رواية أنثى في معتقل الحب الجزء السابع

رواية أنثى في معتقل الحب الجزء السابع

للكاتبة زينب (عطر الورد)

...

ﮔﺎﻟﺘﻠﻲ ﻫﻨﻴﺎﻝ ﺍﻟﺘﺤﺐ ﻣﺜﻠﻚ ﻭﻟﻒ . _

ﮔﻠﺘﻠﻬﺎ ﻳﻌﻨﻲ ﺑﻤﺨﺘﺼﺮ ﻫﻨﻴﺎﻟﭻ

ﮔﺎﻟﺘﻠﻲ ﺗﺮﺿﻰ ﺃﺗﻐﺰﻟﻚ

ﮔﻠﺘﻠﻬﺎ ﻏﻴﺮ ﺃﻧﺘﻲ ﺍﻟﻐﺰﻝ ﻳﺤﻼﻟﭻ

ﮔﺎﻟﺘﻠﻲ ﺑﺲ ﻋﻨﺪﻱ ﻃﻠﺐ

ﮔﻠﺘﻠﻬﺎ ﮔﻮﻟﻲ ﻭﻛﻠﺸﻲ ﺑﻲ ﻳﺒﺮﺍﻟﭻ

ﮔﺎﻟﺘﻠﻲ ﺗﻨﻄﻴﻨﻲ ﻭﻋﺪ

ﮔﻠﺘﻠﻬﺎ ﺃﻭﻗﻊ ﻉ ﺍﻟﺒﻴﺎﺽ ﺃﮔﺒﺎﻟﭻ

ﮔﺎﻟﺘﻠﻲ ﺳﺮﻱ ﺑﺬﻣﺘﻚ

} ﮔﻠﺘﻠﻬﺎ ﻣﻮ ﺯﻟﻤﺔ ﺍﻟﻴﺨﻮﻥ ﺃﺳﺮﺍﺭﭺ

...

ﺩﻳﻤﺔ .....

ﺍﻃﻮﺭﺕ ﻋﻼﻗﺘﻲ ﺑﺴﻴﻒ .. ﺧﻼﻝ ﺍﻟﻌﻄﻠﺔ ﺻﺮﺕ ﺍﻋﺮﻑ ﺷﻨﻮ ﻳﺤﺒﻪ ﻭﺍﻟﻴﻜﺮﻫﺔ .. ﺍﻛﻮ ﻫﻮﺍﻱ ﺍﺷﻴﺎﺀ ﺍﻛﺘﺸﻔﺘﻬﺎ

ﻋﻦ ﺳﻴﻒ .. ﻳﻮﻣﻲ ﻣﺎ ﻳﺨﻠﻰ ﺍﺫﺍ ﻣﺎ ﺍﺳﻤﻊ ﺻﻮﺗﻪ ﺻﺮﺕ ﻣﺪﻣﻨﻪ ﻋﻠﻴﻪ .. ﺍﻟﻴﻮﻡ ﻣﺎ ﺍﺧﺎﺑﺮﺓ ﺑﻴﻪ ﺍﺣﺲ ﺭﻭﺣﻲ ﻣﻀﻴﻌﺔ ﺷﻲ ﻭﺍﺧﺎﺑﺮﻩ .. ﺍﻟﻌﻄﻠﺔ ﻣﺮﺕ ﺑﻠﻤﺢ

ﺍﻟﺒﺼﺮ ﻣﺎ ﺣﺴﻴﺖ ﻋﻠﻴﻬﺎ ﺍﻟﻔﻬﻤﺘﻪ ﻣﻦ ﺳﻴﻒ ﺑﺨﺼﻮﺹ

ﺭﺷﺎ ﻫﻮ ﻣﻄﻠﻜﻬﺎ .. ﺳﻴﺪ ﻭﻧﺎﻫﻲ ﺍﻟﺴﺎﻟﻔﺔ ...

ﺑﺪﺀ ﺍﻟﺪﻭﺍﻡ ﻭﺗﺤﻈﻴﺮﺍﺗﻪ ﻃﺒﻌﺎ ﺍﻧﻲ ﻗﺒﻞ ﺃﺳﺒﻮﻉ ﻧﺰﻟﺖ

ﻟﺴﻮﻙ ﻭﻛﻠﻌﺎﺩﺓ ﺍﺷﺘﺮﻳﺖ ﻣﻼﺑﺲ ﻟﺴﻨﻪ ﺍﻟﺠﺪﻳﺪﺓ ﻫﻠﻤﺮﺓ ﺍﻋﺮﻑ ﺷﺸﺘﺮﻱ ﻣﻮ ﻣﺜﻞ ﺍﻭﻝ ﺳﻨﻪ ..

ﺳﻴﻒ ﺑﺪﺉ ﻳﺪﺧﻞ ﺑﻠﺒﺴﻲ ﻣﻜﻴﺎﺟﻲ .. ﺣﺠﻲ .

ﻣﻤﻨﻮﻉ ﻭﻱ ﺍﻟﻮﻟﺪ ﻭﻣﺎﻛﻮ ﻛﺮﻭﺑﺎﺕ ﺑﺤﻴﺚ ﺍﻧﻲ ﻟﻮ

ﻣﻨﺘﻈﺮ ﻫﻴﺞ ﻣﺪﺧﻞ ﻣﺎ ﺍﺑﻘﻰ ﻻﻥ ﺣﻴﻞ ﻳﻈﻐﻂ

ﻋﻠﻴﻪ ﺑﺲ ﺍﻧﻲ ﻣﺴﺘﺤﻤﻠﺘﻪ ﻻﻥ ﺍﺣﺒﻪ ..

ﺭﻏﻢ ﻛﻞ ﻫﺬﺍ ﺍﺣﺐ ﻏﻴﺮﺗﻪ ﻭﻣﻦ ﺍﺷﻮﻓﻪ ﻳﻐﺎﺭ ..

ﻣﻮﺿﻮﻉ ﺍﻟﺰﻭﺍﺝ ﺍﺣﻨﺎ ﺣﺎﻟﻴﺎ ﺍﺛﻨﻴﻨﻪ ﺭﺍﻓﻀﻴﻦ ..

ﺍﻧﻲ ﺑﻌﺪﻧﻲ ﺧﺎﻳﻔﺔ ﻣﻦ ﻣﻬﻨﺪ ﻭﻫﻮ ﻳﻜﻮﻝ ﺧﻠﻴﻨﻪ

ﻧﺸﻮﻑ ﺭﺷﺎ .. ﺑﻠﻜﻲ ﺗﺰﻭﺝ ..

ﺭﺣﺖ ﻟﻘﺴﻢ ﻭﺑﺪﺍﻳﺔ ﺩﻭﺍﻡ ﻻﺯﻡ ﺍﺩﻓﻊ ﻓﻠﻮﺱ ..

ﻭﻫﻮﺳﺔ .. ﻫﻤﻴﻦ ﻧﻔﺲ ﺍﻟﻐﺮﻓﻪ ﺍﻧﻲ ﻭﺭﻏﺪ ﻭﻫﺪﻯ .

ﻭﺳﻼﺭ ﻫﻨﻪ ﺑﻌﺪﻫﻦ ﻣﺎ ﻣﺪﺍﻭﻣﺖ ﺭﺟﻌﺖ ﻻﻥ ﺷﻔﺖ

ﺩﻭﺍﻡ ﻣﺎ ﻣﺴﺘﻘﺮ ... ﻣﺮﺕ ﻋﻤﻲ ﺟﺎﺑﺖ ﻭﻟﺪ ..

ﻭﺭﺣﻨﺎ ﺑﺎﺭﻛﻨﺎﻟﻬﻢ ... ﻋﻤﻲ ﺧﻄﻴﺔ ﻓﺮﺣﺎﻥ ﻛﻠﺶ

ﻭﻣﺎ ﻣﺼﺪﻙ .. ﻳﺴﺘﺎﻫﻞ ﻫﻮ ﺍﺣﺴﻦ ﻭﺍﺣﺪ ﺑﻴﻬﻢ

ﻣﻦ ﺑﻴﺖ ﺟﺪﻱ ...

ﺭﺟﻌﺖ ﻟﻘﺴﻢ ﻻﻥ ﺩﻭﺍﻡ ﺍﺳﺘﻘﺮ ... ﺧﺎﺑﺮﺗﻨﻲ ﺍﻣﻲ ..

ﺳﻤﻴﺔ : ﻭﺑﺼﻮﺕ ﻣﺨﻨﻮﻙ .. ﺩﻳﻤﻪ ﺑﻴﺒﺘﺞ ﺍﺗﻮﻓﺖ ..

ﺩﻳﻤﺔ : ﻣﺎ ﺍﻋﺮﻑ ﻣﻦ ﺳﻤﻌﺖ ﺍﻟﺨﺒﺮ ﻣﺎ ﺍﺣﺲ ﺑﺸﻲ

ﺍﻟﻮﺍﺣﺪ ﻣﻦ ﻳﺴﻤﻊ ﻫﻴﺞ ﺧﺒﺮ ﻣﻔﺮﻭﺽ ﻳﺤﺰﻥ ..

