رواية أنثى في معتقل الحب الجزء الثامن

رواية أنثى في معتقل الحب الجزء الثامن

للكاتبة زينب (عطر الورد)

...

ﻷﻥ ﻛﻠــــﺶ ﺍﺣـﺒﻬﻢ ﺧﺎﻳﻦ ﻳـﻜَﻮﻟﻮﻥ

ﻭﻷﻥ ﻃــﻴـﺐ ﻳــــﺴﻤﻮﻧﻲ ﺍﻧــــﺎﻧﻲ

ﺭﺍﺡ ﺍﻟــﻐﻲ ﻋﺸﻜَﻬﻢ ﻷﻥ ﻣﺎﻣــﺠﺒﻮﺭ

ﺍﺧﻠﺺ ﻋﻤﺮﻱ ﻛﻠﻪ ﻣﻜَﺎﺑﻞ ﺍﺣــﺰﺍﻧﻲ

ﻣـــﻮ ﺁﻧﻲ ﺍﻟﻴﺬﻟﻬﺔ ﺍﻟﺮﻭﺡ ﻟﻸﺷــﻮﺍﻛَـ ..

... ﻏﻠـــﻄﺎﻧﻴﻦ ﺍﻧــــﺘﻢ ﻭﺍﻟﻠﻪ ﻣـــﻮ ﺁﻧــﻲ

ﻳﻤﻜﻦ ﺳﻢ ﺍﺟﺮﻋﺔ ﻳﺠﻮﺯ ﺍﺷﺮﺏ ﻧﺎﺭ ..

.

ﺑﺲ ﻟﻠﺬﻝ ﻃـﻌﻢ ﻣﺎ ﻇﺎﻳﻜَﺔ ﻟﺴﺎﻧﻲ ...

ﻣﺎ ﺍﻗﺒﻞ ﺧﻄــﻴﺔ ﺍﻟﻨﺎﺱ ﻋﻨﻲ ﺗﻜَﻮﻝ

ﺑــــﺲ ﺍﻟﻨﺎﺱ ﺧﻠﻲ ﺗﻜَﻮﻝ ﻭﺣﺪﺍﻧﻲ

...

ﺩﻳﻤﺔ ....

ﺿﻠﻴﺖ ﺍﻓﻜﺮ ﻣﻨﻮ ﺍﻟﻪ ﻣﺼﻠﺤﺔ ﻳﺨﺮﺏ ﻋﻼﻗﺘﻲ ﺑﺴﻴﻒ ..

ﺣﺘﻰ ﻟﻮ ﺭﻏﺪ ﺷﻨﻮ ﻣﺼﻠﺤﺘﻬﺎ .. ﺯﻳﻦ ﻣﻨﻮ ﻧﺮﺟﺲ ﺑﺲ ﻫﻲ ﻣﺎ ﻣﻮﺟﻮﺩﺓ ﺑﻘﺴﻢ ﻳﺎ ﺭﺑﻲ ﺭﺍﺡ ﺍﺗﺨﺒﻞ ﻟﻴﺶ ﺑﺲ ﺍﻧﻲ ﻳﺼﻴﺮ ﻭﻳﺎﻱ ﻫﻴﺞ ﺍﺣﺲ ﺣﺮﺍﺭﺓ ﺗﻄﻠﻊ ﻣﻦ ﻭﺟﻬﻲ

ﺍﻻﻓﻜﺎﺭ ﻣﻮﺗﺘﻨﻲ ﻣﺎ ﺍﻟﻲ ﻃﺎﻗﺔ ﻷﻱ ﺷﻲ ﻛﻞ ﺑﺎﻟﻲ ﻳﻢ

ﺳﻴﻒ ﺯﻳﻦ ﻫﻮ ﻟﻴﺶ ﺻﺪﻛﻬﻢ ﻣﺎ ﻳﻌﺮﻓﻨﻲ ﺍﻧﻲ ﺷﻨﻮﻭ

ﻣﻮ ﺍﻧﻲ ﺗﺮﺑﻴﻪ ﺍﻳﺪﺓ ﻣﺜﻞ ﻣﺎ ﻳﻜﻮﻝ ﻟﻴﺶ ﻣﺎ ﺳﻤﻊ ﻣﻨﻲ ﻭﺧﻼﻧﻲ ﺍﺩﺍﻓﻊ ﻋﻦ ﻧﻔﺴﻲ ﻣﻌﻘﻮﻟﺔ ﻫﻴﺞ ﻣﺎ ﻋﻨﺪﻩ ﺛﻘﺔ ﺑﻴﻪ ﻭﻣﻦ ﺍﻭﻝ ﺷﻲ ﺃﺗﺨﻠﻰ ﻋﻨﻲ ﺍﻧﻲ ﻣﺎ ﻣﺎﻛﻠﻪ ﻣﻦ ﺍﻟﺼﺒﺢ ﺿﻐﻄﻲ ﺍﺣﺴﺔ ﻧﺰﻝ ﺍﺫﻛﺮﺕ ﻣﻦ ﺟﺎﺑﻠﻲ ﻛﺒﺎﺏ

ﻭﺍﺷﻠﻮﻥ ﻣﻬﺘﻢ ﺑﻴﻪ ﻧﺰﻟﺖ ﺩﻣﻌﺘﻲ .. ﺭﺍﺳﻠﺖ ﺣﻨﻴﻦ ﻻﻥ

ﻫﻲ ﺍﻟﻮﺣﻴﺪﺓ ﻫﺴﺔ ﺗﻌﺮﻑ ﻛﻞ ﺷﻲ ﻛﺘﺒﺖ ﺍﻟﻬﺎ ..

ﺣﻨﻴﻦ ﺍﻧﻲ ﺭﺍﺡ ﺍﺑﺘﻌﺪ ﻋﻦ ﺳﻴﻒ ﺑﻌﺪ ﻻﻥ ﻫﻮ ﻣﺎ ﻭﺛﻖ ﺑﻴﻪ ﻭﺍﻧﺘﻲ ﺗﻌﺮﻓﻴﻨﻲ ﺷﻨﻮ ﺑﻌﺪ ﻣﺎﻛﻮ ﺩﺍﻋﻲ ﺍﺑﺮﺭ ﻭﺍﻧﻲ ﺍﺩﺭﻱ ﻫﺎﻱ ﻟﻌﺒﻪ ﻭﺭﺍﺡ ﺍﻛﺸﻔﻬﺎ ﻻﻥ ﻣﺴﺘﺤﻴﻞ ﺍﺩﺯ ﺻﻮﺭﻱ ﻟﻮﻟﺪ ..

ﺷﻮﻱ ﻭﺭﺟﻌﺖ ﺣﻨﻴﻦ .. ﺭﺳﻠﺘﻠﻲ

ﺣﻨﻴﻦ ﺣﺒﻴﺘﻲ ﺍﻋﺮﻓﺞ ﻫﻮ ﺍﻟﺨﺴﺮﺝ ﻃﺰ ﺑﻴﻪ ﻣﺎ ﻳﺴﺘﺎﻫﻠﺞ ﺑﺲ ﺍﻧﺘﻲ ﻻﺯﻡ ﺗﻌﺮﻓﻴﻦ ﻣﻨﻮ ﺩﺍﻳﻮﺍﺻﻠﻪ ﻭﻫﻴﺞ ﻣﺴﻮﻱ ﺣﺘﻰ ﻓﺮﺑﻜﺔ ﻟﻠﺼﻮﺭ ...

ﺧﻠﻴﺖ ﺍﻟﻤﻮﺑﺎﻳﻞ ﻉ ﺍﻟﻤﻴﺰ ﺭﺣﺖ ﺍﻗﺮﺍ ﻻﻥ ﺳﻨﻪ ﺻﻌﺒﻪ ﻣﺎ ﻳﻔﻴﺪﻧﻲ ﻏﻴﺮ ﺷﻲ ﺑﺲ ﺩﺭﺍﺳﺘﻲ .. ﺣﺴﻴﺖ ﺭﻭﺣﻲ ﻣﺎ ﻣﺮﺗﺎﺣﺔ ﺭﺣﺖ ﺳﺒﺤﺖ ﺑﻠﻜﻲ ﺍﺭﺗﺎﺡ ... ﻭﺍﻛﻠﺖ ﻻﻥ ﻣﺎ ﺍﺭﻳﺪ ﺿﻐﻄﻲ ﻳﻨﺰﻝ .. ﺭﺣﺖ ﺭﺟﻌﺖ ﻟﻐﺮﻓﺔ ﻣﺎ ﻟﻜﻴﺖ ﻭﻻ ﻭﺣﺪﺓ ﻻﻥ ﻛﻠﻬﺎ ﺑﻌﺪﻫﺎ ﻉ ﺍﻟﺴﻔﺮﺓ ﻭﺳﻮﺍﻟﻒ ﻭﺿﺤﻚ ﺍﻧﻲ ﺭﺟﻌﺖ ﺷﻔﺖ ﻣﻮﺑﺎﻳﻠﻲ ﻣﻮ ﻧﻔﺲ ﺍﻟﻤﻜﺎﻥ ﺍﻟﺨﻠﻴﺘﻪ ﺑﻴﻪ ﺍﻛﻴﺪ ﻭﺍﺣﺪ ﺷﺎﻳﻠﺔ ﻣﻦ ﻣﻜﺎﻧﻪ ﺍﺗﺎﻛﺪﺕ ﻭﺣﺪﺓ ﻣﻦ ﺍﻟﺒﻨﺎﺕ ﺩﺍﺳﻮﻱ ﺑﻴﻪ ﻫﻴﺞ ﺑﺲ ﻣﻨﻮ ﺍﺗﻤﺪﺩﺕ ﻓﺘﺤﺖ ﺍﻟﻤﻮﺑﺎﻳﻞ ﻣﺎ ﻟﻜﻴﺖ ﺑﻴﻪ ﺷﻲ ﺧﻠﻴﺘﻪ ﺟﻮﺓ ﺍﻟﻤﺨﺪﺓ ﻻﻥ ﺑﻌﺪ ﻣﺎ ﺍﻛﺪﺭ ﺍﺧﻠﻲ ﺑﻌﺪ ﻫﻴﺞ ﻻﺯﻡ ﺍﺧﺬ ﺣﺬﺭﻱ ... ﻏﻔﻴﺖ ﺷﻮﻱ ﻭﺍﺣﺲ ﺟﻬﺎﺯﻱ ﻳﻬﺘﺰ ﻓﺘﺤﺖ ﻋﻴﻮﻧﻲ ﺳﺤﺒﺘﻪ ﻣﻦ ﺟﻮﺓ ﺍﻟﻤﺨﺪﺓ .. ﺍﺷﻮﻑ ﺣﻨﻴﻦ ﺗﺘﺼﻞ ﺍﻟﺴﺎﻋﺔ ﺏ١ ﺑﻠﻴﻞ ﻓﺰﻳﺖ

ﺧﻔﺖ ﺻﺎﻳﺮ ﺷﻲ ﻓﺘﺤﺖ ﻋﻠﻴﻬﺎ ﺧﻂ ..

ﺩﻳﻤﺔ : ﺍﻟﻮﻭﻭ ﺣﻨﻴﻦ

ﺣﻨﻴﻦ : ﻟﻴﺶ ﻫﻴﺞ ﺩﻳﻤﺔ ﺍﺳﻮﻳﻦ ﺑﻴﻪ ﺗﻌﺮﻓﻴﻦ ﺳﺎﻣﺮ ﻳﺤﺐ ﺳﻴﻒ ﻭﺍﻧﻲ ﺣﺠﻴﺖ ﻭﻳﺎﺝ ﺑﻴﻨﺎﺗﺘﻨﻪ ﺍﻟﻤﻮﺿﻮﻉ ﻭﻛﻠﻴﺘﻠﺞ

ﻣﺎ ﻳﺴﺘﺎﻫﻠﺞ ﻟﻴﺶ ﺗﻮﺻﻠﻴﻦ ﻛﻞ ﺍﻟﺤﺠﻴﻨﺎﻩ ﻟﺴﺎﻣﺮ

ﺍﻧﻲ ﺗﺨﺒﻠﺖ ﺷﻨﻮ ﻫﺎﻱ ﺷﻴﺼﻴﺮ ﻭﻳﺎﻱ

ﺩﻳﻤﺔ : ﺣﻨﻴﻦ ﻭﺍﻟﻠﻪ ﻣﺎ ﻣﻮﺍﺻﻠﻪ ﺷﻲ ﺍﺻﻼ ﺳﺎﻣﺮ ﺣﺘﻰ ﻣﺎ ﻣﺤﺎﺟﻴﺘﻪ ..

ﺣﻨﻴﻦ : ﻟﻌﺪ ﻣﻨﻮ ﺩﻳﻤﺔ ﺍﻧﻲ ﻫﻤﻴﻦ ﺑﺪﻳﺖ ﺍﺷﻚ ..

ﺩﻳﻤﺔ : ﻣﻌﻘﻮﻟﺔ ﺍﺷﻜﻴﻦ ﺑﻴﻪ ﺍﻧﻲ ﺍﺧﺘﺞ ﺳﺪﺕ ﺍﻟﺨﻂ ﺑﻮﺟﻬﻲ ...

ﺍﺣﺲ ﺭﻭﺣﻲ ﺍﻧﻬﺎﺭﻳﺖ ﻣﺎ ﺿﻞ ﻋﻘﻞ ﺑﺮﺍﺳﻲ ﺍﻟﺒﻨﺎﺕ ﻧﺼﻬﻦ ﻣﺎ ﻧﺎﻳﻤﺎﺕ ﻻﻥ ﻳﺴﻬﺮﻥ ﺑﻠﻴﻞ ﻳﺒﻘﻦ ... ﻣﻠﻦ ﻣﻦ ﻳﻤﻲ ﻣﻦ ﻛﺪ ﻣﺎ ﺍﺑﺠﻲ ﺑﻬﺎﻱ ﺍﻟﻔﺘﺮﺓ ﺭﺣﺖ ﻟﺤﻤﺎﻡ ﻣﺤﺪ ﺑﻴﻪ ﻣﻮﺟﻮﺩ ﺳﺪﻳﺖ ﺍﻟﺒﺎﺏ ﻋﻠﻴﻪ ﻭﺍﻧﻲ ﺍﻫﻨﺎ ﺍﻧﻬﺎﺭﻳﺖ ﺑﺠﻲ ﺣﺘﻰ ﺣﻨﻴﻦ ﻣﺎ ﺍﺻﺪﻛﻨﻲ ﺍﻟﻤﻦ ﺍﺷﺘﻜﻲ ﺿﻠﻴﺖ ﺍﺑﺠﻲ ﻭﺍﻧﻲ ﺍﺫﻛﺮ ﻛﻼﻡ ﺳﻴﻒ ﻣﻦ ﺍﻳﻜﻠﻲ ﺑﻌﺪ ﻣﺎ ﺍﺭﻳﺪﺝ ﻭﺍﻛﺮﻫﺞ ﻛﻠﺸﻲ ﺍﺫﻛﺮﺕ ﺍﺣﺲ ﺭﻭﺣﻲ ﺿﺎﻳﻌﺔ ﺑﻌﺪﻳﻦ ﻋﻴﻮﻧﻲ ﻛﺎﻣﻦ ﻳﻮﺟﻌﻨﻲ ﻣﻦ ﺍﻟﺒﺠﻲ ﻃﻠﻌﺖ ﻛﻠﻬﺎ ﺗﻘﺮﻳﺒﺎ ﻧﺎﻳﻤﻪ ﺭﺣﺖ ﻓﺘﺤﺖ ﺍﻟﺒﺎﺏ ﺍﻟﺒﻨﺎﺕ ﻧﺎﻳﻤﺎﺕ ﻧﻤﺖ ﻣﻦ ﺍﻟﺘﻌﺐ ... ﻛﻌﺪﺕ ﺍﻟﺼﺒﺢ ﺍﺷﻮﻑ ﻋﻴﻮﻧﻲ ﻣﻨﺘﻔﺨﺎﺕ ﻭﻫﺎﻻﺕ ﺳﻮﺩ ﺟﻮﺍﻫﻦ .. ﻣﺎ ﺍﻟﻲ ﺧﻠﻚ ﺍﺧﻠﻲ ﻣﻜﻴﺎﺝ ..

ﺑﺪﻟﺖ ﻭﺍﻧﻲ ﻭﺍﻫﺲ ﻣﺎ ﻋﻨﺪﻱ ﺭﺣﺖ ﻟﺪﻭﺍﻡ ﺟﺎﻥ ﻋﻨﺪﻧﻪ ﺍﻣﺘﺤﺎﻥ ﺍﻣﺘﺤﻨﺖ ﻭﻃﻠﻌﺖ ﻻﻥ ﻣﺎ ﺍﺧﺬﻭﻧﻪ ﻣﺤﺎﻇﺮﺍﺕ ﺻﺮﺕ ﻛﻠﺶ ﺍﻧﻄﻮﺍﺋﻴﺔ ﻉ ﻧﻔﺴﻲ ﺣﺘﻰ ﺑﻨﺎﺕ ﺑﻘﺴﻢ ﻛﻤﺖ ﻣﺎ ﺍﺧﺘﻠﻂ ﺑﻴﻬﻦ ﺑﺪﻭﺍﻡ ﻫﻤﻴﻦ ﻛﻞ ﺍﺗﻜﻮﻟﻲ ﻣﺘﻐﻴﺮﺓ ﺍﻛﻮﻟﻠﻬﻢ ﺿﺮﻭﻑ .. ﻭﺣﺘﻰ ﺑﻘﺴﻢ ﺍﻛﻮﻻﻫﻦ ﺿﺮﻭﻑ ﻋﺎﺋﻴﻠﻴﺔ ﺻﺎﺭ ﺍﻟﺤﻤﺎﻡ ﻫﻮ ﺍﻟﻮﺣﻴﺪ ﻳﻄﻠﻌﻨﻲ ﻣﻦ ﺣﺰﻧﻲ ﺻﺮﺕ ﻣﺎ ﺍﺑﺠﻲ ﻛﺪﺍﻡ ﺍﺣﺪ ﺍﺭﻭﺡ ﻟﺤﻤﺎﻣﺎﺕ ﻭﺍﺑﺠﻲ ..

ﻣﺮﺓ ﻛﺎﻋﺪﺓ ﻣﺨﻨﻮﻛﺔ ﻭﺭﺣﺖ ﻟﺤﻤﺎﻣﺎﺕ ﺟﻨﺖ ﻣﺨﻠﻴﻪ ﺭﺍﺳﻲ ﺑﻴﻦ ﺭﺟﻠﻴﻪ ﻭﺍﺑﺠﻲ ﺍﺣﺲ ﻳﻤﻲ ﻭﺍﺣﺪ ﻭﺍﻛﻒ ..

ﺷﻠﺖ ﺭﺍﺳﻲ ﻣﺤﺪ ﺧﻔﺖ ﺑﺴﺮﻋﺔ ﻃﻠﻌﺖ ﻭﺍﻧﻲ ﻣﺮﻋﻮﺑﻪ

ﻻﻥ ﺣﺴﻴﺖ ﺷﺨﺺ ﻭﺍﻛﻒ ﻉ ﺭﺍﺳﻲ ﻧﻤﺖ ﻭﺍﻧﻲ ﺍﻗﺮﺍ ﺍﻳﺎﺕ .. ﻻﻥ ﺻﺎﺭﺕ ﻋﻨﺪﻱ ﻣﺜﻞ ﺍﻟﺨﻨﻜﺔ ﻛﻮﺓ ﺍﺗﻨﻔﺲ

..

ﺛﺎﻧﻲ ﻳﻮﻡ ﺩﺍﻭﻣﺖ ﺟﺎﻥ ﻋﻨﺪﻧﻪ ﻣﺤﺎﻇﺮﺓ ﺍﺭﺷﺎﺩ ﺗﺮﺑﻮﻱ ﻭﻫﻮ ﻳﺴﻮﻟﻒ ﻉ ﺍﻟﻌﻼﻗﺎﺕ ﻭﺍﻟﺸﺒﺎﺏ ﻭﺍﺷﻠﻮﻥ ﻳﻀﺤﻜﻮﻥ ﻉ ﺍﻟﺒﻨﺎﺕ ﺍﻧﻲ ﺍﺫﻛﺮﺕ ﺳﻴﻒ ﻫﻮ ﻣﺎ ﺿﺤﻚ ﻋﻠﻴﻪ ﺑﻠﻌﻜﺲ

ﺣﺘﻰ ﻣﻦ ﺍﻋﺘﺮﻓﺘﻠﻪ ﻫﻮ ﻣﺎ ﺍﺳﺘﻐﻠﻨﻲ ﺃﻭﻑ ﺻﺎﻳﺮﺓ ﺑﻜﻠﺸﻲ ﺍﺫﻛﺮ ﺳﻴﻒ ﻟﻮ ﺑﺲ ﺍﻋﺮﻑ ﻣﻨﻮ ﺳﻮﺕ ﺑﻴﻪ ﻫﻴﺞ ﺣﺘﻰ ﻟﻮ ﺳﻴﻒ ﻣﺎ ﻳﺮﺟﻌﻠﻲ ﺑﺲ ﺍﻧﻲ ﺍﺭﻳﺪ ﺍﺧﻠﺺ ﻣﻦ ﻫﺬﺍ ﺍﻟﻬﻢ ﻻﻥ ﻫﺴﺔ ﺍﻧﻲ ﺑﻨﻈﺮﻫﻢ ﺧﺎﻳﻨﺔ .. ﺩﻣﻌﺘﻲ ﻧﺰﻟﺖ

ﺑﺪﻭﻥ ﻣﺎ ﺍﺣﺲ ﻉ ﺭﻭﺣﻲ ﺷﻜﺪ ﻣﺎ ﺍﺣﺎﻭﻝ ﺍﺑﻴﻦ ﻗﻮﻳﺔ ﺗﺨﺬﻟﻨﻲ ﺩﻣﻌﺘﻲ ﺑﺴﺮﻋﺔ ﻣﺴﺤﺘﻬﺎ ﺷﻔﺖ ﺍﻻﺳﺘﺎﺫ ..

ﻳﺒﺎﻭﻉ ﻋﻠﻴﻪ ﻫﻮ ﺩﻛﺘﻮﺭ ﻛﻠﺶ ﺟﺒﻴﺮ ﺧﻠﺺ ﺍﻟﻤﺤﺎﻇﺮﺓ

ﺳﻤﻌﺘﻪ ﻳﻜﻮﻝ ..

ﺩﻳﻤﺔ ﺗﻌﺎﻟﻲ ﻭﺭﺍﻳﺔ ﻟﻐﺮﻓﺔ ..

ﺍﻟﺼﺮﺍﺣﺔ ﺍﻧﻲ ﺧﻔﺖ ﻣﺴﻮﻳﺔ ﺷﻲ ﻭﻳﺮﻳﺪ ﻳﺤﺎﺳﺒﻨﻲ ..

ﻫﻮ ﻃﻠﻊ ﺍﻧﻲ ﺷﻮﻱ ﺍﺧﺬﺕ ﺟﻨﻄﺘﻲ ﻭﻃﻠﻌﺖ ..

ﺭﺣﺖ ﻭﺻﻠﺖ ﻟﻐﺮﻓﺔ ﻭﺍﻧﻲ ﺍﺭﺟﻒ ﺩﻛﻴﺖ ﺍﻟﺒﺎﺏ ..

ﻫﻮ ﻛﺎﻝ ﺍﺩﺧﻞ ...

ﺩﺧﻠﺖ ﻟﻜﻴﺘﻪ ﻛﺎﻋﺪ ﻉ ﺍﻟﻜﺮﺳﻲ ﻭﻛﺪﺍﻣﺔ ﻣﻴﺰ ..

ﺍﻟﺪﻛﺘﻮﺭ : ﺗﻌﺎﻟﻲ ﺑﻨﺘﻲ ﺩﻳﻤﺔ ﺍﻛﻌﺪﻱ ..

ﺍﻧﻲ ﻛﻌﺪﺕ ﻣﻘﺎﺑﻴﻠﺔ ﻉ ﺍﻟﻜﺮﺳﻲ ..

ﺍﻟﺪﻛﺘﻮﺭ : ﺩﻳﻤﺔ ﺍﻧﻲ ﺻﺎﻟﻲ ﻓﺘﺮﺓ ﻣﻼﺣﻈﺞ ﺣﺎﻟﺘﺞ ﻣﻮ ﻣﺜﻞ ﻗﺒﻞ ﻭﺍﺷﻮﺍﻓﺞ ﻣﻨﻌﺰﻟﺔ ﻭﺟﻬﺞ ﺫﺍﺑﻞ ﺍﺑﻴﻦ ﻋﻠﻴﺞ ﺍﻟﺤﺰﻥ ﻭﺍﻟﻴﻮﻡ ﻻﺣﻈﺘﺞ ﺗﺒﺠﻴﻦ ﺑﻤﺤﺎﻇﺮﺓ ﺍﺣﺠﻴﻠﻲ ﺻﺎﻳﻠﺞ ﺷﻲ ﺍﻛﻮ ﻭﺍﺣﺪ ﻣﻀﻮﺟﺞ ﺍﺣﺴﺒﻴﻨﻲ ﻣﺜﻞ ﺍﺑﻮﺝ

ﻭﺍﺣﺠﻴﻠﻲ ...

ﺍﻧﻲ ﻛﺎﻋﺪﺓ ﻭﺍﻓﺮﻙ ﺑﺎﻳﺪﻱ ﻫﺬﺍ ﺍﻻﺳﺘﺎﺫ ﻛﻠﺶ ﺍﺣﺒﻪ ﻭﺍﺣﺪ

ﻣﻦ ﻳﺸﻮﻑ ﺍﺳﻠﻮﺑﻪ ﻛﻠﺶ ﻳﺮﺗﺎﺡ ﻫﻮ ﻋﻤﺮﺓ ﻳﻄﻠﻊ ﺑﻨﻬﺎﻳﺔ ﺍﻻﺭﺑﻌﻴﻦ .. ﻣﺎ ﺍﻋﺮﻑ ﺷﺤﺠﻴﻠﻪ ﻫﻮ ﺍﻧﻲ ﻧﻔﺴﻲ ﻣﺎ ﺍﻋﺮﻑ ﺷﻴﺼﻴﺮ ﻭﻳﺎﻱ ..

ﻣﺎ ﻛﻠﻴﺘﻠﻪ ﺷﻲ ﺑﺲ ﺿﺮﻭﻑ ﻋﺎﺋﻴﻠﻴﺔ .. ﻫﻮ ﺃﺗﻔﻬﻢ ﻣﻮﻗﻔﻲ

ﻭﺑﺪﺉ ﻳﻨﺼﺤﻨﻲ ﺍﻟﺼﺮﺍﺣﺔ ﺍﺭﺗﺎﺣﻴﺖ ﺷﻮﻱ ﻣﻦ ﺣﺠﻪ ﻭﻳﺎﻱ ﻟﻮ ﺍﻛﺪﺭ ﺟﺎﻥ ﺣﺠﻴﺘﻠﻪ ﻛﻠﺸﻲ ﺑﺲ ﻣﺎ ﺍﻛﺪﺭ ﺧﻠﻴﺖ

ﻭﻃﻠﻌﺖ ..

ﺭﺟﻌﺖ ﻟﻘﺴﻢ ﻟﻜﻴﺖ ﺍﻟﺒﻨﺎﺕ ﻣﺴﻮﻳﺎﺕ ﻏﺪﺓ ﺍﻛﻠﺖ ﻭﻳﺎﻫﻦ ﻏﺴﻠﺖ ﺍﻣﻮﺍﻋﻴﻦ ﻻﻥ ﺟﺎﻥ ﻋﻠﻴﻪ ﺍﻟﺪﻭﺭ .. ﺭﺣﺖ ﻧﻤﺖ ﻟﻌﺼﺮ ﻛﻌﺪﺕ ﺑﺪﻳﺖ ﺍﻗﺮﺍ ﻭﺟﺎﻥ ﻋﻨﺪﻱ ﺍﻣﺘﺤﺎﻥ ﻣﺎ ﺧﻠﺼﺘﻪ ﺍﻻ ﺏ١١ ﺑﻠﻴﻞ ﻣﺎ ﻋﻨﺪﻱ ﻣﺠﺎﻝ ﺍﺳﺒﺢ ﺩﺧﻠﺖ ﺳﺒﺤﺖ ﻭﺍﻧﻲ ﺍﺩﻧﺪﻝ ﺑﺤﻤﺎﻡ ﻃﻔﺖ ﺍﻟﻜﻬﺮﺑﺎﺀ ﻋﺎﺩﻱ ﺍﻧﻲ ﻋﻨﺪﻱ ﻣﺎ ﺍﺧﺎﻑ ﻣﻦ ﺍﻟﻈﻠﻤﺔ ﺑﻌﻜﺲ ﺍﺣﺒﻬﺎ ﺿﻠﻴﺖ ﻣﺴﺘﻤﺮﺓ ﺑﺴﺒﺢ ﺟﻮﺓ ﺍﻟﺪﻭﺵ ﺍﺣﺲ ﺷﻲ ﻳﻢ ﺍﺫﻧﻲ ﺧﻔﺖ ﻻ ﺣﺸﺮﺓ ﻟﻮ ﺷﻲ ﻣﺎﻛﻮ ﺑﻌﺪﻳﻦ ﺍﺣﺲ ﻭﺍﺣﺪ ﻳﻬﻤﺲ ﺑﺎﺫﻧﻲ ﻭﺣﺮﺍﺭﺓ ﺗﻀﺮﺏ ﻉ ﺧﺪﻱ ﺟﻔﻠﺖ ﺑﻤﻜﺎﻧﻲ ﻛﻠﺒﻲ ﺻﺎﺭ ﻳﺪﻙ ﺳﺮﻳﻊ ﻛﻨﺖ ﺍﺗﺨﻴﻞ ﺷﻐﻼﺕ ﻣﻮ ﺣﻘﻴﻘﺔ ﺍﺷﺘﻐﻠﺖ ﺍﻟﻜﻬﺮﺑﺎﺀ ﻭﺍﻧﻲ ﺣﺘﻰ ﻣﺎ ﻛﻤﻠﺖ ﺳﺒﺢ ﻟﺒﺴﺖ ﻣﻼﺑﺴﻲ ﻭﻃﻠﻌﺖ ﻣﺮﻋﻮﺑﻪ ﻻﻥ ﺣﺴﻴﺖ ﺑﻴﻪ ﻣﻮ ﺗﺨﻴﻞ

ﻻ ﺣﺴﻴﺘﻪ ﺣﻘﻴﻘﻪ ﻛﻌﺪﺕ ﺍﻣﺸﻂ ﺑﺸﻌﺮﻱ ﻭﺍﻧﻲ ﺍﻓﻜﺮ .

ﻫﺎﻱ ﺷﻴﺼﻴﺮ ﻭﻳﺎﻱ ﺣﺘﻰ ﺍﺣﻼﻣﻲ ﺻﺎﻳﺮﺓ ﻣﻮﺯﻳﻨﻪ ﻣﺮﺓ ﺗﺤﻤﻠﺖ ﻣﺮﺓ ﻻﺑﺴﺔ ﻋﺒﺎﻳﺔ ﻭﺟﺎﻥ ﻭﺟﻬﺎ ﻛﻠﺶ ﻳﺨﻮﻑ ..

ﺍﺟﺖ ﻋﻠﻴﻪ ﻭﺧﻨﻜﺘﻨﻲ ﻭﺍﻧﻲ ﺍﺭﻳﺪ ﺍﻧﻄﻖ ﻣﺎﻛﻮ ﺍﺣﻼﻣﻲ

ﺻﺎﻳﺮﺓ ﻋﺒﺎﺭﺓ ﻋﻦ ﻛﻮﺍﺑﻴﺲ .. ﺧﻠﻴﺖ ﺍﻟﻬﺘﻔﻮﻥ ﺑﺎﺫﻧﻲ ﻭﺟﻨﺖ ﻣﻨﺰﻟﺔ ﺍﻳﺎﺕ ﻗﺮﺍﻧﻴﺔ ﺳﻤﻌﺘﻬﻦ ﺷﻮﻱ ﺍﺭﺗﺎﺣﻴﺖ

ﻛﻌﺪﺕ ﺍﻟﺼﺒﺢ ﺑﺪﻟﺖ ﺭﺣﺖ ﻟﺪﻭﺍﻡ ﻟﻜﻴﺖ ﻻﻓﺘﻪ ﻛﺎﺗﺒﻴﻦ ﺑﻴﻬﺎ ﻳﻢ ﺍﻻﺳﺘﻌﻼﻣﺎﺕ ..

ﺍﻟﻐﻨﺎﺀ ﻭﺍﻟﺒﻜﺎﺀ ﻓﻲ ﺍﻟﺤﻤﺎﻣﺎﺕ ﻣﻜﺮﻭﻩ ﻳﺴﺒﺐ ﺍﻟﻤﺲ ﻟﻠﺒﺸﺮ ..

ﺍﺫﻛﺮﺕ ﺍﻧﻲ ﺍﺷﻠﻮﻥ ﺑﺎﻳﺎﻡ ﺍﻻﺧﻴﺮﺓ ﺟﻨﺖ ﺍﺑﺠﻲ ﺑﺤﻤﺎﻣﺎﺕ ﺭﺣﺖ ﺍﻣﺘﺤﻨﺖ ﻭﺍﻧﻲ ﺑﺎﻟﻲ ﻣﻮ ﻳﻢ ﺍﻻﻣﺘﺤﺎﻥ .

ﺧﻠﺺ ﺍﻟﺪﻭﺍﻡ ﻭﺭﺟﻌﺖ ..

ﺛﺎﻧﻲ ﻳﻮﻡ ﺻﺎﺩﻑ ﻳﻮﻡ ﺧﻤﻴﺲ ﺣﻈﺮﺕ ﻧﻔﺴﻲ ﻣﺎ ﺧﻠﻴﺖ ﻣﻜﻴﺎﺝ ﻻﻥ ﺭﺩﺕ ﺍﺭﻭﺡ ﺍﺯﻭﺭ ﺍﻹﻣﺎﻡ ﻋﻠﻲ ﺧﻠﻴﺖ ﺍﻟﺒﻨﺎﺕ ﻳﻄﻠﻌﻦ ﺭﺣﺖ ﻃﻠﻌﺖ ﻭﺭﺍﻫﻦ ﺷﻔﺖ ﻣﺤﺪ ﻣﻮﺟﻮﺩﺓ ﻣﻦ ﺍﻻﻋﺮﻓﻬﻦ ﺭﺣﺖ ﻃﻠﻌﺖ ﺃﺟﺮﺕ ﺳﻴﺎﺭﺓ ﻭﻛﻠﻴﺘﻠﻪ ﺍﺭﻳﺪ ﻟﻠﻨﺠﻒ .. ﻭﺻﻠﻨﻲ ﺍﻟﺴﺎﻳﻖ .. ﺍﻧﻄﻴﺘﻪ ﻛﺮﻭﻩ ﻭﻧﺰﻟﺖ ﺟﻨﺖ ﺟﺎﻳﺒﺔ ﻭﻳﺎﻱ ﻋﺒﺎﻳﺔ ﺑﻌﻼﻛﺔ ﻣﺨﻠﻴﺘﻬﺎ ﻃﻠﻌﺘﻬﺎ ﻭﻟﺒﺴﺖ .. ﻭﺻﻠﺖ ﻟﺤﻈﺮﺓ ﺍﻹﻣﺎﻡ ﻭﺍﻧﻲ ﺍﺩﻣﻮﻋﻲ ﺍﺻﺐ ﺍﺣﺲ ﺭﻭﺣﻲ ﺿﻌﻴﻔﺔ ﺑﺪﻳﺖ ﺍﺑﺠﻲ ﻭﺍﺩﻋﻲ ﺭﺑﻲ ﻳﻜﺸﻒ ﺍﻟﺤﻘﻴﻘﺔ ﻭﺻﻮﺭﻱ ﻣﺎ ﺍﺭﻳﺪ ﻳﻨﺸﺮﻭﻫﻦ ﻭﺣﺘﻰ ﻫﺬﺍ ﺍﻟﻮﺳﻮﺍﺱ ﻳﺮﻭﺡ ﻣﻨﻲ ﺻﻠﻴﺖ ﺭﻛﻌﺘﻴﻦ ﺿﻠﻴﺖ ﺍﺩﻋﻲ ﺣﺴﻴﺖ ﺑﺮﺍﺣﺔ ﻧﻔﺴﻴﺔ ﺷﻔﺖ ﺑﻌﺪ ﻭﻛﺖ ﺑﺲ ﻻﺯﻡ ﺍﺭﺟﻊ ﻛﻠﺸﻲ ﻳﺼﻴﺮ ﺧﺎﻑ ﺍﺗﺎﺧﺮ .. ﻃﻠﻌﺖ ﻣﻦ ﺍﻹﻣﺎﻡ ﻭﺍﻧﻲ ﻋﻴﻮﻧﻲ ﻣﻮﺭﻣﺔ ﺑﺲ ﺍﻟﻬﻢ ﻛﻠﻪ ﺧﻠﻴﺘﻪ ﺍﻫﻨﺎﻙ ﺍﺩﻭﺭ ﻉ ﺳﻴﺎﺭﺓ ﺗﻮﺻﻠﻨﻲ ﻻﻗﺴﺎﻡ ﺷﻔﺖ ﻣﺮﻳﺔ ﻛﻠﺶ ﺟﺒﻴﺮﺓ ﻭﺑﻴﺪﻫﺎ ﻋﻜﺎﺯﺓ ﻧﺰﻟﺖ ﻣﻦ ﺍﻟﺴﻴﺎﺭﺓ .. ﻭﺣﺪﻫﺎ ﺗﻤﺸﻲ

ﺭﺣﺖ ﻋﻠﻴﻬﺎ ﻻﻥ ﺷﻔﺘﻬﺎ ﻣﺜﻞ ﺍﻟﻤﺘﻴﻬﺔ ...

ﺩﻳﻤﺔ : ﺧﺎﻟﺔ ﺍﺳﺎﻋﺪﺝ ﺑﺸﻲ ...

ﺧﺎﻟﺔ ﺑﺲ ﻧﺴﻴﺖ ﺍﻟﻄﺮﻳﺞ ﻣﻨﻴﻦ ﺗﻴﻬﺖ

ﺩﻳﻤﺔ : ﺧﺎﻟﺔ ﺍﻧﺘﻲ ﻣﻨﻴﻦ ﻣﻦ ﺍﻟﻨﺠﻒ ..

ﻻ ﺧﺎﻟﺔ ﺍﻧﻲ ﻣﻦ ﺍﻟﺴﻤﺎﻭﺓ ..

ﺍﺗﻌﺠﺒﺖ ﻣﺮﺓ ﺟﺒﻴﺮﺓ ﻭﺣﺪﻫﺎ ﺟﺎﻳﺔ .. ﺳﺎﻟﺘﻬﺎ

ﺧﺎﻟﺔ ﻟﻴﺶ ﻭﺣﺪﺝ ﻣﺤﺪ ﻭﻳﺎﺝ ..

ﻭﺍﻟﻠﻪ ﻳﻤﺔ ﻭﻟﺪﻱ ﻛﻠﻤﻦ ﺣﺎﻳﺮ ﺑﻨﻔﺴﺔ ﻭﺍﻧﻲ ﻃﺎﻙ ﻛﻠﺒﻲ ﻉ ﺍﻹﻣﺎﻡ ﻭﺍﺟﻴﺖ ﺍﺯﻭﺭﺓ ..

ﻛﺴﺮﺕ ﻛﻠﺒﻲ ﺭﺣﺖ ﻭﻳﺎﻫﺎ ﻛﻠﺘﻬﺎ ﺍﻧﻲ ﺍﺯﻭﺭﺝ ﺷﻔﺘﻬﺎ ﻓﺮﺣﺖ .. ﻭﺻﻠﺘﻬﺎ ﻟﻠﺤﻈﺮﺓ ﻭﻫﻲ ﺿﻠﺖ ﺍﺯﻭﺭ ﻭﺗﺪﻋﻲ

ﻛﻠﺘﻬﺎ ﺧﺎﻟﺔ ﺍﺩﻋﻴﻠﻲ ﻭﻳﺎﺝ ... ﻃﺎﻳﺤﺔ ﺑﻤﺸﻜﻠﺔ

ﻫﻲ ﻛﺎﻟﺖ .. ﺭﺑﻲ ﻳﺮﻳﺢ ﻛﻠﺒﺞ ﻭﻳﻔﺮﺝ ﻫﻤﺞ ﻭﻳﺤﻔﻈﺞ ..

ﺑﻘﺖ ﺷﻮﻱ ﺑﻌﺪﻳﻦ ﻛﺎﻟﺖ ﻭﺻﻠﻴﻨﻲ ﺧﺎﻟﺔ ﻟﻜﺮﺍﺝ ﺍﻟﺴﻴﺎﺭﺍﺕ ﺍﻧﻲ ﻛﻠﺘﻬﺎ ﺍﻻ ﺗﺘﺮﻳﻜﻴﻦ ﻫﻲ ﻛﺎﻟﺖ ﻻ ﺃﺭﻳﺪ ﺍﺭﺟﻊ ﻣﻦ ﻭﻛﺖ .. ﺑﺲ ﺍﻧﻲ ﺟﺒﺮﺗﻬﺎ ﺗﺎﻛﻞ ﻣﺎ ﺍﻛﻠﺖ ﺑﺲ ﺷﻮﺭﻳﺔ ﺑﻌﺪﻳﻦ ﺿﻠﺖ ﺗﺸﻜﺮﻧﻲ ﻭﺗﺪﻋﻴﻠﻲ ﺻﻌﺪﺗﻬﺎ ﺑﺴﻴﺎﺭﺓ ﻟﺴﻤﺎﻭﺓ ﻭﺍﻧﻲ ﺍﺧﺬﺗﻠﻲ .. ﺳﻴﺎﺭﺓ ﻟﻘﺴﻢ ﻭﺭﺟﻌﺖ ..

