ﻣﻦ ﻫﺬﺍ
ﺍﻟﺒﻴﺖ ﻻﻥ ﺧﻨﻜﺘﻮﻧﻲ
.. ﻳﻌﻨﻲ ﺍﺫﺍ ﻧﻄﻠﺐ ﻣﻨﺞ ﺷﻮﻳﺔ ﺗﻨﺘﺒﻬﻴﻦ ﻟﺪﺭﺍﺳﺘﺞ ﻧﻜﻮﻥ
ﺧﺎﻧﻜﻴﺞ
.. ﻻ ﺍﻧﺘﻮﺍ ﻣﻮ ﺑﺲ ﻋﺎﻟﺪﺭﺍﺳﺔ ﻣﺘﺸﺪﺩﻳﻦ ﻭﻳﺎﻱ ﺍﻧﺘﻮﺍ ﺣﺘﻰ ﻋﺎﻟﻄﻠﻌﺔ
ﻣﺴﻮﻳﻦ ﻋﻠﻴﺔ ﺣﺼﺎﺭ ﺣﺴﺮﺓ ﻋﻠﻴﺔ ﺍﻃﻠﻊ ﺍﻭ ﺍﻣﺸﻲ ﻣﺎﻟﻲ ﺣﻖ ﺍﺭﻭﺡ
ﻻﻱ ﻣﻜﺎﻥ ﻏﻴﺮ ﺍﻟﻤﺪﺭﺳﺔ ﻭﻫﺎﻱ ﺍﻧﺘﻲ ﻭﻣﺮﻭﺓ ﺗﻤﺸﻮﻥ ﻭﺗﻄﻠﻌﻮﻥ ﻭ
ﺣﺘﻰ ﻫﺪﻯ ﻣﺎﺧﺬﺓ ﺭﺍﺣﺘﻬﺎ ﺑﺎﻟﻄﻠﻌﺔ ﺍﻻ ﺍﻧﻲ ﻣﺴﻮﻳﻦ ﻋﻠﻴﺔ ﺣﻀﺮ
ﺗﺠﻮﺍﻝ
ﻫﺪﻯ .. ﻋﻤﺔ ﺑﻌﻴﻨﺞ ﻭﻳﻦ ﻃﺎﻟﻌﺔ ﺍﻧﻲ ﻫﺴﺔ ﺍﻟﻴﺴﻤﻌﺞ ﻳﻜﻮﻝ ﻣﻜﻄﻌﺔ
ﺍﻟﻄﻠﻌﺎﺕ ﻭﺍﻟﻮﻧﺴﺔ ﺍﺷﻮ ﺣﺎﻟﻲ ﻣﻦ ﺣﺎﻟﺞ
ﻻﻳﻜﻮﻥ ﺫﺏ ﺍﻟﺰﺑﻞ ﻭﺍﻟﻤﺴﻮﺍﻙ ﺣﺎﺳﺒﺘﻬﻢ ﻋﻠﻴﺔ ﻃﻠﻌﺔ
ﻭﺍﻟﻠﻪ ﻳﺎﻏﻴﺖ ( ﻳﺎﺭﻳﺖ ) ﺗﻄﻠﻌﻴﻦ ﺑﻤﻜﺎﻧﻲ
ﻳﻌﻨﻲ ﺻﺎﻍ ( ﺻﺎﺭ ) ( ﻋﻤﺮﻱ ) ﻋﻤﻐﻲ ١٦ﺳﻨﺔ ﻭﺍﻧﻲ ﻣﺎ ﺍﻓﺘﻜﻴﺖ ﻣﻦ
ﺍﻟﺰﺑﻞ ﻭﺷﻜﻠﻲ ﻏﺎﺡ ( ﺭﺍﺡ ) ﺍﻋﻐﺲ ﻭﺑﺜﻮﺏ ﺍﻟﻌﻐﺲ ﻭﺗﺼﺤﻮﻥ ﻋﻠﻴﺔ
ﻭﺗﻜﻠﻮﻟﻲ ﺗﻌﺎﻟﻲ ﻳﺎﻫﺪﻯ ﻏﻮﺣﻲ ﺫﺑﻲ ﺍﻟﺰﺑﻞ
ﺿﺤﻰ .. ﻋﻠﻰ ﺍﻻﻗﻞ ﺗﻄﻠﻌﻴﻦ ﻣﻮ ﻣﺜﻠﻲ
ﺷﻴﻤﺎﺀ .. ﻫﺪﻯ ﻛﺎﻓﻲ ﺧﻠﻴﻨﻲ ﺍﺣﺠﻲ
ﺳﻤﻌﻴﻨﻲ ﺯﻳﻦ ﺿﺤﻰ ﺛﻘﻲ ﺑﺎﻟﻠﻪ ﺍﺫﺍ ﻣﺎ ﺍﻫﺘﻤﻴﺘﻲ ﺑﺪﺭﺍﺳﺘﺞ ﺑﺎﺑﺎ
ﻣﻴﺘﺮﺩﺩ ﻟﺤﻈﺔ ﻭﺣﺪﺓ ﻭﻳﺰﻭﺟﺞ ﺑﺪﻭﻥ ﺗﺮﺩﺩ
ﺷﺪﻱ ﺣﻴﻠﺞ ﺑﺪﺭﺍﺳﺘﺞ ﻭﻭﻋﺪ ﻋﻠﻴﺔ ﺍﻧﻲ ﺍﻃﻠﻌﺞ ﻭﻳﻦ ﻣﺘﺮﺩﻳﻦ
ﺿﺤﻰ .. ﻣﻴﺨﺎﻟﻒ ﺍﺷﺪ ﺣﻴﻠﻲ ﻭﻭﺍﺩﺭﺱ
ﺟﺎﻧﺖ ﺗﺤﺠﻲ ﻭﺗﻜﻠﺐ ﺑﻌﻴﻮﻧﻬﺎ ﻣﻤﻘﺘﻨﻌﺔ
ﺍﻧﺪﻙ ﺍﻟﺒﺎﺏ ﻭﺍﺟﺘﻲ ﻣﺮﻭﺓ ﺟﺎﻧﺖ ﺷﺎﻳﻠﺔ ﺑﻴﺪﻫﺎ ﺍﻟﻤﺎﻧﺘﻮﺍ ﺍﻻﺑﻴﺾ ﻛﺎﻥ
ﺷﻜﻠﻬﺎ ﺟﺪﺍ ﻋﻤﻠﻲ ﻭﻏﻴﺮ ﻣﺘﺼﻨﻌﺔ ﻣﺎ ﺗﻬﺘﻢ ﻟﻼﺷﻴﺎﺀ ﺍﻟﺠﻤﺎﻟﻴﺔ ﺍﻟﻲ
ﻳﺴﺘﺨﺪﻣﻮﻫﺎ ﺑﻨﺎﺕ ﺟﻴﻠﻬﺎ
ﻣﺮﻭﺓ ﻋﻨﺪﻫﺎ ﻫﻮﺍﻱ ﺍﺣﻼﻡ ﺑﺲ ﺍﻻﻫﺘﻤﺎﻡ ﺑﺸﻜﻠﻬﺎ ﻣﻮ ﺍﺣﺪ ﺍﺣﻼﻣﻬﺎ
ﺍﻭﻝ ﻣﺪﺧﻠﺖ ﻟﻠﺒﻴﺖ ﺭﺍﺣﺖ ﻟﺸﻴﻤﺎﺀ ﻃﻠﻌﺖ ﻣﻦ ﺟﻨﻄﺘﻬﺎ ﻓﻠﻮﺱ
.. ﻫﺎﺝ ﻟﺰﻣﻲ ﺍﻟﻴﻮﻡ ﺍﺳﺘﻠﻤﺖ ﺍﻟﺮﺍﺗﺐ ﺍﺧﺬﻱ ﺿﻤﻴﻬﻢ ﻋﻨﺪﺝ
ﻭﺣﻄﻴﻬﻢ ﻋﻠﻰ ﺍﻟﻔﻠﻮﺱ ﺍﻟﻤﺠﻤﻌﺘﻬﻢ
ﺷﻴﻤﺎﺀ ﺟﺎﻧﺖ ﻭﺍﻛﻔﺔ ﻋﺎﻟﻄﺒﺎﺥ
ﻣﺴﺤﺖ ﺍﻳﺪﻳﻬﺎ ﺑﺎﻟﻤﻨﺸﻔﺔ ﻭﺩﺍﺭﺕ ﻋﻠﻴﻬﺎ
.. ﺭﺍﺡ ﺍﺿﻤﻬﻢ ﻭﻳﺔ ﺍﻟﻔﻠﻮﺱ ﺫﻧﻴﺞ
.. ﺑﻠﻜﻲ ﺍﻟﻠﻪ ﻳﺴﻔﺮﻭﻧﺎ ﺍﻳﻔﺎﺩ ﺳﻤﻌﺖ ﺍﻟﺪﻛﺘﻮﺭ ﺭﺍﻓﺪ ﻳﻜﻮﻝ ﻛﻞ ﻣﺮﺓ
ﻳﺴﺎﻓﺮﻭﻥ ﺑﻴﻬﺎ ﺍﻳﻔﺎﺩ ﻳﻨﻄﻮﻧﻬﻢ ﻓﻮﺍﺋﺪ ﻣﻨﺤﺔ ﺍﺫﺍ ﻃﻠﻊ ﺍﺳﻤﻲ ﻛﺒﻞ
ﺍﺧﺬ ﻓﻠﻮﺱ ﺍﻟﻤﻨﺤﺔ ﻭﺍﺣﻄﻬﻢ
....
ﻋﺎﻟﻌﻨﺪﺝ ﻭﺳﺎﻋﺘﻬﺎ ﺍﻛﺪﺭ ﺍﻓﺘﺤﻠﻲ ﻋﻴﺎﺩﺓ
ﺿﺤﻰ ﺑﺼﻮﺕ ﻧﺎﺻﻲ
.. ﻋﺎﺑﺘﻠﻬﺎ ﻭﻻ ﻣﺮﺓ ﻛﺎﻟﺖ ﺧﻠﻲ ﺍﻧﻄﻲ ﻟﺨﻮﺍﺗﻲ ﺍﻟﺼﻐﺎﺭ ﻓﻠﻮﺱ
ﻭﺍﻓﺮﺣﻬﻢ ﺑﻴﻬﺎ ﺍﻭﻭﻑ ﺷﻜﺪ ﺑﺨﻴﻠﺔ ﻫﻲ ﺣﺘﻰ ﻋﻠﻰ ﺭﻭﺣﻬﺎ ﻣﺘﺼﺮﻑ
ﺩﺑﺎﻭﻋﻲ ﻋﻠﻰ ﻣﻼﺑﺴﻬﺎ ﺷﻠﻮﻥ ﻗﺪﻳﻤﺎﺕ
ﺍﻧﻲ ﻟﻮ ﻣﻨﻬﺎ ﻭﻋﻨﺪﻱ ﻫﺎﻱ ﻫﻠﻜﺪ ﻓﻠﻮﺱ ﻣﺎ ﺍﺧﻠﻲ ﺷﻲ ﺑﻨﻔﺴﻲ
ﺍﺷﺘﺮﻱ ﺍﺣﻠﻰ ﺍﻟﻤﻼﺑﺲ ﻭﺍﻻﺻﺒﺎﻍ ﻭﺍﻻﺣﺬﻳﺔ ﻭﺍﻟﺠﻨﻂ
ﻫﺪﻯ .. ﺿﺤﻰ ﺳﻜﺘﻲ ﺧﻄﻴﺔ ﻫﻲ ﺩﺗﺠﻤﻊ ﻓﻠﻮﺳﻬﺎ ﻋﻠﻤﻮﺩ
ﺗﻔﺘﺤﻠﻬﺎ ﻋﻴﺎﺩﺓ ﻭﺗﺤﻘﻖ ﺣﻠﻢ ﺍﻣﻲ ﻫﻲ ﻣﻮ ﻣﺜﻠﺞ ﺗﻔﻜﻎ ( ﺗﻔﻜﺮ )
ﺑﻜﺸﺨﺘﻬﺎ
ﺿﺤﻰ .. ﻳﺎﺣﻠﻢ ﻫﺬﺍ ﻫﻲ ﺑﺨﻴﻠﺔ ﻗﺢ
ﻣﺮﻭﺓ .. ﺿﺤﻰ ﺗﺮﺓ ﺳﻤﻌﺘﺞ ﺑﺲ ﺑﻤﺰﺍﺟﻲ ﺭﺍﺡ ﺍﻋﺒﺮ ﺍﻟﻤﻮﺿﻮﻉ ﻻﻥ
ﻣﺎﻟﻲ ﺧﻠﻚ ﺍﻧﺎﻗﺶ ﻭﺣﺪﺓ ﻣﺘﺨﻠﻔﺔ ﻣﺜﻠﺞ
ﺿﺤﻰ ﻓﺘﺤﺖ ﺣﻠﻜﻬﺎ ﺗﺮﻳﺪ ﺗﺠﺎﻭﺏ
ﺷﻴﻤﺎﺀ .. ﺿﺤﻰ ﻭﻻ ﻛﻠﻤﺔ ﻓﺎﻫﻤﺔ ﻛﺒﻞ ﻋﻠﻰ ﻏﺮﻓﺘﺞ
.. ﺳﻤﻌﺘﻴﻬﺎ ﺷﻨﻮ ﻛﺎﻟﺖ ﻋﻠﻴﺔ
.. ﺍﺵ ﻭﻻ ﻛﻠﻤﺔ ﻛﺎﻓﻲ ﺍﻧﺘﻲ ﻫﻢ ﺗﺠﺎﻭﺯﺗﻲ ﻋﻠﻴﻬﺎ ﻭﻛﻠﺘﻲ ﻋﻠﻴﻬﺎ
ﺑﺨﻴﻠﺔ
ﺿﺮﺑﺖ ﻋﻠﻰ ﻛﺼﺘﻬﺎ
.. ﺧﺮﺏ ﻳﻮﻣﻜﻢ ﻧﺴﻴﺘﻮﻧﻲ ﺍﻟﻴﻮﻡ ﺧﺎﻟﺔ ﺍﻡ ﻓﺮﺯﺩﻕ
ﻋﺰﻣﺘﻨﺎ ﻋﻠﻰ ﻣﻮﻟﺪ
ﺿﺤﻰ .. ﺍﻟﻠﻪ ﻭﺍﺧﻴﺮﺍ ﻃﻠﻌﺔ ﺑﺲ ﺻﺪﻙ ﺷﻨﻮ ﻣﻨﺎﺳﺒﺔ ﺍﻟﻤﻮﻟﻮﻟﺪ
.. ﻋﻠﻤﻮﺩ ﺭﺟﻮﻉ ﺍﺑﻦ ﻋﻤﻮ ﻓﺮﺯﺩﻕ ﺍﻟﻜﺒﻴﺮ ﺻﻬﻴﺐ ﻣﻦ ﺍﻟﺨﺎﺭﺝ ﺟﺎﻥ
ﻳﺪﺭﺱ ﻫﻨﺎﻙ ﻭﺭﺟﻊ ﺻﺎﺭﻟﻪ ﻳﻮﻣﻴﻦ
ﻫﺪﻯ .. ﻫﻠﺔ .. ﻫﻠﺔ ﺧﻠﻲ ﺍﻏﻮﺡ ﺍﺷﻮﻑ ﺷﻨﻮ ﺍﻟﺒﺲ
ﻛﺎﻣﺖ ﻫﻲ ﻭﺭﻛﻀﺖ ﺿﺤﻰ ﻭﺭﺍﻫﺎ ﻭﺻﺎﺭﻭﺍ ﻳﺘﺴﺎﺑﻘﻮﻥ ﻣﻨﻮ ﺍﻟﺘﻠﺤﻚ
ﺗﺎﺧﺬ ﺍﻟﻤﻼﺑﺲ ﺍﻟﺤﻠﻮﺓ ﺑﺎﻻﻭﻝ
........
ﺣﻀﺮﻧﺎ ﺍﻻﻛﻞ ﻭﺍﻧﺘﻈﺮﻧﺎ ﺑﺎﺑﺎ ﻳﺠﻲ
ﻫﺪﻯ .. ﺷﻴﻤﺎ ﻣﺘﺖ ﻣﻦ ﺍﻟﺠﻮﻉ ﻳﺎﻟﻠﻪ ﺷﻮﻛﺖ ﻳﺠﻲ ﺑﺎﺑﺎ
.. ﺻﺒﺮﻱ ﻣﺒﻘﻰ ﺷﻲ ﻭﻳﻮﺻﻞ ﻫﻮ ﻛﻞ ﻳﻮﻡ ﺑﻬﻴﺞ ﻭﻛﺖ ﻳﺠﻲ
ﻟﻜﻦ ﺑﺎﺑﺎ ﻛﻠﺶ ﺍﺗﺄﺧﺮ ﻋﻠﻴﻨﺎ
ﺷﻴﻤﺎﺀ .. ﻳﺎﻟﻠﻪ ﺑﻨﺎﺕ ﺧﻠﻲ ﻧﺼﺐ ﺍﻟﻐﺪﺓ ﻭﻧﺎﻛﻞ ﺷﻜﻞ ﺍﻟﻮﺍﻟﺪ ﺍﻟﻴﻮﻡ
ﻭﻣﻄﻮﻝ ﺍﻟﻈﺎﻫﺮ ﻋﻨﺪﻩ ﺷﻐﻞ
ﺍﻟﺘﻬﻴﻨﺎ ﻧﺴﺎﻋﺪ ﺷﻴﻤﺎﺀ ﻋﺎﻻﻛﻞ ﻭﻛﻌﺪﻧﺎ ﻧﺎﻛﻞ ﻭﺣﺪﺓ ﺗﺤﺠﻲ ﻭﻳﺔ
ﺍﻟﺜﺎﻧﻴﺔ .
ﺍﺗﻌﻮﺩﻧﺎ ﻧﺘﺒﺎﺩﻝ ﺍﻻﺧﺒﺎﺭ ﻋﻠﻰ ﺍﻻﻛﻞ
ﺿﺤﻰ .. ﺍﻛﻮﻝ ﺑﻨﺎﺕ ﺍﻧﺘﺒﻬﺘﻮﺍ ﻋﻠﻰ ﻣﺮﻳﻢ ﺑﺄﺧﺮ ﺭﻭﺣﺔ ﺍﻟﻨﺔ ﻟﺒﻴﺖ ﻋﻤﻮ
ﺍﻣﺠﺪ ﺷﻠﻮﻥ ﺗﺒﺎﻭﻉ ﻋﻠﻴﻨﺎ ﻣﻦ ﻭﺭﺓ ﺧﺸﻤﻬﺎ ﻋﺒﺎﻟﻚ ﺷﺎﻣﺔ ﺧﻴﺴﺔ ﻣﻮ
ﻋﺒﺎﻟﻚ ﺧﻮﺍﺗﻬﺎ ﺍﺣﻨﺔ
ﺷﻴﻤﺎﺀ .. ﻟﺘﺤﺠﻴﻦ ﻋﻠﻴﻬﺎ ﻫﺸﻜﻞ ﺗﺮﺓ ﻣﺮﻳﻢ ﺑﻌﺪﻫﺎ ﺻﻐﻴﺮﺓ ﻭﻛﻠﺔ
ﻋﻠﻰ ﺑﻌﻀﻪ ﻋﻤﺮﻫﺎ ١١ ﺳﻨﺔ
ﻫﺪﻯ .. ﻻ ﺻﺪﻙ ﺷﻴﻤﺎﺀ ﺣﺘﻰ ﺍﻧﻲ ﺍﻧﺘﺒﻬﺖ ﻋﻠﻴﻬﺎ
ﻣﻦ ﻛﻤﺖ ﻭﻃﻠﻌﺖ ﻣﻦ ﺍﻟﻬﻮﻝ ﻭﺭﺣﺖ ﻟﻠﻤﻄﺒﺦ
ﻭﻓﺘﺤﺖ ﺍﻟﺜﻼﺟﺔ ﺍﺭﻳﺪ ﺍﺷﺮﺏ ﻣﺎﻱ
ﺍﺟﺘﻲ ﻭﺭﺍﻱ ﻭﻛﺎﻟﺖ ﺑﻌﺪ ﻻ ﺗﻔﺘﺤﻴﻦ ﺍﻟﺜﻼﺟﺔ ﻣﻦ ﺗﺮﻳﺪﻳﻦ ﺷﻲ ﻛﻮﻟﻲ
ﺍﻧﻲ ﺍﺟﻴﺒﺔ ﺍﻟﺞ ﻣﺎﻣﺎ ﻣﺘﻘﺒﻞ ﺍﺣﺪ ﻳﻠﻌﺐ ﺑﻐﺮﺍﺽ
ﺍﻟﺒﻴﺖ
....
ﺍﻛﻠﺞ ﺷﻮﻣﺔ ﻫﻲ ﻣﻮ ﺗﻌﺮﻑ ﺍﺣﻨﺎ ﺧﻮﺍﺗﻬﺎ ﻟﻴﺶ ﺗﻌﺎﻣﻠﻨﺎ ﻫﺸﻜﻞ
ﻣﺮﻭﺓ .. ﻳﻌﻨﻲ ﺻﺪﻙ ﺗﺤﺠﻮﻥ ﺭﺍﺡ ﺗﺤﻄﻮﻥ ﻋﻘﻠﻜﻢ ﻭﻳﺔ ﻭﺣﺪﺓ ﺻﻐﻴﺮﺓ
ﻣﺘﻔﺘﻬﻢ ﺗﻠﻜﻴﻨﻬﺎ ﺯﻭﺟﺔ ﻋﻤﻮ ﺍﻣﺠﺪ ﺣﺎﺷﺔ ﺭﺍﺳﻬﺎ ﻋﻮﻓﻬﺎ ﻣﻮ ﻫﺴﺔ
ﺗﺤﻜﻤﻮﻥ ﻋﻠﻴﻬﺎ ﺑﻌﺪﻫﺎ ﺻﻐﻴﺮﺓ
ﻫﺪﻯ ﺍﺑﺎﻭﻉ ﻋﻠﻰ ﺷﻴﻤﺎﺀ ﻛﻞ ﺳﺎﻋﺔ ﺗﺼﻔﻦ
.. ﺷﻮﻣﺔ ﺣﺒﻴﺒﺘﻲ ﺷﺒﻴﺞ ﺍﺷﻮ ﻣﺪﺍ ﺗﺎﻛﻠﻴﻦ
ﺷﻴﻤﺎﺀ .. ﻣﺎﻟﻲ ﻧﻔﺲ ﺍﻟﻴﻮﻡ ﺟﺎﺑﻮﺍ ﻣﺠﻤﻮﻋﺔ ﺷﻬﺪﺍﺀ ﻭﻣﺼﺎﺑﻴﻦ ﺍﺛﺮ
ﻣﻔﺨﺨﺔ ﻭﻣﻦ ﺿﻤﻨﻬﻢ ﺿﺎﺑﻂ ﺧﻄﻴﺔ ﺩﺧﻞ ﻏﻴﺒﻮﺑﺔ ﺧﻄﻴﺔ ﻟﺤﺪ ﻫﺴﺔ
ﺍﻫﻠﻪ ﻣﻴﺪﺭﻭﻥ ﺑﺄﺑﻨﻬﻢ
ﻫﺪﻯ .. ﻟﻴﺶ ﺍﻫﻠﻪ ﻭﻳﻦ
.. ﺍﺗﻮﻗﻊ ﺍﻫﻠﻪ ﻣﻦ ﺍﻟﺒﺼﺮﺓ ﻭﻫﻮ ﻫﻨﺎ ﺩﻭﺍﻣﻪ ﻋﻠﻰ ﻣﺎ ﺍﻇﻦ
ﻣﺮﻭﺓ .. ﺍﻭﻑ ﺳﻜﺘﻲ ﺍﺗﻌﻠﻤﺖ ﻋﻠﻰ ﻫﺎﻱ ﺍﻟﻤﻨﺎﻇﺮ ﻛﻞ ﻳﻮﻡ ﺍﺷﻮﻑ
ﻫﻴﺞ ﻧﻤﺎﺫﺝ
ﺿﺤﻰ .. ﺍﻋﻮﻭﻉ ﻟﻌﺒﺖ ﻧﻔﺴﻲ ﺧﻼﺹ ﺑﻌﺪ ﻣﺎ ﺍﺭﻳﺪ ﺍﺻﻴﺮ ﺩﻛﺘﻮﺭﺓ
ﻫﺪﻯ .. ﻻ ﻭﺍﻟﻠﻪ ﻋﻠﻰ ﺍﻻﺳﺎﺱ ﺍﻟﺸﻬﺎﺩﺓ ﻣﻨﺘﻈﺮﺗﺞ
ﻭﻏﺔ ( ﻭﺭﺓ ) ﺍﻟﺒﺎﺏ ﺷﺤﺎﻝ ﻟﻮ ﻣﺎ ﺑﺎﻟﺸﺎﻓﻌﺎﺕ ﺗﻨﺠﺤﻴﻦ
ﺿﻠﻮ ﺷﻴﻤﺎﺀ ﻭﻣﺮﻭﺓ ﻳﻀﺤﻜﻮﻥ ﻋﻠﻰ ﻛﻼﻡ ﻫﺪﻯ
ﺿﺤﻰ .. ﻛﺮﻣﻴﻨﺎ ﺑﺴﻜﻮﺗﺞ ﺍﻟﺮﺗﻠﺔ ﻏﺎﻏﺎ
ﺗﻌﻴﺐ ﻋﻠﻰ ﻫﺪﻯ
ﻫﺪﻯ .. ﺍﺻﻼ ﻟﺪﻏﺔ ﺍﻟﻐﺎﺀ ﻋﻨﺪﻱ ﺗﺠﻨﻦ
ﻭﻣﺪﻏﺴﺔ ( ﻣﺪﺭﺳﺔ ) ﺍﻟﻠﻐﺔ ﺍﻻﻧﻜﻠﻴﺰﻳﺔ ﻛﺎﻟﺖ ﺍﻧﺘﻲ
ﺍﺫﺍ ﺩﻏﺴﺘﻲ ( ﺩﺭﺳﺘﻲ ) ﺍﻟﻠﻐﺔ ﺍﻟﻔﻐﻨﺴﻴﺔ ( ﺍﻟﻔﺮﻧﺴﻴﺔ )
ﺗﻄﻠﻌﻴﻦ ﺍﻻﻭﻝ ﻋﺎﻟﺼﻒ
ﺣﺒﻴﺒﺘﻲ ﻣﻌﻨﺎﻫﺎ ﺍﻧﻲ ﺛﻘﺎﻓﺘﻲ ﻓﻐﻨﺴﻴﺔ ﻣﻮ ﻣﺜﻠﺞ
ﺟﻨﺎ ﻛﺎﻋﺪﻳﻦ ﻭﺩﺧﻞ ﻋﻠﻴﻨﺎ ﺑﺎﺑﺎ ﻭﻭﺭﺍﻩ ﻋﻤﻮ ﺍﻣﺠﺪ ﻣﻌﺼﺐ ﻭﻳﻐﻠﻂ
ﻭﻳﺴﺐ ﻭﻳﺘﻮﻋﺪ ﻣﺎ ﺍﻋﺮﻑ ﺷﺒﻲ ﻛﻤﻨﺎ ﻣﻦ ﺍﻻﻛﻞ
ﻭﺍﺷﺮﺕ ﻟﻠﺒﻨﺎﺕ ﻳﻠﻤﻮﻥ ﺍﻟﺼﺤﻮﻥ ﺑﺴﻜﻮﺕ
ﺷﻴﻤﺎﺀ .. ﺑﺎﺑﺎ ﺷﺒﻴﻚ ﻣﻌﺼﺐ
.. ﻛﻠﺸﻲ ﻣﺎ ﺑﻴﺔ ﺑﺲ ﻫﺬﺍ ﺍﻟﺰﻓﺖ ﺍﺑﻮ ﻗﺎﺳﻢ ﻃﺮﺩﻧﻲ ﻣﻦ ﺍﻟﺸﻐﻞ
ﺍﻟﻠﻪ ﻳﺎﺧﺬﻩ
ﺍﻣﺠﺪ .. ﻛﻠﻪ ﻣﻦ ﻭﺭﺍﻙ ﺍﻧﺖ ﺳﺒﺐ ﺧﺮﺍﺏ ﺑﺎﺏ ﺭﺯﻗﻚ
.. ﺍﻣﺠﺪ ﺭﺣﻤﺔ ﻋﻠﻰ ﻭﺍﻟﺪﻳﻚ ﻛﺎﻓﻲ ﻭﺍﻟﻠﻪ ﺍﻟﺒﻴﺔ ﻣﻜﻔﻴﻨﻲ
ﺍﺭﻳﺪ ﺍﻣﻮﺕ ﻣﻦ ﺍﻟﻘﻬﺮ ﻣﻦ ﻭﺭﺓ ﺍﺑﻮ ﻗﺎﺳﻢ ﺷﻠﻮﻥ ﻫﺎﻧﻲ ﺍﻫﺎﻧﺔ ﻛﺪﺍﻡ
ﺍﻟﻤﻨﻄﻘﺔ ﻭﺍﻟﻠﻪ ﻣﺎ ﺭﺍﺡ ﺍﻧﺴﺎﻫﺎ ﺍﻟﺔ ﺑﺴﻴﻄﺔ
ﺍﻣﺠﺪ .. ﻋﻤﻲ ﻭﺍﻟﻠﻪ ﺣﻘﻪ ﻭﺍﻱ ﻭﺍﺣﺪ ﺑﻤﻜﺎﻧﻪ ﻫﻢ ﺭﺍﺡ ﻳﺴﻮﻱ ﻣﺜﻠﻪ ﻫﻮ
ﻋﻨﺪﻩ ﻋﺎﺋﻠﺔ ﻭﺣﻄﻚ ﺍﻧﺖ ﺣﺎﺭﺱ ﺣﺘﻰ ﺗﺤﺮﺱ ﺍﻫﻞ ﺑﻴﺘﻪ ﻳﺠﻲ ﻳﻠﻜﺔ
ﺍﻟﺤﺎﺭﺱ ﺳﻜﺮﺍﻥ ﻭﻻﻡ ﺷﻠﺔ ﺳﺮﺳﺮﻳﺔ
ﻭﻣﻜﻌﺪﻫﻢ ﻳﻢ ﺍﻟﺒﺎﺏ
....
