رواية أساور الفضة ج1 الجزء الرابع
للكاتبة نهى
....
ﻫﺪﻯ
ﺟﺎﻥ ﺑﺎﺑﺎ ﻳﺤﺠﻲ ﺑﻌﺼﺒﻴﺔ ﻭﻳﺔ ﻋﻤﻮ ﺍﻣﺠﺪ
.. ﻫﺬﻭﻟﻲ ﻭﻟﺪ ﺍﺧﻮﻙ ﺍﻟﻲ ﻋﺎﻳﺸﻴﻴﻦ ﺑﺎﻟﺨﺎﺭﺝ ﻃﻠﻌﻮﺍ
ﺑﺎﻳﻌﻴﻴﻦ ﻫﺬﺍ ﺍﻟﻤﺸﺘﻤﻞ ﺑﺪﻭﻥ ﻣﺎ ﻧﻌﺮﻑ ﺍﻟﻴﻮﻡ ﺍﺟﺎﻧﻲ ﻭﺍﺣﺪ ﻟﻠﺸﻐﻞ
ﻭﻃﻠﺐ ﻣﻨﻲ ﺍﻓﺮﻍ ﺍﻟﺒﻴﺖ
ﻟﻄﻤﺖ ﻋﻠﻰ ﺣﻠﻜﻲ ﻣﺼﺪﻭﻣﺔ ﻭﺷﻴﻤﺎﺀ ﺷﻬﻜﺖ ﻭﺣﻄﺖ ﺍﻳﺪﻫﺎ ﻋﻠﻰ
ﺣﻠﻜﻬﺎ
ﻭﻇﻠﻴﻨﺎ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ
ﺩﺧﻴﻠﻚ ﻳﺎﺭﺑﻲ ﺍﻻ ﺑﻴﺘﻨﺎ ﻭﻳﻦ ﻧﺮﻭﺡ
ﺷﻠﻮﻥ ﻳﺎﺭﺑﻲ ﻭﺑﻴﺖ ﺟﺪﻱ ﺑﺎﻳﻌﻴﻴﻦ ﻧﺼﻪ ﻭﻋﻤﻮ ﺍﻣﺠﺪ ﺍﺧﺬ ﺣﺼﺘﻪ
ﻭﻃﻠﻊ ﻣﻦ ﺍﻟﺒﻴﺖ ﻭﺑﻘﻰ ﻋﻠﻰ ﻛﺪ ﻣﺸﺘﻤﻞ ﻛﻠﺶ ﺻﻐﻴﺮ ﻟﺒﻴﺒﻲ
ﺳﺎﻛﻨﺔ ﺑﻲ ﻟﻮﺣﺪﻫﺎ ﻭﺑﺎﺑﺎ ﻃﻠﻊ ﻣﺎﺧﺬ ﺣﺼﺘﻪ ﻭﺻﺎﺭﻓﻬﺎ ﻭﺍﺣﻨﺎ ﻣﺎﻋﺪﻧﺎ
ﺍﻱ ﻋﻠﻢ ﺑﺎﻟﻤﻮﺿﻮﻉ ﺍﻥ ﺑﺎﺑﺎ
ﻣﺎﺧﺬ ﺣﺼﺘﻪ ﻣﻦ ﺍﻟﺒﻴﺖ ﻭﻟﻮ ﻣﺎ ﺍﺳﺘﻐﺮﺏ ﻳﻄﻠﻊ ﻫﻴﺞ ﻃﻠﻌﺔ
ﺷﺘﺮﺟﺔ ﻣﻦ ﺍﺏ ﻳﺎﺧﺬ ﺗﻌﺐ ﺑﻨﺘﻪ ﻭﻳﺮﻭﺡ ﻳﺼﺮﻓﻬﻢ ﻋﻠﻰ
ﺍﻟﺸﺮﺏ ﻭﺍﻟﺴﻮﺍﻟﻒ ﺍﻟﺘﻌﺒﺎﻧﺔ ﻭﻣﺎ ﺧﻔﻲ ﻛﺎﻥ ﺍﻋﻈﻢ ﻭﺍﻟﻠﻪ ﺍﻟﻌﺎﻟﻢ ﺑﻌﺪ
ﺷﻨﻮ ﻋﻨﺪﻩ ﻏﻴﺮﻫﺎ ﻣﻦ ﺳﻮﺍﻟﻒ
ﺍﻣﺠﺪ .. ﺍﻱ ﻫﻮ ﺫﺍﻙ ﺍﻟﻴﻮﻡ ﺍﺗﺼﻞ ﻋﻠﻴﺔ ﻭﻛﻠﻲ ﺍﺣﺘﻤﺎﻝ ﻳﺒﻴﻊ ﺍﻟﺒﻴﺖ
ﻻﻥ ﻣﺤﺘﺎﺝ ﻓﻠﻮﺱ ﻋﻠﻤﻮﺩ ﻣﺸﺮﻭﻋﻪ ﺑﺲ ﺍﺷﻮ ﻣﺎ ﻛﻠﻲ ﻣﻦ ﺑﺎﻉ
ﺍﻟﺒﻴﺖ
ﺧﻠﻲ ﺍﺭﻭﺡ ﺍﺗﺼﻞ ﻋﻠﻴﻪ ﻭﺍﺳﺘﻔﺴﺮ ﻣﻨﻪ ﻭﺍﺗﺄﻛﺪ
ﻣﺮﺍﺕ ﺍﻻﻧﺴﺎﻥ ﺗﻤﺮ ﻋﻠﻴﻪ ﺍﻟﻤﺼﺎﺋﺐ ﻳﺤﺘﺎﺭ ﺍﻱ ﻭﺣﺪ ﺑﻴﻬﻢ ﺗﻮﺟﻊ
ﺭﺍﺡ ﻋﻤﻮ ﺍﻣﺠﺪ ﺣﺘﻰ ﻳﺘﺼﻞ ﻋﻠﻰ ﻋﻤﻮ ﻋﻠﻲ ﻭﻇﻞ ﺑﺎﺑﺎ ﻳﻀﺮﺏ
ﺍﺧﻤﺎﺱ ﺑﺄﺳﺪﺍﺱ
ﻭﺍﺣﻨﺎ ﻭﺍﻛﻔﺎﺕ ﻧﻨﺘﻈﺮ ﻣﺼﻴﺮﻧﺎ
ﺍﻧﻲ ﺩﺧﻠﺖ ﺍﺩﺭﺱ ﺭﻳﺎﺿﻴﺎﺕ ﻟﺒﺎﺟﺮ ﺍﺣﺴﻦ ﺷﻲ ﺍﺩﺭﺱ ﺍﻣﺘﺤﺎﻧﻲ
ﻭﺧﻠﻴﻬﺎ ﻋﻠﻰ ﺍﻟﻠﻪ
ﺍﻛﻮ ﺭﺏ ﺭﺣﻴﻢ ﻫﻮ ﻳﺪﺑﺮ ﺍﻻﻣﻮﺭ
ﻛﻌﺪﺕ ﺍﺩﺭﺱ ﻭﺍﺟﺘﻲ ﺿﺤﻰ ﻭﺭﺓ ﻓﺘﺮﺓ ﻟﺰﻣﺖ ﻛﺘﺎﺑﻬﺎ
ﻃﺒﻌﺎ ﻫﺎﻱ ﻣﻮ ﻣﻦ ﻋﻮﺍﻳﺪﻫﺎ
ﺭﻓﻌﺖ ﺣﺎﺟﺒﻲ
.. ﻣﻮ ﺟﻨﺞ ﺟﺎﻳﺔ ﺗﺪﺭﺳﻴﻦ ﻣﺘﺄﺧﺮﺓ ﻭﻣﺎ ﺑﻘﻰ ﺷﻲ ﻋﻠﻰ ﺍﻣﺘﺤﺎﻧﺎﺕ
ﺍﻟﺒﻜﻠﻮﺭﻳﺎ ﺑﺎﻟﻠﻪ ﺷﺘﻠﺤﻜﻴﻦ ﺗﺪﺭﺳﻴﻦ
ﺿﺤﻰ .. ﺍﻧﺘﻲ ﻣﺎ ﻋﻠﻴﺞ ﺍﻟﺤﻚ ﺑﺲ ﺍﺷﺪ ﺣﻴﻠﻲ ﻭﺍﻫﺘﻢ ﺑﺪﺭﺍﺳﺘﻲ
ﺍﻛﺜﺮ
.. ﺑﺸﻨﻮ ﺗﻬﺘﻤﻴﻦ ﻭﺍﻧﺘﻲ ﺣﻀﺮﺗﺞ ﺍﻟﻴﻮﻡ ﻳﺎﻟﻠﻪ ﻛﻠﻔﺘﻲ ﻧﻔﺴﺞ ﺗﺠﻴﻦ
ﻭﻳﺎﻱ ﻟﻠﻤﺪﺭﺳﺔ ﻭﺗﺠﻴﺒﻴﻦ ﺑﻄﺎﻗﺔ ﺍﻟﺪﺧﻮﻝ ﻟﻼﻣﺘﺤﺎﻥ
.. ﻋﺎﺩﻱ ﻫﻲ ﺑﻄﺎﻗﺔ ﺍﻛﺪﺭ ﺑﺄﻱ ﻭﻗﺖ ﺍﺟﻴﺒﻬﺎ ﻣﻮ ﻓﺪ ﻣﺸﻜﻠﺔ
......
ﻫﻮ ﺷﻠﻮﻥ ﻳﺼﻴﺮ ﺑﻌﺪ ﺍﻻﻫﻤﺎﻝ
.. ﻋﻔﻴﺔ ﻫﺪﻯ ﺍﻟﻠﻪ ﻋﻠﻴﺞ ﻛﺎﻓﻲ ﻫﺎﻱ ﺑﺪﺍﻝ ﻣﺎ ﺗﺸﺠﻌﻴﻨﻲ ﻋﺎﻟﺪﺭﺍﺳﺔ
ﺗﻜﻌﺪﻳﻦ ﺗﻜﺴﺮﻳﻦ ﺟﻨﺎﺣﺎﺗﻲ
.. ﻳﺎﻟﻠﻪ ﻣﻨﺎ ﻭﺭﺍﻳﺢ ﺭﺍﺡ ﺍﻛﻌﺪ ﺍﺳﺎﻋﺪﺝ ﻭﺍﺷﺠﻌﻚ ﻭﺍﻟﺰﻡ ﻃﺒﻠﺔ
ﻭﺍﻃﺒﻠﺞ ﻭﺍﺷﺪ ﻭﺻﻠﺔ ﻭﺍﺭﻛﺼﻠﺞ ﺣﺘﻰ ﻳﺼﻴﺮ ﻋﻨﺪﺝ ﻭﺍﻫﺲ
.. ﺍﻣﺪﺍﺝ ﻋﻮﺑﺔ ﻃﺎﺡ ﺣﻈﺞ ﻫﻮ ﻫﻴﺞ ﺍﻟﻴﺸﺠﻊ
ﺍﻟﻤﻔﺮﻭﺽ ﺗﺴﻮﻳﻠﻲ ﺍﺟﻮﺍﺀ ﻭﺗﺠﻴﺒﻠﻲ ﻗﻬﻮﺓ ﻟﻮ ﺷﺎﻱ
ﻭﺗﺴﻮﻳﻠﻲ ﻟﻔﺎﺕ ﻣﺜﻠﻤﺎ ﺟﺎﻧﺖ ﺷﻴﻤﺎﺀ ﺗﺴﻮﻱ ﻟﻤﺮﻭﺓ ﻣﻦ ﺗﺪﺭﺱ
ﺑﺎﻭﻋﺖ ﻋﻠﻴﻬﺎ
.. ﺷﻮﻑ ﻫﺎﻱ ﻣﺼﺪﻛﺔ ﻏﻮﺣﻬﺎ ﺑﻨﺖ ﺍﻻﻭﺍﺩﻡ ﺟﺎﻳﻪ ﺗﻘﺎﻏﻦ ( ﺗﻘﺎﺭﻥ )
ﻏﻮﺣﻬﺎ ﺑﻤﻐﻮﺓ .. ﻛﻠﺞ ﺳﺎﻟﻤﻴﻦ ﺷﺒﻴﺞ ﺷﺎﻏﺒﺔ ( ﺷﺎﺭﺑﺔ ) ﻧﻔﻂ
ﺗﺮﺓ ﺍﻧﺘﻲ ﺳﺘﻮﺝ ﻳﺎﻟﻠﻪ ﻟﺰﻣﺘﻲ ﺍﻟﻜﺘﺎﺏ ﺑﻌﺪﻧﺎ ﻣﺎ ﻛﻠﻨﺎ ﺣﻼﻝ ﻭﺑﺪﻳﺘﻲ
ﺗﺘﺪﻟﻌﻴﻦ ﻭﺗﺪﻭﺭﻳﻦ ﻭﺍﻫﺲ
ﺧﺎﺏ ﻣﺎ ﺗﻜﻮﻣﻴﻦ ﻣﻨﺎ
ﺗﺮﺓ ﻭﺍﻟﻠﻪ ﺣﺘﻰ ﻣﺎ ﻻﻳﻜﺔ ﻋﻠﻴﺞ ﺗﺼﻴﺮﻳﻦ ﻣﺠﺘﻬﺪﺓ
ﺷﻤﺮﺕ ﻋﻠﻴﺔ ﺍﻟﻤﺨﺪﺓ ﻭﺻﺪﻳﺘﻬﺎ
ﻫﺪﻯ .. ﺍﻟﻠﻪ ﻋﻠﻴﺞ ﻣﻮ ﺍﺻﻠﺢ ﺍﺻﻴﺮ ﺣﺎﻏﺲ ﻣﻐﻤﻰ ( ﺣﺎﺭﺱ ﻣﺮﻣﻰ )
ﺍﺻﺪ ﺍﻫﺪﺍﻑ
ﺿﺤﻰ ﺟﺮﺕ ﺣﺴﺮﺓ
ﻫﺪﻯ .. ﺧﻴﻎ ﻟﻴﺶ ﺗﻨﺎﻓﺨﻴﻦ ﻏﺎﺡ ﺗﻄﻴﻐﻴﻨﻲ
ﺿﺤﻰ .. ﺷﺎﻳﻠﺔ ﻫﻢ ﻭﻳﻦ ﺭﺍﺡ ﻧﻨﺘﻘﻞ
ﻫﺪﻯ .. ﺧﻠﻴﻬﺎ ﻋﻠﻰ ﺍﻟﻠﻪ ﻻ ﺗﻔﻜﻎ ﻟﻬﺎ ﻣﺪﺑﻎ
ﻭﺍﺷﺮﺕ ﺑﺼﺒﻌﻲ ﺍﻟﺴﺒﺎﺑﺔ ﻟﻠﺴﻤﺎ
ﻏﻤﻀﺖ ﻋﻴﻨﻬﺎ .. ﺍﻟﻨﻌﻢ ﺑﺎﻟﻠﻪ
ﺳﻤﻌﻨﺎ ﺻﻮﺕ ﺷﻴﻤﺎ ﺀ ﺻﺎﺣﺖ ﻟﻀﺤﻰ ﺗﺠﻲ ﺗﻨﺸﺮ ﺍﻟﻤﻼﺑﺲ
ﺿﺤﻰ .. ﺍﻭﻭﻑ ﻭﻳﻜﻠﻚ ﻟﻴﺶ ﻣﺘﺪﺭﺱ ﻫﻮ ﺷﻮﻛﺖ ﺍﻟﻮﺍﺣﺪ ﻳﻠﺤﻚ
ﻳﺪﺭﺱ ﺑﻬﺬﺍ ﺍﻟﺒﻴﺖ
.. ﻫﻬﻬﻬﻬﻪ ﺍﺳﻢ ﺍﻟﻠﻪ ﺑﺎﻟﻄﺒﻚ ﺑﻌﺪﺝ ﻣﺎ ﻟﺰﻣﺘﻲ ﺍﻟﻜﺘﺎﺏ
ﺷﻮﻑ ﻫﺎﻱ ﻣﺼﺪﻛﺔ ﺭﻭﺣﻬﺎ ﺩﺗﺪﻏﺲ
ﻃﻠﻌﺖ ﻣﻦ ﺍﻟﻐﺮﻓﺔ ﺗﺪﺭﺩﻡ
ﻫﺰﻳﺖ ﺍﻳﺪﻱ ﻭﺭﺟﻌﺖ ﺍﻛﻤﻞ ﺩﺭﺍﺳﺘﻲ
ﻭﺍﻛﺘﺐ ﺍﻟﻤﻬﻤﺎﺕ ﺍﻟﻲ ﺍﺣﺘﻤﺎﻝ ﺭﺍﺡ ﻳﺠﺒﻮﻫﺎ ﺑﺎﻻﻣﺘﺤﺎﻥ ﺣﻄﻴﺖ ﻃﺮﻑ
ﻗﻠﻢ ﺍﻟﺮﺻﺎﺹ ﺑﻴﻦ ﺍﺳﻨﺎﻧﻲ
ﻭﺿﻠﻴﺖ ﺍﻋﺾ ﺑﻄﺮﻑ ﺍﻟﻘﻠﻢ ﺑﺘﻔﻜﻴﺮ ﺷﺎﺭﺩ
ﻣﻨﺎ ﻟﺤﺪ ﻣﺎ ﺍﻧﺘﺒﻬﺖ ﻋﻠﻰ ﻃﺮﻑ ﺍﻟﻘﻠﻢ ﺻﺎﺭ ﻳﺸﺒﻪ ﻋﻮﺩ ﺍﻟﻤﺴﻮﺍﻙ
ﺑﺪﻭﻥ ﻣﺎ ﺍﺣﺲ ﻋﻠﻰ ﺭﻭﺣﻲ
ﺟﺎﻧﺖ ﺳﺎﻟﻔﺔ ﺗﺠﻴﺒﻨﻲ ﻭﺳﺎﻟﻔﺔ ﺗﻮﺩﻳﻨﻲ
ﻭﻣﺎ ﺍﺩﺭﻱ ﺍﻱ ﻭﺣﺪﺓ ﺑﻴﻬﻦ
ﺍﺷﺪ ﻋﻠﻰ ﻋﻘﻠﻲ
ﺳﺎﻟﻔﺔ ﻣﺮﻭﺓ ﺍﻟﻲ ﺣﻴﺮﺗﻨﻲ ﻟﻮ ﺳﺎﻟﻔﺔ ﺑﻴﺘﻨﺎ ﺍﻟﻲ ﺍﻧﺒﺎﻉ ﻭﻣﻨﻌﺮﻑ ﻟﺤﺪ
ﺍﻻﻥ ﺷﻨﻮ ﻣﺼﻴﺮﻧﺎ
ﻭﻭﻳﻦ ﺭﺍﺡ ﻳﺼﻔﺔ ﺑﻴﻨﺎ ﺍﻟﺪﻫﺮ ﺍﻧﻲ ﻭﺧﻮﺍﺗﻲ
ﺧﻠﺼﺖ ﺍﻟﺴﺎﻋﺎﺕ ﺑﻴﻦ ﺍﻟﺘﻔﻜﻴﺮ ﻭﺍﻟﺪﺭﺍﺳﺔ
ﺣﺴﻴﺖ ﻋﻠﻰ ﺭﻭﺣﻲ ﺍﺗﻜﺴﺮﺕ ﻣﻦ ﺍﻟﻜﻌﺪﺓ ﺍﺗﻤﻄﻴﺖ ﻭﻣﺪﻳﺖ
ﺫﺭﺍﻋﻲ ﻋﻠﻰ ﻭﺳﻌﻬﻢ
ﺳﻤﻌﺖ ﺻﻮﺕ ﺑﺎﺑﺎ ﻳﺤﺠﻲ ﻣﻌﺼﺐ ﻛﻤﺖ ﻣﻦ ﻣﻜﺎﻧﻲ ﺍﺭﻳﺪ ﺍﻓﺘﻬﻢ
ﺷﻨﻮ ﺍﻟﺴﺎﻟﻔﺔ ﺣﻄﻴﺖ ﺍﻟﻜﺘﺎﺏ ﻋﻠﻰ ﺻﻔﺤﺔ
ﺧﻠﻲ ﺍﺷﻮﻑ ﺷﻨﻮ ﺍﻟﺼﺎﺭ
......
ﺭﺣﺖ ﻳﻤﻬﻢ ﺷﻔﺘﻪ ﻛﺎﻋﺪ ﻳﺤﺠﻲ ﻭﻋﻤﻮ ﺍﻣﺠﺪ
ﻭﻻﺯﻡ ﺑﻴﺪﻩ ﺍﻟﻨﻘﺎﻝ ﻭﻳﺤﺠﻲ ﻭﻳﺔ ﻋﻤﻮ ﻋﻠﻲ ﻭﻓﺎﺗﺢ ﺳﺒﻴﻜﺮ ﺍﻟﺴﻤﺎﻋﺔ
ﺣﺘﻰ ﺑﺎﺑﺎ ﻳﺴﻤﻊ ﺍﻟﺤﺠﻲ ﻭﻋﻤﻮ ﺍﻣﺠﺪ ﺟﺎﻳﺐ ﺑﻴﺒﻲ ﻭﻳﺎﻩ
ﺳﻠﻤﺖ ﻋﻠﻴﻬﻢ ﻣﻦ ﻭﺭﺓ ﺧﺸﻤﻲ ﺍﺣﻨﺎ ﻋﻼﻗﺘﻨﺎ ﻭﻳﺎﻫﻢ ﻣﻮ ﺷﻲ ﻣﻦ
ﻋﻬﺪ ﺳﺎﻟﻔﺔ ﻣﺮﻭﺓ
ﻭﺭﺣﺖ ﻛﻌﺪﺕ ﻳﻢ ﺧﻮﺍﺗﻲ
ﺿﺤﻰ ﻛﺎﻋﺪﺓ ﻳﻢ ﺷﻴﻤﺎﺀ ﺟﺎﻧﻮﺍ ﺍﺛﻨﻴﻨﻬﻢ
ﻳﺤﺠﻮﻥ ﺑﻴﻨﻬﻢ ﺑﺼﻮﺕ ﻧﺎﺻﻲ ﺑﻤﻮﺿﻮﻉ ﺍﻟﺒﻴﺖ
ﺍﻗﺘﺮﺑﺖ ﻣﻨﻬﻢ
.. ﺍﻛﻮﻝ ﺷﻴﻤﺎﺀ ﺷﻨﻮ ﻋﻤﻮ ﺍﻣﺠﺪ ﺷﻴﻜﻮﻝ ﻋﺎﻟﺒﻴﺖ
ﺷﻴﻤﺎﺀ .. ﻃﻠﻊ ﻋﻤﻮ ﻋﻠﻲ ﻣﺴﻮﻱ ﻭﻛﺎﻟﺔ ﻷﺑﻨﻪ ﺍﻟﺠﺒﻴﺮ ﻻﻥ
ﻋﻨﺪﻫﻢ ﻣﺸﺮﻭﻉ ﻭﻣﺤﺘﺎﺟﻴﻦ ﻓﻠﻮﺱ ﺍﻟﺒﻴﺖ ﺑﺪﺍﻝ ﻣﺎ ﻣﺠﻤﺪﻳﻦ
ﻓﻠﻮﺳﻬﻢ ﻛﻞ ﻫﺎﻱ ﺍﻟﺴﻨﻴﻦ
.. ﺍﻱ ﻫﻢ ﺻﺪﻙ ﺣﻘﻬﻢ ﺑﻴﺘﻬﻢ ﻭﺣﻼﻟﻬﻢ ﻭﻫﻤﺔ ﺍﻭﻟﻰ ﺑﻲ
ﺯﻳﻦ ﺑﺎﺑﺎ ﻟﻴﺶ ﻣﻌﺼﺐ
.. ﺑﺎﺑﺎ ﻇﺎﻝ ﻳﻐﻠﻂ ﻋﻠﻰ ﻋﻤﻮ ﻋﻠﻲ ﻭﻳﻜﻠﻪ ﺷﻠﻮﻥ ﺗﺴﻮﻱ ﺑﻴﺔ ﻫﻴﺞ ﺩﻛﺔ
ﻧﺎﻗﺼﺔ ﻭﺗﺸﻴﻠﻨﻲ ﻣﻦ ﺍﻟﺒﻴﺖ ﻣﺎ ﻓﻜﺮﺕ ﺑﻴﺔ ﺍﻧﺎ ﻭﺑﻨﺎﺗﻲ ﻭﻳﻦ ﻧﺮﻭﺡ ﻭ
ﺍﻧﺖ ﻋﻨﺪﻙ ﺧﻴﺮ ﻣﻦ ﺍﻟﻠﻪ ﺗﺴﺘﻜﺜﺮ ﻋﻠﻴﺔ ﻫﺬﺍ ﺍﻟﺒﻴﺖ ﺗﺨﻠﻲ ﺍﻟﻲ
ﻭﻟﺒﻨﺎﺗﻲ
ﻋﻤﻲ ﺍﻣﺠﺪ ﻳﻜﻠﻪ
ﻣﺎﺗﻜﻮﻝ ﻟﺮﻭﺣﻚ ﻫﺬﺍ ﺍﻟﺤﺠﻲ ﻫﻮ ﺍﺫﺍ ﺍﻧﺖ ﺍﺑﻮ ﺍﻻﻧﺔ ﻣﺎ ﻓﻜﺮﺕ
ﺑﻨﻔﺴﻚ ﻭﺑﺒﻨﺎﺗﻚ ﻭﺣﻄﻴﺘﻠﻚ ﺑﻴﺖ ﻣﺜﻞ ﺍﻻﻭﺍﺩﻡ ﻛﻀﻴﺖ ﻃﻮﻝ ﻋﻤﺮﻙ
ﻋﺎﻳﺶ ﻋﺎﻟﺔ ﻋﻠﻴﻨﺎ
ﻭﺧﻠﺼﻨﺎ ﻋﻤﺮﻧﺎ ﻧﺮﻛﺾ ﻭﺭﺍﻙ ﻭﻧﺼﻠﺢ ﺑﺄﺧﻄﺎﺋﻚ
ﺗﺮﺓ ﻫﻮ ﺍﻧﻌﻢ ﺍﻟﻠﻪ ﻋﻠﻴﻪ ﻛﻌﺪﻙ ﺑﻴﻪ ﻣﻦ ﺫﻳﺞ ﺍﻟﺴﻨﺔ ﻟﻬﺎﻱ ﺍﻟﺴﻨﺔ ﻫﺎﻱ
ﻟﻮﻭﺍﺣﺪ ﻏﻴﺮﻩ ﺟﺎﻥ ﺷﺒﻊ ﺑﻴﻪ
ﺍﻳﺠﺎﺭﺍﺕ ﺑﺪﺍﻝ ﻣﺎ ﻣﻜﻌﺪﻙ
ﻫﺪﻯ .. ﻭﺍﻟﻠﻪ ﺯﻳﻦ ﻳﺴﻮﻱ ﺑﻲ ﻳﺴﺘﺎﻫﻞ ﻭﻳﻦ ﺟﺎﻥ ﻋﻦ ﺑﻨﺎﺗﻪ ﻫﺴﺔ
ﻳﺎﻟﻠﻪ ﺻﺎﻍ ﺣﻐﻴﺺ ﻋﻠﻴﻨﺎ ﻭﺻﺎﻍ ﻳﻔﻜﻎ ﺑﺒﻨﺎﺗﻪ
.. ﺍﺥ ﻣﻦ ﺍﺑﻮﺝ ﻣﺎ ﺍﻋﺮﻑ ﺷﻴﺤﺲ ﻋﻨﺪﻩ ﻗﻮﺍﻧﻴﻦ ﻏﺮﻳﺒﺔ ﻋﺠﻴﺒﺔ
ﻣﺮﺍﺕ ﺍﺣﺴﻪ ﻳﺴﺘﻔﺰﻧﻲ ﺑﺘﺼﺮﺍﻓﺎﺗﻪ ﺍﻟﻲ ﺻﺎﻳﺮﺓ ﺗﻨﻄﻖ ﺍﻟﺤﺠﺮ
.. ﻭﻫﺴﺔ ﺗﺎﻟﻲ ﺍﺣﻨﺎ ﻭﻳﻦ ﻧﻐﻮﺡ
ﺿﺤﻰ .. ﺳﻜﺘﻲ ﺑﺲ ﻻ ﺭﺍﺡ ﻧﻌﻴﺶ ﻭﻳﺔ ﻋﺠﻮﺯ ﺍﻟﻨﺎﺭ
.. ﻋﺰﺓ ﻻ ﻋﻔﻴﺔ ﻻ ﺗﻜﻮﻟﻴﻬﺎ ﻭﺍﻟﻠﻪ ﻧﺎﻛﻞ ﺗﺒﻦ
ﺷﻴﻤﺎﺀ .. ﺍﺑﺸﺮﻛﻢ ﺍﻟﻈﺎﻫﺮ ﺍﻟﺸﻌﻮﺭ ﻣﺘﺒﺎﺩﻝ ﺣﺘﻰ ﺑﻴﺒﻲ ﻫﻤﻴﻦ ﻣﻦ
ﺳﻤﻌﺖ ﺑﻴﻨﺎ ﺭﺍﺡ ﻧﻨﺘﻘﻞ ﻧﻌﻴﺶ ﻭﻳﺎﻫﺎ ﺍﺗﺨﺒﻠﺖ ﻭﺍﺟﺘﻲ ﻟﻬﻨﺎ ﻭﻳﺔ
ﻋﻤﻮ ﺍﻣﺠﺪ ﺗﺮﻳﺪ ﺗﺸﻮﻑ ﺣﻞ ﻏﻴﺮ ﻫﺬﺍ ﻣﺘﺨﺒﻠﺔ
....
ﺗﻜﻮﻝ ﺍﻧﺎ ﻣﺎ ﺍﺗﺤﻤﻞ ﺍﺛﻴﺮ ﻭﺑﻨﺎﺗﻪ ﻭﻣﺼﺎﻳﺒﻬﻢ ﻋﻠﻰ ﺭﺍﺳﻲ ﻣﻦ ﺗﺎﻟﻲ
ﻭﻛﺖ ﻭﺍﻟﺒﻴﺖ ﺻﻐﻴﺮ ﻭﻳﻦ ﺍﺣﻄﻬﻢ
ﺿﺤﻰ .. ﻋﻠﻰ ﺍﻻﺳﺎﺱ ﺍﺣﻨﺎ ﻣﻴﺘﻴﻦ ﻋﻠﻴﻬﺎ
ﻭﺍﻟﻠﻪ ﻳﺎﺭﺑﻲ ﺷﻠﻮﻥ ﺑﻴﻨﺎ
ﺑﻌﺪﻣﺎ ﺧﻠﺼﻮ ﺍﻟﻤﻜﺎﻟﻤﺔ ﻭﻳﺔ ﻋﻤﻮ ﻋﻠﻲ
ﺭﺟﻌﻮﺍ ﻳﺘﻨﺎﻗﺸﻮﻥ ﺑﻴﻨﻬﻢ ﻭﺣﺠﻲ ﻳﺠﺮ ﺣﺠﻲ ﻭﺍﺣﻨﺎ ﻛﺎﻋﺪﺍﺕ ﺑﺲ
ﻧﺘﻔﺮﺝ ﻋﺒﺎﻟﻚ ﺍﻟﻤﻮﺿﻮﻉ ﻣﺎ ﻳﻌﻮﺩﻟﻨﺎ
ﻭﺗﺎﻟﻲ ﺻﻔﺖ ﺍﻟﺴﺎﻟﻔﺔ ﻧﻨﺘﻘﻞ ﻟﺒﻴﺖ ﺑﻴﺒﻲ
ﺑﻨﻬﺎﻳﺔ ﻫﺬﺍ ﺍﻻﺳﺒﻮﻉ ﻻﻥ ﺑﺎﺑﺎ ﻃﻠﺐ ﻣﻦ ﺍﻟﺮﺟﺎﻝ ﺍﺑﻮ ﺍﻟﺒﻴﺖ
ﻳﻤﻬﻠﻨﺎ ﺍﺳﺒﻮﻉ ﻋﻠﻰ ﻣﺎ ﻳﺼﺮﻑ ﻏﺮﺍﺽ ﺍﻟﺒﻴﺖ
ﺍﻱ ﻻﻥ ﺑﻴﺒﻲ ﻛﺎﻟﺖ ﺷﻮﻓﻮﻟﻜﻢ ﺻﺮﻓﺔ ﺑﻐﺮﺍﺿﻜﻢ ﺍﻧﺎ ﻣﺎ ﺍﺳﺘﻘﺒﻞ
ﺯﻋﺎﺑﻴﻞ ﺑﺒﻴﺘﻲ
ﺩﺍﻭﻣﺖ ﻳﻮﻡ ﺛﺎﻧﻲ ﻭﺑﺎﻟﻲ ﻭﻋﻘﻠﻲ ﻛﻠﻪ ﻣﺸﺪﻭﻩ ﺑﺤﻴﺚ ﺍﻣﺘﺤﻨﺖ
ﻭﺧﻠﺼﺖ ﺍﻻﻣﺘﺤﺎﻥ ﻭﺍﻧﻲ ﻛﻠﺸﻲ ﻣﺎ ﻣﻔﺘﻬﻤﺔ
ﺳﻠﻤﺖ ﻋﻠﻰ ﺻﺪﻳﻘﺎﺗﻲ ﻭﻃﻠﻌﺖ ﺣﺘﻰ ﻣﺎ ﻛﻠﺖ ﻟﻔﺎﻃﻤﺔ ﺻﺪﻳﻘﺘﻲ
ﻋﻦ ﺳﺎﻟﻔﺔ ﺍﻟﺒﻴﺖ
ﺟﻨﺖ ﻛﻠﺶ ﻣﺨﻨﻮﻛﺔ ﻳﻤﻜﻦ ﻟﻮ ﺑﺲ ﻭﺍﺣﺪ ﻳﻄﺨﻨﻲ
ﺍﻧﻔﺠﺮ ﺑﺎﻟﺒﺠﻲ
ﺟﻨﺖ ﺍﻣﺸﻲ ﻭﻗﺖ ﻇﻬﺮ ﺣﺎﺭﺓ ﻭﻣﺤﺪ ﺑﺎﻟﺸﺎﺭﻉ
ﻭﺳﻤﻌﺖ ﻭﺍﺣﺪ ﻳﺼﻴﺢ ﻭﺭﺍﻱ ﺍﻧﺘﺒﻬﺖ ﻋﺎﻟﺼﻮﺕ ﻭﻓﺰ ﻛﻠﺒﻲ ﻣﻦ
ﻣﻜﺎﻧﻪ ﻫﺬﺍ ﺻﻮﺕ ﺭﺍﺋﺪ
ﺑﻌﺪﻳﻦ ﺍﺗﺬﻛﺮﺕ ﺍﻧﻲ ﺯﻋﻼﻧﺔ ﻋﻠﻴﻪ ﻣﻦ ﻣﻮﻗﻒ ﺍﻟﺒﺎﺭﺣﺔ
ﻛﻤﻠﺖ ﻃﺮﻳﻘﻲ ﺍﻣﺸﻲ ﻭﻣﺎ ﺍﺗﻮﻗﻔﺖ ﺍﺟﺔ ﻳﺮﻛﺾ ﻭﺭﺍﻱ ﺑﻬﺮﻭﻟﺔ ﻭﻛﺎﻡ
ﻳﻤﺸﻲ ﺑﺼﻔﻲ ﻭﻳﺤﺠﻲ ﻭﻳﺎﻱ
ﺭﺍﺋﺪ .. ﻫﺪﻯ ﻣﻮ ﺍﺣﺠﻲ ﻭﻳﺎﺝ ﻟﻴﺶ ﻣﺘﺠﺎﻭﺑﻴﻦ
ﺍﻟﺘﻔﺘﺖ ﻋﻠﻴﻪ ﺟﺎﻥ ﺑﻤﻼﺑﺲ ﺍﻟﻜﻠﻴﺔ ﺍﺑﻴﺾ ﻭﺭﺻﺎﺻﻲ ﺑﺲ ﻏﻴﺮ ﻃﺎﻟﻊ
ﺍﻻﺑﺸﺪﺓ ﻏﻴﺮ ﺍﻧﻲ ﺍﻧﺴﺤﻞ ﻛﻠﺒﻲ ﺳﺤﻞ ﻣﻦ ﻭﺭﺍﻩ
ﺑﺲ ﺭﺟﻌﺖ ﺍﺗﻤﺎﻟﻜﺖ ﻧﻔﺴﻲ ﻭﺭﻓﻌﺖ ﺣﺎﺟﺒﻲ ﺑﺪﻭﻥ ﻣﺎ ﺍﺗﻮﻗﻒ ﻋﻦ
ﺍﻟﻤﺸﻲ ﻭﺟﺎﻭﺑﺘﻪ ﺑﻨﺘﺮﺓ
.. ﺧﻴﻎ ﺷﺘﺮﻳﺪ ﻟﻴﺶ ﺗﺼﻴﺢ ﺑﺄﺳﻤﻲ ﺑﻨﺺ ﺍﻟﺸﺎﻏﻊ ﺍﻧﺖ ﻣﺎ
ﺗﺴﺘﺤﻲ
ﺭﺍﺋﺪ ﻣﺴﺘﻐﺮﺏ .. ﺷﻜﻮ ﺷﺒﻴﺞ ﻫﺪﻯ ﻟﻴﺶ ﻣﻄﻨﻜﺮﺓ ﻭﺯﻋﻼﻧﺔ ﻣﻨﻲ
.. ﻭﺍﻟﻠﻪ ﺍﺳﺄﻝ ﻧﻔﺴﻚ ﻭﺷﻮﻑ ﻏﻮﺣﻚ ﺷﻨﻮ ﺳﻮﻳﺖ ﺍﻟﺒﺎﻏﺤﺔ
ﻋﻘﺪ ﺣﻮﺍﺟﺒﻪ ﺑﺘﻔﻜﻴﺮ ﻭﺣﺠﺔ .. ﻣﺎ ﺍﻋﺮﻑ ﺷﻨﻮ ﺻﺎﻳﺮ ﺍﻟﺒﺎﺭﺣﺔ ﺑﺎﻟﻠﻪ
ﺫﻛﺮﻳﻨﻲ ﺧﻠﻴﻨﻲ ﺍﻓﺘﻬﻢ
.. ﺍﻟﺒﺎﻏﺤﺔ ﺣﻀﻐﺘﻚ ﻣﻐﻴﺖ ﻣﻦ ﻳﻤﻲ ﺑﺴﻴﺎﻏﺘﻚ ﻭﺟﻨﺖ ﻣﺼﻌﺪ
ﺑﻨﺎﺕ ﺧﺎﻟﺘﻚ ﻭﺍﺧﺘﻚ ﻟﻴﻠﻰ ﻣﻐﻴﺖ ﻣﻦ ﻳﻤﻲ ﺑﺎﻭﻋﺖ ﻋﻠﻴﺔ ﻭﻣﺎ
ﺳﻠﻤﺖ ﻋﻠﻰ ﺍﻟﻌﻤﻮﻡ ﺍﻧﺖ ﻣﺘﻬﻤﻨﻲ ﺍﻟﺴﻠﻤﺖ ﻭﺍﻟﻤﺎ ﺳﻠﻤﺖ ﻋﻨﺪﻱ
ﻧﻔﺲ ﺍﻟﺸﻲ ﺑﺲ ﺣﺒﻴﺖ ﺍﻋﻠﻤﻚ ﻋﺎﻻﺻﻮﻝ ﻣﻦ ﺗﻤﻎ ﻣﻦ ﻳﻢ ﺍﺣﺪ
ﺗﻌﻐﻔﻪ ﻋﻴﺐ ﺳﻠﻢ ﻋﻠﻴﻪ
....
ﺭﺍﺋﺪ .. ﻭﺍﻟﻠﻪ ﻣﺎ ﺷﻔﺘﺞ ﺑﻴﻤﻦ ﺍﺣﻠﻔﻠﺞ ﻣﺎ ﺍﻧﺘﺒﻬﺖ ﻋﻠﻴﺞ
ﺟﻨﺎ ﻧﻤﺸﻲ ﺑﻄﻲﺀ ﻭﻧﺤﺠﻲ
.. ﻫﺪﻯ ﺷﺒﻴﺞ ﻣﻮ ﺩﺍ ﺍﺣﺠﻲ ﻭﻳﺎﺝ ﺍﻛﻠﺞ ﻭﺍﻟﻠﻪ ﻣﺎ ﺍﻧﺘﺒﻬﺖ ﻋﻠﻴﺞ ﺗﺮﺓ
ﻣﺘﺴﻮﻯ ﺗﻌﺼﺒﻴﻦ ﻭﺗﺰﻋﻠﻴﻦ
ﺟﺎﻥ ﻛﻠﻤﺎ ﻳﻨﻄﻖ ﺑﻜﻠﻤﺔ ﺍﻧﻲ ﺍﻟﻨﺎﺭ ﺗﺰﻳﺪ ﺑﻜﻠﺒﻲ
ﺍﻟﺘﻔﺘﺖ ﻋﻠﻴﻪ ﺣﺠﻴﺖ ﻭﻳﺎﻩ ﺑﺤﺪﺓ
_ ﺍﻱ ﻃﺒﻌﺎ ﻣﺘﻬﺘﻢ ﻣﻠﺘﻬﻲ ﻭﻳﺔ ﺑﻨﺎﺕ ﺧﺎﻟﺘﻚ
_ ﺷﻨﻮ ﺍﺷﻢ ﺭﻳﺤﺔ ﺷﻌﻮﺍﻁ .. ﻫﺎﻱ ﻏﻴﺮﺓ ﻳﺴﻤﻮﻫﺎ ﻟﻮ ﺷﻨﻮ
ﻣﺠﺎﻭﺑﺘﻪ ﻋﺎﻗﺠﺔ ﺍﻟﻮﺟﻪ ﻭﻣﻘﺪﻣﺔ ﺍﻟﺒﻮﺯ ﺷﺒﺮ ﻟﻴﻜﺪﺍﻡ
.. ﺍﻧﺖ ﻣﻨﺘﺒﻪ ﻟﻨﻔﺴﻚ ﺷﻠﻮﻥ ﺻﺎﻳﺮ ﻫﻮﺍﻱ ﺗﺘﺠﻨﺒﻨﻲ ﺍﻧﺖ ﺣﺘﻰ
ﻣﻜﻠﻔﺖ ﻧﻔﺴﻚ ﺗﺴﺄﻟﻨﻲ ﻋﻦ ﺍﻣﺘﺤﺎﻧﺎﺗﻲ
ﺭﺍﺋﺪ ﺑﺼﺪﻣﺔ .. ﺍﻧﺎ ﺍﺗﺠﻨﺐ ﺷﻮﻓﺘﺞ ؟؟؟ ﻻ ﻣﺴﺘﺤﻴﻞ ﻣﺘﻮﻫﻤﺔ !!!
.. ﻋﻔﻴﺔ ﻏﺎﺋﺪ ﺳﺪ ﺍﻟﻤﻮﺿﻮﻉ ﺍﺻﻼ ﻣﺎ ﻳﺴﻮﻯ ﻧﺤﺠﻲ ﺑﻲ ﻳﺎﻟﻠﻪ ﻣﻊ
ﺍﻟﺴﻼﻣﺔ
ﻋﻔﺘﻪ ﻣﺸﻴﺖ ﻭﻛﻤﻠﺖ ﻃﺮﻳﻘﻲ ﺟﻨﺖ ﺍﻣﺸﻲ ﻋﺎﻟﺴﺮﻳﻊ
ﻭﻫﻮ ﺍﺗﻮﻗﻒ ﺑﻤﻜﺎﻧﻪ ﺑﻨﺺ ﺍﻟﺸﺎﺭﻉ ﻣﺘﻔﺎﺟﻲﺀ
ﻭﺣﺠﺔ ﺑﺼﻮﺕ ﻋﺎﻟﻲ ﻣﻦ ﻭﺭﺍﻱ
.. ﻫﺪﻯ ﺻﺪﻙ ﺗﺤﺠﻴﻦ !!!!!
