رواية طريقي نحو النار الجزء الرابع

رواية طريقي نحو النار الجزء الرابع 

للكاتبة 

ليلان حكمت 

... 

رواية طريقي نحو النار الجزء الرابع

للكاتبة

ليلان حكمت

.

ﺩﺍﺭﻥ ﻋﻠﻴﻪ ﻧﺰﻳﻼﺕ ﺍﻟﺴﺠﻦ ﻭﺣﺮﻛﻮﻧﻲ ﺑﺎﻟﻔﻮﺡ ﺍﻟﺤﺎﺭ ﻣﻦ ﺑﻄﻨﻲ

ﻟﻨﺺ ﻣﻦ ﺭﺟﻠﻴﻪ ... ﻓﻘﺪﺕ ﺍﻟﻮﻋﻲ ﻣﻦ ﺷﺪﺓ ﺍﻻﻟﻢ ﺍﺧﺬﻭﻧﻲ

ﻟﻤﺴﺘﺸﻔﻰ ﺍﻟﺴﺠﻦ ...

ﺍﻟﺪﻛﺘﻮﺭ ﻣﻦ ﺷﺎﻓﻨﻲ ﻃﻠﺐ ﺣﻀﻮﺭ ﻃﺒﻴﺒﻪ ﻧﺴﺎﺋﻴﻪ ﻻﻥ ﺍﻟﺤﺮﻕ ﺑﻤﻨﻄﻘﻪ ﺣﺮﺟﻪ ﻣﻴﻜﺪﺭ ﻳﻔﺤﺼﻨﻲ ...

ﺍﺟﺘﻲ ﺍﻟﻄﺒﻴﺒﻪ ﻓﺤﺼﺘﻨﻲ ﻛﺎﻟﺖ ﻻﺯﻡ ﻧﻨﻘﻠﻬﺎ ﻟﻤﺴﺘﺸﻔﻰ ﺧﺎﺭﺝ ﺍﻟﺴﺠﻦ ﻻﻥ ﻭﺿﻌﻬﺎ ﺟﺪﺍ ﺻﻌﺐ ...

ﺍﻧﻄﻮﻧﻲ ﻣﻬﺪﺋﺎﺕ ﻭﺍﺧﺬﻭﻧﻲ ﻟﻤﺴﺘﺸﻔﻰ ﺍﻟﻌﺎﻡ

ﻫﻨﺎﻙ ﺳﻮﻭﻟﻲ ﻓﺤﻮﺻﺎﺕ ﻭﻋﻼﺝ ﻭﻣﺮﺍﻫﻢ ﺑﻘﻴﺖ ﺣﻮﺍﻟﻲ ﻋﺸﺮﻳﻦ

ﻳﻮﻡ ﺑﻌﺪﻫﺎ ﺭﺣﻠﻮﻧﻲ ﻉ ﺍﻟﺴﺠﻦ ﻣﻦ ﺟﺪﻳﺪ ...

ﻣﻦ ﺭﺟﻌﺖ ﺩﺯ ﻋﻠﻴﻪ ﺍﻣﺮ ﺍﻟﺴﺠﻦ ﻭﺳﺄﻟﻨﻲ ﻣﻨﻮ ﺳﻮﻩ ﺑﻴﺞ ﻫﻴﺞ

ﻭﻟﻴﺶ ...

ﺳﻮﻟﻔﺘﻠﻪ ﻛﻞ ﺍﻟﺴﺎﻟﻔﻪ ... ﻫﺰ ﺭﺍﺳﻪ ﻭﻛﻠﻲ ﺍﺣﻨﻪ ﺍﺳﺘﺠﻮﺑﻨﺎﻫﻢ

ﻭﻋﺎﻗﺒﻨﺎﻫﻢ ﻭﺻﺪﺭ ﺍﻣﺮ ﺑﺴﺠﻨﻬﻢ ﺍﻧﻔﺮﺍﺩﻱ ﻭﺯﻳﺎﺩﺓ ﻣﺤﻜﻮﻣﻴﺘﻬﻢ

ﻛﻞ ﻭﺣﺪﻩ ﺳﻨﺘﻴﻦ ...

ﻓﺮﺣﺖ ﻻﻥ ﺗﻌﺎﻗﺒﻦ ... ﺑﺲ ﺍﻟﻔﺮﺣﻪ ﻣﻜﺎﻣﻠﻪ ﻻﻥ ﺍﻭﻻﺩﻱ ﻣﻮ ﻳﻤﻲ ﻭﻻ ﺍﻋﺮﻑ ﻣﻜﺎﻧﻬﻢ ﺻﺮﺕ ﺍﻋﺪ ﺍﻻﻳﺎﻡ ﻭﺍﻟﻠﻴﺎﻟﻲ ﺣﺘﻰ ﺍﻃﻠﻊ ﻣﻦ ﺍﻟﺴﺠﻦ ..

ﻣﺮﺍﺕ ﺍﺧﻠﻲ ﺭﺍﺳﻲ ﻉ ﺍﻟﻤﺨﺪﻩ ﺑﺎﻟﻠﻴﻞ ﻭﺍﺳﻮﻟﻒ ﺑﻴﻨﻲ ﻭﺑﻴﻦ ﻧﻔﺴﻲ ﺍﻛﻮﻝ ﺷﻠﻮﻥ ﻭﺭﻃﻨﻲ ﺟﺒﺎﺭ ﻭﺭﻃﻪ ﺿﻴﻌﺖ ﻧﻔﺴﻲ ﻭﺿﻴﻌﺖ ﺟﻬﺎﻟﻲ ... ﺍﻭﻑ ﻳﺎﺭﺑﻲ ﺷﻠﻮﻥ ﺑﻴﻪ ﺍﺫﺍ ﻃﻠﻌﺖ ﺍﺩﻭﺭ ﻋﻠﻰ ﺟﻬﺎﻟﻲ ﺑﺎﻟﺒﺪﺍﻳﻪ ﻭﺑﻌﺪﻳﻦ ﺍﺷﻮﻓﻠﻲ ﺷﻐﻠﻪ ﺍﻋﻴﺶ ﻣﻨﻬﺎ ...

ﻻﻥ ﺟﺴﻤﻲ ﺑﻌﺪ ﻣﺤﺪ ﻳﻜﻠﺒﻪ ﻻﻥ ﻣﺸﻮﻩ .. ﺍﻳﺎﻡ ﻭﺷﻬﻮﺭ ﺻﺎﺭﺕ ﺍﻟﺤﺼﺎﺭ ﻭﺑﻌﺪﻫﺎ ﺿﺮﺑﺔ ﺑﻮﺵ ﻭﺍﻟﻨﺎﺱ ﺣﺴﺐ ﻣﻨﺸﻮﻑ ﺑﺎﻟﺘﻠﻔﺰﻳﻮﻥ ﺻﺎﺭﺕ ﻫﺮﺝ ﻭﻣﺮﺝ ﻛﻠﻤﻦ ﻳﺮﻛﺾ ﺑﻬﻤﻪ ﻭﺿﻴﻤﻪ

ﺍﻟﺤﻴﺎﺓ ﺍﺻﺒﺤﺖ ﺷﺤﻴﺤﻪ ﺣﺮﺏ ﻭﺟﻮﻉ ﻭﻣﻘﺎﺑﺮ ﺟﻤﺎﻋﻴﻪ

ﻭﺣﻴﺎﺓ ﻣﻬﺪﻣﻪ ﻭﺧﺮﺍﺏ ....

ﺍﻻﻣﻞ ﺍﺻﺒﺢ ﺿﻌﻴﻒ ﺍﻋﺜﺮ ﻋﻠﻰ ﺟﻬﺎﻟﻲ ...

ﺧﺼﻮﺻﺎ ﻭﺍﻟﻤﻼﺟﺊ ﻛﻠﻬﺎ ﻓﺮﻏﻮﻫﺎ ﻭﻧﻘﻠﻮﻫﺎ ﺑﻤﻜﺎﻧﺎﺕ ﺍﻣﻨﻪ

ﻭﺍﻛﺜﺮ ﺷﻲ ﻣﻦ ﺍﺣﺘﺮﻙ ﻣﻠﺠﺄ ﺍﻟﻌﺎﻣﺮﻳﻪ ﻛﻠﺒﻲ ﻧﻐﺰﻧﻲ

ﻻﻥ ﻣﻠﺠﺄ ﺍﻻﻳﺘﺎﻡ ﻗﺮﻳﺐ ﻋﻠﻰ ﻣﻠﺠﺄ ﺍﻻﻳﺘﺎﻡ

ﻭﺍﺣﺘﻤﺎﻝ ﺍﻭﻻﺩﻱ ﺍﺣﺘﺮﻛﻮﺍ ﻭﻳﻪ ﺍﻟﻌﻮﺍﺋﻞ ﺍﻟﻲ ﺍﺣﺘﺮﻛﺖ ...

ﺧﻮﻑ ﻭﻗﻠﻖ ﻣﺤﺘﺎﺭﻩ ﻭﻣﻘﻬﻮﺭﻩ ﻻ ﻋﻨﺪﻱ ﻭﺍﺣﺪ ﺍﺩﺯﻩ ﻳﺴﺌﻞ

ﻭﻻ ﺍﻛﺪﺭ ﺍﺑﻘﻰ ﺳﺎﻛﺘﻪ .. ﺍﻟﻘﻬﺮ ﻛﺘﻠﻨﻲ ..

ﺳﻤﻌﺖ ﺍﻛﻮ ﺳﺠﻴﻨﺎﺕ ﻃﻠﻌﻦ ﺍﻓﺮﺍﺝ ﺭﺣﺖ ﻋﻠﻴﻬﻦ ﺗﻮﺳﻠﺖ ﺑﻴﻬﻦ

ﻳﺮﻭﺣﻦ ﻳﺴﺄﻟﻦ ﻭﻳﺠﻴﺒﻠﻲ ﺧﺒﺮ ....

ﺑﺲ ﻭﺣﺪﻩ ﺗﺸﻤﺮﻧﻲ ﻉ ﺍﻟﺜﺎﻧﻴﻪ .. ﻭﺍﻟﻲ ﺗﻄﺮﺩﻧﻲ ...

ﺑﺲ ﻭﺣﺪﻩ ﺟﺒﻴﺮﻩ ﺑﺎﻟﻌﻤﺮ ... ﻛﺎﻟﺖ ﺍﻧﻲ ﺍﺳﺌﻞ ﻭﺍﺭﺟﻌﻠﺞ ﺧﺒﺮ

ﺍﻧﻄﻴﺘﻬﺎ ﺍﺳﻤﺎﺋﻬﻢ ﻭﺍﻧﻄﻴﺘﻬﺎ ﻋﻨﻮﺍﻥ ﻣﻠﺠﺄ ﺍﻻﻳﺘﺎﻡ ...

ﺧﻠﻴﺖ ﻛﻞ ﺍﻣﻠﻲ ﺑﻴﻬﺎ ﻋﺴﻰ ﻭﻟﻌﻞ ﺗﺮﺟﻌﻠﻲ ﺧﺒﺮ ﻋﻨﻬﻢ ...

ﻣﺮﺕ ﺍﻳﺎﻡ ﻻ ﺣﺲ ﻭﻻ ﺧﺒﺮ ﻣﻦ ﻫﺎﻱ ﺍﻟﻌﺠﻮﺯ ...

ﺳﺎﻋﻪ ﺍﻛﻮﻝ ﻧﺴﺘﻨﻲ ﻭﺳﺎﻋﻪ ﺍﻛﻮﻝ ﺿﺮﺑﺘﻨﻲ ﺑﻮﺭﻱ

ﺗﻼﺷﺖ ﺍﻣﺎﻟﻲ ﺍﻋﺮﻑ ﺧﺒﺮ ﻋﻦ ﺟﻬﺎﻟﻲ ﻟﻮ ﺷﻨﻮ ﻣﺼﻴﺮﻫﻢ

ﻟﻮ ﻭﻳﻦ ﺭﺍﺣﻮﺍ ..

ﻓﺠﺄﻩ ﻧﺎﺩﻭﺍ ﻋﻠﻴﻪ ﺍﺟﺘﻲ ﺍﻟﻌﺠﻮﺯ ﺑﺴﺎﻋﺘﻬﺎ ﻣﺎ ﺍﻛﺪﺭ ﺍﻭﺻﻒ ﺍﻟﻔﺮﺣﻪ

ﺭﺣﺖ ﺍﻣﺸﻲ ﺭﻛﺾ .. ﺍﻟﺸﺮﻃﻴﻪ ﺗﺼﻴﺢ ﺑﻴﻪ ﻋﻠﻰ ﻛﻴﻔﺞ ﻻ ﺗﻮﻛﻌﻴﻦ

ﺍﻧﻲ ﺍﺿﺤﻚ ﺑﺨﻮﻑ ﻭﻗﻠﻖ ﻭﺗﺮﻗﺐ ..

ﻭﺻﻠﻨﺎ ﻟﺼﺎﻟﺔ ﺍﻟﺰﺍﺋﺮﻳﻦ ﻟﻜﻴﺘﻬﺎ ﻛﺎﻋﺪﻩ ...

.... ﻫﺎﺍ ﺧﺎﻟﻪ ﺍﻡ ﺣﻤﻴﺪ ﺑﺸﺮﻱ ﺭﺣﻤﻪ ﻟﻮﺍﻟﺪﻳﺞ ...

... ﻋﻠﻰ ﻛﻴﻔﺞ ﻛﻠﺒﺞ ﺭﺍﺡ ﻳﻄﻠﻊ ﻣﻦ ﻛﻠﺒﺞ .. ﺍﺗﻨﻔﺴﻲ ﻭﺳﻤﻲ ﺑﺎﻟﺮﺣﻤﻦ ﻳﻤﻪ ...

..... ﺧﺎﻟﻪ ﻭﺍﻟﻠﻪ ﻣﺎ ﺑﻘﻰ ﺑﻴﻪ ﺻﺒﺮ ﺍﺭﻳﺪ ﺍﻋﺮﻑ ﺟﻬﺎﻟﻲ ﻭﻳﻦ ﺻﻔﻪ ﺑﻴﻬﻢ ﺍﻟﻮﻛﺖ ...

... ﻳﻤﻪ ﺍﻧﻲ ﺭﺣﺖ ﻉ ﺍﻟﻤﻜﺎﻥ ﺍﻟﻲ ﻛﻠﺘﻲ ﻋﻠﻴﻪ

ﻭﺳﺄﻟﺖ ﻋﻦ ﺍﻃﻔﺎﻟﺞ .... ﻟﻴﻼﻥ ﺣﻜﻤﺖ ... ﺑﺎﻟﺒﺪﺍﻳﻪ ﻣﺎ ﻧﻄﻮﻧﻲ ﺧﺒﺮ ﺑﺲ ﻣﻦ ﺷﺎﻓﻮﻧﻲ ﺍﻟﺤﻴﺖ ﻋﻠﻴﻬﻢ ... ﺟﺎﻭﺑﻮﻧﻲ ..

... ﺍﻱ ﺧﺎﻟﻪ ﻛﻮﻟﻲ ... ﺍﺣﺠﻲ ..

.... ﻳﻤﻪ ﺍﺗﻮﻗﻌﻲ ﻛﻠﺸﻲ ... ﻭﻛﻼﻣﻲ ﻣﻮ ﻧﻬﺎﻳﺔ ﺍﻟﺪﻧﻴﺎ ... ﺏ

.... ﻗﺎﻃﻌﺘﻬﺎ ﻭﺻﺤﺖ ﻻﺍﺍﺍ ﺧﺎﻟﻪ ﻻﺗﻜﻮﻟﻴﻦ ﺟﻬﺎﻟﻲ ﺍﺣﺘﺮﻛﻮﺍ ﺩﺧﻴﻠﺞ ﻭﺍﻟﻠﻪ ﻣﺎﺑﻴﻪ ﺭﻭﺡ ....

... ﺷﺒﻴﺞ ﻳﻤﻪ ﺍﺻﺒﺮﻱ ﻋﻠﻴﻪ ﺧﻠﻲ ﺍﻛﻤﻞ ... ﺟﻬﺎﻟﺞ ﻣﺎﻛﻮ ﺍﻟﻬﻢ ﺍﻱ ﺍﺛﺮ ﺑﻤﻠﺠﺄ ﺍﻻﻳﺘﺎﻡ ... ﻭﻻ ﺻﻮﺭﻩ ﻭﻻ ﺍﺳﻢ ...

ﺍﻟﻤﺪﻳﺮﻩ ﺩﻭﺭﺕ ﺑﺎﻟﺴﺠﻼﺕ ﻛﺎﻟﺖ ﻣﺎﻛﻮ ﻫﻴﺞ ﺷﻲ ...

.... ﻟﻄﻤﺖ ﻋﻠﻰ ﺧﺪﻱ ﻭﺻﺤﺖ ﺣﻴﻞ ﺷﻨﻮﻭﻭﻭﻭﻭﻭ ... ﻭﻳﻦ ﻭﺩﺍﻋﻬﻢ ﺟﺒﺎﺭ ﺍﻟﻨﺬﻝ ...

.... ﺍﻟﻠﻪ ﺍﻋﻠﻢ ﻳﺠﻮﺯ ﺑﺎﻋﻬﻢ ﺍﻭ ﻗﺘﻠﻬﻢ ﺍﻭ ﺫﺑﻬﻢ ﺑﺎﻟﺸﺎﺭﻉ ﺍﻟﻠﻪ ﺍﻋﻠﻢ ...

ﺻﺎﺭﺕ ﺫﻳﺞ ﺍﻟﺴﺎﻋﻪ ﺍﻟﺴﻮﺩﻩ ﻋﻠﻴﻪ ﺷﻠﻮﻥ ﺍﻣﻨﺖ ﺑﻤﺠﺮﻡ ﻭﻭﺛﻘﺖ ﺑﻲ ﻭﺳﻠﻤﺘﻪ ﺟﻬﺎﻟﻲ ... ﻳﺠﻮﺯ ﺻﺪﻭﻙ ﻗﺘﻠﻬﻢ ﻟﻮ ﺑﺎﻋﻬﻢ ﻣﺜﻞ ﻣﺎﻛﺎﻟﺖ ﺍﻡ ﺣﻤﻴﺪ ....

ﺑﻘﻴﺖ ﺣﺎﻳﺮﻩ ﺷﺴﻮﻱ ﺑﻴﻦ ﺍﺑﺠﻲ ﻭﺑﻴﻦ ﺍﻋﻴﻂ ﻛﻞ ﻓﻜﺮ ﻣﺎ ﺑﻘﻰ ﻋﻨﺪﻱ ...

ﺻﺒﺮ ﻣﺎ ﺑﻘﻰ ﻋﻨﺪﻱ ﺭﺩﺕ ﺍﻃﻠﻊ ﻣﻦ ﺍﻟﺴﺠﻦ ﺑﺎﻱ ﻃﺮﻳﻘﻪ

ﻭﺍﻱ ﻭﺳﻴﻠﻪ ... ﺑﺲ ﺷﻠﻮﻥ ﻭﺳﺠﻮﻥ ﺻﺪﺍﻡ ﻣﺜﻞ ﺍﻟﺒﻴﺮ ﻣﺤﺪ ﻳﻄﻠﻊ ﻣﻨﻬﺎ ﺑﺴﻬﻮﻟﻪ ..

ﻋﺪﺕ ﺍﻟﺴﻨﻪ ﺍﻻﺧﻴﺮﻩ ﻋﻠﻴﻪ ﻣﺜﻞ ﺍﻟﺠﺒﻞ ﻋﻠﻰ ﻇﻬﺮﻱ ﺛﻘﻴﻠﻪ

ﻛﺒﺮﺗﻨﻲ ﺍﻟﻒ ﺳﻨﻪ ﻭﻏﻴﺮﺗﻨﻲ ﻏﻴﺮ ﺷﻜﻞ ...

ﻣﻦ ﺍﻧﻄﻮﻧﻲ ﻛﺘﺎﺏ ﺍﻻﻓﺮﺍﺝ ﻓﺮﺣﺖ ﻭﺭﺣﺖ ﺑﻮﺟﻬﻲ ﻟﻠﻌﺎﻣﺮﻳﻪ

ﺍﺳﺌﻞ ﻋﻦ ﺟﻬﺎﻟﻲ ....

ﺭﺣﺖ ﻟﻠﻤﻠﺠﺄ ﻟﻜﻴﺖ ﺩﺍﺋﺮﻩ ﺑﻤﻜﺎﻧﻪ ﺷﺎﻳﻠﻴﻦ ﺍﻟﻤﻠﺠﺄ ﺑﻘﻴﺖ ﺍﺳﺌﻞ ﻟﺤﺪ ﻣﺎ ﻋﺮﻓﺖ ﻧﺎﻗﻠﻴﻨﻪ ﻟﻐﻴﺮ ﻣﻜﺎﻥ

ﺩﻟﻮﻧﻲ ﺑﻲ ﺍﺧﺬﺕ ﺗﻜﺴﻲ ﻭﺭﺣﺖ ﻟﻠﺠﺎﺩﺭﻳﻪ ﻭﺻﻠﺖ ﻟﻠﻤﻠﺠﺄ ..

ﻟﻜﻴﺖ ﻣﺪﻳﺮﺓ ﺍﻟﻤﻠﺠﺄ ﻛﺎﻋﺪﻩ ﻫﻲ ﻭﺍﻻﻃﻔﺎﻝ ﺑﺎﻟﺤﺪﻳﻘﻪ

ﺭﻛﻀﺖ ﻋﻠﻴﻬﺎ ﻭﺑﻨﻔﺲ ﺍﻟﻮﻗﺖ ﺍﺑﺎﻭﻉ ﺑﻮﺟﻮﻩ ﺍﻟﺠﻬﺎﻝ ﺑﻠﻜﻲ ﺍﺷﻮﻑ ﺧﻠﻔﺘﻲ ...

ﺩﺧﻠﺖ ﻋﻠﻴﻬﺎ ﺩﺧﻴﻞ ﺍﻟﻠﻪ ﻭﺩﺧﻴﻠﺞ .... ﺳﺎﻋﺪﻳﻨﻲ ...

ﻛﺎﻟﺖ ﺷﺒﻴﺞ ﻋﻴﻨﻲ ﺍﻫﺪﺃﻱ ﻭﺍﺣﺠﻴﻠﻲ ...

ﻛﻌﺪﺕ ﻋﻠﻰ ﺣﻴﻠﻲ ﻭﺳﻮﻟﻔﺘﻠﻬﺎ ﻛﻞ ﺍﻟﺴﺎﻟﻔﻪ ﻫﻲ ﺍﺳﺘﻐﺮﺑﺖ

ﻭﻛﺎﻟﺖ ﻫﺎﻱ ﺍﻻﻭﻻﺩ ﻛﺪﺍﻣﺞ ﺑﻴﻬﻢ ﺟﻬﺎﻟﺞ ﻛﻠﺘﻠﻬﺎ ﻻ ﻣﺎﻛﻮ ..

ﻛﺎﻟﺖ ﺗﻌﺎﻟﻲ ﺍﺷﻮﻓﻠﺞ ﺍﻟﺴﺠﻼﺕ ﺍﺣﺘﻤﺎﻝ ﺍﺣﺪ ﻣﺘﺒﻨﻴﻬﻢ ﻭﻣﺎﺧﺬﻫﻢ

ﺍﺩﻋﻲ ﺭﺑﺞ ﻧﻠﻜﻴﻬﻢ ...

ﺭﺣﺖ ﻭﻳﺎﻫﺎ ﻟﻠﻐﺮﻓﻪ ﻓﺘﺤﺖ ﺍﻟﺴﺠﻼﺕ ﻭﺍﺣﺪ ﻭﺭﻩ ﺍﻟﺜﺎﻧﻲ

ﻭﺻﻮﺭﻩ ﺑﻌﺪ ﺻﻮﺭﻩ ﻣﺎﻛﻮ ...

ﺣﺘﻰ ﺑﺎﻻﻃﻔﺎﻝ ﺍﻟﻤﺘﻮﻓﻴﻦ ﻣﺎﻛﻮ ... ﺯﺍﺩﺕ ﺣﻴﺮﺗﻲ ﻭﻗﻬﺮﻱ

ﺷﻠﻮﻥ ﻛﺎﺭﺛﻪ ﻫﺎﻱ ﻭﻳﻦ ﺍﻟﻜﻲ ﺟﺒﺎﺭ ﻭﺍﺳﺌﻠﻪ .. ﻭﺷﻠﻮﻥ ﺍﺳﺌﻠﻪ

ﻭﻫﻮ ﻣﻌﺪﻭﻡ ﺍﻟﻠﻪ ﻳﻨﺘﻘﻢ ﻣﻨﻪ ﺑﻘﺒﺮﻩ ﺍﻟﻠﻪ ﻻﻳﻮﻓﻘﻪ ...

ﺭﺟﻌﺖ ﺍﺟﺮ ﺍﺫﻳﺎﻝ ﺧﻴﺒﺘﻲ ﻣﺤﺘﺎﺭﻩ ﻭﻳﻦ ﺍﺭﻭﺡ ﻻ ﻓﻠﻮﺱ ﻭﻻ ﺑﻴﺖ

ﻛﻠﺸﻲ ﺍﺧﺬﺗﻪ ﺍﻟﺪﻭﻟﻪ ...

ﻣﺎﻛﻮ ﻏﻴﺮ ﺍﻡ ﺣﻤﻴﺪ ﺍﺫﻛﺮ ﻫﻲ ﻣﺮﻩ ﺍﻧﻄﺘﻨﻲ ﻋﻨﻮﺍﻧﻬﺎ

ﺍﺧﺬﺕ ﺗﻜﺴﻲ ﻭﺭﺣﺖ ﻋﻠﻴﻬﺎ ....

ﺑﻘﻴﺖ ﺍﺳﺌﻞ ﻣﻦ ﺑﻴﺖ ﻟﺒﻴﺖ ﻟﺤﺪ ﻣﺎ ﻟﻜﻴﺘﻬﺎ ...

ﻓﺮﺣﺖ ﻣﻦ ﺷﺎﻓﺘﻨﻲ ﻭﺩﺧﻠﺘﻨﻲ ﺑﻴﺘﻬﺎ ﻭﺳﻮﺗﻠﻲ ﺍﻛﻞ ...

ﻛﻠﻤﺎ ﺍﻟﺰﻡ ﻟﻜﻤﻪ ﺍﺑﺠﻲ ﻻﻥ ﺍﺧﺎﻑ ﻣﻦ ﺍﻟﺘﻔﻜﻴﺮ ﺟﺒﺎﺭ ﻛﺘﻠﻬﻢ

ﺍﻡ ﺣﻤﻴﺪ ﻛﺎﻟﺖ ﺍﺭﺗﺎﺣﻲ ﻭﺣﺎﻭﻟﻲ ﺗﻔﻜﺮﻳﻦ ﺟﺒﺎﺭ ﻭﻳﻦ ﺍﻫﻠﻪ

ﺟﻤﺎﻋﺘﻪ ﺍﺻﺪﻗﺎﺋﻪ ﺑﻠﻜﻲ ﻋﺪﻫﻢ ﺧﺒﺮ ﻋﻦ ﺟﻬﺎﻟﻲ ..

..

ﺃﻡ ﺣﻤﻴﺪ ﺻﺢ ﻣﺎﻋﻨﺪﻱ ﻋﻼﻗﻪ ﺑﻴﻬﺎ ﺑﺲ ﺳﻼﻡ ﻭﻣﺮﺍﺕ ﺑﺎﻟﺴﺠﻦ

ﺗﻜﻌﺪ ﻳﻤﻲ ﺗﺴﻮﻟﻒ ﺳﻮﺍﻟﻒ ﻋﺎﺩﻳﻪ ..

ﺑﺲ ﻫﻲ ﻛﺎﻧﺖ ﺧﻮﺵ ﻣﺮﻩ ﻭﻣﻌﺘﺒﻪ ﺣﺴﺐ ﻛﻼﻣﻬﺎ ﺍﺩﻛﻮﻝ

ﺩﺧﻠﺖ ﺍﻟﺴﺠﻦ ﻣﻈﻠﻮﻣﻪ ﺍﻧﺘﻬﻤﺖ ﺑﺎﻟﺴﺮﻗﻪ ﺑﺎﻃﻞ ..

ﺷﻜﻠﻬﺎ ﻭﺗﺮﺗﻴﺒﻬﺎ ﻣﻮ ﻣﺎﻝ ﻭﺣﺪﻩ ﺗﺒﻮﻙ ﻟﻮ ﻣﺎﻝ ﻭﺣﺪﻩ

ﻣﻮﺯﻳﻨﻪ ﺑﺲ ﺍﻟﻠﻪ ﺍﻋﻠﻢ ﺍﻟﻤﻈﺎﻫﺮ ﺧﺪﺍﻋﻪ

ﺍﺗﻌﺎﻣﻠﺖ ﻭﻳﺎﻱ ﺑﻠﻄﻒ

ﻭﻃﻠﺒﺖ ﻣﻨﻲ ﺍﺑﻘﻰ ﻭﻳﺎﻫﺎ ﺑﻴﺘﻬﺎ ﻟﺤﺪ ﻣﺎ ﺍﺣﺼﻞ ﺳﺒﻮﺑﻪ ﺍﻋﻴﺶ

ﻣﻨﻬﺎ ﻭﺍﻛﺪﺭ ﺍﻃﻠﻊ ﺍﺍﺟﺮ ﺳﻜﻦ ...

ﺑﺲ ﻫﺎﻻﻣﻮﺭ ﻣﺎﻛﺎﻧﺖ ﺷﺎﻏﻠﺘﻨﻲ ﻻﻥ ﻛﻨﺖ ﺍﻓﻜﺮ ﺑﺠﻬﺎﻟﻲ

ﻗﺮﺭﺕ ﺍﺭﻭﺡ ﻋﻠﻰ ﻣﻌﺎﺭﻑ ﺟﺒﺎﺭ ﻭﺍﺳﺌﻞ ﻋﻦ ﺍﻫﻠﻪ

ﻟﻮ ﺑﻠﻜﻲ ﻭﺍﺣﺪ ﻳﻌﺮﻑ ﺍﻭ ﺷﺎﻑ ﺟﻬﺎﻟﻲ ﻭﻳﺎﻩ ..

ﺭﺣﺖ ﻋﻠﻰ ﻣﻨﻄﻘﺔ ﺍﻟﺸﻴﺦ ﻋﻤﺮ ﻭﻣﻨﺎﻙ ﺳﺌﻠﺖ ﻣﻦ ﻭﺍﺣﺪ ﻟﻮﺍﺣﺪ

ﻟﺤﺪ ﻣﺎﻋﺮﻓﺖ ﻋﻨﻮﺍﻥ ﺑﻴﺖ ﺍﺧﻮﻩ ...

ﻛﺎﻧﻮﺍ ﺳﺎﻛﻨﻴﻦ ﺑﺎﻟﺒﺘﺎﻭﻳﻦ ﺑﺎﻟﺸﻮﺍﺭﻉ ﺍﻟﻘﺪﻳﻤﻪ ....

ﺭﺣﺖ ﺑﻠﻜﻲ ﺍﻟﻜﻲ ﻋﺪﻫﻢ ﺧﺒﺮ ﺍﻭ ﻋﻠﻢ ﺑﺠﻬﺎﻟﻲ ...

ﺑﻘﻴﺖ ﺍﻓﺘﺮ ﺑﺎﻟﺸﻮﺍﺭﻉ ﺍﺳﺌﻞ ﻋﻦ ﺑﻴﺖ ﺍﺑﻮ ﺻﺒﺎﺡ

ﻛﻞ ﻣﺮﻩ ﻳﺪﺯﻭﻧﻲ ﻋﻠﻰ ﺑﻴﺖ ﻳﻄﻠﻌﻮﻥ ﻣﻮ ﻫﻤﻪ ﺗﻌﺒﺖ

ﺍﻟﻤﻨﻄﻘﻪ ﺟﺒﻴﺮﻩ ﻭﻛﻞ ﺳﺎﻋﻪ ﺗﻤﺮ ﻳﺘﻼﺷﻰ ﺍﻻﻣﻞ

ﻭﺗﺼﻴﺮ ﺍﻟﺪﻧﻴﺎ ﻇﻠﻤﻪ ﺑﻌﻴﻨﻲ ...

ﺷﻠﻮﻥ ﺑﻠﻮﻩ ﻃﺤﺖ ﺑﻴﻬﺎ .. ﻭﺷﻠﻮﻥ ﺍﻣﺘﺤﺎﻥ ﺍﻟﻴﺄﺱ

ﺑﺪﻩ ﻳﺴﻴﻄﺮ ﻋﻠﻴﻪ ....

ﺗﻌﺒﺖ ﻭﺟﻌﺖ ﻭﺻﺎﺭ ﺍﻟﻈﻬﺮ ﻓﻜﺮﺕ ﺍﺭﺟﻊ ﺑﺲ ﺭﺟﻠﻴﻪ ﺍﻟﺘﻔﺖ

ﻋﻠﻰ ﺷﺎﺭﻉ ﻳﺸﺒﻪ ﺍﻟﺪﺭﺑﻮﻧﻪ ﻓﺘﺖ ﺑﻲ ﺍﻣﺸﻲ ﻭﺍﺑﺎﻭﻉ ﻉ ﺍﻟﺒﻴﺒﺎﻥ

ﺍﺭﻳﺪ ﺍﺷﻮﻑ ﺑﺸﺮ ﺣﺘﻰ ﺍﺳﺌﻠﻪ ﻋﻦ ﺑﻴﺖ ﺍﺑﻮ ﺻﺒﺎﺡ

ﻭﻛﻔﺖ ﻳﻢ ﺑﺎﺏ ﺩﻛﻴﺖ ﺍﻟﺠﺮﺱ ﻃﻠﻌﻠﻲ ﺭﺟﺎﻝ ﻛﻠﻲ ﺗﻔﻀﻠﻲ ﺍﺧﺘﻲ

ﻛﺘﻠﻪ ﻓﺪﻭﻩ ﻟﻌﻴﻨﻚ ﺧﻮﻳﻪ ﺍﻛﻮ ﻫﻨﺎ ﺑﻴﺖ ﻳﺴﻤﻮﻧﻬﻢ ﺑﻴﺖ ﺍﺑﻮ ﺻﺒﺎﺡ

ﺻﻔﻦ ﺑﻮﺟﻬﻲ ﻭﻛﻠﻲ ﺍﺣﻨﻪ ﺑﻴﺖ ﺍﺑﻮ ﺻﺒﺎﺡ ﻭﺑﻌﺪﻧﺎ ﺑﺸﺎﺭﻉ

ﺍﻛﻮ ﻧﺎﺱ ﻳﺴﻤﻮﻫﻢ ﺑﻴﺖ ﺍﺑﻮ ﺻﺒﺎﺡ ﻋﺪﻫﻢ ﺩﻛﺎﻥ ﺯﻏﻴﺮ ﺑﻴﺘﻬﻢ

ﻛﺘﻠﻪ ﺧﻮﻳﻪ ﺍﺭﻳﺪ ﺑﻴﺖ ﺍﺑﻮ ﺻﺒﺎﺡ ﺍﺧﻮﻫﻢ ﻛﺮﺍﻳﺒﻬﻢ ﺍﺳﻤﻪ ﺟﺒﺎﺭ

ﻛﻠﻲ ﻭﺻﻠﺘﻲ ﺑﺲ ﺗﺮﻩ ﺟﺒﺎﺭ ﻣﺘﻮﻓﻲ ..

ﻛﺘﻠﻪ ﺍﺩﺭﻱ ﻣﺘﻮﻓﻲ ﺍﻧﻲ ﺟﺎﻳﻪ ﺍﺳﺌﻞ ﻋﻦ ﺷﻐﻠﻪ ﺛﺎﻧﻴﻪ ﺍﻣﻨﺘﻬﺎ ﻳﻢ

ﺟﺒﺎﺭ ...

ﻛﻠﻲ ﺗﻔﻀﻠﻲ ﺧﻮﻳﻪ ...

ﺩﺧﻠﺖ ﺍﻟﺒﻴﺖ ﺍﺟﺘﻲ ﻣﺮﻳﻪ ﺟﺒﻴﺮﻩ ﺳﻠﻤﺖ ﻋﻠﻴﻪ ﻭﻛﻠﺘﻠﻪ ﺻﺒﺎﺡ

ﻣﻨﻴﻦ ﻫﺎﻱ ﺍﻻﺑﻨﻴﻪ ...

ﻛﺎﻟﻠﻬﺎ ﺍﺻﺒﺮﻱ ﻫﺴﻪ ﻧﻔﺘﻬﻢ ﺍﻟﺴﺎﻟﻔﻪ ﻳﻤﻪ ...

ﻛﻌﺪﺕ ﺍﻧﻄﻮﻧﻲ ﻣﻲ .. ﺑﺲ ﻣﻦ ﺍﻟﺠﻮﻉ ﺍﺗﻜﺴﺮ ﺑﺼﺪﺭﻱ

ﻣﺎ ﺍﻫﺘﻤﻴﺖ ..

... ﻛﻠﻲ ﺗﻔﻀﻠﻲ ﺧﻮﻳﻪ ..

ﺳﻮﻟﻔﺘﻠﻪ ﺳﺎﻟﻔﺘﻲ ... ﻛﻠﻬﺎ ﺑﺲ ﻣﺎ ﺍﺗﻌﻤﻘﺖ ﺑﺎﻻﻣﻮﺭ ﻏﻴﺮ ﺑﺲ

ﻛﻠﺘﻠﻬﻢ ﻫﻮ ﺭﺍﺩ ﻳﺴﺎﻋﺪﻧﻲ ﺑﻘﻀﻴﻪ ﺟﻬﺎﻟﻲ ﻻﻥ ﺍﺑﻮﻫﻢ ﺷﻬﻴﺪ

ﻭﻣﺎ ﻟﺤﻜﻨﺎ ﻧﻌﻘﺪ ﻣﺤﻜﻤﻪ ﺑﺴﺒﺐ ﺍﻟﻈﺮﻭﻑ ﻭﻋﻴﺎﻟﻲ

ﻣﺎﻳﺪﻳﺮﻭﻥ ﺑﺎﻝ ﻟﻠﺠﻨﻪ ﻭﻫﺎﻱ ﺍﻻﻣﻮﺭ ..

ﻫﻮ ﺍﻗﺘﻨﻊ ﻭﻛﺎﻝ ﺣﻈﺞ ﺍﻟﻔﻜﺮ ﻭﺩﺍﺝ ﻋﻠﻰ ﺟﺒﺎﺭ

ﺍﺣﻨﻪ ﻃﺎﺭﺩﻱ ﻭﻣﺘﺒﺮﻳﻦ ﻣﻨﻪ ...

ﺍﺫﺍ ﻛﺎﻧﺖ ﺍﻟﺤﻴﺮﻩ ﻣﺮﻩ ﺻﺎﺭﺕ ﻋﺸﺮ ﻣﺮﺍﺕ .. ﻳﺎﺍﺍ ﻫﺬﺍ ﺷﻠﻮﻥ ﺣﺠﻲ ﻓﻬﻤﻨﻲ ﺧﻮﻳﻪ ﺭﺣﻤﻪ ﻟﻮﺍﻟﺪﻳﻚ ﺟﻬﺎﻟﻲ ﻭﻳﻦ ﺻﻔﺖ ﺑﻴﻬﻢ

ﺍﻟﺪﻧﻴﺎ ....

... ﺍﺧﺘﻲ ﺍﺣﻨﻪ ﻣﺎﻋﺪﻧﻪ ﻻﺧﺒﺮ ﻭﻻ ﻇﻨﻪ ﺟﺒﺎﺭ ﻣﺸﻰ ﺑﻄﺮﻳﻖ

ﺍﻋﻮﺝ ﻭﺍﻟﻮﺍﻟﺪ ﻃﺮﺩﻩ ﻣﻦ ﺟﺎﻥ ﺯﻏﻴﺮ ﻋﻤﺮﻩ ﻣﻴﺠﺎﻭﺯ ﺍﻟﻌﺸﺮﻳﻦ

ﺑﺲ ﻫﻮ ﺟﺎﻥ ﺑﻴﻦ ﻓﺘﺮﻩ ﻭﻓﺘﺮﻩ ﻳﻤﺮ ﻋﻠﻰ ﺍﻣﻲ ﻳﺴﻠﻢ ﻋﻠﻴﻬﺎ

ﻭﻳﺮﻭﺡ ....

.... ﺩﺧﻴﻠﻚ ﺭﺑﻲ ﺷﻠﻮﻥ ﺣﻴﺮﻩ ﻭﻛﻌﺖ ﺑﻴﻬﺎ ﻭﻳﻦ ﺍﺭﻭﺡ ﻭﻭﻳﻦ ﺍﻧﻄﻲ ﻭﺟﻬﻲ ...

... ﺍﺧﺘﻲ ﺍﻧﻲ ﺭﺍﺡ ﺍﺳﺎﻋﺪﺝ ﺑﺎﻟﻘﻠﻴﻞ ﻋﺴﻰ ﻭﻟﻌﻞ ﻳﻔﻴﺪﺝ ..

ﺟﺎﻥ ﻋﻨﺪﻩ ﻭﺣﺪﻩ ﺗﺸﺘﻐﻞ ﻋﻠﻰ ﺑﺎﺏ ﺍﻟﻠﻪ ﻣﻦ ﺫﻧﻲ ﺍﻟﺪﺍﻳﺤﺎﺕ

ﺻﺎﺣﺒﺘﻪ ﺭﺍﺡ ﺍﻧﻄﻴﺞ ﻋﻨﻮﺍﻧﻬﺎ ﻭﺍﺳﺄﻟﻲ ﻋﻨﻬﺎ ﺑﻠﻜﻲ ﺗﻠﻜﻴﻦ ﻣﺮﺍﺩﺝ ﻳﻤﻬﺎ ... ﻻﻥ ﺟﺒﺎﺭ ﻣﻴﻀﻢ ﻋﻠﻴﻬﺎ ﺷﻲ ... ﻣﺜﻞ ﻣﺮﺗﻪ ﻫﻲ ....

...

ﻃﻠﻌﺖ ﺍﺻﻔﻚ ﺑﺎﻳﺪﻳﻪ ﻣﺜﻞ ﺑﻼﻉ ﺍﻟﻤﻮﺱ ﻻ ﺍﻧﻲ ﺑﺎﻟﻌﺘﻪ ﻭﻻ ﺍﻧﻲ ﻣﻄﻠﻌﺘﻪ ....

ﺭﺟﻌﺖ ﻋﻠﻰ ﺍﻡ ﺣﻤﻴﺪ ﺳﻮﻟﻔﺘﻠﻬﺎ ... ﻛﺎﻟﺖ ﺧﺎﻟﻪ ﻧﺎﻣﻲ ﻫﺴﻪ ﺑﻌﺪ ﻣﺘﺎﻛﻠﻴﻦ ﻭﺗﺴﺒﺤﻴﻦ ﻭﺑﺎﺟﺮ ﺭﻭﺣﻲ ﻭﻣﻨﺎ ﻟﻠﺼﺒﺢ ﺍﻟﻒ ﺑﺎﺏ ﻓﺮﺝ

ﻳﻨﻔﺘﺢ ...

ﺳﺒﺤﺖ ﻭﺍﻛﻠﺖ ... ﺭﺣﺖ ﻟﻠﻐﺮﻓﻪ ﺍﻧﺎﻡ ﺧﻔﺖ ﺍﻟﺒﻴﺖ ﺍﻇﻠﻢ

ﻭﻣﺮﻃﻮﺏ ﻭﻣﻠﻴﺎﻥ ﺩﻳﺪﺍﻥ ﻭﻋﻘﺎﺭﺏ ...

ﻗﺮﻳﺖ ﻗﺮﺃﻥ ﻭﺗﻮﺳﺪﺕ ﺍﻟﻔﺮﺍﺵ ﻭﻧﻤﺖ ...

ﺍﺧﺬﺗﻠﻲ ﺳﻜﺮﺕ ﻧﻮﻡ ﺣﺴﻴﺖ ﺷﻲ ﻳﻤﺸﻲ ﻋﻠﻰ ﻭﺟﻬﻲ

ﻓﺘﺤﺖ ﻋﻴﻮﻧﻲ ﻭﺗﻠﻤﺴﺖ ﻭﺟﻬﻲ ﺷﻔﺖ ﺷﻲ ﺍﺳﻮﺩ

ﺭﻓﻌﺘﻪ ﺟﺎﻥ ﻳﻄﻠﻊ ﻋﻘﺮﺏ ﺷﻜﺒﺮﻩ ﺷﻤﺮﺗﻪ ﻭﻃﻔﺮﺕ ﻣﻦ ﻣﻜﺎﻧﻲ

ﻣﻔﺰﻭﻋﻪ ﻭﺍﺻﻴﺢ ﺳﻼﻡ ﻗﻮﻻ ﻣﻦ ﺭﺏ ﺭﺣﻴﻢ ....

ﻃﻠﻌﺖ ﻣﻦ ﺍﻟﻐﺮﻓﻪ ﻟﻜﻴﺖ ﺍﻡ ﺣﻤﻴﺪ ﻋﻠﻰ ﻛﻌﺪﺗﻬﺎ ﺑﺎﻟﻜﺮﺳﻲ

ﻛﻠﺘﻠﻬﺎ ﺧﺎﻟﻪ ﺍﻟﺒﻴﺖ ﻋﺘﻴﻚ ﻭﺑﻲ ﺷﻐﻼﺕ ﺗﺨﻮﻑ ﻭﻣﺮﻃﻮﺏ

ﺷﻌﺎﺟﺒﺞ ﺑﻲ ﻭﺳﺎﻛﻨﺘﻪ ... ﺗﺪﺭﻳﻦ ﺍﻧﻲ ﻟﻜﻴﺖ ﻋﻘﺮﺏ ﻋﻠﻰ

ﻭﺟﻬﻲ .... ﻫﻲ ﺳﺎﻛﺘﻪ ﻣﺘﺮﺩ ﻋﻠﻴﻪ ...

ﺍﺳﺘﻐﺮﺑﺖ ﺷﺒﻴﻬﺎ ﺍﻟﻤﺮﻩ ﻣﺘﺠﺎﻭﺏ ﺍﺧﺬﺕ ﻋﺒﺎﺗﻲ ﻭﻃﻠﻌﺖ

ﺍﻟﻌﺼﺮﻳﻪ ﻉ ﺍﻟﻌﻨﻮﺍﻥ ﺍﻟﻲ ﺍﻧﻄﻮﻧﻴﺎﻩ ....

ﺍﺧﺬﺕ ﺗﻜﺴﻲ ﺍﻓﺘﺮﺕ ﺑﻴﻪ ﺳﺎﻋﺘﻴﻦ ﺣﻮﺍﻟﻲ ...

ﻟﺤﺪ ﻣﺎ ﻭﺻﻠﺖ ﻟﻠﻌﻨﻮﺍﻥ ...

ﺍﻟﺒﻴﺖ ﺟﺒﻴﺮ ﻭﺣﻠﻮ ﻭﻣﺮﺗﺐ ﺩﻛﻴﺖ ﺍﻟﺠﺮﺱ ﻃﻠﻌﺘﻠﻲ

ﻃﻔﻠﻪ ﺯﻏﻴﺮﻩ ﻛﺎﻟﺘﻠﻲ ﻫﺎ ﺧﺎﻟﻪ ﺷﺘﺮﺩﻳﻦ ..

ﻛﻠﺘﻠﻬﺎ ﺍﺭﻳﺪ ﻣﺎﻣﺎ ...

ﺩﺧﻠﺖ ﺍﻟﻄﻔﻠﻪ ﻭﻋﺎﻓﺘﻨﻲ ﻣﺼﻠﻮﺑﻪ ﺑﺎﻟﺸﻤﺲ ﺭﺑﻊ ﺳﺎﻋﻪ

ﻃﻠﻌﺘﻠﻲ ﻭﺣﺪﻩ ﻋﺒﺎﻟﻚ ﺍﻟﺮﺍﻗﺼﺎﺕ ﺍﻟﻤﺼﺮﻳﺎﺕ

ﺳﻠﻤﺖ ﻋﻠﻴﻪ ﻭﻛﻠﺘﻠﻲ ﺗﻔﻀﻠﻲ ...

.... ﺧﻴﻪ ﺯﺍﺩ ﻓﻀﻠﺞ ... ﺑﺲ ﺍﻧﻲ ﻣﻦ ﻃﺮﻑ ﺟﺒﺎﺭ ..

.... ﻭﺟﺎﻳﻪ ﺍﺳﺌﻠﺞ ﻋﻦ ﺍﻣﺎﻧﻪ ﺧﻠﻴﺘﻬﺎ ﻳﻤﻪ ..

ﺟﺎﻥ ﺗﻀﺤﻚ ﻛﺎﻟﺖ ﺧﻴﻪ ﺍﻧﺘﻲ ﻣﺨﺒﻠﻪ ﺟﺒﺎﺭ ﻣﺎﺕ ﻣﻦ ﺗﻠﺚ ﺳﻨﻮﺍﺕ ﻳﺎ ﺍﻣﺎﻧﻪ ﻫﺎﻱ ...

ﻛﻠﺘﻠﻬﺎ ﻋﻦ ﺟﻬﺎﻝ ﺗﻼﺛﻪ ﺍﺧﺬﻫﻢ ﻣﻨﻲ .. ﺍﻟﻤﺮﻩ ﻣﻦ ﺫﻛﺮﺕ ﺳﻴﺮﺓ

ﺍﻟﺠﻬﺎﻝ ﺻﻮﻓﺮ ﻭﺟﻬﻪ ﺻﺎﺭ ﻳﻨﻄﻲ ﺍﻟﻮﺍﻥ ﻣﺎ ﺍﻋﺮﻑ ﻟﻴﺶ

... ﻛﺎﻟﺖ ﻣﺎﺍﻋﺮﻑ ﺷﺘﺤﺠﻴﻦ ﺍﻧﺘﻲ ﻳﺎﺟﻬﺎﻝ .. ﺫﻭﻟﻪ ..

ﻛﻌﺪﺕ ﺳﻮﻟﻔﺘﻠﻬﺎ ﺍﻟﺴﺎﻟﻔﻪ ﻛﻠﻬﺎ ﻛﺎﻟﺖ ﻭﺍﻧﺖ ﺷﻠﻮﻥ ﺗﺎﻣﻨﻴﻦ ﺑﻮﺍﺣﺪ ﺷﺮﺍﺏ ﻋﺮﻙ ﺍﺑﻦ ﻣﻼﻫﻲ ﺗﻨﻄﻲ ﺩﻣﺞ ﻭﻟﺤﻤﺞ ...

ﻳﻤﻌﻮﺩﻩ ﻫﺬﺍ ﻳﺠﻮﺯ ﺑﺎﻋﻬﻢ ﻛﻞ ﻋﻘﻠﺢ ﻳﺪﺯﻫﻢ ﻟﻠﻤﻠﺠﺄ ﺍﺫﺍ ﻣﺎ ﺍﻟﺤﻜﻮﻣﻪ ﺗﺤﻘﻖ ﻭﻳﺎﻩ ﻭﺗﻨﻜﺜﻪ ﻧﻜﺚ ...

ﻛﻠﺘﻠﻬﺎ ﺧﻴﻪ ﺭﺳﻴﻨﻲ ﻋﻠﻰ ﺑﺮ ﺗﺮﻩ ﻧﺸﻒ ﺩﻣﻲ ﻭﺍﻟﻠﻪ

ﻻ ﺍﻧﻲ ﻟﻠﺴﻤﺎ ﻭﻻ ﺍﻧﻲ ﻟﻠﻜﺎﻉ ...

ﻛﺎﻟﺖ ﺍﻧﻲ ﻛﻠﺸﻲ ﻣﺎ ﺍﻋﺮﻑ ﻭﺭﻭﺣﻲ ﻣﻨﺎ ﺑﻌﺪ ﻻﺗﺠﻴﻦ ...

ﻃﺮﺩﺗﻨﻲ ﻭﺳﺪﺕ ﺍﻟﺒﺎﺏ ... ﺍﺣﺴﺎﺱ ﻗﻮﻱ ﻋﻨﺪﻱ ﻫﻲ ﺗﻌﺮﻑ ﻭﻳﻦ ﺟﻬﺎﻟﻲ ﻭﺗﻌﺮﻑ ﻣﻜﺎﻧﻬﻢ ﺑﺲ ﻣﺎ ﺗﺤﺠﻲ ﺍﻛﻮ ﺷﻲ ﻣﺎﻧﻌﻬﺎ ... ﻣﻦ ﺍﻟﻜﻼﻡ ...

ﻧﻔﻀﺖ ﻋﺒﺎﺗﻲ ﻣﻦ ﺍﻟﺘﺮﺍﺏ ﻭﺭﺟﻌﺖ ﻟﺒﻴﺖ ﺍﻡ ﺣﻤﻴﺪ

ﻓﺘﺤﺖ ﺍﻟﺒﺎﺏ ﻟﻜﻴﺖ ﺍﻡ ﺣﻤﻴﺪ ﻋﻠﻰ ﻛﻌﺪﺗﻬﺎ ﺍﺳﺘﻐﺮﺑﺖ

ﻛﻠﺘﻠﻬﺎ ﻫﺎﺍﺍ ﺣﺠﻴﻪ ﺷﻨﻮ ﻣﺘﺤﺮﻛﺘﻲ .. ﻣﺎ ﺟﺎﻭﺑﺘﻨﻲ

ﺣﺠﻴﺖ ﻣﺎﻛﻮ ﺭﺩ ﻭﻻ ﺟﻮﺍﺏ ﻫﺰﻳﺘﻬﺎ ﻭﻛﻌﺖ ﺑﺎﻟﻜﺎﻉ ..

... ﻟﻄﻤﺖ ﻭﺟﻬﻲ ﻭﺻﺤﺖ ﻋﺰﻩ ﺻﺨﺎﻡ ﺑﺠﻬﺮﺗﻲ ﺍﻟﺰﻓﺮﻩ ﺍﻟﻤﺮﻩ ﻣﻴﺘﻪ ﺷﻠﻮﻥ ﻣﺼﻴﺒﻪ ...

ﻛﻌﺪﺕ ﺍﺻﻴﺢ ﻭﺍﻓﺰﻉ ﺑﺎﻟﻨﺎﺱ ﺍﻟﺘﻤﻮﺍ ﺍﻟﺠﻮﺍﺭﻳﻦ ﻛﺎﻟﻮﺍ ﻧﺎﺧﺬﻫﺎ ﻟﻠﻤﺴﺘﺸﻔﻰ ..

ﺍﺧﺬﺗﻬﺎ ﺑﺴﻴﺎﺭﺓ ﺍﻟﺠﻴﺮﺍﻥ ﺳﺄﻟﻮﻧﻲ ﺷﺘﺼﻴﺮﻳﻦ ﻣﻨﻬﺎ ﻛﻠﺘﻠﻬﻢ ﺑﺖ ﺍﺧﺘﻬﺎ ....

ﻓﺤﺼﻮﻫﺎ ﺑﺎﻟﻤﺴﺘﺸﻔﻰ ﻭﻃﻠﻌﻮﻟﻬﺎ ﺷﻬﺎﺩﺓ ﻭﻓﺎﻩ ﻭﻛﺎﻟﻮﻟﻲ ﺍﻟﺼﺒﺢ ﺗﺠﻴﻦ ﺗﺴﺘﻠﻤﻴﻬﺎ ﻣﺎﺗﺖ ﺑﺠﻠﻄﻪ ﺩﻣﺎﻏﻴﻪ ﻣﻔﺎﺟﺌﻪ ...

ﺍﻟﺼﺒﺢ ﻧﺨﻴﺖ ﺍﻟﺠﻴﺮﺍﻥ ﺟﺎﺑﻮﺍ ﺗﺎﺑﻮﺕ ﻭﺧﻠﻴﺘﻬﺎ ﺑﻲ

ﻭﺍﺧﺬﺗﻬﺎ ﻟﻠﻨﺠﻒ ﺍﺩﻓﻨﻬﺎ ... ﺑﺲ ﺷﻠﻮﻥ ﻭﺍﻧﻲ ﻭﻻ ﻓﻠﺲ

ﺧﻠﻴﺖ ﺍﻟﺠﻨﺎﺯﻩ ﺑﺎﻟﻜﺎﻉ ﻭﺻﻔﻨﺖ ﻋﻠﻴﻬﺎ ﺍﻟﻤﺮﻩ ﺧﺸﺒﺖ

ﻻﺗﻐﺴﻴﻞ ﻭﻻ ﺩﻓﻦ ﻛﻌﺪﺕ ﺍﺑﺠﻲ ﻋﻠﻰ ﺣﻈﻲ ﺍﻻﻏﺒﺮ

ﺷﻠﻮﻥ ﻳﻔﺮﻧﻲ ﻓﺮ ....

ﺍﺟﺘﻲ ﻋﻠﻴﻪ ﻣﺮﻩ ﻛﺎﻟﺖ ﺧﻴﻪ ﺷﻌﻨﺪﺝ ﺻﺎﻓﻨﻪ ﻳﻢ ﺍﻟﺠﻨﺎﺯﻩ

ﻟﻴﺶ ... ﺳﻮﻟﻔﺘﻠﻬﺎ ﻣﺎﻋﻨﺪﻱ ﺍﺩﻓﻨﻬﺎ ﻭﺍﻏﺴﻠﻬﺎ

ﻛﺎﻟﺖ ﺧﻴﻪ ﺻﻴﺤﻲ ﺩﻓﻨﺖ ﻣﻴﺖ ﻳﺎﺍﻫﻞ ﺍﻟﺮﺣﻢ ﻭﺍﻟﻨﺎﺱ ﺗﻔﺰﻋﻠﺞ

ﺳﻮﻳﺖ ﻣﺜﻞ ﻣﺎ ﻛﺎﻟﺖ ﺍﻟﻨﺎﺱ ﺍﺟﺖ ﺗﺮﻛﺾ ﻛﻞ ﻭﺍﺣﺪ ﻳﺼﻴﺢ ﺍﻧﻲ ﺍﺩﻓﻨﻬﺎ ﻭﺍﻧﻲ ﺍﻏﺴﻠﻬﺎ ....

ﺍﺧﺬﻭﻫﺎ ﻏﺴﻠﻮﻫﺎ ﻭﺩﻓﻨﻮﻫﺎ ﻭﺍﻧﻄﻮﻧﻲ ﻓﻠﻮﺱ ﺭﺟﻌﺖ ﺑﻴﻬﻦ ﻟﻠﺒﻴﺖ

ﺳﻮﻳﺘﻠﻬﺎ ﺛﻮﺍﺑﺎﺕ ﻭﺗﺮﺣﻴﻢ ﻻﻥ ﻣﺎﻋﻨﺪﻱ ﻟﻠﻔﺎﺗﺤﻪ ...

ﻃﺸﺖ ﺍﻟﺠﻮﺍﺭﻳﻦ ﻟﺒﻴﻮﺗﻬﻢ ﻭﺻﻔﻴﺖ ﻭﺣﺪﻱ ﺍﻓﻜﺮ ﺍﻛﻮﻝ ﺷﻮﻑ

ﺍﻟﺪﻧﻴﺎ ﺷﻠﻮﻥ ﻓﺮﺗﻨﻲ ﻭﺟﺎﺑﺘﻨﻲ ﻋﻠﻰ ﻫﺎﻱ ﺍﻟﻤﺮﻩ ﻳﻤﻜﻦ ﺍﻟﻠﻪ

ﺭﺍﺩ ﻳﺨﻔﻒ ﺫﻧﻮﺑﻲ ﻉ ﺍﻟﺴﻮﻳﺘﻪ ﺑﺪﻧﻴﺎﻱ ...

ﺩﺧﻠﺖ ﻟﻠﻐﺮﻓﻪ ﺍﻧﺎﻡ ﺑﺲ ﺍﻟﻘﻠﻖ ﻫﺠﻢ ﻋﻠﻴﻪ ﻣﺜﻞ ﺍﻟﻮﺣﺶ

ﺍﻛﻮﻝ ﺧﺎﻑ ﻳﻄﻠﻌﻠﻬﺎ ﺍﻗﺮﺑﺎﺀ ﻭﻳﻄﺮﺩﻭﻧﻲ ﻭﺳﺎﻋﻪ ﺍﻛﻮﻝ ﺧﺎﻑ

ﻳﻄﻠﻊ ﻣﻮ ﺑﻴﺘﻬﺎ ﻛﻞ ﺷﻮﻳﻪ ﺍﻓﻜﺮ ﺑﺴﺎﻟﻔﻪ ﻭﻻ ﻏﻤﻀﺖ ﻋﻴﻨﻲ

ﺑﺲ ﺑﺎﻟﻨﻬﺎﻳﻪ ﻛﻠﺖ ﺍﺑﻘﻰ ﺑﺎﻟﺒﻴﺖ ﻟﺤﺪ ﻳﻄﻠﻌﻮﻟﻪ ﻭﺭﺛﻪ ﺍﻋﻮﻓﻪ ﻭﺍﺭﻭﺡ ....

ﻣﺮ ﺍﺳﺒﻮﻉ ﻭﺍﻧﻲ ﺍﻓﻜﺮ ﺍﺷﻠﻮﻥ ﺍﻗﻨﻊ ﺻﺎﺣﺒﻪ ﺟﺒﺎﺭ ﺗﻨﻄﻴﻨﻲ ﺧﺒﺮ

ﻋﻦ ﺟﻬﺎﻟﻲ ﻣﺎﻟﻜﻴﺖ ﻏﻴﺮ ﺍﺭﺍﻗﺒﻬﺎ ﻭﺍﻋﺮﻑ

ﻫﻲ ﻭﻳﻦ ﺗﺮﻭﺡ ﻭﻣﻨﻴﻦ ﺗﺮﺟﻊ ... ﺑﻠﻜﻲ ﺍﺣﺼﻞ ﺧﻴﻂ ﻳﻮﺻﻠﻨﻲ

ﻟﺠﻬﺎﻟﻲ

...

ﺑﻘﻴﺖ ﺑﺨﺮﺍﺑﺔ ﺍﻡ ﺣﻤﻴﺪ ﺍﻟﻠﻪ ﻳﺮﺣﻤﻬﺎ

ﺧﺎﻳﻔﻪ ﻻ ﻳﻄﻠﻌﻠﻬﺎ ﺍﻗﺮﺑﺎﺀ ﻭﻳﻄﺮﺩﻧﻲ ﻣﻦ ﺍﻟﺒﻴﺖ ﻭﺍﺻﻴﺮ ﺑﺎﻟﺸﺎﺭﻉ

ﺑﺎﻗﻲ ﺍﻟﻔﻠﻮﺱ ﺗﺼﺮﻓﺖ ﺑﻲ ﺍﻛﻞ ﻭﺍﺣﺘﻴﺎﺟﺎﺗﻲ ﻭﻋﻼﺟﻲ

ﻭﺍﻣﻮﺭ ﺛﺎﻧﻴﻪ ﺑﻌﺪ ﺍﺳﺒﻮﻉ ﻗﺮﺭﺕ ﺍﺭﺍﻗﺐ ﺻﺪﻳﻘﺔ

ﺟﺒﺎﺭ

ﺻﺮﺕ ﺍﺭﻭﺡ ﻋﻠﻰ ﺑﻴﺘﻬﺎ ﻭﺍﻭﻛﻒ ﻳﻢ ﺷﺠﺮﻩ ﺟﺒﻴﺮﻩ ﻣﻦ ﺍﻟﺼﺒﺢ ﻟﻠﻴﻞ ...

ﺍﻧﺘﻈﺮﻫﺎ ﺗﻄﻠﻊ ... ﻛﻞ ﺷﻮﻳﻪ ﺍﻛﻮﻝ ﻫﺴﻪ ﺗﻄﻠﻊ ﻭﻣﺎﻛﻮ ﺍﺧﻠﺺ ﺍﻟﻨﻬﺎﺭ ﻛﻠﻪ ﻭﻣﺎﻛﻮ ﻣﻦ ﺍﻟﺴﺘﻪ ﺍﻟﺼﺒﺢ ﻟﺜﻤﺎﻧﻴﻪ ﺑﺎﻟﻠﻴﻞ

ﻭﻫﻲ ﻣﺘﻄﻠﻊ ... ﺍﺳﺘﻐﺮﺑﺖ ﻣﻌﻘﻮﻟﻪ ﻫﻴﺞ ﻭﺣﺪﻩ

ﻣﺎﻋﺪﻫﺎ ﻋﻼﻗﺎﺕ ﺍﺻﺪﻗﺎﺀ ﻋﺸﺎﻕ ﻣﺎ ﻣﻌﻘﻮﻟﻪ ﻫﺎﻱ ﺷﻨﻮ

ﻣﻦ ﻣﺮﻩ ...

ﻣﺎ ﻣﻠﻴﺖ ﻭﻻ ﺃﻳﺴﺖ ﺑﻘﻴﺖ ﺍﻧﺘﻈﺮ ﻭﺍﻧﺘﻈﺮ ﻟﺤﺪ ﻣﺎ

ﺻﺎﺭﺕ ﺍﻟﺘﺴﻌﻪ ﻭﻋﺸﺮﻩ ﺑﺎﻟﻠﻴﻞ ﺍﺟﺘﻲ ﺳﻴﺎﺭﻩ ﻋﻠﻴﻬﺎ

ﻭﻛﻔﺖ ﺑﺎﻟﺒﺎﺏ ﻭﺩﻛﺖ ﻫﻮﺭﻥ ...

ﺑﻘﻴﺖ ﺍﺑﺎﻭﻉ ﻃﻠﻌﺖ ﻫﻲ ﻋﻠﻰ ﺍﺭﺑﻌﻪ ﻭﻋﺸﺮﻳﻦ ﺣﺒﺎﻳﻪ

ﺍﺧﺮ ﻗﻴﺎﻓﻪ ...

ﺻﻌﺪﺕ ﺑﺎﻟﺴﻴﺎﺭﻩ ﻭﺭﺍﺣﺖ ﺭﻛﻀﺖ ﻋﻠﻰ ﺳﻴﺎﺭﻩ ﺑﺮﺍﺯﻳﻠﻲ ﺍﺷﺮﺗﻠﻬﺎ

ﻭﻛﺘﻠﻪ ﺧﻮﻳﻪ ﻭﺭﻩ ﻫﺎﻱ ﺍﻟﺴﻴﺎﺭﻩ ﻻﺗﻀﻴﻌﻬﻢ ﺑﻌﺪ ﺍﺧﺘﻚ

ﻻﻥ ﻣﺎ ﺍﻧﺪﻝ ﻭﺍﺧﺎﻑ ﺍﺿﻴﻌﻬﻢ ..