ﻟﻜﻴﺖ ﺍﻟﺒﻨﺎﺕ ﺑﻌﺪﻫﻦ ﻣﺎ ﺭﺟﻌﺎﺕ .. ﺣﻈﺮﺕ ﻏﺮﺍﺿﻲ ﻻﻥ ﻳﻮﻡ ﺍﻧﺰﻝ ﻟﺒﻴﺖ ﺍﺟﻦ ﺍﻟﺒﻨﺎﺕ ﻭﻫﻨﻪ ﻳﺴﺄﻟﻨﻲ .. ﺍﻟﻴﻮﻡ ﻣﺎ ﺷﻔﻨﺎﺝ ﻣﺎ ﻣﺠﺎﻭﺑﺘﻬﻦ ﺍﺟﻪ ﺍﻟﺨﻂ ..

...

ﺭﺣﺖ ﺻﻌﺪﺕ ﻭﺻﻠﺖ ﻟﺒﻴﺖ ﻭﺍﻧﻲ ﺗﻌﺒﺎﻧﻪ .. ﺭﺣﺖ ﺳﻠﻤﺖ ﻉ ﻣﺎﻣﺎ ﻭﻫﻲ ﺗﻜﻠﻲ ﺻﺎﻳﺮﺓ ﺿﻌﻔﺎﻧﻪ .. ﻣﺴﻮﻳﺘﻠﻲ ﺟﺎﻧﺖ ﺩﺟﺎﺝ ﺷﻮﻱ ﻛﻠﺘﻬﺎ ﺑﺲ ﺍﺳﺒﺢ ﻭﺍﺭﺗﺎﺡ ﺭﺣﺖ ﺻﻌﺪﺕ ﻟﻐﺮﻓﺘﻲ ﺧﻠﻴﺖ ﻣﻼﺑﺴﻲ ﻃﻠﻌﺘﻠﻲ ﺗﺮﺍﻙ ﺩﺧﻠﺖ ﻟﺤﻤﺎﻡ ﻛﻤﻠﺖ .. ﻧﺰﻟﺖ ﺟﻮﺓ ﻭﻣﻨﺘﻈﺮ ﺟﺎﻱ ﺭﺣﺖ ﺳﻠﻤﺖ ﻋﻠﻴﻪ

ﺿﻠﻴﻨﻪ ﻛﺎﻋﺪﻳﻦ ﻭﻣﺎﻣﺎ ﺗﺴﺄﻟﻨﻲ ﻉ ﺍﻟﺪﻭﺍﻡ ﺍﻧﻲ ﺍﺟﺎﻭﺑﻬﺎ ﻣﺨﺘﺼﺮ ﻭﻛﻠﺴﺎﻋﻪ ﺍﺗﻜﻮﻟﻲ ﺩﻳﻤﺔ ﻣﺎ ﻋﺎﺟﺒﺘﻨﻲ ﺑﻌﺪﻳﻦ

ﻛﺎﻟﺖ ﺣﻨﻴﻦ ﻳﻢ ﺑﻴﺖ ﺟﺪﺝ ﺷﻌﺠﺐ ﻣﺎ ﻛﺎﻟﺘﻠﺞ ﺍﻧﻲ ﺑﺴﺮﻋﺔ ﻃﻔﺮﺕ ﻛﻠﺘﻬﺎ ﺍﺭﻳﺪ ﺍﺭﻭﺡ ﻟﺒﻴﺖ ﺟﺪﻭ ..

ﺿﻠﻴﺖ ﺑﺘﺮﺍﻙ ﻟﺒﺴﺖ ﻋﺒﺎﻳﺔ .. ﺍﺧﺬﺕ ﺻﻮﻓﻲ ﻭﻳﺎﻱ

ﻭﺭﺣﺖ ﺑﺴﺮﻋﺔ ﺩﺧﻠﺖ ﻟﻜﻴﺖ ﺧﺎﻟﺘﻲ ﻛﺎﻋﺪﺓ ﺳﻠﻤﺖ ﻋﻠﻴﻬﺎ .. ﺳﺎﻟﺘﻬﺎ ﻉ ﺣﻨﻴﻦ ﻛﺎﻟﺖ ﺑﻐﺮﻓﺘﻬﺎ ﺭﺣﺖ ﺍﺭﻛﺾ

ﺩﺧﻠﺖ ﺷﻔﺘﻬﺎ ﺗﻠﻌﺐ ﺑﻨﺘﻬﺎ ﺳﻠﻤﺖ ﻋﻠﻴﻬﺎ ﻫﻲ ﺭﺩﺕ ﻋﻠﻴﻪ

ﺑﺲ ﻭﺟﻬﺎ ﺛﻜﻴﻞ .. ﺳﺪﻳﺖ ﺍﻟﺒﺎﺏ ﻭﺍﻧﻲ ﺭﺣﺖ ﻛﻌﺪﺕ ﻛﺪﺍﻣﻬﺎ ﺑﺲ ﻟﻴﻤﺎﺭ ﻭﺿﻠﻴﺖ ﻻﺯﻣﺔ ﺍﻳﺪﻳﻬﺎ ﺟﺎﻧﺖ ﺍﺩﻳﻬﺎ ﺯﻏﻴﺮﻭﻧﻪ ﻭﺍﻧﻲ ﺍﺣﺐ ﺍﻟﺠﻬﺎﻝ ... ﺭﻓﻌﺖ ﺭﺍﺳﻲ ...

ﺩﻳﻤﺔ : ﺣﻨﻴﻦ ﻭﺍﻟﻠﻪ ﻣﺎ ﻭﺻﻠﻪ ﺣﺠﻲ ﻟﺴﺎﻣﺮ ﺑﻴﺶ ﺗﺮﻳﺪﻳﻨﻲ ﺍﺣﻠﻒ ﺑﻘﺮﺍﻥ ﺟﺒﺖ ﺍﻟﻘﺮﺁﻥ ﻭﺣﻠﻔﺘﻬﺎ ..

ﺣﻨﻴﻦ : ﺩﻳﻤﺔ ﺍﻧﻲ ﻣﺼﺪﻛﺘﺞ ﻣﺎ ﻣﺴﻮﻳﺔ ﺷﻲ ﺑﺲ ﺟﺎﻧﺖ ﺳﺎﻋﺔ ﻋﺼﺒﻴﻪ .. ﻭﺍﻧﻲ ﺍﺳﻔﻪ ﻣﻔﺮﻭﺽ ﻣﺎ ﺍﺻﺪﻙ ﻻﻥ ﺍﻋﺮﻓﺞ ..

ﺭﺣﺖ ﺣﻈﻨﺘﻬﺎ ... ﺿﻠﻴﻨﻪ ﻧﺴﻮﻟﻒ ﻭﻧﻀﺤﻚ ﻣﺜﻞ ﻗﺒﻞ ..

ﺑﻌﺪﻳﻦ ﺳﺎﻟﺘﻬﺎ ﻉ ﺳﻴﻒ .. ﻛﺎﻟﺖ

ﺳﻴﻒ ﻭﻱ ﺍﺑﻮﻩ ﻣﺮﻳﺾ ﻭﻫﺴﺔ ﻛﻠﺶ ﻣﺘﺨﺮﺑﻂ ﺍﺣﺘﻤﺎﻝ ﺑﺎﺟﺮ ﻳﺮﺟﻊ .. ﺿﻞ ﺑﺎﻟﻲ ﻳﻤﻪ ﻉ ﺍﻟﺮﻏﻢ ﺍﻟﺴﻮﺍﻩ ﺑﻴﻪ ..

ﺑﻌﺪﻳﻦ ﺣﻨﻴﻦ ﻛﺎﻟﺖ ﺭﺍﺡ ﺍﺭﻭﺡ ﻻﻥ ﺳﺎﻣﺮ ﻣﺎ ﻳﺨﻠﻴﻨﻲ ﺍﺑﺎﺕ ﻭﺩﻋﺘﻬﺎ ﻭﺭﺟﻌﺖ ...

ﺗﻌﺒﺎﻧﻪ ﻛﻠﺶ ﻻﻥ ﻣﻦ ﺍﺟﻴﺖ ﻣﺎ ﻧﻤﺖ ﻛﻠﺘﻬﻢ ﻻ ﺗﻜﻌﺪﻭﻧﻲ ﻟﻠﻌﺸﺔ ﻧﻤﺖ ﻣﻦ ﺍﻟﺘﻌﺐ ..

ﺛﺎﻧﻲ ﻳﻮﻡ ﻛﻌﺪﺕ ﺍﻟﺴﺎﻋﺔ ﺏ٩ ﻛﻠﺖ ﺧﻠﻴﻨﻲ ﺍﺷﻮﻑ ﺳﻴﻒ ﺭﺍﺟﻊ .. ﺍﺗﺼﻠﺖ ﻋﻠﻴﻪ ﻓﺮﺣﺖ ﻻﻥ ﻳﺪﻙ ﺑﻌﺪﻳﻦ ﺍﻧﻄﺎﻧﻲ ﻣﺸﻐﻮﻝ ﺭﺟﻌﺖ ﺍﺩﻙ ﻋﻠﻴﻪ ﻃﻠﻊ ﻣﺨﻠﻴﻨﻲ ..

ﺑﻘﺎﺋﻤﺔ ﺍﻟﺮﻓﺾ ... ﺍﻧﻘﻬﺮﺕ ﺣﻴﻞ ﻟﻴﺶ ﻳﺴﻮﻱ ﺑﻴﻪ ﻫﻴﺞ

ﺣﺴﻴﺖ ﺭﻭﺣﻲ ﺍﻧﻜﺴﺮﺕ ﻣﺎ ﺍﻛﺪﺭ ﺍﻧﺴﺎﻩ ﻣﺴﺘﺤﻴﻞ

ﻧﺰﻟﺖ ﻻﻥ ﺍﺫﺍ ﺍﺑﻘﻰ ﺑﻐﺮﻓﺔ ﻣﺎ ﺍﻋﺮﻑ ﺷﺴﻮﻱ ﻟﻜﻴﺖ ﻣﺎﻣﺎ ﺗﻘﺮﻱ ﺑﺼﻮﻓﻲ ﺷﺎﻓﺘﻨﻲ ..

ﺳﻤﻴﺔ : ﻟﻴﺶ ﻳﻤﻪ ﻫﻴﺞ ﻭﺟﻬﺞ ﺍﺻﻔﺮ ﻭﺟﻮﺓ ﻋﻴﻮﻧﺞ ﺻﺎﻳﺮ ﺳﻮﺍﺩ ..

ﺩﻳﻤﺔ : ﻳﻮﻡ ﻛﺮﻫﺖ ﺍﻟﺪﻭﺍﻡ .. ﻣﺎ ﺍﻛﺪﺭ ﺍﻛﻤﻞ ﺑﻘﺴﻢ ﻭﺑﻌﻴﺪﺓ ﻋﻨﻜﻢ ..

ﺳﻤﻴﺔ : ﻳﺎﻳﻤﺔ ﻫﺬﺍ ﻣﺴﺘﻘﺒﻠﺞ ﻭﻫﻲ ﻣﺎ ﺑﺎﻗﻲ ﺑﺲ ﺳﻨﺘﻴﻦ

ﻭﺗﺨﻠﺺ ﺍﺻﻴﺮ ﺳﻮﺍﻟﻒ ...

ﺩﻳﻤﺔ : ﻣﺎﻣﺎ ﺍﺣﺲ ﻣﺨﻨﻮﻛﺔ ﻣﺎ ﺍﻋﺮﻑ ﺷﺒﻴﻪ ..

ﺳﻤﻴﺔ : ﺗﻌﺎﻟﻲ ﻣﺎﻣﺎ ﻳﻤﻲ ..

ﺭﺣﺖ ﻳﻤﻬﺎ ﻧﻤﺖ ﻉ ﺭﺟﻠﻴﻬﺎ .. ﺿﻠﺖ ﺗﻤﺴﺢ ﻉ ﺭﺍﺳﻲ ﻭﺗﻘﺮﺃ ﺍﻳﺎﺕ ﺻﻮﻓﻲ ﻏﺎﺭ ﻭﻛﻠﺴﺎﻋﺔ ﻳﺪﻓﻌﻨﻲ ﻭﺍﻧﻲ ﻣﻦ ﻛﻞ ﻋﻘﻠﻲ ﺍﺗﻌﺎﺭﻙ ﻭﻳﺎﻩ ...

ﺳﻤﻴﺔ : ﺍﻟﻴﻮﻡ ﺍﻛﻮﻝ ﻟﻤﻨﺘﻈﺮ ﺍﺧﻠﻲ ﻳﻄﻠﻌﻠﻨﻪ ..

ﻭﺻﺪﻙ ﺑﻠﻴﻞ ﻃﻠﻌﻨﻪ ﻭﺍﺗﻮﻧﺴﻪ ﻭﺭﺣﻨﺎ ﻟﻤﻄﻌﻢ ﻏﻴﺮﺕ ﺟﻮﺀ ...

ﺛﺎﻧﻲ ﻳﻮﻡ ﺣﻈﺮﺕ ﻏﺮﺍﺿﻲ ﻭﻧﺰﻟﺖ ﻟﻘﺴﻢ ...

ﺑﺲ ﻭﺻﻠﺖ ﺧﻠﻴﺖ ﺟﻨﻄﺘﻲ ﺑﻠﻮﻛﺮ ﻭﻃﻠﻌﺖ ﻟﺤﺪﻳﻘﺔ

ﻻﻥ ﻣﺎ ﺍﺗﺤﻤﻞ ﺍﻟﻐﺮﻓﺔ ﺻﺮﺕ .. ﻛﻌﺪﺕ ﺟﻮﺀ ﺷﺠﺮﺓ ﻭﺑﻴﺪﻱ ﻋﻮﺩﺓ ﺍﺭﺳﻢ ﺑﻴﻬﺎ ﻉ ﺍﻟﻜﺎﻉ ﻻﻥ ﻣﻠﻞ ﻭﺍﻧﻲ ﻣﺎ ﺍﺧﺘﻠﻂ ﺻﺎﻳﺮﺓ ﺑﻠﺒﻨﺎﺕ ﺍﺑﺘﻌﺪﺕ ﺻﺮﺕ ﻣﺎ ﺍﺛﻖ ﺍﻱ ﻭﺣﺪﺓ

ﺷﻔﺖ ﺭﻏﺪ ﺍﺟﺖ ﻋﻠﻴﻪ .. ﻟﺰﻣﺖ ﺍﻳﺪﻱ

ﺭﻏﺪ : ﻟﻴﺶ ﻫﻴﺞ ﺩﻳﻤﺔ ﻭﺣﺪﺝ ﺗﺪﺭﻳﻦ ﺍﻧﺘﻲ ﺻﺎﻳﺮﺓ ﺣﺪﻳﺚ ﺍﻟﺒﻨﺎﺕ ﺑﻘﺴﻢ .. ﺩﻳﻤﺔ ﺳﻴﻒ ﺻﺪﻛﻴﻨﻲ ﻣﺎ ﻳﺴﺘﺎﻫﻞ ﻛﻞ ﻫﺎﻱ ﺍﺩﻣﻮﻋﺞ ..

ﺑﺎﻭﻋﺖ ﻋﻠﻴﻬﺎ ﺑﺤﻘﺪ ﻻﻥ ﺍﻧﻲ ﺷﺎﻛﺔ ﺑﻴﻬﺎ ﻫﻲ ﺍﻟﺘﺴﻮﻱ

ﺑﻴﻪ ﻫﻴﺞ ..

ﺩﻳﻤﺔ : ﺭﻏﺪ ﺍﻧﺘﻲ ﻣﻌﻠﻴﺞ ﺑﻴﻪ ﺍﻧﺘﻲ ﺍﻟﺴﺒﺐ ﺍﻧﻲ ﺑﻴﻪ ﻫﺴﺔ ﺍﻧﺘﻲ ﺗﺘﻮﺍﺻﻠﻴﻦ ﻭﻱ ﺳﻴﻒ

ﺭﻏﺪ : ﺍﻧﺘﻲ ﻣﻨﻴﻦ ﺍﺟﻴﺒﻦ ﻫﺬﺍ ﺍﻟﺤﺠﻲ ﺍﻧﻲ ﺳﻴﻒ ﻻ ﺃﻋﺮﻓﻪ ﻭﻻ ﺷﻲ ﻣﻨﻴﻦ ﺍﺗﻮﺍﺻﻞ ﻭﻳﺎﻩ ﻭﺷﻌﻨﺪﻱ ﺍﺳﻮﻱ ﻫﻴﺞ ﺷﻲ .. ﺣﺘﻰ ﻣﺼﻠﺤﺔ ﻣﺎ ﻋﻨﺪﻱ ﻣﻌﻘﻮﻟﺔ ﺍﺷﻜﻴﻦ

ﺑﻴﻪ ..

ﺑﺎﻭﻋﺖ ﻋﻠﻴﻬﺎ ..

ﺭﻏﺪ ﺍﻧﻲ ﺍﺣﺒﺞ ﻭﺍﻟﻠﻪ ﻭﻣﺎ ﻋﻨﺪﻱ ﻏﻴﺮﺝ ﺍﺣﺴﺞ ﻣﺘﻐﻴﺮﺓ ﻭﻣﺒﺘﻌﺪﺓ ﻋﻨﻲ ..

ﺑﻌﺪﺕ ﺍﺩﻳﻬﺎ ﻋﻨﻲ ﻧﺰﻟﺖ ﺭﺍﺳﻬﺎ ... ﺣﺠﺖ ﺑﺼﻮﺕ ﻫﺎﻣﺲ

ﺭﻏﺪ : ﺩﻳﻤﺔ ﺍﻧﻲ ﺧﻨﺘﺞ ..

ﻓﺘﺤﺖ ﻋﻴﻨﻲ ﺍﺭﻳﺪ ﺍﻋﺮﻑ ﺑﺸﻨﻮ ﺧﺎﻧﺘﻨﻲ ﻭﺍﻧﻲ ﻻﺯﻣﺔ ﻛﻠﺒﻲ .. ﺧﺎﻑ ﺍﻻﻓﻜﺮ ﺑﻴﻪ ﺻﺤﻴﺢ ..

ﺍﺣﺠﻲ ﺭﻏﺪ ﺍﺷﻠﻮﻥ ﺧﻨﺘﻴﻨﻲ ..

ﺭﻏﺪ : ﻭﺍﻟﻠﻪ ﻣﻮ ﺑﻴﺪﻱ .. ﻏﺼﺒﺎ ﻋﻠﻴﻪ ..

ﺩﻳﻤﺔ : ﺟﺮﻳﺖ ﻧﻔﺲ ﺍﺣﺠﻲ ﺭﻏﺪ ﺷﻜﻮﻭ ﻭﺑﻴﻤﻦ ﺧﻨﺘﻴﻨﻲ

ﻛﺎﻣﺖ ﻭﻋﺎﻓﺘﻨﻲ ﺍﻧﻲ ﻟﺤﻜﺘﻬﺎ ﺟﺮﻳﺘﻬﺎ ﻣﻦ ﺍﺩﻳﻬﺎ ..

ﺩﻳﻤﺔ : ﺭﻏﺪ ﻣﺎ ﺍﺧﻠﻴﺞ ﺗﺮﻭﺣﻴﻦ ﺍﺫﺍ ﻣﺎ ﺗﺤﺠﻴﻠﻲ ..

ﺭﻏﺪ : ﺍﻛﻮﻟﺞ ﺑﺸﺮﻁ ﺑﺲ ﺗﻨﻄﻴﻨﻲ ﻭﻋﺪ ﻣﺎ ﺗﻔﻀﺤﻴﻨﻲ

ﺑﺠﺎﻣﻌﺔ ..

ﺩﻳﻤﺔ : ﺍﺗﻨﻬﺪﺕ ﺍﻭﻋﺪﺝ ﺑﺲ ﻛﻮﻟﻲ ..

ﺭﻏﺪ : ﺍﻧﻲ ﻭﺍﺣﻤﺪ ﻉ ﻋﻼﻗﺔ ﻭﺍﺣﺪ ﻳﺤﺐ ﺍﻟﺦ ..

ﺍﻧﻲ ﻣﻮ ﺑﻴﺪﻱ ﺍﺗﻌﻠﻘﺖ ﺑﻴﻪ ..

ﺑﻘﻴﺖ ﺻﺎﻓﻨﻪ ﺻﺤﻴﺢ ﺍﻧﻲ ﺭﻓﻀﺖ ﺍﺣﻤﺪ ﻭﻣﺎﺟﺎﻥ ﻋﻨﺪﻱ ﻭﻳﺎﻩ ﻋﻼﻗﺔ ﺑﺲ ﻣﺎ ﺍﺗﻮﻗﻌﺘﻪ ﻳﺤﺐ ﺃﻗﺮﺏ ﺻﺪﻳﻘﺔ ﻋﻠﻴﻪ

ﺍﺷﻠﻮﻥ ﻛﺪﺭﺕ ﺗﻮﺻﻠﻪ ﻭﻳﻤﺘﻪ ﺣﺒﺘﻪ .. ﺳﻤﻌﺘﻬﺎ ﺍﺗﻜﻮﻝ

ﺭﻏﺪ : ﺩﻳﻤﺔ ﻻ ﺍﺻﻴﺮﻳﻦ ﺍﻧﺎﻧﻴﺔ .. ﻭﺍﻧﻲ ﻭﻳﺎﻩ ﻛﻠﺶ ﻣﺘﻌﻠﻘﻴﻦ

ﺑﻌﺾ ﻭﺍﻧﺸﺎﺀ ﺍﻟﻠﻪ ﺭﺍﺡ ﻳﺨﻄﺒﻨﻲ ..

ﺑﺎﻭﻋﺖ ﻋﻠﻴﻬﺎ ﺣﻈﻨﺘﻬﺎ .. ﻻﻥ ﺭﻏﺪ ﺣﺒﺎﺑﺔ ﺗﺴﺘﺎﻫﻞ ﻭﺍﺣﻤﺪ ﻫﻤﻴﻦ ﺧﻮﺵ ﻭﻟﺪ ..

ﺗﺴﺘﺎﻫﻠﻴﻦ ﺣﺒﻴﺘﻲ ﺻﺪﻛﻴﻨﻲ ﻣﺎ ﺿﺎﻳﺠﺔ ﻣﻨﺞ ..

ﺍﺗﻤﻨﺎﻟﺞ ﺍﻟﺨﻴﺮ ﺭﺑﻲ ﻳﻮﻓﻘﻜﻢ ﻳﺠﻤﻌﻜﻢ ﺳﻮﺓ ..

ﺭﻏﺪ : ﻭﻳﻬﺪﻱ ﺳﻴﻒ ﻋﻠﻴﺞ ..

ﺩﻳﻤﺔ : ﻻ ﺳﻴﻒ ﺑﺎﻟﻨﺴﺒﺔ ﺇﻟﻴﻪ ﺍﻧﺘﻬﻰ ﺑﺲ ﺍﻻﺭﻳﺪﺓ ﺍﻋﺮﻑ ﻣﻨﻮ ﻣﺎﺧﺬ ﺻﻮﺭﻱ ﺍﺧﺎﻑ ﻳﻨﺸﺮﻭﻫﻦ ﻭﺍﻟﻠﻪ ﺍﻫﻠﻲ ﻳﻤﻮﺗﻮﻧﻲ ..

ﺿﻠﺖ ﺗﻬﺪﻯ ﺑﻴﻪ ..

ﺭﻏﺪ؛ﺩﻳﻤﺔ ﺍﻧﻲ ﻭﻳﺎﺝ ﻭﻣﺎ ﺭﺍﺡ ﺍﺗﺮﻛﺞ ﻭﺍﻟﻠﻪ ﻭﺍﺳﻔﻪ ﻉ ﺍﻟﺼﺎﺭ ﺍﻧﻲ ﺍﺑﺘﻌﺪﺕ ﻋﻨﺞ ﻻﻥ ﺧﻔﺖ ﺍﺳﻮﻳﻠﻲ ﻣﺸﻜﻠﺔ

ﻭﺧﻔﺖ ﻣﻨﺞ ﺗﺤﺠﻴﻦ ﻛﺪﺍﻡ ﺍﻟﺒﻨﺎﺕ ..

ﺩﻳﻤﺔ : ﺷﻨﻮ ﻣﺎ ﺗﻌﺮﻓﻴﻨﻲ ﺗﺮﺓ ﺍﻧﻲ ﺣﺘﻰ ﺟﻨﺖ ﻣﺎ ﻣﻌﺠﺒﻪ

ﺑﺄﺣﻤﺪ ﻣﺎ ﺣﺒﻴﺘﻪ ﺣﺘﻰ ﻫﻮ ﺟﺎﻥ ﺍﻳﺠﻮﺯ ﻳﻌﻄﻒ ﻋﻠﻴﻪ ..

ﺭﻏﺪ : ﺩﻳﻤﺔ ﻻ ﺍﺿﻠﻴﻦ ﺑﻬﺬﺍ ﻭﺿﻌﺞ ﺍﺭﻳﺪﺝ ﻗﻮﻳﺔ ﻻﻥ ﻛﻠﻬﺎ

ﺗﺤﺠﻲ ﻫﺴﺔ ﻭﺍﻳﻜﻮﻟﻮﻥ ﺷﺒﻴﻬﺎ ..

ﺳﻜﺘﺖ .. ﺭﺟﻌﻨﺎ .. ﻟﻐﺮﻓﺔ ﻭﺍﻧﺴﻮﻟﻒ .. ﻭﺷﻮﻱ ﻧﻔﺴﻴﺘﻲ ﺍﺭﺗﺎﺣﺖ ﻻﻥ ﺍﺻﺎﻟﺤﺖ ﺍﻭﻳﺎﻫﺎ ..

ﺿﻠﺖ ﺗﺤﺠﻴﻠﻲ ﻉ ﺍﺣﻤﺪ ﻭﺍﺷﻠﻮﻥ ﺣﺼﻠﺖ ﺭﻗﻤﺔ ..

ﺭﻏﺪ : ﺑﻴﻮﻡ ﺍﻟﻨﺘﺎﺋﺞ ﺷﻔﺘﻪ ﻫﻮ ﻭﺍﺧﻮﻩ ﻭﺍﺟﻪ ﺳﻠﻢ ﻋﻠﻴﻪ

ﻭﺳﺎﻟﻨﻲ ﻋﻠﻴﺞ ﻭﺑﻌﺪﻳﻦ ﻃﻠﺐ ﺍﻟﺮﻗﻢ ﻋﻠﻤﻮﺩ ﻳﻌﺮﻑ ﺍﺧﺒﺎﺭﺝ ﻛﻠﻴﺘﻠﻪ ﻣﻮ ﺭﻓﻀﺖ ﻛﺎﻝ ﺍﻱ ﻗﻄﻌﺖ ﺑﻌﺪ ﺍﻻﻣﻞ ﻣﻨﻬﺎ ﻭﻣﺎ ﻭﻛﻔﺖ ﻭﻳﺎﻱ ﺍﺧﺬ ﺭﻗﻤﻲ ﻭﻛﺎﻡ ﺑﻴﻦ ﻓﺘﺮﺓ ﻭﻓﺘﺮﺓ ﻳﺘﺼﻞ ﺑﺪﺉ ﻳﺤﺠﻴﻠﻲ ﻋﻦ ﺣﻴﺎﺗﻪ ﻭﺍﺣﺪ ﺍﺗﻌﻠﻖ

ﺑﺜﺎﻧﻲ ﻭﺍﻋﺘﺮﻓﻠﻲ ﻳﺤﺒﻨﻲ .. ﻭﻫﺴﺔ ﺍﺗﻔﻘﻨﻪ ﻧﺰﻭﺝ ﻉ ﺍﻟﻤﺮﺣﻠﺔ ﺍﻟﺜﺎﻟﺜﺔ ..

ﺩﻳﻤﺔ " ﺍﻟﻠﻪ ﻳﺴﻬﻠﻜﻢ ﻳﻼ ﺗﻌﺎﻟﻲ ﻧﺴﻮﻱ ﻋﺸﺔ ..

ﻛﻤﺖ ﺍﻧﻲ ﻭﻳﺎﻩ ﺍﺳﻮﻱ ﻋﺸﺔ ﺍﺣﺠﻴﻠﻬﺎ ﻉ ﺳﻴﻒ ﺟﻨﺖ ﻣﺤﺘﺎﺟﺔ ﻭﺍﺣﺪ ﻳﺴﻤﻌﻨﻲ .. ﺍﺗﻌﺸﻴﻨﻪ ﻭﺣﺪﻧﻪ ..

ﺍﻛﻠﺖ ﻻﻥ ﻓﺮﺣﺎﻧﻪ ﺑﺮﺟﻌﺔ ﺭﻏﺪ ..

ﺷﻔﺖ ﻣﺎﻣﺎ ﺍﺩﻙ ﻋﻠﻴﻪ .. ﻓﺘﺤﺖ ﺧﻂ ..

ﺩﻳﻤﺔ : ﻫﻼﻭ ﻣﺎﻣﺎ ﺍﺷﻠﻮﻧﺞ ﺷﻮ ﺑﺴﺮﻋﺔ ﺍﺷﺘﺎﻗﻴﺘﻠﻲ ..

ﺳﻤﻴﺔ : ﻟﻌﺪ ﺍﺷﻠﻮﻥ ﻣﺎ ﺍﺷﺘﺎﻗﻠﺞ ﻏﻴﺮ ﺍﻧﺘﻲ ﺍﻣﻴﺮﺗﻲ ..

ﺑﺲ ﻫﺴﺔ ﺩﻛﻴﺖ ﻋﻠﻴﺞ ﻻﻥ ﻋﻢ ﺳﺎﻣﺮ ﺍﺗﻮﻓﻰ ..

ﺩﻳﻤﺔ : ﺻﺪﺩﻙ ﻣﺎﻣﺎ ﻣﻨﻴﻦ ﺳﻤﻌﺘﻲ ﺍﻟﺨﺒﺮ ..

ﺳﻤﻴﺔ : ﻫﺴﺔ ﺧﺎﺑﺮﺗﻨﻲ ﺣﻨﻴﻦ ﻭﻛﺎﻟﺘﻠﻲ ..

ﺩﻳﻤﺔ : ﻣﺎﻣﺎ ﺍﻧﻲ ﺑﺎﺟﺮ ﺍﻧﺰﻝ ﻋﻠﻤﻮﺩ ﺣﻨﻴﻦ ﻋﻴﺐ ..

ﺳﺪﻳﺘﻬﺎ ﻣﻨﻬﺎ ﻭﺍﻧﻲ ﺑﺎﻟﻲ ﻳﻢ ﺳﻴﻒ ﺍﻋﺮﻑ ﺑﻴﻪ ﻣﺘﻌﻠﻖ

ﺑﺎﺑﻮﻩ ﻫﺴﺔ ﺍﺷﻠﻮﻧﻬﺎ ﺣﺎﻟﺘﻪ ..

ﺭﻏﺪ : ﻣﻨﻮ ﺍﻟﻤﺎﺕ ..

ﺩﻳﻤﺔ : ﺍﺑﻮ ﺳﻴﻒ ..

ﺭﻏﺪ : ﻳﺎ ﺧﻄﻴﺔ .. ﺍﻟﻠﻪ ﻳﺮﺣﻤﺔ ..

ﺛﺎﻧﻲ ﻳﻮﻡ ﻧﺰﻟﺖ .. ﺍﺗﺼﻞ ﻉ ﺣﻨﻴﻦ ﻣﺎ ﺗﺮﺩ ﺍﻛﻴﻴﺪ ﻣﺸﻐﻮﻟﺔ

ﺳﺒﺤﺖ ﻟﺒﺴﺖ ﺑﺪﻱ ﻟﺮﻛﺒﺔ ﺍﺳﻮﺩ ﻭﺑﻨﻄﺮﻭﻥ ﻭﺷﺎﻝ

ﺻﻌﺪﻧﻪ ﺑﺴﻴﺎﺭﺓ ﻣﻨﺘﻈﺮ ﻭﺻﻠﻨﻪ ﻭﺍﻧﻲ ﺧﺎﻳﻔﺔ ﻣﻦ ﺟﻬﺔ ﺳﻴﻒ ﻣﺎ ﺷﺎﻳﻔﺘﻪ ﺍﺧﺮ ﻣﺮﺓ ﺑﻴﺖ ﺣﻨﻴﻦ ﻭﻣﻦ ﺟﻬﺔ ﺧﺎﻳﻔﺔ ﻣﻦ ﻋﻤﺘﻬﻢ ﺧﺎﻑ ﺗﺬﻛﺮ ﻣﻮﻗﻒ ﺍﻟﺼﺎﺭ ﺑﻴﺖ ﺳﺎﻣﺮ

ﻭﺻﻠﻨﻪ ﻭﻟﻜﻴﻨﻪ ﺯﻟﻢ ﻭﺟﻮﺍﺩﺭ ﻭﺳﻴﺎﺭﺍﺕ ﻛﻠﻬﺎ ﻣﻜﻠﻮﺑﻪ

ﻛﻮﺓ ﺻﺎﺭ ﻣﺠﺎﻝ ﻭﺩﺧﻠﻨﻪ ﻟﻜﻴﻨﻪ ﻣﻼﻳﺔ ﺗﻘﺮﺍ ﻭﻧﺴﻮﺍﻥ ﻛﻠﻬﺎ

ﺗﺒﺠﻲ ﻫﻮﺍﻱ ﻧﺴﻮﺍﻥ ﺍﻣﻲ ﺳﻠﻤﺖ ﻋﻠﻴﻬﻦ ﻭﺻﻠﺖ ﻟﻌﻤﺘﻬﻢ

ﺳﻠﻤﺖ ﺍﻧﻲ ﺳﻠﻤﺖ ﻋﻠﻴﻬﺎ ﺍﺷﻮ ﻣﻦ ﻭﺭﺍ ﺧﺸﻤﻬﺎ ﺳﻠﻤﺖ ﺷﻔﺖ ﺍﺧﺖ ﺳﻴﻒ ﻣﻨﻬﺎﺭﺓ .. ﻭﺗﺒﺠﻲ ﻓﻘﺪ ﺍﻻﺏ ﺻﻌﺐ ﺍﻧﻲ ﺻﺤﻴﺢ ﺍﺑﻮﻳﺔ ﻋﺎﻳﺶ ﺑﺲ ﻣﺎ ﺍﺣﺲ ﺑﻴﻪ ﺭﺣﺖ ﺣﻈﻨﺘﻬﺎ ﻭﺍﺧﺬﺕ ﻣﻦ ﺧﺎﻃﺮﻫﺎ .. ﺷﻔﺖ ﺣﻨﻴﻦ ﺗﻮﺯﻉ ﻣﻲ ﻭﻣﻠﺘﻬﻴﻪ

ﺭﺣﺖ ﻳﻤﻬﺎ ﻭﺍﺳﺎﻋﺪﻫﺎ ﺑﻌﺪﻳﻦ ﺩﺧﻠﻨﻪ ﻟﻤﻄﺒﺦ ﺇﻧﺠﻴﺐ

ﺟﺎﻱ ﺷﻔﺖ ﺭﺷﺎ ﺍﻧﺼﺪﻣﺖ ..

ﺩﻳﻤﺔ : ﻟﻴﺶ ﺭﺷﺎ ﺍﻫﻨﺎ ﻫﻢ ﻣﻮ ﻣﺰﺍﻋﻠﻴﻦ ..

ﺣﻨﻴﻦ : ﻻ ﺍﺟﺖ ﻫﻲ ﻭﺍﻣﻬﺎ .. ﺑﺲ ﺯﻟﻢ ﻣﺎ ﺍﺟﻮﻩ ﺑﻌﺪﻫﻢ ﻣﺎ ﻳﺤﺠﻮﻥ ..

ﺷﻔﺘﻬﺎ ﻫﻲ ﻭﻋﻤﺖ ﺳﻴﻒ ﻭﻫﻲ ﺍﺗﻜﻮﻝ ﻟﺮﺷﺎ ..

ﺑﺲ ﺗﻄﻠﻊ ﺍﻻﺭﺑﻌﻴﻦ ﻧﺮﺟﻌﺞ ﺍﻧﺘﻲ ﻭﺳﻴﻒ ..

ﺍﻧﻲ ﺍﺣﺲ ﺍﻟﺪﺧﺎﻥ ﻳﻄﻠﻊ ﻣﻦ ﻭﺟﻬﻲ ﻭﻫﺎﻱ ﺍﺷﻮﻓﻬﺎ ﻉ ﺗﺴﺘﺤﻲ ﻟﻮ ﺑﻴﺪﻱ ﺍﻛﻆ ﻋﻤﺘﻪ ﻭﺍﻣﻮﺗﻬﺎ ...

ﺑﻘﺖ ﺗﺒﺎﻭﻋﻠﻲ ﻭﺍﺳﻤﻌﻨﻲ ﺣﺠﻲ ﺍﻧﻲ ﻛﻮﺓ ﻻﺯﻣﺔ ﺭﻭﺣﻲ

ﺧﺎﻑ ﺍﺟﻔﺺ ﻭﻳﺎﻫﺎ ﻭﺍﺻﻴﺮ ﻋﺮﻛﺔ ﻭﻫﻤﻴﻦ ﻭﻳﺎﻫﻦ

ﺑﻨﺎﺕ ﻋﻢ ﺳﻴﻒ ..

ﺣﻨﻴﻦ ﺷﺎﻭﺭﺗﻨﻲ : ﺍﻣﺸﻴﻨﺔ ﻧﺼﻌﺪ ﺫﻧﻲ ﺩﺍﺋﻤﺎ ﻫﻴﺞ ﻣﻮ ﺑﺲ ﻭﻳﺎﺝ ...

ﺍﻧﻲ ﺑﺎﻭﻋﺘﻠﻬﻦ ﻣﻦ ﻓﻮﻙ ﻟﻴﺠﻮﺓ ﺭﻓﻌﺖ ﺣﺎﺟﺒﻲ ﻭﺭﺣﺖ ...

ﺩﻳﻤﺔ : ﺳﻴﻒ ﻫﺴﺔ ﺍﺷﻠﻮﻧﻪ ..

ﺣﻨﻴﻦ : ﺧﻄﻴﺔ ﻛﻠﺶ ﻣﻘﻬﻮﺭ ﻻﻥ ﻫﻮ ﻫﺴﺔ ﺍﺟﻪ ﻣﻦ ﺍﻟﺨﺎﺭﺝ ﻭﻛﺎﻟﻮ ﺣﺎﻟﺘﻪ ﺯﻳﻨﻪ ﺍﻧﺼﺪﻡ ﺑﻮﻓﺎﺓ ﺍﺑﻮﺓ ﺍﻟﻠﻪ ﻳﺼﺒﺮﺓ ..

ﺩﻳﻤﺔ : ﺍﻧﻘﻬﺮﺕ ﻋﻠﻴﻪ ﺍﺗﻤﻨﻴﺖ ﻟﻮ ﺍﻧﻲ ﻳﻤﻪ ﻭﺍﺧﻔﻒ ﻋﻨﻪ ﺣﺰﻧﻪ ﺑﺲ ﻻﺳﻒ ﻫﻮ ﺑﻌﺪﻧﻲ ﻋﻨﻪ ..

ﻛﻠﺴﺎﻋﺔ ﺍﺭﻭﺡ ﻟﻤﺎﻣﺎ ﺍﻛﻮﻟﻬﺎ ﺧﻠﻴﻨﻪ ﻧﺮﺟﻊ ﺿﺠﺖ ﻣﻦ ﺍﻟﻮﺿﻊ ﻭﺍﻟﺤﺠﻲ ﻭﻋﻤﺘﻬﻢ ﻛﻠﺴﺎﻋﺔ ﺍﺑﺴﻤﺮﺗﻨﻲ ﻣﺎ ﺍﻋﺮﻑ ﻫﺎﻱ ﺍﻟﻤﺮﺓ ﺷﺒﻴﻬﺎ ﺍﻟﻴﻜﻮﻝ ﻣﺎﺧﺬﺓ ﺭﺟﻠﻬﺎ .. ﻣﺎﻣﺎ ﺍﺗﻜﻮﻝ ﻋﻴﺐ ﺑﻘﻴﻨﻪ ﻟﻴﻞ ﺧﺎﺑﺮﻧﻪ ﻣﻨﺘﻈﺮ ﻳﺮﺟﻌﻨﻪ ..

ﻃﻠﻌﻨﺔ .. ﻟﻜﻴﺖ ﻣﻨﺘﻈﺮ ﻭﺍﻛﻒ ﻳﻢ ﺳﻴﻒ ﻳﺴﻠﻢ ﻋﻠﻴﻪ

ﺷﻔﺘﻪ ﺍﻧﻲ ﻭﻭﺿﻌﻲ ﻛﻠﻪ ﺍﺭﺗﺨﺮﺑﻂ ﺟﺎﻥ ﻻﺑﺲ ﺩﺷﺪﺍﺷﺔ

ﺳﻮﺩﺓ ﻭﻟﺤﻴﺘﻪ ﻭﻣﺒﻴﻦ ﻋﻠﻴﻪ ﺍﻟﺘﻌﺐ .. ﻛﻠﺶ ﻛﻠﺒﻲ ﻛﺎﻡ ﻳﺪﻙ ﺳﺮﻳﻊ .. ﻣﻨﺘﻈﺮ ﻛﺎﻝ ﻳﻼ ﺗﻌﺎﻟﻮ ﻫﻮ ﺍﻟﺘﻔﺖ ﻋﻠﻴﻪ

...

