رواية أنثى في معتقل الحب الجزء التاسع | النهاية

رواية أنثى في معتقل الحب الجزء التاسع | النهاية

للكاتبة زينب (عطر الورد)

...

ﮔﺎﻟﻠﻬﻪ 😍

ﻳﻤﺘﻪ ﺁﺧﺬﺝ ،

ﻭﺃﻛﺴﺮ ﻋﻴﻮﻥ ﺍﻟﻤﺎﺭﺿﻮﺍ , ﻫﺎﻟﺤﻠﻮﻩ ﺻﺎﺭﺕ ﻣﺎﻟﺘﻲ

ﻣﻔﻜﺮﻟﺞ ﺑﺰﻓﻪ ﻋﺮﺱ , ﺯﻓﻪ ﻓﺮﺍﺷﺔ ﻉ ﺍﻟﻮﺭﺩ

ﻳﺮﻭﺣﻠﺞ ﻓﺪﻭﻩ ﻭﻧﺬﺭ ﻧﺼﻬﻦ ﺑﻨﺎﺕ ﻭﻻﻳﺘﻲ

....

ﺩﻳﻤﺔ .....

ﺑﻌﻄﻠﺔ ﺑﺪﻳﺖ ﺍﺣﻈﺮ ﻟﻌﺮﺱ ﻃﺒﻌﺎ ﺍﺷﺘﺮﻳﺖ ﺟﻬﺎﺯ ﻛﺎﻣﻞ ﻣﺎﻝ ﻋﺮﺱ ﺳﻴﻒ ﺍﻧﻄﺎﻧﻲ ﻓﻠﻮﺱ ﻭﺍﻧﻲ ﻋﻨﺪﻱ ﻛﻮﻣﻪ ﻣﻼﺑﺲ ﺍﺷﺘﺮﻳﺖ ﺷﻲ ﻣﺤﺘﺎﺟﺘﻪ ... ﺧﻼﻝ ﺃﺳﺒﻮﻉ ﻳﻮﻣﻴﺔ ﺍﻧﻲ ﺍﺭﻭﺡ ﻟﺴﻮﻙ ﺧﻄﻴﺔ ﻣﺎﻣﺎ ﺗﻌﺒﺖ ﻭﻳﺎﻱ ...

ﻣﺎ ﺑﺎﻗﻲ ﻉ ﺍﻟﻌﺮﺱ ﺑﺲ ﻳﻮﻣﻴﻦ ﺭﺣﺖ ﺣﺠﺰﺕ ﺻﺎﻟﻮﻥ ..

ﻭﺣﺠﺰﺕ ﺑﺪﻻﺕ .. ﻛﻤﻠﺖ ﻛﻞ ﺷﻐﻠﻲ .. ﺳﻴﻒ ﺍﺧﺬ ﺍﺟﺎﺯﺓ ﻣﻦ ﺍﻟﺪﻭﺍﻡ ﺍﺳﺒﻮﻋﻴﻦ ﻭﺧﻄﺎﺭ ﻣﻦ ﻫﺴﺔ ﻣﻮﺟﻮﺩﻳﻦ ﻋﻨﺪﻫﻢ .. ﺍﻧﻲ ﺧﻼﻝ ﻫﺎﻱ ﻓﺘﺮﺓ ﻛﻞ ﻳﻮﻡ ﺍﺧﺎﺑﺮﺓ ﻭﺍﻧﻲ ﺍﺣﺲ ﺭﻭﺣﻲ ﺧﺎﻳﻔﺔ ﻫﻮ ﻳﻬﺪﺉ ﺑﻴﻪ ...

ﺍﺟﻪ ﻳﻮﻡ ﺍﻟﺤﻨﺔ ... ﺭﺣﺖ ﻟﺼﺎﻟﻮﻥ ﻣﻦ ﺍﻟﺼﺒﺢ ﻭﻳﺎﻱ ﺣﻨﻴﻦ

ﺟﺎﻧﺖ ﻗﺒﻠﻲ ٢ ﻋﺮﺍﻳﺲ ﺑﻌﺪﻳﻦ ﺧﻠﺼﺘﻬﻦ ﺍﺳﺘﻠﻤﺘﻨﻲ ﺍﻧﻲ

ﺳﻮﺗﻠﻲ ﺗﺴﺮﻳﺤﺔ ﻧﺎﺯﻟﻪ ﻭﺍﻧﻲ ﺟﺎﻥ ﺷﻌﺮﻱ ﻛﻠﺶ ﻃﻮﻳﻞ

ﻣﺎ ﺻﺒﻐﺘﻪ ﻻﻥ ﺟﺎﻥ ﺑﻴﻪ ﻟﻮﻥ ﺍﺷﻘﺮ ﺳﻴﻒ ﻣﺎ ﻗﺒﻞ ﺍﺻﺒﻐﺔ ﻭﺧﻠﺘﻠﻲ ﻣﻜﻴﺎﺝ ﺧﻔﻴﻒ ﻻﻥ ﻛﺎﻟﺖ ﻣﺎﻝ ﺣﻨﻪ

ﻃﻠﻌﺖ ﻛﻠﺶ ﺣﻠﻮﺓ ﻟﺒﺴﺖ ﺑﺪﻟﺔ ﻭﺭﺩﻱ ﻓﺎﺗﺢ ..

ﺣﻨﻴﻦ ﻫﻤﻴﻦ ﻣﻜﻴﺠﺘﻬﺎ ﺍﻡ ﺍﻟﺼﺎﻟﻮﻥ ﻭﺳﻮﺗﻠﻬﺎ ﺗﺴﺮﻳﺤﺔ

ﺍﺟﻪ ﻣﻨﺘﻈﺮ ﺍﺧﺬﻧﻪ ﻣﻦ ﺍﻟﺼﺎﻟﻮﻥ ﻃﺒﻌﺎ ﺳﻴﻒ ﻛﻠﺴﺎﻋﺔ

ﻭﻣﺘﺼﻞ ﻋﻠﻴﻪ ﺭﺳﻠﺘﻠﻪ ﺻﻮﺭ ﻭﺍﻧﻲ ﺑﻠﺒﺪﻟﺔ ﻛﺎﻝ ﺭﺍﺡ ﻫﺴﺔ ﺍﺟﻲ ﺍﺧﺬﺝ ﺑﻌﺪ ﻣﺎ ﺍﺗﺤﻤﻞ ﺿﺤﻜﺖ ﻉ ﺧﺒﺎﻟﺘﻪ ..

ﻛﻠﺸﻲ ﺑﻴﻪ ﻳﻨﺤﺐ ﻋﺼﺒﻴﺘﻪ ﺣﺒﻪ ﺣﻨﺎﻧﻪ ..

ﻭﺻﻠﻨﻪ ﻟﺒﻴﺖ ﻭﺟﺎﻥ ﻣﻮﺟﻮﺩﺍﺕ ﺻﺪﻳﻘﺘﻲ ﻋﺰﻣﺘﻬﻦ

ﻭﻣﺎﻣﺎ ﻋﺎﺯﻣﻪ ﺟﻮﺍﺭﻳﻦ ﻭﺧﺎﻻﺗﻲ ﻣﻮﺟﻮﺩﺍﺕ ..

ﺍﻭﻝ ﻣﺎ ﻭﺻﻠﺖ ﺻﺎﺭﺕ ﻫﻼﻫﻞ ﻭﺍﻏﺎﻧﻲ ..

ﻭﻛﻠﻬﺎ ﺗﺮﻛﺺ ﺍﻧﻲ ﻫﻤﻴﻦ ﺭﻛﺼﻨﻲ ﺟﺎﻧﺖ ﺭﻏﺪ ﻣﻮﺟﻮﺩﺓ ﺧﻼﻫﺎ ﺍﺣﻤﺪ ﺗﺠﻲ ﺳﻮﻳﻨﻪ ﺩﺍﺋﺮﺓ ﻭﺍﻧﻲ ﺑﻨﺼﻬﻢ ﺍﺭﻛﺺ

ﺑﺲ ﺍﺣﺲ ﺷﻲ ﺧﺎﻧﻜﻨﻲ ﻉ ﺍﻟﺮﻏﻢ ﺟﻮﺀ ﺯﻳﻦ ﺑﺲ ﺍﺣﺲ ﺑﺤﺮﺍﺭﺓ ﻭﻛﻮﺓ ﺍﺗﻨﻔﺲ ﻣﺎ ﺑﻴﻨﺖ ﻫﺬﺍ ﺍﻟﺸﻲ ﻛﻤﺖ ﺍﺿﺤﻚ

ﺍﺷﻮﻑ ﺍﻣﻲ ﻛﺎﻋﺪﺓ ﻳﻢ ﺧﻼﺗﻲ ﻭﻋﻴﻨﻬﺎ ﻋﻠﻴﻪ ...

ﻋﺮﻓﺖ ﺑﻴﻬﺎ ﻣﻘﻬﻮﺭﺓ ﻻﻥ ﺭﺍﺡ ﺍﺭﻭﺡ ﻣﺎ ﺍﺗﺤﻤﻞ ﺍﺷﻮﻓﻬﺎ ﻻﻥ ﺍﺑﺠﻲ ﺧﻠﺼﺖ ﺍﻟﺤﻔﻠﺔ ﻭﻛﻠﻬﺎ ﺭﺍﺣﺖ ﺑﻘﻦ ﺧﺎﻟﺘﻲ

ﻭﺣﻨﻴﻦ ...

ﺍﻧﻲ ﻧﺰﻋﺖ ﺍﻟﺒﺪﻟﺔ ﻭﺳﻴﻒ ﺧﺒﺼﻨﻲ ﺑﻼﺗﺼﺎﻻﺕ ..

ﻭﻣﻨﺎ ﺧﺎﻻﺗﻲ ﺧﺎﺑﺮﺗﻪ ﻣﺎ ﺑﻘﻴﺖ ﻭﻳﺎﻩ ﺷﻮﻳﻪ ﻭﻧﺰﻟﺖ ﻳﻢ ﺧﺎﻻﺗﻲ .. ﺑﻘﻦ ﻳﺤﺠﻦ ﻭﻳﻌﻠﻤﻨﻲ .. ﺍﺷﻠﻮﻥ ﺍﺗﻌﺎﻣﻞ ﻭﻱ ﺍﻻﻋﻴﺎﻝ ﻭﻣﻦ ﻫﺎﻱ ﺷﻐﻼﺕ ﺍﺟﺖ ﺣﻨﻴﻦ ﻭﻫﻲ ﺍﺳﻮﻟﻔﻠﻲ ﺍﺷﻠﻮﻥ ﺑﻠﻴﻠﻪ ﺍﻟﻌﺮﺱ ﺻﺮﺍﺣﺔ ﺍﻧﻲ ﺧﻔﺖ ﺷﻮﻱ ..

ﺑﻌﺪﻳﻦ ﻏﻴﺮﻧﻪ ﺍﻟﺴﺎﻟﻔﺔ .. ﺍﺟﺔ ﻣﻨﺘﻈﺮ ﻭﻛﻌﺪ ﻳﻤﻲ ﻭﻳﻮﺻﻴﻨﻲ ﺻﺮﺍﺣﺔ ﻣﻦ ﺷﻔﺖ ﻣﻨﻈﺮﻫﻢ ﻭﻫﻴﺞ ﻣﺠﺘﻤﻌﻴﻦ ﻭﻳﻮﻡ ﺍﺧﺮ ﻳﻮﻡ ﺍﻟﻴﻪ ﺍﻫﻨﺎ ﻛﻤﺖ ﺍﺑﺠﻲ ﺍﻣﻲ ﻣﻦ ﺷﺎﻓﺘﻨﻲ ﻫﻤﻴﻦ ﻛﺎﻣﺖ ﺗﺒﺠﻲ ﻣﺎ ﺗﺤﻤﻠﺖ ﺭﺣﺖ ﺣﻈﻨﺘﻬﺎ ﺻﻌﺐ ﻫﺬﺍ ﺍﻟﻤﻮﻗﻒ ...

ﺭﺍﺣﻦ ﺧﺎﻻﺗﻲ ﻭﺍﻧﻲ ﺻﻌﺪﺕ ﻓﻮﻙ ﺍﻧﻲ ﻭﺣﻨﻴﻦ ﻃﺒﻌﺎ ﻣﻼﺑﺲ ﺻﺎﺭﻥ ٦ ﺟﻨﻂ ﻣﺎﻝ ﺳﻔﺮ ﻭﻧﺼﻬﻦ ﺑﻘﻦ ..

ﺑﻜﻨﺘﻮﺭﻱ ﺍﻧﻲ ﺧﺎﺑﺮﺕ ﺳﻴﻒ ﻭﺿﻠﻴﺖ ﺍﺳﻮﻟﻒ ﻭﻳﺎﻩ

ﺣﻨﻴﻦ ﻛﺎﻟﺖ ﺑﺲ ﺍﻧﺘﻲ ﺍﻧﻲ ﻫﻤﻴﻦ ﺍﺧﺎﺑﺮ ﺳﺎﻣﺮ ..

ﺑﻨﺘﻬﺎ ﺧﻠﺘﻬﺎ ﻳﻢ ﺍﻣﻲ ...

ﺯﻳﻦ ﺑﺴﺮﻋﺔ ﺗﺘﻌﻮﺩ ﻉ ﺍﻟﻨﺎﺱ ﻣﺎ ﺗﺘﺴﺘﻐﺮﺏ ..

ﺛﺎﻧﻲ ﻳﻮﻡ ﺭﺣﻨﺎ ﻟﺼﺎﻟﻮﻥ .... ﻃﻠﻌﺖ ﺍﺣﻠﻰ ﻣﻦ ﺍﻟﺤﻨﻪ ﺑﻌﺪ

ﺑﺤﻴﺚ ﺍﻧﻲ ﺍﻧﺼﺪﻣﺖ ﺑﻨﻔﺴﻲ ﺍﻛﻮﻝ ﻫﺎﻱ ﻣﻨﻮ ...

ﻭﺍﻡ ﺍﻟﺼﺎﻟﻮﻥ ﺍﺷﺎﻗﻴﻨﻲ ﻭﺍﺗﻜﻠﻲ ﺍﺷﻠﻮﻥ ﺗﻌﺮﻓﺘﻲ ﻋﻠﻴﻪ

ﺿﻠﻴﺖ ﺍﺳﻮﻟﻔﻬﺎ .. ﻭﻫﻲ ﺗﺪﻋﻲ ﺍﺗﻜﻮﻝ ﺭﺑﻲ ﻳﺴﻌﺪﻛﻢ

ﻃﻠﻌﺖ ﻣﻦ ﺍﻟﺼﺎﻟﻮﻥ ﻭﺻﻠﺖ ﻟﺒﻴﺖ ...

ﺷﻐﻠﻮ ﺩﻳﺠﻲ ﻭﻳﺮﻛﺼﻮﻥ ﺷﻮﻱ ﻭﻛﺎﻟﻮ ﺍﺟﻪ ﺍﻟﻌﺮﻳﺲ ﺍﻧﻲ ﺑﻄﻨﻲ ﻛﺎﻣﺖ ﺗﻮﺟﻌﻨﻲ ﻭﺍﺣﺲ ﻧﻔﺴﻲ ﻣﺨﻨﻮﻛﺔ ﻣﺎ ﺍﻋﺮﻑ ﻟﻴﺶ ... ﺩﺧﻞ ﻫﻮ ﻭﺟﺎﻥ ﻻﺑﺲ ﻗﺎﻁ ﻧﻴﻠﻲ ﻭﻗﻤﻴﺺ ﺳﻤﺎﺋﻲ ﻃﺎﻟﻊ ﻳﺨﺒﻞ ﻭﺩﺧﻠﻦ ﺍﻟﻨﺴﻮﺍﻥ .. ﻭﻫﻨﺔ ﻳﻬﻠﻬﻠﻦ ..

ﺷﻮﻱ ﻭﻛﺎﻟﻮ ﻳﻼ ﺧﻠﻴﻨﻪ ﻧﻄﻠﻊ ... ﻫﻮ ﻛﻮﻣﻨﻲ ﺑﺎﺳﻨﻲ ﺑﺮﺍﺳﻲ .. ﻧﺰﻝ ﺍﻟﺒﺮﻧﺺ .. ﻃﻠﻌﺖ ﺍﺷﻮﻑ ﻣﻨﺘﻈﺮ ﻭﻣﺼﻄﻔﻰ ﺍﻭﻝ ﻣﺮﺓ ﻳﺒﺠﻮﻥ ﻭﺍﻣﻲ ﻫﻤﻴﻦ ﻣﺎﺗﺤﻤﻠﺖ ﻛﻤﺖ ﺍﺑﺠﻲ ﺍﺟﻪ ﻣﻨﺘﻈﺮ ﺷﺒﻜﻨﻲ ﻭﻫﻮ ﻳﻮﺻﻴﻨﻲ ﻭﺻﻪ ﺳﻴﻒ ﻋﻠﻴﻪ

ﻭﺍﻣﻲ ﺷﺒﻜﺘﻬﺎ ﻣﻮﻗﻒ ﻛﻠﺶ ﺻﻌﺐ ...

ﺑﻌﺪﻳﻦ ﺳﻴﻒ ﻟﺰﻣﻨﻲ ﻣﻦ ﺍﻳﺪﻱ ... ﺍﻣﻲ ﺷﻤﺮﺕ ﻭﺭﺍﻧﻪ ﻣﻲ

ﻫﻮ ﻻﺯﻣﻨﻲ ﻭﺍﻧﻲ ﺍﺑﺠﻲ .. ﻭﻫﻮ ﻳﻜﻠﻲ ﺍﺳﻜﺘﻲ ..

ﻃﻠﻌﺖ ﺻﻌﺪﺕ ﺑﺴﻴﺎﺭﺓ .. ﺭﺍﺣﺖ ﻭﻳﺎﻧﻪ ﺧﺎﻟﺘﻲ ﺍﻣﻲ ﻛﺎﻟﺖ ﻣﺎ ﺍﻛﺪﺭ ... ﺍﺑﺎﻭﻉ ﻉ ﺑﻴﺘﻨﻪ ..

ﺍﺫﻛﺮ ﺍﻭﻝ ﻣﺎ ﺍﺟﻴﺖ ﺍﻫﻨﺎ .. ﻭﻛﻠﺸﻲ ﺻﺎﺭ ﻭﻳﺎﻱ ﻭﻣﻦ ﺁﺧﺬﻭ ﻣﻨﺘﻈﺮ ﻭﺗﻌﺮﻓﺖ ﻉ ﺳﻴﻒ ﻭﺍﻧﻲ ﺩﻣﻮﻋﻲ ﺗﺠﺮﻱ

ﺟﺎﻥ ﻳﺴﻮﻕ ﺍﺧﻮ ﺳﺎﻣﺮ ﻣﺤﻤﺪ ﻭﺳﻴﻒ ﻳﻜﻠﻪ ..

ﺑﺮﻭﺡ ﺍﺑﻮﻙ ﺍﺭﻓﻊ ﺍﻟﻤﻮﺳﻴﻘﺎ ..

ﻭﻫﻮ ﺭﻓﻌﻬﺎ .. ﻭﺳﻴﻒ ﻳﻐﻨﻲ ﻭﻳﺎﻩ

ﺷﺎﻓﻨﻲ ﺍﺭﺟﻒ ﻭﺑﻌﺪﻧﻲ ﺍﺑﺠﻲ ..

ﺳﻴﻒ : ﺷﻨﻮ ﺗﺮﺓ ﻣﺎ ﻣﻮﺩﻳﺞ ﻻﻋﺪﺍﻡ ..

ﺷﺎﻭﺭﻧﻲ ... ﺗﺮﺓ ﻣﺎﺗﺨﻮﻑ ﺍﻟﺸﻐﻠﺔ ﺍﻟﻴﻮﻡ ﺷﻄﺎﻟﻌﺔ ﻣﺤﺪ ﻳﺨﻠﺼﺞ ﻣﻨﻲ ..

ﻫﻮ ﻳﺤﺎﺟﻴﻨﻲ ﻭﺍﻧﻲ ﺍﺣﺲ ﻣﺎﻛﻮ ﻧﻔﺲ ﻛﻮﻩ ﺍﺧﺬﺓ ﻛﻠﺴﺎﻋﻪ ﺍﻭﺧﺮ ﺑﺮﻧﺺ ﺍﺭﻳﺪ ﺍﺷﻢ ﻫﻮﺓ ﻫﻮ ﻳﻨﺰﻟﺔ

ﻣﺎ ﺍﺩﺭﻱ ﺷﺼﺎﺭ ﺑﻴﻪ ...

ﺳﻴﻒ : ﺩﻳﻤﺔ ﺷﺒﻴﺞ ﺍﻟﻴﻮﻡ ﺍﻧﺘﻲ ﺑﺤﻈﻦ ﺣﺒﻴﺒﺞ ﻟﻴﺶ ﻫﺬﺍ ﺍﻟﺒﺠﻲ ..

ﻫﻮ ﺑﻘﺔ ﻳﺤﺠﻲ ﻭﺍﻧﻲ ﺍﺣﺲ ﺭﻭﺣﻲ ﻣﺨﻨﻮﻛﺔ ﻣﺎ ﺍﻋﺮﻑ ﺷﺒﻴﻪ ﺍﺣﺲ ﻋﻴﻮﻧﻲ ﻏﻮﺷﺖ ﻭﻫﻮ ﻳﺴﻮﻟﻒ ﻭﻱ ﺍﺑﻦ ﻋﻤﻪ ﻭﻳﻜﻠﻪ ﻳﻮﻡ ﺍﻻﻟﻚ ﺿﻠﻮ ﻳﻀﺤﻜﻮﻥ

...

ﻭﺻﻠﻨﺔ ﻟﻤﺼﻮﺭ ﺍﺧﺬﻧﻪ ﺻﻮﺭ .. ﻭﻫﻮ ﻳﺴﻮﻱ ﺣﺮﻛﺎﺕ ﺣﺴﻴﺖ ﺑﺪﻭﺧﺔ ﻻﻥ ﻛﻠﺸﻲ ﻣﺎ ﻣﺎﻛﻠﻪ ﺭﺩﺕ ﺑﺲ ﺗﺨﻠﺺ ﺻﻮﺭ .. ﺑﻌﺪﻳﻦ ﻃﻠﻌﻨﻪ ﻭﺻﻠﻨﻪ ﻟﺒﻴﺘﻬﻢ ﻃﺒﻌﺎ ﺳﻴﺎﺭﺓ ﺩﺧﻠﻮﻫﺎ ﻛﻠﺶ ﺑﻠﺒﻴﺖ ﻻﻥ ﺟﺎﻧﺖ ﻫﻮﺍﻱ ﻧﺎﺱ .. ﻭﻭﻟﺪ

ﻧﺰﻟﻮﻧﻲ ﻭﺻﺎﺭ ﺭﻣﻲ ﺍﻧﻲ ﻟﺰﻣﺖ ﺍﻳﺪ ﺳﻴﻒ ﺍﺧﺎﻑ ﻣﻦ ﺻﻮﺕ ﻭﻫﻢ ﺍﺻﺪﺍﻗﺎﺋﺔ ﻛﻠﻬﻢ ﻋﻨﺪﻫﻢ ﺳﻼﺡ ﺑﺤﻴﺚ ﺍﺫﻧﻲ ﻛﻤﺖ ﻣﺎ ﺍﺣﺲ ﺑﻴﻬﺎ ﻣﻦ ﺍﻟﺼﻮﺕ ... ﺫﺑﺤﻮ ﻃﻠﻲ .. ﻉ ﺭﺟﻠﻲ ... ﺍﻧﻲ ﻣﻦ ﻳﺬﺑﺤﻮﻥ ﺩﺟﺎﺟﺔ ﺍﺧﺎﻑ ﺍﻻ ﻃﻠﻲ

ﻟﻌﺒﺖ ﻧﻔﺴﻲ ﻣﻦ ﺩﻡ .. ﻫﻮ ﻳﻌﺮﻑ ﺑﻴﻪ ﻣﺎ ﺍﺣﺐ ﺍﺷﻮﻑ

ﺩﻡ ﺑﺴﺮﻋﺔ ﺩﺧﻠﻨﻲ ...

ﺩﺧﻠﺖ ﻣﺨﻠﻴﻦ ﺍﺛﻨﻴﻦ ﻛﺮﺍﺳﻲ ﻛﻌﺪﺕ ﻫﻮ ﺑﺴﺮﻋﺔ ﻃﻠﻊ ﺑﻘﻴﺖ ﺑﺲ ﺍﻧﻲ ﺣﻨﻴﻦ ﺟﺎﻧﺖ ﻳﻤﻲ ﺷﻮﻱ ﻣﺮﺗﺎﺣﺔ ﻻﻥ ﻭﺍﺣﺪ ﻣﻦ ﺍﻫﻠﻲ ﻭﻳﺎﻱ ﺧﺎﻟﺘﻲ ﻫﻤﻴﻦ ﻭﺍﻡ ﺣﻨﻴﻦ ..

ﺑﻨﺎﺕ ﻋﻢ ﺳﻴﻒ ﺟﺎﻧﻦ ﻫﻮﺍﻱ .. ﺷﻐﻠﻮ ﺍﻏﺎﻧﻲ ﻛﻠﻬﺎ ﺗﺮﻛﺺ

ﻫﺎﻱ ﻭﺣﺪﺓ ﻣﻦ ﺑﻨﺎﺕ ﻋﻤﻪ ﻛﺎﻟﺖ ﺳﻴﻒ ﺍﺣﻠﻰ ﻣﻨﻬﺎ ﺷﻌﺠﺒﻪ ﺑﻴﻬﺎ ﻭﻫﻴﺞ ﻛﺘﻞ ﺭﻭﺣﻪ ﻋﻠﻴﻬﺎ .. ﺟﺎﻧﺖ ﻳﻤﻲ ﺗﻘﺼﺪﺕ ﺍﺳﻤﻌﻨﻲ ﻫﻴﺞ ﻛﻼﻡ ﺍﻧﻲ ﻏﻠﺴﺖ ﺑﻌﺪﻳﻦ ﺍﺟﺖ ﻋﻤﺘﻪ ﺍﻟﺸﺎﻓﺘﻨﻲ ﺍﻧﻲ ﻭﻳﺎﻩ ﺑﻐﺮﻓﺔ ﺍﺣﺴﻬﺎ ﺗﺒﺎﻭﻋﻠﻲ

ﺑﺤﻘﺪ ﻭﺻﻠﺖ ﻳﻢ ﻭﻫﻲ ﺷﺎﻭﺭﺗﻨﻲ ..

ﻋﺴﺎﺝ ﻻ ﺗﻬﻨﻴﺘﻲ .. ﺑﺎﺳﺘﻨﻲ ﻭﺭﺍﺣﺖ

ﺍﺳﺘﻐﺮﺑﺖ ﻣﻦ ﺗﺼﺮﻓﻬﺎ ﻧﻐﺰﻧﻲ ﻛﻠﺒﻲ .. ﻣﻦ ﺣﺠﻴﻬﺎ

ﺍﻟﺘﻔﺖ ﻉ ﺣﻨﻴﻦ ﻭﻫﻲ ﺍﺗﻜﻠﻲ ﺷﺒﻴﺞ ..

ﻛﻠﺘﻬﺎ ﺑﺲ ﺗﻌﺒﺎﻧﻪ ...

ﺷﻮﻱ ﻭﻛﺎﻟﻮ ﺻﻌﺪﻭﻫﺎ ﻟﻐﺮﻓﺘﻬﺎ ...

ﺻﻌﺪﻭﻧﻲ ﻭﺍﻧﻲ ﺍﺣﺲ ﺭﺍﻳﺤﺔ ﻻﻋﺪﺍﻡ .. ﺟﺴﻤﻲ ﻛﻠﻪ ﻳﺮﺟﻒ ... ﺣﻨﻴﻦ ﺗﻬﺪﺉ ﺑﻴﻪ

ﻣﺎ ﻳﻌﺮﻓﻮﻥ ﺍﻧﻲ ﺷﻨﻮ ﺍﺣﺲ

ﺑﻌﺪﻳﻦ ﻫﻮ ﻭﺻﻞ ﻭﻱ ﻭﻟﺪ ﻋﻤﻪ ﻭﻳﻬﻮﺳﻮﻥ

ﺍﻟﻴﻮﻡ ﻳﻮﻣﻚ ﻳﺎ ﺑﻄﻞ ... ﻫﻮ ﺟﺎﻥ ﻧﺎﺯﻉ ﺳﺘﺮﺗﻪ ﻭﻳﻬﻮﺱ ﻭﻳﺎﻫﻢ ﺍﻧﻲ ﺟﻨﺖ ﺍﻓﺮﻙ ﺑﻴﺪﻱ ... ﻭﻛﺎﻋﺪﺓ ﻉ ﺍﻟﺠﺮﺑﺎﻳﺔ

ﻫﻮ ﺩﺧﻞ ﻃﻠﻌﺖ ﺣﻨﻴﻦ ... ﺍﺷﻮﻓﻪ ﻳﻀﺤﻚ ﻣﻦ ﻛﻞ ﻛﻠﺒﻪ

ﺳﻴﻒ ﻧﺎﺩﺭﺍ ﻣﺎ ﻳﻀﺤﻚ ﻣﺒﻴﻦ ﻋﻠﻴﻪ ﺍﻟﻔﺮﺣﺔ ..

ﺩﺧﻞ ﻭﺳﺪ ﺍﻟﺒﺎﺏ ... ﺍﺟﻪ ﻭﺻﻞ ﻳﻤﻲ ﻭﺍﻧﻲ ﺍﺭﺟﻒ

ﺭﻓﻊ ﺍﻟﺒﺮﻧﺺ ﺑﺎﺳﻨﻲ ﺑﺮﺍﺳﻲ ..

ﺳﻴﻒ : ﺷﺒﻴﺞ ﺩﻳﻤﺔ ﺷﻔﺘﻴﻨﻲ ﺩﺧﻠﺖ ﻋﻠﻴﺞ ﺑﺴﻼﺡ ..

ﺩﻳﻤﺔ : ﺑﺎﻭﻋﺖ ﻋﻠﻴﻪ ﺍﺣﺲ ﻗﺮﺑﻪ ﻳﻤﻲ ﻳﺨﻨﻜﻨﻲ

ﻛﻠﺘﻠﻪ ... ﺳﻴﻒ ﻣﺎ ﺍﺩﺭﻱ ﺷﺒﻴﻪ ﺍﺣﺲ ﺭﻭﺣﻲ ﻣﺨﻨﻮﻛﺔ

ﺭﺍﺍﺍﺡ ﺍﻣﻮﺕ ﺳﻴﻒ ﻓﺪﻭﺓ ﺍﻃﻠﻊ ﻣﺎ ﺍﺭﻳﺪﻙ .

ﺳﻴﻒ : ﻭﻟﺞ ﺇﻧﺠﺒﻲ ﺷﻨﻮ ﺍﻃﻠﻊ ﺑﻄﻠﻲ ﻫﺬﺍ ﺍﻟﺪﻻﻝ

ﺩﻳﻤﺔ : ﻓﺪﻭﺓ ﺍﻃﻠﻊ .. ﺣﺒﺎﺏ ﻭﺍﻟﻠﻪ ﻣﺨﻨﻮﻛﺔ ....

ﻫﻮ ﺟﺎﻥ ﻣﺘﻔﺎﺟﺎﺓ ﺣﺘﻰ ﺍﻧﻲ ﻣﻦ ﻧﻔﺴﻲ ﻣﺘﻔﺎﺟﺎﺓ ﻣﻌﻘﻮﻟﺔ ﻫﺴﺔ ﻣﻦ ﺻﺎﺭ ﻳﻤﻲ ﻣﺎ ﺍﺭﻳﺪﺓ ﻟﻴﺶ ﺍﺣﺲ ﻣﺎ ﺍﺭﻳﺪ ﺍﺷﻮﻓﻪ ﻳﺮﺑﻲ ﺷﻴﺼﻴﺮ ﻭﻳﺎﻱ ..

ﺳﻴﻒ : ﻟﺞ ﺷﻄﻠﻊ ﺷﻜﻮﻝ ﻟﻨﺎﺱ ﺑﻄﻠﻲ ﻫﺎﻱ ﺍﻟﻌﻴﺎﺭﺓ ..

ﺩﻳﻤﺔ : ﺳﻴﻒ ﻭﺍﻟﻠﻪ ﻣﺨﻨﻮﻛﺔ ﻣﻨﻚ ﻣﺎ ﺍﺭﻳﺪﻙ ﻫﺴﺔ ﻳﻤﻲ ..

ﻫﻮ ﻳﻔﺮﻙ ﺑﻜﺼﺘﻪ ﻣﺎ ﻳﻌﺮﻑ ﺷﻴﺴﻮﻱ ﺻﺎﺭ ﻣﺘﻮﺗﺮ

ﻭﺍﻧﻲ ﻣﻮ ﺑﻴﺪﻱ ﺷﻲ ﺍﺣﺲ ﻭﺍﺣﺪ ﻳﻤﻨﻌﻨﻲ ﻣﻨﻪ

ﺿﻞ ﻳﻔﺘﺮ ﻭﻫﻮ ﻳﻜﻮﻝ ﺍﻭﻛﻔﻲ ﺧﻠﻲ ﺷﻮﻱ ﻳﻤﺮ ﻭﻗﺖ

ﺍﻧﻲ ﺧﻠﻴﺖ ﺍﻳﺪﻱ ﻉ ﻭﺟﻬﻲ ﻛﻤﺖ ﺍﺑﺠﻲ ...

ﻫﻮ ﺍﺟﻪ ﻛﻌﺪ ﻳﻤﻲ ... ﻭﻳﺒﺎﻭﻉ ﻋﻠﻴﻪ ﻭﻳﻬﻤﺲ

ﺳﻴﻒ : ﺳﻴﻒ ﺷﺒﻴﺞ ﻳﺮﻭﺣﻲ ﻭﻳﻦ ﺭﺍﺡ ﺣﺒﺞ ﺍﻟﻲ

ﻭﻳﻦ ﻓﺮﺣﺘﺞ ﻟﺰﻡ ﺍﻳﺪﻱ ..

ﺍﻧﻲ ﺳﺤﺒﺘﻬﺎ ﺍﺑﺘﻌﺪﺕ ﻋﻨﻪ ..

ﻣﺎ ﺍﺭﻳﺪﺓ ﻳﻠﺰﻣﻨﻲ ﺍﺣﺲ ﻧﻔﺴﻲ ﺗﻠﻌﺐ ﻣﻨﻪ ﻣﻦ ﺍﺷﻮﻓﻪ

ﻛﺎﻧﻤﺎ ﺍﺷﻮﻑ ﺷﻲ ﻭﺻﺦ ﺷﻴﻄﺎﻥ ﻣﺎ ﺍﺗﻘﺒﻠﻪ ﺍﺑﺪ

ﻋﻴﻮﻧﻲ ﺣﻤﺮ ﻣﻦ ﺍﻟﺒﺠﻲ ..

ﺳﻴﻒ ﻓﺪﻭﺓ ﺍﺑﻮﺱ ﺍﻳﺪﻙ ﺍﻃﻠﻊ ..

ﻫﻮ ﺑﺎﻭﻉ ﻋﻠﻴﻪ ﺑﻨﻈﺮﺓ ﺣﻴﺮﺓ .. ﻟﺒﺲ ﺩﺷﺪﺍﺷﺔ ﺑﻴﻀﺔ ﻭﻃﻠﻊ ﺑﺲ ﻣﻨﻄﻨﻜﺮ ﺟﺎﻧﺖ ﺍﻣﻪ ﺑﻠﺒﺎﺏ ﺍﺳﻤﻌﻬﺎ ﺍﺗﻜﻮﻝ

ﻫﺎ ﺑﺸﺮ ﺟﺎﻭﺑﻬﺎ ﻋﻨﺪﻫﺎ ﻋﺬﺭ ...

ﺍﺳﻤﻊ ﺻﻮﺕ ﻃﻠﻖ ﻋﺮﻓﺖ .. ﻛﺎﻟﻠﻬﻢ ..

ﺩﺧﻠﺖ ﻋﻠﻴﻪ ﺣﻨﻴﻦ ﺷﺎﻓﺖ ﻫﻴﺞ ﺣﺎﻟﺘﻲ ﺍﺗﻔﺎﺟﺎﺓ

ﺭﺍﺳﺎ ﺳﺪﺕ ﺍﻟﺒﺎﺏ ﻋﻠﻤﻮﺩ ﻣﺤﺪ ﻳﺸﻮﻓﻨﻲ

ﺣﻨﻴﻦ : ﺻﺪﻙ ﺧﺎﻟﺔ ﻛﺎﻟﺖ ﻋﺬﺭ ﺍﺷﻮ ﻣﺎ ﻛﻠﺘﻠﻲ

ﺍﻧﻲ ﺭﺍﺳﺎ ﺷﺒﻜﺘﻬﺎ ﻭﻛﻤﺖ ﺍﺑﺠﻲ ...

ﺣﻨﻴﻦ ﻓﺪﻭﺓ ﻻ ﺗﺨﻠﻴﻨﻪ ﻭﺣﺪﻧﻪ ﻣﺨﻨﻮﻛﺔ ﻣﺎ ﺍﺭﻳﺪﺓ

ﻫﻲ ﺑﻌﺪﺗﻨﻲ ﻋﻨﻬﺎ .. ﻭﺗﺒﺎﻭﻋﻠﻲ ..

ﺣﻨﻴﻦ : ﻭﻟﺞ ﺩﻳﻤﺔ ﺷﺒﻴﺞ ﻟﺘﺨﺰﻳﻨﻪ ﺗﺮﺓ ﺳﺎﻟﻔﺘﺞ ﻣﺎﺗﻨﺤﺠﻲ ..

ﺩﻳﻤﺔ : ﻟﺞ ﻛﻞ ﻣﺎﻳﺘﻘﺮﺏ ﻣﻨﻲ ﺍﺣﺴﺔ ﻳﺮﻳﺪ ﻳﺨﻨﻜﻲ

ﺿﻠﺖ ﺻﺎﻓﻨﻪ ﻋﻠﻴﻪ ..

ﺣﻨﻴﻦ : ﻫﺬﺍ ﺣﺴﺪ ﺗﻌﺎﻟﻲ ﺍﻛﻌﺪﻱ ..

ﻛﻌﺪﺗﻨﻲ ﺭﺍﺣﺖ ﺟﺎﺑﺖ ﺗﺮﺑﻪ ﻣﺎ ﻣﺼﻠﺔ ﻋﻠﻴﻬﺎ ..

ﻭﺧﻠﺘﻬﺎ ﺑﻤﺎﻱ .. ﺭﺷﺖ ﺍﻟﻐﺮﻓﺔ ﻭﺭﺷﺘﻨﻲ ﺑﻴﻬﺎ ..

ﺑﻌﺪﻳﻦ ﻛﺎﻣﺖ ﺗﻘﺮﺍ ﺍﻳﺎﺕ ﻣﻦ ﺍﻟﻘﺮﺍﻥ ..

ﺍﻧﻲ ﻣﺎ ﺍﺭﻳﺪ ﺍﺳﻤﻊ ﻗﺮﺍﻥ ... ﺑﺲ ﻣﺎ ﺣﺠﻴﺖ ﺧﻠﻴﺘﻬﺎ

ﻳﻤﻜﻦ ﺻﺪﻙ ﻣﺤﺴﻮﺩﺓ ..

ﺧﻠﺼﺖ ﻧﻔﺨﺖ ﺑﻮﺟﻬﻲ ﻛﺎﻟﺖ ﻛﻮﻣﻲ .. ﺍﻓﺘﺢ ﺗﺴﺮﻳﺤﺘﺞ

ﻻﺗﺠﻲ ﻧﺴﻮﺍﻥ ﻭﻳﺸﻮﻓﻨﺞ ﻋﻤﺎﺗﻪ ﻳﻜﻮﻣﻦ ﻳﺤﺠﻦ ..

ﻧﺰﻋﺘﻨﻲ ﺍﻟﺒﺪﻟﺔ ﻭﻓﺘﺤﺖ ﺍﻟﺘﺴﺮﻳﺤﺔ ﺷﻮﻱ ﺣﺴﻴﺖ ﺑﺮﺍﺣﺔ ﻻﻥ ﺑﺪﻟﺔ ﻛﻠﺶ ﺟﺒﻴﺮﺓ ﺟﺎﻧﺖ ..

ﻟﺒﺴﺘﻨﻲ ﺳﻴﺖ ﻧﻮﻡ ... ﻣﻜﻴﺎﺟﻲ ﺧﻔﻔﺘﻪ ..

ﺩﺧﻠﻦ ﻋﻤﺎﺗﻪ ﻭﻛﺮﺍﻳﺒﻪ ﻭﻳﺒﺎﺭﻛﻠﻲ ..

ﻋﻤﺘﻪ ﺳﺎﻟﺖ ﻉ ﺍﻟﻨﻴﺸﺎﻥ ﺍﻧﻲ ﺿﻠﻴﺖ ﺳﺎﻛﺘﻪ ..

ﺟﺎﻭﺑﺘﻬﻢ ﺣﻨﻴﻦ ﺳﻴﻒ ﻣﺎ ﻳﻘﺒﻞ ﻫﻲ ﺳﻜﺘﺖ ﻻﻥ ﺳﻴﻒ ﺍﻫﻨﺎ ﻛﻠﻤﺘﻪ ﻫﻲ ﺍﻟﻤﺎﺷﻴﺔ ..

ﺿﻠﻦ ﻳﺴﺎﻟﻨﻲ ﻭﺍﻧﻲ ﻣﺎ ﺍﻋﺮﻑ ﺷﺠﺎﻭﺑﻬﻢ ﻭﺣﻨﻴﻦ ..

ﻫﻲ ﺗﺠﻮﺍﺏ ﺍﻛﻮﻟﻠﻬﻦ ﺗﺴﺘﺤﻲ ..

ﺍﺳﻤﻊ ﻋﻤﺘﻪ ﺍﺗﻜﻮﻝ ﻫﺴﺔ ﺻﺎﺭﺕ ﺗﺴﺘﺤﻲ ﻭﻗﺒﻞ ﻣﻦ ﺟﺎﻧﺖ ﺗﺠﻲ ﺑﻮﺣﺪﻫﺎ ﻫﻲ ﻭﻳﺎﻩ ...

ﺍﻧﻲ ﺍﺻﻼ ﻣﻮ ﺑﺤﺎﻟﻬﺎ ﺑﻌﺪﻳﻦ ﺭﺍﺣﻦ ...

ﺣﻨﻴﻦ : ﺩﻳﻤﺔ ﺍﺭﺗﺎﺣﻲ ﺍﻧﺘﻲ .. ﻫﺴﺔ ﺍﻧﻲ ﺭﺍﺡ ﺍﺭﻭﺡ ﺑﻨﺘﻲ ﺧﻠﻴﺘﻬﺎ ﺗﺒﺠﻲ .. ﻧﺎﻣﻲ .. ﺳﻴﻒ ﻳﻤﻜﻦ ﻳﺘﺎﺧﺮ ..

ﻃﻠﻌﺖ ﺿﻠﻴﺖ ﻭﺣﺪﻱ ﻧﺰﻋﺖ ﺭﻭﺏ ﺍﻟﺴﻴﺖ ..

ﺑﻘﻴﺖ .. ﺑﺲ ﺟﻮﺓ ﺭﻭﺏ ﻧﻤﺖ ﻉ ﺍﻟﻘﻨﻔﺔ ﺟﺎﻧﺖ ﻣﻮﺟﻮﺩﺓ ﺑﻐﺮﻓﺔ .. ﻻﻥ ﻛﻠﺖ ﺧﺎﻑ ﻳﺠﻲ ﺳﻴﻒ ﻭﺍﻧﻲ ﻧﺎﻳﻤﺔ ﻉ ﺍﻟﺠﺮﺑﺎﻳﺔ ..

....

ﻣﻦ ﺍﻟﺘﻌﺐ ﻧﻤﺖ ... ﺳﻤﻌﺖ ﻓﺘﺢ ﺍﻟﺒﺎﺏ ﺳﻮﻳﺖ ﺭﻭﺣﻲ ﻧﺎﻳﻤﻪ ﺍﺟﺖ ﺍﺗﻘﺮﺏ ﻣﻨﻲ ﺧﻠﺔ ﺍﻳﺪﺓ ﻉ ﺍﻳﺪﻱ ﻭﺍﻧﻲ ﻛﻮﺓ ﻣﺘﺤﻤﻠﺔ ...

ﺳﻴﻒ : ﺩﻳﻤﺔ ﻛﻮﻣﻲ ﻧﺎﻣﻲ ﻉ ﺍﻟﺠﺮﺑﺎﻳﺔ ..

ﺍﻧﻲ ﺟﺎﻭﺑﺘﻪ ﺍﻱ ﻓﺪ ﺷﻮﻳﻪ ﻫﺴﺔ ﻧﻌﺴﺎﻧﻪ ..

ﻭﺭﺟﻌﺖ ﻧﻤﺖ ﻫﻮ ﺑﻘﺔ ﻭﺍﻛﻒ ﺷﻮﻱ ﻭﺭﺍﺡ ...

ﻧﺎﻡ .. ﺿﻞ ﻳﺘﻜﻠﺐ ﺑﺠﺮﺑﺎﻳﺔ ﺷﻮﻱ ﻭﺣﺴﻴﺖ ﻋﻠﻴﻪ

ﻧﺎﻡ ﺩﺭﺕ ﻭﺟﻬﻲ ﺷﻔﺘﻪ ﻧﺎﻳﻢ ﻭﻣﺨﻠﻲ ﺍﻳﺪﺓ ﻉ ﻋﻴﻨﻪ

ﻣﻌﻘﻮﻟﺔ ﻫﺴﺔ ﻣﻦ ﺻﺎﺭ ﺍﻟﻲ ﻛﻤﺖ ﻣﺎ ﺍﺣﺒﻪ ﻭﺍﻧﻲ ﺟﻨﺖ ﻣﻨﺘﻈﺮﺓ ﻫﺬﺍ ﺍﻟﻴﻮﻡ ﺍﺣﺮ ﻣﻦ ﺍﻟﺠﻤﺮ ...

ﻳﺎﺭﺑﻲ ﺷﻴﺼﻴﺮ ﻭﻳﺎﻱ ﻟﻴﺶ ﻫﻴﺞ ﻛﺎﺭﻫﺘﻪ ﻭﻣﺎ ﺍﺗﻘﺒﻞ

ﻭﺟﻮﺩﺓ ..

ﺭﺟﻌﺖ ﻧﻤﺖ ...

ﻛﻌﺪﺕ ﺍﻟﺼﺒﺢ .. ﻟﻜﻴﺘﻪ ﻛﺎﻋﺪ ﻉ ﺍﻟﺠﺮﺑﺎﻳﺔ ﻭﺑﻴﺪﺓ ﺟﻜﺎﻳﺮ ﻭﻳﺪﺧﻦ ..

ﺩﻳﻤﺔ : ﺻﺒﺎﺡ ﺍﻟﺨﻴﺮ ..

ﺳﻴﻒ : ﺻﺒﺎﺡ ﺍﻟﻨﻮﺭ ... ﺗﻌﺎﻟﻲ ﺩﻳﻤﺔ ﺍﻛﻌﺪﻱ ﺳﻮﻟﻔﻠﻲ ﺷﺒﻴﺞ ﺍﻟﻴﻮﻡ ﻣﺎ ﺍﺗﺮﻛﺞ ﺍﺫﺍ ﻣﺎ ﺍﻋﺮﻑ ﺷﺒﻴﺞ ..

ﺍﻧﻲ ﻣﺸﻴﺖ ﻛﻌﺪﺕ ﺑﺲ ﺷﻮﻱ ﺑﻌﻴﺪﺓ ﻋﻨﻪ ﺧﻔﺖ ﻻﻳﻌﺼﺐ ﻟﻮ ﺷﻲ ﻻﻥ ﻫﻮ ﻟﺤﺪ ﻫﺴﺔ ... ﻫﺎﺩﻯ

ﺣﺠﻴﺖ .. ﺳﻴﻒ ﻭﺍﻟﻠﻪ ﻣﺎ ﺍﻋﺮﻑ ﺷﺒﻴﻪ ﺍﺣﺲ ﻫﺎﻱ ﺍﻟﻐﺮﻓﺔ ﻣﺜﻞ ﺳﺠﻦ ﺧﺎﻧﻜﺘﻨﻲ ﻣﻦ ﺗﻮﺻﻠﻲ ﺍﺣﺲ ﻧﻔﺲ ﻳﻨﻘﻄﻊ ﻋﻨﻲ ..

ﺍﺣﺠﻲ ﻭﻣﻨﺰﻟﺔ ﺭﺍﺳﻲ ﻫﻮ ﺑﺲ ﻳﺴﻤﻌﻨﻲ ﻭﺑﻴﺪﺓ ﺟﻜﺎﺭﺓ ﺷﻐﻞ ﺍﻟﺜﺎﻧﻴﺔ ﺭﻓﻌﺖ ﺭﺍﺳﻲ .. ﺷﻔﺘﻪ ﺻﺎﻓﻦ ﻋﻠﻴﻪ ..

ﻭﺍﻧﻲ ﻧﺎﺳﻴﺔ ﻧﻔﺴﻲ ﺑﺎﻗﻴﺔ ﺣﺘﻰ ﺑﺪﻭﻥ ﺭﻭﺏ ..

ﺧﺠﻠﺖ .. ﻫﻮ ﺍﺧﺬ ﻧﻔﺲ ..

ﺳﻴﻒ : ﺧﺎﺑﺮ ﻉ ﺣﻨﻴﻦ .. ﻛﺎﻝ ﺍﻟﺒﺴﻲ ﺷﻲ ﻣﺴﺘﻮﺭ ..

ﺍﻧﻲ ﺑﺎﻭﻋﺖ ﻋﻠﻴﻪ ..

ﺳﻴﻒ ﺍﻃﻠﻊ ﺧﻠﻴﻨﻲ ﺍﺑﺪﻝ ..

ﺳﻴﻒ " ﺩﻳﻤﺔ ﻻ ﺗﺨﺒﻠﻴﻨﻲ ﺗﺮﺓ ﺻﺎﺑﺮ ﻋﻠﻴﺞ ﻭﺍﻟﻠﻪ ﺍﺳﻮﻱ ﺷﻲ ﻣﺎ ﻳﻌﺤﺒﺞ ...

ﺟﺎﻥ ﺍﻟﺤﻤﺎﻡ ﺑﻐﺮﻓﺔ ﺭﺣﺖ ﺍﺧﺬﺕ ﻣﻼﺑﺲ ﻭﻟﺒﺴﺖ ..

ﻃﻠﻌﺖ ... ﻫﻮ ﺑﻌﺪﻩ ﻉ ﻧﻔﺲ ﺍﻟﻜﻌﺪﺓ ﻭﻳﻬﺰ ﺑﺮﺟﻠﺔ ﻭﺟﻜﺎﻳﺮ ﺍﺑﺪ ﻣﺎ ﻃﺎﺣﺖ ﻣﻨﻪ .. ﺣﺘﻰ ﻏﺮﻓﺔ ﺍﻧﺘﺮﺳﺖ .. ﺭﻳﺤﺔ ﺟﻜﺎﻳﺮ ﺧﻔﺖ ﻣﻨﻪ ﺍﺣﺠﻲ ﺷﻮﻱ ﻭﺍﺟﺖ ﺣﻨﻴﻦ ﻭﺳﺎﻣﺮ ﻫﻤﻴﻦ ﺍﻧﻲ ﻟﺒﺴﺖ ﺷﺎﻝ ﻉ ﺭﺍﺳﻲ ..

ﺳﺎﻣﺮ ﺩﺧﻞ ﻭﺳﻠﻢ ﻋﻠﻴﻪ .. ﺭﺩﻳﺖ ﻭﺍﻧﻲ ﺧﺠﻼﻧﻪ .

ﻫﻮ ﻛﺎﻝ ﻟﺤﻨﻴﻦ ﺷﺒﻴﻬﺎ ﺑﻨﺖ ﻋﻤﺘﺞ ..

ﺣﻨﻴﻦ ﻛﺎﻟﺖ ﻫﺬﺍ ﺳﺤﺮ ﻭﺍﻟﻠﻪ ﻣﺒﻴﻦ ﺩﻳﻤﺔ ﻣﻮ ﻫﻴﺞ

ﻫﻢ ﻳﻜﻮﻟﻮﻥ ﺷﻨﻮ ﻫﺎﻱ ﺧﺮﺍﻓﺎﺕ ..

ﻭﻫﻲ ﺗﺤﻠﻔﻬﻢ ﺍﺗﻜﻮﻝ ﻫﺎﻱ ﺣﺎﻟﺘﻬﺎ ﻣﺎﻝ ﺳﺤﺮ ..

ﻋﻤﺘﻲ ﺍﻡ ﺳﻴﻒ ﺳﻤﻌﺘﻬﺎ ﻭﺩﺧﻠﺖ ..

ﺍﻡ ﺳﻴﻒ : ﻳﻤﺔ ﺷﻜﻮ ﺻﻮﺗﻜﻢ ﻋﺎﻟﻲ ..

ﺳﻴﻒ ﺣﺠﺎﻟﻬﺎ ﻛﻠﺸﻲ ..

ﻫﻲ ﻟﻄﻤﺖ ﻉ ﺻﺪﺭﻫﺎ ..

ﺑﺎﻭﻋﺖ ﻋﻠﻴﻪ .. ﻳﻤﺔ ﻣﻨﻮ ﻣﺎ ﻳﺨﺎﻑ ﻣﻦ ﺍﻟﻠﻪ ﻣﺴﻮﻳﻠﺞ ﻋﻤﻞ ..

ﺍﻧﻲ ﺑﺲ ﺍﺑﺠﻲ ..

ﺩﻳﻤﺔ : ﺧﺎﻟﺔ ﻣﺎ ﺍﻋﺮﻑ ﺑﺲ ﺍﺣﺲ ﻣﺨﻨﻮﻛﺔ ﺍﻟﻐﺮﻓﺔ ﺗﺨﻨﻜﻨﻲ ..

ﻫﻲ ﺿﻠﺖ ﺗﻘﺮﺍ ﺍﻳﺎﺕ ﻛﺎﻟﻮ ﺍﺟﺖ ﺍﻣﺞ ..

ﺻﻌﺪﺗﻠﻲ ﻭﻫﻤﻴﻦ ﻋﺮﻓﺖ ﺑﺴﺎﻟﻔﺔ ﺿﻠﺖ ﺗﺒﺠﻲ ..

ﺳﻴﻒ ﻭﺳﺎﻣﺮ ﻃﻠﻌﻮ .. ﻋﻤﺘﻲ ﻛﺎﻟﺖ ﻻ ﺗﺤﺠﻮﻥ ﻟﻮﺍﺣﺪ ..

ﺍﻧﻲ ﻳﻢ ﺍﻣﻲ ﻛﺎﻋﺪﺓ ﻭﻻﺯﻣﺔ ﺍﺩﻳﻬﺎ ... ﺍﺣﺲ ﺷﻲ ﺛﻜﻴﻞ ﺑﺠﺴﻤﻲ ..

ﺍﻣﻲ ﺿﻠﺖ ﻳﻤﻲ ﺑﻌﺪﻳﻦ ﺭﺍﺣﺖ ... ﻋﻤﺘﻲ ﺟﺎﺑﺘﻠﻲ ﻣﺎﻱ ﻣﻘﺮﻱ ﻋﻠﻴﻪ ﻣﻦ ﺳﻴﺪ .. ﻫﻤﻴﻦ ﻣﺎﻓﺎﺩ ..

ﺿﻠﻴﺖ ﻉ ﻫﺎﻱ ﺣﺎﻝ ٣ ﺍﻳﺎﻡ .. ﻣﻦ ﺍﻃﻠﻊ ﻣﻦ ﻏﺮﻓﺔ ﻋﺎﺩﻱ ﺍﺿﺤﻚ ﻭﺍﺷﺎﻗﺔ ﺑﺲ ﺍﺫﺍ ﻭﻱ ﺳﻴﻒ ﻣﺎ ﺍﺗﺤﻤﻞ ﺍﺑﻘﻰ ﻭﻳﺎﻩ

ﺧﺎﺑﺮﺗﻨﻲ ﺍﻣﻲ ... ﺍﻧﻲ ﺟﻨﺖ ﻭﻱ ﺣﻨﻴﻦ ﻛﺎﻋﺪﺓ

ﺳﻤﻴﺔ : ﻫﻼ ﻳﻤﺔ ﺍﺷﻠﻮﻧﺞ ..

ﺩﻳﻤﺔ؛ﺯﻳﻨﺔ ﺍﻟﺤﻤﺪ ﻟﻠﻪ ...

ﺳﻤﻴﺔ : ﺍﻟﻴﻮﻡ ﺟﻨﺖ ﻳﻢ ﻣﺮﺕ ﻋﻤﺞ .. ﻭﺣﺠﻴﺘﻠﻬﺎ ﻋﻦ ﻭﺿﻌﺞ ﻫﻲ ﻛﺎﻟﺖ ﻫﺎﻱ ﻋﻤﺎﺗﺞ ﻣﺴﻮﻳﺎﺗﻠﺞ ﺳﺤﺮ ﻣﺎﻝ ﺯﻭﺍﺝ ﻫﻲ ﺳﺎﻣﻌﺘﻬﻦ ﺍﺗﻜﻮﻝ ﻣﺎﻛﺪﺭﺕ ﺍﻛﻮﻝ ﺍﻟﻜﻢ ﺧﺎﻑ ﺍﺻﻴﺮ ﻣﺸﺎﻛﻞ ﻭﻣﺎ ﻋﺮﻓﺖ ﺭﺍﺡ ﻳﺼﻴﺮ ﻫﻴﺞ ﺑﺪﻳﻤﺔ ﻭﻫﺴﺔ ﻣﻘﻬﻮﺭﺓ ﻋﻠﻴﺞ ...

ﺩﻳﻤﺔ : ﺍﻧﻲ ﻣﺼﺪﻭﻣﺔ ﻣﻦ ﺍﻻﺳﻤﻌﻪ ...

ﻟﻴﺶ ﻫﻴﺞ ﻳﺴﻮﻥ ﻣﺎﻛﺎﻓﻲ ﺩﻣﺮﻥ ﺣﻴﺎﺗﺞ ﺭﺟﻌﻦ ﻋﻠﻴﻪ ﺍﻟﻠﻪ ﻻﻳﻨﻄﻴﻬﻦ ..

ﺳﻤﻴﺔ : ﻳﻤﺔ ﻧﺎﺱ ﻣﺎﺗﺨﺎﻑ ﻣﻦ ﺍﻟﻠﻪ ﻫﻨﺔ ﻳﻜﺮﻫﻨﺞ ﻻﻥ ﺍﻧﻲ ﺍﻣﺞ ﻫﺴﺔ ﻛﻮﻟﻲ ﻟﻌﻤﺘﺞ ﺧﻠﻴﻨﻲ ﺍﺧﺬﺝ ﻟﺴﻴﺪ ﺍﻋﺮﻑ ﺑﻴﻪ ﻣﺎﻝ ﻫﻴﺞ ﺷﻐﻼﺕ ﻓﻚ ﺳﺤﺮ ..

ﺳﺪﻳﺘﻪ ﻣﻦ ﺍﻣﻲ ﻭﺭﺣﺖ ﻟﻐﺮﻓﺔ ﻋﻤﺘﻲ ﻭﺣﺠﻴﺘﻠﻬﺎ ﻛﻠﺘﻬﺎ ﺍﻧﺘﻲ ﻛﻮﻟﻲ ﻟﺴﻴﻒ ﻻﻥ ﻣﺎ ﻳﻘﺒﻞ ﺧﻄﻴﺔ ﻫﻲ ﻫﻤﻴﻦ ﻣﻘﻬﻮﺭﺓ ﻉ ﺣﺎﻟﺘﻲ ﺭﺟﻊ ﺳﻴﻒ ﻭﻋﻤﺘﻲ ﻛﺎﻟﺘﻠﻪ ..