ﻫﻮ ﻣﺎ ﻛﺬﺏ ﺧﺒﺮ ... ﺑﻘﻪ ﻳﺴﻮﻕ ﻭﺭﺍﻫﻢ ﻟﺤﺪ ﻣﺎ ﻧﺰﻟﺖ ﺑﺎﻟﻜﺮﺍﺩﻩ

ﺑﺎﺏ ﻣﺤﻞ ﺟﺒﻴﺮ ﻭﻭﺍﺳﻊ ﻣﻜﺘﻮﺏ ﻋﻠﻴﻪ ﻟﻴﺎﻟﻲ ﺍﻻﻧﺲ

ﺩﺧﻠﺖ ﻟﻠﻤﺤﻞ ﻭﺍﻧﻲ ﺑﻘﻴﺖ ﻭﺍﻛﻔﻪ ﺑﻌﻴﺪ ﻣﻨﺘﻈﺮﺗﻬﺎ ﺗﻄﻠﻊ

ﺳﺎﻋﻪ ﺳﺎﻋﺘﻴﻦ ﺷﻔﺘﻬﺎ ﻃﻠﻌﺖ ﻭﻭﻳﺎﻫﺎ ﺑﻨﺎﺕ ﺍﺛﻨﻴﻦ ﺑﺲ

ﺷﻜﻠﻬﻦ ﺗﻌﺒﺎﻥ ...

ﺑﻌﺪﻫﺎ ﺷﻔﺖ ﻭﺍﺣﺪ ﻛﺎﻥ ﻣﻦ ﻣﻬﺮﺑﻲ ﺍﻟﻤﺨﺪﺭﺍﺕ ﻳﺘﺎﺟﺮ ﺑﻴﻬﺎ

ﻓﺘﺤﺖ ﻋﻴﻮﻧﻲ ﺑﻜﺒﺮﻫﻢ ﺣﺘﻰ ﺍﺗﺎﻛﺪ ﻫﻮ ﻟﻮ ﻻ

ﺍﻗﺘﺮﺏ ﺷﻮﻳﻪ ﻣﻨﻲ ﻋﺮﻓﺘﻪ ﻫﺬﺍ ﺟﺎﻥ ﻭﻳﻪ ﺟﺒﺎﺭ ﻭﺍﺫﻛﺮ ﺍﺳﻤﻪ

ﻧﺠﻢ ﺟﺎﻥ ﻳﺠﻲ ﻭﻳﻪ ﺟﺒﺎﺭ ﻭﻣﺮﺍﺕ ﺍﻧﻲ ﺍﺭﻭﺡ ﺍﺧﺬ

ﺍﻟﺒﻀﺎﻋﻪ ﺍﻟﻬﻢ ﺑﺲ ﺟﻨﺖ ﺍﺷﻮﻓﻪ ﻭﻣﺎ ﻣﺴﻮﻟﻔﻪ ﻭﻳﺎﻩ

ﺟﻨﺖ ﺍﺧﺎﻑ ﻣﻨﻪ ﻻﻥ ﻭﺟﻬﻪ ﻛﺎﻥ ﻳﺨﻮﻑ ﻋﻴﻮﻧﻪ ﺑﺎﺭﺯﻩ ﻭﻣﻼﻣﺤﻪ ﺟﺎﺩﻩ ﻭﺣﺎﺩﻩ ..

ﺑﻘﻴﺖ ﻭﺭﺍﻫﻢ ﺻﻌﺪﻭﺍ ﺑﺎﻟﺴﻴﺎﺭﻩ ﺍﺟﺮﺕ ﻓﻮﻟﻜﻪ ﺍﺟﺘﻲ

ﻭﻫﻢ ﻃﻠﺒﺖ ﻣﻨﻪ ﻳﻤﺸﻲ ﻭﺭﺍﻫﻢ ﺟﺎﻧﺖ ﺳﻴﺎﺭﺗﻬﻢ ﻣﺮﺳﻴﺪﺱ

ﺗﻤﺸﻲ ﺑﺴﺮﻋﻪ ﻭﺍﻟﺴﻴﺎﺭﻩ ﺍﻟﺼﻌﺪﺕ ﺑﻴﻬﺎ ﻓﻮﻟﻜﻪ ﻣﺠﺮﻗﻌﻪ

ﺗﻤﺸﻲ ﺗﺎﺗﻪ ...

ﻛﻞ ﺷﻮﻳﻪ ﻭﻛﻠﺖ ﻟﻠﺴﺎﻳﻖ ﻋﻤﻲ ﺍﻣﺸﻲ ﺣﻴﻞ ﺗﺮﻩ ﻧﺼﻴﻌﻬﻢ

ﻭﻫﻲ ﻳﻜﻠﻲ ﺍﻱ ﻳﺎﺑﻮﻳﻪ ﻻﺗﺨﺎﻓﻴﻦ ...

... ﺿﺤﻜﺖ ﺑﺪﺍﺧﻠﻲ ﻭﻛﻠﺖ ﺍﻩ ﻭﺍﻟﻘﺴﻤﻪ ﻫﺬﺍ ﺣﻈﻲ

ﺣﺘﻰ ﺍﻟﺴﺎﻳﻖ ﺷﺎﻳﺐ ﻛﺎﺿﻲ ﺷﻠﻮﻥ ﺣﻆ ﻳﺎﺭﺑﻲ ..

ﺍﺑﺘﻌﺪﻭﺍ ﺑﺴﻴﺎﺭﺗﻬﻢ ﻭﺍﺧﺘﻔﻮﺍ ﻭﺍﻧﻲ ﻣﻨﺘﻈﺮﻩ ﺍﻟﺤﺠﻲ ﻳﻮﺻﻠﻨﻲ ﻭﺭﺍﻫﻢ ﺗﺎﻟﻲ ﻣﺎﺗﺎﻟﻲ ﺿﻴﻌﺘﻬﻢ ...

ﻃﻠﺒﺖ ﻣﻨﻪ ﻳﻮﺻﻠﻨﻲ ﻟﺒﻴﺖ ﺍﻟﻤﺮﻩ ﻭﺻﻠﻨﻲ ﻭﺭﺍﺡ

ﺑﻘﻴﺖ ﻛﺎﻋﺪﻩ ﺑﻌﻴﺪ ﻭﺭﻩ ﺍﻟﺸﺠﺮﻩ ﻣﺎﻝ ﺍﻟﺼﻔﺼﺎﻑ ﻟﺤﺪ ﺍﻟﺴﺎﻋﻪ

ﺗﻼﺛﻪ ﺍﻟﻔﺠﺮ ﺍﺟﺖ ﻧﻔﺲ ﺍﻟﻤﺎﺭﺳﻴﺪﺱ ﻭﻛﻔﺖ ﺑﺎﺑﻬﺎ ﻭﻧﺰﻟﺘﻬﺎ

ﻭﺭﺍﺣﺖ ...

ﻋﺮﻓﺖ ﻫﺎﻱ ﺍﻟﺸﻴﻄﺎﻧﻪ ﺷﻐﻠﻬﺎ ﺑﺲ ﺑﺎﻟﻠﻴﻞ ﺑﺎﻟﻨﻬﺎﺭ ﻣﺎ ﺗﻄﻠﻊ

ﺗﺨﻠﺼﻪ ﻧﻮﻡ ...

ﻗﺮﺭﺕ ﺍﺭﺍﻗﺐ ﺍﺑﻮ ﺍﻟﺴﻴﺎﺭﻩ ﺍﻟﻤﺎﺭﺳﻴﺪﺱ ﻭﻳﻦ ﻳﺮﻭﺡ ﻭﻣﻨﻴﻦ

ﻳﺠﻲ ... ﻻﺯﻡ ﻋﻨﺪﻱ ﺳﻴﺎﺭﻩ ﺗﻔﺘﺮ ﻭﻳﺎﻱ ﺍﻟﻠﻴﻞ ﻛﻠﻪ

ﻻﺯﻡ ﺍﺍﺟﺮ ﺳﺎﻳﻖ ﻳﻔﺘﺮ ﺑﻴﻪ ...

ﺭﺟﻌﺖ ﻟﻠﺒﻴﺖ ﻭﻧﻤﺖ .. ﻭﺍﻟﺼﺒﺢ ﻃﻠﻌﺖ ﺍﺩﻭﺭ ﻋﻠﻰ ﺳﺎﻳﻖ

ﻳﻤﺸﻲ ﻭﻳﺎﻱ ﻭﻣﺎ ﻳﺤﺠﻲ ... ﻭﻻ ﻳﺴﺎﻝ

ﺭﺣﺖ ﻋﻠﻰ ﺍﺑﻮ ﺍﻟﻔﺮﻥ ﺍﺷﺘﺮﻱ ﺧﺒﺰ

ﻭﻛﻔﺖ ﻳﻢ ﺍﻟﻔﺮﻥ ﺳﻤﻌﺘﻪ ﻳﺴﻮﻟﻒ ﻭﻳﻪ ﺍﺧﻮﻩ ﻳﻜﻠﻪ ﻛﻮﻡ ﺍﺷﺘﻐﻞ

ﺣﻠﻞ ﺧﺒﺰﺗﻚ ﻟﻮ ﺑﺲ ﺍﺷﺘﺮﻳﻨﺎ ﺍﻟﺴﻴﺎﺭﻩ ﺗﻔﺘﺮ ﺑﻴﻬﺎ ﻳﻢ ﺻﺎﺣﺒﺘﻚ

...

ﻭﺷﻔﺖ ﻭﻟﺪ ﻛﺎﻋﺪ ﻭﺑﻴﺪﻩ ﺟﻜﺎﺭﻩ ... ﺟﺎﻭﺑﻪ ﻭﻟﻚ ﻫﻮ ﻭﻳﻨﻪ ﺍﻟﺸﻐﻞ

ﻣﺘﻜﻠﻲ ﻗﺎﺑﻞ ﻫﻮ ﺭﺟﺎﻝ ﻭﺍﻛﻤﺸﻪ ...

ﺍﻟﺮﺯﻕ ﻣﻦ ﺍﻟﻠﻪ ..

ﻫﻨﺎ ﺩﺧﻠﺖ ﺑﻨﺼﻬﻢ ﺍﻧﻲ ﻭﻛﺘﻠﻪ ﺗﺸﺘﻐﻞ ﺳﺎﻳﻖ ﻳﻤﻲ ﻛﻢ ﻳﻮﻡ

ﺟﺎﻥ ﻳﻜﻮﻝ ... ﺍﻟﻠﻪ ﻭﺍﻳﺪﺝ ﺧﺎﻟﻪ ...

ﻛﺘﻠﻪ ﺑﺲ ﺑﺸﺮﻁ ﻻﺗﺴﺎﻝ ﻭﻻ ﺗﺤﺤﻲ ﺗﺒﻘﻰ ﺳﺎﻛﺖ ﻭﻭﻳﻦ ﻣﺎ ﺍﺭﻳﺪ ﺗﻮﺻﻠﻨﻲ ﻭﻛﻠﺸﻲ ﺑﺤﺴﺎﺑﻪ ..

ﻛﻠﻲ ﻣﻮﺍﻓﻖ ...

ﺍﻧﻄﻴﺘﻪ ﺧﻤﺴﻤﻴﺔ ﺩﻳﻨﺎﺭ ﻭﻛﺘﻠﻪ ﻫﺎﻱ ﺩﻓﻌﻪ ﺍﻭﻟﻰ ﻭﺣﻀﺮ ﻧﻔﺴﻚ ﺑﺎﻟﺴﺒﻌﻪ ﺑﺎﻟﻠﻴﻞ ﻧﻄﻠﻊ ...

ﺻﺎﺭ ﺍﻟﻠﻴﻞ ﺍﺟﺎﻧﻲ ﻟﻠﺒﺎﺏ ﺻﻌﺪﺕ ﺑﺴﻴﺎﺭﺗﻪ ﺟﺎﻧﺖ ﻛﺮﺍﻭﻥ ﻣﻮﺩﻳﻞ

١٩٨٥ ﻧﻈﻴﻔﻪ ﻣﺎ ﺗﻌﺒﺎﻧﻪ ...

ﺍﻧﻄﻴﺘﻪ ﻋﻨﻮﺍﻥ ﺍﻟﻤﻠﻬﻰ ..

ﺷﻔﺖ ﺍﻟﻤﺎﺭﺳﻴﺪﺱ ﻭﺍﻛﻔﻪ .. ﻛﺘﻠﻪ ﺍﻭﻛﻒ ﻫﻨﺎ ...

ﺑﻘﻴﻨﺎ ﻣﻨﺘﻈﺮﻳﻦ ﺣﻮﺍﻟﻲ ﺳﺖ ﺳﺎﻋﺎﺕ ﺗﻘﺮﻳﺒﺎ ﻟﻠﻮﺣﺪﻩ ﺑﺎﻟﻠﻴﻞ

ﻃﻠﻊ ﻧﺠﻢ ﻣﻦ ﺍﻟﻤﻠﻬﻰ ﻣﺸﻴﻨﺎ ﻭﺭﺍﻩ

ﻟﺤﺪ ﻣﺎ ﻭﺻﻠﻨﺎ ﻣﻨﻄﻘﺔ ﺍﻟﺸﻴﺦ ﻋﻤﺮ ﻟﻠﺨﺎﻧﺎﺕ ﺍﻟﺠﺒﻴﺮﻩ

ﻫﻢ ﺑﻘﻴﻨﺎ ﻣﻨﺘﻈﺮﻳﻦ ﻟﻠﺼﺒﺢ ﻣﺎ ﻃﻠﻊ

ﺧﻠﻴﺖ ﻭﺭﺟﻌﺖ ... ﺍﺳﺘﻤﺮﻳﺖ ﻋﻠﻰ ﻫﺎﻟﺤﺎﻟﻪ ﺣﻮﺍﻟﻲ ﺍﺛﻨﻌﺶ ﻳﻮﻡ

ﺍﺭﺍﻗﺐ ﻣﺎﻛﻮ ﺍﻱ ﺣﺮﻛﻪ ﻣﻦ ﻧﺠﻢ ﻭﻻ ﻣﻨﻲ ...

ﺑﻴﻮﻡ ﺍﻟﺨﻤﺴﻄﻌﺶ ﻣﺎ ﺭﺍﺡ ﻋﻠﻰ ﻣﻨﻜﻘﺔ ﺍﻟﺸﻴﺦ ﻋﻤﺮ ﺭﺍﺡ ﻉ ﺍﻟﺠﺎﺩﺭﻳﻪ

ﺑﺎﻟﺪﺭﺍﺑﻴﻦ ﺍﻟﺨﻠﻔﻴﻪ ﻭﻛﻔﺖ ﺳﻴﺎﺭﺗﻪ ﻳﻢ ﺑﻴﺖ ﺑﻘﻴﻨﺎ ﺍﻟﻠﻴﻞ ﻛﻠﻪ

ﻣﻨﺘﻈﺮﻳﻦ ﻧﺒﺎﻭﻉ ﻟﻠﺼﺒﺢ ﻃﻠﻊ ﻭﻃﻠﻌﺖ ﻭﺭﺍﻩ ﻃﻔﻠﻪ ﺯﻏﻴﺮﻩ ﻳﻄﻠﻊ ﻋﻤﺮﻫﺎ ﻋﺸﺮﻩ ﺍﻛﺜﺮ ﺑﺎﻭﻋﺖ .... ﻟﻄﻤﺖ ﺧﺪﻱ

ﻳﻤﻪ ﻫﺎﻱ ﺟﻨﻪ ﺑﻨﺘﻲ ﻧﺰﻟﺖ ﻭﺭﺣﺖ ﺍﺭﻛﺾ ﺭﻛﺺ ﻭﺭﺍﻱ ﺍﻟﺴﺎﻳﻖ

ﻭﻟﺰﻣﻨﻲ ..

ﻛﺎﻝ ﻭﻳﻦ ﺭﺍﻳﺤﻪ ﺍﺭﺟﻌﻲ ... ﻛﺘﻠﻪ ﻣﺎﻋﻠﻴﻚ ﻻﺗﺪﺧﻞ

ﻫﺎﻱ ﺑﺘﻲ ... ﺍﺭﻳﺪ ﺍﺧﺬﻩ ..

ﺟﺎﻥ ﻳﻜﻮﻝ ﺧﻮﻳﻪ ﺷﻨﻮ ﺍﻟﻲ ﻳﺜﺒﺖ ﻫﺎﻱ ﺑﺘﺞ ﺍﻭﺭﺍﻕ ﺟﻨﺎﺳﻲ ﺍﺑﻮﻫﻢ ...

ﺗﺮﺩﻳﻦ ﺗﺮﻭﺣﻴﻦ ﻟﻬﺬﺍ ﺍﻟﺒﻴﺖ ﻛﺘﻠﻮﺝ ﻭﻛﺘﻠﻮﻧﻲ ﺍﺭﺟﻌﻲ

ﻭﻓﻬﻤﻴﻨﻲ ﺳﺎﻟﻔﺘﺞ ﺷﻨﻮ ...

ﺗﺮﺍﺟﻌﺖ ﻻﻥ ﻓﻜﺮﺕ ﺑﻜﻼﻣﻪ ﺻﺤﻴﺢ ﺧﻠﻲ ﺍﺭﺟﻊ ﻟﻠﺒﻴﺖ ﻣﺎ ﻃﻮﻝ ﻟﻜﻴﺖ ﻋﻨﻮﺍﻥ ﺑﻨﺘﻲ ﺟﻨﻪ ﺍﻛﻴﺪ ﺭﺍﺡ ﺍﻟﻜﻲ ﺍﺧﻮﺗﻬﺎ ...

ﺭﺟﻌﺖ ﻟﻠﺒﻴﺖ ﻭﻛﻠﺖ ﻟﻠﺴﺎﻳﻖ ﺑﻌﺪ ﻻﺗﺠﻲ ﻭﻫﺎﻱ ﺑﺎﻗﻲ

ﻛﺮﻭﺗﻚ ....

ﺑﻘﻴﺖ ﻛﻢ ﻳﻮﻡ ﻣﺎ ﺍﻃﻠﻊ ﺣﺘﻰ ﺍﻃﻤﺌﻦ ﻣﺎ ﻳﻠﺤﻜﻨﻲ ﺍﻟﺴﺎﻳﻖ

ﻭﻳﺒﻠﻎ ﻋﻨﻲ ...

ﺑﻌﺪ ﻛﻢ ﻳﻮﻡ ﺭﺣﺖ ﻉ ﺍﻟﺒﻴﺖ ﻭﺩﻛﻴﺖ ﺍﻟﺠﺮﺱ

ﻃﻠﻌﺘﻠﻲ ﺟﻨﻪ ﻓﺘﺤﺖ ﺍﻟﺒﺎﺏ ﺷﺒﻜﺘﻬﺎ ﻭﺑﻮﺳﺘﻬﺎ ﻭﻫﻲ ﺻﺎﻓﻨﻪ

ﻣﺜﻞ ﺍﻟﺼﻨﻢ ..

ﻳﺎﺍﺍﺍ ﻭﺝ ﻳﻤﻪ ﺟﻨﺎﻭﻱ ﺍﻧﻲ ﺍﻣﺞ ﻣﺎ ﺗﺬﻛﺮﻳﻨﻲ

ﻛﺎﻟﺖ ﻻﺧﺎﻟﻪ ﻣﺎ ﻣﺎ ﺍﻋﺮﻓﺞ ..

ﻣﻦ ﻛﺎﻟﺖ ﺧﺎﻟﻪ ﻟﻮ ﻣﻀﺮﻭﺑﻪ ﻃﻠﻘﻪ ﺍﺭﺣﻢ ﻣﻦ ﻛﻠﻤﺔ ﺧﺎﻟﻪ

... ﻭﺝ ﻳﻤﻪ ﺍﻧﻲ ﺍﻣﺞ ﺫﻛﺮﺗﻬﺎ ﺑﻬﻮﺍﻱ ﻣﻮﺍﻗﻒ ﻣﺎ ﺗﺬﻛﺮﺗﻨﻲ

ﻭﻛﻞ ﺣﺠﺎﻳﻪ ﻭﺍﻟﺜﺎﻧﻴﻪ ﺻﺎﺣﺖ ﻳﻤﻪ ﺗﻌﺎﻱ ...

ﻃﻠﻌﺖ ﻭﺣﺪﻩ ﻛﺎﻟﺖ ﺗﻔﻀﻠﻲ ﻋﻴﻨﻲ ﺷﺮﺍﻳﺪﻩ

ﻛﻠﺘﻠﻬﺎ ﻫﺎﻱ ﺑﺘﻲ ﻭﺍﺧﺬﻫﺎ ﻣﻨﻲ ﺟﺒﺎﺭ ﺍﻟﻨﺬﻝ ﻫﻲ ﻭﺍﺧﻮﺗﻬﺎ

ﻭﺍﺟﻴﺖ ﺍﺧﺬﻫﺎ ...

ﺟﺎﻥ ﺗﺼﻴﺢ ﺍﻣﺸﻲ ﻭﻟﻲ ﺣﺮﺍﻣﻴﻪ ﺧﻄﺎﻓﻪ ﻭﺳﺤﻠﺖ ﺟﻨﻪ ﻭﺩﻓﻌﺘﻬﺎ

ﻟﺠﻮﻩ ﻭﺑﺎﻳﺪﻫﺎ ﺍﻟﺜﺎﻧﻴﻪ ﺗﺘﻤﺎﻃﻞ ﻭﻳﺎﻱ

ﺍﻧﻲ ﻋﻴﻨﻲ ﻋﻠﻰ ﺟﻨﻪ ﻟﺤﺪ ﺩﻓﻌﺘﻨﻲ ﺣﻴﻞ ﻭﻃﺤﺖ ﺑﺎﻟﻜﺎﻉ ...

ﻭﻗﻔﻠﺖ ﺍﻟﺒﺎﺏ ... ﺑﻘﻴﺖ ﺍﺩﻙ ﺑﺎﻟﺒﺎﺏ ﻭﺍﺻﻴﺢ ﻃﻠﻌﻲ ﺑﺘﻲ

ﺟﻴﺒﺒﻬﺎ ﺣﺮﺍﻣﻴﻪ ﺧﻄﺎﻓﻴﻦ ﻭﺍﺻﻴﺢ ﻭﻟﺞ ﺟﻨﻪ ﺍﻧﻲ ﺍﻣﺞ

ﻳﻤﻪ ﻣﺎ ﺗﺬﻛﺮﻳﻨﻲ ﻭﻟﺞ ﻫﺎﻱ ﻣﻮ ﺍﻣﺞ ...

ﻛﺴﺮﺕ ﺍﻟﺒﺎﺏ ﺗﻜﺴﺮ ﻣﺤﺪ ﻃﻠﻌﻠﻲ ﻭﻻ ﻋﺒﺮﻧﻲ ...

ﺻﺎﺭ ﺍﻟﻤﻐﺮﺏ ﻭﺍﻟﺸﺎﺭﻉ ﻓﺮﻍ ﻣﻦ ﺍﻟﻨﺎﺱ ﺭﺟﻌﺖ ﻟﻠﺒﻴﺖ

ﻭﺍﻟﻨﺎﺭ ﺷﺎﺑﻪ ﺑﻜﻠﺒﻲ ﺷﻠﻮﻥ ﺍﻃﻠﻊ ﺟﻨﻪ ﻣﻨﻬﻢ

ﻭﺷﻠﻮﻥ ﺍﻋﺮﻑ ﻣﻜﺎﻥ ﺍﺧﻮﺗﻬﺎ ﺑﻴﺎ ﻃﺮﻳﻘﻪ ﻭﻳﺎ ﻭﺳﻴﻠﻪ

ﻣﻦ ﺍﻟﻘﻬﺮ ﻣﺎ ﺍﻛﻠﺖ ﺷﻲ ﻧﻤﺖ ﻟﻠﺼﺒﺢ ﻃﻠﻌﺖ

ﺟﺒﺖ ﺭﻳﻮﻙ ﻭﺭﺟﻌﺖ ﺍﻣﺸﻲ ﻭﺍﺳﻮﻟﻒ ﻭﻳﻪ ﺭﻭﺣﻲ

ﺷﻠﻮﻥ ﻳﺎﺭﺑﻲ ﺷﻠﻮﻥ ﺍﺧﺬ ﺟﻨﻪ ﻣﻦ ﺫﻭﻟﻪ

ﻭﺷﻠﻮﻥ ﻭﺻﻠﺖ ﺍﻟﻬﻢ ﻭﺟﺒﺎﺭ ﻟﻴﺶ

ﻟﻌﺐ ﻟﻌﺒﺘﻪ ﻭﻳﺎﻱ ﺍﻟﻠﻪ ﻻﻳﺮﺣﻤﻚ ﺟﺒﺎﺭ ﺍﻟﻨﺬﻝ ...

ﺳﻮﻳﺖ ﺭﻳﻮﻙ ﻭﺳﺒﺤﺖ ﺑﻘﻴﺖ ﻛﺎﻋﺪﻩ ﺑﺎﻟﺒﻴﺖ

ﺍﻧﻘﻄﻌﺖ ﺍﻟﻜﻬﺮﺑﺎﺀ ...

ﻣﺎﻛﻮ ﻣﻲ ﺑﺎﺭﺩ ... ﻃﻠﻌﺖ ﺍﺷﺘﺮﻱ ﺛﻠﺞ ﻭﺍﺧﻠﻲ ﻳﺎﻟﺘﺮﻣﺰ

ﻣﺸﻴﺖ ﻟﻠﻤﻌﻤﻞ ﻻﻥ ﺟﺎﻥ ﻗﺮﻳﺐ ﻋﻠﻴﻨﺎ

ﺍﺷﺘﺮﻳﺖ ﺭﺑﻊ ﻗﺎﻟﺐ ﻭﻣﺸﻴﺖ ﺭﺍﺟﻌﻪ ﻟﻠﺒﻴﺖ ..

ﺍﺟﻪ ﺭﺟﺎﻝ ﻭﻛﻒ ﺑﺼﻔﻲ ﻭﻳﺪﻧﻪ ﻋﻠﻴﻪ ﻣﺎ ﺍﻧﺘﺒﻬﺘﻠﻪ ﺑﺲ

ﺣﺴﻴﺖ ﻣﺜﻞ ﺍﻟﺴﺠﻴﻨﻪ ﺻﺎﺭﺕ ﺑﺨﺎﺻﺮﺗﻲ

ﺑﺎﻭﻋﺘﻠﻪ ..

ﺟﺎﻥ ﻳﻜﻮﻝ ﺍﺷﺸﺸﺸﺸﺶ ﺍﻣﺸﻲ ﻭﺍﻧﺘﻲ ﺳﺎﻛﺘﻪ

ﻭﻻ ﻧﻔﺲ ...

ﺑﻠﻌﺖ ﺭﻳﻜﻲ ﻭﻛﻠﺖ ﺑﻨﻔﺴﻲ ﻳﺎﺭﺑﻲ ﺩﺧﻴﻠﻚ ﻣﻨﻴﻦ ﺫﻭﻟﻪ

ﻣﻨﻴﻦ ﻃﻠﻌﻮﺍ ...

ﻭﺻﻠﺖ ﻟﺤﺪ ﺍﻟﺒﻴﺖ ﻛﻠﻲ ﺍﻓﺘﺤﻲ ﺍﻟﺒﺎﺏ ﺑﻬﺪﻭﺀ

ﻓﺘﺤﺘﻪ ﺟﺎﻥ ﻳﺪﻓﻌﻨﻲ ﻭﻛﻌﺖ ﺑﺎﻟﻜﺎﻉ ﻃﺎﺡ ﺍﻟﺜﻠﺞ

ﻭﺗﻔﻠﺶ ﺗﻔﻠﺶ

ﺻﺮﺕ ﺍﺯﺣﻒ ﺑﺎﻟﻜﺎﻉ ﺍﺭﻳﺪ ﺍﺩﺧﻞ ﻟﻠﻐﺮﻓﻪ ﻭﺍﻗﻔﻞ ﺍﻟﺒﺎﺏ

ﻣﺎ ﻛﺪﺭﺕ ﺳﺤﻠﻨﻲ ﻟﻠﻐﺮﻓﻪ

ﻧﺸﻒ ﺩﻣﻲ ... ﺩﺧﻠﻮﺍ ﺍﺛﻨﻴﻦ ﻭﺭﺍﻩ ﺟﺎﻥ ﻳﻜﻠﻪ ﻣﺎ ﺍﺭﻳﺪ ﻋﻈﻢ ﺑﻴﻬﺎ

ﺻﺎﺣﻲ ﻛﺴﺮﻭﻫﺎ ﺗﻜﺴﺮ ﺑﺴﺮﻋﻪ ﺣﺘﻰ ﻧﻄﻠﻊ ...

ﺿﺮﺑﻨﻲ ﺿﺮﺏ ﻟﻮ ﺑﺠﺒﻞ ﺟﺎﻥ ﺻﺎﺭ ﺗﺮﺍﺏ ﻭﻛﻠﻤﺎ ﺍﺻﻴﺢ ﻳﻠﺰﻣﻮﻥ ﺣﻠﻜﻲ ...

ﻣﻦ ﻛﻤﻠﻮﺍ ﺻﺮﺕ ﻣﺜﻞ ﺍﻟﺠﻨﺎﺯﻩ ﺍﻟﻲ ﻣﻤﺪﺩﻩ ﻣﺤﺪ ﺑﺤﺎﻟﻬﺎ

ﻭﺍﺣﺪ ﻣﻨﻬﻢ ﻛﻠﻲ ﺍﺫﺍ ﺗﻮﺻﻠﻴﻦ ﺑﻌﺪ ﻟﺒﻴﺖ ﻧﺠﻢ ﻧﻘﺘﻠﺞ ﺗﺮﻩ ﻫﺬﺍ

ﺗﺤﺬﻳﺮ ﺍﻟﺞ ....

ﻭﻃﻠﻌﻮﺍ ﻣﻦ ﺍﻟﺒﻴﺖ ﻭﺍﻧﻲ ﺍﺑﺠﻲ ﻭﺍﻭﻥ ﻣﻦ ﺍﻟﻮﺟﻊ

ﺍﻟﻠﻪ ﻻﻳﻮﻓﻘﻬﻢ ﺍﻟﻠﻪ ﻳﻨﺘﻘﻢ ﻣﻨﻬﻢ ﻣﻮﺗﻮﻧﻲ ﻛﺘﻞ

ﺑﺲ ﻭﺍﻟﻠﻪ ﺍﻃﻠﻊ ﻣﺼﻠﺨﻪ ﺑﺎﻟﺸﺎﺭﻉ ﻭﻣﺎ ﺍﺧﻠﻴﻬﻢ ﻳﻔﻠﺘﻮﻥ ..

ﺑﺴﺎﻟﻔﺘﻬﻢ ﻫﺎﻱ ﺑﺴﻴﻄﻪ ﺍﻧﻲ ﺍﻋﻠﻤﻬﻢ .

...

ﺑﻌﺪ ﻣﺎ ﺿﺮﺑﻮﻧﻲ ﻭﻃﻠﻌﻮﺍ ﺑﻘﻴﺖ ﺍﻭﻥ ﻣﻦ ﺍﻟﻮﺟﻊ ﺑﺲ ﺣﻠﻔﺖ

ﺍﻻ ﺍﻧﺘﻘﻢ ﻣﻨﻬﻢ ...

ﺑﺲ ﻣﻮ ﻫﺴﻪ ﻻﻥ ﻟﺤﺪ ﻣﺎ ﺍﻋﺮﻑ ﺗﺎﻟﻴﺘﻲ ﻭﻳﺎﻫﻢ

ﻭﺍﻋﺮﻑ ﺷﻠﻮﻥ ﻏﺎﺳﻠﻴﻦ ﻋﻘﻞ ﺟﻨﻪ ...

ﺗﺮﻳﺜﺖ ﻓﺘﺮﻩ ﻣﺎ ﺍﺗﺎﺑﻌﻬﻢ ﺧﺎﻑ ﻳﻄﻠﻌﻮﻥ ﻣﺮﺍﻗﺒﻴﻨﻲ

ﻭﻳﺠﻮﻥ ﻳﻘﺘﻠﻮﻧﻲ ﻭﺍﺿﻴﻊ ﺍﻟﻤﺸﻴﺘﻴﻦ ...

ﺑﺪﻳﺖ ﺍﺩﻭﺭ ﻋﻠﻰ ﺷﻐﻞ ﺭﺣﺖ ﻋﻠﻰ ﻓﺮﻥ ﺍﻟﺼﻤﻮﻥ

ﻭﺳﺄﻟﺘﻪ ﻋﻦ ﺷﻐﻠﻪ ﺗﻔﻴﺪﻧﻲ ...

ﻛﻠﻲ ﻫﻨﺎ ﻣﺎﻛﻮ ﺭﻭﺣﻲ ﺩﻭﺭﻱ ﻋﻠﻰ ﺷﻐﻞ ﺑﺎﻟﺸﻮﺭﺟﻪ

ﺍﺩﻓﻌﻲ ﻋﺮﺑﺎﻧﻪ ﺍﻭ ﺣﻤﻠﻲ ﻏﺮﺍﺽ ﻫﻨﺎﻙ ﻫﻮﺍﻱ ﻧﺴﻮﺍﻥ

ﻳﺸﺘﻐﻠﻦ ﻣﺜﻠﺞ ...

ﺷﻔﺖ ﺍﻟﻔﻜﺮﻩ ﻋﺠﺒﺘﻨﻲ ﻃﻠﺒﺖ ﻣﻨﻪ ﻳﻜﻔﻠﻨﻲ ﻳﻢ ﺗﺎﺟﺮ

ﺍﻭ ﺻﺎﺣﺐ ﻣﺤﻞ ﺣﺘﻰ ﻳﺸﻐﻠﻮﻧﻲ ..

ﻣﺎﺗﺮﺩﺩ ﻭﻭﺍﻓﻖ ﺛﺎﻧﻲ ﻳﻮﻡ ﺍﺧﺬﻧﻲ ﻭﺭﺣﻨﻪ ﻉ ﺍﻟﺸﻮﺭﺟﻪ

ﻭﺩﺍﻧﻲ ﻟﻤﺤﻞ ﻣﺎﻝ ﺗﺎﺟﺮ ﺣﺒﻮﺏ ﺑﺠﻤﻴﻊ ﺍﻧﻮﺍﻋﻬﺎ

ﺣﺠﻪ ﻭﻳﺎﻩ ﻭﻭﺻﺎﻩ ﻋﻠﻴﻪ ...

ﺍﻟﺘﺎﺟﺮ ﺟﺎﻥ ﺍﺳﻤﻪ ﺣﺠﻲ ﻣﺼﺪﻕ ... ﻃﻴﺐ ﻭﺣﺒﺎﺏ

ﺑﺲ ﻣﺒﻴﻦ ﻋﻠﻴﻪ ﺍﺑﻮ ﻓﻠﻴﺲ

ﻳﻌﺼﺮ ﺍﻟﻔﻠﺲ ﻋﺼﺮ ﺣﺘﻰ ﻳﻨﻄﻲ ... ﻣﻮ ﻣﻬﻢ ﻗﺎﺑﻞ ﺍﺭﻳﺪ ﺍﺷﺘﺮﻱ

ﻗﺼﻮﺭ ﺍﺭﻳﺪ ﺑﺲ ﺳﺪ ﺍﻟﺤﺎﺟﻪ ...

ﺛﺎﻧﻲ ﻳﻮﻡ ﺍﺳﺘﻠﻤﺖ ﻋﺮﺑﺎﻧﻪ ﻭﺩﻓﻌﺘﻬﺎ ﻭﺍﺣﻤﻞ ﺍﻛﻴﺎﺱ ﺣﺒﻮﺏ ﻣﻦ ﺍﻟﻤﺨﺰﻥ ﻟﻠﻤﺤﻞ ﺍﻣﺸﻲ ﻣﺴﺎﻓﻪ ﻃﻮﻳﻠﻪ ...

ﻟﺤﺪ ﻣﺎ ﺍﻭﺻﻞ ...

ﻭﻣﻦ ﺍﺭﺟﻊ ﻟﻠﺒﻴﺖ ﺍﻣﺮ ﺑﻄﺮﻳﻘﻲ ﺑﺎﻟﺘﻜﺴﻲ

ﻋﻠﻰ ﺑﻴﺖ ﻧﺠﻢ ﺣﺘﻰ ﺍﺗﺎﻛﺪ ﻣﻮﺟﻮﺩﻳﻦ ﻟﻮ ﻻ ....

ﺑﻌﺪ ﺗﻠﺚ ﺷﻬﻮﺭ ﺭﺟﻌﺖ ﺍﺭﺍﻗﺐ ﺑﺲ ﻣﻦ ﺑﻌﻴﺪ ﻟﺒﻌﻴﺪ

ﺟﻨﺖ ﺍﺷﻮﻑ ﻧﺠﻢ ﻳﻄﻠﻊ ﺍﺧﺘﻞ ﺣﺘﻰ ﻣﻴﻠﻤﺤﻨﻲ

ﻭﺟﻨﺖ ﺍﺷﻮﻑ ﻣﺮﻩ ﺟﺒﻴﺮﻩ ﺗﺮﻭﺡ ﻭﺗﺮﺟﻊ ﻋﻠﻴﻬﻢ ﻳﻤﻜﻦ ﺧﺪﺍﻣﻪ ﺗﻨﻈﻒ ...

ﻗﺮﺭﺕ ﺍﺭﺍﻗﺒﻬﺎ ﻣﻦ ﺗﺮﻭﺡ ﺗﻄﻠﻊ ﻭﺍﻣﺸﻲ ﻭﺭﺍﻫﺎ ﻭﺍﻋﺮﻑ ﻋﻨﻮﺍﻧﻬﺎ

ﻭﺑﻴﻮﻡ ﺗﺮﺧﺼﺖ ﻣﻦ ﺣﺠﻲ ﻣﺼﺪﻕ ﻛﺘﻠﻪ ﻋﻨﺪﻱ ﺣﺎﻟﻪ ﻃﺎﺭﺋﻪ

ﻛﻠﻲ ﺭﻭﺣﻲ ﻣﺮﺧﻮﺻﻪ ...

ﺭﺣﺖ ﻭﺑﻘﻴﺖ ﻭﺍﻛﻔﻪ ﺑﺮﻛﻦ ﺍﻟﺸﺎﺭﻉ ﻭﺭﻩ ﺣﺎﻭﻳﺔ ﺍﻟﺰﺑﺎﻟﻪ

ﺷﻔﺖ ﺍﻟﻤﺮﻩ ﻃﻠﻌﺖ ﻣﻦ ﺑﻴﺘﻬﻢ ﺍﻧﺘﻈﺮﺗﻬﺎ ﻟﺤﺪ ﻣﺎ ﻋﺒﺮﺕ ﺍﻟﺮﻛﻦ

ﻭﺍﺑﺘﻌﺪﺕ ﻣﺸﻴﺖ ﻭﺭﺍﻫﺎ ﺣﻮﺍﻟﻲ ﺳﺎﻋﻪ ﺗﻤﺸﻲ

ﺩﺧﻠﺖ ﺑﻔﺮﻉ ﻭﺑﻴﺖ ﺑﻨﺺ ﺍﻟﺒﻴﻮﺕ

ﺭﺣﺖ ﻭﺭﺍﻫﺎ ﻭﺩﻛﻴﺖ ﺍﻟﺒﺎﺏ ... ﻃﻠﻊ ﻃﻔﻞ ﺯﻏﻴﺮ .. ﻓﺘﺢ ﺍﻟﺒﺎﺏ

ﻭﻛﻠﻲ ﻫﺎ ﺧﺎﻟﻪ ﺷﺘﺮﺩﻳﻦ ...

ﻛﺘﻠﻪ ﺍﺭﻳﺪ ﺍﺭﻳﺪ ﺍﻣﻚ ﻛﻠﻠﻬﺎ ﺧﻄﺎﺭ ....

ﺍﺟﺘﻲ ﺍﻟﺤﺠﻴﻪ ﻃﻠﻌﺖ ﻣﻦ ﺷﻔﺘﻬﺎ ﻛﺒﺎﻟﻲ ﺭﻛﻀﺖ ﻋﻠﻰ ﺭﺟﻠﻬﺎ ﺣﺒﻴﺘﻬﺎ ﻛﺘﻠﻬﺎ ﺣﺠﻴﻪ ﺩﺍﺧﻠﻪ ﻋﻠﻰ ﺍﻟﻠﻪ ﻭﻋﻠﻴﺞ ﻭﺣﺒﻴﺖ ﺭﺟﻠﻬﺎ

ﺻﺎﺣﺖ ﺍﺳﺘﻐﻔﺮ ﺍﻟﻠﻪ ﻳﻤﻪ ﻛﻮﻣﻲ ﻭﺻﻠﺘﻲ ...

ﺍﻛﻌﺪﻱ ﺍﺳﺘﺮﻳﺤﻲ ﻭﺍﺷﺮﺑﻲ ﻛﻼﺹ ﻣﻲ ﻭﺍﺣﺠﻴﻠﻲ ﺷﺒﻴﺞ ..

ﺳﻮﻟﻔﺘﻠﻬﺎ ﻛﻞ ﺍﻟﺴﺎﻟﻔﻪ ... ﻓﻬﻤﺘﻬﺎ ﺯﻭﺟﻲ ﺷﻬﻴﺪ ﻭﻣﺎ ﻋﺎﻗﺪﻳﻦ ﻣﺤﻜﻤﻪ .... ﻭﺍﻣﻨﺖ ﺑﺠﺒﺎﺭ ﻭﻏﺪﺭ ﺑﻴﻪ ...

ﺍﻟﻤﺮﻩ ﻫﺰﺕ ﺭﺍﺳﻬﺎ ﻭﻛﺎﻟﺖ ﺧﺎﻟﻪ ﻋﻮﻓﻲ ﻫﺬﻭﻟﻪ ﺍﻟﻨﺎﺱ ﻭﺟﻬﺎﻟﺞ ﺍﻧﺴﻴﻬﻢ ...

ﺻﺤﺖ ﻳﺎﺍﺍﺍ ﺷﻠﻮﻧﻲ ﺍﻧﺴﻲ ﺩﻣﻲ ﻟﺤﻤﻲ ﺍﻻﺿﻔﺮ ﻣﻴﺘﺨﻠﻰ ﻋﻦ ﺍﻟﻠﺤﻢ ...

ﻛﺎﻟﺖ ﻣﺜﻞ ﻣﺎ ﺍﻛﻠﺞ ﻧﺠﻢ ﺍﺫﺍ ﻋﺮﻑ ﺍﻧﺘﻲ ﺟﺎﻳﺘﻨﻲ ﻭﺍﻧﻲ ﻭﻳﺎﺝ

ﻣﺴﻮﻟﻔﻴﻦ ﻳﻘﺘﻠﻨﻲ ﻭﻳﻘﺘﻠﺞ ﻫﺬﺍ ﻣﺴﻨﻮﺩ ﻣﻦ ﻧﺎﺱ ﻛﺒﺎﺭ

ﻭﻣﻴﺨﺎﻑ ... ﻭﺑﺘﺞ ﻣﻐﺴﻮﻝ ﺍﺩﻣﺎﻏﻬﺎ ﻭﻣﻄﻤﻌﻴﻬﺎ ﻟﺒﺲ ﻭﺍﻟﻌﺎﺏ

ﻭﻫﻲ ﻃﻔﻠﻪ ﺷﺘﻔﺘﻬﻢ ....

ﺣﺠﻴﻪ ﻣﻮ ﺑﺲ ﺑﺘﻲ ﻭﻳﺎﻫﺎ ﻭﻟﺪ ﺍﺛﻨﻴﻦ

.. ﻛﺎﻟﺖ ﻣﺎﻛﻮ ﻭﻟﺪ ﻫﻲ ﺑﺲ ﺟﻨﻪ ﺑﺲ ﻣﺎ ﻃﻮﻝ ﺍﻧﺘﻲ ﻛﻠﺒﺞ ﻣﻠﻬﻮﻑ ﺍﻧﻲ ﺭﺍﺡ ﺍﺳﺎﻋﺪﺝ ﻭﺍﺣﺎﻭﻝ ﺍﺳﺌﻞ ﺍﻟﻄﻔﻠﻪ ﻋﻦ ﺍﺧﻮﺗﻬﺎ ...

...

ﻛﻠﺘﻠﻬﺎ ﻳﺎﺭﻳﺖ ﺣﺠﻴﻪ ﺍﻟﺞ ﺑﻴﻬﺎ ﻳﻢ ﺍﻟﻠﻪ ﻭﺍﻧﺘﻲ ﻫﻢ ﻭﺍﻟﺪﻩ

... ﺍﻟﻠﻪ ﻛﺮﻳﻢ ﺍﺳﺒﻮﻋﻴﻦ ﺗﻼﺛﻪ ﺗﻌﺎﻱ ﻭﻧﺸﻮﻑ ﺷﻠﻮﻥ ...

ﻃﻠﻌﺖ ﻣﻦ ﺑﻴﺖ ﺍﻟﺨﺪﺍﻣﻪ ﻭﺍﻧﻲ ﺷﻮﻳﻪ ﻣﻄﻤﺌﻨﻪ ﻭﻣﺮﺗﺎﺣﻪ

ﻻﻥ ﺻﺎﺭ ﻋﻨﺪﻱ ﺧﻴﻂ ﺍﻣﻞ ﺷﻮﻳﻪ ﺍﻛﺪﺭ ﺍﺗﻨﻔﺲ ...

ﺛﺎﻧﻲ ﻳﻮﻡ ﺭﺣﺖ ﻉ ﺍﻟﻤﺤﻞ ﺑﻠﺸﺖ ﺑﺎﻟﺸﻐﻞ

ﺳﻤﻌﺖ ﺻﻮﺕ ﻣﺎﺭ ﻋﻠﻴﻪ ﺑﺲ ﺷﻮﻳﻪ ﺍﻟﺼﻮﺕ ﻣﻬﻤﻮﻡ

ﺍﻗﺘﺮﺏ ﻣﻦ ﺍﻟﺠﺎﻣﻪ ﻭﺟﺎﻥ ﺍﺷﻮﻑ ﺣﺠﻲ ﻋﺒﺪ ﺍﻟﺮﺣﻤﻦ ﻛﺎﻋﺪ

ﻓﺮﺣﺖ ﻣﻦ ﺷﻔﺘﻪ ﺑﺲ ﻣﻮ ﺫﺍﻙ ﻋﺒﺪ ﺍﻟﺮﺣﻤﻦ ﺍﻟﻄﺎﻏﻲ ﺷﻜﻠﻪ

ﻣﺎﻝ ﻭﺍﺣﺪ ﻣﻜﺴﻮﺭ ﻭﺗﻌﺒﺎﻥ ﻭﻣﺘﻐﻴﺮ ...

ﻗﺮﺭﺕ ﺍﺳﺌﻞ ﻋﻨﻪ ﺑﺲ ﻣﻦ ﻳﻄﻠﻊ ﺣﺘﻰ ﺍﻓﺘﻬﻢ ﻟﻴﺶ ﻫﻴﺞ ﺻﺎﺭ ﺑﻲ

ﻃﻠﻊ ﺭﺣﺖ ﻉ ﺍﻟﻨﺴﻮﺍﻥ ﺑﻔﺘﺮﺓ ﺍﻟﺮﺍﺣﻪ

ﺣﺘﻰ ﻧﺘﻐﺪﻯ ﺳﺎﻟﺘﻬﺎ ﺑﻠﻜﻲ ﻳﻌﺮﻓﻨﻪ ...

ﺟﺎﻥ ﻳﻜﻮﻟﻦ ﺍﺑﻨﻪ ﺍﻟﻌﻘﻴﺪ ﺑﺎﻟﺠﻴﺶ ﺍﺳﺘﺸﻬﺪ ﺑﺎﻭﺍﺧﺮ ﺍﻟﻤﻌﺎﺭﻙ

ﻭﺯﻭﺟﺘﻪ ﺻﺎﺭ ﻋﻨﺪﻩ ﻣﻨﻬﺎ ﻃﻔﻞ ﺗﺮﻛﻬﺎ ﺣﺎﻣﻞ ...

ﻟﻄﻤﺖ ﺧﺪﻱ ﻛﺪﺍﻡ ﺍﻟﻨﺴﻮﺍﻥ ﺍﻧﺘﺒﻬﻦ ﻋﻠﻴﻪ ﻭﺳﺄﻟﻨﻲ ﺗﻌﺮﻓﻲ

ﻛﻠﺘﻠﻬﻦ ﺍﻱ ﺍﺧﻮﻳﻪ ﺟﺎﻥ ﻳﺸﺘﻐﻞ ﺑﺎﻟﻤﺤﻞ ﻣﺎﻟﺘﻪ ...

ﺍﻧﺘﻈﺮﺕ ﻟﺤﺪ ﻣﺎ ﺧﻠﺺ ﺍﻟﺸﻐﻞ ﻭﻗﺮﺭﺕ ﺍﺭﻭﺣﻠﻪ

ﻭﺍﺳﺘﻔﻬﻢ ﻣﻨﻪ ...

ﺭﺣﺖ ﻉ ﺍﻟﻤﺤﻞ ﻣﺎﻟﺘﻪ ﺳﻠﻤﺖ ﻋﻠﻴﻪ ﻣﻦ ﺷﺎﻓﻨﻲ

ﻛﺎﻝ ﻫﻼ ﻭﻣﺮﺣﺒﺎ ... ﺷﻠﻮﻧﺞ ﺷﻮ ﻣﺎﻛﻮ ﻣﻦ ﺳﻨﻴﻦ ﻭﻳﻦ ﺻﻔﺖ ﺑﻴﺞ ﺍﻟﺪﻧﻴﺎ ...

ﺳﻮﻟﻔﺘﻠﻪ ﻛﻞ ﺳﺎﻟﻔﺘﻲ ﺍﺗﻨﻬﺪ ﻭﻛﺎﻝ ﻫﺎﻱ ﺣﺎﻝ ﺍﻟﺪﻧﻴﺎ

ﻛﺘﻠﻪ ﺣﺠﻲ ﺗﻜﺪﺭ ﺗﺴﺎﻋﺪﻧﻲ ...

ﻛﻠﻲ ﺳﺎﻟﻔﺘﺞ ﺟﺒﻴﺮﻩ ﻭﺫﻭﻟﻪ ﺍﻫﻞ ﺍﻟﻤﻼﻫﻲ ﺩﺍﻋﻤﺘﻬﻢ ﺍﻟﺤﻜﻮﻣﻪ

ﻭﺍﻱ ﻭﺍﺣﺪ ﻳﺤﺠﻲ ﺗﻌﺮﻓﻴﻦ ﺷﻴﺼﻴﺮ ﻣﺸﻜﻠﺘﺞ ﺑﺲ ﺍﻟﻠﻪ ﻳﺤﻠﻬﺎ

ﺍﻧﺼﺤﺞ ﻣﺎﻃﻮﻝ ﺟﻬﺎﻟﺞ ﺑﻤﻜﺎﻥ ﺯﻳﻦ ﻭﻣﺎﻣﻨﻪ ﻋﻠﻴﻬﻢ ﻣﻦ ﺍﻟﺠﻮﻉ

ﻋﻮﻓﻴﻬﻢ ...

ﺿﺤﻜﺖ ﻭﻛﺘﻠﻪ ﺣﺠﻲ ﺣﺘﻰ ﺍﻟﺒﺰﻭﻥ ﻣﻴﻌﻮﻑ ﺍﺑﻨﻪ

ﺍﻧﺖ ﻣﻮ ﺗﺒﺠﻲ ﻋﻠﻰ ﺍﺑﻨﻚ ...

ﺩﻧﻚ ﺭﺍﺳﻪ ﻭﻛﺎﻝ ﺻﺤﻴﺢ ﻭﺍﻟﻠﻪ .... ﺑﺲ ﺭﺑﺞ ﺍﺧﺬﻩ ...

ﻣﺎ ﻛﺪﺭﺕ ﺍﺗﻌﻤﻖ ﻭﺍﺳﺌﻠﻪ ﻋﻦ ﺯﻭﺟﺔ ﺍﺑﻨﻪ ﺗﻤﻨﻴﺖ ﻟﻮ ﻫﻮ ﻣﺴﻮﻟﻒ

ﻭﺍﻋﺮﻑ ﺷﻠﻮﻥ ﺣﺒﻠﺖ ﻣﻨﻪ ﻭﺟﻼﻝ ﻛﻠﻲ ﻫﻮ ﻣﻴﺨﻠﻒ

ﺑﻘﺖ ﺣﺼﺮﻩ ﺑﻜﻠﺒﻲ ...

ﻋﻔﺘﻪ ﻭﻃﻠﻌﺖ ﻭﺑﻘﻴﺖ ﺍﺭﻭﺡ ﻭﺍﺭﺟﻊ ﻋﻠﻰ ﺷﻐﻠﻲ

ﺧﻠﺼﺖ ﺷﻬﺮ ﻭﺭﺣﺖ ﻉ ﺍﻟﻤﺮﻩ ﺳﺎﻟﺘﻬﺎ ﻋﻦ ﺍﻻﺧﺒﺎﺭ

ﻛﺎﻟﺖ ﺳﺄﻟﺖ ﺟﻨﻪ ﺑﺲ ﺑﻄﻠﻌﺎﻥ ﺍﻟﺮﻭﺡ ﺑﻨﺘﺞ ﺳﻮﻟﻔﺖ ﻣﺪﺭﺳﻪ

ﺯﻳﻦ ﻭﺗﺨﺎﻑ ﺑﺲ ﻭﺍﻋﺪﺗﻬﺎ ﻣﺎ ﺍﺳﻮﻟﻒ ﻻﻥ ﻫﻲ ﺗﺨﺎﻑ ﻣﻦ ﺍﻡ ﺳﺎﻣﺮ ﻻ ﺗﺎﺫﻳﻬﺎ ...

ﻛﺎﻟﺖ ﺟﺒﺎﺭ ﺍﺧﺬﻫﻢ ﻭﺍﻧﻄﺎﻫﻢ ﻟﻨﺠﻢ ﻭﻧﺠﻢ ﻓﺮﻗﻬﻢ ﺍﻻﺑﻨﻴﻪ

ﺍﻧﻄﺎﻫﺎ ﻻﻡ ﺳﺎﻣﺮ ﻭﺍﻟﻮﻟﺪ ﻣﺘﻌﺮﻑ ﻋﻨﻬﻢ ﺷﻲ ﻛﻞ ﺍﻻﺧﺒﺎﺭ ﻳﻢ

ﻧﺠﻢ ...

ﻭﺣﺬﺭﺗﻨﻲ ﻛﺎﻟﺖ ﻟﺘﻘﺘﺮﺑﻴﻦ ﻣﻦ ﺍﻟﺒﻴﺖ ﻻﻥ ﻫﻤﻪ ﺷﺎﻛﻴﻦ ﺑﻴﺞ ﻟﺴﻪ

ﻭﺧﺎﻳﻔﻴﻦ ﺗﺠﻴﻦ ...

ﻛﻠﺘﻠﻬﺎ ﺣﺠﻴﻪ ﻭﺍﻟﺤﻞ ﻛﺎﻟﺖ ﺑﻠﻜﻲ ﻳﻐﻔﻠﻮﻥ ﻋﻦ ﺍﻻﺑﻨﻴﻪ ﻭﺗﻜﺪﺭﻳﻦ ﺗﺒﻮﻛﻴﻬﺎ ﻭﺗﺸﺮﺩﻳﻦ ﺑﻴﻬﺎ ...

ﻛﻠﺘﻠﻬﺎ ﺧﻮﺵ ﻓﻜﺮﻩ .... ﻛﺎﻟﺖ ﺑﺲ ﻣﻮ ﻫﺴﻪ ﻟﺤﺪ ﻣﺎ ﺍﻋﺮﻑ ﻣﻜﺎﻥ ﻭﻟﺪﺝ ﻭﻳﻦ ...

ﻭﻋﺪﺗﻨﻲ ﺗﺴﺎﻋﺪﻧﻲ ﺑﺲ ﺗﺤﺺ ﺧﺒﺮ ...

ﻃﻠﻌﺖ ﻣﻨﻬﺎ ﺷﻮﻳﻪ ﻣﺮﺗﺎﺣﻪ ﻭﻓﺮﺣﺎﻧﻪ ﻻﻥ ﻫﻲ ﺍﻧﻄﺘﻨﻲ ﺍﻣﻞ

ﺍﺭﺟﻊ ﺟﻬﺎﻟﻲ ....

ﺑﺲ ﻻﺯﻡ ﻗﺒﻞ ﻛﻠﺸﻲ ﺍﻫﻴﺄ ﻣﻜﺎﻥ ﺍﻟﻬﻢ ﻣﻦ ﺍﺧﺬﻫﻢ ﻻﻥ ﺑﻴﺖ ﺍﻡ

ﻭﺣﻴﺪ ﻳﻌﺮﻓﻮﻧﻪ ...

ﺷﻐﻠﻲ ﻣﺎﺑﻲ ﺫﺍﻙ ﺍﻟﻮﺍﺭﺩ ﻭﻻ ﺍﻛﺪﺭ ﺍﺣﺼﻞ ﻓﻠﻮﺱ ﻫﻮﺍﻱ

ﺑﻘﻴﺖ ﻣﺤﺘﺎﺭﻩ ﻣﺎﻛﻮ ﻏﻴﺮ ﺍﻗﻮﻱ ﻋﻼﻗﺘﻲ ﺑﻮﺣﺪﻩ ﻣﻦ ﺍﻟﻌﺎﻣﻼﺕ ﺍﻟﻲ ﻭﻳﺎﻱ ...

ﺑﻠﻜﻲ ﻭﺣﺪﻩ ﻣﻨﻬﻦ ﺗﺴﺎﻋﺪﻧﻲ ﻟﻮ ﻋﺪﻫﺎ ﻣﻜﺎﻥ ﺯﻳﻦ ﺣﺘﻰ ﻟﻮ ﺯﻏﻴﺮ ﺍﺍﺟﺮﻩ ﻣﻨﻬﺎ ....

ﺑﺪﻳﺖ ﺍﺗﻘﺮﺏ ﺍﻟﻬﻦ ﻭﺣﺪﻩ ﻭﺣﺪﻩ ﻭﺗﻌﺮﻑ ﻋﻠﻴﻬﻦ ﻭﻋﻠﻰ ﻭﺿﻌﻬﻦ

ﻛﻠﻬﻦ ﺍﺗﻌﺲ ﻣﻦ ﺣﺎﻟﻲ ﺑﺲ ﺍﻛﻮ ﻋﺠﻮﺯ ﺑﺼﻴﺤﻮﻟﻬﺎ ﺍﻡ ﻋﻤﺎﺩ ﺟﺎﻧﺖ ﺗﺸﺘﻐﻞ ﻭﻳﺎﻧﻪ

ﻛﺎﻟﺖ ﺍﻧﻲ ﻋﻨﺪﻱ ﺑﻴﺖ ﻋﺎﻳﺸﻪ ﺑﻲ ﺍﻧﻲ ﻭﺑﺖ ﺍﺑﻨﻲ ﻣﻌﻮﻗﻪ ﺧﺮﺳﻪ

ﻣﺎﺗﺤﺠﻲ

ﺍﺑﻮﻫﺎ ﻭﺍﻣﻬﺎ ﻣﺎﺗﻮﺍ ﺑﺤﺎﺩﺙ ﻭﻫﻲ ﻣﻦ ﺍﻟﺒﺠﻲ ﺻﺨﻨﺖ ﻭﺗﺨﻮﺭﺳﺖ

ﻭﻋﺎﻳﺸﻪ ﻋﻨﺪﻱ ﻣﻦ ﺍﺟﻲ ﻟﻠﺸﻐﻞ ﺍﻋﻮﻓﻬﺎ ﻳﻢ ﺟﺎﺭﺗﻲ ﻋﻴﻨﻬﺎ ﻋﻠﻴﻬﺎ

ﻗﺮﺭﺕ ﺍﺳﻮﻟﻔﻠﻬﺎ ﺳﺎﻟﻔﺘﻲ ... ﻭﺍﺷﻮﻑ ﺑﻠﻜﻲ ﺗﺴﺎﻋﺪﻧﻲ

ﻛﻠﺘﻠﻬﺎ ﺍﺭﻳﺪ ﺍﺟﻴﺞ ﻟﻠﺒﻴﺖ ...

ﻛﺎﻟﺖ ﻫﻼ ﺑﻴﺞ ...

ﺭﺣﺖ ﻋﻠﻴﻬﺎ ﻭﺳﻮﻟﻔﺘﻠﻬﺎ ﻛﻞ ﺍﻟﺴﺎﻟﻔﻪ ... ﻛﺎﻟﺖ ﻭﺍﻟﻠﻪ ﺍﻧﺘﻲ ﻣﻈﻠﻮﻣﻪ

ﻭﻣﺪﻭﻟﺒﻪ ﻣﺜﻞ ﺣﺎﻟﻲ ﺑﺲ ﺍﺫﺍ ﻛﺪﺭﺗﻲ ﺗﺤﺼﻠﻴﻦ ﺟﻬﺎﻟﺞ

ﺟﻴﺒﻴﻬﻢ ﻳﻤﻲ ... ﺍﻧﺘﻲ ﻭﻳﺎﻫﻢ

ﻭﺷﺤﺪﻩ ﺍﻟﻴﻮﺻﻞ ﺍﻟﺞ ﻟﻮ ﺍﻟﻬﻢ ....

ﻛﻠﺘﻠﻬﺎ ﺭﺣﻢ ﺍﻟﻠﻪ ﻭﺍﻟﺪﻳﺞ ﺣﺠﻴﻪ ﺗﺮﺧﺼﺖ ﻣﻨﻬﺎ ﻭﻃﻠﻌﺖ

ﺍﻧﺤﻞ ﺭﺑﻊ ﻣﻦ ﻣﺸﻜﻠﺘﻲ ﺑﺲ ﺑﻘﻰ ﺍﻟﺠﺰﺀ ﺍﻻﺻﻌﺐ ﻭﺍﻻﺗﻌﺲ

ﺷﻠﻮﻥ ﺭﺍﺡ ﺍﺣﺼﻞ ﺟﻬﺎﻟﻲ ﻣﺎ ﺍﺩﺭﻱ ﺍﻻ ﺍﻟﻠﻪ ﻳﺤﻠﻬﺎ ﺑﻤﻌﺮﻓﺘﻪ

ﺗﻘﺮﻳﺒﺎ ﻫﻴﺄﺕ ﻛﻞ ﺍﻻﻣﻮﺭ ﺍﻟﺒﻴﺖ ﻭﺍﻟﻌﻤﻞ

ﺍﺗﻔﻘﺖ ﻭﻳﻪ ﺍﻡ ﻋﻤﺎﺩ ﺑﺎﻟﻴﻮﻡ ﺍﻟﻲ ﻫﻲ ﻣﺘﻄﻠﻊ ﻟﻠﺸﻐﻞ

ﺗﺮﺍﻗﺐ ﺍﻟﺒﻴﺖ ﺑﻤﻜﺎﻧﻲ ﻭﺍﻧﻲ ﺍﺑﻘﻰ ﻳﻢ ﺑﻨﺖ ﺍﺑﻨﻬﺎ ﺟﺎﻥ ﺍﺳﻤﻬﺎ

ﺑﺘﻮﻝ ...

ﻭﺍﺫﺍ ﻫﻲ ﺑﺎﻟﺸﻐﻞ ﺍﻧﻲ ﺍﺭﺍﻗﺐ ﺍﻟﺒﻴﺖ ﺑﺲ ﻣﻦ ﺑﻌﻴﺪ ﻟﺒﻌﻴﺪ

ﺣﺘﻰ ﻣﺎ ﻳﻨﻜﺸﻒ ﺍﻣﺮﻱ ﻭﻳﻘﺘﻠﻮﻧﻲ ...

ﺍﺳﺘﻤﺮﻳﺖ ﻋﻠﻰ ﻫﺎﻟﻮﺿﻊ ﺍﺷﻬﺮ

ﺟﻨﺖ ﺍﺷﻮﻑ ﺟﻨﻪ ﻣﻦ ﺗﻄﻠﻊ ﻣﺮﺗﺒﻪ ﻭﺣﻠﻮﻩ ﺑﺲ

ﺗﺎﺧﺬﻧﻲ ﺍﻟﻐﺼﻪ ﻋﻠﻰ ﺟﻤﺎﻝ ﻭﺟﻼﻝ ﻣﺎ ﺍﻋﺮﻑ ﺟﺒﺎﺭ ﺷﺴﻮﻩ ﺑﻴﻬﻢ

ﻗﺘﻠﻬﻢ ﻟﻮ ﺑﺎﻋﻬﻢ ... ﺍﻳﻴﻴﻴﻴﻴﻴﻪ ﻳﺎﺩﻧﻴﺎ ﺩﻧﻴﻪ ﻭﻏﺪﺍﺭﻩ

ﺍﺗﻤﻨﻰ ﺍﺣﻔﺮ ﻗﺒﺮ ﺟﺒﺎﺭ ﻭﺍﻃﻠﻌﻪ ﻭﺍﻛﻠﻪ ﺍﺣﺠﻲ ﺳﻮﻟﻔﻠﻲ

ﻭﻳﻦ ﻭﺩﻳﺖ ﺟﻬﺎﻟﻲ ....

ﺑﺲ ﻳﺎﺣﺴﺎﻓﻪ ﻣﺎﺑﻴﺪﻱ ﺣﻴﻠﻪ ﻭﺍﺭﺟﻊ ﺍﻟﺮﻭﺡ ﻟﺠﺒﺎﺭ ﺍﻟﻨﺬﻝ ..

ﻣﺮﺍﺕ ﺍﻛﻌﺪ ﺍﻟﻤﻐﺮﺏ ﺍﺑﺠﻲ ﻟﺤﺪ ﻣﺎ ﺗﻨﺴﺤﻦ ﺭﻭﺣﻲ

ﻭﻣﺮﺍﺕ ﺍﺩﻋﻲ ﺭﺑﻲ ﻻﻳﺒﺘﻠﻴﻨﻲ ﺑﻔﺮﺍﻗﻬﻢ ﺻﻌﺐ

ﺍﻧﻲ ﺻﺢ ﻏﻠﻄﺖ ﺑﺤﻖ ﻧﻔﺴﻲ ﻭﺍﻫﻠﻲ ﻭﺭﺑﻲ

ﻭﻋﺼﻴﺖ ﺍﻟﻠﻪ ﺑﺲ ﻣﻦ ﺟﻬﻠﻲ ﻭﻏﺒﺎﺋﻲ ﺭﺑﻲ ﺍﻣﺘﺤﺎﻧﻚ ﺻﻌﺐ

ﻭﺍﻧﻲ ﻋﺒﺪﻩ ﻻﺣﻮﻝ ﻭﻻ ﻗﻮﻩ ﻻ ﺗﻌﺎﻗﺒﻨﻲ ﻫﻴﺞ ﻋﻘﺎﺏ

ﺍﻧﺖ ﺍﺩﻛﻮﻝ ﺍﺑﻮﺍﺏ ﺍﻟﺘﻮﺑﻪ ﻣﻔﺘﻮﺣﻪ ﻭﺍﻧﻲ ﺍﺭﻳﺪ ﺍﺗﻮﺏ

ﺍﻏﻔﺮﻟﻲ ﻭﺭﺟﻌﻠﻲ ﺟﻬﺎﻟﻲ ﻭﺍﻟﻠﻪ ﺗﻌﺒﺖ ﻭﺍﻟﻨﺎﺭ ﺗﺎﻛﻞ ﺑﻴﻪ ﺍﻛﻞ

ﻳﻮﻣﻴﻪ ﻋﻠﻰ ﻫﺎﻟﺤﺎﻟﻪ ﺍﺳﺘﻤﺮﻳﺖ ﺍﺳﻮﻟﻒ ﻭﻳﻪ ﺭﺑﻲ

ﻭﺍﺑﺠﻲ ﺍﺭﻳﺪ ﺣﻞ ﺍﺭﻳﺪ ﺷﻲ ﻳﺼﺒﺮﻧﻲ ﻻﻥ ﺍﻟﺠﺰﻉ ﻓﺎﺽ ﻭﺗﺒﺪﻩ ..