 ﺍﺷﺘﺎﮔﻴﺘﻠﺔ

ﻣﺮﻧﻲ ﺑﺤﻠﻢ ﻭﻳﺎ ﺍﻟﻔﺠﺮ 😍

ﻭﻛﺖ ﺍﻟﺼﻼﺓ ﻭ ﺍﺗﻴﻤﻤﺖ

ﻛﺪ ﺍﻟﻨﺒﻲ ﺻﻠﻴﺘﻠﺔ 💚

# ﺍﺷﺘﺎﻛﻴﺘﻠﺔ

ﻭﻣﻦ ﻛﻤﻠﺖ ﺑﻲ ﻓﻜﺮﺕ 💛

ﺧﺎﻳﻒ ﻣﺮﻳﺾ ﻭﻣﺨﺘﻨﻚ 💔

ﺑﺮﻳﺘﻲ ﻣﺪﺭﻱ ﺷﻜﻢ ﻧﻔﺲ ﺿﻤﻴﺘﻠﻪ

ﺍﺷﺘﺎﻛﻴﺘﻠﺔ

...

ﺩﻳﻤﺔ .....

ﺻﺎﺭﺕ ﻋﻴﻨﻲ ﺑﻌﻴﻨﻪ ﺍﻧﺘﺒﻬﺖ ﻉ ﻋﻴﻮﻧﻪ ﺣﻤﺮ ﻣﻮﺭﻣﺎﺕ ﺍﻛﻴﺪ ﺑﺎﺟﻲ ﺑﺲ ﻫﻮ ﻳﺒﻴﻦ ﺍﻟﻘﻮﺓ ﺍﻧﻲ ﺍﻋﺮﻑ ﻛﻠﺶ ﺯﻳﻦ ﻫﻮ ﻣﺘﻌﻠﻖ ﺑﺎﺑﻮﻩ ﻗﺒﻞ ﺟﺎﻥ ﻳﺤﺠﻴﻠﻲ ﻉ ﺍﺑﻮﻩ ﺍﻳﻜﻮﻝ ﺍﺑﻮﻳﺔ ﻧﻔﺴﻲ ﻣﻦ ﺍﻟﺪﻧﻴﺎ ﻫﻮ ﺳﻨﺪﻱ ﻭﻗﻮﺗﻲ ﺍﺣﺴﻪ ﺣﻴﻞ ﻣﻨﻜﺴﺮ ﻉ ﺍﺑﻮﻩ ﺑﺎﻭﻋﻠﻲ ﺿﻞ ﻳﺨﻨﺰﺭ ﻻﻥ ﺟﺎﻧﺖ ﻛﻠﻬﺎ ﻭﻟﺪ ﻭﺍﺣﻨﺎ ﻭﺍﻛﻔﻴﻦ ﻉ ﺻﻔﺤﺔ ﻭﺍﻧﻲ ﺟﻨﺖ ﻻﺑﺴﺔ ﺑﻨﻄﺮﻭﻥ ﻣﺎ ﻳﻘﺒﻞ ﺻﺮﺕ ﻭﺭﺍﺀ ﻋﺒﺎﻳﺔ ﺍﻣﻲ ﻻﻥ ﻧﻈﺮﺍﺗﻪ ﻣﻮﺗﺘﻨﻲ ﺍﻋﺮﻓﻪ ﻣﻦ ﻳﻌﺼﺐ ﻛﻞ ﺍﻃﺒﺎﻋﺔ ﺍﻋﺮﻓﻬﺎ ﺳﻠﻢ ﻉ ﻣﻨﺘﻈﺮ ﻋﻮﺩ ﻳﻮﺩﻋﻪ ﻣﻨﺘﻈﺮ ﺍﺷﺄﺭ ﻻﻣﻲ ﺗﺠﻲ ﺗﺼﻌﺪ ﻣﻦ ﺍﻟﺴﻴﺎﺭﺓ ﺭﺣﺖ ﻭﺻﻠﺖ ﻳﻤﻪ ﺟﺎﻥ ﻭﺍﻛﻒ ﻉ ﺻﻔﺤﺔ ﺍﻣﻲ ﺍﺧﺬﺕ ﻣﻦ ﺧﺎﻃﺮﺓ ﺍﻧﻲ ﻣﺎ ﺍﺟﺮﺋﺖ ﺍﺣﺠﻲ ﻭﻳﺎﻩ ﻭﺧﺼﻮﺻﺎ ﻣﻨﺘﻈﺮ ﻣﻮﺟﻮﺩ ﺳﻠﻢ ﻉ ﺍﻣﻲ ﺍﻧﻲ ﻧﺰﻟﺖ ﺭﺍﺳﻲ ﻻﻥ ﻧﻈﺮﺍﺗﻲ ﻓﺎﺿﺤﺘﻨﻲ ﺑﻌﺪﻳﻦ ﺻﻌﺪﻧﻪ ﺑﺴﻴﺎﺭﺓ ﺍﺷﻮﻑ ﻣﻦ ﻣﺮﺍﻳﺔ ﺳﻴﺎﺭﺓ ﺍﺷﻠﻮﻥ ﻳﺒﺎﻭﻉ ﻣﻦ ﺟﻨﺖ ﻳﻤﻪ ﺍﺣﺲ ﺍﻟﻨﻔﺲ ﺿﺎﻉ ﻣﻦ ﺻﻌﺪﺕ ﺍﺧﺬﺕ ﻧﻔﺲ ﻋﻤﻴﻖ ﺑﺲ ﻛﻠﺶ ﺍﻧﻘﻬﺮﺕ ﻋﻠﻴﻪ ﺍﻣﻲ ﺗﺤﺠﻲ ﻉ ﺍﻟﻨﺴﻮﺍﻥ ﻭﺍﻟﻔﺎﺗﺤﺔ ﻟﻤﻨﺘﻈﺮ ﻭﺍﺗﻜﻠﻪ ﺷﻔﺘﻠﻚ ﻭﺣﺪﺓ ﺣﺒﺎﺑﺔ ﻣﻦ ﻛﺮﺍﻳﺒﻬﻢ ﺧﻮﺵ ﺍﺑﻨﻴﻪ ﻭﻫﻮ ﻳﻜﻠﻬﺎ ﻣﺎ ﺍﺭﻳﺪ ﻫﺴﺔ ﺿﻠﻮ ﻳﺘﻨﺎﻗﺸﻮﻥ ﺍﻣﻲ ﺍﺗﺮﻳﺪ ﺍﺯﻭﺝ ﻣﻨﺘﻈﺮ ﺍﻟﻴﻮﻡ ﻗﺒﻞ ﺑﺎﺟﺮ ﻭﻫﻮ ﻗﺎﻓﻞ ﻫﺴﺔ ﻉ ﺍﻟﺴﺎﻟﻔﺔ ﺍﻧﻲ

ﺻﺎﻓﻨﻪ ﻉ ﺍﻟﺸﺎﺭﻉ ﻣﺎ ﺍﺣﺲ ﺍﻻ ﺍﺩﻣﻮﻋﻲ ﺗﺠﺮﻱ ﻉ ﺣﺎﻝ ﺳﻴﻒ ﺍﺗﻤﻨﻴﺖ ﻟﻮ ﺍﻧﻲ ﻳﻤﻪ ﻭﺍﺫﻛﺮﺕ ﺍﺷﻠﻮﻥ ﻋﻤﺘﻪ ﺍﺗﻜﻮﻝ

ﻧﺮﺟﻊ ﺭﺷﺎ ﻣﺴﺘﺤﻴﻞ ﺳﻴﻒ ﻳﺴﻮﻳﻬﺎ ...

ﻭﺻﻠﻨﻪ ﻟﺒﻴﺖ ﺻﻌﺪﺕ ﻟﻐﺮﻓﺘﻲ ﻓﺘﺤﺖ ﻣﻮﺑﺎﻳﻠﻲ ﺍﻟﺮﺳﺎﻳﻞ

ﻣﺎﻟﺖ ﺳﻴﻒ ﻛﻠﻬﺎ ﻣﻮﺟﻮﺩﺓ ﺟﺎﻥ ﻛﻞ ﻳﻮﻡ ﺍﻟﺼﺒﺢ ﻳﺪﺯﻟﻲ

ﺭﺳﺎﻟﺔ ﺑﻴﻬﺎ ﺷﻌﺮ ﻟﻮ ﻳﺘﻐﺰﻝ ﺑﻴﻪ ﺍﺷﺘﺎﻗﻴﺖ ﻟﻜﻠﺸﻲ ﺑﻴﻪ ﻭﻳﻮﻡ ﺑﻌﺪ ﻣﺎ ﺷﻔﺘﻪ ﻋﺮﻓﺖ ﻧﻔﺴﻲ ﺑﻌﺪﻧﻲ ﺍﺣﺒﻪ ﺍﺟﺬﺏ ﻉ ﻧﻔﺴﻲ ﻭﺍﻛﻮﻝ ﻧﺴﻴﺘﻪ ﺳﻴﻒ ﺍﻭﻝ ﺣﺐ ﺑﺤﻴﺎﺗﻲ ﻭﺍﻭﻝ ﺭﺟﺎﻝ ﺩﺧﻞ ﻟﺤﻴﺎﺗﻲ ﻣﺴﺘﺤﻴﻞ ﺍﻧﺴﺎﻩ ﻫﻴﺞ ﺑﺴﻬﻮﻟﺔ ..

ﺭﺣﺖ ﻧﺰﻟﺖ ﻟﻐﺮﻓﺔ ﻣﺎﻣﺎ ﻟﻜﻴﺘﻬﺎ ﻧﺎﻳﻤﺔ ﺗﻌﺒﺎﻧﻪ ﻣﻦ ﺍﻟﻔﺎﺗﺤﺔ

ﺳﺤﺒﺖ ﺍﻟﻤﻮﺑﺎﻳﻞ ﻣﻨﻬﺎ ﻛﻠﺖ ﺍﺧﺎﺑﺮ ﺳﻴﻒ ﻻﻥ ﺑﻌﺪ ﻣﺎ ﺍﺗﺤﻤﻞ ﻭﻫﻮ ﻣﺨﻠﻴﻨﻲ ﺑﻘﺎﺋﻤﺔ ﺍﻟﺮﻓﺾ .. ﺭﺣﺖ ﻃﻠﻌﺖ ﻣﻦ ﺍﻟﻐﺮﻓﺔ ﻭﺍﻧﻲ ﺍﻣﺸﻲ ﻉ ﻛﻴﻒ ﺧﺎﻑ ﻣﺎﻣﺎ ﺗﻜﻌﺪ ﺻﻌﺪﺕ ﻟﻐﺮﻓﺘﻲ ﺳﺪﻳﺖ ﺍﻟﺒﺎﺏ ...

ﺳﺠﻠﺖ ﺭﻗﻢ ﺳﻴﻒ ﻭﺍﻧﻲ ﺣﺎﻳﺮﺓ ﺷﺤﺠﻲ ﻭﻳﺎﻩ ﺩﺳﺖ ﺍﺗﺼﺎﻝ ﺳﻤﻌﺖ ﺻﻮﺗﻪ ﺍﺧﺬﺕ ﻧﻔﺲ ..

ﺩﻳﻤﺔ : ﺑﻘﻴﺔ ﺑﺤﻴﺎﺗﻚ ﺳﻴﻒ ..

ﺳﻴﻒ : ﺣﻴﺎﺗﺞ ﺍﻟﺒﺎﻗﻴﺔ ..

ﺩﻳﻤﺔ : ﺍﺗﻨﻬﺪﺕ ﺳﻴﻒ ﻟﻴﺶ ﻣﺨﻠﻴﻨﻲ ﺑﻘﺎﺋﻤﺔ ﺍﻟﺮﻓﺾ ﺍﻧﻲ ﺷﻤﺴﻮﻳﺘﻠﻚ ﺍﻧﺘﻪ ﺣﺘﻰ ﻣﺎ ﺳﻤﻌﺘﻨﻲ ﻭﻻ ﺛﻘﻴﺖ ﺑﻴﻪ

ﺳﻴﻒ : ﺩﻳﻤﺔ ﻫﺴﺔ ﻣﻮ ﻭﻛﺘﺞ ﻫﺴﺔ ﺍﻧﻲ ﺗﻌﺒﺎﻥ ﻭﺿﻬﺮﻱ ﻣﻜﺴﻮﺭ ﻉ ﻭﺍﻟﺪﻱ ﻋﻮﻓﻴﻨﻲ ﻫﺴﺔ ﺭﺣﻤﺔ ﻻﻫﻠﺞ ﻳﻤﻲ ﻧﺎﺱ ﻣﺎ ﺍﻛﺪﺭ ﺍﺣﺎﺟﻴﺞ ...

ﺳﺪﻩ .. ﻭﺍﻧﻲ ﺍﺣﺲ ﺭﻭﺣﻲ ﺍﻧﺬﻟﻴﺖ ﻛﻞ ﻣﺮﺓ ﺍﺗﻨﺎﺯﻝ ﻉ ﺍﻟﺮﻏﻢ ﺍﻟﺨﻄﺄ ﻣﻮ ﻣﻦ ﻳﻤﻲ ... ﺭﺣﺖ ﺭﺟﻌﺖ ﺍﻟﻤﻮﺑﺎﻳﻞ ﻻﻣﻲ ... ﺧﺎﺑﺮﺕ ﺭﻏﺪ ﻭﺳﻮﻟﻔﺘﻬﺎ ﻉ ﺍﻟﺼﺎﺭ ..

ﺭﻏﺪ : ﺍﺗﺮﻛﻲ ﻫﺴﺔ ﺧﻠﻴﻨﻪ ﺍﻓﻜﺮ ﺑﻄﺮﻳﻘﺔ ﻭﻧﻜﺸﻒ ﻣﻨﻮ ﺍﻟﻴﻮﺻﻠﻪ ﺍﻟﺤﺠﻲ ﻭﻫﻴﺞ ﻣﺴﻮﻱ ﺑﻴﺞ ..

ﺩﻳﻤﺔ : ﺍﻧﻲ ﺗﻌﺒﺖ ﺭﻏﺪ ﻟﻴﺶ ﻣﻦ ﺩﻭﻥ ﺍﻟﺒﻨﺎﺕ ﻫﻴﺞ ﻳﺼﻴﺮ ﺑﻴﻪ ﻭﺍﻟﻠﻪ ﺗﺮﺓ ﻃﺎﻗﺘﻲ ﻣﺎﻝ ﺍﻟﺘﺤﻤﻞ ﺧﻠﺼﺖ ..

ﺭﻏﺪ : ﺍﻟﻠﻪ ﻛﺮﻳﻢ ﻫﺴﺔ ﺍﻧﺰﻟﻲ ﻟﻘﺴﻢ ﻭﺍﻧﻲ ﺍﺷﻮﻓﻠﺞ ﺧﻄﺔ ﻭﻧﻌﺮﻑ ﻣﻨﻮ ﺍﻟﺴﺒﺐ

...

ﺛﺎﻧﻲ ﻳﻮﻡ ﻧﺰﻟﺖ ﻟﻘﺴﻢ ﻻﻥ ﻋﻨﺪﻧﻪ ﺩﻭﺍﻡ ﻭﺍﻣﺘﺤﺎﻧﺎﺕ ..

ﺿﻠﻴﻨﻪ ﻧﺨﻄﻂ ﺍﺣﻨﺎ ﻭﺭﻏﺪ ﺍﻧﺮﻳﺪ ﻧﻜﺸﻒ ﺍﻟﺒﻨﻴﺔ ﺍﻟﺘﺴﻮﻱ ﺑﻴﻪ ﻫﻴﺞ ﻛﻤﺖ ﺍﺷﻚ ﺑﻜﻞ ﺍﻟﺒﻨﺎﺕ ... ﻣﻮﺑﺎﻳﻠﻲ ﺍﺑﺪ ﻣﺎ ﺍﺗﺮﻛﻪ ﻣﺎ ﺍﺳﻮﻟﻒ ﻻﻱ ﻭﺣﺪﺓ ...

ﺑﺲ ﻳﻮﻡ ﺍﻧﻲ ﻭﺭﻏﺪ ﺟﺎﻥ ﺍﻟﻌﺸﺔ ﻋﻠﻴﻨﻪ ﺍﺣﻨﺎ ﻧﺴﻮﻳﻪ ﺭﺣﻨﺎ ﻃﻠﻌﻨﻪ ﻣﻦ ﺍﻟﻐﺮﻓﺔ ﻻﻥ ﻣﻄﺒﺦ ﺑﻌﻴﺪ ﻋﻦ ﺍﻟﻐﺮﻑ

ﻫﺪﻯ ﻛﺎﻟﺖ ﺭﺍﺡ ﺍﺳﺒﺢ ﻟﺤﺪ ﻣﺎ ﻳﻜﻤﻞ ﺍﻟﻌﺸﺔ ..

ﻭﺻﻠﻨﻪ ﻟﻤﻄﺒﺦ ﺍﻟﺘﻔﺖ ﻋﻠﻴﻪ ﺭﻏﺪ ..

ﺭﻏﺪ : ﻭﻟﺞ ﻧﺴﻴﺖ ﺟﻬﺎﺯﻱ ﺑﻐﺮﻓﺔ ﻭﺧﺎﻑ ﻳﺘﺼﻞ ﻋﻠﻴﻪ ﺍﺣﻤﺪ ..

ﺩﻳﻤﺔ : ﺭﻭﺣﻲ ﺟﻴﺒﻲ ﻣﻨﺘﻈﺮﺗﺞ ﺿﻠﻴﺖ ﺍﺳﻮﻱ ﺑﻠﺒﺘﻴﺘﻪ

ﻭﺑﻴﺬﻧﺠﺎﻥ ﺟﺎﻥ ﺍﻟﻌﺸﺔ ﻧﺴﻮﻱ ﺧﻔﻴﻒ ..

ﺍﺟﺖ ﺭﻏﺪ ﺑﺲ ﺷﻔﺘﻬﺎ ﻣﻮ ﻉ ﺑﻌﻀﻬﺎ ﻭﺟﻬﺎ ﺍﺻﻔﺮ ..

ﺩﻳﻤﺔ : ﺷﺒﻴﺞ ﺭﻏﺪ ﻟﻴﺶ ﻭﺟﻬﺞ ﻫﻴﺞ ..

ﺭﻏﺪ : ﺩﻳﻤﺔ ﻋﺮﻓﺖ ﻣﻨﻮ ﺍﻟﺒﻨﻴﺔ ﻭﻟﺞ ﻟﺤﺪ ﺍﻻﻥ ﻣﺎ ﺍﺻﺪﻙ ﻣﺼﺪﻭﻣﺔ ..

ﺩﻳﻤﺔ : ﻭﻟﺞ ﺍﺣﺠﻲ ﻣﻨﻮ ﺍﻟﺒﻨﻴﺔ ...

ﺭﻏﺪ : ﺳﻼﺭ ﻣﻦ ﺩﺧﻠﺖ ﻟﻐﺮﻓﺔ ﺷﻔﺘﻬﺎ ﺗﻠﻌﺐ ﺑﻤﻮﺑﺎﻳﻠﺞ ﻣﻦ ﺩﺧﻠﺖ ﺷﻤﺮﺗﻪ ﻭﺟﻬﺎ ﺻﺎﺭ ﺍﺻﻔﺮ ﺍﻛﻴﺪ ﻫﻲ ﺍﻟﻬﺎ ﺍﻳﺪ ﺑﺸﻐﻠﺔ ..

ﺍﻧﻲ ﺍﺗﻌﺼﺒﺖ ﺣﻴﻞ ﻣﻌﻘﻮﻟﺔ ﺳﻼﺭ ﻟﻴﺶ ﺍﺳﻮﻱ ﺑﻴﻪ ﻫﻴﺞ ﻫﻴﻪ ﺣﺘﻰ ﻣﺎ ﺗﻌﺮﻑ ﺳﻴﻒ ..

ﺩﻳﻤﺔ : ﻭﺍﻟﻠﻪ ﺍﻟﻴﻮﻡ ﺍﻻ ﺍﻃﻴﺢ ﺣﻈﻬﺎ ..

ﺭﻏﺪ : ﺷﺒﻴﺞ ﻻ ﺗﺴﺘﻌﺠﻠﻴﻦ ﺍﻧﻲ ﺍﺻﻼ ﺳﻮﻳﺖ ﺭﻭﺣﻲ ﻣﺎ ﺷﻔﺘﻬﺎ ﻭﻋﺎﺩﻱ ﺍﺷﺎﻗﻴﺖ ﻭﻳﺎﻫﺎ ﻭﺿﺤﻜﺖ ﻋﻠﻤﻮﺩ ﻣﺎ ﺗﺤﺲ ﻻﺯﻡ ﺍﻧﺸﻮﻑ ﻣﻮﺑﺎﻳﻠﻬﺎ ﻭﻟﻴﺶ ﺳﻮﺕ ﻫﻴﺞ ﻭﺷﻨﻮ ﻋﻼﻗﺘﻬﺎ ﺑﺴﻴﻒ ﻻﻥ ﺍﺫﺍ ﻫﺴﻪ ﺭﺣﻨﺎ ﻧﻜﻮﻟﻬﺎ ﺭﺍﺡ ﺗﻨﻜﺮ ﻭﻣﺎ ﺭﺍﺡ ﻧﻮﺻﻞ ﻟﺸﻲ ..

ﺩﻳﻤﺔ : ﺭﻏﺪ ﻣﺎ ﺍﻋﺮﻑ ﺷﺴﻮﻱ ﺍﻧﻲ ﺑﺪﻭﻧﺞ ﺍﺿﻴﻊ ﻓﺪﻭﺓ ﻻ ﺗﺮﻛﻴﻨﻲ ..

ﺭﻏﺪ : ﺣﺒﻲ ﺍﻧﺘﻲ ﺍﺧﺘﻲ ﻣﺴﺘﺤﻴﻞ ﺍﺗﺮﻛﺞ ..

ﺭﻏﺪ ﺳﻮﺕ ﺍﻟﻌﺸﺔ ﻻﻥ ﺍﻧﻲ ﺑﻌﺪ ﺍﻳﺪﻱ ﻣﺎ ﺗﺎﺧﺬ ﻉ ﺍﻟﺸﻐﻞ

ﻛﻤﻠﺘﻪ ﺍﻧﺘﻈﺮﻧﻪ ﻫﺪﻯ ﺗﻄﻠﻊ ﻣﻦ ﺍﻟﺤﻤﺎﻡ ﻓﺮﺷﻨﻪ ﺍﻟﺴﻔﺮﺓ

ﻭﺧﻠﻴﻨﻪ ﺍﻻﻛﻞ ﻋﻠﻴﻬﺎ ﺑﻨﺎﺕ ﻫﻤﻴﻦ ﻛﻌﺪﻥ ﻭﻳﺎﻧﻪ ﺍﺟﺖ ﺳﻼﺭ ﻛﻌﺪﺕ ﻣﻘﺎﺑﻴﻠﻲ ﻭﺍﻧﻲ ﺍﺣﺲ ﺑﺮﻭﺣﻲ ﻧﺎﺭ ..

ﻛﻮﺓ ﻛﺎﻋﺪﺓ ﺑﺲ ﺍﺑﺎﻭﻉ ﻋﻠﻴﻬﺎ ﺟﺎﻧﺖ ﺳﻼﺭ ﻣﻦ ﺍﻟﻨﻮﻉ ﺍﻟﺘﺸﺎﻗﺔ ﻭﺍﻟﺘﻨﻜﺖ ﺑﻘﺖ ﺍﺳﻮﻟﻒ ﻭﺗﻀﺤﻚ ﺍﻧﻲ ﻛﻮﺓ ﻣﺼﺒﺮﺓ ﻉ ﺭﻭﺣﻲ ﻻﻥ ﺑﺴﺒﺒﻬﺎ ﻛﻠﻪ ﻫﺬﺍ ﺻﺎﺭ ﺑﻴﻪ

ﻛﻤﻠﻨﻪ ﺍﻟﻌﺸﺔ ﻭﺍﻧﻲ ﺍﺻﻼ ﻣﺎ ﺧﻠﻴﺖ ﺷﻲ ﺑﺤﻠﻜﻲ ﺍﺭﻳﺪ ﺑﺲ ﺍﻟﻔﺮﺻﺔ ﺍﺷﻮﻑ ﻣﻮﺑﺎﻳﻠﻬﺎ ..

ﺳﻼﺭ ﺩﺧﻠﺖ ﻟﺤﻤﺎﻡ ﻛﺎﻟﺖ ﺍﺳﺒﺢ .. ﺑﻘﻴﻨﻪ ﺑﺲ ﺍﻧﻲ ﻭﺭﻏﺪ ﻭﻫﺪﻯ ﺑﻐﺮﻓﺔ ..

ﺭﻏﺪ؛ﻫﺪﻯ ﺗﻌﺎﻟﻲ ﻧﻄﻠﻊ ﺑﺤﺪﻳﻘﺔ ﻧﻐﻴﺮ ﺟﻮﺀ ﺷﻮﻱ ﺍﻫﻨﺎ ﺧﻨﻜﺔ ..

ﺍﻧﻲ ﻋﺮﻓﺖ ﻗﺼﺪﻫﺎ ﺍﺗﺮﻳﺪ ﺍﻃﻠﻊ ﻫﺪﻯ ﻋﻠﻤﻮﺩ ﺍﺑﻘﻰ ﻭﺣﺪﻱ ..

ﻃﻠﻌﺖ ﻫﺪﻯ ﻭﻱ ﺭﻏﺪ ...

ﺍﻧﻲ ﺭﺣﺖ ﺍﺩﻭﺭ ﻉ ﻣﻮﺑﺎﻳﻞ ﺳﻼﺭ ﺷﻔﺘﻪ ﻣﺨﻠﻴﺘﻪ ﺑﻠﻮﻛﺮ

ﺭﺣﺖ ﻓﺘﺤﺘﻪ ﻣﻮﺟﻮﺩ ﺑﻴﻪ ﺭﻣﺰ ﺑﺲ ﺭﻏﺪ ﻋﻠﻤﺘﻨﻲ ﻉ ﺍﻟﺮﻣﺰ ..

ﻓﺘﺤﺘﻪ ﻭﺍﻧﻲ ﺍﻳﺪﻱ ﺗﺮﺟﻒ ..

ﺭﺣﺖ ﻉ ﺍﻟﺮﺳﺎﻳﻞ .. ﺷﻔﺘﻬﻦ ﺍﻧﺼﺪﻣﺖ ﻛﻞ ﺍﻟﺤﺠﻲ ﻣﻮﺻﻠﺘﻪ ﻻﺑﻨﻴﺔ ﺍﺳﻤﻬﺎ ﺍﺟﻮﺍﻥ ﺑﻌﺪﻳﻦ ﺷﻔﺖ ﺻﻮﺭﻱ

ﻫﻲ ﺍﻟﺒﻨﻴﺔ ﺭﺍﺳﻠﺘﻬﺎ ﻛﻞ ﻣﺎ ﺍﺟﻴﺒﻠﻲ ﻣﻌﻠﻮﻣﺎﺕ ﺍﻛﺜﺮ ﻛﻞ ﻣﺎ ﻳﺰﻳﺪ ﻓﻠﻮﺳﺞ ﻭﺍﺭﺻﺪﺓ ﻭﻫﺴﺔ ﺍﻧﻲ ﻭﺩﻳﺘﻠﺞ ﺩﻓﻌﺔ ﺑﻴﺪ ﺍﺑﻮ ﺍﻟﺨﻂ ..

ﻭﺭﺳﺎﻟﺔ ﺛﺎﻧﻴﺔ ﻛﺎﺗﺒﺘﻠﻬﺎ ﻭﻳﻦ ﺍﻟﻤﻌﻠﻮﻣﺎﺕ ﺻﺎﻟﺞ ﻫﻮﺍﻱ ﻣﺎ ﺟﺎﻳﺒﻠﺘﻠﻲ ﺷﻲ ﺟﺪﻳﺪ ﺗﺮﺓ ﺍﻗﻄﻊ ﻋﻠﻴﺞ ﺍﻟﻔﻠﻮﺱ ..

ﺿﻠﻴﺖ ﻓﺎﺗﺤﺔ ﻋﻴﻮﻧﻲ ﻣﻌﻘﻮﻟﺔ ﺍﻛﻮ ﻫﻴﺞ ﻧﺎﺱ ﺍﺗﺒﻴﻊ ﺍﺻﺪﺍﻗﺎﺋﻬﺎ ﻋﻠﻤﻮﺩ ﻓﻠﻮﺱ ﺍﻧﺼﺪﻣﺖ ﺿﻠﻴﺖ ﻣﺎ ﻣﺴﺘﻮﻋﺒﻪ ﺍﻱ ﺷﻲ ﻫﻮﺍﻱ ﺭﺳﺎﻳﻞ ﺩﺯﻳﺖ ﻧﺼﻬﻦ ﻟﺠﻬﺎﺯﻱ ﺿﻠﻴﺖ ﺍﻛﻠﺐ ﺑﻴﻬﻦ ﻓﺠﺎﺀﺓ ﺍﻧﻔﺘﺢ ﺍﻟﺒﺎﺏ ﺟﺎﻧﺖ ﺳﻼﺭ ﻣﺨﻠﻴﻪ

ﺍﻟﻤﻨﺸﻔﺔ ﻉ ﺭﺍﺳﻬﺎ ..

ﺍﻧﻲ ﺑﻌﺪﻧﻲ ﻻﺯﻣﺔ ﺍﻟﻤﻮﺑﺎﻳﻞ ﻭﺧﺰﺭﺗﻬﺎ .. ﻫﻲ ﺑﺴﺮﻋﺔ ﺍﺟﺖ ﻋﻠﻴﻪ ..

ﺳﻼﺭ : ﻣﻮ ﻋﻴﺐ ﻋﻠﻴﺞ ﺗﻠﻌﺒﻴﻦ ﺑﻤﻮﺑﺎﻳﻠﻲ ﻣﺎﺗﺴﺘﺤﻴﻦ ..

ﺩﻳﻤﺔ : ﻫﻮ ﻣﻨﻮ ﺍﻟﻤﺎﻳﺴﺘﺤﻲ ﺍﻧﻲ ﻟﻮ ﺍﻧﺘﻲ ..

ﻟﺞ ﺍﻧﺘﻲ ﻣﺎ ﺗﺴﺘﺤﻴﻦ ﺑﻌﺘﻴﻨﻲ ﻋﻠﻤﻮﺩ ﻛﻢ ﻓﻠﺲ ﻭﺭﺻﻴﺪ

ﻭﺍﻟﻠﻪ ﺍﺫﺍ ﻣﺎ ﺳﻮﻟﻔﺘﻴﻠﻲ ﻛﻠﺸﻲ ﻫﺎﻱ ﺍﻟﺮﺳﺎﻳﻞ ﻛﻠﻬﺎ ﻟﻮﺻﻠﻬﺎ ﻻﻫﻠﺞ ﻭﺻﺎﺭ ﺭﻗﻢ ﺍﺧﻮﺝ ﻋﻨﺪﻱ ﺍﺩﺯﻟﻪ ﺍﻟﺮﺳﺎﻳﻞ

ﻭﺍﺧﻠﻲ ﻫﻮ ﻳﺼﺮﻑ ..

...

ﺍﺟﺘﻲ ﺭﻏﺪ ﻭﻫﺪﻯ ..

ﺭﻏﺪ : ﻧﺼﻮ ﺻﻮﺗﻜﻢ ﻟﻴﻮﻳﻦ ﻭﺍﺻﻞ ..

ﻣﺎ ﺍﻫﺘﻤﻴﺖ ﻷﻱ ﻭﺍﺣﺪ ﻛﻤﺖ ﺍﺻﻴﺢ ﻭﺍﻏﻠﻂ ﻋﻠﻴﻬﺎ ﻣﺤﺪ ﺣﺎﺱ ﺑﻞ ﺍﻧﻲ ﻣﺮﻳﺖ ﺑﻴﻪ ﺍﺣﺲ ﻭﺟﻬﻲ ﺻﺎﺭ ﻧﺎﺭ ﻭﺟﺴﻤﻲ ﻳﺮﺟﻒ ﻣﻦ ﺍﻟﻌﺼﺒﻴﻪ ...

ﺩﻳﻤﺔ : ﻫﺴﺔ ﺗﺤﺠﻴﻦ ﻟﻮ ﺷﻨﻮ ﻻ ﺗﺨﻠﻴﻨﻲ ﻫﺴﺔ ﺍﺧﺎﺑﺮ ﺍﺧﻮﺝ ﻭﺑﺼﻮﺕ ﻋﺎﻟﻲ ... ﺍﺣﺠﺠﺠﺠﻲ

ﺳﻼﺭ : ﻭﻫﻲ ﺗﺘﻮﺳﻞ ﺑﺪﻳﻤﺔ ﻻﻥ ﺗﻌﺮﻑ ﺍﺫﺍ ﻭﺻﻞ ﺍﻟﺤﺠﻲ ﻷﻫﻠﻬﺎ ﺭﺍﺡ ﺍﻛﻴﺪ ﻳﺒﻄﻠﻮﻫﺎ ..

ﻫﺪﻯ؛ﻓﻬﻤﻮﻧﻲ ﺷﺼﺎﻳﺮ ﺩﻳﻤﺔ ﺷﺒﻴﺞ ﻟﻴﺶ ﻫﻴﺞ ﺍﺻﻴﺤﻴﻦ ..

ﺩﻳﻤﺔ : ﻫﺎﻱ ﺻﺎﺣﺒﺘﺞ ﺩﺯ ﻛﻼﻣﻲ ﻟﺒﻨﻴﺔ ﻭﺣﺘﻰ ﺻﻮﺭ ﻟﻮﻟﺪ

ﺳﻼﺭ : ﻭﺍﻟﻠﻪ ﻣﻮ ﻟﻮﻟﺪ ﺑﺲ ﻟﺒﻨﻴﺔ ..

ﺩﻳﻤﺔ : ﻣﻨﻮ ﻫﺎﻱ ﺍﻟﺒﻨﻴﺔ ﻭﻟﻴﺶ ﺍﻧﻲ ﺑﺬﺍﺕ ﺳﻼﺭ ﻓﻬﻤﻴﻨﻲ

ﺳﻼﺭ : ﺳﻴﻒ ﻣﺎ ﻳﺤﺒﺞ ﻭﺍﺻﻼ ﻫﺎﻱ ﺍﻟﺒﻨﻴﺔ ﻫﻲ ﺻﺎﺣﺒﺘﻪ ﻭﻣﺰﻭﺟﻬﺎ ﺑﺴﺮ ﺑﻐﺪﺍﺩ ﺑﺲ ﻫﻮ ﺻﺎﻟﺔ ﻓﺘﺮﺓ ﺗﺎﺭﻛﻬﺎ ﻭﻣﺨﺎﺑﺮﺓ ﻉ ﺍﺑﻦ ﻋﻤﻪ ﺳﺎﻣﺮ ﻭﻛﺎﻳﻠﻬﺎ ﻋﻮﻓﻲ ﺳﻴﻒ ﻳﺤﺐ

ﻭﺣﺪﺓ ﻭﻳﺮﻳﺪ ﻳﺨﻄﺒﻬﺎ ﻭﻫﻲ ﺿﺎﻟﺔ ﺗﺒﺠﻲ ﻭﺍﺧﺬﺕ ﻣﻌﻠﻮﻣﺎﺕ ﻋﻨﺞ ﻭﻋﺮﻓﺖ ﺍﺩﺍﻭﻣﻴﻦ ﺍﻫﻨﺎ ﻭﺻﻠﺖ ﺇﻟﻴﻪ ﻭﺿﻠﺖ ﺗﻨﻄﻴﻨﻲ ﻓﻠﻮﺱ ﻭﺍﺭﺻﺪﺓ ﻭﺍﻧﻲ ﺟﻨﺖ ﻣﺤﺘﺎﺟﺘﻬﻦ ﻭﺻﺮﺕ ﺍﻭﻝ ﺍﻟﻬﺎ ﺍﻟﻤﻌﻠﻮﻣﺎﺕ ﻛﻠﺸﻲ ﻋﻨﺞ ﺟﻨﺘﻲ ﻣﻦ ﺗﺨﺎﺑﺮﻳﻦ ﺳﻴﻒ ﺍﻧﻲ ﺍﺿﻞ ﺍﺳﻤﻊ ﻟﺴﻮﺍﻟﻔﻜﻢ

ﻭﻋﺮﻓﺖ ﺭﻣﺰ ﺟﻬﺎﺯﺝ ﻭﺍﺧﺬﺕ ﺭﺳﺎﻳﻞ ﺃﺭﺳﻠﺘﻬﺎ ﺍﻟﻬﺎ ...

ﺩﻳﻤﺔ : ﺿﻠﻴﺖ ﻣﺼﺪﻭﻣﺔ ﺯﻭﺍﺝ ﺷﻨﻮ ﻭﻟﻴﺶ ﺳﻴﻒ ﻣﺎ ﻛﺎﻟﻲ ... ﻭﺿﻢ ﻋﻠﻴﻪ ﻫﺎﻱ ﺍﻟﺴﺎﻟﻔﺔ ..

ﻭﺍﻧﺘﻲ ﻫﻴﺞ ﺑﻌﺘﻲ ﺿﻤﻴﺮﺝ ﻭﺻﺪﻳﻘﺘﺞ ﻋﻠﻤﻮﺩ ﺍﻟﻔﻠﻮﺱ

ﺳﻼﺭ : ﺩﻳﻤﺔ ﺃﻧﺘﻲ ﻣﻮ ﺻﺪﻳﻘﺘﻲ ﻣﺠﺮﺩ ﺯﻣﻴﻠﺔ ﺣﺘﻰ ﻣﺎ ﺗﻜﻌﺪﻳﻦ ﻭﻳﺎﻧﻪ ..

ﺩﻳﻤﺔ : ﻭﻟﺞ ﺣﺘﻰ ﻟﻮ ﺟﺎﻥ ﻭﻛﻔﺖ ﺍﻟﻌﺸﺮﺓ ﺑﻌﻴﻨﺞ ﺑﺲ ﺍﻧﺘﻲ ﻭﺣﺪﺓ ﻧﺬﻟﺔ ﺗﺒﻌﻴﻦ ﻧﻔﺴﺞ ﻋﻠﻤﻮﺩ ﺍﻟﻔﻠﻮﺱ ﺍﻧﻲ ﺍﻋﻠﻤﺞ ﺍﺻﺒﺮﻳﻠﻲ ﺿﻠﺖ ﺗﺘﻮﺳﻞ ﻃﻠﻌﺖ ﺭﻛﻌﺖ ﺍﻟﺒﺎﺏ ﻭﺭﺍﻳﺔ ..

ﻭﺍﻧﻲ ﺍﺣﺲ ﺭﻭﺣﻲ ﺑﺪﻭﺍﻣﻪ ﻣﻨﺎ ﺳﻴﻒ ﺍﻟﻀﻢ ﻋﻠﻴﻪ ﺳﺎﻟﻔﻪ ﻭﺳﺎﻣﺮ ﻣﻨﻄﻴﻬﺎ ﻛﻞ ﺍﻟﻤﻌﻠﻮﻣﺎﺕ ﻭﺳﻼﺭ ﻳﺎﺭﺑﻲ ﻣﻨﻴﻦ ﺍﻟﻜﺎﻫﺎ ﻛﻤﺖ ﺍﺑﺠﻲ ﻣﺎ ﺍﻛﺪﺭ ﺍﺗﺤﻤﻞ ﻛﻞ ﻫﺬﺍ

ﺳﻴﻒ ﻳﺨﻮﻧﻲ ﻭﺳﺎﻣﺮ ﻣﺴﻮﻱ ﻧﻔﺴﻪ ﻓﻘﻴﺮ ﻭﺫﺏ ﺍﺿﻮﺝ ﻛﻠﻪ ﺑﻴﻪ ﻛﻤﺖ ﺣﺘﻰ ﺍﺷﻚ ﺑﺮﻭﺣﻲ ﺧﺎﻑ ﺣﺎﺟﻴﻪ ﻛﻠﻤﻪ

ﻣﻦ ﺣﺮﻛﺔ ﻛﻠﺒﻲ ﺧﺎﺑﺮﺕ ﺳﺎﻣﺮ ...

ﺩﻳﻤﺔ : ﻟﻴﺶ ﺳﺎﻣﺮ ﻫﻴﺞ ﺑﻌﺘﻨﻲ .. ﻟﻴﺶ ﻣﻮ ﺍﻧﻲ ﻣﺜﻞ ﺍﺧﺘﻚ

ﻭﻟﻜﻢ ﺻﺮﺗﻮﻭ ﺿﺪﻱ ﻋﻨﺪ ﺍﻟﻠﻪ ﺗﺘﺠﺎﺯﻭﻥ ..

ﺳﺎﻣﺮ : ﺩﻳﻤﺔ ﻓﻬﻤﻨﻲ ﺷﺒﻴﺞ ﻟﻴﺶ ﻫﻴﺞ ﺗﺤﺠﻴﻦ ..

ﺩﻳﻤﺔ : ﻋﺮﻓﺖ ﻛﻮﻟﺸﻲ ﻭﻋﺮﻓﺖ ﺍﺟﻮﺍﻥ ..

ﺳﺎﻣﺮ : ﺩﻳﻤﺔ ﺧﻠﻴﻨﻲ ﺍﻓﻬﻤﺞ ..

ﻣﺎ ﺳﻤﻌﺖ ﻣﻨﻪ ﺳﺪﻳﺖ ﺍﻟﻤﻮﺑﺎﻳﻞ ﺍﺣﺲ ﺭﻭﺣﻲ ﺑﺲ ﺍﻧﻲ ﺍﻟﻄﺮﻑ ﺍﻟﺨﺴﺮﺍﻥ ﺩﺍﺋﻤﺎ ﺍﻃﻠﻊ ﺍﻧﻲ ﺍﻟﺨﺴﺮﺍﻧﻪ ﻻ ﺻﺪﻳﻖ ﻭﻻ ﺣﺒﻴﺐ ﺍﺻﻌﺐ ﺷﻲ ﻫﻲ ﺍﻟﺨﻴﺎﻧﻪ ..