ﻣﺎ ﺭﺩﻳﺖ ﻋﻠﻴﻪ ﻭﻛﻤﻠﺖ ﻃﺮﻳﻘﻲ ﺟﻨﺖ ﺍﻣﺸﻲ ﻭﺍﺩﺭﺩﻡ ﻭﺍﻏﻠﻂ ﻋﻠﻴﻪ
ﻭﺍﻟﺪﻣﻌﻪ ﻭﺍﺻﻠﺔ ﺑﻄﺮﻑ ﻋﻴﻨﻲ
ﻭﺻﻠﺖ ﺑﻨﻬﺎﻳﺔ ﺍﻟﺸﺎﺭﻉ ﻛﺪﺍﻣﻲ ﻟﻮﻓﺔ ﺩﺧﻠﺖ ﺑﺎﻟﺸﺎﺭﻉ ﺍﻟﺜﺎﻧﻲ ﺑﺲ
ﻗﺒﻞ ﻻ ﺍﺩﺧﻞ ﺍﻧﺘﺒﻬﺖ ﻋﻠﻴﻪ ﺑﻌﺪﻩ ﻭﺍﻛﻒ ﺑﻤﻜﺎﻧﻪ
ﺻﺎﻓﻦ ﻭﻓﺎﺗﺢ ﺣﻠﻜﻪ ﻣﺼﺪﻭﻡ ﻣﻦ ﺗﺼﺮﻓﻲ
ﻻﻥ ﺍﻭﻝ ﻣﺮﺓ ﺑﺤﻴﺎﺗﻲ ﺍﺻﺪﻩ ﻭﺍﺗﻬﺠﻢ ﻋﻠﻴﻪ
ﻛﻀﻴﻨﺎ ﻃﻮﻝ ﻋﻤﺮﻧﺎ ﺍﻧﻲ ﻭﺭﺍﺋﺪ ﺍﺻﺪﺍﻗﺎﺀ ﻭﻣﺎ ﻳﻮﻡ
ﺍﺗﺰﺍﻋﻠﻨﺎ
ﺍﻣﺸﻲ ﻭﺍﻧﻲ ﻣﺪﻧﻜﺔ ﺭﺍﺳﻲ ﺑﺨﺬﻻﻥ ﻭﺑﻴﻦ ﻣﺎ ﺟﻨﺖ ﺍﻣﺸﻲ ﻭﺍﺩﺭﺩﻡ
ﻋﻠﻴﻪ ﺳﻤﻌﺖ ﺻﺮﺧﺔ ﻣﻔﺰﻭﻋﺔ ﻗﺮﻳﺒﺔ ﻋﻠﻴﺔ
ﻛﻤﺰﺕ ﻣﻦ ﻣﻜﺎﻧﻲ ﻭﺭﻓﻌﺖ ﺭﺍﺳﻲ ﻭﺟﺎﻥ ﻳﺼﻴﺮ ﻛﺪﺍﻣﻲ
ﻣﺸﻌﻞ ﺍﻟﻤﺨﺒﻞ ﻭﻛﻔﺖ ﻣﺼﺪﻭﻣﺔ ﺑﻤﻜﺎﻧﻲ
ﻋﺎﺍﺍﺍﺍﺍﺍ ﻳﻤﺔ ﺻﺨﺎﻡ ﻣﺸﻌﻞ ﺍﻟﻤﺨﺒﻞ
ﻋﺰﺓ ﻳﻤﺔ ﻫﻮ ﺷﺎﻓﻨﻲ ﻭﺭﻛﺾ ﻋﻠﻴﺔ
ﻣﺎ ﺣﺴﻴﺖ ﺍﻻ ﻭﺍﻧﻲ ﺩﺍﻳﺮﺓ ﻭﺟﻬﻲ ﻭﻃﻜﻴﺘﻬﺎ ﺭﻛﻀﺔ ﻣﺜﻞ ﺍﻟﺒﻴﺐ ﺑﻴﺐ
ﺭﺟﻌﺖ ﻋﻠﻰ ﻧﻔﺲ ﻃﺮﻳﻘﻲ ﺍﺭﻛﺾ ﻭﺍﻟﻤﺨﺒﻞ ﻣﺸﻌﻞ ﻳﺮﻛﺾ ﻭﺭﺍﻱ
ﺟﻨﺎ ﺍﺛﻨﻴﻨﺎ ﻧﺮﻛﺾ
ﺑﺲ ﺟﺎﻥ ﺍﻛﻮ ﻓﺮﻕ ﺑﻴﻦ ﺍﻟﺮﻛﻀﺘﻴﻦ ﺍﻧﻲ ﺍﺭﻛﺾ ﻭﺍﺻﻴﺢ ﺑﻌﺎﻟﻲ
ﺻﻮﺗﻲ
.....
ﻳﺒﻮﻭﻭﻭﻭﻭﻭﻭﻭﻱ ﻏﺎﺍﺍﺍﺍﺍﺍﺍﺍﺍﺍﺍﺍﺋﺪ .. ﺍﻟﻤﺨﺒﻞ
ﺍﺭﻛﺾ ﻭﻓﺮﺩﺓ ﺍﻟﺤﺬﺍﺀ ﻓﻠﺘﺖ ﻣﻦ ﺭﺟﻠﻲ ﺗﺮﻛﺘﻬﺎ ﻭﺭﺍﻱ ﻣﺮﺟﻌﺖ
ﻋﻠﻴﻬﺎ ﻳﺎﺭﻭﺡ ﻣﺎ ﺑﻌﺪﺝ ﺭﻭﺡ ﻳﺎ ﺣﺬﺍﺀ ﻳﺎ ﻛﺸﺨﺔ ﻳﺎ ﺑﻄﻴﺦ
ﻣﻦ ﺣﻼﺕ ﺭﻭﺣﻲ ﺍﺣﺲ ﺭﻭﺣﻲ ﺻﺎﺭﺕ ﺑﺮﺍﺋﺪ ﺍﺭﻳﺪﻩ ﻳﻠﺤﻜﻨﻲ ﻗﺒﻞ ﻻ
ﻣﺸﻌﻞ ﺍﻟﻤﺨﺒﻞ ﻳﺴﻮﻱ ﺑﻴﺔ ﺷﻲ ﻻﻥ ﺫﺍﻙ ﺍﻟﻴﻮﻡ ﻫﻮ ﻓﺎﺷﺦ ﻭﺍﺣﺪ
ﻣﻦ ﺍﻫﻞ ﺍﻟﻤﻨﻄﻘﺔ ﻭﺷﺎﻙ ﺭﺍﺳﻪ
.. ﻏﺎﺍﺍﺍﺍﺍﺍﺍﺋﺪ
ﺷﻔﺘﻪ ﻣﻦ ﺑﻌﻴﺪ ﺑﻌﺪﻩ ﻋﻠﻰ ﻧﻔﺲ ﻭﻛﻔﺘﻪ ﺑﻨﺺ ﺍﻟﺸﺎﺭﻉ ﺷﺎﻓﻨﻲ
ﻭﻋﻘﺪ ﺣﻮﺍﺟﺒﻪ ﻣﺴﺘﻐﺮﺏ ﻟﻴﺶ ﺍﺭﻛﺾ ﻭﺍﺻﻴﺢ
.. ﻏﺎﺍﺍﺍﺍﺍﺍﺍﺍﺍﺍﺍﺋﺪ ﺍﻟﻤﺨﺒﻞ
ﺍﺗﺬﻛﺮﺕ ﻣﺴﻠﺴﻞ ﻛﺎﺭﺗﻮﻥ ﻋﺪﻧﺎﻥ ﻭﻟﻴﻨﺎ
ﻣﻦ ﺗﺼﻴﺢ ﻟﻴﻨﺎ .. ﻋﺪﻧﺎﺍﺍﺍﺍﺍﺍﺍﺍﺍﻥ ﺍﻧﻘﺬﻧﻲ ﻳﺎﻋﺪﻧﺎﺍﺍﺍﻥ
ﺑﺲ ﺍﻟﻔﺮﻕ ﻋﺪﻧﺎﻥ ﺣﺎﻓﻲ ﺭﺍﺋﺪ ﻻﺑﺲ ﺣﺬﺍﺀ
ﻫﺬﺍ ﺍﻟﻤﻮﻗﻒ ﻳﻤﺜﻞ ﺣﺎﻟﻲ
ﺍﺟﺔ ﻳﺮﻛﺾ ﻋﻠﻴﺔ ﺑﻬﺮﻭﻟﺔ ﻭﺻﻠﺖ ﻳﻤﻪ
ﻣﻜﻄﻮﻋﺔ ﺍﻻﻧﻔﺎﺱ ﻭﻛﻠﺒﻲ ﺣﻴﻞ ﻳﺪﻙ ﻳﺮﻳﺪ ﻳﻄﻠﻊ ﻣﻦ ﺻﺪﺭﻱ
ﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻱ ﻓﺤﻄﺎﻧﺔ ﻣﻦ ﺍﻟﺮﻛﺾ ﺍﺭﻳﺪ ﺑﺲ ﺍﺟﻤﻊ
ﺍﻟﻜﻼﻡ .. ﻏﺎﺋﺪ .. ﻣﺨﺒﻞ .. ﻣﺸﻌﻞ .. ﻳﺮﻛﺾ
ﺭﺍﺋﺪ .. ﺷﻨﻮ ﻫﺪﻯ ﺷﺒﻴﺞ
ﺑﻌﺪﻩ ﻣﺎ ﻛﻤﻞ ﻛﻼﻣﻪ ﺍﺟﺘﻨﺎ ﺣﺼﻮﺓ ﻃﺎﻳﺮﺓ ﺑﺎﻟﻬﻮﺓ
ﻭﻭﻛﻌﺖ ﺑﻜﺼﺔ ﺭﺍﺋﺪ
.. ﻋﺎﺍﺍﺍﺍﺍ ﺍﺟﺎﻧﺎ ﺷﺮﺩﺕ ﻭﻋﻔﺖ ﺭﺍﺋﺪ ﻭﺭﺍﻱ
ﺑﺲ ﻣﺎ ﺍﺣﺲ ﺍﻻ ﻭﺭﺍﺋﺪ ﻫﻢ ﻳﺮﻛﺾ ﻭﺭﺍﻱ ﻭﻳﺼﻴﺢ ..
ﺍﺣﺘﺮﻛﻮﻭﻭﻭﻭﻭﻭ
ﻭﺍﻧﻲ ﺍﺻﻴﺢ .. ﻳﺒﻮﻭﻭﻭﻭﻭﻱ
ﺭﺍﺋﺪ ﻳﺮﻛﺾ ﻳﻤﻲ
.. ﺍﺣﺘﺮﻛﻮﺍ ﻫﺬﺍ ﻣﻨﻴﻦ ﻃﻠﻌﻠﻨﺎ
ﺻﺮﻧﺎ ﻧﺮﻛﺾ ﻭﻫﻮ ﻳﺮﻛﺾ ﻭﺭﺍﻧﺎ ﻭﻳﺸﻤﺮ ﻋﻠﻴﻨﺎ
ﺣﺠﺎﺭ
ﻭﺗﺎﻟﻲ ﺩﺧﻠﻨﺎ ﺑﻔﺮﻉ ﻣﺴﺪﻭﺩ ﻭﺟﺎﻥ ﻣﺸﻌﻞ ﺍﻟﻤﺨﺒﻞ ﻳﺤﺎﺻﺮﻧﺎ ﺍﻧﻲ
ﻭﺭﺍﺋﺪ ﻛﻤﻨﺎ ﻭﺍﺣﺪ ﻳﺒﺎﻭﻉ ﻋﺎﻟﺜﺎﻧﻲ ﻭﻧﺒﻠﻊ ﺑﺮﻳﻜﻨﺎ ﻣﻦ ﺍﻟﺨﻮﻑ
ﺻﺮﺕ ﻭﺭﺓ ﺭﺍﺋﺪ ﻭﻣﺸﻌﻞ ﻳﺘﻘﺪﻡ ﻣﻦ ﻋﺪﻧﺎ ﻭﺍﺣﻨﺎ ﻧﺮﺟﻊ ﻭﺭﺓ ﺍﺳﻤﻊ
ﺭﺍﺋﺪ ﻳﻜﻠﻪ
.. ﻣﺸﻌﻞ ﺣﺒﺎﺏ ﺍﻣﺸﻲ ﻭﻟﻲ ﻣﻨﺎ ﺑﺶ .. ﺑﺸﺶ .. ﺑﺸﺸﺶ
ﺿﺤﻜﺖ ﻋﻠﻰ ﺷﻜﻠﻪ ﺑﺲ ﺻﺪﻙ ﻟﻮ ﻛﺎﻟﻮﺍ ﺍﻥ ﺷﺮ ﺍﻟﺒﻠﻴﺔ ﻣﺎ ﻳﻀﺤﻚ
ﻫﻤﺴﺖ ﻭﺣﺎﺻﺮﺗﻨﻲ ﺍﻟﻀﺤﻜﺔ
.. ﺍﺩﺭﻱ ﺍﻧﺖ ﺩﺗﻨﺶ ﺑﺰﻭﻧﺔ ﻭﻳﻦ ﻳﻔﺘﻬﻢ ﻋﻠﻴﻚ
ﺭﺍﺋﺪ .. ﻟﺞ ﺳﻜﺘﻲ ﻫﺬﺍ ﻣﺨﺒﻞ ﻭﻛﻠﺸﻲ ﻳﻄﻠﻊ ﻣﻨﻪ ﺗﻌﺎﻝ ﻧﻮﺏ
ﻻ ﻳﻀﺮﺑﻨﺎ ﺑﻄﺎﺑﻮﻛﺔ ﻋﻠﻰ ﺭﺍﺳﻨﺎ ﻭﻳﺨﻠﻲ ﺩﻣﻨﺎ ﺑﻄﻮﻟﻨﺎ
ﻛﻤﺰﻧﺎ ﺍﺛﻨﻴﻨﺎ ﻣﻦ ﻣﻜﺎﻧﺎ ﻣﻦ ﺳﻤﻌﻨﺎ ﺻﺮﺧﺔ ﻣﺸﻌﻞ ﺍﻟﻤﺨﺒﻞ
....
ﺟﺎﻥ ﺻﻮﺕ ﺍﻟﺼﺮﺧﺔ ﻓﺪ ﺷﻲ ﻣﺮﻋﺐ ﺑﺤﺪ ﺫﺍﺗﻪ
ﻳﺬﻛﺮﻧﻲ ﺑﻔﻠﻢ ﺍﻟﺮﻋﺐ ( ﺍﻟﺼﺮﺧﺔ ) ﻗﺸﻌﺮ ﺟﺴﻤﻲ
.. ﻳﻤﺔﺓﺓﺓﺓ ﻭﺍﻟﻠﻪ ﺑﻌﺪﻧﻲ ﺻﻐﻴﺮﺓ ﻣﺎ ﺍﺭﻳﺪ ﺍﻣﻮﺕ ﺍﻗﺘﺮﺏ ﻣﻦ ﻋﺪﻧﺎ
ﻭﻫﻮ ﻳﻤﺸﻲ ﻳﻠﻜﻂ ﺣﺠﺎﺭ ﻣﻦ ﺍﻟﻜﺎﻉ
ﻟﺰﻣﺖ ﻗﻤﻴﺺ ﺭﺍﺋﺪ ﻣﻦ ﻭﺭﺓ ﺧﺎﻳﻔﺔ ﻭﻫﻤﺴﺖ
.. ﻋﺰﺓ ﻫﺬﺍ ﺷﻜﺎﻋﺪ ﻳﺴﻮﻱ
.. ﺧﺮﺏ ﻫﺬﺍ ﺩﻳﺠﻤﻊ ﺣﺠﺎﺭ ﺣﺘﻰ ﻳﺮﺟﻤﻨﺎ
.. ﻟﻴﺶ
.. ﻭﺍﻟﻠﻪ ﺳﺆﺍﻟﺞ ﻏﺒﻲ ﺷﻤﺪﺭﻳﻨﻲ ﺷﺴﻮﻱ ﺑﻴﻬﻢ
ﺑﺲ ﻳﻤﻜﻦ ﻳﺮﻳﺪ ﻳﺮﺟﻢ ﺍﻟﺸﻴﻄﺎﻥ ﻭﻳﺘﻤﻢ ﻣﺮﺍﺳﻴﻢ ﺍﻟﺤﺞ ﺑﺮﺍﺳﻨﺎ
ﺣﺼﺮﺗﻨﻲ ﺍﻟﻀﺤﻜﺔ .. ﻋﺎﺑﺘﻠﻚ ﻏﻴﺮ ﺍﺳﺄﻝ
ﺑﺎﻭﻋﻠﻲ
.. ﻭﺍﻟﻠﻪ ﻋﻠﻴﺞ ﺍﺳﺄﻟﺔ ﺗﺪﻕ ﺍﻟﻮﺍﺍﺍﺍ .....
ﺍﺍﺍﺍﺍﺍﺥ ﺍﻟﻠﻪ
ﻭﺟﺎﻥ ﺗﺠﻲ ﺍﻭﻝ ﻃﺎﺑﻮﻛﺔ ﻃﺎﻳﺮﺓ ﻋﻠﻰ ﺭﺍﺱ ﺭﺍﺋﺪ
ﻭﺍﻧﻲ ﺻﺮﺕ ﺍﺻﺮﺥ ﺧﺎﻳﻔﺔ ﻭﻧﺰﻝ ﻋﻠﻴﻨﺎ ﺗﺸﻤﺮ ﺑﺎﻟﺤﺠﺎﺭ ﻣﻦ ﻛﻞ
ﺻﻮﺏ ﻭﺟﺎﻥ ﻳﻄﻠﻌﻮﻥ ﺍﺛﻨﻴﻦ ﺷﺒﺎﺏ ﻣﻦ ﺑﻴﺘﻬﻢ ﻋﻠﻰ ﺻﻮﺕ ﺻﻴﺎﺣﻲ
ﻭﻳﺪﺧﻠﻮﻧﺎ ﻟﻠﺒﻴﺖ
ﻭﻭﺍﺣﺪ ﻣﻨﻬﻢ ﻛﺎﻝ
.. ﺧﺮﺏ ﻫﺬﺍ ﺍﻟﻤﺨﺒﻞ ﻭﺍﻟﻠﻪ ﺧﻄﺮ ﺍﻟﻤﻔﺮﻭﺽ ﻣﺎ ﻳﻌﻮﻓﻮﻧﻪ ﺳﺎﻳﺐ
ﺑﺎﻟﺸﺎﺭﻉ
ﻃﻠﻌﺖ ﺍﻣﻬﻢ ﺑﺎﻟﻄﺎﺭﻣﺔ ﻭﺑﻴﺪﻫﺎ ﻋﺪﺕ ﺍﻻﺳﻌﺎﻓﺎﺕ
ﻭﺭﺍﺋﺪ ﺩﻳﻨﺰﻝ ﺩﻡ ﻣﻦ ﺭﺍﺳﻪ
ﻣﺎ ﺍﺩﺭﻱ ﺍﺿﺤﻚ ﻋﻠﻰ ﺷﻜﻠﻪ ﻣﺪﺭﻱ ﺍﺑﺠﻲ ﻋﺎﻟﻤﻮﻗﻒ ﺍﻟﻤﺤﺮﺝ ﺍﻟﻲ
ﺍﺣﻨﺎ ﺑﻲ ﺧﻄﻴﺔ ﻗﻤﻴﺼﻪ ﺍﻻﺑﻴﺾ ﺻﺎﺭ ﻛﻠﻪ ﺩﻡ
ﺣﺠﺔ ﺍﻟﻮﻟﺪ ﺍﻟﺜﺎﻧﻲ ﻭﻛﺎﻝ ﺭﺍﺡ ﺍﺷﺤﺘﻪ ﻣﻨﺎ ﻫﺬﺍ ﺩﻭﺍﻩ ﻋﻨﺪﻱ ﺍﺗﻌﻠﻤﺖ
ﻋﻠﻴﻪ ﺑﺲ ﺍﻧﺎ ﺍﻋﺮﻓﻠﻪ ﺗﻨﻄﻲ ﺟﻜﻠﻴﺘﻪ ﻭﻳﻨﺘﻬﻲ ﺍﻟﻤﻮﺿﻮﻉ
ﻃﻠﻊ ﻣﻦ ﺍﻟﺒﻴﺖ ﻭﺍﺣﻨﺎ ﻛﺎﻋﺪﻳﻦ ﺑﺎﻟﻜﺮﺍﺝ ﺩﻳﻀﻤﺪﻭﻥ ﺟﺮﺡ ﺭﺍﺋﺪ
ﻭﺧﻄﻴﺔ ﺍﻣﻬﻢ ﺟﺎﺑﺘﻠﻨﺎ ﺩﻭﻟﻜﺔ ﻣﺎﻱ ﻭﺍﻧﻲ ﺻﻜﻴﺖ
ﺍﻟﺪﻭﻟﻜﺔ ﻣﻦ ﺍﻟﺨﻮﻑ ﻃﻠﻌﺖ ﻣﻔﺮﻓﺤﺔ ﻣﻦ ﺍﻟﻌﻄﺶ
ﺣﺘﻰ ﻣﺎ ﻛﻠﺖ ﻟﺮﺍﺋﺪ ﺍﺗﻔﻀﻞ
ﺷﻮﻳﺔ ﻭﺍﺟﺔ ﺍﻟﻮﻟﺪ ﻭﻛﺎﻝ . ﺍﺧﺬﺗﻪ ﻷﻫﻠﻪ
ﺟﺎﻥ ﻋﻤﺮ ﻣﺸﻌﻞ ﺍﻟﻤﺨﺒﻞ ﻳﺠﻲ ﺗﻘﺮﻳﺒﺎ ﺑﻌﻤﺮ ﺷﻴﻤﺎﺀ ﺍﺧﺘﻲ
ﺧﻄﻴﺔ ﺟﺒﻴﺮ ﺑﺲ ﻋﻘﻠﻪ ﻓﺎﺻﻞ
ﺿﻤﺪﻭﺍ ﺭﺍﺋﺪ ﻭﺍﻧﺘﺒﻬﺖ ﻋﻠﻰ ﺭﺟﻠﻲ ﺣﺎﻓﻴﺔ ﺗﻚ ﻭﺗﻚ ﻭﺍﻧﻄﻮﻧﻲ ﻧﻌﺎﻝ
ﻭﺣﻄﻴﺖ ﻓﺮﺩﺓ ﺍﻟﺤﺬﺍﺀ ﺑﺎﻟﻌﻼﻛﺔ ﻭﺍﺗﺸﻜﺮﻧﺎ ﻣﻨﻬﻢ ﻭﺳﻠﻤﻨﺎ ﻋﻠﻴﻬﻢ
ﻭﻃﻠﻌﻨﺎ
ﺟﻨﺎ ﻧﻤﺸﻲ ﺍﻧﻲ ﻭﺭﺍﺋﺪ
ﺑﺲ ﺟﺎﻥ ﻣﻨﻈﺮﻧﺎ ﺗﺤﻔﺔ ﻣﺎﻝ ﺻﻮﺭﺓ
ﺟﺎﻥ ﺭﺍﺋﺪ ﺭﺍﺳﻪ ﻣﻠﻔﻮﻑ ﺑﺸﺎﺵ ﻭﻗﻤﻴﺺ ﺍﻻﺑﻴﺾ ﻣﻠﻄﺦ ﺑﺪﻡ ﻭﺍﻧﻲ
ﻻﺑﺴﺔ ﻧﻌﺎﻝ ﻭﻳﺔ ﻣﻼﺑﺲ ﺍﻟﻤﺪﺭﺳﺔ
ﻭﺍﻛﺤﻒ ﺑﻲ ﺑﺎﻟﺸﺎﺭﻉ
ﺟﺎﻥ ﻳﻤﺸﻲ ﻭﻛﻞ ﺷﻮﻳﺔ ﻳﻠﺘﻔﺖ ﻋﻠﻴﺔ ﻭﻳﻀﺤﻚ
.. ﺷﻜﻮ ﻟﻴﺶ ﺗﻀﺤﻚ ﻛﺪﺍﻣﻚ ﻗﺮﺩ
.. ﻻ ﺑﺲ ﺍﺗﺬﻛﺮﺕ ﺷﻜﻠﺞ ﻭﺍﻧﺘﻲ ﺗﺮﻛﻀﻴﻦ ﻃﺎﻳﺮﺓ ﺟﺎﻥ ﻣﻨﻈﺮﺝ ﻳﺨﺮﺏ
ﻣﻦ ﺍﻟﻀﺤﻚ
ﻛﻌﺪ ﻳﻀﺤﻚ ﻋﻠﻴﺔ ﻭﻭﺟﻬﻪ ﻭﺻﺎﺭ ﺍﺣﻤﺮ ﻣﻦ ﺍﻟﻀﺤﻚ ﻭﺍﻧﻲ ﺍﺿﺤﻚ
ﻭﻳﺎﻩ ﻭﺍﺣﺠﻲ
.. ﻟﻌﺪ ﻟﻮ ﺗﺸﻮﻑ ﺷﻜﻠﻚ ﻭﺍﻧﺖ ﺗﻐﻜﺾ ﻭﺭﺍﻱ ﺟﻨﻚ ﻛﻨﻐﻎ ﺷﺘﻜﻮﻝ
....
ﻟﺞ ﺍﻟﻬﺰﻳﻤﻪ ﺛﻠﺜﻴﻦ ﺍﻟﻤﺮﺍﺟﻞ .. ﺑﺲ ﺷﻨﻮ ﺍﻟﻜﻨﻐﺮ ﻣﻦ ﺣﻠﻜﺞ ﻋﺴﻞ
ﻭﺻﺮﻧﺎ ﻧﻀﺤﻚ ﺳﻮﻳﺔ ﻣﺜﻞ ﺍﻟﺠﻬﺎﻝ ﻧﺎﺳﻴﻦ ﻫﻤﻮﻣﻨﺎ
ﻭﻋﺎﻳﺸﻴﻦ ﺍﻟﻠﺤﻈﻪ ﻣﻦ ﻛﺪ ﺍﻟﻀﺤﻚ ﺣﺘﻰ ﺩﻣﻌﺖ ﻋﻴﻮﻧﻲ
ﺳﻜﺖ
ﻭﺻﺎﺭ ﻳﺒﺎﻭﻉ ﻋﻠﻴﺔ ﻭﺍﻧﻲ ﺍﺿﺤﻚ ﻭﻛﺄﻧﻤﺎ ﺍﻭﻝ ﻣﺮﺓ ﻳﺸﻮﻓﻨﻲ ﻫﻤﺲ
ﺑﺼﻮﺕ ﺧﺸﻦ
.. ﻫﺪﻯ ﺗﺪﺭﻳﻦ ﻛﻤﺖ ﺍﺣﺐ ﻣﺸﻌﻞ ﺍﻟﻤﺨﺒﻞ ﻻﻥ ﺻﺎﺭ ﺳﺒﺐ
ﻳﻤﺼﺎﻟﺤﺘﻨﺎ
ﺿﺤﻜﺖ .. ﺍﻱ ﻋﻔﻴﺔ
.. ﻫﺪﻯ
.. ﻧﻌﻢ
.. ﺍﻧﺎ ﺍﺣﺒﺞ
ﻛﺎﻟﻬﺎ ﻫﻴﺞ ﻛﺒﻞ ﺑﺪﻭﻥ ﻣﻘﺪﻣﺎﺕ
ﻳﻤﺔ ﻫﻮ ﻛﺎﻝ ﻛﻠﻤﺔ ﺍﺣﺒﺞ ﻭﺍﻧﺔ ﻛﺒﻞ ﺍﺗﻌﺜﺮﺕ ﺑﻤﺸﻴﺘﻲ ﺯﻳﻦ ﻣﺎ
ﻭﻛﻌﺖ ﻋﻠﻰ ﻭﺟﻬﻲ ﺷﻜﺪ ﻋﻴﺐ
ﻛﻠﺒﻲ ﺍﻟﻔﻄﻴﺮ ﻛﻤﺰ ﻭﻳﺔ ﻋﺜﺮﺗﻲ ﻣﻦ ﻣﻜﺎﻧﻪ
ﺻﺎﺭ ﻭﺟﻬﻲ ﺍﺣﻤﺮ ﻣﻦ ﺍﻟﺨﺠﻞ ﻣﺎ ﺍﻋﺮﻑ ﺷﺴﻮﻱ
ﻭﺻﺮﺕ ﺍﺭﺍﺟﻊ ﺑﻘﺎﻣﻮﺱ ﺣﻴﺎﺗﻲ ﻭﺍﺩﻭﺭ ﻋﻠﻰ ﻣﺴﻄﻠﺢ
ﻳﻨﺎﺳﺐ ﻫﺎﻱ ﺍﻟﻠﺤﻈﺔ ﺣﺘﻰ ﺍﺟﺎﻭﺑﻪ
ﺑﺲ ﻣﻊ ﺍﻻﺳﻒ ﻣﺎ ﻟﻜﻴﺖ ﺑﻘﺎﻣﻮﺳﻲ ﺍﻱ ﻛﻠﻤﺔ ﺗﻮﺻﻒ ﺑﻴﻬﺎ
ﺍﻟﻤﺤﺒﺔ ﺍﻟﻲ ﺑﻜﻠﺒﻲ
ﺭﺟﻊ ﻳﺤﻢ ﺣﻢ .. ﺷﻨﻮ ﺍﻓﺘﻬﻢ ﻣﻦ ﺳﻜﻮﺗﺞ
ﺍﺑﺘﺴﻤﺖ ﻣﺴﺘﺤﻴﺔ ﺍﻧﺒﻠﻊ ﺍﻟﺴﺎﻧﻲ
.. ﻳﻌﻨﻲ ﺍﻓﺘﻬﻢ ﻣﻨﺞ ﺍﻥ ﺍﻟﺴﻜﻮﺕ ﻋﻼﻣﺔ ﺍﻟﺮﺿﻰ
ﺭﻓﻌﺖ ﺭﺍﺳﻲ ﻭﺍﺟﻴﺖ ﺍﺟﺎﻭﺑﻪ ﻭﺟﺎﻥ ﺍﺷﻮﻑ ﺍﻟﻔﺮﺩﺓ
ﺍﻟﺜﺎﻧﻴﺔ ﻣﺎﻝ ﺣﺬﺍﺋﻲ ﺑﺎﻟﺸﺎﺭﻉ
ﻭﺻﺤﺖ ﺑﻔﺮﺡ .. ﺣﺬﺍﺍﺍﺍﺍﺍﺍﺋﻲ
ﺑﺎﻭﻉ ﻋﻠﻴﺔ ﻣﺼﺪﻭﻡ ﻋﺎﻗﺞ ﺣﻮﺍﺟﺒﻪ
.. ﺣﺬﺍﺍﺍﺋﻲ ﺷﻨﻮ ؟؟ !!!!
ﺭﺣﺖ ﺷﻠﺖ ﻓﺮﺩﺓ ﺍﻟﺤﺬﺍﺀ ﻭﻛﻌﺪﺕ ﺍﻧﻜﺖ ﺑﻲ ﻭﺣﻄﻴﺘﻪ ﺑﺎﻟﻌﻼﻛﺔ ﻭﻫﻮ
ﻭﺍﻛﻒ ﻳﻤﻲ
ﻳﻬﺰ ﺑﻴﺪﻩ
.. ﻭﺍﻧﺎ ﺟﻨﺖ ﻣﻨﺘﻈﺮ ﺗﻜﻮﻟﻴﻦ ﻛﻠﻤﺔ ﺣﺒﻴﺒﻲ ﺗﺎﻟﻲ ﻃﻠﻌﺖ ﺣﺬﺍﺋﻲ
ﺍﻟﺤﻤﺪﻟﻠﻪ ﻳﺎ ﺭﺑﻲ
ﺧﻄﻴﺔ ﻫﻮ ﺟﺎﻥ ﻣﻨﺘﻈﺮ ﻣﻨﻲ ﻛﻠﻤﺔ ﺣﺐ
ﺗﺎﻟﻲ ﻃﻠﻌﺖ ﻣﻨﻲ ﻛﻠﻤﺔ ﺣﺬﺍﺋﻲ
ﺿﺤﻜﺖ ﻭﻋﻴﻮﻧﻲ ﺗﻠﻤﻊ ﻣﻦ ﺍﻟﻔﺮﺣﺔ
ﻭﺻﻠﻨﻲ ﻟﻠﺒﻴﺖ ﻭﻛﺎﻥ ﻫﺬﺍ ﺍﻭﻝ ﻣﻮﻋﺪ ﺣﺐ ﺍﻟﻨﺎ
ﺑﺲ ﺷﻠﻮﻥ ﻣﻮﻋﺪ ﺍﻏﺒﺮ ﺍﺟﻠﺢ ﺍﻣﻠﺢ ﺑﺲ ﻣﻮ ﻣﻬﻢ ﺍﺟﻮﺍﺀ ﺍﻟﻠﻘﺎﺀ
ﺍﻟﻤﻬﻢ ﺍﻟﻤﻀﻤﻮﻥ ﻭﻫﻮ ﺍﻋﺘﺮﻑ ﺑﺤﺒﻪ ﺍﻟﻲ
ﻭﻫﺬﺍ ﺍﺣﻠﻰ ﺷﻲ
ﺩﺧﻠﺖ ﻟﻠﺒﻴﺖ ﻃﺎﻳﺮﺓ ﻣﻦ ﺍﻟﻔﺮﺡ ﺍﺣﺲ ﺑﺮﻭﺣﻲ ﻃﻴﺮ
ﻟﻜﻴﺖ ﺷﻴﻤﺎﺀ ﺩﺗﻌﺰﻝ ﺑﺎﻟﺒﻴﺖ ﻭﺷﻜﻠﻬﺎ ﻣﻦ ﻫﺴﺔ ﻣﺴﻮﻳﺔ ﺣﻤﻠﺔ
ﻟﺘﺼﻔﻴﺔ ﻏﺮﺍﺽ ﺍﻟﺒﻴﺖ ﻭﺿﺤﻰ ﺩﺗﺴﺎﻋﺪﻫﺎ
ﺍﻟﺘﻔﺘﺖ ﻋﻠﻴﺔ
ﺷﻴﻤﺎﺀ .. ﻫﺎ ﺑﺸﺮﻱ ﺷﻠﻮﻧﺞ ﺍﻟﻴﻮﻡ ﺑﺄﻣﺘﺤﺎﻥ ﺍﻟﺮﻳﺎﺿﻴﺎﺕ
.. ﺍﻟﺤﻤﺪﻟﻠﻪ ﺯﻳﻨﺔ ﺟﺎﻭﺑﺖ ﻭﺍﻟﻠﻪ ﻛﻐﻴﻢ
....
ﺍﻧﺘﺒﻬﺖ ﻋﻠﻴﺔ ﻻﺑﺴﺔ ﻧﻌﺎﻝ ﻻﺳﺘﻴﻚ
.. ﻫﺎﻱ ﺷﻨﻮ ﺍﺷﻮ ﻻﺑﺴﺔ ﻧﻌﺎﻝ ﻻ ﺗﻜﻮﻟﻴﻦ ﺣﺬﺍﺋﺞ ﺍﻧﻜﻄﻊ ﺫﺍﻙ ﺍﻟﻴﻮﻡ
ﺍﺷﺘﺮﻳﺘﻪ ﺍﻟﺞ
.. ﻟﺞ ﻻ ﻣﻮ ﺍﻧﻜﻄﻊ
ﺑﺲ ﺍﻟﻴﻮﻡ ﺻﺎﺭ ﺑﻴﺔ ﻓﻠﻢ ﻏﻴﺮ ﻣﺸﻌﻞ
ﺍﻟﻤﺨﺒﻞ ﻃﻠﻌﻠﻲ ﺑﺎﻟﺸﺎﺭﻉ
ﺿﺤﻰ .. ﻋﺰﺯﺯﺓ ﻫﻤﺰﻳﻦ ﻣﺠﻨﺖ ﻭﻳﺎﺝ ﺟﺎﻥ ﻣﺘﺖ
.. ﻫﻮ ﺍﻧﻲ ﻣﺘﺖ ﺑﺲ ﻣﻦ ﺍﻟﻀﺤﻚ ﺻﻐﺖ ﺗﺼﻨﻴﻒ
ﻭﻛﻌﺪﺕ ﺍﺳﻮﻟﻒ ﻟﺨﻮﺍﺗﻲ ﻋﻦ ﺍﻟﺼﺎﺭ ﻭﻫﻨﺔ ﺧﺮﺑﻦ ﺿﺤﻚ
ﻋﻠﻴﺔ ﻭﻋﻠﻰ ﺭﺍﺋﺪ
ﺷﻴﻤﺎﺀ .. ﺧﻄﻴﺔ ﻭﻫﺴﺔ ﺭﺍﺋﺪ ﺷﻠﻮﻥ ﺻﺎﺭ
.. ﻻ ﺯﻳﻦ ﺍﻟﺤﻤﺪﻟﻠﻪ ﻣﺎ ﺑﻲ ﺷﻲ ﻭﺻﻠﻨﻲ ﻭﻏﺎﺡ ﻻﻫﻠﻪ
ﻣﺎﻛﻠﺖ ﻟﺨﻮﺍﺗﻲ ﻋﻦ ﺍﻋﺘﺮﺍﻑ ﺭﺍﺋﺪ ﺍﺳﺘﺤﻴﺖ ﺍﺣﺠﻲ
ﺍﻭﻝ ﻣﺮﺓ ﺑﺤﻴﺎﺗﻲ ﺍﺿﻢ ﺷﻲ ﻋﻦ ﺷﻴﻤﺎﺀ
ﺭﺣﺖ ﺑﺪﻟﺖ ﻣﻼﺑﺴﻲ ﻭﺭﺟﻌﺖ ﺍﺳﺎﻋﺪ ﺍﻟﺒﻨﺎﺕ
ﺷﻴﻤﺎﺀ .. ﺗﺪﺭﻭﻥ ﺑﻨﺎﺕ ﺍﻟﻴﻮﻡ ﺑﺎﻟﻤﺴﺘﺸﻔﻰ ﺍﻟﺘﻘﻴﺖ ﺑﺼﺪﻳﻘﺔ
ﻣﺮﻭﺓ ﺍﻟﺪﻛﺘﻮﺭﺓ ﻓﺮﺡ
ﺿﺤﻰ .. ﻣﺎ ﺳﺄﻟﺘﻴﻬﺎ ﻋﻦ ﻣﺮﻭﺓ ﻭﻳﻦ ﺍﺭﺍﺿﻴﻬﺎ
.. ﺍﻱ ﻫﻮ ﺳﺄﻟﺘﻬﺎ ﻋﻦ ﻣﺮﻭﺓ ﺷﻠﻮﻥ ﺍﺗﺰﻭﺟﺖ ﺑﺪﻛﺘﻮﺭ ﺭﺍﻓﺪ ﻭﻛﻌﺪﺕ
ﺗﺤﺠﻴﻠﻲ ﻟﻴﺶ ﻣﺮﻭﺓ ﻗﺒﻠﺖ ﺗﺘﺰﻭﺝ ﺭﺍﻓﺪ
ﻫﺪﻯ .. ﺍﻱ ﺻﺪﻙ ﺷﻨﻮ ﺍﻟﺴﺒﺐ ﺍﻟﻲ ﻭﻏﺔ ﺯﻭﺍﺟﻬﻢ
ﺷﻴﻤﺎﺀ ﺑﺤﺰﻥ .. ﺧﻄﻴﺔ ﻣﺮﻭﺓ ﻣﻦ ﺑﻌﺪﻣﺎ ﺻﺎﺭﺕ ﺍﻟﺴﺎﻟﻔﺔ ﻣﺎﻝ ﺑﺎﺑﺎ
ﻭﺍﻟﻔﻠﻮﺱ ﻛﺎﻣﺖ ﺗﺒﺎﺕ ﺑﺪﺍﺭ ﺍﻟﻄﺒﻴﺒﺎﺕ ﺑﺎﻟﻤﺴﺘﺸﻔﻰ
ﻭﻛﻢ ﻭﺍﺣﺪ ﻣﻦ ﻣﻮﻇﻔﻴﻦ ﺍﻟﻤﺴﺘﺸﻔﻰ ﺻﺎﺭ ﻳﺴﻤﻌﻬﺎ ﺣﺠﻲ
ﻭﻃﻠﻌﻮﺍ ﻋﻠﻴﻬﺎ ﺍﺷﺎﻋﺔ ﺍﺑﻮﻫﺎ ﻃﺎﺭﺩﻫﺎ ﻣﻦ ﺍﻟﺒﻴﺖ ﻭﺍﻟﻠﻪ ﺍﻟﻌﺎﻟﻢ
ﺷﻨﻮ ﻣﺴﻮﻳﺔ ﻭﺍﻫﻠﻬﺎ ﺍﺗﺒﺮﻭﺍ ﻣﻦ ﻋﻨﺪﻫﺎ
ﺣﺠﻲ ﺍﻟﻨﺎﺱ ﺍﻛﻞ ﻭﺟﻬﻬﺎ
ﻭﺻﻞ ﺍﻟﻜﻼﻡ ﻟﺪﻛﺘﻮﺭ ﺭﺍﻓﺪ
ﻭﻫﻮ ﺟﺎﻥ ﻣﻌﺠﺐ ﺑﻴﻬﺎ ﻓﺄﻗﺘﺮﺡ ﻋﻠﻴﻬﺎ ﺍﻧﻪ ﻫﻮ ﺭﺍﺡ ﻳﺪﺯﻭﻧﻪ
ﺑﻌﺜﺔ ﻟﻠﺨﺎﺭﺝ ﻋﻠﻰ ﺣﺴﺎﺏ ﺍﻟﺪﻭﻟﺔ ﻳﻜﻤﻞ ﺩﺭﺍﺳﺔ
ﻛﻠﻠﻬﺎ ﺧﻠﻲ ﻧﺘﺰﻭﺝ ﻭﺍﻗﺪﻣﻠﺞ ﻭﻳﺎﻱ ﺑﺼﻔﺘﺞ ﺯﻭﺟﺘﻲ
ﻭﻧﺴﺎﻓﺮ ﺳﻮﻳﺔ ﻟﻠﺨﺎﺭﺝ
ﻭﻣﺮﻭﺓ ﺷﺎﻓﺖ ﻫﺬﺍ ﺍﻟﻘﺮﺍﺭ ﺍﻻﻧﺴﺐ ﻟﻮﺿﻌﻬﺎ
ﻭﻭﺍﻓﻘﺖ ﻋﺎﻟﺰﻭﺍﺝ ﻣﻦ ﺭﺍﻓﺪ ﻭﺳﺎﻓﺮﺕ ﻭﻳﺎﻩ
ﻭﺧﻄﻴﺔ ﻫﺴﺔ ﻫﻲ ﺣﺴﺐ ﺣﺠﻲ ﺍﻟﺪﻛﺘﻮﺭﺓ ﻓﺮﺡ ﺗﻜﻮﻝ
ﻣﺮﻭﺓ ﺣﺎﻟﻴﺎ ﺩﺗﺪﺭﺱ ﻭﺗﺸﺘﻐﻞ ﺑﺪﻭﺍﻡ ﺟﺰﺋﻲ ﻣﺴﺎﻋﺪﺓ
ﺩﻛﺘﻮﺭ ﺻﺤﻴﺢ ﺍﻟﺮﺍﺗﺐ ﻗﻠﻴﻞ ﺑﺲ ﻛﺎﻟﺖ ﻣﺪﺑﺮﺓ ﺑﻴﻬﺎ ﻧﻔﺴﻬﺎ
ﺟﺎﻧﺖ ﺷﻴﻤﺎﺀ ﺗﺤﺠﻲ ﺑﻘﻬﺮ
.. ﺳﻮﺩﺓ ﻋﻠﻴﺔ ﺍﻛﻴﺪ ﻣﺮﻭﺓ ﺗﻌﺒﺎﻧﺔ ﻏﺮﺑﺔ ﻭﺩﺭﺍﺳﺔ ﻭﺷﻐﻞ
ﻫﻮﺍﻱ ﻋﻠﻴﻬﺎ ﺍﺩﺭﻱ ﺑﻴﻬﺎ ﺑﺴﺮﻋﺔ ﺗﺘﻌﺐ
ﺿﺤﻰ .. ﺍﻟﻠﻪ ﻳﻮﻓﻘﻬﺎ ﺭﺑﻲ ﻛﻮﻥ ﻣﺎ ﻳﻀﻴﻌﻠﻬﺎ ﺗﻌﺐ
ﻭﺍﻟﻠﻪ ﺍﺣﺴﻨﻠﻬﺎ ﺧﻠﻴﻬﺎ ﺗﺸﻮﻑ ﻣﺴﺘﻘﺒﻠﻬﺎ ﺍﺣﺴﻦ ﻣﻦ ﻣﺎ ﺗﺒﻘﻰ ﻫﻨﺎ
ﻛﻠﺸﻲ ﻣﺎ ﺣﺼﻠﺖ ﺑﺲ ﺍﻟﻘﻬﺮ
ﺷﻴﻤﺎﺀ .. ﺗﺪﺭﻭﻥ ﺍﻧﻲ ﻟﻴﺶ ﻣﻘﻬﻮﺭﺓ
ﻫﺪﻯ .. ﻟﻴﺶ
.....
