رواية أساور الفضة ج1 الجزء الثاني
للكاتبة نهى
.
ﺍﻡ ﺷﻴﻤﺎﺀ .. ﺣﺒﻴﺒﺘﻲ ﺷﻮﻣﺔ ﺭﻛﻀﻲ ﺷﻮﻓﻲ ﺍﺧﺘﺞ ﺷﺒﻴﻬﺎ
ﻓﺘﺤﺖ ﺷﻴﻤﺎﺀ ﺍﻟﺒﺎﺏ ﻭﺟﺎﻥ ﺗﺪﺧﻠﻠﻬﻢ ﻫﺪﻯ ﻭﺩﻣﻬﺎ ﺑﻄﻮﻟﻬﺎ
.. ﻳﻤﺔ ﻳﺎ ﺳﺘﺎﺭ ﺑﻨﻴﺘﻲ
ﻫﺪﻯ ﺣﺮﻛﺖ ﺍﻟﺠﻮ ﺑﺎﻟﺼﺮﻳﺦ ﺗﺒﺠﻲ ﻳﺮﺩﻭﻥ ﻳﻔﺘﻬﻤﻮﻥ ﻣﻨﻬﺎ ﺷﻲ ﻣﺎﻛﻮ
ﺍﻡ ﺷﻴﻤﺎﺀ ﺍﻧﺨﺒﺼﺖ ﺑﺎﻟﺪﻡ ﺍﻟﻲ ﻛﺎﻥ ﻳﻨﺰﻝ ﻣﻦ ﻛﺼﺘﻬﺎ ﻭﺍﻡ ﻓﺮﺯﺩﻕ
ﺭﺍﺣﺖ ﺗﺴﺘﻔﺴﺮ ﻣﻦ
ﺍﻟﺒﻨﺎﺕ ﺍﻟﻲ ﻛﺎﻧﺖ ﺗﻠﻌﺐ ﻭﻳﺎﻫﻢ
ﻛﺎﻟﻮﺍ ﻫﺬﺍ ﻗﺎﺳﻢ ﺍﻟﻮﻛﺢ ﺟﺎﻥ ﻳﻠﻌﺐ ﺑﺎﻟﻤﺼﻴﺎﺩﺓ ﻭﺿﺮﺑﻬﺎ ﺑﺤﺼﻮﺓ
ﻣﻴﺪﺭﻱ
ﺍﻡ ﻓﺮﺯﺩﻕ .. ﻳﺎ ﻋﺰﺓ ﺑﻌﻴﻨﻪ ﻫﺬﺍ ﻗﺎﺳﻢ ﻣﺎ ﻏﻴﺮﻩ ﻫﺬﺍ ﻧﻔﺴﻪ ﺍﻟﻮﻟﺪ
ﺍﻟﻮﻛﻴﺢ
ﺍﻟﻲ ﺫﺍﻙ ﺍﻟﻴﻮﻡ ﺳﻮﻟﻔﺘﻠﺞ ﻋﻠﻴﻪ
ﺍﻡ ﺷﻴﻤﺎﺀ ﺗﻀﻤﺪ ﺑﻬﺪﻯ ﺍﻟﻲ ﻛﻠﺒﺖ ﺍﻟﺒﻴﺖ ﺑﺎﻟﺒﺠﻲ
.. ﻭﺍﻟﻠﻪ ﺍﻻ ﺍﺭﻭﺡ ﻻﺑﻮﻩ ﻭﺍﺧﻠﻴﻪ ﻳﺸﻠﻊ ﺍﺫﺍﻧﺎﺗﻪ ﺷﻠﻮﻥ ﻓﺎﺗﺢ ﻛﺼﺖ
ﺍﻟﺒﻨﻴﺔ ﺍﺩﺭﻱ ﻟﻮ ﻭﺍﻛﻌﺔ ﺑﻌﻴﻨﻬﺎ ﺍﻧﻲ ﺷﺴﻮﻱ
ﻭﺍﻟﻠﻪ ﻣﺎ ﻳﺸﻔﻲ ﻏﻠﻴﻠﻲ ﺍﻻ ﺍﻓﻜﺲ ﻋﻴﻨﻪ
ﺻﺎﺣﺖ ﻟﺸﻴﻤﺎﺀ
.. ﺭﻭﺣﻲ ﺟﻴﺒﻴﻠﻲ ﻋﺒﺎﺗﻲ ﺧﻠﻲ ﺍﺭﻭﺡ ﻟﺒﻴﺖ ﻫﺬﺍ ﺍﻟﺸﻴﻄﺎﻥ
ﺍﻟﻴﻮﻡ ﺍﻻ ﺍﻃﻴﺢ ﺣﻈﻪ ﻭﺍﺧﻠﻲ ﺍﻫﻠﻪ ﻳﺴﻮﻭﻟﻪ ﺣﻞ ﺷﻨﻮ ﺟﻠﺐ ﻣﺴﻌﻮﺭ
ﻭﻫﺎﺩﻳﻨﻪ ﻋﻠﻰ ﺟﻬﺎﻟﻨﺎ ﺑﺎﻟﻤﻨﻄﻘﺔ
ﻭﺍﺫﺍ ﺟﺎﻱ ﻋﻠﻰ ﺍﺭﺑﻊ ﺑﻨﺎﺕ ﺍﺣﻨﺎ ﺷﻨﻮ ﺫﻧﺒﻨﺎ ﻣﺪﻟﻌﻴﻨﻪ ﻭﻣﻄﻠﻌﻴﻦ ﻋﻴﻨﻪ
ﺭﺍﺣﺖ ﺍﻡ ﻓﺮﺯﺩﻕ ﻭﺍﻡ ﺷﻴﻤﺎﺀ ﻭﺍﺧﺬﻭﺍ ﻭﻳﺎﻫﻢ ﻫﺪﻯ ﺷﺎﺩﻳﻦ ﺭﺍﺳﻬﺎ
ﻟﺒﻴﺖ ﺍﺑﻮ ﻗﺎﺳﻢ ﻭﻫﻨﺎﻙ ﻃﻠﻌﻠﻬﻢ ﺍﺑﻮ ﻗﺎﺳﻢ ﻭﺳﻠﻢ ﻋﻠﻰ ﺍﻡ ﻓﺮﺯﺩﻕ
ﻭﺍﻡ ﺷﻴﻤﺎﺀ ﻭﻋﻴﻮﻧﻪ ﻋﻠﻰ ﻫﺪﻯ ﺍﻟﺘﺒﺠﻲ
ﺍﻡ ﺷﻴﻤﺎﺀ .. ﺧﻮﻳﺔ ﺷﻮﻑ ﺍﺑﻨﻚ ﺷﻤﺴﻮﻱ ﺑﻜﺼﺔ ﺑﻨﺘﻲ
ﺍﺑﻮ ﻗﺎﺳﻢ .. ﻫﺬﺍ ﻗﺎﺳﻢ ﺍﻟﻤﺴﻮﻱ ﻫﺸﻜﻞ ﺑﻴﻬﺎ؟؟؟
ﺍﻡ ﻓﺮﺯﺩﻕ .. ﺍﻱ ﻭﺍﻟﻠﻪ ﺧﺎﻟﺔ ﻫﺬﺍ ﻭﻟﻴﺪﻙ ﻗﺎﺳﻢ ﺿﺎﺭﺑﻬﺎ ﺑﺎﻟﻤﺼﻴﺎﺩﺓ
ﺻﺎﺡ ﺍﺑﻮ ﻗﺎﺳﻢ ﻋﻠﻰ ﺍﺑﻨﻪ ﻭﻃﻠﻊ ﻗﺎﺳﻢ ﻋﻴﻮﻧﻪ ﺗﻠﻤﻊ ﻣﻦ ﺍﻟﻮﻛﺎﺣﺔ
ﻭﺍﻟﻌﻔﺮﺗﻪ
ﻟﺰﻣﻪ ﺍﺑﻮﻩ .. ﻭﻟﻚ ﻗﺎﺳﻢ ﻫﺎﻱ ﺷﻤﺴﻮﻱ ﺑﺎﻟﺒﻨﻴﺔ ﻣﺴﻜﻄﻬﺎ
ﺍﻧﺎ ﻛﻢ ﻣﺮﺓ ﻣﻨﺒﻪ ﻋﻠﻴﻚ ﺗﺒﻄﻞ ﺷﻐﺐ ﻭﺗﺎﻟﻲ ﻭﻳﺎﻙ
ﻗﺎﺳﻢ .. ﻳﺎﺑﺔ ﺍﻧﻲ ﺟﻨﺖ ﻣﻘﻨﺺ ﻋﺎﻟﻌﺼﻔﻮﺭ ﻭﺻﻮﺑﺖ
ﻭﻣﺎ ﺍﺩﺭﻱ ﺷﻠﻮﻥ ﺍﺟﺘﻲ ﺑﻜﺼﺔ ﻫﺎﻱ
ﻭﺍﺷﺮ ﻋﻠﻰ ﻫﺪﻯ
ﻟﺰﻣﻪ ﺍﺑﻮﻩ ﻣﻦ ﺍﺫﻧﻪ .. ﺷﻮﻑ ﻭﻟﻚ ﻣﻦ ﻭﺭﺓ ﻭﻛﺎﺣﺘﻚ ﻭﻣﺸﺎﻛﻠﻚ
ﺑﺎﻟﻤﻨﻄﻘﺔ ﺻﺮﺕ ﺣﺘﻰ ﺍﺳﺘﺤﻲ ﺍﺳﻠﻢ ﻋﺎﻟﺠﻴﺮﺍﻥ
ﻣﻔﺸﻠﻨﻲ ﻭﻳﻦ ﻣﺎ ﺍﺭﻭﺡ
ﻭﺭﺏ ﺍﻟﻜﺒﻌﺔ ﺍﺫﺍ ﺍﺳﻤﻊ ﺑﻴﻚ ﻣﺄﺫﻱ ﺍﺣﺪ ﻣﻦ ﺟﻬﺎﻝ ﺍﻟﻤﻨﻄﻘﺔ ﺭﺍﺳﻚ
ﺍﻛﺴﺮﻩ
ﺟﺎﻧﺖ ﺍﻡ ﺷﻴﻤﺎﺀ ﺍﻋﺼﺎﺏ ﺑﺲ ﻣﻦ ﺳﻤﻌﺖ ﻛﻼﻡ ﺟﺎﺭﻫﻢ ﻭﻳﺔ ﺍﺑﻨﻪ
ﺑﺮﺩ ﻏﻀﺒﻬﺎ ﻭﻛﺄﻧﻤﺎ ﺍﺧﺬ ﺑﺤﻖ ﺑﻨﺘﻬﺎ
ﺍﻟﺘﻔﺖ ﻋﻠﻴﻬﻢ
.. ﺧﻮﻳﺔ ﺍﻡ ﺷﻴﻤﺎﺀ ﻣﺴﺤﻴﻬﺎ ﺑﻮﺟﻬﻲ ﻭﺍﻋﺘﺬﺭ ﻣﻨﻜﻢ ﻟﺰﻡ ﻫﺪﻯ ﻣﻦ
ﺍﻳﺪﻫﺎ ﻭﺻﺎﺭ ﻳﻤﺴﺢ ﺑﺪﻣﻮﻋﻬﺎ ﻭﻛﻤﻞ ﻛﻼﻣﻪ
ﻭﺍﻟﻠﻪ ﻫﺬﺍ ﺍﻟﻮﻟﺪ ﺭﺍﺡ ﻳﻤﻮﺗﻨﻲ ﻧﺎﻗﺺ ﻋﻤﺮ ﻣﻦ ﻭﺭﺓ ﻭﻛﺎﺣﺘﻪ
ﺍﻡ ﻓﺮﺯﺩﻕ .. ﺍﺳﻢ ﺍﻟﻠﻪ ﻋﻠﻴﻚ ﺧﺎﻟﺔ ﺷﻨﻮ ﺗﺮﺓ ﺑﻌﺪﻩ ﺟﺎﻫﻞ ﻳﻜﺒﺮ
ﻭﻳﻌﻘﻞ ﻻﺗﺨﻠﻲ ﺑﺎﻟﻚ ﻭﻳﺎﻩ
ﺍﺑﻮ ﻗﺎﺳﻢ .. ﻳﺎ ﺟﺎﻫﻞ ﻭﻋﻤﺮﻩ ﺩﺧﻞ ﺏ١٣ﺳﻨﺔ ﻭﻣﺎﻛﻮ ﻭﻻ ﻳﻤﻞ ﻣﻦ
ﺍﻟﻤﺸﺎﻛﻞ ﻭﻭﻳﻦ ﻣﺎ ﻳﺮﻭﺡ ﻗﺎﺳﻢ ﺍﺳﻤﻊ ﺍﻛﻮ ﻣﺼﻴﺒﺔ ﺻﺎﻳﺮﺓ ﻣﻦ
ﻭﺭﺍﻩ ﺻﺮﺕ ﺣﺘﻰ ﺍﺧﺎﻑ ﺍﻃﻠﻌﻪ ﺧﺎﻑ ﻳﺴﻮﻳﻠﻲ ﻣﺼﻴﺒﺔ
ﻋﺎﻁ ﺑﻘﺎﺳﻢ ﻭﻛﻠﻪ ﺍﺩﺧﻞ ﺟﻮﺓ ﺟﺎﻧﺖ ﺍﻡ ﻗﺎﺳﻢ ﺗﺒﺎﻭﻉ ﻭﺳﺎﻛﺘﺔ
ﺑﺲ ﺗﻬﺪﻱ ﺑﺄﺑﻮ ﻗﺎﺳﻢ
ﺭﺍﺣﺖ ﺍﻡ ﺷﻴﻤﺎﺀ ﻭﺍﻡ ﻓﺮﺯﺩﻕ ﺑﻌﺪﻣﺎ ﺍﺗﺒﺎﺩﻟﻮﺍ ﺍﻟﺴﻼﻡ ﻭﺍﻻﻋﺘﺬﺍﺭ ﻭﻳﺔ
ﺟﻴﺮﺍﻧﻬﻢ
ﺍﺑﻮ ﻗﺎﺳﻢ .. ﺷﻔﺘﻲ ﻭﻳﻦ ﻭﺻﻠﻨﺎ ﺍﺑﻨﺞ ﻭﻋﻤﺎﻳﻠﻪ
ﺍﻡ ﻗﺎﺳﻢ .. ﻋﻠﻰ ﻛﻴﻔﻚ ﻭﻳﺔ ﺍﻟﻮﻟﺪ ﺗﺮﺓ ﻫﻮ ﻣﺎﻣﺘﻌﻤﺪ
.. ﺭﺣﻤﺔ ﻋﻠﻰ ﻭﺍﻟﺪﻳﺞ ﻛﺎﻓﻲ ﻣﺤﺪ ﻃﻠﻊ ﻋﻴﻦ ﺍﻟﻮﻟﺪ ﻏﻴﺮﺝ ﺍﻧﺘﻲ ﻛﻠﻪ
ﻣﻦ ﻭﺭﺓ ﺍﻟﺪﻻﻝ
ﺩﺧﻞ ﻟﻠﺒﻴﺖ ﻳﺼﻴﺢ ﻋﻠﻰ ﻗﺎﺳﻢ
.. ﻟﻚ ﺑﺎﺑﺎ ﻗﺎﺳﻢ ﻭﺗﺎﻟﻲ ﻭﻳﺎﻙ ﺍﻱ ﻣﻮ ﻭﺍﻟﻠﻪ ﺟﺰﻋﺘﻨﻲ ﻣﻦ ﻭﺭﺓ
ﻣﺸﺎﻛﻠﻚ
ﺍﻡ ﻗﺎﺳﻢ .. ﺻﻠﻲ ﻋﺎﻟﻨﺒﻲ ﻭﻋﻮﻑ ﺍﻟﻮﻟﺪ ﺗﺮﺓ ﻛﻞ ﺍﻻﻭﻻﺩ ﻫﺸﻜﻞ ﻣﻮ
ﺑﺲ ﺍﺑﻨﻲ ﺑﺲ ﻏﻴﺮ ﺍﻧﺖ ﻣﺼﻴﺤﻪ ﺑﺎﻟﻤﻨﻄﻘﺔ
.. ﻟﺞ ﺷﺘﻜﻮﻟﻴﻦ ﻳﺎﻣﺼﻴﺤﻪ ﻳﻌﻨﻲ ﺑﺮﺑﺞ ﻛﻞ ﺍﻻﻭﻻﺩ ﺍﻟﻲ ﺑﻌﻤﺮﻩ
ﻳﺮﺣﻮﻥ ﻳﺘﻌﺎﺭﻛﻮﻥ ﻭﻳﻀﺮﺑﻮﻥ ﺑﺒﻨﺎﺕ ﺍﻟﻌﺎﻟﻢ
ﺯﻳﻦ ﻣﺮﺓ ﻣﺮﺗﻴﻦ
ﻫﻮ ﺍﺑﻨﺞ ﻛﻞ ﻳﻮﻡ ﺟﺎﻳﺒﻠﻲ ﻣﺸﻜﻠﺔ ﺑﻜﺪ ﺭﺍﺳﻪ
ﻭﺍﻟﻠﻪ ﺻﺮﺕ ﺍﺳﺘﺤﻲ ﻣﻦ ﺍﺟﻴﺐ ﻃﺎﺭﻳﻪ ﻛﺪﺍﻡ ﻋﻤﺎﻣﻪ
ﻣﺎ ﺑﻲ ﺍﻱ ﺷﻲ ﺯﻳﻦ ﻳﺨﻠﻴﻨﻲ ﺍﻓﺘﺨﺮ ﺑﻲ
ﻫﺎﺝ ﺷﻮﻓﻲ ﻋﻤﺮﻩ ١٣ﺳﻨﺔ ﻭﺑﺎﻟﻜﻮﺓ ﺑﺎﻟﺪﻓﺮﺍﺕ ﻭﺻﻞ ﻟﺼﻒ ﺍﻭﻝ
ﻣﺘﻮﺳﻂ
ﻭﻛﺎﺿﻴﻬﺎ ﻛﻠﺔ ﻳﻠﻌﺐ ﺑﺎﻟﺸﻮﺍﺭﻉ
ﻭﺍﻟﺒﺎﺭﺣﺔ ﺭﺣﺖ ﻟﻠﻤﺪﺭﺳﺔ ﻳﻢ ﺍﻟﻤﺪﻳﺮ ﻭﻛﺎﻟﻮ ﻗﺎﺳﻢ ﻏﺎﻳﺐ
ﺷﻠﻮﻥ ﻗﺎﺳﻢ ﻏﺎﻳﺐ ﻭﺍﻧﺎ ﻛﺪﺍﻣﻲ ﻃﻠﻊ ﻣﻦ ﺍﻟﺒﻴﺖ ﺑﻤﻼﺑﺲ ﺍﻟﺪﻭﺍﻡ
ﺗﺎﻟﻲ ﻃﻠﻊ ﺍﻻﺥ ﻃﺎﻓﺮ ﻣﻦ ﺳﻴﺎﺝ ﺍﻟﻤﺪﺭﺳﺔ
ﺍﻡ ﻗﺎﺳﻢ .. ﻋﻠﻰ ﻛﻴﻔﻚ ﻻﺗﻌﺼﺐ ﻣﻮ ﺯﻳﻦ ﻋﻠﻴﻚ
ﺍﻛﻌﺪ ﻭﺍﺣﺠﻲ ﻭﻳﺎﻩ ﺑﻬﺪﺍﻭﺓ ﺗﺮﺓ ﺍﻟﺼﻴﺎﺡ ﻋﻤﺮﻩ ﻣﺎ ﺟﺎﺏ ﻧﺘﻴﺠﺔ ﻭﻫﺬﺍ
ﺍﻧﺖ ﻛﻠﺘﻬﺎ ﺑﻨﻔﺴﻚ ﺍﺑﻨﻚ ﻛﺒﺮ ﻳﻌﻨﻲ ﻟﺘﻌﺎﻣﻠﻪ ﻣﺜﻞ ﺍﻟﺠﺎﻫﻞ ﻭﺗﺼﻴﺢ
ﺑﻮﺟﻬﻪ
ﺻﺎﺣﺖ ﻋﻠﻰ ﻗﺎﺳﻢ .. ﻛﻮﻡ ﻣﺎﻣﺎ ﺑﻮﺱ ﺭﺍﺱ ﺍﺑﻮﻙ ﻭﻛﻠﻪ ﺑﻌﺪ ﻣﺎ
ﺍﻋﻴﺪﻫﺎ
ﺍﺑﻮ ﻗﺎﺳﻢ .. ﻋﻠﻰ ﻳﺎ ﻣﺼﻴﺒﺔ ﻣﻨﻬﻢ ﻳﻌﺘﺬﺭﻟﻲ ﺍﺷﻮ ﻫﻨﺔ ﻛﺜﺮﻥ
ﻗﺎﺳﻢ ﺑﺤﻨﺠﺮﺓ ﺧﺸﻨﺔ ﻭﺑﺼﻮﺕ ﺍﻟﻤﺮﺍﻫﻖ
.. ﺑﺎﺑﺎ ﺍﺳﻒ ﻝ ﺗﻌﺼﺐ ﺧﻼﺹ ﻫﺬﺍ ﻫﻮ ﺑﻌﺪ ﻣﺎ ﺗﺘﻜﺮﺭ
.. ﻛﺜﺮﺕ ﺍﻋﺘﺬﺍﺭﺗﻚ ﻭﺻﺎﺭﻭﺍ ﻣﺎ ﻳﻮﻛﻠﻦ ﻋﻨﺪﻱ ﺧﺒﺰ
ﺑﺎﺑﺎ ﺍﺭﻳﺪﻙ ﺗﻨﺘﺒﻪ ﻋﻠﻰ ﻧﻔﺴﻚ ﻭﺩﺍﺭﺳﺘﻚ ﻭﻣﺴﺘﻘﺒﻠﻚ
ﺗﻌﺎﻝ ﺷﻮﻑ ﺍﻭﻻﺩ ﻋﻤﺎﻣﻚ ﺷﻠﻮﻥ ﺷﻄﺎﺭ ﻭﻣﺘﻔﻮﻗﻴﻦ ﺑﻤﺪﺍﺭﺳﻬﻢ
ﺗﺪﺭﻱ ﺍﻟﺒﺎﺭﺣﺔ ﻋﻤﻚ ﺍﻟﺠﺒﻴﺮ ﻣﺤﻤﺪ ﺑﻄﺎﺭﻳﻚ ﻭﻳﺴﺄﻟﻨﻲ ﻋﻨﻚ ﺣﺘﻰ
ﻇﻞ ﻳﺤﺠﻲ ﻋﻠﻴﺔ ﻣﻦ ﻭﺭﺍﻙ ﻳﻜﻠﻲ
ﺍﺑﻨﻚ ﺍﻧﺖ ﺍﻟﺴﺒﺐ ﺑﺨﺮﺍﺏ ﺗﺮﺑﻴﺘﻪ ﻣﻄﻠﻊ ﻋﻴﻨﻪ ﺑﺎﻟﺪﻻﻝ
ﻳﻜﻠﻲ ﻻﺯﻡ ﺗﺘﻌﺎﻣﻞ ﻭﻳﺎﻩ ﺑﺤﺰﻡ
ﺍﻡ ﻗﺎﺳﻢ .. ﻣﺎﻋﻠﻴﻚ ﻣﻨﻪ ﻫﻮ ﻣﺤﻤﺪ ﻳﺸﻮﻑ ﻧﻔﺴﻪ ﺿﺎﺑﻂ
ﻭﺻﺎﺭﻡ ﻭﻳﺘﻌﺎﻣﻞ ﻭﻳﺔ ﺍﻭﻻﺩﻩ ﻛﻠﻪ ﺑﺎﻟﻘﺎﻧﻮﻥ ﻋﺒﺎﻟﻚ ﻋﻨﺪﻩ
ﺟﻨﻮﺩ ﻣﻮ ﺍﻭﻻﺩ ﻣﺎ ﻳﻌﺎﻣﻠﻬﻢ ﺑﺤﻨﺎﻥ ﻭﻫﻮ ﺍﻟﻠﻪ ﻳﺤﻔﻈﻪ
ﻳﺴﻤﻲ ﺍﻟﺤﻨﺎﻥ ﺍﻟﻲ ﻧﻌﺎﻣﻞ ﺑﻲ ﺍﻭﻻﺩﻧﺎ ﺩﻻﻝ
.. ﺍﻱ ﺷﺤﺼﻠﻨﺎ ﻣﻦ ﺍﻟﺤﻨﺎﻥ ﺷﻮﻓﻲ ﺍﻭﻻﺩﻩ ﻭﺷﻮﻓﻲ ﺍﺑﻨﺞ
ﺍﺣﻨﺎ ﻭﺍﺣﺪ ﻭﻛﻞ ﺳﻨﻪ ﻳﻄﻠﻊ ﺍﻛﻤﺎﻝ ﻭﻳﻤﺘﺤﻦ ﺩﻭﺭ ﺛﺎﻧﻲ ﻫﺎﻱ
ﺑﺎﻻﺑﺘﺪﺍﺋﻴﻪ ﻛﻤﻠﻬﺎ ﺑﺎﻟﺪﻓﺮﺍﺕ ﻭﻫﺴﻪ ﺻﺎﺭ ﻣﺘﻮﺳﻄﻪ ﻣﺘﺎﻛﺪ ﻛﻞ ﺻﻒ
ﻳﻜﻌﺪ ﺑﻲ ﺳﻨﻪ ﻭﺳﻨﺘﻴﻦ ﻭﻫﺴﻪ ﺗﺸﻮﻓﻴﻦ
ﺍﺧﻮﻳﻪ ﺧﻤﺲ ﻭﻟﺪ ﻋﻨﺪﻩ ﺗﻌﺎﻱ ﺷﻮﻓﻴﻬﻢ ﻣﺎ ﺷﺎﺀ ﺍﻟﻠﻪ ﻛﻠﻬﻢ
ﻣﺘﻔﻮﻗﻴﻦ ﻭﻫﺬﺍ ﺍﻟﺠﺒﻴﺮ ﺩﺧﻞ ﻛﻠﻴﺔ ﻃﺐ ﻭﻣﻮ ﺑﺲ ﺍﺧﻮﻱ ﻣﺤﻤﺪ
ﺍﻭﻻﺩﻩ ﻳﺮﻓﻌﻮﻥ ﺍﻟﺮﺍﺱ ﺣﺘﻰ ﺍﻭﻻﺩ ﺍﺧﻮﺗﻲ
ﻓﺮﺍﺱ ﻭﻓﺎﺿﻞ ﺷﻮﻓﻴﻬﻢ ﺷﻠﻮﻥ ﻳﺒﻴﻀﻮﻥ ﺍﻟﻮﺟﻪ
ﺍﻻ ﺍﻧﺎ ﺣﻈﻲ ﻣﺎ ﺍﻋﺮﻑ ﻭﻳﻦ ﻧﺎﻳﻢ ﺗﺪﺭﻳﻦ ﺻﺮﺕ ﺍﺣﺴﺪﻫﻢ ﻋﻠﻰ
ﺍﻭﻻﺩﻫﻢ ﺷﻠﻮﻥ ﺭﺍﻓﻌﻴﻦ ﺭﺍﺳﻬﻢ ﻭﺍﻧﺎ ﻣﺜﻞ ﺍﻟﻤﺴﻮﻱ ﻣﻜﺴﻮﺭﺓ
ﺟﺎﻥ ﻗﺎﺳﻢ ﻳﺴﻤﻊ ﻣﻨﺎ ﻭﻳﻄﻠﻊ ﻣﻨﺎ ﻫﺎﻱ ﺍﻟﻤﺤﺎﺿﺮﺓ ﺍﺗﻌﻮﺩ ﻋﻠﻴﻬﺎ ﻛﻞ
ﻳﻮﻡ ﻳﺴﻤﻌﻬﺎ ﺍﺻﻼ ﺣﺘﻰ ﺣﻔﻈﻬﺎ
ﻋﻤﻪ ﻣﺤﻤﺪ ﻛﺒﻴﺮ ﺍﻟﻌﺎﺋﻠﺔ ﻫﻮ ﺍﻻﻣﺮ ﺍﻟﻨﺎﻫﻲ ﻭﻛﻠﻤﺘﻪ ﻣﺴﻤﻮﻋﺔ
ﻭﺗﻤﺸﻲ ﻋﺎﻟﺠﺒﻴﺮ ﻭﺍﻟﺼﻐﻴﺮ ﻫﻮﺍﻱ ﻳﺘﺤﻜﻢ ﺑﺎﻟﻌﻮﺍﺋﻞ ﺑﺲ ﺩﺧﻴﻞ ﺍﻟﻠﻪ
ﺷﻠﻮﻧﻪ ﻣﺜﻞ ﺍﻟﺸﻮﻛﺔ ﺑﺎﻟﺒﻠﻌﻮﻡ ﺣﺴﺮﺓ ﻋﻠﻴﺔ ﺍﺳﻮﻱ ﺷﻲ ﺍﺫﺍ ﻣﺎ ﺍﻟﻜﺔ
ﻋﻤﻲ ﻣﺤﻤﺪ ﻋﻨﺪﻩ ﻋﻠﻢ ﺑﻴﻪ
ﺍﺩﺭﻱ ﺍﺭﻳﺪ ﺍﻋﺮﻑ ﻣﻨﻮ ﻳﻮﺻﻠﻪ ﺍﺧﺒﺎﺭﻱ
ﺑﺎﻭﻋﺖ ﺑﻀﺠﺮ ﺍﻟﻈﺎﻫﺮ ﺍﻟﻮﺍﻟﺪ ﻧﺎﻭﻱ ﻳﻄﻮﻝ ﺑﺎﻟﻤﺤﺎﻇﺮﺓ ﻭﺍﻧﺎ ﻭﺭﺍﻱ
ﻃﻮﺑﺔ ﺑﺎﻟﺴﺎﺣﺔ ﺍﻟﻲ ﻭﺭﺍﻧﺎ ﻭﻫﺴﺔ ﺍﻟﻮﻟﺪ ﻣﻨﺘﻈﺮﻳﻨﻲ
ﺍﻟﺒﺎﺏ ﺍﻧﺪﻙ ﻫﺬﺍ ﺍﻛﻴﺪ ﺭﺍﺋﺪ ﺻﺎﺣﺒﻲ ﺍﺟﺔ ﻋﻠﻴﺔ
ﻛﻤﺖ ﻣﻦ ﻣﻜﺎﻧﻲ
ﺣﺘﻰ ﺍﻓﺘﺢ ﺍﻟﺒﺎﺏ ﺑﺲ ﻗﺒﻞ ﻻ ﺍﻃﻠﻊ ﺍﻓﺘﺢ ﺍﻟﺒﺎﺏ ﺭﺣﺖ ﺍﺧﺬﺕ
ﺣﺬﺍﺋﻲ ﺍﻟﺮﻳﺎﺿﻲ ﻭﺍﻟﻜﺴﺎﺭﺍﺕ ﻣﺎﻟﺖ ﺍﻟﻄﻮﺑﺔ ﻣﻦ ﺟﻮﺓ ﺍﻟﺪﺭﺝ ﻭﺑﺴﺖ
ﺭﺍﺱ ﺍﻣﻲ ﻭﺷﺎﻭﺭﺗﻬﺎ
.. ﻳﻤﺔ ﻣﺎ ﺍﻭﺻﻴﺞ ﻛﻮﻥ ﺍﺭﻭﺡ ﻭﺍﺭﺟﻊ ﺍﻟﻜﺎﺝ ﻣﻬﺪﺋﺔ ﺍﻟﻮﺍﻟﺪ
ﻫﺎ ﻳﻮﻡ ﻣﻮ ﺗﻨﺴﻴﻦ ﺳﻮﻳﻠﻲ ﻋﺸﺎ ﻛﺒﺔ ﻟﺤﻢ
....................
ﺍﻡ ﺷﻴﻤﺎﺀ .. ﻟﺞ ﻫﺪﻯ ﻭﻳﻦ ﻃﺎﻟﻌﺔ ﻳﺎﻟﻠﻪ ﻫﺎﻱ ﺍﻟﺒﻨﻴﺔ ﻭﻻﺗﺨﺎﻑ ﻭﻻﺟﻨﻬﺎ
ﺫﺍﻙ ﺍﻟﻴﻮﻡ ﺍﻧﻀﺮﺑﺖ ﻭﺿﻤﺪﻧﺎ ﺭﺍﺳﻬﺎ
ﻛﺎﻓﻲ ﻛﻌﺪﻳﻠﺞ ﺷﻮﻳﺔ ﺑﺎﻟﺒﻴﺖ
ﻻ ﺗﺠﻴﺞ ﺿﺮﺑﺔ ﺛﺎﻧﻴﺔ ﻋﺎﻟﺮﺍﺱ
ﻫﺪﻯ .. ﻣﺎﻣﺎ ﻻ ﺗﺨﺎﻓﻴﻦ ﺍﺣﻂ ﺍﻳﺪﻱ ﻋﻠﻰ ﻏﺎﺳﻲ ( ﺭﺍﺳﻲ )
.. ﻳﺎﻟﻠﻪ ﺑﺎﻟﻠﻪ ﻫﺎﻱ ﺷﺤﺠﻲ ﻭﻳﺎﻫﺎ
ﻟﺞ ﻭﺍﻟﻠﻪ ﺍﺫﺍ ﻃﻠﻌﺘﻲ ﻭﺟﻴﺘﻴﻨﻲ ﺗﻌﻮﻳﻦ ﺻﺪﻛﻲ ﺍﺿﺮﺑﺞ ﻓﻮﻙ ﺍﻟﻀﺮﺑﺔ
.. ﻣﺎﻣﺎ ﺑﺲ ﻫﺎﻱ ﺍﻟﻤﻐﺔ ( ﺍﻟﻤﺮﺓ ) ﻋﻔﻴﺔ
ﻃﻠﻌﺖ ﻣﻦ ﺍﻟﺒﺖ ﻭﺻﻮﺕ ﺍﻣﻬﺎ ﻭﺭﺍﻫﺎ ﻳﻨﺒﻬﺎ
ﺷﺎﻓﺖ ﺍﻟﺒﻨﺎﺕ ﻳﻠﻌﺒﻮﻥ ﻭﻣﻦ ﺿﻤﻨﻬﻢ ﺍﺧﺖ ﻗﺎﺳﻢ
ﺭﺍﺣﺖ ﺻﺎﺣﺖ ﻋﺎﻟﺒﻨﺎﺕ ﻣﻮ ﺣﻀﺮﺗﻬﺎ ﺭﺋﻴﺴﺔ ﺍﻟﻤﺠﻤﻮﻋﺔ ﻣﺎﻝ ﺍﻟﺒﻨﺎﺕ
ﺍﻟﺼﻐﺎﺭ ﺑﺎﻟﻤﻨﻄﻘﻪ ﺣﺘﻰ ﺍﻻﻛﺒﺮ ﻣﻨﻬﺎ ﻳﺠﻮﻥ ﻳﻄﻠﺒﻮﻥ ﺗﻠﻌﺒﻬﻢ ﻭﻳﺎﻫﺎ
ﺭﻛﻴﻀﺎﻥ ﺍﻭ ﺷﺪﻩ ﻳﺎﻭﺭﺩ
ﺑﺲ ﻣﻦ ﺍﺟﺘﻲ ﺍﺧﺖ ﻗﺎﺳﻢ ﺍﻟﻮﻛﺢ ﻛﻠﺘﻠﻬﺎ ﺍﻧﺘﻲ ﻣﺎ ﺗﻠﻌﺒﻴﻦ ﻭﻳﺎﻧﺎ
ﺟﺎﻧﺖ ﺍﻛﺒﺮ ﻣﻨﻬﺎ ﺑﺴﻨﻪ ﺭﺍﺣﺖ ﻟﺒﻴﺘﻬﻢ ﺗﺒﺠﻲ ﻻﻥ ﻣﺎ ﻟﻌﺒﺘﻬﺎ
ﺟﺎﻧﺖ ﻣﻨﻄﻠﻘﺔ ﺑﺎﻟﻠﻌﺐ ﻭﺻﻴﺎﺣﻬﺎ ﻣﺎﻟﻲ ﺍﻟﻤﻨﻄﻘﺔ
ﻭﻫﻨﺎﻙ ﺻﺎﺭ ﻗﺎﺳﻢ ﺍﻟﻮﻛﺢ ﺑﻮﺟﻬﺎ ﺟﺎﻥ ﻻﺯﻡ ﺍﻳﺪ ﺍﺧﺘﻪ ﻫﺎﻟﺔ
ﺑﻠﻌﺖ ﺭﻳﻜﻬﺎ ﻣﻦ ﺍﻟﺨﻮﻑ ﻣﻦ ﺷﺎﻓﺘﻪ ﺑﻬﺖ ﻭﺟﻬﺎ
ﻭﻇﻠﺖ ﺍﺗﻤﺘﻤﺖ ﻻﻥ ﻫﻮ ﺻﺎﺭ ﻛﻠﻤﺎ ﻳﺸﻮﻓﻬﺎ ﻳﺘﺤﻠﻒ ﺑﻴﻬﺎ ﻭﻳﺨﺰﺭﻫﺎ
ﻭﻣﺮﺍﺕ ﻳﺠﺮﻫﺎ ﻣﻦ ﻇﻔﻴﺮﺗﻬﺎ ﻫﺎﻱ ﺍﻟﻌﺪﺍﻭﺓ ﺻﺎﺭﺕ ﻻﻥ ﺍﻣﻬﺎ ﺭﺍﺣﺖ
ﺍﺷﺘﻜﺖ ﻋﻨﺪ ﺍﺑﻮﻩ
ﺍﻗﺘﺮﺏ ﻣﻨﻬﺎ ﺟﺮﻧﻲ ﻣﻦ ﺍﻟﻜﺼﻴﺒﺔ
ﻗﺎﺳﻢ .. ﻟﺞ ﺟﻨﻴﺔ ﻟﻴﻴﻴﻴﻴﻴﻴﻴﺶ ﻣﺘﻠﻌﺒﻴﻦ ﺍﺧﺘﻲ ﻭﻳﺎﻛﻢ
ﻟﺰﻡ ﻇﻔﻴﺮﺗﻲ ﻭﺳﺤﺒﻬﺎ ﻗﻮﻱ
ﻭﺍﻧﻲ ﻣﺘﺄﺫﻳﺔ ﺍﻧﺒﻠﻊ ﺍﻟﺴﺎﻧﻲ ﻣﻦ ﺍﻟﺨﻮﻑ
ﺟﺎﻥ ﺷﻜﻠﻪ ﻳﺸﺒﻪ ﻫﺬﺍ ﻋﻠﻲ ﺑﺎﺑﺎ ﻭﻳﺔ ﺍﻓﻼﻡ ﻛﺎﺭﺗﻮﻥ ﺳﻨﺪﺑﺎﺩ ﻭﺟﻬﻪ
ﻣﻠﻴﺎﻥ ﺷﺨﺎﺑﻴﻂ ﻭﺣﺎﺟﺒﻪ ﻣﻜﻄﻮﻡ ﻣﻦ ﻭﻛﺎﺣﺘﻪ
ﻋﺰﺓ ﻳﻤﺔ ﻳﺨﻮﻑ ﺻﺮﺕ ﺍﻣﺘﻤﺖ
ﻫﺪﻯ .. ﺍﺍﺍﺍﺍﺍﺍﺍﺍ ﺍﻧﻲ ﻣﻜﻠﺖ ﻣﺎ ﺍﻟﻌﺒﻬﺎ ﻛﻠﺘﻠﻬﺎ ﺑﻌﺪﻳﻦ ﺗﻠﻌﺒﻴﻦ ﻭﻳﺎﻧﺔ
ﻫﺎﻟﺔ .. ﺟﺬﺍﺑﺔ ﻛﻠﺘﻲ ﺭﻭﺣﻲ ﺍﻧﺘﻲ ﻣﺎ ﺗﻠﻌﺒﻴﻦ ﻭﻳﺎﻧﺎ
ﻫﺪﻯ .. ﻟﺞ ﻋﻮﺑﺔ ﻫﺎﻱ ﻣﻮ ﻋﻠﻴﺞ ﺟﻨﺖ ﺍﻗﺼﺪ ﻋﻠﻰ ﺣﻮﻏﺎﺀ ( ﺣﻮﺭﺍﺀ )
ﺍﺻﻼ ﺍﻧﺘﻲ ﻛﻠﺶ ﺣﻠﻮﺓ ﻭﺣﺒﺎﺑﺔ ﻭﺍﻧﻲ ﺍﺣﺒﺞ ﺍﻧﺘﻲ ﺻﺪﻳﻘﺘﻲ
ﺟﻨﺖ ﺍﺣﺠﻲ ﻭﺍﺑﺎﻭﻉ ﻋﻠﻰ ﻗﺎﺳﻢ ﺑﻠﻜﻲ ﻳﺘﺮﻙ ﻇﻔﻴﺮﺗﻲ ﻋﻠﻲ ﺑﺎﺑﺎ
ﺍﺷﺘﻐﻠﺖ ﺩﺭﺏ ﺍﻟﻠﻮﺍﻛﺔ
ﻗﺎﺳﻢ .. ﺳﻤﻌﻴﻨﻲ ﺯﻳﻦ ﺟﻨﻴﺔ ﺍﺫﺍ ﺍﺳﻤﻊ ﺑﻴﺞ ﻣﺎ ﻣﻠﻌﺒﺔ ﺍﺧﺘﻲ ﻭﻳﺎﺝ
ﻟﻮ ﺍﺳﻤﻊ ﺑﻴﺞ ﺟﺎﻳﺒﺔ ﺍﻣﺞ ﻟﺒﻴﺘﻨﺎ ﺣﺘﻰ ﺗﺸﺘﻜﻲ ﻋﻠﻴﺔ
ﻳﻢ ﺍﺑﻮﻱ ﺷﺎﻳﻔﺔ ﻫﺎﻱ ﺍﻟﻜﺼﺎﻳﺐ ﺍﻻ ﺍﺳﻮﻳﻬﻢ ﺍﻟﺞ ﺣﺒﻞ ﻳﺮﻳﻄﻮﻥ ﺑﻴﻬﻢ
ﺍﻟﺨﺮﻓﺎﻥ
ﻫﺰﻳﺖ ﺭﺍﺳﻲ ﺑﻤﻮﺍﻓﻘﺔ ﺑﺪﻭﻥ ﻛﻼﻡ
ﻣﺪﻳﺖ ﺍﻳﺪﻱ ﻻﺧﺘﻪ ﻭﺍﻧﻄﻴﺘﻬﺎ ﺻﺒﻌﻲ ﺍﻟﺴﺒﺎﺑﺔ
.. ﻳﺎﻟﻠﻪ ﺟﻴﺒﻲ ﺍﻟﺼﺤﺎﺏ
ﻭﻫﻲ ﻫﻢ ﻣﺪﺕ ﺍﻳﺪﻫﺎ ﺗﻘﺪﻡ ﺍﻟﺼﺤﺎﺏ
ﻭﻫﻮ ﻳﺒﺎﻭﻉ
ﻫﺪﻯ .. ﻳﺎﻟﻠﻪ ﺗﻌﺎﻟﻲ ﺧﻠﻲ ﻧﻠﻌﺐ
ﺻﺮﺕ ﻛﻠﻤﺎ ﺍﺷﻮﻑ ﻗﺎﺳﻢ ﺍﺟﻤﺪ ﺑﻤﻜﺎﻧﻲ ﻣﻦ ﺍﻟﺨﻮﻑ
ﺷﻔﺖ ﺍﻣﻲ ﻃﻠﻌﺖ ﻣﻦ ﺑﻴﺘﻨﺎ ﻫﻲ ﻭﺍﻡ ﻓﺮﺯﺩﻕ
ﺭﻛﻀﺖ ﺍﻟﻬﻢ ﻭﺍﻟﺘﻔﺘﺖ ﻟﻜﻴﺖ ﻗﺎﺳﻢ ﺍﻟﻮﻛﺢ ﻣﺎﻛﻮ ﻣﺨﺘﻔﻲ ﺣﺮﺍﻣﺎﺕ
ﺍﺧﺘﻔﻰ
.. ﻣﺎﻣﺎ ﻭﻳﻦ ﻏﺎﻳﺤﺔ ( ﺭﺍﻳﺤﺔ )
.. ﻟﻠﻤﺴﺘﻮﺻﻒ ﻭﻳﺔ ﺧﺎﻟﺘﺞ ﺍﻡ ﻓﺮﺯﺩﻕ
ﻣﻮ ﺗﺼﻴﺮﻳﻦ ﻭﻛﺤﺔ ﺍﺭﺟﻊ ﺍﻟﻜﺎﺝ ﺑﺎﻟﺒﻴﺖ ﻣﻮ ﺗﻈﻠﻴﻦ ﺗﻠﻌﺒﻴﻦ ﺑﺎﻟﺸﺎﺭﻉ
ﻣﻮ ﺯﻳﻦ ﻋﻠﻰ ﺭﺍﺳﺞ
.. ﺍﻱ ﻣﺎﻣﺎ
......