ﺍﻛﻴﺪ ﺟﺎﻥ ﻳﺘﻐﺰﻝ ﺑﻴﻬﺎ ﻭﺍﻟﻴﺤﺠﻲ ﺍﻟﻲ ﻳﺮﻭﺡ ﻳﺤﺠﻲ ﺍﻟﻬﺎ

ﻟﻴﺶ ﺍﺯﻭﺟﻬﺎ ﻭﻳﻤﺘﻪ ﻭﻟﻴﺶ ﺗﺮﻛﻬﺎ ﻟﻴﺶ ﺍﺟﻪ ﻋﻠﻴﻪ ﻣﻌﻘﻮﻟﺔ ﻳﺨﻠﺺ ﻭﻗﺖ ﻭﺑﺲ ﻭﻭﻫﻤﻨﻲ ﺑﺤﺒﻪ ﺿﻠﻴﺖ ﺍﺳﺎﻝ ﻧﻔﺴﻲ ﻣﺎ ﺍﺭﺗﺎﺡ ﺍﻻ ﺍﺧﺎﺑﺮﻩ ﻭﺍﻓﻬﻢ ﻣﻨﻪ ﻻﻥ ﺍﺫﺍ ﺍﺿﻞ ﻫﻴﺞ ﺭﺍﺡ ﺍﻛﻞ ﺑﺮﻭﺣﻲ ..

ﺍﺗﺼﻠﺖ ﻋﻠﻴﻪ ﻫﻤﺰﻳﻦ ﻣﺎ ﻣﺨﻠﻴﻨﻲ ﺑﻘﺎﺋﻤﺔ ﺍﻟﺮﻓﺾ ..

ﺟﺎﻭﺑﻨﻲ ﻭﻋﻮﺩ ﺑﺼﻮﺕ ﺯﻋﻼﻥ ...

ﺩﻳﻤﺔ : ﻭﺍﻟﻚ ﻋﻴﻦ ﺗﺰﻋﻞ ﻃﻮﻝ ﻫﺎﻱ ﺍﻟﻔﺘﺮﺓ ﻣﻄﻠﻌﻨﻲ ﺍﻧﻲ ﺍﻟﻐﻠﻂ ﻭﻃﻠﻌﺖ ﺻﺎﺣﺒﺘﻚ ﻣﺎ ﺍﻋﺮﻑ ﻣﺮﺗﻚ ﺍﻟﻤﺰﺯﻭﺟﻬﺎ ﺑﺴﺮ ﻫﻲ ﺳﺒﺐ ﺍﻟﻤﺸﺎﻛﻞ ﻭﺍﺑﻦ ﻋﻤﻚ ﻣﺎ ﻣﻘﺼﺮ ﻛﻠﺸﻲ ﻣﻨﻄﻴﻬﺎ ﻣﻦ ﻣﻌﻠﻮﻣﺎﺕ .. ﻭﺍﻧﻲ ﺟﻨﺖ ﻋﺎﻳﺸﺔ ﻭﻳﺎﻛﻢ ﺑﻐﺶ

ﺣﺮﺍﻡ ﻋﻠﻴﻜﻢ ﻟﻴﺶ ﻫﻴﺞ ﺳﻮﻳﺘﻮ ﺑﻴﻪ ..

ﻣﺎ ﺍﺗﺤﻤﻠﺖ ﺍﺳﻤﻊ ﺻﻮﺗﻪ ﺑﺴﺮﻋﺔ ﻗﻔﻠﺘﻪ ...

ﻛﻌﺪﺕ ﺍﻧﻬﺎﺭﻳﺖ ﻣﻦ ﺍﻟﺒﺠﻲ .. ﺍﻹﻣﺎﻡ ﻣﺎ ﻗﺼﺮ ﻭﻳﺎﻱ ﺍﻳﺠﻮﺯ ﺩﻋﻮﺓ ﻫﺎﻱ ﺍﻟﻤﺮﺓ ﻫﻲ ﻛﺸﻔﺖ ﺍﻟﺤﻘﻴﻘﺔ ..

ﺿﻠﻮ ﻳﺘﺼﻠﻮﻥ ﺍﻧﻲ ﻣﺎ ﺍﺭﺩ

ﺳﺎﻣﺮ ﻳﺪﺯ ﺭﺳﺎﻳﻞ ﺑﺲ ﺧﻠﻴﻨﻲ ﺍﻓﻬﻤﺞ ..

ﻳﺨﺎﻑ ﻣﻦ ﺣﻨﻴﻦ ﻻﻥ ﻳﺤﺠﻲ ﻭﻱ ﺑﻨﺎﺕ ﻭﺧﺎﻑ ﺍﻭﺻﻞ

ﺍﻟﻬﺎ ﺍﻟﺤﺠﻲ ... ﻗﻔﻠﺖ ﺍﻟﺠﻬﺎﺯ ..

ﺟﻨﺖ ﻛﺎﻋﺪﺓ ﺑﺤﺪﻳﻘﺔ ﺿﻮﺅﺀ ﺍﻟﻘﻤﺮ ﻋﺎﻛﺲ ﻋﻠﻴﻪ ﺍﻟﺠﻮﺀ ﺟﺎﻥ ﻫﺪﻭﺅ ﺑﺲ ﺍﻧﻲ ﺑﺪﺍﺧﻠﻲ ﺣﺮﺏ ﻣﺎ ﺍﻛﺪﺭ ﺍﻫﺪﺉ

ﺑﺲ ﺷﻮﻱ ﺍﺭﺗﺎﺣﻴﺖ ﻻﻥ ﺣﻘﻴﻘﺔ ﺃﻥ ﻛﺸﻔﺖ

ﺍﺟﺖ ﻋﻠﻴﻪ ﺭﻏﺪ ﻛﻌﺪﺕ ﻳﻤﻲ ﻭﺍﻧﻲ ﺻﺎﻓﻨﻪ ..

ﺩﻳﻤﺔ : ﻟﻮ ﻣﺎ ﺍﻧﺘﻲ ﻫﺴﺔ ﺍﻧﻲ ﺑﻘﻴﺖ ﺑﻤﺘﺎﻫﺔ .. ﺭﺑﻲ ﻋﻮﺿﻨﻲ

ﺑﻴﺞ ﺍﻧﺘﻲ ﺍﺧﺘﻲ ﺭﺑﻲ ﻳﺴﻌﺪﺝ

ﺭﻏﺪ : ﻻ ﺗﺤﺠﻴﻦ ﺍﺣﻨﺎ ﺍﺧﻮﺍﺕ ...

ﺣﻈﻨﺘﻬﺎ ﻓﻌﻼ ﻣﺎ ﺍﻧﺴﻰ ﻣﻮﻗﻔﻬﺎ ﺑﺴﺒﺒﻬﺎ ﻋﺮﻓﺖ ﻫﻮﺍﻱ ﺷﻐﻼﺕ ..

ﺩﻳﻤﺔ : ﺑﻌﺪ ﻣﺎ ﺍﺭﻳﺪ ﺍﺑﻘﻰ ﺑﻐﺮﻓﺔ ﻭﻱ ﺳﻼﺭ .. ﺍﺣﺲ ﻣﻦ ﺍﺷﻮﻓﻬﺎ ﺍﺧﺘﻨﻚ ..

ﺭﻏﺪ : ﺍﻱ ﺣﺘﻰ ﺍﻧﻲ ﺧﺎﻑ ﺍﺳﻮﻳﻠﻲ ﻣﺸﺎﻛﻞ ..

ﺭﺣﻨﻪ ﺍﻧﻲ ﻭﺭﻏﺪ ﻟﻤﻴﻨﻪ ﻣﻼﺑﺴﻨﻪ ﺍﺗﻔﻘﻨﺎ ﻭﻱ ﺍﺛﻨﻴﻦ ﺑﻨﺎﺕ

ﻫﻨﺔ ﻓﺮﺣﻦ ﻻﻥ ﻏﺮﻓﺘﻨﻪ ﺟﺎﻧﺖ ﻧﻈﻴﻔﺔ ﻭﺟﺎﻥ ﺳﻴﻒ ﻣﻮﺻﻲ ﻋﻠﻴﻬﺎ ﺍﺧﺬﻧﻪ ﻣﻼﺑﺴﻨﻪ ﺳﻼﺭ ﺿﻠﺖ ﺗﺤﺠﻲ ﻭﻳﺎﻱ

ﻣﺎ ﺍﻛﻮﻝ ﻻﻫﻠﻬﺎ ﺍﻧﻲ ﻫﻤﻴﻦ ﻣﺎ ﺍﺭﻳﺪ ﻣﺸﺎﻛﻞ ﺍﻫﻢ ﺷﻲ ﻋﺮﻓﺖ ﺍﻟﺤﻘﻴﻘﺔ ﻋﻔﺘﻬﻦ ﺗﺮﻛﺘﻬﻦ ﺭﺣﻨﻪ ﻟﻠﻐﺮﻓﺔ ﺟﺎﻧﺖ ﺍﻟﺒﻨﺎﺕ ﻭﻳﺎﻧﻪ ٢ ﺑﻨﺎﺕ ﻣﺮﺣﻠﺔ ﺃﻭﻟﻰ ﺳﻠﻤﻨﻪ ﻋﻠﻴﻬﻦ ..

ﺿﻠﻴﻨﻪ ﺍﻧﻲ ﻭﺭﻏﺪ ﻧﺴﻮﻟﻒ ﺑﻌﺪﻳﻦ ﻧﻤﻨﻪ ..

....

ﺛﺎﻧﻲ ﻳﻮﻡ ﻛﻌﺪﺕ ﺍﻟﺼﺒﺢ ﺑﺪﻟﺖ ﻟﺒﺴﺖ ﺗﻨﻮﺭﺓ ﻭﺑﺪﻱ ﻭﻓﻮﻛﺎﻫﺎ ﺳﺘﺮﺓ ﻭﻛﻌﺐ ﺧﻠﻴﺖ ﻣﻜﻴﺎﺝ ﺍﺣﺲ ﺑﺮﺍﺣﺔ

ﻃﻠﻌﺖ ﻭﺻﻠﺖ ﻟﻜﻠﻴﺔ ﺍﺷﻮﻑ ﺳﻴﺎﺭﺓ ﺳﻴﻒ ﻭﺍﻛﻔﻪ ﻣﻦ ﺷﺎﻓﻨﻲ ﻧﺰﻝ ﻫﻮ ﻭﺳﺎﻣﺮ ﻫﻤﻴﻦ ﻭﻳﺎﻫﺎ ...

ﺍﻧﻲ ﺷﻔﺘﻬﻢ ﺍﺗﺨﻄﻴﺘﻬﻢ ﻣﺎ ﺭﺩﺕ ﺍﺣﺠﻲ ﻭﻳﺎﻫﻢ

ﺳﻴﻒ : ﺑﺼﻮﺕ ﻋﺎﻟﻲ ﺩﻳﻤﺔ ﺗﻌﺎﻟﻲ ﻻﺗﻌﺎﻧﺪﻳﻦ ﺧﻠﻴﻨﻪ ﻧﺘﻔﺎﻫﻢ

ﺩﻳﻤﺔ : ﺍﺧﺬﺕ ﻧﻔﺲ ﺩﺭﺕ ﻭﺟﻬﻲ ﺷﺘﺮﻳﺪ ﻣﻨﻲ ..

ﻃﻠﻌﻨﻪ ﺧﺎﺭﺝ ﺍﻟﻜﻠﻴﺔ ﻭﺍﺣﻨﺎ ﻛﻠﻨﺎ ﺳﺎﻛﺘﻴﻦ

ﺩﻳﻤﺔ : ﺍﺣﺠﻮ ﻟﻴﺶ ﺟﺎﻳﻴﻦ ﺍﻫﻨﺎ ﻭﺭﻗﺘﻜﻢ ﻭﺍﻧﻜﺸﻔﺖ ﻋﻨﺪﻱ ﺿﺤﻜﺘﻮ ﻋﻠﻴﻪ ﻭﺍﺳﺘﻐﻠﻴﺘﻮﻧﻲ ...

ﺳﺎﻣﺮ : ﻭﺍﻟﻠﻪ ﺩﻳﻤﺔ ﻟﺤﺪ ﻫﺬﺍ ﺍﻟﻴﻮﻡ ﻣﺎ ﺟﺒﺖ ﻃﺎﺭﻳﺞ ﺑﺴﻮﺀ ﺍﻧﺘﻲ ﺍﺧﺖ ﻋﺰﻳﺰﺓ ﻋﻠﻴﻪ .. ﻛﻞ ﻣﺎ ﻓﻲ ﺍﻷﻣﺮ ﻫﻲ ﺍﺟﺖ ﺳﺎﻟﺘﻨﻲ ﻟﻴﺶ ﺗﺮﻛﻨﻲ ﺳﻴﻒ ﻛﻠﺘﻬﺎ ﻳﺤﺐ ﺑﻨﻴﺔ

ﻭﺗﺮﻙ ﻛﻞ ﻋﻼﻗﺘﻪ ﻋﻠﻤﻮﺩﻫﺎ ﻳﺮﻳﺪ ﻳﺒﺪﻱ ﺣﻴﺎﺓ ﺟﺪﻳﺪﺓ ﻭﻳﺎﻫﺎ ﺍﻧﺘﻲ ﺍﺑﺘﻌﺪﻱ ﻋﻦ ﻃﺮﻳﻘﻬﻢ ..

ﺭﻓﻌﺖ ﺣﺎﺟﺒﻲ ﻉ ﺳﻴﻒ ﻟﻌﺪ ﺷﻜﺪ ﺟﺎﻥ ﻋﻨﺪﻩ ﻋﻼﻗﺎﺕ

ﻫﻮ ﺑﻴﺪﺓ ﺟﻜﺎﺭﺓ ﻭﺟﺎﻥ ﻻﺑﺲ ﻛﻠﻪ ﺍﺳﻮﺩ ﻭﻣﺤﺒﺲ ﺑﻴﺪﺓ

ﺭﻏﻢ ﺻﺎﻳﺮ ﺿﻌﻴﻒ ﻭﻣﺒﻴﻦ ﻋﻠﻴﻪ ﺍﻟﺘﻌﺐ ﺑﺲ ﺍﺷﻮﻓﻪ ﺍﺣﻠﻰ ﻭﺍﺣﺪ ﺿﻠﻴﺖ ﺍﺑﺎﻭﻋﻠﻪ ﺧﻠﺺ ﺍﻟﺠﻜﺎﺭﺓ ﺫﺑﺎﻫﺎ

ﺍﻟﺘﻔﺖ ﻋﻠﻴﻪ ..

ﺳﻴﻒ : ﺩﻳﻤﺔ ﺍﻧﻲ ﺍﻋﺘﺮﻑ ﺟﺎﻥ ﻋﻨﺪﻱ ﻛﻮﻣﺔ ﻋﻼﻗﺎﺕ ﻭﺑﻨﺎﺕ ﻭﺍﺟﻮﺍﻥ ﻭﺣﺪﺓ ﻣﻦ ﺍﻟﺒﻨﺎﺕ ﻫﻲ ﺭﺍﺩﺕ ﻋﻼﻗﺔ ﺍﻧﻲ ﺍﺯﻭﺟﺘﻬﺎ ﺣﺘﻰ ﺑﻘﺖ ﺯﻭﺟﺘﻲ ﻣﻦ ﺧﻄﺒﺖ ﺭﺷﺎ .. ﺑﺲ ﺑﻌﺪﻳﻦ ﻣﻦ ﺣﺒﻴﺘﺞ ﻃﻠﻜﺘﻬﺎ ﺍﻧﻄﻴﺘﻬﺎ ﺍﻓﻠﻮﺱ ﻭﺭﺍﺣﺖ ﻫﻲ ﺿﻠﺖ ﺗﺘﻮﺳﻞ ﺑﺲ ﺍﻧﻲ ﻣﺎ ﺣﺒﻴﺘﻬﺎ ﻣﺠﺮﺩ ﺍﺧﻠﺺ ﺣﺎﺟﺘﻲ ﻳﻤﻬﺎ ﻭﺍﺗﺮﻛﻬﺎ .. ﻣﻦ ﺣﺒﻴﺘﺞ ﻭﺍﻟﻠﻪ ﺗﺮﻛﺖ ﻛﻞ ﺍﻟﻌﻼﻗﺎﺕ ﻻﻥ ﺍﻧﺘﻲ ﻣﻠﻴﺘﻲ ﻋﻴﻨﻲ ﻛﺎﻣﺖ ﻣﺎ ﺍﺷﻮﻑ ﻏﻴﺮﺝ ﺍﻧﻲ ﻛﻠﺖ ﻻﺟﻮﺍﻥ ﺍﺣﺒﺞ ﻭﺍﻋﺘﺮﻓﺘﻠﻬﺎ ﻫﻲ ﺗﺨﺒﻠﺖ ﻣﺎ ﺟﻨﺖ ﻣﺘﻮﻗﻊ ﺍﺳﻮﻱ ﻛﻞ ﻫﺬﺍ ﺍﻟﺸﻲ ..

ﺻﺢ ﻣﻘﻬﻮﺭﺓ ﻭﺍﺗﺨﻴﻞ ﺳﻴﻒ ﺍﺷﻠﻮﻥ ﻭﻳﺎﻫﺎ ﺑﺲ ﻓﺮﺣﺖ ﻻﻥ ﺗﺮﻛﻬﺎ ﻋﻠﻤﻮﺩﻱ ﻣﻮ ﺑﺲ ﻫﻴﺞ ﺗﺮﻙ ﻛﻞ ﺍﻟﺒﻨﺎﺕ ...

ﺍﻟﺘﻔﺖ ﻉ ﺳﺎﻣﺮ ..

ﺟﻴﺘﻚ .. ﺟﺒﻴﺮﺓ ﻋﻨﺪﻱ ﻭﻟﺨﺎﻃﺮﻫﺎ ﺭﺍﺡ ﺍﺳﺎﻣﺤﻜﻢ ..

ﺿﺤﻜﻮ ﺭﺣﻨﺎ ﻟﻜﺎﻓﺘﺮﻳﺎ ﺳﻴﻒ ﻧﺰﻝ ﺍﻟﻨﺎ ﺍﻛﻞ ..

ﺑﺲ ﺍﻧﻲ ﻣﺎ ﺭﺩﺕ ﺑﺲ ﻋﺼﻴﺮ ﺑﺲ ﻫﻢ ﺍﻛﻠﻮ ﻻﻥ ﺟﻮﻋﺎﻧﻴﻦ ﺧﻄﻴﺔ ﻣﻦ ﺍﻟﺼﺒﺢ ﻃﺎﻟﻌﻴﻦ ..

ﺳﺎﻣﺮ : ﺩﻳﻤﺔ ﺑﺎﻟﺞ ﻣﻦ ﺍﺟﻮﺍﻥ ﻫﺎﻱ ﻣﺴﺘﻌﺪﺓ ﻛﻠﺸﻲ ﺍﺳﻮﻱ ..

ﺳﻴﻒ ﺣﺠﻪ ... ﺍﻧﻲ ﻣﺎ ﺭﺍﺡ ﺍﺳﻜﺘﻠﻬﺎ ﻫﺎﻱ ﺍﻟﺤﻘﻴﺮﺓ ﺍﻟﻜﻠﺒﻪ ﺍﺩﺯﻟﻲ ﺻﻮﺭ ﺩﻳﻤﺔ ﻭﺍﺗﻜﻠﻲ ﻭﻱ ﻭﻟﺪ ﺍﻧﻲ ﺍﻋﻠﻤﻬﺎ ...

ﺑﺲ ﺧﻠﻲ ﺗﺼﺒﺮﻳﻠﻲ ﻟﻌﺒﺖ ﻭﻳﺎﻱ ..

ﺩﻳﻤﺔ : ﻳﻌﻨﻲ ﺟﺎﻧﺖ ﺗﺤﺠﻲ ﻋﻠﻴﻪ ..

ﺳﻴﻒ " ﺍﻱ ﺑﺲ ﻣﺎ ﺍﻧﻄﻴﺘﻬﺎ ﻣﺠﺎﻝ ﺑﺲ ﻣﻦ ﺷﻔﺖ ﺍﻟﺼﻮﺭ ﺍﺗﺨﺒﻠﺖ ﻛﻤﺖ ﻣﺎ ﺍﻋﺮﻑ ﺷﺴﻮﻱ ﻓﻘﺪﺕ ﻛﻠﺶ ﻭﺍﻋﺮﻑ ﺟﺮﺣﺘﺞ ﺩﻳﻤﺔ ﺣﺒﻴﺒﺘﻲ ﺍﻧﺘﻲ ﻣﺎ ﺍﺭﻳﺪﺝ ﺍﺯﻋﻠﻴﻦ ﻣﻨﻲ ﻟﻮ ﺗﻜﺮﻫﻴﻨﻲ ﺍﻧﻲ ﻣﺎ ﺗﻬﻤﻨﻲ ﻻ ﺍﺟﻮﺍﻥ ﻭﻻ ﺭﺷﺎ ﺍﻧﺘﻲ ﻋﻨﺪﻱ ﻛﺎﻓﻴﺔ ﺗﺴﻮﻳﻬﻦ ﻛﻠﻬﻦ ...

ﺍﻧﻲ ﺧﺠﻠﺖ ﻻﻥ ﺳﺎﻣﺮ ﻛﺎﻋﺪ ﻭﻫﺬﺍ ﺿﻞ ﻳﺘﻐﺰﻝ ﺑﻴﻪ

ﺳﺎﻣﺮ : ﻋﻤﻲ ﺍﻧﻲ ﺭﺍﺡ ﺍﻛﻮﻡ ﺍﺣﺲ ﺭﻭﺣﻲ ﺻﺮﺕ ﺭﺟﻞ ﻛﺮﺳﻲ ..

ﺳﻴﻒ : ﻻ ﻭﻳﻦ ﺍﻧﻲ ﺍﺻﻼ ﻫﺴﺔ ﺍﺭﺟﻊ ﻻﻥ ﻭﺭﺍﻳﺔ ﺩﻭﺍﻡ ﺑﺲ ﺍﺟﻴﺖ ﻋﻠﻤﻮﺩ ﺩﻳﻤﺔ ..

ﺳﺎﻣﺮ : ﻣﺎ ﺗﺰﻭﺟﻮﻥ ﻭﺗﻔﻀﻮﻫﺎ ..

ﺳﻴﻒ : ﻻ ﻣﻮ ﻫﺴﺔ ﺧﻠﻴﻬﺎ ﺗﻤﺮ ﺳﻨﻪ ﺍﺑﻮﻳﺔ ﺍﺭﻳﺪ ﺍﺳﻮﻱ ﻟﺪﻳﻤﺔ ﺍﺣﻠﻰ ﻋﺮﺱ ..

ﻃﻠﻌﻮ .. ﺳﺎﻣﺮ ﻃﻠﻊ ﻛﺪﺍﻣﻨﻪ ﻭﻛﻒ ﺳﻴﻒ ﻟﺰﻡ ﺍﻳﺪﻱ ﻭﺟﺎﻥ ﺍﻛﻮ ﻃﻼﺏ ﺍﺳﺘﺤﻴﺖ ﺑﺲ ﻣﻦ ﻟﺰﻡ ﺍﻳﺪﻱ ﻣﺎ ﺍﻋﺮﻑ ﺷﺼﺎﻟﻲ ﻛﻬﺮﺑﺎﺀ ﺻﺎﺭﺕ ﺑﺠﺴﻤﻲ ﻣﺠﺮﺩ ﻣﺎ ﻟﻤﺲ ﺍﻳﺪﻱ

ﺳﻴﻒ : ﺩﻳﻮﻣﺔ ﺍﻧﺘﻲ ﺭﻭﺣﻲ ﻻ ﺗﺘﺨﻴﻠﻴﻦ ﺑﺲ ﻳﻮﻡ ﺍﺟﻲ ﻭﺍﺧﻮﻧﺞ ﺍﻧﺘﻲ ﺭﻭﺣﻲ ﻭﺣﻴﺎﺗﻲ ﺍﻧﻲ ﺑﺴﺒﺒﺞ ﻋﺮﻓﺖ ﺍﻟﺤﺐ ﺻﺪﻛﻴﻨﻲ ﻣﻦ ﺣﺠﻴﺖ ﻭﻳﺎﺝ ﻭﻋﺼﺒﺖ ﻋﻠﻴﺞ ﻛﻠﺒﻲ ﻛﺎﻡ ﻳﻮﺟﻌﻨﻲ ﻋﻠﻴﺞ ﺍﻋﺮﻑ ﺑﻴﺞ ﻣﺎ ﺗﺘﺤﻤﻠﻴﻦ ﻭﺍﻟﻠﻪ ﻛﻞ ﻣﺎ ﺍﺭﻳﺪ ﺍﺧﺎﺑﺮﺝ ﻣﻦ ﺍﺷﻮﻑ ﺍﻟﺼﻮﺭ ﺃﺗﺮﺍﺟﻊ ﺍﺷﺘﺎﻗﻠﺞ

ﺑﻜﻞ ﺩﻗﻴﻘﺔ ﺗﻤﺮ ﻋﻠﻴﻪ ﺣﺘﻰ ﻣﻦ ﺳﺎﻓﺮﺕ ﺍﻓﻜﺮ ﺑﺲ ﺑﻴﺞ

ﺳﺎﻣﺮ : ﻳﻤﻌﻮﺩ ﻣﺎ ﺗﺨﻠﺺ ﺍﻟﻴﻮﻡ ﺷﻨﻮ ﺍﻧﺒﺎﺕ ﺍﻫﻨﺎ ..

ﺳﻴﻒ : ﺍﻧﺘﻪ ﺷﻨﻮ ﻃﺎﻟﻌﻠﻲ ﺑﺴﺤﺒﺔ ﺍﻧﻲ ﺻﻮﺟﻲ ﺟﺒﺘﻚ

ﻭﻳﺎﻱ ..

ﻳﻼ ﺣﺒﻲ ﺑﺎﻟﺞ ﻉ ﻧﻔﺴﺞ ﻣﻦ ﺍﻭﺻﻞ ﺍﺧﺎﺑﺮﺝ ...

ﺭﺍﺡ ﻭﺍﻧﻲ ﺿﻠﻴﺖ ﺍﺑﺎﻭﻋﻠﻪ ﻳﺎﺭﺑﻲ ﻣﺎ ﺍﻛﺪﺭ ﺍﺯﻋﻞ ﻋﻠﻴﻪ ﻣﺠﺮﺩ ﻣﺎ ﺍﺷﻮﻓﻪ ﻳﺮﻭﺡ ﺍﻟﺰﻋﻞ ﻭﺍﻧﺴﻪ ﻛﻠﺸﻲ ..

ﺭﺟﻌﺖ ﻟﻘﺴﻢ ﻭﺍﺣﺲ ﺭﻭﺣﻲ ﻃﺎﻳﺮﺓ ﺳﺒﺤﺎﻥ ﻣﻐﻴﺮ ﺍﻷﺣﻮﺍﻝ ﻗﺒﻞ ﺃﺳﺒﻮﻉ ﺍﺷﻠﻮﻥ ﺟﻨﺖ ﻭﻫﺴﺔ ﺷﺼﺮﺕ

ﺷﻔﺖ ﺭﻏﺪ ﻭﺣﺠﻴﺘﻠﻬﺎ ﺍﻟﺼﺎﺭ ... ﻫﻲ ﻓﺮﺣﺘﻠﻲ ...

ﻣﺮﺕ ﺍﻻﻳﺎﻡ ﻭﺍﺟﺖ ﺍﻻﻣﺘﺤﺎﻧﺎﺕ ﻭﺍﻣﺘﺤﻨﺖ ﻭﻧﺠﺤﺖ ﻣﻦ ﺍﻭﻝ ﺩﻭﺭ ﺟﺎﻥ ﺳﻴﻒ ﺩﺍﺋﻤﺎ ﻳﺸﺠﻌﻨﻲ ﻉ ﺍﻟﺪﺭﺍﺳﺔ ﺣﺘﻰ

ﺑﻴﻮﻡ ﺍﻟﻴﺼﺪﺍﻑ ﻋﻨﺪﻱ ﺍﻣﺘﺤﺎﻥ ﻣﺎ ﻳﺨﺎﺑﺮﻧﻲ ﺍﻳﻜﻮﻝ ﻋﻠﻤﻮﺩ ﻻ ﺗﻬﻤﻠﻴﻦ ﺩﺭﺍﺳﺘﺞ ﻋﻼﻗﺘﻨﻪ ﻛﻠﺶ ﻗﻮﺕ ﻭﺩﺍﺋﻤﺎ

ﻳﺠﻴﻨﻲ ﻟﻜﻠﻴﻪ ﻣﺮﺓ ﺍﺟﺎﻧﻲ ﻭﺟﻨﺖ ﻭﺍﻛﻔﻪ ﻭﻱ ﻭﻟﺪ ﺍﻟﻤﻤﺜﻞ

ﺍﻟﻘﺎﻋﺔ ﺍﺳﺌﻠﺔ ﻉ ﺍﻻﻣﺘﺤﺎﻥ ﻫﻮ ﺷﺎﻓﻨﻲ ﻭﺍﻛﻔﻪ ﻟﻮ ﺍﺗﺨﺒﻞ

ﻋﻠﻴﻪ ﻭﺻﻞ ﻳﺼﻴﺢ ﺣﺘﻰ ﻓﺸﻠﺖ ﻭﻱ ﺍﻟﻮﻟﺪ ﻫﻮ ﻫﻤﺰﻳﻦ ﻣﺘﻔﻬﻢ ﺍﻟﻮﻟﺪ ﻭﻣﺎ ﺻﺎﺭﺕ ﻣﺸﻜﻠﺔ ﺣﻴﻞ ﻳﻐﺎﺭ ﻭﻳﻜﻠﻲ ﻣﺎ ﺍﺭﻳﺪﺝ ﺗﺤﺠﻴﻦ ﺑﺲ ﻭﻳﺎﻱ ﻣﺎ ﺍﺭﻳﺪ ﻭﺍﺣﺪ ﺗﺤﺠﻴﻦ ﻭﻳﺎﻩ

ﻭﻻ ﺍﺳﻠﻤﻴﻦ ﻭﻻ ﺍﻱ ﺷﻲ ﺭﻏﻢ ﺍﺣﺴﺔ ﻣﻘﻴﺪﻧﻲ ﺑﺲ ﺍﺣﺐ ﻏﻴﺮﺗﻪ ﻭﺧﻮﻓﺔ ﻋﻠﻴﻪ ...

ﺑﻌﻄﻠﺔ ﺣﻴﻞ ﺍﺭﺗﺎﺣﻴﺖ ﺣﺘﻰ ﺳﻤﻨﺖ ....

ﺟﻨﺖ ﻛﺎﻋﺪﺓ ﺍﺑﺎﻭﻉ ﻉ ﺍﻟﺘﻠﻔﺰﻳﻮﻥ .. ﺍﺗﺎﺑﻊ ﻣﺴﻠﺴﻞ ﺗﺮﻛﻲ ﻭﺣﻴﻞ ﻣﻨﺪﻣﺠﺔ ﻭﻱ ﺍﻟﻤﺴﻠﺴﻞ ﻣﺎ ﺍﺣﺲ ﺍﻻ ﻣﻨﺘﻈﺮ ﻭﻣﻨﻬﺪ ﺩﺧﻠﻮ ﻋﻠﻴﻪ .. ﺑﺲ ﺷﻨﻮ ﻣﻨﺘﻈﺮ ﺍﻋﻴﻮﻧﻪ ﻧﺎﺭ

ﻭﻳﺼﻴﺢ ﻭﻳﻦ ﺩﻳﻤﺔ ﺷﺎﻓﻨﻲ ﻛﺎﻋﺪﺓ ﺍﺟﺔ ﻟﺰﻣﻨﻲ ﻣﻦ ﺷﻌﺮﻱ ..

ﻣﻨﺘﻈﺮ : ﻭﻟﺞ ﻛﻠﺒﺔ .. ﺣﻘﻴﺮﺓ ﻋﻨﺪﺝ ﻋﻼﻗﺔ ﻭﻱ ﻭﻟﺪ ﻛﺴﺮﺗﻲ ﻭﺟﻬﻲ ﺑﻴﻦ ﺍﻟﻨﺎﺱ .. ﻭﺷﺒﻌﻨﻲ ﻛﺘﻞ

ﺍﻭﻝ ﻣﺮﺓ ﻣﻨﺘﻈﺮ ﻳﻜﺘﻠﻨﻲ ﺷﻜﺪ ﺍﺳﺘﻬﻀﻤﺖ ﻣﻦ ﻛﺘﻠﻨﻲ

ﺍﺣﺲ ﺿﺮﺑﺎﺗﻪ ﻗﻮﻳﺔ ﻣﻬﻨﺪ ﺍﺳﺘﻐﻞ ﺍﻟﻔﺮﺻﺔ ﻭﺿﺮﺑﻨﻲ ﺭﺍﺷﺪﻱ ..

ﺍﻣﻲ ﺟﺎﻧﺖ ﺑﺴﻮﻙ ﻭﺳﺘﻮﻫﺎ ﺩﺧﻠﺖ ﻭﻫﻲ ﺗﻌﺒﺎﻧﻪ

ﺳﻤﻴﺔ؛ﻭﻟﻚ ﺍﺑﻨﻲ ﻟﻴﺶ ﻫﻴﺞ ﻭﻱ ﺍﺧﺘﻚ ﺃﺻﻮﺍﺗﻜﻢ ﻃﺎﻟﻌﺔ

ﻣﻨﺘﻈﺮ : ﻫﺎﻱ ﺑﻨﺘﺞ ﺍﻟﺤﻘﻴﺮﺓ ﺍﻟﺴﺎﻕ .. ﻋﻨﺪﻫﺎ ﻋﻼﻗﺔ ﻭﻛﻞ ﺍﺳﻮﺍﻟﻔﻬﺎ ﻭﺻﻠﺖ ﻋﻨﺪﻧﻪ ..

ﺍﻧﻲ ﺿﻠﻴﺖ ﺍﺑﺠﻲ ﻣﺎ ﺍﺣﺠﻲ

ﺍﻟﺘﻔﺖ ﻋﻠﻴﻪ ﺍﻣﻲ ..

ﺻﺪﻙ ﻭﻟﺞ ﺍﻟﻴﻜﻮﻟﻪ ﺍﺧﻮﺝ ..

ﺍﻧﻲ ﺿﻠﻴﺖ ﺳﺎﻛﺘﻪ ..

ﻣﻬﻨﺪ : ﺷﺘﺤﺠﻲ ﻣﺎ ﺗﺘﺒﺮﺭ ﻻﻥ ﻫﺎﻱ ﺍﻟﺤﻘﻴﻘﺔ

ﺩﻳﻤﺔ : ﺍﻧﺘﻪ ﻣﻌﻠﻴﻴﻚ ﺑﻴﻪ ﺑﺼﻮﺕ ﻋﺎﻟﻲ ..

ﻻﺗﺘﺪﺧﻞ ..

ﻣﺎ ﺍﺣﺲ ﺍﻻ ﻣﻨﺘﻈﺮ ﺿﺮﺑﻨﻲ ﺭﺍﺷﺪﻱ .. ﻣﻦ ﻗﻮﺗﻪ ﺍﺣﺲ ﺍﻟﺤﺮﺍﺭﺓ ﻃﻠﻌﺖ ﻣﻦ ﻭﺟﻬﻲ ..

ﻣﻨﺘﻈﺮ : ﻭﻟﺞ ﻓﻮﻙ ﺍﺳﺘﻬﺘﺎﺭﺝ ﻭﺻﻮﺗﺞ ﻫﻤﻴﻦ ﻋﺎﻟﻲ

ﻭﻫﻮ ﻳﻠﻬﺚ .. ﻳﻤﻪ ﺑﻌﺪ ﺩﻳﻤﺔ ﺩﻭﺍﻡ ﻣﺎﻛﻮ ﻭﻣﻮﺑﺎﻳﻞ ﻣﺎﻛﻮ

ﻣﺎ ﺗﻄﻠﻊ ﻣﻦ ﺍﻟﺒﻴﺖ ﺑﺎﺏ ﺍﻟﺸﺎﺭﻉ ﻣﺎ ﺍﺷﻮﻓﻪ ﻫﺎﻱ

ﻣﻮ ﻣﺎﻝ ﺩﻻﻝ ..

ﺍﻧﻲ ﺻﻌﺪﺕ ﻭﺍﺩﻣﻮﻋﻲ ﺗﺠﺮﻱ ﻣﺎ ﺗﺄﺫﻳﺖ ﻣﻦ ﺍﻟﻀﺮﺑﺔ ﺑﻜﺪ ﻣﺎ ﺍﺗﺎﺫﻳﺖ ﻣﻦ ﻣﻨﺘﻈﺮ ﺍﺣﺴﺔ ﻣﺎ ﻃﺎﻳﻖ ﻳﺸﻮﻓﻨﻲ

ﺿﻠﻴﺖ ﺍﻟﻴﻞ ﻛﻠﻪ ﺍﺑﺠﻲ ﺷﻔﺖ ﺭﻭﺣﻲ ﺑﻤﺮﺍﻳﺔ ﻭﺟﻬﻲ

ﺍﺣﻤﺮ ﻭﺩﻡ ﻃﺎﻟﻊ ﻣﻦ ﺷﻔﺘﻲ ﺻﺎﺭ ﻧﺺ ﺍﻟﻠﻴﻞ ﻧﺰﻟﺖ ﺍﺧﺬﺕ ﻣﻮﺑﺎﻳﻞ ﺍﻣﻲ ..

ﺧﺎﺑﺮﺕ ﺳﻴﻒ ﻭﺍﻧﻲ ﺍﺑﺠﻲ ﺣﺠﻴﺘﻠﻪ ﺑﻤﺨﺘﺼﺮ ..

ﻻﻥ ﺍﺧﺎﻑ ﻭﺍﺣﺪ ﻳﺴﻤﻌﻨﻪ ..

ﺳﻴﻒ : ﻣﻌﻠﻴﺞ ﺑﺎﺟﺮ ﺍﻣﻲ ﻳﻤﻜﻢ ﻭﺍﺧﻄﺒﺞ ..

ﺩﻳﻤﺔ : ﺧﺎﻑ ﻳﺸﻜﻮﻥ ﺑﻴﻪ ..

ﺳﻴﻒ : ﻻ ﺣﺘﻰ ﻟﻮ ﺑﺲ ﻧﻘﺮﺍ ﻓﺎﺗﺤﺔ ﺍﻟﻌﺒﺎﺱ ..

ﺿﻞ ﻳﻬﺪﻯ ﺑﻴﻪ ..

ﺳﺪﻳﺘﻪ ﻣﻨﻪ ﻭﺍﻧﻲ ﺧﺎﻳﻔﺔ ﻣﻦ ﺑﺎﺟﺮ ...

ﺳﻤﻌﺖ ﺻﻮﺕ .. ﻭﺭﺍﻳﺔ

...

ﻫﻴﺞ ﻣﻦ ﺍﻟﻠﻪ ﻳﺒﻨﻴﻪ 😍

ﻭﺃﻣﺞ ﺗﻘﺘﻨﻊ ﺑﻴﻪ ☺

ﻭﺃﺟﻴﺒﻦ ﺭﺑﻌﻲ ﻣﺸﺎﻳﻪ 👬😆

ﻭﺃﺑﻮﺝ ﺃﻳﻜﻮﻝ ﻣﻜﻀﻴﻪ 👋👴

ﻟﺴﻮﻳﻠﺞ ﺣﺠﻲ ﺍﻟﻤﺎﺟﺎﻥ 😉

ﺃﺟﻴﺒﻦ ﻛﻤﺮ ﺑﺎﻟﻨﻴﺸﺎﻥ 🌛🌕

ﻭﺃﺧﻠﻲ ﺃﻭﻻﻳﺘﻲ ﻣﺘﻨﺎﻡ 😴

ﻭﺃﺳﻮﻱ ﺍﻟﺤﻨﻪ ﺳﺖ ﺃﻳﺎﻡ 💃😃

ﻭﺃﺣﻂ ﺃﺯﻧﻮﺩﺝ ﺑﺰﻧﺪﻱ 👫

ﻭﺭﻛﺼﻠﺞ ﺭﻛﺺ ﻫﻨﺪﻱ 👳💃

ﺃﻋﻠﻚ ﺷﺒﻜﺘﻲ ﻛﻼﺩﻩ 💍😘

ﻭﺃﺧﻠﻲ ﺯﻟﻮﻓﺞ ﺃﻭﺳﺎﺩﻩ 😶

ﻭﻛﺪﺍﻣﺞ ﺃﻇﻞ ﻃﺎﻟﻊ 😙

ﺃﻭﺧﺮ ﻋﻨﺞ ﺍﻟﺸﺎﺭﻉ 🚧

ﻭﺭﺩ ﻧﺘﺮﺳﻬﺎ ﻏﺮﻓﺘﻨﻪ 💒💐😍

ﻭﻳﺴﺌﻠﻮﻥ ﺍﻣﻲ ﻫﺎﻱ ﻣﻨﻴﻦ 😕

ﻭﺃﻣﻲ ﺗﻜﻮﻝ # ﺟﻨﺘﻨﻪ .😙😍

‏

..

ﺩﻳﻤﺔ ﻣﺴﺤﺖ ﺍﻟﻤﻜﺎﻟﻤﺔ ﻣﻦ ﺟﻬﺎﺯ ﺍﻣﻲ ﺍﺳﻤﻊ ﺻﻮﺕ ﺣﺮﻛﺔ ... ﺟﺎﻥ ﺍﻟﺒﺎﺏ ﻣﻔﺘﻮﺡ .. ﺧﻔﺖ ﻻ ﻳﺸﻮﻓﻨﻲ ﺿﻠﻴﺖ

ﺍﺭﺟﻒ ﺭﺟﻌﺖ ﺍﻟﻤﻮﺑﺎﻳﻞ ﻋﻠﻤﻮﺩ ﻻ ﻳﺤﺲ ﺍﻟﺼﻮﺕ ﻛﻠﺶ ﺍﺗﻘﺮﺏ ﻣﻦ ﻳﻤﻲ ﻣﺎﺟﺎﻥ ﺍﻛﻮ ﺿﻮﺀ ﺑﺲ ﺑﻤﻄﺒﺦ ﺿﻮﺀ ﺧﺎﻓﺖ ﺷﺎﻑ ﺍﻟﺒﺎﺏ ﻣﻔﺘﻮﺡ ﻣﺎ ﺍﺣﺲ ﺍﻻ ﻣﻨﺘﻈﺮ ﻭﺍﻛﻒ ﻓﻮﻙ ﺭﺍﺳﻲ ﺍﻧﻲ ﺟﻔﻠﺖ ﻭﺿﻠﻴﺖ ﻣﺘﻮﺗﺮﺓ ..

ﻣﻨﺘﻈﺮ : ﻭﺑﺼﻮﺕ ﻋﺎﻟﻲ ﺷﺴﻮﻳﻦ ﻧﺎﺯﻟﺔ ﺍﻧﻲ ﺷﻜﺘﻠﺞ

ﺩﻳﻤﺔ : ﺟﺴﻤﻲ ﻛﻠﻪ ﻳﺮﺟﻒ ﺍﺩﻣﻮﻋﻲ ﺗﺠﺮﻱ ﺍﺭﻳﺪ ﺍﻧﻄﻖ ﻣﺎ ﺍﻛﺪﺭ ﻫﻤﺰﻳﻦ ﻣﺎ ﺳﻤﻌﻨﻲ .. ﻉ ﺻﻮﺗﻪ ﻛﻌﺪﺕ ﺍﻣﻲ ﻣﺮﻋﻮﺑﺔ ..

ﺳﻤﻴﺔ : ﺷﻜﻮﻭ ﺷﻜﻮﻭ ﺷﻨﻮ ﻫﺬﺍ ﺍﻟﺼﻴﺎﺡ ...

ﻣﻨﺘﻈﺮ : ﺍﻧﻲ ﻣﻮ ﻛﻠﺘﻬﺎ ﻻ ﺗﻨﺰﻟﻴﻦ ﻣﺎ ﺍﺭﻳﺪ ﺍﺷﻮﻑ ﻭﺟﻬﺎ ..

ﺩﻳﻤﺔ : ﻓﺪﻭﺓ ﻣﻨﺘﻈﺮ ﺳﺎﻣﺤﻨﻲ ﻭﺍﻟﻠﻪ ﻣﺎ ﻏﻠﻄﺖ .. ﻭﻻ ﺷﻲ

ﺭﺍﺳﺎ ﺿﺮﺑﻨﻲ ﺭﺍﺷﺪﻱ ..

ﻛﻠﺒﺔ ﺣﻘﻴﺮﺓ ﺗﺮﺍﺳﻠﻴﻦ ﻭﻟﺪ ﻏﺮﻳﺐ ﻭﺍﺗﻜﻮﻟﻴﻦ ﻣﺎ ﻏﻠﻄﺖ

ﺑﻌﺪ ﺷﺘﺮﻳﺪﻳﻦ ﺍﺳﻮﻳﻦ ﻟﻌﺪ ﻭﺍﻟﻠﻪ ﺍﺫﺍ ﻣﺎ ﻛﻠﺘﻲ ﻣﻨﻮ ﺟﻨﺘﻲ ﺗﺮﺍﺳﻠﻴﻪ .. ﺍﺫﺑﺤﺞ ..

ﺩﻳﻤﺔ : ﻭﺍﻟﻠﻪ ﻣﺎ ﺟﻨﺖ ﺍﺭﺍﺳﻞ ﻳﺠﺬﺑﻮﻥ ﻋﻠﻴﻚ ..

ﺧﻨﺰﺭ ﻋﻠﻴﻪ ﻭﻛﺎﻝ ﺍﺻﻌﺪﻱ ﻟﻐﺮﻓﺘﺞ ﺍﻧﻲ ﺑﺴﺮﻋﺔ ﺭﺣﺖ ﺍﺳﻤﻊ ﺍﻣﻲ ﺍﺗﺤﺎﺟﻴﻪ ﻭﺗﻬﺪﺉ ﺑﻴﻪ ﺍﻧﻲ ﺧﺎﻳﻔﺔ ﻣﻦ ﺑﺎﺟﺮ ﻭﻣﺼﻴﺒﺔ ﻛﻠﺖ ﻟﺴﻴﻒ ﺗﻌﺎﻝ ﺧﺎﻑ ﻣﻨﺘﻈﺮ ﻳﻌﺮﻓﻪ ﻫﻮ ﻭﻣﺎ ﻳﻮﺍﻓﻖ ﻋﻠﻴﻪ

ﺍﻭﻑ ﻭﻳﻨﺞ ﺣﻨﻴﻦ ﺍﻧﺘﻲ ﺍﺳﺎﻋﺪﻳﻨﻲ ﺑﻬﻴﺞ ﻣﻮﺍﻗﻒ

ﺧﻠﻴﺖ ﺭﺍﺳﻲ ﻉ ﺍﻟﻤﺨﺪﺓ ﺍﺗﻠﻤﺲ ﺑﻮﺟﻬﻲ ﺍﺫﻛﺮﺕ ﻣﻦ ﻇﺮﺑﻨﻲ ﻣﻨﺘﻈﺮ ﺩﻣﻌﺖ ﻋﻴﻨﻲ .. ﺻﻌﺒﺔ ﻳﻀﺮﺑﻨﻲ ﺍﺩﺭﻱ ﺑﻤﻨﺘﻈﺮ ﻛﻠﺒﻪ ﺣﻨﻴﻦ ﺑﺲ ﺍﻟﻠﻪ ﻳﻌﻠﻢ ﺷﺴﺎﻣﻊ ﻭﻫﻴﺞ ..

ﻋﺎﻣﻠﻨﻲ .. ﻏﻤﻀﺖ ﻋﻴﻮﻧﻲ ﻭﺍﻧﻲ ﺍﺣﺎﻭﻝ ﺍﻟﻨﻮﻡ ﺻﺎﺭ ﻋﻨﺪﻱ ﺍﺭﻕ ﻣﻦ ﻛﺪ ﺍﻟﺘﻔﻜﻴﺮ ﻝ ٦ ﺍﻻ ﻧﻤﺖ ﻣﺎ ﺍﺩﺭﻱ ﺑﺮﻭﺣﻲ ﺍﻣﻲ ﺩﺍﻛﺔ ﻋﻠﻴﺔ ﺍﻟﺒﺎﺏ ﻭﻣﺎ ﺣﺎﺳﺔ ﺑﻴﻪ

ﻣﺼﻄﻔﻰ ﻛﺴﺮ ﺍﻟﻘﻔﻞ ﻭﻫﻮ ﻛﻌﺪﻧﻲ ..

ﻣﺼﻄﻔﻰ : ﻭﻟﺞ ﺷﻨﻮ ﻣﻴﺘﻪ ﻋﺪﻟﺔ ...

ﺳﻤﻴﺔ : ﻳﻤﻪ ﺧﻮﻓﺘﻴﻨﻲ ﻋﻠﻴﺞ ﻟﻴﺶ ﻫﻴﺞ ﺍﺳﻮﻳﻦ ﺑﺮﻭﺣﺞ

ﺗﻌﺎﻟﻲ ﻳﺎﻳﻤﺔ ﺍﻧﺰﻟﻲ ﺗﺮﻳﻜﻲ

ﺍﻧﻲ ﻛﻌﺪﺕ ﻭﻛﻔﺸﺘﻲ ﺷﻜﺒﺮﻫﺎ ﻭﻭﺟﻬﻲ ﻣﻮﺭﻡ ﺟﻨﺖ ﻛﺎﺭﻫﺔ ﺭﻭﺣﻲ ..

ﺭﻭﺣﻮ ﺷﺘﺮﻳﺪﻭﻥ ﻣﻨﻲ ﺧﻠﻴﻨﻲ ﺍﻣﻮﺕ ﻭﺍﺧﻠﺺ ..

ﻣﺼﻄﻔﻰ : ﺗﻌﺎﻟﻲ ﺍﻧﺰﻟﻲ ﻭﺧﻠﻴﻨﻪ ﻧﻔﻬﻢ ﺍﻟﺴﺎﻟﻔﺔ ﺑﺲ ﺩﻳﻤﺔ ﻻﺗﻨﺰﻟﻴﻦ ﻫﻴﺞ ﻻﻥ ﺍﻟﻴﺸﻮﻓﺞ ﻳﺸﺮﺩ 😂😂

ﺩﻳﻤﺔ 😑😑:

ﺭﺣﺖ ﺑﺎﻭﻋﺖ ﻉ ﺍﻟﻤﺮﺍﻳﺔ ﺻﺪﻙ ﺍﺫﺍ ﻳﺸﻮﻓﻨﻲ ﻭﺍﺣﺪ ﻳﺸﺮﺩ ﺭﺣﺖ ﻟﺤﻤﺎﻡ ﻏﺴﻠﺖ ﻭﺟﻬﻲ ﻋﺪﻟﺖ ﺷﻌﺮﻱ

ﻧﺰﻟﺖ ﻣﺎﻣﺎ ﺷﺎﻓﺘﻨﻲ ..

ﺳﻤﻴﺔ : ﺗﻌﺎﻟﻲ ﻣﺎﻣﺎ ﺍﻛﻌﺪﻱ ﻳﻤﻲ ﺣﻈﺮﺗﻠﺞ ﺭﻳﻮﻙ

ﺭﺣﺖ ﻛﻌﺪﺕ ﻣﺼﻄﻔﻰ ﺟﺎﻥ ﻳﺎﻛﻞ ﺧﻠﺖ ﺍﻟﺒﻴﻀﺔ ﻳﻤﻲ ﺍﻛﻠﺖ ﺷﻮﻱ ﺟﺎﻥ ﺍﻟﻬﺪﻭﺀ ﺳﻴﺪ ﺍﻟﻤﻮﻗﻒ ﺑﻌﺪﻳﻦ ﺧﻠﺼﺖ

ﺍﻧﻲ ﺭﻳﻮﻙ ﻣﺎﻣﺎ ﺟﺎﻧﺖ ﻣﺎﻛﻠﻪ ﺑﺲ ﺍﻧﻲ ﻭﺻﻮﻓﻲ ﻣﺎ ﻣﺎﻛﻠﻴﻦ ...

ﺳﻤﻴﺔ : ﻳﻤﺔ ﺍﺣﺠﻴﻠﻲ ﺻﺎﺭﻳﺤﻴﻨﻲ ﻋﻨﺪﺝ ﺷﻲ ﻳﻤﻪ ﻭﺍﻟﻠﻪ ﻣﺎ ﻧﺮﻳﺪ ﻓﻀﺎﻳﺢ ﻭﺷﻤﺎﺗﻪ ﻫﻮﺍﻱ ﻭﻋﻤﺎﺗﺞ ﻟﻮ ﻳﺪﺭﻥ ﻳﻔﻀﺤﻨﻪ ..

ﺩﻳﻤﺔ : ﻧﺰﻟﺖ ﺩﻣﻮﻋﻲ ﻻﻥ ﺍﺷﻮﻑ ﻣﺎﻣﺎ ﻣﻘﻬﻮﺭﺓ ..

ﻭﺍﻟﻠﻪ ﻣﺎﻣﺎ ﻣﺎ ﻋﻨﺪﻱ ﺷﻲ ..

ﻫﻲ ﺣﻈﻨﺘﻲ ﻭﺗﻤﺴﺢ ﻉ ﺷﻌﺮﻱ ..

ﻣﺎﻣﺎ ﺍﺳﻜﺘﻲ .. ﺍﻟﻠﻪ ﻻ ﻳﻨﻄﻲ ﺍﻟﻮﺯﻭ ﺍﺧﻮﺝ ﻋﻠﻴﺞ

..

ﺷﻠﺖ ﺭﺍﺳﻲ ﻣﻦ ﺣﻈﻦ ﻣﺎﻣﺎ ﻭﺃﺭﻳﺪ ﺍﻓﺎﺗﺤﻬﺎ ﺑﻤﻮﺿﻮﻉ ﺳﻴﻒ ﺑﺲ ﺧﺎﻳﻔﺔ ﺿﻠﻴﺖ ﺻﺎﻓﻨﻪ ﺑﻮﺟﻬﺎ ﻭﻣﺘﺮﺩﺩﺓ ﺍﻛﻮﻟﻠﻬﺎ ﻟﻮ ﺍﺧﻠﻴﻬﺎ ﻫﻴﺞ ﻣﻔﺎﺟﺎﺓ ﺑﺲ ﻻﺯﻡ ﺍﻛﻮﻝ ﺍﻟﻬﺎ ﻋﻠﻤﻮﺩ ﺗﺤﻈﺮ ﺃﻣﻮﺭﻫﺎ ...

ﺍﺧﺬﺕ ﻧﻔﺲ .. ﺣﺠﻴﺖ ﺑﺘﻮﺗﺮ

ﻣﺎﻣﺎ ﺍﻛﻮ ﻭﻟﺪ ﻳﺮﻳﺪ ﻳﺠﻲ ﻳﺨﻄﺒﻨﻲ ﻭﺍﻧﺘﻮ ﺗﻌﺮﻓﻮﻩ ..

ﻣﺼﻄﻔﻰ ﺟﺎﻥ ﻳﺸﺮﺏ ﺟﺎﻱ ﻣﺎﻣﺎ ﺑﺎﻭﻋﺘﻠﻲ ﺍﺛﻨﻴﻨﻬﻢ

ﻛﺎﻟﻮ

ﻣﻨﻮ ﻫﺬﺍ ..

ﺩﻳﻤﺔ : ﺍﺑﻦ ﻋﻢ ﺳﺎﻣﺮ ﻗﺒﻞ ﻳﻮﻣﻴﻦ ﺧﺎﺑﺮﺗﻨﻲ ﺣﻨﻴﻦ ﻭﻛﺎﻟﺖ ﺍﻳﺮﻳﺪﻭﻥ ﻳﺠﻮﻥ ﻋﻠﻴﻜﻢ ..

ﺳﻤﻴﺔ : ﻫﻼ ﺑﻴﻬﻢ ﺍﺫﺍ ﺧﻮﺵ ﻭﻟﺪ ﺷﻜﻮ ﺑﻴﻬﺎ ﻉ ﺍﻗﻞ ﺃﻣﻦ ﻋﻠﻴﺞ ﻣﻦ ﻫﺎﻱ ﺍﻟﻤﺼﺎﻳﺐ ﻛﻠﺸﻲ ﻣﺎ ﺷﻔﺘﻲ ﻣﻦ ﺩﻧﻴﺎ

ﺑﺲ ﺿﻴﻢ ﻭﻗﻬﺮ ﻣﺜﻞ ﺍﻣﺞ ..

ﺩﻳﻤﺔ : ﻳﻤﺔ ﻭﺟﻮﺩﺝ ﻛﺎﻓﻲ ﺑﻨﺴﺒﺔ ﺍﻟﻴﻪ ﻣﺎ ﺍﺭﻳﺪ ﺷﻲ ﻣﻦ ﺍﻟﺪﻧﻴﺎ ..

ﺍﻃﻤﺌﻨﻴﺖ ﻣﻦ ﺣﺠﻲ ﺍﻣﻲ ﺷﻮﻱ ﺍﺭﺗﺎﺣﺖ ﻧﻔﺴﻴﺘﻲ ..

ﺻﻌﺪﺕ ﻟﻐﺮﻓﺘﻲ ﻭﺍﻧﻲ ﻛﻠﻲ ﻃﺎﻗﺔ ﺃﻭﻑ ﺣﺎﻳﺮﺓ ﺷﻠﺒﺲ ﻓﻠﺸﺖ ﻛﻞ ﻣﻼﺑﺴﻲ ﻣﺎ ﺍﻋﺮﻑ ﺷﺨﺘﺎﺭ ﺑﻌﺪﻳﻦ ﻟﻜﻴﺖ ﻓﺴﺘﺎﻥ ﺑﻴﺠﻲ ﻭﺑﻴﻪ ﻣﺎﺭﻭﻧﻲ ﺭﺣﺖ ﻟﺤﻤﺎﻡ ﺳﺒﺤﺖ ﺷﺴﻮﺭﺕ ﺷﻌﺮﻱ .. ﻭﺍﻧﻲ ﺍﻓﻜﺮ ﻣﻌﻘﻮﻟﺔ ﺳﻴﻒ ﺭﺍﺡ ﺍﻳﺠﻴﺐ ﺍﻫﻠﻪ ﺻﺤﻴﺢ ﻣﻦ ﺍﺑﺎﻭﻉ ﻉ ﺍﻟﻤﺮﺍﻳﺔ ﺍﻧﻘﻬﺮ

ﺑﺲ ﺍﻧﻲ ﻣﺎ ﺍﻋﺮﻑ ﻣﻨﺘﻈﺮ ﺷﻨﻮ ﺍﻟﺤﺠﻲ ﺍﻟﻮﺻﻠﺔ ...

ﺧﻠﺼﺖ ﺷﻌﺮﻱ ﻭﻫﻮ ﻃﻮﻳﻞ ﺻﺎﺭ ﻳﺨﺒﻞ ﺑﻌﺪﻳﻦ ﺧﻠﻴﺖ ﻛﺮﻳﻢ ﻉ ﻭﺟﻬﻲ ﻋﻠﻤﻮﺩ ﺍﻵﺛﺎﺭ ﻣﺎ ﺗﻄﻠﻊ ﺿﻠﻴﺖ ﻛﺎﻋﺪﺓ ﺑﻐﺮﻓﺔ ﻣﺎ ﻧﺰﻟﺖ ﻣﺘﻮﺗﺮﺓ ﺣﻴﻞ ﻭﻛﻠﺴﺎﻋﺔ ﺍﺑﺎﻭﻉ ﻉ ﺍﻟﺴﺎﻋﺔ ﻣﺎ ﻋﻨﺪﻱ ﺷﻲ ﺍﻟﻬﻲ ﻧﻔﺴﻲ ﺑﻴﻪ ﻣﻮﺑﺎﻳﻠﻲ ﻳﻢ ﻣﻨﺘﻈﺮ ﺗﻠﻔﺰﻳﻮﻥ ﻣﺎﻛﻮ ﻣﺎ ﻣﺨﻠﻴﻪ ﺑﻐﺮﻓﺘﻲ ...

ﺣﺴﻴﺖ ﺑﻤﻠﻞ ﺍﻛﺜﺮ ﻣﻦ ٣ ﺳﺎﻋﺎﺕ ﻛﺎﻋﺪﺓ ﺑﻐﺮﻓﺔ ﻓﺘﺤﺖ ﺍﻟﺒﺎﺏ ﺍﺭﻳﺪ ﺍﻧﺰﻝ ﺟﻮﺓ ﻣﻨﺘﻈﺮ ﻣﺎﻛﻮ ﺑﺸﻐﻞ .. ﻫﻤﺰﻳﻦ ﻣﺎ ﻣﻮﺟﻮﺩ ﺧﺎﻑ ﻳﺴﻮﻳﻠﻲ ﻣﺸﻜﻠﺔ ﻉ ﺍﻻﻗﻞ ﺍﻣﻲ ﺗﻔﻬﻤﻪ

ﺑﻄﺮﻳﻘﺘﻬﺎ .. ﺭﺩﺕ ﺍﻧﺰﻝ ﻭﺍﺳﻤﻊ ﺍﻟﺒﺎﺏ ﻳﻨﺪﻙ .. ﻋﺮﻓﺘﻬﻢ ﻫﻢ

ﺿﻠﻴﺖ ﻭﺍﻛﻔﺔ ﻉ ﺍﻟﺪﺭﺝ ﻣﺎﻣﺎ ﺭﺍﺣﺖ ﻓﺘﺤﺖ ﺍﻟﺒﺎﺏ ﺍﻧﻲ ﻛﻠﺒﻲ ﻳﺪﻙ ﺳﺮﻳﻊ ﺍﺳﻤﻊ ﺻﻮﺕ ﻧﺴﻮﺍﻥ ﻭﺍﻣﻲ ﺗﺮﺣﺐ ﺑﻴﻬﻢ ﻭﺍﺳﻠﻢ ﻣﺎ ﻋﺮﻓﺖ ﻛﻢ ﻣﺮﺓ ﺟﺎﻳﻪ ﻭﻣﻨﻮ .. ﺩﺧﻠﻮ ﻻﺳﺘﻘﺒﺎﻝ ﻭﺍﻣﻲ ﺩﺧﻠﺖ ﻭﻳﺎﻫﻢ ﺭﺣﺖ ﻧﺰﻟﺖ ﻉ ﻛﻴﻒ

ﺍﺧﺬﺕ ﻣﻮﺑﺎﻳﻞ ﺍﻣﻲ ..

ﺧﺎﺑﺮﺕ ﺳﻴﻒ ..

ﺩﻳﻤﺔ : ﻫﻠﻮ ﺳﻴﻒ ﺍﻛﻮﻟﻚ ﺍﻧﻲ ﺧﺎﻳﻔﺔ ...

ﺳﻴﻒ : ﺑﺎﺑﺎ ﺷﺒﻴﺞ ﺍﻧﺘﻲ ﻣﻨﻴﻦ ﺗﺨﺎﻓﻴﻦ ﻻ ﺗﺨﺎﻓﻴﻦ ﻣﻦ ﺃﺣﺪ ﺍﻧﻲ ﻓﻬﻤﺖ ﺍﻣﻲ ﻉ ﻭﺿﻌﻨﻪ ﻫﻲ ﺗﺮﺗﺐ ﺍﻻﻣﻮﺭ

ﺩﻳﻤﺔ : ﺩﻳﻤﺔ ﺍﺫﺍ ﻋﺎﺭﺿﻮ ﺍﻫﻠﻲ ﺭﺍﺡ ﺗﺘﺮﻛﻨﻲ ..

ﺳﻴﻒ : ﻟﻮ ﺩﻧﻴﺎ ﻛﻠﻬﺎ ﻭﻛﻔﺖ ﺑﻮﺟﻬﻲ ﻣﺎ ﺍﺗﺮﻛﺞ ﺍﻧﺘﻲ ﺷﺘﺤﺠﻴﻦ ..

ﺷﻔﺖ ﺍﻣﻲ ﺟﺎﻳﺔ ﺭﺍﺳﺎ ﺳﺪﻳﺘﻪ ..

ﺳﻤﻴﺔ : ﻳﻤﻪ ﺗﻌﺎﻟﻲ ﻗﺪﻣﻲ ﺍﻟﻬﻢ ﺍﻟﻌﺼﻴﺮ ﻻ ﺿﻠﻴﻦ ﻛﺎﻋﺪﺓ ﺍﻫﻨﺎ ..

ﺭﺣﺖ ﻧﺰﻟﺖ ﻭﺍﻧﻲ ﻣﺮﺗﺒﻜﺔ .. ﺍﺧﺬﺕ ﺻﻴﻨﻴﺔ ﺑﻴﻬﺎ ﻋﺼﻴﺮ ﻭ ﻛﻴﻚ ﺍﻣﻲ ﺭﺍﺣﺖ ﻗﺒﻠﻲ ﺍﻧﻲ ﺍﺭﺟﻒ ﻭﻛﻔﺖ ﺑﻠﺒﺎﺏ ﺍﺧﺬﺕ ﻧﻔﺲ ﺩﺧﻠﺖ ﻭﺍﻧﻲ ﻣﺘﻮﺗﺮﺓ ﺷﻔﺖ ﺍﻡ ﺳﻴﻒ ﻭﺍﻡ ﺳﺎﻣﺮ ﻭﺃﺧﺖ ﺳﻴﻒ ﺍﻟﺠﺒﻴﺮﺓ ﺍﺑﺘﺴﻤﺖ ﻭﻗﺪﻣﺘﻠﻬﻢ ﺍﻟﻌﺼﻴﺮ ﻭﻫﻨﻪ ﺍﻛﻠﻨﻲ ﺑﺴﻼﻡ ﺑﺴﺘﻬﻦ ﻭﺳﻠﻤﺖ ﻋﻠﻴﻬﻦ

ﻭﻫﻨﻪ ﻳﻜﻮﻟﻦ ﻫﻼ ﺑﺪﻳﻤﺔ ﺭﺍﺡ ﻧﺮﺟﻊ ﻧﺎﺳﺒﻜﻢ ﻣﺮﺓ ﺛﺎﻧﻴﺔ

ﻣﺎ ﺑﻘﻴﺖ ﺷﻮﻱ ﻭﻃﻠﻌﺖ ﺿﻠﻴﺖ ﺍﺳﻤﻊ ﺍﻟﻬﻢ ﻣﻦ ﺍﻟﺒﺎﺏ

ﺍﺳﻤﻊ ﺍﻡ ﺳﻴﻒ ﺍﺗﻜﻮﻝ ..

ﺧﻴﺔ ﺍﺣﻨﺎ ﻣﻦ ﺧﻄﺒﻨﺎ ﺣﻨﻴﻦ ﻭﺷﻔﻨﻪ ﺑﻨﺘﺞ ﻋﺠﺒﺘﻨﻲ ﻭﻣﺎ ﺭﺍﺣﺖ ﻣﻦ ﺑﺎﻟﻲ .. ﺑﺲ ﺟﺎﻥ ﺍﻟﻮﻟﺪ ﺧﺎﻃﺐ ﺑﺲ ﻓﺴﺦ ﺧﻄﻮﺑﺘﻪ ﻻﻥ ﺍﺧﻮﺍﻧﻬﺎ ﻣﻮﺯﻳﻨﻴﻦ ﻭﺻﺎﺭﺕ ﻣﺸﺎﻛﻞ

ﻧﺎﺱ ﺍﺩﻭﺭ ﺷﺮ ﻭﺍﺧﻮﺍﻧﻬﺎ ﻳﺸﺮﺑﻮﻥ ﻭﺍﺣﻨﻪ ﻫﺴﺔ ﻧﺮﻳﺪ ﺑﻨﺘﻜﻢ ﻭﺍﻧﺘﻮ ﺷﺘﻄﻠﺒﻮﻥ ﺍﺣﻨﺎ ﺣﺎﻇﺮﻳﻦ ..

ﺳﻤﻴﺔ : ﻭﺍﻟﻠﻪ ﺧﻴﺔ ﻭﻧﻌﻢ ﻣﻨﻜﻢ .. ﺍﻟﻨﺎ ﺍﻟﺸﺮﻑ ﺑﺲ ﺑﻘﺖ ﻳﻢ ﺍﺧﻮﺍﻫﺎ ﻭﻋﻤﺎﻣﻬﺎ ..

ﺍﻡ ﺳﻴﻒ : ﺍﻱ ﻭﺍﻟﻠﻪ ﺧﻴﺔ ﻧﺮﻳﺪ ﻧﻔﺮﺡ ﺑﻠﻮﻟﺪ ﺻﺤﻴﺢ ﺍﺑﻮﻩ ﻣﺎ ﻃﺎﻟﻌﺔ ﺍﻟﺴﻨﻪ ﻣﺎﻟﺘﻪ ﺑﺲ ﺣﺘﻰ ﻟﻮ ﺑﺲ ﺧﻄﻮﺑﻪ

ﺳﻤﻴﺔ : ﺇﻧﺸﺎﺀ ﺍﻟﻠﻪ ﺧﻴﺮ .. ﺍﺣﻨﺎ ﻧﺮﺟﻊ ﺍﻟﻜﻢ ﺧﺒﺮ ﺿﻠﻮ ﻳﺴﻮﻟﻔﻮﻥ ...

ﺍﻧﻲ ﺭﺣﺖ ﺧﺎﺑﺮﺕ ﺣﻨﻴﻦ ...

ﺣﻨﻴﻦ : ﻭﻟﺞ ﺩﻳﻤﺔ ﺍﺧﺎﺑﺮ ﻋﻠﻴﺞ ﺟﻬﺎﺯﺝ ﻣﻐﻠﻖ ﻭﻟﺞ ﺍﻟﺒﺎﺭﺣﺔ ﻋﻠﻜﺖ ﺳﻴﻒ ﻛﺎﻝ ﺗﺨﻄﺒﻮﻟﻲ ﺑﺎﺟﺮ ﻭﺷﻲ ﺃﺟﺮ ﻃﻮﻝ ﻭﻋﺮﺽ ..

ﻛﺎﻝ ﻏﺼﺒﻦ ﻋﻠﻴﻜﻢ ﻭﻫﻮ ﺍﺧﺘﺎﺭ ﺍﻟﺘﺠﻲ ﻋﻨﺪﻛﻢ ..

ﻭﻟﺞ ﻣﺎ ﺳﻮﻟﻔﺘﻠﻲ ﻟﻴﺶ ﺟﻬﺎﺯﺝ ﻣﻐﻠﻖ ..

ﺩﻳﻤﺔ : ﺳﻮﻟﻔﺘﻬﺎ ﻛﻠﺸﻲ ..

ﺣﻨﻴﻦ : ﻳﺎﺍ ﺳﻮﺩﺓ ﻋﻠﻴﻪ ﻭﻫﺴﺔ ﺍﺷﻠﻮﻧﺞ ..

ﺩﻳﻤﺔ : ﺯﻳﻨﻪ ﻭﻟﺞ ﺭﺍﺡ ﻳﺮﻭﺣﻮﻥ ﺧﻠﻴﻨﻲ ﺍﺳﻠﻢ ﻋﻠﻴﻬﻢ ﻋﻴﺐ ..

ﺭﺣﺖ ﺷﻔﺘﻬﻢ ﻃﻠﻌﻮ ﺍﺟﺖ ﺍﻡ ﺳﻴﻒ ﺳﻠﻤﺖ ﻋﻠﻴﻪ ﻭﺍﻧﻲ ﻫﻤﻴﻦ ﺳﻠﻤﺖ ﻣﺎﻣﺎ ﻭﺩﻋﺘﻬﻢ ﻭﺭﺍﺣﻮﻭ ..

ﺍﻣﻲ ﺿﻠﺖ ﺍﺳﻮﻟﻒ ﻋﻠﻴﻬﻦ ﻭﺍﻧﻲ ﺑﺲ ﺍﻫﺰ ﺑﺮﺍﺳﻲ ﻛﺎﻟﺖ ﻳﺠﻲ ﻣﻨﺘﻈﺮ ﺑﻠﻴﻞ ﻭﺍﺣﺠﻴﻠﻪ ..

ﺍﻧﻲ ﺧﺎﻓﻴﺔ ﻣﻨﺘﻈﺮ ﻣﺎ ﻳﻘﺒﻞ ...

ﺿﻠﻴﺖ ﺑﻐﺮﻓﺘﻲ .. ﺻﺎﺭ ﺍﻟﻴﻞ ﺍﺟﻪ ﻣﻨﺘﻈﺮ ﻭﺍﺳﻤﻊ ﺍﻣﻲ ﺍﺳﻮﻟﻔﻠﻪ

ﻣﻨﺘﻈﺮ : ﺷﻤﻌﻨﻪ ﺍﻟﻴﻮﻡ ﺍﺟﻪ ﻭﺷﻨﻮ ﻗﺼﺘﻪ ..

ﺳﻤﻴﺔ : ﻳﻤﺔ ﺍﺣﺠﻲ ﻣﺎ ﺩﺍﻣﻚ ﻫﺪﻳﺖ ﻓﻬﻤﻨﻲ ﺳﺎﻟﻔﺔ ﻛﻠﻬﺎ

ﻣﻨﺘﻈﺮ : ﺳﻨﺔ ﺍﺟﺎﻧﻲ ﺣﺠﻲ ﻉ ﺩﻳﻤﺔ ﻭﻛﺎﻟﻮ ﺍﺧﺘﻚ ﻋﻨﺪﻫﺎ ﺻﺪﻳﻖ ﻭﺩﺍﺋﻤﺎ ﻭﻳﺎﻩ ﻭﻛﻞ ﺍﻟﺘﻔﺎﺻﻴﻞ ﺗﺠﻴﻨﻲ

ﺳﻤﻴﺔ : ﺑﺲ ﻳﺎ ﻳﻤﺔ ﺍﻧﺘﻪ ﻻﺯﻡ ﺗﺘﺄﻛﺪ ﻭﺗﻌﺮﻑ ﺍﺧﺘﻚ ﺷﻨﻮ

ﻣﻨﺘﻈﺮ " ﻳﻤﻪ ﺷﻌﺮﻑ ﺻﺎﺭﺕ ﺑﺤﻠﻚ ﻣﻬﻨﺪ ﻭﻫﻮ ﻳﻜﻮﻝ ﻣﺨﻠﻴﻬﺎ ﻉ ﺣﻞ ﺭﺟﻠﻴﻬﺎ ﻣﺎ ﺗﻌﺮﻓﻮﻥ ﺍﻫﻨﺎﻙ ﺷﺴﻮﻱ ﻭﻓﻀﺤﻨﻲ ..

ﻭﺻﻠﻨﻲ ﺣﺠﻲ ﺍﺧﺘﻚ ﻛﺎﻋﺪﺓ ﺑﻜﻠﻴﺔ ﻭﻱ ﻭﺍﺣﺪ ﻭﺗﺴﻮﻟﻒ ﻭﻻﺯﻡ ﺍﺩﻳﻬﺎ ﻭﺗﺮﻳﺪﻧﻲ ﺍﻫﺪﻯ

ﺳﻤﻴﺔ : ﺑﺲ ﻳﺎﻳﻤﺔ ﺍﺧﺘﻚ ﻛﺒﺮﺕ ﻣﻮ ﻣﺎﻝ ﺗﻀﺮﺑﻬﺎ ﻻﺯﻡ ﺗﻜﻌﺪ ﻭﻳﺎﻫﺎ ﻭﺗﻔﻬﻤﻬﺎ ﺍﻧﺘﻪ ﻫﺴﺔ ﺑﻤﻜﺎﻥ ﺃﺑﻮﻫﺎ ﻭﻛﻠﺸﻲ ﺑﺤﻴﺎﺗﻬﺎ

ﻣﻨﺘﻈﺮ : ﻳﻤﺔ ﺍﻟﻠﻪ ﺑﺎﺭﺣﺔ ﻣﻦ ﻇﺮﺑﺘﻬﺎ ﻣﻦ ﻧﻤﺖ ﻟﻴﻠﻲ ﺑﺲ ﺑﻨﻔﺲ ﺍﻟﻮﻗﺖ ﺣﺎﻗﺪ ﻋﻠﻴﻬﺎ ﻧﺰﻟﺖ ﺭﺍﺳﻲ ﻭﻳﺠﻲ ﻫﺬﺍ ﻣﻬﻨﺪ ﻳﻌﻴﺮﻧﻲ ﺑﻴﻬﺎ ...

ﺳﻤﻴﺔ : ﻳﻤﺔ ﺷﻨﻮ ﻧﺰﻟﺖ ﺭﺍﺳﻚ ﻟﻮ ﻫﻴﺞ ﻣﺎ ﺍﺟﻮﺍﻫﺎ ﺧﻄﺎﺑﻪ ..

ﻣﻨﺘﻈﺮ : ﺻﺪﻙ ﻣﻨﻮ ﻫﺬﺍ ﻭﻳﺎﻫﺎ ﺑﻜﻠﻴﻪ ...

ﺳﻤﻴﺔ : ﻻ ﺍﺑﻦ ﻋﻢ ﺳﺎﻣﺮ ﻫﻮ ﻭﻟﺪ ﺿﺎﺑﻂ ﺭﺍﺩ ﻳﺴﺎﻋﺪﻧﻪ

ﻣﻨﺘﻈﺮ : ﻫﺎ ﻫﺎ ﺑﺲ ﺍﻧﻲ ﺳﻤﻌﺖ ﺑﻴﻪ ﺧﺎﻃﺐ .. ﻣﺎ ﺍﻋﺮﻑ ﻣﺰﻭﺝ

ﺳﻤﻴﺔ : ﻻ ﺟﺎﻥ ﺧﺎﻃﺐ ﺑﺲ ﻣﺸﺎﻛﻞ ﻭﻓﺴﺦ ..

ﻣﻨﺘﻈﺮ : ﺧﻮﺵ ﺍﻧﻲ ﺍﺭﻭﺡ ﺍﺳﺎﻝ ﻋﻠﻴﻪ ﻭﺍﺷﻮﻑ ﻫﻢ ﺧﻮﺵ ﻧﺎﺱ ﻭﺍﻟﺒﻨﻴﺔ ﻛﺒﺮﺕ ...

ﺳﻤﻴﺔ : ﺍﻧﻲ ﺭﺍﺡ ﺍﺭﻭﺡ ﺍﻧﺎﻡ .. ﻻﻥ ﺗﻌﺒﺎﻧﻪ ﺍﻟﻴﻮﻡ ﻛﻌﺪﺕ ﻣﻦ ﻭﻛﺖ ..

ﻣﻨﺘﻈﺮ : ﻳﻤﺔ ﻫﺴﺔ ﺍﺷﻠﻮﻧﻬﺎ ﺩﻳﻤﺔ ﺍﻛﻠﺖ ﺷﻲ ..

ﺳﻤﻴﺔ : ﺍﻱ ﺍﻛﻠﺖ ﺍﺩﺭﻱ ﺑﻴﻚ ﻛﻠﺒﻚ ﻣﺎ ﻳﻨﻄﻴﻚ ﺍﻧﺘﻪ ﺍﻟﺤﻨﻴﻦ ﺍﻟﻠﻪ ﻳﺨﻠﻴﻜﻢ ..

...

ﺩﻳﻤﺔ : ﺳﻤﻌﺖ ﺍﻟﺤﺠﻲ ﺃﻭﻑ ﻳﺎ ﻣﻨﺘﻈﺮ ﺍﺩﺭﻱ ﺑﻴﻪ ﺳﺎﻋﺔ ﻋﺼﺒﻴﻪ ﺍﺻﻼ ﻣﺎ ﺿﺠﺖ ﻣﻨﻪ ﺑﺲ ﺍﻟﻌﺘﺐ ﻉ ﻣﻬﻨﺪ ﺍﺷﻠﻮﻥ ﻫﻴﺞ ﻳﺤﺠﻲ ﻭﻳﺎﻱ ..

ﻭﺭﺓ ﻳﻮﻣﻴﻦ ﻣﻨﺘﻈﺮ ﻛﺎﻝ ﺳﺎﻟﺖ ﻉ ﺍﻟﻮﻟﺪ ﻭﻛﻠﻬﺎ ﺗﻤﺪﺡ ﺑﻴﻪ ﻭﻛﻠﺖ ﻟﻌﻤﺎﻣﻲ ﻫﻢ ﻛﺎﻟﻮ ﺍﺗﻮﻛﻠﻮ ﺍﻧﻄﻮﻫﺎ ..

ﺣﺘﻰ ﺍﺑﻮﻳﺔ ﺧﺎﺑﺮﺗﻪ ﻭﻛﺎﻝ ﺍﻧﺘﻪ ﻧﻴﺎﺑﺔ ﻋﻨﻲ ..

ﺻﻌﺪﺗﻠﻲ ﺍﻣﻲ ..

ﺍﻧﻲ ﻃﻮﻝ ﻫﺎﻱ ﺍﻟﻔﺘﺮﺓ ﻣﺨﻠﺼﺘﻬﺎ ﺑﺲ ﺑﻐﺮﻓﺔ ﻣﻦ ﻳﺠﻲ ﻣﻨﺘﻈﺮ ... ﻣﺎ ﺍﻛﺪﺭ ﺍﺑﺎﻭﻉ ﺑﻮﺟﻪ ..

ﻣﺎﻣﺎ ﺩﺧﻠﺖ ﻟﻐﺮﻓﺘﻲ ﺍﺟﺖ ﻛﻌﺪﺕ ﻳﻤﻲ ﻛﺎﻟﺖ ..

ﺳﻤﻴﺔ : ﻣﺎﻣﺎ ﺍﺧﻮﺝ ﺳﺎﻝ ﻉ ﺍﻟﻮﻟﺪ ﻭﻛﻠﻬﺎ ﺗﻤﺪﺡ ﺑﻴﻪ ﺑﻌﺪ ﺍﻟﺸﻐﻠﺔ ﺿﻠﺖ ﻳﻤﺞ ﺍﺫﺍ ﺍﻧﺘﻲ ﻣﻘﺘﻨﻌﻪ ﺑﺰﻭﺍﺝ ﻭﺑﻴﻪ ﻧﺮﺟﻊ ﺧﺒﺮ ﻟﻮﻟﺪ ... ﺍﻧﻲ ﻣﺎ ﺍﺭﻳﺪ ﺍﺿﻐﻂ ﻋﻠﻴﺞ .. ﺍﻧﺘﻲ ﻫﺎﻱ ﺣﻴﺎﺗﺞ ..

ﺩﻳﻤﺔ : ﻣﺎﻣﺎ ﺍﻧﺘﻮ ﺑﻜﻴﻔﻜﻢ ...

ﺳﻤﻴﺔ : ﻣﺎﻣﺎ ﺍﻧﺘﻲ ﺍﻟﻘﺮﺍﺭ ﻳﻤﺞ ..

ﺩﻳﻤﺔ : ﻭﺍﻧﻲ ﺧﺠﻼﻧﻪ ﻣﻦ ﻣﺎﻣﺎ ﻛﻠﺘﻬﺎ ﺍﻳﻲ ..

ﺳﻤﻴﺔ : ﺍﻟﻠﻪ ﻳﺴﻌﺪﺝ ﻭﻳﻮﻓﻘﺞ ﺑﺤﻴﺎﺗﺞ ...

ﻧﺰﻟﺖ ﻣﺎﻣﺎ ﻭﺍﻧﻲ ﻣﺎ ﻣﺼﺪﻛﺔ ﻭﺍﺧﻴﺮ ﺭﺍﺡ ﺍﺻﻴﺮ ﻣﺮﺕ ﺳﻴﻒ ﺍﺣﺲ ﺭﻭﺣﻲ ﺑﺤﻠﻢ ﻛﻤﺖ ﺍﻛﻤﺰ ﻣﻦ ﺍﻟﻔﺮﺣﺔ ﺣﺎﻳﺮﺓ

ﺷﺴﻮﻱ ..

ﻣﻨﺘﻈﺮ ﻣﺨﺎﺑﺮ ﻋﻠﻲ ﻭﻛﺎﻳﻠﻪ ﺧﻮﺵ ﻧﺎﺱ ﺣﻨﻴﻦ ﺗﻤﺪﺡ ﺑﻴﻬﻢ ..