ﺑﺲ ﺍﻧﻲ ﺣﺘﻰ ﻫﺬﺍ ﺍﻟﺸﻲ ﻣﺎ ﺳﻮﻳﺘﻪ ﺍﻳﺠﻮﺯ ﻫﺬﺍ

ﺍﻟﺤﻘﺪ ﺑﺒﺴﺒﻬﻢ ﺧﻠﻮﻧﻲ ﻫﻴﺞ ﺑﺪﻭﻥ ﻣﺸﺎﻋﺮ ..

ﻣﺎﻣﺎ ﻭﺍﻧﺘﻲ ﺭﻳﺤﺘﻠﻴﻬﻢ ...

ﺳﻤﻴﺔ : ﻫﻮ ﺍﻧﻲ ﻫﺴﺔ ﻳﻤﻬﻢ ﺑﺲ ﺍﺗﻌﺎﺭﻛﻦ ﻋﻤﺎﺗﺞ ﻭﻳﺎﻱ

ﻭﺣﺘﻰ ﻣﺤﺪ ﺳﻠﻤﺖ ﻋﻠﻴﻪ ﻳﺤﺴﺴﻨﻲ ﺍﻧﻲ ﻣﻮﺗﺘﻬﺎ

ﻭﺍﻳﻜﻮﻟﻦ ﺑﺴﺒﻲ ﻣﺎ ﺷﺎﻓﺖ ﺍﺑﻨﻬﺎ ..

ﺩﻳﻤﺔ : ﺍﻧﺘﻲ ﺷﺪﺧﻠﺞ ﺍﺻﻼ ﻟﻮ ﻣﻮ ﻫﻨﻪ ﻫﺴﺔ ﺃﺑﻮﻳﻪ ﻣﻮﺟﻮﺩ ﻳﻤﻨﻪ ﻭﻣﺎ ﻣﺤﺘﺎﺟﻴﻦ ﻟﻮﺍﺣﺪ ﺑﺲ ﻫﻢ ﺍﻟﺴﺒﺐ

ﺑﻜﻠﺸﻲ ﻋﺸﻨﺎﻫﺎ ﻣﻮ ﻫﻲ ﺭﺍﺩﺕ ﺗﺒﻌﺪﻩ ﻋﻨﺞ ﻫﺴﺔ

ﺿﻠﺖ ﺣﺴﺮﺓ ﻣﺎ ﺷﺎﻓﺘﻪ ..

ﺳﻤﻴﺔ : ﻣﺎﻣﺎ ﻋﻴﺐ ﻫﺬﺍ ﺍﻟﺤﺠﻲ ﻣﻬﻤﺎ ﻳﻜﻮﻥ ﺗﺒﻘﻰ

ﺑﻴﺒﺘﺞ .. ﻫﺴﺔ ﺍﻧﻲ ﺭﺍﺡ ﺍﺭﺟﻊ ﺑﻄﺮﻳﻖ ﻟﺒﻐﺪﺍﺩ ..

ﺩﻳﻤﺔ : ﻳﻤﻪ ﺗﺠﻴﻦ ﻟﻨﺠﻒ ﻭﻣﻨﺎ ﻫﻤﻴﻦ ﻧﺰﻭﺭ ﺧﺎﻟﻲ

ﺳﻤﻴﺔ : ﺍﻱ ﻭﺍﻟﻠﻪ ﺻﺎﻟﻲ ﻫﻮﺍﻱ ﻣﺎ ﺭﺍﻳﺤﺘﻠﻪ ..

ﺩﻳﻤﺔ : ﺧﻮﺵ ﻟﻌﺪ .. ﺍﻧﻲ ﻣﺎ ﺭﺍﺡ ﺍﺭﺟﻊ ﻭﻱ ﺍﻟﺨﻂ

ﺍﻧﺘﻈﺮﺝ

...

ﺍﻣﻲ ﺍﺟﺖ ﻫﻲ ﻭﻣﺼﻄﻔﻰ ﻳﻮﻡ ﺍﻟﺠﻤﻌﻪ ﻭﺟﺎﻧﺖ ﺍﻟﻨﺠﻒ

ﻣﺘﺮﻭﺳﺔ ﻧﺎﺱ ﻻﻥ ﺟﻤﻌﻪ ﻭﻛﻠﻬﺎ ﺍﺯﻭﺭ ﻣﻮﺗﻬﺎ ﺍﻣﻲ ﺭﺍﺣﺖ

ﺯﺍﺭﺕ ﺧﺎﻟﻲ ﻭﺿﻠﺖ ﺗﺒﺠﻲ ﻭﺍﻧﻲ ﻫﻤﻴﻦ ﺧﺎﻟﻲ ﺍﻃﻴﺐ

ﺍﻧﺴﺎﻥ ﺷﻔﺘﻪ ﺑﺤﻴﺎﺗﻲ ﺿﻠﻴﻨﻪ ﻛﺎﻋﺪﻳﻦ ﺳﺎﻋﻪ ﻗﺮﻳﻨﻪ ﻗﺮﺍﻥ ﻭﺷﻐﻠﻨﻪ ﺑﺨﻮﺭ ﻭﺭﺷﻴﻨﻪ ﻋﻠﻴﻪ ﻣﻲ ﻭﺭﺩ ﺷﻔﺖ

ﺍﻣﻲ ﻛﻠﺶ ﺍﻧﻬﺎﺭﺕ ﻭﻫﻤﻴﻦ ﺯﺭﻧﻪ ﺑﺒﺘﻲ ﺍﻡ ﺍﻣﻲ ..

ﺟﺎﻧﺖ ﺑﺼﻒ ﺧﺎﻟﻲ ..

ﺑﻌﺪﻳﻦ ﻛﻠﺘﻬﺎ ﺧﻠﻴﻨﻪ ﻧﺮﻭﺡ ﻧﺰﻭﺭ ﺑﻴﺒﺘﻲ ..

ﺭﺣﻨﻪ ﺑﻌﺪﻫﺎ ﻛﺒﺮﻫﺎ ﺟﺪﻳﺪ ... ﻫﻤﻴﻦ ﺯﺭﻧﻬﺎ ..

ﺑﻌﺪﻳﻦ ﻃﻠﻌﻨﻪ .. ﺭﺣﻨﺎ ﻟﻤﻄﻌﻢ ﺍﻛﻠﻨﻪ ﻛﺎﻟﺖ ﻣﺎﻣﺎ ..

ﺧﻠﻴﻨﻪ ﻧﺮﺟﻊ ..

ﺭﺣﻨﺎ ﺭﺟﻌﻨﺎ ﻟﺒﻴﺖ ..

ﻓﺘﺤﻨﻪ ﺍﻟﺒﺎﺏ ﺍﺳﻤﻊ ﺻﻮﺕ ﺭﺟﺎﻝ ﻣﻮ ﻏﺮﻳﺐ ﻋﻠﻴﻪ ﻳﺸﺒﻪ

ﺻﻮﺕ ﺑﺎﺑﺎ ﻭﺻﻠﻨﻪ ﻟﻜﻴﻨﻪ ﻣﻨﺘﻈﺮ ﻛﺎﻋﺪ ﻭﻱ ﺑﺎﺑﺎ ﻣﺼﻄﻔﻰ ﺍﻭﻝ ﻣﺎ ﺷﺎﻑ ﺑﺎﺑﺎ ﺭﺍﺡ ﺷﺒﻜﻪ ﻭﺿﻞ ﻳﺒﻮﺱ ﺑﻴﻪ ..

ﺍﻧﻲ ﺿﻠﻴﺖ ﺑﻤﻜﺎﻧﻲ ﺍﺣﺲ ﺍﻟﺪﻣﻌﻪ ﻧﺰﻟﺖ ﻣﻦ ﻋﻴﻨﻲ

ﺑﻌﺪ ٨ ﺳﻨﻮﺍﺕ ﺍﺷﻮﻓﻪ ﺑﻌﺪﻳﺶ ﺍﺟﻪ ﺍﺗﻘﺪﻡ ﻋﻠﻴﻪ

ﺳﻠﻢ ﺍﻧﻲ ﺑﺎﺩﻟﺘﻪ ﺍﻟﺴﻼﻡ ﺑﺒﺮﻭﺩ ﺑﺪﻭﻥ ﺍﻱ ﻟﻬﻔﺔ ...

ﺑﻌﺪﻳﻦ ﺭﺣﺖ ﺻﻌﺪﺕ ﻛﻠﺘﻠﻬﻢ ﺗﻌﺒﺎﻧﻪ ...

ﻭﺻﻠﺖ ﻟﻐﺮﻓﻪ ﻭﺍﻧﻲ ﺍﺣﺲ ﻧﻔﺴﻲ ﻣﺨﻨﻮﻛﺔ ﻟﻴﺶ ﺍﺟﻪ

ﻫﺴﺔ ﺷﻴﺮﻳﺪ ﻣﻦ ﻋﻨﺪﻧﻪ ﻭﺍﻛﻴﺪ ﺭﺍﺡ ﻳﺮﻭﺡ .. ﻛﻠﺖ

ﻣﺎ ﺍﻓﻜﺮ ﺑﻴﻪ ﻣﺜﻞ ﻣﺎﻫﻮ ﻣﺎ ﻳﻔﻜﺮ ﺑﻴﻨﻪ ﻉ ﺷﻨﻮ ﻣﺘﻌﺒﻪ

ﺭﻭﺣﻲ ﻧﻤﺖ .. ﺍﻟﻤﻐﺮﺏ .. ﻧﺰﻟﺖ ..