ﺑﺎﻟﻤﺴﺘﻮﺻﻒ
ﺍﻟﺪﻛﺘﻮﺭﺓ .. ﺷﻮﻓﻲ ﺍﻡ ﺷﻴﻤﺎﺀ ﺍﻟﺴﻮﻧﺎﺭ ﺍﻟﻜﺪﺍﻣﻲ ﻳﻜﻮﻝ ﻋﻨﺪﺝ
ﺍﻟﺠﺎﺭﺓ ﻣﻠﺘﺼﻘﺔ ﺑﺠﺪﺍﺭ ﺍﻟﺮﺣﻢ ﻭﻫﺎﻱ ﻻ ﺳﺎﻣﺢ ﺍﻟﻠﻪ
ﺗﺴﻮﻱ ﻧﺰﻳﻒ ﻋﻨﺪﺝ ﻭﺍﺣﺘﻤﺎﻝ ﺣﺘﻰ ﺗﺨﺴﺮﻳﻦ ﺭﺣﻤﺞ
ﻟﺬﻟﻚ ﻻﺯﻡ ﺗﺴﻮﻳﻦ ﻋﻤﻠﻴﺔ ﻭﻻﺩﺓ ﻗﻴﺼﺮﻳﺔ
ﻭﻫﺴﺔ ﺭﺍﺡ ﺍﻧﻄﻴﺞ ﻣﻮﻋﺪ ﻟﻠﻌﻤﻠﻴﺔ ﻳﻜﻮﻥ ﻣﻮﻋﺪ ﺍﻟﻌﻤﻠﻴﺔ ﺍﺳﺒﻮﻋﻴﻦ
ﻣﻦ ﺍﻟﺸﻬﺮ ﺍﻟﺘﺎﺳﻊ ﻛﺘﺒﺖ ﻭﺭﻗﺔ
.. ﻭﻫﺎﻱ ﺍﻟﻮﺭﻗﺔ ﺗﺮﺣﻴﻦ ﺑﻴﻬﺎ ﻟﻠﻤﺴﺘﺸﻔﻰ ﺑﻬﺬﺍ ﺍﻟﺘﺎﺭﻳﺦ ﺍﻟﻤﻜﺘﻮﺏ
ﺣﺘﻰ ﻧﻘﻮﻡ ﺑﺎﻻﺟﺮﺍﺀﺍﺕ
ﺑﻌﺪﻣﺎ ﺳﻤﻌﺖ ﻛﻼﻡ ﺍﻟﺪﻛﺘﻮﺭﺓ ﻃﻠﻌﺖ ﻫﻲ ﻭﺍﻡ ﻓﺮﺯﺩﻕ ﻣﻦ
ﺍﻟﻤﺴﺘﻮﺻﻒ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ
ﺟﺎﻥ ﻭﺟﻪ ﺍﻡ ﺷﻴﻤﺎﺀ ﻣﺨﻄﻮﻑ ﻣﻦ ﺍﻟﺨﻮﻑ
ﺍﻡ ﺷﻴﻤﺎﺀ .. ﺷﻠﻮﻥ ﺑﻴﺔ ﺧﺎﻟﺔ ﺷﺴﻮﻱ ﻣﻨﻴﻦ ﻃﻠﻌﺘﻠﻲ ﻫﺎﻱ ﺍﻟﺴﺎﻟﻔﺔ
ﻋﺎﻻﺳﺎﺱ ﺍﻧﻲ ﻧﺎﻗﺼﺔ ﻫﻢ
ﻭﺻﺎﺭﺕ ﺗﺒﺠﻲ ﺑﺤﺮﻛﺔ ﻛﻠﺐ
ﺍﻡ ﻓﺮﺯﺩﻕ .. ﻛﻮﻟﻲ ﻳﺎﻟﻠﻪ ﻭﺍﺳﺘﻐﻔﺮﻱ ﺭﺑﺞ ﻣﻴﺼﻴﺮ ﻫﺬﺍ ﺟﺰﻉ ﻭﺣﺮﺍﻡ
ﺍﻟﺠﺰﻉ ﻻ ﺍﻋﺘﺮﺍﺽ ﻋﻠﻰ ﺣﻜﻢ ﺍﻟﻠﻪ
.. ﺧﺎﻟﺔ ﺍﻣﻨﺖ ﺑﺎﻟﻠﻪ ﻭﺣﺎﻣﺪﻩ ﺍﻟﻠﻪ ﻭﺷﺎﻛﺮﺗﻪ ﻋﻠﻰ ﻛﻞ ﺣﺎﻝ
ﺑﺲ ﺧﺎﻟﺔ ﻏﺼﺐ ﻋﻨﻲ ﺍﻟﺪﻧﻴﺎ ﻣﺎ ﺟﺎﻱ ﺗﺮﺣﻤﻨﻲ
ﺻﺎﺭﺕ ﺗﺘﻔﻨﻦ ﺷﻠﻮﻥ ﺗﻀﺮﺑﻨﻲ ﻋﻠﻰ ﺭﺍﺳﻲ
ﺧﺎﻟﺔ ﺗﺪﺭﻳﻦ ﺍﻧﻲ ﻛﻞ ﻳﻮﻡ ﺍﻧﺎﻡ ﺑﺎﻟﻠﻴﻞ ﻭﺍﻟﺨﻮﻑ ﻣﺎﻟﻲ ﻛﻠﺒﻲ
ﺷﺎﻳﻠﺔ ﻫﻢ ﻟﻠﻴﻮﻡ ﺍﻟﻲ ﺭﺍﺡ ﺍﺟﻴﺐ ﺑﻴﻪ ﻭﺍﺛﻴﺮ ﻳﺎﺧﺬ ﺑﻨﺘﻲ ﻣﻨﻲ
ﻭﻳﻨﻄﻴﻬﺎ ﻟﺤﻤﺎﻱ ﻭﺍﻟﻠﻪ ﻳﻤﻜﻦ ﺍﻣﻮﺕ ﻣﻦ ﺍﻟﻘﻬﺮ
.. ﺍﺳﻢ ﺍﻟﻠﻪ ﻋﻠﻴﺞ ﻳﻤﺔ ﺻﻠﻲ ﻋﺎﻟﻨﺒﻲ
.. ﺍﻟﻒ ﺍﻟﺼﻼﺓ ﻭﺍﻟﺴﻼﻡ ﻋﻠﻴﻪ
ﺧﺎﻟﺔ ﻣﺎﺟﺎﻱ ﺍﺗﺨﻴﻞ ﻧﻔﺴﻲ ﺍﻛﺪﺭ ﺍﻧﻄﻲ ﺑﻨﺘﻲ ﻭﺗﺮﻭﺡ ﺑﺤﻀﻦ ﺍﻡ
ﺛﺎﻧﻴﺔ ﻭﺗﻜﻮﻝ ﻣﺎﻣﺎ ﻟﻮﺣﺪﺓ ﻏﻴﺮﻱ ﻭﺗﺠﻴﻨﺔ ﻣﺜﻞ ﺍﻟﻐﺮﻳﺒﺔ ﺻﻌﺒﺔ ﻭﺍﻟﻠﻪ
ﺻﻌﺒﺔ
ﺟﺎﻧﺖ ﺗﺒﺠﻲ ﻭﺗﺤﺠﻲ ﻋﻠﻰ ﻃﻮﻝ ﺍﻟﻄﺮﻳﻖ
ﻭﺑﻬﺎﻱ ﺍﻻﺛﻨﺎﺀ ﺻﻔﺖ ﺳﻴﺎﺭﺓ ﻳﻤﻬﻢ ﻭﺩﻙ ﻫﻮﺭﻥ
ﺍﻟﺘﻔﺘﺖ ﺍﻡ ﻓﺮﺯﺩﻕ
.. ﻫﻼ ﺏ ﻓﺮﺯﺩﻕ ﺍﻟﻠﻪ ﺟﺎﺑﻚ ﺗﻌﺎﻝ ﻭﺻﻠﻨﺎ ﺑﻄﺮﻳﻘﻚ
ﺑﺲ ﺳﻤﻌﺖ ﺑﺄﺳﻤﻪ ﺣﺴﻴﺖ ﺟﻦ ﻛﻠﺒﻲ ﻃﻠﻊ ﻣﻦ ﻣﻜﺎﻧﻪ
ﺑﺎﻭﻋﺖ ﻋﻠﻴﻪ ﻭﺍﻟﻐﺼﺔ ﺍﺗﺠﻤﻌﺖ ﺑﺤﻨﺠﺮﺗﻲ ﻭﺻﺎﺭﺕ ﺍﺿﻌﺎﻑ ﺍﺣﺘﺎﺭ
ﺑﻴﺔ ﺯﻣﺎﻧﻲ ﺷﻠﻮﻥ ﻳﺮﺍﻭﻳﻨﻲ ﺍﺷﻜﺎﻝ ﺍﻟﻌﺬﺍﺏ
ﺳﻠﻢ ﻓﺮﺯﺩﻕ ﺑﺪﻭﻥ ﻣﻴﻌﺮﻑ ﺍﻟﻤﺮﻳﺔ ﺍﻟﻲ ﻭﻳﺔ ﺍﻣﻪ
ﺍﻡ ﻓﺮﺯﺩﻕ .. ﻳﻤﺔ ﻓﺮﺯﺩﻕ ﻋﺮﻓﺖ ﻫﺎﻱ ﻣﻨﻮ ﺍﻟﻲ ﻭﻳﺎﻱ
ﻓﺮﺯﺩﻕ .. ﻻ ﻭﺍﻟﻠﻪ ﻳﻤﺔ ﻻﺻﻐﺮﺍً ﺑﻴﻬﺎ ﺑﺲ ﻣﺎ ﻋﺮﻓﺘﻬﺎ
.. ﻳﻤﺔ ﻫﺎﻱ ﺑﺜﻨﻴﺔ ﺑﻨﺖ ﺍﻡ ﺳﺎﻣﻲ
ﺍﻧﺘﺒﻬﺖ ﻋﻠﻴﻪ ﺭﻓﻊ ﺭﺍﺳﻪ ﻣﺼﺪﻭﻡ ﻭﺍﺗﺴﻌﺖ ﻋﻴﻮﻧﻪ ﻭﺑﺎﻭﻉ ﺑﻮﺟﻬﻲ
ﻣﺘﻌﺠﺐ
ﻭﺣﺠﺔ .. ﺑﺜﻴﻨﺔ ﻫﺎﻱ ﺍﻧﺘﻲ ﻣﻌﻘﻮﻟﺔ
ﺑﺎﻭﻋﺖ ﺑﻌﻴﻮﻧﻪ ﻭﺑﺎﻭﻋﻠﻲ
ﻭﺻﺎﺭﺕ ﺍﻟﻨﻈﺮﺍﺕ ﺗﻌﺒﺮ ﻋﻦ ﺍﻟﻒ ﻛﻠﻤﺔ ﻭﺗﺤﺠﻲ ﻛﻼﻡ
ﻣﺎ ﻳﺠﻮﺯ ﺍﻟﺒﻮﺡ ﺑﻲ ... ﻭﺗﺮﻛﻮﺍ ﺍﻟﻌﺘﺎﺏ ﺑﻴﻦ ﺍﻻﺣﺒﺎﺏ ﺑﺎﻟﻜﻠﻮﺏ
ﻭﺟﺎﻧﺖ ﺍﻟﻨﻈﺮﺍﺕ ﻛﻔﻴﻠﺔ ﺗﻌﺒﺮ ﻋﻦ ﻣﺎ ﺑﺪﺍﺧﻠﻬﻢ ﻣﻦ ﻛﻼﻡ
ﺩﻧﻚ ﻭﻣﺎ ﺣﺠﺔ ﺷﻲ ﺛﺎﻧﻲ ﺑﻌﺪ ﻳﺤﺲ ﻣﺜﻞ ﺍﻟﻤﻘﻴﺪ ﻣﺎ ﻳﻜﺪﺭ ﻳﻄﻮﻝ
ﺍﻟﻲ ﺍﺗﻤﻨﺎﻩ ﻛﻠﺒﻪ ﻻﻥ ﻛﻠﻤﻦ ﺭﺍﺡ ﺑﻄﺮﻳﻘﻪ ﻭﻛﻠﻤﻦ ﺻﺎﺭﺕ ﺍﻟﻪ ﺣﻴﺎﺗﻪ
ﺻﻌﺪﻭﺍ ﺑﺎﻟﺴﻴﺎﺭﺓ ﻭﻟﻔﺖ ﺍﻧﺘﺒﺎﻫﻪ ﻋﻴﻮﻧﻬﺎ ﺍﻟﺤﻤﺮ ﻣﻦ ﺍﺛﺮ ﺍﻟﺒﺠﻲ
ﻣﻜﺪﺭ ﻳﻤﻨﻊ ﻧﻔﺴﻪ ﻣﻦ ﺍﻟﺴﺆﺍﻝ
.....
ﺑﺜﻴﻨﺔ ﻟﻴﺶ ﺗﺒﺠﻴﻦ ﺷﺒﻴﺞ ﻣﻮﺟﻮﻋﺔ
ﺍﻡ ﻓﺮﺯﺩﻕ .. ﻻ ﻳﻤﺔ ﺑﺲ ﺳﺘﻮﻧﺎ ﺟﻨﺎ ﻋﻨﺪ ﺍﻟﺪﻛﺘﻮﺭﺓ
ﻭﻛﻠﺘﻠﻬﺎ ﺍﻟﺪﻛﺘﻮﺭﺓ ﻻﺯﻡ ﺗﺴﻮﻱ ﻋﻤﻠﻴﺔ ﻗﻴﺼﻴﺮﻳﺔ ﻻﻥ ﻋﻨﺪﻫﺎ ﻣﺸﻜﻠﺔ
ﺑﺎﻟﺮﺣﻢ
.. ﻟﺘﺨﺎﻓﻴﻦ ﻣﻴﺤﺘﺎﺟﻠﻬﺎ ﺗﺒﺠﻴﻦ ﺗﺮﺓ ﻋﻤﻠﻴﺎﺕ ﺍﻟﻮﻻﺩﺓ ﺳﻬﻠﺔ ﺍﺫﺍ ﺗﺮﺩﻳﻦ
ﺍﻭﺻﻲ ﻋﻠﻴﺞ ﺑﺎﻟﻤﺴﺘﺸﻔﻰ ﻳﺪﻳﺮﻭﻥ ﺑﺎﻟﻬﻢ ﻋﻠﻴﺞ
ﺍﻡ ﻓﺮﺯﺩﻕ .. ﻻ ﻳﻤﺔ ﻫﻲ ﺧﻄﻴﺔ ﻣﺎ ﺗﺒﺠﻲ ﻋﻠﻰ ﺍﻟﻌﻤﻠﻴﺔ
ﺧﻄﻴﺔ ﺩﺗﺒﺠﻲ ﻻﻥ ﺧﻠﻔﺘﻬﺎ ﻛﻠﻬﺎ ﺑﻨﺎﺕ ﻭﺟﺎﺑﺖ ﺍﺭﺑﻊ ﺑﻨﺎﺕ
ﻭﻫﺴﺔ ﻫﺎﻱ ﺍﻟﺨﺎﻣﺴﺔ ﺑﺎﻟﻄﺮﻳﻖ
.. ﺷﺒﻴﻬﺎ ﺍﻟﺒﻨﻴﺔ ﻧﻌﻤﺔ ﻣﻦ ﺍﻟﻠﻪ
.. ﺍﻱ ﻣﻮ ﻫﺬﺍ ﺭﺟﻠﻬﺎ ﻛﻠﻠﻬﺎ ﺍﺫﺍ ﺟﺒﺘﻲ ﺑﻨﻴﺔ ﻫﺎﻱ ﺍﻟﻤﺮﺓ ﺍﻧﻄﻴﻬﺎ ﻷﺧﻮﻱ
ﻣﺎﻋﻨﺪﻩ ﺑﻨﺎﺕ ﺑﺲ ﺍﻭﻻﺩ
ﻭﻫﻲ ﺧﻄﻴﺔ ﻛﻠﺐ ﻭﺍﻟﺪﺓ ﻣﺎ ﻳﻨﻄﻴﻬﺎ ﻛﻠﺒﻬﺎ ﺗﻨﻄﻲ ﻭﺻﻠﺔ ﻣﻦ ﻛﻠﺒﻬﺎ
ﻟﻐﻴﺮ ﻋﺎﺋﻠﺔ
ﻓﺮﺯﺩﻕ .. ﺍﻟﻠﻪ ﻳﻨﻄﻲ ﺍﻟﺠﻮﺯ ﻟﻠﻤﺎﻋﻨﺪﻩ ﺳﻨﻮﻥ
ﺷﺒﻴﻬﻢ ﺍﻟﺒﻨﺎﺕ ﻭﺍﻟﻠﻪ ﻋﺴﻰ ﻣﺎ ﻋﺸﺮ ﺑﻨﺎﺕ ﻧﻌﻤﺔ ﻣﻦ ﺍﻟﻠﻪ ﻳﻜﻔﻲ ﺍﻥ
ﺍﻣﻬﻢ ﺑﺜﻴﻨﺔ
ﺣﺠﺎﻫﺎ ﺑﺪﻭﻥ ﻣﺎ ﻳﻨﺘﺒﻪ ﻋﻠﻰ ﻧﻔﺴﻪ
ﺩﻧﻜﺖ ﻭﺍﺳﺘﺤﻴﺖ ﺍﺣﺠﻲ ﻭﺷﻜﻮﻝ
ﻭﺻﻠﺖ ﻟﻠﺒﻴﺖ ﻭﺍﺗﺸﻜﺮﺕ ﻣﻨﻬﻢ ﻭﺭﺍﺣﻮﺍ ﺩﺧﻠﺖ ﻭﺷﺎﻓﺖ ﺷﻴﻤﺎﺀ
ﻭﺍﺑﻮﻫﺎ ﺳﺘﻮﻫﻢ ﺭﺍﺟﻌﻴﻦ
.. ﺷﻨﻮ ﻭﻳﻦ ﺟﻨﺘﻮﺍ ﻃﺎﻟﻌﻴﻦ
.. ﺍﺧﺬﺕ ﺷﻴﻤﺎﺀ ﻭﻗﺪﻣﺘﻠﻬﺎ ﺑﺄﻋﺪﺍﺩﻳﺔ ﺍﻟﺘﻤﺮﻳﺾ ﻭﻛﻤﻠﺖ ﺗﺴﺠﻴﻠﻬﺎ
ﺑﺎﻭﻋﺘﻠﻬﻢ ﺑﺼﺪﻣﺔ ﻣﺘﻔﺎﺟﺌﺔ
.. ﻣﻨﻮ ﻛﻠﻚ ﺗﺮﻭﺡ ﺗﻘﺪﻣﻠﻬﺎ ﻋﻠﻰ ﺍﻋﺪﺍﺩﻳﺔ ﺍﻟﺘﻤﺮﻳﺾ ﻭﺍﻟﺒﻨﻴﺔ ﺷﺎﻃﺮﺓ
ﻭﻋﻨﺪﻫﺎ ﻣﺴﺘﻘﺒﻞ ﺍﻛﺒﺮ ﻣﻦ ﺍﻥ ﺗﺼﻴﺮ ﻣﻤﺮﺿﺔ
ﻟﻴﺶ ﻫﺸﻜﻞ ﺗﺤﻄﻢ ﻣﺴﺘﻘﺒﻞ ﺑﻨﺘﻚ ﻣﻨﻮ ﺍﻧﻄﺎﻙ ﺍﻟﺤﻖ
ﺟﺎﻭﺑﺘﻬﺎ ﺷﻴﻤﺎﺀ .. ﻟﺤﻈﺔ ﻣﺎﻣﺎ ﻟﺘﺘﻌﺼﺒﻴﻦ ﺗﺮﺓ ﺑﺎﺑﺎ ﻣﺎﻟﻪ ﺩﺧﻞ ﺑﻘﺮﺍﺭﻱ
ﺍﻧﻲ ﺍﻟﻲ ﻃﻠﺒﺖ ﻣﻨﻪ ﻳﺎﺧﺬﻧﻲ ﺣﺘﻰ ﺍﻗﺪﻡ
ﻭﻣﺎ ﻛﻠﺘﻠﺞ ﻻﻥ ﺍﺩﺭﻱ ﺑﻴﺞ ﺭﺍﺡ ﺗﺮﻓﻀﻴﻦ
ﻭﻣﺎ ﺭﺍﺡ ﺗﻘﺘﻨﻌﻴﻦ ﺗﺴﻤﻌﻴﻦ ﻛﻼﻣﻲ ﺑﺲ ﻣﺎﻣﺎ ﺍﺣﻨﺎ ﻛﺒﺮﻧﺎ ﻭﺻﺎﺭ ﻻﺯﻡ
ﻭﺣﺪﺓ ﺑﻴﻨﺎ ﺗﺴﺎﻋﺪﺝ ﺑﻤﺼﺮﻑ ﺍﻟﺒﻴﺖ
.. ﻟﺞ ﻣﺎﻣﺎ ﻣﻨﻮ ﻋﺎﺗﺐ ﻋﻠﻴﺞ ﻭﻛﻠﺞ ﺗﻌﺎﻟﻲ ﺳﺎﻋﺪﻳﻨﺎ ﺑﻤﺼﺮﻑ ﺍﻟﺒﻴﺖ
ﺗﺮﺓ ﻫﺬﺍ ﻭﺍﺟﺒﻨﺎ ﺍﻧﻲ ﻭﺍﺑﻮﺝ ﻧﻮﻓﺮﻟﻜﻢ ﻛﻠﺸﻲ ﻣﺎﻏﺼﺒﻦ ﻋﻠﻴﻨﺎ
ﻧﺸﺘﻐﻞ ﻭﻧﺼﺮﻑ ﻋﻠﻴﻜﻢ ﺍﺣﻨﺔ ﻣﺎﻣﺴﻮﻳﻦ ﻓﻀﻞ ﺑﺮﺍﺳﻜﻢ
ﺟﺎﻧﺖ ﺗﺤﺠﻲ ﺑﺤﺮﻛﺔ ﻛﻠﺐ
.. ﺍﻛﻠﺞ ﻻ ﺗﺨﺒﺼﻴﻨﺎ ﻭﺗﻨﺼﺒﻴﻦ ﻣﻨﺎﺣﺔ ﺧﻠﻲ ﺍﻟﺒﻨﻴﺔ ﺍﻟﻠﻪ ﻫﺪﺍﻫﺎ ﻋﻠﻰ
ﺍﻻﻗﻞ ﺧﻠﻲ ﻧﺴﺘﻔﺎﺩ ﻣﻨﻬﻢ
.. ﻃﺒﻌﺎ ﺣﻘﻚ ﺍﻧﺖ ﻣﺨﺴﺮﺍﻥ ﺷﻲ ﺍﻫﻢ ﺷﻲ ﻣﺼﻠﺤﺘﻚ ﺣﺘﻰ ﻟﻮ
ﻋﻠﻰ ﺣﺴﺎﺏ ﺣﻴﺎﺓ ﺑﻨﺎﺗﻚ ﺍﺳﻤﻌﻨﻲ ﺯﻳﻦ ﺑﻨﺎﺗﻲ ﺧﻂ ﺍﺣﻤﺮ
ﻣﺎﺗﺘﺪﺧﻞ ﺑﻤﺴﺘﻘﺒﻠﻬﻢ ﻣﺎ ﺭﺍﺡ ﺍﺳﻤﺤﻠﻚ ﺗﻬﺪﻡ ﺣﻴﺎﺗﻬﻢ ﻟﻮ ﻋﻠﻰ
ﻛﺺ ﺭﻛﺒﺘﻲ ﺩﺍﺭﺕ ﻭﺟﻬﺔ ﻋﻠﻰ ﺑﻨﺘﻬﺎ
.. ﺷﻮﻓﻲ ﺍﻧﺘﻲ ﺳﻤﻌﻴﻨﻲ ﺯﻳﻦ ﻫﺴﺔ ﺗﺮﺣﻴﻦ ﺗﺴﺤﺒﻴﻦ ﻓﺎﻳﻞ
ﺍﻟﺘﺴﺠﻴﻞ ﻭﺗﻜﻤﻠﻴﻦ ﺩﺭﺍﺳﺘﺞ
.. ﺍﺳﻔﺔ ﻣﺎﻣﺎ ﻫﺬﺍ ﻗﺮﺍﺭﻱ ﻭﻣﺎ ﺭﺍﺡ ﺍﺗﺮﺍﺟﻊ ﻋﻨﻪ ﺻﺪﻛﻲ ﺍﻧﻲ ﻣﻘﺘﻨﻌﺔ
ﺍﻛﻮﻥ ﻣﻤﺮﺿﺔ ﻟﺘﺰﻋﻠﻴﻦ ﻣﻨﻲ
ﺍﺛﻴﺮ .. ﺍﻧﺎ ﻃﺎﻟﻊ ﻣﺎ ﺍﻭﺻﻴﺞ ﺑﺎﺑﺎ ﻗﻨﻌﻲ ﺍﻣﺞ ﻭﻛﻠﻠﻴﻬﺎ ﻻ ﺗﻴﺒﺲ ﺭﺍﺳﻬﺎ
ﺭﺍﺡ ﻃﻠﻊ ﻭﺗﺮﻛﻬﻢ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ
ﺍﻡ ﺷﻴﻤﺎﺀ .. ﻟﻴﺶ ﻳﻤﺔ ﺷﻮﻣﺔ ﺗﻜﺴﺮﻳﻦ ﻇﻬﺮﻱ ﺑﻴﺞ
ﻳﻌﻨﻲ ﻫﺬﺍ ﺗﺎﻟﻲ ﺗﻌﺒﻲ ﻭﻛﺴﺮ ﻇﻬﺮﻱ ﺟﺒﺖ ﻋﻤﺮﻱ ﺍﻛﻮﻝ ﺻﺒﺮﻱ ﺑﺜﻴﻨﺔ
ﻭﺍﺗﺤﻤﻠﻲ ﻟﺨﺎﻃﺮ ﺑﻨﺎﺗﺞ
ﺗﺎﻟﻲ ﺑﻨﺎﺗﻲ ﻳﺨﺬﻟﻮﻧﻲ ﺑﺄﻭﻝ ﺍﻟﻄﺮﻳﻖ
ﻳﻤﺔ ﺷﻮﻣﺔ ﺗﺴﺘﻜﺜﺮﻳﻦ ﺍﻟﻔﺮﺣﺔ ﻣﻦ ﺗﻜﺤﻞ ﻋﻴﻨﻬﺎ ﻭﺗﺸﻮﻓﺞ ﺩﻛﺘﻮﺭﺓ
ﻭﺑﺄﻋﻠﻰ ﺍﻟﻤﻨﺎﺻﺐ
.. ﻣﺎﻣﺎ ﻻﺯﻡ ﻭﺍﺣﺪ ﺑﻴﻨﺎ ﻳﺴﺎﻋﺪﺝ ﺑﻤﺼﺮﻑ ﺍﻟﺒﻴﺖ ﻭﺧﻮﺍﺗﻲ ﻻﺯﻡ
ﺍﺳﻮﻱ ﻫﺸﻜﻞ ﻭﺍﻥ ﺷﺎﺀ ﺍﻟﻠﻪ ﺍﻟﺒﺮﻛﺔ ﺑﺨﻮﺍﺗﻲ
ﺷﻮﻓﺖ ﻋﻴﻨﺞ ﺍﺣﻨﺎ ﺩﻧﻤﺮ ﺑﻔﺘﺮﺓ ﺣﺼﺎﺭ
ﻭﺍﻟﻌﻴﺸﺔ ﺻﻌﺒﺔ ﻣﺎﻣﺎ ﺗﺮﺓ ﺍﻧﻲ ﻛﺒﺮﺕ ﻣﻮ ﺻﻐﻴﺮﺓ
ﻻ ﻋﺒﺎﻟﺞ ﻣﺎ ﺍﺷﻮﻓﺞ ﻣﻦ ﺗﻜﻌﺪﻳﻦ ﻃﻮﻝ ﺍﻟﻠﻴﻞ
ﺗﻔﻜﺮﻳﻦ ﺑﻌﻴﺸﺘﻨﺎ ﺗﺨﻴﻄﻴﻦ ﻭﺍﻧﺘﻲ ﻣﻜﺴﻮﺭ ﻇﻬﺮﺝ ﻋﺎﻟﻤﻜﻴﻨﺔ
ﺣﺘﻰ ﺗﻮﻓﺮﻳﻦ ﺍﻟﻠﻜﻤﺔ ﻭﻳﺎﻣﺎ ﻣﺮﺕ ﻋﻠﻴﻨﺎ ﺍﻳﺎﻡ ﻧﺘﻐﺪﺓ ﺑﻴﻬﺎ ﻣﺎ ﻧﺘﻌﺸﺎ
ﻋﻠﻰ ﺍﻻﻗﻞ ﺍﻧﻄﻴﻨﻲ ﺍﻟﻔﺮﺻﺔ ﺣﺘﻰ ﻧﺘﻌﺎﻭﻥ ﺍﻧﻲ ﻭﻳﺎﺝ
ﻋﺎﻟﻌﻴﺸﺔ ﻭﻧﻮﻓﺮ ﻟﻤﺴﺘﻘﺒﻞ ﺧﻮﺍﺗﻲ
ﺑﺠﺖ ﺍﻡ ﺷﻴﻤﺎﺀ ﺑﻴﺄﺱ
ﻭﺩﺍﺭﺕ ﻭﺟﻬﺔ ﻋﻦ ﺑﻨﺘﻬﺎ
ﺍﻧﺘﺒﻬﺖ ﻟﺨﻮﺍﺗﻲ ﻭﺍﻛﻔﺎﺕ ﻳﺒﺎﻭﻋﻦ ﻋﻠﻰ ﺍﻣﻲ
ﺍﺗﻘﺪﻣﺖ ﻣﺮﻭﺓ ﻭﺑﺎﺳﺖ ﺍﻣﻲ ﻭﻣﺴﺤﺖ ﺩﻣﻮﻋﻬﺎ
.. ﻣﺎﻣﺎ ﻣﺴﺤﻲ ﺩﻣﻮﻋﺞ ﻟﺘﺒﺠﻴﻦ ﺍﻭﻋﺪﺝ ﺍﺣﻘﻘﻠﺞ ﺣﻠﻤﺞ ﻭﺍﺻﻴﺮ
ﺩﻛﺘﻮﺭﺓ ﻭﺍﺧﻠﻴﺞ ﺗﺮﻓﻌﻴﻦ ﺭﺍﺳﺞ ﺑﻴﺔ
ﻏﻤﻀﺖ ﻋﻴﻮﻧﻬﺎ ﻭﺟﺮﺕ ﺣﺴﺮﺓ ﻭﻃﻠﻌﺖ ﻣﻦ ﺍﻟﻤﻄﺒﺦ
ﺻﺎﺭ ﺟﻮ ﺍﻟﺒﻴﺖ ﻣﺸﺤﻮﻥ ﻭﻣﺘﻮﺗﺮ ﻭﺍﻡ ﺷﻴﻤﺎﺀﺍﻋﺘﻜﻔﺖ ﺑﻐﺮﻓﺘﻬﺎ
ﺯﻋﻼﻧﺔ
ﻟﻠﻌﺼﺮ ﺍﺟﺘﻲ ﺍﻡ ﻓﺮﺯﺩﻕ
ﻓﺮﺣﻮ ﺍﻟﺒﻨﺎﺕ ﺑﺠﻴﺘﻬﺎ
ﺷﻴﻤﺎﺀ .. ﻫﻼ ﺧﺎﻟﺔ ﺍﺟﻴﺘﻲ ﺑﻮﻛﺘﺞ
.. ﺷﻜﻮ ﺷﺼﺎﻳﺮ ﺍﻣﻜﻢ ﻭﻳﻦ
ﺟﺎﻧﺖ ﺗﺤﺠﻲ ﻭﺗﺪﻭﺭ ﺑﻌﻴﻮﻧﻬﺎ ﻋﻠﻰ ﺍﻡ ﺷﻴﻤﺎﺀ
.. ﻣﺎﻣﺎ ﺯﻋﻼﻧﺔ ﻋﻠﻴﺔ
.. ﺷﻨﻮ ﻟﻴﺶ ﺯﻋﻼﻧﺔ
.. ﺯﻋﻠﺖ ﻻﻥ ﻗﺪﻣﺖ ﻋﻠﻰ ﺍﻋﺪﺍﺩﻳﺔ ﺍﻟﺘﻤﺮﻳﺾ
ﻭﻛﻌﺪﺕ ﺷﻴﻤﺎﺀ ﺗﺤﺠﻲ ﻻﻡ ﻓﺮﺯﺩﻕ ﻣﻮﻗﻔﻬﺎ ﻭﺭﺩﺓ ﻓﻌﻞ ﺍﻣﻬﺎ
ﺍﻡ ﻓﺮﺯﺩﻕ .. ﻫﺴﺔ ﻫﻲ ﻭﻳﻦ
.. ﻫﻴﺎﺗﺔ ﺑﻐﺮﻓﺘﻬﺎ
.. ﻣﺎﻋﻠﻴﺞ ﺍﻧﻲ ﺍﺣﺠﻲ ﻭﻳﺎﻫﺎ
ﺩﺧﻠﺖ ﺍﻡ ﻓﺮﺯﺩﻕ ﻋﻠﻰ ﺍﻡ ﺷﻴﻤﺎﺀ ﻭﺍﻟﺒﻨﺎﺕ ﺿﻠﻮ ﻳﺤﻮﻣﻮﻥ ﻋﻠﻰ ﺑﺎﺏ
ﺍﻟﻐﺮﻓﺔ ﺟﺎﻧﻮﺍ ﻣﺎﻳﻜﺪﺭﻭﻥ ﻋﻠﻰ ﺯﻋﻞ ﺍﻣﻬﻢ
ﻭﺭﺓ ﻓﺘﺮﺓ ﻭﻃﻠﻌﺖ ﺍﻡ ﻓﺮﺯﺩﻕ ﻭﺍﻡ ﺷﻴﻤﺎﺀ ﻣﻦ ﺍﻟﻐﺮﻓﺔ
ﺟﺎﻧﺖ ﺍﻻﺑﺘﺴﺎﻣﺔ ﺍﻟﻮﺍﻫﻨﺔ ﻣﺮﺳﻮﻣﺔ ﻋﻠﻰ ﻭﺟﻪ ﺍﻻﻡ ﺍﻟﺘﻌﺒﺎﻧﺔ
ﺷﺎﻓﻮﻫﺎ ﺍﻟﺒﻨﺎﺕ ﻛﺒﻞ ﺭﻛﻀﻮﺍ ﻋﻠﻴﻬﺎ
ﻭﺣﻀﻨﻮﻫﺎ
ﺷﻴﻤﺎﺀ .. ﻣﺎﻣﺎ ﺑﺮﺿﺎﺝ ﻋﻠﻴﺔ ﺳﺎﻣﺤﻴﻨﻲ ﻭﺍﻟﻠﻪ ﻣﺎﻟﻲ ﻏﻨﻰ ﻋﻨﺞ
ﺍﻣﻮﺕ ﺍﺫﺍ ﻣﺎ ﺗﺴﺎﻣﺤﻴﻨﻲ
.. ﺍﺳﻢ ﺍﻟﻠﻪ ﻋﻠﻴﺞ ﻣﺎﻣﺎ ﺷﻮﻣﺔ
ﺍﻧﻲ ﺷﺮﺍﻳﺪﺓ ﻣﻦ ﺍﻟﺪﻧﻴﺎ ﻏﻴﺮ ﺑﺲ ﺍﺷﻮﻓﻜﻢ ﺑﺎﻋﻠﻰ ﺍﻟﻤﺮﺍﺗﺐ
ﻭﻣﺮﺗﺎﺣﺎﺕ
ﺟﺎﻧﻮﺍ ﻣﺮﻭﺓ ﻭﺿﺤﻰ ﻋﻠﻰ ﺟﺎﻧﺒﻴﻦ ﺍﻣﻬﻢ ﻭﺷﻴﻤﺎﺀ ﺣﺎﺿﻨﺘﻬﺎ
ﺍﻧﺘﺒﻬﻮﺍ ﻟﻮﺣﺪﺓ ﺗﺪﻓﻊ ﺑﻴﻬﻢ ﻣﻦ ﺑﻴﻦ ﺭﺟﻠﻴﻬﻢ
ﻫﺪﻯ .. ﻭﺧﺮﻭ ﻫﺬﺍ ﻣﻜﺎﻧﻲ
ﻣﺎﻣﺎ ﻛﻠﻴﻠﻬﻢ ﺧﻠﻲ ﻳﺒﺘﻌﺪﻭﻥ ﺍﻏﻴﺪ ( ﺍﺭﻳﺪ )
ﺍﻧﺎﻡ ﺑﺤﻀﻨﺞ
....
ﺍﻡ ﺷﻴﻤﺎﺀ .. ﻳﻤﺔ ﺷﻮﻣﺔ ﺳﻮﻱ ﻣﺠﺎﻝ ﻷﺧﺘﺞ ﺍﻧﺘﻲ ﻛﺒﺮﺗﻲ ﻋﻠﻰ
ﺣﻀﻦ ﺍﻣﺞ ﺧﻠﻲ ﺑﻨﻴﺘﻲ ﻫﺪﻫﺪ ﺗﻜﻌﺪ ﺑﺤﻀﻨﻲ
ﻻﻥ ﺣﻀﻨﻲ ﺑﺲ ﻫﻲ ﻳﻜﻔﻴﻬﺎ
ﻣﺮﻭﺓ .. ﻟﺞ ﻓﺼﻤﺔ ﺑﺮﺑﺞ ﻭﻛﺖ ﻧﻮﻡ
ﻇﻠﻮ ﺍﻟﺒﻨﺎﺕ ﻳﻘﻠﺪﻭﻥ ﻋﻠﻰ ﺍﺧﺘﻬﻢ ﺍﻟﺼﻐﻴﺮﺓ ﺍﺣﻠﻰ ﻟﺤﻈﺎﺕ ﺗﻤﺮ
ﻋﺎﻻﻧﺴﺎﻥ ﻫﻲ ﻟﺤﻈﺔ ﺍﻟﺼﻠﺢ ﺑﻌﺪ ﺍﻟﺰﻋﻞ
ﺻﺤﻴﺢ ﺍﻣﻬﻢ ﻣﺎ ﻃﻮﻟﺖ ﻋﻠﻴﻬﻢ ﺑﺎﻟﺼﺪ ﻻﻥ ﻛﻠﺐ ﻭﺍﻟﺪﺓ
ﺑﺲ ﺍﻟﺒﻨﺎﺕ ﻣﻴﺘﺤﻤﻠﻮﻥ ﺯﻋﻠﻬﺎ ﻳﻜﻮﻥ ﺛﻜﻴﻞ ﻋﻠﻴﻬﻢ
ﺍﻡ ﻓﺮﺯﺩﻕ .. ﺷﻮﻑ ﻧﺴﻴﺘﻮﻧﻲ ﻋﻠﻰ ﺷﻨﻮ ﺟﻨﺖ ﺟﺎﻳﺔ ﺍﻟﻜﻢ
ﺍﻟﻠﻪ ﻳﻠﻌﻦ ﺍﻟﺸﻴﻄﺎﻥ
.. ﻛﻮﻟﻲ ﺧﺎﻟﺔ ﻋﻠﻰ ﺷﻨﻮ ﺍﺟﻴﺘﻲ
.. ﺍﺟﻴﺖ ﺣﺘﻰ ﺍﻛﻠﺞ ﺍﻟﻴﻮﻡ ﺣﺠﻴﺖ ﻭﻳﺔ ﺍﺑﻮ ﻗﺎﺳﻢ
ﻋﻦ ﺍﺛﻴﺮ ﺣﺘﻰ ﻳﺸﻐﻠﻪ ﻋﻨﺪﻫﻢ ﺣﺎﺭﺱ ﻭﻭﺍﻓﻖ
ﻭﻫﺎﻱ ﺟﻴﺘﻲ ﻣﻨﻬﻢ ﺣﺘﻰ ﺍﻛﻠﺞ ﺗﺒﻠﻐﻴﻦ ﺯﻭﺟﺞ ﻳﺮﻭﺡ ﻷﺑﻮ ﻗﺎﺳﻢ
ﻭﻳﺸﻮﻓﻪ ﺷﻨﻮ ﺍﻟﻤﻄﻠﻮﺏ ﻣﻨﻪ
.. ﺍﻟﻒ ﺭﺣﻤﺔ ﻋﻠﻰ ﻭﺍﻟﺪﻳﺞ ﺧﺎﻟﺔ ﻣﺘﺪﺭﻳﻦ ﺷﻠﻮﻥ ﺍﺟﺘﻲ ﺑﻮﻛﺘﻬﺎ
.. ﻳﻼ ﺧﺎﻟﺔ ﺍﻧﻲ ﺍﺗﺮﺧﺺ ﺍﺭﺟﻊ ﻟﻠﺒﻴﺖ ﻫﻢ ﻳﺎﻟﻠﻪ
.. ﺧﺎﻟﺔ ﺍﺑﻘﻲ ﺷﻌﻨﺪﺝ ﻭﺍﻟﻠﻪ ﻛﻌﺪﺗﺞ ﺣﻠﻮﺓ
.. ﺭﺣﻤﺔ ﺍﻟﻠﻪ ﻭﺍﻟﺪﻳﺞ ﺑﺲ ﻻﺯﻡ ﺍﺭﺟﻊ ﺧﻄﻴﺔ ﻫﺬﺍ ﺻﻬﻴﺐ ﺍﺑﻦ ﻓﺮﺯﺩﻕ
ﺍﻟﺠﺒﻴﺮ ﺍﻟﻴﻮﻡ ﻭﺍﻛﻊ ﻣﻦ ﺍﻟﺪﺭﺝ ﻭﺍﻳﺪﻩ ﻣﻜﺴﻮﺭﺓ
ﺍﻡ ﺷﻴﻤﺎﺀ .. ﻳﺎﻳﻤﺔ ﺳﻮﺩﺓ ﻋﻠﻴﺔ ﻭﻫﺴﺔ ﺷﻠﻮﻧﻪ
.. ﻭﺍﻟﻠﻪ ﺍﺧﺬﻧﺎﻩ ﻟﻠﻤﺴﺘﺸﻔﻰ ﻭﺟﺒﺮﻧﺎ ﺍﻳﺪﻩ
ﺑﺲ ﺧﻄﻴﺔ ﺻﻬﻴﺐ ﻫﻮﺍﻱ ﻣﺘﻌﻠﻖ ﺑﻴﺔ
ﻓﻼﺯﻡ ﺍﺭﺟﻊ ﺍﺷﻮﻓﻪ ﻭﺍﻧﻄﻴﻪ ﺩﻭﺍﻩ
.. ﺍﻟﻠﻪ ﻳﺨﻠﻲ ﺍﻟﺔ ﻭﻳﺨﻠﻴﺞ ﺍﻟﻬﻢ ﻭﻳﻄﻮﻝ ﺑﻌﻤﺮﺝ
ﺑﺎﻟﻠﻴﻞ
ﺍﻡ ﺷﻴﻤﺎﺀ .. ﻭﻳﻦ ﺻﺎﺭ ﺍﺑﻮﻛﻢ ﻫﺴﺔ ﻏﻴﺮ ﻳﺠﻲ ﻭﺍﻓﻬﻤﻪ ﻋﻠﻰ
ﻣﻮﺿﻮﻉ ﺑﻴﺖ ﺍﺑﻮ ﻗﺎﺳﻢ ﺣﺘﻰ ﻳﺮﻭﺡ ﻳﺴﺘﻔﺴﺮ ﻣﻨﻬﻢ ﺷﻮﻛﺖ ﻳﺒﻠﺶ
ﻋﻨﺪﻫﻢ ﺍﻟﺨﻔﺎﺭﺓ
ﻇﻠﻮﺍ ﺍﻟﺒﻨﺎﺕ ﻭﺍﻣﻬﻢ ﻳﻨﺘﻈﺮﻭﻥ ﺍﺑﻮﻫﻢ
ﺍﻟﻰ ﺍﻥ ﺻﺎﺭﺕ ﺍﻟﺴﺎﻋﺔ ﺏ١٢ ﺑﺎﻟﻠﻴﻞ ﻳﺎﻟﻠﻪ ﺭﺟﻊ
ﺑﺲ ﻳﺎﺭﻳﺘﻪ ﻣﺎ ﺭﺟﻊ
ﺍﺟﺎﻫﻢ ﺳﻜﺮﺍﻥ ﻳﺘﺮﻧﺢ ﻣﻦ ﻛﺜﺮ ﺍﻟﺸﺮﺏ
ﻭﻛﻮﺓ ﻳﺤﺠﻲ
.. ﻋﺰﺓ ﺑﻌﻴﻨﻚ ﻳﺎﺛﺎﺋﺮ ﺟﺎﻳﻨﻲ ﺳﻜﺮﺍﻥ ﻟﻚ ﺷﻠﻮﻥ ﺑﻴﻚ
ﻭﺗﺎﻟﻲ
ﻛﻌﺪﺕ ﺑﺎﻟﻜﺎﻉ ﺗﻠﻄﻢ ﻋﻠﻰ ﻭﺟﻬﺎ ﻣﻦ ﺍﻟﻘﻬﺮ
.. ﻓﻬﻤﻨﻲ ﺷﻨﻮ ﺣﻠﻬﺎ ﻭﻳﺎﻙ ﻳﺎﺭﺟﺎﻝ
ﺟﺎﻭﺑﻬﺎ ﺑﺼﻴﺎﺡ
.. ﺍﺷﺸﺸﺸﺶ ﻻﺗﺎﻛﻠﻴﻦ ﺗﺒﻦ ﻭﺗﻈﻠﻴﻦ ﺗﻨﻜﻴﻦ ﺗﺮﺓ
ﻛﻮﺓ ﻋﺪﻟﺖ ﻣﺰﺍﺟﻲ ﻣﻦ ﺷﻔﺘﺞ ﻭﺷﻔﺘﻴﻨﻲ ﻓﻜﺮ
ﺟﺎﻧﻮﺍ ﺍﻟﺒﻨﺎﺕ ﻳﺒﺎﻭﻋﻮﻥ ﻟﻤﻨﻈﺮ ﺍﺑﻮﻫﻢ ﻭﺍﻣﻬﻢ ﻭﻳﺒﺠﻮﻥ
.. ﻟﻚ ﺍﺛﻴﺮ ﺍﺣﻨﺎ ﺑﻌﺎﺯﺗﻚ ﺷﻮﻛﺖ ﺗﺤﺲ ﺑﺎﻟﻤﺴﺆﻟﻴﺔ
ﺑﺄﺗﺠﺎﻫﻨﺎ ﺍﻱ ﻣﻮ ﺗﻌﺒﺖ ﻭﺍﻟﻠﻪ ﺯﻫﻜﺖ
ﻫﺪ ﻋﻠﻴﻬﺎ ﻭﺍﻟﻌﻴﻮﻥ ﺣﻤﺮ ﻣﻦ ﺍﺛﺮ ﺍﻟﺸﺮﺏ
.. ﻭﺯﻫﻜﺖ ﺍﻟﻜﻼﺏ ﺍﻟﺴﻮﺩ
ﻟﺰﻡ ﺭﺍﺳﻪ ﺩﺍﻳﺦ
ﺍﺫﺍ ﻓﺘﺤﺘﻲ ﺣﻠﻜﺞ ﻭﺍﻟﻠﻪ ﺍﺟﻨﺰﺝ
.. ﻭﺍﻟﻠﻪ ﻣﺎﻋﻨﺪﻙ ﻏﻴﺮﺓ ﻋﻠﻰ ﺍﻫﻞ ﺑﻴﺘﻚ ﻭﻋﺎﺋﻠﺘﻚ
ﺑﻴﻮﻡ ﺗﺮﺟﻌﻠﻨﺎ ﺳﻜﺮﺍﻥ ﺑﻨﺺ ﺍﻟﻠﻴﺎﻟﻲ
ﻫﺪ ﺍﺛﻴﺮ ﻋﻠﻴﻬﺎ ﻭﺟﺎﻧﺖ ﺍﻟﻨﻴﺔ ﻭﺍﺿﺤﺔ ﻋﻠﻰ ﻭﺟﻬﻪ
.. ﺍﻛﻠﺞ ﺍﺷﺸﺸﺸﺸﺸﺸﺶ ﺭﺍﺳﻲ ﺭﺍﺡ ﻳﻄﻚ ﻣﻦ ﺍﻟﻨﻜﺔ
ﺍﻗﺘﺮﺏ ﻣﻨﻬﺎ ﻭﺭﻓﻊ ﺍﻳﺪﻩ ﻳﺮﻳﺪ ﻳﻀﺮﺑﻬﺎ
ﺑﺲ ﻭﻛﻌﺖ ﺍﻟﻀﺮﺑﺔ ﻋﻠﻰ ﺧﺪ ﺷﻴﻤﺎﺀ ﺍﻟﻲ ﺍﺗﺼﺪﺕ ﻟﻀﺮﺏ ﺍﺑﻮﻫﺎ
ﻭﺻﺎﺭﺕ ﻛﺪﺍﻡ ﺍﻣﻬﺎ
ﺍﻧﺸﻜﺖ ﺷﻔﺘﻬﺎ ﻭﺻﺎﺭ ﺍﻟﺪﻡ ﻳﺠﺮﻱ
ﺻﺎﺭﻭﺍ ﺍﻟﺒﻨﺎﺕ ﻳﻌﻴﻄﻮﻥ ﻣﻦ ﺍﻟﺨﻮﻑ
ﻭﻫﻨﺎﻙ ﻭﺣﺪﺓ ﺻﻐﻴﺮﺓ ﺷﺮﺩﺕ ﺧﺎﻳﻔﺔ ﻣﺘﺮﻳﺪ ﺗﺸﻮﻑ ﻫﺬﺍ ﺍﻟﻤﻨﻈﺮ
ﻭﻃﻠﻌﺖ ﺑﺎﻟﺸﺎﺭﻉ ﻭﻛﻌﺪﺕ ﻳﻢ ﺑﺎﺏ ﺑﻴﺘﻬﻢ ﻣﺜﻞ ﻛﻞ ﻣﺮﺓ
ﺍﺗﻌﻮﺩﺕ ﻋﻠﻰ ﻛﻌﺪﺕ ﺍﻟﺒﺎﺏ
ﻋﻴﻮﻧﻬﺎ ﺣﻤﺮ ﺗﺒﺠﻲ ﺧﺎﻳﻔﺔ
ﻃﻠﻊ ﺭﺍﺋﺪ ﻣﻦ ﺑﻴﺘﻬﻢ ﻭﺷﺎﻓﻬﺎ
.. ﻫﺎﻱ ﺷﻨﻮ ﻫﺪﻫﺪ ﺷﻌﻨﺪﺝ ﻃﺎﻟﻌﺔ ﺑﺎﻟﻠﻴﻞ ﻭﻛﺎﻋﺪﺓ ﺑﺎﻟﺒﺎﺏ
ﺍﻧﺘﺒﻪ ﻋﻠﻴﻬﺎ ﻣﺴﺤﺖ ﺩﻣﻮﻋﻬﺎ ﻭﺧﺸﻤﻬﺎ ﺑﻈﻬﺮ ﺍﻳﺪﻫﺎ
ﺑﺎﻭﻋﺘﻠﻪ
.. ﺑﺎﺑﺎ ﺿﻐﺐ ( ﺿﺮﺏ ) ﻣﺎﻣﺎ ﻭﺷﻴﻤﺎﺀ ﻭﺍﻧﻲ ﺍﺧﺎﻑ ﻣﻨﻪ
ﺟﺎﻥ ﻣﻨﻈﺮﻫﺎ ﻳﻜﺴﺮ ﺍﻟﺨﺎﻃﺮ ﺭﺍﺡ ﻛﻌﺪ ﻳﻤﻬﺎ
ﻭﻣﺴﺢ ﺩﻣﻮﻋﻬﺎ .. ﺍﺷﺶ ﻟﺘﺒﺠﻴﻦ ﺍﻛﻮﻝ ﺻﺪﻙ
ﺍﻧﺘﻲ ﺷﻮﻛﺖ ﺭﺍﺡ ﺗﺘﺴﺠﻠﻴﻦ ﺑﺎﻟﻤﺪﺭﺳﺔ
ﻫﺪﻯ ﻧﺴﺖ ﺧﻮﻓﻬﺎ ﻭﺍﻧﻄﻠﻘﺖ ﺑﺎﻟﻜﻼﻡ
.. ﻣﺎﻣﺎ ﻛﺎﻟﺖ ﺍﻟﺴﻨﺔ ﺍﻟﺠﺎﻳﺔ ﺗﺪﺧﻠﻴﻦ ﻣﺪﻏﺴﺔ ( ﻣﺪﺭﺳﺔ )
ﻭﺍﺷﺘﻐﻴﻠﺞ ( ﺍﺷﺘﺮﻳﻠﺞ ) ﺟﻨﻄﺔ ﻭﻳﺼﻴﻎ ( ﻳﺼﻴﺮ ) ﻋﻨﺪﻱ ﺩﻓﺎﺗﻎ (
ﺩﻓﺎﺗﺮ ) ﻭﻛﺘﺐ
ﺟﺎﻧﺖ ﻣﺎﺧﺬﺓ ﺭﺍﺣﺘﻬﺎ ﺑﺎﻟﻜﻼﻡ ﻭﺭﺍﺋﺪ ﺧﺮﺑﺎﻥ ﺿﺤﻚ
.. ﻫﻬﻬﻬﻬﻬﻬﻬﻬﻪ ﻫﺪﻯ ﻛﻮﻟﻲ ﺭﺍﺋﺪ
ﺭﺩﺩﺕ ﻭﺭﺍﻩ .. ﻏﺎﺋﺪ
ﺭﺟﻊ ﻳﻀﺤﻚ .. ﺯﻳﻦ ﻛﻮﻟﻲ ﺍﺭﻳﺪ ﺭﺍﺋﺪ
ﺭﺩﺩﺕ .. ﺍﻏﻴﺪ ﻏﺎﺋﺪ
ﺍﻧﺘﺒﻬﺖ ﻋﻠﻴﻪ ﻳﻀﺤﻚ ﻭﺿﺮﺑﺘﻪ ﻣﻌﺘﺮﺿﺔ ﺍﺗﻌﻮﺩﺕ ﻋﻠﻰ ﺗﻘﻠﻴﺪ ﺍﻟﻨﺎﺱ
ﻋﻠﻰ ﺭﺗﻠﺔ ﻟﺴﺎﻧﻬﺎ ﻣﻦ ﻳﺴﻤﻌﻮﻧﻬﺎ ﺗﻠﺪﻍ ﺑﺤﺮﻑ ﺍﻟﺮﺍﺀ
.. ﻻﺍﺍﺍﺍﺍﺍ ﻏﺎﺋﺪ ﻻ ﺗﻌﻴﺐ ﻣﺰﺍﻋﺘﻠﻚ ﺑﻌﺪ ﻣﺎ ﺍﺣﺠﻲ ﻭﻳﺎﻙ
ﺟﺎﻭﺑﻬﺎ ﻭﻫﻮ ﻳﻀﺤﻚ
.. ﻫﻬﻬﻬﻬﻬﻪ ﻳﺎﻟﻠﻪ ﻫﺬﺍ ﻫﻮ ﺑﻌﺪ ﻣﺎ ﺍﺿﺤﻚ
ﻭﺭﺟﻊ ﻳﻀﺤﻚ ﻋﻠﻴﻬﺎ ﻣﺎ ﻳﺘﺤﻤﻞ ﻳﺸﻮﻓﻬﺎ ﻣﺒﺮﻃﻤﺔ ﻭﺧﺪﻭﺩﻫﺎ ﺣﻤﺮ
ﻭﻋﺎﻛﺪﺓ ﺍﻟﺤﻮﺍﺟﺐ ﻭﺍﺛﺮ ﺍﻟﺪﻣﻮﻉ ﻣﻌﻠﻚ ﺑﻄﺮﻑ ﺍﻟﺮﻣﻮﺵ
.. ﻻ ﺻﺪﻙ ﻫﺪﻯ ﺑﻌﺪ ﻣﺎ ﺍﺿﺤﻚ
ﺷﻮﻓﻲ ﻣﻨﺎ ﻭﺭﺍﻳﺢ ﻣﻦ ﻳﺘﻌﺎﺭﻙ ﺍﺑﻮﺝ ﻭﻳﺔ ﺍﻣﺞ ﺑﺎﻟﻠﻴﻞ ﻻ ﺗﻄﻠﻌﻴﻦ
ﺑﺎﻟﺸﺎﺭﻉ ﺗﺮﺓ ﺍﻛﻮ ﻛﻼﺏ ﻫﻮﺍﻱ ﺑﺎﻟﻤﻨﻄﻘﺔ ﻭﺍﺧﺎﻑ ﻳﻌﻀﻮﻧﺞ ﻭﻫﻢ ﺍﻛﻮ
ﺣﺮﺍﻣﻴﺔ ﻳﺨﻄﻔﻮﻥ
ﺑﺎﻭﻋﺖ ﻋﻠﻴﻪ ﻭﻋﻴﻮﻧﻬﺎ ﺗﺮﻣﺶ ﺧﺎﻳﻔﺔ
.. ﻛﻮﻝ ﻭﺍﻟﻠﻪ
.. ﻭﺍﻟﻠﻪ ﺷﺒﻴﺞ ﺫﺍﻙ ﺍﻟﻴﻮﻡ ﺑﺎﻟﻠﻴﻞ ﺟﻨﺎ ﺍﻧﻲ ﻭﺻﺪﻳﻘﻲ ﻗﺎﺳﻢ ﻧﻤﺸﻲ
ﺑﺎﻟﺸﺎﺭﻉ ﻭﺭﻛﺾ ﻭﺭﺍﻧﺎ ﻛﻠﺐ ﺍﺟﺔ ﻳﻌﻈﻨﺎ ﻟﻮ ﻣﺎ ﻗﺎﺳﻢ ﺷﺎﻝ ﺍﻟﻄﺎﺑﻮﻛﺔ
ﻭﺷﻤﺮﻫﺎ ﻋﻠﻴﻪ ﺑﻜﻞ ﻗﻮﺓ ﻭﺍﻧﻬﺰﻡ ﺍﻟﻜﻠﺐ
ﻭﻋﻠﻰ ﻃﺎﺭﻱ ﻗﺎﺳﻢ ﺳﻤﻌﻮ ﺻﻮﺗﻪ
ﻗﺎﺳﻢ .. ﺷﺒﻲ ﻗﺎﺳﻢ
ﻫﻲ ﺷﺎﻓﺘﻪ ﻭﻃﻔﺮﺕ ﻣﻦ ﻣﻜﺎﻧﻬﺎ ﻭﺧﺘﻠﺖ ﻭﺭﺓ ﺭﺍﺋﺪ
ﺍﻧﺘﺒﻪ ﻋﻠﻴﻬﺎ
.. ﻫﺎ ﻭﻟﺞ ﺷﻌﻨﺪﺝ ﻃﺎﻟﻌﺔ ﺑﺎﻟﻠﻴﻞ
ﺣﺠﺖ ﻭﻳﺔ ﺭﺍﺋﺪ
.. ﻋﺎﺍﺍﺍﺍ ﺍﺟﺎﻧﺎ ﻋﻠﻲ ﺑﺎﺑﺎ
ﺍﻟﺘﻔﺖ ﻋﻠﻴﻬﺎ ﺭﺍﺋﺪ
.. ﻫﺎ ﺷﻨﻮ ﻛﻠﺘﻲ ﻣﺴﻤﻌﺘﺞ
.. ﻏﺎﺋﺪ ﻋﻔﻴﺔ ﻛﻠﻪ ﻻ ﻳﺠﻐﻨﻲ ( ﻳﺠﺮﻧﻲ ) ﻣﻦ ﻇﻔﻴﻐﺘﻲ ( ﻇﻔﻴﺮﺗﻲ )
ﺭﺍﺋﺪ ﻳﻀﺤﻚ ﻋﻠﻰ ﻛﻼﻣﻬﺎ ﻏﻤﺰ ﻟﻘﺎﺳﻢ
.. ﻗﺎﺳﻢ ﻟﺨﺎﻃﺮﻱ ﻫﺎﻟﻤﺮﺓ ﻻ ﺗﺠﻐﻬﺎ ﻣﻦ ﻇﻔﻴﻐﺘﻬﺎ
ﺟﺎﻥ ﻳﺤﺠﻲ ﻭﻳﻘﻠﺪ ﻋﻠﻰ ﻟﺪﻏﺘﻬﺎ
ﻗﺎﺳﻢ .. ﺧﻼﺹ ﻟﺨﺎﻃﺮﻙ ﻫﺎﻟﻤﺮﺓ ﻣﺎ ﺍﺟﺮﻫﺎ ﻣﻦ ﻇﻔﻴﺮﺗﻬﺎ
ﺑﺲ ﺑﺸﺮﻁ ﺧﻠﻴﻬﺎ
ﺗﺮﺩﺩ ﻭﺭﺍﻱ ﻭﺗﻜﻮﻝ
ﻣﺮﻭﺣﺔ ﺭﺍﺋﺪ ﻃﺎﺭﺕ
ﺑﺮﻃﻤﺖ ﺷﻔﺎﻳﻔﻬﺎ ﺑﻐﻴﺾ ﺑﺲ ﻣﺘﻜﺪﺭ ﺗﺮﺩﻩ ﺗﺨﺎﻑ ﻣﻨﻪ
ﺣﺠﺖ ﻭﻫﻲ ﺿﺎﻳﺠﺔ ﻭﻣﻐﻨﺘﺒﺔ ﺗﺪﺭﻱ ﺑﻴﻬﻢ ﻧﺎﺻﺒﻴﻦ ﻋﻠﻴﻬﺎ
ﻛﺎﻟﺖ .. ﻣﻐﻮﺣﺔ ﻏﺎﺋﺪ ﻃﺎﻏﺖ
ﻗﺎﺳﻢ ﻭﺭﺍﺋﺪ ﺧﺮﺑﺎﻧﻴﻦ ﺿﺤﻚ ﻋﻠﻴﻬﺎ ﻋﺒﺎﻟﻚ ﻟﻜﻮﻟﻬﻢ ﻟﻌﺒﺔ ﻳﺘﻮﻧﺴﻮﻥ
ﻋﻠﻴﻬﺎ
ﻗﺎﺳﻢ .. ﺑﺎﻟﻠﻪ ﻛﻮﻟﻲ
ﺳﺎﻓﺮ ﻗﺎﺳﻢ ﺍﻟﻰ ﺭﻭﺳﻴﺎ
ﻫﺪﻯ ﺑﺄﻋﺘﺮﺍﺽ .. ﻛﺎﻓﻲ ﺑﻌﺪ ﻣﺎﻛﻮﻝ
ﺗﺤﺠﻲ ﻭﺣﺎﺻﺮﺗﻬﺎ ﺍﻟﺒﺠﻴﺔ
ﻗﺎﺳﻢ ﺑﺨﺰﺭﺓ ﻣﺘﻨﻤﺮ ﻳﺴﺘﻐﻞ ﺗﺴﻠﻄﻪ ﻋﻠﻴﻬﺎ
.. ﻫﺎ ﺗﺮﺓ ﻇﻔﻴﺮﺗﺞ ﺣﻠﻮﺓ ﺣﺮﺍﻣﺎﺕ ﺍﺧﺮﺑﻬﺎ
ﻛﺒﻞ ﺭﺩﺩﺕ
.. ﺳﺎﻓﻎ ﻗﺎﺳﻢ ﻟﻐﻮﺳﻴﺎ
ﺭﺟﻌﻮﺍ ﻳﻀﺤﻜﻮﻥ
ﻭﻫﻲ ﻣﺒﺮﻃﻤﺔ ﻗﺎﺳﻢ ﺍﺗﻌﻮﺩ ﻳﺴﺘﻐﻞ ﻧﻘﻄﺔ ﺿﻌﻔﻬﺎ ﻭﺍﻟﻲ ﻫﻲ
ﺧﻮﻓﻬﺎ ﻣﻨﻪ
.. ﺭﻭﺣﻲ ﺟﻴﺒﻲ ﻣﺎﻱ ﺑﺎﺭﺩ ﻋﻄﺸﺎﻥ
.. ﻣﺎﻋﻨﺪﻧﺎ ﺛﻼﺟﺔ
ﺭﺍﺋﺪ .. ﺭﻭﺣﻲ ﺩﺧﻠﻲ ﺟﻴﺒﻲ ﻣﻦ ﺑﻴﺘﻨﺎ
ﺭﺍﺣﺖ ﺷﺎﻓﺖ ﻗﺎﺳﻢ ﺍﻟﺘﻔﺖ ﻳﺤﺠﻲ ﻭﻳﺔ ﺭﺍﺋﺪ
ﻭﻛﺎﻣﺖ ﺗﻤﺸﻲ ﻭﺗﻐﻢ ﺑﻴﺪﻫﺎ ﻋﻠﻴﻪ ﻣﻦ ﺣﺮﻛﺔ ﻛﻠﺒﻬﺎ
ﺭﺍﺋﺪ ﻳﺒﺎﻭﻉ ﻋﻠﻰ ﺣﺮﻛﺘﻬﺎ ﻭﻳﻀﺤﻚ ﻋﻠﻰ ﺷﻜﻠﻬﺎ
.............