ﺍﻣﻲ ﺧﺎﺑﺮﺕ ﺍﻡ ﺳﻴﻒ ﻭﺭﺟﻌﺘﻠﻬﻢ ﺟﻮﺍﺏ .. ﻭﺣﺪﺩﻭ ﺍﻟﺠﻤﻌﺔ ﺍﻟﺨﻄﻮﺑﺔ .. ﻗﺒﻞ ﺩﻭﺍﻡ ﺑﺎﺳﺒﻮﻉ ..

ﻭﺍﻧﻲ ﺑﻴﻦ ﺍﻟﻔﺮﺣﺎﻧﻪ ﻭﺑﻴﻦ ﺍﻟﺨﺎﻳﻔﺔ ﻻﻥ ﺭﺍﺡ ﺗﺘﻐﻴﺮ ﺣﻴﺎﺗﻲ ﻭﺍﺧﺎﻑ ﺳﻴﻒ ﻳﺘﻐﻴﺮ ﻋﻠﻴﻪ ﺃﻭﻑ ﻻﺯﻡ ﺍﺑﻌﺪ

ﻫﺎﻱ ﺍﻻﻓﻜﺎﺭ ﻋﻨﻲ ﻭﻫﺴﺔ ﺍﺧﻄﻚ ﻟﺤﻔﻠﺔ ..

ﻣﻨﺘﻈﺮ ﺍﺟﻪ ﻋﻠﻴﻪ ..

ﻣﻦ ﺷﻔﺘﻪ ﻧﺰﻟﺖ ﺭﺍﺳﻲ ﻭﻛﻤﺖ ﺍﺑﺠﻲ ..

ﻫﻮ ﺍﺟﻪ ﺑﺎﺱ ﺭﺍﺳﻲ ....

ﻣﻨﺘﻈﺮ : ﺩﻳﻤﺔ ﺣﺒﻴﺒﺘﻲ ﺻﺪﻛﻴﻨﻲ ﺍﻧﻲ ﻣﺎ ﺍﻛﺮﻫﺞ ﻭﻟﺞ ﻣﻦ ﻛﺘﻠﺞ ﻣﺎ ﻧﺎﻳﻢ ﻟﻴﻠﻲ ﻛﻤﺖ ﺍﻛﻞ ﺑﺮﻭﺣﻲ ﺑﺲ ﺍﻟﺤﺠﻲ ﺍﻟﻮﺻﻠﻨﻲ ﻓﻘﺪﻧﻲ ﺍﻋﺼﺎﺑﻲ ﺩﻳﻤﺔ ﺍﻧﺘﻲ ﻣﻮ ﺑﺲ ﺍﺧﺘﻲ

ﺍﻧﺘﻲ ﺑﻨﺘﻲ ﺍﻧﻲ ﺍﺭﻳﺪ ﺳﻌﺎﺩﺗﺞ ﺣﺘﻰ ﻣﻬﻨﺪ ﻫﺴﺔ ﻣﺎ ﻳﺪﺭﻱ ﻛﻠﺘﻬﻢ ﻟﺤﺪ ﻳﻜﻮﻟﻪ ﺧﻠﻲ ﺍﻣﺎﻡ ﺍﻷﻣﺮ ﺍﻟﻮﺍﻗﻊ ﻻﻥ ﺍﻋﺮﻑ ﺑﻴﻪ ﻳﺮﻳﺪﺝ ﻭﺍﻧﺘﻲ ﻣﺎ ﺗﺮﻳﺪﻳﻪ ﻭﺧﺎﻑ ﻳﺴﻮﻳﻠﺞ ﻣﺸﻜﻠﺔ .. ﺍﻧﻲ ﺍﻧﻄﻴﺖ ﻭﻋﺪ ﻟﻨﻔﺴﻲ ﺍﺣﻘﻖ ﻛﻞ ﺍﻣﻨﻴﺎﺗﺞ ..

ﻭﻣﺎ ﺍﺧﻠﻴﺞ ﺗﺘﺤﺘﺎﺟﻴﻦ ﻟﻮﺍﺣﺪ ..

ﺩﻳﻤﺔ : ﺑﺴﺖ ﺭﺍﺳﻪ ﺍﻭﻋﺪﻙ ﻣﺎ ﺍﻧﺰﻝ ﺭﺍﺳﻚ ﻭﺍﺧﻠﻴﻚ ﻓﺨﻮﺭ ﺑﻴﻪ ..

ﻣﻨﺘﻈﺮ : ﻭﻫﺬﺍ ﻣﻮﺑﺎﻳﻠﺞ ﻣﺎ ﺍﺭﻳﺪ ﻋﺮﻭﺳﺘﻨﻪ ﺗﻨﻘﻬﺮ ..

ﺭﺍﺡ ﻣﻨﺘﻈﺮ ﺷﻜﺪ ﻓﺮﺣﺖ ﺑﻜﻼﻣﺔ ﺍﺣﺲ ﻫﺴﺔ ﻛﻤﻠﺖ ﻓﺮﺣﺘﻲ ..

ﺑﺴﺮﻋﺔ ﺧﺎﺑﺮﺕ ﺭﻏﺪ ﺍﺭﻳﺪ ﺍﻛﻮﻟﻬﺎ .. ﻉ ﺍﻟﺨﻄﻮﺑﻪ ..

ﺭﻏﺪ؛ﻫﻼ ﺑﺪﻳﻮﻡ ﻟﺞ ﻭﻳﻨﺞ ﺑﺎﻟﻲ ﻳﻤﺞ ﺿﻞ ..

ﺩﻳﻤﺔ : ﺳﻮﻟﻔﺘﻬﺎ ﻛﻠﺸﻲ ..

ﺭﻏﺪ : ﺧﺎﻑ ﺍﺟﻮﺍﻥ ﻫﺎﻱ ﻛﺎﻳﻠﻪ ﻟﺨﻮﺝ ..

ﺩﻳﻤﺔ : ﻣﺎ ﺍﻋﺮﻑ ﻟﺞ ﻣﻨﻴﻦ ﺟﺎﺑﺖ ﺭﻗﻢ ﺍﺧﻮﻳﺔ ..

ﺭﻏﺪ؛ﻛﻠﺸﻲ ﺍﺳﻮﻳﻪ ﺍﻟﻤﻬﻢ ﻫﺴﺔ ﺗﺤﻈﻴﺮﺍﺕ ﺷﻨﻮﻭ

ﺩﻳﻤﺔ : ﺑﻌﺪﻧﻲ ﻣﺎ ﻣﺤﻈﺮﺓ ﺷﻲ ﺑﺎﺟﺮ ﺍﺭﻭﺡ ﻟﺴﻮﻙ ﻭﺍﺷﻮﻑ ﺷﻠﺒﺲ ﺣﺎﻳﺮﺓ ﺑﺲ ﺣﺒﺎﺑﻪ ﻻﺗﻜﻮﻟﻴﻦ ﻟﻮﺍﺣﺪ ﻻﻥ ﺷﻐﻠﺔ ﺳﻜﺘﻪ .. ﻭﻻﺯﻡ ﺍﻧﺘﻲ ﺗﺠﻴﻦ

ﺭﻏﺪ : ﻣﺎ ﺍﻋﺮﻑ ﺍﺷﻮﻑ ﺍﺣﻤﺪ ﻳﻘﺒﻞ ﺍﺣﻨﺎ ﻧﺨﻄﺐ ﺑﺪﻭﺍﻡ ﻻﻥ ﻫﻮ ﻗﺪﻡ ﻉ ﺍﻟﻤﺎﺳﺘﺮ ﻭﺣﺎﻳﺮ ﺑﻤﻌﺎﻣﻠﺔ ..

ﺩﻳﻤﺔ : ﺍﻟﻠﻪ ﻳﺘﻤﻢ ﻉ ﺧﻴﺮ ..

ﺿﻠﻴﻨﻪ ﻧﺴﻮﻟﻒ ﻭﺍﺷﻠﻮﻥ ﻧﺤﻈﺮ ﻭﺍﻧﻲ ﺿﻠﻴﺖ ﺍﺷﻮﻑ ﺑﻴﺠﺎﺕ ﻉ ﺍﻟﻔﻴﺲ ﺍﺭﻳﺪ ﺍﺧﺘﺎﺭ ﺷﻲ ﻟﺨﻄﺒﺔ ﺷﻔﺖ ﻓﺴﺘﺎﻥ ﻭﺭﺩﻱ ﻛﻠﺶ ﻋﺠﺒﻨﻲ ﺩﺧﻠﺖ ﻋﻠﻴﻪ ﻟﻜﻴﺘﻪ ﻗﺮﻳﺐ ﻋﻠﻴﻨﻪ ﺑﻐﺪﺍﺩ ﺍﺧﺬﺕ ﺍﻟﻌﻨﻮﺍﻥ ﻭﺷﻔﺖ ﺳﻌﺮﻩ ﻣﻨﺎﺳﺐ ..

ﺛﺎﻧﻲ ﻳﻮﻡ ﻃﻠﻌﻨﻪ ﻣﻦ ﺍﻟﺼﺒﺢ ﺍﻭﻝ ﺷﻲ ﺣﺠﺰﺕ ﺻﺎﻟﻮﻥ ﻭﻛﺎﻟﺖ ﻻﺯﻡ ﺍﺣﻔﺎﻓﻪ ﻗﺒﻞ ﻳﻮﻡ .. ﺍﻟﻤﻬﻢ ﺍﺗﻔﻘﺖ ﻭﻱ ﺍﻡ ﺍﻟﺼﺎﻟﻮﻥ ﻭﺭﺣﺖ ﺍﺧﺬﺕ ﺍﻟﻔﺴﺘﺎﻥ ﻫﻤﺰﻳﻦ ﻟﻜﻴﺘﻪ ﺑﻌﺪ ﺍﺷﺘﺮﻳﺖ ﺷﻐﻼﺕ ﻫﻮﺍﻱ ﺗﻌﺒﻨﻪ ﻛﺎﻝ ﻣﻨﺘﻈﺮ ﺍﻧﻲ ﺃﻭﺻﻲ ﻉ ﻛﻴﻜﺔ ﺑﺴﻮﻙ ﻭﺧﺎﺑﺮ ﻣﻨﺘﻈﺮ ﺍﻣﻲ ..

ﻛﻼﻟﻬﺎ ﺍﻱ ﺷﻲ ﻳﺤﺠﻲ ﻣﻬﻨﺪ .. ﻻ ﺍﺟﺎﺩﻟﻮﻩ ﺧﻠﻮﻩ ﻭﺣﺪﺓ

ﺍﻧﻲ ﺧﻔﺖ ﻳﺴﻮﻳﻠﻲ ﺷﻲ ﺑﺲ ﻣﺎ ﺩﺍﻡ ﻣﻨﺘﻈﺮ ﻣﻮﺟﻮﺩ ﺷﻮﻱ ﻣﻄﻤﺌﻨﺔ

ﺭﺟﻌﻨﺎ ﺍﻧﻲ ﻭﺍﻣﻲ ﺗﻌﺒﺎﻧﻴﻦ ﻣﻦ ﺍﻟﺴﻮﻙ ... ﻣﺎ ﺍﺷﻮﻑ ﺍﻻ ﻣﻬﻨﺪ ﺩﻓﻊ ﺍﻟﺒﺎﺏ ﻭﻋﻴﻮﻧﻪ ﻧﺎﺭ ﺍﻋﺘﻘﺪ ﺟﺎﻥ ﻣﻨﺘﻈﺮﻧﻪ ..

ﻭﻫﻮ ﻳﺼﻴﺢ ..

ﻣﻬﻨﺪ : ﻫﺎﺍ ﻋﻤﻪ ﻟﻴﺶ ﻫﻴﺞ ﺍﺳﻮﻭﻥ ﺑﻴﻪ .. ﻫﻴﺞ ﻣﻮ ﺑﻌﻴﻨﺞ ﻭﺻﻴﺔ ﺍﺧﻮﺝ ... ﻭﺍﻟﻠﻪ ﻟﻮ ﻣﻮ ﻋﻠﻲ ﻭﺯﻟﻢ ﺍﻟﻴﻮﻡ ﻭﻣﺎ ﻣﻨﻄﻴﻬﻢ ﻛﻠﻤﻪ ﺍﻻ ﺍﻧﻬﻲ ﻋﻠﻴﻬﺎ ﻭﺍﺧﻠﻴﻬﺎ ﻛﺎﻋﺪﺓ ﻭﻣﺎﺗﺘﺰﻭﺝ ﺑﺲ ﻟﺰﻣﻮﻧﻲ ﻣﻦ ﺍﻳﺪﻱ ﺍﻟﺘﻮﺟﻌﻨﻲ ﻣﺎ ﺭﺍﺡ ﺍﻧﺴﺎﻫﺎ ﺍﻟﻜﻢ

ﺍﻣﻲ ﺗﻬﺪﺉ ﺑﻴﻪ ﺑﺲ ﻫﻮ ﺍﻋﺼﺎﺏ ﺑﺎﻭﻋﻠﻲ ﺑﻨﻈﺮﺓ ﺧﻠﻪ ﺟﺴﻤﻲ ﻛﻠﻪ ﻳﺮﺟﻒ ﺣﺴﻴﺖ ﻳﺮﻳﺪ ﻳﻬﺠﻢ ﻋﻠﻴﻪ ..

ﺧﻠﻪ ﻭﻃﻠﻊ ﺳﺪ ﺍﻟﺒﺎﺏ ﺑﻜﻞ ﺻﻮﺗﻪ ..

...

ﺍﻣﻲ ﺍﻧﻘﻬﺮﺕ ﻋﻠﻴﻪ ﻻﻥ ﺍﺑﻦ ﺍﺧﻮﻫﺎ ﻭﺿﻠﺖ ﺗﺎﻛﻞ ﺑﺮﻭﺣﻬﺎ .

ﺑﺲ ﻫﻲ ﻛﺎﻟﺖ ﺍﻧﻲ ﻣﺎ ﺍﺭﻳﺪ ﺍﺿﻐﻂ ﻋﻠﻴﺞ ﻭﺍﻋﺮﻑ ﺍﻧﺘﻲ ﻣﺎ ﺗﺤﺒﻴﻦ ﻣﻬﻨﺪ ...

ﺭﺟﻊ ﻣﻨﺘﻈﺮ ﺍﻣﻲ ﺣﺠﻠﺘﻪ ﻉ ﺍﻟﺼﺎﺭ

ﻣﻨﺘﻈﺮ : ﻛﺎﻝ ﺍﻱ ﺍﻟﻴﻮﻡ ﺧﺎﺑﺮﺕ ﻋﻠﻲ ﻭﻋﻤﻲ ﻭﺟﺎﻧﻮ ﺍﻛﻮ ﺯﻟﻢ ﻭﺣﺠﻮ ﻭﻱ ﻣﻬﻨﺪ ﻭﻫﻮ ﺍﺳﺘﺤﻰ ﻭﻛﺎﻝ ﺧﻠﻲ ﺗﺮﻭﺡ ﺑﺤﺎﻝ ﺳﺒﻴﻠﻬﺎ ﻣﺎ ﺭﺍﺡ ﺍﻭﻛﻒ ﺑﻘﺴﻤﺘﻬﺎ ..

ﺭﺣﺖ ﺑﺴﺖ ﻣﻨﺘﻈﺮ ..

ﺩﻳﻤﺔ : ﻓﺪﻭﺓ ﻫﺎﻱ ﻛﻠﻬﺎ ﻣﺴﻮﻳﻬﺎ ﻋﻠﻤﻮﺩﻱ ..

ﻣﻨﺘﻈﺮ : ﺷﻌﻨﺪﻱ ﻏﻴﺮﺝ ...

ﺷﻜﺪ ﻓﺮﺣﺖ ﻋﻨﺪﻱ ﻫﻴﺞ ﺍﺧﻮﻩ .. ﺍﻟﻠﻪ ﻋﻮﺿﻨﻲ ﺑﻴﻪ

ﺍﺟﺖ ﻳﻮﻡ ﺍﻟﺠﻤﻌﻪ .. ﺭﺣﺖ ﻣﻦ ﺍﻟﺼﺒﺢ ﻟﻠﺼﺎﻟﻮﻥ ﺣﻨﻴﻦ ﻭﻳﺎﻱ ﻻﻥ ﻛﻠﺘﻬﺎ ﺍﺷﻠﻮﻥ ﻣﺎ ﺍﻧﻲ ﻭﻛﻔﺘﻠﺞ ﺑﻌﺮﺳﺞ ﻫﺴﺔ ﺻﺎﺭ ﺩﻭﺭﺝ ...

ﺧﻄﻴﺔ ﺍﺟﺖ ﻭﻳﺎﻱ ﻭﺧﻠﺖ ﺑﻨﺘﻬﺎ ﻳﻢ ﺧﺎﻟﺘﻲ ...

ﻫﻤﻴﻦ ﻫﻲ ﻛﺎﻟﺖ ﺍﺭﻳﺪ ﻣﻜﻴﺎﺝ ﺳﻮﺗﻠﻲ ﺗﺴﺮﻳﺤﺔ ﺑﺴﻴﻄﺔ ﻭﻣﻜﻴﺎﺝ ﺧﻔﻴﻒ ﻣﺎﻝ ﺧﻄﻮﺑﻪ ﻭﻋﺪﺳﺎﺕ ﻣﻦ ﺷﻔﺖ ﻧﻔﺴﻲ ﺑﻤﺮﺍﻳﺔ .. ﺿﻠﻴﺖ ﻣﺼﺪﻭﻣﺔ ﺍﺷﻠﻮﻥ ﻏﻴﺮﻥ ﺷﻜﻠﻲ ﺻﺪﻙ ﺍﻟﻤﻜﻴﺎﺝ ﻳﻐﻴﺮ ﺍﻟﺸﻜﻞ ﻭﺍﻧﻲ ﺑﺼﺎﻟﻮﻥ ﺳﻴﻒ ﻛﻠﺴﺎﻋﻪ ﻳﺨﺎﺑﺮﻧﻲ ﻳﻤﺘﻪ ﺗﺨﻠﺼﻴﻦ ﻭﺳﺎﻋﺔ ﻳﻜﻮﻝ ﺍﻟﻴﻮﻡ ﺍﺑﺎﺕ ﻳﻤﻜﻢ ﺍﺗﻌﺸﻰ ﺑﻴﺞ ... ﺣﺘﻰ ﺍﻡ ﺍﻟﺼﺎﻟﻮﻥ ﻛﺎﻟﺖ ﺷﻨﻮ ﺳﺎﻟﻔﻪ ﻣﻮﺑﺎﻳﻠﺞ ..

ﺑﻌﺪﻳﻦ ﺍﺟﺘﻨﻲ ﺭﺳﺎﻟﺔ ﻣﻦ ﺭﻗﻢ ﻣﺠﻬﻮﻝ ..

ﻭﺍﻟﻠﻪ ﻣﺎ ﺍﺧﻠﻴﺞ ﺗﺘﻬﻨﻴﻦ ...

ﺍﻧﻲ ﻛﻠﺖ ﻫﺎﻱ ﻣﻨﻮ ﺍﻛﺜﺮ ﺷﻲ ﺷﻜﻴﺖ ﺑﻴﻬﺎ ﺍﺟﻮﺍﻥ ﻣﺎ ﺭﺩﺕ ﺍﺧﺮﺏ ﻓﺮﺣﺘﻲ ...

ﻣﺎ ﺍﻫﺘﻤﻴﺖ ﺍﻟﻬﺎ ...

ﺑﻌﺪﻳﻦ ﻛﻤﻠﺖ ﺍﺟﻪ ﺳﺎﻣﺮ ﺍﺧﺬﻧﻪ ﺣﻨﻴﻦ ﺻﻌﺪﺕ ﺑﺼﺪﺭ

ﻭﺳﺎﻣﺮ ﻳﻜﻮﻻﻫﺎ ﺍﻧﺘﻲ ﺍﻟﻌﺮﻭﺱ ﺍﻟﻴﻮﻡ ﺷﻄﺎﻟﻌﻪ ﺿﻞ ﻳﺘﻐﺰﻝ ﺑﻴﻬﺎ ﻭﻫﺎﻱ ﻧﺎﺳﻴﺔ ﻧﻔﺴﻬﺎ ﻟﻮ ﻣﺎ ﺍﻧﻲ ﻛﻠﺘﻬﻢ ﻧﺤﻦ ﻫﻨﺎ ..

ﺳﺎﻣﺮ ﻛﺎﻡ ﻳﻀﺤﻚ ﻭﻓﺮﺣﺎﻥ ﻣﺸﻐﻞ ﺍﺍﻏﺎﻧﻲ ..

ﻭﺻﻠﻨﻪ ﻟﺒﻴﺖ ﻟﻜﻴﺖ ﺧﺎﻟﺘﻲ ﺑﺲ ﻭﺟﻬﻦ ﺛﻜﺎﻝ ﻻﻥ ﻣﺎ ﺍﺧﺬﺕ ﻣﻬﻨﺪ ﻃﺒﻌﺎ ﻣﺎ ﻛﻠﺖ ﻟﻌﻤﺎﺗﻲ ﻣﺎ ﺍﺭﻳﺪﻫﻦ ﻳﺤﻈﺮﻥ

ﺑﺲ ﻣﺮﺕ ﻋﻤﻲ ﺍﻟﺰﻏﻴﺮ ﻣﻮﺟﻮﺩﺓ ﺧﻄﻴﺔ ﻓﺮﺣﺎﻧﻪ ﺍﻟﻲ ..

ﺍﻧﻲ ﻛﻌﺪﺕ ﻉ ﺍﻟﻜﺮﺳﻲ ... ﺑﺲ ﺧﺎﻳﻔﺔ ﻉ ﺍﻟﺮﻏﻢ ﺭﺍﺡ ﺍﺧﺬ ﺍﻻﺣﺒﻪ ﺑﺲ ﻣﺘﻮﺗﺮﺓ ﺟﻨﺖ ﻻﺯﻣﺔ ﻗﺮﺍﻥ ﺑﻴﺪﻱ ...

ﻭﻣﻮﺑﺎﻳﻠﻲ ﺷﻔﺘﻪ ﻳﻬﺘﺰ ﺭﺳﺎﻟﺔ ﻣﻦ ﻣﻬﻨﺪ

ﺍﻧﻲ ﻫﻤﻴﻦ ﻣﺎ ﺍﺭﻳﺪ ﻭﺣﺪﺓ ﺟﺮﺑﻬﺎ ﻏﻴﺮﻱ ..

ﻃﺒﻌﺎ ﺷﻜﺪ ﺿﺠﺖ ﻫﺬﺍ ﻭﺍﺣﺪ ﻣﺎ ﻳﺴﺘﺤﻲ ﻫﻴﺞ ﻳﺤﺠﻲ ﻉ ﻋﺮﺿﺔ ﻛﻠﺖ ﻣﺎ ﺍﻛﻮﻝ ﻟﻮﺍﺣﺪ ﻭﺧﺎﻑ ﺍﺻﻴﺮ ﻣﺸﻜﻠﺔ

ﺑﻌﺪﻳﻦ ﻛﺎﻟﻮ ﺍﺟﻮ ﺍﻫﻞ ﺍﻟﻌﺮﻳﺲ ...

ﺍﻧﻲ ﻛﻤﺖ ﺍﺭﺟﻒ ﺣﻨﻴﻦ ﺟﺎﻧﺖ ﻳﻤﻲ .. ﻻﺯﻣﺔ ﺍﻳﺪﻱ

ﺩﺧﻠﻮ ﺍﻟﻨﺴﻮﺍﻥ ﺟﺎﻧﻮ ﻫﻮﺍﻱ ﺍﻡ ﺳﻴﻒ ﺍﺟﺖ ﻳﻤﻲ ..

ﻭﺑﺎﺳﺘﻨﻲ ..

ﺑﻌﺪﻳﻦ ﻛﺎﻟﻮ ﻫﺴﺔ ﻧﻌﻘﺪ ..

ﺍﻧﻲ ﻛﻤﺖ ﺑﺪﻟﺖ ﻻﻥ ﺍﺣﻨﺎ ﻋﺎﺩﺗﻨﺎ ﻧﻌﻘﺪ ﺑﺴﻴﺖ ﻧﻮﻡ ﺍﺑﻴﺾ ﻭﻫﺬﺍ ﻳﺒﻘﻰ ﻟﻌﺮﺱ ﻟﺒﺴﺖ ﺍﻟﺴﻴﺖ ..

ﺧﻠﻴﺖ ﺭﺟﻠﻲ ﺑﻤﻲ ﻭﺭﺩ ﻭﺑﻴﺪﻱ ﺍﻟﻘﺮﺁﻥ ..

ﺑﺪﻯ ﺍﻟﺴﻴﺪ ﻳﻌﻘﺪ ﻭﻳﻜﻮﻝ ﻛﻼﻡ ﺍﻧﻲ ﺑﺎﻟﻲ ﻣﻮ ﻳﻤﻪ ﺍﺣﺲ ﺑﻐﻴﺮ ﻋﺎﻟﻢ ﺍﻓﻜﺮ ﺑﺮﺳﺎﻟﺔ ﻣﻨﺎ ﺍﻓﻜﺮ ﺑﻮﺑﻴﻪ ﻟﻴﺶ ﻫﻮ ﻣﻮ ﻳﻤﻲ ﻣﻔﺮﻭﺽ ﻫﺴﺔ ﻣﻮﺟﻮﺩ ..

ﺍﺑﺎﻭﻉ ﻉ ﺍﻣﻲ ﻋﻴﻮﻧﻬﺎ ﺑﻴﻬﺎ ﺩﻣﻮﻉ ..

ﺣﻨﻴﻦ ﻛﺮﺻﺘﻨﻲ ﻛﺎﻟﺖ ﻭﻟﺞ ﻛﻮﻟﻲ ﻧﻌﻢ ..

ﺍﺳﻤﻌﻪ ﺍﻟﺴﻴﺪ ﻳﺮﺩﺩ ﻭﻳﻜﻮﻝ ﻧﻌﻢ ..

ﻛﻠﺖ ﻧﻌﻢ ﻭﺍﻧﺘﻪ ﻭﻛﻴﻠﻲ ...

ﻣﺎ ﺍﺳﻤﻊ ﺑﺲ ﺍﻟﻬﻼﻫﻞ ﻭﺟﻜﻠﻴﺖ ﻭﻛﻠﻬﺎ ﺗﺒﺎﺭﻛﻠﻲ ..

ﺭﺣﺖ ﺑﺪﻟﺖ ﻟﺒﺴﺖ ﺍﻟﻔﺴﺘﺎﻥ ...

ﺍﺟﻴﺖ ﻛﻌﺪﺕ ﻉ ﺍﻟﻜﺮﺳﻲ ... ﻭﺍﻟﻨﺴﻮﺍﻥ ﺗﺒﺎﺭﻛﻠﻲ ...

ﻭﺗﺒﻮﺳﻨﻲ ﺍﻣﻲ ﻋﻴﻮﻧﻬﺎ ﺩﻣﻌﺖ ..

ﻫﻲ ﺍﻟﻮﺣﻴﺪﺓ ﺗﻔﻜﺮ ﺑﻴﻪ ﻭﺗﺤﺲ ﻻﻥ ﻣﺤﺪ ﻛﻌﺪ ﻳﻢ ﺍﻟﺰﻟﻢ

ﻭﻻ ﺍﺑﻮﻳﺔ ﻛﻌﺪ ..

ﺑﺲ ﺍﻟﻠﻪ ﻋﻮﺿﻨﻲ ﺑﺎﺧﻮﻳﻪ ﻣﺎ ﺍﻫﺘﻢ ﻟﻮﺍﺣﺪ ﺍﺟﺖ ﺗﻘﺮﺑﺖ

ﻣﻨﻲ ﺑﺎﺳﺘﻨﻲ ﺑﻜﺼﺘﻲ ...

ﺳﻤﻴﺔ : ﻳﻤﺔ ﻣﺒﺮﻭﻙ ﺇﻧﺸﺎﺀ ﺍﻟﻠﻪ ﺍﺷﻮﻓﺞ ﺩﺍﺋﻤﺎ ﺳﻌﻴﺪﺓ

ﺑﺴﺖ ﺍﺩﻳﻬﺎ ...

ﻛﺎﻟﻮ ﺍﻟﻌﺮﻳﺲ ﺭﺍﺡ ﻳﺪﺧﻞ ...

ﻫﻮ ﺩﺧﻞ ﺟﺎﻥ ﻻﺑﺲ ﺳﺘﺮﺓ ﻭﺑﻨﻄﺮﻭﻥ ﺍﺳﻮﺩ ﻭﻗﻤﻴﺺ

ﺑﻴﺠﻲ ﻫﻮ ﻳﺤﺐ ﺍﻷﺳﻮﺩ ﺿﻠﻴﺖ ﺻﺎﻓﻨﻪ ﻋﻠﻴﻪ ﻣﻌﻘﻮﻟﺔ ﻣﺎ ﺍﺻﺪﻙ ﻭﺃﺧﻴﺮﺍ ﺻﺎﺭ ﺯﻭﺟﻲ ﺍﻣﻪ ﺗﻠﻜﺘﻪ ﻭﺍﺧﻮﺍﺗﻪ ﻳﻬﻮﺳﻬﻦ ﻭﻫﻮ ﻳﻀﺤﻚ ﺑﺎﺱ ﺍﻣﻪ ..

ﺍﺟﻪ ﻛﻌﺪ ﻳﻤﻲ ﺟﺎﻥ ﻛﺒﺎﻟﻲ ﻛﻴﻚ ﻭﺟﻜﻠﻴﺖ ﺍﻭﻝ ﻣﺎ ﻛﻌﺪ ﺍﺧﺬ ﺟﻜﻠﻴﺖ ﻭﻛﺎﻡ ﻳﺎﻛﻞ ﻭﺍﺧﻮﺍﺗﻪ ﻳﻜﻮﻟﻦ ﺧﻄﻴﺔ ﺟﻮﻋﺎﻥ ﻭﻫﻮ ﻳﻀﺤﻚ ..

ﺑﻌﺪﻳﻦ ﺷﺎﻭﺭﻧﻲ ..

ﺧﺮﺏ ﺑﺎﻫﻠﺞ ﺍﻟﻴﻮﻡ ﺷﻄﺎﻟﻌﻪ ﻣﺎ ﺗﺨﻠﻴﻨﻲ ﻫﺴﺔ ﻧﺰﻭﺝ ﻭﻧﻔﻀﻬﺎ ..

ﺍﻧﻲ ﻣﺎ ﺍﻛﺪﺭ ﺍﺣﺎﺟﻴﻪ ﺍﺳﺘﺤﻲ ..

ﻫﻮ ﻻﺯﻡ ﺍﻳﺪﻱ .. ﻭﺣﻴﻞ ﻋﺎﺻﺮﻫﺎ ﻭﻳﻜﻮﻝ ﻫﺎﻱ ﺍﻟﻲ ﻛﻠﺸﻲ

ﺑﻴﺞ ﻣﻠﻜﻲ ﻭﻳﺒﻮﺱ ﺑﻴﻬﺎ ﺍﻧﻲ ﻣﺎ ﺍﻛﺪﺭ ﺃﺭﻓﻊ ﺭﺍﺳﻲ ﻭﻫﻮ ﻋﺎﺩﻱ ﻋﻨﺪﻩ ﺟﺮﺋﻲ ﺑﺸﻜﻞ ..

ﻗﺮﺑﻪ ﻳﻤﻲ ﺧﻠﻪ ﻛﻠﺒﻲ ﻳﺪﻙ ﺳﺮﻳﻊ ..

ﺍﺟﺖ ﺣﻨﻴﻦ ﻛﺎﻟﺖ

ﺳﻴﻒ ﺗﺬﻛﺮ ﻣﻦ ﺍﺟﻴﺖ ﺑﺴﻴﺎﺭﺓ ﺑﺸﺎﺭﻉ .

ﺳﻴﻒ : ﻣﺎ ﺍﻧﺴﻪ ﺷﻲ ﻳﺨﺺ ﺩﻳﻤﺔ ﻫﺎ ﻭﻻﺯﻡ ﺍﺷﻜﺮﻧﻲ ﺑﺴﺒﻲ ﺧﻠﻴﺘﺞ ﺗﺰﻭﺟﻴﻦ ..

ﺣﻨﻴﻦ : ﻳﺎﺍ ﻫﻮ ﺍﺑﻦ ﻋﻤﻚ ﻣﺎﺕ ﻋﻠﻴﻪ ..

ﻫﺴﺔ ﺷﻨﻮ ﺗﺨﻠﺼﻬﺎ ﺑﻮﺱ ﻳﻤﻌﻮﺩ ﻻﺣﻚ ﺗﻌﺎﻝ ..

ﻟﺒﺲ ﺍﻟﺬﻫﺐ ..

ﺳﻴﻒ : ﻫﻮ ﺍﻟﻜﻴﻤﺮ ﻳﻨﺸﺒﻊ ﻣﻨﻪ ..

ﺿﻠﻮ ﻳﺸﺎﻗﻮﻥ ﺍﻧﻲ ﺑﺲ ﺳﺎﻛﺘﻪ ﻫﻮ ﻳﻜﻠﻲ ﺣﺒﻴﺒﺘﻲ ﺍﺭﻳﺪ ﺍﺳﻤﻊ ﺻﻮﺗﺞ ﻭﻳﻦ ﺍﻟﺴﺎﻧﺞ ﺭﺍﺡ ..

ﺧﻨﺰﺭﺗﻪ ..

ﺳﻴﻒ : ﻓﺪﻭﺓ ﻟﻬﺎﻱ ﺍﻟﻌﻴﻮﻥ ﺍﺭﻭﺣﻦ ﻓﺪﻭﺓ ..

ﻟﺒﺴﻨﻲ ﺍﻟﺬﻫﺐ ... ﻭﺍﻣﻲ ﻭﻳﺎﻩ ..

ﻣﻦ ﻟﺒﺴﻨﻲ ﺍﻟﻜﻼﺩﺓ ﺍﻧﻔﺎﺳﻪ ﺗﻀﺮﺏ ﻉ ﺭﻛﺒﺘﻲ ﻭﻫﻮ ﻳﺘﻌﻤﺪ ﻳﺘﺎﺧﺮ ﺍﻧﻲ ﻛﻤﺖ ﺍﺭﺟﻒ ... ﻻﻥ ﻛﻠﺶ ﻗﺮﻳﺐ ﻋﻠﻴﻪ

ﺍﺟﻪ ﻣﻨﺘﻈﺮ ﻭﺑﺎﺭﻛﻠﻲ ﻭﺍﻣﻪ ﺍﺗﻜﻮﻝ ﻳﻼ ﺗﻌﺎﻝ ﺧﻠﻴﻨﻪ ﻧﺮﻭﺡ

ﺳﻴﻒ : ﻻ ﻳﻮﻡ ﻳﻢ ﻋﻤﺘﻲ ﺍﺗﻌﺸﻰ ..

ﻭﻫﻮ ﻳﻐﻤﺰ ﺍﻟﻲ ...

ﺳﻤﻴﺔ : ﻛﻞ ﺍﻟﻬﻼ ﺑﻴﻚ ..

ﺍﻡ ﺳﻴﻒ : ﺑﺲ ﻉ ﻛﻴﻔﻚ ﻻﺗﺎﻛﻞ ﻫﻮﺍﻱ ﻭﻫﻲ ﺗﻀﺤﻚ

ﺳﻴﻒ ﻭﺍﻣﻪ ﻳﺸﺎﺑﻬﻮﻥ ﺣﺘﻰ ﺑﺘﺼﺮﻓﺎﺕ ..

ﻃﻠﻌﻮ ﻭﺧﺎﻻﺗﻲ ﺭﺍﺣﻦ ﺑﻘﻴﻨﻪ ﺑﺲ ﺍﺣﻨﺎ ﺍﻧﻲ ﻛﻠﺖ ﻟﺴﻴﻒ ﻫﺴﺔ ﺍﺑﺪﻝ ﻭﺍﺭﺟﻌﻠﻚ .. ﻫﻮ ﻳﺤﺠﻲ ﻭﻱ ﺍﻣﻲ ﻭﺍﺗﻜﻠﻪ ﺍﻧﺘﻪ ﺻﺮﺕ ﻣﺜﻞ ﺍﺑﻨﻲ ﻣﻨﺘﻈﺮ ..

ﺭﺣﺖ ﻟﺒﺴﺖ ﻓﺴﺘﺎﻥ ﺍﺣﻤﺮ ﻗﺼﻴﺮ ﻭﺧﻠﻴﺖ ﻋﻄﺮ ..

ﺑﺎﻭﻋﺖ ﻉ ﺍﻟﻤﺮﺍﻳﺔ ﻣﺎﻛﻮ ﺷﻲ ﻧﺎﻗﺼﻨﻲ .. ﻧﺰﻟﺖ ﻻﺳﺘﻘﺒﺎﻝ ﺍﻣﻲ ﻛﺎﻟﺖ ﺁﺧﺬﻭ ﺭﺍﺣﺘﻜﻢ ...

ﺍﻧﻲ ﺑﻘﻴﺖ ﻭﺍﻛﻔﻪ ﻫﻮ ﺍﺟﻪ ﺳﺪ ﺍﻟﺒﺎﺏ ﻛﺎﻝ ﻳﻮﻡ ﻧﺎﻭﻳﻪ ﻉ ﻧﻔﺴﺞ ﺭﺍﺡ ﺗﺨﺒﻠﻴﻨﻲ ﻟﻮ ﻳﺠﻲ ﺍﺑﻮﺝ ﻣﺎ ﻳﺨﻠﺼﺞ ﻣﻨﻲ

ﺍﻧﻲ ﻣﻦ ﺫﻛﺮ ﺃﺑﻮﻳﻪ ﻧﺰﻟﺖ ﺭﺍﺳﻲ

ﺳﻴﻒ : ﺣﺒﻲ ﻭﺍﻟﻠﻪ ﻣﻮ ﻗﺼﺪﻱ ...

ﺭﻓﻊ ﺭﺍﺳﻲ ﺍﺗﻘﺮﺏ ﻣﻨﻲ ... ﻭﺍﻧﻲ ﺍﺑﺎﻭﻉ ﻉ ﻋﻴﻮﻧﻪ

ﻟﺰﻣﺖ ﺍﻳﺪﻩ ﺍﺭﻳﺪ ﺍﺻﺪﻙ ﺍﻧﻲ ﻣﻮ ﺑﺤﻠﻢ ..

ﺩﻳﻤﺔ : ﺧﺎﻑ ﺳﻴﻒ ﺍﻧﻲ ﺑﺤﻠﻢ ..

ﺑﺎﺳﻨﻲ ﺍﺧﺬﻧﻲ ﻣﺒﺎﻏﺘﻪ .. ﺣﺘﻰ ﻣﺎ ﺍﻧﻄﺎﻧﻲ ﻣﺠﺎﻝ ﻛﻮﻥ ﺍﺧﺬ ﺍﻟﻬﻮﺓ ..

ﺳﻴﻒ : ﻭﻫﺴﺔ ﺻﺪﻛﺘﻲ ﺍﻧﺘﻲ ﺑﺤﻘﻴﻘﺔ ..

ﻫﺰﻳﺖ ﺭﺍﺳﻲ ﺍﻳﻲ ..

ﻫﻮ ﺿﻞ ﻳﻤﻲ ﻭﻛﻠﺴﺎﻋﻪ ﻳﺘﺤﺎﺭﺵ ﻭﻛﻼﻣﻪ ﻛﻠﻪ ﻏﺰﻝ

ﺍﻛﺘﺸﻔﺖ ﺷﻲ ﺟﺪﻳﺪ ﺳﻴﻒ ﻳﺤﺐ ﺷﻌﺮ ﺑﺤﻴﺚ ﺷﻜﺪ ﺣﺎﻓﻆ ﺷﻌﺮ

....

ﻫﻨﻴﺎﻟﻚ ﻋﻠﻴﺔ ﺷﻜﺪ ﺍﻓﻜﺮ ﺑﻴﻚ

ﻭﻫﻨﻴﺎﻟﻚ ﻋﻠﻴﺔ ﺷﻜﺜﺮ ﺣﺒﻴﺘﻚ

ﻭﻫﻨﻴﺎﻟﻚ ﻳﻐﺎﻟﻲ ﻭﻳﺎﻟﺴﻜﻨﺖ ﺍﻟﺮﻭﺡ

ﻭﻫﻨﻴﺎﻟﻚ ﻷﻥ ﺻﺎﺭ ﺍﻟﻜﻠﺐ ﺑﻴﺘﻚ

ﺣﺒﻴﺘﻚ ﻣﺤﺒﺔ ﺗﺴﺎﻭﻱ ﻛﻞ ﺍﻟﻜﻮﻥ

ﻭﺑﻮﺳﻂ ﺍﻟﺠﺴﺪ ﻭﺍﻟﺮﻭﺡ ﺧﻠﻴﺘﻚ

ﺍﺧﺎﻑ ﺍﻧﻲ ﺍﺣﺴﺪﻙ ﻣﻦ ﺟﻤﺎﻝ ﺍﻟﺒﻴﻚ

ﻭﻋﻦ ﻋﻴﻮﻥ ﻛﻠﺒﻲ ﻫﻮﺍﻱ ﺿﻤﻴﺘﻚ

ﻳﺎﺗﺎﺝ ﻋﻠﻰ ﺭﺍﺳﻲ ﻭﻳﺎﻣﻠﻚ ﻉ ﺍﻟﻨﺎﺱ

ﻭﺍﻏﻠﻰ ﻣﻦ ﺍﻟﺮﻣﺶ ﻭﺍﻟﺠﻔﻦ ﺣﺴﻴﺘﻚ

ﺑﺎﺩﻟﻨﻲ ﺍﻟﻌﺸﻚ ﻭﺍﻟﺸﻮﻙ ﻭﺍﻟﻮﺟﺪﺍﻥ

ﻳﺎﻷﺳﻤﻚ ﻗﺼﻴﺪﺓ ﻭﺍﺳﻤﻲ ﻗﺎﻓﻴﺘﻚ

ﻧﺴﻴﺖ ﺣﺮﻭﻑ ﺍﺳﻤﻚ ﺑﻴﺔ ﻣﺪﺭﻱ ﺷﺼﺎﺭ

ﻭﻛﺘﺒﺖ ﺣﺮﻭﻑ ﺍﺳﻤﻲ ﻭﺑﻴﻬﺔ ﺳﻤﻴﺘﻚ

...