ﺳﻤﻌﺖ ﺑﺎﺑﺎ ﻳﺤﺠﻲ ﻭﻱ ﻭﺣﺪﺓ ﺑﻤﻮﺑﺎﻳﻞ ﺑﺲ ﺣﺠﻴﻬﻢ

ﺑﺎﻧﻜﻠﻴﺰﻱ ﺣﺎﻭﻟﺖ ﺍﻓﻬﻢ ﺷﻲ ﻣﺎﻛﻮ .. ﺷﺎﻓﻨﻲ ﻫﻮ ﻭﺳﺪﺍﻩ

ﺍﻟﻤﻮﺑﺎﻳﻞ ..

ﺍﺑﻮ ﺩﻳﻤﺔ : ﺗﻌﺎﻟﻲ ﺑﺎﺑﺎ ﻣﺎ ﺷﻔﺘﺞ ..

ﺩﻳﻤﺔ : ﻧﺰﻟﺖ ﻭﺍﻧﻲ ﺍﺻﻼ ﻣﺎ ﺍﺭﻳﺪ ﺍﻋﺎﺗﺒﻪ ﻻﻥ ﺍﻳﻜﻮﻟﻮﻥ ﻳﺼﻴﺮ ﺍﻻﻋﺘﺎﺏ .. ﺑﺲ ﻟﺸﺨﺺ ﺍﻟﻌﺰﻳﺰ ..

ﺭﺣﺖ ﻛﻌﺪﺕ ﻭﻫﻮ ﻳﺴﻮﻟﻒ ﺍﻧﻲ ﺑﺎﻟﻲ ﻣﻮ ﻳﻤﻪ ..

ﺭﺣﺖ ﺳﺎﻋﺪﺕ ﺍﻣﻲ ﺍﺷﻮﻓﻬﺎ ﻋﺎﺩﻱ ﻭﻻ ﻣﻬﺘﻤﻪ ﺣﺘﻰ

ﻣﻦ ﺳﻠﻤﺖ ﻋﻠﻴﻪ ﻫﻴﺞ ﺑﺪﻭﻥ ﺍﻱ ﻟﻬﻔﻪ ﻋﺮﻓﺖ ﻣﺎﻣﺎ

ﺑﻌﺪ ﻫﺎﻱ ﻫﻲ ﻧﺴﺖ ﺑﺎﺑﺎ ..

ﻗﻤﻨﻪ ﺑﻮﺍﺟﺒﻪ ﻣﺜﻞ ﺍﻱ ﻭﺍﺣﺪ ﻏﺮﻳﺐ ...

ﺿﻞ ﻳﻤﻨﻪ ﺑﻌﺪﻳﻦ ﺭﺍﺡ ﻣﺎ ﻓﺮﻕ ﻋﻨﺪﻱ ﻫﺬﺍ ﺍﻟﺸﻲ ..

ﺍﺻﻼ ﻣﻦ ﺟﺎﻥ ﻳﻤﻨﻪ ﺍﺣﺴﺔ ﻣﻀﺎﻳﻘﻨﻲ ﻭﻣﺎ ﻣﺎﺧﺬﺓ ﺭﺍﺣﺘﻲ ...

ﺭﺣﺖ ﻟﻘﺴﻢ ﺭﺟﻌﺖ .. ﻭﺣﺘﻰ ﺧﺠﻼﻧﻪ ﺍﺣﺠﻲ ﻉ ﺃﺑﻮﻳﻪ

ﻣﺎ ﺣﺠﻴﺖ ﺣﺘﻰ ﻟﺮﻏﺪ ...

ﺑﺲ ﺍﺣﺲ ﺭﻏﺪ ﻣﺘﻐﻴﺮﺓ ... ﺍﺣﺲ ﺑﻴﻬﺎ ﻣﺒﺘﻌﺪﺓ .. ﺍﺷﻮﻓﻬﺎ

ﻣﻮﺑﺎﻳﻠﻬﺎ ﺩﺍﺋﻤﺎ ﺑﻴﺪﻫﺎ ﻭﺗﺤﺠﻲ ﻭﺭﺳﺎﻳﻞ .. ﺍﻧﻲ ﺍﺳﺎﻟﻬﺎ

ﺍﺗﻜﻮﻟﻲ ﺍﻫﻠﻲ ﺑﺲ ﻫﻲ ﻋﻨﺪﻫﺎ ﺷﻲ .. ﻭﻣﺎ ﺍﻋﺮﻓﻪ ﺩﺍﺋﻤﺎ ﺗﺘﻬﺮﺏ ﻣﻨﻲ ﻭﺍﺑﺘﻌﺪﺕ ﻛﻠﺶ ..

ﻉ ﺍﻟﺮﻏﻢ ﺍﻧﻲ ﻛﻠﺸﻲ ﺍﺣﺠﻴﻠﻬﺎ ﺑﺲ ﻫﻲ ﻣﺎ ﺗﺤﺠﻴﻠﻲ ..

ﻛﻠﺖ ﻟﺴﻴﻒ ﻛﺎﻝ ﻻﺗﻬﺘﻤﻴﻦ ﺍﻧﻲ ﺍﺻﻴﺮ ﺍﻫﻠﺞ ﻭﺻﺪﻳﻘﺞ ﻭﺣﺒﻴﺒﺞ ﻛﻠﺶ ﺗﻌﻠﻘﺖ ﺑﻴﻪ ﺻﺎﺭ ﻫﻮ ﻣﻨﺒﻊ ﺍﺳﺮﺍﺭﻱ ..

ﺍﻱ ﺷﻲ ﺍﺣﺠﻴﻠﻪ ﻣﺎ ﺃﺿﻢ ﻋﻠﻴﻪ ﺷﻲ ...

ﺻﺎﺭﺕ ﻋﻄﻠﺔ ﻧﺼﻒ ﺍﻟﺴﻨﻪ .. ﻧﺰﻟﺖ ﻻﻫﻠﻲ ﺣﻨﻴﻦ ﺟﺎﺑﺖ

ﺑﻨﻮﺗﻪ ﺳﻤﺘﻬﺎ ﻟﻴﻤﺎﺭ .. ﺭﺣﺖ ﻋﻠﻴﻬﺎ .. ﻟﻜﻴﺘﻬﺎ ﺑﻌﺪﻫﺎ ﺗﻌﺒﺎﻧﻪ ﻣﺎ ﺿﻠﻴﺖ ﻭﻳﺎﻫﺎ ﺷﻮﻱ ﻭﺭﺟﻌﺖ .. ﻻﻥ ﺷﻔﺘﻬﻢ ﻫﻮﺳﺔ ..

ﺛﺎﻧﻲ ﻳﻮﻡ ﺧﺎﺑﺮﺗﻨﻲ ﻭﻛﺎﻟﺖ ﺗﻌﺎﻟﻲ ﺍﻟﻲ ﻫﻮ ﺳﺎﻣﺮ ﻣﺎ ﺧﻠﻬﺎ

ﺗﺮﻭﺡ ﻟﺒﻴﺖ ﺟﺪﻭ .. ﺿﻠﺖ ﺍﻫﻨﺎﻙ ﻣﻨﺘﻈﺮ ﻭﺻﻠﻨﻲ ﻻﻥ ﻳﻌﺮﻓﻮﻥ ﺣﻨﻴﻦ ﻣﺘﻌﻠﻘﺔ ﺑﻴﻪ ﺳﻴﻒ ﻛﺎﻝ ﺍﺭﻳﺪ ﺍﺷﻮﻓﺞ

ﺑﻤﺎ ﺍﻧﺘﻲ ﺭﺍﺡ ﺗﺠﻴﻦ ﻳﻤﻨﻪ .. ﺩﺧﻠﺖ ﻟﺒﻴﺖ ﺳﻠﻤﺖ ﻉ ﺍﻡ

ﺳﺎﻣﺮ ﻭﻋﻤﺘﻬﻢ ﺣﺴﻴﺘﻬﺎ ﻋﻤﺘﻬﻢ ﺛﻜﻴﻠﻪ ﺳﻠﻤﺖ ﻋﻠﻴﻬﺎ .

ﺻﻌﺪﺕ ﻟﺤﻨﻴﻦ ﺷﻔﺘﻬﺎ ﺍﻟﻴﻮﻡ ﺍﺣﺴﻦ ﺑﺎﻭﺳﺘﻬﺎ ..

ﺩﻳﻤﺔ : ﺣﺒﻲ ﺣﻨﻴﻦ ﺍﺷﻠﻮﻧﺞ ..

ﺣﻨﻴﻦ : ﺍﻟﻴﻮﻡ ﺍﺣﺴﻦ ﺍﺍﻛﺪﺭ ﺍﻛﻮﻡ ﺍﻛﻠﺞ ﺍﺷﻮ ﺳﺎﻣﺮ ﻛﺎﻝ

ﻳﺠﻲ ﺳﻴﻒ ..

ﺩﻳﻤﺔ : ﺍﻱ ﺍﻳﺮﻳﺪ ﺍﻳﺸﻮﻓﻨﻲ ﻫﻮ ﻛﺎﻝ ..

ﻭﺍﺛﻨﺎﺀ ﻣﺎ ﺩﻧﺤﺠﻲ ﺩﺧﻞ ﺳﻴﻒ ...