ﺑﻌﺪﻣﺎ ﻣﻀﻰ ﺍﻟﻠﻴﻞ ﻣﺤﻤﻞ ﺑﻴﻦ ﺛﻨﺎﻳﺎ ﻇﻼﻣﻪ ﺍﻟﺪﺍﻣﺲ
ﺣﺴﺮﺍﺕ ﺧﻮﻑ ﻭﺍﻟﻢ ﻭﺍﺿﻄﻬﺎﺩ ﻃﻠﻊ ﺍﻟﺼﺒﺎﺡ ﻋﻠﻴﻬﻢ
ﻟﻜﻲ ﺗﺴﺘﻤﺮ ﺍﻟﺤﻴﺎﺓ
ﺍﻡ ﺷﻴﻤﺎﺀ .. ﻣﺎﻣﺎ ﻣﺮﻭﺓ ﺭﻭﺣﻲ ﻛﻌﺪﻱ ﺧﻮﺍﺗﺞ
ﺧﻠﻲ ﻳﻜﻌﺪﻭﻥ ﻳﺘﺮﻳﻜﻮﻥ ﻫﻢ ﻳﺎﻟﻠﻪ ﻧﻜﻒ ﺍﻟﺸﻐﻞ
ﻭﺭﺍﻱ ﺧﻴﺎﻃﺔ ﺍﺭﻳﺪ ﺍﻛﻤﻞ ﺧﻴﺎﻁ
ﺣﻄﺖ ﻛﺘﺎﺑﻬﺎ ﻋﻠﻰ ﺻﻔﺤﺔ ﻭﺭﺍﺣﺖ ﺗﻜﻌﺪ ﺧﻮﺍﺗﻬﺎ
ﻣﺮﻭﺓ ﺗﺪﺭﺱ ﺑﺎﻟﻌﻄﻠﺔ ﻻﻥ ﻗﺪﻣﺖ ﻋﻠﻰ ﻗﺮﺍﺭ ﺍﻟﻌﺒﻮﺭ ﻟﻠﻤﺮﺓ ﺍﻟﺜﺎﻧﻴﺔ
ﻛﻌﺪﻭﺍ ﺍﻟﺒﻨﺎﺕ
ﺑﺎﻭﻋﺖ ﻋﻠﻰ ﺑﻨﺘﻬﺎ ﺷﻴﻤﺎﺀﺷﻠﻮﻥ ﺷﻔﺘﻬﺎ ﻣﺸﻜﻮﻛﺔ ﻭﻣﺰﻭﺭﻛﺔ
ﻣﻦ ﻭﺭﺓ ﺍﻟﻀﺮﺑﺔ ﺍﻟﻲ ﺍﻛﻠﺘﻬﺎ ﻣﻦ ﺍﺑﻮﻫﺎ ﺟﺮﺕ ﺣﺴﺮﺓ ﻭﺭﺟﻌﺖ ﺗﻜﻤﻞ
ﺷﻐﻠﻬﺎ
ﻭﺣﻀﺮﻭﺍ ﺻﻴﻨﻴﺔ ﺍﻟﺠﺎﻱ
ﻭﺧﺒﺰ ﻭﺑﻴﺘﻨﺠﺎﻥ ﻛﻠﻲ ﺣﻄﻮﺍ ﺍﻟﺼﻴﻨﻴﺔ ﺑﺎﻟﻜﺎﻉ ﻭﺩﺧﻞ ﻋﻠﻴﻬﻢ ﺍﺑﻮﻫﻢ
ﻻﺯﻡ ﺭﺍﺳﻪ ﻣﻮﺟﻮﻉ ﻭﻳﻮﻥ ﻣﻦ ﺍﻟﻢ ﺍﻟﺼﺪﺍﻉ
ﺍﺛﻴﺮ .. ﺻﺒﺎﺡ ﺍﻟﺨﻴﺮ
ﻣﺤﺪ ﺭﺩ ﻋﻠﻴﻪ ﺑﺲ ﻫﺪﻯ
.. ﺻﺒﺎﺡ ﺍﻟﻨﻮﻍ ( ﺍﻟﻨﻮﺭ ) ﺑﺎﺑﺎ
ﻛﻌﺪ ﻭﻳﺎﻫﻢ ﻋﺎﻟﺼﻴﻨﻴﺔ ﻭﻻ ﻛﺄﻧﻪ ﻣﺴﻮﻱ ﺷﻲ
ﺭﻓﻊ ﺭﺍﺳﻪ
.. ﻋﻔﻴﺔ ﺑﺎﺑﺎ ﺷﻮﻣﺔ ﺻﺒﻴﻠﻲ ﻛﻼﺹ ﺟﺎﻱ ﺭﺍﺳﻲ ﻳﺮﻳﺪ ﻳﻨﻔﺠﺮ
ﻟﻔﺖ ﺍﻧﺘﺒﺎﻫﻪ ﻣﻨﻈﺮ ﺷﻔﺔ ﺷﻴﻤﺎﺀ ﺍﻟﺰﺭﻛﺔ ﻭﻋﻘﺪ ﺣﻮﺍﺟﺒﻪ ﻣﺴﺘﻐﺮﺏ
. ﺑﺎﺑﺎ ﺷﻮﻣﺔ ﻫﺎﻱ ﺷﻨﻮ ﺷﺒﻴﻬﺎ ﺷﻔﺘﺞ
ﺟﺎﻭﺑﺘﻪ ﺍﻡ ﺷﻴﻤﺎﺀ
.. ﺷﻨﻮ ﺗﺴﻮﻱ ﻧﻔﺴﻚ ﻏﺸﻴﻢ ﻟﻴﺶ ﻣﺘﻌﺮﻑ ﻣﻨﻮ ﺳﻮﺓ ﻫﺸﻜﻞ
ﺑﻮﺟﻬﺎ
.. ﻻ ﻭﺍﻟﻠﻪ ﺣﺮﺍﻡ ﻋﻠﻴﺔ ﺍﺫﺍ ﺍﻋﺮﻑ ﻣﻨﻮ
ﺩﺭﺍﺕ ﻭﺟﻬﺎ ﻋﻠﻰ ﺷﻴﻤﺎﺀ
.. ﻛﻮﻟﻴﻠﻪ ﻷﺑﻮﺝ ﻣﻨﻮ ﺳﻮﺓ ﺑﻴﺞ ﻫﺸﻜﻞ
ﺷﻴﻤﺎﺀ ﺑﺼﻮﺕ ﻫﺎﻣﺲ
.. ﺑﺎﺑﺎ ﻫﺬﺍ ﺍﻧﺖ ﺿﺮﺑﺘﻲ ﺍﻟﺒﺎﺭﺣﺔ ﺑﺎﻟﻠﻴﻞ ﻣﻦ ﺟﻨﺖ ....
ﻭﻗﻄﻌﺖ ﻛﻼﻣﻬﺎ ﻭﺍﺳﺘﺤﺖ ﺗﻜﻠﻪ ﻣﻦ ﺟﻨﺖ ﺷﺎﺭﺏ ﻭﻓﺎﻗﺪ
ﺍﻡ ﺷﻴﻤﺎﺀ ﺍﺷﺮﺕ ﻟﺸﻴﻤﺎﺀ ﺗﺎﺧﺬ ﺧﻮﺍﺗﻬﺎ ﻭﺗﺪﺧﻞ ﺑﻴﻬﻢ ﻟﻠﻐﺮﻓﺔ ﻻﻥ
ﺗﺮﻳﺪ ﺗﺤﺠﻲ ﻭﻳﺔ ﺍﺑﻮﻫﻢ ﻛﻼﻡ ﻣﺎ ﻳﺠﻮﺯ ﻳﺴﻤﻌﻮﻧﻪ
ﺍﺛﻴﺮ ﻛﺎﻥ ﻣﺼﺪﻭﻡ
.. ﺍﻧﺎ ﺳﻮﻳﺖ ﻫﺸﻜﻞ ﺑﻴﻬﺎ؟؟؟؟ !!!
... ﺍﻱ ﺍﻧﺖ ﻭﺍﻟﻤﺼﻴﺒﺔ ﻣﻮ ﺑﺎﻟﻀﺮﺑﺔ ﺍﻟﻲ ﺍﻛﻠﺘﻬﺎ ﺷﻴﻤﺎﺀ ﺍﻟﻤﺼﻴﺒﺔ ﺑﻴﻚ
ﺍﻧﺖ ﺍﻟﻲ ﻣﺎ ﺩﺗﺘﺬﻛﺮ ﺷﻨﻮ ﺳﻮﻳﺖ ﺍﻟﺒﺎﺭﺣﺔ ﺑﺎﻟﻠﻴﻞ ﺑﻴﻨﺎ
.. ﺑﺜﻴﻨﺔ ﻣﺠﻨﺖ ﺑﻮﻋﻴﻲ ﺍﻟﺒﺎﺭﺣﺔ
.. ﺗﺪﺭﻱ ﻫﺬﺍ ﻛﻼﻣﻚ ﺷﻨﻮ ﻣﻌﻨﺎﻩ ﻛﺎﺭﺛﺔ ﻣﻮ ﺑﺲ ﻣﺼﻴﺒﺔ
ﻳﻌﻨﻲ ﺗﺸﺮﺏ ﻭﺗﻔﻘﺪ ﻭﺗﻬﺠﻢ ﻋﻠﻴﺔ ﻭﻋﻠﻰ ﺑﻨﺎﺗﻲ ﻭﺛﺎﻧﻲ ﻳﻮﻡ ﺗﻨﻜﺮ
ﺳﻮﺍﻳﺘﻚ ﺑﻴﻨﺎ
ﻳﻌﻨﻲ ﻫﺎﻟﻤﺮﺓ ﺷﻮﻫﺖ ﻭﺟﻪ ﺑﻨﺘﻚ ﻭﺷﻜﻴﺖ ﺷﻔﺘﻬﺎ
ﺍﻟﻤﺮﺓ ﺍﻟﺠﺎﻳﺔ ﺍﻟﻠﻪ ﺍﻟﻌﺎﻟﻢ ﺷﻨﻮ ﺭﺍﺡ ﺗﺴﻮﻱ ﺑﻴﺔ ﻭﺑﺒﻨﺎﺗﻲ
ﻭﺍﻟﻠﻪ ﺍﺛﻴﺮ ﺻﺮﺕ ﺍﺧﺎﻑ ﻋﻠﻰ ﺭﻭﺣﻲ ﻭﻋﻠﻰ ﺑﻨﺎﺗﻲ ﻣﻨﻚ
ﺧﺎﻑ ﻳﺠﻲ ﺍﻟﻴﻮﻡ ﻭﺗﺬﺑﺢ ﻭﺣﺪﺓ ﺑﻴﻨﺎ ﻭﺍﻧﺖ ﻓﺎﻗﺪ ﻣﻦ ﺍﻟﺸﺮﺏ
ﺣﺠﺖ ﺑﺠﺰﻉ
ﺍﺛﻴﺮ ﺗﺮﺓ ﻭﺍﻟﻠﻪ ﺗﻌﺒﺖ ﻭﻣﺎ ﻋﺎﺩ ﺑﻴﺔ ﺣﻴﻞ
ﺍﻧﺘﺒﻪ ﻋﻠﻰ ﻧﻔﺴﻚ ﻭﺷﻮﻑ ﺑﻨﺎﺗﻚ ﺑﺪﻭﺍ ﻳﻜﺒﺮﻭﻥ
ﻭﺷﻴﻤﺎﺀ ﻛﺒﺮﺕ ﻭﺑﺪﺕ ﺗﻔﺘﺢ ﻣﺜﻞ ﺍﻟﻮﺭﺩﺓ
ﺑﻨﺎﺗﻚ ﻋﻴﻨﻬﻢ ﻋﻠﻴﻚ ﻳﺘﺮﺟﻮﻥ ﻣﻨﻚ ﺍﻟﺨﻴﺮ ﻣﺜﻞ ﻛﻞ ﺑﻨﻴﺔ
ﺗﺘﺮﺟﻰ ﻣﻦ ﺍﺑﻮﻫﺎ ﻳﺼﻮﻧﻬﺎ ﻭﻳﺤﻤﻴﻬﺎ
ﻟﻴﺶ ﺍﻧﺖ ﻋﻜﺲ ﺍﻟﻨﺎﺱ ﺻﺎﺭﻭ ﺑﻨﺎﺗﻚ ﻳﺒﺎﻭﻋﻮﻥ ﻋﻠﻴﻚ ﺑﺨﻮﻑ ﺻﺎﺭﻭ
ﺣﺘﻰ ﻳﻜﺮﻫﻮﻥ ﻃﺎﺭﻳﻚ
ﻻﻥ ﻣﺎ ﻳﺘﺬﻛﺮﻭﻥ ﻣﻨﻚ ﺷﻲ ﻃﻴﺐ ﻗﺪﻣﺘﺔ ﺍﻟﻬﻢ ﻭﻟﻤﺴﺘﻘﺒﻠﻬﻢ ﻣﺜﻞ
ﺍﻱ ﺍﺏ ﻳﺒﺬﻝ ﻣﺎ ﺑﻮﺳﻌﻪ ﻟﺤﺘﻰ ﻳﻮﻓﺮ ﻣﺴﺘﻘﻞ ﻟﻌﺎﺋﻠﺘﻪ
ﻛﻠﻲ ﺍﻧﺖ ﺷﻨﻮ ﻣﺤﻠﻚ ﺑﺎﻻﻋﺮﺍﺏ ﺷﻨﻮ ﺩﻭﺭﻙ ﺑﺤﻴﺎﺓ ﺑﻨﺎﺗﻚ
ﻳﻌﻨﻲ ﺑﺲ ﺍﺳﻤﻚ ﺍﺏ ﺑﺎﻟﺠﻨﺴﻴﺔ
ﺗﺪﺭﻱ ﺍﻧﺖ ﺣﺘﻰ ﻣﺎﻛﻠﻔﺖ ﻧﻔﺴﻚ ﺗﺸﺘﻐﻞ ﻭﺗﻌﻴﻞ ﻋﺎﺋﻠﺘﻚ
ﻳﻌﻨﻲ ﻟﻮ ﺍﻧﻲ ﺍﻟﻲ ﺍﻛﺪ ﻭﺍﺻﺮﻑ ﻋﻠﻰ ﻫﺬﺍ ﺍﻟﺒﻴﺖ ﻟﻮ ﻣﺎﻛﻮ ﻧﻤﻮﺕ ﺍﺗﻲ
ﻭﻳﻨﺎﺗﻲ ﻣﻦ ﺍﻟﺠﻮﻉ
ﺑﺜﻴﻨﺔ ﺟﺎﻧﺖ ﺗﺤﺠﻲ ﻭﺗﺒﺠﻲ ﺑﻘﻬﺮ
....
ﺍﺛﻴﺮ ﻳﻔﺮﻙ ﺑﻮﺟﻬﻪ
.. ﻟﺤﻈﺔ ﺑﺜﻴﻨﺔ ﻟﺘﺒﺠﻴﻦ ﻣﺴﺤﻲ ﺩﻣﻮﻋﺞ ﺍﻧﻄﻴﻨﻲ ﻓﺮﺻﺔ ﺧﻠﻴﻨﻲ
ﺍﺣﺠﻲ ﺗﺮﺓ ﺍﻧﺎ ﻣﻮ ﻫﻴﺞ ﻧﺬﻝ ﻣﺜﻠﻤﺎ ﻣﺘﺼﻮﺭﺗﻨﻲ
ﻭﺍﻟﻠﻪ ﺣﺎﻭﻟﺖ ﺍﺑﺪﻱ ﺻﻔﺤﺔ ﺟﺪﻳﺪﺓ ﻭﻳﺔ ﻧﻔﺴﻲ ﺑﺲ ﻛﻠﻤﺎ ﺍﺭﻳﺪ ﺍﻗﺪﻡ
ﻋﻠﻰ ﺍﺑﺪﻱ ﻣﻦ ﺟﺪﻳﺪ ﺍﺷﻮﻑ ﺍﻟﻨﺎﺱ ﺗﻨﺒﺬﻧﻲ
ﺣﺘﻰ ﻣﻦ ﺍﺭﻳﺪ ﺍﻗﺪﻡ ﻋﻠﻰ ﺷﻐﻞ ﺍﺗﻌﻴﺮ ﺑﺸﻐﻠﺔ ﺍﻟﺘﺰﻭﻳﺮ ﻭﻳﺴﺪﻭﻥ
ﺍﻟﺒﺎﺏ ﺑﻮﺟﻬﻲ ﻳﺎﻫﻮ ﺍﻟﻲ ﺍﺭﻭﺣﻠﻪ ﻣﺤﺪ ﻳﺴﺘﻘﺒﻠﻨﻲ
ﺷﻨﻮ ﺑﻴﺪﻱ ﺍﺳﻮﻳﻪ
.. ﺯﻳﻦ ﺍﻟﺸﺮﺏ
.. ﺍﻟﺸﺮﺏ ﻳﻨﺴﻴﻨﻲ ﺍﻟﻌﺎﺭ ﺍﻟﻲ ﺍﻧﺎ ﻋﺎﻳﺶ ﺑﻲ
ﻣﺴﺤﻲ ﺩﻣﻮﻉ ﻭﺍﻭﻋﺪﺝ ﻣﻦ ﻫﺎﻟﻴﻮﻡ ﺑﻌﺪ ﻣﺎ ﺍﺷﺮﺏ ﻭﻻ ﺍﻗﺮﺏ
ﻋﺎﻟﺸﺮﺏ ﻭﺭﺍﺡ ﺍﺑﺪﻱ ﻣﻦ ﺟﺪﻳﺪ ﺍﺩﻭﺭ ﻋﻠﻰ ﺷﻐﻞ
ﻣﺴﺤﺖ ﺩﻣﻮﻋﻬﺎ ﺑﺄﻣﻞ
.. ﺍﺛﻴﺮﻱ ﺍﻭﻋﺪﻧﻲ ﻣﺘﺸﺮﺏ
.. ﺍﻭﻋﺪﺝ
.. ﻣﺎ ﺍﻋﺮﻑ ﻟﻴﺶ ﻣﺎ ﺍﻛﺪﺭ ﺍﻓﺮﺡ ﺑﻮﻋﺪﻙ ﺍﻟﻲ
ﺍﺧﺎﻑ ﻫﻢ ﻣﺜﻞ ﻛﻞ ﻣﺮﺓ ﻣﻦ ﺗﻮﻋﺪﻧﻲ ﻓﺘﺮﺓ ﺗﻜﻄﻊ ﻭﺗﺮﺟﻊ ﺗﺸﺮﺏ
.. ﺍﻧﻄﻴﺘﺞ ﻛﻠﻤﺔ ﺧﻼﺹ ﻭﺍﻧﺘﻲ ﻫﻢ ﺳﺎﻋﺪﻳﻨﻲ
.. ﺍﻥ ﺷﺎﺀ ﺍﻟﻠﻪ ﺍﻭﻛﻒ ﻭﻳﺎﻙ ﺷﻌﻨﺪﻱ ﻏﻴﺮﻙ
ﺍﻗﺘﺮﺏ ﻣﻨﻬﺎ ﻭﺑﺎﺳﻬﺎ ﻣﻦ ﺭﺍﺳﻬﺎ
.. ﺍﻱ ﺍﺗﺬﻛﺮﺕ ﺍﻟﺒﺎﺭﺣﺔ ﺧﺎﻟﺘﻲ ﺍﻡ ﻓﺮﺯﺩﻕ
ﻛﺎﻟﺖ ﺑﻴﺖ ﺟﺎﺭﻧﺎ ﺍﺑﻮ ﻗﺎﺳﻢ ﻳﺮﻳﺪ ﻭﺍﺣﺪ ﺛﻘﺔ ﻳﺨﻠﻴﻪ ﺣﺎﺭﺱ ﻋﻠﻰ
ﺑﻴﺘﻬﻢ ﻻﻥ ﻃﺎﻓﺮﻳﻦ ﺣﺮﺍﻣﻴﺔ ﻋﻠﻴﻬﻢ ﻭﺍﻧﻲ ﻛﻠﺘﻠﻬﺎ ﻋﻠﻴﻚ ﻭﻫﻲ ﻛﺎﻟﺖ
ﺧﻠﻲ ﻳﺮﻭﺡ ﺍﻟﻴﻮﻡ ﻟﺒﻴﺖ ﺍﺑﻮ ﻗﺎﺳﻢ ﻭﻳﺸﻮﻑ ﺷﻨﻮ ﺍﻟﻤﻄﻠﻮﺏ ﻣﻨﻪ
.. ﺻﺎﺭ ﺗﺪﻟﻠﻴﻦ ﻫﺴﺔ ﺍﺗﺮﻳﻚ ﻭﺍﺭﻭﺡ ﻟﺒﻴﺖ ﺍﺑﻮ ﻗﺎﺳﻢ ﻭﺍﺷﻮﻓﻪ ﺷﻨﻮ
ﻳﺮﻳﺪ ﻣﻨﻲ
ﻳﺎﻟﻠﻪ ﺻﻴﺤﻲ ﺍﻟﺒﻨﺎﺕ ﺧﻠﻲ ﻳﺠﻮﻥ ﻳﻜﻤﻠﻮﻥ ﺭﻭﻛﻬﻢ
ﻭﺍﻟﻴﻮﻡ ﻻ ﺗﺴﻮﻳﻦ ﻏﺪﺓ ﺍﻧﺎ ﺭﺍﺡ ﺍﺷﻮﻱ ﻛﺒﺎﺏ ﻭﻧﺘﻐﺪﺓ ﺳﻮﻳﺔ
ﺑﻤﻨﺎﺳﺒﺔ ﺍﻟﺸﻐﻞ ﺍﻟﺠﺪﻳﺪ
ﺟﺎﻭﺑﺘﻪ ﺑﻔﺮﺣﺔ ﻛﻠﻬﺎ ﺍﻣﻞ
.. ﻳﺎ ﺻﺪﻙ ﺍﺛﻴﺮ ﻧﺎﻛﻞ ﻛﺒﺎﺏ ﻣﻨﻴﻨﻠﻚ ﻓﻠﻮﺱ
ﺿﺤﻚ .. ﺩﺍﻳﻨﻴﻨﻲ ﺍﻟﻴﻮﻡ ﻭﺍﻭﻋﺪﺝ ﺑﺲ ﺍﺳﺘﻠﻢ ﺭﺍﺗﺒﻲ ﺍﺭﺟﻌﻠﺞ
ﺍﻟﻔﻠﻮﺱ
ﺍﺑﺘﺴﻤﺖ .. ﺍﺛﻴﺮ ﺍﻧﻲ ﻭﺍﻧﺖ ﻭﺍﺣﺪ ﻣﺎ ﺑﻴﻨﺎ ﺩﻳﻦ
ﺍﺟﻮﻱ ﺍﻟﺒﻨﺎﺕ ﺷﺎﻓﻮ ﺍﺑﺘﺴﺎﻣﺔ ﺍﻣﻬﻢ ﻭﻓﺮﺣﻮﺍ ﻋﻠﻰ ﻓﺮﺣﺘﻬﺎ
ﻭﻛﻌﺪﻭﺍ ﻋﻠﻰ ﺻﻴﻨﻴﺔ ﻭﺣﺪﺓ ﻳﺘﻘﺎﺳﻤﻮﻥ ﺍﻛﻠﻬﻢ ﺍﻟﺒﺴﻴﻂ
ﻛﺎﻧﺖ ﻟﺤﻈﺎﺕ ﺛﻤﻴﻨﺔ
ﺍﺛﻴﺮ ﺻﺎﺡ ﻟﺸﻴﻤﺎﺀ ﻭﻛﻌﺪﻫﺎ ﻳﻤﻪ ﻭﺑﺎﺳﻬﺎ ﻣﻦ ﺭﺍﺳﻬﺎ
ﺭﺍﺡ ﺍﺛﻴﺮ ﻭﺍﺳﺘﻠﻢ ﺍﻟﺸﻐﻞ ﻭﺻﺎﺭ ﺣﺎﺭﺱ ﻟﺒﻴﺖ ﺍﺑﻮ ﻗﺎﺳﻢ
ﻭﺻﺎﺭ ﻛﻞ ﻳﻮﻡ ﻳﺎﺧﺬ ﺧﻔﺎﺭﺓ ﻭﻳﺮﻭﺡ ﻋﻠﻰ ﺷﻐﻠﻪ
ﻭﺟﺎﻥ ﻛﻞ ﻳﻮﻡ ﻣﻦ ﻳﺮﺟﻊ ﻋﺎﻟﻐﺪﺓ ﻳﺴﻮﻟﻔﻠﻬﻢ ﻋﻦ ﻳﻮﻣﻪ ﻭﺷﻨﻮ ﻳﺼﻴﺮ
ﻭﻳﺎﻩ
ﻭﺍﻟﺒﻨﺎﺕ ﻳﺴﺘﻤﻌﻮﻥ ﻟﻤﻐﺎﻣﺮﺍﺕ ﺍﺑﻮﻫﻢ
ﻭﺟﺎﻥ ﺩﺍﺋﻤﺎ ﻳﺤﺠﻲ ﺷﻨﻮ ﻳﺼﻴﺮ ﻋﻨﺪ ﺑﻴﺖ ﺍﺑﻮ ﻗﺎﺳﻢ
ﺿﺤﻰ .. ﺑﺎﺑﺎ ﺻﺪﻙ ﺑﻴﺘﻬﻢ ﺣﻠﻮ
.. ﺍﻱ ﺑﺎﺑﺎ ﺑﻴﺘﻬﻢ ﺿﺨﻢ ﻭﻛﻠﺶ ﺣﻠﻮ
ﺿﺤﻰ .. ﺍﻱ ﺑﻨﺘﻬﻢ ﺻﺪﻳﻘﺘﻲ ﺗﻜﻮﻝ ﻋﺪﻧﺎ ﺣﺪﻳﻘﺔ ﻛﺒﻴﺮﺓ ﻭﻣﻠﻴﺎﻧﺔ ﻭﺭﺩ
ﻭﻛﺎﻟﺖ ﺗﻌﺎﻟﻲ ﻟﺒﻴﺘﻨﺎ ﻟﻌﺒﻲ ﻭﻳﺎﻧﺎ
ﺍﺑﻮ ﺷﻴﻤﺎﺀ .. ﺍﻱ ﺷﻜﻮ ﺑﻴﻬﺎ ﺍﺧﺬﺝ ﻭﻳﺎﻱ ﺍﻧﺘﻲ ﻭﻫﺪﻯ ﻟﺒﻴﺘﻬﻢ ﻭﻟﻌﺒﻮﺍ
ﻭﻳﺔ ﺑﻨﺎﺗﻬﻢ
ﻫﺪﻯ ﺑﺨﻮﻑ .. ﻻ .. ﻻ .. ﺑﺎﺑﺎ ﻣﺎ ﺍﻏﻮﺡ ( ﺍﺭﻭﺡ )
ﺍﺧﺎﻑ ﻣﻦ ﺍﺑﻨﻬﻢ ﻗﺎﺳﻢ
ﺿﻠﻮ ﺍﻟﺒﻨﺎﺕ ﻳﺼﻨﻔﻮﻥ ﻋﻠﻰ ﻫﺪﻯ
ﻣﺮﻭﺓ .. ﻫﺬﺍ ﺍﻟﻠﺴﺎﻥ ﺍﻟﻄﻮﻳﻞ ﻛﻠﻪ ﻭﻃﻠﻌﺘﻲ ﺗﺨﺎﻓﻴﻦ ﻣﻦ ﻗﺎﺳﻢ ﻭﺍﻟﻠﻪ
ﻋﻤﻲ ﺧﻮﺵ ﻃﻠﻊ ﻗﺎﺳﻢ ﺻﻜﺎﺭﺝ ﻭﺍﺧﻴﺮﺍ ﺍﻛﻮ ﻣﻦ ﻳﺮﺩﺝ
ﻣﺮﺕ ﺍﻻﻳﺎﻡ ﻭﻗﺮﺑﺖ ﺍﻣﺘﺤﺎﻥ ﺍﻻﺧﺘﺒﺎﺭ ﻣﺎﻝ ﻣﺮﻭﺓ
ﻭﺍﻡ ﺷﻴﻤﺎﺀ ﻗﺮﺏ ﻣﻮﻋﺪ ﻋﻤﻠﻴﺘﻬﺎ ﺑﻌﺪ ﺍﺳﺒﻮﻋﻴﻦ
ﺟﺎﻧﺖ ﻣﺮﻭﺓ ﻣﺘﻔﺎﺋﻠﺔ ﺑﺠﻮﺍﺑﻬﺎ ﺑﺎﻻﺧﺘﺒﺎﺭ
ﺍﻧﻄﻮﻫﺎ ﺍﻟﻤﺪﺭﺳﺔ ﺗﻜﺮﻳﻢ ﻟﻠﻤﺘﻔﻮﻗﻴﻦ
ﺍﻡ ﺷﻴﻤﺎﺀ ﻓﺮﺣﺖ ﺑﻴﻬﺎ ﻭﺣﻈﻨﺘﻬﺎ ﻳﺎﺭﺑﻲ ﺍﺷﻮﻓﺞ . ﺍﺣﻠﻰ ﺩﻛﺘﻮﺭﺓ
ﻭﻳﻨﺎﺩﻭﻧﻲ ﺍﻡ ﺍﻟﺪﻛﺘﻮﺭﺓ ﻣﺮﻭﺓ
.. ﺍﻣﻴﻦ ﻳﺎﺭﺏ ﺍﻧﺪﻋﻴﻠﻲ ﻣﺎﻣﺎ
ﺍﻡ ﺷﻴﻤﺎﺀ .. ﻣﻮ ﺑﺲ ﺭﺍﺡ ﺍﻧﺪﻋﻴﻠﺞ ﻻ ﻭﻫﻢ ﺭﺍﺡ ﺍﺭﻭﺡ ﻭﻳﺎﺝ ﻟﻠﻤﺪﺭﺳﺔ
ﻭﺍﻧﺘﻈﺮﺝ ﻫﻨﺎﻙ ﻣﻦ ﺗﻤﺘﺤﻨﻴﻦ
ﻣﺮﻭﺓ ﺑﺘﻬﺮﺏ .. ﻫﺎﺍﺍ ﻣﺎﻣﺎ ﻻ ﻣﻴﺤﺘﺎﺝ ﻣﻮ ﺍﻻ ﺗﺠﻴﻦ ﻭﻳﺎﻱ
.. ﻻ ﺣﺒﻴﺒﺘﻲ ﺍﺟﻲ ﻭﻳﺎﺝ ﺍﺣﺴﻦ ﺣﺘﻰ ﺍﺷﺠﻌﺞ ﻭﺧﺎﻑ ﺗﺤﺘﺎﺟﻴﻦ
ﺷﻲ ﻣﻨﻲ
ﻣﺮﻭﺓ .. ﻣﺎﻣﺎ ﻋﻔﻴﺔ ﻻ ﺗﺠﻴﻦ ﺍﺳﺘﺤﻲ
ﺍﻡ ﺷﻴﻤﺎﺀ ﺻﻔﻨﺖ ﺑﻮﺟﻬﺎ
.. ﺷﻨﻮ ﻗﺼﺪﺝ ﺗﺴﺘﺤﻴﻦ ﻣﺎ ﺍﻓﺘﻬﻤﺖ
ﻣﺮﻭﺓ ﺑﺘﺮﺩﺩ .. ﻣﺎﻣﺎ ﻟﺘﺰﻋﻠﻴﻦ ﻣﻨﻲ ﺑﺲ ﺑﻨﺎﺕ ﺍﻟﻤﺪﺭﺳﺔ ﻛﻠﻬﻢ
ﻳﻌﺮﻓﻮﻥ ﺑﻴﺞ ﺗﺸﺘﻐﻠﻴﻦ ﺧﺪﺍﻣﺔ ﺑﺒﻴﺖ ﺍﻡ ﺭﺍﺋﺪ
.. ﺍﻱ ﻭﺷﻨﻮ ﻳﻌﻨﻲ ﺗﺮﺓ ﺍﻟﺸﻐﻞ ﻣﻮ ﻭﻋﻴﺐ ﻭﺑﻌﺪﻳﻦ ﺍﻧﻲ ﺑﻄﻠﺖ
ﻣﺎﻛﻤﺖ ﺍﺷﺘﻐﻞ ﻋﻨﺪﻫﻢ ﺑﻌﺪ ﺷﻜﻮ
.. ﺻﺤﻴﺢ ﺍﻧﺘﻲ ﺑﻄﻠﺘﻲ ﻣﻦ ﻟﻠﺸﻐﻞ ﺑﺲ ﺑﻘﻰ ﺍﺳﻤﺞ ﺍﺷﺘﻐﻠﺘﻲ
ﺧﺪﺍﻣﻪ ﻋﻨﺪﻫﻢ ﻭﻣﺎ ﺍﺿﻤﻬﺎ ﻋﻠﻴﺞ ﺻﺮﺕ ﺍﺧﺠﻞ ﺍﻛﻮﻝ ﻋﻠﻴﺞ ﺍﻣﻲ
ﻋﻔﻴﺔ ﻣﺎﻣﺎ ﻟﺘﺰﻋﻠﻴﻦ
ﺑﺲ ﺍﻧﺘﻲ ﺍﻟﻲ ﺧﻠﻴﺘﻴﻨﻲ ﻭﺧﻠﻴﺘﻲ ﻧﻔﺴﺞ ﺑﻬﻴﺞ ﻣﻮﻗﻒ
ﺑﺎﻭﻋﺖ ﺍﻡ ﺷﻴﻤﺎﺀ ﻋﻠﻰ ﺑﻨﺘﻬﺎ ﻣﺮﻭﺓ ﻭﺣﺠﺖ
.. ﻳﻤﺔ ﻣﺮﻭﺓ ﺍﻧﺎ ﺍﺣﺒﻜﻢ ﻭﺍﺗﻤﻨﺎﻟﻜﻢ ﺍﻟﺨﻴﺮ ﺑﺤﻴﺎﺗﻜﻢ ﻭﺍﺫﺍ ﺗﺸﻮﻓﻴﻦ ﺍﻥ
ﺣﻀﻮﺭﻱ ﻭﻳﺎﺝ ﻟﻠﻤﺪﺭﺳﺔ ﻳﺴﻮﻳﻠﺞ ﺍﺣﺮﺍﺝ ﺧﻼﺹ ﻣﺎ ﺍﺭﻭﺡ ﻭﻳﺎﺝ ﺍﻫﻢ
ﺷﻲ ﻋﻨﺪﻱ ﺳﻌﺎﺩﺗﻜﻢ
ﻛﺎﻣﺖ ﻣﺮﻭﺓ ﻭﺑﺎﺳﺖ ﺭﺍﺱ ﺍﻣﻬﺎ
.. ﺷﻜﺮﺍً ﻣﺎﻣﺎ
ﺍﺣﻴﺎﻧﺎ ﻧﺠﺮﺡ ﺍﻫﻠﻨﺎ ﻭﻧﺼﻴﺮ ﺳﺒﺐ ﺣﺰﻧﻬﻢ ﺑﺪﻭﻥ ﻣﺎ ﻧﻼﺣﻆ
.....
ﺟﺎﻧﺖ ﺍﻡ ﺷﻴﻤﺎﺀ ﺗﺘﺄﻣﻞ ﺍﻥ ﺍﺛﻴﺮ ﻏﻴﺮ ﻓﻜﺮﺗﻪ ﻭﺍﺗﺮﺍﺟﻊ ﻋﻦ ﻗﺮﺍﺭﻩ ﻭﻣﺎ
ﺭﺍﺡ ﻳﻨﻄﻲ ﺑﻨﺘﻪ ﺍﻟﺨﺎﻣﺴﺔ ﻟﺒﻴﺖ ﺍﺧﻮﻩ
ﻟﻜﻦ ﻣﻊ ﺍﻻﺳﻒ ﻣﻦ ﻓﺘﺤﺖ ﺍﻟﻤﻮﺿﻮﻉ
.. ﺍﺛﻴﺮ ﺳﺆﺍﻝ ﺑﻌﺪﻙ ﻋﻠﻰ ﻗﺮﺍﺭﻙ ﺍﺫﺍ ﺟﺒﺖ ﺍﺑﻨﻴﺔ ﺗﻨﻄﻴﻬﺎ
ﺍﺛﻴﺮ ﻭﺑﺪﻭﻥ ﺗﺮﺩﺩ
.. ﻃﺒﻌﺎ ﺷﻲ ﺍﻛﻴﺪ
ﺑﻘﻬﺮ .. ﺷﻠﻮﻥ ﻳﻨﻄﻴﻚ ﻛﻠﺒﻚ ﺗﻨﻄﻲ ﻭﺻﻠﺔ ﻣﻦ ﻛﻠﺒﻚ ﻟﺒﻴﺖ ﺍﺧﻮﻙ
.. ﺷﻨﻮ ﻗﺎﺑﻞ ﺍﻧﺎ ﻣﻨﻄﻴﻬﺎ ﻟﻮﺍﺣﺪ ﻏﺮﻳﺐ
ﺑﺎﻟﻌﻜﺲ ﺍﺧﻮﻱ ﺍﻣﺠﺪ ﺍﻟﻠﻪ ﺷﺎﻳﻞ ﺣﻤﺎﻟﺘﻪ ﻭﺭﺍﺡ ﻳﺴﺎﻋﺪﻧﻲ ﻭﻳﺸﻴﻞ
ﻋﻨﻲ ﺣﻤﻠﻬﺎ
ﻇﻠﺖ ﺗﺒﺠﻲ ﻭﺗﺘﺮﺟﺎﻩ
ﺳﺄﻟﻬﺎ .. ﻟﻴﺶ ﻫﻮ ﺍﻧﺘﻲ ﺷﻨﻮ ﻗﺎﺑﻞ ﺣﺎﻣﻞ ﺑﺒﻨﻴﺔ ﺍﻟﻠﻪ ﻻ ﻳﻜﻮﻟﻬﺎ
ﺳﻜﺘﺖ ﻭﻣﺎ ﺟﺎﻭﺑﺘﻪ
.. ﻫﺎ ﻻ ﺑﺲ ﻫﻴﺞ ﺍﺳﺄﻟﻚ
ﻇﻠﺖ ﺍﻟﻴﻮﻡ ﻛﻠﻪ ﺗﺤﻮﻡ ﻭﺻﺎﺭﺕ ﺣﺘﻰ ﺑﺎﻟﻠﻴﻞ ﺗﺤﻠﻢ ﺍﺣﻼﻡ
ﺗﺨﻮﻑ ﻟﻮ ﺗﺸﻮﻑ ﺑﻨﺘﻬﺎ ﻣﺎﺧﺬﻳﻬﺎ ﻣﻨﻬﺎ ﻭﻫﻲ ﻣﺮﺑﻄﺔ ﻭﻣﺘﻜﺪﺭ ﺗﺴﻮﻱ
ﺷﻲ
ﻟﻮ ﺗﺤﻠﻢ ﺑﺒﻨﺎﺗﻬﺎ ﻛﻠﻬﻢ ﻳﺎﺧﺬﻭﻧﻬﻢ ﻣﻨﻬﺎ
ﻛﺎﺑﻮﺱ ﻳﺠﺮ ﻛﺎﺑﻮﺱ ﻭﺣﺘﻰ ﻣﻦ ﺣﺠﺖ ﻻﻡ ﻓﺮﺯﺩﻕ ﻋﻦ ﺍﺣﻼﻣﻬﺎ
ﻛﻠﺘﻠﻬﺎ ﻳﻤﺔ ﻫﺎﻱ ﻣﻦ ﻛﺪ ﺍﻟﺘﻔﻜﻴﺮ ﺑﺒﻨﺎﺗﺞ ﻫﺸﻜﻞ ﺗﺠﻴﺞ ﺍﻻﺣﻼﻡ
ﻛﻌﺪﺕ ﺑﺎﻟﻠﻴﻞ ﻣﺨﻨﻮﻛﺔ ﻭﺭﺍﺣﺖ ﺗﺸﺮﺏ ﻣﺎﻱ
ﻃﻠﻌﺖ ﺍﻟﺪﻭﻟﻜﺔ ﻣﻦ ﺍﻟﺜﻼﺟﺔ ﻭﺷﺮﺑﺖ ﺍﻟﻤﺎﻱ ﻭﺍﺗﺬﻛﺮﺕ ﺍﻟﺤﻠﻢ
ﻭﻛﻌﺪﺕ ﺗﺒﺠﻲ
ﺷﻴﻤﺎﺀ ﺑﺨﻮﻑ .. ﻣﺎﻣﺎ ﻫﺎﻱ ﻟﻴﺶ ﺗﺒﺠﻴﻦ ﺷﻨﻮ ﻣﺘﺄﺫﻳﺔ
.. ﻻ ﺣﺒﻴﺒﺘﻲ ﻣﻤﺘﺄﺫﻳﺔ ﻫﻴﺞ ﺩﺍ ﺍﻓﻜﺮ
ﺍﻗﺘﺮﺑﺖ ﻣﻨﻬﺎ ﺷﻴﻤﺎﺀ
.. ﺑﺸﻨﻮ ﺗﻔﻜﺮﻳﻦ
ﺑﺜﻴﻨﺔ ﺗﺒﺎﻭﻉ ﻟﺒﻨﺘﻬﺎ ﺍﻭ ﺑﺎﻻﺣﺮﻯ ﺻﺪﻳﻘﺘﻬﺎ ﺍﻟﻲ ﺗﺤﺠﻴﻠﻬﺎ ﻛﻠﺸﻲ
ﻭﻣﺴﺘﻮﺩﻉ ﺍﺳﺮﺍﺭﻫﺎ
.. ﻣﺎﻣﺎ ﺷﻮﻣﺔ ﺍﻧﻲ ﺧﺎﻳﻔﺔ
ﺣﻀﻨﺖ ﺍﻣﻬﺎ .. ﻣﻦ ﺷﻨﻮ ﺗﺨﺎﻓﻴﻦ ﻣﺎﻣﺎ ﻭﺍﺣﻨﺎ ﻳﻤﺞ
.. ﺧﺎﻳﻔﺔ ﻋﻠﻰ ﺍﺧﺘﻜﻢ ﺍﻟﺨﺎﻣﺴﺔ
ﺍﺑﻮﻛﻢ ﻣﻌﻨﺪ ﻭﻛﻠﻲ ﺍﺫﺍ ﺑﻨﻴﺔ ﺑﻨﻄﻴﻬﺎ ﻟﺒﻴﺖ ﺍﺧﻮﻩ
ﻣﺎ ﺟﺎﻱ ﺍﺗﺨﻴﻞ ﻧﻔﺴﻲ ﺍﻧﻄﻴﻬﺎ ﻣﺎ ﺍﺗﺤﻤﻞ ﻭﺍﻟﻠﻪ ﺍﻣﻮﺕ ﻣﻦ ﺍﻟﻘﻬﺮ
.. ﺍﺳﻢ ﺍﻟﻠﻪ ﻋﻠﻰ ﺍﺳﻤﺞ ﻣﺎﻣﺎ ﻟﺘﺤﺠﻴﻦ ﻫﺸﻜﻞ
ﺍﺫﺍ ﺍﺳﺘﺪﻋﻰ ﺍﻻﻣﺮ ﻧﺤﺠﻲ ﻭﻳﺔ ﺑﺎﺑﺎ ﻭﻧﺘﺮﺟﺎﻩ ﻭﺣﺘﻰ ﻟﻮ ﻧﻜﻮﻝ ﻻﻡ
ﻓﺮﺯﺩﻕ ﺗﺘﺪﺧﻞ ﺍﻭ ﻧﻄﻠﺐ ﻣﻦ ﺍﺑﻮ ﻗﺎﺳﻢ ﻳﺤﺠﻲ ﻭﻳﺎﻩ ﻫﻮ ﻳﺴﺘﺤﻲ
ﻣﻨﻬﻢ ﻭﻳﺴﻮﻳﻠﻬﻢ ﺣﺴﺎﺏ
ﻣﺴﺤﻲ ﺩﻣﻮﻋﺞ ﻣﺎﻣﺎ
ﻋﺠﻴﺐ ﺍﻣﺮ ﺍﻟﺪﻧﻴﺎ ﺗﻤﺸﻲ ﺑﺎﻟﻌﻜﺲ
ﺑﻨﺖ ﺻﻐﻴﺮﺓ ﺗﻮﺍﺳﻲ ﺍﻡ ﺧﺎﻳﻔﺔ ﻭﺗﻄﻤﻨﻬﺎ ﻋﻠﻰ ﻋﺎﺋﻠﺘﻬﺎ
ﻳﻮﻡ ﺛﺎﻧﻲ ﺍﺟﺘﻲ ﺍﻡ ﻓﺮﺯﺩﻕ
ﻭﻛﺎﻟﺖ ﺍﻟﻴﻮﻡ ﺍﺧﺬﻛﻢ ﻭﻧﺮﻭﺡ ﻧﺰﻭﺭ ﺍﻻﻣﺎﻡ ﺍﻟﻜﺎﻇﻢ ﻋﻠﻴﻪ ﺍﻟﺴﻼﻡ
ﺍﻟﺒﻨﺎﺕ ﻃﺎﺭﻭ ﻣﻦ ﺍﻟﻔﺮﺡ ﻻﻥ ﺻﺎﺭﻟﻬﻢ ﺯﻣﺎﻥ ﻣﻄﻠﻌﻮﺍ ﻣﻦ ﺍﻟﺒﻴﺖ
ﻭﺭﺍﺡ ﺗﺨﻠﺺ ﺍﻟﻌﻄﻠﺔ ﻭﻫﻤﺔ ﻛﻠﺸﻲ ﻣﺸﺎﻓﻮﺍ
ﺷﻴﻤﺎﺀ ﻫﻤﺴﺖ ﻟﻠﺒﻨﺎﺕ ﻣﺮﻭﺓ ﻭﺿﺤﻰ
.. ﻭﺍﻟﻠﻪ ﺍﺟﺘﻲ ﺑﻮﻛﺘﻬﺎ ﻭﺍﺣﻨﺎ ﺟﻨﺎ ﺍﻟﺒﺎﺭﺣﺔ ﺩﺍﺧﻴﻴﻦ ﺷﻠﻮﻥ ﺭﺍﺡ
ﻧﺸﺘﺮﻱ ﻫﺪﻳﺔ ﻋﻴﺪ ﺍﻻﻡ ﻭﻧﻔﺎﺟﻲ ﺍﻣﻲ ﺑﻴﻬﺎ
ﻣﺮﻭﺓ .. ﺍﻱ ﻋﻔﻴﺔ ﺻﺪﻙ ﺍﺟﺘﻲ ﺑﻮﻛﺘﻬﺎ ﻟﻌﺪ ﻳﺎﻟﻠﻪ ﺧﻠﻲ ﺍﺭﻭﺡ ﺍﻃﻠﻊ
ﻓﻠﻮﺳﻲ ﻣﻦ ﺍﻟﻤﺤﺼﻠﺔ ﻭﺍﺷﻮﻑ ﺷﻜﺪ ﻣﺠﻤﻌﺔ
ﺷﻴﻤﺎﺀ .. ﻭﺍﻧﻲ ﻫﻤﻴﻦ ﺍﻭﺭﺡ ﺍﺣﺴﺐ ﻓﻠﻮﺳﻲ ﺍﻟﻤﺠﻤﻌﺘﻬﻢ
ﺿﺤﻰ ﺑﺘﺮﺩﺩ .. ﺑﻨﺎﺕ ﺍﻧﻲ ﻣﻤﺠﻤﻌﺔ ﻭﻻ ﻓﻠﺲ
ﺷﻠﻮﻥ
ﻣﺮﻭﺓ .. ﺍﻧﺘﻲ ﻏﺒﻴﺔ ﺗﺼﺮﻓﻴﻦ ﻓﻠﻮﺳﺞ ﻋﻠﻰ ﺍﺷﻴﺎﺀ ﺗﺎﻓﻬﺔ ﺟﺒﺲ
ﻋﺼﺎﻳﺮ ﻋﻠﺞ
ﺿﺤﻰ .. ﺷﺴﻮﻱ ﺍﺣﺒﻬﻢ
ﺷﻴﻤﺎﺀ .. ﻳﺎﻟﻠﻪ ﻣﻮﻣﻬﻢ ﻧﺘﺸﺎﺭﻙ ﺍﻧﻲ ﻭﻳﺎﺝ ﺑﻬﺪﻳﺔ ﺣﻠﻮﺓ ﻭﻧﻜﻠﻠﻬﺎ ﻫﺎﻱ
ﻣﻦ ﻋﺪﻧﺎ ﺛﻨﻴﻨﺎ
ﻣﺮﻭﺓ .. ﺍﻧﻲ ﺍﺭﻳﺪ ﻫﺪﻳﺘﻲ ﺧﺎﺻﺔ ﻣﺎ ﺍﺭﻳﺪ ﺍﺣﺪ ﻳﺸﺎﺭﻛﻨﻲ ﺑﻴﻬﺎ
ﺷﻴﻤﺎﺀ .. ﺑﺮﺍﺣﺘﺞ
....
ﺍﻡ ﺷﻴﻤﺎﺀ .. ﻳﺎ ﺧﺎﻟﺔ ﺧﺎﻑ ﻧﺴﻮﻱ ﻋﻠﻴﺞ ﺯﺣﻤﺔ
ﺍﻡ ﻓﺮﺯﺩﻕ .. ﻻ ﻣﺒﻴﻬﺔ ﺍﻱ ﺯﺣﻤﺔ ﺍﻧﺘﻲ ﺑﻨﺘﻲ ﻭﺑﻨﺎﺗﺞ ﻣﺜﻞ ﺣﻔﻴﺪﺍﺗﻲ
ﺧﻠﻴﻨﻲ ﺍﻓﺮﺣﻬﻢ
.. ﺭﺑﻲ ﻳﻄﻮﻝ ﺑﻌﻤﺮﺝ ﻭﻳﻔﺮﺣﺞ ﻣﺜﻠﻤﺎ ﺗﻔﺮﺣﻴﻨﺎ ﺑﺲ ﺧﺎﻟﺔ ﺍﻟﻴﻮﻡ ﺣﻴﻞ
ﻣﻮﺟﻮﻋﺔ ﻳﻤﻜﻦ ﻣﺎ ﺍﻛﺪﺭ ﺍﺭﻭﺡ ﻭﻳﺎﻛﻢ ﻋﺬﺭﻳﻨﻲ ﻻﺯﻡ ﺍﺭﺗﺎﺡ ﻣﺎ ﺍﺭﻳﺪ
ﺍﻃﻠﻚ ﻗﺒﻞ ﻣﻮﻋﺪ ﺍﻟﻌﻤﻠﻴﺔ
ﻭﺍﺧﺎﻑ ﺍﺭﻭﺡ ﻫﻨﺎﻙ ﺍﺯﻭﺭ ﻭﺍﺗﻌﺐ
ﺿﺤﻰ .. ﻻﺍﺍﺍﺍ ﻋﻔﻴﺔ ﻣﺎﻣﺎ ﻭﺍﻟﻠﻪ ﻃﺎﻙ ﻛﻠﺒﻨﺎ ﻧﺮﻳﺪ ﻧﻄﻠﻊ
ﺍﻡ ﻓﺮﺯﺩﻕ .. ﻟﻌﺪ ﺧﺎﻟﺔ ﺍﻧﺘﻲ ﺍﺭﺗﺎﺣﻲ ﻭﺍﻧﻲ ﺍﺧﺬ ﺍﻟﺒﻨﺎﺕ ﻭﻳﺎﻱ ﺍﺯﻭﺭﻫﻢ
ﺍﺗﻔﻘﻮﺍ ﻳﺮﺣﻮﻥ ﻳﺰﻭﺭﻭﻥ ﺍﻻ ﻫﺪﻯ ﺗﺒﻘﻰ ﻳﻢ ﺍﻣﻬﺎ ﻻﻥ
ﻫﻲ ﺣﺮﻛﺔ ﻭﺍﺧﺎﻑ ﺗﻀﻴﻴﻊ ﻣﻨﻬﻢ ﺑﺎﻟﺰﻳﺎﺭﺓ
ﺭﺍﺣﻮﺍ ﺍﻟﺒﻨﺎﺕ ﻭﻳﺔ ﺍﻡ ﻓﺮﺯﺩﻕ
ﻭﺑﻘﺖ ﻫﺪﻯ ﻭﺍﻣﻬﺎ
ﻛﻌﺪﺕ ﺍﻡ ﺷﻴﻤﺎﺀ ﺗﻤﺴﺢ ﺩﻣﻮﻉ ﻫﺪﻯ ﺍﻟﻲ ﻛﺎﻣﺖ ﺗﺒﺠﻲ ﻭﺭﺍﻫﻢ ﺗﺮﻳﺪ
ﺗﺮﻭﺡ ﻭﻳﺎﻫﻢ
.. ﺍﺵ ﻛﺎﻓﻲ ﻣﺴﺤﻲ ﺩﻣﻮﻋﺞ ﻟﺘﺒﺠﻴﻦ ﺍﻧﻲ ﺍﻭﻋﺪﺝ ﺍﺧﺬﺝ
ﻟﻠﺰﻳﺎﺭﺓ ﺑﺲ ﺍﻧﻲ ﻭﻳﺎﺝ ﻟﻮﺣﺪﻧﺎ ﻭﺍﻟﺒﻨﺎﺕ ﻣﺎ ﻳﺮﺣﻮﻥ ﻭﻳﺎﻧﺎ
ﻫﺪﻯ ﺗﻤﺴﺢ ﺩﻣﻮﻋﻬﺎ
.. ﺍﻱ ﺑﺲ ﺍﻧﻲ ﻭﻳﺎﺝ ﻟﻮﺣﺪﻧﺎ ﻧﻐﻮﺡ ( ﻧﺮﻭﺡ )
ﻇﻠﺖ ﺍﻡ ﺷﻴﻤﺎﺀ ﺗﻌﺪﻝ ﺑﺎﻟﺒﻴﺖ ﻭﻃﻠﻌﺖ ﻛﻢ ﻗﻄﻌﺔ ﻗﻤﺎﺵ ﻭﻗﺮﺭﺕ
ﺗﻔﺼﻠﻬﻢ ﻭﺑﻌﺪﻳﻦ ﺗﺨﻄﻴﻬﻢ ﻋﻠﻰ ﺭﺍﺣﺘﻬﺎ
ﻻﻥ ﻗﺮﺏ ﻣﻮﻋﺪ ﺍﻟﻮﻻﺩﺓ
ﻟﻜﻦ ﺑﻬﺎﻱ ﺍﻻﺛﻨﺎﺀ ﻭﻫﻲ ﺩﺗﺸﺘﻐﻞ ﺣﺴﺖ ﺍﻻﻻﻡ ﻛﺎﻣﺖ ﺗﺰﻳﺪ
ﻛﻞ ﺳﺎﻋﺔ ﻳﺰﻳﺪ ﺍﻟﻮﺟﻊ ﻋﻨﺪﻫﺎ
ﻓﺠﺎﺀﺓ ﺣﺴﺖ ﺑﻨﺰﻭﻝ ﺳﺎﺋﻞ ﻏﺰﻳﺮ ﻭﻋﺮﻓﺖ ﺑﻠﺤﻀﺘﻬﺎ
ﻫﺬﺍ ﻣﺎﻱ ﺍﻟﻄﻔﻞ
ﺟﻤﺪﺕ ﺑﻤﻜﺎﻧﻬﺎ ﺧﺎﻳﻔﺔ ﺻﺎﺣﺖ ﻟﻬﺪﻯ
ﻫﺪﻯ .. ﻫﺪﻯ .. ﻟﺞ ﻳﻮﻡ ﻫﺪﻯ ﻭﻳﻨﺞ
.. ﻫﺎ ﻣﺎﻣﺎ ﺷﻨﻮ ﺗﺮﺩﻳﻦ
ﺑﺎﻭﻋﺖ ﻫﺪﻯ ﻋﻠﻰ ﺍﻣﻬﺎ ﺑﺨﻮﻑ ﺟﺎﻧﺖ ﻭﺍﻛﻔﺔ ﺑﺎﻟﻤﻄﺒﺦ ﺣﺎﻃﺔ ﺍﻳﺪﻫﺎ
ﻋﻠﻰ ﺑﻄﻨﻬﺎ
ﻭﻛﻮﺓ ﺗﺘﻨﻔﺲ ﻭﻭﺟﻬﺎ ﻋﺮﻛﺎﻥ ﺍﺣﻤﺮ ﻋﻀﺖ ﺷﻔﺘﻬﺎ ﺑﺄﻟﻢ ﻭﻛﺎﻟﺖ
.. ﻣﺎﻣﺎ ﻫﺪﻯ ﺭﻭﺣﻲ ﺭﻛﻀﻲ ﺑﺴﺮﻋﺔ ﺻﻴﺤﻴﻠﻲ
ﺍﻡ ﺭﺍﺋﺪ ﻛﻠﻴﻠﻬﺎ ﻣﺎﻣﺎ ﺗﺮﻳﺪ ﺗﺠﻴﺐ
ﻫﺪﻯ ﺑﺎﻭﻋﺖ ﻋﻠﻴﻬﺎ ﺧﺎﻳﻔﻪ ﻻﻥ ﺗﺸﻮﻑ ﺍﻣﻬﺎ ﺷﻠﻮﻥ ﺩﺗﺘﺄﻟﻢ ﺑﺸﻜﻞ
ﻏﺮﻳﺐ ﺍﻭﻝ ﻣﺮﺓ ﻫﻴﺞ ﺗﻨﻮﺟﻊ ﻭﺗﺒﺠﻲ
.. ﻣﺎﻣﺎ ﻟﺘﺒﺠﻴﻦ ﻫﺴﺔ ﺍﺻﻴﺢ ﺑﺨﺎﻟﺔ
ﻭﺭﺍﺣﺖ ﺗﺮﻛﺾ ﻟﻠﺸﺎﺭﻉ ﻟﺒﻴﺖ ﺟﺎﺭﺗﻬﻢ ﺍﻡ ﺭﺍﺋﺪ
ﺩﻛﺖ ﺍﻟﺒﺎﺏ ﺑﻜﻞ ﻣﺎ ﺗﻤﻠﻚ ﺃﻳﺪﻫﺎ ﺍﻟﺼﻐﻴﺮﺓ ﻣﻦ ﻗﻮﺓ ﻭﻃﻠﻌﻠﻬﺎ ﺭﺍﺋﺪ
ﺷﺎﻓﻬﺎ ﻭﺍﺑﺘﺴﻢ ﻟﺰﻣﻬﺎ ﻣﺜﻞ ﻛﻞ ﻣﺮﺓ ﻣﻦ ﻇﻔﺎﻳﺮﻫﺎ ﺍﻟﻄﻮﻳﻠﺔ
ﺭﺍﺋﺪ .. ﻫﻼ ﻫﺪﻭﺷﺔ
ﻛﺎﻧﺖ ﺗﺘﻨﻔﺲ ﺳﺮﻳﻊ
.. ﻏﺎﺋﺪ ﻏﻮﺡ ( ﺭﻭﺡ ) ﺻﻴﺢ ﺍﻣﻚ ﻻﻥ ﻣﺎﻣﺎ ﺗﺒﺠﻲ ﻣﺘﻮﺟﻌﺔ
ﻛﺎﻧﺖ ﺗﺤﺠﻲ ﻭﻳﺎﻩ ﻭﺍﺟﺘﻲ ﺍﻡ ﺭﺍﺋﺪ ﺗﺴﺄﻝ ﻣﻨﻮ ﺑﺎﻟﺒﺎﺏ
ﺩﻓﻌﺖ ﺭﺍﺋﺪ ﺍﻟﻲ ﻭﺍﻛﻒ ﻛﺪﺍﻣﻬﺎ ﻭﺩﺧﻠﺖ ﺗﺮﻛﺾ ﻟﺪﺍﺧﻞ ﺍﻟﺒﻴﺖ
.. ﺧﺎﻟﺔ ﻣﺎﻣﺎ ﺗﺒﺠﻲ ﻭﺗﻜﻮﻝ ﻋﻨﺪﻫﺎ ﻭﻻﺩﺓ
ﺍﻡ ﺭﺍﺋﺪ .. ﻳﺎ ﺧﻄﻴﺔ ﺯﻳﻦ ﻟﻴﺶ ﺍﻧﺘﻲ ﺍﺟﻴﺘﻲ ﺧﻮﺍﺗﺞ ﻭﻳﻦ ﻋﻨﺞ
ﺧﺎﻟﺔ ﺧﻮﺍﺗﻲ ﻏﺎﺣﻮ ﻭﻳﺔ ﺧﺎﻟﺔ ﺍﻡ ﻓﻐﺰﺩﻕ
ﻛﺎﻧﺖ ﻫﺪﻯ ﺗﺤﺠﻲ ﻭﺗﺒﺎﻭﻉ ﺑﺘﺮﻗﺐ ﻋﻠﻰ ﺍﻡ ﺭﺍﺋﺪ ﺷﻠﻮﻥ ﺟﺎﺕ ﻻﺑﺴﻪ
ﺗﻨﻮﺭﺓ ﻭﻗﻤﻴﺺ
ﻧﺰﻋﺖ ﺷﺤﺎﻃﺔ ﺍﻟﺒﻴﺖ ﻭﻟﺒﺴﺖ ﺣﺬﺍﺀ ﻭﺍﺟﺘﻬﺎ ﺗﻤﺸﻲ ﺑﺴﺮﻋﺔ ﻟﺰﻣﺖ
ﺍﻳﺪﻫﺎ ﺍﻟﺼﻐﻴﺮﺓ ﻭﻃﻠﻌﺖ ﻭﺳﻤﻌﻮ ﺭﺍﺋﺪ ﻳﻜﻮﻝ ﻣﻦ ﻭﺭﺍﻫﻢ
.. ﻳﻮﻡ ﺍﻧﺘﻈﺮﻳﻨﻲ ﺍﺭﻭﺡ ﻭﻳﺎﺝ
.. ﺍﻧﻲ ﻃﺎﻟﻌﺔ ﺍﺷﻮﻓﻬﺎ ﻭﺍﻧﺖ ﺗﻌﺎﻝ ﻭﺭﺍﻱ
ﺭﻛﺾ ﺑﺴﺮﻋﺔ ﻭﻇﻞ ﻳﻤﺸﻲ ﻭﺭﺍﻫﻢ
ﻭﺻﻠﻮ ﻟﻠﺒﻴﺖ ﻭﺟﺎﻧﺖ ﺍﻡ ﺷﻴﻤﺎﺀ ﺗﺘﻠﻮﺓ ﻣﻦ ﺍﻻﻟﻢ
ﺍﻡ ﺭﺍﺋﺪ .. ﻟﺞ ﻋﻴﻨﻲ ﺩﺍﺩﺍ ﺷﻜﻠﺞ ﻭﺍﺻﻠﺔ ﻳﻤﻜﻦ ﺣﺘﻰ ﻣﻨﻠﺤﻚ
ﻧﺮﻭﺡ ﻟﻠﻤﺴﺘﺸﻔﻰ
ﺍﻡ ﺷﻴﻤﺎﺀ .. ﻟﺞ ﻋﻴﻨﻲ ﺍﻡ ﺭﺍﺋﺪ ﻟﺤﻜﻴﻨﻲ ﺭﺍﺡ ﺍﻣﻮﺕ ﻣﻦ ﺍﻻﻟﻢ ﻣﻮ ﺍﻻ
ﻧﺮﻭﺡ ﻟﻠﻤﺴﺘﺸﻔﻰ ﺍﺧﺬﻳﻨﻲ ﻟﻠﻘﺎﺑﻠﺔ ﺍﻡ ﺍﺣﻤﺪ ﺑﺲ ﺧﻠﺼﻮﻧﻲ ﻣﻦ
ﺍﻻﻟﻢ
.. ﻟﻌﺪ ﻳﺎﻟﻠﻪ ﺧﻠﻲ ﺍﺧﺬﺝ
ﺑﺲ ﻛﻠﻴﻠﻲ ﺍﻟﻐﺮﺍﺽ ﻣﺎﻝ ﺍﻟﻄﻔﻞ ﻭﻳﻦ
ﺍﻟﺘﻔﺘﺖ ﻋﻠﻰ ﻫﺪﻯ ﻭﻛﻠﺘﻠﻬﺎ
ﺍﻡ ﺭﺍﺋﺪ .. ﻫﺪﻯ ﺭﻭﺣﻲ ﺟﻴﺒﻲ ﻋﺒﺎﻳﺔ ﺍﻣﺞ
ﻫﺪﻯ ﺟﺎﻧﺖ ﺗﺒﺎﻭﻉ ﻋﻠﻰ ﺍﻣﻬﺎ ﻛﻠﺸﻲ ﻣﺎ ﻣﻔﺘﻬﻤﺔ
ﻭﺭﺍﺣﺖ ﻭﺩﺧﻠﺖ ﻟﻐﺮﻓﺔ ﺍﻣﻬﺎ
....
ﺍﻡ ﺭﺍﺋﺪ .. ﺑﺜﻴﻨﺔ ﺟﻨﻄﺔ ﺍﻟﻐﺮﺍﺽ ﻣﺎﻟﺘﺞ ﻭﻳﻦ ﺣﺎﻃﺘﻬﻢ ﻫﺎﻱ ﺑﻨﺘﺞ ﻫﺪﻯ
ﺻﻐﻴﺮﺓ ﻛﻠﺸﻲ ﻣﺘﻨﺪﻝ
ﺟﺎﻭﺑﺘﻬﺎ ﺍﻡ ﺷﻴﻤﺎﺀ .. ﺧﻄﻴﺔ ﺑﻌﺪﻫﺎ ﺻﻐﻴﺮﺓ ﻣﺘﻌﺮﻑ ﺍﻱ ﺷﻲ ﺍﻧﻲ
ﻛﻠﺔ ﺍﻋﺘﻤﺪ ﻋﻠﻰ ﺧﻮﺍﺗﻬﺎ
ﻭﺍﺷﺮﺕ ﻋﺎﻟﺰﺍﻭﻳﺔ ﺍﻟﻲ ﺟﺎﻧﺖ ﺑﻴﻬﺎ ﺟﻨﻄﺔ ﺍﻟﻐﺮﺍﺽ ﻭﺭﺍﺣﺖ ﺍﻡ ﺭﺍﺋﺪ
ﺳﺤﺒﺘﻬﺎ ﻭﻧﺰﻟﺘﻬﺎ ﻭﻛﺎﻟﺖ
.. ﻳﺎﻟﻠﻪ ﻋﻴﻨﻲ ﺍﻣﺸﻲ
ﺍﻡ ﺷﻴﻤﺎﺀ .. ﻋﻔﻴﺔ ﺧﻠﻲ ﺭﺍﺋﺪ ﺍﺑﻨﺞ ﻳﺎﺧﺬ ﻫﺪﻯ ﻭﻳﺎﻩ ﻟﺒﻴﺘﻜﻢ ﻟﺘﺒﻘﻰ
ﻟﻮﺣﺪﻫﺎ ﻭﺍﺧﺎﻑ ﻋﻠﻴﻬﺎ ﺗﺒﻘﻰ ﻟﻮﺣﺪﻫﺎ
ﺍﻡ ﺭﺍﺋﺪ ﺍﻟﺘﻔﺘﺖ ﻋﻠﻰ ﺍﺑﻨﻬﺎ ﻭﻛﺎﻟﺖ
.. ﻳﻮﻡ ﺭﺍﺋﺪ ﺍﺧﺬ ﻫﺪﻯ ﻭﻳﺎﻙ ﻟﺒﻴﺘﻨﺎ ﻭﺑﻘﻴﻬﺎ ﻳﻤﻚ ﻋﻴﻨﻚ ﻋﻠﻴﻬﺎ ﺑﻴﻦ ﻣﺎ
ﻳﺮﺟﻌﻮﻥ ﺧﻮﺍﺗﻬﺎ
ﻟﺒﺴﺖ ﻋﺒﺎﻳﺘﻬﺎ ﻣﻮﺟﻮﻋﺔ ﻭﺭﺍﺣﺖ ﻳﻢ ﻫﺪﻯ ﻭﺩﻧﻜﺖ ﻋﻠﻴﻬﺎ ﻭﺍﺧﺬﺗﻬﺎ
ﻟﺤﻈﻨﻬﺎ ﻭﺑﺎﺳﺘﻬﺎ ﻣﻦ ﺭﺍﺳﻬﺎ ﻭﻛﺎﻟﺖ
.. ﻫﺪﻫﺪ ﻣﺎﻣﺎ ﺻﻴﺮﻱ ﻋﺎﻗﻠﺔ ﻭﺳﻤﻌﻲ ﻛﻼﻡ ﺧﻮﺍﺗﺞ
.. ﺍﻱ ﻣﺎﻣﺎ
ﻭﺭﺍﺣﺖ ﻭﻳﺔ ﺍﻡ ﺭﺍﺋﺪ ﻭﺭﺍﺋﺪ ﺍﺧﺬ ﻫﺪﻯ ﻭ ﻃﻠﻊ ﻣﻦ ﺍﻟﺒﻴﺖ
ﻳﻤﺸﻮﻥ ﺑﺎﻟﻄﺮﻳﻖ ﻟﺒﻴﺘﻬﻢ ﻻﺯﻡ ﻫﺪﻯ ﻣﻦ ﺍﻳﺪﻫﺎ ﻭﺳﺄﻟﻬﺎ
.. ﺗﺮﺩﻳﻦ ﺍﺷﺘﺮﻳﻠﺞ ﺟﺒﺲ
ﻓﺮﺣﺖ ﻭﻛﻠﺘﻠﻪ
.. ﺍﻱ ﺍﺷﺘﻐﻴﻠﻲ ﺟﺒﺲ ﻭﻋﺼﻴﻎ
ﻟﺰﻣﻬﺎ ﻣﻦ ﻇﻔﻴﺮﺗﻬﺎ
ﺟﺎﻧﺖ ﻫﺪﻯ ﺗﻬﺮﻭﻝ ﺑﺼﻒ ﺭﺍﺋﺪ ﺗﺮﻳﺪ ﺗﻠﺤﻚ ﻋﻠﻰ ﺧﻄﻮﺍﺗﻪ
ﻭﺻﻠﻮ ﻟﻠﺪﻛﺎﻥ ﻭﺍﺷﺘﺮﺍﻟﻬﺎ ﻭﺑﻴﻦ ﻣﺪﺍ ﻳﺸﺘﺮﻭﻥ ﺩﺧﻞ
ﻗﺎﺳﻢ
ﻫﺪﻯ ﺍﺭﺗﺪﺕ ﻟﻠﺨﻠﻒ ﻭﻟﺒﺪﺕ ﻭﺭﺓ ﺭﺍﺋﺪ
ﺭﺍﺋﺪ ﺍﺑﺘﺴﻢ ﻋﻠﻰ ﺷﻜﻠﻬﺎ ﺍﻟﺨﺎﻳﻒ
ﺗﺒﺎﻭﻉ ﻋﻠﻰ ﻗﺎﺳﻢ
ﻳﺤﺠﻲ ﻭﻳﺔ ﺭﺍﺋﺪ
ﻗﺎﺳﻢ .. ﺭﺍﺋﺪ ﺗﺠﻲ ﺗﻠﻌﺐ ﻭﻳﺎﻧﺎ ﺭﺍﺡ ﻧﻠﻌﺐ ﺩﻋﺎﺑﻞ ﺑﺮﺍﺱ ﺍﻟﻔﺮﻉ
ﺭﺍﺋﺪ .. ﻻ ﻣﺎ ﺍﻛﺪﺭ ﺍﻟﻌﺐ ﻭﻳﺎﻛﻢ ﺍﻣﻲ ﺧﻠﺖ ﻳﻤﻲ ﻫﺪﻯ ﺑﻨﺖ ﺍﻡ
ﺷﻴﻤﺎﺀ
ﺑﺎﻭﻉ ﻗﺎﺳﻢ ﻟﻬﺪﻯ ﻭﺳﺄﻝ
.. ﻟﻴﺶ ﺍﻣﻬﺎ ﻭﺧﻮﺍﺗﻬﺎ ﻭﻳﻦ
ﺭﺍﺋﺪ .. ﺍﻣﻬﺎ ﻋﻨﺪﻫﺎ ﻭﻻﺩﺓ ﻭﺧﻮﺍﺗﻬﺎ ﻛﻠﻬﻢ ﺑﺎﻟﺰﻳﺎﺭﺓ
ﻗﺎﺳﻢ .. ﺯﻳﻦ ﺧﻠﻴﻬﺎ ﺗﺠﻲ ﻭﻳﺎﻧﺎ ﺗﻜﻌﺪ ﻳﻤﻨﺎ ﻭﺍﺣﻨﺎ ﻧﻠﻌﺐ ﺩﻋﺎﺑﻞ
ﻣﺎ ﻋﻠﻴﻬﺎ ﺷﻲ ﺑﺎﻭﻋﻠﻲ ﺭﺍﺋﺪ ﻭﺭﺟﻊ ﺑﺎﻭﻉ ﻟﻘﺎﺳﻢ
.. ﺧﻼﺹ ﻣﺎﺩﺍﻡ ﺗﺠﻲ ﻭﻳﺎﻧﺎ ﻫﺬﺍ ﻫﻮ ﻳﺎﻟﻠﻪ ﺍﻣﺸﻲ ﻧﻠﻌﺐ
ﺭﺣﻨﺎ ﺑﺮﺍﺱ ﺍﻟﻔﺮﻉ ﻭﻛﻌﺪﻭﻧﻲ ﻋﺎﻟﻄﺎﺑﻮﻛﺔ ﻳﻤﻬﻢ
ﻭﻫﻤﺔ ﺣﻔﺮﻭ ﻧﻜﺮﺓ ﺻﻐﻴﺮﺓ ﻭﺭﺳﻤﻮ ﺧﻂ ﻭﻛﻌﺪﻭﺍ ﻳﻠﻌﺒﻮﻥ
ﻭﻳﺔ ﺍﻻﻭﻻﺩ ﺍﻟﺒﺎﻗﻴﻦ ﺍﻧﻲ ﺟﻨﺖ ﺑﺲ ﺍﺗﻔﺮﺝ ﻋﻠﻴﻬﻢ ﻭﺍﻛﻞ
ﺍﺷﻜﺪ ﺍﺿﻮﺝ ﻣﻦ ﻗﺎﺳﻢ ﻻﻥ ﺟﺎﻥ ﻛﻞ ﺷﻮﻳﺔ ﻳﺠﻲ ﻳﺎﻛﻞ ﻣﻦ
ﺍﻟﺠﺒﺲ ﻣﺎﻟﺘﻲ ﻭﻳﺸﺮﺏ ﻣﻦ ﻋﺼﻴﺮﻱ ﻭﺍﻧﻲ ﺍﺧﺎﻑ ﻣﻨﺔ
ﻭﺻﺮﺕ ﺍﻛﻞ ﻫﻮﺍﻱ ﺣﺘﻰ ﺍﺧﻠﺼﻪ ﻭﻣﺎ ﺍﻧﻄﻴﻪ ﻣﻨﺔ
ﻭﺑﻌﺪ ﻣﺎ ﻗﻀﻴﺖ ﻋﻠﻰ ﺍﻟﺠﺒﺲ ﻭﺍﻟﻌﺼﻴﺮ ﻋﻄﺸﺖ ﻣﺎﻱ
ﻛﻞ ﺷﻮﻳﺔ ﺍﻛﻮﻝ ﻟﺮﺍﺋﺪ ﻋﻄﺸﺎﻧﺔ ﻣﺎﻱ
ﻳﻜﻠﻲ ﻫﺴﺔ ﺑﺲ ﺍﺧﻠﺺ ﺍﻟﻠﻌﺒﺔ ﺍﺧﺬﺝ ﻟﻠﺒﻴﺖ ﻭﺗﺸﺮﺑﻴﻦ ﻣﺎﻱ
ﺭﺟﻌﺖ ﻣﺮﺓ ﻟﺦ ﻃﻠﺒﺖ ﻣﻦ ﺭﺍﺋﺪ ﻣﺎﻱ
ﺻﺎﺡ ﺑﻴﺔ ﻗﺎﺳﻢ .. ﻛﻠﻨﺎ ﺑﻌﺪﻳﻦ ﻧﺎﺧﺬﺝ ﻟﺘﻠﺤﻴﻦ ﺟﻨﺞ ﺫﺑﺎﻧﺔ
ﺑﺮﻃﻤﺖ ﻭﻣﺤﺠﻴﺖ ﻭﻳﺎﻩ
ﻇﻠﻴﺖ ﻣﻨﺘﻈﺮﺗﻬﻢ ﺷﻮﻳﺔ ﻭﻗﺎﺳﻢ ﻟﺰﻡ ﻭﺍﺣﺪ ﻣﻦ ﺍﻭﻻﺩ ﺍﻟﻤﻨﻄﻘﺔ
ﻭﺿﺮﺑﻪ ﻭﺑﻌﺪﻳﻦ ﺍﻟﻮﻟﺪ ﻫﻢ ﻛﺎﻡ ﻭﺿﺮﺏ ﻗﺎﺳﻢ ﻭﺭﺍﺋﺪ ﺻﺎﺭ ﻳﻔﻚ
ﺑﻴﻨﻬﻢ ﻣﺎ ﺍﻋﺮﻑ ﻋﻠﻰ ﺷﻨﻮ ﻳﺘﻌﺎﺭﻛﻮﻥ
ﺑﺲ ﺍﺳﻤﻊ ﺭﺍﺋﺪ ﻳﻜﻠﻪ ﺍﻧﺘﻮﺍ ﺍﻭﻻﺩ ﻋﻢ ﻋﻴﺐ ﺗﺘﻌﺎﺭﻛﻮﻥ
ﻗﺎﺳﻢ ﻳﻐﻠﻂ ﻋﺎﻟﻮﻟﺪ
ﻭﺫﺍﻙ ﻳﺠﺎﻭﺑﻪ ﻳﻜﻠﻪ ﺍﺑﻮ ﺍﻟﺨﻮﺍﺕ
ﻭﺭﺟﻊ ﻗﺎﺳﻢ ﻳﻀﺮﺏ ﺑﻲ ﻭﻳﻜﻠﻪ ﻻ ﺗﺠﻴﺐ ﻃﺎﺭﻱ ﺧﻮﺍﺗﻲ ﻋﻠﻰ
ﺍﻟﺴﺎﻧﻚ
ﻭﻫﺬﺍ ﻳﻜﻠﻪ ﺍﻻ ﺍﻛﻮﻝ ﻟﻌﻤﻲ ﻣﺤﻤﺪ ﻋﻠﻴﻚ
ﻭﺭﺓ ﺷﻮﻳﺔ ﺍﺟﺔ ﺭﺟﺎﻝ ﻭﻓﻜﻬﻢ ﻭﻋﺎﻁ ﻋﻠﻰ ﻗﺎﺳﻢ ﻭﻛﻠﻪ ﺍﻧﺖ ﺷﻨﻮ
ﺳﺎﻟﻔﺘﻚ ﺟﻨﻚ ﺟﻠﺐ ﺑﻮﻟﻴﺴﻲ ﻫﺎﺩ ﻋﻠﻰ ﺍﻭﻻﺩﻧﺎ ﺍﻻ ﺍﻟﻴﻮﻡ ﺍﺧﻠﻲ ﺍﺑﻮﻙ
ﻳﺸﻠﻊ ﺍﺫﺍﻧﺎﺗﻚ
ﺭﺍﺡ ﺍﻟﺮﺟﺎﻝ ﻭﺍﺧﺬ ﻭﻳﺎﻩ ﺍﺑﻨﻪ ﺍﻟﻲ ﺿﺮﺑﻪ ﻗﺎﺳﻢ
ﺑﺎﻭﻋﺖ ﻋﻠﻰ ﺷﻜﻞ ﻗﺎﺳﻢ ﻭﺭﺍﺋﺪ ﺟﺎﻧﺖ ﻣﻼﺑﺴﻬﻢ ﺛﻨﻴﻨﻬﻢ ﻣﺘﺮﺑﺔ
ﻭﻭﺟﻬﻢ ﺍﺣﻤﺮ ﻭﻗﺎﺳﻢ ﻭﺟﻬﻪ ﻣﺨﺮﻣﺶ ﻣﻦ ﺧﺪﻩ
ﺻﺎﺣﻨﻲ ﺭﺍﺋﺪ ﻭﻛﻠﻲ ﻳﺎﻟﻠﻪ ﻛﻮﻣﻲ ﺍﻣﺸﻲ ﻧﺮﻭﺡ
ﺳﻤﻌﺖ ﻗﺎﺳﻢ ﻳﻜﻠﻪ ﻣﻮ ﺗﻜﻮﻝ ﻷﺑﻮﻱ ﺍﻧﺎ ﺍﺗﻌﺎﺭﻛﺖ ﻭﻳﺔ ﺍﺑﻦ ﻋﻤﻲ
ﻣﺤﻤﻮﺩ
ﺭﺍﺋﺪ ﻛﻠﻪ .. ﻻ ﻣﺎ ﺭﺍﺡ ﺍﻛﻮﻝ
ﺟﻨﺎ ﻧﻤﺸﻲ ﺑﺎﻟﻄﺮﻳﻖ ﺳﺄﻟﺖ ﺭﺍﺋﺪ
.. ﻫﺬﺍ ﺍﻟﻮﻟﺪ ﻟﻴﺶ ﻳﻜﻮﻝ ﻋﻠﻰ ﻗﺎﺳﻢ ﺍﺑﻮ ﺍﻟﺨﻮﺍﺕ
ﺭﺍﺋﺪ .. ﻫﺬﺍ ﺍﺑﻦ ﻋﻤﻪ ﻳﺤﺠﻲ ﻫﺸﻜﻞ ﻻﻥ ﻗﺎﺳﻢ ﻋﻨﺪﻩ ﺳﺖ ﺧﻮﺍﺕ
ﺍﺭﺑﻌﺔ ﺍﻛﺒﺮ ﻣﻨﻪ ﻭﺍﺛﻨﻴﻦ ﺍﺻﻐﺮ ﻣﻨﺔ
ﻗﺎﺳﻢ ﻳﻜﻮﻝ ﺑﻴﺖ ﺟﺪﻩ ﺩﺍﺋﻤﺎً ﻳﻌﻴﺮﻭﻥ ﺍﻣﻪ ﺑﺨﻠﻔﺔ ﺍﻟﺒﻨﺎﺕ
ﺑﺎﻭﻋﺖ ﻟﺮﺍﺋﺪ .. ﻳﻌﻨﻲ ﻣﺜﻠﻨﺎ ﺣﺘﻰ ﺍﺣﻨﺎ ﻛﻠﺔ ﺑﻨﺎﺕ
ﻣﺎﻣﺎ ﺑﺲ ﺗﺠﻴﺐ ﺑﻨﺎﺕ
ﺍﻧﻲ ﺳﻤﻌﺖ ﺑﺎﺑﺎ ﻳﺤﺠﻲ ﻋﻠﻴﻬﺎ ﻳﻜﻠﻠﻬﺎ
ﺍﺫﺍ ﻣﺎ ﺗﺠﻴﺒﻦ ﻭﻟﺪ ﻫﺎﻟﻤﻐﺔ ( ﻫﺎﻟﻤﺮﺓ ) ﺍﻧﻄﻴﻬﺎ ﻷﺧﻮﻳﺔ
ﺭﺍﺋﺪ .. ﺍﻥ ﺷﺎﺀ ﺍﻟﻠﻪ ﻫﺎﻱ ﺍﻟﻤﺮﺓ ﺍﻣﺞ ﺗﺠﻴﺐ ﻭﻟﺪ ﻭﻳﺼﻴﺮ ﻋﻨﺪﻛﻢ ﺍﺧﻮ
ﺑﺎﻻﻣﺎﻡ ﺍﻟﻜﺎﻇﻢ ﻋﻠﻴﻪ ﺍﻟﺴﻼﻡ ﺧﻠﺼﻮ ﺍﻟﺒﻨﺎﺕ ﺯﻳﺎﺭﺓ ﻭﺻﻠﻮ ﻭﺍﻧﺪﻋﻮ
ﻭﻛﻞ ﻭﺣﺪﺓ ﺑﻴﻬﻢ ﻛﺎﻧﺖ ﻋﻨﺪﻫﺎ ﺣﺎﺟﺔ ﻭﺍﻣﻨﻴﺔ ﺗﺘﻤﻨﻰ
ﺍﻥ ﺗﺘﺤﻘﻖ
ﺍﻡ ﻓﺮﺯﺩﻕ .. ﻳﺎﻟﻠﻪ ﻳﻤﺔ ﻫﻢ ﻳﺎﻟﻠﻪ ﻧﺮﺟﻊ ﻻ ﻳﺎﺧﺬﻧﺎ ﺍﻟﻮﻗﺖ ﻭﺗﻈﻠﻢ
ﺍﻟﺪﻧﻴﺎ ﻭﺍﺣﻨﺎ ﺑﻌﺪﻧﺎ ﺑﺎﻻﻣﺎﻡ
ﺷﻴﻤﺎﺀ .. ﺧﺎﻟﺔ ﻋﻔﻴﺔ ﻧﺮﻳﺪ ﻧﺸﺘﺮﻱ ﺍﻧﻲ ﻭﺍﻟﺒﻨﺎﺕ ﻻﻣﻲ ﻫﺪﻳﺔ ﺑﻌﻴﺪ
ﺍﻻﻡ ﺗﻜﺪﺭﻳﻦ ﺗﺎﺧﺬﻧﺎ ﻟﻠﺴﻮﻙ
.. ﺍﻱ ﺧﺎﻟﺔ ﺍﻛﺪﺭ ﺍﻓﻮﺗﻜﻢ ﻋﺎﻟﺴﻮﻙ ﻗﺒﻞ ﻻ ﻧﺎﺧﺬ ﺗﻜﺴﻲ ﻭﻧﺮﺟﻊ
ﺍﺧﺬﺗﻬﻢ ﻭﺍﺣﺘﺎﺭﻭﺍ ﺍﻟﺒﻨﺎﺕ ﺷﻨﻮ ﻳﺸﺘﺮﻭﻥ ﻷﻣﻬﻢ ﻭﺍﻗﺘﺮﺣﺖ ﻋﻠﻴﻬﻢ ﺍﻡ
ﻓﺮﺯﺩﻕ
ﻛﺎﻟﺖ .. ﻭﺣﺪﺓ ﻣﻨﻜﻢ ﺗﺎﺧﺬﻟﻬﺎ ﻋﻄﺮ
ﻭﺍﻟﺜﺎﻧﻲ ﺗﺎﺧﺬﻟﻬﺎ ﺭﺑﻄﺔ ﺣﺠﺎﺏ
ﺑﺎﻭﻋﻨﺎ ﻭﻛﻌﺪﻧﺎ ﻧﺤﺴﺐ ﻓﻠﻮﺳﻨﺎ
ﺍﻧﻲ ﺍﺷﺘﺮﻳﺖ ﺷﻴﺸﺔ ﻋﻄﺮ ﻛﻠﺶ ﺣﻠﻮﺓ ﻭﻣﺮﻭﺓ ﺍﺧﺬﺕ ﺭﺑﻄﺔ ﻛﻠﺶ
ﺣﻠﻮﺓ
ﺣﻂ ﺍﻟﻌﻄﺮ ﺑﺎﻟﻌﻼﻛﺔ ﻭﻟﺰﻣﺘﻬﺎ ﺑﺄﻳﺪﻱ ﺟﻨﺖ ﻣﻠﺶ ﻓﺮﺣﺎﻧﺔ
ﺍﻭﻝ ﻣﺮﺓ ﺑﺤﻴﺎﺗﻨﺎ ﻧﺸﺘﺮﻱ ﻫﺪﻳﺔ ﻷﻣﻲ
ﻭﺻﻠﻨﺎ ﻟﻠﺸﺎﺭﻉ ﺍﻟﻌﺎﻡ ﻭﺭﻛﺒﻨﺎ ﻧﻔﺮﺍﺕ ﻧﺰﻟﻨﺎ ﻋﺎﻟﺸﺎﺭﻉ ﺍﻟﻌﺎﻡ
ﺟﻨﺎ ﻧﻤﺸﻲ ﻭﻓﺠﺎﺀﺓ ﻋﺜﺮﺕ ﺭﺟﻠﻲ ﺑﻄﺎﺑﻮﻛﺔ ﻭﺍﻧﻠﻮﺕ ﻭﻭﻛﻌﺖ ﻋﻠﻰ
ﻭﺟﻬﻲ ﻭﺳﻤﻌﺖ ﺻﻮﺕ ﺷﻲ ﺍﺗﻜﺴﺮ
ﺍﻡ ﻓﺮﺯﺩﻕ .. ﺍﻟﻠﻪ .. ﺍﻟﻠﻪ . .
ﻛﻤﺖ ﺍﻧﻜﺖ ﺑﻤﻼﺑﺴﻲ ﻭﺣﺎﻃﺔ ﻛﻠﺒﻲ ﺑﺸﻴﺸﺔ
ﻋﻴﻨﻲ ﻋﺎﻟﻌﻼﻛﺔ ﻣﺮﻭﺓ ﺷﺎﻟﺖ ﺍﻟﻌﻼﻛﺔ
.. ﻳﺎﺍﺍﺍﺍ ﻋﺰﺓ ﺷﻴﺸﺔ ﺍﻟﻌﻄﺮ ﺍﻧﻜﺴﺮﺕ
.. ﻻ ﻟﺘﻜﻮﻟﻴﻬﺎ
ﺍﺧﺬﺕ ﺍﻟﻌﻼﻛﺔ ﻣﻨﻬﺎ ﻭﺍﻧﻲ ﺣﺎﺻﺮﺗﻨﻲ ﺍﻟﺒﺠﻴﺔ
ﻓﺘﺤﺖ ﺍﻟﻌﻼﻛﺔ ﻭﺍﻧﻲ ﻣﺘﺎﻛﺪﺓ ﻣﻜﺴﻮﺭﺓ
ﺍﻡ ﻓﺮﺯﺩﻕ .. ﻳﺎﻟﻠﻪ ﺧﺎﻟﺔ ﻓﺪﻭﺓ ﻃﺮﺩ ﺍﻟﺸﺮ ﻏﻴﺮ ﻣﺮﺓ ﺍﺧﺬﺝ ﻭﺍﺷﺘﺮﻳﻠﻬﺎ
ﺟﻨﺎ ﻧﻤﺸﻲ ﻭﻧﺤﺠﻲ ﻋﻠﻰ ﻃﻮﻝ ﺍﻟﻄﺮﻳﻖ ﻭﺻﻠﻨﺎ ﻟﺮﺍﺱ ﺍﻟﻔﺮﻉ ﻣﺎﻟﺘﻨﺔ
ﻭﺍﻧﺘﺒﻬﻨﺎ ﻋﻠﻰ ﻧﺎﺱ ﻣﻠﺘﻤﺔ ﻳﻢ ﺑﺎﺏ ﺑﻴﺘﻨﺎ ﻭﻣﺨﺒﻮﺻﻴﻦ
ﺣﺴﻴﺖ ﺑﺮﺟﻠﻴﺔ ﺑﺎﺩﺕ ﺍﺭﻳﺪ ﺑﺲ ﺍﻭﺻﻞ ﻟﺒﺘﻨﺎ ﺷﻜﻮ ﺷﺼﺎﻳﺮ ......
ﺻﺮﺕ ﺍﻣﺸﻲ ﺑﻬﺮﻭﻟﺔ
ﺍﻧﺘﺒﻬﺖ ﻋﻠﻰ ﺍﻡ ﻓﺮﺯﺩﻕ ﺧﺮﻃﺖ ﻭﺟﻬﺎ ﻭﻋﺎﻃﺖ
ﺍﻡ ﻓﺮﺯﺩﻕ .. ﻳﻤﺔ ﺍﺗﺼﺨﻤﻨﺎ ﻳﻤﺔ ﺗﺴﻮﺩ ﻭﺟﻬﻲ
ﺳﻤﻌﺖ ﺻﺮﺧﺔ ﺍﻡ ﻓﺮﺯﺩﻕ ﻭﺍﻧﻲ ﺻﺮﺕ ﺍﺭﻛﺾ ﻣﺜﻞ ﺍﻟﻤﺨﺒﻠﺔ
ﻭﺍﺻﻴﺢ ﺑﺼﻮﺕ ﻋﺎﻟﻲ
... ﻻ ﻳﺎﺭﺑﻲ ﺩﺧﻴﻠﻚ ﻻﺍﺍﺍﺍﺍﺍﺍﺍﺍﺍﺍﺍﺍﺍﺍﺍ
ﻭﻭﻟﺞ ﻳﻤﺔﺓﺓﺓﺓﺓﺓﺓﺓ
....
ﺍﻧﻲ ﻏﺎﻳﺤﺔ ( ﺭﺍﻳﺤﺔ 😂😂 ) ﻭﺍﻧﺘﻮﺍ ﺍﺧﺬﻭﺍ ﻏﺎﺣﺘﻜﻢ ﺑﻘﻐﺎﺀﺓ ( ﻗﺮﺍﺀﺓ )
ﺍﻟﺒﺎﻏﺖ
ﺍﻟﻴﻮﻡ ﻟﺪﻏﺔ ﻫﺪﻯ ﻫﻮﺍﻱ ﻣﺄﺛﺮﺓ ﻋﻠﻴﺔ ﻫﻮﺍﻱ
.
ﻭﺩﺍﻋﺎ _ ﻳﺎﺍﻣﻲ
ﺳﻮﺍﺭﺕ ﻓﻀﺔ ﺑﻴﺪﺝ ﺍﺣﻨﺎ
ﻧﺰﻋﺘﻴﻨﺎ ﻋﻠﻰ ﻏﻔﻠﺔ ﻭﻣﺸﻴﺘﻲ
ﺻﺤﻴﺢ ﺍﻟﺪﻧﻴﺎ ﻣﺎﺍﻧﺼﻔﺖ ﻭﻳﺎﺝ
ﻭﻻﻳﻮﻡ ﺑﻴﻬﺎ ﺭﺍﺣﺔ ﻟﮕﻴﺘﻲ
ﻭﺍﺩﺭﻱ ﺑﻴﺞ ﻳﺎﻳﻤﺔ ﺗﻌﺒﺘﻲ ﻫﻮﺍﻱ
ﻭﻋﻠﻴﻨﺎ ﺳﻨﻴﻨﺞ ﺍﻟﺤﻠﻮﺓ ﻓﻨﻴﺘﻲ
ﺍﺩﺭﻱ ﺻﺎﺭ ﺍﻟﻮﻛﺖ ﺍﻟﻮﻛﺖ ﺗﺮﺣﻴﻦ
ﻋﻨﺪ ﺭﺏ ﻛﺮﻳﻢ ﺭﺣﻤﻦ ﺭﺣﻴﻢ
ﻭﺑﺠﻨﺘﻪ ﺍﻟﻌﺎﻟﻴﺔ ﺍﻟﻮﺳﻌﺔ ﺗﺴﻜﻨﻴﻦ
ﻭﻣﺜﻞ ﺣﻮﺭ ﺍﻟﻌﻴﻦ ﺣﻠﻮﺓ ﻳﺎﻳﻤﺔ ﺗﺮﺩﻳﻦ
ﻳﺠﺎﺯﻳﺞ ﻋﻠﻰ ﺻﺒﺮﺝ ﻳﻞ ﻣﺎﺷﻜﻴﺘﻲ
# ﺍﻣﻲ _ ﺳﻴﺮﺓ _ ﺻﺒﺮ
# ﺍﻣﻲ _ ﺩﻳﺮﺓ _ ﻗﻬﺮ
ﺍﻣﻲ ﻃﻴﺒﺔ
ﺍﻣﻲ ﺣﻨﻴﻨﺔ
ﺍﻣﻲ ﻣﺎﺗﺖ ﻣﺎﺷﺎﻓﺖ ﻳﻮﻡ ﻭﺍﺣﺪ ﺩﻻﻝ
ﻭﺍﻟﻮﻛﺖ ﺍﺍﺥ ﺍﻟﻮﻛﺖ ﺻﺎﻝ ﺑﻴﻬﺎ ﻭﺟﺎﻝ
ﺣﺴﺒﻲ ﺍﻟﻠﻪ ﻋﻠﻰ ﻛﻠﻤﻦ ﺟﺎﺭ ﻋﻠﻰ ﺍﻣﻲ ﻭﻋﺎﻝ
( ﺑﻘﻠﻢ ﻫﺪﻯ )
.
ﻭﻗﻔﺔ ﺣﺰﻥ ﻟﺸﻤﻌﺔ ﺍﻣﻞ ﺍﻧﻄﻔﺖ ﻛﺎﻧﺖ ﺗﻀﻮﻱ ﺩﺭﺏ ﺧﻤﺲ ﺑﻨﺎﺕ
ﺍﻟﻴﻮﻡ ﻧﻄﻮﻱ ﺍﺧﺮ ﺻﻔﺤﺔ ﻣﻦ ﺣﻴﺎﺓ ﺍﻟﻤﺮﺍﺀﺓ ﺍﻟﺼﺎﺑﺮﺓ .. ﺑﺜﻴﻨﺔ ﺍﻡ
ﺍﻟﺒﻨﺎﺕ ﻣﺜﻠﻤﺎ ﻛﺎﻧﻮﺍ ﻳﻠﻘﺒﻮﻧﻬﺎ
ﻭﺩﺍﻋﺎً ﺍﻳﺘﻬﺎ ﺍﻻﻡ ﺍﻟﻌﻈﻴﻤﺔ
ﺑﻌﺪ ﻣﺮﻭﺭ ﻋﺸﺮ ﺍﻳﺎﻡ
ﺷﻴﻤﺎﺀ .. ﺍﺑﺎﻭﻉ ﻋﻠﻰ ﺍﺧﺘﻲ ﺍﻟﺼﻐﻴﺮﺓ ﺧﻄﻴﺔ ﻣﺎ ﻟﺤﻜﺖ ﺗﺸﺒﻊ ﻣﻦ
ﺣﻀﻦ ﺍﻣﻲ ﻭﻻ ﻟﺤﻜﺖ ﺗﺮﺿﻊ ﻣﻦ ﺣﻨﺎﻧﻬﺎ
ﺩﻧﻜﺖ ﺭﺍﺳﻬﺎ ﻭﺷﻤﺖ ﺍﺧﺘﻬﺎ .. ﻭﻫﻤﺴﺖ
_ ﺍﻓﻴﺶ ﻳﺎﺭﻳﺤﺔ ﺍﻣﻲ
ﺍﺟﺘﻲ ﺿﺤﻰ ﺗﺨﺾ ﺍﻟﻤﻤﻴﺔ ﻭﺍﻧﻄﺘﻬﺎ ﻟﺸﻴﻤﺎﺀ
ﺿﺤﻰ .. ﻫﺎﺝ ﺷﻴﻤﺎﺀ ﺳﻮﻳﺖ ﺭﻗﻤﻴﻦ ﺣﻠﻴﺐ
ﺷﻴﻤﺎﺀ .. ﺍﻧﻄﻴﻨﻲ ﺧﻄﻴﺔ ﻛﻠﺶ ﺟﻮﻋﺎﻧﺔ
ﺍﻧﻄﻴﺖ ﺍﻟﻤﻤﺔ ﻟﻠﺼﻐﻴﺮﺓ ﻭﺻﺎﺭﺕ ﺗﺮﺿﻊ ﺑﻨﻬﻢ .. ﺑﺎﻭﻋﺖ ﻋﻠﻰ ﺧﻮﺍﺗﻲ
ﺍﻟﻲ ﻛﻞ ﻭﺣﺪﺓ ﺑﻴﻬﻢ ﺭﺍﻳﺤﺔ ﺑﻌﺎﻟﻢ
ﺍﺭﺍﻗﺐ ﺍﺧﻮﺍﺗﻲ ﻭﻛﻠﺒﻲ ﻳﻨﺰﻑ ﺑﺼﻤﺖ ﻋﻠﻰ ﻓﺮﺍﻕ ﺍﻣﻬﻲ ﺻﺎﺭﻭﺍ
ﻳﺴﻤﻮﻧﺎ .. ﺍﻟﻴﺘﻴﻤﺎﺕ
ﺍﻟﻴﻮﻡ ﻣﺮ ﻋﺸﺮﺓ ﺍﻳﺎﻡ ﻋﻠﻰ ﻭﻓﺎﺓ ﺭﻳﺤﺔ ﺍﻟﺠﻨﺔ ﻭﻣﻨﺒﻊ ﺍﻟﺮﺣﻤﺔ ﺍﺑﻮﻳﺔ
ﺭﺟﻌﻨﺎ ﺍﻧﻲ ﻭﺧﻮﺍﺗﻲ ﻟﻠﺒﻴﺖ ﻣﻦ ﻳﻮﻡ ﺍﻟﺴﺎﺑﻊ ﺻﺎﺭﻟﻨﺎ ﻳﻮﻣﻴﻦ ﻣﻦ
ﺭﺟﻌﻨﺎ .. ﺑﻌﺪﻣﺎ ﺧﻠﺼﺖ ﺍﻳﺎﻡ ﺍﻟﻌﺰﺍﺀ ﻭﺍﻟﻔﺎﺗﺤﺔ ﺳﻮﻭﻫﺎ ﺑﺒﻴﺖ ﺟﺪﻱ
ﺍﻟﻘﺪﻳﻢ
ﺭﺟﻌﻨﺎ ﻟﻠﺒﻴﺖ ﺍﻟﺨﺎﻟﻲ ﻣﻦ ﺍﻣﻨﺎ ﺍﺗﻌﻮﺩﻧﺎ ﻛﻠﻤﺎ ﻧﺪﺧﻞ ﻧﺴﻤﻊ ﺻﻮﺕ
ﺍﻣﻲ ﻳﻤﻠﻲ ﺍﻟﻤﻜﺎﻥ ﻫﺴﺔ ﺧﺎﻟﻲ ﺑﺎﺭﺩ ﻭﻣﻬﺠﻮﺭ
....
ﻛﻞ ﻭﺣﺪﺓ ﺑﻴﻨﺎ ﻋﺒﺮﺕ ﻋﻦ ﺣﺰﻧﻬﺎ ﺑﻄﺮﻳﻘﺘﻬﺎ
ﺍﻧﻲ ﻭﻣﺮﻭﺓ ﻭﺿﺤﻰ ﻛﻨﺎ ﻧﻌﺒﺮ ﻋﻦ ﺣﺰﻧﺎ ﺑﺎﻟﺒﺠﻲ ﻳﻤﻜﻦ ﻻﻥ ﺍﺣﻨﺎ ﻛﺒﺎﺭ
ﻭﻧﻌﺮﻑ ﻛﻠﺶ ﺯﻳﻦ ﺑﻌﺪ ﻣﺎ ﻧﺸﻮﻑ ﺍﻣﻲ ﻟﻼﺑﺪ
ﻋﻜﺲ ﻫﺪﻯ ﺑﺠﺖ ﺷﻮﻳﺔ ﻋﻠﻰ ﺑﺠﻴﻨﺎ ﺑﺲ ﺑﺪﻭﻥ ﻣﺘﺪﺭﻙ ﺷﻨﻮ ﻣﻌﻨﻰ
ﺑﻌﺪ ﻣﺘﺸﻮﻑ ﻣﺎﻣﺎ
ﻭﺻﺎﺭﺕ ﺗﻜﻀﻲ ﺍﻟﻨﻬﺎﺭ ﻛﻠﻪ ﺗﻠﻌﺐ ﻭﻳﺔ ﺍﻟﺒﻨﺎﺕ ﺑﺲ ﺑﺄﻭﻝ ﺍﻳﺎﻡ ﻣﻦ
ﻳﺠﻲ ﺍﻟﻠﻴﻞ ﺗﻈﻞ ﺗﺤﻮﻡ ﻋﻠﻰ ﺭﺍﺳﻲ ﻭﺗﺮﺟﻊ ﺗﺴﺄﻟﻨﻲ ﻭﺗﻜﻠﻲ .. ﻭﻳﻦ
ﻣﺎﻣﺎ
ﺍﺟﺎﻭﺑﻬﺎ ﺑﻘﻬﺮ _ ﻣﺎﻣﺎ ﻣﺎﺗﺖ
ﺗﻜﻠﻲ ﺍﻱ ﺍﻋﻐﻒ ( ﺍﻋﺮﻑ ) ﻣﺎﻣﺎ ﻣﺎﺗﺖ ﺑﺲ ﺷﻮﻛﺖ ﺗﻐﺠﻊ ( ﺗﺮﺟﻊ )
ﺍﻏﻴﺪ ( ﺍﺭﻳﺪ ) ﺍﻧﺎﻡ ﺗﻐﺔ ( ﺗﺮﺓ ) ﻧﻌﺴﺖ
ﺣﺮﺕ ﺷﺠﺎﻭﺑﻬﺎ ﻫﺪﻯ ﺍﻛﺜﺮ ﻭﺣﺪﺓ ﺑﺨﻮﺍﺗﻲ ﻣﺘﻌﻠﻘﺔ ﺑﺄﻣﻲ ﻧﻠﻜﺎﻫﺎ
ﺩﺍﺋﻤﺎً ﻣﻌﻠﻜﺔ ﺑﺄﺫﻳﺎﻝ ﺍﻣﻲ ﻟﻮ ﻧﺎﻳﻤﺔ ﺑﺤﻀﻨﻬﺎ .. ﻣﺎ ﺍﻋﺮﻑ ﻣﻨﻮ ﺑﻴﻨﺎ
ﺍﻛﺜﺮ ﻓﻘﺪ ﻷﻣﻲ
ﻛﺎﻣﺖ ﻛﻞ ﻟﻴﻠﺔ ﺗﺴﺄﻟﻨﻲ ﻭﺍﺳﺤﺒﻬﺎ ﻟﺤﻀﻨﻲ ﻭﺍﻧﻮﻣﻬﺎ ﻋﻠﻰ ﺍﻳﺪﻱ
ﻭﻫﻲ ﻣﻦ ﺗﻌﺐ ﺍﻟﻠﻌﺐ ﺗﺤﻂ ﺭﺍﺳﻬﺎ ﻭﺗﻨﺎﻡ .. ﻟﻜﻦ ﻣﻦ ﺭﺟﻌﻨﺎ ﻫﻨﺎ
ﻫﺪﻯ ﺻﺎﺭﺕ ﺗﺪﻭﺭ ﺑﺎﻟﺒﻴﺖ ﻣﺜﻞ ﺍﻟﻤﻀﻴﻌﺔ ﺷﻲ ﺑﺪﻭﻥ ﻣﺘﺤﺠﻲ ﺑﺲ
ﻣﻌﺎﻟﻢ ﻭﺟﻬﻬﺎ ﻛﺎﻧﺖ ﻭﺍﺿﺤﺔ ﻋﻠﻰ ﺷﻨﻮ ﺗﺪﻭﺭ ﺑﺎﻭﻋﺖ ﻋﻠﻴﺔ ﺑﺲ
ﻣﺴﺄﻟﺘﻨﻲ ﻛﺒﻞ ﻃﻠﻌﺖ ﻟﻠﺸﺎﺭﻉ ﺗﻠﻌﺐ ﻣﺎ ﺍﻋﺮﻑ ﺍﺣﺴﺪﻫﺎ ﻋﻠﻰ ﻛﻠﺒﻬﺎ
ﻟﻮ ﺍﻧﻘﻬﺮ ﻋﻠﻴﻬﺎ
ﻭﺭﺓ ﺳﺎﻋﺔ ﺩﺧﻠﺖ ﻋﻠﻴﺔ ﻫﺪﻯ ﻭﻫﻲ ﻣﻔﺮﻓﺤﺔ ﺑﺠﻲ
.. ﻫﺪﻯ ﻟﻴﺶ ﺗﺒﺠﻴﻦ ﻣﻨﻮ ﻭﻳﺎﺝ
ﻫﺪﻯ ﺗﺒﺠﻲ ﻣﻔﺰﻭﻋﺔ .. ﺷﻴﻤﺎﺀ ﺗﻌﺎﻟﻲ ﻭﻳﺎﻱ ﻫﺬﻭﻟﻲ ﺍﻟﺒﻨﺎﺕ ﻳﻜﻮﻟﻮﻥ
ﺍﻣﺞ ﻣﺎﺗﺖ ﻭﺩﻓﻨﻮﻫﺎ ﺟﻮﺓ ﺍﻟﺘﺮﺍﺏ ﺑﻌﺪ ﻣﺎ ﺗﺸﻮﻓﻴﻬﺎ ﺭﻭﺣﻲ ﻛﻠﻴﻠﻬﻢ ﻻ
ﻳﺤﺠﻮﻥ ﻫﺸﻜﻞ ﻋﻦ ﻣﺎﻣﺎ
ﺣﻀﻨﺘﻬﺎ ﺑﻘﻮﺓ ﻭﻫﻤﺴﺖ
.. ﻫﺪﻯ ﻛﻼﻣﻬﻢ ﺻﺤﻴﺢ ﺍﻣﻨﺎ ﺑﻌﺪ ﻣﺎ ﺗﺮﺟﻊ
ﻭﺻﺮﺕ ﺍﺑﺠﻲ ﻭﻳﺎﻫﺎ ﻣﻜﺴﻮﺭ ﻛﻠﺒﻲ ﻋﻠﻴﻬﺎ
ﻭﺑﻬﺬﺍ ﺍﻟﻴﻮﻡ ﻫﺪﻯ ﺍﺩﺭﻛﺖ ﻭﻋﺮﻓﺖ ﺷﻨﻮ ﻣﻌﻨﻰ .. ﺍﻣﻚ ﺗﻤﻮﺕ
ﻭﺗﺼﺒﺢ ﻳﺘﻴﻢ ﻭﺑﻄﻠﺖ ﺗﺴﺄﻟﻨﻲ ﻋﻦ ﺍﻣﻲ ﺷﻮﻛﺖ ﺗﺮﺟﻊ
ﻭﺻﺎﺭﺕ ﻳﻮﻡ ﻋﻦ ﻳﻮﻡ ﺗﺘﻌﻠﻖ ﺑﻴﺔ ﻭﺗﻨﺎﻡ ﺑﺤﻀﻨﻲ ﻟﻜﻦ ﺑﺪﺓ ﻋﻠﻰ
ﻭﺟﻬﻬﺎ ﺍﻟﺬﺑﻮﻝ ﺻﺤﻴﺢ ﺗﻄﻠﻊ ﺗﻠﻌﺐ ﻭﻳﺔ ﺍﻟﺒﻨﺎﺕ ﺑﺎﻟﺒﺎﺏ ﺍﺻﻼ ﺯﺍﺩﺕ
ﺳﺎﻋﺎﺕ ﺍﻟﻠﻌﺐ ﺑﺮﺓ
ﺑﻴﺒﻲ ﺑﻴﻮﻡ ﺳﺎﺑﻊ ﻣﻦ ﺍﻟﻔﺎﺗﺤﺔ ﺭﺟﻌﺖ ﻭﻳﺎﻧﺎ ﻟﻠﺒﻴﺖ ﻭﺍﻧﻄﺘﻨﻲ
ﺳﻮﺍﺭﺕ ﺍﻣﻲ ﺍﻟﻔﻀﺔ ﻛﺎﻟﺖ ﻫﺎﻱ ﻣﺎﻟﺖ ﺍﻣﺞ ﻇﻠﻦ ﻳﻤﻲ .. ﻭﺍﻟﻴﻮﻡ
ﺍﺗﺬﻛﺮﺕ ﻛﻠﺖ ﺍﻧﻄﻴﺞ ﺍﻳﺎﻫﺎ ﺍﺫﺍ ﺗﺮﺩﻳﻨﻬﺎ
...
ﺍﺧﺬﺗﻬﺎ ﻣﻦ ﻋﻨﺪﻫﺎ ﻭﺣﻀﻨﺘﻬﻢ ﻟﺼﺪﺭﻱ ﻭﺻﺮﺕ ﺍﺗﺨﻴﻞ ﺷﻜﻠﻬﻢ ﺑﻴﺪ
ﺍﻣﻲ
ﻭﻛﻌﺪﺕ ﺑﻴﺒﻲ ﺗﻌﻠﻤﻨﻲ ﺷﻠﻮﻥ ﺍﺩﻳﺮ ﺍﻣﻮﺭ ﺍﻟﺒﻴﺖ ﻭﺗﻮﺻﻴﻨﻲ ﻋﺎﻟﺒﻴﺖ
ﻭﻋﻠﻰ ﺧﻮﺍﺗﻲ ﻭﻋﻠﻰ ﺑﺎﺑﺎ ﻭﺍﺧﺘﻲ ﺍﻟﺼﻐﻴﺮﺓ ﺻﺎﺭ ﺍﺳﻤﻬﺎ .. ( ﻣﺮﻳﻢ )
ﺯﻭﺟﺔ ﻋﻤﻮ ﺍﻣﺠﺪ ﺳﻤﺘﻬﺎ ﻻﻥ ﺟﺎﻧﺖ ﺗﺘﻤﻨﻰ ﺗﺼﻴﺮ ﻋﻨﺪﻫﺎ ﺑﻨﻴﺔ
ﻭﺗﺴﻤﻴﻬﺎ ﻣﺮﻳﻢ ﺭﻏﻢ ﺍﻧﻲ ﺟﻨﺖ ﺍﺗﻤﻨﻰ ﺍﺳﻤﻴﻬﺎ ﻣﺜﻞ ﻣﺎﺍﻣﻲ ﺗﺮﻳﺪ ( ﺭﺅﻯ )
ﻫﺎﻱ ﺍﻻﻳﺎﻡ ﺯﻭﺟﺔ ﻋﻤﻲ ﺍﻣﺠﺪ ﺍﻟﺘﻬﺖ ﺑﻮﻓﺎﺓ ﺧﺎﻟﺘﻬﺎ ﺗﻮﻓﺖ ﺑﻌﺪ ﺍﻣﻲ
ﺑﻴﻮﻣﻴﻦ
ﻓﺒﻘﺖ ﻣﺮﻳﻢ ﻋﻨﺪﻱ ﻭﺻﺎﺭ ﻋﻨﺪﻱ ﺍﻣﻞ ﺍﺧﺘﻨﺎ ﺗﺒﻘﻰ ﺗﺘﺮﺑﻰ ﺑﻴﻨﺎ ﻣﺜﻠﻤﺎ
ﺟﺎﻧﺖ ﺍﻣﻲ ﺗﺘﻤﻨﻰ
ﺍﻡ ﺍﺛﻴﺮ ﺍﻟﺘﻔﺘﺖ ﻋﺎﻟﺒﻨﺎﺕ ﻣﺮﻭﺓ ﻭﺿﺤﻰ ﻭﻫﺪﻯ
.. ﺑﻴﺒﻲ ﺑﻌﺪ ﻣﺎ ﺍﻭﺻﻴﻜﻢ ﻋﺎﻟﺒﻴﺖ ﻭﺳﺎﻋﺪﻭﺍ ﺍﺧﺘﻜﻢ ﻭﺳﻤﻌﻮ ﻛﻼﻣﻬﺎ
ﻭﺻﻴﺮﻭﺍ ﺣﺒﺎﺑﺎﺕ ﻭﺍﻧﺘﻲ ﻣﺮﻭﺓ ﺑﺴﺞ ﻗﺮﺍﻳﺔ ﻭﻋﺎﻭﻧﻲ ﺍﺧﺘﺞ ﺧﻄﻴﺔ
ﻣﺮﻭﺓ .. ﺑﻴﺒﻲ ﻣﺎ ﺍﻟﺤﻚ ﻣﺒﻘﻰ ﺷﻲ ﻟﻼﻣﺘﺤﺎﻧﺎﺕ
.. ﻋﻴﻨﻲ ﻣﻦ ﺷﻔﺘﺞ ﻭﺷﻔﺘﻴﻨﻲ ﻋﻨﺪﺝ ﺍﻣﺘﺤﺎﻥ ﻭﺗﺪﺭﺳﻴﻦ ﺯﻳﻦ ﺫﺍﻙ
ﺍﻟﻴﻮﻡ ﺷﻨﻮ . ﺟﺎﻥ ﻣﻮ ﺍﻣﺘﺤﻨﺘﻲ
ﻣﺮﻭﺓ .. ﺑﻴﺒﻲ ﻫﺬﺍﻙ ﻣﻮ ﺍﻣﺘﺤﺎﻧﺎﺕ ﻻ ﻫﺎﻱ ﻳﺴﻤﻮﻫﺎ ﺍﺧﺘﺒﺎﺭﺍﺕ ﺍﺳﻮﻳﻬﺎ
ﻭﻣﻦ ﻋﻨﺪﻫﺎ ﻫﻤﺔ ﻳﻘﺮﺭﻭﻥ ﻳﺴﻤﺤﻮﻟﻲ ﺍﻣﺘﺤﻦ ﻭﻳﺔ ﺍﻟﺨﺎﻣﺲ ﻋﻠﻤﻲ
ﻟﻮ ﻻ
ﺷﻴﻤﺎﺀ .. ﻻ ﺑﻴﺒﻲ ﺧﻠﻲ ﻣﺮﻭﺓ ﺗﻔﺮﻍ ﻟﺪﺭﺍﺳﺘﻬﺎ ﻫﻮ ﺍﻟﺒﻴﺖ ﺻﻐﻴﺮ
ﻛﻠﺸﻲ ﻣﻴﺤﺘﺎﺟﻠﻪ ﻭﺧﻮﺍﺗﻲ ﺍﻧﻲ ﺍﺩﻳﺮ ﺑﺎﻟﻲ ﻋﻠﻴﻬﻢ
ﺿﺤﻰ .. ﺑﻴﺒﻲ ﺍﻧﻲ ﺍﺳﺎﻋﺪ . ﺷﻴﻤﺎﺀ
ﻋﻔﻴﺔ ﻋﻠﻴﻜﻢ ﻳﺎﻟﻠﻪ ﺍﻧﺎ ﺭﺍﻳﺤﺔ ﻭﺧﻮﺍﺗﺞ ﻋﻴﻨﺞ ﻋﻠﻴﻬﻢ ﺍﻧﺘﻲ ﻛﺒﻴﺮﺓ
ﻭﻣﻌﺪﻟﺔ ﺳﺒﺎﻋﻴﺔ ﻋﻠﻰ ﺍﻣﺞ ﺍﻟﻠﻪ ﻳﺮﺣﻤﻬﺎ
ﺍﻧﺎ ﺟﺎﻥ ﺑﻘﻴﺖ ﻭﻳﺎﻛﻢ ﺍﻛﺜﺮ ﺑﺲ ﺷﻮﻓﺔ ﻋﻴﻨﺞ ﺻﺤﺘﻲ ﻋﻠﻰ ﻛﺪﻱ ﻣﺎ
ﺑﻴﺔ ﺣﻴﻞ ﺍﺗﻨﻘﻞ ﻣﻦ ﺑﻴﺖ ﻟﺒﻴﺖ ﻫﻢ ﻳﺎﻟﻠﻪ ﺍﺭﺟﻊ ﻟﺒﻴﺘﻲ ﺍﺭﺗﺎﺡ ﻫﻨﺎﻙ
ﺍﻛﺜﺮ
ﺷﻴﻤﺎﺀ .. ﺑﻴﺒﻲ ﺭﻭﺣﻲ ﻟﻴﻈﻞ ﺑﺎﻟﺞ ﻋﻠﻴﻨﺎ ﺧﻮﺍﺗﻲ ﺍﺣﻄﻬﻢ ﺑﺒﻄﻦ ﻋﻴﻨﻲ
ﺭﺍﺣﺖ ﺑﻴﺒﻲ ﻭﺑﻘﻴﺖ ﺍﻧﻲ ﻭﺧﻮﺍﺗﻲ ﺑﺎﻟﺒﻴﺖ ﻭﺑﺎﺑﺎ ﺭﺟﻊ ﻟﺸﻐﻠﻪ
ﻭﻣﺮﺕ ﺍﻻﻳﺎﻡ
ﺟﻨﺖ ﻣﺜﻞ ﻛﻞ ﻳﻮﻡ ﺍﻛﻌﺪ ﻣﻦ ﺍﻟﺼﺒﺢ ﻭﺍﺣﻀﺮ ﺍﻟﺮﻳﻮﻙ ﻟﺨﻮﺍﺗﻲ
ﻭﺍﻛﻌﺪ ﺍﻧﻈﻒ ﺍﻟﺒﻴﺖ ﺍﺧﺬﺕ ﻋﻬﺪ ﻋﻠﻰ ﻧﻔﺴﻲ ﻣﺎ ﺍﺧﻠﻲ ﺧﻮﺍﺗﻲ
ﻳﺤﺴﻮﻥ ﺑﺎﻟﻨﻘﺺ ﺑﺪﻳﻨﺎ ﺷﻮﻳﺔ ﺷﻮﻳﺔ ﻧﺮﺟﻊ ﻟﺤﻴﺎﺗﻨﺎ ﻣﻦ ﺑﻌﺪ ﺍﻣﻲ
ﺻﺤﻴﺢ ﻣﻮ ﻣﺜﻞ ﻗﺒﻞ ﺑﺲ ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ
....
ﻛﻌﺪﺗﻬﻢ ﻟﻠﺮﻳﻮﻙ ﻭﺍﺧﺬﺕ ﻣﺮﻳﻢ ﺣﻠﻠﺘﻬﺎ ﻣﻦ ﺍﻟﻜﻤﺎﻁ ﺟﺎﻧﺖ ﻛﻠﺶ
ﻧﺎﻋﻤﺔ ﺭﺣﺖ ﻏﺴﻠﺘﻠﻬﺎ ﻭﺑﺪﻟﺖ ﻣﻼﺑﺴﻬﺎ ﻭﺭﺟﻌﺖ ﻛﻤﻄﺘﻬﺎ ﻭﺍﻧﻄﻴﺘﻬﺎ
ﺭﺿﻌﺘﻬﺎ
ﺍﺗﻌﻮﺩﺕ ﻋﻠﻴﻬﺎ ﻭﺭﻭﺣﻲ ﺍﺗﻌﻠﻘﺖ ﺑﻴﻬﺎ ﻣﺎ ﺍﻋﺮﻑ ﻟﻴﺶ ﺑﺲ ﻳﻤﻜﻦ ﻻﻥ
ﻫﻲ ﻣﻦ ﺭﻳﺤﺔ ﺍﻣﻲ ﺍﻭ ﻳﻤﻜﻦ ﻻﻥ ﻣﺎ ﻟﺤﻜﺖ ﻋﻠﻰ ﺣﻨﺎﻥ ﺍﻣﻲ ﺣﺒﻴﺖ
ﺍﻋﻮﺿﻬﺎ
ﺑﺲ ﺧﻄﻴﺔ ﻫﺪﻯ ﺗﻐﺎﺭ ﻣﻨﻬﺎ ﻟﻜﻦ ﻣﺘﺒﻴﻦ ﻛﺪﺍﻣﻲ ﺑﺲ ﺗﺒﺎﻭﻉ ﻋﻠﻴﻬﺎ
ﻣﻦ ﺑﻌﻴﺪ ﻭﻣﻦ ﺍﺣﻂ ﻣﺮﻳﻢ ﺑﺤﻀﻨﻲ ﺗﺮﻛﺾ ﺗﺤﻀﻨﻲ ﻭﺗﻜﻠﻲ ﺷﻴﻤﺎﺀ
ﺍﻧﻲ ﺍﺣﺒﺞ ﻛﻮﻣﺔ
ﻟﻮ ﻣﻦ ﺗﺸﻮﻓﻨﻲ ﺷﺎﻳﻠﺘﻬﺎ ﺗﺴﻮﻱ ﺷﻲ ﺑﺎﻟﺒﻴﺖ ﺣﺘﻰ ﺗﻠﻔﺖ ﺍﻧﺘﺒﺎﻫﻲ
ﻭﺗﻈﻞ ﺗﺒﺠﻲ ﻋﻠﻰ ﺍﺗﻔﻪ ﺳﺒﺐ ﺣﺘﻰ ﺍﺭﻭﺡ ﻳﻤﻬﺎ ﻭﺍﻛﻌﺪ ﺍﺳﻜﺘﻬﺎ
ﻣﺮﻭﺓ ﺍﺧﺘﻲ ﻫﺎﻱ ﺍﻻﻳﺎﻡ ﺧﻄﻴﺔ ﺗﺪﺭﺱ ﻟﻨﻈﺎﻡ ﺍﻟﻌﺒﻮﺭ ﻻﻥ ﺷﻤﻠﻬﺎ
ﺍﻟﻘﺮﺍﺭ ﻳﻌﻨﻲ ﺍﺫﺍ ﻧﺤﺠﺖ ﺑﺎﻻﻣﺘﺤﺎﻥ ﺗﻨﺘﻘﻞ ﻟﻠﺴﺎﺩﺱ
ﻋﻠﻤﻲ ﺧﻄﻴﺔ ﻳﻤﻜﻦ ﺍﺫﺍ ﺩﺍﻭﻣﺖ ﺍﻟﺴﻨﺔ ﺍﻟﺠﺎﻳﺔ ﺳﺎﺩﺱ ﻋﻠﻤﻲ ﻳﻤﻜﻦ
ﺭﺍﺡ ﺗﻜﻮﻥ ﺍﺻﻐﺮ ﻃﺎﻟﺒﺔ ﺑﺎﻟﺼﻒ ﻛﻠﻪ ﻻﻥ ﻣﺮﻭﺓ ﻋﺒﺮﺕ ﺳﻨﺔ ﻣﻦ
ﻛﺎﻧﺖ ﺑﺎﻟﻤﺘﻮﺳﻄﺔ ﻭﻭﻫﺴﺔ ﻧﺎﻭﻳﺔ ﺗﻌﺒﺮﺓ ﺍﻟﺨﺎﻣﺲ ﻋﻠﻤﻲ ﻭﻓﺎﺓ ﺍﻣﻲ
ﺍﻧﻄﺎﻫﺎ ﺍﻟﺘﺼﻤﻴﻢ
ﺩﺧﻠﺖ ﻋﻠﻴﻬﺎ ﻟﻠﻐﺮﻓﺔ ﻭﺷﻔﺘﻬﺎ ﺗﺪﺭﺱ ﻭﺍﻟﻐﺮﻓﺔ ﻣﺘﺮﻭﺳﺔ ﻛﺘﺐ ﺟﻨﺖ
ﺍﺣﺎﻭﻝ ﺑﻘﺪﺭ ﺍﻻﻣﻜﺎﻥ ﺍﻫﻲﺀ ﺍﻟﻬﺔ ﺟﻮ ﺍﻟﺪﺭﺍﺳﺔ
ﻭﻣﺎ ﺍﺧﻠﻲ ﺍﻟﺒﻨﺎﺕ ﻳﻬﻮﺳﻮﻥ ﺣﺘﻰ ﻣﺎ ﻳﺄﺛﺮﻭﻥ ﻋﻠﻴﻬﺎ
ﺭﻓﻌﺖ ﺭﺍﺳﻬﺎ ﻭﺑﺎﻭﻋﺖ ﻋﻠﻴﺔ ﺟﻨﺖ ﺷﺎﻳﻠﺔ ﺑﻴﺪﻱ ﺻﻴﻨﻴﺔ ﺟﺎﻱ ﻭﻟﻔﺔ
ﺟﺒﻦ ﺧﻄﻴﺔ ﺗﻨﺴﻰ ﻧﻔﺴﻬﺎ ﺑﺎﻻﻛﻞ ﻣﺘﺎﻛﻞ
ﻣﺮﻭﺓ .. ﺍﻱ ﺷﻮﻣﺔ ﺍﺟﻴﺘﻲ ﺑﻮﻛﺘﺞ ﻣﻴﺘﺔ ﺟﻮﻉ ﻣﻌﺪﺗﻲ ﻛﺎﻣﺖ ﺗﻌﻴﻂ
ﺗﺮﻳﺪ ﺍﻛﻞ
ﺣﻄﻴﺖ ﺍﻟﺼﻴﻨﻴﺔ ﻳﻤﻬﺎ ﻭﻣﺪﺕ ﺍﻳﺪﻫﺎ ﺗﺎﻛﻞ
ﺷﻴﻤﺎﺀ .. ﻫﺎ ﺑﺸﺮﻱ ﺷﻠﻮﻧﺞ ﺑﺎﻟﺪﺭﺍﺳﺔ
ﻣﺮﻭﺓ .. ﻻ ﺍﻟﺤﻤﺪﻟﻠﻪ ﺯﻳﻨﺔ ﺧﺼﻮﺻﺎً ﻣﻦ ﺭﺣﺖ ﻟﺒﻨﺖ ﺍﺑﻮ ﻗﺎﺳﻢ ﻛﻮﺛﺮ
ﻭﺷﺮﺣﺘﻠﻲ ﻣﺎﺩﺓ ﺍﻟﺮﻳﺎﺿﻴﺎﺕ ﺍﺣﺲ ﺳﻴﻄﺮﺕ ﺍﻛﺜﺮ ﺧﻄﻴﺔ ﻭﻛﺎﻟﺖ ﺑﻌﺪ
ﺍﺫﺍ ﺗﺤﺘﺎﺟﻴﻦ ﻣﺴﺎﻋﺪﺓ ﺑﺸﺮﺡ ﻓﻴﺰﻳﺎ ﻛﻴﻤﻴﺎ ﺍﻧﻲ ﻣﻮﺟﻮﺩﺓ ﺗﻌﺎﻟﻲ ﺑﺄﻱ
ﻭﻛﺖ ﻫﻼ ﺑﻴﺞ
.. ﺍﻟﻠﻪ ﻳﺮﺿﻰ ﻋﻠﻴﻬﺎ ﻫﻲ ﻛﻮﺛﺮ ﺷﻨﻮ ﻣﺨﻠﺼﺔ
.. ﻣﺨﻠﺼﺔ ﻛﻠﻴﺔ ﺍﻟﻌﻠﻮﻡ
ﻣﺎ ﺷﺎﺀ ﺍﻟﻠﻪ ﻛﻠﺶ ﺷﺎﻃﺮﺓ ﻣﻮ ﺑﺲ ﻫﻲ ﺣﺘﻰ ﺧﻮﺍﺗﻬﺎ ﺍﻟﺒﻘﻴﺔ
ﺷﺎﻃﺮﺍﺕ ﺑﺲ ﻋﻨﺪﻫﻢ ﺍﺧﻮﻫﺎ ﺍﻟﺼﻐﻴﺮ ﻗﺎﺳﻢ ﺷﻜﺪ ﻛﺴﻮﻟﻲ ﻭﻣﻮ
ﺑﺲ ﻛﺴﻮﻟﻲ ﻻ ﻭﺣﺎﺭﻙ ﺍﻟﺒﻴﺖ ﺣﺮﻙ ﻳﻤﺔ ﻣﻦ ﻳﺪﺧﻞ ﻟﻠﺒﻴﺖ ﺍﻟﻜﻞ
ﻳﺪﺧﻞ ﺑﺎﻻﻧﺬﺍﺭ ﻣﻦ ﻭﻛﺎﺣﺘﻪ
ﺳﻤﻌﻨﺎ ﺻﻮﺕ ﻣﺮﻳﻢ ﺗﺒﺠﻲ ﻛﻤﺖ
...
ﻳﺎﻟﻠﻪ ﺍﻧﻲ ﺍﻋﻮﻓﺞ ﺗﺪﺭﺳﻴﻦ ﻣﺎ ﺍﻟﻬﻴﺞ
ﻣﺮﻭﺓ .. ﻻ ﺷﻮﻣﺔ ﺟﻴﺒﻴﻬﺎ ﻭﺗﻌﺎﻟﻲ ﻛﻌﺪﻱ ﻳﻤﻲ ﺑﻴﻨﻤﺎ ﺍﻛﻞ ﺟﻴﺒﻲ ﻣﺮﻳﻢ
ﺧﻠﻲ ﺍﺷﻮﻓﻬﺎ
ﺟﺒﺘﻬﺎ ﻭﺍﺟﻴﺖ ﻛﻌﺪﺕ ﻳﻢ ﻣﺮﻭﺓ ﺻﺎﺭ ﻋﻤﺮﻫﺎ ١٥ﻳﻮﻡ
ﺍﺧﺬﺗﻬﺎ ﻣﺮﻭﺓ ﻭﺑﺎﺳﺘﻬﺎ
.. ﻳﺎﺭﺑﻲ ﺷﻠﻮﻥ ﺣﻠﻮﺓ ﻭﻧﺎﻋﻤﺔ
ﻟﻤﺴﺖ ﺑﺸﺮﺗﻬﺎ ﺑﻀﻬﺮ ﺍﻳﺪﻫﺎ
.. ﺍﻭﻭﻱ ﺑﺸﺮﺗﻬﺎ ﻛﻠﺶ ﻧﺎﻋﻤﺔ ﺣﻴﺎﺗﻲ ﺟﺎﻱ ﺗﻨﺸﻨﺶ
.. ﺍﻱ ﺩﺍﻧﻄﻴﻬﺎ ﺭﺿﺎﻋﺎﺗﻬﺎ ﺑﻮﻗﺘﻬﺎ ﻭﻣﺎ ﺍﻓﻮﺕ ﻭﻻ ﻭﺟﺒﺔ
.. ﺍﻱ ﺧﻄﻴﺔ ﺍﻟﻠﻪ ﻳﺮﺿﻰ ﻋﻠﻴﺞ ﺷﻮﻣﺔ ﻟﻮﻣﺎ ﺍﻧﺘﻲ ﺟﺎﻥ ﺍﺣﻨﺎ ﺿﻌﻨﺎ
ﻣﻦ ﺑﻌﺪ ﺍﻣﻲ ﺍﻟﻠﻪ ﻳﺮﺣﻤﻬﺎ
.. ﺗﺪﺭﻳﻦ ﺷﻴﻤﺎﺀ ﺷﻜﺪ ﻣﺤﺘﺎﺟﺔ ﺍﻣﻲ ﺧﺼﻮﺻﺎً ﻫﺴﺔ .. ﺍﺭﻳﺪﻫﺎ ﻳﻤﻲ
ﺷﻜﺪ ﺟﻨﺖ ﺍﺭﺗﺎﺡ ﻣﻦ ﺍﺳﻤﻌﻬﺎ ﺗﺪﻋﻴﻠﻲ ﺑﺎﻟﺘﻮﻓﻴﻖ
ﻭﻫﻨﺖ ﻣﺮﻭﺓ ﻣﻘﺎﻭﻣﺖ ﺍﻧﻄﺘﻨﻲ ﻣﺮﻳﻢ ﻭﺟﺮﺕ ﺣﺴﺮﺓ .. ﻭﺣﻄﺖ
ﺍﻳﺪﻳﻬﺎ ﻋﻠﻰ ﻭﺟﻬﺎ ﻭﺻﺎﺭﺕ ﺗﺒﺠﻲ
ﺣﻄﻴﺖ ﻣﺮﻳﻢ ﻋﻠﻰ ﺻﻔﺤﺔ ﻭﺍﻟﺘﻔﺘﺖ ﻟﻤﺮﻭﺓ ﻭﺍﺧﺬﺗﻬﺎ ﻟﺤﻀﻨﻲ
.. ﻛﺎﻓﻲ ﺑﺠﻲ ﺍﻧﻲ ﻣﺎ ﺻﺪﻛﺖ ﺍﻟﺘﻔﺘﻲ ﻟﺪﺭﺍﺳﺘﺞ ﻭﺭﺟﻌﺘﻲ ﺗﺤﻀﺮﻳﻦ
ﻻﻣﺘﺤﺎﻧﺎﺗﺞ
ﻣﺮﻭﺓ .. ﻟﺞ ﺷﻴﻤﺎﺀ ﻛﻠﻤﺎ ﺍﺗﺬﻛﺮ ﻛﻼﻣﻲ ﻭﻳﺔ ﺍﻣﻲ ﺍﻣﻮﺕ ﻗﻬﺮ
.. ﻋﻦ ﺍﻱ ﻛﻼﻡ ﺩﺗﻘﺼﺪﻳﻦ
.. ﺍﺗﺬﻛﺮ ﺷﻠﻮﻥ ﺟﻨﺖ ﺍﺳﺘﻌﺎﺭ ﻣﻨﻬﺎ ﻭﻣﻦ ﻭﺟﻮﺩﻫﺎ ﻭﺟﻨﺖ ﺩﺍﺋﻤﺎ
ﺍﻣﻨﻌﻬﺎ ﻣﻦ ﺍﻟﺤﻀﻮﺭ ﻟﻠﻤﺪﺭﺳﺔ ﻻﻥ ﺟﻨﺖ ﻣﺎ ﺍﺗﺸﺮﻑ ﺍﻛﻮﻝ ﻫﺎﻱ
ﺍﻣﻲ
ﻣﺘﻌﺮﻓﻴﻦ ﺷﻜﺪ ﺟﻨﺖ ﻏﺎﻓﻠﺔ ﻋﻦ ﺍﻣﻲ ﻭﻣﺎ ﺣﺎﺳﺔ ﺑﻨﻌﻤﺔ ﻭﺟﻮﺩﻫﺎ
ﻳﻤﻲ
ﺍﺣﺲ ﺑﻨﺎﺭ ﺗﺎﻛﻞ ﺑﻜﻠﺒﻲ ﻫﺴﺔ ﻣﻦ ﻓﻘﺪﺗﻬﺎ ﻭﺍﺣﺘﺎﺟﻴﺘﻬﺎ ﻳﺎﻟﻠﻪ ﺣﺴﻴﺖ
ﺑﻨﻌﻤﺘﻬﺎ ﻭﻋﺮﻓﺖ ﺍﻧﻲ ﺷﻜﺪ ﻣﺤﺘﺎﺟﺔ ﻟﻮﺟﻮﺩ ﺍﻣﻲ ﺑﺤﻴﺎﺗﻲ ﻻﻥ ﻣﺠﺮﺩ
ﺫﻛﺮ ﺍﺳﻤﻬﺎ ﻭﻭﺟﻮﺩﻫﺎ ﺑﺤﻴﺎﺗﻲ ﺳﻨﺪ ﻗﻮﻱ ﻟﺤﻴﺎﺗﻲ ﺍﺣﺲ ﺑﻴﻬﺎ ﻣﺎﺗﺖ
ﺯﻋﻼﻧﺔ ﻣﻨﻲ
.. ﺍﺷﺶ ﻛﺎﻓﻲ ﻟﺘﺒﺠﻴﻦ ﻣﺎﻛﻮ ﺍﻡ ﺗﺰﻋﻞ ﻋﻠﻰ ﺑﻨﺘﻬﺎ ﻟﻮ ﻣﻬﻤﺎ ﺣﺼﻞ
ﺑﻴﻨﻬﻢ ﻣﻦ ﻣﺸﺎﻛﻞ ﻳﺒﻘﻰ ﻛﻠﺐ ﺍﻻﻡ ﻣﺘﺴﺎﻣﺢ ﻭﻳﺔ ﺍﺧﻄﺎﺋﻨﺎ ﻭﺍﻧﺘﻲ
ﻫﺴﺔ ﻣﻦ ﺧﻼﻝ ﺩﺭﺍﺳﺘﺞ ﻭﺗﻔﻮﻗﺞ ﺭﺍﺡ ﺗﻜﺪﺭﻳﻦ ﺗﻔﺮﺣﻴﻦ ﻣﺎﻣﺎ
ﻣﺴﺤﺖ ﺩﻣﻮﻋﻬﺎ ﻭﻫﻲ ﺟﺎﻭﺑﺘﻨﻲ ﺑﺎﻣﻞ
.. ﻳﻌﻨﻲ ﺍﺫﺍ ﺍﻧﺠﺢ ﻭﺍﺗﻔﻮﻕ ﺍﻣﻲ ﺗﻌﺮﻑ ﺑﻴﺔ
.. ﻧﻌﻢ ﻣﻮ ﺑﺲ ﻫﺸﻜﻞ ﺍﻧﻲ ﺳﺎﻣﻌﺔ ﺍﻻﻡ ﺣﺘﻰ ﻟﻮ ﻣﻴﺘﺔ ﺗﺪﻋﻲ
ﻻﻃﻔﺎﻟﻬﺎ
ﻣﺪﻳﺖ ﺍﻳﺪﻱ ﻭﻣﺴﺤﺖ ﺩﻣﻌﺘﻬﺎ
.. ﻳﺎﻟﻠﻪ ﺷﺪﻱ ﺣﻴﻠﺞ ﻭﻓﺮﺣﻴﻨﺎ ﺑﻨﺠﺎﺣﺞ
ﻛﻤﺖ ﻣﻦ ﻳﻤﻬﺎ ﻭﺷﻠﺖ ﻣﺮﻳﻢ
....
ﻟﻠﻌﺼﺮ
ﺍﺟﺔ ﺑﺎﺑﺎ ﻭﻭﻳﺎﻩ ﻋﻤﻮ ﺍﻣﺠﺪ ﻭﺯﻭﺟﺘﻪ ﻋﻤﺔ ﺟﻨﺎﻥ
ﺍﺛﻴﺮ .. ﺑﺎﺑﺎ ﺷﻴﻤﺎﺀ ﺣﻀﺮﻱ ﺍﺧﺘﺞ ﺣﺘﻰ ﻋﻤﺞ ﻳﺎﺧﺬﻫﺎ ﻭﻳﺎﻩ
ﺭﺟﻌﺖ ﻟﻠﺨﻠﻒ ﺑﺄﻋﺘﺮﺍﺽ ﻭﺣﺠﻴﺖ ﺑﺼﻮﺕ ﻋﺎﻟﻲ ﺑﺪﻭﻥ ﺷﻌﻮﺭ
ﺷﻴﻤﺎﺀ .. ﻻ ﺑﺎﺑﺎ ﻋﻔﻴﺔ ﻻ ﺗﻨﻄﻲ ﺍﺧﺘﻨﺎ ﻟﺒﻴﺖ ﻋﻤﻮ
ﻃﻠﻌﻮﺍ ﺍﻟﺒﻨﺎﺕ ﻣﻦ ﺍﻟﻐﺮﻓﺔ ﻋﻠﻰ ﺻﻮﺗﻲ
.. ﺍﺣﺴﻨﻠﻬﺎ ﺗﺮﻭﺡ ﻫﻨﺎﻙ ﻟﺒﻴﺖ ﻋﻤﺞ ﻭﻣﺮﺕ ﻋﻤﺞ ﺗﻌﺮﻑ ﺷﻠﻮﻥ
ﺗﺪﺍﺭﻳﻬﺎ ﺍﻧﺘﻲ ﺑﻌﺪﺝ ﺻﻐﻴﺮﺓ ﻣﺎ ﺗﻌﺮﻓﻴﻠﻬﺎ
ﻣﺪ ﺍﻳﺪﻩ
.. ﻳﺎﻟﻠﻪ ﺑﺎﺑﺎ ﺍﻧﻄﻴﻨﻲ ﺍﺧﺘﺞ
ﺷﻴﻤﺎﺀ ﻭﺍﻟﺪﻣﻮﻉ ﺗﺠﺮﻱ
.. ﻻ ﻻ ﺑﺎﺑﺎ ﻋﻮﻓﻬﺎ ﻭﺍﻟﻠﻪ ﺍﻧﻲ ﺍﺩﻳﺮ ﺑﺎﻟﻲ ﻋﻠﻴﻬﺎ ﻭﻣﺎ ﺍﺧﻠﻴﻚ ﺗﺤﺲ
ﻋﻠﻴﻬﺎ
ﺻﺎﺡ ﺑﻴﻬﺎ .. ﺷﻠﻮﻥ ﻣﺎ ﺍﺣﺲ ﺑﻴﻬﺎ ﻭﻫﻲ ﺑﺲ ﻗﻮﻃﻴﺔ ﺣﻠﻴﺒﻬﺎ ﺗﻜﺴﺮ
ﺍﻟﻈﻬﺮ
ﺍﻣﺠﺪ .. ﻋﻤﻮ ﻟﺘﺨﺎﻓﻴﻦ ﺗﺮﺓ ﺍﻧﻲ ﻫﻢ ﻣﺜﻞ ﺍﺑﻮﻫﺎ ﻭﻋﻤﺘﻜﻢ ﺟﻨﺎﻥ ﻣﺜﻞ
ﺍﻣﻬﺎ ﻭﺍﻥ ﺷﺎﺀ ﺍﻟﻠﻪ ﻣﺎ ﺭﺍﺡ ﻧﻘﺼﺮ ﻭﻳﺎﻫﺎ ﻭﺍﻧﺘﻮﺍ ﺑﺄﻱ ﻭﻛﺖ ﺗﺸﺘﺎﻗﻮﻥ
ﻷﺧﺘﻜﻢ ﺗﻌﺎﻟﻮ ﺷﻮﻓﻮﻫﺎ
ﺷﻴﻤﺎﺀ ﻇﻠﺖ ﻣﺘﻤﺴﻜﺔ ﺑﺄﺧﺘﻬﺎ ﻭﻟﻤﺘﻬﺎ ﻟﺤﻈﻨﻬﺎ
ﺻﺎﺭﺕ ﺗﺘﺬﻛﺮ ﺩﻣﻌﺎﺕ ﺍﻣﻬﺎ ﻭﺧﻮﻓﻬﺎ ﻣﻦ ﻫﺎﻱ ﺍﻟﻠﺤﻈﺔ ﻭﺳﺎﻋﺘﻬﺎ
ﺣﺴﺖ ﺑﺤﺮﻛﺔ ﻛﻠﺐ ﺍﻣﻬﺎ ﻻﻥ ﺩﺗﻌﻴﺶ ﻫﺎﻱ ﺍﻟﻠﺤﻈﺔ ﻭﺗﺘﺠﺮﻉ ﻣﻨﻬﺎ
ﺍﻟﻤﺮ
ﻋﺎﻁ ﺑﻴﻬﺎ ﺍﺛﻴﺮ ﻭﻛﺎﻡ ﻳﺤﺠﻲ ﻋﻠﻴﻬﺎ
.. ﺷﻴﻤﺎﺀ ﻻ ﺗﺸﻠﻌﻴﻦ ﻛﻠﺒﻲ ﻛﺎﻓﻲ ﻋﻠﻴﺔ ﺍﻧﺘﻮﺍ ﻭﺣﻤﻠﻜﻢ
ﺗﺮﺓ ﻭﺍﻟﻠﻪ ﺑﺰﻋﺖ ﺭﻭﺣﻲ ﻣﻨﻜﻢ ﺍﺣﺲ ﺗﺘﻌﻤﺪﻭﻥ ﺗﺼﻌﺒﻮﻥ ﻋﻠﻴﺔ
ﺣﻴﺎﺗﻲ
ﺷﻴﻤﺎﺀ .. ﺑﺎﺑﺎ ﺍﻧﺖ ﻟﻴﺶ ﻛﻠﺒﻚ ﺣﺠﺮ ﻋﻠﻴﻨﺎ ﻣﺎ ﺍﺣﺲ ﺑﻴﻚ ﺍﺏ ﻭﻳﺤﻦ
ﻋﻠﻰ ﺑﻨﺎﺗﻪ
ﻣﺮﻭﺓ ﺷﺎﻓﺖ ﺍﺑﻮﻫﺎ ﺍﻗﺘﺮﺏ ﻣﻦ ﺷﻴﻤﺎﺀ ﻧﺎﻭﻱ ﻳﻀﺮﺑﻬﺎ
ﻭﻛﻔﺖ ﻛﺪﺍﻣﻪ ﻭﻛﺎﻟﺖ
.. ﺍﺫﺍ ﺍﻧﺖ ﻣﻮ ﺣﻤﻞ ﻣﺴﺆﻟﻴﺔ ﺍﻃﻔﺎﻝ ﻭﻋﺎﺋﻠﺔ ﺷﻜﻮ
ﺧﻠﻔﺘﻨﺎ
ﺿﺮﺑﻬﺎ ﺭﺍﺷﺪﻱ ﻭﻛﻌﻬﺎ ﺑﺎﻟﻜﺎﻉ ﻟﺰﻣﺖ ﺧﺪﻫﺎ ﻭﺑﺎﻭﻋﺖ ﻻﺑﻮﻫﺎ ﺑﻨﻈﺮﺓ
ﺍﻟﻢ ﺟﺎﻭﺑﺘﻪ ﺑﺪﻭﻥ ﻣﺎ ﺗﻨﺰﻝ ﻣﻨﻬﺎ ﻭﻻ ﺩﻣﻌﺔ
.. ﺻﺮﺕ ﻣﺎ ﺍﺳﺘﻐﺮﺏ ﻗﺴﻮﺗﻚ ﻋﻠﻴﻨﺎ ﻭﺍﺗﻌﺠﺐ ﺍﺫﺍ ﺑﻴﻮﻡ ﺍﺷﻮﻓﻚ
ﺗﺤﻦ ﻋﻠﻴﻨﺎ
ﺭﺍﺣﺖ ﺩﺧﻠﺖ ﻟﻐﺮﻓﺘﻬﺎ
ﺩﺍﺭ ﻭﺟﻬﻪ ﻋﻠﻰ ﺷﻴﻤﺎﺀ
.. ﻳﺎﻟﻠﻪ ﻫﺴﺔ ﺍﺣﺴﻨﻠﺞ ﻫﻴﺞ ﺍﺭﺗﺎﺣﻴﺘﻲ ﺧﻠﻴﺘﻴﻨﻲ ﺍﺿﺮﺏ ﺍﺧﺘﺞ
ﺑﺴﺒﺒﺞ ﻳﺎﻟﻠﻪ ﺷﻮ ﺍﻧﻄﻴﻨﻲ ﺍﺧﺘﺞ
ﺍﺑﺎﻭﻉ ﻋﻠﻴﻬﻢ ﺷﻠﻮﻥ ﺳﺤﺒﻮﻫﺎ
ﻣﻦ ﺑﻴﻦ ﺍﻳﺪﻳﺔ ﺍﺣﺲ ﺷﺎﻏﺖ ﺭﻭﺣﻲ ﻋﻠﻴﻬﺎ ﻭﺍﺗﺬﻛﺮﺕ ﺍﻣﻲ ﺷﻠﻮﻥ
ﺟﺎﻧﺖ ﺗﻔﺰ ﺑﺎﻟﻠﻴﻞ ﺗﺒﺠﻲ ﻭﺷﺎﻳﻠﺔ ﻫﻢ ﻫﺎﻱ ﺍﻟﻠﺤﻈﺔ ﻣﻦ ﺗﻮﻟﺪﻫﺎ
ﻭﻳﺎﺧﺬﻭﻧﻬﺎ ﻣﻨﻬﺎ ﻭﻳﻨﻄﻮﻧﻬﺎ ﻟﻌﻤﻮ ﺍﻣﺠﺪ
...
ﻭﻳﻨﺞ ﻳﻤﺔ ﺗﻌﺎﻟﻲ ﺍﻟﻲ ﺟﻨﺘﻲ ﺧﺎﻳﻔﺔ ﻣﻨﻪ ﺻﺎﺭ
ﺍﻟﻠﻪ ﺣﺎﺑﺞ ﻣﺎ ﺣﻀﺮﺗﻲ ﻫﻴﺞ ﻣﻮﻗﻒ ﻣﺠﻨﺖ ﺍﺣﺲ ﺑﻘﻬﺮﺗﺞ ﺑﻮﻛﺘﻬﺎ
ﺑﺲ ﻫﺴﺔ ﻳﺎﻟﻠﻪ ﻋﺮﻓﺖ ﻣﺮﺍﺭﺓ ﺣﺰﻧﺞ ﻣﻦ ﺍﺧﺬﻭﻫﺎ ﻣﻦ ﺣﻈﻨﻲ
................................
)) ﺭﺣﺘﻲ ﺍﻧﺘﻲ ﺳﻮﺍﺭﺍﺗﺞ ﺳﻜﺘﺖ ﺣﺰﻥ
ﺟﺎﺭﻭ ﻋﻠﻴﻬﻦ ﻇﻠﻢ ﺑﻈﻠﻢ ﻭﺗﻔﺮﻫﺪﻥ
ﺟﻨﺘﻲ ﺷﻤﻌﺔ ﺑﻴﺖ ﻭﻳﻤﺞ ﻳﻠﺘﻤﻦ ﺣﺴﻦ
ﺣﺪﻳﺜﺎﺕ ﻋﻠﻰ ﻧﻮﺭﺝ ﺍﻟﻀﺎﻭﻱ ﺗﻌﻮﺩﻥ
ﻃﻔﻴﺘﻲ ﻳﺸﻤﻌﺔ ﺍﻟﺒﻴﺖ ﻭﻣﻦ ﺑﻌﺪﺝ ﻃﻔﻦ
ﺻﻮﺕ ﺍﻟﻘﻬﺮ ﻣﺠﺮﻭﺡ ﻭﻳﻨﺎﺩﻱ ﻳﻴﻤﺔ ﺣﺰﻥ
ﺑﺲ ﺗﻌﺎﻟﻲ .. ﻳﻴﻤﺔ ﺑﺲ ﺗﻌﺎﻟﻲ
ﺑﻄﻴﻒ ﺑﺤﻠﻢ .. ﺑﺲ ﺗﻌﺎﻟﻲ
ﺍﺗﻨﻔﺲ ﻋﻄﺮ ﻫﻴﻞ ﺍﻧﻔﺎﺳﺞ ﻃﻌﻢ
ﺍﺑﻮﺱ ﻭﺭﻭﺩ ﺧﺪﻭﺩﺝ ﺍﺫﺑﻼﻧﺔ ﻭﺍﺷﻢ
ﻓﺮﺍﻛﺞ ﻳﻴﻤﺔ ﻫﺪﻡ ﺣﻴﻄﺎﻥ ﺻﺒﺮﻧﺎ ﻫﺪﻡ
ﻭﻫﺠﻢ ﺑﻴﺖ ﻓﺮﺣﻨﺎ ﺑﻬﻞ ﺍﻟﺪﻧﻴﺎ ﻫﺠﻢ
ﻣﺎﺑﻘﺖ ﻣﻨﺞ ﻳﻴﻤﺔ ﻏﻴﺮ ﺷﻮﻳﺔ ﺻﻮﺭ
ﺍﺗﻨﺴﻢ ﺑﻴﻬﺎ ﻋﻠﻰ ﻃﻴﻮﻓﺞ ﺍﻟﺤﻠﻮﺓ ﻧﺴﻢ
ﻳﻞ ﺻﻮﺭﺗﺞ ﻣﺤﻔﻮﺭﺓ ﻭﺳﻂ ﮔﻠﻴﺒﻲ ﺭﺳﻢ
ﺑﺲ ﺗﻌﺎﻟﻲ ﻳﻴﻤﺔ .. ﺑﺲ ﺗﻌﺎﻟﻲ
ﺑﻄﻴﻒ ﺑﺤﻠﻢ ...
ﺑﺲ ﺗﻌﺎﻟﻲ
ﺑﻘﻠﻢ ﻫﺪﻯ ... Hoda# ((...
.......................................
ﻣﺮﺕ ﺍﻻﻳﺎﻡ ﻭﻗﺮﺑﺖ ﺍﻟﻤﺪﺍﺭﺱ
ﻭﺍﻟﺒﻨﺎﺕ ﺍﺗﻌﻠﻤﻮﺍ ﺷﻠﻮﻥ ﻳﻌﻴﺸﻮﻥ ﺑﻬﺎﻱ ﺍﻟﺤﻴﺎﺓ ﺑﺪﻭﻥ ﻭﺟﻮﺩ ﺍﻣﻬﻢ
ﻭﺍﺗﻌﻮﺩﻭﺍ ﻋﻠﻰ ﻣﻌﺎﻣﻠﺔ ﺍﺑﻮﻫﻢ ﻳﻮﻡ ﺯﻳﻦ ﻭﻳﺎﻫﻢ ﻭﻳﻮﻡ ﺷﻴﻦ
ﺷﻴﻤﺎﺀ .. ﻫﺪﻯ ﻛﻌﺪﻱ ﻫﻢ ﻳﺎﻟﻠﻪ ﻧﺮﻭﺡ ﻟﻠﻤﺴﺘﻮﺻﻒ ﺣﺘﻰ ﺗﻠﻘﺤﻴﻦ
ﻭﻳﻤﻠﻮﻥ ﻓﺎﻳﻞ ﺍﻟﺘﺴﺠﻴﻞ
ﻛﻌﺪﺕ ﻫﺪﻯ ﻣﻦ ﺍﻟﻨﻮﻡ ﻣﻦ ﺳﻤﻌﺖ ﺑﺎﻟﺪﻭﺍﻡ ﺟﺎﻧﺖ ﻫﻮﺍﻱ ﻣﺘﻠﻬﻔﺔ
ﺭﻳﻜﺘﻬﺎ ﻭﺳﺒﺤﺘﻬﺎ ﻭﻣﺸﻄﺖ ﻭﺍﺧﺬﺗﻬﺎ ﻟﻠﻤﺴﺘﻮﺻﻒ ﺣﺘﻰ ﺍﺳﻮﻳﻠﻬﺎ
ﺍﻟﻔﺤﺺ ﺍﻟﺮﻭﺗﻴﻨﻲ ﻣﺎﻗﺒﻞ ﺍﻟﺘﺴﺠﻴﻞ ﺑﺎﻟﻤﺪﺭﺳﺔ ﻭﺑﻌﺪﻫﺎ ﺍﺧﺬﺗﻬﺎ
ﻟﻠﻤﺪﺭﺳﺔ .. ﻭﺳﺠﻠﺘﻬﺎ ﺑﻨﻔﺲ ﻣﺪﺭﺳﺔ ﺿﺤﻰ
ﻫﺪﻯ ﺟﺎﻧﺖ ﻛﻠﺶ ﻓﺮﺣﺎﻧﺔ ﻭﻣﺘﺤﻤﺴﺔ
ﻭﺷﻔﺖ ﺟﺎﺭﺗﻨﺎ ﺧﺎﻟﺔ ﺍﻡ ﻗﺎﺳﻢ ﻭﺳﻠﻤﺖ ﻋﻠﻴﻨﺎ ﺍﻧﻲ ﻭﻫﺪﻯ ﻭﺳﺄﻟﺘﻨﻲ
ﻋﻦ ﺧﻮﺍﺗﻲ
ﻭﻛﺎﻟﺖ ﺧﺎﻟﺔ ﺍﻧﻲ ﻣﺎ ﻧﺎﺳﻴﺘﻜﻢ ﺩﻭﻡ ﺍﺳﺄﻝ ﺍﺑﻮﻛﻢ ﻋﻨﻜﻢ
.. ﺗﺴﻠﻤﻴﻦ ﺧﺎﻟﺔ
.. ﺍﻣﺎﻧﺔ ﺍﺫﺍ ﺗﺤﺘﺎﺟﻮﻥ ﺷﻲ ﺍﻧﺘﻲ ﺍﻭ ﺧﻮﺍﺗﺞ ﻛﻮﻟﻲ ﺗﺮﺓ ﺍﻧﻲ ﻣﺜﻞ
ﺍﻣﻜﻢ
.. ﺧﺎﻟﺔ ﻣﺘﻘﺼﺮﻳﻦ ﺟﻤﺎﻳﻠﺞ ﻣﻐﺮﻛﺘﻨﺎ ﻭﻣﺸﻜﻮﺭﺓ ﻋﺎﻻﻛﻞ ﻭﺍﻟﻤﻼﺑﺲ
ﺍﻟﻲ ﺩﺯﻳﺘﻴﻬﻢ ﺑﻴﺪ ﺑﺎﺑﺎ ﺫﺍﻙ ﺍﻟﻴﻮﻡ
.. ﻻ ﺧﺎﻟﺔ ﻫﺬﺍ ﻭﺍﺟﺒﻨﺎ ﺍﺣﻨﺎ ﺟﻮﺍﺭﻳﻴﻦ
ﺭﺟﻌﻨﺎ ﺑﺎﻟﻄﺮﻳﻖ ﻭﻭﻛﻔﺖ ﻛﺪﺍﻣﻨﺎ ﺳﻴﺎﺭﺓ ﺍﺑﻮ ﺭﺍﺋﺪ ﺑﺲ ﺷﻔﺘﻪ
ﺍﺗﺨﺮﺑﻄﺖ ﻭﺍﻧﺨﻄﻒ ﻟﻮﻧﻲ
ﻟﺰﻣﺖ ﺍﻳﺪ ﻫﺪﻯ ﺣﻴﻞ ﻭﺍﺟﻴﺖ ﺍﻣﺸﻲ ﺻﺎﺡ ﺑﺎﺳﻤﻲ _ ﺷﻴﻤﺎﺀ ..
ﺷﻴﻤﺎﺀ
ﻭﻧﺰﻝ ﻣﻦ ﺍﻟﺴﻴﺎﺭﺓ
....
ﺍﺑﻮ ﺭﺍﺋﺪ .. ﻫﺎ ﺷﻴﻤﺎﺀ ﺷﻠﻮﻧﺞ ﺍﺷﻮ ﺑﻌﺪ ﻣﺎ ﺷﻔﻨﺎﺝ .. ﻭﺭﺑﻲ ﺷﻜﺪ
ﻣﺸﺘﺎﻗﻠﺞ ﺗﻌﺎﻟﻲ ﻟﺒﻴﺘﻨﺎ ﺍﻟﻴﻮﻡ ﺍﺭﻳﺪ ﺍﺣﺠﻲ ﻭﻳﺎﺝ ﺑﻤﻮﺿﻮﻉ ﺻﻴﺮﻱ
ﺣﺒﺎﺑﺔ ﻭﺗﻌﺎﻟﻲ ﻟﺒﻴﺘﻨﺎ
ﻣﺎ ﺟﺎﻭﺑﺘﻪ ﻭﻣﺎ ﺍﻧﻄﻴﺘﻪ ﻣﺠﺎﻝ ﻳﻜﻤﻞ ﻛﻼﻣﻪ ﻣﺸﻴﺖ ﻭﻋﻔﺘﻪ ﻭﺍﻛﻒ
ﻳﺒﺎﻭﻉ ﻋﻠﻴﻨﺎ ﺟﻨﺖ ﺍﻣﺸﻲ ﻭﺍﻃﻚ ﺭﺟﻞ ﻭﺑﺮﺟﻞ
ﺍﺭﻳﺪ ﺑﺲ ﺍﻭﺻﻞ ﻟﺒﻴﺘﻨﺎ ﻭﺍﻟﻠﻪ ﻟﻮ ﻳﻤﻮﺕ ﻣﺎ ﺍﻋﺘﺐ ﺑﺎﺏ ﺑﺘﻬﻢ
ﻛﻀﻴﺖ ﺍﻟﻨﻬﺎﺭ ﻛﻠﻪ ﺧﺎﻳﻔﺔ ﻣﻨﻪ ﺍﺣﺲ ﺑﻲ ﻧﺎﻭﻳﻠﻲ ﻫﺎﻟﻤﺮﺓ ﻋﻠﻰ ﻧﻴﺔ
ﻟﻠﻴﻞ ﺍﺟﺔ ﺑﺎﺑﺎ ﻭﻛﺎﻝ
.. ﺑﺎﺑﺎ ﺷﻴﻤﺎﺀ ﻣﻦ ﺑﺎﺟﺮ ﺗﺮﺣﻴﻦ ﻟﺒﻴﺖ ﺍﺑﻮ ﺭﺍﺋﺪ ﺗﺴﺎﻋﺪﻳﻦ ﺍﻡ ﺭﺍﺋﺪ
ﺑﺸﻐﻞ ﺍﻟﺒﻴﺖ
ﺷﻴﻤﺎﺀ .. ﻻ ﺑﺎﺑﺎ ﻣﺎ ﺍﺭﻭﺡ ﺍﺷﺘﻐﻞ ﻋﻨﺪﻫﻢ ﻣﺎﻣﺎ ﻣﻨﻌﺘﻨﻲ ﻋﻨﻬﻢ
ﻭﻛﺎﻟﺖ ﺍﻧﺘﻲ ﻛﺒﺮﺗﻲ ﻭﻣﺎﻳﺼﻴﺮ ﺑﻌﺪ ﺗﺪﺧﻠﻴﻦ ﻋﻠﻰ ﺑﻴﺘﻬﻢ
.. ﻣﻮ ﺑﻜﻴﻔﺞ ﺗﺮﺣﻴﻦ ﻭﺑﻼ ﺩﻟﻊ ﺗﺮﺓ ﺍﻧﺎ ﻣﺎﺟﺎﻱ ﺍﻟﺤﻚ ﻋﻠﻰ ﻣﺼﺮﻓﻜﻢ
ﻭﻫﺴﺔ ﺍﺟﺘﻲ ﺍﻟﻤﺪﺍﺭﺱ ﻭﻳﺤﺘﺎﺟﻠﻜﻢ ﻛﻮﻣﺔ ﻓﻠﻮﺱ
ﺑﺎﻭﻋﺖ ﺑﻮﺟﻬﻪ ﺻﻌﺒﺔ ﻋﻠﻴﺔ ﺍﻛﻮﻝ ﻟﺒﺎﺑﺎ ﻋﻦ ﺍﻟﺴﺒﺐ ﺍﻟﻲ ﻳﺨﻠﻴﻨﻲ
ﺍﺭﻓﺾ ﺍﺭﻭﺡ ﻟﺒﻴﺖ ﺍﻡ ﺭﺍﺋﺪ .. ﻭﺍﻟﻠﻪ ﺍﺳﺘﺤﻲ ﺍﻛﻠﻪ ﺑﺎﺑﺎ ﺍﺑﻮ ﺭﺍﺋﺪ
ﺍﺗﺤﺮﺵ ﺑﻴﺔ
ﻛﻤﺖ ﺍﺗﻮﺳﻞ ﻭﺍﺩﺑﺮ ﺑﺎﻻﻋﺬﺍﺭ ﻭ ﺑﺎﺑﺎ ﻣﻌﻨﺪ ﺍﻻ ﺍﺷﺘﻐﻞ
ﺍﺗﺬﻛﺮ ﻛﻼﻡ ﺍﻣﻲ ﺷﻠﻮﻥ ﺟﺎﻧﺖ ﺗﺤﺬﺭﻧﻲ ﻣﻨﻬﻢ ﻭ ﻛﻤﺖ ﺍﺑﺠﻲ ﻭﺑﻘﻴﺖ
ﻣﺘﻤﺴﻜﺔ ﺑﺎﻟﺮﻓﺾ
.. ﺑﺎﺑﺎ ﻣﺎ ﺍﺭﻭﺡ ﻟﺒﻴﺖ ﺍﻡ ﺭﺍﺋﺪ ﻟﻮ ﺍﻋﺮﻑ ﺗﻤﻮﺗﻨﻲ
ﺷﻐﻠﻨﻲ ﺑﺄﻱ ﻣﻜﺎﻥ ﻗﺎﺑﻠﺔ ﺍﻻ ﺑﻴﺖ ﺍﻡ ﺭﺍﺋﺪ ﻣﺎ ﺍﺭﻭﺡ
.. ﻟﻴﺶ ﺷﻤﺴﻮﻳﻠﺞ ﺑﻴﺖ ﺍﻡ ﺭﺍﺋﺪ
.. ﻛﻠﺸﻲ ﻣﺎﻣﺴﻮﻳﻦ ﺑﺲ ﺍﻡ ﺭﺍﺋﺪ ﺩﺍﺋﻤﺎ ﺗﻐﻠﻂ ﻋﻠﻴﺔ
ﻭﻟﻴﻠﻰ ﺑﻨﺘﻬﺎ ﺗﻌﻴﺮ ﺑﺄﺧﺘﻰ ﻣﺮﻭﺓ
ﺍﺿﻄﺮﻳﺖ ﺍﺩﺑﺮﻟﻪ ﺍﻻﻋﺬﺍﺭ ﻟﻜﻦ ﺑﺎﺑﺎ ﻣﺎ ﺍﻗﺘﻨﻊ ﻭﺻﺎﺭ ﻳﺼﻴﺢ ﻭﻳﻬﺪﺩ
.. ﺷﻮﻓﻲ ﻭﻟﺞ ﺗﺮﺣﻴﻦ ﺗﺸﺘﻐﻠﻴﻦ ﻋﻨﺪ ﺑﻴﺖ ﺍﺑﻮ ﺭﺍﺋﺪ ﻣﻦ ﺑﺎﺟﺮ ﻻ
ﻭﺍﻟﻠﻪ ﺍﻛﺴﺮ
ﺭﺍﺳﺞ ﺧﻠﻲ ﺍﺷﻮﻑ ﺑﻨﻴﺔ ﺗﻜﺴﺮ ﻛﻠﻤﺘﻲ
.. ﺑﺎﺑﺎ ﻣﻮ ﺷﻐﻠﺔ ﺍﻛﺴﺮ ﻛﻠﻤﺘﻚ ﺑﺲ ﻣﺎ ﺍﺭﻳﺪ ﺍﺭﻭﺣﻠﻬﻢ
ﻭﻫﻨﺎ ﺍﻻﺏ ﻛﺎﻡ ﺿﺮﺏ ﺷﻴﻤﺎﺀ
.. ﺷﻨﻮ ﻭﻟﺞ ﺗﺘﺤﺪﻳﻨﻲ ﻭﺗﻤﺸﻴﻦ ﻛﻼﻣﺞ ﻋﻠﻴﺔ
ﻫﺪﻯ ﺭﻛﻀﺖ ﻋﻠﻰ ﺍﺑﻮﻫﺎ ﻭﺻﺎﺭﺕ ﺗﻀﺮﺑﻪ ﻋﻠﻰ ﺭﺟﻠﻴﻪ
.. ﺑﺎﺑﺎ ﻻ ﻻ ﺗﻀﻐﺐ ﺷﻴﻤﺎﺀ
ﺩﻓﻌﻬﺎ ﻭﻃﻠﻊ
ﺟﺎﻧﺖ ﺿﺤﻰ ﺑﺲ ﺗﺒﺠﻲ
ﻣﺮﻭﺓ ﺍﻗﺘﺮﺑﺖ ﻣﻦ ﺷﻴﻤﺎﺀ
.. ﺍﻧﻲ ﻟﻮ ﻣﻨﺞ ﻣﺎ ﺍﺑﻘﻰ ﺩﻗﻴﻘﺔ ﻭﺣﺪﺓ ﺑﺎﻟﺒﻴﺖ ﻭﺍﻟﻠﻪ ﺍﺷﺮﺩ ﻭﻣﺎ ﺍﺭﺟﻊ .. ﺍﻋﻴﺶ ﻋﻨﺪﻩ ﺍﻟﻜﻼﺏ ﺍﻟﺒﺎﻟﺸﺎﺭﻉ ﺍﺭﺣﻢ ﺍﻟﻨﺎ ﻣﻦ ﺍﺑﻮﻧﺎ
....
ﻛﻤﺖ ﻣﻦ ﻣﻜﺎﻧﻲ ﻭﺑﺎﻭﻋﺖ ﻟﻀﺤﻰ
.. ﺿﺤﻰ ﺭﻭﺣﻲ ﺑﻴﺖ ﺧﺎﻟﺔ ﺍﻡ ﻓﺮﺯﺩﻕ ﻛﻠﻴﻠﻬﺎ ﺷﻴﻤﺎﺀ ﺗﺮﻳﺪﺝ ﺗﺠﻴﻦ
ﺿﺮﻭﺭﻱ ﺍﺫﺍ ﺗﻜﺪﺭ
ﺿﺤﻰ .. ﺻﺎﺭ
ﻟﻠﻌﺼﺮ ﺍﺟﺘﻲ ﺍﻡ ﻓﺮﺯﺩﻕ
ﻭﺣﺠﻴﺘﻠﻬﺎ ﺍﻟﺼﺎﺭ ﺍﺣﻨﺎ ﻣﻦ ﻳﻮﻡ ﻭﻓﺎﺓ ﻣﺎﻣﺎ ﺍﺗﻌﻠﻤﻨﺎ ﻛﻠﺸﻲ ﻳﺼﻴﺮ
ﻭﻳﺎﻧﺎ ﻧﺤﺠﻴﻪ ﻟﺨﺎﻟﺔ ﺍﻡ ﻓﺮﺯﺩﻕ
ﻫﻲ ﺧﻄﻴﺔ ﻣﺎ ﺗﺮﻛﺘﻨﺎ ﻣﻦ ﺑﻌﺪ ﻭﻓﺎﺓ ﻣﺎﻣﺎ ﺑﻴﻦ ﻓﺘﺮﺓ ﻭﻓﺘﺮﺓ ﺗﺴﺄﻝ
ﻋﻠﻴﻨﺎ
ﺑﻌﺪﻣﺎ ﻛﻠﺖ ﻟﺨﺎﻟﺔ ﺍﻡ ﻓﺮﺯﺩﻕ ﻋﺎﻟﺼﺎﺭ ﻭﻫﻲ ﺑﺎﻻﺳﺎﺱ ﺗﻌﺮﻑ ﺷﺴﻮﺓ
ﺍﺑﻮ ﺭﺍﺋﺪ ﻭﻳﺎﻳﺔ ﻗﺒﻞ ﺍﻣﻲ ﺍﻟﻠﻪ ﻳﺮﺣﻤﻬﺎ ﻛﺎﻟﺘﻠﻬﺎ .... ﻃﻠﺒﺖ ﻣﻨﻬﺎ
.. ﺧﺎﻟﺔ ﻋﻔﻴﺔ ﺷﻮﻓﻴﻠﻲ ﻧﺴﻮﺍﻥ ﺍﻟﻤﻨﻄﻘﺔ ﻣﻨﻮ ﺑﻴﻬﻢ ﺗﺤﺘﺎﺝ ﺧﻴﺎﻃﺔ ﺍﻭ
ﻃﺒﺦ ﺍﻭ ﺍﻱ ﺷﻲ ﺍﻧﻲ ﻣﺎﻣﺎ ﻋﻠﻤﺘﻨﻲ ﻋﻠﻰ ﻛﻠﺸﻲ
ﺍﺭﻳﺪ ﺍﺷﺘﻐﻞ ﺍﻱ ﺷﻲ ﺑﺲ ﺍﻫﻢ ﺷﻲ ﺍﺳﻜﺖ ﺑﺎﺑﺎ ﻭﻣﺎ ﺍﺭﻭﺡ ﺍﺷﺘﻐﻞ
ﻟﺒﻴﺖ ﺍﺑﻮ ﺭﺍﺋﺪ
ﺍﻡ ﻓﺮﺯﺩﻕ .. ﺧﻼﺹ ﻫﺬﺍ ﻫﻮ ﻣﺎ ﻋﻠﻴﺞ ﺧﺎﻟﺔ ﻣﺴﺤﻲ ﺩﻣﻮﻋﺞ ﻭﺧﻠﻲ
ﺍﺑﻮﺝ ﻋﻠﻴﺔ ﺍﻧﻲ ﺍﺣﺠﻲ ﻭﻳﺎﻩ
ﻭﺩﺍﺭﺕ ﻋﻠﻰ ﻣﺮﻭﺓ ﺗﺴﺎﻟﻬﺎ ﻋﻦ ﺩﺭﺍﺳﺘﻬﺎ ﻭﺍﻧﺪﻋﺘﻠﻬﺎ
ﻭﺿﺤﻰ ﻭﻫﺪﻯ ﻳﻠﻌﺒﻦ ﺳﻮﻳﺔ ﺑﺮﺓ ﺑﺎﻟﺒﺎﺏ
ﺩﺧﻞ ﺑﺎﺑﺎ ﻭﺷﺎﻑ ﺍﻡ ﻓﺮﺯﺩﻕ ﻭﺳﻠﻢ ﻋﻠﻴﻬﺎ
ﺍﻡ ﻓﺮﺯﺩﻕ .. ﻫﻠﺔ ﺑﻴﻚ ﺧﺎﻟﺔ ﺍﻟﻠﻪ ﺟﺎﺑﻚ ﺟﻨﺖ ﺟﺎﻳﺔ ﺣﺘﻰ ﺍﺷﻮﻓﻚ
ﻭﺍﺣﺠﻲ ﻭﻳﺎﻙ ﺑﻤﻮﺿﻮﻉ
ﺍﺛﻴﺮ .. ﺍﻣﺮﻱ ﺧﺎﻟﺔ ﺑﻴﻤﻦ ﺍﺧﺪﻣﺞ
.. ﻣﺎ ﻳﺄﻣﺮ ﻋﻠﻴﻚ ﻋﺪﻭﺍ ﺑﺲ ﺍﺫﺍ ﺗﻘﺒﻞ ﺍﺭﻳﺪ ﺷﻴﻤﺎﺀ ﺑﻨﺘﻚ
ﺗﺠﻴﻨﻲ ﻟﻠﺒﻴﺖ ﺗﺴﺎﻋﺪﻧﻲ ﺑﺪﻝ ﻣﺎ ﺗﺴﺎﻋﺪ ﺍﻡ ﺭﺍﺋﺪ ﻣﺜﻠﻤﺎ ﺗﻌﺮﻑ ﺑﻴﺔ
ﺍﻧﻲ ﻣﺮﺓ ﺟﺒﻴﺮﺓ ﻭﺍﺣﺘﺎﺝ ﻭﺍﺣﺪ ﻳﺴﺎﻋﺪﻧﻲ ﻭﻫﺎﻱ ﻣﺮﺕ ﻓﺰﺩﻕ
ﻣﺸﻐﻮﻟﺔ ﺑﺄﻭﻻﺩﻫﺎ ﻭﺍﻧﻲ ﻣﺮﻳﻀﺔ ﻭﺍﺣﺘﺎﺝ ﻭﺣﺪﺓ ﺗﻘﻴﺲ ﺿﻐﻄﻲ
ﻭﺗﻨﻄﻴﻨﻲ ﺩﻭﺍﻱ
ﺍﻟﺘﻔﺖ ﻋﻠﻰ ﺷﻴﻤﺎﺀ ﻭﻛﺎﻝ
.. ﻫﺴﺔ ﺑﻌﺪ ﻣﺎ ﺍﺿﻦ ﻋﻨﺪﺝ ﺣﺠﺔ ﺗﺮﻓﻀﻴﻦ ﺗﺸﺘﻐﻠﻴﻦ ﻋﻨﺪ ﺑﻴﺖ ﺍﻡ
ﻓﺮﺯﺩﻕ
ﺷﻴﻤﺎﺀ .. ﺍﻱ ﺍﺫﺍ ﺍﺷﺘﻐﻞ ﻋﻨﺪ ﺧﺎﻟﺔ ﺍﻡ ﻓﺮﺯﺩﻕ ﺍﻗﺒﻞ
ﺑﺎﻭﻋﺖ ﻻﻡ ﻓﺮﺯﺩﻕ ﺑﺄﻣﺘﻨﺎﻥ
ﺍﻡ ﻓﺮﺯﺩﻕ .. ﺷﻮﻓﻲ ﺧﺎﻟﺔ ﻣﻨﺎ ﻭﺭﺍﻳﺢ ﺗﺠﻴﻨﻲ ﻛﻞ ﻳﻮﻡ ﺑﻌﺪﻣﺎ ﺗﺨﻠﺼﻴﻦ
ﺷﻐﻠﺞ ﺑﺒﻴﺘﻜﻢ ﻭﺗﻜﻤﻠﻴﻦ ﻛﻠﺸﻲ ﺗﻤﺮﻳﻦ ﻋﻠﻴﺔ ﺳﺎﻋﺘﻴﻦ ﺗﺸﻮﻓﻴﻨﻲ
ﺷﻨﻮ ﺍﺣﺘﺎﺝ ﻭﺗﺮﺟﻌﻴﻦ ﻣﺎ ﺭﺍﺡ ﺍﺗﻌﺒﺞ
....
ﻳﺎﻟﻠﻪ ﻫﺴﺔ ﺍﻧﻲ ﺭﺍﻳﺤﺔ ﺑﻌﺪ ﻣﺎ ﺍﻭﺻﻴﻜﻢ ﺻﻴﺮﻭﺍ ﺣﺒﺎﺑﺎﺕ
ﺭﺍﺣﺖ ﺍﻡ ﻓﺮﺯﺩﻕ
ﻭﺍﺟﺔ ﺑﺎﺑﺎ ﻛﺎﻝ
.. ﺣﻀﺮﻱ ﻧﻔﺴﺞ ﻭﺧﻮﺍﺗﺞ ﺍﺧﺬﻛﻢ ﺗﺸﺘﺮﻭﻥ ﻣﻼﺑﺲ ﺍﻟﻤﺪﺭﺳﺔ ﻻﻥ
ﺍﺑﻮ ﻗﺎﺳﻢ ﺍﻟﻴﻮﻡ ﺍﻧﻄﺎﻧﻲ ﻋﻼﻭﺓ ﻋﺎﻟﺮﺍﺗﺐ ﻭﻛﺎﻝ ﺍﺷﺘﺮﻱ ﻟﺒﻨﺎﺗﻚ
ﻣﻼﺑﺲ ﻟﻠﻤﺪﺭﺳﺔ
ﻓﺮﺣﻮ ﺍﻟﺒﻨﺎﺕ ﻭﺣﻀﺮﻭﺍ ﺭﻭﺣﻬﻢ
ﻭﻫﺪﻯ ﺧﻄﻴﺔ ﻣﺎ ﺷﺎﻳﻠﺘﻬﺎ ﺍﻟﻜﺎﻉ ﻣﻤﺼﺪﻛﺔ ﺍﺷﺘﺮﺍﻟﻬﺎ ﺑﺎﺑﺎ ﻣﻼﺑﺲ
ﺍﻟﻤﺪﺭﺳﺔ ﻭﺟﻨﻄﺔ ﻭﻛﺎﻝ ﺍﻧﺘﻮ ﻋﻨﺪﻛﻢ ﺟﻨﻂ ﻣﺎ ﺍﺷﺘﺮﻳﻠﻜﻢ ﺿﺤﻰ
ﺍﻋﺘﺮﺿﺖ
.. ﺑﺎﺑﺎ ﺍﻧﻲ ﺟﻨﻄﻲ ﺗﻌﺒﺎﻧﺔ ﺍﺭﻳﺪ ﻭﺣﺪﺓ ﺟﺪﻳﺪﺓ
ﺷﻴﻤﺎﺀ .. ﺿﺤﻰ ﺍﺧﺬﻱ ﺟﻨﻄﺘﻲ ﻣﺎﻟﺖ ﺍﻟﻌﺎﻡ ﺍﻧﻲ ﻫﺎﻟﺴﻨﺔ
ﺍﺣﻂ ﻛﺘﺒﻲ ﺑﺎﻟﻠﻔﻜﺲ ﺑﻌﺪ ﻣﺎ ﺍﺷﻴﻞ ﺟﻨﻄﺔ
ﻋﺪﺕ ﺍﻻﻳﺎﻡ ﻭ ﺑﺪﺕ ﺍﻟﻤﺪﺍﺭﺱ ﻭﺍﻟﺒﻨﺎﺕ ﻛﺎﻣﻮﺍ ﻳﺪﺍﻭﻣﻮﻥ ﻭﻣﺮﻭﺓ ﻛﻠﺶ
ﻣﺘﺠﻨﺪﺓ ﺧﺎﻑ ﺟﺎﻧﺖ ﺗﻜﻌﺪ ﻭﻳﺎﻧﺔ ﻗﺒﻞ ﻭﺗﺴﻮﻟﻒ ﻭﻳﺎﻱ ﻋﻦ ﻳﻮﻣﻬﺎ
ﻫﺎﻟﻤﺮﺓ ﻣﺎﻛﻮ ﺍﺑﺪ ﻣﻨﺸﻮﻓﻬﺎ ﺍﻻ ﻣﻦ ﺗﺮﻳﺪ ﺗﺎﻛﻞ
ﺑﺲ ﻣﻴﺨﺎﻟﻒ ﺍﻥ ﺷﺎﺀ ﺍﻟﻠﻪ ﺭﺑﻲ ﻣﺎ ﻳﻀﻴﻌﻠﻬﺎ ﺗﻌﺐ
ﺍﻧﻲ ﺻﺮﺕ ﺍﺩﺍﻭﻡ ﺑﺄﻋﺪﺍﺩﻳﺔ ﺍﻟﺘﻤﺮﻳﺾ ﺑﺎﻟﻴﺮﻣﻮﻙ ﺗﺼﻴﺮ ﻗﺮﻳﺒﺔ ﻋﻠﻴﺔ ﻭ
ﻛﻞ ﻳﻮﻡ ﻣﻦ ﺍﺣﻞ ﻣﻦ ﺍﻟﺪﻭﺍﻡ ﺍﻛﻤﻞ ﺷﻐﻠﻲ ﺑﺎﻟﺒﻴﺖ ﻭﺍﻏﺪﻱ ﺍﻟﺒﻨﺎﺕ
ﻭﺍﺭﻭﺡ ﻟﺒﻴﺖ ﺍﻡ ﻓﺮﺯﺩﻕ
ﺍﻡ ﻓﺮﺯﺩﻕ .. ﺧﺎﻟﺔ ﺷﻮﻣﺔ ﺍﻧﺘﻲ ﻣﻮ ﺍﻻ ﻛﻞ ﻳﻮﻡ ﺗﺠﻴﻨﻲ
ﺗﺮﺓ ﺍﻧﻲ ﻣﺎ ﺍﻗﺘﺮﺣﺖ ﻫﺎﻻﻗﺘﺮﺍﺡ ﺍﻻ ﻋﻠﻤﻮﺩ ﺍﺑﻮﺝ ﻳﻜﻒ ﻣﻦ ﻋﻨﺪﺝ
ﻭﻳﻨﺴﻰ ﻓﻜﺮﺕ ﻳﺸﻐﻠﺞ ﻋﻨﺪ ﺑﻴﻦ ﺍﻡ ﺭﺍﺋﺪ ﺗﺮﺓ ﺍﻧﻲ ﻣﻤﺤﺘﺎﺟﺔ ﺍﺣﺪ
ﻳﺴﺎﻋﺪﻧﻲ ﻭﻟﺪﻱ ﻛﺎﻳﻤﻴﻦ ﺑﻮﺍﺟﺒﻲ ﻭﺧﻴﺮ ﻣﻦ ﻣﺎ ﺧﺎﻟﻴﻨﻲ ﺍﺣﺘﺎﺝ ﺷﻲ
ﺍﻧﻲ ﺍﻋﺮﻑ ﺍﺑﻮﺝ ﻛﻠﺶ ﺯﻳﻦ ﻣﺎ ﺭﺍﺡ ﻳﺘﺮﻛﺞ ﺣﺘﻰ ﻟﻮ ﺍﺟﺮﻳﺘﻠﻜﻢ ﺭﺍﺗﺐ
ﻫﻢ ﺭﺍﺡ ﻳﻈﻞ ﻳﻠﺢ ﺣﺘﻰ ﺗﺸﺘﻐﻠﻴﻦ ﻭﺗﺠﻴﺒﻴﻦ ﻓﻠﻮﺱ ﺯﺍﻳﺪ ﺧﻴﺮ
.. ﺧﺎﻟﺔ ﻣﺎ ﺍﻋﺮﻑ ﻭﻳﻦ ﺍﻭﺩﻱ ﺟﻤﺎﻟﻴﺞ ﻭﺷﻠﻮﻥ ﺍﺟﺎﺯﻳﺞ
.. ﺍﻧﺘﻲ ﺭﻳﺤﺔ ﺍﻟﻐﺎﻟﻴﺔ ﺍﻣﺞ ﺟﻨﺎ ﻧﺤﺠﻲ ﻭﺩﺧﻞ ﻋﻠﻴﻨﺎ ﻋﻤﻮ ﻓﺮﺯﺩﻕ
ﻭﺍﺑﻨﻪ ﺍﻟﻜﺒﻴﺮ ﺻﻬﻴﺐ ﻫﺬﺍ ﺍﻟﻮﻟﺪ ﺩﺍﺋﻤﺎ ﺟﺎﻥ ﻳﻮﺻﻞ ﺧﺎﻟﺔ ﺍﻡ ﻓﺮﺯﺩﻕ
ﻟﺒﻴﺘﻨﺎ
ﻓﺮﺯﺩﻕ .. ﻫﻼ ﻋﻤﻮ ﺷﻴﻤﺎﺀ ﺷﻠﻮﻧﺞ ﺧﻮﺍﺗﺞ ﺷﻠﻮﻧﻬﻢ
.. ﺍﻟﺤﻤﺪﻟﻠﻪ ﺑﺨﻴﺮ
.. ﺍﻣﺎﻧﺔ ﻋﻤﻮ ﺍﺫﺍ ﺗﺤﺘﺎﺟﻴﻦ ﺷﻲ ﺍﻟﺞ ﻟﺨﻮﺍﺗﺞ ﻣﺎ ﻳﺮﺩﺝ ﺍﻟﺴﺎﻧﺞ
....
ﺟﺎﻥ ﻳﺤﺠﻲ ﻭﺑﻌﻴﻮﻧﻪ ﻧﻈﺮﺓ ﻏﺮﻳﺒﺔ ﺻﺤﻴﺢ ﻋﻄﻒ ﺑﺲ ﻭﻳﺎﻫﺎ ﺣﺴﺮﺓ
ﻣﺎ ﺍﻓﺘﻬﻤﺖ ﻋﻠﻴﻪ ﻫﻮ ﻟﻴﺶ ﻫﺸﻜﻞ ﺩﺍﺋﻤﺎ ﻳﺤﻦ ﻋﻠﻴﻨﺎ ﺍﻧﻲ ﻭﺧﻮﺍﺗﻲ
ﺑﺲ ﻛﻠﺒﻲ ﻣﺄﻣﻦ ﻣﻦ ﻧﺎﺣﻴﺘﻪ
ﻻﻥ ﻛﺎﻥ ﺭﺟﻞ ﻃﻴﺐ ﻭﺍﻓﻀﺎﻟﻪ ﺍﻟﻲ ﻳﻘﺪﻣﻬﺎ ﺍﻟﻲ ﻭﻟﺨﻮﺍﺗﻲ ﻣﺎ ﻭﺭﺍﻫﺎ
ﻏﺎﻳﺔ ﺍﻭ ﻃﻤﻌﺎﻥ ﺑﻴﻨﺎ ﻣﺜﻞ ﺍﺑﻮ ﺭﺍﺋﺪ ﻻ ﺑﺎﻟﻌﻜﺲ
ﺟﺎﻥ ﺣﺮﻳﺺ ﻋﻠﻴﻨﺎ
.. ﺗﺴﻠﻢ ﻋﻤﻮ ﺭﺑﻲ ﻳﻄﻮﻝ ﻋﻤﺮﻙ ﺍﻧﺖ ﻭﺧﺎﻟﺔ ﺍﻓﻀﺎﻟﻜﻢ ﻣﻐﺮﻛﺘﻨﺎ
.. ﻋﻤﻮ ﺍﻧﺘﻮﺍ ﺭﻳﺤﺔ ﺍﻟﻐﺎﻟﻴﺔ ﺍﻣﻜﻢ
ﻣﺎ ﺍﻓﺘﻬﻤﺖ ﻋﻠﻴﻪ ﺑﺲ ﻫﺎﻱ ﺍﻟﻜﻠﻤﺔ ﺍﺗﻌﻮﺩﺕ ﺍﺳﻤﻌﻬﺎ ﻣﻦ ﺧﺎﻟﺔ ﺍﻡ
ﻓﺮﺯﺩﻕ ( ﺍﻧﺘﻮﺍ ﻣﻦ ﺭﻳﺤﺔ ﺍﻟﻐﺎﻟﻴﺔ )
ﻳﻤﻜﻦ ﻫﻮ ﻣﺜﻞ ﺧﺎﻟﺔ ﻳﻌﺰ ﺍﻣﻲ
ﺭﺟﻌﺖ ﻟﻠﺒﻴﺖ ﻭﺷﻔﺖ ﻫﺪﻯ ﻣﺒﺴﻄﺔ ﺑﻜﺘﺒﻬﺎ ﺗﺪﺭﺱ ﺑﺲ ﺑﻄﺮﻳﻘﺘﻬﺎ
ﺍﻟﺨﺎﺻﺔ
ﻻﺑﺴﺔ ﺣﺬﺍﺋﻲ ﺍﻟﻜﻌﺐ ﻭﺭﺍﻓﻌﺔ ﺷﻌﺮﻫﺎ ﻭﻣﻌﺪﻟﺔ ﺛﻮﺑﻬﺎ ﺑﻮﺿﻌﻴﺔ
ﺍﻟﻜﺸﺨﺔ ﺍﻟﺸﺨﺼﻴﺔ ﺣﺬﺍﺋﻲ ﻛﺒﻴﺮ ﻋﻠﻰ ﺭﺟﻠﻬﺎ
ﺟﺎﻧﺖ ﺗﻜﺘﺐ ﻋﻠﻰ ﺑﺎﺏ ﺍﻟﻐﺮﻓﺔ ﺑﺎﻟﻄﺒﺎﺷﻴﺮ
ﻭﻻﺯﻣﺔ ﻋﺼﺔ ﻭﺗﺤﺠﻲ ﺑﺼﻮﺕ ﻋﺎﻟﻲ ﻋﻠﻰ ﺍﺳﺎﺱ ﻛﺎﻋﺪﺓ ﺗﻌﻠﻢ
ﺑﺎﻟﻄﻼﺏ ﺍﻟﻮﻫﻤﻴﻴﻦ ﺍﻟﻲ ﺩﺗﺪﺭﺳﻬﻢ
ﻫﺪﻯ ﺍﻟﻴﻮﻡ ﺟﺎﻳﺒﺔ ﺩﻭﺭ ﺍﻟﻤﻌﻠﻤﺔ
ﺑﺎﻭﻋﺖ ﻋﻠﻰ ﺍﻟﺒﺎﺏ ﻣﻠﻴﺎﻥ ﺷﺨﺎﺑﻴﻂ ﻃﺒﺎﺷﻴﺮ
.. ﻟﺞ ﻫﺪﻯ ﺷﻤﺴﻮﻳﺔ
.. ﺩﺍﺍﺩﻏﺲ ( ﺍﺩﺭﺱ )
.. ﻫﻮ ﻫﻴﺞ ﺍﻟﻴﺪﺭﺱ ﺑﺎﻟﻠﻪ ﺷﻮ ﻧﺰﻋﻲ ﺣﺬﺍﺋﻲ ﻣﻮ ﺑﺎﺟﺮ ﺍﻛﻌﺪ ﺍﻟﺼﺒﺢ
ﺍﺩﻭﺭ ﻋﻠﻴﻪ ﻣﺎ ﺍﻟﻜﺎﻩ
.. ﻫﺴﺔ ﺑﺲ ﺍﺧﻠﺺ ﺍﻏﺠﻌﺔ ( ﺍﺭﺟﻌﻪ ) ﻟﻤﻜﺎﻧﻪ
ﻳﺎﻟﻠﻪ ﻏﻮﺣﻲ ﻻ ﺗﺒﺎﻭﻋﻴﻦ ﻋﻠﻴﺔ
ﻫﺰﻳﺖ ﺍﻳﺪﻱ ﻭﺭﺣﺖ ﺍﺷﻮﻑ ﺍﻟﺒﻘﻴﺔ ﺷﻨﻮ . ﺩﻳﺴﻮﻭﻥ
ﺩﺧﻠﺖ ﻋﻠﻰ ﻣﺮﻭﺓ ﺷﻔﺘﻬﺎ ﻣﺜﻞ ﻛﻞ ﻣﺮﺓ ﻏﺎﻃﺔ ﺑﺎﻟﺪﺭﺍﺳﺔ
ﺩﻭﺭﺕ ﻋﻠﻰ ﺿﺤﻰ ﺷﻔﺘﻬﺎ ﻛﺎﻋﺪﺓ ﺑﻐﺮﻓﺔ ﻣﺎﻣﺎ
ﻣﻜﺎﺑﻠﺔ ﺍﻟﻤﺮﺍﻳﺔ ﻭﺗﻌﺪﻝ ﺑﺸﻌﺮﻫﺎ
.. ﺍﻛﻮﻝ ﺳﺖ ﺿﺤﻰ ﺍﺷﻮ ﻫﺎﻱ ﺍﻻﻳﺎﻡ
ﻣﺎﻛﻮ ﺩﺭﺍﺳﺔ ﻣﺎ ﺣﺎﻱ ﺍﺷﻮﻓﺞ ﺗﺪﺭﺳﻴﻦ
ﺿﺤﻰ .. ﻣﺎ ﻋﺪﻧﺎ ﺩﺭﺍﺳﺔ
ﺷﻴﻤﺎﺀ .. ﺷﻮﻓﻲ ﻟﺞ ﺍﺫﺍ ﺍﺳﺄﻝ ﺍﺳﺮﺍﺀ ﺑﻨﺖ ﺍﺑﻮ ﻗﺎﺳﻢ ﻭﺗﻜﻠﻲ ﻋﻨﺞ
ﻛﺴﻮﻟﻲ ﺻﺪﻛﻲ ﺍﺷﻠﻊ ﺍﺫﺍﻧﺎﺗﺞ
ﺍﺗﻐﻴﺮ ﻟﻮﻥ ﻭﺟﻬﻬﺎ ﻣﻦ ﺳﻤﻌﺖ ﻛﻼﻡ ﺍﺧﺘﻬﺎ
ﺿﺤﻰ ﻛﻠﺶ ﺷﻔﺎﻓﺔ ﻭﻳﺒﻴﻦ ﻋﻠﻴﻬﺎ ﺍﻟﻜﺬﺏ ﺑﺴﺮﻋﺔ
ﺩﻧﻜﺖ .. ﺳﺄﻟﻴﻬﺎ
ﺷﻴﻤﺎﺀ .. ﺧﻼﺹ ﻟﻌﺪ ﺭﺍﻳﺤﺔ ﻟﺒﻴﺘﻬﻢ ﻭﺍﺳﺄﻟﻬﺎ ﺑﺲ ﻣﺘﻠﻮﻣﻴﻦ ﺍﻻ
ﻧﻔﺴﺞ ﺍﺫﺍ ﻛﺎﻟﺖ ﻏﻴﺮ ﺷﻲ
ﺩﺭﺕ ﻭﺟﻬﻲ ﺍﺟﻴﺖ ﺍﻃﻠﻊ ﺻﺎﺣﺖ ﻭﺭﺍﻱ
.. ﺷﻴﻤﺎﺀ ﻟﺤﻈﺔ ﻟﺘﺮﻭﺣﻴﻦ
ﺍﻟﺘﻔﺘﺖ ﻋﻠﻴﻬﺎ ﺑﺎﻭﻋﺘﻠﻲ ﺑﺘﺮﺩﺩ
.. ﺍﺣﺠﻲ ﺷﻨﻮ ﺗﺮﺩﻳﻦ
.. ﺍﻧﻲ ﻣﻮ ﺷﺎﻃﺮﺓ ﺑﺎﻟﻤﺪﺭﺳﺔ
.. ﻋﺰﺓ ﺑﻌﻴﻨﻴﺞ ﻟﻴﺶ ﻭﻟﺞ ﻣﺘﻜﻮﻟﻴﻦ ﻣﺘﺤﺠﻴﻦ ﺣﺘﻰ ﺍﺩﺭﺳﺞ
ﻣﺜﻠﻤﺎ ﺍﺩﺭﺱ ﻫﺪﻯ
.. ﻣﺎ ﺍﺣﺐ ﺍﻟﺪﺭﺍﺳﺔ ﺍﻛﺮﻫﺎ
...
ﺍﻧﺠﺒﻲ ﻣﺎﻏﺼﺒﻦ ﻋﻠﻴﺞ ﺗﺪﺭﺳﻴﻦ ﻣﻮ ﺑﻜﻴﻔﺞ ﺳﺎﻣﻌﺔ
ﺍﻟﺒﻨﺎﺕ ﺿﺤﻰ ﻭﻣﺮﻭﺓ ﻭﻫﺪﻯ ﻳﺨﺎﻓﻮﻥ ﻣﻦ ﺷﻴﻤﺎﺀ ﺍﺫﺍ ﺗﺘﻮﻋﺪﻟﻬﻢ ﻻﻥ
ﻣﺘﺘﻮﺍﻧﺎ ﺣﺘﻰ ﺗﻀﺮﺑﻬﻦ ﻋﺎﻟﺨﻄﺎﺀ
.. ﻳﺎﻟﻠﻪ ﺷﻮ ﺍﺗﺤﺮﻛﻲ ﻛﺪﺍﻣﻲ ﻋﻠﻰ ﺩﺭﻭﺳﺞ
ﻭﺍﻟﻠﻪ ﻧﻮﺏ ﺍﺫﺍ ﺷﻔﺘﺞ ﻣﻜﺎﺑﻠﺔ ﺍﻟﻤﺮﺍﻳﺎ ﻭﻛﺎﻋﺪﺓ ﺗﻌﺪﻟﻴﻦ ﺑﺸﻌﺮﺝ
ﺍﻛﺼﻪ ﻟﺸﻌﺮﺝ ﻭﺍﺧﻠﻴﺞ ﻣﺜﻞ ﺍﻟﻮﻟﺪ
ﻟﺰﻣﺖ ﻇﻔﺎﻳﺮﻫﺎ ﺧﺎﻳﻔﺔ
.. ﻫﺬﺍ ﻫﻮ ﺧﻼﺹ
ﺿﺤﻰ ﺍﺟﻤﻞ ﻭﺣﺪﺓ ﺑﻴﻨﺎ ﻭﻫﻮﺍﻱ ﺑﻴﻬﺎ ﺷﺒﻪ ﻣﻦ ﺍﻣﻲ ﺍﻟﻠﻪ ﻳﺮﺣﻤﻬﺎ
ﺑﻌﺪﻫﺎ ﻫﺪﻯ ﺗﺠﻲ ﺑﺎﻟﺠﻤﺎﻝ
ﻭﺍﻟﻠﻪ ﺣﺴﻴﺖ ﺑﻴﻬﺎ ﺗﺘﻬﺮﺏ ﻣﻦ ﺍﻟﺪﺭﺍﺳﺔ ﺑﺲ ﺟﻨﺖ ﺣﻴﻞ ﻣﺸﻐﻮﻟﺔ
ﻋﻨﻬﺎ ﺑﺬﻳﺞ ﺍﻻﻳﺎﻡ ﺍﻟﻔﺎﺗﺖ
ﻻﻥ ﺩﺧﻠﺖ ﺍﻋﺪﺍﺩﻳﺔ ﺍﻟﺘﻤﺮﻳﺾ ﻭﻳﺎﺩﻭﺏ ﺍﺭﺟﻊ ﻭﺍﻛﻤﻞ ﺷﻐﻞ ﺍﻟﺒﻴﺖ
ﻭﺍﻃﺒﺦ ﻭﺍﺭﻭﺡ ﺑﻌﺪﻫﺎ ﻟﺒﻴﺖ ﺍﻡ ﻓﺮﺯﺩﻕ
ﻟﺬﻟﻚ ﻣﺎ ﻓﺮﻏﺖ ﺍﻧﺘﺒﻪ ﻟﺪﺭﺍﺳﺘﻬﻢ
ﺑﺲ ﻫﺴﺔ ﺑﻌﺪ ﻛﻼﻡ ﺍﻡ ﻓﺮﺯﺩﻕ ﺻﺎﺭ ﻋﻨﺪﻱ ﻭﻗﺖ ﻫﻮﺍﻱ
ﺍﻟﺤﻚ ﺍﺩﺭﺱ ﻭﺍﺩﺭﺱ ﺧﻮﺍﺗﻲ ﻭﺍﻛﻤﻞ ﺷﻐﻞ ﺍﻟﺒﻴﺖ
ﻭﺍﺗﻔﻘﺖ ﻭﻳﺎﻫﺎ ﺑﻴﻦ ﻳﻮﻡ ﻭﻳﻮﻡ ﺍﻣﺮ ﻋﻠﻴﻬﺎ ﺍﺷﻮﻓﻬﺎ ﺷﻤﺤﺘﺎﺟﺔ
ﺟﻨﺖ ﻛﺎﻋﺪﺓ ﺍﻏﺴﻞ ﻣﻼﺑﺲ ﺑﺎﻟﺤﻤﺎﻡ
ﻭﺍﺟﺘﻲ ﻫﺪﻯ ﺗﺮﻛﺾ ﻭﺍﻧﻔﺎﺳﻬﺎ ﺳﺮﻳﻌﺔ
ﺣﺠﺖ ﺑﺼﻮﺕ ﻧﺎﺻﻲ
.. ﺷﻴﻤﺎﺀ ﻟﺤﻜﻲ ﺳﻤﻌﺖ ﺑﺎﺑﺎ ﻭﻋﻤﻮ ﺍﻣﺠﺪ ﻳﺘﻌﺎﻏﻜﻮﻥ ( ﻳﺘﻌﺎﺭﻛﻮﻥ )
.. ﻋﻠﻰ ﺷﻨﻮ ﻳﺘﻌﺎﺭﻛﻮﻥ
.. ﺳﻤﻌﺘﻪ ﻳﻜﻮﻝ ﻟﺒﺎﺑﺎ ﻟﻴﺶ ﺭﺟﻌﺖ ﺗﻤﺸﻲ ﻭﻳﺔ ﺍﻟﺸﻠﺔ ﺍﻟﺘﻌﺒﺎﻧﺔ
ﻭﺗﺎﻟﻲ ﻭﻳﺎﻙ ﻣﺘﺒﻄﻞ ﻣﻦ ﻫﺬﺍ ﺍﻟﻄﺮﻳﻖ
ﺑﺎﺑﺎ ﻛﻠﻪ ﺍﻣﺠﺪ ﺍﻧﺖ ﺍﻃﻠﻊ ﻣﻦ ﺍﻟﺴﺎﻟﻔﺔ ﻫﺎﻱ ﺣﻴﺎﺗﻲ ﻭﺍﻧﻲ ﺣﺮ ﺑﻴﻬﺎ
ﻋﻤﻮ ﻛﻠﻪ ﺍﺫﺍ ﻫﺸﻜﻞ ﻟﻌﺪ ﺭﺍﺡ ﺍﺳﺤﺐ ﺍﻟﺒﻨﺎﺕ ﻣﻨﻚ ﻭﺍﻧﻄﺮﺩﻙ ﻣﻦ
ﺍﻟﻌﺸﻴﺮﺓ ﻧﻜﺘﺐ ﺑﻴﻚ ﺗﺒﺮﺍﺀﺓ
ﻣﺎﻣﺴﺘﻌﺪ ﺍﻧﺘﻈﺮﻙ ﺗﺠﻴﺐ ﻓﻮﻙ ﺭﺍﺳﻲ ﻣﺼﻴﺒﺔ
ﻣﺜﻞ ﺫﻳﺞ ﺍﻟﻤﺮﺓ ﻭﻫﺬﻭﻟﻲ ﺍﻟﺠﻤﺎﻋﺔ ﺍﻟﻲ ﻣﺮﺍﻓﻘﻬﻢ ﻭﺻﺨﻴﻦ
.. ﻫﺬﻭﻟﻲ ﺍﻟﺘﺤﺠﻲ ﻋﻨﻬﻢ ﺟﻤﺎﻋﺘﻲ ﻣﺎ ﻳﺮﺑﻄﻨﻲ ﻭﻳﺎﻫﻢ ﺷﻐﻞ
ﺑﺲ ﺳﻬﺮﺓ ﺗﺎﻟﻲ ﺍﻟﻠﻴﻞ
ﺍﻣﺠﺪ .. ﺷﻮﻑ ﺍﺛﻴﺮ ﻭﺭﺏ ﺍﻟﻜﻌﺒﺔ ﻟﻮ ﺑﺲ ﺍﺷﻢ ﺭﻳﺤﺔ
ﺍﻥ ﺍﻧﺖ ﺭﺍﺟﻊ ﻟﻠﺸﺮﺏ ﺍﻭ ﻟﺴﻮﺍﻟﻔﻚ ﺍﻟﺘﻌﺒﺎﻧﺔ ﺻﺪﻛﻨﻲ ﺍﺳﺤﺐ ﻣﻨﻚ
ﺑﻨﺎﺗﺞ ﻭﺍﺧﻠﻲ ﻋﻠﻲ ﻳﻄﺮﺩﻙ ﻣﻦ ﺍﻟﺒﻴﺖ
ﺍﺛﻴﺮ .. ﺷﻮﻑ ﻟﻚ ﺍﻧﺎ ﻣﺎ ﺧﺎﻳﻒ ﻣﻨﻚ ﺍﻧﺎ ﻟﻮ ﺍﺭﻳﺪ ﺍﺳﻮﻱ ﺷﻲ ﻣﺤﺪ
ﻳﻤﻨﻌﻨﻲ ﺳﺎﻣﻊ
ﺍﻣﺠﺪ .. ﺷﻮﻑ ﺍﻧﻲ ﻋﻨﻲ ﺣﺬﺭﺗﻚ ﻣﻮ ﺗﻜﻮﻝ ﻣﺎ ﻛﺎﻝ ﺍﻣﺠﺪ
.....
....
ﺷﻴﻤﺎﺀ .. ﻭﻫﺴﺔ ﻋﻤﻮ ﺍﻣﺠﺪ ﻭﻳﻦ ﺑﻌﺪﻩ ﻣﻮﺟﻮﺩ ﻟﻮ ﺭﺍﺡ
.. ﻏﺎﺡ ( ﺭﺍﺡ ) ﺯﻋﻼﻥ
.. ﺍﻭﻑ ﻳﺎﺭﺑﻲ ﻣﻌﻘﻮﻟﺔ ﺑﺎﺑﺎ ﻟﻬﺎﻱ ﺍﻟﺪﺭﺟﺔ ﻭﺍﺻﻠﺔ ﺑﻴﻪ ﺍﻟﻤﻮﺍﺻﻴﻞ ﻣﺎ
ﻳﻬﺘﻢ ﺑﺴﻤﻌﺘﻨﺎ
ﺻﺮﺕ ﻛﻞ ﻳﻮﻡ ﺍﺭﺍﻗﺐ ﺑﺎﺑﺎ ﻣﻦ ﻳﺮﺟﻊ ﺑﺘﺎﻟﻲ ﺍﻟﻠﻴﻞ
ﺑﺲ ﺍﻟﺤﻤﺪﻟﻠﻪ ﻳﺮﺟﻊ ﻣﺎ ﺑﻲ ﺷﻲ
ﻭﻫﻮ ﺍﺻﻼ ﻳﺸﺘﻐﻞ ﺣﺎﺭﺱ ﻋﻨﺪ ﺑﻴﺖ ﺍﺑﻮ ﻗﺎﺳﻢ ﻳﻌﻨﻲ ﻣﺎ ﺑﻴﻬﺎ ﻣﺠﺎﻝ
ﻳﺴﻜﺮ ﺣﺘﻰ ﻣﻴﺨﺴﺮ ﺷﻐﻠﻪ ﻭﻳﻨﻄﺮﺩ
ﺻﺮﺕ ﺍﺷﻴﻞ ﻫﻢ ﻛﻠﻤﺎ ﺑﺎﺑﺎ ﻳﺘﺄﺧﺮ ﻋﻠﻴﻨﺎ
..........
ﻣﺮﻭﺓ .. ﻫﺬﺍ ﺷﻨﻮ ﺍﻟﻤﺴﻮﺍﻙ ﻛﻠﺶ ﻫﻮﺍﻱ ﺷﺮﺍﺡ ﺗﻄﺒﺨﻴﻦ ﺍﻟﻴﻮﻡ
ﺷﻴﻤﺎﺀ .. ﺍﻟﻴﻮﻡ ﺑﺮﺟﻌﺘﻲ ﻣﻦ ﺍﻟﺪﻭﺍﻡ ﺭﺣﺖ ﻋﺎﻟﺴﻮﻙ ﻭﻗﺮﺭﺕ ﺍﺧﺬ
ﻣﻦ ﺍﻟﻔﻠﻮﺱ ﺍﻟﻤﺠﻤﻌﺘﻬﻢ ﺍﻟﺞ ﻭﺍﺗﺴﻮﻛﺖ
ﺣﺘﻰ ﺍﻃﺒﺦ ﺍﻟﺜﻮﺍﺏ ﻟﻤﺎﻣﺎ ﻟﺘﻨﺴﻴﻦ ﺍﻟﻴﻮﻡ ﺩﻭﺭﺍﻥ ﺍﻟﺴﻨﺔ ﺍﻟﺜﺎﻧﻴﺔ
ﻋﻠﻰ ﻭﻓﺎﺗﻬﺎ ﺍﻟﻠﻪ ﻳﺮﺣﻤﻬﺎ
ﻗﺮﺭﺕ ﺍﻃﺒﺦ ﻭﺍﻭﺯﻉ ﻟﻠﻨﺎﺱ ﺣﺘﻰ ﻟﻮ ﺷﻲ ﺑﺴﻴﻂ ﺑﺲ ﻣﻴﺨﺎﻟﻒ ﺍﻫﻢ
ﺷﻲ ﻧﺘﺬﻛﺮﻫﺎ ﺧﻄﻴﺔ ﺍﻣﻲ
ﻣﺮﻭﺓ .. ﺍﻟﻠﻪ ﻳﺮﺣﻤﻬﺎ ﻭﻳﻄﻴﺐ ﺭﻭﺣﻬﺎ ﺍﻟﺠﻨﺔ
ﺷﻴﻤﺎﺀ ﻋﻔﻴﺔ ﻭﻳﺎﺝ ﺍﻧﺪﻋﻴﻠﻲ ﺑﻠﻜﻲ ﻳﻄﻠﻊ ﺍﺳﻤﻲ ﻣﻦ ﺿﻤﻦ
ﺍﻟﻤﺸﻤﻮﻟﻴﻦ ﺏ ﺍﻟﻤﻨﺤﺔ ﺍﻟﺪﺭﺍﺳﻴﺔ ﻭﺍﺗﺨﻠﺺ ﻣﻦ ﻣﻨﻴﺔ ﺑﺎﺑﺎ ﻭﻟﻮ ﺍﻥ
ﺷﺎﺀﺍﻟﻠﻪ ﺍﻧﻲ ﻣﺘﺎﻛﺪﺓ ﻻﻥ ﻃﻠﻌﺖ ﺍﻻﻭﻟﻰ ﻋﻠﻰ ﺍﻟﻌﺮﺍﻕ ﺑﺎﻟﺒﻜﻠﻮﺭﻳﺎ
ﺳﻤﻌﺘﻴﻪ ﺍﻟﺒﺎﺭﺣﺔ ﺷﻠﻮﻥ ﻳﻜﻠﻲ ﺑﻄﻠﻲ ﻻﻥ ﺗﻜﺎﻟﻴﻒ ﻛﻠﻴﺘﺞ ﺗﻬﺪ ﺍﻟﺤﻴﻞ
ﻣﺎ ﺑﻴﺔ ﺣﻴﻞ ﻋﻠﻰ ﻣﺼﺮﻓﺞ
.. ﺍﻥ ﺷﺎﺀ ﺍﻟﻠﻪ ﺣﺒﻴﺒﻴﺘﻲ ﻳﻄﻠﻊ ﺍﺳﻤﺞ ﺍﻧﺘﻲ ﺷﺎﻃﺮﺓ ﻭﺍﻧﻲ ﻣﺘﺄﻛﺪﺓ
ﻣﻨﺞ ﺭﺍﺡ ﺗﺮﻓﻌﻴﻦ ﺭﺍﺳﻨﺎ ﻣﺜﻠﻤﺎ ﺭﻓﻌﺘﻲ ﺭﺍﺳﻨﺎ ﻭﺟﺒﺘﻲ ﻣﻌﺪﻝ
ﻭﻃﻠﻌﺘﻲ ﻃﺒﻴﺔ ﻭﺍﺫﺍ ﻋﻦ ﺑﺎﺑﺎ ﻟﺘﺨﺎﻓﻴﻦ
ﺍﻧﻲ ﻣﻨﺎ ﻭﺭﺍﻳﺢ ﺍﺷﻴﻞ ﻣﺼﺮﻓﺞ ﻭﻣﺠﻤﻌﺘﻠﺞ ﻛﻢ ﻓﻠﺲ ﻟﺘﺎﺧﺬﻳﻦ ﻣﻨﻪ
ﺑﻌﺪ
ﺣﻈﻨﺘﻨﻲ .. ﻳﺎﺑﻌﺪ ﺭﻭﺣﻲ ﺷﻮﻣﺔ ﻭﺍﻟﻠﻪ ﻫﻮﺍﻱ ﻣﺘﻌﺒﺘﺞ ﻭﻳﺎﻱ ﺍﻧﺘﻲ
ﺑﺎﻟﺬﺍﺕ ﻫﻮﺍﻱ ﺣﺮﻣﺘﻲ ﻧﻔﺴﺞ ﻋﻠﻤﻮﺩﻱ
.. ﺩﺭﻭﺣﻲ ﻻ ﺗﻌﺐ ﻭﻻ ﺷﻲ
ﺟﻨﺎ ﻧﺤﺠﻲ ﻭﺳﻤﻌﻨﺎ ﺻﻮﺕ ﻫﺪﻯ ﻳﻠﻌﻠﻊ ﻣﻦ ﺍﻟﺸﺎﺭﻉ
ﻫﺪﻯ .. ﺿﺤﻰ ﺍﻻ ﺍﻛﻮﻝ ﻟﺸﻴﻤﺎﺀ ﻋﻠﻴﺞ ﺑﺲ
ﺻﺒﻐﻴﻠﻲ ( ﺻﺒﺮﻳﻠﻲ )
ﺿﺤﻲ .. ﺍﻧﺠﺒﻲ ﺍﻧﺘﻲ ﻣﺎ ﻋﻠﻴﺞ ﻟﺘﺪﺩﺧﻠﻴﻦ
ﺩﺧﻠﻮ ﺍﻟﺒﻨﺎﺕ ﻟﻠﺒﻴﺖ ﺭﺍﺟﻌﻴﻦ ﻣﻦ ﺍﻟﻤﺪﺭﺳﺔ ﺷﺎﻓﻮﺍ ﺷﻴﻤﺎﺀ ﺩﺗﻄﺒﺦ
ﺍﻟﻴﻮﻡ ﻋﻨﺪﻫﺎ ﺍﻭﻑ
....
ﻫﺪﻯ .. ﺷﻴﻤﺎﺀ ﺷﻮﻓﻲ ﺿﺤﻰ ﺗﺮﻓﻊ ﺗﻨﻮﻏﺘﻬﺎ ( ﺗﻨﻮﺭﺗﻬﺎ ) ﻣﻦ ﻧﻄﻠﻊ
ﻣﻦ ﺍﻟﻤﺪﻏﺴﺔ ( ﺍﻟﻤﺪﺭﺳﺔ ) ﺣﺘﻰ ﺗﺼﻴﻎ ( ﺗﺼﻴﺮ )
ﻗﺼﻴﺮﺓ
ﺿﺤﻰ .. ﺟﺬﺍﺑﺔ ﺍﺻﻼ ﻫﻲ ﺍﻟﺘﻨﻮﺭﺓ ﺻﻐﻴﺮﺓ ﻋﻠﻴﺔ ﻭﺻﺎﺭﺕ ﻛﻠﺶ
ﻗﺼﻴﺮﺓ
ﺩﺍﺭﺕ ﻋﻠﻰ ﻫﺪﻯ ﺗﺘﻮﻋﺪﻟﻬﺎ
.. ﻟﺞ ﺟﻨﻴﺔ ﺍﻧﻲ ﺍﻟﺞ ﺍﺫﺍ ﻣﺎ ﺍﺷﻠﻊ ﺍﺫﺍﻧﺎﺗﺞ
ﺑﺴﻴﻄﺔ
ﺷﻴﻤﺎﺀ .. ﺍﻛﻠﻲ ﺗﺒﻦ ﻭﺗﻌﺎﻟﻲ ﺧﻠﻲ ﺍﺷﻮﻓﻬﺎ ﺷﻠﻮﻥ ﻗﺼﺮﺕ ﻋﻠﻴﺞ
ﻫﺪﻯ .. ﺷﻴﻤﺎﺀ ﻭﺍﻟﻠﻪ ﺿﺤﻰ ﺗﻜﺬﺏ ﻋﻠﻴﺞ ﻫﻲ ﺗﺘﻌﻤﺪ ﺗﻘﺼﻐﻬﺎ ( ﺗﻘﺼﺮﻫﺎ ) ﺣﺘﻰ ﺗﻄﻠﻊ ﺳﻴﻘﺎﻧﻬﺎ ﻭﻳﺸﻮﻓﻮﻫﺎ ﺍﻻﻭﻻﺩ
ﺷﻴﻤﺎﺀ ﺑﻌﺼﺒﻴﺔ .. ﺷﻮﻓﻲ ﻟﺞ ﻫﺴﺔ ﺗﻨﺰﻋﻴﻦ ﻫﺎﻱ ﺍﻟﺘﻨﻮﺭﺓ
ﻭﺗﻨﻄﻴﻨﻴﺎﻫﺎ ﺍﺷﻜﻜﻬﺎ ﺍﻟﺞ ﺣﺘﻰ ﺗﺒﻄﻠﻴﻦ ﺗﻠﺒﺴﻴﻬﺎ ﺍﺩﺑﺴﺴﺰ
ﺑﻌﺪﺝ ﺻﻐﻴﺮﺓ ﻛﻞ ﻋﻤﺮﺝ 11 ﺳﻨﻪ ﻭﻣﺎﻛﺎﻋﺪﺓ ﺭﺍﺣﺔ
ﻣﺮﻭﺓ .. ﻋﻤﻲ ﻭﺍﻟﻠﻪ ﺧﻮﺵ ﺑﻨﺎﺕ ﺍﺧﺮ ﺯﻣﻦ ﺑﻌﺪﻫﺎ ﺑﻜﺪ ﺍﻟﻔﺼﻤﺔ
ﻭﺗﺪﻭﺭ ﻗﺼﻴﺮ ﻭﻓﻴﻜﺎﺕ
ﺿﺤﻰ .. ﺍﻱ ﺷﻨﻮ ﻳﻌﻨﻲ ﻛﻞ ﺻﺪﻳﻘﺎﺗﻲ ﻳﻠﺒﺴﻮﻥ ﻗﺼﻴﺮ
ﺑﻘﺖ ﻋﻠﻴﺔ
ﺷﻴﻤﺎﺀ .. ﻫﺎ ﻃﻠﻊ ﺍﻟﻠﺴﺎﻥ ﻳﻌﻨﻲ ﻣﻮ ﺍﻟﺘﻨﻮﺭﺓ ﺻﻐﻴﺮﺓ ﻋﻠﻴﺞ ﻣﺜﻠﻤﺎ
ﻛﻠﺘﻲ ﻗﺒﻞ ﺷﻮﻳﺔ
ﺿﺤﻰ .. ﻻ ﺍﻧﻲ ﻳﻌﺠﺒﻨﻲ ﺍﻟﺒﺲ ﺗﻨﻮﺭﺓ ﻗﺼﻴﺮﺓ
ﺟﻨﺖ ﺍﺑﺎﻭﻉ ﻟﺮﺟﻠﻴﻦ ﺿﺤﻰ ﺑﻴﺾ ﻳﺒﺮﺟﻦ ﺍﺣﻨﺎ ﺑﻨﺎﺕ ﻭﺍﻧﻲ ﺍﺧﺎﻑ
ﻋﻠﻴﻬﺎ ﻻﻥ ﻫﻲ ﻛﻠﺶ ﺣﻠﻮﺓ
ﻣﺎ ﺍﺭﻳﺪ ﺍﺣﺪ ﻳﺄﺫﻳﻬﺎ ﺧﺼﻮﺻﺎً ﻫﻲ ﺻﻐﻴﺮﻩ
ﺯﻣﺨﺖ ﺑﻴﻬﺎ
ﻳﺎﻟﻠﻪ ﺷﻮ ﺍﺗﺤﺮﻛﻮﺍ ﻛﺪﺍﻣﻲ ﺑﺪﻟﻮﺍ ﻣﻼﺑﺴﻜﻢ ﻭﺗﻌﺎﻟﻮ ﺳﺎﻋﺪﻭﻧﻲ
ﺑﺘﻮﺯﻳﻊ ﺍﻟﺜﻮﺍﺏ
ﻫﺪﻯ .. ﺻﺎﻍ ( ﺻﺎﺭ ) ﺍﺑﺪﻝ ﻭﺍﺟﻴﺞ
ﺻﺎﺭ ﻭﻗﺖ ﺍﻟﻌﺸﺎﺀ ﻭﺑﺪﻳﻨﺎ ﻧﻮﺯﻉ
ﺷﻴﻤﺎﺀ .. ﻫﺪﻯ ﺍﻧﺘﻲ ﻭﺩﻱ ﻫﺬﺍ ﺍﻟﻤﺎﻋﻮﻥ ﻟﺒﻴﺖ ﺍﻡ ﺭﺍﺋﺪ ﻭﻟﺒﻴﺖ ﺍﻡ
ﺻﻼﺡ ﻭﺍﻟﺒﺼﻔﻬﻢ ﺑﻴﺖ ﺍﻡ ﻗﺎﺳﻢ
ﻫﺪﻯ .. ﺷﻴﻤﺎﺀ ﺍﻧﻄﻴﻨﻲ ﺑﺲ ﻣﺎﻝ ﺑﻴﺖ ﺍﻡ ﻏﺎﺋﺪ ﻭﺍﻡ ﺻﻼﺡ ﺑﺲ ﺑﻴﺖ
ﺍﻡ ﻗﺎﺳﻢ ﻣﻮ ﺍﻧﻲ ﺍﻭﺩﻳﻪ ﺍﺧﺎﻑ ﺧﻠﻲ ﺿﺤﻰ ﺗﻮﺩﻱ ﺍﻟﻬﻢ
.. ﺷﻜﻮ ﻣﻨﻴﻦ ﺗﺨﺎﻓﻴﻦ
ﺿﺤﻰ .. ﺗﺨﺎﻑ ﻣﻦ ﺻﻜﺎﺭﻫﺎ ﻗﺎﺳﻢ ﺍﻟﻮﻛﺢ ﻛﻠﻤﺎ ﻳﺸﻮﻓﻬﺎ
ﻳﺠﺮ ﻇﻔﻴﺮﺗﻬﺎ ﻭﻳﺨﺰﺭﻫﺎ ﺣﺘﻰ ﻟﻮ ﻣﻤﺴﻮﻳﺔ ﺷﻲ ﻻﺯﻡ ﻳﺨﻮﻓﻬﺎ ﺷﻜﻠﻪ
ﻳﺘﻮﻧﺲ ﻣﻦ ﻳﻄﻠﻊ ﻋﻈﻼﺗﻪ ﻋﻠﻴﻬﺎ ﻭﻳﺸﻮﻓﻬﺎ ﺗﺨﺎﻑ ﻣﻨﻪ ﺑﺲ ﻭﺍﻟﻠﻪ
ﺣﻴﻞ ﺑﻴﻬﺎ ﺗﺴﺘﺎﻫﻞ ﺍﻟﻔﺘﺎﻧﺔ
ﺷﻴﻤﺎﺀ .. ﻻ ﻫﺬﺍ ﺻﺪﻙ ﻣﺼﺨﻬﺎ ﻭﻻ ﺟﻨﻪ ﻛﺒﻴﺮ ﺣﺎﻁ ﺩﻭﺑﻪ ﻭﻳﺔ ﺩﻭﺏ
ﻫﺪﻯ ﻭﺍﻟﻠﻪ ﺍﻟﻴﻮﻡ ﺍﻻ ﺍﺭﻭﺡ ﺍﺷﺘﻜﻲ ﻋﻠﻴﻪ ﻋﻨﺪ ﺍﺑﻮﻩ ﻭﺍﺧﻠﻴﻪ ﻳﻄﻴﺢ
ﺣﻈﻪ
ﻫﺪﻯ .. ﻻ ﻻ ﻋﻔﻴﺔ ﺷﻴﻤﺎﺀ ﻻ ﺗﻐﻮﺣﻴﻦ ﻟﺒﻴﺘﻬﻢ ﻭﺗﺸﺘﻜﻴﻦ ﻋﻠﻴﻪ
....
ﺑﻌﺪﻳﻦ ﻳﺘﺤﻠﻒ ﺑﻴﺔ ﻣﺎ ﺍﻏﻴﺪ ﺍﺧﺎﻑ
ﺷﻴﻤﺎﺀ .. ﺑﺲ ﺍﺷﻮﻓﻪ ﺍﻧﻲ ﺍﺣﺠﻲ ﻭﻳﺎﻩ
ﻫﺴﺔ ﺍﻧﺘﻲ ﻭﺩﻱ ﺍﻟﺜﻮﺍﺏ ﺍﻟﻴﻮﻡ ﻭﺑﺲ ﻳﺤﺠﻲ ﻭﻳﺎﺝ ﻛﻠﻴﻠﻲ
ﻫﺪﻯ .. ﺧﻮﺵ ﺟﻴﺒﻴﻬﻢ
ﺷﻴﻤﺎﺀ .. ﺣﺘﻰ ﻣﻦ ﺗﺮﺟﻌﻴﻦ ﺗﺬﺑﻴﻦ ﺍﻟﺰﺑﻞ
ﻫﺪﻯ .. ﺍﻫﻮﻭﻭﻭ ﺷﻨﻮ ﻛﻠﺔ ﻋﻠﻴﺔ ﺷﻨﻮ ﺧﻠﻔﺘﻜﻢ ﻭﻧﺴﻴﺘﻜﻢ ﺗﻐﺔ ( ﺗﺮﺓ )
ﻭﺍﻟﻠﻪ ﺗﻌﺒﺖ
.. ﻳﺎﻟﻠﻪ ﺭﻭﺣﻲ ﺑﻼ ﺣﺠﻲ ﺯﺍﻳﺪ ﺍﻡ ﺍﻟﺴﺎﻥ
ﺭﺍﺣﺖ ﻫﺪﻯ ﺗﻮﺯﻉ ﺍﻟﺜﻮﺍﺏ ﺍﺗﻌﻮﺩﺕ ﺩﺍﺋﻤﺎ ﻳﺨﻠﻮﻥ ﻋﻠﻴﻬﺎ ﺗﻘﻮﻡ ﻫﺎﻱ
ﺍﻟﻤﻬﺎﻣﺎﺕ ﺗﻮﺯﻉ ﺗﺬﺏ ﺍﻟﺰﺑﻞ ﺗﺮﻭﺡ ﺗﺸﺘﺮﻳﻠﻬﻢ ﻭﻣﺮﺍﺕ ﺣﺘﻰ ﺗﺮﻭﺡ
ﻟﻠﺒﻘﺎﻝ ﺗﺘﺴﻮﻛﻠﻬﻢ
ﻻﻥ ﺻﻐﻴﺮ ﺍﻟﻘﻮﻡ ﺧﺎﺩﻣﻬﻢ ﻭﻫﻲ ﻃﺎﻳﺤﺔ ﺑﺮﺍﺳﻬﺎ
ﺩﻛﺖ ﺑﺎﺏ ﺑﻴﺖ ﺍﻡ ﺭﺍﺋﺪ ﻭﻃﻠﻌﻠﻬﺎ ﺭﺍﺋﺪ
.. ﻫﻼ ﺑﻮﺭﺩﺍﻳﺘﻲ ﺷﻠﻮﻧﺞ
ﺧﺠﻠﺖ ﻭﺻﺎﺭﻭﺍ ﺧﺪﻭﺩﻫﺎ ﺣﻤﺮ ﺻﺎﻳﺮﺓ ﻛﻠﻤﺎ ﺗﺸﻮﻑ ﺭﺍﺋﺪ ﺗﺘﺨﺮﺩﻝ
ﻭﺗﺴﺘﺤﻲ ﻣﻨﻪ
ﺑﺲ ﺍﺷﻮ ﻗﺒﻞ ﻣﺠﺎﻧﺖ ﻫﺸﻜﻞ
ﻋﺎﺩﻱ ﻭﻳﺎﻩ ﺗﻠﻌﺐ ﻭﺗﺮﻛﺾ ﻭﺭﺍﻩ ﻫﺴﺔ ﻻ ﺻﺎﻳﺮﺓ ﺗﺴﺘﺤﻲ ﻣﻨﻪ
.. ﻫﺬﺍ ﺛﻮﺍﺏ ﺩﻭﺭﺍﻥ ﺍﻟﺴﻨﺔ ﻣﺎﻟﺖ ﻣﺎﻣﺎ
ﺍﺧﺬﻩ ﻣﻨﻬﺎ
.. ﻟﺤﻈﺔ ﺍﻧﺘﻈﺮﻳﻨﻲ ﺍﺩﺧﻞ ﺍﻟﻤﺎﻋﻮﻥ ﻟﻠﺒﻴﺖ ﻭﺍﺟﻲ ﻭﻳﺎﺝ ﺍﻭﺯﻉ
ﺭﺍﺡ ﻭﺭﺟﻌﻠﻬﺎ ﺭﻛﺾ
.. ﺑﺎﻟﻠﻪ ﺷﻮ ﺍﻧﻄﻴﻨﻲ ﺍﻟﺼﻴﻨﻴﺔ ﻋﻨﺞ ﺛﻜﻴﻠﺔ ﻋﻠﻴﺞ
ﺍﻧﻄﻴﺘﻪ ﺍﻟﺼﻴﻨﻴﺔ ﻭﺍﻧﻲ ﺍﺑﺘﺴﻢ
ﻭﺻﻠﻨﺎ ﻟﺒﻴﺖ ﻗﺎﺳﻢ ﺍﻟﻮﻛﺢ ﻭﻃﻠﻌﺘﻠﻨﺎ ﺍﻣﻪ ﻭﺍﺗﺸﻜﺮﺕ ﻣﻦ ﻋﻨﺪﻧﺎ
ﻭﺻﺎﺭﺕ ﺗﺘﺮﺣﻢ ﻋﻠﻰ ﺭﻭﺡ ﺍﻣﻲ
ﺟﻨﺖ ﺣﺎﺑﺴﺔ ﺍﻻﻧﻔﺎﺱ ﻭﺍﺑﺎﻭﻉ ﻣﻨﺎ ﻭﻣﻨﺎ ﺧﺎﻑ ﺍﺷﻮﻑ ﻗﺎﺳﻢ ﺍﻟﻮﻛﺢ
ﺩﺭﻧﺎ ﻧﺮﻳﺪ ﻧﺮﺟﻊ ﻟﻠﺒﻴﺖ ﻭﺷﻔﻨﺎ ﻋﺮﻛﺔ ﺍﻭﻻﺩ ﺑﺮﺍﺱ ﺍﻟﻔﺮﻉ
ﺳﻤﻌﻨﺎ ﺻﻴﺎﺡ
ﺭﺍﺋﺪ ﺿﻴﻖ ﻋﻴﻮﻧﻪ .. ﺑﺎﻟﻠﻪ ﺷﻮ ﻫﺎﺝ ﻟﺰﻣﻲ ﺍﻟﺼﻴﻨﻴﺔ ﻫﺬﺍ ﻳﻤﻜﻦ
ﻗﺎﺳﻢ ﺩﻳﺘﻌﺎﺭﻙ
ﺍﺧﺬﺕ ﺍﻟﺼﻴﻨﻴﺔ ﻣﻦ ﻋﻨﺪﻩ ﻭﺭﺍﺡ ﻳﺮﻛﺾ ﻟﻘﺎﺳﻢ ﻳﺸﻮﻓﻪ
ﻫﺪﻯ .. ﺣﻞ ﻫﺎﻱ ﺣﻮﺑﺘﻲ ﻃﻠﻌﺖ ﺑﻲ ﻣﻦ ﻛﺪﻣﺎ ﻣﺄﺫﻳﻨﻲ
ﺩﺧﻠﺖ ﻟﻠﺒﻴﺖ ﻭﺷﻔﺖ ﺷﻴﻤﺎﺀ ﻣﺤﺰﻣﺔ ﺩﺗﻨﻈﻒ ﺑﺎﻟﻤﻄﺒﺦ
ﻭﺑﺎﺑﺎ ﺳﺘﻮﻩ ﺩﺍﺧﻞ
ﺣﺠﺔ ﻭﻳﺔ ﻣﺮﻭﺓ ﻭﻛﻠﻠﻬﺎ
.. ﻣﺮﻭﺓ ﺣﻈﺮﻱ ﻧﻔﺴﺞ ﻟﻜﻴﺘﻠﺞ ﻭﻇﻴﻔﺔ ﻛﺎﺗﺒﺔ ﻋﻨﺪ ﻣﻜﺘﺐ ﺻﺪﻳﻘﻲ
ﻛﺎﻝ ﻣﺤﺘﺎﺝ ﻛﺎﺗﺒﺔ ﻭﻣﺤﺎﺳﺒﺔ ﺗﺴﺎﻋﺪﻧﻲ ﻭﺍﻧﺎ ﺍﻗﺘﺮﺣﺖ ﻋﻠﻴﻪ ﻭﻛﻠﺘﻠﻪ
ﻋﻨﺪﻱ ﺑﻨﺘﻲ ﺷﺎﻃﺮﺓ ﺗﻜﺪﺭ ﺗﻔﻴﺪﻙ
ﻭﺭﺍﺡ ﻳﻨﻄﻴﺞ ﺭﺍﺗﺐ ﻛﻞ ﺷﻬﺮ
ﻣﺮﻭﺓ ﺷﻬﻜﺖ .. ﻋﺰﺓ ﺑﺎﺑﺎ ﻭﺩﺭﺍﺳﺘﻲ ﻣﺴﺘﺤﻴﻞ ﻣﺎ ﺍﻟﺤﻚ
ﺍﺩﺭﺱ ﻭﺍﺷﺘﻐﻞ ﺑﻨﻔﺲ ﺍﻟﻮﻛﺖ
....
ﺍﺻﻼ ﺍﻧﺎ ﻗﺮﺭﺕ ﺗﺒﻄﻠﻴﻦ ﻻﻥ ﻣﺎﻣﺤﺼﻞ ﻣﻨﺞ ﺷﻲ
ﻛﻀﻴﺘﻬﺎ ﻛﻠﺔ ﻋﻠﻴﻨﺎ ﺩﺭﺍﺳﺔ ﻭﻳﻌﺪ ﻭﺭﺍﺝ ﻛﻢ ﺳﻨﺔ ﻫﻢ ﺩﺭﺍﺳﺔ ﺍﺩﺭﻱ
ﺷﻮﻛﺖ ﺍﺳﺘﻔﺎﺩ ﻣﻨﺞ ﺑﻌﺪ ﻣﻴﺖ ﺳﻨﺔ ﻳﺎﻟﻠﻪ
ﻣﺮﻭﺓ .. ﻣﺴﺘﺤﻴﻞ ﻣﺎ ﺍﺧﻠﻴﻚ ﺗﺤﻄﻢ ﻣﺴﺘﻘﺒﻠﻲ ﻣﻮ ﺑﻜﻴﻔﻚ
ﺍﻧﻲ ﻣﻮ ﺷﻴﻤﺎﺀ ﻭﺍﺗﻨﺎﺯﻝ ﻭﺍﺧﻀﻌﻠﻚ ﺑﺴﻬﻮﻟﺔ
ﻛﺎﻡ ﺍﺑﻮﻫﺎ ﻭﺟﺮﻫﺎ ﻣﻦ ﺷﻌﺮﻫﺎ
.. ﺑﻨﺖ ﻓﻜﺮ ﻣﻮ ﻭﺟﻪ ﻧﻌﻤﺔ
ﺿﺮﺑﻬﺎ ﻋﻠﻰ ﻭﺟﻬﺎ ﻭﺩﻓﻌﻬﺎ ﻭﻭﻛﻌﺖ ﺑﺎﻟﻜﺎﻉ
ﺍﺟﺘﻲ ﺷﻴﻤﺎﺀ ﺗﺮﻛﺾ ﻋﻠﻰ ﺻﻮﺗﻬﻢ
.. ﺑﺎﺑﺎ ﺷﻜﻮ ﻟﻴﺶ ﻫﺸﻜﻞ ﺿﺮﺑﻬﺎ ﻟﻤﺮﻭﺓ
.. ﺧﻠﻲ ﺗﺎﻛﻞ ﺗﺒﻦ ﺍﻟﺴﺎﻧﻬﺎ ﻃﻮﻻﻥ
ﻭﺣﺠﺔ ﻟﺸﻴﻤﺎﺀ ﻋﻦ ﺳﺎﻟﻔﺔ ﺍﻟﻮﻇﻴﻔﺔ
ﻭﺷﻴﻤﺎﺀ ﺷﻬﻜﺖ ﻭﻟﻄﻤﺖ ﻋﻠﻰ ﺻﺪﺭﻫﺎ
.. ﻋﺰﺓ ﺍﻟﻌﺰﺍﻧﻲ ﺗﺤﺠﻲ ﺻﺪﻙ ﺑﺎﺑﺎ ﺑﻜﻞ ﻋﻘﻠﻚ
ﺗﺘﺮﻙ ﺩﺭﺍﺳﺘﻬﺎ ﻋﻠﻤﻮﺩ ﺗﺘﻮﻇﻒ ﻛﺎﺗﺒﺔ ﻭﻳﻦ ﻛﺎﻋﺪﻳﻦ
.. ﻳﻌﻨﻲ ﺷﻨﻮ ﺗﺮﻳﺪﻧﻲ ﺣﻀﺮﺗﻬﺎ ﺍﻛﻌﺪ ﺍﺻﺮﻑ ﻋﻠﻴﻬﺎ
ﺑﻌﺪ ٦ﺳﻨﻮﺍﺕ ﻛﺪﺍﻡ ﻋﻮﺩ ﺑﻌﺪﻳﻦ ﺍﻟﺪﻛﺘﻮﺭﺓ ﺗﺘﻮﻇﻒ ﻭﻟﻮ ﺗﺤﻦ ﻋﻠﻴﻨﺎ
ﻟﻮ ﻣﺘﺤﻦ
ﻣﺮﻭﺓ .. ﻭﺍﻟﻠﻪ ﻣﺎ ﺍﺷﺘﻐﻞ ﻟﻮ ﺍﻋﺮﻑ ﺗﺼﻴﺮ ﻣﻮﺗﻲ ﻣﺎ ﺍﺷﺘﻐﻞ ﻭﻣﺎ
ﺍﺗﺮﻙ ﺩﺭﺍﺳﺘﻲ
ﺷﻴﻤﺎﺀ .. ﺑﺎﺑﺎ ﺍﺫﺍ ﺟﻨﺖ ﺷﺎﻳﻞ ﻫﻢ ﻣﺼﺮﻑ ﻣﺮﻭﺓ ﻋﻮﻓﻪ ﻣﻌﻠﻴﻚ ﺑﻌﺪ
ﻣﺎﻟﻚ ﺩﺧﻞ ﺑﻲ ﺍﻧﻲ ﺍﻟﻤﺴﺆﻟﺔ ﻋﻨﻬﺎ
.. ﻳﻄﺒﻬﺎ ﻣﺮﺽ ﻓﻮﻙ ﻣﺮﺽ ﺍﻧﺎ ﺍﻟﻤﻦ ﺷﺎﻝ ﺣﺎﻟﻲ ﻗﺎﺑﻞ ﻫﻮ ﺍﻧﻲ
ﺷﻤﺤﺼﻞ ﻣﻨﻬﺎ ﺣﺘﻰ ﺍﺗﺮﺟﻰ ﻣﻨﻬﺎ ﺗﺼﺮﻑ ﻋﻠﻴﻨﺎ .. ﺭﻭﺣﻲ ﻣﻦ
ﻭﺟﻬﻲ ﻻ ﺣﻠﺖ ﺑﺮﻛﺔ ﺑﻴﺞ ﺑﻨﺖ ﻓﻜﺮ ﻣﻮ ﻭﺟﻪ ﻧﻌﻤﺔ
ﺭﺍﺣﺖ ﻣﺮﻭﺓ ﻟﻠﻐﺮﻓﺔ ﺗﺒﺠﻲ ﻭﺗﺘﻮﻋﺪ ﻳﻢ ﺧﻮﺍﺗﻬﺎ ﻫﺪﻯ ﻭﺿﺤﻰ
ﻫﺪﻯ .. ﻛﺎﻓﻲ ﻣﻐﻮﺓ ﻟﺘﺒﺠﻴﻦ
.. ﻭﻋﺪ ﻋﻠﻴﺔ ﻛﻮﻥ ﺍﻟﻠﻪ ﻭﻳﺼﻴﺮ ﺍﻟﺒﺮﺍﺳﻲ ﻭﺍﻃﻠﻊ ﻣﻦ ﻫﺬﺍ ﺍﻟﺒﻴﺖ
ﻭﻳﻜﻮﻟﻮﻥ ﺑﻌﺪ ﺍﺭﺟﻌﻠﻜﻢ ﻟﻮ ﺍﻟﺘﻔﺖ ﻋﻠﻴﻜﻢ ﺑﺲ ﺧﻠﻲ ﻳﺘﺤﻘﻖ ﺣﻠﻤﻲ
ﻭﺍﻟﻠﻪ ﻳﺨﻠﺼﻨﻲ ﻣﻦ ﻇﻠﻤﻪ
ﺑﻌﺪﻣﺎ ﻫﺪﺃ ﺍﻟﺒﻴﺖ ﻭﻃﻠﻊ ﺑﺎﺑﺎ ﺣﺘﻰ ﻳﻠﺰﻡ ﺷﻔﺖ ﺍﻟﺤﺮﺍﺳﺔ ﻋﻨﺪ ﺑﻴﺖ
ﺍﺑﻮ ﻗﺎﺳﻢ ﻣﺜﻞ ﻛﻞ ﻟﻴﻠﺔ
ﺻﺤﺖ ﻟﻬﺪﻯ
.. ﻫﺪﻯ ﻭﻳﻨﺞ ﺗﻌﺎﻟﻲ ﺫﺑﻲ ﺍﻟﺰﺑﻞ ﻻ ﺗﻐﻠﺴﻴﻦ
ﻫﺪﻯ .. ﺷﻴﻤﺎﺀ ﺗﻐﺔ ( ﺗﺮﺓ ) ﺍﻧﻲ ﻛﺒﻐﺖ ( ﻛﺒﺮﺕ )
ﻣﺜﻠﻜﻢ ﺻﺎﺭ ﻋﻤﺮﻱ 8 ﺳﻨﻴﻦ ﻣﺎ ﺍﻏﻴﺪ ﺍﺫﺏ ﺍﻟﺰﺑﻞ
ﺷﻴﻤﺎﺀ .. ﺍﻧﺘﻲ ﻓﺪ ﻭﺣﺪﺓ ﺷﻮﻛﺖ ﻣﺎ ﻳﻌﺠﺒﺞ ﺗﻜﺒﺮﻳﻦ ﻭﺗﺼﻐﻴﺮﻳﻦ
ﺭﻭﺣﺞ ﺑﺎﻟﻴﻌﺠﺒﺞ ﻳﺎﻟﻠﻪ ﺷﻮ ﺍﺗﺤﺮﻛﻲ ﺍﺧﺬﻱ ﺍﻟﺰﺑﻞ ﺫﺑﻴﻪ ﺑﺎﻟﻘﻄﻌﺔ
ﻭﺗﻌﺎﻟﻲ
ﺍﺧﺬﺕ ﺳﻄﻞ ﺍﻟﺰﺑﻞ ﻭﺍﻧﻲ ﺍﺩﺭﺩﻡ ﻻﺯﻡ ﺍﺭﻭﺡ ﻳﻢ ﺍﻟﻘﻄﻌﺔ ﺍﻟﻲ ﺍﺗﻌﻮﺩﻧﺎ
ﻧﺬﺏ ﺑﻴﻬﺎ ﺍﻟﺰﺑﻞ ﻭﻫﺎﻱ ﺍﻟﻘﻄﻌﺔ ﺍﺧﺎﻑ ﻣﻨﻬﺎ ﻻﻥ ﻇﻠﻤﺔ ﻭﻛﻠﻬﺎ ﺑﺰﺍﺯﻳﻦ
( ﻗﻄﻂ ) ﻭﻛﻼﺏ
ﻭﺻﻠﺖ ﻟﻠﻘﻄﻌﺔ ﻭﻛﻠﺒﺖ ﺍﻟﺴﻄﻠﺔ ﺍﺫﺏ ﺍﻟﺰﺑﺎﻟﺔ
ﺳﻤﻌﺖ ﺣﺮﻛﺔ ﻣﻦ ﻭﺭﺍﻱ ﺍﻟﺘﻔﺘﺖ ﻭﺟﺎﻥ ﺍﺷﻮﻑ ﻫﺬﺍ ﺍﻟﻮﻟﺪ ﺳﻴﻒ
ﺍﻟﻤﻜﺮﻭﻩ ﻫﺬﺍ ﺩﺍﺋﻤﺎ ﺍﺷﻮﻓﻪ ﻳﻢ ﺍﻟﻤﺪﺭﺳﺔ ﺍﺷﻮﻓﻪ
.....
ﺑﺎﻟﻄﻠﻌﺔ ﻫﻮ ﺷﻠﺔ ﺍﻭﻻﺩ ﻳﺘﺤﺎﺭﺷﻮﻥ ﺑﺎﻟﺒﻨﺎﺕ ﻭﻳﺬﺑﻮﻥ ﺭﺳﺎﻳﻞ ﺍﻟﻬﻢ
ﺧﺰﺭﺗﻪ ﻭﻟﺰﻣﺖ ﺍﻟﺴﻄﻠﺔ ﻭﺭﺩﺕ ﺍﺭﻭﺡ
ﺑﺲ ﻫﻮ ﺳﺪ ﻋﻠﻴﺔ ﺍﻟﻄﺮﻳﻖ
ﺳﻴﻒ .. ﻋﻠﻰ ﻭﻳﻦ ﻳﺎ ﺣﻠﻮﺓ ﺗﻌﺎﻟﻲ ﻣﺎ ﺻﺪﻛﺖ ﺍﺷﻮﻓﺞ
ﻫﺪﻯ ﺑﺨﻮﻑ ﺑﻠﻌﺖ ﺭﻳﻜﻬﺎ
.. ﺷﻨﻮ ﺗﻐﻴﺪ ﻣﻨﻲ ﻭﺧﻎ ( ﻭﺧﺮ ) ﻣﻨﺎ ﺍﻏﻴﺪ ﺍﻏﻮﺡ ﻟﺒﻴﺘﻨﺎ
ﺳﻴﻒ .. ﻓﺪﻳﺘﻪ ﻟﺮﺑﺞ ﻭﻟﻠﺴﺎﻧﺞ ﺍﻟﻌﺴﻞ ﺍﻟﻴﺮﺗﻞ ﺍﻟﺮﺍﺀ
ﺍﻗﺘﺮﺏ ﻣﻨﻬﺎ ﻭﻟﺰﻣﻬﺎ ﻣﻦ ﺯﻧﺪﻫﺎ ﻭﻫﻲ ﻋﻀﺖ ﺍﻳﺪﻩ ﻣﻔﺰﻭﻋﺔ ﻣﻦ
ﺣﻼﺕ ﺍﻟﺮﻭﺡ ﺗﺮﻳﺪ ﺗﺸﺮﺩ ﻟﺰﻣﻬﺎ ﻣﻦ ﺷﻌﺮﻫﺎ
ﻭﻟﻄﺸﻬﺎ ﻋﺎﻟﺤﺎﻳﻂ ﻭﺭﻓﻊ ﺛﻮﺑﻬﺎ ﻋﺎﻃﺖ ﺑﺨﻮﻑ ﻭﺗﻔﻠﺖ ﺑﻮﺟﻬﻬﺎ
.. ﻳﺎﺣﻘﻴﻎ ( ﻳﺎﺣﻘﻴﺮ ) ﻋﻮﻓﻨﻲ ﻭﺍﻟﻠﻪ ﺍﻻ ﺍﻛﻮﻝ ﻋﻠﻴﻚ ﻟﺒﺎﺑﺎ
ﻗﺮﺏ ﻭﺟﻬﻪ ﻳﺮﻳﺪ ﻳﺒﻮﺳﻨﻲ
ﻭﺍﻧﻲ ﺧﺮﻣﺸﺖ ﻭﺟﻬﻪ ﺻﺮﺕ ﺍﺭﺟﻒ ﻣﻦ ﺍﻟﺨﻮﻑ ﻋﻤﺮﻱ ﻭﺣﻴﺎﺗﻲ
ﻣﺨﺎﻳﻔﺔ ﻣﺜﻞ ﻫﺎﻟﻠﺤﻈﺔ ﺑﺠﻴﺖ ﻭﺻﺮﺕ ﺍﺗﻮﺳﻞ
ﻳﺒﺘﻌﺪ ﻋﻨﻲ
.. ﻋﻔﻴﺔ ﺍﻏﻴﺪ ﺍﻏﻮﺡ ﻟﺒﻴﺘﻨﺎ
ﺳﻴﻒ ﻭﺍﻧﻔﺎﺳﻪ ﺣﺎﺭﺓ .. ﺍﺷﺶ ﻧﺼﻲ ﺻﻮﺗﺞ ﻭﺻﻴﺮﻱ ﺣﺒﺎﺑﺔ
ﻣﺎ ﺣﺴﻴﺖ ﺍﻻ ﻋﻠﻰ ﺳﻴﻒ ﺍﻧﺴﺤﺐ ﻣﻦ ﺍﻟﺨﻄﻒ ﻭﺍﻧﺮﻛﻊ ﺑﺎﻟﻜﺎﻉ
ﺷﻬﻜﺖ ﺑﺨﻮﻑ ﺟﺎﻧﺖ ﺍﻟﻘﻄﻌﺔ ﻇﻠﻤﺔ ﻭﺑﻴﻬﺎ ﺿﻮﺓ ﺧﻔﻴﻒ
ﻣﻜﺪﺭﺕ ﺍﻋﺮﻑ ﻣﻨﻮ ﻫﺬﺍ
ﺑﺲ ﻣﺎ ﺍﺷﻮﻑ ﺍﻻ ﺭﻛﺐ ﻋﻠﻰ ﺳﻴﻒ ﻭﺻﺎﺭ ﻳﻀﺮﺑﻪ ﺑﻮﻛﺴﺎﺕ ﻣﺜﻞ
ﺍﻟﻤﺨﺒﻞ ﻭﺫﺍﻙ ﺑﺲ ﻳﺼﺮﺥ ﻳﻜﻠﻪ
.. ﺩﺧﻴﻠﻚ ﻭﺍﻟﻠﻪ ﺑﻌﺪ ﻣﺎ ﺍﻋﻴﺪﻫﺎ
ﺯﻣﺦ ﺑﻲ ﻭﻋﺮﻓﺖ ﺻﺎﺣﺐ ﻫﺬﺍ ﺍﻟﺼﻮﺕ
ﻋﺰﺯﺍﺍﺍ ﻫﺬﺍ ﻗﺎﺳﻢ
ﻣﺎ ﺍﻋﺮﻑ ﺍﻓﺮﺡ ﺑﺸﻮﻓﺘﻪ ﻣﺪﺭﻱ ﺍﺑﺠﻲ ﺑﺲ ﻗﺎﺳﻢ ﺻﺤﻴﺢ ﺍﺧﺎﻑ
ﻣﻨﻪ ﻻﻥ ﻳﺠﺮﻧﻲ ﻣﻦ ﺷﻌﺮﻱ ﺑﺲ ﻫﻴﻪ ﺍﺭﺗﺎﺣﻴﺖ ﻣﻦ ﺷﻔﺘﻪ ... ﺷﻠﺖ
ﺳﻄﻠﺖ ﺍﻟﺰﺑﻞ
ﻭﺻﺮﺕ ﻋﻠﻰ ﺻﻔﺤﺔ ﺑﺎﻭﻋﺘﻠﻪ ﺷﻠﻮﻥ ﺩﺍﺭ ﻭﺟﻪ ﺳﻴﻒ ﻟﻠﻜﺎﻉ ﻭﺩﻓﻦ
ﻭﺟﻬﻪ ﺑﺎﻟﺰﺑﻞ ﻭﺫﺍﻙ ﻳﺮﺍﻓﺲ ﺟﻮﺓ ﺍﻳﺪﻩ
ﻛﺎﻡ ﻣﻦ ﻋﻨﺪﻩ ﻭﺗﻔﻞ ﻋﻠﻴﻪ
ﻭﺣﻖ ﺍﻟﻜﻌﺒﺔ ﺧﻠﻲ ﺍﺷﻮﻓﻚ ﻣﻌﺘﺐ ﺑﻤﻨﻄﻘﺘﻨﺎ
ﻭﺍﻟﻠﻪ ﺭﺟﻠﻴﻚ ﺍﻛﺴﺮﻫﻢ ﻧﺎﻗﺺ ﺍﺑﻦ ﺍﻟﻨﺎﻗﺺ
ﺳﻤﻌﺘﻨﻲ ﻟﻮ ﺍﻋﻴﺪ ﻛﺎﻡ ﺳﻴﻒ ﻋﻠﻰ ﺣﻴﻠﻪ ﻭﻭﺍﻧﻬﺰﻡ ﻭﻣﺎ ﺑﻘﻰ ﻣﻦ
ﻋﻨﺪﻩ ﺑﺲ ﻓﺮﺩﺕ ﻧﻌﺎﻟﻪ
ﺩﺍﺭ ﻭﺟﻬﻪ ﻋﻠﻴﺔ ﻭﻫﻮ ﻳﺘﻨﻔﺲ ﺑﻐﻀﺐ
. . ﻭﺍﻧﺘﻲ ﺟﻨﻴﺔ ﺷﻌﻨﺪﺝ ﻫﻨﺎ ﺑﻨﺺ ﺍﻟﻠﻴﻞ ﻭﻳﻦ ﻣﺎ ﺍﺭﻭﺡ ﺍﻟﻜﺎﺝ ﺷﻨﻮ
ﺍﻧﺘﻲ ﻣﺎ ﺗﻜﻌﺪﻳﻦ
.. ﺩﺍﺍﺫﺏ ﺍﻟﺰﺑﻞ
.....
ﺳﻤﻌﻴﻨﻲ ﺯﻳﻦ ﻭﻟﺞ ﺧﻠﻲ ﺍﺷﻮﻓﺞ ﻣﺮﺓ ﺛﺎﻧﻴﺔ ﻃﺎﻟﻌﺔ ﺑﺎﻟﻠﻴﻞ ﺗﺬﺑﻴﻦ
ﺯﺑﻞ ﺷﺎﻳﻔﺔ ﻫﺎﻱ ﻛﺼﺎﻳﺒﺞ
ﻛﻤﻠﺖ ﺍﻟﻜﻼﻡ ﻭﻫﻲ ﺧﺎﻳﻔﺔ
.. ﺍﻋﻐﻒ ( ﺍﻋﺮﻑ ) ﺗﺴﻮﻳﻬﻢ ﺣﺒﻞ ﺗﻐﺒﻂ ( ﺗﺮﺑﻂ ) ﺑﻴﻬﻢ ﺍﻟﺨﻐﻮﻑ (
ﺍﻟﺨﺮﻭﻑ )
.. ﻻ ﻣﺎ ﺣﺰﺭﺗﻲ ﺍﺳﻮﻳﻬﻢ ﺣﺒﻞ ﺣﺘﻰ ﺍﻋﻠﻜﺞ ﺑﻴﻬﺎ ﺑﺎﻟﺒﻨﻜﺔ
ﺣﻄﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﺑﺨﻮﻑ
ﻭﺻﻠﻨﻲ ﻟﻠﺒﺎﺏ ﺑﻴﺘﻨﺎ ﻭﻫﻮ ﻳﺪﺭﺩﻡ
ﺻﺎﺩﻓﻨﺎ ﺭﺍﺋﺪ ﻃﺎﻟﻊ ﻣﻦ ﺑﻴﺘﻬﻢ ﻭﺷﺎﻑ ﻋﻴﻮﻧﻲ ﺣﻤﺮ ﻭﻻﺯﻣﺔ
ﺳﻄﻠﺔ ﺍﻟﺰﺑﻞ ﺑﻴﺪﻱ
.. ﺧﻴﺮ ﺷﻜﻮ ﻟﻴﺶ ﺗﺒﺠﻴﻦ
ﺑﺎﻭﻉ ﻋﻠﻰ ﻗﺎﺳﻢ .. ﻻﺗﻜﻮﻝ ﺍﻧﺖ ﻣﺒﺠﻴﻬﺎ ﻳﻤﻌﻮﺩ ﺑﻌﺪﻙ ﺣﺎﻁ ﻋﻘﻠﻚ
ﻭﻳﺎﻫﺎ ﻣﻮ ﻛﺒﺮﻧﺎ
ﻗﺎﺳﻢ ﺣﺠﺎﻟﻪ ﻋﻦ ﺳﻴﻒ ﻭﺭﺍﺋﺪ ﻛﺎﻡ ﻳﺴﺐ ﻭﻳﻐﻠﻂ ﻭﻛﻠﻪ
.. ﻗﺎﺳﻢ ﺍﻟﻠﻪ ﻋﻠﻴﻚ ﺗﻌﺎﻝ ﻭﻳﺎﻱ ﻭﺩﻳﻠﻨﻲ ﻋﻠﻰ ﻣﻜﺎﻧﻪ
ﺍﺭﻳﺪ ﺍﻟﻴﻮﻡ ﺍﺯﻳﻨﻪ ﺻﻔﺮ ﻭﺍﺧﻠﻴﻪ ﻋﺒﺮﺓ ﻟﻠﻮﻟﺪ ﺍﻟﻤﻨﻄﻘﺔ
.. ﻣﺎ ﻳﺤﺘﺎﺝ ﻣﺴﺤﺖ ﺑﻴﻪ ﺍﻟﺰﺑﻞ ﻭﻃﻴﺤﺖ ﺣﻈﻪ ﻭﺍﻧﺬﺭﺗﻪ ﺑﻌﺪ ﻣﺎ
ﺍﺷﻮﻓﻪ ﺑﺎﻟﻤﻨﻄﻘﺔ ﻭﺧﻠﻴﻪ ﻫﻮ ﺍﺑﻦ ﺭﺟﺎﻝ ﻭﻳﺠﺮﺏ ﻳﻜﺴﺮ ﺣﺠﺎﻳﺘﻲ
ﺩﺍﺭ ﺭﺍﺋﺪ ﻭﺣﺠﺔ ﻭﻳﺔ ﻫﺪﻯ
.. ﻫﺪﻯ ﻣﺮﺓ ﻟﺦ ﻣﺘﻄﻠﻌﻴﻦ ﺗﺬﺑﻴﻦ ﺯﺑﻞ ﺑﺎﻟﻠﻴﻞ ﺳﺎﻣﻌﺔ
ﻋﻨﺪﻛﻢ ﺯﺑﺎﻟﺔ ﻋﻮﻓﻴﻬﺎ ﻳﻢ ﺍﻟﺒﺎﺏ ﻭﺍﻧﻲ ﺍﺧﺬﻫﺎ ﻭﺍﺫﺑﻬﺎ
ﺳﺎﻣﻌﺔ
ﻫﺰﻳﺖ ﺭﺍﺳﻲ ﺑﻨﻌﻢ ﺑﺪﻭﻥ ﻣﺎ ﺍﺣﺠﻲ ﺟﻨﺖ ﺧﺎﻳﻔﺔ ﻭﺟﺴﻤﻲ
ﻛﻠﻪ ﻳﺮﺣﻒ ﻣﻦ ﺍﻟﺼﺎﺭ ﻳﻌﻨﻲ ﻟﻮﻣﺎ ﻫﺬﺍ ﻗﺎﺳﻢ ﺍﻟﻮﻛﺢ ﺟﺎﻥ ﺍﻟﻠﻪ
ﺍﻟﻌﺎﻟﻢ ﺷﻨﻮ ﺳﻮﺍﻟﻲ ﻫﺬﺍ ﺳﻴﻒ
ﺟﻨﺖ ﺻﺎﻓﻨﺔ ﻭﺳﻤﻌﺖ ﺯﻣﺨﺔ ﻗﺎﺳﻢ ﺑﻴﺔ
.. ﺩﺧﻴﻞ ﺍﻟﻠﻪ ﺷﻜﺪ ﺛﻮﻟﺔ ﻭﻓﺎﻫﻴﺔ ﻳﺎﻟﻠﻪ ﺩﺧﻠﻲ ﻓﻮﺗﻲ ﺟﻮﺓ
ﻛﻤﺰﺕ ﻣﻦ ﻣﻜﺎﻧﻲ
ﻭﺩﺧﻠﺖ ﺟﻮﺓ ﻭﺳﺪﻳﺖ ﺍﻟﺒﺎﺏ ﻭﺍﻧﻲ ﺍﻋﻴﺐ ﻋﻠﻴﻪ ﻭﻗﻠﺪ ﺻﻮﺗﻪ
.. ﺩﺧﻴﻞ ﺍﻟﻠﻪ ﺷﻜﺪ ﺛﻮﻭﻟﺔ ﻳﻴﻴﻴﻴﻴﻴﻲ
ﺳﻤﻌﺖ ﺻﻮﺗﻪ ﻣﻦ ﻭﺭﺓ ﺍﻟﺒﺎﺏ
.. ﻟﺞ ﺟﻨﻴﺔ ﻫﺎﻱ ﻋﻠﻤﻴﻦ ﺗﻌﻴﺒﻴﻦ
ﻋﺰﺯﺯﺓ ﺿﺮﺑﺖ ﻋﻠﻰ ﺣﻠﻜﻲ ﻭﺭﺣﺖ ﺍﺭﻛﺾ ﺑﺴﺮﻋﺔ ﺧﺎﻳﻔﺔ ﻋﺒﺎﻟﻚ
ﺭﺍﻛﺾ ﻭﺭﺍﻱ ﻛﻠﺐ
ﻭﺑﻴﻮﻣﻬﺎ ﺷﻔﺖ ﺷﻴﻤﺎﺀ ﻭﺣﺠﻴﺘﻠﻬﺎ ﺍﻟﺼﺎﺭ
ﻭﻫﻲ ﺍﺧﺬﺗﻨﻲ ﻟﺤﻀﻨﻬﺎ ﺑﺨﻮﻑ
.. ﻳﻤﺔ ﺻﺨﺎﻡ ﺍﻟﺼﺨﻤﻨﻲ ﺯﻳﻦ ﻣﺴﻮﺓ ﺑﻴﺞ ﺷﻲ ﺍﻟﻠﻪ ﻻ ﻳﻮﻓﻘﻪ
ﻫﻤﺰﻳﻦ ﻗﺎﺳﻢ ﻟﺤﻚ ﻋﻠﻴﺞ ﻻﺯﻡ ﺍﺭﻭﺡ ﺑﺎﺟﺮ ﻭﺍﺗﺸﻜﺮ ﻣﻨﻪ
............ ،
ﻗﺎﺳﻢ
ﺩﺧﻠﺖ ﻟﻠﺒﻴﺖ ﻭﻛﻌﺪﺕ ﺍﻋﺪﻝ ﺑﻤﻼﺑﺴﻲ ﻭﺑﺸﻌﺮﻱ
ﺣﺘﻰ ﻻ ﺍﻟﻮﺍﻟﺪ ﻳﺸﻮﻓﻨﻲ ﻭﻭﻳﻨﺘﺒﻪ ﻳﻌﺮﻑ ﺑﻴﺔ ﻣﺘﻌﺎﺭﻙ
ﻭﺻﻠﺖ ﻳﻢ ﺍﻟﺪﺭﺝ ﺍﺭﻳﺪ ﺍﺻﻌﺪ ﻭﻭﺟﺎﻧﻲ ﺻﻮﺕ ﺍﺑﻮﻱ ﻣﻦ ﻭﺭﺓ
ﺍﺑﻮ ﻗﺎﺳﻢ .. ﻭﺍﺧﻴﺮﺍ ﺷﺮﻑ ﺍﻻﺳﺘﺎﺫ
ﺟﺎﻥ ﺍﺑﻮﻱ ﻻﺯﻣﻠﻲ ﺍﻟﺪﺭﺝ ﻭﺍﻣﻲ ﻭﺍﻛﻔﺔ ﻭﺭﺍﻩ
.. ﻫﻼ ﻳﺎﺑﺔ
....
ﻫﻼ ﺑﻴﻚ ﺩﻛﺘﻮﺭ ﻗﺎﺳﻢ ﻫﻼ ﺑﻴﻚ ﻳﺎ ﺭﻓﻌﺔ ﺭﺍﺳﻲ
ﺩﻧﻜﺖ ﺍﺩﺭﻱ ﺑﻲ ﻫﺴﺔ ﻫﻮ ﺣﺎﻟﻴﺎ ﺷﻌﻠﺔ ﻣﺎﻝ ﻧﺎﺭ ﺷﻲ ﺍﻛﻴﺪ ﺍﻣﻲ
ﺧﺒﺮﺗﻪ ﺑﻤﻮﺿﻮﻉ ﺍﻟﻄﻮﺑﺔ
ﺍﺑﻮ ﻗﺎﺳﻢ .. ﺑﺎﻟﻠﻪ ﺷﻮ ﺗﻌﺎﻝ ﺍﻧﺰﻝ ﻭﻓﻬﻤﻨﻲ ﺷﻨﻮ ﻫﺬﺍ ﺍﻟﺨﺮﻳﻂ ﺍﻟﻲ
ﺍﻣﻚ ﺣﺠﺘﻠﻲ ﻋﻨﻪ
ﻗﺎﺳﻢ ﻧﺰﻟﺖ ﻭﺍﻧﺎ ﺍﺳﺤﺐ ﻧﻔﺲ ﻟﻠﺼﺒﺮ ... ﻧﻔﺴﻲ ﺍﺑﻮﻱ ﻳﻔﻬﻤﻨﻲ . ﻭﻟﻮ
ﻣﺮﺓ ﺑﺤﻴﺎﺗﻪ ﻛﻠﺔ ﻳﻤﺸﻲ ﻭﻳﺎﻱ ﺑﺎﻟﻤﻜﻠﻮﺏ
.. ﺍﻱ ﻳﺎﺑﺔ ﺍﻧﺎ ﺍﺭﻳﺪ ﺟﻨﺖ ﻣﻠﺘﺤﻖ ﺑﻨﺎﺩﻱ ﻣﺎﻝ ﻛﺮﺓ ﻗﺪﻡ ﻭﺍﻟﻤﺪﺭﺏ
ﺷﺎﻑ ﻣﻬﺎﺭﺗﻲ ﺑﺎﻟﻄﻮﺑﺔ ﻭﻛﺎﻝ ﺭﺍﺡ ﺍﺩﺧﻞ ﺍﺳﻤﻚ ﺿﻤﻦ ﻗﺎﺋﻤﺔ
ﺍﻟﻼﻋﺒﻴﻦ ﺍﻟﻨﺎﺷﺌﻴﻦ ﺑﺎﻟﻤﻨﺘﺨﺐ ﻭﺍﺳﺎﻓﺮ ﻭﻳﺎﻫﻢ
ﻟﻠﺨﺎﺭﺝ
ﺑﺲ ﻳﺤﺘﺎﺟﻮﻥ ﺣﻀﻮﺭﻙ ﻭﻳﺎﺧﺬﻭﻥ ﺗﻮﻗﻴﻊ ﻣﻮﺍﻓﻘﺘﻚ ﻭﺍﻟﺴﻤﺎﺡ ﺍﻟﻴﺔ
ﺍﺳﺎﻓﺮ ﻭﻳﺎﻫﻢ ﻻﻥ ﺍﻧﻲ ﻋﻤﺮﻱ 16 ﻣﻴﺼﻴﺮ ﺍﺳﺎﻓﺮ ﺍﻻ ﻣﻮﺍﻓﻘﺔ ﻭﻟﻲ
ﺍﻻﻣﺮ
ﺍﺑﻮ ﻗﺎﺳﻢ ﺑﻐﻀﺐ .. ﻭﺍﻟﻠﻪ ﻋﺎﻝ ﻳﻌﻨﻲ ﻋﺎﻻﺳﺎﺱ ﺍﻧﺎ ﻋﻨﺪﻱ ﺍﻟﻌﺸﺮﺓ
ﻭﺍﻛﻌﺪ ﺍﺩﻳﺤﻚ ﻭﺍﻓﺮﻁ ﺑﻴﻚ ﻫﻲ ﻫﺎﻱ ﺗﺎﻟﻴﺘﻚ ﺗﻠﻌﺐ ﻃﻮﺑﺔ ﻣﺎ ﻳﻨﻼﻡ
ﺍﺧﻮﻱ ﻣﺤﻤﺪ ﺑﻴﻮﻡ ﻳﻜﻠﻲ ﺍﺑﻨﻚ ﻓﺎﺷﻞ ﻭﻣﺎ ﺭﺍﺡ ﻳﺼﻴﺮ ﺑﺮﺍﺳﻪ ﺧﻴﺮ
ﻟﻚ ﺷﻮﻑ ﺍﻟﻨﺎﺱ ﻭﻳﻦ ﻭﺻﻠﺖ ﻭﺍﻧﺎ ﺣﻈﻲ ﻳﺮﻳﺪ ﻳﺴﺎﻓﺮ ﻭﻳﻠﻌﺐ
ﻃﻮﺑﺔ ﺷﻮﻑ ﻭﻟﻚ ﺍﻟﻈﺎﻫﺮ ﺍﻧﺎ ﻃﻠﻌﺖ ﻋﻴﻨﻚ ﺑﺎﻟﺪﻻﻝ
ﺑﺲ ﻟﻬﻨﺎ ﻭﻛﺎﻓﻲ ﺍﻧﺴﻰ ﺷﻲ ﺍﺳﻤﻪ ﻧﺎﺩﻱ ﺭﻳﺎﺿﺔ ﻭﻃﻮﺑﺔ ﻓﺎﻫﻢ ﻭﻟﻮ
ﺗﻤﻮﺕ ﻣﺎ ﺍﺧﻠﻴﻚ ﺗﺴﺎﻓﺮ ﻭﻳﺎﻫﻢ
ﻭﻭﺍﻧﺎ ﻭﻟﻲ ﺍﻣﺮﻙ ﻭﺍﺷﻮﻑ ﻣﻨﻮ ﻳﻨﻄﻴﻬﻢ ﺍﻟﻤﻮﺍﻓﻘﺔ ﺑﺎﻟﻠﻪ
ﻗﺎﺳﻢ ﺑﻐﻀﺐ ﻭﺭﻓﺾ ﻭﺻﻴﺎﺡ ﺭﺝ ﺍﺭﻛﺎﻥ ﺍﻟﺒﻴﺖ
.. ﻭﺍﻟﻠﻪ ﺍﻟﻌﻈﻴﻢ ﺍﺫﺍ ﻣﺎ ﺍﺳﺎﻓﺮ ﻭﻳﺎﻫﻢ ﺻﺪﻛﻨﻲ ﺍﺳﻮﻱ ﺳﻮﺍﻳﺔ ﺍﺧﻠﻴﻚ
ﺗﻌﺾ ﺍﻳﺪﻙ ﻣﻦ ﺍﻟﻨﺪﻡ
ﺻﻌﺪ ﻗﺎﺳﻢ ﻭﺍﻟﺒﻴﺖ ﺍﻧﻜﻠﺐ ﺟﻬﻨﻢ ﻣﻦ ﺑﻌﺪﻩ ﺍﻻﺏ ﻳﺼﻴﺢ ﻭﺍﻻﻡ
ﺗﻬﺪﻱ ﻭﺍﻟﺨﻮﺍﺕ ﻳﺘﺤﺴﺒﻦ ﻋﻠﻰ ﺍﺧﻮﻫﻢ ﺍﻟﻲ ﻣﺸﺎﻓﻮﺍ ﻣﻨﻪ ﺑﺲ
ﺍﻟﻠﻮﻋﺔ ﻭﺍﻟﻮﻛﺎﺣﺔ
...........
ﻣﺮﻭﺓ ﺑﺼﺮﺧﺔ ﻓﺮﺡ ﺩﺧﻠﺖ ﻟﻠﺒﻴﺖ ﺗﺪﻭﺭ ﻋﻠﻰ ﺷﻴﻤﺎﺀ
ﺍﺟﺘﻲ ﺷﻴﻤﺎﺀ ﺑﺨﻮﻑ ﺗﺸﻮﻑ ﺷﺒﻴﻬﺎ ﺗﺼﺮﺥ ﻭﻃﻠﻌﻮﺍ ﻫﺪﻯ ﻭﺿﺤﻰ
ﻳﺸﻮﻓﻮﻥ ﺍﺧﺘﻬﻢ ﻟﻴﺶ ﺗﺼﻴﺢ
ﺟﺎﻧﺖ ﻻﺯﻣﺔ ﺑﻴﺪﻫﺎ ﻭﺭﻗﺔ ﺭﺍﻓﻌﺘﻬﺎ ﻭﺗﺒﺠﻲ
.. ﺑﻨﺎﺕ ﺑﺎﺭﻭﻛﻮﻟﻲ ﺍﻟﺤﻜﻮﻣﺔ ﺭﺍﺡ ﺗﺪﺯﻧﻲ ﻋﻠﻰ ﺣﺴﺎﺑﻬﺎ ﺍﻛﻤﻞ
ﺩﺭﺍﺳﺘﻲ ﺑﺎﻟﺨﺎﺭﺝ
ﺭﻛﻀﻮﺍ ﺍﻟﺒﻨﺎﺕ ﻭﺣﻀﻨﻮﺍ ﺍﺧﺘﻬﻢ ﺑﻴﻦ ﺍﻟﻔﺮﺡ ﻭﺑﻴﻦ ﺍﻟﺪﻣﻮﻉ
ﻛﺎﻧﺖ ﺍﻭﻝ ﻓﺮﺣﺔ ﻋﺎﺷﻮﻫﺎ ﺍﻟﺒﻨﺎﺕ ﻣﻦ ﺑﻌﺪ ﻭﻓﺎﺓ ﺍﻣﻬﻢ
ﺷﻴﻤﺎﺀ .. ﺣﺒﻴﺒﺘﻲ ﻣﺮﻭﺓ ﺍﻧﺘﻲ ﺳﺒﺎﻋﻴﺔ ﺑﻜﺪﻫﺎ ﻭﻛﺪﻭﺩ
ﻫﺴﺔ ﻣﺎﻣﺎ ﺗﻔﺮﺡ ﺑﻴﺞ
ﻣﺮﻭﺓ ﻭﺩﻣﻮﻉ ﺍﻟﻔﺮﺡ ﻏﺮﻛﺖ ﻋﻴﻮﻧﻬﺎ
.. ﺍﻟﻠﻪ ﻳﺮﺣﻤﻬﺎ ﻟﺞ ﺷﻴﻤﺎﺀ ﻣﺪﺍ ﺍﺻﺪﻙ ﻭﺍﺧﻴﺮﺍ ﺍﺗﺤﻘﻖ ﻭﺍﺣﺪ ﻣﻦ
ﺍﺣﻼﻣﻲ ﻭﺍﻥ ﺷﺎﺀ ﺍﻟﻠﻪ ﺍﺣﻘﻖ ﺍﺣﻼﻣﻲ ﺍﻟﺒﻘﻴﺔ
ﺷﻴﻤﺎﺀ .. ﻋﻠﻰ ﻛﺪﻣﺎ ﺟﻨﺖ ﻓﺮﺣﺎﻧﺔ ﻟﻤﺮﻭﺓ ﺗﺴﺎﻓﺮ ﻟﺒﻌﺜﺘﻬﺎ
ﺑﺎﻟﺨﺎﺭﺝ ﻋﻠﻰ ﻛﺪ ﻣﺎ ﺟﻨﺖ ﺧﺎﻳﻔﺔ ﻋﻠﻴﻬﺎ ﺭﺍﺡ ﺗﻔﺘﺮﻕ ﻋﻨﺎ
ﺻﺮﺕ ﺍﺑﺎﻭﻉ ﻋﻠﻴﻬﺎ ﻭﻋﻠﻰ ﺧﻮﺍﺗﻲ ﻭﺍﻧﻲ ﺷﺎﻳﻠﺔ ﻫﻢ ﻟﺒﺎﺟﺮ
ﻳﺘﺒﻊ
ﻣﻊ ﺗﺤﻴﺎﺕ ﺍﺧﺘﻜﻢ ﻧﻬﻰ
ﺍﺣﺒﻜﻢ ﻫﻮﺍﻱ ﺍﺣﺒﻜﻢ ﻛﻮﻣﺔ
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء