رواية طريقي نحو النار الجزء الثالث

رواية طريقي نحو النار الجزء الثالث 

للكاتبة 

ليلان حكمت 

.... 

رواية طريقي نحو النار الجزء الثالث

للكاتبة

ليلان حكمت

....

ﺍﻱ ﻳﺎﺍﻡ ﺣﺴﻴﻦ ﺟﻨﺘﻲ ﺑﻮﺣﺪﻩ ﺻﺮﺗﻲ ﺑﺎﺛﻨﻴﻦ ...

ﺍﻟﺤﻴﺎﺓ ﻛﺎﻧﺖ ﺻﻌﺒﻪ ﻭﺍﻟﻔﻠﺲ ﻣﻴﺠﻲ ﺍﻻ ﺑﻄﻠﻌﺎﻥ ﺍﻟﺮﻭﺡ

ﺻﺮﺕ ﻳﻮﻣﻴﻪ ﺍﺭﻭﺡ ﻭﺭﻩ ﺍﻟﻤﻄﻌﻢ ﺍﺧﺬ ﺍﻛﻞ ﺣﺎﻟﻲ

ﺣﺎﻝ ﺍﻟﺸﺤﺎﺗﻴﻦ ﻭﺍﻟﻜﻼﺏ ﻣﺮﺍﺕ ﺍﺣﺼﻞ ﺑﻄﻴﺨﻪ

ﻛﺎﻣﻠﻪ ﻭﻣﺮﺍﺕ ﺭﻛﻴﻪ ﻭﻣﺮﺍﺕ ﺧﺒﺰ ﺑﻲ ﻛﺒﺎﺏ ﺍﻱ ﺷﻲ ﺍﺣﺼﻠﻪ

ﺍﺧﺬﻩ ﻻﻥ ﺍﻧﻲ ﺍﺭﺿﻊ ﻭﺍﺣﺘﺎﺝ ﻟﻼﻛﻞ ...

ﺟﻨﺖ ﺍﺧﺬ ﺍﻟﻄﻔﻠﻪ ﻭﻳﺎﻱ ﻭﺍﺭﻭﺡ ﺍﺣﺼﻞ ﺍﻟﻲ ﺍﺣﺼﻠﻪ ﻭﺍﺭﺟﻊ

ﻭﻣﺮﺍﺕ ﺃﺍﻣﻨﻬﺎ ﻳﻢ ﻭﺣﺪﻩ ﻣﻦ ﺍﻟﻨﺴﻮﺍﻥ ﺍﺫﺍ ﻛﺎﻥ ﻋﻨﺪﻱ

ﺯﺑﻮﻥ ....

ﺟﻨﺖ ﺍﺭﻭﺡ ﻭﻳﻪ ﺍﻱ ﺯﺑﻮﻥ ﻣﻬﻤﺎ ﻛﺎﻥ ﺍﺭﻭﺡ ﺑﺎﻟﺴﺎﻋﺎﺕ

ﻭﺍﺭﺟﻊ ﺻﺢ ﺍﻗﺒﻞ ﺑﺎﻱ ﺳﻌﺮ ﻻﻥ ﻣﺎ ﺍﻋﺮﻑ ﺍﺗﻌﺎﻣﻞ

ﻛﻠﻪ ﺗﻌﺎﻣﻠﻲ ﻭﻳﺎﻫﻢ ﺑﺎﻟﺠﻨﺲ ﺍﻣﺎ ﺍﻟﻔﻠﻮﺱ

ﻛﺎﻥ ﻳﺘﻌﺎﻣﻞ ﺑﻴﻬﺎ ﻛﻔﺎﺡ ...

ﻛﺎﻥ ﺍﻟﻲ ﻳﺎﺧﺬﻧﻲ ﻳﺪﻓﻊ ﺩﻳﻨﺎﺭﻳﻦ ﻟﻮ ﺗﻼﺛﻪ ﻣﻴﺨﺎﻟﻒ ﺍﻟﻤﻬﻢ

ﺍﺣﺼﻞ ﻛﻢ ﻓﻠﺲ ... ﻳﻔﻴﺪﻭﻧﻲ

ﻛﻨﺖ ﺍﺿﻢ ﻓﻠﻮﺳﻲ ﺑﺎﻟﺨﺮﺍﺑﻪ ﺑﺎﻟﻬﻴﻜﻞ ﻻﻥ ﺍﺩﺭﻱ ﻣﺤﺪ ﻳﺪﻭﺭ

ﻭﻳﻔﺘﺶ ﻭﻛﻨﺖ ﺍﻃﻠﻊ ﻻﻣﺎﻛﻦ ﻣﺤﺪﻭﺩﻩ ﻻﻥ ﻣﺎ ﺍﻋﺮﻑ ﺍﺣﺪ

ﻭﺍﺧﺎﻑ ﺍﻫﻠﻲ ﻳﺸﻮﻓﻮﻥ ﻭﺍﻧﻲ ﺻﺨﻤﺖ ﻭﺟﻮﻫﻢ ...

ﻛﻨﺖ ﺍﺗﺮﺩﺩ ﻉ ﺍﻟﻜﺮﺍﺟﺎﺕ ﺍﻛﺜﺮ ﺷﻲ ﻉ ﺍﻟﺴﻮﺍﻕ

ﻻﻥ ﻫﻤﻪ ﺑﺴﺮﻋﻪ ﺍﻛﺪﺭ ﺍﺟﺮﻫﻢ ﺻﺢ ﻳﺸﻠﻌﻮﻥ ﺍﻟﻜﻠﺐ

ﺑﺲ ﺍﻟﻤﻬﻢ ﺍﺧﺬ ﺍﻟﻲ ﺍﺭﻳﺪﻩ ﻣﻨﻬﻢ ...

ﻣﺮ ﺳﻨﺘﻴﻦ ﻋﻠﻰ ﻭﺿﻌﻲ ﻻ ﺗﻘﺪﻡ ﻭﻻ ﺷﻲ ﺑﺎﻟﻌﻜﺲ ﺻﺎﺭ ﺍﺳﻮﺀ

ﻭﺍﺳﻮﺀ ﻭﺍﻻﺑﻨﻴﻪ ﺗﺤﺘﺎﺝ ﻣﻼﺑﺲ ﻭﺍﻛﻞ ﻛﻠﻤﺎ ﺗﻜﺒﺮ

ﻛﻌﺪﺕ ﺍﻓﻜﺮ ﺷﻠﻮﻥ ﺍﺻﻴﺪ ﺻﻴﺪﻩ ﻋﺪﻟﻪ ﻭﺑﻴﻬﺎ ﻓﺎﺋﺪﻩ

ﺟﻨﺖ ﺑﺎﻟﺒﺪﺍﻳﻪ ﺍﻓﻜﺮ ﺑﺼﻮﺭﻩ ﻋﺸﻮﺍﺋﻴﻪ ﺑﺲ

ﺑﻌﺪﻳﻦ ﺷﻔﺖ ﺷﻲ ﺧﻼﻧﻲ ﺍﻓﻜﺮ ﺻﺢ ﻭﺍﻟﻌﺒﻬﺎ ﺻﺢ

ﺭﺣﺖ ﻉ ﺍﻟﻤﻄﻌﻢ ﺣﺘﻰ ﺍﺟﻴﺐ ﺍﻛﻞ

ﻟﻜﻴﺖ ﻛﺪﺍﻣﻲ ﻧﺴﻮﺍﻥ ﺍﺛﻨﻴﻦ ﻛﺎﻋﺪﺍﺕ ﻳﺎﻛﻠﻦ

ﺭﺣﺖ ﺩﻭﺭﺕ ﻳﻤﻬﻢ ﺣﺼﻠﺖ ﺭﻛﻲ ﻭﺧﺒﺰ ﻃﻠﺒﺖ ﻣﻨﻬﻦ ﻣﻲ

ﺍﻧﻄﻮﻧﻲ ...

ﻛﻌﺪﺕ ﺷﻮﻳﻪ ﺑﺎﻟﻔﻲ ﻭﺟﻨﻪ ﺑﺤﻀﻨﻲ ﺳﻤﻌﺘﻬﻦ ﻳﺴﻮﻟﻔﻦ ﻋﻦ ﺍﻟﻤﻄﻌﻢ ﻭﺻﺎﺣﺒﻪ ﺍﺳﻤﻪ ﻋﺒﺪ ﺍﻟﺮﺣﻤﻦ ﻋﻨﺪﻩ ﻓﻠﻮﺱ

ﻭﻏﻨﻲ ﻭﻋﻨﺪﻩ ﻭﻟﺪ ﻭﺍﺣﺪ ﺍﺳﻤﻪ ﺻﺒﺎﺡ ...

ﺿﺎﺑﻂ ﺟﺒﻴﺮ ﺑﺎﻟﺪﻭﻟﻪ ....

ﻳﺠﻲ ﻛﻞ ﻓﺘﺮﻩ ﻟﻠﻤﻄﻌﻢ ﻳﻜﻮﻟﻦ ﺷﻜﻞ ﻭﺟﻤﺎﻝ ﻭﻫﻴﺒﻪ ...

ﻣﺎﻫﻤﻨﻲ ﻛﻼﻣﻬﻦ ﺍﻟﻲ ﻫﻤﻨﻲ ﺷﻠﻮﻥ

ﺍﺟﺮ ﺍﺑﻮ ﺍﻟﻤﻄﻌﻢ ﺧﺼﻮﺻﺎ ﻭﻫﻮ ﺷﺎﻳﺐ ﻭﺍﻧﻲ ﻋﻨﺪﻱ ﺧﺒﺮﻩ

ﺑﺎﻟﺘﻌﺎﻣﻞ ﻭﻳﺎﻫﻢ .... ﻭﺍﻋﺮﻑ ﺷﻨﻮ ﻳﺮﺩﻭﻥ ﻭﺷﻴﺤﺒﻮﻥ ﺑﺎﻟﻤﺮﻩ

ﺻﺮﺕ ﺍﺗﺮﺩﺩ ﻭﺍﺭﺍﻗﺐ ﺑﻨﺘﻲ ﺑﺤﻈﻨﻲ ﻭﻣﺮﺍﺕ ﺍﺩﺧﻞ ﻟﻠﻤﻄﻌﻢ

ﺑﺤﺠﺔ ﺍﺷﺮﺏ ﻣﻲ ﻟﻮ ﺟﻨﻪ ﺗﺮﻳﺪ ﻟﻠﺤﻤﺎﻡ ...

ﻭﺻﺮﺕ ﺍﺗﻮﺩﺩ ﻟﺼﺎﺣﺐ ﺍﻟﻤﻄﻌﻢ ﺟﺎﻥ ﺷﻜﻠﻪ ﺣﻠﻮ ﻭﻧﻈﻴﻒ

ﻭﻣﺮﺗﺐ ﻭﻣﺒﻴﻦ ﻋﻠﻴﻪ ﺍﻟﻌﺰ ﻭﺍﻟﺮﺍﺣﻪ ...

ﻳﻮﻡ ﺑﻌﺪ ﻳﻮﻡ ﺑﻌﺪ ﺷﻬﺮ ﺗﻘﺮﻳﺒﺎ ﺻﺎﺭ ﺍﻟﻲ ﺍﺭﻳﺪﻩ

ﺩﺧﻠﺖ ﻟﻠﻤﻄﻌﻢ ﺍﻏﺴﻞ ﻟﺠﻨﻪ ﻻﻥ ﺩﻣﺮﺕ ﻧﻔﺴﻬﺎ

ﻓﺄﺟﺎﻧﻲ ﻭﻟﺪ ﻳﺸﺘﻐﻞ ﺑﻮﻱ ﺑﺎﻟﻤﻄﻌﻢ ﻛﻠﻲ ﻳﺎﺑﻨﻴﻪ ﻣﻦ ﺗﺨﻠﺼﻴﻦ ﺍﺳﺘﺎﺩﻱ ﻳﺮﻳﺪﺝ ...

ﺍﻧﻲ ﻛﻤﻠﺖ ﻭﺭﺣﺖ ﻋﻠﻰ ﻣﻴﺰ ﺣﺠﻲ ﻋﺒﺪ ﺍﻟﺮﺣﻤﻦ ...

= ﺍﺣﻢ .. ﺧﻴﺮ ﺣﺠﻲ ﺩﺍﺯ ﻋﻠﻴﻪ ﻫﻴﺞ ﺍﻟﻮﻟﺪ ﻛﻠﻲ ...

= ﺍﺳﺘﺮﻳﺤﻲ ... ﻋﻼﺀ ﺟﻴﺐ ﻋﺼﻴﺮ ﺑﺮﺗﻘﺎﻝ ﻟﻠﺒﻨﻴﻪ ﺑﺴﺮﻋﻪ ..

= ﺧﻴﺮ ﺣﺠﻲ ﺭﺍﻳﺪﻧﻲ ﺑﺸﻲ ...

= ﺍﻱ ﺭﺍﻳﺪﺝ ﺑﺸﻲ ﺑﺲ ﻟﺘﺴﺘﻌﺠﻠﻴﻦ ﺍﻓﺘﻬﻤﺘﻲ .. ﺧﻴﺮ ﺍﻥ ﺷﺎﺀ ﺍﻟﻠﻪ

= ﺧﻴﺮ ﺍﻛﻴﺪ ... ﺟﺎﺑﻮﻟﻲ ﺍﻟﻌﺼﻴﺮ ﻭﺭﺍﺡ ﺍﻟﻮﻟﺪ ﻭﺗﻘﺮﻳﺒﺎ ﺍﻟﻤﻄﻌﻢ ﻓﺮﻍ

ﻭﺧﻠﺺ ﻣﻦ ﺍﻟﺰﺑﺎﺋﻦ ...

= ﺳﺄﻟﻨﻲ ﺷﺴﻤﺞ ﺍﻧﺘﻲ ...

= ﺗﺮﺩﺩﺕ ﺑﺎﺳﻤﻲ ﺑﺲ ﻛﺘﻠﻪ ﺍﺳﻤﻲ ﺳﺎﺟﺪﻩ ﻻﻥ ﺧﻔﺖ ﻳﻌﺮﻑ ﺍﺳﻤﻲ ﺍﻟﺤﻘﻴﻘﻲ ﻣﺎ ﺍﻋﺮﻑ ﻟﻴﺶ ...

= ﻋﺎﺷﺖ ﺍﻻﺳﺎﻣﻲ ﺣﻠﻮ ﺍﺳﻤﺞ ﻭﺷﻜﻠﺞ ..

= ﺍﺷﻜﺮﻙ ﺣﺠﻲ ﻛﻠﻚ ﺫﻭﻕ ..

= ﺍﻧﺘﻲ ﻣﺘﺰﻭﺟﻪ ..

= ﺍﺭﻣﻠﻪ ﺯﻭﺟﻲ ﺷﻬﻴﺪ ... ﻭﻋﻨﺪﻱ ﺑﺲ ﻫﺎﻻﺑﻨﻴﻪ

= ﻭﻳﻦ ﺳﺎﻛﻨﻪ ... ﺍﻧﺘﻲ ﺷﻠﻮﻥ ﺗﺼﺮﻓﻴﻦ ..

= ﺳﺎﻛﻨﻪ ﺑﺨﺮﺍﺑﻪ ﻭﺍﻫﻞ ﺭﺟﻠﻲ ﻃﺮﻭﺩﻧﻲ ﻭﺍﻧﻲ ﻳﺘﻴﻤﻪ ﺣﺘﻰ ﺍﻟﺮﺍﺗﺐ ﺍﺧﺬﻭﺍ ﻣﻨﻲ ...

= ﻫﺎﺍ ﻭﺍﻟﻲ ﻳﺴﻮﻳﻠﺞ ﺭﺍﺗﺐ ﻭﻳﺸﻮﻓﻠﺞ ﻣﻜﺎﻥ ﺗﺴﻜﻨﻴﻦ ﺑﻲ ﻭﺗﺮﺗﺎﺣﻴﻦ ﺍﻧﺘﻲ ﻭﺍﻟﺰﻏﻴﺮﻩ ...

= ﺍﻟﻠﻪ ﻭﺍﻳﺪﻙ ﺍﺻﻴﺮﻟﻪ ﺧﺎﺩﻣﻪ ﻃﻮﻝ ﻋﻤﺮﻱ ﻭﺷﻴﺮﻳﺪ ﺍﻧﻄﻲ ﺣﺘﻰ ﻟﻮ ﺭﻭﺣﻲ ..

= ﻻ ﻻ ﻣﻮ ﻟﻬﺎﻱ ﺍﻟﺪﺭﺟﻪ ﺑﺲ ﻣﺮﺍﺕ ﻣﻦ ﻳﺠﻴﺞ ﺿﺎﻳﺞ ﻭﺗﻌﺒﺎﻥ ﺗﺮﻳﺤﻴﻨﻪ ﻭﺍﺩﺍﺭﻱ ﻭﺗﺘﺤﻤﻠﻲ ﺣﺘﻰ ﻟﻮ ﻛﺎﻥ ﺟﺒﻴﺮ ﺑﺎﻟﻌﻤﺮ

= ﺻﺪﻭﻙ ﺟﺬﺏ ﺣﺠﻲ ﻣﻮ ﺑﺲ ﺍﺭﻳﺤﻪ ﺍﺧﻠﻲ ﺑﻌﻴﻮﻧﻲ .

...

ﺍﺗﻔﻘﺖ ﻭﻳﺎﻩ ﻋﻠﻰ ﻛﻮﻟﺸﻲ ﺍﻟﻔﻠﻮﺱ ﻭﺍﻟﺴﻜﻦ ﻭﻳﺪﺍﺭﻱ ﺑﻨﺘﻲ

ﻭﻳﻌﺘﺒﺮﻫﺎ ﻣﺜﻞ ﺑﻨﺘﻪ ...

ﺍﺧﺬﻧﻲ ﺛﺎﻧﻲ ﻳﻮﻡ ﻟﻠﺸﻘﻪ ﻣﺎﻟﺘﻪ ﺟﺒﻴﺮﻩ ﻭﺣﻠﻮﻩ ﺑﺸﺎﺭﻉ ﺣﻴﻔﺎ

ﻭﻣﺄﺛﺜﻪ ﻛﻠﻲ ﻫﺎﻟﺸﻘﻪ ﻣﺤﺪ ﻳﺪﺭﻱ ﺑﻴﻬﺎ ﺑﺲ ﺍﻧﻲ ﻭﺍﻧﺘﻲ ..

ﻃﻮﻝ ﻣﺎ ﺍﻧﺘﻲ ﻣﺮﻳﺤﺘﻨﻲ ﻫﻲ ﺍﻟﺞ ﻭﺍﺩﻟﻠﺞ ﺩﻻﻝ ﻣﻦ ﻛﻮﻟﺸﻲ

ﺻﺎﺭ ﻳﻮﻣﻴﻪ ﻳﺘﺮﺩﺩ ﻋﻠﻴﻪ ﺍﻟﻈﻬﺮ ﻳﺠﻲ ﻳﻤﻲ ﻳﺎﺧﺬ ﺭﺍﺣﺘﻪ

ﻭﺑﺎﻟﺨﻤﻴﺲ ﻳﺸﺮﺏ ﻭﺍﻧﻲ ﺍﺭﻛﺺ ﻣﻦ ﻧﺨﻠﺺ ﻧﺮﻭﺡ ﻉ ﺍﻟﻐﺮﻓﻪ

ﻋﺸﺖ ﺍﻳﺎﻡ ﻭﻧﺴﻪ ﻭﺭﺍﺣﻪ ﻭﺻﺮﺕ ﺍﻋﺮﻑ ﺍﺩﻕ ﺗﻔﺎﺻﻴﻞ ﺣﻴﺎﺗﻪ

ﺯﻭﺟﺘﻪ ﺑﻨﺎﺗﻪ ﻭﻟﺪﻩ ﻓﻠﻮﺳﻪ ﻛﺎﻥ ﻓﻘﻴﺮ ﻭﺑﺴﺮﻋﻪ ﻳﺘﻘﺸﻤﺮ

ﻣﺠﺮﺩ ﻣﺎ ﺍﻛﻮﻥ ﺑﺤﻀﻨﻪ ﺍﺧﺬ ﺍﻟﻲ ﺍﺭﻳﺪﻩ ﻣﻨﻪ ﻭﻳﻜﺖ ﻛﻞ ﺳﻮﺍﻟﻔﻪ

ﻣﺮﺍﺕ ﻣﻦ ﻧﻜﻮﻥ ﺑﺎﻟﺤﻤﺎﻡ ﺳﻮﻩ ﻳﺤﺠﻴﻠﻲ ﻋﻦ ﺍﺑﻨﻪ

ﻣﺘﻌﻠﻖ ﺑﻲ ﺣﻴﻞ ﻻﻥ ﻋﺰﻳﺰ ﻋﻨﺪﻩ ﺍﻋﺰ ﺣﺘﻰ ﻣﻦ ﺑﻨﺎﺗﻪ ﻭﻭﻟﺪﻩ ﺍﻟﺒﺎﻗﻴﻦ ...

ﻳﻜﻮﻝ ﻋﻠﻴﻪ ﺿﺎﺑﻂ ﻭﺣﻠﻮ ﻭﻛﺎﻥ ﺧﺎﻳﻒ ﻋﻠﻴﻪ ﻣﻦ ﺍﻟﺤﺮﺏ

ﻣﺮﻩ ﺷﻮﻓﻨﻲ ﺻﻮﺭﺗﻪ ﺻﺪﻭﻙ ﺣﻠﻮ ﺟﻤﺎﻝ ﻭﻫﻴﺒﻪ

ﺍﻟﻌﻴﻮﻥ ﺯﺭﻙ ﻭﺍﻟﺸﻌﺮ ﻧﺎﻋﻢ ﻭﺍﻟﺸﺎﺭﺏ ﻣﺮﺳﻮﻡ ﺭﺳﻢ ...

ﺍﻟﺤﺠﻲ ﻣﺮﺍﺕ ﻳﺠﻴﺐ ﺷﻐﻼﺕ ﻟﺒﻨﺘﻲ ﻣﻼﺑﺲ ﺍﻟﻌﺎﺏ

ﻭﺣﺘﻰ ﺫﻫﺐ ﻭﻣﺮﺍﺕ ﻳﺎﺧﺬﻧﻪ ﺳﻔﺮﺍﺕ ﻟﻠﺸﻤﺎﻝ ﻭﺍﻟﺒﺼﺮﻩ

ﻛﻠﻤﺎ ﺍﺩﺍﺭﻱ ﻛﺎﻥ ﻳﺪﺍﺭﻳﻨﻲ ....

ﻭﻛﻠﻤﺎ ﻳﻜﻠﻔﻨﻲ ﺑﺸﻐﻠﻪ ﺍﺧﻠﺼﻬﺎ ﺍﻟﻪ ﻭﺍﻛﻤﻠﻬﺎ ﻣﺎﻛﻨﺖ ﺍﺭﻳﺪ

ﺍﺧﺴﺮ ﻋﻼﻗﺘﻲ ﻻﻥ ﻫﻮ ﻛﺎﻥ ﻳﺼﺮﻑ ﻋﻠﻴﻪ ..

ﻣﻦ ﻳﺸﺮﺏ ﻳﺮﻳﺪﻧﻲ ﺍﺭﻛﺼﻠﻪ ﻭﺍﻏﻨﻲ ﺍﻧﻲ ﺟﻨﺖ ﺍﻛﻮﻝ

ﺳﻤﻌﺎ ﻭﻃﺎﻋﻪ ﻣﻮﻻﻱ .. ﺍﻧﻔﺬ ﺑﺪﻭﻥ ﻣﺎ ﺍﺗﺮﺩﺩ ...

ﻣﺮﻩ ﺍﺧﺬﻧﻲ ﻭﻳﺎﻩ ﻟﻤﺰﺭﻋﺘﻪ ﺑﺎﻟﺒﺼﺮﻩ ﻭﻋﺰﻡ ﺗﺠﺎﺭ ﻣﺜﻠﻪ

ﻭﻃﻠﺐ ﻣﻨﻲ ﺍﺣﻀﺮﻟﻬﻢ ﺍﻟﻜﻌﺪﻩ ﻭﺍﻟﻤﺸﺮﻭﺏ

ﻃﺒﻌﺎ ﻛﻠﻬﻢ ﻛﺎﻧﻮﺍ ﺗﺠﺎﺭ ﻭﻛﺒﺎﺭ ﺑﺎﻟﻌﻤﺮ ﻭﻣﻦ ﻳﺠﻮﻥ

ﺟﻴﻮﺑﻬﻢ ﻣﻠﻴﺎﻧﻪ ﺍﺑﻮ ﺍﻟﻌﺸﺮﻩ ﺳﻮﻳﺴﺮﻱ

ﻛﺎﻧﺖ ﻣﻬﻤﺘﻲ ﺍﻭﻧﺴﻬﻢ ﻭﺍﺧﻠﺺ ﺷﻐﻞ ﺍﻟﺤﺠﻲ ﺍﺭﻛﺼﻠﻬﻢ

ﻭﺍﻏﻨﻴﻠﻬﻢ ﻭﺍﺧﻠﻴﻬﻢ ﻳﻮﺍﻓﻘﻮﻥ ﻋﻠﻰ ﻃﻠﺒﺎﺕ ﺍﻟﺤﺠﻲ

ﻭﺍﻟﻤﻬﻤﻪ ﺍﻟﺜﺎﻧﻴﻪ ﺍﻓﺮﻍ ﺟﻴﻮﺑﻬﻢ ﺍﻟﻲ ...

ﻛﻠﻤﺎ ﻳﻨﺎﻡ ﻭﺍﺣﺪ ﺑﻴﻬﻢ ﺍﺭﻭﺡ ﻟﻠﺜﺎﻧﻲ ﻭﻫﻜﺬﺍ ﻟﺤﺪ ﻣﺎ ﺗﻔﺮﻍ ﺟﻴﻮﺑﻬﻢ

ﻭﺑﻌﺪ ﻟﻴﻠﺘﻴﻦ ﻧﺮﺟﻊ ﻟﺒﻐﺪﺍﺩ ...

ﻣﺮﺍﺕ ﻣﻦ ﻳﻐﻴﺐ ﺍﻟﺤﺠﻲ ﻋﻨﻲ ﺍﻳﺎﻡ ﺍﻃﻠﻊ ﺍﻓﺘﺮ ﺑﺸﻮﺍﺭﻉ ﺑﻐﺪﺍﺩ

ﺍﺗﻮﻧﺲ ﻭﻣﺮﺍﺕ ﺍﺧﺬ ﺑﻨﺘﻲ ﺍﻓﺘﺮ ﺑﻴﻬﺎ ﻭﺍﺷﺘﺮﻳﻠﻬﺎ ﻣﻼﺑﺲ ﻟﻮ

ﻟﻌﺎﺑﺎﺕ ....

ﻭﺑﻮﺣﺪﻩ ﻣﻦ ﺍﻟﻤﺮﺍﺕ ﺟﻨﺖ ﺍﻣﺸﻲ ﺑﺎﻟﺴﻮﻙ ﺷﻔﺖ ﻣﺎﻣﻨﺘﺒﻬﻪ

ﺍﻧﻀﺮﺑﺖ ﺑﻮﻟﺪ ﻭﻛﻌﺖ ﺑﺎﻟﻜﺎﻉ ﻫﻮ ﺳﺎﻋﺪﻧﻲ ﻛﻠﻲ ﺍﺳﻢ ﺍﻟﻠﻪ

ﺍﺳﻒ ﺍﺧﺘﻲ ﻣﺎﻣﻨﺘﺒﻬﻪ ﺍﻋﺘﺬﺭ ..

ﺭﻓﻌﺖ ﺭﺍﺳﻲ ﻭﻛﻮﻣﺖ ﺑﻨﺘﻲ ﻻﻥ ﺟﺎﻧﺖ ﺗﺒﺠﻲ ﻭﻛﺘﻠﻪ ﺷﺠﺎﻙ

ﻣﺘﺸﻮﻑ ﻫﺴﻪ ﺍﻧﻲ ﻣﻴﺨﺎﻟﻒ ﻟﻮ ﺻﺎﻳﺮ ﺑﻨﺘﻲ ﺷﻲ ﺷﻠﻮﻥ ﺑﺎﻟﻠﻪ

ﺑﺎﻭﻋﺘﻠﻪ ﺷﻔﺘﻪ ﺣﻠﻮ ﻭﻳﻤﻮﺕ ﺑﺎﻟﺠﻤﺎﻝ ...

ﺍﻧﺘﺒﻬﺖ ﻳﺎﺭﺑﻲ ﻫﺬﺍ ﻭﻳﻦ ﺷﺎﻳﻔﺘﻪ ﻭﻳﻦ ﻭﻳﻦ ﻣﺎ ﻛﺪﺭﺕ ﺍﺫﻛﺮ

ﻻﻥ ﺟﻨﻪ ﺧﺒﺼﺘﻨﺎ ﺑﺎﻟﺒﺠﻲ ..

ﻫﻮ ﻛﻠﻲ ﺗﻔﻀﻠﻲ ﻟﻬﺬﺍ ﺍﻟﻤﻄﻌﻢ ﺧﻠﻲ ﻧﻐﺴﻞ ﻟﻠﻄﻔﻠﻪ

ﻭﻫﻢ ﺍﻋﺰﻣﺞ ﻋﻠﻰ ﻏﺪﻩ ﻛﺎﻋﺘﺬﺍﺭ ﻣﻨﻲ ﺍﻟﺞ ...

ﻃﺒﻌﺎ ﺍﻧﻲ ﻭﺍﻓﻘﺖ ﻻﻥ ﺍﻟﻨﻔﺲ ﺍﻣﺎﺭﻩ ﺑﺎﻟﺴﻮﺀ

ﺩﺧﻠﺖ ﻭﻳﺎﻩ ﻟﻠﻤﻄﻌﻢ ﺍﻛﻠﻨﺎ ﻭﻏﺴﻠﻨﺎ

ﻛﻠﻲ ﺍﻧﺘﻲ ﺷﻜﻠﺞ ﺣﻠﻮ ﻭﻣﺒﻴﻨﻪ ﺑﺖ ﺧﻴﺮ

ﻣﺎ ﺟﺎﻭﺑﺘﻪ ﻫﻮ ﺍﻋﺘﺬﺭ ﻛﻠﻲ ﺍﺳﻒ ﺍﻧﻲ ﺍﺩﺧﻠﺖ ﺑﺨﺼﻮﺻﻴﺎﺗﺞ

ﻛﺘﻠﻪ ﻻ ...

ﺑﺲ ﺍﻧﻲ ﺯﻭﺟﺔ ﺿﺎﺑﻂ ﺷﻬﻴﺪ ﻭﻫﺎﻱ ﺑﻨﺘﻲ ﻣﺎﻋﻨﺪﻱ ﻏﻴﺮﻫﺎ

ﻛﻠﻲ ... ﻳﺎﻣﺤﺎﺳﻦ ﺍﻟﺼﺪﻑ ﺍﻧﻲ ﻫﻢ ﺿﺎﺑﻂ ...

ﻛﺘﻠﻪ .. ﻣﺎﺷﺎﺀ ﺍﻟﻠﻪ ...

ﺍﺧﺬﺗﻨﺎ ﺍﻟﺴﻮﺍﻟﻒ ﻭﺗﻌﺮﻑ ﻋﻠﻴﻪ ﻭﺗﻌﺮﻓﺖ ﻋﻠﻴﻪ ﻭﺍﻟﻲ ﻣﺎﻛﺎﻥ ﺑﺎﻟﺤﺴﺒﺎﻥ ﻃﻠﻊ ﺍﺑﻦ ﺍﻟﺤﺠﻲ ﻭﺍﺳﻤﻪ ﺻﻼﺡ ..

ﻓﺘﺤﺖ ﻋﻴﻮﻧﻲ ﻋﻠﻰ ﻛﺒﺮﻫﻢ ﻭﻭﺟﻬﻲ ﺻﺎﺭ ﺍﻟﻮﺍﻥ

ﻫﺬﺍ ﺍﺑﻦ ﺍﻟﺤﺠﻲ ﺍﻟﻲ ﻛﺎﻥ ﻳﺤﺒﻪ ﺍﻛﺜﺮ ﻣﻦ ﺭﻭﺣﻪ ﺷﻠﻮﻥ ﺻﺪﻓﻪ

ﻫﺎﻱ ﺷﻠﻮﻥ ﻋﺰﻩ ...

ﺍﺫﺍ ﻋﺮﻑ ﺍﻟﺤﺠﻲ ﻳﺬﺑﺤﻨﻲ ﻭﻳﺨﻠﺼﻨﻲ

ﻻﻥ ﻫﻮ ﻣﻴﻘﺒﻞ ﺍﺗﻌﺮﻑ ﻋﻠﻰ ﺍﻭﻻﺩﻩ ﻭﺑﻨﺎﺗﻪ ...

ﺍﻧﺘﺒﻪ ﻋﻠﻴﻪ ﻭﻛﻠﻲ ﺧﻴﺮ ﺧﻮ ﻣﺎﻛﻮ ﺷﻲ ﺷﻮﻳﻪ ﺻﻔﻨﺘﻲ

ﻛﺘﻠﻪ ﻻ ﻣﺎﻛﻮ ﺷﻲ ﺑﺲ ﺍﺗﺎﺧﺮﺕ ﻻﺯﻡ ﺍﺭﻭﺡ

ﻛﻠﻲ ﺑﺮﺍﺣﺘﺞ ﺑﺲ ﺍﻛﺪﺭ ﺍﺷﻮﻓﺞ ﻣﺮﻩ ﺛﺎﻧﻴﻪ

ﻛﺘﻠﻪ ﻟﻴﺶ ...

ﻛﻠﻲ ﻻ ﺑﺲ ﺍﺭﺗﺎﺣﻴﺘﻠﺞ ... ﺗﺠﻴﻦ ﺑﺎﺟﺮ ﺍﻧﻲ ﺩﺍﺋﻤﺎ ﺍﺗﻮﺍﺟﺪ ﺑﻨﻔﺲ

ﺍﻟﻤﻜﺎﻥ ﻫﻨﺎ ...

ﻓﻜﺮﺕ ﺑﺎﺟﺮ ﻳﺠﻲ ﺍﻟﺤﺠﻲ .. ﻛﺘﻠﻪ ﻻ ﻣﺎ ﺍﻛﺪﺭ ﺧﻠﻴﻬﺎ ﻋﻠﻰ ﻋﻜﺐ ﺑﺎﺟﺮ ...

ﻛﻠﻲ ﻣﻴﺨﺎﻟﻒ ﺍﻧﺘﻈﺮﺝ ....

ﺭﺣﺖ ﺭﺟﻌﺖ ﻟﻠﺸﻘﻪ ﻭﺍﻧﻲ ﺍﻓﻜﺮ ﻫﺎﻱ ﺷﻠﻮﻥ ﺻﺪﻓﻪ

ﺷﻠﻮﻥ ﺩﻧﻴﺎ ﺍﻟﻲ ﺧﻠﺘﻨﻲ ﺍﺗﻌﺮﻑ ﻋﻠﻰ ﺍﺑﻦ ﺍﻟﺤﺠﻲ

ﺑﻘﻴﺖ ﺍﻧﺘﻈﺮ ﻭﺍﻋﺪ ﺍﻟﺴﺎﻋﺎﺕ ﺣﺘﻰ ﺍﻟﺘﻘﻲ ﺑﻲ

ﻻﻥ ﺣﺴﻴﺖ ﺑﻨﻔﺴﻲ ﺍﺭﺗﺎﺣﻴﺘﻠﻪ ....

ﺷﻐﻞ ﺗﻔﻜﻴﺮﻱ ﻭﺣﺘﻰ ﺍﻟﺤﺠﻲ ﺍﻧﺘﺒﻪ ﻋﻠﻴﻪ ﻭﻛﻠﻲ

ﺷﺒﻴﺞ ﺷﻮ ﺻﺎﻓﻨﻪ ..

ﻛﺘﻠﻪ ﻣﺎﻛﻮ ﺷﻲ ﺑﺲ ﺷﻮﻳﻪ ﺿﺎﻳﺠﻪ ...

ﻛﻠﻲ ﻭﻻ ﻳﻬﻤﺞ ﺑﺎﺟﺮ ﻧﺮﻭﺡ ﻟﺴﻠﻴﻤﺎﻧﻴﻪ ﻭﺍﻭﻧﺴﺢ ﺍﺣﻠﻰ ﻭﻧﺴﻪ

ﺻﻔﻨﺖ ﻭﺧﻔﺖ ﻻﻥ ﻫﺎﻱ ﺍﻟﻲ ﺟﻨﺖ ﻣﺎ ﻣﺤﺴﺒﺘﻠﻬﺎ ﺣﺴﺎﺏ

ﺣﺎﻭﻟﺖ ﺑﻜﻞ ﻃﺮﻳﻘﻪ ﻣﺎ ﺍﺭﻭﺡ ﻣﺎ ﻛﺪﺭﺕ ﺑﻘﻪ ﺍﻟﺤﺠﻲ ﻣﺼﺮ ﻋﻠﻰ

ﻗﺮﺍﺭﻩ ....

ﺭﺣﻨﺎ ﺛﺎﻧﻲ ﻟﺴﻠﻴﻤﺎﻧﻴﻪ ﻭﺑﻘﻴﻨﺎ ﺍﺳﺒﻮﻉ ﺑﺲ ﺣﺎﺳﻪ ﺑﺸﻲ

ﺻﺢ ﺍﺗﻮﻧﺴﺖ ﻭﺍﺭﺗﺎﺣﻴﻴﺖ ﺑﺲ ﺑﻘﻴﺖ ﻣﺸﻐﻮﻟﻪ ﺑﺼﻼﺡ

ﻭﺍﺗﻤﻨﻰ ﺍﺭﺟﻊ ﻭﺍﺭﻭﺡ ﻟﻨﻔﺲ ﺍﻟﻤﻄﻌﻢ ﻭﺍﺷﻮﻓﻪ ...

ﻣﻦ ﺭﺟﻌﻨﺎ ﻧﻔﺴﻲ ﺻﺎﺭﺕ ﻣﻠﻬﻮﻓﻪ .. ﺍﻧﺘﻈﺮﺕ ﺍﻟﺤﺠﻲ

ﻳﺮﻭﺡ ﻭﺍﻧﻲ ﻃﻠﻌﺖ ﻭﺭﺍﻩ ...

ﺍﺧﺬﺕ ﺟﻨﻪ ﻭﺭﺣﺖ ﻟﻠﻤﻄﻌﻢ ﺑﻘﻴﺖ ﻣﻨﺘﻈﺮﻩ ﺍﻛﺜﺮ ﻣﻦ ﺳﺎﻋﺘﻴﻦ

ﻣﺎﻛﻮ ﺍﻟﻪ ﺍﻱ ﺍﺛﺮ ...

ﻳﻮﻡ ﺑﻌﺪ ﻳﻮﻡ ﻣﺎﻛﻮ ﻻﺣﺲ ﻭﻻ ﻧﻔﺲ ﺍﻟﻪ

...

ﺻﺮﺕ ﻳﻮﻣﻴﻪ ﺍﺭﻭﺡ ﻟﻨﻔﺲ ﺍﻟﻤﻜﺎﻥ ﺍﺩﻭﺭ ﻋﻠﻰ ﺻﻼﺡ

ﻭﻣﺎﻛﻮ ﺧﺒﺮ ﻣﻨﻪ ﻭﻻ ﺷﻔﺘﻪ ﻓﻜﺮﺕ ﺍﺳﺌﻞ ﻋﻨﻪ

ﺻﺎﺣﺐ ﺍﻟﻤﻄﻌﻢ ...

ﺳﺄﻟﺘﻪ ﻛﻠﻲ ﺍﺟﻪ ﻳﻮﻣﻴﻦ ﻟﻬﻨﺎ ﻭﺑﻌﺪﻫﺎ ﺍﻟﺘﺤﻖ ﻻﻥ ﻋﻨﺪﻩ ﺍﻧﺬﺍﺭ

ﻭﺍﺣﺘﻤﺎﻝ ﻳﺘﺎﺧﺮ ﺑﺎﻟﻨﺰﻭﻝ ...

ﺍﺭﺗﺎﺣﻴﻴﺖ ﻣﻦ ﺳﻤﻌﺖ ﻫﺎﻻﺧﺒﺎﺭ ...

ﻭﻛﻠﺖ ﻛﻞ ﻳﻮﻣﻴﻦ ﺗﻼﺛﻪ ﺍﺟﺮﺟﺮ ﺍﻟﺤﺠﻲ ﺑﺎﻟﻜﻼﻡ ﻭﺍﻋﺮﻑ

ﻣﻨﻪ ﺍﺧﺒﺎﺭ ﺻﻼﺡ ...

ﺍﻳﺎﻣﻲ ﻭﻳﻪ ﻋﺒﺪ ﺍﻟﺮﺣﻤﻦ ﺻﺎﺭﺕ ﻣﻤﻠﻪ ﻛﺌﻴﺒﻪ ﺧﺼﻮﺻﺎ

ﻣﻦ ﺗﻌﻠﻘﺖ ﺑﺼﻼﺡ ...

ﺻﺮﺕ ﺟﺜﻪ ﺑﻴﻦ ﺍﻳﺪﻳﻦ ﺍﻟﺤﺠﻲ ﺑﺲ ﻫﻮ ﻣﻤﻨﺘﺒﻪ ﻭﻛﻞ ﻣﺮﻩ

ﺍﺳﺌﻠﻪ ﻋﻦ ﺍﺑﻨﻪ ﻳﻜﻮﻟﻲ ﻣﺎﻧﺰﻝ ﺑﺲ ﻳﺪﺯ ﺑﺮﻗﻴﺎﺕ

ﻳﻄﻤﻨﻪ ﺑﻴﻬﺎ ..

ﻃﻠﺐ ﻣﻨﻲ ﺍﻟﺤﺠﻲ ﺍﺭﻭﺡ ﻭﻳﺎﻩ ﻟﺪﻳﺎﻟﻰ ﻋﻨﺪﻩ ﻣﺰﺭﻋﻪ ﻫﻨﺎﻙ

ﻭﺑﻴﻬﺎ ﺑﻴﺖ ﻋﺎﺯﻡ ﻣﺠﻤﻮﻋﻪ ﻣﻦ ﺍﻟﻤﻼﻛﻴﻦ ﻳﺮﻳﺪ ﻳﺴﺘﺤﻮﺫ

ﻋﻠﻰ ﺍﺭﺍﺿﻴﻬﻢ ﻭﻳﻄﻠﻌﻬﻢ ﻓﺎﺷﻮﺵ ...

ﻭﻃﺒﻌﺎ ﺑﻤﺴﺎﻋﺪﺗﻲ ... ﻟﻴﻼﻥ ﺣﻜﻤﺖ ... ﺷﺮﻃﺖ ﻋﻠﻴﻪ ﻣﻘﺎﺑﻞ ﺍﺭﻭﺡ ﻭﺍﺧﻠﺼﻠﻪ ﺍﻟﺸﻐﻞ ﻳﺸﺘﺮﻳﻠﻲ ﺳﻴﺎﺭﻩ ﻭﻳﻨﻄﻴﻨﻲ ﻋﺸﺮ ﺗﺎﻻﻑ ﺩﻳﻨﺎﺭ ﻋﺮﺍﻗﻲ

ﻭﻃﺒﻌﺎ ﺳﻨﺔ ٨٥ ﻳﻌﺘﺒﺮ ﻫﺎﻟﻤﺒﻠﻎ ﺛﺮﻭﻩ ﺑﺎﻟﻨﺴﺒﻪ ﺍﻟﻲ

ﺍﻟﺤﺠﻲ ﻭﺍﻓﻖ ﺍﺷﺘﺮﺍﻟﻲ ﺳﻮﺑﺮ ﺣﻤﺮﻩ ﺍﺧﺮ ﻣﻮﺩﻳﻞ ﻭﺍﻧﻄﺎﻧﻲ

ﺍﻟﻔﻠﻮﺱ ﻭﺣﺪﺩﻧﺎ ﻳﻮﻡ ﺍﻟﺴﻔﺮ ﻟﺪﻳﺎﻟﻰ ..

ﺟﻬﺰﺕ ﻣﻼﺑﺴﻲ ﻭﻣﻼﺑﺲ ﺟﻨﻪ ﺑﺠﻨﻄﻪ ﻭﻣﻼﺑﺲ ﺍﻟﺸﻐﻞ

ﻻﻥ ﺍﻟﺤﺠﻲ ﻛﻠﻲ ﺍﺭﻳﺪﺝ ﺗﻄﻠﻌﻴﻦ ﺑﻨﺘﻴﺠﻪ ﻭﻳﺎﻫﻢ

ﻭﻃﺒﻌﺎ ﻫﻤﻪ ﻣﻮ ﺳﻬﻠﻴﻦ ﻭﺍﻛﻴﺪ ﻣﺎﺭﻩ ﻋﻠﻴﻬﻢ ﻧﺴﻮﺍﻥ ﺍﺷﻜﺎﻝ

ﻭﺍﻟﻮﺍﻥ ...

ﺍﺷﺘﺮﻳﺖ ﻣﻼﺑﺲ ﻣﺜﻴﺮﻩ ﻭﻋﻄﻮﺭ ﻣﺎﺭﻛﻪ ﻣﻦ ﺍﻟﻜﺮﺍﺩﻩ

ﻭﺍﺷﺘﺮﻳﺖ ﻣﻜﻴﺎﺝ ﻭﺻﺒﻐﺖ ﺷﻌﺮﻱ ..