ﻫﻮ ﻭﺍﻓﻖ ﺭﺣﺖ ﺍﻧﻲ ﻭﺍﻣﻲ ﻭﻋﻤﺘﻲ .. ﺩﺧﻠﻨﻪ ﻉ ﺍﻟﺴﻴﺪ

ﺷﻔﺘﻪ ﺭﺟﺎﻝ ﻛﻠﺶ ﺟﺒﻴﺮ ﻭﺟﺎﻥ ﻳﻤﻪ ﻣﺮﺓ ﺩﺧﻠﻨﻪ ﺍﺣﻨﺎ ﻭﺍﻧﻲ ﺧﺎﻳﻔﺔ ... ﻻﺯﻣﺔ ﺍﻳﺪ ﺍﻣﻲ ﺷﻔﺘﻪ ﻳﻘﺮﺃ ﻉ ﺍﻟﺒﻨﻴﺔ ..

ﺑﻌﺪﻳﻦ ﺍﻟﺒﻨﻴﺔ ﺍﺷﻠﻮﻥ ﻛﺎﻣﺖ ﺗﺮﺟﻒ ﻭﺗﻬﺰ ﺑﺮﻭﺣﻬﺎ ﺍﻧﻲ ﺧﺘﻠﺖ ﻭﺭﺍ ﻋﺒﺎﻳﺔ ﺍﻣﻲ ﺧﻔﺖ ... ﻗﺮﺃ ﻉ ﺭﺃﺳﻬﺎ ﻣﺎ ﺍﻋﺮﻑ ﺷﻨﻮ ﺷﻮﻱ ﻭﺷﻔﺘﻬﺎ ﺍﺭﺗﺎﺣﺖ ﻭﺍﻣﻬﺎ ﻳﻤﻜﻦ ﻭﻳﺎﻫﺎ ﻛﺎﻣﺖ ﺗﺸﻜﺮ ﻣﻦ ﺍﻟﺴﻴﺪ ... ﻭﻃﻠﻌﻮﻭ

ﺍﻧﻲ ﺑﺎﻭﻉ ﻋﻠﻴﻪ .. ﻭﻫﻮ ﻛﺎﻟﻲ ﺗﻌﺎﻟﻲ ﺑﺎﺑﺎ ﻳﻤﻲ

ﺍﻧﻲ ﺭﺣﺖ ﻭﺍﻣﻲ ﻭﻋﻤﺘﻲ ﻳﻤﻲ ..

ﺑﺎﻭﻉ ﻋﻠﻴﻪ ﻛﺎﻝ ﻫﺎﻱ ﻣﺴﻮﻳﻠﺞ ﻣﺎﻝ ﺯﻭﺍﺝ ﻭﺑﻘﻰ ﻳﺤﺠﻲ ﺍﻧﻲ ﻣﺎ ﺍﻓﺘﻬﻤﺖ ﺷﻲ ﺑﻌﺪﻳﻦ ﻛﺎﻝ ﺗﻌﺎﻟﻲ ﺗﻘﺮﺑﻲ ﺍﻧﻲ ﺧﻔﺖ ﻳﺴﻮﻳﻠﻲ ﺷﻲ ﺑﺎﻭﻋﺖ ﻉ ﺍﻣﻲ ﻛﺎﻟﺖ ﺍﺗﻘﺮﺑﻲ ﻳﻤﻪ

ﻫﻮ ﺧﻠﻪ ﺍﻳﺪﻩ ﻉ ﺭﺍﺳﻲ ﻭﺻﻞ ﻳﻘﺮﺃ ﺍﻳﺎﺕ ﻭﻛﻠﻤﺎﺕ ﻣﺎ ﻣﻔﻬﻮﻣﻪ ﺑﻌﺪﻳﻦ ﺟﺎﺏ ﺑﻄﻞ ﻣﻲ ﻗﺮﺃ ﻋﻠﻴﻪ ﻭﺧﻠﻪ ﺑﻴﻪ ﺃﻭﺭﺍﻕ ﺑﻴﻬﻦ ﻃﻼﺳﻢ ﺭﺵ ﻉ ﻭﺟﻬﻲ ﻭﻛﺎﻝ ﻫﺬﺍ ﺍﺳﺒﺤﻴﻦ

ﺑﻴﻪ ﻭﻣﺎﻱ ﻻ ﺫﺑﻴﻪ ﺑﺤﻤﺎﻡ .. ﺭﺷﻲ ﻉ ﺍﻟﺤﺎﻳﻂ ﻭﺑﻌﺪﻳﻦ

ﺍﻧﻄﺎﻧﻲ ﻣﺜﻞ ﺣﺮﺯ ﻛﺎﻝ ﻫﺬﺍ ﺷﻴﻠﻲ ﻭﻳﺎﺝ .. ﻣﻦ ﺍﻛﻮﻧﻴﻦ ﻧﻈﻴﻔﺔ ﺭﺟﻊ ﻗﺮﺃ ﻉ ﺭﺍﺳﻲ ﻣﺮﺓ ﺛﺎﻧﻴﺔ ﺍﺣﺲ ﺭﻭﺣﻲ ﺍﺭﺗﺎﺣﻴﺖ ﺷﻮﻱ ... ﻛﺎﻝ ﺍﺫﺍ ﻣﺎ ﺻﺎﺭ ﺗﺤﺴﻦ ﺍﺭﺟﻌﻠﻲ

ﺍﻣﻲ ﻭﻋﻤﺘﻲ ﺍﺷﻜﺮﻥ ﻣﻨﻪ ..

ﻃﻠﻌﻨﻪ .. ﻋﻤﺘﻲ ﻛﺎﻟﺖ ﺍﻟﻠﻴﻠﺔ ﻧﺮﻭﺡ ﻟﺰﻳﺎﺭﺓ ...

ﺭﺟﻌﻨﻪ ﻟﺒﻴﺖ ﻭﺍﻧﻲ ﺍﺣﺲ ﺑﺮﻭﺣﻲ ﺍﺣﺴﻦ ﺷﻮﻱ ﻋﻤﺘﻲ ﻛﺎﻟﺖ ﻧﺎﺧﺬ ﺩﻳﻤﺔ ﻟﺰﻳﺎﺭﺓ ..

ﺑﻠﻴﻞ ﻃﻠﻌﻨﻪ ... ﺭﺣﻨﻪ ﻟﻜﺮﺑﻼﺀ ﺍﻧﻲ ﻭﻋﻤﺘﻲ ﻭﺳﻴﻒ ﻭﺍﺧﺘﻪ ... ﺭﺣﺖ ﺯﺭﺕ ﺍﻹﻣﺎﻡ ﻭﺩﻋﻴﺘﻪ ﺍﻟﻠﻪ ﻳﺒﻌﺪ ﻋﻨﻲ ﻫﺬﺍ ﺍﻟﻮﻫﻮﺍﺱ ﻻﻥ ﺍﺿﺮ ﻧﻔﺴﻲ ﻭﺳﻴﻒ ﻭﻳﺎﻱ ... ﻫﻨﺎﻙ ﺷﻔﺖ ﺑﺤﻈﺮﺓ ﺳﻴﺪ .. ﺭﺣﺖ ﻳﻤﻪ ﻭﻛﻠﻴﺘﻠﻪ ﻉ ﺣﺎﻟﺘﻲ ...

ﻛﺎﻝ ﺍﻧﻄﻴﻨﻲ ﺍﻻﺳﻤﺎﺀ ﺍﻟﺸﺎﻛﺔ ﺑﻴﻬﻢ ... ﺍﻧﻄﻴﺘﻬﻢ ..

ﻫﻮ ﻫﻤﻴﻦ ﻗﺮﺃ ﻭﺭﺵ ﻋﻠﻴﻪ ﻣﺎﻱ ﺍﺣﺲ ﺷﻲ ﺛﻜﻴﻞ ﻭﺭﺍﺡ ﻣﻦ ﺟﺴﻤﻲ ﺣﺴﻴﺖ ﺭﻭﺣﻲ ﺧﻔﻴﻔﺔ ... ﺷﻔﺖ ﺳﻴﻒ ﺍﺟﻪ ﺍﻧﻲ ﻭﺍﻛﻔﺔ ﻳﻢ ﻋﻤﺘﻲ ...

ﻟﺰﻣﺖ ﺍﻳﺪﺓ ﻫﻮ ﺗﻔﺎﺟﺎﺓ ﻻﻥ ﺍﺗﻐﻴﺮﺕ ﺑﺴﺮﻋﺔ ..

ﺩﻳﻤﺔ : ﺳﻴﻒ ﻻﺗﺘﺮﻛﻨﻲ ﺣﺒﺎﺏ ..

ﺳﻴﻒ : ﻟﺞ ﻣﺨﺒﻞ ﻭﺍﺗﺮﻛﺞ ﺷﻨﻮ ﺳﺒﺐ ﻫﺎﻱ ﺍﻻﺑﺘﺴﺎﻣﺔ

ﺩﻳﻤﺔ : ﻣﺎ ﺍﻋﺮﻑ ﺍﺣﺲ ﺭﻭﺣﻲ ﻣﺮﺗﺎﺣﺔ ...

ﺳﻴﻒ : ﺍﻟﻠﻪ ﻳﺪﻳﻤﻬﺎ ﻋﻠﻴﺞ ..

ﺿﻠﻴﺖ ﻻﺯﻣﺔ ﺍﻳﺪﺓ ﻭﺍﻧﻲ ﺍﻣﺸﻲ ﻋﻤﺘﻲ ﻣﻦ ﺷﺎﻓﺘﻨﻲ ﻫﻴﺞ ﻓﺮﺣﺖ ﻭﻫﻮ ﻫﻤﻴﻦ ... ﺍﺧﺬﻧﻪ ﻟﻤﻄﻌﻢ ﻭﺍﻛﻠﻨﻪ ﻛﻠﺶ ﺗﻮﻧﺴﻨﻪ ﺑﺰﻳﺎﺭﺓ ﻭﻫﻮ ﻣﺎﺧﻠﺔ ﺷﻲ ﻣﺎﺟﺎﺑﻪ ﺍﻟﻴﻪ ..

ﺧﺎﺑﺮﺕ ﺣﻨﻴﻦ ﺗﺤﻈﺮﻱ ﻏﺮﻓﺔ ... ﺍﺭﻳﺪ ﺍﺳﻮﻳﻠﺔ ﻣﻔﺎﺟﺎﺓ ..

ﺛﺎﻧﻲ ﻳﻮﻡ ﺭﺣﻨﺎ ﻹﻣﺎﻡ ﻋﻠﻲ ﻫﻤﻴﻦ ﺯﺭﻧﺎ ... ﻭﺑﻌﺪﻳﻦ ﻃﻠﻌﻨﻪ ﻭﺻﻠﻨﻪ ﺑﻠﻴﻞ ... ﻻﻥ ﺟﺎﻥ ﻃﺮﻳﻖ ﺍﺯﺩﺣﺎﻡ ...

ﺭﺣﺖ ﺑﺴﺮﻋﺔ ﺻﻌﺪﺕ ﻫﻮ ﺑﻘﻰ ﺟﻮﺓ ... ﻻﻥ ﺟﺎﻥ ﺳﺎﻣﺮ ..

ﺣﻨﻴﻦ ﺟﺎﻧﺖ ﻣﺨﻠﻴﺘﻠﻲ ﺷﻤﻮﻉ ﻭﺭﺩ ﺑﺴﺮﻋﺔ ﺭﺣﺖ ﻏﺴﻠﺖ ﻭﻟﺒﺴﺖ ﺳﻴﺖ ﻧﻮﻡ ... ﻣﻜﻴﺠﺖ ﻉ ﺳﺮﻳﻊ ﺷﻌﺮﻱ ﻓﺘﺤﺘﻪ ﻫﻮ ﻧﺎﻋﻢ ... ﺧﻠﻴﺖ ﺣﻤﺮﺓ ﻛﻠﺶ ﻃﻮﺥ ﻭﻛﺤﻞ

ﻭﻣﺴﻜﺎﺭﺓ ﺭﺷﻴﺖ ﻋﻄﺮ ... ﺷﻐﻠﺖ ﻧﺸﺮﺓ ﺟﺎﻧﺖ ﻣﻮﺟﻮﺩﺓ ﻭﺍﺿﻮﻳﺔ ﺣﻤﺮ ﺻﺎﺭﺕ ﻏﺮﻓﺔ ﻛﻠﺶ ﺣﻠﻮﺓ ﻭﺧﻠﻴﺖ ﻣﻌﻄﺮ ﺟﻮﺀ ...

ﺿﻠﻴﺖ ﻛﺪﺍﻡ ﺍﻟﻤﺮﺍﻳﺔ ﺍﻋﺪﻝ ﺑﻨﻔﺴﻲ ﻭﺍﻧﻲ ﻣﺘﻮﺗﺮﺓ

ﻭﺧﺎﻳﻔﺔ ﺑﺲ ﺭﺍﻳﺪﺓ ﺳﻴﻒ .. ﺷﻮﻱ ﺍﺗﺎﺧﺮ ..

ﺳﻤﻌﺖ ﺻﻮﺕ ﺧﻄﻮﺍﺗﻪ ﻉ ﺍﻟﺪﺭﺝ ﻭﺍﻧﻲ ﻛﻠﺒﻲ ﻳﺪﻙ ﺳﺮﻳﻊ

ﻓﺘﺢ ﺍﻟﺒﺎﺏ .. ﺍﺗﻔﺎﺟﺎﺓ ﻣﻦ ﺷﺎﻓﻨﻲ ﻫﻴﺞ .. ﺿﺤﻚ

ﻭﺍﻧﻲ ﺧﺠﻼﻧﻪ ﻻﻥ ﺟﺎﻥ ﺳﻴﺖ ﻓﺎﺿﺢ ﻛﻠﺶ ..

ﻫﻮ ﺍﺟﻪ ﺍﺗﻘﺮﺏ ﻳﻤﻲ ﺑﺎﺱ ﺭﺍﺳﻲ ﻛﺎﻝ ﺷﻮﻱ ﻭﺍﺭﺟﻊ

ﺍﺧﺬ ﻣﻼﺑﺴﺔ ﺗﺮﺍﻙ ﻭﻣﻨﺸﻔﺔ ﺩﺧﻞ ﻟﺤﻤﺎﻡ

ﻭﺍﻧﻲ ﻣﺘﻮﺗﺮﺓ ﻛﻠﺶ ﺑﺪﻳﺖ ﺍﻗﺮﺍ ﺍﻳﺎﺕ ﻣﺎ ﻃﻮﻝ ﻃﻠﻊ ﺑﺲ ﺑﺠﺎﻣﺔ ﺟﺎﻥ ﻫﻮ ﺟﺴﻤﺔ ﻣﻌﻀﻞ ﺑﺤﻜﻢ ﻋﻤﻠﻪ ﺍﺳﺘﺤﻴﺖ ﺍﺑﺎﻭﻋﻠﻪ ﻭﺍﻧﻲ ﻧﻔﺲ ﻛﻌﺪﺗﻲ ﻉ ﺍﻟﻤﺮﺍﻳﺔ ... ﻭﻣﺮﺗﺒﻜﺔ

ﻫﻮ ﺣﻈﻨﻲ ﻣﻦ ﻭﺭﺍ ﻭﻳﺒﺎﻭﻉ ﻟﻤﺮﺍﻳﺔ ﺷﻌﺮﺓ ﺟﺎﻥ ﻧﺎﺯﻝ

ﺿﻞ ﻳﺸﻢ ﺑﺸﻌﺮﻱ .. ﺍﻧﻔﺎﺳﺔ ﺗﻀﺮﺏ ﺑﻮﺟﻬﻲ ..

ﺻﺎﺭ ﻣﻘﺎﺑﻴﻠﻲ ﻭﺍﻧﻲ ﻣﻨﺰﻟﺔ ﺭﺍﺳﻲ ﺭﻓﻊ ﻭﺟﻬﻲ ﺑﻴﺪﻩ ﺻﺎﺭﺕ ﻋﻴﻨﻲ ﺑﻌﻴﻨﻪ ﺿﻞ ﻳﺒﺎﻭﻋﻠﻲ ﺗﻘﺮﺏ ﻣﻨﻲ ﻭﺍﻧﻲ ﺍﺭﺟﻒ ﺑﺎﺳﻨﻲ ﺑﻮﺳﻪ ﺧﻔﻴﻔﺔ ﺍﺑﺘﻌﺪ ﻋﻨﻲ ﻭﺍﻧﻲ ﻣﻐﻤﻀﺔ ﻋﻴﻮﻧﻲ ﺑﻌﺪﻳﻦ ﻓﺘﺤﺘﻦ ﻭﺍﻧﻲ ﺫﺍﻳﺒﺔ ﻣﻦ ﻗﺮﺑﻪ ..

ﺭﺟﻊ ﺑﺎﺳﻨﻲ ﺍﻗﻮﻯ ﺍﺣﺲ ﺭﻭﺣﻲ ﻃﺎﻳﺮﺓ ﻣﺎﻛﺪﺭﺕ ﺍﻭﻛﻒ

ﻫﻮ ﺷﺎﻟﻨﻲ ... ﻭﺻﻞ ﻳﻬﻤﺲ ﻳﻢ ﺍﺫﻧﻲ ﻭﺍﻧﻲ ﺭﺍﻳﺤﺔ ﻟﻐﻴﺮ ﻋﺎﻟﻢ ... ﺍﺟﺎﻭﺑﺖ ﻭﻳﺎﻩ ﻣﺎ ﺣﺴﻴﺖ ﺑﺲ ﻉ ﺍﻟﻢ .. ﻭﺣﺮﺍﺭﺓ ﺗﻄﻠﻊ ﻣﻨﻲ ﻫﻮ ﺑﺎﺳﻨﻲ ﺑﺮﺍﺳﻲ ﻭﻛﺎﻝ ﻣﺒﺮﻭﻙ ﻫﺬﺍ ﻧﻴﺸﺎﻧﺞ

ﻣﺎ ﺍﻋﺮﻑ ﻳﻤﺘﻪ ﺻﺎﺭ ﻭﻻ ﺣﺴﻴﺖ ﺑﻴﻪ ... ﻫﻮ ﻛﺎﻝ ﺗﺎﺫﻳﺘﻲ

ﺍﻧﻲ ﺷﻮﻱ ﻋﻨﺪﻱ ﺍﻟﻢ ﺩﻣﻌﺖ ﻋﻴﻨﻲ . ﺍﺧﺬﻧﻲ ﻉ ﺻﺪﺭﺓ ﻭﺍﻧﻲ ﺍﺑﺠﻲ ﻣﺎ ﺍﻋﺮﻑ ﻟﻴﺶ ... ﻭﻫﻮ ﻳﻬﺪﻯ ﺑﻴﻪ ﻛﺎﻝ ﺗﻌﺎﻟﻲ ﺍﺳﺒﺤﺞ ﺍﻧﻲ ﺍﺳﺘﺤﻴﺖ ﻛﻠﻴﺘﻠﻪ ﺍﻧﻲ ﺍﺳﺒﺢ ﻭﺣﺪﻱ .. ﻫﻮ ﺭﺍﺡ ﺳﺒﺢ ﻭﺑﻌﺪﻳﻦ ﺍﻧﻲ ﺩﺧﻠﺖ ﺑﺲ ﺷﻨﻮ ﻣﺎ ﺍﻛﺪﺭ ﺍﺑﺎﻭﻉ ﺑﻌﻴﻮﻧﻪ ... ﺿﻠﻴﺖ ﺑﺤﻤﺎﻡ ﻣﺘﻮﺗﺮﺓ .. ﺍﺳﻤﻊ ﺍﻣﻪ ﺗﻬﻠﻬﻞ ﻳﺎﺭﺑﻲ ﺍﺷﻠﻮﻥ ﺑﻌﺪ ﺍﻃﻠﻊ ...

ﻫﻮ ﺍﺳﻤﻌﻪ ﻭﺭﺍﺀ ﺍﻟﺒﺎﺏ ﺩﻳﻤﺔ ﺑﻴﺞ ﺷﻲ ﺍﻓﺘﺤﻲ ﺑﺎﺏ ...

ﻓﺘﺤﺘﻪ ﻭﺍﻧﻲ ﻛﻠﺶ ﻣﺴﺘﺤﻴﺔ ..

ﻟﻜﻴﺖ ﻋﻤﺘﻲ ﻣﻮﺟﻮﺩﺓ ﺍﺟﺖ ﺑﺎﺳﺘﻨﻲ ﻭﺑﺎﺭﻛﺘﻠﻲ ﻫﻢ ﻋﺎﺩﺗﻬﻢ ﻳﻨﻄﻮﻥ ﻓﻠﻮﺱ ﺍﻧﻄﺘﻨﻲ ﻓﻠﻮﺱ ..

ﺑﻌﺪﻳﻦ ﺭﺍﺣﺖ ﻫﻮ ﺑﻘﺔ .. ﻛﺎﻋﺪ ﻉ ﺍﻟﺠﺮﺑﺎﻳﺔ ﻳﺒﺎﻭﻉ ﻋﻠﻴﻪ ﻭﺍﻧﻲ ﺍﻣﺸﻂ ﺷﻌﺮﻱ ﻫﻮ ﺍﺟﻪ ﺳﺤﺐ ﻣﺸﻂ ﻭﻛﺎﻡ ﻳﻤﺸﻂ ﻭﻳﻜﻠﻲ ﻫﺬﺍ ﺷﻌﺮ ﻣﺎﻟﺘﻲ ﻣﺎ ﺍﺭﻳﺪﺝ ﺍﺑﺪ ﺍﻛﺼﻴﻪ ..

ﺭﺣﺖ ﻧﻤﺖ ﻉ ﺻﺪﺭﻩ ﻭﺍﻧﻲ ﻣﺮﺗﺎﺣﺔ ...

ﻭﻫﻮ ﻫﻤﻴﻦ ...

ﻛﻌﺪﺕ ﺍﻟﺼﺒﺢ ﻭﻫﻮ ﻧﺎﻳﻢ ﺑﻌﺪﻩ ﻣﺎ ﺭﺩﺕ ﺍﻛﻌﺪﻩ ﻟﺒﺴﺖ

ﻓﺴﺘﺎﻥ ﺧﻠﻴﺠﻲ ﺫﻫﺒﻲ ﻭﺑﻴﻪ ﺧﻴﻂ ﺍﺳﻮﺩ ﻛﻠﺶ ﺣﻠﻮ

ﻧﺰﻟﺖ ﻭﻛﻠﻬﺎ ﺗﺒﺎﺭﻛﻠﻲ ﻭﺍﺧﺘﻪ ﻫﻤﻴﻦ ﻭﺍﻧﻲ ﻣﺴﺘﺤﻴﺔ

ﺳﻮﻳﺘﻠﻪ ﺭﻳﻮﻙ ... ﻭﺍﺷﻮﻑ ﺳﻴﻒ ﻧﺎﺯﻝ ... ﻣﺎ ﻣﺼﺪﻛﺔ ﻭﺍﺧﻴﺮ ﺻﺮﺕ ﺯﻭﺟﺘﻪ ﻫﻮ ﺑﺎﻭﻋﻠﻲ ﺿﺤﻚ ﻭﻏﻤﺰﻟﻲ

ﺭﺍﺡ ﺑﺎﺱ ﺑﻴﺒﺘﻪ ﻭﻫﻲ ﺗﺒﺎﺭﻛﻠﻪ ﺍﺟﻪ ﻳﻤﻲ ..

ﺳﻴﻒ : ﺍﻟﺤﻠﻮ ﻣﺨﻠﻴﻨﻲ ﻭﻧﺎﺯﻝ .. ﻟﻴﺶ

ﺩﻳﻤﺔ : ﻋﻴﺐ ﻗﺎﺑﻞ ﻧﺒﻘﻰ ﺑﻐﺮﻓﺔ ..

ﺳﻴﻒ : ﻏﻴﺮ ﻋﺮﺳﺎﻥ ... ﻭﻫﻮ ﻳﻐﻤﺰﻟﻲ

ﺟﺎﻧﻮ ﻛﻠﻬﻢ ﻳﺒﺎﻭﻋﻮﻥ ﻋﻠﻴﻨﻪ ﺍﻧﻲ ﻣﺎ ﺍﻛﺪﺭ ﺍﺑﺎﻭﻉ ﺑﻮﺟﻪ ﻭﺍﺣﺪ ﻫﻮ ﻳﻀﺤﻚ ﻭﻳﺎﻫﻢ ﻭﻳﺸﺎﻗﺔ ...

ﺑﻌﺪﻳﻦ ﺻﻌﺪ ﻭﺻﺎﺣﻨﻲ ....

ﻋﻤﺘﻲ ﻛﺎﻟﺖ ﻳﻤﻪ ﺭﻭﺣﻲ ﻟﺮﺟﻠﺞ ...

...

ﺩﻳﻤﺔ ......

ﺻﻌﺪﺕ ﻓﻮﻙ ﻟﻜﻴﺘﻪ ﻣﺘﻤﺪﺩ ﻉ ﺍﻟﺠﺮﺑﺎﻳﺔ ﻭﺍﻟﺮﻳﻤﻮﺕ ﺍﻟﺘﻠﻔﺰﻳﻮﻥ ﺑﻴﺪﻩ ﻭﻳﺒﺎﻭﻉ ﻋﻠﻴﻪ ﺍﻭﻝ ﻣﺎﺷﺎﻓﻨﻲ ﺍﺑﺘﺴﻢ ..

ﺍﻧﻲ ﺭﺣﺖ ﻟﻜﻨﺘﻮﺭ ﻃﻠﻌﺘﻠﻲ ﺩﺷﺪﺍﺷﺔ ﻗﺼﻴﺮﺓ ﺳﻮﺩﺓ ﻭﺑﻴﻬﺎ ﺷﺮﻳﻂ ﺍﺣﻤﺮ ﻫﻮ ﻳﺒﺎﻭﻋﻠﻲ ﺭﺣﺖ ﻟﺤﻤﺎﻡ .. ﺑﺪﻟﺖ ﻃﻠﻌﺖ ﺭﺣﺖ ﻳﻤﻪ ﻧﻤﺖ ...

ﺳﻴﻒ : ﺍﻟﻴﻮﻡ ﺷﻴﺨﻠﺼﺞ ﻣﻨﻲ ﻭﻧﻮﺏ ﻻﺑﺴﺘﻠﻲ ﺍﺳﻮﺩ ...

ﻭﻣﻄﻠﻌﻠﺔ ﺍﻟﺮﺟﻠﻴﻦ ﺑﻴﺾ ﺟﻨﻬﻦ ﻛﻴﻤﺮ ..

ﺍﻧﻲ ﺧﺠﻠﺖ .... ﻣﻦ ﻛﻼﻣﺔ ﺧﻠﻴﺖ ﺭﺍﺳﻲ ﻉ ﺻﺪﺭﺓ

ﻭﻫﻮ ﺣﻈﻨﻲ ﺿﻞ ﻳﺘﻐﺰﻝ ﺑﻴﻪ .... ﻭﻭﻭﻭ

ﻧﻤﺖ ﻟﻠﻌﺼﺮ ﻛﻠﺶ ﺍﻻ ﻛﻌﺪﻧﻪ .. ﻛﻌﺪﺕ ﺟﻮﻋﺎﻧﺔ .. ﻛﻠﺶ

ﻛﻌﺪﺕ ﺳﻴﻒ ﻭﻧﺰﻟﻨﻪ ﺍﻧﻲ ﻭﻳﺎﻩ .. ﻟﻜﻴﺖ ﺍﺧﺘﻪ ﺍﺗﺴﻮﻱ ﻋﺸﺔ ﻃﺒﻌﺎ ﺳﻴﻒ ﻋﻨﺪﻩ ٢ ﺍﺧﻮﺍﺕ ﻭ٣ ﺍﺧﻮﺍﻥ ﻭﺍﺣﺪ ﻣﻨﻬﻢ ﻣﺰﻭﺝ ﺑﻴﺖ ﻭﺣﺪﻩ ﻭﺍﺛﻨﻴﻦ ﻣﻨﻬﻢ ﺯﻏﺎﺭ .. ﻭﺍﺧﺘﻪ ﻣﺰﻭﺟﺔ ﻭﻫﺎﻱ ﺍﺧﺘﻪ ﻣﺨﻄﻮﺑﺔ ﻟﻤﺤﻤﺪ ﺍﺧﻮ ﺳﺎﻣﺮ

ﻫﻲ ﺑﺲ ﺣﺒﺎﺑﺔ ﺭﺣﺖ ﺳﺎﻋﺪﺗﻬﺎ ﺍﺳﻤﻬﺎ ﻧﻮﺭ ... ﻫﻲ ﻣﺎﻗﺒﻠﺖ ﺍﺳﺎﻋﺪﻫﺎ ﻛﺎﻟﺖ ﺑﻌﺪﺝ ﻋﺮﻭﺱ ﺑﺲ ﺍﻧﻲ ﻣﺎ ﻗﺒﻠﺖ ...

ﺿﻠﻴﻨﻪ ﺍﻧﻲ ﻭﻳﺎﻩ ﻧﺴﻮﻟﻒ ﻭﺳﻮﻳﻨﻪ ﺍﻟﻌﺸﻰ ..

ﻓﺮﺷﻨﻪ ﺍﻟﺴﻔﺮﺓ ... ﺍﺗﻌﺸﻴﻨﻪ ﺍﻧﻲ ﺍﺳﺘﺤﻲ ﺍﻛﻞ ﻭﺳﻴﻒ ﻳﺴﻮﻳﻠﻲ ﻟﻔﺎﺕ ... ﺧﻠﺼﻨﻪ ﺑﻌﺪﻳﻦ ﺭﺩﺕ ﺍﺷﻴﻞ ﺍﻟﺴﻔﺮﺓ ﺍﻧﻲ ﻭﻧﻮﺭ ﻋﻤﺘﻲ ﻣﺎ ﻗﺒﻠﺖ ﻛﺎﻟﺖ ﺍﻟﻌﺮﻭﺱ ﻣﺎﻳﺼﻴﺮ ﺗﺸﺘﻐﻞ ﺍﻻ ﻭﺭﺍﺀ ﺳﺒﻌﺘﻬﺎ ﻫﻮ ﺍﺷﺎﺭﻱ ﻭﺍﻧﻲ ﻛﻌﺪﺕ ...