ﺍﻡ ﻋﻤﺎﺩ ﻣﺮﻩ ﻓﻘﻴﺮﻩ ﻣﺮﺍﺕ ﺗﺼﺒﺮﻧﻲ ﺑﺎﻟﺤﺠﻲ ﻭﻣﺮﺍﺕ ﺗﺒﺠﻲ

ﻭﻳﺎﻱ ﻭﺗﻮﺍﺳﻴﻨﻲ ﺑﺲ ﻛﻠﻤﻦ ﻋﻠﺘﻪ ﺑﻜﻠﺒﻪ ﻭﻳﺒﺠﻲ ﻋﻠﻴﻬﺎ

ﻣﻠﻴﺖ ﺍﺭﺍﻗﺐ ﻭﻗﺮﺭﺕ ﺍﺭﻭﺡ ﻟﻠﻤﺮﻩ ﺍﻟﻲ ﻋﺪﻫﺎ ﺟﻨﻪ ﺍﺳﻮﻟﻒ ﻭﻳﺎﻫﺎ

ﺑﻠﻜﻲ ﻳﺤﻦ ﻛﻠﺒﻬﺎ ﻋﻠﻴﻪ ﻭﺍﻛﺴﺮ ﺧﺎﻃﺮﻫﺎ ﻭﺗﺴﺎﻋﺪﻧﻲ ...

ﺭﺣﺖ ﻋﻠﻰ ﺍﻟﺒﻴﺖ ﻭﺩﻛﻴﺖ ﺍﻟﺠﺮﺱ ..

ﻃﻠﻌﺘﻠﻲ ﺍﻟﺨﺪﺍﻣﻪ ﺧﺰﺭﺗﻨﻲ ﻛﺎﻟﺖ ﺑﺼﻮﺕ ﻧﺎﺻﻲ ﺷﺠﺎﺑﺞ ﺭﻭﺣﻲ

ﺗﺮﻩ ﻭﺍﻟﻠﻪ ﻳﻘﺘﻠﻮﺝ ﺫﻭﻟﻪ ﻣﺎﻛﻮ ﺑﻜﻠﻮﺑﻬﻢ ﺭﺣﻤﻪ ..

ﻛﻠﺘﻠﻬﺎ ﺍﻟﻈﻨﻪ ﻏﺎﻟﻲ ﻭﺑﻌﺪ ﻣﺎﻋﻨﺪﻱ ﻃﺎﻗﺔ ﺗﺤﻤﻞ ...

ﺟﻔﺘﺖ ﻉ ﺍﻟﺒﻴﺖ ﻟﻜﻴﺖ ﺍﻟﻤﺮﻩ ﻛﺎﻋﺪﻩ ﺭﻛﻀﺖ ﺩﻧﻜﺖ ﻋﻠﻰ ﺭﺟﻠﻬﺎ

ﺣﺒﻴﺘﻬﺎ ﻭﻋﻠﻰ ﻧﻌﺎﻟﻬﺎ ﺟﺎﻥ ﺗﺪﻓﻌﻨﻲ ﻭﺍﺩﻛﻠﻲ ﻳﻼ ﻭﻟﻲ ﺷﺠﺎﻳﺞ

ﺍﻣﺸﻲ ﺍﻃﻠﻌﻲ ﻻ ﺍﺧﻠﻴﻬﻢ ﻳﺸﻮﻓﻮﻥ ﺷﻐﻠﻬﻢ ﻭﻳﺎﺝ ﻭﻳﺮﺑﻮﺝ

ﺑﺪﻳﺖ ﺍﺗﻮﺳﻞ ﺑﻴﻬﺎ ﻭﺍﺑﺠﻲ ﺍﺟﺖ ﺟﻨﻪ ﺭﻛﻀﺖ ﻋﻠﻴﻬﺎ ﺷﺒﻜﺘﻬﺎ ﻫﻲ ﻫﻢ ﺷﺒﻜﺘﻨﻲ ..

ﺟﺎﻥ ﺗﺼﻴﺢ ﺑﺎﻟﺨﺪﺍﻣﻪ ﺍﺧﺬﻱ ﺍﻻﺑﻨﻴﻪ ﻭﺻﻴﺤﻴﻠﻲ ﻣﻴﻌﺎﺩ ﺑﺴﺮﻋﻪ

ﺍﺟﻪ ﻭﻟﺪ ﻳﺮﻛﺾ ﻳﻜﻮﻝ ﻫﺎ ﻋﻤﻪ ...

ﻛﺎﻟﺘﻠﻪ ﺍﺧﺬﻫﺎ ﻃﻠﻌﻬﺎ ﺑﺮﻩ ﻭﺷﻮﻓﻮﺍ ﺷﻐﻠﻜﻢ ﻭﻳﺎﻫﺎ

ﺟﺮﻭﻧﻲ ﺑﺮﻩ ﺍﻟﺒﻴﺖ ﻭﺩﻓﻌﻮﻧﻲ ﺑﺎﻟﻜﺎﻉ ﻭﻛﻠﻮﻟﻲ ﺍﺫﺍ ﻭﺻﻠﺘﻲ

ﻧﺬﺑﺤﺞ ﻭﻧﻜﻄﻌﺞ ....

ﺑﻘﻴﺖ ﺑﺎﻟﻜﺎﻉ ﻛﺎﻋﺪﻩ ﻭﺍﺑﺠﻲ ﻋﻠﻰ ﺣﻈﻲ ﺍﻻﻏﺒﺮ

ﻃﻠﻌﺖ ﻣﺮﻩ ﻣﻦ ﺍﻟﺠﻮﺍﺭﻳﻦ ﻛﺎﻟﺖ ﻛﻮﻣﻲ ﻋﻴﻨﻲ ﻟﻴﺶ

ﻛﺎﻋﺪﻩ ﺑﺎﻟﺘﺮﺍﺏ ﻛﻮﻣﻲ ﻏﺴﻠﻲ ...

ﺗﺸﻜﺮﺕ ﻣﻨﻬﺎ ﻭﻋﻔﺘﻬﺎ ﻭﺭﺣﺖ ... ﺭﺟﻌﺖ ﻟﻠﺒﻴﺖ ﺍﻟﻄﻢ ﻭﺍﺑﺠﻲ

ﺿﻴﻌﺖ ﻛﻮﻟﺸﻲ ﺑﻐﺒﺎﺋﻲ ﻭﺍﺳﺘﻬﺘﺎﺭﻱ ﻳﺎﺭﺑﻲ ﺍﺭﺣﻤﻨﻲ

ﻟﻮ ﺗﺎﺧﺬ ﻋﻤﺮﻱ ...

ﺑﻘﻴﺖ ﺍﺳﺒﻮﻉ ﻣﺎ ﺍﺭﻭﺡ ﻟﻠﺸﻐﻞ ﺍﺟﺖ ﻋﻠﻴﻪ ﺍﻡ ﻋﻤﺎﺩ

ﻛﺎﻟﺖ ﺧﻴﺮﺝ ﺷﻮ ﻣﺎﺗﺠﻴﻦ ﻟﻠﺸﻐﻞ ...

ﻛﻠﺘﻠﻬﺎ ﻫﻴﺞ ﻭﻫﻴﺞ ﺻﺎﺭ ﺑﻴﻪ .. ﻛﺎﻟﺖ ﺍﺭﻳﺪ ﺍﺣﺠﻲ ﻭﻳﺎﺝ

ﺑﺲ ﻣﺴﺘﺤﻴﻪ ﻣﻨﺞ ....

..

ﻛﻠﺘﻠﻬﺎ ﺍﺣﺠﻲ .. ﻛﺎﻟﺖ ﺍﻟﻲ ﻳﺠﻲ ﻣﻦ ﺍﻳﺪﻩ ﺍﻟﻠﻪ ﻳﺰﻳﺪﻩ

ﻭﻛﻞ ﺍﻟﻲ ﺻﺎﺭ ﻣﻦ ﺍﻳﺪﺝ ﻭﻗﻠﺔ ﻓﻬﻤﺞ ...

ﺍﻋﺘﺒﺮﻱ ﺍﻟﻲ ﺻﺎﺭ ﺍﻣﺘﺤﺎﻥ ﻣﻦ ﺍﻟﻠﻪ ﻭﺍﺧﺘﺒﺎﺭ ﻟﺘﻮﺑﺘﺞ ..

ﻳﺠﻮﺯ ﺟﻬﺎﻟﺞ ﻳﻌﻴﺸﻮﻥ ﺍﺣﺴﻦ ﻋﻴﺸﻪ ﻳﺠﻮﺯ ﺍﻧﺘﻲ ﺗﻮﺩﻳﻨﻬﻢ ﻟﻌﺎﻟﻢ

ﻛﻠﻪ ﺣﺮﺍﻡ ﺍﻟﻠﻪ ﺭﺍﺩ ﻳﺨﻠﺼﻬﻢ ﻣﻨﺞ ...

ﻭﻳﺠﻮﺯ ﻫﺬﺍ ﺍﺧﺘﺒﺎﺭ ﻟﺘﻮﺑﺘﺞ ﻭﺍﻣﺘﺤﺎﻥ ﻟﺼﺒﺮﺝ

ﺍﻧﺘﻈﺮﻱ ﻭﺷﻮﻓﻲ ﺭﺣﻤﺔ ﺍﻟﻠﻪ ...

ﺍﻟﻠﻪ ﻳﻜﻮﻝ ﻟﺸﻲ ﻛﻦ ﻓﻴﻜﻮﻥ ﻳﺠﻮﺯ ﻳﺠﻤﻌﺞ ﺑﻴﻬﻢ ﺑﺲ ﻣﻮ ﻫﺴﻪ

ﺟﺎﻭﺑﺘﻬﺎ ... ﻧﺠﻢ ﺍﻛﺒﺮ ﺣﺮﺍﻣﻲ ﻭﺳﺎﻓﻞ ﻣﺎﺗﻌﺮﻓﻴﻦ ﺷﺮﺍﺡ ﻳﺴﻮﻱ ﺑﺘﻲ ﻳﺠﻮﺯ ﻳﺒﻴﻌﻬﺎ ﻳﺠﻮﺯ ﻳﺨﻠﻴﻬﺎ ﺗﺸﺘﻐﻞ ﺷﻐﻠﻬﻢ ...

ﺧﺎﻟﻪ ﺷﺠﺎﺝ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﻰ ﺭﺣﻤﺘﻪ ﻭﺍﺳﻌﻪ

ﺳﻠﻤﻲ ﺍﻣﺮﺝ ﻟﺮﺏ ﺍﻟﻌﺎﻟﻤﻴﻦ ﻭﺍﺻﺒﺮﻱ ﻫﺎﻱ ﻋﻘﻮﺑﺔ ﺍﻋﻤﺎﻟﺞ ﻭﻻ ﺗﺰﻋﻠﻴﻦ ﻣﻨﻲ ...

ﺷﻐﻠﻪ ﺛﺎﻧﻴﻪ ﺍﺭﻳﺪﺝ ﺗﻌﻮﻓﻴﻦ ﻫﺎﻟﺒﻴﺖ ﻣﻮﺣﺶ ﻭﻳﺨﻮﻑ

ﻭﺍﻟﻮﺣﺪﻩ ﺗﻬﻴﺞ ﺍﻟﺠﺮﻭﺡ ﺍﻟﻨﺎﻳﻤﻪ ...

ﺗﻌﺎﻱ ﻳﻤﻲ ﻭﺍﻧﻲ ﻭﻳﺎﺝ ﻧﻜﻌﺪ ﻟﺤﺪ ﻣﺎ ﺍﻟﻠﻪ ﻳﻔﺮﺟﻬﺎ ﻋﻠﻴﻨﻪ

ﻭﺑﺘﻮﻝ ﺍﻟﺞ ﺭﺑﻴﻬﺎ ﺍﻧﺘﻲ ﺍﻋﺘﺒﺮﻳﻬﺎ ﻭﻧﺲ ﻭﺳﻠﻮﻯ ﺍﻟﺞ ...

ﺣﺠﻴﻬﺎ ﻫﺪﺃﻧﻲ ﻭﻗﻨﻌﺖ ﻭﻗﺮﺭﺕ ﺍﺭﻭﺡ ﻭﻳﺎﻫﺎ ﻟﻤﻴﺖ ﻏﺮﺍﺿﻲ

ﻭﻗﻔﻠﺖ ﺑﻴﺖ ﺍﻡ ﺣﻤﻴﺪ ﻭﻃﻠﻌﻨﺎ ﺭﺣﻨﺎ ﻟﺒﻴﺘﻬﺎ ..

ﻛﻌﺪﺕ ﻭﻳﺎﻫﺎ ﺑﺲ ﺑﻴﻦ ﻓﺘﺮﻩ ﻭﻓﺘﺮﻩ ﺍﺑﻮﻙ ﺭﻭﺣﻲ

ﻭﺍﺭﻭﺡ ﺍﺷﻮﻑ ﺟﻨﻪ ﻣﻦ ﺑﻌﻴﺪ ....

ﻟﺤﺪ ﻣﺎ ﻳﻮﻡ ﻧﺠﻢ ﺍﺧﺬﻫﺎ ﻭﺭﺍﺡ ﺷﺎﻟﻮﺍ ﻣﻦ ﺍﻟﻤﻨﻄﻘﻪ

ﺳﺄﻟﺖ ﻭﺩﻭﺭﺕ ﻣﺎﻛﻮ

ﺭﺣﺖ ﻉ ﺍﻟﺠﻴﺮﺍﻥ ﺑﻠﻜﻲ ﻳﻌﺮﻓﻮﻥ ﻋﻨﻬﻢ ﺷﻲ ... ﻛﻠﻬﺎ ﻛﺎﻟﺖ

ﻣﻨﻌﺮﻑ ﺷﻲ ﺭﻭﺣﻲ ﻟﻠﺪﻻﻝ ﻻﻥ ﻫﻤﻪ ﻛﺎﻧﻮﺍ ﻣﺄﺟﺮﻳﻦ ﺍﻟﺒﻴﺖ

ﺍﻛﻴﺪ ﻳﻌﺮﻑ ﺍﻭ ﻉ ﺍﻻﻗﻞ ﻳﻌﺮﻑ ﻋﻨﻬﻢ ﺷﻲ ...

ﺍﺧﺬﺕ ﻋﻨﻮﺍﻥ ﺍﻟﺪﻻﻝ ﻭﺭﺣﺖ ...

ﺩﺧﻠﺖ ﻟﻠﻤﻜﺘﺐ ﺳﺄﻟﺘﻪ .. ﻛﻠﻲ ﻣﺎ ﺍﻋﺮﻑ ﺍﻱ ﺷﻲ ﺍﺟﺎﻧﻲ ﺍﺳﺘﺎﺫ ﻧﺠﻢ ﻭﻛﻠﻲ ﻫﺎﻱ ﻣﻔﺎﺗﻴﺢ ﺍﻟﺒﻴﺖ ﻭﻃﻠﺐ ﻣﻨﻲ ﺍﺑﻴﻊ ﺍﻻﺛﺎﺙ ..

ﻛﺘﻠﻪ ﻓﺪﻭﻩ ﺧﻠﻴﻨﻲ ﺍﺩﺧﻞ ﻟﻠﺒﻴﺖ ﺑﻠﻜﻲ ﺍﻟﻜﻲ ﻭﺭﻗﻪ ﺷﻐﻠﻪ

ﺗﻔﻴﺪﻧﻲ ..

ﻣﺎﻗﺒﻞ ﻭﻛﺎﻝ ﻫﺎﻱ ﺍﻣﺎﻧﻪ ﻋﻨﺪﻱ ﻣﻴﺼﻴﺮ ﻧﻠﻌﺐ ﺑﻴﻬﺎ

ﺭﻭﺣﻲ ﺍﻟﻠﻪ ﻳﺴﻬﻞ ﺍﻣﺮﺝ ..

ﺷﻜﺪ ﺣﺎﻭﻟﺖ ﻭﻳﺎﻩ ﺑﻜﻞ ﻃﺮﻳﻘﻪ ﺑﺲ ﻣﺎﻛﻮ ﻓﺎﻳﺪﻩ ﻧﻔﺲ ﺍﻟﺮﺩ ﺍﻣﺎﻧﻪ ﻭﺍﺧﺎﻑ ﺍﻟﻠﻪ ...

ﺭﺟﻌﺖ ﻉ ﺍﻟﺒﻴﺖ ﻟﻜﻴﺖ ﺍﻡ ﻋﻤﺎﺩ ﻛﺎﻋﺪﻩ ﻭﺗﻨﻌﻰ ﻋﻠﻰ ﺍﺑﻨﻬﺎ

ﻛﺎﺑﻠﺘﻬﺎ ﻭﺑﺠﻴﺖ ﻻﻥ ﺍﻳﺴﺖ ﺑﻌﺪ ﺍﺷﻮﻑ ﺟﻬﺎﻟﻲ ..

ﻣﺮﺍﺕ ﺍﻟﻮﻡ ﺭﻭﺣﻲ ﻭﺍﻛﻮﻝ ﺍﺳﺘﺎﻫﻞ ﻭﻣﺮﺍﺕ ﻻ ﻭﺍﻟﻠﻪ ﺍﻛﻮﻝ

ﻣﺎ ﺍﺳﺘﺤﻖ ﻫﺎﻟﻌﻘﺎﺏ .......

ﺍﻳﻴﻴﻴﻴﻴﻴﻪ ﻳﺎﺩﻧﻴﺎ ﻓﺮﻳﺘﻴﻨﻲ ﻓﺮ ... ﺗﺎﺯﻣﺖ ﻧﻔﺴﻴﺘﻲ ﻭﺭﺟﻊ ﺍﻟﻤﺎﺿﻲ

ﻳﺤﻮﻡ ﻓﻮﻙ ﺭﺍﺳﻲ ﺍﺳﻮﻟﻒ ﻭﻳﻪ ﻧﻔﺴﻲ ﻭﻣﺮﺍﺕ ﺍﺗﻌﺎﺭﻙ

ﻭﺍﺷﻜﻚ ﻫﺪﻭﻣﻲ ﻭﻣﺮﺍﺕ ﺍﺿﺤﻚ ...

ﺍﻡ ﻋﻤﺎﺩ ﺍﺧﺬﺗﻨﻲ ﻟﻠﻄﺒﻴﺐ ﻛﺘﺒﻠﻲ ﻋﻼﺝ ﻭﺭﺍﺣﻪ ﺗﺎﻣﻪ ...

ﻋﺪﺕ ﻫﺎﻟﻔﺘﺮﻩ ﺑﺴﻼﻡ ﻭﺭﺟﻌﺖ ﻟﻠﺸﻐﻞ ﻭﻣﺮﺕ ﺍﻟﺴﻨﻴﻦ

ﻭﺗﺎﺯﻡ ﻭﺿﻊ ﺍﻟﻌﺮﺍﻕ ﻭﺍﻣﺮﻳﻜﺎ ﺣﺸﺪﺕ ﻗﻮﺍﺗﻬﺎ ﻋﻠﻴﻨﺎ

ﻭﺍﻟﻨﺎﺱ ﻣﺨﺒﻮﺻﻪ ﺗﺠﻤﻊ ﻣﻮﺍﺩ ﻏﺬﺍﺋﻴﻪ ﻭﺍﻟﻲ ﻋﻨﺪﻩ ﺍﻗﺮﺑﺎﺀ

ﺑﺎﻟﺮﻳﻒ ﺭﺍﺡ ﻋﻠﻴﻬﻢ ﻭﺍﻟﻲ ﻣﺎﻋﻨﺪﻩ ﺑﻘﻰ ﺑﻴﺘﻪ ...

ﺍﻧﻲ ﻭﺍﻡ ﻋﻤﺎﺩ ﻭﺑﺘﻮﻝ ﺟﻤﻌﻨﺎ ﻣﻮﺍﺩ ﻏﺬﺍﺋﻴﻪ ﻭﺑﻘﻴﻨﺎ ﺑﻴﺘﻨﺎ

ﻛﺎﻋﺪﻳﻦ ... ﻭﻛﻠﺖ ﺍﺫﺍ ﺻﺎﺭ ﺍﻟﻘﺼﻒ ﻗﺮﻳﺐ ﻋﻠﻴﻨﺎ ﺍﺭﻭﺡ ﻋﻠﻰ ﺑﻴﺖ

ﺍﻡ ﺣﻤﻴﺪ ﻧﻜﻌﺪ ﺑﻲ ...

ﻛﻞ ﻳﻮﻡ ﺍﻟﻮﺿﻊ ﻳﺼﻴﺮ ﺍﺗﻌﺲ ﺣﺘﻰ ﺣﺮﻛﺔ ﺍﻟﻨﺎﺱ ﺻﺎﺭﺕ ﻗﻠﻴﻠﻪ

ﻭﺷﺒﻪ ﻣﻌﺪﻭﻣﻪ ....

ﻭﺻﺎﺭ ﺍﻟﻘﺼﻒ ﻋﻠﻴﻨﺎ ﻣﻦ ﻛﻞ ﺟﻬﻪ ﻭﺑﻐﺪﺍﺩ ﺻﺎﺭﺕ ﺧﺮﺍﻳﺐ

ﻭﻳﻮﻡ ﻋﻦ ﻳﻮﻡ ﺍﻟﻤﺤﺎﻓﻈﺎﺕ ﺳﻘﻄﺖ ﻭﺣﺪﻩ ﻭﺭﻩ ﺍﻟﺜﺎﻧﻴﻪ

....