ﺍﻧﺎ ﺍﺩﺭﻱ ﺑﻲ ﺣﻈﻲ ﺍﻟﻤﻠﻄﻠﻂ ﻋﻠﻰ ﺍﻻﺳﺎﺱ ﻫﻮ ﻭﻋﺎﺋﻠﺘﻪ ﻣﺴﺎﻓﺮﻳﻦ
ﺷﺮﺟﻌﻪ ﻟﻠﺒﻴﺖ ﺛﺎﻧﻲ ﻳﻮﻡ ﺣﻈﻲ ﺍﻟﻔﻜﺮ
ﻫﺪﻯ
ﺍﻟﻲ ﺍﻓﺘﻬﻤﺘﺔ ﻣﻦ ﻣﺸﻜﻠﺔ ﺑﺎﺑﺎ ﺍﻧﻪ ﺍﺑﻮ ﻗﺎﺳﻚ ﺭﺍﺟﻊ ﻟﻠﺒﻴﺖ ﻭﺷﺎﻳﻒ
ﺑﺎﺑﺎ ﻭﺟﻤﺎﻋﺘﻪ ﻛﺎﻋﺪﻳﻦ ﻳﺸﺮﺑﻮﻥ ﺑﺤﺪﻳﻘﺔ ﺍﻟﺒﻴﺖ
ﻭﻫﺬﺍ ﺍﻟﺸﻲ ﻣﺎ ﺻﺮﻓﻠﻪ ﻭﻃﺮﺩ ﺍﻟﻮﺍﻟﺪ
ﺻﺪﻙ ﺍﻧﻘﻬﺮﺕ ﻣﻦ ﺳﻮﺍﻳﺖ ﺑﺎﺑﺎ ﺻﺎﺭ ﺣﺘﻰ ﻣﺎ ﻳﺨﺠﻞ ﻳﺤﺠﻲ ﻛﺪﺍﻣﻨﺎ
ﻋﻠﻰ ﺳﻮﺍﻳﺘﻪ ﺍﻟﺴﻮﺩﺓ
ﺟﺎﻥ ﻗﺒﻞ ﻳﺪﺍﺭﻱ ﺑﺄﺧﻄﺎﺀﻩ ﻭﻳﺴﺘﺤﻲ ﻳﺤﺠﻴﻬﺎ ﻛﺪﺍﻣﻨﺎ ﺍﻣﺎ ﻫﺴﺔ ﺍﺷﻮ
ﺻﺎﻳﺮ ﻛﻠﺶ
ﺍﻣﺠﺪ .. ﻟﻚ ﺍﺛﻴﺮ ﺍﻧﻲ ﻛﻢ ﻣﺮﺓ ﺍﻛﺪﺕ ﻋﻠﻴﻚ ﺗﻌﻮﻑ ﻫﺎﻱ ﺍﻟﺸﻠﺔ ﻭﺍﻟﻠﻪ
ﻣﻴﺠﻲ ﻣﻦ ﻭﺭﺍﻫﻢ ﻏﻴﺮ ﺑﺲ ﺷﻠﺔ ﺍﻟﺨﺎﻝ
ﻋﻮﻓﻬﻢ ﻳﺎ ﺍﺧﻲ ﺍﻧﺖ ﻋﻨﺪﻙ ﺑﻨﺎﺕ ﺗﺮﺓ ﻭﺍﻟﻠﻪ ﺷﻠﻴﺖ ﺣﺎﻟﻲ ﻭﺗﻌﺒﺘﻨﻲ
ﻭﻳﺎﻙ ﺻﺮﺕ ﺣﺘﻰ ﻣﺎ ﺍﺗﺸﺮﻑ ﺑﻴﻚ ﻭﺍﻛﻮﻝ ﻋﻨﻚ ﺍﺧﻮﻱ ﺍﻟﻠﻪ ﻳﺴﺎﻋﺪ
ﺑﻨﺎﺗﻚ ﺷﻠﻮﻥ ﺑﻴﻬﻢ ﻣﺘﻔﻜﺮ ﺑﺎﺟﺮ ﻋﻜﺒﺔ
ﻳﺠﻮﻧﻬﻢ ﺧﻄﺎﺑﺔ ﻣﻦ ﻳﺴﺄﻟﻮﻥ ﻋﻨﻬﻢ ﺑﺎﻟﻤﻨﻄﻘﺔ
ﺑﺮﺑﻚ ﺷﻨﻮ ﺭﺍﺡ ﻳﻜﻮﻥ ﺟﻮﺍﺏ ﺍﻫﻞ ﺍﻟﻤﻨﻄﻘﺔ ﻋﻦ ﺳﻴﺮﺗﻚ
ﺷﺮﺍﺡ ﻳﻜﻮﻟﻮﻥ ﻋﻨﻚ
ﻓﺮﻙ ﻭﺟﻬﻪ ﺑﻌﺪﻡ ﺍﻫﺘﻤﺎﻡ ﻟﻜﻼﻡ ﺍﺧﻮﻩ
.. ﺍﻫﻮﻭﻭﻭ ﻭﺍﻟﻠﻪ ﺛﺒﺮﺗﻨﻲ ﻣﺎ ﻋﻠﻴﻚ ﺑﻴﺔ ﺍﻃﻠﻊ ﻣﻦ ﺣﻴﺎﺗﻨﺎ
ﻭﺍﻧﻲ ﻭﺑﻨﺎﺗﻲ ﻧﺘﺠﺎﺯﺓ
ﺍﻧﺘﺒﻬﺖ ﻋﻠﻰ ﺷﻴﻤﺎﺀ ﻭﻣﺮﻭﺓ ﻭﺿﺤﻰ
ﻳﺒﺎﻭﻋﻮﻥ ﻭﻣﺎ ﺣﺠﻮﺍ ﺍﻱ ﺷﻲ ﺍﺗﻌﻮﺩﻧﺎ ﻋﻠﻰ ﻫﺬﺍ ﺍﻟﻤﻨﻈﺮ ﺍﺏ ﻛﻞ ﻳﻮﻡ
ﺟﺎﻱ ﺑﻤﺸﻜﻠﺔ ﺷﻜﻞ
ﺑﺲ ﺟﻨﺎ ﻧﺨﺎﻑ ﻣﻦ ﺷﻲ ﻭﺍﺣﺪ ﺍﻥ ﻣﺸﺎﻛﻠﻪ ﺗﻌﻢ ﻋﻠﻴﻨﺎ ﻭﺗﺤﻄﻢ ﺣﻴﺎﺓ
ﻭﺣﺪﺓ ﺑﻴﻨﺎ
ﻋﻤﻮ ﺍﻣﺠﺪ ﻣﺜﻞ ﻛﻞ ﻣﺮﺓ ﺗﻌﺐ ﻣﻦ ﻛﺪ ﻣﺎ ﻳﻨﺼﺢ ﺑﺄﺧﻮﻩ
ﺭﺍﺡ ﻋﻤﻮﻭﺑﺎﺑﺎ ﺩﺧﻞ ﻟﻠﻐﺮﻓﺔ
ﺭﺣﺖ ﻭﺭﺍﻩ .. ﺑﺎﺑﺎ ﺍﺻﺐ ﻟﻚ ﻏﺪﺍ
.. ﻻ ﻣﺎ ﺍﺭﻳﺪ ﺯﻗﻨﺒﻮﺕ
ﻭﺭﺓ ﺍﻟﻌﺼﺮ
ﻛﻌﺪﻧﺎ ﻧﺒﺪﻝ ﻭﻧﻌﺪﻝ ﺭﻭﺣﻨﺎ ﻭﺟﻮﺕ ﻣﺤﺘﺎﺭﺓ ﺷﻠﺒﺲ ﻻﻥ ﺍﻧﻲ ﺍﻧﻌﻢ
ﻭﺣﺪﺓ ﺑﺨﻮﺍﺗﻲ ﻭﻛﻞ ﻣﻼﺑﺴﻬﻢ ﺍﻟﺤﻠﻮﺓ ﻛﺒﻴﺮﺓ ﻋﻠﻴﺔ ﻣﺤﺘﺎﺟﺔ
ﺍﺷﺘﺮﻳﻠﻲ ﻣﻼﺑﺲ ﻃﻠﻌﺔ ﺑﺲ ﺧﻄﻴﺔ ﺷﻮﻣﺔ ﺩﺗﺼﺮﻑ ﻛﻞ ﺭﺍﺗﺒﻬﺎ
ﻋﺎﻟﺒﻴﺖ ﻭﻳﺎﺩﻭﺏ ﻳﻮﺻﻠﻬﺎ ﻟﺮﺍﺱ ﺍﻟﺸﻬﺮ
ﺳﻤﻌﺖ ﺻﻮﺕ ﺷﻴﻤﺎﺀ ﺗﻌﻴﻂ ﻋﻠﻰ ﺿﺤﻰ
ﺭﺣﺖ ﺍﺷﻮﻓﻬﻢ ﺷﺒﻴﻬﻢ
ﺷﻴﻤﺎﺀ .. ﻟﺞ ﺿﺤﻰ ﻫﺎﻱ ﺷﻤﺴﻮﻳﺔ ﺑﻮﺟﻬﺞ ﻫﺴﺔ ﺗﻤﺴﺤﻴﻦ
ﺍﻟﻤﻜﻴﺎﺝ ﻭﺗﻌﺎﻟﻲ ﻛﻠﻴﻠﻲ ﻫﺬﺍ ﻣﻨﻴﻨﻠﺞ ﻗﻠﻢ ﺍﻟﺤﻤﺮﺓ ﻭﺍﻟﻜﺤﻞ
ﺟﺎﻧﺖ ﺗﺤﺠﻲ ﻭﻳﺎﻫﺎ ﻭﺗﻤﺴﺢ ﺑﻮﺟﻬﺎ
ﺿﺤﻰ ﺑﻐﻴﺾ .. ﺷﻨﻮ ﺷﻴﻤﺎﺀ ﻋﻠﻰ ﻛﻴﻔﺞ ﻭﻳﺔ ﻭﺟﻬﻲ
ﺩﺗﺄﺫﻳﻨﻲ ﺗﺮﺓ ﺍﻧﻲ ﻣﻮﺻﻐﻴﺮﺓ ﻭﺗﺴﻮﻱ ﺑﻴﺔ ﻫﺸﻜﻞ
ﺷﻴﻤﺎﺀ .. ﻟﺞ ﺛﻮﻟﺔ ﺍﻧﻲ ﺍﻻﻛﺒﺮ ﻣﻨﺞ ﻣﺎ ﻓﻜﺮﺕ ﺍﺣﻂ ﻛﺤﻠﺔ ﻟﻮ ﺣﻤﺮﺓ
ﻟﻬﺬﺍ ﻳﻮﻣﻲ
ﺿﺤﻰ .. ﻭﺍﻟﻠﻪ ﺗﻐﺎﺭﻭﻥ ﻣﻨﻲ ﻻﻥ ﺍﺣﻼﻛﻢ
ﻋﺎﻃﺖ ﺑﺸﻴﻤﺎﺀ
.. ﻭﺍﻧﺘﻲ ﻛﺎﻓﻲ ﺗﺮﺓ ﺍﻧﻲ ﻣﺴﻮﻳﺖ ﺟﺮﻳﻤﺔ ﻭﻫﺸﻜﻞ ﺗﺤﺠﻴﻦ ﻋﻠﻴﺔ ﻣﻮ
ﻣﺸﻜﻠﺘﻲ ﺍﻧﺘﻲ ﻣﻌﻘﺪﺓ ﻭﺗﺤﺎﻭﻟﻴﻦ ﺗﻄﻠﻌﻴﻦ ﻋﻘﺪﺝ ﻋﻠﻴﺔ
ﺟﻤﺪﺕ ﺷﻴﻤﺎﺀ ﺑﻤﻜﺎﻧﺔ ﻣﺼﺪﻭﻣﺔ ﻣﻦ ﻛﻼﻡ ﺿﺤﻰ ﻭﻳﺎﻫﺎ
ﻣﺮﻭﺓ .. ﺿﺤﻰ ﻟﺞ ﺍﻧﺘﻲ ﺷﻜﺪ ﺗﺎﻓﻪ ﻋﻘﻠﺞ ﻣﺘﻌﻠﻖ ﺑﺤﻤﺮﺓ ﻭﻛﻠﺤﺔ
ﻭﻣﻜﻴﺎﺝ
ﺿﺤﻰ .. ﻛﺎﻓﻲ ﺍﻧﺘﻲ ﻣﺎ ﻋﻠﻴﺞ ﻭﺍﻟﻠﻪ ﺭﺍﺡ ﺗﺨﺒﻠﻮﻧﻲ ﺍﺩﺭﻱ ﻣﺎﻛﻮﺍ ﻏﻴﺮﻱ
ﺑﻬﺬﺍ ﺍﻟﺒﻴﺖ ﺗﻜﻮﻣﻮﻥ ﻋﻠﻴﻪ ﺑﺲ ﺍﻧﻲ
ﺿﺤﻰ ﺩﺭﺳﻲ ﺿﺤﻰ ﻟﺘﻨﺎﻣﻴﻦ ﺿﺤﻰ ﻟﺘﻄﻠﻌﻴﻦ ﺿﺤﻰ .. ﺿﺤﻰ ..
ﺿﺤﻰ
ﺷﻄﻠﻌﺖ ﻫﺎﻱ ﻭﺍﻟﻠﻪ ﻣﻮ ﻋﻴﺸﺔ ﺷﻮﻛﺖ ﺭﺑﻲ ﻳﺨﻠﺼﻨﻲ ﻭﺍﻃﻠﻊ ﻣﻦ
ﻫﺬﺍ ﺍﻟﺒﻴﺖ ﻭﺍﻓﺘﻚ ﻣﻨﻜﻢ
ﻃﻠﻊ ﺑﺎﺑﺎ ﻋﻠﻰ ﺻﻴﺎﺡ ﺿﺤﻰ
.. ﺷﻜﻮ ﺷﺒﻴﺞ ﺗﻌﻮﻳﻦ ﺑﻨﺺ ﺍﻟﺒﻴﺖ
ﺷﻴﻤﺎﺀ ﺑﻜﻮﻝ ﺑﺮﻭﺩ
.. ﻛﻠﺸﻲ ﻣﺎﻛﻮ ﺑﺎﺑﺎ ﺑﺲ ﺟﻨﺎ ﺩﻧﺤﻀﺮ ﻧﻔﺴﻨﺎ ﺣﺘﻰ ﻧﺮﻭﺡ ﻟﺒﻴﺖ ﺍﻡ
ﻓﺮﺯﺩﻕ
ﺍﻟﺘﻔﺘﺖ ﻋﻠﻴﻨﺎ .. ﻳﺎﻟﻠﻪ ﺑﻨﺎﺕ ﺍﺗﺤﺮﻛﻮﺍ
ﻃﻠﻌﻨﺎ ﺑﺎﺏ ﻣﺒﺪﻻﺕ ﺟﻨﺖ ﻣﺴﻮﻳﺔ ﺷﻌﻴﺮﻱ ﺫﻳﻞ ﺣﺼﺎﻥ ﻋﺎﻟﻲ
ﻭﺿﺤﻰ ﻓﺎﺗﺤﺔ ﺷﻌﺮﻫﺎ ﻭﺍﺻﻞ ﻟﺨﺼﺮﻫﺎ
ﻭﺣﺎﻃﺔ ﻓﻴﻮﻧﻜﺔ ﻋﻠﻰ ﺻﻔﺤﺔ
ﻭﻻﺑﺴﺔ ﻓﺴﺘﺎﻥ ﻛﻠﺶ ﻣﺮﺗﺐ ﻭﺑﺴﻴﻂ
ﺍﻣﺎ ﺷﻴﻤﺎﺀ ﻛﺎﻧﺖ ﻻﻣﺔ ﺷﻌﺮﻫﺎ ﻋﺎﺩﻱ ﻭﻣﺮﻭﺓ ﻛﺎﻟﺖ ﻣﺎ ﺍﻧﻲ ﻣﺎ ﺑﻴﺔ
ﺣﻴﻞ ﺍﺭﻭﺡ ﻭﻳﺎﻛﻢ ﺗﻌﺒﺎﻧﺔ
ﻃﻠﻌﻨﺎ ﺑﺎﻟﺒﺎﺏ ﻭﺻﺎﺩﻑ ﺭﺍﺋﺪ ﺟﺎﻥ ﻭﺍﻛﻒ ﻳﻢ ﺑﺎﺑﻬﻢ
ﺷﺎﻓﻨﺎ ﻭﺍﺟﺔ ﻳﻤﻨﺎ ﻭﺳﻠﻢ ﻋﻠﻴﻨﺎ
ﻳﺒﻮﻭﻭﻭﻭﻭﻱ ﻛﻠﺒﻲ ﺷﺒﻲ ﻛﻠﺒﻲ ﻣﻦ ﻳﺸﻮﻓﻪ ﻳﻈﻞ ﻳﻜﻤﺰ ﻣﻦ ﻣﻜﺎﻧﻪ
ﺑﺎﻭﻋﻠﻲ ﻭﺍﺑﺘﺴﻢ
ﺧﺮﺏ ﺣﻈﻲ ﺷﻠﻮﻥ ﺳﻨﻮﻥ ﻋﻨﺪﻩ ﻭﺍﻟﻠﻪ ﺍﺑﻴﺾ ﻣﻦ ﺣﻴﺎﺗﻲ
ﻏﻴﺮ ﻳﻤﻮﺕ ﺍﺑﻦ ﺍﻟﻠﺬﻳﻦ
ﺭﺍﺋﺪ .. ﺷﻠﻮﻧﻜﻢ ﺑﻨﺎﺕ ﺷﻨﻮ ﺷﻴﻤﺎﺀ ﻭﻳﻦ ﺭﺍﻳﺤﻴﻦ ﺧﻠﻮﻧﻲ ﺍﻭﺻﻠﻜﻢ
ﺷﻴﻤﺎﺀ .. ﺗﺴﻠﻢ ﺭﺍﺋﺪ ﻣﺎ ﻳﺤﺘﺎﺝ ﻫﻴﺎﺗﺔ ﺭﺍﻳﺤﻴﻦ ﻟﺒﻴﺖ ﺧﺎﻟﺔ ﺍﻡ ﻓﺮﺯﺩﻕ
ﺍﻧﻲ ﺣﺠﻴﺖ .. ﻻ ﺷﻮﻣﺔ ﻋﻠﻰ ﺑﺨﺘﺞ ﺷﻠﻮﻥ ﻧﻐﻮﺡ ﻭﺍﺣﻨﺎ ﻫﺸﻜﻞ
ﻋﺒﺎﻟﻚ ﻃﺎﻟﻌﺎﺕ ﻣﻈﺎﻫﺮﺓ
ﺑﺲ ﻳﺒﺎﻭﻉ ﻭﻳﻀﺤﻚ
ﻣﻦ ﻛﺒﺮﻧﺎ ﺭﺍﺋﺪ ﺍﻧﻘﺒﻞ ﻛﻠﻴﺘﻪ ﺑﺘﻜﺮﻳﺖ
ﻭﻣﻦ ﻋﻨﺪﻫﺎ ﺑﻌﺪ ﻣﺎ ﻛﻤﺖ ﺍﺷﻮﻓﻪ ﺑﻴﻦ ﻓﺘﺮﺓ ﻭﻓﺘﺮﺓ ﺍﺷﻮﻓﻪ ﺧﻔﺖ
ﺑﻴﻨﺎ ﺍﻳﺎﻡ ﺍﻟﻠﻘﺎﺀ ﻭﺻﺮﻧﺎ ﺑﺲ ﻧﺘﺒﺎﺩﻝ ﺍﻟﺴﻼﻡ
ﻏﻴﺮﻫﺎ ﺑﻌﺪ ﻣﺎﻛﻮ ﺑﺲ ﺍﻧﻲ ﺍﻟﻲ ﻛﻠﺒﻲ ﻣﻴﺖ ﻋﻠﻴﻪ ﻭﻛﺎﺗﻠﺔ ﺭﻭﺣﻲ ﺍﺭﻳﺪ
ﺑﺲ ﺍﺣﺼﻞ ﻣﻨﻪ ﻭﻟﻮ ﺍﺑﺘﺴﺎﻣﺔ ﻳﺎ ﺍﺧﻲ ﺷﻜﺪ ﺛﻘﻴﻞ ﺻﺮﺕ ﺍﻧﻲ
ﺍﺗﺤﻴﻦ ﺍﻟﻔﺮﺹ ﻭﺍﻋﺪﻝ ﺑﻨﻔﺴﻲ ﻭﺍﻧﺘﻈﺮﻩ ﻭﺭﺓ ﺍﻟﺒﺎﺏ ﺑﺲ ﺍﺳﻤﻊ ﺑﺎﺏ
ﺑﻴﺘﻬﻢ ﻳﻨﻔﺘﺢ ﻛﺒﻞ ﺍﻓﺘﺢ ﺍﻟﺒﺎﺏ ﻣﺮﺍﺕ ﻳﻄﻠﻊ ﺍﺑﻮﻩ ﻭﻣﺮﺍﺕ ﺍﻧﺼﺪﻡ
ﺑﺄﻣﻪ
ﻭﺑﺎﻻﻳﺎﻡ ﺍﻟﻲ ﺍﻛﻮﻥ ﺑﻴﻬﺎ ﻣﺒﻬﺬﻟﺔ ﻭﺟﻨﻲ ﺟﻨﻴﺔ ﺍﺧﻮﻑ
ﺍﻟﻠﻪ ﻳﺤﻄﻪ ﻛﺪﺍﻣﻲ ﻭﻛﻮﻥ ﻳﺸﻮﻓﻨﻲ ﺍﻧﻲ ﻭﻛﻮﺷﺘﻲ ﺑﺲ ﻫﺎ
ﻣﻦ ﻳﺸﻮﻓﻨﻲ ﻳﺮﺗﺒﻚ ﻭﻣﻴﺤﺠﻲ ﺍﻱ ﺷﻲ ﻭﻳﺎﻱ ﺑﺲ ﻳﻈﻞ ﻳﺒﺘﺴﻢ
ﺑﻮﺟﻬﻲ
ﻫﻲ ﻭﺣﺪﺓ ﻣﻦ ﺍﻟﺜﻨﻴﻦ ﻟﻮ ﻳﺸﻮﻓﻨﻲ ﺑﻌﻴﻨﻪ ﻗﺮﺩ
ﻟﻮ ﺑﻘﺮﺓ ﻣﺘﻘﺒﻞ ﻏﻠﻂ ﺍﻱ ﻟﻌﺪ ﻟﻴﺶ ﺑﺲ ﻳﻮﺯﻉ ﺍﺑﺘﺴﺎﻣﺎﺕ
ﺭﻛﺒﻨﺎ ﻭﻳﺎﻩ ﺑﺴﻴﺎﺭﺗﻪ
ﺟﺎﻧﺖ ﻛﻠﺶ ﺣﺪﻳﺜﺔ ﻭﺣﻠﻮﺓ ﺻﻌﺪﻧﺎ ﻭﻋﺪﻝ ﺍﻟﻤﺮﺍﻳﺎ ﺭﻓﻌﺖ ﻋﻴﻨﻲ
ﻭﺍﺟﺘﻲ ﺑﻌﻴﻨﻪ ﻳﻤﺔ
....
ﻛﻠﺒﻲ ﻳﺮﻳﺪ ﻳﻮﻛﻒ ﺻﺎﻳﺮ ﻭﻛﺢ ﺍﺑﻦ ﺍﻻﻭﺩﺍﻡ ﻻ ﻭﺷﻮﻳﺔ ﻣﺘﻄﻮﺭ ﻳﺎﻟﻠﻪ
ﺍﻟﻌﺎﻓﻴﺔ ﺑﺎﻟﺘﺪﺍﺭﻳﺞ ﺍﻟﺒﺎﺭﺣﺔ ﺍﺑﺘﺴﺎﻣﺔ ﻭﺍﻟﻴﻮﻡ ﻧﻈﺮﺓ ﻭﺑﺎﺟﺮ ﺍﻟﻠﻪ ﻳﻌﻠﻢ
ﺷﻨﻮ
ﻭﺻﻠﻨﺎ ﻟﻠﺒﻴﺖ ﻭﺷﻔﺖ ﺭﻳﺎﺟﻴﻞ ﺑﺎﻟﺒﺎﺏ
ﻧﺼﻬﻢ ﺍﻋﺮﻓﻬﻢ ﺍﺣﻔﺎﺩ ﺧﺎﻟﺔ ﺍﻡ ﻓﺮﺯﺩﻕ ﺍﻏﻠﺒﻬﻢ ﻻﻋﺒﺔ ﻭﻳﺎﻫﻢ
ﻭﺍﺻﻼ ﻧﺼﻬﻢ ﻣﺎ ﺍﺻﻴﺤﻠﻬﻢ ﺑﺄﺳﺎﻣﻴﻬﻢ ﺍﺻﻴﺤﻬﻢ ﺑﺄﻻﻟﻘﺎﺏ ﺍﻟﻘﺪﻳﻤﺔ
ﻣﺜﻼ ﻋﻠﻲ
ﺟﻨﺎ ﻧﺼﻴﺤﻪ ﻋﻴﻮﻱ
ﺣﺴﻦ ﺣﻨﺶ ﻭﻏﻴﺮﻫﺎ ﻣﻦ ﺍﻻﻟﻘﺎﺏ ﺍﻟﺼﻴﻨﻴﺔ
ﻧﺰﻟﺖ ﻭﺟﻨﺖ ﻣﺘﻌﻮﺩﺓ ﺍﺳﻠﻢ ﻋﻠﻴﻬﻢ ﻛﻌﺪﺕ ﺍﺳﻠﻢ ﻋﻠﻴﻬﻢ ﻭﻫﻤﺔ
ﻭﻛﺬﻟﻚ ﺭﺩﻭﺍ ﺍﻟﺴﻼﻡ ﻭﺍﻟﺒﻨﺎﺕ ﺩﺧﻠﻮﺍ ﻭﺍﻧﻲ ﺍﺗﺄﺧﺮﺕ ﺷﻮﻳﺔ ﺑﺎﻟﺴﻼﻡ
ﺳﻤﻌﺖ ﺻﻮﺕ ﺭﺍﺋﺪ ﻭﺍﻛﻒ ﻭﺭﺍﻱ
.. ﻫﺪﻯ ﺧﻴﺮ ﺳﺎﻟﻤﻴﻦ ﺷﻌﻨﺪﺝ ﻭﺍﻛﻔﺔ ﺗﻮﺯﻋﻴﻦ ﺍﺑﺘﺴﺎﻣﺎﺕ ﺟﻨﺞ ﻭﻟﺪ
ﺑﻌﺪ ﻓﺪ ﻣﺮﺓ ﺭﻭﺣﻲ ﻛﻌﺪﻱ ﻳﻢ ﺍﻟﺮﻳﺎﺟﻴﻞ
ﻫﺪﻯ .. ﻻﻋﻴﺐ ﺍﺳﺘﺤﻲ ﺷﻴﻜﻮﻟﻮﻥ ﻋﻠﻴﺔ
ﺭﺍﺋﺪ ﺑﻌﺼﺒﻴﺔ ﺯﻣﺦ ﺑﻴﻬﺎ .. ﺍﻛﻠﺞ ﺗﻔﻮﺗﻴﻦ ﺗﺪﺧﻠﻴﻦ ﺟﻮﺓ ﻛﺪﺍﻣﻲ ﻻ
ﻭﺍﻟﻠﻪ ﺍﺑﺘﻠﻲ ﺑﻴﺞ
ﻇﻠﻴﺖ ﺍﺭﻣﺶ ﺑﻌﻴﻮﻧﻲ ﻣﻤﺼﺪﻛﺔ ﺍﻧﻲ ﺍﺗﺮﺯﻟﺖ ﻣﻌﻘﻮﻟﺔ
ﺩﺧﻠﺖ ﺟﻮﺓ ﻭﺍﻧﻲ ﻓﺮﺣﺎﻧﺔ ﻣﺎﻛﻠﺔ ﺭﺯﺍﻟﺔ ﻣﻌﺪﻟﺔ
ﺧﺮﺏ ﺍﻣﻮﺕ ﻋﺎﻟﻐﻮﻣﺎﻧﺴﻴﺔ ( ﺍﻟﺮﻭﻣﺎﻧﺴﻴﺔ )
ﻳﺎﻱ ﺷﻠﻮﻥ ﺣﻠﻮ ﻣﻦ ﻳﻌﺼﺐ ﻓﺪﻳﺖ ﺍﻟﺤﻤﺶ
ﺟﺮﻳﺖ ﺣﺼﺮﺓ ﻭﺩﺧﻠﺖ ﺟﻮﺓ ﻭﺷﻔﺖ ﺿﺤﻰ ﻛﺎﻋﺪﺓ ﻭﻣﻐﻨﺘﺒﺔ ﺍﻟﻮﺟﻪ
ﻭﻣﺒﺮﻃﻤﺔ ﺍﻟﺸﻔﺎﻳﻒ ﺯﻋﻼﻧﺔ ﺑﻌﺪﻫﺎ ﺷﻜﻠﻪ
ﻣﺰﺍﺟﻬﺎ ﺑﻌﺪﻩ ﻣﺘﻌﻜﺮ
ﺍﺟﺘﻲ ﺧﺎﻟﺔ ﺍﻡ ﻓﺮﺯﺩﻕ ﻭﺳﻠﻤﺖ ﻋﻠﻴﻨﺎ ﻭﺟﺎﻧﻮﺍ ﺍﻏﻠﺐ ﺍﻟﻨﺴﻮﺍﻥ
ﻧﻌﺮﻓﻬﻢ ﺟﻮﺍﺭﻳﻨﺎ ﻭﺷﻔﻨﺎ ﺧﺎﻟﺔ ﺍﻡ ﻗﺎﺳﻢ ﻭﺍﺗﺮﺩﺩﻧﺎ ﻧﺮﻭﺡ ﻧﺴﻠﻢ ﻟﻮ ﻻ
ﺷﻴﻤﺎﺀ ﺣﺠﺖ ﻟﺨﺎﻟﺔ ﺍﻡ ﻗﺮﺯﺩﻕ ﻋﺎﻟﺼﺎﺭ ﺑﻴﻦ ﺍﺑﻮﻫﺎ ﻭﺑﻴﺖ ﺍﺑﻮ ﻗﺎﺳﻢ
.. ﻫﺎ ﺧﺎﻟﺔ ﺷﻨﻮ ﻧﺮﻭﺡ ﻧﺴﻠﻢ ﻋﻠﻴﻬﺎ ﻟﻮ ﻋﻴﺐ ﺯﺣﻤﺔ ﻭﺍﻟﻠﻪ ﻓﺸﻼﻧﺔ
ﻣﻨﻬﺎ ﺧﺎﻑ ﺗﺮﺩﻧﻲ
ﺍﻡ ﻓﺮﺯﺩﻕ .. ﻻ ﺣﺒﻴﺒﺔ ﺍﻡ ﻗﺎﺳﻢ ﻭﺭﺩﺓ ﻣﺎﻝ ﺍﻟﻠﻪ ﻣﺎ ﻋﻨﺪﻫﺎ
ﻫﻴﺞ ﻧﻔﺴﻴﺔ ﺑﺎﻟﻠﻪ ﺷﻮ ﺗﻌﺎﻟﻮﺍ ﻛﻮﻣﻮ ﺳﻠﻤﻮﺍ ﻋﻠﻴﻬﺎ
ﻛﻤﻨﺎ ﺍﻧﻲ ﻭﺷﻴﻤﺎﺀ ﺣﺘﻰ ﻧﺴﻠﻢ ﺍﻟﺘﻔﺘﻨﺎ ﻣﺎ ﻟﻜﻴﻨﺎ ﺿﺤﻰ
ﺷﺎﻓﺘﻨﺎ ﺧﺎﻟﺔ ﺍﻡ ﻗﺎﺳﻢ ﻭﻛﺎﻣﺖ ﺳﻠﻤﺖ ﻋﻠﻴﻨﺎ
ﻭﺟﻨﺎ ﻣﺘﺮﺩﺩﺍﺕ ﺑﺲ ﻫﻲ ﺍﻛﻠﺘﻨﺎ ﺑﺎﻟﺴﻼﻡ ﻭﻻ ﻋﺒﺎﻟﻚ ﺍﺑﻮﻧﺎ
ﺍﺛﻴﺮ
ﺑﺪﺓ ﺍﻟﻤﻮﻟﻮﺩ ﻭﻭﺯﻋﻮﺍ ﺍﻛﻞ ﻭﺍﺟﺘﻲ ﺿﺤﻰ ﻭﻭﺟﻬﺎ ﺍﺣﻤﺮ ﻭﺣﺎﺻﺮﺗﻬﺎ
ﺍﻟﺒﺠﻴﺔ
ﻫﺪﻯ .. ﺿﺤﻰ ﻭﻳﻦ ﺟﻨﺘﻲ ﻭﺷﺒﻲ ﻭﺟﻬﺞ ﺍﺣﻤﺮ
ﺿﺤﻰ ﺑﺼﻮﺕ ﻳﺮﺟﻒ .. ﺳﻜﺘﻲ ﺑﻌﺪﻳﻦ ﺍﺣﺠﻴﻠﺞ ﻭﺍﻟﻠﻪ
ﻣﺴﺘﺤﻴﺔ ﻋﻔﻴﺔ ﺷﻮﻛﺖ ﻧﺮﺟﻊ ﻟﻠﺒﻴﺖ
.. ﺑﻌﺪﻳﻦ ﻧﺮﺟﻊ ﺧﻠﻲ ﻳﺼﺒﻮﻥ ﺍﻟﻌﺸﺎ ﻳﺎﻟﻠﻪ ﻧﻄﻠﻊ
ﺿﺤﻰ .. ﻫﺴﺔ ﻣﻮ ﺍﻻ ﻧﺘﻌﺸﺎ ﺧﻠﻲ ﻧﺮﺟﻊ ﻟﻠﺒﻴﺖ
ﻫﺪﻯ .. ﺧﺐ ﺩﺗﻄﻴﻐﻲ ( ﺩﺗﻄﻴﺮﻱ ) ﻣﺎ ﺍﻃﻠﻊ ﻣﻨﺎ ﺍﻻ ﺍﻛﻞ ﻭﺍﺷﺒﻊ
ﺍﻟﻌﺰﻳﺰﺓ
ﻭﺗﺄﺷﺮ ﻋﻠﻰ ﻣﻌﺪﺗﻬﺎ
ﺍﺗﻮﻧﺴﻨﺎ ﺑﺎﻟﻤﻮﻟﻮﻟﺪ ﻭﺍﺗﺒﺎﺩﻟﻨﺎ ﺍﻻﺧﺒﺎﺭ ﻭﻳﺔ ﺟﺎﺭﺍﺗﻨﺎ ﻭﺻﺎﺩﻑ
.....