ﺣﻨﻴﻦ ﻟﺒﺴﺖ ﺣﺠﺎﺏ ... ﻭﺿﻠﻴﻨﻪ ﻧﺴﻮﻟﻒ ﻭﻧﺸﺎﻗﺔ ﻭﺳﻴﻒ

ﻳﺼﻨﻒ ﻉ ﺳﺎﻣﺮ ﺍﺷﻠﻮﻥ ﻣﻦ ﺟﺎﺑﺖ ﺣﻨﻴﻦ ﻭﻫﻮ ﺧﺎﻳﻒ

ﺷﺒﻌﻨﻪ ﺿﺤﻚ ﺍﻧﻲ ﺟﻨﺖ ﻛﺎﻋﺪﺓ ﻉ ﺟﺮﺑﺎﻳﺔ ﺍﻧﻲ ﻭﺣﻨﻴﻦ

ﻭﻫﻮ ﻛﺎﻋﺪ ﻛﺮﺳﻲ ﻣﻘﺎﺑﻴﻠﻨﺔ ...

ﺣﻨﻴﻦ : ﺩﻳﻤﻪ ﺣﺒﻲ ﺑﺎﻟﺞ ﻉ ﻟﻤﻮﺭﺓ ﺭﺍﺡ ﺍﺟﻴﺒﻠﻜﻢ ﻋﺼﻴﺮ .

ﻭﺍﺟﻲ ﻣﻮ ﺗﻨﺴﻮﻫﺎ ﻭﻫﻲ ﺗﻐﻤﺰﻟﻨﻪ ...

ﻫﻲ ﺑﺲ ﺭﺍﺣﺖ ﺍﺟﻪ ﺳﻴﻒ ﻛﻌﺪ ﻳﻤﻲ ...

ﺑﻌﺪﻩ ﻣﺎ ﺣﺎﺟﻲ ﻭﻳﺎﻱ ﻭﺩﺧﻠﺖ ﻋﻤﺘﻬﻢ .. ﻋﻠﻴﻨﻪ ﺷﺎﻓﺘﻪ

ﻛﺎﻋﺪ ﺑﺼﻔﻲ ﻫﻲ ﻣﺎ ﺣﺠﺖ ﺷﻲ ﺑﺴﺮﻋﺔ ﻃﻠﻌﺖ ﺍﻧﻲ ﺍﻫﻨﺎ ﺿﻠﻴﺖ ﺧﺎﻳﻔﺔ ﻉ ﺍﻟﺮﻏﻢ ﻣﺎ ﻣﺴﻮﻳﻦ ﺷﻲ ﺣﺘﻰ ﻫﻮ ﺻﺢ ﻛﺎﻋﺪ ﻉ ﺟﺮﺑﺎﻳﻪ ﺑﺲ ﺟﺎﻧﺖ ﻟﻴﻤﺎﺭ ﺑﻨﺼﻨﻪ ﻭﻫﻮ ﺑﻌﻴﺪ ﺑﺲ ﻫﻲ ﻋﻤﺘﻬﻢ ﺿﻠﺖ ﺗﺒﺎﻭﻉ ﺣﺴﻴﺖ ﺍﺗﺮﻳﺪ ﺍﺗﻜﻮﻝ

ﺷﻲ ﺑﺲ ﻣﺎ ﺍﻋﺮﻑ ﺷﻨﻮ ﻟﺰﻣﻬﺎ ...

...

ﺳﻴﻒ ﻣﺎ ﺑﻘﻰ ﻫﻮﺍﻱ ﺷﻮﻱ ﻭﺭﺍﺡ ... ﺍﺟﺖ ﺩﻳﻤﻪ ..

ﻭﺍﺣﻨﺎ ﻛﺎﻋﺪ ﻧﺴﻮﻟﻒ ﻭﻧﻠﻌﺐ ﺑﻠﻴﻤﺎﺭ ﻣﺎ ﺍﺣﺲ ﺍﻻ

ﺍﻟﺒﺎﺏ ﺍﻧﺪﻓﻊ ﻋﻤﺘﻬﻢ ﻭﻋﻴﻮﻧﻬﺎ ﺷﺮﺍﺭ ..

ﻛﺎﻟﺖ ﺷﻨﻮ ﻫﺎﻱ ﺍﻟﺴﻮﺍﻟﻒ ﺍﻧﺘﻦ ﻣﺎ ﺗﺴﺘﺤﻦ ﻭﺍﻧﺘﻲ ﺣﻨﻴﻦ

ﻓﺎﺗﺤﺔ ﻏﺮﻓﺘﺞ ﻟﻐﺮﺍﻣﻴﺎﺕ ... ﻭﺍﻧﺘﻲ ﺍﺷﻠﻮﻥ ﺍﺗﻘﺒﻠﻴﻦ

ﻟﻨﻔﺴﺞ ﺗﺒﻘﻴﻦ ﻭﻱ ﻭﻟﺪ ﺑﻐﺮﻓﻪ ﻧﻮﻡ ﺟﺎﻥ ﺍﺳﺘﺤﻴﺘﻲ ﻉ ﻧﻔﺴﺞ ﺑﺲ ﺍﻧﺘﻲ ﻣﻜﻴﻔﻪ ﻟﻮﺿﻮﻉ ...

ﻭﺑﻴﻬﺎ ﻣﺎ ﺗﻌﻠﻲ ﺻﻮﺗﻬﺎ ﻛﻠﻬﺎ ﺳﻤﻌﺘﻬﺎ ... ﺍﻧﻲ ﺍﻫﻨﺎ ﺷﻜﺪ ﺧﺠﻠﺖ ﺍﺭﻳﺪ ﺍﺣﺠﻲ ﻣﺎ ﺗﺨﻠﻴﻨﻲ ﺣﺘﻰ ﺣﻨﻴﻦ ﻣﺎ ﺧﻠﺘﻬﺎ

ﺗﺤﺠﻲ .. ﻭﻫﻲ ﺍﺻﻴﺢ ﻳﺎ ﻋﻴﺒﺘﻪ ﺍﻟﻌﻴﺒﻪ ﻓﺎﺗﺤﻴﻦ ﺑﻴﺖ

ﻟﻮ ﻣﻠﻬﻰ ﺣﺴﻴﺖ ﻣﺘﻘﺼﺪﺓ ﺍﺳﻮﻱ ﻫﺬﺍ ﺍﻟﺸﻲ ﻧﺰﻟﺖ

ﻭﻫﻲ ﺑﻌﺪﻫﺎ ﺗﺤﺠﻲ ... ﺿﻠﺖ ﺗﻌﻠﻲ ﺑﺼﻮﺗﻬﺎ ..

ﻭﺗﻜﻮﻝ ﺑﻨﺎﺕ ﺍﺧﺮ ﻭﻛﺖ ﺗﻜﻌﺪ ﻭﻱ ﺭﺟﺎﻝ ﻏﺮﻳﺐ

ﻭﺗﻜﺎﺑﻠﺔ ﺑﻐﺮﻓﻪ ﺍﻟﻨﻮﻭﻡ ..

ﺍﻟﺘﻔﺖ ﻋﻠﻴﻪ ﺣﻨﻴﻦ ..

ﺣﻨﻴﻦ : ﺩﻳﻤﻪ ﺍﺷﻠﻮﻥ ﺷﺎﻓﺘﻜﻢ .. ﺷﺴﻮﻳﺘﻮ ..

ﺩﻳﻤﺔ : ﻟﺞ ﻣﺎ ﻣﺴﻮﻳﻦ ﺷﻲ ﻫﻮ ﺍﺻﻼ ﻛﺎﻋﺪ ﻉ ﺟﺮﺑﺎﻳﺔ

ﻭﺣﺘﻰ ﺑﻌﻴﺪ ﻋﻨﻲ ﻫﻲ ﺩﺧﻠﺖ ﻭﺷﺎﻓﺘﻨﻪ ﻭﻋﺎﺩﻱ ﻳﻌﻨﻲ

ﺣﻨﻴﻦ : ﻫﺎﻱ ﻣﺎ ﺗﻌﺮﻓﻴﻬﺎ ﻟﺞ ﺗﻤﻮﺕ ﻉ ﺍﻟﻤﺸﺎﻛﻞ ﻭﻫﺴﺔ ﺷﻮﻓﻲ ﺍﺷﻠﻮﻥ ﺭﺍﺣﺖ ﺍﺳﻮﻳﻬﺎ ﺟﺒﻴﺮﺓ .. ﻫﻲ ﺧﺎﻓﺖ ﻣﻦ ﺳﻴﻒ ﻭﻣﺎ ﺣﺠﺖ ﻻﻥ ﺗﻌﺮﻓﻪ ﻋﺼﺒﻲ ﺑﺲ ﺧﻠﻲ ﻳﺠﻲ

ﺳﺎﻣﺮ ﺍﻻ ﺍﻛﻠﻪ ..

ﺍﺳﻤﻊ ﺍﻡ ﺳﺎﻣﺮ ﻭﺍﻟﺤﺠﻴﻪ ﺍﺳﻤﻌﻬﻦ ﺍﻳﺼﻴﺤﻦ ﻳﻤﻪ ﺍﻧﺰﻟﻦ

ﺧﻠﻴﻨﻪ ﻧﻔﺘﻬﻢ .. ﺷﻨﻮ ﺷﺼﺎﻳﺮ ..