ﺩﻳﻤﺔ ......

ﺿﻞ ﺳﻴﻒ ﻳﻘﺮﺍﻟﻲ ﺷﻌﺮ ﻭﺍﻧﻲ ﺍﺣﺲ ﺭﻭﺣﻲ ﺍﺳﻌﺪ ﻭﺣﺪﺓ ﺑﻌﺎﻟﻢ ﺟﺎﻥ ﻻﺯﻡ ﺍﻳﺪﻱ ... ﺑﺎﻭﻉ ﻟﻌﻴﻮﻧﻲ ..

ﺳﻴﻒ : ﺩﻳﻤﺔ ﻭﻋﺪ ﻟﻤﻮﺕ ﻣﺎ ﺭﺍﺡ ﺍﺗﺮﻛﺞ ﺍﺭﻳﺪﺝ ﺗﻮﻋﺪﻳﺘﻲ ﻣﺎ ﺗﺘﺮﻛﻨﻲ ﻟﻮ ﺷﻴﺼﻴﺮ ..

ﺩﻳﻤﺔ : ﺩﻳﻤﻪ ﻭﺍﻧﻲ ﺫﺍﻳﺒﺔ ﺑﻨﻈﺮﺍﺗﻪ ... ﻭﻫﻤﺴﺎﺗﻪ ..

ﺍﻧﺘﻪ ﺍﻟﻨﻔﺲ ﻣﺎﻟﺘﻲ ﺍﺷﻠﻮﻥ ﺍﻛﺪﺭ ﺍﺗﺮﻛﻚ ...

ﻫﻮ ﻟﺰﻡ ﺧﺼﻠﺔ ﻣﻦ ﺷﻌﺮﻱ ﺿﻞ ﻳﺸﻢ ﺑﻴﻬﺎ ..

ﺳﻴﻒ : ﺍﺫﺍ ﻛﺼﻴﺘﻲ ﺷﻌﺮﺝ ﺣﺘﻰ ﻟﻮ ﺷﻮﻳﻪ ﺍﻣﻮﺗﺞ ..

ﺩﻳﻤﺔ : ﺗﺪﻟﻞ ﺣﺒﻴﺒﻲ ...

ﺳﻴﻒ : ﻓﺪﻭﺓ ﻟﻜﻠﻤﻪ ﺣﺒﻴﺒﻲ ﺍﺷﻠﻮﻥ ﻃﺎﻟﻌﺔ ﻣﻨﺞ ..

ﺧﺠﻠﺖ ﻧﺰﻟﺖ ﺭﺍﺳﻲ ... ﺩﺍﺋﻤﺎ ﻳﺨﺠﻠﻨﻲ ..

ﺑﻌﺪﻳﻦ ﺳﺎﻟﺘﻪ ..

ﺩﻳﻤﺔ : ﺳﻴﻒ ﺍﻧﺘﻪ ﻳﻤﺘﻪ ﺑﺪﻳﺖ ﺗﺤﺒﻨﻲ ..

ﺳﻴﻒ : ﻫﻮ ﺍﻋﺘﺪﻝ ﺑﻜﻌﺪﺗﻪ .. ﻭﺿﺤﻚ

ﺍﻭﻝ ﻣﺎ ﺷﻔﺘﺞ ﻭﺍﻧﺘﻲ ﻣﻦ ﺍﺧﺬﻧﻪ ﺍﺧﻮﺝ ﻭﺿﻠﻴﺘﻲ ﺗﺒﺠﻴﻦ ﺑﻠﺒﺪﺍﻳﺔ ﻋﻄﻔﺖ ﻋﻠﻴﺞ .. ﻭﺳﺎﻋﺪﺗﺞ ﻣﻦ ﺑﺎﺏ ﺍﻟﻌﻄﻒ ﻭﺍﻋﺘﺒﺮﺗﺞ ﺷﻲ ﻳﺨﺼﻨﻲ ..

ﺩﻳﻤﺔ : ﺑﺲ ﺍﻧﺘﻪ ﻃﻠﺒﺖ ﻣﻨﻲ ﺷﻐﻼﺕ ﻣﻮﺯﻳﻨﻪ ..

ﺳﻴﻒ : ﻻ ﺭﺩﺕ ﺍﺧﺘﺒﺮﺝ ﻭﻟﺪ ﻋﻤﻲ ﻭﺍﺧﻮ ﺭﺷﺎ ﻛﺎﻝ ﻣﻦ ﺍﺳﺎﻋﺪﻫﻢ ﺭﺍﺡ ﺗﻨﻄﻴﻚ ﻛﻠﺸﻲ ﻭﻛﻠﺖ ﺍﻧﻲ ﺍﺷﻮﻑ ﻛﻼﻣﻬﻢ ﺍﺫﺍ ﺻﺢ ﺍﺑﻄﻞ ﻭﻣﺎ ﺍﺳﺎﻋﺪﺝ ...

ﺩﻳﻤﺔ : ﻭﺍﻧﺘﻪ ﺷﻨﻮ ﺷﻔﺘﻨﻲ ..

ﺳﻴﻒ : ﺷﻔﺘﺞ ﺑﻨﻴﺔ ﺑﺮﻳﺌﻴﺔ ﻭﺗﺤﺠﻲ ﺑﻌﻔﻮﻳﺔ .. ﻛﻠﺸﻲ ﺍﻟﺒﻜﻠﺒﻬﺎ ﺗﺤﺠﻲ ﻣﺎ ﺗﺤﺐ ﺗﺼﻨﻊ ﻭﻻ ﺍﺟﺬﺏ ..

ﺗﺪﺭﻳﻦ ﻣﻦ ﺟﻨﺖ ﺍﺷﻮﻑ ﻭﺍﺣﺪ ﻣﺠﺮﺩ ﻣﺎ ﻳﻨﻈﺮﺝ ﺑﻮﺩﻱ ﺍﻛﺘﻠﻪ ﺣﺘﻰ ﺍﻧﺘﻲ ﺍﻛﺘﻠﺞ ﺑﺲ ﻛﻠﺒﻲ ﻣﺎ ﻳﻨﻄﻴﻨﻲ ..

ﺟﻨﺖ ﺑﻴﻦ ﻓﺘﺮﺓ ﻭﻓﺘﺮﺓ ﺍﺟﻲ ﻟﻤﺪﺭﺳﺔ ﺑﺲ ﺍﺷﻮﻓﺞ ﻭﺍﺗﺎﺑﻌﺞ ﺧﺎﻑ ﻭﺍﺣﺪ ﻳﺘﻌﺮﺿﻠﺞ ﻭﻣﻦ ﺻﺮﺗﻲ ﺑﻜﻠﻴﻪ

ﺧﻔﺖ ﻻ ﺗﺤﺒﻴﻦ ﻭﺍﺣﺪ ﻭﺗﺘﻌﻠﻘﻴﻦ ﺑﻴﻪ ﻟﻮ ﻳﻀﺤﻚ ﻋﻠﻴﺞ

ﺻﺮﺕ ﺑﺲ ﺍﻓﻜﺮ ﺑﻴﺞ ﺧﻠﻴﺖ ﻣﺘﺎﺑﻌﻴﻦ ﻋﻠﻴﺞ ﻭﺍﺧﺒﺎﺭﺝ

ﺍﻭﻝ ﺑﺄﻭﻝ ﺗﻮﺻﻞ ﺍﻟﻲ ..

ﺑﺪﻩ ﻳﺘﻘﺮﺏ ﻣﻨﻲ ..

ﺩﻳﻤﺔ : ﺳﻴﻒ ﺍﺑﺘﻌﺪ ﺷﻨﻮ ﻣﺎ ﺗﺸﺒﻊ ..

ﺳﻴﻒ : ﻫﻮ ﺍﻟﻴﺸﻮﻑ ﺍﻟﻌﺴﻞ .. ﻳﺸﺒﻊ ﻣﻨﻪ ...

ﺯﻳﻦ ﺍﻧﺘﻲ ﻳﻤﺘﻪ ﺍﻧﻌﺠﺒﺘﻲ ﺑﺸﻜﻠﻲ ﺍﻟﻮﺳﻴﻢ ..

ﺩﻳﻤﺔ : ﺿﺮﺑﺘﻪ ﻉ ﺻﺪﺭﺓ ﻻ ﺍﺻﻴﺮ ﻣﻐﺮﻭﺭ ...

ﺍﻧﺘﻪ ﻟﻴﺶ ﺭﻓﻀﺘﻨﻲ ﺑﻠﺒﺪﺍﻳﺔ ﻣﻦ ﻛﻠﻴﺘﻠﻚ ﺍﻧﻲ ﺍﺣﺒﻚ ..

ﺳﻴﻒ : ﻗﺒﻞ ﻻ ﺗﺠﻴﻦ ﻭﺗﻜﻠﻴﻠﻲ ﺍﻧﻲ ﺟﻨﺖ ﻭﻱ ﺭﺷﺎ

ﻭﺟﻨﺖ ﻣﻮﺍﻋﺪﻫﺎ ﺑﺰﻭﺍﺝ ﻣﺎ ﺭﺩﺕ ﺍﻧﻄﻴﺞ ﻛﻠﻤﻪ ﻭﺍﻧﻲ ﻣﺎ ﻣﺘﺎﻛﺪ ... ﻣﻨﻬﺎ ...

ﻣﺎ ﺍﻋﺮﻑ ﻟﻴﺶ ﻣﻦ ﺫﻛﺮ ﺍﺳﻢ ﺭﺷﺎ ﺣﺴﻴﺖ ﻣﻐﺺ ﺑﺒﻄﻨﻲ

ﺳﻴﻒ : ﺩﻳﻤﺔ ﺻﺢ ﺍﻧﻲ ﺧﻄﺒﺖ ﺭﺷﺎ ﺑﺲ ﻣﺎ ﺣﺒﻴﺘﻬﺎ ..

ﺟﻨﺖ ﻻﻥ ﻣﺘﻌﻮﺩ ﻋﻠﻴﻬﺎ ﻭﺍﻋﺮﻓﻬﺎ ﺍﻧﻲ ﺍﻟﺤﺐ ﻋﺮﻓﺘﻪ ﻭﻳﺎﺝ .. ﺍﻟﺒﺎﻗﻲ ﻛﻠﻬﺎ ﺟﺎﻧﺖ ﻧﺰﻭﺍﺕ ... ﻣﺠﺮﺩ ﺭﻏﺒﺔ ﺍﻧﺘﻲ ﺍﻟﻌﻠﻤﺘﻨﻲ ﺍﺷﻠﻮﻥ ﺍﺣﺐ ...

ﺍﻧﺪﻛﺖ ﺍﻟﺒﺎﺏ ﺍﻧﻲ ﺍﻋﺘﺪﻟﺖ ﺑﻜﻌﺪﺗﻲ ﻭﻫﻮ ﺷﻮﻱ ﺑﻌﺪ ..

ﺩﺧﻠﺖ ﻣﺎﻣﺎ ﺑﻴﺪﻫﺎ ﺻﻴﻨﻪ ﻋﺸﺔ ..

ﺳﻤﻴﺔ : ﺷﻨﻮﻭ ﺗﺨﻠﺼﻮﻫﺎ ﺳﻮﺍﻟﻒ ﺍﻟﻴﻮﻡ ﻣﺎ ﺗﺎﻛﻠﻮﻥ ..

ﺳﻴﻒ : ﺧﺎﻟﺔ ﻏﻴﺮ ﺍﺭﻳﺪ ﺍﺗﻌﺮﻑ ﻋﻠﻴﻬﺎ ﻭﻫﻮ ﻳﻐﻤﺰﻟﻲ

ﺍﻧﻲ ﻧﺰﻟﺖ ﺭﺍﺳﻲ ﺧﺮﺏ ﺭﺍﺡ ﻳﻔﻀﺤﻨﻲ ..

ﺳﻤﻴﺔ : ﺍﻱ ﻫﻢ ﺣﻘﻚ ..

ﺍﻣﻲ ﻃﻠﻌﺖ ﻭﺍﺣﻨﺎ ﺑﻘﻴﻨﻪ ﻫﻮ ﻛﺎﻡ ﻳﻮﻛﻠﻨﻲ ﻭﻳﻜﻠﻲ ﺍﺭﻳﺪﺝ ﺍﺳﻤﻨﻴﻦ .. ﺍﻧﻲ ﺟﺎﻥ ﻭﺯﻧﻲ ٥٥ .. ﻳﻌﻨﻲ ﺯﻳﻦ ﻣﻮ ﻛﻠﺶ ﺿﻌﻴﻔﺔ ﺑﺲ ﻫﻮ ﻳﻜﻠﻲ ﺟﻨﺞ ﻋﺼﻔﻮﺭﺓ .. ﺍﺭﻳﺪ ﺍﺻﻴﺮ ﻋﻨﺪﺝ ﺍﺧﺪﻭﺩ ..

ﻭﺻﻠﺘﻨﻲ ﺭﺳﺎﻟﺔ .. ﻣﻦ ﻧﻔﺲ ﺍﻟﺮﻗﻢ ..

ﻣﻜﺘﻮﺏ ﺍﻧﺘﻈﺮﻱ ﺍﻟﻤﻔﺎﺟﺄﺓ ﺑﺄﻗﺮﺏ ﻭﻗﺖ ..

ﺍﻧﻲ ﻗﺮﻳﺘﻬﺎ ﻭﺟﻬﻲ ﻛﺎﻡ ﻳﻨﻄﻲ ﺍﻟﻮﺍﻥ ﻫﻮ ﺑﺎﻭﻋﻠﻲ ..

ﺳﻴﻒ : ﺷﺒﻴﺞ ﺣﺒﻲ .. ﺷﻨﻮ ﻫﺎﻱ ﺍﻟﺮﺳﺎﻟﺔ ..

ﺩﻳﻤﺔ : ﺑﺎﺭﺗﺒﺎﻙ ﻫﺎﻱ ﺭﻏﺪ .. ﺍﺗﻜﻮﻝ ﺍﻟﺒﻨﺎﺕ ﺯﻋﻼﻧﺎﺕ

ﻋﻠﻴﺔ ﻻﻥ ﻣﺎ ﻋﺰﻣﺘﻬﻢ ..

ﻣﺎ ﻋﺮﻓﺖ ﻟﻴﺶ ﻣﺎ ﻛﻠﺘﻠﻪ ... ﻫﻮ ﻛﺎﻝ

ﺳﻴﻒ : ﻻ ﺿﻮﺟﻴﻦ ﺑﻌﺮﺱ ﻧﻌﺰﻣﻬﻢ

...

ﺷﻮﻱ ﻭﺩﺧﻞ ﻣﻨﺘﻈﺮ ﺍﺟﻪ ﻛﻌﺪ ﻳﻤﻨﻪ .. ﻭﺻﻮﻓﻲ ﻭﻣﺎﻣﺎ ﻫﻤﺎﺕ ﻫﻮ ﺍﺑﺘﻌﺪ ﻋﻨﻲ ﻭﺿﻞ ﻳﺴﻮﻟﻒ ﻭﻱ ﻣﻨﺘﻈﺮ ..

ﺍﻧﻲ ﺍﺣﺲ ﺭﻭﺣﻲ ﺧﺠﻼﻧﻪ ﻭﺧﺼﻮﺻﺎ ﻛﺪﺍﻡ ﻣﻨﺘﻈﺮ

ﺷﻠﺖ ﺍﻟﺼﻴﻨﻴﺔ .. ﻫﻮ ﺻﺤﻴﺢ ﻳﺴﻮﻟﻒ ﻭﻱ ﻣﻨﺘﻈﺮ ﺑﺲ ﻋﻴﻨﻪ ﻋﻠﻴﻪ ﺣﺘﻰ ﺧﻼﻧﻲ ﺍﺭﺗﺒﻚ ﺑﻤﺸﻴﺔ .. ﺭﺣﺖ ﻓﺮﻏﺖ ﺍﻻﻛﻞ ﺳﻮﻳﺖ ﺟﺎﻱ .. ﺟﺎﻧﺖ ﺍﻛﻮ ﺟﺎﻡ ﻣﻀﻠﻞ ﻛﻠﺴﺎﻋﻪ ﺍﺑﺎﻭﻉ ﺑﻴﻪ ﻉ ﺷﻜﻠﻲ .. ﻏﺴﻠﺖ ﺍﻳﺪﻱ ﺭﺷﻴﺖ ﻋﻄﺮ ﺧﺪﺭ ﺍﻟﺠﺎﻱ ﺻﺒﻴﺖ ﺟﺎﻱ ﺍﻟﻬﻢ .. ﺭﺣﺖ ﻗﺪﻣﺘﻪ ...

ﻫﻮ ﺍﺧﺬ ﻣﻨﻲ ... ﺿﻠﻮ ﻳﺸﺮﺑﻮﻥ ﻭﻳﺴﻮﻟﻔﻮﻥ ﺍﻧﻲ ﻛﺎﻋﺪﺓ ﻳﻤﻪ ...

ﻫﻮ ﺃﻧﺪﺍﺭ ﻋﻠﻴﻪ ﻛﺎﻝ ﺍﺣﻠﻰ ﺟﺎﻱ ﺷﺎﺭﺑﻪ ﺑﺤﻴﺎﺗﻲ ﻓﺪﻭﺓ ﻟﺴﻮﺗﻪ ...

ﺍﻣﻲ ﺳﻤﻌﺘﻪ ﺿﻞ ﺗﺒﺘﺴﻢ ﺍﻧﻲ ﻣﺎ ﺍﻛﺪﺭ ﺍﺳﻮﻱ ﺷﻲ ..

ﺑﺲ ﺍﺑﺎﻭﻉ ﻻﻥ ﺟﺎﻥ ﻣﻨﺘﻈﺮ ﻣﻮﺟﻮﺩ ﺍﺳﺘﺤﻲ ﻳﻤﻪ ..

ﺷﻮﻱ ﻭﻛﺎﻝ ﺍﻧﻲ ﺍﺳﺘﺮﺧﺺ ...

ﻛﺎﻣﻮ ﻭﺻﻠﻮﻩ ﻟﺒﺎﺏ .. ﻫﻮ ﺗﻘﺮﺏ ﻣﻨﻲ ..

ﺳﻴﻒ : ﺣﺒﻲ ﻣﺤﺘﺎﺟﻪ ﺷﻲ ..

ﺩﻳﻤﺔ : ﺳﻼﻣﺘﻚ .. ﻣﺎ ﻣﺤﺘﺎﺟﻪ ﺷﻲ ...

ﺳﻠﻢ ﻉ ﺍﻟﻜﻞ ﻭﻃﻠﻊ ...

ﺩﺧﻠﺖ ﺟﻮﺓ ﻭﺍﻧﻲ ﺗﻌﺒﺎﻧﻪ ﻣﻦ ﺍﻟﺼﺒﺢ ﻛﺎﻋﺪﺓ ..

ﺍﻣﻲ ﺿﻠﺖ ﺍﺳﻮﻟﻒ ﻉ ﺣﻔﻠﺔ ﻣﻨﺘﻈﺮ ﺟﺎﻥ ﻳﺒﺎﻭﻉ ﻉ ﻃﻮﺑﺔ ... ﻫﻮ ﻛﺎﻝ ﺧﻮﺵ ﻧﺎﺱ ﻭﻫﺴﺔ ﺍﻧﻲ ﺍﺭﺗﺎﺣﻴﺖ

ﻣﻦ ﺻﺮﺗﻲ ﺑﺬﻣﺔ ﺭﺟﺎﻝ ﻭﺳﻴﻒ ﺧﻮﺵ ﺯﻟﻤﺔ ﻭﺭﺍﺡ ﻳﺪﻟﻠﺞ .. ﺷﻔﺖ ﺍﻟﺼﻮﺭ ﻣﺎﺧﺬﺗﻠﻲ ﺑﻤﻮﺑﺎﻳﻠﻬﺎ ..

ﺑﻌﺪﻳﻦ ﻛﻠﺘﻬﻢ ﺍﺭﻳﺪ ﺍﺻﻌﺪ ﺗﻌﺒﺎﻧﻪ ...

ﺭﺣﺖ ﻏﺴﻠﺖ ﻭﺟﻬﻲ ﻻﻥ ﺑﻌﺪﻩ ﺑﻴﻪ ﻣﻜﻴﺎﺝ ..

ﻭﺗﺴﺮﻳﺤﺔ ﻓﻠﻴﺘﻬﺎ ﺭﺣﺖ ﺳﺒﺤﺖ ﻻﻥ ﺟﺴﻤﻲ ﺍﺣﺴﺔ ﻣﻜﺴﺮ .. ﻃﻠﻌﺖ ﻣﻦ ﺣﻤﺎﻡ ﻟﻜﻴﺖ ﺳﻴﻒ ﻣﻮﺩﻳﻠﻲ ﺭﺳﺎﻟﺔ

ﺑﻴﻬﺎ ﺷﻌﺮ ﻭﻛﺎﻝ ﺍﺷﺘﺎﻗﻴﺘﻠﺞ ﻣﺎ ﻳﺼﻴﺮ ﺍﺭﺟﻊ ﻫﺴﺔ ..

ﺿﺤﻜﺖ .. ﻣﺸﻄﺖ ﺷﻌﺮﻱ ... ﻭﻧﺸﻔﺘﻪ ﻻﻥ ﻣﺒﻠﻞ ..

ﺑﻌﺪﻳﻦ ﺧﺎﺑﺮﺕ ﺳﻴﻒ ﻭﺍﻧﻲ ﻛﻮﺓ ﺍﺣﺠﻲ ﻻﻥ ﻋﻴﻮﻧﻲ ﺛﻜﻠﻦ ﻣﻦ ﺍﻟﻨﻌﺎﺱ ﻫﻮ ﺷﺎﻓﻨﻲ ﻫﻴﺞ ﻛﺎﻝ ﺭﻭﺣﻲ ﻧﺎﻣﻲ ..

ﻗﻔﻠﺖ ﺍﻟﺠﻬﺎﺯ ﺧﻠﻴﺘﻪ ﻉ ﺻﻔﺤﺔ ﻭﺍﻧﻲ ﺭﺩﺕ ﺍﻧﺎﻡ ﺻﺤﻴﺢ

ﺟﻨﺖ ﻧﻌﺴﺎﻧﻪ ﺑﺲ ﺿﻠﻴﺖ ﺍﺫﻛﺮ ﺍﻟﻴﻮﻡ ﺍﺷﻠﻮﻥ ﻣﻦ ﻋﻘﺪﻟﻲ ﺷﻴﺦ ﻭﺗﺬﻛﺮﺕ ﻋﻤﺘﻪ ﺷﻔﺘﻬﺎ ﻣﺎ ﻋﺎﺟﺒﻬﺎ ﺷﻲ

ﺍﺣﺴﻬﺎ ﺗﻜﺮﻫﻨﻲ .. ﻭﻗﻠﻘﺎﻧﻪ ﻣﻦ ﺍﻟﺮﺳﺎﻳﻞ .. ﺿﻠﻴﺖ ﺍﻓﻜﺮ ﺍﻻ ﺍﻥ ﻧﻌﺴﺖ ﻭﻧﻤﺖ ..

ﻛﻌﺪﺕ ﺏ١١ ﻣﻦ ﺍﻟﺘﻌﺐ ﺷﻔﺖ ﻣﻮﺑﺎﻳﻠﻲ .. ٥ ﻣﻜﺎﻟﻤﺎﺕ ﻣﻦ ﺳﻴﻒ ﻭﺭﺳﺎﻳﻞ ..

ﺧﺎﺑﺮﺗﻪ ..

ﺩﻳﻤﺔ : ﻫﺎ ﺣﺒﻲ ﺻﺒﺎﺡ ﺍﻟﺨﻴﺮ ..

ﺳﻴﻒ : ﺻﺎﺭﺕ ﺩﻧﻴﺎ ﻋﺼﺮ ﻭﺑﻌﺪﺝ ﻧﺎﻳﻤﺔ ..

ﺩﻳﻤﺔ : ﻭﺍﻟﻠﻪ ﻏﻴﺮ ﺗﻌﺒﺎﻧﻪ ﻭﻫﺴﺔ ﻋﻄﻠﺔ ﺧﻠﻴﻨﻲ ﺍﻧﺎﻡ .

ﺳﻴﻒ : ﻭﺍﻧﻲ ﻛﺎﻋﺪ ﻣﻦ ﺍﻟﺼﺒﺢ ﻋﻠﻤﻮﺩ ﺍﺳﻤﻊ ﺻﻮﺗﺞ ...

ﺩﻳﻤﺔ : ﻫﺴﺔ ﺭﺍﺡ ﻳﺠﻲ ﺩﻭﺍﻡ ﻭﺍﻛﻌﺪﻟﻚ ﺏ٦ ﺍﻟﺼﺒﺢ ﺑﻌﺪ ﺷﺘﺮﻳﺪ ..

ﺳﻴﻒ : ﻣﺎ ﺍﺭﻳﺪ ﺷﻲ ﺑﺲ ﺍﻧﺘﻲ ...

ﺑﻘﺔ ﻳﺘﻐﺰﻝ ﺟﺎﻧﺖ ﻋﻨﺪﻩ ﺧﺪﻣﺔ ﻭﺍﻧﻲ ﺣﺘﻰ ﻣﺎ ﻏﺎﺳﻠﺔ

ﻭﺟﻬﻲ ﺿﻠﻴﻨﻪ ﻧﺴﻮﻟﻒ ﺑﺴﺎﻋﺔ ﺑﻌﺪﻳﻦ ﻛﻠﻴﺘﻠﻪ ﺍﺭﻳﺪ ﺍﻛﻞ .. ﺟﻌﺖ .. ﻫﻮ ﻫﻤﻴﻦ ﺟﺎﻥ ﻋﻨﺪﻩ ﺷﻐﻞ ﻭﺭﺍﺡ ..

ﺿﻠﻴﻨﻪ ﺍﺳﺒﻮﻉ ﻧﻔﺲ ﺍﻟﺤﺎﻟﺔ ﺟﺎﻥ ﻳﺠﻲ ﺑﻴﻦ ﻳﻮﻡ ﻭﻳﻮﻡ ﺳﺎﻋﺔ ﺍﻟﻌﺼﺮ ﻭﻳﺮﻭﺡ ﻋﺸﺖ ﺍﺣﻠﻰ ﺍﺳﺒﻮﻉ ...

ﺻﺎﺩﻑ ﻳﻮﻡ ﺟﻤﻌﺔ ﻭﻻﺯﻡ ﺍﻧﺰﻝ ﺍﻟﺴﺒﺖ ﻻﻗﺴﺎﻡ .. ﻻﻥ ﺑﺪﺉ ﺍﻟﺪﻭﺍﻡ ... ﻭﻫﻤﻴﻦ ﻣﺜﻞ ﻛﻞ ﺳﻨﺔ ﻻﺯﻡ ﻧﺪﻓﻊ ﻭﻫﻮﺳﺔ ﺃﻗﺴﺎﻡ ﺧﺎﺑﺮﺕ ﺳﻴﻒ ﻛﺎﻝ ﺍﻧﻲ ﺍﻭﺻﻠﺞ ... ﺑﺎﺟﺮ ..

ﺛﺎﻧﻲ ﻳﻮﻡ ... ﺣﻈﺮﺕ ﻏﺮﺍﺿﻲ ﻣﺎﻝ ﺍﺳﺒﻮﻉ ﻟﺪﻭﺍﻡ

ﻭﺑﺪﻟﺖ ﻟﺒﺴﺖ ﺗﻨﻮﺭﺓ ﺑﻴﻨﺼﻞ ﻭﺑﺪﻱ ﻛﻠﺶ ﺿﻴﻚ ﺍﻧﻲ ﺍﺣﺐ ﻫﻴﺞ ﻟﺒﺲ ﻭﻣﻦ ﺯﻣﺎﻥ ﺍﻟﺒﺴﻪ ﺧﻠﻴﺖ ﻣﻜﻴﺎﺝ ﺑﺲ ﻣﺎ ﻛﺜﺮﺕ ... ﺍﺑﺎﻭﻉ ﻉ ﻧﻔﺴﻲ ﺑﻤﺮﺍﻳﺔ ﻛﻠﺶ ﺣﻠﻮﺓ ﺿﻠﻴﺖ ﻳﻢ ﻣﺎﻣﺎ ﻭﻫﻲ ﺿﺎﻳﺠﺔ ﻣﺜﻞ ﻛﻞ ﻣﺮﺓ ﺍﻧﺰﻝ ﺑﻴﻬﺎ ﻛﻠﺘﻬﺎ ﻣﻦ ﺍﺯﻭﺝ ﺍﺷﻠﻮﻥ ﺑﻴﺞ ..

ﺳﻤﻴﺔ : ﻣﺎ ﺍﻋﺮﻑ ﺑﺲ ﻉ ﺍﻻﻗﻞ ﺍﻧﺘﻲ ﻳﻤﻲ ﻣﻮ ﺑﻌﻴﺪﺓ ..

ﺳﻤﻌﺖ ﺻﻮﺕ ﻫﻮﺭﻥ ﻛﻤﺖ ﺍﺧﺬﺕ ﺍﻟﺠﻨﻄﺔ ﻣﺎﻝ ﺍﻟﻤﻼﺑﺲ ﺳﻠﻤﺖ ﻉ ﺍﻣﻲ ﻭﻃﻠﻌﺖ ﻫﻮ ﻧﺰﻝ ﺍﺧﺬ ﺍﻟﺠﻨﻄﺔ ﺍﻧﻲ ﺭﺍﺳﺎ ﺻﻌﺪﺕ ﺑﺴﻴﺎﺭﺓ ﺍﺟﻪ ﺑﻘﻰ ﻳﺒﺎﻭﻋﻠﻲ .. ﺣﺘﻰ ﻣﺎ ﺳﻠﻢ ..

ﺳﻴﻒ : ﻫﺎﻱ ﺍﻧﺘﻲ ﺍﺷﻼﺑﺴﺔ ..

ﺩﻳﻤﺔ : ﻳﺎ ﺷﻼﺑﺴﺔ ﺷﻨﻮ ﺗﻨﻮﺭﺓ ..

ﺳﻴﻒ : ﻟﻮ ﻣﺎ ﻻﺑﺴﺔ ﻣﻮ ﺍﺣﺴﻠﺞ ﻳﻼ ﺍﻧﺰﻟﻲ ﻏﻴﺮﻫﻦ ﻟﻮ ﺗﻠﺒﺴﻴﻦ ﺷﻲ ﻓﻮﻛﺎﻫﻦ ..

ﺩﻳﻤﺔ : ﺳﻴﻒ ﺷﻨﻮ ﺍﺑﺪﻟﻬﻦ ﻣﺎ ﺍﻟﺤﻚ ﻭﺍﻧﻲ ﻫﺬﺍ ﻟﺒﺴﻲ ﻛﻞ ﻣﻼﺑﺴﻲ ﻫﻴﺞ ..

ﺳﻴﻒ : ﻫﺬﺍ ﻗﺒﻞ ﻫﺴﺔ ﺍﻧﺘﻲ ﺑﺬﻣﺘﻲ ﻭﺍﻧﻲ ﻣﺎ ﺍﻗﺒﻞ ﺗﻠﺒﺴﻴﻦ ﻫﻴﺞ ﻳﻼ ﺍﻧﺰﻟﻲ ﻏﻴﺮﻫﻦ ﻣﺎ ﺍﺗﺤﺮﻙ ﺧﻄﻮﺓ ﺍﺫﺍ ﻣﺎ ﻏﻴﺮﺗﻴﻬﻦ ..

ﺩﻳﻤﺔ : ﺷﻔﺘﻪ ﺻﺎﺭ ﻋﺼﺒﻲ ... ﺍﻧﻲ ﻧﺰﻟﺖ ﻭﺿﺎﻳﺠﺔ ﻓﺘﺤﺖ ﺍﻟﺒﺎﺏ ﺷﻔﺖ ﻣﺎﻣﺎ ﺍﺗﻔﺎﺟﺎﺕ ﻣﻦ ﺭﺟﻌﺖ ..

ﺳﻤﻴﺔ : ﻣﺎﻣﺎ ﻟﻴﺶ ﺭﺟﻌﺘﻲ ..

ﺩﻳﻤﺔ : ﺍﺳﺘﺎﺫ ﺳﻴﻒ ﻣﺎ ﻳﻘﺒﻞ ﺑﻠﺒﺴﻲ .. ﻭﻳﺮﺩﻧﻲ ﺍﺑﺪﻟﺔ ..

ﺳﻤﻴﺔ : ﺍﻱ ﺣﻘﺔ ﻳﻤﻪ ﻫﻮ ﺑﻌﺪ ﺭﺟﻠﺞ ﻭﻳﻐﺎﺭ ﻋﻠﻴﺞ ﻻ ﺍﺗﻌﺎﻧﺪﻱ ...

ﺻﻌﺪﺕ ﻭﺍﻧﻲ ﻃﺎﻓﺮﺓ ﺭﻭﺣﻲ ﻛﻠﺖ ﻣﺎ ﺍﻏﻴﺮﻫﻦ ﻻﻥ ﺭﺍﺡ ﻳﺨﺮﺏ ﺷﺎﻝ ﻭﻛﻠﺸﻲ ﺩﻭﺭﺕ ﺑﻜﻨﺘﻮﺭ ﺟﺎﻧﺖ ﻋﻨﺪﻱ ﺍﺑﻮ ﻟﻴﺮﺓ ﻃﻮﻳﻠﺔ ﻟﺒﺴﺘﻬﺎ ﺍﺣﺲ ﺭﻭﺣﻲ ﻣﺒﻬﺬﻟﺔ ﺑﺴﺒﺒﺔ

ﻭﺍﻧﻲ ﺍﺷﻮﻑ ﻧﻔﺴﻲ ﻭﺍﺗﺄﻓﻒ ...

ﻧﺰﻟﺖ ﻭﻣﺎﻣﺎ ﺗﻮﺻﻲ ﺑﻴﻪ ﻋﻮﺩ ﻣﺎ ﺍﻋﺼﺐ ﻻﻥ ﺗﻌﺮﻓﻨﻲ ﺍﻛﻮﻡ ﺍﺟﻔﺺ ..

ﻓﺘﺤﺖ ﺍﻟﺒﺎﺏ ﻭﻟﻜﻴﺘﻪ ﻛﺎﻋﺪ ﺑﺴﻴﺎﺭﺓ ﻭﻳﺪﺧﻦ ... ﺷﺎﻓﻨﻲ

ﺫﺏ ﺍﻟﺠﻜﺎﺭﺓ ﺍﻧﻲ ﺻﻌﺪﺕ ﺑﺴﻴﺎﺭﺓ ﻃﺒﻜﺖ ﺍﻟﺒﺎﺏ ﺣﻴﻞ ﻫﻮ ﺍﺑﺪ ﻭﻻ ﺣﺠﺔ ﻭﺍﻧﻲ ﺑﺲ ﺍﺗﺎﻓﻒ ﻫﻮ ﺑﻜﻞ ﺑﺮﻭﺩ ﺷﻐﻞ ﺍﻏﻨﻴﺔ ﺷﻤﺴﻴﻦ ﺑﻌﺪﻳﻦ ﺧﻠﺼﺖ ﺷﻐﻞ ﺍﻏﻨﻴﺔ ﻟﺤﺴﻴﻦ ﺍﻟﺠﺴﻤﻲ ﻭﺣﺸﺘﻨﻲ ﺑﺤﺒﻚ .. ﻭﺍﻧﻲ ﺑﺲ ﺻﺤﺖ ﻭﺧﺼﻮﺻﺎ ﻫﻮ ﻣﺎ ﺣﺠﻪ ﺍﺑﺪ ﺍﻧﻲ ﺩﺭﺕ ﻭﺟﻬﻲ ﻭﺿﻠﻴﺖ ﺍﺑﺎﻭﻉ ﻣﻦ ﺟﺎﻡ ﺍﻟﺴﻴﺎﺭﺓ ﻃﻮﻝ ﺍﻟﻄﺮﻳﻖ ﻭﻫﻮ ﺳﺎﻛﺖ ..

ﺍﺭﻳﺪﺓ ﺑﺲ ﻳﺤﺠﻲ ﻋﻠﻤﻮﺩ ﺍﺗﻌﺎﺭﻙ ..

...

ﻭﺻﻠﻨﻪ ﻻﻗﺴﺎﻡ ﻫﻮ ﻛﺎﻝ

ﺳﻴﻒ : ﺣﺒﻴﺒﺘﻲ ﺍﺩﺭﻱ ﺑﻴﺞ ﺿﺎﻳﺠﺔ ﺑﺲ ﻭﺍﻟﻠﻪ ﺍﻧﻲ ﻣﺎ ﺍﺗﺤﻤﻞ ﻫﻴﺞ ﺍﺷﻮﻓﺞ ﻻﺑﺴﺔ ..

ﺩﻳﻤﺔ : ﺩﺭﺕ ﻭﺟﻬﻲ ﻋﻠﻴﻪ ﺑﺲ ﺍﻧﺘﻪ ﻋﺼﺒﺖ ﻋﻠﻴﻪ

ﻫﻮ ﻻﺯﻡ ﺍﻳﺪﻱ ﺑﺎﺳﻬﺎ ..

ﻳﻌﻤﺮﻱ ﺍﻧﻲ ﺍﺳﻒ ﻣﻦ ﺷﻔﺘﺞ ﻫﻴﺞ ﻻﺑﺴﺔ ﻭﻓﻜﺮﺕ ﻭﺍﺣﺪ ﻳﺸﻮﻓﺞ ﺑﻬﺬﺍ ﺍﻟﻠﺒﺲ ﻓﻘﺪﺕ ﻋﻘﻠﻲ ﺍﻧﻲ ﺍﻏﺎﺭ ﻋﻠﻴﺞ ﻣﻦ ﺍﻟﻬﻮﺓ ﺍﻟﻄﺎﻳﺮ ﻣﺎ ﺍﺭﻳﺪ ﻫﺬﺍ ﺍﻟﻮﺟﻪ ﺍﻟﺤﻠﻮ ﻳﺰﻋﻞ ﻋﻠﻴﻪ

ﺑﻜﻠﻤﺘﻴﻦ ﻣﻨﻪ ﺧﻼﻧﻲ ﺃﺭﺿﻪ ﺍﺑﺘﺴﻤﺘﻠﻪ ..

ﻫﻮ ﻳﻜﻠﻲ ﺍﺷﻠﻮﻥ ﺭﺍﺡ ﺍﻓﺎﺭﻛﺞ ﻭﻣﺎ ﺍﺷﻮﻓﺞ ...

ﻭﺻﺎﻧﻲ ﻣﺎ ﺍﻣﺸﻲ ﻭﻱ ﻭﺣﺪﺓ ﺑﺲ ﻭﻱ ﺭﻏﺪ ﻻﻥ ﻳﻌﺮﻓﻬﺎ

ﺍﻧﻲ ﺣﺠﻴﺘﻠﻪ ﻋﻠﻴﻬﺎ ...

ﺳﻠﻤﺖ ﻋﻠﻴﻪ ﻧﺰﻟﺖ ﻭﺍﻧﻲ ﺍﺷﻮﻓﻪ ﺑﻌﺪﻩ ﻭﺍﻛﻒ ﺍﻧﺘﻈﺮﻧﻲ ﺍﺩﺧﻞ ﺍﻷﻗﺴﺎﻡ ﻭﻫﻮ ﺭﺍﺡ ..

ﺍﻭﻝ ﻣﺎ ﺩﺧﻠﺖ ﺍﻷﻗﺴﺎﻡ ﻟﻜﻴﺖ ﺭﻏﺪ ﻣﺴﻮﻳﺘﻠﻲ ﻣﻔﺎﺟﺎﺓ

ﻛﻴﻚ ﻭﻋﺼﻴﺮ ﻭﺍﻏﺎﻧﻲ ﺻﺪﻙ ﻓﺮﺣﺖ ﺍﻧﻲ ﺩﺧﻠﺖ ﻭﺑﻨﺎﺕ ﺑﺎﺭﻛﻠﻲ ... ﻭﺍﺟﺖ ﺭﻏﺪ ﺗﺤﻈﻦ ﺑﻴﻪ ﻭﺑﺎﺭﻛﺘﻠﻲ ..

ﺿﻠﻦ ﺑﻨﺎﺕ ﻳﺼﻔﻜﻦ ﻭﻳﺮﻳﺪﻥ ﻳﺸﻮﻓﻦ ﺍﻟﻌﺮﻳﺲ ﻃﻠﻌﺖ ﺻﻮﺭ ﺍﻟﺨﻄﻮﺑﻪ ﻭﻫﻲ ﻛﻠﻬﺎ ﺍﺗﻜﻮﻝ ﺷﺨﺼﻴﺔ ﻣﺒﻴﻦ ﻋﻠﻴﻪ ﺍﻧﻲ ﻏﺮﺕ ﺑﺴﺮﻋﺔ ﺍﺧﺬﺗﻪ ﻣﻨﻬﻦ ﻻﻥ ﺿﻠﻦ ﻳﺘﻐﺰﻟﻦ ﺑﻴﻪ

ﻭﻧﺎﺻﺒﺎﺕ ﻋﻠﻴﻪ ﺷﻔﺖ ﺳﻼﺭ ﺍﺗﺮﻳﺪ ﺍﺗﺤﺎﺟﻴﻨﻲ ﺑﺲ ﺍﻧﻲ ﻣﺎ ﻗﺒﻠﺖ ..