ﺍﻡ ﺭﺍﺋﺪ ﺟﺎﺭﺗﻨﺎ ﻣﻮﺟﻮﺩﺓ ﻭﺍﻡ ﺣﻨﻮﺵ
ﻭﺳﻤﻌﺖ ﺍﻡ ﺭﺍﺋﺪ ﺑﺎﻟﺼﺪﻓﺔ ﺗﺮﻳﺪ ﺗﺨﻄﺐ ﻟﺮﺍﺋﺪ ﻇﻠﻴﺖ ﺍﺣﻮﻡ ﺍﺣﺲ
ﺑﺮﻭﺣﻲ ﺍﺧﺘﻨﻜﺖ ﻣﺎ ﺍﻋﺮﻑ ﺷﺒﻴﺔ ﻋﺒﺎﻟﻚ ﺷﺎﻋﻠﻴﻦ ﺍﻟﻨﺎﺭ ﺑﻄﺮﻑ
ﺛﻮﺑﻲ ﻫﺸﻜﻞ ﺻﺮﺕ ﺍﻟﻮﺏ
ﻣﻦ ﺍﻟﻘﻬﺮ ﺍﺭﻳﺪ ﺍﺣﺠﻲ ﺍﺭﻳﺪ ﺍﺗﻌﺎﺭﻙ ﻭﻳﺔ ﻣﻨﻮ ﺍﺗﻌﺎﺭﻙ ﺍﺻﻼ ﻫﻢ ﻣﺎ
ﺍﻋﺮﻑ
ﻭﺳﻤﻌﺖ ﺧﺎﻟﺔ ﺍﻡ ﻗﺎﺳﻢ ﺗﺤﺠﻲ ﻭﻳﺔ ﺧﺎﻟﺔ ﺍﻡ ﻓﺮﺯﺩﻕ ﻭﺗﻜﻠﻠﻬﺎ ﻭﺍﻟﻠﻪ
ﻫﺬﺍ ﻗﺎﺳﻢ ﺷﻠﻊ ﻛﻠﺒﻲ ﻣﺎ ﺍﻋﺮﻑ ﺍﻟﻠﻪ ﺷﻮﻛﺖ ﻳﻬﺪﻳﻪ ﻣﻦ ﻳﻮﻡ ﺍﻟﻲ
ﺍﺑﻮﻩ ﺭﻓﺾ ﻳﺪﺧﻞ ﻣﻨﺘﺨﺐ ﺍﻟﻨﺎﺷﺌﻴﻦ ﻭﻗﺎﺳﻢ ﺍﺣﺘﺎﺭ ﺷﻠﻮﻥ ﻳﺠﻴﺐ
ﺍﻟﻤﺼﺎﻳﺐ ﻋﻠﻰ ﺭﺍﺱ ﺍﺑﻮﻩ
ﻳﻮﻡ ﻳﺘﻌﺎﺭﻙ ﻫﻮ ﻭﺍﺑﻮﻩ ﻻﻥ ﺳﻤﻊ ﺑﻴﻪ ﻳﺸﺮﺏ ﺟﻜﺎﻳﺮ ﻭﻳﻮﻡ
ﻣﺮﺍﻓﻘﻠﻪ ﺷﻠﺔ ﺗﻌﺒﺎﻧﺔ ﻭﺫﺍﻙ ﺍﻟﻴﻮﻡ ﺧﻴﺔ ﺑﻴﺘﻲ ﻭﺑﻴﻨﺞ ﺍﻟﺤﺠﻲ
ﺭﺟﻊ ﻟﻠﺒﻴﺖ ﺷﺎﺭﺏ ﻣﻔﻮﻝ ﻭﻫﺴﺔ ﺍﺑﻮﻩ ﻳﺮﻳﺪ ﻳﺘﺨﺒﻞ
ﻣﺎ ﺑﻌﺮﻑ ﺷﻴﺴﻮﻱ
ﺍﻡ ﻓﺮﺯﺩﻕ .. ﺧﺎﻟﺔ ﻛﻮﻟﻲ ﻳﺎ ﺍﻟﻠﻪ ﻻ ﺗﻠﺤﻮﻥ ﻋﺎﻟﻮﻟﺪ
ﺑﻌﺪﻩ ﻋﻮﺩﻩ ﻣﺎ ﻳﺒﺲ ﻣﻮ ﺣﻤﻞ ﺿﻐﻂ ﺗﺮﺓ ﻛﺜﺮ ﺍﻟﺪﻙ ﻳﻔﻚ ﺍﻟﻠﺤﻴﻢ
ﺷﻴﻤﺎﺀ .. ﻫﻴﻴﻲ ﻫﺪﻯ ﻭﻳﻦ ﺻﺎﻓﻨﺔ ﺍﺣﺠﻲ ﻭﻳﺎﺝ ﻳﺎﻟﻠﻪ ﺍﺗﺤﺮﻛﻲ ﻧﺮﻳﺪ
ﻧﺮﺟﻊ ﻟﻠﺒﻴﺖ
ﻭﺑﻴﻮﻣﻬﺎ ﺭﺟﻌﻨﺎ ﻟﻠﺒﻴﺖ ﻭﻛﻌﺪﺕ ﻭﻳﺔ ﺿﺤﻰ ﺳﻴﻦ ﻭﺟﻴﻢ
.. ﺍﻟﻴﻮﻡ ﻣﺎ ﺍﺧﻠﻴﺞ ﺗﻨﺎﻣﻴﻦ ﺍﻻ ﺗﺤﺠﻴﻠﻲ ﺷﺒﻴﺞ ﺍﻟﻴﻮﻡ ﺑﻴﻴﺖ ﺍﻡ ﻓﺮﺯﺩﻕ
ﺍﺟﻴﺘﻴﻨﻲ ﻭﺟﻬﺞ ﺍﺣﻤﺮ ﻭﺧﺎﻳﻔﺔ
ﺿﺤﻰ ﺳﺮﺣﺖ ﺑﻨﻈﺮﻫﺎ ﻭﻫﻲ ﻣﺘﻤﺪﺩﺓ ﻋﻠﻰ ﻓﺮﺍﺷﻬﺎ
ﻭﺗﻠﻌﺐ ﺑﺸﻌﺮﻫﺎ
.. ﺳﻜﺘﻲ ﺍﻧﻲ ﻣﻮ ﻃﻠﻌﺖ ﻣﻦ ﺍﻟﺒﻴﺖ ﻣﻌﺼﺒﺔ ﻓﻤﺎ ﺷﻔﺖ ﻭﺟﻬﻲ ﻭﻻ
ﺭﺗﺒﺘﻪ ﺑﺎﻟﻤﺮﺍﻳﺎ ﻓﻜﻤﺖ ﻭﺳﺄﻟﺖ ﻭﺣﺪﺓ ﻣﻦ ﺍﻟﺒﻨﺎﺕ
ﻋﻠﻰ ﻣﺮﺍﻳﺔ ﺍﻋﺪﻝ ﺭﻭﺣﻲ ﺑﻴﻬﺎ ﺍﺷﺮﺗﻠﻲ ﺑﻨﺘﻬﻢ ﻋﻠﻰ ﻭﺣﺪﺓ ﻣﻦ
ﺍﻟﻐﺮﻑ ﻭﻛﺎﻟﺖ ﻓﻮﺗﻲ ﻫﻨﺎ ﺑﻬﺎﻱ ﺍﻟﻐﺮﻓﺔ ﺑﻴﻬﺎ ﻣﺮﺍﻳﺎ
ﺭﺣﺖ ﺩﺧﻠﺖ ﻭﻟﻜﻴﺖ ﺍﻛﻠﻴﻨﻜﺲ ﻭﺍﻟﺘﻬﻴﺖ ﺍﻣﺴﺢ ﺑﺸﻔﺎﻳﻔﻲ
ﻭﺍﺩﺭﺩﻡ ﻋﻠﻰ ﺷﻴﻤﺎﺀ
ﻭﺍﻋﻴﺐ ﻋﻠﻰ ﺟﻬﺮﺗﻲ
........
.. ﻳﻌﻨﻲ ﻫﺸﻜﻞ ﺍﺣﺴﻦ ﺟﻨﻲ ﻋﺠﻮﺯ ﻻ ﺣﻤﺮﺓ ﻭﻻ ﻛﻠﺤﺔ
ﻋﺎﺑﺘﻠﻬﺎ
ﺳﻤﻌﺖ ﻣﻦ ﻭﺭﺍﻱ ﺻﻮﺕ ﻭﺍﺣﺪ ﻳﺤﻢ ﺣﻢ
ﺍﻟﺘﻔﺘﺖ ﻣﺼﺪﻭﻣﺔ ﻋﺰﺓ ﻫﺬﺍ ﻣﻨﻮ
ﺷﻔﺘﻪ ﻳﻀﺤﻚ ﺍﻟﻈﺎﻫﺮ ﺳﻤﻌﻨﻲ ﻣﻦ ﺟﻨﺖ ﺍﺣﺠﻲ ﻭﺍﺩﺭﺩﻡ
.. ﻭﺍﻟﻠﻪ ﺗﺨﺒﻠﻴﻦ ﻣﻴﺤﺘﺎﺝ ﺗﺤﻄﻴﻦ ﻻﺣﻤﺮﺓ ﻭﻻ ﻛﻠﺤﺔ
ﻟﺞ ﺷﻨﻮ ﺍﻧﺘﻲ ﺻﺎﺭﻟﺞ ﺳﺎﻋﺔ ﺗﻔﺮﻛﻴﻦ ﺑﺎﻟﺸﻔﺔ ﻛﻄﻌﺘﻴﻬﺎ
ﺗﻜﻄﻊ
ﺟﺎﻥ ﻳﺤﺠﻲ ﻭﻳﺒﺎﻭﻉ ﻋﻠﻰ ﺷﻔﺎﻳﻔﻲ ﺑﺲ ﺍﻧﻲ ﺷﻨﻮ ﻏﻴﺮ ﻏﺪﻳﺖ ﻣﺎﻱ
ﻣﻦ ﺍﻻﺭﺗﺒﺎﻙ
ﺳﺄﻟﻨﻲ .. ﻣﻨﻮ ﺍﻧﺘﻲ ﺍﻧﻲ ﻣﺸﺎﻳﻔﺞ
ﺟﺎﻭﺑﺘﻪ ﺍﻭﻧﻲ ﺍﺭﻳﺪ ﺍﻃﻠﻊ ﻣﻦ ﺍﻟﻐﺮﻓﺔ ﺑﺲ ﻫﻮ ﺳﺎﺩ ﻋﻠﻴﻚ ﺍﻟﻄﺮﻳﻖ
ﻭﻭﺍﻛﻒ ﻛﺪﺍﻡ ﺍﻟﺒﺎﺏ
.. ﺍﻧﻲ ﺑﻨﺖ ﺍﻡ ﺷﻴﻤﺎﺀ
ﻋﻘﺪ ﺣﻮﺍﺟﺒﻪ .. ﻣﻨﻮ ﺑﻴﻬﻢ
.. ﺍﻟﺜﺎﻟﺜﺔ
.. ﺳﺒﺤﺎﻥ ﺍﻟﺼﻮﺭﺝ
.. ﻋﻔﻴﺔ ﻭﺧﺮ ﻋﻦ ﺍﻟﺒﺎﺏ ﺍﺭﻳﺪ ﺍﻃﻠﻊ ﻻ ﺍﺧﺘﻲ ﺷﻴﻤﺎﺀ ﺗﺼﻴﺤﻨﻲ
ﻭﻣﺘﻠﻜﺎﻧﻲ
.. ﻓﺪﻳﺖ ﺭﺑﺞ ﺷﻠﻮﻥ ﺻﻮﺕ ﻟﺞ ﻟﺘﺨﺎﻓﻴﻦ
ﻣﺎ ﺍﺳﻮﻳﻠﺞ ﺷﻲ ﺍﻧﺎ ﺻﻬﻴﺐ ﺍﺑﻦ ﻓﺮﺯﺩﻕ
ﺭﻓﻌﺖ ﺭﺍﺳﻲ ﻭﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﺍﻧﻲ ﺳﺎﻣﻌﺔ ﺑﺼﻬﻴﺐ ﻣﻦ
ﺧﺎﻟﺔ ﺍﻡ ﻓﺮﺯﺩﻕ ﺟﺎﻧﺖ ﺩﺍﺋﻤﺎ ﺗﺤﺠﻲ ﺑﻲ ﺑﺲ ﻣﺸﺎﻳﻔﺘﻪ ﻻﻥ ﺍﻧﻲ
ﺍﻟﻮﺣﻴﺪﺓ ﻣﻦ ﺧﻮﺍﺗﻲ ﻣﺎﻳﺨﻠﻯﻨﻲ ﺍﻃﻠﻊ
ﻭﻫﻮ ﺟﺎﻥ ﻣﺴﺎﻓﺮ ﺑﺲ ﻗﺮﺑﺎﻥ ﻟﻜﻠﺒﻪ ﺷﻠﻮﻥ ﺷﺎﻳﻞ ﻭﺳﺎﻣﺔ ﺍﻭﻳﻠﻲ
ﻳﺎﺑﺔ ﻏﻴﺮ ﻳﻤﻮﺕ
ﺳﻤﻌﻨﺎ ﺻﻮﺕ ﻋﻤﻮ ﻓﺮﺯﺩﻕ ﻳﺼﻴﺢ ﻋﻠﻰ ﺻﻬﻴﺐ ﻃﻠﻊ ﺻﻬﻴﺐ ﻣﻦ
ﺍﻟﻐﺮﻓﺔ ﻭﺍﻧﻲ ﻃﻠﻌﺖ ﻭﺭﺍﻩ ﻭﺻﺎﺭ ﻫﻮ ﻭﺍﺑﻮﻩ ﻛﺪﺍﻣﻲ
ﻭﺍﻟﺘﻔﺖ ﻋﻠﻴﺔ ﺻﻬﻴﺐ ﻭﻫﻮ ﻣﺒﺘﺴﻢ ﻛﻠﻪ
.. ﻳﺎﺑﺔ ﻋﺮﻓﺖ ﻫﺎﻱ ﺍﻟﺤﻠﻮﺓ ﻣﻨﻮ
ﺍﺑﻮ ﻓﺮﺯﺩﻕ .. ﻻ ﻭﺍﻟﻠﻪ ﻣﺎ ﻋﺮﻓﺘﻬﺎ ﺑﺲ ﻣﺎ ﺍﻋﺮﻑ ﻭﻳﻦ ﺷﺎﻳﻔﻬﺔ
ﻋﺮﻛﺖ ﻣﻦ ﺍﻟﺨﺠﻞ ﺍﺣﺲ ﺻﺮﺕ ﻃﻤﺎﻃﺔ
ﻛﻠﻪ .. ﻫﺎﻱ ﺑﻨﺖ ﺧﺎﻟﺔ ﺍﻡ ﺷﻴﻤﺎﺀ
ﺷﻔﺖ ﺍﺑﻮﻩ ﻓﺘﺢ ﺣﻠﻜﻪ ﻣﺘﻌﺠﺐ
.. ﻳﺎﻟﻠﻪ ﺷﻜﺪ ﺗﺸﺒﻬﻴﻦ ﺍﻣﺞ ﺍﻟﻠﻪ ﻳﺮﺣﻤﻬﺎ
ﺣﺠﺎﻫﺎ ﻭﺟﺮ ﺣﺴﺮﺓ ﻭﻋﻴﻮﻧﻪ ﺑﻴﻬﺎ ﺍﻟﻒ ﻛﻠﻤﺔ ﻭﻛﻠﻤﺔ
ﻫﺪﻯ .. ﻋﺎﺍﺍﺍﺍ ﻟﺞ ﻋﻮﺑﺔ ﻭﺍﻟﻠﻪ ﺷﻜﻠﺞ ﻭﻛﻌﺘﻲ ﺑﺎﻟﺤﺐ
ﺿﺤﻰ .. ﻟﺞ ﺛﻮﻟﺔ ﺍﻧﺘﻲ ﺷﻌﺮﻓﺞ ﺑﺎﻟﺤﺐ ﻫﺎ ﺍﺣﺠﻲ
ﻫﺪﻯ .. ﺍﺣﻢ ﺍﺣﻢ ﻣﺎ ﺍﻋﺮﻑ ﻋﻨﻪ ﺍﻱ ﺷﻲ ﺑﺲ ﻣﻦ ﺧﻼﻝ ﻛﻼﻣﺞ
ﻣﺒﻴﻦ ﺍﻧﺘﻲ ﺍﻧﻌﺠﺒﺘﻲ ﺑﻲ
ﺿﺤﻰ .. ﺍﺷﺸﺶ ﺳﻜﺘﻲ ﻭﺧﻠﻴﻨﻲ ﺍﺣﻠﻢ
ﺩﺍﺭﺕ ﻭﺟﻬﺎ ﻋﻨﻲ ﻭﺣﻄﺖ ﺍﻟﻤﺨﺪﺓ ﻋﻠﻰ ﺭﺍﺳﻬﺎ
ﻋﻮﺑﺔ ﻣﻮ ﺻﻮﺟﺞ ﺻﻮﺟﻲ ﺍﻧﻲ ﻛﺎﻋﺪﺓ ﺍﺳﻤﻌﻠﺞ
ﻳﻮﻡ ﺛﺎﻧﻲ ﺍﻟﺼﺒﺢ
ﺟﺎﻥ ﺟﻤﻌﺔ ﻭﻛﻠﻨﺎ ﺑﺎﻟﺒﻴﺖ ﺑﺲ ﻣﺮﻭﺓ ﻃﺎﻟﻌﺔ ﻭﻳﺔ ﺻﺪﻳﻘﺘﻬﺎ
ﻭﺷﻴﻤﺎﺀ ﺩﺗﻄﺒﺦ ﺷﻮﺭﺑﺔ ﻭﺗﺤﻀﺮﻫﺎ ﺗﺮﻳﺪ ﺗﺎﺧﺬﻫﺎ ﻭﻳﺎﻫﺎ ﻟﻠﻤﺴﺘﺸﻔﻰ
ﺷﻮﻳﺔ ﻭﺩﺧﻠﺖ ﻣﺮﻭﺓ ﻭﺑﻌﻴﻮﻧﻬﺎ ﻓﺮﺣﺔ
.. ﺷﻮﻣﺔ ﺗﻌﺎﻟﻲ ﺑﺴﺮﻋﺔ
.. ﺷﻨﻮ ﻣﺮﻭﺓ
.. ﺑﺴﺮﻋﺔ ﻃﻠﻌﻴﻠﻲ ﺍﻟﻔﻠﻮﺱ ﺍﻟﻌﻨﺪﺝ ﺭﺍﺡ ﺍﺩﺧﻞ ﺍﻧﻲ ﻭﺻﺪﻳﻘﺘﻲ ﺯﻳﻨﺔ
ﺷﺮﺍﻛﺔ ﻧﺸﺘﺮﻱ ﻋﻴﺎﺩﺓ ﻭﺍﺛﻨﻴﻨﺎ ﺑﻴﻬﺎ
ﺣﻀﻨﺘﻬﺎ ﺷﻴﻤﺎﺀ ﺑﻔﺮﺣﺔ
ﻫﺪﻯ .. ﺍﻟﻒ ﻣﺒﺮﻭﻙ ﻣﺮﻭﺓ
ﺿﺤﻰ .. ﻣﺒﺮﻭﻙ ﺑﺲ ﺍﻧﺘﻲ ﻣﻮ ﻛﻠﺘﻲ ﺭﺍﺡ ﺗﺸﺘﺮﻳﻦ ﻋﻴﺎﺩﺓ ﺧﺎﺻﺔ ﺑﻴﺞ
ﻣﺮﻭﺓ .. ﺍﻱ ﺑﺲ ﻓﻠﻮﺳﻲ ﻣﺘﺠﻴﺐ ﺑﺲ ﺍﺫﺍ ﺩﺧﻠﺖ ﺷﺮﺍﻛﺔ
ﺍﻛﺪﺭ ﺍﻭﻓﺮ
ﺟﻨﺎ ﻧﺤﺠﻲ ﻭﻳﺔ ﻣﺮﻭﺓ ﻭﺷﻴﻤﺎﺀ ﺩﺧﻠﺖ ﻟﻠﻐﺮﻓﺔ ﺣﺘﻰ ﺗﺠﻴﺐ ﺍﻟﻔﻠﻮﺱ
ﺑﺲ ﺳﻤﻌﻨﺔ ﺻﺮﺧﺘﻬﺎ
ﺭﻛﻀﻨﺎ ﻭﺷﻔﻨﺎ ﺷﻴﻤﺎﺀ ﻓﺎﺗﺤﺔ ﺍﻟﻜﻨﺘﻮﺭ ﻭﻭﺍﻛﻔﺔ ﻛﺪﺍﻡ ﺍﻟﻜﻨﺘﻮﺭ
ﺷﻴﻤﺎﺀ .. ﻣﺮﻭﺓ ﻟﺤﻜﻲ ﺍﻟﻔﻠﻮﺱ ﺍﺧﺘﻔﺖ
.....