ﻳﻤﻪ ..

ﻣﺮﺕ ﺍﻻﻳﺎﻡ ﻭﺳﻴﻒ ﻣﻌﻴﺸﻨﻲ ﺑﺪﻻﻝ ﻭﺍﻧﻲ ﺷﻮﻱ ﺑﺪﻳﺖ ﺍﺗﻌﻮﺩ ﻋﻠﻴﻬﻢ .. ﺑﺪﺓ ﺍﻟﺪﻭﺍﻡ ﺍﻧﻲ ﺍﻭﻝ ﺍﺳﺒﻮﻉ ﻣﺎ ﻣﺪﺍﻭﻣﺔ ..

ﺭﺣﻨﻪ ﺍﻧﻲ ﻭﺳﻴﻒ ﻋﻠﻤﻮﺩ ﺍﺗﻔﻖ ﻭﻱ ﺍﻟﻌﻤﻴﺪ ﺑﺲ ﺑﻼﻣﺘﺤﺎﻧﺎﺕ ﺍﺟﻲ .. ﻭﺟﺎﻥ ﺍﻛﻮ ﻭﺍﺳﻄﺔ ﻭﺳﻴﻒ ﻳﻌﺮﻑ ﺍﻟﻌﻤﻴﺪ ﻭﺍﻓﻖ ﺍﻟﻌﻤﻴﺪ ... ﺍﻧﻲ ﺍﻣﺸﻲ ﻭﻳﺎﻩ ﺑﻜﻠﻴﺔ ﻭﻫﻮ ﻻﺯﻡ ﺍﻳﺪﻱ ﻛﻠﻬﺎ ﺗﺒﺎﻭﻉ ﻋﻠﻴﻨﻪ ﺷﻌﻮﺭ ﺷﻜﺪ ﺣﻠﻮ .. ﺭﺟﻌﻨﻪ ﻟﺒﻴﺖ ﺗﻌﺒﺎﻧﻴﻦ ... ﺳﻴﻒ ﺑﺪﺉ ﺩﻭﺍﻣﺔ ﻣﺮﺍﺕ ﻣﺎ ﻳﺒﺎﺕ ﺑﻠﺒﻴﺖ ﻳﻠﺰﻡ ﺧﻔﺮ ﻭﻳﺠﻲ ﺗﻌﺒﺎﻥ ... ﻣﺤﺪ ﻳﺤﺎﺟﻲ ﻻﻥ ﻣﻦ ﻳﺠﻲ ﻣﻦ ﺍﻟﺪﻭﺍﻡ ﻣﺎﻟﻪ ﺧﻠﻚ ﻛﻠﺶ ...

ﺟﺎﻥ ﺭﺍﺟﻊ ﻣﻦ ﺍﻟﺪﻭﺍﻡ ﻭﺍﻧﻲ ﻣﺤﻈﺮﺗﻪ ﺍﻟﺤﻤﺎﻡ ...

ﻫﻮ ﺩﺧﻞ ﻟﺤﻤﺎﻡ .. ﺍﻧﻲ ﺍﺭﻳﺪ ﺍﻧﺰﻝ .. ﻣﻮﺑﺎﻳﻠﻲ ﺩﻙ ﺷﻔﺖ ﺧﺎﻟﺘﻲ ﺩﺍﻛﺔ ﻋﻠﻴﻪ .. ﻓﺘﺤﺖ ﺧﻂ ﺍﺳﻤﻊ ﺻﻮﺕ ﺍﺻﺮﻳﺦ ﺧﺎﻟﺘﻲ ... ﻭﻋﻴﺎﻁ .. ﺗﻜﻮﻝ ..

ﺩﻳﻤﺔ ﻭﻟﺞ ﺍﻫﻠﺞ ﺍﺣﺘﺮﻛﻮ ﺗﻌﺎﻟﻲ ﺍﻟﺤﻜﻲ ﺍﻫﻠﺞ ﻣﺎﺗﻮ ..

ﻣﻮﺑﺎﻳﻞ ﻃﺎﺡ ﻣﻦ ﺍﻳﺪﻱ ﺍﻧﻲ ﻣﺎ ﻣﺴﺘﻮﻋﺒﺔ .. ﺷﺘﺤﺠﻲ

ﻛﻤﺖ ﺍﻋﻴﻂ ... ﺍﻫﻠﻲ ﻣﺎﺗﻮﻭ .. ﻧﺰﻟﺖ ﻉ ﺍﻟﺪﺭﺝ ﻭﺍﻧﻲ ﺍﻋﻴﻂ

ﺳﻴﻒ ﻉ ﺍﻋﻴﺎﻃﻲ ﺑﻌﺪﺓ ﻣﺎ ﺳﺎﺑﺢ ﻃﻠﻊ ﻭﻟﺒﺲ ﺃﺗﺮﺍﻙ ﻭﻫﻮ ﻳﺴﺎﻟﻨﻲ .. ﺷﻜﻮ ﺷﺼﺎﻳﺮ ﺍﻧﻲ ﻣﺎ ﺍﻛﺪﺭ ﺍﺟﺎﻭﺏ ﺑﺲ ﺍﺑﺠﻲ ﻭﺍﻋﻴﻂ ﻭﺃﻓﺘﺮ ﺍﺭﻳﺪ ﺍﻃﻠﻊ ﻫﻮ ﻟﺰﻣﻨﻲ ..

ﺳﻴﻒ : ﺩﻳﻤﺔ ﺷﺒﻴﺞ ﻭﻟﺞ ﻟﻴﺶ ﺗﺒﺠﻴﻦ .. ﺷﻜﻮ ﺷﺼﺎﻳﺮ

ﺍﻧﻲ ﺑﺼﻮﺕ ﻣﺒﺤﻮﺡ .. ﺳﻴﻒ ﺍﻫﻠﻲ ﻣﺎﺗﻮ ..

ﻫﻮ ﺍﻧﺼﺪﻡ ﻟﺒﺴﻨﻲ ﻋﺒﺎﻳﺔ ﺍﻣﻪ .. ﻻﻥ ﺟﻨﺖ ﻻﺑﺴﺔ ﺩﺷﺪﺍﺷﺔ ﻗﺼﻴﺮﺓ ﺣﺘﻰ ﻣﺎ ﻣﻨﺘﺒﻪ ﻉ ﻧﻔﺴﻲ ﻣﻦ ﻧﺰﻟﺖ ﻋﻤﺘﻲ ﺗﻬﺪﻯ ﺑﻴﻪ ﻭﻧﻮﺭ ﻭﺍﻧﻲ ﻧﺎﺭ ... ﺍﺭﻳﺪ ﺑﺲ ﺍﺭﻭﺡ ...

ﺳﻴﻒ ﺍﺧﺬﻧﻲ ﺻﻌﺪﻧﻲ ﺑﺴﻴﺎﺭﺓ ﻭﻳﺴﻮﻕ ﺳﺮﻳﻊ ..

ﺩﻳﻤﺔ : ﺳﻴﻒ ﻓﺪﻭﺓ ﺍﺳﺘﻌﺠﻞ .. ﻭﺍﻧﻲ ﺩﻣﻮﻋﻲ ﺍﺻﺐ ﺍﺗﻤﻨﻰ ﻫﺬﺍ ﺍﻟﺸﻲ ﻏﻠﻂ ﻫﻲ ﺧﺎﻟﺘﻲ ﻛﺎﻟﺖ ﺍﺣﺘﺮﻙ ﺍﻟﺒﻴﺖ

ﺳﻴﻒ : ﺩﻳﻤﺔ ﺍﻫﺪﺉ ﻫﺴﺔ ﻧﻮﺻﻞ .. ﺇﻧﺸﺎﺀ ﺍﻟﻠﻪ ﻣﺎﻛﻮ ﺷﻲ ..

ﺍﻧﻲ ﺿﻠﻴﺖ ﺍﺩﻋﻲ ﻻﻥ ﻣﺎ ﻋﻨﺪﻱ ﺷﻲ ﻏﻴﺮ ﺍﻟﺪﻋﺎﺀ ..

ﻫﻮ ﺍﺣﺴﺔ ﻣﺮﺗﺒﻚ ﺍﻛﺜﺮ ﻣﻨﻲ ..

ﻭﺻﻠﻨﻪ ﻟﺒﻴﺖ ﻭﺍﻧﻲ ﺍﺷﻮﻑ ﺍﻟﻨﺎﺭ ﺷﺎﻋﻠﺔ ﺑﻴﺘﻨﻪ ﻭﻧﺎﺱ ﻣﻠﺘﻤﻪ ﻭﺳﻴﺎﺭﺓ ﺇﻃﻔﺎﺀ .. ﻧﺰﻟﺖ ﺑﻼ ﻭﻋﻲ ﻭﺍﻧﻲ ﺍﺩﻓﻊ ﺑﻨﺎﺱ ﺍﺭﻳﺪ ﺑﺲ ﺍﺷﻮﻑ ﺣﺘﻰ ﺍﻟﻌﺒﺎﻳﺔ ﻃﺎﺣﺖ ﻣﻨﻲ ..

ﺷﻔﺖ ﺍﻟﺒﻴﺖ ﻛﻠﻪ ﻣﺤﺘﺮﻙ ﻭﺍﻧﻲ ﺍﺭﻳﺪ ﺍﺩﺧﻞ ﻟﺒﻴﺖ ..

ﻣﺎﺟﺎﻥ ﻳﻔﺼﻠﻨﻲ ﻋﻦ ﺍﻟﻨﺎﺭ ﺷﻲ ﻭﻧﺎﺱ ﺍﺗﻜﻮﻝ ﻣﻨﻮ ﻫﺎﻱ

ﻭﺍﻧﻲ ﻓﺎﻗﺪﺓ ﺳﻴﻒ ﻳﺠﺮ ﺑﻴﻪ ﻭﺍﻧﻲ ﺍﺑﻌﺪﺓ ﺍﺭﻳﺪ ﺑﺲ ﺍﺩﺧﻞ ﻭﺍﺻﻴﺢ ﻋﻠﻴﻪ .. ﺍﺭﻳﺪ ﺍﻫﻠﻲ .. ﻫﻮ ﺟﺮﻧﻲ ﺑﻜﻞ ﻗﻮﺗﻪ

ﻣﺎ ﺍﺣﺲ ﺑﺸﻲ ﺍﻻ ﺍﻧﻐﻤﻰ ﻋﻠﻴﻪ .

...

ﻛﻌﺪﺕ ﺷﻔﺖ ﺍﺍﻣﻐﺬﻱ ﺑﻴﺪﻱ .. ﺑﺎﻭﻋﺖ ﺍﻧﻲ ﻭﻳﻦ ﺑﻌﺪﻳﻦ ﺍﺫﻛﺮﺕ .. ﺭﺍﺳﺎ ﺻﺤﺖ .. ﻣﺎﺍﺍﺍﻣﺎ ﺻﻮﻓﻲ ﻭﻳﻨﻬﻢ ...

ﺍﻧﻔﺘﺢ ﺍﻟﺒﺎﺏ ﻭﺳﻴﻒ ﺩﺧﻞ ..

ﺳﻴﻒ : ﺩﻳﻤﺔ ﺣﺒﻲ ﻣﺎ ﺑﻴﻬﻢ ﺷﻲ ﺍﻃﻤﺌﻨﻲ ﺍﻫﻠﺞ ﻋﺎﻳﺸﻴﻦ ..

ﺩﻳﻤﺔ : ﻻ ﺟﺬﺏ ﻋﻠﻴﻪ ﺍﻫﻠﻲ ﻣﺎﺗﻮ ﺍﻧﻲ ﺷﻔﺘﻬﻢ ﻳﺤﺘﺮﻛﻮﻥ

ﺳﺤﺒﺖ ﺍﻟﻤﻐﺬﻱ ﻭﺍﻧﻲ ﺍﺷﻮﻑ ﺍﻟﺪﻡ ﻛﺎﻡ ﻳﻄﺎﻓﺮ .. ﺳﻴﻒ ﻳﻬﺪﻯ ﺑﻴﻪ .. ﺍﻧﻲ ﺩﻓﻌﺘﻪ .. ﻭﻃﻠﻌﺖ ﺍﺭﻛﺾ ..

ﺍﺭﻳﺪ ﺑﺲ ﺍﺷﻮﻑ ﻭﺍﺣﺪ ﻣﻦ ﺍﻫﻠﻲ ﻭﺍﺭﺗﺎﺡ ..

ﺍﻧﻲ ﺍﺑﺠﻲ .. ﻭﻧﺎﺱ ﻛﻠﻬﺎ ﺗﺒﺎﻭﻉ ﻋﻠﻴﻪ ...

ﺩﻳﻤﺔ : ﻣﺎﻣﺎ ﻭﻳﻨﺞ ﻓﺪﻭﺓ ﻻﺗﻌﻮﻓﻴﻨﻲ ﻣﻨﺘﻈﺮ ﺻﻮﻓﻲ ﻓﺪﻭﺓ ﻻﺗﻌﻮﻓﻮﻧﻲ ﺑﺲ ﺍﻧﺘﻮ ﺍﻟﻴﻪ ...

ﺳﻴﻒ ﺍﺟﻪ ﻋﻠﻴﻪ ﻭﻳﺮﻳﺪ ﻳﺮﺟﻌﻨﻲ ..

ﺳﻴﻒ : ﺩﻳﻤﺔ ﻣﻮ ﺍﻛﻠﺞ ﻣﺎ ﺑﻴﻬﻢ ﺷﻲ ﺍﻫﺪﻯ ﻣﻮﺯﻳﻦ ﻋﻠﻴﺞ ..

ﺍﻧﻲ ﻛﻌﺪﺕ ﺑﻜﺎﻉ .. ﻛﻤﺖ ﺍﺑﺠﻲ ﻭﻫﻮ ﺣﺎﻇﻨﻲ ﻭﻳﺤﻠﻔﻠﻲ

ﻛﻠﺸﻲ ﻣﺎ ﺑﻴﻬﻢ ﺑﺲ ﺍﻧﻲ ﻣﺎ ﺍﺻﺪﻙ ﺍﻻ ﺍﺷﻮﻓﻬﻢ ..

ﺩﻳﻤﺔ : ﻳﻤﺔ ﻻﺗﻌﻮﻓﻴﻨﻲ ﺍﻧﻲ ﻣﻨﻮ ﺍﻟﻲ ﺑﻌﺪﺝ ...

ﺍﻛﻮ ﻧﺎﺱ ﻣﻘﺎﺑﻴﻠﻲ ﺧﻄﻴﻪ ﻣﺮﺓ ﺗﻬﺪﻯ ﻋﻠﻴﻪ ﺍﺗﻜﻠﻲ ﺍﻟﻠﻪ ﻳﺼﺒﺮﺝ ﻛﻠﻬﺎ ﺟﺎﻧﺖ ﻣﺘﻌﺎﻃﻔﺔ ﻭﻳﺎﻱ ...

ﺭﻓﻌﺖ ﺭﺍﺳﻲ ﻭﺍﺷﻮﻑ ﻣﻨﺘﻈﺮ ﻛﺪﺍﻣﻲ ﻣﻦ ﺷﻔﺘﻪ ﻛﺎﻧﻤﺎ ﻗﻄﻌﺔ ﻣﻦ ﺟﺴﻤﻲ ﺷﻔﺘﻬﺎ .. ﺍﻧﻲ ﺭﺍﺳﺎ ﻓﺰﻳﺖ .. ﺭﺣﺖ ﺣﻈﻨﺘﻪ ...

ﺩﻳﻤﺔ : ﻭﻛﻮﺓ ﺃﺟﺮ ﺍﻟﻨﻔﺲ .. ﻣﻨﺘﻈﺮ ﻋﻔﻴﺔ ﺍﻣﻲ ﻭﻣﺼﻄﻔﻰ ﻭﻳﻨﻬﻢ ..

ﻣﻨﺘﻈﺮ : ﻣﺎ ﺑﻴﻬﻢ ﺷﻲ ﺑﺲ ﺻﺎﺭ ﻋﻨﺪﻫﻢ ﺗﺴﻤﻢ ﻭﻫﺴﺔ ﺳﻮﻟﻬﻢ ﻏﺴﻞ ﻻﺗﺨﺎﻓﻴﻦ ...

ﺳﻴﻒ : ﻣﻨﺘﻈﺮ ﺍﻫﻠﻚ ﺍﺷﻠﻮﻥ ﺻﺎﺭﻭ ﺍﻱ ﺷﻲ ﺗﺤﺘﺎﺟﻪ ﺍﻧﻲ ﻳﻤﻚ ..

ﻣﻨﺘﻈﺮ : ﺍﺩﺭﻱ ﺑﻴﻚ ﻣﺎ ﺗﻘﺼﺮ ... ﺍﻧﺘﻪ ﺍﺧﻮﻳﺔ ..

ﺍﻧﻲ ﺍﺣﺲ ﺿﻬﺮﻱ ﻳﻮﺟﻌﻨﻲ ﻭﺑﻄﻨﻲ ﺑﻌﺪﻳﻦ ﺣﺴﻴﺖ ﺣﺮﺍﺭﻩ ﻉ ﺭﺟﻠﻲ .. ﺍﻧﺼﺪﻣﺖ ﻣﻦ ﺷﻔﺘﻪ ﺩﻡ

ﺩﻳﻤﺔ : ﺳﻴﻒ ﺍﻟﺤﻜﻠﻲ ..

ﻫﻮ ﺩﺍﺭ ﻭﺟﻬﺔ ﻣﻦ ﺷﺎﻓﻨﻲ ﻫﻴﺞ ﺑﺴﺮﻋﺔ ﺷﺎﻟﻨﻲ ﻭﺍﻧﻲ ﺍﺣﺲ ﺑﻮﺟﻊ ﻳﻤﻮﺕ ﻛﻤﺖ ﺍﺑﺠﻲ ﻣﻦ ﺍﻟﻮﺟﻊ ﻭﻫﻮ ﻳﺼﻴﺢ ﺗﻌﺎﻟﻮ ﺷﻮﻓﻬﺎ ... ﻭﻳﻦ ﺍﻟﻤﻤﺮﺿﺎﺕ ﻉ ﺻﻮﺗﻪ ﻛﻠﻬﺎ ﺍﺟﺘﻲ

ﺍﺟﺘﻨﻲ ﻣﻤﺮﺿﺔ ﺷﺎﻓﺖ ﺣﺎﻟﺘﻲ .. ﻛﺎﻟﺖ ﻋﻨﺪﻫﺎ ﺇﺳﻘﺎﻁ

ﻃﻔﻞ ... ﻭﺻﺎﻳﺮ ﻋﻨﺪﻫﺎ ﻧﺰﻳﻒ ﻇﺮﺑﺘﻨﻲ ﺍﺛﻨﻴﻦ ﺇﺑﺮ

ﻭﺍﺑﺮﺓ ﻣﻬﺪﺉ .. ﻣﺎ ﺣﺴﻴﺖ ﻋﻠﻰ ﻧﻔﺴﻲ ...

ﻛﻌﺪﺕ ﺏ١٢ ﺑﻠﻴﻞ ﻣﺤﺪ ﻳﻤﻲ .. ﺻﺤﺖ ﺳﻴﻒ ..

ﻫﻮ ﺭﻛﺾ ﻋﻠﻴﻪ ﺟﺎﻥ ﺑﻠﺒﺎﺏ ﻛﺎﻋﺪ .. ﺷﻔﺘﻪ ﺗﻌﺒﺎﻥ ﻣﻦ ﺍﻟﺼﺒﺢ ﻭﻳﺎﻱ ﻭﻫﻮ ﻗﺒﻞ ﻳﻮﻡ ﺟﺎﻥ ﻋﻨﺪﻩ ﺧﻔﺮ .. ﻭﻣﺎﻧﺎﻳﻢ

ﺩﻳﻤﺔ : ﺳﻴﻒ ﺍﻧﻲ ﺣﺎﻣﻞ ﻭﻣﺎ ﺍﺩﺭﻱ .. ﻭﻃﻔﻞ ﺭﺍﺡ ..

ﺳﻴﻒ : ﻓﺪﻭﺓ ﺍﻟﺞ ﺍﻫﻢ ﺷﻲ ﺻﺤﺘﺞ ﻋﻨﺪﻧﻪ ﺍﻳﺎﻡ ﻭﻧﻌﻮﺽ

ﺩﻳﻤﺔ : ﺑﺎﻭﻋﺘﻠﻴﻪ ... ﺳﻴﻒ ﺍﻧﺘﻪ ﻣﻘﻬﻮﺭ ...

ﺳﻴﻒ : ﻛﻠﻴﺘﻠﺞ ﻓﺪﻭﺓ ﺍﻟﺞ ﻭﻫﻮ ﻣﺎﺻﺎﻟﻪ ﺍﺳﺒﻮﻉ ﻫﺬﺍ ﺭﺯﻕ ﺭﺑﺞ ﻳﺮﻳﺪ ﻳﻨﻄﻴﻨﻪ ﺍﻳﺮﻳﺪ ﻳﺎﺧﺬﺓ ..

ﺣﻈﻨﺘﻪ ... ﻭﻫﻮ ﻫﻤﻴﻦ ﺣﻈﻨﻲ ﺍﺛﻨﻴﻨﻪ ﺟﻨﻪ ﻣﺤﺘﺎﺟﻴﻦ ﻫﺬﺍ ﺍﻟﺤﻈﻦ ...

ﺭﻓﻌﺖ ﺭﺍﺳﻲ ..

ﺩﻳﻤﺔ : ﺳﻴﻒ ﺍﺭﻳﺪ ﺍﺷﻮﻑ ﻣﺎﻣﺎ ﻭﺻﻮﻓﻲ ..

ﺳﻴﻒ : ﺍﻱ ﺗﻌﺎﻟﻲ .. ﺭﺣﺖ ﺍﻟﻬﻢ ﺷﻔﺘﻬﻢ ﻧﺎﻳﻤﻴﻦ ﻭﺟﻬﻢ ﺍﺳﻮﺩ .. ﻣﻦ ﺍﻟﺪﺧﺎﻥ ... ﺩﺧﻠﺖ ﻭﺍﻧﻲ ﺩﻣﻮﻋﻲ ﺗﺠﺮﻱ ﻟﻠﺤﻈﺔ ﺍﺟﻴﺖ ﺍﻓﻘﺪﻫﻢ ﻭﺑﻌﺪ ﻣﺎ ﺍﺷﻮﻓﻬﻢ ﻭﺻﻠﺖ ﻟﻤﺎﻣﺎ ﻭﻛﻤﺖ ﺍﺑﻮﺱ ﺑﻴﻪ ﺑﻮﺟﻬﺎ ﻭﺍﺩﻳﻬﺎ ... ﻭﺻﻮﻓﻲ ﻫﻤﻴﻦ ..

ﻭﺍﺣﺪ ﻣﺎ ﻳﻌﺮﻑ ﺍﻟﻨﻌﻤﺔ ﺍﻻ ﻣﻦ ﻳﺤﺲ ﻳﺮﻳﺪ ﻳﻔﻘﺪﻫﺎ ..

ﺑﻌﺪﻳﻦ ﺍﻟﺪﻛﺘﻮﺭ ﻛﺎﻝ ﺍﻃﻠﻌﻲ ﺧﻠﻲ ﻳﺮﺗﺎﺣﻮﻥ ..

ﻃﻠﻌﺖ ﻭﺭﺟﻌﺖ ﺳﻴﻒ ﺟﺎﻳﺒﻠﻲ ﻣﻌﻼﻙ ﻻﻥ ﻛﺎﻝ ﻧﺎﺯﻓﺔ ﻫﻮﺍﻱ ﻭﻣﻮﺯﻳﻦ ﻋﻠﻴﺞ ﻛﻮﺓ ﺍﻛﻠﺖ ﻭﻫﻮ ﺧﻄﻴﺔ ﻫﻢ ﺍﻛﻞ ...

ﻭﺭﺍﺀ ﻳﻮﻣﻴﻦ ﻃﻠﻌﻮ ﻣﺎﻣﺎ ﻭﺻﻮﻓﻲ .. ﺑﺲ ﺑﻴﺘﻨﻪ ﻛﻠﺶ ﻣﻨﺘﻬﻲ ﻣﺎ ﺑﺎﻗﻲ ﺑﺲ ﻏﺮﻓﺔ ﻭﺣﺪﺓ ... ﻣﻨﺘﻈﺮ ﺃﺟﺮ ﻣﺸﺘﻤﻞ ﻣﻦ ﻣﺮﺓ ﻋﺠﻮﺯ ﺑﺲ ﻫﻲ ﻭﺑﻨﺘﻬﺎ ... ﻭﺍﺷﺘﺮﺍﺀ ﻏﺮﺍﺽ ﻛﺎﻝ ﻟﺤﺪ ﻣﺎ ﺍﺑﻨﻲ ﺍﻟﺒﻴﺖ .....

ﺍﻧﻲ ﺭﺣﺖ ﻭﻳﺎﻫﻢ ﺍﺳﺎﻋﺪﻫﻢ ﻻﻥ ﺍﻣﻲ ﺑﻌﺪﻫﺎ ﻣﺮﻳﻀﺔ ...

ﺿﻠﻴﺖ ﻳﻤﻬﻢ ﺍﺳﺒﻮﻉ ﺧﺎﺑﺮ ... ﺳﻴﻒ

ﺳﻴﻒ : ﺩﻳﻤﺔ ﺣﺒﻴﺒﺘﻲ ﻣﺎ ﺍﺷﺘﺎﻗﺘﻠﻲ ﻭﻟﺞ ﻛﻠﺒﻲ ﻃﺎﻙ ﻋﻠﻴﺞ ..

ﺩﻳﻤﺔ : ﻭﺍﻟﻠﻪ ﺣﺒﻴﺒﻲ ﻣﺸﺘﺎﻗﺘﻠﻚ ﺑﺲ ﺗﻌﺮﻑ ﺍﻣﻲ ﻣﺮﻳﻀﺔ ﺑﺎﺟﺮ ﺗﻌﺎﻝ ﺍﺧﺬﻧﻲ ..

ﺳﻴﻒ : ﻭﻟﺞ ﻏﺮﻓﺔ ﺻﺮﺕ ﻣﺎ ﺇﺩﺧﺎﻟﻬﺎ ﻻﻥ ﺍﻧﺘﻲ ﻣﻮ ﺑﻴﻬﺎ ..

ﺍﻧﻲ ﺿﺤﻜﺖ ﺑﺎﺟﺮ ﺍﻧﻲ ﻳﻤﻚ ... ﻭﺍﺻﻴﺮ ﺗﺪﺧﻠﻠﻬﺎ

ﺳﻴﻒ : ﻳﻤﺘﻪ ﻳﺠﻲ ﺑﺎﺟﺮ ... ﺭﺍﺡ ﺍﻧﺎﻡ ﻫﺴﺔ ﻋﻠﻤﻮﺩ ﻣﻦ ﺻﺒﺢ ﻳﻤﺞ ...

ﺿﺤﻜﺖ ﻉ ﺳﻮﺍﻟﻔﻪ .. ﺍﺩﺭﻱ ﻣﻘﺼﺮﺓ ﻭﻳﺎﻩ ﺑﺲ ﺍﻟﻈﺮﻭﻑ ﺟﺎﻧﺖ ﺍﻗﻮﻯ ...

ﺻﺎﺭ ﺍﻟﺼﺒﺢ ﻭﺻﺪﻙ ﺍﺷﻮﻑ ﺳﻴﻒ ﻣﻮﺟﻮﺩ ﻣﻦ ﺍﻟﺼﺒﺢ ﻣﺎﻣﺎ ﻛﺎﻟﺖ ﺭﻭﺣﻲ ﻟﺮﺟﻠﺞ ﺍﻧﻲ ﺻﺮﺕ ﺯﻳﻨﺔ ﻫﻮ ﺣﺘﻰ ﻣﺎ ﻣﺘﺮﻳﻚ .. ﺻﻌﺪﺕ ﻭﻳﺎﻩ

ﺩﻳﻤﺔ : ﺳﻮﻳﺘﻬﺎ ﺻﺪﻙ ﻭﺍﺟﻴﺖ ﻣﻦ ﺍﻟﺼﺒﺢ ..

ﺳﻴﻒ : ﻭﻟﺞ ﻣﺎﺗﻜﻮﻟﻴﻦ ﻫﺬﺍ ﺍﻟﺮﺟﺎﻝ ﻃﺎﻳﺢ ﺣﻈﻪ ﻭﺗﺤﻨﻴﻦ ﻋﻠﻴﻪ ﺍﻟﻴﻮﻡ ﻭﻳﻦ ﺗﺮﻭﺣﻴﻦ ﻣﻦ ﺍﻳﺪﻱ ...

ﻣﺸﻴﻨﻪ ﻭﺻﻠﻨﻪ ﻟﺒﻴﺖ ﻟﻜﻴﺖ ﻋﻤﺘﻲ ﻫﺴﺔ ﻛﺎﻋﺪﺓ ﺭﺣﺖ ﺳﻠﻤﺖ ﻋﻠﻴﻬﺎ ﻭﻧﻮﺭ ﻫﻤﻴﻦ .. ﺻﻌﺪﺕ ﻟﻐﺮﻓﺔ ﺍﻭﻝ ﻣﺎﺩﺧﻠﺖ ﺳﻴﻒ ﺣﻈﻨﻲ ..

ﺳﻴﻒ : ﺍﻓﻴﺶ ﻳﺎﺭﻳﺤﺔ ﻫﻠﻲ ﻫﺴﺔ ﺭﺩﺕ ﺭﻭﺣﻲ ...

ﺩﻳﻤﺔ : ﻣﺸﺘﺎﻗﺘﻠﻚ ﺑﻜﺪ ﺭﺣﻤﺔ ﺍﻟﻠﻪ ..

ﺳﻴﻒ : ﻭﺗﺮﻳﺪﻧﻲ ﺍﻟﻴﻮﻡ ﺍﺗﺮﻛﺞ ﺍﻻ ﺍﻃﻠﻊ ﻇﻴﻢ ﺍﻻﻳﺎﻡ ﻛﻠﻬﺎ ﺑﻴﺞ ...