ﻧﺰﻟﺖ ﺍﻧﻲ ﻭﺣﻨﻴﻦ ﺑﺲ ﺷﻨﻮ ﺍﺭﺟﻒ ﻭﻻﺯﻣﺔ ﺍﻳﺪ ﺣﻨﻴﻦ

ﺍﺳﺘﺤﻲ ﺍﺑﺎﻭﻉ ﺑﻮﺟﻬﻦ .. ﻟﻜﻴﺖ ﺍﻟﺤﺠﻴﺔ ﻛﺎﻋﺪﺓ ﻉ ﺍﻟﺘﺨﻢ

ﻭﻳﻤﻬﺎ ﺍﻡ ﺳﺎﻣﺮ ﻭﻉ ﺍﻟﺠﻬﺔ ﺍﻟﺜﺎﻧﻴﺔ ﻫﻲ ﻫﺎﻱ ﻋﻤﺘﻬﻢ ﺑﺲ ﺗﺨﻨﺰﺭ ﺑﻴﻪ ..

ﺍﻟﺤﺠﻴﺔ ﻛﺎﻟﺖ ﺗﻌﺎﻟﻲ ﻳﻤﻲ ﺍﻛﻌﺪﻱ ..

ﺍﻧﻲ ﺭﺣﺖ ﻭﺣﻨﻴﻦ ﻭﻳﺎﻱ .. ﻛﻌﺪﺕ ﺑﺲ ﻣﻨﺰﻟﺔ ﺭﺍﺳﻲ

ﺍﺳﺘﺤﻲ ﻣﻨﻬﻢ ﻭﺧﺼﻮﺻﺎ ﺑﻌﺪ ﻣﺎ ﺣﺠﺘﻪ ﻋﻤﺘﻬﻢ ..

ﺣﺠﺖ ﺍﻡ ﺳﺎﻣﺮ ..

ﺧﺎﻟﺔ ﺍﻧﺘﻲ ﻉ ﻋﻴﻨﻪ ﻭﺭﺍﺳﻨﻪ ﻭﺍﻟﺒﻴﺘﺞ ﺑﻴﺘﺞ ﺷﻮﻛﺖ ﻣﺎ ﺗﺠﻴﻦ ﻣﺮﺣﺐ ﺑﻴﺞ ﺑﺲ ﺍﺣﻨﺎ ﻣﺎ ﻧﺮﻳﺪ ﺍﺻﻴﺮ ﻫﺎﻱ ﺍﻟﻤﻮﺍﺿﻴﻊ ﻭﺧﺼﻮﺻﺎ ﺍﻧﺘﻮ ﺑﻌﺪﻛﻢ ﺷﺒﺎﺏ ﻣﺎ ﻳﺼﻴﺮ

ﺗﺒﻘﻴﻦ ﺑﻐﺮﻓﺔ ..

ﺍﻧﻲ ﺍﺑﺠﻲ ﻭﻣﻨﺰﻟﺔ ﺭﺍﺳﻲ ﻣﻮﻗﻒ ﻛﻠﺶ ﺻﻌﺐ ...

ﻛﻠﺘﻬﺎ ﺧﺎﻟﺔ ﻭﺍﻟﻠﻪ ﻣﻮ ﺑﻮﺣﺪﻧﻪ ﺍﻧﻲ ﻭﺣﻨﻴﻦ ﻛﺎﻋﺪﻳﻦ

ﺑﺲ ﻫﻲ ﺭﺍﺣﺖ ﺍﺟﻴﺐ ﻋﺼﻴﺮ .. ﺍﺻﻼ ﺟﺎﻧﺖ ﻭﻳﺎﻧﻪ ..

ﻫﻲ ﺣﺠﺖ ..

ﺧﺎﻟﺔ ﺍﺩﺭﻱ ﺑﻴﻪ ﻫﻮ ﺭﺍﻳﺪﺝ ﺑﺲ ﺍﻧﺘﻲ ﻻ ﺗﺮﺧﺼﻴﻦ ﻧﻔﺴﺞ ﺍﻟﻪ ﺍﻟﺒﻨﻴﺔ ﺷﻤﺎ ﺗﻜﻮﻥ ﺛﻜﻴﻠﺔ ﺭﺍﺡ ﻳﺤﺒﻬﺎ ﺍﻟﺸﺎﺏ ..

ﺍﻧﻲ ﺍﻫﻨﺎ ﻟﻮ ﻳﺬﺑﺤﻮﻧﻲ ﻣﺎ ﻳﻠﻜﻮﻥ ﺑﻴﻪ ﻗﻄﺮﺓ ﺩﻡ ﻉ ﺍﻟﺸﻔﺘﻪ .. ﺑﻘﻦ ﻳﺤﺠﻦ .. ﺑﻌﺪﻳﻦ ﺍﻧﻲ ﺻﻌﺪﺕ ﻟﻐﺮﻓﺔ ﺣﻨﻴﻦ

ﺧﺎﺑﺮﺕ ﻉ ﻣﻨﺘﻈﺮ ﻳﻮﺻﻠﻨﻲ ﺑﻘﺖ ﺣﻨﻴﻦ ﺗﺤﺠﻲ ﻭﻳﺎﻱ

ﻭﻫﻲ ﺗﻜﻮﻝ ﺧﻠﻴﻬﺎ ﺗﻮﻟﻲ ﻭﻣﻌﻠﻴﺞ ﺑﻴﻬﺎ ...

ﺍﺟﻞ ﻣﻨﺘﻈﺮ ﻧﺰﻟﺖ ﺣﺘﻰ ﻣﺎ ﺳﻠﻤﺖ .. ﺻﻌﺪﺕ ﺑﺴﻴﺎﺭﺓ

ﻣﺎ ﺣﺠﻴﺖ ﺷﻲ ﻣﻨﺘﻈﺮ ﺍﻧﺘﺒﻪ ﻋﻠﻴﻪ ﻭﺻﻞ ﻳﺴﺄﻝ ..

ﻛﻠﻴﺘﻠﻪ ﻣﺎ ﻛﻮ ﺷﻲ ﺑﺲ ﻣﻦ ﻭﺭﺍﺀ ﺑﺠﻲ ﺑﻨﺖ ﺣﻨﻴﻦ

ﺷﻮﻱ ﺭﺍﺳﻲ ﻳﻮﺟﻌﻨﻲ ﻭﻫﻮ ﻣﺎ ﻟﺢ ﻋﻠﻴﻪ ..

ﻭﺻﻠﻨﻪ ﺭﺣﺖ ﺻﻌﺪﺕ ﻟﻐﺮﻓﺔ ﺍﺑﺠﻲ ﺍﻧﻘﻬﺮﺕ ﻻﻥ ﻛﺪﺍﻡ

ﺍﻡ ﺳﺎﻣﺮ ﺑﻬﺬﺍ ﺍﻟﻤﻮﻗﻒ ﻫﺴﺔ ﺷﺘﺎﺧﺬ ﻋﻠﻴﻪ ﻣﻦ ﺍﻟﻨﻈﺮﺓ

ﺍﺧﺬﺗﻠﻲ ﻏﻔﻮﺓ ﺍﺳﻤﻊ ﺍﻟﺠﻬﺎﺯ ﻳﺪﻙ .. ﺷﻠﺘﻪ ﻣﻦ ﺟﻮﺓ ﺭﺍﺳﻲ .. ﺍﺷﻮﻑ ﺣﻨﻴﻦ ﺩﺍﻛﻪ ﻋﻠﻴﻪ ﻓﺘﺤﺖ ﻋﻠﻴﻬﺎ ﺧﻂ

ﺩﻳﻤﺔ : ﻫﺎ ﺣﻨﻴﻦ ﺷﻜﻮ ..

ﺣﻨﻴﻦ : ﻭﻟﺞ ﻫﺴﺔ ﺍﺟﻪ ﺳﺎﻣﺮ ﻭﻛﻠﻴﺘﻠﻪ ﻭﻣﺎ ﻗﺒﻞ ﻭﻛﺎﻡ ﻳﺤﺠﻲ ﻉ ﻋﻤﺘﻪ ﺩﺧﻞ ﺳﻴﻒ ﻭﺳﻤﻌﻪ ﻭﺻﻞ ﻳﻠﺢ ﺑﺴﺎﻟﻔﻪ

ﻣﻦ ﺻﺎﺭ ﻋﺼﺒﻲ ﻭﻛﺎﻡ ﻳﻔﻠﺶ ﺑﻐﺮﺍﺽ ..

ﻭﻫﺎﻱ ﻋﻤﺘﻪ ﺍﺗﻜﻮﻝ ﺍﺗﺮﻳﺪﻥ ﺗﻬﺠﻤﻦ ﺑﻴﺘﻨﻪ ﺍﺗﻜﻮﻟﻦ ﻟﺰﻟﻢ .

ﻭﺗﻬﻴﺠﻨﻬﻦ ﻋﻠﻴﻨﻪ ﻭﻻﺯﻡ ﺗﻮﺻﻞ ﺍﻟﺴﺎﻟﻔﺔ ﻻﻡ ﺩﻳﻤﻪ ..

ﺩﻳﻤﺔ : ﺍﻧﻲ ﺳﻤﻌﺖ ﻫﻴﺞ ﻟﻄﻤﺖ ﻉ ﺻﺪﺭﻱ ... ﻛﻠﺘﻬﺎ

ﺻﺪﻙ ..

ﺣﻨﻴﻦ : ﻟﺞ ﺩﺳﻤﻌﻲ ﺳﻴﻒ ﻣﻦ ﺳﻤﻊ ﻫﻴﺞ ﻛﺎﻝ ﻭﺧﻠﻘﻜﻢ

ﺍﺫﺍ ﺍﺳﻤﻊ ﻭﺍﺣﺪ ﻣﻮﺻﻞ ﺣﺠﻲ ﻻﻫﻞ ﺩﻳﻤﺔ ﺍﻻ ﺍﻫﺪ ﺍﻟﺒﻴﺖ

ﻋﻠﻴﻜﻢ ..

ﺩﻳﻤﺔ : ﻳﺎﺍ ﻭﻋﻤﺘﻪ ..

ﺣﻨﻴﻦ : ﻣﻦ ﺷﺎﻓﺘﻪ ﻫﻴﺞ ﺳﻜﺘﺖ ﺑﺲ ﺿﻠﺖ ﺗﺒﺎﻭﻋﻠﻲ ﺑﺤﻘﺪ ..

ﺩﻳﻤﺔ : ﺍﻛﻮﻟﺞ ﻳﻤﻜﻦ ﺳﻴﻒ ﻳﺪﻙ ﻋﻠﻴﻪ ...

ﺣﻨﻴﻦ : ﺍﻱ ﺍﻱ ﺭﻭﺣﻲ ﺭﺩﻱ ﻋﻠﻴﻪ ..

...

ﺭﺩﺕ ﻋﻠﻴﻪ ..

ﺩﻳﻤﺔ : ﻫﺎ ﺳﻴﻒ

ﺳﻴﻒ : ﻟﻴﺶ ﻣﺎ ﻛﻠﺘﻴﻠﻲ ﻭﺍﻟﻠﻪ ﻟﻮ ﻛﺎﻳﻠﺘﻠﻲ ﻣﺎ ﺍﺧﻠﻲ ﻭﺍﺣﺪ ﻳﻤﺴﺞ ﺑﻜﻠﻤﻪ ..

ﺩﻳﻤﺔ : ﺍﺗﻨﻬﺪﺕ ﺳﻴﻒ ﺍﻫﻠﻚ ﻣﺎ ﻗﺎﺑﻠﻴﻦ ﺑﻴﻪ ﻋﻠﻴﻪ ﺑﺪﻟﻴﻞ

ﺍﻟﻴﻮﻡ ﺍﻭﻝ ﻣﺎ ﺷﺎﻓﺘﻨﻲ ﻋﻤﺘﻚ ﺳﻤﻌﺘﻨﻲ ﺣﺠﻲ

ﺣﻨﻴﻦ : ﺑﻜﻴﻔﻬﻢ ﺗﺮﺓ ﺍﻟﻜﻼﻡ ﻛﻼﻣﻲ ﻣﺎ ﻋﻨﺪﻱ ﻧﺴﻮﺍﻥ ﺗﻤﺸﻲ ﻛﻠﻤﺘﻬﺎ ﻋﻠﻴﻪ ..

ﺿﻞ ﻳﺤﺠﻲ ﻭﻳﺎﻱ ﻭﻳﻬﺪﻳﻨﻲ ..

ﺳﻴﻒ ﻣﺠﺮﺩ ﻣﺎ ﻳﺤﺠﻲ ﻭﻳﺎﻱ ﻛﻠﻤﺘﻴﻦ ﺍﻧﺴﻰ ﻛﻠﺸﻲ

ﻋﻨﺪﻩ ﺍﺳﻠﻮﺏ ﺑﺎﻗﻨﺎﻉ

ﺧﻠﺼﺖ ﺍﻟﻌﻄﻠﺔ ﻭﺟﺎﻧﺖ ﻗﺼﻴﺮﺓ .. ﺭﺟﻌﻨﻪ ﻻﻗﺴﺎﻡ ..

ﺷﻔﺖ ﺍﻟﺒﻨﺎﺕ ﺳﻠﻤﺖ ﻋﻠﻴﻬﻦ ﺑﺲ ﺭﻏﺪ ﻛﻠﺶ ﻣﺘﻐﻴﺮﺓ

ﻳﻌﻨﻲ ﺍﺑﺪ ﻣﺎ ﺗﺤﺠﻲ ﻭﻳﺎﻱ ﺗﺘﻬﺮﺏ ﻣﻨﻲ ... ﻭﺍﻧﻲ ﻣﺎﻋﻨﺪﻱ

ﺻﺪﻳﻘﺎﺕ ﻫﻲ ﺑﺲ ﺭﻏﺪ ﺗﻌﺮﻑ ﻋﻨﻲ ﺍﻱ ﺷﻲ ﻭﻗﺒﻞ ﺣﻨﻴﻦ ﻫﺴﺔ ﺣﻨﻴﻦ ﻛﻞ ﻣﺎ ﺍﺧﺎﺑﺮﻫﺎ ﻟﻮ ﻣﺸﻐﻮﻟﺔ ﺑﻨﺘﻬﺎ

ﻟﻮ ﺷﻲ ﺍﺭﻳﺪ ﻭﺍﺣﺪ ﺍﺣﺠﻴﻠﻪ ﺧﺎﺑﺮﺕ ﺳﻴﻒ ..

ﻻﻥ ﻫﻮ ﺍﻟﻮﺣﻴﺪ ﻳﺴﻤﻌﻨﻲ ﺑﺪﻭﻥ ﻣﺎ ﻳﻤﻞ ﻣﻨﻲ ﻭﺍﻧﻲ ﺍﺭﺗﺎﺡ ﻣﻦ ﺍﺣﺠﻴﻠﻪ ﺑﺲ ﺭﻏﻢ ﻛﻞ ﻫﺬﺍ ﺍﺣﺘﺎﺝ ﺑﻨﻴﺔ

ﺍﺣﺠﻴﻠﻬﺎ .. ﺷﻔﺖ ﺭﻏﺪ ﻛﺎﻋﺪﺓ .. ﺭﺣﺖ ﻳﻤﻬﺎ

ﺩﻳﻤﺔ : ﺭﻏﺪ ﺍﻧﺘﻲ ﻟﻴﺶ ﻫﻴﺞ ﻣﺘﻐﻴﺮﺓ ..

ﺳﺎﻣﻌﻪ ﺷﻲ ﻣﻨﻲ ﺷﻨﻮ ﺍﻟﺴﺎﻟﻔﺔ ...

ﺭﻏﺪ : ﻻ ﺩﻳﻤﻪ ﻣﺎ ﻣﺘﻐﻴﺮﺓ ﺑﺲ ﺍﻧﺘﻲ ﺍﺗﺤﺴﻴﻦ ﻫﻴﺞ ﻣﺘﻐﻴﺮﺓ ..

ﺩﻳﻤﺔ : ﺑﺲ ﺭﺩﺕ ﺍﺣﺠﻲ .. ﻣﻮﺑﺎﻳﻠﻬﺎ ﺩﻙ .. ﻫﻲ ﻭﺟﻬﺎ ﺍﺗﻐﻴﺮ

ﺭﺍﺣﺖ ﺍﺧﺬﺕ ﺍﻟﻤﻮﺑﺎﻳﻞ ﺣﺘﻰ ﻣﺎ ﻛﺎﻟﺘﻠﻲ ...

ﺣﺎﻭﻟﺖ ﺍﻋﺮﻑ ﺷﻨﻮ ﻣﺎﻛﻮ ﺍﺑﺘﻌﺪﺕ ﺭﺍﺣﺖ ﻟﺤﺪﻳﻘﺔ ﻣﺎ ﻛﺪﺭﺕ ﺍﺭﻭﺡ ﻭﺭﺍﻫﺎ ....

ﻣﺮﺕ ﺍﻻﻳﺎﻡ ... ﻭﺍﻟﻮﺿﻊ ﻣﺜﻞ ﻣﺎ ﻫﻮ ﺇﻻ ﺃﻥ ﺑﺲ ﻳﻮﻡ ﺧﺎﺑﺮﻧﻲ ﺳﻴﻒ ..

ﺻﻮﺗﻪ ﻣﺘﻐﻴﺮ ﺑﻌﺪﻧﻲ ﻣﺎ ﻣﺴﻠﻤﻪ ﻋﻠﻴﻪ ﻫﻮ ﻛﺎﻝ ..

ﺳﻴﻒ : ﺩﻳﻤﺔ ﺍﻟﺒﻨﻴﺔ ﺍﻟﺤﺒﺴﺘﻜﻢ ﺑﺤﻤﺎﻡ ﻭﻳﻦ ﺻﺎﺭﺕ ..

ﺩﻳﻤﺔ : ﺍﻧﻘﻠﺖ ﺑﻐﻴﺮ ﻗﺴﻢ ﺍﻟﺤﻤﺪ ﻟﻠﻪ ﺧﻠﺼﻨﻪ ﻣﻨﻬﺎ ..

ﺳﻴﻒ : ﻫﻲ ﺷﻨﻮ ﻗﺼﺘﺞ ﻭﻳﺎﻫﺎ ﻣﺎ ﺍﺫﻛﺮ ﺷﺤﺠﻴﺘﻲ ..