ﺣﻴﺮﺓ .. ﺍﻟﻢ .. ﻭﻧﺪﻡ .. ﻭﻣﻦ ﺛﻢ ﺍﻟﻔﺮﺍﻕ
ﻫﺪﻯ
ﺟﻨﺎ ﻧﺤﺠﻲ ﻭﻳﺔ ﻣﺮﻭﺓ .. ﻭﺷﻴﻤﺎﺀ ﺩﺧﻠﺖ ﻟﻠﻐﺮﻓﺔ ﺣﺘﻰ ﺗﺠﻴﺐ
ﺍﻟﻔﻠﻮﺱ
ﺑﺲ ﺳﻤﻌﻨﺎ ﺻﺮﺧﺘﻬﺎ
ﺭﻛﻀﻨﺎ ﻭﺷﻔﻨﺎ ﺷﻴﻤﺎﺀ ﻓﺎﺗﺤﺔ ﺍﻟﻜﻨﺘﻮﺭ ﻭﻭﺍﻛﻔﺔ ﻛﺪﺍﻣﻪ ﺑﻌﺪ ﻣﺎﻧﺜﺮﺕ
ﻛﻮﻟﺸﻲ ﺑﻲ ﻋﻠﻰ ﺍﻟﻜﺎﻉ
ﺷﻴﻤﺎﺀ .. ﻣﺮﻭﺓ ﻟﺤﻜﻲ ﺍﻟﻔﻠﻮﺱ ﺍﺧﺘﻔﺖ
ﻣﺮﻭﺓ .. ﻣﺴﺘﺤﻴﻞ ﺍﻧﺖ ﺷﺪﺗﺤﺠﻴﻦ ﻟﺞ ﺷﻴﻤﺎﺀ ﻭﻳﻦ ﺭﺍﺣﺖ ﻓﻠﻮﺳﻲ
ﺭﺍﺣﺖ ﻟﻠﻜﻨﺘﻮﺭ ﻣﺜﻞ ﺍﻟﻤﺨﺒﻠﺔ ﻭﺻﺎﺭﺕ ﺗﺸﻤﺮ ﺑﺎﻟﻤﻼﺑﺲ ﻭﺗﻌﻴﻂ .. ﻻ .. ﻻ .. ﻻ ﻣﺴﺘﺤﻴﻞ ﻭﻳﻦ ﻓﻠﻮﺳﻲ
ﻃﻠﻌﻴﻬﻢ ﺍﺗﺬﻛﺮﻱ ﻭﻳﻦ ﺿﻤﻴﺘﻴﻬﻢ ﺍﺣﺠﻲ ﺷﻴﻤﺎﺀ ﻛﻮﻟﻲ
ﺍﻧﺘﺒﻬﺖ ﻋﻠﻰ ﺷﻴﻤﺎﺀ ﻛﺎﻣﺖ ﺗﺒﺠﻲ ﺷﻜﻠﻬﺎ ﺗﻌﺮﻑ ﻣﻨﻮ ﻭﺭﺓ ﺍﺧﺘﻔﺎﺀ
ﺍﻟﻔﻠﻮﺱ
ﺍﻧﻘﻬﺮﺕ ﻋﻠﻰ ﻣﺮﻭﺓ ﻫﺬﺍ ﺗﻌﺐ ﻋﻤﺮﻫﺎ ﻛﻀﺖ ﻛﻞ ﺣﻴﺎﺗﻬﺎ ﺗﻠﻢ ﻓﻠﺲ
ﻋﻠﻰ ﻓﻠﺲ ﻭﺣﺮﻣﺖ ﻧﻔﺴﻬﺎ ﻣﻦ ﻛﻠﺸﻲ ﻋﻠﻤﻮﺩ ﺗﺤﻘﻖ ﺣﻠﻤﻬﺎ ﻳﺎﻟﻠﻪ
ﺷﻠﻮﻥ ﺑﻴﻬﺎ ﺷﺮﺍﺡ ﺗﺴﻮﻱ
ﺍﺣﺘﻤﺎﻝ ﺗﻨﻬﺎﺭ ﻭﺭﺑﻲ ﺧﻔﺖ ﻋﻠﻴﻬﺎ
ﻣﺮﻭﺓ ﺑﻘﻬﺮ ﻭﻏﻀﺐ
.. ﺷﻴﻤﺎﺀ ﺍﻧﺘﻲ ﺷﻜﺪ ﻏﺒﻴﺔ ﺍﻛﻮ ﻭﺣﺪﺓ ﺗﻀﻢ ﺍﻟﻔﻠﻮﺱ ﻫﻨﺎ
ﺍﺩﺭﻱ ﺷﻜﺎﻟﺘﻠﺞ ﺭﻭﺣﺞ ﻭﺗﺤﻄﻴﻬﻢ ﺑﻬﻴﺞ ﻣﻜﺎﻥ ﺗﺎﻓﻪ ﻟﺞ ﺣﺘﻰ ﺍﻟﻄﻔﻞ
ﻳﻜﺪﺭ ﻳﻠﻜﺎﻩ ﻭﻳﺎﺧﺬﻩ
ﻫﺪﻯ .. ﻣﺮﻭﺓ ﻟﺘﺼﻴﺤﻴﻦ ﻋﻠﻰ ﺷﻴﻤﺎﺀ ﻓﻮﻙ ﻣﺎ ﺟﻤﻌﺘﻬﻢ ﺍﻟﺞ
ﻭﺿﻤﺘﻬﻢ
ﻣﺮﻭﺓ .. ﻭﺷﻨﻮ ﺍﺳﺘﻔﺎﺩﻳﺖ ﺍﻧﻲ ﻫﺴﺔ ﻣﻨﻮ ﻳﻜﻠﻲ ﻭﻳﻦ ﺭﺍﺣﺖ ﻓﻠﻮﺳﻲ
ﺿﺤﻰ .. ﺣﺮﺍﻣﺎﺕ ﻛﻞ ﺫﺍﻙ ﺗﻘﺘﻴﺮﺝ .. ﺷﻜﺪ ﺣﺮﺻﺘﻲ ﻋﻠﻴﻬﻢ
ﺍﺩﺭﻱ ﺑﻀﺤﻰ ﺣﺠﺘﻬﺎ ﺑﺪﻭﻥ ﻗﺼﺪ ﺑﺲ ﻣﺮﻭﺓ ﻛﺎﻧﺖ ﺑﻘﻤﺔ ﺍﻟﻐﻀﺐ
ﻣﻦ ﺳﻤﻌﺘﻬﺎ ﺣﺠﺖ ﻫﺸﻜﻞ ﻫﺪﺕ ﻋﻠﻴﻬﺎ ﻭﺿﺮﺑﺘﻬﺎ ﺭﺍﺷﺪﻱ ﻋﻠﻰ
ﻭﺟﻬﺎ ﻭﺳﺤﺒﺘﻬﺎ ﻣﻦ ﺷﻌﺮﻫﺎ
ﺑﻘﻴﺖ ﺟﺎﻣﺪﺓ ﺑﻤﻜﺎﻧﻲ ﻣﺘﻔﺎﺟﺌﺔ ﻣﻦ ﺣﺮﻛﺔ ﻣﺮﻭﺓ
ﻣﺮﻭﺓ .. ﺍﺣﺠﻲ ﺣﻴﻮﺍﻧﻪ ﻣﺎﻛﻮ ﻏﻴﺮﺝ ﺍﺧﺬﻫﻢ ﻻﻥ ﺍﻧﺘﻲ ﺟﻨﺘﻲ ﺩﺍﺋﻤﺎ
ﻋﻴﻨﺞ ﻋﻠﻴﻬﻢ ﻭﺩﺍﺋﻤﺎ ﺗﺘﻤﻨﻴﻦ ﻳﻜﻮﻥ ﻋﻨﺪﺝ ﻓﻠﻮﺱ ﺣﺘﻰ ﺗﺼﺮﻓﻴﻬﻢ
ﻋﻠﻰ ﺳﻮﺍﻟﻔﺞ ﺍﻟﺘﻌﺒﺎﻧﺔ
ﺍﺟﺘﻲ ﺷﻴﻤﺎﺀ ﻭﻭﺧﺮﺗﻬﺎ ﻋﻦ ﺿﺤﻰ
....
ﻣﺮﻭﺓ ﻟﻬﻨﺎ ﻭﺣﺪﺝ ﻣﺎ ﺍﺳﻤﺤﻠﺞ ﺗﺘﻬﻤﻴﻦ ﺿﺤﻰ ﺷﻜﻠﺞ ﻧﺴﻴﺘﻲ
ﺍﺣﻨﺎ ﺗﺮﺑﻴﺔ ﻣﻨﻮ ﺧﻠﻲ ﺍﺫﻛﺮﺝ ﺍﺫﺍ ﻧﺎﺳﻴﺔ ﺗﺮﺓ ﺍﺣﻨﺎ ﺑﻨﺎﺕ ﺑﺜﻴﻨﺔ ﻭﺗﺮﺑﻴﺔ
ﺍﻣﻨﺎ ﻣﺎ ﻧﺪﻧﺴﻬﺎ ﻟﻮ ﻋﻠﻰ ﻛﺺ ﺭﻛﺒﺘﻨﺎ ﺿﺤﻰ ﻛﺎﻣﺖ ﺗﺒﺠﻲ ﻭﻻﺯﻣﺔ
ﺧﺪﻫﺎ
ﻣﺮﻭﺓ ﻛﻌﺪﺕ ﻣﻨﻬﺎﺭﺓ ﺑﺎﻟﻜﺎﻉ ﻭﺣﻄﺖ ﺍﻳﺪﻫﺎ ﻋﻠﻰ ﻭﺟﻬﻪ ﻭﺻﺎﺭﺕ
ﺗﺒﺠﻲ ﻣﺜﻞ ﺍﻟﻄﻔﻞ
.. ﻭﻟﻜﻢ ﺍﻧﻲ ﺍﺗﺪﻣﺮﺕ ﻭﺣﻠﻢ ﻋﻤﺮﻱ ﺍﻧﺴﺮﻕ
ﻭﺍﻟﻠﻪ ﺍﻣﻮﺕ ﺍﺫﺍ ﻣﺎ ﺗﺤﻘﻖ ﺣﻠﻢ ﻋﻤﺮﻱ ﻋﺸﺖ ﻃﻮﻝ ﺣﻴﺎﺗﻲ ﺣﺎﺭﻣﺔ
ﻧﻔﺴﻲ ﻣﻦ ﻛﻠﺸﻲ ﺍﺷﻮﻑ ﺍﻟﺒﻨﺎﺕ ﻳﻄﻠﻌﻮﻥ ﻭﻳﻠﺒﺴﻮﻭ ﻭﻳﺘﻮﻧﺴﻮﻥ ﺍﻻ
ﺍﻧﻲ ﺍﻛﻮﻝ ﻣﻴﺨﺎﻟﻒ ﻣﺮﻭﺓ ﺻﺒﺮﻱ ﻛﻞ ﻫﺬﺍ ﻻﺣﻜﺔ ﻋﻠﻴﻪ ﺍﻫﻢ ﺷﻲ
ﺣﻄﻲ ﺍﻻﺳﺎﺱ ﻭﺣﻘﻘﻲ ﺍﻟﺤﻠﻢ
ﻭﺗﺎﻟﻲ ﺷﻨﻮ ﺑﻬﻔﻮﺓ ﻣﻦ ﺍﺧﺘﻲ ﺍﻟﻤﺼﻮﻥ ﻧﺰﻟﺘﻨﻲ ﻟﺴﺎﺑﻊ ﺍﺭﺽ
ﻭﺭﺟﻌﺖ ﺗﺒﺠﻲ ﻣﻨﻬﺎﺭﺓ
ﺩﺧﻞ ﺑﺎﺑﺎ ﻳﺒﺎﻭﻉ ﻋﻠﻴﻨﺎ ﻭﺟﺎﻥ ﻣﺒﻴﻦ ﻋﻠﻴﻨﺎ ﻣﺘﻌﺎﺭﻛﺎﺕ
ﺍﺛﻴﺮ .. ﺧﻴﺮ ﺷﺼﺎﻳﺮ ﺷﺒﻴﻜﻢ ﻭﺟﻮﻫﻜﻢ ﻣﻜﻠﺒﺔ
ﻫﺪﻯ .. ﺑﺎﺑﺎ ﻓﻠﻮﺱ ﻣﻐﻮﺓ ﺟﺎﻧﺖ ﺑﻜﻨﺘﻮﻍ ﺷﻴﻤﺎﺀ ﻣﺠﻤﻌﺘﻬﻢ
ﻫﺴﺔ ﺍﺟﺘﻲ ﺗﺎﺧﺬﻫﻢ ﻭﻣﺎ ﻟﻜﺘﻬﻢ ﻣﺨﺘﻔﻴﻦ
ﺍﺛﻴﺮ .. ﻭﻫﺴﺔ ﺍﻧﺘﻮﺍ ﻣﺴﻮﻳﻦ ﻫﺎﻱ ﺍﻟﻬﻮﺳﺔ ﻛﻠﻬﺎ ﻋﻠﻤﻮﺩ ﺍﻟﻔﻠﻮﺱ
ﻫﺪﻯ .. ﺍﻱ ﺑﺎﺑﺎ ﻫﻨﺔ ﻓﻠﻮﺱ ﻫﻮﺍﻱ ﻣﻮ ﺷﻮﻳﺔ ﻭﺧﻄﻴﺔ ﻣﻐﻮﺓ
ﺗﻐﻴﺪ ﺗﺪﺧﻞ ﺷﻐﺎﻛﺔ ﻭﻳﺔ ﺻﺪﻳﻘﺘﻬﺎ ﺣﺘﻰ ﻳﺸﺘﻌﻮﻥ ﻋﻴﺎﺩﺓ ﺳﻮﻳﺔ
ﻭﻳﺠﻬﺰﻭﻧﻬﺎ
ﺍﺛﻴﺮ .. ﻭﺷﻨﻮ ﻳﻌﻨﻲ ﻛﻀﺖ ﻃﻮﻝ ﻋﻤﺮﻫﺎ ﻣﺮﻭﺓ ﺗﺒﺠﻲ ﺑﻮﺟﻪ ﺍﻟﻠﻪ ﻣﺎ
ﻣﺤﺼﻠﻴﻦ ﻣﻨﻬﺎ ﺍﻱ ﺷﻲ ﻭﻋﻠﻰ ﺍﻟﻌﻤﻮﻡ ﺗﺮﺓ ﺍﻟﻔﻠﻮﺱ ﺍﻟﻲ ﺗﺤﺠﻮﻥ
ﻋﻨﻬﺎ ﺍﻧﻲ ﺍﺣﺘﺎﺟﻴﺘﻬﻢ ﻭﺍﺧﺬﺗﻬﻢ
ﻣﺮﻭﺓ ﻛﺎﻣﺖ ﺑﻐﻀﺐ ﺍﺣﺲ ﺑﻴﻬﺎ ﺍﻧﺠﻨﺖ ﻋﺒﺎﻟﻚ ﺗﺮﻳﺪ ﺗﺎﻛﻞ ﺑﺎﺑﺎ
ﺑﺴﻨﻮﻧﻬﺎ
ﻣﺮﻭﺓ .. ﻗﺼﺪﻙ ﺳﺮﻗﺘﻬﻢ ﻣﻮ ﺍﺧﺬﺗﻬﻢ ﺍﻛﻮ ﻫﻮﺍﻱ ﻓﺮﻕ
ﺑﻴﻦ ﺍﻟﺴﺮﻗﺔ ﻭﺍﻻﺧﺬ
ﺍﻟﺴﺮﻗﺔ ﺗﻤﺪ ﺍﻳﺪﻙ ﻋﻠﻰ ﻓﻠﻮﺱ ﻣﻮ ﺍﻟﻚ ﻭﻣﺘﻌﺒﺎﻥ ﺑﻴﻬﻢ ﻭﻣﻦ ﺩﻭﻥ
ﻣﺎﻳﺴﻤﺤﻠﻚ ﺻﺎﺣﺒﻬﺎ
ﻭﺍﻻﺧﺬ ﺗﻜﺪﺭ ﺗﺎﺧﺬ ﻓﻠﻮﺳﻚ ﺑﺄﻱ ﻟﺤﻈﺔ ﻭﻛﺪﺍﻡ ﺍﻟﻜﻞ
ﻣﺎ ﺣﺴﻴﻨﺎ ﺍﻻ ﻋﻠﻰ ﺑﺎﺑﺎ ﻫﺪ ﻋﻠﻰ ﻣﺮﻭﺓ ﻭﺭﺍﺡ ﻧﺎﺯﻝ ﻋﻠﻴﻬﺎ ﺩﻙ ﺭﺩﻧﺎ
ﺍﻧﻲ ﻭﺷﻴﻤﺎﺀ ﻭﺿﺤﻰ ﻧﻔﻚ ﻣﺮﻭﺓ ﻣﻦ ﺟﻮﺓ ﺍﻳﺪﻩ ﻣﺎ ﻛﺪﺭﻧﺎ ﺟﻨﺰﻫﺎ
ﺗﺠﻨﺰ ﺻﺮﺕ ﺍﻋﻴﻂ ﻣﻦ ﺍﻟﺨﻮﻑ ﺍﺧﺘﻲ ﺭﺍﺡ ﺗﻔﻄﺲ ﺟﻮﺓ ﺍﻳﺪﻩ
ﺟﺎﻥ ﻛﻠﻤﺎ ﻳﻀﺮﺏ ﻣﺮﻭﺓ
ﻫﻲ ﺗﻌﻴﻂ ﻭﺗﺼﻴﺢ ﺑﺼﻮﺕ ﻋﺎﻟﻲ ﻣﻘﻬﻮﺭﺓ
.. ﺍﻧﺖ ﺍﻛﺒﺮ ﺣﺮﺭﺭﺍﺍﺍﺍﺍﻣﻲ ﻭﻣﺠﺮﻡ ﺍﺭﻳﺪ ﺍﻟﻠﻪ ﻳﺎﺧﺬ ﺣﻮﺑﺘﻲ ﻣﻨﻚ ﻳﺎ
ﻇﺎﻟﻢ
ﺍﺟﻴﺖ ﺍﺗﺨﺒﻞ ﺟﺎﻥ ﻳﻀﺮﺑﻬﺎ ﺑﻮﺣﺸﻴﺔ ﻭﺧﻠﺔ ﺍﻟﺪﻡ ﻳﻨﺰﻝ ﻣﻦ ﺧﺸﻤﻬﺎ
ﺍﻧﻤﺮﺩ ﻛﻠﺒﻲ ﻋﻠﻴﻬﺎ
....
ﺷﻴﻤﺎﺀ .. ﺑﺎﺑﺎ ﺍﺑﻮﺱ ﺍﻳﺪﻙ ﻛﺎﻓﻲ ﺩﻣﺮﺗﻬﺎ ﻛﺎﺍﺍﺍﺍﻓﻲ ﻟﺨﺎﻃﺮ ﺍﻟﻠﻪ ﻛﺎﻓﻲ
.. ﺑﻨﺖ ﺍﻟﻔﻜﺮ ﺗﻜﻮﻝ ﻋﻠﻴﺔ ﺣﺮﺍﻣﻲ ﻭﺑﻮﺍﻙ
ﻟﺞ ﻭﺍﻟﻠﻪ ﺣﻠﻜﺞ ﺍﺷﻜﻪ ﻭ ﺍﺩﻓﻨﺞ ﻭﻣﺎ ﻳﺮﻓﻠﻲ ﺟﻔﻦ
ﻣﻮ ﺷﻔﺘﻲ ﺭﻭﺣﺞ ﻛﺒﺮﺗﻲ ﻭﺻﺮﺗﻲ ﺩﻛﺘﻮﺭﺓ ﺗﺘﺠﺎﻭﺯﻳﻦ
ﺍﻱ ﺍﻟﻔﻠﻮﺱ ﺍﻟﻲ ﺑﻜﻨﺘﻮﺭ ﺷﻴﻤﺎﺀ ﺍﻧﻲ ﺍﺧﺬﺗﻬﻢ ﻭﺍﺩﺭﻱ ﺑﻴﻬﻢ ﻓﻠﻮﺳﺞ
ﻛﻀﻴﺖ ﻛﻞ ﻋﻤﺮﻱ ﺍﺻﺮﻑ ﻋﻠﻴﺞ ﻭﺍﻧﺘﻲ ﺗﻘﺒﻀﻴﻦ ﺑﺎﻟﺮﻭﺍﺗﺐ
ﻭﺗﻀﻤﻴﻦ ﺍﺳﺄﻟﺞ ﻭﻳﻦ ﻣﺘﺠﺎﻭﺑﻴﻦ ﻟﻮ ﺗﻐﻠﺴﻴﻦ ﻋﻠﻴﺔ ﺧﻠﻴﺘﺞ ﺑﺮﺍﺣﺘﺞ
ﺗﻠﻌﺒﻴﻦ ﺑﺲ ﻣﻮ ﺍﻧﺎ ﺍﻟﻲ ﻭﺣﺪﺓ ﻣﺜﻠﺞ ﺑﻜﺪ ﺍﻟﻘﻨﺪﺭﺓ ﺗﻀﺤﻚ ﻋﻠﻴﺔ
ﻭﺗﺘﻬﺮﺏ ﻣﻨﻲ ﻭﻫﺬﺍ ﺍﻧﺎ ﺍﺧﺬﺕ ﺗﻌﺐ ﻋﻤﺮﻱ ﻣﻨﺞ ﻳﺎﻟﻠﻪ ﺍﻣﺸﻲ ﻭﻟﻲ
ﻣﺮﻭﺓ ﺟﺎﻭﺑﺘﻪ ﺑﺲ ﻛﻮﺓ ﺗﺤﺠﻲ
.. ﻛﻮﻥ ﻣﺘﺘﻬﻨﻰ ﺑﻴﻬﻢ ﻛﻮﻥ ﺯﻗﻮﻡ ﺑﻜﻠﺒﻚ
ﺟﺎﻧﺖ ﺗﺤﺠﻲ ﻭﺗﺸﻬﻚ ﺑﺤﺮﻛﺔ ﻛﻠﺐ
ﺭﺟﻊ ﻫﺪ ﻋﻠﻴﻬﺎ .. ﻟﺞ ﺍﻧﺘﻲ ﻣﺎ ﺭﺍﺡ ﺗﺴﻜﺘﻴﻦ ﺍﻻ ﻣﻦ ﺍﻣﻮﺗﺞ ﻛﺎﻋﺪﻩ
ﺗﺪﻋﻴﻦ ﻋﻠﻴﺔ
ﻳﻤﺔ ﺷﻔﺘﻪ ﺷﻠﻮﻥ ﺷﺎﻟﻬﺔ ﻭﺿﺮﺑﻬﺎ ﺑﺎﻟﻜﺎﻉ
ﻭﻫﻲ ﻣﺜﻞ ﺍﻟﺨﺮﻛﺔ ﺑﻴﺪﻩ ﻣﺘﺸﻴﻞ ﻻ ﺍﻳﺪ ﻭﻻ ﺭﺟﻞ
ﺷﻤﺮﻫﺎ ﺑﺎﻟﻜﺎﻉ ﻭﺍﻧﻀﺮﺏ ﺭﺍﺳﻬﺎ ﺑﺤﺎﻓﺔ ﺍﻟﺪﺭﺝ
ﻭﺍﻟﺪﻡ ﻏﺮﻙ ﺍﻟﻜﺎﻉ
ﺻﺮﺕ ﺍﺻﺮﺥ ﻣﻔﺰﻭﻋﺔ ﻣﻦ ﺍﻟﻤﻨﻈﺮ ﻣﺮﻭﺓ ﺍﻣﺪﺩﺓ ﺑﺎﻟﻜﺎﻉ ﻏﺮﻛﺎﻧﺔ ﺑﺎﻟﺪﻡ
ﻭﻣﺎ ﻳﺼﺪﺭ ﻣﻨﻬﺎ ﺍﻱ ﻧﻔﺲ
ﺷﻴﻤﺎﺀ ﻇﻠﺖ ﺗﻠﻄﻢ ﻋﻠﻰ ﻭﺟﻬﻬﺎ ﻣﺜﻞ ﺍﻟﻤﺨﺒﻠﺔ
.. ﻳﻤﺔ ﺍﺧﺘﻲ .. ﻳﻤﺔ ﺍﺧﺘﻲ ﻣﺎﺗﺖ
ﺿﺤﻰ ﻃﻠﻌﺖ ﺗﺮﻛﺾ ﺑﺎﻟﺸﺎﺭﻉ ﺗﺼﺮﺥ
ﻣﻨﻌﺮﻑ ﺷﺼﺎﺭ ﺑﻴﻨﺎ ﺑﺬﻳﺞ ﺍﻟﻠﺤﻈﺔ ﺑﺲ ﺣﺴﻴﺖ ﻣﺜﻞ ﺍﻟﻲ ﺩﺍﺧﻞ
ﺑﺪﻭﺍﻣﺔ ﺍﻟﺘﻤﻮﺍ ﻋﻠﻴﻨﺎ ﺍﻟﻨﺎﺱ ﻭﺻﺎﺭ ﺑﻴﺘﻨﺎ ﻫﻮﺳﺔ ﻧﺎﺱ ﻃﺎﺑﺔ ﻭﻧﺎﺱ
ﻃﺎﻟﻌﺔ ﺩﺧﻠﺖ ﻋﻠﻴﻨﺎ ﺧﺎﻟﺔ ﺍﻡ ﻓﺮﺯﺩﻕ
ﺗﻮﻟﻮﻝ ﻭﺍﻡ ﺭﺍﺋﺪ ﻭﺭﺍﺋﺪ ﻭﺻﻬﻴﺐ ﺍﺗﻌﺎﻭﻧﻮﺍ ﻭﺷﺎﻟﻮﺍ ﻣﺮﻭﺓ
ﻟﺤﻈﺎﺕ ﻭﺍﺟﺘﻲ ﺍﻟﺸﺮﻃﺔ ﻭﺍﺧﺬﻭﺍ ﺑﺎﺑﺎ ﻣﻨﻌﺮﻑ ﻟﻴﺶ
ﻭﻋﻤﻮ ﺍﻣﺠﺪ ﻭﺑﻴﺒﻲ ﺍﺟﻮﻱ ﻭﺭﺍﻧﺎ ﻟﻠﻤﺴﺘﺸﻔﻰ
ﻫﺬﺍ ﻛﻠﺔ ﻳﺼﻴﺮ ﻛﺪﺍﻡ ﻋﻴﻨﻲ ﻣﺜﻞ ﺷﺮﻳﻂ ﺍﻟﻔﺪﻳﻮﺍ ﻋﺒﺎﻟﻚ ﺍﻧﻲ ﻣﺘﻔﺮﺝ
ﺑﺲ ﺍﺑﺎﻭﻉ ﺑﻌﻴﻮﻧﻲ ﻣﺼﺪﻭﻣﺔ ﺟﺎﻣﺪﺓ ﻣﺎ ﺍﺣﺮﻙ ﺳﺎﻛﻦ ﻳﻤﺸﻮﻧﻲ
ﻭﻳﻜﻌﺪﻭﻧﻲ ﻋﺒﺎﻟﻚ ﺟﺜﺔ ﺑﻼ ﺭﻭﺡ
ﻣﺎ ﺍﺗﺠﺮﺀ ﺍﺣﺠﻲ ﻛﻠﻤﺔ ﺍﺧﺎﻑ ﺍﻧﻬﺎﺭ ﻣﺎ ﺍﻛﺪﺭ ﺍﻧﻄﻖ ﺑﺤﺮﻑ
ﻭﺍﻛﻮﻝ ﻣﺮﻭﺓ ﻭﻳﻦ ﺷﻴﻤﺎﺀ ﺗﺮﻛﺾ ﻣﻨﺎ ﻭﺗﺠﻲ ﻣﻨﺎ ﻣﺜﻞ ﺍﻟﻤﺨﺒﻠﺔ ﺍﻟﺪﻡ
ﻣﻠﻄﺦ ﻣﻼﺑﺴﻬﺎ
ﺍﺗﻤﻨﻴﺖ ﺍﺭﻭﺡ ﺍﻧﺎﻡ ﻭﺍﺣﻂ ﺭﺍﺳﻲ ﺟﻮﺓ ﺍﻟﻐﻄﻰ ﻭﺍﺭﻭﺡ ﺍﺣﻠﻢ ﺍﻧﺎﻡ
ﺑﺤﻀﻦ ﺍﻣﻲ
ﻭﻧﺮﺟﻊ ﺑﻨﺎﺕ ﺻﻐﺎﺭ ﻭﺍﻣﻨﺎ ﻳﻤﻨﺎ ﻭﻛﻠﺸﻲ ﺍﻣﻦ ﺑﺤﻴﺎﺗﻨﺎ
ﻭﻧﺮﺟﻊ ﻧﺘﺠﻤﻊ ﺍﺣﻨﺎ ﺍﻻﺭﺑﻌﺔ ﻣﺜﻞ ﻗﺒﻞ ﺗﺤﺖ ﺟﻨﺎﺡ ﺍﻣﻲ
.....
ﺣﺴﻴﺖ ﻋﻠﻰ ﺣﺮﻛﺔ ﻳﻤﻲ ﻭﻭﺍﺣﺪ ﻳﻬﺰ ﺑﻴﺔ ﺣﺴﻴﺖ ﺑﺸﻔﺎﻳﻔﻲ ﻛﺎﻣﺖ
ﺗﺮﺟﻒ ﻭﺳﻨﻮﻧﻲ ﺍﺻﻄﻜﺖ ﻭﺍﺗﺒﻌﻬﺎ ﺟﺴﻤﻲ ﺻﺎﺭ ﻛﻠﻪ ﻳﺮﺟﻒ
ﺳﻤﻌﺖ ﺻﻮﺕ ﺍﺟﺎﻧﻲ ﻣﻦ ﺑﻌﻴﺪ
ﺍﻱ ﻫﺬﺍ ﺻﻮﺕ ﺭﺍﺋﺪ ﻳﻄﻠﺐ ﻣﻨﻲ ﺍﺗﻤﺎﺳﻚ
ﺯﻳﻦ ﻟﻴﺶ ﺍﺻﻼ ﺍﺑﻘﻰ ﻣﺘﻤﺎﺳﻜﺔ ﻭﻋﻠﻰ ﺷﻨﻮ ﺍﺗﻤﺎﺳﻚ
ﻭﺍﻟﻤﻦ ﺍﺫﺍ ﻋﻠﻤﻮﺩ ﺣﻴﺎﺗﻲ ﻓﺎ ﺍﻧﻲ ﻣﺘﻨﺎﺯﻟﺔ ﻋﻨﻬﺎ
ﺣﻴﺎﺓ ﻭﺑﻴﻬﺎ ﻫﻴﺞ ﺩﻣﺎﺭ ﻣﺎ ﺍﺭﻳﺪﻫﺎ ﻣﺘﻨﺎﺯﻟﺔ ﻋﻨﻬﺎ ﻣﺎ ﺍﺭﻳﺪ ﺍﻛﻤﻞ ﺑﻴﻬﺎ
ﻏﻤﻀﺖ ﻋﻴﻮﻧﻲ ﻭﺭﺣﺒﺖ ﺑﺎﻟﺮﺟﻔﺔ ﺍﻟﻲ ﻫﺰﺕ ﺟﺴﻤﻲ ﻛﻠﻪ ﻭﻭﺻﻠﺖ
ﻟﺤﺪ ﻋﻀﺎﻣﻲ
ﺣﺴﻴﺖ ﺑﻴﺪﻳﻦ ﺍﺛﻨﻴﻦ ﻗﻮﻳﺎﺕ ﻟﺰﻣﺘﻨﻲ ﻣﻦ ﻛﺘﻔﻲ ﻭﺻﺎﺭﺕ ﺗﻬﺰﻧﻲ
ﺳﻤﻌﺖ ﺭﺍﺋﺪ ﻳﺼﻴﺢ ﺑﺼﻮﺕ ﻋﺎﻟﻲ
.. ﺷﻴﻤﺎﺀ ﻟﺤﻜﻲ ﻫﺎﻱ ﻫﺪﻯ ﻣﺎ ﺍﻋﺮﻑ ﺷﺒﻴﻬﺎ
ﺷﻴﻤﺎﺀ .. ﺩﺧﻴﻠﻚ ﺭﺑﻲ ﺍﺧﺘﻲ ﺷﺒﻴﻬﺎ ﺳﻮﺩﺓ ﺑﻮﺟﻬﻲ ﺧﻮﺍﺗﻲ ﺍﺗﻔﺮﻫﺪﻥ
ﻭﺭﺍﺡ ﻳﺮﻭﺣﻦ ﻣﻦ ﺑﻴﻦ ﺍﻳﺪﻳﺔ
ﺻﺎﺣﻮﺍ ﺍﻟﺪﻛﺘﻮﺭ ﻭﻛﺎﻝ
.. ﺑﺴﺮﻋﺔ ﻧﻘﻠﻮﻫﺎ ﺍﻟﻤﺮﻳﻀﺔ
ﺍﺗﻌﺮﺿﺖ ﻻﻧﻬﻴﺎﺭ ﻋﺼﺒﻲ ﺿﺮﻭﺭﻱ ﺍﻧﻄﻴﻬﺎ ﺍﺑﺮ ﻣﻬﺪﺋﺔ ﺷﻜﻠﻬﺎ
ﻣﺘﻌﺮﺿﺔ ﻟﺼﺪﻣﺔ
ﺑﻌﺪﻫﺎ ﻣﺎ ﺣﺴﻴﺖ ﻋﻠﻰ ﺍﻱ ﺷﻲ
.........