ﻣﻘﻬﻮﺭﺓ ﻻﻥ ﻣﺮﻭﺓ ﺳﺎﻓﺮﺓ ﺯﻋﻼﻧﺔ ﻋﻠﻴﻨﺎ ﻭﻫﻲ ﻣﺘﻌﺮﻑ ﺍﻥ ﺍﺣﻨﺎ ﺟﻨﺎ
ﻣﺠﺒﻮﺭﺍﺕ ﻧﺸﻬﺪ ﺿﺪﻫﺎ
ﺳﺎﻓﺮﺕ ﻭﻫﻲ ﺗﺤﺲ ﺑﻨﻔﺴﻬﺎ ﻣﻐﺪﻭﺭﺓ ﺟﻨﺖ ﺍﺗﻤﻨﻰ ﺗﺴﻤﺤﻠﻲ
ﺍﺷﻮﻓﻬﺎ ﻭﺍﻛﻌﺪ ﺍﺑﺮﺭﻟﻬﺎ ﻋﻦ ﺍﻟﺼﺎﺭ ﻭﺍﻓﻬﻤﻬﺎ ﻳﻤﻜﻦ ﺑﺴﺎﻋﺘﻬﺎ ﻳﺒﻮﺩ
ﻛﻠﺒﻲ ﻭﺍﺭﺗﺎﺡ ﻣﻦ ﺗﺄﻧﻴﺐ ﺍﻟﻀﻤﻴﺮ
ﻫﺪﻯ .. ﻟﺘﻨﻘﻬﺮﻳﻦ ﻻ ﺑﺪ ﻭﻳﺠﻲ ﺍﻟﻴﻮﻡ ﺍﻟﻲ ﺗﺘﺼﺢ ﺑﻲ ﺍﻻﻣﻮﺭ
ﻭﻳﻨﻜﺸﻒ ﻛﻠﺸﻲ ﻣﺎﻛﻮ ﺷﻲ ﻳﺒﻘﻰ ﻋﻠﻰ ﺣﺎﻟﻪ
ﺷﻴﻤﺎﺀ .. ﺍﻱ ﺑﺲ ﺧﺎﻑ ﻫﺬﺍ ﺍﻟﻴﻮﻡ ﻳﺘﺄﺧﺮ ﺑﺠﻴﺘﻪ
ﻭﻳﻜﻮﻥ ﺑﻮﻛﺘﻬﺎ ﻓﺎﻳﺖ ﺍﻻﻭﺍﻥ ﻭﻣﺎ ﻳﻨﻔﻊ ﺍﻟﺘﺒﺮﻳﺮ
ﺟﻨﺎ ﻧﺤﺠﻲ ﻭﺳﻤﻌﻨﺎ ﺻﻮﺕ ﻧﻘﺎﻝ ﻳﺪﻙ ﺍﻧﻂ ﻭﺿﺤﻰ ﻛﻤﺰﻧﺎ
ﻣﻦ ﻣﻜﺎﻧﺎ ﻣﺴﺘﻐﺮﺑﺎﺕ ﺻﻮﺕ ﻧﻘﺎﻝ
ﻭﺷﻴﻤﺎﺀ ﺭﺍﺣﺖ ﺩﺧﻠﺖ ﻟﻠﻐﺮﻓﺔ ﻭﺟﺎﻧﺖ ﺗﻀﺤﻚ ﻋﻠﻰ ﺷﻜﻠﻨﺎ
ﻃﻠﻌﺖ ﻣﻦ ﺍﻟﻐﺮﻓﺔ ﻭﺑﻴﺪﻫﺎ ﻧﻘﺎﻝ ﺣﺠﺖ ﺑﻲ ﻭﺳﺪﺗﻪ
ﺟﺎﻥ ﻧﻮﻋﻪ ﺻﺮﺻﻮﺭ
ﻫﺪﻯ .. ﻋﺎﺍﺍﺍ ﻧﻘﺎﻝ
ﺍﺧﺬﺗﻪ ﻣﻦ ﺍﻳﺪﻫﺎ ﻭﺻﺮﺕ ﺍﻛﻠﺐ ﺑﻲ ﻣﻤﺼﺪﻛﺔ
ﺿﺤﻰ .. ﻫﺎﻱ ﺷﻨﻮ ﺷﻮﻛﺖ ﺍﺷﺘﺮﻳﺘﻲ ﻧﻘﺎﻝ
ﺷﻴﻤﺎﺀ .. ﺍﻟﻴﻮﻡ ﺍﺟﺘﻲ ﺻﺪﻳﻘﺘﻲ ﺭﺑﺎﺏ ﻛﺎﻟﺖ ﻟﻴﺶ ﻣﺘﺸﺘﺮﻳﻦ ﻧﻘﺎﻝ
ﺗﺮﺓ ﺿﺮﻭﺭﻱ ﻳﻜﻮﻥ ﻋﻨﺪﺝ ﻧﻘﺎﻝ
ﻛﻠﺘﻠﻬﺎ ﺍﺧﺎﻑ ﻏﺎﻟﻲ
ﺍﻗﺘﺮﺣﺖ ﺍﺷﺘﺮﻱ ﺍﻟﻨﻘﺎﻝ ﻭﺷﺮﻳﺤﺘﻪ ﻳﺒﻌﻮﻧﻪ ﺑﺎﻻﻗﺴﺎﻁ ﻭﻫﻲ ﻫﻢ
ﻣﺸﺘﺮﻳﺔ ﻣﺜﻠﻪ ﻭﺍﻧﻲ ﻭﺻﻴﺘﻬﺎ ﻭﺟﺎﺑﺘﻪ ﺍﻟﻴﻮﻡ
ﺟﺎﻧﺖ ﺷﻴﻤﺎﺀ ﺗﺤﺠﻲ ﻭﺍﻧﻲ ﺍﻧﺪﻣﺠﺖ ﺍﻟﻌﺐ ﺍﻟﺪﻭﺩﺓ
ﺟﺎﻧﺖ ﻓﺎﻃﻤﺔ ﺻﺪﻳﻘﺘﻲ ﻣﺮﺍﺕ ﺗﻠﺰﻡ ﻧﻘﺎﻝ ﺍﻣﻬﺎ ﻭﺗﻠﻌﺐ
ﻫﺎﻱ ﺍﻟﻠﻌﺒﺔ
ﻫﺪﻯ .. ﻟﺞ ﺷﻴﻤﺎﺀ ﻏﻴﺮ ﻳﺠﻨﻦ ﻭﺑﻲ ﺷﻐﻼﺕ ﺗﺨﺒﻞ
ﺷﻴﻤﺎﺀ .. ﺷﻨﻮ
.. ﻟﺞ ﺣﺘﻰ ﻳﺸﺘﻐﻞ ﺑﻲ ﻻﻳﺖ
.. ﻳﺎﺍﺍ ﺷﻜﺪ ﺣﻠﻮ
ﺑﻌﺪﻫﺎ ﺍﻟﺘﻬﻴﻨﺎ ﻧﺸﺪ ﺑﺎﻟﻐﺮﺍﺽ
ﻭﺍﺟﺘﻲ ﺍﻡ ﻓﺮﺯﺩﻕ ﻻﻥ ﺳﻤﻌﺖ ﺑﺎﻟﺨﺒﺮ ﺍﺣﻨﺎ ﺭﺍﺡ ﻧﺸﻴﻞ
ﺟﺎﻧﺖ ﻛﻠﺶ ﻣﻘﻬﻮﺭﺓ ﻋﻠﻴﻨﺎ
ﻭﺻﺎﺭ ﻛﻞ ﻳﻮﻡ ﻳﻨﺪﻙ ﺍﻟﺒﺎﺏ ﻭﺗﺠﻲ ﻭﺣﺪﺓ ﻣﻦ ﺟﺎﺭﺍﺗﻨﺎ ﺗﺴﻠﻢ ﻋﻠﻴﻨﺎ
ﺣﺘﻰ ﺍﻡ ﺭﺍﺋﺪ ﺍﺟﺘﻲ ﺗﺴﻠﻢ ﻋﻠﻴﻨﺎ
ﺧﻄﻴﺔ ﻭﺣﻨﻮﺵ ﻭﺍﻣﻪ ﻫﻤﻴﻦ ﺍﺟﻮﻱ ﻳﺴﻠﻤﻮﻥ ﻋﻠﻴﻨﺎ
ﻭﺧﺎﻟﺔ ﺍﻡ ﻗﺎﺳﻢ ﺧﻄﻴﺔ ﻫﻢ ﺍﺟﺘﻲ ﺗﺴﻠﻢ ﻋﻠﻴﻨﺎ ﻫﻲ ﻭﻫﺎﻟﺔ ﺑﻨﺘﻬﺎ
ﺟﺎﻧﺖ ﻭﻳﺎﻱ ﺑﻨﻔﺲ ﺍﻟﻤﺪﺭﺳﺔ ﺑﺲ ﺳﺎﺑﻘﺘﻨﻲ ﺑﻤﺮﺣﻠﺔ
ﻻﻥ ﻫﻲ ﺭﺳﺒﺖ ﺑﺎﻟﻤﺘﻮﺳﻄﺔ
ﻣﺎ ﺍﻋﺮﻑ ﻟﻴﺶ ﻣﻦ ﺷﻔﺖ ﻫﺎﻟﺔ ﻃﺮﺓ ﻋﻠﻰ ﺑﺎﻟﻲ ﻗﺎﺳﻢ ﺍﻟﻮﻛﺢ ﻭﻳﻦ
ﺻﻔﺔ ﺑﻴﻪ ﺍﻟﻮﻛﺖ
ﺳﺎﻟﺖ ﻫﺎﻟﺔ .. ﺍﻛﻠﺞ ﻗﺎﺳﻢ ﺍﺧﻮﺝ ﺑﻌﺪﻩ ﻭﻛﺢ ﻟﻮ ﺻﺎﺭ ﻋﺎﻗﻞ
.....
ﺍﺷﻮ ﻣﺎ ﻧﺸﻮﻓﻪ ﺑﺎﻟﻤﻨﻄﻘﺔ
ﻫﺎﻟﺔ .. ﻫﻮ ﺧﻠﻲ ﺑﺎﻻﻭﻝ ﺍﺣﻨﺎ ﺍﻫﻞ ﺑﻴﺘﻪ ﻧﺸﻮﻓﻪ ﻭﺑﻌﺪﻳﻦ ﻳﺎﻟﻠﻪ ﺍﻟﻨﺎﺱ
ﺗﺸﻮﻓﻪ
ﺍﻻﺳﺘﺎﺫ ﻛﺎﺿﻴﻬﺎ ﺩﻳﺎﺣﺔ ﻭﺳﻔﺮ ﺑﺎﺑﺎ ﺍﺧﺮ ﻣﺮﺓ ﺳﻔﺮﻩ ﻟﻠﺨﺎﺭﺝ ﺣﺘﻰ
ﻳﺎﺧﺬ ﺷﻬﺎﺩﺓ ﺗﺎﻟﻲ ﺭﺟﻊ ﺍﻟﻨﺔ ﺍﻳﺪ ﻭﺭﺓ ﻭﺍﻳﺪ
ﻛﺪﺍﻡ ﻣﺎ ﻛﻮ ﺷﻬﺎﺩﺓ ﺑﺲ ﺑﻴﻨﻲ ﻭﺑﻴﻨﺞ ﺍﻟﺤﺠﻲ ﺻﺎﺭ ﻛﻠﺶ ﻗﻮﻱ
ﺑﺎﻟﻠﻐﺔ ﺍﻻﻧﻜﻠﻴﺰﻳﺔ ﺑﺤﻴﺚ ﺫﺍﻙ ﺍﻟﻴﻮﻡ ﻣﻦ ﺷﺎﻑ ﺍﻻﻣﺮﻳﻜﺎﻥ
ﺍﺟﻮﻱ ﺑﻤﻨﻄﻘﺘﻨﺎ ﻛﻌﺪ ﻳﺤﺠﻲ ﻭﻳﺎﻫﻢ ﻣﺴﻴﻄﺮ
ﺧﻄﻴﺔ ﺑﺎﺑﺎ ﻛﻠﻪ ﻭﺍﺧﻴﺮﺍ ﻋﻨﺪﻙ ﺷﻲ ﺑﺮﺍﺳﻪ ﺣﻆ ﻣﺎ ﺭﺍﺣﺖ ﺳﻔﺮﺗﻚ
ﻋﻠﻰ ﺧﺎﻟﻲ ﺑﻼﺵ
ﺻﺮﺕ ﺍﺿﺤﻚ ﻭﺍﻧﻲ ﺍﺗﺨﻴﻞ ﺷﻜﻠﻪ ﺟﻨﻪ ﻋﻠﻲ ﺑﺎﺑﺎ
.. ﻫﻬﻬﻬﻬﻪ ﺑﻌﺪﻩ ﻭﻛﺢ ﻭﻳﻀﺮﺏ ﻭﻳﺘﻌﺎﺭﻙ ﻟﻮ ﺗﻐﻴﻴﺮ ؟؟
.. ﺍﻫﻮﻭ ﺳﻜﺘﻲ ﻫﻮ ﺍﺑﻮ ﻃﺒﻊ ﻣﺎ ﻳﻐﻴﺮ ﻃﺒﻌﻪ
ﻟﺸﻮﻳﺔ ﻭﺭﺍﺣﺖ ﺧﺎﻟﺔ ﺍﻡ ﻗﺎﺳﻢ ﻭﻫﺎﻟﺔ
ﺧﺎﻟﺔ ﺍﻡ ﻓﺮﺯﺩﻕ ﻛﺎﻣﺖ ﻛﻞ ﻳﻮﻡ ﺗﻤﺮ ﻋﻠﻴﻨﺎ ﺗﺸﻮﻓﻨﺎ ﺷﻤﺤﺘﺎﺟﻴﻦ
ﺧﻄﻴﺔ ﻛﻠﺶ ﺿﺎﻳﺠﺔ ﺗﻜﻮﻝ ﺷﻴﺼﺒﺮﻧﻲ ﻋﻠﻰ ﻓﺮﺍﻗﻜﻢ ﻫﻨﺎ ﺍﻧﺘﻮﺍ ﻳﻤﻲ
ﻭﺷﻮﻛﺖ ﻣﺎ ﻳﻄﺮﻱ ﻋﻠﻰ ﺑﺎﻟﻲ ﺍﺟﻴﻜﻢ
ﺿﺤﻰ .. ﻟﺘﻀﻮﺟﻴﻦ ﺧﺎﻟﺔ ﺧﻠﻲ ﺻﻬﻴﺐ ﻳﺠﻴﺒﺞ ﺍﻟﻨﺔ ﻛﻠﻬﺎ ﺷﻐﻠﺔ ﺭﺑﻊ
ﺳﺎﻋﺔ ﺑﺎﻟﺴﻴﺎﺭﺓ ﻭﺍﻧﺘﻲ ﻳﻤﻨﺎ
ﻭﺍﺣﻨﺎ ﻫﻢ ﻣﺎ ﺭﺍﺡ ﻧﻜﻄﻊ ﺑﻴﺞ ﻭﺗﻠﻜﻴﻨﺔ ﻛﻞ ﻳﻮﻡ ﻳﻤﺞ
ﻗﺮﺏ ﺍﻻﺳﺒﻮﻉ ﻳﻨﺘﻬﻲ ﻭﺍﻟﻴﻮﻡ ﺭﺍﺡ ﻧﺸﻴﻞ
ﻭ ﺻﺮﺕ ﻛﻠﻤﺎ ﺍﻣﺸﻲ ﺑﻄﺮﻳﻖ ﺍﻟﻤﺪﺭﺳﺔ
ﺍﺑﺎﻭﻉ ﻭﺍﺗﻤﻌﻦ ﺑﻜﻞ ﺷﺒﺮ ﺑﻬﺬﺍ ﺍﻟﻄﺮﻳﻖ ﻭﻛﺄﻧﻤﺎ ﺍﻭﺩﻉ ﺍﺛﺮ ﺧﻄﻮﺍﺗﻲ
ﻭﺍﺭﻳﺪ ﺍﻃﺒﻊ ﺻﻮﺭﺗﻪ ﺑﺬﺍﻛﺮﺗﻲ
ﺻﺮﺕ ﺍﺗﺬﻛﺮ ﺍﻳﺎﻣﻲ ﺍﻧﻲ ﻭﺻﻐﻴﺮﺓ ﻳﺎﻣﺎ ﻟﻌﺒﺖ ﺑﺸﻮﺍﺭﻉ ﻣﻨﻄﻘﺘﻨﺎ
ﻫﺬﺍ ﺍﻟﺪﺭﺏ ﻛﺎﻥ ﺷﺎﻫﺪ ﻋﻠﻰ ﻛﻮﻣﺔ ﻣﺸﺎﻋﺮ ﻭﻫﻮﺍﻱ ﻣﻮﺍﻗﻒ
ﺟﻨﺖ ﺍﻣﺸﻲ ﺳﺮﺣﺎﻧﻪ ﻭﻋﻴﻮﻧﻲ ﻏﺮﻛﺖ ﺑﺎﻟﺪﻣﻮﻉ
ﻏﻮﺵ ﻋﻨﺪ ﺍﻟﻨﻈﺮ
ﺳﻤﻌﺖ ﺻﻮﺕ ﻋﻤﻮ ﺍﺑﻮ ﻋﺒﺪ ﺍﻟﻠﻪ ﻭﻛﺄﻧﻤﺎ ﻛﺎﻥ ﻣﻨﺘﻈﺮﻧﻲ
ﻭﺩﻳﺴﻤﻊ ﺍﻓﻜﺎﺭﻱ
ﺍﺑﻮ ﻋﺒﺪ ﺍﻟﻠﻪ .. ﻫﻼ ﺑﻨﻴﺘﻲ ﺷﻨﻮ ﺣﻠﻴﺘﻲ
ﻫﺬﺍ ﺳﺆﺍﻟﻪ ﺍﻟﻴﻮﻣﻲ ﺻﺎﺭ ﻋﻨﺪﻱ ﺍﺣﻠﻰ ﺳﺆﺍﻝ
ﺭﻣﺸﺖ ﻋﻴﻮﻧﻲ ﺣﺘﻰ ﺍﻃﺮﺩ ﺍﻟﺪﻣﻮﻉ
.. ﻫﻼ ﻋﻤﻮ ﺷﻠﻮﻧﻚ ﺍﻥ ﺷﺎﺀ ﺍﻟﻠﻪ ﺑﺨﻴﺮ
.. ﺑﺨﻴﺮ ﻭﺍﻟﺤﻤﺪ ﻟﻠﻪ
ﺧﻴﺮ ﺑﻨﻴﺘﻲ ﺍﺷﻮ ﻣﺎ ﻛﻤﺖ ﺍﺷﻮﻓﺞ ﺗﻤﺮﻳﻦ ﺗﻠﻜﻄﻴﻦ ﺍﻟﻨﺒﻚ ﺷﻨﻮ
ﻟﻜﻴﺘﻴﻠﺞ ﺷﺠﺮﺓ ﺛﺎﻧﻴﺔ ﻧﺒﮕﻬﺎ ﺍﺣﻠﻰ ﻣﻦ ﻧﺒﻜﻨﺎ ﻟﻮ ﺻﻌﺐ ﻋﻠﻴﺞ
ﺍﻟﻤﺸﻮﺍﺭ ﻭﻛﻤﺘﻲ ﻣﺎ ﺗﻤﺮﻳﻦ ﺑﻴﻨﺎ
ﺍﺟﺘﻲ ﻛﻠﻤﺎﺗﻪ ﻋﺎﻟﺠﺮﺡ ﻋﺒﺎﻟﻚ ﺗﻌﺰﻑ ﻋﺎﻟﻮﺗﺮ ﺍﻟﺤﺴﺎﺱ ﺍﻧﻔﺠﺮﺕ
ﺑﺎﻟﺒﺠﻲ ﻣﺜﻞ ﺍﻟﻄﻔﻠﺔ ﺍﻟﻤﻬﻀﻮﻣﺔ ﻣﻦ ﺗﺴﻤﻊ ﻭﺍﺣﺪ ﻳﻜﻠﻠﻬﺎ
ﺧﻄﻴﺔ ﻣﻨﻮ ﻭﻳﺎﺍﺍﺝ ﻟﻴﺶ ﺩﺗﺒﺠﻴﻦ ﻭﻫﻲ ﺑﻠﺤﻈﺘﻬﺎ
ﺗﺒﺮﻃﻢ ﺷﻔﺎﻳﻔﻬﺎ ﻭﺗﻨﻔﺠﺮ ﺗﺒﺠﻲ ﺑﺤﺮﻛﺔ ﮔﻠﺐ
ﺍﺑﻮ ﻋﺒﺪﺍﻟﻠﻪ .. ﺧﻴﺮ ﺑﻨﻴﺘﻲ ﺍﻟﻤﻦ ﻫﺎﻱ ﺍﻟﺪﻣﻮﻉ ﺍﻟﺤﻠﻮﺓ ﺗﻨﺰﻝ ﻭﺗﻼﻣﺲ
ﺧﺪﺝ ﺍﻟﺘﺮﻑ
....
ﺑﺎﻭﻋﺖ ﻋﻠﻴﻪ ﻭﺣﺠﻴﺖ ﻭﺍﻧﻲ ﺍﻧﺎﺷﻎ ﺑﺎﻟﺒﺠﻲ
.. ﻋﻤﻮ ﺑﻌﺪ ﻣﺎ ﺍﻣﺮ ﻋﻠﻰ ﺷﺠﺮﺗﻜﻢ ﻭﻻ ﺍﻛﻞ ﻣﻦ ﻧﺒﻜﻬﺎ
ﻛﻠﻠﻬﺎ ﺧﻞ ﺗﺮﺗﺎﺡ ﻣﻦ ﻫﺪﻯ ﺑﻌﺪ ﻣﺎ ﺗﻤﺮﻣﻦ ﻳﻤﻬﺎ ﻭﺗﺸﻤﺮ ﻋﻠﻴﻬﺎ ﺣﺠﺎﺭ
.. ﻫﺎ ﻟﻴﺶ ﺑﻮﻳﺔ ﺗﺤﺠﻴﻦ ﻫﺸﻜﻞ ﻛﻮﻥ ﺍﺣﺪ ﻣﺴﻤﻌﺞ ﺣﺠﺎﻳﺔ
ﻭﻣﺰﻋﻠﺞ ﻣﻦ ﻋﺪﻧﺎ
.. ﻻ ﻋﻤﻮ ﺍﻧﺘﻮﺍ ﺍﺻﻞ ﺍﻟﻄﻴﺐ ﻭﻣﺎ ﺑﺪﺭ ﻣﻨﻚ ﺑﺲ ﺍﻟﻄﻴﺐ
ﺣﺎﻟﻚ ﻣﺜﻞ ﺣﺎﻝ ﺷﺠﺮﺗﻚ ﻧﺸﻤﺮﻫﺎ ﺑﺎﻟﺤﺠﺎﺭ ﻭﺗﻨﻄﻴﻨﺎ ﻣﻦ ﺛﻤﺮﻫﺎ
ﺍﻟﻄﻴﺐ
ﺑﺲ ﻋﻤﻮ ﺍﺣﻨﺎ ﺭﺍﺡ ﻧﺸﻴﻞ ﻣﻦ ﻫﺎﻱ ﺍﻟﻤﻨﻄﻘﺔ ﻭﺑﻌﺪ ﻣﺎ ﺍﻛﺪﺭ ﺍﻣﺮ ﻣﻦ
ﻳﻤﻜﻢ
ﺑﺎﻭﻉ ﻋﻠﻴﺔ ﻭﺍﺑﺘﺴﻢ
.. ﺑﻨﻴﺘﻲ ﻻ ﺗﺒﺠﻴﻦ ﻭﻣﺴﺤﻲ ﺩﻣﻮﻋﺞ ﻫﺬﺍ ﺣﺎﻝ ﺍﻟﺪﻧﻴﺎ
ﻣﺎﻛﻮ ﺷﻲ ﻳﺒﻘﻰ ﻋﻠﻰ ﺣﺎﻟﻪ ﻛﻠﻨﺎ ﺧﻄﺎﺭ ﻭﻻﺑﺪ ﻭﺍﻥ ﻳﺠﻲ ﺍﻟﻴﻮﻡ
ﻭﺗﻔﺮﻗﻨﺎ ﺍﻟﻄﺮﻕ
ﻣﺪ ﺍﻳﺪﻩ ﺷﺎﻳﻞ ﻋﻼﻛﺔ ﺍﻟﻨﺒﻚ ﻭﺍﻧﻄﺎﻧﻴﺎﻫﺎ
ﺑﺎﻭﻋﺖ ﻋﻠﻴﻪ ﺷﻠﻮﻥ ﺟﺎﻥ ﻳﺒﺘﺴﻢ ﺑﻮﺟﻬﻲ ﻭﻫﻮ ﻣﺎﺩ ﺍﻳﺪﻩ ﺣﺘﻰ ﺍﺧﺬ
ﺍﻟﻌﻼﻛﺔ ﻣﻨﻪ
ﻧﻈﺮﺍﺕ ﻋﻴﻮﻧﻪ ﻛﺄﻧﻬﺎ ﺗﻮﺩﻋﻨﻲ ﺍﻟﻮﺩﺍﻉ ﺍﻻﺧﻴﺮ
ﻳﻌﻨﻲ ﺷﻨﻮ ﺑﻌﺪ ﻣﺎ ﺍﺷﻮﻑ ﻋﻤﻮ ﺍﺑﻮ ﻋﺒﺪ ﺍﻟﻠﻪ ﻳﻨﺘﻈﺮﻧﻲ ﺑﺎﻟﻄﺮﻳﻖ
ﻣﺜﻞ ﻛﻞ ﻳﻮﻡ
ﻳﻌﻨﻲ ﺑﻌﺪ ﻣﺎﻛﻮ ﺍﺣﺪ ﻳﺼﻴﺤﻨﻲ ( ﺑﻨﻴﺘﻲ ﻫﺪﻯ ﺣﻠﻴﺘﻲ )
ﻭﻳﺴﺄﻟﻨﻲ ﻋﻦ ﺍﺣﻮﺍﻟﻲ
ﻭﺍﻛﻒ ﻣﻨﺘﻈﺮﻧﻲ ﺍﺧﺬ ﺍﻟﻌﻼﻛﺔ ﻣﻦ ﺍﻳﺪﻩ
ﻣﺎ ﺍﺗﺤﻤﻠﺖ ﺍﺷﻮﻓﻪ ﻻﺧﺮ ﻣﺮﺓ ﺭﻛﻀﺖ ﻋﻠﻴﻪ
ﻭﺩﻧﻜﺖ ﻋﻠﻰ ﺍﻳﺪﻩ ﺍﻟﻤﺠﻌﺪﺓ ﻣﻦ ﺍﺛﺮ ﺍﻟﻜﺒﺮ ﻭﺑﺴﺘﻬﺎ
ﻭﺍﻧﻲ ﺍﺑﺠﻲ ﺑﺤﺰﻥ ﻣﻦ ﺍﺛﺮ ﺍﻟﻔﺮﺍﻕ ﻣﺴﺢ ﺑﻴﺪﻩ ﺍﻟﺜﺎﻧﻴﺔ ﻋﻠﻰ ﺭﺍﺳﻲ
ﻭﺣﺠﺔ ﺑﺼﻮﺕ ﻣﻜﺴﻮﺭ
.. ﺑﻨﻴﺘﻲ ﻫﺪﻯ ﻟﺘﻀﻮﺟﻴﻦ ﻛﻠﻤﺎ ﺗﺤﻨﻴﻦ ﻟﺸﺠﺮﺗﻨﺎ ﺗﻌﺎﻟﻲ
ﻭﺍﻥ ﺷﺎﺀ ﺍﻟﻠﻪ ﺗﻠﻜﻴﻨﻲ ﻭﺍﻛﻒ ﻣﻨﺘﻈﺮﺝ ﻫﻨﺎ ﻭﺑﻴﺪﻱ ﻋﻼﻛﺔ ﺍﻟﻨﺒﻚ
ﺍﻣﺎﻧﺔ ﻟﺘﺰﻋﻠﻴﻦ ﺣﺎﻟﺞ
ﺍﺧﺬﺕ ﺍﻟﻌﻼﻛﺔ ﻣﻦ ﻋﻨﺪﻩ ﻭﻭﺩﻋﺘﻪ ﻭﺭﺣﺖ ﺍﻣﺸﻲ ﺍﻛﻤﻞ ﻃﺮﻳﻘﻲ
ﻭﻋﻴﻮﻧﻲ ﻭﺧﺸﻤﻲ ﺣﻤﺮ ﻣﻦ ﺍﺛﺮ ﺍﻟﺒﺠﻲ
ﺣﺠﺔ ﻣﻦ ﻭﺭﺍﻱ ﻭﻭﻫﻮ ﻭﺍﻛﻒ ﺑﻨﻔﺲ ﻣﻜﺎﻧﻪ
.. ﻣﻮﺩﻋﺔ ﺑﺎﻟﻠﻪ ﺑﻨﻴﺘﻲ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﻭﺻﻴﺮﻱ ﺳﺒﺎﻋﻴﺔ
ﺍﺻﻌﺐ ﻟﺤﻈﺎﺕ ﻫﻲ ﻟﺤﻈﺎﺕ ﺍﻟﻮﺩﺍﻉ
ﻃﻌﻤﻬﺎ ﻳﻜﻮﻥ ﻣﺮ ﻻﺫﻉ ﻳﻠﺴﻊ ﺍﻟﻜﻠﺐ
ﻭﺻﻠﺖ ﻟﻠﺒﻴﺖ ﻭﺷﻔﺖ ﺳﻴﺎﺭﺓ ﺍﻟﺤﻤﻞ ﺩﺗﻨﻘﻞ ﺑﺎﻟﻐﺮﺍﺽ
ﻧﻔﺲ ﻫﺬﺍ ﺍﻟﻤﻨﻈﺮ ﺍﺗﻜﺮﺭ ﻣﻦ ﺍﻧﺘﻘﻠﻨﺎ ﻟﻬﻨﺎ ﻋﻠﻰ ﻫﺬﺍ ﺍﻟﺒﻴﺖ
ﻟﻜﻴﺖ ﺭﺍﺋﺪ ﻭﺍﻛﻒ ﻳﻢ ﺑﺎﺑﺎ ﻳﺤﺠﻲ ﻭﻳﺎﻩ
ﻭﻋﻴﻮﻧﻪ ﺑﻴﻬﻢ ﺣﺰﻥ
ﺭﺍﺋﺪ .. ﺷﻠﻮﻧﺞ ﻫﺪﻯ
.. ﺍﻟﺤﻤﺪ ﻟﻠﻪ ﺑﺨﻴﺮ
......
ﺑﺎﻭﻋﺖ ﺑﻌﻴﻮﻧﻪ ﻭﺍﻧﺘﺒﻪ ﻋﻠﻰ ﻋﻴﻮﻧﻲ ﺣﻤﺮ ﻣﻦ ﺍﻟﺒﺠﻲ
ﺳﺤﺐ ﻧﻔﺲ ﻋﻤﻴﻖ ﻭﺭﺟﻊ ﺷﻌﺮﻩ ﻟﻠﺨﻠﻒ
ﻋﻴﻮﻧﻪ ﺟﺎﻧﺖ ﻣﻔﻀﻮﺣﺔ ﺑﻴﻬﻢ ﺣﺠﻲ ﻫﻮﺍﻱ
ﺩﺧﻠﺖ ﻟﻠﺒﻴﺖ ﻭﺷﻔﺖ ﺍﻟﺒﻨﺎﺕ ﻣﺨﺒﻮﺻﺎﺕ ﻭﻭﻳﺎﻫﻢ ﺧﺎﻟﺔ ﺍﻡ ﻓﺮﺯﺩﻕ
ﺩﺗﺒﺠﻲ ﺧﻄﻴﺔ ﺍﻧﺘﺒﻬﺖ ﻟﻠﺒﻴﺖ ﺷﻠﻮﻥ ﺻﺎﺭ ﻓﺎﺭﻍ ﻭﻇﻠﺖ ﺑﺲ
ﺍﻟﺬﻛﺮﻳﺎﺕ ﻣﻌﻠﻜﺔ ﺑﺄﻛﺎﻥ ﺍﻟﺤﻴﺎﻃﻴﻦ
ﺑﺎﺑﺎ ﺑﺎﻉ ﻛﻠﺸﻲ
ﺻﻔﺔ ﻛﻞ ﻏﺮﺍﺽ ﺍﻟﺒﻴﺖ ﻭﺑﻘﻰ ﺑﺲ ﻣﻜﻴﻨﺔ ﺍﻟﺨﻴﺎﻃﺔ ﻣﺎ ﺷﻴﻤﺎﺀ
ﺍﺗﺮﺟﺘﻪ ﻣﺎ ﻳﺒﻴﻌﻬﺎ ﻭﻳﺘﺮﻛﻬﺎ ﺍﻟﻨﺔ ﺫﻛﺮﻯ ﻣﻦ ﺭﻳﺤﺔ ﺍﻟﻤﺮﺣﻮﻣﺔ ﺍﻣﻲ
ﻭﺑﻬﺬﺍ ﺍﻟﻴﻮﻡ ﺍﻧﺘﻘﻠﻨﺎ ﻟﺒﻴﺖ ﺑﻴﺒﻲ ﻭﺟﺎﻧﺖ ﺍﻟﻤﻨﻄﻘﺔ ﺷﻌﺒﻴﺔ
ﺑﻴﻬﺎ ﺟﻬﺎﻝ ﻫﻮﺍﻱ ﺣﻔﺎﻱ ﻭﺻﺨﻴﻦ
ﻭﺻﻠﻨﺎ ﻟﻠﺒﻴﺖ ﺍﻭ ﺑﺎﻻﺣﺮﻯ ﺑﻘﺎﻳﺎ ﺑﻴﺖ ﻛﺎﻧﺖ ﺍﻟﺤﻴﺎﻃﻴﻦ ﻣﻔﻄﺮﺓ
ﻣﻦ ﺍﺛﺮ ﺍﻟﺴﻨﻴﻦ ﺩﺧﻠﻨﺎ ﺍﻧﻲ ﻭﺍﻟﺒﻨﺎﺕ ﻭﺑﺎﺑﺎ ﻧﺰﻝ ﻏﺮﺍﺿﻨﺎ
ﺟﺎﻧﺖ ﻣﻮ ﻫﻮﺍﻱ ﺍﻏﻠﺒﻬﺎ ﻣﻼﺑﺴﻨﺎ ﻭﻣﻜﻴﻨﺔ ﻣﺎﻣﺎ
ﺍﺳﺘﻘﺒﻠﺘﻨﺎ ﺑﻴﺒﻲ ﺗﺪﺭﺩﻡ
ﺍﻡ ﺍﺛﻴﺮ .. ﻣﻮ ﺗﺪﺧﻠﻮﻥ ﺑﺄﺣﺬﻳﺘﻜﻢ ﺑﺎﻟﺒﻴﺖ ﻭﺗﺪﻭﺳﻮﻧﻪ
ﻧﺰﻋﻮﻫﺎ ﺑﺎﻟﺒﺎﺏ ﻗﺒﻞ ﻟﺘﺪﺧﻠﻮﻥ
ﻫﺪﻯ .. ﺣﺴﺴﺘﻨﺎ ﻋﺒﺎﻟﻚ ﺩﺍﺧﻠﻴﻦ ﻋﺎﻻﺭﺽ ﺍﻟﻤﻘﺪﺳﺔ
ﺿﺤﻰ .. ﺩﺧﻴﻠﻚ ﻳﺎﺭﺑﻲ ﻫﺬﺍ ﻣﻮ ﺑﻴﺖ ﻳﺨﻮﻑ ﺍﻇﻠﻢ ﺟﻨﺔ ﻛﻦ ﻣﺎﻝ
ﺩﺟﺎﺝ
ﺷﻴﻤﺎﺀ .. ﻳﺎﻟﻠﻪ ﺷﻮ ﺍﺗﺤﺮﻛﻮﺍ ﺍﺛﻨﻴﻨﻜﻢ ﻭﺑﻼ ﺣﺠﻲ ﺯﺍﻳﺪ
ﺧﻠﻲ ﻧﻜﺘﺮ ﺍﻟﻐﺮﺍﺽ ﺑﺴﺮﻋﺔ
ﻛﻌﺪﻧﺎ ﻧﻜﺘﺮ ﺑﺎﻟﻤﻼﺑﺲ ﺑﻴﺒﻲ ﻓﺮﻏﺖ ﺧﺎﻧﺘﻴﻦ ﻣﻦ ﻛﻨﺘﻮﺭﻫﺎ
ﻭﻛﺎﻟﺖ ﺩﺑﺮﻭﺍ ﺍﻣﻮﺭﻛﻢ ﺑﻴﻬﺎ
ﺍﻧﻲ ﻭﺿﺤﻰ ﻭﺷﻴﻤﺎﺀ ﺑﺨﺎﻧﺔ ﻭﺑﺎﺑﺎ ﺑﺨﺎﻧﺔ ﻭﺑﻘﻴﺔ ﺍﻟﻤﻼﺑﺲ ﺻﺎﺭﺕ
ﺗﻠﺰﻙ ﻻﻥ ﺧﺎﻧﺔ ﻭﺣﺪﺓ ﻣﻮ ﻛﺎﻓﻴﺔ ﻭﺍﺣﻨﺎ ﻋﺪﻧﺎ ﻫﻮﺍﻱ ﻣﻼﺑﺲ ﺷﻴﻤﺎﺀ
ﻛﺎﻟﺖ ﻧﻄﻠﻊ ﺑﺲ ﺍﻟﻀﺮﻭﺭﻳﺎﺕ ﺍﻟﻨﺠﺘﺎﺟﻬﻢ ﺍﺳﺘﻌﻤﺎﻝ ﻳﻮﻣﻲ ﻭﺍﻟﺒﻘﻴﺔ
ﻳﺒﻘﻮﻥ ﺑﺎﻟﺠﻨﻄﺔ ﺍﻟﺠﺒﻴﺮﺓ
ﻧﺨﺰﻧﻬﻢ
ﻭﺑﻴﻦ ﻣﺎ ﺧﻠﺼﻨﺎ ﺍﻟﺸﻐﻞ
ﺷﻴﻤﺎﺀ .. ﻫﺪﻯ ﻫﺴﺔ ﻋﻮﻓﻲ ﺍﻟﻲ ﺑﻴﺪﺝ ﻭﺭﺣﻲ ﺩﺭﺳﻲ ﺍﻣﺘﺤﺎﻧﺞ ﺑﺎﺟﺮ
ﺍﻧﻲ ﺍﻭﺻﻠﺞ ﻋﻠﻰ ﻣﺪﺭﺳﺘﺞ ﻋﺒﺮﻳﺔ ﻭﻣﻨﺎﻙ ﺍﺭﻭﺡ ﻟﻠﻤﺴﺸﻔﻰ
.. ﺍﻭﻙ
ﺍﺑﺎﻭﻉ ﻟﺸﻮﻣﺔ ﺷﻠﻮﻥ ﺣﻠﻮﺓ ﺟﺎﻧﺖ ﻋﻨﺪﻫﺎ ﻧﻮﻧﺔ ﺑﺤﻨﻜﻬﺎ ( ﻏﻤﺎﺯﺓ
ﺑﺎﻟﺤﻨﻚ )
ﻧﺎﻃﻴﺘﻬﺎ ﺑﺮﺍﺋﺔ ﻭﻋﻴﻮﻧﻬﺎ ﻛﺒﺎﺭ ﻭﻭﺳﺎﻉ ﻭﺭﻣﻮﺷﻬﺎ ﻃﻮﺍﻝ
ﻭﺻﺎﺣﺒﺔ ﻗﻮﺍﻡ ﻳﺠﻨﻦ ﺗﻘﺎﺳﻴﻤﻪ ﻣﺮﺗﺒﻪ
ﺧﻄﻴﺔ ﻣﻦ ﻛﺪ ﺍﻟﺸﻐﻞ ﻣﻴﺰﻳﺪ ﻭﺯﻧﻬﺎ ﻭﻻ ﻳﻨﻘﺺ ﻣﺜﻠﻤﺎ ﻫﻮ
ﺟﺎﻧﺖ ﺗﻬﺘﻢ ﺑﺎﻟﻜﻞ ﺍﻻ ﻧﻔﺴﻬﺎ ﻫﺎﻣﻠﺔ ﺭﻭﺣﻬﺎ ﻭﻛﺄﻧﻤﺎ ﻣﻮ ﻣﻦ ﺣﻘﻬﺎ
ﺗﻠﺒﺲ ﻭﺗﺘﺄﻧﻖ ﻭﺗﻜﺸﺦ ﺗﺸﻮﻑ ﻫﺬﻧﻲ ﺍﻻﺷﻴﺎﺀ ﻣﻮ ﻻﺯﻣﺔ ﻣﻮ ﺍﻫﻢ
ﻣﻦ ﺗﻮﻓﻴﺮ ﻣﻼﺑﺲ ﺍﻟﻤﺪﺭﺳﺔ ﻭﺍﺣﺘﻴﺎﺟﺎﺕ ﺍﻟﺒﻴﺖ ﺍﻟﻀﺮﻭﺭﻳﺔ ﺗﺸﻮﻑ
ﺍﻻﻭﻟﻴﺔ ﺍﻟﻨﺔ ﻭﺑﻌﺪﻳﻦ ﻫﻲ
.....
ﺭﺣﺖ ﺩﺧﻠﺖ ﻟﻠﻐﺮﻓﺔ ﺟﺎﻧﺖ ﻛﻠﺶ ﺻﻐﻴﺮﺓ ﻭﺑﻴﻬﺎ ﺭﻳﺤﺔ ﺭﻃﻮﺑﺔ ﺻﺮﺕ
ﺍﺑﺎﻭﻉ ﻟﻠﺠﺎﻧﺐ ﺍﻟﻤﺸﺮﻕ ﺑﺎﻟﻤﻮﺿﻮﻉ
ﺍﻥ ﺍﺣﻨﺎ ﺍﺣﺴﻦ ﻣﻦ ﻏﻴﺮﻧﺎ
ﻋﺎﻻﻗﻞ ﻟﻜﻴﻨﺎ ﺳﻜﻒ ﻳﺄﻭﻳﻨﺎ ﻭﻳﻠﻤﻨﺎ ﺍﻧﻲ ﻭﺧﻮﺍﺗﻲ ﻏﻴﺮﻧﺎ
ﻳﺘﻤﻨﻮﻥ ﻣﻜﺎﻧﺔ ﻛﻌﺪﺕ ﺍﺩﺭﺱ ﺍﻣﺘﺤﺎﻧﻲ ﻟﺒﺎﺟﺮ
ﻭﻧﻌﺴﺖ ﺍﺟﺘﻲ ﺷﻴﻤﺎﺀ ﻭﺑﻴﺪﻫﺎ ﻟﻔﺔ ﺟﺒﻦ ﻭﻛﻼﺹ ﺟﺎﻱ ﺣﺎﺭ
ﺍﺧﺬﺗﻬﺎ ﻣﻨﻬﺎ ﻭﻧﺰﻟﺖ ﻋﻠﻴﻬﺎ ﺍﻛﺲ ﻭﻣﺮﺑﻊ
ﺟﻨﺖ ﻛﻠﺶ ﺟﻮﻋﺎﻧﺔ
.. ﺭﺣﻤﺔ ﺍﻟﻠﻪ ﻭﺍﻟﺪﻳﺞ ﺷﻮﻣﺔ
.. ﺍﻟﻒ ﻋﺎﻓﻴﺔ ﻋﻠﻰ ﻛﻠﺒﺞ
ﺩﻙ ﻧﻘﺎﻟﻬﺎ ﻭﺷﺎﻓﺖ ﺍﻟﺮﻗﻢ ﻭﻋﺼﺒﺖ ﻭﻛﻌﺪﺕ ﺗﺪﺭﺩﻡ
.. ﺍﺳﺘﻐﻔﺮ ﺍﻟﻠﻪ ﺻﺪﻙ ﻧﺎﺱ ﻣﺘﺴﺘﺤﻲ
ﻛﺎﻣﺖ ﻣﻦ ﻳﻤﻲ ﻭﺍﺧﺬﺕ ﻧﻘﺎﻟﻬﺎ
ﺑﺎﻭﻋﺖ ﻋﻠﻴﻬﺎ ﻣﻦ ﻓﺘﺤﺖ ﺍﻟﺒﺎﺏ ﻇﻠﺖ ﺗﺤﻮﻡ ﺗﺮﻳﺪﻟﻬﺎ ﻣﻜﺎﻥ ﺗﻜﺪﺭ
ﺗﺤﺠﻲ ﺑﻲ ﺑﺮﺍﺣﺘﻬﺎ ﻻﻥ ﺍﻟﺒﻴﺖ ﻛﻠﺶ ﺻﻐﻴﺮ
ﺭﺣﺖ ﻳﻤﻬﺎ ﻭﻫﻤﺴﺖ
.. ﺷﻮﻣﺔ ﺻﻌﺪﻱ ﻓﻮﻙ ﺍﻟﺴﻄﺢ
ﺑﺎﻭﻋﺖ ﻓﻮﻙ
.. ﺍﻱ ﺻﺪﻙ ﻫﻨﺎﻙ ﻳﺎﻟﻠﻪ ﺍﻛﺪﺭ ﺍﺣﺠﻲ ﺑﺮﺍﺣﺘﻲ
ﺻﻌﺪﺕ ﻓﻮﻙ ﻭﺭﺣﺖ ﺻﻌﺪﺕ ﻭﺭﺍﻫﺎ
ﻭﻛﻔﺖ ﻳﻢ ﺑﺎﺏ ﺍﻟﺴﻄﺢ
ﺍﺳﻤﻌﻬﺎ ﺗﺤﺠﻲ ﻣﻌﺼﺒﺔ .. ﺍﻧﺖ ﻭﺗﺎﻟﻲ ﻭﻳﺎﻙ ﺗﺮﺓ ﺻﺪﻙ ﻣﺼﺨﺘﻬﺎ
ﻣﺘﺴﺘﺤﻲ ﻣﺘﺼﻞ ﻋﻠﻴﺔ ﺑﻬﻴﺞ ﻭﻗﺖ
ﻛﻢ ﻣﺮﺓ ﻛﺘﻠﻚ ﻟﺘﺘﺼﻞ ﻋﻠﻴﺔ ﻟﺘﺠﺒﺮﻧﻲ ﺍﻏﻴﺮ ﺭﻗﻤﻲ
ﻣﻦ ﻭﺭﺍﻙ
ﻭﺳﺪﺕ ﺍﻟﺘﻠﻔﻮﻥ ﺑﻮﺟﻬﻪ
ﻭﺩﺍﺭﺕ ﻭﺟﻬﻪ ﺗﻨﺎﻓﺦ ﺑﻐﻀﺐ
ﺷﺎﻓﺘﻨﻲ
ﻫﺪﻯ .. ﺷﻴﻤﺎﺀ ﻫﺬﺍ ﻣﻨﻮﺍ
ﺟﺎﻥ ﺍﻟﺴﻄﺢ ﺍﻇﻠﻢ ﻭﺍﻟﺪﻧﻴﺎ ﻟﻴﻞ ﻭﺑﺲ ﺿﻮﺓ ﺧﻔﻴﻒ ﺟﺎﻱ ﻣﻦ
ﺍﻟﺒﻴﺘﻮﻧﺔ
ﺭﺍﺣﺖ ﻛﻌﺪﺕ ﻋﻠﻰ ﺍﻟﻄﺎﺑﻮﻛﺔ ﻭﺍﻧﻲ ﻫﻢ ﺳﻮﻳﺖ ﻣﺜﻠﻬﺎ ﻭﻛﻌﺪﺕ ﻋﻠﻰ
ﻃﺎﺑﻮﻛﺔ ﺛﺎﻧﻴﺔ
.. ﻳﺎﻟﻠﻪ ﺍﺣﺠﻲ ﻫﺬﺍ ﻣﻨﻮ ؟؟
ﺷﻴﻤﺎﺀ .. ﺗﺘﺬﻛﺮﻳﻦ ﺑﻴﻮﻡ ﺍﺟﻴﺘﻜﻢ ﻭﻛﻠﺖ ﺍﻛﻮ ﺿﺎﺑﻂ ﻣﺼﺎﺏ
ﺟﺎﺑﻮﻩ ﻟﻠﻤﺴﺘﺸﻔﻰ ﺍﻫﻠﻪ ﻣﺎ ﻳﻌﺮﻓﻮﻥ ﻋﻨﻪ ﺍﻱ ﺷﻲ
.. ﺍﻱ ﺍﺗﺬﻛﺮ ﻋﻠﻴﻪ ﺻﺪﻙ ﺷﻠﻮﻥ ﺻﺎﺭ
.. ﺑﺨﻴﺮ ﻳﺰﻫﻮ ﺑﺎﻟﻨﺼﺮ
ﻫﺪﻯ .. ﻛﻤﻠﻲ
ﺻﻔﻨﺖ ﺷﻴﻤﺎﺀ ﻭﺳﺮﺣﺖ ﺑﺄﻓﻜﺎﺭﻫﺎ ﻭﻫﻲ ﺗﺤﺠﻲ ﻟﻬﺪﻯ
.. ﺟﻨﺖ ﻣﺜﻞ ﻛﻞ ﻳﻮﻡ ﺍﺩﺍﻭﻡ ﺑﺎﻟﻤﺴﺘﺸﻔﻰ ﺍﺳﺠﻞ ﺣﻀﻮﺭ ﺍﻭﻗﻊ ﻋﻨﺪ
ﻣﺴﺆﻟﺔ ﺍﻟﻤﻤﺮﺿﺎﺕ
ﻭﺍﺭﻭﺡ ﺍﺳﻠﺘﻢ ﻣﻨﺎﻭﺑﺘﻲ
ﺷﻔﺖ ﺍﻟﻤﻤﺮﺿﺎﺕ ﻣﺨﺒﻮﺻﺎﺕ ﻭﻳﺤﺠﻮﻥ ﺑﻴﻨﻬﻢ ﻋﻠﻰ
ﻣﺮﻳﺾ ﺣﺎﺭﻙ ﺍﻟﻤﺴﺘﺸﻔﻰ ﺣﺮﻙ ﻭﻣﺪﺧﻠﻬﻢ ﺑﺎﻻﻧﺬﺍﺭ
ﺳﺎﻟﺖ ﺭﺑﺎﺏ .. ﺷﻜﻮ ﺷﺼﺎﻳﺮ ﻟﻴﺶ ﺍﻟﺠﻮ ﻣﺘﻜﻬﺮﺏ
ﺭﺑﺎﺏ .. ﻫﺬﺍ ﺿﺎﺑﻂ ﺍﻟﺒﺎﺭﺣﺔ ﺟﺎﺑﻮﻩ ﻣﺼﺎﺏ ﺑﻄﻠﻘﺘﻴﻦ ﺑﻜﺘﻔﻪ
ﻭﺍﻟﺜﺎﻧﻴﺔ ﺑﺨﺎﺻﺮﺗﻪ ﻭﺍﻟﻴﻮﻡ ﺍﺳﺘﺮﺩ ﺍﻟﻮﻋﻲ
ﻭﺩﺧﻞ ﺍﻟﺪﻛﺎﺗﺮﺓ ﺑﺎﻻﻧﺬﺍﺭ ﻣﻦ ﺍﻟﻌﺼﺒﻴﺔ ﻣﺎﻟﺘﻪ ﻻﻥ
ﻟﺤﺪ ﺍﻻﻥ ﻣﻤﻄﻠﻌﻴﻦ ﺍﻟﺮﺻﺎﺻﺔ ﻣﻦ ﻛﺘﻔﻪ
.. ﻟﻴﺶ ﺷﻨﻮ ﺳﺒﺐ ﺍﻟﺘﺄﺧﻴﺮ
.. ﺍﻟﺪﻛﺘﻮﺭ ﺭﺣﻤﺎﻥ ﺍﺗﺼﻞ ﻋﺎﻟﺠﺮﺍﺡ ﻣﻮﻓﻖ ﺣﺘﻰ ﻳﺤﻀﺮ ﺣﺎﻟﺔ ﻃﺎﺭﺋﺔ
ﻻﻥ ﺍﻟﻄﻠﻘﺔ ﻧﺎﺯﻟﺔ ﻭﻣﻜﻄﻌﺔ ﺍﻻﻋﺼﺎﺏ
....
ﻣﻴﺼﻴﺮ ﻳﻄﻠﻌﻮﻧﻬﺎ ﺷﻠﻮﻥ ﻣﺎﺟﺎﻥ
ﻻﺯﻡ ﺟﺮﺍﺡ ﺍﺧﺘﺼﺎﺹ ﺑﺎﻻﻋﺼﺎﺏ
ﻳﺸﺮﻑ ﻋﺎﻟﻌﻤﻠﻴﺔ ﻭﻫﺬﺍ ﺍﻟﻀﺎﺑﻂ ﻣﻴﻘﺘﻨﻊ ﺑﻬﺬﺍ ﺍﻟﺤﺠﻲ
ﻛﺎﻋﺪ ﻳﺘﻜﻠﺐ ﻣﻦ ﺍﻻﻟﻢ ﻻﻥ ﺍﻟﺪﻛﺘﻮﺭ ﻣﻮﻓﻖ ﺍﻟﺒﺎﺭﺣﺔ ﺟﺎﻥ ﺑﺎﻟﻨﺠﻒ
ﻋﻨﺪﻩ ﻋﻤﻠﻴﺔ ﻭﺍﻟﻴﻮﻡ ﺭﺍﺡ ﻳﻮﺻﻞ
ﻛﺎﻝ ﺟﻬﺰﻭﺍ ﻏﺮﻓﺔ ﺍﻟﻌﻤﻠﻴﺎﺕ ﺑﻴﻦ ﻣﺎ ﺍﺭﺗﺎﺡ ﺷﻮﻳﺔ ﻣﻦ ﺍﺛﺮ ﺍﻟﺴﻔﺮ
ﻭﻫﺬﺍ ﺍﻻﺳﺘﺎﺫ ﻣﺪﺍ ﻳﻘﺘﻨﻊ ﺑﺴﺒﺐ ﺍﻟﺘﺄﺧﻴﺮ ﻳﺘﻬﻤﻨﺎ ﺑﺎﻟﺘﺨﻠﻒ ﻭﺍﻟﻔﻮﺿﻰ
ﻛﺎﻟﺐ ﺍﻟﺪﻧﻴﺎ ﺑﺎﻟﺼﻴﺎﺡ ﻋﺒﺎﻟﻚ ﺍﻟﻨﺎﺱ ﻋﻨﺪﻩ ﻋﺒﻴﺪ
ﻭﻫﺴﺔ ﻫﺎﻱ ﺧﺎﻣﺲ ﻣﻤﺮﺿﺔ ﺗﻄﻠﻊ ﻣﻦ ﻋﻨﺪﻩ ﻭﻣﺎ ﺗﺮﺟﻊ ﻛﻤﻨﺎ ﻧﺪﺯﻟﻪ
ﺍﻟﻤﻤﺮﺿﻴﻦ ﻻﻥ ﺷﻮﻳﺔ ﻳﺘﺤﻤﻠﻮﻥ ﻟﺴﺎﻧﻪ ﺍﻟﺰﻓﺮ ﻣﻦ ﻳﻐﻠﻂ
.. ﻳﺎﻟﻠﻪ ﻣﻮ ﺟﺪﻳﺪﺓ ﻋﻠﻴﻨﺎ ﺍﺗﻌﻠﻤﻨﺎ ﻋﻠﻰ ﻫﻴﺞ ﻧﻤﺎﺫﺝ
ﺍﺑﺤﻜﻢ ﻋﻤﻠﻲ ﺍﺗﻌﻮﺩﺕ ﻋﻠﻰ ﻧﻔﺴﻴﺎﺕ ﺍﻟﻤﺮﺿﻰ ﺑﻴﻬﻢ ﺍﻟﻤﺤﺘﺮﻡ
ﻧﻔﺴﻪ ﻭﺑﻴﻬﻢ ﺍﻟﺤﻘﻨﺔ ﻭﺑﻴﻬﻢ ﺍﻻﻋﺼﺎﺏ ﻭﺑﻴﻬﻢ ﺍﻟﻌﻴﻨﻪ ﺯﺍﻳﻐﺔ
ﻭﻳﺘﺤﺎﺭﺵ ﺑﺎﻟﻤﻤﺮﺿﺎﺕ
ﻭﺍﻧﻲ ﻛﺪﺭﺕ ﺍﺗﺠﺎﻭﺯﻫﻢ ﺑﺸﺨﺼﻴﺘﻲ ﻭﺗﻌﺎﻣﻠﻲ ﺍﻟﺼﺎﺭﻡ
ﺍﻭﻝ ﻣﺎ ﺍﺩﺧﻞ ﻋﺎﻟﻤﺮﻳﺾ ﺍﺗﻌﺎﻣﻞ ﻭﻳﺎﻩ ﺣﺴﺐ ﺷﺨﺼﻴﺘﻪ
ﻛﻞ ﻭﺍﺣﺪ ﺗﻌﺮﻓﻴﻦ ﺷﺨﺼﻴﺘﻪ ﻣﻦ ﺧﻼﻝ ﺗﺼﺮﻓﺎﺗﻪ ﻭﺍﺳﻠﻮﺑﻪ ﺑﺎﻟﻜﻼﻡ
ﺍﻻ ﻫﺬﺍ ﺍﻟﻀﺎﺑﻂ ﺍﻭﻝ ﻣﺎ ﺩﺧﻠﺖ ﻋﻠﻴﻪ ﺟﻨﺖ ﻣﻬﻴﺌﺔ ﻧﻔﺴﻲ ﻟﻠﻌﺎﺻﻔﺔ
ﺍﻟﺮﻋﺪﻳﺔ ﻣﻦ ﺍﻟﻐﻀﺐ
ﻟﻜﻦ ﺣﻴﺮﻧﻲ ﻫﺪﻭﺀﻩ ﺟﺎﻥ ﻛﺎﻋﺪ ﻣﺘﺠﻲ ﻋﺎﻟﺴﺮﻳﺮ
ﻭﺍﻳﺪﻩ ﻣﻌﻠﻜﻴﻬﺎ ﺑﺤﺎﻣﻞ ﻳﺪ ﻭﻻﺑﺲ ﻗﻤﻴﺺ ﻧﺼﻪ ﻣﻔﺘﻮﺡ
ﻭﻃﺎﻟﻊ ﺻﺪﺭﻩ ﻣﺎ ﺍﻋﺮﻑ ﻟﻴﺶ ﺍﺭﺗﺒﻜﺖ ﻣﻦ ﺷﻔﺘﻪ ﻫﺸﻜﻞ ﺑﺎﻟﺮﻏﻢ
ﺍﻧﻲ ﻣﺘﻌﻮﺩﺓ ﻋﻠﻰ ﻫﻴﺞ ﺍﺷﺨﺎﺹ ﻭﺍﻟﻤﻔﺮﻭﺽ ﻣﺎ ﺍﺗﺄﺛﺮ ﺑﻨﻈﺮﺍﺗﻪ
ﻋﻴﻮﻧﻪ ﺟﺎﻧﺖ ﻣﺘﺮﺻﺪﺓ ﻋﺒﺎﻟﻚ ﺩﻳﻌﺎﻳﻦ ﻣﺠﺮﻡ ﻛﺪﺍﻣﻪ
ﺍﻗﺘﺮﺑﺖ ﺣﺘﻰ ﺍﺑﺪﻝ ﺍﻟﻤﻐﺬﻱ ﺍﻟﻤﻠﻌﻚ ﻋﻠﻰ ﺍﻟﺤﺎﻣﻞ ﺍﻟﻘﺮﻳﺐ ﻋﻠﻴﻪ
ﺟﻨﺖ ﺍﺷﺘﻐﻞ ﻭﻣﺮﻛﺰﺓ ﻋﻴﻮﻧﻲ ﻋﻠﻰ ﺗﺮﻛﻴﺐ ﺍﻟﺴﻴﺮﻭﻡ
ﺟﻠﺔ ﺣﻨﺠﺮﺗﻪ ﻭﺣﺠﺔ ﺑﺼﻮﺕ ﺧﺸﻦ ﺍﺭﺗﻌﺪ ﺟﺴﻤﻲ ﻣﻦ ﻭﺭﺍﻩ ﺑﺲ ﻣﺎ
ﺑﻴﻨﺖ ﻛﺪﺍﻣﻪ ﺍﺭﺗﺒﺎﻛﻲ
.. ﺷﻨﻮ ﺍﺳﻤﺞ ؟؟
.. ﺷﻴﻤﺎﺀ
.. ﻣﻤﻜﻦ ﺗﻌﺪﻟﻴﻦ ﺍﻟﺸﺪﺍﺩ ﻣﻦ ﻋﻠﻰ ﺭﻛﺒﺘﻲ ﺍﺣﺲ ﺣﺰ ﺭﻛﺒﺘﻲ ﺣﺰ
ﺍﺷﻮ ﻫﺬﺍ ﻋﻜﺲ ﺍﻟﻲ ﺣﺠﻮﻟﻲ ﻋﻨﻪ
.. ﺍﻱ ﻋﺎﺩﻱ ﺑﺲ ﻟﺤﻈﺔ ﺑﻴﻦ ﻣﺎ ﺍﺧﻠﺺ ﺍﻟﺴﻴﺮﻭﻡ
ﻛﻤﻠﺖ ﻭﻧﻘﻠﺖ ﺍﻟﻔﺎﺭﻍ ﺣﻄﻴﺘﻪ ﺑﺼﻴﻨﻴﺔ ﺍﻻﺩﻭﺍﺕ
ﻭﻋﺪﻟﺖ ﻋﺘﻠﺔ ﺍﻟﺘﻘﻄﻴﺮ ﺣﺘﻰ ﺗﺼﺐ ﺑﺼﻮﺭﺓ ﻣﻨﻈﻤﺔ
ﻭﺍﻗﺘﺮﺑﺖ ﻣﻨﻪ ﻭﻣﺪﻳﺖ ﺍﻳﺪﻱ ﻋﻠﻰ ﺍﻟﺸﺪﺍﺩ
ﺟﻨﺖ ﺍﺗﺼﺮﻑ ﺑﺘﻠﻘﺎﺋﻴﺔ ﻫﺬﺍ ﺣﻜﻢ ﻋﻤﻠﻲ
ﺑﺲ ﻣﻮ ﻣﻌﻨﺎﻫﺎ ﺍﻧﻲ ﺑﻨﻴﺔ ﻣﻮ ﺯﻳﻨﺔ ﻻﻥ ﺍﻗﺘﺮﺑﺖ ﻣﻨﻪ
ﻭﻛﻌﺪﺕ ﺍﻋﺪﻝ ﺍﻟﻠﻔﺎﻑ ﻣﻦ ﺣﻮﻝ ﺭﻛﺒﺘﻪ
ﺍﻧﺘﺒﻬﺖ ﻋﻠﻴﻪ ﻏﻤﺾ ﻋﻴﻮﻧﻪ ﺍﻧﺘﻬﻴﺖ ﻣﻦ ﻋﻨﺪﻩ
ﻭﺍﺑﺘﻌﺪﺕ
ﻓﺘﺢ ﻋﻴﻮﻧﻪ ﻭﻛﺼﺘﻪ ﻋﺮﻛﺎﻧﺔ ﺧﺰﺭﻧﻲ
ﻭﺣﺠﺔ ﺑﺼﻮﺕ ﻭﺍﻫﻦ ﺗﻌﺒﺎﻥ
.. ﻫﺎﻱ ﺍﻧﺘﻲ ﻣﺘﻌﻮﺩﺓ ﺗﺴﻮﻳﻦ ﻭﻳﺔ ﻛﻞ ﺍﻟﻤﺮﺿﺔ ﻫﺸﻜﻞ
.. ﺍﻟﻌﻔﻮ ﻣﻔﺘﻬﻤﺖ ﻋﻠﻴﻚ ﺷﻨﻮ ﺗﻘﺼﺪ
.. ﺍﻗﺼﺪ ﺍﻥ ﻛﻞ ﻣﺮﻳﺾ ﻳﻄﻠﺐ ﻣﻨﺞ ﺗﻘﺘﺮﺑﻴﻦ ﻣﻨﻪ
ﻭﻳﺸﻢ ﻋﻄﺮﺝ ﻫﺸﻜﻞ
ﺍﺗﺴﻌﺖ ﻋﻴﻮﻧﻲ ﻣﻦ ﻭﻗﺎﺣﺘﻪ ﻭﺧﺰﺭﺗﻪ
.. ﻣﻮ ﻣﺸﻜﻠﺘﻲ ﺍﺫﺍ ﻛﺎﻥ ﺗﻔﻜﻴﺮﻙ ﻭﺻﺦ
ﻭﺗﻔﺘﻬﻤﻨﻲ ﻏﻠﻂ
.....
ﺟﺎﻧﺖ ﺷﻴﻤﺎﺀ ﺩﺗﺤﺠﻴﻠﻲ ﻭﻗﺎﻃﻌﻨﺎ ﺻﻮﺕ ﺑﻴﺒﻲ ﺗﺼﻴﺢ ﻋﻠﻴﻨﺎ ﻧﻨﺰﻝ
ﻫﺪﻯ .. ﻻﺍﺍﺍﺍ ﻫﺴﺔ ﻭﻛﺘﺞ ﺑﻴﺒﻲ ﺍﻱ ﻛﻤﻠﻲ ﻭﺷﺴﻮﻳﺘﻲ ﺑﻌﺪﻳﻦ ﻭﻳﺎﻩ
ﺷﻴﻤﺎﺀ ﻛﺎﻣﺖ ﻣﻦ ﻣﻜﺎﻧﻬﺎ ﻭﻛﻌﺪﺕ ﺗﻨﻔﺾ ﺍﻟﺘﺮﺍﺏ ﻣﻦ ﻋﻠﻰ
ﻣﻼﺑﺴﻬﺎ
.. ﻛﻮﻣﻲ ﺧﻠﻲ ﻧﻨﺰﻝ ﻭﻏﻴﺮ ﻣﺮﺓ ﺍﻛﻤﻠﺞ ﺷﺼﺎﺭ ﻭﻳﺎﻱ ﻳﺎﻟﻠﻪ ﻫﻢ ﻳﺎﻟﻠﻪ
ﺗﻨﺎﻣﻴﻦ ﺑﺎﺟﺮ ﻭﺭﺍﺝ ﺍﻣﺘﺤﺎﻥ
ﻧﺰﻟﻨﺎ ﺟﻮﺓ ﻭﺑﻴﺒﻲ ﻧﺰﻟﺖ ﻋﻠﻴﻨﺎ ﺑﺎﻻﺳﺌﻠﺔ ﻣﺜﻞ ﺍﻟﻤﻄﺮ
.. ﺷﻌﻨﺪﻛﻢ ﻓﻮﻙ ﺑﻌﺪﻧﺎ ﻣﺎ ﻛﻠﻨﺎ ﺣﻼﻝ ﻛﺒﻞ
ﻃﺮﻳﺘﻮﺍ ﺍﻟﺴﻄﺢ
ﺍﺟﻴﺖ ﺍﺣﺠﻲ ﺷﻴﻤﺎﺀ ﺍﺷﺮﺗﻠﻲ ﺍﺳﻜﺖ
ﺷﻴﻤﺎﺀ .. ﺑﻴﺒﻲ ﺟﻨﺖ ﺍﺷﺮ ﻗﻤﻴﺼﻲ ﻓﻮﻙ ﺑﺎﻟﺴﻄﺢ
.. ﻳﺎﻟﻠﻪ ﻓﻮﺗﻦ ﻛﺪﺍﻣﻲ ﻧﺎﻣﻦ ﻫﻢ ﻳﺎﻟﻠﻪ ﻣﺎ ﺍﺍﻣﻦ ﺗﺒﻘﻦ ﻛﺎﻋﺪﺍﺕ
ﻟﻮﺣﺪﻛﻢ ﺍﺧﺎﻑ ﻣﻨﻜﻢ
ﺍﻧﺘﻮﺍ ﺧﻮﺍﺕ ﺍﻣﺮﻳﻮﺓ ﺍﻟﻮﻛﺤﺔ ﻭﻛﻠﺸﻲ ﻳﻄﻠﻊ ﻣﻨﻜﻢ
ﻓﺮﺷﻨﺎ ﺑﻐﺮﻓﺘﻬﺎ ﺟﺎﻧﺖ ﺣﺎﺭﺓ ﻭﺣﻄﻴﻨﺎ ﺭﺍﺳﻨﺎ ﻋﺎﻟﻤﺨﺪﺓ
ﺑﺪﻭﻥ ﻣﺎ ﻧﺤﺠﻲ ﺍﻱ ﺷﻲ ﺷﻔﺖ ﺿﺤﻰ ﺭﺍﻳﺤﺔ ﺑﺴﺎﺑﻊ ﻧﻮﻣﺔ
ﺍﺣﻠﻰ ﺷﻲ ﺑﻀﺤﻰ ﻋﻨﺪﻫﺎ ﺍﻟﻨﻮﻡ ﻻ ﻳﻌﻠﻰ ﻋﻠﻴﻪ
ﻭﻭﻳﻦ ﻣﺎ ﺗﻠﻜﺔ ﻣﻜﺎﻥ ﺗﺤﻂ ﺭﺍﺳﻬﺎ ﻭﺗﻨﺎﻡ ﻋﻜﺴﻲ ﺍﻧﻲ
ﻇﻠﻴﺖ ﺍﻟﻠﻴﻞ ﻛﻠﻪ ﺍﺗﻜﻠﺐ ﻣﻤﺘﻌﻮﺩﺓ ﻫﺬﺍ ﻣﻮ ﻣﻜﺎﻧﻲ
ﻟﻜﻦ ﺣﻄﻴﺖ ﺭﺍﺳﻲ ﻋﺎﻟﻤﺨﺪﺓ ﻭﻗﺮﻳﺖ ﺳﻮﺭﺕ ﺍﻟﻜﺮﺳﻲ
ﻭﻏﻤﻀﺖ ﻋﻴﻮﻧﻲ ﻭﺍﻧﻲ ﺍﺗﺄﻣﻞ ﺍﻥ ﺑﺎﺟﺮ ﺍﺟﻤﻞ
ﻛﻌﺪﺕ ﻳﻮﻡ ﺛﺎﻧﻲ ﻋﻠﻰ ﺻﻮﺕ ﺷﻴﻤﺎﺀ ﺗﻨﺪﻩ ﺑﻴﺔ
ﻛﻮﺓ ﻓﺘﺤﺖ ﻋﻴﻮﻧﻲ ﻣﻦ ﺍﻟﻨﻌﺎﺱ
ﻋﺒﺎﻟﻚ ﻧﺎﻳﻤﺔ ﺑﺲ ﺳﺎﻋﺔ
.. ﻳﺎﻟﻠﻪ ﻛﻮﻣﻲ ﺍﺗﺤﺮﻛﻲ ﻭﺭﺍﺝ ﺍﻣﺘﺤﺎﻥ ﻫﻢ ﻳﺎﻟﻠﻪ ﺗﻐﺴﻠﻴﻦ ﻭﺗﺒﺪﻟﻴﻦ
ﻭﻧﻠﺤﻚ
ﺍﻭﺻﻠﺞ ﻟﻠﻤﺪﺭﺳﺔ
ﺍﺗﺬﻛﺮﺕ ﺍﻻﻣﺘﺤﺎﻥ ﻭﻛﻤﺰﺕ ﻣﻦ ﻣﻜﺎﻧﻲ
ﻭﺭﺣﺖ ﺭﻛﺾ ﺍﻏﺴﻞ ﻭﺍﺗﻮﺿﻴﺖ ﻭﺻﻠﻴﺖ ﻭﺑﺪﻟﺖ ﻣﻼﺑﺴﻲ
ﻋﺎﻟﺴﺮﻳﻊ
ﺿﺤﻰ ﻛﻌﺪﺕ ﻭﻳﺎﻧﺎ ﺣﺘﻰ ﺗﻜﻌﺪ ﺗﺪﺭﺱ ﺧﻄﻴﺔ ﻋﻨﺪﻫﺎ ﺷﻬﺮ ﻣﺮﺍﺟﻌﺔ
ﻭﺗﺮﻳﺪ ﺗﺸﺪ ﺣﻴﻠﻬﺎ ﻭﺗﺪﺭﺱ ﺑﻠﻜﻲ ﺗﻨﺠﺢ
ﻃﻠﻌﻨﺎ ﻣﻦ ﺍﻟﺒﻴﺖ ﻭﻣﺸﻴﻨﺎ ﺑﺎﻟﻤﻨﻄﻘﺔ ﺍﺣﻨﺔ ﻧﻨﺪﻝ ﺍﻟﺸﺎﺭﻉ ﺍﻟﻌﺎﻡ ﻻﻥ
ﺟﻨﺎ ﻣﺮﺍﺕ ﻧﺠﻲ ﻫﻨﺎ ﻟﺒﻴﺒﻲ
ﻧﺰﻭﺭﻫﺎ ﺑﻴﻦ ﻓﺘﺮﺓ ﻭﻓﺘﺮﺓ
ﺭﻛﺒﻨﺎ ﻋﺒﺮﻳﺔ ﻭﻭﺻﻠﺘﻨﻲ ﺷﻴﻤﺎﺀ ﻋﻠﻰ ﺍﻗﺮﺏ ﻧﻘﻄﺔ ﻟﻠﻤﺪﺭﺳﺔ
ﻳﻌﻨﻲ ﺍﻗﻄﻊ ﻣﺴﺎﻓﺔ ﻗﺼﻴﺮﺓ ﻣﺸﺮﻱ ﻭﺍﻭﺻﻞ ﻟﻠﻤﺪﺭﺳﺔ
ﺻﺎﺣﺘﻨﻲ ﺷﻴﻤﺎﺀ ﻗﺒﻞ ﻻ ﺗﻜﻮﻝ ﻧﺎﺯﻝ ﻟﻠﺴﺎﻳﻖ
ﻃﻠﻌﺖ ﻣﻦ ﺟﻨﻄﺘﻬﺎ ﻓﻠﻮﺱ
....
ﺷﻴﻤﺎﺀ .. ﻫﺎﺝ ﻟﺰﻣﻲ ﻫﺬﻧﻲ ﺧﻠﻴﻬﻢ ﻳﻤﺞ ﻣﺎ ﺍﻛﺪﺭ ﺍﺟﻲ ﻋﻠﻴﺞ
ﻟﻠﻤﺪﺭﺳﺔ ﻭﺍﺭﺟﻌﺞ ﻟﻠﺒﻴﺖ ﻻﻥ ﻣﺜﻠﻤﺎ ﺗﻌﺮﻓﻴﻦ ﺍﺗﺄﺧﺮ ﺑﺎﻟﺪﻭﺍﻡ ﻓﺎﻧﺘﻲ
ﺭﻛﺒﻲ ﻋﺒﺮﻳﺔ ﻣﺜﻠﻤﺎ ﻋﻠﻤﺘﺞ ﻭﺭﺟﻌﻲ ﻟﻠﺒﻴﺖ
.. ﺍﻥ ﺷﺎﺀ ﺍﻟﻠﻪ
.. ﻳﺎﻟﻠﻪ ﺩﻳﺮﻱ ﺑﺎﻟﺞ ﻋﻠﻰ ﺭﻭﺣﺞ ﻭﺻﻴﺮﻱ ﺳﺒﺎﻋﻴﺔ
.. ﻻ ﻳﻈﻞ ﺑﺎﻟﺞ ﻋﻠﻴﺔ ﺗﺮﺓ ﺍﻧﻲ ﻫﺎﺩﻱ ﺍﻋﺠﺒﺞ ﻣﻴﻨﺨﺎﻑ ﻋﻠﻴﺔ
ﺻﺎﺣﺖ ﺷﻴﻤﺎﺀ .. ﻧﺎﺍﺍﺍﺍﺯﻝ
ﻭﺍﺗﻮﻗﺖ ﺍﻟﻜﻴﺎ ﻭﻧﺰﻟﺖ ﻭﺭﺣﺖ ﻛﺒﻞ ﻟﻠﻤﺪﺭﺳﺔ ﻭﺍﻟﺤﻤﺪﻟﻠﻪ
ﺍﻣﺘﺤﻨﺖ ﻭﺧﻠﺼﺖ ﺍﻣﺘﺤﺎﻧﻲ ﻭﺳﻠﻤﺖ ﻋﺎﻟﺒﻨﺎﺕ ﻓﺎﻃﻤﺔ ﻭﺳﺮﻯ
ﻭﻫﺪﻳﻞ
ﻓﺎﻃﻤﺔ .. ﺗﻌﺎﻟﻲ ﻭﻳﺎﻱ ﻟﺒﺘﻨﺎ ﻋﻔﻴﺔ
.. ﻻ ﻓﻄﻮﻣﺔ ﺻﻌﺒﺔ ﻻﺯﻡ ﺍﻟﺤﻚ ﺍﺭﻭﺡ ﺍﺭﻛﺐ ﻋﺒﺮﻳﺔ
ﻭﺑﻴﺒﻲ ﻛﻠﺶ ﺻﻌﺒﺔ ﺗﺤﺎﺳﺒﻨﺎ ﻋﻠﻰ ﻛﻠﺸﻲ
.. ﻭﺍﻟﻠﻪ ﻣﺎﻣﺎ ﻫﻮﺍﻱ ﻣﺸﺘﺎﻗﺘﻠﺞ ﻭﺗﺴﻠﻢ ﻋﻠﻴﺞ
.. ﺍﻟﻠﻪ ﻳﺴﻠﻤﻬﺎ ﻭﺍﻟﻠﻪ ﺑﺲ ﺍﺳﺘﺄﺫﻥ ﻣﻦ ﺷﻴﻤﺎﺀ ﺍﺟﻴﻜﻢ
. . ﺍﻥ ﺷﺎﺀ ﺍﻟﻠﻪ
ﻃﻠﻌﺖ ﻣﻦ ﺍﻟﻤﺪﺭﺳﺔ ﻭﺟﺎﻥ ﺍﺷﻮﻑ ﺭﺍﺋﺪ ﺭﺍﻛﻦ ﺳﻴﺎﺭﺗﺔ ﻗﺮﻳﺐ ﻋﻠﻰ
ﺑﺎﺏ ﺍﻟﻤﺪﺭﺳﺔ ﺷﺎﻓﻨﻲ ﻃﻠﻌﺖ ﻧﺰﻝ ﻣﻦ ﺳﻴﺎﺭﺗﺔ ﻭﺍﺟﺔ ﻋﻠﻴﺔ
ﺍﺑﺘﺴﻤﺖ ﻣﻦ ﺷﻔﺘﻪ
.. ﺷﻠﻮﻧﺞ
.. ﺻﺮﺕ ﺑﺨﻴﺮ ﻣﻦ ﺷﻔﺘﻚ
ﺟﺎﻥ ﻳﺤﺠﻲ ﻭﻋﻴﻮﻧﻪ ﺗﻠﻤﻊ ﻭﻧﻈﺮﺍﺗﻪ ﺗﺮﻳﺪ ﺗﺤﻀﻨﻲ
ﺟﺎﻥ ﺍﻃﻮﻝ ﻣﻨﻲ ﺑﻬﻮﺍﻱ ﻻﻥ ﺍﻧﻲ ﺍﻟﻤﻌﺮﻭﻑ ﻋﻨﻲ ﻗﺼﻴﺮﺓ
ﺑﺤﻴﺚ ﻭﺍﻛﻔﺔ ﻳﻤﻪ ﻭﺭﺍﻓﻌﺔ ﺭﺍﺳﻲ ﻋﺒﺎﻟﻚ ﺟﺎﻱ ﺍﺭﻓﻊ ﺍﻟﻌﻠﻢ
ﻻﻥ ﻫﻮ ﺍﻟﻠﻪ ﻳﺤﻔﻈﻪ ﻃﻮﻳﻞ ﻭﺿﻌﻴﻒ ﺑﺲ ﻭﺳﻴﻢ ﻓﺪﻳﺘﻪ
.. ﻳﺎﻟﻠﻪ ﺗﻌﺎﻟﻲ ﺍﻭﺻﻠﺞ
.. ﻭﻳﻦ ﺗﻮﺻﻠﻨﻲ ﻣﺴﺘﺤﻴﻞ ﺍﺧﻠﻴﺞ ﺗﺮﻛﺒﻴﻦ ﻋﺒﺮﻳﺔ ﺍﻟﻴﻮﻡ ﺍﻟﺼﺒﺢ
ﺷﻔﺘﺞ ﻧﺎﺯﻟﺔ ﻣﻦ ﺍﻟﻜﻴﺔ ﻭﻇﻞ ﺗﻔﻜﻴﺮﻱ ﻛﻠﺔ ﻳﻤﺞ ﺍﻛﻮﻝ ﺷﻠﻮﻥ ﺭﺍﺡ
ﺗﺪﺑﺮﻫﺎ ﻭﺗﺮﺟﻊ ﻋﺒﺮﻳﺔ ﻟﻮﺣﺪﻫﺎ
ﻓﻘﺮﺭﺕ ﻣﻨﺎ ﻭﺭﺍﻳﺢ ﺍﻧﻲ ﺍﻭﺻﻠﺞ ﻭﻳﺎﻱ ﻛﻞ ﻳﻮﻡ
.. ﻻ ﻋﻔﻴﺔ ﻏﺎﺋﺪ ﻣﻨﻄﻘﺘﻨﺎ ﺍﻟﻌﺎﻳﺸﻴﻦ ﺑﻴﻬﺎ ﻧﺎﺳﻬﺎ ﺗﻌﺒﺎﻧﺔ ﻭﻳﺮﺩﻭﻥ ﺑﺲ
ﺳﺎﻟﻔﺔ ﻳﺤﺠﻮﻥ ﺑﻴﻬﺎ ﻭﺍﻧﺖ ﺳﻴﺎﺭﺗﻚ ﺣﺪﻳﺜﺔ
ﻭﻳﺸﻮﻓﻮﻙ ﺗﻮﺻﻠﻨﻲ ﻭﺍﻟﻠﻪ ﺗﻨﺤﺠﻲ ﺣﺠﺎﻳﺘﻲ ﻭﺗﻮﺻﻞ ﻟﺒﻴﺒﻲ ﻭﺑﺎﺑﺎ
ﻭﺑﻄﻠﻮﻧﻲ
.. ﻻ ﻳﺎﺑﺔ ﻟﺘﺸﻴﻠﻴﻦ ﻫﻢ ﺍﻭﺻﻞ ﺑﻤﻜﺎﻥ ﻳﻜﻮﻥ ﻗﺮﻳﺐ ﻋﻠﻰ ﻣﻨﻄﻘﺘﻜﻢ
ﺑﺸﻮﻳﺔ ﻭﺍﻧﺘﻲ ﺗﻜﻤﻠﻴﻦ ﻃﺮﻳﻘﺞ ﻣﺸﻲ
ﻻﻥ ﺗﺤﻠﻤﻴﻦ ﺍﺧﻠﻴﺞ ﺗﻤﺸﻴﻦ
ﻟﻮ ﺗﻮﺍﻓﻘﻴﻦ ﺍﻭﺻﻠﺞ ﻟﻮ ﺗﺸﺘﺮﻛﻴﻦ ﺑﺨﻂ ﻭﺍﻧﺎ ﺍﺩﻓﻊ ﻓﻠﻮﺱ ﺍﺑﻮ ﺍﻟﺨﻂ
.. ﻻ ﻣﺴﺘﺤﻴﻞ ﺍﺧﻴﻠﻚ ﺗﺼﺮﻑ ﻋﻠﻴﺔ ﺷﻨﻮ ﺍﻟﻤﻨﺎﺳﺒﺔ
ﻫﻤﺲ ﺑﺼﻮﺕ ﻧﺎﺻﻲ .. ﻟﺞ ﺟﻨﻴﺔ ﺍﻧﺎ ﺣﺒﻴﺐ ﺍﻟﻜﻠﺒﻤﺎ ﺍﺣﺘﺎﺝ ﻣﻨﺎﺳﺒﺔ
ﺍﺭﻳﺪ ﺍﻫﺘﻢ ﺑﻴﺞ ﻭﺍﺭﻋﺎﺝ ﺑﺪﻭﻥ ﻣﻨﺎﺳﺒﺔ ﺍﻧﺘﻲ ﻣﺮﻳﺘﻲ
ﺍﺑﺘﺴﻤﺖ ﺍﺣﺲ ﻛﻠﺒﻲ ﻳﺮﻳﺪ ﻳﻄﻚ ﻣﻦ ﺍﻟﻔﺮﺣﺔ ﻭﻛﻼﻣﻪ ﺍﻟﺤﻨﻮﻥ
ﻳﺮﻭﻳﻨﻲ
ﻭﺍﻓﻘﺖ ﺍﺭﻛﺐ ﻭﻳﺎﻩ ﻻﻥ ﺭﺍﺋﺪ ﻣﻮ ﺍﻱ ﻭﺍﺣﺪ ﻛﻀﺔ ﻃﻮﻝ ﻋﻤﺮﻩ ﻳﻬﺘﻢ
ﺑﻴﺔ ﻭﻳﺨﺎﻑ ﻋﻠﻴﺔ
ﻭﺻﻠﺖ ﻟﻠﺒﻴﺖ ﻭﺷﻔﺖ ﺿﺤﻰ ﺩﺗﺒﺠﻲ
.. ﺷﻨﻮ ﺷﺒﻴﺞ ﻣﻨﻮ ﻭﻳﺎﺝ
.. ﻣﺤﺪ ﻭﻳﺎﻱ
.. ﻟﻌﺪ ﻟﻴﺶ ﺩﺗﺒﺠﻴﻦ
.. ﺧﻄﻴﺔ ﻗﺒﻞ ﺷﻮﻳﺔ ﺧﺎﻟﺔ ﺍﻡ ﻓﺮﺯﺩﻕ ﺟﺎﻧﺖ ﻫﻨﺎ ﺟﺎﺑﻬﺎ ﺻﻬﻴﺐ
.. ﺍﻱ ﻛﻤﻠﻲ
.. ﺳﻠﻤﺖ ﻋﻠﻴﻜﻢ ﻭﻛﺎﻣﺖ ﺗﺴﻮﻟﻒ ﻭﻳﺔ ﺑﻴﺒﻲ ﺍﻧﻲ ﺍﺳﺘﻐﻠﻴﺖ
ﺍﻟﻔﺮﺻﺔ ﻭﺭﺣﺖ ﺍﻭﺩﻱ ﺩﻭﻟﻜﺔ ﻣﺎﻱ ﻟﺼﻬﻴﺐ ﺟﺎﻥ ﻳﻨﺘﻈﺮ ﺧﺎﻟﺔ
ﺑﺎﻟﺴﻴﺎﺭﺓ ﺷﺎﻓﻨﻲ ﻭﻧﺰﻝ
ﺻﻬﻴﺐ .. ﻭﺭﺑﻲ ﺟﻨﺖ ﻣﺘﺄﻛﺪ ﺭﺍﺡ ﺍﺷﻮﻓﺞ ﻭﻣﺎ ﺟﺒﻴﺖ ﺟﺪﺗﻲ ﺍﻻ
ﻋﻠﻤﻮﺩ ﺍﺷﻮﻓﺞ ﻭﺍﺣﺠﻲ ﻭﻳﺎﺝ
ﺍﺑﺘﺴﻤﺖ ﺑﻮﺟﻬﻪ ﺟﺎﻧﺖ ﺑﻌﻴﻮﻧﻪ ﻟﻬﻔﺔ
ﻛﻠﻲ .. ﺿﺤﻰ ﺍﻧﻲ ﺍﺟﻴﺖ ﻋﻠﻤﻮﺩ ﺍﻛﺤﻞ ﻋﻴﻮﻧﻲ ﺑﺸﻮﻓﺘﺞ ﻭﺍﺳﻠﻢ
ﻋﻠﻴﺞ ﻗﺒﻞ ﻻ ﺍﺳﺎﻓﺮ ﻟﻠﺨﺎﺭﺝ ﺍﻛﻤﻞ ﺩﺭﺍﺳﺔ
ﺍﻧﺎ ﺑﻌﺪﻟﻲ ﺳﻨﺔ ﻭﺍﻛﻤﻞ ﺩﺭﺍﺳﺘﻲ ﺍﺭﻳﺪﺝ ﺗﺸﺪﻳﻦ ﺣﻴﻠﺞ ﻭﺗﺠﻴﺒﻴﻦ
ﻣﻌﺪﻝ
ﺍﺭﻳﺪ ﻛﻮﻥ ﻣﻦ ﺍﺭﺟﻊ ﺍﻟﻜﺎﺝ ﻧﺎﺟﺤﺔ
ﺣﺘﻰ ﺍﺟﻴﺐ ﺍﻫﻠﻲ ﻧﺎﺳﻲ ﻭﺍﺧﻄﺒﺞ ﻣﻦ ﺍﺑﻮﺝ
ﺑﺲ ﺍﺭﻳﺪﺝ ﺗﺼﻴﺮﻳﻦ ﺳﺒﺎﻋﻴﺔ ﻭﺗﻮﻋﺪﻳﻨﻲ ﺑﺎﻟﻨﺠﺎﺡ ﺣﺘﻰ ﺍﺭﻓﻊ ﺭﺍﺳﻲ
ﺑﻴﺞ ﻛﺪﺍﻡ ﻗﺮﺍﻳﺒﻨﺎ
ﻟﺞ ﻫﺪﻯ ﻣﺘﻌﺮﻓﻴﻦ ﺷﺼﺎﺭ ﺑﻴﺔ ﻣﻦ ﺍﻟﻔﺮﺣﺔ ﺍﺭﻳﺪ ﺍﻃﻴﺮ
.. ﺍﻱ ﻟﻌﺪ ﻋﻮﺑﺔ ﻟﻴﺶ ﺗﺒﺠﻴﻦ
.. ﺍﺑﺠﻲ ﻋﻠﻴﻪ ﺭﺍﺡ ﻳﺴﺎﻓﺮ ﻭﺑﻌﺪ ﻣﺎ ﺍﺷﻮﻓﻪ ﻣﻨﺎ ﻟﺴﻨﺔ
ﻛﻠﺶ ﻫﻮﺍﻱ
.. ﻳﺎﻟﻠﻪ ﺻﺒﺮﺍً ﺟﻤﻴﻞ ﻻ ﻳﻘﻠﺒﻲ
ﻣﺮﺕ ﺍﻻﻳﺎﻡ ﻭﺻﺎﺭ ﺭﺍﺋﺪ ﻛﻞ ﻳﻮﻡ ﻳﻨﺘﻈﺮﻧﻲ ﻳﻮﺻﻠﻨﻲ ﻋﻠﻰ ﻧﻔﺲ
ﺍﻟﻤﻜﺎﻥ ﺍﻟﻘﺮﻳﺐ ﻋﺎﻟﻤﻨﻄﻘﺔ ﺣﺘﻰ ﻟﺤﺪ ﻳﺸﻮﻓﻨﺎ
ﺟﺎﻥ ﺍﺑﺪ ﻣﺎ ﻳﺘﺄﺧﺮ ﺑﺎﻟﻮﻗﺖ ﻭﻻ ﻳﺤﺎﻭﻝ ﻳﺄﺧﺮﻧﻲ
ﻳﻜﻠﻲ ﺍﻧﺘﻲ ﻋﺮﺿﻲ ﻣﺎ ﺍﺣﺐ ﺍﺣﺪ ﻳﻤﺴﺞ ﺣﺘﻰ ﻟﻮ ﺑﺤﺠﺎﻳﺔ
ﺟﺎﻥ ﻛﻠﺶ ﺣﺮﻳﺺ ﻋﻠﻴﺔ
ﺧﻠﺼﺖ ﺍﻻﻣﺘﺤﺎﻧﺎﺕ ﻭﻛﻌﺪﺕ ﺑﺎﻟﺒﻴﺖ ﻭﺿﺤﻰ ﺑﺪﺕ ﺍﻣﺘﺤﺎﻧﺎﺗﻬﺎ
ﻭﻛﺎﻣﺖ ﺗﺪﺭﺱ ﻟﻴﻞ ﻧﻬﺎﺭ ﻣﺜﻞ ﺍﻟﻤﻬﻮﻭﺳﺔ
ﺧﻄﻴﺔ ﺷﻴﻤﺎﺀ ﺣﻄﺘﻠﻬﺎ ﻣﺪﺭﺳﺔ ﺑﺎﻟﻜﻴﻤﺎﺀ ﻻﻥ ﻣﻮﺷﻲ ﻫﻲ ﺑﺎﻟﻜﻴﻤﺎﺀ
ﻣﺮﺍﺕ ﺍﺩﺧﻞ ﻋﻠﻴﻬﺎ ﺍﻟﻜﺎﻫﺔ ﻧﺎﻳﻤﺔ ﻋﺎﻟﻜﺘﺎﺏ
ﻭﻣﺮﺕ ﺍﻻﻳﺎﻡ ﻭﺧﻠﺼﺖ ﺍﻻﻣﺘﺤﺎﻧﺎﺕ ﻣﺎﻝ ﺿﺤﻰ
ﻭﺍﺟﺔ ﺍﻟﻴﻮﻡ ﺍﻟﻲ ﺟﻨﺎ ﻧﻨﺘﻈﺮﻩ
ﻳﻮﻡ ﺍﻋﻼﻥ ﺍﻟﻨﺘﺎﺋﺞ
.....
ﻫﺪﻯ
ﺍﻟﻴﻮﻡ ﺍﻋﻼﻥ ﺍﻟﻨﺘﺎﺋﺞ ﻭﺟﻨﺎ ﻛﻠﻨﺎ ﻣﻨﺘﻈﺮﻳﻦ ﺑﻔﺎﺭﻍ ﺍﻟﺼﺒﺮ ﻧﺮﻳﺪ ﻧﻌﺮﻑ
ﺍﻟﻨﺘﻴﺠﺔ
ﺧﻄﻴﺔ ﺷﻴﻤﺎﺀ ﻛﻠﻔﺖ ﺭﺍﺋﺪ ﺑﺎﻟﻤﻬﻤﺔ ﻭﻫﻮ ﻛﻠﻠﻬﺎ ﺭﺍﺡ ﺍﺷﻮﻓﻠﺞ ﺍﻟﻨﺘﺎﺋﺞ
ﺑﺎﻻﻧﺘﺮﻧﻴﺖ ﻭﺍﺗﺼﻞ ﻋﻠﻴﺞ
ﺷﻴﻤﺎﺀ ﻋﻨﺪﻫﺎ ﺭﻗﻢ ﺭﺍﺋﺪ ﻣﺎﺧﺬﺗﻪ ﻟﻠﻄﻮﺍﺭﺉ
ﺍﺑﺎﻭﻉ ﻋﻠﻰ ﺿﺤﻰ ﻛﺎﻣﺖ ﺗﻠﻮﺏ ﺗﺮﻳﺪ ﺗﻌﺮﻑ ﺍﻟﻨﺘﻴﺠﺔ ﻭﻣﺎ ﺑﻘﻰ ﻧﺬﺭ
ﻣﺎ ﻧﺬﺭﺗﻪ ﺟﺎﻧﺖ ﺗﺮﻭﺡ ﻭﺗﺠﻲ
ﻭﺍﻧﻲ ﺍﻓﺘﺮ ﻭﺭﺍﻫﺎ ﺍﺍﻣﻦ ﻋﻠﻰ ﺩﻋﺎﺀﻫﺎ
ﺿﺤﻰ .. ﻭﺍﻟﻠﻪ ﺑﻄﻨﻲ ﻛﺎﻣﺖ ﺗﻮﺟﻌﻨﻲ ﻣﻦ ﺍﻻﻧﺘﻈﺎﺭ
ﻳﺎﺭﺑﻲ ﻛﻠﺸﻲ ﻣﺎ ﺍﺭﻳﺪ ﺑﺲ ﻛﻮﻥ ﺍﻧﺤﺞ
ﻫﺪﻯ .. ﺍﻥ ﺷﺎﺀ ﺍﻟﻠﻪ ﺗﻨﺠﺤﻴﻦ ﻭﺍﻟﻠﻪ ﺍﺻﻠﻲ ﻏﻜﻌﺘﻴﻦ ﺷﻜﻎ ( ﺭﻛﻌﺘﻴﻦ
ﺷﻜﺮ ) ﻟﻮﺟﻪ ﺍﻟﻠﻪ ﺗﻌﺎﻟﻰ ﺍﺫﺍ ﻧﺠﺤﺘﻲ
ﺿﺤﻰ .. ﺍﻱ ﻋﻔﻴﺔ ﺍﺩﻋﻴﻠﻲ
ﺣﻴﺎﺗﻲ ﻛﻠﻬﺎ ﻣﻌﺘﻤﺪﺓ ﻋﻠﻰ ﻧﺠﺎﺣﻲ
ﻟﺤﻈﺎﺕ ﻭﺩﻙ ﻧﻘﺎﻝ ﺷﻴﻤﺎﺀ ﻳﻌﻠﻦ ﻋﻦ ﺍﻟﻤﺘﺼﻞ
ﺷﻴﻤﺎﺀ ﺻﺎﺣﺖ ﻫﺬﺍ ﺭﺍﺋﺪ ﻳﺘﺼﻞ
ﺭﺣﻨﺎ ﺭﻛﺾ ﻳﻤﻬﺎ ﺿﺤﻰ ﺗﻔﺮﻙ ﺑﻴﺪﻳﻬﺎ
ﺭﺩﺕ ﺷﻴﻤﺎﺀ ﻭﺣﻄﺖ ﺍﻟﻨﻘﺎﻝ ﻋﻠﻰ ﺍﺫﻧﻬﺎ
ﻭﺍﻧﻲ ﻭﺿﺤﻰ ﻧﺒﺎﻭﻉ ﻋﻠﻰ ﻣﻌﺎﻟﻢ ﻭﺟﻪ ﺷﻴﻤﺎﺀ ﻭﺣﺮﻛﺔ ﺷﻔﺎﻳﻔﻬﺎ
ﺷﻴﻤﺎﺀ .. ﻫﺎ ﺭﺍﺋﺪ ﺑﺸﺮ
ﺷﻨﻮ ﻧﺘﻴﺠﺔ ﺿﺤﻰ
ﻟﺤﻈﺎﺍﺍﺍﺍﺕ ﻣﺎ ﻫﻲ ﺍﻻ ﻟﺤﻈﺎﺕ ﻭﺍﺗﻐﻴﺮﺕ ﻣﻌﺎﻟﻢ ﻭﺟﻪ ﺷﻴﻤﺎﺀ
ﻭﺻﺎﺭﺕ ﺍﻟﺪﻣﻮﻉ ﺗﻨﺰﻝ
ﺿﺤﻰ ﺭﺟﻌﺖ ﻟﻠﺨﻠﻒ ﺣﺎﻃﺔ ﺍﻳﺪﻫﺎ ﻋﻠﻰ ﺣﻠﻜﻬﺎ ﻣﻨﺘﻈﺮﺓ ﺷﻴﻤﺎﺀ
ﺗﺤﺠﻲ
.. ﺭﺍﺋﺪ ﺍﻧﺖ ﻣﺘﺄﻛﺪ
ﺟﺎﻧﺖ ﺗﺤﺠﻲ ﻭﺗﺒﺠﻲ
.. ﻳﺎﻟﻠﻪ ﻣﻴﺨﺎﻟﻒ ﻣﻊ ﺍﻟﺴﻼﻣﺔ
ﻫﺪﻯ .. ﻫﺎ ﺷﻨﻮ ﺑﺸﻐﻲ ( ﺑﺸﺮﻱ )
ﺿﺤﻰ ﻣﺤﺠﺖ ﺍﻱ ﺷﻲ
ﺷﻴﻤﺎﺀ ﺑﺼﻮﺕ ﻫﺎﻣﺲ .. ﺿﺤﻰ ﺭﺍﺳﺒﺔ ﺑﺨﻤﺲ ﺩﺭﻭﺱ
ﺿﺤﻰ ﻛﻌﺪﺕ ﺑﺎﻟﻜﺎﻉ ﻣﺘﺠﻴﺔ ﻋﺎﻟﺤﺎﻳﻂ
ﻭﺩﻣﻮﻋﻬﺎ ﺻﺎﺭﺕ ﺗﺠﺮﻱ ﻋﺸﺮﺓ ﻋﺸﺮﺓ
ﻣﺘﺖ ﻗﻬﺮ ﻋﻠﻴﻬﺎ ﺧﻄﻴﺔ ﻭﻟﻮ ﺍﻧﻲ ﻣﺎ ﺍﺳﺘﻐﺮﺑﺖ ﻫﻲ ﺭﺳﺒﺖ
ﻻﻥ ﺟﺎﺑﺖ ﺍﻟﺴﻨﺔ ﻛﻠﻬﺎ ﻣﺘﺪﺭﺱ ﺗﺮﻳﺪ ﺑﺸﻬﺮ ﻭﺍﺣﺪ ﺗﺪﺭﺱ ﻭﺗﻨﺠﺢ
ﻫﺎﻱ ﺑﻜﻠﻮﺭﻳﺎ ﻣﻮ ﻟﻌﺐ ﺟﻬﺎﻝ ﺣﺘﻰ ﻣﻮ ﻛﻞ ﺍﻟﺸﻬﺮ ﺩﺭﺳﺖ ﺑﻲ ﻭﺗﺮﻳﺪ
ﺗﻨﺠﺢ ﻣﺎﻛﻮ ﻫﻴﺞ ﺷﻲ
ﺭﺣﺖ ﻳﻤﻬﺎ ﻭﻛﻌﺪﺕ ﺑﺎﻟﻜﺎﻉ ﻭﺍﺧﺬﺗﻬﺎ ﻟﺤﻀﻨﻲ ﺍﻭﺍﺳﻴﻬﺎ
.. ﺿﺤﻰ ﻋﻔﻴﺔ ﻟﺘﺒﺠﻴﻦ ﺗﻐﺔ ﻫﺎﻱ ﻣﻮ ﻧﻬﺎﻳﺔ ﺍﻟﻌﺎﻟﻢ
ﺿﺤﻰ .. ﻟﺞ ﻫﺪﻯ ﺷﻠﻮﻥ ﺑﺼﻬﻴﺐ ﻭﺣﻠﻤﻲ
ﺷﻴﻤﺎﺀ .. ﻣﺴﺤﻲ ﺩﻣﻮﻋﺞ ﻣﻮ ﻫﻨﺎ ﻭﺍﻧﺘﻬﺖ ﺑﻌﺪ ﻋﻨﺪﺝ ﺍﻣﻞ ﺗﻜﺪﺭﻳﻦ
ﺗﻌﻴﺪﻳﻦ ﺍﻟﺴﻨﺔ ﻭﺗﺸﺪﻳﻦ ﺣﻴﻠﺞ ﻣﻦ ﺑﺪﺍﻳﺔ ﺍﻟﺪﻭﺍﻡ
ﻭﺗﺠﻴﺒﻴﻦ ﻣﻌﺪﻝ ﻭﺍﺫﺍ ﻋﻠﻰ ﺻﻬﻴﺐ ﻓﻬﻮ ﺣﺒﺞ ﻟﻨﻔﺴﺞ ﻣﻮ ﻋﻠﻤﻮﺩ
ﺷﻬﺎﺩﺓ
ﻭﺍﻟﺪﺭﺍﺳﺔ ﻛﺎﻧﺖ ﺍﻟﻌﺎﻣﻞ ﺍﻟﻤﺘﻤﻢ ﻳﺴﻬﻞ ﻃﺮﻳﻖ ﺯﻭﺍﺟﻜﻢ
ﺑﺲ ﻣﻮ ﺷﻲ ﺍﺳﺎﺳﻲ
ﻭﺍﻧﻲ ﺍﻋﺮﻑ ﺻﻬﻴﺐ ﺣﺒﺎﺏ ﻭﻫﻮ ﺍﻛﺒﺮ ﻣﻦ ﺍﻥ ﻳﺰﻋﻞ ﻋﻠﻴﺞ ﻋﻠﻤﻮﺩ
ﺍﻟﻨﺘﻴﺠﺔ ﺻﺤﻴﺢ ﺭﺍﺡ ﻳﻨﻘﻬﺮﻋﻠﻤﻮﺩﺝ ﺑﺲ ﻳﺒﻘﻰ ﻳﺤﺒﺞ
ﺿﺤﻰ ﺑﺄﻣﻞ .. ﺻﺪﻙ ﺷﻴﻤﺎﺀ ﻳﻌﻨﻲ ﻋﺎﺩﻱ ﺍﻋﻴﺪ ﺳﻨﺔ ﻭﺍﺩﺭﺱ ﻣﻦ
ﺟﺪﻳﺪ
.....
ﺍﻱ ﻟﻴﺶ ﻻ ﺑﺲ ﺍﻧﺘﻲ ﺷﺪﻱ ﺣﻴﻠﺞ
.. ﺍﻱ ﻭﺍﻟﻠﻪ ﺍﻟﺴﻨﺔ ﺍﻟﺠﺎﻳﺔ ﺍﺷﺪ ﺣﻴﻠﻲ ﻭﺍﻛﻌﺪ ﺍﺩﺭﺱ ﺍﺻﻼ ﺭﺍﺡ ﺍﺑﺪﻱ
ﺍﺩﺭﺱ ﻣﻦ ﺍﻟﻌﻄﻠﺔ ﻟﻠﺴﻨﺔ ﺍﻟﺠﺎﻳﺔ ﻭﺍﻥ ﺷﺎﺀ ﺍﻟﻠﻪ ﺍﺟﻴﺐ ﻣﻌﺪﻝ
ﻭﺍﺧﻠﻴﻪ ﻳﻔﺘﺨﺮ ﺑﻴﺔ
ﻣﺴﺤﺖ ﺩﻣﻮﻋﻬﺎ ﻭﺍﺭﺗﻔﻊ ﺍﻻﻣﻞ ﺑﺪﺍﺧﻞ ﻛﻠﺒﻬﺎ
ﻭﺑﺪﺕ ﺗﺴﻘﻴﻪ ﺑﻘﻄﺮﺍﺕ ﺍﻟﺘﻔﺎﺋﻞ ﻭﺍﻻﺻﺮﺍﺭ
ﺍﺑﺎﻭﻉ ﻋﻠﻰ ﺷﻴﻤﺎﺀ ﻭﺿﺤﻰ ﺻﺎﻓﻨﺎﺕ ﻛﻞ ﻭﺣﺪﺓ ﻫﻤﻬﺎ ﺷﻜﻞ
ﺍﺗﻤﻨﻴﺖ ﺍﻣﺴﺢ ﻣﻦ ﻋﻠﻰ ﻭﺟﻬﻬﻢ ﻧﻈﺮﺓ ﺍﻻﻟﻢ ﻭﺍﺑﺪﻟﻬﺎ ﺑﻨﻈﺮﺓ ﻓﺮﺡ
ﺑﺲ ﻣﺎﺑﻴﺪﻱ ﺷﻲ ﺍﻗﺪﻣﻪ ﺍﻟﻬﻢ
ﺭﺣﺖ ﻳﻤﻬﻢ
.. ﺍﻛﻮﻝ ﺿﺤﺎﻭﻱ ﻋﻔﻴﺔ ﻛﻮﻣﻲ ﺳﻮﻳﻠﻨﺎ ﺭﻳﻮﻙ ﺑﻤﻨﺎﺳﺔ
ﺍﻟﺪﺭﻭﺱ ﺍﻟﺨﻤﺴﺔ
ﺿﺤﻰ .. ﺍﻧﺠﺒﻲ ﺣﻀﺮﺗﺞ ﺗﺼﻨﻔﻴﻦ
ﻳﺎﻟﻠﻪ ﻭﺧﺮﻱ ﻣﻨﺎ ﻻ ﺍﻃﻠﻊ ﺣﺮﻛﺔ ﻛﻠﺒﻲ ﺑﻴﺞ
ﻫﺪﻯ .. ﺧﻴﺔ ﻫﺎﻱ ﻋﻴﻦ ﻭﺻﺎﺑﺘﺞ ﻭﺍﻟﻠﻪ ﻻﺯﻡ ﺗﺤﺼﻨﻴﻦ ﻧﻔﺴﺞ ﻣﻦ
ﺍﻟﺤﺴﺪ ﻭﻟﻮ ﺍﻧﺘﻲ ﺳﺒﺎﻋﻴﺔ ﺟﺒﺘﻴﻬﺎ ﺑﺨﻤﺲ ﺩﻏﻮﺱ ﺣﺘﻰ ﺗﻄﻐﺪﻳﻦ
ﺍﻟﻌﻴﻦ
ﻭﺧﻤﺴﺔ ﻭﺧﻤﻴﺴﺔ ﺑﻌﻴﻦ ﺍﻟﻤﺎﻳﺼﻠﻲ ﻋﺎﻟﻨﺒﻲ
ﺷﻴﻤﺎﺀ ﺣﺎﺻﺮﺗﻬﺎ ﺍﻟﻀﺤﻜﺔ
.. ﺍﺩﺑﺴﺰﺯ ﻭﺧﺮﻱ ﻋﻨﻬﺎ
ﺿﺤﻰ ﺿﺮﺑﺘﻨﻲ
.. ﺍﻣﺪﺍﺝ ﻋﻮﺑﺔ ﻫﺎﻱ ﺑﺪﺍﻝ ﻣﺎ ﺗﻜﻌﺪﻳﻦ ﺍﺗﻮﺍﺳﻴﻨﻲ
ﻏﻤﺘﻨﻲ ﺑﻴﺪﻫﺎ
ﺿﺤﻜﺖ .. ﺍﻋﺮﻑ ﺍﻋﺮﻑ ﻣﻴﺤﺘﺎﺝ ﺗﺄﺷﻴﺮﻳﻠﻲ ﺑﺄﻳﺪﺝ ﺍﺩﺭﻱ ﺑﻴﺞ ﺭﺍﺳﺒﺔ
ﺑﺨﻤﺴﺔ
ﺭﺟﻌﺖ ﻏﻤﺘﻨﻲ ﻭﻛﺎﻣﺖ ﻣﺒﺮﻃﻤﺔ ﻛﻮﺓ ﻻﻣﺔ ﺣﻠﻜﻬﺎ
.. ﻫﺴﺔ ﻣﺎ ﺍﻓﺘﻬﻤﺖ ﻭﺿﺎﻋﺖ ﻋﻠﻴﺔ ﺷﻨﻮ ﺩﺗﻐﻤﻴﻨﻲ ﻟﻮ ﺩﺗﺮﺍﻭﻳﻨﻲ
ﻋﺪﺩ ﺍﻟﺪﺭﻭﺱ ﺍﻟﺮﺍﺳﺒﺔ ﺑﻴﻬﻢ
ﺳﺒﺤﺎﻥ ﺍﻟﻠﻪ ﺟﺎﻳﺒﺘﻬﻢ ﻓﻴﺖ ﻋﻠﻰ ﻋﺪﺩ ﺍﻻﺻﺎﺑﻊ
ﻇﻠﻴﺖ ﺍﻓﺘﺮ ﻭﺭﺍﻫﺎ ﻭﻣﺎ ﺗﺮﻛﺘﻬﺎ ﺗﺴﺘﻔﺮﺩ ﺑﺮﻭﺣﻬﺎ ﻭﻳﺔ ﺣﺰﻧﻬﺎ ﺍﺩﺭﻱ ﺑﻴﻬﺎ
ﺗﻜﻌﺪ ﺗﺎﻛﻞ ﺑﺮﻭﺣﻬﺎ
ﺍﺣﺴﻦ ﺷﻲ ﺍﺧﻠﻴﻬﺎ ﺗﻠﺘﻬﻲ ﺗﺘﻌﺎﺭﻙ ﻭﻳﺎﻱ
ﺿﺤﻰ ﺣﺎﺻﺮﺗﻬﺎ ﺍﻟﺒﺠﻴﺔ .. ﻟﺞ ﻫﺪﻯ ﺍﺑﻮﺱ ﺍﻳﺪﺝ ﻛﺎﻓﻲ ﺍﺣﻠﻔﺞ
ﺑﺪﺍﻋﺖ ﺍﻟﺨﻮﺓ ﺍﻟﻨﻈﻴﻔﺔ ﻛﺎﻓﻲ
ﺷﻴﻤﺎﺀ .. ﻟﺞ ﻫﺪﻯ ﻛﺎﻓﻲ ﺗﺮﺓ ﺍﺟﻲ ﺍﺷﻠﻊ ﺍﺫﺍﻧﺎﺗﺞ
ﻫﺪﻯ .. ﻳﺎﻟﻠﻪ ﻫﺬﺍ ﻫﻮ ﻏﺎﺡ ﺍﺳﻜﺖ ﺑﻌﺪ ﻣﺎ ﺍﺣﺠﻲ ﻻﻥ ﺣﻠﻔﺘﻨﻲ
ﺑﺎﻟﺨﻮﺓ
ﺑﺲ ﻋﻠﻰ ﻃﺎﺭﻱ ﺍﻟﺨﻮﺓ ﺍﻟﻨﻈﻴﻔﺔ
ﺷﻠﻮﻥ ﺻﺪﻓﺔ ﺣﻠﻮﺓ ﻋﺪﺩ ﺍﻟﺪﻏﻮﺱ ﺍﻟﻐﺎﺳﺒﺔ ﺑﻴﻬﻦ ﺿﺤﻰ ﻋﻠﻰ
ﻋﺪﺩﻧﺎ ﺍﺣﻨﺎ ﺍﻟﺨﻮﺍﺕ ﺧﻤﺴﺔ
ﻫﻬﻬﻬﻪ ﻳﺎ ﺳﺒﻬﺎﺍﺍﺍﺍﺍﺍﺍﺍﻥ ﺍﻟﻠﻪ
ﻣﺎ ﺣﺴﻴﺖ ﺍﻻ ﻋﻠﻰ ﻧﻌﺎﻝ ﻃﺎﻳﺮ ﺑﺎﻟﻬﻮﻯ ﻣﻦ ﺿﺤﻰ
ﺍﻟﺤﻤﺪﻟﻠﻪ ﻭﺍﻟﺸﻜﺮ ﺭﺗﻠﻪ ﻟﻮ ﺗﺤﺠﻴﻦ ﻋﺪﻝ ﺷﺴﻮﻳﻦ ﺑﻴﻨﺎ ﻟﺴﺎﻧﺞ
ﺷﻄﻮﻟﻪ
ﻃﻜﻴﺘﻬﺎ ﺭﻛﻀﺔ ﻭﺍﻧﻲ ﺍﺿﺤﻚ
ﻋﻮﺑﺔ ﻣﻦ ﺩﻭﺩﺗﺞ ﺍﻧﻲ ﻓﻐﺮﻧﺴﻴﺔ
ﺟﺎﻧﺖ ﺷﻴﻤﺎﺀ ﻛﻮﺓ ﻻﻣﺔ ﺣﻠﻜﻬﺎ ﺣﺘﻰ ﻣﺘﻀﺤﻚ ﻛﺪﺍﻡ ﺿﺤﻰ
.....
ﺿﺤﻰ .. ﻭﺭﺑﻲ ﻣﺨﺒﻠﺔ ﻣﻮ ﻋﺎﻗﻠﺔ
ﺍﺟﺘﻲ ﺑﻴﺒﻲ
.. ﺧﻴﺮ ﺷﻌﺪﻛﻢ ﻣﻠﺘﻤﺎﺕ ﻳﺎﻟﻠﻪ ﺍﺗﺤﺮﻛﻦ ﺳﻮﻥ ﺭﻳﻮﻙ
ﺷﻴﻤﺎﺀ ﻣﺎﺟﺎﺑﺖ ﺳﻴﺮﺓ ﻋﻦ ﻣﻮﺿﻮﻉ ﺍﻟﻨﺘﺎﺋﺞ
ﺍﺣﺴﻦ ﻻﻥ ﻳﻜﻌﺪﻭﻥ ﻳﺘﻔﻠﺴﻔﻮﻥ ﺑﺮﺍﺱ ﺿﺤﻰ ﻭﻳﺮﺯﻟﻮﻧﻬﺎ
ﺍﺻﻼ ﻫﻮ ﻣﺤﺪ ﻳﻬﺘﻢ ﺍﺫﺍ ﻧﺠﺤﻨﺎ ﺑﺲ ﺍﺫﺍ ﺭﺳﺒﻨﺎ ﻧﺴﻤﻊ ﺍﻟﺮﺯﺍﻳﻞ ﻣﻨﻬﻢ
ﻭﻭﺍﺣﺪﻫﻢ ﻳﺴﻮﻱ ﺭﻭﺣﻪ ﺑﺮﺍﺳﻲ ﺑﺮﻭﻓﻴﺴﻮﺭ ﺍﺻﻼ ﺍﺗﺤﺪﻯ ﻭﺍﺣﺪﻫﻢ
ﺑﻴﺒﻲ ﺍﻭ ﺑﺎﺑﺎ ﺍﺫﺍ ﻳﻌﺮﻓﻮﻥ ﺍﺣﻨﺎ ﺑﻴﺎ ﺻﻒ
ﻛﺎﻣﺖ ﺿﺤﻰ ﺗﺴﻮﻱ ﺭﻳﻮﻙ ﻫﻲ ﻭﺷﻴﻤﺎﺀ
ﻭﺭﺣﺖ ﻭﺭﺍﻫﻢ ﻟﻠﻄﺒﺦ ﺟﺎﻧﻦ ﺍﺛﻨﻴﻨﻬﻦ ﻭﺍﻛﻔﺎﺕ ﻳﻢ ﺍﻟﺴﻨﻚ
ﺣﻄﻴﺖ ﺭﺍﺳﻲ ﺑﻴﻨﻬﻢ ﻭﺻﺮﺕ ﺍﻛﻠﺐ ﺑﻌﻴﻮﻧﻲ ﻋﻠﻴﻬﻦ
ﻣﻨﺎ ﻭﻣﻨﺎ ﻭﻫﻤﺴﺖ
.. ﺍﻛﻮﻝ ﺑﻨﺎﺕ ﺍﻟﻴﻮﻡ ﺷﻨﻮ ﻣﻦ ﺍﻻﻳﺎﻡ
ﺟﺎﻭﺑﺘﻨﻲ ﺿﺤﻰ .. ﺍﻟﻴﻮﻡ ﺧﻤﻴﺲ ﻟﻴﺶ ﺩﺗﺴﺄﻟﻴﻦ
ﺻﺤﺖ ﺑﺼﻮﺕ ﻋﺎﻟﻲ ﻭﺍﻧﻲ ﺧﺮﺑﺎﻧﺔ ﺿﺤﻚ ﻋﻠﻰ ﻏﺒﺎﺀ ﺍﺧﺘﻲ
.. ﻳﺎﺍﺍﺍﺍﺍﺍ ﺳﺒﻬﺎﻥ ﺍﻟﻠﻪ ﺍﻧﻪ ﺍﻟﻌﺪﺩ ﺧﻤﺴﺔ ﻳﻈﻬﺮ ﻟﻨﺎ ﻣﻦ ﺟﺪﻳﺪ ﻓﻲ ﻛﻞ
ﻣﻜﺎﻥ
ﺷﻴﻤﺎﺀ ﻛﻌﺪﺕ ﺗﻀﺤﻚ ﻭﺗﻐﻠﻂ ﻋﻠﻴﺔ
ﻭﺿﺤﻰ ﺩﻙ ﺍﻟﺠﺮﺱ ﻋﻨﺪﻫﺎ ﻣﺘﺄﺧﺮ
.. ﻳﺎﺍﺍﺍ ﻋﻮﺑﺔ ﺩﺗﺼﻨﻔﻴﻦ ﻋﻠﻴﺔ ﺍﻣﺪﺍﺝ ﺑﻌﺪ ﻣﺎ ﺍﺣﺠﻲ ﻭﻳﺎﺝ
.. ﺍﺳﺘﻐﻔﻎ ﺍﻟﻠﻪ ﻫﻢ ﻏﻤﺘﻨﻲ ﺑﺎﻟﺨﻤﺴﺔ ﻟﺞ ﻋﻴﺐ ﻋﻠﻴﺞ ﻟﺘﻐﻤﻴﻦ
ﻓﻀﺤﺘﻲ ﻏﻮﺣﺞ
ﻧﺰﻟﺖ ﺍﻳﺪﻫﺎ ﺑﺴﺮﻋﺔ
ﺿﺤﻰ .. ﺷﻴﻤﺎﺀ ﺍﻟﻠﻪ ﻋﻠﻴﺞ ﺻﻴﺤﻲ ﺑﻴﻬﺎ ﺗﺮﺓ ﻭﺍﻟﻠﻪ ﺍﻛﻠﺖ ﻛﻠﺒﻲ ﺭﺍﺡ
ﺍﻃﻠﻊ ﻣﻦ ﻭﺭﺍﻫﺎ ﻭﺍﺻﻴﺢ ﺑﺎﻟﻤﻨﻄﻘﺔ ﻳﺎﻧﺎﺱ ﻳﺎﻋﺎﻟﻢ ﺍﻧﻲ ﺭﺍﺳﺒﺔ
ﺑﺨﻤﺴﺔ ﺧﻠﻲ ﺍﻟﻜﻞ ﻳﺴﻤﻊ
ﻫﺎﻱ ﻋﻮﺩ ﻭﺍﺣﻨﺎ ﻣﻮﺻﻴﻨﻬﺎ ﻳﺒﻘﻰ ﺍﻟﻤﻮﺿﻮﻉ ﺳﺮ ﺑﻴﻨﺎ ﻫﺸﻜﻞ ﺗﺴﻮﻱ
ﺑﻴﺔ
ﻫﺪﻯ .. ﻭﺍﻟﻠﻪ ﻣﻮﺑﻴﺪﻱ ﺍﻧﻲ ﻧﺬﻝ ﻭﺍﻟﻠﻪ ﻧﺬﻝ
ﻛﻌﺪﻧﺎ ﻧﺎﻛﻞ ﻭﻧﻀﺤﻚ ﻋﻠﻰ ﻓﺮﺩ ﺻﻴﻨﻴﺔ
ﺍﻟﻲ ﻳﺸﻮﻑ ﺿﺤﻜﺘﻨﺎ ﻳﻜﻮﻝ ﻫﻨﻴﺎﻟﻬﻢ ﻣﺎﻋﻨﺪﻫﻢ ﻫﻤﻮﻡ
ﻛﻤﻠﻨﺎ ﺍﻟﺮﻳﻮﻙ ﻭﺷﻴﻤﺎﺀ ﺑﺪﻟﺖ ﻣﻼﺑﺴﻬﺎ ﻭﻗﺒﻞ ﻻ ﺗﻄﻠﻊ
ﺑﻴﺒﻲ ﺣﺠﺖ ﻭﻳﺎﻫﺎ
.. ﺍﻛﻮﻟﺞ ﺍﻧﺘﻲ ﻟﻴﺶ ﻣﺎ ﺗﻠﺒﺴﻴﻦ ﺣﺠﺎﺏ
ﺷﻴﻤﺎﺀ .. ﻫﺎ ﺑﻴﺒﻲ ﻭﺍﻟﻠﻪ ﻣﺎ ﺣﺎﻃﺔ ﺑﺒﺎﻟﻲ ﻣﺴﺄﻟﺔ ﺍﻟﺤﺠﺎﺏ
ﻣﺎ ﻣﻬﺘﻤﺔ ﻋﻨﺪﻱ ﻋﺎﺩﻱ ﺑﺤﺠﺎﺏ ﺍﻭ ﺑﺪﻭﻥ ﺣﺠﺎﺏ ﻋﻨﺪﻱ ﻧﻔﺲ ﺍﻟﺸﻲ
.. ﺷﻨﻮ ﺣﻀﺮﺗﺞ ﻣﻴﻌﺠﺒﺞ ﺗﻠﺒﺴﻴﻦ ﺣﺠﺎﺏ
.. ﻻ ﻣﻮ ﻗﺼﺔ ﻣﻴﻌﺠﺒﻨﻲ ﺑﺲ ﻣﻤﻔﻜﺮﺓ ﺑﻲ
.. ﻣﻴﺨﺎﻟﻒ ﻻﺯﻡ ﺗﻠﺒﺴﻴﻦ ﺍﻟﺪﻧﻴﺎ ﺗﺨﻮﻑ
ﻭﺻﺎﻳﺮ ﺍﻟﺨﻄﻒ ﻭﺍﻟﻜﺘﻞ ﺑﻔﻠﺲ
ﻫﺪﻯ .. ﻳﻌﻨﻲ ﺍﻟﺤﺠﺎﺏ ﻏﺎﺡ ﻳﺤﻤﻴﻬﺎ ﻣﻦ ﺷﻎ ( ﺷﺮ ) ﺍﻟﺨﺎﻃﻔﻴﻦ
ﺷﻠﻮﻥ ﺗﻔﻜﻴﺮ ﻃﻠﻊ ﺍﻟﺤﺠﺎﺏ ﺑﺪﻱ ﻛﺎﻏﺪ ﻟﻠﺒﻨﺎﺕ
ﻫﻲ ﺍﻟﻨﻔﻮﺱ ﺍﻟﻀﻌﻴﻔﺔ ﻣﻦ ﺗﻨﻮﻱ ﺍﻻﺫﻳﺔ ﻣﺎ ﻳﻐﺪﻋﻬﺎ ( ﻳﺮﺩﻋﻬﺎ ) ﻻ
ﺍﻟﺤﺠﺎﺏ ﻭﻻ ﺍﺑﻮ ﺍﻟﺤﺠﺎﺏ ﻏﻴﻎ ﻋﻘﻠﻴﺔ ﺗﻌﺒﺎﻧﺔ
.....
ﻭﻟﺞ ﻫﺎﻱ ﻋﻠﻴﻤﻦ ﺩﺗﺤﺠﻴﻦ
ﺷﻴﻤﺎﺀ .. ﻣﻮ ﻋﻠﻴﺞ ﺑﻴﺒﻲ ﺟﺎﻧﺖ ﺩﺗﻘﺼﺪ ﻋﺎﻟﻨﺎﺱ ﺍﻟﻲ ﻳﺨﻄﻔﻮﻥ
ﻭﻳﻘﺘﻠﻮﻥ ﺑﺎﻟﺒﻨﺎﺕ ﻋﻘﻠﻬﻢ ﺗﻌﺒﺎﻥ
.. ﻫﺎ ﻋﺒﺎﻟﻲ ﻋﻠﻴﺔ ﺟﺎﻥ ﺯﻳﻨﺖ ﺭﺍﺳﻬﺎ
.. ﻳﺎﻟﻠﻪ ﺑﻴﺒﻲ ﺍﺳﻠﻢ ﻋﻠﻴﻜﻢ ﻫﻢ ﻳﺎﻟﻠﻪ ﺍﺭﻭﺡ
ﻫﺪﻯ ﺗﻌﺎﻟﻲ ﺳﺪﻱ ﻭﺭﺍﻱ ﺍﻟﺒﺎﺏ
ﺭﺣﺖ ﻭﺭﺓ ﺷﻴﻤﺎﺀ ﺣﺘﻰ ﺍﺳﺪ ﺍﻟﺒﺎﺏ
ﺷﻴﻤﺎﺀ .. ﻋﻔﻴﺔ ﻫﺪﻯ ﺍﻟﻠﻪ ﻳﺮﺿﻰ ﻋﻠﻴﺞ ﻻ ﺗﺘﻤﺸﻜﻠﻴﻦ ﻭﻳﺔ
ﺑﻴﺒﻲ ﺗﺮﻛﻴﻬﺎ ﺧﻠﻴﻬﺎ ﻟﻮﺣﺪﻫﺎ ﺗﺤﺠﻲ ﻣﺎ ﻋﻠﻴﺞ ﺑﻴﻬﺎ ﺗﺮﺓ ﺗﺪﻭﺭ ﺣﺠﺞ
.. ﺍﻥ ﺷﺎﺀ ﺍﻟﻠﻪ ﺻﺎﻍ ﻻﺗﺸﻴﻠﻴﻦ ﻫﻢ
ﻃﻠﻌﺖ ﺷﻴﻤﺎﺀ ﻭﺍﻧﻲ ﺑﻘﻴﺖ ﺍﻧﻈﻒ ﻭﻳﺔ ﺿﺤﻰ ﺑﺎﻟﺒﻴﺖ
ﻃﻠﻌﺖ ﻛﺘﺒﻲ ﻭﺍﻟﻤﻼﺯﻡ ﻣﺎﻝ ﺍﻟﺼﻒ ﺍﻟﺮﺍﺑﻊ ﺍﻋﺪﺍﺩﻱ
ﻭﺣﻄﻴﺘﻬﻢ ﺑﻌﻼﻛﺔ ﺣﺘﻰ ﺍﻧﻄﻴﻬﺎ ﻟﻠﺒﻨﺎﺕ ﺟﺎﻭﺭﺍﻳﻨﺎ ﺣﺘﻰ ﻳﺴﺘﻔﺎﺩﻭﻥ
ﻣﻨﻬﺎ
ﻣﻀﺖ ﺍﻻﻳﺎﻡ ﻭﺍﺗﺄﻗﻠﻤﻨﺎ ﻭﻳﺔ ﺑﻴﺒﻲ ﻭﺑﻴﺘﻬﺎ
ﻭﺑﺎﺑﺎ ﺍﻟﻲ ﻛﺜﺮﺕ
ﻃﻠﻌﺎﺗﻪ ﻭﻣﺒﻴﺘﻪ ﺧﺎﺭﺝ ﺍﻟﺒﻴﺖ ﻭﻛﺄﻧﻤﺎ ﻗﺒﻞ ﻛﺎﻥ ﻳﺮﺟﻊ ﻻﻥ
ﺍﺣﻨﺎ ﻟﻮﺣﺪﻧﺎ ﻭﻫﺴﺔ ﺍﺍﻣﻦ ﺑﻴﺒﻲ ﻳﻤﻨﺎ ﻣﺎ ﻛﻤﻨﺎ ﻧﺸﻮﻓﻪ
ﻭﺑﻴﻮﻡ ﻣﻦ ﺍﻻﻳﺎﻡ ﺍﺟﺔ ﻋﻤﻮ ﺍﻣﺠﺪ ﻳﺤﺠﻲ ﻭﻳﺔ ﺑﻴﺒﻲ ﻭﺩﺧﻞ ﺑﺎﺑﺎ
ﻭﻋﻤﻮ ﺍﻣﺠﺪ ﻓﺘﺢ ﻭﻳﺎﻩ ﻣﻮﺿﻮﻉ ﺧﻄﻮﺑﺔ ﺷﻴﻤﺎﺀ
ﻓﺰ ﻛﻠﺒﻲ ﺑﺲ ﺳﻤﻌﺖ ﺑﺸﻴﻤﺎﺀ ﺟﺎﻳﻬﺎ ﻋﺮﻳﺲ
ﺍﺟﻴﺖ ﺍﺑﺠﻲ ﻣﻦ ﺍﻟﻔﺮﺡ ﻭﺍﺧﻴﺮﺍً ﺍﻟﻠﻪ ﺑﺎﻭﻉ ﻟﺤﺎﻟﻬﺎ
ﺍﺧﺘﻲ ﻭﺻﻠﺖ ﻟﻌﻤﺮ ٢٨ﺳﻨﺔ ﻭﻻﻳﻮﻡ ﻭﺍﺣﺪ ﺍﺟﺔ ﻭﺩﻙ ﺑﺎﺑﻬﺎ ﺑﺎﻟﺮﻏﻢ
ﻫﻲ ﺣﻠﻮﺓ ﻭﻣﺎ ﻧﺎﻗﺼﻬﺎ ﺷﻲ ﻭﺣﺪﺓ ﻏﻴﺮﻫﺎ ﺍﻟﻤﻔﺮﻭﺽ ﺍﻟﺨﻄﺎﺑﺔ
ﻳﺮﻛﻀﻮﻥ ﻭﺭﺍﻫﺎ
ﻛﻤﺖ ﻣﻦ ﻣﻜﺎﻧﻲ ﺣﺘﻰ ﺍﺭﻭﺡ ﺍﻓﺮﺡ ﺷﻮﻣﺔ ﻭﺍﺑﺸﺮﻫﺎ ﺑﺎﻟﺨﺒﺮ ﺍﻟﺤﻠﻮ
ﺑﺲ ﺍﺷﻮ ﺑﺎﺑﺎ ﻋﺎﻁ ﺑﻌﻤﻮ ﺍﻣﺠﺪ ﻭﻛﻌﺪ ﻳﺘﻌﺎﺭﻙ ﻭﻳﺎﻩ
ﺍﺛﻴﺮ .. ﺍﻣﺠﺪ ﺍﻧﻲ ﻛﻢ ﻣﺮﺓ ﻛﻠﺘﻠﻚ ﻻ ﺗﺪﺧﻞ ﻧﻔﺴﻚ ﺑﻤﻮﺿﻮﻉ
ﺯﻭﺍﺝ ﺷﻴﻤﺎﺀ
ﻋﺎﺩ ﻋﻤﻮ ﺍﻣﺠﺪ ﺻﺎﺭ ﻧﺎﺭ ﻛﺒﺮﺓ ﻭﺯﻣﺦ ﺑﺒﺎﺑﺎ
.. ﻟﻚ ﺍﺛﻴﺮ ﺧﺎﻑ ﺍﻟﻠﻪ ﻭﻻ ﺗﻜﺴﺮ ﺑﻘﺴﻤﺔ ﺍﻟﺒﻨﻴﺔ ﻭﻟﻚ ﻛﻢ ﺩﻭﺏ ﺗﻈﻞ
ﻫﻴﺞ
ﻳﺠﻲ ﻋﺮﻳﺲ ﻟﺒﻨﺘﻚ ﻭﺍﻧﺖ ﺗﻄﻔﺸﻪ ﺑﺴﻮﺍﻟﻔﻚ ﺍﻟﺘﻌﺒﺎﻧﺔ
.. ﻣﺎﻟﻚ ﻏﺮﺽ ﺑﻨﺘﻲ ﻭﺑﻜﻴﻔﻲ
ﻇﻠﻴﺖ ﻭﺍﻛﻔﺔ ﻣﺼﺪﻭﻣﺔ ﻣﻦ ﺍﻟﻜﻼﻡ ﺍﻟﺴﻤﻌﺘﻪ
ﻳﻌﻨﻲ ﺷﻨﻮ ﻣﺎ ﺍﻓﺘﻬﻤﺖ ﻣﻌﻘﻮﻟﺔ ﺑﺎﺑﺎ ﻫﻮ ﺳﺒﺐ ﺗﻌﻄﻴﻞ
ﻗﺴﻤﺔ ﺷﻴﻤﺎﺀ ﺯﻳﻦ ﻟﻴﺶ
ﺍﻣﺠﺪ .. ﺷﻨﻮ ﻣﺎﻟﻲ ﻏﺮﺽ ﺑﻨﺘﻚ ﻛﺒﺮﺕ ﻭﻗﻠﻮﺍ ﺧﻮﺍﻃﻴﺒﻬﺎ ﻭﺭﺍﺡ
ﺗﻌﻨﺲ ﻣﻦ ﻭﺭﺓ ﺍﻧﺎﻧﻴﺘﻚ
.. ﻣﻮ ﺷﻐﻠﺔ ﺍﻧﺎﻧﻴﺔ
.. ﻟﻌﺪ ﺷﻴﺴﻤﻮﻧﻬﺎ ﺍﺫﺍ ﻣﻮ ﺍﻧﺎﻧﻴﺔ
.. ﺍﻧﺎ ﺍﺷﻮﻑ ﻫﺬﺍ ﻣﻮ ﺍﻟﻮﻗﺖ ﺍﻟﻤﻨﺎﺳﺐ ﺗﺘﺰﻭﺝ ﺑﻌﺪﻫﺎ ﺧﻮﺍﺗﻬﺎ
ﺑﺤﺎﺟﺘﻬﺎ
.. ﻭﺍﻧﺖ ﻣﻦ ﺷﻮﻛﺖ ﺻﺮﺕ ﺣﻨﻴﻦ ﻋﻠﻰ ﺧﻮﺍﺗﻬﺎ ﻫﺎﻱ ﻣﻦ ﺍﺷﻮﻛﺖ
ﺻﺮﺕ ﺗﻔﻜﺮ ﺑﻴﻬﻢ
ﺑﺲ ﺧﻠﻲ ﺍﻛﻠﻚ ﺍﻳﺎﻫﺎ ﻣﻦ ﺍﻻﺧﻴﺮ ﺑﺪﻭﻥ ﺯﻋﻞ
ﺍﻧﺖ ﺍﻟﻤﺴﺘﻔﺎﺩ ﺍﻟﻮﺣﻴﺪ ﻣﻦ ﺗﺄﺧﻴﺮ ﻗﺴﻤﺔ ﺷﻴﻤﺎﺀ
.. ﺍﻧﺎ ؟ !! ﻣﺴﺘﺤﻴﻞ ﻣﺘﻮﻫﻢ
.....
ﻻﻥ ﻫﻲ ﺍﻟﻤﻌﻴﻞ ﺍﻟﻮﺣﻴﺪ ﺑﻌﺎﺋﻠﺘﻚ ﺗﺼﺮﻑ ﻋﻠﻴﻚ ﻭﻋﺎﻟﺒﻴﺖ ﻭﻋﻠﻰ
ﺧﻮﺍﺗﻬﺎ
ﺍﺛﻴﺮ ﺑﻐﻀﺐ .. ﺍﻱ ﻳﺎﻟﻠﻪ ﻭﻫﺴﺔ ﺍﻧﺖ ﺷﺘﺮﻳﺪ
ﻣﺎ ﻋﻨﺪﻱ ﺑﻨﺎﺕ ﻟﻠﺰﻭﺍﺝ ﻳﺎﻟﻠﻪ ﺧﻠﻴﻚ ﺑﺤﺎﻟﻚ ﻭﻋﻮﻓﻨﻲ ﺑﺤﺎﻟﻲ
.. ﺷﻠﻮﻥ ﺍﻋﻮﻓﻚ ﺑﺤﺎﻟﻚ ﻣﺎ ﺍﻛﺪﺭ ﺍﺷﻮﻓﻚ ﺗﻐﺮﻙ ﻭﻋﺎﺋﻠﺘﻚ ﺗﻐﺮﻙ
ﻭﻳﺎﻙ ﺻﻌﺒﺔ ﻳﺎﻧﺎﺱ ﺻﻌﺒﺔ
.. ﺍﻧﺖ ﻣﺎﻟﻚ ﻏﺮﺽ
.. ﻟﻚ ﺍﺛﻴﺮ ﺗﺮﺓ ﺷﻴﻤﺎﺀ ﻛﺒﺮﺕ ﻻ ﺗﻜﺴﺮ ﺑﻘﺴﻤﺘﻬﺎ
ﻭﺍﻟﻨﺎﺱ ﺭﺍﺡ ﺗﺎﻛﻞ ﻭﺟﻮﻫﻨﺎ ﺫﻳﺞ ﺍﺧﺘﻬﺎ ﺍﺗﺰﻭﺟﺖ ﻭﺳﺎﻓﺮﺕ ﻣﻦ ﺩﻭﻥ
ﻋﻠﻤﻨﺎ
ﻭﻫﺎﻱ ﻛﺒﺮﺕ ﻭﻟﺤﺪ ﺍﻻﻥ ﻣﺎ ﺍﺗﺰﻭﺟﺖ ﻭﺍﺣﺘﻤﺎﻝ ﺭﺍﺡ ﻳﻌﻤﻦ ﻋﻠﻰ
ﺧﻮﺍﺗﻬﻦ ﺍﻟﺒﻘﻴﺔ
ﻭﺍﻟﻨﺎﺱ ﺍﻟﻬﺎ ﺍﻟﻈﺎﻫﺮ ﻣﺎﻋﻠﻴﻬﺎ ﺑﺎﻟﻴﺼﻴﺮ ﻭﺍﻟﻤﺎﻳﺼﻴﺮ ﻭﺭﺍﺡ ﻳﺎﻛﻠﻮﻥ
ﻭﺟﻮﻫﻨﺎ ﺑﺎﻟﺤﺠﻲ
ﺟﻨﺖ ﻛﻠﻤﺎ ﺍﺳﻤﻊ ﻛﻠﻤﺔ ﺗﺰﻳﺪ ﺻﺪﻣﺘﻲ ﺑﺄﺑﻮﻱ
ﻳﻌﻨﻲ ﻟﻮ ﺍﺳﻮﻟﻒ ﺳﺎﻟﻔﺖ ﺑﺎﺑﺎ ﻟﻠﻤﺨﺒﻞ ﺍﻟﺒﺸﺎﺭﻉ ﻭﺍﻟﻠﻪ ﻣﺎ ﺭﺍﺡ
ﻳﺼﺪﻙ ﺍﻛﻮ ﻫﻴﺞ ﺑﺸﺮ ﻣﻮﺟﻮﺩ ﺑﺎﻟﺪﻧﻴﺎ ﻳﻤﻠﻚ ﻣﻮﺍﺻﻔﺎﺕ ﺑﺎﺑﺎ ﺍﺭﻳﺪ
ﺍﻓﺘﻬﻢ ﺷﻨﻮ ﻫﻮ ﻣﻌﻘﻮﻟﺔ ﻣﺎﻋﻨﺪﻩ ﺫﺭﺓ ﺍﺣﺴﺎﺱ ﺍﺩﺭﻱ ﺷﻨﻮ ﺣﻴﻮﺍﻥ .. ﻻ
ﻻ ﻭﺍﻟﻠﻪ ﺣﺸﺔ ﺍﻟﺤﻴﻮﺍﻥ ﻫﻨﺖ ﺍﻟﺤﻴﻮﺍﻥ ﻣﻦ ﺷﺒﻬﺘﻪ ﺑﺄﺑﻮﻧﺎ
ﺍﺳﻤﻊ ﺑﻴﺒﻲ ﺗﻬﺪﻱ ﺑﻴﻬﻢ ﻭﻣﺜﻞ ﻛﻞ ﻣﺮﺓ ﺑﺎﺑﺎ ﻳﻤﺸﻲ ﺍﻟﻲ ﺑﺮﺍﺳﻪ
ﻭﻃﻠﻊ ﻋﻤﻮ ﺍﻣﺠﺪ ﻣﻦ ﺍﻟﺒﻴﺖ ﺯﻋﻼﻥ
ﺭﺣﺖ ﺩﺧﻠﺖ ﻟﻠﻐﺮﻓﺔ ﻟﻜﻴﺖ ﺷﻴﻤﺎﺀ ﻧﺎﻳﻤﺔ ﻭﺿﺤﻰ ﻻﺯﻣﺔ ﻛﺘﺒﻬﺎ
ﻭﺩﺗﺪﺭﺱ
ﺑﺎﻭﻋﺖ ﻋﻠﻴﻬﺎ ﺷﻠﻮﻥ ﻏﺎﻃﺔ ﺑﺎﻟﻨﻮﻡ ﻣﻦ ﻭﺭﺓ ﺍﻟﺘﻌﺐ ﻭﺻﺮﺕ ﺍﺗﻤﻌﻦ
ﺑﺸﻜﻠﻬﺎ ﺟﺎﻧﺖ ﺍﺧﺘﻲ ﺣﻠﻮﺓ ﻭﻓﺎﺗﺤﺔ ﺍﻟﺸﻌﺮ ﺍﻟﻲ ﻳﺸﺒﻪ ﺍﻟﻠﻴﻞ ﻣﺜﻞ
ﻟﻮﻥ ﺣﻴﺎﺗﻬﺎ ﻧﺎﺛﺮﺗﻪ ﻋﺎﻟﻤﺨﺪﺓ
ﺍﺑﺎﻭﻉ ﻟﻄﻮﻟﻬﺎ ﺗﻜﻮﻝ ﻧﺒﻌﺔ ﺭﻳﺤﺎﻥ
ﺑﺲ ﻣﻜﺮﻭﺩﺓ ﺍﺧﺘﻲ ﻣﺎ ﻋﻨﺪﻫﺎ ﺣﻆ ﺭﺣﺖ ﻳﻤﻬﺎ ﻭﺍﺗﻤﺪﺩﺕ ﺑﺼﻔﻬﺎ
ﺧﻄﻴﺔ ﻣﺪﺕ ﺍﻳﺪﻫﺎ ﻭﺣﻀﻨﺘﻨﻲ ﻣﺘﻌﻮﺩﺓ ﺗﻨﻮﻣﻨﻲ ﺑﺤﻈﻨﻬﺎ ﺧﻄﻴﺔ
ﻭﺣﺘﻲ ﻭﻫﻲ ﻧﺎﻳﻤﺔ ﺗﺪﻭﺭ ﻋﻠﻰ ﺭﺍﺣﺘﻨﺎ ﻭﺍﻣﺎﻧﺎ
ﻏﻤﻀﺖ ﻋﻴﻮﻧﻲ ﻭﺍﻧﻲ ﻛﻠﺶ ﻣﻘﻬﻮﺭﺓ ﻣﻦ ﻭﺭﺓ ﺑﺎﺑﺎ
ﻭﺻﺮﺕ ﺍﻓﻜﺮ ﻻﺯﻡ ﺍﺩﻭﺭ ﻋﻠﻰ ﺷﻐﻞ ﻭﺍﻋﻴﻞ
ﺍﻫﻠﻲ ﺣﺘﻰ ﺑﺎﺑﺎ ﻳﺼﺮﻑ ﻧﻈﺮ ﻋﻦ ﺷﻴﻤﺎﺀ ﻣﻦ ﻳﺸﻮﻑ ﺍﻛﻮ ﺩﺧﻞ ﺛﺎﻧﻲ
ﺑﺎﻟﺒﻴﺖ ﻳﻨﻄﻲ ﻓﻠﻮﺱ
ﺑﺲ ﻣﻨﻴﻦ ﺍﻟﻜﺔ ﺷﻐﻞ ﺧﻠﻲ ﺍﺳﺄﻝ
ﻣﺮ ﺍﺳﺒﻮﻉ ﻭﺍﻟﻮﺿﻊ ﻋﻠﻰ ﻣﺎﻫﻮ ﻋﻠﻴﻪ ﺍﻛﻞ ﺷﻐﻞ ﺑﻴﺖ
ﻧﻮﻡ ﺗﺎﻟﻲ ﺍﻟﻠﻴﻞ ﺍﻟﺘﻠﻔﺰﻳﻮﻥ ﺑﺎﻟﺸﺎﻓﻌﺎﺕ ﻳﺎﻟﻠﻪ ﺗﺨﻠﻴﻨﺎ ﺑﻴﺒﻲ ﻧﺒﺎﻭﻉ
.....
ﻭﺿﺤﻰ ﻣﺘﻠﻬﻴﺔ ﺑﺎﻟﺪﺭﺍﺳﺔ ﺷﻜﻠﻬﺎ ﻧﺎﻭﻳﺔ ﻫﺎﻟﺴﻨﺔ ﺗﺠﻴﺐ ﻣﻌﺪﻝ
ﺻﺪﻙ ﻟﻮ ﻛﺎﻟﻮﺍ ﺍﻟﺤﺐ ﻳﺼﻨﻊ ﺍﻟﻤﻌﺠﺰﺍﺕ
ﻭﺍﻟﻠﻪ ﻟﻮ ﻭﺍﺣﺪ ﻗﺒﻞ ﺳﻨﺔ ﺟﺎﻳﻨﻲ ﻭﻳﻜﻠﻲ ﺍﺧﺘﺞ ﺿﺤﻰ ﺭﺍﺡ ﺗﺼﻴﺮ
ﺳﺠﺎﺟﺔ ﻭﺷﺎﻃﺮﺓ
ﻭﺍﺗﺪﺭﺱ ﻣﺎ ﺍﺻﺪﻛﻪ ﻭﺳﺎﻋﺘﻬﺎ ﺭﺍﺡ ﺍﺗﻬﻤﻪ ﺑﺎﻟﺠﻨﻮﻥ
ﺭﺣﺖ ﺳﻮﻳﺘﻠﻬﺎ ﻛﻼﺹ ﺟﺎﻱ ﻭﺍﻧﻄﻴﺘﻪ ﺍﻟﻬﺎ
ﺭﻓﻌﺖ ﺭﺍﺳﻬﺎ ﻭﺍﺑﺘﺴﻤﺖ
.. ﻋﺎﺷﺖ ﺍﻳﺪﺝ ﺍﺟﻴﺘﻲ ﺑﻮﻛﺘﺞ
ﺍﺧﺬﺗﻪ ﻣﻨﻲ ﻭﻛﻌﺪﺕ ﻳﻤﻬﺎ ﻭﺍﺧﺬﺕ ﻛﺘﺎﺏ ﺍﻛﻠﺐ ﺑﻲ
ﻫﺪﻯ .. ﺷﻨﻮ ﻣﺎﻛﻮ ﺍﺧﺒﺎﻍ ﺟﺪﻳﺪﺓ ﻋﻦ ﺣﺒﻴﺐ ﺍﻟﻜﻠﺐ
ﺿﺤﻰ ﺭﻓﻌﺖ ﺭﺍﺳﻬﺎ ﻭﺟﺮﺕ ﺣﺴﺮﺓ .. ﻭﺍﻟﻠﻪ ﻋﻠﻤﻲ ﻣﻦ ﻋﻠﻤﺞ
ﺍﺧﺒﺎﺭﻩ ﺗﻮﺻﻠﻨﻲ ﻋﻦ ﻃﺮﻳﻖ ﺧﺎﻟﺔ ﺍﻡ ﻓﺮﺯﺩﻕ ﻣﻦ ﺷﻴﻤﺎﺀ ﺗﺴﺄﻟﻬﺎ
ﺑﺼﻮﺭﺓ ﻋﺎﺑﺮﺓ ﻋﻦ ﺻﻬﻴﺐ ﻭﻫﻲ ﺗﻜﺘﻔﻲ ﺗﻜﻮﻝ ﺑﺨﻴﺮ ﻣﻦ ﺍﻟﻠﻪ
ﻭﺍﻟﺤﻤﺪﻟﻠﻪ
ﺟﻨﺖ ﺍﺗﻤﻨﻰ ﺍﻋﺮﻑ ﻋﻦ ﺍﺧﺒﺎﺭﻩ ﺍﻛﺜﺮ
ﺍﺗﻤﻨﻰ ﺍﻋﺮﻑ ﻛﻞ ﺻﻐﻴﺮﺓ ﻭﻛﺒﻴﺮﺓ ﺑﺤﻴﺎﺗﻪ
ﺍﺗﻤﻨﻰ ﺍﺗﺼﻞ ﻋﻠﻴﻪ ﻭﺍﺗﻄﻤﻦ ﻋﻠﻰ ﺍﺣﻮﺍﻟﻪ
ﺍﻭﻭﻑ ﺗﺪﺭﻳﻦ ﺷﻜﺪ ﻣﺤﺘﺎﺟﺔ ﺍﺳﻤﻊ ﺻﻮﺗﻪ
ﻣﺤﺘﺎﺟﺔ ﺍﺳﻤﻊ ﻧﺒﺮﺓ ﺍﻟﺤﻨﺎﻥ ﺍﻟﻲ ﺑﺼﻮﺗﻪ
ﺍﺗﺨﻴﻠﻲ ﺍﻧﻲ ﻣﺠﺮﺩ ﺍﺷﻮﻑ ﺧﺎﻟﺔ ﺍﻡ ﻓﺮﺯﺩﻕ ﺟﺪﺓ ﺍﻟﺤﺒﻴﺐ
ﺍﻧﻲ ﻳﺰﻳﺪ ﺣﻤﺎﺳﻲ ﻭﺍﺭﻭﺡ ﺍﻫﺪ ﻋﺎﻟﻜﺘﺐ ﻭﺍﻛﻠﻬﻢ ﺍﻛﻞ ﺑﺎﻟﺪﺭﺍﺳﺔ
ﻓﻤﺎ ﺑﺎﻟﺞ ﺍﺫﺍ ﺍﺳﻤﻊ ﺻﻮﺕ ﺍﻟﺤﺒﻴﺐ ﺑﻨﻔﺴﻪ
ﻫﺪﻯ .. ﻻ ﻋﻤﻲ ﻛﻌﺪﻱ ﻭﺳﺘﻐﻲ ﻋﻠﻴﻨﺎ ﻻﻧﻮﺏ ﺗﻐﺤﻴﻦ ﺗﺎﻛﻠﻴﻦ ﺑﻴﺒﻲ
ﺳﻠﻴﻤﺔ ﻭﺗﺴﻤﻤﻴﻦ
ﺟﻨﺖ ﺍﺣﺲ ﺑﻠﻬﻔﺔ ﻭﺍﺷﺘﻴﺎﻕ ﺿﺤﻰ ﻟﺼﻬﻴﺐ ﻻﻥ ﺍﻧﻲ ﺍﻣﺮ ﺑﻨﻔﺲ
ﺍﻻﺣﺴﺎﺱ ﻭﺍﻟﻠﻬﻔﺔ ﻟﺮﺍﺋﺪ ﻭﻫﻢ ﻣﺎﺑﻴﺪﻱ ﺷﻲ ﺍﺳﻮﻳﻪ ﺣﺘﻰ ﺍﺷﻮﻓﻪ ﺍﻭ
ﺍﺳﻤﻊ ﺻﻮﺗﻪ ﻫﻲ ﺯﻳﻦ ﺍﺫﺍ ﺟﺎﻧﺖ ﺗﺴﻤﻊ ﺍﺧﺒﺎﺭ ﺻﻬﻴﺐ ﻋﻦ ﻃﺮﻳﻖ
ﺧﺎﻟﺔ ﺍﻡ ﻓﺮﺯﺩﻕ
ﺍﻧﻲ ﻣﺎﻋﻨﺪﻱ ﺍﻱ ﺣﻠﻘﺔ ﻭﺻﻞ ﻭﻳﺔ ﺭﺍﺋﺪ
ﺩﺧﻠﺖ ﻋﻠﻴﻨﺎ ﺑﻴﺒﻲ
.. ﺣﻀﺮﻭﺍ ﺭﻭﺣﻜﻢ ﺍﻟﻴﻮﻡ ﻧﺮﻭﺡ ﻟﺒﻴﺖ ﻋﻤﻜﻢ ﺍﻣﺠﺪ
ﻧﻨﺘﻈﺮ ﺍﺧﺘﻜﻢ ﻭﻧﺮﻭﺡ
ﺣﺘﻰ ﺍﺑﻮﻛﻢ ﻳﻮﻛﻊ ﻋﻠﻰ ﺍﻣﺠﺪ ﻭﻳﺴﺘﺴﻤﺢ ﻣﻨﻪ
.. ﺻﺎﻍ ﺑﻴﺒﻲ
ﻟﻠﻌﺼﺮ ﺍﺟﺘﻲ ﺷﻴﻤﺎﺀ ﻭﺍﺗﺤﻀﺮﻧﺎ ﻭﺍﺟﺔ ﺑﺎﺑﺎ ﻭﺍﺧﺬﻧﺎ ﻟﺒﻴﺖ ﻋﻤﻮ ﺍﻣﺠﺪ
ﺍﻟﺠﺪﻳﺪ ﺟﺎﻧﻮ ﺳﺘﻮﻫﻢ ﻣﺨﻠﺼﻴﻦ ﺑﻨﺎﺀ ﻭﻣﻨﺘﻘﻠﻴﻦ
ﺍﺣﻨﺎ ﺟﺎﻳﻴﻦ ﺍﻟﻬﻢ ﻗﺒﻞ ﻻ ﻳﻬﺪﻣﻮﻥ ﺍﻟﺒﻴﺖ ﻭﻳﺒﻨﻮﺍ ﻣﻦ ﺟﺪﻳﺪ
ﻋﻤﻮ ﺍﻣﺠﺪ ﻣﻦ ﺑﻌﺪ ﺍﻟﺴﻘﻮﻁ ﺍﻣﻮﺭﻩ ﺍﺳﺘﻌﺪﻟﺖ
ﻻﻥ ﻫﻮ ﺭﺟﻞ ﺣﺮﻳﺺ ﻭﻳﻔﻜﺮ ﺑﻌﺎﺋﻠﺘﻪ ﻋﻜﺲ ﺍﺧﻮﻩ ﺗﻤﺎﻣﺎً
ﺩﺧﻠﻨﺎ ﻟﻠﺒﻴﺖ ﺟﺎﻥ ﻛﻠﺶ ﻣﺮﺗﺐ ﻭﻧﻈﻴﻒ
ﻣﺮﺕ ﻋﻤﻲ ﺟﻨﺎﻥ ﻛﻠﺶ ﻧﻈﻴﻔﺔ ﻋﻨﺪﻫﺎ ﻫﻮﺱ ﻣﺎﻝ ﻧﻈﺎﻓﺔ
ﻭﻧﻈﺎﻡ ﻭﻣﺘﺨﻠﻴﻨﺎ ﻧﻠﻤﺲ ﺍﻱ ﺷﻲ ﺑﺒﻴﺘﻬﻢ ﻫﻲ ﻣﻦ ﻗﺒﻞ ﻣﻦ ﺟﻨﺎ
ﺻﻐﺎﺭ ﻫﺬﺍ ﻃﺒﻌﻬﺎ
....
ﺿﺤﻰ .. ﺍﻟﻠﻪ ﺑﻴﺘﻬﻢ ﺷﻜﺪ ﺣﻠﻮ
ﺷﻴﻤﺎﺀ .. ﻛﻮﻟﻲ ﻣﺎﺷﺎﺀ ﺍﻟﻠﻪ
.. ﻣﺎ ﺷﺎﺀ ﺍﻟﻠﻪ
ﻫﺪﻯ .. ﺧﻤﺴﺔ ﻭﺧﻤﻴﺴﺔ ﺑﻌﻴﻦ ﺍﻟﻤﺎﻳﺼﻠﻲ ﻋﺎﻟﻨﺒﻲ
ﺿﺤﻰ .. ﻫﻬﻬﻪ ﺩﻣﺞ ﺧﻔﻴﻒ ﻣﺎ ﺗﻀﺤﻚ ﺻﺎﺭﺕ ﻗﺪﻳﻤﺔ
ﻫﺪﻯ .. ﺷﻨﻮ ﻫﻲ ﺍﻟﻘﺪﻳﻤﺔ
ﺿﺤﻰ .. ﻫﺪﻯ ﺍﺑﺪ ﻣﻮ ﻭﻛﺘﺞ ﺗﻠﻤﺤﻴﻦ ﻋﺎﻟﺮﺳﻮﺏ ﺗﺮﺓ ﻋﻴﺐ ﻧﻜﻌﺪ
ﻧﺘﻌﺎﺭﻙ ﻛﺪﺍﻡ ﺍﻟﻨﺎﺱ
.. ﻫﻬﻬﻬﻬﻬﻬﻬﻬﻬﻬﻬﻬﻬﻪ ﺧﻐﺐ ﻳﻮﻣﺞ ﺗﺪﻏﻴﻦ ﺟﻨﺖ ﻧﺎﺳﻴﺔ ﻭﺫﻛﻐﺘﻴﻨﻲ
ﻫﻬﻬﻬﻬﻬﻬﻬﻬﻬﻬﻬﻪ ﺧﻐﺐ
ﻳﺤﺴﺒﻮﻥ ﺍﻥ ﻛﻞ ﺻﻴﺤﺘﺎً ﻋﻠﻴﻬﻢ
ﻭﺍﻟﻠﻪ ﺍﻟﻲ ﻋﻠﻰ ﺭﺍﺳﻪ ﺑﻄﺤﺔ ﻳﺘﺤﺴﺴﻬﺎ
ﺷﻴﻤﺎﺀ .. ﺍﺍﺵ ﻛﺎﻓﻲ ﺳﻜﺘﻮﺍ
ﺍﺟﺘﻲ ﻣﺮﺕ ﻋﻤﻮ ﺍﻣﺠﺪ ﻭﺳﻠﻤﺖ ﻋﻠﻴﻨﺎ
ﺿﺤﻰ .. ﺷﻠﻮﻥ ﺍﺗﻤﻨﻰ ﺍﺷﻮﻑ ﺑﻴﺘﻬﻢ
_ ﻟﺞ ﻛﻌﺪﻱ ﻭﺳﻜﺘﻲ ﻻﺗﺴﻤﻌﺞ ﻭﺍﻟﻠﻪ ﺗﻨﺠﻠﻂ ﺗﺘﺬﻛﻐﻴﻦ ﻣﻦ ﺟﻨﺎ
ﺻﻐﺎﻍ ﺷﻠﻮﻥ ﺟﺎﻧﺖ ﺗﺘﺨﺒﻞ ﻣﻦ ﺗﺸﻮﻓﻨﺎ ﺩﺍﺧﻠﻴﻦ ﻟﻐﻐﻔﺘﻬﺎ ( ﻟﻐﺮﻓﺘﻬﺎ )
_ ﻫﻬﻬﻬﻪ ﺍﻱ ﺍﺗﺬﻛﺮ ﺟﺎﻧﺖ ﻣﺘﺨﻠﻴﻨﺎ ﻧﺪﺧﻞ ﻏﺮﻓﺘﻬﺎ ﺍﻭ ﻧﻠﻤﺲ
ﺍﺷﻴﺎﺀﻫﺎ ﺣﺎﺟﺘﻬﺎ ﻋﺰﻳﺰﺓ
_ ﻓﻤﺎ ﺑﺎﻟﺞ ﻫﺴﺔ ﻭﺻﺎﻍ ﻋﻨﺪﻫﺎ ﺑﻴﺖ ﺟﺪﻳﺪﺓ ﺍﺣﺘﻤﺎﻝ ﺗﻜﻬﻐﺒﻨﺎ ( ﺗﻜﻬﺮﺑﻨﺎ )
ﺑﺎﻟﻌﺼﺎ ﺍﻟﺼﺎﻋﻘﺔ ﺍﺫﺍ ﺍﺗﺠﻐﺌﻨﺎ ﻭﻟﻤﺴﻨﺎ ﻏﻐﺎﺿﻬﻢ ( ﻏﺮﺍﺿﻬﻢ )
ﻭﺍﺑﻮ ﻃﺒﻊ ﻣﺎ ﻳﻐﻴﺮ ﻃﺒﻌﻪ
ﺷﻤﺎﺀ .. ﺍﻛﻮﻝ ﺧﺎﻟﺔ ﻭﻳﻦ ﻣﺮﻳﻢ ﺍﺷﻮ ﻣﺎ ﺍﺟﺘﻲ ﺗﺴﻠﻢ ﻋﻠﻴﻨﺎ
ﺟﻨﺎﻥ .. ﺩﺗﺴﺒﺢ ﺑﺲ ﺗﺨﻠﺺ ﻣﻦ ﺣﻤﺎﻣﻬﺎ ﺗﺠﻲ ﺗﺴﻠﻢ ﻋﻠﻴﻜﻢ
ﻇﻠﻴﻨﺎ ﻧﺴﻮﻟﻒ ﻭﻳﺔ ﺧﺎﻟﺔ ﺟﻨﺎﻥ ﻭﻋﻤﻮ ﻭﺑﺎﺑﺎ ﻭﺑﻴﺒﻲ ﻳﺴﻮﻟﻔﻮﻥ ﻋﻦ
ﺍﻻﻧﺘﺨﺎﺑﺎﺕ ﻭﻣﺮﺕ ﻧﺺ ﺳﺎﻋﺔ ﻭﻣﺮﻳﻢ ﻣﺎ ﺑﻴﻨﺖ ﺻﺪﻙ ﺍﺗﻨﺮﻓﺰﺕ
ﺍﻧﺘﺒﻬﺖ ﻟﺸﻴﻤﺎﺀ ﻋﻴﻨﻬﺎ ﻛﻞ ﺳﺎﻋﺔ ﺗﺮﻭﺡ ﻋﻠﻰ ﺑﺎﺏ ﺍﻻﺳﺘﻘﺒﺎﻝ ﺗﺮﻳﺪ
ﺗﺸﻮﻓﻬﺎ ﺍﻋﺮﻑ ﺍﺧﺘﻲ ﺷﻮﻣﺔ ﻣﺸﺘﺎﻗﺘﻠﻬﺎ ﺑﺲ ﻣﺎ ﺗﺘﺠﺮﻱﺀ ﺗﺤﺠﻲ
ﻣﺎ ﺍﺗﺤﻤﻠﺖ
ﻛﻤﺖ ﻣﻦ ﻣﻜﺎﻧﻲ .. ﺧﺎﻟﺔ ﻋﻦ ﺍﺫﻧﺞ ﺍﻏﻮﺡ ﺍﺷﻮﻑ ﻣﻐﻴﻢ ﻭﻳﻦ
ﺻﺎﻏﺖ ﻣﻮ ﻋﺒﺎﻟﻚ ﺍﻟﺤﻤﺎﻡ ﻃﻮﻝ
ﻃﻔﺮﺕ ﻣﻦ ﻣﻜﺎﻧﻬﺎ ﺑﺴﺮﻋﺔ .. ﻻ ﺣﺒﻴﺒﺔ ﺍﺭﺗﺎﺣﻲ ﺑﻤﻜﺎﻧﺞ ﺍﻧﻲ ﻛﺎﻳﻤﺔ
ﺍﺻﻴﺤﻠﻬﺎ
ﺣﺠﻴﺖ ﺑﺼﻮﺕ ﻧﺎﺻﻲ
.. ﻋﺎﺑﺘﻠﻬﺎ ﻭﺍﻟﻠﻪ ﻛﻤﺰﺗﻨﻲ ﺣﺴﺴﺘﻨﻲ ﻋﺒﺎﻟﻚ ﻓﺎﻳﺮﻭﺱ
ﺿﺤﻰ .. ﻋﻤﺔ ﺣﺘﻰ ﻋﻤﺔ ﺷﻨﻮ ﻗﺎﺑﻞ ﺭﺍﺡ ﻧﺎﻛﻠﻬﺎ ﺷﻔﺘﻴﻬﺎ ﺷﻠﻮﻥ
ﻛﻤﺰﺕ ﻣﻦ ﻣﻜﺎﻧﻬﺎ
.. ﻟﺞ ﻻ ﻣﻮ ﻋﻠﻤﻮﺩ ﻣﻐﻴﻢ ﻛﻤﺰﺕ ﻟﺞ ﻫﺎﻱ ﻋﻠﻤﻮﺩ ﺍﻧﻲ ﻻ ﺍﻛﻮﻡ
ﻭﺍﻏﻮﺡ ﺍﺩﺧﻞ ﻟﺒﻴﺘﻬﺎ ﺗﺨﺎﻑ ﻋﻠﻰ ﻏﻐﺎﺽ ( ﻏﺮﺍﺽ ) ﺑﻴﺘﻬﺎ ﻣﻦ ﻋﻨﺪﻱ
ﻻﻥ ﺍﻧﻲ ﺗﺎﻏﻴﺨﻲ ( ﺗﺎﺭﻳﺨﻲ ) ﻳﺸﻬﺪ ﺑﺎﻟﺘﻜﺴﻴﻎ
ﺿﺤﻰ .. ﻫﻬﻬﻬﻬﻬﻪ ﺍﻱ ﻋﻔﻴﺔ ﺻﺪﻙ ﻣﺸﻬﻮﺩﺗﻠﺞ
ﺷﻮﻳﺔ ﻭﺩﺧﻠﺖ ﻣﺮﻳﻢ ﺍﺧﺘﻲ ﻣﺎ ﺷﺎﺀ ﺍﻟﻠﻪ ﻛﺒﺮﺍﻧﺔ
ﺟﺎﻧﺖ ﻻﺑﺴﺔ ﺑﻄﺮﻭﻥ ﺟﻴﻨﺰ ﻣﻦ ﻫﺬﺍ ﺍﻟﻤﻮﺩﻳﻞ ﺍﻟﺤﻠﻮ
ﻭﺷﻌﺮﻫﺎ ﻣﺴﻮﻳﺘﻪ ﻇﻔﻴﺮﺓ ﺻﻔﺢ ﻭﻣﺨﻠﻴﺘﻬﺎ ﻋﻠﻰ ﻛﺘﻔﻬﺎ
ﻣﺎ ﺷﺎﺀ ﺍﻟﻠﻪ ﺣﻠﻴﺎﻧﺔ
.......
ﺿﺤﻰ .. ﻟﺞ ﺑﺎﻭﻋﻲ ﺻﺎﻳﺮﺓ ﺗﺸﺒﻪ ﺍﻟﺒﻨﺎﺕ ﺍﻟﺘﻮﺏ
ﺍﻟﻲ ﺷﺎﻳﻔﺎﺕ ﻧﻔﺴﻬﻢ
ﺍﺑﺎﻭﻉ ﻋﻠﻴﻬﺎ ﺷﻠﻮﻥ ﺳﻠﻤﺖ ﻋﻠﻰ ﺷﻴﻤﺎﺀ
ﺧﻄﻴﺔ ﺷﻮﻣﺔ ﺍﺧﺬﺗﻬﺎ ﻟﺤﻈﻨﻬﺎ ﻭﺻﺎﺭﺕ ﺗﺒﻮﺳﻬﺎ ﻋﻠﻰ ﺧﺪﻫﺎ ﻭﻫﻲ
ﺗﺴﻠﻢ ﻋﻠﻴﻬﺎ ﻣﻦ ﻭﺭﺓ ﺧﺸﻤﻬﺎ ﻭﺑﺎﻭﺳﺘﻬﺎ ﺑﺎﻟﻬﻮﻯ
ﻭﺍﺟﺘﻲ ﺳﻠﻤﺖ ﻋﻠﻴﻨﺎ ﺍﻧﻲ ﻣﺴﻮﻳﺖ ﻣﺜﻞ ﺷﻴﻤﺎﺀ ﺍﻛﺘﻔﻴﺖ ﺑﺲ
ﺳﻠﻤﺖ ﻋﻠﻴﻬﺎ ﺑﺎﻻﻳﺪﻳﻦ ﻭﺑﻌﺪ ﺍﻧﺘﻬﺎﺀ ﺍﻟﺴﻼﻡ ﻭﺳﺄﻟﺘﻬﺎ
.. ﻣﻐﻴﻮﻣﺔ ﺍﻧﺘﻲ ﻫﺴﺔ ﺑﻴﺎ ﺻﻒ
ﻛﻌﺪﺕ ﻭﺣﻄﺖ ﺭﺟﻞ ﻋﻠﻰ ﺭﺟﻞ ﻭﺍﺧﺬﺗﻠﻬﺎ ﺻﻔﻨﺔ ﺍﺗﻮﻗﻊ ﻣﺴﻤﻌﺘﻲ
ﺳﺆﺍﻟﻲ
ﺟﺎﻭﺑﺘﻨﻲ ﻭﺭﺓ ﻓﺘﺮﺓ .. ﺍﻧﻲ ﺑﺼﻒ ﺍﻟﺴﺎﺩﺱ ﺍﻻﺑﺘﺪﺍﺋﻲ
ﻇﻠﻴﺖ ﻓﺎﺗﺤﺔ ﺣﻠﻜﻲ ﻣﺼﺪﻭﻣﺔ
ﺿﺤﻰ ﺭﺍﺻﺔ ﺣﻠﻜﻬﺎ ﻭﺗﺤﺠﻲ ﻣﻦ ﺑﻴﻦ ﺍﺳﻨﺎﻧﻬﺎ
.. ﻟﺞ ﻫﺪﻯ ﻋﻮﺑﺔ ﺳﺪﻱ ﺣﻠﻜﺞ ﻓﻀﺤﺘﻴﻨﺎ
.. ﻭﻟﻜﻢ ﻫﺪﻭﻧﻲ ﻋﻠﻴﻬﺎ ﺍﻟﺜﻮﻟﺔ ﺷﻠﻮﻥ ﺗﺘﺸﺨﺺ ﻭﺷﺎﻳﻔﺔ ﺣﺎﻟﻬﺎ ﻋﻠﻴﻨﺎ
ﺷﻴﻤﺎﺀ .. ﺑﻨﺎﺕ ﻛﺎﻓﻲ ﻫﺪﻯ ﻟﺨﺎﻃﺮﻱ ﺳﺎﻳﺮﻳﻬﺎ
.. ﺷﺴﺎﻳﻎ ﻣﻨﻬﺎ ﻣﺪﺍﺗﺸﻮﻓﻴﻬﺎ ﺷﻠﻮﻥ ﺣﺎﻣﻀﺔ
.. ﺍﺧﺘﻨﺎ ﻭﻏﺼﺒﻦ ﻣﺎ ﻋﻠﻴﻨﺎ ﻭﻋﻠﻴﻬﺎ ﻧﺒﻘﻰ ﺧﻮﺍﺕ
ﻋﻤﻮ ﺍﻣﺠﺪ ﺣﺠﺔ .. ﺑﺎﺑﺎ ﻣﺮﻳﻮﻣﺔ ﺍﺧﺬﻱ ﺧﻮﺍﺗﺞ ﻭﺭﺍﻭﻳﻬﻢ ﺍﻟﺒﻴﺖ
ﻫﻮ ﺟﺎﻥ ﻳﺤﺠﻲ ﻭﻋﻤﺔ ﺟﻨﺎﻥ ﺟﺎﻧﺖ ﺗﺸﺮﺏ ﺑﺎﻟﺠﺎﻱ ﺷﺮﻛﺖ ﻣﻦ
ﺳﻤﻌﺖ ﻛﻼﻣﻪ ﻭﻋﻴﻮﻧﻬﺎ ﺍﺟﺘﻲ ﺗﻄﻠﻊ ﻣﻦ ﻣﻜﺎﻧﻬﺎ
ﻣﺮﻳﻢ ﺩﺍﺭﺕ ﻋﻠﻰ ﺟﻨﺎﻥ ﺗﺴﺄﻟﻬﺎ
.. ﻣﺎﻣﺎ ﺍﺧﺬﻫﻢ ﺍﺭﺍﻭﻳﻬﻢ ﺍﻟﺒﻴﺖ ؟؟
ﺟﻨﺎﻥ ﺑﺒﺘﺴﺎﻣﺔ ﺻﻔﺮﺓ .. ﻫﻪ ﺣﺒﻴﺒﺘﻲ ﺍﺧﺬﻳﻬﻢ ﻭﺷﻮﻓﻴﻬﻢ ﻏﺮﻓﺘﺞ
ﺟﺎﻧﺖ ﺗﺤﺠﻲ ﻭﺗﺒﺎﻭﻉ ﺑﻌﻴﻮﻥ ﻣﺮﻳﻢ ﻭﻛﺄﻧﻤﺎ ﺍﻛﻮ ﺑﻴﻨﻬﻢ ﻟﻐﺔ ﻣﺸﺘﺮﻛﺔ
ﻳﺴﺘﺨﺪﻣﻮﻧﻬﺎ ﺍﺫﺍ ﻛﺎﻥ ﺑﻴﻨﻬﻢ ﻭﺍﺣﺪ ﻏﺮﻳﺐ
ﻣﺮﻳﻢ .. ﻳﺎﻟﻠﻪ ﺑﻨﺎﺕ ﺍﻣﺸﻮﺍ ﺧﻠﻲ ﺍﺭﺍﻭﻳﻜﻢ ﺍﻟﺒﻴﺖ
ﺍﺧﺬﺗﻨﺎ ﻛﺒﻞ ﺻﻌﺪﺗﻨﺎ ﻓﻮﻙ ﺷﻔﻨﺎ ﺑﻄﺮﻳﻘﻨﺎ ﺍﻟﺼﺎﻟﺔ ﺍﻟﻤﻔﺘﻮﺣﺔ ﻭﺍﻟﺪﺭﺝ
ﺍﻟﺪﺍﺋﺮﻱ ﻭﺻﻠﻨﺎ ﻟﻐﺮﻓﺘﻬﺎ
ﺑﺲ ﻣﺎ ﺷﺎﺀ ﺍﻟﻠﻪ ﺷﻠﻮﻥ ﻏﺮﻓﺔ ﺣﻠﻮﺓ
ﺿﺤﻰ ﺑﺄﻧﺒﻬﺎﺭ .. ﺍﻟﻠﻪ ﺗﺠﻨﻦ ﻋﺒﺎﻟﻚ ﻣﺎﻝ ﺍﻣﻴﺮﺍﺕ
.. ﻫﺬﺍ ﺑﺎﺑﺎ ﺍﺷﺘﺮﺍﻫﺎ ﺍﻟﻲ
ﺷﻴﻤﺎﺀ .. ﺍﻟﻒ ﻋﺎﻓﻴﺔ ﺣﺒﻴﺘﻲ
ﺟﺎﻧﺖ ﻏﺮﻓﺔ ﺑﻴﻀﺔ ﺑﻨﺎﺗﻴﺔ ﻛﻴﻮﺕ
ﺍﺟﻴﺖ ﺍﻛﻌﺪ ﺍﻟﺴﺮﻳﺮ ﺻﺎﺣﺖ ﺑﺼﻮﺕ ﻛﻤﺰﺗﻨﻲ
ﻣﺮﻳﻢ .. ﻻﺍﺍﺍﺍﺍ
ﻛﻤﺰﺕ ﻣﻦ ﻣﻜﺎﻧﻲ .. ﺷﻜﻮ ﻳﺎﺳﺘﺎﺭ
.. ﻟﺘﻜﻌﺪﻳﻦ ﻋﻠﻰ ﺳﺮﻳﺮﻱ
ﻣﺎﻣﺎ ﻣﺘﻘﺒﻞ
.. ﺍﺳﺘﻐﻔﻎ ﺍﻟﻠﻪ ﻫﺎﻱ ﻣﺎﻣﺎ ﺷﻜﻠﻬﺎ ﻣﺴﻮﻳﺔ ﻏﺴﻴﻞ ﻣﺦ ﻟﻠﺒﻨﻴﺔ
ﺿﺤﻰ .. ﺍﺷﺶ ﺳﻤﻌﺘﺞ ﺗﺮﺓ
.. ﻭﺧﻠﻴﻬﺎ ﺗﺴﻤﻊ
ﺑﺎﻭﻋﺖ ﻟﻤﺮﻳﻢ .. ﺍﻧﺘﻲ ﻟﻴﺶ ﻫﺸﻜﻞ ﺗﺘﺼﻐﻔﻴﻦ ( ﺗﺘﺼﺮﻓﻴﻦ ) ﻭﻳﺎﻧﺎ
ﺑﺎﺑﺎﺗﻲ ﺳﻤﻌﻴﻨﻲ ﺯﻳﻦ ﺗﻐﺔ ﺍﺣﻨﺎ ﺧﻮﺍﺗﺞ
ﻓﺎﻫﻤﺔ ﺷﻨﻮ ﺧﻮﺍﺗﺞ ﻳﻌﻨﻲ ﺍﻗﻐﺐ ( ﺍﻗﺮﺏ ) ﺷﻲ ﻋﻠﻴﺞ ﻣﻦ ﻫﺬﻭﻟﻲ
ﻛﻠﻬﻢ
ﻻﺗﺨﻠﻴﻦ ﺩﻻﻝ ﺟﻨﺎﻥ ﻳﻨﺴﻴﺞ ﺧﻮﺍﺗﺞ ﻭﻳﺨﻐﺒﺞ ( ﻳﺨﺮﺑﺞ ) ﻋﻠﻴﻨﺎ
ﻇﻠﺖ ﺗﺒﺎﻭﻉ ﻋﻠﻴﺔ ﺑﻌﻨﺎﺩ
.. ﻣﺎﻣﺎ ﻭﺑﺎﺑﺎ ﺍﺧﻮﺍﻧﻲ ﻫﻤﺔ ﺍﻏﻠﻰ ﻣﺎ ﺍﻣﻠﻚ ﻟﺘﻜﻌﺪﻳﻦ ﺗﺤﺸﻴﻦ ﻋﻘﻠﻲ
ﺑﻜﻼﻣﺞ ﺍﻻﺳﻮﺩ
ﻣﺎ ﺗﻨﻼﻡ ﻣﺎﻣﺎ ﻣﻦ ﺗﻜﻮﻝ ﻟﺘﻄﻮﻳﻠﻦ ﻭﻳﺎﻫﻢ ﺑﺎﻟﻜﻼﻡ ﻭﻻﺗﻜﻌﺪﻳﻦ ﻳﻢ
ﺧﻮﺍﺗﺞ ﻫﻮﺍﻱ ﻻ ﻳﺨﺮﺑﻮﻥ ﺍﺧﻼﻗﺞ ﻭﻳﺄﺛﺮﻭﻥ ﻋﻠﻰ ﺗﻔﻜﻴﺮﺝ
ﺍﻧﺼﺪﻣﻨﺎ ﺑﻜﻼﻡ ﺍﺧﺘﻨﺎ ﺍﻟﺼﻐﻴﺮﺓ ﻭﺻﺮﻧﺎ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﺔ
ﻭﺑﻴﻮﻣﻬﺎ ﺭﺟﻌﻨﺎ ﻣﻦ ﺑﻴﺖ ﻋﻤﻮ ﻭﺟﻮﻫﻨﺎ ﻣﺎ ﺗﺘﻔﺴﺮ
ﺑﺎﻟﻠﻴﻞ ﻧﺎﻳﻤﺔ ﻳﻢ ﺷﻴﻤﺎﺀ
ﺟﺎﻧﺖ ﺗﻠﻌﺐ ﺑﺸﻌﺮﻱ ﻭﺻﺎﻓﻨﺔ ﺑﻐﻴﺮ ﻋﺎﻟﻢ
........