ﺩﺧﻠﺖ ﻟﺤﻤﺎﻡ ﻭﺧﻠﻴﺖ ﺳﻴﻒ ﻧﺎﻳﻢ ﺍﻳﻜﻮﻝ ﺍﻟﺒﺎﺭﺣﺔ ﻣﺎﻧﻤﺖ ﺿﻠﻴﺖ ﻟﺼﺒﺢ ... ﻃﻠﻌﺖ ﻭﺍﻧﻲ ﺍﻣﺸﻂ ﺑﺸﻌﺮﻱ

ﺷﺴﻮﺭﺗﻪ ﻉ ﺻﻮﺕ ﺍﻟﺸﺴﻮﺍﺭ ﻛﻌﺪ ..

ﺩﻳﻤﺔ : ﺣﺒﻴﺒﻲ ﻛﻌﺪﺗﻚ ... ﻳﻼ ﺭﻭﺡ ﺍﺳﺒﺢ ... ﺣﻈﺮﺗﻠﻠﻚ ﺍﻟﻤﻼﺑﺲ ..

ﺍﺧﺬ ﺍﻟﻤﻨﺸﻔﺔ ﻭﺍﻟﻤﻼﺑﺲ ﻭﺩﺧﻞ ﺍﻧﻲ ﻛﻤﻠﺖ ﺷﻌﺮﻱ ﻭﺩﺍﺧﻠﻲ ﻣﻜﻴﺎﺝ .. ﺍﺳﻤﻊ ﺻﻮﺕ ﻣﻮﺑﺎﻳﻠﻲ ... ﻳﻬﺘﺰ

ﺭﺣﺖ ﺷﻔﺖ ﺭﺳﺎﻟﺔ ﻣﻦ ﻧﻔﺲ ﻣﺠﻬﻮﻝ ...

ﻣﻜﺘﻮﺏ ﺑﻴﻬﺎ .. ﻫﺎ ﺍﺷﻠﻮﻧﻬﺎ ﺍﻟﻬﺪﻳﺔ ﺍﻛﻴﺪ ﻋﺠﺒﺘﺞ ...

ﺍﻳﺪﻱ ﻛﺎﻣﺖ ﺗﺮﺟﻒ ﻣﻌﻘﻮﻟﺔ .. ﺗﻮﺻﻞ ﺑﻴﻬﺎ ﺍﻟﺤﺪ .. ﺍﻧﻮ ﺗﻜﺘﻞ ﺑﺸﺮ ..

ﻃﻠﻊ ﺳﻴﻒ ﻭﻫﻮ ﻳﻨﺸﻒ ﺑﺸﻌﺮﻩ .. ﺷﺎﻑ ﻭﺟﻬﻲ ﺍﺻﻔﺮ ﻭﻣﻮﺑﺎﻳﻞ ﺑﻴﺪﻱ ..

ﺳﻴﻒ : ﺩﻳﻤﺔ ﺷﺒﻴﺞ ..

ﺑﺎﻭﻋﺘﻠﻪ ﺳﻴﻒ ﺷﻮﻑ ..

ﻫﻮ ﻗﺮﺍﺀ ﺍﻟﺮﺳﺎﻟﺔ ﺍﻧﺼﺪﻡ ﻭﺿﻞ ﻳﻔﺮﻙ ﺑﻜﺼﺘﻪ ..

ﺑﻌﺪﻳﻦ ﻛﺎﻝ ﺍﻧﻄﻴﻨﻲ ﺍﻟﺮﻗﻢ ...

ﺍﺧﺬ ﺍﻟﺮﻗﻢ ... ﻭﺧﺎﺑﺮ ﻭﺍﺣﺪ ﻳﻌﺮﻓﻪ ﺑﺎﻻﺗﺼﺎﻻﺕ ...

ﻛﺎﻝ ﺍﻧﺘﻈﺮ ﺷﻮﻱ ﻭﺍﻃﻠﻌﻠﻪ ﺍﻟﻚ ﻫﻮ ﺑﻘﻰ ﻣﺘﻮﺗﺮ ﻭﻳﺮﻭﺡ ﻭﻳﺠﻲ ... ﺑﻐﺮﻓﺔ ﻭﺍﻧﻲ ﻛﺎﻋﺪﺓ ﻉ ﺍﻟﺠﺮﺑﺎﻳﺔ ... ﺍﻫﺰ ﺑﺮﺟﻠﻲ ..

ﺷﻮﻱ ﻭﺧﺎﺑﺮﺓ ﺍﻟﻮﻟﺪ .. ﻃﻠﻊ ﺍﻟﺨﻂ ﺑﺎﺳﻢ ﺍﺧﻮ ﺭﺷﺎ ﻭﺍﺷﻮﻑ ... ﺳﻴﻒ ﻋﻴﻮﻧﻪ ﺻﺎﺭﺕ ﺣﻤﺮ ...

ﺳﻴﻒ : ﻫﺬﻭﻟﺔ ﺍﻟﻌﺎﺭ ﻭﻳﻦ ﺍﻟﻴﻮﻡ ﻳﺮﻭﺣﻮﻥ ﻣﻨﻲ ... ﺍﺷﻮﻑ ﺍﻟﺰﻟﻤﺔ ﺍﻟﻴﻄﻠﻊ ﻭﺭﺍﻫﻢ ...

ﺍﺧﺬ ﺍﺳﻼﺣﺔ ﻭﺧﺎﺑﺮ ﺳﺎﻣﺮ .. ﻭﺍﻧﻲ ﺍﺗﻮﺳﻞ ﺑﻴﻪ ﻳﻌﻮﻓﻪ

ﻻﻥ ﺳﻴﻒ ﺑﻮﻛﺖ ﺍﻟﻌﺼﺒﻴﺔ ﻣﺎ ﻳﻌﺮﻑ ﺃﺣﺪ ... ﻧﺰﻝ ﻣﻦ ﺍﻟﺪﺭﺝ ...

ﻭﺍﻧﻲ ﺍﺭﻛﺾ ﻭﺭﺍﻩ ..

ﺩﻳﻤﺔ : ﺳﻴﻒ ﺍﻟﻠﻪ ﻳﺨﻠﻴﻚ ﺍﺭﺟﻊ ﺧﻠﻲ ﻳﻮﻟﻲ ﺍﺟﺖ ﻋﻤﺘﻲ

ﻫﺎ ﺷﻜﻮ ﺷﺼﺎﻳﺮ ..

ﺍﻧﻲ ﺩﻣﻮﻋﻲ ﺗﺠﺮﻱ ﺧﺎﻳﻔﺔ ﻉ ﺳﻴﻒ ..

ﻋﻤﻪ ﻓﺪﻭﺓ ﻛﻠﻴﻠﻴﻪ ﻻ ﻳﺮﻭﺡ ﺧﻠﻲ ﻳﻮﻟﻲ ..

ﻏﻴﺮ ﺗﻔﻬﻤﻴﻨﻲ ﺷﺼﺎﻳﺮ ..

ﺣﺠﻴﺘﻠﻬﺎ ﺑﻤﺨﺘﺼﺮ ﻭﻫﻲ ﻟﻄﻤﺖ ﻉ ﺻﺪﺭﻫﺎ ..

ﻳﻤﺔ ﻭﻟﻴﺪﻱ ...

ﺿﻠﻴﻨﻪ ﻛﺎﻋﺪﻳﻦ ﻭﻛﻠﻬﺎ ﻗﻠﻘﺔ ﻭﺍﻧﻲ ﺍﺗﺼﻞ ﻉ ﺳﻴﻒ ﻭﻣﺎﻳﺠﺎﻭﺏ .. ﺑﻌﺪﻳﻦ ﺳﻤﻌﻨﻪ ﺻﻮﺕ ﺭﻣﻲ ... ﻭﻛﻠﻬﺎ ﻛﺎﻣﺖ

ﺗﺼﺮﺥ ... ﻋﻤﺘﻲ ﻃﻠﻌﺖ ﺑﺸﺎﺭﻉ ﻛﺎﻟﺖ ﻭﻟﻴﺪﻱ ﺭﺍﺡ ..

ﻭﺍﻧﻲ ﺍﺑﺠﻲ ﻭﺍﺩﻙ ﻉ ﺳﻴﻒ ﻭﻣﺎﻳﺠﺎﻭﺏ ﺗﺨﺒﻠﺖ

ﺍﺩﻡ ﻉ ﺳﺎﻣﺮ ﻫﻤﻴﻦ ... ﺭﺩﺕ ﺍﻃﻠﻊ ﻭﺍﺷﻮﻑ ﺳﻴﻒ

ﺍﺟﻪ ﻭﻗﻤﻴﺼﻪ ﺑﻴﻪ ﺩﻡ ﻭﻫﻮ ﻳﺼﻴﺢ ..

ﺳﻴﻒ : ﺑﻄﺎﻧﻴﺔ ﺍﺭﻳﺪ ﺑﺴﺮﻋﺔ ..

ﺭﺍﺣﺖ ﻧﻮﺭ ﺭﻛﻀﺖ ﺟﺎﺑﺖ ﺑﻄﺎﻧﻴﺔ ﻭﺍﻧﻲ ﻋﻤﺘﻲ ﺍﻧﻜﻠﻪ

ﺷﺼﺎﻳﺮ ﻣﻨﻮ ﻣﺎﺕ ..

ﺍﺟﺖ ﻧﻮﺭ ﺟﺎﺑﺖ ﺍﻟﺒﻄﺎﻧﻴﺔ ...

ﻭﻋﻤﺘﻲ ﺍﺗﻜﻠﻪ ﻣﻨﻮ ﻣﺼﻮﺏ ...

ﺳﻴﻒ : ﻣﺤﻤﺪ ﺿﺮﺑﻪ ... ﺍﺧﻮ ﺭﺷﺎ ﻣﻜﺎﻥ ﺧﻄﻴﺮ ﺍﺩﻋﻮﻟﻪ ..

ﻋﻤﺘﻲ ﻛﻌﺪﺕ ﺑﻜﺎﻉ ﻭﻛﺎﻣﺖ ﺗﻌﻴﻂ ...

ﻣﺎ ﺍﺣﺲ ﺍﻻ ﻧﻮﺭ ﻭﻛﻌﺖ ... ﺳﻴﻒ ﻃﻠﻊ ... ﺍﻧﻲ ﺣﺮﺕ ﺍﺭﻭﺡ ﻟﻤﻨﻮ ... ﺟﺒﺖ ﻣﺎﻱ .. ﻭﺭﺷﻴﺘﻪ ﻉ ﻧﻮﺭ ... ﻭﻫﻲ ﻛﻌﺪﺕ ﻣﺜﻞ

ﺍﻟﻤﺼﺪﻭﻣﺔ ﺣﺘﻰ ﺣﺠﻲ ﻣﺎ ﺗﺤﺠﻲ ...

ﺿﻠﻴﻨﻪ ﻟﻴﻞ ﻭﻣﺎﻛﻮ ﺧﺒﺮ ﻭﺑﻴﺖ ﻛﻠﻪ ﻣﺘﻮﺗﺮ ﻭﻋﻤﺘﻲ ﺑﺲ ﺗﺪﻋﻲ ﻧﻮﺭ ﻛﺎﻋﺪﺓ ﺑﺰﺍﻭﻳﺔ .. ﻣﺎﺗﺘﺤﺮﻙ ... ﺑﺲ ﺻﺎﻓﻨﻪ ﺍﻧﻲ ﺩﻣﻮﻋﻲ ﺗﺠﺮﻱ ﺍﺣﺲ ﺍﻧﻲ ﺍﻟﺴﺒﺐ .. ﺧﺎﺑﺮ .. ﺳﻴﻒ ﻋﻠﻴﻪ

ﻭﺍﻧﻲ ﻻﺯﻣﺔ ﺍﻟﻤﻮﺑﺎﻳﻞ ﻭﺍﺭﺟﻒ ﻓﺘﺤﺖ ﺧﻂ ..

ﻛﺎﻝ ﻣﺤﻤﺪ ﻣﺎﺍﺕ ﺍﻫﻨﺎ ﺍﺟﺔ ﺍﻟﺨﺒﺮ ﺍﻟﺼﺎﻋﻘﺔ ..

ﺟﺎﻥ ﺻﻮﺕ ﻣﻮﺑﺎﻳﻠﻲ ﻋﺎﻟﻲ ﻋﻤﺘﻲ ﺳﻤﻌﺖ ﻭﻛﺎﻣﺖ

ﺗﻌﻴﻂ

...

ﺗﺮﻳﺪ ﺗﺮﻭﺡ ﻣﻨﻲ ﺧﺬﻫﺎ ﺭﻭﺣﻲ ﺍﻭﻳﺎﻙ

ﺷﺴﻮﻱ ﺑﺪﻧﻴﺘﻲ ﻟﻮ ﺍﻧﺘﻪ ﻣﺎ ﺑﻴﻬﺎ

ﺑﻜﻞ ﺧﻄﻮﻩ ﺩﻋﻴﺖ ﺗﻜﻮﻥ ﻣﺤﻔﻮﻅ

ﻭﺑﻘﺖ ﻋﻴﻨﻲ ﻋﻠﻴﻚ ﺟﺮﻭﺡ ﻣﺎﻟﻴﻬﺎ

ﻳﺎ ﻛﻠﺒﻲ ﺷﻜﻠﻚ ﺑﺎﻟﺴﻼﻣﻪ ﺗﻌﻮﺩ

ﺑﻘﺖ ﺭﻭﺣﻲ ﻭﺣﻴﺪﻩ ﺗﺮﻳﺪ ﻏﺎﻟﻴﻬﺎ

ﺍﺣﺒﻚ ﺛﻢ ﺍﺣﺒﻚ ﺛﻢ ﺍﻣﻮﺗﻦ ﺑﻴﻚ

ﺍﻧﺎ ﺍﻟﻤﻴﺖ ﻋﻠﻴﻚ ﺷﻠﻮﻥ ﺗﺎﻟﻴﻬﺎ

ﺗﺴﺎﻓﺮ ﻻ ﺗﻜﻠﻲ ﺧﺬﻧﻲ ﻭﻳﺎﻙ

ﻻﻥ ﺍﻧﺘﻪ ﺍﻟﻮﺣﻴﺪ ﺍﻳﺎﻣﻲ ﺳﺎﻟﻴﻬﺎ ....

...

ﺩﻳﻤﺔ ....

ﺍﺑﺎﻭﻉ ﻉ ﻋﻤﺘﻲ ﻛﻠﺶ ﻣﻨﻬﺎﺭﺓ ... ﺍﻧﺘﺒﻬﺖ ﻟﻨﻮﺭ ﻣﺎﺗﺘﺤﺮﻙ ..

ﺍﺑﺪ ﻉ ﻧﻔﺲ ﺍﻟﻮﺿﻌﻴﺔ .. ﻭﻫﻲ ﺗﻬﻤﺲ ..

ﺟﺬﺏ ﻣﺤﻤﺪ ﻣﺎ ﻣﺎﺕ ... ﻫﻮ ﻣﺎ ﻳﺘﺮﻛﻨﻲ ﻛﺎﻝ ..

ﻧﺰﻭﺝ ﻫﺬﺍ ﺍﻟﺸﻬﺮ ..

ﺍﻧﻘﻬﺮﺕ ﻋﻠﻴﻬﺎ .. ﻫﻲ ﺿﻠﺖ ﺑﺲ ﻫﻴﺞ .. ﺍﻧﻲ ﻭﺍﻛﻔﻪ ﺑﻨﺺ

ﻉ ﺃﺛﺮ ﺻﻮﺕ ﻋﻤﺘﻲ ﺍﻟﺠﻮﺍﺭﻳﻦ ﻛﻠﻬﺎ .. ﺍﺟﺖ .. ﻭﺑﻴﺖ ﻋﻢ ﺳﻴﻒ ﺟﺎﻧﻮ ﻳﻤﻨﻪ ﺑﻴﺘﻬﻢ ﺍﺟﻮ ﻳﻤﻜﻦ ﻣﺤﺪ ﻣﺨﺒﺮﻫﻢ ..

ﺑﺨﺒﺮ ... ﺍﻣﻪ ﻣﻦ ﺷﺎﻓﺖ ﻋﻤﺘﻲ ﻫﻴﺞ ﻛﺎﻣﺖ ﺗﺼﺮﺥ ﺷﻜﺖ ﺩﺷﺪﺍﺷﺘﻬﺎ ﻭﺣﻨﻴﻦ ﺗﺒﺠﻲ ﻛﻠﻬﺎ ....

ﺍﻣﻪ ﺗﻨﻌﻲ ...

ﻳﻤﻪ ﻋﺮﻳﺲ ﻣﺎ ﺯﻓﻴﺘﻚ ﺑﻴﺪﻱ ﻳﻤﻪ ﺍﺷﻠﻮﻥ ﺍﺻﻴﺮ ﺟﻮﺓ ﺍﻟﺘﺮﺍﺏ ... ﺍﻟﻴﻮﻡ ﺑﻮﺣﺪﻙ ﺗﻨﺎﻡ ....

ﺍﻧﺮﻳﺪ ﻧﻠﺰﻣﻬﺎ ﻣﺎﻛﻮ ﻓﻘﺪﺕ ﻛﻠﺶ ... ﺍﻟﻠﻪ ﻳﺴﺎﻋﺪﻫﺎ ...

ﺍﻧﻲ ﺑﻬﺬﺍ ﺍﻟﻮﻗﺖ ﺍﺣﺲ ﺭﻭﺣﻲ ﻏﺮﻳﺒﻪ ﺑﻴﻨﺎﺗﻬﻢ .. ﻋﻤﺘﻪ ﺗﺒﺎﻭﻋﻠﻲ ... ﺑﺤﻘﺪ ... ﻭﻛﺮﺍﻳﺒﻪ ﻛﻠﻬﻢ ﺍﺟﻮ ﻭﺳﺎﻟﻮ ﺍﺷﻠﻮﻥ ﻣﺎﺕ ... ﻭﻋﺮﻓﺖ ﻣﺎﺕ ﺑﺴﺒﺐ ﻋﺮﻛﺔ .. ﻛﻠﻬﺎ ﺗﺒﺎﻭﻋﻠﻲ

ﺑﻨﻈﺮﺍﺕ ﻛﺮﻩ ..

ﺍﻧﻲ ﺻﺮﺕ ﻭﻱ ﺣﻨﻴﻦ ﺍﺣﺲ ﺑﺲ ﻫﻲ ﻭﻳﺎﻱ ...

ﺷﻔﺖ ﻧﻮﺭ .. ﺍﺟﺖ ﻳﻤﻲ ﺍﻧﻲ ﺟﻨﺖ ﻭﺍﻛﻔﻪ .. ﻳﻢ ﺣﻨﻴﻦ ﻭﻻﺯﻣﻪ ﺍﺩﻳﻬﺎ ...

ﻭﺻﻠﺖ ﻧﻮﺭ ﻳﻤﻲ ...

ﻭﺍﻧﻲ ﺍﺭﺟﻒ ﻣﻦ ﻧﻈﺮﺍﺗﻬﺎ ..

ﻧﻮﺭ : ﻭﺑﺤﻘﺪ ﺍﻧﺘﻲ ﺍﻟﺴﺒﺐ ﻟﻮ ﻣﻮ ﺍﻫﻠﺞ ... ﻫﺴﺔ ﺍﻧﻲ ﻭﻱ ﻣﺤﻤﺪ ﺍﻧﺘﻲ ﺍﻟﺨﻠﻴﺘﻲ ... ﻳﻤﻮﺕ ﻟﺞ ﻣﻨﺘﻈﺮﺓ ﺍﻟﻴﻮﻡ ﺍﻻﺯﻭﺝ

ﺑﻴﻪ ﻭﺍﻧﺘﻲ ﺣﻄﻤﺘﻲ ﻛﻞ ﺍﺣﻼﻣﻲ ..

ﺟﺎﻥ ﻣﺤﺪ ﻣﻨﺘﺒﻪ ﻋﻠﻴﻬﺎ ﻻﻥ ﻛﻠﻬﺎ ﺣﺎﻳﺮﺓ ﺑﺎﻡ ﺳﺎﻣﺮ ..

ﻭﻫﻲ ﺗﺨﺮﺑﻄﺖ ..

ﺍﻧﻲ ﺿﻠﻴﺖ ﺿﺎﻏﻄﺔ ﻉ ﺍﻳﺪ ﺣﻨﻴﻦ ﻭﺍﻫﺰ ﺑﺮﺍﺳﻲ ﻻ ..

ﻭﺩﻣﻮﻋﻲ ﺗﺠﺮﻱ . ....

ﺧﻠﺖ ﻭﺭﺍﺣﺖ ... ﺷﻔﺘﻬﺎ ... ﺧﻠﺖ ﻣﺎﻱ ﻉ ﺭﺍﺳﻬﺎ ﻭﺑﻠﻠﺖ

ﻧﻔﺴﻬﺎ ﺍﺳﺘﻐﺮﺑﺖ ﻣﻦ ﺗﺼﺮﻓﻬﺎ ﺷﻨﻮ ﻫﺎﻱ ﻣﻌﻘﻮﻟﺔ ﺗﺨﺒﻠﺖ ..

ﻛﻠﺖ ﻟﺤﻨﻴﻦ ﻫﻲ ﺗﺒﺎﻭﻉ ﻋﻠﻴﻬﺎ ﻛﺎﻟﺖ .. ﺧﻠﻴﻨﻪ ﻧﺸﻮﻓﻬﺎ ﻫﺎﻱ ﺷﺴﻮﻱ ...

ﻣﺎ ﻟﺤﻜﻨﻪ ﻋﻠﻴﻬﺎ ... ﺍﻧﻲ ﻭﺣﻨﻴﻦ ﺷﻔﺘﻬﺎ ﺗﺮﻛﺾ . ..

ﺟﺎﻥ ﺍﻛﻮ ﻭﺍﻳﺮ ﻣﺎﻝ ﻛﻬﺮﺑﺎﺀ ﺍﻟﻴﺰﻣﻪ ﻳﻤﻮﺕ ....

ﻫﻲ ﺭﺍﺣﺖ ﻟﺰﻣﺘﻪ ... ﻭﺑﻠﺰﻣﺘﻬﺎ ﻟﻮﺍﻳﺮ ﺩﺧﻞ ﺳﻴﻒ ..

ﺍﻧﻲ ﻭﺣﻨﻴﻦ ﻧﻌﻴﻂ ... ﻣﺎﻧﻌﺮﻑ ﺷﻨﺼﺮﻑ ﺑﻬﻴﺞ

ﻣﻮﺍﻗﻒ ... ﻉ ﻋﻴﺎﻃﻨﻪ ﻧﺴﻮﺍﻥ ﻛﻠﻬﺎ ﺟﺎﻧﺖ ﺟﻮﺓ

ﻃﻠﻌﺖ ... ﺳﻴﻒ ﺟﺎﻧﺖ ﻳﻤﻪ ﻋﻮﺩﺓ ﻣﺎﻝ ﻣﺎﺳﺤﺔ ..

ﺟﺮﻫﺎ ... ﺍﻧﻲ ﻣﻦ ﺷﻔﺘﻬﺎ ﺑﻬﻴﺞ ﻭﺿﻊ .. ﻛﻠﺖ ﺧﻠﺺ ﺑﻌﺪ ﻣﺎﺗﺖ .. ﻭﺳﻤﻌﺖ ﺻﻮﺕ ﺍﻧﻜﺴﺮ ﻳﻤﻜﻦ ﻋﻤﻮﺩﻫﺎ ﺍﻟﻔﻘﺮﻱ ..

ﺍﻧﺼﺪﻣﺖ ﻣﻦ ﻫﺎﻱ ﺍﻟﺤﺎﻟﺔ ﺿﻠﻴﺖ ﺟﺎﻣﺪﺓ ﺑﻤﻜﺎﻧﻲ

ﺳﻴﻒ ﻳﺼﻴﺢ ﻋﻠﻴﻪ .. ﻋﻠﻤﻮﺩ ﺍﺟﻴﺐ ﺑﻄﺎﻧﻴﻪ ﻭﺍﻧﻲ ﻓﺎﻗﺪﺓ

ﻭﻻ ﺍﺗﺤﺮﻙ ...

ﺣﻨﻴﻦ ﺭﻛﻀﺖ .... ﺟﺎﺑﺖ ﺑﻄﺎﻧﻴﺔ ﻭﺍﻧﻲ ﺧﺎﻳﻔﺔ ..

ﻻﻥ ﻛﻠﺖ ﺍﺫﺍ ﺗﻤﻮﺕ ﻣﺎﺭﺍﺡ ﺍﺳﺎﻣﺢ ﻧﻔﺴﻲ ..

ﺟﺎﻥ ﺑﻴﻬﺎ ﻧﻔﺲ ... ﺳﻴﻒ ﺑﺴﺮﻋﺔ ... ﺍﺧﺬﻫﺎ ﺑﺴﻴﺎﺭﺓ

ﻭﺍﻣﻬﺎ ﺗﻌﻴﻂ ﺍﻻ ﺍﺗﺮﻭﺡ ﻭﻳﺎﻫﻢ ...

ﺷﺎﻟﻬﺎ ﺳﻴﻒ ﻭﺭﺍﺡ ﻫﻮ ﻭﺍﻣﻪ .. ﻭﺍﻧﻲ ﻉ ﻭﻛﻔﺘﻲ ..

ﻣﺎﺣﺴﻴﺖ ﺑﺲ ﻋﻤﺘﻪ ﻻﺯﻣﺘﻨﻲ ﻣﻦ ﺍﻳﺪﻱ .. ﻭﻫﻲ ﺍﺻﻴﺢ

ﺍﺭﺗﺎﺣﻴﺘﻲ ﺍﻡ ﺍﻟﻤﺸﺎﻛﻞ ﻣﻮﺗﻲ ﺍﻟﻮﻟﺪ ...

ﻭﻫﺴﺔ ﺭﺟﻌﺘﻲ ﻉ ﺍﻟﺒﻨﺖ ... ﻭﺟﻪ ﺍﻟﻔﻜﺮ ﻣﻦ ﺩﺧﻠﺘﻲ

ﻟﻬﺬﺍ ﺍﻟﺒﻴﺖ ﻣﺎ ﺷﺎﻑ ﺭﺍﺣﺔ ...

ﺣﻨﻴﻦ : ﻋﻤﺔ ﻋﻴﺐ ﺷﻨﻮ ﻫﺬﺍ ﺍﻟﺤﺠﻲ ... ﺩﻳﻤﺔ ﺷﻌﻠﻴﻬﺎ

ﻫﻮ ﺳﺒﺐ ﺍﻟﻤﺸﺎﻛﻞ ﺭﺷﺎ ﻣﻦ ﻭﺭﺍﻫﺎ ﺍﺟﻮ ﻳﻤﻮﺗﻮﻥ ﺍﻫﻠﻬﺎ

ﺷﻨﻮ ﻧﺴﻜﺘﻠﻬﺎ ﻭﻫﺬﺍ ﺍﺧﻮﻫﺎ ﻭﺍﺣﺪ ﻣﻮﺯﻳﻦ ﻭﻫﺴﺔ ﻫﻮ ﻫﻤﻴﻦ ﻣﺼﻮﺏ ... ﻫﺴﺔ ﺍﺣﻨﺎ ﺑﻴﺎ ﺣﺎﻝ ..

ﺍﺧﺬﺗﻨﻲ ... ﻭﺻﻌﺪﺗﻨﻲ ﻓﻮﻙ ﻭﺍﻧﻲ ﻣﺎ ﺍﻋﺮﻑ ﺷﺼﺎﺭ ﺑﻴﻪ ..

ﺣﻨﻴﻦ : ﺍﺑﻘﻲ ﻫﻨﺎ ﻻ ﺗﻨﺰﻟﻴﻦ .. ﻻﻥ ﺍﻧﺘﻲ ﺫﻧﻲ ﻣﺎ ﺗﻌﺮﻓﻴﻬﻦ

ﻣﺎﺭﺍﺡ ﺗﺨﻠﺼﻴﻦ ﻣﻦ ﺣﺠﻴﻬﻦ ﻭﻫﺎﻱ ﻋﻤﺘﻬﻢ ﻭﺣﺪﺓ ﺣﻘﻴﺮﺓ ﺍﻧﻲ ﻫﻨﺎﻙ ﻭﻣﺎ ﺧﻠﺼﺎﻧﻪ ﻣﻨﻬﺎ ﻻﺗﻔﻜﺮﻳﻦ ﺍﻧﺘﻲ ﺍﻟﺴﺒﺐ .. ﻫﺬﺍ ﻗﺪﺭ ﺭﺑﺞ ...

ﻟﺰﻣﺖ ﺍﺩﻳﻬﺎ .. ﺣﻨﻴﻦ ﻓﺪﻭﺓ ﺍﻱ ﺷﻲ ﻳﺼﻴﺮ ﻛﻠﻴﻠﻲ ..

ﺣﻨﻴﻦ : ﺍﻱ ﺣﺒﻴﺒﺘﻲ ﺍﻧﺘﺒﻬﻲ ﻉ ﻧﻔﺴﺞ ﻭﺳﺪﻱ ﻏﺮﻓﺘﺞ

ﻻﻥ ﻫﺴﺔ ﻭﺿﻊ ﺻﺎﺭ ﻣﻮﺯﻳﻦ ... ﺍﻧﻲ ﺍﺟﻴﺞ ...

ﻻﺗﻨﺰﻟﻴﻦ ﺍﺑﺪﺩ

....

ﻃﻠﻌﺖ ﺣﻨﻴﻦ ﻭﺍﻧﻲ ﺍﺣﺲ ﺭﻭﺣﻲ ﺑﺪﻭﺍﻣﺔ ﻛﻠﻬﺎ ﻫﺎﻱ ﺍﻻﺣﺪﺍﺙ ﺻﺎﺭﺕ ﺑﻴﻮﻡ ﻭﺍﺣﺪ ... ﻫﺴﺔ ﺷﻨﻮ ﻣﻮﻗﻔﻬﻢ ..

ﻣﻨﻲ .. ﺿﻠﻴﺖ ﺍﻓﻜﺮ ﻛﻠﺴﺎﻋﺔ ﺍﻟﺰﻡ ﺍﻟﻤﻮﺑﺎﻳﻞ ﻭﺍﺧﺎﻑ ﺍﺗﺼﻞ ﻉ ﺳﻴﻒ ﻟﻮ ﺍﺳﻤﻊ ﺧﺒﺮ ﻣﻮﺯﻳﻦ ... ﺟﻮﺓ ﺍﻟﻨﺴﻮﺍﻥ ﻛﻮﻣﺔ ﻻﻥ ﻛﺎﻟﻮ ﺑﻴﺖ ﺍﺑﻮ ﺳﻴﻒ ﺟﺒﻴﺮ ﻣﻮ ﻣﺜﻞ ﺑﻴﺖ ﺍﺑﻮ ﺳﺎﻣﺮ ﻭﻓﺎﺗﺤﺔ ﻧﺴﻮﺍﻥ ﻳﻤﻨﻪ ﺍﺳﻤﻊ ﺑﺲ ﺍﻟﺼﺮﻳﺦ ..

ﻭﺍﻧﻲ ﻛﺎﻋﺪﺓ ﻣﻘﺮﻓﺼﺔ ﻧﻔﺴﻲ ﻭﻣﺨﻠﻴﻪ ﺭﺍﺳﻲ ﺑﻴﻦ ﺭﺟﻠﻴﻪ ... ﻭﺍﻧﻲ ﺩﻣﻮﻋﻲ ﺍﺻﺐ .... ﻣﺎ ﺍﺩﺭﻱ ﻏﻔﻴﺖ ﻭﺍﻧﻲ ﻉ ﻫﺎﻱ ﺍﻟﻜﻌﺪﺓ ...

ﺍﻟﺴﺎﻋﺔ ... ﺍﻟﺨﻤﺴﺔ ... ﺍﻟﺼﺒﺢ ﺣﺴﻴﺖ ﺍﻟﺒﺎﺏ ﻳﻨﻔﺘﺢ ...

ﺷﻔﺘﻪ ﺳﻴﻒ ﺩﺧﻞ ... ﻗﻤﻴﺼﺔ .. ﺑﻌﺪﻩ ﺑﻴﻪ ﺩﻡ ﻧﻔﺴﻴﺘﻪ ﻣﺎ

ﻏﻴﺮﻩ ﻭﺟﻬﺔ ﺗﻌﺒﺎﻥ ... ﻣﻦ ﺷﻔﺘﻪ ﺭﺣﺖ ﺣﻈﻨﺘﻪ ﻭﺍﻧﻲ ﺍﺑﺠﻲ ...

ﺩﻳﻤﺔ : ﻓﺪﻭﺓ ﻛﻮﻟﻲ ﻧﻮﺭ ﺑﻴﻬﺎ ﺷﻲ ... ﺳﻴﻒ ﺍﺣﺲ ﺍﻧﻲ ﺍﻟﺴﺒﺐ ﺑﻜﻠﺸﻲ ﻳﺼﻴﺮ .....

ﺳﻴﻒ : ﺍﻧﺘﻲ ﻣﺎﻟﺞ ﺍﻱ ﻋﻼﻗﺔ ﻫﻮ ﻫﺬﺍ ﺍﻟﻌﺎﺭ ﺿﺮﺑﻪ ﻣﺤﻤﺪ ﺍﻟﻠﻪ ﻳﺮﺣﻤﻪ ﻭﻣﺎ ﻣﺎﺕ ﻫﻮ ﻣﻮﺗﻪ ﻣﺎ ﺭﺍﺡ ﻳﺨﻠﺺ ﻣﻨﻲ ... ﻻﺗﺤﻤﻠﻴﻦ ﻧﻔﺴﺞ ﺍﻟﻤﺴﻮﻟﻴﺔ ﻧﻮﺭ ﻋﺎﻳﺸﺔ ﺑﺲ ﻣﺨﻠﻴﻬﺎ ﺑﻌﻨﺎﻳﺔ ﻻﻥ ﺍﻟﺪﻛﺘﻮﺭ ﻛﺎﻝ ﺍﺣﺘﻤﺎﻝ ﺍﻳﺼﻴﺮ ﻋﻨﺪﻫﺎ ﺷﻠﻞ ..

ﻓﺮﺣﺖ ﻣﻦ ﻛﺎﻝ ﻧﻮﺭ ﻋﺎﻳﺸﺔ ﺑﻌﺪﻧﻲ ﻋﻨﻪ ﻻﻥ ﺟﺎﻥ ﻛﻠﻪ ﺩﻡ ..

ﺳﻴﻒ : ﺣﻈﺮﻳﻠﻲ ﺍﻟﺤﻤﺎﻡ ﺧﻠﻴﻨﻲ ﺍﺳﺒﺢ ﻭﺍﺭﺟﻊ ﻟﻤﺴﺘﺸﻔﻰ ﻻﻥ ﻣﺎ ﻳﻄﻠﻌﻮﻥ ﻫﺴﺔ ﺷﻬﺎﺩﺓ ﻭﻓﺎﺓ ﻻﻥ ﺣﺎﻟﺔ ﻗﺘﻞ ﺍﺷﻮﻑ ﻣﻌﺎﺭﻑ ﻳﻄﻠﻌﻮﻫﺎ ...

ﺭﺣﺖ ﺣﻈﺮﺗﻠﻪ .. ﺍﻟﺤﻤﺎﻡ ﻭﻃﻠﻌﺘﻠﻪ ﻣﻼﺑﺲ .. ﻗﻤﻴﺺ ﻭﺑﻨﻄﺮﻭﻧﻪ ﺍﻻﺳﻮﺩ ... ﺧﻠﺺ ﺳﺒﺢ ... ﻃﻠﻊ

ﺩﻳﻤﺔ : ﺳﻴﻒ ﺍﻟﺠﻮﻩ ﻛﻠﻬﻢ ﺫﺍﺑﻴﻦ ﺍﻟﺼﻮﺝ ﺑﻴﻪ ﻭﺍﻟﻠﻪ ﺧﺎﻳﻔﺔ

ﺳﻴﻒ : ﺣﺒﻴﺒﺘﻲ ﻫﺬﺍ ﻗﺪﺭ ﺭﺑﺞ ﺍﻧﺘﻲ ﻣﻌﻠﻴﺞ .. ﻻﺗﻨﺰﻟﻴﻦ ﺟﻮﻩ .. ﺣﺘﻰ ﻟﻮ ﻧﺰﻟﺘﻲ ﻣﻌﻠﻴﺞ ﺑﻴﻬﻢ ﻻﻥ ﺍﻟﻨﺴﻮﺍﻥ ﻣﺎ ﻋﻨﺪﻫﻢ ﺑﺲ ﺷﻐﻠﺔ ﻗﻴﻞ ﻭﺍﻟﻘﺎﻝ ...

ﻭﻫﻮ ﻳﺒﺪﻝ ﻟﺒﺲ ﺳﺎﻋﺘﻪ ﻭﻣﺤﺒﺴﺔ ... ﺣﺘﻰ ﺑﺎﺻﻌﺐ ﺍﻭﻗﺎﺗﻪ .. ﻳﻬﺘﻢ ﺑﻨﻔﺴﺔ ... ﻣﺸﻂ ﺷﻌﺮﻩ ﺍﺧﺬ ﻧﻔﺲ ...

ﺍﺟﻪ ﻳﻤﻲ ...

ﺳﻴﻒ : ﺩﻳﻤﺔ ﺣﺒﻴﺒﺘﻲ ﻻ ﺗﻔﻜﺮﻳﻦ .. ﺑﺸﻲ ﻭﺍﻧﺘﺒﻬﻲ ﻟﻨﻔﺴﺞ

ﺍﻱ ﺷﻲ ﺍﺳﻤﻌﻴﻪ ﻃﻨﺸﻲ ..

ﻫﺰﻳﺖ ﺭﺍﺳﻲ ﺑﺎﺱ ﺧﺪﻱ ﻭﻃﻠﻊ ....

ﺍﻧﻲ ﺿﻠﻴﺖ ﺍﻓﺘﺮ ﺑﻐﺮﻓﺔ ﻭﻛﻠﺴﺎﻋﺔ ﺍﻓﺘﺢ ﺍﻟﺒﺎﺏ ..

ﺍﻣﺪ ﺭﺍﺳﻲ ﻭﺍﺷﻮﻑ ﻭﺍﺭﺟﻊ ﻟﻐﺮﻓﺔ ﻟﻈﻬﺮ ﺍﺟﺖ

ﺣﻨﻴﻦ ..

ﺣﻨﻴﻦ : ﺩﻳﻤﺔ ﺗﻨﺰﻟﻴﻦ ﺍﺟﺖ ﺍﻣﺞ ﻭﺍﻣﻲ ... ﺗﻌﺎﻟﻲ ﺍﻧﺰﻟﻲ

ﺩﻳﻤﺔ : ﺧﺎﻳﻔﺔ ﺣﻨﻴﻦ ﺍﻧﺰﻝ ..

ﺣﻨﻴﻦ : ﻭﻟﺞ ﻣﻨﻴﻦ ﺗﺨﺎﻓﻴﻦ ﺷﻤﺴﻮﻳﻪ ﻗﺎﺑﻞ ﺍﻧﺘﻲ ﺍﻟﻜﺎﺗﻠﺘﻪ

ﺗﻌﺎﻟﻲ ﺍﻧﺰﻟﻲ ﻭﻳﺎﻱ ﻻ ﺍﺻﻴﺮﻳﻦ ﺟﺒﺎﻧﻪ .. ﻭﻣﻌﻠﻴﺞ ﺑﺤﺠﻲ ﻫﺴﺔ ﺍﻧﻲ ﻣﻮ ﺍﺳﻤﻊ ﺑﺲ ﺍﻏﻠﺲ ﺍﻧﺘﻲ ﺻﻴﺮﻱ ﻣﺜﻠﻲ ..

ﺭﺣﺖ ﻟﺒﺴﺖ ﺩﺷﺪﺍﺷﺔ ﺳﻮﺩﺓ ﻻﻥ ﺍﻧﻲ ﺑﺎﻗﻴﺔ ﺑﺄﻟﻮﺍﻥ ﻣﻦ ﺍﻟﺒﺎﺭﺣﺔ ﻭﺧﻠﻴﺖ ﺷﺎﻝ ﻉ ﺭﺍﺳﻲ ﻭﻧﺰﻟﺖ ﻭﺍﻧﻲ ﺍﺭﺟﻒ ﺷﻔﺖ ﺍﻣﻲ ﻭﺧﻼﻻﺗﻲ ﺭﺣﺖ ﺳﻠﻤﺖ ﻋﻠﻴﻬﻢ ... ﻭﺷﺒﻜﺖ ﻣﺎﻣﺎ ... ﻭﺣﺠﻴﺘﻠﻬﺎ ﺑﻤﺨﺘﺼﺮ ... ﺍﻧﻘﻬﺮﺕ ﻉ ﻣﺤﻤﺪ ﻻﻥ ﺷﺒﺎﺏ ﻭﺷﻮﻱ ﻭﺟﺎﺑﻮ ﺍﻟﺘﺎﺑﻮﺕ ﻫﻮ ﺟﺎﺑﻮﻩ ﻟﻮ ﻧﺴﻮﺍﻥ ﻛﺴﺮﻭ ﺍﻟﺘﺎﺑﻮﺕ ﺍﻧﻲ ﺑﺘﻌﺪﺕ ﻣﺎ ﺍﺭﻳﺪ ﺍﺷﻮﻑ ﻻﻥ ﻳﻜﻮﻡ ﻳﺘﺨﻴﻠﻲ ﺍﻟﻤﻮﻗﻒ ﻭﻫﻤﻴﻦ ﻣﺎﻛﻮ ﻣﺠﺎﻝ ... ﺿﻠﻴﺖ ﺍﺑﺎﻭﻉ ﻣﻦ ﺑﻌﻴﺪ .. ﻣﺎ ﺑﻘﻮﻩ ﺷﻮﻱ ﻭﻃﻠﻌﻮ ﻭﺍﻣﻪ ﻛﻄﻌﺖ ﺭﻭﺣﻬﺎ ..

ﺍﻧﻲ ﻭﺣﻨﻴﻦ ﺿﻠﻴﻨﻪ ﺑﻤﻄﺒﺦ ﻉ ﺟﺎﻱ ﻭﻣﺎﻱ ...

ﻉ ﻧﻔﺲ ﺍﻟﻮﻛﻔﺔ ﻭﻣﻨﻮ ﺍﻟﺘﺠﻲ ﺍﺫﺏ ﻋﻠﻴﻪ ﺣﺠﺎﻳﺔ ﻭﺭﺍﺣﺖ ﺍﻳﺤﺴﺴﻨﻲ ﺍﻧﻲ ﺍﻟﻜﺘﻠﺘﻪ ...

ﻣﺮﺕ ٣ ﺍﻳﺎﻡ ﻧﻮﻡ ﻣﺎ ﺷﻔﻨﺎﻩ ﺳﻴﻒ ﻣﺎ ﺍﺷﻮﻓﻪ ﺑﺲ ﻳﺠﻲ ﻳﺒﺪﻝ ﻭﻳﺮﻭﺡ ﻻﺯﻡ ﺍﻟﻔﺎﺗﺤﺔ ﻭﺭﻩ ﺍﻟﻔﺎﺗﺤﺔ ﺍﺻﻴﺮ ﻛﻌﺪﺓ ﻋﺸﺎﻳﺮ ... ﻧﻮﺭ ﺑﻌﺪﻫﺎ ﺑﻤﺴﺘﺸﻔﻰ ﻻﻥ ﻳﺴﻮﻟﻬﺎ ﻋﻤﻠﻴﻪ ﻣﺎﻝ ﻋﻤﻮﺩ ﻓﻘﺮﻱ ﻣﻦ ﻗﻮﺓ ﺍﻟﻜﻬﺮﺑﺎﺀ ... ﺻﺎﺭ ﺑﻴﻬﺎ ﺷﻠﻞ ...

ﺻﺎﺭﺕ ﻛﻌﺪﺓ ... ﺍﺧﻮ ﺭﺷﺎ ﺑﻤﺴﺘﺸﻔﻰ ﺑﺲ ﻳﻄﻠﻊ ﻳﺤﺎﻛﻤﻮﻩ ... ﻭﻓﺼﻠﻮ ١٠٠ ﻣﻠﻴﻮﻥ ﻭﺑﻌﺪ ﻳﺸﻴﻠﻮﻥ ﻣﻦ ﺑﻐﺪﺍﺩ ﻛﻠﻬﺎ .....

ﻫﺪﺉ ﺍﻟﻮﺿﻊ ﻋﻤﺘﻲ ﻳﻢ ﻧﻮﺭ ﻣﺨﻠﺼﺘﻬﺎ ﺑﻤﺴﺘﺸﻔﻰ ﻭﺳﻴﻒ ﻫﻤﻴﻦ ... ﺍﻧﻲ ﻧﻔﺴﻴﺘﻲ ﻛﻠﺶ ﺗﻌﺒﺖ ﺧﻼﻝ ﻫﺎﻱ ﺍﻻﻳﺎﻡ ... ﺧﺎﺑﺮﺕ ﻟﺴﻴﻒ ﻛﻠﻴﺘﻠﻪ ﺍﺭﻭﺡ ﻻﻫﻠﻲ .. ﺍﺧﻠﻲ ﻣﻨﺘﻈﺮ ﻳﻮﺻﻠﻨﻲ ﻫﻮ ﻗﺒﻞ ﻻﻥ ﻳﺸﻮﻓﻨﻲ ﻣﺎﻟﻲ ﺧﻠﻚ ﻭﺗﻌﺒﺎﻧﻪ ...

ﺭﺣﺖ ﻻﻫﻠﻲ ... ﺑﻘﻴﺖ ﻳﻤﻬﻢ ﻻﺣﻈﺖ ﻉ ﻣﻨﺘﻈﺮ ..

ﺍﺟﺖ ﻫﺎﻱ ﺍﻟﺒﻨﻴﺔ ﺟﻮﺍﺭﻳﻨﻪ ﻻﻥ ﺑﻌﺪﻫﻢ ﺑﻼﻳﺠﺎﺭ ..

ﺑﻌﺪﻩ ﺍﻟﺒﻴﺖ ﻣﺎ ﻛﺎﻣﻞ ... ﺷﻔﺖ ﺑﻴﻨﺎﺗﻬﻢ ﻧﻈﺮﺍﺕ ..

ﺭﺍﺣﺖ ﺍﻟﺒﻨﻴﺔ ..

ﺩﻳﻤﺔ : ﺍﺑﺎﻭﻉ ﻉ ﻣﻨﺘﻈﺮ ﻋﻴﻮﻧﻪ ﺍﻛﻠﺘﻬﺎ ...

ﻫﺎ ﻣﻨﺘﻈﺮ ﺟﻨﻚ ﻃﺎﻳﺢ ﺑﺤﺐ ...

ﻫﻮ ﺭﺍﺳﺎ ﻓﺰ ﺟﺎﻥ ﻛﻠﺶ ﺑﻐﻴﺮ ﻋﺎﻟﻢ ...

ﻣﻨﺘﻈﺮ : ﺿﺤﻚ ﺍﺷﻠﻮﻥ ﻋﺮﻓﺘﻲ ...

ﺩﻳﻤﺔ : ﺍﻣﺒﻴﻦ ﻣﻦ ﻋﻴﻮﻧﻚ ﻛﺼﺘﻬﺎ ﻛﺺ ..

ﻣﻨﺘﻈﺮ : ﻫﻴﺞ ﻣﺒﻴﻦ ﻋﻠﻴﻪ ﻭﻣﻔﻀﻮﺡ ... ﺍﻱ ﻗﺮﺭﺕ ﺍﺯﻭﺝ ﻧﺪﻯ ﺧﻮﺵ ﺑﻨﻴﺔ .. ﻭﻛﻠﻴﺖ ﻻﻣﻲ .. ﺑﻌﺪ ﻣﺎ ﻧﺨﻠﺺ ﺍﻟﺒﻨﺎﺀ ﺍﺧﻄﺒﻬﺎ ..

ﺩﻳﻤﺔ : ﻭﺍﻣﻲ ﺗﺪﺭﻱ ﺻﺎﻳﺮﻳﻦ ﺍﺿﻤﻮﻥ ﻋﻠﻴﻪ ..

ﺳﻤﻴﺔ : ﻫﻮ ﺍﺣﻨﺎ ﺷﺎﻳﻔﺞ ﻫﺎﻱ ﺍﻟﻔﺘﺮﺓ ..

ﺩﻳﻤﺔ : ﺍﻟﻤﻬﻢ ﻭﺃﺧﻴﺮﺍ ﺭﺍﺡ ﺗﺰﻭﺝ ... ﺗﺴﺘﺎﻫﻞ ﺣﺒﻴﺒﻲ ﺍﻟﻒ ﻣﺒﺮﻭﻙ ..

ﻣﻨﺘﻈﺮ : ﺍﻟﻠﻪ ﻳﺒﺎﺭﻙ ﺑﻴﺞ ..

ﺿﻠﻴﻨﻪ ﻧﺴﻮﻟﻒ ﻭﺍﻣﻲ ﺳﺎﻟﺘﻨﻲ ﻉ ﻋﻴﺎﻟﻲ .. ﻭﻉ ﻧﻮﺭ ..

...

ﺑﻘﻴﺖ ﺍﺳﺒﻮﻉ ﻳﻢ ﺍﻫﻠﻲ ﻭﺭﺟﻌﺖ ... ﻧﻮﺭ ﻣﻄﻠﻌﻴﻬﺎ ﻣﻦ ﺍﻟﻤﺴﺘﺸﻔﻰ ﻭﻣﺴﻮﻳﺔ ﻋﻤﻠﻴﻪ ﺑﺲ ﻣﺎﺗﻜﺪﺭ ﺗﻤﺸﻲ ﺧﻠﻮﻫﺎ ﻳﻢ ﺍﺧﻮ ﺳﻴﻒ ﺍﻟﺠﺒﻴﺮ ﻻﻥ ﻛﺎﻳﻠﻪ ﻣﺎ ﺍﺭﻳﺪ ﺍﺭﺟﻊ ﻟﺒﻴﺖ

ﻳﺨﻨﻜﻨﻲ ﺧﻠﻮﻫﺎ ﻉ ﺭﺍﺣﺘﻬﺎ .. ﺍﻧﻲ ﺭﺟﻌﺖ ﺣﻴﺎﺗﻲ ﻃﺒﻌﻴﺔ ﻭﻱ ﺳﻴﻒ .. ﺑﺪﺕ ﺍﻣﺘﺤﺎﻧﺎﺕ ﺍﺧﺮ ﺍﻟﺴﻨﺔ ... ﻭﺍﻧﻲ ﻛﻠﺸﻲ ﻣﺎ ﻗﺎﺭﻳﺔ ﺳﻴﻒ ﺧﺎﺑﺮ ﻋﻨﺪﻩ ﻋﺮﻑ ... ﻛﺎﻝ ﻻﺗﺨﺎﻓﻴﻦ ﺍﺣﺴﺒﻲ ﺭﻭﺣﺞ .. ﻧﺎﺟﺤﺔ ﻭﻓﻌﻼ ﻧﺠﺤﺖ ...

ﺣﺴﻴﺖ ﺭﻭﺣﻲ ﺩﺍﻳﺨﺔ ﻭﺷﻬﺮﻳﺔ ﻣﺘﺎﺧﺮﺓ ﻋﻠﻴﻪ ...

ﺷﻜﻴﺖ ﺑﺮﻭﺣﻲ ﺣﺎﻣﻞ ... ﻛﻠﺖ ﻟﺴﻴﻒ ﺧﻠﻴﻨﻲ ﺍﺣﻠﻞ

ﺭﺣﺖ ﺣﻠﻠﺖ ﻭﻃﻠﻌﺖ ﺣﺎﻣﻞ ... ﻓﺮﺣﺖ ﻭﺳﻴﻒ ﻣﻦ ﻋﺮﻑ

ﻃﺎﺭ ﻣﻦ ﺍﻟﻔﺮﺡ ... ﺭﺟﻌﻨﻪ ﻭﻛﻠﺖ ﻟﻌﻤﺘﻲ ... ﻭﻫﻲ ﻛﺎﻟﺖ ﻻ ﺗﺘﺤﺮﻛﻴﻦ ﻣﻮﺯﻳﻦ ﻋﻠﻴﺞ ... ﺿﻠﻴﺖ ﺍﺳﺒﻮﻋﻴﻦ ﺣﺘﻰ ﺳﻴﻒ ﻣﺎ ﺗﺎﺭﻛﻨﻲ .. ﻣﺎ ﻳﺨﻠﻴﻨﻲ ﺍﺗﺤﺮﻙ ...

ﺟﻨﺖ ﻧﺎﻳﻤﺔ ... ﺍﺟﻪ ﺳﻴﻒ ﻭﻫﻮ ﻳﻠﻌﺐ ﺑﺸﻌﺮﻱ ..

ﺩﻳﻤﺔ : ﻓﺰﻳﺖ ﻫﺎﺍ ﺳﻴﻒ ﺍﻧﺘﻪ ﺍﻫﻨﺎ ﻣﺎ ﺣﺴﻴﺖ ﺑﻴﻚ

ﺳﻴﻒ : ﻭﻫﻮ ﻳﺒﻮﺳﻨﻲ ﻣﻦ ﺯﻣﺎﻥ ﺍﺟﻴﺖ ﻭﺳﺒﺤﺖ ﻭﺗﻐﺪﻳﺖ ﻭﻛﻤﻠﺖ ﻭﺍﻧﺘﻲ ﺑﻌﺪﺝ ﻧﺎﻳﻤﺔ ..

ﺩﻳﻤﺔ : ﺷﺴﻮﻱ ﻏﻴﺮ ﻣﻦ ﻭﺭﺍ ﺍﺑﻨﻚ ... ﻳﺨﻠﻴﻨﻲ ﺍﻧﺎﻡ ..

ﻧﺰﻝ ﻉ ﺑﻄﻨﻲ ﻭﻫﻮ ﻳﺴﻮﻟﻒ ﻭﻳﺎﻩ ... ﺷﻜﻠﻪ ﺿﺤﻜﻨﻲ ..

ﺩﻳﻤﺔ : ﺣﺒﻴﺒﻲ ﻣﺸﺘﺎﻗﺘﻠﻚ ...

ﺳﻴﻒ : ﻭﻟﺞ ﻻﺗﺤﺠﻴﻦ ﻫﻴﺞ ﻟﻮ ﻣﻮ ﺩﻛﺘﻮﺭﺓ ﻣﻨﻌﻨﺘﻲ ..

ﻫﺴﺔ ﻣﻨﻮ ﻳﺨﻠﺼﺞ ﻣﻨﻲ ...

ﺿﺤﻜﺖ ﻉ ﺳﻮﺍﻟﻔﺔ .. ﺑﻌﺪﻳﻦ ﺣﻈﻨﺘﻪ ﻭﻫﻮ ﻣﺎ ﺻﺪﻙ ...

ﺑﺲ ﻛﻠﺴﺎﻋﺔ ﺍﻳﻜﻮﻝ ﺧﺎﻑ ﺍﻳﺼﻴﺮ ﻻﺑﻨﻲ ﺷﻲ ...

ﻭﺍﻧﻲ ﺍﺿﺤﻚ ﻋﻠﻴﻪ ...

ﻧﻤﺖ ﻉ ﺻﺪﺭﻩ ﻭﻫﻮ ﻳﻠﻌﺐ ﺑﺸﻌﺮﻱ ..

ﺳﻴﻒ : ﺩﻳﻤﺔ ﺍﻟﻴﻮﻡ ﺗﺠﻲ ﻧﻮﺭ ﻟﺒﻴﺖ ﺑﺎﻟﺞ ﻣﻨﻬﺎ ... ﺗﺮﻩ ﻧﻔﺴﻴﺘﻬﺎ ﻛﻠﺶ ﺗﻌﺒﺎﻧﻪ ...

ﺭﻓﻌﺖ ﺭﺍﺳﻲ .. ﺳﻴﻒ ﺍﻧﻲ ﺍﺧﺎﻑ ﻣﻨﻬﺎ ﻻ ﺗﻄﻠﻊ ﻭﺗﻌﻮﻓﻨﻲ ..

ﺳﻴﻒ : ﻻﺗﺨﺎﻓﻴﻦ ﺍﻧﻲ ﻳﻤﺞ ...

ﺭﺣﺖ ﺳﺒﺤﺖ ﻭﻫﻮ ﺩﺧﻞ ﺳﺒﺢ ﺍﺳﻤﻊ ﺻﻮﺕ ﻋﻤﺘﻲ ﻫﻲ ﻭﺃﺧﺖ ﺳﻴﻒ ﺍﻟﺠﺒﻴﺮﺓ ﻭﻧﻮﺭ ... ﻫﻮ ﻃﻠﻊ .. ﺭﺍﺡ ﻧﺰﻝ

ﺍﻧﻲ ﻫﻤﻴﻦ ﻟﺒﺴﺖ ﺷﺎﻟﻲ ﻻﻥ ﺟﺎﻧﻮ ﺍﺧﻮﺍﻥ ﺳﻴﻒ ﻭﻧﺰﻟﺖ

ﺷﻔﺘﻬﺎ ﻉ ﻛﺮﺳﻲ ﻣﺘﺤﺮﻙ .. ﺍﻧﻘﻬﺮﺕ ﻋﻠﻴﻬﺎ ﻻﻥ ﺑﻌﺪﻫﺎ ﺯﻏﻴﺮﻩ ﻫﻢ ﻳﻀﺤﻜﻮﻥ ﻭﻳﺎﻫﺎ .. ﻭﻳﺸﺎﻗﻮﻥ .. ﺍﻧﻲ ﻭﺻﻠﺖ ﻳﻤﻬﺎ ﺳﻠﻤﺖ ﻣﺎ ﺭﺩﺕ ﺍﻟﺴﻼﻡ ﻭﻛﺎﻟﺖ ﻻﻣﻬﺎ ﺗﻌﺒﺎﻧﻪ ﺍﺭﻳﺪ ﺍﺭﻭﺡ ﺍﻧﺎﻡ .. ﻋﺎﺩﻱ ﻣﺎ ﺍﻫﺘﻤﻴﺖ ﻗﺪﺭﺕ ﻭﺿﻌﻬﺎ ..

ﺑﻘﻰ ﺍﻟﻮﺿﻊ ﻣﺜﻠﻪ ﺻﺮﺕ ﻣﺎ ﺍﺻﻌﺪ ﻓﻮﻙ ﺩﻛﺘﻮﺭﺓ ﻣﻨﻌﺘﻨﻲ ﻻﻥ ﻛﺎﻟﺖ ﻃﻔﻠﺞ ﻧﺎﺯﻝ ... ﻓﺠﻨﺖ ﺑﻐﺮﻓﺔ ﻋﻤﺘﻲ ﻧﺎﻳﻤﺔ ..

ﻭﻣﺎ ﺍﺩﺭﻱ ﺑﺮﻭﺣﻲ ﺣﺴﻴﺖ ﻭﺍﺣﺪ ﻓﻮﻙ ﺭﺍﺳﻲ ..

ﻛﻌﺪﺕ ﺍﻧﺘﺒﻬﺖ ﻧﻮﺭ ﻳﻤﻲ ﺍﻟﺼﺮﺍﺣﺔ ﺍﻧﻲ ﺧﻔﺖ .. ﻣﻨﻬﺎ

ﺩﻳﻤﺔ : ﻫﺎﺍ ﻧﻮﺭ ﻣﺤﺘﺎﺟﺔ ﺷﻲ ﺍﺗﺮﻳﺪﻳﻦ ﺍﺳﻮﻳﻠﺞ ﺷﻲ

ﻧﻮﺭ : ﻭﻋﻴﻮﻧﻬﺎ ﺗﺒﺎﻭﻉ ﺑﺤﻘﺪ ﻉ ﺩﻳﻤﺔ ..

ﺍﺭﻳﺪ ﺍﺧﺬ ﺳﻌﺎﺗﺞ ﻣﺜﻞ ﻣﺎ ﺍﺧﺬﺗﻴﻬﺎ ﻣﻨﻲ ..

ﺩﻳﻤﺔ : ﻧﻮﺭ ﺍﻧﻲ ﺷﻌﻠﻴﻪ ﻫﺬﺍ ﻗﻀﺎﺀ ﺭﺑﺞ ..

ﻧﻮﺭ : ﺍﻧﺘﻲ ﺍﻟﺴﺒﺐ ..

ﺷﻔﺘﻬﺎ ﺍﺗﻘﺮﺑﺖ ﻣﻨﻲ ﻭﺗﺮﻳﺪ ﺗﺨﻨﻜﻨﻲ ﺍﻧﻲ ﺑﺴﺮﻋﺔ ﺑﻌﺪﺗﻬﺎ ... ﻭﻃﻔﺮﺕ ﻣﻦ ﺍﻟﺠﺮﺑﺎﻳﺔ .. ﺭﺣﺖ ﻟﺒﺎﺏ ﺍﺩﻙ ﺑﻴﻪ ..

ﻫﻲ ﺗﺘﻘﺮﺏ ﺟﺎﻧﺖ ﻗﺎﻓﻠﻪ ﺍﻟﺒﺎﺏ .. ﻭﺍﻧﻲ ﺍﺭﺟﻒ ..

ﺩﻳﻤﺔ : ﻭﺧﺮﻱ ﻋﻨﻲ ﺷﺘﺮﻳﺪﻥ ﻣﻨﻲ .. ﻭﺍﻧﻲ ﺍﺩﻙ ﺑﻠﺒﺎﺏ ﻋﻤﺘﻲ ﺟﺎﻧﺖ ﺑﺴﻮﻙ ... ﻭﻣﺤﺪ ﺑﻠﺒﻴﺖ ..

ﻧﻮﺭ : ﺍﻧﺘﻲ ﺍﺧﺬﺗﻲ ﺣﺒﻴﺒﻲ ﻣﻨﻲ ﺍﻟﻴﻮﻡ ﺍﺧﺬ ﻣﻨﺞ ﺍﺑﻨﺞ

ﺧﻠﻴﺖ ﺍﻳﺪﻱ ﻉ ﺑﻄﻨﻲ ﻭﺍﻧﻲ ﺍﺻﺮﺥ ﻭﺍﺑﻌﺪﻫﺎ ﺳﻤﻌﺖ ﺻﻮﺕ ﺣﻨﻴﻦ ﻭﺳﺎﻣﺮ .. ﺑﻠﺒﻴﺖ ﻓﺮﺣﺖ ﻛﻤﺖ ﺍﺩﻙ ﺍﻟﺒﺎﺏ ..

ﻭﺍﺻﻴﺢ ﻋﻠﻴﻬﻢ ﻭﻫﻲ ﺃﺟﺮ ﺑﻴﺪﻱ ﺍﺗﺮﻳﺪ ﺍﻃﻴﺤﻨﻲ ﻭﺍﻧﻲ ﺩﻓﻌﺘﻬﺎ ..

ﺑﺲ ﻫﻲ ﻗﻮﻳﺔ ... ﺑﻌﺪﺕ ﻋﻨﻬﺎ ... ﺍﺟﻪ ﺳﺎﻣﺮ ﺩﻓﻊ ﺍﻟﺒﺎﺏ ﻣﻦ ﺳﻤﻌﻨﻲ ﺍﺻﻴﺢ .. ﺩﺧﻞ ﻫﻮ ﻭﺣﻨﻴﻦ ﺑﻌﺪ ﻋﻨﻲ ﻧﻮﺭ ..

ﻭﺍﻧﻲ ﻛﻌﺪﺕ ﺑﻜﺎﻉ ﺍﺣﺲ ﺭﻭﺣﻲ ﺗﻌﺒﺖ ﻛﻠﺶ ﻭﺟﺴﻤﻲ ﻳﺮﺟﻒ ... ﺍﺟﺖ ﺣﻨﻴﻦ ﺣﻈﻨﺘﻲ ﻛﻠﺘﻬﺎ ﺧﺎﺑﺮﻭ ﺳﻴﻒ ..

ﺳﺎﻣﺮ ﻃﻠﻊ ﻧﻮﺭ .. ﻛﻤﺖ ﺍﻧﺰﻑ ﺧﻔﺖ ﻉ ﻃﻔﻞ ﺭﺣﺖ ﻟﺤﻤﺎﻡ ﻭﺣﻨﻴﻦ ﻭﻳﺎﻱ ... ﺷﻔﺖ ﺭﻭﺣﻲ ﻛﻠﺶ ﺍﻧﺰﻑ ﻭﺻﺎﺭ ﻋﻨﺪﻱ ﺇﺳﻘﺎﻁ ﻣﺎ ﺗﺤﻤﻠﺖ ﺑﺴﺮﻋﺔ ﺍﻧﻐﻤﻰ ﻋﻠﻴﻪ ..

ﻓﺘﺤﺖ ﻋﻴﻮﻧﻲ ﺑﻤﺴﺘﺸﻔﻰ ﻭﻻﺯﻡ ﺍﻳﺪﻱ ﺳﻴﻒ ﺑﺎﻭﻋﺖ ﻋﻠﻴﻪ ... ﻋﻴﻮﻧﻪ ﺣﻤﺮ .. ﻟﺰﻣﺖ ﺑﻄﻨﻲ ﻭﻛﻤﺖ ﺍﺑﺠﻲ ..

ﺩﻳﻤﺔ : ﺍﺑﻨﻲ ﻣﺎﺕ ﺳﻴﻒ ...

ﺳﻴﻒ : ﺍﻟﻠﻪ ﻳﻌﻮﺿﻨﻪ ...

ﻛﻤﺖ ﺍﺑﺠﻲ ﻭﻫﻮ ﻳﻬﺪﻯ ﺑﻴﻪ ..

ﺩﻳﻤﺔ : ﻣﺎ ﺍﺭﻳﺪ ﺍﺭﺟﻊ ﺑﻌﺪ ﻫﻨﺎﻙ ...

ﺳﻴﻒ : ﺍﻱ ﺍﺧﺬﺝ ﻋﻨﺪ ﺍﻫﻠﺞ ﻭﺗﺮﺗﺎﺣﻴﻦ ..

ﻃﻠﻌﺖ ﻣﻦ ﺍﻟﻤﺴﺘﺸﻔﻰ ﻭﺭﺣﺖ ﻻﻫﻠﻲ ﻭﺍﻧﻲ ﻧﻔﺴﻴﺘﻲ ﻛﻠﺶ ﺗﻌﺒﺎﻧﻪ ﻻﻥ ﺷﻜﺪ ﻓﺮﺣﺖ ﺑﺤﻤﻠﻲ ..

ﺑﻘﻴﺖ ﺷﻬﺮ ﻭﺳﻴﻒ ﻳﺮﻭﺡ ﻭﻳﺠﻲ ﻭﻳﻘﻨﻊ ﺑﻴﻪ ...

ﺭﺟﻌﺖ ﻭﻳﺎﻩ ﻻﻥ ﻫﻮ ﻫﻤﻴﻦ ... ﺧﻄﻴﺔ ..

ﻫﻨﺎﻙ ... ﻛﺎﻝ ﺳﻴﻒ ﻻﻣﻪ ﺍﺫﺍ ﺑﻌﺪ ﺗﺘﻌﺮﺽ ﻧﻮﺭ ﻟﺪﻳﻤﺔ ﺍﻧﻲ ﺍﻃﻠﻊ ﺑﻴﺖ ﻭﺣﺪﻱ ﻭﺍﻣﻪ ﺗﺘﻮﺳﻞ ﺑﻴﻪ ..

ﺑﻘﻴﻨﻪ ﻭﺭﺟﻌﺖ ﺣﻴﺎﺗﻪ ﺍﻧﻲ ﺑﻌﻴﺪﺓ ﻋﻦ ﻧﻮﺭ ﺗﻤﺎﻣﺎ ﻭﻫﻲ ﻫﻤﻴﻦ ﺣﺘﻰ ﻣﻦ ﻧﺠﻤﻊ ﻟﻮ ﻫﻲ ﺗﺮﻭﺡ ﻟﻮ ﺍﻧﻲ ﺍﺭﻭﺡ

ﻣﺮﺍﺕ ﻣﻦ ﺍﺳﻤﻌﻬﺎ ﺗﺒﺠﻲ ﺑﻠﻴﻞ ﻭﻻﺯﻣﺔ ﺻﻮﺭﺓ ﻣﺤﻤﺪ ﺍﻧﻘﻬﺮ ﻋﻠﻴﻬﺎ ﺑﺲ ﻣﺎ ﺍﻛﺪﺭ ﺍﻧﺴﻰ ﺍﻟﺴﻮﺗﻪ ﺑﻴﻪ ..

...

ﺑﺪﺉ ﺩﻭﺍﻣﻲ ... ﺍﺧﺮ ﺳﻨﺔ ﺍﻟﻴﻪ ﻫﻠﻤﺮﺓ ﺭﺟﻌﺖ ﻻﻗﺴﺎﻡ ..

ﻭﺑﺪﻳﺖ ﺍﺩﺍﻭﻡ .. ﺑﺲ ﻫﻤﻴﻦ ﺍﻏﻴﺐ .. ﻻﻥ ﺳﻴﻒ ﺧﻄﻴﺔ ﺑﻌﻴﺪﻩ ﻋﻨﻪ .. ﻧﺰﻟﺖ ﻻﻥ ﺟﺎﻥ ﺧﻄﻮﺑﻪ ﻣﻨﺘﻈﺮ .. ﺭﺣﺖ ﻭﺣﻈﺮﺕ ﺍﻟﺨﻄﻮﺑﻪ ... ﺟﺎﻥ ﻛﻠﺶ ﻓﺮﺣﺎﻥ ﻭﺍﺟﺖ ﺳﺎﺭﺓ ﻭﺻﺎﻳﺮﺓ ﻋﻨﺪﻫﺎ ﺑﻨﻴﺔ .. ﻋﺎﺩﻱ ﺑﻌﺪ ﻣﺎ ﺍﻫﺘﻤﻴﻨﻪ ..

ﺍﻟﻤﻬﻢ ﻣﻨﺘﻈﺮ ﻛﻠﺶ ﻓﺮﺣﺎﻥ ﻭﻧﺪﻯ ﻛﻠﺶ ﺣﺒﺎﺑﺔ ..

ﻭﻃﺎﻟﻌﺔ ﺣﻠﻮﺓ ﻏﻴﺮﻧﻪ ﺟﻮﺀ ...

ﻣﺮﺕ ﺍﻻﻳﺎﻡ ﺧﻠﺼﻨﻪ ... ﺍﻟﻜﻮﺭﺱ ﺍﻻﻭﻝ ﺻﺎﺭﺕ ﻋﻄﻠﺔ ﻧﺼﻒ ﺍﻟﺴﻨﺔ .. ﺭﺟﻌﺖ ﻟﺒﻴﺖ ...

ﺟﻨﺖ ﺑﻤﻄﺒﺦ ﺍﺳﻮﻱ ﺭﻳﻮﻙ ﻭﺳﻴﻒ ﺑﻌﺪﻩ ﻧﺎﻳﻢ ﻳﻮﻡ ﺍﺟﺎﺯﺓ ﻋﻨﺪﻩ ﺍﺣﺲ ﺑﻴﻪ ﻫﺎﻱ ﺍﻻﻳﺎﻡ ﻣﻮ ﻉ ﺑﻌﻀﻪ ﻋﻨﺪﻩ

ﺷﻲ .. ﻭﺿﺎﻣﻪ ﻋﻠﻴﻪ ﺩﺍﺋﻤﺎ ﺍﺷﻮﻓﻪ ﻣﻬﻤﻮﻡ ﻟﻮ ﺻﺎﻓﻦ ..

ﺍﻛﻮﻟﻪ ﺷﺒﻴﻚ .. ﺍﻳﻜﻠﻲ ﻣﺎﺑﻴﻪ ﺷﻲ ﻣﺸﺎﻛﻞ ﺑﺸﻐﻞ ..

ﻃﻔﻴﺖ ﺍﻟﺠﺎﻱ .. ﻭﺍﺳﻤﻊ ﺻﻮﺕ ﻃﻠﻘﺔ ﻳﻢ ﺑﺎﺑﻨﻪ ..

ﺍﻧﻲ ﺭﺍﺳﺎ ﺭﺣﺖ ﻣﻦ ﺍﻟﻤﻄﺒﺦ ... ﺣﺘﻰ ﺑﻴﻀﺔ ﺑﻘﺖ ﻉ ﺍﻟﻨﺎﺭ ﺍﻡ ﺳﻴﻒ ... ﻳﻤﺔ ﺍﺳﺘﺮﻙ ﻳﺎﺭﺏ ﺷﻜﻮ ﻫﺬﺍ ﻣﻨﻮ ... ﺭﻣﻰ

ﺍﻧﻲ ﺑﻘﻴﺖ ﺍﺭﺟﻒ ﺳﻴﻒ ﻧﺰﻝ ﻭﺑﺲ ﺑﻔﺎﻧﻴﻠﻪ ...

ﻃﻠﻊ ﻭﺍﻧﻲ ﻭﺍﻣﻪ ﺍﻧﺼﻴﺢ ﻋﻠﻴﻪ ﻳﺮﺟﻊ .. ﻻﻥ ﻧﺨﺎﻑ ﺍﻛﻮ ﺷﻲ ﻫﻮ ﻣﺎ ﺳﻤﻊ ﺍﻟﻜﻼﻡ ... ﻭﻃﻠﻊ ...

ﺭﺟﻊ ﻭﺑﻴﺪﻩ ﻭﺭﻗﺔ ... ﻭﺑﻴﻬﺎ ﻃﻠﻘﺔ .. ﻭﺑﻴﻬﺎ ٣ ﺧﻄﻮﻁ ﺑﺪﻡ

ﻣﻜﺘﻮﺑﻪ ﺍﻟﻤﺮﺓ ﺍﻟﺜﺎﻧﻴﺔ ﺍﻟﻄﻠﻘﺔ ﺭﺍﺡ ﺍﻛﻮﻥ ﺑﻜﻠﺒﻚ ..

ﺍﻧﻲ ﺷﻔﺘﻬﺎ .. ﻟﻮ ﺿﻠﻴﺖ ﺍﺻﺮﺥ ﻭﺍﻣﻪ ﺗﻌﻴﻂ ..

ﻭﻫﻮ ﺻﺎﺭ ﻋﺼﺒﻲ ..

ﺳﻴﻒ : ﺑﻌﺼﺒﻴﻪ ﺍﺳﻜﺘﻦ ﻓﻀﺤﺘﻨﻪ ... ﻣﺎﻛﻮ ﺷﻲ

ﺍﻡ ﺳﻴﻒ : ﻳﻤﺔ ﻛﻞ ﻫﺬﺍ ﻭﻣﺎﻛﻮ ﺷﻲ ... ﺍﺗﺮﻳﺪ ﺍﺗﻤﻮﺗﻨﻲ ﻳﻤﻪ ﻣﻨﻮ ﻫﺬﺍ ..

ﺳﻴﻒ : ﻳﻤﻪ ﻻﺗﺨﺎﻓﻴﻦ ... ﻋﻠﻴﻪ .. ﻭﺻﻌﺪ

ﺍﻧﻲ ﺭﺣﺖ ﻟﺤﻜﺘﻪ ﻭﺭﺍﻩ ...

ﺩﻳﻤﺔ : ﺳﻴﻒ ﺷﻨﻮ ﻫﺎﻱ .. ﻣﻨﻮ ﻫﺬﺍ ﺍﻟﻴﺮﻳﺪ ﻳﻜﺘﻠﻚ ..

ﺳﻴﻒ : ﻭﻫﻮ ﻳﻔﺮﻙ ﺑﻜﺼﺘﻪ ﻭﺟﻜﺎﻳﺮ ﺑﻴﺪﺓ ..

ﺫﻭﻟﺔ ﻋﺼﺎﺑﻪ ... ﻭﺍﺣﺪ ﻣﻨﻬﻢ ﺩﺧﻞ ﺑﺴﺠﻦ .. ﺍﻧﻲ ﻟﺰﻣﺘﻪ

ﻭﻫﺴﺔ ﺭﺍﺡ ﻳﻌﺘﺮﻑ ﻋﻠﻴﻬﻢ ... ﻳﻮﻣﻴﻪ ﻣﻬﺪﺩﻳﻨﻲ .. ﺍﺫﺍ ﻣﺎ ﺍﻃﻠﻌﻪ .. ﺭﺍﺡ ﻳﻜﺘﻠﻮﻧﻲ ﻭﺍﻧﻲ ﻣﺴﺘﺤﻴﻞ ﺍﻃﻠﻌﻪ ..

ﺩﻳﻤﺔ : ﺳﻴﻒ ﻓﺪﻭﺓ ... ﻃﻠﻌﻪ ﺧﻠﻲ ﻳﻮﻟﻲ ﺣﻴﺎﺗﻚ ﺍﻫﻢ ﻣﻨﻪ

ﺳﻴﻒ : ﻭﻫﻮ ﻳﺘﻘﺮﺏ ﻣﻨﻲ ﻭﻳﻤﺴﺢ ﺍﺩﻣﻮﻋﻲ ..

ﺣﻴﺎﺗﻲ ﻻﺗﺨﺎﻓﻴﻦ ﻋﻠﻴﻪ ﺍﻧﻲ ﻫﺬﺍ ﺷﻐﻠﻲ ﻛﻠﻪ .. ﻫﻴﺞ ﻳﻤﺎ ﻭﻳﻤﺎ ﺗﻌﺮﺿﻨﻪ ﻟﻬﻴﺞ ﺷﻐﻼﺕ ..

ﺩﻳﻤﺔ : ﺍﻧﻲ ﺍﺧﺎﻑ ﻋﻠﻴﻚ ﻣﻨﻮ ﺍﻟﻲ ﺑﻌﺪﻙ ﻭﺍﻟﻠﻪ ﺍﻣﻮﺕ ﺍﺫﺍ ﺭﺣﺖ ..

ﺳﻴﻒ : ﺣﺒﻴﺘﻲ ﻻﺗﺨﺎﻓﻴﻦ .. ﻋﻠﻴﻪ

ﺿﻞ ﻳﺨﺎﺑﺮ .. ﻭﻫﻮ ﻣﺘﻮﺗﺮ ﻭﻋﺼﺒﻲ ﻭﻣﺎ ﺍﻋﺮﻑ ﺷﻴﺤﺠﻲ ﺍﻟﻔﻬﻤﺘﻪ ﺍﻳﻜﻠﻠﻬﻢ ﺍﻧﻲ ﻣﺎ ﺍﺭﻭﺡ ... ﻭﻻ ﺍﺳﺎﻓﺮ ﺍﺑﻘﻰ ﺍﻫﻨﺎ ﺷﻴﺮﻳﺪﻭﻥ ﻳﺴﻮﻥ ﺧﻠﻲ ﻳﺴﻮﻥ ...

ﺍﻧﻲ ﻛﺎﻋﺪﺓ ﻉ ﺍﻟﺠﺮﺑﺎﻳﺔ .. ﻭﻣﺘﻮﺗﺮﺓ .. ﻫﻮ ﻟﺒﺲ ﻣﻼﺑﺴﺔ

ﻭﻳﺮﻳﺪ ... ﻳﻄﻠﻊ ..

ﺩﻳﻤﺔ : ﺳﻴﻒ ﻓﺪﻭﺓ ﻻ ﺗﻄﻠﻊ .. ﺍﺧﺎﻑ ﻋﻠﻴﻚ ..

ﺳﻴﻒ : ﺷﻨﻮ ﺍﻧﻲ ﻗﺎﺑﻞ ﺯﻏﻴﺮ ﺣﺒﻲ ﻻﺗﺨﺎﻓﻴﻦ ﺍﻧﻲ ﻋﻨﺪﻱ ﺷﻐﻠﻪ ﺍﺳﻮﻳﻬﺎ ﻭﺍﺭﺟﻊ ...

ﺑﺎﺳﻨﻲ ﻭﺭﺍﺡ .. ﻧﺰﻟﺖ ﻭﻋﻤﺘﻲ ﻟﻜﻴﺘﻬﺎ ﺗﺒﺠﻲ ..

ﺩﻳﻤﺔ : ﻋﻤﺔ ﺳﻴﻒ ﻣﺎ ﻳﻤﺴﻊ ﺍﻟﻜﻼﻡ ﻭﺍﻟﺒﺮﺍﺳﻪ ﻳﺴﻮﻳﻪ ..

ﺍﻡ ﺳﻴﻒ : ﻣﻮﺗﻨﻲ ﻫﺬﺍ ﺍﻟﻮﻟﺪ ﻛﻢ ﻣﺮﺓ ﺍﻛﻠﻪ ﻳﺒﻄﻞ ﻣﻦ ﺷﻐﻠﻚ ﻣﺎ ﻳﺒﻄﻞ ﺭﺍﺡ ﻳﺠﻠﻄﻨﻲ ..

ﺿﻠﻴﻨﻪ ﻟﻠﻴﻞ ﻭﺍﻧﻲ ﻛﻠﺴﺎﻋﺔ ﺍﺧﺎﺑﺮ ﺳﻴﻒ ﻭﻫﻮ ﻳﻜﻠﻲ ﻋﻨﺪﻱ ﺷﻐﻞ ... ﻣﺎ ﺍﻛﺪﺭ ﺍﺟﺎﻭﺑﺞ ..

ﻟﻠﻴﻞ ﺍﺟﺎﻧﻲ ﺗﻌﺒﺎﻥ ...

ﺳﻴﻒ : ﺩﻳﻤﺔ ﺣﻈﺮﻳﻠﻲ ﺍﻟﺤﻤﺎﻡ ..

ﺭﺣﺖ ﺣﻈﺮﺗﻠﻪ ﺍﻟﺤﻤﺎﻡ ... ﻭﻃﻠﻌﺘﻠﻪ ﺗﺮﺍﻙ ...

ﺩﺧﻞ ﻟﺤﻤﺎﻡ ﻭﻃﻠﻊ ...

ﺳﻴﻒ : ﺩﻳﻤﺔ ﺗﻌﺎﻟﻲ ﺍﻛﻌﺪﻱ ﻋﻨﺪﻱ ﺣﺠﻲ ﻭﻳﺎﺝ ..

ﺩﻳﻤﺔ : ﺭﺣﺖ ﻳﻤﻪ .. ﻛﻌﺪﺕ ..

ﺳﻴﻒ : ﺩﻳﻤﺔ ﺍﺳﻤﻌﻨﻲ ﻗﺒﻞ ﺑﺲ ﺣﻴﺎﺗﻲ ﺟﺎﻧﺖ ﺑﺨﻄﺮ ﻭﻫﺴﻪ ﻻ ﺣﻴﺎﺗﻜﻢ ﻛﻠﻴﺘﻜﻢ ﺍﻧﻲ ﺑﻌﺪ ﻣﺎﻋﻨﺪﻱ ﻏﻴﺮ ﺣﻞ ﺍﺳﺎﻓﺮ ﻓﺘﺮﺓ ﻭﺍﺭﺟﻊ ﻻﻥ ﺍﺫﺍ ﺍﺑﻘﻰ ﺍﻫﻨﺎ ﻣﺎ ﺍﻋﺮﻑ ﺷﻴﺼﻴﺮ

ﺩﻳﻤﺔ : ﺍﻱ ﻭﺍﻧﻲ ﺍﺳﺎﻓﺮ ﻭﻳﺎﻙ ..

ﺳﻴﻒ : ﻻ ﻣﺎﻳﺼﻴﺮ ﺍﻧﻲ ﺭﺍﺡ ﺍﺭﻭﺡ ﺳﻔﺮ ﺑﻮﺍﺳﻄﺔ ﻏﻴﺮ ﻗﺎﻧﻮﻧﻲ ﻭﻣﺎ ﻣﺴﺘﻘﺮ ﻭﺍﻣﺎ ﺍﺭﻳﺪﺝ ﺗﺘﻌﺬﺑﻴﻦ ﻭﻳﺎﻱ ﻭﺍﻧﺘﻲ ﺑﻌﺪﻟﺞ ﻛﻠﻴﺘﻠﺞ ﻛﻤﻠﻴﻬﺎ ﻋﻮﺩ ﺑﻌﺪﻳﻦ ﺳﺎﻓﺮﻱ ﻭﻳﺎﻱ

ﺩﻳﻤﺔ : ﺑﺲ ﺍﻧﻲ ﻣﺎ ﺍﻛﺪﺭ ﺍﻓﺎﺭﻛﻚ ﺍﺷﻠﻮﻥ ..

ﺳﻴﻒ : ﺍﻧﻲ ﻣﻦ ﺍﺳﺘﻘﺮ ﺻﺪﻛﻴﻨﻲ ﻣﺎ ﺭﺍﺡ ﺍﺑﻘﻴﺞ ﺍﻫﻨﺎ ..

ﺣﻈﻨﺘﻪ ﻭﺍﻧﻲ ﻣﺎ ﺍﺭﻳﺪ ﺍﺗﺮﻛﻪ ﺑﺲ ﺑﻨﻔﺲ ﺍﻟﻮﻛﺖ ﻣﺎﺍﺭﻳﺪﻩ ﻳﺒﻘﻰ ﻫﻨﺎ ﻻﻥ ﺍﻋﺮﻑ ﺣﻴﺎﺗﻪ ﺑﺨﻄﺮ ...

...

ﻣﺎ ﺍﻋﺮﻑ ﺍﺷﻠﻮﻥ ﺭﺍﺡ ﺍﻓﺎﺭﻛﻪ ﻧﻤﺖ ﻭﺍﻧﻲ ﺑﺤﻈﻨﻪ ﻫﻮ ﻧﺎﻡ ﻭﺍﻧﻲ ﺿﻠﻴﺖ ﺍﺑﺎﻭﻉ ﻋﻠﻴﻪ ﺍﺷﻠﻮﻥ ﺭﺍﺡ ﺑﻌﺪ ﻣﺎ ﺍﺷﻮﻓﻪ

ﺩﺣﺴﺖ ﺭﺍﺳﻲ ﺑﺼﺪﺭﻩ ﺍﺭﻳﺪ ﺍﺷﺒﻊ ﻣﻨﻪ ﻻﻥ ﻣﺎ ﺍﻋﺮﻑ ﺷﻜﺪ ﺭﺍﺡ ﻳﺒﻘﻰ ﻫﻨﺎﻙ ..

ﺛﺎﻧﻲ ﻳﻮﻡ ﻛﺎﻝ ﻟﻌﻤﺘﻲ ﻭﻫﻲ ﺿﻠﺖ ﺗﺒﺠﻲ ...

ﻣﺮ ﺍﺳﺒﻮﻉ ﻭﻫﻮ ﺣﻈﺮ ﻛﻠﺸﻲ ﺣﺘﻰ ﺳﻴﺎﺭﺗﻪ ﺑﺎﻋﻬﺎ ..

ﻭﻗﻄﻌﻪ ﺃﺭﺽ ﺟﺎﻧﺖ ﻋﻨﺪﻩ ...

ﻭﺍﺟﻪ ﻭﻛﺖ ﺍﻟﺴﻔﺮ .. ﻭﺍﻧﻲ ﺳﻮﻳﺘﻬﺎ ﻣﻨﺎﺣﺔ ﺍﻧﻲ ﻭﻋﻤﺘﻲ

ﺩﻳﻤﺔ : ﻭﺩﻣﻮﻋﻲ ﺗﺠﺮﻱ ... ﺳﻴﻒ ﺍﺷﻠﻮﻥ ﺍﻓﺎﺭﻛﻚ

ﺳﻴﻒ : ﻻﺗﺨﺎﻓﻴﻦ ﻛﻤﻠﻲ ﻛﻠﻴﺘﺞ ﻭﺍﻧﻲ ﺍﺷﻮﻓﻠﺞ ﻃﺮﻳﻘﺔ

ﺍﺳﺎﻓﺮﻳﻦ ﺑﻴﻬﺎ ..

ﺍﻡ ﺳﻴﻒ : ﻳﻤﺔ ﺩﻳﺮ ﺑﺎﻟﻚ ﻉ ﻧﻔﺴﻚ ..

ﻫﻮ ﺭﺍﺡ ﺑﺎﺱ ﺍﻳﺪ ﺍﻣﻪ ﻭﺭﺍﺳﻬﺎ ...

ﺭﺟﻊ ﻋﻠﻴﻪ ﺑﺎﺱ ﺭﺍﺳﻲ ﻭﺧﺪﻱ ﻭﻣﺴﺢ ﺩﻣﻮﻋﻲ ..

ﺳﻴﻒ : ﺣﻴﺎﺗﻲ ﻻﺗﺨﻠﻴﻨﻲ ﻫﺴﺔ ﺍﺗﺎﺭﺟﻊ ﺍﻧﻲ ﻛﻮﻩ ﻣﺼﺒﺮ ﺭﻭﺣﻲ ...

ﺩﻳﻤﺔ : ﻭﺍﻧﻲ ﺍﺷﻬﻚ ﺑﻠﺒﺠﻲ ..

ﺳﻴﻒ : ﻭﻟﺞ ﻛﺎﻓﻲ ... ﻣﺎ ﺍﻛﺪﺭ ﺍﺷﻮﻑ ﺩﻣﻮﻋﺞ ..

ﺩﻳﻤﺔ : ﺣﻈﻨﺘﻪ ﺣﻴﻞ .. ﺭﺍﺡ ﺍﺷﺘﺎﻕ ﻟﻚ .

ﻫﻮ ﻫﻤﻴﻦ ﺣﻈﻨﻲ .... ﺟﺎﻧﻮ ﺍﻫﻠﻪ ﻣﻮﺟﻮﺩﻳﻦ ﻭﺍﺧﻮﺍﻧﻪ ﺑﺲ ﻋﺎﺩﻱ ﺣﻈﻨﻲ ﻛﺪﺍﻣﻬﻢ ...

ﺳﻴﻒ : ﺩﻳﺮﻱ ﺑﺎﻟﺞ ﻉ ﻧﻔﺴﺞ ﻭﺍﻣﻲ ...

ﻫﺰﻳﺖ ﺭﺍﺳﻲ ... ﻭﻫﻮ ﺳﻠﻢ ﻭﻃﻠﻊ ..