ﺍﻟﺨﻮﻑ ﻭﺍﻟﺮﻋﺐ ﺳﻴﻄﺮﻭﺍ ﻉ ﺍﻟﻨﺎﺱ ﻭﺍﻻﻣﺮﻳﻜﺎﻥ ﺩﺧﻠﻮﺍ ﺑﻐﺪﺍﺩ

ﻭﻳﻔﺘﺮﻭﻥ ﺑﺎﻟﺸﻮﺍﺭﻉ ﻭﺻﺎﺭﺕ ﺍﻟﺤﺮﺏ ﺍﻟﻄﺎﺋﻔﻴﻪ

ﺍﻧﻲ ﻭﺍﻡ ﻋﻤﺎﺩ ﻣﺎﻋﺪﻧﻪ ﺷﻲ ﻧﺨﺎﻑ ﻋﻠﻴﻪ ﺑﺲ ﺍﻟﺨﻮﻑ ﻣﺴﻴﻄﺮ ﻋﻠﻴﻨﻪ ﺧﺼﻮﺻﺎ

ﻣﻦ ﻧﺴﻤﻊ ﻭﺍﺣﺪ ﻣﻦ ﺍﻟﺠﻴﺮﺍﻥ ﻧﻘﺘﻞ ﻟﻮ ﻋﺎﺋﻠﻪ ﺑﺎﻟﻤﻨﻄﻘﻪ ﺍﻧﻘﺘﻠﺖ

ﻧﺒﻘﻰ ﻛﺎﻋﺪﺍﺕ ﻣﻨﺎﻡ ﻣﻦ ﺍﻟﺨﻮﻑ ﻭﻧﻘﺮﻩ ﻗﺮﺃﻥ ..

ﺍﺷﺘﻐﻠﺖ ﺍﻟﻤﻔﺨﺨﺎﺕ ﻭﺍﻟﻌﺒﻮﺍﺕ ﻛﻞ ﻳﻮﻡ ﺍﻧﻔﺠﺎﺭ

ﻭﻛﻞ ﻗﺘﻞ ﻭﺩﻡ ﺍﻡ ﻋﻤﺎﺩ ﺍﺫﺍ ﻃﻠﻌﺖ ﺍﻛﻮﻝ ﺑﻌﺪ ﻣﺎ ﺗﺮﺟﻊ ﻻﻥ

ﻣﻔﺨﺨﻪ ﺍﻧﻔﺠﺮﺕ ﻭﺍﻛﻴﺪ ﻫﻲ ﻣﻦ ﺍﻟﻀﺤﺎﻳﺎ ﺧﺼﻮﺻﺎ ﻣﻨﻄﻘﺔ ﺍﻟﺸﻌﺐ ﻭﺗﺤﺪﻳﺪﺍ ﺳﻮﻕ ﺷﻼﻝ ﻛﻞ ﻳﻮﻡ ﻣﺴﺘﻬﺪﻑ

ﺟﻨﺖ ﺍﻭﺻﻴﻬﺎ ﻳﻮﻣﻴﻪ ﺗﻨﺘﺒﻪ ﺗﺴﻮﻙ ﺑﺴﺮﻋﻪ ﻭﺗﺮﺟﻊ

ﻻﻥ ﺍﻟﺪﻧﻴﺎ ﻣﻮ ﺍﻣﺎﻥ .....

ﺑﻴﻮﻡ ﺟﻨﺖ ﻛﺎﻋﺪﻩ ﺍﺳﻤﻊ ﻟﻼﺧﺒﺎﺭ ﺍﺟﺖ ﻋﻠﻴﻪ ﺍﻡ ﻋﻤﺎﺩ ﺗﺮﻛﺾ

ﻛﺎﻟﺖ ﺑﺴﺮﻋﻪ ﺧﻠﻲ ﻧﻠﻢ ﻣﻼﺑﺴﻨﺎ ﻭﻧﻤﺸﻲ ﻧﻜﻌﺪ ﻳﻢ ﻛﺮﺍﻳﺒﻲ ﺑﺎﻟﺮﻳﻒ

ﻫﻨﺎ ﺍﻟﻮﺿﻌﻴﻪ ﺗﺨﻮﻑ ﺑﻐﺪﺍﺩ ﻣﻮ ﺍﻣﺎﻥ ...

ﺟﺎﻭﺑﺘﻬﺎ ﺷﺒﻴﺞ ﺧﻴﻪ ﺍﻡ ﻋﻤﺎﺩ ﺻﺎﻳﺮ ﺷﻲ ..

ﺟﺎﻥ ﺍﺩﻛﻮﻝ ﺻﺎﻳﺮﻩ ﻣﺼﺎﻳﺐ ﻭﻟﺞ ... ﺧﻄﻔﻮﺍ ﺍﺑﻦ ﺣﺠﻲ ﺟﻮﺍﺩ

ﻫﺬﺍ ﻻ ﺷﻐﻞ ﻭﻻ ﻋﻤﻞ ﻟﻴﺶ ﺧﻄﻔﻮﺍ ﺍﺻﻼ ﻣﻨﺘﻒ ﺍﻣﺮ ﻣﻦ ﺣﺎﻟﻲ

... ﺍﻡ ﻋﻤﺎﺩ ﻳﺠﻮﺯ ﻋﺪﺍﻭﻩ ﺷﻮ ﺧﻠﻴﻨﺎ ﺑﻤﻜﺎﻧﻪ ﻛﺎﻋﺪﻳﻦ ﻭﺳﺎﻛﺘﻴﻦ

ﺍﻟﻨﺎﺱ ﺑﻄﻨﻬﺎ ﺯﻏﻴﺮﻩ ﻭﻣﺘﺘﺤﻤﻠﻨﺎ ﻳﺠﻮﺯ ﺍﺳﺒﻮﻉ ﺷﻬﺮ ﺑﺲ ﻣﻴﺘﺤﻤﻠﻮﻧﻪ ﺍﻛﺜﺮ ...

ﺍﻡ ﺳﻜﺘﺖ ﻣﺎ ﺟﺎﻭﺑﺘﻨﻲ ﺑﺲ ﺣﺴﻴﺘﻬﺎ ﻣﺜﻞ ﺍﻟﻲ ﺧﺎﻳﻔﻪ

ﺣﺎﻭﻟﺖ ﺍﻫﺪﺃﻫﺎ ﻭﻓﻬﻤﺘﻬﺎ ﺍﺣﻨﻪ ﻓﻘﻴﺮﺍﺕ ﻋﻠﻰ ﺷﻨﻮ ﻳﺨﻄﻔﻮﻧﻪ

ﻻ ﻋﻢ ﻭﻻ ﺧﺎﻝ ﺍﺻﻼ ﻣﺎﻳﺒﺎﻭﻋﻮﻥ ﻋﻠﻴﻨﻪ ...

ﺣﺴﻴﺖ ﻛﻼﻣﻲ ﻣﺎ ﻫﺪﺍﻫﺎ ﺑﺲ ﺍﻧﺠﺒﺮﺕ ﺗﺴﻜﺖ ﺧﺼﻮﺻﺎ ﻣﻦ ﻛﻠﺘﻠﻬﺎ ﺑﺘﻮﻝ ﺣﻠﻮﻩ ﻭﻛﺒﺮﺕ ﺧﻠﻴﻨﺎ ﻛﺎﻋﺪﺍﺕ ﺑﻴﺘﻨﺎ ﻭﻻ ﺫﻟﺔ ﺍﻟﻌﺎﻟﻢ

ﻣﺮﺕ ﺍﻻﻳﺎﻡ ﻭﻛﻞ ﻳﻮﻡ ﻧﺴﻤﻊ ﻗﺎﺗﻠﻴﻦ ﻣﻦ ﺷﺎﺭﻋﻴﻦ ﻟﻮ ﺧﺎﻃﻔﻴﻦ

ﻣﻦ ﻏﻴﺮ ﺍﻟﻤﺼﺎﻳﺐ ﺍﻟﻲ ﻧﺸﻮﻓﻬﺎ ﺑﺎﻻﺧﺒﺎﺭ ...

ﻟﻜﻦ ﻣﺎ ﺗﻮﻗﻌﺖ ﻫﺎﻟﻤﺼﺎﻳﺐ ﺗﺠﻲ ﻋﻠﻴﻨﺎ ﺍﺣﻨﻪ ﺍﻟﻨﺴﻮﺍﻥ

ﺑﺎﻟﻠﻴﻞ ﻧﺎﻳﻤﻪ ﻓﺰﻳﺖ ﻋﻠﻰ ﺻﺮﻳﺦ ﺍﻡ ﻋﻤﺎﺩ ﻭﻫﻲ ﺍﺩﻛﻮﻝ ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ..

ﺍﻟﻠﻬﻢ ﺍﻧﻲ ﻻ ﺍﺳﺎﻟﻚ ﺭﺩ ﺍﻟﻘﻀﺎﺀ ﻭﻟﻜﻨﻲ ﺍﺳﺌﻠﻚ ﺍﻟﻠﻄﻒ ﻓﻴﻪ ..

ﻛﻌﺪﺕ ﻭﺭﺣﺖ ﻳﻤﻬﺎ ﺳﺄﻟﺘﻬﺎ ﺧﻴﺮ ﺷﺒﻴﺞ ...

ﺟﺎﻥ ﺍﺩﻛﻮﻝ ﺣﻠﻢ ﻣﻮﺯﻳﻦ ﻛﻌﺪﺕ ﻣﺮﻋﻮﺑﻪ ﺧﺎﻳﻔﻪ

ﻛﻠﺘﻠﻬﺎ ﻣﺎﻛﻮ ﺷﻲ ﺍﻥ ﺷﺎﺀ ﺍﻟﻠﻪ ﺳﻤﻲ ﺑﺎﻟﺮﺣﻤﻦ ﻭﺍﻗﺮﻱ ﻗﺮﺍﻥ

ﻻﻥ ﻫﺎﻱ ﻛﻮﺍﺑﻴﺲ ﺍﻧﺘﻲ ﺧﺎﻳﻔﻪ ...

ﻧﺎﻣﺖ ﺩﺍﺭﺕ ﻭﺟﻬﻪ ﻉ ﺍﻟﺼﻔﺤﻪ ﺍﻟﺜﺎﻧﻴﻪ ﻭﻛﺎﻟﺖ

ﺧﺎﻟﻪ ﺧﺎﻑ ﺍﻣﻮﺕ ﺩﻳﺮﻱ ﺑﺎﻟﺞ ﻋﻠﻰ ﻫﺎﻱ ﺍﻟﻴﺘﻴﻤﻪ ﻣﺤﺪ ﺍﻟﻬﺎ ﺑﺲ ﺍﻟﻠﻪ ﻭﺍﻧﻲ ...

.... ﺍﺳﻢ ﺍﻟﻠﻪ ﻋﻠﻴﺞ ﺧﺎﻟﻪ ﺑﻌﻴﺪ ﺍﻟﺸﺮ ... ﻻﺗﺨﺎﻓﻴﻦ ﻣﺎﻳﺼﻴﺮ ﻏﻴﺮ ﺑﺲ ﺍﻟﺨﻴﺮ ...

ﺭﺣﺖ ﻟﻤﻜﺎﻧﻲ ﻭﺍﻓﻜﺮ ﺑﻴﻨﻲ ﻭﺑﻴﻦ ﻧﻔﺴﻲ ... ﺍﻛﻮﻝ ﺍﺫﺍ ﻣﺎﺗﺖ ﻫﺎﻟﻤﺮﻩ ﺷﻠﻮﻥ ﺑﻬﺎﻱ ﺍﻻﺑﻨﻴﻪ ﻻ ﺷﻔﺘﻠﻬﺎ ﻋﻢ ﻭﻻ ﺧﺎﻝ ﻛﻮﻟﺸﻲ ﻣﺎﻛﻮ

ﺑﺲ ﻻ ﻳﺴﻮﻳﻬﺎ ﺍﻟﺤﻆ ﻭﺗﻤﻮﺕ ﻫﺎﻟﻌﺠﻮﺯ ﺷﻠﻮﻥ ﺍﺣﺘﺎﺭ ﺑﻬﺎﻱ

ﺍﻻﺑﻨﻴﻪ ﻭﺍﺫﺍ ﻃﻠﻌﻮﻟﻬﺎ ﺍﻗﺮﺑﺎﺀ ﻳﻄﺮﺩﻭﻧﻲ ﺑﺎﻟﺸﺎﺭﻉ ﺑﺲ ﻫﻢ ﺯﻳﻦ ﺑﻴﺖ ﺍﻡ ﺣﻤﻴﺪ ﻣﻮﺟﻮﺩ ﻭﺍﺳﻜﻦ ﺑﻲ ...

ﻣﺮ ﺷﻬﺮ ﺍﻭ ﺍﻗﻞ ﺍﻡ ﻋﻤﺎﺩ ﺑﻴﻮﻣﻬﺎ ﺑﺎﻟﺸﻐﻞ ... ﻓﺘﺤﺖ ﺍﻟﺘﻠﻔﺰﻳﻮﻥ

ﻗﺮﻳﺖ ﺧﺒﺮ ﻋﺎﺟﻞ ﺍﻧﻔﺠﺎﺭ ﺑﺎﻟﺸﻮﺭﺟﻪ ﺧﺪﻱ ﺣﻴﻞ ﺭﻛﺰﺕ ﺑﺎﻟﺼﻮﺭﻩ

ﺍﻻﻧﻔﺠﺎﺭ ﻗﺮﻳﺐ ﻋﻠﻰ ﻣﻜﺎﻥ ﺷﻐﻠﻨﺎ ..

ﻛﻌﺪﺕ ﺍﻓﺘﺮ ﺑﺎﻟﺒﻴﺖ ﺍﻛﻮﻝ ﺑﺲ ﻻ ﻣﺎﺗﺖ ﺍﻡ ﻋﻤﺎﺩ ﺑﺎﻻﻧﻔﺠﺎﺭ

ﺷﻠﻮﻥ ﺑﻴﻪ ﻭﻭﻳﻦ ﺍﻧﻄﻲ ﻭﺟﻬﻲ ﺑﺎﻻﺑﻨﻴﻪ ﻭﻳﻦ ﺍﺭﻭﺡ ...

ﻟﺒﺴﺖ ﻋﺒﺎﺗﻲ ﻭﺍﺧﺬﺕ ﺑﺘﻮﻝ ﻗﻔﻠﺖ ﺍﻟﺒﺎﺏ ﻭﺭﺣﺖ ﺍﺟﺮﺕ ﺗﻜﺴﻲ

ﻭﻟﻤﻜﺎﻥ ﺍﻻﻧﻔﺠﺎﺭ ....

ﺟﺎﻧﻮﺍ ﺳﺎﺩﻳﻦ ﺍﻟﻄﺮﻳﻖ ﺭﺣﺖ ﻣﻦ ﻃﺮﻳﻖ ﺛﺎﻧﻴﻪ ﻛﻮﻩ ﻓﺘﺖ ﺷﻔﺖ

ﻭﺣﺪﻩ ﻣﻦ ﺍﻟﺒﻨﺎﺕ ﻣﺼﻮﺑﻪ ﺗﻨﺰﻑ ﻭﺗﻠﻮﺝ ﺑﺮﻭﺣﻬﺎ ﺳﺎﻟﺘﻬﺎ

ﻋﻦ ﺍﻡ ﻋﻤﺎﺩ ﻛﺎﻟﺖ ﻣﺎ ﺍﺩﺭﻱ ...

ﺩﻭﺭﺕ ﺑﻜﻞ ﻣﻜﺎﻥ ﻣﺎﻛﻮ ﺍﻡ ﻋﻤﺎﺩ ﺳﺎﻟﺖ ﻛﻠﻮﻟﻲ ﺭﻭﺣﻲ ﻟﻠﻤﺴﺘﺸﻔﻰ ﻫﻮﺍﻱ ﻧﺎﺱ ﻣﺼﺎﺑﻴﻦ ﻭﺷﻬﺪﺍﺀ ﻧﻘﻠﻮﻫﻢ ...

ﺍﺟﺮﺕ ﺗﻜﺴﻲ ﻭﺭﺣﺖ ﻟﻠﻤﺴﺘﺸﻔﻰ ﻧﺎﺱ ﻣﺨﺒﻮﺻﻪ ﻛﻞ ﻭﺍﺣﺪ ﻳﺪﻭﺭ ﻋﻠﻰ ﺍﻫﻠﻪ ﻫﻮﺳﻪ ﻭﺻﻴﺎﺡ ﺍﻧﺸﺪﻫﺖ ﻭﻧﺴﻴﺖ ﻧﻔﺴﻲ

ﻛﻌﺪﺕ ﺍﺩﻭﺭ ﺑﻴﻦ ﺍﻟﻤﺼﺎﺑﻴﻦ ﺑﻴﻦ ﺍﻟﻨﺴﻮﺍﻥ ﻣﺎﻛﻮ ...

ﻓﺮﻳﺖ ﺍﻟﻄﻮﺍﺭﺉ ﺍﻛﺜﺮ ﻣﻦ ﻣﺮﻩ ﻣﺎﻛﻮ ... ﻣﺎﺑﻘﻰ

ﻏﻴﺮ ﺍﺭﻭﺡ ﻟﺜﻼﺟﺔ ﺍﻟﻤﻮﺗﻰ ...

ﺳﺎﻟﺖ ﻭﺍﺣﺪ ﺩﻻﻧﻲ ﻋﻠﻴﻬﺎ ﺭﺣﺖ ﺍﻣﺸﻲ ﺑﺴﺮﻋﻪ ﻭﺍﺩﻋﻲ ﺍﻟﻤﺮﻩ ﻣﺎ ﻣﻴﺘﻪ .... ﻣﻦ ﻭﺻﻠﺖ ﺷﻔﺖ ﻫﻮﺍﻱ ﻧﺎﺱ ﻣﺮﻋﻮﺑﻪ ﺗﺒﺠﻲ ﻭﺩﺍﻳﺨﻪ

ﺯﺍﺩ ﺧﻮﻓﻲ ﺷﻔﺖ ﻫﻮﺍﻱ ﺟﺜﺚ ﺷﻲ ﺑﺎﻟﻜﺎﻉ ﻭﺷﻲ ﻉ ﺍﻻﺳﺮﻩ

ﻛﻞ ﺍﻟﻲ ﺍﺳﺌﻠﻪ ﻣﻴﺠﺎﻭﺏ ﺑﺲ ﻭﺍﺣﺪ ﻛﻠﻲ ﻛﺸﻔﻲ ﺍﻟﻐﻄﻴﺎﺕ ﺑﻠﻜﻲ

ﺗﻠﻜﻴﻦ ﺍﻟﻲ ﻣﻀﻴﻌﺘﻬﻢ ...

ﻛﺸﻔﺖ ﺍﻭ ﺟﺜﻪ ﺟﺎﻥ ﻧﺺ ﻃﻔﻞ ﻣﻜﻄﻮﻡ ﺑﺎﻟﻨﺺ ﺍﻧﻬﺪ ﺣﻴﻠﻲ ﻋﻠﻰ ﺣﺴﺎﺑﻲ ﺑﻌﻤﺮ ﺟﻼﻝ ﺍﺑﻨﻲ ...

ﻏﻄﻴﺘﻪ ﻭﺑﺠﻴﺖ ﻭﺍﺻﻴﺢ ﻳﺎﺭﺑﻲ ﺩﺧﻴﻠﻚ ﻳﺎﺳﺎﻣﻊ ﺍﻟﺼﻮﺕ ﺩﺧﻴﻠﻚ

ﺟﺜﻪ ﻭﺭﻩ ﺟﺜﻪ ﻟﺤﺪ ﻣﺎ ﻟﻜﻴﺖ ﺍﻡ ﻋﻤﺎﺩ ﻣﻐﻄﺎﻳﻪ ﺑﻌﺒﺎﻳﺘﻬﺎ ﻭﺳﺎﺑﺤﻪ

ﺑﺪﻣﻬﺎ ....

ﻛﻌﺪﺕ ﻋﻠﻰ ﺣﻴﻠﻲ ﺑﺎﻟﻜﺎﻉ ﺍﺑﺠﻲ ﺩﻣﻮﻉ ﺩﻡ ﺍﺣﺎﺟﻴﻬﺎ ﺧﺎﻟﻪ ﻟﻴﺶ ﻋﻔﺘﻴﻨﻲ ....

ﻟﻴﺶ ﻋﻔﺘﻲ ﺑﺘﻮﻝ .... ﺑﺘﻮﻝ ﻓﻘﺪﺕ ﻣﻦ ﺍﻟﺒﺠﻲ ﻭﺍﻧﻲ ﺗﻴﻬﺖ ﺣﺎﻟﻲ

ﻣﺎ ﺍﻋﺮﻑ ﺷﺼﺮﻑ ....

ﺍﺧﺬﺕ ﺑﺘﻮﻝ ﻛﻮﻩ ﺭﻓﻌﺘﻬﺎ ﻋﻦ ﺍﻡ ﻋﻤﺎﺩ ﺭﺣﺖ ﻛﻤﻠﺖ ﺍﻻﺟﺮﺍﺀﺍﺕ

ﻭﺟﺒﺖ ﺗﺎﺑﻮﺕ ﻭﺍﺳﺘﻠﻤﺘﻬﺎ ....

ﻭﺑﻮﺟﻬﻲ ﻉ ﺍﻟﻨﺠﻒ ..... ﻻﻥ ﻻ ﺍﻋﺮﻓﻠﻬﺎ ﺍﻗﺮﺑﺎﺀ ﻭﻻ ﻫﻲ ﻛﺎﻟﺘﻠﻲ

ﺩﻓﻨﺘﻬﺎ ﺑﺎﻟﻠﻴﻞ ﻭﺭﺟﻌﺖ ﺍﻟﻔﺠﺮ ﻟﻠﺒﻴﺖ ﻧﻤﺖ ﻟﻠﻈﻬﺮ ﻛﻌﺪﺕ ﺍﺳﻤﻊ ﺻﻮﺕ ﺑﺠﻲ ﻭﺩﻣﻮﻉ ﻛﻤﺖ ﻋﻠﻰ ﺣﻴﻠﻲ ﺷﻔﺖ ﺑﺘﻮﻝ ﺣﺎﻃﻪ

ﻣﻼﺑﺲ ﺍﻡ ﻋﻤﺎﺩ ﻭﺗﺒﺠﻲ ﻛﺎﺑﻠﺘﻬﺎ ﻭﺑﺠﻴﺖ ﻣﺜﻠﻬﺎ ...

ﺍﺧﺬﺗﻠﻲ ﻧﺺ ﺳﺎﻋﻪ ﻃﺒﺨﺖ ﺍﻛﻞ ﻭﻭﺯﻋﺘﻪ ﻟﻠﺠﻴﺮﺍﻥ ﻣﻦ ﻋﺮﻓﻮﺍ ﺍﻡ ﻋﻤﺎﺩ ﻣﻴﺘﻪ ﺗﺒﺮﻋﻮﺍ ﻳﺴﻮﻭﻟﻬﺎ ﻓﺎﺗﺤﻪ ﻳﻮﻣﻴﻴﻦ

..

يتبع

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