ﺩﻳﻤﺔ : ﺳﻴﻒ ﺍﻟﻴﻮﻡ ﺍﺟﺎﺑﻬﺎ ﻉ ﺑﺎﻟﻚ ..

ﺳﻴﻒ : ﺍﺣﺠﻲ ﺑﻼ ﻟﻐﻮﺓ ﺯﺍﻳﺪﺓ ..

ﺩﻳﻤﺔ : ﺍﻧﻲ ﺍﻧﺼﺪﻣﺖ ﻫﺬﺍ ﺷﺒﻴﻪ ﺍﻟﻴﻮﻡ ﺍﺷﻮ ﻳﺤﺠﻲ ﻭﻳﺎﻱ ﻣﺎ ﺍﻋﺮﻑ ﺍﺷﻠﻮﻥ ..

ﻛﺘﻠﻪ ﺷﺒﻴﻚ ﻏﻴﺮ ﻋﻠﻤﻮﺩ ﺍﻟﺴﺮﺓ ﻣﺎﻝ ﺍﻟﺤﻤﺎﻣﺎﺕ ﻭﻫﻲ ﻫﻴﺞ ﺳﻮﺕ .. ﻭﻫﺬﺍ ﺻﺪﻳﻘﻚ ﺍﺑﻮ ﺍﻻﻣﻨﻴﻪ ﺷﺮﺣﻠﻚ ..

ﺳﻴﻒ : ﺍﻱ ﺯﻳﻦ ﻭﺍﻟﻮﻟﺪ ﺑﻘﺎﻧﻮﻥ ﺍﺷﻮ ﻣﺎ ﺟﺒﺘﻲ ﻃﺎﺭﻳﻪ ..

ﺩﻳﻤﺔ : ﻫﺎﺍ ﻣﻮ ﻫﻮ ..

ﺳﻴﻒ ﻭﺑﺼﻮﺕ ﻋﺎﻟﻲ ﻻ ﻣﻮ ﻣﻮ ﺍﺣﺎﻭﻝ ﺷﻜﺪ ﺍﻧﻄﻴﺞ ﺛﻘﺔ

ﻭﺍﻛﺘﺸﻒ ﺷﻲ ﺿﺎﻣﺘﻪ ﻋﻠﻴﻪ ..

ﺩﻳﻤﺔ : ﻭﺍﻧﻲ ﺍﺭﺟﻒ ﻣﻦ ﺻﻮﺗﻪ ...

ﻫﻮ ﺷﻲ ﻋﺎﺑﺮ ﻭﺧﻠﺺ ..

ﺳﻴﻒ : ﻻ ﻣﻮ ﺷﻲ ﻋﺎﺑﺮ ..

ﻭﻫﻮ ﻛﻞ ﻋﺼﻴﺒﺘﻪ ..

ﺷﻮﻓﻲ ﺩﻳﻤﺔ ﺍﺫﺍ ﺿﻤﻴﺘﻲ ﻋﻠﻴﻪ ﺷﻲ ﻣﺮﺓ ﺛﺎﻧﻴﻪ ﻭﻋﻠﻲ ﺍﻛﺴﺮ ﺭﺍﺳﺞ ﺍﻧﻲ ﺍﻟﻬﻮﺓ ﺍﻟﻤﻨﺞ ﻳﻌﺒﺮ ﺍﻋﺮﻑ ﺑﻴﻪ ...

ﻭﺳﺪﺍﻫﺎ ..

ﺍﻧﻲ ﺿﻠﻴﺖ ﺍﺑﺠﻲ ﻫﻮ ﺷﻤﺪﺭﻳﻪ ﺑﻬﺬﺍ ﺍﻟﻮﻟﺪ ﻭﺍﺻﻼ ﻫﻮ ﺳﺎﻋﺪﻧﻲ ﻳﺎﺭﺑﻲ ﻟﻴﺶ ﻫﻴﺞ ﺳﻴﻒ ﻭﻣﻨﻮ ﺍﻟﻮﺻﻠﻪ ﻫﺬﺍ ﺍﻟﺤﺠﻲ ﻣﻌﻘﻮﻟﺔ ﻧﺮﺟﺲ ﻣﺎ ﺟﺎﻥ ﻧﺎﻗﺼﻨﻲ ﺑﺲ ﻫﻲ

ﺑﻌﺪﻳﻦ ﺩﻙ ﻣﻮﺑﺎﻳﻠﻲ ﻫﻮ ﺑﺴﺮﻋﺔ ﺟﺎﻭﺑﺘﻪ ..

ﺳﻴﻒ : ﺑﺲ ﻛﻠﻴﻠﻲ ﺍﻛﻮ ﺍﺣﺪ ﻳﻌﺮﻑ ﺷﻨﻮ ﺍﺣﺠﻲ ﻭﻳﺎﺝ

ﻭﻟﺞ ﺣﺘﻰ ﻛﻼﻣﻲ ﺍﻟﺪﺍﺣﺠﻲ ﻳﻄﻠﻊ ﺍﺣﺠﻴﻠﻲ ﺍﻧﺘﻲ ﺍﻟﻤﻦ ﻣﺴﻮﻟﻔﻪ ﻫﺎﻱ ﺧﺼﻮﺻﻴﺎﺕ ..

ﺩﻳﻤﺔ : ﻭﺍﻟﻠﻪ ﻣﺎ ﺣﺎﺟﻴﻪ ﺷﻲ ...

ﻫﻮ ﻛﺎﻝ ﻳﻼ ﺍﻫﺪﺉ ﻣﺎ ﺻﺎﺭ ﺷﻲ ...

ﺍﻧﻲ ﻃﻮﻝ ﻫﺎﻱ ﺍﻟﻔﺘﺮﺓ ﺟﻨﺖ ﺣﺬﺭﺓ ﻣﺎ ﺍﺳﻮﻟﻒ ﻻﻱ ﻭﺍﺣﺪ ﻣﺎ ﺍﻋﺮﻑ ﻣﻨﻮ ﻳﻮﺻﻠﻪ ﺍﻟﺤﺠﻲ ﻛﻠﺸﻲ ﺍﺳﻮﻳﻪ ﻫﻮ ﻳﻌﺮﻑ ﺑﻴﻪ ﻛﻞ ﺧﻄﻮﺓ ﺍﺧﻄﻴﻬﺎ ﻳﻌﺮﻑ ﺑﻴﻬﺎ ﺍﻧﻲ ﻣﺎ ﺍﻋﺮﻑ ﻣﻨﻮ ﻳﻮﺻﻠﻪ ﺣﺠﻲ ﻭﺷﻴﺮﻳﺪ ﻣﻨﻲ ..

ﻣﺮﺓ ﺟﻨﺖ ﻛﺎﻋﺪﺓ ﺍﻛﻮﻱ ﺑﻤﻼﺑﺴﻲ .. ﻋﻠﻤﻮﺩ ﺍﻟﺪﻭﺍﻡ ﺧﺎﺑﺮﻧﻲ ﺳﻴﻒ ...

ﺍﺟﺎﻧﻲ ﺻﻮﺗﻪ ﻣﻌﺼﺐ ﻭﺑﺲ ﻳﺼﻴﺢ ﻭﻳﻐﻠﻂ ﺣﺘﻰ ﺑﻮﻛﺘﻬﺎ ﺍﺫﻛﺮﻩ ﻛﻔﺮ ..

ﺩﻳﻤﺔ : ﻓﻬﻤﻨﻲ ﺳﻴﻒ ﺷﻜﻮ ﻫﻴﺞ ﺍﺻﻴﺢ .. ﻟﻴﺶ ﻫﻴﺞ ﺗﻐﻠﻂ

ﺳﻴﻒ : ﺗﺪﺭﻳﻦ ﺍﻧﻲ ﻣﺼﺪﻭﻡ ﺑﻴﺞ ﻭﻟﺞ ﺍﻟﻜﻰ ﺻﻮﺭﺝ ﻋﻨﺪ

ﻭﻟﺪ ﺍﻧﺘﻲ ﺻﺪﻙ ﻣﺎ ﺗﺴﺘﺤﻴﻦ ﻭﺍﻻﺭﻗﺎﻡ ﺍﻟﻌﻨﺪﺝ ﺷﻨﻮ ﻫﺎﻱ

ﺍﻧﺘﻲ ﻭﺣﺪﺓ ﺣﻘﻴﺮﺓ ﺑﻌﺪ ﻣﺎ ﺍﺭﻳﺪ ﺍﻋﺮﻓﺞ ﺍﺻﻼ ﻣﺘﻨﺪﻡ

ﻻﻥ ﺣﺒﻴﺘﺞ .. ﻛﺮﻫﺘﺞ ﺑﻌﺪ ﻭﻣﺎ ﺍﺭﻳﺪﺝ ...

ﺍﻧﻲ ﺑﻘﻴﺖ ﺟﺎﻣﺪﺓ ﻫﺬﺍ ﺷﻴﺤﺠﻲ ﺣﺘﻰ ﻣﺎ ﺍﻧﻄﺎﻧﻲ ﻣﺠﺎﻝ ﺍﺑﺮﺭ ﺍﺣﺲ ﺩﻣﻮﻋﻲ ﺟﻔﻦ ﻣﻦ ﺍﻟﺼﺪﻣﺔ ﻣﺎ ﺍﻋﺮﻑ ﻣﻦ ﺍﻟﺤﺠﻲ ﺍﻭﻝ ﻣﺮﺓ ﺳﻴﻒ ﻫﻴﺞ ﻳﺤﺠﻲ ﻭﻳﺎﻱ ..

ﺟﻨﺖ ﻣﺨﻠﻴﻪ ﺟﺎﻱ ﻉ ﺍﻟﻨﺎﺭ ﻧﺴﻴﺘﻪ ﺭﺣﺖ .. ﺍﻃﻔﻲ

ﺍﻟﻄﺒﺎﺥ ﻛﺐ ﺑﻮﺟﻬﻲ ﻫﻤﺰﻳﻦ ﻣﺎ ﺍﺣﺘﺮﻛﺖ ﻃﻔﻴﺘﻪ

ﻭﻛﻌﺪﺕ ﺍﺑﺠﻲ ﺧﻠﻴﺖ ﺭﺍﺳﻲ ﺑﻴﻦ ﺭﺟﻠﻴﻪ ﻭﺍﺑﺠﻲ

ﺍﺫﻛﺮﺕ ﺭﻏﺪ ﻣﻦ ﺗﺨﺎﺑﺮ ﻭﺗﺘﻬﺮﺏ ﻣﻨﻲ ﻣﻌﻘﻮﻟﺔ ﻫﻲ ﻣﺴﺘﺤﻴﻞ ﺍﺳﻮﻳﻬﺎ ﺑﺲ ﻫﻲ ﻣﺘﻐﻴﺮﺓ ﻭﺩﺍﺋﻤﺎ ﺍﺷﻮﻓﻬﺎ ﺗﺨﺎﺑﺮ .. ﺭﺣﺖ ﺍﺩﻭﺭ ﻋﻠﻴﻬﺎ ﻭﺍﻧﻲ ﺍﺩﻣﻮﻋﻲ ﺍﺟﻒ ..

ﺷﻔﺘﻬﺎ ﺑﺤﺪﻳﻘﺔ ﻫﻤﻴﻦ ﻻﺯﻣﺔ ﻣﻮﺑﺎﻳﻠﻬﺎ ﻭﺗﺨﺎﺑﺮ ..

ﺭﺣﺖ ﻟﺰﻣﺘﻬﺎ ﻣﻦ ﺍﺩﻳﻬﺎ ..

ﺩﻳﻤﺔ : ﺭﻏﺪ ﺍﻧﺘﻲ ﺍﻟﺘﻮﺍﺻﻠﻴﻦ ﺍﺧﺒﺎﺭﻱ ﻟﺴﻴﻒ ﻭﻫﺴﺔ ﻣﺒﺘﻠﻴﻪ ﻋﻠﻴﻪ ..

ﺭﻏﺪ : ﺷﻨﻮ ﺩﻳﻤﺔ ﺳﻴﻒ ﺍﺻﻼ ﻻ ﺷﺎﻳﻔﺘﻪ ﻭﻻ ﻋﻨﺪﻱ ﻋﻼﻗﺔ ﻭﻳﺎﻫﺎ ﺣﺘﻰ ﺭﻏﻢ ﻣﺎ ﻋﻨﺪﻱ ..

ﺩﻳﻤﺔ : ﻟﻌﺪ ﻭﻳﺎﻣﻦ ﺗﺨﺎﺑﺮﻳﻦ ﻭﺗﺘﻬﺮﺑﻴﻦ ﻣﻨﻲ ..

ﺭﻏﺪ : ﻣﻌﻠﻴﺞ ﻫﺬﺍ ﺍﻟﺸﻲ ﺍﻟﻴﺨﺼﻨﻲ ﺭﻭﺣﻲ ﺣﻠﻲ ﻣﺸﺎﻛﻠﺞ

ﻭﻱ ﺳﻴﻒ ﻻ ﺩﺧﻠﻴﻨﻲ ﺑﻴﺞ ..

ﻫﻲ ﺭﺍﺣﺖ ﻭﺍﻧﻲ ﺻﺮﺕ ﺑﺪﻭﺍﻣﻪ ﻣﻨﻮ ﻫﺎﻱ ... ﺍﻟﺠﺎﻱ

ﺍﺗﺄﺫﻳﻨﻲ

ﺭﺟﻌﺖ ﻟﻐﺮﻓﻪ ﻣﺤﺪ ﺑﻴﻬﺎ ﺧﺎﺑﺮﺗﻨﻲ ﺣﻨﻴﺖ ﺟﻨﺖ ﻣﺤﺘﺎﺟﺘﻬﺎ ﺍﺭﻳﺪ ﺍﺳﻮﻟﻔﻠﻬﺎ ..

ﺣﻨﻴﻦ : ﺳﻴﻒ ﺳﺎﻓﺮ ﺍﻟﻴﻮﻡ ﺗﺪﺭﻳﻦ ﺑﻴﻪ ﻭﻳﻜﻮﻝ ﺑﻌﺪ ﺍﻧﻲ ﻭﺩﻳﻤﻪ .. ﺍﻧﺘﻬﺖ ﻋﻼﻗﺘﻲ ﺑﻴﻬﺎ .. ﻟﻴﺶ ﺗﻮﺻﻠﻴﻦ ﺍﻟﺤﺠﻲ ..

ﺩﻳﻤﺔ : ﻣﺴﺘﻌﺪﺓ ﺍﺣﻠﻔﻠﺞ ﺑﻘﺮﺍﻥ ﺍﻧﻲ ﻣﺎ ﻣﺴﻮﻳﻪ ﺷﻲ ﻭﺍﻟﻠﻪ ﻫﺬﺍ ﻭﺍﺣﺪ ﺩﻳﻮﺻﻠﻪ ﺣﺠﻲ ﻛﻠﻪ ﺧﻄﺎ ..

ﺣﻨﻴﻦ : ﻣﺎ ﺍﻋﺮﻑ .. ﺑﻌﺪ ..

ﺍﺳﻤﻊ ﺳﺎﻣﺮ ﺍﻳﻜﻮﻟﻠﻬﺎ ﺍﻧﻄﻴﻨﻲ ﺧﻠﻴﻨﻲ ﺍﺣﺠﻲ ﻭﻳﺎﻫﺎ

ﺳﺎﻣﺮ : ﺧﻮﻳﺔ ﺩﻳﻤﺔ ﻣﻮ ﺑﺲ ﻫﻴﺞ ﺗﺪﺭﻳﻦ ﺣﺘﻰ ﺭﺷﺎ ﻭﺍﺻﻠﺘﻬﺎ ﺭﺳﺎﻳﻞ ﻭﻛﺎﻳﻠﻴﻦ ﺍﻟﻬﺎ ﺳﻴﻒ ﻣﺎ ﻳﺤﺒﺞ ..

ﺧﻮﻳﺔ ﺍﻧﻲ ﻣﺎ ﺍﻋﺮﻑ ﺷﻨﻮ ﺍﻟﺼﺢ ﻭﺍﻟﺨﻄﺄ ﺑﺲ ﺳﻴﻒ

ﻛﺎﻝ ﻋﻼﻗﺘﻲ ﺍﻧﺘﻬﺖ ﺑﻴﻬﺎ ...

ﺍﻧﻲ ﺍﺑﺠﻲ ﻭﺍﺣﻠﻔﻬﻢ ﻭﻣﺎ ﻳﺼﺪﻛﻮﻥ ﻣﺎ ﺍﻋﺮﻑ ﺷﺴﻮﻱ ﻣﺎ ﻋﻨﺪﻱ ﺩﻟﻴﻞ ﻉ ﻧﻔﺴﻲ ﻻﺯﻡ ﺍﻛﺸﻒ ﺍﻟﺪﺍﻳﻮﺻﻞ ﺍﻟﺤﺠﻲ ﺍﻳﺴﻮﻱ ﻣﺸﺎﻛﻞ ﺑﻴﻨﻲ ﻭﺑﻴﻦ ﺳﻴﻒ ...

ﻣﻨﻮ ﻫﺬﺍ ﺿﻠﻴﺖ ﺍﻓﻜﺮ ﻣﺎ ﺍﺧﺎﺑﺮ ﺳﻴﻒ ﺍﻻ ﺍﻛﺸﻒ ﻣﻨﻮ ﻳﺴﻮﻱ ﻛﻞ ﻫﺬﺍ ﻭﺍﺧﻠﻲ ﻳﻨﺪﻡ ﻻﻥ ﺣﺠﺎﻧﻲ ﻫﻴﺞ ...

ﺍﺣﺲ ﺭﻭﺣﻲ ﻣﺨﻨﻮﻛﺔ ﺍﻟﻤﻦ ﺍﺳﻮﻟﻒ ﻫﻮ ﺟﺎﻥ ﺍﻟﻮﺣﻴﺪ ﻳﺴﻤﻌﻨﻲ ﻫﺴﺔ ﻣﻨﻮ ﺍﺣﺠﻴﻠﻪ ﺍﺣﺲ ﺭﻭﺣﻲ ﻭﺣﻴﺪﺓ ..

ﺑﺲ ﻻﺯﻡ ﺍﺻﻴﺮ ﻗﻮﻳﺔ ﻭﺍﻋﺮﻑ ﻣﻨﻮ ﻫﺬﺍ

...

يتبع

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