ﺣﺴﻴﺖ ﻋﻠﻰ ﺍﻳﺪ ﺩﺍﻓﻴﺔ ﺗﻤﺴﺢ ﻋﻠﻰ ﺭﺍﺳﻲ ﻭﺗﻘﺮﺓ ﻋﻠﻴﻬﺎ
ﻓﺘﺤﺖ ﻋﻴﻨﻲ ﺷﻔﺖ ﺿﺤﻰ ﻛﺎﻋﺪﺓ ﻳﻢ ﺍﻟﺴﺮﻳﺮ ﻭﺣﺎﻁ ﺭﺍﺣﺔ ﺍﻳﺪﻫﺎ
ﻋﻠﻰ ﻛﺼﺘﻲ
.. ﻫﺎ ﺷﻠﻮﻥ ﺻﺮﺗﻲ
ﺣﺠﻴﺖ ﺑﻮﻫﻦ .. ﺿﺤﻰ ﻛﻠﻴﻠﻲ ﻣﻐﻮﺓ ﻋﺎﻳﺸﺔ
ﻛﻮﺓ ﻃﻠﻊ ﻣﻨﻲ ﺍﻟﻜﻼﻡ
ﺿﺤﻰ .. ﺍﻟﺤﻤﺪﻟﻠﻪ ﻣﺮﻭﺓ ﺑﺨﻴﺮ ﻭﻃﻠﻌﺖ ﻣﻦ ﻣﺮﺣﻠﺔ ﺍﻟﺨﻄﺮ
ﻋﻨﺪﻫﺎ ﻛﺴﺮ ﺑﻮﺍﺣﺪ ﻣﻦ ﻇﻠﻮﻋﻬﺎ ﻭﺭﺍﺳﻬﺎ ﻣﺸﻜﻮﻙ ﺧﻴﻄﻮﻩ ﺍﻟﻬﺎ
ﻭﺍﻟﺪﻛﺎﺗﺮﺓ
ﻛﺎﻟﻮﺍ ﺧﻼﻝ ﺍﺭﺑﻌﺔ ﻭﻋﺸﺮﻳﻦ ﺳﺎﻋﺔ ﺍﺫﺍ ﻣﺎ ﺍﺳﺘﺮﺩﺕ ﺍﻟﻮﻋﻲ ﺍﺣﺘﻤﺎﻝ
ﺗﺪﺧﻞ ﺑﻐﻴﺒﻮﺑﺔ
ﻭﺍﺣﻨﺎ ﻫﺴﺔ ﻣﻨﺘﻈﺮﻳﻦ ﻣﺮﺕ ﻋﻠﻴﻬﺎ ﺳﺖ ﺳﺎﻋﺎﺕ
ﻫﺪﻯ .. ﺣﻴﻞ ﺍﻧﻲ ﺟﻨﺖ ﻧﺎﻳﻤﺔ ﻫﺬﺍ ﺍﻟﻮﻗﺖ ﻛﻠﻪ
ﺿﺤﻰ .. ﺍﻱ ﺍﻟﺪﻛﺘﻮﺭ ﺍﻧﻄﺎﺝ ﺍﺑﺮ ﻣﻬﺪﺋﺔ
.. ﺳﻮﺩﺓ ﻋﻠﻴﺔ ﻣﻐﻮﺓ ﻣﺘﺴﺘﺎﻫﻞ
ﺩﺧﻞ ﺭﺍﺋﺪ ﻟﻠﻐﺮﻓﺔ ﻭﺑﻴﺪﻩ ﺍﻛﻞ
.. ﻫﺎ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﺞ ﺧﻮﻓﺘﻴﻨﺎ ﺷﺒﻴﺞ ﺟﺒﺎﻧﺔ
.. ﺍﻟﻠﻪ ﻳﺴﻠﻤﻚ
ﻣﺪ ﺍﻟﻌﻼﻛﺔ ﻟﻀﺤﻰ .. ﻫﺎﺝ ﻟﺰﻣﻲ ﺍﺧﺬﻱ ﺍﻟﻌﺸﺎ ﺍﻛﻠﻮﺍ ﺷﻮﻳﺔ
ﻭﺿﺮﻭﺭﻱ ﺗﺨﻠﻴﻦ ﻫﺪﻯ ﺗﺎﻛﻞ ﻻﻥ ﻭﺭﺍﻫﺎ ﻋﻼﺝ ﺗﺎﺧﺬﻩ
ﻫﺪﻯ .. ﻻ ﻣﺎ ﺍﺷﺘﻬﻲ ﺍﻛﻞ
ﺍﻗﺘﺮﺏ ﻣﻨﻲ ﺭﺍﺋﺪ ﻭﺣﺠﺔ ﺑﺼﻮﺕ ﻛﻠﻪ ﺣﻨﻴﺔ ﻗﺸﻌﺮ ﺟﺴﻤﻲ
ﺟﻨﺖ ﺷﻜﺪ ﻣﺤﺘﺎﺟﺔ ﻭﺍﺣﺪ ﻳﻌﺎﻣﻠﻨﻲ ﺑﺤﻨﻴﺔ ﻭﻳﻬﺘﻢ ﺑﻴﺔ
ﺧﺎﻑ ﺟﻨﺖ ﺑﺲ ﺍﺣﺐ ﺭﺍﺋﺪ ﻫﺴﺔ ﺻﺮﺕ ﺍﻣﻮﺕ ﻋﻠﻴﻪ
ﻣﻦ ﻟﻤﺴﺖ ﺍﻫﺘﻤﺎﻣﻪ ﻭﺧﻮﻓﻪ ﻋﻠﻴﺔ
ﺭﺍﺋﺪ .. ﻻ ﺗﺨﻠﻴﻨﻲ ﺍﺟﻲ ﺍﻭﻛﻠﺞ ﺑﻴﺪﻱ ﺑﺎﻟﻘﻮﺓ
ﺿﺤﻰ .. ﻣﺎ ﻋﻠﻴﻚ ﺑﻴﻬﺎ ﻫﺎﻱ ﺗﺘﺪﻟﻊ ﺍﻧﻲ ﺍﻭﻛﻠﻬﺎ
ﻳﺎﻟﻠﻪ ﻛﻮﻣﻲ ﺍﻛﻠﻲ
....
ﺳﺎﻋﺪﺗﻨﻲ ﺣﺘﻰ ﺍﻛﻌﺪ ﻭﺍﺧﺬﺕ ﺍﻟﻠﻔﺔ ﻭﺻﺮﺕ ﺍﻛﻞ ﺑﺪﻭﻥ ﻧﻔﺲ ﺑﺲ
ﻟﺨﺎﻃﺮ ﺭﺍﺋﺪ ﺍﻛﻠﺖ ﻭﺣﺘﻰ ﻳﻄﻠﻌﻮﻧﻲ ﻣﻨﺎ ﺍﺭﻳﺪ ﺍﻋﺮﻑ ﺧﻮﺍﺗﻲ ﺷﻨﻮ
ﺻﻔﺔ ﺑﻴﻬﻢ ﺍﻟﺪﻫﺮ
ﻛﻤﻠﺖ ﺍﻛﻠﻲ ﻭﺍﺧﺬﺕ ﺍﻟﻌﻼﺝ ﻭﺍﺟﺘﻲ ﺍﻟﻤﻤﺮﺿﺔ ﻭﺟﻴﻜﺖ ﺿﻐﻄﻲ
ﺍﻟﻤﻤﺮﺿﺔ .. ﺿﻐﻄﺞ ﺗﻤﺎﻡ ﻣﻨﻮ ﺑﻴﻜﻢ ﺍﺧﺖ ﺷﻴﻤﺎﺀ
ﺿﺤﻰ .. ﺍﺛﻨﻴﻨﺎ ﺧﻮﺍﺕ ﺷﻴﻤﺎﺀ
ﺍﻟﻤﻤﺮﺿﺔ .. ﻳﺎ ﻫﻼ ﻭﻣﻴﺖ ﻫﻼ ﺑﻴﻜﻢ ﻃﺒﻌﺎ ﺷﻴﻤﺎﺀ ﺟﺎﻧﺖ
ﺩﺍﺋﻤﺎ ﺗﺴﻮﻟﻒ ﺑﻴﻜﻢ ﺟﻨﺖ ﺍﺗﻤﻨﻰ ﺍﺷﻮﻓﻜﻢ
ﺍﺷﺮﺕ ﻋﻠﻰ ﺿﺤﻰ
.. ﺍﻧﺘﻲ ﺍﻛﻴﺪ ﺿﺤﻰ
ﺍﺑﺘﺴﻤﺘﻠﻬﺎ ﺿﺤﻰ .. ﻧﻌﻢ ﺍﻧﻲ ﺿﺤﻰ
ﻭﺍﻟﺘﻔﺘﺖ ﻋﻠﻴﺔ .. ﻭﺍﻧﺘﻲ ﺍﻛﻴﺪ ﺍﻟﺠﻨﻴﺔ ﻫﺪﻯ
.. ﻧﻌﻢ ﺍﻧﻲ ﺍﻟﺠﻨﻴﺔ
ﻋﺮﻓﺘﻜﻢ ﻣﻦ ﺧﻼﻝ ﻭﺻﻒ ﺷﻴﻤﺎﺀ ﺍﻟﻜﻢ
ﺍﻧﻲ ﺻﺪﻳﻘﺘﻬﺎ ﺍﺳﻤﻲ ﺭﺑﺎﺏ
.. ﺍﻫﻼ ﻭﺳﻬﻼ ﺍﺗﺸﺮﻓﻨﺎ ﺑﻴﺞ
ﺍﻓﺘﻬﻤﺖ ﻣﻨﻬﺎ ﺍﻥ ﺍﺣﻨﺎ ﻫﺴﺔ ﺣﺎﻟﻴﺎ ﺑﻨﻔﺲ ﺍﻟﻤﺴﺘﺸﻔﻰ ﺍﻟﻲ ﺗﺸﺘﻐﻞ
ﺑﻴﻬﺎ ﺷﻴﻤﺎﺀ ﻣﻤﺮﺿﺔ
ﻳﺎ ﺍﻟﻠﻪ ﺍﺷﻜﺪ ﺻﻌﺒﺔ ﻋﻠﻲ ﺷﻴﻤﺎﺀ ﺻﺎﺭ ﺍﻟﻜﻞ ﻳﻌﺮﻑ ﺑﻤﻮﺿﻮﻉ ﺑﺎﺑﺎ
ﻭﻣﺮﻭﺓ
ﺑﻌﺪ ﻣﺮﻭﺭ ﺍﺭﺑﻌﺔ ﺍﻳﺎﻡ ﻣﺮﻭﺓ ﺍﺳﺘﺮﺩﺕ ﺍﻟﻮﻋﻲ ﻭﻛﺪﺭﺕ ﺗﺤﺠﻲ ﺍﻟﻲ
ﺻﺎﺭ ﻟﻠﺸﺮﻃﺔ ﻭﻗﺪﻣﺔ ﺑﻼﻍ ﺿﺪ ﺑﺎﺑﺎ ﻭﺍﺗﻬﻤﺘﻪ
ﺑﺎﻟﺘﻬﺠﻢ ﻭﺍﻟﺘﻌﺪﻱ ﻭﺳﺮﻗﺔ ﻓﻠﻮﺳﻬﺎ
ﻭﺍﻟﺸﺮﻃﺔ ﻃﻠﺒﻮﺍ ﺷﻬﺎﺩﺗﻨﺎ
ﻭﻓﻌﻼ ﺭﺣﻨﺎ ﻭﻛﻌﺪﻭﺍ ﻳﺤﻘﻘﻮﻥ ﻭﻳﺎﻧﺔ
ﻟﻜﻦ ﻗﺒﻞ ﻻ ﻧﺮﻭﺡ
ﻋﻤﻮ ﺍﻣﺠﺪ ﻭﺑﻴﺒﻲ ﻛﺎﻧﻮﺍ ﻣﻮﺟﻮﺩﻳﻦ ﻭﻛﻌﺪﻭﺍ ﻭﻳﺎﻧﺎ ﺣﺬﺭﻭﻧﺎ ﺍﻧﻲ
ﻭﺧﻮﺍﺗﻲ ﺍﻥ ﻣﺎ ﻧﺸﻬﺪ ﺿﺪ ﺑﺎﺑﺎ ﻭﻧﻜﻮﻝ ﺑﺎﻟﺘﺤﻘﻴﻖ ﺍﻥ ﻣﺮﻭﺓ ﻭﻛﻌﺖ
ﻣﻦ ﺍﻟﺪﺭﺝ ﻭﻣﺎﻛﻮ ﺷﻲ ﺍﺳﻤﻪ ﻓﻠﻮﺱ ﻣﺨﺘﻔﻴﺔ
ﺷﻴﻤﺎﺀ ﺍﻋﺘﺮﺿﺖ ﺑﻮﻗﺘﻬﺎ ﻭﻛﺎﻟﺖ
.. ﺣﺮﺍﻡ ﻋﻠﻴﻜﻢ ﺷﻠﻮﻥ ﺗﺮﺩﻭﻧﺎ ﻧﺸﻬﺪ ﺯﻭﺭ ﻭﻫﻮ ﺻﺪﻙ ﺍﺟﺮﻡ ﺑﻴﻬﺎ
ﻭﻭﺻﻠﻬﺎ ﻟﻠﻤﻮﺕ ﻭﺳﺮﻕ ﻓﻠﻮﺳﻬﺎ
ﺍﻡ ﺍﺛﻴﺮ .. ﺷﻮﻓﻲ ﻭﻟﺞ ﺍﺫﺍ ﺍﺑﻮﺝ ﺩﺧﻞ ﻟﻠﺴﺠﻦ ﻗﺴﻤﺎً ﺑﺬﺍﺕ ﺍﻟﻠﻪ
ﺍﺷﻤﺮﻛﻢ ﺑﺎﻟﺸﺎﺭﻉ ﻭﺍﻗﺪﻡ ﺑﻴﺠﻦ ﺗﺒﺮﺀﺓ ﺑﺎﻟﻌﺸﻴﺮﺓ ﻭﺍﻛﻮﻝ ﻫﺬﻧﻲ
ﺍﻟﺒﻨﺎﺕ ﺍﻟﻲ ﺍﺗﺒﻠﻮﺍ ﻋﻠﻰ ﺍﺑﻮﻫﻢ ﻭﺳﺠﻨﻮﻩ
ﻣﻮ ﻋﺒﺎﻟﻜﻢ ﻣﻦ ﻳﺪﺧﻞ ﺍﺑﻨﻲ ﻟﻠﺴﺠﻦ ﺍﻧﻲ ﺍﺑﻘﻰ ﺍﺑﺎﻭﻉ ﻋﻠﻴﻜﻢ ﻻ
ﻭﺍﻟﻠﻪ ﻣﺎ ﺍﺗﺮﺩﺩ ﻟﺤﻈﺔ ﻭﺣﺪﺓ ﻛﺒﻞ ﺍﻃﺮﺩﻛﻢ ﻣﻦ ﺍﻟﺒﻴﺖ
ﺍﻟﻲ ﺍﻧﺘﻮﺍ ﻛﺎﻋﺪﻳﻦ ﺑﻲ ﻭﺷﻮﻓﻮﺍ ﺑﺎﻟﻠﻪ ﻣﻨﻮ ﺍﻟﻲ ﻳﻠﻔﻴﻜﻢ
ﻭﺧﻠﻲ ﺍﻟﻨﺎﺱ ﻭﺍﻟﻜﻼﺏ ﺍﻟﺴﺎﻳﺒﺔ ﺗﻨﻬﺶ ﺑﻠﺤﻤﻜﻢ
ﺍﻣﺠﺪ .. ﻳﻤﺔ ﻋﻠﻴﻤﻦ ﻫﺎﻟﺤﺠﻲ ﺍﻟﺰﺍﻳﺪ ﻫﺬﻧﻲ ﺧﻠﻴﻬﻦ ﻋﻠﻴﺔ ﺣﻠﻬﻦ
ﻳﻤﻲ
ﺍﻟﺘﻔﺖ ﻋﻠﻴﻨﺎ ﻭﻃﻠﻊ ﻣﺴﺪﺳﻪ ﻭﺭﻓﻌﻪ ﻛﺪﺍﻣﻨﺎ ﻭﺣﺠﺔ ﺑﺘﻮﻋﺪ
ﻗﺴﻤﺎ ﺑﺬﺍﺕ ﺍﻟﻠﻪ ﺷﺎﻳﻔﺎﺕ ﻫﺬﺍ ﺟﺎﻥ ﻳﻘﺼﺪ ﻋﺎﻟﻤﺴﺪﺱ
.. ﺧﻠﻲ ﺍﺳﻤﻊ ﻭﺣﺪﺓ ﺑﻴﺠﻦ ﺷﺎﻫﺪﺓ ﺿﺪ ﺍﺑﻮﻫﺎ
ﻭﺍﻟﻠﻪ ﺍﻟﻌﻈﻴﻢ ﻛﺒﻞ ﺍﺣﻂ ﻃﻠﻘﺔ ﺑﺮﺍﺳﻬﺎ ﻭﺍﺫﺑﻬﺎ ﺑﺎﻟﺒﻠﻮﻋﺔ ﻭﺧﻠﻲ ﻭﺣﺪﺓ
ﺑﻴﺠﻦ ﺗﻄﻠﻌﻠﻲ ﻭﺗﻄﺎﻟﺐ ﺑﺪﻣﻬﺎ ﻛﺒﻞ ﺗﻠﺤﻜﻬﺎ
....
ﻭﻫﻨﺎ ﺻﺮﻧﺎ ﺍﻣﺎﻡ ﺧﻴﺎﺭﻳﻦ
ﺍﻣﺎ ﺍﻥ ﻧﺸﻬﺪ ﺿﺪ ﺑﺎﺑﺎ ﺍﻭ ﻧﺨﺬﻝ ﻣﺮﻭﺓ
ﻭﻛﻔﻨﺎ ﺍﻣﺎﻡ ﺍﻟﻤﻮﺿﻮﻉ ﺑﻌﺠﺰ
ﺿﺤﻰ ﺑﻘﻬﺮ .. ﻭﺍﻟﻠﻪ ﺣﺮﺍﻡ ﻋﻠﻴﻜﻢ ﺍﻧﺘﻮﺍ ﺷﻨﻮ ﻣﻦ ﺑﺸﺮ
ﻫﺴﺔ ﺻﺮﺗﻮﺍ ﻋﺎﺋﻠﺔ ﻭﺣﺪﺓ ﻭﻛﻠﺐ ﻭﺍﺣﺪ ﻭﻛﻠﺒﺘﻮﺍ ﻋﻠﻴﻨﺎ
ﺍﻟﺘﻔﺘﺖ ﻋﻠﻰ ﺑﻴﺒﻲ ﻭﻛﻤﻠﺖ
.. ﺗﺮﺩﻳﻦ ﺗﻄﻠﻌﻴﻦ ﺍﺑﻨﺞ ﻣﻦ ﺍﻟﺴﺠﻦ ﻋﻠﻰ ﺣﺴﺎﺏ ﺍﺧﺘﻨﺎ
ﺣﻘﺞ ﺍﻧﺘﻲ ﻣﺸﻔﺘﻲ ﻫﻮ ﺷﺴﻮﺓ ﺑﻤﺮﻭﺓ ﺑﻴﺒﻲ ﺗﺮﺓ ﺑﺎﺑﺎ ﺣﺮﺍﻡ ﻳﻄﻠﻊ
ﻣﻦ ﺍﻟﺴﺠﻦ ﻫﻮ ﺍﺟﺮﻡ ﺑﻤﺮﻭﺓ ﻭﺻﻠﻬﺎ ﻟﻠﻤﻮﺕ
ﻣﺎ ﺣﺴﻴﻨﺎ ﺍﻻ ﻋﻠﻰ ﻋﻤﻮ ﺍﻣﺠﺪ ﻫﺪ ﻋﻠﻰ ﺿﺤﻰ ﺿﺮﺑﻬﺎ ﺭﺍﺷﺪﻱ
ﺍﻧﻄﺒﻊ ﻋﻠﻰ ﺧﺪﻫﺎ ﻣﺜﻞ ﺍﻟﺨﺘﻢ
ﻭﺯﻣﺦ ﺑﻴﻬﺎ .. ﺍﺷﺶ ﻭﻻ ﻛﻠﻤﺔ ﺍﺩﺑﺴﺰ ﺍﺷﻚ ﺣﻠﻜﺞ ﺍﺫﺍ ﺑﻌﺪ ﻋﺪﺗﻴﻬﺎ
ﻭﻋﻠﻴﺘﻲ ﺻﻮﺗﺞ ﻋﻠﻰ ﺍﻣﻲ ﺍﻱ ﺷﻨﻮ ﺣﻀﺮﺗﺞ ﺗﺮﺩﻳﻨﻲ ﺍﺗﻔﺮﺝ ﻋﻠﻴﻜﻢ
ﺷﻠﻮﻥ ﺗﺪﺧﻠﻮﻥ ﺍﺧﻮﻱ ﻟﻠﺴﺠﻦ
ﻭﺍﻛﻌﺪ ﻭﺍﺳﻜﺖ ﻫﺬﺍ ﻋﺸﻢ ﺍﺑﻠﻴﺲ ﺑﺎﻟﺠﻨﺔ
ﻻ ﻋﺒﺎﻟﻜﻢ ﻣﺎ ﺍﻋﺮﻑ ﺍﻧﺘﻮﺍ ﻣﺘﻔﻘﺎﺕ ﻋﻠﻰ ﺍﺧﻮﻱ ﺣﺘﻰ ﺗﺎﺧﺬﻭﻥ
ﺭﺍﺣﺘﻜﻢ ﺑﺎﻟﻠﻌﺐ ﻭﺍﻟﺴﻔﺮ ﻣﺜﻞ ﺍﻟﺴﺖ ﻣﺮﻭﺓ ﻭﺍﻟﺪﻳﺎﺣﺔ ﻭﺗﺼﻴﺮﻭﻥ
ﻣﺎﻟﻜﻢ ﺭﺩﺍﺩ
ﺩﻓﻊ ﺿﺤﻰ ﻋﻠﻰ ﺷﻴﻤﺎﺀ
.. ﺍﺫﺍ ﺗﺤﺒﻴﻦ ﺧﻮﺍﺗﺞ ﻛﻠﻴﻠﻬﻢ ﻳﺴﻤﻌﻮﻥ ﻛﻼﻣﻲ ﻭﻳﻄﺒﻘﻮﻧﻪ ﺑﺎﻟﺤﺮﻑ
ﺍﻟﻮﺍﺣﺪ ﺣﺘﻰ ﻣﺎ ﺍﻫﺪﺭ ﺩﻣﻬﻦ
ﻭﻫﻨﺎ ﻭﻛﻔﻨﺎ ﻋﺎﺟﺰﺍﺕ ﻋﻦ ﺍﻟﻜﻼﻡ ﻣﻨﻌﺮﻑ ﺷﻨﻜﻮﻝ
ﻭﻣﻦ ﺑﻌﺪﻫﺎ ﺍﺗﺤﻮﻟﺖ ﺣﻴﺮﺗﻨﺎ ﻣﻦ ﺑﻌﺪ ﺍﻟﺘﻬﺪﻳﺪ ﺍﻟﻰ ﺧﻮﻑ
ﻭﺍﻧﺴﺤﺐ ﻣﻦ ﻋﺪﻧﺎ ﺍﻟﺨﻴﺎﺭ ﻭﺟﺒﺮﻭﻧﺎ ﺑﺎﻟﺘﻬﺪﻳﺪ
ﺍﻥ ﻧﻜﺬﺏ ﻭﻧﺸﻬﺪ ﺯﻭﺭ ﺿﺪ ﺍﺧﺘﻨﺎ
ﺍﺧﺬﻧﺎ ﻋﻤﻮ ﻟﻠﻤﺮﻛﺰ ﻭﺩﺧﻠﻮﻧﺎ ﻋﻠﻰ ﺍﻟﻀﺎﺑﻂ ﺍﻟﻤﺴﺆﻝ ﻋﻦ ﺍﻟﺘﺤﻘﻴﻘﺎﺕ
ﻭﺍﻟﻲ ﺍﻓﺘﻬﻤﻨﺎ ﻣﻦ ﻋﻤﻲ ﺍﻣﺠﺪ ﻣﻨﻄﻲ ﻓﻠﻮﺱ ﺣﺘﻰ ﻳﺴﺪ ﺍﻟﻘﻀﻴﺔ
ﻭﺷﻔﻨﺎ ﻣﺮﻭﺓ ﻛﺎﻋﺪﺓ ﻋﻠﻰ ﻛﺮﺳﻲ ﻣﺘﺤﺮﻙ
ﻭﺍﻳﺪﻫﺎ ﻣﺠﺒﺴﺔ ﻭﺭﺍﺳﻬﺎ ﻣﻀﻤﺪ ﻛﻠﻪ ﺷﺎﺵ ﺍﺑﻴﺾ ﻭﺍﻳﺪﻫﺎ ﻣﻌﻠﻜﺔ
ﻋﻠﻰ ﺭﻗﺒﺘﻬﺎ ﺑﺤﺎﻣﻞ ﻳﺪ ﻭﺟﻬﻪ ﻣﺘﺮﻭﺱ ﻛﺪﻣﺎﺕ ﻟﻮﻧﻬﻢ ﺍﺯﺭﻕ ﻋﻠﻰ
ﺑﻨﻔﺴﺠﻲ
ﺟﺎﻥ ﻣﻨﻈﺮﻫﺎ ﻳﻜﺴﺮ ﺍﻟﻜﻠﺐ ﻫﻲ ﺍﻟﻴﻮﻡ ﻃﻠﻌﻮﻫﺎ ﻣﻦ ﺍﻟﻤﺴﺘﺸﻔﻰ
ﻭﻃﻮﻝ ﻫﺎﻱ ﺍﻻﻳﺎﻡ ﺟﺎﻧﺖ ﺷﻴﻤﺎﺀ ﻳﻤﻬﺎ ﻭﺗﺨﺪﻣﻬﺎ ﻭﺗﺴﺎﻋﺪﻫﺎ ﺑﻜﻠﺸﻲ
ﻭﺍﻧﻲ ﻭﺿﺤﻰ ﺭﺟﻌﻨﺎ ﻟﻠﺒﻴﺖ ﻭﻣﺤﺪ ﻗﺒﻞ ﻧﻮﺻﻞ ﻟﻠﻤﺴﺘﺸﻔﻰ
ﺧﺼﻮﺻﺎً ﻣﻦ ﺑﻌﺪ ﻣﺎ ﻣﺮﻭﺓ ﻗﺪﻣﺖ ﺍﻟﺒﻼﻍ
ﻭﺍﻟﺸﺨﺺ ﺍﻟﻮﺣﻴﺪ ﺍﻟﻲ ﺑﻘﻰ ﻣﺘﻮﺍﺻﻞ ﻭﻳﺎﻫﺎ ﻫﻲ ﺷﻴﻤﺎﺀ ﻭﺟﻨﺎ
ﻧﺘﻄﻤﻦ ﻋﻠﻴﻬﺎ ﻣﻦ ﺧﻼﻝ ﺷﻴﻤﺎﺀ ﻳﻤﻜﻦ ﻟﻮﻣﺎ ﺷﻴﻤﺎﺀ ﻣﻤﺮﺿﺔ ﺑﻨﻔﺲ
ﺍﻟﻤﺴﺘﺸﻔﻰ ﺍﻟﻲ ﺑﻴﻬﺎ ﻣﺮﻭﺓ ﺟﺎﻥ ﻫﻢ ﻣﺎ ﺧﻠﻮﻫﺎ ﺗﺮﻭﺡ ﺗﺸﻮﻑ ﻣﺮﻭﺓ
....
....