ﻭﺍﻧﻲ ﺩﻣﻮﻋﻲ ﻣﺎ ﺳﻜﺘﻦ ﺻﻌﺪﺕ ﻓﻮﻙ ﻭﺟﺎﻧﺖ ﻓﺎﻧﻴﻠﺘﻪ

ﺑﻌﺪﻫﺎ ﻣﻮﺟﻮﺩﻩ ﻟﺰﻣﺘﻬﺎ ﻭﺷﻤﻴﺘﻬﺎ ﻭﺍﻧﻲ ﺍﺑﺠﻲ ...

ﻣﺮﺕ ﺍﻻﻳﺎﻡ ﻭﺍﻧﻲ ﺭﺟﻌﺖ ﻟﻜﻠﻴﺘﻲ ﺧﻠﺼﺘﻬﺎ ﺑﻼﻗﺴﺎﻡ ..

ﺭﺟﻌﺖ ﻣﺜﻞ ﺍﻟﻤﺮﺣﻠﻪ ﺍﻷﻭﻟﻰ ﺳﻴﻒ ﺍﺧﺎﺑﺮﻩ ﺑﺲ ﻣﻮ ﺩﺍﺋﻤﺎ ﺍﺣﺼﻞ ﺍﻟﺸﺒﻜﺔ .. ﺍﻧﻲ ﻃﻠﻌﺖ ﺣﺎﻣﻞ ... ﺣﻴﻞ ﻓﺮﺣﺖ ﻭﻣﻨﺘﻈﺮﺓ ﺍﻟﻄﻔﻞ ﺑﻔﺎﺭﻍ ﺍﻟﺼﺒﺮ ...

ﺧﻠﺼﺖ ﺍﻣﺘﺤﺎﻧﺎﺕ ﻭﺗﺨﺮﺟﺖ ﻭﺩﻋﺖ ﺻﺪﻳﻘﺎﺗﻲ ﻭﺩﻋﺖ ﻛﻠﻴﺘﻲ ﺟﺎﻥ ﻳﻮﻡ ﺻﻌﺐ ...

ﺭﺟﻌﺖ ﻭﺍﻧﻲ ﻣﺘﻔﻘﺔ ﻭﻱ ﺳﻴﻒ ﺍﺳﺎﻓﺮ ﻭﻱ ﺍﺑﻦ ﻋﻤﻪ ﺍﺧﻮ ﺳﺎﻣﺮ ﻻﻥ ﻳﺮﻳﺪ ﻳﻄﻠﻊ ﻳﻬﺎﺟﺮ ﻫﻮ ﻭﺯﻭﺟﺘﻪ ﻭﻛﺎﻝ ﺭﻭﺣﻲ ﻭﻳﺎﻫﻢ ﺍﻧﻲ ﻛﻞ ﻫﺎﻱ ﺍﻟﻔﺘﺮﺓ ... ﻳﻢ ﺍﻫﻠﻲ ... ﺍﺭﻭﺡ ﻟﺒﻴﺖ ﺳﻴﻒ .. ﻗﻠﻴﻞ .. ﺍﻣﻪ ﺧﻄﻴﻪ ﺩﺍﺋﻤﺎ ﺗﺴﺎﻝ ﻋﻠﻴﻪ ﺍﻧﻲ ﺩﻛﺘﻮﺭﺓ ﻛﺎﻟﺘﻠﻲ ﻳﺮﺍﺩﻟﺞ ﻋﻨﺎﻳﺔ ﻭﺍﻡ ﺳﻴﻒ ﻣﺎﺗﻜﺪﺭ ﺍﻣﻲ ﻫﻨﺎ ﺗﻌﺘﻨﻲ ﺑﻴﻪ .. ﻣﺎﻳﺪﺭﻭﻥ ﺑﻴﻪ ﺭﺍﺡ ﺍﺳﺎﻓﺮ ﻻﻥ ﻣﺎﻳﻘﺒﻠﻮﻥ

ﺍﺭﻭﺡ ﺍﻳﻜﻮﻝ ﻣﻨﺘﻈﺮ ﺷﻨﻮ ﺗﺘﺒﻬﺬﻟﻴﻦ ﺑﻐﺮﺑﻪ ...

ﺍﺫﺍ ﻳﺒﻘﻰ ﻫﻴﺞ ﻭﺿﻊ ﺍﻧﻔﺼﻠﻮﻩ ﻭﺍﻧﻲ ﺑﻴﻮﻣﻬﺎ ﻣﻦ ﻛﺎﻝ ﻫﻴﺞ ﺗﻌﺎﺭﻛﺖ ﻭﻳﺎﻩ ... ﺑﺲ ﺑﻌﺪﻳﻦ ﺭﺟﻌﺖ ﺻﺎﺣﺒﺘﻪ ...

ﻃﻠﻌﺖ ﻣﻦ ﺍﻟﻐﺮﻓﺔ ﻭﺍﻧﻲ ﺣﺎﻳﺮﺓ ﺍﺷﻠﻮﻥ ﺍﻓﺎﺗﺢ ﺍﻫﻠﻲ ﺑﻤﻮﺿﻮﻉ ﻭﺍﻧﻲ ﻣﺤﻈﺮﺓ ﻛﻠﺸﻲ ﻭﺑﺎﺟﺮ ﺍﻟﺴﻔﺮ ..

ﻋﻤﺘﻲ ﺗﺪﺭﻱ ... ﺑﻘﻮ ﺑﺲ ﺍﻫﻠﻲ ..

ﺷﻔﺘﻬﻢ ﻛﺎﻋﺪﻳﻦ ﻣﻨﺘﻈﺮ ﻭﻣﺮﺗﻪ ﻫﻤﻴﻦ ﺣﺎﻣﻞ ...

ﻭﺍﻧﻲ ﻭﺻﻮﻓﻲ ﻳﺒﺎﻭﻋﻮﻥ ﻉ ﺍﻟﺘﻠﻔﺰﻳﻮﻥ ﻛﻌﺪﺕ ﻉ ﺍﻟﺘﺨﻢ ﻭﺍﻧﻲ ﺍﻓﺮﻙ ﺑﻴﺪﻱ ...

ﺷﺎﻓﺘﻨﻲ ﺍﻣﻲ ..

ﺳﻤﻴﺔ : ﻳﻤﺔ ﻋﻨﺪﺝ ﺷﻲ ﺍﺗﻜﻮﻟﻴﻪ ..

ﺩﻳﻤﺔ : ﻫﺎﺍ ﺍﻱ ﻳﻤﻪ ﺍﻧﻲ ﻗﺮﺭﺕ ﺑﻌﺪ ﺍﺳﺎﻓﺮ ﻭﺍﺭﻭﺡ ﻳﻢ ﺳﻴﻒ ..

ﺍﻟﺘﻔﺖ ﻋﻠﻴﻪ ﻣﻨﺘﻈﺮ ..

ﺍﻧﺘﻲ ﺷﻨﻮ ﺍﺗﺮﻳﺪﻳﻦ ﺗﺮﻭﺣﻴﻦ ﻟﻠﻐﺮﺑﻪ ﻭﺣﺪﺝ ﻭﻣﺎ ﻧﻌﺮﻑ ﻭﻳﻦ ﺗﺮﻭﺣﻴﻦ ﻭﺗﻬﺠﻴﺮ ﺍﻛﻌﺪﻱ ﻭﺍﺳﻜﺘﻲ ... ﺳﻴﻒ ﻳﺮﻳﺪﺝ ﻳﺮﺟﻊ ..

ﺍﻧﻲ ﻛﻤﺖ ..

ﺩﻳﻤﺔ : ﺍﻧﻲ ﺍﺭﻳﺪ ﻭﻱ ﺯﻭﺟﻲ ﻣﺴﺘﺤﻴﻞ ﺑﻌﺪ ﺍﻋﻮﻓﻪ ...

ﻣﻨﺘﻈﺮ : ﻣﺎﻳﻔﻴﺪﺝ ﺍﺻﻼ ﺍﻧﻲ ﻛﻠﺖ ﻻﻣﻲ ﺍﺫﺍ ﺗﺒﻘﻰ ﻫﻴﺞ ﺩﻳﻤﺔ ﺍﻟﻤﻦ ﺑﺎﻗﻴﻪ ﻉ ﺫﻣﺘﻪ ﻭﺗﺒﻘﻰ ﻣﻌﻠﻜﻪ ...

ﺑﺎﻭﻋﺖ ﻻﻣﻲ ﻭﺭﺟﻌﺖ ﺑﺎﻭﻋﺖ ﻟﻤﻨﺘﻈﺮ ...

ﺩﻳﻤﺔ : ﺍﻧﺘﻪ ﺻﺤﻴﺢ ﺍﺧﻮﻳﻪ ﻭﺍﺣﺘﺮﻣﻠﻚ ﺑﺲ ﺍﻧﻲ ﻫﺴﺔ ﻣﺰﻭﺟﺔ ﻭﻫﻮ ﻣﺴﺌﻮﻝ ﻋﻠﻴﻪ ﻭﺍﻧﻲ ﻭﻋﺪﺗﻪ ﻣﺎ ﺍﺗﺮﻛﺔ ﻟﻮ ﺷﻴﺼﻴﺮ ﻭﻫﺬﺍ ﻗﺮﺍﺭﻱ ﺍﻟﻨﻬﺎﺋﻲ ﻭﻳﻜﻮﻥ ﺑﻌﻠﻤﻜﻢ ﺑﺎﺟﺮ ﻣﺴﺎﻓﺮﺓ ﻭﻱ ﺍﺧﻮﻭ ﺳﺎﻣﺮ ..

ﺧﻠﻴﺖ ﻭﺭﺣﺖ ...

ﺍﺟﺖ ﺍﻣﻲ ﺗﺤﺎﻭﻝ ﺗﻘﻨﻌﻨﻲ ﻭﺍﻧﻲ ﻗﺎﻓﻠﻪ ﻻﻥ ﻣﺎ ﺍﺣﺲ ﻋﺎﻳﺸﺔ ﺑﺤﻴﺎﺓ ﻭﻫﻮ ﺑﻌﻴﺪ ﻋﻨﻲ ﻛﺎﻓﻲ ﻫﺎﻱ ﺍﻟﻔﺘﺮﺓ ﻛﻠﻬﺎ

ﻣﺎﺷﺎﻳﻔﺘﻪ ...

ﺻﺎﺭ ﺍﻟﺼﺒﺢ ﻭﺍﺟﻪ ﺍﺑﻦ ﻋﻢ ﺳﺎﻣﺮ ﻭﺯﻭﺟﺘﻪ ﻭﺍﻧﻲ ﺭﺣﺖ ﻭﻳﺎﻫﻢ ﻣﻨﺘﻈﺮ ﺯﻋﻼﻥ ﺍﻣﻲ ﺻﺤﻴﺢ ﺯﻋﻠﺖ ﺑﺲ ﺳﻠﻤﺖ ﻋﻠﻴﻪ ﻃﻠﻌﻨﻪ ﻭﻃﻮﻝ ﺍﻟﻄﺮﻳﻖ ﺍﻧﻲ ﺍﻓﻜﺮ ﺑﺴﻴﻒ ﺳﺎﻓﺮﺓ ﺑﺲ ﻉ ﺍﻟﺴﻔﻴﻨﻪ ﻻﻥ ﻣﻬﺠﺮﻳﻦ ﻃﺎﻟﻌﻴﻦ ... ﺷﻔﺖ ﺍﻟﻀﻴﻢ ﻛﻢ ﻳﻮﻡ ﻭﺍﺣﻨﻪ ﻣﺎ ﻭﺍﺻﻠﻴﻦ ....

ﺳﻴﻒ ﺟﺎﻥ ﺑﺎﻟﻤﺎﻧﻴﺎ ﺍﻧﻜﻄﻌﺖ ﺍﻻﺗﺼﺎﻻﺕ ﺑﻴﻪ ﺑﻌﺪﻳﻦ

ﻭﺻﻠﻨﻪ ... ﺧﺎﺑﺮﻩ ﺍﺧﻮ ﺳﺎﻣﺮ ﻭﻫﻮ ﻛﻼﻧﻪ ﻉ ﺍﻟﻤﻜﺎﻥ ...

ﺟﺎﻧﺖ ﻛﻠﻪ ﻋﺮﺍﻗﻴﻦ ... ﻫﻮﺍﻱ ﻭﻣﻦ ﻏﻴﺮ ﺩﻭﻝ ...

ﺿﻠﻴﻨﻪ ﻧﻤﺸﻲ ﻭﺍﻧﻲ ﺍﺣﺲ ﺑﺮﻭﺣﻲ ﺗﻌﺒﺎﻧﻪ ﺑﺲ ﺍﻫﻢ ﺷﻲ ﺍﺷﻮﻑ ﺳﻴﻒ ﻻﻥ ﺻﺎﻟﻲ ٤ ﺍﺷﻬﺮ ﻣﺎﺷﺎﻳﻔﺘﻪ ﻭﻣﺸﺘﺎﻗﺘﻠﻪ

ﺷﻔﺘﻪ ﻣﻦ ﺑﻌﻴﺪ ﻭﺍﻧﻲ ﺭﻛﻀﻠﺘﻪ ﻭﻫﻮ ... ﻣﻦ ﺷﺎﻓﻨﻲ ﺍﺟﻪ

ﻋﻠﻴﻪ ﻭﺣﻈﻨﻲ ﻭﺿﻞ ﻳﺒﻮﺱ ﺑﻴﻪ .. ﻭﺍﻧﻲ ﻣﻦ ﻛﺪ ﻟﻬﻔﺘﻲ

ﻋﻠﻴﻪ ﺿﻠﻴﺖ ﻣﺠﻠﺒﻪ ﺑﻴﺪﻩ ﺍﺟﻪ ﺳﻠﻢ ﻉ ﺍﺑﻦ ﻋﻤﻪ ..

ﻭﺟﺎﻥ ﺑﻜﺮﻓﺎﻧﺎﺕ ﻋﺎﻳﺶ ﻭ ﻋﺮﺍﻗﻴﻦ ﻫﻤﻴﻦ ..

ﺭﺗﺐ ﺍﻟﻨﻪ ﺃﻣﻮﺭ ﺍﻟﻜﻌﺪﺓ ... ﻭﺭﺣﺖ ﻭﻳﺎﻩ ﻭﺍﻧﻲ

ﻣﺎ ﻣﺼﺪﻛﺔ ... ﻭﻃﺎﻳﺮﺓ ﻣﻦ ﺍﻟﻔﺮﺡ ﻭﻫﻮ ﻳﺒﺎﻭﻋﻠﻲ

ﺣﻴﻞ ﻣﺘﻐﻴﺮ ﻭﺗﻌﺒﺎﻥ ...

ﻛﻌﺪﻧﻪ ﻳﻮﻣﻴﻦ .. ﻭﺿﻞ ﻳﺴﻮﻟﻔﻠﻲ ﻭﻛﺎﻝ ﻧﺴﺎﻓﺮ ﻟﺴﻮﻳﺪ

ﻻﻥ ﻣﺎ ﺍﺑﻘﻰ ﺍﻫﻨﺎ ﺑﻌﺪ ﻭﺍﻧﺘﻲ ﺍﺟﻴﺘﻲ ...

ﺣﺴﻴﺖ ﺍﻟﻄﻔﻞ ﻣﺎ ﻳﺘﺤﺮﻙ ﻭﻛﻠﺖ ﻟﺴﻴﻒ ..

ﺳﻴﻒ : ﺍﻛﻮ ﺩﻛﺘﻮﺭﺓ ﺍﻫﻨﺎ ﻋﺮﺍﻗﻴﻪ ... ﺧﻠﻲ ﺗﻔﺤﺼﺞ

ﺭﺣﺖ ﻳﻤﻬﺎ ﻛﺎﻟﺖ ﺍﻟﻄﻔﻞ ﻣﻴﺖ ﺑﻄﻨﺞ ﻭﻻﺯﻡ ﺍﻧﻄﻠﻌﻠﻪ

ﺍﻧﻲ ﺍﻧﻘﻬﺮﺕ ﻻﻥ ٣ ﻃﻔﻞ ﻳﻤﻮﺕ ﺍﻟﻠﻪ ﻣﺎ ﺭﺯﺍﻗﺔ

ﺳﻮﺗﻠﻲ ﻛﻮﺭﺗﺎﺝ ...

...

ﺳﻴﻒ : ﺩﻳﻤﺔ ﺍﺫﺍ ﺻﺮﺗﻲ ﺯﻳﻨﻪ ﺧﻠﻴﻨﻪ ﻧﺮﻭﺡ ﻟﺴﻮﻳﺪ ..

ﺩﻳﻤﺔ : ﺍﺭﻭﺡ ﻭﻳﺎﻙ ﻭﻳﻦ ﻣﺎﺟﺎﻥ ...

ﻫﻮ ﻟﺰﻡ ﺍﻳﺪﻱ ﻭﺑﺎﺳﻬﺎ ...

ﺭﺣﻨﻪ ﻟﺴﻮﻳﺪ ﺑﺲ ﺟﺎﻧﺖ ﻛﻠﺶ ﻏﺎﻟﻴﻪ ﻭﻫﻮ ﺍﺧﺬ ﺷﻘﻪ

ﻭﻓﻠﻮﺳﻨﻪ ﺻﺎﺭﺕ ﻣﺎﺗﻜﻔﻲ ... ﺿﻠﻴﻨﺔ ﺑﻴﻬﺎ ٥ ﺍﺷﻬﺮ

ﺳﻴﻒ : ﺩﻳﻤﺔ ﺍﻧﻲ ﺑﻌﺪ ﻣﺎ ﺍﺗﺤﻤﻞ ﺍﻟﻐﺮﺑﺔ ... ﺍﺭﻳﺪ ﺍﺭﺟﻊ ﻟﻌﺮﺍﻕ ...

ﺩﻳﻤﺔ : ﺍﻧﻲ ﻫﻤﻴﻦ ﺍﺣﺲ ﻫﺬﺍ ﺍﻟﻤﻜﺎﻥ ﻣﻮ ﺍﻟﻨﻪ ...

ﺣﻈﺮﻧﻪ ﻏﺮﺍﺿﻨﻪ ﺭﺟﻌﻨﺎ ﻟﻠﻌﺮﺍﻕ ﺑﻘﻪ ﺍﺑﻦ ﻋﻢ ﺳﻴﻒ ﺍﻫﻨﺎﻙ

ﻭﺻﻠﻨﻪ ﻟﻠﻌﺮﺍﻕ ﻭﻃﻮﻳﻨﻪ ﺻﻔﺤﺔ ﻣﻦ ﺣﻴﺎﺗﻨﻪ ..

ﺍﻣﻪ ﺣﻴﻞ ﻓﺮﺣﺖ ... ﺑﺮﺟﻌﺘﻨﻪ ﻭﺍﻧﻲ ﺭﺣﺖ ﻻﻫﻠﻲ ﻭﻣﻨﺘﻈﺮ ... ﺭﺍﺿﺎﻧﻲ ...

ﺳﻴﻒ : ﺩﻳﻤﺔ ﺭﺍﺡ ﺍﺷﺘﺮﻱ ﺑﻴﺖ ..

ﺩﻳﻤﺔ : ﺣﺒﻴﺒﻲ ﺑﻜﻴﻔﻚ ... ﺍﻧﻲ ﻣﻦ ﻗﺒﻞ ﻛﺎﻳﻠﺘﻬﺎ ﺍﻟﻚ ﻭﻫﺴﺔ ﺍﺭﺟﻊ ﺍﻛﻮﻟﻚ ...

ﻭﻳﻦ ﻣﺎﺗﺮﻭﺡ ﺍﻧﻲ ﻭﻳﺎﻙ ﻣﺴﺘﺤﻴﻞ ﺍﺗﺮﻛﻚ ..

ﺳﻴﻒ : ﻫﻮ ﺍﻧﻲ ﺍﺗﺤﻤﻞ ﺍﺗﺮﻛﻴﻨﻲ ... ﻭﺣﻈﻨﻲ ..

ﻧﻤﺖ ﻉ ﺻﺪﺭﻩ ﻣﺮﺗﺎﺣﺔ ...

ﺍﺷﺘﺮﻳﻨﻪ ﺑﻴﺖ ﻭﺍﺳﺘﻘﺮﻳﻨﻪ ﺑﻴﻪ ﻭﺳﻴﻒ ﺃﺟﺮ ..

ﻣﺤﻞ ﻭﺷﻐﻞ ﺑﻴﻪ ﻋﺎﻣﻞ ... ﻭﺭﺟﻊ ﻟﺸﻐﻠﻪ ﺑﺲ ﺍﺑﺘﻌﺪ ﻋﻦ ﺍﻟﻤﺸﺎﻛﻞ ...

ﻭﺣﺎﻟﻴﺎ ﺍﺣﻨﺎ ﺑﻴﺖ ﻭﺣﺪﻧﻪ ﻭﺻﺎﺭﺕ ﻋﻨﺪﻧﻪ ﺑﻨﻮﺗﻪ ﺣﻠﻮﻩ

ﺳﻤﻴﻨﻬﺎ ﻣﻼﻙ ﻭﻫﺴﺔ ﺍﻧﻲ ﺣﺎﻣﻞ ﻭﺍﻧﺘﻈﺮ ﻭﻟﻲ ﺍﻟﻌﻬﺪ

ﻫﺎﻱ ﺣﻴﺎﺗﻲ ﻋﺸﺘﻮﻫﺎ ﺧﻼﻝ ﺷﻬﺮﻳﻦ ... ﺑﺠﻴﺘﻮ ﺿﺤﻜﺘﻮ

ﺑﻴﻬﻦ ﻣﻮﺍﻗﻒ ﻫﻮﺍﻱ ﺳﻴﻒ ﺍﻭﻝ ﻣﺎ ﺍﻋﺘﻘﻞ ﺍﺧﻮﻳﻪ ﺻﺮﺕ ﺍﻧﻲ ﻣﻌﺘﻘﻠﻪ ﺑﺤﺒﻪ ﻫﻮﺍﻱ ﺣﺎﻭﻟﺖ ﺍﻧﺴﺎﻩ ﺑﺲ ﻣﺎﻛﺪﺭﺕ

ﻭﺍﻟﻠﻪ ﺟﻤﻌﻨﻲ ﺑﻴﻪ ... ﺻﺤﻴﺢ ﺍﻟﺤﻴﺎﺓ ﻣﺎ ﺗﺨﻠﻰ ﻣﻦ ﺍﻟﻤﺸﺎﻛﻞ ... ﺑﺲ ﻭﺟﻮﺩﻩ ﻳﻤﻲ ﺍﻳﻜﻔﻴﻨﻲ ...

ﻭﻣﺮﺗﺎﺣﺔ ﺑﺤﻴﺎﺗﻲ ﻭﻳﺎﻩ ﻭﺍﻧﻲ ﻫﺴﺔ ﻣﻮﻇﻔﺔ ...

ﻭﻋﻨﺪﻱ ﺑﻨﻮﺗﻲ ... ﺭﻭﺣﻲ ﻣﻦ ﺍﻟﺪﻧﻴﺎ ...

ﺻﺤﻴﺢ ﺍﺧﺬﺕ ﻣﻌﺰﺗﻲ ... ﺑﺲ ﺍﻧﻲ ﺍﺑﻘﺔ ﺣﺒﻴﺒﺖ ﺳﻴﻒ 😍

ﺍﺩﻋﻮﻟﻲ ﺍﻛﻮﻡ ﺑﺴﻼﻣﺔ ...

ﺑﻨﺴﺒﺔ ﻟﻤﻨﺘﻈﺮ ﺻﺎﺭﺕ ﻋﻨﺪﻩ ﺑﻨﻮﺗﻪ ﻫﻤﻴﻦ ﻭﻋﺎﻳﺶ ﻭﻱ ﻣﺎﻣﺎ ﻭﺻﻮﻓﻲ ..

ﺍﺧﺖ ﺳﻴﻒ ﺻﺎﺭﺕ ﺯﻳﻨﻪ ﻭﻳﺎﻱ ﻭﺧﺼﻮﺻﺎ ﺑﻔﺘﺮﺓ ﺳﻴﻒ

ﻣﻦ ﺳﺎﻓﺮ ﺍﻋﺘﺬﺭﺗﻠﻲ .. ﻭﺍﻧﻲ ﺳﺎﻣﺤﺘﻬﺎ ...

ﺭﻏﺪ ﺍﺯﻭﺟﺖ ﺍﺣﻤﺪ ﻭﻟﺤﺪ ﻫﺴﺔ ﻣﺎ ﻋﻨﺪﻫﺎ ﻃﻔﻞ ﺍﻟﻠﻪ ﻳﺮﺯﻗﻬﺎ .. ﺑﺬﺭﻳﺔ ..

ﺑﺎﺑﺎ ﺑﻌﺪﺓ ﺑﺨﺎﺭﺝ ﻣﺎﻧﻌﺮﻑ ﻋﻨﻪ ﺷﻲ ﻋﻤﺎﺗﻲ ﺍﻳﻜﻮﻟﻦ ﺍﺯﻭﺝ ...

ﺍﻧﻲ ﺑﻌﺪ ﻣﺎ ﺍﻫﺘﻢ ﺍﻣﻲ ﺑﻘﺖ ﻉ ﺫﻣﺘﻪ ﻻﻥ ﺍﺗﻜﻮﻝ ﻣﺎ ﺍﺭﻳﺪ ﺍﻃﻠﻚ ﺑﻬﺬﺍ ﺍﻟﻌﻤﺮ ﺍﻧﻲ ﺑﻌﺪ ﻃﻠﻊ ﻣﻦ ﻛﻠﺒﻲ ...

ﻋﻤﺎﺗﻲ ﻋﺎﻳﺸﺎﺕ ﻭﻟﺤﺪ ﺍﻻﻥ ﻣﺎﻣﺰﻭﺟﺎﺕ ﺑﻌﺪﻫﻦ ﻳﺤﺒﻦ

ﺍﻟﻤﺸﺎﻛﻞ ...

ﺍﻣﺎ ﺳﺎﻣﺮ ﻭﺣﻨﻴﻦ ﺍﺣﻠﻰ ﺍﺛﻨﻴﻦ ... ﻫﻤﻴﻦ ﻃﻠﻌﺖ ﺑﻴﺖ ﻭﺣﺪﻫﻢ ﻗﺮﻳﺐ ﻋﻠﻴﻨﻪ ﻭﺣﻨﻴﻦ ﻛﻠﺴﺎﻋﺔ ﻳﻤﻲ ﻟﻮ ﺍﻧﻲ ﻳﻤﻬﺎ ﻣﺎ ﺍﻛﺪﺭ ﺍﻓﺎﺭﻛﻬﺎ ﻻﻥ ﻫﻲ ﺍﺧﺘﻲ ﻣﻮ ﺑﺲ ﺑﻨﺖ ﺧﺎﻟﻲ ..

ﻭﺻﺎﺭ ﻋﻨﺪﻫﻢ ﻭﻟﺪ .. ﻭﺳﺎﻣﺮ ﻳﻤﻮﺕ ﻋﻠﻴﻬﺎ ...

ﻫﺎﻱ ﺍﻟﻘﺼﺘﻲ ﺇﻟﻰ ﻫﻨﺎ ﻭﺗﻨﺘﻬﻲ ...

ﻃﺒﻌﺎ ﺍﻟﺤﻴﺎﺓ ﻣﺎﺭﺍﺡ ﺗﻨﺘﻬﻲ ﺑﺲ ﺣﺒﻴﺖ ﺍﻧﻬﻴﻬﺎ ...

ﻟﻬﻨﺎ ... ﺍﺗﻤﻨﻰ ﺍﻟﺴﻌﺎﺩﺓ ﻟﺠﻤﻴﻊ

ﺍﻟﻨﻬﺎﻳﺔ

........ 

ﻃﺒﻌﺎ ﻣﺘﺎﺑﻌﻴﻨﻲ ﻟﻬﻨﺎ ﻭﺗﻨﻬﻲ ﻭﻳﺎﻛﻢ ﺭﺣﺘﻲ ﻣﻦ ﻗﺼﺔ ﺩﻳﻤﺔ ﻭﺳﻴﻒ ...

ﺍﻧﺘﻈﺮﻭﻧﻲ

 ﺩﻣﺘﻢ ﺑﺨﻴﺮ *

Zainab ♡

....

احداث بعد النهاية

ﺍﻏﻠﺒﻜﻢ ﻳﺮﻳﺪ ﻳﻌﺮﻑ ﺍﺧﺒﺎﺭ ﺩﻳﻤﺔ ﻭﺳﻴﻒ ..

ﻃﺒﻌﺎ ﻋﻨﺪﻱ ﺍﻟﻜﻢ ﺧﺒﺮ ﻣﺤﺰﻥ ..😔

ﺍﺑﻦ ﺩﻳﻤﺔ ﺍﻭﻝ ﺍﺳﺒﻮﻉ ﻭﻣﺎﺕ ... ﻻﻥ ﺟﺎﻥ ﻣﺮﻳﺾ ..

ﻭﺧﻄﻴﺔ ﺣﻴﻞ ﺍﺗﺎﺛﺮﻭ ﺑﻬﺬﺍ ﺍﻟﺸﻲ ﻭﺧﺼﻮﺻﺎ .. ﺩﻳﻤﻪ

ﺍﺩﻭﻋﻠﻬﻢ ﺍﻟﻠﻪ ﻳﺮﺯﻗﻬﻢ ....

ﻃﺒﻌﺎ ﺍﻧﻲ ﻛﻠﺘﻬﺎ ﻣﻮ ﻧﻬﺎﻳﺔ ﺍﻟﺤﻴﺎﺓ ﺻﺤﻴﺢ ﻣﻮﻗﻒ ﺻﻌﺐ ﺑﺲ ﻫﺎﻱ ﺑﻌﺪ ﺍﺭﺩﺍﺓ ﺍﻟﻠﻪ ..

ﻭﺍﻧﺸﺎﺀ ﺍﻟﻠﻪ ﻳﻌﻮﺿﻬﻢ ﺑﺎﺣﺴﻦ

..... 

. 

تقيمكم تطبيقنا المتواضع ب5نجوم هو الدليل على محبتكم لنا

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