ﺍﺧﺬﺗﻨﻲ ﺳﻴﺎﺭﻩ ﺍﻧﻲ ﻭﺍﻟﺤﺠﻲ ﻭﺑﻨﺘﻲ ﻟﺤﺪ ﺍﻟﻤﺰﺭﻋﻪ

ﺗﻠﻜﺘﻨﺎ ﻣﺮﻩ ﻋﺠﻮﺯ ﺟﺎﻧﺖ ﻋﺎﻳﺸﻪ ﺑﺎﻟﻤﺰﺭﻋﻪ ﺻﺎﺣﻠﻬﺎ

ﺍﻟﺤﺠﻲ ﻣﻴﺮﻳﻪ ... ﺧﻠﻲ ﺗﺤﺮﻳﺮ ﺗﺎﺧﺬ ﺍﻟﻄﻔﻞ ﻳﻤﻜﻢ ﺑﺎﻟﺒﻴﺖ

ﻭﺍﻧﺘﻲ ﻣﻦ ﺗﺨﻠﺼﻴﻦ ﻃﺒﺦ ﻭﺗﻨﻈﻴﻒ ﻫﻢ ﺭﻭﺣﻲ ...

ﻟﻠﻴﻞ ﺍﻟﺒﻴﺖ ﻓﺮﻍ ﺗﻘﺮﻳﺒﺎ ﻭﺑﻘﻴﻨﺎ ﺑﺲ ﺍﻧﻲ ﻭﺍﻟﺤﺠﻲ

ﺍﺟﻮ ﺟﻤﺎﻋﺘﻪ ﻛﺎﻥ ﻣﻦ ﺿﻤﻨﻬﻢ ﻭﺍﺣﺪ ﺟﺒﻴﺮ ﺑﺎﻟﺪﻭﻟﻪ

ﺩﺧﻠﻮﺍ ﺣﻀﺮﺗﻠﻬﻢ ﺍﻟﻤﺸﺮﻭﺏ ﻭﺍﻟﻌﺸﻰ ... ﺗﻌﺸﻮﺍ ﻭﻛﻤﻠﻮﺍ

ﻭﺻﺎﺭﻭﺍ ﻣﺜﻞ ﺍﺍﻟﻄﻠﻴﺎﻥ ﻭﺍﻧﻲ ﺻﺮﺕ ﺍﺗﻨﻘﻞ ﺑﻴﻨﺎﺗﻬﻢ ﺍﺿﺤﻚ

ﻟﻬﺬﺍ ﻭﺍﻏﻤﺰ ﻟﺬﺍﻙ ﻭﺍﺑﻮﺱ ﻫﺬﺍ ...

ﺍﺷﺮﻟﻲ ﻋﺒﺪ ﺍﻟﺮﺣﻤﻦ ﺑﻤﻌﻨﻰ ﺍﺧﺬﻳﻬﻢ ﻟﻠﻐﺮﻓﻪ ..

ﺍﺧﺬﺗﻬﻢ ﺗﻼﺛﺘﻬﻢ ﻟﻠﻐﺮﻓﻪ ﺟﺮﻳﺘﻬﻢ ﻭﻃﺒﻌﺎ ﺗﻼﺛﻪ ﻋﻠﻰ ﻭﺣﺪﻩ

ﺣﺮﺍﻡ ﻻﺯﻡ ﺍﺗﺼﺮﻑ ﻭﺍﺧﻠﺺ ﻧﻔﺴﻲ ﺑﺎﻗﻞ ﺍﻻﺿﺮﺍﺭ

ﻭﺍﻗﻞ ﻣﺠﻬﻮﺩ .....

ﺑﺪﻳﺖ ﺍﺩﻭﺧﻬﻢ ﺑﺎﻟﺮﻛﺺ ﻭﺍﻟﻀﺤﻚ ﻭﺍﻟﺸﻘﻰ ﻭﺍﺣﺪ ﺗﻤﻜﻨﺖ ﻣﻨﻪ

ﻭﺍﺛﻨﻴﻦ ﻣﺎ ﻛﺪﺭﺗﻠﻬﻢ ... ﺻﺮﺕ ﺑﻴﻦ ﺍﻳﺪﻳﻬﻢ ﺣﻮﺍﻟﻲ ﺳﺎﻋﻪ ﻛﺎﻣﻠﻪ

ﻣﻦ ﻭﺍﺣﺪ ﻟﻮﺍﺣﺪ ﻟﺤﺪ ﻣﺎ ﺗﺎﺫﻳﺖ ﻭﺻﻠﺖ ﻟﻠﺜﺎﻟﺚ ﺭﺩﺕ ﺍﻃﻠﻊ

ﺟﺮﻧﻲ ﻟﻠﺠﺮﺑﺎﻳﻪ ﻭﺻﺎﺭ ﻓﻮﻛﺎﻱ ﻭﺻﻔﻦ ﺑﻮﺟﻬﻲ ﻭﺑﺪﻩ ﻳﺴﺎﻟﻨﻲ

ﻋﻦ ﺣﻴﺎﺗﻲ ...

ﺑﺎﻭﻋﺘﻠﻪ ﻭﻓﺮﻳﺖ ﺣﻠﻜﻲ ﻳﻤﻨﻪ ﻭﻳﺴﺮﻩ ﻭﻛﺘﻠﻪ ﻳﺎﺣﻈﻲ ﺍﻧﺖ

ﺟﺎﻱ ﺗﺘﻮﻧﺲ ﻟﻮ ﺗﻌﺮﻑ ﻗﺼﺔ ﺣﻴﺎﺗﻲ ﻓﻀﻬﺎ ﻭﺧﻠﺼﻨﻲ ...

ﻛﻤﻠﺖ ﺍﻟﻠﻴﻠﻪ ﺑﺲ ﺍﻧﻲ ﺗﻌﺒﺎﻧﻪ ﺣﻴﻞ ﻭﻫﻠﻜﺎﻧﻪ

ﺑﻌﺪ ﻣﺎ ﺭﺍﺣﻮﺍ ﺫﺑﻴﺖ ﺭﻭﺣﻲ ﻣﺜﻞ ﺍﻟﻤﻴﺘﻪ

ﻛﻌﺪﺕ ﺍﻟﻈﻬﺮ ﺍﻟﺤﺠﻲ ﺻﺎﺣﻨﻲ ﺭﺣﺖ ﻋﻠﻴﻪ

ﻛﻠﻲ ﻋﻔﻴﻪ ﻋﻠﻴﺞ ﻃﻠﻌﺘﻲ ﺳﺒﺎﻋﻴﻪ ....

ﺍﺳﺘﻤﺮﺕ ﺍﻟﻜﻌﺪﺍﺕ ﻭﺍﻟﺴﻬﺮﺍﺕ ﻭﺍﻟﻮﻧﺴﻪ ﻭﻭﺻﻠﺖ ﺳﺖ ﻣﺮﺍﺕ

ﺏ ﻟﻴﻠﻪ ﻭﺣﺪﻩ

ﻣﻠﻴﺖ ﺍﻟﺸﻐﻞ ﻭﻳﻪ ﺍﻟﺤﺠﻲ ﻭﺑﺪﻳﺖ ﺍﺗﻌﺎﺭﻙ ﻭﻳﺎﻩ ﻋﻠﻰ

ﺍﺗﻔﻪ ﺍﻻﺳﺒﺎﺏ ..

ﻟﺤﺪ ﻣﺎ ﻣﻞ ﻣﻨﻲ ﻭﺗﻌﺎﺭﻛﺖ ﻭﻳﺎﻩ ﻟﺰﻣﻨﻲ ﺿﺮﺑﻨﻲ

ﺍﻧﻲ ﻫﻢ ﺿﺮﺑﺘﻪ ﺑﺎﻟﻨﻌﺎﻝ ﻭﺗﻔﻠﺖ ﻋﻠﻴﻪ ...

ﻃﺮﺩﻧﻲ ﻣﻦ ﺍﻟﺸﻘﻪ ﺍﺧﺬﺕ ﻣﻼﺑﺴﻲ

ﻭﻣﻼﺑﺲ ﺑﻨﺘﻲ ﻭﻓﻠﻮﺳﻲ ﻭﻋﻔﺖ ﺍﻟﺸﻘﻪ ﻭﻃﻠﻌﺖ

...

ﺍﺟﺮﺕ ﺷﻘﻪ ﻗﺮﻳﺒﻪ ﻉ ﺍﻟﻤﻄﻌﻢ ﺍﻟﻲ ﻳﺠﻲ ﻋﻠﻴﻪ ﺻﻼﺡ

ﻭﺍﺛﺜﺘﻬﺎ ﻭﺻﺮﺕ ﻳﻮﻣﻴﻪ ﺍﻃﻠﻊ ﺍﺭﻭﺡ ﻟﻨﻔﺲ ﺍﻟﻤﻄﻌﻢ

ﻋﺴﻰ ﻭﻟﻌﻞ ﺍﺷﻮﻓﻪ ...

ﺍﻟﺼﺮﺍﺣﻪ ﻫﻮ ﻋﺠﺒﻨﻲ ﻭﺩﺧﻞ ﻋﻘﻠﻲ ﻭﺻﺮﺕ ﻣﺠﻨﻮﻧﻪ ﺑﻲ

ﺑﺲ ﺍﻟﺤﻆ ﻣﺠﺎﻱ ﻳﻌﺜﺮﻧﻲ ﺑﻲ ...

ﻣﻦ ﻛﺪ ﻣﺎ ﺭﺍﻗﺒﺖ ﻭﺻﻠﺖ ﻟﺤﺪ ﺍﻟﻤﻠﻞ ﻭﺍﻟﻴﺎﺱ

ﻭﻗﺮﺭﺕ ﺑﻌﺪ ﻣﺎ ﺍﺩﻭﺭ ﻋﻠﻴﻪ ﻭﺍﺷﻮﻓﻠﻲ ﻭﺍﺣﺪ

ﺻﻴﺪﻩ ﻏﻴﺮﻩ ﺣﺘﻰ ﺍﻗﻔﺺ ﻋﻠﻴﻪ ﻻﻥ ﺍﻟﻔﻠﻮﺱ ﺍﻟﻌﻨﺪﻱ

ﺍﻭﻟﻬﺎ ﻭﺗﺎﻟﻴﻬﺎ ﺗﺨﻠﺺ ...

ﻓﺪ ﻳﻮﻡ ﺟﻨﺖ ﻃﺎﻟﻌﻪ ﺍﻓﺘﺮ ﺑﺎﻟﺴﻮﻙ ﺑﺰﻳﻮﻧﻪ ﻋﻠﻰ ﻣﺤﻼﺕ ﺍﻟﻤﻼﺑﺲ

ﺷﻔﺖ ﻭﻟﺪ ﺣﻠﻮ ﺍﻧﺘﺒﻬﺖ ﻋﻠﻴﻪ ﻫﺬﺍ ﺻﻼﺡ ﺟﺎﻥ ﻳﺘﻤﺸﻰ

ﺑﺪﻳﺖ ﺍﻓﻜﺮ ﺑﺼﻮﺭﻩ ﺳﺮﻳﻌﻪ ﺷﻠﻮﻥ ﺍﻟﻔﺖ ﺍﻧﺘﺒﺎﻫﻪ

ﻣﺎ ﻛﻮ ﻏﻴﺮ ﺍﺭﻭﺡ ﻋﻠﻰ ﺍﻟﻤﺤﻞ ﺍﻟﻲ ﻭﺍﻛﻒ ﻳﻤﻪ ﻭﺍﻟﻔﺖ ﺍﻧﺘﺒﺎﻫﻪ

ﺑﺎﻱ ﻃﺮﻳﻘﻪ ... ﻟﻴﻼﻥ ﺣﻜﻤﺖ ...

ﺟﺎﻥ ﻭﺍﻛﻒ ﻳﻌﺎﻣﻞ ﻋﻠﻰ ﺳﺎﻋﻪ ﺭﺟﺎﻟﻴﻪ ﺣﻠﻮﻩ

ﻭﻛﻔﺖ ﻭﻋﺎﻣﻠﺖ ﻋﻠﻰ ﺳﺎﻋﻪ ﻧﺴﺎﺋﻴﻪ

ﺍﻧﺘﺒﻪ ﻋﻠﻴﻪ ﻛﻠﻲ ﺍﻧﺖ ﻣﻮ ﺍﻻﺑﻨﻴﻪ ﺍﻻﺭﻣﻠﻪ ﻭﻫﺎﻱ ﺑﻨﺘﺞ ﺟﻨﻪ ..

ﻛﺘﻠﻪ ﺍﻱ ﺻﺤﻴﺢ ... ﺑﺲ ﻣﺎ ﺍﺫﻛﺮ ﺣﻀﺮﺗﻚ ...

ﺟﺎﻥ ﻳﻜﻮﻝ ﻫﺎﻱ ﺷﺒﻴﺞ ﺍﻧﻲ ﺻﻼﺡ ﻭﺑﺪﻩ ﻳﻌﻴﺪ ﻋﻠﻴﻪ

ﺍﻟﻴﻮﻡ ﺍﻟﻲ ﺍﻟﺘﻘﻴﻨﺎ ﺑﻲ ...

ﺿﺤﻜﺖ ﻭﺳﻮﻳﺖ ﻧﻔﺴﻲ ﻣﺎ ﺍﺗﺬﻛﺮ ﻭﺍﺳﺘﻤﺮ ﺍﻟﺤﺪﻳﺚ ﺑﻴﻨﺎﺗﻨﺎ

ﻭﻋﺰﻣﻨﻲ ﻋﻠﻰ ﻋﺼﻴﺮ ﺑﻜﺎﻓﺘﺮﻳﺎ ﻋﻠﻰ ﻧﻬﺮ ﺩﺟﻠﻪ ...

ﺑﻘﻴﻨﺎ ﻧﺴﻮﻟﻒ ﻫﻮﺍﻱ ﻭﺗﻌﺮﻓﻨﺎ ﻋﻠﻰ ﺑﻌﺾ ﻭﻛﻠﻤﺎ ﻳﺬﻛﺮ ﺍﺳﻢ ﺍﺑﻮﻩ

ﺍﺭﺗﺒﻚ ﺑﺲ ﻫﻮ ﻣﺠﺎﻥ ﻳﻨﺘﺒﻪ ..

ﻛﺎﻥ ﻣﺠﺎﺯ ﻻﻥ ﻣﺼﻮﺏ ﺑﺎﻟﺤﺮﺏ ﺻﺮﻧﺎ ﻧﻠﺘﻘﻲ ﻳﻮﻣﻴﻪ

ﺗﻘﺮﻳﺒﺎ ﺛﺨﻨﺖ ﻋﻼﻗﺘﻨﺎ ﻭﻃﻠﺐ ﻣﻨﻲ ﻧﻠﺘﻘﻲ ﺑﺎﻱ ﻣﻜﺎﻥ

ﺑﺎﻟﺒﺪﺍﻳﻪ ﺑﻌﺚ ﺛﻜﻞ ﻭﻛﻠﺖ ﺧﻠﻲ ﺍﺧﻠﻲ ﺣﺠﺎﺭﺍﺕ ﺑﺤﻀﻨﻲ

ﻭﺍﺛﻜﻞ ﻭﺍﺧﻠﻲ ﻫﻮ ﻳﺘﻮﺳﻞ ﻻﻥ ﻣﺒﻴﻦ ﻋﻠﻴﻪ

ﻭﺍﻛﻊ ﻣﺜﻞ ﺍﻟﻤﻴﺖ ...

ﺗﺮﺩﺩﺕ ﻭﻛﺘﻠﻪ ﺍﺣﺘﻤﺎﻝ ﺍﻫﻠﻲ ﻳﻜﺸﻔﻮﻧﻲ ﻭﻳﻘﺘﻠﻮﻧﻲ ﺧﻼﺹ

ﻃﺒﻌﺎ ﺍﻟﻐﺒﻲ ﺻﺪﻙ ﻭﻛﻠﻲ ﻭﻳﻦ ﺗﺤﺒﻴﻦ ﻧﻠﺘﻘﻲ ...

ﻛﺘﻠﻪ ﺑﺎﻟﺸﻘﻪ ﻣﺎﻟﺘﻲ ﺗﺨﺎﺑﺮﻧﻲ ﻗﺒﻞ ﻣﺘﺠﻲ ﻭﻧﺘﻔﺎﻫﻢ ﺷﻠﻮﻥ

ﻧﻠﺘﻘﻲ ....

ﻭﻗﻊ ﻓﻲ ﺍﻟﻔﺦ ﻭﺍﻧﺠﺮ ﻻﺣﻀﺎﻧﻲ ... ﻭﺻﺎﺭ ﻳﺠﻴﻨﻲ ﻟﻠﺸﻘﻪ

ﻣﺎﻟﺘﻲ ..

ﺷﻜﺪ ﻋﺎﺷﺮﺕ ﺭﺟﺎﻝ ﺍﺷﻜﺎﻝ ﻭﺍﻟﻮﺍﻥ ﺑﺲ ﻣﺜﻠﻪ ﻣﺎﺷﻔﺖ

ﻛﻨﺖ ﺿﻌﻴﻔﻪ ﺍﻣﺎﻣﻪ ﻛﺪﺭ ﻳﺴﻴﻄﺮ ﻋﻠﻴﻪ ﻋﻜﺲ ﻏﻴﺮﻩ

ﻛﻨﺖ ﺍﻧﻲ ﺍﻟﻤﺴﻴﻄﺮﻩ ﻋﻠﻴﻬﻢ ﻭﺍﺿﺤﻚ ﻋﻠﻴﻬﻢ ..

ﺑﺲ ﻫﻮ ﻻ ﺟﺎﻥ ﻳﺨﺘﻠﻒ ﺣﺘﻰ ﻋﻦ ﺍﺑﻮﻩ ...

ﻛﻠﻤﺎ ﻳﻨﺰﻝ ﻣﺠﺎﺯ ﺑﻮﺟﻬﻪ ﻋﻠﻴﻪ ﻟﺤﺪ ﻣﺎ ﺑﻴﻮﻡ

ﺍﺟﺎﻧﻲ ﻭﻛﻠﻲ ﺍﺑﻮﻳﻪ ﺭﺍﺡ ﻳﺰﻭﺟﻨﻲ

ﻭﺍﻧﻲ ﻣﺎﻣﻮﺍﻓﻖ ﺍﺭﻳﺪ ﺍﺑﻘﻰ ﻭﻳﺎﺝ

ﺍﻧﺼﻌﻘﺖ ﻣﻦ ﺳﻤﻌﺖ ﺧﺒﺮ ﺯﻭﺍﺟﻪ ﻭﺧﻔﺖ ﺍﺫﺍ ﺍﺗﺰﻭﺝ ﺭﺍﺡ

ﻳﻌﻮﻓﻨﻲ ﻭﻳﻤﻞ ﻣﻨﻲ ... ﻻﻥ ﺩﺍﺋﻤﺎ ﺍﻟﺠﺪﻳﺪﻩ ﺍﺣﻠﻰ ...

ﻣﺎ ﺭﺩﺕ ﺍﻛﻮﻟﻪ ﻟﺘﻮﺍﻓﻖ ﻉ ﺍﻟﺰﻭﺍﺝ ﻻﻥ ﺍﺧﺎﻑ ﻳﻜﻮﻝ ﻫﺎﻱ

ﻋﺪﻫﺎ ﻏﻴﺮ ﺷﻲ ﺣﺎﻭﻟﺖ ﺍﻭﺻﻠﻪ ﺍﻟﻔﻜﺮﻩ ﺑﺼﻮﺭﻩ ﻏﻴﺮ ﻣﺒﺎﺷﺮﻩ

ﻫﻮ ﻣﻴﻜﺪﺭ ﻳﺮﻓﺾ ﺍﺭﺍﺩﺓ ﺍﺑﻮﻩ ... ﺧﻄﺒﻠﻪ ﻭﺑﺪﻭﺍ ﻳﺠﻬﺰﻭﻥ ﺑﻴﺘﻪ

ﻛﻨﺖ ﺍﻣﻮﺕ ﻣﻦ ﺍﻟﻘﻬﺮ ﺑﻌﺪ ﻣﺎﻛﺎﻥ ﻛﻞ ﺍﻻﺟﺎﺯﻩ ﻳﺨﻠﺼﻬﺎ ﻳﻤﻲ ﻫﺴﻪ

ﺻﺎﺭ ﺍﺷﻮﻓﻪ ﺑﺎﻟﺒﻮﻛﻪ ﻻ ﻋﻴﻨﻲ ﻻ ﻫﺎﻟﺸﻲ ﻣﻴﺼﺮﻓﻠﻲ

ﺻﻼﺡ ﺍﻟﻲ ﻣﺘﺎﺧﺬﻩ ﻭﺣﺪﻩ ﻏﻴﺮﻱ ....

ﺻﺎﺭﺕ ﺍﺣﺪﺍﺙ ﺑﻴﺘﻬﻢ ﺍﺑﻮﻫﻢ ﺍﺗﻤﺮﺽ ﻭﺗﺎﺟﻞ ﺯﻭﺍﺟﻪ

ﺍﻧﻲ ﻓﺮﺣﺖ ﻻﻥ ﺻﺎﺭ ﻳﺠﻲ ﻫﻮﺍﻱ ﻳﻤﻲ ﻭﻗﻠﻴﻞ ﻳﺮﻭﺡ ﻟﺨﻄﻴﺒﺘﻪ

ﺍﻧﻲ ﺟﻨﺖ ﺍﻟﻌﺐ ﺑﻲ ﻟﻌﺐ ﻭﺍﺧﻠﻲ ﻣﺜﻞ ﺍﻟﻄﻔﻞ ﺑﻴﻦ ﺍﻳﺪﻳﻪ

ﻭﺍﺧﻠﻲ ﻳﺒﺎﺕ ﻳﻤﻲ ﻭﺍﺗﺤﺠﺞ ﺍﻟﻒ ﺣﺠﻪ ﺣﺘﻰ ﻳﺒﻘﻰ ﻳﻤﻲ

ﻣﻴﺮﻭﺡ ....

ﻭﺑﺪﻳﺖ ﺍﺳﺘﻐﻠﻪ ﺑﺎﻟﻄﺎﻟﻌﻪ ﻭﺍﻟﻨﺎﺯﻟﻪ ﻋﻠﻰ ﺍﺑﺴﻂ ﺍﻻﻣﻮﺭ ﺍﺧﺬ

ﻣﻨﻪ ﻓﻠﻮﺱ ﺣﺘﻰ ﻣﺎ ﺍﻃﻠﻊ ﺧﺴﺮﺍﻧﻪ ...

ﺣﺪﺩﻭﺍ ﺯﻭﺍﺟﻪ ﻣﺘﺖ ﻗﻬﺮ ﻭﺣﺮﻛﻪ ﻗﺮﺭﺕ ﺍﺩﻙ ﺍﻟﻨﺎﻗﺼﻪ ﻭﻳﺎﻩ

ﺑﻴﻮﻡ ﻋﺮﺳﻪ ...

ﺩﺯﻳﺖ ﻋﻠﻴﻪ ﺍﻟﺼﺒﺢ ﺍﺟﺎﻧﻲ ﻭﻛﺎﻥ ﻣﺴﺘﻌﺠﻞ ﻻﻥ ﻳﺮﻳﺪ ﻳﺤﻀﺮ

ﻧﻔﺴﻪ ﻟﻠﺰﻭﺍﺝ ...

ﺗﻮﺳﻠﺖ ﺑﻲ ﻳﺒﻘﻰ ﻳﻤﻲ ﺳﺎﻋﻪ ﻭﻛﺪﺭﺕ ﺍﻗﻨﻌﻪ ﻭﺑﻘﻰ

ﺷﻐﻠﺖ ﺍﻟﻤﺴﺠﻞ ﻋﻠﻰ ﺍﻏﻨﻴﻪ ﺍﻡ ﻛﻠﺜﻮﻡ ﻭﺭﻛﺼﺖ

ﺩﻭﺧﺘﻪ ﻭﻓﺮﻳﺘﻪ ﻟﺤﺪ ﻣﺎ ﺍﻧﺘﻬﻰ ﻭﺧﺪﺭ ﺑﺤﻀﻨﻲ

ﻣﻦ ﺻﺮﻧﺎ ﺑﻐﺮﻓﺔ ﺍﻟﻨﻮﻡ ﺧﻠﻴﺖ ﺍﺛﺮ ﺑﺮﻛﺒﺘﻪ ﻭﻫﻮ ﻣﻤﻨﺘﺒﻬﻪ

ﻭﻋﻀﻴﺘﻪ ﻣﻦ ﺷﻔﺘﻪ ﻟﺤﺪ ﻣﺎ ﺑﻘﻰ ﺑﻴﻬﺎ ﺍﺛﺮ ...

ﻭﻋﻔﺘﻪ ﻳﺮﻭﺡ ﻭﻫﻮ ﻏﺮﻛﺎﻥ ﺑﻨﺸﻮﻯ ﺍﻟﺤﺐ ﻭﺍﻟﻤﺘﻌﻪ ﻓﺎﻗﺪ

ﻭﺿﺮﺑﺖ ﺗﻼﺛﻪ ﻓﻲ ﻭﺍﺣﺪ ﻻ ﺭﺍﺡ ﻳﺪﺑﺮﻫﺎ ﺑﻠﻴﻠﺔ ﻋﺮﺳﻪ ﻻﻥ ﺗﻌﺒﺘﻪ

ﻭﺧﻠﻴﺖ ﺑﺠﺴﻤﻪ ﺍﺛﺮ ﻭﻫﺬﺍ ﻳﺨﻠﻖ ﻣﺸﻜﻠﻪ

ﻭﺍﻛﻴﺪ ﻣﺎ ﺭﺍﺡ ﺗﺤﺒﻪ ﻻﻥ ﺍﻟﺤﺮ ﺗﻜﻔﻲ ﺍﻻﺷﺎﺭﻩ ﻭﺍﻭﻝ

ﻭﺗﺎﻟﻲ ﻳﺮﺟﻊ ﻋﻠﻴﻪ ...

ﻣﺮ ﺍﺳﺒﻮﻉ ﻻ ﺣﺲ ﻭﻻ ﺧﺒﺮ ﻣﻨﻪ ﻓﻜﺮﺕ ﺍﺭﻭﺡ ﺍﺗﺸﻤﺸﻢ

ﺍﺧﺒﺎﺭﻩ ﻟﺒﺴﺖ ﺣﺠﺎﺏ ﻭﻋﺒﺎﻳﻪ ﻭﻏﻄﻴﺖ ﻭﺟﻬﻲ ﻭﺳﺎﻟﺖ ﻋﻠﻴﻪ ﻛﺎﻟﻮﺍ ﺑﺎﻟﺤﺒﺎﻧﻴﻪ ﺷﻬﺮ ﻋﺴﻞ ..

ﻣﺎ ﺍﺗﺼﻮﺭ ﺍﻟﻤﻮﻗﻒ ﻭﺍﻟﻘﻬﺮ ﺍﻟﻲ ﺻﺮﺕ ﺑﻴﻬﻢ ﻭﺣﻠﻔﺖ ﺍﻻ ﺍﺧﺮﺏ

ﺯﻭﺍﺟﻪ ...

ﺑﻌﺪ ﺍﺳﺒﻮﻋﻴﻦ ﺍﺟﺎﻧﻲ ﻃﺒﻌﺎ ﺑﻜﻞ ﻫﺪﻭﺀ ﻭﺧﺒﺎﺛﻪ ﺍﺳﺘﻘﺒﻠﺘﻪ

ﻭﺑﻮﺳﺘﻪ ﻭﺟﺒﺘﻠﻪ ﺍﻟﻌﺼﻴﺮ ...

ﺳﻮﻟﻔﻠﻲ ﻋﻠﻰ ﻋﺮﺳﻪ ﻭﻛﻠﻲ ﺑﻘﻴﺖ ﺍﺳﺒﻮﻉ ﺣﺘﻰ ﻛﻤﻞ ﺯﻭﺍﺟﻪ

ﻻﻥ ﺧﻄﻴﺒﺘﻪ ﺷﺎﻓﺖ ﺍﻻﺛﺮ ﺑﺠﺴﻤﻪ ﻭﻣﺘﻌﺎﺭﻛﻪ ﻭﻳﺎﻩ ﻟﺤﺪ ﻣﺎ

ﻣﻘﻨﻌﻬﺎ ﻫﺎﻱ ﻛﺮﺻﻪ ﻣﺎﻝ ﺯﻧﺒﻮﺭ ...

ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﺎﻱ ﺿﺤﻜﺖ ﺿﺤﻜﻪ ﻗﻮﻳﻪ

ﻛﺘﻠﻪ ﺯﻧﺒﻮﺭ ﻫﺎﻱ ﻭﻳﻦ ﻟﻜﻴﺘﻬﺎ ﺍﻟﺰﻧﺒﻮﺭ ﻳﻜﺮﺻﻚ ﺑﺤﻠﻜﻚ

ﺟﺎﻥ ﻳﻀﺤﻚ ﻭﻳﻜﻮﻝ ﺷﻠﻮﻥ ﺯﻧﺒﻮﺭ ﻧﻜﺲ ﻫﺬﺍ ﺑﺲ ﺍﺣﻠﻰ

ﻛﺮﺻﻪ ﻣﻨﻪ ...

ﻃﻠﺐ ﻧﺮﻭﺡ ﻉ ﺍﻟﻐﺮﻓﻪ ﻃﺒﻌﺎ ﺭﻓﻀﺖ ﺍﻻ ﻳﺮﺿﻴﻨﻲ

ﻛﻠﻲ ﺍﺟﻴﺒﻠﺞ ﻫﺪﻳﻪ ﺑﺎﻭﻥ ﺫﻫﺐ ﻭﺍﻟﺰﻧﺠﻴﻞ ﻣﺎﻟﺘﻪ ﻣﺘﺮﻳﻦ

ﻃﺒﻌﺎ ﺍﻟﻀﺤﻜﻪ ﺷﻜﺖ ﺣﻠﻜﻲ ﻻﻥ ﺑﻴﻬﺎ ﺑﺎﻭﻥ ﺫﻫﺐ ...

ﺑﻌﺪ ﻣﺎ ﻛﻤﻠﻨﺎ ﻛﻠﻲ ﺟﻬﺰﻱ ﺭﻭﺣﺞ ﻧﺮﻭﺡ ﻉ ﺍﻟﺼﺎﻳﻎ ..

ﺳﺒﺤﺖ ﻭﺑﺪﻟﺖ ﻣﻼﺑﺴﻲ ﺍﻧﻲ ﻭﺟﻨﻪ ﻭﻫﻮ

ﺭﺣﻨﺎ ﻋﻠﻰ ﺷﺎﺭﻉ ﺍﻟﻨﻬﺮ ﺣﺘﻰ ﻧﺸﺘﺮﻱ ﺫﻫﺐ

ﺗﻤﺸﻴﻨﺎ ﻣﻦ ﺻﺎﻳﻎ ﻟﺼﺎﻳﻎ ﻭﺍﺛﻨﺎﺀ ﻣﺠﺎﻱ ﻧﻤﺸﻲ

ﺷﻔﺖ ﺍﺑﻮﻩ ﻳﻤﺸﻲ ﺑﺎﺗﺠﺎﻫﻨﺎ

ﺍﻧﻲ ﺧﻔﺖ ﻭﺗﻮﺗﺮﺕ ﻓﻬﻮ ﺍﻧﺘﺒﻪ ﺷﺎﻑ ﺍﺑﻮﻩ ﻛﻠﻲ ﺷﻮﻓﻲ

ﺍﻧﺘﻲ ﺍﺩﺧﻠﻲ ﻟﻬﺬﺍ ﺍﻟﻤﺤﻞ ﻟﺤﺪ ﺍﻟﻬﻲ ﺍﺑﻮﻳﻪ ﻟﺤﺪ ﻣﻴﺮﻭﺡ

ﺩﺧﻠﺖ ﻟﻠﻤﺤﻞ ﻭﺑﺪﻳﺖ ﺍﻛﻠﺐ ﺑﺎﻟﺬﻫﺐ ﻭﺍﻗﻴﺲ ﻭﺍﺑﺎﻭﻉ ﻣﻦ ﺍﻟﺠﺎﻣﻪ ﺍﺷﻮﻓﻪ ﻭﺍﻛﻒ ﻳﺴﻮﻟﻒ ﻭﻳﻪ ﺍﺑﻮﻩ ﺣﻮﺍﻟﻲ ﻋﺸﺮﻳﻦ ﺩﻗﻴﻘﻪ

ﻟﺤﺪ ﻣﺎ ﻧﺸﻒ ﺩﻣﻲ ﻭﺭﺍﺡ ﺍﺑﻮﻩ ﺩﺧﻞ ﻫﻮ ﺍﺷﺘﺮﻳﻨﺎ ﺑﺎﻭﻥ ﺏ ٤٠٠ ﺩﻳﻨﺎﺭ ﻭﺭﺟﻌﻨﺎ ﻟﻠﺸﻘﻪ ﻭﺻﻠﻨﻲ ﻭﺭﺍﺡ ﻟﻠﺒﻴﺖ

...

ﺑﻌﺪ ﻣﺎ ﻭﺻﻠﻨﻲ ﻟﻠﺸﻘﻪ ﺭﺍﺡ ﺭﺟﻊ ﻟﺒﻴﺘﻪ

ﺣﺎﻭﻟﺖ ﺍﺑﻘﻲ ﻳﻤﻲ ﻟﻴﻠﻪ ﻣﺎ ﻛﺪﺭﺕ ﺍﺗﺤﺠﺞ ﻫﻮ ﻫﺴﻪ

ﻣﺘﺰﻭﺝ ﻭﻭﺿﻌﻴﺘﻪ ﺗﻐﻴﺮﺕ ....

ﻣﺮﺕ ﺍﻳﺎﻡ ﻭﺻﻼﺡ ﻣﺎﻛﻮ ﺳﻜﻨﻮﺍ ﺑﺎﻟﺸﻘﻪ ﺍﻟﻤﻘﺎﺑﻞ ﺷﻘﺘﻲ

ﻣﺮﻳﻪ ﺍﺭﻣﻠﻪ ﻫﻲ ﻭﺍﺧﺘﻬﺎ ﺍﺗﻌﺮﻓﺖ ﻋﻠﻴﻬﻦ ..

ﻭﺻﺮﺕ ﺍﺭﻭﺡ ﻳﻤﻬﻦ ﻣﺮﺍﺕ ....

ﻣﻦ ﺍﺿﻮﺝ ﻟﻮ ﻣﻦ ﻋﻨﺪﻱ ﺷﻐﻠﻪ ﺯﺍﺩﺕ ﻣﻌﺮﻓﺘﻲ ﺑﻴﻬﻦ

ﻭﺗﻌﻠﻘﻦ ﺑﻨﺘﻲ ﺟﻨﻪ ...

ﻣﺮﺍﺕ ﺗﺒﻘﻰ ﻳﻤﻬﻦ ﻻﻥ ﻫﻨﻪ ﻣﺎﻋﺪﻫﻦ ﺍﻃﻔﺎﻝ

ﻭﺳﺄﻟﻨﻲ ﻋﻦ ﺯﻭﺟﻲ ﻛﻠﺘﻠﻬﻦ ﻣﺮﺍﺕ ﻳﻤﻲ ﻭﻣﺮﺍﺕ ﻳﻢ ﺯﻭﺟﺘﻪ ﺍﻟﺜﺎﻧﻴﻪ ﻣﺎ ﺭﺩﺗﻬﻦ ﻳﺤﺴﻦ ﺍﻧﻲ ﻣﻮﺯﻳﻨﻪ ﻭﻳﻘﺎﻃﻌﻨﻲ

ﺧﺼﻮﺻﺎ ﻣﻦ ﺻﺮﺕ ﺍﺍﻣﻦ ﻳﻤﻬﻦ ﺟﻨﻪ ﻭﺍﻃﻠﻊ ....

ﺻﻼﺡ ﻣﺎﺑﻴﻦ ﻋﻤﻠﻪ ﻭﺣﻴﺎﺗﻪ ﺍﻟﺰﻭﺟﻴﻪ ﺻﺎﺭ ﻳﻬﻤﻠﻨﻲ

ﻣﻴﺠﻴﻨﻲ ﺍﻻ ﻭﻫﻮ ﺿﺎﻳﺞ ﻟﻮ ﻣﺘﻌﺎﺭﻙ ﻭﻳﻪ ﺯﻭﺟﺘﻪ

ﻳﺠﻲ ﻳﻔﺮﻍ ﺳﻤﻮﻣﻪ ﻭﻗﻬﺮﻩ ﺑﻴﻪ ...

ﻭﻃﺒﻌﺎ ﺍﻧﻲ ﺍﻟﺼﺪﺭ ﺍﻟﺤﻨﻴﻦ ﻭﻣﻮ ﺑﻼﺵ ﻛﻨﺖ

ﺍﺧﺬ ﺷﻜﻮ ﻓﻠﺲ ﺑﺠﻴﺒﻪ ﺍﺭﻳﺪ ﻧﺎﺭ ﻛﻠﺒﻲ ﺗﺒﺮﺩ

ﻭﺍﺭﻳﺪﻩ ﺑﺎﻱ ﻃﺮﻳﻘﻪ ﻳﻌﻮﻑ ﺯﻭﺟﺘﻪ ﻭﻳﺮﺟﻊ ﺍﻟﻲ ...

ﻻﻥ ﻟﻘﺎﺀﺗﻨﺎ ﺻﺎﺭﺕ ﺑﺲ ﻳﺸﺘﻜﻴﻠﻲ ﻣﻨﻬﺎ

ﻭﻣﻴﺤﺴﺴﻨﻲ ﺍﻧﻲ ﺣﺒﻴﺒﺘﻪ ﻭﻻ ﺻﺎﺭ ﻳﺎﺧﺬﻧﻲ ﺑﺤﻀﻨﻪ

ﻣﺜﻞ ﻛﻞ ﻣﺮﻩ ﻭﺍﺫﺍ ﺻﺎﺭ ﺷﻲ ﺑﻴﻨﺎﺗﻨﺎ ﻣﻦ ﻭﺭﻩ ﺧﺸﻤﻪ

ﻗﺮﺭﺕ ﺍﺣﺠﻲ ﻭﻳﺎﻩ ﻭﺍﺭﺳﻲ ﻋﻠﻰ ﺑﺮ ﻭﺍﻋﺮﻑ ﻫﻮ

ﻳﺮﻳﺪﻧﻲ ﻻ ...

ﺍﺟﺎﻧﻲ ﻓﺪ ﻣﺮﻩ ﺗﻘﺮﻳﺒﺎ ﺍﻟﺴﺎﻋﻪ ﺑﺎﻟﻮﺣﺪﻩ ﺑﺎﻟﻠﻴﻞ

ﻣﺘﻌﺎﺭﻙ ﻭﻳﻪ ﺍﺑﻮﻩ ﻭﺯﻭﺟﺘﻪ ﻭﺟﺎﻳﺐ ﻣﻼﺑﺴﻪ ﻭﺟﺎﻱ

ﺍﻧﻲ ﻓﺮﺣﺖ ﻛﻠﺖ ﺧﻠﻲ ﻳﻤﻲ ﻛﺎﻥ ﺑﻔﺘﺮﺗﻬﺎ ﻋﻨﺪﻩ ﺍﺟﺎﺯﻩ

ﻣﺮﺿﻴﻪ ...

ﻓﻜﺮﺕ ﺑﺴﺮﻋﻪ ﻭﻛﻠﺖ ﻻﺯﻡ ﺍﺳﺘﻐﻞ ﺍﻟﻮﺿﻌﻴﻪ ﻭﺍﺑﻘﻲ ﻳﻤﻲ

ﻭﺑﻘﻴﺘﻪ ﺣﻮﺍﻟﻲ ﻋﺸﺮ ﺗﻴﺎﻡ ﻋﺸﻨﺎ ﺍﺣﻠﻰ ﺍﻳﺎﻡ ﻭﺍﺣﻠﻰ ﻟﺤﻈﺎﺕ

ﻭﻓﺠﺎﻩ ﻗﺮﺭ ﻳﺮﻭﺡ ﺑﺤﺠﺔ ﺍﺟﺎﺯﺗﻪ ﺧﻠﺼﺖ ﻭﻣﻴﺮﻳﺪ ﻳﻠﺘﺤﻖ

ﻭﺍﺑﻮﻩ ﺯﻋﻼﻥ ﻋﻠﻴﻪ ...

ﻋﻠﻰ ﻣﻨﻮ ﻳﻀﺤﻚ ﻋﻠﻴﻪ ﺍﺻﻼ ﺍﺩﺭﻱ ﺑﻲ ﺣﻦ ﺍﻟﻬﺎ ﺯﻭﺟﺘﻪ

ﻭﻳﺮﻳﺪ ﻳﺮﺟﻊ ﺍﻟﻬﺎ ...

ﻣﻦ ﺭﺍﺡ ﻗﻄﻊ ﻓﺘﺮﻩ ﻃﻮﻳﻠﻪ ﺑﺤﺪﻭﺩ ﺍﻟﺸﻬﺮ ﻭﻧﺺ ﻭﺍﻧﻲ ﻣﺎ ﺍﻋﺮﻑ

ﻋﻨﻪ ﺷﻲ ﻭﻻ ﺧﺒﺮ ﻭﻻ ﺑﺮﻗﻴﻪ ﻭﺍﺧﺎﻑ ﺍﺭﻭﺡ ﺍﺳﺌﻞ

ﺑﺪﻳﺖ ﺍﺷﺘﺎﻗﻠﻪ ﻭﺍﺗﻤﻨﻰ ﺣﻈﻨﻪ ﺑﺎﻱ ﻃﺮﻳﻘﻪ ...

ﻣﺮﺍﺕ ﺍﺧﻠﻲ ﺑﻨﺘﻲ ﻳﻢ ﺳﺖ ﺳﻌﺪﻳﻪ ﺟﻴﺮﺍﻧﻪ ﺑﺎﻟﺸﻘﻪ

ﻭﺍﻧﺰﻝ ﻟﻠﺴﻮﻙ ﺍﻓﺘﺮ ... ﻳﻌﻨﻲ ﺍﺧﻠﺺ ﻭﻗﺖ ...

ﺍﺭﺟﻊ ﻟﻠﺒﻴﺖ ﻭﻧﺎﺭ ﺍﻻﺷﺘﻴﺎﻕ ﺗﺴﻌﺮ ﺑﻴﻪ ﺗﻔﻜﺮ ﺑﺼﻼﺡ

ﻭﺣﺘﻰ ﺍﺗﻬﺴﺘﺮ ﻭﻣﻦ ﺷﺪﺓ ﺍﻟﺤﻨﻴﻦ ﺍﻟﻪ ﺍﻓﻜﺮ ﺍﺭﻭﺡ

ﻋﻠﻰ ﺑﻴﺘﻬﻢ ﺑﺲ ﺍﺧﺎﻑ ﻣﻦ ﺍﺑﻮﻩ ﻭﺍﺧﺎﻑ ﺻﻼﺡ ﻳﺘﺮﻛﻨﻲ

ﻣﺮﻥ ﺷﻬﺮﻳﻦ ﻭﻧﺺ ﻭﺍﻧﻲ ﻃﻚ ﻛﻠﺒﻲ ﻋﻠﻴﻪ ﺗﺨﺒﻠﺖ

ﺳﺎﻋﺎﺕ ﺍﻓﺘﺮ ﺑﺎﻟﺸﻮﺍﺭﻉ ﻭﺍﻟﻜﺎﺯﻳﻨﺎﺕ ﻭﺳﺎﻋﺎﺕ ﺍﻓﺘﺮ ﺑﺎﻟﻤﺤﻼﺕ

ﻭﻣﺮﺍﺕ ﺍﺗﻮﺩﺩ ﻻﺻﺤﺎﺏ ﺍﻟﻤﺤﻼﺕ ﻭﺍﺳﻮﻱ ﻋﻼﻗﺎﺕ ﺳﺮﻳﻌﻪ

ﻭﺍﺧﺬ ﺍﻟﻲ ﺍﺭﻳﺪﻩ ﻣﻼﺑﺲ ﺍﻛﻞ ﻓﻠﻮﺱ .....

ﻭﺑﻌﻀﻬﻢ ﺍﺗﺮﺩﺩ ﻋﻠﻴﻪ ﺍﻛﺜﺮ ﻣﻦ ﻣﺮﻩ ﻻﻥ ﻳﻌﺠﺒﻮﻧﻲ

ﻭﺍﺳﺘﻔﺎﺩ ﻣﻨﻬﻢ ...

ﺑﻌﺪ ﺳﺒﻌﻴﻦ ﻳﻮﻡ ﺍﺟﻪ ﺻﻼﺡ ...

ﻣﻦ ﻓﺘﺤﺘﻠﻪ ﺍﻟﺒﺎﺏ ﺳﻮﻳﺖ ﻧﻔﺴﻲ ﺍﺗﻔﺎﺟﺎﺕ ﻣﻦ ﺷﻔﺘﻪ

ﻭﻛﺘﻠﻪ ﻣﻌﻘﻮﻟﻪ ﺗﺠﻲ ﺗﻮﻗﻌﺖ ﻧﺴﻴﺘﻨﻲ ..

ﻫﻮ ﺿﺤﻚ ﻭﻛﻠﻲ ﺍﺷﺘﺎﻗﻴﺘﻠﺞ ... ﻭﺟﺮﻧﻲ ﻟﻠﻐﺮﻓﻪ

ﺑﻌﺪ ﻣﺎ ﺧﻠﺺ ﺳﻮﻳﺖ ﻏﺪﻩ ﺗﻐﺪﻳﻨﺎ ﺳﻮﻩ

ﺑﻘﻪ ﻟﻠﻌﺼﺮ ﻭﺭﺍﺡ ﻭﻛﻠﻲ ﺍﺣﺘﻤﺎﻝ ﺍﺗﺎﺧﺮ ﻭﺍﺑﻘﻰ ﻓﺘﺮﻩ

ﻃﻮﻳﻠﻪ ﺣﺘﻰ ﺍﺭﺟﻊ

...

ﻻﻭﻝ ﻣﺮﻩ ﻣﺎ ﺍﻫﺘﻤﻴﺖ ﻭﻻ ﺩﺭﺕ ﺑﺎﻝ ﻣﻦ ﻳﻜﻮﻟﻲ ﻫﻴﺞ

ﻣﺜﻞ ﺍﻟﻲ ﺍﺗﻌﻮﺩﺕ ﻋﻠﻰ ﻏﻴﺎﺑﻪ ... ﺍﻭ ﻳﻤﻜﻦ ﺻﺎﺭ ﻋﻨﺪﻱ ﺍﻟﻲ

ﻳﻌﻮﺽ ﻏﻴﺎﺑﻪ ....

ﺑﻌﺪ ﺍﺳﺒﻮﻉ ﻣﻦ ﻟﻘﺎﺋﻲ ﺑﺼﻼﺡ ﺟﻨﺖ ﺑﺤﺎﻟﺔ ﺭﻏﺒﻪ ﺷﺪﻳﺪﻩ

ﺩﺍﻳﺨﻪ ﻭﺍﻓﻜﺮ ﺍﺭﻳﺪ ﺍﻫﺪﺃ ﻣﺎ ﺍﻋﺮﻑ ﺷﻠﻮﻥ ﻓﻜﺮﺕ ﺍﻃﻠﻊ ..

ﺳﺒﺤﺖ ﻭﺑﺪﻟﺖ ﻟﺠﻨﻪ ﻭﻭﺩﻳﺘﻬﺎ ﻳﻢ ﺳﺖ ﺳﻌﺪﻳﻪ ﻭﻃﻠﻌﺖ

ﺍﻓﺘﺮﻳﺖ ﺑﺎﻟﺸﺎﺭﻉ ... ﺑﻠﻜﻲ ﺍﺣﺼﻞ ﺯﺑﻮﻥ ..

ﺑﻘﻴﺖ ﺍﻓﺘﺮ ﻟﺤﺪ ﻣﺎ ﺷﻔﺖ ﻭﺍﺣﺪ ﻣﺒﻴﻦ ﻋﻠﻴﻪ ﻃﺎﻟﺐ ﻛﻠﻴﻪ

ﺑﺪﻳﺖ ﺍﺗﻘﺮﺏ ﻣﻨﻪ ﻛﺎﻧﺖ ﺍﻟﺴﺎﻋﻪ ﺣﻮﺍﻟﻲ ﺑﺜﻤﺎﻧﻴﻪ ﺑﺎﻟﻠﻴﻞ

ﺟﻨﺖ ﻭﺍﻛﻔﻪ ﺑﺎﻟﻜﺮﺍﺝ .. ﺍﺗﻘﺮﺑﺖ ﻋﻠﻴﻪ ﻭﺳﻮﻟﻔﺖ ﻭﻳﺎﻩ

ﻭﺗﺸﺎﻗﻴﺖ ﻟﺤﺪ ﻣﺎ ﺟﺮﻳﺘﻪ ...

ﺍﺣﺘﺎﺭﻳﻨﺎ ﻭﻳﻦ ﻧﺮﻭﺡ ﻧﺮﻳﺪ ﻣﻜﺎﻥ ﺑﻘﻴﻨﺎ ﻧﻔﺘﺮ ﻧﺪﻭﺭ ﺣﺼﻠﻨﺎ ﺯﺍﻭﻳﻪ

ﻳﻢ ﻣﺤﻄﺔ ﺍﻟﻘﻄﺎﺭ ﺟﺎﻧﺖ ﻓﺎﺭﻏﻪ ﺩﺧﻠﻨﺎ ﺑﻴﻬﺎ ﻭﺧﻠﻴﻨﺎ ﻛﺎﺭﺗﻮﻥ

ﺣﺘﻰ ﻣﺤﺪ ﻳﺸﻮﻓﻨﺎ ....

ﺑﻘﻴﻨﺎ ﺣﻮﺍﻟﻲ ﻧﺺ ﺳﺎﻋﻪ ﻛﺎﻥ ﺻﻮﺗﻨﺎ ﻃﺎﻟﻊ ﻭﺍﺣﻨﻪ ﻧﻀﺤﻚ

ﻣﺎ ﺣﺴﻴﻨﺎ ﻋﻠﻰ ﺣﺎﻟﻨﺎ ﺍﻻ ﺷﺮﻃﻲ ﻭﺍﻛﻒ ﻛﺒﺎﻟﻨﺎ ...

ﺍﻟﻮﻟﺪ ﺻﺎﺡ ﺍﺷﺮﺩﻱ ....

ﺧﻠﻴﺖ ﻭﺭﻛﻀﺖ ﻣﻦ ﺻﻔﺤﻪ ﻭﻫﻮ ﻣﻦ ﺻﻔﺤﻪ ﻟﺤﺪ ﻣﺎ ﺷﻔﺖ ﺗﻜﺴﻲ

ﺍﺷﺮﺗﻠﻬﺎ ﻭﺻﻌﺪﺕ ﺑﺴﺮﻋﻪ ﻭﺍﻧﻲ ﺍﺑﺎﻭﻉ ﺍﺷﻮﻑ ﺍﻟﺸﺮﻃﻲ ﻣﺎﻫﻮ

ﺍﺭﺗﺎﺣﻴﻴﺖ ﻭﻃﻤﺄﻧﻴﺖ ﺍﻛﺜﺮ ﻻﻥ ﺟﺎﻧﺖ ﺍﻟﺪﻧﻴﺎ ﻟﻴﻞ ﻭﻣﺎﻛﺪﺭ ﻳﻤﻴﺰ ﻭﺟﻬﻲ ...

ﻭﺻﻠﺖ ﻉ ﺍﻟﺸﻘﻪ ﺍﺧﺬﺕ ﺟﻨﻪ ﻣﻦ ﺳﻌﺪﻳﻪ ﻭﺧﻠﻴﺘﻬﺎ ﺑﻔﺮﺍﺷﻬﺎ

ﺳﺒﺤﺖ ﻭﻧﻤﺖ ﺑﺲ ﺑﻘﻴﺖ ﺍﺳﺒﻮﻋﻴﻦ ﻣﺎ ﺍﻃﻠﻊ ﻣﺮﻋﻮﺑﻪ

ﻣﻦ ﺳﺎﻟﻔﺔ ﺍﻟﺸﺮﻃﻲ ... ﻭﺍﺧﺎﻑ ﻳﻜﻮﻥ ﻣﻴﺰ ﺷﻜﻠﻲ ...

ﺑﻌﺪ ﺍﻻﺳﺒﻮﻋﻴﻦ ﺑﺪﻳﺖ ﺍﺣﺲ ﺑﺪﻭﺧﻪ ﻭﻏﺜﻴﺎﻥ ﺑﺎﻟﺬﺍﺕ ﺍﻟﺼﺒﺢ

ﺷﻜﻴﺖ ﺑﻨﻔﺴﻲ ﺣﺎﻣﻞ ﺭﺣﺖ ﻋﻠﻰ ﺩﻛﺘﻮﺭﻩ ...

ﺳﻮﻳﺖ ﻓﺤﻮﺻﺎﺕ ﻋﺮﻓﺖ ﺍﻧﻲ ﺣﺎﻣﻞ ... ﺑﺲ ﺑﻘﻴﺖ ﻣﺤﺘﺎﺭﻩ

ﺣﺎﻣﻞ ﻣﻦ ﻣﻨﻮ ... ﻣﻦ ﻫﺬﺍ ﺍﻟﻮﻟﺪ ﻟﻮ ﻣﻦ ﺻﻼﺡ ...

ﺣﺎﻭﻟﺖ ﺍﺭﺑﻂ ﺍﻻﺣﺪﺍﺙ ﻣﺎﻛﺪﺭﺕ ﺍﻋﺮﻑ ﺍﻧﻲ ﺣﺎﻣﻞ ﻣﻨﻴﻦ

ﻓﻜﻠﺖ ﺧﻠﻲ ﺍﺷﻤﺮﻩ ﺑﺮﺍﺱ ﺻﻼﺡ ﻭﻏﺼﺒﻦ ﻣﺎ ﻋﻠﻴﻪ

ﻳﺮﺿﺦ ﻭﻳﺘﺤﻤﻞ ﻣﺴﺆﻭﻟﻴﺘﻪ ...

ﻣﻦ ﺍﺟﻪ ﺻﻼﺡ ﺳﻮﻟﻔﺘﻠﻪ ﻭﻛﺘﻠﻪ ﺍﻧﻲ ﺣﺎﻣﻞ

ﻛﻠﻲ ﺗﺘﺨﻠﺼﻴﻦ ﻣﻨﻪ ﺍﻧﻲ ﻣﺎ ﺍﺭﻳﺪ ﻣﺸﺎﻛﻞ ﻭﻻ ﺍﺭﻳﺪ ﻃﻔﻞ ﺑﺎﻟﺤﺮﺍﻡ

ﻛﺘﻠﻪ ﻟﻮ ﺗﻤﻮﺕ ﻣﺎ ﺍﺗﺨﻠﺺ ﻣﻨﻪ ...

ﺣﺠﺎﻳﻪ ﻣﻨﻲ ﻭﺣﺠﺎﻳﻪ ﻣﻨﻪ ﺗﻌﺎﺭﻛﻨﻪ ﻭﺿﺮﺑﻨﻲ

ﺿﺮﺏ ﻗﻮﻱ ﻭﻛﻠﻲ ﻣﻨﻮ ﻳﻜﻮﻝ ﻫﺬﺍ ﺍﺑﻨﻲ ﻳﺠﻮﺯ ﻣﺴﻮﻳﺘﻬﺎ ﻭﻳﻪ

ﻭﺍﺣﺪ ﻏﻴﺮﻱ ...

ﻛﺘﻠﻪ ﺑﺲ ﻭﻳﺎﻙ ﻣﺎﻋﻨﺪﻱ ﻏﻴﺮﻙ ...

ﺟﺎﻥ ﻳﺼﻴﺢ ﺑﻮﺟﻬﻲ ﻭﻟﻲ ﻛﺬﺍﺑﻪ ﺳﺎﻗﻄﻪ ﺭﻭﺣﻲ ﺷﻮﻓﻲ

ﻣﻨﻴﻦ ﺟﺒﺘﻲ ...

ﺑﺪﻳﺖ ﺍﺣﻠﻒ ﻭﺍﺻﻴﺢ ﻣﻨﻚ ﻭﺍﻟﻠﻪ ﻭﺍﻟﻠﻪ

ﻟﺰﻣﻨﻲ ﻣﻦ ﺷﻌﺮﻱ ﻭﻛﻠﻲ ﻳﺎﻭﻝ ﺍﻧﻲ ﻣﺎ ﺍﺧﻠﻒ

ﻗﺒﻞ ﺗﻠﺚ ﺷﻬﻮﺭ ﺳﻮﻳﺖ ﻓﺤﻮﺻﺎﺕ ﺍﻧﻲ ﻭﺯﻭﺟﺘﻲ

ﻭﻃﻠﻌﺖ ﻣﺼﻔﺮ ....

ﺭﺩﺕ ﺍﻧﻘﺬ ﻧﻔﺴﻲ ﻣﻦ ﺍﻟﻤﻮﻗﻒ ﻻﻥ ﺣﺴﻴﺖ ﺭﺍﺡ

ﻳﺘﺨﻠﻰ ﻋﻨﻲ ... ﻟﻴﻼﻥ ﺣﻜﻤﺖ .. ﻛﺘﻠﻪ ﻣﺎﻋﻨﺪﻱ ﻏﻴﺮﻙ ﻭﺍﻧﺖ ﺗﺪﺭﻱ ﺍﺻﻼ

ﻣﺎﻧﻤﺖ ﻭﻳﻪ ﺍﻱ ﻭﺍﺣﺪ ﻏﻴﺮﻙ ...

ﻣﺎﺑﻴﻦ ﺟﺮ ﻭﻋﺮ ﺻﻼﺡ ﻋﺎﻓﻨﻲ ﻭﻃﻠﻊ ﻭﻓﻮﻛﺎﻫﺎ ﻫﺪﺩﻧﻲ ﻳﺤﺒﺴﻨﻲ

ﻭﻳﺎﺧﺬﻭﻥ ﺟﻨﻪ ﻣﻨﻲ ...

ﺑﻘﻴﺖ ﺍﺑﺠﻲ ﻭﺍﻟﻄﻢ ﻭﺍﺩﻙ ﻋﻠﻰ ﺭﻭﺣﻲ ﺣﻮﺍﻟﻲ ﺍﺳﺒﻮﻉ ﻛﺎﻣﻞ

ﺑﻌﺪﻫﺎ ﺍﺗﻘﺒﻠﺖ ﺍﻟﻮﺿﻊ ﻭﺻﺎﺭ ﻻﺯﻡ ﺍﺷﺘﻐﻞ ﻭﺍﺟﻤﻊ ﻓﻠﻮﺱ

ﻭﺍﺩﻭﺭ ﻗﺎﺑﻠﻪ ﺗﻮﻟﺪﻧﻲ ﻻﻥ ﺑﺎﻟﻤﺴﺘﺸﻔﻰ ﺻﻌﺒﻪ ...

ﺍﻭﻝ ﺷﺨﺺ ﻓﻜﺮﺕ ﺑﻲ ﻳﺴﺎﻋﺪﻧﻲ ﻫﻮ ﺳﻌﺪﻳﻪ

ﺭﺣﺖ ﻋﻠﻴﻬﺎ ﻭﻛﻠﺘﻠﻬﺎ ﺍﻧﻔﺼﻠﺖ ﺍﻧﻲ ﻭﺯﻭﺟﻲ ﻻﻥ ﺗﺰﻭﺝ ﻋﻠﻴﻪ

ﻭﺍﺧﺬ ﻛﻞ ﻣﺴﺘﻤﺴﻜﺎﺗﻨﺎ ﻭﻳﺎﻩ ﻭﺍﻧﻲ ﺣﺎﻳﺮﻩ ...

ﻃﺒﻌﺎ ﻫﻲ ﻣﺎﺻﺪﻛﺖ ﻭﻛﺎﻟﺖ ﻃﻠﻌﻲ ﺑﺪﻝ ﺿﺎﻳﻊ

ﻛﻠﺘﻠﻬﺎ ﺣﺎﻟﻴﺎ ﻣﺎ ﺍﻛﺪﺭ ﺧﻠﻲ ﺗﺼﻔﻰ ﺍﻻﻣﻮﺭ ﻭﺍﺟﻴﺐ ﺑﺎﻟﺴﻼﻣﻪ

ﻭﺍﻃﻠﻊ ﻣﺴﺘﻤﺴﻜﺎﺕ ﻻﻥ ﺳﺠﻠﻨﺎ ﺑﺎﻟﺒﺼﺮﻩ ﻭﺍﻧﻲ ﺑﻐﺪﺍﺩ

ﺻﻌﺒﻪ ﻋﻠﻴﻪ ﺍﻟﺮﻭﺣﻪ ﻭﺍﻟﺮﺟﻌﻪ ....

ﻛﺎﻟﺖ ﻫﺴﻪ ﺍﻟﻠﻪ ﻛﺮﻳﻢ ﻋﻮﺩ ﻣﻦ ﺗﺼﻴﺮ ﻋﻨﺪﺝ ﻭﻻﺩﻩ

ﺍﻭﺩﻳﺞ ﻟﺠﻴﺮﺍﻥ ﻋﻤﺘﻲ ﻭﺗﻮﻟﺪﺝ ... ﻭﺗﺴﻮﻳﻠﺞ ﺑﻴﺎﻥ ...

ﺍﻧﻲ ﻓﺮﺣﺖ ﻭﺿﻤﻨﺖ ﺭﺍﺡ ﻭﻻﺩﺗﻲ ﺑﺪﻭﻥ ﻣﺸﺎﻛﻞ ...

ﺑﺪﻳﺖ ﺍﺩﻭﺭ ﺯﺑﺎﺋﻦ ﻗﺒﻞ ﻣﺘﻜﺒﺮ ﺑﻄﻨﻲ ﻭﻳﺤﺴﻮﻥ ﺍﻧﻲ

ﺣﺎﻣﻞ ﻻﻥ ﻣﻦ ﺗﻜﺒﺮ ﺑﻄﻨﻲ ﺑﻌﺪ ﻣﻴﺘﻘﺒﻠﻮﻧﻲ

ﺑﻘﻴﺖ ﺍﺷﺘﻐﻞ ﻟﺤﺪ ﻣﺎ ﻭﺻﻠﺖ ﻟﺸﻬﺮ ﺍﻟﺴﺎﺩﺱ

ﺻﺎﺭﺕ ﻋﻨﺪﻱ ﺻﻌﻮﺑﻪ ﺑﺎﻟﺤﻤﻞ ...

ﺗﻮﻗﻔﺖ ﻭﺑﺪﻳﺖ ﻛﻞ ﺍﺳﺒﻮﻋﻴﻦ ﻣﺮﻩ ﺍﻧﺰﻝ ﺍﺷﺘﺮﻱ ﺍﻻﺣﺘﻴﺎﺟﺎﺕ

ﻭﺑﺲ ..

ﻟﺤﺪ ﻣﺎ ﺍﺟﻪ ﻭﻗﺖ ﻭﻻﺩﺗﻲ ﺍﺧﺬﺗﻨﻲ ﺳﻌﺪﻳﻪ ﻭﺍﺧﺘﻬﺎ ﻛﺮﻳﻤﻪ

ﻋﻠﻰ ﺟﻴﺮﺍﻥ ﻋﻤﺘﻬﺎ ...

ﻓﺤﺼﺘﻨﻲ ﻛﻠﺘﻠﻲ ﻋﻨﺪﺝ ﻭﻻﺩﻩ ﻧﺎﻣﻲ ﺑﺴﺮﻋﻪ

ﻧﻤﺖ ... ﻭﺿﺮﺑﺘﻨﻲ ﺍﺑﺮﻩ ﺑﺎﻟﻮﺭﻳﺪ ... ﺣﺘﻰ ﻳﺼﻴﺮ ﻋﻨﺪﻱ

ﺗﻮﺳﻊ ﻭﺍﺟﻴﺐ ...

ﻭﻻﺩﺗﻲ ﻛﺎﻧﺖ ﺻﻌﺒﻪ ﺣﻴﻞ ﺑﻘﻴﺖ ﻟﻠﺼﺒﺢ ﺍﻃﻠﻚ ﻭﺍﻟﻮﺝ

ﻣﻦ ﺍﻻﻟﻢ ﻟﺤﺪ ﻣﺎ ﺟﺒﺖ ﺍﻟﺴﺎﻋﻪ ﺑﺎﻟﺴﺒﻌﻪ ﺍﻟﺼﺒﺢ ...

ﻛﺎﻥ ﻭﻟﺪ ﺷﻜﻠﻪ ﺣﻴﻞ ﺣﻠﻮ ﻭﻋﻴﻮﻧﻪ ﻣﻠﻮﻧﻪ ...

ﺍﻟﻤﺮﻳﻪ ﺳﻮﺗﻠﻪ ﺑﻴﺎﻥ ﻭﺣﺮﻛﺔ ﻛﻠﺒﻲ ﺳﺠﻠﺘﻪ ﺑﺎﺳﻢ ﺻﻼﺡ

ﻭﺻﺎﺭ ﺍﺳﻤﻪ ﺟﻤﺎﻝ ﺻﻼﺡ ﻋﺒﺪ ﺍﻟﺮﺣﻤﻦ ..

ﺭﺟﻌﺘﻨﻲ ﺳﻌﺪﻳﻪ ﻟﻠﺒﻴﺖ ﺑﺲ ﺟﻨﺖ ﺗﻌﺒﺎﻧﻪ ﺣﻴﻞ ﻣﻦ ﺍﻟﻮﻻﺩﻩ

ﺑﻘﺖ ﻫﻲ ﻋﻴﻨﻬﺎ ﻋﻠﻰ ﺟﻨﻪ ﻭﺗﻄﺒﺦ ﻭﺩﺯﻟﻲ ﻟﻤﺪﻩ ﻋﺸﺮ ﺗﻴﺎﻡ

ﺑﺪﻳﺖ ﺍﺗﺤﺴﻦ ﻭﺍﻛﻮﻡ ﻭﺍﺗﺤﺮﻙ ....

ﺍﺭﺑﻊ ﺷﻬﻮﺭ ﺍﻧﻲ ﻣﺎ ﻃﻠﻌﺖ ﻭﻻ ﺍﺷﺘﻐﻠﺖ ﻻﻥ ﺷﻜﻠﻲ ﺗﻌﺐ

ﻣﻦ ﺍﻟﺮﺿﺎﻋﻪ ﻭﺍﻟﺴﻬﺮ ﺑﺎﻟﻠﻴﻞ ﻭﺍﻟﺒﻴﺖ ...

ﻗﺮﺭﺕ ﺍﺣﻮﻝ ﺍﻟﻄﻔﻞ ﻋﻠﻰ ﻣﻤﻪ ﻭﺣﻠﻴﺐ ﻻﻥ ﻻﺯﻡ ﺍﺷﺘﻐﻞ

ﻭﺍﺣﺼﻞ ﻓﻠﻮﺱ ....

ﺑﺪﻳﺖ ﺍﺭﺗﺐ ﺷﻜﻠﻲ ﻭﻧﻔﺴﻲ ﻭﺍﻟﻌﺐ ﺭﻳﺎﺿﻪ ﻭﺍﻫﺘﻢ ﺑﺸﺮﺗﻲ

ﻻﻥ ﺍﻟﺸﻐﻞ ﻳﺮﻳﺪ ﺷﻜﻞ ﻣﻮ ﺑﺲ ﺍﺳﻠﻮﺏ ...

ﺟﻨﺖ ﺍﺧﻠﻲ ﺍﻟﺠﻬﺎﻝ ﻳﻢ ﺳﻌﺪﻳﻪ ﻭﺍﻃﻠﻊ ﺍﺣﺼﻞ ﺯﺑﻮﻥ

ﺍﻛﻤﻞ ﺷﻐﻞ ﻭﻳﺎﻩ ﻭﺍﺧﺬ ﺍﻟﻤﻘﺴﻮﻡ ﻭﺍﺭﺟﻊ ﻟﺤﺪ ﻣﺎ ﺻﺪﻣﺘﻨﻲ ﺳﻌﺪﻳﻪ ﻭﻛﺎﻟﺖ ﻧﺮﻳﺪ ﻧﺴﺎﻓﺮ ....

ﻣﻦ ﺳﺎﻓﺮﻥ ﺑﻘﻴﺖ ﻣﺤﺘﺎﺭﻩ ﻭﻳﻦ ﺍﺧﻠﻲ ﺍﻟﺠﻬﺎﻝ ﻭﺷﻠﻮﻥ ﺑﻴﻬﻢ

ﺻﺮﺕ ﺍﺗﻮﺍﻋﺪ ﻭﻳﻪ ﺍﻟﺰﺑﺎﺋﻦ ﻣﻦ ﺍﻟﺴﺎﻋﻪ ﺑﺎﻟﻌﺸﺮﻩ ﺑﺎﻟﻠﻴﻞ

ﻟﺤﺪ ﺍﻟﻔﺠﺮ ﻭﻳﻄﻠﻌﻮﻥ ﻣﻦ ﺷﻘﺘﻲ ...