ﺍﻟﻀﺎﺑﻂ .. ﺍﺗﻔﻀﻠﻮﺍ ﻛﻌﺪﻭﺍ ﺍﺳﺘﺮﻳﺤﻮﺍ
ﻛﻌﺪﻧﺎ ﻣﻘﺎﺑﻴﻞ ﻣﺮﻭﺓ ﺟﺎﻧﺖ ﺑﻌﻴﻮﻧﻬﺎ ﻧﻈﺮﺓ ﻛﻠﻬﺎ ﺛﻘﺔ
ﻭﻣﺴﻴﻄﺮﺓ ﺑﺲ ﺷﺎﻓﺘﻨﺔ ﺍﺑﺘﺴﻤﺖ ﺑﺄﻣﻞ
ﻭﻛﺎﻟﺖ .. ﺳﻴﺪﻱ ﺗﻜﺪﺭ ﺗﺘﻔﻀﻞ ﻭﺗﺴﺄﻝ ﺧﻮﺍﺗﻲ ﻋﻦ ﺍﻟﻲ ﺻﺎﺭ ﻭﻫﻤﺔ
ﺭﺍﺡ ﻳﺤﺠﻮﻟﻚ ﻛﻠﺸﻲ
ﻏﻤﻀﺖ ﻋﻴﻮﻧﻲ ﺑﻘﻬﺮ ﻛﺎﻧﺖ ﺍﺻﻌﺐ ﻟﺤﻈﺔ ﺑﺤﻴﺎﺗﻲ ﻣﺮﻳﺖ ﺑﻴﻬﺎ
ﻭﻋﻤﺮﻱ ﻣﺎ ﺭﺍﺡ ﺍﻧﺴﺎﻫﺎ ﻭﻻ ﺭﺍﺡ ﺗﺮﻭﺡ ﻣﻦ ﺑﺎﻟﻲ ﻧﻈﺮﺍﺕ ﺍﺧﺘﻲ ﻣﺮﻭﺓ
ﺍﻟﻨﺎ ﺣﺮﺕ ﺷﻜﻠﻠﻬﺎ
ﺧﻴﺔ ﻣﺮﻭﺓ ﺧﻮﺍﺗﺞ ﻫﺪﺩﻭﻫﻢ ﺑﺎﻟﻘﺘﻞ ﻭﺟﺒﺮﻭﻫﻢ ﻳﻄﻌﻨﻮﺝ ﺑﻈﻬﺮﺝ
ﻭﺍﺣﻨﺎ ﺍﺫﺍ ﻛﻠﻨﺎ ﺍﻟﺼﺤﻴﺢ ﺍﻭ ﻻ ﺍﻟﻘﻀﻴﺔ ﺭﺍﺡ ﺗﺘﻠﻔﻠﻒ ﻻﻥ ﺍﻟﻀﺎﺑﻂ
ﻣﺮﺗﺸﻲ
ﺻﺮﻧﺎ ﻭﺣﺪﺓ ﺗﺒﺎﻭﻉ ﻟﻠﺜﺎﻧﻴﺔ ﺷﻴﻤﺎﺀ ﻋﻴﻮﻧﻬﺎ ﺗﺤﺠﻲ
ﺿﺤﻰ ﻛﺎﻥ ﺧﺪﻫﺎ ﺍﻻﺣﻤﺮ ﺷﺎﻫﺪ ﻭﺧﻴﺮ ﺩﻟﻴﻞ ﻭﺍﻧﺬﺍﺭ ﻳﺬﻛﺮﻧﺎ ﺑﻤﺼﻴﺮﻧﺎ
ﺍﻟﻀﺎﺑﻂ .. ﻣﻨﻮ ﺑﻴﻜﻢ ﺷﻴﻤﺎﺀ
ﺷﻴﻤﺎﺀ ﺑﺘﺮﺩﺩ .. ﻧﻌﻢ ﺍﻧﻲ ﺷﻴﻤﺎﺀ
ﻭﻛﻌﺪ ﺍﻟﻀﺎﺑﻂ ﻳﺤﻘﻖ ﻭﻳﺔ ﺷﻴﻤﺎﺀ ﻭﺍﺧﺬ ﺍﻗﻮﺍﻟﻬﺎ
ﻟﻜﻦ ﻣﻦ ﻭﺻﻞ ﻟﻠﺸﻬﺎﺩﺓ ﺑﻤﻮﺿﻮﻉ ﺑﺎﺑﺎ
ﺷﻴﻤﺎﺀ ﻧﻜﺮﺕ ﻭﻛﺎﻟﺖ ﺍﺣﻨﺎ ﻣﻨﻌﺮﻑ ﺩﺧﻠﻨﺎ ﺍﻟﺒﻴﺖ ﻟﻜﻴﻨﺎﻫﺎ ﻭﺍﻛﻌﺔ ﻣﻦ
ﺍﻟﺪﺭﺝ
ﻫﻨﺎ ﺳﻤﻌﻨﺎ ﺻﺮﺧﺔ ﻣﺮﻭﺓ ﺍﻟﻤﻔﺠﻮﻋﺔ
ﻣﺮﻭﺓ ﺑﻌﺪﻡ ﺗﺼﺪﻳﻖ .. ﻟﺞ ﺷﻴﻤﺎﺀ ﺷﺘﺪﺗﺤﺠﻴﻦ
ﺍﻟﻀﺎﺑﻂ .. ﺭﺟﺎﺀﺍً ﺩﻛﺘﻮﺭﺓ ﺍﻟﺘﺰﻣﻲ ﺍﻟﻬﺪﻭﺀ ﺑﻼ ﻛﻼﻡ ﺧﻠﻴﻨﻲ ﺍﻛﻤﻞ
ﺍﻟﺘﺤﻘﻴﻖ
ﻣﺮﻭﺓ ﺍﻟﻤﻐﺪﻭﺭﺓ .. ﺷﻴﻤﺎﺀ ﻟﻴﺶ ﻛﺬﺑﺘﻲ ﺷﻨﻄﻮﺝ ﻭﺳﻜﺘﻮﺝ
ﺍﺣﺠﻲ ﻟﺞ ﺍﻧﻲ ﺍﺧﺘﺞ ﻧﺴﻴﺘﻲ ﺍﻣﻲ ﺷﻠﻮﻥ ﺍﻣﻨﺘﺞ ﻋﻠﻴﻨﺎ ﺷﻠﻮﻥ
ﺗﻔﺮﻃﻴﻦ ﺏ ﺍﻻﻣﺎﻧﺔ
ﺟﺎﻧﺖ ﺷﻴﻤﺎﺀ ﻭﺍﻛﻔﺔ ﺑﻼ ﺣﻮﻝ ﻭﻻ ﻗﻮﺓ ﺑﺲ ﺗﺒﺠﻲ ﺑﺤﺮﻛﺔ ﻛﻠﺐ
ﺟﺎﻧﺖ ﻣﺘﺄﻛﺪﺓ ﺍﻥ ﻋﻤﻮ ﺍﻣﺠﺪ ﻣﻨﺘﻈﺮﻧﺎ ﺑﺮﺓ
ﻭﻣﺎ ﺭﺍﺡ ﻳﺘﺮﺩﺩ ﻟﺤﻈﺔ ﻭﺣﺪﺓ ﺑﺘﻨﻔﻴﺬ ﺗﻬﺪﻳﺪﻩ
ﻭﺑﻌﺪﻫﺎ ﺍﻟﺘﻔﺘﺖ ﻣﺮﻭﺓ ﻟﻀﺤﻰ ﺑﺎﻣﻞ ﺍﻥ ﻣﺎ ﺗﺨﺬﻟﻬﺎ ﻫﻲ ﺍﻟﺜﺎﻧﻴﺔ
ﻣﺮﻭﺓ .. ﻋﻔﻴﺔ ﺿﺤﻰ ﺍﺣﺠﻴﻠﻬﻢ ﻣﺎﻋﻠﻴﺞ ﺑﻜﻼﻡ ﺷﻴﻤﺎﺀ ﻛﻠﻴﻠﻬﻢ
ﺷﺴﻮﺓ ﺑﻴﺔ ﺑﺎﺑﺎ ﻭﻣﻨﻮ ﺳﺮﻕ ﻓﻠﻮﺳﻲ
ﺿﺤﻰ ﺭﻓﻌﺖ ﺍﻳﺪﻫﺎ ﻭﻟﻤﺴﺖ ﺧﺪﻫﺎ ﺗﺘﺤﺴﺲ ﻋﻠﻴﻪ ﻭﻛﺄﻧﻤﺎ
ﺗﺘﺬﻛﺮ ﺍﻟﻮﻋﻴﺪ ﺩﻧﻜﺖ ﺭﺍﺳﻬﺎ ﻭﻛﺎﻟﺖ ﻣﺜﻞ ﺷﻴﻤﺎﺀ
.. ﺑﺎﺑﺎ ﻣﻀﺮﺏ ﻣﺮﻭﺓ ﻫﻲ ﻭﻛﻌﺖ ﻣﻦ ﺍﻟﺪﺭﺝ ﻭﺍﺣﻨﺎ ﻣﻨﻌﺮﻑ ﺷﻨﻮ
ﺍﻟﻔﻠﻮﺱ ﺍﻟﻲ ﺗﻜﻮﻝ ﻋﻠﻴﻬﺎ
ﺻﺮﺧﺖ ﻣﺮﻭﺓ ﺑﺠﺰﻉ .. ﺣﺴﺒﻲ ﺍﻟﻠﻪ ﻋﻠﻴﻜﻢ ﻭﻧﻌﻢ ﺍﻟﻮﻛﻴﻞ
ﻣﻦ ﻭﺻﻠﻨﻲ ﺍﻟﺴﺮﺓ ﺻﺮﺕ ﻛﻠﻲ ﺍﺭﺟﻒ ﺣﺴﻴﺖ ﺑﺎﻟﺮﺟﻔﺔ ﺭﺟﻌﺘﻠﻲ
ﻣﺎ ﻛﺪﺭﺕ ﺍﺷﻮﻑ ﺍﻻﻟﻢ ﺑﻌﻴﻮﻥ ﻣﺮﻭﺓ ﻭﺍﺳﻜﺖ ﺻﻌﺒﺔ ﻳﺎﻧﺎﺱ ﻫﺎﻱ
ﺍﺧﺘﻲ
....
ﺣﺠﻴﺖ ﻭﺍﻧﻲ ﺍﺑﺠﻲ ﻣﻨﻬﺎﺭﺓ ﻭﺍﺭﺟﻒ ﻭﺻﺎﺭ ﺟﺴﻤﻲ ﻛﻠﻪ ﻳﻨﺘﻔﺾ
ﺑﺼﻮﺭﺓ ﻏﺮﻳﺒﺔ
.. ﺳﻴﺪﻱ ﻣﺮﻭﺓ ﻣﺎ ﻭﻛﻌﺖ .. ﺑﺎﺑﺎ .. ﻛﺎﻧﺖ ﺍﻟﻜﻠﻤﺎﺕ ﺗﻄﻠﻊ ﻣﺘﻘﻄﻌﻪ
ﻗﺎﻃﻌﻨﻲ ﺻﻮﺕ ﺷﻴﻤﺎﺀ ﺍﻟﻤﻔﺰﻭﻉ
.. ﺳﻴﺪﻱ ﺭﺟﺎﺀﺍً ﻏﻴﺮ ﻣﺴﻤﻮﺡ ﺑﺄﺧﺬ ﺍﻗﻮﺍﻝ ﺍﺧﺘﻲ ﺍﻟﺼﻐﻴﺮﺓ ﻫﺪﻯ ﻻﻥ
ﻫﻲ ﻏﻴﺮ ﻣﺴﺆﻭﻟﺔ ﻋﻦ ﻛﻼﻣﻬﺎ ﺣﺎﻟﻴﺎً ﺍﺧﺘﻲ ﻋﻨﺪﻫﺎ ﺍﻧﻬﻴﺎﺭ ﻋﺼﺒﻲ
ﻭﺿﺮﻭﺭﻱ ﺗﺎﺧﺬ ﺍﺑﺮﺓ ﺍﻟﻤﻬﺪﺉ
ﻓﻌﻼ ﻛﻨﺖ ﺑﻮﻗﺘﻬﺎ ﻛﻠﻲ ﺍﺭﺟﻒ ﻭﺍﻧﺘﻔﺾ ﻭﺍﺳﻨﺎﻧﻲ ﺍﺻﻄﻜﺖ ﺍﺣﺲ
ﺑﺮﻭﺣﻲ ﺍﺗﺸﻨﺠﺖ ﺍﺭﻳﺪ ﺑﺲ ﺍﻛﻤﻞ ﻛﻼﻣﻲ ﻭﺍﻭﺻﻞ ﺻﻮﺗﻲ ﻣﺎ ﻛﺪﺭﺕ
ﺣﻀﻨﺘﻲ ﺷﻴﻤﺎﺀ ﻭﻭﻛﻔﺘﻨﻲ
ﺍﻟﻀﺎﺑﻂ .. ﺧﻼﺹ ﻣﻴﺤﺘﺎﺝ ﺭﺍﺡ ﺍﻛﺘﻔﻲ ﺑﺲ ﺑﺄﺧﺬ ﺍﻗﻮﺍﻟﺞ ﻭﺍﻗﻮﺍﻝ
ﺍﺧﺘﺞ ﺍﻟﺜﺎﻧﻴﺔ ﺿﺤﻰ
ﻣﺮﻭﺓ ﺍﻧﻬﺎﺭﺕ ﻣﻦ ﺍﻟﻘﻬﺮ ﻭﺻﺎﺭﺕ ﺗﺤﺠﻲ ﻣﺜﻞ ﺍﻟﻔﺎﻗﺪﺓ
.. ﺷﻴﻤﺎﺀ ﺍﻧﺘﻲ ﺍﻛﺒﺮ ﻏﺒﻴﺔ ﺷﻔﺘﻬﺎ ﺑﺤﻴﺎﺗﻲ ﻭﺑﻐﺒﺎﺋﺞ ﺿﻴﻌﺘﻴﻨﻲ
ﻭﺫﺑﺤﺘﻲ ﺣﻠﻤﻲ ﻣﺜﻠﻤﺎ ﺿﻴﻌﺘﻲ
ﺍﺣﻼﻣﺞ ﻗﺒﻠﻬﺎ ﺍﻧﻲ ﺷﺠﺎﻧﻲ ﻭﺍﻣﻨﺖ ﺣﻠﻤﻲ ﺑﻴﺪ ﻭﺣﺪﺓ ﺑﺎﻳﻌﺔ ﺍﺣﻼﻣﻬﺎ
ﻭﻣﺎﻛﺪﺭﺕ ﺗﺤﺘﻮﻳﻬﻢ ﻭﺿﻴﻌﺘﻬﻢ ﻣﻦ ﺯﻣﺎﻥ ﻭﺩﻓﻨﺖ ﺭﻭﺣﻬﺎ ﺑﺎﻟﺤﻴﺎﺓ
ﺑﺎﻭﻋﺖ ﻋﻠﻴﻨﺎ ﻛﻠﻨﺎ .. ﺍﻧﺘﻮﺍ ﺍﻟﻴﻮﻡ ﺫﺑﺤﺘﻮﺍ ﻣﺮﻭﺓ ﻗﺘﻠﺘﻮﻫﺎ ﺑﻴﺪﻛﻢ ﺍﻧﺴﻮﺍ
ﻣﻦ ﻫﺎﻱ ﺍﻟﻠﺤﻈﺔ ﺑﻌﺪ ﻋﻨﺪﻛﻢ ﺍﺧﺖ ﺍﺳﻤﻬﺎ ﻣﺮﻭﺓ
ﺍﻧﺘﻮ ﺍﺷﺘﺮﻳﺘﻮ ﺍﺑﻮﻛﻢ ﺍﻟﻌﺎﺭ ﺑﻔﻠﻮﺳﻲ ﻭﺑﻌﺘﻮﻧﻲ ﻭﺍﻧﻲ ﻣﻦ ﻫﺎﻱ
ﺍﻟﻠﺤﻈﻪ ﺑﻌﺘﻜﻢ ﺑﺲ ﺍﻧﻲ ﺑﻌﺘﻜﻢ ﺑﻐﺎﻟﻲ ﻣﻮ ﺑﺮﺧﻴﺺ ﺑﻌﺘﻜﻢ ﺑﺘﻌﺐ
ﺍﻳﺎﻡ ﻭﺳﻨﻴﻦ ﻭﺍﺷﺘﺮﻳﺖ ﻧﻔﺴﻲ ﻣﻨﻜﻢ ﺑﻌﺪ ﻣﺎﺍﺭﻳﺪ ﺍﻋﺮﻓﻜﻢ
ﻭﻻﺍﺷﻮﻓﻜﻢ ﻭﻟﺘﺤﺎﻭﻟﻮﻥ ﺑﻴﻮﻡ ﺗﺘﺼﻠﻮﻥ ﺑﻴﺔ ﻻﻥ ﻣﻴﺸﺮﻓﻨﻲ ﺍﻋﺮﻓﻜﻢ
ﺟﺎﻥ ﻣﻮﻗﻒ ﻛﻠﺶ ﺻﻌﺐ ﻣﺎ ﺗﺘﻤﻨﺎﻫﺎ ﻟﻌﺪﻭﻙ
ﻭﻣﻦ ﻳﻮﻣﻬﺎ ﻣﺮﻭﺓ ﺑﻌﺪ ﻣﺎ ﺷﻔﻨﺎﻫﺎ ﺻﺪﻙ ﻃﻠﻌﺖ ﻣﻦ ﺣﻴﺎﺗﻨﺎ
ﻭﺑﺎﺑﺎ ﻃﻠﻊ ﻣﻦ ﺍﻟﺴﺠﻦ ﻭﺟﻬﻪ ﻣﺎ ﻳﺘﻔﺴﺮ ﻭﺷﻴﻤﺎﺀ ﻭﺿﺤﻰ ﻭﺍﻧﻲ
ﻛﻤﻨﺎ ﻣﻨﺤﺠﻲ ﻭﻳﺎﻩ ﻋﻠﻰ ﻛﺪ ﺗﻠﺒﻴﺔ ﻃﻠﺒﺎﺗﻪ ﻛﻤﻨﺎ ﺑﻌﺪ
ﻣﺎ ﻧﺴﺄﻟﻪ ﻭﻳﻦ ﻃﺎﻟﻊ ﺍﻭ ﻟﻴﺶ ﺭﺟﻌﺖ ﻣﺘﺄﺧﺮ ﺻﺎﺭ ﻣﺜﻞ ﺍﻟﺨﻄﺎﺭ
ﻳﻄﺐ ﻭﻳﻄﻠﻊ ﻟﻠﺒﻴﺖ ﺑﺪﻭﻥ ﻣﻮﺍﻋﻴﺪ ﻭﺍﺣﻴﺎﻧﺎً ﺗﺠﻴﻪ ﺍﻳﺎﻡ ﻳﻄﻮﻝ ﻳﻮﻣﻴﻦ
ﻣﺎ ﻳﺮﺟﻊ ﻟﻠﺒﻴﺖ ﺍﺗﻌﻠﻤﻨﺎ ﻋﻠﻰ ﺍﻫﻤﺎﻟﻪ ﻭﻋﺪﻡ ﻭﺟﻮﺩﻩ ﺑﺤﻴﺎﺗﻨﺎ
ﻟﻜﻦ ﺍﻟﺸﻲ ﺍﻟﻲ ﻣﺎ ﻣﺘﻌﻮﺩﺓ ﻋﻠﻴﻪ ﻫﻮ ﺍﺑﺘﻌﺎﺩ ﺧﻮﺍﺗﻲ ﻋﻨﻲ
.....
ﻛﻞ ﻭﺣﺪﺓ ﺑﻴﻨﺎ ﺍﺑﺘﻌﺪﺕ ﻋﻦ ﺍﻟﺜﺎﻧﻴﺔ ﻭﻛﺄﻧﻤﺎ ﻳﻌﺎﻗﺒﻮﻥ ﻧﻔﺴﻬﻢ ﻋﺎﻟﺼﺎﺭ
ﺑﻤﺮﻭﺓ ﺧﺼﻮﺻﺎً ﺷﻴﻤﺎﺀ
ﻛﻠﺶ ﺍﺗﻐﻴﺮﺕ ﻭﺯﺍﺩ ﺑﺮﻭﺩﻫﺎ
ﺍﺣﺲ ﺑﻴﻬﺎ ﺻﺎﺭﺕ ﺑﻌﻴﺪﺓ ﻋﻨﺎ ﻭﺍﺗﻘﻮﻗﻌﺖ ﻋﻠﻰ ﻧﻔﺴﻬﺎ
ﻭﺿﺤﻰ ﺯﺍﺩ ﻫﺪﻭﺋﻬﺎ ﻭﺯﺍﺩ ﺍﻫﻤﺎﻟﻬﺎ ﻟﺪﺭﺍﺳﺘﻬﺎ
ﻭﺻﺎﺭﺕ ﺭﻭﺣﻬﺎ ﻫﻨﺎﻙ ﻣﻌﻠﻜﺔ ﻋﻨﺪ ﺑﻴﺖ ﺧﺎﻟﺔ ﺍﻡ ﻓﺮﺯﺩﻕ ﻛﻞ ﻳﻮﻡ
ﺗﺮﻭﺡ ﺍﻟﻬﻢ
ﻭﻇﻠﻴﺖ ﺍﻧﻲ ﺍﻟﻮﺣﻴﺪﺓ ﺍﺗﺨﺒﻂ ﺑﺠﺪﺭﺍﻥ ﺍﻟﻮﺣﺪﺓ
ﺧﺎﻳﻔﺔ ﺍﺣﺲ ﺑﺮﻭﺣﻲ ﻋﺎﻳﺸﺔ ﻟﻮﺣﺪﻱ ﺑﻬﺎﻱ ﺍﻟﺪﻧﻴﺎ
ﻟﺠﺌﺖ ﺑﻬﺎﻱ ﺍﻟﻔﺘﺮﺓ ﻟﺼﺪﻳﻘﺘﻲ ﻓﺎﻃﻤﺔ
ﺑﻨﻴﺔ ﻛﻠﺶ ﺣﺒﺎﺑﺔ ﺍﻟﻠﻪ ﺧﻼﻫﺔ ﺑﻄﺮﻳﻘﻲ ﻣﺜﻞ ﺍﻟﺮﺣﻤﺔ ﺟﺎﻥ ﻛﻠﺸﻲ
ﻳﺼﻴﺮ ﻭﻳﺎﻱ ﺍﺣﺠﻲ ﻟﻔﺎﻃﻤﺔ ﻭﻫﻲ ﺑﺎﻟﻤﻘﺎﺑﻞ ﺟﺎﻧﺖ ﺗﺼﺒﺮ ﻋﻠﻴﺔ
ﻭﻛﻤﺖ ﻛﻞ ﻳﻮﻡ ﺍﺭﻭﺡ ﻭﻳﺎﻫﺎ ﻟﺒﻴﺘﻬﻢ ﻧﺪﺭﺱ ﺳﻮﻳﺔ
ﺟﻨﺖ ﻣﻦ ﺍﺩﺧﻞ ﻟﺒﻴﺘﻬﻢ ﻭﺍﺷﻮﻑ ﻋﺎﺋﻠﺘﻬﺎ
ﺟﺎﻧﺖ ﺍﻣﻬﺎ ﺣﺒﺎﺑﺔ ﻭﺗﺴﺘﻘﺒﻠﻨﺎ ﺑﺤﻨﺎﻥ
ﻋﻨﺪﻫﺎ ﺍﺧﻮﺍﻥ ﺛﻨﻴﻦ ﻭﺍﺣﺪ ﻣﺘﺰﻭﺝ ﻭﻋﺎﺯﻝ ﻋﻨﻬﻢ ﻭﺍﻟﺜﺎﻧﻲ ﺧﺎﻃﺐ
ﻭﻳﺪﺍﻭﻡ ﺑﺎﻟﻜﻠﻴﺔ ﻭﺍﺑﻮﻫﺎ ﺭﺟﻞ ﻛﻠﺶ ﻣﺜﻘﻒ ﺍﺳﺘﺎﺫ ﺟﺎﻣﻌﻲ
ﻣﺮﺍﺕ ﻫﻮ ﻳﺪﺭﺳﻨﺎ
ﻣﻦ ﺍﺷﻮﻑ ﻋﻼﻗﺘﻬﻢ ﺍﻟﺤﻠﻮﺓ ﻣﻊ ﺑﻌﺾ
ﻭﺍﺷﻮﻑ ﻣﺪﻯ ﺍﻻﺣﺘﺮﺍﻡ ﺍﻟﻤﺘﺒﺎﺩﻝ ﺑﻴﻦ ﻓﺎﻃﻤﺔ ﻭﺍﺧﻮﺍﻧﻬﺎ ﻭﺍﺑﻮﻫﺎ
ﻭﺍﻣﻬﺎ ﺍﺣﺲ ﺗﺨﻨﻜﻨﻲ ﺍﻟﻌﺒﺮﺓ ﺭﺑﻲ ﻳﺪﻳﻢ ﻟﻤﺘﻬﻢ ﻭﻳﺤﻔﻈﻬﻢ ﻣﻦ ﻛﻞ
ﺳﻮﺀ
ﺍﺗﻤﻨﻴﺖ ﺑﻴﻨﻲ ﻭﺑﻴﻦ ﻧﻔﺴﻲ ﺍﻥ ﻳﻜﻮﻥ ﺍﻟﻲ ﻣﻜﺎﻥ ﺑﻴﻨﻬﻢ ﻭﺍﺻﻴﺮ
ﻭﺣﺪﺓ ﻣﻦ ﻋﺎﺋﻠﺘﻬﻢ
ﺍﻣﻬﺎ ﺟﺎﻧﺖ ﺗﻌﺮﻑ ﺑﻘﺼﺘﻲ ﺍﻧﻲ ﻭﺧﻮﺍﺗﻲ ﻭﺗﺪﺭﻱ ﺑﻴﺔ
ﺩﺍ ﺍﻣﺮ ﺑﻤﺮﺣﻠﺔ ﺻﻌﺒﺔ ﻭﻧﻔﺴﻴﺘﻲ ﺯﻓﺖ ﻭﻣﺤﺪ ﻳﺴﺄﻝ ﻋﻨﻲ ﻭﻻ ﺍﺣﺪ
ﻳﻌﺮﻑ ﺍﻟﻠﻪ ﻭﻳﻦ ﺧﺎﻟﻘﻨﻲ ﻳﻌﻨﻲ ﻭﺻﻠﺖ ﺑﻴﻬﻢ ﺍﻟﻤﻮﺍﺻﻴﻞ ﺣﺘﻰ ﻣﻦ
ﺍﺗﺄﺧﺮ
ﻋﻨﺪ ﺑﻴﺖ ﻓﺎﻃﻤﺔ ﻣﺤﺪ ﻳﺪﺭﻱ ﺑﻴﺔ ﻣﻴﺤﺴﻮﻥ ﻋﻠﻰ ﻏﻴﺎﺑﻲ ﻭﺗﺄﺧﻴﺮﻱ
ﻭﺷﻴﻤﺎﺀ ﺻﺎﺭﺕ ﺗﺎﺧﺬ ﺧﻔﺎﺭﺍﺕ ﺑﺎﻟﻤﺴﺘﺸﻔﻰ ﺍﺣﺲ ﺑﻴﻬﺎ ﺗﺘﻬﺮﺏ ﻣﻦ
ﺍﻟﺒﻴﺖ ﻣﺘﺮﻳﺪ ﺗﻮﺍﺟﻪ ﺣﻴﺎﺗﻬﺎ
ﻭﺍﻧﻲ ﺟﻨﺖ ﻣﺘﻌﻮﺩﺓ ﺍﻧﺎﻡ ﺑﺤﻀﻦ ﺷﻴﻤﺎﺀ ﺻﺮﺕ ﻛﻞ ﻳﻮﻡ ﺑﺎﻟﻠﻴﻞ ﻣﻦ
ﺍﻧﺎﻡ ﺍﺣﻠﻢ ﺑﻜﻮﺍﺑﻴﺲ ﺣﺘﻰ ﻛﻤﺖ ﺍﺧﺎﻑ ﺍﻧﺎﻡ
ﻓﺎﻃﻤﺔ ﺣﺠﺖ ﻷﻣﻬﺎ ﻋﻦ ﺍﻟﻜﻮﺍﺑﻴﺲ ﻭﺧﻮﻓﻲ ﻣﻦ ﺍﻟﻨﻮﻡ
ﺍﻡ ﻓﺎﻃﻤﺔ ﺍﺑﺘﺴﻤﺖ ﺣﺘﻰ ﺗﻄﻤﻨﻲ ﻭﺳﺄﻟﺘﻨﻲ
.. ﻣﺎﻣﺎ ﻫﺪﻯ ﺍﻧﺘﻲ ﺗﺼﻠﻴﻦ ؟؟
....