ﺧﻠﺼﺖ ﺍﻟﺤﻔﻠﺔ ﻭﻛﻠﻬﺎ ﺭﺍﺣﺖ ﺑﻘﻴﺖ ﺍﻧﻲ ﻭﺭﻏﺪ .

ﺭﺣﺖ ﺭﺗﺒﺖ ﻣﻼﺑﺴﻲ ﻭﺭﻏﺪ ﻭﺍﻛﻔﺔ ﻉ ﺭﺍﺳﻲ ﺳﻮﻟﻔﻠﻲ ﻣﺎ ﺳﻮﻟﻔﻠﻲ ﻛﻌﺪﺕ ﺳﻮﻟﻔﺘﻬﺎ ﻛﻠﺸﻲ ﻭﺣﺘﻰ ﻉ ﺍﻟﺮﺳﺎﻳﻞ ﺷﻮﻓﺘﻬﺎ ﻛﺎﻟﺖ ﻻﺯﻡ ﺍﺗﻜﻮﻟﻴﻦ ﻟﺴﻴﻒ .. ﻛﻠﺘﻬﺎ ﺍﻱ ﻫﻮ ﺍﻧﻲ ﺍﺫﺍ ﺗﺒﻘﻰ ﻫﻴﺞ ﺍﻛﻠﻪ ..

ﺑﻌﺪﻳﻦ ﺳﻮﻟﻔﺘﻠﻲ ﻉ ﺍﺣﻤﺪ ﻭﻫﻮ ﻛﺎﻳﻞ ﻻﻫﻠﻪ ﻋﻠﻴﻬﺎ ﻭﺍﻣﻪ ﻣﻮﺍﻓﻘﺔ ﻛﺎﻟﺖ ﺑﻌﻄﻠﺔ ﻧﺼﻒ ﺍﻟﺴﻨﺔ ﺍﺻﻴﺮ ﺍﻟﺨﻄﻮﺑﺔ ..

ﺧﺎﺑﺮﺕ ﺳﻴﻒ .. ﻭﻛﺎﻝ ﻭﺻﻠﺖ ﺑﻘﺔ ﻳﻮﺻﻠﻨﻲ ﻣﻜﻴﺎﺟﺞ ﻟﺒﺴﺞ ﻭﻣﺎ ﺍﺭﻳﺪﺝ ﺗﺤﺠﻴﻦ ﻭﻱ ﺍﻱ ﻭﺍﺣﺪ ...

ﺛﺎﻧﻲ ﻳﻮﻡ .. ﺑﺪﻟﺖ ﻭﻟﺒﺴﺖ ﻓﺴﺘﺎﻥ ﻃﻮﻳﻞ ﺑﺲ ﻧﺎﺯﻙ ..

ﻻﻥ ﺳﻴﻒ ﻣﺎ ﻳﻘﺒﻞ ﺑﻌﺪ ﺍﻟﺒﺲ ﻗﺼﻴﺮ ﻭﺍﻧﻲ ﻣﺎ ﺍﺭﻳﺪ ﻣﺸﺎﻛﻞ ﻭﻳﺎﻩ ..

ﺭﺣﺖ ﻟﻘﺴﻢ ﻟﻜﻴﺖ ﻣﺴﻮﻳﻠﻲ ﺑﻮﺳﺘﺮ ..

ﺗﻬﻨﺌﺔ ﻭﻫﻤﻴﻦ ﺑﻨﺎﺕ ﺑﺎﺭﻛﻠﻲ ﻭﻟﺪ ﺑﻘﺴﻤﻲ ..

ﻭﺍﻧﻲ ﺧﺎﻳﻔﺔ ﻻﻥ ﻛﻠﺖ ﺧﺎﻑ ﺳﻴﻒ ﻳﺠﻲ ﻭﻳﺸﻮﻓﻨﻲ

ﻭﺍﺻﻴﺮ ﻣﺸﻜﻠﺔ ﻛﻤﺖ ﺍﺟﻨﺐ ﺍﻟﻮﻟﺪ ﻣﺎ ﺍﺧﺘﻠﻂ ﻭﻳﺎﻫﻢ ..

ﻣﺮ ﺍﺳﺒﻮﻋﻴﻦ ﻭﻧﺰﻟﺖ ﺑﻄﻠﺖ ﻣﻦ ﺍﻟﺨﻂ ﻻﻥ ﺻﺎﺭ ﺳﻴﻒ

ﻫﻮ ﻳﻮﺻﻠﻨﻲ ..

ﺍﺟﻪ ﺷﻔﺘﻪ ﺟﻨﺖ ﺣﻴﻞ ﻣﺸﺘﺎﻗﺘﻠﻪ ﻫﻮ ﻫﻤﻴﻦ ﻣﺒﻴﻦ ..

ﻣﻦ ﻟﻬﻔﺘﻪ .. ﺻﻌﺪﺕ ﺳﻠﻤﺖ ﻋﻠﻴﻪ ﻫﻮ ﺑﺴﺮﻋﺔ ﺑﺎﺳﻨﻲ ﺑﺨﺪﻱ ..

ﺳﻴﻒ : ﻭﻟﺞ ﻣﺸﺘﺎﻗﻠﺞ ﺑﻜﺪ ﺭﺣﻤﺔ ﺍﻟﻠﻪ ..

ﺩﻳﻤﺔ : ﻭﺍﻧﻲ ﺍﻛﺜﺮ ...

ﺳﻴﻒ : ﻣﻨﺘﻈﺮﻳﻦ ﻫﺎﻱ ﺍﻷﺳﺒﻮﻋﻴﻦ ﻋﻠﻤﻮﺩ ﺍﺷﻮﻓﺞ ..

ﻟﻮ ﻣﺎ ﺩﻭﺍﻣﻲ ﺍﺟﻲ ﺍﻟﺞ ﺑﻜﻠﻴﻪ ...

ﺣﺮﻙ ﺍﻟﺴﻴﺎﺭﺓ ﻭﻣﺸﻐﻞ ﺍﻏﺎﻧﻲ .. ﻭﻻﺯﻡ ﺍﻳﺪﻱ ﻭﻫﻮ ﻳﺪﻧﺪﻥ

ﻣﻨﻄﻠﻖ ﻛﻠﺶ ﻭﻱ ﺍﻻﻏﻨﻴﺔ .. ﻭﻛﻠﺴﺎﻋﺔ ﻳﺒﻮﺱ ﺍﻳﺪﻱ ..

ﻛﻼﻟﻲ .. ﺍﺣﺴﺒﻲ ﺣﺴﺎﺑﺞ ﺑﻌﻄﻠﺔ ﻧﺼﻒ ﺍﻟﺴﻨﻪ ﺍﻟﺰﻭﺍﺝ

ﺍﻧﻲ ﻣﺎ ﺍﺗﺤﻤﻞ ﻫﻴﺞ ..

ﺩﻳﻤﺔ : ﺑﺲ ﻣﻮ ﻣﺘﻔﻘﻴﻦ ﻉ ﺍﻟﻌﻄﻠﺔ ..

ﺳﻴﻒ : ﺍﻧﻲ ﻣﺎ ﺍﻛﺪﺭ ﺍﻧﺘﻈﺮ ﻟﻠﻌﻄﻠﺔ ...

ﺩﻳﻤﺔ : ﺍﻭﻙ ﺣﺒﻴﺒﻲ ﺑﻜﻴﻔﻚ

ﺑﻌﺪﻳﻦ .. ﺑﻨﺺ ﺍﻟﻄﺮﻳﻖ ﻧﺰﻝ ﺟﺎﺑﻠﻲ ﻛﺺ ﺩﺟﺎﺝ ﻭﻫﻤﺒﺮﻛﺮ ﻭﻓﻨﻜﺮ ...

ﺳﻴﻒ : ﺗﺬﻛﺮﻳﻦ ﻣﻦ ﺟﺒﺘﺞ ﻣﻦ ﺍﻟﻨﺠﻒ ..

ﺩﻳﻤﺔ : ﺍﻱ ﻫﺬﺍ ﺍﻟﻤﻮﻗﻒ ﺫﻛﺮﻧﻲ .. ﺑﺲ ﺍﻧﻲ ﺑﺬﺍﻙ ﺍﻟﻴﻮﻡ ﺟﻨﺖ ﻣﻨﻬﺎﺭﺓ ﻭﺧﺎﻳﻔﺔ ...

ﺳﻴﻒ : ﻣﻨﻴﻦ ﺧﺎﻳﻔﺔ ..

ﺩﻳﻤﺔ؛ﻣﻦ ﺭﺩﺕ ﻓﻌﻞ ﺍﻫﻠﻲ ﻭﺟﻨﺖ ﺧﺎﻳﻔﺔ ﻣﻦ ﻣﺸﺎﻋﺮﻱ ﻭﺧﺼﻮﺻﺎ ﺍﻧﺘﻪ ﻣﺎ ﻗﺼﺮﺕ ﻭﻳﺎﻱ

ﻫﻮ ﺿﺤﻚ ...

ﺳﻴﻒ : ﻣﻦ ﺷﻔﺘﺞ ﺗﺒﺠﻴﻦ ﻣﺎ ﺗﺤﻤﻠﺖ .. ﺷﻜﺪ ﺟﻨﺖ ﻭﺍﻋﺪ ﻧﻔﺴﻲ ﺍﺑﺘﻌﺪ ﻋﻨﺞ ﺑﺲ ﻛﻞ ﻣﻮﻗﻒ ﻳﻤﺮ ﻭﻳﺎﺝ ﻳﺨﻠﻴﻨﻲ ﺍﻗﺮﺏ ..

ﻛﻤﻠﻨﻪ ﺍﻧﻲ ﻭﻳﺎﻩ ﺍﻛﻞ ...

ﻭﻫﻮ ﻳﺴﻮﻟﻒ ﻋﻦ ﺍﻫﻠﻪ ﻻﻥ ﺍﻧﻲ ﺳﺎﻟﺘﻪ ..

ﺩﻳﻤﺔ : ﺳﻴﻒ ﻋﻤﺘﻚ ﺍﺣﺴﻬﺎ ﻣﺎ ﺗﺤﺒﻨﻲ ..

ﺳﻴﻒ : ﻋﻤﺘﻲ ﻫﻮ ﻫﺬﺍ ﻃﺒﻌﻬﺎ ﺣﺘﻰ ﺍﻣﻲ ﺟﺎﻧﺖ ﻣﺎ ﺗﺤﺒﻬﺎ

ﺑﺲ ﻫﺴﺔ ﻻ ﺯﻳﻨﻪ ﺍﻧﺘﻲ ﻻﺗﺘﻘﺮﺑﻴﻦ ﻳﻤﻬﺎ ﺧﻠﻲ ﻋﻼﻗﺘﺞ ﺳﻄﺤﻴﺔ ..

ﻫﺰﻳﺖ ﺭﺍﺳﻲ ..

ﻭﺻﻠﻨﻪ ﻟﺒﻴﺖ ﻫﻮ ﻧﺰﻝ ﻉ ﺍﻣﻲ ﺳﻠﻢ ﻋﻠﻴﻬﺎ ...

ﺍﻣﻲ ﺟﻠﺒﺖ ﺑﻴﻪ ﻉ ﻏﺪﺓ ﺑﺲ ﻛﺎﻝ ﻋﻨﺪﻱ ﺷﻐﻞ ﻣﺎ ﺍﻛﺪﺭ

ﺳﻠﻢ ﻋﻠﻴﻪ ﻭﺭﺍﺡ ..

...

ﻛﻠﻴﺖ ﻟﻤﺎﻣﺎ ﻉ ﺯﻭﺍﺝ ﺑﻠﺒﺪﺍﻳﺔ ﺍﻋﺘﺮﺿﺖ ﺑﻌﺪﻳﻦ ﻛﺎﻟﺖ ﺑﻜﻴﻔﻜﻢ ...

ﻣﺮ ﻳﻮﻡ ﻋﺎﺩﻱ ﺍﺟﻪ ﻣﻨﺘﻈﺮ .. ﻭﺍﻣﻲ ﻓﺘﺤﺖ ﻭﻳﺎﻩ ﻣﻮﺿﻮﻉ ﺍﻟﺰﻭﺍﺝ ..

ﺳﻤﻴﺔ : ﻳﻤﻪ ﺳﻴﻒ ﻛﺎﻳﻞ ﻻﺧﺘﻚ ﻉ ﺍﻟﻌﻄﻠﺔ ﻧﺼﻒ ﺍﻟﺴﻨﺔ ﻳﺰﻭﺟﻮﻥ ..

ﻣﻨﺘﻈﺮ : ﻫﻢ ﺑﻌﺪ ﺑﻜﻴﻔﻬﻢ ﻫﺎﻱ ﺣﻴﺎﺗﻬﻢ ..

ﺳﻤﻴﺔ : ﻳﻤﻪ ﻭﺍﻧﺘﻪ ﻳﻤﺘﻪ ﻧﻔﺮﺡ ﺑﻴﻚ ﻫﺎﻱ ﺍﺧﺘﻚ ﺭﺍﺡ ﺗﺰﻭﺝ

ﻭﺍﻧﻲ ﺍﺑﻘﻰ ﺑﻮﺣﺪﻱ ﻳﻤﻪ ﺍﻧﺘﻪ ﺟﺒﻴﺮ ﻭﻫﺴﺔ ﺍﻟﺒﻌﻤﺮﻙ

ﻣﺰﻭﺟﻴﻦ ﻭﻋﻨﺪﻫﻢ ﺟﻬﺎﻝ ..

ﻣﻨﺘﻈﺮ : ﻳﻤﻪ ﺭﺣﻤﺔ ﻟﻬﻠﺞ ﺳﺪﻱ ﻫﺎﻱ ﺍﻟﺴﺎﻟﻔﺔ ﺍﻧﻲ ﻣﻦ ﺍﺭﻳﺪ ﺍﻛﻠﺞ ﻣﺎ ﻣﺴﺘﻌﺠﻞ ..

ﺧﻠﻪ ﻭﻛﺎﻡ ..

ﺳﻤﻴﺔ : ﻭﺍﻟﻠﻪ ﻫﺬﺍ ﺍﻟﻮﻟﺪ ﺭﺍﺡ ﻳﻤﻮﺗﻨﻲ ..

ﺩﻳﻤﺔ : ﻳﻤﺔ ﺧﻠﻲ ﺑﺮﺍﺣﺘﻪ ..

ﺳﻤﻴﺔ : ﻫﻮ ﺍﻧﻲ ﺣﺴﺮﺓ ﻋﻠﻴﻪ ﺍﻓﺘﺢ ﻭﻳﺎﻩ ﻣﻮﺿﻮﻉ ﺍﻟﺰﻭﺍﺝ .. ﻏﻴﺮ ﻫﻮ ﺍﻟﺠﺒﻴﺮ ﻭﺃﺭﻳﺪ ﺍﻓﺮﺡ ﺑﻴﻪ ...

ﺩﻳﻤﺔ : ﺍﻟﻠﻪ ﻛﺮﻳﻢ ﻫﺴﺔ ﻫﻮ ﻣﻦ ﻛﻴﻔﻪ ﺍﻧﻄﻲ ﻭﻗﺖ ﺍﻭﻝ ﻭﺗﺎﻟﻲ ﺭﺍﺡ ﻳﺰﻭﺝ ..

ﺿﻠﻴﻨﻪ ﺍﻧﻲ ﻭﺍﻣﻲ ﻧﺴﻮﻟﻒ ﺳﺎﻟﺘﻬﺎ ﻉ ﻣﻬﻨﺪ ...

ﺳﻤﻴﺔ؛ﻣﺎ ﺷﺎﻳﻔﺘﻪ ﻣﻦ ﺍﺭﻭﺡ ﺍﻟﻜﺎﻩ ﺑﺸﻐﻞ ..

ﺩﻳﻤﺔ : ﺧﺎﻟﺘﻲ ﺍﺷﻠﻮﻧﻬﻦ ..

ﺯﻳﻨﺎﺕ ﺳﺎﻟﻨﻲ ﻋﻠﻴﺞ ... ﺑﺎﺟﺮ ﻳﺠﻦ ﻫﻨﺎ ..

ﺛﺎﻧﻲ ﻳﻮﻡ ﻛﻌﺪﺕ .. ﻟﻜﻴﺖ ﺧﻼﺗﻲ ﻣﻮﺟﻮﺩﺍﺕ ﺳﻠﻤﺖ ﻋﻠﻴﻬﻦ ﺑﻘﻦ ﻟﻈﻬﺮ ﻭﻳﺎﻧﻪ ...

ﺑﻌﺪﻳﻦ ﺭﺍﺣﻦ ﺍﻧﻲ ﺻﻌﺪﺕ ﺍﺳﺒﺢ ﺣﻈﺮﺕ ﻣﻼﺑﺴﻲ ﺍﺟﻪ ﺳﻴﻒ ﺍﺧﺬﻧﻲ ﻭﺻﻠﻨﻪ ﻭﻫﻮ ﻛﻠﻌﺎﺩﺓ ﻳﻮﺻﻲ ﺑﻴﻪ

ﺍﻳﻜﻠﻲ ﺍﺑﺘﻌﺪﻱ ﻋﻦ ﺑﻨﺎﺕ ﻳﺴﻮﻥ ﻣﺸﺎﻛﻞ ..

ﺭﺣﺖ ﺩﺧﻠﺖ ﻟﻘﺴﻢ ﻭﺻﻠﺘﻨﻲ ﺭﺳﺎﻟﺔ ..

ﻋﺒﺎﻟﻲ ﻣﻦ ﺳﻴﻒ ﻓﺘﺤﺘﻬﺎ ..

ﻣﻦ ﻧﻔﺲ ﺍﻟﺮﻗﻢ ... ﺗﺮﺓ ﻣﺎ ﻧﺎﺳﻴﺘﺞ .. ﻭﺍﻟﻠﻪ ﺍﺩﻣﺮ ﺣﻴﺎﺗﺞ

ﻭﺍﺧﺬ ﺍﻋﺰ ﺷﻲ ﻋﻨﺪﺝ ﻣﺜﻞ ﻣﺎ ﺍﺧﺬﺗﻲ ﻣﻨﻲ ..

ﺧﻔﺖ ﻣﻨﻬﺎ ﻛﻠﺖ ﻟﻮ ﺍﺟﻮﺍﻥ ﻟﻮ ﺭﺷﺎ ﻭﺣﺪﺓ ﻣﻨﻬﻦ ﻻﺯﻡ ﺍﻛﻮﻝ ﻟﺴﻴﻒ ﺑﺲ ﺧﺎﻑ ﻳﺮﻭﺣﻠﻬﻦ ﺃﻭﻑ ﻳﺎﺭﺑﻲ ﺷﺴﻮﻱ

ﻭﺻﻠﺖ ﻟﻐﺮﻓﺔ ﻭﺍﻧﻲ ﺣﺘﻰ ﻣﺎ ﻣﻨﺘﺒﻪ ... ﺩﺧﻠﺖ ﻟﻐﻴﺮ ﻏﺮﻓﺔ

ﻣﺎﻝ ﺑﻨﺎﺕ ... ﻟﺰﻣﺖ ﺍﻟﻤﻮﺑﺎﻳﻞ ﺣﻈﺮﺕ ﺍﻟﺮﻗﻢ ..

ﺑﺲ ﺗﺮﺟﻌﻠﻲ ﺑﻐﻴﺮ ﺭﻗﻢ ...

ﻣﺮﺕ ﺍﻻﻳﺎﻡ ﻭﺍﻧﻲ ﻣﺨﻠﺼﺘﻬﺎ ﺑﺲ ﻗﺮﺍﻳﺔ ﻻﻥ ﻻﺯﻡ ﺍﻃﻠﻊ ﻣﻌﺪﻝ ﺯﻳﻦ .. ﻋﻠﻤﻮﺩ ﺑﻌﺪ ﺍﻟﺰﻭﺍﺝ ﻣﺎ ﺍﺗﻌﺐ ﻫﻮﺍﻱ ﺟﺎﻧﻦ

ﺩﺭﺟﺎﺗﻲ ﻛﻠﻬﺎ ﻋﺎﻟﻴﺔ .. ﺳﻴﻒ ﺧﻄﻴﺔ ﻣﻦ ﺍﻛﻠﻪ ﻋﻨﺪﻱ ﺍﻣﺘﺤﺎﻥ ﻣﺎﺟﺎﻥ ﻳﺨﺎﺑﺮﻧﻲ ﺣﺘﻰ ﻟﻮ ﻳﺨﺎﺑﺮﻧﻲ ﺷﻮﻱ ﺑﺲ ﻳﺴﻠﻢ ﻭﻳﻌﺮﻑ ﺍﺧﺒﺎﺭﻱ ﻭﻳﻐﻠﻘﻪ ﺍﻳﻜﻮﻝ ﻣﺎ ﺍﺭﻳﺪ ﺍﺷﻐﻠﺞ

ﻋﻦ ﺩﺭﺍﺳﺘﺞ ...

ﺧﺎﺑﺮﺕ ﺳﻴﻒ ..

ﺩﻳﻤﺔ : ﺳﻴﻒ ﺍﻟﻴﻮﻡ ﺍﻧﺰﻝ ﺗﺠﻲ ﺗﺎﺧﺬﻧﻲ ﻟﻮ ﻋﻨﺪﻙ ﺷﻐﻞ ﺍﺭﺟﻊ ﻭﻱ ﺧﻂ ..

ﺳﻴﻒ : ﻻ ﻫﺴﺔ ﻫﻮ ﺍﻧﻲ ﺑﻄﺮﻳﻖ ﺍﻟﻈﻬﺮ ﻳﻤﺞ ...

ﺩﻳﻤﺔ : ﻗﻔﻠﺘﻪ ﻣﻨﻪ ﺭﺟﻌﺖ ﻟﻘﺴﻢ ﻻﻥ ﺟﻨﺖ ﺑﻜﻠﻴﺔ ..

ﺍﻧﻲ ﻣﺤﻈﺮﺓ ﻣﻼﺑﺴﻲ ﺑﺲ ﻏﻴﺮﺕ ﻣﻼﺑﺲ ﺍﻟﻜﻠﻴﺔ

ﻟﺒﺴﺖ ﺑﻨﻄﺮﻭﻥ ﻭﻓﻮﻛﺎﻩ ﻗﻤﻴﺺ ﻭﺃﺑﻮ ﻟﻴﺮﺓ ﺷﻲ ﻣﺴﺘﻮﺭ

ﻭﺍﻧﻲ ﻣﻦ ﻧﺨﻄﺒﺖ ﻟﺴﻴﻒ ﺍﺷﺘﺮﻳﺖ ﻛﻠﻪ ﻃﻮﺍﻝ ﻻﻥ ﺍﻋﺮﻓﻪ ﻳﻌﺼﺐ ﺿﻠﻴﺖ ﻣﻨﺘﻈﺮﺗﻪ ﺑﻌﺪﻳﻦ ﺧﺎﺑﺮﻧﻲ

ﻛﺎﻝ ﻣﻨﺘﻈﺮﺝ ..

ﺳﻠﻤﺖ ﻉ ﺍﻟﺒﻨﺎﺕ ﻭﻃﻠﻌﺖ ﻟﻜﻴﺘﻪ ﻭﺍﻛﻒ ﻳﻢ ﺍﻟﺴﻴﺎﺭﺓ

ﻻﺑﺲ ﻗﻤﻴﺺ ﻧﻴﻠﻲ ﻭﺑﻨﻄﺮﻭﻥ ﺍﺳﻮﺩ ﻓﺎﺗﺢ ﺷﻮﻱ ﻣﻦ ﺩﻛﻢ ﺍﻟﻘﻤﻴﺺ ﻻﺑﺲ ﺍﻟﺰﻧﺠﻴﻞ ﺍﻟﻬﺪﻳﺘﻪ ﺍﻟﻪ ... ﺷﻌﺮﻩ ﻣﻨﺰﻟﻪ ﻣﻨﻄﻴﻪ ﺍﻛﺜﺮ ﺟﺎﺫﺑﻴﻪ ... ﺷﻔﺖ ﺍﻟﺒﻨﺎﺕ ﺍﻳﻄﻠﻌﻦ ﻣﻦ ﺍﻟﻘﺴﻢ

ﻻﻥ ﻛﻠﻬﺎ ﺗﻨﺰﻝ .. ﻻﻫﻠﻪ ﻭﻫﻨﻪ ﻳﺒﺎﻭﻋﻦ ﻋﻠﻴﻪ ﺍﻟﺼﺮﺍﺣﺔ ﻛﻠﺶ ﻏﺮﺕ ﻫﻮ ﺻﺤﻴﺢ ﻣﺎ ﻳﺒﺎﻭﻉ ﻋﻠﻴﻬﻦ ﺑﺲ ﺍﻧﻲ ﻣﺎ ﺍﺗﺤﻤﻞ ﻭﺣﺪﺓ ﺗﺒﺎﻭﻉ ﻋﻠﻴﻪ ..

ﺍﺍﺟﻴﺖ ﻋﻠﻴﻪ ﺑﺪﻭﻥ ﺣﺘﻰ ﺳﻼﻡ ..

ﺩﻳﻤﺔ : ﺳﻴﻒ ﻟﻴﺶ ﻧﺎﺯﻝ ﻣﻦ ﺍﻟﺴﻴﺎﺭﺓ

ﺳﻴﻒ : ﺍﻧﻲ ﺍﻋﺮﻑ ﺍﻟﻮﺍﺣﺪ ﻳﺴﻠﻢ ﺍﺷﻮ ﺍﻧﺘﻲ ﺍﺟﻴﺘﻲ ﻫﺎﺟﻤﻪ ﻋﻠﻴﻪ ..

ﻳﻌﻨﻲ ﻟﻴﺶ ﻧﺎﺯﻝ ﻏﻴﺮ ﺍﻧﺘﻈﺮﺝ .. ﺗﻌﺒﺖ ﻭﺍﻧﻲ ﺍﺳﻮﻕ

ﻛﻠﺖ ﺍﻧﺰﻝ ..

ﺩﻳﻤﺔ : ﺳﻴﻒ ﺑﻌﺪ ﺧﻠﻲ ﺍﻟﺨﻂ ﻳﻮﺻﻠﻨﻲ ..

ﺳﻴﻒ : ﻟﻴﺶ ﻳﻮﺻﻠﺞ ﺍﻧﻲ ﻟﻌﺪ ﻭﻳﻦ ..

ﺩﻳﻤﺔ : ﺍﻧﺘﻪ ﻣﺎ ﺍﺷﻮﻑ ﺍﻟﺒﻨﺎﺕ ﺍﺷﻠﻮﻥ ﻳﺒﺎﻭﻋﻦ ﻋﻠﻴﻚ

ﺍﻛﻠﻠﻨﻚ ﺑﻌﻴﻮﻧﻬﻦ ..

ﺳﻴﻒ : ﺍﻧﻲ ﻣﺎ ﺗﻬﻤﻨﻲ ﺍﻱ ﻭﺣﺪﺓ ﻏﻴﺮﺝ ..

ﺗﺪﺭﻳﻦ ﻣﻦ ﺍﺗﻐﺎﺭﻳﻦ ﺍﺻﻴﺮﻳﻦ ﺍﺣﻠﻰ ..

ﻳﻼ ﺣﺒﻲ ﺗﻌﺎﻟﻲ ﺍﺻﻌﺪﻱ ﻣﺤﻈﺮﻟﺞ ﻣﻔﺎﺟﺎﺓ 😉..

ﺻﻌﺪﺕ ﻭﺍﻧﻲ ﺍﻟﺢ ﻋﻠﻴﻪ ﺍﺭﻳﺪ ﺍﻋﺮﻑ ﺷﻨﻮ ﺍﻟﻤﻔﺎﺟﺎﺓ

ﺳﻴﻒ : ﻻ ﺗﺴﺘﻌﺠﻠﻴﻦ ﻉ ﺭﺯﻗﺞ ﺍﺻﺒﺮﻱ ..

ﺷﻮﻱ ﻭﺻﻠﻨﻪ ﻟﻤﻄﻌﻢ ﻛﻠﺶ ﺭﺍﻗﻲ ﻧﺰﻟﺖ ﻭﻫﻮ ﻃﻠﺐ ﺍﻛﻞ

ﻛﻌﺪﺕ ﺍﻛﻠﺖ ﻫﻮ ﺿﻞ ﻳﺴﻮﻟﻔﻠﻲ ﻉ ﻋﺮﺳﻨﻪ ﻛﺎﻝ ﺟﺒﺖ ﻏﺮﻓﺔ .. ﺷﻮﻓﻨﻲ ﺑﺘﺼﻮﻳﺮ ﻛﺎﻝ ﺍﺫﺍ ﻣﺎ ﺗﻌﺠﺒﺞ ﺍﻏﻴﺮﻫﺎ

ﺟﺎﻧﺖ ﻏﺮﻓﺔ ﻛﻠﺶ ﺣﻠﻮﺓ ...

ﺑﻌﺪﻳﻦ ﻃﻠﻌﻨﻪ ... ﻣﻮ ﻃﺮﻳﻖ ﺍﻫﻠﻲ ﺭﺍﺡ ﻟﻐﻴﺮ ﻃﺮﻳﻖ ..

ﺩﻳﻤﺔ : ﺳﻴﻒ ﻭﻳﻦ ﻣﻮﺩﻳﻨﻲ ....

ﺳﻴﻒ : ﻫﺴﺔ ﺗﻌﺮﻓﻴﻦ ..

ﺍﻟﺼﺮﺍﺣﺔ ﺍﻧﻲ ﺷﻮﻱ ﺧﻔﺖ ﺑﻌﺪﻳﻦ ﻭﺻﻠﻨﻪ ﻟﺸﻘﻪ ..

ﻫﻮ ﻧﺰﻝ ﻭﺍﻧﻲ ﻧﺰﻟﺖ ...

ﻓﺘﺢ ﺍﻟﺒﺎﺏ .. ﺍﻧﻲ ﺿﻠﻴﺖ ﻭﺍﻛﻔﻪ ..

ﺳﻴﻒ : ﺗﻌﺎﻟﻲ ﺍﺩﺧﻠﻲ ﻟﻴﺶ ﻭﺍﻛﻔﻪ ..

ﺩﻳﻤﺔ : ﺳﻴﻒ ﻫﺎﻱ ﺍﻟﺸﻘﺔ ﺟﺎﻧﺖ ﺑﻴﻬﺎ ﺍﺟﻮﺍﻥ ..

ﻫﻮ ﺳﻜﺖ ... ﺩﺧﻞ ... ﻛﻌﺪ ﺟﺎﻥ ﺑﻠﺒﺪﺍﻳﺔ ﻣﺜﻞ ﺍﻟﺼﺎﻟﺔ ﻭﺑﻴﻬﺎ ﺗﺨﻢ ﻛﻌﺪ ﻋﻠﻴﻪ ..

ﺍﻧﻲ ﺳﺪﻳﺖ ﺍﻟﺒﺎﺏ ﺍﺟﻴﺖ ﺍﺗﺨﻮﺻﺮﺕ ..

ﺳﻴﻒ ﻫﺎﻱ ﻣﻮ ﺷﻘﺔ ﺍﻟﺠﻨﺖ ﺍﺟﻴﺐ ﺑﻴﻬﺎ ﺍﺟﻮﺍﻥ ..

ﺑﻘﺔ ﺳﺎﻛﺖ ﺑﺎﻭﻋﻠﻲ ﺻﻔﺢ ..

ﺍﻧﻲ ﺍﺣﺘﺮﻛﺖ ﻻﻥ ﺍﺗﺨﻴﻠﺖ ﺍﺷﻠﻮﻥ ﻳﺠﺒﻴﻬﺎ ﺍﻫﻨﺎ ﻟﻮ ﻳﺘﻐﺰﻝ ﺑﻴﻬﺎ ..

ﺩﻳﻤﺔ : ﻫﺎﻱ ﺍﻟﺸﻘﺔ .. ﺍﺗﺒﻴﻌﻬﺎ ﻣﺎ ﺍﺭﻳﺪﻫﺎ ..

ﺳﻴﻒ : ﺍﻱ ﺳﻬﻠﺔ ﺃﺑﻴﻌﻬﺎ ..

ﺩﻳﻤﺔ : ﺳﻴﻒ ﻻﺗﻀﺤﻚ ﻋﻠﻴﻪ ﻭﺍﻟﻠﻪ ﻟﻮ ﺍﻧﻲ ﻟﻮ ﺷﻘﺔ ﺍﻟﻤﻦ ﻣﺨﻠﻴﻬﺎ ﺍﺗﺮﻳﺪ ﺍﺟﻴﺐ ﺑﻴﻬﺎ ﺑﻨﺎﺕ ..

ﺳﻴﻒ : ﺷﺒﻴﺞ ﺩﻳﻤﺔ ﺻﺤﻴﺢ ﺟﺎﻥ ﻋﻨﺪﻱ ﻋﻼﻗﺎﺕ ﺑﺲ ﻫﺴﺔ ﻛﻠﻬﻦ ﺍﻧﺘﻬﺖ ﻣﻦ ﻳﻮﻡ ﺍﻟﺤﺒﻴﺘﺞ ﻛﻄﻌﺖ ﻛﻞ ﻋﻼﻗﺘﻲ ..

ﺩﻳﻤﺔ : ﺳﻴﻒ ﻻ ﺗﺨﻮﻧﻲ .. ﻭﺍﻟﻠﻪ ﺍﻣﻮﺕ ..

ﺳﻴﻒ : ﻭﻟﺞ ﻻ ﺗﻜﻔﺮﻳﻨﻲ ﺷﻨﻮ ﺍﺧﻮﻧﺞ ...

ﻟﺰﻣﻨﻲ ﻣﻦ ﺍﻳﺪﻱ .. ﻭﻛﻌﺪﻧﻲ ﻉ ﺭﺟﻠﻪ ...

ﻭﻟﺞ ﺍﻧﻲ ﻣﺨﺒﻞ ﺍﺧﻮﻧﺞ ﻭﺍﻟﻠﻪ ﻣﺎ ﺗﺘﺤﻼﻟﻲ ﻣﺮﺓ ﻏﻴﺮﺝ ..

ﺑﻌﺪﻳﻦ ﺑﺎﺳﻨﻲ ... ﺍﻧﻲ ﺍﺟﺎﻭﺑﺖ ﻭﻳﺎﻩ ..

ﺧﻔﺖ ﻻ ﻳﺘﻤﺎﺩﻩ ﺍﻛﺜﺮ ﻻﻥ ﺷﻔﺘﻪ ﻛﻠﺶ ﺫﺍﻳﺐ

ﺍﺑﺘﻌﺪﺕ ﻋﻨﻪ ...

ﺩﻳﻤﺔ : ﺳﻴﻒ ﺍﺭﻳﺪ ﺍﻏﻴﺮ ﺭﻗﻤﻲ ..

ﺳﻴﻒ : ﻟﻴﺶ ﺗﻐﻴﺮﻩ ﻋﻨﺪﺝ ﺷﻲ ﻭﺗﺨﺎﻓﻴﻦ ﻣﻨﻪ ﻟﻮ ﻣﺎ ﻛﺎﻳﻠﺘﻠﻲ ﻋﻠﻴﻪ ..

ﻃﺒﻌﺎ ﺳﻴﻒ ﺷﻜﺪ ﺷﻜﻮﻛﻲ ﻣﻦ ﻛﺪ

ﻣﺎ ﻣﻌﺎﺷﺮ ﺑﻨﺎﺕ ..

ﺩﻳﻤﺔ : ﺍﻧﻲ ﺍﺭﻳﺪ ﺍﻏﻴﺮﺓ ...

ﺳﻴﻒ : ﺭﻗﻢ ﻣﺎ ﻳﺘﻐﻴﺮ ...

ﺍﻧﻲ ﺧﻠﻴﺖ ﺍﻳﺪﻱ ﻉ ﻭﺟﻬﻲ .. ﻭﻛﻤﺖ ﺍﺑﺠﻲ ﻫﻮ ﻣﻦ ﺷﺎﻓﻨﻲ ﻫﻴﺞ ﺍﺟﻪ ﻭﺧﺮ ﺍﻳﺪﻱ ﻭﻣﺴﺢ ﺍﺩﻣﻮﻋﻲ ..

ﻭﻫﻮ ﻳﺒﺎﻭﻋﻠﻲ ﺑﻨﻈﺮﺍﺕ ﻗﻠﻖ ..

ﺳﻴﻒ : ﺷﺒﻴﺞ ﺗﺒﺠﻴﻦ ﺷﻜﻮﻭ .. ﺷﺼﺎﻳﺮ ﻭﻳﺎﺝ ..

ﺩﻳﻤﺔ : ﺟﺮﻳﺖ ﻧﻔﺲ ﺳﻴﻒ ﻣﻦ ﻳﻮﻡ ﺍﻟﻨﺨﻄﺒﻨﻪ ﻭﻟﺤﺪ ﻫﺴﺔ ﺗﺠﻴﻨﻲ ﺭﺍﺳﺎﺋﻞ ﺗﻬﺪﻳﺪ .. ﻫﺎﻙ ﺷﻮﻑ

ﻫﻮ ﻗﺮﺓ ﺍﻟﺮﺳﺎﻳﻞ ﻭﺻﻞ ﻳﺨﻨﺰﺭ ﻋﻠﻴﻪ ..

ﺳﻴﻒ : ﺍﻧﻲ ﻣﻮ ﻛﻠﻴﺘﻠﺞ ﻻ ﺍﺿﻤﻴﻦ ﻋﻠﻴﻪ ﺷﻲ ..

ﺩﻳﻤﺔ : ﺧﻔﺖ ﺍﺣﺠﻴﻠﻚ ﻟﻮ ﺗﺮﻭﺡ .. ﺭﺷﺎ ﻟﻮ ﺍﺟﻮﺍﻥ

ﺑﺎﻭﻉ ﻋﻠﻴﻪ ﺑﻌﺪﻳﻦ .. ﻟﺰﻡ ﺭﺍﺳﻲ ..

ﺳﻴﻒ : ﻫﺬﺍ ﺷﺒﻴﻪ ﻣﺎ ﻳﺸﺘﻐﻞ ﻣﺜﻼ ﺍﺷﻠﻮﻥ ﺍﺭﻭﺣﻠﻬﻦ ..

ﻻ ﺿﻠﻴﻦ ﺑﻬﺬﺍ ﺗﻔﻜﻴﺮﺝ ..

ﺭﻗﻤﺞ ﺭﺍﺡ ﺍﻏﻴﺮﺓ ﻭﺍﻧﻲ ﺍﻋﺮﻑ ﺍﺻﺮﻑ ﻭﻱ ﻫﺎﻱ ﺍﻻﺭﻗﺎﻡ

ﺣﺎﻟﻴﺎ ﺧﻠﻲ ﻳﻤﺞ .. ﺍﻱ ﺭﻗﻢ ﻳﺮﺍﺳﻠﺞ ﺍﺣﻈﺮﻱ ..

ﺩﻳﻤﺔ : ﺍﻧﻲ ﺧﺎﻳﻔﺔ ﻋﻠﻴﻚ ﺧﺎﻑ ﺍﺻﻴﺮ ﺷﻲ ﻟﻮ ﻳﺎﺫﻭﻧﻲ ﺍﻧﻲ ..

ﺳﻴﻒ : ﻻ ﺗﺨﺎﻓﻴﻦ ﻣﺎ ﻃﻮﻝ ﺍﻧﻲ ﻳﻤﺞ ﻛﻮﻧﻲ ﻣﻄﻤﺌﻨﻪ ﻫﺴﺔ ﻳﻼ ﺗﻌﺎﻟﻲ ﻧﺮﺟﻊ ﺍﺗﺎﺧﺮﻧﺎ ..

ﻟﺰﻡ ﺍﻳﺪﻱ ﻭﻛﻤﺖ ﻭﺍﻧﻲ ﺍﻛﻮﻟﻪ ﺑﻌﺪ ﻻ ﺍﺟﻴﺒﻨﻲ ﺍﻫﻨﺎ ﻭﺑﻴﻌﻬﺎ ... ﻫﻮ ﺑﺲ ﻳﻬﺰ ﺑﺮﺃﺳﻪ ...

ﻣﺮﺕ ﺍﻻﻳﺎﻡ ﻭﺍﻧﻲ ﺳﻴﻒ ﻧﻔﺲ ﺍﻟﻮﺿﻊ ﺻﺤﻴﺢ ﻧﺘﻌﺎﺭﻙ ﺑﺲ ﻧﺮﺟﻊ ﺑﻨﻔﺲ ﺍﻟﺴﺎﻋﺔ ﻣﺎ ﺍﺗﺤﻤﻞ ﻳﺒﻘﻰ ﺯﻋﻼﻥ ﻋﻠﻴﻪ ﻭﻻ ﻫﻮ ...

ﺍﺟﺖ ﺍﻣﺘﺤﺎﻧﺎﺕ ﻧﺼﻒ ﺍﻟﺴﻨﻪ ... ﻭﺍﻧﻲ ﺣﺘﻰ ﻣﻮﺑﺎﻳﻞ ﻗﻔﻠﺘﻪ ﻛﻠﺖ ﻟﺴﻴﻒ ﻭﻛﺎﻝ ﺍﻗﻔﻠﻲ ﺍﻫﻢ ﺷﻲ ﺩﺭﺍﺳﺘﺞ

ﺑﺲ ﺷﻮﻱ ﺑﻠﻴﻞ ﺍﺧﺎﺑﺮﻩ ﻻﻥ ﺍﺫﺍ ﻣﺎ ﺍﺳﻤﻊ ﺻﻮﺗﻪ ﺍﺣﺲ ﻧﺎﻗﺼﻨﻲ ﺷﻲ .. ﺧﻠﺼﺖ ﺍﻻﻣﺘﺤﺎﻧﺎﺕ ﻭﺍﻧﻲ ﺯﻳﻨﻪ ﺑﻜﻞ ﺍﻟﻤﻮﺍﺩ ﻭﺍﺟﺖ ﻋﻄﻠﺔ ﻧﺼﻒ ﺍﻟﺴﻨﺔ

...

يتبع

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