ﺍﺳﺘﻤﺮﻳﺖ ﻋﻠﻰ ﻫﺎﻟﺤﺎﻟﻪ ﺳﻨﺘﻴﻦ ﻟﺤﺪ ﻣﺎ ﺳﻜﻨﻮﺍ ﺑﺎﻟﺸﻘﻪ ﺍﻟﻲ ﻣﻘﺎﺑﻞ ﺷﻘﺘﻲ ﻣﻬﻨﺪﺱ ﻫﻮ ﻭﺯﻭﺟﺘﻪ ﻭﺍﺑﻨﻪ ﻃﻔﻞ ﻋﻤﺮﻩ ﺧﻤﺲ ﺳﻨﻮﺍﺕ ...

ﻛﺎﻥ ﺷﺎﺏ ﻣﻴﺘﻔﻮﺕ ﺷﻜﻞ ﻭﺟﻤﺎﻝ ﻭﻓﻠﻮﺱ ﻭﺗﺮﺗﻴﺐ

ﻗﺮﺭﺕ ﺍﺻﺎﺩﻕ ﻣﺮﺗﻪ ﻭﺍﺗﻌﺮﻑ ﻋﻠﻴﻬﻢ ﺍﻛﺜﺮ ...

ﺗﻘﺮﺑﺖ ﻣﻦ ﺯﻭﺟﺘﻪ ﻭﻋﺮﻓﺖ ﻫﻲ ﻣﻮﻇﻔﻪ ﺑﺎﻟﻀﺮﻳﺒﻪ

ﻭﻋﺮﻓﺖ ﺍﺳﻤﻬﺎ ﻧﻀﺎﻝ ﻭﺍﺳﻢ ﺯﻭﺟﻬﺎ ﻭﺳﻴﻢ ...

ﻭﻋﺮﻓﺖ ﻫﻮ ﻳﺪﺍﻭﻡ ﺍﺭﺑﻊ ﺗﻴﺎﻡ ﺑﺎﻻﺳﺒﻮﻉ ﻭﻳﺒﻘﻰ ﻳﻮﻣﻴﻦ ﺑﺎﻟﺒﻴﺖ

ﻣﻴﻄﻠﻊ ﻳﺨﻠﺼﻬﻦ ﻧﻮﻡ ....

ﺿﺤﻜﺖ ﺑﺪﺍﺧﻠﻲ ﻭﻛﻠﺖ ﺧﻮﺵ ﻓﺮﺻﻪ ﺧﻠﻲ ﺍﺗﻘﺮﺏ ﻣﻨﻬﻢ ﺍﻛﺜﺮ

ﺻﺮﺕ ﻛﻞ ﺟﻤﻌﻪ ﺍﻋﺰﻣﻬﺎ ﻳﻤﻲ ﺑﺎﻟﺒﻴﺖ ﺟﺎﻱ ﻭﻛﺮﺯﺍﺕ ﻭﺿﺤﻚ

ﻭﺳﻮﺍﻟﻒ ﻭﻣﺮﺍﺕ ﺍﺧﻠﻲ ﺍﺑﻨﻬﺎ ﻳﻤﻲ ﻣﻦ ﺗﻜﻮﻥ ﺍﻣﻬﺎ ﻣﺎ ﻣﻮﺟﻮﺩﻩ

ﻣﺴﺎﻓﺮﻩ ﺑﻐﻴﺮ ﻣﻜﺎﻥ ...

ﺛﺨﻨﺖ ﻋﻼﻗﺘﻲ ﺑﻴﻬﺎ ﻭﺑﺪﺕ ﺗﻌﺮﻓﻨﻲ ﺑﺰﻭﺟﻬﺎ ﻭﺩﺧﻞ ﻣﺮﻩ ﺍﻭ ﻣﺮﺗﻴﻦ ﻟﻠﺒﻴﺖ .. ﺑﺤﺠﺔ ﺯﻭﺟﺘﻪ ﻳﺼﻴﺤﻬﺎ ...

ﺟﻨﺖ ﺍﻏﻤﺰﻟﻪ ﻣﺮﺍﺕ ﻭﺍﺷﺎﻗﻲ ﺭﺩﺕ ﺍﺟﺲ ﺍﻟﻨﺒﺾ ﻭﺍﺷﻮﻑ

ﺭﺩﺓ ﻓﻌﻠﻪ ﻳﺘﻘﺒﻞ ﺍﻭ ﻻ ....

ﻛﺎﻥ ﺧﺠﻮﻝ ﻭﻳﺒﺘﺴﻢ ﺣﺴﻴﺖ ﺑﻲ ﺳﻬﻞ ﻭﺍﻛﺪﺭ ﺍﺳﻴﻄﺮ ﻋﻠﻴﻪ

ﻓﻘﺮﺭﺕ ﺍﺟﺮﻩ ﻛﺴﺮﺕ ﺍﻟﺒﻮﺭﻱ ﻣﺎﻝ ﺍﻟﻤﻲ ﻭﺭﺣﺖ ﻋﻠﻴﻪ

ﺩﻛﻴﺖ ﺍﻟﺠﺮﺱ ﻃﻠﻌﻠﻲ ﺑﺎﻟﺸﻮﺭﺕ ﻭﺍﻟﻔﺎﻧﻴﻠﻪ ﻛﺘﻠﻪ

ﺍﻟﺒﻮﺭﻱ ﺍﻧﻜﺴﺮ ﻭﺗﻔﻴﺾ ﺍﻟﻤﻄﺒﺦ ﻣﻲ ...

ﻟﺒﺲ ﻣﻼﺑﺴﻪ ﻉ ﺍﻟﺴﺮﻳﻊ ﻭﺍﺟﻪ ﻳﺴﻮﻱ ﺍﻟﺒﻮﺭﻱ ﻣﺎﻝ ﺍﻟﻤﻲ ...

ﺩﺧﻞ ﻟﻠﻤﻄﺒﺦ ﻛﻨﺖ ﻻﺑﺴﻪ ﻣﻼﺑﺲ ﺧﻔﻴﻔﻪ ﻭﻣﺨﻠﻴﻪ ﻣﻜﻴﺎﺝ ﺻﺎﺭﺥ

ﻭﻋﻄﺮ ﺑﺪﻩ ﻳﺸﺘﻐﻞ ﺑﺎﻟﺒﻮﺭﻱ ﺷﻮﻳﻪ ﺷﻮﻳﻪ ﻳﺼﻴﺢ ﺟﻴﺒﻲ ﻓﻼﻥ ﻗﻔﻴﺺ ﺟﻴﺒﻲ ﺳﻜﻮﻝ ﺳﺒﺎﻧﻪ ﻭﺍﻧﻲ ﺍﻧﻄﻲ ﻭﺍﻳﺪﻱ ﺍﻃﺦ ﺍﻳﺪﻩ

ﻭﻫﻮ ﻳﺨﺠﻞ ﺍﺣﺲ ﺍﻟﻌﺮﻙ ﺑﺪﻩ ﻳﻨﺰﻝ ﻋﻠﻰ ﻭﺟﻬﻪ ﻟﺤﺪ ﻣﺎ ﻓﻠﺖ

ﺍﻟﺒﻮﺭﻱ ﻭﺍﻟﻤﻲ ﺻﺎﺭ ﻋﻠﻴﻨﺎ ﻣﺜﻞ ﺍﻟﺸﻼﻝ ﺗﺒﻠﻠﺖ ﻣﻼﺑﺴﻨﺎ

ﻭﺻﺮﻧﺎ ﻧﺮﻛﺾ ﺑﺴﺮﻋﻪ ﻧﺸﺘﻐﻞ ﻟﺤﺪ ﻣﺎ ﺳﻮﻳﻨﺎﻩ

ﺍﺳﺘﻐﻠﻴﺖ ﺍﻟﻔﺮﺻﻪ ﺑﺤﺠﺔ ﺍﻧﺸﻒ ﻣﻼﺑﺴﻪ ﻧﺰﻋﺘﻪ ﺍﻟﻘﻤﻴﺺ

ﻭﺍﻧﻲ ﻧﺰﻋﺖ ﺛﻮﺑﻲ ﺑﻘﻴﺖ ﺑﺲ ﺑﺎﻻﺗﻚ ﻭﻫﻮ ﻳﺘﺤﺠﺞ ﻻ ﺍﻧﻲ

ﺍﻧﺸﻒ ﺑﺲ ﺍﻧﻲ ﺍﺫﻛﻰ ﻭﺍﺳﺮﻉ ﻣﻨﻪ ﻭﻛﺪﺭﺕ ﺍﻧﺰﻋﻪ ﺍﻟﻘﻤﻴﺺ ﻭﺍﻟﺒﻴﺠﺎﻣﻪ ... ﺧﻠﻴﺘﻬﻢ ﺑﺎﻟﻤﺠﻔﻒ ... ﻭﺟﺒﺘﻠﻪ ﻋﺼﻴﺮ ﻭﻛﻌﺪﺕ

ﻭﺻﺮﺕ ﺍﻓﺘﺮ ﺩﺍﻳﺮ ﻣﺪﺍﻳﺮﻩ ﻣﻼﺑﺴﻲ ﻻﺯﻛﻪ ﻋﻠﻴﻪ ﻣﻦ ﺍﻟﻤﻲ

ﻫﻮ ﻳﺒﺎﻭﻋﻠﻲ ﻭﺍﻧﻲ ﺍﺑﺘﺴﻤﻠﻪ ...

ﻭﺍﺗﺤﺮﻙ ﺑﺤﺮﻛﺎﺕ ﺑﺪﻩ ﻣﻴﺴﻴﻄﺮ ﻋﻠﻰ ﻧﻔﺴﻪ

..

ﺻﺎﺭ ﺍﻟﻲ ﺻﺎﺭ ﺑﻴﻨﻲ ﻭﺑﻴﻦ ﻭﺳﻴﻢ .. ﺍﺭﺗﺎﺣﻴﻴﺖ ﻧﻔﺴﻴﺎ

ﻭﺣﺴﻴﺖ ﺑﻨﻔﺴﻲ ﺍﻧﺘﺼﺮﺕ ...

ﺑﻘﻴﺖ ﺑﻌﻼﻗﻪ ﻭﻳﺎﻩ ﺳﺖ ﺷﻬﻮﺭ ﻛﻠﻤﺎ ﺗﺮﻭﺡ ﺯﻭﺟﺘﻪ ﺍﻭ ﺗﺘﺎﺧﺮ

ﺑﺎﻟﺸﻐﻞ ﻳﺠﻴﻨﻲ ...

ﻭﺟﻨﺖ ﺍﺧﺬ ﻛﻞ ﺍﻟﻤﻮﺟﻮﺩ ﺑﺠﻴﺒﻪ ﻓﻠﻮﺱ ﻭﻣﺮﺍﺕ ﻳﺼﻮﻏﻠﻲ ﺫﻫﺐ

ﺯﻭﺟﺘﻪ ﺟﺎﻧﺖ ﺗﺠﻲ ﻳﻤﻲ ﻭﺗﺸﻜﻴﻠﻲ ﻣﻦ ﺍﻫﻤﺎﻟﻪ ﻭﺑﺮﻭﺩﻩ ﻭﻳﺎﻫﺎ

ﻣﺮﺍﺕ ﺟﻨﺖ ﺍﮔﻠﻠﻬﺎ ﺗﻌﺒﺎﻥ ﻭﻣﺮﺍﺕ ﺍﮔﻠﻠﻬﺎ ﺣﺮﺍﻡ ﻋﻠﻴﭻ ﻋﻮﻓﻲ

ﺍﻟﺸﻚ ﻣﻮﺯﻳﻦ ...

ﺑﺪﺕ ﺗﺤﺘﺪ ﺍﻟﻤﺸﺎﻛﻞ ﺑﻴﻨﺎﺗﻬﻢ ﻭﻛﻞ ﻣﺸﻜﻠﻪ ﻃﺒﻌﺎ ﺍﻧﻲ

ﺍﻧﻲ ﺍﺩﺧﻞ ﻭﺍﻓﻀﻬﺎ ..

ﻭﺍﺧﻠﻲ ﻳﻄﻠﻊ ﻣﻦ ﺍﻟﺒﻴﺖ ﻭﻳﺮﻭﺡ ﻟﻠﺸﻘﻪ ﻣﺎﻟﺘﻪ ﻛﻠﻪ ﭼﺎﻥ

ﺑﺘﺨﻄﻴﻂ ﻭﻋﻤﻞ ﻣﺪﺑﺮ ﻣﻨﻲ ....

ﭼﺎﻥ ﻳﻌﻮﻓﻬﺎ ﺗﺒﭽﻲ ﻭﺍﻧﻲ ﺍﺳﻜﺘﻬﺎ ﻭﺍﻛﻌﺪ ﺍﺳﻮﻟﻒ ﻭﻳﺎﻫﺎ

ﻭﺍﻃﺒﻄﺐ ﻋﻠﻴﻬﺎ ﻻﻥ ﺍﺩﺭﻱ ﺑﻨﺎﺭ ﺍﻟﻐﻴﺮﻩ ...

ﻣﻦ ﺗﺸﻮﻓﻪ ﻳﺮﻭﺡ ﺗﮕﻌﺪ ﺗﺸﺘﻜﻲ ﻣﻨﻪ ﻭﻃﻠﻊ ﻛﻞ ﻣﻜﺴﺮﺍﺗﻪ

ﻭﺍﻧﻲ ﺍﻭﺍﺳﻴﻬﺎ ﻭﻣﺮﺍﺕ ﺍﺩﮔﻮﻡ ﺗﻄﺒﺦ ﻭﻧﺎﻛﻞ ﺳﻮﻩ ﻭﻧﺪﺭﺩﺵ

ﻭﻧﺴﻬﺮ ...

ﭼﻨﺖ ﻣﻦ ﺑﺎﺏ ﺍﺣﻴﻠﻪ ﻋﻠﻴﻬﺎ ﻻﻥ ﺍﺭﻳﺪﻩ ﻳﻄﻠﮕﻬﺎ ﻭﺍﺳﺘﻔﺮﺩ ﺑﻲ

ﺧﺼﻮﺻﺎ ﻛﻠﻤﺎ ﻳﺠﻲ ﻳﮕﻠﻲ ﺍﺣﺒﭻ ﻭﺍﺭﻳﺪﭺ ﺍﻧﻲ ﻣﻠﻴﺖ ﻣﺘﻬﺎ ﺑﺎﺭﺩﻩ

ﻭﻗﺎﺳﻴﻪ ﻭﻣﻬﻤﻠﻪ ...

ﻳﻮﻡ ﻋﻦ ﻳﻮﻡ ﺧﻠﻴﺖ ﺍﻟﻤﺸﺎﻛﻞ ﺑﻴﻨﺎﺗﻬﻢ ﺗﻮﺻﻞ ﻟﻠﺰﻋﻞ ﻭﺍﻟﻬﺠﺮ

ﻳﺘﺮﻛﻬﺎ ﺑﺎﻻﺷﻬﺮ ﻳﻢ ﺍﻫﻠﻬﺎ ﻻﻳﺴﺄﻝ ﻭﻻ ﻳﻤﺮ ﻋﻠﻴﻬﺎ

ﻳﺪﺯ ﻣﺼﺮﻑ ﺟﻬﺎﻟﻪ ﻭﻳﺮﻭﺡ ﺣﺘﻰ ﻣﻴﺸﻮﻓﻬﺎ

ﺻﺎﺭ ﺷﺒﻪ ﻣﻘﻴﻢ ﻳﻤﻲ ﻭﺻﺎﺭ ﻣﻴﻜﺪﺭ ﻳﻔﺎﺭﻛﻨﻲ ﺯﻭﺟﺘﻪ

ﺍﺷﺘﻜﺖ ﻋﻠﻴﻪ ﺩﻋﻮﺓ ﺗﻔﺮﻳﻖ ...

ﺍﻧﻲ ﭼﻨﺖ ﺍﮔﻮﻟﻪ ﻋﻮﻓﻬﺎ ﻫﻲ ﺍﻟﺨﺴﺮﺍﻧﻪ ﻫﺎﻱ ﻣﺘﺤﺒﻚ

ﻭﻣﺘﻘﺪﺭﻙ ﻭﻫﻮ ﭼﺎﻥ ﻳﻴﮕﻮﻝ ﻻﺍﺍﺍﺍﺍ ﻣﺎ ﺍﮔﺪﺭ ﺍﻋﻮﻑ ﺍﺑﻨﻲ

ﺣﭽﺎﻳﻪ ﻣﻨﺎ ﻭﻏﻤﺰﻩ ﻣﻨﺎﻙ ﮔﺪﺭﺕ ﺍﻗﻨﻌﻪ ﻳﻄﻠﮕﻬﺎ

ﻭﮔﺪﺭﺕ ﺍﺧﺬﻩ ﻣﻨﻬﺎ

..

ﺍﻧﺘﻘﻞ ﻳﻌﻴﺶ ﻳﻤﻲ ﺑﺎﻟﺸﻘﻪ ﻭﻋﺸﻨﺎ ﺣﻴﺎﺓ ﻣﺘﺰﻭﺟﻴﻦ ﺗﻘﺮﻳﺒﺎ

ﻳﺮﻭﺡ ﺍﻟﺼﺒﺢ ﻳﺮﺟﻊ ﺍﻟﻈﻬﺮ ﺍﻟﺤﻈﻨﻲ ﻭﺍﻟﻲ ﺍﻧﻲ

ﺻﺢ ﻣﺮﺍﺕ ﻳﺤﻦ ﻭﻳﻮﻥ ﻋﻠﻰ ﺍﺑﻨﻪ ﺧﺼﻮﺻﺎ ﻣﻦ ﻳﺮﻭﺡ ﻟﻠﻤﺤﻜﻤﻪ

ﻳﺸﻮﻓﻪ ﺑﺲ ﻛﻴﺪ ﺍﻟﺤﺮﻳﻢ ﻣﺤﺪ ﻳﻜﺪﺭﻟﻪ ...

ﺧﻠﺼﺖ ﺳﻨﺘﻴﻦ ﻭﻳﺎﻩ ﺳﻔﺮ ﻭﻓﻠﻮﺱ ﻭﻭﻧﺴﻪ ...

ﺻﺢ ﻣﺮﺍﺕ ﻳﺠﻲ ﻋﻠﻰ ﺑﺎﻟﻲ ﺻﻼﺡ ﺑﺲ ﺍﻗﺘﻊ ﻧﻔﺴﻲ ﻭﺍﮔﻮﻝ ﻋﻨﺪﻱ ﺍﻻﺣﺴﻦ ﻣﻨﻪ

...

ﻭﺳﻴﻢ ﭼﺎﻥ ﻳﺤﺐ ﺟﻬﺎﻟﻲ ﻭﻣﺪﺍﺭﻳﻬﻢ ﻭﻣﻮﻓﺮﻟﻬﻢ ﻛﻮﻟﺸﻲ

ﻭﻣﺮﺍﺕ ﺍﻧﻲ ﺍﻃﻠﻊ ﻭﻫﻮ ﻳﺒﻘﻰ ﺑﺎﻟﺒﻴﺖ ﻳﻤﻬﻢ

ﺍﻧﻲ ﻛﺎﻧﺖ ﺍﻏﻠﺐ ﻃﻠﻌﺎﺗﻲ ﻟﻠﺸﻐﻞ ﻭﺍﻟﻮﻧﺴﻪ ﻭﺍﻟﻔﻠﻮﺱ

ﻻﻥ ﻛﺎﻥ ﻻﺯﻡ ﺍﻭﻓﺮ ﻓﻠﻮﺱ ﻭﺳﻴﻢ ﻳﺠﻲ ﻳﻮﻡ ﻭﻳﺮﺟﻊ ﻟﺰﻭﺟﺘﻪ ﻭﺣﻴﺎﺗﻪ ... ﻟﻴﻼﻥ ﺣﻜﻤﺖ ...

ﺑﻌﺪ ﺍﻟﺴﻨﺘﻴﻦ ﻭﺗﺤﺪﻳﺪﺍ ﻗﺒﻞ ﻧﻬﺎﻳﺔ ﺍﻟﺤﺮﺏ ﺑﺘﺴﻊ ﺷﻬﻮﺭ

ﻭﺳﻴﻢ ﺑﺪﻩ ﻳﺘﻐﻴﺮ ﻭﺻﺎﺭ ﻳﺘﺎﺧﺮ ﺑﺎﻟﺸﻐﻞ ﻭﺍﺣﻴﺎﻧﺎ ﻳﺒﺎﺕ

ﺗﻤﺮ ﺍﻳﺎﻡ ﻭﻟﻴﺎﻟﻲ ﻣﻮ ﻳﻤﻲ ...

ﻣﺮﺍﺕ ﺍﻃﻠﻊ ﺍﺩﻭﺭ ﺯﺑﺎﺋﻦ ﻭﺧﺼﻮﺻﺎ ﺍﻟﻔﺮﺍﺋﺲ ﺍﻟﺴﻬﻠﻪ

ﺍﻟﻲ ﻫﻤﻪ ﻛﺒﺎﺭ ﺑﺎﻟﻌﻤﺮ ﻓﻠﻮﺱ ﻭﻣﻴﺘﻌﺒﻮﻥ ...

ﭼﻨﺖ ﺍﺣﺼﻞ ﺑﺎﻟﺼﺪﻑ ﻭﻣﺮﺍﺕ ﺍﺟﻴﺒﻬﻢ ﻟﻠﺒﻴﺖ

ﻭﻣﺮﺍﺕ ﺍﺭﻭﺣﻠﻬﻢ ﻟﺒﻴﻮﺗﻬﻢ ﻟﻮ ﻟﻤﺰﺍﺭﻋﻬﻢ ﺻﺤﻴﺢ

ﺍﺗﺎﺧﺮ ﻋﻠﻰ ﺟﻬﺎﻟﻲ ﺑﺲ ﺟﻨﺖ ﺍﺭﻭﺡ ﻭﺍﺭﺟﻊ ﻭﻫﻤﻪ ﻧﺎﻳﻤﻴﻦ ..

ﻭﻣﺮﻩ ﻣﻦ ﺍﻟﻤﺮﺍﺕ ﺟﻨﺖ ﺭﺍﺟﻌﻪ ﺑﺎﻟﻠﻴﻞ ﺳﻤﻌﺖ ﺻﻮﺕ ﺑﺸﻘﺔ

ﻭﺳﻴﻢ .. ﻓﻜﺮﺕ ﻣﻌﻘﻮﻟﻪ ﻧﻀﺎﻝ ﺭﺟﻌﺖ ﻣﻤﻌﻘﻮﻟﻪ ﻻﻥ ﻫﻲ ﻣﻄﻠﻘﻪ

ﻭﺳﻴﻢ ﻗﻔﻞ ﺍﻟﺸﻘﻪ ﻣﻦ ﺯﻣﺎﻥ ...

ﻗﺮﺭﺕ ﺍﺭﺍﻗﺐ ﻣﻦ ﺍﻟﻌﻴﻦ ﺍﻟﺴﺤﺮﻳﻪ ﺍﻟﻲ ﺑﺎﺏ ﺍﻟﺸﻘﻪ

ﻣﺎﻟﺘﻲ ﺑﻘﻴﺖ ﺍﺑﺎﻭﻉ ﻟﺤﺪ ﻣﺎ ﻃﻠﻊ ﻭﺳﻴﻢ ﻭﻭﻳﺎﻩ ﻭﺣﺪﻩ

...