ﺍﻛﻮﻝ ﺷﻮﻣﺔ ﻋﺠﺒﺞ ﺍﻟﻴﻮﻡ ﺗﺼﻐﻒ ﻣﻐﻴﻢ ( ﺗﺼﺮﻑ ﻣﺮﻳﻢ ) ؟؟
.. ﻻ ﻣﺎ ﻋﺠﺒﻨﻲ ﻭﻫﺬﺍ ﺍﻟﺸﻲ ﻳﺤﺰ ﺑﺨﺎﻃﺮﻱ ﺍﺷﻮﻑ ﺍﺧﺘﻲ ﺑﻌﻴﺪﺓ ﻋﻨﺎ
ﻭﺗﺘﻌﺎﻣﻞ ﻭﻳﺎﻧﺎ ﻭﻛﺄﻧﻤﺎ ﻏﺮﻳﺒﺎﺕ ﻋﻠﻴﻬﺎ
ﺑﺲ ﻣﺎ ﺑﺎﻟﻴﺪ ﺣﻴﻠﺔ ﺍﻧﻲ ﻟﻮ ﻋﻠﻴﺔ ﻣﺎ ﺍﺧﻠﻴﻬﺎ ﺗﺮﻭﺡ ﺗﻌﻴﺶ ﺑﻌﻴﺪ ﻋﻨﺎ
ﺣﺘﻰ ﻟﻮﺟﺎﻥ ﻋﻤﻮ ﻣﻮ ﻏﺮﻳﺐ ﺑﺲ ﺗﺒﻘﻰ ﻫﻲ ﺍﺧﺘﻨﺎ ﻣﻦ ﻟﺤﻤﻨﺎ ﻭﺩﻣﻨﺎ
ﻭﺍﺣﻦ ﻋﻠﻴﻬﺎ ﻭﺗﺤﻦ ﻋﻠﻴﺔ
.. ﻟﺘﻀﻮﺟﻴﻦ ﻧﻔﺴﺞ ﻫﻮ ﺣﺘﻰ ﻟﻮ ﺟﺎﻥ ﺍﻟﻤﻮﺿﻮﻉ ﺑﻴﺪﺝ ﻫﻲ ﻏﺎﺡ
ﺗﺒﻘﻰ ﺗﻐﻔﻀﻨﺎ ( ﺗﺮﻓﻀﻨﺎ )
ﺟﺎﻭﺑﺘﻨﺎ ﺿﺤﻰ ﺍﻟﻲ ﺟﺎﻧﺖ ﻣﺘﻤﺪﺩﺓ ﺑﻔﺮﺍﺷﻬﺎ
.. ﺑﻨﺎﺕ ﺧﻠﻮﻧﺎ ﻧﺤﺠﻲ ﺍﻟﺼﺪﻙ ﻟﻮ ﻛﻨﺘﻮﺍ ﺍﻧﺘﻮﺍ ﺑﻤﻜﺎﻧﻬﺎ
ﻭﺍﺑﻮﺝ ﺑﻨﻄﻴﺞ ﻭﺍﻧﺘﻲ ﺻﻐﻴﺮﺓ ﻟﺤﻤﺔ ﺣﻤﺮﺓ ﻟﻐﻴﺮ ﻋﺎﺋﻠﺔ ﻭﺗﻌﻴﺸﻴﻦ
ﻭﺗﻜﺒﺮﻳﻦ ﺑﻴﻨﻬﻢ ﻭﺗﻌﺘﻘﺪﻳﻦ ﻫﻤﺔ ﺍﻫﻠﺞ ﻭﻫﺎﻱ ﺍﻟﻌﺎﺋﻠﺔ ﺗﻌﺎﻣﻠﺞ ﻣﺜﻞ
ﺑﻨﺘﻬﻢ ﻭﻣﻮﻓﺮﻳﻦ ﻛﻠﺸﻲ ﺍﻟﺞ
ﺷﻨﻮ ﻳﻜﻮﻥ ﺟﻮﺍﺑﺞ ﺍﺫﺍ ﺧﻴﺮﻭﺝ ﺗﻜﻨﻴﻦ ﺍﻟﻮﻻﺀ ﻷﺣﺪ ﺍﻟﻄﺮﻓﻴﻦ
ﻣﻨﻮ ﺭﺍﺡ ﺗﺨﺘﺎﺭﻳﻦ ﺑﻴﻬﻢ ﺧﻮﺍﺗﺞ ﺍﻟﻲ ﻫﻤﺔ ﺍﺻﻼ ﻣﺎ ﻻﻛﻴﻦ
ﻣﻜﺎﻥ ﻳﺄﻭﻳﻬﻢ ﻟﻮ ﻋﻤﺞ ﺍﻟﻲ ﺍﺗﺒﻨﺎﺝ ﻭﺍﺟﺘﺜﺖ ﻭﻃﻠﻌﺞ ﻣﻦ ﻋﻴﺸﺔ ﻣﺮﺓ
ﺻﻌﺒﺔ
ﺟﺎﻧﺖ ﺿﺤﻰ ﺗﺤﺠﻲ ﻭﻭﻳﺔ ﻛﻞ ﻛﻠﻤﺔ ﺟﻨﺖ ﺍﺗﺨﻴﻞ ﺣﺎﻟﻲ ﺑﻤﻜﺎﻧﻬﺎ
.. ﻣﺎ ﺍﻋﺮﻑ ﺍﻟﺨﻴﺎﺭ ﺻﻌﺐ ﺍﻧﺘﻮ ﺧﻮﺍﺗﻲ ﻭﻫﺬﻟﻲ ﺍﻻﻫﻞ ﺍﻟﻲ ﺭﺑﻮﻧﻲ
.. ﻻ ﻏﻠﻄﺎﻧﺔ ﺍﻧﺘﻲ ﺩﺗﺤﺠﻴﻦ ﻫﺸﻜﻞ ﻭﺗﻮﺍﺟﻬﻴﻦ ﺻﻌﻮﺑﺔ ﺑﺎﻻﺧﺘﻴﻴﺎﺭ
ﻻﻥ ﻋﺸﺘﻲ ﻭﻳﺎﻧﺔ ﻭﺍﺗﺮﺑﻴﺘﻲ ﺑﻴﻨﺎ
ﺑﺲ ﺑﺤﺎﻟﺔ ﻣﺮﻳﻢ ﺍﺫﺍ ﺧﻴﺮﻧﺎﻫﺎ ﺭﺍﺡ ﺗﺨﺘﺎﺭ ﻋﻤﻮ ﺍﻣﺠﺪ ﻭﺧﺎﻟﺔ ﺟﻨﺎﻥ
ﺑﺪﻭﻥ ﺍﻱ ﺷﻚ ﻻﻥ ﻫﻲ ﺍﺻﻼ ﻣﺎ ﺗﺮﺑﺖ ﺑﻴﻨﺎ
ﻭﻻﺗﻌﺮﻓﻨﺎ ﻭﻣﺒﻴﻨﺎ ﻏﻴﺮ ﺑﺲ ﺍﻟﺴﻼﻡ ﻭﺍﻟﻤﺠﺎﻣﻠﺔ
ﺷﻴﻤﺎﺀ .. ﻛﻼﻣﺞ ﺻﺤﻴﺢ ﺑﺲ ﻋﻤﺮ ﺍﻟﻈﻔﺮ ﻣﺎ ﻳﻄﻠﻊ ﻣﻦ ﻟﺤﻤﻪ ﺗﺒﻘﻰ
ﺍﺧﺘﻨﺎ ﻻﺑﺪ ﻭﺍﻥ ﻳﺠﻲ ﻳﻮﻡ ﻭﻳﺤﻦ ﻛﻠﺒﻬﺎ ﻋﻠﻴﻨﺎ
.. ﺍﻟﻠﻪ ﻛﺮﻳﻢ
ﻣﺮﺕ ﻋﻠﻴﻨﺎ ﺍﻳﺎﻡ ﺍﻟﻌﻄﻠﺔ ﺛﻘﻴﻠﺔ ﻭﺑﻄﻴﺌﺔ ﻻﻥ ﻣﻠﻞ ﻻﻃﻠﻌﺔ ﻻﻣﺸﻴﺔ
ﺑﺲ ﺑﻴﺒﻲ ﺗﻄﻠﻊ ﺗﺮﻭﺡ ﺯﻳﺎﺭﺓ ﻟﻮ ﺗﺴﻴﺮ ﻋﻠﻰ ﺻﺎﺣﺒﺎﺗﻬﺎ ﺑﺎﻟﻤﻨﻄﻘﺔ
ﺍﻟﺘﻐﻴﻴﺮ ﺍﻟﻮﺣﻴﺪ ﺍﻟﺼﺎﺭ ﻫﻮ
ﺷﻴﻤﺎﺀ ﺑﺪﺕ ﺗﺘﻐﻴﺮ ﺻﺎﺭﺕ ﺗﻬﺘﻢ ﺑﻤﻼﺑﺴﻬﺎ ﻭﻭﺟﻬﺎ ﺑﺪﺓ ﻳﻮﺭﺩ ﺍﺣﺲ
ﺍﻛﻮ ﺷﻲ ﻭﺭﺓ
ﻫﺬﺍ ﺗﻐﻴﻴﺮﻫﺎ
.....
ﻭﺍﻟﻴﻮﻡ ﺍﺗﻔﺎﺟﺌﺖ ﺑﺸﻴﻤﺎﺀ ﻣﺸﺘﺮﻳﺔ . ﻣﺠﻤﻮﻋﺔ ﺷﺎﻻﺕ ﻭﻭﺍﻛﻔﺔ ﻛﺪﺍﻡ
ﺍﻟﻤﺮﺍﻳﺎ ﺩﺗﺘﻌﻠﻢ ﺷﻠﻮﻥ ﺗﻠﺒﺲ ﺍﻟﺤﺠﺎﺏ
ﻇﻠﻴﺖ ﻃﻮﻝ ﺍﻟﻴﻮﻡ ﺍﻓﺘﺮ ﻭﺭﺍﻫﺎ ﻭﺍﺳﺄﻟﻬﺎ ﺷﻌﺠﺐ ﻗﺮﺭﺕ ﺗﻠﺒﺲ
ﺣﺠﺎﺏ ﻣﻌﻘﻮﻟﺔ ﺑﻴﺒﻲ ﻭﺭﺓ ﺍﺗﺨﺎﺫ ﺍﻟﻘﺮﺍﺭ
ﻻ ﺍﻛﻮ ﻭﺍﺣﺪ ﺛﺎﻧﻲ ﻭﺭﺓ ﻗﺮﺍﺭ ﻟﺒﺲ ﺍﻟﺤﺠﺎﺏ
ﺷﻴﻤﺎﺀ .. ﺩﺧﻴﻞ ﺍﻟﻠﻪ ﺷﻜﺪ ﻓﻀﻮﻟﻴﺔ ﻭ ﻟﺰﻛﺔ
.. ﻣﺎ ﺩﺍﻡ ﺗﻌﻐﻔﻴﻨﻲ ( ﺗﻌﺮﻓﻴﻨﻲ ) ﻟﺰﻛﺔ ﺍﺫﻥ ﻣﻌﺎﻧﺎﻫﺎ ﺗﻌﻐﻔﻴﻨﻲ ﻣﺎ ﺭﺍﺡ
ﺍﻋﻮﻓﺞ ﺍﻻ ﺗﻜﻠﻴﻠﻲ ﻣﻨﻮ ﻭﻏﺔ ( ﻗﻐﺎﻍ ) ﻗﺮﺍﺭ ﻟﺒﺲ ﺍﻟﺤﺠﺎﺏ
ﺩﻧﻜﺖ ﻭﻫﻲ ﺗﻀﺤﻚ
ﺍﻣﺮﻱ ﻟﻠﻪ ﺧﻠﻲ ﺍﺣﺠﻴﻠﺞ
ﺗﺘﺬﻛﺮﻳﻦ ﻣﻦ ﺣﺠﻴﺘﻠﺞ ﺫﺍﻙ ﺍﻟﻴﻮﻡ ﻋﻦ ﺍﻟﻀﺎﺑﻂ
.. ﺍﻱ ﺍﺗﺬﻛﻎ ﺣﺘﻰ ﺑﻮﻛﺘﻬﺎ ﺑﻴﺒﻲ ﻗﺎﻃﻌﺘﻨﺎ ﺣﺘﻰ ﻣﺎ ﻟﺤﻜﺖ ﺍﻋﺮﻑ
ﺍﺳﻤﻪ
.. ﺍﺳﻤﻪ ﻟﻴﺚ ﺍﻟﻌﻤﺮ ٣٦ﺳﻨﺔ ﺿﺎﺑﻂ ﻳﺪﺍﻭﻡ ﺑﻮﺯﺍﺭﺓ ﺍﻟﺪﻓﺎﻉ ﺑﺒﻐﺪﺍﺩ
ﻭﺍﻫﻠﻪ ﻣﻦ ﺍﻟﺒﺼﺮﺓ
ﺑﺲ ﻫﻮ ﻋﺎﻳﺶ ﺑﺒﻐﺪﺍﺩ
.. ﺍﻟﻠﻪ ﺷﻨﻮ ﻫﺎﻱ ﺍﻟﻤﻌﻠﻮﻣﺎﺕ ﺍﻟﺨﻄﻴﻐﺔ ( ﺍﻟﺨﻄﻴﺮﺓ ) ﻣﻨﻴﻦ ﺟﺒﺘﻴﻬﻢ
.. ﺻﺒﺮﻱ ﻋﻠﻴﺔ ﺟﺎﻳﺘﺞ ﺑﺎﻟﻜﻼﻡ
...............
ﺍﻧﻲ ﺑﺬﺍﻙ ﺍﻟﻴﻮﻡ
ﻇﻠﻴﺖ ﻣﺼﺪﻭﻣﺔ ﻣﻦ ﻛﻼﻣﻪ ﻭﺗﻠﻤﻴﺤﻪ ﺣﺴﺴﻨﻲ ﺍﻧﻲ ﺳﻬﻠﺔ
ﻭﻣﺘﻮﻓﺮﺓ ﻟﻜﻞ ﺭﺟﻞ ﻳﻄﻠﺐ ﻣﻨﻲ ﺍﻗﺘﺮﺏ ﻣﻨﻪ
ﺷﻴﻤﺎﺀ .. ﻣﻮ ﺫﻧﺒﻲ ﺍﻧﺖ ﺗﻔﻜﻴﺮﻙ ﺗﻌﺒﺎﻥ ﺍﻧﻲ ﺑﺤﻜﻢ ﻋﻤﻠﻲ
ﻳﻘﺘﻀﻲ ﺍﻥ ﺍﻋﺎﻟﺞ ﺍﻟﻤﺮﺿﻰ ﺣﺎﻟﻲ ﺣﺎﻝ ﺍﻟﺪﻛﺘﻮﺭﺓ
ﻓﻲ ﻏﺾ ﺍﻟﻨﻈﺮ ﻋﻦ ﻣﺴﺘﻮﻯ ﺍﻟﺸﻬﺎﺩﺍﺕ ﻟﻜﻦ ﺍﻟﻄﺮﻳﻖ
ﻭﺍﺣﺪ ﺍﺛﻨﻴﻨﺎ ﻧﺘﻌﺎﻣﻞ ﻭﻳﺔ ﺍﻟﻤﺮﺿﻰ
.. ﺍﻧﺘﻲ ﻟﻴﺶ ﻋﺼﺒﻴﺔ ﺍﻧﻲ ﺳﺄﻟﺘﺞ ﺳﺆﺍﻝ
ﻭﺭﺩﺕ ﺍﻟﺠﻮﺍﺏ ﻭﻣﻦ ﺧﻼﻝ ﺭﺩﺝ ﻋﺮﻓﺖ ﺍﻟﺠﻮﺍﺏ
ﻓﺘﺤﺖ ﺣﻠﻜﻲ ﺍﺭﻳﺪ ﺍﺣﺠﻲ
ﻫﻮ ﻗﺎﻃﻌﻨﻲ
.. ﺧﻠﺼﺘﻲ ﺷﻐﻠﺞ ﻫﻨﺎ
ﺑﺎﻭﻋﺖ ﻟﺼﻴﻨﻴﺔ ﺍﻻﺩﻭﺍﺕ .. ﺍﻱ ﺧﻠﺼﺖ ﺍﻧﻄﻴﺘﻚ ﻋﻼﺟﻚ ﺑﺎﻟﺴﻴﺮﻭﻡ
.. ﺧﻼﺹ ﺗﻜﺪﺭﻳﻦ ﺗﻄﻠﻌﻴﻦ ﺑﺮﺓ ﻭﺗﺴﺪﻳﻦ ﺍﻟﺒﺎﺏ ﻭﺭﺍﺝ
ﺍﺣﺲ ﺻﺮﺕ ﻧﺎﺭ ﻛﺒﺮﺓ ﻣﻦ ﻭﺭﺓ ﺍﺳﻠﻮﺑﻪ ﺍﻟﻤﺴﺘﻔﺰ
ﻭﻫﺬﺍ ﺍﻟﺸﻲ ﺟﺪﻳﺪ ﻋﻠﻴﺔ ﺍﻧﻲ ﻃﺒﻌﻲ ﻫﺎﺩﺋﺔ ﻭﻣﻮ ﺍﻱ ﻭﺍﺣﺪ ﻳﻜﺪﺭ
ﻳﺴﺘﻔﺰﻧﻲ ﺑﺲ ﻫﺬﺍ
ﻣﺼﺎﺭﻟﻲ ﻋﺸﺮ ﺩﻗﺎﻳﻖ ﻳﻤﻪ ﻃﻠﻊ ﺍﺳﻮﺀ ﻣﺎ ﻋﻨﺪﻱ ﻣﻦ ﺗﺼﺮﻓﺎﺕ
ﻭﺧﺮﺑﻂ ﻣﺸﺎﻋﺮﻱ ﺻﺮﺕ ﺍﺗﻜﻠﺐ ﻣﺎ ﺑﻴﻦ
ﺣﺬﺭ ﺧﻮﻑ ﺑﺮﻭﺩ ﺍﺭﺗﺒﺎﻙ ﻭﺗﺮﻗﺐ
ﻃﻠﻌﺖ ﻣﻦ ﻏﺮﻓﺘﻪ ﻭﺍﻧﻲ ﺍﺩﺭﺩﻡ ﻋﻠﻴﻪ
ﺟﺮﻳﺖ ﻧﻔﺲ ﻋﻤﻴﻖ ﻭﺍﻧﺘﺒﻬﺖ ﻋﻠﻰ ﺭﻭﺣﻲ ﺟﻨﺖ ﺣﺎﺑﺴﺔ ﺍﻻﻧﻔﺎﺱ
ﻭﺍﻧﻲ ﻳﻤﻪ ﻋﻤﺔ ﺍﻟﻌﻤﺎﻧﻲ ﻋﺒﺎﻟﻚ ﺟﻨﺖ
ﺩﺍﺧﻠﺔ ﺍﺧﺘﺒﺎﺭ
......
ﻣﺸﻴﺖ ﻟﻐﺮﻓﺔ ﺍﻟﻤﻤﺮﺿﺎﺕ ﻭﻧﺰﻋﺖ ﺍﻟﻜﻔﻮﻑ ﺍﻟﺒﻼﺳﺘﻚ ﻭﺫﺑﻴﺖ
ﺍﻻﺩﻭﺍﺕ ﺍﻟﻤﺴﺘﻌﻤﻠﺔ ﺑﺴﻠﺔ ﺍﻟﺰﺑﻞ
ﻭﺭﺣﺖ ﻟﻠﻮﻛﺮ ﺍﻟﺨﺎﺹ ﺑﻴﺔ ﻓﺘﺤﺘﻪ
ﻭﻃﻠﻌﺖ ﺣﺎﻓﻀﺔ ﺍﻻﻛﻞ ﻣﺎﻟﺘﻲ ﺍﻟﻲ ﺟﺎﻳﺒﺘﻬﺎ ﻭﻳﺎﻱ ﻣﻦ ﺍﻟﺒﻴﺖ ﺍﻧﻲ
ﺍﻛﺮﻩ ﺁﻛﻞ ﻣﻦ ﺍﻛﻞ ﺍﻟﻤﺴﺘﺸﻔﻰ ﻣﺘﻌﻮﺩﺓ ﺍﺟﻴﺐ ﺍﻛﻠﻲ ﻭﻳﺎﻱ
ﺍﺟﺘﻲ ﺭﺑﺎﺏ .. ﻫﺎﻱ ﺷﺒﻴﺞ
.. ﺷﻜﻮ ﻣﺎ ﺑﻴﺔ ﺷﻲ
.. ﻣﺮﻳﺘﻲ ﻣﻦ ﻳﻤﻨﺎ ﺍﻧﻲ ﻭﺍﻟﺪﻛﺘﻮﺭ ﺻﻼﺡ ﺟﻨﺞ ﻋﺎﺻﻔﺔ ﺣﺘﻰ ﻣﺎ
ﺳﻠﻤﺘﻲ
.. ﺗﺼﺪﻛﻴﻦ ﻣﺎ ﺍﻧﺘﺒﻬﺖ ﻋﻠﻴﻜﻢ
.. ﻫﻮ ﻟﻌﺪ ﺍﻧﻲ ﻟﻴﺶ ﺍﺳﺄﻟﺞ ﺷﺒﻴﺞ
.. ﺳﻜﺘﻲ ﻫﺬﺍ ﺍﻟﻀﺎﺑﻂ ﺍﻟﻐﻀﺒﺎﻥ ﺍﻟﻴﻮﻡ ﺭﻓﻊ ﺿﻐﻄﻲ ﺍﻟﻠﻪ ﻳﻠﻌﻦ
ﺑﻠﻴﺴﻪ ﺣﻄﻢ ﺍﻋﺼﺎﺑﻲ
.. ﻗﺼﺪﺝ ﻟﻴﺚ
.. ﺻﻠﻮﺍﺕ ﻃﻠﻊ ﺍﺳﻤﻪ ﻟﻴﺚ ؟؟ ﻣﺎ ﺍﺳﺘﻐﺮﺏ ﺍﺳﻤﻪ ﻟﻴﺚ
ﺷﻜﻠﻪ ﻣﺎﻝ ﻏﺎﺑﺔ
.. ﺍﻱ ﺣﺒﻴﺒﺘﻲ ﻫﻮ ﻳﺎﻫﻮ ﻣﺎ ﻳﻌﺮﻑ ﺍﺳﻤﻪ ﻟﺞ ﺳﻜﺘﻲ ﻟﻮ ﺗﺸﻮﻓﻴﻦ
ﺍﻟﺪﻛﺘﻮﺭﺍﺕ ﻭﺍﻟﻤﻤﺮﺿﺎﺕ ﺷﻠﻮﻥ ﻛﻌﺪﻥ ﻳﺰﺣﻔﻦ ﻋﻠﻴﻪ ﺑﻴﻨﻲ ﻭﺑﻴﻨﺞ
ﺍﻟﺤﺠﻲ ﺑﺎﻟﺤﻘﻴﻘﺔ ﻫﻮ ﻳﺴﺘﺎﻫﻞ ﺍﻟﺰﺣﻒ
.. ﻋﻤﺔ ﺣﺘﻰ ﻋﻤﺔ ﻋﻠﻰ ﺷﻨﻮ ﻳﺰﺣﻔﻮﻥ ﻳﺎﺣﻈﻲ ﺍﺷﻮ ﺍﺟﻠﺢ ﺍﻣﻠﺢ
.. ﻳﺎﺍﺍﺍ ﺍﺷﻮﻓﺞ ﺗﻜﻮﻟﻴﻦ ﺿﻐﻄﺞ ﻣﺮﺗﻔﻊ ﻣﻨﻪ ﺍﻟﻈﺎﻫﺮ ﺍﻻﺧﺖ ﺍﺧﺎﻑ
ﺿﻜﺘﻲ ﻣﻠﻮﺣﺘﻪ ﺑﺒﻮﺳﺔ
ﺷﻬﻜﺖ ﻭﺿﺮﺑﺖ ﻋﻠﻰ ﺻﺪﺭﻱ
.. ﻋﻤﺔ ﺑﻌﻴﻨﺞ ﺭﺑﺎﺏ ﺍﻧﻲ ﻛﻢ ﻣﺮﺓ ﻣﻨﺒﻬﺔ ﻋﻠﻴﺞ ﻣﺎ ﺗﺴﺘﺨﺪﻣﻴﻦ ﻭﻳﺎﻱ
ﻫﻴﺞ ﺍﻟﻔﺎﻅ
ﻋﺪﻧﺎ ﺑﻌﺾ ﺍﻟﻤﻤﺮﺿﺎﺕ ﺑﺤﻜﻢ ﺍﻟﻤﻴﺎﻧﺔ ﺩﺍﺋﻤﺎ ﻳﻜﻮﻥ ﺍﻟﺴﺎﻧﻬﻢ ﺯﻓﺮ
ﻭﺟﺮﻳﺌﺎﺕ ﺑﺎﻟﻜﻼﻡ ﻭﺧﺼﻮﺻﺎً ﺍﺫﺍ ﻛﻨﺎ ﻟﻮﺣﺪﻧﺎ ﺑﻔﺘﺮﺓ ﺍﻻﺳﺘﺮﺍﺣﺔ
ﻳﺨﻠﺼﻨﻬﺎ ﻛﻠﻪ ﻏﻠﻂ ﺑﺎﻟﻘﻠﻢ ﺍﻟﻌﺮﻳﺾ ﻟﻮ ﻳﺴﻮﻟﻔﻮﻥ ﺑﺴﻮﺍﻟﻒ ﻭﻧﻜﺎﺕ
ﺟﺮﻳﺌﺔ ﺍﺗﻌﻮﺩﺕ ﻋﻠﻴﻬﻢ ﺑﺲ
ﺭﺑﺎﺏ ﺻﺪﻳﻘﺘﻲ ﺍﻋﺮﻓﻬﺎ ﺟﺎﻧﺖ ﻭﻳﺎﻱ ﻣﻦ ﺍﻳﺎﻡ ﺍﻋﺪﺍﺩﻳﺔ ﺍﻟﺘﻤﺮﻳﺾ ﻛﻠﻪ
ﺳﻮﻳﺔ ﻭﺍﻋﺮﻑ ﺗﺮﺑﻴﺘﻬﺎ ﻭﺍﻫﻠﻬﺎ ﻧﺎﺱ ﻣﺤﺘﺮﻣﻴﻦ ﺑﺲ ﻫﻲ ﻣﻦ ﺧﻼﻝ
ﺍﻟﻌﺸﺮﺓ ﻭﻳﺔ ﺍﻟﻤﻤﺮﺿﺎﺕ ﺻﺎﺭﺕ ﺗﺤﺠﻲ ﻣﺜﻠﻬﻦ ﺑﺲ ﻣﺎ ﻣﺸﺖ
ﺑﻄﺮﻳﻘﻬﻢ
ﻳﻌﻨﻲ ﺑﺲ ﻛﻼﻡ ﻭﺷﻘﺔ ﻏﻴﺮﻫﺎ ﻣﺎﻛﻮ
ﺑﺲ ﺍﻟﻤﺸﻜﻠﺔ
ﻛﺎﻥ ﺍﻛﻮ ﻛﻢ ﻣﻤﺮﺿﺔ ﻋﻨﺪﻧﺎ ﺑﺎﻟﻤﺴﺘﺸﻔﻰ ﺳﻤﻌﺘﻬﻦ
ﺯﻓﺖ ﻳﺸﺘﻐﻠﻦ ﺑﻘﺴﻢ ﺍﻟﻮﻻﺩﺓ ﻛﻞ ﻳﻮﻡ ﺟﺎﻳﺒﺎﺗﻠﻨﺎ ﻣﺸﻜﻠﺔ ﺷﻜﻞ
ﺗﺼﻴﺮ ﺑﻘﺴﻤﻬﻢ
ﺑﺲ ﻣﻊ ﺍﻻﺳﻒ ﻫﺬﻧﻲ ﺍﻟﻤﻤﺮﺿﺎﺕ ﻭﺳﻤﻌﺘﻬﻢ ﺍﻟﻤﻮﺯﻳﻨﺔ
ﻣﺄﺛﺮﺍﺕ ﻋﻠﻰ ﺳﻤﻌﺔ ﺑﻘﻴﺔ ﺍﻟﻤﻤﺮﺿﺎﺕ ﻭﺍﻧﻲ ﻣﻦ ﺿﻤﻨﻬﻢ
ﺍﺗﺨﻴﻠﻲ ﻭﺻﻠﺖ ﺑﻴﺔ ﻣﺮﺣﻠﺔ ﺍﺳﺘﺤﻲ ﺍﻛﻮﻝ ﺍﻧﻲ ﻣﻤﺮﺿﺔ ﻭﺍﺷﺘﻐﻞ
ﺑﺎﻟﻤﺴﺘﺸﻔﻰ
ﻛﺒﻞ ﺍﻟﻤﻘﺎﺑﻞ ﻳﺎﺧﺬ ﻋﻨﻲ ﻓﻜﺮﺓ ﺍﻥ ﺍﻧﻲ ﻣﻮ ﺯﻳﻨﺔ
ﻣﺜﻞ ﺣﻀﺮﺓ ﺍﻻﺳﺘﺎﺫ ﻟﻴﺚ ﺍﻟﻨﺎﺱ ﻋﻠﻴﻬﻢ ﺑﺎﻟﻈﺎﻫﺮ
......
ﺭﺑﺎﺏ .. ﻳﺎﻟﻠﻪ ﺳﺖ ﺷﻴﻤﺎﺀ ﺍﺳﻔﻴﻦ ﺑﻌﺪ ﻣﺎ ﻧﻐﻠﻂ
ﺑﺎﻟﻠﻪ ﺍﺣﺠﻴﻠﻲ ﺍﺳﺘﺎﺫ ﻟﻴﺚ ﻟﻴﺶ ﺭﺍﻓﻊ ﺿﻐﻄﺞ
ﺣﺠﻴﺘﻠﻬﺎ ﻋﻦ ﺍﻟﺼﺎﺭ ﻭﻋﻦ ﻛﻼﻣﻪ
ﺭﺑﺎﺏ .. ﺷﻜﻞ ﺍﻻﺳﺘﺎﺫ ﻧﺎﻭﻱ ﻋﻠﻴﺞ
.. ﺷﻨﻮ ﻣﺎ ﺍﻓﺘﻬﻤﺖ
.. ﻟﺞ ﺩﻳﻠﻤﺤﻠﺞ ﻳﺠﺲ ﻧﺒﻀﺞ ﻳﺮﻳﺪ ﻳﻌﺮﻑ ﺍﻧﺘﻲ ﻣﻦ ﻳﺎ ﻧﻮﻉ
ﺍﻟﺴﻬﻞ ﻟﻮ ﺍﻟﺼﻌﺐ
.. ﻻ ﻭﺍﻟﻠﻪ ﺣﻠﻔﻲ
.. ﺻﺪﻛﻴﻨﻲ ﺗﺼﺮﻓﻪ ﻭﻛﻼﻣﻪ ﻭﻳﺎﺝ ﻳﺜﺒﺖ ﺻﺤﺔ ﻛﻼﻣﻲ
ﻻﻥ ﻫﻮ ﺍﺑﺪ ﻣﺎ ﻳﺤﺠﻲ ﻭﻳﺔ ﺍﻟﻤﻤﺮﺿﺎﺕ ﻭﻗﻠﻴﻞ ﺍﻟﻜﻼﻡ
ﻭﻳﺔ ﺍﻟﺪﻛﺘﻮﺭﺍﺕ ﻋﻨﺪ ﺍﻟﺤﺎﺟﺔ ﻳﺤﺠﻲ ﻭﻳﺎﻫﻢ
ﻟﺞ ﺍﻟﻌﻮﺑﺔ ﺳﻨﺪﺱ ﺳﺤﻠﺖ ﺭﻭﺣﻬﺎ ﺳﺤﻞ ﻋﻠﻤﻮﺩ ﻳﻨﻄﻴﻬﺎ ﻭﺟﻪ ﻭﻻ
ﻋﺒﺮﻫﺎ
ﺑﺎﻻﺧﻴﺮ ﺍﻳﺴﺖ ﻭﻛﺎﻣﺖ ﺗﺴﻤﻴﻪ ﺍﻟﺤﺠﺮ
ﺗﻜﻮﻝ ﺧﺎﻟﻲ ﻣﻦ ﺍﻟﻤﺸﺎﻋﺮ
.. ﻭﺍﻟﻠﻪ ﺻﺪﻙ ﺍﺳﻢ ﻋﻠﻰ ﻣﺴﻤﻰ ﺍﻟﺤﺠﺮ
ﻳﻠﻮﻛﻠﻪ ﻻﻥ ﻛﻠﺶ ﺛﻘﻴﻞ ﻭﺑﺎﺭﺩ
.. ﺑﺲ ﺣﻀﺮﺗﺞ ﺍﻟﻴﻮﻡ ﻧﻄﻘﺘﻲ ﺍﻟﺤﺠﺮ
ﻭﻛﺎﻡ ﻳﺤﺠﻲ ﻭﻳﺎﺝ ﻭﻫﺬﺍ ﺑﺤﺪ ﺫﺍﺗﻪ ﻣﺆﺷﺮ ﻳﺪﻝ ﻋﻠﻰ ﺍﻻﻋﺠﺎﺏ
ﻳﺎﺣﻠﻮﺓ
.. ﻻ ﻳﺎﺑﺔ ﻛﻮﻟﻲ ﻏﻴﺮﻫﺎ ﺷﻤﻌﻨﺎ ﺍﻧﻲ ﺍﺷﻮ ﺣﺘﻰ ﺷﻜﻠﻲ
ﻣﺎ ﻳﺴﺎﻋﺪ ﻋﻠﻰ ﺍﻻﺷﺘﻌﺎﻝ
ﺭﺑﺎﺏ .. ﺷﻴﻤﺎﺀ ﺻﺤﻴﺢ ﺍﻧﺘﻲ ﻣﺎ ﻣﻬﺘﻤﺔ ﺑﺮﻭﺣﺞ
ﺑﺲ ﻛﻠﻤﺔ ﺣﻖ ﺗﻨﺤﺠﻲ ﺍﻧﺘﻲ ﻋﻨﺪﺝ ﻫﺎﻟﺔ ﻣﺎﻝ ﺑﺮﺍﺀﺓ
ﺗﺤﻴﻂ ﺑﻴﺞ ﺗﺨﻠﻲ ﺍﻟﻮﺍﺣﺪ ﻏﺼﺐ ﻋﻨﻪ ﻳﻠﻴﻦ ﻛﻠﺒﻪ
ﻟﻮ ﺟﺎﻥ ﻣﻦ ﺣﺠﺮ ﻣﺜﻞ ﺻﺎﺣﺒﻨﺎ ﻃﺒﻌﺎً
.. ﻫﻬﻬﻬﻬﻬﻬﻬﻪ ﻟﺞ ﺣﺒﻴﺖ ﻧﻔﺴﻲ ﻣﻦ ﻭﺭﺓ ﻛﻼﻣﺞ ﺭﺑﺎﺏ ﺍﻟﻠﻪ
ﻳﺠﺒﺮ ﺑﺨﺎﻃﺮﺝ
ﺭﺑﺎﺏ .. ﻟﺞ ﺛﻮﻟﺔ ﺍﻧﻲ ﻣﺎﺟﺒﺖ ﺷﻲ ﻣﻦ ﺟﻴﺒﻲ
ﻫﺬﺍ ﻭﺍﻗﻊ ﺑﺲ ﻟﻮ ﺷﻮﻳﺔ ﺗﻐﻴﻴﺮﻳﻦ ﺗﺴﺮﻳﺤﺔ ﺷﻌﺮﺝ ﺍﻟﻜﺒﺎﻳﺔ
ﻳﻌﻨﻲ ﺍﻧﻲ ﻟﻮ ﻣﻨﺞ ﻭﻣﺎ ﻻﺑﺴﺔ ﺣﺠﺎﺏ ﻭﻋﻨﺪﻱ ﻣﺜﻞ ﺷﻌﺮﺝ
ﺗﻠﻜﻴﻨﻲ ﻛﻞ ﻳﻮﻡ ﻣﺴﻮﻳﺔ ﺑﻲ ﻓﻴﻜﺔ
.. ﺍﺩﺭﻱ ﻗﺎﺑﻞ ﺍﻧﻲ ﻋﺎﺭﺿﺔ ﺍﺯﻳﺎﺀ ﻟﻮ ﻣﻤﺮﺿﺔ ﻃﺒﻌﺎ ﺍﺳﻮﻱ ﻛﺒﺎﻳﺔ
ﻋﻤﻠﻴﺔ ﺍﻛﺜﺮ ﻭﻣﺘﺎﺧﺬ ﻣﻦ ﻭﻗﺘﻲ ﻭﻻ ﺗﺰﻋﺠﻨﻲ
ﺑﺄﺛﻨﺎﺀ ﺍﻟﻌﻤﻞ
.. ﻇﻠﻲ ﺟﻨﺞ ﺍﻣﻲ
ﻻ ﻭﺍﻟﻠﻪ ﺣﺘﻰ ﺍﻣﻲ ﺍﺣﺴﻦ ﻣﻨﺞ ﻫﻢ ﻋﻨﺪﻫﺎ ﻓﻴﻜﺎﺕ ﺗﺴﻮﻳﻬﻢ ﺑﺘﺎﻟﻲ
ﺍﻟﻠﻴﻞ ﻟﺒﺎﺑﺎ
.. ﻋﺰﺓ ﺑﻌﻴﻨﺞ ﻟﺞ ﻋﻮﺑﺔ ﻋﻴﺐ ﻫﺎﻟﺤﺠﻲ
.. ﺧﺎﺏ ﻣﺎ ﺗﻄﻴﺮﻳﻦ ﺍﺣﻨﺎ ﻫﺬﺍ ﺍﻟﺤﺠﻲ ﻗﺒﻞ ﻣﻮ ﻫﺴﺔ
ﻳﺎﺑﺔ ﻛﺒﺮﻧﺎ ﻭﺻﺮﻧﺎ ﻣﻔﺘﺤﻴﻦ ﺑﺎﻟﻠﺒﻦ ﻭﻛﻠﺸﻲ ﻧﻌﺮﻑ
ﺑﺲ ﺧﻠﻲ ﺍﺿﺤﻜﺞ ﻋﻠﻰ ﺍﻣﻲ ﻭﺍﺑﻮﻱ
ﻋﺒﺎﻟﻬﻢ ﺍﺣﻨﺎ ﺑﻌﺪﻧﺎ ﺻﻐﺎﺭ ﻭﻣﺎ ﻧﻔﺘﻬﻢ
ﻣﻦ ﻳﻜﻌﺪﻭﻥ ﻳﺤﺠﻮﻥ ﺑﺎﻻﻟﻐﺎﺯ ﻭﻳﻠﻤﺤﻮﻥ ﻟﺒﻌﺾ
ﻛﺪﺍﻣﻨﺎ
ﻣﺜﻼ ﺫﺍﻙ ﺍﻟﻴﻮﻡ ﺍﺑﻮﻱ ﻳﻜﻮﻝ ﻷﻣﻲ ﺑﺼﻮﺕ ﻋﺎﻟﻲ
( ﺍﻟﻴﻮﻡ ﺧﻤﻴﺲ )
ﻋﺒﺎﻟﻪ ﻣﺎ ﻧﻌﺮﻑ ﺷﺒﻲ ﻳﻮﻡ ﺍﻟﺨﻤﻴﺲ ﻫﻬﻬﻬﻬﻬﻬﻬﻪ
ﺑﺲ ﺍﺣﻨﺎ ﺑﻤﺰﺍﺟﻨﺎ ﻧﻌﺒﺮﻫﺎ ﺍﻟﻬﻢ ﻧﺴﻮﻱ ﻧﻔﺴﻨﺎ ﻣﻨﻔﺘﻬﻢ
ﻛﺪﺍﻣﻬﻢ
......
ﺧﺮﺏ ﻳﻮﻣﺞ ﺭﺑﺎﺏ ﺻﺪﻙ ﺿﺤﻜﺘﻴﻨﻲ
ﻳﺎﻟﻠﻪ ﺩﻛﻮﻣﻲ ﺧﻠﺺ ﻭﻗﺖ ﺍﻻﺳﺘﺮﺍﺣﺔ ﻻ ﺗﺠﻲ ﻋﻠﻴﻨﺔ
ﺍﻟﻤﻤﺮﺿﺔ ﺍﻻﻗﺪﻡ ﺗﺸﺤﺘﻨﺎ ﻭﺗﺸﻮﻓﻨﺎ ﻧﺴﻮﻟﻒ
ﻃﻠﻌﺖ ﻭﻛﻤﻠﺖ ﻳﻮﻣﻲ ﻛﺎﻟﻤﻌﺘﺎﺩ
ﻭﺍﻧﻲ ﺍﻓﻜﺮ ﺑﻜﻼﻡ ﺭﺑﺎﺏ ﻣﻌﻘﻮﻟﺔ ﻳﻜﻮﻥ ﺣﺠﻴﻬﺎ ﺻﺤﻴﺢ
ﺑﺨﺼﻮﺹ ﻟﻴﺚ
ﺍﺫﺍ ﻛﺎﻥ ﻛﻼﻣﻬﺎ ﺻﺤﻴﺢ ﺍﺫﻥ ﻻﺯﻡ ﺍﺗﺠﻨﺒﻪ ﻫﻴﺞ ﻧﻤﺎﺫﺝ ﺗﺨﻮﻑ ﺍﻧﻲ ﻣﻮ
ﺑﻜﺪﻩ
ﺍﻟﻤﺸﻜﻠﺔ ﺑﻬﺬﺍ ﺍﻻﺳﺒﻮﻉ ﺍﻧﻲ ﺍﻟﻤﺴﺆﻟﺔ ﻋﻦ ﺗﻘﺪﻳﻢ ﺍﻟﻌﻼﺝ ﺑﻬﺬﺍ
ﺍﻟﻘﺎﻃﻊ ﺍﻟﻲ ﺑﻲ ﻫﻮ ﻭﺻﻌﺒﺔ ﺍﺗﺠﻨﺒﻪ
ﺑﺲ ﻛﺪﺭﺕ ﺍﻟﻜﺔ ﺣﻞ ﻣﺆﻗﺖ ﻫﻮ ﻛﺎﻥ ﻗﺎﻃﻊ ﺑﻲ ﺍﺳﺮﺓ ﺍﻟﻤﺮﺿﻰ
ﻳﻔﺼﻞ ﺑﻴﻨﻬﻢ ﺳﺘﺎﺋﺮ ﺍﻻ ﻫﻮ ﺣﻀﺮﺗﻪ ﻣﺨﻠﻴﻨﻪ
ﺑﺠﻨﺎﺡ ﺧﺎﺹ ﻻﻥ ﺣﻀﺮﺗﻪ ﺿﺎﺑﻂ ﻭﻗﺴﻤﺘﻲ ﺷﻤﺮﺗﻨﻲ ﻳﻤﻪ ﺷﻠﻮﻥ
ﺣﻆ ﻛﻤﺖ ﺍﺧﻠﺺ ﻭﺍﺟﺒﺎﺕ ﻛﻞ ﺍﻟﻤﺮﺿﻰ ﻭﻣﻦ
ﺍﻭﺻﻞ ﻳﻤﻪ ﺑﺘﻘﺪﻳﻢ ﺍﻟﻌﻼﺝ ﺍﻛﻠﻒ ﻭﺣﺪﺓ ﻣﻦ ﺍﻟﺒﻨﺎﺕ ﺗﺮﻭﺡ ﺑﻤﻜﺎﻧﻲ
ﺗﻨﻄﻴﻪ ﻋﻼﺟﻪ ﻭﺗﺒﺪﻟﻪ ﺍﻟﺴﻴﺮﻭﻡ ﻭﺍﺫﺍ ﻛﺎﻥ ﻳﺤﺘﺎﺝ ﺗﺒﺪﻳﻞ ﺿﻤﺎﺩ ﺍﻭ ﺍﻱ
ﺷﻲ ﺛﺎﻧﻲ ﺗﺴﻮﻳﻪ
ﺑﻴﻮﻡ ﻣﻨﺎﻭﺑﺘﻲ ﻋﻠﻰ ﻫﺬﺍ ﺍﻟﻘﺎﻃﻊ ﻣﺜﻠﻤﺎ ﺍﺗﻌﻮﺩﺕ ﻻﺯﻡ ﺍﻓﺘﺮ ﻭﻳﺔ
ﺩﻛﺘﻮﺭ ﺻﻼﺡ ﻭﺍﻧﻄﻴﻪ ﺑﻴﺎﻧﺎﺕ ﻭﻣﻌﻠﻮﻣﺎﺕ ﻋﻦ ﻛﻞ ﻣﺮﻳﺾ
ﺩﺧﻠﺖ ﺍﻧﻲ ﻭﺩﻛﺘﻮﺭ ﺻﻼﺡ ﻋﻠﻰ ﻏﺮﻓﺔ ﻟﻴﺚ
ﺟﺎﻥ ﻛﺎﻋﺪ ﻣﺘﺠﻲ ﻭﺟﺎﻥ ﻭﺟﻬﻪ ﺷﻮﻳﺔ ﻣﺘﺤﺴﻦ
ﻣﻼﺑﺴﻪ ﻣﺮﺗﺒﺎﺕ ﻣﻮ ﻣﺜﻞ ﺫﺍﻙ ﺍﻟﻴﻮﻡ ﺟﺎﻧﺖ ﻣﻬﻮﺳﺔ
ﺑﻌﺪﻣﺎ ﻛﺼﻴﺘﻪ ﻛﺺ ﺭﻓﻌﺖ ﺭﺍﺳﻲ ﻭﺟﺎﻥ ﺗﺠﻲ ﻋﻴﻮﻧﻲ ﺑﻌﻴﻮﻧﻪ ﻋﺰﺓ
ﺷﻜﺪ ﻋﻴﺐ ﺍﻧﺘﺒﻬﺖ ﻋﻠﻴﻪ ﺭﺍﻓﻊ ﺣﺎﺟﺒﻪ
ﺷﻜﻠﻪ ﻓﻬﻢ ﻧﻈﺮﺍﺗﻲ ﻏﻠﻂ
ﻓﺘﺤﺖ ﺍﻟﻔﺎﻳﻞ ﺍﻟﺨﺎﺹ ﺑﻲ ﻭﺩﻓﻨﺖ ﺭﺍﺳﻲ ﺑﻲ
ﻭﺭﺣﺖ ﺍﻗﺘﺮﺑﺖ ﻣﻦ ﻳﻢ ﺍﻟﺴﺮﻳﺮ
ﻭﻃﻠﻌﺖ ﺟﻬﺎﺯ ﻗﻴﺎﺱ ﺍﻟﻀﻐﻂ ﻣﻦ ﺟﻴﺐ ﺍﻟﻤﺎﻧﺘﻮ ﻣﺎﻟﺘﻲ
ﺍﻗﺘﺮﺑﺖ ﻣﻨﺔ ﺟﺎﻥ ﻃﻮﻟﻲ ﻭﺍﻧﻲ ﻭﺍﻛﻔﺔ ﺣﺪ ﺑﺤﺪ ﻭﻳﺔ ﻣﺴﺘﻮﺍﻩ ﻫﺬﺍ
ﻭﻫﻮ ﻫﺸﻜﻞ ﻃﻮﻳﻞ ﺯﻳﻦ ﺍﺫﺍ ﻭﺍﻛﻒ ﻋﻠﻰ ﺭﺟﻠﻴﻪ ﺷﻄﻮﻟﻪ ﻣﺎ ﺷﺎﺀ ﺍﻟﻠﻪ
ﻋﻠﻴﻪ
ﻣﺪ ﺫﺭﺍﻋﻪ ﻭﻛﺎﻥ ﻻﺯﻡ ﺍﻟﺰﻣﻪ
ﺑﺲ ﻣﺎ ﺍﻋﺮﻑ ﺷﺼﺎﺭ ﺑﻴﺔ ﻣﻦ ﻟﻤﺴﺖ ﺫﺭﺍﻋﻪ
ﺍﺣﺲ ﺍﺗﻜﻬﺮﺑﺖ ﻭﺍﻳﺪﻱ ﺻﺎﺭﺕ ﺗﺮﺟﻒ
ﻋﺒﺎﻟﻚ ﺍﻭﻝ ﻣﺮﺓ ﺍﺗﻌﺎﻣﻞ ﻣﻊ ﻣﺮﻳﺾ ﺍﺗﺬﻛﺮﺕ ﺍﻟﺘﻮﺗﺮ ﺑﺎﻳﺎﻡ ﺍﻟﺘﻄﺒﻴﻖ
ﺷﻠﻮﻥ ﻧﻜﻮﻥ ﻣﺮﺗﺒﻜﻴﻦ
ﻟﻔﻴﺖ ﺍﻟﺠﻬﺎﺯ ﻋﻠﻰ ﺍﻟﻌﻀﺪ ﻣﺎ ﺷﺎﺀ ﺍﻟﻠﻪ ﻋﻠﻴﻪ ﺯﻧﺪ
....
ﻣﺒﺮﻭﻡ ﻋﻈﻠﻲ ﺍﻧﺘﺒﻬﺖ ﻋﻠﻴﻪ ﻣﺴﻮﻱ ﻭﺷﻢ ﺻﻐﻴﺮ ﺑﺰﻧﺪﻩ
ﻛﺎﻥ ﻋﺒﺎﺭﺓ ﻋﻦ ﺍﻭﻝ ﺣﺮﻑ ﻣﻦ ﺍﺳﻤﻪ
ﻟﻄﺎﻟﻤﺎ ﺍﻧﻲ ﺍﻗﻴﺲ ﺑﺎﻟﻀﻐﻂ ﻣﺎ ﺭﻓﻌﺖ ﻋﻴﻨﻲ ﻣﻦ ﻋﻠﻰ ﺫﺭﺍﻋﻪ
ﺣﺴﻴﺖ ﻫﺬﺍ ﺍﺍﻣﻦ ﻣﻜﺎﻥ ﺍﺑﺎﻭﻉ ﻋﻠﻴﻪ
ﻻﻥ ﺍﺧﺎﻑ ﺍﺣﻂ ﻋﻴﻨﻲ ﺑﻌﻴﻨﻲ ﺍﻧﺨﺒﺺ ﻭﺍﻇﻞ ﺍﺩﻋﻢ
ﺟﻴﻜﺖ ﺍﻟﻀﻐﻂ ﻭﻓﺘﺤﺖ ﺍﻟﺠﻬﺎﺯ ﻣﻦ ﻋﻠﻰ ﺯﻧﺪﻩ
ﻭﺍﻟﺘﻔﺘﺖ ﻋﺎﻟﺪﻛﺘﻮﺭ ﻭﺍﻧﻄﻴﺘﻪ ﺍﻟﺪﺭﺟﺔ
ﻭﺍﺧﺬﺕ ﺍﻟﻔﺎﻳﻞ ﻭﻛﻌﺪﺕ ﺍﺣﺠﻲ ﺍﻧﻲ ﻭﺍﻟﺪﻛﺘﻮﺭ ﻣﺴﺘﺨﺪﻣﻴﻦ
ﺍﻟﻤﺼﻄﻠﺤﺎﺕ ﺍﻟﻄﺒﻴﺔ ﺍﻟﻤﻮﺟﻮﺩﺓ ﺑﺎﻟﻔﺎﻳﻞ
ﻭﻛﺘﺐ ﺍﻟﺪﻛﺘﻮﺭ ﻋﻠﻰ ﺍﻟﻔﺎﻳﻞ ﻳﺪﻭﻥ ﺍﻟﻤﻌﻠﻮﻣﺎﺕ
.. ﺷﻮﻣﺔ ﻋﻨﺪﺝ ﺍﻟﻀﻤﺎﺩ ﺑﻤﻨﻄﻘﺔ ﺍﻟﺨﺎﺻﺮﺓ ﻻﺯﻡ ﻳﺘﺒﺪﻝ
ﻣﺘﻌﻮﺩﺓ ﻋﻠﻰ ﺍﻟﺪﻛﺎﺗﺮﺓ ﻭﺍﻟﺪﻛﺘﻮﺭﺍﺕ ﻛﻠﻬﻢ ﻳﺼﻴﺤﻮﻧﻲ ﺷﻮﻣﺔ
.. ﺗﻤﺎﻡ ﺩﻛﺘﻮﺭ
ﺟﻨﺖ ﺍﺣﺠﻲ ﻭﻳﺔ ﺍﻟﺪﻛﺘﻮﺭ ﻭﺍﻛﺘﺐ ﺍﻟﻤﻼﺣﻈﺎﺕ ﻗﺎﻃﻌﻨﺎ ﺻﻮﺗﻪ
ﺟﻠﺔ ﺣﻨﺠﺮﺗﻪ ﺑﺼﻮﺕ ﺧﺸﻦ ﻳﻌﻠﻦ ﻋﻦ ﻭﺟﻮﺩﻩ ﻭﻳﺎﻧﺔ
ﺭﻓﻌﺖ ﺭﺍﺳﻲ ﺍﺑﺎﻭﻉ ﻋﻠﻴﻪ
ﺧﺰﺭﻧﻲ ﺑﻌﻴﻮﻧﻪ ﻣﺘﻀﺎﻳﻖ ﻣﻦ ﺍﻟﻮﺿﻊ
ﺭﺟﻌﺖ ﻛﻤﻠﺖ ﻛﻼﻣﻲ ﻭﻳﺔ ﺍﻟﺪﻛﺘﻮﺭ
ﻭﻫﻮ ﻛﻌﺪ ﻳﺤﺠﻲ ﻭﻳﺔ ﺍﻟﺪﻛﺘﻮﺭ ﺑﻴﻦ ﻣﺎ ﺟﻨﺖ ﺍﺭﺗﺐ ﺑﺎﻟﻔﺎﻳﻞ
ﻭﺑﻌﺪﻫﺎ ﺍﻟﺪﻛﺘﻮﺭ ﺍﺳﺘﺄﺫﻥ ﻣﻨﻪ
ﻭﻃﻠﻌﻨﺎ
ﺑﻌﺪﻫﺎ ﺍﻓﺘﺮﻳﺖ ﻋﻠﻰ ﻛﻞ ﺍﻟﻤﺮﺿﻰ ﻭﺻﺮﺕ ﺍﺳﻮﻱ ﺍﻟﻲ ﻛﻠﻲ ﻋﻠﻴﻪ
ﺍﻟﺪﻛﺘﻮﺭ ﺑﺲ ﻣﻦ ﻭﺻﻞ ﺍﻟﺪﻭﺭ ﻻﺳﺘﺎﺫ ﻟﻴﺚ
ﺭﺣﺖ ﺻﺤﺖ ﻟﺴﻨﺪﺱ ﻭﻛﻠﻔﺘﻬﺎ ﺑﺎﻟﻤﻬﻤﺔ
ﻫﻲ ﻓﺮﺣﺖ ﻣﻤﺼﺪﻛﺔ ﻭﺭﺍﺣﺖ ﺗﺒﺪﻟﻪ ﺍﻟﻀﻤﺎﺩ
ﻭﺍﻧﻲ ﺭﺣﺖ ﺍﺧﺬﺕ ﻣﻜﺎﻥ ﺳﻨﺪﺱ
ﺩﻗﺎﻳﻖ ﻭﺍﺟﺘﻲ ﺳﻨﺪﺱ ﻭﺟﻬﺎ ﺍﺣﻤﺮ ﺗﺮﻳﺪ ﺗﻨﻔﺠﺮ ﻣﻦ ﺍﻟﻐﻀﺐ
ﺷﻴﻤﺎﺀ .. ﻫﺎ ﺷﻮ ﺭﺟﻌﺘﻲ ﺷﺒﺴﺮﻋﺔ ﺧﻠﺼﺘﻲ ﺗﺒﺪﻳﻞ ﺍﻟﻀﻤﺎﺩ
ﺳﻨﺪﺱ .. ﻻ ﻣﺎ ﻟﺤﻜﺖ ﺍﺑﺪﻝ ﺍﻟﻀﻤﺎﺩ ﻣﺎ ﺍﻧﻄﺎﻧﻲ ﻓﺮﺻﺔ ﺍﻓﺘﺢ ﺣﻠﻜﻲ
ﻛﺒﻞ ﻣﻦ ﺷﺎﻓﻨﻲ ﺩﺧﻠﺖ ﻭﺑﻴﺪﻱ ﺍﻟﻌﺪﺓ
ﺳﺄﻟﻨﻲ ﻛﻢ ﺳﺆﺍﻝ ﻋﻦ ﺍﻟﻤﺴﺆﻭﻝ ﻋﻦ ﺗﺒﺪﻳﻞ ﺍﻟﻀﻤﺎﺩﺍﺕ
ﻭﺟﺎﻭﺑﺘﻪ ﻛﻠﺘﻠﻪ ﻫﺬﺍ ﺷﻐﻞ ﺯﻣﻴﻠﺘﻲ ﺷﻴﻤﺎﺀ ﻫﻲ ﺍﻟﻤﺴﺆﻭﻟﺔ ﺑﺲ
ﻫﺴﺔ ﻫﻲ ﻣﺸﻐﻮﻟﺔ ﻋﻨﺪﻫﺎ ﺣﺎﻟﺔ ﻃﺎﺭﺋﺔ
ﻫﻮ ﻋﺎﻁ ﺑﻴﺔ ﻭﺭﻓﺾ ﻳﺒﺪﻝ ﺍﻟﻀﻤﺎﺩ
ﻭﻛﺎﻝ ﺗﺮﺣﻴﻦ ﺗﺒﻠﻐﻴﻦ ﺯﻣﻴﻠﺘﺞ ﺍﺫﺍ ﻣﺎ ﺍﺟﺘﻲ ﺗﺒﺪﻝ ﻫﻲ ﺍﻟﻀﻤﺎﺩ
ﺑﻨﻔﺴﻬﺎ ﻻ ﻭﺭﺏ ﺍﻟﻜﻌﺒﺔ ﺍﻛﻮﻡ ﺍﺣﺮﻙ ﺍﻟﻤﺴﺘﺸﻔﻰ ﻋﻠﻰ ﺭﺍﺳﻬﺎ .
ﻓﺎﺍﺍﺍﺍﻫﻤﺔ
......
ﺣﺠﺎﻫﺎ ﺑﺼﻮﺕ ﻋﺎﻟﻲ ﺭﺝ ﺍﺭﻛﺎﻥ ﺍﻟﻤﺴﺘﺸﻔﻰ
ﺍﻟﻠﻪ ﻳﻠﻌﻦ ﺑﻠﻴﺴﻪ ﻛﻤﺰﻧﻲ ﻣﻦ ﻣﻜﺎﻧﻲ
.. ﺍﻟﻠﻬﻢ ﺻﺒﺮﺝ ﻳﺎ ﺭﻭﺡ ﻫﺎﺝ ﻟﺰﻣﻲ ﺟﻴﻜﻲ ﻫﺬﺍ ﺍﻟﻤﺮﻳﺾ
ﺑﻴﻦ ﻣﺎ ﺍﺭﻭﺡ ﻟﻼﺳﺘﺎﺫ ﺍﺷﻮﻓﻪ ﺷﻴﺮﻳﺪ
ﺟﻨﺖ ﺍﺣﺠﻲ ﺑﻼ ﻣﺒﺎﻻﺓ ﺑﺲ ﺑﺪﺍﺧﻠﻲ ﻛﻠﻪ ﻳﺮﺟﻒ
ﺟﻨﺖ ﺍﻣﺸﻲ ﻭﺭﺟﻠﻲ ﺗﻄﻚ ﺑﺮﺟﻞ ﺩﻛﻴﺖ ﺍﻟﺒﺎﺏ
ﻭﺩﺧﻠﺖ ﻋﻠﻴﻪ ﻟﻜﻴﺘﻪ ﻛﺎﻋﺪ ﻳﻨﺎﻓﺦ
ﻣﺎ ﺣﺠﻴﺖ ﺍﻱ ﺷﻲ ﻭﻣﺎ ﺳﺄﻟﺘﻪ ﻟﻴﺶ ﻃﻠﺒﻨﻲ
ﻛﺒﻞ ﺍﺗﺠﻬﺖ ﻋﻠﻰ ﻋﻠﺒﺔ ﺍﺩﻭﺍﺕ ﺗﻐﻴﻴﺮ ﺍﻟﻀﻤﺎﺩ
ﻭﺣﻄﻴﺘﻬﻢ ﻋﻠﻰ ﺍﻟﻌﺮﺑﺔ ﺗﺼﻴﺮ ﺗﺸﺒﻪ ﻋﺮﺑﺔ ﺗﻘﺪﻳﻢ ﺍﻟﻄﻌﺎﻡ
ﺩﻓﻌﺘﻬﺎ ﻭﻗﺮﺑﺘﻬﺎ ﻣﻦ ﺍﻟﺴﺮﻳﺮ ﺑﺲ ﺍﺑﺪ ﻣﺎ ﻭﺟﻬﺘﻠﻪ ﺍﻱ ﻛﻠﻤﺔ ﺍﻭ ﺍﻱ
ﻧﻈﺮﺓ ﺟﻨﺖ
ﺍﻗﺘﺮﺑﺖ ﻣﻦ ﻋﻨﺪﻩ ﻭﻓﺘﺤﺖ ﺍﻟﺸﺎﺵ ﺟﺎﻱ ﺍﻓﺘﺢ ﺣﻠﻜﻲ ﻭﺍﻃﻠﺐ ﻣﻨﻪ
ﻳﺘﻤﺪﺩ
ﺑﺲ ﻣﺎ ﻟﺤﻜﺖ ﻣﺎ ﺣﺴﻴﺖ ﺍﻻ ﻭﻫﻮ ﻻﺯﻡ ﻣﻌﺼﻢ ﺍﻳﺪﻱ
ﻭﺳﺎﺣﺒﻨﻲ ﻋﻠﻴﻪ
ﺷﻬﻜﺖ ﻣﺼﺪﻭﻣﺔ ﻣﻦ ﺣﺮﻛﺘﻪ ﺍﻟﻤﻔﺎﺟﺌﺔ
ﻭﺭﻓﻌﺖ ﺭﺍﺳﻲ ﻭﺍﺟﺘﻲ ﻋﻴﻨﻲ ﺑﻌﻴﻨﻪ
ﺣﺠﺔ ﺑﺼﻮﺕ ﻫﺎﻣﺲ ﻛﻠﺶ ﻗﺮﻳﺐ ﻋﻠﻰ ﻭﺟﻬﻲ ﻟﺪﺭﺟﺔ ﺍﻧﻔﺎﺳﻪ
ﺍﻟﺤﺎﺭﺓ ﻟﻔﺤﺖ ﺧﺪﻱ
.. ﺷﻨﻮ ﺣﻀﺮﺗﺞ ﻛﺎﻋﺪ ﺗﺼﺮﻓﻴﻨﻲ
.............................
ﺿﺤﻰ ﺑﺼﻮﺕ ﻋﺎﻟﻲ
ﺷﻜﺎﻋﺪ ﺗﺴﻮﻭﻭﻭﻭﻭﻭﻥ
ﻛﻤﺰﻧﺎ ﺍﻧﻲ ﻭﺷﻴﻤﺎﺀ ﻣﻦ ﻣﻜﺎﻧﺔ
ﻫﺪﻯ .. ﻋﻤﺔ ﺣﺘﻰ ﻋﻤﺔ ﻛﻤﺰﺗﻴﻨﻲ ﻋﻮﺑﺔ
ﺷﻴﻤﺎﺀ .. ﻭﻛﻌﺘﻲ ﻛﻠﺒﻲ ﻋﺒﺎﻟﻲ ﺑﻴﺒﻲ
ﺿﺤﻰ .. ﺷﻨﻮ ﺟﻨﺘﻮ ﺗﺤﺠﻮﻥ ﻳﺎﻟﻠﻪ ﻛﻠﻴﻠﻲ
ﺷﻴﻤﺎﺀ ﻏﻤﺰﺗﻠﻲ ﻣﺎ ﺍﻛﻮﻝ ﺷﻨﻮ ﺟﻨﺎ ﻧﺤﺠﻲ
ﺍﻧﻲ ﻣﺘﻌﻮﺩﺓ ﻋﻠﻰ ﺧﻮﺍﺗﻲ ﺍﻧﻲ ﻣﻨﺒﻊ ﺍﺳﺮﺍﺭﻫﻢ
ﻫﺪﻯ .. ﻫﻴﺞ ﺟﻨﺎ ﻧﺤﺠﻲ ﻋﻦ ﻣﻼﺑﺲ ﺍﻟﻤﺪﻏﺴﺔ ( ﺍﻟﻤﺪﺭﺳﺔ )
ﺿﺤﻰ .. ﺍﻱ ﺻﺪﻙ ﺷﻴﻤﺎﺀ ﺷﻮﻛﺖ ﺗﺎﺧﺬﻳﻨﺔ
ﻧﺮﻭﺡ ﻧﺸﺘﺮﻱ ﻣﻼﺑﺲ ﺍﻟﻤﺪﺭﺳﺔ
ﺷﻴﻤﺎﺀ .. ﺍﻥ ﺷﺎﺀ ﺍﻟﻠﻪ ﺑﺎﺟﺮ ﺍﺧﺬﻛﻢ ﻟﻠﺴﻮﻙ ﺗﺸﺘﺮﻭﻥ ﻣﻼﺑﺲ
ﻳﻮﻡ ﺛﺎﻧﻲ
ﺧﻠﺼﻨﺎ ﺷﻐﻠﻨﺎ ﻭﺟﻬﺰﻧﺎ ﻧﻔﺴﻨﺎ ﺣﺘﻰ ﻧﻄﻠﻊ ﻟﻠﺴﻮﻙ
ﺩﺧﻞ ﺑﺎﺑﺎ ﻟﻠﺒﻴﺖ ﻭﺷﺎﻓﻨﺎ ﺟﺎﻫﺰﺍﺕ
ﺍﺛﻴﺮ .. ﺷﻨﻮ ﻭﻳﻦ ﻃﺎﻟﻌﺎﺕ ﺍﻧﺘﻲ ﻭﺧﻮﺍﺗﺞ
ﺷﻴﻤﺎﺀ .. ﺍﺭﻳﺪ ﺍﺷﺘﺮﻳﻠﻬﻢ ﻣﻼﺑﺲ ﻟﻠﻤﺪﺭﺳﺔ
ﺍﻻﺳﺒﻮﻉ ﺍﻟﺠﺎﻱ ﺩﻭﺍﻡ
ﺑﺎﻭﻉ ﻋﻠﻴﻨﺎ ﻭﻛﺎﻝ
.. ﺯﻳﻦ ﺿﺤﻰ ﺍﻟﻤﻦ ﻃﺎﻟﻌﺔ ﻭﻳﺎﻛﻢ
.. ﺍﻱ ﻏﻴﺮ ﻫﻲ ﻫﻢ ﺍﺷﺘﺮﻳﻠﻬﺎ ﻣﻼﺑﺲ ﻣﺪﺭﺳﺔ
.. ﻻ ﻣﺎ ﻳﺤﺘﺎﺝ ﺗﺸﺘﺮﻳﻠﻬﺎ ﻣﻼﺑﺲ ﻣﺪﺭﺳﺔ ﺿﺤﻰ ﺑﻌﺪ ﺗﺒﻄﻞ ﻭﺗﻜﻌﺪ
ﺑﺎﻟﺒﻴﺖ
ﺿﺤﻰ ﺑﺨﻮﻑ .. ﻻ ﻋﻔﻴﺔ ﺑﺎﺑﺎ ﻟﻴﺶ ﺍﺑﻄﻞ
.. ﻻﻥ ﺣﻀﺮﺗﺞ ﺭﺍﺳﺒﺔ ﻭﺗﺮﺩﻳﻦ ﺗﻌﻴﺪﻳﻦ ﺳﻨﺔ ﺛﺎﻧﻴﺔ
ﻳﻌﻨﻲ ﺧﻮ ﻣﺎ ﺍﻛﻌﺪ ﺍﺻﺮﻑ ﻋﻠﻰ ﺣﻀﺮﺗﺞ
.. ﻻ ﺑﺎﺑﺎ ﺍﻟﻠﻪ ﻳﺨﻠﻴﻚ ﻣﺎ ﺍﺭﻳﺪ ﺍﺑﻄﻞ ﺍﺑﻮﺱ ﺍﻳﺪﻙ
ﺍﺫﺍ ﻋﻠﻰ ﺍﻟﻤﻼﺑﺲ ﻫﺬﺍ ﻫﻮ ﻣﺎ ﺍﺭﻳﺪ ﻋﻨﺪﻱ ﻗﺪﻳﻤﺎﺕ ﻣﺎﻻﺕ ﺍﻭﻟﺖ
ﺍﻟﻌﺎﻡ ﺍﺩﺑﺮ ﺍﻣﻮﺭﻱ ﺑﻴﻬﻦ ﺑﺲ ﻻ ﺗﺒﻄﻠﻨﻲ
ﺍﺛﻴﺮ .. ﺧﺎﺏ ﻣﺎ ﺗﺎﻛﻠﻴﻦ ﺗﺒﻦ ﻫﻮ ﺍﻧﺎ ﺍﺧﺘﺞ ﻣﺮﻭﺓ ﺍﻟﺸﺎﻃﺮﺓ
.....
ﻣﻦ ﺷﻔﺖ ﻣﺼﺎﺭﻳﻔﻬﺎ ﻛﺜﺮﺕ ﺭﺩﺕ ﺍﺑﻄﻠﻬﺎ
ﻭﺍﻛﻌﺪﻫﺎ ﺑﺎﻟﺒﻴﺖ ﻣﻮ ﺍﻧﺘﻲ ﺍﻟﻜﺴﻮﻟﻲ ﻛﺎﺿﻴﺘﻬﺎ ﻧﺠﺎﺡ ﺑﺎﻟﺪﻓﺮﺍﺕ
ﻗﺮﺍﺭ ﺑﺎﺑﺎ ﺻﺪﻣﻨﺎ ﺍﻧﻲ ﻭﺧﻮﺍﺗﻲ
ﺿﺤﻰ ﺑﺴﺎﻋﺘﻬﺎ ﻓﺮﺕ ﺭﻭﺣﻬﺎ ﻣﻦ ﺍﻟﺒﺠﻲ ﻭﻭﻛﻌﺖ ﻭﺻﻠﺔ ﻣﻦ
ﺍﻟﺴﺎﻧﻬﺎ ﺑﺲ ﺗﺘﻮﺳﻞ ﻟﺒﺎﺑﺎ ﻳﺘﺮﺍﺟﻊ ﻋﻦ ﻗﺮﺍﺭﻩ
ﺷﻴﻤﺎﺀ ﻭﺍﻧﻲ ﻇﻠﻴﻨﺎ ﻫﻢ ﻧﺘﻮﺳﻞ ﺑﺲ ﻫﻮ ﺍﺑﺪ ﻣﺎ ﺭﻑ ﻟﻪ ﺟﻔﻦ
ﻭﻻ ﺭﻑ ﻛﻠﺒﻪ ﻋﻠﻴﻨﺎ ﻭﻻ ﻫﺰﺗﻪ ﺩﻣﻮﻉ ﺿﺤﻰ
ﺑﻴﻮﻣﻬﺎ ﻃﻠﻌﻨﺎ ﺍﻧﻲ ﻭﺷﻴﻤﺎﺀ ﻭﺍﺷﺘﺮﺗﻠﻲ ﻗﻤﻴﺺ ﻭﺣﺬﺍﺀ ﻭﺻﺪﺭﻳﺔ
ﺑﺲ ﺟﻨﺎ ﻣﺎﻟﻨﺎ ﻭﺍﻫﺲ
ﻣﻘﻬﻮﺭﻳﻦ ﻋﻠﻰ ﺿﺤﻰ ﺍﻟﻲ ﺗﺮﻛﻨﺎﻫﺎ ﻟﻮﺣﺪﻫﺎ ﺑﺎﻟﺒﻴﺖ ﺗﺒﺠﻲ
ﻻﺯﻡ ﺍﻟﻴﻮﻡ ﻧﻄﻠﻊ ﻻﻥ ﺷﻴﻤﺎﺀ ﻣﺎﻋﻨﺪﻫﺎ ﺑﻌﺪ ﻭﻗﺖ ﻓﺮﺍﻍ ﺗﺎﺧﺬﻧﻲ ﺑﺲ
ﻫﺬﺍ ﺍﻟﻴﻮﻡ
ﻣﺮﺕ ﺍﻻﻳﺎﻡ ﻭﺑﺪﺕ ﺍﻟﻤﺪﺍﺭﺱ ﻭﺿﺤﻰ ﺑﻄﻠﻬﺎ ﺑﺎﺑﺎ
ﺑﺎﻟﺮﻏﻢ ﺍﺗﺪﺧﻠﺖ ﻫﻮﺍﻱ ﺍﻃﺮﺍﻑ ﺣﺘﻰ ﻳﻘﻨﻌﻮﻥ ﺑﺎﺑﺎ ﻳﺘﺮﺍﺟﻊ ﻋﻦ ﻗﺮﺍﺭﻩ
ﺑﺲ ﻫﻮ ﻣﺎﻛﻮ ﻣﻌﻨﺪ ﺭﺍﻓﺾ ﺗﺮﺟﻊ ﻟﻠﺪﻭﺍﻡ
ﻭﺻﺎﺭﺕ ﺿﺤﻰ ﺗﻌﺾ ﺍﻳﺪﻫﺎ ﻣﻦ ﺍﻟﻨﺪﻡ ﺍﻟﻒ ﻣﺮﺓ ﺑﺎﻟﻴﻮﻡ ﻻﻥ ﻓﺮﻃﺖ
ﺑﺪﺭﺍﺳﺘﻬﺎ ﻭﻣﺎ ﺟﺎﻧﺖ ﻣﺴﻮﻳﺔ ﺣﺴﺎﺏ ﻟﻬﺬﺍ ﺍﻟﻴﻮﻡ
ﺿﺤﻰ .. ﻟﻮ ﺟﺎﻳﻨﻲ ﻭﺍﺣﺪ ﻗﺒﻞ ﺳﻨﺘﻴﻦ ﻭﻳﻜﻠﻲ ﺭﺍﺡ ﻳﺠﻲ ﺍﻟﻴﻮﻡ ﺍﻟﻲ
ﺗﺘﻮﺳﻠﻴﻦ ﺑﻲ ﻋﻠﻤﻮﺩ ﺗﺪﺭﺳﻴﻦ ﺟﺎﻥ ﺧﺮﺑﺖ ﻣﻦ ﺍﻟﻀﺤﻚ ﻋﻠﻴﻪ
ﻋﻈﺖ ﺍﻳﺪﻫﺎ ﺑﺤﺮﻛﺔ ﻗﻠﺐ
.. ﺍﺍﺍﺍﺍﺍﺍﺍﺍﺍﺥ ﻣﻨﻲ ﺷﻜﺪ ﻏﺒﻴﺔ
ﺑﺲ ﺿﺤﻰ ﺭﻏﻢ ﻫﺬﺍ ﻛﻠﻪ ﻣﺎ ﺑﻄﻠﺖ ﻣﺤﺎﻭﻻﺗﻬﺎ
ﻭﻳﺔ ﺑﺎﺑﺎ ﺑﻴﻦ ﻓﺘﺮﺓ ﻭﻓﺘﺮﺓ ﺗﺮﻭﺡ ﺗﺘﻮﺳﻞ ﻭﺗﺮﺟﻊ ﺧﺎﻟﻴﺔ ﺍﻟﻴﺪﻳﻦ
ﺍﻧﻲ ﺑﻘﻴﺖ ﻋﻠﻰ ﻧﻔﺲ ﻣﺪﺭﺳﺘﻲ ﻣﺎ ﻧﻘﻠﺘﻬﺎ
ﺷﻴﻤﺎﺀ ﻛﺎﻟﺖ
.. ﻫﺪﻯ ﺍﻧﺼﺤﺞ ﺗﺒﻘﻴﻦ ﺑﻤﺪﺭﺳﺘﺞ ﻧﻔﺴﻬﺎ ﻣﺎ ﺗﻨﺘﻘﻠﻴﻦ
.. ﻭﺍﻟﻠﻪ ﻳﺎﺭﻳﺖ ﻣﺎ ﺍﺭﻳﺪ ﺍﻧﺘﻘﻞ ﻭﺍﺑﺘﻌﺪ ﻋﻦ ﺻﺪﻳﻘﺎﺗﻲ
.. ﻻ ﺍﻧﻲ ﻣﻮ ﻋﻠﻤﻮﺩ ﺻﺪﻳﻘﺎﺗﺞ ﻛﻠﺖ ﻫﺸﻜﻞ
ﺍﻧﻲ ﻛﻨﺖ ﺍﻗﺼﺪ ﻋﻠﻰ ﻣﺪﺭﺳﺘﻜﻢ ﺟﺪﺍ ﻧﻤﻮﺫﺟﻴﺔ ﻭﺑﻴﻬﺎ ﻛﺎﺩﺭ
ﺗﺪﺭﻳﺴﻲ ﺩﺭﺟﺔ ﺍﻭﻟﻰ ﻋﻜﺲ ﺍﻟﻤﺪﺍﺭﺱ ﺍﻟﻲ ﻫﻨﺎ
ﺭﺣﺖ ﺍﺳﺘﻔﺴﺮﺕ ﻋﻨﻬﺎ ﻛﺎﻟﻮ
ﻣﻮ ﺯﻳﻨﺔ ﻭﺍﻟﻮﺿﻊ ﻋﻨﺪﻫﻢ ﺣﻠﻞ ﻭﻓﻮﺿﻰ ﻭﻣﺎ ﺑﻴﻬﺎ ﻛﺎﺩﺭ ﺗﺪﺭﻳﺴﻲ
ﻣﻀﺒﻮﻁ
ﻋﻨﺪﻫﻢ ﺍﻟﻨﺠﺎﺡ ﻛﻠﻪ ﺑﺎﻟﺮﺷﺎﻭﻱ
ﻳﻌﻨﻲ ﺑﺄﺧﺘﺼﺎﺭ ﺗﻨﻄﻲ ﻓﻠﻮﺱ ﺗﻨﺠﺢ
ﺗﺪﺧﻞ ﻋﻨﺪﻱ ﺩﺭﻭﺱ ﺧﺼﻮﺻﻴﺔ ﺍﻧﺠﺤﻚ
ﻫﻴﺞ ﻣﺎﺷﻲ ﻧﻈﺎﻣﻬﻢ
ﻭﻣﻦ ﻋﻨﺪﻫﺎ ﺻﺮﺕ ﺍﺩﺍﻭﻡ ﺑﻨﻔﺲ ﻣﺪﺭﺳﺘﻲ ﻭﺍﻟﺘﻘﻴﺖ ﻭﻳﺔ ﺻﺪﻳﻘﺎﺗﻲ
ﻳﺎﺭﺑﻲ ﺷﻜﺪ ﻣﺸﺘﺎﻗﺘﻠﻬﻢ
ﻭﺑﻴﻮﻣﻬﺎ ﺣﻠﻴﺖ ﻣﻦ ﺍﻟﻤﺪﺭﺳﺔ ﻭﺍﻧﻲ ﻛﻠﻲ ﻟﻬﻔﺔ ﻭﺷﻮﻙ ﻟﻤﺤﺒﻮﺑﻲ
ﻋﻴﻨﻲ ﻋﺎﻟﻄﺮﻳﻖ ﺍﻧﺘﻈﺮﻩ ﻳﺠﻲ
ﺑﺲ ﺧﻠﺺ ﺍﻟﻮﻛﺖ ﻭﺭﺍﺋﺪ ﻣﺎ ﺍﺟﺔ
ﻳﺎﻟﻠﻪ ﺍﻟﻐﺎﻳﺐ ﻋﺬﺭﻩ ﻭﻳﺎﻩ ﻋﺪﻟﺖ ﺟﻨﻄﺘﻲ ﻋﻠﻰ ﻇﻬﺮﻱ ﻭﺭﺣﺖ ﺍﻣﺸﻲ
ﻟﻠﺸﺎﺭﻉ ﺍﻟﻌﺎﻡ ﺣﺘﻰ ﺍﺻﻌﺪ ﻋﺒﺮﻳﺔ
ﻭﺍﻛﻔﺔ ﻋﻠﻰ ﻋﺎﻟﺸﺎﺭﻉ ﻣﻨﺘﻈﺮﺓ ﺍﻟﻜﻴﺎ
ﻭﺟﺎﻥ ﺗﻄﺒﻚ ﺳﻴﺎﺭﺓ ﻋﺎﻟﻴﺔ ﻛﻠﺶ ﺣﻠﻮﺓ ﺭﻓﻌﺖ ﺭﺍﺳﻲ
ﻭﺷﻔﺘﻪ ﺭﺍﺋﺪ ﺩﻛﻠﻲ ﻫﻮﺭﻥ
ﻳﻤﺔ ﻛﻠﺒﻲ ﻃﺎﺭ ﻭﺭﺍﺡ ﻟﻌﻨﺪﻩ ﻧﺰﻝ ﻣﻦ ﺍﻟﺴﻴﺎﺭﺓ ﻭﻋﻴﻮﻧﻪ ﺗﺒﺘﺴﻢ
.. ﺍﺍﺍﺍﺍﺍﺍﺍﺥ ﻳﺎﺑﺔ ﻭﺭﺑﻲ ﻣﺸﺘﺎﻗﻠﺞ ﺑﻜﺪﺭ ﺭﺣﻤﺔ ﺍﻟﻠﻪ
.. ﺍﻧﻲ ﻫﻢ ﻣﺸﺘﺎﻗﺘﻠﻚ
ﺟﺎﻧﺖ ﻫﺎﻱ ﺍﻭﻝ ﻣﺮﺓ ﺍﺣﺠﻲ ﻭﻳﺎﻩ ﻫﺸﻜﻞ ﻣﻨﻄﻠﻘﺔ
ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﺻﻌﺪﺕ
ﺻﻌﺪ ﻭﺩﺍﺭ ﻭﺟﻬﻪ ﻋﻠﻴﺔ .. ﻋﻴﺪﻱ ﺷﻨﻮ ﻛﻠﺘﻲ ﺳﺘﻮﺝ
ﺩﻧﻜﺖ .. ﻻ ﻣﺎ ﺍﻋﻴﺪ ﺍﻧﻲ ﻛﻠﻤﺘﻲ ﻭﺣﺪﺓ ﻣﺎ ﺗﺼﻴﻎ ﺛﻨﻴﻦ
.. ﻟﺞ ﻣﺎ ﺗﺪﺭﻳﻦ ﺷﻴﺼﻴﺮ ﺑﻜﻠﺒﻲ ﻣﻦ ﺍﺳﻤﻊ ﺑﺮﺗﻠﺔ ﺍﻟﺴﺎﻧﺞ
ﻭﺍﻟﻴﺴﻤﻌﺞ ﻳﻜﻮﻝ ﻫﺎﻱ ﺍﺻﻠﻬﺎ ﻓﺮﻧﺴﻲ ﻫﻤﺔ ﻛﻠﻪ ﻫﺸﻜﻞ ﻳﺤﺠﻮﻥ ﻏﺎ
ﻏﻮ ﻏﻲ
.. ﺍﻱ ﻟﻌﺪ ﺫﻛﺮﻧﻲ ﺍﺳﺄﻝ ﺑﻴﺒﻲ ﺳﻠﻴﻤﺔ ﻋﻦ ﺍﺻﻞ ﺟﺪﻱ
ﺑﺲ ﻻ ﻳﻄﻠﻊ ﺟﺪﻱ ﺍﻟﺴﺎﺑﻊ ﻋﺸﻎ ﻧﺎﺑﻠﻴﻮﻥ ﺑﻮﻧﺎﺑﻐﺖ ( ﺑﻮﻧﺎﺑﺮﺕ )
.. ﺻﺪﻗﺔ ﻟﺮﺑﺞ ﺍﺭﻳﺪ ﺟﻬﺎﻟﻲ ﻛﻮﻥ ﻛﻠﻬﻢ ﻳﻄﻠﻌﻮﻥ ﻳﺮﺗﻠﻮﻥ ﻋﻠﻰ ﺍﻣﻬﻢ
ﺍﺳﺘﺤﻴﺖ ﻣﻦ ﻋﻨﺪﻩ ﻭﻏﻴﺮﺕ ﺍﻟﻤﻮﺿﻮﻉ
.. ﺍﻱ ﺻﺪﻙ ﻟﻴﺶ ﺍﺗﺄﺧﻐﺖ ﻋﺒﺎﻟﻲ ﻣﺎ ﻏﺎﺡ ﺗﺠﻲ ﻋﻠﻴﺔ
.. ﻟﺞ ﺷﺘﺤﺠﻴﻦ ﺟﻨﺖ ﺍﻋﺪ ﺍﻳﺎﻡ ﺍﻟﻌﻄﻠﺔ ﻳﻮﻡ ﻳﻮﻡ ﻋﻠﻤﻮﺩ ﺍﺷﻮﻓﺞ
ﺑﺲ ﺑﺄﺧﺮ ﻟﺤﻈﺔ ﺍﻣﻲ ﻃﻠﻌﺘﻠﻲ ﺑﺴﺎﻟﻔﺔ ﺗﻌﺎﻝ ﻭﺻﻠﻨﻲ ﺑﻄﺮﻳﻘﻚ
ﻟﺒﻴﺖ ﺟﺪﻱ
ﻭﺭﺣﺖ ﻭﻟﺰﻣﻨﻲ ﺍﻻﺯﺩﺣﺎﻡ ﻣﺎﻇﻞ ﺳﺎﻳﻖ ﺑﺎﻟﺸﺎﺭﻉ ﻣﺎ ﺳﺒﻴﺘﻪ ﻭﻏﻠﻄﺖ
ﻋﻠﻴﻪ . ﺟﻨﺖ ﺍﺭﻳﺪ ﺑﺲ ﺍﻭﺻﻞ
ﺑﺲ ﺍﻟﺤﻤﺪﻟﻠﻪ ﻟﺤﻜﺖ ﻋﻠﻴﺞ
.. ﺍﻛﻮﻝ ﻏﺎﺋﺪ ﺍﻣﻚ ﺗﻌﻐﻒ ﺑﻴﻚ ﺍﻧﺖ ﺗﻮﺻﻠﻨﻲ
.. ﻻ ﻟﻴﺶ
.. ﺍﻱ ﺍﺣﺴﻦ
.. ﻟﻴﺶ ﻭﺍﺫﺍ ﻋﺮﻓﺖ ﻭﺷﻨﻮ ﻳﻌﻨﻲ ﻣﺎ ﻣﺴﻮﻳﻦ ﺷﻲ ﻏﻠﻂ
.. ﻻ ﻋﻴﺐ ﻣﻦ ﻋﻨﺪﻫﺎ ﺧﺎﻑ ﺗﺎﺧﺬ ﻋﻨﻲ ﻧﻈﺮﺓ ﻣﻮ ﺣﻠﻮﺓ ﻭﻋﺒﺎﻟﻬﺎ
ﺍﺳﺘﻐﻠﻚ ﺣﺘﻰ ﺗﻮﺻﻠﻨﻲ ﻛﻞ ﻳﻮﻡ
.. ﺍﻧﺘﻲ ﻣﺎ ﻋﻠﻴﺞ ﺑﺲ ﻃﻠﻌﻲ ﻫﺎﻱ ﺍﻻﻓﻜﺎﺭ ﺍﻟﺴﻮﺩﺓ ﻣﻦ ﺭﺍﺳﺞ
ﻭﺧﻠﻲ ﺍﻟﺒﺎﻗﻲ ﻋﻠﻰ ﺍﻟﻠﻪ
..
ﻭﺻﻠﻨﻲ ﻣﺜﻞ ﻛﻞ ﻳﻮﻡ ﻻﻗﺮﺏ ﻣﻜﺎﻥ ﻋﻠﻰ ﻣﻨﻄﻘﺘﻲ
ﻭﻛﻤﻠﺖ ﺍﻟﻄﺮﻳﻖ ﻭﻭﺻﻠﺖ ﻟﻠﺒﻴﺖ ﻟﻜﻴﺖ ﺷﻴﻤﺎﺀ
ﻭﺿﺤﻰ ﻣﻮﺟﻮﺩﺍﺕ ﺩﺧﻠﺖ ﻟﻠﻐﺮﻓﺔ
ﻭﻛﻌﺪﺕ ﺍﺑﺪﻝ ﻣﻼﺑﺴﻲ ﺟﻨﺖ ﺑﻄﺮﻙ ﺍﻟﻤﻼﺑﺲ
ﺍﻟﺪﺍﺧﻠﻴﺔ ﻭﻓﺠﺎﺀﺓ ﺍﻧﻔﺘﺢ ﺍﻟﺒﺎﺏ ﻭﺩﺧﻠﺖ ﻋﻠﻴﺔ ﺑﻴﺒﻲ
ﺳﻠﻴﻤﺔ ﺷﺎﻓﺘﻨﻲ ﻭﺷﻬﻜﺖ ﻭﺿﺮﺑﺖ ﻋﻠﻰ ﺻﺪﺭﻫﺎ
.. ﻳﻤﺔ ﺩﺧﻴﻠﻚ ﻳﺎ ﺭﺑﻲ ﻫﺎﻱ ﺷﻨﻮ ﻭﻟﺞ
ﻳﺘﺒﻊ
ﺍﺣﺒﻜﻢ ﻛﻮﻣﺔ ﺍﺣﺒﻜﻢ ﻫﻮﺍﻱ
ﻣﻊ ﺗﺤﻴﺎﺕ ﺍﺧﺘﻜﻢ ﻧﻬﻰ
️⭐️⭐️⭐️⭐️⭐️
تقيم التطبيق على Google play يساعد الكثير في العثور على التطبيق بالبحث 5 نجوم مو تنسون
السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق
تحويل كودإخفاء محول الأكواد الإبتساماتإخفاء