رواية أساور الفضة ج1 الجزء الأول




رواية أساور الفضة ج1 الجزء الأول

للكاتبة نهى

ﺍﻧﺎ ...
ﺳﻮﺍﺭ ﻓﻀﺔ ﻓﻲ ﻣﻌﺼﻢ ﺍﻣﻲ
ﻓﺮﺣﺔ ﻟﻢ ﺗﻜﺘﻤﻞ ﺣﻴﻦ ﺍﻟﻮﻻﺩﺓ
ﻭﻟﺪ .. ﺍﻣﻲ ﺗﻤﻨﺘﻨﻲ
ﻟﺘﺰﻳﻦ ﺍﻟﺼﺪﺭ ﻻ ﺍﻟﻤﻌﺼﻢ ﺑﻘﻼﺩﺓ
ﺩﻣﻊ ﺩﻋﺎﺅﻫﺎ ﺍﻟﻠﻴﻠﻲ ﺑﻠﻞ ﺍﻟﻮﺳﺎﺩﺓ
ﺍﻧﺎ ..
ﺳﻮﺍﺭ ﻓﻀﺔ ﻓﻲ ﻣﻌﺼﻢ ﺍﻣﻲ
ﻗﻴﻮﺩ ﻧﺎﺭ ﻭﻋﺎﺭ
ﻓﻤﺪﻳﻨﺘﻨﺎ ﻣﺘﻮﺍﺯﻳﺔ ﺍﻻﻋﺮﺍﻑ
ﺷﻮﺍﺭﻉ ﻻ ﺗﻠﺘﻘﻲ
ﻻ ﺗﻌﺮﻑ ﻟﻐﺔ ﺍﻟﺤﺐ
ﻻ ﺗﺄﺑﻪ ﺑﺎﻟﺒﺪﺍﻳﺎﺕ
ﻻ ﺗﻨﻬﻲ ﻧﻬﺎﻳﺎﺕ
ﺷﻮﺍﺭﻋﻬﺎﺍﺍ ... ﻻ ﺗﻠﺘﻘﻲ
ﻓﻴﻬﺎ ﺍﻻﻧﺜﻰ ﻣﺬﻣﻮﻣﺔ ..
ﻭﻣﻦ ﺗﻠﺪ ﺍﻻﻧﺜﻰ ﻣﺬﻣﻮﻣﺔ
ﻭﺣﺪﻩ ﺍﻟﺬﻛﺮ ﻣﻦ ﻳﻜﻤﻞ ﺍﻻﻣﻮﻣﺔ
ﺍﻧﺎ ..
ﺳﻮﺍﺭ ﻓﻀﺔ ﻓﻲ ﻣﻌﺼﻢ ﺍﻣﻲ
)) ﺑﻘﻠﻢ ﻫﺪﻯ ((
.......................
ﻃﻠﻌﺖ ﻣﻦ ﻳﻢ ﺍﻟﺪﻛﺘﻮﺭﺓ ﻭﺑﻴﺪﻱ ﻭﺭﻗﺔ ﺍﻟﺴﻮﻧﺎﺭ ﻭﺩﻣﻮﻋﻲ ﺗﺼﺐ
ﻋﺸﺮﺓ ﻋﺸﺮﺓ
ﺍﻟﻨﺴﻮﺍﻥ ﺍﻟﻲ ﺑﺎﻟﻌﻴﺎﺩﺓ ﻳﺒﺎﻭﻋﻮﻥ ﻋﻠﻴﺔ ﺑﻔﻀﻮﻝ
ﺳﻤﻌﺖ ﻣﺮﻳﺔ ﺟﺒﻴﺮﺓ ﺗﺤﺠﻲ ﻭﻳﺔ ﺍﻟﺒﺼﻔﻬﺎ ﺗﻜﻠﻠﻬﺎ
.. ﺧﻄﻴﺔ ﺑﺲ ﻻ ﻛﻠﺘﻠﻬﺎ ﺍﻟﺪﻛﺘﻮﺭﺓ ﺑﻴﻬﺎ ﺷﻲ ﺧﻄﻴﺮ
ﺣﺮﺕ ﻭﻳﻦ ﺍﻧﻄﻲ ﻭﺟﻬﻲ
ﻏﻤﻀﺖ ﻋﻴﻨﻲ ﻭﺍﺧﺬﺕ ﻧﻔﺲ ﻭﻣﺴﺤﺖ ﺩﻣﻮﻋﻲ ﻗﺒﻞ ﻻ ﺍﻃﻠﻊ ﺑﺮﺓ
ﺍﻟﻌﻴﺎﺩﺓ ﺍﺧﺎﻑ ﻭﺣﺪﺓ ﻣﻦ ﻧﺴﻮﺍﻥ ﻣﻨﻄﻘﺘﻨﺎ ﺗﺸﻮﻓﻮﻧﻲ ﺍﺑﺠﻲ
ﻭﺗﻮﺻﻞ ﺧﺒﺮ ﻟﻌﻤﺘﻲ
ﻻﻥ ﻣﻮ ﻛﻠﻬﻢ ﻳﻌﺮﻓﻮﻥ ﺑﻀﻴﻢ ﻛﻠﺒﻲ ﻣﺮﻳﺖ .. ﻣﻦ ﻳﻢ ﺍﻟﻤﻤﺮﺿﺔ
ﻭﺍﺧﺬﺕ ﺍﻟﻔﺎﻳﻞ ﻣﺎﻟﺖ ﺍﻟﻤﺮﺍﺟﻌﺔ ﻣﻦ ﻳﻤﻬﺎ ﻭﻛﺎﻟﺖ
.. ﺑﺜﻴﻨﺔ ﻣﻮ ﺗﻨﺴﻴﻦ ﺍﻻﺳﺒﻮﻉ ﺍﻟﺠﺎﻱ ﻣﻮﻋﺪ ﺍﻟﻠﻘﺎﺡ ﺗﺠﻴﻦ ﺗﻠﻘﺤﻴﻦ
ﻭﻧﺴﺠﻠﻪ ﺑﺪﻓﺘﺮﺝ ﺍﻟﺼﺤﻲ
ﺟﺎﻭﺑﺘﻬﺎ .. ﺍﻥ ﺷﺎﺀ ﺍﻟﻠﻪ
ﺍﻟﻤﺴﺘﻮﺻﻒ ﺍﻟﻄﺒﻲ ﺟﺎﻥ ﺑﻨﻔﺲ ﻣﻨﻄﻘﺘﻨﺎ ﻗﺮﻳﺐ ﻋﻠﻰ ﺑﻴﺖ ﻋﻴﺎﻟﻲ
ﺧﺎﻳﻔﺔ ﻭﻣﺤﺘﺎﺭﺓ ﻣﺎ ﺍﺭﻳﺪ ﺍﺭﺟﻊ ﻟﻠﺒﻴﺖ ﻭﺍﻧﻲ ﻋﻴﻮﻧﻲ ﺣﻤﺮ ﺍﺧﺎﻑ
ﻳﻌﺮﻓﻮﻥ ﺑﻤﺼﻴﺒﺘﻲ ﻭﺍﻧﻔﻀﺢ ﻭﺳﺎﻋﺘﻬﺎ ﻳﻨﻬﺠﻢ ﺑﻴﺘﻲ
ﺭﻓﻌﺖ ﺭﺍﺳﻲ ﻟﻠﺴﻤﺎﺀ ﺟﺎﻧﺖ ﺍﻟﺴﺎﻋﺔ ﺏ١١ ﺍﻟﺼﺒﺢ ﻭﺍﻟﺸﻤﺲ
ﻋﺎﻟﻴﺔ ﺗﺼﻜﻊ ﺑﺎﻟﺮﺍﺱ ﺻﺮﺕ ﺍﻧﺎﺟﻲ ﺭﺏ ﺍﻟﻌﺒﺎﺩ
ﺭﺑﻲ ﺿﺎﻛﺖ ﻋﻠﻴﺔ ﺍﻟﻮﺍﺳﻌﺔ ﺧﺎﻳﻔﺔ ﻣﻦ ﻋﺒﺎﺩﻙ ﻳﺒﻄﺸﻮﻥ ﺑﻴﺔ ﻭﺍﻧﻲ
ﻣﺮﻳﺔ ﺿﻌﻴﻔﺔ ﻻﺣﻮﻝ ﻭﻻ ﻗﻮﺓ
ﻭﺍﻧﺖ ﺍﻋﻠﻢ ﺑﻴﻬﻢ ﺍﻛﺜﺮ ﻣﻨﻲ ﻭﻳﻦ ﺍﻧﻄﻲ ﻭﺟﻬﻲ
ﺟﻨﺖ ﺍﻣﺸﻲ ﺑﻄﻲﺀ ﺍﺟﺮ ﺑﺨﻄﻮﺍﺗﻲ ﺟﺮ ﺍﺗﻤﻨﻰ ﺍﻟﻄﺮﻳﻖ ﻛﻮﻥ ﻳﻄﻮﻝ
ﻭﻣﺎ ﺍﻭﺻﻞ ﻟﺒﻴﺖ ﻋﻴﺎﻟﻲ ﺑﺴﺮﻋﺔ
ﺷﺤﺠﻲ ﻭﺷﻜﻮﻝ ﺧﻄﻴﺔ ﺑﻨﺎﺗﻲ ﻫﺴﺔ ﻳﺮﺟﻌﻮﻥ ﻣﻦ ﺍﻟﻤﺪﺭﺳﺔ
ﻳﻨﺘﻈﺮﻭﻧﻲ ﻋﻠﻰ ﺍﺣﺮ ﻣﻦ ﺍﻟﺠﻤﺮ ﻳﺮﺩﻭﻥ ﻳﻌﺮﻓﻮﻥ ﺍﻟﺨﺒﺮ
.
ﺟﻨﺖ ﺍﻣﺸﻲ ﻭﺻﻠﺖ ﻟﺮﺍﺱ ﺍﻟﺸﺎﺭﻉ ﺍﻟﻌﺎﻡ ﻭﻛﻔﺖ ﺳﻴﺎﺭﺓ ﺑﺎﺹ
ﻧﻔﺮﺍﺕ
ﻛﺒﻞ ﺍﺟﺔ ﻋﻠﻰ ﺑﺎﻟﻲ ﺍﺭﻭﺡ ﺍﺯﻭﺭ ﺍﺑﻮ ﺍﻟﺠﻮﺍﺩﻳﻦ ﻋﻠﻴﻬﻤﺎ ﺍﻟﺴﻼﻡ ﺍﻱ
ﻭﺍﺭﻳﺪ ﻫﻨﺎﻙ ﻳﻢ ﺷﺒﺎﻛﻪ ﺍﺫﺏ ﺣﻤﻠﻲ ﻳﻤﻪ ﻭﺍﺷﻜﻲ ﻫﻤﻲ
ﺍﻱ ﻫﻮ ﻣﺎﻛﻮ ﻏﻴﺮ ﻫﺬﺍ ﺍﻟﻤﻜﺎﻥ ﺍﻟﻲ ﺭﺍﺡ ﻳﻬﻮﻥ ﻋﻠﻴﺔ ﻣﺼﻴﺒﺘﻲ
ﻭﻳﻨﻄﻴﻨﻲ ﺍﻟﺼﺒﺮ ﻓﺘﺤﺖ ﺍﻟﺠﺰﺩﺍﻥ ﻭﺷﻔﺖ ﻋﻨﺪﻱ ﻓﻠﻮﺱ ﻣﺎﻝ ﺧﻴﺎﻃﻪ
ﺍﻟﺒﺎﺭﺣﻪ ﺍﺳﺘﻠﻤﺘﻬﺎ ﺻﺤﻴﺢ ﻗﻠﻴﻠﻪ ﺑﺲ ﺍﻟﺤﻤﺪﻟﻠﻪ .
ﺭﺣﺖ ﻭﻛﻔﺖ ﻋﺎﻟﺸﺎﺭﻉ ﺍﻟﻌﺎﻡ ﺍﻧﺘﻈﺮ ﺍﺭﻛﺐ ﻧﻔﺮﺍﺕ ﻭﺍﺟﺘﻲ ﺳﻴﺎﺭﺓ
ﻣﻘﺒﻄﺔ ﺍﺷﺮﺗﻠﻪ ﻭﻛﻔﻠﻲ
ﺭﻛﺒﺖ ﺷﻠﻮﻥ ﻣﺎﺟﺎﻥ ﻭﻭﺻﻠﺘﻨﺎ ﻟﻠﻜﺮﺍﺝ ﻭﻣﻨﺎﻙ ﺭﻛﺒﺖ ﺳﻴﺎﺭﺓ ﺛﺎﻧﻴﺔ
ﻧﻔﺮﺍﺕ ﻟﻼﻣﺎﻡ ﺍﻟﻜﺎﻇﻢ ﻋﻠﻴﻪ ﺍﻟﺴﻼﻡ
ﻋﻠﻰ ﻃﻮﻝ ﺍﻟﻄﺮﻳﻖ ﺍﻧﺎ ﺍﺗﺤﺴﺐ ﻭﺍﻛﻮﻝ ﺭﺑﻲ ﻻ ﺍﻋﺘﺮﺍﺽ ﻋﻠﻰ ﺣﻜﻤﻚ
ﺍﺣﻤﺪﻙ ﻭﺍﺷﻜﺮﻙ ﻋﻠﻰ ﻛﻞ ﺣﺎﻝ
ﺑﺲ ﺷﺴﻮﻱ ﺍﻟﻤﺼﻴﺒﺔ ﺍﻟﻲ ﻋﻨﺪﻱ ﺷﻴﻘﻨﻌﻬﻢ
ﻭﺻﻠﺖ ﻭﻫﻨﺎﻙ ﻣﺮﻳﺖ ﻋﻠﻰ ﺳﻮﻕ ﺍﻟﻜﺎﻇﻤﻴﺔ
ﻭﺻﺎﺭ ﺑﻮﺟﻬﻲ ﻣﺤﻞ ﺻﺎﻳﻎ ﺍﻟﻔﻀﺔ ﺍﻟﻘﺪﻳﻢ ﺟﺎﻥ ﻛﺎﻋﺪ ﺑﻲ ﺭﺟﺎﻝ
ﺟﺒﻴﺮ ﺍﺗﻌﻮﺩﺕ ﺩﺍﺋﻤﺎ ﻣﻦ ﻋﻨﺪﻩ ﺍﺷﺘﺮﻱ ﺍﻟﺴﻮﺍﺭﺍﺕ
ﺷﺎﻓﻨﻲ ﺍﻟﺮﺟﺎﻝ .. ﻫﻼ ﻋﻤﻮ ﻭﻳﻦ ﻫﺎﻟﻐﻴﺒﺔ ﺍﺗﻔﻀﻠﻲ ﻋﻤﻮ ﺑﺸﻨﻮ
ﺍﺧﺪﻣﺞ
.. ﺧﺎﺩﻡ ﺭﺑﻚ ﻋﻤﻮ ﻭﺍﻟﻠﻪ ﺍﺟﻴﺘﻚ ﻫﺎﻟﻤﺮﺓ ﻣﺜﻞ ﻛﻞ ﻣﺮﺓ ﺍﺷﺘﺮﻱ ﺳﻮﺍﺭ
ﻓﻀﺔ ﻭﺗﻨﻘﺶ ﻋﻠﻴﻪ ﺍﻟﺮﻗﻢ
ﺍﺑﺘﺴﻢ .. ﻫﺎ ﻋﻤﻮ ﺭﺍﺡ ﺗﺠﻴﺞ ﺍﻟﺨﺎﻣﺴﺔ ﻳﻌﻨﻲ ﺍﻧﻘﺶ ﻋﻠﻴﻪ ﺭﻗﻢ
ﺧﻤﺴﺔ
.. ﺍﻱ ﻭﺍﻟﻠﻪ ﻣﺜﻞ ﻛﻞ ﻣﺮﺓ ﺑﻌﺪ ﺷﺴﻮﻱ ﻫﺬﺍ ﺍﻣﺮ ﺍﻟﻠﻪ ﺟﻨﺖ ﺍﺗﻤﻨﻰ
ﺍﺟﻴﻚ ﺍﺷﺘﺮﻱ ﻛﻼﺩﺓ ﺭﺟﻠﻲ ﻣﻮﺍﻋﺪﻧﻲ ﺑﺲ ﻳﺼﻴﺮ ﻋﻨﺪﻱ ﻭﻟﺪ
ﻳﺸﺘﺮﻳﻠﻲ ﺑﺲ ﻫﺬﺍ ﺍﻣﺮ ﺍﻟﻠﻪ ... ﺳﻮﺍﺭ ﻓﻀﺔ ﺧﺎﻣﺲ
.. ﻭﺍﻟﻨﻌﻢ ﺑﺎﻟﻠﻪ
ﺍﻧﻄﺎﻧﻲ ﺍﻟﺴﻮﺍﺭ ﺑﻌﺪ ﻣﺎ ﻧﻘﺶ ﻋﻠﻴﻪ ﺭﻗﻢ ﺧﻤﺴﺔ ﺍﻧﻄﻴﺘﻪ ﻓﻠﻮﺳﻪ
ﻭﺭﻓﺾ ﻳﺎﺧﺬ ﻣﻨﻲ ﻓﻠﻮﺱ ﺍﻟﺼﻴﺎﻏﺔ ﺍﻛﺘﻔﻰ ﺑﺲ ﺑﻔﻠﻮﺱ ﺍﻟﻔﻀﻪ
ﺍﺧﺬﺗﻪ ﻭﺍﻧﻲ ﺍﺗﺸﻜﺮ ﻣﻨﻪ ﻭﺍﻧﺪﻋﻴﻠﻪ ﺭﺣﺖ
ﻭﺩﺧﻠﺖ ﻟﻼﻣﺎﻡ ﻭﻫﻨﺎﻙ ﺯﺭﺕ ﻭﻛﻌﺪﺕ ﻭ ﺍﺑﺠﻲ ﻭﺍﺷﺘﻜﻲ ﻭﺍﻃﻠﺐ ﻣﻦ
ﺍﻟﻠﻪ ﻳﻘﻀﻲ ﺣﺎﺟﺘﻲ ﺑﺠﺎﻩ ﻛﻠﻤﻦ ﻋﻨﺪﻩ ﺟﺎﻩ ﻋﻨﺪ ﺭﺏ ﺍﻟﻌﺎﻟﻤﻴﻦ ﺭﺣﺖ
ﺻﻠﻴﺖ
ﻭﺧﻠﺼﺖ ﺻﻼﺗﻲ ﻭﻛﻌﺪﺕ ﺍﻧﺘﺠﻴﺖ ﻋﻠﻰ ﺍﻟﺤﺎﻳﻂ ﺟﺎﻥ ﺍﻟﺤﺎﻳﻂ ﻣﺮﻣﺮ
ﺭﺧﺎﻡ ﺑﺎﺭﺩ ﻭﺟﺎﻧﻮﺍ ﻣﺸﻐﻠﻴﻦ ﺗﺒﺮﻳﺪ ﻭﺭﻭﺍﺋﺢ ﺍﻟﻌﻄﻮﺭ ﺍﻟﺰﻛﻴﺔ ﺍﻟﻄﻴﺒﺔ
ﺍﺗﺴﺮﺑﺖ ﻭﻳﺔ ﺍﻧﻔﺎﺳﻲ ﺍﺣﺲ ﻣﻔﻌﻮﻟﻪ ﻣﺜﻞ ﺍﻟﻤﻬﺪﺀ
ﺳﻨﺤﺖ ﻋﺎﻟﺒﺮﻭﺩﺓ ﻭﺗﺠﻴﺖ ﺭﺍﺳﻲ ﻋﺎﻟﺤﺎﻳﻂ ﻭﻋﻴﻮﻧﻲ ﺛﻜﻠﺖ ﺍﺗﻤﻨﻴﺖ
ﺍﻏﻔﻰ ﻣﻦ ﺍﻟﺘﻌﺐ ﺟﺎﻧﺖ ﺍﺻﻮﺍﺕ ﺍﻟﺰﻭﺍﺭ ﺗﻌﻢ ﺍﻟﻤﻜﺎﻥ
.
ﻭﺍﻧﻲ ﻣﻐﻤﻀﺔ ﻋﻴﻨﻲ
ﺣﺴﻴﺖ ﻋﻠﻰ ﻭﺣﺪﺓ ﻛﻌﺪﺕ ﺑﺼﻔﻲ ﺗﺤﺠﻲ ﻭﻳﺔ ﺑﻨﺘﻬﺎ ﻣﺪﺭﻱ ﺟﻨﺘﻬﺎ
ﻣﺎﺍﻋﺮﻑ ﺷﺘﺼﻴﺮﻟﻬﺎ
ﺗﻜﻠﻠﻬﺎ ﻧﺼﻠﻲ ﻭﻧﺰﻭﺭ ﻭﻣﻦ ﻧﻄﻠﻊ ﻧﺘﻐﺪﺓ
ﻓﺘﺤﺖ ﻋﻴﻨﻲ ﻭﻣﺴﺤﺖ ﺩﻣﻌﺔ ﻣﻌﻠﻜﺔ ﻋﻠﻰ ﺭﻣﻮﺷﻲ ﺟﺬﺑﺘﻬﺎ
ﺣﺮﻛﺘﻲ ﺟﺎﻧﺖ ﻣﺮﻳﺔ ﺟﺒﻴﺮﺓ
ﻛﺎﻟﺖ .. ﻫﺎ ﺧﺎﻟﺔ ﺍﻥ ﺷﺎﺀ ﺍﻟﻠﻪ ﺣﺎﺟﺘﺞ ﻣﻘﻀﻴﺔ ﻋﻨﺪ ﺍﺑﻮ ﺍﻟﺠﻮﺍﺩﻳﻦ
ﻭﺍﻥ ﺷﺎﺀ ﺍﻟﻠﻪ ﻣﺎ ﻳﺮﺩﺝ ﺧﺎﻳﺒﺔ
ﻫﻲ ﺣﺠﺖ ﻫﺎﻱ ﺍﻟﻜﻠﻤﺎﺕ ﻭﺍﻧﻲ ﺍﻧﻬﺪﻳﺖ ﺑﺎﻟﺒﺠﻲ
.. ﻛﻮﻟﻲ ﻳﺎﻟﻠﻪ ﻳﻤﻌﻮﺩﺓ ﻣﺎﻛﻮ ﺷﻲ ﻳﺼﻌﺐ ﻋﻠﻰ ﺭﺑﺞ
ﻛﻠﺸﻲ ﻳﻨﺤﻞ ﻫﻮﻧﻴﻬﺎ ﻭﺗﻬﻮﻥ
ﺟﺎﻧﺖ ﺗﺤﺠﻲ ﺣﺘﻰ ﺗﻄﻤﻨﻲ
.. ﺧﺎﻟﺔ ﺷﺘﻬﻮﻥ ﻭﺍﻧﻲ ﺍﻟﻔﺎﺱ ﻭﻛﻊ ﺑﺎﻟﺮﺍﺱ
ﺑﻤﺼﻴﺒﺘﻲ ﻣﺎ ﻳﻔﻴﺪ ﻏﻴﺮ ﺑﺲ ﺍﻟﺼﺒﺮ ﻭﺍﻧﻲ ﺣﺘﻰ ﺍﻟﺼﺒﺮ ﻣﻞ ﻣﻨﻲ
.. ﻛﻮﻟﻲ ﺧﺎﻟﺔ ﺷﻨﻮ ﺳﺎﻟﻔﺘﺞ ﻓﻀﻔﻀﻲ ﻭﻃﻠﻌﻲ ﺍﻟﻲ ﺑﻜﻠﺒﺞ
ﺍﺗﺮﺩﺩﺕ ﺑﺎﻟﺒﺪﺍﻳﺔ ﻭﺑﻌﺪﻳﻦ ﻛﻠﺖ ﻫﻲ ﻣﺮﻳﺔ ﻏﺮﻳﺒﺔ ﻣﺎ ﺭﺍﺡ ﺗﻀﺮﻧﻲ
ﻣﺮﺍﺕ ﺍﻟﻮﺍﺣﺪ ﻳﺤﺘﺎﺝ ﻳﺤﺠﻲ ﻭﻳﺔ ﻧﺎﺱ ﻣﺎ ﻳﻌﺮﻓﻬﻢ ﻭﻳﺎﺧﺬ ﺭﺍﺣﺘﻪ
ﻭﻳﺎﻫﻢ ﻻﻥ ﻳﻌﺮﻑ ﻣﻴﺄﺛﺮﻭﻥ ﻋﻠﻰ ﺣﻴﺎﺗﻪ
.. ﺧﺎﻟﺔ ﻭﺍﻟﻠﻪ ﻣﺎ ﺍﻋﺮﻑ ﻣﻨﻴﻦ ﺍﺑﺪﻳﻠﺞ ﺑﺲ ﺧﻠﻲ ﺍﺣﺠﻴﻠﺞ
ﺍﻧﻲ ﻣﺮﻳﺔ ﺧﻠﻔﺘﻲ ﻛﻠﻬﺎ ﺑﻨﺎﺕ ﻭﻋﻴﺎﻟﻲ ﺻﻌﺒﻴﻦ ﻭﺭﺟﻠﻲ ﺍﺻﻌﺐ
ﻫﺪﺩﻧﻲ ﺍﺫﺍ ﻫﺎﻱ ﺍﻟﻤﺮﺓ ﺍﺟﻴﺐ ﺑﻨﻴﺔ ﻳﻨﻄﻴﻬﺎ ﻻﺧﻮﻩ ﻭﻳﻄﻠﻜﻨﻲ ﻭﺍﻧﻲ
ﻣﺎﻋﻨﺪﻱ ﺍﻫﻞ ﺍﺭﻭﺡ ﻋﻨﺪﻫﻢ ﺍﻫﻠﻲ ﺍﻟﻠﻪ ﺍﻧﻄﺎﻫﻢ ﻭﺍﻟﻠﻪ ﺧﺬﺍﻫﻢ ﺍﻧﻲ
ﺧﻠﻔﺖ ﺍﺭﺑﻊ ﺑﻨﺎﺕ ﻭﻫﺴﺔ ﺍﻧﻲ ﺣﺎﻣﻞ ﺑﺎﻟﺨﺎﻣﺴﺔ
ﻭﺻﺮﺕ ﺍﺣﺠﻲ ﻭﻳﺔ ﺍﻟﻤﺮﻳﺔ ﻋﻦ ﺣﻴﺎﺗﻲ ﻭﻋﻦ ﺯﻭﺟﻲ ﻭﺑﻨﺎﺗﻲ ﻭﻋﻴﺎﻟﻲ
ﺍﻟﻤﺮﻳﺔ ﺑﺎﻟﻤﻘﺎﺑﻞ
ﺻﺎﺭﺕ ﺗﻬﻮﻥ ﻋﻠﻴﺔ ﻭﺗﺤﺠﻴﻠﻲ ﻣﺼﺎﻳﺐ ﺍﻟﻨﺎﺱ ﺍﻟﻲ ﻛﺎﻧﺖ ﺍﺳﻮﺀ ﻣﻦ
ﻣﺼﻴﺒﺘﻲ ﻭﻛﺄﻧﻤﺎ ﺍﻟﻠﻪ ﺩﺯﻫﺎ ﻣﺨﺼﻮﺹ ﺣﺘﻰ
ﺗﺼﺒﺮﻋﻠﻴﺔ ﻭﺑﺄﺛﻨﺎﺀ ﺍﻟﻜﻼﻡ ﻃﻠﻌﺖ ﺍﻟﺴﻮﺍﺭ ﺍﻟﻲ ﺍﺷﺘﺮﻳﺘﻪ ﻣﻦ ﺟﻨﻄﺘﻲ
ﻭﺭﺍﻭﻳﺘﻪ ﻟﻠﻤﺮﻳﺔ ﻭﺭﻓﻌﺖ ﺍﻳﺪﻱ ﻭﺟﻨﺖ ﻻﺑﺴﺔ ﺍﺭﺑﻊ ﺳﻮﺍﺭﺍﺕ ﻓﻀﺔ
ﻭﻫﺬﺍ ﺍﻟﺴﻮﺍﺭ ﺻﺎﺭ ﺍﻟﺨﺎﻣﺲ
ﻭﺑﺎﻭﻋﺖ ﻋﻠﻴﻪ ﺑﺄﻣﻞ ﺭﻓﻌﺖ ﺍﻳﺪﻱ ﻭﻟﺒﺴﺖ ﺍﻟﺴﻮﺍﺭ ﺟﺎﻧﺖ ﺍﻟﻤﺮﻳﺔ
ﺗﺒﺎﻭﻉ ﻋﻠﻴﺔ ﻛﺎﻟﺖ
.. ﻫﺬﻧﻲ ﺍﺷﺘﺮﻳﻬﻦ ﻣﻨﺎ
.. ﺍﻱ ﺧﺎﻟﺔ ﻣﻦ ﺍﻟﺴﻮﻙ ﺍﻟﻘﺮﻳﺐ ﻋﺎﻻﻣﺎﻡ
ﺍﺷﺘﺮﻳﺖ ﺑﺲ ﻭﺍﺣﺪ ﻫﺬﻧﻲ ﺍﻻﺭﺑﻌﺔ ﻋﻨﺪﻱ ﻗﺪﻳﻤﺎﺕ ﻣﺸﺘﺮﻳﺘﻬﻢ ﻣﻦ
ﻧﻔﺲ ﺍﻟﻤﺤﻞ
.. ﺑﺎﻟﻌﺎﻓﻴﺔ ﺧﺎﻟﺔ ﻛﻠﺶ ﺣﻠﻮﺍﺕ
ﺣﺠﻴﺖ ﻭﺍﻧﻲ ﺍﺑﺎﻭﻉ ﻋﻠﻰ ﺍﻟﺴﻮﺍﺭﺕ
.. ﺍﻟﻠﻪ ﻳﻌﺎﻓﻴﺞ ﺗﺪﺭﻳﻦ ﺧﺎﻟﺔ ﺍﻧﻲ ﻭﻳﺔ ﻛﻞ ﺳﻮﺍﺭ ﻣﻦ ﻫﺬﻧﻲ ﺍﻟﺴﻮﺍﺭﺕ
ﻋﻨﺪﻱ ﻗﺼﺔ
.. ﻗﺼﺔ؟؟
.. ﺍﻱ ﻗﺼﺔ ﺟﺎﻧﺖ ﺍﻣﻲ ﺍﻟﻠﻪ ﻳﺮﺣﻤﻬﺎ ﺍﺫﺍ ﺗﺴﻤﻊ ﺑﻴﺔ ﺣﺎﻣﻞ ﺑﺒﻨﻴﺔ
ﺗﺮﻭﺡ ﺗﺎﺧﺬﻧﻲ ﺗﺰﻭﺭﻧﻲ ﺍﻻﻣﺎﻡ ﻭﺗﺸﺘﺮﻳﻠﻲ ﺳﻮﺍﺭ ﻓﻀﺔ ﻭﺗﻜﻮﻝ ﻳﻤﺔ
ﺍﻟﻔﻀﺔ ﻓﻀﻴﺔ ﻭﻋﺴﺎﻩ ﻓﺎﻝ ﺧﻴﺮ ﻋﻠﻰ ﺑﻨﺎﺗﺞ
ﻭﺻﺮﺕ ﻛﻠﻤﺎ ﺍﺣﻤﻞ ﺑﺒﻨﻴﺔ ﺍﺷﺘﺮﻱ ﺳﻮﺍﺭ ﻓﻀﺔ
ﺻﺎﺭﺕ ﻋﻨﺪﻱ ﻋﺎﺩﺓ
ﻭﺻﺎﺭ ﺳﻮﺍﺭ ﻳﺠﺮ ﺳﻮﺍﺭ ﻟﺤﺪ ﻣﺎ ﺻﺎﺭﻭ ﺍﺭﺑﻊ ﺳﻮﺍﺭﺕ ﻭﻫﺴﺔ ﺍﺟﺔ
ﺍﻟﺴﻮﺍﺭ ﺍﻟﺨﺎﻣﺲ ﻳﻜﻤﻠﻬﻦ
.. ﻳﺎﺭﺏ ﻳﺴﻌﺪﻫﻢ ﻭﻳﺒﺎﺭﻛﻠﺞ ﺑﻴﻬﻢ ﻭﺗﺸﻮﻓﻴﻦ ﺑﻨﺎﺗﺞ ﺑﺎﻋﻠﻰ ﺍﻟﻤﺮﺍﺗﺐ
.. ﺍﺷﻜﺮﺝ ﺧﺎﻟﺔ ﺭﺑﻲ ﻳﺴﻬﻞ ﺍﻣﺮﺝ ﻣﺜﻠﻤﺎ ﻫﻮﻧﺘﻲ ﻋﻠﻴﺔ ﻣﺼﻴﺒﺘﻲ
.. ﻳﻤﺔ ﻣﺴﺤﻲ ﺩﻣﻮﻋﺞ ﻭﻛﻮﻟﻲ ﺍﻟﺤﻤﺪﻟﻠﻪ ﺍﻫﻢ ﺷﻲ ﺗﻤﺎﻡ ﺍﻟﺨﻠﻘﺔ
.. ﺧﺎﻟﺔ ﻭﺍﻟﻠﻪ ﻣﺎﻋﻨﺪﻱ ﺍﻱ ﺍﻋﺘﺮﺍﺽ ﻋﻠﻰ ﺯﺭﻕ ﺭﺑﻲ
ﺑﺲ ﺧﺎﻳﻔﺔ ﻣﻦ ﺭﺩﺓ ﻓﻌﻞ ﺯﻭﺟﻲ ﻭﻋﻴﺎﻟﻲ ﺧﺎﻑ ﻳﺄﺫﻭﻧﻲ
ﺍﺫﺍ ﻋﺮﻓﻮﺍ ﺑﻴﺔ ﺣﺎﻣﻞ ﺑﺒﻨﻴﺔ
.. ﻳﺨﺎﻟﺔ ﻣﻦ ﺗﺮﺟﻌﻴﻦ ﻛﻠﻴﻠﻬﻢ ﻣﺎ ﺑﻴﻦ ﻋﻨﺪﻱ ﺷﻲ ﺑﺎﻟﺴﻮﻧﺎﺭ
ﺍﻟﺪﻛﺘﻮﺭﺓ ﻣﻜﺪﺭﺕ ﺗﻌﺮﻑ ﺟﻨﺲ ﺍﻟﺠﻨﻴﻦ ﻭﻣﻨﺎ ﻟﺤﺪ ﻣﺎ ﺗﻮﻟﺪﻳﻦ ﺍﻟﻠﻪ
ﻛﺮﻳﻢ ﻳﺤﻠﻬﺎ ﺍﻟﻒ ﺣﻼﻝ
ﻋﻠﻰ ﺍﻻﻗﻞ ﻣﻦ ﺗﺠﻴﺒﻴﻦ ﻭﻳﻌﺮﻓﻮﻥ ﺟﺒﺘﻲ ﺑﻨﻴﺔ ﺑﺴﺎﻋﺘﻬﺎ
ﺍﻧﺘﻲ ﺗﻌﺒﺎﻧﺔ ﻣﻦ ﺍﻟﻄﻠﻮﻙ ﻭﻣﺎ ﻳﻜﺪﺭ ﺭﺟﻠﺞ ﻳﺤﺠﻲ ﻋﻠﻴﺞ ﻭﺍﻧﺘﻲ
ﺑﻬﻴﺞ ﻭﺿﻊ ﺗﻌﺒﺎﻧﺔ
.
ﺍﻱ ﻫﻮ ﺍﺣﺴﻦ ﺷﻲ ﺍﺳﻮﻳﻪ ﺍﺳﻜﺖ ﻭﻣﺎ ﺍﻛﻠﻠﻬﻢ ﺷﻲ
ﺭﻓﻌﺖ ﺭﺍﺳﻲ ﻭﺷﻔﺖ ﺍﻟﺴﺎﻋﺔ ﺻﺎﺭ ﻭﻗﺖ ﺍﻟﻈﻬﺮ ﻭﻫﺴﺔ ﺑﻨﺎﺗﻲ ﺍﻛﻴﺪ
ﺭﺟﻌﻮ ﻣﻦ ﺍﻟﻤﺪﺍﺭﺱ
ﻋﺪﻟﺖ ﻋﺒﺎﺗﻲ ﻭﺍﻟﺘﻔﺘﺖ ﻋﻠﻰ ﺍﻟﻤﺮﻳﺔ
.. ﺧﺎﻟﺔ ﻛﻌﺪﺗﺞ ﺣﻠﻮﺓ ﺍﻧﻲ ﻫﻢ ﻳﺎﻟﻠﻪ ﺍﺭﺟﻊ ﻟﻠﺒﻴﺖ ﻫﺴﺔ ﺍﻟﻜﺔ ﺑﻨﺎﺗﻲ
ﻳﻨﺘﻈﺮﻭﻧﻲ ﻋﻠﻰ ﺍﺣﺮ ﻣﻦ ﺍﻟﺠﻤﺮ
ﺳﻠﻤﺖ ﻋﻠﻰ ﺍﻟﻤﺮﻳﺔ ﻭﻫﻲ ﺍﻧﺪﻋﺘﻠﻲ ﺩﻋﻮﺓ ﻏﺮﻳﺐ ﻟﻐﺮﻳﺐ
ﻳﻜﻮﻟﻮﻥ ﻣﺴﺘﺠﺎﺑﺔ
ﻃﻠﻌﺖ ﻭﻛﺎﻥ ﻻﺯﻡ ﺍﻣﺮ ﻋﺎﻟﺴﻮﻙ ﻭﻣﻨﺎﻙ ﻳﻄﻠﻌﻨﻲ ﻋﺎﻟﺸﺎﺭﻉ ﺍﻟﻌﺎﻡ
ﺣﺘﻰ ﺍﺭﻛﺐ ﻧﻔﺮﺍﺕ ﺗﻮﺻﻠﻨﻲ ﻟﻠﻜﺮﺍﺝ
ﻭﺍﻧﻲ ﺩﺍ ﺍﻣﺸﻲ ﺑﺎﻟﺴﻮﻙ ﺷﻤﻴﺖ ﺭﻳﺤﺔ ﺍﻟﺪﻫﻴﻨﺔ ﺍﻟﺤﺎﺭﺓ ﻭﺍﻟﻠﻪ ﺭﻑ
ﻛﻠﺒﻲ ﻋﻠﻴﻬﺎ
ﻓﺘﺤﺖ ﺍﻟﺠﺰﺩﺍﻥ ﺟﺎﻥ ﺍﻟﻤﺒﻠﻎ ﺍﻟﺒﺎﻗﻲ ﺑﻌﺪ ﻣﺎ ﺍﺷﺘﺮﻳﺖ ﺍﻟﺴﻮﺍﺭ ﻗﻠﻴﻞ
ﻳﺎﺩﻭﺏ ﺗﺠﻴﺒﻠﻲ ﻗﻄﻌﺔ ﺻﻐﻴﺮﺓ ﺍﺷﺘﻬﻴﺘﻬﺎ ﻭﺍﻧﻲ ﺍﺑﺎﻭﻉ ﻋﻠﻰ ﺍﺑﻮ
ﺍﻟﺪﻫﻴﻨﺔ ﺷﻠﻮﻥ ﺭﺍﺵ ﻋﻠﻴﻬﺎ ﺟﻮﺯ ﺍﻟﻬﻨﺪ ﺍﻟﻤﺤﻤﺺ ﻭﻓﻮﻛﻪ ﻟﺐ ﺟﻮﺯ
ﻣﺎﺣﺴﻴﺖ ﺍﻻ ﻋﻠﻰ ﺭﺟﻠﻴﺔ ﻣﺎﺧﺬﺗﻨﻲ ﻳﻢ ﺍﺑﻮ ﺣﻼﻭﺓ ﺍﻟﺪﻫﻴﻨﺔ
ﻭﺳﺄﻟﺘﻪ ﻳﻨﻄﻴﻨﻲ ﻋﻠﻰ ﻛﺪ ﻓﻠﻮﺳﻲ
ﺑﺎﻭﻉ ﻋﻠﻴﺔ ﺍﺧﺬ ﺻﺤﻦ ﺑﻼﺳﺘﻚ ﻭﺻﺎﺭ ﻳﻜﺺ ﺑﻴﻬﺎ
ﻭﺍﻧﻲ ﺍﺣﺴﺮ ﺭﻭﺣﻲ ﺭﺍﻳﺤﻪ ﻭﻳﺔ ﺍﻟﺤﻼﻭﺓ ﺍﻭﻳﻠﻲ .. ﻣﺮﺍﺕ ﺍﻻﻧﺴﺎﻥ
ﺍﻟﻤﺤﺮﻭﻡ
ﻣﻦ ﻫﺎﻱ ﺍﻻﻃﺎﻳﺐ ﻳﺘﻠﻬﻒ ﺣﺘﻰ ﻳﻀﻮﻛﻬﺎ
ﺣﻂ ﻋﻠﺒﺔ ﺍﻟﺤﻼﻭﺓ ﺑﺎﻟﻌﻼﻛﺔ
ﺍﻧﻄﻴﺘﻪ ﻓﻠﻮﺱ ﻭﺍﺧﺬﺗﻬﺎ
ﺣﺴﻴﺖ ﺑﺪﻳﺔ ﺻﺎﺭﺕ ﺩﺍﻓﻴﺔ ﺍﺗﻤﻨﻴﺖ ﺍﻛﻌﺪ ﻳﻤﻪ ﻭﺍﻛﻠﻬﺎ
ﺑﺲ ﻋﻴﺐ ﺑﺎﻟﺴﻮﻙ ﺍﻛﻞ
ﻭﺻﻠﺖ ﻟﻠﺸﺎﺭﻉ ﺍﻟﻌﺎﻡ ﺍﻧﺘﻈﺮ ﺍﻟﺒﺎﺹ ﻭﺣﻄﻴﺖ ﻋﻠﺒﺔ ﺍﻟﺤﻼﻭﺓ
ﻭﻓﺘﺤﺘﻬﺎ ﻭﻣﺪﻳﺖ ﺍﻳﺪﻱ ﺍﺭﻳﺪ ﺍﻛﻞ
ﺑﺎﻭﻋﺖ ﻟﺒﻨﺎﺕ ﻃﺎﻟﺒﺎﺕ ﻳﻌﺒﺮﻭﻥ ﺍﻟﺸﺎﺭﻉ ﺗﻮﻫﻢ ﻃﺎﻟﻌﻴﻦ ﻣﻦ
ﺍﻟﻤﺪﺭﺳﺔ ﺗﺬﻛﺮﺕ ﺑﻨﺎﺗﻲ ﻭﺍﺗﻨﻐﺼﺖ ﺍﻟﻬﻢ ﻭﺑﺎﻭﻋﺖ ﻋﻠﻴﻬﺎ ﻗﻄﻌﺔ
ﺻﻐﻴﺮﺓ ﺷﻤﻴﺖ ﺭﻳﺤﺘﻬﺎ ﻭﺭﺟﻌﺖ ﻏﻠﻘﺖ ﺍﻟﻌﻠﺒﺔ ﻭﺷﺪﻳﺖ ﺍﻟﻌﻼﻛﺔ
ﺧﻄﻴﺔ ﺑﻨﺎﺗﻲ ﻳﺤﺒﻮﻧﻬﺎ ﻭﻣﻮ ﻛﻞ ﻣﺮﺓ ﻳﻜﺪﺭﻭﻥ ﻳﺎﻛﻠﻮﻥ ﺣﻼﻭﺓ ﻫﻪ
ﻗﺼﺪﻱ ﻳﻀﻮﻛﻮﻥ
ﻭﻛﻔﺖ ﺑﺎﺹ ﻭﺭﻛﺒﺖ ﺍﺭﻭﺡ ﻟﻠﻜﺮﺍﺝ
ﻏﻤﻀﺖ ﻋﻴﻨﻲ ﻭﺗﺠﻴﺖ ﺭﺍﺳﻲ ﻋﺎﻟﺠﺎﻣﺔ ﻭﺍﺑﺎﻭﻉ ﻋﺎﻟﻨﺎﺱ
ﻣﻦ ﻃﻠﻌﺖ ﻋﺎﻟﺪﻧﻴﺎ ﻭﺍﻧﻲ ﺍﺣﻠﻢ ﻭﺍﺗﻤﻨﻰ ﻭﻛﻞ ﻳﻮﻡ ﺍﻛﻮﻝ ﺑﺎﺟﺮ ﺍﺟﻤﻞ
ﻭﺍﺣﻠﻰ
ﻟﻜﻦ ﻣﻊ ﺍﻻﺳﻒ ﻃﺎﻝ ﺍﻧﺘﻈﺎﺭﻱ ﻭﺍﻟﺒﺎﺟﺮ ﺍﻟﻲ ﺟﻨﺖ ﺍﺗﺄﻣﻠﻪ ﻣﺎ ﺍﺟﺔ ﻭﻻ
ﻋﺪﺍ ﻋﻠﻴﺔ

.
ﻧﺰﻟﺖ ﻣﻦ ﺍﻟﺴﻴﺎﺭﺓ ﻋﺎﻟﺸﺎﺭﻉ ﺍﻟﻌﺎﻡ ﻣﺎﻝ ﺍﻟﺒﻴﺖ
ﺍﻟﺤﻠﻮ ﺑﺄﺛﻴﺮ ﻣﻦ ﻛﺜﺮﺓ ﺍﻫﻤﺎﻟﻪ ﺍﻟﻲ ﻭﻟﺒﻨﺎﺗﻪ ﻣﺎ ﻳﻌﺮﻑ ﺍﻟﻠﻪ ﻭﻳﻦ ﺧﺎﻟﻘﻨﺎ
ﺟﻨﺖ ﺍﻣﺸﻲ ﻭﻭﺻﻠﺖ ﻳﻢ ﺭﺍﺱ ﺍﻟﻔﺮﻉ ﻭﻫﻨﺎﻙ
ﺍﺷﻮﻑ ﺭﻳﺎﺟﻴﻞ ﻣﻠﻤﻮﻣﺔ ﻳﻢ ﺑﻴﺖ ﻋﻴﺎﻟﻲ ﺍﻧﺨﻤﻂ ﻛﻠﺒﻲ
.. ﻳﺎﺳﺘﺎﺭ ﺍﺳﺘﺮ ﺷﻨﻮ ﻫﺎﻱ ﺍﻟﻠﻤﺔ
ﺻﺮﺕ ﺍﻣﺸﻲ ﺳﺮﻳﻊ ﻭﻛﻠﺒﻲ ﻳﺮﻳﺪ ﻳﻄﻠﻊ ﻣﻦ ﺻﺪﺭﻱ
ﻣﻨﺎ ﺍﻟﻰ ﺍﻥ ﻭﺻﻠﺖ ﻟﺒﻴﺖ ﻋﻴﺎﻟﻲ ﻣﻴﺖ ﺍﻟﻒ ﺣﺴﺒﺔ ﺍﺟﺘﻲ ﻋﻠﻰ ﺑﺎﻟﻲ
ﺍﻧﺘﺒﻬﺖ ﻋﻠﻰ ﺍﻣﺠﺪ ﺍﺧﻮ ﺯﻭﺟﻲ ﻣﻦ ﺑﻴﻦ ﺍﻟﺮﺟﺎﻝ ﻳﺪﻓﻊ ﺑﺄﺛﻴﺮ ﺯﻭﺟﻲ
ﻳﺮﻳﺪ ﻳﺪﺧﻠﻪ ﻟﻠﺒﻴﺖ ﻭﺍﺛﻴﺮ ﻳﻬﺪ ﻭﻳﺼﻴﺢ
.. ﺍﻟﻴﻮﻡ ﺍﺣﺮﻙ ﺑﻴﺘﻬﻢ ﻋﻠﻰ ﺭﺍﺳﻬﻢ ﻭﻟﻚ ﺍﻧﻲ ﻭﺍﺣﺪ ﻣﺜﻞ ﺣﺎﺯﻡ
ﻳﻌﻴﺮﻧﻲ
.. ﺿﺮﺑﺖ ﻋﻠﻰ ﺻﺪﺭﻱ ﻋﺰﺓ ﻫﺬﺍ ﺍﺛﻴﺮ ﻭﻳﺔ ﻣﻨﻮ ﻣﺘﻌﺎﺭﻙ . ﻫﺎﻟﻤﺮﺓ
ﺩﺧﻠﺖ ﻟﻠﺒﻴﺖ ﻭﺷﻔﺖ ﻋﻤﺘﻲ ﺍﻡ ﺍﺛﻴﺮ ﺗﻠﻄﻢ ﻭﺟﻨﺎﻥ ﻣﺮﺕ ﺣﻤﺎﻱ
ﺍﻣﺠﺪ ﺗﻬﺪﻱ ﺑﻴﻬﺎ
ﺍﻧﺘﺒﻬﺖ ﻋﻠﻰ ﺑﻨﺎﺗﻲ ﻛﺎﻋﺪﺍﺕ ﻋﺎﻟﺪﺭﺝ ﺷﺎﻓﻮﻧﻲ ﺍﺟﺘﻲ ﺑﻨﺘﻲ ﺍﻟﺼﻐﻴﺮﺓ
ﺗﺮﻛﺾ
ﻫﺪﻯ .. ﻣﺎﻣﺎ ﻟﺤﻜﻲ ﺑﺎﺑﺎ ﺍﺗﻌﺎﺭﻙ ﻭﻳﺔ ﺟﻴﺮﺍﻧﺔ ﺣﺎﺯﻡ
.. ﻋﻠﻰ ﺷﻨﻮ ﺍﺗﻌﺎﺭﻙ ﻳﺤﻈﻲ
ﺍﺗﻠﻜﺘﻨﻲ ﻋﻤﺘﻲ ﻣﻦ ﺍﻟﺒﺎﺏ
.. ﻳﺎﺍ ﺻﻠﻮﺍﺕ ﻋﺎﻟﻨﺒﻲ ﺷﺮﻓﺖ ﺍﻟﻔﻜﺮ ﺑﻨﺖ ﺍﻟﻔﻜﺮ
ﻇﻠﻴﺖ ﻓﺎﺗﺤﺔ ﺣﻠﻜﻲ ﻭﻣﺼﻔﺼﻔﺔ ﺑﻮﺟﻬﺎ
ﻫﺎﻱ ﺍﻟﻤﺮﻳﺔ ﻣﺮﻳﻀﺔ ﻧﻔﺴﻴﺔ ﻭﺗﺒﻘﻰ ﻣﺮﻳﻀﺔ
ﻣﺠﺎﻭﺑﺘﻬﺎ ﻭﺍﺷﺮﺕ ﻟﺒﻨﺘﻲ ﺷﻴﻤﺎﺀ ﺍﻟﺠﺒﻴﺮﺓ ﺍﻧﻄﻴﺘﻬﺎ ﺍﻟﺤﻼﻭﺓ ﻭﻛﻠﺘﻠﻬﺎ
ﺗﺎﺧﺬ ﺧﻮﺍﺗﻬﺎ ﻭﺗﺼﻌﺪ ﺑﻴﻬﻢ ﻓﻮﻙ ﻻﻥ ﺍﻟﻜﻞ ﻣﺨﺒﻮﺹ ﺧﺒﺺ ﺩﺍﺧﻠﻴﻦ
ﺑﺎﻻﻧﺬﺍﺭ ﻭﺍﻧﻲ ﻣﺘﻌﻮﺩﺓ ﻛﻞ ﻣﺼﻴﺒﺔ ﺑﺎﻟﺒﻴﺖ ﻋﻤﺘﻲ ﺗﻄﻠﻊ ﺣﺮﻛﺘﻬﺎ ﺑﻴﺔ
ﻭﺑﺄﻟﺒﻨﺎﺕ
ﺻﻌﺪﻥ ﺑﻨﺎﺗﻲ ﻓﻮﻙ ﻭﺩﺧﻠﺖ ﻟﻠﻤﻄﺒﺦ ﺍﺷﺮﺏ ﻣﺎﻱ ﻭﺍﺑﺎﻭﻉ ﻣﻦ ﺷﺒﺎﻙ
ﺍﻟﻤﻄﺒﺦ ﺩﺧﻞ ﺍﻣﺠﺪ ﻭﺍﺛﻴﺮ ﺟﺎﻥ ﻛﻠﺶ ﻣﺘﻌﺼﺐ ﻭﻳﺼﻴﺢ ﻋﻠﻰ ﺍﺛﻴﺮ
ﺍﻣﺠﺪ .. ﺍﺛﻴﺮ ﺭﺣﻤﺔ ﻋﻠﻰ ﻭﺍﻟﺪﻳﻚ ﻛﺎﻓﻲ ﺗﺮﺓ ﻭﺍﻟﻠﻪ ﻣﻠﻴﻨﺎ
ﻣﻦ ﻣﺸﺎﻛﻠﻚ ﻭﺗﺎﻟﻲ ﻭﻳﺎﻙ ﻣﺎ ﺭﺍﺡ ﻧﺨﻠﺺ
ﺍﺛﻴﺮ .. ﺍﺷﻚ ﺣﻠﻜﻪ ﺷﻨﻮ ﺗﺮﻳﺪﻧﻲ ﺍﺳﻤﻌﻪ ﻳﺒﺴﻤﺮﻧﻲ ﻭﺍﺳﻜﺘﻠﻪ
ﺍﻣﺠﺪ .. ﻳﺎ ﺍﺧﻲ ﺟﺎﻥ ﺳﻮﻳﺖ ﺣﺴﺎﺏ ﻟﻬﺬﺍ ﺍﻟﻴﻮﻡ ﺍﺫﺍ ﺍﻧﺖ ﻫﺸﻜﻞ
ﺣﺮﻳﺺ ﻋﻠﻰ ﻛﺮﺍﻣﺘﻚ
.. ﻳﺎﻛﻞ ﺗﺒﻦ ﻭﺍﻛﺴﺮ ﺭﺍﺳﻪ
ﺍﺟﺘﻲ ﻋﻤﺘﻲ ﻭﻛﺎﻣﺖ ﺗﺤﺠﻲ ﻋﻠﻰ ﺍﺛﻴﺮ
.. ﻭﻟﻚ ﻳﻤﺔ ﺷﻮﻛﺖ ﺗﺒﻄﻞ ﻣﺼﺎﻳﺐ ﺍﻱ ﻣﻮ ﻃﻠﻌﺖ ﺭﻭﺣﻲ
ﻭﺭﺍﺡ ﺍﻣﻮﺕ ﻣﻦ ﻭﺭﺍﻙ
ﺟﻨﺖ ﺑﺲ ﺍﺑﺎﻭﻉ ﻋﻠﻴﻬﻢ
.
ﺍﻣﺠﺪ .. ﺷﻮﻑ ﺍﺛﻴﺮ ﺍﻧﻲ ﺑﻌﺪ ﻣﺎ ﺍﺗﺤﻤﻞ ﻣﺸﺎﻛﻠﻚ
ﺭﺍﺡ ﺍﺗﺼﻞ ﻋﻠﻰ ﻋﻠﻲ ﺍﺧﻮﻱ ﺣﺘﻰ ﻟﻮ ﺗﻜﻠﻔﻨﻲ ﺍﻟﻤﻜﺎﻟﻤﺔ ﺍﻟﺪﻭﻟﻴﺔ
ﻛﻮﻣﺔ ﻓﻠﻮﺱ ﻣﻮ ﻣﻬﻢ ﺍﻣﺮﻱ ﻟﻠﻪ ﺑﺲ ﺍﻫﻢ ﺷﻲ ﺍﺭﻳﺪﻩ ﻳﺸﻮﻓﻠﻚ ﺣﻞ
ﺣﺘﻰ ﺗﻄﻠﻊ ﻣﻦ ﺍﻟﻤﻨﻄﻘﺔ ﺍﻧﺎ ﻣﻠﻴﺖ ﻣﻦ ﺍﻟﻤﺸﺎﻛﻞ
ﺍﺛﻴﺮ .. ﺗﺮﺓ ﺍﻧﻲ ﻣﺎ ﻛﺎﻋﺪ ﺑﺒﻴﺘﻚ ﺍﻧﺎ ﻛﺎﻋﺪ ﺑﺒﻴﺖ ﺍﺑﻮﻳﺔ
ﺍﻡ ﺍﺛﻴﺮ .. ﺷﻮﻑ ﻳﻤﺔ ﻛﻼﻡ ﺍﺧﻮﻙ ﺻﺤﻴﺢ ﻛﻔﺎً ﻟﻠﻤﺸﺎﻛﻞ
ﺍﻧﺖ ﺗﻨﺘﻘﻞ ﻣﻦ ﻫﺎﻱ ﺍﻟﻤﻨﻄﻘﺔ
ﺗﺮﻛﺘﻬﻢ ﻳﺤﺠﻮﻥ ﺑﻴﻨﻬﻢ ﺍﺭﻳﺪ ﺍﺭﻭﺡ ﻟﻐﺮﻓﺘﻨﺎ ﺻﻌﺪﺕ ﻓﻮﻙ ﻭﺣﺴﻴﺖ
ﺿﺎﻗﺖ ﺍﻧﻔﺎﺳﻲ
ﻣﻦ ﺻﻌﺪﺕ ﺟﺎﻥ ﺍﻟﻔﻮﻙ ﺍﻇﻠﻢ ﻭﺍﻟﺤﻴﻄﺎﻥ ﻣﺎﻛﻠﺘﻬﺎ ﺍﻟﺮﻃﻮﺑﺔ
ﺩﺧﻠﺖ ﻟﻠﻐﺮﻓﺔ ﻟﻜﻴﺖ ﺑﻨﺎﺗﻲ ﻣﺒﺪﻻﺕ ﻣﻼﺑﺴﻬﻢ
ﻭﻓﺎﺭﺷﺎﺕ ﻛﺘﺒﻬﻢ ﺷﺎﻓﺘﻨﻲ ﺷﻴﻤﺎﺀ ﺩﺧﻠﺖ ﻟﻠﻐﺮﻓﺔ ﻛﺎﻣﺖ ﻣﻦ ﻣﻜﺎﻧﻬﺎ
ﻭﺍﺟﺖ ﻳﻤﻲ
.. ﻫﺎ ﻣﺎﻣﺎ ﺷﻨﻮ ﺑﺎﺑﺎ ﻟﻴﺶ ﻣﺘﻌﺎﺭﻙ
ﺟﺎﻭﺑﺘﻬﺎ ﻣﺮﻭﺓ
.. ﻳﻌﻨﻲ ﻣﺘﻌﺮﻓﻴﻦ ﺍﺑﻮﺝ ﻣﺜﻞ ﻛﻞ ﻣﺮﺓ ﻳﺘﻌﺎﺭﻙ ﻋﻠﻰ ﻧﻔﺲ ﺍﻟﺴﺒﺐ
ﺩﻧﻜﺖ ﺷﻴﻤﺎﺀ ﻣﻘﻬﻮﺭﺓ
ﻧﺰﻋﺖ ﻣﻼﺑﺴﻲ ﻭﻟﺒﺴﺖ ﺩﺷﺪﺍﺷﺔ
ﻭﺳﺄﻟﺘﻨﻲ ﺷﻴﻤﺎﺀ ﺑﺼﻮﺕ ﻧﺎﺻﻲ ﻭﺑﺨﻴﺒﺔ ﺧﻼﻧﻲ ﺍﻟﺘﻔﺖ
.. ﻣﺎﻣﺎ ﻫﺎﻱ ﺷﻨﻮ ﻻﺑﺴﺔ ﺳﻮﺍﺭ ﺧﺎﻣﺲ
ﺑﺎﻭﻋﺖ ﻋﻠﻰ ﺍﻳﺪﻱ ﻭﺍﺗﺬﻛﺮﺕ ﻣﺼﻴﺒﺘﻲ ﻣﻦ ﻭﺭﺓ ﻣﺸﺎﻛﻞ ﺍﺛﻴﺮ ﻧﺴﻴﺖ
ﻣﺸﻜﻠﺘﻲ ﻭﺍﻟﺘﻔﺘﺖ ﺍﺧﺎﻑ ﺍﺣﺪ ﻳﺴﻤﻌﻨﺎ
ﻭﺣﺠﻴﺖ ﺑﺼﻮﺕ ﻧﺎﺻﻲ
.. ﺍﻱ ﻣﺎﻣﺎ ﺳﻮﺍﺭ ﺧﺎﻣﺲ
ﺷﻴﻤﺎﺀ ﺑﺠﺰﻉ .. ﻳﻌﻨﻲ ﺷﻨﻮ ﻃﻠﻊ ﺑﻴﺞ ﺑﻨﻴﺔ
.. ﺍﻱ ﻣﺎﻣﺎ ﺭﺍﺡ ﺗﺠﻴﻜﻢ ﺍﺧﺖ ﺧﺎﻣﺴﺔ ﺑﺲ ﺳﺪﻱ ﺍﻟﻤﻮﺿﻮﻉ ﻛﺎﻓﻲ
ﻟﺤﺪ ﻳﺴﻤﻌﻨﺎ ﺧﻠﻲ ﻫﺬﺍ ﺳﺮ ﺑﻴﻨﻲ ﻭﺑﻴﻨﺞ
ﻛﻌﺪﺕ ﺑﺎﻟﻜﺎﻉ ﻭﻛﻠﺘﻠﻬﺎ ﺟﻴﺒﻲ ﻋﻼﻛﺔ ﺍﻟﺤﻼﻭﺓ
ﺟﺎﺑﺘﻬﺎ ﻭﺍﺟﻮﻱ ﺍﻟﺒﻨﺎﺕ ﺍﺗﺠﻤﻌﻮﺍ ﺩﺍﻳﺮ ﻣﺪﺍﻳﺮﻱ
ﻭﺻﺮﺕ ﺍﻭﺯﻋﻠﻬﻢ ﺍﻟﺪﻫﻴﻨﺔ ﻭﺍﺑﺎﻭﻉ ﻋﻠﻴﻬﻢ ﺷﻠﻮﻥ ﻓﺮﺣﻮﺍ ﺑﻴﻬﺎ
ﻫﺪﻯ .. ﺍﻟﻠﻪ ﻣﺎﻣﺎ ﻋﺎﺷﺖ ﺍﻳﺪﺝ ﺷﻜﺪ ﻃﻴﺒﺔ ﻫﺎﻱ ﺍﻟﺤﻼﻭﺓ
ﺿﺤﻰ .. ﻣﺎﻣﺎ ﺑﻌﺪ ﻣﺮﺓ ﺛﺎﻧﻴﺔ ﺟﻴﺒﻲ ﻫﻮﺍﻱ
ﻣﺮﻭﺓ .. ﻣﺎﻣﺎ ﺍﻧﻲ ﺣﺼﺘﻲ ﻗﻠﻴﻠﺔ ﺍﻧﻄﻴﻨﻲ ﺑﻌﺪ
ﻛﻤﺖ ﺍﻧﻄﻴﺘﻬﺎ ﺣﺼﺘﻲ ﻻﻥ ﺍﺻﻼً ﻫﻲ ﻣﻮ ﻫﻮﺍﻱ
ﺍﻧﺘﺒﻬﺖ ﻋﻠﻰ ﺷﻴﻤﺎﺀ ﻗﺴﻤﺖ ﻣﻦ ﻗﻄﻌﺘﻬﺎ ﻭﻗﺮﺑﺘﻬﺎ ﻣﻦ ﻳﻢ ﺣﻠﻜﻲ
.. ﻣﺎﻣﺎ ﺍﻟﻠﻪ ﻋﻠﻴﺞ ﻓﺘﺤﻲ ﺣﻠﻜﺞ ﻭﺍﻛﻠﻲ ﻣﻨﻲ
ﺍﺑﺘﺴﻤﺖ ﻭﺍﺧﺬﺗﻬﺎ ﻣﻨﻬﺎ ﻭﺍﻛﻠﺘﻬﺎ
.
ﻳﺎﺭﺑﻲ ﺍﻟﺒﻨﻴﺔ ﺷﻜﺪ ﺣﻨﻴﻨﺔ ﻋﻠﻰ ﺍﻣﻬﺎ ﻭﻳﻠﻮﻣﻮﻧﻲ ﻣﻦ ﺍﺣﺐ ﺍﻟﺒﻨﺎﺕ
ﺍﻟﻲ ﻋﻨﺪﻩ ﺑﻨﻴﺔ ﺍﻟﻠﻪ ﺣﺎﺑﻪ
ﺑﺲ ﺍﺛﻴﺮ ﺣﻈﻲ ﻳﺒﺠﻲ ﺑﻮﺟﻪ ﺍﻟﻠﻪ
ﻭﺑﻘﻴﻨﺎ ﺍﻧﻲ ﻭﺑﻨﺎﺗﻲ ﻛﺎﻋﺪﻳﻦ ﻓﻮﻙ
ﺩﺧﻞ ﻋﻠﻴﻨﺎ ﺍﺛﻴﺮ ﻭﻫﻮ ﻳﻨﺎﻓﺦ ﺿﺎﻳﺞ
ﻛﺎﻝ .. ﺑﺜﻴﻨﺔ ﺣﻀﺮﻱ ﻏﺮﺍﺿﻨﺎ ﻭﺷﺪﺷﺪﻱ ﺍﻟﻐﺮﻓﺔ
ﻋﻜﺐ ﺑﺎﺟﺮ ﺍﻧﺸﻴﻞ ﻻﻥ ﺍﻣﺠﺪ ﺍﺗﺼﻞ ﻋﻠﻰ ﺍﺧﻮﻱ ﻋﻠﻲ
ﻭﺳﻮﻟﻔﻠﻪ ﻋﺎﻟﺼﺎﺭ ﻭﻋﻠﻲ ﻛﺎﻝ ﺧﻠﻲ ﺍﺛﻴﺮ ﻳﺎﺧﺬ ﻋﺎﺋﻠﺘﻪ ﻭﻳﺮﻭﺡ ﻳﻜﻌﺪ
ﺑﺎﻟﻤﺸﺘﻤﻞ ﺍﻟﺠﺪﻳﺪ ﺍﻟﻲ ﺍﺷﺘﺮﺍﻩ ﻛﺎﻝ ﺑﺪﺍﻝ ﻣﺎ ﻇﺎﻝ ﻓﺎﺭﻍ ﻭﻣﺎ ﺑﻲ
ﺍﺣﺪ ﺭﻭﺡ ﺍﻛﻌﺪ ﺑﻴﻪ ﻫﻢ ﻋﻴﻨﻚ ﻋﻠﻴﻪ ﻭﻫﻢ ﺗﻜﻔﻨﺎ ﻣﻦ ﺍﻟﻤﺸﺎﻛﻞ
ﺧﻠﺺ ﻛﻼﻣﻪ ﻭﺩﺍﺭ ﻭﺟﻬﻪ ﻭﻃﻠﻊ ﻳﺪﺭﺩﻡ ﺷﻜﻠﻪ ﻣﺎ ﻗﺎﺑﻞ ﻋﺎﻟﻘﺮﺍﺭ ﺑﺲ
ﺣﻜﻢ ﺍﻟﻘﻮﻱ ﻋﺎﻟﻀﻌﻴﻒ
ﺑﺲ ﻳﻜﻮﻟﻮﻥ ﻣﺼﺎﺋﺐ ﻗﻮﻡ ﻋﻨﺪ ﻗﻮﻡ ﻓﻮﺍﺋﺪً
ﺍﻱ ﻣﻦ ﺳﻤﻌﺖ ﻛﻼﻡ ﺍﺛﻴﺮ
ﺑﻘﻴﻨﺎ ﺍﻧﻲ ﻭﺍﻟﺒﻨﺎﺕ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ ﻣﻤﺼﺪﻛﻴﻦ
ﺍﻟﺨﺒﺮ ﻳﻌﻨﻲ ﻣﻌﻘﻮﻟﺔ ﺍﻟﻠﻪ ﺍﻟﺘﻔﺖ ﻟﺤﺎﻟﻨﺎ ﻭﺍﺧﻴﺮﺍً ﺭﺍﺡ ﻧﻄﻠﻊ ﻣﻦ ﻫﺬﺍ
ﺍﻟﺒﻴﺖ ﻭﻧﻌﻴﺶ ﺑﺒﻴﺖ ﻟﻮﺣﺪﻧﺎ ﺑﻌﻴﺪ ﻋﻦ ﻋﻤﺘﻲ ﻭﻇﻠﻤﻬﺎ
ﺭﻓﻌﺖ ﺭﺍﺳﻲ .. ﺭﺑﻲ ﻓﺪﻭﺓ ﺭﺣﺘﻠﻚ ﻣﺎ ﺍﻧﺴﻰ ﻓﻀﻠﻚ
ﻛﻤﻨﺎ ﺍﻧﻲ ﻭﺑﻨﺎﺗﻲ ﻣﻦ ﺍﻟﻔﺮﺣﺔ ﻭﺍﻟﺤﻤﺎﺱ ﺻﺮﻧﺎ ﻭﺣﺪﺓ ﺗﺪﻋﻢ ﺑﺎﻟﺜﺎﻧﻴﺔ
ﻋﺒﺎﻟﻚ ﺑﺤﻠﻢ
ﻣﺮﻭﺓ .. ﻭﺍﺧﻴﺮﺍً ﺭﺍﺡ ﺗﺼﻴﺮﻟﻨﺎ ﻏﺮﻓﺔ ﻟﻮﺣﺪﻧﺎ ﺧﺎﺻﺔ ﺑﻴﻨﺎ
ﺿﺤﻰ .. ﺍﻟﻠﻪ ﻭﻧﻠﻌﺐ ﺑﺮﺍﺣﺘﻨﺎ ﻭﺑﻌﺪ ﻣﺎﻛﻮ ﺑﻴﺒﻲ ﺗﻀﺮﺑﻨﺎ
ﻋﻠﻤﻮﺩ ﺍﻭﻻﺩ ﻋﻤﻮ ﺍﻣﺠﺪ ﻻﻥ ﻣﺎ ﻧﻠﻌﺒﻬﻢ ﻭﻳﺎﻧﺎ
ﺷﻴﻤﺎﺀ .. ﻳﺎﻟﻠﻪ ﺍﺗﺤﺮﻛﻮﺍ ﻟﻤﻮ ﻛﺘﺒﻜﻢ ﻭﺩﻓﺎﺗﺮﻛﻢ ﺣﺘﻰ ﻣﺎ
ﺗﻀﻴﻊ ﻭﻳﺔ ﺍﻟﻐﺮﺍﺽ ﺑﺎﻟﺸﻴﻠﺔ
ﺻﺮﻧﺎ ﻧﺸﺘﻐﻞ ﺑﻬﻤﺔ ﻭﻧﺸﺎﻁ ﻭﺍﻧﻲ ﺍﻻﻓﻜﺎﺭ ﻭﺍﻻﺣﻼﻡ ﺻﺎﺭﺕ ﺗﺘﻮﺍﻟﻰ
ﻋﻠﻰ ﺑﺎﻟﻲ
ﺍﺗﺬﻛﺮﺕ ﻋﻨﺪﻱ ﻛﻢ ﻗﻄﻌﺔ ﻗﻤﺎﺵ ﻻﺯﻡ ﺍﺧﻠﺺ ﺧﻴﺎﻃﺘﻬﻢ ﻭﺍﻭﺩﻳﻬﺎ
ﻟﻠﻨﺴﻮﺍﻥ ﺍﺧﺎﻑ ﻧﺸﻴﻞ ﻭﺍﻟﺘﻬﻲ ﻭﻳﺼﻴﺮ ﻣﺸﻮﺍﺭ ﺑﻌﻴﺪ ﺷﻴﻮﺩﻳﻬﺎ ﺍﻟﻬﻦ
ﻛﻌﺪﺕ ﺍﺧﻴﻂ ﻭﺧﻠﻴﺖ ﺷﻴﻤﺎﺀ ﻭﺍﻟﺒﻨﺎﺕ ﻳﻀﺒﻮﻥ ﺍﻟﻐﺮﺍﺽ ........
ﻭﺭﺓ ﻳﻮﻡ ﺣﻤﻠﻨﺎ ﺍﻟﻐﺮﺍﺽ ﻭﺍﻧﺘﻘﻠﻨﺎ ﻟﻠﺒﻴﺖ ﺍﻟﺠﺪﻳﺪ ﺑﺲ ﻣﺎ ﺷﺎﺀ ﺍﻟﻠﻪ
ﺟﺎﻧﺖ ﺍﻟﻤﻨﻄﻘﺔ ﺍﻟﻲ ﺍﻧﺘﻘﻠﻨﺎ ﺍﻟﻬﺎ ﻓﺨﻤﺔ ﻭﺑﻴﻮﺗﻬﺎ ﻛﻠﺶ ﻛﺒﺎﺭ ﺻﺮﺕ
ﺍﺑﺎﻭﻉ ﻭﺍﻓﺮ ﺑﺮﺍﺳﻲ
ﻣﺮﻭﺓ .. ﺣﻴﻴﻴﻞ ﻫﺎﻱ ﺷﻨﻮ ﻣﻦ ﺑﻴﻮﺕ ﻋﺒﺎﻟﻚ ﻗﺼﻮﺭ
ﺷﻴﻤﺎﺀ .. ﻛﻮﻟﻲ ﻣﺎ ﺷﺎﺀ ﺍﻟﻠﻪ
ﻣﺮﻭﺓ .. ﻣﺎﻣﺎ ﺷﻌﺠﺐ ﻋﻤﻮ ﻋﻠﻲ ﻋﻨﺪﻩ ﻫﻨﺎ ﻣﺸﺘﻤﻞ ﺑﻬﺎﻱ ﺍﻟﻤﻨﻄﻘﺔ
ﺍﻟﺮﺍﻗﻴﺔ
.. ﺣﺒﻴﺒﺘﻲ ﻋﻤﺞ ﻣﻦ ﺳﺎﻓﺮ ﻟﻠﺨﺎﺭﺝ ﺩﺍﺋﻤﺎ ﺑﻴﻦ ﻓﺘﺮﺓ ﻭﻓﺘﺮﺓ ﻳﺤﻮﻝ
ﻓﻠﻮﺱ ﻟﺒﻴﺒﻴﺘﺞ ﻳﺠﻤﻌﻬﺎ ﻋﻨﺪﻫﺎ ﻭﻫﻲ ﺟﻤﻌﺖ ﻓﻠﻮﺳﻪ ﻭﻛﻠﻠﻬﺎ ﻫﺬﻧﻲ
ﺍﻟﻔﻠﻮﺱ ﺍﺷﺘﺮﻳﻠﻲ ﺑﻴﻬﻢ ﺑﻴﺖ ﺣﺘﻰ ﻟﻮ ﺻﻐﻴﺮ ﺑﺲ ﺍﻫﻢ ﺷﻲ
ﺑﻤﻨﻄﻘﺔ ﺭﺍﻗﻴﺔ ﺣﺘﻰ ﺍﺧﺎﻑ ﺍﺭﺟﻊ ﺍﻧﺎ ﻭﻋﺎﺋﻠﺘﻲ ﻳﻜﻮﻥ ﻋﻨﺪﻱ ﺑﻴﺖ
ﺿﻤﺎﻥ ﺑﺎﻟﻌﺮﺍﻕ
.
ﻭﻛﻔﺖ ﺳﻴﺎﺭﺓ ﺍﻟﺤﻤﻞ ﺍﻟﻲ ﺑﻴﻬﺎ ﺍﻟﻐﺮﺍﺽ ﻳﻢ ﺑﻴﺖ ﺻﻐﻴﺮ ﻣﺒﻴﻦ
ﻣﺸﺘﻤﻞ ﻣﺎﺧﻮﺫ ﻣﻦ ﺑﻴﺖ ﺍﻟﻤﻬﻢ ﻧﺰﻟﺖ ﻭﺍﻧﻲ ﻛﻠﻲ ﻟﻬﻔﺔ
ﻭﺻﺮﻧﺎ ﻧﻨﺰﻝ ﺑﺎﻟﻐﺮﺍﺽ ﻭﺍﺛﻴﺮ ﻭﺍﻟﻌﻤﺎﻝ ﻳﻨﻘﻠﻮﻥ ﺍﻟﻐﺮﺍﺽ ﺍﻟﻘﻠﻴﻠﺔ
ﻭﻏﺮﻓﺘﻨﺎ
ﻭﺑﻠﺸﻨﺎ ﺑﺘﻨﻈﻴﻒ ﺍﻟﺒﻴﺖ ﺍﻧﻲ ﻭﺍﻟﺒﻨﺎﺕ
ﻭﺍﺛﻴﺮ ﺟﺎﺏ ﺍﻟﻨﺠﺎﺭ ﺣﺘﻰ ﻳﺸﺪ ﺍﻟﻐﺮﻓﺔ
ﻭﺭﺓ ﻓﺘﺮﺓ ﺍﻧﺪﻙ ﺍﻟﺒﺎﺏ ﻭﻃﻠﻌﺖ ﺿﺤﻰ ﺗﺸﻮﻑ ﻣﻨﻮ ﺑﺎﻟﺒﺎﺏ ﺷﻮﻳﺔ
ﻭﺍﺟﺘﻲ ﻭﻛﺎﻟﺖ ﻣﺎﻣﺎ ﻫﺬﺍ ﻭﻟﺪ ﻳﻜﻮﻝ ﺍﺣﻨﺎ ﺟﻮﺍﺭﻳﻨﻜﻢ ﺑﻴﺖ ﺍﻟﻤﺨﺘﺎﺭ
ﺍﺑﻮ ﺭﺍﺋﺪ ﺍﻟﻲ ﺑﺼﻔﻜﻢ
ﻃﻠﻌﺖ ﺷﻔﺖ ﻭﻟﺪ ﻳﺠﻲ ﻋﻤﺮﻩ ١٣ ﺳﻨﺔ ﻭﺷﺎﻳﻞ ﺑﻴﺪﻩ ﺻﻴﻨﻴﺔ . ﺑﻴﻬﺎ
ﺍﻛﻞ
ﺷﺎﻓﻨﻲ ﺍﻟﻮﻟﺪ ﻭﺳﻠﻢ . ﺧﺠﻼﻥ ﻭﻛﺎﻝ
.. ﺧﺎﻟﺔ ﻫﺬﺍ ﻏﺪﺍ ﺍﻟﻜﻢ ﻣﻦ ﺑﻴﺖ ﺍﻟﻤﺨﺘﺎﺭ ﺍﺑﻮ ﺭﺍﺋﺪ
ﺍﺧﺬﺕ ﺍﻟﺼﻴﻨﻴﺔ ﻣﻦ ﻋﻨﺪﻩ
.. ﻣﺸﻜﻮﺭ ﺧﺎﻟﺔ ﻣﺘﻘﺼﻮﺭﻥ ﻧﺮﺩﻟﻜﻢ ﺍﻳﺎﻫﺎ ﺑﺎﻻﻓﺮﺍﺡ
ﺑﺲ ﻛﻠﻲ ﻭﻳﻦ ﺑﻴﺘﻜﻢ ﺑﺎﻟﻀﺒﻂ ﺍﺷﺮﻟﻲ ﻋﻠﻰ ﺑﻴﺖ ﻛﻠﺶ ﺣﻠﻮ ﻭﺟﺒﻴﺮ
ﻳﺼﻴﺮ ﺑﺼﻔﻨﺎ
ﺟﺎﻧﺖ ﻫﺪﻯ ﻭﺍﻛﻔﺔ ﻳﻢ ﺍﻟﻮﻟﺪ ﻭﺗﺤﺠﻲ ﻭﻳﺎﻩ ﻭﻫﻮ ﻟﺰﻣﻬﺎ ﻣﻦ ﻛﺼﻴﺒﺘﻬﺎ
ﻭﻛﺮﺻﻬﺎ ﻣﻦ ﺧﺪﻫﺎ ﻋﻠﻰ ﻛﻴﻔﺔ ﺳﺄﻟﻬﺎ ﻋﻠﻰ ﺍﺳﻤﻬﺎ
ﺍﺳﺘﺄﺫﻥ ﺭﺍﺋﺪ ﻭﻃﻠﻊ
ﻭﺍﻧﻲ ﻭﺍﻟﺒﻨﺎﺕ ﻫﺪﻳﻨﺔ ﻋﺎﻟﺼﻴﻨﻴﺔ
ﺟﺎﻥ ﺑﻴﻬﺎ ﻣﻄﺒﻚ ﺩﺟﺎﺝ ﻭﻟﺒﻦ ﻭﻃﺮﺷﻲ ﻭﺧﻈﺮﺓ ﻭﺭﻛﻴﺔ
ﻭﻣﺮﻛﺔ ﻓﺎﺻﻮﻟﻴﺎ ﻭﺑﻴﻬﺎ ﻟﺤﻢ ﻭﺧﺒﺰ ﺣﺎﺭ
ﺑﺎﻭﻋﺖ ﻟﺒﻨﺎﺗﻲ ﺷﻠﻮﻥ ﻋﻴﻮﻧﻬﻢ ﻟﻤﻌﺖ ﺳﻮﺩﺓ ﻋﻠﻴﺔ
ﺻﺎﺭﻟﻬﻢ ﻫﻮﺍﻱ ﻣﺎﺩﺍﺧﻠﺔ ﺍﻟﻠﺤﻤﺔ ﻟﺒﻄﻨﻬﻢ
ﺻﺤﺖ ﻻﺛﻴﺮ ﻭﻛﺎﻝ ﻫﺬﺍ ﻣﻨﻴﻦ ﻭﻛﻌﺪ ﻳﺎﻛﻞ ﻭﻳﺎﻧﺔ
ﺟﺎﻥ ﺍﺣﻠﻰ ﻭﺍﻃﻴﺐ ﺍﻛﻞ ﺍﺿﻮﻛﻪ ﺑﺤﻴﺎﺗﻲ
ﺧﻠﺼﻨﺎ ﻭﺿﻤﻴﺖ ﺍﻟﺒﺎﻗﻲ ﻟﻠﻌﺸﺎ ﻳﻔﻴﺪﻧﺎ ﻧﺤﻤﻲ ﻭﻧﺎﻛﻠﻪ ﺍﻟﺤﻘﻴﻘﻪ
ﺩﺍﺯﻳﻠﻨﺎ ﻫﻮﺍﻳﺔ
ﺍﻟﻤﻨﻄﻘﺔ ﺍﻟﻲ ﺍﻧﺘﻘﻠﻨﺎ ﺍﻟﻬﺎ ﻋﻜﺲ ﻣﻨﻄﻘﺔ ﺑﻴﺖ ﻋﻴﺎﻟﻲ
ﻭﻧﺎﺳﻬﺎ ﻳﺨﺘﻠﻔﻮﻥ ﺍﻫﻞ ﺧﻴﺮ
ﺟﻨﺖ ﻣﻠﺘﻬﻴﺔ ﺍﺷﺘﻐﻞ ﻭﺳﻤﻌﺖ ﺻﻮﺕ ﺗﻜﺴﻴﺮ ﻣﻮﺍﻋﻴﻦ
.. ﻳﺒﻮﻭﻭﻭﻭﻱ
ﺩﺧﻠﺖ ﻟﻠﻤﻄﺒﺦ ﻭﺍﻟﻜﺔ ﻫﺪﻯ ﺑﻨﺘﻲ ﺍﻟﺼﻐﻴﺮﺓ ﻣﻮﻛﻌﺔ ﻛﺎﺭﺗﻮﻥ
ﺍﻟﺼﺤﻮﻥ
.. ﻟﺞ ﻫﺎﻱ ﺷﻨﻮ ﺳﻮﻳﺘﻲ ﺟﻨﻴﺔ ﻟﺞ ﻭﺗﺎﻟﻲ ﻭﻳﺎﺝ
ﺟﺎﻧﺖ ﺗﺒﺎﻭﻋﻠﻲ ﺑﻌﻴﻮﻧﻬﺎ ﺍﻟﻮﺳﺎﻉ ﻭﺗﺮﻣﺶ ﻭﺧﺪﻭﺩﻫﺎ ﺣﻤﺮ ﻭﻻﻣﺔ
ﺣﻠﻜﻬﺎ
.. ﻣﺎﻣﺎ ﺍﻏﻴﺪ ‏( ﺍﺭﻳﺪ ‏) ﺍﺳﺎﻋﺪﻛﻢ
.. ﻟﺞ ﻣﺎﻣﺎ ﺷﺘﺴﺎﻋﺪﻳﻨﻲ
ﺻﺤﺖ ﻟﺸﻴﻤﺎﺀ .. ﻣﺎﻣﺎ ﺷﻮﻣﺔ ﺗﻌﺎﻟﻲ ﺍﺧﺬﻱ ﺍﺧﺘﺞ ﻣﻨﺎ ﻻ ﺗﺠﺮﺡ
ﺭﺟﻠﻬﺎ ﺑﺎﻟﻜﺰﺍﺯ ﺍﻟﻤﻜﺴﺮ ﺧﻠﻴﻨﻲ ﺍﻟﻢ ﺍﻟﻤﻮﺍﻋﻴﻦ
ﺷﻴﻤﺎﺀ .. ﺷﻠﻮﻥ ﺑﻴﺞ ﺟﻨﻴﺔ ﺷﻮﺩﺍﺝ ﻋﺎﻟﺼﺤﻮﻥ ﺍﻧﺘﻲ ﻭﻳﻦ ﻣﺎ ﺗﺮﺣﻴﻦ
ﺗﺴﻮﻳﻦ ﻣﺼﻴﺒﺔ ﻭﺗﺄﺫﻳﻦ ﻧﻔﺴﺞ ﻳﺎﻟﻠﻪ ﺗﻌﺎﻟﻲ ﺍﻣﺸﻲ ﻣﻨﺎ
ﺑﺮﻃﻤﺖ .. ﻻ ﺗﺼﻴﺤﻴﻦ ﻋﻠﻴﺔ ﻣﺎﻣﺎ ﺗﻌﺎﻱ ﻟﺸﻴﻤﺎﺀ ﻛﻐﺼﺘﻨﻲ
‏( ﻛﺮﺻﺘﻨﻲ ‏)
.. ﻟﺞ ﺷﻮﻣﺔ ﻟﻴﺶ ﺗﺄﺫﻳﻦ ﺍﺧﺘﺞ
ﺷﻬﻜﺖ ﺷﻴﻤﺎﺀ .. ﻋﺰﺓ ﺑﻌﻴﻨﺞ ﻓﺼﻤﺔ ﻣﺎﻣﺎ ﻫﺎﻱ ﺑﻨﺘﺞ ﺟﺬﺍﺑﺔ
ﻣﻤﺴﻮﻳﺘﻠﻬﺎ ﺷﻲ
ﺍﺑﺎﻭﻉ ﻟﻬﺪﻯ ﻃﻠﻌﺖ ﺍﻟﺴﺎﻧﻬﺎ ﺗﻌﻴﺐ ﻋﻠﻰ ﺍﺧﺘﻬﺎ ﻭﺭﺍﺣﺖ
ﺗﺮﻛﺾ
ﺷﻴﻤﺎﺀ .. ﻟﺞ ﺗﻌﺎﻟﻲ ﻓﺼﻤﺔ ﺍﻧﻲ ﺍﻟﺞ ﻭﻳﻦ ﺗﺮﺣﻴﻦ ﻣﻨﻲ
ﺍﺑﺘﺴﻤﺖ ﻋﻠﻰ ﺷﻜﻠﻬﻦ
.. ﺍﻣﺎﻧﺔ ﻋﻠﻴﺞ ﺷﻮﻣﺔ ﻻﺗﺄﺫﻳﻬﺎ
ﺟﺮﺗﻬﺎ ﻣﻦ ﺍﻳﺪﻫﺎ ﻭﻫﻲ ﺗﺮﺯﻝ ﺑﻴﻬﺎ ﻭﻫﺬﻳﺞ ﺗﻌﻴﺐ ﻣﻄﻠﻌﺔ ﺍﻟﺴﺎﻧﻬﺎ
ﻋﻠﻰ ﺍﺧﺘﻬﺎ
ﺻﺤﺖ ﻟﻤﺮﻭﺓ ﻭﻟﻀﺤﻰ
.. ﻋﻔﻴﺔ ﺑﻨﺎﺕ ﺑﺲ ﺗﻌﺎﻟﻮﺍ ﻧﻘﻠﻮ ﻣﻜﻴﻨﺔ ﺍﻟﺨﻴﺎﻃﺔ ﻣﻦ ﻣﻜﺎﻧﻬﺎ ﺣﻄﻮﻫﺎ
ﺍﻟﻲ ﺟﻮﺓ ﺍﻟﺪﺭﺝ
ﺑﻌﺪﻣﺎ ﺍﺳﺘﻘﺮﻳﻨﺎ ﺑﺎﻟﺒﻴﺖ ﻭﻧﻘﻠﻨﺎ ﺍﻟﺒﻨﺎﺕ ﻣﻦ ﻣﺪﺍﺭﺳﻬﻢ ﺍﻟﻘﺪﻳﻤﺔ ﻋﻠﻰ
ﺍﻟﻤﺪﺍﺭﺱ ﺍﻟﻘﺮﻳﺒﺔ ﻣﻦ ﻋﺪﻧﺎ ﻣﺮﺕ ﺍﻻﻳﺎﻡ
ﻭﺍﻟﺤﻤﻞ ﺻﺎﺭ ﻳﻮﻡ ﻋﻦ ﻳﻮﻡ ﻳﺜﻜﻞ ﻋﻠﻴﺔ ﺣﺘﻰ ﺧﻴﺎﻃﺔ ﺻﺮﺕ ﻛﻮﺓ
ﺍﺧﻴﻂ ﻣﺎ ﻋﻨﺪﻱ ﻗﻮﺓ ﺍﻛﻌﺪ ﺍﻓﺼﻞ ﻭﺍﺧﻴﻂ
ﻭﻓﻮﻙ ﻫﺬﺍ ﻛﻠﻪ ﺍﻧﺎ ﺟﺪﻳﺪﺓ ﻋﺎﻟﻤﻨﻄﻘﺔ ﻓﻨﺴﻮﺍﻥ ﻫﺎﻱ ﺍﻟﻤﻨﻄﻘﺔ ﻣﻮ
ﻛﻠﻬﻢ ﻳﻌﺮﻓﻮﻥ ﺑﻴﺔ ﺍﻧﻲ ﺧﻴﺎﻃﺔ ﺑﺲ ﻛﻢ ﻭﺣﺪﺓ ﻣﻦ ﺟﺎﺭﺗﻨﺎ
ﺟﻨﺖ ﻛﺎﻋﺪﺓ ﻭﻋﻘﻠﻲ ﻳﺘﺤﺴﺐ ﻟﺒﺎﺟﺮ ﺷﻠﻮﻥ ﺑﻴﺔ ﻭﺑﺒﻨﺎﺗﻲ
ﺍﻟﻤﺼﺮﻑ ﺟﺎﻱ ﻳﻘﻞ ﻭﻫﺬﺍ ﺍﺛﻴﺮ ﺣﺘﻰ ﻣﺎ ﻳﻜﻠﻒ ﻧﻔﺴﻪ ﻳﻄﻠﻊ ﻳﺸﻮﻓﻠﻪ
ﺷﻐﻠﺔ ﻭﻳﺴﺎﻋﺪﻧﻲ ﺑﻤﺼﺮﻑ ﺍﻟﺒﻴﺖ ﻻ ﻭﻓﻮﻛﺎﻫﺎ
ﻳﺮﻳﺪ ﻧﻔﺴﻪ ﻣﻨﻲ ﻳﺠﻲ ﻳﻮﻛﻒ ﻓﻮﻙ ﺭﺍﺳﻲ ﻳﺮﻳﺪ ﺍﺩﺑﺮﻟﻪ ﻓﻠﻮﺱ ﻣﺎ
ﺍﻋﺮﻑ ﻣﻨﻴﻦ ﺍﺗﻠﻜﺎﻫﺎ ﻳﺎﺭﺑﻲ
ﻭﺍﻟﻔﺮﺣﺔ ﺍﻟﻔﺮﺣﺘﻬﺎ ﺑﺎﻭﻝ ﺍﻳﺎﻡ ﺍﻧﺘﻘﺎﻟﻲ ﻟﻬﺬﺍ ﺍﻟﺒﻴﺖ ﻭﻛﻠﺖ ﺍﺭﺗﺎﺣﻴﺖ
ﻣﻦ ﻧﻜﺔ ﻋﻤﺘﻲ ﺑﺴﺮﻋﺔ ﺍﺗﺒﺨﺮﺕ ﻭﺍﻛﺘﺸﻔﺖ ﺍﻥ ﻛﻌﺪﺗﻲ ﺑﺒﻴﺖ ﻋﻴﺎﻟﻲ
ﺍﺻﺮﻑ ﺑﻬﻮﺍﻱ ﺍﻟﻲ ﻭﻟﺒﻨﺎﺗﻲ ﻋﻠﻰ ﺍﻻﻗﻞ ﻫﻨﺎﻙ ﻣﺎ ﺟﻨﺖ ﺍﺷﻴﻞ ﻫﻢ
ﺍﻻﻛﻞ ﺟﻨﺎ ﻧﺎﻛﻞ ﻭﻳﺎﻫﻢ ﺳﻮﻳﺔ ﻭﺍﻣﺠﺪ ﺣﻤﺎﻱ ﻫﻮ ﺍﻟﻤﺴﺆﻝ ﻋﻦ
ﻣﺼﺮﻑ ﺍﻟﺒﻴﺖ ﻭﺟﺎﻧﺖ ﻓﻠﻮﺱ ﺍﻟﺨﻴﺎﻃﺔ ﺑﺲ ﻟﻠﺒﻨﺎﺕ ﻭﻃﻠﺒﺎﺗﻬﻦ
ﻭﻣﺪﺍﺭﺳﻬﻦ
ﻫﺴﺔ ﻣﻨﻴﻦ ﻣﺎ ﺍﻟﺘﻔﺖ ﺍﺣﺲ ﺗﻀﻴﻚ ﺍﻟﻮﺍﺳﻌﺔ ﺑﻌﻴﻨﻲ
ﺣﻄﻴﺖ ﺷﻮﻳﺔ ﻛﻠﻴﺠﺔ ﺍﻡ ﺍﻟﺘﻤﺮ ﺑﻤﺎﻋﻮﻥ
ﺷﻴﻤﺎﺀ .. ﻣﺎﻣﺎ ﻫﺎﻱ ﺍﻟﻤﻦ ﺍﻟﺤﻼﻭﺓ ﺳﻮﻳﺘﻴﻬﺎ
.. ﻫﺎﻱ ﺣﻼﻭﺓ ﻃﺤﻴﻦ ﺳﻮﻳﺘﻬﺎ ﻟﺒﻴﺖ ﺟﻮﺍﺭﻳﻨﺎ ﺍﺑﻮ ﺭﺍﺋﺪ ﻛﻠﺖ ﻋﻴﺐ
ﺍﺭﺟﻌﻠﻬﻢ ﻣﻮﺍﻋﻴﻦ ﺍﻻﻛﻞ ﻓﺎﺭﻏﺔ
ﻭﺷﻮﻳﺔ ﺑﻘﺎﻟﻜﻢ ﺑﺎﻟﻤﺎﻋﻮﻥ ﺿﻤﻴﺘﻪ ﻣﻦ ﺍﺭﺟﻊ ﺍﻧﻄﻴﻜﻢ ﻣﻨﺎ ﻳﺎﻟﻠﻪ ﻣﺎﻣﺎ
ﺷﻮﻣﺔ ﻋﻴﻨﺞ ﻋﺎﻟﺒﻴﺖ ﺍﺟﺘﻲ ﻫﺪﻯ ﺗﺮﻛﺾ
ﻫﺪﻯ .. ﻣﺎﻣﺎ ﺍﺧﺬﻳﻨﻲ ﻭﻳﺎﺝ
.. ﻻ ﺍﺑﻘﻲ ﻳﻢ ﺧﻮﺍﺗﺞ
.. ﻣﺎ .. ﻣﺎ .. ﺍﻏﻮﺡ ‏( ﺍﺭﻭﺡ ‏) ﻭﻳﺎﺝ
ﺷﻴﻤﺎﺀ .. ﻣﺎﻣﺎ ﺍﺧﺬﻳﻬﺎ ﻭﻳﺎﺝ ﻭﻓﻜﻴﻨﺎ ﻣﻨﻬﺎ ﻻ ﺗﻜﻮﻡ ﺗﺒﺠﻲ ﻓﻮﻙ ﺭﺍﺳﻨﺎ
.. ﻳﺎﻟﻠﻪ ﻟﺒﺴﻲ ﻧﻌﺎﻟﺞ ﻭﺗﻌﺎﻟﻲ ﻭﻳﺎﻱ
ﺭﺍﺣﺖ ﺗﺮﻛﺾ ﻛﺪﺍﻣﻲ ﻭﻛﺼﺎﻳﺒﻬﺎ ﻭﺭﺍﻫﺎ
ﺩﻛﻴﺖ ﺑﺎﺏ ﺑﻴﺖ ﺟﻮﺍﺭﻳﻨﺎ
ﻣﺎ ﺷﺎﺀ ﺍﻟﻠﻪ ﺭﺑﻲ ﻳﺰﻳﺪﻫﻢ ﻭﻳﺒﺎﺭﻛﻠﻬﻢ ﺑﻴﺘﻬﻢ ﻛﻠﺶ ﻓﺨﻢ
ﺳﻤﻌﺖ ﺻﻮﺕ ﻣﺮﻳﺔ ﺗﺴﺎﻝ ﻣﻨﻮ
ﺟﺎﻭﺑﺘﻬﺎ .. ﻋﻴﻨﻲ ﺍﻧﻲ ﺟﺎﺭﺗﻜﻢ ﺍﻡ ﺷﻴﻤﺎﺀ ﺍﻟﻨﺰﻝ ﺍﻟﺠﺪﺩ
ﺷﻮﻳﺔ ﻭﺍﻧﻔﺘﺢ ﺍﻟﺒﺎﺏ ﻭﻃﻠﻌﺖ ﻣﺮﻳﺔ ﺗﻘﺮﻳﺒﺎً ﺑﻌﻤﺮﻱ
ﻣﺒﻴﻦ ﻋﻠﻴﻬﺎ ﺍﻟﺨﻴﺮ ﺟﺎﻧﺖ ﻻﺑﺴﺔ ﺩﺷﺪﺍﺷﺔ ﻗﺼﻴﺮﺓ ﻭﻻﺑﺴﺔ ﺳﻮﺍﺭﺍﺕ
ﻭﺗﺮﺍﺟﻲ ﺫﻫﺐ ﻛﻠﺶ ﺣﻠﻮﺍﺕ ﻭﻛﺎﺻﺔ ﺷﻌﺮﻫﺎ ﻗﺼﻴﺮ ﻓﺮﻧﺴﻲ ﺣﻠﻮﺓ
ﺳﻠﻤﺖ ﻋﻠﻴﻬﺎ ﻭﺳﻠﻤﺖ ﻋﻠﻴﺔ ﻣﻦ ﻭﺭﺓ ﺧﺸﻤﻬﺎ ﺟﺎﻧﺖ ﺗﺤﺠﻲ ﺑﺘﻜﺒﺮ
ﻭﻳﺎﻱ ﻭﻋﻴﻮﻧﻬﺎ ﻛﺼﺘﻨﻲ ﻣﻦ ﻓﻮﻙ ﻟﻴﺠﻮﺓ ﻋﺒﺎﻟﻚ ﺩﺗﻌﺎﻳﻦ ﺑﻀﺎﻋﺔ
ﻋﺮﻓﺘﻬﺎ ﻋﻠﻰ ﻧﻔﺴﻲ ﻭﻗﺪﻣﺘﻠﻬﺎ ﺍﻟﺤﻼﻭﺓ ﻭﺍﺗﺸﻜﺮﺕ ﻣﻨﻬﺎ ﻋﺎﻻﻛﻞ
ﻭﺩﺧﻠﺘﻨﻲ ﺟﻮﺓ ﻟﺒﻴﺘﻬﻢ ﻭﻛﻌﺪﻧﺎ ﺑﺎﻟﻤﻄﺒﺦ ﻭﺷﻔﺖ ﺍﺑﻨﻬﺎ ﺭﺍﺋﺪ ﻛﺎﻋﺪ
ﻳﺪﺭﺱ ﻋﻠﻰ ﻣﻴﺰ ﺍﻟﻄﻌﺎﻡ ﺷﺎﻓﻨﺎ ﻭﺍﺑﺘﺴﻢ ﻭﺳﻠﻢ ﻋﻠﻴﻨﺎ ﻭﻇﻞ ﻳﺤﺠﻲ
ﻭﻳﺔ ﻫﺪﻯ ﺍﻟﻲ ﺭﺍﺣﺖ ﻛﻌﺪﺕ ﻳﻤﻪ ﻭﺍﻧﻄﻠﻘﺖ ﺑﺎﻟﺴﻮﺍﻟﻒ ﻭﻳﺎﻩ
ﻭﺍﻧﻄﺎﻫﺎ ﺍﻟﻮﺍﻥ ﻭﺩﻓﺘﺮ ﺭﺳﻢ ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﻟﻤﻌﺖ ﻋﻴﻮﻧﻬﺎ
ﺑﻔﺮﺣﺔ ﻭﺍﻧﻄﻠﻘﺖ ﺗﺮﺳﻢ ﻭﺗﺴﻮﻟﻒ ﻭﻳﺎﻩ
ﺍﻧﺘﺒﻬﺖ ﻋﻠﻰ ﺍﻡ ﺭﺍﺋﺪ ﺩﺗﺤﺠﻲ ﻭﻳﺎﻱ ﻭﺳﺄﻟﺘﻨﻲ ﻛﻢ ﺳﺆﺍﻝ ﻋﻦ ﺯﻭﺟﻲ
ﻭﺑﻨﺎﺗﻲ ﻣﺜﻞ ﺍﻟﺘﺤﻘﻴﻖ ﻣﺒﻴﻨﺔ ﻣﺮﺕ ﻣﺨﺘﺎﺭ ﺍﻟﻤﻨﻄﻘﺔ
ﺩﺧﻠﺖ ﺑﻨﺘﻬﺎ ﺍﺳﻤﻬﺎ ﻟﻴﻠﻰ ﺳﻠﻤﺖ ﻋﻠﻴﻨﺎ ﺟﺎﻧﺖ ﺑﻌﻤﺮ ﻣﺮﻭﺓ ﺑﻨﺘﻲ
.. ﺍﻡ ﺭﺍﺋﺪ ﻣﻦ ﺍﻟﻨﺎﺱ ﺍﻟﻘﺪﺍﻣﺎ ﺑﺎﻟﻤﻨﻄﻘﺔ ﻭﺗﻌﺮﻑ ﺗﻘﺮﻳﺒﺎً ﻛﻞ ﻭﺍﺣﺪ
ﺑﻬﺎﻱ ﺍﻟﻤﻨﻄﻘﺔ ﻭﻭﻋﺪﺗﻨﻲ ﺍﻥ ﺗﻜﻮﻝ ﻟﻨﺴﻮﺍﻥ ﺍﻟﻤﻨﻄﻘﺔ ﻋﻨﻲ ﺣﺘﻰ
ﺍﺧﻴﻄﻠﻬﻢ ﺍﺫﺍ ﻳﺮﺩﻭﻥ
ﺍﻡ ﺭﺍﺋﺪ .. ﺑﺲ ﻋﻴﻨﻲ ﺍﻡ ﺷﻴﻤﺎﺀ ﺍﻛﻠﺞ ﺍﻳﺎﻫﺎ ﻣﻦ ﺍﻻﺧﻴﺮ ﺗﺮﺓ
ﺟﺎﺭﺍﺗﻨﺎ ﻣﻮ ﻛﻠﻬﻢ ﻳﺨﻴﻄﻮﻥ ﺍﻏﻠﺒﻬﻢ ﻳﺸﺘﺮﻭﻥ ﻛﻠﻪ ﺟﺎﻫﺰ
ﺑﻘﺖ ﺑﺲ ﺍﺷﻮﻓﻠﺞ ﻛﻢ ﻭﺣﺪﺓ ﻣﻦ ﺍﻟﻨﺴﻮﺍﻥ ﺍﻟﻜﺒﺎﺭ ﻫﻨﺔ ﺍﻟﻲ ﻳﺤﺒﻮﻥ
ﻳﺨﻴﻄﻮﻥ
ﺍﻡ ﺷﻴﻤﺎﺀ .. ﻭﺍﻟﻠﻪ ﻳﺎ ﺍﻡ ﺭﺍﺋﺪ ﺍﻟﺨﻴﺎﻃﺔ ﺑﺎﺏ ﺭﺯﻗﻲ ﻭﺗﺴﻮﻳﻦ ﻋﻠﻴﺔ
ﻓﻀﻞ ﺍﺫﺍ ﺗﺴﺎﻋﺪﻳﻨﻲ
ﻃﻠﻌﺖ ﻣﻦ ﺑﻴﺖ ﺍﻡ ﺭﺍﺋﺪ ﻭﺍﻧﻲ ﺍﺗﺄﻣﻞ ﺗﺴﺎﻋﺪﻧﻲ
ﻭﺭﺓ ﻓﺘﺮﺓ ﺗﻘﺮﻳﺒﺎ ﺩﺯﺕ ﻋﻠﻴﺔ ﺍﺑﻨﻬﺎ ﺭﺍﺋﺪ ﺗﺮﻳﺪ ﺗﺤﺠﻲ ﻭﻳﺎﻱ ﻓﺮﺣﺖ
ﻛﻠﺖ ﺑﻠﻜﻲ ﺟﺎﺑﺖ ﻣﻌﺎﻣﻴﻞ ﺍﺧﻴﻄﻠﻬﻢ
ﺭﺣﺘﻠﻬﺎ ﻭﺩﺧﻠﺘﻨﻲ ﻟﺒﻴﺘﻬﺎ ﻣﺜﻞ ﻛﻞ ﻣﺮﺓ ﺗﻜﻌﺪﻧﻲ ﺑﺎﻟﻤﻄﺒﺦ
ﺍﻡ ﺭﺍﺋﺪ .. ﺷﻮﻓﻲ ﺍﻡ ﺷﻴﻤﺎﺀ ﺍﻧﻲ ﺩﺯﻳﺖ ﻋﻠﻴﺞ ﺣﺘﻰ ﺍﻛﻠﺞ ﺣﺠﻴﺖ
ﻭﻳﺔ ﺻﺪﻳﻘﺎﺗﻲ ﻭﻭﻳﺔ ﻧﺴﻮﺍﻥ ﺍﻟﻤﻨﻄﻘﺔ ﻋﻠﻴﺞ ﺑﺲ ﻛﻢ ﻭﺣﺪﺓ ﻭﺍﻓﻘﺖ
ﺗﺠﻲ ﺗﺨﻴﻂ ﻋﻨﺪﺝ ﻭﻛﺎﻟﻮﺍ ﻋﻠﻰ ﻭﻗﺖ ﻓﺮﺍﻏﻬﻢ ﻳﺠﻮﻥ ﺑﺲ ﺧﻠﻲ
ﺍﺧﺘﺼﺮ ﻋﻠﻴﺞ ﺍﻟﺘﻌﺐ ﺍﻧﻲ ﺍﻋﺮﻑ ﻧﺴﻮﺍﻥ ﻣﻨﻄﻘﺘﻲ ﺍﻟﺨﻴﺎﻃﺔ ﻫﻨﺎ
ﻋﺪﻧﺎ ﻣﺎ ﻧﺎﺟﺤﺔ ﻫﺎﻟﻜﺪ ﻭﺍﻧﺼﺤﺞ ﺗﺸﻮﻓﻴﻠﺞ ﺑﺎﺏ ﺭﺯﻕ ﺛﺎﻧﻲ ﻭﻳﺔ
ﺍﻟﺨﻴﺎﻃﺔ ﺍﺫﺍ ﺍﻧﺘﻲ ﻛﻠﺶ ﻣﺤﺘﺎﺟﺔ
.. ﻭﺍﻟﻠﻪ ﻳﺎ ﺍﻡ ﺭﺍﺋﺪ ﺑﺲ ﺍﻟﻠﻪ ﺍﻟﻴﻌﻠﻢ ﺑﺤﺎﻟﻲ ﺷﻜﺪ ﻣﺤﺘﺎﺟﺔ
ﺍﻡ ﺭﺍﺋﺪ .. ﺷﻮﻓﻲ ﺭﺍﺡ ﺍﻗﺘﺮﺡ ﻋﻠﻴﺞ ﺍﻗﺘﺮﺍﺡ
ﻭﺍﻋﺘﺒﺮﻳﻪ ﻣﺴﺎﻋﺪﺓ ﻣﻨﻲ ﺍﻟﺞ ﻭﻫﻢ ﺍﻧﺘﻲ ﺍﻟﻤﺴﺘﻔﺎﺩﺓ ﻭﺍﻧﻲ
ﺍﻟﻤﺴﺘﻔﺎﺩﺓ
.. ﻛﻮﻟﻲ ﺣﺒﻴﺒﺔ ﺍﻟﻠﻪ ﻭﺍﻳﺪﺝ
.. ﺷﻮﻓﻲ ﺍﻡ ﺷﻴﻤﺎﺀ ﻣﺜﻞ ﻣﺎ ﺗﻌﺮﻓﻴﻦ ﺍﻧﻲ ﺑﻴﺘﻲ ﺟﺒﻴﺮ ﻭﺍﺣﺘﺎﺝ
ﻭﺣﺪﺓ ﺗﺴﺎﻋﺪﻧﻲ ﺑﺎﻟﺒﻴﺖ ﻭﺍﻧﺘﻲ ﻣﺤﺘﺎﺟﺔ ﺷﻐﻞ ﻓﺘﻌﺎﻟﻲ ﻛﻞ ﻳﻮﻡ
ﺳﺎﻋﺪﻳﻨﻲ ﺑﺸﻐﻞ ﺍﻟﺒﻴﺖ
ﻭﺍﻧﻲ ﺍﻧﻄﻴﺞ ﺍﻟﻲ ﺍﻛﺪﺭ ﻋﻠﻴﻪ ﻭﻫﺎﻱ ﻣﻦ ﻏﻴﺮ ﻳﻠﻮﺣﺞ
ﻣﻨﻲ ﺍﻟﻤﻼﺑﺲ ﺍﻟﺰﺍﻳﺪﺓ ﺍﻻﻛﻞ ﺍﻟﺰﺍﻳﺪ ﻭﺧﻴﺮ ﻣﻦ ﺍﻟﻠﻪ ﻭﺍﻧﺘﻲ ﺍﻭﻟﻰ ﺑﻴﻬﻢ
.. ﻭﺍﻟﻠﻪ ﻣﺎ ﺍﻋﺮﻑ ﺷﻨﻮ ﺍﻛﻠﺞ
.. ﺍﻧﺖ ﺷﻮﻓﻲ ﻭﻓﻜﺮﻱ ﻭﺭﺟﻌﻴﻠﻲ ﺧﺒﺮ
ﺣﺘﻰ ﺍﻛﻮﻝ ﻷﺑﻮ ﺭﺍﺋﺪ ﻳﺠﺮﻳﻠﺞ ﺭﺍﺗﺐ
.. ﺍﻥ ﺷﺎﺀ ﺍﻟﻠﻪ ﺍﺧﺬ ﺭﺃﻱ ﺍﺑﻮ ﺷﻴﻤﺎﺀ ﺑﺎﻟﻤﻮﺿﻮﻉ ﻭﺍﺭﺩﻟﺞ ﺧﺒﺮ
ﺑﻌﺪ ﻓﺘﺮﺓ ﻃﻠﻌﺖ ﻣﻦ ﺑﻴﺖ ﺍﻡ ﺭﺍﺋﺪ ﺍﻓﻜﺮ ﺑﺎﻗﺘﺮﺍﺣﻬﺎ
ﻭﺍﻟﻠﻪ ﻫﻮ ﺍﺟﺔ ﺑﻮﻛﺘﻪ ﻭﺍﻧﻌﻢ ﺍﻟﻠﻪ ﻋﻠﻴﻬﺎ ﻣﻦ ﻛﻠﻔﺖ ﺭﻭﺣﻬﺎ ﺗﺴﺎﻋﺪﻧﻲ
ﺧﻠﻲ ﺍﺭﺟﻊ ﻟﻠﺒﻴﺖ ﻭﺍﺷﻮﻑ ﺍﺛﻴﺮ ﺷﻨﻮ ﻳﻜﻮﻝ
ﺑﻌﺪﻣﺎ ﻭﺍﻓﻖ ﺍﺛﻴﺮ ﻭﻛﻴﻒ ﻣﻦ ﻛﻠﺘﻠﻪ ﻋﺎﻟﺸﻐﻞ
ﺍﺛﻴﺮ .. ﺍﻱ ﻭﺍﻟﻠﻪ ﺍﺟﺔ ﺑﻮﻛﺘﻪ ﺍﻧﺎ ﻣﻔﻠﺲ ﻭﻣﺤﺘﺎﺝ ﻛﻢ ﻓﻠﺲ
.. ﻫﺎﻱ ﺑﺪﺍﻝ ﻣﺎ ﺗﺴﺎﻋﺪﻧﻲ ﻭﺗﻌﻴﻨﻲ ﺗﺠﻲ ﺍﻧﺖ ﺗﺮﻳﺪ ﻣﺼﺮﻓﻚ ﻣﻨﻲ
ﺷﻄﻠﻌﺖ ﻫﺎﻱ
.. ﻻ ﺗﻈﻠﻴﻦ ﺗﻤﻨﻴﻦ ﻋﻠﻴﺔ ﺗﺮﺓ ﺑﻌﺪﺝ ﻣﺎ ﺍﺷﺘﻐﻠﺘﻲ
ﺗﺮﺓ ﺍﻧﺎ ﺩﺍ ﺍﺩﻭﺭ ﻋﻠﻰ ﺷﻐﻞ ﺑﺲ ﻣﺎﻛﻮ
.. ﺍﺷﺘﻐﻞ ﻋﻤﺎﻝ ﺍﻭ ﺍﻃﻠﻊ ﻋﺎﻣﻞ ﺑﻤﺤﻞ ﻣﻮ ﺍﻻ ﻭﻇﻴﻔﺔ
.. ﺷﻨﻮ ﻣﻨﻮ ﻳﻘﺒﻞ ﻳﺸﻐﻞ ﻭﺍﺣﺪ ﻋﻨﺪﻩ ﺑﻈﻬﺮﻩ ﺍﻧﺰﻻﻕ
ﻣﻦ ﻭﺭﺓ ﺍﻟﺪﻙ ﺍﻟﻲ ﺍﻛﺘﻠﻪ ﺯﻳﻦ ﻣﺎ ﺻﺎﺭ ﺑﻴﺔ ﺷﻠﻞ
.. ﺷﻨﻮ ﺗﺰﺭﻉ ﺗﺤﺼﺪ
ﻏﻤﻀﺖ ﻋﻴﻮﻧﻲ ﺑﺼﺒﺮ ﺍﺗﻌﻮﺩﺕ ﻋﻠﻰ ﺍﺛﻴﺮ ﻭﺣﺠﺠﻪ ﺍﻟﻤﺎ ﺗﻨﺘﻬﻲ
ﻭﻣﻦ ﻋﻬﺪﻫﺎ ﺻﺮﺕ ﺍﺭﻭﺡ ﻛﻞ ﻳﻮﻡ ﺍﺷﺘﻐﻞ ﻋﻨﺪ ﺑﻴﺖ ﺍﻡ ﺭﺍﺋﺪ ﻭﻫﻲ
ﺍﻟﻤﺮﻳﺔ ﺍﻟﻠﻪ ﻓﻮﻙ ﺍﻟﺮﺍﺱ ﻣﺎ ﻣﻘﺼﺮﺓ ﻭﻳﺎﻱ
ﺑﺲ ﺑﻴﺘﻬﻢ ﺟﺎﻥ ﺟﺒﻴﺮ ﻭﻳﺘﻌﺐ ﺻﺮﺕ ﺍﻃﻠﺐ ﻣﻦ ﺷﻴﻤﺎﺀ ﻣﻦ ﺗﺤﻞ
ﻣﻦ ﺍﻟﻤﺪﺭﺳﺔ ﺗﺠﻲ ﻭﻳﺎﻱ ﺗﺴﺎﻋﺪﻧﻲ
ﺳﻮﺩﺓ ﻋﻠﻴﺔ ﻫﻲ ﻣﻜﺎﻟﺖ ﺷﻲ ﻭﺍﺟﺘﻲ ﺑﻜﻞ ﺭﺣﺎﺑﺔ ﺻﺪﺭ ﺗﺴﺎﻋﺪﻧﻲ
ﻭﺗﺪﺭﺱ ﺍﻣﺘﺤﺎﻧﺎﺗﻬﺎ
ﺻﺮﺕ ﺍﺣﻂ ﺍﻟﻔﻠﺲ ﻋﺎﻟﻔﻠﺲ ﻭﺍﺟﻤﻊ ﺣﺘﻰ ﺍﺳﺪ ﺍﺣﺘﻴﺎﺟﺎﺕ ﺍﻟﺒﻴﺖ
ﺍﺣﻨﺎ ﻣﻦ ﺍﻧﺘﻘﻠﻨﺎ ﻟﻠﺒﻴﺖ ﻃﻠﻌﻨﺎ ﺑﺲ ﺑﻄﺮﻙ ﻏﺮﻓﺔ ﺍﻻﺧﺸﺎﺏ ﺟﺎﻥ ﻣﺎ
ﻋﺪﻧﺎ ﺍﻱ ﺷﻲ ﻻ ﺛﻼﺟﺔ ﻻ ﻛﺎﻭﻧﺘﺮ
ﺻﺮﺕ ﺑﺎﻭﻝ ﺍﻳﺎﻡ ﺍﻟﺰﻛﻬﺎ ﺷﻠﻮﻥ ﻣﺎ ﺟﺎﻥ ﻭﺑﻌﺪﻫﺎ ﻛﺎﻣﺖ ﺍﻡ ﺭﺍﺋﺪ
ﺗﻨﻄﻴﻨﻲ ﻏﺮﺍﺽ ﻗﺪﻳﻤﺔ ﺯﺍﻳﺪﺓ ﻣﺘﺤﺘﺎﺟﻬﺎ ﺍﺧﺬﻫﺎ ﻟﻠﺒﻴﺖ
ﻓﺎﺩﻭﻧﻲ ﻛﻠﺶ ﻫﻮﺍﻱ
ﻣﺮﺕ ﺿﺤﻰ ﻣﻦ ﻳﻤﻲ ﻭﺭﺍﻫﺎ ﻫﺪﻯ ﺗﻤﺸﻲ ﻭﺗﺒﺠﻲ ﻭﺷﻌﺮﻫﺎ ﻣﻜﻮﺵ
ﻭﻣﺒﻬﺬﻟﺔ ﺗﺮﻳﺪ ﻣﻦ ﺿﺤﻰ ﺗﻄﻠﻊ ﺗﺸﺘﺮﻳﻠﻬﺎ
ﺻﺤﺖ .. ﻣﺎﻣﺎ ﺷﻴﻤﺎﺀ ﺍﻟﻠﻪ ﻳﺮﺿﻰ ﻋﻠﻴﺞ ﺗﻌﺎﻟﻲ ﺍﺧﺬﻱ ﺍﺧﺘﺞ
ﺳﺒﺤﻴﻬﺎ ﻭﺟﻠﻔﻴﻬﺎ ﺯﻳﻦ
ﻭﺟﻴﺒﻴﻬﺎ ﺍﻟﻲ ﺍﻧﺎ ﺍﻣﺸﻄﻬﺎ
.. ﺻﺎﺭ ﻣﺎﻣﺎ ﺑﺲ ﺍﺧﻠﺺ ﺍﻟﺸﻐﻠﺔ ﺍﻟﺒﻴﺪﻱ ﻭﺍﺟﻴﺞ
ﺍﺑﺎﻭﻉ ﻋﻠﻴﻬﺎ ﺧﻄﻴﺔ ﺍﻣﺘﺤﺎﻧﺎﺕ ﻭﻣﻠﺘﻬﻴﺔ
ﺍﺟﺘﻲ ﺍﺧﺬﺕ ﻫﺪﻯ ﺍﻟﻲ ﻛﺎﻣﺖ ﺗﻠﻌﻲ ﻣﺘﺮﻳﺪ ﺗﺴﺒﺢ
ﺳﻄﺮﺕ ﺭﺍﺳﻲ ﺑﻨﺖ ﺍﻟﻠﺬﻳﻦ
ﺭﺣﺖ ﻛﻌﺪﺕ ﻋﻠﻰ ﻣﻜﻴﻨﺔ ﺍﻟﺨﻴﺎﻃﺔ ﺣﺘﻰ ﺍﻛﻤﻞ ﺧﻴﺎﻃﺔ ﺻﺪﺭﻳﺔ
ﺿﺤﻰ ﻻﻥ ﺍﻟﺴﺖ ﺍﺟﺘﻲ ﻣﻦ ﺍﻟﻤﺪﺭﺳﺔ ﺷﺎﻛﺔ ﺍﻟﺼﺪﺭﻳﺔ ﻛﻌﺪﺕ
ﺍﺧﻴﻂ ﻭﻣﺮﻭﺓ ﻳﻤﻲ ﻛﺎﻋﺪﺓ ﺗﺪﺭﺱ
ﻣﺮﻭﺓ ﺍﺷﻄﺮ ﻭﺣﺪﺓ ﺑﺨﻮﺍﺗﻬﺎ ﻭﻫﻮﺍﻱ ﺗﻬﺘﻢ ﺑﺪﺭﺍﺳﺘﻬﺎ
ﻭﺗﺄﻣﻞ ﻣﻦ ﺗﻜﺒﺮ ﺗﺎﺧﺬ ﺷﻬﺎﺩﺓ ﻋﺎﻟﻴﺔ ﻭﺗﺮﻓﻊ ﺭﺍﺳﻲ
ﻛﻌﺪﺕ ﺍﺧﻴﻂ ﻭﺍﺣﺲ ﺑﺄﻟﻢ ﻳﻨﺰﻝ ﻣﻦ ﻇﻬﺮﻱ ﻋﻠﻰ ﻣﺤﺎﻟﺒﻲ
ﻻﺯﻡ ﺍﺷﻮﻓﻠﻲ ﻳﻮﻡ ﻭﺍﺭﻭﺡ ﻟﻠﻤﺴﺘﻮﺻﻒ ﻣﺎﻝ ﺍﻟﻤﻨﻄﻘﺔ ﻭﺍﺟﻴﻚ ﻻﻥ
ﻫﺎﻱ ﺍﻻﻳﺎﻡ ﺭﺍﺳﻲ ﻭﻇﻬﺮﻱ ﻫﻮﺍﻱ ﺍﺫﻭﻧﻲ
ﺷﻮﻳﺔ ﻭﺍﺟﺘﻲ ﺷﻴﻤﺎﺀ ﻭﻻﻓﺔ ﻫﺪﻯ ﺑﺎﻟﻤﻨﺸﻔﺔ ﺟﺎﺑﺘﻠﻬﺎ ﻣﻼﺑﺲ
ﻭﻛﻌﺪﺕ ﺗﺒﺪﻟﻬﺎ ﻛﺪﺍﻣﻲ
ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﺗﺒﺪﻝ ﺍﺧﺘﻬﺎ ﺟﺮﻳﺖ ﺣﺴﺮﺓ ﺟﺒﻴﺮﺓ
ﻣﺎ ﺍﻋﺮﻑ ﻟﻴﺶ ﺍﻣﻮﺕ ﻣﻦ ﺍﻟﻘﻬﺮ ﻛﻠﻤﺎ ﺍﺷﻮﻑ ﺍﻟﻮﺣﻤﺔ ﺍﻟﻲ ﺑﺠﺴﻢ
ﻫﺪﻯ ﺟﺎﻧﺖ ﻭﺣﻤﺔ ﺳﻮﺩﺓ ﺟﺒﻴﺮﺓ ﻣﺎﺧﺬﺓ ﻧﺺ ﻣﻦ ﺧﺼﺮﻫﺎ ﻭﻧﺎﺯﻟﺔ
ﻋﻠﻰ ﻓﺨﺬﻫﺎ ﺍﻻﻳﺴﺮ
ﺑﻘﻌﺔ ﺳﻮﺩﺓ ﻣﺘﻨﺎﻗﻀﺔ ﻭﻳﺔ ﻟﻮﻥ ﺑﺸﺘﺮﻫﺎ ﺍﻟﺒﻴﻀﺔ
ﺳﻮﺩﺓ ﻋﻠﻴﺔ ﻋﻠﻰ ﻛﺪﻣﺎ ﻫﺪﻯ ﺣﻠﻮﺓ ﻋﻠﻰ ﻛﺪﻣﺎ ﺍﻟﺒﻘﻌﺔ ﻣﺸﻮﻫﺔ
ﻣﻨﻈﺮ ﺟﺴﻤﻬﺎ ﺟﻨﺖ ﺍﺗﺄﻣﻞ ﻣﻦ ﺗﻜﺒﺮ ﺗﺨﻒ ﺍﻟﻮﺣﻤﺔ ﻭﺗﺒﺪﻱ ﺗﺼﻐﺮ
ﻣﺴﺎﺣﺘﻬﺎ
ﺑﺲ ﺍﺷﻮ ﻫﺎﻱ ﺍﻟﺒﻘﻌﺔ ﺻﺎﺭﺕ ﺗﻜﺒﺮ ﻭﺗﻤﺪﺩ ﻭﻳﺔ ﻧﻤﻮ ﺟﺴﻤﻬﺎ ﺻﺮﺕ
ﻳﻮﻡ ﻋﻦ ﻳﻮﻡ ﺍﺷﻴﻞ ﻫﻢ ﻫﺎﻱ ﺍﻟﺒﻨﻴﺔ
ﺧﻄﻴﺔ ﺑﻨﻴﺔ ﻭﻳﻦ ﺗﻨﻄﻲ ﻭﺟﻬﺎ
ﺧﻠﺼﺖ ﺧﻴﺎﻃﺔ ﺍﻟﺼﺪﺭﻳﺔ
.
ﻳﻮﻡ ﺿﺤﺎﻭﻱ ﺗﻌﺎﻟﻲ ﺑﺎﻟﻠﻪ ﺷﻮ ﻟﺒﺴﻲ ﺍﻟﺼﺪﺭﻳﺔ
ﻫﺎﻱ ﻫﻴﺔ ﺧﻴﻄﺘﻬﺎ ﺍﻟﺞ ﻭﻋﺪﻟﺖ ﺍﻻﻛﺘﺎﻑ
ﺍﺗﻌﺸﻴﻨﺎ ﺍﻧﻲ ﻭﺍﻟﺒﻨﺎﺕ ﺑﻌﺪﻣﺎ ﺍﻧﺘﻈﺮﻧﺎ ﺍﺛﻴﺮ ﺑﺲ ﻣﺎﻛﻮ ﻣﺎ ﺍﺟﺔ
ﻋﺪﺕ ﺍﻟﺴﺎﻋﺎﺕ ﻭﺻﺎﺭﺕ ﺍﻟﺴﺎﻋﺔ ﺏ١٢ ﻭﺍﺛﻴﺮ ﻣﺎ ﺑﻴﻦ
ﻣﺤﺘﺎﺭﺓ ﻫﺬﺍ ﻭﻳﻦ ﺻﺎﺭ
ﻇﻠﻴﺖ ﻛﺎﻋﺪﺓ ﺳﻬﺮﺍﻧﺔ ﺍﻧﺘﻈﺮﻩ ﺟﺎﻧﺖ ﺷﻴﻤﺎﺀ ﻛﺎﻋﺪﺓ ﺗﻨﺘﻈﺮﻩ ﻭﻳﺎﻱ
ﻣﺘﺤﺐ ﺗﺘﺮﻛﻨﻲ ﻟﻮﺣﺪﻱ
.. ﻛﻮﻣﻲ ﻣﺎﻣﺎ ﺷﻮﻣﺔ ﺭﻭﺣﻲ ﻧﺎﻣﻲ ﺍﻧﺘﻲ ﺑﺎﺟﺮ ﻭﺭﺍﺝ ﺩﻭﺍﻡ ﺻﺒﺤﻲ
ﻫﻢ ﻳﺎﻟﻠﻪ ﺗﻨﺎﻣﻴﻦ
ﺷﻴﻤﺎﺀ .. ﻳﻌﺰ ﻋﻠﻴﺔ ﺍﺧﻠﻴﺞ ﻟﻮﺣﺪﺝ ﺗﻨﺘﻈﺮﻳﻦ
.. ﺭﻭﺣﻲ ﻣﺎﻣﺎ ﻧﺎﻣﻲ ﺍﻧﻲ ﺍﺗﻌﻮﺩﺕ ﻋﺎﻟﺴﻬﺮ ﻣﻦ ﻭﺭﺓ ﺍﺑﻮﺝ ﻭﺻﺪﻙ
ﺑﺄﺛﻨﺎﺀ ﺍﻟﻜﻼﻡ ﺟﺎﻥ ﻳﻨﺪﻙ ﺍﻟﺒﺎﺏ ﻃﻠﻌﺖ ﻭﺍﻧﻲ ﺧﺎﻳﻔﺔ ﺳﺄﻟﺖ ﻣﻦ ﻭﺭﺓ
ﺍﻟﺒﺎﺏ ﻣﻨﻮ ﺳﻤﻌﺖ ﺻﻮﺕ ﺍﺛﻴﺮ ﺛﻜﻴﻞ ﻛﻮﺓ ﻳﻄﻠﻊ ﻣﻨﻪ ﻭﻳﺠﺮ ﺑﺎﻟﺤﺠﻲ
ﺟﺮ
ﻟﻄﻤﺖ ﻋﻠﻰ ﺻﺪﺭﻱ ﻭﻓﺘﺤﺘﻠﻪ ﺍﻟﺒﺎﺏ
ﻭﺩﺧﻞ ﺍﺛﻴﺮ ﻳﺘﻄﻮﻃﺢ ﻛﺪﺍﻣﻲ
ﻟﻄﻤﺖ ﻋﻠﻰ ﺻﺪﺭﻱ ﺑﺠﺰﻉ
.. ﻫﺎ ﺍﺛﻴﺮ ﺭﺟﻌﺖ ﻟﺸﺮﺏ ﺍﻟﺴﻢ ﻣﻦ ﺟﺪﻳﺪ
ﻟﻚ ﻭﺗﺎﻟﻲ ﻭﻳﺎﻙ ﺯﻳﻦ ﺍﻧﺖ ﻣﻮ ﻛﻠﺖ ﺗﺒﺖ ﻭﺑﻌﺪ ﻣﺎ ﺗﻘﺮﺏ ﻟﻠﺸﺮﺏ
ﺍﻱ ﺻﺪﻙ ﺗﻌﺎﻝ ﻛﻠﻲ ﻣﻨﻴﻨﻠﻚ ﻓﻠﻮﺱ ﺣﺘﻰ ﻛﻌﺪﺕ ﺗﺸﺮﺏ
ﺻﺎﺡ ﺑﺼﻮﺕ ﻋﺎﻟﻲ ﺑﻮﺟﻬﻲ ﻭﺩﻓﻌﻨﻲ ﻭﻓﺎﺕ ﺩﺧﻞ ﻟﻠﻐﺮﻓﺔ
ﻭﻛﺎﻝ ﻭﻫﻮ ﻳﻤﺸﻲ ﻣﻦ ﻛﺪﺍﻣﻲ
.. ﺍﺧﺬﺕ ﻣﻦ ﺍﻟﻔﻠﻮﺱ ﺍﻟﻲ ﺿﺎﻣﺘﻬﻢ ﻋﻨﻲ ﻣﺎ ﺍﺩﺭﻱ ﺑﻴﺞ ﺑﻨﺖ ﻛﻠﺐ
ﻭﺗﻀﻤﻴﻦ ﻋﻠﻴﺔ ﺍﻟﻔﻠﻮﺱ ﻭﺍﻧﺎ ﺍﺳﺄﻟﺞ ﺗﻜﻮﻟﻴﻦ ﻣﺎﻋﻨﺪﻱ ﺍﻟﻠﻪ ﺳﻠﻄﻨﻲ ..... ﻋﻠﻴﻬﻦ ﺍﻟﻴﻮﻡ ..... ﻭﺍﺣﺬﺗﻬﻢ ﻣﻨﺞ ﺣﺘﻰ ﺗﻮﺑﻴﻦ ﻭﺗﺒﻄﻠﻴﻦ ﺗﻀﻤﻴﻦ
ﻣﻦ ﻭﺭﺍﻱ
ﺟﺎﻥ ﻳﺤﺠﻲ ﺑﻠﺴﺎﻥ ﺛﻜﻴﻞ ﻭﻳﺘﺮﻧﺢ ﻛﺪﺍﻣﻲ ﻭﺭﺍﺡ ﻟﻠﻐﺮﻓﺔ
ﺿﺮﺑﺖ ﺣﻠﻜﻲ ﻣﻦ ﺍﻟﺸﻮﻃﺔ
.. ﻋﺰﺓ ﺍﻟﻌﺰﺍﻧﻲ ﺻﺨﺎﻡ ﻫﺬﺍ ﻣﺎﺧﺬ ﻓﻠﻮﺱ ﺍﻟﺴﻠﻔﺔ ﺍﻟﻲ ﺟﻨﺖ
ﻣﺠﻤﻌﺘﻬﺎ ﺣﺘﻰ ﺍﻧﻄﻴﻬﺎ ﻟﻨﻬﺎﻳﺔ ﺍﻟﺸﻬﺮ ﺷﻠﻮﻥ ﻣﺼﻴﺒﺔ ﻫﺎﻱ ﻳﺎﺭﺑﻲ
ﻣﻨﻴﻦ ﺍﺗﻠﻜﺎﻫﺔ
ﺑﺎﻭﻋﺖ ﻋﻠﻰ ﺷﻴﻤﺎﺀ ﺗﺒﺠﻲ
ﺍﺩﺭﻱ ﺑﻴﻬﺎ ﺻﻌﺒﺔ ﻋﻠﻰ ﺍﻟﺒﻨﻴﺔ ﺗﺸﻮﻑ ﺍﺑﻮﻫﺎ ﺑﻬﻴﺞ ﻣﻨﻈﺮ
ﺑﺲ ﺷﺒﻴﺪﻱ ﻋﻠﻴﻬﺎ
ﺻﺮﺕ ﺍﺑﺠﻲ ﻣﻦ ﻣﻦ ﺍﻟﻘﻬﺮ ﻣﺎ ﺍﻋﺮﻑ ﺭﺑﻲ ﺷﻮﻛﺖ ﻳﻬﺪﻱ ﻫﺬﺍ
ﺍﻟﺮﺟﺎﻝ
ﺭﺣﺖ ﺍﺧﺬﺕ ﻓﺮﺍﺷﻲ ﻭﻧﻤﺖ ﺑﻐﺮﻓﺔ ﺍﻟﺒﻨﺎﺕ ﻃﻮﻝ ﺍﻟﻠﻴﻞ ﻭﺍﻧﻲ ﺍﺳﻤﻊ
ﺻﻮﺕ ﺍﺛﻴﺮ ﻭﻫﻮ ﻳﺘﻘﻲﺀ ﺑﺎﻟﺤﻤﺎﻡ ﻣﺎ ﻃﻠﻌﺘﻠﻪ ﻭﻻ ﺭﺣﺖ ﻳﻤﻪ ﻳﻄﺒﻪ
ﻃﻮﺏ ﻳﺸﺮﺏ ﺍﻟﺴﻢ ﻭﺗﻌﺎﻟﻲ ﻳﺎ ﺑﺜﻴﻨﺔ ﺍﺑﺘﻠﻲ ﺑﻴﻪ
ﻛﻌﺪﺕ ﻳﻮﻡ ﺛﺎﻧﻲ ﺭﺍﺳﻲ ﺻﺎﻳﺮﻃﺒﻞ ﻣﻦ ﻭﺭﺓ ﺍﻟﺘﻔﻜﻴﺮ
ﺷﻔﺖ ﺍﻟﺒﻨﺎﺕ ﻛﺎﻋﺪﺍﺕ ﻗﺒﻠﻲ ﻭﻣﺤﻀﺮﺍﺕ ﻧﻔﺴﻬﻦ ﻟﻠﺪﻭﺍﻡ ﻭﻫﺪﻯ
ﻧﺎﻳﻤﺔ ﻻﻥ ﺑﻌﺪﻫﺎ ﻣﺎﻣﺴﺠﻠﺔ ﺍﻟﺴﻨﺔ ﺍﻟﺠﺎﻳﺔ ﺗﺪﺍﻭﻡ ﺑﺼﻒ ﺍﻻﻭﻝ ﻃﻠﻌﻮ
ﺍﻟﺒﻨﺎﺕ ﻟﻠﺪﻭﺍﻡ ﻭﺍﻧﻲ ﻟﺒﺴﺖ ﻋﺒﺎﺗﻲ ﻭﺭﺣﺖ ﻋﻠﻰ ﺑﻴﺖ ﺍﻡ ﺭﺍﺋﺪ ﻭﻗﺒﻠﻬﺎ
ﻛﻠﺖ ﻷﺛﻴﺮ ﻳﺪﻳﺮ ﺑﺎﻟﻪ ﻋﻠﻰ ﻫﺪﻯ ﺟﺎﻭﺑﻨﻲ ﻣﻦ ﺟﻮﺓ ﺍﻟﻤﺨﺪﺓ ﺍﻱ ﺍﻥ
ﺷﺎﺀ ﺍﻟﻠﻪ ﺍﺩﻳﺮ ﺑﺎﻟﻲ ﻋﻠﻴﻬﺎ
ﻃﻠﻌﺖ ﻭﺍﻧﻲ ﺍﺩﺭﺩﻡ ﻛﻮﻥ ﺗﻌﺮﻑ ﺍﻟﻠﻪ ﺻﺪﻙ ﺟﺎﻥ ﺑﻄﻠﺖ ﺳﻮﺍﻟﻔﻚ
ﺍﻟﻤﺼﺨﻤﺔ
ﻭﻣﺜﻞ ﻛﻞ ﻣﺮﺓ ﺍﺭﻭﺡ ﻟﺒﻴﺖ ﺍﻡ ﺭﺍﺋﺪ ﺍﺑﻠﺶ ﺑﻐﺴﻞ ﺍﻟﻜﺮﺍﺝ ﻭﺑﻌﺪﻫﺎ
ﺍﺩﺧﻞ ﻟﻠﺒﻴﺖ ﺟﺎﻥ ﺍﺑﻮ ﺭﺍﺋﺪ ﻣﻮﺟﻮﺩ ﺳﻠﻢ ﻋﻠﻴﺔ ﻭﺷﻐﻞ ﺳﻴﺎﺭﺗﻪ
ﻭﻃﻠﻊ
.
ﻭﺍﻡ ﺭﺍﺋﺪ ﻧﺎﻳﻤﺔ ﻭﺍﻟﺠﻬﺎﻝ ﺭﺍﺣﻮ ﻟﻠﻤﺪﺭﺳﺔ ﻭﻳﺔ ﺍﺑﻮﻫﻢ ﺑﺎﻟﺴﻴﺎﺭﺓ ﺍﻟﻠﻬﻢ
ﻻ ﺣﺴﺪ ﺑﺲ ﺍﺗﻤﻨﻴﺖ ﻭﻟﻮ ﻭﺍﺣﺪ ﺑﺎﻟﻤﻴﺔ ﻣﻦ ﺣﺮﺹ ﺍﺑﻮ ﺭﺍﺋﺪ ﻳﻜﻮﻥ
ﻋﻨﺪ ﺍﺛﻴﺮ
ﺧﻠﺼﺖ ﻭﻃﻠﻌﺖ ﺍﻟﻠﺤﻢ ﻣﻦ ﺍﻟﺜﻼﺟﺔ ﺑﻴﻦ ﻣﺎ ﺗﺨﻠﺺ ﺗﻨﻈﻴﻒ
ﻳﻤﻮﻉ ﺍﻟﻠﺤﻢ ﻭﺍﺑﻠﺶ ﺍﻃﺒﺨﻠﻬﻢ ﻏﺪﺓ
ﺍﻟﺤﻴﺎﺓ ﻏﺮﻳﺒﺔ ﺟﻨﺖ ﺍﺗﻔﻨﻦ ﺑﺎﻟﻄﺒﺦ ﻟﺒﻴﺖ ﺍﻡ ﺭﺍﺋﺪ ﻣﻦ ﻣﻄﺒﻚ ﺩﺟﺎﺝ
ﻣﻦ ﺳﻤﻚ ﻣﺸﻮﻱ ﻣﻦ ﻣﺮﻙ ﺑﻲ ﻟﺤﻢ ﻭﻛﺒﺐ ﻫﺬﺍ ﻛﻠﻪ ﺍﺳﻮﻱ ﺍﻟﻬﻢ
ﺑﻴﺪﻱ ﻭﺍﺗﻤﻨﻰ ﻟﻮ ﺍﺣﺼﻞ ﺟﺰﺀ ﻣﻨﻪ ﻟﺒﻨﺎﺗﻲ
ﺑﺎﻟﻌﺎﻓﻴﺔ ﻋﻠﻴﻬﻢ ﺟﺎﻧﺖ ﻣﺮﺍﺕ ﺍﻡ ﺭﺍﺋﺪ ﺗﺤﻦ ﻋﻠﻴﺔ ﻭﺗﻨﻄﻴﻨﻲ ﻣﺎﻋﻮﻥ
ﻣﻦ ﺍﻻﻛﻞ ﺍﻟﻲ ﺍﻃﺒﺨﻪ ﻭﻣﺮﺍﺕ ﻻ ﻣﺘﻨﻄﻴﻨﻲ ﺗﻨﺴﻰ ﺍﻭ ﺗﻠﺘﻬﻲ ﻋﻨﻲ
ﻭﺍﻧﻲ ﺍﺳﺘﺤﻲ ﺍﻃﻠﺐ ﻋﺰﺕ ﻧﻔﺴﻲ ﻣﺎ ﺗﺴﻤﺤﻠﻲ ﺍﻃﺎﻟﺐ ﺑﻠﺴﺎﻧﻲ
ﺧﻠﺼﺖ ﺷﻐﻠﻲ ﻭﻛﻤﻠﺖ ﻏﺪﺍﻱ ﻭﻃﻔﻴﺖ ﺍﻟﻨﺎﺭ ﻋﻦ ﺍﻟﺠﺪﻭﺭ
ﻭﻛﻌﺪﺕ ﺍﻡ ﺭﺍﺋﺪ ﻣﻦ ﺍﻟﻨﻮﻡ ﻣﺘﺄﺧﺮﺓ ﻭﺣﻀﺮﺗﻠﻬﺎ ﺍﻟﺠﺎﻱ
ﻛﻌﺪﺕ ﺗﺘﺮﻳﻚ ﺟﻨﺖ ﺍﺷﺘﻐﻞ ﻭﺑﺎﻟﻲ ﻣﺸﺪﻭﻩ ﻭﺍﻓﻜﺮ ﺑﺎﻟﻔﻠﻮﺱ ﻣﺎﻟﺖ
ﺍﻟﺴﻠﻔﺔ ﺷﻠﻮﻥ ﺭﺍﺡ ﺍﺩﺑﺮﻫﻦ ﻋﻠﻰ ﻧﻬﺎﻳﺔ ﺍﻟﺸﻬﺮ ﺷﻜﻮﻝ ﻋﻠﻴﻚ ﺍﺛﻴﺮ
ﻭﺍﻟﻠﻪ ﺻﺨﻤﺖ ﻭﺟﻬﻲ
ﺍﺳﺘﺄﺫﻧﺖ ﻣﻦ ﺍﻡ ﺭﺍﺋﺪ ﺍﺭﻳﺪ ﺍﺭﺟﻊ ﻟﻠﺒﻴﺖ ﺍﻃﺒﺦ ﻏﺪﺍ ﻟﻠﺒﻨﺎﺕ ﺧﺎﻑ
ﻳﺤﻠﻮﻥ ﻣﻦ ﺍﻟﻤﺪﺍﺭﺱ ﻭﺍﺭﻳﻚ ﻫﺪﻯ ﺧﻄﻴﺔ ﻫﺴﺔ ﺍﻟﻜﺎﻫﺔ ﻛﺎﻋﺪﺓ ﻣﻴﺘﺔ
ﻣﻦ ﺍﻟﺠﻮﻉ
ﺍﻧﻄﺘﻨﻲ ﻗﺒﻞ ﻻ ﺍﻃﻠﻊ ﻋﻼﻛﺔ ﺑﻴﻬﺎ ﺑﺎﻣﻴﺔ ﻛﺎﻟﺖ ﻫﺎﻱ ﺍﻟﺒﺎﺭﺣﺔ ﺑﺎﻟﻠﻴﻞ
ﺟﺎﺑﻮ ﺟﻤﺎﻋﺔ ﺍﺑﻮ ﺭﺍﺋﺪ ﺳﻠﺔ ﻣﺘﺮﻭﺳﺔ ﺑﺎﻣﻴﺔ ﻭﻛﻮﻧﻴﺔ ﺑﻄﻴﺦ ﺍﻧﻄﺘﻨﻲ
ﺑﻄﻴﺨﺘﻴﻦ ﻳﺼﻴﺮ ﺣﺠﻤﻬﻢ ﺻﻐﻴﺮ ﺍﺗﺸﻜﺮﺕ ﻣﻨﻬﺎ ﻭﺍﺧﺬﺗﻬﻢ ﻭﻃﻠﻌﺖ
ﺭﺟﻌﺖ ﻟﻠﺒﻴﺖ ﻭﺑﻌﺪﻩ ﺍﻟﻌﻠﺔ ﻧﺎﻳﻢ ﻭﻫﺪﻯ ﻛﺎﻋﺪﺓ ﻣﻬﻮﺳﺔ ﺍﻟﺒﻴﺖ
ﻭﻟﻜﺘﻬﺎ ﻭﺍﻛﻔﺔ ﻣﻨﺘﻈﺮﺗﻨﻲ ﻭﺭﺓ ﺍﻟﺒﺎﺏ
ﺍﻭﻝ ﻣﺪﺧﻠﺖ ﺻﺎﺣﺖ .. ﻣﺎﻣﺎ ﻣﺘﺖ ﻣﻦ ﺍﻟﺠﻮﻉ ﺷﺎﻛﻞ
.. ﺳﻮﺩﺓ ﻋﻠﻴﺔ ﻳﺨﺴﺔ ﺍﻟﺠﻮﻉ ﻫﺴﺔ ﺍﺳﻮﻳﻠﺞ ﺭﻳﻮﻙ
ﻭﺻﺮﺕ ﺍﻃﺒﺦ ﻭﺍﻭﻛﻞ ﺑﻬﺪﻯ ﺷﻮﻳﺔ ﻭﺣﻠﻮ ﺍﻟﺒﻨﺎﺕ ﻣﻦ ﺍﻟﻤﺪﺭﺳﺔ
ﺩﺧﻠﺖ ﺷﻴﻤﺎﺀ ﺗﺮﺯﻝ ﺑﻤﺮﻭﺓ ﻭﻣﺮﻭﺓ ﺗﻨﺎﻓﺦ ﻭﺗﺒﺠﻲ
ﻭﺿﺤﻰ ﺑﺲ ﺗﺒﺎﻭﻉ ﻋﻠﻴﻬﻦ ﺍﻟﻈﺎﻫﺮ ﻣﺘﻌﺮﻑ ﺷﻨﻮ ﺍﻟﻤﻮﺿﻮﻉ
.. ﺧﻴﺮ ﻳﻤﺔ ﻣﺮﻭﺓ ﻟﻴﺶ ﺗﺒﺠﻴﻦ
ﺟﺎﻭﺑﺘﻨﻲ ﺷﻴﻤﺎﺀ .. ﻣﺎﻛﻮ ﺷﻲ ﻟﺘﺨﺎﻓﻴﻦ ﻋﻠﻴﻬﺎ
ﺟﺎﻧﺖ ﺗﺤﺠﻲ ﻭﺗﺨﺰﺭ ﺑﻤﺮﻭﺓ
ﻣﺮﻭﺓ .. ﻻ ﺗﺒﺎﻭﻋﻴﻠﻲ ﻫﺸﻜﻞ ﻣﺎ ﺍﺳﻜﺖ
ﻣﺎﻣﺎ ﺍﻧﺘﻲ ﺻﺪﻙ ﺗﺸﺘﻐﻠﻴﻦ ﺧﺪﺍﻣﺔ ﻋﻨﺪ ﺑﻴﺖ ﺍﺑﻮ ﺭﺍﺋﺪ
.. ﺍﻱ ﻣﺎﻣﺎ ﺍﺷﺘﻐﻞ ﻋﻨﺪ ﺑﻴﺖ ﺍﻡ ﺭﺍﺋﺪ ﻟﻴﺶ ﺗﺴﺄﻟﻴﻦ
ﺍﺗﺬﻛﺮ ﻣﻦ ﺑﻠﺸﺖ ﺍﺷﺘﻐﻞ ﻋﻨﺪ ﺑﻴﺖ ﺍﻡ ﺭﺍﺋﺪ ﺍﻟﺒﻨﺎﺕ ﻣﻴﻌﺮﻓﻮﻥ
ﺑﺎﻟﻤﻮﺿﻮﻉ ﺑﺲ ﺷﻴﻤﺎﺀ ﺗﻌﺮﻑ ﻭﻫﻲ ﺗﺴﺎﻋﺪﻧﻲ ﻣﻦ ﻳﺸﻮﻓﻮﻧﻲ
ﺍﻃﻠﻊ ﻭﺍﺭﻭﺡ ﻟﺒﻴﺖ ﺍﻡ ﺭﺍﺋﺪ
ﺍﻟﺒﻨﺎﺕ ﻋﺒﺎﻟﻬﻢ ﺍﺳﻴﺮ ﻋﻠﻴﻬﺎ ﻻﻥ ﻫﻲ ﺟﺎﺭﺗﻲ ﻭﺻﺪﻳﻘﺘﻲ ﻣﻜﺎﻥ ﺑﺒﺎﻟﻬﻢ
ﺍﻧﻈﻒ
ﻫﻮ ﻣﻜﺎﻥ ﺳﺮ ﺑﺲ ﻫﻤﺔ ﻣﺴﺆﻟﻮﻧﻲ ﻭﻳﻦ ﺍﺭﻭﺡ ﺟﻨﺖ ﺍﺗﻮﻗﻊ ﻫﻨﺔ
ﺑﻨﺎﺕ ﺻﻐﺎﺭ ﻭﻣﺎ ﻳﻨﺘﺒﻬﻮﻥ ﻟﻬﻴﺞ ﺍﻣﻮﺭ
ﻣﺮﻭﺓ ﺑﻘﻬﺮ .. ﻳﻌﻨﻲ ﻛﻼﻡ ﻟﻴﻠﻰ ﺻﺤﻴﺢ
.. ﺷﻜﺎﻟﺖ ﻟﻴﻠﻰ
.. ﻟﻴﻠﻰ ﺍﻟﻴﻮﻡ ﻋﻴﺮﺗﻨﻲ ﺑﺎﻟﻘﻤﻴﺺ ﺍﻟﻲ ﻻﺑﺴﺘﻪ ﻭﻛﺎﻟﺖ ﻫﺬﺍ ﺍﻟﻘﻤﻴﺺ
ﻣﺎﻟﺘﻲ ﻗﺪﻳﻢ ﻭﻣﺎﻣﺎ ﺍﻧﻄﺘﻪ ﻻﻣﺞ
ﻛﻠﺘﻠﻬﺎ .. ﻻ ﻫﺬﺍ ﺟﺪﻳﺪ ﻣﺎﻣﺎ ﺍﺷﺘﺮﺗﻪ ﺍﻟﻲ ﻣﻦ ﺍﻟﺴﻮﻙ
ﻟﻴﻠﻰ .. ﻫﻲ ﺍﻣﺞ ﻣﻨﻴﻨﻠﻬﺎ ﻓﻠﻮﺱ ﺣﺘﻰ ﺗﺸﺘﺮﻳﻠﺞ
.. ﻣﺎﻣﺎ ﻋﻨﺪﻫﺎ ﻓﻠﻮﺱ ﻭﺗﻜﺪﺭ ﺗﺸﺘﺮﻳﻠﻲ ﻗﻤﻴﺺ
ﺿﺤﻜﺖ ﻋﻠﻴﺔ ﻛﺪﺍﻡ ﺍﻟﺒﻨﺎﺕ ﻭﻛﺎﻟﺖ
.. ﺍﻣﺞ ﻟﻮ ﻋﻨﺪﻫﺎ ﻓﻠﻮﺱ ﺟﺎﻥ ﻣﺎ ﺍﺷﺘﻐﻠﺖ ﻋﺪﻧﺎ ﺧﺪﺍﻣﺔ
ﺟﺎﻧﺖ ﻣﺮﻭﺓ ﺗﺤﺠﻲ ﻭﺗﺒﺠﻲ ﺑﻐﻴﺾ
ﻣﺮﻭﺓ ﺍﻟﻮﺣﻴﺪﺓ ﻣﻦ ﺑﻨﺎﺗﻲ ﺍﻟﻲ ﺩﺍﺋﻤﺎ ﺗﺘﺸﻜﻰ ﻋﻠﻰ ﺍﻟﻌﻴﺸﺔ
ﻭﺩﺍﺋﻤﺎ ﺗﺮﻓﺾ ﺍﻟﺮﺿﻮﺥ ﻟﻠﻮﺿﻊ ﺧﺼﻮﺻﺎ ﻣﻦ ﺍﻧﺘﻘﻠﻨﺎ ﻟﻬﺎﻱ ﺍﻟﻤﻨﻄﻘﺔ
.. ﻣﺎﻣﺎ ﻣﺮﻭﺓ ﺗﺮﺓ ﺍﻟﺸﻐﻞ ﻣﻮ ﻋﻴﺐ ﺍﻫﻢ ﺷﻲ ﺍﻟﻮﺍﺣﺪ ﻳﻜﺴﺐ ﻣﺎﻟﻪ
ﺑﺎﻟﺤﻼﻝ ﻭﻳﻌﻴﺶ ﺍﻫﻞ ﺑﻴﺘﻪ
.. ﺍﻱ ﺻﺤﻴﺢ ﺍﻟﺸﻐﻞ ﻣﻮ ﻋﻴﺐ ﻭﺻﺤﻴﺢ ﺍﻟﻮﺍﺣﺪ ﻻﺯﻡ ﻳﻌﻴﺶ ﺍﻫﻞ
ﺑﻴﺘﻪ ﺑﺲ ﻣﻮ ﻋﻠﻰ ﺣﺴﺎﺏ ﻛﺮﺍﻣﺘﻨﺎ
ﻣﺎﻣﺎ ﺍﻧﺘﻲ ﻣﺎ ﺗﻌﺮﻓﻴﻦ ﺍﻧﻲ ﺍﻟﻴﻮﻡ ﺷﻨﻮ ﺻﺎﺭ ﺑﻴﺔ ﻛﺪﺍﻡ ﺍﻟﺒﻨﺎﺕ
ﺑﻌﺪ ﻣﺎ ﺍﻛﺪﺭ ﺍﺭﻓﻊ ﺭﺍﺳﻲ ﺑﻴﻨﻬﻢ ﺍﻧﻲ ﻣﺮﻭﺓ ﺍﻟﺸﺎﻃﺮﺓ ﺍﻟﻤﺘﻤﻴﺰﺓ ﺍﻟﻲ
ﻛﻞ ﺍﻟﻤﺪﺭﺳﺎﺕ ﻳﺸﻬﺪﻭﻥ ﺑﺸﻄﺎﺭﺗﻲ ﺟﻨﺖ
ﺍﻣﺸﻲ ﺑﻴﻦ ﺍﻟﺒﻨﺎﺕ ﻣﻔﺘﺨﺮﺓ ﺑﺲ ﺍﻟﻴﻮﻡ ﺍﻧﺘﻲ ﻛﺴﺮﺗﻴﻨﻲ
ﺣﺠﺖ ﺍﻟﻜﻠﻤﺔ ﻭﺩﺧﻠﺖ ﻟﻠﻐﺮﻓﺔ ﺗﺒﺠﻲ ﻭﺗﻨﻮﺡ ﻛﺴﺮﺕ ﻛﻠﺒﻲ
ﺣﺮﺕ ﺷﻠﻮﻥ ﺍﺳﻜﺘﻬﺎ
ﻣﺮﺕ ﺍﻻﻳﺎﻡ ﻭﻣﺮﻭﺓ ﺍﻋﺘﻜﻔﺖ ﺑﻐﺮﻓﺘﻬﺎ ﺯﻋﻼﻧﺔ ﻣﻦ ﻋﻨﺪﻱ
ﺭﺣﺖ ﻃﻠﻌﺖ ﻟﻠﺴﻮﻙ ﺍﻟﻘﺮﻳﺐ ﻣﻦ ﺑﻴﺘﻨﺎ ﻭﺍﺷﺘﺮﻳﺘﻠﻬﺎ ﻗﻤﻴﺺ ﺟﺪﻳﺪ
ﺣﺘﻰ ﺍﺭﺍﺿﻴﻬﺎ ﻛﻠﺖ ﻣﻦ ﺗﺮﺟﻊ ﺍﻟﻴﻮﻡ ﻣﻦ ﺍﻟﻤﺪﺭﺳﺔ ﺍﻧﻄﻲ ﺍﻟﻬﺔ
ﺍﻧﺘﺒﻬﺖ ﻣﻦ ﺻﻔﻨﺘﻲ ﻋﻠﻰ ﻫﺪﻯ ﺩﺗﻔﺘﺢ ﺑﺒﺎﺏ ﺍﻟﺤﻮﺵ ﺻﺤﺖ ﻋﻠﻴﻬﺎ
.. ﻟﺞ ﻫﺪﻯ ﺳﺪﻱ ﺍﻟﺒﺎﺏ ﻭﺩﺧﻠﻲ ﺟﻮﺓ ﻟﺘﻄﻠﻌﻴﻦ
.. ﻣﺎ ﺍﻏﻴﺪ ‏( ﺍﺭﻳﺪ ‏) ﺍﻃﻠﻊ ﺍﺷﺘﻐﻲ ‏( ﺍﺷﺘﺮﻱ ‏)
ﻫﺪﻯ ﻋﻨﺪﻫﺎ ﻟﺪﻏﺔ ﺑﺤﺮﻑ ﺍﻟﺮﺍﺀ ﺗﺮﺗﻞ
.. ﻟﺞ ﺷﻨﻮ ﺗﺸﺘﺮﻳﻦ ﻛﻌﺪﻱ ﺍﻧﺘﻈﺮﻱ ﺧﻮﺍﺗﺞ ﻳﺤﻠﻮﻥ ﻣﻦ ﺍﻟﻤﺪﺭﺳﺔ
ﻭﺍﺧﻠﻲ ﺿﺤﻰ ﺗﺎﺧﺬﺝ ﻟﻠﺪﻛﺎﻥ ﺗﺸﺘﺮﻳﻠﺞ
.. ﻣﺎ .. ﻣﺎ . ﺍﻏﻴﺪ ﺍﺷﺘﻐﻲ ﻫﺴﺔ
ﻃﻠﻌﺖ ﻭﺧﻠﺘﻨﻲ ﺍﺻﻴﺢ ﻭﺭﺍﻫﺎ ﻛﻤﺖ ﻋﻠﻰ ﺣﻠﻴﻲ
ﻭﺍﻧﻲ ﺍﺩﺭﺩﻡ ﻋﻠﻴﻬﺎ
ﺑﺎﺏ ﺍﻟﺤﻮﺵ ﻳﻨﻔﺘﺢ ﻋﺎﻟﺸﺎﺭﻉ ﻛﺒﻞ ﻣﺎ ﻋﺪﻧﺎ ﻃﺎﺭﻣﺔ
ﻣﺪﻳﺖ ﺭﺍﺳﻲ ﺍﺭﻳﺪ ﺍﺷﻮﻓﻬﺎ ﻭﻳﻦ ﺭﺍﺣﺖ
ﺷﻔﺘﻬﺎ ﺩﺗﺮﻛﺾ ﻭﻓﺠﺎﺀ ﻋﺜﺮﺕ ﻭﻭﻛﻌﺖ ﺑﺎﻟﻜﺎﻉ
ﻛﺎﻣﺖ ﺗﺒﺠﻲ
.. ﺍﻫﻮﻭﻭﻭ ﻋﻔﻴﺔ ﻋﻠﻴﻬﺎ ﻫﺪﻯ ﺷﻜﺪ ﺗﻌﺜﺮ ﻭﺗﻮﻛﻊ
ﺍﻧﺘﺒﻬﺖ ﻟﻤﺮﻳﺔ ﺟﺒﻴﺮﺓ ﺑﺎﻟﻌﻤﺮ ﺟﺎﻧﺖ ﺗﻤﺸﻲ ﺑﺎﻟﺸﺎﺭﻉ
ﻣﻦ ﺷﺎﻓﺖ ﻫﺪﻯ ﻭﻛﻌﺖ ﺍﺗﻮﻗﻔﺖ ﻋﻦ ﺍﻟﻤﺸﻲ ﻭﺍﺗﺠﻬﺖ
ﻋﻠﻴﻬﺎ ﻭﻛﻮﻣﺘﻬﺎ ﻣﻦ ﺍﻟﻜﺎﻉ ﻭﻛﻌﺪﺕ ﺗﻨﻔﺾ ﻣﻼﺑﺴﻬﺎ ﻣﻦ ﺍﻟﺘﺮﺍﺏ
ﻭﻟﺰﻣﺖ ﻛﻒ ﺍﻳﺪﻫﺎ ﻭﻛﻌﺪﺕ ﺗﻤﺴﺢ ﺑﻲ ﻣﻦ ﺍﻟﺘﺮﺍﺏ
ﺟﺎﻥ ﻇﻬﺮ ﺍﻟﻤﺮﻳﺔ ﻋﻠﻴﺔ ﺳﻤﻌﺘﻬﺎ ﺗﺤﺠﻲ ﻭﻳﺔ ﻫﺪﻯ ﻭﻫﻲ ﺗﻤﺴﺢ ﻛﻒ
ﺍﻳﺪﻫﺎ
.. ﺧﻄﻴﺔ ﻫﺎﻱ ﺍﻟﺒﻨﻴﺔ ﻳﺎﻣﻜﺜﺮ ﺍﻟﻌﺜﺮﺍﺕ ﺑﺤﻴﺎﺗﻬﺎ
ﺳﺈﻟﺘﻬﺎ ﻭﻳﻦ ﺑﻴﺘﻜﻢ
ﺍﺷﺮﺗﻠﻬﺎ ﻫﺪﻯ ﻭﻫﻲ ﺗﺒﺠﻲ ﻋﻠﻰ ﺑﻴﺘﻨﺎ ﻟﺰﻣﺘﻬﺎ ﻣﻦ ﺍﻳﺪﻫﺎ ﻭﺍﻟﺘﻔﺘﺖ
ﺟﻤﺪﺕ ﺑﻤﻜﺎﻧﻲ ﻣﺘﻔﺎﺟﺌﺔ ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ
ﻣﻤﺼﺪﻛﺔ ﺍﻗﺘﺮﺑﺖ ﺍﻟﻤﺮﻳﺔ ﻭﺭﻓﻌﺖ ﺭﺍﺳﻬﺎ ﺗﺮﻳﺪ ﺗﺤﺠﻲ ﻭﻳﺎﻱ ﻭﻣﻦ
ﻭﻛﻌﺖ ﻋﻴﻨﻬﺎ ﻋﻠﻴﺔ ﺍﺧﺘﻔﺖ ﺍﺑﺘﺴﺎﻣﺘﻬﺎ ﻭﻋﻘﺪﺕ ﺣﻮﺍﺟﺒﻬﺎ ﺑﺴﺆﺍﻝ
ﻣﺴﺘﻨﻜﺮﺓ
.. ﻻﺗﻜﻮﻟﻴﻦ ﺍﻧﺘﻲ ﺑﺜﻴﻨﺔ ﺑﻨﺖ ﺍﻡ ﺳﺎﻣﻲ
....
ﺟﻤﺪﺕ ﺑﻤﻜﺎﻧﻲ ﻣﺘﻔﺎﺟﺌﺔ ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ
ﻣﻤﺼﺪﻛﺔ ﺍﻗﺘﺮﺑﺖ ﺍﻟﻤﺮﻳﺔ ﻭﺭﻓﻌﺖ ﺭﺍﺳﻬﺎ ﺗﺮﻳﺪ ﺗﺤﺠﻲ ﻭﻳﺎﻱ ﻭﻣﻦ
ﻭﻛﻌﺖ ﻋﻴﻨﻬﺎ ﻋﻠﻴﺔ ﺍﺧﺘﻔﺖ ﺍﺑﺘﺴﺎﻣﺘﻬﺎ ﻭﻋﻘﺪﺕ ﺣﻮﺍﺟﺒﻬﺎ ﻣﺴﺘﻨﻜﺮﺓ
.. ﻻﺗﻜﻮﻟﻴﻦ ﺍﻧﺘﻲ ﺑﺜﻴﻨﺔ ﺑﻨﺖ ﺍﻡ ﺳﺎﻣﻲ
ﺩﻣﻌﺖ ﻋﻴﻮﻧﻲ ﻭﻫﺰﻳﺖ ﺭﺍﺳﻲ ﺑﻤﻮﺍﻓﻘﺔ ﺍﻟﻐﺼﺔ ﺍﺗﺰﺍﺣﻤﺖ ﻭﻳﺔ
ﺍﻟﺪﻣﻮﻉ ﺑﺤﻨﺠﺮﺗﻲ ﻭﺳﻠﺒﺖ ﻣﻨﻲ ﺍﻟﻜﻼﻡ
.. ﻳﺎﺍﻳﻤﺔ ﻫﺎﻱ ﺍﻧﺘﻲ ﺑﺜﻴﻨﺔ ﻣﺎ ﺍﺻﺪﻙ
ﺍﻗﺘﺮﺑﺖ ﻣﻨﻲ ﻭﺣﻀﻨﺘﻨﻲ ﺑﻘﻮﺓ ﻭﻛﻤﻠﺖ
.. ﻋﺰﺓ ﻟﺞ ﺧﺎﻟﺔ ﺑﺜﻴﻨﺔ ﻫﺎﻱ ﺷﺼﺎﻳﺮ ﺑﻴﺞ ﻣﺎ ﺩﺍ ﺍﻛﺪﺭ ﺍﺻﺪﻙ ﻋﻴﻨﻲ
ﻣﻌﻘﻮﻟﺔ ﺍﻧﺘﻲ ﺑﺜﻴﻨﺔ ﻳﻌﻨﻲ ﻟﻮﻣﺎ ﻋﻴﻮﻧﺞ ﺍﻟﻌﺴﻠﻴﺔ ﻣﺎ ﻋﺮﻓﺘﺞ
ﻣﺎ ﺑﻴﺞ ﺍﻱ ﺷﻲ ﻣﻦ ﺑﺜﻴﻨﺔ ﺍﻟﻘﺪﻳﻤﺔ ﻭﻣﺎﻇﺎﻝ ﺑﺲ ﺑﻘﺎﻳﺎ ﺑﺜﻴﻨﺔ ﻟﺞ
ﻫﺎﻱ ﻟﻴﺶ ﻫﺸﻜﻞ ﻣﺘﻐﻴﺮﺓ
ﺧﻨﻜﺘﻨﻲ ﺍﻟﻌﺒﺮﺓ ﻭﺣﻀﻨﺘﻬﺎ ﺣﻴﻞ ﻣﺜﻞ ﺍﻟﻄﻔﻞ ﺍﻟﻲ ﻳﺸﻮﻑ ﺍﻣﻪ
ﻫﺸﻜﻞ ﻛﺎﻥ ﺣﺎﻟﻲ ﻣﻦ ﺷﻔﺖ ﺍﻡ ﻓﺮﺯﺩﻕ ﺻﺪﻳﻘﺔ ﺍﻣﻲ ﺍﻟﺮﻭﺡ ﺑﺎﻟﺮﻭﺡ
ﺍﺗﺒﺎﺩﻟﻨﺔ ﺍﻻﺣﻀﺎﻥ
ﻭﺳﺤﺒﺘﻬﺎ ﻣﻦ ﺍﻳﺪﻫﺎ ﻭﺍﻧﻲ ﻣﺎ ﻣﺼﺪﻛﺔ ﻣﻌﻘﻮﻟﺔ ﺍﻟﺪﻧﻴﺎ ﺗﺠﻤﻌﻨﻲ
ﺑﺄﻋﺰ ﻧﺎﺳﻲ ﻛﻠﺘﻠﻬﺎ ﺍﺣﺲ ﺍﻟﺰﻣﻦ ﺭﺟﻊ ﺑﻴﺔ
.. ﺗﻌﺎﻟﻲ ﺧﺎﻟﺔ ﻻ ﻧﺒﻘﻰ ﻭﺍﻛﻔﻴﻦ ﻧﺴﻮﻟﻒ ﺑﺎﻟﺒﺎﺏ ﺧﻠﻲ ﻧﺪﺧﻞ ﺟﻮﺓ
ﺩﺧﻠﺘﻬﺎ ﻟﻠﺒﻴﺖ ﻭﻛﻌﺪﺕ ﺑﺎﻟﻤﻄﺒﺦ ﻳﻤﻲ
ﺍﻡ ﺷﻴﻤﺎﺀ _ ﺷﻠﻮﻧﺞ ﺧﺎﻟﺔ ﺷﺨﺒﺎﺭﺝ ﻭ ﺍﻟﻮﻟﺪ ﺷﻠﻮﻧﻬﻢ .. ﻳﺎﺭﺑﻲ
ﻣﺘﺪﺭﻳﻦ ﺷﻠﻮﻥ ﻣﺸﺘﺎﻗﺘﻠﺞ ﻭﺍﻟﻠﻪ ﻣﻦ ﺷﻔﺘﺞ ﻋﺒﺎﻟﻚ ﺷﺎﻳﻔﺔ ﺍﻣﻲ
ﺍﻟﻠﻪ ﻳﺮﺣﻤﻬﺎ
_. ﺍﻟﻠﻪ ﻳﺮﺣﻤﻬﺎ ﻻﻣﺞ .. ﻭﺍﻟﻮﻟﺪ ﻓﺮﺯﺩﻕ ﻭﺻﺎﺩﻕ ﺗﺰﻭﺟﻮﺍ ﻭﺻﺎﺭ ﻋﻨﺪﻫﻢ
ﺍﻭﻻﺩ ﻭﺑﻨﺎﺕ
ﺳﻮﻟﻔﻴﻠﻲ ﺍﻧﺘﻲ ﺷﻠﻮﻧﺞ ﻭﻟﺞ ﺻﺎﻳﺮﺓ ﻫﻮﺍﻱ ﺗﺸﺒﻬﻴﻦ ﺍﻟﻤﺮﻭﺣﺔ ﺍﻣﺞ
ﻟﻮ ﺗﺪﺭﻳﻦ ﻣﻦ ﺭﺟﻌﺖ ﻣﻦ ﺍﻻﺭﺩﻥ ﺷﻜﺪ ﺳﺄﻟﺖ ﻋﻨﺞ ﺑﺲ ﻣﺤﺪ
ﻳﻌﺮﻑ ﺑﻤﻜﺎﻧﺞ ﻭﻳﻦ ﺻﻔﺔ ﺑﻴﺞ ﺍﻟﺪﻫﺮ
....
ﻣﻦ ﺫﻛﺮﺕ ﺍﺳﻢ ﻓﺮﺯﺩﻕ ﺍﺗﺰﻭﺝ ﺣﺴﻴﺖ ﺭﺟﻊ ﺑﻴﺔ ﺍﻟﻮﻛﺖ ﻟﺬﻳﺞ
ﺍﻟﺒﻨﻴﺔ ﺍﻟﻲ ﻛﻠﺒﻬﺎ ﻳﺼﻴﺮ ﻣﺜﻞ ﺍﻟﻄﻴﺮ ﻳﺮﻓﺮﻑ ﺑﺲ ﻳﻨﺬﻛﺮ ﻃﺎﺭﻳﻪ .. ﻳﺎﻟﻠﻪ
ﻣﻌﻘﻮﻟﺔ ﺑﻌﺪ ﻛﻞ ﻫﺎﻱ ﺍﻟﺴﻨﻴﻦ ﺑﻌﺪﻩ ﻛﻠﺒﻲ ﻳﺤﻦ ﻋﻠﻴﻪ ﻭﺍﻧﻲ ﺑﻜﻞ
ﺿﻨﻲ ﺯﻣﺎﻧﻲ ﻧﺴﺎﻧﻲ ﻛﻞ ﺷﻲ ﻏﻤﻀﺖ ﻋﻴﻨﻲ
_ ﻣﺘﺪﺭﻳﻦ ﺧﺎﻟﺔ ﺷﻜﺪ ﺟﻨﺖ ﻣﻬﻤﻮﻣﺔ ﺑﺲ ﻣﻦ ﺷﻔﺘﺞ ﺍﺣﺲ ﻧﺺ
ﻫﻤﻲ ﺭﺍﺡ
_ ﻳﺎﺑﻌﺪ ﻛﻠﺐ ﺧﺎﻟﺘﺞ ﺗﻌﺎﻟﻲ ﻛﻌﺪﻱ ﻳﻤﻲ ﻭﺍﺣﺠﻴﻠﻲ ﻋﻦ ﺍﺣﻮﺍﻟﺞ
ﺟﻨﺎ ﻧﺤﺠﻲ ﻭﺍﻧﺪﻛﺖ ﺍﻟﺒﺎﺏ
ﺍﻟﺘﻔﺘﺖ ﺍﻡ ﻓﺮﺯﺩﻕ ﻋﺎﻟﺒﺎﺏ ﻭﻛﺎﻟﺖ
_ ﺍﺧﺎﻑ ﻋﻨﺪﺝ ﺷﻐﻞ ﻭﺍﻧﺎ ﺿﺎﻳﻘﺘﺞ
.. ﻻ ﻫﺬﻭﻟﻲ ﻳﻤﻜﻦ ﺑﻨﺎﺗﻲ ﺍﺟﻮﻱ ﻣﻦ ﺍﻟﻤﺪﺭﺳﺔ
ﺭﺣﺖ ﻓﺘﺤﺖ ﺍﻟﺒﺎﺏ ﻭﺩﺧﻠﻮ ﺍﻟﺒﻨﺎﺕ
ﻳﺒﺎﻭﻋﻦ ﻋﻠﻰ ﺍﻡ ﻓﺮﺯﺩﻕ .. ﺷﻴﻤﺎﺀ ﺳﺄﻟﺘﻨﻲ
_ ﻣﺎﻣﺎ ﻣﻨﻮ ﻫﺎﻱ ﺍﻟﻤﺮﻳﺔ
_ ﻫﺎﻱ ﺧﺎﻟﺘﻲ ﺍﻡ ﻓﺮﺯﺩﻕ ﺻﺪﻳﻘﺔ ﺍﻣﻲ ﺭﻭﺡ ﺑﺎﻟﺮﻭﺡ ﺍﻋﺘﺒﺮﻫﺎ ﺍﻣﻲ
ﺍﻟﺜﺎﻧﻴﺔ ﺑﺲ ﻣﻊ ﺍﻻﺳﻒ ﺍﻟﻈﺮﻭﻑ ﺑﻌﺪﺗﻨﺎ
ﻭﻫﻤﺔ ﺍﻧﺘﻘﻠﻮﺍ ﻣﻦ ﻳﻢ ﺑﻴﺖ ﺍﻫﻠﻲ ﻭﺑﻌﺪ ﻓﺘﺮﺓ ﺳﻤﻌﻨﺎ ﺑﻴﻬﻢ ﺳﺎﻓﺮﻭﺍ
ﻟﻼﺭﺩﻥ ﻭﻣﻨﻬﺎ ﺑﻌﺪ ﺍﻧﻜﻄﻌﺖ ﻋﻨﺎ ﺍﺧﺒﺎﺭﻫﻢ
ﺭﻭﺣﻲ ﺳﻠﻤﻲ ﻋﻠﻴﻬﺎ
ﺍﻡ ﻓﺮﺯﺩﻕ _ ﺻﻠﻮﺍﺕ ﻋﻠﻰ ﺍﻟﻨﺒﻲ ﻫﺬﻧﻲ ﺍﻟﺤﻠﻮﺍﺕ ﺑﻨﺎﺗﺞ
ﺍﺑﺘﺴﻤﺖ _ ﺍﻱ ﺧﺎﻟﺔ ﻫﺬﻧﻲ ﺑﻨﺎﺗﻲ ﺧﻠﻲ ﺍﻋﺮﻓﺞ ﻋﻠﻴﻬﻢ
ﺻﺤﺖ ﻟﻠﺒﻨﺎﺕ ﺗﻌﺎﻟﻮ ﺑﻨﺎﺕ ﻟﺘﺴﺘﺤﻮﻥ ﺗﺮﺓ ﺍﻡ ﻓﺮﺯﺩﻕ ﻣﺜﻞ ﺟﺪﺗﻜﻢ
ﺍﺷﺮﺕ ﻋﻠﻰ ﺷﻴﻤﺎﺀ
_ ﻫﺎﻱ ﺷﻴﻤﺎﺀ ﺑﻨﺘﻲ ﺍﻟﺠﺒﻴﺮﺓ
_ ﻣﺎ ﺷﺎﺀ ﺍﻟﻠﻪ ﻋﺮﻭﺳﺔ ﺷﻜﺪ ﻋﻤﺮﻫﺎ
_ ﻋﻤﺮﻫﺎ ١٥ﺳﻨﺔ ﻭﻫﺎﻱ ﺑﻨﺘﻲ ﺍﻟﺜﺎﻧﻴﺔ ﻣﺮﻭﺓ ﻋﻤﺮﻫﺎ ١٤ ﺳﻨﺔ ﻭﻫﺎﻱ
ﺑﻨﺘﻲ ﺍﻟﺜﺎﻟﺜﺔ ﺿﺤﻰ ﻋﻤﺮﻫﺎ ٧ﺳﻨﻮﺍﺕ ﺍﻣﺎ ﻫﺎﻱ ﺍﻟﺸﺤﺮﻭﺭﺓ ﺍﻡ ﻋﻴﻮﻥ
ﺍﻟﺘﻠﻤﻊ ﻓﻬﺎﻱ
ﺑﺰﺭ ﺍﻟﻜﻌﺪﺓ ﻫﺪﻯ ﺍﻟﺴﻨﺔ ﺍﻟﺠﺎﻳﺔ ﺍﺳﺠﻠﻬﺎ ﺻﻒ ﺍﻭﻝ
.. ﻣﺎ ﺷﺎﺀ ﺍﻟﻠﻪ ﺻﻠﻮﺍﺕ ﻋﻠﻰ ﺍﻟﻨﺒﻲ ﺭﺑﻲ ﻳﺤﻔﻈﻬﻢ ﺍﻟﺞ ﻭﻳﻔﺮﺣﺞ
ﺑﻴﻬﻢ ﺑﺲ ﻣﻜﻠﺘﻲ ﺷﻨﻮ ﻣﺎﻋﻨﺪﺝ ﻭﻟﺪ
_ ﻻ ﻭﺍﻟﻠﻪ ﺧﺎﻟﺔ ﻣﺼﺎﺭ ﻋﻨﺪﻱ ﻭﻟﺪ
_ ﻻ ﺗﺄﻳﺴﻴﻦ ﻣﻦ ﺭﺣﻤﺔ ﺭﺑﺞ
ﺍﺷﺮﺕ ﻋﻠﻰ ﺑﻄﻨﻲ
_ ﻭﻫﺴﺔ ﺍﻧﺖ ﺣﺎﻣﻞ ﺑﺸﻨﻮ ﺑﻮﻟﺪ ﻟﻮ ﺑﻨﻴﺔ
_ ﺑﻨﻴﺔ
_ ﺍﻟﺤﻤﺪ ﻟﻠﻪ ﺍﻫﻢ ﺷﻲ ﺗﻤﺎﻡ ﺍﻟﺨﻠﻘﺔ ﻭﻟﺪ ﺑﻨﻴﺔ ﻛﻠﻪ ﺧﻴﺮ ﻣﻦ ﺍﻟﻠﻪ
ﺻﺮﺕ ﺍﺳﺄﻟﻬﺎ ﻭﺗﺴﺄﻟﻨﻲ ﻋﻠﻰ ﺍﺣﻮﺍﻟﻲ
- ﺷﻨﻮ ﺻﺎﺭﻟﻜﻢ ﺷﻜﺪ ﻣﻦ ﺍﻧﺘﻘﻠﺘﻮﺍ ﻫﻨﺎ ؟؟
_ ﻣﺼﺎﺭﻟﻨﺎ ﻫﻮﺍﻱ ﻣﻦ ﺍﻧﺘﻘﻠﻨﺎ
ﻭﺍﻧﻲ ﻫﺴﺔ ﺩﺍﺷﺘﻐﻞ ﺧﻴﺎﻃﺔ ﺍﺫﺍ ﺗﺤﺘﺎﺟﻴﻦ ﺗﺨﻴﻄﻴﻦ ﺗﻌﺎﻟﻲ ﻋﻨﺪﻱ
ﺧﻴﻄﻲ
_ ﺻﻠﻮﺍﺕ ﺗﺨﻴﻄﻴﻦ ﻫﻤﺰﻳﻦ ﻛﻠﺘﻲ ﺑﻌﺪ ﻛﻠﺔ ﺍﺟﻴﺐ ﻗﻤﺎﺷﻲ ﻳﻤﺞ
ﺷﻨﻮ ﻣﻨﻮ ﺗﺠﻴﺞ ﻣﻦ ﻧﺴﻮﺍﻥ ﺍﻟﻤﻨﻄﻘﺔ
_ ﻭﺍﻟﻠﻪ ﺧﺎﻟﺔ ﻣﺤﺪ ﺗﺠﻲ ﺗﺨﻴﻂ ﻋﻨﺪﻱ ﻻﻥ ﻣﻮ ﻫﻮﺍﻱ ﺑﺎﻟﻤﻨﻄﻘﺔ
ﻳﻌﺮﻓﻮﻧﻲ ﺍﺧﻴﻂ ﻟﺬﻟﻚ ﻣﻦ ﺷﻔﺖ ﺍﻟﺨﻴﺎﻃﺔ ﻭﻛﻒ ﺭﺯﻗﻬﺎ ﺻﺮﺕ
ﺍﺷﺘﻐﻞ ﻋﻨﺪ ﺑﻴﺖ ﺍﻟﻤﺨﺘﺎﺭ ﺍﺳﺎﻋﺪ ﺍﻡ ﺭﺍﺋﺪ ﺑﺸﻐﻞ ﺍﻟﺒﻴﺖ ﻭﺗﻨﻄﻴﻨﻲ
ﻫﺎﻟﻘﺎﺳﻤﻪ ﺍﻟﻠﻪ
ﺗﻌﺎﻟﻲ ﻛﻠﻴﻠﻲ ﻫﺎﻱ ﺷﺼﺎﻳﺮ ﺑﻴﺞ ﻭﺭﺟﻠﺞ ﺷﻠﻮﻧﻪ ﻭﻳﺎﺝ
ﻭﻟﻴﺶ ﺩﺗﺨﻴﻄﻴﻦ ﻭﺗﺸﺘﻐﻠﻴﻦ ﺑﺎﻟﺒﻴﻮﺕ ﺷﻨﻮ ﺭﺟﻠﺞ ﻭﻳﻨﻪ ﻋﻨﻜﻢ ﺷﻨﻮ
ﻣﺪﻳﺼﺮﻑ ﻋﻠﻴﻜﻢ؟؟
_ ﻭﺍﻟﻠﻪ ﻳﺎ ﺧﺎﻟﺔ ﻣﺎ ﺍﻋﺮﻑ ﺷﺤﺠﻴﻠﺞ
_ ﺍﺣﺠﻲ ﺧﺎﻟﺔ ﺧﻠﻴﻨﻲ ﺍﻋﺮﻑ ﻟﻮﻳﻦ ﺻﻔﺔ ﺑﻴﺞ ﺍﻟﺪﻫﺮ ﺍﻧﺘﻲ ﺭﻳﺤﺔ
ﺍﻟﻐﺎﻟﻴﺔ ﺻﺎﺣﺒﺘﻲ
_ ﺍﻧﻲ ﻣﻦ ﺍﺗﺰﻭﺟﺖ ﺍﺛﻴﺮ ﻛﺎﻋﺪ ﻋﻄﺎﻝ ﺑﻄﺎﻝ ﻭﻫﻮ ﺍﻟﻠﻪ ﻳﺤﻔﻈﻪ ﻛﻮﺓ
ﻳﺪﻭﺭ ﻋﻠﻰ ﺷﻐﻞ
ﻭﺟﻨﺖ ﺍﺩﻋﻲ ﺭﺑﻲ ﻳﺮﺯﻗﻪ ﺑﻮﻇﻴﻔﺔ ﻭﺑﺎﻟﻒ ﻳﺎﻋﻠﻲ ﺑﺎﻟﻜﻮﺓ ﺣﺼﻞ
ﻭﻇﻴﻔﺔ ﻭﺍﺗﻌﻴﻦ ﻭﺻﺎﺭ ﻣﻮﻇﻒ ﺑﺎﻟﺒﻨﻚ ﻭﻛﻠﺖ ﺍﻟﻒ ﺍﻟﺤﻤﺪ ﻟﻠﻪ ﻫﺎﻧﺖ
ﻭﺍﻧﺤﻠﺖ ﻣﺸﺎﻛﻠﻨﺎ ﻭﺭﺍﺡ ﺗﻔﺮﺝ
ﺑﺲ ﻳﺎ ﻓﺮﺣﺔ ﻣﺎ ﺗﻤﺖ ﻣﺮﺕ ﺳﻨﺔ ﻭﺟﺎﻥ ﻳﺠﻲ ﺍﻟﻴﻮﻡ ﺍﻻﺳﻮﺩ
.................
ﺟﺎﻥ ﺍﻟﻮﻗﺖ ﻇﻬﺮ
ﻧﺰﻟﺖ ﺍﺳﻮﻱ ﺟﺎﻱ ﻷﺛﻴﺮ ﻭﺗﺮﻛﺖ ﺍﻟﺒﻨﺎﺕ ﻳﻤﻪ ﺑﺎﻟﻐﺮﻓﺔ ﺩﺧﻠﺖ ﻟﻠﻤﻄﺒﺦ
ﻋﻠﻰ ﻛﻴﻒ ﺣﺘﻰ ﻣﺘﺸﻮﻓﻨﻲ ﻋﻤﺘﻲ ﺍﻡ ﺍﺛﻴﺮ
ﺣﻄﻴﺖ ﺍﻟﻘﻮﺭﻱ ﻋﺎﻟﻨﺎﺭ ﻭﺍﻧﻲ ﺑﺎﻟﻲ ﻛﻠﻪ ﻣﺸﻐﻮﻝ ﺑﺄﺛﻴﺮ ﻭﺿﻌﻪ ﻣﺎ
ﻋﺎﺟﺒﻨﻲ ﻫﺎﻱ ﺍﻻﻳﺎﻡ ﻫﻮﺍﻱ ﻣﺘﻐﻴﺮ ﻋﻠﻴﻨﺎ ﺻﺎﻳﺮ ﻣﺎ ﻳﺘﺤﺎﺟﺔ ﻋﻠﻰ
ﺍﻻﺳﺎﺱ ﺍﻧﺎ ﻋﺎﻳﺰﺓ ﺿﻴﻢ ﻭﻫﻮ ﻳﺠﻲ ﻳﺰﻳﺪ ﻓﻮﻙ ﺿﻴﻤﻲ ﻣﺪﺭﻱ ﺷﺠﺎﻩ
ﻭﺷﻐﻴﺮﻩ ﺟﻨﺖ ﺻﺎﻓﻨﺔ ﻭﻋﻘﻠﻲ ﻣﺸﺪﻭﻩ ﺳﺎﻟﻔﺔ ﺗﺠﻴﺒﻨﻲ ﻭﺳﺎﻟﻔﺔ
ﺗﻮﺩﻳﻨﻲ
ﺳﻤﻌﺖ ﺑﺎﺏ ﺍﻟﺸﺎﺭﻉ ﺍﻧﺪﻙ ﺣﻴﻞ
ﺟﺎﻥ ﺑﺎﻻﻭﻝ ﺍﻟﺪﻙ ﻋﺎﻟﺒﺎﺏ ﻭﺑﻌﺪﻫﺎ ﺻﺎﺭ ﻳﻀﻐﻂ ﻋﺎﻟﺠﺮﺱ ﻭﻳﺪﻙ
ﻋﺎﻟﺒﺎﺏ ﺑﺎﻟﺤﺎﺡ ﻣﺜﻞ ﺍﻟﻤﺴﺘﻌﺠﻞ
ﺻﺎﺭ ﺍﻟﺪﻙ ﻛﻠﺶ ﻗﻮﻱ ﻋﺒﺎﻟﻚ ﺭﺍﺡ ﻳﻔﻠﺸﻪ ﻃﻠﻌﺖ ﻣﻦ ﺍﻟﻤﻄﺒﺦ
ﺍﺣﺠﻲ
.. ﻳﻤﺔ ﻳﺎﺳﺘﺎﺭ ﺍﺳﺘﺮ ﻫﺬﺍ ﻣﻨﻮ ﻫﺸﻜﻞ ﺩﻳﺪﻙ ﺍﻟﺒﺎﺏ
ﻻﻛﺘﻨﻲ ﻋﻤﺘﻲ
ﺍﻡ ﺍﺛﻴﺮ .. ﻫﺬﺍ ﻣﻨﻮ ﺑﺎﻟﺒﺎﺏ ﺑﺎﻟﻠﻪ ﺷﻮ ﺭﻭﺣﻲ ﺻﻴﺤﻲ ﻟﻮﺍﺣﺪ ﻣﻦ ﺍﻟﻮﻟﺪ
ﺧﻠﻲ ﻳﺮﻭﺡ ﻳﺸﻮﻑ ﻣﻨﻮ ﺑﺎﻟﺒﺎﺏ ﺣﺮﻙ ﻟﻠﺠﺮﺱ ﺣﺮﻙ
ﺭﺣﺖ ﺻﻌﺪﺕ ﻓﻮﻙ ﺣﺘﻰ ﺍﺻﻴﺢ ﻷﺛﻴﺮ ﻻﻛﺎﻧﻲ ﺣﻤﺎﻱ ﺍﻣﺠﺪ ﻋﺎﻟﺪﺭﺝ
ﺩﻳﻠﺒﺲ ﺍﻟﻔﺎﻧﻴﻼ ﻣﺴﺘﻌﺠﻞ
ﺳﺄﻟﻨﻲ .. ﺷﻨﻮ ﻣﻨﻮ ﺑﺎﻟﺒﺎﺏ
.. ﻣﺎ ﺍﺩﺭﻱ ﺍﻧﻲ ﺻﻌﺪﺕ ﺣﺘﻰ ﺍﺻﻴﺢ ﺍﺛﻴﺮ ﻳﻔﺘﺢ ﺍﻟﺒﺎﺏ
.. ﺍﻧﺎ ﺭﺍﻳﺢ ﺍﻓﺘﺢ ﻭﺍﺷﻮﻑ ﻣﻨﻮ
ﻛﻤﻞ ﻃﺮﻳﻘﻪ ﻭﻧﺰﻝ ﺟﻮﺓ ﺟﺎﻥ ﺍﻟﻮﻗﺖ ﻇﻬﺮ ﺩﺧﻠﺖ ﻟﻠﻐﺮﻓﺔ
ﺷﻔﺖ ﺍﺛﻴﺮ ﻛﺎﻋﺪ ﻭﻳﻤﻪ ﺍﻟﺒﻨﺎﺕ ﺷﻴﻤﺎﺀ ﻭﻣﺮﻭﺓ ﻭﺿﺤﻰ ﻭﻫﺪﻯ ﻧﺎﻳﻤﺔ
ﺑﺴﺮﻳﺮﻫﺎ ﻭﺑﻴﺪﻫﺎ ﻣﻤﻴﺘﻬﺎ ﺩﺗﺮﺿﻊ
ﺍﺛﻴﺮ .. ﺷﻨﻮ ﻭﻳﻦ ﺻﺎﺭ ﺍﻟﺠﺎﻱ
ﺧﻠﻴﺖ ﺍﻟﻘﻮﺭﻱ ﻋﺎﻟﻨﺎﺭ ﻭﺍﻧﺪﻛﺖ ﺍﻟﺒﺎﺏ ﻭﺻﻌﺪﺕ ﺍﺻﻴﺤﻠﻚ ﺑﺲ
ﺍﻣﺠﺪ ﺭﺍﺡ ﻳﺸﻮﻑ ﻣﻨﻮ ﺑﺎﻟﺒﺎﺏ
ﺟﻨﺖ ﺍﺣﺠﻲ ﻭﻳﺎﻩ ﻭﺳﻤﻌﻨﺎ ﺻﻮﺕ ﻋﻴﺎﻁ ﻭﺻﻴﺎﺡ ﺭﻳﺎﺟﻴﻞ ﻭﻫﻮﺳﺔ
ﺟﻮﺓ
ﻃﻔﺮ ﺍﺛﻴﺮ ﻣﻦ ﺍﻟﺴﺮﻳﺮ
ﺍﺛﻴﺮ .. ﺷﻜﻮ ﻳﺎﺳﺘﺎﺭ
ﺭﺍﺡ ﺭﻛﺾ ﻋﻠﻰ ﺑﺎﺏ ﺍﻟﻐﺮﻓﺔ ﻳﺮﻳﺪ ﻳﻔﺘﺢ ﺍﻟﺒﺎﺏ ﻭﻳﺸﻮﻑ ﺷﻜﻮ
ﺑﺲ ﻓﺠﺎﺀﺓ ﺍﻧﺪﻓﻊ ﺑﺎﺏ ﺍﻟﻐﺮﻓﺔ ﺑﻘﻮﺓ ﺑﺤﻴﺚ ﺍﻧﺨﻠﻊ ﻣﻦ ﻣﻜﺎﻧﻪ
ﻭﺻﺎﺭﻭ ﺑﻮﺟﻬﻨﺎ ﺟﻤﺎﻋﺔ ﻣﺴﻠﺤﻴﻦ
ﺩﻓﻌﻮﺍ ﺍﺛﻴﺮ ﻭﺍﻧﻲ ﻋﻄﺖ ﺑﺨﻮﻑ
.. ﻳﻤﺔ ﺻﺨﺎﻡ ﺍﻧﺘﻮﺍ ﻣﻨﻮ
ﺍﺑﺎﻭﻉ ﻷﺛﻴﺮ ﻳﺒﺎﻭﻋﻠﻬﻢ ﻣﺨﻄﻮﻑ ﻭﺟﻬﻪ ﺑﺨﻮﻑ ﻣﻔﺰﻭﻉ ﻣﻨﻬﻢ
ﻭﺍﺣﺪ ﻣﻨﻬﻢ ﺳﺄﻟﻪ
.. ﺍﻧﺖ ﺍﺛﻴﺮ .... .... ؟؟
ﻛﻠﻪ .. ﺍﻱ ﻧﻌﻢ ﺍﻧﺎ ﺍﺛﻴﺮ
ﺻﺎﺡ ﺍﻟﺮﺟﺎﻝ .. ﻳﺎﻟﻠﻪ ﺷﺒﺎﺏ ﺟﺘﻔﻮﻩ ﻭﺟﻴﺒﻮﻩ ﻭﺭﺍﻱ
ﻳﻤﺔ ﺍﻧﻲ ﺷﻔﺘﻬﻢ ﺩﻳﻀﺮﺑﻮﻥ ﺍﺛﻴﺮ ﻛﺪﺍﻣﻲ ﺍﻧﻲ ﻭﺍﻟﺒﻨﺎﺕ
ﻭﻫﻮﻳﺮﻳﺪ ﻳﺨﻠﺺ ﻧﻔﺴﻪ ﻣﻦ ﺑﻴﻦ ﺍﻳﺪﻳﻬﻢ ﻭﻫﻤﺔ ﺍﺗﻮﻟﻮﻩ ﺿﺮﺏ
ﻋﺰﺓ ﺑﻌﻴﻨﻲ ﺻﺮﺕ ﺍﺻﺮﺥ ﺑﺪﻭﻥ ﺷﻌﻮﺭ ﺭﺣﺖ ﻋﻠﻴﻬﻢ ﺍﺭﻳﺪ ﺍﺑﻌﺪﻫﻢ
ﻋﻦ ﺍﺛﻴﺮ ﺑﺲ ﻭﺍﺣﺪ ﻣﻨﻬﻢ ﺩﻓﻌﻨﻲ ﻭﺧﻠﻊ ﺟﺘﻔﻲ ﻣﻦ ﺍﻻﻟﻢ ﻭﺷﻔﺖ
ﺭﻭﺣﻲ ﻭﺍﻛﻌﺔ ﺑﺎﻟﻜﺎﻉ
ﺑﻨﺎﺗﻲ ﺻﺎﺭﻭ ﻳﺘﺼﺎﺭﺧﻦ ﺧﺎﻳﻔﺎﺕ ﻭﻣﻔﺰﻭﻋﺎﺕ ﻣﻦ ﺍﻟﻤﻨﻈﺮ ﻭﻣﻦ
ﺍﻟﺨﻮﻑ ﻛﺎﻣﻦ ﻭﻳﺼﻴﺤﻦ .. ﺑﺎﺑﺎ .. ﻣﺎﻣﺎ
ﻭﻳﺒﺠﻮﻥ ﻗﻴﺪﻭﺍ ﺍﺛﻴﺮ ﻛﺒﺎﻝ ﻋﻴﻨﻲ ﻭﺳﺤﻠﻮﻩ ﻣﻦ ﺑﻴﻦ ﻋﺎﺋﻠﺘﻪ ﻫﻤﺔ
ﻳﻨﺰﻟﻮﻧﻪ ﻋﺎﻟﺪﺭﺝ ﺳﺤﻞ ﻭﺍﻧﻲ ﻧﺰﻟﺖ ﻭﺭﺍﻫﻢ ﺍﻋﻴﻂ ﺧﺎﻳﻔﺔ ﻋﻠﻴﻪ ﻣﺎ
ﺍﻋﺮﻑ ﻫﺬﻭﻟﻲ ﻣﻨﻮ ﻭﺷﻨﻮ ﻳﺮﺩﻭﻥ ﻣﻨﻪ
ﺻﺮﺕ ﺍﺻﻴﺢ ﻭﺍﺣﺸﻢ ﺑﺎﻟﻨﺎﺱ ﺷﻔﺖ ﺣﻤﺎﻱ ﺍﻣﺠﺪ ﻫﻤﻴﻦ ﻣﺠﺘﻔﻴﻨﻪ
ﻭﻣﻜﻌﺪﻳﻨﻪ ﺑﺎﻟﻜﺎﻉ ﻭﻭﺍﻛﻔﻴﻦ ﺍﺛﻨﻴﻦ ﻣﺴﻠﺤﻴﻦ ﻓﻮﻙ ﺭﺍﺳﻪ ﻭﺧﺎﻟﺘﻲ
ﺗﺘﻮﺳﻞ ﺑﻴﻬﻢ ﻳﺘﺮﻛﻮﻥ ﺍﺑﻨﻬﺎ ﻭﺗﻜﻠﻠﻬﻢ ﺧﺎﻟﺔ
ﺩﺍﺧﻠﻴﻦ ﻋﻠﻰ ﺍﻟﻠﻪ ﻭﻋﻠﻴﻜﻢ ﻫﺪﻭﺍ ﻭﻟﺪﻱ
ﺑﺲ ﺍﻟﻤﺼﻴﺒﺔ ﻣﺤﺪ ﻳﺠﺎﻭﺑﻨﺎ ﻋﺒﺎﻟﻚ ﺩﻧﺤﺠﻲ ﻭﻳﺔ ﺍﺻﻨﺎﻡ
ﺑﻌﺪﻫﺎ ﺳﺤﻠﻮﺍ ﺍﻣﺠﺪ ﻭﺍﺛﻴﺮ ﻭﺍﺧﺬﻭﻫﻢ ﺑﺴﻴﺎﺭﺓ
ﺑﺲ ﻃﻮﻝ ﻣﺎ ﻫﻤﺔ ﻳﺠﺮﺟﺮﻭﻥ ﺑﺄﺛﻴﺮ ﻭﺍﻧﻲ ﻭﻋﻤﺘﻲ ﻧﺼﺮﺥ ﻭﻧﺘﻮﺳﻞ
ﺑﻴﻬﻢ ﻳﺘﺮﻛﻮﻧﻬﻢ
ﺍﺑﺎﻭﻉ ﻟﻌﻤﺘﻲ ﻭﻛﻔﺖ ﻛﺪﺍﻡ ﺭﺟﺎﻝ ﻃﻮﻳﻞ ﺿﺨﻢ ﻋﻨﺪﻩ ﺷﻮﺍﺭﺏ
ﻭﺳﺄﻟﺘﻪ ﺗﺘﺮﺟﻰ ﺑﻴﻪ
ﺍﻡ ﺍﺛﻴﺮ .. ﻳﻤﺔ ﻓﺪﻭﺓ ﺭﺣﺘﻠﻚ ﻭﻟﺪﻱ ﻭﻳﻦ ﻣﺎﺧﺬﻳﻨﻬﻢ
ﺟﺎﻭﺑﻬﺎ ﺑﻨﺘﺮﺓ ﻭﺻﻮﺕ ﻋﺎﻟﻲ
.. ﺑﻌﺪﻱ ﻋﻦ ﻃﺮﻳﻘﻨﺎ ﻭﺧﻠﻴﻨﺎ ﻧﺸﻮﻑ ﺷﻐﻠﻨﺎ ﻭﺩﻓﻊ ﻋﻤﺘﻲ ﻣﻦ
ﻃﺮﻳﻘﻪ ﻭﺭﺍﺡ
ﻭﻋﻤﺘﻲ ﺍﻡ ﺍﺛﻴﺮ ﻃﻠﻌﺖ ﺑﺎﻟﺒﺎﺏ ﻭﻇﻠﺖ ﺗﺤﺸﻢ ﺑﺎﻟﻨﺎﺱ
.. ﻳﺒﻮﻱ .. ﻳﺒﻮﻭﻭﻭﻭﻱ ﻳﺎﻟﻮﺍﺩﻡ ﻟﺤﻜﻮ ﻋﻠﻴﻨﺎ ﺍﻧﻬﺒﻨﺎ ﻭﺍﺧﺬﻭﺍ ﺍﻭﻻﺩﻧﺎ
ﺍﻟﺘﻤﺖ ﺍﻟﺠﻮﺍﺭﻳﻦ ﻭﺍﻟﻤﺸﻜﻠﺔ ﻭﻗﺖ ﻇﻬﺮ ﺣﺎﺭﺓ ﻳﻌﻨﻲ ﺍﻏﻠﺐ ﺍﻟﻨﺎﺱ
ﻧﺎﻳﻤﻴﻦ ﺑﺒﻴﻮﺗﻬﻢ ﻭﻣﺤﺪ ﺑﺎﻟﺸﺎﺭﻉ ﺑﺲ ﻋﻠﻰ ﺻﻴﺎﺡ ﻋﻤﺘﻲ ﻃﻠﻌﻮﺍ
ﺍﻟﻨﺎﺱ ﻣﻦ ﺑﻴﻮﺗﻬﻢ
ﻭﺍﺟﻮﻱ ﺍﻟﺠﻮﺍﺭﻳﻦ ﻭﺳﺄﻟﻮ ﻋﻤﺘﻲ ﻋﻦ ﺍﻟﺼﺎﺭ ﻭﻛﻌﺪﺕ ﻋﻤﺘﻲ
ﺗﺤﺠﻴﻠﻬﻢ ﺍﻟﺼﺎﺭ ﻭﺍﻧﻲ ﺍﺩﻙ ﻭﺍﻟﻄﻢ ﻋﻠﻰ ﻭﺟﻬﻲ
.. ﻳﻤﺔ ﺳﻮﺩﺓ ﺑﻮﺟﻬﻲ ﺍﺛﻴﺮ ﺭﺍﺡ ﻳﺮﻭﺡ ﻣﻦ ﺍﻳﺪﻱ
ﻋﺰﺓ ﺍﻟﻌﺰﺍﻧﻲ ﻫﺎﻱ ﻭﻳﻦ ﺟﺎﻧﺘﻠﺞ ﻳﺎﺑﺜﻴﻨﺔ
ﺧﻄﻴﺔ ﺍﺑﺎﻭﻉ ﻋﻠﻰ ﺑﻨﺎﺗﻲ ﺷﻠﻮﻥ ﻳﺘﺒﺎﺟﻮﻥ ﻭﻳﺴﺈﻟﻮﻧﻲ ﻣﺎﻣﺎ
ﻟﻴﺶ ﺍﺧﺬﻭﺍ ﺑﺎﺑﺎ ﺷﺮﺍﺡ ﻳﺴﻮﻥ ﻟﺒﺎﺑﺎ
ﻭﺍﺣﺪ ﻣﻦ ﺟﻮﺍﺭﻳﻨﺎ ﻣﻦ ﺳﻤﻊ ﻛﻼﻡ ﺧﺎﻟﺘﻲ ﻭﻭﺻﻔﺘﻠﻬﻢ ﺍﻟﻤﺴﻠﺤﻴﻦ
ﻛﻠﻠﻬﺎ ﺧﺎﻟﺔ ﻫﺬﻭﻟﺔ ﺍﻟﻤﺴﻠﺤﻴﻦ ﻣﻦ ﺍﻻﻣﻦ ﻳﻌﻨﻲ ﻭﻟﺪﺝ ﺍﺧﺬﻭﻫﻢ
ﺍﻟﺤﻜﻮﻣﺔ ﺷﻮﻓﻲ ﺷﻨﻮ ﻣﺴﻮﻳﻦ ﻭﻟﺪﺝ
ﻋﻤﺘﻲ ﺑﺲ ﺳﻤﻌﺖ ﺍﻻﻣﻦ ﻭﺣﻜﻮﻣﺔ ..
ﻛﻌﺪﺕ ﺑﺎﻟﻜﺎﻉ ﻭﻓﺘﺤﺖ ﺷﻴﻠﺘﻬﺎ ﻭﺻﺎﺭﺕ ﺗﺪﻙ ﻭﺗﻠﻄﻢ
.. ﻳﺒﻮﻭﻭﻭﻭﻱ ﺳﻮﺩﺓ ﺑﻮﺟﻬﻲ ﻭﻟﺪﻱ ﺭﺍﺣﻮﺍ
ﺍﺑﻮ ﺍﺣﻤﺪ .. ﺣﺠﻴﺔ ﺻﻠﻲ ﻋﺎﻟﻨﺒﻲ ﻟﺘﺨﺎﻓﻴﻦ ﺍﻧﺎ ﻋﻨﺪﻱ ﻣﻌﺎﺭﻑ ﺑﺎﻻﻣﻦ
ﺭﺍﺡ ﺍﺳﺘﻔﺴﺮﻟﺞ ﻭﺍﻋﺮﻓﻠﺞ ﺷﺼﺎﻳﺮ
ﺍﻡ ﺍﺛﻴﺮ .. ﻭﻟﻚ ﺧﺎﻟﺔ ﻣﻨﻴﻦ ﺍﺟﺘﻨﻲ ﻫﺎﻱ ﺍﻟﻤﺼﻴﺒﺔ ﺍﻟﺴﻮﺩﺓ
ﻳﻤﺔ ﻭﻟﺪﻱ ﻣﺎ ﻋﻨﺪﻫﻢ ﺍﻱ ﺷﻲ ﻋﺴﻜﺮﻳﺔ ﻭﺧﺎﺩﻣﻴﻦ ﺑﻴﻬﺎ ﻭﻣﺘﺴﺮﺣﻴﻦ
ﻣﻨﻬﺎ ﻭﻣﺎ ﻟﻬﻢ ﺷﻐﻞ ﻻ ﺑﺎﻟﺴﻴﺎﺳﺔ ﻭﻻ ﺑﺎﻟﺪﻳﻦ ﻣﺎﺷﻴﻦ ﺑﺼﻒ ﺍﻟﺤﺎﻳﻂ
ﺳﻮﺩﺓ ﻋﻠﻴﺔ
ﻳﺮﺣﻮﻥ ﻭﻳﺮﺟﻌﻮﻥ ﺑﻄﺮﻳﻘﻬﻢ ﻭﻣﺎﻟﻬﻢ ﺷﻐﻞ ﻻ ﺑﺤﺰﺏ ﻭﻻ ﺍﻟﻬﻢ ﺷﻐﻞ
ﺑﺪﻳﻦ ﻭﻻ ﻳﻮﻡ ﺳﻤﻌﺘﻬﻢ ﺣﺠﻮﺍ ﻋﺎﻟﺮﻳﺲ ﺍﻟﻘﺎﻳﺪ
ﺍﻭ ﺟﺎﺑﻮﺍ ﺳﻴﺮﺗﻪ ﺑﺎﻟﺸﻴﻨﺔ
ﺍﻟﺮﺟﺎﻝ .. ﻭﺍﻟﻠﻪ ﺣﺠﻴﺔ ﻣﺎ ﺍﻋﺮﻑ ﺷﻨﻮ ﺍﻛﻠﺞ ﺑﺲ ﺧﻠﻲ ﺍﺳﺘﻔﺴﺮ
ﻭﺍﺭﺩﻟﺞ ﺧﺒﺮ
ﻭﺭﺓ ﺳﺎﻋﺔ ﻛﻠﻤﻦ ﺭﺟﻊ ﻟﺒﺒﻴﺘﻪ ﻭﺍﻧﻲ ﺑﺎﻗﻴﺔ ﻋﻠﻰ ﻛﻌﺪﺗﻲ ﺑﺎﻟﻄﺎﺭﻣﺔ
ﺍﻧﺪﺏ ﺣﻈﻲ ﻭﺍﺩﻋﻲ ﺑﻜﻠﺒﻲ
ﻭﺑﻨﺎﺗﻲ ﻛﺎﻋﺪﺍﺕ ﻳﻤﻲ ﻭﻫﺪﻯ ﺟﺎﻧﺖ ﺻﻐﻴﺮﺓ ﻧﺎﻳﻤﺔ ﺑﺤﻈﻨﻲ ﺗﺮﺿﻊ
ﻭﻛﻠﻬﺎ ﺑﺼﻮﺏ ﻭﺧﺎﻟﺘﻲ ﺍﻡ ﺍﺛﻴﺮ ﺑﺼﻮﺏ ﺗﺮﻭﺡ ﺗﺮﻭﺡ ﻭﺗﺮﺟﻊ ﻋﻠﻴﻪ
ﺩﺍﺭﺕ ﻋﻠﻴﺔ ﺗﻐﻤﻨﻲ ﻭﺗﻐﻠﻂ ﻋﻠﻴﺔ
.. ﻫﺎ ﻳﺎﺑﻨﺖ ﺍﻟﻔﻜﺮ ﻛﺴﺤﺘﻲ ﺍﺑﻨﻲ ﺑﺠﺮﻓﺘﺞ ﺍﻟﻔﻜﺮ ﺍﻧﺘﻲ ﻭﺑﻨﺎﺗﺞ
ﻣﺠﺎﻭﺑﺘﻬﺎ ﻫﺴﺔ ﺍﺣﻨﺎ ﺑﻴﺎ ﺣﺎﻝ
ﻫﺎﻱ ﺍﻟﻤﺮﺓ ﻣﻦ ﻳﻮﻣﻬﺎ ﺍﺑﺪ ﻣﺎ ﺗﻔﻮﺕ ﻓﺮﺻﺔ ﺍﺫﺍ ﻣﺎ ﺗﺘﻬﺠﻢ ﻋﻠﻴﺔ
ﺷﻜﻮ ﻣﺼﺒﻴﺔ ﺗﺼﻴﺮ ﺑﺎﻟﺒﻴﺖ ﺗﻄﻴﺢ ﺑﺮﺍﺳﻲ ﻭﺗﻌﻠﻜﻬﺎ ﻋﻠﻴﺔ ﻭﺗﻨﺰﻝ
ﻋﻠﻴﺔ ﻏﻠﻂ ﻭﻣﺴﺒﺔ ﻋﺒﺎﻟﻚ ﻋﻨﺪﻫﺎ ﺷﻤﺎﻋﺔ ﺗﻌﻠﻚ ﻋﻠﻴﻬﺎ ﺍﻟﺮﺯﺍﻳﻞ
ﺳﻜﺘﺖ ﺧﻠﻴﻬﺎ ﺗﺤﺠﻲ ﻟﻮﺣﺪﻫﺎ ﻭﺧﻠﻴﻨﻲ ﺍﻧﻲ ﻣﺤﺘﺎﺭﺓ
ﺑﻀﻴﻤﻲ ﺍﺣﺎﺟﻲ ﺑﺮﻭﺣﻲ ﺭﻓﻌﺖ ﺭﺍﺳﻲ ﺍﺷﻜﻲ ﻫﻤﻲ
ﺭﺑﻲ ﻓﺪﻭﺓ ﺭﺣﺘﻠﻚ ﻟﻴﺶ ﻛﻠﻤﺎ ﺍﻛﻮﻝ ﻫﺎﻧﺖ
ﺗﻄﻠﻌﻠﻲ ﺳﺎﻟﻔﺔ ﻋﻮﺟﺔ ﻻ ﻋﺎﻟﺒﺎﻝ ﻭﻻ ﻋﺎﻟﺨﺎﻃﺮ ﺗﺮﺩﻧﻲ ﺭﺩﻭﺩ ﻟﻨﻘﻄﺔ
ﺍﻟﺼﻔﺮ
... 
ﺻﺎﺭ ﺍﻟﻠﻴﻞ ﻭﺍﺣﻨﺎ ﻣﺎﻋﻨﺪﻧﺎ ﺍﻱ ﻋﻠﻢ ﻋﻦ ﻭﻟﺪﻧﺎ ﻭﻳﻦ ﺻﻔﺔ ﺑﻴﻬﻢ ﺍﻟﺪﻫﺮ
ﻟﻠﻴﻞ ﺍﺟﺔ ﺟﺎﺭﻧﺎ ﺍﺑﻮ ﺍﺣﻤﺪ ﻭﻋﻢ ﺍﻟﻮﻟﺪ
ﻛﻌﺪﻭﺍ ﺑﻐﺮﻓﺔ ﺍﻟﺨﻄﺎﺭ ﻭﻋﻤﺘﻲ ﻟﺒﺴﺖ ﻋﺒﺎﻳﺘﻬﺎ ﻭﺭﺍﺣﺖ ﻳﻤﻬﻢ ﻛﺒﻞ
ﺭﺣﺖ ﻭﺭﺍﻫﺎ ﻟﺒﺴﺖ ﺭﺑﻄﺘﻲ ﻭﺩﺧﻠﺖ ﻭﺭﺍﻫﺎ
ﺍﺭﻳﺪ ﺍﻋﺮﻑ ﺍﻟﺼﺎﺭ
ﺍﻡ ﺍﺛﻴﺮ .. ﻫﺎ ﺣﺠﻲ ﺑﺸﺮﻧﻲ ﻭﻛﻠﻲ ﻟﻜﻴﺖ ﻭﻟﺪﻱ
ﻛﻠﻠﻬﺎ .. ﺣﺠﻴﺔ ﺍﺗﻄﻤﻨﻲ ﻣﺜﻠﻤﺎ ﻛﻠﺘﻠﺞ ﻭﻟﺪﺝ ﻣﺎﺧﺬﻳﻬﻢ ﺍﻻﻣﻦ ﻭﻫﺴﺔ
ﻫﻤﺔ ﺑﺎﻟﺴﺠﻦ ﺟﺎﻱ ﻳﺤﻘﻘﻮﻥ ﻭﻳﺎﻫﻢ
.. ﻳﻤﺔ ﺻﺨﺎﻡ ﺑﻮﺟﻬﻲ ﻳﻌﻨﻲ ﺷﻨﻮ ﻭﻟﺪﻱ ﺿﺎﻋﻮﺍ ﻭﻣﺤﺪ ﺭﺍﺡ ﻳﻠﺤﻚ
ﻋﻠﻴﻬﻢ ﺑﻌﺪ
.. ﺣﺠﻴﺔ ﻛﻮﻟﻲ ﻳﺎﻟﻠﻪ ﺧﻠﻲ ﻧﻔﺘﻬﻢ ﻣﻦ ﺍﺑﻮ ﺍﺣﻤﺪ
ﺍﻟﺘﻔﺖ ﻋﻤﻬﻢ ﻭﺣﺠﺔ
.. ﺧﻮﻳﺔ ﻣﺎ ﻋﺮﻓﺖ ﻫﻤﺔ ﻟﻴﺶ ﻣﺎﺧﺬﻳﻨﻬﻢ
.. ﻭﺍﻟﻠﻪ ﺍﻟﻲ ﺍﻓﺘﻬﻤﺘﻪ ﻣﻨﻬﻢ ﺍﻥ ﺍﻟﻤﻮﺿﻮﻉ ﻳﺨﺺ ﺍﺑﻦ ﺍﺧﻮﻙ ﺍﺛﻴﺮ
ﺍﻟﻲ ﻳﺸﺘﻐﻞ ﺑﺎﻟﺒﻨﻚ ﻋﻠﻴﻪ ﻗﻀﻴﺔ ﺗﺴﺮﻳﺐ ﻓﻠﻮﺱ ﻣﺰﻭﺭﺓ ﻟﺪﺍﺧﻞ
ﺍﻟﺒﻨﻚ ﺍﻣﺎ ﺍﻣﺠﺪ ﺍﺳﺘﻔﺴﺮﺕ ﻣﻨﻬﻢ ﻛﺎﻟﻮﺍ ﺑﺎﺟﺮ ﻳﻄﻠﻘﻮﻥ ﺳﺮﺍﺣﻪ ﻣﺎ
ﻟﻜﻮ ﻋﻠﻴﻪ ﺷﻲ
ﺍﻡ ﺍﺛﻴﺮ .. ﻳﻤﺔ ﺻﺨﺎﻡ ﺑﻮﺟﻬﻲ ﺍﺛﻴﺮ ﻳﺸﺘﻐﻞ ﺑﺎﻟﻔﻠﻮﺱ ﺍﻟﻤﺰﻭﺭﺓ ﻻ ﻳﻤﺔ
ﻛﻮﻝ ﻏﻴﺮﻫﺎ
ﺍﺛﻴﺮ ﻣﺎﻋﻨﺪﻩ ﺑﻬﺎﻱ ﺍﻟﺴﻮﺍﻟﻒ
ﻛﻮﻥ ﻫﻮ ﺻﺪﻙ ﻣﺜﻠﻤﺎ ﺗﻜﻮﻝ ﻳﺰﻭﺭ ﻟﻌﺪ ﻭﻳﻦ ﺍﻟﻔﻠﻮﺱ ﺍﻟﻲ ﺣﺼﻠﻬﻢ
ﻣﻦ ﻫﺎﻟﺘﺰﻭﻳﺮ ﻭﻟﻴﺶ ﺍﻟﺨﻴﺮ ﻣﺎ ﻳﺒﻴﻦ ﻋﻠﻴﻨﺎ
ﺍﺷﻮ ﻫﺬﺍ ﺑﻴﺘﻨﺎ ﻋﻠﻰ ﺣﻄﺖ ﺍﻳﺪﻙ ﻣﻦ ﺍﺗﻌﻴﻦ ﺍﺛﻴﺮ ﻟﺤﺪ ﻫﺬﺍ ﻳﻮﻣﻚ
ﻛﻠﺸﻲ ﻣﺠﺎﻳﺐ ﻟﻠﺒﻴﺖ ﻻ ﺛﻼﺟﺔ ﻭﻻ ﺗﻠﻔﺰﻳﻮﻥ
ﻻ ﻏﺮﺍﺽ ﻭﻳﺎﺩﻭﺏ ﻳﺼﺮﻑ ﻋﻠﻰ ﻋﻴﺎﻟﻪ
.. ﻭﺍﻟﻠﻪ ﺣﺠﻴﺔ ﻣﺎ ﺍﻋﺮﻑ ﺷﻨﻮ ﺍﻛﻠﺞ ﺑﺲ ﺍﻟﺠﻤﺎﻋﺔ ﻣﺎ ﻳﺨﻄﻮﻥ ﻫﻴﺞ
ﺧﻄﻮﺓ ﺍﺫﺍ ﻣﺎ ﻣﺘﺄﻛﺪﻳﻦ ﻭﻋﻨﺪﻫﻢ ﻣﻌﻠﻮﻣﺎﺕ ﻭﺍﺩﻟﺔ ﺗﺜﺒﺖ ﺍﻥ ﺍﺛﻴﺮ ﺍﻟﺔ
ﻳﺪ ﺑﺎﻟﺘﺰﻭﻳﺮ ﻭﺍﺣﺘﻤﺎﻝ ﺭﺍﺡ ﻳﺤﻴﻠﻮﻥ ﺍﺛﻴﺮ ﻟﻠﻤﺤﻜﻤﺔ ﻭﻳﻨﺤﻜﻢ
ﺍﺟﺘﻨﻲ ﻛﻠﻤﺎﺕ ﺍﺑﻮ ﺍﺣﻤﺪ ﻣﺜﻞ ﺿﺮﺑﺔ ﺍﻟﻌﺎﻣﻮﺩ ﻣﻦ ﻳﻮﻛﻊ ﻓﻮﻙ ﺍﻟﺮﺍﺱ
ﻭﻳﻘﺴﻤﻪ ﻧﺼﻴﻦ ﺍﻱ ﺍﻧﺎ ﻫﺬﺍ ﺣﺎﻟﻲ ﻣﻦ
ﻛﺎﻝ ﺍﺛﻴﺮ ﻳﺸﺘﻐﻞ ﺑﺎﻟﻔﻠﻮﺱ ﺍﻟﻤﺰﻭﺭﺓ ﻭﺭﺍﺡ ﻳﻨﺤﻜﻢ ﺍﻧﺎ ﺣﺴﻴﺖ ﺍﻟﺪﻧﻴﺎ
ﺍﻓﺘﺮﺕ ﺑﻴﺔ ﻭﺿﺎﻛﺖ ﺍﻟﻮﺍﺳﻌﺔ ﺑﻌﻴﻨﻲ
ﻳﻌﻨﻲ ﺷﻨﻮ ﺍﻧﻲ ﻭﺑﻨﺎﺗﻲ ﺭﺍﺡ ﻧﻀﻴﻊ ﺯﻳﻦ ﺷﻠﻮﻥ ﻭﺷﻮﻛﺖ ﻭﻟﻴﺶ
ﺍﺛﻴﺮ ﻳﺴﻮﻱ ﻫﺸﻜﻞ
ﻣﺎﻣﻌﻘﻮﻟﺔ ﻣﺎ ﺍﺻﺪﻙ ﻣﺎﻋﻨﺪﻩ ﺷﻲ ﺑﺤﻴﺎﺗﻪ
ﻳﺪﻓﻌﻪ ﻳﺴﻮﻱ ﻫﺸﻜﻞ ﻫﻮ ﺻﺤﻴﺢ ﻏﻴﺮ ﻣﺴﺆﻝ
ﺑﺲ ﻣﻮ ﻟﺪﺭﺟﺔ ﻳﻮﻛﻊ ﺭﻭﺣﻪ ﺑﺎﻟﻤﺸﺎﻛﻞ ﻭﻳﻮﺩﻱ ﻧﻔﺴﻪ ﻟﻠﺘﻬﻠﻜﺔ
... 
ﺑﺲ ﻓﺠﺎﺀﺓ ﺍﺗﺬﻛﺮﺕ ﻣﻮﻗﻒ ﻣﺸﺒﻮﻩ ﻷﺛﻴﺮ
ﺷﻬﻜﺖ ﻭﻟﻄﻤﺖ ﻋﻠﻰ ﺣﻠﻜﻲ ﻣﺼﺪﻭﻣﺔ
ﺍﻟﺘﻔﺘﺖ ﻋﻤﺘﻲ ﻭﻋﻤﻬﻢ ﻭﺍﺑﻮ ﺍﺣﻤﺪ ﻳﺒﺎﻭﻋﻮﻥ ﻋﻠﻴﺔ
ﻋﻤﺘﻲ ﺑﺲ ﺷﺎﻓﺘﻨﻲ ﻏﻤﺘﻲ ﻭﻇﻠﺖ ﺗﺤﺠﻲ
.. ﻻ ﺣﻠﺖ ﺑﺮﻛﺔ ﺑﻴﺞ ﺑﻮﻣﺔ
ﻃﻠﻌﺖ ﻣﻦ ﻳﻤﻬﻢ ﺟﺴﻤﻲ ﻛﻠﻪ ﻳﺮﺟﻒ ﻣﻦ ﺍﻟﻲ ﻋﺮﻓﺘﻪ ﺻﻌﺪﺕ ﻓﻮﻙ
ﻟﻐﺮﻓﺘﻲ
ﺩﺧﻠﺖ ﻟﻠﻐﺮﻓﺔ ﻭﻟﻜﻴﺖ ﺑﻨﺎﺗﻲ ﻛﺎﻋﺪﺍﺕ ﻳﺪﺭﺳﻦ ﺍﺗﺠﻴﺖ ﻋﺎﻟﺒﺎﺏ
ﻭﻛﻌﺪﺕ ﺑﺎﻟﻜﺎﻉ ﺍﺑﺠﻲ ﺑﻴﺄﺱ ﻭﻗﻬﺮ ﺍﻟﺘﻔﺘﻮﺍ ﻳﺒﺎﻭﻋﻮﻥ ﻋﻠﻴﺔ ﻭﺑﻌﻴﻮﻧﻬﻢ
ﻧﻈﺮﺓ ﺗﺴﺄﻝ
ﺍﺟﺘﻲ ﺑﻨﺘﻲ ﺷﻴﻤﺎﺀ ﺍﻗﺘﺮﺑﺖ ﻣﻨﻲ ﻭﻣﺪﺕ ﺍﻳﺪﻫﺎ ﻣﺴﺤﺖ ﺩﻣﻮﻋﻲ
ﻭﺍﺗﺒﻌﻨﻬﺎ ﺧﻮﺍﺗﻬﺎ ﻭﻛﻔﻮﺍ ﻗﺮﻳﺐ ﻋﻠﻴﺔ
ﺷﻴﻤﺎﺀ .. ﻣﺎﻣﺎ ﻟﻴﺶ ﺩﺗﺒﺠﻴﻦ ؟
ﺿﺤﻰ .. ﺑﻴﺒﻲ ﺿﺮﺑﺘﺞ ؟
ﺟﺎﻭﺑﺘﻬﺎ ﻣﺮﻭﺓ .. ﻫﻲ ﺍﻛﻮ ﻏﻴﺮﻫﺎ ﻋﺠﻮﺯ ﺍﻟﻨﺎﺭ ﻳﺎﺭﺑﻲ ﻫﺎﻱ ﺷﻮﻛﺖ
ﺗﻤﻮﺕ ﻭﻧﺮﺗﺎﺡ ﻣﻨﻬﺎ ﺑﺲ ﺗﺤﺠﻲ ﻋﻠﻰ ﻣﺎﻣﺎ
ﺑﺎﻭﻋﺖ ﻟﺒﻨﺘﻲ ﺍﻟﺼﻐﻴﺮﺓ ﻫﺪﻯ ﺍﺟﺘﻲ ﻳﻤﻲ ﺍﻗﺘﺮﺑﺖ ﻣﻨﻲ ﺗﺮﻳﺪ ﺗﻜﻌﺪ
ﺑﺤﻈﻨﻲ
ﻣﺪﻳﺖ ﺍﻳﺪﻳﺔ ﻭﺣﻄﻴﺘﻬﺎ ﺑﺤﻈﻨﻲ ﻭﺩﻣﻮﻋﻲ ﻣﺒﻄﻠﺖ
ﺍﻟﺘﻔﺖ ﺗﺒﺎﻭﻉ ﻋﻠﻴﺔ ﻭﺑﺮﻃﻤﺖ ﺷﻔﺎﻳﻔﻬﺎ ﺗﺮﻳﺪ ﺗﺒﺠﻲ ﻭﻳﺎﻱ
ﺍﻧﻤﺮﺩ ﻛﻠﺒﻲ ﻋﻠﻴﻬﺎ
ﺷﻜﻮﻝ ﻋﻠﻴﻚ ﻳﺎ ﺍﺛﻴﺮ ﺷﻨﻮ ﺫﻧﺐ ﻫﺎﻱ ﺍﻟﻄﻔﻠﺔ ﺑﻌﺪﻫﺎ ﺣﺘﻰ ﻣﺎ ﻟﺤﻜﺖ
ﺗﻔﻄﻦ ﻋﻠﻰ ﻭﺟﻮﺩﻙ ﺑﺤﻴﺎﺗﻬﺎ
ﺟﺎﻧﻮﺍ ﺑﻨﺎﺗﻲ ﻳﺤﺠﻮﻥ ﺧﻄﻴﺔ ﻣﻴﺪﺭﻭﻥ ﺑﺄﺑﻮﻫﻢ ﺷﻨﻮ ﻣﺴﻮﻱ ﻣﻦ
ﻣﺼﻴﺒﺔ
ﺷﻜﺎﻟﺘﻠﻚ ﺭﻭﺣﻚ ﻳﺎ ﺍﺛﻴﺮ ﻭﺳﻮﻳﺖ ﻫﺎﻟﻤﺼﻴﺒﺔ ﺯﻳﻦ ﻣﻔﻜﺮﺕ ﺑﺒﻨﺎﺗﻚ
ﺍﻟﻤﻜﺮﻭﺩﺍﺕ
ﺭﺟﻌﺖ ﺷﻴﻤﺎﺀ ﺗﺴﺄﻟﻨﻲ .. ﻣﺎﻣﺎ ﻟﻴﺶ ﺩﺗﺒﺠﻴﻦ
ﺍﺣﺘﺎﺭﻳﺖ ﺷﺠﺎﻭﺑﻬﺎ ﺷﻜﻠﻠﻬﺎ
ﺍﻛﻠﻠﻬﺎ ﺍﺑﻮﺝ ﺣﺮﺍﻣﻲ ﻳﺸﺘﻐﻞ ﺑﺘﺰﻭﻳﺮ ﺍﻟﻔﻠﻮﺱ ﻭﺭﺍﺡ ﻳﻨﺤﻜﻢ
ﻻﻥ ﻣﺪ ﺍﻳﺪﻩ ﻋﺎﻟﺤﺮﺍﻡ ﻋﻠﻤﻮﺩ ﻧﻔﺴﻪ ﺍﻟﺪﻧﻴﺔ
ﻣﻮ ﻋﻠﻤﻮﺩ ﺑﻨﺎﺗﻪ
ﺍﻱ ﺍﺛﻴﺮ ﻛﻀﺔ ﻃﻮﻝ ﻋﻤﺮﻩ ﻳﻤﺸﻲ ﺑﻄﺮﻳﻖ ﺍﻟﻤﻨﻜﺮ ﺷﺮﺏ ﻭﻧﺴﻮﺍﻥ
ﺩﻭﻣﻪ ﻣﺨﺮﺑﻂ ﻭﺍﻧﺎﻧﻲ ﺑﺲ ﻣﻌﻘﻮﻟﺔ ﻭﺻﻠﺖ ﺑﻲ ﺍﻟﻤﻮﺍﺻﻴﻞ ﺗﺪﻓﻌﻪ
ﻳﺨﻄﻲ ﻫﻴﺞ ﺧﻄﻮﺓ ﻭﻳﻮﺭﻁ ﻧﻔﺴﻪ ﺑﻌﻤﻠﻴﺔ ﻗﺬﺭﺓ ﻭﻳﺰﻭﺭ ﺍﻟﻔﻠﻮﺱ
ﻣﻌﻘﻮﻟﺔ ﻟﻬﺎﻱ ﺍﻟﺪﺭﺟﺔ ﺑﺎﻉ ﺍﺧﺮ ﻗﻄﺮﺓ ﺷﺮﻑ ﺑﻮﺟﻬﻪ
ﺟﺮﻳﺖ ﻧﻔﺲ ﻋﻤﻴﻖ
ﺍﺣﻤﺪ ﺍﻟﻠﻪ ﺍﻟﻒ ﻣﺮﺓ ﻣﺎ ﺻﺎﺭﻑ ﻋﻠﻴﻪ ﺍﻭ ﻋﻠﻰ ﺑﻨﺎﺗﻪ
ﻓﻠﺲ ﺍﺣﻤﺮ ﻣﻦ ﻣﺎﻝ ﺍﻟﺤﺮﺍﻡ
ﻫﺴﺔ ﻋﺮﻓﺖ ﺭﺑﻲ ﺷﻜﺪ ﻳﺤﺒﻨﻲ ﺍﻧﻲ ﻭﺑﻨﺎﺗﻲ
ﺍﻱ ﻋﺴﻰ ﺍﻥ ﺗﻜﺮﻫﻮﺍ ﺷﻴﺌﺎً ﻭﻫﻮ ﺧﻴﺮﻟﻜﻢ
ﺟﻨﺖ ﺷﻜﺪ ﺍﺷﺘﻜﻲ ﻣﻦ ﺍﺛﻴﺮ ﻻﻧﻪ ﻣﻴﺼﺮﻑ ﻋﻠﻴﺔ
ﺍﻧﻲ ﻭﺑﻨﺎﺗﻲ ﺟﺎﻥ ﺣﻴﻞ ﺑﺨﻴﻞ ﻋﻠﻴﻨﺎ ﻭﻳﻘﻄﺮ ﻋﻠﻴﻨﺎ ﺍﻟﻤﺼﺮﻑ ﺑﻘﻄﺎﺭﺓ
ﺍﻱ ﻧﻌﻢ ﺍﻓﻀﻞ ﻧﻤﻮﺕ ﺍﻧﻲ ﻭﺑﻨﺎﺗﻲ ﻣﻦ ﺍﻟﺠﻮﻉ ﻭﻻ ﻟﻜﻤﺔ ﺍﻟﺤﺮﺍﻡ
ﺗﺪﺧﻞ ﺑﺒﻄﻦ ﺑﻨﺎﺗﻲ
.. 
ﻭﻣﺮ ﺷﻬﺮﻳﻦ ﻋﻠﻰ ﺍﺛﻴﺮ ﺑﺎﻟﺴﺠﻦ ﻳﺎﻟﻠﻪ ﺍﻧﺤﻜﻢ
ﻭﺍﻣﺠﺪ ﺣﻤﺎﻱ ﻃﻠﻌﻮﻩ ﻭﺭﺓ ﻳﻮﻣﻴﻦ ﻣﻦ ﺍﺧﺬﻭﻩ
ﻛﺜﺮﺕ ﺍﺳﺄﻟﺖ ﺑﻨﺎﺗﻲ ﻋﻦ ﺍﺑﻮﻫﻢ
ﺣﻤﺎﻱ ﺍﻣﺠﺪ ﻛﻠﻠﻬﻢ .. ﺍﺑﻮﻛﻢ ﺳﺎﻓﺮ
ﻋﺒﺮﺕ ﻋﻠﻴﻬﻢ ﻛﺬﺑﺔ ﻋﻤﻬﻢ ﻻﻥ ﺑﻨﺎﺕ ﺻﻐﺎﺭ ﻣﻴﻨﺘﺒﻬﻮﻥ
ﻋﻠﻰ ﻛﻼﻡ ﻋﻤﻬﻦ ﻭﺑﻴﺒﻴﺘﻬﻢ ﻣﻦ ﻳﺘﻨﺎﻗﺸﻮﻥ ﺑﻴﻨﻬﻢ ﺑﻤﻮﺿﻮﻉ ﺍﺛﻴﺮ
ﻭﻣﺮﺕ ﺍﻻﻳﺎﻡ ﻋﻠﻴﺔ ﻭﻋﻠﻰ ﺑﻨﺎﺗﻲ ﻭﺯﺍﺩﺕ ﻣﻌﺎﻧﺎﺗﻲ
ﻭﻳﺔ ﻋﻤﺘﻲ ﺍﺣﺲ ﺑﻴﻬﺎ ﺷﻨﺖ ﻋﻠﻴﺔ ﺍﻟﺤﺮﺏ
ﻭﻛﺎﻣﺖ ﺗﺤﺘﺎﺭ ﺷﻠﻮﻥ ﺗﺴﻮﺩ ﻋﻠﻴﺔ ﻋﻴﺸﺘﻲ ﺍﻧﻲ ﻭﺑﻨﺎﺗﻲ
ﻭﺿﺎﻛﺖ ﻋﻠﻴﺔ ﺍﻟﺤﺎﻝ ﻭﺻﺮﺕ ﺑﻌﺎﺯﺓ ﺍﻟﻔﻠﺲ
ﺧﺎﻑ ﺟﺎﻥ ﺍﺛﻴﺮ ﻳﻨﻘﻂ ﻋﻠﻴﻨﺎ ﺑﺎﻟﻤﺼﺮﻑ ﻫﺴﺔ
ﺻﺮﺕ ﺑﺤﺴﺮﺓ ﺍﻟﻔﻠﺲ
ﻭ ﻋﻤﺘﻲ ﺍﻟﻠﻪ ﻳﺤﻔﻈﻬﺎ ﺣﺘﻰ ﺍﻻﻛﻞ ﺍﻟﻲ ﻧﺎﻛﻠﻪ ﺗﺸﻮﻓﻪ ﻫﻮﺍﻱ ﻋﻠﻴﻨﺎ
ﺍﻧﻲ ﻭﺑﻨﺎﺗﻲ
ﺻﺮﺕ ﺍﻧﺎﻡ ﻭﺍﻛﻌﺪ ﻭﺍﻧﻲ ﺷﺎﻳﻠﺔ ﻫﻢ ﺑﻨﺎﺗﻲ
ﻭﺍﻓﻜﺮ ﺑﺎﻟﻌﻴﺸﺔ ﺷﻠﻮﻥ ﺍﺩﺑﺮﻫﺎ
ﺣﻤﺎﻱ ﺍﻣﺠﺪ ﻳﺸﺘﻐﻞ ﻋﻠﻰ ﻛﺪﻩ ﻭﻳﺎﺩﻭﺏ ﻣﻮﻓﺮ ﻋﻴﺸﺘﻨﺎ ﻭﺗﻌﺮﻓﻴﻦ
ﺍﻟﺪﻧﻴﺎ ﺣﺼﺎﺭ ﻫﺎﻱ ﺍﻟﺤﺠﻲ ﺡ ﺷﻬﺮ ﺍﻟﺮﺍﺑﻊ 92 ﻫﺪﻯ ﺑﻨﺘﻲ ﺗﻮﻫﺎ ﺻﺎﻳﺮ
ﻋﻤﺮﻫﺎ ﺳﻨﺔ ... ﻭﻣﺜﻞ ﻣﺎﻛﺘﻠﺞ ﺍﻣﺠﺪ ﻫﻮ ﻋﻨﺪﻩ ﻋﺎﺋﻠﺔ ﻣﺤﺘﺎﺭ ﺑﻴﻬﺎ
ﻭﺍﻧﻌﻢ ﺍﻟﻠﻪ ﻋﻠﻴﻪ ﻣﻦ ﻣﺘﻜﻔﻞ ﺑﺄﻛﻠﻨﺎ ﻭﺷﺮﺑﻨﺎ
ﺑﺲ ﻫﻲ ﺍﻟﺤﻴﺎﺓ ﻣﻮ ﺑﺲ ﺍﻛﻞ ﻭﺷﺮﺏ
ﻭﺑﺎﻟﺬﺍﺕ ﺍﻧﻲ ﺻﺎﺣﺒﺔ ﺑﻨﺎﺕ ﻭﺍﻟﻜﺒﺎﺭ ﺷﻴﻤﺎﺀ ﻭﻣﺮﻭﺓ ﻋﺪﻫﻢ ﻣﺪﺍﺭﺱ
ﻭﻳﺤﺘﺎﺟﻮﻥ ﻫﻮﺍﻱ ﺍﺷﻴﺎﺀ
ﺑﺎﻭﻋﺖ ﺑﻐﺮﻓﺘﻲ ﻋﻨﺪﻱ ﻣﻜﻴﻨﺔ ﺧﻴﺎﻃﺔ ﺟﻨﺖ ﺍﺧﻴﻂ ﺑﻴﻬﺎ ﻟﺒﻨﺎﺗﻲ
ﺩﺷﺎﺩﻳﺶ ﺍﻭ ﺑﺠﺎﻳﻢ ﻭﻣﺮﺍﺕ ﺍﺧﻴﻂ ﺑﻴﻬﺎ ﺍﻟﻤﻼﺑﺲ ﺍﻟﻤﻔﺘﻮﻛﺔ
ﻭﺍﺟﺘﻨﻲ ﺍﻟﻔﻜﺮﺓ ﺍﺧﻴﻂ ﻟﻨﺴﻮﺍﻥ ﻣﻨﻄﻘﺘﻨﺎ ﻭﻣﻦ ﻋﻬﺪﻫﺎ ﺻﺮﺕ ﺍﺧﻴﻂ
ﺑﺎﻟﺒﺪﺍﻳﺔ ﻛﻢ ﻭﺣﺪﺓ ﻭﺑﻌﺪﻳﻦ ﺍﻧﻌﺮﻓﺖ ﺑﺎﻟﻤﻨﻄﻘﺔ ﻻﻥ ﺧﻴﺎﻃﻲ ﺳﺮﻳﻊ
ﻭﺣﻠﻮ ﻣﺮﺗﺐ ﻭﺣﺘﻰ ﺗﻜﻠﻔﺔ ﺍﻟﺨﻴﺎﻃﺔ ﻗﻠﻴﻠﺔ ﺻﺤﻴﺢ ﺍﻟﻲ ﺍﺣﺼﻠﻪ ﻣﻦ
ﺍﻟﺨﻴﺎﻃﺔ ﻗﻠﻴﻞ ﺑﺲ ﺍﺣﺴﻦ ﻣﻦ ﻣﺎﻛﻮ
ﻭﺻﺮﺕ ﺍﺣﻂ ﺍﻟﻔﻠﺲ ﻋﺎﻟﻔﻠﺲ ﺣﺘﻰ ﺍﻭﻓﺮ ﻟﺒﻨﺎﺗﻲ
ﺟﻨﺖ ﻛﻠﺶ ﻓﺮﺣﺎﻧﺔ ﻻﻥ ﻛﺪﺭﺕ ﺍﻟﻜﺔ ﺑﺎﺏ ﺭﺯﻕ ﺍﻟﻲ ﻭﻟﺒﻨﺎﺗﻲ
ﺍﻣﺎ ﻋﻤﺘﻲ ﺍﻡ ﺍﺛﻴﺮ ﺑﺎﻟﻜﻮﺓ ﻗﺒﻠﺖ ﺍﺗﺨﻠﻴﻨﻲ ﺍﺧﻴﻂ ﻟﻠﻨﺴﻮﺍﻥ ﻛﻠﻤﺎ
ﺗﺸﻮﻑ ﻭﺣﺪﺓ ﺗﺠﻲ ﺗﺮﻳﺪ ﺗﺨﻴﻂ ﺗﻈﻞ ﺗﺤﺠﻲ ﻻﻥ
ﻣﺎ ﻳﺼﺮﻓﻠﻬﺎ ﺍﻟﻨﺴﻮﺍﻥ ﻳﺪﺧﻠﻮﻥ ﻭﻳﻄﻠﻌﻮﻥ ﻟﺒﻴﺘﻬﺎ
ﻟﺬﻟﻚ ﺣﻄﻴﺖ ﻣﻜﻴﻨﺔ ﺍﻟﺨﻴﺎﻃﺔ ﻓﻮﻙ ﺑﻐﺮﻓﺘﻲ ﻭﻓﺮﻏﺖ ﺯﺍﻭﻳﺔ ﺻﻐﻴﺮﺓ
ﺧﻠﻴﺘﻬﺎ ﺧﺎﺻﺔ ﻟﻠﺨﻴﺎﻃﺔ ﻭﺍﻟﻘﻤﺎﺷﺎﺕ
ﻭﺍﻟﻨﺴﻮﺍﻥ ﺍﻟﻲ ﻳﺠﻮﻥ ﻋﻠﻴﺔ ﺑﺴﺮﻋﺔ ﺍﺻﻌﺪﻫﻢ ﻓﻮﻙ ﺑﺴﻜﻮﺕ ﺍﺣﺎﻭﻝ
ﺑﻘﺪﺭ ﺍﻻﻣﻜﺎﻥ ﻣﺎ ﺍﺧﻠﻲ ﻋﻤﺘﻲ ﺗﺤﺲ ﺣﺘﻰ ﻣﺎ ﺗﺴﻮﻳﻠﻲ ﻋﺮﺱ
ﻭﺗﻈﻞ ﺗﺤﺠﻲ ﻛﺪﺍﻡ ﺍﻟﻨﺴﻮﺍﻥ ﻭﺗﻔﺸﻠﻨﻲ
... 
ﻭﺍﻟﺤﻤﺪﻟﻠﻪ ﻛﺪﺭﺕ ﻋﻦ ﻃﺮﻳﻖ ﻓﻠﻮﺱ ﺍﻟﺨﻴﺎﻃﺔ ﺍﺳﺪ ﺑﻌﺾ ﻣﻦ
ﺍﺣﺘﻴﺎﺟﺎﺗﻨﺎ
ﻭﺟﻨﺖ ﺷﺎﻳﻠﺔ ﻫﻢ ﺟﺒﻴﺮ ﻟﺒﻨﺎﺗﻲ ﺧﺎﻳﻔﺔ ﻋﻠﻴﻬﻦ ﻣﻦ ﻫﺎﻱ ﺍﻟﺪﻧﻴﺎ
ﺧﺼﻮﺻﺎً ﻫﻨﺔ ﺑﻨﺎﺕ ﻭﻣﺎ ﻋﺪﻫﻦ ﺍﺥ ﻳﻜﻮﻥ ﺍﻟﻬﻢ ﺍﻟﺴﻨﺪ
ﻟﺬﻟﻚ ﺟﻨﺖ ﻛﻠﺶ ﺣﺮﻳﺼﺔ ﻋﻠﻰ ﺩﺭﺍﺳﺘﻬﻢ
ﻭﺍﺣﺎﻭﻝ ﺍﻭﻓﺮﻟﻬﻢ ﺍﻟﻲ ﻳﺤﺘﺎﺟﻮﻧﻪ ﻣﻦ ﻣﻼﺯﻡ ﻭﺩﻓﺎﺗﺮ ﺍﻭ ﺍﻱ ﺷﻲ ﺛﺎﻧﻲ
ﻳﺨﺺ ﺍﻟﻤﺪﺭﺳﺔ
ﻭﺍﺫﺍ ﺍﺷﻮﻑ ﻋﻨﺪﻫﻢ ﺩﺭﺱ ﻳﺼﻌﺐ ﻋﻠﻴﻬﻢ ﻛﺒﻞ ﺍﻟﺒﺲ ﻋﺒﺎﺗﻲ ﻋﻠﻰ
ﺭﺍﺳﻲ ﻭﺍﺧﺬﻫﻢ ﻭﺍﺭﻭﺡ ﻟﺒﻨﺖ ﺟﻮﺍﺭﻳﻨﺎ ﺍﻟﻲ ﻣﺨﻠﺼﺔ ﺗﻌﻠﻴﻢ
ﻭﻣﺘﺨﺮﺟﺔ
ﻭﺍﻛﻌﺪ ﻳﻤﻬﺎ ﻭﺍﺧﻠﻴﻬﺎ ﺗﺸﺮﺣﻠﻬﻦ
ﺧﻄﻴﺔ ﻫﻲ ﻣﺘﻘﺒﻞ ﺗﺎﺧﺬ ﻓﻠﻮﺱ ﺍﻟﺘﺪﺭﻳﺲ ﻻﻥ ﺗﻌﺮﻑ ﺑﻴﺔ ﻭﺑﺤﺎﻟﺘﻲ
ﻣﺎﻋﻨﺪﻱ ﺍﻣﻜﺎﻧﻴﺔ ﺍﺩﻓﻌﻠﻬﺎ
ﻟﺬﻟﻚ ﺻﺮﺕ ﺍﺧﻴﻄﻠﻬﺎ ﺑﺒﻼﺵ
ﻫﺬﺍ ﻛﻠﺔ ﻳﻬﻮﻥ ﻋﻠﻴﺔ ﻣﻦ ﺍﺷﻮﻑ ﺑﻨﺎﺗﻲ ﺷﺎﻃﺮﺍﺕ ﺑﺎﻟﻤﺪﺭﺳﺔ
ﻋﻨﺪﻱ ﺷﻴﻤﺎﺀ ﻭﻣﺮﻭﺓ ﻛﻠﺶ ﺷﺎﻃﺮﺍﺕ ﺑﺎﻟﻤﺪﺭﺳﺔ
ﺍﺭﻳﺪ ﺑﻨﺎﺗﻲ ﻳﻜﺒﺮﻭﻥ ﻭﻳﺎﺧﺬﻭﻥ ﺷﻬﺎﺩﺍﺕ
ﺣﺘﻰ ﻳﻜﺪﺭﻭﻥ ﻳﻌﺘﻤﺪﻭﻥ ﻋﻠﻰ ﻧﻔﺴﻬﻢ ﺍﻱ ﺍﻟﺸﻬﺎﺩﺓ ﺑﻬﺬﺍ ﻭﻛﺘﻨﺎ ﺳﻨﺪ
ﻟﻠﺒﻨﻴﺔ ﻭﺍﻟﻠﻪ ﻣﻮ ﺑﺲ ﺑﻬﺬﺍ ﺍﻟﻮﻛﺖ ﺑﻜﻞ ﻭﻛﺖ ﺍﻟﺸﻬﺎﺩﺓ ﺳﻨﺪ ﻟﻠﺒﻨﻴﺔ
ﺗﻨﻔﻌﻬﺎ ﺧﺎﻑ ﺍﻟﻮﻛﺖ ﻳﺤﻮﺟﻬﺎ ﺍﻟﻬﺔ ﻣﺎ ﺗﻈﻞ ﺗﻨﺘﻈﺮ ﺍﻟﻨﺎﺱ ﻳﻌﻄﻔﻮﻥ
ﻋﻠﻴﻬﺎ ﻣﺎ ﺍﺭﻳﺪ ﺗﻜﻮﻥ ﺣﻴﺎﺗﻬﻢ ﻣﺜﻞ ﺣﻴﺎﺗﻲ ﺍﺭﻳﺪ ﺍﻟﻬﻢ ﺍﻻﺣﺴﻦ
ﻭﻣﺮﺕ ﺍﻻﻳﺎﻡ ﻃﻮﻳﻠﺔ
ﺍﻱ ﺍﻳﺎﻡ ﺍﻟﺘﻌﺐ ﻭﺍﻟﺼﺒﺮ ﺩﺍﺋﻤﺎً ﺗﻜﻮﻥ ﻃﻮﻳﻠﺔ
ﺟﻨﺖ ﺩﺍﺋﻤﺎ ﺍﻧﺘﻈﺮ ﺍﺳﻤﻊ ﺧﺒﺮ ﻋﻦ ﺍﺛﻴﺮ ﻭﺍﺻﺒﺮ ﺭﻭﺣﻲ ﻭﺍﻛﻮﻝ ﺑﺜﻴﻨﺔ
ﺻﺒﺮﻱ ﻭﺍﺗﺤﻤﻠﻲ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻔﺮﺟﻬﺎ ﻋﻠﻴﺞ
ﻣﻦ ﺩﺧﻞ ﺍﺛﻴﺮ ﻟﻠﺴﺠﻦ ﻟﻠﻴﻮﻡ ﻣﺎ ﺷﺎﻳﻔﺘﻪ ﻻﻥ ﺍﺛﻴﺮ ﻳﺮﻓﺾ ﻧﺮﻭﺡ
ﻧﺸﻮﻓﻪ ﺍﻧﻲ ﻭﺍﻟﺒﻨﺎﺕ ﺑﺎﻟﺴﺠﻦ
ﺑﻠﻜﻲ ﺍﻟﺴﺠﻦ ﻳﺼﻴﺮﻟﻪ ﻋﺒﺮﺓ ﻣﻦ ﺍﻟﺼﺎﺭ ﻭﻳﺘﻮﺏ ﻭﻳﺘﻐﻴﺮ ﺣﺎﻟﻪ
ﺑﻌﺪ ﻣﺪﺓ ﻭﺑﻴﻮﻡ ﻣﻦ ﺍﻻﻳﺎﻡ ﺣﻠﻮﺍ ﺍﻟﺒﻨﺎﺕ ﻣﻦ ﺍﻟﻤﺪﺭﺳﺔ
ﻭﺩﺧﻠﺖ ﻋﻠﻴﺔ ﺷﻴﻤﺎﺀ ﺗﺒﺠﻲ ﻭﺭﺍﻫﺎ ﻣﺮﻭﺓ ﻣﻀﺮﻭﺑﺔ ﻭﻗﻤﻴﺼﻬﺎ
ﺩﻛﻤﻪ ﻣﻜﻄﻌﺔ ﻭﺟﺎﻥ ﻣﻨﻈﺮﻫﻢ ﻳﺨﻮﻑ
ﺭﻛﻀﺖ ﻣﻔﺰﻭﻋﺔ .. ﻟﺞ ﻳﻤﺔ ﺷﻮﻣﺔ ﺷﺒﻴﺞ ﺗﺒﺠﻴﻦ
ﺷﻴﻤﺎﺀ .. ﻣﺎﻣﺎ ﺻﺪﻙ ﺑﺎﺑﺎ ﻣﺴﺠﻮﻥ
.. ﻣﻨﻮ ﻛﻠﺞ ﻫﺬﺍ ﺍﻟﺤﺠﻲ
ﺟﺎﻭﺑﺘﻨﻲ ﻣﺮﻭﺓ .. ﺍﻟﻴﻮﻡ ﺟﻨﺖ ﻛﺎﻋﺪﺓ ﺑﺎﻟﺼﻒ
ﻭ ﺍﻟﻤﻌﻠﻤﺔ ﻃﻠﺒﺖ ﻣﻨﻲ ﺑﺎﺑﺎ ﻳﺠﻲ ﻟﻠﻤﺪﺭﺳﺔ ﺗﺮﻳﺪ ﺗﺤﺠﻲ ﻭﻳﺎﻩ
ﻋﻠﻤﻮﺩ ﻣﺴﺘﻮﺍﻱ ﺑﺎﻟﻤﺪﺭﺳﺔ
ﻛﻠﺘﻠﻬﺎ .. ﺑﺎﺑﺎ ﻣﺴﺎﻓﺮ
ﺑﺲ ﻭﺣﺪﺓ ﻣﻦ ﺍﻟﻄﺎﻟﺒﺎﺕ ﻛﻠﺘﻠﻬﺎ
.... 
ﺳﺖ ﻣﺮﻭﺓ ﺟﺬﺍﺑﺔ ﺍﺑﻮﻫﺎ ﻣﺎ ﻣﺴﺎﻓﺮ ﺍﺑﻮﻫﺎ ﻣﺴﺠﻮﻥ
ﻻﻥ ﻫﻮ ﺣﺮﺍﻣﻲ
ﻭﺍﻧﺎ ﻛﻤﺖ ﻋﻠﻴﻬﺎ ﻭﻛﻠﺘﻬﺎ ﻻ ﺗﺠﺬﺑﻴﻦ ﺑﺎﺑﺎ ﻣﺴﺎﻓﺮ ﻭﻣﺎ ﺍﺳﻤﺤﻠﺞ
ﺗﺤﺠﻴﻦ ﻫﺸﻜﻞ ﻋﻦ ﺑﺎﺑﺎ ﺳﺎﻣﻌﺔ
ﺭﻳﻨﺎﺩ ﺿﻠﺖ ﺗﻀﺤﻚ ﻋﻠﻴﺔ ﻭﺗﻜﻮﻝ ﺍﺑﻮﻫﺎ
ﺣﺮﺍﻣﻲ ﻭﻣﺎ ﻛﺎﻋﺪﺓ ﺭﺍﺣﺔ ﻣﺎ ﺍﺗﺤﻤﻠﺖ ﺟﺮﻳﺘﻬﺎ ﻣﻦ ﺷﻌﺮﻫﺎ
ﻭﺍﺗﻌﺎﺭﻛﻨﺎ ﺍﻧﻲ ﻭﻳﺎﻫﺎ ﻭﺍﻟﻤﻌﻠﻤﺔ ﻓﻜﺘﻨﺎ ﻭﻭﺩﺗﻨﺎ ﻟﻠﻤﺪﻳﺮﺓ
ﻭﺩﺯﻭ ﻋﻠﻰ ﺷﻴﻤﺎﺀ ﺍﺧﺘﻲ ﻭﻃﻠﺒﻮﺍ ﺑﺎﺟﺮ ﻣﺎ ﺍﺩﺍﻭﻡ ﺍﺫﺍ ﻣﻴﺠﻲ ﻭﻟﻲ
ﺍﻣﺮﻱ
ﻇﻠﻴﺖ ﻭﺍﻛﻔﺔ ﻛﺪﺍﻣﻬﻢ ﻣﺼﻔﺼﺔ ﺍﺑﺎﻭﻉ ﺑﻮﺟﻬﻢ ﻻ ﺣﻮﻝ ﻭﻻﻗﻮﺓ
ﻣﺎ ﺍﻋﺮﻑ ﺷﺠﺎﻭﺑﻬﺎ
ﺷﻴﻤﺎﺀ ﺑﻘﻬﺮ .. ﻣﺎﻣﺎ ﺟﺎﻭﺑﻴﻨﻲ ﺻﺪﻙ ﺑﺎﺑﺎ ﺑﺎﻟﺴﺠﻦ
ﺩﻧﻜﺖ ﺭﺍﺳﻲ ﻭﺣﺠﻴﺖ ﺑﺼﻮﺕ ﻭﺍﻫﻦ
.. ﺍﻱ ﻣﺎﻣﺎ ﺍﺑﻮﻛﻢ ﺻﺤﻴﺢ ﻣﺴﺠﻮﻥ ﺑﺘﻬﻤﺔ ﺗﺰﻭﻳﺮ ﺍﻻﻣﻮﺍﻝ
ﻭﺳﻜﺘﺖ ﻣﻜﺪﺭﺕ ﺍﻛﻤﻞ
ﻣﺮﺍﺕ ﺍﻟﺤﻴﺎﺓ ﺗﺤﻄﻨﺎ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ﻭﺗﻔﺮﺽ
ﻋﻠﻴﻨﺎ ﺍﻟﻤﻮﺍﺟﻬﺔ
ﺷﻜﺪ ﺟﻨﺖ ﺍﺗﻤﻨﻰ ﺍﺟﻨﺐ ﺑﻨﺎﺗﻲ ﻫﺬﺍ ﺍﻟﻤﻮﻗﻒ ﺍﻟﺼﻌﺐ
ﺑﺲ ﺷﻜﻞ ﻣﻮﺿﻮﻉ ﺍﺑﻮﻫﻢ ﻣﻴﺘﺤﻤﻞ ﻳﺒﻘﻰ ﺳﺮ ﺍﻛﺜﺮ ﻣﻦ ﻫﻴﺞ
ﻭﺻﺎﺭ ﻻﺯﻡ ﺍﻟﺒﻨﺎﺕ ﻳﻌﺮﻓﻮﻥ ﺣﻘﻴﻘﺔ ﺍﺑﻮﻫﻢ
ﺷﻔﺖ ﻧﻈﺮﺓ ﺍﻟﺼﺪﻣﺔ ﺍﻧﺮﺳﻤﺖ ﻋﻠﻰ ﻭﺟﻮﻫﻦ
ﻭ ﻣﺮﻭﺓ ﻓﺘﺤﺖ ﺣﻠﻜﻬﺎ ﺗﺮﻳﺪ ﺗﺤﺠﻲ
ﺑﺲ ﺍﻧﻲ ﺳﺒﻘﺘﻬﺎ
ﺍﻧﻲ ﻛﺄﻡ ﻳﻔﺮﺽ ﻋﻠﻴﺔ ﺍﻛﻮﻥ ﺻﺎﺭﻣﺔ ﻭﻳﺎﻫﻢ ﺑﻬﻴﺞ ﻣﻮﻗﻒ ﻭﻣﺎ
ﺍﻧﻄﻴﺘﻬﻢ ﻣﺠﺎﻝ ﻳﺤﺠﻮﻥ ﻏﻴﺮﺕ ﺍﻟﻤﻮﺿﻮﻉ ﺑﺴﺮﻋﺔ
ﻭﻋﻘﺪﺕ ﺣﻮﺍﺟﺒﻲ ﺑﻮﺟﻬﻢ
.. ﻳﺎﻟﻠﻪ ﻻ ﺗﻜﻌﺪﻭﻥ ﺗﻨﺼﺒﻮﻟﻲ ﻣﻨﺎﺣﺔ
ﻭﺣﺠﻴﺖ ﺑﻜﻞ ﺟﺪﻳﺔ ﻭﺍﻧﻲ ﻣﺨﻨﺰﺭﺓ ﺑﻮﺟﻬﻢ
ﻭﺍﻧﺘﻲ ﺗﻌﺎﻱ ﺳﺖ ﻣﺮﻭﺓ ﺑﺎﻟﻠﻪ ﺍﺣﺠﻴﻠﻲ ﻟﻴﺶ ﺍﻟﻤﻌﻠﻤﺔ ﻃﻠﺒﺖ
ﺗﺸﻮﻑ ﻭﻟﻲ ﺍﻣﺮﺝ
ﺩﻧﻜﺖ ﻣﺮﻭﺓ ﻭﺣﺠﺖ ﺑﺨﺬﻻﻥ
.. ﻻﻥ ﺍﺗﻌﺎﺭﻛﺖ ﻭﻳﺔ ﺭﻳﻨﺎﺩ
.. ﻻ ﺍﻧﻲ ﻣﺎ ﺍﻗﺼﺪ ﻋﺎﻟﻌﺮﻛﺔ ﺍﻧﺘﻲ ﻛﻠﺘﻲ ﺍﻟﻤﻌﻠﻤﺔ ﻃﻠﺒﺖ ﻣﻨﻲ ﺍﺟﻴﺐ
ﻭﻟﻲ ﺍﻣﺮﻱ ﺗﺮﻳﺪ ﺗﺤﺠﻲ ﻭﻳﺎﻩ ﺑﺎﻟﻠﻪ ﻋﻠﻰ ﺷﻨﻮ ﻃﻠﺒﺖ ﻭﻟﻲ
ﺟﺎﻭﺑﺘﻨﻲ ﺷﻴﻤﺎﺀ .. ﻣﺎﻣﺎ ﺍﻟﻤﻌﻠﻤﺔ ﺍﻛﺪﺕ ﻋﻠﻰ ﻗﺪﻭﻡ ﻭﻟﻲ ﺍﻣﺮ ﻣﺮﻭﺓ
ﻻﻧﻬﺎ ﻛﻠﺶ ﺷﺎﻃﺮﺓ ﻭﺻﺎﺭﻭﺍ ﺍﻟﻤﻌﻠﻤﺎﺕ ﻳﺎﺧﺬﻭﻧﻬﺎ ﻟﻠﺼﻔﻮﻑ
ﺍﻟﻤﺘﻘﺪﻣﺔ ﺣﺴﺐ ﻛﻼﻡ ﺍﻟﻤﻌﻠﻤﺔ ﺗﻜﻮﻝ ﺍﺧﺘﺞ ﻧﺴﺒﺔ ﺫﻛﺎﻫﺎ ﻳﻔﻮﻕ
ﻋﻤﺮﻫﺎ ﺣﺮﻣﺎﺕ ﻳﻨﻬﺪﺭ ﻫﻴﺞ ﻧﻤﻮﺫﺝ
... 
ﺷﻜﺪ ﺍﻧﻘﻬﺮﺕ ﻣﻦ ﻣﻮﻗﻒ ﺍﺑﻮﻫﻦ ﺑﺲ ﻳﺎﻓﺮﺣﺘﻲ ﻣﻦ ﺳﻤﻌﺖ
ﺑﻤﺮﻭﺓ ﺑﻨﺘﻲ ﻣﺘﻔﻮﻗﺔ ﺑﺪﺭﺍﺳﺘﻬﺎ ﻳﻌﻨﻲ ﺻﺪﻙ ﺭﺑﻲ ﻳﺎﺧﺬ ﺷﻲ ﻭﻳﻨﻄﻲ
ﺷﻲ ﺛﺎﻧﻲ ﻭﺭﺣﺖ ﻳﻮﻡ ﺛﺎﻧﻲ ﻟﻠﻤﻌﻠﻤﺔ ﻛﺎﻟﺖ ﺑﻨﺘﺞ ﺗﻜﺪﺭ ﺗﻌﺒﺮ ﻣﺮﺍﺣﻞ
ﻳﻌﻨﻲ ﺗﻌﺒﺮ ﺻﻒ ﻭﺗﺪﺭﺱ ﺑﺎﻟﻌﻄﻠﺔ ﻭﺗﻤﺘﺤﻦ
ﻭﺻﺪﻙ ﻗﺪﻣﺖ ﻟﻤﺮﻭﺓ ﻋﻠﻰ ﺍﻟﺘﺮﺑﻴﺔ ﻋﻠﻤﻮﺩ ﻳﺸﻤﻠﻬﺎ ﻗﺮﺍﺭ ﺍﻟﻌﺒﻮﺭ
ﻭﻣﺮﺕ ﻋﻠﻴﺔ ﺍﺭﺑﻊ ﺳﻨﻴﻦ ﺷﻔﺖ ﺑﻴﻬﻢ ﺍﻟﻮﻳﻞ ﻭﺻﺎﺩﻑ ﻭﻗﺖ ﺣﺼﺎﺭ
ﻭﺣﺼﺮﺓ ﻋﺎﻟﻨﺎﺱ ﺍﻟﻠﻜﻤﺔ ﻭﺑﻌﺪﻣﺎ ﺍﻳﺴﺖ ﻣﻦ ﺧﺮﻭﺝ ﺍﺛﻴﺮ ﻣﻦ
ﺍﻟﺴﺠﻦ ﻻﻥ ﻃﺎﻟﺖ ﺍﻟﻤﺪﺓ ﻭﺟﺎﻥ ﻳﺠﻲ ﺍﻟﻴﻮﻡ ﺍﻟﻲ ﻳﺼﺪﻭﺭﻥ ﺑﻲ ﻗﺮﺍﺭ
ﺍﻻﻓﺮﺍﺝ ﻋﻦ ﺍﻟﺴﺠﻨﺎﺀ
ﺟﺎﻧﺖ ﻓﺮﺣﺘﻲ ﻣﺎ ﺳﺎﻳﻌﺘﻨﻲ ﻣﻤﺼﺪﻛﺔ ﺍﺛﻴﺮ ﻃﻠﻊ ﻣﻦ ﺍﻟﺴﺠﻦ
ﻛﻠﺖ ﺭﺍﺡ ﻳﺠﻲ ﻳﺴﺎﻋﺪﻧﻲ ﻭﺍﺭﺗﺎﺡ ﻣﻦ ﻧﻜﺔ ﻋﻤﺘﻲ
ﺟﻨﺖ ﻣﺘﺄﻣﻠﺔ ﺍﻥ ﻳﻜﻮﻥ ﺍﻟﺴﺠﻦ ﻏﻴﺮ ﻣﻦ ﺍﺛﻴﺮ ﻭﺍﺗﻌﺾ ﻣﻦ ﺍﻟﻤﺎﺿﻲ
ﻭﻓﻌﻼً ﺍﻟﺴﺠﻦ ﻛﺪﺭ ﻳﻐﻴﺮ ﺍﺛﻴﺮ ﻭﺍﻃﺒﺎﻋﻪ ﻟﻜﻦ ﻣﻊ ﺍﻻﺳﻒ ﺗﻐﻴﺮ ﻧﺤﻮ
ﺍﻻﺳﻮﺀ ﺍﺧﺎﻑ ﺟﺎﻥ ﺑﺲ ﻳﺸﺮﺏ ﻭﻧﺴﻮﺍﻥ ﻫﺴﺔ
ﺻﺎﻳﺮ ﺿﺮﺏ ﻭﺻﻴﺎﺡ ﻭﺧﺎﻧﻜﻨﻲ ﺍﻧﻲ ﻭﺑﻨﺎﺗﻲ ﻭﺣﺼﺮﺓ ﻋﻠﻴﻨﺎ ﺍﻟﻄﻠﻌﺔ
ﻭﺻﺎﺭ ﺑﺨﻴﻞ ﺍﻛﺜﺮ ﻣﻦ ﻗﺒﻞ
ﻭﻓﻮﻙ ﻫﺬﺍ ﻛﻠﻪ ﻋﻤﺘﻲ ﺗﻮﺯﻩ ﻋﻠﻴﺔ ﻋﻠﻤﻮﺩ ﺧﻠﻔﺔ ﺍﻟﻮﻟﺪ
ﻭﻫﻮ ﺑﺮﻭﺣﺔ ﻣﺎ ﻋﺎﻳﺶ ﻳﺮﺩﻧﻲ ﺍﺧﻠﻔﻠﻪ ﻭﻟﺪ
ﺍﻛﻞ ﺭﺍﺳﻲ ﺣﺘﻰ ﺍﺣﻤﻞ
ﻭﻣﺮﺕ ﺍﻻﻳﺎﻡ ﻭﺍﺛﻴﺮ ﻛﺜﺮﺓ ﻣﺸﺎﻛﻠﻪ ﺑﺎﻟﻤﻨﻄﻘﺔ ﻭﺻﺎﺭ ﻛﻞ ﻳﻮﻡ ﻳﺘﻌﺎﺭﻙ
ﻭﻳﺔ ﻭﺍﺣﺪ ﻣﻦ ﺍﻟﻤﻨﻄﻘﺔ
ﻭﺍﻟﻠﻪ ﻭﺑﻴﻮﻡ ﻣﻦ ﺍﻻﻳﺎﻡ ﺟﺎﻥ ﻣﺘﻌﺎﺭﻙ ﺑﺎﻟﻤﻨﻄﻘﺔ ﻭﺗﺒﻴﻦ ﺳﺒﺐ ﺍﻟﻌﺮﻛﺔ
ﻭﺍﺣﺪ ﻣﻦ ﺍﻫﻞ ﺍﻟﻤﻨﻄﻘﺔ ﻣﻌﻴﺮ ﺍﺛﻴﺮ ﺑﺴﺎﻟﻔﺔ ﺍﻟﺘﺰﻭﻳﺮ
ﻭﻋﻤﺘﻲ ﻣﻦ ﻳﻮﻣﻬﺎ ﻛﺎﻟﺖ ﺗﻨﺘﻘﻠﻮﻥ ﻟﺒﻴﺖ ﻋﻠﻲ ﺣﻤﺎﻱ ﻭﻫﺸﻜﻞ ﺭﺍﺡ
ﻳﺒﺘﻌﺪ ﻋﻦ ﺍﻟﻤﺸﺎﻛﻞ
ﻭﺍﻧﺘﻘﻠﻨﺎ ﻟﻬﺬﺍ ﺍﻟﺒﻴﺖ ﻭﺍﻟﺤﻤﺪﻟﻠﻪ ﺍﺭﺗﺎﺣﻴﺖ ﻣﻦ ﻋﻤﺘﻲ ﺑﺲ ﺍﻟﺮﺍﺣﺔ
ﺷﻜﻠﻬﺎ ﻣﺎﻣﻜﺘﻮﺑﺘﻠﻲ ﺍﻟﻌﻴﺸﺔ ﺻﺎﺭﺕ ﺍﺻﻌﺐ ﻣﻦ ﻗﺒﻞ
ﺍﻡ ﻓﺮﺯﺩﻕ .. ﻟﻴﺶ ﻳﻤﺔ ﺻﺎﺭﺕ ﺍﺻﻌﺐ ﻣﻦ ﻗﺒﻞ
.. ﺧﺎﻟﺔ ﺍﻛﺘﺸﻔﺖ ﻋﻴﺸﺘﻲ ﻋﻨﺪ ﺑﻴﺖ ﻋﻴﺎﻟﻲ ﺍﺣﺴﻦ ﺑﻬﻮﺍﻱ
ﻻﻥ ﻫﻨﺎﻙ ﺍﻟﻤﺼﺮﻑ ﺧﻔﻴﻒ ﻋﻠﻴﺔ ﻳﻌﻨﻲ ﺍﻻﻛﻞ ﻭﺍﻟﺸﺮﺏ ﻛﻠﺔ ﻭﻳﺔ ﺑﻴﺖ
ﻋﻴﺎﻟﻲ ﻭﺑﻌﺪ ﺍﻻﻧﺘﻘﺎﻝ ﺻﺎﺭ ﺍﻟﻤﺼﺮﻑ ﻫﻮﺍﻱ
ﻟﺬﻟﻚ ﺍﺿﻄﺮﻳﺖ ﺍﺷﺘﻐﻞ ﻋﻨﺪ ﺑﻴﺖ ﺍﻟﻤﺨﺘﺎﺭ
ﺍﻡ ﻓﺮﺯﺩﻕ .. ﻭﺍﻟﻠﻪ ﻳﺎ ﺧﺎﻟﺔ ﺍﻟﻠﻪ ﻳﺴﺎﻋﺪﺝ ﻭﻳﻌﻴﻨﺞ ﻋﻠﻰ ﻣﺎ ﺑﻼﺝ
... 

ﺑﺲ ﻟﺘﺰﻋﻠﻴﻦ ﻣﻨﻲ ﺍﺫﺍ ﻛﻠﺖ ﻫﺎﻱ ﺣﻮﺑﺖ ﺍﺑﻨﻲ ﻓﺮﺯﺩﻕ ﺑﻴﺞ
ﺷﻜﺪ ﻛﺘﻞ ﺭﻭﺣﻪ ﻋﻠﻴﺞ ﻭﻛﻢ ﻣﺮﺓ ﺍﺗﻘﺪﻣﻠﺞ ﻭﺍﻧﺘﻲ ﺗﺮﻓﻀﻴﻨﻪ
ﺩﻧﻜﺖ ﺑﻘﻬﺮ .. ﺧﺎﻟﺔ ﺑﻌﺪ ﻣﺎ ﻳﻔﻴﺪ ﺍﻟﻌﺘﺎﺏ ﻭﻟﻮ ﻫﻮ ﺍﻟﻤﻮﺿﻮﻉ ﺭﺍﺡ
ﻭﻛﻠﻤﻦ ﻣﺸﻰ ﺑﻄﺮﻳﻘﻪ ﻭﺷﺎﻑ ﺣﻴﺎﺗﻪ
ﺑﺲ ﺻﺪﻛﻲ ﻭﺍﻣﻨﻲ ﺑﺎﻟﻠﻪ ﺍﻧﻲ ﺭﻓﻀﺘﻜﻢ ﻏﺼﺐ ﻋﻨﻲ
ﺍﺑﻮﻱ ﻏﺼﺒﻨﻲ ﻋﺎﻟﺰﻭﺍﺝ
ﻣﻦ ﺍﺛﻴﺮ ﻭﺍﻟﻠﻪ ﻳﺮﺣﻤﻪ ﻫﺪﺩﻧﻲ ﺍﺫﺍ ﻣﺎ ﺍﺗﺰﻭﺝ ﺍﺑﻦ ﺻﺎﺣﺒﻪ ﻳﺬﺑﺤﻨﻲ
ﻭﻳﺬﺑﺢ ﻓﺮﺯﺩﻕ
ﺍﻡ ﻓﺮﺯﺩﻕ .. ﺣﺮﺍﻣﺎﺕ ﻭﺍﻟﻠﻪ ﺗﻌﺎﻱ ﺷﻮﻓﻲ ﻫﺴﺔ ﻓﺮﺯﺩﻕ ﺷﻠﻮﻥ ﺍﻟﻠﻪ
ﺭﺯﻗﻪ ﻭﻓﺘﺤﻬﺎ ﻋﻠﻴﻪ ﻣﻦ ﻭﺳﻌﻪ ﻭﺻﺎﺭ ﻋﻨﺪﻩ ﺧﻴﺮ ﻣﻦ ﺍﻟﻠﻪ
ﻭﻣﻌﻴﺶ ﻣﺮﺗﻪ ﻭﺟﻬﺎﻟﻪ ﺑﻨﻌﻴﻢ ﻭﻓﻮﻙ ﻫﺬﺍ ﻛﻠﻪ ﻟﻮ ﺗﺸﻮﻓﻴﻦ ﻣﺮﺗﻪ
ﺟﻨﻬﺎ ﻋﺮﻳﻒ ﺷﺮﻃﺔ ﺗﺨﺮﻉ ﻭﺷﺎﻳﻠﺔ ﺧﺒﺎﺛﺔ ﻣﺎ ﺷﺎﻳﻠﻬﺎ ﺍﺣﺪ
ﻫﺴﺔ ﻟﻮ ﺍﻧﺘﻲ ﺟﻨﺘﻲ ﻭﻣﺘﺰﻭﺟﺔ ﻓﺮﺯﺩﻕ ﺟﺎﻥ ﻫﺴﺔ
ﺍﻧﻲ ﻭﻳﺎﺝ ﻛﺎﻋﺪﺍﺕ ﻧﺘﺴﺎﻣﺮ ﺑﺲ ﻳﺎﻟﻠﻪ ﻛﻠﺸﻲ ﺑﺎﻟﻘﺴﻤﺔ ﻭﺍﻟﻨﺼﻴﺐ
ﻣﺎ ﻣﻘﺴﻮﻣﻠﻨﺎ ﺗﺼﻴﺮﻳﻦ ﻣﻦ ﻧﺼﻴﺒﻨﺎ
.. ﺍﻱ ﻭﺍﻟﻠﻪ ﺧﺎﻟﺔ ﻛﻮﻟﻲ ﻣﺎﻣﻘﺴﻮﻣﻠﻲ ﺍﺭﺗﺎﺡ ﺑﺤﻴﺎﺗﻲ ﻣﻜﺘﻮﺑﺘﻠﻲ ﺷﻠﺔ
ﺍﻟﺤﺎﻝ
ﺭﺑﻲ ﻳﻬﻨﻲ ﻟﻔﺮﺯﺩﻕ ﻭﻳﺮﻓﻊ ﺷﺄﻧﻪ ﻭﻳﻌﻠﻲ ﻣﺮﺍﺗﺒﻪ ﻓﺮﺯﺩﻕ ﺍﻧﺴﺎﻥ ﻃﻴﺐ
ﻭﺍﻟﻨﻌﻢ ﻣﻨﻪ
.. ﺍﻣﻴﻦ
ﺍﻡ ﻓﺮﺯﺩﻕ ﺑﺎﻭﻋﺖ ﻟﻠﺴﺎﻋﺔ
.. ﻋﺰﺯﺓ ﻫﺎﻱ ﺷﻨﻮ ﺍﻟﻮﻛﺖ ﻳﺮﻛﺾ ﺍﺭﻛﺎﺽ
ﻣﺎﺣﺴﻴﺖ ﻋﻠﻴﻪ ﺷﻮﻑ ﻫﺴﺔ ﺍﻟﻜﺔ ﺍﻟﻮﻟﺪ ﻣﺨﺒﻮﺻﻴﻦ ﻻﻥ ﻛﻠﺘﻠﻬﻢ ﺍﻧﺎ
ﺭﺍﻳﺤﺔ ﻟﺒﻴﺖ ﺍﺑﻦ ﻋﻢ ﻓﺮﺯﺩﻕ ﺑﻴﺖ ﺍﺑﻮ ﻗﺎﺳﻢ
ﻫﻨﺎ ﻳﻤﻨﺎ ﺑﺎﻟﻤﻨﻄﻘﺔ ﻛﻠﺖ ﺍﺭﻭﺡ ﻟﻤﺮﺗﻪ ﺍﺗﺤﻤﺪﻟﻬﺎ ﺍﻟﺴﻼﻣﺔ ﺻﺎﺭﺕ
ﻋﻨﺪﻫﺎ ﺑﻨﻴﺔ
ﺧﻄﻴﺔ ﻫﺎﻱ ﺍﻡ ﻗﺎﺳﻢ ﻗﺼﺘﻬﺎﻫﻢ ﻣﺜﻞ ﻗﺼﺘﺞ ﺧﻠﻔﺘﻬﺎ ﻛﻠﻪ ﺑﻨﺎﺕ
ﺑﺤﻴﺚ ﺻﺎﺭﻭﺍ ﻋﺪﻫﺎ ﺍﺭﺑﻊ ﺑﻨﺎﺕ ﻳﺎﻟﻠﻪ ﺻﺎﺭ ﻋﻨﺪﻫﺎ ﻗﺎﺳﻢ
ﻭﺑﻌﺪ ﻭﻻﺩﺓ ﻗﺎﺳﻢ ﺣﺒﻠﺖ ﻭﺟﺎﺑﺖ ﺑﻨﻴﺔ ﻭﺑﻌﺪﻫﺎ ﺑﻜﻢ ﺳﻨﺔ ﻫﻢ
ﺭﺟﻌﺖ ﻣﺮﺓ ﻟﺦ ﺣﺒﻠﺖ ﻭﻫﺴﺔ ﺟﺎﺑﺖ ﺍﻟﺒﻨﻴﺔ ﺍﻟﺴﺎﺩﺳﺔ
ﻭﺍﻧﻲ ﺭﺍﻳﺤﺔ ﺍﺗﺒﺎﺭﻛﻠﻬﺎ
.. ﺍﺑﻨﻬﺎ ﺷﻜﺪ ﻋﻤﺮﻩ
.. ﻋﻤﺮﻩ ١٣ﺳﻨﺔ ﺑﺲ ﺧﻄﻴﺔ ﺍﻣﻪ ﺷﻜﺪ ﺟﺎﻧﺖ ﺗﺘﻌﺸﻢ ﺗﺠﻴﺐ ﺍﺥ
ﻟﻘﺎﺳﻢ ﺑﺲ ﻣﺎﻛﻮ ﺭﺑﺞ ﻣﻜﺎﺗﺒﻠﻬﺎ
.. ﻳﺎﺧﻄﻴﺔ ﻳﺎﻟﻠﻪ ﺍﻟﺤﻤﺪﻟﻠﻪ ﻋﻠﻰ ﺍﻻﻗﻞ ﺻﺎﺭ ﻋﻨﺪﻫﺎ ﻭﻟﺪ
.. ﺍﻱ ﻋﻔﻴﺔ ﺑﺲ ﻫﻮ ﺷﻠﻮﻥ ﻭﻟﺪ ﺍﻟﻜﺎﻉ ﺗﺼﻴﺢ ﻣﻨﻪ ﺍﻟﻐﻮﺙ ﻣﻦ
ﻭﻛﺎﺣﺘﻪ ﻭﺷﻴﻄﻨﺘﻪ ﻣﺎ ﻇﺎﻝ ﻭﺍﺣﺪ ﺑﺎﻟﻤﻨﻄﻘﺔ
ﻣﺎ ﻣﺘﻌﺎﺭﻙ ﻭﻳﺎﻩ ﺧﻄﻴﺔ ﺍﺑﻮﻩ ﻭﺍﻣﻪ ﻳﺴﺘﺤﻮﻥ ﻣﻦ ﺍﻟﻨﺎﺱ ﻣﻦ ﻳﺠﻮﻥ
ﻳﺸﺘﻜﻮﻥ ﻋﻠﻴﻪ ﻓﺎﻧﺘﻲ ﺩﻳﺮﻱ ﺑﺎﻟﺞ ﻧﺒﻬﻲ ﺑﻨﺎﺗﺞ
ﻣﻦ ﻳﻄﻠﻌﻮﻥ ﺑﺎﻟﻤﻨﻄﻘﺔ ﺧﻠﻲ ﻳﺎﺧﺬﻭﻥ ﺧﺬﺭﻫﻢ ﻣﻦ ﻋﻨﺪﻩ
ﺧﺎﻑ ﻳﻀﺮﺑﻬﻢ
.. ﻳﻤﺔ ﺍﺳﻢ ﺍﻟﻠﻪ ﻋﻠﻰ ﺑﻨﺎﺗﻲ ﺷﺤﺪﻩ ﻳﻮﺻﻠﻠﻬﻢ
.. ﻫﻮ ﻣﺎﺧﺬ ﺍﻟﻨﺎﺱ ﻓﻼﺣﺔ ﻣﻼﺟﺔ ﻋﻠﻰ ﺍﺑﻮ ﻫﻮ ﻭﺣﻴﺪ ﺍﻫﻠﻪ
ﻭﺟﺎﻱ ﻋﻠﻰ ﺣﺸﻒ ﻭﻧﺸﻒ ﻓﺘﺸﻮﻓﻴﻨﺔ ﻛﺎﻟﺐ ﺍﻟﺪﻧﻴﺎ ﻭﺍﻫﻠﻪ ﻣﺪﻟﻠﻴﻨﻪ
ﻳﺎﻟﻠﻪ ﺧﺎﻟﺔ ﺷﻮﻑ ﺷﻠﻮﻥ ﺍﺧﺬﺗﻨﺎ ﺍﻟﺴﻮﺍﻟﻒ ﺧﻠﻲ ﺍﺭﻭﺡ
ﻣﻮ ﺗﻨﺴﻴﻦ ﺍﺷﻮﻑ ﻳﻮﻡ ﺍﻣﺮ ﻋﻠﻴﺞ ﺍﺧﺬﺝ ﻟﻠﻤﺴﺘﻮﺻﻒ ﺗﺮﺍﺟﻌﻴﻦ
.. ﺍﻥ ﺷﺎﺀ ﺍﻟﻠﻪ ﺧﺎﻟﺔ
....
ﻣﺮﺕ ﺍﻻﻳﺎﻡ ﻭﺧﻠﺼﻮ ﺍﻟﺒﻨﺎﺕ ﺍﻣﺘﺤﺎﻧﺎﺕ ﺍﺧﻴﺮ ﺍﻟﺴﻨﺔ
ﻭﺷﻴﻤﺎﺀ ﺍﻣﺘﺤﻨﺖ ﺛﺎﻟﺚ ﻣﺘﻮﺳﻂ ﺑﻜﻠﻮﺭﻳﺎ ﻭﺧﻠﺼﺖ
ﺷﻴﻤﺎﺀ .. ﻣﺎﻣﺎ ﻣﻨﺎ ﻭﺭﺍﻳﺢ ﺍﻧﻲ ﺍﺭﻭﺡ ﺑﻤﻜﺎﻧﺞ ﺍﺳﺎﻋﺪ ﺍﻡ ﺭﺍﺋﺪ ﺑﺸﻐﻞ
ﺍﻟﺒﻴﺖ ﺑﻌﺪ ﺍﻣﺘﺤﺎﻧﺎﺕ ﻭﺧﻠﺼﻨﺎ ﻭﻋﻨﺪﻱ ﻋﻄﻠﺔ ﻭﺍﻧﺘﻲ ﺍﻟﺤﻤﻞ ﻣﺘﻌﺒﺞ
.. ﻭﺍﻟﻠﻪ ﻳﺎﻣﺎﻣﺎ ﺍﻟﻠﻪ ﻳﺒﺎﺭﻙ ﺑﻴﺞ ﺑﺲ ﻣﺎ ﺍﺭﻳﺪ ﺍﺗﻌﺒﺞ ﺑﻌﺪﺝ ﺻﻐﻴﺮﺓ
ﻻﺣﻜﺔ ﻋﺎﻟﺘﻌﺐ
.. ﻣﻴﺨﺎﻟﻒ ﻣﺎﻣﺎ ﻋﻮﺩ ﻣﻦ ﺗﻮﻟﺪﻳﻦ ﻭﺗﻜﻮﻣﻴﻦ ﻋﻠﻰ ﺣﻴﻠﺞ
ﺭﺟﻌﻲ ﺍﺳﺘﻠﻤﻲ ﺍﻟﺸﻐﻞ ﻣﻦ ﺟﺪﻳﺪ
ﺑﺎﻭﻋﺖ ﻋﻠﻴﻬﺎ ﻭﺻﺪﻙ ﻛﻼﻣﻬﺎ ﺍﻻﻻﻡ ﺯﺍﺩﺕ
ﻋﻨﺪﻱ ﻫﺎﻱ ﺍﻻﻳﺎﻡ .
ﺷﻴﻤﺎﺀ
ﺍﻣﻲ ﻭﺿﻌﻬﺎ ﻫﺎﻱ ﺍﻻﻳﺎﻡ ﻣﻌﺎﺟﺒﻨﻲ ﺻﺤﺘﻬﺎ ﺻﺎﺭﺕ ﺑﺎﻟﻨﺎﺯﻝ
ﺍﺣﺎﻭﻝ ﺍﺳﺎﻋﺪﻫﺎ ﻭﻟﻮ ﺑﺸﻲ ﺑﺴﻴﻂ ﺧﻄﻴﺔ ﻫﻲ ﻫﻮﺍﻱ ﺗﻌﺒﺖ ﺑﺤﻴﺎﺗﻬﺎ
ﻋﻠﻤﻮﺩ ﺗﻌﻴﺸﻨﺎ ﺍﻧﻲ ﻭﺧﻮﺍﺗﻲ
ﺻﺮﺕ ﻛﻞ ﻳﻮﻡ ﺍﺭﻭﺡ ﻟﺒﻴﺖ ﺍﻡ ﺭﺍﺋﺪ ﺍﺳﺎﻋﺪﻫﺎ ﺑﺸﻐﻞ ﺍﻟﺒﻴﺖ
ﺑﺎﻟﺤﻘﻴﻘﺔ ﺍﻡ ﺭﺍﺋﺪ ﻣﺘﺴﻮﻱ ﺍﻱ ﺷﻲ ﺣﺘﻰ ﺍﻟﻄﺒﺦ ﻋﺎﻓﺘﻪ ﻋﻠﻴﺔ
ﺧﻄﻴﺔ ﺍﻣﻲ ﻣﻌﻠﻤﺘﻨﻲ ﻋﻠﻰ ﻛﻠﺸﻲ ﺗﻨﻈﻴﻒ ﻃﺒﺦ ﺣﺘﻰ ﺣﻠﻮﻳﺎﺕ
ﻋﻠﻤﺘﻨﻲ ﺍﺳﻮﻱ
ﻭﺍﻡ ﺭﺍﺋﺪ ﻣﺮﺗﺎﺣﺔ ﻟﺸﻐﻠﻲ
ﺣﺎﻭﻟﺖ ﺑﻘﺪﺭ ﺍﻻﻣﻜﺎﻥ ﻣﺎ ﺍﺧﻠﻴﻬﺎ ﺗﺸﺘﻜﻲ ﻣﻦ ﺷﻐﻠﻲ ﺍﻭ ﺗﺸﻮﻑ
ﻋﻠﻴﺔ ﺗﻘﺼﻴﺮ ﺣﺘﻰ ﻣﺎ ﺗﻀﻐﻂ ﻋﻠﻰ ﺍﻣﻲ ﻭﺗﺮﺟﻊ ﺗﺸﺘﻐﻞ ﻋﻨﺪﻫﺎ
ﻛﻠﺸﻲ ﺗﻤﺎﻡ ﺑﺒﻴﺖ ﺍﻡ ﺭﺍﺋﺪ ﺑﺲ ﻫﺎﻱ ﺍﻻﻳﺎﻡ
ﺍﺑﻮ ﺭﺍﺋﺪ ﻧﻈﺮﺍﺗﻪ ﺻﺎﻳﺮﺓ ﻣﻮ ﺭﺍﺣﺔ ﺑﺎﺗﺠﺎﻫﻲ
ﻛﻠﻤﺎ ﺍﺩﻭﺭ ﻭﺟﻬﻲ ﺍﻟﻜﺎﻩ ﻳﺮﺍﻗﺒﻨﻲ ﻭﻳﺒﺎﻭﻉ ﻋﻠﻴﺔ ﻣﻦ ﺟﻮﺓ ﻟﺠﻮﺓ ﺑﺲ
ﺍﻧﻲ ﺍﺳﻮﻱ ﻧﻔﺴﻲ ﻏﺒﻴﺔ ﻭﻣﻨﺘﺒﻬﺖ ﻋﻠﻴﻪ
ﺑﺎﻻﻭﻝ ﻓﻀﻠﺖ ﺍﺳﻜﺖ ﺑﺲ ﻣﺎ ﺍﻋﺮﻑ ﺷﺠﺎﻩ ﺻﺎﺭ ﻳﻮﻡ ﻋﻦ ﻳﻮﻡ
ﻳﻘﺘﺮﺏ ﻣﻨﻲ
ﻭﻳﺤﺎﻭﻝ ﻳﺴﺘﻐﻞ ﺍﻱ ﻓﺮﺻﺔ ﺣﺘﻰ ﻳﻠﻤﺤﻠﻲ ﻭﻳﺘﺤﺎﺭﺵ ﺑﻨﻈﺮﺍﺗﻪ ﺍﻭ
ﺑﺎﻟﻜﻼﻡ ﺟﻨﺖ ﻛﻠﺶ ﺍﺗﻀﺎﻳﻖ ﻣﻨﻪ ﻭﺻﺮﺕ ﺍﺗﻌﺎﻣﻞ ﻭﻳﺎﻩ ﺑﺤﺬﺭ
ﻭﺍﺣﺎﻭﻝ ﻣﺎ ﺍﺑﻘﻰ ﻟﻮﺣﺪﻱ ﺑﺄﻱ ﻣﻜﺎﻥ ﺟﻨﺖ ﺍﺻﻴﺢ ﻟﻴﻠﻰ ﻟﻮ ﺭﺍﺋﺪ
ﻳﺒﻘﻮﻥ ﻳﻤﻲ ﻣﻦ ﺍﺷﺘﻐﻞ
ﺭﺍﻳﺤﺔ ﻟﺒﻴﺖ ﺍﻡ ﺭﺍﺋﺪ ﻭﻣﺜﻞ ﻛﻞ ﻣﺮﺓ ﻣﺘﻌﻮﺩﺓ ﺍﺩﺧﻞ ﺍﺫﺍ ﺍﻟﻜﺔ ﺑﺎﺑﻬﻢ
ﻣﻔﺘﻮﺡ ﺟﺎﻥ ﺭﺍﺋﺪ ﻳﻠﻌﺐ ﺑﺎﻟﺪﺭﺍﺟﺔ ﺍﻟﻬﻮﺍﺋﻴﺔ ﺑﺎﻟﺒﺎﺏ
ﺳﺄﻟﺘﻪ ﻋﻦ ﺍﻣﻪ ﻛﺎﻝ
.. ﺍﻣﻲ ﻭﻟﻴﻠﻰ ﻃﺎﻟﻌﻴﻦ ﻟﺒﻴﺖ ﺟﺪﻱ ﻭﻣﺎﻣﺎ ﻛﺎﻟﺖ ﺍﺫﺍ ﺍﺟﺘﻲ ﺷﻴﻤﺎﺀ
ﺧﻠﻴﻬﺎ ﺗﺪﺧﻞ ﻭ ﺗﺸﻮﻑ ﺷﻐﻠﻬﺎ ﺑﺎﻟﺒﻴﺖ ﺍﻧﺘﺒﻬﺖ ﺳﻴﺎﺭﺓ ﺍﺑﻮﻫﻢ ﻣﻮ
ﺑﺎﻟﺒﺎﺏ ﻓﺮﺣﺖ ﻣﻤﻮﺟﻮﺩ ﺣﺘﻰ ﺍﺧﺬ ﺭﺍﺣﺘﻲ ﺑﺎﻟﺸﻐﻞ ﻭﺍﺧﻠﺺ ﺑﺴﺮﻋﺔ
ﻭﺍﺭﺟﻊ ﻟﻠﺒﻴﺖ
ﺭﺣﺖ ﺩﺧﻠﺖ ﺣﻀﺮﺕ ﺍﻟﻤﻨﻈﻔﺎﺕ ﻭﺍﻟﻤﺎﺳﺤﺔ ﻭﻭﺻﻠﺔ ﺍﻟﻤﺴﺢ
ﻃﻠﻌﺘﻬﻢ ﻭﺷﻜﻠﺖ ﺩﺷﺪﺍﺷﺘﻲ
... 
ﻭﺍﻟﺤﻤﺪﻟﻠﻪ ﻛﺪﺭﺕ ﻋﻦ ﻃﺮﻳﻖ ﻓﻠﻮﺱ ﺍﻟﺨﻴﺎﻃﺔ ﺍﺳﺪ ﺑﻌﺾ ﻣﻦ
ﺍﺣﺘﻴﺎﺟﺎﺗﻨﺎ
ﻭﺟﻨﺖ ﺷﺎﻳﻠﺔ ﻫﻢ ﺟﺒﻴﺮ ﻟﺒﻨﺎﺗﻲ ﺧﺎﻳﻔﺔ ﻋﻠﻴﻬﻦ ﻣﻦ ﻫﺎﻱ ﺍﻟﺪﻧﻴﺎ
ﺧﺼﻮﺻﺎً ﻫﻨﺔ ﺑﻨﺎﺕ ﻭﻣﺎ ﻋﺪﻫﻦ ﺍﺥ ﻳﻜﻮﻥ ﺍﻟﻬﻢ ﺍﻟﺴﻨﺪ
ﻟﺬﻟﻚ ﺟﻨﺖ ﻛﻠﺶ ﺣﺮﻳﺼﺔ ﻋﻠﻰ ﺩﺭﺍﺳﺘﻬﻢ
ﻭﺍﺣﺎﻭﻝ ﺍﻭﻓﺮﻟﻬﻢ ﺍﻟﻲ ﻳﺤﺘﺎﺟﻮﻧﻪ ﻣﻦ ﻣﻼﺯﻡ ﻭﺩﻓﺎﺗﺮ ﺍﻭ ﺍﻱ ﺷﻲ ﺛﺎﻧﻲ
ﻳﺨﺺ ﺍﻟﻤﺪﺭﺳﺔ
ﻭﺍﺫﺍ ﺍﺷﻮﻑ ﻋﻨﺪﻫﻢ ﺩﺭﺱ ﻳﺼﻌﺐ ﻋﻠﻴﻬﻢ ﻛﺒﻞ ﺍﻟﺒﺲ ﻋﺒﺎﺗﻲ ﻋﻠﻰ
ﺭﺍﺳﻲ ﻭﺍﺧﺬﻫﻢ ﻭﺍﺭﻭﺡ ﻟﺒﻨﺖ ﺟﻮﺍﺭﻳﻨﺎ ﺍﻟﻲ ﻣﺨﻠﺼﺔ ﺗﻌﻠﻴﻢ
ﻭﻣﺘﺨﺮﺟﺔ
ﻭﺍﻛﻌﺪ ﻳﻤﻬﺎ ﻭﺍﺧﻠﻴﻬﺎ ﺗﺸﺮﺣﻠﻬﻦ
ﺧﻄﻴﺔ ﻫﻲ ﻣﺘﻘﺒﻞ ﺗﺎﺧﺬ ﻓﻠﻮﺱ ﺍﻟﺘﺪﺭﻳﺲ ﻻﻥ ﺗﻌﺮﻑ ﺑﻴﺔ ﻭﺑﺤﺎﻟﺘﻲ
ﻣﺎﻋﻨﺪﻱ ﺍﻣﻜﺎﻧﻴﺔ ﺍﺩﻓﻌﻠﻬﺎ
ﻟﺬﻟﻚ ﺻﺮﺕ ﺍﺧﻴﻄﻠﻬﺎ ﺑﺒﻼﺵ
ﻫﺬﺍ ﻛﻠﺔ ﻳﻬﻮﻥ ﻋﻠﻴﺔ ﻣﻦ ﺍﺷﻮﻑ ﺑﻨﺎﺗﻲ ﺷﺎﻃﺮﺍﺕ ﺑﺎﻟﻤﺪﺭﺳﺔ
ﻋﻨﺪﻱ ﺷﻴﻤﺎﺀ ﻭﻣﺮﻭﺓ ﻛﻠﺶ ﺷﺎﻃﺮﺍﺕ ﺑﺎﻟﻤﺪﺭﺳﺔ
ﺍﺭﻳﺪ ﺑﻨﺎﺗﻲ ﻳﻜﺒﺮﻭﻥ ﻭﻳﺎﺧﺬﻭﻥ ﺷﻬﺎﺩﺍﺕ
ﺣﺘﻰ ﻳﻜﺪﺭﻭﻥ ﻳﻌﺘﻤﺪﻭﻥ ﻋﻠﻰ ﻧﻔﺴﻬﻢ ﺍﻱ ﺍﻟﺸﻬﺎﺩﺓ ﺑﻬﺬﺍ ﻭﻛﺘﻨﺎ ﺳﻨﺪ
ﻟﻠﺒﻨﻴﺔ ﻭﺍﻟﻠﻪ ﻣﻮ ﺑﺲ ﺑﻬﺬﺍ ﺍﻟﻮﻛﺖ ﺑﻜﻞ ﻭﻛﺖ ﺍﻟﺸﻬﺎﺩﺓ ﺳﻨﺪ ﻟﻠﺒﻨﻴﺔ
ﺗﻨﻔﻌﻬﺎ ﺧﺎﻑ ﺍﻟﻮﻛﺖ ﻳﺤﻮﺟﻬﺎ ﺍﻟﻬﺔ ﻣﺎ ﺗﻈﻞ ﺗﻨﺘﻈﺮ ﺍﻟﻨﺎﺱ ﻳﻌﻄﻔﻮﻥ
ﻋﻠﻴﻬﺎ ﻣﺎ ﺍﺭﻳﺪ ﺗﻜﻮﻥ ﺣﻴﺎﺗﻬﻢ ﻣﺜﻞ ﺣﻴﺎﺗﻲ ﺍﺭﻳﺪ ﺍﻟﻬﻢ ﺍﻻﺣﺴﻦ
ﻭﻣﺮﺕ ﺍﻻﻳﺎﻡ ﻃﻮﻳﻠﺔ
ﺍﻱ ﺍﻳﺎﻡ ﺍﻟﺘﻌﺐ ﻭﺍﻟﺼﺒﺮ ﺩﺍﺋﻤﺎً ﺗﻜﻮﻥ ﻃﻮﻳﻠﺔ
ﺟﻨﺖ ﺩﺍﺋﻤﺎ ﺍﻧﺘﻈﺮ ﺍﺳﻤﻊ ﺧﺒﺮ ﻋﻦ ﺍﺛﻴﺮ ﻭﺍﺻﺒﺮ ﺭﻭﺣﻲ ﻭﺍﻛﻮﻝ ﺑﺜﻴﻨﺔ
ﺻﺒﺮﻱ ﻭﺍﺗﺤﻤﻠﻲ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻔﺮﺟﻬﺎ ﻋﻠﻴﺞ
ﻣﻦ ﺩﺧﻞ ﺍﺛﻴﺮ ﻟﻠﺴﺠﻦ ﻟﻠﻴﻮﻡ ﻣﺎ ﺷﺎﻳﻔﺘﻪ ﻻﻥ ﺍﺛﻴﺮ ﻳﺮﻓﺾ ﻧﺮﻭﺡ
ﻧﺸﻮﻓﻪ ﺍﻧﻲ ﻭﺍﻟﺒﻨﺎﺕ ﺑﺎﻟﺴﺠﻦ
ﺑﻠﻜﻲ ﺍﻟﺴﺠﻦ ﻳﺼﻴﺮﻟﻪ ﻋﺒﺮﺓ ﻣﻦ ﺍﻟﺼﺎﺭ ﻭﻳﺘﻮﺏ ﻭﻳﺘﻐﻴﺮ ﺣﺎﻟﻪ
ﺑﻌﺪ ﻣﺪﺓ ﻭﺑﻴﻮﻡ ﻣﻦ ﺍﻻﻳﺎﻡ ﺣﻠﻮﺍ ﺍﻟﺒﻨﺎﺕ ﻣﻦ ﺍﻟﻤﺪﺭﺳﺔ
ﻭﺩﺧﻠﺖ ﻋﻠﻴﺔ ﺷﻴﻤﺎﺀ ﺗﺒﺠﻲ ﻭﺭﺍﻫﺎ ﻣﺮﻭﺓ ﻣﻀﺮﻭﺑﺔ ﻭﻗﻤﻴﺼﻬﺎ
ﺩﻛﻤﻪ ﻣﻜﻄﻌﺔ ﻭﺟﺎﻥ ﻣﻨﻈﺮﻫﻢ ﻳﺨﻮﻑ
ﺭﻛﻀﺖ ﻣﻔﺰﻭﻋﺔ .. ﻟﺞ ﻳﻤﺔ ﺷﻮﻣﺔ ﺷﺒﻴﺞ ﺗﺒﺠﻴﻦ
ﺷﻴﻤﺎﺀ .. ﻣﺎﻣﺎ ﺻﺪﻙ ﺑﺎﺑﺎ ﻣﺴﺠﻮﻥ
.. ﻣﻨﻮ ﻛﻠﺞ ﻫﺬﺍ ﺍﻟﺤﺠﻲ
ﺟﺎﻭﺑﺘﻨﻲ ﻣﺮﻭﺓ .. ﺍﻟﻴﻮﻡ ﺟﻨﺖ ﻛﺎﻋﺪﺓ ﺑﺎﻟﺼﻒ
ﻭ ﺍﻟﻤﻌﻠﻤﺔ ﻃﻠﺒﺖ ﻣﻨﻲ ﺑﺎﺑﺎ ﻳﺠﻲ ﻟﻠﻤﺪﺭﺳﺔ ﺗﺮﻳﺪ ﺗﺤﺠﻲ ﻭﻳﺎﻩ
ﻋﻠﻤﻮﺩ ﻣﺴﺘﻮﺍﻱ ﺑﺎﻟﻤﺪﺭﺳﺔ
ﻛﻠﺘﻠﻬﺎ .. ﺑﺎﺑﺎ ﻣﺴﺎﻓﺮ
ﺑﺲ ﻭﺣﺪﺓ ﻣﻦ ﺍﻟﻄﺎﻟﺒﺎﺕ ﻛﻠﺘﻠﻬﺎ
.... 

ﺳﺖ ﻣﺮﻭﺓ ﺟﺬﺍﺑﺔ ﺍﺑﻮﻫﺎ ﻣﺎ ﻣﺴﺎﻓﺮ ﺍﺑﻮﻫﺎ ﻣﺴﺠﻮﻥ
ﻻﻥ ﻫﻮ ﺣﺮﺍﻣﻲ
ﻭﺍﻧﺎ ﻛﻤﺖ ﻋﻠﻴﻬﺎ ﻭﻛﻠﺘﻬﺎ ﻻ ﺗﺠﺬﺑﻴﻦ ﺑﺎﺑﺎ ﻣﺴﺎﻓﺮ ﻭﻣﺎ ﺍﺳﻤﺤﻠﺞ
ﺗﺤﺠﻴﻦ ﻫﺸﻜﻞ ﻋﻦ ﺑﺎﺑﺎ ﺳﺎﻣﻌﺔ
ﺭﻳﻨﺎﺩ ﺿﻠﺖ ﺗﻀﺤﻚ ﻋﻠﻴﺔ ﻭﺗﻜﻮﻝ ﺍﺑﻮﻫﺎ
ﺣﺮﺍﻣﻲ ﻭﻣﺎ ﻛﺎﻋﺪﺓ ﺭﺍﺣﺔ ﻣﺎ ﺍﺗﺤﻤﻠﺖ ﺟﺮﻳﺘﻬﺎ ﻣﻦ ﺷﻌﺮﻫﺎ
ﻭﺍﺗﻌﺎﺭﻛﻨﺎ ﺍﻧﻲ ﻭﻳﺎﻫﺎ ﻭﺍﻟﻤﻌﻠﻤﺔ ﻓﻜﺘﻨﺎ ﻭﻭﺩﺗﻨﺎ ﻟﻠﻤﺪﻳﺮﺓ
ﻭﺩﺯﻭ ﻋﻠﻰ ﺷﻴﻤﺎﺀ ﺍﺧﺘﻲ ﻭﻃﻠﺒﻮﺍ ﺑﺎﺟﺮ ﻣﺎ ﺍﺩﺍﻭﻡ ﺍﺫﺍ ﻣﻴﺠﻲ ﻭﻟﻲ
ﺍﻣﺮﻱ
ﻇﻠﻴﺖ ﻭﺍﻛﻔﺔ ﻛﺪﺍﻣﻬﻢ ﻣﺼﻔﺼﺔ ﺍﺑﺎﻭﻉ ﺑﻮﺟﻬﻢ ﻻ ﺣﻮﻝ ﻭﻻﻗﻮﺓ
ﻣﺎ ﺍﻋﺮﻑ ﺷﺠﺎﻭﺑﻬﺎ
ﺷﻴﻤﺎﺀ ﺑﻘﻬﺮ .. ﻣﺎﻣﺎ ﺟﺎﻭﺑﻴﻨﻲ ﺻﺪﻙ ﺑﺎﺑﺎ ﺑﺎﻟﺴﺠﻦ
ﺩﻧﻜﺖ ﺭﺍﺳﻲ ﻭﺣﺠﻴﺖ ﺑﺼﻮﺕ ﻭﺍﻫﻦ
.. ﺍﻱ ﻣﺎﻣﺎ ﺍﺑﻮﻛﻢ ﺻﺤﻴﺢ ﻣﺴﺠﻮﻥ ﺑﺘﻬﻤﺔ ﺗﺰﻭﻳﺮ ﺍﻻﻣﻮﺍﻝ
ﻭﺳﻜﺘﺖ ﻣﻜﺪﺭﺕ ﺍﻛﻤﻞ
ﻣﺮﺍﺕ ﺍﻟﺤﻴﺎﺓ ﺗﺤﻄﻨﺎ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ﻭﺗﻔﺮﺽ
ﻋﻠﻴﻨﺎ ﺍﻟﻤﻮﺍﺟﻬﺔ
ﺷﻜﺪ ﺟﻨﺖ ﺍﺗﻤﻨﻰ ﺍﺟﻨﺐ ﺑﻨﺎﺗﻲ ﻫﺬﺍ ﺍﻟﻤﻮﻗﻒ ﺍﻟﺼﻌﺐ
ﺑﺲ ﺷﻜﻞ ﻣﻮﺿﻮﻉ ﺍﺑﻮﻫﻢ ﻣﻴﺘﺤﻤﻞ ﻳﺒﻘﻰ ﺳﺮ ﺍﻛﺜﺮ ﻣﻦ ﻫﻴﺞ
ﻭﺻﺎﺭ ﻻﺯﻡ ﺍﻟﺒﻨﺎﺕ ﻳﻌﺮﻓﻮﻥ ﺣﻘﻴﻘﺔ ﺍﺑﻮﻫﻢ
ﺷﻔﺖ ﻧﻈﺮﺓ ﺍﻟﺼﺪﻣﺔ ﺍﻧﺮﺳﻤﺖ ﻋﻠﻰ ﻭﺟﻮﻫﻦ
ﻭ ﻣﺮﻭﺓ ﻓﺘﺤﺖ ﺣﻠﻜﻬﺎ ﺗﺮﻳﺪ ﺗﺤﺠﻲ
ﺑﺲ ﺍﻧﻲ ﺳﺒﻘﺘﻬﺎ
ﺍﻧﻲ ﻛﺄﻡ ﻳﻔﺮﺽ ﻋﻠﻴﺔ ﺍﻛﻮﻥ ﺻﺎﺭﻣﺔ ﻭﻳﺎﻫﻢ ﺑﻬﻴﺞ ﻣﻮﻗﻒ ﻭﻣﺎ
ﺍﻧﻄﻴﺘﻬﻢ ﻣﺠﺎﻝ ﻳﺤﺠﻮﻥ ﻏﻴﺮﺕ ﺍﻟﻤﻮﺿﻮﻉ ﺑﺴﺮﻋﺔ
ﻭﻋﻘﺪﺕ ﺣﻮﺍﺟﺒﻲ ﺑﻮﺟﻬﻢ
.. ﻳﺎﻟﻠﻪ ﻻ ﺗﻜﻌﺪﻭﻥ ﺗﻨﺼﺒﻮﻟﻲ ﻣﻨﺎﺣﺔ
ﻭﺣﺠﻴﺖ ﺑﻜﻞ ﺟﺪﻳﺔ ﻭﺍﻧﻲ ﻣﺨﻨﺰﺭﺓ ﺑﻮﺟﻬﻢ
ﻭﺍﻧﺘﻲ ﺗﻌﺎﻱ ﺳﺖ ﻣﺮﻭﺓ ﺑﺎﻟﻠﻪ ﺍﺣﺠﻴﻠﻲ ﻟﻴﺶ ﺍﻟﻤﻌﻠﻤﺔ ﻃﻠﺒﺖ
ﺗﺸﻮﻑ ﻭﻟﻲ ﺍﻣﺮﺝ
ﺩﻧﻜﺖ ﻣﺮﻭﺓ ﻭﺣﺠﺖ ﺑﺨﺬﻻﻥ
.. ﻻﻥ ﺍﺗﻌﺎﺭﻛﺖ ﻭﻳﺔ ﺭﻳﻨﺎﺩ
.. ﻻ ﺍﻧﻲ ﻣﺎ ﺍﻗﺼﺪ ﻋﺎﻟﻌﺮﻛﺔ ﺍﻧﺘﻲ ﻛﻠﺘﻲ ﺍﻟﻤﻌﻠﻤﺔ ﻃﻠﺒﺖ ﻣﻨﻲ ﺍﺟﻴﺐ
ﻭﻟﻲ ﺍﻣﺮﻱ ﺗﺮﻳﺪ ﺗﺤﺠﻲ ﻭﻳﺎﻩ ﺑﺎﻟﻠﻪ ﻋﻠﻰ ﺷﻨﻮ ﻃﻠﺒﺖ ﻭﻟﻲ
ﺟﺎﻭﺑﺘﻨﻲ ﺷﻴﻤﺎﺀ .. ﻣﺎﻣﺎ ﺍﻟﻤﻌﻠﻤﺔ ﺍﻛﺪﺕ ﻋﻠﻰ ﻗﺪﻭﻡ ﻭﻟﻲ ﺍﻣﺮ ﻣﺮﻭﺓ
ﻻﻧﻬﺎ ﻛﻠﺶ ﺷﺎﻃﺮﺓ ﻭﺻﺎﺭﻭﺍ ﺍﻟﻤﻌﻠﻤﺎﺕ ﻳﺎﺧﺬﻭﻧﻬﺎ ﻟﻠﺼﻔﻮﻑ
ﺍﻟﻤﺘﻘﺪﻣﺔ ﺣﺴﺐ ﻛﻼﻡ ﺍﻟﻤﻌﻠﻤﺔ ﺗﻜﻮﻝ ﺍﺧﺘﺞ ﻧﺴﺒﺔ ﺫﻛﺎﻫﺎ ﻳﻔﻮﻕ
ﻋﻤﺮﻫﺎ ﺣﺮﻣﺎﺕ ﻳﻨﻬﺪﺭ ﻫﻴﺞ ﻧﻤﻮﺫﺝ
.....
ﺷﻜﺪ ﺍﻧﻘﻬﺮﺕ ﻣﻦ ﻣﻮﻗﻒ ﺍﺑﻮﻫﻦ ﺑﺲ ﻳﺎﻓﺮﺣﺘﻲ ﻣﻦ ﺳﻤﻌﺖ
ﺑﻤﺮﻭﺓ ﺑﻨﺘﻲ ﻣﺘﻔﻮﻗﺔ ﺑﺪﺭﺍﺳﺘﻬﺎ ﻳﻌﻨﻲ ﺻﺪﻙ ﺭﺑﻲ ﻳﺎﺧﺬ ﺷﻲ ﻭﻳﻨﻄﻲ
ﺷﻲ ﺛﺎﻧﻲ ﻭﺭﺣﺖ ﻳﻮﻡ ﺛﺎﻧﻲ ﻟﻠﻤﻌﻠﻤﺔ ﻛﺎﻟﺖ ﺑﻨﺘﺞ ﺗﻜﺪﺭ ﺗﻌﺒﺮ ﻣﺮﺍﺣﻞ
ﻳﻌﻨﻲ ﺗﻌﺒﺮ ﺻﻒ ﻭﺗﺪﺭﺱ ﺑﺎﻟﻌﻄﻠﺔ ﻭﺗﻤﺘﺤﻦ
ﻭﺻﺪﻙ ﻗﺪﻣﺖ ﻟﻤﺮﻭﺓ ﻋﻠﻰ ﺍﻟﺘﺮﺑﻴﺔ ﻋﻠﻤﻮﺩ ﻳﺸﻤﻠﻬﺎ ﻗﺮﺍﺭ ﺍﻟﻌﺒﻮﺭ
ﻭﻣﺮﺕ ﻋﻠﻴﺔ ﺍﺭﺑﻊ ﺳﻨﻴﻦ ﺷﻔﺖ ﺑﻴﻬﻢ ﺍﻟﻮﻳﻞ ﻭﺻﺎﺩﻑ ﻭﻗﺖ ﺣﺼﺎﺭ
ﻭﺣﺼﺮﺓ ﻋﺎﻟﻨﺎﺱ ﺍﻟﻠﻜﻤﺔ ﻭﺑﻌﺪﻣﺎ ﺍﻳﺴﺖ ﻣﻦ ﺧﺮﻭﺝ ﺍﺛﻴﺮ ﻣﻦ
ﺍﻟﺴﺠﻦ ﻻﻥ ﻃﺎﻟﺖ ﺍﻟﻤﺪﺓ ﻭﺟﺎﻥ ﻳﺠﻲ ﺍﻟﻴﻮﻡ ﺍﻟﻲ ﻳﺼﺪﻭﺭﻥ ﺑﻲ ﻗﺮﺍﺭ
ﺍﻻﻓﺮﺍﺝ ﻋﻦ ﺍﻟﺴﺠﻨﺎﺀ
ﺟﺎﻧﺖ ﻓﺮﺣﺘﻲ ﻣﺎ ﺳﺎﻳﻌﺘﻨﻲ ﻣﻤﺼﺪﻛﺔ ﺍﺛﻴﺮ ﻃﻠﻊ ﻣﻦ ﺍﻟﺴﺠﻦ
ﻛﻠﺖ ﺭﺍﺡ ﻳﺠﻲ ﻳﺴﺎﻋﺪﻧﻲ ﻭﺍﺭﺗﺎﺡ ﻣﻦ ﻧﻜﺔ ﻋﻤﺘﻲ
ﺟﻨﺖ ﻣﺘﺄﻣﻠﺔ ﺍﻥ ﻳﻜﻮﻥ ﺍﻟﺴﺠﻦ ﻏﻴﺮ ﻣﻦ ﺍﺛﻴﺮ ﻭﺍﺗﻌﺾ ﻣﻦ ﺍﻟﻤﺎﺿﻲ
ﻭﻓﻌﻼً ﺍﻟﺴﺠﻦ ﻛﺪﺭ ﻳﻐﻴﺮ ﺍﺛﻴﺮ ﻭﺍﻃﺒﺎﻋﻪ ﻟﻜﻦ ﻣﻊ ﺍﻻﺳﻒ ﺗﻐﻴﺮ ﻧﺤﻮ
ﺍﻻﺳﻮﺀ ﺍﺧﺎﻑ ﺟﺎﻥ ﺑﺲ ﻳﺸﺮﺏ ﻭﻧﺴﻮﺍﻥ ﻫﺴﺔ
ﺻﺎﻳﺮ ﺿﺮﺏ ﻭﺻﻴﺎﺡ ﻭﺧﺎﻧﻜﻨﻲ ﺍﻧﻲ ﻭﺑﻨﺎﺗﻲ ﻭﺣﺼﺮﺓ ﻋﻠﻴﻨﺎ ﺍﻟﻄﻠﻌﺔ
ﻭﺻﺎﺭ ﺑﺨﻴﻞ ﺍﻛﺜﺮ ﻣﻦ ﻗﺒﻞ
ﻭﻓﻮﻙ ﻫﺬﺍ ﻛﻠﻪ ﻋﻤﺘﻲ ﺗﻮﺯﻩ ﻋﻠﻴﺔ ﻋﻠﻤﻮﺩ ﺧﻠﻔﺔ ﺍﻟﻮﻟﺪ
ﻭﻫﻮ ﺑﺮﻭﺣﺔ ﻣﺎ ﻋﺎﻳﺶ ﻳﺮﺩﻧﻲ ﺍﺧﻠﻔﻠﻪ ﻭﻟﺪ
ﺍﻛﻞ ﺭﺍﺳﻲ ﺣﺘﻰ ﺍﺣﻤﻞ
ﻭﻣﺮﺕ ﺍﻻﻳﺎﻡ ﻭﺍﺛﻴﺮ ﻛﺜﺮﺓ ﻣﺸﺎﻛﻠﻪ ﺑﺎﻟﻤﻨﻄﻘﺔ ﻭﺻﺎﺭ ﻛﻞ ﻳﻮﻡ ﻳﺘﻌﺎﺭﻙ
ﻭﻳﺔ ﻭﺍﺣﺪ ﻣﻦ ﺍﻟﻤﻨﻄﻘﺔ
ﻭﺍﻟﻠﻪ ﻭﺑﻴﻮﻡ ﻣﻦ ﺍﻻﻳﺎﻡ ﺟﺎﻥ ﻣﺘﻌﺎﺭﻙ ﺑﺎﻟﻤﻨﻄﻘﺔ ﻭﺗﺒﻴﻦ ﺳﺒﺐ ﺍﻟﻌﺮﻛﺔ
ﻭﺍﺣﺪ ﻣﻦ ﺍﻫﻞ ﺍﻟﻤﻨﻄﻘﺔ ﻣﻌﻴﺮ ﺍﺛﻴﺮ ﺑﺴﺎﻟﻔﺔ ﺍﻟﺘﺰﻭﻳﺮ
ﻭﻋﻤﺘﻲ ﻣﻦ ﻳﻮﻣﻬﺎ ﻛﺎﻟﺖ ﺗﻨﺘﻘﻠﻮﻥ ﻟﺒﻴﺖ ﻋﻠﻲ ﺣﻤﺎﻱ ﻭﻫﺸﻜﻞ ﺭﺍﺡ
ﻳﺒﺘﻌﺪ ﻋﻦ ﺍﻟﻤﺸﺎﻛﻞ
ﻭﺍﻧﺘﻘﻠﻨﺎ ﻟﻬﺬﺍ ﺍﻟﺒﻴﺖ ﻭﺍﻟﺤﻤﺪﻟﻠﻪ ﺍﺭﺗﺎﺣﻴﺖ ﻣﻦ ﻋﻤﺘﻲ ﺑﺲ ﺍﻟﺮﺍﺣﺔ
ﺷﻜﻠﻬﺎ ﻣﺎﻣﻜﺘﻮﺑﺘﻠﻲ ﺍﻟﻌﻴﺸﺔ ﺻﺎﺭﺕ ﺍﺻﻌﺐ ﻣﻦ ﻗﺒﻞ
ﺍﻡ ﻓﺮﺯﺩﻕ .. ﻟﻴﺶ ﻳﻤﺔ ﺻﺎﺭﺕ ﺍﺻﻌﺐ ﻣﻦ ﻗﺒﻞ
.. ﺧﺎﻟﺔ ﺍﻛﺘﺸﻔﺖ ﻋﻴﺸﺘﻲ ﻋﻨﺪ ﺑﻴﺖ ﻋﻴﺎﻟﻲ ﺍﺣﺴﻦ ﺑﻬﻮﺍﻱ
ﻻﻥ ﻫﻨﺎﻙ ﺍﻟﻤﺼﺮﻑ ﺧﻔﻴﻒ ﻋﻠﻴﺔ ﻳﻌﻨﻲ ﺍﻻﻛﻞ ﻭﺍﻟﺸﺮﺏ ﻛﻠﺔ ﻭﻳﺔ ﺑﻴﺖ
ﻋﻴﺎﻟﻲ ﻭﺑﻌﺪ ﺍﻻﻧﺘﻘﺎﻝ ﺻﺎﺭ ﺍﻟﻤﺼﺮﻑ ﻫﻮﺍﻱ
ﻟﺬﻟﻚ ﺍﺿﻄﺮﻳﺖ ﺍﺷﺘﻐﻞ ﻋﻨﺪ ﺑﻴﺖ ﺍﻟﻤﺨﺘﺎﺭ
ﺍﻡ ﻓﺮﺯﺩﻕ .. ﻭﺍﻟﻠﻪ ﻳﺎ ﺧﺎﻟﺔ ﺍﻟﻠﻪ ﻳﺴﺎﻋﺪﺝ ﻭﻳﻌﻴﻨﺞ ﻋﻠﻰ ﻣﺎ ﺑﻼﺝ
....
ﺑﺲ ﻟﺘﺰﻋﻠﻴﻦ ﻣﻨﻲ ﺍﺫﺍ ﻛﻠﺖ ﻫﺎﻱ ﺣﻮﺑﺖ ﺍﺑﻨﻲ ﻓﺮﺯﺩﻕ ﺑﻴﺞ
ﺷﻜﺪ ﻛﺘﻞ ﺭﻭﺣﻪ ﻋﻠﻴﺞ ﻭﻛﻢ ﻣﺮﺓ ﺍﺗﻘﺪﻣﻠﺞ ﻭﺍﻧﺘﻲ ﺗﺮﻓﻀﻴﻨﻪ
ﺩﻧﻜﺖ ﺑﻘﻬﺮ .. ﺧﺎﻟﺔ ﺑﻌﺪ ﻣﺎ ﻳﻔﻴﺪ ﺍﻟﻌﺘﺎﺏ ﻭﻟﻮ ﻫﻮ ﺍﻟﻤﻮﺿﻮﻉ ﺭﺍﺡ
ﻭﻛﻠﻤﻦ ﻣﺸﻰ ﺑﻄﺮﻳﻘﻪ ﻭﺷﺎﻑ ﺣﻴﺎﺗﻪ
ﺑﺲ ﺻﺪﻛﻲ ﻭﺍﻣﻨﻲ ﺑﺎﻟﻠﻪ ﺍﻧﻲ ﺭﻓﻀﺘﻜﻢ ﻏﺼﺐ ﻋﻨﻲ
ﺍﺑﻮﻱ ﻏﺼﺒﻨﻲ ﻋﺎﻟﺰﻭﺍﺝ
ﻣﻦ ﺍﺛﻴﺮ ﻭﺍﻟﻠﻪ ﻳﺮﺣﻤﻪ ﻫﺪﺩﻧﻲ ﺍﺫﺍ ﻣﺎ ﺍﺗﺰﻭﺝ ﺍﺑﻦ ﺻﺎﺣﺒﻪ ﻳﺬﺑﺤﻨﻲ
ﻭﻳﺬﺑﺢ ﻓﺮﺯﺩﻕ
ﺍﻡ ﻓﺮﺯﺩﻕ .. ﺣﺮﺍﻣﺎﺕ ﻭﺍﻟﻠﻪ ﺗﻌﺎﻱ ﺷﻮﻓﻲ ﻫﺴﺔ ﻓﺮﺯﺩﻕ ﺷﻠﻮﻥ ﺍﻟﻠﻪ
ﺭﺯﻗﻪ ﻭﻓﺘﺤﻬﺎ ﻋﻠﻴﻪ ﻣﻦ ﻭﺳﻌﻪ ﻭﺻﺎﺭ ﻋﻨﺪﻩ ﺧﻴﺮ ﻣﻦ ﺍﻟﻠﻪ
ﻭﻣﻌﻴﺶ ﻣﺮﺗﻪ ﻭﺟﻬﺎﻟﻪ ﺑﻨﻌﻴﻢ ﻭﻓﻮﻙ ﻫﺬﺍ ﻛﻠﻪ ﻟﻮ ﺗﺸﻮﻓﻴﻦ ﻣﺮﺗﻪ
ﺟﻨﻬﺎ ﻋﺮﻳﻒ ﺷﺮﻃﺔ ﺗﺨﺮﻉ ﻭﺷﺎﻳﻠﺔ ﺧﺒﺎﺛﺔ ﻣﺎ ﺷﺎﻳﻠﻬﺎ ﺍﺣﺪ
ﻫﺴﺔ ﻟﻮ ﺍﻧﺘﻲ ﺟﻨﺘﻲ ﻭﻣﺘﺰﻭﺟﺔ ﻓﺮﺯﺩﻕ ﺟﺎﻥ ﻫﺴﺔ
ﺍﻧﻲ ﻭﻳﺎﺝ ﻛﺎﻋﺪﺍﺕ ﻧﺘﺴﺎﻣﺮ ﺑﺲ ﻳﺎﻟﻠﻪ ﻛﻠﺸﻲ ﺑﺎﻟﻘﺴﻤﺔ ﻭﺍﻟﻨﺼﻴﺐ
ﻣﺎ ﻣﻘﺴﻮﻣﻠﻨﺎ ﺗﺼﻴﺮﻳﻦ ﻣﻦ ﻧﺼﻴﺒﻨﺎ
.. ﺍﻱ ﻭﺍﻟﻠﻪ ﺧﺎﻟﺔ ﻛﻮﻟﻲ ﻣﺎﻣﻘﺴﻮﻣﻠﻲ ﺍﺭﺗﺎﺡ ﺑﺤﻴﺎﺗﻲ ﻣﻜﺘﻮﺑﺘﻠﻲ ﺷﻠﺔ
ﺍﻟﺤﺎﻝ
ﺭﺑﻲ ﻳﻬﻨﻲ ﻟﻔﺮﺯﺩﻕ ﻭﻳﺮﻓﻊ ﺷﺄﻧﻪ ﻭﻳﻌﻠﻲ ﻣﺮﺍﺗﺒﻪ ﻓﺮﺯﺩﻕ ﺍﻧﺴﺎﻥ ﻃﻴﺐ
ﻭﺍﻟﻨﻌﻢ ﻣﻨﻪ
.. ﺍﻣﻴﻦ
ﺍﻡ ﻓﺮﺯﺩﻕ ﺑﺎﻭﻋﺖ ﻟﻠﺴﺎﻋﺔ
.. ﻋﺰﺯﺓ ﻫﺎﻱ ﺷﻨﻮ ﺍﻟﻮﻛﺖ ﻳﺮﻛﺾ ﺍﺭﻛﺎﺽ
ﻣﺎﺣﺴﻴﺖ ﻋﻠﻴﻪ ﺷﻮﻑ ﻫﺴﺔ ﺍﻟﻜﺔ ﺍﻟﻮﻟﺪ ﻣﺨﺒﻮﺻﻴﻦ ﻻﻥ ﻛﻠﺘﻠﻬﻢ ﺍﻧﺎ
ﺭﺍﻳﺤﺔ ﻟﺒﻴﺖ ﺍﺑﻦ ﻋﻢ ﻓﺮﺯﺩﻕ ﺑﻴﺖ ﺍﺑﻮ ﻗﺎﺳﻢ
ﻫﻨﺎ ﻳﻤﻨﺎ ﺑﺎﻟﻤﻨﻄﻘﺔ ﻛﻠﺖ ﺍﺭﻭﺡ ﻟﻤﺮﺗﻪ ﺍﺗﺤﻤﺪﻟﻬﺎ ﺍﻟﺴﻼﻣﺔ ﺻﺎﺭﺕ
ﻋﻨﺪﻫﺎ ﺑﻨﻴﺔ
ﺧﻄﻴﺔ ﻫﺎﻱ ﺍﻡ ﻗﺎﺳﻢ ﻗﺼﺘﻬﺎﻫﻢ ﻣﺜﻞ ﻗﺼﺘﺞ ﺧﻠﻔﺘﻬﺎ ﻛﻠﻪ ﺑﻨﺎﺕ
ﺑﺤﻴﺚ ﺻﺎﺭﻭﺍ ﻋﺪﻫﺎ ﺍﺭﺑﻊ ﺑﻨﺎﺕ ﻳﺎﻟﻠﻪ ﺻﺎﺭ ﻋﻨﺪﻫﺎ ﻗﺎﺳﻢ
ﻭﺑﻌﺪ ﻭﻻﺩﺓ ﻗﺎﺳﻢ ﺣﺒﻠﺖ ﻭﺟﺎﺑﺖ ﺑﻨﻴﺔ ﻭﺑﻌﺪﻫﺎ ﺑﻜﻢ ﺳﻨﺔ ﻫﻢ
ﺭﺟﻌﺖ ﻣﺮﺓ ﻟﺦ ﺣﺒﻠﺖ ﻭﻫﺴﺔ ﺟﺎﺑﺖ ﺍﻟﺒﻨﻴﺔ ﺍﻟﺴﺎﺩﺳﺔ
ﻭﺍﻧﻲ ﺭﺍﻳﺤﺔ ﺍﺗﺒﺎﺭﻛﻠﻬﺎ
.. ﺍﺑﻨﻬﺎ ﺷﻜﺪ ﻋﻤﺮﻩ
.. ﻋﻤﺮﻩ ١٣ﺳﻨﺔ ﺑﺲ ﺧﻄﻴﺔ ﺍﻣﻪ ﺷﻜﺪ ﺟﺎﻧﺖ ﺗﺘﻌﺸﻢ ﺗﺠﻴﺐ ﺍﺥ
ﻟﻘﺎﺳﻢ ﺑﺲ ﻣﺎﻛﻮ ﺭﺑﺞ ﻣﻜﺎﺗﺒﻠﻬﺎ
.. ﻳﺎﺧﻄﻴﺔ ﻳﺎﻟﻠﻪ ﺍﻟﺤﻤﺪﻟﻠﻪ ﻋﻠﻰ ﺍﻻﻗﻞ ﺻﺎﺭ ﻋﻨﺪﻫﺎ ﻭﻟﺪ
.. ﺍﻱ ﻋﻔﻴﺔ ﺑﺲ ﻫﻮ ﺷﻠﻮﻥ ﻭﻟﺪ ﺍﻟﻜﺎﻉ ﺗﺼﻴﺢ ﻣﻨﻪ ﺍﻟﻐﻮﺙ ﻣﻦ
ﻭﻛﺎﺣﺘﻪ ﻭﺷﻴﻄﻨﺘﻪ ﻣﺎ ﻇﺎﻝ ﻭﺍﺣﺪ ﺑﺎﻟﻤﻨﻄﻘﺔ
ﻣﺎ ﻣﺘﻌﺎﺭﻙ ﻭﻳﺎﻩ ﺧﻄﻴﺔ ﺍﺑﻮﻩ ﻭﺍﻣﻪ ﻳﺴﺘﺤﻮﻥ ﻣﻦ ﺍﻟﻨﺎﺱ ﻣﻦ ﻳﺠﻮﻥ
ﻳﺸﺘﻜﻮﻥ ﻋﻠﻴﻪ ﻓﺎﻧﺘﻲ ﺩﻳﺮﻱ ﺑﺎﻟﺞ ﻧﺒﻬﻲ ﺑﻨﺎﺗﺞ
ﻣﻦ ﻳﻄﻠﻌﻮﻥ ﺑﺎﻟﻤﻨﻄﻘﺔ ﺧﻠﻲ ﻳﺎﺧﺬﻭﻥ ﺧﺬﺭﻫﻢ ﻣﻦ ﻋﻨﺪﻩ
ﺧﺎﻑ ﻳﻀﺮﺑﻬﻢ
.. ﻳﻤﺔ ﺍﺳﻢ ﺍﻟﻠﻪ ﻋﻠﻰ ﺑﻨﺎﺗﻲ ﺷﺤﺪﻩ ﻳﻮﺻﻠﻠﻬﻢ
.. ﻫﻮ ﻣﺎﺧﺬ ﺍﻟﻨﺎﺱ ﻓﻼﺣﺔ ﻣﻼﺟﺔ ﻋﻠﻰ ﺍﺑﻮ ﻫﻮ ﻭﺣﻴﺪ ﺍﻫﻠﻪ
ﻭﺟﺎﻱ ﻋﻠﻰ ﺣﺸﻒ ﻭﻧﺸﻒ ﻓﺘﺸﻮﻓﻴﻨﺔ ﻛﺎﻟﺐ ﺍﻟﺪﻧﻴﺎ ﻭﺍﻫﻠﻪ ﻣﺪﻟﻠﻴﻨﻪ
ﻳﺎﻟﻠﻪ ﺧﺎﻟﺔ ﺷﻮﻑ ﺷﻠﻮﻥ ﺍﺧﺬﺗﻨﺎ ﺍﻟﺴﻮﺍﻟﻒ ﺧﻠﻲ ﺍﺭﻭﺡ
ﻣﻮ ﺗﻨﺴﻴﻦ ﺍﺷﻮﻑ ﻳﻮﻡ ﺍﻣﺮ ﻋﻠﻴﺞ ﺍﺧﺬﺝ ﻟﻠﻤﺴﺘﻮﺻﻒ ﺗﺮﺍﺟﻌﻴﻦ
.. ﺍﻥ ﺷﺎﺀ ﺍﻟﻠﻪ ﺧﺎﻟﺔ
...
ﻣﺮﺕ ﺍﻻﻳﺎﻡ ﻭﺧﻠﺼﻮ ﺍﻟﺒﻨﺎﺕ ﺍﻣﺘﺤﺎﻧﺎﺕ ﺍﺧﻴﺮ ﺍﻟﺴﻨﺔ
ﻭﺷﻴﻤﺎﺀ ﺍﻣﺘﺤﻨﺖ ﺛﺎﻟﺚ ﻣﺘﻮﺳﻂ ﺑﻜﻠﻮﺭﻳﺎ ﻭﺧﻠﺼﺖ
ﺷﻴﻤﺎﺀ .. ﻣﺎﻣﺎ ﻣﻨﺎ ﻭﺭﺍﻳﺢ ﺍﻧﻲ ﺍﺭﻭﺡ ﺑﻤﻜﺎﻧﺞ ﺍﺳﺎﻋﺪ ﺍﻡ ﺭﺍﺋﺪ ﺑﺸﻐﻞ
ﺍﻟﺒﻴﺖ ﺑﻌﺪ ﺍﻣﺘﺤﺎﻧﺎﺕ ﻭﺧﻠﺼﻨﺎ ﻭﻋﻨﺪﻱ ﻋﻄﻠﺔ ﻭﺍﻧﺘﻲ ﺍﻟﺤﻤﻞ ﻣﺘﻌﺒﺞ
.. ﻭﺍﻟﻠﻪ ﻳﺎﻣﺎﻣﺎ ﺍﻟﻠﻪ ﻳﺒﺎﺭﻙ ﺑﻴﺞ ﺑﺲ ﻣﺎ ﺍﺭﻳﺪ ﺍﺗﻌﺒﺞ ﺑﻌﺪﺝ ﺻﻐﻴﺮﺓ
ﻻﺣﻜﺔ ﻋﺎﻟﺘﻌﺐ
.. ﻣﻴﺨﺎﻟﻒ ﻣﺎﻣﺎ ﻋﻮﺩ ﻣﻦ ﺗﻮﻟﺪﻳﻦ ﻭﺗﻜﻮﻣﻴﻦ ﻋﻠﻰ ﺣﻴﻠﺞ
ﺭﺟﻌﻲ ﺍﺳﺘﻠﻤﻲ ﺍﻟﺸﻐﻞ ﻣﻦ ﺟﺪﻳﺪ
ﺑﺎﻭﻋﺖ ﻋﻠﻴﻬﺎ ﻭﺻﺪﻙ ﻛﻼﻣﻬﺎ ﺍﻻﻻﻡ ﺯﺍﺩﺕ
ﻋﻨﺪﻱ ﻫﺎﻱ ﺍﻻﻳﺎﻡ .
ﺷﻴﻤﺎﺀ
ﺍﻣﻲ ﻭﺿﻌﻬﺎ ﻫﺎﻱ ﺍﻻﻳﺎﻡ ﻣﻌﺎﺟﺒﻨﻲ ﺻﺤﺘﻬﺎ ﺻﺎﺭﺕ ﺑﺎﻟﻨﺎﺯﻝ
ﺍﺣﺎﻭﻝ ﺍﺳﺎﻋﺪﻫﺎ ﻭﻟﻮ ﺑﺸﻲ ﺑﺴﻴﻂ ﺧﻄﻴﺔ ﻫﻲ ﻫﻮﺍﻱ ﺗﻌﺒﺖ ﺑﺤﻴﺎﺗﻬﺎ
ﻋﻠﻤﻮﺩ ﺗﻌﻴﺸﻨﺎ ﺍﻧﻲ ﻭﺧﻮﺍﺗﻲ
ﺻﺮﺕ ﻛﻞ ﻳﻮﻡ ﺍﺭﻭﺡ ﻟﺒﻴﺖ ﺍﻡ ﺭﺍﺋﺪ ﺍﺳﺎﻋﺪﻫﺎ ﺑﺸﻐﻞ ﺍﻟﺒﻴﺖ
ﺑﺎﻟﺤﻘﻴﻘﺔ ﺍﻡ ﺭﺍﺋﺪ ﻣﺘﺴﻮﻱ ﺍﻱ ﺷﻲ ﺣﺘﻰ ﺍﻟﻄﺒﺦ ﻋﺎﻓﺘﻪ ﻋﻠﻴﺔ
ﺧﻄﻴﺔ ﺍﻣﻲ ﻣﻌﻠﻤﺘﻨﻲ ﻋﻠﻰ ﻛﻠﺸﻲ ﺗﻨﻈﻴﻒ ﻃﺒﺦ ﺣﺘﻰ ﺣﻠﻮﻳﺎﺕ
ﻋﻠﻤﺘﻨﻲ ﺍﺳﻮﻱ
ﻭﺍﻡ ﺭﺍﺋﺪ ﻣﺮﺗﺎﺣﺔ ﻟﺸﻐﻠﻲ
ﺣﺎﻭﻟﺖ ﺑﻘﺪﺭ ﺍﻻﻣﻜﺎﻥ ﻣﺎ ﺍﺧﻠﻴﻬﺎ ﺗﺸﺘﻜﻲ ﻣﻦ ﺷﻐﻠﻲ ﺍﻭ ﺗﺸﻮﻑ
ﻋﻠﻴﺔ ﺗﻘﺼﻴﺮ ﺣﺘﻰ ﻣﺎ ﺗﻀﻐﻂ ﻋﻠﻰ ﺍﻣﻲ ﻭﺗﺮﺟﻊ ﺗﺸﺘﻐﻞ ﻋﻨﺪﻫﺎ
ﻛﻠﺸﻲ ﺗﻤﺎﻡ ﺑﺒﻴﺖ ﺍﻡ ﺭﺍﺋﺪ ﺑﺲ ﻫﺎﻱ ﺍﻻﻳﺎﻡ
ﺍﺑﻮ ﺭﺍﺋﺪ ﻧﻈﺮﺍﺗﻪ ﺻﺎﻳﺮﺓ ﻣﻮ ﺭﺍﺣﺔ ﺑﺎﺗﺠﺎﻫﻲ
ﻛﻠﻤﺎ ﺍﺩﻭﺭ ﻭﺟﻬﻲ ﺍﻟﻜﺎﻩ ﻳﺮﺍﻗﺒﻨﻲ ﻭﻳﺒﺎﻭﻉ ﻋﻠﻴﺔ ﻣﻦ ﺟﻮﺓ ﻟﺠﻮﺓ ﺑﺲ
ﺍﻧﻲ ﺍﺳﻮﻱ ﻧﻔﺴﻲ ﻏﺒﻴﺔ ﻭﻣﻨﺘﺒﻬﺖ ﻋﻠﻴﻪ
ﺑﺎﻻﻭﻝ ﻓﻀﻠﺖ ﺍﺳﻜﺖ ﺑﺲ ﻣﺎ ﺍﻋﺮﻑ ﺷﺠﺎﻩ ﺻﺎﺭ ﻳﻮﻡ ﻋﻦ ﻳﻮﻡ
ﻳﻘﺘﺮﺏ ﻣﻨﻲ
ﻭﻳﺤﺎﻭﻝ ﻳﺴﺘﻐﻞ ﺍﻱ ﻓﺮﺻﺔ ﺣﺘﻰ ﻳﻠﻤﺤﻠﻲ ﻭﻳﺘﺤﺎﺭﺵ ﺑﻨﻈﺮﺍﺗﻪ ﺍﻭ
ﺑﺎﻟﻜﻼﻡ ﺟﻨﺖ ﻛﻠﺶ ﺍﺗﻀﺎﻳﻖ ﻣﻨﻪ ﻭﺻﺮﺕ ﺍﺗﻌﺎﻣﻞ ﻭﻳﺎﻩ ﺑﺤﺬﺭ
ﻭﺍﺣﺎﻭﻝ ﻣﺎ ﺍﺑﻘﻰ ﻟﻮﺣﺪﻱ ﺑﺄﻱ ﻣﻜﺎﻥ ﺟﻨﺖ ﺍﺻﻴﺢ ﻟﻴﻠﻰ ﻟﻮ ﺭﺍﺋﺪ
ﻳﺒﻘﻮﻥ ﻳﻤﻲ ﻣﻦ ﺍﺷﺘﻐﻞ
ﺭﺍﻳﺤﺔ ﻟﺒﻴﺖ ﺍﻡ ﺭﺍﺋﺪ ﻭﻣﺜﻞ ﻛﻞ ﻣﺮﺓ ﻣﺘﻌﻮﺩﺓ ﺍﺩﺧﻞ ﺍﺫﺍ ﺍﻟﻜﺔ ﺑﺎﺑﻬﻢ
ﻣﻔﺘﻮﺡ ﺟﺎﻥ ﺭﺍﺋﺪ ﻳﻠﻌﺐ ﺑﺎﻟﺪﺭﺍﺟﺔ ﺍﻟﻬﻮﺍﺋﻴﺔ ﺑﺎﻟﺒﺎﺏ
ﺳﺄﻟﺘﻪ ﻋﻦ ﺍﻣﻪ ﻛﺎﻝ
.. ﺍﻣﻲ ﻭﻟﻴﻠﻰ ﻃﺎﻟﻌﻴﻦ ﻟﺒﻴﺖ ﺟﺪﻱ ﻭﻣﺎﻣﺎ ﻛﺎﻟﺖ ﺍﺫﺍ ﺍﺟﺘﻲ ﺷﻴﻤﺎﺀ
ﺧﻠﻴﻬﺎ ﺗﺪﺧﻞ ﻭ ﺗﺸﻮﻑ ﺷﻐﻠﻬﺎ ﺑﺎﻟﺒﻴﺖ ﺍﻧﺘﺒﻬﺖ ﺳﻴﺎﺭﺓ ﺍﺑﻮﻫﻢ ﻣﻮ
ﺑﺎﻟﺒﺎﺏ ﻓﺮﺣﺖ ﻣﻤﻮﺟﻮﺩ ﺣﺘﻰ ﺍﺧﺬ ﺭﺍﺣﺘﻲ ﺑﺎﻟﺸﻐﻞ ﻭﺍﺧﻠﺺ ﺑﺴﺮﻋﺔ
ﻭﺍﺭﺟﻊ ﻟﻠﺒﻴﺖ
ﺭﺣﺖ ﺩﺧﻠﺖ ﺣﻀﺮﺕ ﺍﻟﻤﻨﻈﻔﺎﺕ ﻭﺍﻟﻤﺎﺳﺤﺔ ﻭﻭﺻﻠﺔ ﺍﻟﻤﺴﺢ
ﻃﻠﻌﺘﻬﻢ ﻭﺷﻜﻠﺖ ﺩﺷﺪﺍﺷﺘﻲ
....
ﻭﻛﻌﺪﺕ ﺍﻧﻈﻒ ﻭﺍﻧﻲ ﻣﻨﺪﻣﺠﺔ ﺑﺎﻟﺸﻐﻞ ﻭﺍﻓﻜﺮ ﺑﻜﻼﻡ ﺻﺪﻳﻘﺘﻲ
ﻓﻴﺤﺎﺀ ﺭﺍﺡ ﺗﻘﺪﻡ ﻋﻠﻰ ﺍﻋﺪﺍﺩﻳﺔ ﺍﻟﺘﻤﺮﻳﺾ ﻣﺜﻞ ﺍﺧﺘﻬﺎ ﺍﻟﻜﺒﻴﺮﺓ
ﺗﻜﻮﻝ ﺍﺧﺘﻲ ﺑﻌﺪﻫﺎ ﻃﺎﻟﺒﺔ ﻭﺻﺎﺭﺕ ﺗﻀﺮﺏ ﺍﺑﺮ ﻟﻠﻨﺎﺱ ﺑﺎﻟﺒﻴﺖ ﻭﺗﺎﺧﺬ
ﺿﻐﻂ ﻭﺗﻀﻤﺪ ﺍﻟﻌﻤﻠﻴﺎﺕ ﻭﺗﻄﻠﻊ ﻟﻠﺒﻴﻮﺕ ﻭﺟﺎﻱ ﺗﺤﺼﻞ ﺧﻴﺮ ﻣﻦ
ﺍﻟﻠﻪ
ﻛﻤﺖ ﺍﻛﻠﺐ ﺍﻟﻔﻜﺮﺓ ﺑﺮﺍﺳﻲ ﺍﺭﻳﺪ ﺍﺣﺠﻲ ﻭﻳﺔ ﺍﻣﻲ ﻣﺎ ﺩﺍﻡ ﺧﻠﺼﺖ
ﺍﻟﺜﺎﻟﺚ ﻣﺘﻮﺳﻂ ﺣﺘﻰ ﺗﻘﺪﻣﻠﻲ ﻋﻠﻰ ﺍﻻﻋﺪﺍﻳﺔ ﺍﻟﺘﻤﺮﻳﺾ ﻭﺍﺳﺎﻋﺪﻫﺎ
ﺑﻤﺼﺮﻑ ﺍﻟﺒﻴﺖ ﻻﻥ ﻣﻨﺎ ﻋﻠﻤﺎ ﺍﺧﻠﺺ ﺍﻋﺪﺍﺩﻳﺔ ﻭﺑﻌﺪﻫﺎ ﺍﻟﻜﻠﻴﺔ
ﻭﺗﻌﺎﻟﻲ ﻋﻠﻤﺎ ﺍﺳﺘﻠﻢ ﺍﻟﺸﻬﺎﺩﺓ ﻭﺑﻌﺪﻳﻦ ﻳﺎﻋﻮﻧﺖ ﺍﻟﻠﻪ ﻣﻨﺎ ﻋﻠﻤﺎ
ﺍﺣﺼﻞ ﺗﻌﻴﻴﻦ ﻳﻌﻨﻲ ﻳﺤﺘﺎﺟﻠﻲ ﻛﻢ ﺳﻨﺔ ﺣﺘﻰ ﺍﻛﺪﺭ ﺍﺷﻴﻞ ﻋﻦ ﺍﻣﻲ
ﺣﻤﻞ ﺍﻟﺒﻴﺖ ﻭﺍﻟﻤﺼﺮﻑ
ﺟﻨﺖ ﻣﻠﺘﻬﻴﺔ ﺍﻧﻈﻒ ﻭﺣﺴﻴﺖ ﻋﻠﻰ ﺣﺮﻛﺔ ﻭﺭﺍﻱ ﺍﻟﺘﻔﺘﺖ ﻭﺷﻬﻜﺖ
ﺑﺨﻮﻑ
ﻋﻤﻮ ﺍﺑﻮ ﺭﺍﺋﺪ ﻭﺍﻛﻒ ﻣﺘﺠﻲ ﻋﺎﻟﺒﺎﺏ ﻭﻳﺒﺎﻭﻉ ﻋﻠﻴﺔ ﺟﺎﻧﺖ ﻧﻈﺮﺍﺗﻪ
ﻣﻘﺰﺯﺓ
ﻧﺰﻟﺖ ﺛﻮﺑﻲ ﻭﻋﺪﻟﺘﻪ ﺑﺴﺮﻋﺔ
ﻭﺻﺮﺕ ﺍﻣﺘﻤﺖ ﺑﺎﻟﺤﺠﻲ
.. ﻫﻠﻮ ﻋﻤﻮ ﻣﺤﺘﺎﺝ ﺷﻲ
ﻋﺾ ﺷﻔﺘﻪ ﻭﺍﻗﺘﺮﺏ ﻣﻨﻲ
.. ﻻ ﻋﻤﻮ ﻣﺎﻣﺤﺘﺎﺝ ﺷﻲ ﺑﺲ ﺍﺟﻴﺖ ﺍﻧﻄﻴﺞ ﻫﺎﻱ
ﺑﺎﻭﻋﺖ ﺑﻴﺪﻩ ﻋﻼﻛﺔ
ﺟﺎﻥ ﻳﺤﺠﻲ ﻭﻋﻴﻮﻧﻪ ﺳﺎﻓﺮﺕ ﻋﻠﻰ ﻃﻮﻝ ﺟﺴﻤﻲ ﻳﺒﺎﻭﻋﻠﻲ ﺑﺸﺮﺍﻫﺎ
ﺑﻘﻴﺖ ﻭﺍﻛﻔﺔ ﺟﺎﻣﺪﺓ ﺑﻤﻜﺎﻧﻲ ﻣﻦ ﺍﻟﺨﻮﻑ ﻟﻮ ﻳﺬﺑﺤﻮﻧﻲ ﻣﺎ ﻳﻠﻜﻮﻥ
ﻗﻄﺮﺓ ﺩﻡ ﺑﻴﺔ
.. ﻫﺎﺝ ﺍﺧﺬﻱ ﺍﻟﺒﺎﺭﺣﺔ ﺷﻔﺖ ﺛﻮﺏ ﺣﻠﻮ ﻭﺍﺗﺨﻴﻠﺘﻪ ﻋﻠﻴﺞ ﻭﻣﺎ ﻛﺪﺭﺕ
ﻣﺎ ﺍﺷﺘﺮﻳﻪ ﺍﻟﺞ
.. ﺷﻜﺮﺍ ﻋﻤﻮ ﻟﻴﺶ ﻛﻠﻔﺖ ﻧﻔﺴﻚ ﺑﺲ ﺍﻧﻲ ﻣﺎ ﺍﺭﻳﺪ
.. ﺩﺧﺬﻳﻬﺎ ﺍﻋﺘﺒﺮﻳﻬﺎ ﻫﺪﻳﺔ ﻣﻨﻲ ﺍﻟﺞ ﺑﺲ ﻻ ﺗﻜﻮﻟﻴﻦ ﻻﻡ ﺭﺍﺋﺪ ﻋﻨﻬﺎ
.. ﻻ ﻋﻤﻮ ﻣﺎ ﻳﺤﺘﺎﺝ ﺍﻛﻠﻠﻬﺎ ﻟﺨﺎﻟﺔ ﻻﻥ ﺍﺻﻼ ﻣﺎ ﺭﺍﺡ ﺍﻗﺒﻞ ﺍﺧﺬﻫﺎ
ﺍﻗﺘﺮﺏ ﻣﻨﻲ ﻭﻟﺰﻣﻨﻲ ﻣﻦ ﺯﻧﺪﻱ
ﻭﻗﺮﺑﻨﻲ ﻋﻠﻴﻪ ﻭﻫﻤﺲ
.. ﻫﻮ ﺍﻧﺘﻲ ﻭﻳﻦ ﺻﺎﺣﻠﺞ ﻭﺍﺣﺪ ﻳﻘﺪﻣﻠﺞ ﻫﺪﻳﺔ
ﺻﻴﺮﻱ ﺣﺒﺎﺑﺔ ﻭﺳﻤﻌﻲ ﺍﻟﻜﻼﻡ ﻭﺍﺧﺬﻳﻬﺎ ﺧﻠﻲ ﺍﺷﻮﻓﻬﺎ ﻋﻠﻴﺞ
ﻭﺍﻭﻋﺪﺝ ﺑﺲ ﺗﺼﺮﻳﻦ ﺣﺒﺎﺑﺔ ﻭﺗﻄﻴﻌﻴﻨﻲ ﺍﻏﺮﻛﺞ ﺑﺎﻟﺬﻫﺐ ﻭﺍﻟﻔﻠﻮﺱ
ﻭ ...
ﻣﺎ ﺍﻧﺘﻈﺮﺗﻪ ﻳﻜﻤﻞ ﺟﺎﻧﺖ ﺍﻧﻔﺎﺳﻪ ﺣﺎﺭﺓ
ﻧﺘﺮﺕ ﺍﻳﺪﻱ ﻣﻨﻪ ﺟﺎﻥ ﻻﺯﻣﻨﻲ ﻗﻮﻳﺔ ﺍﺣﺲ ﺯﻧﺪﻱ ﻳﺮﻳﺪ ﻳﻨﺨﻠﻊ ﻣﻦ
ﻣﻜﺎﻧﻪ ﺩﻓﻌﺘﻪ ﺑﺎﻟﻜﻮﺓ ﻭﺍﺑﺘﻌﺪﺕ ﻋﻨﻪ
ﻛﻠﻲ ﺍﺭﺟﻒ ﺍﺟﻴﺖ ﺍﺗﻘﻲﺀ ﻣﻦ ﺍﻟﺨﻮﻑ
ﻛﺎﻡ ﻳﻐﻠﻂ
.. ﺑﻨﺖ ﺍﻟﻜﻠﺐ ﻟﺞ ﺍﻧﺘﻲ ﺗﺪﻓﻌﻴﻨﻲ
ﺍﺗﺠﻪ ﻋﻠﻴﺔ ﻳﺮﻳﺪ ﻳﻠﺰﻣﻨﻲ
....
ﻭ ﻓﺠﺎﺀﺓ ﺩﺧﻞ ﺭﺍﺋﺪ ﻟﻠﻤﻄﺒﺦ ﺑﺲ ﻣﺎ ﺍﻧﺘﺒﻪ ﻋﻠﻰ ﻭﺿﻌﻨﺎ ﻭﻻ ﺣﺲ
ﺭﺍﺡ ﻟﻠﺜﻼﺟﺔ ﻭﻃﻠﻊ ﺩﻭﻟﻜﺔ ﻣﺎﻱ ﻭﻛﻌﺪ ﻳﺸﺮﺏ ﺍﺟﻴﺖ ﺍﺑﺠﻲ ﻣﻦ
ﺍﻟﻔﺮﺣﺔ ﺷﻔﺖ ﺍﺑﻮ ﺭﺍﺋﺪ ﺍﺑﺘﻌﺪ
ﻭﻃﻠﻊ ﻣﻦ ﺍﻟﻤﻄﺒﺦ ﺑﺴﺮﻋﺔ
ﺍﻧﻲ ﻣﺎ ﺍﻧﺘﻈﺮﺕ ﻳﻄﻠﻊ ﺭﺍﺋﺪ ﻣﻦ ﺍﻟﻤﻄﺒﺦ
ﺧﻔﺖ ﺧﺎﻑ ﻳﺮﺟﻊ ﻋﻠﻴﺔ ﻣﻦ ﻳﻄﻠﻊ ﺍﺑﻨﻪ
ﻛﺒﻞ ﻃﻠﻌﺖ ﻣﻦ ﺑﻴﺘﻬﻢ ﺍﺭﻛﺾ ﻣﺜﻞ ﺍﻟﺨﺒﻠﺔ ﺑﺪﻭﻥ ﻣﺎ ﺍﻟﺘﻔﺖ ﻭﺭﺣﺖ
ﺩﺧﻠﺖ ﻟﺒﻴﺘﻨﺎ ﻻﻛﺘﻨﻲ ﺍﻣﻲ
.. ﻫﺎ ﻣﺎﻣﺎ ﺷﻮﻣﺔ ﺷﺒﻲ ﻭﺟﻬﺞ ﻣﺨﻄﻮﻑ ﻟﻮﻧﻪ ﻟﻴﺶ ﺭﺍﺟﻌﺔ ﻣﻦ
ﻭﻛﺖ ﻭﺷﺒﻴﻬﺎ ﺍﻧﻔﺎﺳﺞ ﺳﺮﻳﻌﺔ ﻣﻨﻮ ﺭﺍﻛﺾ ﻭﺭﺍﺝ
ﺑﺲ ﺷﻔﺖ ﺍﻣﻲ ﻛﺪﺍﻣﻲ ﺭﺣﺖ ﺭﻛﺾ ﻋﻠﻴﻬﺎ ﻭﺷﻤﺮﺕ ﻧﻔﺴﻲ
ﺑﺤﻀﻨﻬﺎ ﻭﺻﺮﺕ ﺍﺑﺠﻲ ﻭﺍﻋﻴﻂ ﻭﺍﺭﺟﻒ ﻣﻦ ﺍﻟﺨﻮﻑ
ﻣﻜﺪﺭﺕ ﺍﺗﺤﻤﻞ ﺍﺿﻢ ﺑﻜﻠﺒﻲ ﺍﻧﻲ ﻣﺘﻌﻮﺩﺓ ﺷﻨﻮ ﻳﺼﻴﺮ ﻭﻳﺎﻱ
ﺍﺟﻲ ﺍﺣﺠﻲ ﻷﻣﻲ
.. ﻳﻤﺔ ﺩﺧﻴﻠﻚ ﺭﺑﻲ ﺷﺒﻴﺞ ﺷﻮﻣﺔ ﺍﺣﺠﻲ ﻣﻨﻮ ﻭﻳﺎﺝ
ﺟﻨﺖ ﺍﺑﺠﻲ ﻭﺍﻧﺎﺷﻎ ﻭﺣﺠﻴﺖ ﻷﻣﻲ ﻋﻦ ﻛﻠﺸﻲ
ﺑﺎﻭﻋﺖ ﻋﻠﻴﺔ ﻟﻤﺘﻨﻲ ﻟﺤﻀﻨﻬﺎ ﻭﺻﺎﺭﺕ ﺗﺒﺠﻲ ﺑﺤﺮﻛﺔ
.. ﺳﻮﺩﺓ ﺑﻮﺟﻬﻲ ﻳﻤﺔ ﺷﻮﻣﺔ ﺍﻧﺘﻲ ﻳﺼﻴﺮ ﻭﻳﺎﺝ ﻫﺸﻜﻞ ﻋﻤﺖ ﻋﻴﻦ
ﺍﻟﺪﻧﻴﺎ ﺍﻟﻠﻪ ﻻ ﻳﻮﻓﻘﻪ ﺑﺠﺎﻩ ﺍﻟﺤﺒﻴﺐ ﻣﺤﻤﺪ
ﻛﻮﻥ ﺗﻨﺸﻞ ﺍﻳﺪﻩ ﺍﻟﻤﺪﻫﺎ ﻋﻠﻴﺞ ﺍﻟﻨﺎﻗﺺ ﺍﻟﻌﺎﺭ
ﺟﺎﻧﺖ ﺗﺤﺠﻲ ﻭﺗﺮﺟﻒ ﺑﻘﻬﺮ
ﺍﻡ ﺷﻴﻤﺎﺀ
ﻣﺼﻴﺒﺔ ﺷﻴﻤﺎﺀ ﻭﺍﻟﻠﻪ ﺍﻧﺪﻟﻴﺖ ﻣﻜﺎﻥ ﻛﻠﺒﻲ ﻣﻦ ﺍﻟﻘﻬﺮﺓ
ﻣﺎ ﺍﻋﺮﻑ ﺷﺼﺎﺭ ﺑﻴﺔ ﺍﺣﺲ ﺍﻟﻨﺎﺭ ﺻﺎﺭﺕ ﺗﻄﻠﻊ ﻣﻦ ﻭﺟﻬﻲ
ﺷﻜﺪ ﺻﻌﺒﺔ ﻋﺎﻟﻮﺍﺣﺪ ﻣﻦ ﻳﺸﻮﻑ ﻭﺻﻠﺔ ﻣﻦ ﻛﻠﺒﻪ ﻳﺪﻧﺴﻮﻧﻬﺎ
ﻭﻳﻠﻮﺛﻮﻧﻬﺎ ﺣﺴﻴﺖ ﺑﻄﻌﻢ ﻣﺮ ﺑﺤﻠﻜﻲ
ﻭﺍﻟﻠﻪ ﺷﻌﻮﺭ ﻣﺎ ﻳﻨﻮﺻﻒ ﺻﻌﺒﺔ ﻋﺎﻟﻮﺣﺪﺓ ﺑﻴﻨﺎ ﺗﻌﺮﻑ ﺑﺒﻨﺘﻬﺎ
ﺍﺗﻌﺮﺿﺖ ﻟﻠﺘﺤﺮﺵ
ﺷﻜﺪ ﻣﺎﺭ ﻋﻠﻴﺔ ﺿﻴﻢ ﻭﺷﻜﺪ ﺷﻔﺖ ﻟﻮﻋﺎﺕ ﻭﻗﻬﺮ ﺑﺤﻴﺎﺗﻲ ﺑﺲ ﻣﺜﻞ
ﻫﺎﻱ ﺍﻟﻠﻮﻋﺔ ﻣﺎﻣﺮ ﻋﻠﻴﺔ
.. ﺍﻧﻌﻞ ﺍﺑﻮ ﺍﻟﺸﻐﻞ ﻻﺑﻮ ﺍﻟﻴﺮﻭﺣﻠﻬﻢ ﻭﻳﻨﻈﻔﻠﻬﻢ ﻭﺍﻟﻌﻴﺸﺔ ﻛﺎﻓﻠﻬﺎ ﺍﻟﻠﻪ
ﺑﻌﺪ ﻣﺎ ﺗﺮﺣﻴﻦ ﻟﺒﻴﺘﻬﻢ ﻭﻻ ﺗﺘﻘﺮﺑﻴﻦ ﻣﻨﻬﻢ
ﻭﺭﺏ ﺍﻟﻜﻌﺒﺔ ﺑﺲ ﺍﺷﻮﻓﻪ ﺍﺗﻔﻞ ﺑﻮﺟﻬﻪ ﺍﻟﻨﺎﻗﺺ ﺍﻟﺤﻘﻴﺮ
ﺍﻟﻠﻪ ﻛﻮﻥ ﻳﻜﺴﺮ ﺍﻳﺪﻩ ﺍﻟﻲ ﺍﻧﻤﺪﺕ ﻋﻠﻴﺞ
ﺍﺑﺎﻭﻉ ﻋﻠﻰ ﺍﻣﻲ ﺧﻄﻴﺔ ﻛﺎﻣﺖ ﺗﺤﺠﻲ ﻭﺗﺮﺟﻒ ﻣﻦ ﺍﻟﻘﻬﺮ
ﺑﺲ ﻭﺍﻟﻠﻪ ﻏﺼﺐ ﻋﻨﻲ ﻛﻠﺘﻠﻬﺎ ﻣﻜﺪﺭﺕ ﺍﺗﺤﻤﻞ ﺍﺳﻜﺖ ﺍﻛﺜﺮ ﻣﻦ
ﻫﻴﺞ ﺧﻔﺖ ﻳﺴﻮﻳﻠﻲ ﺷﻲ
ﻭﻣﻦ ﻳﻮﻣﻬﺎ ﻻ ﺍﻧﻲ ﻭﻻ ﺍﻣﻲ ﺭﺣﻨﺎ ﻋﺘﺒﻨﺎ ﻟﺒﻴﺖ ﺍﺑﻮ ﺭﺍﺋﺪ ﻭﺭﺓ ﻳﻮﻣﻴﻦ
ﺩﺯﺕ ﺍﻡ ﺭﺍﺋﺪ ﺍﺑﻨﻬﺎ ﺣﺘﻰ ﺍﺟﻲ ﺍﺳﺎﻋﺪﻫﺎ ﺑﺲ ﺍﻣﻲ ﻃﻠﻌﺘﻠﻪ ﻭﻛﺎﻟﺘﻠﻪ ..
ﻛﻮﻝ ﻻﻣﻚ ﺷﻴﻤﺎﺀ ﺑﻌﺪ ﻣﺎ ﺗﺠﻲ ﺗﺸﺘﻐﻞ ﻋﻨﺪﻛﻢ ﺍﻣﻬﺎ ﻣﺮﻳﻀﺔ
ﺍﻣﻲ ﻓﻀﻠﺖ ﺍﻟﺴﻜﻮﺕ ﻭﻣﺘﺤﺠﻲ ﻻﻥ ﺗﻌﺮﻑ ﻛﻠﺶ ﺯﻳﻦ ﺍﺫﺍ ﺣﺠﺖ
ﺍﻟﻨﺎﺱ ﻛﻠﻬﺎ ﺭﺍﺡ ﺗﺬﺏ ﺍﻟﺼﻮﺝ ﺑﻴﻨﺎ
ﻻﻥ ﺍﺑﻮ ﺭﺍﺋﺪ ﻣﻌﺮﻭﻑ ﺑﺎﻟﻤﻨﻄﻘﺔ ﻭﺍﺣﻨﺎ ﻣﺼﺎﺭﻟﻨﺎ ﻫﻮﺍﻱ ﻣﻦ ﺍﻧﺘﻘﻠﻨﺎ
ﻟﻬﻨﺎ ﺑﺎﻟﻤﻨﻄﻘﺔ ﻭﻧﻄﻠﻊ ﺍﺣﻨﺎ ﺍﻟﻐﻠﻂ
....
ﺭﺍﺡ ﺭﺍﺋﺪ ﻭﺑﻌﺪﻫﺎ ﺍﺟﺘﻲ ﺍﻡ ﺭﺍﺋﺪ
ﻃﺒﻌﺎ ﺗﺠﻲ ﻻﻥ ﺍﻧﻲ ﻭﺍﻣﻲ ﻫﻮﺍﻱ ﺳﺎﺩﻳﻦ ﻋﻨﻬﺎ ﻭﻓﺎﻳﺪﻳﻨﻬﺎ ﺑﺎﻟﺒﻴﺖ ﻭﺍﻻ
ﻫﻲ ﻛﺎﺿﻴﺘﻬﺎ ﻛﻠﺔ ﺩﻳﺎﺣﺔ ﻣﺘﺪﺭﻱ ﺑﻄﺒﺦ ﺑﻜﻮﻱ ﺗﻨﻈﻴﻒ ﻭﻣﻦ ﺗﺮﺟﻊ
ﻟﻠﺒﻴﺖ ﺗﻠﻜﺔ ﻛﻠﺸﻲ ﺟﺎﻫﺰ
ﺩﺧﻠﺖ ﻭﺳﻠﻤﺖ ﻋﻠﻰ ﺍﻣﻲ ﻭﺑﻴﺪﻫﺎ ﺳﻠﺔ ﻓﻮﺍﻛﻪ ﻭﻛﺎﻟﺖ ﻫﺎﻱ ﺍﺑﻮ ﺭﺍﺋﺪ
ﺩﺯﻫﺎ ﺍﻟﻜﻢ ﻣﺨﺼﻮﺹ ﻭﻳﺴﻠﻢ ﻋﻠﻴﻜﻢ ﻭﻳﻜﻮﻝ ﺍﻟﺤﻤﺪ ﻟﻠﻪ ﻋﻠﻰ
ﺳﻼﻣﺔ ﺍﻡ ﺷﻴﻤﺎﺀ
ﻭﺍﻟﻠﻪ ﺍﺷﺘﺎﻗﻴﻨﺎﻟﻜﻢ
ﺟﺎﻧﺖ ﺍﻣﻲ ﺗﺤﺠﻲ ﻭﻳﺎﻫﺎ ﻣﻦ ﻭﺭﺓ ﺧﺸﻤﻬﺎ ﻭﻛﻮﺓ ﺗﺠﺎﻭﺑﻬﺎ
.. ﺍﻟﻠﻪ ﻳﺴﻠﻤﺞ ﺣﺒﻴﺒﺔ ﻟﻴﺶ ﻛﻠﻔﺘﻲ ﻧﻔﺴﺞ
.. ﻻ ﻫﺬﺍ ﻭﺍﺟﺐ
ﺩﺍﺭﺕ ﻭﺟﻬﺔ ﻋﻠﻴﺔ
.. ﺍﻱ ﺻﺪﻙ ﺷﻴﻤﺎﺀ ﺍﺷﻮ ﻫﺎﻻﻳﺎﻡ ﻣﺘﺠﻴﻦ ﻋﺪﻧﺎ ﺗﺴﺎﻋﺪﻳﻨﻲ
.. ﻣﺎﻣﺎ ﻣﺮﻳﻀﺔ ﻣﺎ ﺍﻛﺪﺭ ﺍﺗﺮﻛﻬﺎ ﻭﺣﺪﻫﺎ
.. ﻭﺍﺫﺍ ﺍﻣﺞ ﻣﺮﻳﻀﺔ ﺧﻮﺍﺗﺞ ﻣﻮﺟﻮﺩﺍﺕ ﻳﺪﻳﺮﻭﻥ ﺑﺎﻟﻬﻢ ﻋﻠﻴﻬﺎ ﻭﺍﺣﻨﺎ
ﺑﻴﺘﻨﺎ ﻫﻴﺎﺗﻪ ﻳﻢ ﺑﻴﺘﻜﻢ ﻳﻌﻨﻲ ﺗﻜﺪﺭﻳﻦ ﺗﻨﻈﻔﻴﻦ ﻭﺗﺮﺟﻌﻴﻦ
ﺍﻡ ﺷﻴﻤﺎﺀ .. ﺷﻮﻓﻲ ﺍﻡ ﺭﺍﺋﺪ ﺷﻴﻤﺎﺀ ﺑﻌﺪ ﻣﺎ ﺗﻄﻠﻊ ﺗﻨﻈﻒ
ﺍﺑﻮﻫﺎ ﻣﺎ ﻳﻘﺒﻞ ﻳﻜﻮﻝ ﺍﻟﺒﻨﻴﺔ ﻛﺒﺮﺕ ﻭﻋﻴﺐ ﻃﺎﺑﺔ ﻃﺎﻟﻌﺔ ﻛﻞ ﺳﺎﻋﺔ
ﻣﻦ ﺍﻟﺒﻴﺖ
ﺍﻡ ﺭﺍﺋﺪ .. ﺑﺮﺍﺣﺘﻜﻢ ﺍﻧﻲ ﺣﺒﻴﺖ ﺍﻓﻴﺪﻛﻢ ﻻﻥ ﺍﻋﺮﻑ ﺑﻴﻜﻢ ﺍﻧﺘﻮﺍ ﺑﺤﺎﺟﺔ
ﺍﻟﻔﻠﺲ
.. ﺍﻟﻌﻴﺸﺔ ﻛﺎﻓﻠﻬﺎ ﺍﻟﻠﻪ ﺑﻌﺪ ﺷﻨﺴﻮﻱ ﻫﺬﺍ ﺣﻜﻢ ﺍﻟﻘﻮﻱ ﻋﺎﻟﻀﻌﻴﻒ
ﻃﻠﻌﺖ ﺍﻡ ﺭﺍﺋﺪ ﻭﺑﺎﻭﻋﺖ ﻋﻠﻰ ﺍﻣﻲ ﺍﺣﺲ ﺑﺎﻟﺬﻧﺐ ﺑﺄﺗﺠﺎﻫﻪ
ﻋﻤﻴﺖ ﻋﻠﻴﻬﺎ ﻭﺳﺪﻳﺖ ﻋﻠﻴﻬﺎ ﺑﺎﺏ ﺭﺯﻗﻬﺎ
ﺍﺟﺔ ﺑﺎﺑﺎ ﻭﺩﺧﻞ ﻭﺻﺎﺡ ﺻﺒﻮﻟﻲ ﻏﺪﺓ
ﺩﺧﻠﺖ ﻟﻠﻤﻄﺒﺦ ﻟﻜﻴﺖ ﺍﻣﻲ ﺗﻜﻠﻲ ﻃﻤﺎﻃﺔ
ﺣﻄﺘﻬﺎ ﺑﺎﻟﺼﻴﻨﻴﺔ ﻭﺣﻄﺖ ﺧﺒﺰ ﻭﺧﻀﺮﺓ ﻭﺍﻧﻲ ﻭﻳﺎﻫﺎ ﺍﺳﺎﻋﺪﻫﺎ
ﻭﺻﺎﺣﺖ ﻟﻠﺒﻨﺎﺕ
ﻛﻌﺪﻧﺎ ﻛﻠﻨﺎ ﻧﺎﻛﻞ ﻭﺑﺎﺑﺎ ﻭﻳﺎﻧﺎ ﺟﺎﻥ ﻳﺎﻛﻞ ﻭﻳﻨﺎﻓﺦ
.. ﺍﺩﺭﻱ ﺷﻨﻮ ﺗﺮﺓ ﻭﺍﻟﻠﻪ ﻣﻠﻴﻨﺎ ﻣﻦ ﺍﻟﻄﻤﺎﻃﺔ ﺍﻟﻜﻠﻲ
.. ﺍﺣﻤﺪ ﺍﻟﻠﻪ ﻭﺍﺷﻜﺮﻩ ﻣﻮ ﺯﻳﻦ ﻭﺣﺼﻠﺖ ﺍﻛﻞ ﻳﻌﻨﻲ ﻫﻢ ﻣﺎ ﺗﺸﺘﻐﻞ
ﻭﻫﻢ ﻛﺎﻋﺪ ﺗﺘﺸﺮﻁ
ﺷﻮﻑ ﺍﺛﻴﺮ ﺳﻮﻱ ﺣﺴﺎﺑﻚ ﺗﻄﻠﻊ ﻭﺗﺪﻭﺭﻟﻚ ﻋﻠﻰ ﺷﻐﻞ ﻻﻥ ﺍﻧﻲ
ﺑﻄﻠﺖ ﻣﻦ ﺑﻴﺖ ﺍﺑﻮ ﺭﺍﺋﺪ ﺑﻌﺪ ﻣﺎ ﺍﺷﺘﻐﻞ ﻋﻨﺪﻫﻢ
ﻻﻥ ﺻﺤﺘﻲ ﺍﻧﺘﻜﺴﺖ
ﻫﻮ ﺳﻤﻊ ﺣﺠﻲ ﺍﻣﻲ ﻣﻨﺎ ﻭﻫﻮ ﺣﺮﻙ ﺍﻟﺪﻧﻴﺎ ﻋﻠﻰ ﺭﺍﺳﻬﺎ
ﻭﻛﻠﺐ ﺍﻟﺼﻴﻨﻴﺔ ﻭﻇﻞ ﻳﻜﻔﺮ ﻭﻳﻐﻠﻂ ﻭﻳﺴﺐ ﺑﺄﻣﻲ
ﻭﻫﻲ ﺳﺎﻛﺘﺔ ﻣﻨﻄﻘﺖ ﺑﺄﻱ ﺣﺮﻑ ﺑﺲ ﺗﺒﺎﻭﻉ ﺑﻌﻴﻮﻧﻬﺎ ﻭﺗﺘﺤﺴﺐ
ﻋﻠﻴﻪ
ﻭﺍﻟﻠﻪ ﺍﻧﻤﺮﺩ ﻛﻠﺒﻲ ﻋﻠﻰ ﺍﻣﻲ ﺑﺲ ﻣﺎ ﺑﻴﺪﻱ ﺷﻲ ﺍﻗﺪﻣﻪ ﺍﻟﻬﺔ ﻭﺍﺷﻴﻞ
ﻋﻨﻬﺎ ﺍﺑﺎﻭﻉ ﻋﻠﻰ ﺧﻮﺍﺗﻲ ﺧﺎﻳﻔﺎﺕ ﻛﻞ ﻭﺣﺪﺓ ﻣﺎﺧﺬﺓ ﺻﻔﺤﺔ ﻭﺗﺒﺎﻭﻉ
ﺑﻌﻴﻮﻧﻬﺎ ﻣﺮﻭﺓ ﺟﺎﻧﺖ ﻻﺯﻣﺔ ﻛﺘﺎﺑﻬﺎ ﻭﺣﺎﻃﺔ ﺍﻳﺪﻫﺎ ﻋﻠﻰ ﺍﺫﺍﻧﺎﺗﻬﺎ ﺧﻄﻴﺔ
ﻫﻲ ﺣﺘﻰ ﺑﺎﻟﻌﻄﻠﺔ ﺗﺪﺭﺱ
ﻭﺿﺤﻰ ﻭﺍﻛﻔﺔ ﺑﺰﺍﻭﻳﺔ ﻭﺗﺎﻛﻞ ﺑﺄﻇﺎﻓﺮﻫﺎ ﺑﺨﻮﻑ ﺍﻟﺘﻔﺘﺖ ﺍﺩﻭﺭ ﻋﻠﻰ
ﻫﺪﻯ ﻣﺎﻛﻮ ﻏﻤﻀﺖ ﻋﻴﻮﻧﻲ ﻭﺍﺗﺬﻛﺮﺕ ﻫﺪﻯ ﻛﻠﻤﺎ ﻳﺘﻌﺎﺭﻛﻮﻥ ﺍﻣﻲ
ﻭﺍﺑﻮﻱ ﺧﻄﻴﺔ ﺗﻄﻠﻊ ﻣﻦ ﺍﻟﺒﻴﺖ ﻭﺗﻮﻛﻒ ﻳﻢ ﺑﺎﺏ ﺍﻟﺸﺎﺭﻉ ﺗﺨﺎﻑ ﻣﻦ
ﺑﺎﺑﺎ ﺍﺫﺍ ﻳﻌﺼﺐ ﺣﺘﻰ ﺿﺮﺏ ﻳﻜﻮﻡ ﻳﻀﺮﺏ ﻇﻞ ﻳﺼﻴﺢ
.. ﺷﻮﻛﺖ ﺍﻟﻠﻪ ﻳﺨﻠﺼﻨﻲ ﻣﻨﻜﻢ ﻭﺍﺭﺗﺎﺡ ﺍﻧﺘﻮﺍ ﺍﻟﻠﻪ ﺧﺎﻟﻘﻜﻢ ﺑﺲ ﻋﻠﺔ
ﻋﻠﻰ ﮔﻠﺒﻲ
ﻭﻃﻠﻊ ﻣﻦ ﺍﻟﺒﻴﺖ ﺑﻌﺪﻣﺎ ﻛﻠﺒﻪ ﺟﺤﻴﻢ ﻋﻠﻴﻨﺎ
ﺍﺑﺎﻭﻉ ﻷﻣﻲ ﺳﺎﻛﺘﺔ ﻣﺘﺤﺠﻲ ﺍﻱ ﺍﺷﻲ ﺑﺲ ﺩﻣﻮﻋﻬﺎ ﺗﺼﺐ ﺟﺮﺕ
ﺣﺴﺮﺓ ﻭﺑﺎﻭﻋﺖ ﻟﻠﺒﻨﺎﺕ ﻣﺴﺤﺖ ﺩﻣﻮﻋﻬﺎ
.. ﺷﻮﻣﺔ ﻳﻤﺔ ﻛﻮﻣﻲ ﺣﻤﻲ ﺍﻟﻄﻤﺎﻃﺔ ﻟﺨﻮﺍﺗﺞ ﺧﻄﻴﺔ ﻣﺎ ﻟﺤﻜﻮ
ﻳﺘﻐﺪﻭﻥ ﻣﻦ ﻭﺭﺓ ﺍﺑﻮﺝ ﺳﻮﺍﻩ ﺳﻢ ﻋﻠﻴﻬﻢ
ﻛﻤﺖ ﺍﺧﺬﺕ ﻃﺎﻭﺓ ﺍﻟﻄﻤﺎﻃﺔ ﻭﺣﻤﻴﺘﻬﺎ ﻭﺣﻄﻴﺘﻬﺎ ﺑﺎﻟﺼﻴﻨﻴﺔ ﻭﺍﻣﻲ
ﺻﺎﺣﺖ ﻟﻠﺒﻨﺎﺕ .. ﺗﻌﺎﻟﻦ ﻳﻤﺔ ﺍﻛﻠﻮﻟﻜﻢ ﻟﻜﻤﺔ ﻣﻮ ﺯﻳﻦ ﺗﻈﻠﻮﻥ ﻋﻠﻰ
ﻟﺤﻢ ﺑﻄﻨﻜﻢ
ﺍﺟﻮﻱ ﺍﻟﺒﻨﺎﺕ ﺑﺲ ﻫﺪﻯ ﻣﺎﻛﻮ ﺭﺣﺖ ﻣﺪﻳﺖ ﺭﺍﺳﻲ ﻣﻦ ﺍﻟﺒﺎﺏ ﺣﺘﻰ
ﺍﺻﻴﺤﻬﺎ ﺗﺠﻲ ﺗﺎﻛﻞ ﺑﺲ ﻣﺎﻛﻮ
ﺭﺟﻌﺖ ﻭﻛﻠﺖ ﻷﻣﻲ ﻫﺪﻯ ﻣﺎﻛﻮ ﺑﺎﻟﺒﺎﺏ
.. ﻛﻮﻣﻲ ﻣﺎﻣﺎ ﺿﺤﺎﻭﻱ ﻟﺒﺴﻲ ﻧﻌﺎﻟﺞ ﻭﺭﻭﺣﻲ ﺷﻮﻓﻲ ﺍﺧﺘﺞ ﻭﻳﻦ
ﻭﻟﺖ
ﺭﺍﺣﺖ ﺿﺤﻰ ﺗﺪﻭﺭ ﻋﻠﻴﻬﺎ ﺷﻮﻳﺔ ﻭﺭﺟﻌﺖ
.. ﻣﺎﻣﺎ ﺩﻭﺭﺕ ﻋﻠﻴﻬﺎ ﻣﺎﻛﻮ ﻣﻠﻜﻴﺘﻬﺎ ﺭﺣﺖ ﻳﻢ ﺑﻴﺖ ﺍﻡ ﻗﺎﺳﻢ ﻋﺒﺎﻟﻲ
ﺗﻠﻌﺐ ﻭﻳﺔ ﺑﻨﺎﺗﻬﻢ ﻫﻢ ﻣﺎ ﻟﻜﻴﺘﻬﺎ
ﻛﺎﻣﺖ ﺍﻣﻲ ﻭﻟﺒﺴﺖ ﻋﺒﺎﺗﻬﺎ ﻭﻃﻠﻌﺖ ﺗﺪﻭﺭ ﻫﻲ ﻭﺿﺤﻰ ﻋﻠﻰ ﻫﺪﻯ
....
ﻭﺭﺟﻌﺖ ﺍﻣﻲ ﻭﻫﺪﻯ ﻣﺎﻛﻮ ﺟﺎﻧﺖ ﺧﺎﻳﻔﺔ
ﻭﻛﻠﺴﺎﻋﺔ ﺗﻠﺰﻡ ﺑﻄﻨﻬﺎ ﻣﻮﺟﻮﻋﺔ
.. ﺷﻠﻮﻥ ﺑﻴﺔ ﺻﺨﺎﻡ ﻭﺟﻬﻲ ﻭﻟﻜﻢ ﺍﺧﺘﻜﻢ ﻣﺎﻛﻮﺍ
ﻣﺮﻭﺓ .. ﻟﺘﺨﺎﻓﻴﻦ ﻋﻠﻴﻬﺎ ﻣﺘﻀﻴﻊ ﻭﻻ ﻳﺼﻴﺮ ﺑﻴﻬﺎ ﺷﻲ ﺑﺰﻭﻧﺔ ﺑﺴﺒﻊ
ﺍﺭﻭﺍﺡ ﺍﺻﻼ ﺍﻟﻴﺨﻄﻔﻬﺎ ﻳﺮﺟﻌﻬﺎ ﻋﻠﻴﺞ ﻳﻮﻡ ﺛﺎﻧﻲ ﻣﻦ ﻭﺭﺓ ﺍﻟﺴﺎﻧﻬﺎ
ﻭﻭﻛﺎﺣﺘﻬﺎ
.. ﻟﺞ ﻏﻤﺔ ﻫﺎﻱ ﺑﺪﺍﻝ ﻣﺎ ﺗﻜﻮﻣﻴﻦ ﺗﺪﻭﺭﻳﻦ ﻭﻳﺎﻧﺎ ﻋﻠﻰ ﺍﺧﺘﺞ
ﺟﺎﻧﺖ ﺍﻣﻲ ﺗﺤﺠﻲ ﻭﺍﻧﺪﻙ ﺍﻟﺒﺎﺏ ﻛﺒﻞ ﺭﻛﻀﺖ ﺑﺴﺮﻋﺔ ﺍﻓﺘﺢ ﺍﻟﺒﺎﺏ
ﻭﺟﺎﻥ ﺍﺷﻮﻑ ﻫﺪﻯ
.. ﻟﺞ ﺟﻨﻴﺔ ﻭﻳﻦ ﺟﻨﺘﻲ ﻛﻠﺒﻨﺎ ﺍﻟﺪﻧﻴﺎ ﻧﺪﻭﺭ ﻋﻠﻴﺞ ﻭﺍﻧﺘﻲ ﻣﺎﻛﻮ
ﺟﺎﻧﺖ ﺭﺍﻓﻌﺔ ﺭﺍﺳﻬﺎ ﺗﺒﺎﻭﻉ ﻋﻠﻰ ﺷﻴﻤﺎﺀ ﻭﺭﻣﻮﺷﻬﺎ ﺍﻟﻜﺜﻴﻔﺎﺕ
ﻳﺮﻓﺮﻓﻦ ﻋﻠﻰ ﻭﺟﻨﺘﻬﺎ
.. ﺟﻨﺖ ﺑﺒﻴﺖ ﺧﺎﻟﺔ ﺍﻡ ﻏﺎﺋﺪ ﺍﺗﻐﺪﺓ ﻭﻳﺔ ﻏﺎﺋﺪ ﻭﻟﻴﻠﻰ
ﺍﻱ ﺻﺪﻙ ﺍﺣﻨﺎ ﺩﻭﺭﻧﺎ ﺑﻜﻞ ﺍﻻﻣﺎﻛﻦ ﻭﻧﺴﻴﻨﺎ ﺑﻴﺖ ﺍﻡ ﺭﺍﺋﺪ ﻣﺎ ﺍﺟﺔ
ﻋﻠﻰ ﺑﺎﻟﻨﺎ ﻫﺪﻯ ﺗﺮﻭﺡ ﻋﻨﺪﻫﻢ
ﺟﺮﺗﻬﺎ ﺍﻣﻲ ﻭﺣﻀﻨﺘﻬﺎ ﻭﺑﻨﻔﺲ ﺍﻟﻮﻛﺖ ﺗﺮﺯﻝ ﺑﻴﻬﺎ
.. ﻟﺞ ﻭﺍﻟﻠﻪ ﺍﺫﺍ ﺑﻌﺪ ﻋﺪﺗﻴﻬﺎ ﺍﺷﻠﻊ ﺍﺫﺍﻧﺎﺗﺞ
ﺭﺟﻌﻨﺎ ﻛﻌﺪﻧﺎ ﻧﻜﻤﻞ ﻏﺪﺓ ﻭﺍﻣﻲ ﺗﺜﻠﻢ ﺑﺎﻟﺨﺒﺰﺓ ﻭﺗﻮﻛﻞ ﺑﻬﺪﻯ
ﻫﺪﻯ .. ﻣﺎﻣﺎ ﻣﺎ ﺍﻏﻴﺪ ﺍﻛﻞ ﺍﻧﻲ ﺍﺗﻐﺪﻳﺖ ﻭﻳﺔ ﻏﺎﺋﺪ ﻫﻨﺎﻙ
ﺑﺒﻴﺘﻬﻢ
.. ﻣﺎﻣﺎ ﻫﺪﻯ ﺳﻤﻌﻴﻨﻲ ﺯﻳﻦ ﺑﻌﺪ ﻣﺎ ﺗﺮﺣﻴﻦ ﻟﺒﻴﺖ ﺍﻡ ﺭﺍﺋﺪ ﻋﻴﺐ
ﻣﺎﻣﺎ
ﻫﺪﻯ .. ﺍﻱ ﺑﺲ ﺍﻏﻮﺡ ﺍﺗﻐﺪﺓ ﻋﻨﺪﻫﻢ
ﺍﻣﻲ ﺍﺑﺘﺴﻤﺖ ﻋﻠﻰ ﺑﺮﺍﺋﺘﻬﺎ
.. ﻻ ﺣﺘﻰ ﻏﺪﺓ ﻣﺎ ﺗﺘﻐﺪﻳﻦ ﻋﻨﺪﻫﻢ ﺍﺣﻨﺎ ﻫﻨﺎ ﻧﺴﻮﻱ ﻏﺪﺓ ﻭﺗﺎﻛﻠﻴﻦ
ﻭﻳﺎﻧﺎ
.. ﻻ ﻣﺎﻣﺎ ﺍﻛﻠﻬﻢ ﻃﻴﺐ ﺑﻲ ﻟﺤﻢ ﻫﻮﺍﻱ ﻭﻋﻨﺪﻫﻢ ﺗﻠﻔﺰﻳﻮﻥ ﺍﺑﺎﻭﻉ
ﻭﻳﺎﻫﻢ ﻛﺎﻏﺘﻮﻥ ﺟﻮﻏﺠﻲ ‏( ﻛﺎﺭﺗﻮﻥ ﺟﻮﺭﺟﻲ ‏)
ﻭﻏﺎﺋﺪ ﻳﻨﻄﻴﻨﻲ ﺣﻠﻮﻳﺎﺕ
ﻣﺮﻭﺓ .. ﻳﺎﻟﻠﻪ ﻫﺎﺝ ﺍﺳﺘﻠﻤﻲ ﻭﺍﻧﺖ ﺻﺎﺭﻟﺞ ﺳﺎﻋﺔ ﺗﺪﻭﺭﻳﻦ ﺧﺎﻳﻔﺔ
ﻋﻠﻴﻬﺎ ﻭﺍﻟﺴﺖ ﺭﺍﻳﺤﺔ ﺗﺸﺒﻊ ﺑﻄﻨﻬﺎ
ﺍﻣﻲ ﺳﻜﺘﺖ ﻭﺍﺣﺘﺎﺭﺕ ﺷﻠﻮﻥ ﺗﺠﺎﻭﺏ ﻃﻔﻠﺔ ﻭﺗﻤﻨﻌﻬﺎ ﻣﻦ ﺷﻲ
ﺗﻌﺘﺒﺮﻩ ﻣﻦ ﺣﻘﻬﺎ
ﺍﻻﻃﻔﺎﻝ ﻳﻌﺘﺒﺮﻭﻥ ﻛﻠﺸﻲ ﻳﻜﺪﺭﻭﻥ ﻳﻮﺻﻠﻮﻧﻪ ﻳﻌﺘﺒﺮﻭﻧﻪ ﻣﺘﺎﺡ ﺍﻟﻬﻢ
ﻭﻫﻠﺸﻲ ﻣﻦ ﺣﻘﻬﻢ
ﺍﻧﺪﻙ ﺍﻟﺒﺎﺏ ﻭﺭﺍﺣﺖ ﺿﺤﻰ ﺗﺸﻮﻑ ﻣﻨﻮ
ﻓﺎﺗﺖ ﺍﻡ ﻓﺮﺯﺩﻕ ﻣﺤﻤﻠﺔ ﺑﺎﻟﻤﺴﻮﺍﻙ ﺍﺗﻌﻮﺩﻧﺎ ﻋﻠﻴﻬﺎ ﻛﻞ ﻳﻮﻡ ﺗﺠﻴﻨﺎ
ﻭﺗﺴﺄﻝ ﻋﻨﺎ ﻭﺗﻜﻌﺪ ﻭﻳﺔ ﺍﻣﻲ ﻭﻳﺴﻮﻟﻔﻮﻥ ﻭﻳﺸﺮﺑﻮﻥ ﺟﺎﻱ ﻛﻞ ﻳﻮﻡ
ﻋﺼﺮﻳﺔ ﺍﻡ ﻓﺮﺯﺩﻕ ﺻﺎﺭﺕ ﺷﺨﺺ ﻣﺎﻟﻨﺎ ﻏﻨﺔ ﻋﻨﻬﺎ
ﺍﺣﺲ ﺍﻣﻲ ﺗﺮﺗﺎﺡ ﻣﻦ ﺗﻜﻌﺪ ﻳﻤﻨﺎ
ﺳﻠﻤﺖ ﻋﻠﻴﻬﺎ
.. ﻫﻼ ﺑﺒﻨﺎﺗﻲ ﺗﻌﺎﻟﻮ ﺷﻮﻓﻮ ﺷﻨﻮ ﺟﺒﺘﻠﻜﻢ
ﺗﺠﻤﻌﻨﺎ ﺣﻮﻟﻬﺎ ﻭﻓﺘﺤﻨﺎ ﺍﻟﻌﻼﻟﻴﻚ ﺑﻔﺮﺣﺔ ﺟﺎﻧﺖ ﺟﺎﻳﺒﺔ ﻟﻜﻞ ﻭﺣﺪﺓ
ﺑﻴﻨﺎ ﺛﻮﺏ
ﻃﺮﻧﺎ ﻣﻦ ﺍﻟﻔﺮﺡ ﺑﺲ ﻫﺪﻯ ﺧﻄﻴﺔ ﺑﺪﻟﺘﻬﺎ ﻛﺎﻧﺖ ﺟﺒﻴﺮﺓ ﻋﻠﻴﻬﺎ
......
ﺍﻡ ﻓﺮﺯﺩﻕ .. ﺍﺩﺭﻱ ﻫﻲ ﻣﻮ ﻋﻤﺮﻫﺎ ٥ - ٦ﺳﻨﻮﺍﺕ ﺍﻧﻲ ﻛﻠﺖ ﻟﻠﻮﻟﺪ ﺍﺭﻳﺪ
ﺑﺪﻟﺔ ﻣﺎﻝ ﻋﻤﺮ ٦ ﻭﻫﺎﻱ ﻗﻴﺎﺱ ﻣﺎﻝ ﺳﺘﺔ
ﺍﻡ ﺷﻴﻤﺎﺀ ﻭﻫﻲ ﺗﻀﺤﻚ .. ﺍﻱ ﻣﻮ ﻧﺴﻴﺖ ﺍﻛﻠﺞ ﻫﺪﻯ ﺳﻨﻔﻮﺭﺓ ﻧﺎﻋﻤﺔ
ﺑﺎﻟﻜﻮﺓ ﺗﻄﻮﻝ
ﺿﺤﻰ .. ﺍﻱ ﺧﺎﻟﺔ ﻃﻮﻟﻬﺎ ﺷﺒﺮ
ﻫﺪﻯ .. ﺷﺒﻎ ﺑﻌﻴﻨﺞ ﻋﻮﺑﺔ
ﻫﺪﻯ ﻋﻨﺪﻫﺎ ﻟﺪﻏﺔ ﺑﺤﺮﻑ ﺍﻟﺮﺍﺀ ﻭﺟﺎﻧﺖ ﺩﺍﺋﻤﺎً ﺗﺘﺠﻨﺐ ﻧﻄﻖ ﺍﻟﻜﻠﻤﺎﺕ
ﺍﻟﻲ ﺑﻴﻬﺎ ﺣﺮﻑ ﺭﺍﺀ ﺗﺴﺘﺤﻲ ﻣﻨﻬﺎ
ﺍﻡ ﻓﺮﺯﺩﻕ .. ﻳﻤﺔ ﻓﺪﻭﺓ ﻟﻠﺘﺮﺗﻞ ﺑﻠﺴﺎﻧﻬﺎ
ﺩﻧﻜﺖ ﺭﺍﺳﻬﺎ ﻣﺴﺘﺤﻴﺔ ﻣﻦ ﺍﻡ ﻓﺮﺯﺩﻕ
ﻣﺮﻭﺓ .. ﺷﻮﻑ ﺷﻮﻑ ﻭﺍﻟﻠﻪ ﻭﻋﻨﺪﻫﺎ ﺣﺮﻛﺎﺕ ﺑﻌﺪ ﻭﺗﺨﺠﻞ
ﻫﺪﻯ .. ﻣﺎﻣﺎ ﺻﻴﺤﻲ ﻋﻠﻰ ﺑﻨﺎﺗﺞ ﺷﻮﻓﻴﻬﻢ ﻳﻌﻴﺒﻮﻥ ﻋﻠﻴﺔ
ﺳﺤﺒﺘﻬﺎ ﺍﻡ ﻓﺮﺯﺩﻕ ﻭﺣﻄﺘﻬﺎ ﺑﺤﻀﻨﻬﺎ
.. ﻭﺍﻟﻠﻪ ﻳﻐﺎﺭﻭﻥ ﻣﻨﺞ ﻻﻥ ﺣﻠﻮﺓ
ﻃﻠﻌﺖ ﺍﻟﺴﺎﻧﻬﺎ ﻭﻛﻌﺪﺕ ﺗﺴﻮﻱ ﺑﻴﺪﻫﺎ ﺣﺮﻛﺔ ﺍﻟﺤﻨﻴﺼﺔ ﻟﻠﺒﻨﺎﺕ
ﺍﺑﺎﻭﻉ ﻻﻡ ﻓﺮﺯﺩﻕ ﻟﺰﻣﺖ ﻛﻒ ﻫﺪﻯ ﺍﻟﺼﻐﻴﺮ ﻭﻇﻠﺖ ﺗﺒﺎﻭﻉ ﻋﻠﻴﻪ
ﺍﻡ ﺷﻴﻤﺎﺀ ﺍﻧﺘﺒﻬﺖ ﻋﻠﻰ ﺣﺮﻛﺔ ﺍﻡ ﻓﺮﺯﺩﻕ
.. ﻫﺎ ﺧﺎﻟﺔ ﺑﻌﺪﺝ ﺗﺘﻨﺒﺌﻴﻦ ﺑﻘﺮﺍﺀﺓ ﺍﻟﻜﻒ
ﺍﻡ ﻓﺮﺯﺩﻕ ﺿﺤﻜﺖ .. ﻭﺍﻟﻠﻪ ﻳﻤﺔ ﻣﺮﺍﺕ ﺗﺼﻴﺮ ﻋﻨﺪﻱ ﺑﺼﻴﺮﺓ ﻭﺍﻗﺮﺓ
ﻭﻣﺮﺍﺕ ﻛﻠﺸﻲ ﻣﺎ ﺍﺷﻮﻑ ﻭﺗﺼﻌﺐ ﻋﻠﻴﺔ ﺍﻟﻘﺮﺍﺀﺓ
ﺭﺟﻌﺖ ﺗﺒﺎﻭﻉ ﻋﻠﻰ ﺍﻳﺪ ﻫﺪﻯ ﻭﻛﺎﻟﺖ
.. ﻫﺎﻱ ﺍﻟﺒﻨﻴﺔ ﺍﻟﻠﻪ ﻣﺒﺎﺭﻙ ﺑﻴﻬﺎ ﻭﻋﻨﺪﻫﺎ ﻧﻔﺤﺔ ﺭﺣﻤﺎﻥ ﺑﻮﺟﻬﺎ
ﻭﺑﺮﻛﺔ ﻣﻦ ﺍﻟﻠﻪ ﺑﺲ ﻳﺎﻣﻜﺜﺮ ﻋﺜﺮﺍﺗﻬﺎ
ﻫﺪﻯ .. ﺍﻱ ﺧﺎﻟﺔ ﺍﻧﻲ ﻛﻠﺴﺎﻋﺔ ﺍﻋﺜﻎ ‏( ﺍﻋﺜﺮ ‏) ﻭﺍﻃﻴﺢ
ﺍﺑﺘﺴﻤﺖ ﺍﻡ ﻓﺮﺯﺩﻕ ﻋﻠﻰ ﺑﺮﺍﺋﺘﻬﺎ
ﻃﻔﺮﺕ ﻫﺪﻯ ﻣﻦ ﻣﻜﺎﻧﻬﺎ ﺑﺲ ﺳﻤﻌﺖ ﺍﻟﺒﺎﺏ ﺍﻧﺪﻙ ﻭﺻﻮﺕ ﺑﻨﺖ ﺍﻡ
ﻗﺎﺳﻢ ﺗﺼﻴﺢ ﻋﻠﻴﻬﺎ ﻣﻦ ﻭﺭﺓ ﺍﻟﺒﺎﺏ ﺭﺍﺣﺖ ﺗﺮﻛﺾ
ﺍﻡ ﺷﻴﻤﺎﺀ .. ﻫﺎ ﺧﻴﺮ ﻭﻳﻦ ﻣﻮﻟﻴﺔ
.. ﺍﻏﻴﺪ ﺍﻟﻌﺐ ﻭﻳﺔ ﺍﻟﺒﻨﺎﺕ ﺣﻠﻴﺔ
.. ﻣﻮ ﺗﺮﺣﻴﻦ ﺑﻌﻴﺪ ﺑﺲ ﺍﻣﺪ ﺭﺍﺳﻲ ﺍﻟﻜﺎﺝ ﺑﺎﻟﺒﺎﺏ
.. ﺍﻱ ﻣﺎﻣﺎ
ﺍﻟﺒﻨﺎﺕ ﺑﺲ ﻋﺮﻓﻮﺍ ﺏ ﺍﻡ ﻓﺮﺯﺩﻕ ﺗﻘﺮﺓ ﺍﻟﻜﻒ ﺭﺍﺣﻮ ﻛﻌﺪﻭﺍ ﻳﻤﻬﺎ
ﺑﻠﻬﻔﺔ ﻭﻳﺴﻤﻌﻮﻧﻬﺎ ﺷﻨﻮ ﺗﺤﺠﻲ ﺑﺄﻫﺘﻤﺎﻡ
ﺿﺤﻰ ﻣﺪﺕ ﺍﻳﺪﻫﺎ ﺑﻠﻬﻔﺔ
.. ﺧﺎﻟﺔ ﺧﺎﻟﺔ ﺍﻧﻲ ﺍﻧﻲ ﺍﻗﺮﻳﻠﻲ ﺍﻟﻜﻒ ﻣﺜﻞ ﻫﺪﻯ
ﺍﻡ ﺷﻴﻤﺎﺀ ﺗﻀﺤﻚ ﻋﻠﻰ ﺷﻜﻞ ﺑﻨﺎﺗﻬﺎ
.. ﻟﺞ ﺿﺤﻴﻮﺓ ﺑﻌﺪﺝ ﻫﺎﻟﻜﺪﻭﺩ ﻭﺗﺪﻭﺭﻳﻦ ﻗﺮﺍﺀﺓ ﻛﻒ
ﺿﺤﻜﺖ ﺍﻡ ﻓﺮﺯﺩﻕ .. ﺣﺒﻴﺒﺔ ﺧﻠﻴﻬﺎ
ﺗﻌﺎﻟﻲ ﺧﻠﻲ ﺍﻗﺮﺍﻟﺞ
ﻟﺰﻣﺖ ﺍﻳﺪﻫﺎ ﻭﺑﺎﻭﻋﺖ ﻋﻠﻴﻬﺎ ﻭﻛﻠﺘﻠﻬﺎ
.. ﺍﻧﺘﻲ ﺧﺎﻟﺔ ﺍﻟﺘﺮﺩﻳﻨﻪ ﻳﺠﺮﺍﻟﺞ ﻭﺗﻮﺻﻠﻴﻦ ﺑﺲ ﺗﻠﻜﻴﻦ ﺑﺎﺑﻪ ﻣﺴﺪﻭﺩ ﻻ
ﺍﻧﺘﻲ ﻃﺎﻳﻠﺔ ﺳﻤﺎ ﻭﻻ ﺍﻧﺘﻲ ﻃﺎﻳﻠﺔ ﺍﺭﺽ
ﺿﺤﻰ ﻇﻠﺖ ﺗﺒﺎﻭﻉ ﻋﻠﻴﻬﺎ ﺑﺪﻭﻥ ﻓﻬﻢ
.. ﻳﺎﻟﻠﻪ ﻛﻮﻣﻲ ﻣﻨﺎ ﻫﺎﻱ ﺍﻧﻲ ﻗﺮﻳﺘﻠﺞ ﻛﻔﺞ
ﻣﺮﻭﺓ .. ﻭﺍﻧﻲ ﺧﺎﻟﺔ ﺍﻟﻠﻪ ﻋﻠﻴﺞ ﺍﻗﺮﻳﻠﻲ ﻫﻤﻴﻦ ﺷﻮﻓﻴﻨﻲ ﺷﺼﻴﺮ
ﺑﺎﻟﻤﺴﺘﻘﺒﻞ
...
ﻟﺰﻣﺖ ﺍﻳﺪﻫﺎ ﻭﺑﺎﻭﻋﺖ ﻋﻠﻰ ﻛﻔﻬﺎ ﻭﺻﺎﺭﺕ ﺗﻜﻠﺐ ﺑﻴﻪ ﺷﻮﻓﻲ ﺍﻧﺘﻲ
ﺍﻟﺰﺭﻉ ﺍﻟﺰﺭﻋﺘﻴﻪ ﺗﺤﺼﺪﻳﻨﻪ ﻭﺭﺍﺡ ﺗﻜﻮﻧﻴﻦ ﺣﺎﻳﻂ ﻳﻨﺴﻨﺪ ﻋﻠﻴﻪ
ﻣﺮﻭﺓ .. ﻳﻌﻨﻲ ﺷﻨﻮ ﺣﺎﻳﻂ
.. ﻳﻌﻨﻲ ﺗﻜﻮﻧﻴﻦ ﺳﻨﺪ ﻟﺨﻮﺍﺗﺞ
ﻇﻠﻦ ﺍﻟﺒﻨﺎﺕ ﻳﻀﺤﻜﻮﻥ ﻋﻠﻰ ﺍﻟﻜﻼﻡ ﺍﻡ ﻓﺮﺯﺩﻕ
ﺷﻴﻤﺎﺀ .. ﺧﺎﻟﺔ ﻛﻮﻟﻲ ﻏﻴﺮﻫﺎ ﻋﻔﺘﻲ ﺍﻟﻨﺎﺱ ﻛﻠﻬﺎ ﻣﻠﻜﻴﺘﻲ ﻏﻴﺮ ﻣﺮﻭﺓ
ﻫﻲ ﻛﻼﺹ ﻣﺎﻱ ﻣﺎ ﺗﻨﻄﻲ ﻟﻮ ﺗﺸﻮﻓﻨﺎ ﻧﺮﺍﻓﺲ ﻭﺍﺭﺑﻌﺔ ﻭﻋﺸﺮﻳﻦ
ﺳﺎﻋﺔ ﺗﺒﺠﻲ ﺑﻮﺟﻪ ﺍﻟﻠﻪ
ﺿﺤﻰ .. ﺍﻱ ﺻﺪﻙ ﺧﺎﻟﺔ ﺍﻧﻲ ﺫﺍﻙ ﺍﻟﻴﻮﻡ ﺍﻛﻠﻠﻬﺎ ﺍﻧﻄﻴﻨﻲ ﺷﻮﻳﺔ ﺟﺒﺲ
ﻣﺎ ﻗﺒﻠﺖ ﻭﻃﺮﺩﺗﻨﻲ ﻣﻦ ﺍﻟﻐﺮﻓﺔ
ﻣﺮﻭﺓ .. ﻭﺍﻟﻠﻪ ﺍﻟﻲ ﻋﻨﺪﻩ ﻫﻴﺞ ﺧﻮﺍﺕ ﻭﺣﻮﺵ ﻣﺜﻠﻜﻢ ﺣﺮﺍﻡ ﻋﻠﻴﻪ ﻳﺤﻦ
ﻋﻠﻴﻜﻢ
ﺍﻡ ﺷﻴﻤﺎﺀ .. ﻳﺎﻟﻠﻪ ﻫﺎﺝ ﺍﺳﺘﻠﻤﻲ ﺍﻡ ﻓﺮﺯﺩﻕ ﻭﺗﻜﻠﻲ ﺣﺎﻳﻂ ﻭﺳﻨﺪ
ﻫﻬﻬﻬﻬﻪ
ﺷﻴﻤﺎﺀ ﺍﻟﺘﻔﺘﺖ ﻋﻠﻰ ﺍﻡ ﻓﺮﺯﺩﻕ
.. ﺧﺎﻟﺔ ﻋﻔﻴﺔ ﻭﺍﻧﻲ ﻧﺴﻴﺘﻴﻨﻲ ﺍﻗﺮﻳﻠﻲ ﻫﻤﺎﺗﻴﻦ ﻣﺜﻠﻬﻢ
.. ﺗﻌﺎﻟﻲ ﻳﻤﺔ ﺷﻮﻣﺔ ﺧﻠﻲ ﺍﻗﺮﺍﻟﺞ ﺑﻘﺖ ﻋﻠﻴﺞ ﻗﺎﺑﻞ
ﻟﺰﻣﺖ ﻛﻒ ﺍﻳﺪﻫﺎ
.. ﺷﻮﻓﻲ ﻳﺎ ﺣﻠﻮﺓ ﺍﻧﺘﻲ ﺗﺸﻴﻠﻴﻦ ﺣﻤﻞ ﻣﻄﺮﻭﺡ ﻣﻮ ﺍﻟﺞ ﻭﻃﺮﻳﻘﺞ
ﻛﻠﺶ ﻃﻮﻳﻞ
ﻛﺎﻥ ﻛﻞ ﻛﻼﻡ ﺍﻡ ﻓﺮﺯﺩﻕ ﺍﻟﻐﺎﺯ ﻣﻔﻬﻤﻨﺎ ﻋﻠﻴﻪ
ﺍﻡ ﺷﻴﻤﺎﺀ .. ﻳﻤﺔ ﺷﻮﻣﺔ ﺍﺧﺬﻱ ﺧﻮﺍﺗﺞ ﻭﻃﻠﻌﻲ ﻋﻨﺪﻱ ﺣﺠﺎﻳﺔ ﻭﻳﺔ
ﺧﺎﻟﺘﺞ
ﺿﺤﻰ . ﻣﺎﻣﺎ ﻣﻦ ﺷﻔﺘﺞ ﻭﺷﻔﺘﻴﻨﻲ ﺗﻄﺮﺩﻳﻦ ﺑﻴﻨﺎ
.. ﺍﻣﺸﻲ ﺛﻮﻟﺔ ﺷﻮﻑ ﺍﻟﻠﺴﺎﻥ ﺻﺎﻳﺮ ﺷﻄﻮﻟﻪ
ﻃﻠﻌﻮﺍ ﺍﻟﺒﻨﺎﺕ ﻭﻛﻌﺪﺕ ﺍﻡ ﺷﻴﻤﺎﺀ ﺗﺤﺠﻲ ﻻﻡ ﻓﺮﺯﺩﻕ ﻋﻠﻰ ﺳﻮﺍﻳﺔ
ﺍﺑﻮ ﺭﺍﺋﺪ ﻭﻳﺔ ﺑﻨﺘﻬﺎ
ﺍﻡ ﻓﺮﺯﺩﻕ .. ﻭﺍﻟﻠﻪ ﺯﻳﻦ ﺗﺴﻮﻳﻦ ﺑﻄﻠﺘﻲ ﻣﻦ ﺍﻟﺸﻐﻞ
ﺍﻟﻠﻪ ﺳﺘﺮ ﺯﻳﻦ ﻣﺎ ﺳﻮﺓ ﺑﺎﻟﺒﻨﻴﺔ ﺷﻲ ﺍﻟﻠﻪ ﻳﺴﻮﺩ ﻭﺟﻬﻪ ﻋﻠﻰ
ﻫﺎﻟﺴﻮﺍﻳﺔ
.. ﺑﻄﻠﺖ ﺑﻌﺪ ﻣﺎ ﺍﺭﻭﺡ
ﺍﺣﻔﻆ ﻣﺎﻟﻚ ﻭﻻﺗﺨﻮﻥ ﺟﺎﺭﻙ ﻭﺍﻟﻌﻴﺸﺔ ﻛﺎﻓﻠﻬﺎ ﺍﻟﻠﻪ ﻧﻤﻮﺕ ﻣﻦ
ﺍﻟﺠﻮﻉ ﻭﻻ ﺍﻟﻌﺎﺭ ﻳﻠﺤﻜﻨﺎ ﻭﻳﻨﻬﺸﻮﻥ ﺑﻠﺤﻤﻨﺎ
ﺍﻡ ﻓﺮﺯﺩﻕ .. ﺷﻮﻓﻲ ﺧﺎﻟﺔ ﻋﻠﻰ ﻃﺎﺭﻱ ﺍﻟﻌﻴﺸﺔ ﺍﻧﻲ ﺫﺍﻙ ﺍﻟﻴﻮﻡ ﻣﻦ
ﺭﺣﺖ ﻟﺒﻴﺖ ﺍﺑﻮ ﻗﺎﺳﻢ ﺍﺑﻦ ﻋﻢ ﻓﺮﺯﺩﻕ ﺳﻤﻌﺖ ﻣﺮﺗﻪ ﻛﺎﻟﺖ ﻧﺮﻳﺪ
ﺣﺎﺭﺱ
ﻻﻥ ﺳﺎﻃﻲ ﻋﻠﻴﻬﻢ ﺣﺮﺍﻣﻲ ﻭﺍﺑﻮ ﻗﺎﺳﻢ ﻛﺎﻡ ﻳﺨﺎﻑ ﻋﻠﻰ ﺑﻨﺎﺗﻪ ﻭﺍﺑﻨﻪ
ﻫﻴﺞ ﺳﻤﻌﺘﻬﻢ ﺑﺎﻟﻠﻪ ﺧﻠﻲ ﺍﺗﺄﻛﺪﻟﺞ ﻋﻴﻨﻮﺍ ﺣﺎﺭﺱ ﻟﻮ ﺑﻌﺪﻫﻢ ﺣﺘﻰ
ﺍﺫﺍ ﺑﻌﺪﻫﻢ ﺍﻛﻠﻠﻬﻢ ﻋﻠﻰ ﺍﺛﻴﺮ ﺭﺟﻠﺞ ﺑﻠﻜﻲ ﻳﺸﻐﻠﻮﻧﻪ
.. ﻭﺍﻟﻠﻪ ﺧﺎﻟﺔ ﻳﺎﺭﻳﺖ ﺗﺴﻮﻳﻦ ﻓﻀﻞ ﻣﺎ ﺍﻧﺴﺎﻩ ﺍﻟﺞ
ﻭﺍﺟﻮﻱ ﺍﻟﺒﻨﺎﺕ ﺑﻴﺪﻫﻢ ﺻﻴﻨﻴﺔ ﺍﻟﺠﺎﻱ ﻭﺍﻟﻜﻌﻚ ﺻﺒﻮ ﺟﺎﻱ ﻭﻛﻌﺪﻭ
ﻳﺎﻛﻠﻮﻥ ﻛﻌﻚ ﻭﺟﺎﻱ
ﺍﻡ ﻓﺮﺯﺩﻕ .. ﻳﻤﺔ ﺍﻟﺒﻨﺎﺕ ﻋﺸﺮﺓ ﻭﺍﻛﻮﻝ ﻗﻠﻴﻼﺕ
ﻳﻤﺔ ﺍﻟﺒﻨﺎﺕ ﺻﺎﻏﻬﻦ ﺍﻟﺼﺎﻳﻎ ﻭﻣﺎﺕ
ﻫﺎﻱ ﻛﻠﻤﺎﺕ ﺍﻡ ﻓﺮﺯﺩﻕ ﻛﻠﻤﺎ ﺗﺸﻮﻑ ﺍﻟﺒﻨﺎﺕ ﺗﺮﻓﻊ ﻣﻌﻨﻮﻳﺎﺗﻬﻢ
ﻭﺗﺴﻨﺪﻫﻢ ﺣﺘﻰ ﻟﻮ ﺑﺲ ﺑﺎﻟﻜﻼﻡ
ﺟﺎﻧﻮﺍ ﻳﺴﻮﻟﻔﻮﻥ ﻭﻳﻀﺤﻜﻮﻥ ﻭﻣﺮﻭﺓ ﻫﻤﺴﺖ ﻟﻠﺒﻨﺎﺕ
.. ﺍﻛﻠﻜﻢ ﺍﻧﺘﻮﺍ ﺻﺪﻛﺘﻮﺍ ﻛﻼﻡ ﺍﻡ ﻓﺮﺯﺩﻕ
ﺿﺤﻰ .. ﺍﺻﻼ ﺍﻧﻲ ﻛﻠﺸﻲ ﻣﻔﺘﻬﻤﺖ
ﺷﻴﻤﺎﺀ .. ﺷﺒﻴﻜﻢ ﺧﺎﻟﺔ ﺩﺗﺎﺧﺬﻧﺎ ﻋﻠﻰ ﻛﺪ ﻋﻘﻠﻨﺎ ﻭﺗﺤﺠﻴﻠﻨﺎ ﻫﺬﺍ
ﺍﻟﺤﺠﻲ ﺣﺘﻰ ﻫﺪﻯ ﺗﺼﻴﺮ ﻋﺎﻗﻠﺔ
ﻭﻋﻠﻰ ﻃﺎﺭﻱ ﻫﺪﻯ ﺳﻤﻌﻮﺍ ﺻﺮﺧﺘﻬﺎ ﺍﻟﻌﺎﻟﻴﺔ ﻛﻤﺰﻭﺍ ﻣﻦ ﻣﻜﺎﻧﻬﻢ
ﻣﻔﺰﻭﻋﺎﺕ
ﺍﻡ ﺷﻴﻤﺎﺀ .. ﻳﻤﺔ ﺷﻮﻣﺔ ﺭﻛﻀﻲ ﺷﻮﻓﻲ ﺍﺧﺘﺞ ﺷﺒﻴﻬﺎ
ﻓﺘﺤﺖ ﺷﻴﻤﺎﺀ ﺍﻟﺒﺎﺏ ﻭﺟﺎﻥ ﺗﺪﺧﻠﻠﻬﻢ ﻫﺪﻯ ﻭﺩﻣﻬﺎ ﺑﻄﻮﻟﻬﺎ
.. ﻳﻤﺔ ﻳﺎ ﺳﺘﺎﺭ ﺑﻨﻴﺘﻲ
..... 
ﻳﺘﺒﻊ
شكرا لك ولمرورك