ﻓﺮﺕ ﺩﻡ ﻭﺑﺪﻳﺖ ﺍﻛﻞ ﺑﺎﺿﺎﻓﺮﻱ ﻭﻗﺮﺭﺕ ﺍﻃﻠﻊ ﺍﺭﻭﺡ ﺍﻓﻀﺤﻬﺎ

ﺑﺲ ﮔﻠﺖ ﺍﺫﺍ ﻓﻀﺤﺘﻪ ﺭﺍﺡ ﻳﻌﻮﻓﻨﻲ ﺍﺣﺴﻦ ﺷﻲ ﺍﺳﻜﺖ

ﻭﺍﻋﻮﻓﻪ ﺑﺲ ﻣﻦ ﻳﺠﻲ ﺍﻣﺮﻣﻂ ﺍﺣﻮﺍﻟﻪ ﻭﺍﻏﺴﻠﻪ ﻏﺴﻞ

ﺑﺴﻴﻄﻪ ﻭﺳﻴﻢ ﺍﻧﻲ ﺗﻀﺤﻚ ﻋﻠﻴﻪ ﻭﻟﻚ ﺍﻧﻲ ﺍﺩﮒ ﺍﻟﻨﺎﻗﺼﻪ

ﻭﻳﺎﻱ ﻭﻟﻚ ﺍﻧﻲ ﺯﻫﺮﻩ ﻗﺮﭺ ﻣﺤﺪ ﻳﻨﺪﮒ ﺑﻴﻪ ...

ﻓﻜﺮﺕ ﻭﺧﻄﻄﺖ ﻭﺗﺤﻠﻔﺖ ﺑﻲ ﺍﺫﺍ ﻛﺮﺭﻫﺎ ﺍﻧﻌﻞ ﻭﺍﻟﺪ ﻭﺍﻟﺪﻳﻪ

ﺍﻧﻴﻤﻪ ﺑﺎﻟﺤﺒﻮﺱ ﻭﺍﻃﻴﺢ ﺣﻈﻪ ...

ﺛﺎﻧﻲ ﻳﻮﻡ ﻧﺰﻟﺖ ﻋﻠﻰ ﺣﺮﺍﺱ ﺍﻟﻌﻤﺎﺭﻩ ﻭﺍﺧﺬﺕ ﺭﻗﻢ ﻣﺮﻛﺰ ﺍﻟﺸﺮﻃﻪ

ﻭﺧﺰﻧﺘﻪ ﺑﻮﺭﻗﻪ ﻭﺿﻤﻴﺘﻪ ...

ﻭﺑﺪﻳﺖ ﺍﻧﺘﻈﺮﻩ ﻟﺤﺪ ﻣﺎ ﻳﺠﻲ ... ﺍﺟﺎﻧﻲ ﻓﺪ ﻟﻠﺸﻘﻪ

ﺳﺄﻟﺘﻪ ﻭﻳﻦ ﭼﻨﺖ ﺷﻮ ﺻﺎﻳﺮ ﺗﺘﺄﺧﺮ ... ﭼﺎﻥ ﻳﮕﻮﻝ ﺑﺎﻟﺸﻐﻞ

ﻋﺪﻧﻪ ﺣﺮﻛﺔ ﺍﻋﻤﺎﺭ ... ﮔﺘﻠﻪ ﻫﺎﺍﺍﺍ ﺍﻟﻠﻪ ﻳﻌﻴﻨﻚ ....

ﺍﺗﻮﻗﻊ ﺻﺪﻛﺘﻪ ﺳﻮﻳﺘﻠﻪ ﻋﺸﻪ ﻭﺭﺍﺡ ﻟﻠﻐﺮﻓﻪ ﺣﺘﻰ ﻳﻨﺎﻡ ﺍﻧﻲ ﺳﺒﺤﺖ ﻭﺭﺣﺖ ﻳﻤﻪ ﺑﻌﺪ ﻣﺎ ﻛﻤﻠﻨﺎ ﮔﺘﻠﻪ ﺍﻧﻲ ﻣﺤﺘﺎﺟﻪ ﻓﻠﻮﺱ

ﮔﻠﻲ ﺍﺧﺬﻱ ﻣﻦ ﺟﻴﺒﻲ ﺍﻛﻮ ﺍﻟﻒ ﺩﻳﻨﺎﺭ ﺍﺧﺬﻳﻬﻢ ﮔﺘﻠﻪ ﻻ ﻣﺤﺘﺎﺟﻪ

ﺍﻛﺜﺮ ...

ﺳﺄﻟﻨﻲ ﺷﺴﻮﻳﻦ ﺑﻴﻬﻢ ﮔﺘﻠﻪ ﺍﺭﻳﺪﻫﻢ ﻣﺤﺘﺎﺟﺘﻬﻢ ﺍﺫﺍ ﻣﺎﻋﻨﺪﻙ

ﻣﻮ ﻣﻬﻢ ﻣﺎ ﺃﺭﻳﺪ .....

ﻃﺒﻌﺎ ﺍﻟﻨﺬﻝ ﺻﺪﮒ ﺍﻧﻲ ﻣﺤﺘﺎﺟﻪ ﮔﻠﻲ ﺑﺎﭼﺮ ﺍﺟﻴﺒﻠﺞ ﺧﻤﺲ ﺗﺎﻻﻑ ﺩﻳﻨﺎﺭ

ﺍﻧﻲ ﻓﺮﺣﺖ ﮔﻠﺖ ﺍﺗﻐﺪﻩ ﺑﻲ ﻗﺒﻞ ﻣﻴﺘﻌﺸﻰ ﺑﻴﻪ ...

ﻣﺮﻥ ﻳﻮﻣﻴﻦ ﺍﺟﺎﻧﻲ ﺍﻧﻄﺎﻧﻲ ﺍﻟﻔﻠﻮﺱ ﺍﺧﺬﺗﻬﻢ ﻣﻨﻪ ﺑﺲ ﭼﺎﻥ ﻣﺴﺘﻌﺠﻞ ﮔﻠﻲ ﻋﻨﺪﻱ ﺷﻐﻠﻪ ﺑﻘﻴﺖ ﺍﺭﺍﻗﺐ ﻣﻦ ﺍﻟﺒﺎﺏ

ﺷﻔﺘﻪ ﻧﺰﻝ ﻭﺭﻩ ﺳﺎﻋﻪ ﺗﻘﺮﻳﺒﺎ ﺑﺎﻟﺘﺴﻌﻪ ﺑﺎﻟﻠﻴﻞ ﺭﺟﻊ ﻻﻥ ﺳﻤﻌﺖ ﺣﺮﻛﻪ ﺑﺮﻩ ﺑﺎﻟﻤﻤﺮ ﺭﺣﺖ ﻉ ﺍﻟﺒﺎﺏ ﺷﻔﺘﻪ ﻣﻦ ﺍﻟﻌﻴﻦ ﺍﻟﺴﺤﺮﻳﻪ

ﺟﺎﻱ ﻭﻭﻳﺎﻩ ﻭﺣﺪﻩ ﺳﻔﻮﺭ ﻭﻻﺑﺲ ﻗﺼﻴﺮ ﺑﺲ ﻭﺟﻬﻪ

ﻣﻮ ﻛﻮﻟﺶ ﻭﺍﺿﺢ ﻻﻥ ﺷﻌﺮﻫﺎ ﻧﺎﺯﻝ ....

ﺧﻠﻴﺘﻪ ﻟﺤﺪ ﻣﺎ ﺩﺧﻞ ﻟﻠﺸﻘﻪ ﺍﻧﺘﻈﺮﺕ ﻧﺺ ﺳﺎﻋﻪ

ﻭﺧﺎﺑﺮﺕ ﻉ ﺍﻟﺸﺮﻃﻪ ﻭﻃﻠﺒﺖ ﻣﻨﻬﻢ ﻣﻴﺬﻛﺮﻭﻥ ﺍﺳﻤﻲ ﻭﮔﻠﺘﻠﻬﻢ

ﺫﻭﻟﻪ ﻣﺤﻮﻟﻴﻦ ﺍﻟﺸﻘﻪ ﺍﻟﻰ ﺑﻴﺖ ﺩﻋﺎﺭﻩ ﻭﺷﺮﺏ

ﻭﺳﻜﺎﻥ ﺍﻟﻌﻤﺎﺭﻩ ﻣﺘﻀﺎﻳﻘﻴﻦ ﻣﻨﻬﻢ

..

ﻃﺒﻌﺎ ﺧﻼﻝ ﺭﺑﻊ ﺳﺎﻋﻪ ﺍﺟﺖ ﻧﺠﺪﺓ ﺍﻟﺸﺮﻃﻪ ﻭﺍﻗﺘﺤﻤﺖ ﺍﻟﺸﻘﻪ

ﻭﻃﻠﻌﺘﻬﻢ ﺍﺛﻨﻴﻨﻬﻢ ... ﻭﺍﻧﻲ ﻃﺒﻌﺎ ﻋﻠﻰ ﺣﺲ ﺍﻟﻄﺒﻞ ﺧﻔﻦ ﻳﺎﺭﺟﻠﻴﻪ

ﻃﻠﻌﺖ ﺍﺭﻛﺾ ﺍﺷﻮﻑ ﺷﻜﻮ ﻣﺎﻛﻮ ... ﺣﺎﻟﻲ ﺣﺎﻝ ﺍﻟﺴﻜﺎﻥ ﻣﻦ

ﺷﻔﺘﻪ ﺳﺎﺣﻠﻲ ﻣﻠﻔﻮﻑ ﺑﭽﺮﭼﻒ ﺻﺤﺖ ﻳﺎﺍﺍﺍ ﻣﻌﻘﻮﻟﻪ ﺍﺳﺘﺎﺫ

ﻭﺳﻴﻢ ﻫﻴﺞ ﻳﺼﻴﺮ ﺑﻲ ﺳﻮﺩﻩ ﻋﻠﻴﻪ ....

ﺍﺧﺬﻭﺍ ﻭﺭﺍﺣﻮﺍ ﻃﻴﺤﺖ ﺣﻈﻪ ﻭﻏﺴﻠﺘﻪ ﻏﺴﻞ

ﺍﺳﺘﻤﺮﺕ ﺣﻴﺎﺗﻲ ﻃﺒﻴﻌﻴﻪ ﻟﻤﺪﺓ ﺷﻬﺮ ﺑﻌﺪﻫﺎ ﺑﺪﻳﺖ ﺍﺗﺨﺮﺑﻂ

ﺣﺴﻴﺖ ﺍﻟﻲ ﻋﻨﺪﻱ ﺍﻋﺮﺍﺽ ﺣﻤﻞ ﺧﻔﺖ ﻭﺭﺣﺖ ﻋﻠﻰ ﺍﻟﺪﻛﺘﻮﺭﻩ

ﻛﺎﻟﺖ ﺍﻱ ﺣﺎﻣﻞ ...

ﻳﺎﺍﺍ ﺣﺎﻣﻞ ﺷﻠﻮﻥ ﻭﺍﻧﻲ ﻣﺎ ﺻﺎﺭ ﺳﻨﺘﻴﻦ ﻋﻤﺮ ﺟﻤﺎﻝ ﻫﺎﻱ ﺷﻠﻮﻥ ﻣﺼﻴﺒﻪ ﺭﺣﺖ ﻉ ﺍﻟﻘﺎﺑﻠﻪ ﻭﻗﻨﻌﺘﻬﺎ ﺍﺟﻬﺾ ﺍﻟﻄﻔﻞ ...

ﻃﻤﻌﺘﻬﺎ ﺑﺎﻟﻔﻠﻮﺱ ...

ﻃﺒﻌﺎ ﻫﻲ ﻗﺒﻠﺖ ﻭﺣﺎﻭﻟﺖ ﻭﻳﺎﻱ ﺑﻜﻞ ﻃﺮﻳﻘﻪ ﻟﻜﻦ ﻣﺎ ﻧﺰﻝ ﻣﺠﺮﺩ ﺻﺎﺭ ﻋﻨﺪﻱ ﻧﺰﻳﻒ ...

ﺗﻘﺒﻠﺖ ﺍﻟﻮﺿﻌﻴﻪ ﻭﮔﻠﺖ ﻣﻴﺨﺎﻟﻒ ﻳﺎﺳﺘﻪ ﺳﻮﻳﺖ ﺍﻟﺴﺘﻴﻦ

ﺍﺟﻴﺒﻪ ﻭﻳﺘﺮﺑﻰ ﺣﺎﻟﻪ ﺣﺎﻝ ﺍﺧﻮﺗﻪ ..

ﺑﺪﻳﺖ ﺍﺷﺘﻐﻞ ﻉ ﺍﻟﺨﻔﻴﻒ ﻻﻥ ﺣﻤﻠﻲ ﻫﺎﻟﻤﺮﻩ ﺗﻌﺒﻨﻲ

ﻭﺗﺎﺫﻳﺖ ﻳﻮﻡ ﺍﺷﺘﻐﻞ ﻭﺷﻬﺮ ﻻ ﻣﺎ ﺍﮔﺪﺭ ﻻﻥ ﻣﺎ ﺍﺗﺤﻤﻞ

ﺑﺪﻳﺖ ﺍﺩﻭﺭ ﻋﻠﻰ ﺻﻴﺪﻩ ﺟﺒﻴﺮﻩ ﺍﺳﺘﻔﺎﺩ ﻣﻨﻬﺎ ﻻﻥ ﺧﻠﻔﺘﻲ

ﻛﺜﺮﻭﺍ ﻭﻳﺤﺘﺎﺟﻮﻥ ﻣﺼﺎﺭﻳﻒ ﻭﻋﻨﺎﻳﻪ ﻭﻃﺒﻴﺐ ....

ﺑﺪﻳﺖ ﺍﻧﺰﻝ ﻋﻠﻰ ﺍﻫﻞ ﺍﻟﻤﺤﻼﺕ ﻭﺍﻻﺳﻮﺍﻕ ﺍﺩﻭﺭ ﻣﻨﻮ ﺻﻴﺪﻩ ﺳﻬﻠﻪ ....

ﻣﻦ ﻭﺍﺣﺪ ﻟﻮﺍﺣﺪ ﺣﺼﻠﺖ ﻭﺍﺣﺪ ﻳﺴﻤﻮﻧﻪ ﺟﺒﺎﺭ ﺗﺎﺟﺮ ﻣﺎﻝ ﻣﻼﺑﺲ

ﻧﺴﺎﺋﻴﻪ ﻭﻣﻜﻴﺎﺟﺎﺕ ﺗﻘﺮﺑﺘﻠﻪ ﻣﺮﻩ ﻭﺍﺛﻨﻴﻦ ﻭﺗﻼﺛﻪ ﺍﺻﺪ ﻭﺍﺭﺩ

ﻻﻥ ﻣﺎ ﺭﺩﺕ ﻳﺼﻴﺮ ﺷﻲ ﻭﻳﻌﺮﻑ ﺍﻧﻲ ﺣﺎﻣﻞ ...

ﺻﺮﺕ ﺍﺗﻌﺎﻣﻞ ﻭﻳﺎﻩ ﺍﺟﻲ ﺑﺎﻟﺸﻬﺮ ﻣﺮﺗﻴﻦ ﺣﻂ ﻋﻴﻨﻪ ﻋﻠﻴﻪ

ﻭﺻﺎﺭ ﻳﺘﻘﺮﺑﻠﻲ ﺍﻧﻲ ﻓﺮﺣﺖ ﻭﺑﺪﻩ ﻳﺘﻔﻖ ﻭﻳﺎﻱ ﻭﺍﻧﻲ

ﺍﮔﻮﻟﻪ ﺍﻧﺘﻈﺮ ﻟﺤﺪ ﻣﺎ ﺍﺳﺎﻓﺮ ﻭﺍﺭﺟﻊ ....

ﻃﺒﻌﺎ ﻗﺮﺑﺖ ﻭﻻﺩﺗﻲ ﺭﺣﺖ ﻉ ﺍﻟﻘﺎﺑﻠﻪ ﺟﻴﺒﺘﻨﻲ ﻭﻟﺪ ﻳﺸﺒﻪ ﻭﺳﻴﻢ

ﻧﺴﺨﻪ ﻣﻨﻪ ﺍﺑﻴﺾ ﻭﻋﻴﻮﻧﻪ ﻣﻠﻮﻧﻪ ﺳﻤﻴﺘﻪ ﺟﻼﻝ

ﻃﻠﻌﺘﻠﻪ ﺑﻴﺎﻥ ﺑﺎﺳﻢ ﺻﻼﺡ ﻭﻃﻠﻌﺖ ﺑﻴﺎﻥ ﻟﺠﻨﻪ ﻧﺴﺒﺘﻬﺎ ﻟﺼﻼﺡ

ﮔﻠﺖ ﻛﺒﺮﺕ ﻭﻻﺯﻡ ﺍﻃﻠﻌﻠﻬﻢ ﺟﻨﺎﺳﻲ ﻻﻥ ﺍﺭﻳﺪ ﺍﺩﺧﻠﻬﺎ ﻣﺪﺭﺳﻪ ..

ﺍﺧﺬﺕ ﻓﺘﺮﺓ ﺭﺍﺣﻪ ﻣﻦ ﺍﻟﺤﻤﻞ ﺷﻬﺮﻳﻦ ﻭﺭﺟﻌﺖ ﻋﻠﻰ ﺟﺒﺎﺭ

ﻻﻥ ﻻﺯﻡ ﺍﻭﮔﻌﻪ ﺑﺸﺒﺎﻛﻲ ﻭﺍﻛﻮﺵ ﻋﻠﻰ ﻓﻠﻮﺳﻪ

ﺭﺣﺘﻠﻪ ﻟﻠﻤﺤﻞ ﻣﺎﻟﺘﻪ ﺿﺤﻚ ﻣﻦ ﺷﺎﻓﻨﻲ ﺻﺢ ﺷﻜﻠﻪ ﻣﺨﻨﺰﺭ ﻭﻣﻮ ﺣﻠﻮ ﺑﺲ ﺍﺗﻘﺒﻠﺘﻪ ﻻﻥ ﻓﻠﻮﺳﻪ ﺍﺣﻠﻰ

...

ﺟﺒﺎﺭ ﻳﺨﺘﻠﻒ ﻋﻦ ﻛﻞ ﺍﻟﻲ ﻋﺮﻓﺘﻬﻢ ﻣﺎﻛﺎﻥ ﻳﻬﻤﻪ ﺍﻟﺠﻨﺲ

ﻛﺎﻥ ﻳﻬﻤﻪ ﺍﻟﻔﻠﺲ ﻭﺷﻠﻮﻥ ﻳﺤﺼﻠﻪ ﻭﻳﻜﻮﺵ ﻋﻠﻴﻪ .....

ﻛﺎﻥ ﻳﺮﻳﺪ ﻳﺴﺘﻐﻠﻨﻲ ﺍﻭﻫﻤﻨﻲ ﺑﺎﻟﺤﺐ ﻭﺍﻟﻤﻌﺎﺷﺮﻩ

ﻟﻜﻦ ﻫﻮ ﻛﺎﻥ ﻳﺮﻳﺪ ﻏﻴﺮ ﺷﻲ ﻛﺎﻥ ﻳﺮﻳﺪ ﻳﺴﺘﻐﻠﻨﻲ

ﻭﻳﺴﺘﻔﺎﺩ ﻣﻦ ﻭﺭﺍﻱ ﺑﺲ ﺑﻄﺮﻳﻘﻪ ﺛﺎﻧﻴﻪ

ﮔﻠﻲ ﺍﻧﺖ ﻭﺟﻪ ﺟﺪﻳﺪ ﻭﻣﻤﻄﺮﻭﻕ ﻉ ﺍﻟﺴﺎﺣﻪ ﻣﺤﺪ ﻳﻌﺮﻓﺞ

ﺍﺭﻳﺪﺝ ﺗﮕﻀﻴﻠﻲ ﻫﺎﻱ ﺍﻟﻤﺼﻠﺤﻪ ﺳﺄﻟﺘﻪ ﺷﻨﻮ ﻫﻲ

ﮔﻠﻲ ﺑﻌﺪﻳﻦ ﺗﻌﺮﻓﻴﻦ ...

ﻻﺗﻠﺤﻴﻦ ﻭﻻ ﺗﺴﺮﻋﻴﻦ ﺍﻟﻴﻮﻡ ﺍﻟﻌﺼﺮ ﺍﺭﻳﺪ ﺗﺮﻭﺣﻴﻦ ﻟﺨﺎﻥ ﺣﺠﻲ

ﺳﻌﺪﻭﻥ ﺍﺩﺯﻳﻠﻪ ﺫﻧﻲ ﺍﻷﻏﺮﺍﺽ ..

ﺳﺄﻟﺘﻪ ﺷﻨﻮ ﻣﺎ ﺣﭽﻪ ﺍﻧﻄﺎﻧﻲ ﻋﻼﮔﻪ ﻭﺍﻧﻄﺎﻧﻲ ﺍﻟﻌﻨﻮﺍﻥ

ﺭﺣﺖ . ﺳﻠﻤﺖ ﺍﻟﻐﺮﺍﺽ ﻭﺭﺟﻌﺖ ...

_ ﮔﻠﻲ ﻋﻔﻴﻪ ﻋﻠﻴﺞ ﺳﺒﺎﻋﻴﻪ ...

ﻣﺮﻩ ﻭﺭﻩ ﻣﺮﻩ ﺍﻛﺘﺸﻔﺖ ﺍﻟﻲ ﺟﺎﻱ ﺍﻧﻘﻠﻬﻢ ﻭﺍﺩﺯﻫﻢ ﭼﺎﻧﺖ

ﻣﺨﺪﺭﺍﺕ ...

ﺭﺣﺖ ﻋﻠﻰ ﺟﺒﺎﺭ ﻭﻭﺍﺟﻬﺘﻪ ﻭﮔﺘﻠﻪ ﻫﺎﻱ ﻭﺭﻃﻪ ﻭﻋﻠﻴﻬﺎ ﺍﻋﺪﺍﻡ

ﺍﻧﺖ ﺗﺮﻳﺪ ﺗﻮﺭﻃﻨﻲ ﺣﺮﺍﻡ ﻋﻠﻴﻚ ..

ﺻﺎﺭ ﻋﺼﺒﻲ ﻭﺟﺮﻧﻲ ﻣﻦ ﺷﻌﺮﻱ ﻭﮔﻠﻲ ﺍﻧﭽﺒﻲ

ﻻ ﺍﻭﮔﻌﺞ ﺑﺎﻟﺮﺟﻠﻴﻦ ... ﺧﻠﺼﺖ ﺭﻭﺣﻲ ﻣﻨﻪ

ﺭﻛﺾ ﻭﺭﺍﻱ ﻭﺿﺮﺑﻨﻲ ﻟﺤﺪ ﻣﺎ ﺟﻬﺎﻟﻲ ﮔﻌﺪﻭﺍ ﻋﻠﻰ ﺻﻮﺕ ﺍﻟﺼﻴﺎﺡ

ﻳﺒﭽﻮﻥ .. ﻋﺎﻓﻨﻲ ﻭﻃﻠﻊ ..

ﺭﻛﻀﺖ ﻋﻠﻰ ﺟﻬﺎﻟﻲ ﺳﻜﺘﺘﻬﻢ ﻭﻋﺸﻴﺘﻬﻢ ﻭﻧﺎﻣﻮﺍ

_ ﮔﻌﺪﺕ ﺍﻓﻜﺮ ﻭﺣﺪﻱ ﺑﺎﻟﻠﻪ ﻫﺬﺍ ﺷﻠﻮﻥ ﻭﺭﻃﻪ ﻭﮔﻌﺖ ﺑﻴﻬﺎ ﺍﻧﻲ

ﺷﻠﻮﻥ ﻣﺼﻴﺒﻪ ﺍﺣﺴﻦ ﺍﻟﻒ ﭼﻮﺍﻻﺗﻲ ﻭﺍﺷﺮﺩ ..

ﻟﻤﻜﺎﻥ ﻣﻴﻌﺮﻓﻨﻲ ﺑﻲ ....

ﺑﺲ ﺷﻠﻮﻥ ﺍﺷﺮﺩ ﺧﻠﻲ ﺍﻗﺸﻤﺮﻩ ﻳﻄﻠﻊ ﺟﻨﺎﺳﻲ ﻟﻠﺠﻬﺎﻝ

ﻭﺍﺑﻮﮔﻪ ﺑﻮﮔﻪ ﺯﻳﻨﻪ ﻣﻌﺪﻟﻪ ﻭﺍﺧﺬ ﺟﻬﺎﻟﻲ ﻭﺍﻓﻠﺖ ﻟﻤﻨﻄﻘﻪ ﺑﻌﻴﺪﻩ

ﻻﺟﺒﺎﺭ ﻭﻻ ﻏﻴﺮﻩ ﻳﻌﺮﻓﻨﻲ ﺑﻴﻬﺎ .. ﻭﺍﻓﺘﺢ ﻣﺤﻞ ﻭﺍﻋﻴﺶ ﺟﻬﺎﻟﻲ

ﻭﺍﻧﭽﺐ ﻭﺍﺳﻜﺖ ﺍﻟﺸﻐﻞ ﺻﺎﺭ ﻣﻮ ﺇﻣﻴﻦ ﻭﻻ ﻋﻨﺪﻱ ﻇﻬﺮ ﻳﺴﻨﺪﻧﻲ

ﺛﺎﻧﻲ ﺭﺣﺖ ﻋﻠﻰ ﺟﺒﺎﺭ ﻭ ﮔﺘﻠﻪ ﺍﺭﻳﺪ ﺟﻨﺎﺳﻲ ﻟﺠﻬﺎﻟﻲ ﻭﺣﺼﻪ

ﻣﻦ ﺍﻟﻔﻠﻮﺱ ﺣﺘﻰ ﺍﺷﺘﻐﻞ ﻭﻳﺎﻙ ..

ﭼﺎﻥ ﻳﮕﻮﻝ ﻏﻴﺮ ﺗﺤﭽﻴﻦ ﻣﻦ ﺍﻟﺒﺪﺍﻳﺔ ﻫﺬﺍ ﺣﺠﻲ ﺍﻟﻌﻘﺎﻝ

ﻭﺍﻟﻨﺎﺱ ﺍﻟﺘﻔﺘﻬﻢ .. ﮔﻠﻲ ﺍﻟﭻ ﻧﺴﺒﺔ ﻋﺸﺮﻩ ﺑﺎﻟﻤﻴﻪ ﻣﻦ ﻛﻞ ﺗﻮﺯﻳﻌﻪ

ﺗﺴﻮﻳﻬﺎ .. ﮔﺘﻠﻪ ﻻ ﻋﺸﺮﻳﻦ ﺑﺎﻟﻤﻴﻪ ... ﺣﭽﺎﻳﻪ ﻣﻨﺎ ﻭﺣﭽﺎﻳﻪ ﻣﻨﺎﻙ

ﺍﺗﻔﻘﻨﺎ ﻭﮔﻠﻲ ﺍﻟﺠﻬﺎﻝ ﺭﺍﺡ ﺍﺩﺯﻫﻢ ﻟﺼﺪﻳﻘﻪ ﻣﺪﻳﺮﺓ ﻣﻠﺠﭑ ﺍﻳﺘﺎﺍﻡ

ﺑﺤﺠﺔ ﻟﮕﻴﺘﻬﻢ ﻭﻳﻨﺰﻟﻮﻥ ﺑﻴﻬﻢ ﺍﻋﻼﻥ ﺑﺠﺮﻳﺪﺓ ﺍﻟﺠﻤﻬﻮﺭﻳﺔ

ﻣﺤﺪ ﺭﺍﺡ ﻳﺴﺄﻝ ﻋﻠﻴﻬﻢ ﻳﺒﻘﻮﻫﻢ ﺑﺎﻟﻤﻠﺠﺄ ﺑﻌﺪﻫﺎ ﺗﻘﺪﻣﻴﻦ ﻃﻠﺐ

ﻟﻠﻤﺤﻜﻤﻪ ﻭﺗﮕﻮﻟﻴﻦ ﺍﻧﻲ ﻣﻴﺴﻮﺭﺓ ﺍﻟﺤﺎﻝ ﻭﻋﻨﺪﻱ ﺑﻴﺖ

ﻭﺍﺭﻏﺐ ﺑﺘﺒﻨﻲ ﺍﻃﻔﺎﻝ ﻭﺗﺎﺧﺬﻳﻬﻢ ﺑﻬﻴﺞ ﻃﺮﻳﻘﻪ ...

ﻭﺍﻟﺠﻨﺎﺳﻲ . ﻟﻴﻼﻥ ﺣﻜﻤﺖ .. ﭼﺎﻥ ﻳﮕﻮﻝ ﻋﻮﺑﻪ ﭼﻠﺒﻪ ﻭﻟﭻ ﻣﻦ ﺗﺎﺧﺬﻳﻬﻢ ﺍﻟﻤﺤﻜﻤﻪ

ﺗﺴﻮﻳﻠﻬﻢ ﺟﻨﺎﺳﻲ ...

ﺍﺭﺗﺎﺣﻴﻴﺖ ﺿﺮﺑﺖ ﻋﺼﻔﻮﺭﻳﻦ ﺑﺤﺠﺮ ﻫﻢ ﺍﻟﺠﻬﺎﻝ ﻭﻫﻢ ﺍﻟﻔﻠﻮﺱ

ﺑﺲ ﻻﺯﻡ ﺍﺑﻘﻰ ﺍﺯﻥ ﺑﺮﺍﺳﻪ ﻳﺨﻠﺼﻬﺎ ﺑﺴﺮﻋﻪ ﺣﺘﻰ ﺍﻧﻬﺰﻡ ﻣﻨﻪ

ﻗﺒﻞ ﻣﺎ ﺗﺠﻲ ﻛﺒﺴﻪ ﻣﺎﻝ ﺷﺮﻃﻪ .. ﻭﺗﻜﺮﻓﻨﻲ ﻭﺍﺿﻴﻊ ﺍﻟﻤﺸﻴﺘﻴﻦ

ﺑﻘﻴﺖ ﺍﻟﺢ ﻋﻠﻴﻪ ﻛﻞ ﻣﺮﻩ ﻭﻫﻮ ﻳﮕﻠﻲ ﺑﺎﭼﺮ ﻭﻋﮕﺒﻪ ﻭﺍﻟﻴﻮﻡ ﻭﺑﺎﭼﺮ

ﺳﻨﻪ ﻛﺎﻣﻠﻪ ﺑﻘﻴﺖ ﺍﻟﺢ ﻋﻠﻴﻪ ﻭﮔﻠﻲ ﺧﻠﻲ ﺗﺨﻠﺺ ﺍﻟﻬﻮﺳﻪ ﻣﺎﻝ

ﺍﻧﺘﻬﺎﺀ ﺍﻟﺤﺮﺏ ﻭﻳﺠﺮﺍﻟﭻ ﺍﻟﻲ ﺗﺮﻳﺪﻱ ...

ﺑﺴﻨﺔ ١٩٨٩ ﺑﺎﻟﺸﺘﻪ ﮔﻠﻲ ﺣﻀﺮﻱ ﺍﻟﺠﻬﺎﻝ ﺧﻠﻲ ﺍﺧﺬﻫﻢ ﻭﺍﺳﻮﻱ

ﺍﻟﻲ ﺍﺗﻔﻘﻨﺎ ﻋﻠﻴﻪ ...

ﺭﺣﻨﺎ ﻉ ﺍﻟﺒﻴﺖ ﺟﻬﺰﺗﻬﻢ ﻭﺑﻮﺳﺘﻬﻢ ﺍﺧﺬﻫﻢ ﺑﺎﻟﺴﻴﺎﺭﺓ

ﻭﺭﺍﺡ ﮔﻠﻲ ﻟﺘﺨﺎﻓﻴﻦ ﺟﻬﺎﻟﺞ ﻣﺎ ﻋﻠﻴﻬﻢ ﺷﻲ ..

ﻃﺒﻌﺎ ﺍﻧﻲ ﻭﺛﻘﺖ ﺑﻲ ﻻﻥ ﻣﺴﺘﺤﻴﻞ ﻳﺄﺫﻱ ﺍﻃﻔﺎﻝ

ﺑﻌﺪ ﺳﺖ ﺳﺎﻋﺎﺕ ﺭﺟﻊ ﮔﻠﻲ ﺳﻠﻤﺘﻬﻢ ﻟﻤﺮﻛﺰ ﺷﺮﻃﺔ ﺍﻟﻌﺎﻣﺮﻳﻪ

ﻭﻫﻤﻪ ﺭﺍﺡ ﻳﺴﻠﻤﻮﻫﻢ ﻟﻤﻠﺠﺄ ﺍﻻﻳﺘﺎﻡ ...

ﮔﺘﻠﻪ ﺣﻴﻞ ﻟﻴﺶ ﻟﻬﻨﺎﻙ ﻭﺩﻳﺘﻬﻢ ..

ﮔﻠﻲ ﻭﻟﭻ ﺣﺘﻰ ﻣﺤﺪ ﻳﺸﻚ ﺑﻴﻨﺎ ﺍﻓﺘﻬﻤﻲ ﻣﻦ ﻏﻴﺮ ﻣﺎ ﺗﺴﺄﻟﻴﻦ

ﺳﻜﺘﺖ ﺑﺲ ﮔﻠﺒﻲ ﻣﺎ ﻣﺮﺗﺎﺡ ﻭﻻ ﻣﻄﻤﺌﻦ ﺍﺑﺪ ...

ﺑﺲ ﻻﺯﻡ ﺍﺗﺤﻤﻞ ﻟﺨﺎﻃﺮ ﺍﺣﻘﻖ ﻣﺮﺍﺩﻱ ..

ﻃﻠﻌﻪ ﻭﺭﻩ ﻃﻠﻌﻪ ﻟﺤﺪ ﻣﺎ ﺍﺟﺖ ﺿﺮﺑﻪ ﭼﺒﻴﺮﻩ ﻗﺸﻤﺮﻧﻲ ﺑﻴﻬﺎ

ﺟﺒﺎﺭ ﻭﮔﻠﻲ ﺑﻌﺪﻫﺎ ﺗﺮﻭﺡ ﻟﻠﻤﺤﻜﻤﻪ ﺣﺘﻰ ﻧﺴﺤﺐ ﺟﻬﺎﻟﭻ

ﺍﻧﻲ ﻓﺮﺣﺖ ﻻﻥ ﻫﺎﻱ ﺿﺮﺑﻪ ﺟﺒﻴﺮﻩ ﻭﺑﻴﻬﺎ ﻓﻠﻮﺱ ﻭﺑﻌﺪﻫﺎ

ﺍﻧﻬﺰﻡ ....

ﺣﻀﺮﻭﻟﻲ ﺍﻟﻄﻠﺒﻴﻪ ﺍﺧﺬﺗﻬﺎ ﻭﻃﻠﻌﺖ ﻟﻠﻌﻨﻮﺍﻥ ﺍﻟﻤﻄﻠﻮﺏ

ﺟﺎﻥ ﺑﻤﻨﻄﻘﺔ ﺍﻟﺸﻴﺦ ﻋﻤﺮ ...

ﺩﺧﻠﺖ ﻟﻠﻤﻜﺎﻥ ﻛﺎﻥ ﻣﺎﻝ ﺗﻔﺼﻴﺦ ﺳﻴﺎﺭﺍﺕ ﺑﻴﻦ ﻣﺎ ﺩﺧﻠﺖ

ﻛﺒﺴﺘﻨﺎ ﺍﻟﺸﺮﻃﻪ ﻭﻗﺒﻀﺖ ﻋﻠﻴﻨﻪ

ﻛﻮﻟﺸﻲ ﺻﺎﺭ ﻣﺜﻞ ﻟﻤﺢ ﺍﻟﺒﺼﺮ ﻳﻌﻨﻲ ﺍﻧﻲ ﺿﻴﻌﺖ ﻧﻔﺴﻲ

ﻭﺟﻬﺎﻟﻲ ﻭﺣﻴﺎﺗﻲ ﻛﻠﻬﺎ ﻣﻦ ﻭﺭﻩ ﺟﺒﺎﺭ ...

ﺍﺧﺬﻭﻧﻲ ﻟﻤﺮﻛﺰ ﺍﻟﺸﺮﻃﻪ ﻭﺣﻘﻘﻮﺍ ﻭﻳﺎﻱ ﻭﻫﺮﻭﺍ ﺟﻠﺪﻱ ﺻﻮﻧﺪﺍﺕ

ﻭﺭﺑﻂ ﺑﺎﻟﻤﺮﻭﺣﻪ ﻭﺣﺮﮒ ﺑﺎﻻﻭﺗﻲ ﻉ ﺍﻟﻤﻨﺎﻃﻖ ﺍﻟﺤﺴﺎﺳﺔ ..

ﺍﺳﺒﻮﻋﻴﻦ ﺗﻌﺬﻳﺐ ﻭﺍﻧﺘﺰﺍﻉ ﺍﻋﺘﺮﺍﻓﺎﺕ ﺳﺤﻠﺖ ﺟﺒﺎﺭ ﻭﻛﻞ ﺍﻟﻲ

ﺍﺗﻌﺎﻣﻞ ﻭﻳﺎﻫﻢ ﻧﻔﺮ ﻧﻔﺮ ..

ﺻﻌﺪﺕ ﻣﺤﻜﻤﻪ ﻭﺣﻘﻘﻮﺍ ﻭﻳﺎﻱ ﻭﺍﻟﻘﺎﺿﻲ ﺳﺎﻋﻪ ﻳﺘﻔﻞ ﻋﻠﻴﻪ

ﻭﺳﺎﻋﻪ ﻳﺘﻌﺎﻃﻒ ﺧﺼﻮﺻﺎ ﻣﻦ ﻋﺮﻑ ﺍﻧﻲ ﻣﺮﻳﻀﻪ ﻧﻔﺴﻴﺎ ﻭﺟﺒﺎﺭ ﺍﺳﺘﻐﻠﻨﻲ ﻻﻏﺮﺍﺿﻪ ﺍﻟﺸﺨﺼﻴﻪ ﻭﺍﺟﻪ ﻣﻮﻋﺪ ﺍﻟﻨﻄﻖ ﺑﺎﻟﺤﻜﻢ ...

ﺍﻧﺤﻜﻤﺖ ﺍﺭﺑﻊ ﺳﻨﻮﺍﺕ ﺑﺴﺠﻦ ﺍﺑﻮ ﻏﺮﻳﺐ

ﻟﻄﻤﺖ ﻋﻠﻰ ﻭﺟﻬﻲ ﺿﻌﺖ ﻭﺿﺎﻋﻮﺍ ﺟﻬﺎﻟﻲ ﺷﻠﻮﻥ ﻣﺼﻴﺒﻪ ﻫﺎﻱ

ﻛﻤﻠﻮﺍ ﺍﻭﺭﺍﻗﻨﻪ ﺧﻼﻝ ﺍﺳﺒﻮﻉ ﻭﺭﺣﻠﻮﻧﻪ ﻉ ﺍﻟﺴﺠﻦ

ﻣﻦ ﻭﺻﻠﻨﺎ ﺍﻧﻲ ﺑﺲ ﺟﺴﺪ ﺍﻟﺮﻭﺡ ﻳﻢ ﺟﻬﺎﻟﻲ ﻣﻬﻤﺎ ﻛﺎﻥ ﺍﻧﻲ ﻫﻢ

ﺍﻡ ﻭﻫﻢ ﮔﻠﺐ ﺍﻟﻮﻡ ﻧﻔﺴﻲ ﻭﺍﮔﻮﻝ ﻫﺴﻪ ﺍﻧﻲ ﻟﻮ ﺑﺎﻗﻴﻪ

ﻋﺎﻳﺸﻪ ﻋﻴﺸﺔ ﺍﻟﺴﺎﻗﻄﺎﺕ ﻭﻻ ﻭﺭﻃﺔ ﺟﺒﺎﺭ ﺭﺍﺡ ﻳﻨﻌﺪﻡ

ﻭﺑﻌﺪ ﻣﺎ ﺍﻋﺮﻑ ﺍﻱ ﺧﻴﻂ ﻳﺪﻟﻴﻨﻲ ﻋﻠﻰ ﺟﻬﺎﻟﻲ ...

ﻋﺸﺖ ﺣﻴﺎﺓ ﺍﻟﺴﺠﻦ ﻭﺍﻟﻤﺮﺍﺭ ﺍﻟﺮﻃﻮﺑﻪ ﻭﺍﻻﺳﺘﻐﻼﻝ

ﻣﺮﺍﺕ ﺗﺠﻴﻨﻲ ﻧﻮﺑﺔ ﻣﺮﺽ ﻣﺎ ﺍﺩﺭﻱ ﺑﻨﻔﺴﻲ ﺷﺼﺮﻑ

ﻻﻥ ﻣﺎ ﺍﺧﺬ ﻋﻼﺝ ﻭﻻ ﺍﺣﺪ ﻳﺪﺍﺭﻳﻨﻲ ...

ﻫﻨﺎﻙ ﺍﻟﺒﻘﺎﺀ ﻟﻼﻗﻮﻯ ﺍﻟﻀﻌﻴﻒ ﻳﺴﺘﻐﻞ ﺟﺴﺪﻳﺎ ﻭﺟﻨﺴﻴﺎ

ﻭﻣﻌﻨﻮﻳﺎ ...

ﺍﻟﻀﺒﺎﻁ ﻭﺍﻟﺸﺮﻃﻪ ﻛﻠﻬﻢ ﻳﺴﺘﻐﻠﻮﻙ ﻭﺧﺼﻮﺻﺎ ﺍﺫﺍ

ﭼﻨﺘﻲ ﺣﻠﻮﻩ ﻣﻴﻔﺮﻗﻮﻥ ﺑﻴﻦ ﻣﺮﻳﺾ ﻭﺻﺎﺣﻲ

ﻭﺑﻴﻦ ﺣﻠﻮﻩ ﻣﻮ ﺣﻠﻮﻩ ﭼﺒﻴﺮﻩ ﺯﻏﻴﺮﻩ ﺍﻟﻤﻬﻢ ﻳﺎﺧﺬﻭﻥ ﻣﺮﺍﺩﻫﻢ ﻣﻨﺞ

ﻭﻳﺎ ﻭﻳﻠﭻ ﺍﺫﺍ ﺣﭽﻴﺘﻲ ﺗﺸﻮﻓﻴﻦ ﺷﻲ ﺑﻌﻤﺮﺝ ﻣﺎ ﺷﺎﻳﻔﺘﻪ

ﺻﺎﺭﻟﻲ ﻣﻮﻗﻒ ﻫﻨﺎﻙ ﻛﺎﻧﺖ ﺍﻛﻮ ﻭﺣﺪﻩ ﺣﻠﻮﻩ ﺗﻐﺎﺭ ﻣﻨﻲ

ﻭﺗﺮﻳﺪ ﺍﻟﻀﺒﺎﻁ ﻛﻠﻬﻢ ﺍﻟﻬﺎ ﺍﻧﻲ ﻣﺎ ﻛﻨﺖ ﻣﻬﺘﻤﻪ ﻻﻥ ﻛﺎﻧﻮﺍ ﻳﺎﺧﺬﻭﺍ

ﻣﺠﺒﻮﺭﻩ ﻭﺍﻟﻤﻔﺘﺸﺎﺕ ﻫﻨﻪ ﻳﺴﻠﻤﻮﻧﻪ ﻟﻠﻀﺒﺎﻁ ..

ﻫﺎﻱ ﻛﺎﻧﺖ ﺗﻀﺎﻳﻘﻨﻲ ﺣﻴﻞ ﻭﺗﻤﻮﺕ ﻣﻨﻲ ﻫﺪﺩﺗﻨﻲ ﺍﻛﺜﺮ ﻣﻦ

ﻣﺮﻩ ﺑﺲ ﺍﻧﻲ ﻣﺎ ﺍﻫﺘﻤﻴﺖ ﻻﻥ ﺣﺴﺒﺖ ﺣﺴﺎﺏ ﻫﻲ

ﻣﺎ ﺗﮕﺪﺭ ﺗﺄﺫﻳﻨﻲ ....

ﺑﺲ ﻳﺎﻟﻐﺎﻓﻠﻴﻦ ﺍﻟﻜﻢ ﺍﻟﻠﻪ ﺍﺗﻔﻘﺖ ﻋﻠﻴﻪ ﻫﻲ ﻭﻛﻢ ﻭﺣﺪﻩ ﻟﺰﻣﻮﻧﻲ

ﺑﺎﻟﻤﻄﺒﺦ ﭼﺘﻔﻮﻧﻲ ﻭﺟﺎﺑﻦ ﺍﻟﻔﻮﺡ ﺍﻟﺤﺎﺭ ﻣﺎﻝ ﺍﻟﺘﻤﻦ ﺫﺑﻨﻪ

ﻋﻠﻰ ﺟﺴﻤﻲ ﻣﻦ ﺑﻄﻨﻲ ﻭﻟﻴﺠﻮﻩ ﺷﻮﻫﻦ ﺟﺴﻤﻲ ﺑﺪﻳﺖ ﺍﺻﺮﺥ

ﻣﻦ ﺍﻻﻟﻢ ﻟﺤﺪ ﻣﺎ ﺗﻘﻴﺄﺕ ﻭﻓﻘﺪﺕ ﻋﻦ ﺍﻟﻮﻋﻲ

.

يتبع

• غرد
• شاركه
• شاركه
• شاركه
• شاركه

روايات - Novels بقلم سيد مرتضى الموسوي

السلام عليكم ورحمة الله وبركاته ، موقع روايات-Novels يهتم بنشر جديد الروايات للكتاب العراقين ، حمل تطبيقنا على جوجل بلاي وستمتع بلقراءة ، تمنياتنا لكم بلتوفيق

مقالات مقترحة لك ❤