ﺳﺆﺍﻟﻬﺎ ﻛﻠﺶ ﻏﺮﻳﺐ ﻋﻠﻴﺔ ﺍﻱ ﺍﻧﻲ ﻣﺎ ﺍﺗﺬﻛﺮ ﻭﻻ ﻣﺮﺓ ﺻﻠﻴﺖ ﻭﻻ
ﺑﻴﻮﻡ ﻭﺣﺪﺓ ﻣﻦ ﺧﻮﺍﺗﻲ ﺻﺎﺣﺘﻨﻲ ﻟﻠﺼﻼﺓ ﺍﻭ ﺣﺘﻰ ﻛﻠﻔﻮﺍ ﻧﻔﺴﻬﻢ
ﻳﻌﻠﻤﻮﻧﻲ ﺍﺻﻼ ﻫﻤﺔ ﻧﻔﺴﻬﻢ ﻣﻴﺼﻠﻮﻥ
ﺟﺎﻭﺑﺘﻬﺎ ﺑﺨﺠﻞ
.. ﻻ ﺧﺎﻟﺔ ﺍﻧﻲ ﻣﺎ ﺍﺻﻠﻲ
ﺍﻡ ﻓﺎﻃﻤﺔ .. ﺷﻮﻓﻲ ﺧﺎﻟﺔ ﺍﻟﺼﻼﺓ ﻋﻼﺝ ﺍﻟﺮﻭﺡ ﻭﺍﻟﻤﻬﺪﻱﺀ
ﻟﻼﻋﺼﺎﺏ ﻭﺍﻻﻃﻤﻨﺎﻥ ﻟﻠﻨﻔﺲ
ﻳﻌﻨﻲ ﺟﺮﺑﻲ ﺗﺒﺪﻳﻦ ﺑﺎﻟﺼﻼﺓ ﻛﻞ ﻳﻮﻡ ﻭﺷﻮﻓﻲ ﻧﻔﺴﺞ
ﺷﻠﻮﻥ ﺭﺍﺡ ﺗﺮﺗﺎﺣﻴﻦ ﻭﺷﻮﻓﻲ ﺣﺘﻰ ﺍﻟﻜﻮﺍﺑﻴﺲ ﺍﻟﻲ ﺗﺠﻴﺞ ﻛﻞ ﻳﻮﻡ
ﻗﺒﻞ ﺍﻟﻨﻮﻡ ﺭﺍﺡ ﺗﺨﺘﻔﻲ ﻧﻬﺎﺋﻴﺎً
ﺳﺄﻟﺘﻬﺎ ﺑﺘﺮﺩﺩ .. ﺧﺎﻟﺔ ﺍﻧﻲ ﻣﺎ ﺍﻋﺮﻑ ﺍﺻﻠﻲ ﻳﻌﻨﻲ
ﻋﻨﺪﻱ ﻛﻢ ﻣﻌﻠﻮﻣﺔ ﻋﻦ ﺍﻟﺼﻼﺓ ﻋﻠﻤﺘﻨﺎ ﻋﻠﻴﻬﺎ ﺍﻡ ﺍﻻﺳﻼﻣﻴﺔ
ﺑﺎﻻﺑﺘﺪﺍﺋﻴﺔ ﺑﺲ ﻣﺎ ﺍﺗﺬﻛﻎ ﺑﺎﻟﻀﺒﻂ ﺷﻠﻮﻥ
ﺍﻡ ﻓﺎﻃﻤﺔ .. ﻛﻮﻣﻲ ﺣﺒﻴﺒﺘﻲ ﺧﻠﻲ ﺑﺎﻻﻭﻝ ﺍﻋﻠﻤﺞ ﺍﻟﻮﺿﻮﺀ ﻭﺑﻌﺪﻫﺎ
ﺍﻋﻠﻤﺞ ﺍﻟﺼﻼﺓ ﻭﻓﻌﻼ ﺑﻴﻮﻣﻬﺎ ﻛﻌﺪﺕ ﺍﻡ ﻓﺎﻃﻤﺔ
ﺗﻌﻠﻤﻨﻲ ﺍﻟﺼﻼﺓ ﻭﺻﺪﻙ ﻣﻦ ﺻﻠﻴﺖ
ﺣﺴﻴﺖ ﺑﺼﺪﺭﻱ ﺍﻧﺸﺮﺡ ﻭﺍﻛﻮ ﺷﻲ ﺛﻜﻴﻞ ﺟﺎﻥ ﻋﻠﻰ ﻛﻠﺒﻲ ﻭﺍﻧﺰﺍﺡ
ﺍﻡ ﻓﺎﻃﻤﺔ .. ﺧﻠﻲ ﺍﻋﻠﻤﺞ ﻋﻠﻰ ﺷﻐﻠﺔ ﻻ ﺗﺘﺮﻛﻴﻦ ﺻﻼﺗﺞ
ﻟﻮ ﻣﻬﻤﺎ ﺻﺎﺭ ﻻﻥ ﺍﻭﻗﺎﺕ ﺍﻟﺼﻼﺓ ﻫﻲ ﺍﻟﻠﺤﻈﺎﺕ ﺍﻟﻲ ﺗﻠﺘﻘﻴﻦ ﺑﻴﻬﺎ ﻣﻊ
ﺭﺏ ﺍﻟﻌﺒﺎﺩ ﺍﺗﺨﻴﻠﻲ ﻫﺎﻱ ﺍﻟﻠﺤﻈﺎﺕ ﺷﻜﺪ ﺛﻤﻴﻨﺔ ﺗﺘﻘﺮﺑﻴﻦ ﺑﻴﻬﺎ ﻣﻦ
ﺍﻟﻠﻪ ﻭﻫﺎﻱ ﻳﺴﻤﻮﻫﺎ ﻋﻼﻗﺔ ﺍﻟﻌﺒﺪ ﺑﺮﺑﻪ ﺗﻜﻮﻥ ﺍﻟﻨﻔﺲ ﺭﺍﺿﻴﺔ ﻣﺮﺿﻴﺔ .. ﻳﻌﻨﻲ ﺍﻟﺘﺰﺍﻣﺞ ﺑﺎﻟﺼﻼﺓ ﻣﻌﻨﺎﻫﺎ ﺍﻧﺘﻲ ﻣﺘﻤﺴﻜﺔ ﺑﺎﻟﻠﻪ
ﻭﻣﻦ ﻋﻬﺪﻫﺎ ﺻﺮﺕ ﻛﻞ ﻳﻮﻡ ﺍﺻﻠﻲ ﻭﻣﺎ ﺍﻓﻮﺕ ﻓﺮﺽ
ﺟﻨﺖ ﻣﻦ ﺍﺷﻮﻑ ﺑﺎﺑﺎ ﻳﺮﺟﻊ ﻟﻠﺒﻴﺖ ﺳﻜﺮﺍﻥ ﺣﻴﻞ ﺍﺗﻀﺎﻳﻖ
ﻭﻣﻦ ﻳﻄﻠﻊ ﻳﻮﻡ ﺛﺎﻧﻲ ﻛﺒﻞ ﺍﻏﺴﻞ ﺍﻟﺒﻴﺖ ﻛﻠﻪ ﻟﻠﻄﻬﺎﺭﺓ ﻣﻦ ﺍﻟﻄﻮﻝ
ﻟﻠﻄﻮﻝ
ﻭﺣﺘﻰ ﺧﻮﺍﺗﻲ ﺍﻧﺘﺒﻬﻮﺍ ﻋﻠﻴﺔ ﻭﻻﺣﻈﻮﺍ ﺍﻟﺘﻐﻴﻴﺮ
ﻓﺎﻃﻤﺔ .. ﺍﻛﻮﻝ ﻫﺪﻯ ﺳﺆﺍﻝ ﺍﻧﺘﻲ ﺷﻌﺠﺐ ﻣﺘﻠﺒﺴﻴﻦ ﺣﺠﺎﺏ
ﻫﺪﻯ .. ﻣﺎ ﺍﻋﻐﻒ ﺑﻌﺪﻧﻲ ﻣﺎ ﻣﻘﺘﻨﻌﺔ ﺍﻟﺒﺲ ﺍﻟﺤﺠﺎﺏ ﺍﺣﺲ ﻏﻮﺣﻲ
ﻣﻤﺴﺘﻌﺪﺓ
ﻓﺎﻃﻤﺔ .. ﺑﺲ ﻋﻴﺐ ﻣﺘﻠﺒﺴﻴﻦ ﺣﺠﺎﺏ
ﺍﻡ ﻓﺎﻃﻤﺔ ﺟﺎﻭﺑﺘﻬﺎ .. ﻣﺎ ﺑﻴﻬﺎ ﻋﻴﺐ ﻭﺍﻧﻤﺎ ﻟﺒﺲ ﺍﻟﺤﺠﺎﺏ ﻳﻜﻮﻥ
ﺍﻟﺘﺰﺍﻡ ﺍﻟﻤﺮﺍﺀﺓ ﻣﻊ ﺫﺍﺗﻬﺎ ﻟﻜﻦ ﺍﻫﻢ ﺷﻲ ﻣﻦ ﺗﺮﻳﺪ ﺗﻠﺒﺲ ﺍﻟﺤﺠﺎﺏ
ﺗﻜﻮﻥ ﻋﻦ ﻗﻨﺎﻋﺔ ﺣﺘﻰ ﺗﺤﺎﻓﻆ ﻋﻠﻴﻪ
....
ﻻﻥ ﻻ ﺍﻛﺮﺍﻩ ﺑﺎﻟﺪﻳﻦ ﻭﻫﻲ ﺷﻮﻛﺖ ﻣﺘﺸﻮﻑ ﻧﻔﺴﻬﺎ ﻣﺴﺘﻌﺪﺓ ﺗﻠﺒﺴﻪ
ﺭﺍﺡ ﺗﻠﺒﺴﻪ ﻭﺧﻠﻲ ﺑﺒﺎﻟﺞ ﺗﺮﺓ ﺍﻟﺤﺠﺎﺏ ﻣﻮ ﺣﻜﻢ ﻋﻠﻰ ﺷﺨﺼﻴﺔ ﺍﻟﻤﺮﺓ
ﻳﻌﻨﻲ ﺍﻧﻲ ﺍﻋﺮﻑ ﻫﻮﺍﻱ ﻣﺤﺠﺒﺎﺕ ﻣﺎ ﻣﻠﺘﺰﻣﺎﺕ ﻻ ﺑﺼﻼﺗﻬﻢ ﻭﻻ
ﻳﻌﺮﻓﻮﻥ ﺍﻟﺤﻼﻝ ﻭﺍﻟﺤﺮﺍﻡ ﻋﻨﺪﻫﻢ ﺍﻟﺤﺠﺎﺏ ﻫﻴﺞ ﺷﻜﻞ ﺍﻣﺎﻡ
ﺍﻟﻤﺠﺘﻤﻊ
ﻓﻠﺘﺤﻜﻤﻴﻦ ﻋﺎﻟﻜﺘﺎﺏ ﻣﻦ ﻋﻨﻮﺍﻧﻪ
ﺍﺗﻌﻮﺩﺕ ﻋﻠﻰ ﺍﻡ ﻓﺎﻃﻤﺔ ﻭ ﻛﻠﻤﺎ ﺍﺷﻮﻓﻬﺎ ﺍﺭﺗﺎﺡ ﻧﻔﺴﻴﺎً ﻭﺍﺣﺲ
ﺑﺎﻻﻣﺎﻥ ﻭﺍﻟﺤﻨﺎﻥ ﺍﻫﺘﻤﺎﻣﻬﺎ ﺑﻴﺔ ﻳﺴﻌﺪﻧﻲ ﻭﻳﺤﺴﺴﻨﻲ ﺑﺎﻟﻘﺮﺏ ﻣﻨﻬﻢ
ﺻﺮﺕ ﺣﺘﻰ ﺍﻛﺮﻩ ﺍﺭﺟﻊ ﻟﺒﻴﺘﻨﺎ
ﺩﻧﻤﺮ ﺑﻔﺘﺮﺓ ﺍﻣﺘﺤﺎﻧﺎﺕ ﺍﺧﻴﺮ ﺍﻟﺴﻨﺔ
ﻭﺟﻨﺎ ﺭﺍﺟﻌﻴﻦ ﻣﻦ ﺍﻟﻤﺪﺭﺳﺔ ﻭﺩﻧﻤﺸﻲ ﺑﺎﻟﻄﺮﻳﻖ ﺍﻧﻲ ﻭﺿﺤﻰ
ﻭﺳﺖ ﺿﺤﻰ ﺧﻠﺼﺖ ﺍﻟﺴﻨﺔ ﻳﻮﻡ ﺗﺪﺍﻭﻡ ﻭﻋﺸﺮﺓ ﻏﺎﻳﺒﺔ ﻣﺎ ﺍﻋﺮﻑ
ﺷﻠﻮﻥ ﺭﺍﺡ ﺗﻨﺠﺢ
ﻣﺮﺕ ﻣﻦ ﻳﻤﻨﺎ ﺳﻴﺎﺭﺓ ﺭﺍﺋﺪ ﺟﺎﻥ ﻭﻳﺎﻩ ﺑﻨﺎﺕ ﺧﺎﻟﻪ ﻭﺍﺧﺘﻪ ﻟﻴﻠﻰ ﺑﺎﻭﻉ
ﻋﻠﻴﻨﺎ ﻭﻣﺎ ﺳﻠﻢ ﺻﺪﻙ ﺍﻧﻘﻬﺮﺕ ﻣﻦ ﺗﺼﺮﻓﻪ
ﻫﺬﺍ ﺷﺒﻲ ﺣﺘﻰ ﻣﻜﻠﻒ ﺭﻭﺣﻪ ﻳﺴﻠﻢ ﻋﻠﻴﺔ
ﻭﻻ ﻛﺎﻡ ﻳﺴﺄﻝ ﻋﻨﻲ ﻣﺜﻞ ﻗﺒﻞ ﻣﻦ ﻳﻮﻡ ﻣﻮﻗﻒ ﻣﺮﻭﺓ ﻟﻠﻴﻮﻡ ﻣﺎﺷﻔﺘﻪ
ﺩﻧﻜﺖ ﻣﻘﻬﻮﺭﺓ ﻳﺎﺭﺑﻲ ﻫﺴﺔ ﺍﻧﻲ ﺷﺒﻴﺔ ﺣﺎﺭﻛﺔ ﻛﻠﺒﻲ ﻋﻠﻰ ﺷﺨﺺ
ﺍﻧﻲ ﺍﺧﺮ ﺍﻫﺘﻤﺎﻣﺎﺗﻪ ﻫﻮ ﺍﺻﻼ ﻣﺎ ﻭﻋﺪﻧﻲ ﺑﺸﻲ ﻭﻻ ﻟﻤﺤﻠﻲ ﺑﺎﻟﺤﺐ
ﺍﻧﻲ ﻣﻦ ﻳﻤﻲ ﻛﻌﺪﺕ ﺍﺧﻤﻦ ﻭﺍﺗﺨﻴﻞ ﺍﺷﻴﺎﺀ ﻣﺎ ﻣﻮﺟﻮﺩﺓ ﺩﻧﻜﺖ
ﻭﻛﻤﻠﺖ ﻃﺮﻳﻘﻲ ﻭﺿﺤﻰ ﺗﻤﺸﻲ ﺳﺮﺣﺎﻧﺔ ﺑﻐﻴﺮ ﻋﺎﻟﻢ ﻋﺪﺕ ﻣﻦ ﻳﻤﻨﺎ
ﺳﻴﺎﺭﺓ ﺣﺪﻳﺜﺔ ﻋﺎﻟﻴﺔ ﻧﻮﻉ ﺑﺮﺍﺩﻭ ﺑﻄﺌﺖ ﻣﻦ ﺳﻴﺮﻫﺎ ﺍﻟﺘﻔﺘﺖ ﺍﺷﻮﻓﻪ
ﻣﻨﻮ
ﺍﺗﻌﻮﺩﻧﺎ ﻋﻠﻰ ﻫﺎﻱ ﺍﻟﺤﺮﻛﺎﺕ ﻣﺎﻝ ﺍﻟﺰﺣﻒ
ﻭﺍﻟﺘﺤﺮﺵ ﺍﻧﻲ ﻋﻨﻲ ﻣﺎ ﺍﻫﺘﻢ ﺑﺲ ﺟﻨﺖ ﺍﺧﺎﻑ ﻋﻠﻰ ﺿﺤﻰ ﻻﻥ
ﻛﻠﺶ ﺣﻠﻮﺓ ﻭﺗﻠﻔﺖ ﺍﻻﻧﺘﺒﺎﻩ ﻭﺍﺧﺎﻑ ﻳﺄﺫﻭﻧﻬﺎ
ﺧﺼﻮﺻﺎً ﺍﺣﻨﺎ ﺩﻧﻤﺮ ﺑﻔﺘﺮﺓ ﺧﻄﻒ ﻭﻗﺘﻞ ﺻﺎﻳﺮ ﻋﺪﻧﺎ ﺑﻔﻠﺲ ﻭﻛﻢ ﻣﺮﺓ
ﻧﺴﻤﻊ ﺑﺒﻨﻴﺔ ﺑﻤﺪﺭﺳﺘﻨﺎ ﺍﻧﺨﻄﻔﺖ ﺍﻭ ﺍﻧﻘﺘﻠﺖ
ﻭﻫﺬﺍ ﺍﻟﺸﻲ ﺷﻜﻞ ﻧﻮﻉ ﺛﺎﻧﻲ ﻣﻦ ﺍﻟﺨﻮﻑ ﻋﻨﺪﻱ
ﺷﻔﺖ ﺭﺟﺎﻝ ﻳﺠﻲ ﻋﻤﺮﻩ ﺑﺎﻟﺜﻼﺛﻴﻦ ﻣﻤﻠﻮﺡ ﻧﺰﻝ ﺍﻟﺠﺎﻣﺔ ﻭﻛﺺ
ﺿﺤﻰ ﻣﻦ ﻓﻮﻙ ﻟﻴﺠﻮﺓ ﺑﻌﻴﻮﻧﻪ ﺍﻛﻠﻬﺎ ﺍﻛﻞ ﺑﻨﻈﺮﺍﺗﻪ
ﻭﺿﺤﻰ ﺩﺗﻤﺸﻲ ﻭﺑﺎﻟﻬﺎ ﻣﻮ ﻳﻤﻪ ﺍﺻﻼ ﺷﺎﻳﻠﺔ ﺟﻨﻄﺘﻬﺎ
ﻭﻋﻴﻮﻧﻬﺎ ﺗﺒﺎﻭﻉ ﻟﻴﻜﺪﺍﻡ ﺿﺤﻰ ﺻﺤﻴﺢ ﺍﻛﺜﺮ ﻭﺣﺪﺓ ﺑﻴﻨﺎ ﻋﺎﻃﻔﻴﺔ ﺗﺘﺄﺛﺮ
ﺑﺴﺮﻋﺔ ﺑﺎﻟﻜﻼﻡ ﺍﻟﻤﻌﺴﻮﻝ ﻭﺗﺤﺐ ﺗﺘﺄﻧﻖ ﻭﺗﻠﺒﺲ ﻭﺗﻜﺸﺦ ﻭﺗﻬﺘﻢ
ﺑﺮﻭﺣﻬﺎ ﻭﻋﻨﺪﻫﺎ ﻭﻟﻊ ﺑﺎﻟﻤﺴﻠﺴﻼﺕ ﻭﺩﺍﺋﻤﺎ ﺗﻜﻮﻝ ﺷﻮﻛﺖ ﻧﻌﻴﺶ
ﻭﻧﻀﻮﻙ ﻃﻌﻢ ﺍﻟﺤﺐ ﺍﻟﻲ ﻳﺴﻤﻌﻬﺎ ﻳﻜﻮﻝ ﻋﻠﻴﻬﺎ ﻫﺎﻱ ﻣﻮ ﺭﺍﺣﺔ ﺍﻟﺒﻨﻴﺔ
.....
ﻟﻜﻦ ﻫﻲ ﺑﺎﻟﻤﻘﺎﺑﻞ ﻣﺘﺤﺐ ﺳﻮﺍﻟﻒ ﺍﻟﻌﻼﻗﺎﺕ ﻭﺍﻟﻜﺒﻞ ﻣﺜﻞ ﺑﻘﻴﺔ
ﺻﺪﻳﻘﺎﺗﻬﺎ ﻭﺳﻮﺍﻟﻔﻬﻦ ﺍﻟﻲ ﺗﺴﺪ ﺍﻟﻨﻔﺲ
ﺟﻨﺎ ﺍﻧﻲ ﻭﺧﻮﺍﺗﻲ ﻧﺸﺘﺮﻙ ﺑﺨﺼﻠﺔ ﻭﺣﺪﺓ ﻭﻫﻲ ﺍﺣﻨﺎ ﺗﺮﺑﻴﺔ ﺑﺜﻴﻨﺔ
ﻣﺴﺘﺤﻴﻞ ﻧﺪﻧﺲ ﺍﺳﻢ ﺍﻣﻲ
ﺍﻟﺘﻔﺘﺖ ﻋﻠﻰ ﺍﻟﺮﺟﺎﻝ ﻭﺧﺰﺭﺗﻪ ﻻﻥ ﻛﺎﻡ ﻳﺬﺏ ﻛﻼﻡ
ﻫﺪﻯ .. ﺧﻴﻎ ﺳﺎﻟﻤﻴﻦ ﺷﻴﻞ ﻋﻴﻮﻧﻚ ﻻ ﺍﺟﻲ ﺍﻋﻤﻴﻬﻢ ﺍﻟﻚ ﺑﺎﻟﺤﺬﺍﺀ
ﺟﻨﺖ ﺍﺍﺷﺮ ﻋﻠﻰ ﺣﺬﺍﺋﻲ ﺍﻟﻤﻜﻄﻊ
.. ﺧﻴﺮ ﻭﺍﻧﺘﻲ ﻣﻨﻮ ﻳﻤﺞ ﻟﻮ ﺍﺣﺘﺮﻙ ﻛﻠﺒﺞ ﻻﻥ ﻣﺪﺍﺗﺤﺎﺭﺵ ﺑﻴﺞ
ﻻﻥ ﻗﺰﻣﺔ
.. ﺍﺣﻤﺪ ﺍﻟﻠﻪ ﻭﺍﺷﻜﻐﻪ ﺍﻧﻲ ﻗﺰﻣﺔ ﺣﺘﻰ ﻣﺎ ﻳﺠﻲ ﻗﻐﺪ ﻣﺜﻠﻚ ﻳﺘﺴﻠﻖ
ﻋﺎﻟﺸﺠﻎ
.. ﺍﻧﺎ ﺍﻟﺞ ﻫﺬﺍ ﺍﻟﺴﺎﻧﺞ ﺍﻟﻤﻜﺮﻭﻁ ﺍﻻ ﺍﻛﺼﻪ ﻫﺎﻱ ﺗﺮﺗﻠﻴﻦ ﻭﻫﺎﻟﻄﻮﻟﺔ
ﻟﺰﻣﺘﻨﻲ ﺿﺤﻰ ﺧﺎﻳﻔﺔ ﺗﺘﺮﺟﻰ ﺑﻴﺔ ﻭﺗﺒﺎﻭﻉ ﻣﻨﺎ ﻭﻣﻨﺎ ﺧﺎﻳﻔﺔ
ﻻﻥ ﻭﺣﺪﻧﺎ ﺑﺎﻟﺸﺎﺭﻉ ﺩﻧﻤﺸﻲ
ﺿﺤﻰ ﺑﺼﻮﺕ ﻧﺎﺻﻲ .. ﻋﻔﻴﺔ ﻫﺪﻯ ﻛﺎﻓﻲ ﻣﺎﻟﺞ ﻏﺮﺽ ﺑﻲ ﻋﻮﻓﻲ
ﺧﻠﻲ ﻧﻤﺸﻲ ﺑﻄﺮﻳﻘﻨﺎ
ﺑﺎﻭﻉ ﻟﻀﺤﻰ ﻭﺣﺠﺔ
.. ﺻﺪﻗﺔ ﻟﺮﺑﻬﺎ ﺩﺳﻤﻌﻴﻨﺎ ﺻﻮﺗﺞ ﺧﻠﻲ ﺭﺣﻤﺔ ﺍﻟﻠﻪ ﺗﻨﺰﻝ ﻋﻠﻴﻨﺎ
ﺧﺰﺭﺗﻪ ﻭﺟﺮﺗﻨﻲ ﻭﻣﺸﻴﻨﺎ ﻭﻫﻮ ﻣﺒﻄﻞ ﻳﺤﺮﻙ ﺳﻴﺎﺭﺗﻪ ﺑﻄﻲﺀ ﻭﻳﻮﺍﺯﻱ
ﻣﺸﻴﺘﻨﺎ ﻭﻛﺎﻡ ﻳﺸﻤﺮ ﺑﺎﻟﺤﺠﻲ
ﻣﺎ ﺍﺗﺤﻤﻠﺖ
ﺣﺴﺒﺘﻬﺎ ﺑﻌﻘﻠﻲ ﺍﺣﻨﺎ ﺑﻌﺪ ﻓﺮﻉ ﻋﻦ ﺑﻴﺘﻨﺎ ﻳﻌﻨﻲ ﻣﻴﻜﺪﺭ ﻳﺴﻮﻳﻠﻨﺎ
ﺷﻲ ﻭﺍﺣﻨﺎ ﺑﻤﻨﻄﻘﺘﻨﺎ ﺻﺮﺕ ﺳﺒﺎﻋﻴﺔ
ﺭﺣﺖ ﻟﺰﻣﺖ ﻃﺎﺑﻮﻛﺔ ﻭﻛﻠﺘﻠﻪ
.. ﺍﻧﺖ ﺯﻟﻤﺔ ﺍﻧﺰﻝ ﻣﻦ ﺍﻟﺴﻴﺎﻏﺔ ﻭﺧﻠﻲ ﺍﻏﺎﻭﻳﻚ ﺍﻻﻣﻬﺎﺕ ﺷﺘﺠﻴﺐ
ﺍﺗﺴﻌﺖ ﻋﻴﻮﻧﻪ ﻭﺭﺍﺩ ﻳﻔﺘﺢ ﺑﺎﺏ ﺍﻟﺴﻴﺎﺭﺓ ﺑﺲ ﻗﺎﻃﻌﻨﺎ
ﺻﻮﺕ ﻫﻮﺭﻥ ﺳﻴﺎﺭﺓ ﻭﺳﻤﻌﻨﺎ ﺑﺎﺏ ﺍﻟﺴﻴﺎﺭﺓ ﺍﻧﻔﺘﺢ ﻭﻧﺰﻝ ﻭﺍﺣﺪ ﻣﻦ
ﺍﻟﺴﻴﺎﺭﺓ ﺍﻟﺘﻔﺘﺖ ﺍﺑﺎﻭﻉ ﻣﻨﻮ ﺷﻔﺘﻪ ﺻﻬﻴﺐ
ﻭﻭﻳﺎﻩ ﺧﺎﻟﺔ ﺍﻡ ﻓﺮﺯﺩﻕ ﺻﺎﻋﺪﺓ ﻛﺪﺍﻡ ﺗﺒﺎﻭﻉ ﻋﻠﻴﻨﺎ ﺑﺨﻮﻑ
ﺟﻨﺖ ﻭﺍﻛﻔﺔ ﻭﻻﺯﻣﺔ ﺍﻟﻄﺎﺑﻮﻛﺔ ﺑﻮﺿﻌﻴﺔ ﺍﻻﺳﺘﻌﺪﺍﺩ ﻟﻠﺮﻣﻲ
ﺷﻜﻠﻲ ﺍﻧﻲ ﻭﺍﻟﻄﺎﺑﻮﻙ ﻭﺍﻟﺤﺠﺎﺭ ﻗﺼﺔ ﻻ ﺗﻨﺘﻬﻲ
ﺻﻬﻴﺐ ﺍﻗﺘﺮﺏ ﻭﺣﺠﺔ ﺑﺼﻮﺕ ﺧﺸﻦ ﻭﻭﺟﻪ ﻛﻼﻣﻪ ﻟﻠﻮﻟﺪ
.. ﺧﻴﺮ ﺍﺑﻮ ﺍﻟﺸﺒﺎﺏ ﻣﻀﻴﻊ ﺷﻲ
.. ﻭﺍﻧﺖ ﻣﻨﻮ ﺣﻀﺮﺗﻚ
ﺿﺤﻰ ﺣﺠﺖ ﺑﺨﻮﻑ
.. ﺻﻬﻴﺐ ﻋﻔﻴﺔ ﻋﻮﻓﺔ ﻣﺎﻋﻠﻴﻚ ﺑﻲ
.. ﻻ ﺑﺎﻟﻠﻪ ﺷﻮ ﺧﻠﻲ ﺍﻋﺮﻑ ﻫﺬﺍ ﺷﻌﻨﺪﻩ ﻭﺍﻛﻒ ﻳﻤﻜﻢ
ﺟﺎﻥ ﻳﺤﺠﻲ ﻭﻫﻮ ﻳﺘﻮﺟﻪ ﻋﻠﻰ ﺳﻴﺎﺭﺕ ﺍﻟﻮﻟﺪ
ﻭﺫﺍﻙ ﺩﻙ ﺟﺮﺱ ﻋﻨﺪﻩ ﺍﺣﻨﺎ ﻧﻌﻮﺩ ﻟﺼﻬﻴﺐ
ﻛﺒﻞ ﺣﺮﻙ ﺳﻴﺎﺭﺗﻪ ﻭﺷﺨﻄﻬﺎ ﻭﺍﻧﻄﻠﻖ ﻣﻦ ﻳﻤﻨﺎ ﻣﺎ ﺷﻔﻨﺎ ﺑﺲ ﻏﺒﺎﺭ
ﺍﻟﺴﻴﺎﺭﺓ ﺑﺎﻟﺸﺎﺭﻉ
ﺻﻬﻴﺐ ﺑﻌﺼﺒﻴﺔ ﺑﺎﻟﻠﻪ ﺷﻮ ﺍﻣﺸﻮ ﻛﺪﺍﻣﻲ ﺭﻛﺒﻮﺍ ﺑﺎﻟﺴﻴﺎﺭﺓ
..
ﺟﺎﻥ ﻳﺤﺠﻲ ﻭﻳﺒﺎﻭﻉ ﻟﻀﺤﻰ ﺍﻟﻲ ﺟﺎﻧﺖ ﺗﺮﺟﻒ ﻣﻦ ﺍﻟﻲ ﺻﺎﺭ ﻫﻲ
ﺑﻬﻴﺞ ﻣﻮﺍﻗﻒ ﺗﻈﻞ ﺑﺲ ﺗﺮﺟﻒ ﺧﻮﺍﻓﺔ
ﺑﺎﻭﻉ ﻋﻠﻴﻬﺎ
.. ﻛﺎﻓﻲ ﻟﺘﺨﺎﻓﻴﻦ ﻭﺩﺍﻋﺘﺞ ﺍﺧﺬﺕ ﺭﻗﻢ ﺳﻴﺎﺭﺗﻪ ﻭﺭﺍﺡ ﺍﻃﻠﻌﻪ ﻣﻦ
ﺟﻮﺓ ﺍﻟﻜﺎﻉ ﻭﺍﻃﻴﻦ ﻋﻴﺸﺘﻪ
.. ﻻ ﻋﻔﻴﺔ ﺻﻬﻴﺐ ﺧﻠﻲ ﻳﻮﻟﻲ ﺧﺎﻑ ﻳﺄﺫﻳﻚ
ﺻﻬﻴﺐ .. ﻓﺪﺍﺝ ﺻﻬﻴﺐ ﻭﻋﺸﻴﺮﺗﻪ
ﻟﻚ ﺍﺥ ﻳﺎﺑﺔ ﻟﺞ ﺗﺨﺎﻓﻴﻦ ﻋﻠﻴﺔ
ﺟﺎﻥ ﻳﺤﺠﻲ ﻭﻋﻴﻮﻧﻪ ﺑﻴﻬﻦ ﻧﻈﺮﺓ ﻋﺎﺷﻚ
ﺍﺑﺘﺴﻤﺖ ﻭﺩﻧﻜﺖ ﺧﺠﻼﻧﺔ .. ﺍﻱ ﻃﺒﻌﺎ ﺍﺧﺎﻑ ﻋﻠﻴﻚ ﺷﻌﻨﺪﻱ ﻏﻴﺮﻙ
ﻫﺬﺍ ﺍﻟﺤﺠﻲ ﺍﻧﻲ ﻭﺍﻛﻔﺔ ﺑﻴﻨﺎﺗﻬﻢ ﺍﺑﺎﻭﻉ ﻋﻠﻴﻬﻢ ﻭﺭﺍﺳﻲ ﻳﺘﺤﺮﻙ ﻣﻨﺎ
ﻭﻣﻨﺎ ﺟﻨﻲ ﺑﻨﺪﻭﻝ ﺍﻟﺴﺎﻋﺔ ﺣﺴﻴﺖ ﺑﺮﻭﺣﻲ ﺣﺪﻳﻘﺔ
ﻫﻤﺔ ﻛﺎﻋﺪﻳﻦ ﻭﺍﺣﺪ ﻳﺘﻐﺰﻝ ﺑﺎﻟﺜﺎﻧﻲ ﺑﻜﻼﻡ ﺍﻟﺤﺐ
ﻭﺍﻧﺎﺍﺍﺍﺍ ﺍﻋﻴﻂ ( ﺑﺼﻮﺕ ﻋﺎﺩﻝ ﺍﻣﺎﻡ )
ﻛﻌﺪﺕ ﺍﺣﻢ ﺣﻢ
.. ﺍﻛﻮﻝ ﻳﺎ ﺟﻤﺎﻋﺔ ﺍﻟﺨﻴﻎ ﺍﺷﻮ ﺟﻨﻜﻢ ﻧﺴﻴﺘﻮﻧﻲ ﺗﻐﺔ ﺍﻧﻲ
ﻭﺍﻛﻔﺔ ﻳﻤﻜﻢ ﻣﻮ ﻃﻐﻄﻮﻍ ﻳﺎﻟﻠﻪ ﺷﻮ ﺍﻧﺘﻲ ﺍﺗﺤﻐﻜﻲ ﻛﺪﺍﻣﻲ
ﻭﺍﻧﺖ ﺍﺳﺘﺎﺫ ﺻﻬﻴﺐ ﻏﻮﺡ ﻟﺨﺎﻟﺔ ﺍﻡ ﻓﻐﺰﺩﻕ ﺻﺎﻏﻠﻬﺔ ﺳﺎﻋﺔ ﺗﺄﺷﻎ
ﻋﻠﻴﻚ ﻣﺎ ﺑﻴﻬﺎ ﺣﻴﻞ ﺗﻨﺰﻝ ﻣﻦ ﺍﻟﺴﻴﺎﻏﺔ ﻣﻦ ﻭﻏﺔ ﻏﻜﺒﺘﻬﺎ ﻭﺗﻐﻴﺪ
ﺗﻌﻐﻒ ﺷﺼﺎﻍ
ﺿﺤﻚ ﻋﻠﻰ ﻛﻼﻣﻲ
.. ﻳﺎﻟﻠﻪ ﺍﺗﺤﺮﻛﻲ ﺟﻨﻴﺔ ﺍﻟﺴﺎﻧﺞ ﺍﻃﻮﻝ ﻣﻨﺞ ﺧﻠﻲ ﺍﻭﺻﻠﻜﻢ ﻟﻠﺒﻴﺖ
ﺑﻄﺮﻳﻘﻲ
ﺻﻌﺪﻧﺎ ﻭﺭﺓ ﺑﺎﻟﺴﻴﺎﺭﺓ ﻭﺍﻧﺘﺒﻬﺖ ﻟﺼﻬﻴﺐ ﺷﻠﻮﻥ ﻋﺪﻝ
ﺍﻟﻤﺮﺍﻳﺎ ﻫﻬﻬﻬﻪ ﻫﻠﺔ ﻫﻠﺔ ﻛﻠﻚ ﺣﺮﻛﺎﺕ ﻳﺎﻋﻤﻲ
ﻭﺿﺤﻰ ﻣﺪﻧﻜﺔ ﺭﺍﺳﻬﺎ ﻣﺴﺘﺤﻴﺔ
ﺍﻡ ﻓﺮﺯﺩﻕ ﺑﻌﺪ ﻣﺎ ﺳﺄﻟﺖ ﺻﻬﻴﺐ ﻋﻦ ﺍﻟﺼﺎﺭ ﻭﻫﻮ ﻓﻬﻤﻬﺎ ﻭﻫﻲ
ﻛﺎﻣﺖ ﺗﻮﺻﻲ ﺑﻴﻨﺎ ﻭﺗﺤﺬﺭﻧﺎ
ﻭﺑﻌﺪﻳﻦ ﺍﻧﺘﻘﻠﺖ ﺗﺴﺄﻟﻨﺎ ﻋﻦ ﺍﻻﻣﺘﺤﺎﻧﺎﺕ
ﻫﺪﻯ .. ﻭﺍﻟﻠﻪ ﺧﺎﻟﺔ ﺍﻧﻲ ﺍﻟﺤﻤﺪ ﻟﻠﻪ ﻣﺠﺎﻭﺑﺔ ﺑﺲ ﻋﻨﺪﺝ
ﺳﺖ ﺿﺤﻰ ﻛﻠﺶ ﻛﺴﻮﻟﻲ
ﺣﺴﻴﺖ ﺑﻀﺮﺑﺔ ﻛﻮﻉ ﺍﺟﺘﻲ ﻋﻠﻰ ﺧﺎﺻﺮﺗﻲ ﻭﻫﻤﺴﺖ
.. ﺍﻧﻲ ﺍﻟﺞ ﻋﻮﺑﺔ
ﺍﻡ ﻓﺮﺯﺩﻕ .. ﻳﺎ ﻟﻴﺶ ﺧﺎﻟﺔ ﺿﺤﺎﻭﻱ
ﺿﺤﻰ .. ﻻ ﺧﺎﻟﺔ ﻫﺪﻯ ﺗﺘﺸﺎﻗﺔ ﻭﻳﺎﺝ ﺍﻧﻲ ﺩﺍ ﺍﺩﺭﺱ ﻫﺎﻱ ﺍﻻﻳﺎﻡ
ﻫﺪﻯ .. ﺧﺎﻟﺔ ﺗﺠﺬﺏ ﻋﻠﻴﺞ ﻭﺍﻟﻠﻪ ﺍﻻﺧﺖ ﺻﺎﻳﻐﺔ ﺳﺎﻳﻖ ﻣﺨﺪﺓ ﺑﺲ
ﻧﻮﻡ ﻣﺎ ﺗﺸﻮﻓﻴﻬﺎ ﺻﺎﻳﻐﺔ ﺟﻨﻬﺎ ﺗﻔﺎﺣﺔ ﻫﺬﺍ ﻛﻠﻪ ﻣﻦ ﻭﻏﺔ ﺍﻟﻨﻮﻡ
ﺍﻧﺘﺒﻬﺖ ﻟﻀﺤﻰ ﺗﻜﺮﺹ ﺑﻴﺔ ﻭﺣﺎﺻﺮﺗﻬﺎ ﺍﻟﺒﺠﻴﺔ
ﻫﻬﻬﻬﻪ ﻓﺪ ﺍﺗﻮﻧﺲ ﻣﻦ ﺍﻛﻌﺪ ﺍﻟﻌﺐ ﺑﺄﻋﺼﺎﺏ ﻭﺍﺣﺪ
ﻭﺍﺗﻔﻨﻦ ﺑﺤﺮﻙ ﺍﻻﻓﻼﻡ ﻭﻫﺴﺔ ﺧﻄﻴﺔ ﺷﻜﻠﻲ ﺣﺮﻛﺖ ﻓﻠﻤﻬﺎ
ﺍﻟﻠﻪ ﻳﺮﺣﻤﻨﻲ
...
ﺻﻬﻴﺐ .. ﻫﺎﻱ ﺷﻨﻮ ﺿﺤﻰ ﻣﺎ ﺍﺗﻮﻗﻌﺘﺞ ﻣﻬﻤﻠﺔ ﺑﺪﺍﺭﺳﺘﺞ
ﺳﻤﻌﻴﻨﻲ ﺯﻳﻦ ﻣﻨﺎ ﻭﺭﺍﻳﺢ ﺍﺭﻳﺪﺝ ﺗﻬﺘﻤﻴﻦ ﻟﺪﺭﻭﺳﺞ
ﻭﺗﺎﺧﺬﻳﻦ ﺷﻬﺎﺩﺗﺞ ﺍﺭﻳﺪ ﻛﻮﻥ ﺍﺳﺎﻓﺮ ﻭﺍﺭﺟﻊ
ﺍﻟﻜﺎﺝ ﻧﺎﺟﺤﺔ ﻣﻦ ﺍﻟﺴﺎﺩﺱ ﺑﻤﻌﺪﻝ ﻋﺎﻟﻲ ﻭﺩﺍﺧﻠﺔ ﻛﻠﻴﺔ ﺯﻳﻨﺔ ﻏﻤﺰﻟﻬﺎ
ﺑﺎﻟﻤﺮﺍﻳﺎ
ﺍﺭﻳﺪ ﺍﻓﺘﺨﺮ ﺑﻴﺞ ﻛﺪﺍﻡ ﺍﻫﻠﻲ
ﺍﻗﺼﺪ ﻧﺮﻳﺪ ﻧﻔﺮﺡ ﺑﻴﺞ ﻭﺑﻨﺠﺎﺣﺞ
ﺍﺑﺘﺴﻤﺖ ﻭﺩﻧﻜﺖ ﻭﺻﻠﻨﺎ ﻟﻠﺒﻴﺖ
.. ﺳﻠﻤﻮﻟﻲ ﻋﻠﻰ ﺷﻮﻣﺔ ﻭﺧﻠﻴﻬﺎ ﺗﻤﺮ ﻋﻠﻴﺔ ﻣﻦ ﺗﻔﺮﻍ
ﺿﺤﻰ .. ﺍﻥ ﺷﺎﺀ ﺍﻟﻠﻪ ﺧﺎﻟﺔ
ﺩﺧﻠﻨﺎ ﻟﻠﺒﻴﺖ ﺑﻌﺪﻧﻲ ﻣﺎ ﻃﺒﻴﺖ ﻭﺿﺤﻰ ﺍﻟﻬﺎﺩﺋﺔ ﺷﻨﺖ ﻋﻠﻴﺔ ﺍﻟﻐﺎﺭﺓ
ﺍﻟﺠﻮﻳﺔ ﺻﺪﻙ ﻟﻮ ﻛﺎﻟﻮﺍ ﺍﻟﻬﺪﻭﺀ ﺍﻟﺬﻱ ﻳﺴﺒﻖ ﺍﻟﻌﺎﺻﻔﺔ
ﻣﺎ ﻇﻞ ﻧﻌﺎﻝ ﺑﺎﻟﺒﻴﺖ ﺍﺫﺍ ﻣﺎ ﻃﺎﺭ ﺑﺎﻟﺠﻮ ﻣﺘﻮﺟﻪ ﻧﺤﻮ ﻣﻌﺴﻜﺮ ﻫﺪﻯ
ﻭﺍﻧﻲ ﻻﺯﻣﺔ ﺍﻟﻤﺨﺪﺓ ﻭﺣﺎﻃﺘﻬﺎ ﺩﺭﻉ ﻛﺪﺍﻣﻲ
ﺍﺭﻛﺾ ﻣﻨﺎ ﻭﺍﺟﻲ ﻣﻨﺎ ﻣﺜﻞ ﺍﻟﻘﺮﺩ
ﻭﺧﺮﺑﺎﻧﺔ ﺿﺤﻚ ﻋﻠﻴﻬﺎ ﺟﺎﻥ ﻭﻭﺟﻬﺎ ﺍﺣﻤﺮ ﻣﻦ ﺍﻟﻔﺸﻠﺔ
ﺩﺧﻠﺖ ﺷﻴﻤﺎﺀ ﻭﺟﺎﻧﺖ ﺳﺘﻮﻫﺎ ﺭﺍﺟﻌﺔ ﻣﻦ ﺍﻟﻤﺴﺘﺸﻔﻰ
ﺑﺎﻭﻋﺖ ﻋﻠﻴﻬﺎ ﺟﺎﻧﺖ ﻋﻴﻮﻧﻬﺎ ﺣﻤﺮ ﺷﻤﺮﺕ ﺍﻟﻤﺨﺪﺓ ﻣﻦ ﺍﻳﺪﻱ
ﻭﺍﺷﺮﺕ ﻟﻀﺤﻰ ﺣﺘﻰ ﺗﺴﻜﺖ ﻭﺣﺮﻛﺖ ﻋﻴﻨﻲ ﻋﻠﻰ ﺷﻴﻤﺎﺀ ﻭﻫﻲ
ﺍﻧﺘﺒﻬﺖ ﻋﻠﻴﻬﺎ ﻭﺷﻤﺮﺕ ﺍﻟﻨﻌﺎﻝ ﻣﻦ ﺍﻳﺪﻫﺎ
ﺭﺣﺖ ﻳﻤﻬﺎ ﺍﺭﻳﺪ ﺍﺷﻮﻑ ﺍﺧﺘﻲ ﺷﺒﻴﻬﺎ ﻣﺎ ﻋﺎﺟﺒﻨﻲ ﻭﺿﻌﻬﺎ ﻫﺎﻱ ﺍﻻﻳﺎﻡ
ﻫﺪﻯ ﺑﺼﻮﺕ ﻫﺎﺩﻱﺀ
.. ﺷﻴﻤﺎﺀ ﺷﺒﻴﺞ ﻟﻴﺶ ﺗﺒﺠﻴﻦ
ﺟﺎﻧﺖ ﺷﻴﻤﺎﺀ ﺗﺘﺤﺮﻙ ﺑﺎﻟﻤﻄﺒﺦ ﻭﻃﻠﻌﺖ ﺟﺪﺭ ﺍﻟﻤﺮﻙ
ﻣﻦ ﺍﻟﺜﻼﺟﺔ ﻭﺣﻄﺘﻪ ﻋﺎﻟﻨﺎﺭ ﺗﺮﻳﺪ ﺗﺤﻤﻴﻪ
ﺷﻴﻤﺎﺀ ﺑﺼﺮﺍﻣﺔ . ، ﻣﺎ ﺑﻴﺔ ﺷﻲ ﺟﻬﺰﻱ ﺍﻟﺴﻔﺮﺓ ﺑﻴﻦ ﻣﺎ ﺍﺑﺪﻝ
ﻣﻼﺑﺴﻲ ﻭﻧﺘﻐﺪﺓ
.. ﺻﺎﻍ
ﺩﺭﺕ ﻋﻠﻰ ﺿﺤﻰ .. ﻛﻤﻠﻲ ﺟﻬﺰﻱ ﺍﻟﺴﻔﺮﺓ ﻭﺍﻧﻲ ﺭﺍﻳﺤﺔ ﺍﺷﻮﻑ ﺷﺒﻴﻬﺎ
ﺍﺧﺘﺞ
ﺿﺤﻰ .. ﺍﻭﻙ ﺑﺲ ﻣﻮ ﺗﻨﺴﻴﻦ ﺗﻜﻠﻴﻠﻲ ﻣﻦ ﺷﻨﻮ ﺗﺒﺠﻲ
.. ﻣﻴﺨﺎﻟﻒ
ﺭﺣﺖ ﻭﺭﺍﻫﺎ ﻭﺩﺧﻠﺖ ﻟﻠﻐﺮﻓﺔ ﻟﻜﻴﺘﻬﺎ ﻣﻄﻠﻌﺔ ﺳﻮﺍﺭﺕ ﺍﻣﻲ ﺍﻟﻔﻀﺔ
ﻭﺣﺎﺿﻨﺘﻬﻢ ﻭﺗﺒﺠﻲ ﺻﺪﻙ ﻛﺴﺮﺕ ﻛﻠﺒﻲ ﻋﺮﻑ ﺍﺧﺘﻲ ﺷﻮﻣﺔ ﻣﻦ
ﻳﻮﻡ ﻣﺮﻭﺓ ﻃﻠﻌﺖ ﻣﻦ ﺣﻴﺎﺗﻨﺎ ﻭﻫﻲ ﻣﻮ ﻋﻠﻰ ﺑﻌﻀﻬﺎ
ﻟﺰﻣﺘﻬﺎ ﻣﻦ ﻛﺘﻔﻬﺎ ﻭﺳﺄﻟﺘﻬﺎ .. ﺷﻮﻣﺔ ﺷﺒﻴﺞ
ﺭﻓﻌﺖ ﺭﺍﺳﻬﺎ ﻭﺑﺎﻭﻋﺖ ﻋﻠﻴﺔ
ﻭﺍﻧﻬﺎﺭﺕ ﺑﺎﻟﺒﺠﻲ ﻭﺷﻤﺮﺕ ﺭﻭﺣﻬﺎ ﺑﺤﻀﻨﻲ
ﻟﻤﻴﺘﻬﺎ ﺑﺤﻀﻨﻲ ﻭﺻﺮﺕ ﺍﻣﺴﺢ ﻋﻠﻰ ﺿﻬﺮﻫﺎ ﺍﺭﻳﺪ ﺍﻃﻤﻨﻬﺎ ﺑﺲ ﻣﺎ
ﺍﻋﺮﻑ ﻋﻠﻰ ﺷﻨﻮ ﺍﻃﻤﻨﻬﺎ
.. ﺍﺣﺠﻴﻠﻲ ﺷﺒﻴﺞ ﻟﻴﺶ ﺗﺒﺠﻴﻦ
.. ﻫﺪﻯ ﺍﺭﻳﺪ ﺍﻣﻮﺕ ﻣﻦ ﺍﻟﻘﻬﺮ
.. ﺍﺳﻢ ﺍﻟﻠﻪ ﻋﻠﻴﺞ ﻟﻴﺶ ﻣﻨﻮ ﻭﻳﺎﺝ
.. ﻣﺮﻭﺓ ﺍﺧﺘﻲ
.. ﺍﺷﺒﻴﻬﺎ ﻣﻐﻮﺓ
.. ﻟﺞ ﻫﺪﻯ ﺻﺎﺭﻟﻲ ﺍﺳﺒﻮﻋﻴﻦ ﻛﻞ ﻳﻮﻡ ﺍﻣﺮ ﻋﻠﻰ ﻣﺮﻭﺓ ﺑﺎﻟﻤﺴﺘﺸﻔﻰ
ﺍﺭﻳﺪ ﺍﺷﻮﻓﻬﺎ ﻭﺍﺣﺠﻲ ﻭﻳﺎﻫﺎ
ﻟﺞ ﻳﻄﻠﻌﻠﻲ ﺍﻟﻔﺮﺍﺵ ﺍﻛﻠﻪ ﺭﻭﺡ ﻛﻠﻠﻬﺎ ﺍﺧﺘﺞ ﺷﻴﻤﺎﺀ ﺗﺮﻳﺪ ﺗﺤﺠﻲ
ﻭﻳﺎﺝ ﺑﺲ ﺷﻮﻳﺔ
ﻳﻜﻠﻲ ﺩﻛﺘﻮﺭﺓ ﻣﺮﻭﺓ ﺗﻜﻮﻝ ﻣﺎ ﻋﻨﺪﻱ ﺍﺧﺖ ﺑﻬﺬﺍ ﺍﻻﺳﻢ ﻣﺘﻘﺒﻞ
ﺗﺸﻮﻓﺞ ﺭﺟﺎﺀﺍً ﺑﻼ ﺯﺣﻤﺔ ﺍﺗﺤﺮﻛﻲ ﻃﻠﻌﻲ ﻣﻨﺎ ﺍﻋﺮﻑ ﺍﻧﺘﻲ ﺍﺧﺘﻬﺎ
ﺑﺲ ﻫﻲ ﻣﺘﺮﻳﺪ ﺗﺸﻮﻓﺞ ﻭﺍﺣﻨﺎ ﻣﺎﺑﻴﺪﻧﺎ ﺷﻲ ﻋﺒﺪ ﻣﺎﻣﻮﺭ ... ﺍﺗﺤﺮﻛﻲ
ﻻ ﺍﻃﻠﺐ ﺍﻻﻣﻦ ﻳﺠﻮﻥ ﻳﻄﻠﻌﻮﻧﺞ ﻣﻨﺎ ﺑﺎﻟﻘﻮﺓ
ﻟﺞ ﻛﻞ ﻳﻮﻡ ﺍﺭﻭﺡ ﻭﻫﻲ ﻧﻔﺲ ﺍﻟﺠﻮﺍﺏ
ﻟﺞ ﺍﻟﻴﻮﻡ ﺭﺣﺖ ﻛﻠﻮﻟﻲ ﻣﺮﻭﺓ ﺍﺗﺰﻭﺟﺖ ﺩﻛﺘﻮﺭ ﺭﺍﻓﺪ ﻭﺳﺎﻓﺮﺕ ﻭﻳﺎﻩ
ﺍﻳﻔﺎﺩ ﻗﺪﻣﺖ ﻋﻠﻰ ﺩﺭﺍﺳﺎﺕ ﻋﻠﻴﺎ ﺑﺎﻟﺨﺎﺭﺝ
ﻟﺞ ﻫﺪﻯ ﺍﺭﻳﺪ ﺍﻣﻮﺕ ﻣﻦ ﺍﻟﻘﻬﺮ ﻫﺬﺍ ﺍﻟﺪﻛﺘﻮﺭ ﺍﻋﺮﻓﻪ ﻭﺍﺣﺪ ﻣﻠﻌﺐ
ﻭﺳﻤﻌﺘﻪ ﻣﻮ ﺷﻲ ﻫﻲ ﺷﻠﻮﻥ ﺳﻮﺕ ﻫﻴﺞ ﻭﻗﺒﻠﺖ ﺗﺘﺰﻭﺝ ﺑﺪﻭﻥ
ﻋﻠﻤﻨﺎ ﺷﻠﻮﻥ ﺍﻧﻄﺎﻫﺎ ﻛﻠﺒﻬﺎ
ﻫﺪﻯ .. ﺍﺧﺎﻑ ﻣﺘﻤﻜﻦ ﻣﺎﺩﻳﺎ ﻭﻏﺎﺡ ﻳﻔﺘﺤﻠﻬﺎ ﻋﻴﺎﺩﺓ ﻭﺗﻌﻐﻔﻴﻦ ﺑﻴﻬﺎ
ﻣﻐﻮﺓ ﻋﻨﺪﻫﺎ ﺗﺤﻘﻴﻖ ﺣﻠﻤﻬﺎ ﻳﺠﻲ ﺑﺎﻟﻤﻘﺪﻣﺔ
ﺷﻴﻤﺎﺀ .. ﻻ ﻣﺴﺘﺤﻴﻞ ﺍﻟﺪﻛﺘﻮﺭ ﻣﺴﺘﻮﺍﻩ ﺍﻟﻤﺎﺩﻱ ﻭﺳﻂ ﻣﻮ ﻛﻠﺶ
ﻗﻮﻱ ﻟﺪﺭﺟﺔ ﻳﻔﺘﺤﻠﻬﺎ ﻋﻴﺎﺩﺓ ﻭﻳﺠﻬﺰﻫﺎ ﺍﻧﻲ ﻣﺘﺄﻛﺪﺓ ﻣﻨﻪ ﻣﺎ ﻳﻜﺪﺭ
ﻳﻔﺘﺤﻠﻬﺎ ﻋﻴﺎﺩﺓ ﻭﻫﺬﺍ ﺍﻟﻤﺨﺒﻠﻨﻲ ﻟﻴﺶ ﺳﻮﺕ ﻫﺸﻜﻞ
ﺟﻨﺎ ﻧﺤﺠﻲ ﻭﺳﻤﻌﻨﺎ ﺻﻮﺕ ﺻﻴﺎﺡ ﺑﺎﺑﺎ ﻭﻋﻤﻮ ﺍﻣﺠﺪ
ﺷﻴﻤﺎﺀ ﻛﺎﻣﺖ ﻣﻦ ﻣﻜﺎﻧﻬﺎ ﻣﺮﺗﺒﻜﺔ ﻭﻣﺴﺤﺖ ﺩﻣﻮﻋﻬﺎ
.. ﺭﻭﺣﻲ ﻃﻠﻌﻲ ﺍﻧﻲ ﺟﺎﻳﺔ ﻭﺭﺍﺝ
ﻃﻠﻌﺖ ﻭﺷﻔﺖ ﺑﺎﺑﺎ ﻳﻜﺴﺮ ﺑﺎﻟﻐﺮﺍﺽ ﻭﻳﻜﻔﺮ ﻭﻳﺴﺐ ﻭﻳﻐﻠﻂ ﻭﻋﻤﻮ
ﺍﻣﺠﺪ ﻳﻜﻠﻪ ﻫﺪﻱ ﻭﺧﻠﻲ ﻧﻔﺘﻬﻢ ﻣﻨﻬﻢ ﺷﺼﺎﻳﺮ
ﺍﻧﻲ ﻟﺰﻣﺖ ﻛﻠﺒﻲ ﺑﻴﺪﻱ ﻭﺑﻜﻞ ﺿﻨﻲ ﺑﺎﺑﺎ ﻋﺮﻑ ﺑﺰﻭﺍﺝ ﻣﺮﻭﺓ ﻭﺟﺎﻱ
ﻣﻌﺼﺐ ﻋﻠﻴﻨﺎ
ﺿﺤﻰ ﺧﺎﻳﻔﺔ ﺭﺍﺣﺖ ﺟﺎﺑﺖ ﺍﻟﻤﻜﻨﺎﺳﺔ ﻭﻛﻌﺪﺕ ﺗﻠﻢ ﺑﺎﻟﻜﺰﺍﺯ
ﻃﻠﻌﺖ ﺷﻴﻤﺎﺀ ﻣﻦ ﺍﻟﻐﺮﻓﺔ ﻻﺑﺴﺔ ﺩﺷﺪﺍﺩﺷﺔ
.. ﺷﻜﻮ ﺑﺎﺑﺎ ﺷﺼﺎﻳﺮ ﻟﻴﺶ ﻣﻌﺼﺐ
ﺟﻨﺖ ﻻﺯﻣﺔ ﻛﻠﺒﻲ ﺑﺄﻳﺪﻱ
ﻛﻌﺪ ﺑﺎﺑﺎ ﻭﻟﺰﻡ ﺭﺍﺳﻪ ﺑﺜﻨﻴﻦ ﺍﻳﺪﻳﻪ ﻭﺩﻧﻚ
ﺍﻣﺠﺪ .. ﺭﻭﺣﻲ ﺟﻴﺒﻴﻠﻪ ﻣﺎﻱ ﺧﻠﻲ ﺍﻓﺘﻬﻢ ﻣﻨﻪ ﺷﺼﺎﻳﺮ ﻛﻀﺎﻫﺎ ﻋﻠﻴﺔ
ﻛﻠﺔ ﺻﻴﺎﺡ ﻣﺎ ﺍﻓﺘﻬﻤﺖ ﻣﻨﺔ ﺷﻲ
ﺭﺣﺖ ﺟﺒﻴﺖ ﻛﻼﺹ ﺍﻟﻤﺎﻱ
ﻭﺍﻧﻄﻴﺘﻪ ﻟﺒﺎﺑﺎ ﺍﺧﺬﻫﺎ ﻣﻨﻲ ﻣﺎ ﺷﺮﺑﻪ ﻛﺒﻞ ﻛﻠﺒﻪ ﻋﻠﻰ ﺭﺍﺳﻪ
ﻓﺎﻳﺮ ﻣﻦ ﺍﻟﻐﻀﺐ
ﺍﻣﺠﺪ .. ﻫﺴﺔ ﻳﺎﻟﻠﻪ ﺍﺣﺠﻴﻠﻨﺎ ﺷﺼﺎﻳﺮ
ﺍﺛﻴﺮ ﻳﺤﺠﻲ ﻭﻳﺮﺟﻒ ﺑﻐﻴﻆ
.. ﻫﺬﻭﻟﻲ ﻭﻟﺪ ﺍﺧﻮﻙ ﺍﻟﻲ ﻋﺎﻳﺸﻴﻴﻦ ﺑﺎﻟﺨﺎﺭﺝ ﻃﻠﻌﻮﺍ
ﺑﺎﻳﻌﻴﻴﻦ ﻫﺬﺍ ﺍﻟﻤﺸﺘﻤﻞ ﺑﺪﻭﻥ ﻣﺎ ﻧﻌﺮﻑ ﺍﻟﻴﻮﻡ ﺍﺟﺎﻧﻲ ﻭﺍﺣﺪ ﻟﻠﺸﻐﻞ
ﻭﻃﻠﺐ ﻣﻨﻲ ﺍﻓﺮﻍ ﺍﻟﺒﻴﺖ
ﻟﻄﻤﺖ ﻋﻠﻰ ﺣﻠﻜﻲ ﻣﺼﺪﻭﻣﺔ ﻭﺷﻴﻤﺎﺀ ﺷﻬﻜﺖ ﻭﺣﻄﺖ ﺍﻳﺪﻫﺎ ﻋﻠﻰ
ﺣﻠﻜﻬﺎ
ﻭﻇﻠﻴﻨﺎ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ
ﻳﺘﺒﻊ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء